213-1-1a

༄༅། ཨཱ ཤྩ རྱོ དྷ ཝ རྡྷ {ན} ནྡུ ན པོ ནཱ མ ས རྦ ཛྙཱ རྐ བ ནྡོ རཱ ཛྙཱ ག མཱ ནཱ མ བྷི བྲཱ ཡ ཪྠོ བི བ ར ཎ སྱ ཤཱ སྟྲཱ ཧི མ བཱ ནི ཀ ཥྱ རུ ཏཾ ས ཀ ལ བ {ཏྟཾ} ཏཱ ནཱ དྷ རྨྨ ད པྲ བྲྀ ཏྟེ རཱ ཧོ མ ཡཱ ཡཱ ཿ པི ཏཱ མ ཧཱི ཀྲྀ ཏ ཡུ ག ཀ ལྤ སྱ པུ ཎྱ མེ གྷ བྻཱུ ཧཾ བི པུ ལཾ པཱུ རི ཏ ན ཡཱ ད ར མྦྷ སྱ ཀ ཐཱ བི ཛ ཧཱ རཾ། །
༄༅། །ཀུན་མཁྱེན་ཉི་མའི་གཉེན་གྱི་བཀའ་ལུང་གི་དགོངས་དོན་རྣམ་པར་འགྲེལ་བའི་བསྟན་བཅོས་གངས་ཅན་པའི་སྐད་དུ་འགྱུར་རོ་འཚལ་གྱི་ཆོས་སྦྱིན་རྒྱུན་མི་འཆད་པའི་ངོ་མཚར་འཕྲུལ་གྱི་ཕྱི་མོ་རྫོགས་ལྡན་བསྐལ་པའི་བསོད་ནམས་ཀྱི་སྤྲིན་ཕུང་རྒྱས་པར་དཀྲིགས་པའི་ཚུལ་ལས་བརྩམས་པའི་གཏམ་ངོ་མཚར་ཆུ་གཏེར་འཕེལ་བའི་ཟླ་བ་གསར་བ་ཞེས་བྱ་བ་བཞུགས་སོ། །

213-1-1b

[རྐང་བཞི་མཉམ་པའི་བྲྀཏྟའི་ཡི་གེ་སུམ་ཅུ་པ་རྒྱུན་ཆགས་ལ་པྲཱསྟཱ་ར་སྤྱིར་རྣམ་གྲངས་ཐེར་འབུམ་ཆུང་བ་གཅིག་༡༠༧༣༧༤༡༨༢༤རྗེས་འབྲང་དང་བཅས་པ་ཡོད་པ་ལ། ནཥྚ་ན་དག་དང་རེ་ཕ་བརྒྱད་པ་ཨུ་དྡིཥྚ་དུང་ཕྱུར་ཕྲག་གསུམ་ས་ཡ་དྲུག་བདུན་འབུམ་བརྒྱད་ཁྲི་སུམ་སྟོང་བཞི་བརྒྱ་ཉེར་བཞི་པ། གཉིས་པ་ཆུ་རྒྱུན་ཞེས་བྱ་བའི་སྡེབ་སྦྱོར་གྱིས་རབ་ཏུ་མཛེས་པར་བྱས་པའོ།] [ཤིས་པ་བརྗོད་པའི་སྒོ་དང་པོ་རྒྱ་ཆེ་བའི་རྒྱན་ལས་བསམ་པ་རྒྱ་ཆེ་བ།]
གུ ཎ ཛ ལ ནི དྷ ཡོ མུ ནིཿ ས རྦ ཨཱ ཏྨེེ ཝ མཱ པྲཱ པྟ ས མྭོ དྷ ནཱ སྟྱུ ཏྟ ར སྟ ཏྲ ལ ཀྵྨྱཱ ཀ ར།
དཔལ་གྱི་འབྱུང་གནས་ཐུབ་པ་ཡོན་ཏན་རྒྱ་མཚོ་ཐམས་ཅད་བདག་ཉིད་ཀྱིས་བརྙེས་བྱང་ཆུབ་བླ་ན་མེད་པ་དེར།

213-1-2a

སྶ ཀ ལ ག ཏི ནི མ ནྟྲ ཎཱ མཱ ཙ རཱ ཤེ ཥ ཏུ བྷྱཱ མྤྲ སཾ པཱུ རི ཏཱ ཁྱོ ཏྟ རཻ ལླཻ ཁ ནཻ ཿ སྭཱ ག ཏཾ།
འགྲོ་བ་མཐའ་དག་མགྲོན་དུ་འགུགས་པའི་ཆོ་ག་མ་ལུས་ཁྱོད་ལ་རྫོགས་ཞེས་འཕྲིན་ཡིག་དམ་པས་ལེགས་ཕྱིན་པ།

213-1-2b

ས མ ཡ མི ཧ ཛི ནཱ ར ཏེ ཿ ཀཱ ཪྻ ཙཱ ཀཱ ཤ ཀོ ཊི ཿ ས མཻ རྣི རྒ ཏཱ པྱ བྷི མཱ ནོ ྅ ནི མི ཏྟཱ དྷ རཾ།
དུས་འདིར་རྒྱལ་བ་དགྱེས་པའི་ཕྲིན་ལས་ཀུན་གསལ་མུ་དང་མཉམ་པར་སོང་ཡང་ཁེངས་པའི་མཚན་མ་འཛིན་མིན་པར། །

213-1-3a

པྲ བ ཙ ན ས ཀ ལཱ སྟྲི དྷཱ ས མྦ རཾ ཀཱ ཡ སཾ ཀཱ ཡ སཾ ཀྵི པྱ སཽ དེ ཤི ཀ ཿ ཨུ ཏྟ མེ བྷི ཿ པྲ ཡ ཙྪ ནྟུ ཧཱི།
གསུང་རབ་ཐམས་ཅད་རྣམ་གསུམ་སྡོམ་པའི་རིས་སུ་བསྡུས་ནས་ལེགས་པར་འདོམས་པ་བླ་མ་རྣམས་ཀྱིས་དགེ་ལེགས་སྩོལ། [ སྡོམ་པ་གསུམ་གྱི་བཀའ་དྲིན་ཆེ་བའི། ]

213-1-3b

བྱང་ཆུབ་མཆོག་ཏུ་ཐུགས་བསྐྱེད་རྩ་བརྟན་གཏོང་བ་ཆེ་སོགས་གཉིས་དག་པའི་ཆབ་ཀྱི་རྒྱུན། །སྤྲོ་བ་མཆོག་གིས་ཡང་ཡང་བཏུངས་པས་མི་ཟད་ཡོན་ཏན་ལོ་འདབ་རབ་རྫོགས་སྐུ་གསུམ་སྙེ་མ་གཡུར་དུ་ཟ། །འབད་རྩོལ་མཚན་མའི་ཀུན་རྟོག་དང་བྲལ་འགྲོ་ཁམས་
 [ཤིས་པ་བརྗོད་པའི་སྒོ་གཉིས་གཟུགས་ཅན་ལས་མཐའ་དག་གི་གཟུགས་ཅན།] མཐའ་ཡས་མོས་པའི་ཤིང་རྟ་སྐད་ཅིག་རེར་ཡང་ཕྱུར་བུར་འགེངས། །འཇིག་རྟེན་གསུམ་ན་ཆེ་བའི་ཆེ་བ་ཐུབ་དབང་ཆོས་ཀྱི་དཔག་བསམ་ཆེན་པོས་དགེ་ལེགས་གྲིབ་མའི་འབབ་སྟེགས་མཛོད། ༢ །གང་ཞིག་སྐྱེ་
དང་གནས་དང་འཇིག་ལས་རྣམ་པར་གྲོལ་བ་མཁའ་ཁྱབ་སྐུ་ནི་རྣམ་རྟོག་སྤྲོས་པའི་མཚན་མ་ཞི། །གཞན་རྐྱེན་དག་གིས་རྟོག་པའི་ཡུལ་ལས་རིང་དུ་སོང་དེ་སོ་སོ་ཡང་དག་རིག་པའི་རྩལ་གྱིས་རང་བྱུང་དུ། །མཁྱེན་ [ཤིས་པ་བརྗོད་པའི་སྒོ་གསུམ་པ་རང་བཞིན་བརྗོད་པ་ལས་ཡོན་ཏན་གྱི་རང་བཞིན་བརྗོད་པ།]
པའི་ཡེ་ཤེས་ཕུན་སུམ་ཚོགས་བརྙེས་གཞན་དག་ཀྱང་ནི་དེ་ལ་འགོད་ཕྱིར་ལམ་མཆོག་འདོམས་པའི་ཐུགས་བརྩེར་ལྡན། །སྡུག་བསྔལ་སྐྱེ་བ་རྒྱུར་བཅས་འཇོམས་པའི་ནུས་པ་རྨད་བྱུང་རྫོགས་སངས་རྒྱས་རྣམས་བྱང་ཆུབ་བར་གྱི་སྐྱབས་སུ་སྤྱོན། ༣ །རྗོད་བྱེད་མིང་ཚིག་ཡི་
གེའི་ཕྲེང་བ་ཚར་དུ་དངར་བའི་གདངས་སུ་འཕོས་པའི་བརྗོད་བྱ་དོན་གྱིས་ལྕི་བའི་ལུང་། །གང་ལ་དམིགས་པས་ལམ་གསུམ་གནས་པའི་ལུས་ཅན་རྣམས་ཀྱི་སྲིད་པའི་ཟུག་རྔུ་མི་བཟད་ཚོར་བའི་རྒྱུན་ཆེན་གཅོད། །དེ་བཞིན་ཞི་[ཤིས་པ་བརྗོད་པའི་སྒོ་བཞི་པ་བྱ་བའི་རང་བཞིན་བརྗོད་པ།] 
བསིལ་ཐར་པ་ཉིད་དང་ཐམས་ཅད་མཁྱེན་པའི་གནས་ལ་སྡང་བྱེད་སྒྲིབ་པ་བག་ཆགས་བཅས་མཐར་མཛད། །གང་ཞིག་ཆགས་བྲལ་འགོག་པ་ཉིད་དང་གང་གིས་ཆགས་བྲལ་མངོན་དུ་བྱེད་པ་ལམ་བདེན་དམ་པའི་ཆོས་ཀྱི་སྲུངས། ༤ །དམ་པའི་ཞལ་ལུང་དགེ་བ་སུམ་
ལྡན་ཐོས་བསམ་སྒོམ་པའི་སྤྲོ་བ་མཆོག་གིས་བྱང་ཆུབ་གསོས་སུ་ཉེར་བསྟེན་པས། །ཇི་ལྟ་བ་དང་ཇི་སྙེད་ཡུལ་ལ་ཆགས་དང་ཐོགས་པའི་སྒྲིབ་པ་ལས་གྲོལ་མཁྱེན་རབ་དར་ལ་བབ་པའི་དཔྱིད། །གཅིག་ཏུ་ཀུན་འབྱུང་[ཤིས་པ་བརྗོད་པའི་སྒོ་ལྔ་པ་ཡོན་ཏན་གྱི་རང་བཞིན་བརྗོད་པ།] 

213-1-4a

འབྲས་བུར་བཅས་པའི་ཉེན་ལྡན་འགྲོ་བ་སྲིད་ལས་གདོན་པའི་གཡར་དམ་མི་ཤིགས་རབ་ན། །ལེགས་གནས་རྒྱལ་བའི་གདུང་འཛིན་ཀུན་དང་རྒྱལ་ཉན་ཐོས་ཞུགས་འབྲས་བཅས་པའི་འཕགས་པའི་དགེ་འདུན་སྤྱི་བོས་མཆོད། ༥ །ཕྱོགས་བཅུ་
མུ་མེད་ཞིང་ཁམས་དག་ན་བྱོན་དང་འབྱོན་གྱུར་ད་ལྟར་གཞེས་པའི་རྒྱལ་བ་ཀུན་གྱི་ཡེ་ཤེས་དངོས། །སེམས་ཅན་ཁམས་སུ་རང་གི་རིགས་མཆོག་རྨ་མེད་ཡོད་པ་གནས་སྐབས་དྲི་མས་བསྒོས་པ་སྦྱོང་ཕྱིར་སྤྲུལ་པའི་བུ། །དེ་མཚན་ཐིགས་[ཤིས་པ་བརྗོད་པའི་སྒོ་དྲུག་པ་བསམ་པ་རྒྱ་ཆེ་བ།] 
པ་རྣ་བའི་བཅུད་དུལ་ན་རེ་སིམ་པས་དུས་གསུམ་པ་ཡི་སངས་རྒྱས་མཚན་དུ་དག་ལྡན་ལྗགས། །འགྱུར་དགུ་མཉན་པའི་བསོད་ནམས་མཆོག་གི་འབབ་སྟེགས་བྱེད་པ་འཇམ་པའི་དབྱངས་ཁྱོད་སྐྱོ་བར་དགེ་བའི་བཤེས་སུ་མརྗོད། ༦ །མང་མང་ཞིང་གི་སྨྲ་བའི་རྒྱལ་པོ་གངྒཱའི་
རྡུལ་གྱི་གྲངས་སྙེད་གསུང་གི་བསང་བ་མཐའ་དག་བསྡུས་པའི་གཟུགས། །འཇོ་སྒེག་ཟླ་བ་གསར་པའི་ལང་ཚོས་ཡིད་ཀྱི་སྲུབ་ཤིང་བྱེ་བའི་དཔལ་འཕྲོག་ཐུགས་རྗེའི་ག་པུར་འཐུབ་བའི་དཔྱིད། །ལྷང་ལྷང་ཏམྦུ་[ཤིས་པ་བརྗོད་པའི་སྒོ་བདུན་པ་བར་མ་ཆོད་པའི་ཟུང་ལྡན་ལས་རྐང་པ་དང་པོ་དང་གསུམ་པར་ཡོད་པ།] 
ར་ཡི་རྒྱུད་ལས་སྲིད་ཞིའི་ཆོས་རྣམས་ཉམས་དང་འགྱུར་བ་སྟོང་གྱི་ལམ་དུ་འགྲོ་བའི་གླུར། །དལ་བུར་ལེན་པས་སྐལ་བཟང་རིག་པའི་སྒོ་བརྒྱ་འབྱེད་པ་དབྱངས་ཀྱི་རྒྱལ་མོ་རྟག་ཏུ་སྙིང་གི་པདྨར་རོལ། ༧ །འཇུག་པ་བཅུ་པའི་སྤྲུལ་པས་མ་བཏེག་སྲིད་པའི་བླ་ནས་བླ་མར་
འཕགས་པ་དགའ་ལྡན་གཞལ་མེད་ཁང་པ་ནས། །བསྐུལ་བ་མེད་པར་ལུས་ཅན་ཀུན་གྱི་སྔུག་བསྔལ་ཚོར་བ་དཔྱིས་འབྱིན་བྱེད་པའི་ཐབས་ཚུལ་སྒྲུབ་པ་ཤིན་ཏུ་དགེས། །ཇི་བཞིན་མིན་[ཕྱག་བྱ་བའི་སྒོ་དང་པོ་རྒྱུ་མེད་པ་ལ་འབྲས་བུ་རང་གི་ངོ་བོ་ཉིད་སྟོན་པའི་སྲིད་པ་ཅན།]  པའི་གཏམ་གྱིས་མ་བསྔགས་
དམན་པའི་ལམ་ལས་ཆེན་པོ་བདུན་གྱིས་ངེས་པར་མངོན་འཕགས་ཐེག་ཆེན་གྱི། །ལམ་མཆོག་ཀུན་དུ་སྣང་བའི་དཔལ་སྟེར་མི་ཕམ་མགོན་ཁྱོད་ཞབས་རྡུལ་དམར་འོད་སྙིང་ལ་སིམ་ཕྱིར་གཙུག་གིས་བསྟེན། ༨ [།ཕྱག་བྱ་བའི་སྒོ་གཉིས་པ་ལས་ཀྱི་རྒྱུ་ལས་རྣམ་འགྱུར་གྱི་རྒྱུ།]  སྟོན་པ་བླ་ན་མེད་པའི་

213-1-4b

ཡེ་ཤེས་དྲི་མེད་རང་གཟུགས་ཐུན་མོང་གདུལ་བྱའི་སྣང་ངོ་རུ། །ཆོས་དང་དོན་སོགས་ཐ་དད་ཡང་དག་རིག་པའི་འཕྲུལ་གྱིས་རབ་འབྱམས་ལུང་གི་རི་མོ་དག །འདོད་ལྷའི་དཔུང་གིས་བསུབ་ཏུ་མེད་པར་མཁྱེན་རབ་ཡངས་པར་སྐད་ཅིག་རེར་ཡང་འགོད་པའི་མཚར། །ལྷར་
བཅས་འཇིག་རྟེན་ཡོངས་ཀྱི་བསྔགས་འོས་བསྟན་པ་སྡུད་མཛད་འཕགས་པའི་ཚོགས་ལ་གུས་པས་འདུད། ༩ །སྙིགས་མའི་དུས་སུ་སྟོན་པ་རང་ཉིད་རྒྱུད་དང་བསྟན་བཅོས་མཛད་དང་འཛིན་པའི་ཚུལ་འབྱུང་བར། །ལུང་བསྟན་ཕལ་ཆེར་དགོངས་པ་ཙམ་མམ་འོན་ཏེ་
ངེས་པའི་དོན་དུ་མིན་ན་ཛམྦུའི་གླིང་། །མཛེས་པར་བྱེད་པའི་རྒྱན་དྲུག་དག་དང་རྨད་བྱུང་གཉིས་[ཕྱག་བྱ་བའི་སྒོ་གསུམ་པ་འགོག་རྒྱན་ལས་བྱུང་པ་འགོག་པ།] སོགས་བཀའ་ལུང་ཐམས་ཅད་རང་དབང་དུ། །རྣམ་པར་འགྲེལ་ལ་བསྙེངས་པ་མེད་པའི་བློ་གྲོས་འདི་འདྲ་འགའ་ལ་སྲིད་པ་མིན་
པས་སོ། ༡༠ །སཱ་ལའི་རྐང་འཐུང་འཁྲིགས་པའི་ནགས་ཚལ་བསྐྱོད་ཅིང་འཕོས་པའི་དྲི་ཡི་བཞོན་པ་ཡིད་འོང་མས། །ལམ་རིང་དུབ་པའི་དོན་མཐུན་མང་པོ་དབུགས་འབྱིན་མཁན་དེས་བརྒྱ་ཡི་ཆར་ཡང་མི་ཕོད་པའི། །ངེས་པར་འབྱུང་བའི་ཚུལ་ཁྲིམས་བསླབ་པ་གང་ལ་ 
[ཕྱག་བྱ་བའི་སྒོ་བཞི་པ་དཔེ་རྒྱན་ལས་སྨད་པའི་དཔེ།] གནས་ན་སྲེད་པའི་གདུང་བ་འཇིལ་བའི་སྨན། །དམ་པའི་ཆོས་འདུལ་སྣང་བ་མཆོག་གིས་ཡིད་ཀྱི་སྲུབ་ཤིང་བགྲོད་པ་འགོག་བྱེད་ཀུན་ཀྱང་དད། ༡༡ །གཞན་ལ་ཕན་འདོགས་དམ་བཅའི་ཡི་གེ་སྙིང་ལ་བྲིས་ནས་རིས་སུ་མ་ཆད་སེམས་ཅན་
ལ། །ཡིད་གཅུགས་བྱམས་དང་བརྩེ་བའི་འཛུམ་གྱིས་མདུན་ནས་བསུ་བ་ཐམས་ཅད་མཁྱེན་ཀུན་བགྲོད་གཅིག་ལམ། །རྒྱལ་བའི་མྱུ་གུ་བགྲང་དུ་མེད་པས་སྲིད་པ་གསུམ་ [ཕྱག་བྱ་བའི་སྒོ་ལྔ་པ་བྱ་བའི་རང་བཞིན་བརྗོད་པ།] ནི་སྙིང་པོར་ལྡན་པར་བྱེད་པའི་ཆོས། །སྟོང་ཉིད་སྙིང་རྗེ་དབྱེར་མེད་
བདག་ཉིད་བྱང་ཆུབ་སེམས་མཆོག་ལེགས་པར་འདོམས་དེ་ཐུབ་པའི་སྲས། ༡༢ [།ཕྱག་བྱ་བའི་སྒོ་དྲུག་པ་རིགས་པའི་རྒྱུ་ལ་ཆོས་དཔེས་བརླིང་བ།] གང་ལ་སྦྱངས་པའི་རྣམ་པར་འབྱེད་པས་གཏི་མུག་འཐིབས་པོ་སྐད་ཅིག་གཉིས་པར་མི་གནས་བྱེད། །ཟག་བཅས་ཟག་པ་མེད་པས་བསྡུས་པའི་ཤེས་བྱ་

213-1-5a

མཐའ་དག་རང་སྤྱི་ངེས་པའི་མཚན་ཉིད་ཀྱིས། །སྨྲ་བའི་འབབ་སྟེགས་ཐུང་ངུར་མི་འགྱུར་ཐམས་ཅད་མཁྱེན་ལམ་ཆོས་མངོན་བསྟན་པ་སྒྲོན་མེ་ལྟར། །ཀུན་དུ་སྣང་བྱེད་ཤེས་བྱ་ཀུན་གྱི་རྒྱལ་པོ་དེ་དག་གུས་པའི་སེམས་ཀྱིས་རི་མོར་བྱ། ༡༣ །བགྲང་
ལས་འདས་པའི་བསྐལ་པའི་ཕྲེང་བར་དགང་བར་དཀའ་བའི་ཚོགས་གཉིས་ཆུ་ཡི་ཕུང་པོ་ཡང་། །བློ་ལྡན་གང་གིས་སྐད་ཅིག་རེར་ཡང་ཐབས་ཤེས་ནོར་བུའི་འབྱོར་པ་ལྡན་པར་བསྐྱིལ་བའི་ནང་། །རྟུན་པ་ཡང་རབ་དྲི་ཡི་བཞོན་པས་བསྲུབས་[ཕྱག་བྱ་བའི་སྒོ་བདུན་པ་ལྡན་པའི་གཟུགས་ཅན།] པའི་
སྙིང་པོ་སྐུ་བཞི་ཟུང་འཇུག་ལྷུན་པོ་ཅན། །ཚེ་གཅིག་འགྲུབ་པ་རྒྱུད་སྡེ་ཟབ་མོ་མཐའ་དྲུག་ཚུལ་བཞིའི་ལམ་ནས་སྨྲ་དེ་སྨྲ་བའི་མཆོག ༡༤ །དུག་བསུམ་ཟས་ལ་མངོན་པར་ཞེན་པས་བློ་གྲོས་རང་བཞིན་གསལ་བའི་འོད། །ཡོངས་སུ་ཉམས་བྱས་མཐའ་འཁོབ་མུན་པར་དགེ་སྡིག་
ལས་ཀྱི་འཇུག་ལྡོག་གི། །གོམ་པ་ཉམ་ངའི་གཡང་དུ་འདེགས་འཇོག་ཀྱེ་མ་སྣང་བྱེད་སུ་ཞིག་ཅེས། །ཟློས་པའི་ [ཕྱག་བྱ་བའི་སྒོ་བརྒྱད་པ་ཆ་ཤེས་གཟུགས་ཅན།] ཚེ་ན་བདེན་གཉིས་ཆོས་ཀྱི་ཉི་ཟླའི་སྒྲོན་འདེགས་ཞི་བ་འཚོ། ༡༥ །ཀ་དག་ཆོས་དབྱིངས་ཆུ་གཏེར་ཆེན་པོར་སྐྱོན་བྲལ་པདྨའི་
ཁང་བཟང་དབུས། །སྨོན་ལམ་འགག་པ་མེད་པའི་རྩལ་འཁྲུངས་མཚོ་སྐྱེས་རྡོ་རྗེ་སྤྲུལ་པའི་སྐུ། །སྙིགས་མའི་འགྲོ་ལ་ཕན་པའི་ཐུགས་རྗེ་གལ་ཏེ་གཟུགས་སུ་གནས་གྱུར་ན། །ཐེག་པར་ [ཕྱག་བྱ་བའི་སྒོ་དགུ་པ་སྟོབས་མཚུངས་པའི་རབ་སྤེལ།] དཀའ་བའི་དོགས་པས་སྐྲག་ནས་
ནོར་འཛིན་བུ་མོ་རིང་ཞིག་འདར། ༡༦ །ལུང་དང་རིགས་པའི་ལམ་ཆེན་ལས་འོངས་སྒྲུབ་དང་སུན་འབྱིན་ཉི་མ་ཡིས། །ལྟ་ངན་འཆལ་གཏམ་དབྱངས་སུ་ལེན་རྣམས་མྱ་ངན་མུན་པར་བཅིང་རིགས་སམ། །སྟོང་ལྟ་ཧང་པོས་སེམས་ཅན་བསླུར་བརྩམས་ཧ་ཤང་ཁྱོད་ཉིད་
རང་གི་སྐྱོན། །པདྨའི་ [ཕྱག་བྱ་བའི་སྒོ་བཅུ་པ་མཉམ་འཇོག་གཟུགས་ཅན།] ངང་ཚུལ་ཆེན་པོ་ཁྱོད་འདྲ་བསྟན་ལ་རི་མོར་བགྱིས་པ་སུ། ༡༧ [།ཕྱག་བྱ་བའི་སྒོ་བཅུ་གཅིག་པ་ལྡན་པའི་གཟུགས་ཅན།] དུས་གསུམ་ཤེས་པར་བྱ་བའི་དངོས་པོ་མ་ཚང་མེད་པ་ཀུན་མཁྱེན་གྱི། །གཉིས་སུ་མེད་པའི་ཡེ་ཤེས་མེ་ལོང་

213-1-5b

དག་པ་ལ་ཤར་འཕྲིན་ཡིག་གིས། །སཱ་ལའི་རྐང་འཐུང་འཁྲིགས་པའི་ནགས་སུ་དམ་ཆོས་དགེ་བའི་སྙིང་པོ་ཅན། །མངོན་པར་བསྔགས་པའི་དུས་སྟེང་ལེགས་སོན་ཆོས་རྒྱལ་དང་པོ་ཐོ་ཐོ་རི། ༡༨ །པུཎྜ་རཱི་ཀས་རང་གི་ལག་མཚན་སྙིང་རྗེའི་གཏེར་གྱིས་རིང་མོ་
ནས། །བྱང་ཆུབ་སྤྱོད་པའི་གཡར་དམ་སྨོན་ལམ་གཅད་དུ་མེད་པས་ལུ་གུ་རྒྱུད། །ལེགས་པར་སྦྲེལ་བའི་ཡུལ་ནི་རྗེས་དྲན་ས་གཞི་སྐྱོང་བའི་ཟློས་གར་གྱིས། །བོད་འབངས་སེམས་ [ཕྱག་བྱ་བའི་སྒོ་བཅུ་གཉིས་པ་བསམ་པ་རྒྱ་ཆེ་ལ་གཟུགས་ཅན་གྱིས་བརླིང་བ།] ཅན་རྫོགས་ལྡན་བསྐལ་པའི་
བདེ་བ་ལ་སྦྱོར་སྲོང་བཙན་རྗེ། ༡༩ །མདའ་ལྔའི་ནུས་པ་སྙིང་ལ་བཀའ་བའི་མི་སྲུན་ཚིག་གི་བསླུ་བྲིད་མཚོན། །བྱེ་བ་ཕྲག་མང་དུས་གཅིག་ཕབ་ཀྱང་འཇམ་དཔལ་གཞོན་ནུས་སྤྲུལ་པའི་སྐུ། །གཞོན་ནུར་གྱུར་ཀྱང་ཆོས་ལ་གནས་པའི་དཀའ་ཐུབ་མ་རྨས་ཁྱད་པར་གྱིས།
མགྲིན་སྔོན་སྐྱེངས་ [ཕྱག་བྱ་བའི་སྒོ་བཅུ་གསུམ་པ་སེམས་ལྡན་རབ་རྟོག] ཏེ་གངས་རིའི་ཕག་ཏུ་ཡིབས་པ་མིན་ནམ་ཁྲི་སྲོང་རྗེ། ༢༠ །རྣམ་དག་བཤད་སྒྲུབ་ཕན་པའི་རིག་སྔགས་མང་པོས་བཏབ་པས་ལུང་རྟོགས་ཀྱི། །བསྟན་པ་དམ་པའི་ལུས་སྲོག་ཤིན་ཏུ་བརླིང་བར་བྱེད་པའི་བཀའ་ཁྲིམས་
བཙན། །སེམས་ཅན་ཁམས་སུ་ནད་དང་འཐབ་རྩོད་རྒུད་པས་རབ་དབེན་སྐྱིད་པའི་མགྲོན། གསར་ [ཕྱག་བྱ་བའི་སྒོ་བཅུ་བཞི་པ་མ་བསྡུས་པའི་གཟུགས་ཅན།] དུ་འགུགས་པའི་ཆོ་ག་ཀུན་ཤེས་མངའ་བདག་ཆེན་པོ་ཁྲི་རལ་པ། ༢༡ །འཕགས་ཡུལ་ལྔ་རིགས་སྨྲ་བའི་དབང་པོ་གྲངས་མེད་དབུས་སུ་
མགྲིན་པ་ནས། །ལེགས་བཤད་སྙན་དགུ་འཇོ་བའི་རྒྱལ་པོའི་གོ་ས་བླ་ན་མེད་འགྱིང་ཡང་། །འགྲོར་གནས་བདེ་བར་གཤེགས་པའི་སྙིང་པོ་སྒྲིབ་པས་གོས་པ་བསལ་ཕྱིར་དུ། །གངས་ཅན་ [ཕྱག་བྱ་བའི་སྒོ་བཅོ་ལྔ་པ་བསམ་པ་རྒྱ་ཆེ།] འཛིན་མར་ཞབས་ཀྱིས་བཅགས་པའི་པཎ་
ཆེན་ཐམས་ཅད་གཙུག་ཏུ་མཆོད། ༢༢ [།ཕྱག་བྱ་བའི་སྒོ་བཅུ་དྲུག་པ་ཆ་ཤས་ཀྱི་གཟུགས་ཅན།] རྡོ་རྗེ་རྣོན་པོའི་གསང་གསུམ་བྱིན་རླབས་མཚར་སྡུག་སྒེག་མོའི་ཁ་ཡི་ཆང་། །བྲན་པའི་མོད་ལ་བློ་གྲོས་པ་ཀུ་ལ་ཡི་མཆུ་འདབ་ཡོད་འོང་བརྒྱ། །ཕྱེ་བ་ལས་ནི་གངས་ཅན་སྐད་དང་རྗེས་སུ་

213-1-6a

མཐུན་པའི་བརྡ་ཡིག་གི། །ལི་ཤིའི་དྲི་བསུང་གསར་པའི་འབྱུང་གནས་སམྦྷོ་ཊ་ལ་གུས་པས་འདུད། ༢༣ །དཀའ་བ་བརྒྱ་ཕྲག་བརྩེགས་པའི་གདུང་བ་དབུགས་འབྱིན་གྲོགས་སུ་བྱང་ཆུབ་སེམས། །ཡིད་འོང་བསིལ་ཡབ་དག་ཏུ་བསྟེན་
ཅིང་དམ་ཆོས་རིན་ཐང་ཆེ་བའི་ཁུར། །འདྲེན་པའི་ཆོ་ག་བརྡ་སྤྲོད་རིག་པའི་གོམ་སྟབས་སྟོང་དུ་བསྒྱུར་ལ་མཁས། །སད་མི་ [ཕྱག་བྱ་བའི་སྒོ་བཅུ་བདུན་པ་ཡན་ལག་གསུམ་པའི་གཟུགས་ཅན།] བདུན་དང་ཀ་ཅོག་ལ་སོགས་སྐད་གཉིས་སྨྲ་བའི་ཚོགས་ལ་འདུད། ༢༤ །དཔལ་ལྡན་གྲུ་འཛིན་རི་བོའི་
མགོན་པོ་སྲིད་པ་འགྲུབ་བྱེད་རྒྱུ་ཡི་ཚུལ། །འོད་གསལ་འཆི་བ་མེད་པའི་གདུང་གི་སྐྱེ་བ་མངོན་པར་བཟུང་པ་གང་། །འཛམ་གླིང་ཐུབ་པའི་རྒྱལ་སྲིད་སྐྱོང་ལ་བསྙེངས་པ་བྲལ་པའི་བློ་གྲོས་ཀྱིས། །དྲན་དབང་ཀུན་དུ་དགའ་ [ཕྱག་བྱ་བའི་སྒོ་བཅོ་བརྒྱད་པ་སྒྲུབ་བྱེད་ཀྱི་རྒྱུ་ལས་སྐྱེད་བྱེད་འགྲུབ་པའི་རྒྱུ།] 
སྟེར་སྙིང་པོ་ས་སྐྱ་པ་ཡིས་བདག་བྱིན་རློབས། ༢༥ །དཔག་མེད་བསྐལ་པའི་ཕྲེང་བར་རབ་བསགས་སྦྱིན་པ་ལ་སོགས་བསོད་ནམས་ཚོགས། །བྱང་ཆུབ་མཆོག་གི་རྩེ་མོར་ལུད་པས་མི་མཐུན་མེད་པར་བསྐྲུན་པའི་སྐུ། །སྟོང་པའི་མཁའ་ལ་རྫུ་འཕྲུལ་རྐང་པའི་འདེགས་འཇོག་
རེ་མོས་བསྒྱུར་བ་ཡིས། །པོ་ཏ་ལ་ [ཕྱག་བྱ་བའི་སྒོ་བཅུ་དགུ་པ་ཡོན་ཏན་གྱི་རང་བཞིན་བརྗོད་པ།] སོགས་གདུགས་ཕྱེད་ལ་འཁོར་མཁའ་འགྲོའི་དབང་པོ་དེ་ལ་འདུད། ༢༦ །མུ་མེད་ཕྱོགས་བཅུའི་འཇིག་རྟེན་དག་ན་དུས་གསུམ་གཤེགས་པའི་སངས་རྒྱས་ཀྱི། །གསུང་གི་གསང་བ་བསམ་མི་
ཁྱབ་པར་དབང་འབྱོར་དཔལ་ལྡན་རྡོ་རྗེ་འཛིན། །དུས་འདིར་དམ་ཆོས་རྙོག་པ་བགྲུང་ཕྱིར་གངས་ཅན་ནོར་གྱི་བློ་གྲོས་མར། །སྐྱེ་བ་དམ་པའི་ [ཕྱག་བྱ་བའི་སྒོ་ཉི་ཤུ་པ་བསམ་པ་རྒྱ་ཆེ་ལ་ཡན་ལག་ཅན་གྱི་གཟུགས་ཀྱིས་བརླིང་བ།] ཟློས་གར་བསྒྱུར་བ་དགེ་ལེགས་གྲགས་པའི་རྒྱལ་མཚན་འཛིན། ༢༧ །ལེགས་
བཤད་ཉི་མའི་འོད་ལ་སྡང་ཞིང་མཐའ་བྲལ་མཁའ་ཡང་འབིགས་སེམས་ཅན། །སྨྲ་ངན་རྡུལ་བརྩེགས་རི་བོའི་ཁེངས་པ་ཡོངས་སུ་སྙོལ་ལ་མི་འཇིགས་པར། །ལུང་དང་རིགས་པའི་ཁོ་ལག་རབ་རྫོགས་བརྡ་སྤྲོད་ཚད་མའི་རྣོ་ [ཕྱག་བྱ་བའི་སྒོ་ཉེར་གཅིག་པ་རིག་བྱེད་ཀྱི་གཏམ་ལ་སྦྱར་བའི་མཐའ་དག་གི་གཟུགས་ཅན།] 

213-1-6b

མཚོན་ཅན། །ཀུན་དགའི་དཔལ་སྟེར་ཆོས་ཀྱི་རྒྱལ་མཚན་ཕྱོགས་བཅུར་བཙུགས་པའི་ལྷ་ཡི་དབང་། ༢༨ །སྲིད་པ་གསུམ་ལས་རིང་དུ་མངོན་འཕགས་མཆོག་གི་གོ་འཕང་བརྙེས་གྱུར་ཀྱང་། །དེ་ཡི་བློ་གྲོས་ཁམས་གསུམ་འགྲོ་ལ་ཕན་པའི་རྒྱུ་ཕྱིར་ཡང་དག་འབབ། །གཅིག་
ཏུ་མཁས་པའི་སྤྱོད་ཚུལ་གསུམ་གྱིས་ཆོས་ཀྱི་རྒྱལ་མཚན་བརྟན་བྱེད་ཀྱང་། །ཆོས་མིན་ཐམས་ [ཕྱག་བྱ་བའི་སྒོ་ཉེར་གཉིས་པ་གཞི་གཅིག་གིས་ཆོས་དུ་མ་འགལ་བ།] ཅད་ཡོངས་སུ་ཉམས་མཛད་ཆོས་ཀྱི་རྒྱལ་པོ་གཙུག་གིས་བསྟེན། ༢༩ །ནོར་རྒྱས་ངལ་བའི་སྡིག་པ་མ་བྱས་ས་འཛིན་ཡང་ནི་བསྒྲིལ་བ་
མེད། །ཚིགས་བཟང་རྒན་པོ་གྲོགས་སུ་མ་བཀུག་ཆུ་ཡི་གཏེར་ཡང་མ་བསྲུབས་པར། །བདུད་ཙིའི་གཏམ་སྙན་ཀུན་གྱི་འབྱུང་གནས་རིགས་གསུམ་རྣམ་འཕྲུལ་ས་སྐྱ་པའི། །གདུང་རབས་ཚར་དུ་དངར་ [ཕྱག་བྱ་བའི་སྒོ་ཉེར་གསུམ་པ་ཉམས་ལྡན་གྱི་རྒྱན་ལས་དཔའ་བའི་ཉམས།] བ་བྱོན་དང་འབྱོན་འགྱུར་སྙན་
དངགས་དབྱངས་ཀྱིས་མཆོད། ༣༠ །བསྐལ་པ་སྙིགས་མ་ལྔ་བདོའི་དུས་ན་ང་ཡི་ལུང་དང་རྟོགས་པའི་བསྟན། །བཤད་སྒྲུབ་བཟུང་གིས་འཛིན་སྤེལ་བྱེད་པོ་མཚུངས་མེད་དེ་ནི་འདིའོ་ཞེས། །ངེས་པར་ལུང་དུ་བསྟན་པའི་ཕྲིན་ཡིག་བསུབ་ཏུ་མེད་པ་སྟོབས་བཅུ་པའི།
ཡེ་ཤེས་དག་པའི་ [ཕྱག་བྱ་བའི་སྒོ་ཉེར་བཞི་པ་ཡན་ལག་གཉིས་པའི་གཟུགས་ཅན།] སྨྱིག་གུས་བྲིས་པ་རྡོ་རྗེ་འཆང་དབང་ཀུན་དགའ་བཟང་། ༣༡ །དེ་ཡི་ཡོན་ཏན་བསྐལ་པར་བརྗོད་ཀྱང་མཐས་གཏུགས་དབེན་པའི་ཕྱོགས་རེའི་གཏམ། །ཐོས་པའི་བློ་ལྡན་ལན་ཅིག་མིན་པར་ཐལ་སྦྱར་བྲེལ་
ལ་ངོ་མཚར་བསྐྱུངས། །འདི་མཚན་ཐོས་པ་འཛིན་པའི་ལམ་དུ་ལན་རེ་ལྷུང་བའི་ལེགས་བྱས་ཀྱང་། །ངན་ [ཆོས་ཅན་འགོག་པ།] འགྲོ་དམན་པའི་སྐྱེ་གནས་འགོག་པའི་མཆོག་ཏུ་ཐམས་ཅད་མཁྱེན་པས་བསྔགས། ༣༢ །མང་དུ་ཐོས་བློ་ཙམ་གྱིས་འཇམ་པའི་དབྱངས། །
མཚུངས་པར་བསྔགས་པ་མིན་ཡང་ཚུལ་ཁྲིམས་དང་། །ཏིང་ངེ་འཛིན་དང་ཤེས་རབ་བསླབ་པའི་གཞུང་། །སྨྲ་མཁས་ལྷུན་གྱིས་གྲུབ་པ་འདིས་ཀྱང་ངོ་། ༣༣ [།ཕྱག་བྱ་བའི་སྒོ་ཉེར་དྲུག་པ་གསལ་བྱེད་ལས་རིགས་བརྗོད་པ་ཐ་མའི་གསལ་བྱེད།] ཨེ་ཝཾ་པ་ [ཕྱག་བྱ་བའི་སྒོ་ཉེར་ལྔ་པ་བསྡུས་པའི་དཔེ།] ཡི་ལུགས་བཟང་

213-1-7a

ལམ་གསུམ་ཁོངས། །མཛེས་བྱེད་རྒྱན་གྱི་དམ་པ་བསྐལ་པ་བརྒྱར། །བརྟན་པའི་ཆོ་ག་རབ་རྫོགས་རྒྱལ་ཚབ་ཏུ། །རིམ་པར་བྱོན་རྣམས་སྐྱེ་བ་གཏན་གྱི་སྐྱབས། ༣༤ །འཇལ་བྱེད་དཔྱད་པ་གསུམ་དང་མན་ངག་གིས། །གཞན་བྱ་དམ་པའི་ཆོས་
དང་ཆོས་མིན་དག །རྣམ་པར་འབྱེད་པའི་རྒྱལ་པོ་ཉི་ཟླ་ལྟར། །ཡོངས་གྲགས་བོད་ཀྱི་མཁས་པ་ཀུན་ལ་དད། ༣༥ །གཟུངས་དང་སྤོབས་པ་ཤེས་རབ་རྫས་སྦྱོར་གྱིས། །དགོངས་ [ཕྱག་བྱ་བའི་སྒོ་ཉེར་བདུན་པ་དཔེ་རྒྱན་ལས་ཆོས་དཔེ།] འགྲེལ་འགྱུར་དགུའི་དཀའ་གནས་རིན་ཆེན་མིག །
དྲང་པོར་འབིགས་ལ་འཇིགས་མེད་གྲུབ་པའི་རྟགས། །བསྒྲིགས་ལེགས་ཕྲེང་དུ་བསྟར་བ་འདྲེན་བྱེད་དཔྱིད། ༣༦ །[ཕྱག་བྱ་བའི་སྒོ་ཉེར་བརྒྱད་པ་བསྡུས་པའི་གཟུགས་ཅན།] འཆད་རྩོད་རྩོམ་ལ་མི་འཇིགས་ངག་གི་དབང་། །གྲུབ་མཐུས་བློ་གསལ་བྱེ་བའི་སྙེམས་པ་འགོག །གསར་རྙིང་གྲུབ་པའི་
སྲོལ་བཟང་རིས་མེད་པས། །རྒྱ་མཚོའི་གོས་ཅན་ཉེ་འཁོན་མེད་ལ་དགོད། ༣༧ །བཅུ་ཕྲག་གྲངས་སུ་རྫོགས་པ་རིག་པའི་སྲོག །འཆི་ [ཕྱག་བྱ་བའི་སྒོ་ཉེར་དགུ་པ་མཚུངས་པ་གསལ་བྱེད་ལས་གཞུང་གིས་དངོས་སུ་ཟིན་པའི་འགོག་དང་དགོང་སྒྲ་ཅན།] མེད་རྟག་པར་སྒྲུབ་པའི་ཕྲིན་ལས་ནི། །ཕྱོགས་ཀྱི་དཀྱིལ་འཁོར་
ཀུན་དུ་བཀོད་པ་ཡིས། །ཐུབ་བསྟན་ཏབ་ཏུ་གསལ་བྱེད་ཁྱོད་རྨད་བྱུང་། ༣༨ [།ཕྱག་བྱ་བའི་སྒོ་སུམ་ཅུ་པ་སྐྱེད་བྱེད་གྱི་རྒྱུ།] ཁྱད་པར་བདག་བློ་རབ་སྨོངས་རྡོ་བའི་ཁམས། །རང་བཞིན་མཉེན་པར་བཅོས་སུ་མེད་ན་ཡང་། །རིག་གནས་རྒྱ་མཚོའི་ནང་དུ་དྲངས་པའི་དྲིན། །བསམ་ཀྱིན་དད་
པའི་བ་སྤུ་གཅིག་ཏུ་ཕྱོགས། ༣༩ །གཞན་ཡང་གསར་རྙིང་བཀའ་དང་ཟབ་གཏེར་གྱི། །སྲོལ་ཆེན་འབྱེད་པའི་ [ལྡན་པའི་གཟུགས་ཅན།] ཐུགས་རྗེའི་དར་བབ་མས། །བསྟན་འགྲོའི་དགེ་ལེགས་ཡིད་གཅུགས་མཛའ་ན་བོ། །འགུགས་བྱེད་ཕྱག་བགྱིར་འོས་པ་ཀུན་ལ་དད་། ༤༠ །མི་འགྱུར་བདེ་བའི་
ཐང་ཆེན་སྟོང་པ་ཉིད། །ཡང་དག་རྟོགས་ [ཕྱག་བྱ་བའི་སྒོ་སོ་གཅིག་པ་ཡན་ལག་གཉིས་པའི་གཟུགས་ཅན།] པའི་རྒྱལ་པོ་མངོན་གྱུར་ཀྱང་། །ངོ་མཚར་མཛད་པས་མ་ཧཱ་བྷོ་ཊའི་ལྗོངས། །ཕན་པ་སྒྲུབ་པའི་བཙོན་འགྲུས་བྲན་ལྟར་བཟང་། ༤༡ [།མཐའ་དག་གཟུགས་ཅན།] བྱམས་ [འདི་ནས་བརྩམས་ཏེ་ལྗོངས་འདིར་ཐུགས་རྗེ་ལྷག་པར་ཆེ་བའི་སྐྱེས་བུ་དམ་པ་རྣམས་ལ་བསྔགས་པ་རབ་སྤེལ།] པའི་

213-1-7b

རྩ་བརྟན་སྙིང་རྗེའི་ཡལ་ག་རྒྱས། །ཀུན་དགའ་སྟེར་བའི་ཡོན་ཏན་མེ་ཏོག་བཀྲ། །སྐུ་གསུམ་འབྲས་བུ་སྨིན་པའི་དཔག་བསམ་ཤིང་། །བཀྲ༷་ཤི༷ས་གྲིབ་མ་སྣུམ་ལྡན་ཀུན་ལ་འབེབས། ༤༢ །སེ་ན་ཤུ་བྷར་གྲགས་པའི་རྒྱལ་པོའི་ཁབ། །རྒྱལ་བ་གཉིས་པའི་ལུགས་
བཟང་ནོར་བུའི་ཏོག །དཔ༷ལ་དང་མཆོ༷ག་གི་འབྱུང་གནས་དམ་པ་དེས། །བཤད་སྒྲུབ་རྒྱལ་མཚན་རྩེ་ན་བརྟན་པར་བྱས། ༤༣ །རང་གཞན་གྲུབ་པའི་གཞུང་ལུགས་རབ་འབྱམས་ཀྱི། [ལྡན་པའི་གཟུགས་ཅན།] ཕ་མཐའ་ལ་སོན་འབྲས་བུ་ཕྱོགས་ཀུན་ལས། །རྣམ་པར་
རྒྱལ་བའི་མཚན་གྱི་བཀྲ་ཤིས་དབྱངས། །དཔལ་ལྡན་ཆོས་ཀྱི་གྲགས་པ་བས་ཀྱང་སྙན། ༤༤  །ཤིན་ཏུ་དར་བྱས་ཁོ་ར་ཁོར་ [སྦྱར་བའི་དཔེ།]  ཡུག་ཏུ། །རྫོགས་སངས་རྒྱས་ཀྱི་ཞལ་ལུང་དྲི་མ་མེད། །ལུང་རྟོགས་ཡོན་ཏན་ཕུན་སུམ་ཚོགས་འཛིན་ལས། །བྱུང་བའི་འཆད་
རྩོད་རྩོམ་པའི་ཕྲིན་ལས་རྒྱུན། ༤༥ །སྲིད་ཞིའི་མཐའ་ཆེན་འགོངས་པའི་མྱ་ངན་ལས། །[བྱ་བ་བརྗོད་པ་ཐོག་མའི་གསལ་བྱེད།] འདས་པར་ཀུན་དུ་བཟང་བཞིན་དབང་གྱུར་ཀྱང་། །རིས་བྲལ་འགྲོ་བ་མང་པོའི་བྲན་ཉིད་དུ། །དམ་བཅས་འབྲས་བུ་ངུར་སྨྲིག་རྒྱལ་མཚན་བཟུང་། ༤༦ །ཟབ་
རྒྱས་གདམས་པས་རྒྱགས་པའི་ [རབ་སྤེལ།] མགྲིན་པ་ལས། །རྟག་པར་བཀྲ༷་ཤི༷ས་བྱེད་པའི་ཆོས་ཀྱི་གླུ། །རྩོལ་མེད་ལྷུན་གྱིས་གྲུབ་པར་འཇོ་བ་ལ། །དབྱངས་མཆོག་རྡོ་རྗེ་ཆོས་དང་མཚན་ཉིད་མཐུན། ༤༧ །དཔལ་ལྡན་རྡོ་རྗེ་འཆང་གི་གསང་པ་གསུམ། །བློ་དམན་
མཚུངས་པ་གསལ་བྱེད་ལས་མཚན་ཉིད་མཐུན་སྒྲ་ཅན། མོས་པར་འཚམ་པའི་སྒྱུ་འཕྲུལ་གཟུགས། །ཀུན་མཁྱེན་ཆོས་ཀྱི་རྒྱལ་སྲིད་སྐྱོང་བ་ལ། །སྡེ་སྣོད་སྨྲ་པ་ཡོངས་ཀྱི་གཙུག་ན་མཐོ། ༤༨  །ལྷ་མཆོག་ངག་གི་དབང་ཕྱུག་ [ལས་ཀྱི་རྒྱུ་ལས་རྣམ་འགྱུར་གྱི་རྒྱུ།] དཔལ་གྱི་མགུར། །རྗེས་སུ་ཆགས་
པས་བློ་ལྡན་ཀུན་དགའ་བརྒྱ། །སྐྱེད་བྱེད་ལེགས་པའི་ལམ་སྟོན་ཐུན་མོང་མཆོག །ཟུང་གི་དངོས་གྲུབ་འབྱུང་གནས་རྨད་དུ་བྱུང་། ༤༩ །[རབ་སྤེལ།] ལུང་རྟོགས་ [མཛེས་པའི་ཡོན་ཏན་གཏམ་ལ་སྦྱར་བ།] ཆོས་ཀྱི་ཚུལ་ལ་སྦྱངས་པའི་ཐུགས། །མཁའ་ལྟར་ཡངས་པའི་རྣམ་འགྱུར་

213-1-8a

ཅི་འདོད་ཀྱི། །ལེགས་བཤད་འཛད་དུ་མེད་པ་འབྱུང་བའི་གནས། །ལྔ་རིག་བསྲན་པའི་སྣང་བྱེད་བླ་ན་མེད། ༥༠ །བྱང་ཆུབ་མཆོག་ཏུ་མངོན་པར་སངས་རྒྱས་པའི། །ཡེ་ཤེས་རྒྱ་མཚོའི་རྣམ་པར་འཕྲུལ་བའི་སྲས། །ལྔ་རིག་གཞུང་གི་བརྗོད་
བྱ་མ་ལུས་པ། །སྙན་དངགས་དམ་པའི་གླུ་རུ་ལེན་པ་དཔའ། ༥༡ །བརྩེ་ཆེན་ཀུན་དགའ་སྙིང་པོའི་ལུང་རྟོགས་ཀྱི། །ཆོས་ཚུལ་ལམ་ [ཡན་ལག་གཅིག་པའི་གཟུགས་ཅན།] གསུམ་སྒྲིབ་པ་སྦྱོང་པའི་རྒྱུན། །མང་ཐོས་སྐལ་ལྡན་ཤིང་རྟའི་དཀའ་སྤྱད་ཀྱིས། །མི་ནུབ་རྟག་ཏུ་འཕེལ་བའི་
ཆོ་ག་བསྒྲུབས། ༥༢ །ཆོས་ཀྱི་བ༷ཀྲ་ཤི༷ས་དམ་པ་འཇིག་རྟེན་ [རིག་བྱེད་གཏམ་དང་སྦྱར་པའི་བསྡུས་དང་མ་བསྡུས་བསྲེས་པའི་གཟུགས་ཅན།] འདིའི། །རྒྱན་དུ་བརྟན་པའི་ཆོ་ག་རིག་པའི་གཞུང་། །རབ་འབྱམས་ལེགས་པར་སྨྲ་བའི་ངོ་མཚར་གྱིས། །ངག་གི་དབང་ཕྱུག་དགྱེས་པའི་འཛུམ་མང་སྟོན། ༥༣ །སངས་
རྒྱས་གངྒཱ་ཀླུང་གི་བྱེ་སྙེད་ཀྱི། [།སྐྱེད་བྱེད་འགྲུབ་པའི་རྒྱུ།] བྱིན་རླབས་ནུས་པ་རྒྱ་མཚོ་ཆེན་པོའི་རྗེས། །སོང་བ་སྔགས་ཀྱི་སྤྱོད་པས་རང་དབང་དུ། །གྲུབ་པའི་ཡོན་ཏན་ཕུང་པོ་བསམ་ལས་འདས། ༥༤ །འཁྲུལ་སྣང་རང་སར་དག་པའི་རང་རིག་པར། །དུས་གསུམ་དངོས་ [དངོས་པོའི་དཔེ།] 
པོ་སྒྲིབ་མེད་བཀྲ་བ་ཡི། །མཚོན་ཕྱིར་གྲུབ་པའི་མཚན་མ་ཀུན་དགའི་དཔྱིད། །ཅི་ཡང་ངོམ་པ་ཡོན་ཏན་རྒྱ་མཚོ་བཞིན། ༥༥ །རིས་བྲལ་བྱམས་པའི་བཏུང་བ་ངོམས་མེད་དུ། །[འདི་ནས་བརྩམས་ཏེ་སྡེ་དགེའི་གདུང་རབས་བསྟན་པ་ལ་སྐུ་དྲིན་ཆེ་བ་རྣམས་ལ་བསྔགས་པའི་ཐོག་མར་དངོས་པོའི་དཔེས་བརླིང་བའི་མཆོག་གི་ངེས་བསྟན།] བསྟེན་པས་སྟོབས་
ཀྱི་ཤུགས་འཆང་ས་སྲུང་དབང་། །སྡེ་བཞི་ཕུན་སུམ་ཚོགས་པའི་སྐྱེད་མོས་ཚལ། །དགེ་བའི་གོམ་སྟབས་ལྷོད་ [མཐའ་དག་གི་གཟུགས་ཅན།] པོ་ཅིར་ཡང་བསྒྱུར། ༥༦ །གང་གིས་བསྒྲུན་མིན་དཔུང་པས་ས་ཡི་སྟེང་། །རང་དབང་བྱེད་པར་མཚུངས་ཀྱང་པད་དཀར་མིག །འཚེ་
བ་ཆོས་སུ་འདོམས་ཕྱིར་སངས་རྒྱས་ཀྱི། །བསྟན་པའོ་དཔལ་གྱུར་ཁྱོད་ལས་ཤིན་ཏུ་དམན། ༥༧ །[ཁྱད་པར་ལ་གནས་པའི་དོན་གཞན་བཀོད་པ།] བསོད་ནམས་ཕུན་སུམ་ཚོགས་ [དགག་པའི་དཔེ།] འདོད་ས་བདག་གི། །ལས་ནི་སེམས་ཅན་ཐམས་ཅད་བདེ་བའི་རྒྱུ། །བདག་དོན་བོར་བ་རྒྱལ་

213-1-8b

བའི་མྱུ་གུ་རྣམས། །གཞན་ཕན་མིན་པའི་བསྒྲུབ་བྱ་ཅང་སྲིད་དམ། ༥༨ །གཞན་ཡང་སྙིང་སྟོབས་རབ་བརླིང་སྤྱོད་པ་ཡིས། །རྒྱལ་བསྟན་བླ་ནས་བླ་མར་འདེགས་པའི་ཆེད། །བློ་ལྡན་བྱང་ཆུབ་སེམས་དཔའ་ས་སྐྱོང་དུ། །བརྫུས་པའི་བསྔགས་འོས་ཀུན་ལ་གུས་བཏུད་
ནས། ༥༩ །གང་ཞིག་ཐོས་ན་ཡོན་ཏན་ཀུན་གྱི་མ། །དཀོན་མཆོག་ [རྣམ་འགྱུར་གྱི་རྒྱུ།] དམ་པའི་ཆོས་ལ་དད་གསུམ་གྱི། །རྩ་བ་བརྟན་པའི་རང་བཞིན་བདུད་ལས་བཞིས། །གཞོམ་དུ་མེད་པ་ཐོག་མར་དགེ་བའི་ཆོས། ༦༠ །ལེགས་པར་ཐོས་པའི་མ་མས་བསྐྱེད་བསྲིངས་པའི།
 [འདི་ནས་བརྩམས་ཏེ་དངོས་པོ་ངེས་པར་བསྟན་པའི་དང་པོ་རིགས་རང་བཞིན་བརྗོད་པ།] །རྣམ་པར་འབྱེད་པའི་བུ་མོ་མིག་ཡངས་མས། །དཔྱད་ན་མི་བསླུ་ངེས་པས་དགའ་པའི་གྲོགས། །གསར་དུ་ཐོབ་པ་བར་དུ་དགེ་བའི་ཆོས། ༦༡ །བསམས་ [མ་བསྡུས་པས་གཟུགས་ཅན།] བྱུང་མཐུ་ཡི་སོར་མོས་ཡིད་གཉིས་མདུད།
ཡོངས་སུ་བཀྲོལ་ཏེ་རྩེ་གཅིག་མཉམ་བཞག་པས། །བརྗོད་བྱའི་སྙིང་པོ་ཇི་བཞིན་རྟོགས་པའི་བློ། །རྣམ་པར་རྒྱས་དེ་ཐ་མར་དགེ་བའི་ཆོས། ༦༢ །གང་དེས་དབེན་པའི་སྔོ་བསངས་མུན་ [ཡན་ལག་གཉིས་པའི་གཟུགས་ཅན།] པ་ཆེ། །ཉིན་མཚན་མགོན་པོ་ཟུང་གིས་ཕྲོགས་ཤིང་། །
གཡོ་ཐབས་སྟོང་གིས་བསླུ་བར་མ་ནུས་པར། །བརྩེ་མེད་སྙིང་ནས་བཟུང་སྙམ་བགྱིད་པ་དེ། ༦༣ །སྣང་བ་དམ་པས་ཡོངས་སུ་བསལ་སླད་དུ། །[རིགས་མཐུན་ལྡོག་པ་ཅན་ལ་རབ་རྟོག་གིས་བརླིང་བ།] བྱང་ཆུབ་མཆོག་ཏུ་ཐུགས་བསྐྱེད་སྨོན་པའི་སྟོབས། །གཞན་ལ་ཁྱད་པར་གྱུར་པའི་འཕྲིན་དང་པོ། །མུ་
མེད་རྒྱལ་བས་བསྒྲགས་པ་ཤཱཀྱའི་སྲས། ༦༤ །དགའ་བར་ལྡན་པའི་ཡིད་བཟང་གྲངས་ [ཡོན་ཏན་གྱི་རང་བཞིན་བརྗོད་པ།] མེད་འབུས། །ཐེག་ཆེན་ཆོས་ཀྱི་གཏོང་ཕོད་མི་དམན་ཡང་། །སྨོན་བྱའི་སྙིང་པོ་རྗེས་སུ་དྲན་པའི་གར། །འཛམ་གླིང་འཛིན་མའི་དོ་ར་ཡངས་པར་བསྒྱུར། ༦༥ །དེ་ན་
ངོ་མཚར་སྔོན་མེད་རླབས་ཀྱི་ལྕེ། །སྲིད་ [བསམ་པ་རྒྱ་ཆེ་བ།] པ་གསུམ་ལས་འདས་པར་གླལ་བ་ཡི། །བསམ་ཡས་ལེགས་པར་སྤྱད་པའི་ཆུ་གཏེར་ལས། །བྱང་ཆུབ་བདུད་རྩི་བརྙེས་པའི་ཚུལ་ཆེན་བསྟན། ༦༦ [།རབ་སྤེལ།] ཁྱད་པར་བསོད་ [བསྡུས་ཤིང་མ་བསྡུས་པའི་གཟུགས་ཅན་རིག་བྱེད་ཀྱི་གཏམ་ལ་སྦྱར་བ།] 

213-1-9a

ནམས་བརྒྱ་ཡི་བྱེད་པོ་དེས། །ཡང་ཡང་ལེགས་པར་བཀྲུས་པ་ཟླ་བའི་བཞིན། །མཐོང་ན་མི་མཐུན་བྲལ་བའི་ཡ་མཚན་དེ། །འཇིག་རྟེན་ཀུན་དུ་ལྷམ་མེར་ངོམ་པ་བཞིན། ༦༧ །བནྦྷུ་ཛི་བ་ཀ་ཡི་མཆུ་སྒྲོ་དང་། །མུ་ཏིག་ཕྲེང་བ་དངར་བའི་ཚེམས་བར་ནས།
གློག་འགྱུ་སྟོང་གི་མཉེན་ལྩུག་སྨ་འབེབས་སུ། །བྱེད་པ་འཕྲུལ་གྱི་རོ་འཛིན་ཅིར་ཡང་བསྒྱུར། ༦༨ །དེ་ཚེ་ཀུན་གྱི་རྣ་ལུང་འབབ་པའི་གདངས། །སྙན་དགུ་མ་ཚང་མེད་པའི་རྒྱུད་གཅིག་ [{རབ་སྤེལ།}] ལས། །ཐ་དད་རང་རང་སྐད་དུ་འཕོས་པའམ། །བྱིན་གྱིས་རླབས་སམ་
རྗེས་སུ་གནང་བའི་བཀའ། ༦༩ །སྲིད་པ་གསུམ་གྱི་ཀུན་རྟོག་སྔོ་བསངས་མའི། །དཔུང་པ་ [རིགས་བརྗོད་པ་ཐ་མའི་གསལ་བྱེད།] བག་ཆགས་བཅས་ལས་འདས་གྱུར་ཀྱང་། །སེམས་ཅན་སྣ་ཚོགས་མོས་པའི་རྒྱུ་ཕྱོགས་སུ། །གཞོལ་ཞིང་བབས་པའི་རྣམ་གྲངས་བསམ་མི་
ཁྱབ། ༩༠ །ཚིག་དོན་ [ཡོན་ཏན་མ་ཚང་བའི་ཁྱད་པར་བརྗོད་པ།] ལང་ཚོ་དར་བབ་བཀའ་གང་དག །ཇི་སྙེད་འཛིན་དང་སྡུད་བྱེད་གཟུགས་ཀྱི་སྒོ། །དབང་ཐོབ་མང་པོས་སླད་འབྱིན་བསྡུས་པ་དང་། །ཡི་གེར་བྲིས་པའི་གླེགས་བམ་བགྲང་དུ་མེད། ༩༡ །བཀའ་ལུང་དྲི་མེད་ཤེལ་གྱི་ཁང་པའི་ངོས། །
དྲང་དང་ངེས་ [རབ་སྤེལ།] པའི་གཟུགས་དང་གཟུགས་བརྙན་གྱི། །ལྟད་མོ་ཚར་དུ་དངར་བི་ཁྱད་པར་དག །ཚུལ་བཞིན་དཔྱོད་པའི་རྒྱལ་པོ་རྣམ་མང་གིས། ༩༢ །རྒྱ་ཆེན་སྡུད་དང་ཟབ་མོ་རྣམ་པར་འབྱེད། །དཀྲུགས་པ་སྡེབས་ [རིག་བྱེད་ཀྱི་གཏམ་ལ་སྦྱར་པའི་ལྡན་པའི་གཟུགས་ཅན།] ཕྱིར་བྱས་པའི་
བསྟན་བཅོས་གྲངས། །བསྐལ་བའི་ཆར་དང་དབྱིག་འཛིན་མ་ཡི་རྡུལ། །ཆུ་གཏེར་ཐིགས་པའི་རྗེས་སུ་རྐང་པ་འཇོག  ༩༣ །འོན་ཏེ་བཀའ་དོན་ལེགས་པར་ [མང་བའི་དཔེ།] བཤད་པ་ནི། །རང་དགའི་ཚིག་དོན་འདྲེ་ན་མ་རུང་ཞེས། །འཕགས་ཡུལ་གདོད་ནས་གྲུབ་པའི་སྐད
རིགས་ཀྱི། །ལྐོག་ན་སྦས་པའི་བརྟུལ་ཞུགས་བཟུང་ངམ་སྙམ། ༩༤ །[རབ་རྟོག] །དེ་ཚེ་མཁས་པའི་ཚོགས་དང་ལོ་ཙཱ་བ། །རྒྱལ་ [སེམས་མེད་རབ་རྟོག] །ཆེན་རྣམས་ཀྱི་རྩོམ་པ་རྨད་བྱུང་དང་། །ཐུབ་པའི་ལུང་བསྟན་རྩེ་དགའ་དྲན་ཆེ་བས། །གངས་ཅན་བརྡ་ཡི་ལམ་དུ་བརྒྱུད་ཅིང་བྱོན། ༩༥ །

213-1-9b

གང་ཚེ་ལེག་ས་པར་གསུངས་དང་དགོངས་འགྲེལ་ཞེས། །མཚན་གྱི་གླིང་བུ་གང་དུ་སྙན་པ་དེར། །མཐའ་འཁོ་མིང་གི་ངུད་མོ་བསྐལ་པ་ཡི། །ཕ་རོལ་ལ་ཡང་གནས་པའི་གོ་ས་ཕྲོགས། ༩༦ །གཞི་ལམ་འབྲས་བུའི་ལྟད་མོ་བཀྲག་པོ་ཆེ། །འགོག་བྱེད་སྒྲིབ་གསུམ་གཉེན་ 
[རྒྱུའི་རྒྱན་ལས་རིགས་པའི་རྒྱུ།] པོ་བླ་ན་མེད། །སྣང་བ་མི་ཟད་མཛོད་ཀྱི་ཉི་མ་འདི། །ཐོབ་པའི་འཇིག་རྟེན་སྐལ་བ་མི་དམན་{གང་}། ༩༧ །མཐོང་ཆོས་སླད་མའི་གནས་སྐབས་མཐར་ཐུག་གི། །འཐོབ་ [ཡན་ལག་ཅན་གྱི་གཟུགས་ཅན།] བྱ་ཡིད་འོང་ངེས་པར་འབྱིན་པའི་དཔྱིད། །དམ་ཆོས་ཡོངས་འདུའི་
དབང་པོ་འདི་ཡོད་བཞིན། །དཔག་བསམ་རྐང་འཐུང་ཕལ་ལ་རེ་བ་ལྷོད། ༧༨ །གང་ཞིག་ཐོབ་ན་གནས་སྐབས་འདོད་ [སྦྱར་བའི་འགོག་པ།] པ་དགུ། །རྟོག་མེད་ཆར་དུ་བསྙིལ་པ་ཡིད་བཞིན་ནོར། །བྱང་ཆུབ་གསུམ་གྱི་འབྲས་བུ་འབྱིན་ནུས་ན། །འཆོས་སྐྱོབ་ཡོན་ཏན་ལྡན་པའི་
རྗེས་སུ་སྙེགས། ༧༩ །གང་འདི་ཡི་གེའི་རིས་སུ་འདྲི་བ་དང་། །ཀློག་པ་ལ་སོགས་ [རྨད་བྱུང་གི་དཔེ།] ལེགས་བྱས་རེ་རེའི་མཐའ། །མཁའ་བཞིན་གཞལ་དུ་མེད་པའི་ལུང་གི་རྔ། །བདེན་དཔང་ཚད་མ་དེ་བཞིན་གཤེགས་པས་བསྐུལ། ༨༠ །དམ་པའི་ཞལ་ལུང་བདུད་རྩི་འཇིག་རྟེན་
ན། །ཡུན་དུ་གནས་པའི་ [ཆོས་དཔེ་ལ་གཟུགས་ཅན་གྱིས་སྤ་བ།] རྩེ་དགས་བྱང་ཆུབ་ཀྱི། །ལང་ཚོ་མཆོག་ཏུ་བདོ་བར་འདོད་པའི་ལས། །ཀློག་སྤོང་ལས་ཀྱི་འཁོར་ལོ་རྣམ་པ་གསུམ། ༨༡  །དེ་ནི་བརྗོད་བྱ་བདེན་པ་ཟུང་གི་གནས། །མ་ནོར་ལེགས་པར་འདོམས་ [བསྡུས་ཤིང་མ་བསྡུས་པའི་གཟུགས་ཅན།] པའི་ཚོགས་པ་
གསུམ། །འདུས་པའི་རང་བཞིན་ཚད་མར་གྱུར་པའི་ལུང་། །གླེགས་བམ་ཕྲེང་དུ་དངར་བ་འདི་ལ་རག ༨༢ །ཚུལ་ཆེན་འདི་དག་དོན་དང་མ་འབྲེལ་བའི། [།རིགས་བརྗོད་པ་ཐ་མའི་གསལ་བྱེད།] ཚུལ་ལུགས་སྨྲ་བའི་མགྲིན་པ་དཔང་མཐོ་ཡང་། །ཚུལ་མིན་མུན་པ་འདོམ་གྱིས་འཇལ་བ་
བཞིན། །ཚུལ་བཞིན་རིག་པའི་མདུན་སར་ཁྲེལ་བའི་རྒྱུ། ༨༣ [སྨད་པའི་དཔེ།] དེ་སོགས་བསམ་གྱིས་མི་ཁྱབ་ [བཞི་གའི་ཐོག་མར་ཡོད་པ་ཆོད་པའི་ཟུང་ལྡན།] དགོས་པ་དང་། །ཕན་འདོགས་ཡོན་ཏན་ཆེ་བའི་རིགས་པ་ལུང་། །མི་ཟད་ཚངས་པའི་བུ་མོའི་རྒྱུད་མང་གི། །དཔལ་ཡང་ཉུང་ངུར་བྱེད་

213-1-10a

པའི་གླུ་དག་གིས། ༨༤  །རིངས་པར་བསུ་བས་སྔོན་མེད་འཛུམ་གྱི་རླབས། །ཉ་རྒྱས་ཟླ་བ་འབུམ་ཕྲག་བཞུ་བའི་ཚོན། །བཞིན་ལ་བྱུགས་པ་བཞིན་དུ་ས་ལ་སྤྱོད། །སྲས་བཅས་སྤྲོ་བ་མཆོག་གི་རྩེ་མོར་ཕྱིན། ༨༥ །གྲངས་མེད་སྐྱེ་བར་བསགས་པའི་
ལེགས་བྱས་ཀྱིས། །མངོན་མཐོ་མི་བདག་ཆེན་ [འབྱུང་མིན་གྱི་དཔེ།] པོའི་ཞབས་ཟུང་གི། །འཁོར་ལོའི་ཡན་ལག་ལྡན་པ་ཁྱོ་ཤུག་དག །གདུབ་སིལ་མགྲིན་པའི་རྫ་རྔ་འཁྲོལ་བ་ཅན། ༨༦ །ཁེངས་ལྡན་ཕྱོགས་ཀྱི་ས་འཛིན་བྱེ་བ་ཡི། [ཤློ་ཀ་གཉིས་ལྡན་པའི་གཟུགས་ཅན།] ཐོར་ཚུགས་དབང་
སྔོན་ཞུན་མ་འཁྱིལ་བའི་རྫིང་། །རྒྱན་ཕྲེང་པདྨ་ཀུན་ནས་འགོད་པ་དེར། །ངལ་བསོར་སྤྱོད་པའི་དབང་ཕྱུག་མི་ཡི་ལྷ། ༨༧ །ཀུན་མཁྱེན་ཆོས་ཀྱི་རྒྱལ་པོའི་བསྟན་པ་ལ། །ཕན་པ་བགྱིས་པ་ཟླ་མེད་མི་ཡི་ལྷ། །ལུས་ཅན་ཚེ་རིང་སྒྲུབ་པའི་རིག་བྱེད་སོགས། །གཙུག་ལག་
ལུགས་བརྒྱ་མཁྱེན་པའི་དབང་ཕྱུག་དང་། ༨༨ །སྐྱེ་དགུ་ཡོངས་ཀྱི་བསོད་ནམས་ཁང་པར་རུ། །སྔ་ན་མེད་པའི་བདེ་སྐྱིད་ [རིགས་བརྗོད་པ་བར་གྱི་གསལ་བྱེད།] སྙིང་གི་མཛའ། །འགུགས་ཕྱིར་ལྷ་བརྒྱའི་མགོན་པོ་མིག་སྟོང་ཅན། །དབང་གི་ལས་གྲུབ་མི་བདག་རྫུ་འཕྲུལ་ཞུགས། ༨༩ །
གཙུག་ལག་ཀུན་ལ་བློ་གྲོས་རྣམ་ [ལྡན་པའི་གཟུགས་ཅན་ལ་རབ་རྟོག་གིས་སྤ་བ།] གསལ་ཞིང་། །གྲགས་སྙན་རྒྱ་མཚོའི་སྐ་རགས་ཅན་མཛེས་པའི། །སྨྲ་མཁས་དེ་ནི་དགེ་དབང་དང་མཚུངས་མོད། །འབྱེད་བྱེད་ཚངས་པར་སྤྱོད་པའི་བརྟུལ་ཞུགས་ཡོད། ༩༠ །འཇིག་རྟེན་སྟོབས་ཀྱིས་ 
[སྒྲས་ཟིན་མཚུངས་པའི་ལྡོག་པ་ཅན་ལས་གཅིག་གི་ལྡོག་པ་ཅན།] དྲེགས་པ་བྱེ་བ་བརྒྱའི། །གཙུག་རྒྱན་ནོར་བུའི་ཁྲི་འཕང་ག་ལ་བར། །ཤིན་ཏུ་བརླིང་བར་ངལ་བསོར་སྤྱོད་པའི་དབང་། །ལས་ཤུགས་བཙན་པོས་བསྐུར་བའི་བླ་མ་ཆེ། ༩༡ །ཀུན་དུ་དགའ་བསྐྱེད་ཡིད་ [ཡན་ལག་གཅིག་པའི་གཟུགས་ཅན།] གཅུགས་
རྒྱལ་བའི་སྲས། །རྣམ་འདྲེན་བསྟན་པ་སྐྱོང་ལ་སྤྲོ་བའི་རླབས། །སྲིད་པའི་རྩེ་མོར་ལུད་སྙམ་ཆོས་སྲིད་ཀྱི། །ཕྲིན་ལས་རྒྱ་མཚོའི་གོས་ཅན་ཁྱབ་པའི་སྡེ། ༩༢ [།སྐྱེད་བྱེད་འགྲུབ་པའི་རྒྱུ།] གང་དག་སྔོན་གྱི་ཐུགས་སྐྱེད་རྒྱ་ཆེན་མས། [།རབ་སྤེལ་གྱི་རྒྱན།] བྱང་ཆུབ་སྤྱོད་པར་སྤྱད་པའི་སྨོན་ལམ་

213-1-10b

དབྱངས། །བརྗོད་བྱ་བཟང་པོའི་རོ་ལྡན་བླངས་པ་ཡི། །འབྲས་བུ་ཚེ་འདིའི་གྲོགས་སུ་ཉ་བར་ལྷགས། ༩༣ །སྙིང་སྟོབས་ཆེ་དགུ་ཀུན་གྱིས་སམ་སྤོབས་ཤིང་། །སྟོབས་འབྱོར་མང་པོའི་འཛུམ་གྱིས་མ་ཁུགས་པའི། །བགྱི་བ་འདི་ལ་མེ་ཏོག་གཞུ་ཅན་ཡང་། །བསླུ་བར་མ་
བཟོད་ཕམ་པའི་གྲགས་པ་བྱུང་། ༩༤ །རྒྱལ་སྲས་སྙིང་སྟོབས་ལྡན་པས་བསྒྲུབས་ན་སྔོན། །བརྒྱ་ཕྲག་ [ཤེས་བྱེད་ཀྱི་རྒྱུ་ལས་ནང་ཤེས་བྱེད།] བཅུ་རྫོགས་མིག་གིས་མ་མཐོང་ཞིང་། །བརྒྱད་ལྡན་རྣ་བ་བས་ཀྱང་མ་ཐོས་པའི། །རྒྱ་ཆེན་རྩོམ་པ་ཀུན་ལ་དཀའ་བ་ཅི། ༩༥ །ཐམས་ཅད་མཁྱེན་པ་
ཉི་མའི་གཉེན་དཔལ་གྱི། [།རྐང་པ་ལ་བསྐོར་བའི་རྗེས་ཁྲིད།]། བཀའ་ལུང་སྤྱི་དང་བྱེ་བྲག་དགོངས་པའི་དོན། །རྣམ་པར་འགྲེལ་བའི་བསྟན་བཅོས་གངས་ཅན་པའི། །སྐད་ཀྱི་ལམ་དུ་ལེགས་པར་འགྱུར་རོ་འཚལ། ༩༦ །ཀུན་གྱི་ཆོས་སྦྱིན་ཇི་སྲིད་བསྐལ་པའི་ [རིགས་རང་བཞིན་བརྗོད་པ།] བར། །
རྒྱུན་མི་འཆད་པའི་འབྱུང་གནས་པར་ཞེས་པ། །ངོ་མཚར་འཕྲུལ་གྱི་ཕྱི་མོ་རྫོགས་ལྡན་གྱི། །བསྐལ་པའི་བསོད་ནམས་སྤྲིན་ཕུང་རྒྱས་པར་དཀྲིགས། ༩༧ །རྒྱལ་དང་དེ་ཡི་སྲས་རྣམས་འཇིག་རྟེན་ [ཡན་ལག་ཅན་གྱི་གཟུགས་ཅན།] ན། །འབྱོན་དང་བཞུགས་དང་མཛད་པ་མང་སྟོན་
ཡང་། །སྒྲིབ་པ་བག་ཆགས་བཅས་པ་དཔྱིད་འབྱིན་ལ། །རྒྱལ་གསུང་དམ་པའི་ཆོས་ལས་གཞན་ཡོད་མིན། ༩༨  །ཟང་ཟིང་སྲིད་པའི་རྩེར་མཉམ་གཏོང་ [རྐང་པ་དང་པོ་དང་ཐ་མར་ཡོད་པ་ཆོད་པའི་ཟུང་ལྡན།] བདེ། །སྦྱིན་ཆེན་མ་ཡིན་ཆོས་སྦྱིན་འདི་ཁོ་ན། །གནས་སྐབས་དབུལ་བ་བཅོམ་དེ་ཕན་
ཆེན་ཉིད། །མ་ཡིན་གཏན་དུ་ཕན་འདོགས་བསྒྲུབས་འདིའོ། །༩༩ །གཞན་པ་སྨན་བྱེད་བྱང་ཆུབ་སེམས་ [དེ་ཉིད་བརྗོད་པའི་དཔེ།] མཆོག་གི། །བཅུད་ཀྱིས་ལེན་པས་སྙིང་སྟོབས་ཕྲག་པ་དག །ཤིན་ཏུ་བརླིང་བྱས་བསྟན་པའི་ཁུར་གྱི་དབྱིག །འདེགས་པར་ལས་ཀྱི་གནམ་བསྐོས་
བླ་མ་ཆེ། ༡༠༠ [ཁྱད་འཕགས་སུ་འབྱུང་།] གང་དྲིན་གལ་ཏེ་གསོབ་ [ཆ་ཤས་གཟུགས་ཅན།] འདོད་སྟོང་གསུམ་གྱི། །སྣོད་འདི་བུམ་པ་བརྒྱ་སྐྱེས་དངོས་པོ་ཡིས། །ཡོངས་སུ་ལུད་པ་ཉིད་དུ་གཏམས་བཟོད་ཀྱང་། །སྟོང་གི་ཆར་ཡང་འཚོབ་བར་མི་འགྱུར་སྙམ། ༡༠༡ །ལེགས་བྱས་རྒྱ་

213-1-11a

ཆེན་གང་ལས་བརྩམས་པའི་གཏམ། །ཅུང་ཟད་མཉན་པར་འདུན་པའི་བློ་ཅན་དག །ངོ་མཚར་ཆུ་གཏེར་ཡོངས་སུ་འཕེལ་བགྱིད་པའི། །ལེགས་བཤད་ཟླ་བ་གསར་པ་འདི་ན་ངོམ། ༡༠༢ །ཀུན་མཁྱེན་ཉི་མའི་རྩ་ལག་སྲས་བཅས་ཀྱི། །
རྗེས་སུ་སློབ་པར་འདུན་ [བསྡུས་པའི་གཟུགས་ཅན།] རྣམས་བརྩེ་བ་ཡིས། །ལེགས་པར་གདམས་པའི་ཚུལ་ཆེན་སྦྱིན་པའི་རྔ་། །རྒྱ་ཆེན་བརྡུངས་པའི་ཚུལ་འདིར་དགའ་བས་ཉོན། ༡༠༣ །ཞེས་པ་སྟེ། དེའང་འཕགས་ [ཆ་ཤས་ཅན་གྱི་གཟུགས་ཅན།] པའི་ཡུལ་གྱི་སྨྲ་བའི་དབང་
ཕྱུག་ཆེན་པོ་དཔལ་ལྡན་དཎྜཱིས། ཤིད་བརྗོད་ཕྱག་བྱ་དངོས་པོ་ནི། །ངེས་པར་བསྟན་པའང་དེ་ཡི་སྒོ། །ཞེས་དང་། ས་སྐྱ་པཎྜི་ཏ་ཆེན་པོས། བསྟན་བཅོས་རྩོམ་པའི་དམ་པ་ཡི། །སྟོན་པ་ལ་ནི་མཆོད་བརྗོད་བྱ། །བསྟན་པ་སྤེལ་ཕྱིར་དག་པའི་ཚིག །འདི་ལ་
འཐད་པ་བཟང་པོ་སྣང་། ཞེས་གསུངས་པ་ལྟར། སྔོན་བྱོན་མཁས་པ་རྣམས་ཀྱི་རྣམ་པར་ཐར་པའི་རྗེས་སུ་སློབ་པར་འདོད་པའི་འདུན་པས། །དབྱངས་ཀྱི་རྒྱལ་མོའི་ཏམྦུ་རའི་རྒྱུད་ལས་འཕོས་པའི་འགྱུར་ཁུགས་སྙན་པའི་དཔལ་ལས་ཡང་དག་པར་དྲངས་པའི་ཚིག་རྒྱན་
གྱི་ཕྲེང་བ་དག་གིས་མཆོད་པར་བརྗོད་པར་བྱ་བ་ཡང་། འཕགས་པ་བསྐལ་པ་བཟང་པོ་ལས། དེ་བཞིན་གཤེགས་པ་དུས་མཁྱེན་རྒྱལ་པོ་ནི། །སྙན་དངགས་མཁན་ཚེ་བདེ་གཤེགས་རྩ་མཆོག་ལ། །ཚིགས་སུ་བཅད་པའི་དབྱངས་ཀྱིས་བསྟོད་ནས་ཀྱང་། །དང་
པོར་བྱང་ཆུབ་མཆོག་ཏུ་སེམས་བསྐྱེད་དོ། །ཞེས་འབྱུང་བ་ལྟར། འདིར་ཡུལ་མཆོག་ཏུ་གྱུར་པ་རྣམས་ཀྱིས་སྐུ་གསུང་ཐུགས་ཀྱི་གསང་བ་མི་ཟད་རྒྱན་གྱི་འཁོར་ལོའི་ཡོན་ཏན་གྱི་ཆ་ཤས་ལས་ཉེ་བར་དྲངས་པའི་མཆོད་པར་བརྗོད་པ་དང་། དངོས་པོ་ངེས་པར་བསྟན་པའི་
ཚིགས་སུ་བཅད་པ་བཅུ་ཕྲག་བཅུ་ལ་གསུམ་གྱིས་ཉེ་བར་ལྷགས་པ་སྔོན་དུ་འགྲོ་བས་ལམ་ཡངས་པོར་བྱས་ནས། སྐབས་སུ་འབབ་པའི་གླེང་བར་བྱ་བ་ཉིད་ནི་འདི་ལྟར་སློབ་དཔོན་དབྱིག་གཉེན་གྱིས། མདོ་དོན་ཆེ་བ་ཉིད་ཐོས་ནས། །ཉན་པ་དང་ནི་འཛིན་པ་ལ། །ཉན་པ་པོ་ནི་གུས་

213-1-11b

བྱེད་པས། །ཐོག་མར་དགོས་པ་བརྗོད་པར་བྱ། །ཞེས་གསུངས་པ་ལྟར། སྒྲོན་མའི་བསྐུལ་པའི་བསྐལ་པ་བཟང་པོའི་འཆི་བ་མེད་པའི་ལམ་དུ། གང་དག་བྱོན་པ་དང་འབྱོན་པར་འགྱུར་པའི་རྣམ་པ་ཐམས་ཅད་མཁྱེན་པའི་ཆོས་ཀྱི་སྣང་བྱེད་ཆེན་པོ་སྟོང་ཕྲག་གཅིག་གམ་
སྟོང་དང་ལྔ་འབྱུང་བར་ལུང་བསྟན་པ་ལས། བྱང་ཆུབ་ཀྱི་མཆོག་ཏུ་ཐུགས་བསྐྱེད་ཅིང་། ཞིང་བཟུང་བའི་ཚེ་ན་གང་དག་སྒར་མ་སྐྱོང་ལ་སོགས་པའི་བྲམ་ཟེའི་རིག་བྱེད་སློབ་པ་སྟོང་རྩ་བཞི་པོ་དག་ཀྱང་དེ་བཞིན་གཤེགས་པ་རིན་ཆེན་སྙིང་པོའི་སྤྱན་སྔར་སེམས་བསྐྱེད་ཅིང་ཞིང་བཟུང་ཡང་།
དེ་དག་གིས་སྤངས་པར་གྱུར་པའི་རྩོད་དུས་ཀྱི་སེམས་ཅན་རྣམས་ཚེ་ལོ་བརྒྱ་ཉི་ཤུ་པའི་བར་དུ་གྱུར་པ་ན། བདེ་བ་དང་། དབང་ཕྱུག་དང་། རིགས་དང་། གཟུགས་ཀྱི་དྲེགས་པས་མྱོས་ཤིང་སེར་སྣ་ཅན་དུ་གྱུར་ཏེ། ཚེ་དང་། ལས་དང་། སེམས་ཅན་དང་། ལྟ་བ་དང་། ཉོན་
མོངས་པ་སྟེ་སྙིགས་མ་ལྔའི་མུན་པར་གྱུར་པའི་སེམས་ཅན་འདོད་ཆགས་བདོ་བ། ཞེ་སྡང་བདོ་བ། གཏི་མུག་བདོ་བ། ང་རྒྱལ་བདོ་བ། སྡིག་པ་དང་ཕྲག་དོག་དང་སེར་སྣ་བདོ་བ། ཆོས་མ་ལགས་པར་འདོད་ཆགས་ཀྱིས་ཆགས་པ། ཆོས་མ་ལགས་པའི་ལོངས་སྤྱོད་
ཚོལ་བ། ལོག་པར་ལྟ་བ། ཕྱིན་ཅི་ལོག་ཏུ་མཐོང་བ། འཕགས་པའི་ནོར་བདུན་དང་བྲལ་བ། ཕར་མི་འཛིན་བ། མར་མི་འཛིན་པ། དགེ་སྦྱོང་དུ་མི་འཛིན་པ། བྲམ་ཟེར་མི་འཛིན་པ། བགྱི་བ་མ་ལགས་པ་བགྱི་བ། བསོད་ནམས་མ་ལགས་པ་བསྩགས་པ། འཇིག་
རྟེན་ཕ་རོལ་ལ་འཇིགས་པར་མི་ལྟ་བ། བསོད་ནམས་བགྱི་བའི་དངོས་པོ་གསུམ་པོ་དག་ལ་མི་བརྩོན་པ་ལ་སོགས་པ་ཞིང་མ་དག་པ་མི་མཇེད་ཞིང་གི་སེམས་ཅན་ཤིན་ཏུ་གདུལ་དཀའ་བ་རྣམས་ལ་ཐུགས་བརྩེས་ལྷག་པར་གཟིགས་སོ། །གཟིགས་ནས་ཀྱང་སྨོན་ལམ་གྱི་ཆུ་
གཏེར་ཆེན་པོ་ཤིན་ཏུ་ཟབ་ཅིང་གཏོང་དཔོག་པར་དཀའ་བ་ལྔ་བརྒྱ་བཏབ་སྟེ་བདེན་པའི་སྟོབས་བརྗོད་པས། དེ་བཞིན་གཤེགས་པ་རིན་ཆེན་སྙིང་པོས་ལེགས་སོ་བཟླས་པས་བྱིན་གྱིས་བརླབས་པ་སྔོན་དུ་འགྲོ་བས། བྱང་ཆུབ་སེམས་དཔའ་རྣམས་ཀྱི་བརྩོན་འགྲུས་རྩོམ་པའི་

213-1-12a

དངོས་པོ་ཕུལ་དུ་བྱུང་བ་རྣམ་པ་བཞི་དང་ལྡན་ཞིང་། ལེ་ལོའི་དངོས་པོ་བཞི་ཡོངས་སུ་བོར་བའི་བྱང་ཆུབ་སེམས་དཔའ་ཆེན་པོ་པདྨ་དཀར་པོ་ལྟ་བུའོ་ཞེས་རྒྱ་ཆེར་བསྔགས་ཤིང་བསྐལ་པ་བཟང་པོའི་དེ་བཞིན་གཤེགས་པ་བཞི་པ་ཉིད་
དུ་ལུང་བསྟན་ཏེ། །གཞན་ཡང་ཕྱོགས་བཅུའི་དེ་བཞིན་གཤེགས་པ་ཐམས་ཅད་ཀྱང་མེ་ཏོག་ཟླ་བ་མདོག་མཛེས་དྲི་མ་མེད་པ་དག་སྐྱེས་སུ་སྩལ་བ་དང་། ལྷ་དང་མིའི་སྐྱེ་དགུ་མང་པོས་མངོན་པར་མཆོད་པ་ལ་སོགས་པའི་ངོ་མཚར་གཏམ་གྱི་ཕུང་པོ་གང་དེ་ལྷ་དང་མིའི་
འཇིག་རྟེན་གྱི་ཁམས་ན་སྙན་དངགས་སྨྲ་བའི་དབང་པོ་ཇི་སྙེད་པ་དེ་སྙེད་ཀྱིས་རྗོད་པར་བྱེད་པའི་གླིང་བུ་དམ་པ་བྱེ་བ་ཕྲག་བརྒྱས་བསྐལ་པ་ནས་བསྐལ་བའི་ཕྲེང་བར་བསྔགས་ཀྱང་མུར་ཐུག་པ་མེད་པའི་བདག་ཉིད་ཅན་གཅིག་པུ། བདག་ཅག་གི་སྟོན་པ་བླ་ན་མེད་པ་
ཡང་དག་པར་རྫོགས་པའི་སངས་རྒྱས་དོན་ཐམས་ཅད་གྲུབ་པའི་ཉིན་མོར་བྱེད་པ་ཆེན་པོ། རིས་སུ་མ་ཆད་པའི་སེམས་ཅན་ཐམས་ཅད་ལ་སྨན་པའི་ཐུགས་རྗེ་ཆེན་པོའི་བཞིན་གྱི་དཀྱིལ་འཁོར་ཕྱོགས་ཐམས་ཅད་ནས་ཡོངས་སུ་རྫོགས་པའི་བདག་ཉིད་ཅན་ཏེ། འདི་
ལྟར་མི་མཇེད་ཀྱི་བདག་པོ་ཚངས་པ་དང་། དྲག་པོ་དང་། སྲེད་མེད་ཀྱི་བུ་དང་། མིག་སྟོང་ལྡན་པ་དང་། ནམ་མཁའ་ལྡིང་དང་། མི་འམ་ཅིའི་རྒྱལ་པོ་དང་། གདེངས་ཅན་དབང་པོ་དང་། ལྷ་མ་ཡིན་གྱི་རྒྱལ་པོ་ལ་སོགས་པ་འཇིག་རྟེན་པའི་གོ་སར་ཆེ་ཞིང་ཆེ་བར་རློམ་
པ་ཐམས་ཅད་ཀྱང་ཡིད་བཞིན་གྱི་ནོར་བུ་རིན་པོ་ཆེ་འོད་ཟེར་སྟོང་གི་དྲ་བས་མངོན་པར་དཀྲིགས་པ། ལྷ་དང་མི་ལས་ཁྱད་པར་འཕགས་པའི་རྒྱན་གྱི་རྣམ་པ་མང་པོས་ཉེ་བར་སྤུད་པའི་རལ་པའི་དོ་ཀེར་གྱི་རྩེ་མོ་དག་གིས་ལན་ཅིག་མིན་པར་ཡང་ནས་ཡང་དུ་བཏུང་པར་བྱས་པ། གང་གི་ཞབས་
སེན་རིན་པོ་ཆེ་པདྨ་རཱ་གའི་ཁ་དོག་གི་དཔལ་ལ་ལན་བརྒྱར་འཁུ་བའི་ལམ་ནས་ཉེ་བར་འཕོས་པའི་རྡུལ་གྱི་ཟེགས་མ་རེ་རེ་ཡང་། ཇི་སྲིད་ལེགས་བྱས་རྒྱ་མཚོའི་ཕ་རོལ་ཏུ་སོན་པར་མ་གྱུར་པ་དེ་སྲིད་དུ་ཐོབ་པར་དཀའ་བ་དེ་ཉིད་ཀྱིས། སྙིགས་མའི་དུས་ཀྱི་སེམས་ཅན་ལས་

213-1-12b

དང་ཉོན་མོངས་པའི་ཀུན་འབྱུང་གི་དབའ་རླབས་ཀྱི་ཤུགས་དྲག་པོ་རྒྱུན་མི་འཆད་པར་གཡོ་བས་རང་དབང་མེད་པར་བསྐྱོད་ཅིང་། བརྣག་པར་དཀའ་བའི་སྡུག་བསྔལ་གྱི་ཟུག་རྔུ་རྣམ་པ་གསུམ་མམ་བརྒྱད་ཀྱི་གདུང་བ་ཤིན་ཏུ་བཟོད་བརླག་མེད་པའི་ཆུ་སྲིན་ཆེན་པོས་ཡོངས་སུ་
གང་བའི་སྲིད་པའི་རྒྱ་མཚོ་ཆེན་པོ་མཐའ་མེད་པ་རྣམས་སུ་བྱིང་བ་དག་ལ་ཉེ་བར་གཟིགས་སོ། །གཟིགས་ནས་ཀྱང་དེ་ལས་ཐར་བར་བྱ་བའི་ཐབས་ཀྱི་སྒོ་མང་པོ་ཕྱོགས་དུ་མ་ནས་དབྱེ་བའི་ཕྱིར། དཔལ་གྱི་མགུར། དུང་གི་ཚེམས་བར་ནས་འཕྲུལ་གྱི་ལྗགས་བརྐྱངས་ཏེ།
ཚངས་པའི་དབྱངས་ཡན་ལག་དྲུག་ཅུའི་གདངས་སུ་བསྒྱུར་ནས་ཆོས་ཀྱི་འཁོར་ལོ་མ་ལུས་པ་བསྐོར་ཏེ་དམ་པའི་ཆོས་ཀྱི་སྣང་བ་ཆེན་པོས་འཇིག་རྟེན་གྱི་ཁམས་ཀུན་དུ་སྣང་བར་བཀྱེ་བས། ཆུ་སྲིན་རྒྱལ་མཚན་ཐོགས་པ་སྡེ་དང་བཅས་པའི་སྟོབས་དང་འབྱོར་བ་མ་ལུས་པ་
སྟོངས་པར་བྱས། སེམས་ཅན་ཐམས་ཅད་ཀྱི་མ་རིག་པའི་ལིང་ཏོག་ནི་བསལ། མ་རྟོགས་པ་དང་ལོག་པར་རྟོགས་པ་དང་ཐེ་ཚོམ་གྱི་དྲ་བ་ནི་དྲལ། བདག་ཏུ་ལྟ་བའི་འཆིང་བ་དམ་པོ་ནི་བཀྲོལ། ལས་དང་ཉོན་མོངས་པའི་ཀུན་འབྱུང་གི་འབབ་ཆུ་དྲག་པོའི་རྒྱུན་ནི་
བཟློག །ང་རྒྱལ་གྱི་བྲག་རི་མཐོན་པོ་ནི་བསྙིལ། འདོད་ཆགས་ཀྱི་མེ་དཔུང་རབ་ཏུ་འབར་བ་ནི་བཅིལ། ཞེ་སྡང་གི་མཚོན་རྣོན་པོ་ནི་བརྟུལ། སྡུག་བསྔལ་རྣམ་པ་གསུམ་གྱི་དབའ་རླབས་ཀྱི་ལྕེ་ཞགས་དྲག་པོ་གནམ་དུ་འཕྱོ་བ་སྲིད་པའི་རྒྱ་མཚོ་ནི་ཟད་པའི་མཐའ་ཅན་དུ་
བྱས། མཐའ་ཡས་པའི་གདུལ་བྱ་སྣ་ཚོགས་པ་དག་རང་རང་གི་མོས་པ་དང་བག་ལ་ཉལ་དང་རྗེས་སུ་མཐུན་པར་ལེགས་པར་གསུངས་པའི་ཆོས་ཀྱི་ཕུང་པོའི་བགོ་སྐལ་ཟད་མི་ཤེས་པར་སྩལ་བའི་སྒོ་ནས། འཇིག་རྟེན་གསུམ་པོ་མཐའ་དག་བླ་ན་མེད་པའི་འབྱོར་བ་ཕུན་
སུམ་ཚོགས་པའི་ཁུར་གྱིས་ཡོངས་སུ་ལྕི་བར་མཛད་དོ། །གཞན་ཡང་སྟོན་པ་ཉིད་ཀྱི་གཉིས་སུ་མེད་པའི་ཡེ་ཤེས་ཀྱི་རྣམ་པར་འཕྲུལ་པའི་རྒྱལ་བའི་མྱུ་གུ་གྲངས་མེད་པ་དག་ཀྱང་བྱོན་ནས་ཁ་གཅིག་གིས་ནི་བཀའ་ལུང་འཐོར་བསྡུད་པ་དང་སླད་འབྱིན་པ་ལ་སོགས་པའི་

213-1-13a

སྒོ་ནས་ཡང་དག་པ་ཉིད་དུ་བསྡུས་སོ། །ལ་ལས་ནི་དགོངས་དོན་ཕྱིན་ཅི་མ་ལོག་པ་ཉིད་དུ་བཀྲལ་ལོ། །ལ་ལས་ནི་གཞན་ལ་རྒྱ་ཆེར་ཡང་དག་པ་ཉིད་དུ་བཤད་དོ། །ལ་ལས་ནི་ཚུལ་བཞིན་དུ་བསྒྲུབས་པ་ལ་སོགས་པའི་ཚུལ་གྱིས་ཆོས་ཤིན་
ཏུ་ངར་ཞིང་རྒྱས་པར་མཛད་པའི་རྣམ་པར་ཐར་པའི་འཕྲིན་ཡིག་དམ་པའི་ཟེགས་མ་ཕྲ་མོ་རེ་ཡང་མིག་གི་དབང་པོའི་ལོངས་སུ་སྤྱད་པར་བྱ་བའི་བགོ་སྐལ་དུ་ཐོབ་བའམ། ཐོས་པ་འཛིན་པའི་སྣོད་ཀྱི་བུ་ག་དག་ཏུ་ལྷུང་བར་གྱུར་པའམ། ཡིད་ཀྱི་རྩིག་ངོས་སྐྱོན་མེད་པ་གང་
དུ་རྗེས་སུ་སེམས་པའི་པིར་གྱི་རྩེ་མོས་འདྲི་བར་བྱེད་པ་གང་དག་གི་རྒྱུད་ལ་དད་པ་གསུམ་གྱི་ཆུ་གཏེར་རབ་ཏུ་འཕེལ་བར་འགྱུར་བའི་ཡོན་ཏན་དང་ཐུགས་རྗེར་ལྡན་པའི་མི་མཆོག་དམ་པ་དེ་དག་གི་བཀའ་དྲིན་རྗེས་སུ་དྲན་ཅིང་བྱས་པ་དྲིན་དུ་གཟོ་བའི་ཕྱིར་དང་། བློ་དང་ལྡན་
པའི་སྐྱེ་བོ་གཞན་དག་ལའང་འདྲི་བ་དང་། འཛིན་པ་དང་། འཆང་བ་དང་། ཀློག་པ་དང་། ལུང་ལེན་པ་དང་། ཁ་ཏོན་དུ་བྱེད་པ་དང་། ཚུལ་བཞིན་དུ་ཡིད་ལ་བྱེད་པ་དང་། གཞན་དག་ལའང་རྒྱ་ཆེར་སྤེལ་བ་ལ་སོགས་པའི་སྒོ་ནས། རྟག་དུ་འབད་པར་བགྱི་
བའི་སྙིང་པོ་ལས་ཀྱང་ཆེས་སྙིང་པོར་གྱུར་པ་ནི་དམ་པའི་ཆོས་ཚུལ་རྣམ་པར་དག་པ་འདི་དག་གོ་ཞེས་རྗེས་སུ་གདམས་ཤིང་ངེས་པར་བྱ་བའི་ཆེད་དུ་ཐམས་ཅད་མཁྱེན་པ་ཆེན་པོ་ཉི་མའི་གཉེན་གྱི་བཀའ་ལུང་སྤྱི་དང་བྱེ་བྲག་གི་དགོངས་དོན་རྣམ་པར་འགྲེལ་བའི་བསྟན་བཅོས་གངས་ཅན་
པའི་སྐད་དུ་འགྱུར་རོ་འཚལ་གྱི་ཆོས་སྦྱིན་རྒྱུན་མི་འཆད་པའི་ངོ་མཚར་འཕྲུལ་གྱི་ཕྱི་མོ་རྫོགས་ལྡན་བསྐལ་པའི་བསོད་ནམས་ཀྱི་སྤྲིན་ཕུང་རྒྱས་པར་དཀྲིགས་པའི་ཚུལ་ལས་བརྩམས་པའི་གཏམ་ངོ་མཚར་ཆུ་གཏེར་འཕེལ་བའི་ཟླ་བ་གསར་པ་ཞེས་བྱ་བ་
འདི་འཆད་པ་ལ། བཀྲ་ཤིས་པའི་གྲངས་ཀྱིས་རྣམ་པར་ངེས་པར་བྱ་བ་སྟེ། དེའང་ཡིད་ཆེས་བསྐྱེད་པའི་ཆེད་དུ་བསྟན་པ་གང་ལས་བྱུང་བ། སྤྲོ་བ་བསྐྱེད་པའི་ཆེད་དུ་བསྟན་སྐྱོང་རྣམས་ཀྱིས་བྱ་བ་བྱས་པ། བཀྲལ་བྱ་ངེས་པའི་ཆེད་དུ་དམ་པའི་ཆོས་ཀྱི་རྣམ་པར་གཞག་

213-1-13b

པ། འགྲེལ་ཚུལ་ངེས་པའི་ཆེད་དུ་བསྟན་བཅོས་ཀུན་གྱི་རྣམ་པར་གཞག་པ། བསྟན་པ་གནས་པའི་ཆེད་དུ་དགོངས་འགྲེལ་པར་དུ་སྒྲུབ་པར་བསྐུལ་བ། བསྐུལ་བ་མི་ལྡོག་ཆེད་དུ་ཇི་ལྟར་པར་དུ་སྒྲུབ་པ། དགོས་དོན་རྟོགས་པར་སླ་ཕྱིར་ཆོས་ཀྱི་བཞུགས་བྱང་སྨོས་པ།
བརྩམས་པ་དོན་ཡོད་ཆེད་དུ་དགེ་བ་བྱང་ཆུབ་ཏུ་བསྔོ་བའོ། །དང་པོ་ཡིད་ཆེས་བསྐྱེད་པའི་ཆེད་དུ་བསྟན་པ་གང་ལས་བྱུང་བ་བརྗོད་པ་ལ་གཉིས་ཏེ། སྟོན་པ་སངས་རྒྱས་ཇི་ལྟར་བྱོན་པ་དང་། ཆོས་ཀྱི་འཁོར་ལོ་ཇི་ལྟར་བསྐོར་བའོ། །དང་པོ་ལ་སྟོན་པ་གང་དུ་བྱོན་པའི་ཞིང་
དང་། དེར་ཇི་ལྟར་བྱོན་པ་དངོས་སོ། །དང་པོ་ལ་ཞིང་སྤྱིར་བཤད་པ་དང་། བྱེ་བྲག་ཏུ་མི་མཇེད་ཀྱི་ཞིང་ངོས་བཟུང་བའོ། །དང་པོ་ལ་ལོངས་སྤྱོད་རྫོགས་པའི་སྐུའི་ཞིང་དང་། སྤྲུལ་པའི་སྐུའི་ཞིང་གཉིས་ལས། དང་པོ་ལོངས་སྤྱོད་རྫོགས་པའི་སྐུའི་ཞིང་ནི་ངེས་པ་
བཞིའམ་ཕུན་སུམ་ཚོགས་པ་བཞི་དང་ལྡན་པ་གང་དུ་ཡོད་པའི་གནས་ཕུན་སུན་ཚོགས་པ་ཞིག་སྟེ། བཞི་ནི་སྟོན་པ་དང་། འཁོར་དང་། དུས་དང་། ཆོས་ཕུན་སུམ་ཚོགས་པའོ། །དེ་ལ་སྟོན་པ་ནི་ཡང་དག་པར་རྫོགས་པའི་སངས་རྒྱས་ལོངས་སྤྱོད་རྫོགས་པའི་སྐུ་
མཚན་བཟང་པོ་སུམ་ཅུ་རྩ་གཉིས་དང་། དཔེ་བྱང་བཟང་པོ་བརྒྱད་ཅུས་སྤྲས་པའི་བདག་ཉིད་ཅན་དུ་གྱུར་པའོ། །འཁོར་ནི་བྱང་ཆུབ་སེམས་དཔའ་ས་བཅུ་པ་ཐོབ་པ་ཡན་ཆད་ཀྱི་ཡུལ་དུ་གྱུར་པ་སྟེ། ས་དང་པོ་ཐོབ་པ་ཡན་ཆད་ཀྱི་ཡུལ་དུ་གྱུར་པ་ལ་འདོད་པ་ནི་སྤྲུལ་པའི་སྐུ་
ཁྱད་པར་ཅན་ལ་ལོངས་སྤྱོད་རྫོགས་པའི་སྐུར་བཏགས་པར་དབུ་མ་པ་ཆོས་ཀྱི་བཤེས་གཉེན་གྱིས་བཤད་པ་ལྟར་ཤེས་པར་བྱའོ། །དུས་ནི་རྒྱུན་མི་འཆད་པར་གནས་པ་སྟེ། རྟག་པ་བརྟན་པ་མཆོག་ཏུ་ཡང་ཞེས་གསུངས་པ་ལྟ་བུའོ། །ཆོས་ནི་ཐེག་པ་ཆེན་པོའི་ཆོས་
ཟབ་པ་དང་རྒྱ་ཆེ་བའི་ལོངས་སྤྱོད་རྒྱུན་མི་འཆད་པར་འབྱུང་བ་སྟེ། དེ་ལ་སངས་རྒྱས་ཀྱི་ཆོས་མི་འགྱུར་བའི་འཁོར་ལོ་ཞེས་བྱའོ། །དེ་དག་ཞིབ་ཏུ་བཤད་པ་ནི་འདིར་སངས་རྒྱས་ཀྱི་ཞིང་གཙོ་བོར་འཆད་པའི་སྐབས་ཡིན་པས་རྒྱས་པར་མ་སྤྲོས་སོ། །དེ་ལྟ་བུའི་ངེས་པ་

213-1-14a

བཞིའམ་ཕུན་སུམ་ཚོགས་པ་བཞི་གང་ལ་ཡོད་པའི་གནས་དེ་ལ་སྟུག་པོ་བཀོད་པའམ་འོག་མིན་ཞེས་བྱ་ཞིང་། དེ་ནི་ལོངས་སྤྱོད་རྫོགས་པའི་སངས་རྒྱས་ཀྱི་ཞིང་ཉིད་དོ། །སངས་རྒྱས་ཀྱི་ཞིང་དེ་ན་བདག་ཅག་གི་སྟོན་པ་འདི་ཉིད་བསྐལ་པ་དཔག་ཏུ་
མེད་པའི་དུས་ནས་མངོན་པར་རྫོགས་པར་སངས་རྒྱས་ཏེ་ལོངས་སྤྱོད་རྫོགས་པའི་སྐུར་བཞེངས་པའི་གནས་ཡིན་ནོ། །དེ་ལྟར་ཡང་སློབ་དཔོན་ངག་གི་དབང་ཕྱུག་གྲགས་པས་འཆི་བདག་བསླུ་བའི་རྟོག་པ་ལས། དཔལ་ལྡན་སྡུག་པོ་བགྲོད་པ་ཉིད་དུ་དོན་དམ་ཐུགས་ཆུད་ཅིང་། 
དགའ་ལྡན་སྐྱེ་བོའི་དོན་མཛད་ཕྱིར་ན་དམ་པ་ཏོག་དཀར་གྱུར། །དེ་ནས་འདིར་ནི་འགྲོ་བའི་དོན་དུ་ཤཱཀྱའི་ཏོག་གྱུར་གང་། །འཆི་བདག་ལས་རྒྱལ་སྒྱུ་མ་ཀུན་སྟོན་དེ་ནི་རྒྱལ་འགྱུར་ཅིག །ཅེས་དང་། ལངྐར་གཤེགས་པ་ལས། གཙང་མའི་རིགས་དག་སྤངས་པ་ཡི། །འོག་
མིན་ཞེས་བྱ་ཉམས་དགའ་བར། །ཡང་དག་སངས་རྒྱས་དེར་སངས་རྒྱས། །སྤྲུལ་པ་རྣམས་ནི་འདིར་འཚང་རྒྱ། །ཞེས་སོ། །དེ་ལ་འོག་མིན་ཞེས་བྱ་བའི་དོན་ནི། དེ་ཉིད་འདུས་པའི་གླེང་གཞིར་བཅོམ་ལྡན་འདས་འོག་མིན་གྱི་ལྷའི་རྒྱལ་པོའི་གནས་ན་བཞུགས་ཏེ་
ཞེས་བྱ་བའི་འགྲེལ་པར། འོག་མིན་གྱི་ལྷ་ཞེས་བྱ་བ་ནི་ཐོག་མའི་ལྷ་སྟེ། བཅོམ་ལྡན་འདས་རྣམ་པར་སྣང་མཛད་ཀྱི་ཐུ་བོ་སྟེ་ས་བཅུའི་བྱང་ཆུབ་སེམས་དཔའོ། །དེའི་གནས་ནི་ཐོག་མར་སངས་རྒྱས་པའི་གནས་སོ་ཞེས་སློབ་དཔོན་ཀུན་དགའ་སྙིང་པོས་བཤད་དོ། །
དེ་ལྟར་བཤད་པའི་འོག་མིན་དེ་ལ་ངོས་འཛིན་ཚུལ་མི་འདྲ་བ་འགའ་རེ་འབྱུང་སྟེ། བཀས་བཅད་བར་པར། འོག་མིན་ནི་གཙང་མའི་གནས་ཀྱི་ལོགས་ཤིག་ན་ཡོད་པར་བཤད་དེ། དེ་བཞིན་དུ་ཁ་ཅིག་གནས་གཙང་མའི་སྟེང་མ་ནི་འོག་མིན་ཞེས་བྱ་བ་ཡིན་ལ། དེ་དག་
སྤངས་པའི་སྟེང་ན་དབང་ཕྱུག་ཆེན་པོའི་གནས་གཞན་འོག་མིན་ཞེས་བྱ་བ་ཡོད་དོ་ཞེས་འོག་མིན་ཕལ་པའི་སྟེང་ན་ཡོད་པར་འདོད་དོ། །སློབ་དཔོན་བསོད་ནམས་རྩེ་མོ་ལ་སོགས་པ་མཁས་པ་ཕལ་ཆེ་བ་དག་ནི། དེ་ལྟར་བཞེད་པ་དེ་ནི་འཇིག་རྟེན་གྱི་ཁམས་ཆུང་ངུ་ཡང་

213-1-14b

ཡིན་ཞིང་ལོངས་སྤྱོད་རྫོགས་པའི་སངས་རྒྱས་ཀྱི་ཞིང་མ་ཡིན་ཏེ། འཇིག་རྟེན་གྱི་ཁམས་དེ་དག་ནི་མི་རྟག་པ་ཡིན་པའི་ཕྱིར་རོ། །སྟུག་པོ་བཀོད་པ་ནི་མི་འཇིག་པ་ཡིན་ཏེ། རྡོ་རྗེ་རྩེ་མོ་ལས། འོག་མིན་སྟུག་པོ་ཉམས་དགའ་འདི། །སྟུག་པོའི་ཞིང་ཁམས་འཇིག་
མེད་པ། །དེ་ན་སངས་རྒྱས་རྣམས་ཀྱི་ཆོས། །རྫོགས་པར་ལོངས་སྤྱོད་ཚུལ་འདི་འབྱུང་། །ཞེས་ཇི་སྐད་བསྟན་པ་ལྟར་ཡིན་ནོ། །དེ་ལའང་སྟུག་པོའི་ཞིང་ཁམས་དེའི་ཁྱད་པར་ཅི་ལྟ་བུ་ཞིག་གོ་སྙམ་ན། སློབ་དཔོན་རྩེ་མོས། སངས་རྒྱས་ཕལ་པོ་ཆེའི་མདོ་དང་། དེ་ཉིད་
འདུས་པ་དང་། དབང་བསྐུར་བའི་རྒྱུད་ལ་སོགས་པའི་རྗེས་སུ་འབྲངས་ནས་ཐེག་པ་ཆེན་པོ་ཐུན་མོང་དང་ཐུན་མོང་མ་ཡིན་པ་སྒོ་བསྟུན་ནས་བཤད་པ་ནི། འདི་ལྟར་འཇིག་རྟེན་གྱི་ཁམས་མི་མཇེད་ལ་སོགས་པ་བསམ་གྱིས་མི་ཁྱབ་པ་ནང་དུ་ཆུད་པ་ནི་གཞི་དང་སྙིང་པོ་མེ་ཏོག་
གི་རྒྱན་གྱིས་བརྒྱན་པ་ཞེས་བྱ་བ་ཡིན་ནོ། །དེ་ལྟ་བུ་བསམ་གྱིས་མི་ཁྱབ་པ་ནང་དུ་ཆུད་པ་ནི་འཇིག་རྟེན་གྱི་ཁམས་རྒྱ་མཚོ་ཞེས་བྱ་བ་ཡིན་ནོ། །འཇིག་རྟེན་གྱི་ཁམས་རྒྱ་མཚོ་ནི་དེ་བཞིན་གཤེགས་པ་རྣམ་པར་སྣང་མཛད་ཡེ་ཤེས་གང་ཆེན་མཚོའི་ཕྱག་གི་མཐིལ་གྱི་
སྙིང་པོ་ལ་གནས་སོ། །བཅོམ་ལྡན་འདས་དེ་བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་ཀྱི་འཁོར་དང་བཅས་པ་གང་ན་བཞུགས་པའི་གནས་དེ་ནི་སྟུག་པོ་བཀོད་པའི་ཞིང་ཁམས་ཞེས་བྱ་བ་ཡང་དག་པར་རྫོགས་པའི་སངས་རྒྱས་ལོངས་སྤྱོད་རྫོགས་པའི་སྐུའི་
གནས་ཡིན་ནི་ཞེས་བཞེད་པ་ལྟར་རོ། །དེའང་བསམ་གྱིས་མི་ཁྱབ་པ་ཞེས་འབྱུང་བའི་དོན་དེ་ཉིད་འཇིག་རྟེན་གྱི་ཁམས་བགྲང་བའི་གྲངས་ཀྱིས་ངེས་པར་བྱ་བའི་ཕྱིར་ཅུང་ཟད་བཤད་ན། མངོན་པ་མཛོད་ལས། གླིང་བཞི་པ་དང་ཉི་ཟླ་དང་། །རི་རབ་དང་ནི་འདོད་ལྷ་
དང་། །ཚངས་པའི་འཇིག་རྟེན་སྟོང་ལ་ནི། །སྟོང་ནི་སྤྱི་ཕུད་ཡིན་པར་འདོད། །དེ་སྟོང་ལ་ནི་སྟོང་གཉིས་པ། །བར་མའི་འཇིག་རྟེན་ཁམས་ཡིན་ནོ། །དེ་སྟོང་ལ་ནི་སྟོང་གསུམ་མོ། །མཉམ་དུ་འཇིག་ཅིང་འབྱུང་བ་ཡིན། །ཞེས་པ་ལྟར་རླུང་གི་དཀྱིལ་འཁོར་ནས་ཚངས་

213-1-15a

པའི་འཇིག་རྟེན་གྱི་བསམ་གཏན་དང་པོའི་བར་དང་། ཕྱི་རོལ་ཁོར་ཡུག་གི་ལྕགས་རིའི་མུ་ཁྱུད་ཀྱིས་ཡོངས་སུ་བསྐོར་བ་དང་བཅས་པ་ལ་ནི་གླིང་བཞི་པའི་འཇིག་རྟེན་གྱི་ཁམས་ཞེས་བྱའོ། །དེ་ཉིད་གཅིག་ནས་བགྲངས་པའི་སྟོང་དུ་ལངས་པ་གང་
ཡིན་པ་དེ་ལ་ནི་སྟོང་ཆུང་ངུའི་འཇིག་རྟེན་གྱི་ཁམས་ཞེས་བྱ་སྟེ་མུ་ཁྱུད་གཅིག་གིས་ཡོངས་སུ་བསྐོར་བའོ། །སྟོང་ཆུང་ངུའི་འཇིག་རྟེན་གྱི་ཁམས་གཅིག་ནས་བགྲངས་པའི་སྟོང་དུ་ལངས་པ་གང་ཡིན་པ་དེ་ལ་ནི་སྟོང་གཉིས་པ་བར་མའི་འཇིག་རྟེན་གྱི་ཁམས་ཞེས་བྱ་སྟེ།
མུ་ཁྱུད་གཅིག་གིས་ཡོངས་སུ་བསྐོར་བའོ། །དེ་ཡང་གཅིག་ནས་བགྲངས་པའི་སྟོང་དུ་ལངས་པ་གང་ཡིན་པ་དེ་ལ་ནི་སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་ཞེས་བྱ་སྟེ་མུ་ཁྱུད་གཅིག་གིས་ཡོངས་སུ་བསྐོར་བའོ། །དེ་ལྟ་བུའི་སྟོང་གསུམ་གྱི་སྟོང་ཆེན་པོའི་
འཇིག་རྟེན་གྱི་ཁམས་བྱེ་བ་ཕྲག་བརྒྱ་ལ་ནི་རབ་འབྱམས་ཀྱི་མཚམས་སྦྱོར་བ་གཅིག་གོ། །དེ་བྱེ་བ་ཕྲག་བརྒྱ་ལ་ནི་རབ་འབྱམས་ཀྱི་རྒྱུད་གཅིག་གོ། །དེ་བྱ་བ་ཕྲག་བརྒྱ་ལ་ནི་རབ་འབྱམས་ཀྱི་རྒྱུད་བར་མ་གཅིག་གོ། །དེ་བྱེ་བ་ཕྲག་བརྒྱ་ལ་ནི་མེ་ཏོག་གི་གཞིའི་སྙིང་པོའི་
རྒྱན་བཀོད་པ་གཅིག་གོ། །འདི་ནི་བཅོམ་ལྡན་འདས་རྣམ་པར་སྣང་མཛད་དེའི་རྣམ་པར་སྨིན་པའི་སངས་རྒྱས་ཀྱི་ཞིང་ངོ་། །དེའང་སངས་རྒྱས་བཅོམ་ལྡན་འདས་རྣམ་པར་སྣང་མཛད་གང་ཆེན་མཚོའི་ཕྱག་གི་རྡུལ་ཕྲ་རབ་གཅིག་ལ་གནས་ཤིང་། དེ་ལྟ་བུའི་རྣམ་
པར་སྣང་མཛད་དེ་ནི་ལོངས་སྤྱོད་རྫོགས་པའི་སྐུའི་བདག་ཉིད་ཅན་ནོ། །ཚུལ་འདི་དག་ནི་དབུ་མ་པ་ཆོས་ཀྱི་བཤེས་གཉེན་ལ་སོགས་པ་ཡོངས་སུ་གྲགས་པའི་མཁས་པ་རྣམས་ཀྱི་བཞེད་པ་མཐུན་པར་འབྱུང་ངོ་། །དེ་ལྟ་བུའི་སངས་རྒྱས་ཀྱི་ཞིང་དེ་ནི་བཅོམ་ལྡན་འདས་
རྣམ་པར་སྣང་མཛད་ཀྱིས་སྔོན་གྱི་དུས་སུ་བྱང་ཆུབ་སེམས་དཔའི་སྤྱད་པ་སྤྱོད་པའི་ཚེ། བསྐལ་བསམ་གྱིས་མི་ཁྱབ་ཅིང་བརྗོད་དུ་མེད་པ་རྣམས་སུ། འཇིག་རྟེན་གྱི་ཁམས་བསམ་གྱིས་མི་ཁྱབ་ཅིང་བརྗོད་དུ་མེད་པ་ཡོངས་སུ་དག་པར་བྱས་ཏེ། བསྐལ་པ་རེ་རེ་ལའང་

213-1-15b

དེ་བཞིན་གཤེགས་པ་བསམ་གྱིས་མི་ཁྱབ་ཅིང་བརྗོད་དུ་མེད་པའི་དྲུང་དུ། བྱང་ཆུབ་ཀྱི་སྤྱོད་པ་སྤྱད་པའི་སྨོན་ལམ་གྱིས་མི་ཁྱབ་པ་ཡོངས་སུ་སྦྱངས་པའི་སྟོབས་ལས་བྱུང་བ་སྟེ། སངས་རྒྱས་ཕལ་ཆེར་བྱང་ཆུབ་སེམས་དཔའ་ཀུན་དུ་བཟང་པོས། གཞི་རྒྱུན་
མེ་ཏོག་འཇིག་རྟེན་ཁམས་ཀྱི་རྒྱ་མཚོ་དེ། །རིན་ཆེན་ཀུན་གྱི་སྙིང་པོ་ཁ་དོག་སྣ་ཚོགས་ཏེ། །རྡུལ་རྣམས་ཀུན་དང་མཉམ་པའི་སྔན་ཅད་སངས་རྒྱས་ཀྱི། །དྲུང་དུ་སྔོན་ཚེ་རྒྱ་མཚོར་སྦྱངས་པ་དྲི་མེད་པས། །རྒྱ་ཆེན་སྙིང་རྗེའི་སྤྲིན་གྱིས་ཁམས་རྣམས་ཀུན་བཀང་ཞིང་། །
ཞིང་གི་རྡུལ་དང་མཉམ་པའི་ལུས་ཀྱང་ཀུན་བཏང་ནས། །སྔོན་གྱི་བསྐལ་པ་རྒྱ་མཚོར་སྤྱོད་པ་སྤྱད་པས་ན། །འཇིག་རྟེན་རྒྱ་མཚོའི་ཁམས་དེ་ཡངས་ཤིང་རྣམ་པར་དག །སངས་རྒྱས་རྣམ་པར་སྣང་བས་སྨོན་ལམ་ཆེ་མཛད་དེ། །འོད་སྣང་བཏང་བ་ནམ་མཁའི་
དཀྱིལ་ན་གནས་པ་ནི། །རླུང་གི་ཕུང་པོས་བཏབ་ཀྱང་མི་བསྐྱོད་མི་གཡོ་སྟེ། །ནོར་བུ་ཀུན་རྒྱན་སངས་རྒྱས་གཟུགས་བརྙན་སྙིང་པོའོ། །ཞེས་བྱ་བ་ལ་སོགས་པ་མང་དུ་འབྱུང་ངོ་། །དེ་ལྟ་བུའི་རྣམ་པར་སྣང་མཛད་གང་ཆེན་མཚོ་འཁོར་གྱི་བྱང་ཆུབ་སེམས་དཔའི་ཚོགས་ 
དང་བཅས་པ་བཞུགས་པའི་ཞིང་ཁམས་ཀྱི་ཡོན་ཏན་དང་ཚད་གཟུང་དུ་མེད་པ་ནི་འཕགས་པ་ཁོ་ནའི་ཡུལ་ལས་གཞན་དུ་མ་གྱུར་པ་སྟེ། ནམ་མཁའི་ཐམས་ཅད་ཆོས་ཀྱི་སྐུའི་ཞིང་ཡིན་ཞིང་། དེ་ཐམས་ཅད་ཀྱང་སངས་རྒྱས་ཀྱི་ཞིང་རྒྱ་མཚོ་དང་སངས་རྒྱས་ཀྱི་གཟུགས་
ཀྱི་སྐུ་རྒྱ་མཚོས་རྒྱས་པར་གཏམས་པའི་ཕྱིར་རོ། །གཉིས་པ་སྤྲུལ་པའི་སྐུའི་ཞིང་ནི་དེ་ལྟ་བུའི་དེ་བཞིན་གཤེགས་པ་རྣམ་པར་སྣང་མཛད་དེའི་ཞིང་ཁམས་ཀྱི་ནང་གི་དུམ་བུ་ཐམས་ཅད་དང་། དེ་བཞིན་གཤེགས་པ་དེའི་སྐུའི་བ་སྤུའི་ཁུང་བུ་རེ་རེ་ནའང་སྤྲུལ་པའི་སྐུའི་
སངས་རྒྱས་ཀྱི་ཞིང་བྱེ་བ་ཕྲག་མང་པོ་ཡོད་ཅིང་། དེ་དག་ཀྱང་གནས་པ་ཐ་དད་པ་ནི་འཇིག་རྟེན་ཀྱི་ཁམས་རྒྱ་མཚོ་འབྱམས་སུ་ཀླས་པ། ལ་ལ་ནི་ནམ་མཁའ་དབྱིངས་ཀྱི་གནས་ལ་གནས་པ་དང་། ལ་ལ་ནི་རིན་པོ་ཆེའི་འོད་ཀྱི་རྒྱ་མཚོ་ལ་གནས་པ་དང་། ལ་ལ་ནི་སངས་

213-1-16a

རྒྱལ་ཐམས་ཅད་ཀྱི་འོད་ཀྱི་དཀྱིལ་འཁོར་རྒྱ་མཚོ་ལ་གནས་པ་ལ་སོགས་པ་གནས་པ་རྣམ་པ་སྣ་ཚོགས་པ་དག་ཡོད་དེ། སངས་རྒྱས་ཕལ་པོ་ཆེར་བྱང་ཆུབ་སེམས་དཔའ་ཀུན་ཏུ་བཟང་པོས། ཞིང་རྣམས་རྒྱ་མཚོ་ལ་ལ་དྲི་མེད་འོད་ཅན་ནམ་མཁའི་
དབྱིངས་ལ་གནས། །སྣང་བའི་སྙིང་པོ་འོད་ཅན་ནོར་བུའི་རྒྱ་མཚོ་དག་ལ་ལེགས་པར་གནས། །ཞེས་བྱ་བ་ལ་ལོགས་པས་བསྟན་ཏོ། །དེ་བཞིན་དུ་དབྱིབས་ཀྱི་རྣམ་པའང་སྣ་ཚོགས་པ་དག་ཏུ་ཡོད་དེ། ཇི་སྐད་དུ། དབྱིབས་ཀྱིས་རྣམ་པར་ཕྱེ་བ་སྣ་ཚོགས་ཏེ། །ཕྱོགས་
རྣམས་ཀུན་ནས་ཞིང་རྣམས་རྒྱ་མཚོ་སྣང་། །ལ་ལ་ཟླུམ་པོ་ལ་ལ་ཟུར་གསུམ་སྟེ། །དེ་དག་ལ་ལ་ཕྱོགས་ནང་གྲུ་བཞིར་གནས། །ཞེས་བྱ་བ་ལ་སོགས་པས་བསྟན་ཏོ། །དེ་བཞིན་དུ་འཇིག་རྟེན་གྱི་ཁམས་ཀྱི་ལྷུན་དག་ཀྱང་གཞན་དང་གཞན་དུ་ཡོད་དེ། ཇི་སྐད་དུ། ཞིང་
གི་རྒྱ་མཚོ་རྣམས་ལ་ནི། །རིན་ཆེན་རང་བཞིན་ཀུན་ནས་གནས། །རྡོ་རྗེ་བཞིན་དུ་མི་ཤིགས་སྲ། །རིན་ཆེན་པདྨོ་རྣམས་ལ་གནས། །ལ་ལ་འོད་ཟེར་རང་བཞིན་ཏེ། །དག་ཅིང་གཟུང་མེད་འོད་ཟེར་འབྱུང་། །ཞེས་བྱ་བ་ལ་སོགས་པས་བསྟན་པ་དང་། །གཞན་ཡང་
བྱང་ཆུབ་སེམས་དཔའ་རྣམས་ཀྱི་མོས་པ་དང་། ལས་དང་། སྨོན་ལམ་རྣམ་པ་སྣ་ཚོགས་པའི་སྟོབས་ཀྱིས་རྒྱན་ཡང་དེ་བཞིན་དུ་ཤེས་པར་བྱ་སྟེ། ཇི་སྐད་དུ། ཞིང་རྣམས་རྒྱ་མཚོ་རྒྱ་ཆེ་མཐའ་ཡས་ཏེ། །རྣམ་དག་ལས་ཀྱིས་རྣམ་པ་སྣ་ཚོགས་གནས། །ཕྱོགས་
བཞི་ཞིང་རྣམས་རྒྱ་མཚོ་རྣམས་ཀུན་ཀྱང་། །སྣ་ཚོགས་རྒྱན་ཅན་ཡངས་པར་ཀུན་ནས་གནས། །ཁ་དོག་སྣ་ཚོགས་ཡངས་པའི་ཞིང་གི་རྣམས། །རྒྱ་མཚོ་རྟག་པར་ཕྱོགས་རྣམས་ཀུན་དུ་འབྱུང་། །རྒྱན་དང་རིན་ཆེན་འོད་འཕྲོ་སྣ་ཚོགས་སྤྲིན། །སྒྲ་འབྱིན་ཞིང་
གི་དབྱིངས་རྣམས་ཁེབས་པར་བྱེད། །ཅེས་བྱ་བ་སོགས་པས་བསྟན་ཏོ། །འཇིག་རྟེན་གྱི་ཁམས་རྒྱ་མཚོ་འབྱམས་སུ་ཀླས་པ་དེ་དག་དུ་སངས་རྒྱས་འབྱུང་བའི་ཚུལ་ཡང་སེམས་ཅན་གྱི་མོས་པའི་བྱེ་བྲག་ལྟར་རམ་བསམ་གྱིས་མི་ཁྱབ་པ་ཉིད་དེ། ལ་ལ་ནི་ཆོས་ཀྱི་

213-1-16b

དབྱིངས་ཐམས་ཅན་གཟུགས་ཀྱི་སྐུས་གང་བར་སྟོན་པ་དང་། ལ་ལ་ནི་སྐུ་ཚེ་རིང་པོར་སྟོན་པ་དང་། ལ་ལ་ནི་ཐུང་ངུར་སྟོན་པ་དང་། ལ་ལས་ནི་ཞིང་མང་པོ་སྦྱངས་པ་དང་། ལ་ལས་ནི་ཞིང་ཉུང་ངུ་སྦྱངས་པ་དང་། ལ་ལས་ནི་ཐེག་པ་ཡང་མང་པོར་སྟོན་པ་དང་། ལ་ལས་ནི་ཐེག་
པ་གཅིག་ཏུ་སྟོན་པ་དང་། ལ་ལས་ནི་སེམས་ཅན་ཧ་ཅང་མི་མང་བ་འདུལ་བ་དང་། ལ་ལས་ནི་སྐད་ཅིག་གཅིག་ལའང་མཐའ་ཡས་པ་འདུལ་བར་སྟོན་པ་ལ་སོགས་པ་འཇིག་རྟེན་གྱི་ཁམས་རྒྱ་མཚོའི་རྡུལ་ཕྲ་བ་སྙེད་དུ་ཤེས་པར་བྱ་དགོས་ཀྱི་བྱིས་པ་སོ་སོ་སྐྱེ་བོའི་བློ་ལས་རིང་དུ་འདས་
པའི་ཕྱིར་མཐའ་གཅིག་དུ་ཞེན་པར་འགྱིར་མི་བཏུབ་པ་ཉིད་དེ། ཇི་སྐད་དུ་། སངས་རྒྱས་ཆོས་སྐུ་བསམ་གྱིས་མི་ཁྱབ་སྟེ། །མིག་ཡོར་མ་ཡིན་མཚན་ཉིད་མེད་པའི་གཟུགས། །གཟུགས་ཀྱི་ཁྱད་པར་འགྲོ་བ་འདི་དག་ཏུ། །སེམས་ཅན་བསམ་པའི་ཕྱོགས་བཞིན་སྟོན་
ལ་ལྟོས། །སྐུ་ཚེ་ཐུང་བར་ལ་ལ་རྣམ་པར་སྟོན། །ལ་ལ་བསྐལ་པ་བསམ་ཡས་བྱིན་གྱིས་རློབ། །ཆོས་ཀྱི་སྐུ་ནི་ཕྱོགས་རྣམས་ཀུན་གྱི་སྒོ། །རབ་ཏུ་མཛེས་པར་འགྲོ་བ་འདི་ན་བཞུགས། །ལ་ལས་ཞིང་རྣམས་རྒྱ་མཚོ་བསམ་ཡས་དག །སྦྱངས་ཤིང་འབྱམས་
ཀླས་ཕྱོགས་བཅུ་ཀུན་ན་ཡང་། །ལ་ལས་ཞིང་གཅིག་རྣམ་པར་སྦྱང་བ་མཛད། །སྨོན་ལམ་མ་ལུས་ཀུན་ཀྱང་ཚུལ་གཅིག་གོ། །ཞེས་བྱ་བ་ལ་སོགས་པ་རྒྱ་ཆེར་འབྱུང་ངོ་། །དོན་དེ་དག་ལ་དགོངས་ནས་སློབ་དཔོན་ཆེན་པོ་བསོད་ནམས་རྩེ་མོས། བློ་གྲོས་ཀྱི་རིམ་
པས་ཁ་ཅིག་ལ་ནི་ཛམྦུ་གླིང་དུ་སངས་རྒྱས་པར་སྣང་ངོ་། །ཁ་ཅིག་ལ་ནི་གནས་གཙང་མའི་འོག་ཏུ་སངས་རྒྱས་ནས་མཛད་པ་དག་མཛད་དོ། །བཅོམ་ལྡན་འདས་བྱང་ཆུབ་སེམས་དཔའ་ཁ་ཅིག་ལ་ནི་སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་གླིང་བཞི་
བྱེ་བ་ཕྲག་བརྒྱར་སངས་རྒྱས་པར་མངོན་ནོ། །ཁ་ཅིག་ལ་ནི་གཞི་དང་སྙིང་པོ་མེ་ཏོག་གི་རྒྱན་གྱིས་བརྒྱན་པའི་འཇིག་རྟན་གྱི་ཁམས་མཐའ་དག་པ་ཡང་སངས་རྒྱས་ཀྱི་ཞིང་གཅིག་ཏུ་སྟོན་པར་མཛད་ཅེས་གསུངས་སོ། །དེ་དག་ཀྱང་དོན་དམ་པར་ན་འཕགས་པ་

213-1-17a

རྣམས་ཀྱི་ཡུལ་དུ་སངས་རྒྱས་རྣམས་ནི་གཅིག་ཀྱང་མ་ཡིན་ལ་མང་པོ་ཡང་མ་ཡིན་པ་དང་། གཅིག་དང་ཐ་དད་པ་གང་དུ་ཡང་མ་གྲུབ་པ་ཉིད་དེ། རྒྱན་ལས། ཟག་མེད་དབྱིངས་ན་སངས་རྒྱས་རྣམས། །མཁའ་ལྟར་ལུས་ནི་མེད་ཕྱིར་
དང་། །སྔོན་གྱི་ལུས་རྗེས་འབྲངས་པའི་ཕྱིར། །གཅིག་མིན་མང་པོ་ཉིད་མ་ཡིན། །ཞེས་དང་། ཐ་དད་རིགས་དོན་མེད་ཕྱིར་དང་། །རྫོགས་དང་ཐ་མ་མེད་པའི་ཕྱིར། །སངས་རྒྱས་གཅིག་མིན་དྲི་མེད་གནས། །ཐ་དད་མིན་ཕྱིར་མང་པོའང་མིན། །
ཞེས་སོ། །གཉིས་པ་བྱེ་བྲག་ཏུ་མི་མཇེད་ཀྱི་ཞིང་ངོས་བཟུང་བ་ལ། དངོས་དང་། ཛམྦུའི་གླིང་བཀར་ཏེ་བཤད་པའོ། །དང་པ་ལ་མི་མཇེད་ཀྱི་ཞིང་འདི་གང་དུ་གནས་པ་ངོས་བཟུང་བ་ནི། ཇི་སྐད་བཤད་པའི་རྣམ་པར་སྣང་མཛད་གང་ཆེན་མཚོའི་ཕྱག་གི་མཐིལ་གྱི་
རྡུལ་ཕྲ་རབ་ལ་གནས་པའི་གཞི་དང་སྙིང་པོ་མེ་ཏོག་གི་རྒྱན་གྱིས་བརྒྱན་པའི་ཞིང་དེའི་ཁོར་ཡུག་ཆེན་པོའི་ནང་ན་སྤོས་ཆུའི་རྒྱ་མཚོ་སངས་རྒྱས་ཀྱི་ཞིང་བརྗོད་དུ་མེད་པ་རྒྱ་མཚོའི་རྡུལ་སྙེད་ཀྱི་དབུས་སུ། སྤོས་ཆུའི་རྒྱ་མཚོ་དབུས་མའི་ཟེ་བ་ཡིད་དུ་འོང་ཞིང་འོད་མཐའ་
ཡས་པ་གནས་པོའི་ནོར་བུའི་རྒྱལ་པོ་པདྨོ་ཆེན་པོ་བཞིའི་གཞི་ལ་བརྟེན་པའི་འཇིག་རྟེན་ཀྱི་ཁམས་ཀྱི་རྒྱུད་ཉི་ཤུ་བརྩེགས་མ་ཉིད་དུ་ཡོད་དོ། །དེ་དག་ཀྱང་ཕྲེང་བ་བསྡུས་པ་ལྟ་བུར་གཅིག་ནས་གཅིག་ཏུ་བརྒྱུད་མར་མ་ཡིན་པར་བར་སྐབས་རྣམས་སུའང་འཇིག་རྟེན་
གྱི་ཁམས་བགྲང་བ་ལས་འདས་པ་དག་གིས་བར་ཆད་པར་བྱས་པ་དང་བཅས་ཏེ་གནས་སོ། །དེ་དག་ལས་ཐམས་ཅད་ཀྱི་འོག་མ་ནི། དཔལ་འབྱུང་བའི་འོད་ཟེར་རྣམ་པར་སྣང་བ་ཞེས་བྱ་བ་ན། དེ་བཞིན་གཤེགས་པ་ཚུལ་རྣམ་པར་དག་ཅིང་དྲི་མ་མེད་པའི་
མར་མེ་ཞེས་བྱ་བ་བཞུགས་སོ། །དེའི་སྟེང་འཇིག་རྟེན་གྱི་ཁམས་སྤོས་སྣ་ཚོགས་ཀྱི་པདྨོ་དཔལ་གྱི་རྒྱན་ཞེས་བྱ་བ་ན་དེ་བཞིན་གཤེགས་པ་སེང་གེའི་འོད་ཟེར་མཆོག་གི་འོད་ཅེས་བྱ་བ་བཞུགས་སོ། །དེའི་སྟེང་འཇིག་རྟེན་གྱི་ཁམས་རིན་པོ་ཆེ་ཐམས་ཅད་ཀྱི་རྒྱན་

213-1-17b

ཀུན་ཏུ་སྣང་བ་ཞེས་བྱ་བ་ན་དེ་བཞིན་གཤེགས་པ་འོད་དྲི་མ་མེད་པའི་ཡེ་ཤེས་ཀྱི་དཔལ་ཞེས་བྱ་བ་བཞུགས་སོ། །དེའི་སྟེང་འཇིག་རྟེན་གྱི་ཁམས་འོད་ཟེར་སྣ་ཚོགས་ཡིད་དུ་འོང་བ་ཞེས་བྱ་བ་ན་དེ་བཞིན་གཤེགས་པ་རྡོ་རྗེའི་འོད་ཟེར་སྟོབས་དང་བརྩོན་འགྲུས་
མཐའ་ཡས་པ་ཡང་དག་པར་འབྱུང་བ་ཞེས་བྱ་བ་བཞུགས་སོ། །དེའི་སྟེང་འཇིག་རྟེན་གྱི་ཁམས་འོད་ཤིན་ཏུ་བཀྱེ་བའི་མེ་ཏོག་སིལ་མའི་འཁོར་ལོ་ཞེས་བྱ་བ་ན་དེ་བཞིན་གཤེགས་པ་སྤོས་ཀྱི་འོད་ཟེར་དགའ་བའི་སྟོབས་རྒྱ་མཚོ་ཞེས་བྱ་བ་བཞུགས་སོ། །དེའི་སྟེང་
འཇིག་རྟེན་གྱི་ཁམས་དགེ་བ་སྣ་ཚོགས་ཀྱི་རྣམ་པ་ཞེས་བྱ་བ་ན་དེ་བཞིན་གཤེགས་པ་ཀུན་དུ་སྣང་བའི་འོད་ཀྱི་དབང་པོའི་དཔལ་ཞེས་བྱ་བ་བཞུགས་སོ། །དེའི་སྟེང་འཇིག་རྟེན་གྱི་ཁམས་རྒྱན་གྱི་འོད་ཟེར་མེ་ཏོག་ཤིན་ཏུ་རྒྱས་པའི་དཀྱིལ་འཁོར་ཞེས་བྱ་བ་ན་དེ་བཞིན་གཤེགས་
པ་དགའ་བ་རྒྱ་མཚོའི་ཤུགས་དང་། ཡོན་ཏན་གྲགས་པའི་དབང་ཕྱུག་འོད་ཟེར་ཞེས་བྱ་བ་བཞུགས་སོ། །དེའི་སྟེང་འཇིག་རྟེན་གྱི་ཁམས་ཡང་དག་པར་འབྱུང་བའི་གཟི་བརྗིད་ཅེས་བྱ་བ་ན་དེ་བཞིན་གཤེགས་པ་གྲགས་པ་ཆེན་པོའི་ཡེ་ཤེས་རྒྱ་མཚོའི་རྒྱལ་མཚན་
ཞེས་བྱ་བ་བཞུགས་སོ། །དེའི་སྟེང་འཇིག་རྟེན་གྱི་ཁམས་སྒྲ་དབྱངས་རབ་ཏུ་སྒྲོག་པ་ཞེས་བྱ་བ་ན་དེ་བཞིན་གཤེགས་པ་མཚན་གྱི་གཟི་བརྗིད་ཐུབ་པ་མེད་པའི་ཟླ་བ་ཞེས་བྱ་བ་བཞུགས་སོ། །དེའི་སྟེང་འཇིག་རྟེན་གྱི་ཁམས་རྡོ་རྗེའི་རྒྱལ་མཚན་ཞེས་བྱ་བ་ན་དེ་
བཞིན་གཤེགས་པ་ཆོས་རྒྱ་མཚོ་ཐམས་ཅད་ཀྱིས་ཤིན་ཏུ་འཕགས་པའི་རྒྱལ་པོ་ཞེས་བྱ་བ་བཞུགས་སོ། །དེའི་སྟེང་འཇིག་རྟེན་གྱི་ཁམས་མདོག་རྣམ་པར་སྣང་བ་ཞེས་བྱ་བ་ན་དེ་བཞིན་གཤེགས་པ་རྒྱལ་བའི་ཡོན་ཏན་ཆོས་ཉིད་ཚད་མེད་པ་ཞེས་བྱ་བ་བཞུགས་
སོ། །དེའི་སྟེང་འཇིག་རྟེན་གྱི་ཁམས་སྣང་བའི་མདོག་ཅེས་བྱ་བ་ན་དེ་བཞིན་གཤེགས་པ་ཚངས་པའི་དབང་པོའི་དཔལ་ཞེས་བྱ་བ་བཞུགས་སོ། །དེའི་སྟེང་འཇིག་རྟེན་གྱི་ཁམས་མི་མཇེད་ཅེས་བྱ་བ་ན་བཅོམ་ལྡན་འདས་དེ་བཞིན་གཤེགས་པ་རྣམ་པར་སྣང་མཛད་

213-1-18a

ཅེས་བྱ་བ་འདི་བཞུགས་སོ། །སངས་རྒྱས་ཀྱི་ཞིང་འདིའི་སྟེང་འཇིག་རྟེན་གྱི་ཁམས་མཉམ་ལ་རྡུལ་མེད་པའི་འོད་ཅེས་བྱ་བ་ན་དེ་བཞིན་གཤེགས་པ་ཆོས་ཀྱི་དབྱིངས་ཤིན་ཏུ་འཕགས་པའི་དཔལ་ཞེས་བྱ་བ་བཞུགས་སོ། །དེའི་སྟེང་འཇིག་རྟེན་གྱི་ཁམས་
འོད་སྣ་ཚོགས་ཡིད་དུ་འོང་བའི་མར་མེ་ཞེས་བྱ་བ་ན་དེ་བཞིན་གཤེགས་པ་སྟོབས་ལ་ཐུབ་པ་མེད་པས་ཀུན་དུ་སྣང་བའི་དཔལ་ཞེས་བྱ་བ་བཞུགས་སོ། །དེའི་སྟེང་འཇིག་རྟེན་གྱི་ཁམས་འོད་འཕྲོ་སྣང་བ་དྲི་མ་མེད་པ་ཞེས་བྱ་བ་ན་དེ་བཞིན་གཤེགས་པ་ཡོན་ཏན་གྱི་ཉི་མ་དྲི་མ་
མེད་པའི་སྤྱན་ཞེས་བྱ་བ་བཞུགས་སོ། །དེའི་སྟེང་འཇིག་རྟེན་གྱི་ཁམས་རིན་པོ་ཆེའི་འབྱུང་གནས་ཀྱིས་རབ་ཏུ་བརྒྱན་པའི་སྙིང་པོ་ཞེས་བྱ་བ་ན་དེ་བཞིན་གཤེགས་པ་ཆགས་པ་མེད་པའི་ཡེ་ཤེས་ཕྱོགས་ཀུན་ཏུ་རྣམ་པར་སྣང་བའི་འོད་ཅེས་བྱ་བ་བཞུགས་སོ། །དེའི་སྟེང་
འཇིག་རྟེན་གྱི་ཁམས་རྡུལ་དང་བྲལ་བ་ཞེས་བྱ་བ་ན་དེ་བཞིན་གཤེགས་པ་དཔལ་ཚད་མེད་པའི་ཚུལ་དཔལ་གྱི་རྒྱལ་མཚན་ཞེས་བྱ་བ་བཞུགས་སོ། །དེའི་སྟེང་འཇིག་རྟེན་གྱི་ཁམས་ཕྱོགས་ཡོངས་སུ་དག་ཅིང་སྣང་བ་ན་ཞེས་བྱ་བ་དེ་བཞིན་གཤེགས་པ་ཆོས་ཀྱི་དབྱིངས་དང་
ནམ་མཁའ་ཀུན་དུ་སྣང་བའི་འོད་ཅེས་བྱ་བ་བཞུགས་སོ། །དེའི་སྟེང་འཇིག་རྟེན་གྱི་ཁམས་རིན་པོ་ཆེའི་འོད་འཕྲོ་འཁྱིལ་པའི་དཔལ་ཡང་དག་པར་འབྱུང་བ་ཞེས་བྱ་བ་ན་དེ་བཞིན་གཤེགས་པ་མཚན་བསོད་ནམས་ཀྱི་སྤྲིན་གྱིས་ཤིན་ཏུ་འཕགས་པའི་གཟི་བརྗིད་ཅེས་བྱ་བ་
བཞུགས་ཏེ་ཆོས་སྟོན་པའི་ཞིང་དུ་བསྟན་པའི་བར་གྱིས་རྒྱས་པར་བསྟན་ཏོ། །དེ་ལས་བཅུ་གསུམ་པ་མི་མཇེད་ཅེས་བྱ་བ་ནི་སྟོང་གསུམ་གྱི་འཇིག་རྟེན་གྱི་ཁམས་འདི་ཉིད་ཡིན་ཏེ། འདི་ནི་སངས་རྒྱས་ཀྱི་ཞིང་བཅུ་གསུམ་གྱི་རྡུལ་ཤིན་ཏུ་ཕྲ་བ་སྙེད་ཀྱིས་བསྐོར་བ།
རྡོ་རྗེའི་གཞིའི་ས་མཚམས་དང་ལྡན་པ། རླུང་གི་དཀྱིལ་འཁོར་ཁ་དོག་སྣ་ཚོགས་པ་ཅན་གྱིས་བཟུང་བ། པདྨོའི་དྲ་བ་ལ་རབ་ཏུ་གནས་སོ། །མི་མཇེད་ཀྱི་ཞིང་དེ་ནའང་སྟོན་པ་བཅོམ་ལྡན་འདས་རྣམ་པར་སྣང་མཛད་འདི་བཞུགས་སོ་ཞེས་མདོ་ལས་འབྱུར་སྟེ། དེའང་

213-1-18b

སློབ་དཔོན་བསོད་ནམས་རྩེ་མོས། དེས་ན་བློ་རྒྱ་ཆེ་ཆུང་གི་དབྱེ་བས་སྣ་ཚོགས་སུ་སྣང་བ་ནི་སྤྲུལ་པའི་སངས་རྒྱས་ཀྱི་གནས་སོ་ཞེས་གསུངས་པ་བཞིན་དུ་རྣམ་པར་སྣང་མཛད་འདི་ཡང་སྤྲུལ་པའི་སྐུའི་སངས་རྒྱས་ཡིན་པར་གསལ་ལོ། །དེ་ལྟ་བུའི་ཞིང་དེ་ལ་མི་མཇེད་ཅེས་
བྱ་བར་གྲགས་སོ། །ཅིའི་ཕྱིར་དེ་སྐད་དུ་གྲགས་ཤེ་ན། མི་མཇེད་ཅེས་བྱ་བ་ནི་བཟོད་པའམ་སྲན་ཐུབ་པའི་མིང་ཡིན་ཏེ། ཞིང་དེའི་སེམས་ཅན་རྣམས་ནི་ཉོན་མོངས་པ་དུག་གསུམ་ལ་མི་མཇེད་པའི་ཕྱིར། མི་མཇེད་ཅེས་བྱ་བའི་དོན་དུ་སྙིང་རྗེ་ཆེན་པོ་པདྨ་དཀར་པོའི་མདོ་ལས་
བཤད་དོ། །ཡང་ན་ཞིང་དེ་ན་ཡོད་པའི་བྱང་ཆུབ་སེམས་དཔའ་བཟོད་པ་བརྟན་པོ་ལ་རབ་ཏུ་གནས་པ་རྣམས་ཀྱི་ཡོན་ཏན་གྱི་ཁྱད་པར་ལས་ཏེ། ཞིང་དེ་དག་གི་སེམས་ཅན་མི་སྲུན་པ་རྣམས་ཀྱིས་བྱང་ཆུབ་སེམས་དཔའ་དེ་དག་ལ་ཀུན་ནས་སྤྱོས་པ་དང་བསྡིགས་པའི་ལས་ཀྱིས་རྣམ་
པར་གཙེ་བར་བྱས་ཀྱང་ཇི་མི་སྙམ་པར་མི་མཇེད་པའི་ཕྱིར་དེ་སྐད་ཅེས་བྱ་བའི་དོན་དུ་ཡང་བཤད་དེ། འཇམ་དཔལ་གྱི་སངས་རྒྱས་ཀྱི་ཞིང་གི་ཡོན་ཏན་བཀོད་པ་ལས། རིགས་ཀྱི་བུ་སངས་རྒྱས་ཀྱི་ཞིང་དེ་ན་རིགས་ཀྱི་བུ་དང་། རིགས་ཀྱི་བུ་མོ་བྱང་ཆུབ་སེམས་དཔའི་ཐོག་
པ་པ། སྔོན་གྱི་རྒྱལ་བ་ལ་ལྷག་པར་བྱ་བ་བྱས་པ། དགེ་བའི་རྩ་བ་རྣམས་བསྐྱེད་པ། སངས་རྒྱས་བརྒྱ་སྟོང་མང་པོ་ལ་བསྙེན་བཀུར་བྱས་པ། བཟོད་པ་དང་། དུལ་བ་དང་། དེས་པ་དང་ལྡན་པ་དག་ཡོད་དེ། དེ་དག་ནི་སེམས་ཅན་ཐམས་ཅད་ཀྱིས་སྤྱོས། བསྡིགས། མཚོན་གྱིས་
བཏབ་ཀྱང་ཇི་སྙམ་མི་མཇེད་དེ། འདོད་ཆགས་དང་། ཞེ་སྡང་དང་། གཏི་མུག་རྣམས་ཀྱིས་མི་འཕྲོགས་སོ། །རིགས་ཀྱི་བུ་སྐྱེས་བུ་དམ་པ་དེ་དག་གི་མིང་གིས་འཇིག་རྟེན་གྱི་ཁམས་མི་མཇེད་ཅེས་བརྗོད་དོ་ཞེས་བསྟན་ཏོ། །དེ་ལྟ་བུའི་འཇིག་རྟེན་གྱི་ཁམས་མི་མཇེད་དེ་བསྐལ་
པ་བཟང་པོ་ཞེས་བྱ་བར་ཡང་གྲགས་ཏེ། དེ་ཅིའི་ཕྱིར་ཞེ་ན། བསྐལ་བ་འདི་དང་པོ་ཆགས་པའི་དུས་སུ་རྒྱ་མཚོའི་ནང་ནས་གསེར་གྱི་པདྨ་སྟོང་ཕྲག་གཅིག་ཤར་བ། གནས་གཙང་མའི་ལྷ་རྣམས་ཀྱིས་བརྟགས་པས་བསྐལ་བ་འདི་ལ་འདྲེན་པ་སྟོང་འབྱོན་པའི་ལྟས་སུ་ཤེས་ནས། ཨེ་

213-1-19a

མ་བསྐལ་བ་འདི་ནི་བསྐལ་བ་བཟང་པོའོ་ཞེས་ཆེད་དུ་བརྗོད་པས་དེ་སྐད་དུ་གྲགས་པའི་དོན་ཡང་སྙིང་རྗེ་ཆེན་པ་པདྨ་དཀར་པོ་ལས་བཤད་དོ། །དེ་ལྟ་བུའི་འཇིག་རྟེན་གི་ཁམས་དེ་ལ་སྟོང་གསུམ་ཀྱི་སྟོང་ཆེན་པོའི་འཇིག་རྟེན་གྱི་ཁམས་བགྲང་བའི་ཚུལ་སྔ་མ་ལྟར་ཤེས་
པར་བྱ་ཞིང་། དེ་ལ་གླིང་བཞི་པའི་འཇིག་རྟེན་གྱི་ཁམས་འདི་ཇི་ལྟར་གནས་པའི་ཚུལ་རྣམས་ཐེག་པ་ཐུན་མོང་བའི་ལུགས་སུ་གྲགས་པའི་གཏམ་ལས་བརྩམས་ཏེ་མདོ་ཙམ་བརྗོད་པར་བྱའོ། །དེའང་སྣོད་དང་བཅུད་ཀྱི་འཇིག་རྟེན་མངོན་པར་འགྲུབ་པའི་རྐྱེན་ནི། དེར་སྐྱེ་བར་འགྱུར་བའི་སེམས་ཅན་
རྣམས་ཀྱི་ལས་མཐུན་པར་བསགས་པའི་མཐུ་ཉིད་ཀྱིས་སོ། །མངོན་པར་འགྲུབ་པའི་ཚུལ་དང་ཚད་ཀྱི་ངེས་པ་རྣམས་ནི་གཞན་དུ་ཤེས་པར་བྱ་བ་ལས་འདིར་མ་སྤྲོས་སོ། །ཅིའི་ཕྱིར་མ་སྤྲོས་ཤེ་ན། གོང་དུ་ཇི་སྐད་བཤད་རྣམས་དང་། འོག་ཏུ་འཆད་པར་འགྱུར་པ་ཐམས་ཅད་དང་འགྲོས་མཚུངས་སུ་
བཏང་བ་ལས། འདིར་ཧ་ཅང་བཤད་པ་ལྷག་པ་གློ་བུར་བ་ཉིད་དུ་མི་འགྱུར་བར་བྱ་བའི་ཕྱིར་རོ། །ཇི་ལྟར་གནས་པའི་ཚུལ་ནི་འཇིག་རྟེན་གྱི་ཁམས་འདི་འདེགས་པར་བྱེད་པའི་འོག་གཞི་ནི་འཇམ་པ་ཞེས་བྱ་བའི་རླུང་གི་དཀྱིལ་འཁོར་ཁ་དོག་སྔོ་སྐྱར་ཡོད་པ། ཚན་པོ་ཆེའི་རྡོ་རྗེས་ཀྱང་གཞིག་པར་མི་ནུས་
པ་ཤིན་ཏུ་འཐས་པ་ཉིད་དུ་གནས་ཏེ། འདི་ནི་འཇིག་རྟེན་གྱི་ཁམས་མི་མཇེད་ལྟ་བུ་ཞིག་རྟོན་པར་བྱེད་པའི་གཞི་ཡིན་ནོ། །དེའི་སྟེང་ཏུ་འོག་གི་རྒྱ་མཚོ་ཞེས་བྱ་བ་ཆུའི་ཕུང་པོ་ཆེན་པོར་གྱུར་པ་རླུང་གི་དཀྱིལ་འཁོར་དེ་ལ་བརྟེན་ཏེ་གནས་སོ། །དེའང་སློབ་དཔོན་དབྱིག་གཉེན་གྱིས། ཇི་ལྟར་ན་ཆུ་དེ་
དག་ཐད་ཀར་མི་འབོ་བ་ནི་ཁ་ཅིག་ན་རེ་སེམས་ཅན་རྣམས་ཀྱི་ལས་ཀི་དབང་གིས་ཏེ། དཔེར་ན་བཟའ་བ་དང་བཏུང་པ་ཟོས་པ་དང་འཐུང་བ་མ་ཞུ་བ་ལོང་ཀར་མི་ལྟུང་བཞིན་ནོ་ཞེས་ཟེར་རོ། །སྡེ་པ་གཞན་དག་ན་རེ་སྦྱང་གི་ཚུལ་དུ་རླུང་གྱིས་འཛིན་ཏོ་ཞེས་ཟེར་རོ་ཞེས་གསུངས་སོ། །ཆུའི་དཀྱིལ་འཁོར་གྱི་
སྟེང་དུ་ཡང་གསེར་གྱི་ས་གཞི་ཞེས་བྱ་བ་ཤིན་ཏུ་མི་ཤིགས་པ་གསེར་གྱི་རང་བཞིན་ཅན་དུ་ཡོད་པའོ། །ས་གཞི་དེ་ལ་ནི་ཁོར་ཡུག་རི་བོའི་བར་གྱི་རི་དང་གླིང་དང་རྒྱ་མཚོར་བཅས་པ་རྣམས་བརྟེན་ནས་གནས་ཏེ། དེའང་ཐམས་ཅད་ཀྱི་དབུས་ན་ནི་རིའི་རྒྱལ་པོ་རི་རབ་ཅེས་བྱ་བ་ཡོད་དེ། དེ་ནི་གྲུ་བཞི་

213-1-19b

པའི་རྣམ་པ་ལ་བང་རིམ་བཞིན་མཛེས་བར་བྱས་པ། རིན་པོ་ཆེའི་རང་བཞིན་ཅན་ཏེ། དེ་ནི་ཤེལ་དང་། བེེ་ཌཱུརྱ་དང་། པདྨ་རཱ་ག་དང་། གསེར་རྣམས་ཀྱི་རྒྱུ་ལས་ངོས་བཞི་དག་ཏུ་རིམ་པ་བཞིན་དུ་གྲུབ་པ་ཡིན་ནོ། །དེ་དག་གི་རྐྱེན་གྱིས་བསྒྱུར་བས་ནམ་མཁའ་ལའང་ཁ་དོག་ཐ་དད་པ་ཉིད་དུ་སྣང་
བ་སྟེ། ཛམྦུའི་གླིང་འདི་ཡོད་པའི་ལོགས་ཀྱི་ངོས་ནི་བེེ་ཌཱུརྱའི་རང་བཞིན་ཅན་ཡིན་པའི་ཕྱིར། དེའི་འོད་ཀྱིས་ནམ་མཁའ་ཡང་བེེ་ཌཱུརྱའི་ཁ་དོག་ཏུ་ཤར་བ་བཞིན་ནོ། །དེ་ལྟ་བུའི་རི་རབ་དེའི་ཆུ་མཚམས་ནས་འོག་ཏུ་རྣམ་པར་བཅལ་པའི་རི་བོའི་ཁོང་སེང་རྣམས་སུ་ལྷ་མ་ཡིན་གྱི་ཚོགས་རྟེན་དང་
བརྟེན་པར་བཅས་པ་རྣམས་ཡོད་དོ། །དེའང་འདི་ལྟ་སྟེ་ལྷ་མ་ཡིན་གྱི་དབང་པོ་སྒྲ་གཅན་འཛིན་ཞེས་བྱ་བ་དང་། དེ་བཞིན་དུ་མགུལ་ཕྲེང་ཅན་དང་། རབ་གནོན་དང་། ཐག་བཟངས་རིས་རྣམས་རང་རང་གི་འཁོར་དང་བཅས་ཏེ་འོག་ནས་འོག་ཏུ་རིམ་པ་དེ་ཇི་ལྟ་བ་བཞིན་དུ་གནས་སོ། །རི་རབ་ཀྱི་
བར་རིམ་བཞི་ལས་བང་རིམ་དང་པོ་ནི་ལག་ན་གཞོང་ཐོགས་པ་རྣམས་ཀྱི་གནས་སོ། །བང་རིམ་གཉིས་པ་ནི་ལག་ན་ཕྲེང་ཐོགས་པ་རྣམས་ཀྱི་གནས་སོ། །བང་རིམ་གསུམ་པ་ནི་རྟག་མྱོས་པའི་ལྷ་རྣམས་ཀྱི་གནས་སོ། །བང་རིམ་བཞི་པ་ནི་རྒྱལ་ཆེན་རིས་བཞིར་གཏོགས་པའི་ལྷའི་རིགས་
མང་པོ་སྟེ་དེ་དག་རྟེན་དང་བརྟེན་པར་བཅས་པ་རྣམས་གནས་སོ། །རི་རབ་ཀྱི་སྟེང་གི་མཚམས་བཞིའི་ལྕོག་ཆེན་པོ་བཞི་ལ་ནི་གནོད་སྦྱིན་གསང་བ་པ་རྣམས་གྲོང་དང་གྲོང་རྡལ་དུ་བཅས་པ་གནས་སོ། །དེའི་དབུས་སུ་སུམ་ཙུ་རྩ་གསུམ་པའི་ལྷ་རྣམས་ཀྱི་གནས་གྲོང་ཁྱེར་ལྟ་ན་སྡུག་ཅེས་བྱ་བ་
ཡོད་ཅིང་། གྲོང་ཁྱེར་དེའི་དབུས་སུ་ལྷ་རྣམས་ཀྱི་དབང་པོ་བརྒྱ་བྱིན་གྱི་ཕོ་བྲང་རྣམ་པར་རྒྱལ་བའི་ཁང་བཟང་ཞེས་བྱ་བ་བསོད་ནམས་ཀྱི་མཐུ་ལས་གྲུབ་པ། ཕྱི་ནང་ཀུན་ཏུ་ངོ་མཚར་གྱི་བཀོད་པ་དཔག་ཏུ་མེད་པས་ཤིན་ཏུ་མཛེས་པར་བྱས་པ་དག་ཡོད་དོ། །དེ་ལའང་སུམ་ཅུ་རྩ་གསུམ་པ་ཞེས་
པའི་ཐེ་ཚོམ་ཀྱང་ནོར་ལྷ་བརྒྱད་དང་། དྲག་པོ་བཅུ་གཅིག་དང་། ཐ་སྐར་གི་བུ་གཉིས་དང་། ཉི་མ་བཅུ་གཉིས་ཏེ་ཉེ་དབང་སུམ་ཅུ་རྩ་གཉིས་དང་། དེ་དག་གི་དབང་པོ་མཆོད་སྦྱིན་བརྒྱ་བ་དང་བཅས་པའི་ལྷའི་གཙོ་བོ་སུམ་ཅུ་རྩ་གསུམ་ཡོད་པས་དེ་སྐད་དུ་གྲགས་སོ། །གྲོང་ཁྱེར་ལྟ་ན་སྡུག་གི་

213-1-20a

ཕྱོགས་བཞི་ན་བཞོན་པ་གནས་པའི་ཤིན་རྟ་སྣ་ཚོགས་ཞེས་བྱ་བའི་སྐྱེད་མོས་ཚལ་དང་། གཡུལ་དུ་ཆས་པའི་གནས་རྩུབ་འགྱུར་ཞེས་བྱ་བའི་ཚལ་དང་། སྤྱོད་ལམ་རྣམ་པ་སྣ་ཚོགས་ལ་འཇུག་པའི་གནས་འདྲེས་མ་ཞེས་བྱ་བའི་ཚལ་དང་། རྩེ་ཞིང་རོལ་པའི་གནས་
དགའ་བའི་ཚལ་ཞེས་བྱ་བ་རྣམས་ཡོད་དོ། །ཚལ་དེ་དག་གི་ཕྱི་རོལ་དུ་ལྷ་རྣམས་ཀྱིས་མངོན་པར་རྩེ་བར་བྱེད་པའི་གནས་ས་གཞི་བཟང་པོ་ཡིད་དུ་འོང་བ་རྣམ་པ་བཞི་ཡང་ཡོད་ཅིང་། ལྟ་ན་སྡུག་གི་གྲོང་ཁྱེར་གྱི་བྱང་ཤར་མཚམས་སུ་ལྷ་རྣམས་ཀྱི་འདོད་དགུ་ཕུན་སུམ་ཚོགས་པ་འབྱུང་བའི་
གནས་སུ་གྱུར་པའི་ཤིང་ཡོངས་འདུས་བརྟོལ་དང་། དར་དཀར་པོ་ལ་བ་ལྟ་བུའི་རྡོ་ཨ་མོ་ལིག་ཅེས་བྱ་བ་ལ་སོགས་པ་དག་ཡོད་དོ། །ལྷོ་ནུབ་ཀྱི་མཚམས་སུ་ལྷ་རྣམས་ཀྱིས་བགྱི་བར་རུང་བ་དང་བགྱི་བར་རུང་བ་མ་ཡིན་པ་རྣམས་གཏམ་དུ་བགྲོ་བའི་ལྷའི་མདུན་ས་ཆོས་བཟས་ཞེས་བྱ་བ་བཀོད་
པ་ཕུན་ཚོགས་མཛེས་ཤིང་ཡིད་དུ་འོང་བར་བྱས་པ་ཡོད་དོ། །གཞན་ཡང་ལྷའི་རྔ་བོ་ཆེ་ཞེས་བྱ་བ་ལྷ་རྣམས་ཀྱིས་འདོད་པའི་ཡོན་ཏན་ལ་བག་མེད་པར་སྤྱོད་པ་ན་མི་རྟག་པའི་སྒྲ་འབྱུང་བས་སྐུལ་བར་བྱེད་པ་དང་། མི་མཐུན་པའི་ཕྱོགས་ལས་རྣམ་པར་རྒྱལ་བའི་ཤིས་པར་བརྗོད་པ་ལ་སོགས་
པའི་སྒྲ་རང་འབྱུང་བར་བྱེད་པ་དེ་དང་། གཡུལ་ངོར་སྤྱོད་པའི་གླང་པོ་ཆེ་རབ་བརྟན་དང་། སྐྱེད་མོས་ཚལ་དུ་སྤྱོད་པའི་གླང་པོ་ཆེ་ས་སྲུང་གི་བུ་དང་། རྟའི་རྒྱལ་པོ་སྤྲིན་གྱི་ཤུགས་ཅན་ཏེ་དེ་དག་རང་རང་གི་འཁོར་དང་བཅས་པ་ལ་སོགས་པ་ཡོད་པའི་གནས་རྣམས་སོ། །ལྷུན་པོའི་ཕྱི་རོལ་གྱི་ཁོར་
ཡུག་ཀུན་དུ་གསེར་གྱི་རི་བདུན་ཞེས་བྱ་བ་རིན་པོ་ཆེ་གསེར་གྱི་རྡུལ་འབའ་ཞིག་བརྩེགས་པའི་རང་བཞིན་ཅན་གྱིས་རི་རབ་ལ་རིམ་པ་བདུན་དུ་གྲུ་བཞིའི་དབྱིབས་སུ་བསྐོར་བ་ཐམས་ཅད་ཀྱང་གསེར་གྱི་ས་གཞི་ལ་བརྟེན་ཏེ་གནས་སོ། །དེའི་དང་པོ་ནི་གཉའ་ཤིང་འཛིན་གྱི་རི་སྟེ། དེའི་བྱང་ཕྱོགས་ཀྱི་
ལོགས་ཀྱི་སྟེང་ན་ལྕང་ལོ་ཅན་ཞེས་བྱ་བའི་ཕོ་བྲང་ཡོད་དེ། དེ་ན་རྒྱལ་པོ་ཆེན་པོ་རྣམ་ཐོས་ཀྱི་བུ་གནོད་སྦྱིན་གྱི་འཁོར་གྱིས་བསྐོར་བ་དང་། ཤར་ཕྱོགས་སུ་ཡུལ་འཁོར་སྲུང་ཞེས་བྱ་བ་ན་རྒྱལ་པོ་ཆེན་པོ་ཡུལ་འཁོར་སྲུང་དྲི་ཟའི་འཁོར་གྱིས་བསྐོར་བ་དང་། ནུབ་ཕྱོགས་སུ་སྣ་ཚོགས་གཟུགས་

213-1-20b

ཞེས་བྱ་བ་ན་རྒྱལ་པོ་ཆེན་པོ་མིག་མི་བཟང་ཀླུའི་འཁོར་གྱིས་བསྐོར་བ་དང་། ལྷོ་ཕྱོགས་སུ་འཕགས་སྐྱེས་པོ་ཞེས་བྱ་བ་ན་རྒྱལ་པོ་ཆེན་པོ་འཕགས་སྐྱེས་པོ་གྲུལ་བུམ་གྱི་འཁོར་གྱིས་བསྐོར་བ་དང་བཅས་པ་རྣམས་དང་། དེ་དག་གི་གྲོང་དང་གྲོང་རྡལ་དང་། ཚལ་གྱི་རྣམ་པ་དག་གིས་
མཛེས་པར་བྱས་པ་དག་གནས་སོ། །དེ་བཞིན་དུ་གསེར་གྱི་རིག་གཉིས་པ་ནི་གཤོལ་མདའ་འཛིན་ནོ། །གསུམ་པ་ནི་སེང་སྡེང་ཅན་ནོ། །བཞི་པ་ནི་ལྟ་ན་སྡུག་གོ། །ལྔ་པ་ནི་རྟ་རྣ་ཅན་ནོ། །དྲུག་པ་ནི་རྣམ་པར་འདུད་དོ། །བདུན་པ་ནི་མུ་ཁྱུད་འཛིན་ཞེས་བྱ་བ་རྣམས་ཏེ། ཐམས་ཅད་ཀྱང་ཆུའི་སྟེང་
དུ་འཕགས་པའི་དཔངས་ལ་ནི་མཐོ་དམན་གྱི་ཁྱད་པར་ཞུགས་པ་སྟེ། རི་རབ་ནས་བརྩམས་ཏེ་མུ་ཁྱུད་འཛིན་གྱི་བར་ལ་སྔ་མ་སྔ་མའི་ཕྱེད་ཕྱེད་ཀྱིས་ཕྱི་མ་ཕྱི་མ་དམན་པར་གནས་སོ། །གསེར་གྱི་རི་དེ་དག་གི་ཐད་ཀྱི་སྟེང་གི་ནམ་མཁའ་ལ་འཕུལ་བར་བྱེད་པའི་རླུང་གི་དཀྱིལ་འཁོར་དངས་ཤིང་
སྒྲིབ་པ་མེད་པ་འཁོར་ལོ་བཞིན་དུ་གཡས་སུ་འཁོར་བ་ལ་བརྟེན་པའི་ཉི་མ་དང་། ཟླ་བ་དང་། རྒྱུ་སྐར་གྱི་གཞལ་མེད་ཁང་རྣམས་དང་། ཁོར་ཡུག་ལྕགས་ཀྱི་རི་བོ་དང་། ཛམྦུའི་གླིང་གི་རི་བོ་དང་། ལྗོན་ཤིང་ལ་སོགས་པ་རྣམས་སུའང་རྒྱལ་ཆེན་རིས་བཞི་པའི་སྡེར་གཏོགས་པའི་ལྷ་རྣམས་
ཅི་རིགས་པར་གནས་སོ། །དེ་དག་ལས་ཉི་མ་དང་ཟླ་བའི་གཞལ་མེད་ཁང་གི་འོག་གི་ཕྱོ་རོལ་ནི་མེ་ཤེལ་དང་ཆུ་ཤེལ་གྱི་དཀྱིལ་འཁོར་ལས་ཚ་བར་བྱེད་པ་དང་། བསིལ་བར་བྱེད་པ་དང་། སྣང་བར་བྱེད་པའི་འོད་ཀྱི་ཕྲེང་བ་དག་སྤྲོས་ཏེ་འགྲོ་བ་རྣམས་རང་རང་གི་ལས་དང་རྗེས་སུ་འཚམ་པར།
མིག་དང་། ལུས་དང་། ཡན་ལག་དང་། མེ་ཏོག་དང་། འབྲས་བུ་དང་། ལོ་ཏོག་དང་། སྨན་དང་། ཆུ་ཀླུང་རྣམས་འགའ་ཞིག་ཏུ་ནི་ཕན་འདོགས་པར་བྱེད་པ་དང་། འགའ་ཞིག་ཏུ་ནི་གནོད་པར་བྱེད་པ་དག་ཅི་ཡང་འབྱུང་ངོ་། །གཞན་ཡང་འཆར་ནུབ་ཀྱི་དུས་ཀྱང་མཛོད་ལས། ནམ་ཕྱེད་ཉི་
མ་ནུབ་པ་དང་། །ཉི་མ་ཕྱེད་དང་འཆར་དུས་གཅིག །ཅེས་གསུངས་པ་བཞིན་དུ། དཔེར་ན་སྒྲ་མི་སྙན་རུ་ནམ་ཕྱེད་པར་གྱུར་པ་དེའི་ཚེ་ལུས་འཕགས་སུ་ཉི་མ་ནུབ་བོ། །ཛམྦུའི་གླིང་དུ་ཉི་མ་ཕྱེད་དོ། །བ་ལང་སྤྱོད་དུ་ཉི་མ་འཆར་བ་རྣམས་དུས་གཅིག་ཅར་ཉིད་དུ་འབྱུང་བ་ཡིན་ནོ། །རོལ་པའི་མཚོ་བདུན་

213-1-21a

ཞེས་བྱ་བ་ནི་རི་བརྒྱད་པོ་དེ་དག་གི་བར་དུ་གནས་པའི་ཆུའི་ཕུང་པོ་ཡན་ལག་བརྒྱད་དང་ལྡན་པ་གང་ཡིན་པས་མངོན་པར་གཏམས་པའི་རྒྱ་མཚོ་རིམ་པ་བདུན་དུ་ཡོད་དོ། །དེ་འང་ཡན་ལག་བརྒྱད་ནི་བསིལ་བ་དང་། ཞིམ་པ་དང་། ཡང་བ་དང་། འཇམ་པ་དང་། དངས་པ་
དང་། དྲི་ང་བ་མེད་པ་དང་། འཐུང་ན་མགྲིན་པ་ལ་མི་གནོད་པ་དང་། ལྟོ་བ་ལ་མི་གནོད་པ་རྣམས་སོ། །མཚོ་དེ་དག་ཏུ་ཀླུའི་རྒྱལ་པོ་འཁོར་དང་བཅས་པ་རྣམས་ཀྱིས་མངོན་པར་རྩེ་ཞིང་རོལ་པའི་གནས་སུ་བྱེད་དོ། །གསེར་གྱི་རི་བོ་ཕྱི་མ་ནས་བརྩམས་ཏེ་ཁོར་ཡུག་གི་རི་བོའི་བར་ལ་གླིང་དང་གླིང་
ཕྲན་རྣམས་མ་གཏོགས་པ་ཕྱིའི་རྒྱ་མཚོའམ་བ་ཚ་ཅན་གྱི་རྒྱ་མཚོ་ཞེས་བྱ་བ་ཁོ་ར་ཁོར་ཡུག་ཀུན་དུ་དུམ་བུར་མ་ཆད་པ་ཡོད་ཀྱང་རི་རབ་ཀྱི་རིན་པོ་ཆེའི་མདངས་ཀྱིས་ཕོག་པས་རྒྱ་མཚོ་ཆེན་པོ་དེའི་ཁ་དོག་ཀྱང་ཐ་དད་པ་ཉིད་དུ་གྱུར་པས་རྒྱ་མཚོ་བཞིའི་གྲངས་སུ་མངོན་པར་བརྗོད་པ་ཡིན་ནོ། །གླིང་
རྣམས་ནི་ཕྱོ་རོལ་གྱི་རྒྱ་མཚོ་ཆེན་པོ་ན་ཡོད་དེ། དེའང་རི་རབ་ཀྱི་ཤར་ཕྱོགས་ཀྱི་རྒྱ་མཚོ་ན་ལུས་འཕགས་པོའོ་གླིང་ཞེས་བྱ་བ་ཟླ་བ་ཁམ་པའི་དབྱིབས་སུ་གནས་པ། དེ་ལ་ལུས་དང་འཕགས་ཞེས་བྱ་བའི་གླིང་གཡོག་གཉིས་དང་བཅད་པ་ཡོད་དོ། །དེ་དག་ཏུ་སྐྱེས་པའི་མི་རྣམས་ནི་
གཟུགས་ཆེ་ཞིང་ལྟ་ན་སྡུག་པ་ཡོད་པས་ལུས་འཕགས་ཞེས་བྱ་སྟེ། དེ་ལྟ་བུའི་མི་རྣམས་ཀྱི་གནས་པ་གྲོང་དང་། གྲོང་རྡལ་དང་། གྲོང་ཁྱེར་དང་། ཡུལ་འཁོར་དང་། ཕོ་བྲང་རྣམས་གནས་སོ། །དེ་བཞིན་དུ་རི་རབ་ཀྱི་ལྷོ་ཕྱོགས་ཀྱི་རྒྱ་མཚོ་ན་ཛམྦུའི་གླིང་སྟེ་ཤིང་རྟ་ཆེན་པོའི་དབྱིབས་སུ་གནས་
པ། འདི་ལའང་རྔ་ཡབ་གཞན་ཞེས་བྱ་བའི་གླིང་གཡོག་གཉིས་དང་བཅས་པ་ཡོད་དོ། །འདི་དག་ཏུ་མི་རིགས་མི་འདྲ་བ་མང་པོ་རྣམས་དང་། དེ་དག་གིས་བསྟི་བའི་གྲོང་དང་གྲོང་རྡལ་ལ་སོགས་པ་དུ་མ་ཡོད་དོ། །གླིང་འདིའི་འོག་རོལ་དཔག་ཚད་ཉི་ཁྲི་ན་དམྱལ་བ་ཆེན་པོའི་གནས་རྣམས་
ཡོད་དེ། དེའང་འདི་ལྟ་སྟེ་ཚ་བའི་དམྱལ་བ་བརྒྱད་ལས་སྡུག་བསྔལ་ཀུན་གྱི་མཐར་ཐུག་པར་གྱུར་པ་ནི་མནར་མེད་པའི་དམྱལ་བ་ཞེས་བྱ་བ་སྟེ། དེ་ནི་ཐམས་ཅད་ཀྱི་འོག་ཏུ་གནས་ཤིང་། དེའི་གོང་ནས་གོང་དུ་རབ་ཏུ་ཚ་བ་དང་། ཚ་བ་དང་། ངུ་འབོད་ཆེན་པོ་དང་། ངུ་འབོད་དང་། བསྡུས་འཇོམས་དང་

213-1-21b

ཐིག་ནག་དང་། ཡང་སོས་ཀྱི་དམྱལ་བ་པ་ལྕགས་བསྲེགས་ཀྱི་ས་གཞིའི་གནས་དང་བཅས་པ་རྣམས་རིམ་པར་གནས་སོ། །དེ་བཞིན་དུ་བརྒྱད་པོ་དེ་དག་གི་ངོས་རེ་ལ་ཉེ་འཁོར་བ་ཞེས་བྱ་བ་མེ་མ་མུར་དང་། རོ་མྱགས་ཀྱི་འདམ་དང་། མཚོན་ཆའི་སྐོར་གྱི་དམྱལ་བ་དང་། ཆུ་བོ་རབ་མེད་དེ། 
དམྱལ་བ་ལྷག་པ་བཞི་བཞི་སྟེ་བཅུ་དྲུག་པོ་རྣམས་ཀྱང་གནས་སོ། །ཚ་བའི་དམྱལ་བ་དེ་དག་གི་མཐའ་ལོགས་ཤིག་ཏུ་གྲང་བའི་དམྱལ་བ་ཞེས་བྱ་བ་བརྒྱད་ཡོད་པ་རྣམས་ནི་འདི་ལྟ་སྟེ། ཆུ་བུར་ཅན་དང་། ཆུ་བུར་རྡོལ་བ་ཅན་དང་། ཨ་ཆུ་འདོན་པ་དང་། ཀྱི་ཧུད་འདོན་པ་དང་། སོ་ཐམས་ཐམས་
པ་དང་། ཨུཏྤལ་ལྟར་གས་པ་དང་། པདྨ་ལྟར་གས་པ་དང་། པདྨ་ཆེན་པོ་ལྟར་ལུས་ཐམས་ཅད་གས་པར་གྱུར་པའི་གྲང་བའི་དམྱལ་བ་རྣམས་དང་དེ་དག་གི་གནས་གངས་རིའི་ཕྲེང་བ་ཆབ་རོམ་གྱི་ཐད་དང་བཅས་པ་རྣམས་ཡོད་དོ། །གཞན་ཡང་ཉི་ཚེ་བའི་དམྱལ་བ་ཞེས་པ་ཀུན་འབྱུང་ཐ་དད་པ་
ལས་གྲུབ་པའི་སྡུག་བསྔལ་གྱི་བྱེ་བྲག་རྣམ་པ་མང་པོ་ཡོད་ཅིང་གནས་ནི་ངེས་པ་མེད་དེ། ཆུ་བོ་དང་། རི་དང་། མྱ་ངམ་གྱི་ཐང་དང་། འོག་ཏུའང་ཡོད་པར་བཤད་དོ། །ཡི་དྭགས་ཀྱི་འཇིག་རྟེན་ཞེས་བྱ་བ་ཡང་ཛམྦུའི་གླིང་འདིའི་རྒྱལ་པོའི་ཁབ་ཀྱི་འོག་རོལ་དཔག་ཚད་ལྔ་བརྒྱ་ན་ཡི་དྭགས་ཀྱི་གྲོང་
ཁྱེར་སེར་སྐྱ་ཞེས་བྱ་བ་ཡོད་དེ། དེ་ན་ཡི་དྭགས་ཀྱི་བདག་པོ་ཆོས་ཀྱི་རྒྱལ་པོ་གཤིན་རྗེ་མཐུ་བོ་ཆེ་དཔུང་དང་བཅས་པ་གནས་ཤིང་། དེའི་འཁོར་དུ་གཏོགས་པའི་ཡི་དྭགས་ཀྱི་རིགས་ནི་ཁ་ཁབ་མིག་ལྟར་ཕྲ་བ་སོགས་པ་སུན་ཅུ་རྩ་དྲུག་ཏུ་གསུངས་པ་རྣམས་ཏེ་ཐམས་ཅད་རིས་སུ་བསྡུ་ན།
ཕྱིའི་སྒྲིབ་པ་ཅན་དང་། ནང་གི་སྒྲིབ་པ་ཅན། ཟས་སྐོམ་གྱི་སྒྲིབ་པ་ཅན་དུ་འདུ་བ་སྟེ། དེ་དག་གི་འདུག་པའི་གནས་དང་བཅས་པ་རྣམས་ཡོད་དོ། །དུད་འགྲོ་ནི་ཐང་དང་ཆུ་དང་ནམ་མཁའི་སྤྱོད་ཡུལ་ཅན་ཡིན་པས་ཕལ་ཆེ་བ་དག་ཕྱིའི་རྒྱ་མཚོའི་ནང་དུ་ཆང་གི་སྦང་མ་ལྟར་བྱིངས་ན་གནས་པ་དང་།
ཁ་འཐོར་བ་ནི་མི་དང་ལྷ་དང་ལྷ་མ་ཡིན་གྱི་ཡུལ་དང་གླིང་བར་གྱི་མུན་པ་ཆེན་པོ་རྣམས་སུ་གནས་སོ། །ཡང་རི་རབ་ཀྱི་ནུབ་ཕྱོགས་ཀྱི་ཕྱིའི་རྒྱ་མཚོ་ན་བ་ལང་སྤྱོད་ཀྱི་གླིང་ཞེས་བྱ་བ་ཀུན་ནས་ཟླུམ་པོར་གྱུར་པ་ཟླ་བ་ཉ་གང་བའི་དབྱིབས་སུ་གནས་པ། དེ་ལ་གཡོ་ལྡན་དང་ལམ་མཆོག་འགྲོ་ཞེས་

213-1-22a

བྱ་བའི་གླིང་གཡོག་གཉིས་དང་བཅས་པ་ཡོད་དེ། དེ་དག་ཏུ་སྐྱེས་པའི་མི་རྣམས་ཀྱི་ལོངས་སྤྱོད་ནི་ཤས་ཆེར་བ་ལང་དང་རིན་པོ་ཆེ་ལས་བྱུང་བ་ལ་ཉེ་བར་སྤྱོད་པའི་ཕྱིར་མིང་ཡང་དེ་སྐད་ཅེས་བྱ་སྟེ། དེ་ལྟ་བུའི་ཡུལ་གླིང་མིའི་འགྲོ་བ་དང་བཅས་པ་རྣམས་ཡོད་དོ། །རི་རབ་ཀྱི་བྱང་ཕྱོགས་ཀྱི་
ཕྱིའི་རྒྱ་མཚོ་ན་སྒྲ་མི་སྙན་གྱི་གླིང་ཞེས་བྱ་གྲུ་བཞི་པ་ཁྲིའུའི་དབྱིབས་སུ་གནས་པ། དེ་ལ་སྒྲ་མི་སྙན་དང་སྒྲ་མི་སྙན་གྱི་ཟླ་ཞེས་བྱ་བའི་གླིང་གཡོག་གཉིས་དང་བཅས་པ་ཡོད་དེ། དེ་དག་ཏུ་སྐྱེས་པའི་མི་རྣམས་ཀྱི་ལོངས་སྤྱོད་ནི་མ་རྨོས་པ་དང་མ་བཏབ་པར་འཁྲུངས་པའི་འབྲས་སཱ་ལུའི་ཟས་དང་།
དཔག་བསམ་གྱི་ཤིང་ལས་བྱུང་བ་ལ་ཅི་བདེར་སྤྱོད་པ་ལ་སོགས་པ་མཐོ་རིས་ཀྱི་ལྷའི་འཇིག་རྟེན་ལྟ་བུ་ཡོད་དེ། དྲན་པ་ཉེར་གཞག་ལས། མཐོ་རིས་ལས་གཞན་པའི་མཐོ་རིས་ཀྱི་འཇིག་རྟེན་གཉིས་པ་ལྟ་བུ་ཞེས་གསུངས་པས། གླིང་འདིའི་བདེ་བ་དང་འབྱོར་པ་ལ་མིའི་གནས་
གཞན་གསུམ་གྱིས་འགྲན་པར་མི་ནུས་པ་ཞིག་གོ། །ཡུལ་དེར་པི་ཤཱ་ཙི་ཀ་ཞེས་པ་ཤ་ཟའམ་འདྲེའི་སྐད་ཀྱིས་སྨྲ་བའི་ཕྱིར་སྒྲ་མི་སྙན་ནམ། དཔག་བསམ་གྱི་ཤིང་ལས་འཆི་འཕོ་བར་སྒྲོན་པའི་སྙན་པར་འབྱུང་བས་སམ། ཡང་ན་ཀླུ་རྣམས་ཀྱིས་གཙེས་པའི་སྐྱོན་གྱི་ཉི་མ་སྤྲིན་
གྱིས་གཡོགས་པ་ན། དེས་རྫ་རྔ་དང་པི་ཝང་ལ་སོགས་པའི་རོལ་མོ་རྣམས་ལས་སྐད་མི་སྙན་པར་འབྱིན་པ་ལས་དེ་སྐད་དུ་གདགས་པར་གྲག་གོ། །དེ་ལྟ་བུའི་ཡུལ་གླིང་མིའི་འགྲོ་བ་དང་བཅས་པ་རྣམས་ཡོད་དེ། དེ་དག་གི་ཕྱི་རོལ་གྱི་རྒྱ་མཚོ་ཆེན་པོའི་མཐའ་སྐོར་ཀུན་དུ་ལྕགས་རི་ཆེན་པོ་
ཞིག་གིས་བསྐོར་བ་ལ་ཁོར་ཡག་གི་ལྕགས་རི་ཞེས་བྱ་བ་ཡིན་ནོ། །རི་རབ་ཀྱི་རྩེ་མོ་སུམ་ཅུ་རྩ་གསུམ་པའི་གནས་ནས། སྟེང་གི་ནམ་མཁའ་ལ་རླུང་གི་དཀྱིལ་འཁོར་ལ་བརྟེན་ཏེ་སྤྲིན་གྱི་ཕུང་པོ་བཞིན་དུ་མངོན་པར་འཕགས་པའི་རིན་པོ་ཆེའི་གཞི་ལ། གཟུགས་ཀྱི་ཁམས་ཀྱི་ལྷ་དང་།
འདོད་པའི་ཁམས་ཀྱི་ལྷ་རྣམས་ཀྱི་གཞལ་མེད་ཁང་དམ་པ་ལྷ་རྫས་ཀྱི་འབྱོར་པ་ཕུན་སུམ་ཚོགས་པ་ལས་ལེགས་པར་གྲུབ་པ་རྣམས་ནི། དཔེར་ན་བླ་ཁབ་མང་པོ་སྟེང་དུ་ཕུབ་པའམ། མཆོད་རྟེན་ཁ་སྦུབས་པའི་བང་རིམ་གྱི་རྣམ་པ་བཞིན་དུ་འོག་མ་འོག་མ་ལས་གོང་མ་གོང་མ་ཇེ་ཆེར་

213-1-22b

གནས་ཏེ། དེའང་འདོད་པའི་ཁམས་ཀྱི་ལྷའི་གནས་བཞི་ནི་ཉིས་འགྱུར་དང་། གཟུགས་ཀྱི་ཁམས་ཀྱི་ལྷའི་གནས་སྟོང་འགྱུར་གྱིས་རྒྱ་ཆེ་བ་ཉིད་དུ་གནས་ཏེ། ཇི་སྐད་དུ། གནས་ནས་གནས་འོག་ཇི་སྲིད་པ། །དེ་ནས་དེ་ཡི་གོང་དེ་སྲིད། །ཅེས་སོ། །གནས་དེ་དག་ཏུ་བརྟེན་པའི་ལྷ་རྣམས་ནི་
འདི་ལྟ་སྟེ། འཐབ་བྲལ་དང་། དགའ་ལྡན་དང་། འཕྲུལ་དགའ་དང་། གཞན་འཕྲུལ་དབང་བྱེད་པ་སྟེ་འདོད་པའི་ཁམས་ཀྱི་ལྷ་རྣམས་སོ། །དེ་ལྟར་ན་མནར་མེད་པ་ནས་བརྩམས་ཏེ་འདིའི་བར་ལ་འདོད་པའི་ཁམས་ཞེས་བྱ་ཞིང་། བྱེ་བྲག་ཏུ་ལག་ན་གཞོང་ཐོགས་ཀྱི་ལྷ་ཡན་ཆད་ནི་འདོད་པ་ན་སྤྱོད་པའི་ལྷ་
དྲུག་ཡིན་ཏེ། དེ་དག་འདོད་པའི་ཡོན་ཏན་འཁྲིག་པ་དང་ཁམས་ཀྱི་ཟས་ལ་འདོད་ཆགས་དང་བཅས་པའི་ཕྱིར་འདོད་པའི་ཁམས་ཀྱི་ལྷ་ཞེས་གདགས་སོ། །གཟུགས་ཀྱི་ཁམས་ཀྱི་ལྷ་རྣམས་ནི་བསམ་གཏན་བཞིས་བསྡུས་ཏེ། དེ་དག་ཀྱང་འདི་ལྟ་སྟེ། ཚངས་རིས་དང་། ཚངས་པ་མདུན་ན་
འདོན་དང་། ཚངས་ཆེན་དེ་བསམ་གཏན་དང་པོར་གཏོགས་པའི་ལྷ་རྣམས་སོ། །འོད་ཆུང་དང་། ཚད་མེད་འོད་དང་། འོད་གསལ་བ་སྟེ་བསམ་གཏན་གཉིས་པར་གཏོགས་པའི་ལྷ་རྣམས་སོ། །དགེ་ཆུང་དང་། ཚད་མེད་དགེ་དང་། དགེ་རྒྱས་ཏེ་བསམ་གཏན་གསུམ་པར་གཏོགས་པའི་ལྷ་རྣམས་
སོ། །སྤྲིན་མེད་དང་། བསོད་ནམས་སྐྱེས་དང་། འབྲས་བུ་ཆེ་བ་དང་། མི་གདུང་བ་དང་། གྱ་ནོམ་སྣང་བ་དང་། ཤིན་ཏུ་མཐོང་བ་དང་། འོག་མིན་ཏེ་བསམ་གཏན་བཞི་པར་གཏོགས་པའི་ལྷ་རྣམས་ཏེ་གཟུགས་ཀྱི་ཁམས་ཀྱི་ལྷ་རྣམས་སོ། །དེ་དག་ལ་ལ་ནི་གཟུགས་ན་སྤྱོད་པའི་ལྷ་རིས་
བཅུ་བདུན་ཞེས་བྱ་སྟེ། འདོད་པའི་ཡོན་ཏན་ལ་འདོད་ཆགས་དང་བྲལ་ལ། གཟུགས་ལ་འདོད་ཆགས་དང་བཅས་པའི་ཕྱིར་གཟུགས་ཀྱི་ཁམས་ཀྱི་ལྷ་ཞེས་གདགས་སོ། །གཟུགས་མེད་པའི་ཁམས་ཀྱི་ལྷ་རྣམས་ནི་འདི་ལྟ་སྟེ་ནམ་མཁའ་མཐའ་ཡས་སྐྱེ་མཆེད་དང་། རྣམ་ཤེས་མཐའ་ཡས་སྐྱེ་མཆེད་དང་།
ཅི་ཡང་མེད་པའི་སྐྱེ་མཆེད་དང་། འདུ་ཤེས་མེད་འདུ་ཤེས་མེད་མིན་གྱི་སྐྱེ་མཆེད་དེ་གཟུགས་མེད་པའི་ཁམས་ཀྱི་ལྷ་རྣམས་སོ། །བཞི་པོ་འདི་དག་ནི་ལུས་ཅན་མ་ཡིན་པའི་ཕྱིར་གནས་ལོགས་པ་མེད་ཀྱང་སེམས་ཀྱི་ཏིང་ངེ་འཛིན་གྱི་བྱེ་བྲག་གི་རྣམ་པ་བཞིར་འབྱེད་པའི་སྒོ་ནས་གཟུགས་མེད་པའི་

213-1-23a

ཁམས་ཀྱི་ལྷ་ཞེས་བྱ་སྟེ། གཟུགས་ལ་འདོད་ཆགས་དང་བྲལ་བར་གྱུར་ལ། གཟུགས་མེད་པ་ལ་འདོད་ཆགས་དང་བཅས་པའི་ཕྱིར་དེ་སྐད་ཅེས་གདགས་སོ། །མངོན་པ་བ་ཁ་ཅིག་ནི་གཟུགས་མེད་པའི་ཁམས་ནི་འོག་མིན་གྱི་སྟེང་ནས་སྟེང་དུ་བརྩེགས་མར་ཡོད་པ་དང་གཟུགས་
ཀྱང་ཡོད་ལ། གཟུགས་མེད་པ་ཞེས་བརྗོད་པ་ནི་དམན་པ་ལ་དགག་སྒྲ་སྦྱར་བ་ཡིན་ཞེས་སྨྲ་བ་ཡང་ཡོད་དོ། །དེ་དག་གི་སྐྱེ་བའི་གནས་ཀྱི་ཁྱད་པར་ཡང་། ལྷ་དང་། དམྱལ་བ་དང་། སྲིད་པ་བར་མ་རྣམས་ནི་བརྫུས་ཏེ་སྐྱེས་པ་ཡིན་ལ། མི་དང་དུད་འགྲོ་བ་རྣམས་ནི་སྒོ་ང་ལས་སྐྱེས་པ་དང་། མངལ་ལས་སྐྱེས་པ་དང་།
བརྫུས་ཏེ་སྐྱེས་པ་དང་། དྲོད་གཤེར་ལས་སྐྱེས་པ་སྟེ་བཞི་ག་ཚང་བ་དང་། ཡི་དྭགས་ལ་མངལ་ལས་སྐྱེས་པ་དང་བརྫུས་ཏེ་སྐྱེས་པ་གཉིས་ཀ་ཡོད་པར་བཤད་དོ། །དེ་ལྟར་ཇི་སྐད་བསྟན་པའི་གླིང་བཞི་དང་། རིའི་རྒྱལ་པོ་དང་། གསེར་གྱི་རི་བདུན་དང་། ཁོར་ཡུག་དང་། འདོད་པའི་ལྷ་དྲུག་དང་། ཚངས་པའི་
འཇིག་རྟེན་གྱི་བར་ལ་གླིང་བཞི་པའི་འཇིག་རྟེན་གྱི་ཁམས་ཞེས་བྱའོ། །དེ་བྱེ་བ་ཕྲག་བརྒྱ་ལ་སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་སུ་ཇི་ལྟར་བགྲང་བའི་ཚུལ་ནི་སྔོན་དུ་སྨྲས་ཟིན་པ་ལྟར་རོ། །གཉིས་པ་ཛམྦུའི་གླིང་བཀར་ཏེ་བཤད་པ་ནི། དེ་ལ་ཇི་སྐད་སྨོས་པའི་གླིང་གཞན་གསུམ་ནི།
ལོངས་སྤྱོད་ཀྱི་ས་དང་། ཛམྦུའི་གླིང་ནི་ལས་ཀྱི་ས་སྟེ་དེ་ཡང་དུས་ཀྱི་འཁོར་ལོའི་རྒྱུད་འགྲེལ་རྣམས་ནས། རི་རབ་ཀྱི་རྭའི་འོག་གི་གླིང་དྲུག་ནི་ལོངས་སྤྱོད་ཀྱི་ས་པ་དང་། བསིལ་རིའི་ཕྱི་མཚམས་ནས་ལན་ཚྭའི་མཐར་ཐུག་པའི་བདུན་པ་ཛམྦུའི་གླིང་ནི་ལས་ཀྱི་ས་པ་སྟེ། དེ་ལ་དུམ་བུ་བཅུ་
གཉིས་སུ་གནས་པའི་ལྷོ་གླིང་དབུས་མ་ཛམྦུའི་གླིང་ཆུང་ངུར་བཞེད་པ་ཡིན་ནོ། །དེ་ལ་ཅིའི་ཕྱིར་ཛམྦུའི་གླིང་ཞེས་བྱ་ཞེ་ན། གླིང་གང་གི་ཡུལ་དབུས་སུ་གྱུར་པ་ནི་འཕགས་པའི་ཡུལ་གྱི་མ་ག་དྷཱ་སྟེ། དེའི་བྱང་ནས་བྱང་དུ་རི་ནག་པོ་རྒྱུད་དགུ་འདས་པའི་ཕ་རོལ་ན་རིའི་རྒྱལ་པོ་གངས་ཅན་ཞེས་བྱ་བ་གངས་
རི་དཔལ་དང་ལྡན་པ་ཡོད་དོ། །དེའི་ཕ་རོལ་དུ་རིའི་རྒྱལ་པོ་སྤོས་ཀྱི་ངད་ལྡང་ཞེས་བྱ་བ་ཡོད་དེ། དེ་དག་གི་ཚུ་རོལ་ན་ཀླུའི་རྒྱལ་པོ་མ་དྲོས་པ་བདག་གིར་བྱས་པའི་མཚོ་མ་དྲོས་པ་ཞེས་བྱང་ཆུབ་སིལ་ཞིང་སྦྲང་རྩི་ལྟ་བུས་གང་བ་ལ། མེ་ཏོག་ཨུཏྤ་ལ་དང་པདྨ་དང་ཀུ་མུ་དྭ་དང་པུཎྜ་རཱི་ཀ་རྣམས་ཀྱིས་

213-1-23b

ཁེབས་པ་དབྱིབས་ལེགས་ཤིང་ལྟ་ན་སྡུག་པ་གནས་སོ། །དེའི་ཤར་དང་ལྷོ་དང་ནུབ་དང་བྱང་གི་ཕྱོགས་བཞི་ནས་ཆུ་བོ་ཆེན་པོ་བཞི་འབབ་པ་ནི་འདི་ལྟ་སྟེ། ཆུ་བོ་གངྒཱ་དང་། སིནྡཱུ་དང་། པཀྵུ་དང་། སི་ཏཱ་རྣམས་རིམ་པ་དེ་ཉིད་ཀྱིས་སོ། །ཆུ་བོ་དེ་དག་རེ་རེས་ཀྱང་མ་དྲོས་པའི་མཚོ་ལ་གཡས་སུ་
ལན་གྲངས་བདུན་བདུན་དུ་བསྐོར་ནས་ཆུ་བྲན་ལྔ་བརྒྱ་དང་ལྷན་གཅིག་ཏུ་རང་རང་གི་ཕྱོགས་ཀྱི་རྒྱ་མཚོ་ག་ལ་བར་འགྲོ་བར་བྱེད་དོ། །མཚོ་མ་དྲོས་པའི་འགྲམ་ངོགས་སུ་ཤིང་ཛམྦུ་ཏྲི་ཤ་ཞེས་བྱ་བ་འབྲས་བུ་རོ་མཆོག་མངར་པོ་དང་ལྡན་པར་སྐྱེས་པ། ཤིང་དེའི་འབྲས་བུ་ཤིན་ཏུ་སྨིན་པར་གྱུར་པ་ཆུའི་
ནང་དུ་ལྷུང་བ་ལས་ཛམྦུ་ཞེས་བྱ་བའི་སྒྲ་ཡང་འབྱུང་ངོ་། །དེར་ལྷུང་བའི་འབྲས་བུ་དེ་ལས་ཀླུའི་རྒྱལ་པོ་རྣམས་ཉར་སྤྲུལ་ནས་ཟ་བར་བྱེད་ཅིང་། མ་ཟོས་པ་རྣམས་ནི་ཆུ་དང་ཕྲད་པའི་སྟོབས་ཀྱིས་ཛམྦུ་ཆུ་བོའི་གསེར་དུ་འགྱུར་བ་ཞིག་ཡོད་དོ། །དེས་ན་ཤིང་དེས་ཉེ་བར་མཚོན་པའི་གླིང་ཡིན་པས་ཛམྦུའི་
གླིང་ཞེས་ཐ་སྙད་དུ་བྱས་སོ། །གཞན་ཡང་རིའི་རྒྱལ་པོ་སྤོས་ཀྱི་ངད་ལྡང་པའི་བྱང་ཕྱོགས་ན་བྲག་གསེར་གྱི་བྱ་སྐྱིབས་ལྷ་མ་ཡིན་གྱི་ངོས་ཞེས་བྱ་བ་དབྱིབས་ལེགས་པ་ནང་གི་ས་གཞི་ཡང་གསེར་གྱི་བྱེ་མ་བརྡལ་ཞིང་ཙནྡན་གྱི་ཆུས་ཆག་ཆག་བཏབ་པ་སྟེ། དེར་ཡིད་དུ་མི་འོང་བའི་ཤིང་ངམ་
གསེག་མ་གང་ཅི་ཡང་རུང་བ་ལྷུང་བ་མི་མ་ཡིན་རྣམས་ཀྱིས་ཕྱིར་འདོར་བར་བྱེད་པ། དེའི་ཁོར་ཡུག་ཏུ་འང་བྲག་གསེར་གྱི་བྱ་སྐྱིབས་བརྒྱད་སྟོང་དང་བཅས་པ་ཡོད་དོ། །བྲག་དེའི་བྱང་ཕྱོགས་སུ་ཤིང་སཱ་ལའི་རྒྱལ་པོ་རབ་ཏུ་བརྟན་པ་ཞེས་བྱ་བ་འདོམ་བཞི་བཅུ་ཐུར་དུ་ཟུག་ཅིང་བརྒྱད་ཅུ་གྱེན་དུ་འཕགས་
པ་སཱ་ལའི་ཕྲེང་བ་རིམ་པ་བདུན་གྱིས་བསྐོར་བ་དང་། ཤིང་དེའི་ཤར་ཕྱོགས་སུ་རྫིང་བུ་དལ་གྱིས་འབབ་པ་ཞེས་བྱ་བ་དབྱིབས་ཟླུམ་པོ། །རྫིང་གཡོག་བརྒྱད་སྟོང་དང་བཅས་པ། ཐམས་ཅད་ཀྱང་ཡན་ལག་བརྒྱད་དང་ལྡན་པའི་ཆུས་གང་བའི་ནང་ན་མེ་ཏོག་ཨུཏྤ་ལ་དང་པདྨ་དང་ཀུ་མུ་དཱ་དང་པདྨ་
དཀར་པོ་ཆེ་ཞིང་མཆོག་ཏུ་ཆེ་བ་དག་གིས་ཁེབས་པ་ཡོད་དོ། །བརྒྱ་བྱིན་གྱི་གཡུལ་ངོར་སྤྱོད་པའི་གླང་པོ་ཆེ་རབ་བརྟན་ཞེས་བྱ་བ་གླང་པོ་ཆེ་བརྒྱད་སྟོང་གི་འཁོར་དང་བཅས་ཏེ། དགུན་དང་། དཔྱིད་དང་། སྟོན་གསུམ་དུ་ཟླ་བ་བཞི་བཞིར་བྲག་གསེར་གྱི་བྱ་སྐྱིབས་དང་། ཤིང་སཱ་ལའི་རྒྱལ་པོ་དང་། རྫིང་བུ་

213-1-24a

དལ་གྱིས་འབབ་པ་དག་ཏུ་རེ་མོས་སུ་འཇུག་ཅིང་འཁོད་པ་དེ་ལྟ་བུའི་ངོ་མཚར་གྱི་ཕྲེང་བ་མང་པོ་དག་ཡོད་དོ། །དེ་དག་ཏུ་མ་ཟད་གླིང་འདི་ནི་གླིང་གཞན་ལས་མངོན་པར་འཕགས་པའི་ཁྱད་པར་གྱི་ཆོས་ཤིན་ཏུ་མང་སྟེ། མདོ་དྲན་པ་ཉེར་གཞག་ལས། གླིང་གསུམ་གྱི་
ནང་ནས་འདི་ནི་ལས་ཀྱི་ས་ཡིན། འདིར་ནི་དགེ་བ་བཅུའི་ལས་ཀྱི་ལམ་དག་སེམས་པ་ཡིན། འདིར་ནི་སངས་རྒྱས་འབྱུང་བ་ཡིན། འདི་ནི་མིའི་གནས་བཞི་དག་གི་རག་ལས་པ་ཡིན། འདིར་ནི་དགེ་བ་བཅུའི་ལས་ཀྱི་ལམ་དག་ངེས་པར་སེམས་ཤིང་རྣམ་པར་དཔྱོད་པ་ཡིན། འདིར་ནི་
ཚངས་བར་སྤྱོད་པའི་གནས་ཡིན། འདིར་ནི་འཆི་བ་དང་སྐྱེ་བའི་སེམས་པ་ཡིན། འདིར་རྡོ་རྗེ་ལས་བྱས་པའི་གདན་ཡོད་ཅེས་གསུངས་པ་ལྟར་གླིང་འདིར་བྱང་ཆུབ་སེམས་དཔའ་ཆེན་པོ་རྣམས་ཀྱིས་ཞིང་སྦྱོང་བའི་སྨོན་ལམ་གྱི་ཁྱད་པར་མང་པོས་མཛའ་བར་བཅིངས་པ་དང་།
གདུལ་བར་བགྱི་བའི་འགྲོ་བ་མཐའ་དག་གིས་ཀུན་ནས་བསྟེན་པའི་གནས་ཡིན་པའི་ཕྱིར་ཁྱད་པར་དུ་འཕགས་པ་སྟེ། དེ་ཡང་སྔོན་བདག་ཅག་གི་སྟོན་པ་འདིས་བྱང་ཆུབ་ཀྱི་སྤྱད་པ་སྤྱོད་པ་ན། ཝཱ་རཱ་ཎ་སཱི་ཁོ་ན་ལ་ཡང་འདས་པའི་དུས་ཀྱི་སངས་རྒྱས་མང་པོ་བྱོན་པ་ལ་མཆོད་པ་དང་། དེ་དག་
གི་རྗེས་སུ་བསྟན་པ་ཐོས་པའང་དཔག་ཏུ་མཆིས་པ་བྱུང་བར་ངེས་ཏེ། རྒྱ་ཆེར་རོལ་པའི་མདོ་ལས། དེར་ནི་ང་ཡིས་མཆོད་སྦྱིན་སྟོང་ཕྲག་བྱེ་བ་ཁྲག་ཁྲིག་དྲུག་ཅུ་བྱས། །དེར་ནི་སངས་རྒྱས་སྟོང་ཕྲག་བྱེ་བ་ཁྲག་ཁྲིག་དྲུག་ཅུ་དེ་དག་མཆོད། །ཝཱ་རཱ་ཎ་སཱི་དམ་པའི་དེ་ནི་སྔོན་གྱི་དྲང་སྲོང་རྣམས་
ཀྱི་གནས། །ས་དེ་ལྷ་དང་ཀླུ་ཡིས་མངོན་བསྟོད་རྟག་ཏུ་ཆོས་ནི་མངོན་པར་གཞོལ། །ངས་ནི་སྔོན་ཆད་སངས་རྒྱས་བྱེ་བ་སྟོང་ཕྲག་དགུ་ཅུ་རྩ་གཅིག་དྲན། །དེ་དག་དྲང་སྲོང་ཞེས་བྱ་ནགས་མཆོག་དེར་ནི་འཁོར་ལོ་དམ་པ་བསྐོར། །ཞི་ཞིང་ཉེར་ཞི་བསམ་གཏན་མངོན་གྱུར་རྟག་ཏུ་
རི་དྭགས་རྣམས་ཀྱིས་བསྟེན། །དེ་ཕྱིར་དྲང་སྲོང་ཞེས་བྱ་ནགས་མཆོག་དེར་ནི་འཁོར་ལོ་དམ་པ་བསྐོར། །ཞེས་གསུངས་པ་དང་། གནས་བྱ་རྒོད་ཕུང་པོ་ཉིད་དུ་བཞུགས་པའི་སངས་རྒྱས་ལ་བཀུར་སྟིར་མཛད་པ་ཡང་ཆེས་ཤིན་ཏུ་མང་སྟེ། ཏིང་ངེ་འཛིན་རྒྱལ་པོའི་མདོ་ལས། སངས་

213-1-24b

རྒྱས་དག་ནི་བྱེ་བ་ཕྲག་སྟོང་དང་། །དེ་བས་ལྷག་པ་གངྒཱའི་བྱེ་མ་སྙེད། །ཀུན་ཀྱང་བྱ་རྒོད་ཕུང་བོ་འདིར་བཞུགས་ཏེ། །མི་དབང་དེ་ཀུན་ང་ཡིས་བཀུར་སྟིར་བྱས། །ཞེས་གསུངས་པའི་ཕྱིར་རོ། དེ་བཞིན་དུ་མ་འོངས་པར་ཡང་སྒྲོན་མེའི་བསྐལ་པ་འདི་ལ་འབྱོན་པར་འགྱུར་པའི་སངས་རྒྱས་
བཅོམ་ལྡན་འདས་སྟོང་ཕྲག་གཅིག་ལ་བཞིས་དམན་པའམ་གཅིག་གིས་དམན་པ་རྣམས་ཀྱང་བྱང་ཆུབ་ཀྱི་སྙིང་པོ་མངོན་དུ་མཛད་ཅིང་ཆོས་ཀྱི་འཁོར་ལོ་བསྐོར་བའི་གནས་སུ་འགྱུར་བའི་ཕྱིར་དང་། བྱེ་བྲག་ཏུ་བདག་ཅག་གི་སྟོན་པ་ཡང་དག་པར་རྫོགས་པའི་སངས་རྒྱས་རིག་པ་དང་ཞབས་སུ་ལྡན་པ་
བདེ་བར་གཤེགས་པ། འཇིག་རྟེན་མཁྱེན་པ། སྐྱེས་བུ་འདུལ་བའི་ཁ་ལོ་སྒྱུར་པ། བླ་ན་མེད་པ། ལྷ་དང་མི་རྣམས་ཀྱི་སྟོན་པ་ཐུབ་པའི་དབང་པོ་ཉིད་ཀྱིས་བྱང་ཆུབ་ཀྱི་ཤིང་ལྗོན་པའི་དྲུང་ག་ལ་བར་སྐྱིལ་མོ་ཀྲུང་གཅིག་ལ་ཡིད་ཀྱི་སྲུབ་ཤིང་སྡེ་དང་བཅས་པ་ལས་རྣམ་པར་རྒྱལ་བའི་འགོ་འཕང་
དམ་པ་མངོན་དུ་མཛད་པའི་ཚུལ་བསྟན་པ་དང་། འཇིག་རྟེན་གྱི་ཁམས་ཐམས་ཅད་དུ་སྣང་བར་བྱེད་པའི་ཆོས་ཀྱི་འཁོར་ལོ་བསྐོར་བའི་བྱིན་གྱིས་རློབ་པས་བྱིན་གྱིས་བརླབས་ཏེ། སླར་ཡང་མི་ཤིགས་རྡོ་རྗེ་རིན་པོ་ཆེའི་ཁམས་སུ་བརླིང་བར་བྱས་པའི་གནས་སུ་གྱུར་པའི་གླིང་ཐམས་ཅད་ཀྱི་གཙུག་
གི་ནོར་བུ་གཅིག་པུར་གྱུར་པ་ནི་ཛམྦུའི་གླིང་འདི་ཉིད་དོ། །གཞན་ཡང་གླིང་འདིའི་ནུབ་ཕྱོགས་སུ་གསང་ཆེན་རྡོ་རྗེ་ཐེག་པའི་ཉེ་ལམ་གི་བདུད་རྩི་བསམ་གྱིས་མི་ཁྱབ་པའི་འབྱུང་གནས་སུ་གྱུར་པའི་ཆོས་མཛོད་ཆེན་པོ། རིག་པ་འཛིན་པ་རྣམས་ཀྱི་དགའ་བའི་ཚལ་ལྟ་བུའི་གནས་མཆོག་ཁྱད་པར་ཅན་ཨོོ་ཌྱཱན་
རྡོ་རྗེ་ཆེན་པོའི་ཕོ་བྲང་ཞེས་བྱ་བ་ཡོད་དོ། །ཤར་ཕྱོགས་སུ་རྒྱལ་བ་མ་ལུས་པ་སྐྱེད་པའི་ཡབ་གཅིག་བྱང་ཆུབ་སེམས་དཔའ་སེམས་དཔའ་ཆེན་པོ་འཇམ་དཔལ་བརྟན་པའི་འཁོར་ལོ་བུས་པ་ཆུང་ངུའི་གཟུགས་སུ་བཟུང་ནས། ཡིད་ཅན་རྒྱ་མཚོ་ཆེན་པོའི་རྡུལ་གྱི་གྲངས་དང་མཉམ་པ་རྣམ་པ་ཐམས་ཅད་
མཁྱེན་པའི་གྲོང་ཁྱེར་དུ་ཁྲིད་པའི་ཆོས་ཀྱི་ཚུལ་ལེགས་པར་འདོམས་པའི་གནས་རྒྱའི་རི་བོ་རྩེ་ལྔ་ཞེས་བྱ་བ་ཡོད་དོ། །ལྷོ་ཕྱོགས་སུ་སྙིང་རྗེ་ཆེན་པོའི་གཏེར་ཆེན་འཕགས་པ་སྤྱན་རས་གཟིགས་དབང་ཕྱུག་དང་ཐུགས་རྗེ་ཤིན་ཏུ་མྱུར་བའི་དཔའ་མོ་རྗེ་བཙུན་སྒྲོལ་མ་སྟེ་གཉིས་ཀྱིས་སེམས་ཅན་གྱི་ཁམས་སུ་ཉིན་མཚན་

213-1-25a

གྱི་དུས་རྣམ་པ་དྲུག་ཏུ་དགོངས་ཤིང་དངོས་དང་རྣམ་པར་འཕྲུལ་བའི་སྒྱུ་འཕྲུལ་གྱི་དྲ་བས་བྱང་ཆུབ་ཀྱི་སྤྱོད་པ་སྐྱོང་ཞིང་བཞུགས་པའི་གཞལ་མེད་ཁང་དག་གིས་མངོན་པར་བརྒྱན་པའི་རི་བོ་གྲུ་འཛིན་ཞེས་བྱ་བ་དང་། སྟོན་པ་ཤཱཀྱའི་རྒྱལ་པོས་ཟུང་འཇུག་གི་སྐུར་བཞེངས་ནས་སྐལ་བ་དང་ལྡན་པའི་གདུལ་བྱ་མཆོག་
གི་འཁོར་རྣམས་ལ་དཔལ་དུས་ཀྱི་འཁོར་ལོའི་རྩི་བའི་རྒྱུད་ཀྱི་བདུད་རྩིའི་དགའ་སྟོན་སྩལ་བའི་གནས་སུ་བྱིན་གྱིས་བརླབས་པ་དཔལ་ལྡན་འབྲས་སྤུངས་ཀྱི་མཆོད་རྟེན་ཆེན་པོ་ཞེས་བྱ་བ་བཞུགས་སོ། །བྱང་ཕྱོགས་སུ་རྒྱལ་བའི་སྲས་ཀྱི་རང་གཟུགས་ཆོས་བཞིན་མཛད་པའི་ཆོས་རྒྱལ་བདུན་དང་རིགས་ལྡན་ཉི་ཤུ་རྩ་
ལྔས་ལེགས་པར་བསྲུངས་པ། ཀ་ལཱ་པ་ཞེས་བྱ་བས་མཚོན་པའི་གྲོང་ཁྱེར་བྱེ་བ་ཕྲག་དགུ་ཅུ་རྩ་དྲུག་དང་ལྡན་པའི་འཛིན་མའི་དཀྱིལ་འཁོར་དམ་པ་ཤམྦྷ་ལ་ཞེས་བྱ་བ་དང་། ས་ཆེན་པོ་ལ་གནས་པའི་བྱང་ཆུབ་སེམས་དཔའ་ཆེན་པོ་རྣམས་ཀྱི་རྣམ་པར་འཕྲུལ་པའི་རོལ་རྩེད་བགྲང་དུ་མེད་པ་དག་
གིས། བཅོམ་ལྡན་འདས་བུ་རམ་ཤིང་པའི་ལུང་དང་རྟོགས་པའི་བསྟན་པ་ཡིད་བཞིན་གྱི་ནོར་བུ་རིན་པོ་ཆེ་མཁའ་པའི་ཕྲིན་ལས་གསུམ་གྱི་རྒྱལ་མཚན་དམ་པའི་རྩེ་མོ་ལ་མངའ་གསོལ་ཏེ། ཇི་སྲིད་མ་ཕམ་རྒྱལ་བའི་དབང་པོའི་བསྟན་པ་ཤར་བར་མ་གྱུར་པ་དེ་སྲིད་དུ་བརྟན་པར་བགྱིད་པའི་གནས་དམ་པ་བོད་ཡུལ་
ཁ་བའི་ལྗོངས་ཞེས་བྱ་བ་རྣམས་ཡོད་དོ། །གཞན་ཡང་འཇིག་རྟེན་ལས་འདས་པ་ཆེན་པོ་དཔལ་ཧེ་རུ་ཀའི་ཡེ་ཤེས་སྐྱེ་བ་མེད་པའི་ཀློང་ནས་སྐྱེ་བའི་ཆོ་འཕྲུལ་གྱི་རྣམ་པར་རོལ་པའི་དཔའ་བོ་དང་རྣལ་འབྱོར་མས་ཆེན་པོའི་རྡུལ་ཕྲ་བ་སྙེད་ཀྱིས་རྣམ་པར་རྩེ་བའི་གནས་ཆེན་པོ་ཡུལ་སུམ་ཅུ་རྩ་གཉིས། གནས་ཉི་ཤུ་
རྩ་བཞི། དུར་ཁྲོད་ཆེན་པོ་བརྒྱད་རྣམས་དང་། གཞན་ཡང་ཡུལ་འཁོར་ལྔ་བརྒྱ་དང་། ལྗོངས་ཆེན་པོ་བཅུ་དྲུག་དང་། ཡུལ་ཕྲན་སྟོང་ཕྲག་གཅིག་སྟེ། དེ་དག་ཏུ་བསྟེན་པའི་མིའི་རིགས་མི་འདྲ་བ་སུམ་བརྒྱ་དྲུག་ཅུ་དང་། སྐད་ཀྱི་རིགས་མི་འདྲ་བ་བདུན་བརྒྱ་ཉི་ཤུ་འབྱིན་པ་ཡོད་པར་བཤད་པ་རྣམས་
ཀྱང་གླིང་འདི་ཉིད་དུ་ཡོད་པས་སོ། །མདོར་ན་བསྐལ་པ་བཟང་པོའི་བྱང་ཆུབ་སེམས་དཔའ་སྟོང་དང་བཞི་ལས་ཐུགས་བསྐྱེད་ཀྱི་སྟོབས་རྨད་དུ་བྱུང་བར་བཤད་པ་ནི་སྟོན་པ་འདི་ཉིད་དེ། གང་དེས་མཛད་པའི་ཕྲེང་བ་རྨད་དུ་བྱུང་བ་དང་བཅས་ཏེ་སེམས་ཅན་གྱི་དོན་ལ་བྱོན་པའི་གནས་ནི་ཛམྦུའི་གླིང་ཞེས་བྱ་བ་འདི་ཉིད་

213-1-25b

དོ། །གཉིས་པ་དེར་ཇི་ལྟར་བྱོན་པ་དངོས་ནི། སློབ་དཔོན་ཆེན་པོ་ཀླུ་སྒྲུབ་ཀྱིས། དང་པོར་བྱང་ཆུབ་མཆོག་ཏུ་ཐུགས་བསྐྱེད་དེ། །བསྐལ་པ་གྲངས་མེད་གསུམ་དུ་ཚོགས་བསགས་ཤིང་། །བར་དུ་གཅོད་པའི་བདུད་རྣམས་འཇོམས་མཛད་པ། །བཅོམ་ལྡན་སེང་གེ་དེ་ལ་ཕྱག་འཚལ་ལོ། །ཞེས་
གསུངས་བ་ལྟ་བུའི་གོ་རིམས་དང་རྗེས་སུ་མཐུན་པར་བརྗོད་པར་བྱའོ། །དེ་ལ་དང་པོ་བྱང་ཆུབ་ཏུ་ཐུགས་བསྐྱེད་པ་དང་། བར་དུ་ཚོགས་གཉིས་བསགས་པ་དང་། མཐར་སངས་རྒྱས་པ་དངོས་སོ། །དང་པོ་ཐུགས་བསྐྱེད་པ་ལའང་ཐེག་པ་དམན་པ་ལ་གྲགས་པ་དང་། ཐེག་པ་ཆེན་པོ་ལ་གྲགས་
པ་གཉིས་སོ། །དང་པོ་ཐེག་པ་དམན་པ་ལྟར་ན། འདུལ་བ་ལུང་ལས། སངས་རྒྱས་འདོད་ཆགས་བྲལ་ཐོས་ཤིང་། །གླང་པོ་དྲེགས་པའི་ཤས་ཆེན་དང་། །འཇིག་རྟེན་སྡུག་བསྔལ་གྱུར་མཐོང་ནས། །ངས་ནི་བྱང་ཆུབ་སེམས་བསྐྱེད་དོ། །ཞེས་འབྱུང་བའི་དོན་བསྡུས་ཏེ་བརྗོད་ན་འདི་ལྟར་
སྔོན་བྱུང་བ་འདས་པའི་དུས་ཀྱི་བསྐལ་པ་ལ་ཁོ་བོ་ཅག་གི་སྟོན་པ་འདི་ནི་རྒྱུད་རང་བཞིན་ཀྱིས་མཉེན་ཞིང་ཆོས་ལ་གུས་པ་ལྷུར་བགྱིད་པ། འོད་ལྡན་ཞེས་བྱ་བའི་གྲོང་ཁྱེར་གྱི་རྒྱལ་པོ་རབ་གསལ་ལམ་འོད་ལྡན་ཞེས་བྱ་བ་སྟོབས་དང་འབྱོར་པ་ནི་ལྷ་རྣམས་ཀྱི་དབང་པོའི་ཕུན་སུམ་ཚོགས་པ་ལྟ་བུ་ལ་སྤྱོད་པ་
ཞིག་ཏུ་གྱུར་ཏོ། །དེ་ལ་དུས་གཞན་ཞིག་ན། གླང་པོ་ཆེ་མེ་ཏོག་ཀུ་མུ་དའི་མདོག་བཞིན་དུ་ཐལ་ཀར་ཡོད་པ། གཟུགས་བཟང་ཞིང་ཡན་ལག་བདུན་ལགས་པར་རྫོགས་པ་ཞིག་ཡོད་དེ། དེ་འདུལ་བའི་ཆེད་དུ་ཀུན་དུ་བགྲོད་ཅེས་བྱ་བའི་གླང་པོ་འདུལ་མཁན་ཞིག་ཡོད་པ་དེ་བཀུག་སྟེ་འདུལ་དུ་འཇུག་
གོ། །དེས་ཀྱང་དེ་ལྟར་མཉན་ཏེ་དུལ་བར་བྱས་ནས་སླར་རྒྱལ་པོ་ལ་ཕུལ་ལོ། །དེ་ནས་ཉམས་སད་པའི་ཕྱིར་རྒྱལ་པོ་དང་འདུལ་མཁན་གཉི་གས་གླང་པོ་ཆེའི་རྒྱབ་ཏུ་ཞོན་ཏེ་རི་དྭགས་བཤོར་དུ་སོང་ངོ་། །ཇི་ཙམ་ན་གླང་པོ་ཆེ་དེས་ནགས་ཀྱི་བན་གླང་མོའི་དྲི་ཚོར་བའི་རྐྱེན་བྱས་པས་རྩི་དགའི་བདེ་བ་རྗེས་སུ་དྲན་
ཏེ་དེའི་རྗེས་སུ་རླུང་དང་འདྲ་བར་མགྱོགས་པའི་ཤུགས་ཀྱིས་རྒྱུག་པ་ན། རྒྱལ་པོ་སྐྲག་སྟེ་འདུལ་མཁན་ལ་སྨྲས་པ། ཀྱེ་གླང་པོ་འདུལ་བ་གླང་པོའི་དབང་པོ་འདུལ་བ་ལ་འབད་པར་གྱིས་ཤིག །དེས་སྨྲས་པ། ལྷ་འདི་ན་འཁྲུལ་གྱིས། ཤིང་གི་ཡལ་ག་ལ་འཇུས་ཤིག །དེ་ནས་གཉིས་ཀས་ཤིང་གི་ཡལ་

213-1-26a

ག་ལ་འཇུས་ཏེ་གླང་པོ་ཆེ་ཅི་དགར་བཏང་ནས་བདེ་བར་བབ་པོ། །དེར་རྒྱལ་པོས་འདུལ་མཁན་ལ་སྨྲས་པ། ཁྱོད་ཀྱིས་གླང་པོ་མ་ཐུལ་བ་ང་ལ་བྱིན་ནོ། །དེས་སྨྲས་པ། ལྷ་ཁོ་བོ་ཅག་གིས་འདིའི་ལུས་ནི་ཤིན་ཏུ་དུལ་བར་བྱས་པ་ཡིན་ནོ། །འོན་ཀྱང་སེམས་ནི་དེ་ལྟར་མ་ལགས་པས།
དེང་བན་གླང་མོའི་འདྲི་ཚོར་ཏེ་ཉན་ཏུ་མ་བཏུབ་བོ། །དེ་ལྟ་ནའང་དཔྱད་རྗེས་སུ་དྲན་ནས་རིང་པོར་མི་ཐོགས་པར་འོང་བར་འགྱུར་རོ། །དེས་ཇི་སྐད་སྨྲས་པ་བཞིན་དུ་ཞག་བདུན་ནས་ཁྱིམ་དུ་བྱང་ངོ་། །དེ་མཐོང་ནས་འདུལ་མཁན་གྱིས་རྒྱལ་པོ་ལ་སྦྲོན་ནོ། །དེ་ནས་རྒྱལ་པོའི་བདུན་དུ་ཡིད་ཆེས་པར་བྱ་བའི་
ཕྱིར་ཀུན་ཏུ་བགྲོད་ཀྱིས་ལྕགས་ཀྱི་ཐོ་ལུམ་སོལ་མལ་དུ་བསྲེགས་པ་རབ་ཏུ་འབར་བ་ཞིག་ཐོགས་ཏེ་ཁ་ཁ་ཞེས་བརྗོད་དོ། །དེ་ལ་གླང་པོས་ཀྱང་བག་ཚབ་མེད་པར་ལེན་དུ་བརྩམས་པ་ན། འདུལ་མཁན་གྱིས་སྨྲས་པ། ལྷ་འདི་ལེན་དུ་ནི་བཏུབ་ན་འོན་ཀྱང་འགུམ་པར་འགྲུར་རོ། །དེ་དག་གིས་རྒྱལ་པོ་
ཡིད་ཆེས་པར་གྱུར་ཏེ་ཡང་སྨྲས་པ། དེ་ལྟར་དུལ་བར་བགྱིས་པ་ལ་བདག་ཅག་ཟུང་ནི་དེ་ལྟ་བུའི་གཡེང་བར་བྱེད་པའི་རྒྱུ་ཅི་ཞིག་ཅེས་དྲིས་པ་ལ། ལྷ་ཁོ་བོ་ཅག་གིས་ལུས་ནི་ཐུལ་གྱིས་སེམས་ནི་མ་ལགས་སོ་ཞེས་བྱ་བ་སྔར་ཡང་མ་གསོལ་ལམ། དེར་རྒྱལ་པོས་སྨྲས་པ། སེམས་འདུལ་བ་གང་
དག་ཡོད་པ་ཁྱོད་ཀྱིས་མཐོང་བ་དང་ཐོས་པ་བྱུང་ངམ་ཞེས་དྲིས་སོ། །དེ་ཡང་ལྷས་བསྐུལ་ནས། ལྷ་གཅིག་ལུས་དང་སེམས་འདུལ་པ་པོ་ནི་སངས་རྒྱས་བཅོམ་ལྡན་འདས་རྣམས་སོ་ཞེས་བྱ་བ་ལ་སོགས་པ་གཏམ་གྱི་ཞར་ལས་སངས་རྒྱས་ཀྱི་མཚན་ཐོས་པའི་མོད་ལ་རྒྱལ་པོ་སངས་རྒྱས་བཅོམ་ལྡན་
འདས་ལ་ཤིན་ཏུ་དད་པར་གྱུར་ཏེ་སྦྱིན་པ་ནི་བྱིན། བསོད་ནམས་ནི་ཅི་ཡང་བསགས་ཏེ་བླ་ན་མེད་པའི་བྱང་ཆུབ་ལ་མོས་བས། སྦྱིན་པ་རྒྱ་ཆེན་གྱུར་བ་འདི་ཡིས་སུ། །འགྲོ་བར་རང་བྱུང་སངས་རྒྱས་གྱུར་ནས་ནི། །སྔོན་གྱི་རྒྱལ་བ་རྣམས་ཀྱིས་མ་བསྒྲལ་བའི། །སྐྱེ་བོའི་ཚོགས་རྣམས་བདག་གིས་
བསྒྲལ་བར་བྱ། །ཞེས་བ་སྨོན་ལམ་དུ་བཏབ་པས་སྨོན་ལམ་གྱི་ཐོག་མ་བསྐྲུན་བར་བཤད་དོ། །གཉིས་པ་ཐེག་པ་ཆེན་པོ་ལས་འབྱུང་བ་ལ། སེམས་བསྐྱེད་ཀྱི་ངོ་བོ་དང་། ཇི་ལྟར་སེམས་བསྐྱེད་པ་དངོས་སོ། །ཇི་ལྟར་སེམས་བསྐྱེད་ཀྱི་ངོ་བོ་ནི། གཞན་གྱི་དོན་བསྒྲུབ་པའི་ཕྱིར་ཡང་དག་པར་

213-1-26b

རྫོགས་པའི་བྱང་ཆུབ་ལ་དམིགས་པའི་མཚན་ཉིད་ཅན་གང་ཡིན་པ་སྟེ། དེ་སྐད་དུའང་། མངོན་པར་རྟོགས་པའི་རྒྱན་ལས། སེམས་བསྐྱེད་པ་ནི་གཞན་དོན་ཕྱིར། །ཡང་དག་རྫོགས་པའི་བྱང་ཆུབ་འདོད། །ཅེས་སོ། །དེ་ལའང་ནང་གསེས་ཀྱི་སྒོ་ནས་དབྱེ་ན། བྱང་ཆུབ་ཏུ་སྨོན་པའི་སེམས་
བསྐྱེས་པ་ཞེས་བྱ་བ་དང་། དེ་བསྒྲུབ་པར་རྩོམ་པ་འཇུག་པའི་སེམས་བསྐྱེད་པ་ཞེས་བྱ་བ་གཉིས་སུ་འགྱུར་ཏེ། ཞི་བའི་ལྷས། འགྲོ་བར་འདོད་དང་འགྲོ་བ་ཡིས། །དེ་བཞིན་མཁས་པས་འདི་གཉིས་ཀྱི། །བྱེ་བྲག་རིམ་བཞིན་ཤེས་པར་བྱ། །ཞེས་སོ། །དེ་ལའང་ཡུལ་གྱི་སྒོ་ནས་དབྱེ་ན།
ཀུན་རྫོབ་བྱང་ཆུབ་ཀྱི་སེམས་ཞེས་བྱ་བ་དང་། དོན་དམ་བྱང་ཆུབ་ཀྱི་སེམས་ཞེས་བྱ་བ་གཉིས་སུ་འགྱུར་ཏེ། དང་པོ་ཐོབ་པར་བྱེད་པའི་རྒྱུ་ནི། རྒྱན་ལས། གྲོགས་སྟོབས་རྒྱུ་སྟོབས་རྩ་བའི་སྟོབས། །ཐོས་སྟོབས་དགེ་བ་གོམས་པ་ལས། །མི་བརྟན་པ་དང་བརྟན་འབྱུང་བ། །གཞན་གྱིས་
བསྟན་པའི་སེམས་བསྐྱེད་འདོད། །ཅེས་འབྱུང་བ་ལྟ་བུའོ། །ཕྱི་མ་ཐོབ་པར་བྱེད་པའི་རྒྱུ་ནི། ཇི་སྐད་དུ། རྫོགས་པའི་སངས་རྒྱས་རབ་བསྙེན་བྱས། །བསོད་ནམས་ཡེ་ཤེས་ཚོགས་རབ་བསགས། །ཆོས་ལ་མི་རྟོག་ཡེ་ཤེས་ནི། །བསྐྱེད་ཕྱིར་དེ་ནི་དམ་པར་འདོད། །ཅེས་འབྱུང་བ་ལྟ་
བུའོ། །དེ་བཞིན་དུ་ས་མཚམས་ཀྱི་སྒོ་ནས་དབྱེ་ན། མོས་པ་དང་། ལྷག་པའི་བསམ་པ་རྣམ་པར་དག་པ་དང་། རྣམ་པར་སྨིན་པ་དང་། སྒྲིབ་པ་སྤོང་བ་སྟེ་བཞིའོ། །དེ་སྐད་དུའང་། སེམས་བསྐྱེད་དེ་ནི་ས་རྣམས་ལ། །མོས་དང་ལྷག་བསམ་དག་པ་དང་། །རྣམ་པར་སྨིན་པ་གཞན་དུ་
འདོད། །དེ་བཞིན་སྒྲིབ་པ་སྤོང་བའོ། །ཞེས་སོ། །གྲོགས་དང་དཔེའི་སྒོ་ནས་ནི། འདུན་པ་དང་ལྡན་པས་ལྟ་བུ་ནས་ཆོས་ཀྱི་སྐུ་སྤྲིན་ལྟ་བུའི་བར་གྱི་ཉི་ཤུ་རྩ་གཉིས་སུ་རྒྱན་ལས་ཇི་སྐད་བཤད་པ་ལྟར་ཤེས་པར་བྱའོ། །གཉིས་པ་ཇི་ལྟར་སེམས་བསྐྱེད་པ་དངོས་ནི། དྲིན་ལན་བསབས་
པའི་མདོ་ལས་འབྱུང་བའི་སྙིང་པོ་དྲི་ལན་འདི་ལྟར། བཅོམ་ལྡན་འདས་འདི་སྔོན་གྱི་བསྐལ་པ་དཔག་ཏུ་མེད་པའི་གོང་རོལ་དུ་སོ་སོ་སྐྱེ་བོའི་འཆིང་བ་ཐམས་ཅད་དང་ལྡན་པའི་དུས་སུ། ལས་ཀྱི་དབང་གིས་མེའི་ཤིང་རྟ་ཞེས་བྱ་བའི་དམྱལ་བར་ལྷུངས་ཏེ། གྲོགས་གཞན་ཞིག་དང་ལྷན་ཅིག་ཏུ་དམྱལ་

213-1-27a

བའི་སྲུང་མ་ཨ་བང་སྡོད་པའི་ཤིང་རྟ་འདྲེན་པའི་གྱད་དུ་གྱུར་ཏོ། །སྲུང་མ་དེ་ནི་ལུས་བོང་ཤིན་ཏུ་ཆེ་ཞིང་ཁ་དང་མིག་དང་རྣ་བ་དང་སྣ་རྣམས་ནས་མེ་འབུད་ཅིང་དུབ་གཏུལ་བ། རྒྱུད་གཏུམ་པོ་མི་བཟད་པ་དང་ལྡན་པ་ཡིན་པས་ཤིང་རྟ་ལ་སྐྱིལ་མོ་ཀྲུང་བཅས་ཏེ་གནས་བཞིན་དུ་ལག་པ་
ན་ལྕགས་ཀྱི་དབྱུག་པ་ཐོགས་ནས་ཤིང་རྟ་འདྲེན་པ་གཉིས་ལ་བརྡེག་གོ། །དེས་ཤིན་ཏུ་ན་བའི་སྡུག་བསྔལ་ལམ་བཟོད་ནས་ཇི་ལྟར་ནུས་པའི་སྟོབས་ཀྱིས་དྲངས་བས། ཅིག་ཤོས་ནི་ཉམ་ཆུང་བར་གྱུར་པས་དེ་ལྟར་དུ་འདྲན་པར་མ་ནུས་པ་ལ། དམྱལ་བའི་སྲུང་མས་ལྕགས་ཀྱི་མདུང་རྩེ་གསུམ་པ་
བྲང་ལ་བཙུགས་ནས་ལྕགས་ཀྱི་དབྱུག་པས་བསྣུན་པས་ཁྲག་ཆལ་པར་ཕབ་བོ། །དེའི་ཚེ་གྱད་དེ་ནི་ཐེག་པ་ཆེན་པོའི་རིགས་དང་ལྡན་པར་གྱུར་པ་ཡིན་པས་གྲོགས་ཀི་སྡུག་བསྔལ་མཐོང་བས་སྙིང་རྗེ་རབ་ཏུ་རྒྱས་པའི་སེམས་སྐྱེས་ཏེ། སྲུང་མ་ཨ་བང་ལ། འདི་ལ་སྙིང་རྗེ་ཅུང་ཟད་སྐྱེད་ཅིག་ཅེས་
སྨྲས་སོ། །དེས་དེ་ལ་ཁྲོས་ནས་ལྕགས་ཀྱི་མདུང་ཐུང་འབར་བ་རྩེ་གསུམ་པ་གྱད་ཀྱི་གཉའ་བར་བཙུགས་པས་དེ་ཉིད་དུ་དུས་བྱས་སོ། །དེར་སྙིང་རྗེ་སེམས་ཀྱི་མཐུ་ཆེན་པོས་བསྐལ་པ་བརྒྱ་སྙེད་ཀྱི་སྡིག་པ་ཡང་ཆུས་བཀྲུས་པའི་དྲི་མ་བཞིན་དུ་བྱང་ནས་དམྱལ་བའི་གནས་དེ་ལས་ཐར་པར་གྱུར་ཏོ། །
དེ་ནས་རིང་ཞིག་ལོན་པ་ན་ཛམྦུའི་གླིང་གི་ལྷོ་ཕྱོགས་ཀྱི་རྒྱུད་དུ་རྫ་མཁན་གྱི་ཁྱེའུ་སྣང་བྱེད་ཅེས་བྱ་བ་ཞིག་ཏུ་གྱུར་ཏོ། །དེ་ལྟ་བུའི་རིགས་ལ་གནས་པའི་གང་ཟག་དེ་ལ་ཡང་། ཇི་སྐད་དུ་། རིགས་དང་དགེ་བཤེས་སྙིང་རྗེ་དང་། །སྡུག་བསྔལ་རྣམས་ཀྱིས་མི་ལྡོག་པ། །རྒྱུ་བཞི་རྐྱེན་ནི་འདི་དག་
གིས། །བྱང་ཆུབ་སེམས་ནི་རབ་ཏུ་འཇུག །ཅེས་པ་ལྟར་བྱང་ཆུབ་ཀྱི་སེམས་འཕེལ་བར་བྱེད་པའང་བདག་རྐྱེན་དགེ་བའི་བཤེས་ལ་རག་ལས་པ་ཡིན་པའི་ཕྱིར། ཇི་ལྟར་ན་ཁྱེའུ་སྣང་བྱེད་སངས་རྒྱས་ཤཱཀྱ་ཐུབ་པ་ཆེན་པོ་ལ་ཤིན་ཏུ་དད་པར་གྱུར་ཏེ། ཐུག་འཇམ་ཡོལ་གོ་གང་ཞིག་ཕུལ་ཏེ། མེ་ཏོག་
ཏུ་འགྲོན་བུ་ལྔས་ཀྱང་མངོན་པར་གཏོར་ནས། བདེ་བར་གཤེགས་པ་ཁྱེད་སྐུ་ཅི་འདྲ་དང་། །སྐུ་ཚེའི་ཚད་ཀྱང་ཁྱེད་དང་ཅི་འདྲ་བ། །མཚན་མཆོག་བཟང་པོ་ཁྱེད་དང་ཅི་འདྲ་པ། །དེ་བཞིན་བདག་ཀྱང་དེ་དང་འདྲ་བར་ཤོག །ཅེས་སྨོན་ལམ་བཏབ་ཅིང་བླ་ན་མེད་པའི་བྱང་ཆུབ་ཏུ་སེམས་བསྐྱེད་དོ། །

213-1-27b

དེ་ལྟར་ཡང་། འཕགས་པ་བསྐལ་པ་བཟང་པོ་ལས། ང་ནི་སྔོན་ཚེ་དམན་པར་གྱུར་པའི་ཚེ། །དེ་བཞིན་གཤེགས་པ་ཤཱཀྱ་ཐུབ་དེ་ལ། །འཇམ་གང་ཞིག་ནི་དབུལ་བར་བྱས་ནས་ཀྱང་། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །ཞེས་འབྱུང་ངོ་། །གཉིས་པ་བར་དུ་ཚོགས་གཉིས་
བསགས་པ་ལ། ཐེག་བ་ཆུང་ངུར་གྲགས་པ་དང་། ཐེག་པ་ཆེན་པོར་གྲགས་པ་གཉིས་སོ། །དང་པོ་ཐེག་པ་ཆུང་ངུར་གྲགས་པ་ལྟར་ན། མཛོད་ལས། དེ་གྲངས་མེད་གསུམ་ལ་འཚང་རྒྱུ། ཞེས་གསུངས་པ་ལྟར། གྲངས་མེད་གསུམ་གྱིས་ཚར་ཕྱིན་པ་འདོད་དེ། དེ་ཡང་
བྱང་ཆུབ་ཀྱི་ཕྱོགས་ཀྱི་ཆོས་རྣམས་གཞན་དོན་དུ་བྱང་ཆུབ་ཐོབ་པའི་སེམས་ཀྱིས་སངས་རྒྱས་རྣམས་མཆོད་པས་མཉེས་པར་བྱེད་པ་དང་། གཞན་དོན་དུ་ཕ་རོལ་ཏུ་ཕྱིན་པ་དྲུག་གི་སྤྱོད་པ་རྣམས་བསྐལ་པ་ཆེན་པོ་གྲངས་མེད་པ་གསུམ་དུ་སྤྱད་པས་བྱང་ཆུབ་ཏུ་སངས་རྒྱས་པར་འདོད་པའི་དབང་དུ་བྱས་
པ་ནི། འདི་ལྟར་བསྐལ་པ་གྲངས་མེད་པ་དང་པོ་ལ་བདག་ཅག་གི་སྟོན་པ་འདི་ནི་སྔོན་དུ་རྫ་མཁན་གྱི་ཁྱེའུར་གྱུར་པའི་ཚེ། ཐོག་མར་དེ་བཞིན་གཤེགས་པ་ཤཱཀྱ་ཐུབ་པ་ཆེན་པོ་འཇིག་རྟེན་དུ་བྱོན་པ་ལ་མར་དང་ཏིལ་མར་གྱིས་བསྙེན་བཀུར་བ་ནས་བཟུང་སྟེ། རྒྱལ་པོར་གྱུར་པའི་ཚེ་ཡན་ལག་བཞི་པའི་
དཔུང་གི་ཚོགས་ཡོངས་སུ་སྤངས་ནས། བྱང་ཆུབ་མངོན་པར་འདོད་པའི་སེམས་ཀྱིས། དེ་བཞིན་གཤེགས་པ་ཡུལ་འཁོར་སྐྱོང་གི་ཞམ་རིང་བྱས་པའི་བར་ལ། དེ་བཞིན་གཤེགས་པ་བདུན་ཁྲི་ལྔ་སྟོང་ལ་བསྙེན་བཀུར་བས་མཉེས་པར་བྱས་པ་ཡིན་ནོ། །དེ་ལྟར་ཡང་འདུལ་བ་ལུང་ལས།
སངས་རྒྱས་ཤཱཀྱ་ཐུབ་པ་ནས། །འདྲེན་པ་ཡུལ་འཁོར་སྐྱོང་གི་བར། །བདུན་ཁྲི་དང་ནི་ལྔ་སྟོང་གི། །སངས་རྒྱས་རྣམས་ནི་ང་ཡིས་མཆོད། །ཅེས་སོ། །བསྐལ་པ་གྲངས་མེད་པ་གཉིས་པ་ལ་བྲམ་ཟེའི་ཁྱེའུར་གྱུར་པའི་ཚེ། དེ་བཞིན་གཤེགས་པ་མར་མེ་མཛད་ལ་ཨུཏྤ་ལ་སྔོན་པོ་བདུན་གྱིས་
མངོན་པར་གཏོར་བ་ནས་བཟུང་སྟེ། བྲམ་ཟེར་གྱུར་བའི་ཚེ་དེ་བཞིན་གཤེགས་པ་དབང་པོའི་རྒྱལ་མཚན་མཐོང་བ་ལ་ཡིད་རབ་ཏུ་དགའ་བས་ཐལ་མོ་སྦྱར་ཏེ་བསྟོད་པ་ཕུལ་བའི་བར་ལ། དེ་བཞིན་གཤེགས་པ་བདུན་ཁྲི་དྲུག་སྟོང་ལ་བསྙེན་བཀུར་བས་མཉེས་པར་བྱས་པ་ཡིན་ཏེ། ཇི་སྐད་དུ།

213-1-28a

སངས་རྒྱས་མར་མེ་མཛད་པ་ནས། །ཐུབ་པ་དབང་པོའི་རྒྱལ་མཚན་བར། །བདུན་ཁྲི་དང་ནི་དྲུག་སྟོང་གི། །སངས་རྒྱས་རྣམས་ནི་ང་ཡིས་མཆོད། ཅེས་སོ། །བསྐལ་བ་གྲངས་མེད་པ་གསུམ་པ་ལ། རྒྱལ་པོར་གྱུར་པའི་ཚེ། དེ་བཞིན་གཤེགས་པ་བདེ་མཛད་
དམ་པ་ལ་མཆོད་པ་ཕུལ་བ་དང་། སངས་རྒྱས་དེ་མྱ་ངན་ལས་འདས་པ་ནའང་སྐུ་གདུང་གི་མཆོད་རྟེན་བརྩིགས་པ་ནས་བཟུང་སྟེ། བྲམ་ཟེའི་ཁྱེའུ་བླ་མ་ཞེས་བྱ་བར་གྱུར་པའི་ཚེ། དགའ་སྐྱོང་གི་ཚིག་ཐོས་ནས། དེ་བཞིན་གཤེགས་པ་འོད་སྲུངས་ལས་རབ་ཏུ་འབྱུང་བའི་ཐུགས་བསྐྱེད་པའི་བར་
ལ། དེ་བཞིན་གཤེགས་པ་བདུན་ཁྲི་བདུན་སྟོང་ལ་བསྙེན་བཀུར་བས་མཉེས་བར་བྱས་པ་ཡིན་ཏེ། ཇི་སྐད་དུ། གང་ཡང་སངས་རྒྱས་བདེ་མཛད་ནས། །སངས་རྒྱས་འོད་སྲུངས་བར་དུ་ནི། །ངས་ནི་བདུན་ཁྲི་བདུན་སྟོང་གི། །རྒྱལ་བ་རྣམས་ནི་མཆོད་པ་བྱས། །ཞེས་འབྱུང་ངོ་། །དེ་ལའང་མངོན་
བ་མཛོད་ལས་ནི། ཤཱཀྱ་ཐུབ་པ་ནས་རིན་ཆེན་གཙུག་ཏོར་ཅན་ཐ་མར་གྱུར་བའི་བར་ནི་གྲངས་མེད་པ་དང་པོའོ། །དེ་ནས་མར་མེ་མཛད་ཐ་མར་གྱུར་པའི་བར་ནི་གྲངས་མེད་པ་གཉིས་པའོ། །དེ་ནས་རྣམ་པར་གཟིགས་ཐ་མར་གྱུར་པའི་བར་ནི་གྲངས་མེད་པ་གསུམ་པ་སྟེ། དེ་ལྟར་ཡང་། དེ་ཉིས་ལས།
རྣམ་གཟིགས་མར་མེ་རིན་ཆེན་གཙུག །གྲངས་མེད་གསུམ་གྱི་ཐ་མར་བྱུང་། །དང་པོ་ཤཱཀྱ་ཐུབ་པ་ཡིན། །ཞེས་འབྱུང་བ་ལྟར་རོ། །དེ་ནས་མཚན་བཟང་གི་རྒྱུ་བསྒྲུབ་པ་ལ་བསྐལ་པ་བརྒྱར་ཐོགས་པ་ལ། བྲམ་ཟེའི་ཁྱེའུར་གྱུར་པ་ན་སངས་རྒྱས་སྐར་རྒྱལ་མིའི་ཁམས་ལ་སྙོམས་པར་ཞུགས་
པ་ལ་རྐང་གཅིག་གིས་འགྲེང་སྟེ་ཞག་བདུན་གྱི་བར་དུ་བསྐོར་བ་བར་མ་ཆད་པར་བྱས་ཏེ་བསྟོད་པ། སྐྱེས་བུ་ཁྱུ་མཆོག་ཁྱོད་འདྲའི་དགེ་སྦྱོང་ཆེན་པོ་གཞན་དག་ལྷ་ཡུལ་ས་ལ་མེད། །འཇིག་རྟེན་འདི་ནའང་ཡོད་པ་མ་ཡིན་རྣམ་ཐོས་བུ་ཡི་གནས་ནའང་མེད། །ལྷ་ཡི་ཕོ་བྲང་གནས་མཆོག་དག་ནའང་
ཡོད་མིན་ཕྱོགས་དང་ཕྱོགས་མཚམས་དག་ནའང་མེད། །རི་དང་ནགས་སུ་བཅས་པའི་ས་སྟེངས་རྒྱས་པ་ཀུན་ཏུ་བསྐོར་ཀྱང་ཡུལ་གཅིག་ག་ལ་ཡོད། །ཅེས་པའི་ཚིགས་སུ་བཅད་པའི་དབྱངས་ཀྱིས་བསྟོད་པ་བྱས་པ་དང་། བསྐལ་པ་ཆེན་པོ་དགུའི་ཚོགས་བཟླུམས་ཏེ། དེ་ནས་བསྐལ་པ་

213-1-28b

ཆེན་པོ་དགུ་བཅུ་རྩ་གཅིག་འདས་པ་ན་གྲོང་ཁྱེར་ཉེར་ལྡན་དུས་སངས་རྒྱས་འོད་སྲུངས་བྱོན་པའི་ཚེ། བྲམ་ཟེའི་ཁྱེའུ་བླ་མར་གྱུར་བ་ཡན་ཆད་ཀྱིས་མཚན་བཟང་གི་རྒྱུ་གྲུབ་པ་ནི་བྱང་ཆུབ་སེམས་དཔའ་ངེས་པ་ལ་གནས་པ་ཞེས་བྱ་བ་ཡིན་ནོ། །དེའང་མཚན་བཟང་གྲུབ་པའི་རྒྱུ་ནི། འཇིག་རྟེན་གྱི་
ཁམས་ཐམས་ཅད་ཀྱི་བསོད་ནམས་དང་། ཉན་ཐོས་དང་རང་སངས་རྒྱས་ཐམས་ཅད་འགྲུབ་པའི་བསོད་ནམས་ཀྱི་ཕུང་པོ་ཇི་སྙེད་པ་དེ་སྙེད་བཅུར་བསྒྱུར་བས་ནི་སངས་རྒྱས་ཀྱི་བ་སྤུའི་ཁུང་བུ་གཅིག་གོ། །བ་སྤུ་ཇི་སྙེད་སྐྱེད་པར་བྱེད་པའི་བསོད་ནམས་དེ་སྙེད་བརྒྱར་བསྒྱུར་བས་ནི་དཔེ་བྱད་བཟང་པོ་
གཅིག་གོ། །དཔེ་བྱད་བརྒྱད་ཅུ་པོ་ཚང་བར་འགྲུབ་པར་བྱེད་པའི་བསོད་ནམས་དེ་སྙེད་བརྒྱར་བསྒྱུར་བས་ནི་མཚན་བཟང་པོ་གཅིག་གོ། །མཚན་བཟང་པོ་སུམ་ཅུ་རྩ་གཉིས་པོ་ཚང་བར་འགྲུབ་པར་བྱེད་པའི་བསོད་ནམས་སྟོང་དུ་བསྒྱུར་བས་ནི་ཟླ་བ་ཉ་གང་བ་ལྟ་བུའི་མཛོད་སྤུ་འགྲུབ་བོ། །མཛོད་སྤུ་
འགྲུབ་པར་བྱེད་པའི་བསོད་ནམས་ཀྱི་ཕུང་པོ་དེ་འབུམ་དུ་བསྒྱུར་བས་ནི་གཙུག་ཏོར་བལྟར་མི་སྣང་བ་འགྲུབ་པར་འགྱུར་ཏེ། དེ་ལྟར་ཡང་རིན་ཆེན་ཕྲེང་པ་ལས། རང་སངས་རྒྱས་ཀུན་ལས་བྱུང་དང་། །སློབ་དང་མི་སློབ་ལས་བྱུང་དང་། །འཇིག་རྟེན་མ་ལུས་ཀུན་བསོད་ནམས། །འཇིག་རྟེན་བཞིན་
དུ་དཔག་མེད་གང་། །དེ་ཙམ་བཅུར་ནི་བསྒྲེས་བ་ཡིས། །བ་སྤུའི་བུ་ག་གཅིག་འགྲུབ་སྟེ། །སངས་རྒྱས་བ་སྤུའི་བུ་ག་ནི། །ཐམས་ཅད་དེ་དག་འདྲ་བར་འགྱུར། །བ་སྤུའི་བུ་ག་ཐམས་ཅད་ནི། །སྐྱེད་པར་བྱེད་པའི་བསོད་ནམས་གང་། དེ་དག་བརྒྱར་ནི་བསྒྱུར་བ་ཡིས། །དཔེ་བྱད་
བཟང་པོ་གཅིག་ཏུ་བཞེད། །བསོད་ནམས་དེ་དག་དེ་སྙེད་ཀྱིས། །རྒྱལ་པོ་དཔེ་བྱད་བཟང་པོ་ནི། །གཅིག་མཐར་ཕྱིན་ཏེ་དེ་ལྟ་བུར། །བརྒྱད་ཅུའི་བར་དུ་འབྱུང་བར་འགྱུར། །དཔེ་བྱད་བཟང་པོ་བརྒྱད་ཅུ་དག །འགྲུབ་པའི་བསོད་ནམས་ཚོགས་གང་ཡིན། །དེ་དག་བརྒྱར་ནི་བསྒྱུར་བ་
ཡིས། །སྐྱེས་བུ་ཆེན་པོའི་མཚན་གཅིག་གོ། །མཚན་ནི་སུམ་ཅུ་འགྲུབ་པའི་རྒྱུ། །བསོད་ནམས་རྒྱ་ཆེ་གང་ཡིན་པ། །དེ་དག་སྟོང་དུ་བསྒྱུར་བ་ཡིས། །ཟླ་བ་ཉ་འདྲའི་མཛོད་སྤུའོ། །མཛོད་སྤུ་ཡི་ནི་བསོད་ནམས་དག །སྟོང་ཕྲག་བརྒྱ་ནི་བསྡོམས་པ་ཡིས། །སྤྱི་གཙུག་

213-1-29a

བལྟར་ནི་མི་སྣང་བ། །སྐྱོབ་པའི་གཙུག་ཏོར་སྐྱེད་པར་བྱེད། །ཅེས་སོ། །དེ་ལྟར་མཚན་བཟང་འགྲུབ་པའི་རྒྱུ་མཐར་ཕྱིན་ནས། དགའ་ལྡན་གྱི་གནས་སུ་དམ་པ་ཏོག་དཀར་དུ་འཁྲུངས་པ་ནི་སྐྱེ་བ་གཅིག་གིས་ཐོགས་པའི་བྱང་ཆུབ་སེམས་དཔའ་ཞེས་བྱའོ། །དེ་ཉིད་
ནས་ཛམྦུའི་གླིང་དུ་བྱུང་སྟེ་དོན་ཐམས་ཅད་གྲུབ་པ་ཞེས་བྱ་བར་གྱུར་པ་ནི་སྲིད་པ་ཐ་མ་པའི་བྱང་ཆུབ་སེམས་དཔའ་ཞེས་བྱ་བ་ཡིན་ནོ། །དུས་དེ་དང་དེ་དག་ཏུ་ཕ་རོལ་ཏུ་ཕྱིན་པ་དྲུག་ཀྱང་རྒྱལ་བུ་ཐམས་ཅད་སྒྲོལ་དུ་གྱུར་པའི་ཚེ། སྙིང་རྗེ་ཆེན་པོས་འགྲོ་བ་ཐམས་ཅད་ལ་མདོག་པ་མ་ལུས་པ་བཏང་པས་སྦྱིན་
པའི་ཕ་རོལ་ཏུ་ཕྱིན་པ་རྫོགས་ཤིང་། དྲང་སྲོང་བཟོད་པར་སྨྲ་བར་གྱུར་པའི་ཚེ་ཆགས་པ་དང་བཅས་བཞིན་དུ་ཡན་ལག་དང་ཉིང་ལག་རྣམས་བཅད་ཀྱང་༌འཁྲུགས་པ་མི་མངའ་བས་བཟོད་པའི་ཕ་རོལ་དུ་ཕྱིན་པ་དང་ཚུལ་ཁྲིམས་ཀྱི་ཕ་རོལ་ཏུ་ཕྱིན་པ་རྫོགས་པ་ཡིན་ལ། བྲམ་ཟེའི་ཁྱེའུར་གྱུར་པའི་ཚེ་
སངས་རྒྱས་སྐར་རྒྱལ་ལ་མངོན་པར་བསྟོད་པས་བརྩོན་འགྲུས་ཀྱི་ཕ་རོལ་ཏུ་ཕྱིན་པ་རྫོགས་པ་ཡིན་ནོ། །རྒྱལ་བུ་དོན་གྲུབ་ཏུ་གྱུར་པའི་ཚེ་རྡོ་རྗེའི་གདན་ལ་སྲོད་ཀྱི་དུས་སུ་བདུད་བཏུལ་ནས་ཐོ་རངས་རྡོ་རྗེ་ལྟ་བུའི་ཏིང་ངེ་འཛིན་རྒྱུད་ལ་བསྐྱེད་པས་བསམ་གཏན་གྱི་ཕ་རོལ་ཏུ་ཕྱིན་པ་དང་ཤེས་རབ་ཀྱི་ཕ་རོལ་ཏུ་
ཕྱིན་པ་རྫོགས་པར་འདོད་པ་ཡིན་ནོ། །མཛད་པ་བཅུ་གཉིས་ཇི་ལྟར་བསྟན་པ་ནི་མངོན་པར་འབྱུང་བའི་མདོ་ལ་སོགས་པ་ནས་འབྱུང་བ་ལྟར་ཤེས་པར་བྱ་བ་ཉིད་དོ། །གཉིས་པ་ཐེག་པ་ཆེན་པོའི་ལུགས་ལ། ཇི་སྲིད་བསགས་པ་ཚོགས་ཀྱི་ཡུན་ཚད་དང་། བསགས་པར་བྱ་བ་ཚོགས་ཀི་ངོ་བོ་དང་། 
ཇི་ལྟར་བསགས་པའི་ཚུལ་ཏེ་རྣམ་པ་གསུམ་ལས། དང་པོ་ཇི་སྲིད་དུ་བསགས་པའི་ཡུན་གྱི་ཚད་ནི། བསྐལ་པ་ཆེན་པོ་གྲངས་མེད་པ་གསུམ་དུ་བཤད་པ་ནི་བཀའ་དང་དགོངས་འགྲེལ་གྱི་བསྟན་བཅོས་ཕལ་ཆེ་བ་ལས་འབྱུང་སྟེ། མདོ་སྡེ་རྒྱན་ལས། ས་ནི་དང་པོ་ཡིན་པར་འདོད། །འདི་སྟེ་
བསྐལ་པ་དཔག་མེད་ཀྱི། །ཞེས་དང་། གྲངས་མེད་གཉིས་ནི་རྫོགས་པ་ཡིས། །སྒོམ་པའི་ལམ་ནི་ཚར་ཕྱིན་ཏེ། །ཞེས་གྲངས་མེད་དང་པོས་ནི་མོས་པས་སྤྱོད་པའི་ས་དང་པོ་དང་། གྲངས་མེད་གཉིས་པས་ནི་ས་གཉིས་པ་ནས་བདུན་པ་མན་ཆད་དང་། གྲངས་མེད་གསུམ་པས་ནི་ས

213-1-29b

བཅུ་པ་མན་ཆད་ཐོབ་པར་བཞེད་དོ། །བརྒྱད་སྟོང་པའི་འགྲེལ་ཆེན་ལས་ནི་བསྐལ་པ་གྲངས་མེད་པ་སུམ་ཅུ་རྩ་གསུམ་དུ་བཤད་དེ། དེའང་ཚོགས་ལམ་དང་སྦྱོར་ལམ་ལ་གྲངས་མེད་གསུམ་དང་། ས་བཅུ་པོ་རེ་རེ་ལ་གསུམ་གསུམ་གྱིས་བྱང་ཆུབ་སེམས་དཔའི་རྫོགས་པར་བཤད་པ་ནི་ངེས་པའི་
དོན་དང་། གྲངས་མེད་གསུམ་དུ་བཤད་པ་ནི་དྲང་དོན་དགོངས་པ་ཅན་ཡིན་ཏེ། གྲངས་མེད་སུམ་ཚན་བཅུ་གཅིག་ཏུ་རིགས་གཅིག་པའི་ཕྱིར་རྗེས་སུ་འཇུག་པ་རྣམས་ཧ་ཅང་རྒྱུན་རིང་པ་ལ་ཞུམ་པ་སྤང་བའི་ཕྱིར་ཡིན་པར་བཞེད་དོ། །དེ་ལྟ་བུའི་གྲངས་མེད་བརྩམ་པའི་ཐོག་མ་ཉིད་ཀྱང་བྱང་ཆུབ་ཀྱི་ཆེད་
དུ་དགེ་བའི་རྩ་བ་གང་དག་བསགས་པ་རྣམས་མཐུན་པ་མ་ཡིན་པའི་ཕྱོགས་གང་གིས་ཀྱང་ཟིལ་གྱིས་མི་གནོན་པར་འགྱུར་པའི་བཟང་པོ་དང་། ཚེ་རབས་ཐམས་ཅད་དུ་བྱང་ཆུབ་ཀྱི་སེམས་སྟོན་པའི་དགེ་བའི་བཤེས་གཉེན་དང་ཕྲད་པའི་སྨོན་ལམ་སྟོབས་དང་ལྡན་པ་དང་། མི་དགེ་བའི་གྲོགས་ཀྱིས་
མོས་པ་བཟློག་ཀྱང་དེའི་དབང་དུ་འགྲོ་བར་མི་འགྱུར་བར་བྱང་ཆུབ་ཀྱི་སེམས་མི་གཏོང་བའི་སེམས་བརྟན་པ་དང་། ཡོན་ཏན་ལ་ཆོག་པར་མི་འཛིན་ཞིང་མཐོང་བའི་ཆོས་དང་ཚེ་རབས་ཕྱི་མར་བཅས་པ་ལ་དགེ་བའི་ཆོས་མི་ཉམས་ཤིང་འཕེལ་བར་བྱེད་པ་སྟེ། ཆོས་འདི་རྣམས་དང་ལྡན་པ་ནི་ཁྱད་
པར་དུ་འགྲོ་བ་སྟེ། དེ་ལྟ་བུའི་ཆོས་བཞི་པོ་འདི་དག་ཚོགས་ཀྱི་ལམ་དུ་ནམ་ཐོབ་ན། དེ་ནས་བཟུང་སྟེ་བསྐལ་པ་གྲངས་མེད་ཀྱི་མགོ་བརྩམ་པར་འདོད་དེ། ཐེག་པ་བསྡུས་པ་ལས། བཟང་དང་སྨོན་པའི་སྟོབས་ཅན་དང་། །སེམས་བརྟན་ཁྱད་པར་འགྲོ་བ་ཡིས། །བྱང་ཆུབ་སེམས་
དཔའ་གྲངས་མེད་གསུམ། །ཀུན་ཏུ་བརྩམ་པར་མཛད་པ་ཡིན། །ཞེས་གསུངས་ཤིང་། རྗེ་བཙུན་བསོད་ནམས་རྩེ་མོས་ནི་རང་གི་སྟོབས་ཀྱིས་དེ་བཞིན་གཤེགས་པ་མཐོང་བ་ནས་གྲངས་མེད་དང་པོ་མགོ་བརྩམ་པར་གསུངས་སོ། །གཉིས་པ་བསགས་པར་བྱ་བ་ཚོགས་ཀྱི་ངོ་བོ་ནི། སྟོང་
ཉིད་སྙིང་རྗེའི་སྙིང་པོ་ཅན་དང་། འཁོར་གསུམ་དུ་རྣམ་པར་མི་རྟོག་པའི་སྦྱིན་པ་ལ་སོགས་པའི་ཕ་རོལ་ཏུ་ཕྱིན་པ་དྲུག་སྟེ། བསོད་ནམས་དང་ཡེ་ཤེས་ཀྱི་ཚོགས་རྣམ་པ་གཉིས་ཀྱིས་བསྡུས་པའི་ལམ་གང་ཡིན་པ་སྟེ། མདོ་སྡེ་རྒྱན་ལས། བསོད་ནམས་ཡེ་ཤེས་མཚུངས་པ་མེད། །

213-1-30a

གཅིག་གིས་འཁོར་བར་མངོན་མཐོ་བྱེད། །གཞན་གྱིས་ཉོན་མོངས་མེད་པར་འཁོར། །ཞེས་དང་། སྦྱིན་དང་ཚུལ་ཁྲིམས་བསོད་ནམས་ཀྱི། །ཚོགས་ཡིན་ཤེས་རབ་ཡེ་ཤེས་ཀྱི། །གསུམ་ནི་གཉིས་ཆར་ལ་ཡང་གཏོགས། །ལྔ་ཆར་ཡང་ནི་ཡེ་ཤེས་ཚོགས། །
ཞེས་དང་། གཏམ་དུ་བྱ་བ་རིན་པོ་ཆེའི་ཕྲེང་བ་ལས། སངས་རྒྱས་རྣམས་ཀྱི་གཟུགས་སྐུ་འདིར། །བསོད་ནམས་ཚོགས་ལས་བྱུང་བ་སྟེ། །ཆོས་ཀྱི་སྐུ་ནི་མདོར་བསྡུས་ན། །རྒྱལ་པོ་ཡེ་ཤེས་ཚོགས་ལས་བྱུང་། །དེ་ལྟ་བས་ན་ཚོགས་འདི་གཉིས། །སངས་རྒྱས་ཉིད་ནི་འཐོབ་པའི་
རྒྱུ། །ཞེས་གསུངས་པ་ལྟ་བུའོ། །གསུམ་པ་ཇི་ལྟར་ཚོགས་བསགས་པའི་ཚུལ་ནི། བསྐལ་པ་ཆེན་པོ་གྲངས་མེད་དང་པོ་ལ་འཇུག་པའི་དུས་སུ་རྒྱལ་པོའི་ཕོ་བྲང་རྣམ་པར་རྒྱལ་པོའི་རྒྱལ་མཚན་དུ་སྟོན་པ་འདི་ཉིད་རྒྱལ་པོ་རྣམ་པར་རྒྱལ་བའི་སྲས་གཞོན་ནུ་བརྩོན་འགྲུས་སྤྱོད་ཅེས་བྱ་བར་གྱུར་
ཏོ། །དེའི་ཚེ་དེ་བཞིན་གཤེགས་པ་འོད་འཕྲོའི་ཕུང་པོ་ཆེན་པོ་ལས་བྱང་ཆུབ་སེམས་དཔའི་སྡེ་སྣོད་ཀྱི་ཆོས་རྗེས་སུ་བསྟན་པ་མནོས་ཤིང་། དེ་བཞིན་གཤེགས་པ་འཁོར་དང་བཅས་པ་ལོ་བྱེ་བ་ཕྲག་དྲུག་ཅུ་རྩ་དྲུག་ཏུ་བསྙེན་བཀུར་བགྱིས་པ་ནས་བརྩམས་ཏེ། བསྐལ་པ་གྲངས་མེད་པ་
གཅིག་ཏུ་ཚོགས་བསགས་པས་ས་དང་པོ་མངོན་དུ་མཛད་པ་ཡིན་ནོ། །གྲངས་མེད་གཉིས་པ་ལ་འཇུག་པའི་དུས་སུ་གྲོང་ཁྱེར་ཛམྦུ་ཆུ་བོའི་གསེར་དུ་རྒྱལ་པོ་མཛེས་པར་སྣང་བ་ཞེས་བྱ་བ་ཞིག་ཡོད་དེ། དེའི་ཚེ་སྟོན་པ་འདི་ཉིད་དེའི་གནང་ཆེན་ཚོང་དཔོན་ཤེས་རབ་བཟང་པོ་ཞེས་བྱ་བར་གྱུར་
པའི་ཚེ། དེ་བཞིན་གཤེགས་པ་དཀོན་མཆོག་ཡན་ལག་ལས་རྗེས་སུ་བསྟན་པ་མནོས་ཤིང་། དེ་བཞིན་གཤེགས་པ་འཁོར་དང་བཅད་པ་ལོ་སྟོང་དུ་བསྙེན་བཀུར་བ་ནས་བརྩམས་ཏེ། བསྐལ་པ་གྲངས་མེད་པ་གཅིག་ཏུ་ཚོགས་བསགས་པས་ས་བདུན་པ་མངོན་དུ་མཛད་པ་ཡིན་ནོ། །
གྲངས་མེད་པ་གསུམ་པ་ལ་འཇུག་པའི་དུས་སུ་རྒྱལ་པོ་དགྲ་ཐུལ་གྱི་ཕོ་བྲང་པདྨོ་ཅན་དང་ཉེ་བ་ཞིག་ཏུ་བྲམ་ཟེའི་སློབ་མ་གཞོན་ནུ་སྤྲིན་ཞེས་བྱ་བར་གྱུར་བའི་ཚེ། དེ་བཞིན་གཤེགས་པ་མར་མེ་མཛད་ལ་ཨུཏྤ་ལ་ལྔས་མངོན་པར་གཏོར་ཏེ། རལ་པ་གསེར་གྱི་མདོག་ཅན་སྟན་དུ་བཏིང་ནས། འདི་

213-1-30b

ལ་དེ་བཞིན་གཤེགས་པ་མར་མེ་མཛད་ཀྱི་ཞབས་འཇོག་པ་དང་བདག་ལུང་སྟོན་པར་མི་མཛད་ན་འདི་ཉིད་དུ་ལུས་བསྐམ་པར་བྱའོ་ཞེས་ཡི་དམ་བརྟན་པར་བཅས་ཏེ་ལོགས་ཤིག་ཏུ་འཁོར་བ་ན། དེ་བཞིན་གཤེགས་པས་མཁྱེན་ཏེ་རལ་པ་ལ་ཞབས་བཞག་ནས། མ་འོངས་པའི་དུས་ན་དེ་བཞིན་
གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཤཱཀྱ་ཐུབ་པ་ཞེས་བྱ་བར་འགྱུར་རོ་ཞེས་ལུང་བསྟན་ཏོ། །དེའི་མོད་ལ་ཤིན་ཏུ་དགའ་ཞིང་མགུ་ལ་རངས་པར་གྱུར་ཏེ། སྟེང་གི་བར་སྣང་ལ་ཤིང་ཏཱ་ལ་བདུན་སྲིད་ཀྱི་ཚང་དུ་མངོན་པར་འཕགས་ཏེ། ཏིང་ངེ་འཛིན་བྱེ་བ་ཁྲག་ཁྲིག་མང་
པོ་མངོན་དུ་བྱས་ཏེ་ས་བརྒྱད་པ་མངོན་དུ་མཛད་པ་ཡིན་ནོ། །དེ་ལྟར་ཡང་། སངས་རྒྱས་མར་མེ་མཛད་ལ་ཨུཏྦ་ལ་ལྔས། །གཏོར་དེ་རལ་པ་སྟན་དུ་བཏིང་བྱས་པས། །མི་སྐྱེའི་ཆོས་ལ་བཟོད་པ་ཐོབ་གྱུར་ནས། །ཤཱཀྱའི་རྒྱལ་པོར་འགྱུར་ཞེས་ང་ལུང་བསྟན། །ཞེས་དང་། ལུང་ལས་
ཀྱང་། གང་ཚེ་མར་མེ་མཛད་ཀྱིས་ང་། །ལུང་བསྟན་གྱུར་པ་དེ་ཡི་ཚེ། །ས་བརྒྱད་པ་ནི་ཐོབ་གྱུར་ཏེ། །དབང་བཅུ་དག་ཀྱང་ཐོབ་པར་འགྱུར། །ཞེས་སོ། །དེ་ནས་བརྩམས་ཏེ་བརྒྱ་བྱིན་མིག་བཟང་པོ་ལ་སོགས་པའི་སྐྱེ་བ་མང་དུ་བཞེས་ནས་སེམས་ཅན་གྱི་དོན་མཛད་པའི་མཐར། བསྐལ་
བ་འདིའི་ཚེ་ལོ་ཉི་ཁྲི་བའི་དུས་སུ་གྲོང་ཁྱེར་ཉེར་ལྡན་དུ་སངས་རྒྱས་འོད་སྲུང་བྱོན་པའི་ཚེ། བྲམ་ཟེའི་ཁྱེའུ་བླ་མར་གྱུར་པའི་བར་ལ་བསྐལ་པ་གྲངས་མེད་གཅིག་ཏུ་སངས་རྒྱས་མང་པོ་ལ་བསྙེན་བཀུར་ཞིང་ཚོགས་བསགས་པས་ས་བཅུ་པ་མངོན་དུ་བྱས་པར་འདོད་དེ། ཏིང་ངེ་འཛིན་རྒྱལ་པོ་པས།
སངས་རྒྱས་དག་ནི་བྱེ་བ་ཁྲག་ཁྲིག་དང་། །དེ་ལས་ལྷག་པ་གངྒཱའི་བྱེ་མ་སྙེད། །ཀུན་ཀྱང་བྱ་རྒོད་ཕུང་པོ་འདིར་བཞུགས་ཏེ། །མི་དབང་དེ་ཀུན་ང་ཡིས་བསྙེན་བཀུར་བྱས། །ཞེས་བྱ་བ་ལ་སོགས་པ་གསུངས་སོ། །གསུམ་པ་མཐར་མངོན་པར་རྫོགས་པར་སངས་རྒྱས་པའི་ཚུལ་ལ། ཐེག་པ་
དམན་པ་ལས་འབྱུང་བ་དང་། ཐེག་པ་ཆེན་པོ་ལས་འབྱུང་བའོ། །དང་པོ་ཐེག་པ་དམན་པའི་ལུགས་སུ་འདུལ་བ་ལུང་དང་མཛོད་ལས་འབྱུང་བ་ལྟར། བསྐལ་པ་ཆེན་པོ་གྲངས་མེད་པ་གསུམ་དུ་ཚོགས་བསགས་ཤིང་སངས་རྒྱས་རྣམས་བསྙེན་བཀུར་ཏེ་ཕ་རོལ་ཏུ་ཕྱིན་པ་དྲུག་རྫོགས་ཀྱང་

213-1-31a

སོ་སོ་སྐྱེ་བོ་རང་རྒྱུད་པ་ཡིན་ལ། བྱང་ཆུབ་སེམས་དཔའ་སོ་སོ་སྐྱེ་བོ་སྲིད་པ་ཐ་མ་པའི་སྐྱེ་བ་ལ། རྡོ་རྗེ་གདན་དུ་སྟན་གཅིག་གི་སྟེང་དུ་བསམ་གཏན་བཞི་པའི་རབ་མཐའ་ལ་བརྟེན་ནས། སྦྱོར་ལམ་དྲོད་ནས་བརྩམས་ཏེ་ཟད་པ་དང་མི་སྐྱེ་ཤེས་པ་འཁོར་དང་བཅས་པའི་བྱང་
ཆུབ་གདན་ཐོག་གཅིག་ལ་མངོན་དུ་བྱས་ཏེ། གསར་དུ་མངོན་པར་རྫོགས་པར་སངས་རྒྱས་པར་བཞེད་དོ། །དེ་ལྟར་ཡང་མཛོད་ལས། སྟོན་དང་བསེ་རུ་བྱང་ཆུབ་བར། །བསམ་གཏན་མཐའ་རྟེན་གཅིག་ལ་ཀུན། །དེ་ཡི་སྔོན་དུ་ཐར་ཆ་མཐུན། །ཞེས་སོ། །དེ་ལྟར་རྣམ་པར་གྲོལ་བའི་
ཆོས་ཀྱི་སྐུ་མྱ་ངན་ལས་འདས་པའི་དབྱིངས་སུ་ཞི་ནས་འཁོར་སྐྱེ་བའི་རྒྱུ་འབྲས་མ་ལུས་པ་དང་བྲལ་བ་དང་། རྣམ་པར་སྨིན་པའི་གཟུགས་ཀྱི་སྐུ་མཚན་དང་དཔེ་བྱད་ཀྱིས་བརྒྱན་ཞིང་། ཡོན་ཏན་དང་ཕྲིན་ལས་ཀྱིས་རྣམ་པར་བྱེ་བ་གཉིས་ཀྱི་བདག་ཉིད་དུ་སངས་རྒྱས་ནས། ཀུན་ཤེས་ནས་
བཟུང་སྟེ་རབ་བཟང་གི་བར་ལ་ཆོས་ཀྱི་འཁོར་ལོ་བསྐོར་ནས་ལྷག་མ་མེད་པའི་དབྱིངས་སུ་མྱ་ངན་ལས་འདས་པར་བཞེད་དོ། །གཉིས་པ་ཐེག་པ་ཆེན་པོ་ལས་འབྱུང་པ་ལ། ཇི་ལྟར་སངས་རྒྱས་པ་དང་། དེའི་རང་བཞིན་ངོས་བཟུང་པ་དང་། ཐུབ་པའི་མཛད་པ་བྱེ་བྲག་ཏུ་བཤད་པ་སྟེ་གསུམ་ལས།
དང་པོ་ཇི་ལྟར་སངས་རྒྱས་པ་ནི། ས་བཅུ་རྒྱུན་གྱི་མཐའ་མར་རྡོ་རྗེ་ལྟ་བུའི་ཏིང་ངེ་འཛིན་གྱིས་སྒྲིབ་པ་བག་ཆགས་དང་བཅས་པ་མ་ལུས་པ་ཕྱིར་མི་ལྡོག་པའི་ཚུལ་གྱིས་ཡོངས་སུ་སྤངས་པ་མཐར་ཕྱིན་པ་དང་། ཤེས་བྱ་ཇི་ལྟ་བ་དང་ཇི་སྙེད་པའི་དོན་མ་ལུས་པ་མངོན་སུམ་དུ་མཁྱེན་པའི་ཡེ་ཤེས་བརྙེས་
པའི་རྟོགས་པ་མཐར་ཕྱིན་པའི་བྱང་ཆུབ་ཆེན་པོ་ཐོབ་པ་ནི། དཔེར་ན་རིན་པོ་ཆེ་སྣོད་དུ་བཅུག་པ་སྒྲིབ་བྱེད་ཀྱི་སྣོད་ལེགས་པར་བསལ་བ་ན་མངོན་སུམ་དུ་གྱུར་པ་ལྟ་བུ་སྟེ། རྒྱན་ལས། སྒྲིབ་པ་ཀུན་གྱི་དྲི་མེད་པ། །རྣམ་པ་ཐམས་ཅད་མཁྱེན་ཉིད་ཐོབ། །རིན་ཆེན་སྣོད་ནི་ཕྱེ་བ་ལྟར། །སངས་
རྒྱས་ཉིད་ནི་ཡང་དག་བསྟན། །ཞེས་སོ། །གཉིས་པ་དེའི་རང་བཞིན་ངོས་བཟུང་བ་ནི། དང་པོར་དོན་ཕུན་སུམ་ཚོགས་པ་ལོངས་སྤྱོད་རྫོགས་པའི་སྐུ་དང་། གཞན་དོན་ཕུན་སུམ་ཚོགས་པ་སྤྲུལ་པའི་སྐུ་སྟེ། དེ་གཉིས་ཀའི་རྟེན་ཆོས་ཀྱི་སྐུ་དང་། སྐུ་གསུམ་གྱིས་བསྡུས་པའི་

213-1-31b

རང་བཞིན་ཅན་དུ་སངས་རྒྱས་པ་སྟེ། རྒྱན་ལས། སྐུ་གསུམ་དག་གིས་སངས་རྒྱས་ཀྱི། །སྐུ་བསྡུས་པར་ནི་ཤེས་བྱ་སྟེ། །སྐུ་གསུམ་དག་གིས་རང་བཞིན་གྱི། །དོན་འདི་རྟེན་དང་བརྟེན་པར་བསྟན། །ཞེས་པ་སྟེ། དེའང་དབྱིངས་རང་བཞིན་གྱིས་རྣམ་པར་དག་པ་དང་། སྤང་
བྱ་གློ་བུར་གྱི་དྲི་མས་དག་པའི་རང་བཞིན་གང་ལ་རྣམ་པར་རྟོག་པ་མི་མངའ་ཡང་། ལྷུན་གྱིས་གྲུབ་ཅིང་ཆགས་ཐོགས་མི་མངའ་བའི་མཁྱེན་བརྩེ་ནུས་པའི་སྒོ་ནས་སེམས་ཅན་གྱི་དོན་འབད་པ་མེད་པ་ཉིད་དུ་འབྱུང་བའི་ཡེ་ཤེས་ཀྱི་སྐུ་སྟེ། སྐུ་གསུམ་གྲུབ་པ་ལས། དྲི་མེད་དེ་བཞིན་ཉིད་དང་
ནི། །མི་རྟོག་ཡེ་ཤེས་མ་གཏོགས་པ། །སངས་རྒྱས་རྣམས་ཀྱི་ཆོས་གཞན་ནི། །འགའ་ཡང་ཡོད་པ་མ་ཡིན་ནོ། །ཞེས་གསུངས་སོ། །དེ་ཉིད་ཟག་པ་མེད་པའི་ཡོན་ཏན་དང་དབྱེར་མི་ཕྱེད་པའི་ཆོས་ཀྱི་དབྱིངས་དག་པ་གཉིས་ལྡན་མངོན་དུ་གྱུར་པའི་ཆ་ནས་ངོ་བོ་ཉིད་ཀྱི་སྐུར་འཇོག་
སྟེ། མངོན་པར་རྟོགས་པའི་རྒྱན་ལས། ཐུབ་པའི་ངོ་བོ་ཉིད་སྐུ་ནི། །ཟག་པ་མེད་པའི་ཆོས་གང་དག །ཐོབ་གྱུར་རྣམ་ཀུན་རྣམ་དག་པ། །དེ་དག་རང་བཞིན་མཚན་ཉིད་ཅན། །ཞེས་སོ། །དེ་ཉིད་འོག་མིན་ཆེན་པོར་རྒྱལ་སྲས་འཕགས་པ་རྣམས་ལ་མཚན་བཟང་པོ་སུམ་ཅུ་རྩ་གཉིས་དང་
དཔེ་བྱད་བཟང་པོ་བརྒྱད་ཅུས་བརྒྱན་པའི་སྐུར་སྣང་བ་སྟེ། མཚན་ནི་སུམ་ཅུ་རྩ་གཉིས་དང་། །དཔེ་བྱད་བརྒྱད་ཅུའི་བདག་ཉིད་འདི། །ཐེག་ཆེན་ཉེ་བར་ལོངས་སྤྱོད་ཕྱིར། །ཐུབ་པའི་ལོངས་སྤྱོད་རྫོགས་སྐུར་བཞེད། །ཅེས་སོ། །དེ་ཉིད་གདུལ་བྱ་མཐའ་ཡས་པའི་བསམ་པ་དང་
མཐུན་པར་རྣམ་པར་འཕྲུལ་པ་སྣ་ཚོགས་པས་སེམས་ཅན་གྱི་དོན་རྒྱུན་མི་འཆད་པར་མཛད་པ་ནི། །གང་གིས་སྲིད་པ་ཇི་སྲིད་པར། །འགྲོ་ལ་ཕན་པ་སྣ་ཚོགས་དག །མཉམ་དུ་མཛད་པའི་སྐུ་དེ་ནི། །ཐུབ་པའི་སྤྲུལ་སྐུ་རྒྱུན་མི་འཆད། །ཅེས་གསུངས་སོ། །དེས་ན་གོང་དུ་ཇི་སྐད་བཤད་
པ་རྣམས་ཀྱང་གདུལ་བྱ་དྲང་བའི་དོན་དུ་འཇིག་རྟེན་དང་ཚུལ་མཐུན་པར་བསྟན་པ་ཡིན་གྱི། ངེས་པའི་དོན་གི་དབང་ལས་ནི་བསྐལ་པ་ཆེན་པོ་དཔག་ཏུ་མེད་པའི་གོང་རོལ་དུ་འཇིག་རྟན་གྱི་ཁམས་གངྒཱའི་ཀླུང་གི་བྱེ་མ་སྙེད་ཀྱི་ཞིང་གཅིག་ཏུ་གྱུར་པ་དེར། དེ་བཞིན་གཤེགས་པ་དབང་

213-1-32a

པོའི་རྟོག་ཅེས་བྱ་བར་སངས་རྒྱས་ཤིང་། ད་དུང་ཡང་འཚང་རྒྱ་བ་དང་། བྱང་ཆུབ་སེམས་དཔའི་ཚུལ་གྱིས་གཞན་དོན་མཛད་པར་ཡབ་སྲས་མཇལ་བའི་མདོ་ལས་བཤད་དེ། ཇི་སྐད་དུ། སེམས་ཅན་རྣམས་ལ་ཐུགས་བརྩེ་ཞིང་། །སེམས་ཅན་ཡོངས་སུ་
སྨིན་མཛད་ཕྱིར། །དཔའ་བོ་ཆེན་པོ་རྣམ་པར་འཕྲུལ། །བྱེ་བ་བརྒྱད་ཅུར་རྒྱལ་བ་ཉིད། །སངས་རྒྱས་ཉིད་དུ་བསྟན་གྱུར་ཀྱང་། །ད་དུང་ཆོག་པའི་འདུ་ཤེས་བསལ། །ཞེས་དང་། ད་དུང་དང་པོ་ཐུགས་བསྐྱེད་པར། །དེ་དག་དེར་ནི་ཡོངས་བསྟན་ཏེ། །ད་དུང་དུ་ཡང་འདྲེན་པ་ཁྱོད། །
སངས་རྒྱས་མང་པོ་སྟོན་པར་མཛད། །ཅེས་དང་། དེ་ཉིད་བསྡུས་པའི་བརྒྱུད་ལས། བཅོམ་ལྡན་འདས་བསྐལ་པ་བསམ་གྱིས་མི་ཁྱབ་པར་མངོན་པར་རྫོགས་པར་སངས་རྒྱས་ནས་ཤཱཀྱའི་རིགས་སུ་སྐྱེ་བར་སྟོན་པར་མཛད་དོ་ཞེས་བྱ་བ་ལ་སོགས་པ་མང་དུ་འབྱུང་བའི་ཕྱིར་རོ། །གསུམ་
པ་ཐུབ་པའི་མཛད་པ་བྱེ་བྲག་ཏུ་བཤད་པ་ནི། སྤྱིར་དེ་བཞིན་གཤེགས་པའི་ཆོས་ཀྱི་སྒྲོན་མ་ཆེན་པོས་ལེགས་པར་བརྒྱན་པའི་བསྐལ་པ་འདི་ལ། འཕགས་པ་བསྐལ་པ་བཟང་པོ་ལས་ནི་དེ་བཞིན་གཤེགས་པ་སྟོང་ཕྲག་གཅིག་འབྱོན་པར་བསྟན་ཏེ། གང་དག་བསྟན་པ་དེ་རྣམས་ཀྱང་སོ་
སོའི་ཡུལ་དང་། རིགས་དང་། འོད་དང་། ཡབ་དང་། ཡུམ་དང་། སྲས་དང་། རིམ་གྲོ་པ་དང་། ཤེས་རབ་ཅན་གྱི་མཆོག་དང་། རྫུ་འཕྲུལ་ཅན་གྱི་མཆོག་དང་། འདུས་པའི་གྲངས་དང་། སྐུ་ཚེའི་ཚད་དང་། དམ་པའི་ཆོས་གནས་པའི་ཚད་དང་། སྐུ་གདུང་སྟེ་རྣམ་པ་
བཅུ་གསུམ་མམ་མཆོད་རྟེན་ཡོད་པ་འབྱུང་བ་ལྟར་ན་བཅུ་བཞི་རེའི་སྒོ་ནས་བསྟན་ཏོ། །འཕགས་པ་དཀོན་མཆོག་བརྩེགས་པའི་མདོ་སྡེ་ལས་ཀྱང་། བསྐལ་པ་འདི་ཉིད་དུ་སངས་རྒྱས་འཁོར་བ་འཇིག་དང་། གསེར་ཐུབ་དང་། འོད་སྲུངས་དང་། ཤཱཀྱ་ཐུབ་པ་ནས་མོས་པ་ལ་ཐུག་པའི་
བར་གྱི་དེ་བཞིན་གཤེགས་པ་སྟོང་འབྱུང་བ་སྔོན་གྱི་ལོ་རྒྱུས་དང་བཅས་པའི་ཚུལ་གྱིས་རྒྱས་པར་བསྟན་ཏོ། །དེ་བཞིན་དུ་སྙིང་རྗེ་ཆེན་པོ་པདྨ་དཀར་པོ་ལས་ཀྱང་བསྐལ་པ་བཟང་པོ་འདི་ལ་ཐུབ་པའི་ཉི་མ་སྟོང་དང་ལྔ་འབྱུང་བ། སྔོན་གྱི་དེ་བཞིན་གཤེགས་པ་རིན་ཆེན་སྙིང་པོས་ལུང་བསྟན་པའི་

213-1-32b

ལོ་རྒྱུས་དང་བཅས་པའི་ཚུལ་གྱིས་གསལ་བར་བསྟན་ཏོ། །ཇི་ལྟར་བསྟན་པའི་རྣམ་པར་འདྲེན་པ་དེ་དག་ལས་བཞི་བར་གྱུར་པ་ཐུབ་པའི་དབང་པོ་འདི་ཉིད་ཀྱི་མཛད་པ་བསམ་གྱིས་མི་ཁྱབ་པ་བཅོམ་ལྡན་འདས་ཁོ་ན་ལས་གཞན་གྱིས་རྟོགས་པའི་ཡུལ་ལས་རིང་དུ་གྱུར་པ་ཉིད་དོ། །དེ་ལྟ་ནའང་སྟོན་པ་འདི་
ཉིད་ཀྱི་རྗེས་སུ་འཇུག་པའི་གདུལ་བྱ་གྲངས་ཀྱི་ངེས་པ་མངོན་པར་དགའ་བ་རྣམས་རྗེས་སུ་གཟུང་བའི་ཕྱིར། མཛད་པའི་གཙོ་བོ་རྣམས་ནི་སྡེ་ཚན་བཅུ་གཉིས་ཀྱི་གྲངས་སུ་དོན་གྱིས་འདུ་བར་མདོ་སྡེ་རྣམས་སུ་གསུངས་པ་དང་། དེ་དག་དང་རྗེས་སུ་མཐུན་པར་མགོན་པོ་བྱམས་པས་ཐེག་པ་ཆེན་
པོ་རྒྱུད་བླ་མ་ལས། སྐྱེ་བ་མངོན་པར་སྐྱེ་བ་དང་། །དགའ་ལྡན་གནས་ནས་འཕོ་བ་དང་། །ལྷུམས་སུ་འཇུག་དང་བལྟམས་པ་དང་། །བཟོ་ཡི་གནས་ལ་མཁས་པ་དང་། །བཙུན་མོའི་འཁོར་དགྱེས་རོལ་པ་དང་། །ངེས་འབྱུང་དཀའ་བ་སྤྱོད་པ་དང་། །བྱང་ཆུབ་སྙིང་པོར་གཤེགས་པ་
དང་། །བདུད་སྡེ་འཇོམས་དང་རྫོགས་པར་ནི། །བྱང་ཆུབ་ཆོས་ཀྱི་འཁོར་ལོ་དང་། །མྱ་ངན་འདས་པར་གཤེགས་མཛད་རྣམས། །ཡོངས་སུ་མ་དག་ཞིང་རྣམས་སུ། །སྲིད་པ་ཇི་སྲིད་གནས་པར་སྟོན། །ཞེས་གསུངས་པའི་གོ་རིམས་དང་རྗེས་སུ་མཐུན་པར་མདོ་ཙམ་ཞིག་གླེང་བར་བྱའོ། །
དེ་ལས་དང་པོ་དགའ་ལྡན་གྱི་གནས་ན་གནས་པའི་མཛད་པ་ལ། སངས་རྒྱས་རྣམས་ཀྱིས་ཇི་ལྟར་བསྐུལ་བ་དང་། བསྐུལ་ནས་འཕོ་བར་བརྩམས་པའོ། །དང་པོ་ནི། བདག་ཅག་གི་སྟོན་པ་ཐུགས་རྗེ་དཔག་ཏུ་མེད་པའི་བདག་ཉིད་ཅན་འདི་བྲམ་ཟེའི་ཁྱེའུ་བླ་མ་ཞེས་བྱ་བ་ཚེ་འཕོས་ཏེ་དགའ་ལྡན་གྱི་
གནས་སུ་ལྷའི་བུ་དམ་པ་ཏོག་དཀར་པོའི་སྐྱེ་བ་བཞེས་ཏེ། དེར་སྐྱེ་བ་བླངས་ནས་དགའ་ལྡན་ཆོས་ཀྱིས་མཐོ་བ་ཞེས་བྱ་བའི་ཁང་བཟང་དུ་སེང་གེའི་ཁྲི་ལ་བཞུགས་ནས་ལྷའི་འཁོར་དཔག་ཏུ་མེད་པ་ལ་ཆོས་སྟོན་ཅིང་བཞུགས་པ་ལ། ལྷའི་བུ་བྱེ་བ་ཁྲག་ཁྲིག་དཔག་ཏུ་མེད་པས་མདུན་བདར་ཏེ། ཆོས་
ཀྱི་སྒྲ་འབྱུང་བའི་སིལ་སྙན་དང་གླུ་དབྱངས་རྣམས་ཀྱི་མཆོད་པ་མང་པོས་མངོན་པར་མཆོད་པ་བྱེད་དོ། །དུས་ཇི་ཙམ་ཞིག་ན། ཛམྦུའི་གླིང་པ་རྣམས་གདུལ་བའི་དུས་ལ་བབ་པ་དང་། སྔོན་གྱི་སྨོན་ལམ་གྱི་མཐུ་དང་། ཕྱོགས་བཅུའི་ཞིང་གི་སྟོབས་བཅུ་མངའ་བ་རྣམས་ཀྱི་བྱིན་གྱི་རླབས་ཀྱིས།

213-1-33a

རོལ་མོའི་སྒྲ་དེ་དག་ལས་བྱང་ཆུབ་སེམས་དཔའ་གཞན་དོན་དུ་བསྐུལ་བའི་ཚིགས་སུ་བཅད་པ་བྱུང་བ་ནི་འདི་ལྟ་སྟེ། བསོད་ནམས་རྒྱ་མཚོའི་ཚོགས་མངའ་དྲན་རྟོགས་དང་། །བློ་གྲོས་མཐའ་ཡས་ཤེས་རབ་འོད་མཛད་པ། །མཚུངས་མེད་སྟོབས་མང་སྒྱུ་རྩལ་རྒྱ་ཆེ་བ། །མར་མེ་མཛད་
ཀྱིས་ལུང་བསྟན་དགོངས་པར་མཛོད། །ཅེས་བྱ་བ་ལ་སོགས་པས་སྐུལ་བར་བྱེད་དོ། །ཇི་ལྟར་བསྐུལ་བའི་ཚིག་གི་ཕྲེང་བ་དེ་དག་སྤྲུལ་པའི་བྱང་ཆུབ་སེམས་དཔའ་དེས་རྗེས་སུ་སེམས་ཤིང་རྗེས་སུ་དགོངས་པ་ན། ད་སྟེ་ཁོ་བོ་ཅག་གི་ཛམྦུའི་གླིང་དུ་འགྲོ་བའི་དུས་ལ་ངེས་པར་བབ་པོ་ཞེས་རྩེ་གཅིག་ཏུ་དགོངས་
ཤིང་རེ་ཞིག་ཅང་མི་སྨྲ་བར་གྱུར་ཏོ། །གཉིས་པ་ནི། དེ་ནས་བྱང་ཆུབ་སེམས་དཔའ་དགའ་ལྡན་གྱི་གནས་རྒྱལ་མཚན་མཐོན་པོར་གཤེགས་ནས་སེང་གེའི་ཁྲི་ག་ལ་བ་དེར་བཞུགས་སོ། །དེ་ན་དགའ་ལྡན་གི་ལྷའི་རིས་མཐའ་དག་བསྡུས་ནས་འཁོར་དེ་དག་ལ། གྲོགས་པོ་དག་བྱང་ཆུབ་སེམས་དཔའི་ལུས་
བསོད་ནམས་བརྒྱའི་མཚན་གྱིས་ལེགས་པར་བརྒྱན་པ་ལྟོས་ཤིག་ཅེས་བསྐུལ་པ་དང་། ཕྱོགས་བཅུ་ཀུན་ཏུ་བྱང་ཆུབ་སེམས་དཔའ་དགའ་ལྡན་གྱི་གནས་ན་བཞུགས་པ་ཐམས་ཅད་ཀྱང་སྲིད་པ་ཐ་མ་པ་ལ་མངོན་དུ་ཕྱོགས་པ། ལྷའི་འཁོར་གྱིས་བསྐོར་བ་འཆི་འཕོ་བའི་རྣམ་པས་ཆོས་སྣང་བའི་སྒོ་ཡང་
དག་པར་སྟོན་པ་གྲངས་མེད་པ་བསྟན་ཏོ། །དེ་ནས་བྱང་ཆུབ་སེམས་དཔའ་ལྷའི་འཁོར་དེ་དག་ལ་ཆོས་སྣང་བའི་སྒོ་བརྒྱ་རྩ་བརྒྱད་བསྟན་པས། ལྷའི་བུ་བརྒྱད་ཁྲི་བཞི་སྟོང་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་སེམས་བསྐྱེད་པར་གྱུར་ཏོ། །ལྷའི་བུ་སྔོན་ཡོངས་སུ་སྦྱངས་པ་བྱས་པ་སུམ་ཁྲི་ཉིས་
སྟོང་ནི་མི་སྐྱེ་བའི་ཆོས་ལ་བཟོད་པ་ཐོབ་པར་གྱུར་ཏོ། །ལྷའི་བུ་བྱེ་བ་སུམ་ཅུ་རྩ་དྲུག་ནི་ཆོས་རྣམས་ལ་ཆོས་ཀྱི་མིག་རྡུལ་མེད་ཅིང་དྲི་མ་དང་བྲལ་བ་རྣམ་པར་དག་གོ། །དགའ་ལྡན་གྱི་གནས་ཐམས་ཅད་ཀྱང་ལྷའི་མེ་ཏོག་གིས་པུས་མོ་ནུབ་ཙམ་དུ་ཁྱབ་པར་གྱུར་ཏོ། །དེ་ནས་ཛམྦུའི་གླིང་དུ་གཤེགས་པར་དགོངས་
ནས་གཟིགས་པ་བཞིའམ་ལྔས་གཟིགས་ཏེ། དེའང་འགྲོ་བ་གདུལ་སླ་བ་ཚེ་ལོ་བརྒྱ་པའི་དུས་དང་། གླིང་ནི་ཛམྦུའི་གླིང་དང་། ཡུལ་ནི་དབུས་འགྱུར་འཆང་དང་། རིགས་ནི་རྒྱལ་རིགས་ཏེ་བཞིའམ། རིགས་དང་། དུས་དང་། ཡུལ་དང་། ལུས་དང་། བུད་མེད་དེ་ལྔ་ལ་གཟིགས་སོ། །དེ་ནས་བྱང་

213-1-33b

ཆུབ་སེམས་དཔས་འཁོར་རྣམས་ལ་ཁོ་བོ་ཛམྦུའི་གླིང་དུ་འཚང་རྒྱ་བའི་ཕྱིར་འགྲོའོ་ཞེས་གསུངས་པས། དེ་ཐོས་པའི་མོད་ལ་ལྷ་རྣམས་ཤིན་ཏུ་ཡིད་མི་དགའ་བར་གྱུར་ཏེ་སྨྲས་པ། དགའ་ལྡན་གྱི་གནས་འདིར་ཁྱེད་ཀྱིས་བཞུགས་པར་མི་མཛད་ན་སླན་ཆད་སྟེན་པར་འོས་པ་སུ་ཞིག །གཞན་ཡང་ཛམྦུའི་གླིང་ནི་
འོད་སྲུངས་རྫོགས་བྱེད་ལ་སོགས་པའི་རྟོག་གེ་པ་དྲུག་དང་། བྲམ་ཟེ་རྒྱུས་རྒལ་ལ་སོགས་པའི་རྗེས་སུ་སྒྲོག་པ་དྲུག་དང་། རེངས་བྱེད་ཀྱི་བུ་ལྷག་སྤྱོད་ལ་སོགས་པ་སྙོམས་པར་འཇུག་པ་དྲུག་སྟེ། མུ་སྟེགས་ཀྱི་སྟོན་པ་བཅོ་བརྒྱད་ཀྱིས་མ་རུངས་པར་བགྱིས་པས་འདི་ཉིད་དུ་བཞུགས་པར་རིགས་སོ་ཞེས་གསོལ་པ་
དང་། དེ་དག་ལ་བྱང་ཆུབ་སེམས་དཔས་དུང་གཅིག་གི་སྒྲས་རོལ་མོའི་ཆ་བྱད་ཐམས་ཅད་ཟིལ་གྱིས་གནོན་པའི་དཔེ་རྗེས་སུ་བསྟན་ནས། དེ་བཞིན་དུ་ངས་ཀྱང་ཛམྦུའི་གླིང་དུ་སོང་ལ་དེ་དག་ཐམས་ཅད་ཟིལ་གྱིས་མནན་ནས་བདུད་རྩིས་འགྲོ་བ་ཐམས་ཅད་ཚིམ་པར་བྱའོ། ། དེས་ན་ཁོ་བོ་ནི་མའི་མངལ་དུ་ཇི་ལྟ་བུའི་གཟུགས་
ཀྱིས་འགྲོ་བར་བགྱི་ཞེས་གསུངས་པ་དང་། ཚངས་རིས་ཀྱི་ལྷའི་བུ་གཟི་བརྗིད་དམ་པས་བྲམ་ཟེའི་རིག་བྱེད་ལས་འབྱུང་བ་ལྟར་གླང་པོ་ཆེ་དམ་པའི་གཟུགས་ཀྱིས་འཇུག་པར་རིགས་སོ་ཞེས་གསོལ་བ་ལྟར། དེ་ལྟ་བུའི་གཟུགས་ཀྱིས་འཇུག་པར་དགོངས་སོ། །དེ་ནས་བྱང་ཆུབ་སེམས་དཔའ་འཕོ་པའི་དུས་ལ་བབ་པ་
ན། འདོད་པའི་ཁམས་ཀྱི་ལྷའི་གནས་ནས་འོག་མིན་གྱི་མཐར་ཐུག་པར་གནས་པའི་ལྷ་རྣམས་ཀྱིས་རྗེས་སུ་ཐོས་ནས་བྱང་ཆུབ་སེམས་དཔའ་ཛམྦུའི་གླིང་དུ་གཅིག་པུ་གཉིས་སུ་མེད་པར་གཤེགས་སུ་གསོལ་ན། བདག་ཅག་གི་བྱས་པ་མ་ཤེས་བར་འགྱུར་བར་བསམས་ནས། རྒྱལ་ཆེན་རིས་བཞི་པའི་
ལྷ་འབུམ་ཕྲག་བརྒྱད་ཅུ་རྩ་བཞི་དང་། སུམ་ཅུ་རྩ་གསུམ་གྱི་ལྷ་འབུམ་དང་། འཐབ་བྲལ་གྱི་ལྷ་འབུམ་དང་། དགའ་ལྡན་གྱི་ལྷ་འབུམ་དང་། གཞན་འཕྲུལ་དབང་བྱེད་ཀྱི་ལྷ་འབུམ་དང་། བདུད་ཀྱི་རིས་ཀྱི་ལྷ་དྲུག་ཁྲི་དང་། ཚངས་རིས་ཀྱི་ལྷ་དྲུག་ཁྲི་བརྒྱད་སྟོང་དང་། འོག་མིན་གྱི་ལྷ་བརྒྱ་སྟོང་མང་པོ་ཡང་བྱང་ཆུབ་
སེམས་དཔའ་ལྷུམས་སུ་འཇུག་པ་ནས། མྱ་ངན་ལས་འདས་པ་ཆེན་པོ་བསྟན་པའི་བར་དུ་ཕན་པའི་སེམས་དང་དགའ་བའི་སེམས་ཀྱིས་ཞམ་རིང་དུ་འབྲང་ཞིང་རྟག་ཏུ་བསྲུང་བའི་ཕྱིར་ཆས་ཏེ། བྱང་ཆུབ་སེམས་དཔའ་ག་ལ་བ་དེར་ལྷགས་སོ། །དེ་བཞིན་དུ་ཕྱོགས་བཅུའི་ཕྱོགས་རེ་རེ་ནས་ཀྱང་བྱང་ཆུབ་སེམས་དཔའ་

213-1-34a

སྐྱེ་བ་གཅིག་གིས་ཐོགས་པ། དགའ་ལྡན་གྱི་གནས་དམ་པ་ན་གནས་པ་བརྒྱ་སྟོང་ཕྲག་མང་པོ་ཡང་མཆོད་པའི་ཕྱིར་ལྷགས་སོ། །འདོད་པའི་ཁམས་ཀྱི་ལྷའི་བུ་མོ་འབུམ་ཕྲག་བརྒྱད་ཅུ་རྩ་བཞིས་སིལ་སྙན་དང་གླུ་དབྱངས་རྣམ་པ་སྣ་ཚོགས་པས་ཀྱང་མཆོད་པའི་ཕྱིར་བྱང་ཆུབ་སེམས་དཔའ་འཆི་འཕོ་
བསྟོན་པའི་དྲུང་དུ་ཉེ་བར་ལྷགས་སོ། །ཇི་ལྟར་འདུས་པའི་འཁོར་གྱི་ཚོགས་ཆེན་པོ་དེ་དག་གིས་ཀུན་ནས་བསྐོར་ཅིང་བདུན་གྱིས་བལྟས་ཏེ། རང་རང་གི་མཆོད་པའི་བྱེ་བྲག་དཔག་ཏུ་མེད་པས་ཕྱོགས་ཀྱི་དཀྱིལ་འཁོར་མ་ལུས་པ་ཡོངས་སུ་བཀང་སྟེ་མངོན་པར་མཆོད་བཞིན་པས་དུས་འདའ་
བར་བགྱིས་སོ། །གཉིས་པ་ལྷུམས་སུ་ཞུགས་པའི་མཛད་པ་ནི། དེ་ནས་ས་ག་ཟླ་བའི་ཚེས་བཅོ་ལྔའི་རྒྱུ་སྐར་རྒྱལ་ལ་བབ་པ་ན། བྱང་ཆུབ་སེམས་དཔའི་ཚོགས་དེ་དག་དང་། ལྷའི་ཚོགས་དེ་དག་གིས་ཀུན་ནས་ཡོངས་སུ་བསྐོར་ཞིང་མདུན་བདར་ནས། དགའ་ལྡན་གྱི་
གནས་ནས་བསྐྱོད་པའི་ཚེ་འོད་ཟེར་སྣང་བ་ཆེན་པོས་སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་ཐམས་ཅད་དུ་ཁྱབ་པར་བྲན་ཏེ། ས་གཞི་རྣམ་པ་བཅོ་བརྒྱད་དུ་གཡོས་ཤིང་། ལྷ་བྱེ་བ་ཁྲག་ཁྲིག་མང་པོ་དག་གིས་ལྷགས་པ་དང་སྤྱི་བོས་བྱང་ཆུབ་སེམས་དཔའ་བཞུགས་པའི་
གཞལ་མེད་ཁང་འདེགས་པ་དང་བཅས་ཏེ། ནམ་གྱི་གུང་ལ་ཟས་གཙང་མའི་ཁྱིམ་དུ་ངོ་མཚར་བའི་སྔ་ལྟས་བརྒྱད་ཀྱིས་ཡོངས་སུ་དཀྲིགས་པའི་ཚུལ་གྱིས། བྱང་ཆུབ་སེམས་དཔའ་ནི་གླང་པོའི་ཕྲུ་གུ་དམ་པ་ཁ་བ་དང་དངུལ་དང་ཀུ་མུ་དཱ་ལྟར་དཀར་བའི་རྣམ་པས་སྒྱུ་འཕྲུལ་དགའ་མའི་གློ་
གཡས་པ་ནས་ཞུགས་སོ། །ཞུགས་ནས་ཀྱང་གློ་གཡས་ལོགས་སུ་ལྷ་རྣམས་ཀྱིས་སྤྲུལ་པའི་ཙནྡན་སྤྲུལ་གྱི་སྙིང་པོ་ལས་བྱས་པའི་ཁང་བཟང་ཆུང་ངུ་རིན་པོ་ཆེའི་བཀོད་པ་མཛེས་ཤིང་ལྟ་ན་སྡུག་པ། གྲུ་བཞི་པ། ཀ་བ་བཞི་དང་ལྡན་པ་ཅིག་ཏུ་བྱང་ཆུབ་སེམས་དཔའ་སྔོན་ལེགས་
པར་སྤྱད་པའི་མཐུ་ལས་བྱུང་བའི་འདོད་པའི་ཡོན་ཏན་གྱི་མཆོད་བའི་སྤྲིན་དཔག་ཏུ་མེད་པའི་བཀུར་སྟི་དང་བཅས་ཏེ་བཞུགས་སོ། །དེའི་ཚེ་ལྷ་མོ་སྒྱུ་འཕྲུལ་མའི་རྨི་ལམ་དུ་ཡང་དེ་ལྟར་དུ་སྣང་བར་གྱུར་ཏེ། ཇི་སྐད་དུ། གླང་པོ་ཁ་བ་དངུལ་གདོག་མཆེ་བ་དྲུག །རྐང་ལག་རབ་མཛེས་མགོ་

213-1-34b

པོ་དམར་སྡུག་པ། །འགྲོས་བཟང་ལུས་ཚིགས་རྡོ་རྗེ་བཞིན་བརྟན་པ། །གླང་པོ་མཆོག་གཅིག་ཁོང་དུ་སོང་སྙམ་བྱེད། །དེས་ནི་དེ་འདྲའི་བདེ་བ་བརྒྱ་ལམ་ནའང་། །མ་མཐོང་མ་ཐོས་མྱོང་བར་མ་གྱུར་ཏེ། །ལུས་ཀྱང་བདེ་ཞིང་སེམས་ཀྱང་བདེར་གྱུར་ནས། །བསམ་གཏན་མཉམ་
པར་བཞག་པ་བཞིན་དུ་གྱུར། །ཞེས་པ་ལྟར་གྱི་རྣམ་པས་ལྷུམས་སུ་ཞུགས་སོ། །གསུམ་པ་བལྟམས་པའི་མཛད་པ་ལ། ཇི་ལྟར་བལྟམས་པ་དང་། བལྟམས་པའི་ལྟས་ཀྱི་ཁྱད་པར་རོ། །དང་པོ་ནི། དེ་ལྟར་ཡུམ་གྱི་ལྷུམས་སུ་ཟླ་བ་བཅུ་རྫོགས་པར་གནས་ནས་ལྷ་མོ་སྒྱུ་འཕྲུལ་མས་བྱང་ཆུབ་
སེམས་དཔའ་བཙའ་བའི་དུས་ལ་བབ་པར་ཤེས་ནས་རྒྱལ་པོ་ལ་གསོལ་པ་དང་། རྒྱལ་པོས་འཁོར་རྣམས་ལ་ཇི་ལྟར་བསྒོ་བ་བཞིན་དུ་ལུམྦི་ནཱིའི་ཚལ་གྱི་ཁོ་ར་ཁོར་ཡུག་ཐམས་ཅད་ཡིད་དུ་འོང་བར་བརྒྱན་ཏེ། རིན་པོ་ཆེའི་ཕྲེང་བ་དང་ལྷའི་གོས་དག་གིས་ཀུན་ནས་མཛེས་པར་བྱས་པའི་
ཤིང་རྟ་མཆོག་གི་ནང་དུ་ལྷ་མོ་སྒྱུ་འཕྲུལ་མ་ཞུགས་པ་ལ། འཇིག་རྟེན་སྐྱོང་བ་བཞི་དང་། ཚངས་པ་དང་། དབང་པོ་ལ་སོགས་པས་མཆོད་ཅིང་། ཤཱཀྱའི་བུ་མོ་སྟོང་ཕྲག་དྲུག་ཁྲིས་མདུན་དུ་བདར། ཤཱཀྱ་བཞི་ཁྲི་དང་། དཔའ་ཞིང་རྟུལ་ཕོད་པའི་དཔུང་ཚོགས་གོ་ཆེ་དང་
མཚོན་ཆ་ཐོགས་པ་བརྒྱད་ཁྲི་བཞི་སྟོང་རྣམས་ཀྱིས་ཀུན་ནས་ཡོངས་སུ་བསྲུངས་ཤིང་། ལྷ་དང་། ཀླུ་དང་། དྲི་ཟ་དང་། མིའམ་ཅི་དང་། ལྷ་མ་ཡིན་གྱི་བུ་མོ་རྣམས་རེ་རེ་ཡང་བརྒྱད་ཁྲི་སྟོང་དུ་ཚང་བ་རྒྱན་ཐམས་ཅད་ཀྱིས་བརྒྱན་པ། གླུ་དབྱངས་དང་རོལ་མོའི་ཚོགས་ཀྱིས་མཆོད་
པ་རྣམས་རྗེས་སུ་འབྲངས་ཏེ་ལུམྦི་ནཱིའི་ཚལ་ག་ལ་བ་དེར་བཞུགས་སོ། །ནགས་ཚལ་དམ་པ་དེ་ན་ཤིང་ལྗོན་པ་ཇི་སྙེད་ཡོད་པ་རྣམས་ཀྱང་དུས་ལ་མ་བབ་པར་ལོ་མ་དང་། མེ་ཏོག་དང་། འབྲས་བུའི་ཁུར་གྱིས་ཡོངས་སུ་དུད་པ་ལ་ལྷ་རྣམས་ཀྱིས་རྒྱན་ཐམས་ཅད་ཀྱིས་ཀྱང་བརྒྱན་པར
བྱས་སོ། །དེར་ཤིང་རྟ་ལས་བདེ་བར་བབ་ནས་ནགས་དང་ཤིང་དྲུང་རྣམས་སུ་འཆག་ཅིང་སོང་བ་ན། སྔོན་གྱི་རྒྱལ་བ་རྣམས་ཀྱི་ཡུམ་གྱིས་ཀྱང་བསྟེན་པའི་ཤིང་པླཀྵ་ཞེས་བྱ་བ་ལོ་མ་དང་། མེ་ཏོག་དང་། འབྲས་བུ་སྣ་ཚོགས་པས་བརྒྱན་པའི་ས་གཞི་ལག་མཐིལ་ལྟར་མཉམ་པ་

213-1-35a

རྩྭ་སྔོན་པོ་རྨ་བྱའི་མགྲིན་པ་ལྟ་བུ་སྟུག་པོར་སྐྱེས་པ་དེར་བྱོན་པ་ན་པླཀྵ་དེས་ཀྱང་མངོན་པར་བཏུད་དེ་ཕྱག་བྱས་སོ། །དེ་ནས་ལྷ་མོ་སྒྱུ་འཕྲུལ་གྱིས་ཤིང་དེའི་ཡལ་ག་ལ་འཇུས་ཏེ་ཅུང་ཟད་བཞུགས་པའི་གློ་གཡས་པ་ནས་ཁྱེའུ་བྱང་ཆུབ་སེམས་དཔའ་དེ་ནི་འོད་དང་འོད་ཟེར་གྱི་ཕུང་
པོ་རབ་ཏུ་དཀྲིགས་པའི་སྣང་བ་ཆེན་པོས་ཕྱོགས་བཅུའི་འཇིག་རྟེན་གྱི་ཁམས་མུར་ཐུག་པ་མེད་པ་ཐམས་ཅད་ཀྱང་རྒྱས་པར་འགེངས་པ་དང་བཅས་ཏེ། རྨི་ལམ་གྱི་ལྟད་མོའི་ཡ་མཚན་ཉམས་སུ་མྱོང་བ་བཞིན་དུ་གནོད་པ་མེད་པར་བལྟམས་སོ། །ཇི་ལྟར་བལྟམས་པའི་མོད་དེ་ལ་ཚངས་པ་དང་བརྒྱ་
བྱིན་གཉིས་ཀྱིས་ཀཱ་ཤི་ཀའི་རས་མཆོག་དྲི་མ་མེད་པའི་སླེབ་མོས་དྲན་ཤེས་བཞིན་དུ་བླངས་སོ། །དེའི་ཚེ་བྱང་ཆུབ་སེམས་དཔས་ཉེ་བར་སྤྱད་པའི་ཁང་བཟང་ནི་ཚངས་རིས་ཀྱི་ལྷ་རྣམས་ཀྱིས་ཚངས་པའི་འཇིག་རྟེན་དུ་མཆོད་པའི་ཕྱིར་གཏེག་གོ། །དེ་ནས་ས་ལ་བབ་མ་ཐག་ཏུ་སའི་ལྷ་མོས་
པདྨ་དཀར་པོ་ཤིན་ཏུ་རྒྱས་པ་གདན་དུ་ཕུལ་ལོ། །ཀླུའི་རྒྱལ་པོ་དགའ་བོ་དང་ཉེ་དགའ་བོ་གཉིས་ཀྱིས་ནམ་མཁའི་མཐོངས་ནས་བསིལ་བ་དང་དྲོ་བའི་རྒྱུན་གྱིས་ཁྲུས་བྱེད་དོ། །དེ་ནས་བྱང་ཆུབ་སེམས་དཔས་ཕྱོགས་དྲུག་ཏུ་གོམ་པ་བདུན་བདུན་བོར་ཏེ། འཇིག་རྟེན་གསུམ་ན་མཚུངས་པ་
མེད་པར་བྱ་བར་དམ་བཅའ་བའི་ཚིག་རྣམས་སེང་གེའི་སྒྲ་ཉིད་དུ་བསྒྲགས་པས་གོམ་པ་གང་དང་གང་དུ་བོར་བ་དེ་དང་དེ་དག་ཏུ་པདྨ་རྣམས་བརྟོལ་ཏེ་བྱུང་ངོ་། །གཉིས་པ་ནི་འཇིག་རྟེན་གྱི་ཁམས་སུ་ས་གཡོ་བ་དང་། ལྷ་དང་མིའི་སིལ་སྙན་དང་རོལ་མོའི་སྒྲ་འབྱུང་བ་དང་། ཕྱོགས་ཐམས་ཅད་འོད་
ཀྱིས་གང་བ་དང་། ཡུལ་ཆེན་པོ་བཞིའི་རྒྱལ་པོ་ཆེན་པོ་བཞི་ལ་སྲས་བཞི་ཡང་བཙས་པ་དང་། ཡ་རབས་ཀྱི་རིགས་ལྔ་བརྒྱ་དང་། གྲགས་འཛིན་མ་ལ་སོགས་པའི་བུ་མོ་བརྒྱད་བརྒྱ་དང་། འདུན་པ་ལ་སོགས་པའི་བྲན་ལྔ་བརྒྱ་དང་། བསྔགས་ལྡན་ལ་སོགས་པའི་རྟེའུ་ཉི་ཁྲི་དང་། བ་
ལང་གི་བེའུ་ཁྲི་རྣམས་ཀྱང་བཙས་སོ། །གཞན་ཡང་གླིང་གི་དབུས་སུ་བྱང་ཆུབ་ཀྱི་ཤིང་སྐྱེས་པ་དང་། གཏེར་ཁ་ལྔ་སྟོང་དང་། སྐྱེད་མོས་ཚལ་ལྔ་བརྒྱ་ཡང་བྱུང་ངོ་། །མདོར་ན་སེམས་ཅན་ཐམས་ཅད་ཀྱི་འདོད་པའི་དོན་ཐམས་ཅད་ལྷུན་གྱིས་གྲུབ་པར་གྱུར་པས་རྒྱལ་བུའི་མཚན་ཡང་

213-1-35b

དོན་ཐམས་ཅད་གྲུབ་པ་ཞེས་བཏགས་སོ། །རིགས་ཀྱི་ལྷ་མཆོད་པའི་སར་བྱོན་པས་ཤཱཀྱ་རྣམས་ཀྱི་ལྷ་གནོད་སྦྱིན་ཤཱཀྱ་འཕེལ་གྱིས་གཞོན་ནུའི་ཞབས་ལ་ཕྱག་བྱས་པས་ལྷའི་ལྷ་ཞེས་བཏགས་སོ། །ཤཱཀྱ་མུར་ཅོར་སྨྲ་བ་རྣམས་ཀྱི་ནང་ན་ལུས་ངག་འདུ་འཛིས་དབེན་པ་ཐུབ་པ་བཞིན་དུ་
བཞུགས་པས་ཤཱཀྱ་ཐུབ་པ་ཞེས་བཏགས་སོ། །དེ་ནས་གཞོན་ནུ་སྐྱེ་དགུའི་བདག་མོ་ལ་གཏད་དེ། མ་མ་སུམ་ཅུ་རྩ་གཉིས་དང་བཅས་པས་རིམ་གྲོར་བྱེད་ཅིང་བསྐྱེད་བསྲིངས་སོ། །གཞན་ཡང་བྱང་ཆུབ་སེམས་དཔའ་བལྟམས་པའི་དུས་ཀྱི་ལྟས་ངོ་མཚར་བ་དག་གིས་བསྐུལ་ཏེ།
རིའི་རྒྱལ་པོ་གངས་རིའི་ངོས་ལ་དྲང་སྲོང་ནག་པོ་ཞེས་བྱ་བ་མངོན་པར་ཤེས་པ་ལྔ་དང་ལྡན་པ་སྣག་གི་ཚ་བོ་མེས་བྱིན་ཞེས་བྱ་བ་དང་མཉམ་དུ་འགྲོགས་ཏེ་བྱང་ཆུབ་སེམས་དཔའ་བལྟ་བའི་ཕྱིར་རྫུ་འཕྲུལ་གྱིས་ནམ་མཁའ་ལ་ལྡིང་ཞིང་བྱུང་ངོ་། །ཇི་ཙམ་ན་སེར་སྐྱའི་གྲོང་ཁྱེར་ཆེན་པོ་ག་ལ་བ་དེར་
ཕྱིན་པ་དང་རྫུ་འཕྲུལ་བརྟུལ་ཏེ་རྐང་གིས་འོངས་ནས་རྒྱལ་པོ་ཟས་གཙང་གི་ཕོ་བྲང་དུ་ཕྱིན་ཏོ། །དེར་རྒྱལ་པོ་ལ་སྨྲས་པ། རྒྱལ་པོ་ཆེན་པོ་ཁྱོད་ཀྱི་སྲས་ཤིག་བལྟམས་པར་གྱུར་པ་དེ་བལྟ་བར་འདོད་དོ། །དེར་རྒྱལ་པོས་བསྟན་པ་ན། དེའི་ལུས་ལ་སྐྱེས་བུ་ཆེན་པོའི་མཚན་སུམ་ཅུ་རྩ་གཉིས་
ཡོད་པ་མཐོང་སྟེ། འདི་ནི་གཉིས་སུ་འགྱུར་གྱིས་གཞན་དུ་མི་འགྱུར་རོ། །གལ་ཏེ་ཁྱིམ་ལ་གནས་ན་ནི་འཁོར་ལོས་སྒྱུར་བའི་རྒྱལ་པོ་དང་། རབ་ཏུ་བྱུང་ན་རྫོགས་པའི་སངས་རྒྱས་སུ་འགྱུར་རོ་ཞེས་ལུང་བསྟན་ཏེ། རྒྱ་ཆེར་རོལ་པ་ལས། འདི་ཡི་སྐུ་ལ་མཚན་རབ་སུམ་ཅུ་རྩ་གཉིས་དྲི་མེད་
མངའ་བ་ལས། །རྣམ་པ་གཉིས་སུ་འགྱུར་ཏེ་གསུམ་དུ་མ་མཆིས་རྒྱལ་པོ་མཁྱེན་པར་མཛོད། །འཁོར་ལོས་སྒྱུར་པའི་རྒྱལ་འགྱུར་ཡང་ན་སངས་རྒྱས་འཇིག་རྟེན་གཙོ་བོར་བྱོན། །འདི་ནི་འདོད་པའི་ཡོན་ཏན་བཞེད་པར་མི་འགྱུར་ངེས་པར་སངས་རྒྱས་འགྱུར། །ཞེས་སོ། །གཞན་ཡང་ལྷའི་བུ་དབང་
ཕྱུག་ཆེན་པོ་གཙང་མ་རིས་ཀྱི་ལྷའི་བུ་བརྒྱ་སྟོང་ཕྲག་བཅུ་གཉིས་ཀྱིས་མདུན་བདར་ཏེ་འོངས་ནས་བྱང་ཆུབ་སེམས་པའི་རྐང་པ་ལ་ཕྱག་འཚལ་ཏེ། རྒྱལ་པོ་ཆེན་པོ་བྱང་ཆུབ་སེམས་དཔའ་འདི་ནི་གདོན་མི་ཟ་བར་རྫོགས་པའི་བྱང་ཆུབ་ཏུ་འཚང་རྒྱ་བར་འགྱུར་རོ་ཞེས་ལུང་བསྟན་དུ་བསྒྲགས་ཏེ། ཇི་

213-1-36a

སྐད་དུ། འདི་འདྲའི་མཚན་དང་འདི་འདྲར་ལྟ་བ་དཔལ་ཅན་དང་། །འདི་འདྲའི་བསོད་ནམས་གཟི་བརྗིད་སྤྱི་གཙུག་མི་མཐོང་དང་། །མཛོད་སྤུ་ནས་ནི་རྒྱ་ཆེན་འོད་འབྱུང་འདི་འདྲ་ལས། །བདུད་རྣམས་ཕམ་མཛད་བྱང་ཆུབ་བརྙེས་འགྱུར་གདོན་མི་འཚལ། །ཞེས་འབྱུང་བ་ལྟར་རོ། །
བཞི་པ་བཟོའི་གནས་ལ་མཁས་པར་སྦྱངས་པའི་མཛད་པ་ནི། དེ་ནས་གཞོན་ནུ་དེ་ཅུང་ཟད་ཆེར་སོན་པ་ན། བསྐལ་པ་བྱེ་བ་མང་པོའི་གོང་ནས་བསྟན་བཅོས་ཐམས་ཅད་ལ་མ་བསླབས་པ་འགའ་ཡང་ཡོད་པ་མ་ཡིན་ནའང་འཇིག་རྟེན་དང་རྗེས་སུ་མཐུན་པར་བསྟན་པའི་ཕྱིར། ཁྱེའུ་སྟོང་ཕྲག་བཅུས་
ཡོངས་སུ་བསྐོར་ཅིང་ལྷ་དང་བཅས་པའི་སྐྱེ་དགུའི་ཚོགས་མང་པོས་བདུན་གྱིས་བལྟས་ཏེ་མཆོད་པའི་དབུས་སུ་བྱིས་པའི་སློབ་དཔོན་ཀུན་གྱི་བཤེས་གཉེན་ཞེས་བྱ་བ་ལས་ཡི་གེ་བསླབ་པའི་གྲར་ཞུགས་སོ། །ཞུགས་ནས་ཀྱང་བྱང་ཆུབ་སེམས་དཔའི་ཕྱག་གིས་ཙནྡན་སྦྲུལ་གྱི་སྙིང་པོ་ལས་
བྱས་བའི་གཎྜ་ལྷའི་ཚོན་གྱིས་བྱུགས་པ་གསེར་གྱི་ཡང་མིག་གིས་བཏགས་པ། མཐའ་མར་ནོར་བུ་རིན་པོ་ཆེས་ཀུན་ནས་སྤྲས་པ་ཐོགས་ཏེ། སློབ་དཔོན་ཀུན་གྱི་བཤེས་གཉེན་ལ། ཡི་གེ་དྲུག་ཅུ་རྩ་བཞིའི་མིང་ནས་སྨོས་ཏེ། ཀྱེ་མཁན་པོ་ཡི་གེ་འདི་རྣམས་ལས་བདག་ལ་གང་དག་བསླབ་པར་
བགྱི་ཞེས་གསུངས་པས། སློབ་དཔོན་ཀུན་གྱི་བཤེས་གཉེན་ང་རྒྱལ་བ་ཡོངས་སུ་ཆག་སྟེ། ངོ་མཚར་དུ་གྱུར་ཅིང་འཛུམ་པའི་མདངས་ཕྱུང་སྟེ་སྨྲས་པ། སེམས་ཅན་དག་པ་ངོ་མཚར་ཆེ། །བསྟན་བཅོས་ཀུན་ལས་བསླབས་གྱུར་ཀྱང་། །འཇིག་རྟེན་འཇིག་རྟེན་རྗེས་བསྙག་ཕྱིར། །ཡི་གེའི་གྲྭར་
ནི་བྱོན་པར་གྱུར། །ཡི་གེ་གང་གི་མིང་དག་ཀྱང་། །བདག་གིས་བཤེས་པར་མ་གྱུར་བ། །དེ་ནི་འདི་ལ་བྱང་གྱུར་ཀྱང་། །ཡི་གེ་སློབ་པའི་གྲྭར་བྱོན་ཏོ། །ཞེས་ཆེད་དུ་བརྗོད་དོ། །དེའི་ཚེ་བྱིས་པ་སྟོང་ཕྲག་བཅུ་པོ་ལའང་བྱང་ཆུབ་སེམས་དཔའི་མཐུས་ཡི་གེའི་ཕྱི་མོ་གང་དག་བསླབས་པ་ལས་ཆོས་ཀྱི་སྒོ་མོ་
བརྒྱ་སྟོང་གྲངས་མེད་པ་བྱུང་སྟེ་ཐམས་ཅད་ཀྱང་བླ་ན་མེད་པའི་བྱང་ཆུབ་ཏུ་སྨིན་བར་མཛད་དོ། །དེ་བཞིན་དུ་རྩིས་དང་། འཕང་དང་། རྩལ་དང་། ཆུའི་རྐྱལ་ལ་སོགས་པའི་སྒོ་ནས་རིགས་དང་། སྟོབས་དང་། རིག་པའི་གཙུག་ལག་གིས་ཀུན་ནས་ཁེངས་པའི་དྲེགས་པ་ཅན་ཐམས་ཅད་ཟིལ་གྱིས་མནན་ཏེ

213-1-36b

འཇིག་རྟེན་ན་འགྲན་ཟླ་མེད་པ་ཉིད་དུ་མཛད་དོ། །དེ་ལྟར་ཡང་མདོ་ལས། མི་ཡི་འཇིག་རྟེན་འདི་ན་བསྟན་བཅོས་གང་ཡོད་པ། །གྲངས་དང་ཡི་གེ་རྩིས་དང་ཁམས་ཀྱི་རྒྱུད་དག་དང་། །འཇིག་རྟེན་བཟོ་ཡི་སྦྱོར་བ་ཚད་མེད་མང་པོ་དག །བསྐལ་པ་བྱེ་མང་སྔོན་ཆད་འདིས་ནི་དེ་དག་བསླབས། །འོན་ཀྱང་སྐྱེ་
བོའི་རྗེས་སུ་མཐུན་པ་ཙམ་མཛད་དེ། །བྱིས་པ་མང་པོ་ཐེག་པ་མཆོག་ལ་སྨིན་མཛད་དང་། །སེམས་ཅན་ཁྲག་ཁྲིག་གཞན་ཡང་འཆི་མེད་དགོད་པའི་ཕྱིར། །ཤིན་ཏུ་ལོབས་པའང་བསླབ་ཕྱིར་ཡི་གེའི་གྲྭར་བཞུགས་སོ། །ཞེས་འབྱུང་བ་ལྟར་རོ། །དེ་ནས་གཞོན་ནུ་དེ་གཞོན་ནུའི་ཚོགས་མང་པོ་དང་
ཐབས་གཅིག་ཏུ་ཞིང་པའི་གྲོང་དུ་ལྟ་ཞིང་དོང་སྟེ། རིམ་གྱིས་ཞིང་བླས་ཀྱི་མཐའི་སྐྱེད་མོས་ཚལ་དུ་ཕྱིན་ཏོ། །དེ་ནས་བྱང་ཆུབ་སེམས་དཔའ་གཅིག་པུས་བྱོན་ཏེ་ཛམྦུའི་ཤིང་གི་གྲིབ་མ་ལ་སྐྱིལ་མོ་ཀྲུང་བཅས་ཏེ་བཞུགས་ནས་བསམ་གཏན་བཞིའི་ཏིང་ངེ་འཛིན་བསྒྲུབས་པས་བྱང་ཆུབ་སེམས་དཔའི་
ནི་ཤིང་གི་གྲིབ་མས་མ་སྤངས་པར་བཞུགས་སོ། །སྐབས་དེར་ཕྱི་རོལ་གྱི་དྲང་སྲོང་རྫུ་འཕྲུལ་ཐོབ་པ་ལྔས་ནམ་མཁའ་ནས་འོངས་པ་བྱང་ཆུབ་སེམས་དཔའི་ཐད་དུ་ཕྱིན་པ་ན་འགྲོ་བར་མ་ནུས་པར་ངོ་མཚར་སྐྱེས་ཏེ་ཚིགས་སུ་བཅད་པས་བསྟོད་ཅིང་ལན་གསུམ་དུ་བསྐོར་བ་བྱས་ཏེ་སོང་ངོ་། །དེའི་ཚེ་
རྒྱལ་པོ་ཟས་གཙང་གིས། །ཐུབ་པ་གང་ཚེ་བལྟམས་པ་དང་། །གང་ཚེ་འོད་ལྡན་བསམ་གཏན་མཛད། །འདྲེན་པ་འདི་ལྟར་ལན་གཉིས་སུ། །མགོན་པོ་ཁྱོད་ཞབས་ཕྱག་འཚལ་ལོ། །ཞེས་པའི་བསྟོད་པ་ཕུལ་ལོ། །ལྔ་པ་བཙུན་མོའི་འཁོར་དུ་དགྱེས་པར་རོལ་པའི་མཛད་པ་ནི། དེ་ནས་
ཤཱཀྱ་རྒན་རབས་རྣམས་འདུས་ཏེ་རྒྱལ་པོ་ཟས་གཙང་ལ། གཞོན་ནུ་འཁོར་ལོས་སྒྱུར་བའི་རྒྱལ་པོའི་གདུང་མི་འཆད་པའི་ཕྱིར་ཁབ་མཛད་པར་གསོལ་བ་ན། རྒྱལ་པོ་ཟས་གཙང་གིས་སྨྲས་པ། ད་ལྟར་བགྱི་ན་འོན་ཀྱང་གཞོན་ནུ་ཉིད་ལ་དྲི་བར་བྱའོ། །དེ་ནས་དེ་དག་འདུས་ཏེ་དོན་དེ་དག་གཞོན་
ནུ་ལ་གསོལ་ལོ། །དེའི་ཚེ་བྱང་ཆུབ་སེམས་དཔའ་འདོད་པའི་སྐྱོན་མཐའ་ཡས་པར་གནས་རེ་ཞིག་མ་གནང་ངོ་། །ཡང་དེས་རྣམ་པར་བརྟགས་ནས་ཐབས་ལ་མཁས་པ་མངོན་དུ་བྱ་བའི་ཕྱིར་དང་། སེམས་ཅན་ཡོངས་སུ་སྨིན་པར་བྱ་བའི་ཕྱིར་དང་། ཁ་ན་མ་ཐོ་བ་སྤང་བར་བསྟན་པའི་ཕྱིར་དང་།

213-1-37a

སྔོན་གྱི་བྱང་ཆུབ་སེམས་དཔའ་མཁས་པ་གང་དག་བྱུང་བ་རྣམས་ཀྱི་རྗེས་སུ་བསླབ་པའི་ཕྱིར་སླར་གསུངས་པ། འདམ་དང་ལྗན་ལྗིན་ཁྲོད་ན་པདྨ་རྣམ་པར་འཕེལ། །མི་རྣམས་གང་བའི་ནང་ན་རྒྱལ་པོ་མཆོད་པ་འཐོབ། །གང་ཚེ་བྱང་ཆུབ་སེམས་དཔའ་འཁོར་མཆོག་ཐོབ་གྱུར་པ། །
དེ་ཚེ་སེམས་ཅན་བྱེ་བ་ཁྲག་ཁྲིག་འཆི་མེད་འདུལ། །སྔོན་གྱི་བྱང་ཆུབ་སེམས་དཔའ་མཁས་པ་གང་བྱུང་བ། །དེ་དག་ཀུན་གྱིས་བཙུན་མོ་སྲས་དང་སླས་ཀྱང་བསྟེན། །འོན་ཀྱང་འདོད་པས་ཆགས་མེད་བསམ་གཏན་བདེ་མ་ཉམས། །བདག་ཀྱང་དེ་དག་ཡོན་ཏན་རྫེས་སུ་བསླབ་པར་བྱ། །ཞེས་དང་། བུད་
མེད་ཀྱི་ཡོན་ཏན་ཐམས་ཅད་ཚིགས་སུ་བཅད་པར་བྲིས་ནས་ཡབ་ལ་ཕུལ་ལོ། །དེ་ནས་རྒྱལ་པོ་ཟས་གཙང་གིས་བྲམ་ཟེ་མདུན་ན་འདོན་ལ། ཚུལ་འདི་དང་མཐུན་པའི་བུད་མེད་གང་དུ་ཡོད་པ་རྟོག་ཅིག་ཅེས་བསྒོ་བ་ན་དེས་ཀྱང་སེར་སྐྱའི་གྲོང་ཁྱེར་ཐམས་ཅད་དུ་བལྟས་པའི་ཚེ་ཤཱཀྱ་ལག་ན་བེ་ཅོན་གྱི་བུ་མོ་
ཞིག་ལ་ཡོན་ཏན་དེ་དག་ཡོངས་སུ་ཚང་བ་མཐོང་ནས་རྒྱལ་པོ་ལ་གསོལ་ལོ། །རྒྱལ་པོས་ཤཱཀྱ་ལག་ན་བེ་ཅོན་ཅན་དུ་ཕོ་ཉ་བཏང་ནས་དགུག་པར་བརྩམས་སོ། །དེའི་ཚེ་ལག་ན་བེ་ཅོན་གྱིས་སྨྲས་པ། འཕགས་པ་གཞོན་ནུ་དེ་ནི་ཕོ་བྲང་ན་སྐྱིད་ངེ་བར་འཁྲུངས་པ་ལགས་ལ། བདག་ཅག་གི་རིགས་ཀྱི་ཆོས་
ནི་སྒྱུ་རྩལ་ཤེས་པ་སྟེ། སྒྱུ་རྩལ་མི་ཤེས་པ་ལ་མི་གཏོང་བ་ལགས་ན། གཞོན་ནུ་དེ་ལ་ཇི་ལྟར་གཏོང་། དེ་ནས་རྒྱལ་པོ་ཟས་གཙང་གིས་བྱང་ཆུབ་སེམས་དཔའ་ལ་དངོས་པོ་དེ་དག་གསོལ་ལོ། །བྱང་ཆུབ་སེམས་དཔའ་དེ་དག་གི་ང་རྒྱལ་གཞོམ་པའི་ཕྱིར་སྨྲས་པ། གྲོང་ཁྱེར་འདི་ན་བདག་དང་སྒྱུ་རྩལ་
འགྲན་པ་མཆིས་ན། དེ་དག་གི་མདུན་དུ་བདག་གིས་སྒྱུ་རྩལ་བསྟན་པར་བགྱིའོ། །དེ་ནས་རྒྱལ་པོ་ཟས་གཙང་མས་སེར་སྐྱའི་གྲོང་ཁྱེར་ཆེན་པོ་ཀུན་ཏུ་དྲིལ་བསྒྲགས་ཏེ་སྒྱུ་རྩལ་འགྲན་པར་དམ་བཅས་སོ། །དེ་ནས་ཇི་ཙམ་ན་སྒྱུ་རྩལ་འགྲན་པ་ཐམས་ཅད་ཀྱི་ཐོག་མར་གཞོན་ནུ་ལྷས་བྱིན་གྲོང་ཁྱེར་ནས་བྱུང་
སྟེ། བྱང་ཆུབ་སེམས་དཔའི་བཞོན་པ་གླང་པོ་ཆེའི་མཆོག་ཅིག་སྒོ་ན་ཡོད་པ་ཐལ་པོས་བསྣུན་ཏེ་བསད་དོ། །དེའི་འོག་ཏུ་གཞོན་ནུ་མཛེས་དགའ་བོ་བྱུང་ནས་གླང་པོའི་རོ་དེའི་མཇུག་མ་ནས་བཟུང་སྟེ་གྲོང་ཁྱེར་གྱི་སྒོ་ནས་གུད་དུ་བོར་རོ། །དེའི་འོག་ཏུ་བྱང་ཆུབ་སེམས་དཔའ་ཤིན་རྟ་ལ་ཞོན་ཏེ་བྱུང་

213-1-37b

ནས། རོ་དེ་ཤིང་རྟ་ལ་གནས་བཞིན་དུ་རྐང་པའི་མཐེ་བོས་བླངས་ཏེ་ར་བ་བདུན་རིམ་དང་། འོབས་བདུན་རིམ་བརྒལ་བའི་ཕྱི་རོལ་རྒྱང་གྲགས་གཅིག་ཏུ་འཕངས་པས་ས་ཕྱོགས་དེ་ན་གཤོང་ཆེན་པོ་ཞིག་ཏུ་གྱུར་པ་ལ་གླང་པོའི་གཤོང་ཞེས་བྱ་བར་གྲགས་སོ། །དེའི་ཚེ་ནམ་མཁའི་དཀྱིལ་དུ་འཁོད་
པའི་ལྷ་རྣམས་འདི་སྐད་ཅེས་སྨྲའོ། །གླང་པོའི་དབང་པོ་བདེ་བ་བཞིན་བཞུད་པ། །ཞབས་ཀྱི་མཐེ་བོས་གླང་པོའི་དབང་པོ་བླངས། །ར་བ་བདུན་དང་འོབས་བདུན་ཡོངས་འདས་ནས། །གྲོང་ཁྱེར་འདི་ཡི་ཕྱི་རོལ་རྒྱང་རིང་འཕངས། །མཁྱེན་པ་མཆོག་མངའ་འདིས་ནི་གདོན་མི་ཟར། །ང་རྒྱལ་སྟོབས་ཀྱིས་མཐོ་
བའི་ལུས་ཅན་རྣམས། །འཁོར་བའི་གྲོང་ནས་ཕྱི་རོལ་རྒྱང་རིང་དུ། །ཤེས་རབ་སྟོབས་ཀྱིས་འདིས་ནི་འཕེན་པར་འགྱུར། །དེ་ནས་ཤཱཀྱ་གཞོན་ནུ་དག་གིས་སྒྱུ་རྩལ་སྟོན་པའི་ས་ཕྱོགས་དེར་དོང་སྟེ། ཐོག་མར་སློབ་དཔོན་ཀུན་གྱི་བཤེས་གཉེན་དཔང་དུ་བཞག་སྟེ་ཡི་གེ་དང་། དེ་བཞིན་དུ་ཤཱཀྱ་སྲིད་སྒྲུབ་ཡོད་
པར་རྩིས་དང་། དེའི་འོག་ཏུ་མཆོངས་པ་དང་། རྐྱལ་དང་། བང་ལ་སོགས་པ་དང་། གཞན་ཡང་སྟོབས་འགྱེད་པ་དང་། འཕོ་དང་རྐྱལ་ལ་སོགས་པའི་སྒྱུ་རྩལ་འགྲན་པ་ཐམས་ཅད་ལ་བྱང་ཆུབ་སེམས་དཔའ་ཉིད་ནི་འགྲན་ཟླ་མེད་པར་གྱུར་ཏེ་ལྷ་དང་མིར་བཅས་པའི་འགྲོ་བ་སྟོང་ཕྲག་མང་པོ་ཚིམ་
ཞིང་མགུ་ལ་རངས་ཏེ། ཨེ་མ་ཨ་ལ་ལ་ཞེས་བྱ་བའི་ཅ་ཅོ་དང་གཞི་མང་པོ་སྤྲིན་གྱི་སྒྲ་བཞིན་དུ་སྒྲོགས་པར་གྱུར་ཏེ། ཤཱཀྱ་ལག་ན་བེ་ཅོན་གྱིས་ཀྱང་རང་གི་བུ་མོ་བཙུན་མོའི་མཆོག་ཏུ་ཕུལ་ལོ། །དེ་ནས་བྱང་ཆུབ་སེམས་དཔའ་འཇིག་རྟེན་དང་མཐུན་པའི་ཚུལ་བསྟན་པའི་ཕྱིར། ས་འཚོ་མ་དང་གྲགས་
འཛིན་མ་དང་། རི་དྭགས་སྐྱེས་མ་ལ་སོགས་པའི་བུད་མེད་བརྒྱད་ཁྲི་བཞི་སྟོང་གི་ཚོགས་ཀྱི་ནང་དུ་བཞུགས་ཏེ་དགའ་ཞིང་རྩེ་བའི་རྣམ་པས་སེམས་ཅན་གྱི་དོན་མཛད་དོ། །དྲུག་པ་ངེས་པར་འབྱུང་བའི་མཛད་པ་ལ། མངོན་པར་འབྱུང་བའི་རྐྱེན་དང་། ཇི་ལྟར་མངོན་པར་འབྱུང་བའི་ཚུལ་ལོ། །
དང་པོ་ནི། དེ་ལྟར་བྱང་ཆུབ་སེམས་དཔའ་ཁབ་ཏུ་བཞུགས་ནས་བགྲང་བའི་གཞི་ཉི་ཤུ་རྩ་དགུར་སོན་པ་ན་ཕྱོགས་བཅུའི་འཇིག་རྟེན་ཀྱི་ཁམས་ན་བཞུགས་པའི་དེ་བཞིན་གཤེགས་པ་རྣམས་ཀྱི་བྱིན་གྱི་རླབས་ཀྱིས་གླུ་དབྱངས་དང་སིལ་སྙན་གྱི་སྒྲ་ལས་བྱང་ཆུབ་སེམས་དཔའ་མངོན་པར་འབྱུང་བར་བསྐུལ་

213-1-38a

པའི་ཕྱིར་འདི་སྐད་དུ་འབྱིན་པར་བྱེད་དེ། སྡུག་བསྔལ་བརྒྱས་གང་སེམས་ཅན་མཐོང་ནས་ནི། །འགྲོ་བའི་མགོན་དང་སྐྱབས་དང་གནས་འགྱུར་ཞིང་། །ཕན་བྱེད་མཆོག་དང་དཔུང་གཉེན་གྱུར་ཅིག་ཅེས། །ཁྱོད་ཀྱིས་སྔོན་ནི་སྨོན་
ལམ་དེ་སྐད་བཏབ། །དགེ་བ་དཔའ་བོ་སྔོན་གྱི་སྤྱོད་པ་དང་། །འགྲོ་ཕན་བྱ་ཞེས་སྨོན་བཏབ་དྲན་པར་བྱོས། །འདི་ནི་ཁྱོད་ཀྱི་དུས་དྲན་ཚོད་ཡིན་གྱིས། །དྲང་སྲོང་མཆོག་རབ་མངོན་པར་འབྱུང་བར་བྱོས། །ཞེས་བྱ་བ་ལ་སོགས་པ་བྱུང་པས་བསྐུལ་ཏེ་བྱང་ཆུབ་
སེམས་དཔའ་མངོན་པར་འབྱུང་བ་ལ་རྩེ་གཅིག་ཏུ་ཕྱོགས་པར་གྱུར་ཏོ། །དེ་ནས་གཞོན་ནུ་ཕྱི་རོལ་ཀྱི་སྐྱེད་མོས་ཚལ་གཟིགས་པའི་ཕྱིར་བྱོན་པས། གྲོང་ཁྱེར་གྱི་ཤར་ཕྱོགས་ཀྱི་སྒོ་ནས་འཐོན་པ་དང་། ལམ་ཀ་ན་གནས་གཙང་མ་རིས་ཀྱི་ལྷས་སྤྲུལ་པའི་མི་ཞིག་
རྒས་ཤིང་འཁོགས་པའི་སྡུག་བསྔལ་གྱིས་ཉེན་པ་དང་། ལྷོ་ཕྱོགས་ཀྱི་སྒོ་ནས་བྱོན་པའི་ལམ་ཀ་ན་ན་བའི་སྡུག་བསྔལ་གྱིས་ཉེན་པ་དང་། ནུབ་ཕྱོགས་ཀྱི་སྒོ་ནས་བྱོན་པའི་ལམ་ཀ་ན་མི་ཤི་བར་གྱུར་པ་ཁྱོགས་ལ་བཞག་སྟེ། ཉེ་དུའི་ཚོགས་ཀྱིས་མཐའ་བསྐོར་ནས་
སྨྲེ་སྔགས་འདོན་པ་དང་། བྱང་ཕྱོགས་ཀྱི་སྒོ་ནས་བྱོན་པའི་ལམ་ཀ་ན་དགེ་སློང་ཞི་བ་དང་དུལ་བ་ཡང་དག་པར་བསྡམས་པ་རྣམས་རིམ་པ་བཞིན་དུ་གཟིགས་པས་ཁྱིམ་གྱི་ཉེས་དམིགས་དང་ཐར་པའི་ཕན་ཡོན་རྗེས་སུ་དྲན་པའི་རྐྱེན་བྱས་ཏེ། ཤིང་རྟ་མཆོག་དེ་སླར་
བསྒྱུར་ནས་གྲོང་ཁྱེར་དུ་ཞུགས་སོ། །དེ་ལྟར་མངོན་པར་འབྱུང་བར་སྐུལ་བར་བྱེད་པའི་སྤྲུལ་པའི་གཟུགས་ཀྱི་རྣམ་པ་ཇི་ལྟར་གཟིགས་པ་དེ་དག་རྒྱལ་པོ་ཟས་གཙང་གིས་ཐོས་པས་བུད་མེད་རྣམས་ལ་གཞོན་ནུ་མངོན་པར་མི་འབྱུང་བའི་གླུ་དང་རོལ་མོ་རྒྱུན་མི་འཆད་པ་སྦྱོར་
ཅིག །མགུ་བར་འགྱུར་བའི་བུད་མེད་ཀྱི་སྒྱུ་ཡང་སྟོན་ཅིག་ཅེས་བསྒོའོ། །དེ་ནས་བྱང་ཆུབ་སེམས་དཔའ་ཕས་མ་གནང་བར་རབ་ཏུ་འབྱུང་བ་མི་རིགས་སོ་སྙམ་ནས། མཚན་པོ་མི་ཉལ་ཙམ་ན་ཡབ་ཀྱི་ཁང་པ་ན་བྱོན་ཏེ་གསུངས་པ། ལྷ་གཅིག་བདག་ནི་མངོན་པར་

213-1-38b

འབྱུང་བའི་དུས་བབ་རིགས། །གེགས་ཀྱང་མ་མཛད་མི་དགྱེས་པ་ཡང་མ་མཛད་ཅིག །རྒྱལ་པོ་གཉེན་བཅས་ཡུལ་འཁོར་བཅས་ཏེ་བཟོད་པར་གསོལ། །དེའི་ཚེ་ཡབ་ཀྱིས་རྣམ་པ་དུ་མས་ལན་གསུམ་དུ་བཤོལ་ཡང་བཟློག་པར་མ་སྤོབས་ཏེ། མཐར་ཁྱོད་ཀྱི་
བསམ་པ་ཡོངས་སུ་རྫོགས་པར་གྱུར་ཅིག་ཅེས་སྨྲས་སོ། །གཉིས་པ་ནི། དེ་ནས་བྱང་ཆུབ་སེམས་དཔའ་སླར་སོང་ངོ་། །ནམ་ནངས་པ་དང་ཟས་གཙང་གིས་དངོས་པོ་དེ་དག་ཤཱཀྱ་རྣམས་ལ་བསྙད་པས་ཐམས་ཅད་ཀྱིས་ཀྱང་བསྲུང་བར་བགྲོས་ཏེ། གྲོང་ཁྱེར་
སེར་སྐྱའི་སྒོ་འབྱེད་པ་ན་རྒྱང་གྲགས་སུ་གྲག་པའི་སྒྲ་འབྱུང་བ་ཡང་གཏན་པ་དམ་པོར་བཅུག་སྟེ་གྲོང་ཁྱེར་གྱི་སྒོ་བཞི་དང་། ལམ་གྱི་བཞི་མདོ་དང་། སུམ་མདོ་ཐམས་ཅད་ནས་དམག་གིས་ཡོངས་སུ་བསྐོར་བར་བྱས་སོ། །དེའི་ཚེ་བྱང་ཆུབ་སེམས་དཔའི་གྲོགས་སུ་
ལྷགས་པའི་ལྷ་བྱེ་བ་སྟོང་ཕྲག་མང་པོ་ལ་ལ་ནི་བུད་མེད་ཀྱི་ཚོགས་དང་དམག་གི་ཚོགས་རྣམས་གཉིད་ཀྱིས་མྱོས་པར་བྱས་སོ། །ལ་ལས་ནི་མཆོད་པའི་ལས་བྱེད་དོ། །ལ་ལས་ནི་ཆབ་སྒོ་འབྱེད་པར་བྱེད་དོ། །ལ་ལས་ནི་སྐྱེས་པ་དང་བུད་མེད་དང་རྟ་དང་གླང་པོ་ཆེ་
ལ་སོགས་པའི་སྒྲ་མི་གྲག་པར་བྱེད་དོ། །ལ་ལས་ནི་བཙུན་མོའི་འཁོར་མི་སྡུག་པར་སྒྱུར་བར་བྱེད་པ་དང་། དེའི་ཚེ་བྱང་ཆུབ་སེམས་དཔས་བཙུན་མོའི་འཁོར་ལ་དུར་ཁྲོད་ཀྱི་འདུ་ཤེས་སྒོམ་པར་བྱེད་དོ། །སྔོན་གྱི་སྨོན་ལམ་གྱི་ཚིག་བཞི་ཡང་མངོན་དུ་བྱེད་དོ། །
དེ་ནས་ཁང་བཟང་གི་སྟེང་དུ་བྱོན་ནས་བྱང་ཆུབ་སེམས་དཔས་སངས་རྒྱས་ཐམས་ཅད་ལ་ཐལ་མོ་སྦྱར་བའི་ཕྱག་བྱས་ཏེ་བལྟས་པས། ལྷའི་དབང་པོ་དང་། རྒྱལ་པོ་ཆེན་པོ་བཞི་དང་། ལྷའི་བུ་ཉི་མ་དང་ཟླ་བ་ཡང་བྱང་ཆུབ་སེམས་དཔའ་ལ་ཕྱག་འཚལ་ཞིང་འདུག་
པ་མཐོང་ངོ་། །དེའི་ཚེ་ནམ་མཁའ་ལ་སྐར་མ་རྒྱལ་ཤར་བ་ཡང་མཐོང་བར་གྱུར་ཏེ། འདུན་པ་ལ་སྨྲས་པ། ང་ཡི་བཀྲ་ཤིས་འདི་ནི་དོན་ཀུན་གྲུབ། །དོ་མེད་གདོན་མི་ཟ་བར་དོན་གྲུབ་ཀྱིས། །འདུན་པ་ཕྱི་ཤོལ་མ་བྱེད་ལ་གོར་དུ། །རྟ་རྒྱལ་རྒྱན་གྱིས་

213-1-39a

བརྒྱན་པའང་ང་ལ་བྱིན། །དེས་ཀྱང་བྱང་ཆུབ་སེམས་དཔའ་མངོན་པར་འབྱུང་བ་ཤེས་ནས་ལན་མང་དུ་བཟློག་ཀྱང་འདོད་པའི་ཉེས་དམིགས་རྗེས་སུ་བསྟན་ཏེ་བཟློག་པར་མ་ནུས་པར་རྟ་རྒྱལ་དམ་པ་བསྔགས་ལྡན་ཞེས་བྱ་བ་རྒྱན་གྱིས་བརྒྱན་པ་
ཕུལ་ལོ། །བྱང་ཆུབ་སེམས་དཔའ་དེ་ལ་བཅིབས་པའི་མོད་ལ་འཇིག་རྟེན་སྐྱོང་བ་ཆེན་པོ་བཞིས་ནམ་མཁའ་ལ་བཏེག་སྟེ་བྱོན་པ་ན། ཚངས་པ་དང་བརྒྱ་བྱིན་གྱིས་ལམ་བསྟན་པ་དང་། ལྷ་བྱེ་བ་ཁྲག་ཁྲིག་གིས་མདུན་བདར་ཏེ་གཤེགས་སོ། །དེ་ལྟར་མངོན་པར་
བྱུང་ནས། {མི}་ནེ་ཡའི་ཡུལ་གྱི་གྲོང་རྡལ་རྗེས་སུ་དཔག་པ་ཞེས་བྱ་བ་ནས། དཔག་ཚད་དྲུག་ཏུ་ཕྱིན་པ་ན་ནམ་ནངས་པར་གྱུར་ཏོ། །དེ་ནས་བྱང་ཆུབ་སེམས་དཔའ་རྟ་ལས་བབ་ནས་འདུན་པ་ཕྱིར་བཏང་ནས། མཆོད་རྟེན་རྣམ་དག་གི་དྲུང་དུ་རལ་གྲི་ཨུཏྤ་ལ་མཐིང་ག་འདྲ་བས་
བདག་གི་གཙུག་ཕུད་བཅད་དོ། །དེའི་ཚེ་དབུ་སྐྲ་ནི་སུམ་ཅུ་རྩ་གསུམ་པའི་ལྷས་མཆོད་པའི་ཕྱིར་བཏེག་གོ། །དེར་རབ་ཏུ་བྱུང་བའི་ཚུལ་དང་མཐུན་པའི་གོས་ཡིད་ལ་བྱས་པ་ཙམ་ནས། ལྷའི་བུ་རྔོན་པའི་གཟུགས་སུ་སྤྲུལ་པས་ངུར་སྨྲིག་གི་གོས་ཕུལ་པ་བླངས་ཏེ།
རང་གི་ན་བཟའ་རིན་ཐང་ཤིན་ཏུ་ཆེ་བའི་ཀཱ་ཤི་པ་དེ་ལ་བྱིན་ནོ། །ངུར་སྨྲིག་གི་གོས་དེ་སྐུ་ལ་གསོལ་ནས་བདག་ཉིད་རང་བྱུང་གི་རབ་ཏུ་བྱུང་བ་དང་བསྙེན་པ་རྫོགས་པར་མཛད་དོ། །དེ་ལྟར་ཡང་། མཁའ་ལ་རྡུལ་གནག་དུ་བ་མཇུག་རིངས་དག །མི་ཆགས་བཞིན་དུ་སྐྱེས་
མཆོག་ཐུགས་མི་ཆགས། །དྲི་མེད་ཡུལ་གྱི་བདེ་བས་མི་གོས་ཏེ། །ཆུ་ལས་པདྨ་ཇི་ལྟར་འཕགས་པ་བཞིན། །ཞེས་སོ། །བདུན་པ་དཀའ་བ་སྤྱད་པའི་མཛད་པ་ནི། དེ་ནས་བྱང་ཆུབ་སེམས་དཔའི་སྤྱོད་བ་དྲི་མ་མེད་པའི་རྗེས་སུ་འཇུག་པའི་གདུལ་བྱ་རྣམས་ལ་བྱང་ཆུབ་དམ་པ་ནི་དཀའ་བ་
སྤྱད་པ་དཔག་ཏུ་མེད་པས་སྒྲུབ་དགོས་སོ་ཞེས་བསྟན་པའི་ཕྱིར། དེ་ནས་རིམ་པར་ཡངས་པ་ཅན་དུ་སྒྱུ་རྩལ་ཤེས་ཀྱི་བུ་རིང་འཕུར་དང་། རྒྱལ་པོའི་ཁབ་ཏུ་རེངས་བྱེད་ཀྱི་བུ་ལྷག་སྤྱོད་དག་གིས་ཅི་ཡང་མེད་པའི་སྐྱེ་མཆེད་དང་སྲིད་རྩེའི་སེམས་སྟོན་པ་རྣམས་སུ་བྱོན་ཏེ། དེ་

213-1-39b

དག་གི་ཚུལ་མྱུར་བར་ཁོང་དུ་ཆུད་པར་བྱས་ནས་ཆོས་དེ་དག་གིས་ངེས་པར་མི་འབྱུང་བར་དགོངས་ནས་སུན་ཕྱུང་ངོ་། །དེས་ན་དེ་བས་ལྷག་པ་ཞིག་བཙལ་ལོ་སྙམ་དུ་རྐང་གིས་ལྗོངས་རྒྱུ་ཞིང་སྡེ་དཔོན་གྱི་གྲོང་ལྟེང་རྒྱས་སུ་ཕྱིན་པའི་ཤར་ཕྱོགས་ན་ཆུ་ཀླུང་ནེེ་རཱཉྫ་ན་གྱ་གྱུར་འབབ་པའི་
ངོགས། སའི་ཕྱོགས་ཁོད་མཉམ་ཞིང་ཉམས་དགའ་བ་མཐོང་ནས་དེ་ཉིད་དུ་བཞུགས་སོ། །བཞུགས་ནས་ཀྱང་འདི་སྙམ་དུ་དགོངས་ཏེ། ཀྱེ་མ་ཛམྦུའི་གླིང་འདིར་སྙིགས་མ་ལྔའི་དུས་ལ་བབ་པ། སེམས་ཅན་དམན་པ་ལ་མོས་པ། མུ་སྟེགས་ཅན་གྱི་
སྡེས་གང་བ། ལྟ་བ་སྣ་ཚོགས་ལ་ཞུགས་པ། སྐྱབས་མ་ཡིན་པ་ལ་སྐྱབས་སུ་འདུ་ཤེས་པ། བཀྲ་ཤིས་པ་མ་ཡིན་པར་བཀྲ་ཤིས་སུ་འདུ་ཤེས་པ། དག་པ་མ་ཡིན་ལ་དག་པར་འདུ་ཤེས་པ་ཁོ་ན་སྟེ་འདི་དག་རྣམས་ཡང་དག་པའི་ལམ་དུ་{བསྲང་}བའི་ཕྱིར་དང་
སེམས་ཅན་ལས་དང་བྱ་བ་ཆུད་གསོན་པ་རྣམས་ཆུད་མི་འཛའ་བར་བསྟན་པའི་ཕྱིར་དང་། བརྟུལ་ཞུགས་ངན་པ་དང་དཀའ་ཐུབ་ངན་པས་དག་པར་འཛིན་པ་རྣམས་སུན་དབྱུང་བའི་ཕྱིར་བརྟུལ་ཞུགས་དང་དཀའ་ཐུབ་ཀྱི་ཁྱད་པར་བརྩམས་པར་བྱའོ་ཞེས་དགོངས་ནས་ལོ་དྲུག་ཅུ་
མཁའ་ཁྱབ་ཀྱི་ཏིང་ངེ་འཛིན་ལ་མཉམ་པར་བཞག་གོ། །དེ་ནས་དཀའ་ཐུབ་ཁོ་ནས་གྲོལ་བར་འཛིན་པ་ཡང་དགག་པའི་ཕྱིར་ཁ་ཟས་རགས་པ་ཟོས་ལ་ལུས་ཀྱི་མཐུ་བསྐྱེད་དེ། དེ་ནས་བྱང་ཆུབ་ཀྱི་སྙིང་པོ་ལ་གཤེགས་པར་དགོངས་ཏེ། དེ་ལྟར་ཚིག་ཏུ་བརྗོད་
པས། དེའི་ཚེ་ལྔ་སྡེ་བཟང་པོས་རིམ་གྲོ་བྱས་ཤིང་། ཏིལ་འབྲུ་གཅིག་དང་། འབྲས་བྲུ་གཅིག་དང་། རྒྱ་ཤུག་འབྲུ་གཅིག་རྣམས་ཕུལ་བ་ཡང་བཞེས་སོ། །དེ་ནས་ཕྱག་དར་ཁྲོད་པའི་གོས་འགའ་ཞིག་རྙེད་ན་སྙམ་ལྟེ་སེམས་བཏུད་པ་ན། གྲོང་པའི་བུ་མོ་
ལེགས་སྐྱེས་མའི་བྲན་མོ་གྲུབ་མ་ཞེས་བྱ་བ་ཤི་བ་ཤ་ནའི་རས་ཀྱི་དཀྲིས་ཏེ་དུར་ཁྲོད་དུ་བོར་བར་གྱུར་པ་དེ་བླངས་ཏེ་བརྒྱ་བྱིན་གྱིས་བྱིན་པའི་རྡོ་ལ་བཞག་སྟེ་ལག་པའི་རྫིང་དུ་བཀྲུས་པ་ལས་སྣམ་སྦྱར་དུ་དྲུབས་པ་ཞིག་དང་། ལྷའི་བུ་དྲི་མ་མེད་པ་ཞེས་བྱ་བས་ལྷའི་གོས་ངུར་སྨྲིག་གི་

213-1-40a

ཚོན་དུ་བཙོས་པ་ཕུལ་བ་དག་གསོལ་ཏེ། སྔ་དྲོར་སྤྱོད་ཡུལ་གྱི་གྲོང་དུ་ཕྱོགས་པ་དང་། སྔོན་དུ་ལྷ་རྣམས་ཀྱིས་གྲོང་བའི་བུ་མོ་ལེགས་སྐྱེས་མ་ལ་ཇི་ལྟར་སྦྲན་པ་ལྟར། དེས་པ་ཉིས་སྡོང་གི་འོ་མ་ལན་བདུན་དུ་ཉིང་ཁུར་བྱས་པ་དང་། འབྲས་
སར་པ་དང་ཕྲུ་བ་སར་པ་བླུགས་ཏེ་བསྒྲུབ་པས་བསྙེན་བཀུར་བྱས་སོ། །ཇི་ལྟར་སྟོབ་པ་ལེགས་པར་བཞེས་ནས་གསེར་གྱི་ཡོལ་གོ་ཆུ་བོ་ལ་བསྐྱུར་བ་ཀླུའི་རྒྱལ་པོ་རྒྱ་མཚོས་བླངས་སོ། །དེ་བས་ཀྱང་མིག་སྟོང་པས་ནམ་མཁའ་ལྡིང་གི་གཟུགས་སུ་སྤྲུལ་ཏེ་འཕྲོག་
པར་བརྩམས་ཀྱང་། ཡང་དབྲོག་པར་མ་ནུས་པར་རང་གི་གཟུགས་ཀྱིས་བསླངས་ནས་སུམ་ཅུ་རྩ་གསུམ་དུ་ཁྱེར་རོ། །དེ་ལྟ་བུའི་རགས་པའི་ཟས་ཀྱི་མཐུས་སྐད་ཅིག་དེ་ཉིད་ལ་ལུས་སྔ་མའི་ཁ་དོག་བཟང་པོ་རྒྱས་པ་དང་། སྐྱེས་བུ་ཆེན་པོའི་མཚན་སུམ་ཅུ་རྩ་
གཉིས་དང་། དཔེ་བྱད་བརྒྱད་ཅུ་དང་། འོད་འདོམ་གང་པའི་དཔལ་རྣམས་ཤིན་ཏུ་གསལ་བ་བྱུང་ངོ་། །བརྒྱད་པ་བྱང་ཆུབ་ཀྱི་སྙིང་པོ་ལ་གཤེགས་པའི་མཛད་པ་ནི། དེ་ལྟ་བུའི་རགས་པའི་ཟས་ཀྱིས་བྱང་ཆུབ་སེམས་དཔའི་སྐུ་ལུས་སྟོབས་དང་ལྡན་པར་བསྐྱེད་དེ། ཤིང་
གི་རྒྱལ་པོའི་དྲུང་དུ་སྐྱེས་བུ་ཆེན་པོའི་སྟབས་ཀྱིས་གཤེགས་སོ། །དེར་བྱང་ཆུབ་ཀྱི་སྙིང་པོ་ཡོངས་སུ་སྐྱོང་བའི་ལྷའི་བུ་བཅུ་དྲུག་དང་། གཞན་ཡང་ལྷའི་བུ་དང་རྒྱལ་བའི་མྱུ་གུ་མང་པོས་དེང་བྱང་ཆུབ་སེམས་དཔའ་འདིར་འདུག་སྟེ་མངོན་པར་རྫོགས་པར་འཚང་རྒྱ་
བར་འགྱུར་རོ་སྙམ་སྟེ། བྱང་ཆུབ་ཀྱི་ཤིང་བརྒྱད་ཁྲི་བརྒྱན་པར་བྱས་ཏེ། དེའང་བྱང་ཆུབ་ཀྱི་ཤིང་ཁ་ཅིག་ན་མེ་ཏོག་གི་རང་བཞིན་ཅན་དང་། ཁ་ཅིག་ནི་སྤོས་ཀྱི་རང་བཞིན་ཅན་དང་། ཁ་ཅིག་ནི་ཙནྡནའི་རང་བཞིན་ཅན་དང་། ཁ་ཅིག་ནི་རིན་པོ་ཆེ་ཐམས་ཅད་ཀྱི་
རང་བཞིན་ཅན་དུ་ཡོད་པ་ལ། ཤིང་རེ་རེའི་དྲུང་ནའང་སེང་གེའི་ཁྲི་དང་སྟན་སྣ་ཚོགས་པ་དག་བཤམས་སོ། །དེ་ནས་བྱང་ཆུབ་སེམས་དཔས་རོལ་པ་བཀོད་པ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་མ་ཐག་ཏུ་སྐད་ཅིག་ཉིད་ལ་བྱང་ཆུབ་ཀྱི་ཤིང་གི་ཁྲི་སྟན་དེ་

213-1-40b

དག་ཐམས་ཅད་ལ་བྱང་ཆུབ་སེམས་དཔའ་མཚན་དང་དཔེ་བྱད་ཀྱི་རྒྱན་གྱིས་བརྒྱན་པར་འདུག་པ། རྒྱལ་བའི་མྱུ་གུ་དང་ལྷའི་བུ་སོ་སོའི་ཡིད་ལའང་བདག་གི་ཁྲི་ལ་བཞུགས་ཀྱི་གཞན་ལ་ནི་མ་ཡིན་ནོ་སྙམ་པར་གྱུར་པ་དེ་ལྟ་བུ་དག་མཛད་དོ། །གཞན་ཡང་རི་དང་ནགས་
ཚལ་ལ་སོགས་པ་རྣམས་ཀྱང་བྱང་ཆུབ་ཀྱི་ཤིང་ལ་མགོ་ཕྱོགས་ཏེ་འཁོད་དོ། །དེ་ནས་ལམ་གྱི་གཡས་ཕྱོགས་ནས་རྩྭ་འཚོང་བཀྲ་ཤིས་ཀྱིས་རྩྭ་བརྔ་བ་ལ། །བཀྲ་ཤིས་རྩྭ་དག་ང་ལ་མྱུར་དུ་བྱིན། །དེ་རིང་ང་ལ་རྩྭས་ནི་དོན་ཆེན་འགྱུར། །དཔུང་དང་བཅས་
པའི་བདུད་ནི་བཅོམ་ནས་སུ། །བྱང་ཆུབ་དམ་པ་ཞི་བ་རེག་པར་འགྱུར། །ཞེས་དང་། དེ་རིང་ང་ལ་རྩྭ་སྦྱིན་བྱས་ན་ནི། །ཁྱོད་ལ་བསོད་ནམས་སྟོབས་ནི་མཐའ་ཡས་ཏེ། །དེ་ནི་ཁྱོད་ཀྱི་ངན་པའི་རྒྱུར་མི་འགྱུར། །ཁྱོད་ཀྱང་སྟོན་པ་བླ་ན་མེད་པར་འགྱུར། །ཞེས་
གསུངས་སོ། །དེས་ཀྱང་རྩྭ་སྔོན་ཤིན་ཏུ་འཇམ་པ་ཕུལ་བ་ཁྱེར་ཏེ། བྱང་ཆུབ་ཀྱི་ཤིང་ལ་ལན་བདུན་དུ་བསྐོར་བ་བྱས་ནས། རྩྭའི་རྩེ་མོ་ནང་དུ་བསྟན་ཏེ་བཏིང་བའི་སྟན་ལ་སྐྱིལ་མོ་ཀྲུང་བཅས་ཏེ་ཞལ་ཤར་དུ་ཕྱོགས་པར་བཞུགས་ནས། སྐུ་དྲང་པོར་བསྲངས་
ཤིང་། དྲན་པ་མངོན་དུ་བཞག་སྟེ་ཡི་དམ་དུ་བཅས་པ། སྟན་འདིར་བདག་གི་ལུས་ནི་སྐམས་ཀྱང་རུང་། །པགས་པ་རུས་པ་ཤ་རྣམས་ཞིག་ཀྱང་རུང་། །བསྐལ་མང་རྙེད་དཀའ་བྱང་ཆུབ་མ་ཐོབ་པར། །སྟན་འདི་ལས་ནི་ལུས་བསྐྱོད་མི་བྱའོ། །
ཞེས་འབྱུང་བ་ལྟར་རོ། །དེའི་ཚེ་འདོད་པ་ན་སྤྱོད་པའི་ལྷ་རྣམས་བྱང་ཆུབ་སེམས་དཔའ་བསྲུང་བའི་ཕྱིར་ཕྱོགས་ཀུན་དུ་འཁོད་དོ། །བྱང་ཆུབ་སེམས་དཔས་བྱང་ཆུབ་ཀྱི་སྙིང་པོ་ལ་བཞུགས་པའི་ཚེ་སྨིན་མཚམས་ནས་བྱང་ཆུབ་སེམས་དཔའ་བསྐུལ་བ་
ཞེས་བྱ་བའི་འོད་བྱུང་ནས་ཕྱོགས་བཅུ་ཀུན་དུ་ཆོས་ཀྱི་དབྱིངས་མཐའ་ཀླས་པར་བཞུགས་པའི་བྱང་ཆུབ་སེམས་དཔའ་བགྲང་པ་ལས་འདས་པ་བསྡུས་ཏེ་མཆོད་པའི་ཕྱིར་བྱང་ཆུབ་ཀྱི་སྙིད་པོ་ག་ལ་བར་འདུག་པ་དག་མངོན་པར་བསྟན་ཏོ། །དགུ་པ་བདུད་སྟེ་འཇོམས་པའི་མཛད་པ་ལ།

213-1-41a

བདུད་ཀྱིས་ཐོ་བཙམས་པ་དང་། དེ་ཇི་ལྟར་བཅོམ་པའོ། །དང་པོ་ནི། བྱང་ཆུབ་སེམས་དཔས་འདོད་པ་ཁམས་ཀྱི་དབང་ཕྱུག་བདུད་སྡིག་ཅན་ལ་མ་སྦྲན་པར་བདུད་ལས་རྣམ་པར་རྒྱལ་བའི་གོ་འཕང་ངོན་དུ་མི་འགྱུར་བར་དགོངས་ནས།
དེ་དག་བསྐུལ་བར་བྱ་བའི་ཕྱིར། བྱང་ཆུབ་སེམས་དཔའི་སྨིན་མཚམས་ནས་བདུད་ཀྱི་དཀྱིལ་འཁོར་ཐམས་ཅད་འཇོམས་པ་ཞེས་བྱ་བའི་འོད་ཟེར་ཕྱུང་སྟེ། བདུད་ཀྱི་གནས་ཐམས་ཅད་དུ་འོད་ཀྱིས་སྣང་བར་བྱས་ཏེ། དེ་དག་གི་མདངས་དང་གཟི་བརྗིད་
ཐམས་ཅད་མོག་མོག་པོར་བྱས་སོ། །འོད་ཀྱི་རྩེ་མོ་ལས་སྒྲ་འདི་ལྟ་བུ་ཡང་བྱུང་སྟེ། སེམས་ཅན་ཤིན་ཏུ་དག་པ་བསྐལ་མང་སྤྱོད་སྤྱད་པ། །ཟས་གཙང་སྲས་པོ་རྒྱལ་སྲིད་དག་ནི་རབ་སྤངས་ཏེ། །ཕན་བྱེད་དེ་ནི་བདུད་རྩི་མངོན་པར་འདོད་པས་བྱུང་། །བྱང་
ཆུབ་ཤིང་དྲུང་འོངས་ཀྱིས་དེ་རིང་བསྒྲིམ་པར་གྱིས། །ཞེས་དང་། བདུད་ཀྱི་གཙོ་བོ་ལ་མི་དགེ་བའི་རྨི་ལམ་སུམ་ཅུ་རྩ་གཉིས་ཀྱང་བྱུང་བས་ཤིན་ཏུ་མ་རངས་པར་གྱུར་ཏེ་རང་གི་འཁོར་རྣམས་བསྡུས་ཏེ་བྱང་ཆུབ་སེམས་དཔའ་གཞོམ་པའི་ཕྱིར་འགྲོ་བར་བརྩམས་སོ། །
དེའི་ཚེ་བདུད་ཀྱི་བུ་དེད་དཔོན་ཞེས་བྱ་བས་དེ་ནི་ཐུབ་པར་མི་འགྱུར་བའི་ལྟས་སུ་ངེས་པས། དེར་མ་སོངས་ན་དགེ་བར་འགྱུར་རོ་ཞེས་བྱ་བའི་ཚིག་གིས་བཟློག་ཀྱང་བཤོལ་དུ་མ་བཏུབ་བོ། །གཉིས་པ་ནི། དེ་ནས་བདུད་ཀྱི་དམག་ཡན་ལག་བཞི་དང་ལྡན་པའི་དཔུང་ཆེན་པོ་འཐབ་
མོ་ལ་ཤིན་ཏུ་དཔའ་བ་གནོད་སྦྱིན་དང་། གྲུལ་བུམ་དང་། ལྟོ་འཕྱེ་ཆེན་པོ་དང་། སྲིན་པོ་དང་། ཡི་དྭགས་དང་། ཤ་ཟ་དང་། ཀེང་རུས་ཀྱི་གཟུགས་འཇིགས་སུ་རུང་བ་སྤུ་ཟིང་ཞེས་བྱེད་པ། མགོ་བོ་དང་ལག་པ་དང་རྐང་པ་རྣམས་གཅིག་པ་ནས་སྟོང་ཕྲག་པའི་
བར་དུ་ཡོད་པ། མཚོན་ཆ་སྣ་ཚོགས་པས་ལག་པ་བྲེལ་བ། སྟག་དང་། སྦྲུལ་དང་། ཕག་པ་དང་། གླང་པོ་དང་། རྟ་དང་། བོང་བུ་དང་། རྔ་མོ་དང་། སེང་གེ་དང་། དྲེད་ཀྱི་ཁ་གདོང་དང་ལྡན་པ། རལ་པ་བརྫེས་ཤིང་ཁ་མིག་གནས་མེ་འབར་བའི་རྣམ་པ་

213-1-41b

ཅན་དག་སྤྲུལ་ཏེ་དཔག་ཚད་བརྒྱད་ཅུའི་ཁོ་ར་ཁོར་ཡུག་ཏུ་བཀང་ནས་འོངས་སོ། །དེའང་བདུད་ཀྱི་བུ་དེད་དཔོན་ལ་སོགས་པ་བྱང་ཆུབ་སེམས་དཔའ་ལ་མངོན་པར་དད་པ་རྣམས་ནི་བདུད་སྡིག་ཅན་གྱི་གཡས་རོལ་དུ་འཁོད་ཅིང་ཕྱིར་ཟློག་པར་བྱེད་དོ། །བདུད་ཀྱི་
ཕྱོགས་ལ་དགའ་བ་རྣམས་ཀྱིས་ནི་གཡོན་རོལ་ནས་བསྐུལ་ཏེ་བྱང་ཆུབ་སེམས་དཔའ་ལ་མཚོན་ཆ་སྣ་ཚོགས་པས་ཆར་དུ་ཕབ་བོ། །ཇི་སྙེད་ཕབ་པའི་མཚོན་ཆ་ཐམས་ཅད་ཀྱང་སྐད་ཅིག་གཅིག་གིས་མེ་ཏོག་གི་ཕྲེང་བ་དང་། མེ་ཏོག་གི་བླ་རེ་དང་། བྱང་ཆུབ་ཀྱི་ཤིང་མཛེས་
པར་བྱེད་པའི་རྒྱན་དུ་གྱུར་ཏོ། །དེར་བདུད་ཀྱིས་སྨས་པ། ཁྱེད་ཀྱི་བསོད་ནམས་དེ་ཙམ་གྱིས་ཐར་པ་ག་ལ་ཐོབ། བྱང་ཆུབ་སེམས་དཔས་འཇམ་པའི་གསུང་གིས་སྨྲས་པ། སྡིག་ཅན་ཁྱོད་ཀྱིས་གཏན་པ་མེད་པའི་མཆོད་སྦྱིན་གཅིག་གིས་འདོད་པའི་དབང་ཕྱུག་
ཐོབ་པར་ཟད་དོ། །ངས་ནི་གཏན་པ་མེད་པའི་མཆོད་སྦྱིན་བྱེ་བ་ཁྲག་ཁྲིག་དུ་མ་བྱས་སོ། །བདུད་གྱིས་སྨྲས་པ། ཁོ་བོས་མཆོད་སྦྱིན་གཏན་མེད་པ་བགྱིས་པའི་དབང་པོ་ནི་ཁྱོད་ཉིད་ཡོད་ན། ཁྱོད་ལ་ནི་དཔང་པོ་སུ་ཡང་མེད་དོ། །བྱང་ཆུབ་སེམས་
དཔས་ཕྱག་གཡས་པ་མཚན་གྱི་རི་མོས་བརྒྱན་པ་ས་ལ་བསྣུན་ཏེ་སྨྲས་པ། ས་འདི་འགྲོ་བ་ཀུན་གྱི་གནས་ཡིན་ཏེ། །རྒྱུ་དང་མི་རྒྱུ་སྙོམས་ཤིང་ཉེ་འཁོན་མེད། །འདི་ནི་བདག་གི་དཔང་སྟེ་བདག་རྫུན་མེད། །འདི་ལ་ཁྱོད་ནི་བདག་གི་དཔང་བྱོས་ཤིག །
ཅེས་གསུངས་མ་ཐག་ཏུ་ས་རྣམ་པ་དྲུག་ཏུ་གཡོས་པའི་རུམ་ནས་སའི་ལྷ་མོ་བརྟན་མས་ལུས་ཕྱེད་རྒྱན་གྱིས་སྤྲས་པ་མངོན་པར་ཕྱུང་སྟེ། སྐྱེས་བུ་ཆེན་པོ་དེ་དེ་བཞིན་ནོ། །ཁྱོད་ཀྱིས་ཇི་སྐད་གསུངས་པ་བཞིན་ཏེ། འདི་ནི་བདག་ལ་མངོན་སུམ་མོ། །འོན་
ཀྱང་བཅོམ་ལྡན་འདས་ཉིད་ནི་ལྷ་དང་བཅས་པའི་འཇིག་རྟེན་ཀུན་གྱི་དཔང་དུ་གྱུར་པ་དང་ཚད་མར་གྱུར་པ་དམ་པའོ་ཞེས་སྒྲ་ཆེན་པོས་བརྗོད་དེ་མི་སྣང་བར་གྱུར་ཏོ། །དེའི་ཚེ་གཡོན་ཅན་དཔུང་དང་བཅས་ཡིད་མི་བདེ་བ་དང་སྐྱེངས་བཞིན་པར་སླར་ཡང་རྗེས་སུ་ཆགས་

213-1-42a

པས་བསླང་བར་ནུས་སམ་མི་ནུས་སད་པར་བྱའོ་སྙམ་ནས། རང་གི་བུ་མོ་རྣམས་སད་པའི་ཕྱིར་བཏང་ངོ་། །དེ་དག་གིས་ཀྱང་ཇི་ལྟར་ནུས་པའི་གཡོ་སྒྱུ་སུམ་ཅུ་རྩ་གཉིས་ཀྱི་རྣམ་པས་བསླུས་ཀྱང་བ་སྤུའི་རྩེ་མོ་ཙམ་ཡང་གཡོ་བར་མ་ནུས་ཏེ་ཆེད་དུ་བརྗོད་པ། པདྨ་
དྲི་མ་མེད་པའི་སྙིང་པོ་འདྲ་ཞིང་སྟོན་ཟླ་ལྟ་བུའི་ཞལ། །མར་གྱིས་སྦྱིན་སྲེག་བགྱིས་པའི་འོད་འཕྲོ་ཅི་འདྲ་གསེར་གྱི་རི་འདྲ་བ། །སྲིད་པ་བརྒྱ་ནས་སྤྱད་ཅིང་དགོངས་དང་སྨོན་ལམ་བཏབ་པ་གྲུབ་གྱུར་ཅིག །བདག་ཉིད་བརྒལ་ནས་སྡུག་བསྔལ་དག་དང་ལྡན་པའི་འགྲོ་བ་བསྒྲལ་དུ་གསོལ། །
ཞེས་པས་བསྟོད་ཅིང་སོང་ངོ་། །དེའི་ཚེ་ཤིང་གི་ལྷ་མོ་བཅུ་དྲུག་གིས་ནི་བྱང་ཆུབ་སེམས་དཔའ་ལ་བསྟོད་པར་བྱེད་དོ། །གནས་གཙང་མའི་ལྷ་རྣམས་ཀྱིས་ནི་འདུད་ཀྱི་སྡེ་རྣམ་པ་བཅུ་དྲུག་གིས་ཉམས་དམས་པར་བྱེད་དོ། །ལྷ་མང་པོས་ནི་རྣམ་པ་བཅུ་དྲུག་གིས་བདུད་ཕྱིར་བཟློག་པར་བྱས་ཀྱང་མ་
ལོག་སྟེ། སླར་ཡང་མཚོན་ཆ་སྣ་ཚོགས་པ་འཕེན་པར་བྱེད་ཀྱང་སྔ་མ་བཞིན་དུ་གྱུར་ཏེ། མཐར་བདུད་ཀྱི་དཔུང་ཐམས་ཅད་མགོ་རྨོངས་པར་གྱུར་ཏེ། ལམ་ཡང་སྟོར་ནས་ཞག་བདུན་དུ་ཕྲད་པ་མེད་པར་འཐོར་བར་གྱུར་ཅིང་། དེའི་ཚེ་བདུད་ཀྱི་རིས་མང་པོས་ཀྱང་བྱང་ཆུབ་ཏུ་སེམས་
བསྐྱེད་དོ། །དེ་ལྟར་ཡང་། མི་མཁས་གང་ཞིག་ནམ་མཁའ་སྐྲག་པར་བྱེད་འདོད་པ། །དེ་ནི་ཤིང་མཆོག་དྲུང་ནས་ང་འདྲ་སློང་བར་འདོད། །གང་ཞིག་སྟོང་གསུམ་ཆེན་པོ་བཤིག་ནས་རྡུལ་འགྲང་དང་། །གང་ཞིག་བ་སྤུ་ཡིས་ནི་རྒྱ་མཚོའི་ཆུ་འབྱིན་དང་། །སྐད་ཅིག་གིས་
ནི་རྡོ་རྗེའི་རང་བཞིན་རི་འཐོར་བ། །དེས་ཀྱང་ཤིང་དྲུང་འདུག་པ་ང་ལ་འཚེ་མི་ནུས། །ཞེས་གསུངས་པ་ལྟ་བུའོ། །བཅུ་པ་མངོན་པར་བྱང་ཆུབ་པའི་མཛད་པ་ནི། དེ་ནས་བྱང་ཆུབ་སེམས་དཔས་ནམ་གྱི་ཆ་སྟོང་ལ་ནི་བསམ་གཏན་བཞི་མངོན་དུ་མཛད་དོ། །གང་ཐུན་ལ་
ནི་རིག་པ་གསུམ་བསྐྱེད་དེ། ནམ་གྱི་ཆ་སྨད་སྐྱ་རེངས་འཆར་བ་རྔ་བརྡུང་བའི་ཚོད་ཙམ་ལ་ནི་རྟེན་ཅིང་འབྲེལ་བར་འབྱུང་བ་བཅུ་གཉིས་དང་། བདེན་པ་བཞི་མངོན་དུ་བྱས་ནས་སྐད་ཅིག་གཅིག་དང་ལྡན་པའི་ཤེས་རབ་ཀྱིས་མངོན་པར་རྫོགས་པར་སངས་རྒྱས་པ་ཞེས་བྱ་བ་དེ་བཞིན་

213-1-42b

གཤེགས་པའི་ཆོས་ཀྱི་རྒྱལ་སྲིད་ཆེན་པོ་ལ་བཞུགས་སོ། །དེ་ནས་ཤིང་ཏཱ་ལ་བདུན་སྲིད་ཀྱི་ནམ་མཁའ་ལ་མངོན་པར་འཕགས་ཏེ། ལམ་གྱི་རྒྱུད་ནི་ཆད་དོ་ཞེས་བྱ་བ་ལ་སོགས་པའི་ཆེད་དུ་རྗོད་པས་ཆེད་དུ་བརྗོད་དོ། །དེའི་ཚེ་ལྷ་རྣམས་ཀྱིས་ལྷའི་མེ་ཏོག་པུས་མོ་ནུབ་པ་ཙམ་
དུ་གཏོར་ནས་མཆོད་པ་བྱས་སོ། །དེའི་སྐད་ཅིག་དེ་ལ་སེམས་ཅན་ཐམས་ཅད་ཀྱང་དེ་སྲིད་དུ་མཆོག་ཏུ་བདེ་བ་ལ་རེག་པ་དང་། འོད་ཀྱི་སྣང་བ་ཆེན་པོས་འཇིག་རྟེན་གྱི་ཁམས་ཐམས་ཅད་སྣང་བར་བྱས་ཤིང་ས་རྣམ་པ་དྲུག་ཏུ་གཡོས་སོ། །ཕྱོགས་བཅུའི་སངས་རྒྱས་ཐམས་
ཅད་ཀྱང་ཕྱག་བརྐྱང་སྟེ་ཀ་ལ་པིངྐའི་དབྱངས་ཀྱིས། {ཕྱིས་}ཀྱི་སངས་རྒྱས་དེ་ལ་བདག་ཅག་རྣམས་ཇི་ལྟར་བྱང་ཆུབ་ཐོབ་པ་ལྟར་ཁྱོད་ཀྱིས་ཀྱང་བྱང་ཆུབ་མངོན་དུ་བྱས་པ་ལེགས་སོ་ཞེས་བྱ་བ་བྱིན་ཏེ་ཆོས་ཀྱི་དག་པ་བདག་ཀྱང་བསྐུར་རོ། །གཞན་ཡང་འདོད་པ་ན་སྤྱོད་པའི་ལྷའི་བུ་མོ་རྣམས་
དང་། ལྷའི་བུ་དང་། བདུད་དང་བཅས་པའི་འགྲོ་བ་མ་ལུས་པས་བསྟོད་པའི་ཚོགས་ཇི་སྙེད་པས་བསྟོད་ཅིང་། མེ་ཏོག་གི་སིལ་མ་རྣམ་པ་སྣ་ཚོགས་པས་ཕྱོགས་ཀུན་ནས་འཐོར་བའི་མཆོད་པས་མཆོད་དོ། །བཅུ་གཅིག་པ་ཆོས་ཀྱི་འཁོར་ལོ་བསྐོར་བའི་མཛད་པ་ལ། ཐོག་མར་བསྐུལ་
དགོས་པར་བསྟན་པ་དང་། བསྐུལ་བར་ཞལ་གྱིས་བཞེས་པ་དང་། ཆོས་ཀྱི་འཁོར་ལོ་བསྐོར་བ་དངོས་སོ། །དང་པོ་ནི། དེ་ལྟར་མངོན་པར་རྫོགས་པར་སངས་རྒྱས་ནས་ཞག་བདུན་ཕྲག་བདུན་ལ་རིམ་པ་ལྟར་སྐྱིལ་མོ་ཀྲུང་མ་བཤིག་པར་ཤིང་གི་རྒྱལ་པོ་ལ་སྤྱན་མི་འཛུམས་པར་གཟིགས་ནས་
དགའ་བའི་ཟས་བཀོད་པ་ཞེས་བྱ་བའི་ཏིང་ངེ་འཛིན་གྱི་བདེ་བ་མྱོང་བ་དང་། སྟོང་གསུམ་གྱི་འཇིག་རྟེན་རྒྱང་རིང་དུ་འཆག་པ་དང་། བྱང་ཆུབ་ཀྱི་ཤིང་ལ་སྤྱན་མི་འཛུམས་པར་གཟིགས་པ་དང་། ཤར་གྱི་རྒྱ་མཚོ་ནས་ནུབ་ཀྱི་རྒྱ་མཚོའི་བར་མི་རིང་བར་འཆག་ཅིང་། བདུད་སྡིག་ཅན་གྱིས་
མྱ་ངན་འདའ་བར་གསོལ་བ་བཏབ་ཀྱང་ཞལ་གྱིས་མ་བཞེས་པ་ལ་བདུད་སེམས་ཁོང་དུ་ཆུད་པར་གྱུར་པས་འདུད་ཀྱི་བུ་མོ་གསུམ་བསླུ་བའི་སེམས་ཀྱིས་སྟོན་པའི་གན་དུ་འོངས་པ་རྒན་མོར་བྱིན་གྱིས་བརླབས་པ་དང་། ཡུལ་ངན་གྱི་ཚེ་ཀླུ་བཏང་འཐུང་གི་གནས་སུ་བཞུགས་པ་དང་།

213-1-43a

ཤིང་ནྱ་གྲོ་དྷ་ར་སྐྱོང་དུ་བཞུད་པའི་ཚེ་ཀུན་དུ་རྒྱུ་ལ་སོགས་པས་དཔྱས་འདོགས་པ་ལ་ཆེད་དུ་བརྗོད་པ་གསུངས་པ་དང་། ཤིང་སྒྲོལ་རྒྱུའི་དྲུང་དུ་བཞུགས་ཏེ་ཚོང་པ་ག་གོན་དང་བཟང་པོ་གཉིས་ཀྱིས་སྦྲང་རྩི་དང་། སྐྱོ་མ་དང་བུ་རམ་གྱི་ཤིང་བཤུས་པ་
རྣམས་ཕུལ་བ་ལ་སྔོན་གྱི་རྒྱལ་བ་རྣམས་ཀྱིས་སྣོད་ཀྱི་རྣམ་པ་ཅི་འདྲ་བས་བཞེས་པར་དགོངས་པ་དེའི་ཚེ་སྐད་ཅིག་དེ་ཉིད་ལ་རྒྱལ་པོ་ཆེན་པོ་བཞིས་རྡོའི་ལྷུང་བཟེད་བཞི་མེ་ཏོག་གིས་བཀང་སྟེ་ཕུལ་བ་གཅིག་ཏུ་བྱིན་གྱིས་བརླབས་ནས་དེ་ཉིད་དུ་བཞེས་པར་མཛད་དོ། །དེ་ནས་ཚོང་དཔོན་ག་གོན་དང་བཟང་པོ་
གཉིས་ཀྱིས་བ་སྟོང་གི་འོ་མ་ཉིང་ཁུར་བྱས་པའི་སྤྲིས་མ་རིན་པོ་ཆེའི་གཞོང་པར་བླུགས་ཏེ་ཕུལ་བ་ཡང་བཞེས་ནས་ཡོལ་གོ་དེ་ཉིད་དུ་བོར་བ་ནི་ལྷའི་བུ་རབ་ཚངས་ཞེས་བྱ་བས་མཆོད་པའི་ཕྱིར་ཁྱེར་རོ། །དེ་ནས་ཚོང་དཔོན་དེ་གཉིས་ལ་བཀྲ་ཤིས་ཀྱི་ཚིགས་སུ་བཅད་པ་རྣམས་གསུངས་ནས་སྦྲང་རྩི་འབྱུང་བ་ཞེས་བྱ་
བའི་སངས་རྒྱས་སུ་ལུང་བསྟན་ནོ། །དེ་ནས་སྟོན་པ་ཐུགས་ལས་ཆུང་ངུར་གནས་པར་དགོངས་ཏེ། ཟབ་ཞི་རྡུལ་བྲལ་འོད་བསལ་འདུས་མ་བྱས། །བདུད་རྩིའི་ཆོས་ནི་བདག་གིས་ཐོབ་པར་གྱུར། །བདག་གིས་བསྟན་ཀྱང་གཞན་གྱིས་མི་ཤེས་ཏེ། །མི་སྨྲར་ནགས་འདབས་གནས་པ་བྱ་བ་སྙམ། །ཞེས་
གསུངས་སོ། །གཉིས་པ་ནི། དེ་བཞིན་གཤེགས་པ་སེམས་ཅན་མ་རིག་པས་ལྡོངས་པ་རྣམས་ལ་རྗེས་སུ་བརྩེ་བ་མི་མངའ་བ་མ་ཡིན་ཡང་། མ་བསྐུལ་བར་ཆོས་ཀྱི་འཁོར་ལོ་མི་བསྐོར་བར་བསྟན་པའི་ཕྱིར། སླར་གསུངས་པ། འཇིག་རྟེན་ཀུན་ལ་སྙིང་བརྩེ་མཐའ་ཡས་ང་། །གཞན་གྱིས་གསོལ་
བ་བཏབ་ལ་ང་མི་སྡོད། །སྐྱེ་བོ་འདི་དག་ཚངས་ལ་དད་པ་སྟེ། །དེ་ཡིས་གསོལ་བ་བཏབ་ན་འཁོར་ལོ་བསྐོར། །ཞེས་གསུངས་ནས་སྨིན་མཚམས་ནས་འཇིག་རྟེན་གྱི་ཁམས་འདི་སྣང་བའི་འོད་ཕྱུང་ངོ་། །དེ་སངས་རྒྱས་ཀྱི་བྱིན་གྱི་རླབས་ཀྱིས་ཚངས་པ་གཙུག་ཕུད་ཅན་གྱིས་རིག་ནས། རང་གི་འཁོར་
ཚངས་པ་འབུམ་ཕྲག་དྲུག་ཅུ་རྩ་བརྒྱད་དང་བཅས་པ་འོངས་ནས་དེ་བཞིན་གཤེགས་པའི་ཞབས་ལ་ཕྱག་འཚལ་ཏེ་ཐལ་མོ་སྦྱར་ནས་གསོལ་བ། འཕགས་པའི་ནོར་ལ་སེམས་ཅན་དག་ནི་མགྲོན་གཉེར་ཏེ། །སྲོག་ཆགས་བྱེ་བ་མང་པོ་དབུགས་ཕྱུང་མཛད་ནས་ནི། །གང་སླད་མི་གསུང་འགྲོ་ལ་བཏང་

213-1-43b

སྙོམས་མཛད་པ་འདི། །འཇིག་རྟེན་རྩ་ལག་ཁྱོད་ལ་རིགས་པ་མ་ལགས་སོ། །ཆོས་ཀྱི་དམ་པའི་རྔ་བོ་ཆེ་ནི་བརྡུང་དུ་གསོལ། །དམ་པའི་ཆོས་ཀྱི་དུང་ནི་མྱུར་དུ་འབུད་དུ་གསོལ། །ཆོས་ཀྱི་མཆོད་སྡོང་ཆེན་པོ་བསྒྲེང་པར་མཛད་དུ་གསོལ། །ཆོས་ཀྱི་མར་མེ་ཆེན་པོ་སྔར་བར་མཛད་དུ་གསོལ། །
ཞེས་བྱ་བ་ལ་སོགས་པས་བསྐུལ་བ་ལ་ཅང་མི་གསུང་བས་གནང་པར་རིག་ནས་དགའ་བ་མཆོག་ཏུ་སྐྱེས་ནས་མི་སྣང་བར་གྱུར་ཏོ། །སླར་ཡང་ཐུགས་ལས་ཆུང་ངུར་བཞུགས་པ་ཚངས་པས་རིག་ནས་བརྒྱ་བྱིན་དང་ལྷན་ཅིག་དུ་འོངས་ཏེ་བརྒྱ་བྱིན་གྱིས། ཟླ་བ་ཉ་བ་གཟའ་ལས་ཐར་པ་ལྟར་
ཁྱོད་ཀྱི་ཐུགས་ནི་རྣམ་པར་འགྲོལ་བ་ལགས། །གཡུལ་ལས་རྣམ་པར་རྒྱལ་བ་བཞེངས་སུ་གསོལ། །འཇིག་རྟེན་མུན་པར་ཤེས་རབ་འོད་འབྱུང་གསོལ། །ཞེས་དང་། ཚངས་པས་ཀྱང་སླར་ཡང་གསོལ་བ་བཏབ་བོ། །དེ་དག་གི་ཚེ་ཡང་ཅང་མི་གསུང་བར་གྱུར་པ་རིག་ནས་དེ་དག་འཁོར་དང་བཅས་
བ་ཡང་ཡིད་མི་དགའ་བཞིན་དུ་མི་སྣང་བར་གྱུར་ཏོ། །སླར་ཡང་ཚངས་པ་གཙུག་ཕུད་ཅན་གྱིས་ཡུལ་མ་ག་དྷཱ་པའི་མི་རྣམས་ཀྱི་ལྟ་བར་གྱུར་པ་དང་། དེ་བཞིན་གཤེགས་པའི་ཐུགས་ཀྱིས་ཇི་ལྟར་བཏུད་པ་དེ་ལྟ་བུ་ཡང་རིག་ནས། སླར་ཡང་ལྗོན་པ་སྒྲོལ་རྒྱུའི་དྲུང་ཐམས་ཅད་དུ་ལྷའི་སྣང་བས་སྣང་
བར་བྱས་ཏེ་འོངས་ནས་འདི་སྐད་ཅེས་གསོལ་ཏོ། །མ་ག་དྷཱ་ཡི་ཡུལ་འདིར་སྔོན་ཆད་ཆོས། །མ་དག་དྲི་མས་རྗེས་སུ་འབྲེལ་བ་བྱུང་། །བདུད་རྩིའི་སྒོ་མོ་དབྱེ་བར་མཛོད་ཅིག་ཆོས། །རྡུལ་བྲལ་དྲི་མ་མེད་པ་བསྟན་དུ་གསོལ། །ཞེས་བྱ་བ་ལ་སོགས་པས་བསྐུལ་ལོ། །དེ་ལྟར་ཚངས་པ་གཙུག་ཕུད་
ཅན་གྱིས་ལན་གསུམ་གྱི་བར་དུ་གསོལ་བ་བཏབ་པའི་མཐར། བཅོན་ལྡན་འདས་ཀྱིས་འཇིག་རྟེན་ཐམས་ཅད་ལ་གཟིགས་ནས་མ་ངེས་པ་དང་། ལེགས་པར་ངེས་པ་དང་། ཡང་དག་པར་ངེས་པ་སྟེ་གསུམ་དུ་གནས་པ་ལས། མ་ངེས་པ་ལ་གཟིགས་ཏེ་གསུངས་པ། ཚངས་པ་མ་ག་
དྷཱ་ཡི་སེམས་ཅན་གང་། །སྐལ་བར་ལྡན་ཞིང་རིགས་དང་ལྡན་གྱུར་ལ། །མི་འཚེ་འདུ་ཤེས་རྟག་ཏུ་ཆོས་ཉན་པ། །དེ་དག་ལ་ནི་བདུད་རྩིའི་སྒོ་དབྱེའོ། །ཞེས་གསུངས་ནས་ཆོས་ཀྱི་འཁོར་ལོ་བསྐོར་བར་ཞལ་གྱིས་འཆེས་པར་མཛད་དོ། །གསུམ་པ་ནི། དེ་ནས་སྔོན་གྱི་དྲང་སྲོང་རྣམས་

213-1-44a

ཀྱིས་ཆོས་ཀྱི་འཁོར་ལོ་བསྐོར་བའི་གནས་ཝཱ་རཱ་ཎ་སཱི་ག་ལ་བ་དེར་ཆོས་གསུངས་པའི་དགོངས་པ་བཞག་སྟེ། དེའང་ཐོག་མར་གདུལ་བར་བྱ་བ་ནི་རྣམ་པ་བཟང་བ། གདུལ་སླ་བ། སྦྱོང་སླ་བ། དུག་གསུམ་གྱི་སྟོབས་ཆུང་བ། རྣམ་པར་ཤེས་པ་ལྐོག་ཏུ་མ་གྱུར་པ་སྟེ། གལ་
ཏེ་ཆོས་ཐོས་པར་མ་གྱུར་ན་ཡོངས་སུ་ཉམས་པར་འགྱུར་པའི་རིགས་ཅན་ཞིག་ལ་བསྟན་པར་བྱའོ་དགོངས་པ་དང་། ལྷག་སྤྱོད་དང་རིང་འཕུར་དག་ནི་འདས་པར་གྱུར་པ་གཟིགས་ནས། དེ་བས་ལྔ་སྡེ་བཟང་པོ་རྣམས་ལ་བསྟན་པར་བྱའོ་སྙམ་དུ་སངས་རྒྱས་ཀྱི་སྤྱན་གྱིས་གཟིགས་པས། དེ་དག་
ཀྱང་ཝཱ་རཱ་ཎ་སཱིའི་དྲང་སྲོང་ལྷུང་བ་རི་དྭགས་ཀྱི་ནགས་ན་འཁོད་པ་གཟིགས་སོ། །གཟིགས་ནས་ཀྱང་མཐར་གྱིས་ཡུལ་རྒྱུ་ཞིང་གྲོང་ཁྱེར་ཆེན་པོ་ཝཱ་རཱ་ཎ་སཱི་ག་ལ་བར་བྱོན་ནས། དེར་བསོད་སྙོམས་བཞེས་ཏེ་ཟས་ཀྱི་བྱ་བ་མཛད་དེ། དྲང་སྲོང་ལྷུང་བར་གཤེགས་སོ། །ལྔ་སྡེས་སྟོན་པ་བྱོན་པ་
མཐོང་སྟེ། དགེ་སྦྱོང་གོོ་ཏ་མ་ལྷོད་པ། མང་དུ་ཟ་བ། སྤོང་བ་ལས་ཉམས་པ་དེ་འོངས་ཀྱི་སུས་ཀྱང་བསུ་བར་མི་བྱའོ། །ལྡང་བར་མི་བྱའོ། །ཆོས་གོས་དང་ལྷུང་བཟེད་བླང་བར་མི་བྱའོ། །སྟན་དང་ཡོངས་སུ་སྤྱད་པར་འོས་པའི་བཏུང་བ་དང་རྐང་པ་བཞག་པ་ཡང་སྦྱིན་པར་མི་བྱའོ། །སྟན་ལྷག་
མ་གཞན་ནི་མ་གཏོགས་ཏེ་འདོད་ན་འདུག་ཅིག་པར་བརྗོད་དོ་ཞེས་འོག་ཁྲིམས་བཅས་ཏེ། ཀུན་ཤེས་ཀྱིས་སེམས་ཀྱིས་ཁས་མ་བླངས་སོ། །དེ་ནས་སྟོན་པ་བྱོན་པ་དང་ལྔ་སྡེས་མ་བཟོད་པར་ཁྲིམས་དྲལ་ཏེ་སྟན་ལས་ལངས་ནས། ལ་ལས་བསུ། ལ་ལས་སྟན་བཏིང་། ལ་ལས་ཞབས་
བཀྲུ་བའི་ཆུ་བཤམས་ནས་ཁྱེད་ལེགས་པར་བྱོན་ཏམ། སྟན་འདི་ལ་བཞུགས་ཤིག་ཅེས་གསོལ་བ་དང་། སྟོན་པས་གདན་ལ་བཞུགས་ནས་ལྔ་སྡེ་དག་མགུ་བར་བྱ་བའི་གཏམ་མང་པོ་མཛད་དོ། །ལྔ་སྡེས་ཚེ་དང་ལྡན་པ་གོོ་ཏ་མའི་དབང་པོ་ནི་གསལ་ལོ། །པགས་པ་ནི་ཡོངས་སུ་དག་ན་ཡེ་ཤེས་
མཐོང་བའི་ཁྱད་པར་ཅུང་ཟད་མངོན་དུ་མཛད་དམ། བཀའ་སྩལ་པ། དགེ་སློང་དག་དེ་བཞིན་གཤེགས་པ་ལ་ཚེ་དང་ལྡན་པ་ཞེས་མ་བརྗོད་ཅིག །ཁྱེད་ལ་ཡུན་རིང་པོར་གནོད་པ་དང་མི་ཕན་པ་དང་མི་བདེ་བར་གྱུར་ཏ་རེ། དགེ་སློང་དག་ངས་ནི་བདུད་རྩི་ཐོབ་བོ། །འཆི་བ་མེད་པར་འགྲོ་བའི་ལམ་མངོན་

213-1-44b

དུ་བྱས་སོ། །ང་ནི་སངས་རྒྱས་སོ། །ཐམས་ཅད་མཁྱེན་པའོ། །ཐམས་ཅད་གཟིགས་པའོ། །བསིལ་བར་གྱུར་པའོ། ཟག་པ་ཟད་པའོ། །ཆོས་ཐམས་ཅད་ལ་དབང་བའོ། །དགེ་སློང་དག་ངས་ཁྱེད་ལ་ཆོས་བཤད་ཀྱིས་ཚུར་ཤོག །ཉོན་ཅིག །ནན་ཏན་གྱིས་ཤིག །རྣ་བ་ལྷོགས་ཤིག་དང་།
ངས་གདམས་ཤིང་རྗེས་སུ་བསྟན་ནོ་ཞེས་སོགས་ནས། ཁྱོད་ཀྱིས་འོག་ཁྲིམས་འདི་ལྟར་མ་བཅས་སམ་ཞེས་བྱ་བ་ལ་སོགས་པ་བཀའ་སྩལ་པ་དང་། དེ་དག་གིས་མུ་སྟེགས་ཀྱི་རྟགས་རྣམས་སྐད་ཅིག་དེ་ཉིད་ལ་མེད་པར་གྱུར་ཏེ་དགེ་སློང་བསྙེན་པར་རྫོགས་ནས་ལོ་བརྒྱ་ལོན་པ་ལྟ་བུར་གྱུར་ཏོ། །དེ་དག་
གིས་ཀྱང་ཉེས་པ་བཤགས་ཏེ་གུས་པ་ཡང་བསྐྱེད་དོ། །དེ་ནས་སྟོན་པས་སྐུ་བསིལ་ནས་འདི་སྙམ་དུ་དགོངས་ཏེ། སྔོན་གྱི་རྫོགས་པའི་སངས་རྒྱས་རྣམས་གང་དུ་བཞུགས་ནས་ཆོས་ཀྱི་འཁོར་ལོ་བསྐོར་སྙམ་པ་དང་། ས་ཕྱོགས་དེར་རིན་པོ་ཆེའི་ཁྲི་སྟོང་གློ་བུར་དུ་བྱུང་བའི་ཁྲི་སྔ་མ་གསུམ་ལ་བསྐོར་
བ་མཛད་དེ། ཁྲི་བཞི་པ་ལ་སྐྱིལ་མོ་ཀྲུང་བཅས་ནས་སེང་གེ་ལྟར་བག་ཚབ་མེད་པར་བཞུགས་སོ། །དེའི་ཚེ་བཅོམ་ལྡན་འདས་ཀྱི་སྐུ་ལས་འོད་བཀྱེ་བས་འཇིག་རྟེན་གྱི་ཁམས་ཐམས་ཅད་ཁྱབ་པར་བྱས་སོ། །ལྟས་ཆེན་པོ་རྣམ་པ་བཅོ་བརྒྱད་བྱུང་ཞིང་། འོད་དེ་ལས་ཚིགས་སུ་བཅད་པའི་སྒྲ་
བྱུང་བ། འཇིག་རྟེན་ཐུགས་རྗེ་བསྐྱེད་ནས་སུ། །ཐུབ་པ་ཡིས་ནི་སྣང་བ་མཛད། །དེ་ནི་ཐུགས་དམ་བརྟན་པ་སྟེ། །ཝཱ་རཱ་ཎ་སཱི་རི་དྭགས་ནགས། །གཤེགས་ཏེ་འཁོར་ལོ་བླ་མེད་པ། །ཤིན་ཏུ་རྨད་བྱུང་དཔལ་ལྡན་བསྐོར། །རྒྱལ་བས་བསྐལ་པ་ཁྲག་ཁྲིག་བསྒྲུབས། །ཆོས་དེ་ཉན་
པར་གང་འདོད་པ། །དེས་ནི་རིངས་པར་ལ་གོར་དུ། །ཆོས་ཉན་པ་ཡི་ཕྱིར་ཤོག་ཅིག །ཅེས་བྱ་བ་ལ་སོགས་པའི་སྒྲས་བསྐུལ་ཏེ་ཕྱོགས་བཅུའི་འཇིག་རྟེན་གྱི་ཁམས་ཐམས་ཅད་གང་དག་ཡོད་པའི་བྱང་ཆུབ་སེམས་དཔའ་དང་། བརྒྱ་བྱིན་དང་། ཚངས་པ་དང་། འཇིག་རྟེན་སྐྱོང་བ་ལ་
སོགས་པའི་ལྷའི་འཁོར་དཔག་ཏུ་མེད་པ་འདུས་ཏེ་ཐམས་ཅད་ཀྱང་ཆོས་ཀྱི་འཁོར་ལོ་བསྐོར་བར་མགྲིན་གཅིག་ཏུ་གསོལ་བ་འདེབས་སོ། །ས་བླའི་ལྷ་རྣམས་ཀྱིས་ཆོས་ཀྱི་ཁྱམས་དཔག་ཚད་བདུན་བརྒྱ་ཡོད་པ་སྤྲུལ་ཏོ། །ལྷ་རྣམས་ཀྱིས་གདུགས་དང་རྒྱལ་མཚན་དང་། སེང་གེའི་ཁྲི་བརྒྱད་ཁྲི་

213-1-45a

བཞི་སྟོང་བཤམས་ནས་སྟོན་པ་ལ་ཕུལ་ཏེ་འཁོར་ལོ་དམ་པ་བསྐོར་བར་བསྐུལ་ལོ། །སྔོན་གཞོན་ནུ་སྤྲིན་མར་མེ་མཛད་ཀྱིས་ལུང་བསྟན་པའི་ཚེ། ཆོས་ཀྱི་འཁོར་ལོ་བསྐོར་བར་བསྐུལ་བར་སྨོན་ལམ་བཏབ་པའི་བྱང་ཆུབ་སེམས་དཔའ་སེམས་བསྐྱེད་མ་ཐག་ཆོས་ཀྱི་འཁོར་
ལོ་བསྐོར་བ་ཞེས་བྱ་བ་དེས། གསེར་གྱི་འཁོར་ལོ་རྩིབས་སྟོང་དང་ལྡན་པ་ཕུལ་ནས། ཕྱོགས་བཅུ་དག་ནས་སེམས་ཅན་དམ་པ་གང་དག་འདིར་ལྷགས་པ། །དེ་དག་ཐམས་ཅད་འཇུག་པས་འགྲང་བར་ནུས་པ་མ་ལགས་ཏེ། །བཏུད་ཅིང་ཐལ་མོ་སྦྱར་ནས་ཞབས་གཉིས་ལ་ནི་གཏུགས་ནས་
སུ། །ཆོས་ཀྱི་འཁོར་ལོ་བསྐོར་ཕྱིར་ཤཱཀྱའི་རིགས་ལ་དགྱེས་པར་བསྐུལ། །ཞེས་བྱ་བ་ལ་སོགས་པས་གསོལ་བ་བཏབ་བོ། །དེ་ནས་དེའི་ནུབ་མོ་ནམ་ཀྱི་ཆ་སྟོད་ལ་ཅང་མི་གསུང་བར་བཞུགས་སོ། །གུང་ཐུན་ལ་ཡང་དག་པར་འཆག་པར་འགྱུར་བའི་གཏམ་རྣམས་གསུངས་སོ། །ཆ་
སྨད་ལ་ལྔ་སྡེ་ལ་བཀའ་སྩལ་པ། དགེ་སློང་དག་མཐའ་གཉིས་པོ་འདི་དག་ནི་རབ་ཏུ་བྱུང་བས་འཇུག་པར་བྱ་བ་མ་ཡིན་ཏེ། འདོད་པ་བསོད་སྙོམས་ཀྱི་མཐའ་དང་། ངལ་ཞིང་དུབ་པའི་མཐའོ། །དེ་བས་མཐའ་གཉིས་སྤངས་ནས་དབུ་མའི་ལམ་གྱི་དེ་བཞིན་གཤེགས་པ་ཆོས་སྟོན་ཏོ། །དེ་ནི་འདི་
ལྟ་སྟེ་འཕགས་པའི་ལམ་ཡན་ལག་བརྒྱད་དོ། །དགེ་སློང་དག་བཞི་པོ་འདི་དག་ནི་འཕགས་པའི་བདེན་པ་སྟེ་གང་ཞེ་ན། སྡུག་བསྔལ་དང་། ཀུན་འབྱུང་དང་། འགོག་པ་དང་། ལམ་མོ་ཞེས་བྱ་བ་ལ་སོགས་པ་དང་། ལན་དང་པོས་བདེན་པ་བཞིའི་ངོ་བོ་དང་། ཡང་དགེ་སློང་དག་
སྡུག་བསྔལ་ཡོངས་སུ་ཤེས་པར་བྱའོ། །སྡུག་བསྔལ་ཀུན་འབྱུང་བ་སྤང་བར་བྱའོ། །སྡུག་བསྔལ་འགོག་པ་མངོན་དུ་བྱའོ། །སྡུག་བསྔལ་འགོག་པར་འགྱུར་བའ་ལམ་བསྟན་པར་བྱའོ་ཞེས་སོགས་ལན་གཉིས་པས་བདེན་པ་བཞིའི་བྱ་བ་དང་། ཡང་དགེ་སློང་དག་སྡུག་བསྔལ་ཡོངས་སུ་ཤེས་སོ། །སྡུག་
བསྔལ་ཀུན་འབྱུང་བ་སྤངས་སོ། །སྡུག་བསྔལ་འགོག་པ་མངོན་དུ་བྱས་སོ། །སྡུག་བསྔལ་འགོག་པས་འགྲོ་བའི་ལམ་བསྟན་ནོ་ཞེས་ལན་གསུམ་པ་བདེན་པ་བཞི་ལ་མཐར་ཕྱིན་པར་བཟླས་པ་སྟེ། དེ་ལྟར་རྣམ་པ་བཅུ་གཉིས་ཀྱི་འཁོར་ལོ་བསྐོར་བས་བཟླས་པ་དང་པོ་ལ་ཀོོཎྜི་ནྱ་དང་ལྷ་མང་པོ་

213-1-45b

ལ་མཐོང་ལམ་སྐྱེས། གཉིས་པ་ལ་ཀོོཎྜི་ནྱ་དགྲ་བཅོམ་པ་ཐོབ། གཞན་བཞི་ལ་མཐོང་ལམ་སྐྱེས། གསུམ་པ་ལ་བཞི་པོས་ཀྱང་དགྲ་བཅོམ་པ་ཐོབ་བོ། །དེ་བཞིན་དུ་གདུལ་བྱ་སོ་སོ་བསམ་པ་དང་མཐུན་པར། བར་པ་མཚན་ཉིད་མེད་པའི་ཆོས་ཀྱི་འཁོར་ལོ་དང་། ཐ་མ་ལེགས་པར་
རྣམ་པར་ཕྱེ་བའི་ཆོས་ཀྱི་འཁོར་ལོ་རྣམས་བསྐོར་བར་མཛད་དོ། །དེ་དག་གི་བར་སྐབས་དང་གཞན་དུ་ཡང་རུང་སྟེ་ལྷ་དང་བཅས་པའི་འགྲོ་བ་དཔག་ཏུ་མེད་པའི་དོན་མཛད་པའི་ཚུལ་འདུལ་བའི་སྡེ་སྣོད་ལ་སོགས་པ་ནས་འབྱུང་བའི་དོན་ཅུ་ཟད་བརྗོད་ན། བཅོམ་ལྡན་འདས་འཁོར་ལྔ་སྡེ་དང་
བཅས་པ་འབབ་ཆུ་གནོད་པ་ཅན་གྱི་འགྲམ་དུ་འཆག་ཀྱིན་བཞུགས་པ་ན། ཝཱ་རཱ་ཎ་སཱིའི་ཁྱིམ་བདག་རིགས་ཀྱི་གཙོ་བོའི་བུ་གྲགས་པ་ཞེས་བྱ་བ་བྲོས་ཏེ་འོངས་པ་དང་། དེ་བཙལ་བའི་ཕྱིར་རིགས་ཀྱི་གཙོ་བོ་ཉིད་བྱུང་བ་གཉིས་ཀ་ལ་ཆོས་བསྟན་པས་མཐོང་བའི་ལམ་རྟོགས་པར་མཛད་དོ། །གཞན་ཡང་
རིགས་ཀྱི་གཙོ་བོའི་བུ་གང་བོ་དང་དྲི་མེད་དང་བ་ལང་བདག་དང་ལག་བཟང་སྟེ་བཞི་པོ་དག་ཀྱང་རབ་ཏུ་བྱུང་ནས་དགྲ་བཅོམ་པའི་འབྲས་བུ་ལ་གནས་པར་མཛད་དོ། །དེའི་འོག་ཏུ་ཝཱ་རཱ་ཎ་སཱིའི་གྲོང་མིའི་གཙོ་བོ་རྣམས་ཀྱི་ཁྱེའུ་ལྔ་བཅུས་རབ་ཏུ་བྱུང་བས་དགྲ་བཅོམ་པ་ཐོབ་པར་གྱུར་ཏེ། དུས་དེར་འཇིག་རྟེན་
ན་དགྲ་བཅོམ་པ་དྲུག་ཅུར་ལངས་པ་བྱུང་ངོ་། །དེ་ནས་ལྟེང་རྒྱས་ཀྱི་གྲོང་ཁྱེར་སྡེ་ཅན་དུ་བྱོན་ནས་རྗེས་སུ་གདམས་པ་བསྟན་པས་བཟང་སྡེ་ཚོགས་དྲུག་ཅུ་དང་། བྲམ་ཟེ་ལྷ་ཆུང་མ་དང་བཅས་པ་རྣམས་ཀྱང་བདེན་པ་མཐོང་བ་དང་རྒྱུན་དུ་ཞུགས་པའི་འབྲས་བུ་ལ་བཀོད་པ་དང་། ལྟེང་རྒྱས་འོད་སྲུངས་རལ་པ་ཅན་ཞེས་པ་ལོ་
བརྒྱ་དང་ཉི་ཤུ་ལོན་པ་འཁོར་ལྔ་བརྒྱ་དང་བཅས་པ་དད་པར་གྱུར་ཏེ་ཚུར་ཤོག་གིས་བསྙེན་པར་རྫོགས་སོ། །དེའི་སྤུན་ཟླ་ཆུ་ཀླུང་འོད་སྲུངས་དང་ག་ཡ་འོད་སྲུངས་གཉིས་ཀྱང་རང་རང་གི་འཁོར་ཉིས་བརྒྱ་ལྔ་བཅུ་རེ་དང་བཅས་པའང་བསྙེན་པར་རྫོགས་པར་མཛད་དོ། །དེ་ལྟར་དགེ་སློང་སྟོང་ཕྲག་གཅིག་དང་
ཐབས་ཅིག་ཏུ་ག་ཡའི་མགོར་བྱོན་ཏེ། དགེ་སློང་དེ་དག་ལ་རྫུ་འཕྲུལ་གྱི་ཆོ་འཕྲུལ་དང་། ཀུན་བརྗོད་པའི་ཆོ་འཕྲུལ་དང་། རྗེས་སུ་བསྟན་པའི་ཆོ་འཕྲུལ་ཏེ་ཆོ་འཕྲུལ་རྣམ་པ་གསུམ་གྱིས་རྗེས་སུ་གདམས་པས་ཐམས་ཅད་ཀྱང་དགྲ་བཅོམ་པ་ཐོབ་པར་གྱུར་ཏོ། །དེ་ནས་མ་ག་དྷཱའི་རྒྱལ་པོ་གཟུགས་

213-1-46a

ཅན་སྙིང་པོས་དེ་བཞིན་གཤེགས་པ་སྤྱན་འདྲེན་པར་གསོལ་བ་ལྟར་དགྲ་བཅོམ་པ་སྟོང་ཕྲག་གཅིག་དང་བཅས་པ་ལྟང་བྲང་གི་ཚལ་མཆོད་རྟེན་ལེགས་པར་རབ་གནས་ཡོད་པ་ག་ལ་བ་དེར་བྱོན་ཏེ། དེར་ཆོས་གསུངས་པས་རྒྱལ་པོ་འཁོར་དང་བཅས་པ་དང་ལྷ་བརྒྱད་ཁྲི་ཙམ་གྱིས་ཀྱང་
བདེན་པ་མཐོང་ངོ་། །རྒྱལ་པོའི་ཁབ་ཀྱི་འོད་མའི་ཚལ་ཞེས་པ་བྱ་ཀ་ལནྡ་ཀ་གནས་པ་དེ་ཉིད་བཞུགས་པའི་གནས་སུ་ཕུལ་ཏེ། ཇི་སྲིད་འཚོ་བའི་བར་ལ་བསྙེན་བཀུར་བ་བགྱིད་པར་གསོལ་ལོ། །དེའི་ཚེ་མུ་སྟེགས་ཀྱི་སྟོན་པ་རྒྱལ་བ་ཅན་ཞེས་བྱ་བ་ཤི་ནས། དེའི་སློབ་མའི་གཙོ་བོར་གྱུར་པ་ཀུན་དུ་རྒྱུ་ཉེ་རྒྱལ་
དང་པང་ན་སྐྱེས་གཉིས་ལ་རྟ་ཐུལ་གྱིས་ཆོས་བཤད་པས་བདེན་པ་མཐོང་ནས། སླར་ཡང་དེ་གཉིས་རང་རང་གི་འཁོར་བརྒྱ་ལྔ་བཅུ་རེ་དང་བཅས་ཏེ་བཅོམ་ལྡན་འདས་ཀྱི་དྲུང་དུ་སོང་བ་ན་རྫུ་འཕྲུལ་དང་ལྡན་པའི་མཆོག་དང་། ཤེས་རབ་དང་ལྡན་པའི་མཆོག་ཟུང་དུ་འགྱུར་བར་ལུང་བསྟན་ཏེ་ཚུར་ཤོག་གིས་
བསྙེན་པར་རྫོགས་ནས་དགྲ་བཅོམ་པ་ཐོབ་པར་གྱུར་ཏོ། །དེ་ནས་ཁྱིམ་བདག་མགོན་མེད་ཟས་སྦྱིན་གྱིས་བསིལ་བའི་ཚལ་གྱི་དུར་ཁྲོད་དུ་སྟོན་པ་དང་མཇལ་ཏེ། དེ་ཉིད་དུ་རྗེས་སུ་བསྟན་པ་ཐོས་པས་བདེན་པ་མཐོང་ངོ་། །ཁྱིམ་བདག་དེས་ཀྱང་རྒྱལ་བྱེད་ཀྱི་ཚལ་དུ་བཅོམ་ལྡན་འདས་འཁོར་དང་བཅས་
པ་ཇི་སྲིད་འཚོ་བའི་བར་དུ་བསྙེན་བཀུར་བགྱིད་པར་ཁས་བླངས་སོ། །དེའི་ཚེ་རྒྱལ་བུ་རྒྱལ་བྱེད་དང་། ཀོ་ས་ལའི་རྒྱལ་པོ་གསལ་རྒྱལ་ཞེས་བྱ་བ་ལ་སོགས་པ་སྲོག་ཆགས་མང་པོ་ཡང་དད་པ་ལ་རབ་ཏུ་བཀོད་དོ། །དེ་སྐབས་ཤིག་ཏུ་རྒྱལ་པོ་ཟས་གཙང་གི་སྟོན་པ་སྤྱན་འདྲེན་པའི་ཕྱིར་ཕོ་ཉ་རིམ་
པར་བཏང་བ་རྣམས་ཀྱང་རབ་ཏུ་བྱང་ནས་ཕྱིར་འོང་བར་མ་གྱུར་པ་དང་། སླར་ཡང་འཆར་ཀས་ཟས་གཙང་གིས་བསྐུར་བའི་འཕྲིན་ཡིག་ཐོགས་ཏེ་དོང་པ་ཡང་ཤཱ་རིའི་བུ་ལ་གཏད་དེ་རབ་ཏུ་བྱུང་ངོ་། །དེ་ནས་དེ་ཉིད་ཕོ་ཉའི་ཚུལ་དུ་བཏང་བས། དེས་རྒྱལ་བྱེད་ཚལ་གྱི་བཀོད་པ་ཅི་འདྲ་བའི་གཟུགས་བརྙན་
རྣམས་རི་མོར་བྲིས་ཏེ་བསྟན་པས་དེ་ཉིད་ལ་དཔེར་བྱས་ཏེ། རྒྱལ་བོས་ནྱ་གྲོ་དྷའི་ཀུན་དགའ་ར་བའི་གཙུག་ལག་ཁང་དམ་པ་བརྩིག་གོ། །དེར་བཅོམ་ལྡན་འདས་དགེ་སློང་གི་དགེ་འདུན་དང་བཅས་པ་རྫུ་འཕྲུལ་གྱིས་ནམ་མཁའ་ལ་འདབ་ཆགས་ཀྱི་རྒྱལ་པོ་བཞིན་དུ་ལྡིང་སྟེ་བྱོན་པས་རྒྱལ་པོ་ལ་སོགས་

213-1-46b

པའི་འགྲོ་བ་དཔག་ཏུ་མེད་པ་དད་པར་གྱུར་པ་དང་། རྫུ་འཕྲུལ་བརྟུལ་ཏེ་ཆོས་ཀྱི་བདུད་རྩི་ལེགས་པར་བསྟན་པས་ཟས་གཙང་དང་ལྷས་བྱིན་གཉིས་མ་གཏོགས་པའི་ཤཱཀྱ་བདུན་ཁྲི་བདུན་སྟོང་དང་། བྲེ་བོ་ཟས་བདུན་ཁྲི་དྲུག་སྟོང་དང་། བདུད་རྩི་ཟས་ལ་སོགས་པ་བདུན་ཁྲི་ལྔ་སྟོང་རྣམས་རྒྱུན་དུ་
ཞུགས་པའི་འབྲས་བུ་ལ་བཀོད་དེ། གཞན་མང་པོ་ཡང་དེ་བཞིན་གཤེགས་པའི་ཆོས་ལ་གཞོལ་བར་བྱས་སོ། །ཡབ་ལ་ཕན་གདགས་པའི་ཕྱིར་མོོད་གལ་གྱི་བུ་ལ་རྫུ་འཕྲུལ་རྣམ་པ་མང་པོ་བསྟན་དུ་བཅུག་སྟེ། བཅོམ་ལྡན་འདས་ཉིད་ནི་ནྱ་གྲོ་དྷའི་ཀུན་དགའ་ར་བ་ན་ལྷ་རྣམས་ཀྱི་ཁང་བཟང་གི་
བཀོད་པ་ཕུན་ཚོགས་པ་མིའི་ལས་ཤིན་ཏུ་འདས་པ་བསྐྲུན་ཏེ་དེའི་ནང་དུ་ལྷའི་འཁོར་འབའ་ཞིག་ལ་ཆོས་སྟོན་ཅིང་བཞུགས་པའི་ཚེ། ཟས་གཙང་གི་ནང་དུ་སོན་པར་མ་ནུས་པར་ཕྱི་རོལ་དུ་ལུས་པ་ལ། སྟོན་པས་ཁང་བཟང་དེ་ཉིད་རིན་པོ་ཆེ་ཤེལ་གྱི་རང་བཞིན་དུ་མངོན་པར་སྤྲུལ་ཏེ་དེའི་ནང་ན་སྐུམ་
བསྒྲིབས་པར་བཞུགས་པ་སྣང་བར་བྱས་ནས་ཆོས་བསྟན་པས་རྒྱུན་དུ་ཞུགས་པའི་འབྲས་བུ་ཐོབ་པར་གྱུར་ཏོ། །དེས་ན་ཤཱཀྱ་ཕལ་ཆེ་བ་དག་གིས་བདེན་པ་མཐོང་བས་ཤཱཀྱ་བཟང་ལྡན་རྒྱལ་སྲིད་ལ་བཞག་པར་བགྲོས་ཏེ། ནྱ་གྲོ་དྷའི་ཀུན་དགའ་ར་བ་བཅོམ་ལྡན་འདས་ལ་ཕུལ་བས་དེའི་ཚེ་བཅོམ་ལྡན་
འདས་ཀྱིས་ཡོན་ཡོངས་སུ་བསྔོ་བ་མཛད་དོ། །ཟས་གཙང་གིས་སྟོན་པ་བཅོམ་ལྡན་འདས་འཁོར་གྱི་ཚོགས་མང་པོས་མཛེས་པར་བྱ་བའི་ཕྱིར་ཁྱིམ་རེ་རེ་ནས་ཀྱང་མི་རེ་རེ་རབ་ཏུ་འབྱུང་དགོས་པར་དྲིལ་གྱིས་བསྒྲགས་པས་དེ་བཞིན་དུ་བགྱི་བར་ཁས་བླངས་ཏེ། རྒྱལ་པོ་བཟང་ལྡན་ལ་སོགས་པ་
ཤཱཀྱ་ལྔ་བརྒྱ་ཤིང་རྟ་ལ་ཞུགས་ཏེ་འབྱོར་པ་ཆེན་པོས་ཕྱིར་བྱུང་བ་ན། ཟས་གཙང་གིས་ཤཱཀྱ་རྣམས་ཀྱི་ཐ་མའི་འབྱོར་པ་ལ་ལྟ་ཞིང་། མཚན་མཁན་གྱིས་དེ་དག་གི་མཚན་ལ་བརྟག་པ་ན། ཀོ་ཀ་ལི་ཀ་དང་། ཁཎྜ་དྲ་བྱ་དང་། ཀོ་ཊ་མོ་ར་ཀ་ཏི་ཥྱ་དང་། རྒྱ་མཚོས་བྱིན་རྣམས་ཕྱིར་བྱུང་བ་
ན་བོང་བུའི་སྐད་གྲག་པར་གྱུར་པ་དང་། ལྷས་བྱིན་བྱུང་བ་ན་གཙུག་གི་ནོར་བུར་བྱ་ཁྲས་ཕྲོགས་པ་མཐོང་སྟེ། དེ་དག་གིས་སྟོན་པ་དང་སྟོན་པའི་འཁོར་ལ་ཚིག་ངན་སྨྲས་པས་དམྱལ་བར་གཞོལ་བར་འགྱུར་བ་དང་། གཞན་རྣམས་ཀྱིས་ནི་སྟོན་པ་མཉེས་པར་བྱེད་པར་འགྱུར་རོ་ཞེས་བྱ་

213-1-47a

བར་ལུང་བསྟན་ནོ། །དེ་ནས་དེ་དག་གིས་བཅོམ་ལྡན་འདས་ཀྱི་དྲུང་དུ་ཕྱིན་ནས་རབ་ཏུ་བྱུང་བ་བླངས་པར་གྱུར་ཏོ། །དེ་དག་གི་ཚེ་འདྲེག་མཁན་དུ་གྱུར་པའི་ཉེ་བ་འཁོར་ནི་ཚུར་ཤོག་གིས་བསྙེན་པར་རྫོགས་པར་མཛད་དོ། །དེར་རྒན་རིམ་གྱིས་འདུད་པར་བྱེད་པ་ན། བཟང་
ལྡན་གྱིས་ཉེ་བ་འཁོར་གྱི་རྐང་པ་ལ་བཏུད་པའི་ཚེ་དོགས་པ་སྐྱེས་ནས་ཅི་འདིའི་རྐང་པ་ལ་འདུད་པར་བྱེད་དམ་ཞུས་པས། བཅོམ་ལྡན་འདས་ཀྱི་རབ་ཏུ་བྱུང་བ་ནི་ང་རྒྱལ་སྤང་བའི་ཕྱིར་ཡིན་པས་ཐུད་ཅིག་གསུངས་ནས་བཏུད་པས་དེའི་མོད་ལས་འདི་རྣམ་པ་དྲུག་ཏུ་གཡོས་སོ། །གཞན་ཡང་
གྲགས་འཛིན་མ་ལ་སོགས་པའི་བཙུན་མོ་དྲུག་ཁྲི་རྒྱུན་དུ་ཞུགས་པའི་འབྲས་བུ་ལ་བཀོད་པ་དང་། ཡངས་པ་ཅན་དུ་སྐྱེ་དགུའི་བདག་མོ་ལ་སོགས་པ་ཤཱཀྱ་མོ་ལྔ་བརྒྱ་རབ་ཏུ་བྱུང་བ་དང་། ནྱ་གྲོ་དྷ་སྐྱེས་སྟོན་པར་ཁས་བླངས་ཀྱི་བསྙེན་པར་རྫོགས་པ་དང་། དྲང་སྲོང་མེས་བྱིན་ཀ་ཏྱའི་བུར་
གྲགས་པ་འཁོར་ལྔ་བརྒྱ་དང་བཅས་དགྲ་བཅོམ་པ་ལ་བཀོད་པ་དང་། སུམ་ཅུ་རྩ་གསུམ་དུ་དབྱར་གནས་མཛད་ཅིང་སླར་ཡང་བེེཌཱུ་རྱའི་ཐེམ་སྐས་ལ་བརྟེན་ནས་ལྷ་ལས་བབ་པའི་མཛད་པ་བསྟན་པ་དང་། མཉན་དུ་ཡོད་པར་ཆོ་འཕྲུལ་ཆེན་པོ་བསྟན་པ་ལ་སོགས་པ་མཐའ་ཡས་པ་མདོ་
སྡེ་རྣམས་ལས་རྒྱ་ཆེར་འབྱུང་བ་ལས་ཤེས་པར་བྱའོ། །མདོར་ན་བྱེ་བྲག་ཏུ་བཤད་པ་ལས། ཆོས་འཁོར་གནས་དང་ཡངས་པ་ཅན། །ས་དཀར་ཅན་དང་ལྷ་ཡི་གནས། །བྱིས་པ་གསོད་དང་ཀོ་ཤཱམྦཱི། །འབྲོག་དང་མཆོད་རྟེན་རི་དང་ནི། །འོད་མའི་གྲོང་དང་སྒྲར་བཅས་དང་། །སེར་
སྐྱའི་གནས་ཀྱི་གྲོང་ཁྱེར་ཏེ། །འདི་རྣམས་སུ་ནི་ཐུབ་པ་ཡི། །སྐྱེས་མཆོག་ལོ་རེ་ལོ་རེ་བཞུགས། །ཉི་ཤུ་རྩ་གསུམ་མཉན་ཡོད་དུ། །སྨན་གྱི་ནགས་སུ་ལོ་བཞི་སྟེ། །འབར་བའི་ཕུག་གི་གནས་སུ་གཉིས། །རྒྱལ་པོའི་ཁབ་ཀྱི་གྲོང་དུ་ལྔ། །དཀའ་བ་སྤྱད་པ་ལོ་དྲུག་སྟེ། །ཉི་ཤུ་རྩ
དགུ་ཁབ་གནས་སུ། །རྒྱལ་བ་དེ་ལྟར་བརྒྱད་ཅུ་ལ། །ཐུབ་མཆོག་དམ་པ་མྱ་ངན་འདས། །ཞེས་འབྱུང་བ་ལྟར་རོ། །བཅུ་གཉིས་པ་མྱ་ངན་ལས་འདས་པར་སྟོན་པའི་མཛད་པ་ལ། མྱ་ངན་ལས་འདས་པའི་ལྟས་དང་། ཇི་ལྟར་མྱ་ངན་ལས་འདས་པ་དང་། སྐུ་གདུང་རྒྱས་པ་སྟེ་གསུམ་

213-1-47b

ལས། དང་པོ་མྱ་ངན་ལས་འདའ་བའི་ལྟས་ནི། གསེར་འོད་དམ་པ་ལས། སངས་རྒྱས་མྱ་ངན་ཡོངས་མི་འདའ། །ཆོས་ཀྱང་ནུབ་པར་མི་འགྱུར་ཏེ། །སེམས་ཅན་ཡོངས་སུ་སྨིན་མཛད་ཅིང་། །ཡོངས་སུ་མྱ་ངན་འདའ་བར་སྟོན། །ཞེས་གསུངས་པ་ལྟར། སྤྱིའི་བཅོམ་ལྡན་
འདས་ནི་བསྐལ་པ་དཔག་ཏུ་མེད་པར་བདུད་བཞི་ལས་རྣམ་པར་རྒྱལ་བའི་གོ་འཕང་ལ་གནས་བས་མྱ་ངན་ལས་འདའ་བ་མེད་ཀྱང་། གདུལ་བྱ་རྟག་འཛིན་ཅན་རྣམས་ཀྱི་རྟག་པར་འཛིན་པ་བཟློག་པའི་ཕྱིར་དང་། སྐལ་པ་དམན་པའི་གདུལ་བྱ་འགའ་ཞིག་ལ་སངས་རྒྱས་ཉེ་བར་མི་སྣང་བ་
ཙམ་ལ་མྱ་ངན་འདའ་བའི་ཐ་སྙད་དུ་གདགས་པའི་ཕྱིར། དེ་ལྟར་སྣང་བ་ཡིན་ཏེ། དེའང་འདི་ལྟར་འགྲོ་བ་རྒྱ་མཚོའི་དོན་མཛད་ཅིང་བཞུགས་པའི་སྐབས་ཤིག་ཏུ་སྟོན་པས་ཀུན་དགའ་བོ་ལ་བསྐུལ་མ་འདེབས་པ་དྲན་པའི་ཕྱིར་འདི་སྐད་གསུངས་ཏེ། གང་སུ་རྫུ་འཕྲུལ་གྱི་རྐང་པ་བཞི་ལ་
བརྟེན་ནས་སྒོམ་མང་དུ་བྱས་པ་དེ་འདོད་ན་བསྐལ་པ་འམ་བསྐལ་པ་ལས་ལྷག་གི་བར་རུ་ཡང་འདུག་གོ་ཞེས་བྱ་བ་ལ་སོགས་པ་ལན་གཉིས་ལན་གསུམ་གྱི་བར་དུ་བཟླས་ཀྱང་བདུད་ཀྱི་སྟོབས་ཀྱིས་བསྒྲིབས་པར་བྱས་ཏེ་ཅང་གསོལ་བའི་དྲན་པ་མ་ཤོར་རོ། །དེའི་ཚེ་འདུད་སྡིག་ཅན་གྱིས་ལྷགས་
ནས་དབེན་པ་ཞིག་ཏུ་མྱ་ངན་ལས་འདའ་བར་གསོལ་བ་བཏབ་པས་སྟོན་པས་ཀྱང་ཟླ་བ་གསུམ་ནས་དེས་ཇི་སྐད་གསོལ་བ་བཞིན་དུ་བགྱིད་པར་ཞལ་གྱིས་བཞེས་ནས་བཏང་ངོ་། །དེ་ནས་བཅོམ་ལྡན་འདས་ཀྱི་འཚོ་བའི་འདུ་བྱེད་ནི་བྱིན་གྱིས་བརླབས། །ཚེའི་འདུ་བྱེད་ནི་སྤངས་པའི་ཏིང་ངེ་འཛིན་
ལ་སྙོམས་པར་ཞུགས་སོ། །དུས་དེ་ཉིད་དུ་ས་འདི་རྣམ་པ་དྲུག་ཏུ་གཡོ་བ་ལ་སོགས་པའི་ལྟས་ཀྱི་རྣམ་པ་མང་པོ་བྱུང་སྟེ། གང་དག་བྱུང་བ་རྣམས་ཀྱང་ཀུན་དགའ་བོས་སྟོན་པ་ལ་ཞུས་པ་ན། དེ་བཞིན་གཤེགས་པ་སྐུ་ཚེའི་འདུ་བྱེད་སྤངས་པའི་ལྟས་སུ་བསྟན་ཏོ། །དེའི་དུས་སུ་ཀུན་དགའ་
བོ་ནི་སྟོན་པ་མྱ་ངན་ལས་མི་འདའ་བའི་གསོལ་བ་འདེབས་པ་ལ་ཞུགས་པར་གྱུར་ཀྱང་དེ་བཞིན་གཤེགས་པ་ནི་གཉིས་སུ་མི་གསུང་བ་ཡིན་པའི་ཕྱིར་གནང་བར་མ་གྱུར་ཏོ། །དེ་ནས་ཙ་པ་ལིའི་དགེ་སློང་རྣམས་ལ་དུས་ཐ་མའི་གདམས་ངག་རྣམས་ཀྱང་ཅི་རིགས་པ་བསྟན་ནས་མཐར་གྱིས་ལྗོངས་

213-1-48a

རྒྱུ་ཞིང་ཡངས་པ་ཅན་དང་། བྲྀ་ཛ་དང་། ལོངས་སྤྱོད་ཀྱི་གྲོང་གི་བྱང་རོལ་ཤིང་ཤ་པའི་ཚལ་རྣམས་སུ་བྱོན་ཏེ་དེ་དག་གི་ལམ་དུ་ཡང་འགྲོ་བ་མང་པོའི་དོན་མཛད་པ་དང་། ཁྱད་པར་དུ་ཀུན་དགའ་བོ་ལ། མདོ་སྡེ་ལ་འཇུག །འདུལ་བ་ལ་སྣང་། ཆོས་ཉིད་དང་མི་
འགལ་ན་ཆོས་སུ་གཟུང་ལ། དེ་ལྟ་མ་ཡིན་ན་མི་གཟུང་བར་གདམས་སོ། །དེ་ནས་གྲོང་ཁྱེར་རྩྭ་ཅན་དུ་གཤེགས་པའི་ལམ་ནས་ཅུང་ཟད་བསྙུང་བའི་ཚུལ་བསྟན་ནས་ངལ་བསོ་བ་དང་། ཀུན་དགའ་བོ་ལ་ཆུ་བོ་ཀ་ཀུ་སྟ་ལས་ཆུ་བྱིན་ཅིག་ཅེས་གསུངས་པ་ན་ཆུ་རྙོག་མ་ཅན་ལས་རྙེད་པར་མ་གྱུར་
ཀྱང་ཆུ་དེས་ཞལ་བཀྲུས་སོ། །དེ་ནས་ཀྱང་གྲོང་ཁྱེར་རྩྭ་ཅན་དུ་གྱད་ཀྱི་ཡུལ་དང་ཉེ་བ་ཤིང་སཱ་ལ་ཟུང་གི་ཚལ་དུ་བྱོན་ཏེ་དེར་མྱ་ངན་ལས་འདའ་བའི་དགོངས་པ་ཉེ་བར་བཞག་གོ། །གཉིས་པ་ནི། གནས་དེ་ཉིད་དུ་དུས་ཐ་མའི་གདན་ཁྲི་འཕང་བྱང་གི་ཕྱོགས་སུ་བསྟན་པ་བཅས་ཏེ། དེ་ལ་གློ་གཡས་པ་
ཕབ་སྟེ་ཞབས་ཀྱི་སྟེང་དུ་ཞབས་བཞག་པའི་སྟབས་ཀྱིས་སྣང་བའི་འདུ་ཤེས་དང་། དྲན་པ་དང་ཤེས་བཞིན་དང་། མྱ་ངན་ལས་འདས་པའི་འདུ་ཤེས་པར་མཛད་དེ་གཟིམས་སོ། །དེའི་དུས་ན་རྩ་ཅན་གྱི་གྱད་རྣམས་འདུས་པ་ལ་ཆོས་བསྟན་ནས་ཀུན་དགའ་བོ་ལ་བསླབ་པའི་གཞི་འབོགས་
སུ་བཅུག་གོ། །དེ་ལྟར་དུས་ཐ་མའི་ཁྲི་ལ་བཞུགས་བཞིན་དུ་སྐུ་དངོས་ཀྱིས་འདུལ་བར་བྱ་བའི་སྐྱེ་བོ་དྲི་ཟའི་རྒྱལ་པོ་རབ་དགའ་སྟེ། དེ་འདུལ་བའི་དོན་དུ་དྲི་ཟའི་ཆ་བྱད་དུ་སྤྲུལ་ཏེ་ལག་པ་ན་པོ་ཝང་རྒྱུད་སྟོང་དང་ལྡན་པ་བསྣམས་ནས་རབ་དགའི་སྒོ་དྲུང་ན་ཕྱིན་ཏེ། དེ་དག་གླུ་དབྱངས་ལེན་པ་
དང་པི་ཝང་འཁྲོལ་བའི་ཁྱད་པར་ལ་འགྲན་པའི་ཚེ་སྟོན་པས་རྒྱུད་སྟོང་ཕྲག་ཡོད་པ་ནས་གཅིག་གི་བར་ལ་རིམ་གྱིས་བཅད་ཀྱང་སྒྲ་གདངས་སྙན་པ་ལ་ཁྱད་པར་མ་བྱུང་བ་དང་། མཐར་རྒྱུད་གཅིག་པུ་དེ་ཡང་བཅད་པས་ནམ་མཁའ་ལས་སྒྲ་གདངས་སྔ་མ་བཞིན་དུ་འབྱུང་བར་བྱིན་གྱིས་བརླབས་པས་
དེ་ངོ་མཚར་དུ་སྐྱེས་ནས་ང་རྒྱལ་གྱི་རི་བོ་གཞིག་པར་མཛད་དོ། །དེ་ནས་དད་པར་གྱུར་པ་གཟིགས་ནས་སྐུ་དངོས་སུ་སྣང་བས་ཆོས་གསུངས་ནས་བདེན་པ་རྟོགས་པར་མཛད་དོ། །དེ་བཞིན་དུ་ཀུན་དུ་རྒྱུ་རབ་བཟང་ཞེས་པ་ལོ་བརྒྱ་དང་ཉི་ཤུ་ལོན་པ་དེས་ཨུ་དུམྺཱ་རའི་མེ་ཏོག་གི་ཚལ་རྙིངས་པར་

213-1-48b

གྱུར་པ་མཐོང་སྟེ། དེ་བཅོམ་ལྡན་འདས་མྱ་ངན་ལས་འདའ་བའི་ལྟས་སུ་ཤེས་ནས། བདག་གི་ཐེ་ཚོམ་འགའ་ཞིག་གསེལ་བར་འགྱུར་གྲང་སྙམ་སྟེ་བྱུང་བ་ལ་དགའ་བའི་གཏམ་མང་པོ་མཛད་པའི་མཐར། དེ་བཞིན་གཤེགས་པས་ཆོས་བསྟན་པས་བདེན་པ་མཐོང་བར་གྱུར་པ་དང་།
ཚུར་ཤོག་གིས་བསྙེན་པར་རྫོགས་ནས་དགྲ་བཅོམ་པ་ཐོབ་པར་མཛད་དོ། །དེས་ཀྱང་སྟོན་པ་མྱ་ངན་ལས་འདའ་བ་མཐོང་བ་ལ་སྤྲོ་བར་མ་གྱུར་ཏེ་གནས་ལྔར་བྱིན་གྱི་བརླབས་ནས་མྱ་ངན་ལས་འདས་སོ། །དེ་ནས་སྟོན་པས་འཁོར་རྣམ་བཞི་ལ་མདོ་འདོམ་པ་ལ་སོགས་པའི་བསླབ་གཞི་ཕྲན་ཚེགས་
ཀྱི་རིགས་འགའ་ཞིག་གདམས་པ་དང་། དཀོན་མཆོག་གསུམ་དང་བདེན་པ་བཞི་ལ་ཐེ་ཚོམ་མེད་པའི་ངེས་པ་མཛད་དོ། །དེ་ནས་སྐུའི་སྟོད་གཡོགས་བསལ་ཏེ། དགེ་སློང་དག་དེ་བཞིན་གཤེགས་པའི་སྐུ་ལ་ལྟོས་ཤིག །དེ་བཞིན་གཤེགས་པ་བལྟ་བ་ནི་རྙེད་པར་དཀའ་སྟེ་མེ་ཏོག་ཨུ་
དུམྺཱ་ར་བཞིན་ནོ། །དགེ་སློང་དག་ཅང་མ་སྨྲ་ཞིག་དང་། འདི་ལྟར་འདུས་བྱས་ཐམས་ཅད་ནི་འཇིག་པའི་ཆོས་ཅན་ནོ་ཞེས་པ་གསུང་གི་ཐ་མ་ཉིད་དུ་སྩལ་ཏོ། །དེ་ནས་བསམ་གཏན་བཞི་དང་གཟུགས་མེད་བཞི་དང་འགོག་སྙོམས་ལུགས་འབྱུང་ལུགས་བཟློག་ལ་མཉམ་པར་ཞུགས་ནས།
སླར་ཡང་བསམ་གཏན་བཞི་ལ་ཞུགས་ཏེ་རབ་མཐའ་ལ་མྱ་ངན་ལས་འདས་སོ། །དེ་མ་ཐག་ཏུ་ས་གཡོ་བ་ལ་སོགས་པའི་ལྟས་ཀྱིས་སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་འདི་དག་ནི་ཤིན་ཏུ་འཁྲུགས་པར་གྱུར་ཏོ། །གསུམ་པ་ནི། དེ་ནས་ཀུན་དགའ་བོས་ཞག་བདུན་གྱི་བར་དུ་སྐུ་
གདུང་ཞུགས་ལ་བཞེན་པའི་ཉེར་བསྡོགས་རྣམས་བཤམས་ཏེ། བདུན་པ་ལ་གྱད་ཀྱི་ཆུང་མ་དང་བུ་མོ་རྣམས་ཀྱིས་བླ་རེ་བྲེས་པ་དང་། གྱད་གཞོན་ནུ་རྣམས་ཀྱི་ས་ནི་ཁྱོགས་བཏེག་པ་དང་། ལྷ་བྱེ་བ་ཁྲག་ཁྲིག་དུ་མ་རྣམས་ཀྱིས་ནི་དྲི་དང་། ཕྲེང་བ་དང་། མེ་ཏོག་དང་། བདུག་པ་དང་། སིལ་
སྙན་རྣམ་པ་སྣ་ཚོགས་ཀྱིས་བཀུར་སྟི་དང་བཅས་ཏེ། རྩྭ་ཅན་གྱི་ནུབ་སྒོ་ནས་དབུས་སུ་ཞུགས་ཤིང་ཤར་སྒོ་ནས་འཐོན་ཏེ་ཆུ་བོ་དབྱིག་ལྡན་བརྒལ་བའི་ཕ་རོལ། གྱད་ཀྱི་དབུ་རྒྱན་བཏགས་པའི་མཆོད་རྟེན་གྱི་དྲུང་ག་ལ་བ་དེར་བཞུགས་སུ་གསོལ་ལོ། །དེ་ནས་གྱད་གཞོན་ནུ་རྣམས་ཀྱིས་སྐུ་

213-1-49a

གདུང་ཤིང་བལ་གྱི་འདའ་བ་དང་། རས་ཟུང་ལྔ་བརྒྱས་གཡོགས་ཏེ་ལྕགས་ཀྱི་སྒྲོམ་བུར་བཅུག་ནས་འབྲུ་མར་གྱིས་བཀང་བ་ཁ་བཀབ་སྟེ། དྲི་ཞིམ་པོའི་ཤིང་སྤུངས་པ་དང་ལྷན་ཅིག་ཏུ་ཞུགས་ལ་བཞེན་པར་བརྩམས་ཀྱང་མེ་འབར་བར་མ་གྱུར་ཏོ། །ཇི་ཙམ་ཞིག་ཏུ་
རྒྱལ་པོའི་ཁབ་ནས་གནས་བརྟན་འོད་སྲུངས་ཆེན་པོ་འཁོར་ལྔ་བརྒྱ་དང་བཅས་ཏེ་བྱོན་པས་ལྷགས་ནས་སྒྲོམ་གྱི་ཁ་ཕྱེ་ཞིང་ཤིང་དང་རས་བལ་རྣམས་ལེགས་པར་བསལ་ནས་སྐུ་མ་ཉམས་པ་ལ་ཕྱག་བྱས་ཏེ། དེ་ནས་ཞུགས་འབུལ་བར་བྱེད་པའི་ཉན་ཐོས་ཆེན་པོ་རྣམས་ནི་འདི་ལྟ་སྟེ། ཀུན་ཤེས་
ཀོོཎྜི་ནྱ་དང་། སྐུལ་བྱེད་དང་། སྟོབས་བཅུ་འོད་སྲུངས་དང་། འོད་སྲུངས་ཆེན་པོ་སྟེ་བཞིས་ཤིང་བལ་གྱི་འདའ་བ་གཞན་ཡང་བསབས་ཏེ་གཡོགས་པ་ལ་སོགས་པ་སྔ་མ་ཇི་ལྟ་བ་བཞིན་དུ་བྱས་ནས་བཞག་པས་མེ་རང་འབར་དུ་བྱུང་སྟེ་ཚིག་པར་གྱུར་ཏོ། །དེ་ནས་མེ་དེ་འོ་མའི་ཆབ་ཀྱིས་བསད་
པ་ལས། མེ་ཏོག་གསེར་ཅན་དང་། སེར་སྐྱ་དང་། རྟ་དོན་དང་། ཨུ་དུམྺཱ་ར་བཞི་སྐྱེས་སོ། །དེ་ནས་སྒྲོམ་བུ་ཁ་ཕྱེ་ནས་བལྟས་པའི་ཚེ་གདུང་ཡུངས་འཐུ་ལྟ་བུའི་རིང་བསྲེལ་གྱི་ཕུང་པོར་གྱུར་པ་དང་། རས་ཟུང་ཐམས་ཅད་ཀྱིའང་ཕྱི་མ་ཤོས་དང་ནང་མ་ཤོས་གཉིས་པོ་མ་ཚིག་པར་གནས་
པ་དང་བཅས་པ་གྱད་རྣམས་ཀྱིས་གྲོང་ཁྱེར་ཀྱི་དབུས་སུ་སྤྱན་དྲངས་ནས་བཞུགས་སུ་གསོལ་ལོ། །དེའི་ཚེ་ཕྱོགས་ཀྱི་རྒྱལ་པོ་ལ་སོགས་པས་སོ་སོའི་གནས་སུ་སྐུ་གདུང་གི་མཆོད་རྟེན་བརྩིགས་པའི་ཕྱིར་དང་དུས་སྟོན་བྱ་བའི་ཕྱིར་རིང་བསྲེལ་གྱི་སྐལ་བ་ལེན་དུ་བྱུང་བ་རྣམས་ལ་ཆ་བརྒྱད་དུ་བགོས་ཏེ་སོ་སོར་
བྱིན་ནོ། །དེ་ལྟར་ཡང་ལུང་ལས། སྤྱན་ལྡན་སྐུ་གདུང་བྲེ་བོ་བརྒྱད་དག་ལས། །བཏུན་ནི་ཛམྦུའི་གླིང་པའི་མཆོད་པར་ཐོབ། །སྐྱེས་བུ་མཆོག་དེའི་བྲེ་བོ་གང་ཞིག་ནི། །གྲོང་ཁྱེར་སྒྲ་སྒྲོགས་ཀླུ་ཡི་རྒྱལ་པོས་མཆོད། །སྐྱེས་མཆོག་དེ་ཡི་མཆེ་བ་བཞི་དག་ལས། །མཆེ་བ་གཅིག་ནི་རྩ་
གསུམ་འཇིག་རྟེན་མཆོད། །གཉིས་པ་ཚིག་འཛིན་གྲོང་ཁྱེར་ཡིད་འོང་ན། །གསུམ་པ་ཀ་ལིང་རྒྱལ་པོའི་ཡུལ་ན་སྟེ། །སྐྱེས་མཆོག་དེ་ཡི་མཆེ་བ་བཞི་པ་ནི། །གྲོང་ཁྱེར་སྒྲ་སྒྲོགས་ཀླུ་ཡི་རྒྱལ་པོས་མཆོད། །མྱ་ངན་མེད་རྒྱལ་སྐྱ་སྣར་བུར་གནས་པས། །མཆོད་རྟེན་བདུན་པོ་རྒྱ་

213-1-49b

ཆེར་སྤེལ་བྱས་ཏེ། །དེ་ཡི་མཐུ་ཡིས་དབྱིག་འཛིན་འདིར་ཡང་ནི། །སྨོན་ལམ་དངོས་པོས་མངོན་པར་བརྒྱན་གྱུར་ཏེ། །འདི་ལྟར་སྤྱན་ལྡན་སྐུ་གདུང་དེ་ལ་ནི། །ལྷ་དབང་ཀླུ་དབང་མི་ཡི་དབང་པོ་དང་། །མི་དང་ཀླུ་དང་གནོད་སྦྱིན་བདག་པོ་ཡིས། །རབ་ཏུ་བཀུར་ནས་བཀུར་སྟེ་མཆོད་པ་
བྱས། །ཞེས་སོ། །གཉིས་པ་ཆོས་ཀྱི་འཁོར་ལོ་ཇི་ལྟར་བསྐོར་བ་ལ། མཚན་ཉིད་ཐེག་པའི་ཆོས་ཀྱི་འཁོར་ལོ་ཇི་ལྟར་བསྐོར་བ་དང་། རྡོ་རྗེ་ཐེག་པའི་ཆོས་ཀྱི་འཁོར་ལོ་ཇི་ལྟར་བསྐོར་བའོ། །དང་པོ་ལ་རིམ་ཅན་དུ་འདོད་པ་བརྗོད་པ་དང་། ཅིག་ཅར་དུ་འདོད་པ་བརྗོད་པའོ། །དང་
པོ་ནི་བཅོམ་ལྡན་འདས་ཀྱིས་ཆོས་ཀྱི་འཁོར་ལོ་རིམ་པ་ཅན་དུ་བསྐོར་བ་ཡིན་ཏེ། འདི་ལྟར་ཡུལ་ཝ་རཱ་ཎ་སཱིར་ལྔ་སྡེ་ལ་སོགས་པའི་གདུལ་བྱ་ཉན་ཐོས་ཀྱི་ཐེག་པ་ལ་ཞུགས་པ་རྣམས་དྲང་བའི་དོན་དུ་དང་པོ་བདེན་པ་རྣམ་པ་བཞིའི་ཆོས་ཀྱི་འཁོར་ལོ་ལན་གསུམ་དུ་བཟླས་པའི་ཚུལ་དུ་བསྐོར་རོ། །དེའང་
ཇི་ལྟར་ན་དགེ་སློང་དག་ཁུར་ཡང་ཡོད། ཁུར་ཁྱེད་པ་པོ་ཡང་ཡོད་ཅེས་གཟུང་བ་དང་འཛིན་པ་ཡོད་པར་གསུངས་ཏེ། དེ་ལྟ་མ་ཡིན་ན་ནི་སྐྲག་པར་འགྱུར་བའི་ཕྱིར་དེ་ལྟར་དུ་བསྟན་ནོ། །དེས་ནི་མེད་པར་འཛིན་པ་ལས་བཟློག་པར་བྱས་པས། ཡོད་པར་འཛིན་པ་ཤས་ཆེ་བར་གྱུར་ཏོ། །དེ་
ནས་གནས་བྱ་རྒོད་ཕུང་པོའི་རི་བོ་ལ་སོགས་པ་ན་གདུལ་བྱ་ཐེག་པ་ཆེན་པོ་ལ་ཡང་དག་པར་ཞུགས་པ་རྣམས་ཀྱི་དོན་དུ། བར་པ་མཚན་ཉིད་མེད་པའི་ཆོས་ཀྱི་འཁོར་ལོ་བསྐོར་རོ། །དེའང་ཇི་ལྟར་ན་གཟུགས་ནས་བརྩམས་ཏེ་རྣམ་པ་ཐམས་ཅད་མཁྱེན་པའི་བར་ཀྱི་ཆོས་ཐམས་ཅད་ངོ་བོ་ཉིད་མེད་པའི་
སྟོང་པ་ཉིད་དུ་སྟོན་པར་བྱེད་པ་ཤེས་རབ་ཀྱི་ཕ་རོལ་ཏུ་ཕྱིན་པ་རྣམས་བསྟན་ཏོ། །དེས་ནི་ཡོད་པར་འཛིན་པ་ལས་བཟློག་པར་བྱས་པས་ཆོས་ཐམས་ཅད་མེད་པར་འཛིན་པར་ཤས་ཆེ་བར་གྱུར་ཏོ། །དེ་ནས་ཡུལ་མཉན་དུ་ཡོད་པ་ལ་སོགས་པ་ན་གདུལ་བྱ་ཐེག་པ་ཐམས་ཅད་ལ་ཡང་དག་པར་
ཞུགས་པ་རྣམས་ཀྱི་དོན་དུ། ཐ་མ་ལེགས་པ་རྣམ་པར་ཕྱེ་བའི་ཆོས་ཀྱི་འཁོར་ལོ་བསྐོར་རོ། །དེ་ནི་ཇི་ལྟར་ཞེ་ན། ཆོས་ཀྱི་འཁོར་ལོ་སྔ་མ་དེ་གཉིས་ནི་ཡོད་པར་འཛིན་པ་དང་མེད་པར་འཛིན་པ་ཤས་ཆེ་བས་དྲང་བའི་དོན་རྩོད་པ་ཅན་ཡིན་ལ། ཐ་མ་འདིས་ནི་ཀུན་བརྟག་མེད། གཞན་དབང་ཀུན་

213-1-50a

རྫོབ་ཏུ་ཡོད། ཡོངས་སུ་གྲུབ་པ་གཉིས་དོན་དམ་པ་ཉིད་དུ་ཡོད་པར་བསྟན་པས་མཐའ་གཉིས་སུ་འཛིན་པར་བཟློག་པ་དབུ་མའི་ལམ་ཡིན་པའི་ཕྱིར། དེས་དོན་རྩོད་པ་དང་བྲལ་བ་ཡིན་ཏེ། དེ་ལྟར་ནི་རྣལ་འབྱོར་སྤྱོད་པ་དག་འདོད་ཅིང་། དེའང་ཇི་སྐད་དུ་འཕགས་པ་
དགོངས་པ་ངེས་པར་འགྲེལ་པ་ལས། དེ་ནས་བཅོམ་ལྡན་འདས་ལ་དོན་དམ་ཡང་དག་འཕགས་ཀྱིས་འདི་སྐད་ཅེས་གསོལ་ཏོ། །བཅོམ་ལྡན་འདས་ཀྱིས་དང་པོ་ཡུལ་ཝཱ་རཱ་ཎ་སཱིར་དྲང་སྲོང་ལྷུང་བ་རི་དྭགས་ཀྱི་ནགས་སུ་ཉན་ཐོས་ཀྱི་ཐེག་པ་ལ་ཡང་དག་པར་ཞུགས་པ་རྣམས་ལ་འཕགས་པའི་
བདེན་པ་བཞི་རྣམ་པར་བསྟན་པས་ཆོས་ཀྱི་འཁོར་ལོ་ངོ་མཚར་རྨད་དུ་བྱུང་བ་སྔོན་ལྷར་གྱུར་པའམ། མིར་གྱུར་པ་སུས་ཀྱང་ཆོས་དང་མཐུན་པར་འཇིག་རྟེན་དུ་མ་བསྐོར་བ་ཅིག་རབ་ཏུ་བསྐོར་ཏེ། བཅོམ་ལྡན་འདས་ཀྱིས་ཆོས་ཀྱི་འཁོར་ལོ་བསྐོར་བ་དེ་ཡང་བླ་ན་མཆིས་པ། སྐབས་མཆིས་པ་
དྲང་བའི་དོན། རྩོད་པའི་གཞིའི་གནས་སུ་གྱུར་པ་ལགས་ལ། བཅོམ་ལྡན་འདས་ཀྱི་ཆོས་ཐམས་ཅད་ངོ་བོ་ཉིད་མ་མཆིས་པ་ཉིད་ལས་བརྩམས་ཏེ། སྐྱེ་བ་མ་མཆིས་པ་དང་། འགག་པ་མ་མཆིས་པ་དང་། གཟོད་མ་ནས་ཞི་བ་དང་། རང་བཞིན་གྱིས་ཡོངས་སུ་མྱ་ངན་ལས་
འདས་པ་ཉིད་ལས་བརྩམས་ནས་ཐེག་པ་ཆེན་པོ་ལ་ཡང་དག་པར་ཞུགས་པ་རྣམས་ལ་སྟོང་པ་ཉིད་སྨོས་པའི་རྣམ་པས་ཆེས་ངོ་མཚར་རྨད་དུ་བྱུང་བའི་ཆོས་ཀྱི་འཁོར་ལོ་གཉིས་པ་བསྐོར་ཏེ། བཅོམ་ལྡན་འདས་ཀྱིས་ཆོས་ཀྱི་འཁོར་ལོ་བསྐོར་བ་དེ་ཡང་བླ་ན་མཆིས་པ་། སྐབས་མཆིས་པ་དྲང་པའི་
དོན་རྩོད་པའི་གཞིའི་གནས་སུ་གྱུར་པ་ལགས་ལ། བཅོམ་ལྡན་འདས་ཀྱིས་ཆོས་རྣམས་ཀྱི་ངོ་བོ་ཉིད་མ་མཆིས་པ་ཉིད་ལས་བརྩམས་ཏེ། སྐྱེ་བ་མ་མཆིས་པ་དང་། འགག་པ་མ་མཆིས་པ་དང་། གཟོད་མ་ནས་ཞི་བ་དང་། རང་བཞིན་གྱིས་ཡོངས་སུ་མྱ་ངན་ལས་འདས་པ་ཉིད་ལས་
བརྩམས་ནས་ཐེག་པ་ཐམས་ཅད་ལ་ཡང་དག་པར་ཞུགས་པ་རྣམས་ལ་ལེགས་པར་རྣམ་པར་ཕྱེ་བ་དང་ལྡན་པ་ངོ་མཚར་རྨད་དུ་བྱུང་བའི་ཆོས་ཀྱི་འཁོར་ལོ་གསུམ་པ་བསྐོར་རོ། །བཅོམ་ལྡན་འདས་ཀྱིས་ཆོས་ཀྱི་འཁོར་ལོ་བསྐོར་བ་འདི་ནི་བླ་ན་མ་མཆིས་པ། སྐབས་མ་མཆིས་པ། ངེས་

213-1-50b

པའི་དོན་ལགས་ཏེ། རྩོད་པའི་གཞིའི་གནས་སུ་གྱུར་པ་མ་ལགས་སོ་ཞེས་གསུངས་སོ། །ངོ་བོ་ཉིད་མེད་པར་སྨྲ་བ་དག་ནི། དེ་ཉིད་ཚོལ་བས་ཐོག་མར་ནི། །ཐམས་ཅད་ཡོད་ཅེས་བརྗོད་པར་བྱ། །འདི་ཉིད་རིག་འདོད་དེ་ནས་ནི། །ཕྱི་ནས་རྣམ་པར་དབེན་པ་ཉིད། །ཅེས་པས་ཐ་
མ་མཚན་ཉིད་མེད་པའི་ཆོས་ཀྱི་འཁོར་ལོ་ཡིན་པར་འདོད་དོ། །གང་ལྟར་ཡང་གདུལ་བྱ་རིམ་གྱིས་དྲང་དགོས་པ་རྣམས་ཀྱི་ངོར་ཆོས་ཀྱི་འཁོར་ལོ་གསུམ་རིམ་པ་ཅན་དུ་བསྐོར་བའི་ལུགས་སོ། །གཉིས་པ་ནི། བཅོམ་ལྡན་འདས་ཀྱི་གསུང་གཅིག་གིས་དུས་ཐ་དད་པ་མེད་པ་ཉིད་དུ་གསུངས་པ་
ཡིན་ནའང་གདུལ་བར་བྱ་བའི་སེམས་ཅན་གྱི་མོས་པ་ཐ་དད་པ་དང་རྗེས་སུ་འཚམ་པར་ཆོས་མི་འདྲ་བ་གསུམ་དུ་གོ་བ་ནི་ཡང་དག་པ་ཉིད་དེ། དགོངས་པ་ལུང་སྟོན་པ་ལས། རྟོག་པ་མེད་ཅིང་འཁྲུལ་མེད་པ། །ཡིད་འོང་རྡོ་རྗེའི་ཚིག་གཅིག་པུ། །གདུལ་བྱའི་བསམ་པའི་དབང་གིས་
ནི། །བྱེ་བྲག་མང་པོར་འགྱུར་བ་ཡིན། །ཞེས་དང་། མདོ་སྡེ་རྒྱན་ལས་ཀྱང་། སྔར་ལུང་མ་བསྟན་ལྷན་ཅིག་བྱུང་། །ཞེས་གསུངས་སོ། །དེ་ལྟར་དུ་བཤད་པའི་ཚུལ་འདིས་ནི་གོང་གི་དགོངས་པ་ངེས་པར་འགྲེལ་བའི་ལུང་དང་མི་མཐུན་པ་ཉིད་དུ་ཡང་མི་འགྱུར་ཏེ། དེ་ནས་ཀྱང་
ཆོས་ནི་ཐ་དད་པར་གསུངས་པ་ཉིད་དུ་བསྟན་མོད་ཀྱི། དུས་དང་གནས་དག་ནི་ཐ་དད་པ་ཅི་ཡང་བསྟན་པ་མེད་པའི་ཕྱིར་རོ། །དེ་བས་ན་སྟོན་པའི་གསུང་གཅིག་ཉིད་ཀྱིས་དུས་གཅིག་ཏུ་ཆོས་ཐ་དད་པ་མང་པོ་གསུངས་པར་གོ་བ་ནི་གསུང་གི་བཀོད་པས་ཆོས་སྟོན་པ་ཞེས་བྱ་བ་ཡིན་ནོ། །དེ་
བཞིན་དུ་དུས་གཅིག་ལ་གནས་ཐ་དད་དག་ན་སྐུ་ཐ་དད་པར་བཞུགས་པར་སྣང་བ་ནི་སྐུའི་བཀོད་པས་སེམས་ཅན་གྱི་དོན་མཛད་པ་ཞེས་བྱ་བ་ཡིན་ནོ། །ངེས་པའི་དོན་དུ་ནི་དེ་བཞིན་གཤེགས་པས་ངག་ཀུན་ནས་སློང་བའི་བག་ཆགས་མ་ལུས་པ་ཡོངས་སུ་སྤངས་པའི་ཕྱིར་མངོན་པར་རྫོགས་
པར་སངས་རྒྱས་པ་ནས་མཐར་མྱ་ངན་ལས་འདས་པའི་བར་ལ་ཚིག་གམ་ཡི་གེ་གཅིག་ཀྱང་མ་གསུངས་ཏེ། དཀོན་མཆོག་བརྩེགས་པའི་མདོ་ལས། ཕྱག་ན་རྡོ་རྗེས་ཞི་བའི་བློ་གྲོས་ལ་སྨྲས་པ། ཞི་བའི་བློ་གྲོས་དེ་བཞིན་གཤེགས་པས་ཡི་གེ་གཅིག་ཀྱང་མ་གསུངས་སོ། །མ་བརྗོད་དོ།

213-1-51a

ཞེས་སྔར་ཁོ་བོས་མ་བཤད་དམ། དེ་ལྟ་མོད་ཀྱི་སྨོན་ལམ་གྱི་དབང་གིས་དེ་བཞིན་གཤེགས་པའི་གསུང་སེམས་ཅན་རྣམས་ཀྱིས་དམིགས་སོ། །སྨྲས་པ། གསུངས་ན་ཉེས་པ་ཅི་ཡོད། ངག་གི་ལས་ཀྱི་ཉེས་པར་འགྱུར་རོ། །སྨྲས་པ། ངག་གི་ལས་
ལས་ཉེས་པ་ཅི་ཞིག་འབྱུང་། ཡི་གེ་ལ་སེམས་པས་བཀླགས་པའི་ཉེས་པར་འགྱུར་རོ། །སྨྲས་པ། ཉེས་པ་མེད་པ་གང་ཡིན། གང་མི་སྨྲ་མི་བརྗོད་པ་དེ་ལ་རྣམ་པར་རིག་པ་གང་ཡང་མེད་དོ། །རྣམ་པར་རིག་པ་མེད་པ་ཉིད་ནི་ཉེས་པ་མེད་པའོ། །གང་བདག་ལ་རྣམ་པར་རིག་
པར་མི་བྱེད་པ་དང་། གཞན་ལ་རྣམ་པར་རིག་པར་མི་བྱེད་པ་དེ་ནི་ཉེས་པ་མེད་པའོ་ཞེས་གསུངས་སོ། །དེ་བས་ན་དེ་བཞིན་གཤེགས་པ་ངག་ཀུན་ནས་སློང་བའི་བག་ཆགས་མི་མངའ་བས། ནང་གི་ཤེས་པ་ཕྱི་རོལ་གྱི་སྒྲ་ཞེན་པ་ཡོངས་སུ་སྤངས་བཞིན་དུ་སྔོན་གྱི་སྨོན་ལམ་གྱི་མཐུ་དང་ཡེ་
ཤེས་ཀྱི་སྟོབས་དང་། གདུལ་བྱ་རྣམས་ཀྱི་མོས་པའི་དབང་ལས་དམ་པའི་ཆོས་ཀྱི་སྣང་བ་སྣ་ཚོགས་པ་དག་བྱུང་བ་ཡིན་ཏེ། དེ་ཉིད་ལས། ཇི་ལྟར་སིལ་སྙན་འཁྲུལ་འཁོར་བྱས། །རླུང་གིས་བསྐྱོད་པའི་སྒྲ་འབྱུང་བ། །སྒྲ་འབྱིན་བྱེད་པ་འགའ་ཡང་མེད། །འོན་ཀྱང་སྒྲ་རྣམས་དེ་
དག་འབྱུང་། །དེ་བཞིན་སྔོན་ཆད་རྣམ་དག་ཕྱིར། །སེམས་ཅན་རྣམས་ཀྱི་བསམ་པས་བསྐྱོད། །སངས་རྒྱས་ཀྱི་ནི་གསུང་འབྱུང་ཡང་། །འདི་ལ་དེ་ནི་རྟོག་མི་མངའ། །ཇི་ལྟར་བྲག་ཆ་རྣམས་ཀྱི་སྒྲ། །ནང་དང་ཕྱི་རོལ་མི་གནས་པ། །དེ་ལྟར་མི་ཡི་དབང་པོའི་གསུང་། །ནང་དང་ཕྱི་རོལ་
མི་གནས་སོ། །ཇི་ལྟར་རིན་ཆེན་མི་རྟོག་པར། །སྣང་བས་སེམས་ཅན་ཚིམ་བྱེད་པ། །དེ་ལྟར་རྒྱལ་བ་མི་རྟོག་གསུང་། །སྒྲ་ཀུན་རབ་ཏུ་རྫོགས་པར་བྱེད། །ཅེས་གསུངས་སོ། །གཉིས་པ་ཐུན་མོང་མ་ཡིན་པ་རྡོ་རྗེ་ཐེག་པའི་ཆོས་ཀྱི་འཁོར་ལོ་ཇི་ལྟར་བསྐོར་བ་ནི། སྤྱིར་གསང་བསྔགས་
ཀྱི་རྒྱུད་སྡེ་རིན་པོ་ཆེ་མཐའ་དག་ཀྱང་ཇི་ལྟར་བཤད་མ་ཐག་པའི་ཚུལ་དེ་ལྟ་བུས་བསྐལ་པ་བཟང་པོའི་འདྲེན་པ་བཞི་པ་ཤཱཀྱ་ཐུབ་པའི་སྔ་རོལ་གྱི་དུས་ན་སྤྲུལ་པའི་སྐུ་མཆོག་གི་རྣམ་པས་ལེགས་པར་གསུངས་ཟིན་པ་ལ། སླར་ཡང་ཤཱཀྱ་ཐུབ་པ་ཉིད་ཀྱིས་བཟླས་ནས་གསུངས་པ་དག་

213-1-51b

ཀྱང་ཡོད་དེ། དཔེར་ན་ཕྱག་ན་རྡོ་རྗེ་དབང་བསྐུར་བའི་རྒྱུད་གཞི་དང་སྙིང་པོ་མེ་ཏོག་གི་རྒྱན་གྱིས་བརྒྱན་པར་ཀུན་ཏུ་བཟང་པོ་དབང་བསྐུར་བའི་གླེང་གཞི་གསུངས་ནས། སླར་ཡང་མི་མཇེད་ཀྱི་ཞིང་དུ་ཕྱག་ན་རྡོ་རྗེ་དབང་བསྐུར་བ་གསུངས་པ་ལྟ་བུའོ། །ཕྱི་ནས་བཟླས་ཏེ་གསུངས་པ་མ་
ཡིན་པ་དག་ཀྱང་ཡོད་དེ། དཔེར་ན་བདེ་མཆོག་གི་རྒྱུད་ནི་བསྐལ་པ་འཇིག་པའི་དུས་སུའང་དཔའ་བོ་དང་དཔའ་མོ་རྣམས་ཀྱི་ཉམས་སུ་བླངས་ཏེ་མ་ནུབ་པ་ཉིད་དུ་ཡོད་པར་བཤད་པ་ལྟ་བུའོ། །གཞན་པ་མང་པོ་ཞིག་ནི་ཤཱཀྱ་ཐུབ་པ་རང་ཉིད་དང་དེའི་རྣམ་པར་འཕྲུལ་པའམ་གཞན་དག་
བྱིན་གྱིས་བརླབས་ནས་དེས་གསུངས་པ་དག་ཀྱང་ཡོད་དེ། དཔེར་ན་འདུས་པའི་རྒྱུད་ཆེན་པོ་ལ་སོགས་པའི་རྒྱུད་སྡེ་ཕལ་ཆེ་བ་རྣམས་ལྟ་བུའོ། །གལ་ཏེ་ཐུབ་པ་འདིའི་གོང་དུ་སྔགས་ཀྱི་ལམ་ཡོད་པར་གྱུར་ན་ནི་གསང་བ་འདུས་པ་ལས། བཅོམ་ལྡན་འདས་དེ་བཞིན་གཤེགས་
པ་ཐམས་ཅད་སྔོན་བྱུང་བ་བརྗོད་ཀྱིས་མི་ལང་བའི་སངས་རྒྱས་ཀྱི་ཞིང་རྡུལ་ཕྲ་རབ་དང་མཉམ་པའི་བསྐལ་པ་ཡང་འདས། བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་མར་མེ་མཛད་འདས་པ་ནས་ཐུབ་པ་ཆེན་པོ་འོད་སྲུངས་སངས་རྒྱས་པའི་
བར་གྱིས་ཀྱང་མ་གསུངས་པར་བཤད་པ་དང་ཅིའི་ཕྱིར་མི་འགལ་སྙམ་ན། དེ་ནི་དེའི་ཆེ་བ་བརྗོད་པའི་ཕྱིར་ཡིན་གྱི་གསང་བསྔགས་ཀྱི་ཐེག་པ་ནི་དུས་གསུམ་དུ་གཤེགས་པའི་རྒྱལ་བ་ཐམས་ཅད་ཀྱང་གསུངས་པ་དང་གསུང་པར་འགྱུར་བའི་ཆོས་ཡིན་ཏེ། དེ་ལྟར་ཡང་འཇམ་དཔལ་
མཚན་བརྗོད་ལས། འདས་པའི་སངས་རྒྱས་རྣམས་ཀྱིས་གསུངས། །མ་འོངས་རྣམས་ཀྱང་གསུང་འགྱུར་ལ། །ད་ལྟར་བྱུང་བ་རྫོགས་སངས་རྒྱས། །ཡང་དང་ཡང་དུ་གསུངས་པ་གང་། །ཞེས་འབྱུང་པ་ནི་ངེས་པའི་དོན་དུ་བཤད་པ་ཉིད་ཀྱིས་སོ། །དེ་དག་གིས་ནི་བསྟན་པ་དང་པོ་ཇི་
ལྟར་བྱུང་བ་བརྗོད་ཟིན་ཏོ། །འདིར་སྨྲས་པ། [ཐོབ་བྱེད་ཀྱི་རྒྱུ།] འཇིག་རྟེན་མགོན་པོ་གྲངས་མེད་མཉེས་བྱས་ཤིང་། །ཞིང་རབ་སྦྱངས་དང་སེམས་ཅན་ཡོངས་སྨིན་པའི། །སྤྱོད་མཆོག་སྨོན་ལམ་ཡངས་པའི་ཚོགས་དག་གིས། །བསྐལ་པ་དཔག་ཏུ་མེད་པར་བསྒྲུབས་པའི་ཞིང་། །ཡོན་

213-1-52a

ཏན་མི་ཟས་དཔལ་ཀུན་སྟུག་པོ་རུ། །བཀོད་པའི་ཡ་མཚན་ཕ་རོལ་མ་མཐོང་བར། །རྒྱལ་བའི་མྱུ་གུ་རྣམས་ནི་ཆོས་སྤྲིན་རྩེར། །ལངས་ཏེ་ཡེ་ཤེས་མིག་གིས་བལྟ་བ་སྙམ། །ཞིང་གི་རྒྱལ་པོ་དེ་བདག་གསང་བ་གསུམ། །མི་ཟང་རྒྱན་གྱི་འཁོར་ལོར་གྲུབ་པའི་སྐུ། །
ཐེག་གཞན་ཟིལ་གྱིས་ [སེམས་ལྡན་རབ་རྟོག] གནོན་པའི་ཆོས་རྫོགས་པར། །ལོངས་སུ་སྤྱོད་དང་འབྱིན་པར་ལྷུན་གྱིས་གྲུབ། །མི་ཤིགས་སྐུ་ཡི་བ་སྤུའི་འཁྲི་ཤིང་གི། །སྐྱེ་བ་རེ་ཡང་སངས་རྒྱས་སྤྲུལ། [ཡོན་ཏན་གྱི་རང་བཞིན་བརྗོད་པ།] པའི་སྐུས། །རྩན་པ་རབ་འབྱམས་ཞིང་གི་རྣམ་པ་ཉིད། །སྣང་
མཛད་སྒྱུ་མའི་རྒྱལ་པོ་བཅོམ་ལྡན་འདས། །གང་དེ་འཁོར་བ་མྱ་ངན་ལས་འདས་པ། །ཀུན་གྱི་ཁྱབ་བདག་བླ་ནས་བླ་མ་རུ། །[འབྱོར་བ་རྒྱ་ཆེ་བ།] ཡོངས་སུ་ལུད་པའི་གོ་འཕང་རྟག་པ་དེ། །གྲངས་མེད་བསྐལ་བ་ཉིད་ནས་མངོན་དུ་མཛད། །འོན་ཏེ་ཡེ་ཤེས་དག་པའི་གཏེར་གྱི་རླབས། །ཆོས་ཀྱི་
དབྱིངས་མཐར་ཀླས་པའི་ཞིང་ཁམས་སུ། །[བསམ་པ་རྒྱ་ཆེ་བ།] འགྲོ་བ་ཡོངས་སུ་སྨིན་ཕྱིར་སྤྲུལ་པའི་སྐུ། །ལྷུན་གྲུབ་ཟློས་པའི་གར་ལ་ཆོག་ཤེས་མེད། །གང་ཕྱིར་ཐུབ་པའི་སྤྱན་སྔར་ཐོག་མའི་སེམས། །བྱང་ཆུབ་མཆོག་ཏུ་འདུན་དང་འཇུག་པ་ཡི། །གཡར་དམ་བརྟན་པའི་གོ་ཆ་ལུས་མེད་ཀྱི། །
ནུས་པ་ཡོངས་སུ་འགོངས་པ་ཉིད་དུ་བགོས། །ཟབ་ཅིང་ཡངས་པའི་ཚོགས་ཀྱི་རྐང་པ་དག །མི་ཟད་བརྒྱད་ཅུའི་ལམ་དུ་བཀོད་པ་ཡིས། །བསྐལ་བ་ [ཡན་ལག་གཅིག་པའི་གཟུགས་ཅན།] གྲངས་མེད་གསུམ་གྱི་ཐང་མོ་ཆེ། །སྙིང་སྟོབས་དོ་ཟླ་མེད་པའི་ཤུགས་ཀྱིས་བརྒལ། །གོང་ནས་གོང་མའི་ཐེམ་བ་
འགོངས་ཙན་གྱིས། །ཡོན་ཏན་བརྒྱ་སྟོང་ལ་ [མ་བསྡུས་པའི་གཟུགས་ཅན།] སོགས་བསྒྱུར་བའི་ས། །ཆོས་སྤྲིན་རྩེ་མོ་ལ་ཆགས་སྐྱེ་མཐའ་ཡི། །རྒྱལ་སྲས་ཚུལ་གྱི་སྤྱོད་པས་གདུལ་བ་བཏུལ། །ལུས་མེད་ཐུལ་བ་མང་པོས་བྱང་ཆུབ་པའི། །བྱིན་རླབས་སྔགས་ཀྱིས་ [རིགས་བརྗོད་པ་བར་གྱི་གསལ་བྱེད།] ལེགས་
བཏབ་རྡོ་རྗེའི་གདན། །གང་དུ་དཔའ་བས་བགྲོད་བྱེད་རྡོ་རྗེ་ཡི། །སྐྱིལ་ཀྲུང་མདུད་པ་བོར་བ་གཅིག་ཅིག་ཏུ། །[མི་ལྡན་པའི་གཟུགས་ཅན།] བྱང་ཆུབ་སྙིང་པོ་ལེན་པ་དམ་བཅའི་མཁའ། །[ཡན་ལག་གཅིག་པའི་གཟུགས་ཅན།] བརྟན་པ་དེ་ལ་འགྲ་འདོད་སོག་ལེའི་སོ། །སྙིང་ལ་ཡོངས་སུ་རྫོགས་པའི་ཡིད་

213-1-52b

སྲུང་དཔུང་། །བྱེ་བ་ཁྲག་ཁྲིག་ལྷགས་པའི་གཡུལ་གྱིས་གཙེས། གང་ཚེ་བཟོད་དང་བྱམས་པ་ཆེན་པོ་ཡིས། །བཞིན་གྱི་དཀྱིལ་འཁོར་བཀྲུས་པའི་འཇུམ་བསུ་བས། །རྩུབ་མོའི་མཚོན་ཆ་རྣམས་ཀྱང་མེ་ཏོག་གི། །རྒྱན་དུ་ལེན་པ་ཙམ་གྱིས་ཕམ་པར་མཛད། །རྒྱུ་དེས་ས་འདི་
དགའ་བ་བརྒྱས་གཡོས་ཏེ། །བདེན་དཔང་ཆེད་དུ་བརྗོད་པ་གླུར་ལེན་ [རབ་སྤེལ་གྱི་རྒྱན།] ཡང་། །འདོད་ལྷའི་སྙིང་ནི་མི་བཟད་མྱ་ངན་གྱིས། །བཙིར་ལ་མ་བཟོད་དབུགས་ནི་ཤུགས་རིང་བརྩེགས། །དེ་མཐོར་ཐུབ་པ་ཁོ་ནའི་ཁྱད་པར་ཆོས། །མཐའ་དག་རྫོགས་ [འགལ་བའི་གསལ་བྱེད།]
པར་བྱེད་པ་འཕྲིན་གྱི་རྔ། །འོག་མིན་བར་དུ་ལུད་པར་བརྡུངས་པ་ལས། །རྒོལ་བ་མེད་པར་ཐམས་ཅད་མཁྱེན་པར་བསྟན། །འཇིག་རྟེན་ཕམ་བདེ་སྒྲུབ་པ་མང་ཡོད་ཀྱང་། །ཐུབ་པ་ [ཡན་ལག་གཅིག་པའི་གཟུགས་ཅན།] ཆོས་ཀྱི་འབྱུང་གནས་འདྲ་བ་མེད། །མཁའ་དབྱིངས་
འོད་ཟེར་འབྱིན་པ་གྲངས་མེད་དབུས། །བདུད་རྩིའི་འོད་ཅན་གཉིས་པ་འདི་ན་སུ། །རིན་ཆེན་འབྱུང་གནས་ཆུ་ནི་སྙིམ་པས་ [ཟླ་བོ་དངོས་པོའི་དཔེ།] དང་། །ཀུན་གསལ་ཕ་རོལ་རྐང་དྲུག་འཕུར་ལྡིང་གིས། །སེམས་ཅན་བསམ་པའི་བྱེ་བྲག་བྱིས་པས་བཞིན། །
ཐུབ་པའི་སྤྱོད་མཐའ་བརྗོད་པས་གཏུགས་པ་མེད། །འོན་ཏེ་དྲི་མེད་ལུང་ [མང་པོའི་དཔེ།] ལས་འབྱུང་བའི་དོན། །ཅུང་ཟད་བྲིས་པ་འདིས་ཀྱང་མཛུབ་མོ་ཡིས། །ནམ་མཁའ་བསྟན་པ་བཞིན་ཏུ་འཇིག་རྟེན་ན། །ཐུགས་རྗེ་ཡངས་པ་དྲན་པའི་རྒྱུ་ཙམ་
བྱེད། །ཐམས་ཅད་མཁྱེན་པ་ཆེན་པོ་ཉི་མའི་གཉེན། [དངོས་པོའི་དཔེ།] གྱི་བཀའ་ལུང་སྤྱི་དང་བྱེ་བྲག་གི་དགོངས་དོན་རྣམ་པར་འགྲེལ་བའི་བསྟན་བཅོལ་གངས་ཅན་པའི་སྐད་དུ་འགྱུར་རོ་འཚལ་གྱི་ཆོས་སྦྱིན་རྒྱུན་མི་འཆད་པའི་ངོ་མཚར་འཕྲུལ་གྱི་ཕྱི་མོ་རྫོགས་
ལྡན་བསྐལ་པའི་བསོད་ནམས་ཀྱི་སྤྲིན་ཕུང་རྒྱས་པར་དཀྲིགས་པའི་ཚུལ་ལས་བརྩམས་པའི་གཏམ་ངོ་མཚར་ཆུ་གཏེར་འཕེལ་བའི་ཟླ་བ་གསར་པ་ལས། ཡིད་ཆེས་བསྐྱེད་པའི་ཆེད་དུ་བསྟན་པ་གང་ལས་བྱུང་བའི་སརྒ་སྟེ་དང་པོའོ།།      །།

213-1-53a

༄། །སྡེབ་སྦྱོར་མཉམ་པའི་བྲྀཏྟ་ཡི་གེ་དགུ་པ་བྲྀ་ཧ་ཏཱི་ར་ངོ་མཚར་རྟོགས་བྱེད་ཀྱི་དགོངས་པས་རབ་ཏུ་དབྱེ་བ་ལྔ་བརྒྱ་བཅུ་གཉིས་སུ་ངེས་པ་ལས་བརྒྱ་ཕྲག་གཅིག་དང་སུམ་ཅུ་རྩ་བདུན་པའི་པྲཱསྟཱ་རས་ཉེ་བར་མཛེས་པའོ། །
༄༅། །ཨ བྷྱཱ ར མྦྷ ཤཱ སྟྲཾ ཀི ཉྩ ཀེ ྅ སཾ ཀ ལྦེ ན ནི ཿ ས མྱ ཀྪུ ཙི སྟ སྨཱ ཡུ ཏྟ རཱ ཥཱཾ བྷཱ ཥ ཎ ཿ ཀཱི རྟྟི ཿ ཤཱ ས ན བྲྀ དྡྷ ཤྩི རེ །
[སྤངས་ནས་མེད་པའི་བྱེད་རྒྱུ།] བརྩམས་པའི་བསྟན་བཅོས་ཅི་དང་ཅིར། །དཔྱད་པས་ཡང་དག་མ་བགྲུངས་མེད། །དེ་ཕྱིར་སྨྲ་བའི་མཆོག་རྣམས་ཀྱི། །གྲགས་པ་བསྟན་པ་སྲིད་དུ་འཕེལ། །

213-1-53b

ཐམས་ཅད་མཁྱེན་པའི་གདུང་འཚོབ་པ། །ཐམས་ཅད་ཀྱི་ནི་བློ་གྲོས་ཀྱང་། །ཐམས་ཅད་མཁྱེན་ལྟར་དག་པའི་ལས། །ཐམས་ཅད་ཕམ་བར་སྨྲ་བ་བྱུང་། །བརྟན་པར་བཅས་པའི་ར་བ་ན། །ཁྲིམས་གཙང་ཙནྡ་ན་ཡི་ཤིང་། །ཚར་དུ་དངར་བས་བསྐྱེད་པའི་དྲི། །གང་ལ་རེག་པ་ 
[གཉི་ཀའི་ཐོག་མར་ཡོད་པ་ཆོད་པའི་ཟུང་ལྡན།] བསིལ་བའི་དཔྱིད། །བདག་དོན་མངོན་པར་ཞེན་པའི་བློ། །འཁོར་བའི་དཔལ་དང་ལྷན་ཅིག་སྤངས། །གཞན་ལ་ཕན་པའི་བྱང་ [སྦྱར་བའི་གཟུགས་ཅན།] ཆུབ་སེམས། །དཀའ་སྤྱད་དག་དང་མཉམ་དུ་བཟུང་། །ཆོས་མངོན་ལ་སྦྱངས་ཤེས་རབ་ཀྱི། །བསླབ་ལྡན་
རྣམས་ཀྱི་མདུན་ས་རུ། །རྨོངས་པའི་རང་གཟུགས་ [བྱ་བ་ལྷན་ཅིག་བརྗོད་པ།] བརྟན་བྱེད་པའི། །ཆོ་ག་ཡིད་སྲུབས་ཀྱིས་མི་ཤེས། །ཐོས་བསམ་སྒོམ་པའི་གྲུ་ཆེན་བསྐྱོད། །སྔགས་གཞུང་རྒྱ་མཚོའི་ཕ་རོལ་དུ། །བརྒལ་བའི་སྙིང་པོ་ལུང་ [འཇིགས་རུང་གི་ཉམས་དང་ལྡན་པ།]  རྟོགས་ཀྱི། །ཡོན་ཏན་
ནོར་བུ་ཅི་ཡང་བླངས། །སྙིང་རྗེས་གཞན་དབང་གྱུར་པ་རྣམས། །རྟག་ཏུ་བདག་དོན་ཁོམ་མ་ཡིན། །དག་བྱེད་ལྡན་པའི་ [བསྡུས་ཤིང་མ་བསྡུས་པའི་གཟུགས་ཅན།] སྤྲིན་གྱི་ཕྲེང་། །ཆུ་རུ་གྲོན་པ་རང་དོན་ནམ། །ཟབ་ཅིང་ཡངས་པ་བདུད་རྩིའི་གཏམ། །མི་ཟད་ཚོགས་ཀྱིས་ཕྱེ་བའི་འཛུམ། །ཚེམས་
དཀར་འོད་ཀྱི་ཐིགས་པ་ [ཁྱད་པར་ལ་གནས་པའི་དོན་གཞན་བཀོད་པ།] དག །སྣང་པའི་མུན་པ་བཀྲུ་ཕྱིར་རྒྱུ། །སེམས་ཅན་ཁམས་ཀྱི་དྲི་མ་གསུམ། །དག་པའི་སྙིང་པོ་སྟེར་བའི་ཆོས། །རིས་སུ་བསྡུས་པའི་སྡེ་སྣོད་ [ཏིང་ངེ་འཛིན་གྱི་ཡོན་ཏན།] བཞིས། །བསྟན་པར་བྱ་བ་བསླབ་པའི་གནས། །མཐའ་དག་འདོམས་
པའི་དབང་ཕྱུག་ཅེས། །མཆོག་ཏུ་ངོ་མཚང་སུ་ཞིག་སྨྲ། །གང་ཕྱིར་ཐུབ་པས་ལུང་བསྟན་པའི། །[རིགས་རང་བཞིན་བརྗོད་པ།] བསྟན་སྐྱོང་ཀུན་གྱི་ལས་འདི་ཡིན། །རིགས་པར་སྨྲ་མཆོག་ལྷ་རྣམས་ཀྱིས། །སྒྲུབ་དང་སུན་འབྱིན་དཔུང་པ་ཡིས། །ལྟ་ངན་འབིགས་བྱེད་རི་བསྙལ་ཏེ། ། [རྒྱུ་འགོག་པ།] དམ་ཆོས་ 
ཉི་མ་རབ་གསལ་བྱས། །[སྐྱེ་བྱེད་འགྲུབ་པའི་རྒྱུ།] རྒྱལ་སྲས་རྣམས་ཀྱི་སོ་སོ་རང་། །རིག་པས་ཇི་བཞིན་མཐོང་བ་དང་། །མི་མཆོག་ཀུན་གྱིས་གཤེགས་པའི་ [སྔོན་བྱུང་གི་གཏམ་དང་སྦྱར་བའི་བསྡུས་པའི་གཟུགས་ཅན།] ལམ། །མ་ནོར་བདེ་བའི་འཕྲིན་དམ་པ། [།བྱ་བ་རང་བཞིན་བརྗོད་པ།] ཕྱི་ནང་རིག་པའི་གཙུག་ལག་སྡེ། །

213-1-54a

བཅུ་ཕྲག་གཅིག་ཏུ་བཅིངས་པ་གང་། །མཐའ་དག་དབྱངས་ཀྱི་རྒྱལ་མོ་ཡང་། །དགྱེས་བསྐྱེད་ཚིག་གི་བསྟན་བཅོས་བྱས། །རབ་རིབ་ཅན་ལ་མིག་གི་དཔལ། །འདའ་ཀ་མ་ལ་མི་ཤིགས་སྲོག །དེ་བཞིན་ཐམས་ཅད་མཁྱེན་འདོད་ལ། །ལེགས་བཤད་
འདྲ་བའི་ཕམ་བྱེད་དཀོན། །ཨེ་མ་ཕན་མཛད་རྣམས་ཀྱི་དྲིན། །ཆེ་བའི་དོ་ཟླར་སྟོང་གསུམ་གྱི། །རི་རབ་ཕྱོགས་གཅིག་སྤུངས་ན་ཡང་། །བྱེད་པོའི་སྲང་ལ་ [མང་པའི་དཔེ།] མཉམ་མི་འགྱུར། །གླེང་བར་བགྱིའོ་སྟོབས་བཅུ་པའི། །བསྟན་པ་སྣང་བྱེད་གང་བྱོན་པ། །བྱོན་པའི་འཕགས་པ་ 
གང་དག་གིས། །བྱ་བ་ཇི་ [མཛེས་པའི་ཡོན་ཏན།] ལྟར་བྱས་པའི་ཚུལ། །སྤྱི་དོན་གཉིས་པ་སྤྲོ་བ་བསྐྱེད་པའི་ཆེད་དུ་བསྟན་སྐྱོང་རྣམས་ཀྱིས་བྱ་བ་བྱས་པ་ལ། བསྡུ་བ་ཇི་ལྟར་བྱས་པ་དང་། འགྲེལ་ [བྱ་བ་ཐོག་མའི་གསལ་བྱེད།] བྱེད་ཇི་ལྟར་བྱོན་པའོ། །དང་པོ་བསྡུ་བ་ཇི་ལྟར་བྱས་པ་ལའང་ཐེག་པ་ཐུན་མོང་
བ་དང་། ཐེག་པ་ཆེན་པོ་གཉིས་ལས། དང་པོ་ཐེག་པ་ཐུན་མོང་བ་ལྟར་ནའང་འདི་ལྟ་སྟེ། སྟོན་པ་ཐུབ་པའི་དབང་པོའི་འཁོར་དགེ་སློང་ཁྲི་བརྒྱད་སྟོང་དང་བཅས་པ་མྱ་ངན་ལས་འདས། དེའི་སྔོན་དུ་ཤཱ་རིའི་བུ་འཁོར་བརྒྱད་ཁྲི་དང་བཅས་པ་དང་། མོོད་གལ་གྱི་བུ་འཁོར་བདུན་ཁྲི་དང་བཅས་པ་
དག་ཀྱང་མྱ་ངན་ལས་འདས་སོ། །དེའི་དུས་ན་ཚེ་ལོ་བསྐལ་པ་མང་པོར་འཚོ་བའི་ལྷ་རྣམས་ནི་འདི་སྐད་དུ་སྨྲ་སྟེ། སྟོན་པའི་གསུང་རབ་ནི་དུད་པ་ཙམ་དུ་གྱུར། དགེ་སློང་དབང་ཡོད་པ་དག་ཀྱང་འདས་པར་གྱུར་པས། མདོ་སྡེ་དང་། འདུལ་བ་དང་། མ་མོ་དག་མི་སྒྲོགས་སོ་ཞེས་འཕྱ་
བར་བྱེད་དོ། །དེ་བསལ་བའི་ཆེད་དུ་གནས་བརྟན་འོད་སྲུངས་ཆེན་པོས་གང་པོ་ལ་དགེ་སློང་གི་དགེ་འདུན་རྣམས་སྡུས་ཤིག་ཅེས་བསྒོས་པ་དང་། དེས་ཀྱང་འོད་སྲུངས་ཀྱི་ལྟར་མཉན་ཏེ་གཎྜཱི་བརྡུངས་པས། དགེ་སློང་གི་དགེ་འདུན་ལྔ་བརྒྱ་ལ་གཅིག་གིས་མ་ཚང་བ་འདུས་སོ།  །གཅིག་ནི་བ་
ལར་བདག་སྟེ་དེ་འབོད་པའི་ཕྱིར་གང་པོ་ལ་ཁྱོད་སོང་ནས་བ་ལང་བདག་ལ་འདི་སྐད་ཅེས་སྨྲོས་ཤིག །འོད་སྲུངས་ལ་སོགས་པའི་དགེ་སློང་གི་དགེ་འདུན་རྣམས་འདི་སྐད་དུ་ནད་མེད་པར་འགྱུར་ཅིག །དགེ་འདུན་གྱི་བྱ་བ་ཅུང་ཟད་ཡོད་པས་མྱུར་དུ་བོས་ཤིག་ཅེས་བྱོས་ཤིག །དེས་ཀྱང་འདི་ལྟར་

213-1-54b

གྲོང་ཁྱེར་རྩྭ་ཅན་ནས་མི་སྣང་ཞིང་། སུམ་ཅུ་རྩ་གསུམ་ཤིང་ཤི་རི་ཤ་ཀའི་གཞལ་མེད་ཁང་སྟོང་པ་ན་འདུག་པ་དེ་ལྟ་བུའི་ཏིང་ངེ་འཛིན་ལ་སྙོམས་པར་ཞུགས་ནས་བ་ལང་བདག་ག་ལ་བ་དེར་སོང་སྟེ་ཕྱིན་ནས། ཇི་ལྟར་བསྒོ་བ་དེ་ལྟར་དུ་གསོལ་བ་དང་། ཅི་གང་པོ་བཅོམ་ལྡན་འདས་གདུལ་བའི་དོན་
དུ་འཇིག་རྟེན་གཞན་དུ་མ་གཤེགས་སམ་ཞེས་བྱ་བ་ལ་སོགས་པའི་རྒྱུ་དྲིས་པས། དེས་སྨྲས་པ། བློ་ལྡན་བསྟན་པ་གནས་བྱའི་ཕྱིར། །ཉན་ཐོས་དགེ་འདུན་ཚོགས་ནས་ནི། །དེ་དག་དེར་ནི་འདུས་གྱུར་ཏེ། །ཁྱོད་ལ་སྡོད་ཅིང་དེ་བརྩོན་བྱེད། །དེའི་ཚེ་བ་ལང་བདག་གིས་འདི་སྐད་དུ་བསྒོ་སྟེ། གང་
པོ་ཆོག་གིས་དེ་སྐད་མ་སྨྲ་ཤིག །འགྲོ་བའི་དུས་མ་ཡིན་ནོ། །འོན་ཀྱང་ཇོ་ཅོ་གང་པོ། འགྲོ་བའི་སྒྲོན་མ་མགོན་པོ་བཞུགས་ན་དིང་། །བདག་ནི་འགྲོ་བར་བྱ་བའི་བློ་ཡོད་ཀྱང་། །དེ་ནས་ཕ་རོལ་རབ་ཞིར་གཤེགས་གྱུར་ན། །བློ་ལྡན་གང་ཞིག་འཇིག་རྟེན་དེ་དག་འགྲོ། །ལྷུང་བཟེད་ཆོས་
གོས་རྣམ་གསུམ་མཆོག་འདི་དག །ཁྱོད་ཀྱིས་དགེ་འདུན་དག་ལ་དབུལ་བར་གྱིས། །བདག་ནི་ཞི་བ་ཡང་སྲིད་མེད་པར་འགྲོ། །བདག་གིས་བསམས་པ་འཕགས་ལ་བཟོད་པར་གསོལ། །ཞེས་གསུངས་ནས་སྤར་བ་དང་། དྲོ་བ་དང་། ཆར་དབབ་པ་དང་། གསལ་བ་མཆོག་དག་གི་ཆོ་
འཕྲུལ་བསྟན་ཏེ་མྱ་ངན་ལས་འདས་སོ། །དེའི་རང་ལུས་ལས་མེ་འབར་བས་ཚིག་སྟེ་དེ་ལས་ཆུའི་རྒྱུན་རྣམ་པ་བཞི་བབ་པ་སོ་སོའི་སྒྲ་ལས་ཚིགས་སུ་བཅད་པ་རེ་རེ་ཡང་བྱུང་ངོ་། །དེ་ནས་གང་པོས་རུས་པ་ལ་མཆོད་པ་བྱས་ཏེ་རྫུ་འཕྲུལ་གྱིས་དགྲ་བཅོམ་པ་རྣམས་ཀྱི་ནང་དུ་ཕྱིན་ཏེ། བ་ལང་བདག་
གྱི་ལྷུང་བཟེད་དང་ཆོས་གོས་དག་ཕུལ་ནས། མགོན་པོའི་སྐུ་ནི་མེད་པར་དེས་ཐོས་ནས། །བསོད་ནམས་ལས་ཀྱིས་རབ་ཏུ་ཞི་བར་སོང་། །དེ་ཡི་ལྷུང་བཟེད་ཆོས་གོས་འདི་ཡིན་ཏེ། །དེས་བསམས་དགེ་འདུན་དག་ལ་བཟོད་པར་གསོལ། །ཞེས་སྨྲས་སོ། །དེ་ནས་འོད་སྲུངས་ཆེན་
པོས་དགེ་སློང་རྣམས་ལ་གསུངས་པ། སྐྱེ་ཚངས་པ་མཚུངས་པར་སྤྱོད་པ་དག་ཉོན་ཅིག །ཇི་ལྟར་དེ་ནི་འཕགས་པའི་ཚུལ་གྱིས་འདས། །གཞན་གྱིས་དེ་བཞིན་རབ་ཞིར་འགྲོ་མི་བྱ། །དེ་བས་ཇི་སྲིད་དགོས་པའི་དོན་བྱ་ཞིང་། །དབང་ཆེན་ཚོགས་ནས་དེ་སྲིད་བགྲོ་བར་བྱ། །ཞེས་དང་། སླར་

213-1-55a

ཡང་རེ་ཞིག་དགེ་སློང་ལྔ་བརྒྱ་པོ་མྱ་ངན་ལས་མི་འདའ་བའི་ཕྱིར་ཁྲིམས་སུ་བཅའ་བ། ཇི་ལྟར་བསོད་ནམས་ལས་ཀྱིས་ཞི་གྱུར་པ། །ཤི་རི་ཤ་ཀའི་སེམས་མཆོག་པ་ལང་བདག །དེ་ལྟར་ཁྱེད་ཀྱིས་དེ་བཞིན་མི་བསམ་སྟེ། །འགྲོ་དོན་དགོས་ཕྱིར་ཚོགས་ནས་
བློ་གྲོས་བྱ། །ཞེས་བཅས་ནས། གནས་འདིར་ཆོས་བགྲོ་བ་ལ་ནི་གཡེང་བ་ཆེ་བས། མ་ག་དྷཱའི་ཕྱོགས་དབེན་པ་ཞིག་ཏུ་འདོང་ངོ་ཞེས་ཀུན་དགའ་བོ་ཆུ་འབྲིམ་པའི་ཞལ་ཏ་བར་བསྐོས་ཏེ་དགེ་སློང་གཞན་དང་ལྷན་ཅིག་ཏུ་ཅི་དགའ་བར་ལྗོངས་རྒྱུས་ལ་སོང་ཞིག །ང་ནི་ལམ་དྲང་པོ་ནས་འགྲོའོ་
ཞེས་འོད་སྲུངས་ཆེན་པོ་རྒྱལ་པོའི་ཁབ་ཏུ་བྱོན་ནོ། །དེར་མ་སྐྱེས་དགྲ་ནི་སྔོན་ཡང་གང་དུ་སྟོན་པ་མཐོང་བ་ན་དད་པས་རྟ་དང་གླང་པོ་ལས་རང་ལྷུང་ནས་བཅོམ་ལྡན་འདས་ཀྱི་མཐུས་མ་སྨས་པར་ས་ལ་འཇོག་པ་ཡིན་ཏེ། དེར་ཡང་དེ་བཞིན་དུ་འོང་སྲུངས་ཆེན་པོ་འབྱོན་པ་མཐོང་བ་ནའང་བཅོམ་ལྡན་
འདས་རྗེས་སུ་དྲན་པས་ས་ལ་ལྷུང་བ་དང་། འོད་སྲུངས་ཆེན་པོའི་རྫུ་འཕྲུལ་གྱིས་ཅང་མ་སྨད་པར་བཟུང་སྟེ་སྨྲས་པ། རྒྱལ་པོ་ཆེན་པོ་སངས་རྒྱས་ནི་རྟག་ཏུ་མཉམ་པར་བཞག་པ་ཡིན་ལ། ཉན་ཐོས་རྣམས་ལ་ནི་མཉམ་པར་བཞག་པ་དང་མཉམ་པར་མ་བཞག་པ་ཅི་རིགས་པ་སྲིད་པས་
སླད་ཆད་འདི་ལྟ་བུ་མི་བགྱིད་པར་བཅས་སོ། །སླར་ཡང་སྨྲས་པ། རྒྱལ་པོ་ཆེན་པོ་དང་དགེ་སློང་གི་དགེ་འདུན་རྣམས་ལམ་དུ་ཞུགས་ཏེ། ལྷའི་གནས་འདིར་ཆོས་ཀྱི་ཚུལ་བགྲོ་བར་འཚལ་ལོ། །དེས་སྨྲས་པ། ལེགས་ཀྱིས་བདག་གིས་ཡོ་བྱད་ཐམས་ཅད་བསྟབ་པར་བགྱིའོ་
ཞེས་དང་། ཡང་སྨྲས་པ། བདག་ལ་བཅོམ་ལྡན་འདས་མྱ་ངན་ལས་འདའ་བ་ནི་སྦྲན་པར་མ་བྱས་ཀྱི། ཁྱོད་ཀྱིས་ནམ་མྱ་ངན་ལས་འདའ་བར་བཞེད་པ་ན་བདག་ལ་སྦྲན་པར་མཛོད་ཅིག །འོད་སྲུངས་ཀྱིས་ཀྱང་དེ་བཞིན་དུ་བགྱི་བར་ཞལ་གྱིས་འཆེས་སོ། །དེ་ནས་གང་དུ་ཆོས་བགྲོ་
བར་བྱ་བའི་གནས་ནི། ནྱ་གྲོ་དྷཱའི་ཕུག་དུ་དབེན་པར་གཟིགས་ནས་དེ་ཉིད་བྱོན་ནོ། །ཇི་ཙམ་ན་དགེ་སློང་དེ་དག་གི་ནང་ནས་མདོ་སྡེ་འདོན་པའི་འོས་སུ་གྱུར་བ་ནི་ཀུན་དགའ་པོ་ཡིན་ནའང་། དེའི་སེམས་འོད་སྲུངས་ཆེན་པོས་བརྟགས་པས་དགྲ་བཅོམ་པ་མ་ཐོབ་པར་མཁྱེན་ཏེ། དེ་

213-1-55b

འདུལ་བར་བྱེད་པ་ལ་སྤྲོ་བའམ་སྤྱོ་བ་གང་གིས་འདུལ་བར་འགྱུར་སྙམ་དུ་རྣམ་པར་དཔྱད་པས་སྤྱོ་བའི་ཐབས་ཀྱིས་འདུལ་བར་རིག་ནས། དེས་དེ་ལ་ངེད་ནི་མཆོག་འདུས་པ་ཡིན་ལ། ཀུན་དགའ་བོ་ཁྱོད་ནི་ཟག་པ་རྣམས་ལ་སེམས་རྣམ་པར་གྲོལ་བར་མ་གྱུར་པས་དེང་ལྷན་ཅིག་ཏུ་འགྲོ་བར་
མི་བྱ་བས་ཁྱོད་ལོངས་ཤིག་ཅེས་དང་། སྔོན་གྱི་ཉེས་པ་བརྒྱད་ཀྱང་རྣམ་པར་བསྒྲགས་ནས་ཕྱིར་བསྐྲད་དོ། །དེའི་དུས་ན་ནམ་མཁའ་ནས་ལྷ་རྣམས་ཀྱིས། ཨ་ལ་ལ། ཀྱེ་ད་ལྟ་ལྷ་རྣམས་ཀྱིས་ལུས་ནི་རྒྱས་པར་འགྱུར། ལྷ་མ་ཡིན་གྱི་ལུས་རྣམས་ནི་རྨས་པར་འགྱུར། བཅོམ་ལྡན་
འདས་ཀྱི་བསྟན་པ་ནི་རྒྱས་པར་འགྱུར་ཏེ། དེ་ལྟར་སྟོན་པ་དང་འདྲ་བའི་ཉན་ཐོས་ཆེན་པོས་སྟོན་པ་དང་འདྲ་བའི་ཉན་ཐོས་ཆེན་པོ་ལ་ཉེས་པ་རྣམ་པ་བརྒྱད་གླེངས་པས་སོ་ཞེས་ཀྱང་གཏམ་དུ་བརྗོད་དོ། །དེ་ནས་ཀུན་དགའ་བོས་དགེ་སློང་གི་ཚོགས་དེ་ལས་བྱུང་སྟེ་བྲྀ་ཛིའི་གྲོང་དུ་གཤེགས་
ནས། དེའི་གཡོག་ནི་བྲྀ་ཛིའི་བུས་བྱས་ཏེ་འཁོར་བཞི་ལ་ཆོས་འཆད་པ་དང་བཅས་ཏེ་བཞུགས་པ་དང་། ནམ་ཞིག་ན་བྲྀ་ཛིའི་བུས་མཁན་པོའི་སེམས་ལ་བལྟས་པས། འདོད་པའི་འདོད་ཆགས་དང་བཅས་པའི་སློབ་པ་ཞིག་ཏུ་མཐོང་ནས་སྨྲས་པ། གོོ་ཏམ་ཁྱོད་ནི་བག་མེད་མ་མཛད་
པར། །ཤིང་དྲུང་ཐིབས་པོར་བརྟན་ནས་མྱ་ངན་འདས། །ཐུགས་ལ་བཞག་སྟེ་བསམ་གཏན་མཛོད་ཅིག་དང་། །རིང་པོར་མི་ཐོགས་ཞི་བའི་གནས་ཐོབ་འགྱུར། །དེས་ཇི་ལྟར་བསྐུལ་བ་ལྟར་ཉིན་པར་དང་མཚན་གྱི་ཐུན་དང་པོ་ལ་འཆག་པ་དང་འདུག་པས་སྒྲིབ་པར་འགྱུར་བའི་ཆོས་
རྣམས་ལ་སེམས་ཡོངས་སུ་སྦྱོང་བར་བྱེད་དོ། །མཚན་གྱི་གུང་ཐུན་ལ་གཙུག་ལག་ཁང་གི་ཕྱི་རོལ་དུ་རྐང་པ་བཀྲུས་ནས་ནང་དུ་གློ་གཡས་པ་ཕབ་སྟེ། སྔས་ནང་ཚངས་ཅན་ལ་མགོ་མ་བཞག་པ་ཁོ་ནར་ལེན་པ་མེད་པར་ཟག་པ་རྣམས་ལས་སེམས་རྣམ་པར་གྲོལ་ཏེ་དགྲ་བཅོམ་པ་ཐོབ་བོ། །
ཐོབ་ནས་ཀྱང་སླར་ཡང་རྒྱལ་པོའི་ཁབ་ཀྱི་ནྱ་གྲོ་དྷའི་ཕུག་ག་ལ་བ་དེར་ཕྱིན་ཏོ། །དེ་ནས་གནས་བརྟན་འོད་སྲུངས་ཆེན་པོ་དང་དགེ་སློང་རྣམས་ཀྱིས་མ་འོངས་པའི་དུས་སུ་དགེ་སློང་བརྗེད་ངས་པ་རྣམས་དང་། ལུས་ཉམ་ཆུང་བར་གྱུར་པས་མདོའི་ཚིགས་སུ་བཅད་པ་མ་ཡིན་པར། སྡེ་སྣོད་

213-1-56a

གསུམ་འཛིན་པར་མི་ནུས་ན། དེ་བས་ན་སྔ་དྲོ་ནི་མདོའི་ཚིགས་སུ་བཅད་པ་དང་། ཕྱི་དྲོ་ནི་སྡེ་སྣོད་གསུམ་བགྲོ་བར་བྱའོ། །དེའང་ཐོག་མར་མདོ་སྟེ་འགྲོ་བར་བགྲོས་ཏེ། འོད་སྲུངས་ཆེན་པོ་སེང་གེའི་ཁྲི་ལ་བཞུགས་ཏེ། ཀུན་དགའ་བོ་ལ་སྤྲོ་བ་དྲིས་
ནས། གསོལ་བ་དང་གཉིས་ཀྱི་ལས་ཀྱིས་མདོ་སྟེ་བསྡུ་བ་བསྒྲུབ་པར་བསྐོས་ཏེ། ཀུན་དགའ་བོ་བཞུགས་པའི་སེང་གེའི་ཁྲི་ལ་དགྲ་བཅོམ་པ་ལྔ་བརྒྱས་སྣམ་སྦྱར་བཏིང་ངོ་། །དེ་ནས་ཀུན་དགའ་བོས་ཕྱོགས་བཞིར་རྣམ་པར་བལྟས་ཏེ། སེམས་ཅན་ལ་སྙིང་རྗེའི་སེམས་ཉེ་བར་བཞག་པ་
དང་། ཆོས་ལ་གུས་པ་བསྐྱེད་པ་དང་། ཚངས་པ་མཚུངས་པར་སྤྱོད་པ་ལ་ཞེ་སར་དམིགས་ནས་སེང་གེའི་ཁྲི་ལ་གཡས་སུ་བསྐོར་ཅིང་སྤྱི་བོས་གཏུགས་ཏེ། རྒན་རིམས་སུ་ཇི་ལྟར་འོས་པ་ལ་ཕྱག་བྱས་ནས་སེང་གེའི་ཁྲི་གང་ལ་བག་ཚབ་མེད་པར་བཞུགས་སོ། །བཞུགས་
ནས་ཀྱང་བཅོམ་ལྡན་འདས་ཀྱིས་མདོ་སྡེ་གང་དག་ལྷ་དང་ཀླུ་ལ་སོགས་པ་ལ་གསུངས་པ་དང་། དངོས་དང་བརྒྱུད་ནས་ཐོས་པ་ཇི་སྙེད་བཟུང་བ་ཐམས་ཅད་བཤད་པར་བྱའོ་སྙམ་དུ་བསམས་པ་དང་། ལྷ་རྣམས་ཀྱིས་ཀྱང་ཤེས་པར་གྱུར་ཏེ་ཆོས་མཉན་པའི་ཕྱིར་ལྷགས་སོ། །དེ་ནས་འོད་སྲུངས་ཆེན་
པོས་ཀུན་དགའ་བོ་ལ་འདི་སྐད་དོ། །སྟོན་པ་འཇིག་རྟེན་ཕན་བཞེད་པ། །རྒྱལ་བས་གསུངས་པའི་ཆོས་རྣམས་ཀྱི། །རྣམ་པ་མཆོག་ནི་གར་བཤད་པ། །ཚེ་དང་ལྡན་པས་མདོ་སྡེ་གསུངས། །དེས་དེ་མ་ཐག་པར་བཅོམ་ལྡན་འདས་རྗེས་སུ་དྲན་པའི་ཐལ་མོ་སྦྱར་ནས་དབྱངས་
ཀྱིས་ཁྱབ་པར་བྱས་ཏེ། འདི་སྐད་བདག་གིས་ཐོས་པ་དུས་གཅིག་ན། བཅོམ་ལྡན་འདས་ཡུལ་ཝཱ་རཱ་ཎ་སཱིར་དྲང་སྲོང་སྨྲ་བ་རི་དྭགས་ཀྱི་ཚལ་ན་བཞུགས་སོ། །དེ་ནས་བཅོམ་ལྡན་འདས་ཀྱིས་དགེ་སློང་ལྔ་པོ་ལ་འདི་སྐད་བཀའ་སྩལ་ཏེ། དགེ་སློང་དག་སྔོན་མ་ཐོས་པའི་ཆོས་
འདི་ནི་སྡུག་བསྔལ་འཕགས་པའི་བདེན་པའོ་ཞེས་བྱ་བ་ལ་སོགས་པས་མདོ་སྡེ་བཤད་དོ། །དེའི་ཚེ་ཀུན་ཤེས་ཀོོཎྚི་ནྱས་འོད་སྲུངས་ཆེན་པོ་བདག་གིས་ཆོས་ཀྱི་རྣམ་གྲངས་འདི་མངོན་སུམ་དུ་ཐོས་ཏེ། བདག་གི་དོན་དུ་མདོ་སྡེའི་བཤད་ཅིང་རྗེས་སུ་བསྟན་པས། བདག་གི་ཁྲག་དང་

213-1-56b

མཆི་མའི་རྒྱ་མཚོ་ནི་བསྐམས། རུས་པའི་རི་ལས་ནི་བརྒལ། ངན་སོང་གི་སྒོ་ནི་བཅད། མཐོ་རིས་དང་ཐར་པའི་སྒོ་ནི་ཕྱེ་སྟེ། མདོ་སྡེ་རིན་པོ་ཆེ་འདི་བཤད་པས་བདག་དང་ལྷ་སྟོང་ཕྲག་བརྒྱད་ཅུས་ཆོས་རྣམས་ལ་ཆོས་ཀྱི་མིག་རྡུལ་མེད་ཅིང་དྲི་མ་དང་བྲལ་བ་སྐྱེས་སོ། །དེ་རིང་འདིར་
འདི་སྐད་ཐོས་ནས་བཤད་དེ། ཀྱེ་མ་ཐམས་ཅད་མི་རྟག་པས་ཁྱད་པར་མེད་དོ་ཞེས་སྨྲས་ནས་སྟན་ལས་བབས་པ་དང་། ཀུན་དགའ་བོ་དེ་བལྟ་བའི་ཕྱིར་དགྲ་བཅོམ་པ་གཞན་ཐམས་ཅད་ཀྱང་རང་རང་གི་སྟན་ལས་བབས་ནས། སྐྱེ་བོའི་ནང་ན་ཐམས་ཅད་མཁྱེན་པས་སྟོངས་པར་མངོན་མཐོང་
ན། །དགེ་བའི་བློ་གྲོས་གང་དག་སྲོག་ལ་ཆགས་ཤིང་དམ་པོར་བྱེད། །ཅེས་དང་། ནམ་མཁའ་ནས་ལྷ་རྣམས་ཀྱང་སྟོན་པ་རྗེས་སུ་དྲན་ཏེ། གང་ལ་བདག་གིས་མངོན་ཐོས་པ། །ཆོས་ནི་ཐར་བའི་བདེ་བ་བྱེད། །འདི་སྐད་ཐོས་ཞེས་རབ་སྦྱར་ཏེ། །དེ་ཡང་དེ་རིང་བསྒྲགས་པ་
ཡིན། །ཞེས་སྨྲས་སོ། །དེ་ནས་དགྲ་བཅོམ་པ་ལྔ་བརྒྱར་གཅིག་གིས་མ་ཚང་བས། ཀུན་དགའ་བོ་ལ་ཁྱོད་ཀྱི་ལུང་དེ་ཡིན་ནམ། དེས་བདག་གི་ལུང་དེ་ལགས་སོ། །བདག་གི་ལུང་དེ་ལྟ་བུ་ལགས་སམ། ཀུན་དགའ་བོ་དེ་ཁོ་ནའོ་ཞེས་ཕན་ཚུན་ཡིད་ཆེས་པར་བྱས་སོ། །དེ་
ནས་འོད་སྲུངས་ཆེན་པོས་བདག་གིས་བཅོམ་ལྡན་འདས་ཀྱི་མདོ་སྡེ་དང་པོ་བསྡུས་ན་ཚངས་པར་སྤྱོད་པ་གང་གིས་ཀྱང་མ་བཟློག་ཅིང་གཤེ་བར་མ་གྱུར་ཏོ། །དེ་ལྟ་བས་ན་འདི་ནི་ཆོས་སོ། །འདི་ནི་འདུལ་བའོ། །འདི་ནི་སྟོན་པས་བསྟན་པའོ་སྙམ་དུ་ཤེས་སོ། །ཡང་དེས་དེ་ལ་བཅོམ་ལྡན་
འདས་ཀྱིས་མདོ་སྡེ་གཉིས་པ་གང་དུ་བཤད། དེས་གསལ་བར་ཡུལ་ཝཱ་རཱ་ཎ་སཱི་ཁོ་ནར་དགེ་སློང་ལྔ་པོའི་ཆེད་དུ་སྟེ། དེ་ཡང་འདི་སྐད་བདག་གིས་ཐོས་པ་ནས། དགེ་སློང་དག་འདི་ནི་འཕགས་པའི་བདེན་པ་བཞི་སྟེ། སྡུག་བསྔལ་འཕགས་པའི་བདེན་པ་དང་། སྡུག་བསྔལ་འཕགས་པའི་བདེན་པ་དང་། སྡུག་བསྔལ་
ཀུན་འབྱུང་བ་དང་། སྡུག་བསྔལ་འགོག་པ་དང་། སྡུག་བསྔལ་འགོག་པར་འགྲོ་བའི་ལམ་སྟེ། འཕགས་པའི་བདེན་པ་བཞིའོ། །སྡུག་བསྔལ་འཕགས་པའི་བདེན་པ་གང་ཞེ་ན། སྐྱེ་བའི་སྡུག་བསྔལ་དང་ཞེས་བྱ་བ་ནས་འགོག་པར་འགྲོ་བའི་ལམ་འཕགས་པའི་བདེན་པའོ་

213-1-57a

ཞེས་བྱ་བའི་བར་གྱི་ཆོས་ཀྱི་རྣམ་གྲངས་འདི་བཤད་པ་དེའི་ཚེ། ཚེ་དང་ལྡན་པ་ཀུན་ཤེས་ཀོོཎྜི་ནྱ་ལེན་པ་མེད་པར་ཟག་པ་ལས་སེམས་རྣམ་པར་གྲོལ་ལོ། །ལྷག་མ་དགེ་སློང་བཞི་པོ་ཡང་ཆོས་རྣམས་ལ་ཆོས་ཀྱི་མིག་རྡུལ་མེད་ཅིང་དྲི་མ་དང་བྲལ་བ་སྐྱེས་སོ་ཞེས་
བྱ་བ་དང་། ཀུན་ཤེས་ཀྱིས་ཀྱང་ཡིད་ཆེས་པར་བསྐྱེད་པ་མན་ཆད་སྔ་མ་ཇི་ལྟ་བ་བཞིན་ནོ། །ཡང་དེས་དེ་ལ་བཅོམ་ལྡན་འདས་ཀྱིས་མདོ་སྡེ་གསུམ་པ་གང་དུ་བཤད། དེས་གསལ་བར་ཡུལ་ཝཱ་རཱ་ཎ་སཱི་ཁོ་ནར་དགེ་སློང་ལྔ་པོའི་ཆེད་དུ་སྟེ། དེ་ཡང་འདི་སྐད་བདག་གིས་ཐོས་པ་ཞེས་བྱ་
བ་ནས། དགེ་སློང་དག་གཟུགས་ནི་བདག་མ་ཡིན་ནོ། །དགེ་སློང་དག་གལ་ཏེ་གཟུགས་བདག་ཡིན་པར་གྱུར་དུ་ཟིན་ན། གཟུགས་ལ་གནོད་པའམ། སྡུག་བསྔལ་བར་མི་འགྱུར་ཞིང་། གཟུགས་འདི་ལྟ་བུ་དང་། འདི་ལྟ་བུར་ནི་གྱུར་ཅིག །དི་ལྟ་བུར་ནི་མ་གྱུར་ཅིག་ཅེས་
པ་འདི་འགྱུར་རོ་ཞེས་བྱ་བ་ནས། འདི་ལས་སྲིད་པ་གཞན་མེད་པས་རབ་ཏུ་ཤེས་སོ་ཞེས་པའི་བར་གྱི་ཆོས་ཀྱི་རྣམ་གྲངས་འདི་བཤད་པ་ན། དགེ་སློང་ལྷག་མ་བཞི་པོ་ལེན་པ་མེད་པར་ཟག་པ་ལས་སེམས་རྣམ་པར་གྲོལ་ལོ། །དགྲ་བཅོམ་པ་གཅིག་གིས་མ་ཚང་བ་ཞེས་བྱ་བ་ནས། འདི་ནི་སྟོན་
པས་བསྟན་པའོ་སྙམ་དུ་ཤེས་པའི་བར་སྔ་མ་བཞིན་ནོ། །དེ་ལྟར་བཅོམ་ལྡན་འདས་ཀྱིས་མདོ་སྡེ་གྲོང་དང་། གྲོང་ཁྱེར་དང་། ཡུལ་འཁོར་དང་། རྒྱལ་པོའི་ཕོ་བྲང་འཁོར་གང་དང་གང་དུ་བཤད་པ་དེ་དང་དེ་ཀུན་དགའ་བོས་བཟླས་ནས། དགྲ་བཅོམ་པ་ལྔ་བརྒྱར་གཅིག་གིས་མ་ཚང་བས་
མདོ་སྡེར་བྱས་ཏེ། དེའ་ཚེ་གང་ཕུང་པོ་དང་ལྡན་པའི་མདོ་སྡེ་ནི་ཕུང་པོར་བསྡུས་ཏེ་བཞག་གོ། །དེ་བཞིན་དུ་སྐྱེ་མཆེད་དང་ཡང་དག་པར་ལྡན་པ་ནི་སྐྱེ་མཆེད་དྲུག་ཏུའོ། །རྟེན་ཅིང་འབྲེལ་བར་འབྱུང་བ་འཕགས་པའི་བདེན་པས་རིག་པ་དང་ཡང་དག་པར་ལྡན་པ་ན་གླེང་གཞི་དང་ཡང་དག་པར་ལྡན་པར་
རོ། །གང་ཉན་ཐོས་ཀྱི་བཤད་པ་མང་བ་ནི་ཉན་ཐོས་ཀྱི་བཤད་པར་རོ། །སངས་རྒྱས་ཀྱི་བཤད་པ་མང་བ་ནི་སངས་རྒྱས་ཀྱི་བཤད་པར་རོ། །བྱང་ཆུབ་ཀྱི་ཕྱོགས་ཀྱི་ཆོས་དང་ཡང་དག་པར་རབ་ཏུ་ལྡན་པ་ནི་ལམ་གྱི་ཡན་ལག་ཏུའོ། །ཡང་དག་པར་བརྗོད་པ་མང་བ་ནི་ཡང་དག་པར་བརྗོད་པའི་སྡེར་

213-1-57b

རོ། །ཚིགས་སུ་བཅད་པ་དང་བཅད་པར་ཡང་དག་པར་ལྡན་པ་ནི་ཡང་དག་པར་ལྡན་པའི་ལུང་ཞེས་བྱ་བ་རྣམས་སུ་བསྡུས་ཏེ་བཞག་གོ། །མདོ་སྡེ་རིང་པོ་ནི་ལུང་རིང་པོར་བཞག་གོ། །བར་མ་བར་མ་དག་ནི་ལུང་བར་མར་བཞག་གོ། །ཚིག་གཅིག་དང་ཚིག་གཉིས་ཞེས་བྱ་བ་ནས། ཚིག་བཅུ་
ཞེས་བྱ་བའི་བར་ནི་གཅིག་ལས་འཕྲོས་པའི་ལུང་ཞེས་བྱའོ། །དེ་ནས་འོད་སྲུངས་ཆེན་པོས་ཀུན་དགའ་བོ་ལ་ཁྱོད་ཀྱི་ལུང་དེ་སྙེད་ཅིག་གམ། འོད་སྲུངས་ཆེན་པོ་དེ་སྙེད་ཅིག་ལགས་ཏེ། འདི་ལས་ལྷག་པ་མེད་དོ་ཞེས་སྨྲས་ནས་སེང་གེའི་ཁྲི་ལས་བབས་སོ། །དེ་ནས་འོད་སྲུངས་
ཆེན་པོས་དགེ་སློང་དག་དེས་ནི་བཅོམ་ལྡན་འདས་ཀྱི་མདོ་སྡེ་མ་ལུས་པར་བསྡུས་ཟིན་པས་ད་ནི་འདུལ་བ་བགྲོ་བར་བྱ་སྟེ། དེའང་ཉེ་བ་འཁོར་མཁས་པར་གྱུར་པ་ནི་འདུལ་བའི་གླེང་གཞི་དང་བྱུང་བ་ལ་མཁས་ཏེ། བཅོམ་ལྡན་འདས་ཀྱིས་ཀྱང་འདུལ་བ་འཛིན་པའི་མཆོག་ཏུ་ལུང་བསྟན་
ནོ་ཞེས་བགྲོས་ནས། འོད་སྲུངས་ཆེན་པོ་སེང་གེའི་ཁྲི་ལ་འདུག་སྟེ་ཉེ་བ་འཁོར་སྤྲོ་བར་བྱས་ནས་གསོལ་བ་དང་གཉིས་ཀྱི་ལས་ཀྱིས་འདུལ་བའི་སྡུད་པ་པོར་བསྐོས་སོ། །དེ་ནས་ཉེ་བ་འཁོར་སེང་གེའི་ཁྲི་ལ་བཞག་ནས། འོད་སྲུངས་ཆེན་པོས་ཉེ་བ་འཁོར་ལ། གང་དུ་བཅོམ་
ལྡན་འདས་ཀྱིས་དང་པོར་བསླབ་པའི་གཞི་བཅས། དེས་གསལ་བར་སྨྲས་པ། ཡུལ་ཝཱ་རཱ་ཎ་སཱིར་རོ། །གང་གི་དོན་དུ། དགེ་སློང་ལྔའི་ཆེད་དུ་སྟེ། གང་གི་ཕྱིར། འདི་ལྟ་སྟེ་ཤམ་ཐབས་ཟླུམ་པོར་བགོ་བར་བྱའོ་ཞེས་བསླབ་པ་བཅའ་པ་མཛད་དོ། །དེ་ནས་དགྲ་བཅོམ་པ་ལྔ་
བརྒྱར་གཅིག་གིས་མ་ཚང་བ་རྣམས་རབ་ཀྱི་མཐར་ཕྱིན་པའི་བསམ་གཏན་བཞི་ལ་སྙོམས་པར་ཞུགས་ནས་སྨོན་པའི་ཤེས་པས་བལྟས་ནས་ཞེས་བྱ་བ་ནས། འདི་ནི་སྟོན་པས་བསྟན་པའོ་སྙམ་དུ་རིག་པའི་བར་དུའོ། །ཡང་དེས་དེ་ལ་བཅོམ་ལྡན་འདས་ཀྱིས་བསླབ་པའི་གཞི་གཉིས་
པ་བཅས་པ་གསུངས་ཤིག །དེས་ཡུལ་ཝཱ་རཱ་ཎ་སཱིར་རོ། །གང་གི་ཆེད་དུ་དགེ་སློང་ལྔ་པོའི་དོན་དུ་སྟེ། གང་གི་ཚེ་འདི་ལྟར་དེ་ཆོས་གོས་ཟླུམ་པོར་བགོ་བར་བྱའོ་ཞེས་བསླབ་པ་བཅའ་བ་མཛད་དོ། །དེ་ནས་དགྲ་བཅོམ་པ་ལྔ་བརྒྱ་ཞེས་བྱ་བ་ནས། འདི་ནི་སྟོན་པས་བསྟན་པའོ་

213-1-58a

སྙམ་དུ་རིག་པའི་བར་སྔ་མ་བཞིན་ནོ། །ཡང་དེས་དེ་ལ་གང་དུ་བཅོམ་ལྡན་འདས་ཀྱིས་བསླབ་པའི་གཞི་གསུམ་པ་བཅས་པ་གསུང་ཤིག །དེས་ཀ་ལནྡ་ཀའི་གྲོང་དུའོ། །གང་གི་ཆེད་དུ་ཀ་ལནྡ་ཀའི་བཟང་སྦྱིན་གྱི་ཆེད་དུ་སྟེ། གང་གི་ཕྱིར་འདི་ལྟར་
ཡང་དགེ་སློང་གང་དགེ་སློང་རྣམས་དང་ལྷན་ཅིག་བསླབ་པ་མཚུངས་ཤིང་མཉམ་པ་ལས་བསླབ་པ་མ་ཕུལ། བསླབ་པ་ཉམས་པར་མ་བྱས་པར་མི་ཚངས་པར་སྤྱོད་པ་འཁྲིག་པའི་ཆོས་བསྟེན་པས་ཐ་ན་བྱོལ་སོང་གི་སྐྱེ་གནས་སུ་སྐྱེས་པ་ལ་ཡང་རུང་སྟེ། དགེ་སློང་དེས་ཕས་ཕམ་པར་
གྱུར་པ་ཡིན་པས་གནས་པར་མི་བྱའོ། །དེ་ནས་དགྲ་བཅོམ་པ་ལྔ་བརྒྱ་ཞེས་བྱ་བ་ནས། འདི་ནི་སྟོན་པས་བསྟན་པའོ་ཞེས་བྱ་བའི་བར་སྔ་མ་བཞིན་ནོ། །དེ་ལྟར་བཅོམ་ལྡན་འདས་ཀྱིས་བསླབ་པའི་གཞི་ལྷག་མ་གང་དང་གང་དུ་བཤད་པ་དེ་དང་དེ་དགེ་སློང་རྣམས་ལ་ཉེ་བ་འཁོར་གྱིས་བཟླས་
ནས་དགྲ་བཅོམ་པ་ལྔ་བརྒྱར་གཅིག་གིས་མ་ཚང་བས་གཞུང་དུ་བྱས་ཏེ། ཕས་ཕམ་པ་བཞི་དང་། དགེ་འདུན་ལྷག་མ་བཅུ་གསུམ་དང་། མ་ངེས་པ་གཉིས་དང་། སྤང་བའི་ལྟུང་བྱེད་སུམ་ཅུ་དང་། ལྟུང་བྱེད་དགུ་བཅུ་དང་། སོ་སོར་བཤགས་པར་བྱ་བ་བཞི་དང་། བསླབ་པ་མང་པོ་
དང་། རྩོད་པ་ཞི་བར་བྱ་བ་བདུན་དང་། བཅས་པ་དང་། རྗེས་སུ་བཅས་པ་དང་། སོ་སོར་སྤང་བ་དང་། གནང་བ་དང་། རབ་ཏུ་བྱུང་བ་དང་། གསོ་སྦྱོང་དང་། དགག་དབྱེ་དང་། ཕྲ་མོ་དང་། གླེང་གཞི་དང་། མོས་པ་སྟེ་འདི་དག་ནི་འདི་དང་འདིའོ་ཞེས་འདུལ་བར་ཡང་དག་པར་བསྡུས་
ནས། ཉེ་བ་འཁོར་སེང་གེའི་ཁྲི་ལས་བབས་སོ། །དེ་ནས་འོད་སྲུངས་ཆེན་པོས་མ་འོངས་པའི་གང་ཟག་ཤེས་རབ་ཞན་པ་རྣམས་ཀྱི་ཆེད་དུ་མ་མོ་བཤད་པར་བྱ་བའི་ཕྱིར་དོན་དུ་གཉེར་བས་གསོལ་བ་དང་གཉིས་ཀྱི་ལས་བྱས་ཏེ། སེང་གེའི་ཁྲི་ལ་འདུག་ནས་དགེ་སློང་དག་མ་མོ་ལྟ་བུ་ཞེས་བྱ་བ་དེ་
བདག་ཁོ་ནས་སྨྲ་བར་བྱ་སྟེ། མ་མོ་ལྟ་བུ་ནི་ཤེས་བྱའི་མཚན་ཉིད་རབ་ཏུ་གསལ་བར་བྱེད་པ་ཡིན་ཏེ། འདི་ལྟར་དྲན་པ་ཉེ་བར་གཞག་པ་བཞི་དང་ཞེས་བྱ་བ་ནས་རྫོགས་པར་བཤད་དོ། །དེ་ནས་དགྲ་བཅོམ་པ་ལྔ་བརྒྱ་ཞེས་བྱ་བ་ནས། འདི་ནི་སྟོན་པས་བསྟན་པའོ་ཞེས་བྱ་བའི་བར་སྔ་མ་བཞིན་

213-1-58b

ནོ། །དེ་ལྟར་སྡེ་སྣོད་གསུམ་གྱི་བཀའི་བསྡུ་བ་རེ་རེ་ལའང་དགྲ་བཅོམ་པ་རྣམས་ཀྱིས་འདི་ནི་བདག་ལ་གསུངས་སོ། །འདི་ནི་བདག་ལ་གསུངས་སོ་ཞེས་བྱ་བ་ལ་སོགས་པས་རྗེས་སུ་མཐུན་པར་བརྗོད་ཅིང་བསྡུས་སོ། །དེའི་ཚེ་ས་བླའི་གནོད་སྦྱིན་རྣམས་ནས་བརྩམས་ཏེ་འོག་མིན་པའི་བར་གྱི་ལྷ་
རྣམས་ནི་འདི་སྐད་ཅེས་སྨྲ་སྟེ། ཨ་ལ་ལ། འཕགས་པ་འོད་སྲུངས་ལ་སོགས་པ་དགྲ་བཅོམ་པ་ལྔ་བརྒྱས་བདེ་བར་གཤེགས་པའི་སྡེ་སྣོད་གསུམ་ཡང་དག་པར་བསྡུས་པས་ལྷ་རྣམས་ཀྱིས་ལུས་ནི་མངོན་པར་འཕེལ་བར་གྱུར་ཏོ། །ལྷ་མ་ཡིན་གྱི་ལུས་རྣམས་ནི་ཡོངས་སུ་འགྲིབས་པར་གྱུར་ཏོ་ཞེས་
མགྲིན་གཅིག་ཏུ་སྒྲོགས་སོ། །དེ་དག་ནི་དགྲ་བཅོམ་པ་ལྔ་བརྒྱས་བསྡུས་པས་ལྔ་བརྒྱས་ཡང་དག་པར་བསྡུས་པ་ཞེས་བྱ་བའི་ཐ་སྙད་དུ་གདགས་སོ། །དེ་ནས་འོད་སྲུངས་ཆེན་པོས་འདི་སྙམ་དུ་བདག་གིས་སྡེ་སྣོད་གསུམ་གྱི་བསྡུ་བ་ནི་ཡང་དག་པར་བྱས། ཇི་ལྟར་བཅོམ་ལྡན་འདས་ཀྱིས་བདག་ལ་
ལུང་བསྟན་པ་དང་བསྟན་པ་གཏད་བའི་བྱ་བ་ནི་མ་ལུས་པར་བྱས་སོ། །ད་ནི་ཕུང་པོའི་ཁུར་དང་ལུས་རྣག་ཅན་འདིས་ཀྱང་སྐྱོ་ན། བདག་ནི་མྱ་ངན་ལས་འདས་པའི་དུས་ལ་བབ་པོ་སྙམ་དུ་བསམས་ནས་སྨྲས་པ། བདག་གིས་ཐུབ་པའི་མདོ་སྡེ་ནི། །ཡང་དག་བསྡུས་ནས་ཆོས་ལམ་བཞག །གཅིག་ནས་
གཅིག་ཏུ་ཡུན་རིང་བར། །སྟོན་པའི་གསུངས་རབ་འདི་གནས་འགྱུར། །ངོ་ཚ་མེད་རྣམས་ཆད་པས་བཅད། །ངོ་ཚ་བྱེད་ནི་ཡོངས་སུ་བཟུང་། །བདག་གིས་ཕན་དང་དགེ་བྱས་པས། །བདག་ནི་མྱ་ངན་འདས་དུས་བབ། །དེ་ནས་འོད་སྲུངས་ཀྱིས་ཀུན་དགའ་བོའི་དྲུང་དུ་ཕྱིན་ཏེ། ཀུན་དགའ་བོ་ཤེས་
པར་གྱིས་ཤིག །བཅོམ་ལྡན་འདས་ཀྱིས་ནི་བདག་ལ་བསྟན་པ་གཏད་དེ་ཡོངས་སུ་མྱ་ངན་ལས་འདས་སོ། །ད་ནི་བདག་ཀྱང་ཞི་བ་ལ་འགྲོ་བས། ཁྱོད་ཀྱིས་བསྟན་པ་ལེགས་པར་སྐྱོངས་ཤིག །ཁྱོད་ཀྱིས་ཀྱང་ཤ་ནའི་གོས་ཅན་ཞེས་བྱ་བ་འབྱུང་བ་དེ་རབ་ཏུ་བྱུང་ལ་བསྟན་པ་གཏོད་ཅིག་ཅེས་
གདམས་ནས། མིའི་ཡུལ་དང་། ཀླུའི་ཡུལ་དང་། སུམ་ཅུ་རྩ་གསུམ་གྱི་ཡུལ་རྣམས་སུ་སོང་སྟེ། དེ་དག་ཏུ་བཞུགས་པའི་སངས་རྒྱས་བཅོམ་ལྡན་འདས་ཀྱིས་སྐུ་གདུང་དང་ཚེམས་{མཆི་}བ་རྣམས་ལ་མཆོད་པ་བྱས་ནས། སླར་ཡང་རྒྱལ་པོ་ཁབ་ཏུ་བྱོན་ཏེ། རྒྱལ་པོའི་ཆབ་སྒོ་བ་ལ་རྒྱལ་པོ་

213-1-59a

ལ་འོད་སྲུངས་ནི་ཡོངས་སུ་མྱ་ངན་ལས་འདའོ་ཞེས་སྦྲོན་པར་གདམས་ཏེ། ལྷོ་ཕྱོགས་ཀྱི་རི་བོ་བྱ་གག་རྐང་ག་ལ་བ་དེར་འཛེགས་ཏེ། རི་གསུམ་ཀྱི་དབུས་བུ་རྩྭ་བཏིང་བི་སྟན་དུ་སྟོན་པས་སྩལ་བའི་ཕྱག་དར་ཁྲོད་པའི་སྣམ་སྦྱར་སྐུ་ལ་བགོས་ནས། རྒྱལ་བ་བྱམས་པའི་
གསུང་རབ་རྒྱས་པར་གྱུར་གྱི་བར་དུ་མི་ཉམས་པར་བྱ་བར་དགོངས་ཏེ། བཅོམ་ལྡན་འདས་ཀྱི་ཕྱག་དར་ཁྲོད་ཀྱི་སྣམ་སྦྱར་སྐུ་ལ་གསོལ་ཏེ་ནམ་ཞིག་མ་ཕམ་མགོན་གྱི་གསུང་རབ་རྒྱས་པར་གྱུར་པ་དེ་སྲིད་དུ་མི་ཤིགས་པར་བྱིན་གྱིས་བརླབས་ནས་ཆོ་འཕྲུལ་དུ་མ་བསྟན་ཏེ་མྱ་ངན་ལས་འདས་སོ། །
དེའི་དུས་ན་གསེར་མངལ་ཅན་དང་། མིག་སྟོང་ལྡན་པ་ལ་སོགས་པའི་ལྷ་བརྒྱ་སྟོང་མང་པོ་དག་གིས་ཀྱང་ཉེ་བར་ལྷགས་ནས། སྟོན་པ་གཉིས་པའི་སྐུ་གདུང་དེ་ལ་ལྷའི་མེ་ཏོག་ཨུཏྤལ་དང་། པདྨ་དང་། ཀུ་མུ་དཱ་དང་། ཙནྡན་དང་། ཨ་ག་རུ་ལ་སོགས་པས་མངོན་པར་མཆོད་ཅིང་ཕྱག་
བྱས་ཏེ་དེ་ཉིད་དུ་མི་སྣང་བར་གྱུར་ཏོ། །དེ་ཙམ་ཞིག་ནས་རྒྱལ་པོ་མ་སྐྱེས་དགྲས་ཀྱང་འོད་སྲུངས་ཆེན་པོ་མྱ་ངན་ལས་འདས་པ་ཐོས་ནས། ཡིད་མྱ་ངན་དང་བཅས་ཏེ་འོད་མའི་ཚལ་ན་ཀུན་དགའ་བོ་བཞུགས་པའི་དྲུང་དུ་འོངས་པ་ན། དེས་ལམ་བསྟན་ཏེ་བྱ་གག་རྐང་གི་རི་ལ་འཛེགས་པ་ན། དེར་འཁོད་
པའི་གནོད་སྦྱིན་རྣམས་ཀྱིས་རི་བོ་དེ་དག་ལག་པའི་སྤར་བ་གདངས་པ་བཞིན་དུ་བསྟན་ནོ། །དེའི་ཚེ་རྒྱལ་པོས་བསྲེག་ཤིང་བསགས་ཏེ་སྲེག་པར་བརྩམས་པ་དང་། ཀུན་དགའ་བོས། རྒྱལ་པོ་ཆེན་པོ་འདི་ནི་བྱམས་པའི་གསུང་རབ་རྒྱས་པའི་བར་དུ་མི་ཉམས་པར་བྱིན་གྱིས་བརླབས་ཏེ། ནམ་
ཞིག་བྱམས་པ་འཁོར་ཉན་ཐོས་བྱེ་བ་ཕྲག་དྲུག་ཅུ་རྩ་དགུས་བསྐོར་ནས་འདིར་འབྱོན་པར་འགྱུར་རོ། །བྱོན་ནས་ཀྱང་འཕགས་པའི་ལུས་འདི་ཉན་ཐོས་དེ་དག་ལ་བསྟན་ཏེ་འདི་ནི་འོང་སྲུངས་ཆེན་པོ་ཞེས་བྱ་བ་བཅོམ་ལྡན་འདས་ཤཱཀྱ་ཐུབ་པའི་ཉན་ཐོས། སྦྱངས་པའི་ཡོན་ཏན་འཆང་བའི་མཆོག་ཏུ་
གྱུར་བ་སྟེ། འདིས་ཐུབ་པ་དེའི་བསྟན་པ་ཡང་དག་པར་བསྡུས་སོ་ཞེས་ཉན་ཐོས་རྣམས་ལ་བསྟན་པ་དང་། དགེ་སློང་བྱེ་བ་ཕྲག་དགུ་བཅུ་རྩ་དགུས་སྦྱངས་པའི་ཡོན་ཏན་ཡང་དག་པར་བླངས་ནས་ཅི་ནུས་ཀྱིས་བསྒྲུབས་ཏེ། དགྲ་བཅོམ་པ་མངོན་དུ་བྱེད་པ་དེ་ལྟར་དུ་བྱིན་གྱིས་བརླབས་པས་སྲེག་པར་

213-1-59b

བྱེད་མི་ནུས་སོ། །འོན་ཀྱང་སྟེང་དུ་མཆེད་རྟེན་ཞིག་རྩིགས་ཤིག་ཅེས་གསུངས་ནས། སླར་ཡང་རྒྱལ་པོས་ཕྱིར་བྱུང་བ་དང་རི་བོ་གསུམ་གྱིས་སྔ་མ་བཞིན་དུ་བསྒྲིབས་སོ། །དེའི་སྟེང་དུ་རྒྱལ་པོས་མཆོད་རྟེན་བརྩིགས་ནས་མཆོད་པའི་ཕྲེང་བ་མང་པོས་ཀྱང་མངོན་པར་གཏམས་ནས་བཞག་གོ། །དེའི་ཚེ་
རྒྱལ་པོ་མ་སྐྱེས་དགྲས་སྟོན་པ་དང་འོད་སྲུངས་ཆེན་པོ་གཉིས་ཀ་མྱ་ངན་ལས་འདའ་བ་མ་མཐོང་བས་ཡིད་ཡོངས་སུ་གདུང་བར་གྱུར་ནས་ཀུན་དགའ་བོ་ལ། འཕགས་པ་ནམ་ཞིག་མྱ་ངན་ལས་འདའ་བ་བལྟ་བར་བགྱིའོ་སྨྲས་པ་དང་། དེས་ཀྱང་དེ་ལྟར་དུ་བགྱི་བར་ཞལ་གྱིས་འཆེས་སོ། །དེ་ནས་གནས་བརྟན་
ཀུན་དགའ་བོ་འཁོར་དགེ་སློང་གི་དགེ་འདུན་དང་བཅས་པ་འོད་མའི་ཚལ་ལ་སོགས་པར་བཞུགས་ནས། བསྟན་པ་སྐྱོང་བའི་བགྱི་བ་ཁོ་ནས་དུས་འདའ་ཞིང་། སྐྱེ་བོའི་ཚོགས་མང་པོ་འབྲས་བུ་རྣམ་པ་བཞི་ལ་བཀོད་པ་ལ་སོགས་པའི་ངོ་མཚར་མཛད་པའི་ཕྲེང་བ་ཚར་དུ་དངར་བ་དག་གིས་སྐྱེ་འགྲོ་ཐམས་ཅད་ཀྱི་
ཡིད་ཡོངས་སུ་ཕྲོགས་ནས། འཕགས་པ་ཀུན་དགའ་བོ་ནི་སྟོན་པ་དང་མཚུངས་སོ་ཞེས་ལྷ་དང་མིའི་འགྲོ་བ་མང་པོས་དུས་གཅིག་ཏུ་སྒྲོགས་པ་བྱུང་ངོ་། །དུས་གཞན་ཞིག་ན་སྡེ་དཔོན་གྱི་བུ་བཙས་པའི་ཚེ་ཤ་ནའི་གོས་དང་ལྷན་ཅིག་ཏུ་བཙས་པས་ཤ་ནའི་གོས་ཅན་དུ་གྲགས་པ་དེ་རྒྱ་མཚོ་ཆེན་པོ་ནས་རྙེད་པ་
ལེགས་པར་ཐོབ་ནས་བདེ་བར་བརྒལ་ཏེ་འོངས་པ་དེས། གནས་བརྟན་ཀུན་དགའ་བོ་འོད་མའི་ཚལ་གྱི་དྲིའི་གཙག་ཁང་གི་སྒོ་ན་འཆག་པ་མཐོང་ནས་ཕྱག་བྱས་ཏེ་སྨྲས་པ། བདག་གིས་བཅོམ་ལྡན་འདས་འཁོར་དང་བཅས་པ་ལོ་ལྔའི་བར་དུ་དུས་སྟོན་བགྱིད་པར་འཚལ་ན། སྟོན་པ་གང་ན་བཞུགས་ཞེས་དྲིས་པ་ལ། གནས་
བརྟན་གྱིས་སྨྲས་པ། །བུ་ཁྱོད་ཀྱིས་མ་ཐོས་སམ། དེ་བཞིན་གཤེགས་པ་མྱ་ངན་ལས་འདས་སོ། །དེ་སྐད་ཐོས་མ་ཐག་ནས་བརྒྱལ་ཏེ་ས་ལ་འགྱེལ་ལོ། །དེ་ལས་སད་པ་དང་། ཉན་ཐོས་ཆེན་པོ་མཆོག་ཟུང་འོད་སྲུངས་དང་བཅས་པ་རྣམས་ཀྱང་དྲིས་པས། དེ་དག་ཀྱང་མྱ་ངན་ལས་འདས་སོ། །དེ་སྐད་ཅེས་
ཐོས་ནས་ཀུན་དགའ་བོ་དགེ་འདུན་དང་བཅས་པ་ལོ་ལྔའི་བར་དུ་མངོན་པར་མཆོད་པའི་མཐར་གནས་བརྟན་ཆེན་པོས་བསྐུལ་ནས་རབ་ཏུ་བྱུང་ངོ་། །དེ་ནས་རིང་པོར་མ་ཐོགས་པར་ཐོས་པ་འཛིན་པའི་རྩེ་མོར་ཕྱིན་པར་གྱུར་ཏོ། །ཇི་ཙམ་ན་ཀུན་དགའ་བོ་འོད་མའི་ཚལ་ན་བཞུགས་པ་དང་། དགེ་སློང་གིས་མདོའི་

213-1-60a

ཚིག་ལོག་པར་འདོན་པ་ཐོས་ནས། དེ་ལྟར་བཅོམ་ལྡན་འདས་ཀྱིས་མ་གསུངས་ཞེས་ལན་གཅིག་ལན་གཉིས་སུ་བཟློག་ཀྱང་བཅོས་སུ་མ་བཏུབ་ནས། གལ་ཏེ་བདག་ཉིད་ཀྱིས་སྨྲས་ན་ནི་འཐབ་མོར་འགྱུར་ལ། དེའི་མཁན་པོ་གང་ཡིན་པ་དེ་ནི་བདག་ལ་འདུད་པར་མི་འགྱུར་ཞིང་།
བདག་ནི་དེར་འགྲོ་བའི་དུས་ལ་ཆ་མ་ཡིན་པར་དགོངས་ནས་མྱ་ངན་ལས་འདའ་བ་ལ་མངོན་པར་ཕྱོགས་ནས་སྨྲས་པ། རྙིང་པ་གང་དག་སྔར་འདས་ཏེ། །གསར་བུ་དེ་དང་བདག་མི་མཐུན། །བདག་ནི་གཅིག་པུ་བསམ་གཏན་ལ། །སྒོ་ང་ལས་སྐྱེས་བཞིན་དུ་གནས། །བདག་གི་གྲོགས་དང་མཛའ་བོ་ཀུན།
སྔོན་དུ་འདས་ཤིང་སོང་བར་གྱུར། །ཇི་ལྟར་བསམ་གཏན་གནས་དྲན་པ། །དེ་འདྲའི་བཤེས་གཉེན་འདི་ན་མེད། །དྲི་མ་བྱང་ནས་ཞིར་སོང་འགྲོ་བའི་སྒྲོན་མ་སྟེ། །བདག་ཉིད་ཆེན་པོས་གཏི་མུག་མུན་ནག་རབ་རིབ་བསལ། །དེ་དག་གིས་ནི་གདུལ་བ་ཚད་མེད་བཏུལ་གྱུར་ནས། །གཅིག་པུ་དགོན་པ་
མཆོད་རྟེན་ཚལ་ཤིང་ལྷག་མ་འདྲ། །ཞེས་སྨྲས་ནས་ཤ་ནའི་གོས་ཅན་ལ་བསྟན་པ་གཏད་དེ། སླད་མའི་དུས་ན་ཡུལ་བཅོམ་བརླག་གི་རི་མུ་རུནྡྷར་ཚོང་དཔོན་གྱི་བུ་ན་ཏ་དང་ཕ་ཏ་ཞེས་བྱ་བས་གཙུག་ལག་ཁང་བརྩིགས་པ་དང་ཡོན་བདག་བྱེད་པར་བཅོན་ལྡན་འདས་ཀྱིས་ལུང་བསྟན་ནོ། །དེ་ན་སྤོས་
འཚོང་སྦས་པའི་བུ་ཉེར་སྦས་ཞེས་བྱ་བ་ཞིག་འབྱུང་སྟེ་དེ་རབ་ཏུ་བྱུང་ཤིག་དང་། སྟོན་པས་ང་མྱ་ངན་ལས་འདས་ནས་ལོ་བརྒྱ་ན་དེ་ཉིད་མཚན་མེད་པའི་སངས་རྒྱས་སུ་འགྱུར་ཏེ་སངས་རྒྱས་ཀྱི་བྱ་བ་བྱེད་དོ་ཞེས་ལུང་བསྟན་པས་དེ་ལ་གཏོག་ཅིག་ཅེས་པར་གདམས་སོ། །དེ་ནས་ཀུན་དགའ་བོས་བདག་ཡུལ་སྤོང་བྱེད་
དམ་ཡངས་པ་ཅན་གང་རུང་ཅིག་ཏུ་མྱ་ངན་ལས་འདས་ན་ནི་ཅིག་ཤོས་དེ་མི་དགའ་བར་འགྱུར་རོ། །དེས་ན་ཆུ་བོ་གངྒཱའི་དབུས་སུ་སོང་ལ་མྱ་ངན་ལས་འདས་ནས་རིང་བསྲེལ་སོ་སོར་ཐོབ་པར་བྱའོ་སྙམ་སྟེ་མ་སྐྱེས་དགྲ་སྦྲན་པར་བསྐུལ་ནས། ཀུན་དགའ་བོ་གྲུལ་ཞུགས་ཏེ་གངྒཱའི་དབུས་སུ་རྫུ་འཕྲུལ་གྱིས་ས་
ལ་ཇི་ལྟར་བྱ་བ་བཞིན་དུ་བཞུགས་སོ། །དེ་སྐད་ཐོས་པ་དང་མ་སྐྱེས་དགྲ་དཔུང་དང་བཅས་པ་ཡིད་མི་དགའ་ཞིང་གངྒཱའི་འགྲམ་དུ་སོང་བས། ལིཙྖ་བཱི་རྣམས་ཀྱང་དཔུང་གི་ཚོགས་དང་བཅས་ཏེ་གངྒཱའི་འགྲམ་དུ་ཕྱིན་ནས་རིང་བསྲེལ་གྱི་ཕྱིར་འཁོད་དོ། །དེའི་ཚེ་ས་གཡོ་བ་ཆེན་པོ་བྱུང་སྟེ་དེ་ནི་འཕགས་

213-1-60b

པ་ཀུན་དགའ་བོ་མྱ་ངན་ལས་འདའ་བའི་ལྟས་སུ་རིག་པའི་དྲང་སྲོང་གཅིག་ཅིག་འཁོར་ལྔ་བརྒྱས་བསྐོར་ཏེ་བྱུང་ནས་རབ་ཏུ་འབྱུང་བར་གསོལ་བ་བཏབ་བོ། །དེའི་ཚེ་འཕགས་པས་གངྒཱའི་དབུས་སུ་གླིང་ཡིད་དུ་འོང་བ་སྤྲུལ་ཏེ། དེ་ཉིད་དུ་ཉི་མ་གུང་ལ་བབ་པའི་དུས་སུ་གསོལ་བའི་ལས་བྱས་པས་ཕྱིར་མི་
འོང་བ་དང་། ལས་གསུམ་པ་བྱས་པས་དགྲ་བཅོམ་པའི་འབྲས་བུ་ཐོབ་པར་གྱུར་ཏོ། །དེ་ལ་ཆུ་དབུས་པའམ་ཉི་མ་གུང་པ་ཞེས་བྱ་བར་གྲགས་སོ། །དེས་ནི་བཅོམ་ལྡན་འདས་ཡོངས་སུ་མྱ་ངན་ལས་མ་འདས་པའི་སྔོན་དུ་བཟང་ལྡན་མྱ་ངན་ལས་འདས་པ་ལྟར། མཁན་པོའི་སྔོན་དུ་བདག་ཉིད་བདག་ཉིད་མྱ་ངན་
ལས་འདའ་བར་ཞུས་ཀྱང་། མཁན་པོས་འདི་སྐད་དུ་གསུངས་ཏེ། བཅོམ་ལྡན་འདས་ཀྱིས་ཁ་ཆེ་ནི་བསམ་གཏན་དང་མཐུན་པའི་གནས་མལ་གྱི་མཆོག་གོ་ཞེས་ལུང་བསྟན་པ་དང་། སྟོན་པ་མྱ་ངན་ལས་འདས་ནས་ལོ་བརྒྱ་ལོན་པ་ན་དགེ་སློང་ཉི་མ་གུང་པ་ཞེས་བྱ་བ་འབྱུང་སྟེ། དེས་དེ་ན་བསྟན་པ་
འཛིན་པར་འགྱུར་རོ་ཞེས་ལུང་དུ་བསྟན་པས། ཁྱོད་ཀྱིས་ཁ་ཆེར་སོང་ལ་བསྟན་པ་ཟུང་ཞིག་ཅེས་གདམས་སོ། །དེ་ནས་འཕགས་པ་ཀུན་དགའ་བོ་ནམ་མཁའ་ལ་མངོན་པར་འཕགས་ཏེ་ཆོ་འཕྲུལ་རྣམ་པ་མང་པོ་བསྟན་ནས་མྱ་ངན་ལས་འདས་ནས་སྐུ་གདུང་ནི་རང་གི་རྫུ་འཕྲུལ་གྱི་མཐུས་སྦྱངས་
ནས་རིང་བསྲེལ་དུམ་བུ་གཉིས་སུ་སོང་བ་གཅིག་ནི་མ་སྐྱེས་དགྲ་དང་གཅིག་ནི་ལིཙྪ་བཱི་རྣམས་ཀྱིས་ཐོབ་སྟེ། དེ་དག་གིས་ཀྱང་སྐྱ་སྣར་གྱི་བུ་དང་ཡངས་པ་ཅན་དུ་མཆོད་རྟེན་བརྩིགས་སོ། །ཉི་མ་གུང་པ་ནི་སྟོན་པའི་ལུང་བསྟན་རྗེས་སུ་བསྒྲུབ་པའི་ཕྱིར་ཁ་ཆེར་བྱོན་ཏེ། དེ་ན་ཀླུ་ཧུ་ལུནྟ་ཞེས་བྱ་བ་
གདུག་པ་ཅན་ཞིག་གིས་རྟེན་བཅས་ནས་འགྲོ་བ་མང་པོ་ལ་འཚེ་བར་བྱེད་པ་ཞིག་ཡོད་པ། དེ་གདུལ་བའི་དོན་དུ་ཏིང་ངེ་འཛིན་ལ་མཉམ་པར་བཞག་པས། ཀླུ་དེས་ཤིན་ཏུ་མ་བཟོད་པར་ཁྲོས་ནས་རྫི་ཆར་དྲག་པོ་དང་། མདའ་བོ་ཆེ་དང་། དགྲ་སྟ་དང་། རྡོ་རྗེ་ལ་སོགས་པའི་མཚོན་ཆ་ཆར་དུ་ཕབ་
བོ། །གནས་བརྟན་གྱིས་མཚོན་ཆ་དེ་ཐམས་ཅད་མེ་ཏོག་ཨུཏྤ་ལ་དང་། པདྨ་དང་། པུཎྜཱ་རཱི་ཀ་རྣམས་སུ་བསྒྱུར་ཏེ་གླགས་རྙེད་པར་མ་གྱུར་པ་དང་། སླར་གནས་བརྟན་གྱི་བཀའ་མཉན་པའི་ཕྱིར་དྲུང་དུ་བྱུང་བ་ལ། གནས་བརྟན་གྱིས་སྨྲས་པ། གནས་འདི་ང་ལ་བྱིན་ཅིག །དེ་དག་གིས་

213-1-61a

འབུལ་བར་རྔོ་མི་ཐོག་གོ། །གནས་བརྟན་གྱིས་གནས་འདི་བཅོམ་ལྟན་འདས་ཀྱིས་ངའི་གནས་སུ་ལུང་བསྟན་པས་ངའི་གནས་ཡིན་ནོ། །དེ་ལྟར་ཡིན་ན་ཇི་ཙམ་དགོས་པའི་ཚད་དང་རྗེས་སུ་མཐུན་པ་ཞིག་དེ་བཞིན་དུ་གྱུར་ཅིག་ཅེས་ཕུལ་ལོ། །དེ་ལྟར་ཕུལ་བ་དང་འཕགས་པས་
དེ་ན་གྲོང་དང་། གྲོང་ཁྱེར་དང་། ཡུལ་འཁོར་དང་། གཙུག་ལག་ཁང་མང་པོ་བྱས་ཏེ། སྐྱེ་བོའི་ཚོགས་དག་ཞུགས་པ་དང་། དེ་རྣམས་འཕེལ་བའི་ཆེད་དུ་སྐྱེ་བོ་དེ་དག་ཁྲིད་དེ། རི་སྤོས་ཀྱི་ངད་ལྡང་ལས་གུར་གུམ་ཐོབ་ཅིག་གསུངས་པ་དང་། དེ་ན་གནས་པའི་ཀླུ་གཉན་རྣམས་ཁྲོས་པའང་འཕགས་
པས་རྫུ་འཕྲུལ་གྱིས་བཏུལ་ནས་ནམ་ཞིག་སངས་རྒྱས་ཀྱི་བསྟན་པ་ཇི་སྲིད་གནས་པར་གྱུར་བ་དེ་སྲིད་དུ་གནང་བ་ཕུལ་ལོ། །ཇི་ཙམ་ན་གནས་བརྟན་གྱིས་ཁ་ཆེའི་ཡུལ་དུ་གུར་གུམ་སྐྱེ་བར་བྱིན་གྱིས་བརླབས་ཏེ་ཆོ་འཕྲུལ་རྣམ་པ་མང་པོས་སྦྱིན་པ་པོ་དང་། ཚངས་པ་མཚུངས་པར་སྤྱོད་པ་རྣམས་ཀྱི་ཡིད་
དགའ་བར་བྱས་ཏེ་མྱ་ངན་ལས་འདས་སོ། །འཕགས་པ་ཤ་ནའི་གོས་ཅན་གྱིས་ནི་མ་ག་དྷར་བཞུགས་ནས་བསྟན་པ་སྐྱོང་བའི་དུས་ན། མ་གྷཱ་དྷཱ་དང་ཉེ་བའི་ས་ཕྱོགས་ཤིག་གནོད་སྦྱིན་མི་སྲུན་པ་ཞིག་གིས་བདག་གིར་བྱས་ནས་སྐྱེ་བོ་རྣམས་ལ་འཚེ་བ་ཞིག་ཡོད་པ་དེ་གདུལ་བའི་ཕྱིར། དེའི་བསྟི་
གནས་སུ་སོང་སྟེ་མེའི་ཆོ་འཕྲུལ་གྱི་ཏིང་ངེ་འཛིན་ལ་སྙོམས་པར་བཞུགས་པས་གནོད་སྦྱིན་དེ་ལེགས་པར་བཏུལ་བ་དང་། ལེགས་པར་གསུངས་པའི་ཆོས་འདུལ་པ་ལ་རབ་ཏུ་བྱུང་བ་དང་རྗེས་སུ་བསྟན་པའི་སྒོ་ནས། རྒྱལ་པོ་གཞུ་བཟང་ཞེས་བགྱི་བའི་འཁོར་དང་ཞོ་ཤས་འཚོ་བ་ལ་སོགས་པ་དགྲ་
བཅོམ་པ་ཁྲི་ཕྲག་གཅིག་དང་། བདེན་པ་མཐོང་བ་འབུམ་ཕྲག་ཙམ་བྱུང་བར་གྲགས་ཤིང་། བྱེ་བྲག་ཏུ་སྤོས་འཚོང་སྦས་པ་ཞེས་བྱ་བའི་བུ་ཉེར་སྦས་རབ་ཏུ་བྱུང་ཞིང་བསྙེན་པར་རྫོགས་ནས་དགྲ་བཅོམ་པའི་འབྲས་བུ་ལ་བཀོད་དེ། སངས་རྒྱས་ཀྱི་བསྟན་པ་དེའི་ལག་ཏུ་བཞག་སྟེ་ཡུལ་ཙམྦན་མྱ་
ངན་ལས་འདས་སོ། །དེའི་འོག་ཏུ་འཕགས་པ་ཉེར་སྦས་ཀྱིས་བསྟན་པ་བསྐྱངས་ཏེ། འཕགས་པ་འདིས་ནི་ལུས་འཕགས་ཞེས་བྱ་བའི་གནས་སུ་གཤེགས་ཏེ། ཁྱིམ་བདག་དབྱིག་གི་སྙིང་པོས་བཞེངས་པའི་གཙུག་ལག་ཁང་དང་། གནྡྷར་ཞེས་བྱ་བའི་རི་དང་། མགོ་བོའི་རི་ལ་གར་མཁན་དཔའ་

213-1-61b

བོའི་གཙུག་ལག་ཡོད་པ་རྣམས་སུ་བཞུགས་ཤིང་སྐྱེ་བོ་མང་པོ་ལ་ཆོས་བསྟན་པས་དགྲ་བཅོམ་པ་ཐོབ་པ་དང་བདེན་བ་མཐོང་བ་མང་དུ་བྱུང་སྟེ། མདོར་ན་འཕགས་པ་རང་གིས་ཆོས་བསྟན་པས་དགྲ་བཅོམ་པ་ཐོབ་པ་རེ་རེས་ཤིང་བུ་སོར་མོ་བཞི་པ་རེ་བསྐྱུར་བས་ཕུག་པ་སྲིད་དུ་ཁྲུ་བཅོ་བརྒྱད་པ། རྒྱར་ཁྲུ་བཅུ་
གཉིས་པ། དཔངས་སུ་ཁྲུ་དྲུག་པ་ཅིག་ཁེངས་པ་བྱུང་བ་ལ་སོགས་པ་སྟོན་པ་འདས་པའི་འོག་ཏུ་འདི་ལས་འགྲོ་དོན་ཆེ་བ་མ་བྱུང་བར་གྲགས་ཤིང་། ཁྱད་པར་དུ་གྲོང་ཁྱེར་ཆེན་པོ་འཕགས་རྒྱལ་གྱི་བྲམ་ཟེའི་གཙོ་བོའི་བུ་དྷི་ཏི་ཀ་རིག་བྱེད་མང་པོའི་ཕ་རོལ་དུ་སོན་ཅིང་སློབ་མ་བྲམ་ཟེ་ལྔ་བརྒྱ་ཡོད་པ་དེས་ 
ཕྱོགས་ཀུན་ན་གནས་པའི་བྲམ་ཟེ་ལ་སོགས་པ་མཁས་པར་གྲགས་པ་རྣམས་ལ་ཚངས་སྤྱོད་ཀྱི་ལམ་ལ་བརྩད་ཅིང་དྲིས་པས་མགུ་བར་མ་ནུས་པར། མ་ཐུ་རར་འཕགས་པ་འདི་ཉིད་བཞུགས་པའི་གན་དུ་འོངས་ནས་དྲིས་པས་ཤིན་ཏུ་ཡིད་ཆེས་ཤིང་དད་པར་གྱུར་ཏེ། དམ་པའི་ཆོས་འདུལ་བ་ལས་
རབ་ཏུ་བྱུང་ཞིང་བསྙེན་པར་རྫོགས་པས་དགྲ་བཅོམ་པ་རྣམ་པར་ཐར་པ་བརྒྱད་དང་ལྡན་པའི་བདག་ཉིད་ཅན་དུ་བསྒྲུབས་སོ། །ཇི་ཞིག་གི་དུས་ན་དེ་ལ་བསྟན་པ་གཏད་དེ། རང་ཉིད་ཞི་བའི་དབྱིངས་སུ་མནལ་བ་ན། སྐུ་གདུང་ནི་ཤིང་བུ་དེ་དག་སྤུངས་པའི་ཞུགས་ལ་བཞེན་པས་རིང་བསྲེལ་གཅིག་ཏུ་
གྱུར་པ་ལྷ་རྣམས་ཀྱིས་མཆོད་པའི་ཕྱིར་བསྐྱོད་དོ། །དེའི་འོག་ཏུ་འཕགས་པ་དྷི་ཏི་ཀས་བསྟན་པ་བསྐྱངས་ཏེ། འཕགས་པ་འདིས་ཐོ་གར་གྱི་རྒྱལ་པོ་འཁོར་དང་བཅས་པས་གནམ་མཆོད་པ་བྱའོ་ཞེས་འབྲུ་དང་གོས་ལ་སོགས་པ་མེ་ལ་བསྲེགས་ནས་མཆོད་པ་བྱེད་པ་དག་ཡོད་དེ། དེ་ན་འཕགས་པ་འདི་
དགུ་བཅོམ་པ་ལྔ་བརྒྱའི་འཁོར་གྱིས་བསྐོར་ནས་རྫུ་འཕྲུལ་གྱིས་ནམ་མཁའ་ལ་གཤེགས་ནས་དེའི་བཀད་སར་བཞུགས་པས། དེ་དག་གིས་གནམ་གྱི་ལྷ་ཡིན་པའི་འདུ་ཤེས་ཀྱིས་མཆོད་པ་རྒྱ་ཆེར་བྱས་པ་ལ་ཆོས་བསྟན་པས་བདེན་པ་མཐོང་བ་མང་དུ་བྱུང་བ་དང་། གཞན་ཡང་མལླ་བར་བྲམ་
ཟེ་དྲེགས་མེད་ཅེས་བྱ་བས་ཉིན་རེ་ལ་ར་སྐྱེས་སྟོང་དང་བ་གླང་སྟོང་གི་མཆོད་སྦྱིན་བྱེད་པའང་ཆོས་ལ་བཅུག་པ་དང་། ཤར་ཕྱོགས་ཀཱ་མ་རཱུ་པའི་བྲམ་ཟེ་སིངྷ་ཞེས་བྱ་བ་འཁོར་དང་བཅས་པས་ཉི་མ་མཆོད་པའི་ཚེ་རྫུ་འཕྲུལ་གྱིས་ཉི་མའི་དཀྱིལ་འཁོར་གྱི་དབུས་སུ་བྱོན་ཏེ་ཆོས་བསྟན་ནས། བདེན་པ་

213-1-62a

མཐོང་བ་ལ་སྦྱར་ཏེ་ཡུལ་དེར་དགེ་འདུན་གྱི་གཙུག་ལག་ཁང་བཞེངས་ཏེ་དུས་སྟོན་གྱི་རྒྱུན་བཙུགས་པ་ལ་སོགས་པ་བསྟན་པ་རྒྱས་པར་མཛད་དོ། །བྱེ་བྲག་ཏུ་ཨདྒའི་ཡུལ་གྱི་ཁྱིམ་བདག་བསོད་ནམས་ཀྱི་མཐུ་དང་ལྡན་པ། དགོས་འདོད་ཕལ་ཆེར་རང་གི་ཁྱིམ་དུ་སྐྱེས་པའི་
ཤིང་ལྗོན་པ་ལས་འབྱུང་བ་ཞིག་ཡོད་དེ། དེ་ལ་ལྷ་ནག་པོ་ཞེས་བྱ་བས་བྱིན་པའི་བུ་གཅིག་བྱུང་བ་དེའི་མིང་དུ་ཡང་ནག་པོ་ཞེས་བཏགས་སོ། །ནམ་ཞིག་ཆེར་སོན་ནས་རྒྱ་མཚོ་ཆེན་པོ་ལན་བདུན་དུ་བརྒལ་བའི་ཕྱི་མ་དེ་ལ། སྲིན་པོའི་རིས་ཁྲུང་ཁྲུང་གཞོན་ནུ་ཞེས་བྱ་བས་བཟུང་བ། འཕགས་
པ་དྷི་ཏི་ཀས་འཇིགས་པའི་དེ་ལས་ཡོངས་སུ་བསྐྱབས་ནས་ཛམྦུའི་གླིང་དུ་ཕྱིན་པའི་ཚེ། དེད་དཔོན་ནག་པོས་ཕྱོགས་བཞིའི་དགེ་འདུན་ལ་ལོ་གསུམ་དུ་དུས་སྟོན་ཆེན་པོ་བྱས་ནས། མཐར་རབ་ཏུ་བྱུང་ཞིང་བསྙེན་པར་རྫོགས་ནས་དགྲ་བཅོམ་པ་ལ་བཞག་གོ། །དེ་ནས་འཕགས་པ་དྷི་ཏི་
ཀས་འཕགས་པ་ནག་པོ་ལ་བསྟན་པ་གཏད་དེ། གྲོང་ཁྱེར་འཕགས་རྒྱལ་དུ་མྱ་ངན་ལས་འདས་སོ། །དེའི་རྗེས་སུ་འཕགས་པ་ནག་པོས་བསྟན་པ་སྐྱོང་བའི་ཚེ། ཀཥྨི་རའི་ཡུལ་ན་དགེ་སློང་གནས་པ་ཞེས་བྱ་བས་ལོག་པའི་ཆོས་ཀྱིས་སྐྱེ་བོ་མང་པོ་བདག་ཏུ་ལྟ་བ་ལ་དཀྲིས་པས་ཅུང་ཟད་
ཅིག་ཏུ་བསྟན་པ་རྩོད་པའི་དྲི་མ་ཅན་དུ་གྱུར་ཏེ། དེའི་ཚེ་མ་རུའི་ཡུལ་གྱི་པུཥྐ་ར་ཎའི་དྲིའི་གཙང་ཁང་དུ་གནོད་སྦྱིན་སེར་སྐྱ་ཞེས་བྱ་བས་སྦྱིན་བདག་བྱས་ཏེ་དགེ་སློང་གི་དགེ་འདུན་རྣམས་བསྡུས་ནས་རྩོད་པ་ཕྱིར་བཅོས་ཤིང་། དེའི་ཚེ་འཕགས་པ་འདིས་ཆོས་བསྟན་པས་ལྟ་བ་ཡང་དག་
པར་བཅུག་སྟེ་བདེན་པ་མཐོང་བ་མང་དུ་བྱུང་ངོ་། །དུས་གཞན་ཞིག་ན་ཛམྦུའི་གླིང་གི་ཚོང་མ་རྣམས་ཀྱིས་འཕགས་པ་ནག་པོའི་ཡོན་ཏན་གྱི་ཁྱད་པར་རྣམས་གཏམ་དུ་གླེང་བ་རྗེས་སུ་ཐོས་ནས། སིངྒ་ལའི་རྒྱལ་པོ་སིདྷ་ཞེས་བྱ་བས་སྤྱན་འདྲེན་པའི་རྐང་མགྱོགས་ཀྱིས་ཉེ་བར་སོན་
ནོ། །ཇི་ལྟར་སོན་པ་དེ་དག་གོ་ངོར་འཕགས་པ་དགྲ་བཅོམ་པའི་འཁོར་ལྔ་བརྒྱ་དང་ལྷན་ཅིག་ཏུ་རྫུ་འཕྲུལ་གྱི་བགྲོད་པས་གླིང་དེར་བྱོན་ཏེ། རྒྱལ་པོ་དང་འཁོར་དང་། ཡུལ་མིའི་སྐྱེ་བོ་དང་བཅས་པ་ལ་ཆོས་བསྟན་པས་བདེན་པ་མཐོང་པ་དང་། ཟག་པ་རྣམས་ལ་སེམས་རྣམ་པར་

213-1-62b

གྲོལ་བ་ལ་བཀོད་དེ། གླིང་དེ་ན་སྔོན་དུས་བཅོམ་ལྡན་འདས་ཀྱིས་གཤེགས་ཤིང་བསྟན་པ་གནས་པ་ཡིན་ནའང་། ཕྱི་ནས་ནུབ་པར་གྱུར་པ་ལ། འཕགས་པ་འདིས་བྱོན་ཏེ་སླར་ཡང་ཤིན་ཏུ་དར་བར་མཛད་པར་གྲགས་སོ། །དེའི་མཐར་ནུབ་ཕྱོགས་བྷ་རུ་ཀཙྖ་ན་སྐྱ་བསེང་གི་རིགས་
ལས་བྱུང་བ་མཐོང་བ་ཅན་གྱི་བུ་ལེགས་མཐོང་ཞེས་བྱ་བ། ཉི་མ་རེ་ལ་མེ་ཏོག་གི་ཕྲེང་བ་ཁོ་ནའི་ཕྱིར་ཡང་གསེར་པ་ཎ་ལྔ་སྟོང་གྱིས་བསྒྲུབས་པ་ལ་ལོངས་སྤྱོད་པའི་འབྱོར་པ་ཕུན་སུམ་ཚོགས་པ་དང་ལྡན་པ་ཞིག་ཡོད་དེ། དེས་སྲིད་པའི་འབྱོར་བ་ཐམས་ཅད་མཆིལ་མའི་ཐལ་བ་བཞིན་དུ་
སྤངས་ནས་དགྲ་བཅོམ་པ་སུ་ཀཱ་ཡཱ་ན་ལས་རབ་ཏུ་བྱུང་ནས་ཟག་པ་རྣམས་ལས་རྣམ་པར་གྲོལ་བའི་དགྲ་བཅོམ་པར་གྱུར་ཏོ། །དུས་ནམ་ཞིག་ན་འཕགས་པ་ནག་པོས་དེ་ལ་བསྟན་པ་གཏད་དེ་རང་ཉིད་བྱང་ཕྱོགས་ཀུ་ཤའི་ཚལ་དུ་མྱ་ངན་ལས་འདས་སོ། །དེ་ནས་ལེགས་མཐོང་ཆེན་པོས་
བསྟན་པ་སྐྱོང་བའི་དུས་སུ། ནུབ་ཕྱོགས་སིནྡྷུའི་ཡུལ་ན་གནོད་སྦྱིན་མོ་ཤ་ཁྲག་ལ་མངོན་པར་དགའ་བ་ཞིག་གནས་ཏེ། དེ་ལ་མཆོད་པ་མ་བྱས་ན་ནི་སྐྱེ་འགྲོ་རྣམས་ལ་འཚོ་ཞིང་། མཆོད་ན་ནི་ཉིན་རེའི་གཏོར་མ་ལ་ཡང་། སྐྱེས་པ་དང་། བུད་མེད་དང་། རྟ་དང་། བ་ལང་
དང་། བཟའ་བཅའི་རྣམ་པ་མང་པོ་བསྟབ་དགོས་ཏེ། དེ་བདག་ཉིད་ཀྱིས་གདུལ་བར་བྱ་བ་ཉིད་དུ་མཁྱེན་ནས། ལྷུང་བཟེད་བཤལ་བའི་ཆུས་དེ་ཕྱོགས་སུ་མངོན་པར་གཏོར་རོ། །དེའི་རྐྱེན་གྱིས་དེ་རབ་ཏུ་ཁྲོས་ནས་མཚོན་གྱི་ཆར་པ་འབེབས་པར་བྱེད་ཀྱང་། འཕགས་པས་མཚོན་ཆ་ཐམས་
ཅད་མེ་ཏོག་གི་སིལ་མའི་རྣམ་པར་བསྒྱུར་རོ། །སླར་ཡང་འཕགས་པས་དེ་གནས་པའི་ཕྱོགས་ཀྱི་འཛིན་མའི་དཀྱིལ་འཁོར་ཐམས་ཅད་དུ་མེ་རབ་ཏུ་འབར་བས་ཁེངས་པར་སྤྲུལ་པ་དང་། དེའི་འཇིགས་པ་ལ་མ་བཟོད་དེ་སྐྱབས་སུ་འགྲོ་བ་དང་། བསླབ་པའི་གནས་འཛིན་པར་ཁས་བླངས་ཏེ།
ཕྱིན་ཆད་ཡུལ་དེར་ཤ་ཁྲག་གི་མཆོད་སྦྱིན་མེད་པར་གྲགས་སོ། །གཞན་ཡང་ཛམྦུའི་གླིང་གི་ཡུལ་མང་པོ་དང་། གླིང་ཕྲན་གཞན་དུ་ཡང་རྫུ་འཕྲུལ་གྱིས་བྱོན་ནས་སངས་རྒྱས་ཀྱི་བསྟན་པ་བཙུགས་ཏེ་མཐར་འབར་བ་ལ་སོགས་པའི་ཆོ་འཕྲུལ་དུ་མ་བསྟན་ནས་མྱ་ངན་ལས་འདས་པར་གྱུར་ཏོ། །དེ་རྣམས་

213-1-63a

ཀྱིས་འདུལ་བ་ཕྲན་ཚོགས་ནས་བཤད་པའི་བསྟན་པའི་གཏད་རབས་བདུན་རྫོགས་པ་ཡིན་ནོ། །ཐེག་་པ་ཆེན་པོ་མདོ་སྡེ་ལངྐར་གཤེགས་པ་ལས་ནི། བདེ་གཤེགས་མྱ་ངན་འདས་ནས་ནི། །ཡང་དག་བསྟན་པ་སུ་ཞིག་འཛིན། །ཞེས་བྱ་བ་ལ་སོགས་པའི་འགྲེལ་པར་
འོད་སྲུངས་ཆེན་པོ་ནས། དྷི་ཏི་ཀའི་བར་ལུང་དང་འདྲ་ཞིང་། དེ་ནས་རིམ་པ་བཞིན་དུ། བི་དྷ་ཀ །བཙུན་པ་བུདྡྷཱ་ནནྟཱི། བུདྡྷ་མི་ཏྲ། དགེ་སློང་རྩིབས། སུ་ན་ཤ་ཏ། རྟ་སྐད། མ་ཤི་པ། ཀླུ་སྒྲུབ། ཨཱརྱ་དེ་ཝ། རཱ་ཧུ་ལ། སཾ་གྷཱ་ནནྡཱི། དགེ་སློང་དགྲ་བཅོམ་པ་ཀ་ལ་ཤ །ཀུ་མཱ་ར་ཏ། 
ཤ་ཡ་ཏ། བ་སུ་ནནྡ། མ་ནོ་ཏ། ཧ་ཀ་ལི་ཀ །ན་ཡ་ནཱ་ཤ་སྟེ་དགེ་སློང་དེ་རྣམས་སྔ་མ་སྔ་མས་ཕྱི་མ་ཕྱི་མར་བསྟན་པ་གཏད་པར་གསུངས་སོ། །བསྡུ་བ་གཉིས་པ་ནི། སྟོན་པ་འདས་ནས་ལོ་བརྒྱ་དང་བཅུ་ལོན་པ་འཕགས་པ་དྷི་ཏི་ཀས་བསྟན་པ་བཟུང་བའི་སྐབས་ཙམ་ན། ཡངས་
པ་ཅན་གྱི་དགེ་སློང་རྣམས་ཀྱིས་རུང་བ་མ་ཡིན་པའི་གཞི་བཅུ། མདོ་སྡེ་ལས་འདས། འདུལ་བ་ལས་འདས། སྟོན་པའི་བསྟན་པ་དང་བྲལ་ཏེ། མདོ་སྡེ་ལ་མི་འཇུག །འདུལ་བ་ལ་མི་སྣང་། ཆོས་ཉིད་དང་འགལ་བའི་མི་རུང་བའི་གཞི་བཅུ་ལ་ཀུན་དུ་སྤྱོད་པར་གྱུར་ཏེ། དེའང་།
ཧུ་ལུ་ཧུ་ལུ་ཡི་རང་དང་། །ཀུན་སྤྱོད་སྣོད་དང་ལན་ཚྭ་དང་། །ལམ་དང་སོར་གཉིས་དཀྲུགས་དང་གདིང་། །གསེར་གྱིས་རུང་བ་ཞེས་བྱ་སྟེ། །འདི་དག་རུང་མིན་གཞི་བཅུ་ཡིན། །ཞེས་པའམ། ཡང་ན། ཨ་ལ་ལ་དང་རྗེས་སུ་ཡི་རང་སྤྱོད་པ་དང་། །བརྟག་པ་དང་ནི་ལམ་ཚྭ་དག་དང་ལམ་
དང་ནི། །སོར་མི་རྣམས་ཀྱིས་རུང་དང་དཀྲུགས་དང་གདིང་བ་དང་། །གསེར་དངུལ་བྱས་བ་འདི་ནི་བར་སྡོམ་ཡང་དག་བསྡུས། །ཞེས་པ་ལྟ་བུའི་གཞི་བཅུ་སྟེ། དེའང་ཆོས་མིན་གྱི་ལས་ཆོས་ཀྱི་ལས་སུ་བྱས་ཏེ་དགེ་སློང་རྣམས་ཀྱིས། ཨ་ལ་ལ་ཞེས་བྱ་བས་རུང་བར་བྱེད་པ་དང་། དེ་
བཞིན་དུ་ལས་བྱས་ཏེ། ཐམས་ཅད་ཀྱིས་རྗེས་སུ་ཡི་རང་བས་རྗེས་སུ་ཡི་རང་ངོ་ཞེས་བྱ་བས་རུང་བ་བྱེད་པ་དང་། རང་གི་ལག་གིས་ས་བརྐོ་ཞིང་རྐོར་འཇུག་པར་ཀུན་དུ་སྤྱོད་པས་རུང་བར་བྱེད་པ་དང་། ཆང་བླུགས་པའི་སྣོད་ནས་ནད་པས་སྲིན་བུ་པད་ཁྲག་གཞིབས་པ་ལྟར་གཞིབས་

213-1-63b

ཤིང་འཐུང་བ་ནད་པས་རུང་བར་བྱེད་པ་དང་། ཇི་སྲིད་འཚོ་བའི་བར་དུ་བྱིན་གྱིས་བརླབས་པའི་ལན་ཚྭ་དུས་སུ་རུང་བ་དང་བསྲེས་ནས་ཀུན་དུ་སྤྱོད་པས་རུང་བར་བྱེད་པ་དང་། ལམ་དཔག་ཚད་དང་དཔག་ཚད་ཕྱེད་དུ་སོང་སྟེ་འདུས་ཤིང་ཟས་ཟོས་ནས་ལམ་གྱིས་རུང་བར་བྱེད་པ་དང་། ལྷག་མར་མ་
བྱས་པའི་བཟའ་བ་དང་། བཅའ་བ་སོར་མོ་གཉིས་ཀྱིས་སྤྱད་དེ་སོར་མོ་གཉིས་ཀྱིས་རུང་བར་བྱེད་པ་དང་། འོ་མ་བྲེ་གང་དང་ཞོ་བྲེ་གང་དཀྲུགས་ནས་དུས་མ་ཡིན་པར་ཟ་ཞིང་བསྲེས་པས་རུང་བར་བྱེད་པ་དང་། གདིང་བ་རྙིང་པ་བདེ་བར་གཤེགས་པའི་མཐོ་གང་གི་ཚད་ཀྱིས་སར་པ་ལ་མ་གླན་
པར་ཡོངས་སུ་སྤྱོད་ཅིང་གདིང་བས་རུང་བར་བྱེད་པ་དང་། ལྷུང་བཟེད་དྲི་ཞིམ་པོས་བྱུགས་ཤིང་མེ་ཏོག་གི་ཕྲེང་བས་བརྒྱན་པ་ཁྲི་རྟེན་དང་བཅས་པ་དགེ་སྦྱོང་གི་མགོ་བོར་བཞག་སྟེ་ལམ་པོ་ཆེ་དང་། སྲང་དང་། ལམ་གྱི་བཞི་མདོར་ལྷུང་བཟེད་འདིར་བྱིན་ནམ། ལྷུག་པར་བྱས་པ་དོན་ཆེན་
པོར་འགྱུར་བ་གླེང་ཞིང་། གསེར་དང་། དངུལ་དང་། རིན་པོ་ཆེ་གང་དག་རྙད་པ་བླངས་ནས་སྤྱོད་ཅིང་གསེར་དངུལ་གྱིས་རུང་བར་བྱེད་པ་རྣམས་སོ། །དེའི་ཚེ་གྲོང་ཁྱེར་ནོར་ཅན་ནས་དགྲ་བཅོམ་པ་གྲགས་པ་ཞེས་བྱ་བ་རྣམ་པར་ཐར་པ་བརྒྱད་དང་ལྡན་པ་དེ་འཁོར་ལྔ་བརྒྱ་དང་བཅས་པ་
ལྗོངས་རྒྱུས་ཤིང་ཡངས་པ་ཅན་དུ་ཕྱིན་པས། མི་རུང་བའི་གཞི་བཅུར་ཀུན་དུ་སྤྱོད་པ་མཐོང་ངོ་། །མཐོང་ནས་ཀྱང་དེ་བསྟན་པ་གནས་པར་བྱ་བའི་ཕྱིར་དགྲ་བཅོམ་པ་ཐམས་ཅད་འདོད་ཅེས་བྱ་བ་རྣམ་པར་ཐར་པ་བརྒྱད་དང་ལྡན་པ་ཞིག་སྟེ་དེའི་དྲུང་དུ་སོང་སྟེ་མི་རུང་བའི་གཞི་དེ་དག་གླེང་ངོ་། །
དེས་ཀྱང་དེ་དག་བཏང་སྙོམས་སུ་བགྱིར་མི་བཏུབ་པས། ཁྱོད་ཀྱིས་སོང་ལ་ཕྱོགས་ཚོལ་ཞིག་དང་། ངས་ཀྱང་ཆོས་བཞིན་དུ་ཕྱོགས་བྱའོ་ཞེས་གསུངས་པ་དང་། དེས་ཀྱང་དེ་ལྟར་བགྱིའོ་ཞེས་རིམ་གྱིས་སོང་སྟེ། གྲོང་ཁྱེར་ནོར་ཅན་ན་དགྲ་བཅོམ་པ་གཡོ་ལྡན་དང་། གྲོང་ཁྱེར་སཾ་ཀ་ཤ་
ན་གནས་བརྟན་ནོར་ཅན་དང་། དམར་བུ་ཅན་ན་ཡིད་དགའ་དང་། སྲུག་ན་ན་མང་པོ་པ་དང་། མ་ཧེ་ལྡན་ན་ཡང་དག་སྐྱེས་དང་། ལྷན་ཅིག་སྐྱེས་ན་ནམ་གྲུ་སྟེ། དེ་དག་ལའང་གཞི་བཅུར་སྤྱོད་པ་གླེངས་ཏེ་ཕྱོགས་བཙལ་ལོ། །ནམ་གྲུས་གྲགས་པ་ལམ་གྱིས་དུབ་པ་ཤེས་ནས། བྱེད་

213-1-64a

ཀྱིས་ངལ་བསོར་ཞུགས་དང་ལྷག་མ་ངས་བཙལ་ལོ་ཞེས་སྨྲས་ནས་སོང་ངོ་། །དེའི་ཚེ་ཡངས་པ་ཅན་གྱི་དགེ་སློང་རྣམས་གྲགས་པའི་ཉེ་གནས་རྣམས་ཡོད་པ་གང་ན་བར་སོང་སྟེ་ཁྱོད་ཀྱི་མཁན་པོ་གར་སོང་ཞེས་དྲིས་སོ། །དེས་སྨྲས་པ། ཕྱོགས་ཚོལ་དུ་སོང་ངོ་། །
ཅིའི་ཕྱིར། ཁྱེད་རྣམས་གནས་ནས་དབྱུང་བའི་ཕྱིར་ཞེས་བྱ་བ་ནས་རྫོགས་པར་སྨྲས་པ་དང་། དེ་ཉིད་ནས་སོང་སྟེ་ཇི་ལྟར་བསྐྲུན་པ་བགྲོ་ཞིང་རབ་ཏུ་བགྲོས་པའི་མཐར་གྲགས་པའི་ཉེ་གནས་རྣམས་ལྷུང་བཟེད་དང་ཆོས་གོས་སོགས་བྱིན་ནས་བསྡུས་ལ་གཟོད་ཇི་ལྟར་རིགས་པར་བྱའོ་ཞེས་སྨྲས་
ནས་དེ་ལྟར་དུ་བྱས་སོ། །དེ་ནས་གྲགས་པས་ཕྱོགས་བཙལ་ཏེ་བྱུང་བ་དང་ཉེ་གནས་རྣམས་ཀྱིས་ཐུགས་དེ་ལྟ་བུ་ནི་བཤོལ་བར་རིགས་སོ་ཞེས་གསོལ་བས། དེ་དག་ལས་བདག་གིར་བྱ་བ་བླངས་པར་ཤེས་ནས་དེ་དག་ལ་བསླབ་པ་ལྷོད་པའི་ཕྱོགས་དག་འཕེལ་བས་རིངས་པར་འོང་བ་རིག་པས་
བསྟན་པའི་དགོས་པ་ལ་བཤོལ་བར་མ་བྱེད་ཅིག་ཅེས་སྨྲས་ནས་མ་བཟློག་གོ། །དེ་ནས་གྲགས་པས་ཡངས་པ་ཅན་གྱི་ཀུཥྨ་པུ་རིའི་གཙུག་ལག་ཁང་གི་ཁྱམས་སུ་ཞུགས་ནས། རབ་ཀྱི་མཐར་ཕྱིན་པའི་བསམ་གཏན་ལ་སྙོམས་པར་ཞུགས་ཏེ་སྨོན་ནས་ཤེས་པས་བརྟགས་ནས་གཎྜཱི་བརྡུང་བའི་མོད་
ལ་དགྲ་བཅོམ་པ་བདུན་བརྒྱ་འདུས་ཏེ་དེའི་སྦྱིན་བདག་རྒྱལ་པོ་མྱ་ངན་མེད་ཀྱིས་བྱས་སོ། །དེར་གྲགས་པས་རུང་བ་མ་ཡིན་པའི་གཞི་བཅུ་རྒྱས་པར་བཟླས་ནས་རེ་རེ་བཞིན་དུ་སུན་ཕྱུང་སྟེ། ཐམས་ཅད་ཀྱིས་དེ་དག་བདག་ཅག་གིས་དོར་བར་བྱའོ་ཞེས་མི་རུང་བར་སྤྱོད་པ་རྣམས་ཡོངས་སུ་སྤངས་སོ། །དེ་
ལ་བདུན་བརྒྱས་ཡང་དག་པར་བརྗོད་པ་ཞེས་ཐ་སྙད་དུ་བྱུང་བ་ལ། ཕྱི་ནས་བསྡུ་བ་གཉིས་པ་ཞེས་འབོད་དོ། །བསྡུ་བ་གསུམ་པ་ནི། དེའང་ཇི་ལྟར་འབྱུང་བའི་རྒྱུ། སྡོམ་པ་གསུམ་གྱི་རབ་ཏུ་དབྱེ་བ་ལས། དེ་ལྟར་དག་པར་གནས་པའི་རྗེས། །ལྷ་ཆེན་ཞེས་བྱའི་དགེ་སློང་ཞིག་
བསྟན་པ་འདི་ཡི་ཆོམ་རྐུན་བྱུང་། །ཞེས་བྱ་བ་ལ་སོགས་པས་བསྟན་པ་ལྟར། རྒྱ་གར་ལྷོ་ཕྱོགས་མ་རུ་ཊའི་དེད་དཔོན་ཞིག་གི་ཆུང་མ་ལས་བུ་བཙས་པ་ན་དེའི་མིང་དུ་ལྷ་ཆེན་པོར་བཏགས་པ་ཞིག་ཡོད་དེ། ནམ་ཞིག་གི་དུས་ན་དེད་དཔོན་གྱིས་ཚོང་པ་མང་པོ་དང་བཅས་ཏེ་རྒྱ་མཚོ་ཆེན་པོར་རིན་པོ་ཆེ་

213-1-64b

ལེན་པའི་ཕྱིར་སོང་བའི་ཚེ་ལྷ་ཆེན་པོ་རང་གི་མ་དང་ལྷན་ཅིག་ཏུ་འདུས་པར་གྱུར་ཏོ། །དེ་ནས་ཅི་ཞིག་ན་དེད་དཔོན་གྱིས་རྙེད་པ་ལེགས་པར་རྙེད་ནས་ཁྱིམ་དུ་འོངས་པ་ན། དེའི་གཏམ་ཐོས་ནས་ལམ་གོལ་བ་ཅིག་ཏུ་སོང་ནས་བསད་དོ། །རིང་ཞིག་ནས་མ་ཡང་སྐྱེ་བོ་གཞན་དང་འགྲོགས་པར་ཤེས་
ནས་བཀུམས་སོ། །རང་གི་སློབ་དཔོན་དུ་གྱུར་པའི་དགྲ་བཅོམ་པ་ཞིག་གིས་སྡིག་པའི་རྣམ་པར་སྨིན་པ་བསྟན་པས། འདིས་ནི་རང་གི་བྱ་བ་ངན་པ་ཐམས་ཅད་ཡོངས་སུ་ཤེས་སོ་སྙམ་ནས་བཀྲོངས་སོ། །དེ་ནས་མཁན་སློབ་ལ་མ་ལྟོས་པར་དགེ་སློང་བྱས་ནས་མཚམས་མེད་ཀྱི་ལས་བྱས་
པའི་སྡིག་པ་ཐམས་ཅད་གསང་ནས་དབེན་པ་བསྟེན་པས་བདུད་ཀྱིས་བྱིན་ཀྱིས་བརླབས་པ་ལ་བརྟེན་ནས་དད་ཅན་གྱི་བླུན་པོ་མང་དུ་འདུས་པ་ལ། སྡེ་སྣོད་གསུམ་བྱང་བར་ཤེས་པས་ལོག་པར་བརྟག་པ་མང་པོས་བསླད་ནས་སྟོན་ཅིང་དགྲ་བཅོམ་པར་ཁས་བླངས་ནས། ཐོ་རངས་ཀྱི་དུས་
ཤིག་ཏུ་རང་རྒྱུད་ཀྱི་སྡིག་པའི་ཁུར་ཆེན་པོ་ཡོངས་སུ་དྲན་པའི་ཤུགས་ཀྱིས། ཀྱེ་མ་སྡུག་བསྔལ་ལོ་ཞེས་སྨྲེ་སྔགས་བཏོན་པ་འཁོར་རྣམས་ཀྱིས་ཐོས་ནས་རྒྱུ་མཚན་དྲིས་པ་ན། བདག་གིས་འཕགས་པའི་བདེན་པ་བཞི་བསྒོམས་པས་སྡུག་བསྔལ་གྱི་བདེན་པ་མངོན་སུམ་དུ་མཐོང་ནས་བོས་པ་
ཡིན་ཞེས་བྱ་བ་ལ་སོགས་པའི་གཡོ་རྒྱུ་མང་པོ་བསྟན་པས་སེམས་ཅན་རྣམས་ཀྱི་མགོ་བོ་བསྐོར་བཞིན་དུ་ནམ་ཞིག་ཚེའི་དུས་བྱས་མ་ཐག་ནས་མནར་མེད་པའི་སེམས་ཅན་དམྱལ་བ་ཆེན་པོར་སྐྱེས་སོ། །དེ་ལྟར་ཡང་རྟོག་གེ་འབར་བ་ལས། བཅོམ་ལྡན་འདས་ཡོངས་སུ་མྱ་ངན་ལས་འདས་
པ་ནས་བཟུང་སྟེ། ལོ་བརྒྱ་དང་སུམ་ཅུ་རྩ་བདུན་ལོན་པ་ན། རྒྱལ་པོ་དགའ་བོ་དང་པདྨ་ཆེན་པོ་ཞེས་བྱ་བའི་དུས། གྲོང་ཁྱེར་པཱ་ཊ་ལི་པུ་ཏྲའི་ནང་དུ་སྡུད་པར་བྱེད་པ་ལ་སོགས་པའི་འཕགས་པ་ཡང་ལེན་པ་མེད་པར་བསིལ་བའི་དངོས་པོ་ཐོབ་པར་གྱུར་པ་ན། འཕགས་པ་འོད་སྲུངས་ཆེན་པོ་དང་།
འཕགས་པ་སྤུ་ཆེན་པོ་དང་། གཏོང་ཆེན་པོ་དང་། བླ་མ་དང་། རེ་ཝ་ཏ་ལ་སོགས་པ་སོ་སོ་ཡང་དག་པར་རིག་པ་ཐོབ་པའི་དགྲ་བཅོམ་པའི་དགེ་འདུན་དེ་ལྟར་བཞུགས་པ་ན། བདུད་སྡིག་ཏོ་ཅན་བཟང་པོ་ཐམས་ཅད་ཀྱི་མི་མཐུན་པའི་ཕྱོགས་སུ་གྱུར་པ། དགེ་སློང་གི་ཆ་བྱེད་འཛིན་

213-1-65a

པས་རྫུ་འཕྲུལ་སྣ་ཚོགས་པ་བསྟན་ནས། གཞི་ལྔས་དགེ་འདུན་གྱི་དབྱེན་ཆེན་པོ་བསྐྱེད་དེ། གནས་བརྟན་ཀླུ་ཞེས་བྱ་བ་དང་། ཡིད་བརྟན་ཞེས་བྱ་བ་མང་དུ་ཐོས་པ་དག་གིས་གཞི་ལྔ་བསྔགས་པར་བྱེད། རྗེས་སུ་སྟོན་པར་བྱེད་ཅིང་དེ་གཞན་ལ་ལན་གདབ་པ་དང་། མི་
ཤེས་པ་དང་། ཡིད་གཉིས་དང་། ཡོངས་སུ་བརྟག་པ་དང་། བདག་ཉིད་གསོ་བར་བྱེད་པ་ནི་ལམ་ཡིན་ཏེ་འདི་ནི་སངས་རྒྱས་ཀྱི་བསྟན་པ་ཡིན་ནོ་ཞེས་ཟེར་རོ། །དེ་ནས་སྡེ་པ་གཉིས་སུ་ཆད་ནས་གནས་ཏེ། གནས་བརྟན་དང་། དགེ་འདུན་ཕལ་ཆེར་སྡེ་ཞེས་བྱའོ། །དེ་ལྟར་ལོ་
དྲུག་ཅུ་རྩ་གསུམ་གྱི་བར་དུ་དགེ་འདུན་བྱེ་ནས་འཁྲུགས་ལོང་གིས་གནས་སོ་ཞེས་འབྱུང་བ་འདིར་ཁ་ཅིག་གོང་དུ་བཤད་པའི་ལྷ་ཆེན་པོ་དང་། རྟོག་གི་འབར་བ་ནས་བཤད་པའི་བདུད་སྡིག་ཏོ་ཅན་སྔོན་རྗེས་ཀྱི་རིམ་པས་བྱུང་བར་འདོད་པ་དང་། ཁ་ཅིག་ནི་དོན་གཅིག་མིང་གི་རྣམ་གྲངས་སུ་འདོད་
པ་སྟེ་མི་མཐུན་པ་ཅུང་ཟད་བྱུང་ངོ་། འོན་ཀྱང་རྟོག་གེ་འབར་བ་ནས་འབྱུང་བའི་ཚིག་རིས་འདི་ལ་དཔག་ན། བདུད་སྡིག་ཏོ་ཅན་བཟང་པོ་ཞེས་པའི་ཚིག་འདི་རྫོགས་པར་དེའི་མིང་དུ་འདོད་པ་ནི་ཅུང་ཟད་མི་རིགས་པར་སེམས་ཏེ། ཅིའི་ཕྱིར་ཞེ་ན། བཟང་པོ་ཞེས་པ་དེའི་མིང་ཡིན་ན། ཐམས་ཅད་
ཀྱི་མི་མཐུན་པའི་ཕྱོགས་སུ་གྱུར་པ་ཞེས་པ་འདི་མར་སྦྱར་དགོས་པར་འགྱུར་ལ། དེ་ལྟར་དགོས་ན་མི་མཐུན་པའི་ཕྱོགས་སུ་གྱུར་པ་དེ་ལ་ཕྱོགས་བྱ་བའི་རྗེས་སུ་འབྲང་བ་འགའ་ཡང་ཡོད་པར་མི་འགྱུར་བའི་ཕྱིར་རོ། །དེ་མེད་ན་འདིས་གཞི་ལྔ་བསྒྲགས་པ་ལ་རྗེས་སུ་བསྔགས་པ་མང་པོ་བྱུང་ནས་
དགེ་འདུན་བྱེ་སྟེ་བསྟན་པ་ལོ་གྲངས་མང་པོར་འཁྲུགས་ལོང་བྱུང་བར་གསུངས་པའི་ཕྱིར་རོ། །དེས་ན་བདུད་སྡིག་ཏོ་ཅན་ཞེས་བྱ་བ་འདི་ནི་སྤྱིའི་མིང་ཙམ་ལས་མ་སྨོས་པར་ཟད་ལ། བཟང་པོ་ཐམས་ཅད་ཅེས་པ་ནི། དེའི་སྐབས་ཀྱི་མཁས་པ་ལེགས་པར་སྨྲ་བ་དང་། རིགས་པར་སྨྲ་བ་དང་། དྲང་
པོར་སྨྲ་བ་དང་། ཡང་དག་པར་སྨྲ་བའི་མཁས་པར་གཏོགས་པ་དང་། བཟང་པོར་གཏོགས་པ་ཇི་སྙེད་ཅིག་ཡོད་པ་ཞེས་བྱ་བའི་དོན་ཏོ། །དེ་དག་གི་མི་མཐུན་པའི་ཕྱོགས་སུ་གྱུར་པ་གང་ཡིན་པ་དེ་ནི་བདུད་སྡིག་ཏོ་ཅན་ནམ། དེ་དགེ་སློང་གི་ཆ་བྱད་འཛིན་པ་དེས་ཞེས་བྱ་བའི་དོན་དུ་བཤད་ཀྱང་མི་

213-1-65b

འབྲེལ་བ་མེད་པར་སེམས་ཀྱང་ད་དུང་བརྟག་པར་བྱའོ། །དེ་ལྟ་བས་ན་རྟོག་གེ་འབར་བ་ནས་བཤད་པ་དང་དགེ་སློང་ལྷ་ཆེན་པོ་གཉིས་དོན་གཅིག་ཏུ་དགོངས་ནས་མཁས་པ་ཆེན་པོ་སློབ་དཔོན་བསོད་ནམས་རྩེ་མོ་དང་། ཆོས་ཀྱི་རྗེ་ས་སྐྱ་པཎྜི་ཏ་ལ་སོགས་པ་ཡོངས་སུ་གྲགས་པ་མང་པོའང་བསྡུ་བ་གསུམ་པའི་དགོས་
ཆེད་ཀྱི་གཙོ་བོ་ནི་དགེ་སློང་ལྷ་ཆེན་པོ་ཁོ་ན་སྨོས་པའི་ཕྱིར་རོ། །དེ་ལྟ་བུའི་བདུད་ཀྱི་ལས་དེ་དག་བྱུང་ནས་བསྟན་པ་ལ་ཆུ་བུར་ཆེན་པོ་བསྐྱེད་པའི་དུས་ནི། སྙིང་རྗེ་པདྨ་དཀར་པོ་ལས། ང་འདས་ནས་ལོ་བརྒྱ་ན་གྲོང་ཁྱེར་སྐུ་སྣང་གྱི་བུར་མུ་ར་ཏའི་རིགས་སུ་རྒྱལ་པོ་མྱ་ངན་མེད་ཅེས་བྱ་བ་འབྱུང་སྟེ། ཉིན་
གཅིག་ལ་ངའི་སྐུ་གདུང་གི་མཆོད་རྟེན་བརྒྱད་ཁྲི་བཞི་སྟོང་བྱེད་པར་འགྱུར་རོ་ཞེས་འབྱུང་བ་དང་། རྟོག་གེ་འབར་པ་ལས། སངས་རྒྱས་བཅོམ་ལྡན་འདས་ཡོངས་སུ་མྱ་ངན་ལས་འདས་ནས་ལོ་བརྒྱ་དྲུག་བཅུ་ལོན་པ་ན་ཁྲོང་ཁྱེར་མེ་ཏོག་གིས་རྒྱས་པ་ཞེས་བྱ་བ་རྒྱལ་པོ་ཨ་ཤྭ་ཀས་རྒྱལ་སྲིད་བྱེད་
པའི་ཚེ་རྩོད་པའི་ཆོས་འགལ་ཞིག་བྱུང་བའི་དབང་གིས་རྩོད་པའི་ཆོས་འགའ་ཞིག་བྱུང་བར་གྱུར་ཏོ་ཞེས་དང་། བཙུན་པ་དབྱིག་གི་བཤེས་གཉེན་གྱིས། སངས་རྒྱས་བཅོམ་ལྡན་འདས་ཡོངས་སུ་མྱ་ངན་ལས་འདས་ཤིང་རྒྱལ་བའི་ཉི་མ་ནུབ་ནས་ལོ་བརྒྱ་ལོན་ཏེ། དུས་ཅུང་ཟད་ཅིག་འདས་
ནས་ཤིང་སྐྱ་སྣར་གྱི་བུ་མེ་ཏོག་གི་གྲོང་བར་གྱི་རྟེན་ན་རྒྱལ་པོ་མྱ་ངན་མེད་པ་གདུགས་གཅིག་པའི་ས་སྐྱོང་ཞིང་རྒྱལ་སྲིད་མཛད་པའི་ཚེ། དགེ་འདུན་ཕལ་ཆེན་པ་གྱེས་པ་སྟེ་འདི་སྟ་སྟེ། གཞན་གྱིས་ཉེ་བར་བསྒྲུབ་པ་དང་། མི་ཤེས་པ་དང་། སོམ་ཉི་དང་། གཞན་གྱིས་རྣམ་པར་དཔྱོད་
པ་དང་། ལམ་སྦྲ་འབྱིན་པ་དང་བཅས་པ་འདི་ནི་སངས་རྒྱས་ཀྱི་བསྟན་པ་ཡིན་ནོ་ཞེས་གནས་ལྔ་རྗེས་སུ་བརྗོད་ཅིང་རྗེས་སུ་སྒྲོགས་པ་གནས་བརྟན་ཀླུ་དང་། ཤར་ཕྱོགས་པ་དང་། མང་དུ་ཐོས་པ་བྱུང་བ་འགྱུར་ཏོ། གནས་ལྔ་པོ་དེ་དག་རྗེས་སུ་བརྗོད་ཅིང་རྗེས་སུ་བསྒྲགས་ནས་ཀྱང་དགེ་འདུན་ཕལ་ཆེན་པའི་
སྡེ་པ་དང་། གནས་བརྟན་པའི་སྡེ་པ་ཞེས་བྱ་བ་སྡེ་པ་གཉིས་སུ་རྣམ་པར་གཞག་གོ་ཞེས་བྱ་བ་ལ་སོགས་པ་འབྱུང་བ་དང་། འོད་ལྡན་ལས། དེ་ནས་རྒྱལ་པོ་དྷརྨཱ་ཤྭ་ཀ་ཤི་བ་དང་། དགྲ་བཅོམ་པ་རྣམས་ཀྱིས་ཐ་མལ་པ་དང་། ཟུར་ཆག་པ་དང་། བར་མར་འདོན་པའི་ཚིག་ལ་མངོན་པར་

213-1-66a

ཞེན་པ་གདུལ་པའི་དབང་གི་ཕྱིར། རིམ་གྱིས་གཞུང་གཞན་དང་གཞན་དུ་སྦྱར་ཏེ། རྒྱ་ཆེན་པོའི་སྐད་དུ་སྦྱར་བའི་མདོ་སྡེ་ལ་སོགས་པ་ལྟ་བུ་སྟེ་བསྟན་པ་རྣམ་པ་བཅོ་བརྒྱད་ཀྱི་བར་དུ་གྱུར་པ་ཡིན་ནོ་ཞེས་བཤད་པ་ལྟར་ན། རྒྱལ་པོ་མྱ་ངན་མེད་ཀྱིས་རྒྱལ་སྲིད་མཛད་པའི་དུས་
ན། རྒྱལ་པོ་དགའ་བོ་བྱུང་བའི་དུས་ནས་བརྩམས་ཏེ་དེ་ཉིད་འདས་པའི་བར་གྱི་ལོ་སྟེ་ལོ་དྲུག་ཅུ་རྩ་གསུམ་གྱི་བར་ཏུ་བྱུང་བར་གསལ་ལོ། །དེ་ལྟ་བུའི་བདུད་ཀྱི་ལས་རླུང་དམར་དྲག་པོ་དང་འདྲ་བ་རབ་ཏུ་གཡོས་ཏེ་ཆོས་ཀྱི་ཚུལ་རྣམ་པར་དཀྲུགས་པས་ཐེ་ཚོམ་གྱི་ཚེར་མ་རྣོན་པོ་མང་པོས་བསྟན་པ་ལ་
རྨ་སྲོལ་བྱུང་བས། གཞན་ལན་གདབ་པ་དང་། མི་ཤེས་པ་དང་། ཡིད་གཉིས་དང་། ཡོངས་སུ་བརྟག་པ་དང་། བདག་ཉིད་གསོ་བར་བྱེད་པ་སྟེ་གཞི་ལྔ་ཡོངས་སུ་བསྒྲགས་པས་སོ་སོ་སྐྱེ་བོའི་དགེ་སློང་གི་དགེ་འདུན་བློ་གྲོས་གསར་བུར་གྱུར་པ་རྣམས་ནི་སོམ་ཉིའི་དྲ་བ་ན་ཆུད་དེ་མཐུན་པར་
མ་གྱུར་པའི་དབང་གིས་མདོ་འདོན་པའང་རྣམ་པ་སྣ་ཚོགས་པ་ཉིད་དུ་གྱུར་ནས་ཡང་དག་པ་རྣལ་དུག་གནས་པར་མ་འདོད་དོ། །དེའི་ཚེ་གྲོང་ཁྱེར་སྐྱ་སྣར་གྱི་བུར་འཕགས་པ་འོད་སྲུངས་དང་སྤུ་ཆེན་པོ་ལ་སོགས་པས་བསྟན་པ་སྐྱོང་བ་དང་། རྒྱལ་པོ་དགའ་བོ་དང་པདྨ་ཆེན་པོ་ཞེས་བྱ་བ་བྱུང་བའི་
དུས་སུ། སླར་ཡང་དགེ་སློང་ཀླུ་ཞེས་བྱ་བས་ཀྱང་གཞི་ལྔ་རྗེས་སུ་བསྔགས་པའི་རྩོད་པ་ཆེན་པོ་འཕེལ་བར་བྱས་པས་སྡེ་པ་སོ་སོར་གྱེས་སོ། །དེའི་རྗེས་སུ་དེའི་སློབ་མ་ཡིད་བརྟན་ཞེས་བྱ་བས་ཀྱང་རྩོད་པའི་གཞི་ཆེན་པོར་བསྐྱེད་པ་ན་དེའི་དུས་སུ་སྡེ་པ་རྣམས་སོ་སོར་གྱེས་པར་འདོད་དོ། །དེ་བས་ན་
དེ་དག་དག་པར་བྱ་བའི་ཕྱིར་ནམ་བསྡུ་བ་བྱས་པའི་དུས་ནི། རྟོག་གེ་འབར་བ་ལས་བཤད་པ་ལྟར་ན། དེ་ལྟར་ལོ་དྲུག་ཅུ་རྩ་གསུམ་གྱི་བར་དུ་དགེ་འདུན་རྣམས་འཁྲུགས་ལོང་གིས་གནས་སོ་ཞེས་པའི་རྗེས་ཐོགས་སུ། དེ་ནས་ལོ་བརྒྱ་ཕྲག་གཉིས་འདས་པའི་རྗེས་ལ་གནས་བརྟན་གནས་མའི་བུས་
བསྟན་པ་ཡང་དག་པར་བསྡུས་ཞེས་སོ། །དེས་ན་སྟོན་པ་མྱ་ངན་ལས་འདས་ནས་ལོ་བརྒྱ་དང་སུམ་ཅུ་རྩ་བདུན་ནས་སྡེ་པ་སོ་སོར་གྱེས་པར་གྱུར་པ་དང་། དེའི་ཁར་ལོ་དྲུག་ཅུ་རྩ་གསུམ་གྱི་བར་འཁྲུགས་ལོང་བྱུང་བར་གསུངས་པའི་ལོ་འདི་བསྣན་པས་བརྒྱ་ཕྲག་གཉིས་འབྱུང་བའི་ཕྱིར་རོ། །དེ་བཞིན་

213-1-66b

དུ་ཀུན་མཁྱེན་བུ་སྟོན་གྱིས་ཀྱང་། སྡེ་པ་སོ་སོར་གྱེས་ནས་ལོ་དྲུག་ཅུ་རྩ་གསུམ་ན་གནས་བརྟན་གནས་མའི་བུས་བསྡུས་སོ་ཞེས་ལུགས་སོ་སོར་སྨོས་པས་ཀྱང་གསལ་བའི་ཕྱིར་རོ། །ཡང་ལུགས་ཐ་དད་པ་གཅིག་ལས་ནི། དུས་ནི་སྟོན་པ་མྱ་ངན་ལས་འདས་ནས་ལོ་སུམ་བརྒྱ་ན་བསྡུ་བ་བྱས་པར་བཤད་
པའང་ཡོད་དེ། འདི་ལྟར་གྱེས་པ་བཅོ་བརྒྱད་པོ་བཀའ་མ་ཡིན་པའི་དྭོགས་པ་བསལ་བའི་ཕྱིར། གནས་ཁ་ཆེའི་ཡུལ་གྱི་བྱེ་བྲག་ཀུན་ས་ན་ཞེས་བྱ་བའི་དགོན་པར། ཛཱ་ལནྡྷ་རའི་རྒྱལ་པོ་ཀ་ནིཥྐས་སྦྱིན་བདག་བྱས་ནས། གནས་བརྟན་དགྲ་བཅོམ་པ་སེང་གེ་ཞེས་བྱ་བས་གཞི་བཟུང་སྟེ་པཱུཪྞི་ཀ་
ལ་སོགས་པའི་དགྲ་བཅོམ་པ་ལྔ་བརྒྱ། བ་སུ་མི་ཏྲ་ལ་སོགས་པའི་བྱང་ཆུབ་སེམས་དཔའ་ལྔ་བརྒྱ། སོ་སོ་སྐྱེ་བོའི་པཎྜི་ཏ་ལྔ་བརྒྱ་སྟོང་ལྔ་བརྒྱ་འདུས་ནས་ཞལ་ཐོན་དུ་མཛད་དེ་གྱེས་པ་བཅོ་བརྒྱད་པོ་བཀར་བསྒྲུབས་སོ། །དེའང་འོད་ལྡན་ལས། བསླབ་པ་གསུམ་ནི་རབ་སྟོན་ཅིང་། །ཕྱག་རྒྱ་
གསུམ་དང་ཡང་དག་ལྡན། །ཐོག་མ་བར་དང་མཐར་དགེ་བ། །སངས་རྒྱས་གསུང་དུ་མཁས་པས་རྟོགས། །ཞེས་པ་ལྟར། ཚུལ་ཁྲིམས་ཀྱི་བསླབ་པ་སྟོན་པས་ན་འདུས་པ་ལ་སྣང་། ལྷག་པའི་སེམས་ཀྱི་བསླབ་པ་སྟོན་པས་ན་མདོ་སྡེ་ལ་འཇུག །ལྷག་པའི་ཤེས་རབ་ཀྱི་བསླབ་པ་སྟོན་པས་
ན་ཆོས་ཉིད་དང་མི་འགལ་བའི་ཕྱིར་དང་། ཆོས་ཐམས་ཅད་བདག་མེད་པ་ལ་སོགས་པའི་ཕྱག་རྒྱ་གསུམ་དང་ལྡན་པའི་ཕྱིར་དང་། སྟོན་པ་ཐ་དད་པ་མེད་པའི་ཕྱིར་དང་། སྟོན་པའི་བཀའི་དོན་གཙོ་བོར་བཞེད་པའི་ཕྱིར་དང་། སྟོན་པའི་སྔོན་གྱི་ཕྲིན་ལས་ལས་བྱུང་བའི་ཕྱིར་དང་། རྒྱལ་པ་ཀྲྀ་ཀཱིའི་
རྨི་ལམ་ལུང་བསྟན་པ་ལས། རྒྱལ་པོ་ཁྱོད་ཀྱིས་རས་གཅིག་མི་བཅོ་བརྒྱད་ཀྱིས་དྲངས་ཀྱང་མ་རལ་བ་རྨི་ལམ་དུ་མཐོང་བ་གང་ཡིན་པ་དེ་ནི་དེ་ཉིད་ཀྱི་བསྟན་པ་སྡེ་པ་བཅོ་བརྒྱད་དུ་གྱུར་ཀྱང་། རྣམ་པར་གྲོལ་བའི་རས་ནི་རལ་བར་མི་ནུས་ཏེ། དེ་ནི་དེའི་སྔ་ལྟས་ཡིན་ནོ་ཞེས་གསུངས་པ་རྣམས་ཀྱིས་
བཀའ་བསྒྲུབས་སོ། །འོན་ཀྱང་སྔར་ལོག་པར་བརྒལ་ཞིང་བརྟག་པའི་བསླད་པ་མང་པོས་དེ་དག་གི་ལེ་ལེན་ཕྱིས་སྡེ་བཅོ་བརྒྱད་པོ་རྣམས་ལ་ཡང་འཇིག་རྟེན་ལས་འདས་པར་སྨྲ་བའི་སྡེ་པ་བགྲ་བཅོམ་པ་ལ་ཐེ་ཚོམ་དང་སོམ་ཉི་ཡོད་པར་འདོད་པ་དང་། ཐམས་ཅད་ཡོད་པར་སྨྲ་བས། དགྲ་བཅོམ་

213-1-67a

པའི་འབྲས་བུ་ལས་ཉམས་པ་ཡོད་པར་འདོད་པ་ལ་སོགས་པ་ཅུང་ཟད་བསླད་པར་ཡོད་པར་གྲགས་ཤིང་། སློབ་དཔོན་དབྱིག་གཉེན་གྱིས་ཀྱང་། བླ་མ་ཀུན་དགའ་འོད་སེལ་དང་། །སྡུག་བསྔལ་ཕུང་སྟོན་ས་སྟོན་དང་། །འཆར་ཀ་སྟོང་ཉིད་ཆུ་ལས་སྐྱེས། །གང་པོ་ས་
འཚོ་ཆུ་ཤིང་དང་། །མྱ་ངན་འདས་དང་ཡུལ་འཁོར་སྐྱོང་། །འགྲོ་བའི་མདོ་དང་དེ་བཞིན་གཞན། །ཡང་དག་བསྡུས་པའི་གཞི་ཉམས་ཕྱིར། །མཐའ་དག་མིན་པར་རྟོགས་པ་ཡིན། །ཞེས་བྱ་བ་ལ་སོགས་པ་གསུངས་སོ། །དེ་ལྟར་སྡེ་པ་གྱེས་པའི་ཚུལ་ཡང་རྟོག་གེ་འབར་བ་ལས། དེ་ནས་རེ་ཞིག་སྡེ་
པ་གཉིས་སུ་ཆད་ནས་གནས་ཏེ། དགེ་འདུན་ཕལ་ཆེན་པ་དང་། གནས་བརྟན་པའོ་ཞེས་རྩ་བའི་སྡེ་པ་གཉིས་པོ་དེ་ལས་གྱེས་པའི་ཚུལ་མི་འདྲ་བ་གཉིས་དང་། ཡང་རྩ་བའི་དབྱེ་བ་ནི་གསུམ་སྟེ། འདི་ལྟར་གནས་བརྟན་པ་དང་། དགེ་འདུན་ཕལ་ཆེན་པ་དང་། རྣམ་པར་ཕྱེ་སྟེ་སྨྲ་བའོ་ཞེས་རྩ་བའི་སྡེ་
པ་གསུམ་ལས་སྡེ་པ་བཅོ་བརྒྱད་དུ་གྱེས་པའི་ཚུལ་ཏེ་དེ་ལྟར་མི་འདྲ་བ་གསུམ་དང་། དུལ་བའི་ལྷ་དང་། ལོ་དྲི་མཁན་པོ་དག་ནི་ཕལ་ཆེན་པ་དང་། ཐམས་ཅད་ཡོད་པར་སྨྲ་བ་དང་། གནས་བརྟན་པ་དང་། མང་པོས་བཀུར་བ་སྟེ་རྩ་བའི་སྡེ་པ་བཞིར་འདོད་དོ། །དེ་ལས་གྱེས་པ་སྡེ་པ་བཅོ་བརྒྱད་དེ།
དང་པོ་ནི་འདི་ལྟར། ཤར་དང་ནུབ་དང་གངས་རིར་གནས། །འཇིག་རྟེན་འདས་པར་སྨྲ་བའི་སྡེ། །བཏགས་པར་སྨྲ་བའི་སྡེ་པ་དང་། །ལྔ་ཚན་དགེ་འདུན་ཕལ་ཆེན་པ། །གཞི་ཀུན་པ་དང་འོད་སྲུངས་སྡེ། ས་སྟོན་སྡེ་དང་ཆོས་སྲུངས་སྡེ། །མང་ཐོས་གོས་དམར་སློབ་མ་དང་། །རྣམ་པར་ཕྱེ་སྟེ་སྨྲ་བའི་སྡེ། །
ཐམས་ཅད་ཡོད་པར་སྨྲ་བ་ཡིན། །རྒྱལ་བྱེད་ཚལ་གནས་འཇིགས་མེད་གནས། །གཙུག་ལག་ཁང་ཆེན་གནས་བརྟན་པ། །ས་སྒྲོགས་རིས་དང་ས་སྲུངས་པ། །གནས་མ་བུ་ཡི་སྡེ་རྣམས་ནི། །ཀུན་གྱིས་བཀུར་པ་རྣམ་པ་གསུམ། །ཡུལ་དོན་སློབ་དཔོན་བྱེ་བྲག་གིས། །ཐ་དད་རྣམ་པ་བཅོ་བརྒྱད་གསུངས། །
ཞེས་སོ། །ཕྱི་མ་ལྟར་ན། འོད་སྲུངས་ཞེས་བྱ་ས་སྲུངས་དང་། །ཆོས་སྲུངས་པ་ཞེས་བྱ་བ་དང་། །གཞི་ཀུན་ཡོད་པར་སྨྲ་བ་སྟེ། །ལྟ་བའི་བྱེ་བྲག་འགའ་ཞིག་གིས། །རྒྱུ་ཡིས་འདི་དག་ཐ་དད་བྱས། །སྟོན་པ་ཐ་དད་ཡོད་མ་ཡིན། །ཞེས་ཡོད་པར་སྨྲ་བ་བཞི་དང་། དགེ་འདུན་ཕལ་ཆེན་དབྱེ་བ་ནི། །

213-1-67b

དྲུག་སྟེ་ཤར་གྱི་རི་བོ་དང་། །དེ་བཞིན་ནུབ་རི་ཞེས་བྱ་དང་། །གངས་གནས་ཞེས་བྱ་དེ་ལས་གཞན། །རྣམ་པར་ཕྱེ་སྟེ་སྨྲ་བ་དང་། །གཞན་ནི་དེ་བཞིན་བཏགས་པར་སྨྲ། །འཇིག་རྟེན་འདས་སྨྲ་ཞེས་བྱ་བ། །དེ་དག་ཏུ་ནི་ཡང་དག་སྨྲས། །ཞེས་ཕལ་ཆེན་པ་དྲུག་དང་། མང་པོས་བཀུར་བའི་བྱེ་བྲག་ནི། །
རྣམ་པ་ལྔར་ནི་མཁས་པས་བསྒྲགས། །གོས་དམར་བ་དང་སྲུང་བ་པ། །ཀུ་རུ་ཀུལླེ་དེ་ལས་གཞན། །མང་དུ་ཐོས་པ་ཞེས་བྱ་དང་། །གནས་མ་བུ་ཞེས་བྱ་བའོ། །ཞེས་མང་པོས་བཀུར་བའི་དབྱེ་བ་ལྔ་དང་། རྒྱལ་བྱེད་ཚལ་ན་གནས་པ་དང་། །འཇིགས་མེད་རི་ལ་གནས་པ་དང་། །གཙུག་ལག་ཁང་ཆེན་
ལ་གནས་དང་། །གནས་བརྟན་དབྱེ་བ་གསུམ་དུ་འདོད། །ཞེས་གནས་བརྟན་པ་གསུམ་སྟེ། དེ་ལྟར་བྱེ་བྲག་བཅོ་བརྒྱད་དུ། །ཤཱཀྱ་སེང་གེའི་བསྟན་པ་ནི། །གྱུར་ཏེ་འགྲོ་བའི་བླ་མ་དེའི། །སྔོན་གྱི་ཕྲིན་ལས་ངེས་པ་ཡིན། །ཞེས་སོ། །དེ་ལྟར་བཀའི་བསྡུ་བ་གསུམ་པ་ཡན་ཆད་ཀྱི་གང་ཟག་རྣམས་
ནི་ཐོས་པ་འཛིན་པ་ཡིན་ལ། མ་འོངས་པའི་གང་ཟག་བརྗེད་ངེས་ཅན་རྣམས་ཀྱིས་ཐུབ་པའི་གསུང་རབ་ལྷག་ཆད་ཅན་དུ་འདོན་པ་དང་། ལྟ་སྤྱོད་མི་མཐུན་པར་སྤྱོད་པ་སྤང་པའི་ཕྱིར་གསུང་རབ་རྣམས་གླེགས་བམ་དུ་ཡི་གེར་བྲིས་སོ། །དེའང་འདི་ལྟར་བཅོམ་ལྡན་འདས་ལ་ཉེ་བ་འཁོར་གྱིས་ཞུས་པས།
བཅོམ་ལྡན་འདས་འདུལ་བ་ཡི་གེར་མི་འདྲི་ལ། འདུལ་བ་དང་འདྲ་བ་ཡི་གེ་མི་འདྲི་ཞེས་གསུངས་ན་མ་འོངས་པའི་སེམས་ཅན་དག་དྲན་པ་ཉམས་པར་གྱུར་ན་ཇི་ལྟར་བགྱི། བཀའ་སྩལ་པ། ཨུ་པཱ་ལི་དྲན་པ་ཉམས་ན་ལོ་མ་ལ་ཡི་གེར་བྲིས་ཏེ་བཅང་བར་བྱའོ་ཞེས་པ་ལྟར་རམ། འོན་ཏེ་འཇམ་དཔལ་
ཙ་རྒྱུད་ལས་ནི་མ་སྐྱེས་དགྲའི་བུ་ཨུ་པ་ཞེས་བྱ་བས་སངས་རྒྱས་ཀྱི་གསུང་རབ་རྣམས་ཡི་གེར་འདྲི་བར་འགྱུར་རོ་ཞེས་པ་དང་། དྲི་མེད་འོད་ལས་བཅོམ་ལྡན་འདས་ཡོངས་སུ་མྱ་ངན་ལས་འདས་པར་གྱུར་པ་ན། སྡུད་པར་བྱེད་པ་པོ་དག་གིས་ཐེག་པ་གསུམ་གླེགས་བམ་ལ་བྲིས་ཏེ་ཞེས་གསུངས་པ་ལྟར་
སྔར་ནས་ཀྱང་བྲིས་པར་ཤེས་སོ། །འདི་ནི་གནས་བརྟན་སེང་གེས་གཞི་བཟུང་ནས་སྡུད་པ་པོ་སྟོང་ལྔ་བརྒྱས་བསྡུས་པ་ཞེས་བྱ་སྟེ་བསྡུ་བ་གསུམ་པའོ། །དེ་ལྟར་ན་ཆོས་བསྡུ་བ་གསུམ་པོ་འདི་དག་ནི་འཕགས་པ་ཉན་ཐོས་ཀྱི་ལགས་ལ་ཇི་ལྟར་གྲགས་པ་ལྟར་བྲིས་པ་ཡིན་ནོ། །དེ་ལྟར་ཐུབ་པ་ཆེན་པོའི་

213-1-68a

ཆོས་ཀྱི་ཕུང་པོ་བརྒྱད་ཁྲི་བཞི་སྟོང་དེ་སྙེད་ཅིག་གསུངས་པ་དེ་དག་སྟོན་པའི་སྲས་རྣམས་ཀྱིས་ལེགས་པར་བསྡུས་ནས་ཤིན་ཏུ་དར་བར་བྱས་པ་ཡིན་ནོ། །གཉིས་པ་ཐེག་པ་ཆེན་པོའི་བསྡུ་བ་ལ་རྣམ་པར་དབྱེ་ན། རྒྱུའི་ཐེག་པ་དང་། འབྲས་བུའི་ཐེག་པ་གཉིས་སུ་གནས་པ་
ལས། དང་པོ་རྒྱུའི་ཐེག་པ་ནི། དོར་ཆེན་ཐམས་ཅད་མཁྱེན་པ་ཆེན་པོས། དེ་བཞིན་ཐེག་པ་ཆེན་པོའི་མདོ་རྣམས་ནི། །ལྷོ་ཕྱོགས་དྲི་མེད་འབྱུང་གནས་ཞེས་བྱ་བར། །བྱང་ཆུབ་སེམས་དཔའི་དགེ་འདུན་བྱེ་བ་ཕྲག །དགུ་བཅུ་འདུས་ནས་བསྡུས་ཞེས་འགའ་ཞིག་བཞེད། །འོན་ཀྱང་ཐེག་
ཆེན་མཐའ་དག་སྡུད་པ་པོ། །བྱང་ཆུབ་སེམས་དཔའ་ཕྱག་ན་རྡོ་རྗེ་ཡིན། །ཞེས་གསུངས་ཏེ། དེའང་སློབ་དཔོན་ཁ་ཅིག་མ་ག་དྷཱ་རྒྱལ་པོའི་ཁབ་ཀྱི་གྲོང་ཁྱེར་ཆེན་པོའི་ལྷོ་ཕྱོགས་བི་མ་ལ་སམྦྷ་ཝ་ཞེས་པ་སྟེ་དྲི་མ་མེད་པ་འབྱུང་བའི་གནས་ཞེས་བྱ་བར་བྱང་ཆུབ་སེམས་དཔའི་དགེ་འདུན་བྱེ་བ་
ཕྲག་དགུ་བཅུ་འདུས་ནས། འཇམ་དཔལ་དང་བྱམས་པ་དང་ཕྱག་ན་རྡོ་རྗེ་གསུམ་གྱིས་རིམ་པ་བཞིན་དུ་མངོན་པ་དང་འདུལ་བ་དང་མདོ་སྡེ་གསུམ་བསྡུས་པར་འདོད་དོ། །རྟོག་གེ་འབར་བ་ལས་ནི། ཐེག་པ་ཆེན་པོ་སངས་རྒྱས་ཀྱིས་གསུངས་པ་ཡིན་ཏེ། རྩ་བའི་སྡུད་པར་བྱེད་པ་པོ་ཀུན་
དུ་བཟང་པོ་དང་། འཇམ་དཔལ་དང་། གསང་བའི་བདག་པོ་དང་། བྱམས་པ་ལ་སོགས་པ་རྣམས་ཀྱིས་བསྡུས་པའི་ཕྱིར་རོ། །བདག་ཅག་གི་རྩ་བའི་སྡུད་པར་བྱེད་པ་ཉན་ཐོས་ནི་མ་ཡིན་ཏེ། ཐེག་པ་ཆེན་པོའི་གསུང་ནི་དེ་དག་གི་ཡུལ་མ་ཡིན་པའི་ཕྱིར་རོ་ཞེས་བཤད་དོ། །འོན་ཏེ་བསྐལ་པ་
བཟང་པོ་འདི་ལ་ཐེག་པ་ཆེན་པོའི་ཐུན་མོང་མ་ཡིན་པའི་མདོ་དང་སྔགས་ཀྱི་བསྟན་པ་གཉིས་ཀའི་སྡུད་པར་བྱེད་པ་ཕྱག་ན་རྡོ་རྗེ་ཉིད་དུ་ངེས་པ་ནི་སྔོན་གྱི་སྨོན་ལམ་གྱི་དབང་གིས་དང་། བཅོམ་ལྡན་འདས་ཀྱིས་དེ་བཞིན་གཤེགས་པ་ཐམས་ཅད་ཀྱི་གསང་བའི་བདག་པོར་དབང་བསྐུར་ནས་བསྟན་པ་གཏད་
པར་བཤད་པའི་ཕྱིར་རོ། །དེ་ཡང་ཇི་ལྟར་ཞེ་ན། འདས་པའི་དུས་ཀྱི་བསྐལ་པ་མཛེས་པར་སྣང་བ་ཞེས་བྱ་བར་འཇིག་རྟེན་གྱི་ཁམས་རྣམ་པར་བརྒྱན་པ་ན། དེ་བཞིན་གཤེགས་པ་ཡོན་ཏན་མཐའ་ཡས་རིན་པོ་ཆེ་སྣ་ཚོགས་བཀོད་པའི་རྒྱལ་པོ་ཞེས་བྱ་བ་བྱུང་ངོ་། །དེའི་ཚེ་རྣམ་པར་དག་པ་དང་ལྡན་པའི་

213-1-68b

པོ་བྲང་དུ་གླིང་བཞི་ལ་དབང་བའི་འཁོར་ལོས་སྒྱུར་བའི་རྒྱལ་པོ་ཡུལ་འཁོར་སྲུང་ཞེས་བྱ་བ་ལ་སྲས་སྟོང་དུ་ཚང་བ་ཡོད་དེ། རྒྱལ་པོ་སྲས་དང་བཅས་པས་དེ་བཞིན་གཤེགས་པའི་དྲུང་དུ་ཆོས་མཉན་ཏོ། །ཇི་ཞིག་གི་ཚེ་ན་རྒྱལ་པོ་བཙུན་མོའི་ལྷན་ཅིག་ཏུ་སྐྱེད་མོས་ཚལ་དུ་རྣམ་པར་རྩེ་
ཞིང་སོང་བ་ན། བཙུན་མོ་མ་སྨད་མ་དང་དཔེ་མེད་མ་ཞེས་བྱ་བ་གཉིས་ཀྱིས་དགའ་བ་ཞེས་བྱ་བའི་རྫིང་དུ་ཞུགས་ཏེ་ཁྲུས་བྱས་ནས་ནམ་སྤོས་ཆུའི་རླན་གྱིས་ཡོངས་སུ་བརླན་བཞིན་དུ་ཁྲི་ལ་འཁོད་དོ། །དུས་དེར་བཙུན་མོ་གཉིས་ཀྱི་པང་དུ་ཁྱེའུ་ཆུང་གཉིས་སྐྱིལ་མོ་ཀྲུང་བཅས་བཞིན་པར་བརྫུས་ཏེ་
འཁྲུངས་སོ། །དེའི་ཚེ་ནམ་མཁའ་ནས་ལྷ་རྣམས་ཀྱིས་ཀྱེ་མ་ཁྱེའུ་འདི་ནི་ཆོས་སེམས་སོ། །ཁྱེའུ་འདི་ནི་ཆོས་ཀྱི་བློ་གྲོས་སོ་ཞེས་བརྗོད་པས་ཁྱེའུ་དག་གི་མིང་ཡང་དེ་ལྟར་དུ་གྲགས་སོ། །དེ་ནས་ཁྱེའུ་དེ་གཉིས་ཡུལ་འཁོར་སྲུང་གི་དྲུང་དུ་སོང་སྟེ། ཡབ་གཅིག་གསན་པར་མཛད་དུ་གསོལ།
བསྐལ་པ་བྱེ་བར་ཆོས་རྙེད་རབ་ཏུ་དཀའ། །ཞེས་བྱ་བ་ལ་སོགས་པས་གནང་བ་ཞུས་ནས་ཁྱེའུ་དེ་གཉིས་དང་བཅས་པ་དེ་བཞིན་གཤེགས་པའི་དྲུང་དུ་སོང་སྟེ་ཆོས་མཉན་ནོ། །རྒྱལ་བུ་སྟོང་ཕྲག་པོ་ཐམས་ཅད་ཀྱང་། བསྐལ་པ་བཟང་པོ་འདི་ཉིད་འཚང་རྒྱ་བའི་སྨོན་ལམ་བཏབ་པ་ཤ་སྟག་གོ། །དེའི་ཚེ་
རྒྱལ་པོ་འདི་སྙམ་དུ་གཞོན་ནུ་འདི་དག་བྱང་ཆུབ་འཐོབ་པ་ཤ་སྟག་ཡིན་ན་གང་ཐོག་མ་ཉིད་དུ་འཚང་རྒྱ་བར་འགྱུར་བ་རྟག་པར་བྱའོ་སྙམ་ནས། རྒྱལ་པོས་གཞོན་ནུ་དེ་རྣམས་ཀྱི་མིང་བྲིས་པ་རིན་པོ་ཆེའི་བུམ་པར་བཅུག་སྟེ་ཞག་བདུན་དུ་མཆོད་པ་བྱས་པའི་མཐར་མིང་དེ་རྣམས་རེ་རེ་ནས་ཕྱུང་བ་ན། ཐམས་
ཅད་ཀྱི་ཐོག་མར་གཞོན་ནུ་རྣམ་པར་དག་པའི་བློ་གྲོས་ཀྱི་མིང་བྱུང་བ་ནས། མཐར་བློ་གྲོས་མཐའ་ཡས་ཀྱི་མིང་གི་བར་སྟོང་ཕྲག་གཅིག་ཏུ་ཚང་བ་བྱུང་ངོ་། །དེ་ནས་རྫུས་སྐྱེས་ཀྱི་ཁྱེའུ་ཆོས་སེམས་དང་ཆོས་ཀྱི་བློ་གྲོས་གཉིས་ལ་རྒྱལ་བུ་དེ་དག་གིས་སྨྲས་པ།  ཁྱེད་གཉིས་སྨོན་ལམ་ཇི་ལྟར་འདེབས་ཞེས་
དྲིས་པས། ཆོས་སེམས་ཀྱིས་ཁྱེད་རྣམས་སངས་རྒྱས་པར་གྱུར་པ་དེའི་ཚེ་ང་ཁྱོད་རྣམས་ཀྱི་ལག་ན་རྡོ་རྗེར་གྱུར་ཏེ་ནང་ན་སྤྱོད་ཅིང་། དེ་བཞིན་གཤེགས་པའི་གསང་བ་ཐམས་ཅད་ལས་ཕྱི་རོལ་དུ་མ་གྱུར་ལ། ཕྱི་ནང་གི་ཆོས་ཐམས་ཅད་ཉན་མོས་རྟོགས་པར་སྨོན་ལམ་བཏབ་སྟེ། དེ་ཉིད་ཕྱག་ན་རྡོ་རྗེ་ཞེས་

213-1-69a

སངས་རྒྱས་སྟོང་གི་བཀའི་སྡུད་པ་པོར་གྱུར་ཅིང་། མ་འོངས་པ་ན་བསྐལ་པ་རྣམ་པར་སྦྱང་བ་ཞེས་བྱ་བ་ལ་འཇིག་རྟེན་གྱི་ཁམས་ཀུན་ནས་ཡོངས་སུ་དག་པར་སངས་རྒྱས་རྡོ་རྗེས་རྣམ་པར་གནོན་པ་ཞེས་བྱ་བ་ཉིད་དུ་འཚང་རྒྱ་བར་ལུང་བསྟན་ནོ། །ཆོས་ཀྱི་བློ་གྲོས་ཀྱིས་གང་གི་ཚེ་ཁྱེད་
ཐམས་ཅད་ལ་ཐོག་མར་ཆོས་ཀྱི་འཁོར་ལོ་བསྐོར་བར་བསྐུལ་བའི་གསོལ་བ་འདེབས་པ་པོར་འགྱུར་བར་སྨོན་ལམ་བཏབ་སྟེ། དེ་ནི་ཚངས་པ་གཙུག་ཕུད་ཅན་ཡིན་པར་གསང་བ་བསམ་གྱིས་མི་ཁྱབ་པའི་མདོ་ལས་བཤད་དོ། །གཉིས་པ་འབྲས་བུའི་ཐེག་པ་ལ། སྡུད་པ་པོ་ངས་གཟུང་བ་དང་། དེས་
ཇི་ལྟར་བསྡུས་པའི་ཚུལ་ལོ། །དང་པོ་སྤྱིར་སྟོན་པའི་འཁོར་ཀྱི་གཙོ་བོར་གྱུར་པའི་སྡུད་པ་པོ་ནི། གཞན་གྱི་ངོར་བྱང་ཆུབ་སེམས་དཔའ་ལ་སོགས་པའི་ཚུལ་བསྟན་པ་ཙམ་ལས་ངེས་པའི་དོན་དུ་སྟོན་པ་ཉིད་ཀྱི་ཐུགས་གཉིས་སུ་མེད་པའི་ཡེ་ཤེས་ཀྱི་རྡོ་རྗེ་ཐོག་མཐའ་མེད་པའི་བདག་ཉིད་ཅན་ཁོ་ན་སྟེ།
ཡེ་ཤེས་ཐིག་ལེའི་རྒྱུད་ལས། ཕྱག་ན་རྡོ་རྗེ་མགོན་པོ་ཆེ། །རྡོ་རྗེ་འཛིན་པ་ཀུན་གྱི་བདག །མཐའ་ཡས་པ་ཡི་འཇིག་རྟེན་ཁམས། །སྐྱེ་དང་འཇིག་པ་མཆོག་ཡིན་ནོ། །དེ་ལ་སྐྱེ་བ་གང་ཡང་མེད། །རང་བྱུང་མཆོག་གི་དབང་ཕྱུག་གོ། །ཞེས་དང་། རྡོ་རྗེ་ཙེ་མོ་ལས། ཨེ་མའོ་རྣམ་དག་ཡེ་ཤེས་བདག །
ཨེ་མའོ་སངས་རྒྱས་ཉན་ཐོས་པ། །ཨེ་མའོ་གར་མཁན་འཁོར་ལོ་འདིས། །རང་གིས་ཡེ་ཤེས་འདྲི་བར་བྱེད། །ཅེས་དང་། དཔལ་གསང་བགྲུབ་པའི་རྒྱུད་ལས། དེ་ཡི་སྡུད་པར་བྱེད་པ་པོ། །གཞན་དག་ཡོད་པ་མ་ཡིན་ཏེ། །བདག་ཉིད་འབའ་ཞིག་སྨྲ་བར་བྱེད། །རྒྱུད་མཛད་པ་ནི་ཐུགས་
རྡོ་རྗེ། །གསུང་པ་པོ་དེ་སྡུད་པའང་དེ། །ཞེས་སོ། དེ་ལྟ་ནའང་གཞན་གྱི་ངོར་ན་རྡོ་རྗེ་སེམས་དཔའ་དང་ཀུན་ཏུ་བཟང་པོ་དང་ཕྱག་ན་རྡོ་རྗེ་ལ་སོགས་པའི་ཚུལ་གྱིས་སྟུག་པོ་བཀོད་པ་དང་། གཞི་དང་སྙིང་པོ་མེ་ཏོག་གིས་བརྒྱན་པ་དང་། མི་མཇེད་འཇིག་རྟེན་གྱི་ཁམས་ཀྱི་ལྕང་ལོ་ཅན་ལ་སོགས་པའི་གནས་ཐ་
དད་པ་དག་ཏུ་བཞུགས་ནས་དེ་བཞིན་གཤེགས་པའི་གསང་བ་མ་ལུས་པ་འཛིན་པ་ཡིན་ཏེ། ཕྱག་ན་རྡོ་རྗེ་དབང་བསྐུར་བའི་རྒྱུད་ལས། བྱང་ཆུབ་སེམས་དཔའ་ཀུན་དུ་བཟང་པོ་ཞེས་བྱ་བ་འཇིག་རྟེན་གྱི་ཁམས་མེ་ཏོག་གི་སྙིང་པོའི་རྒྱན་བཀོད་པ་ཐམས་ཅད་དུ་རྣམ་པར་སྣང་མཛད་ཀྱི་སྔོན་གྱི་སྤྱོད་པ་བསྟན་པར་

213-1-69b

སྨོན་ལམ་བཏབ་ནས། གནོད་སྦྱིན་འདུལ་བའི་དབང་ཉེ་བར་བཟུང་ནས། དབུས་ཀྱི་ཛམྦུའི་གླིང་གི་མི་མཇེད་འདིར་ལྕང་ལོ་ཅན་དུ་གནོད་སྦྱིན་གྱི་སྡེ་དཔོན་ཆེན་པོ་འབྲོག་གནས་ཀྱི་གནས་ན་གནས་སོ་ཞེས་སོ། །དེ་ཉིད་འཇིག་རྟེན་གྱི་ཁམས་ཆགས་པ་དང་འཇིག་པ་ལ་སོགས་པའི་གནས་སྐབས་སུ་ཡང་
སྐྱེ་བ་ཐ་དད་པར་ལེན་ཅིང་སངས་རྒྱས་ཀྱི་ཕྲིན་ལས་རྒྱུན་མི་འཆད་པར་བྱེད་པར་དབང་བསྐུར་བ་ཡིན་ཏེ། དེ་ཉིད་ལས་བྱང་ཆུབ་སེམས་དཔའ་ཀུན་དུ་བཟང་པོ་བྱིན་གྱིས་བརླབས་ནས་སངས་རྒྱས་ཀྱི་མཛད་པ་གཅིག་ནས་གཅིག་ཏུ་བརྒྱུད་པ་རྒྱུན་མི་འཆད་པར་བྱ་བའི་ཕྱིར། དུས་ཀྱི་དབང་གིས་སྐྱེ་བ་
ཡོངས་སུ་བཟུང་བར་བྱིན་གྱིས་བརླབས་ཏེ་ཞེས་བྱ་བ་དང་། བྱང་ཆུབ་སེམས་དཔའ་ཀུན་ཏུ་བཟང་པོ་དབང་བསྐུར་ནས་དེ་ཉིད་ལ་བསྟན་པ་གཏད་དོ་ཞེས་གསུངས་པ་དང་། ལྟ་བ་ཀུན་གྱི་བསྲུང་དོན་ཕྱིར། །སྣ་ཚོགས་པ་ཡི་གཟུགས་སུ་སྦྱོར། །ལ་ལར་རྡོ་རྗེ་འཛིན་པ་དང་། །ལ་ལར་སངས་རྒྱས་ཀྱི་ནི་
གཟུགས། །ལ་ལར་ཧེ་རུ་ཀ་ཡི་གཟུགས། །ལ་ལར་དེ་བཞིན་གཤེགས་པ་དང་། །ལ་ལར་བྱུང་ཆུབ་སེམས་དཔའི་གཟུགས། །ལ་ལར་ཉན་པ་ལྟ་བུར་བཞུགས། །ལ་ལར་འཆད་དོ་དགྱེས་པདྨ། །ལ་ལར་ཟློག་པའི་ཚུལ་དུ་བཞུགས། །ལ་ལར་རྒྱུད་དང་བསྟན་བཅོས་ནི། །མཛད་པ་དང་ནི་ལ་ལར་འཛིན། །
མང་དུ་བརྗོད་ལྟ་ཅི་ཞིག་དགོས། །དེ་སྟོན་ཕྱག་ན་རྡོ་རྗེ་རྒྱལ། །ཞེས་འབྱུང་ངོ་། །གཞན་ཡང་རྒྱུད་ཀྱི་ཞུ་བ་པོ་གང་ཡིན་པ་དེ་ཉིད་སྡུད་པ་པོར་འགྱུར་པ་ཡང་ཡོད་དེ། དཔེར་ན་ཀྱེ་རྡོ་རྗེའི་རྩ་བའི་རྒྱུད་དང་བཤད་པའི་རྒྱུད་རྣམས་དང་། དུས་ཀྱི་འཁོར་ལོའི་རྩ་བའི་རྒྱུད་ལྟ་བུའོ། །ཡང་སྔོན་དུ་ལག་ན་རྡོ་རྗེས་བསྡུས་
ནས། ཕྱིས་ནས་སྡུད་པ་པོ་གཞན་གྱིས་བསྡུས་པར་བཤད་པའང་ཡོད་དོ། །དེ་བཞིན་དུ་བདེ་མཆོག་ལ་སོགས་པའི་རྒྱུད་འགའ་ཞིག་ནི་རྡོ་རྗེ་ཕག་མོ་ལ་སོགས་པའི་མ་མོ་འདུས་པ་རྣམས་ཀྱིས་བཅོམ་ལྡན་འདས་ལས་ཇི་ལྟར་ཐོས་པ་རྣམས་ཕན་ཚུན་གཅིག་གིས་གཅིག་ལ་དྲི་བ་དང་ལན་རྗེས་སུ་བསྟན་པའི་ཚུལ་གྱིས་
རྡོ་རྗེའི་གནས་སུ་བསྡུས་པའང་མཁའ་འགྲོ་རྒྱ་མཚོའི་རྒྱུད་ཀྱི་འགྲེལ་པ་ལ་སོགས་པ་ནས་བཤད་དོ། །དེ་བས་ན་ཇི་ལྟར་བཤད་པའི་བྱང་ཆུབ་སེམས་དཔའ་ལག་ན་རྡོ་རྗེ་དེ་ཉིད་ནི་སྤྱིར་དུས་གསུམ་གྱི་དེ་བཞིན་གཤེགས་པ་ཐམས་ཅད་དང་། བྱེ་བྲག་ཏུ་མི་མཇེད་ཀྱི་ཞིང་ཛམྦུའི་གླིང་དང་། དུས་

213-1-70a

བསྐལ་པ་བཟང་པོ་འདི་ཉིད་ཀྱི་སྟོན་པ་ཐུབ་པའི་དབང་པོའི་གསུང་རབ་ཁྱད་པར་བ་གསང་སྔགས་རྡོ་རྗེ་ཐེག་པ་མཐའ་དག་སྡུད་པར་བྱེད་པའི་གཙོ་བོ་ཉིད་ཡིན་པ་ནི། གོང་དུ་སྨོས་པ་ལྟ་བུའི་སྨོན་ལམ་གྱི་མཐུ་དང་། སྟོན་པ་ཉིད་ཀྱིས་གང་ལ་གསང་བ་མ་ལུས་པ་འཛིན་
པའི་བདག་པོར་དབང་བསྐུར་ནས་བསྟན་པ་གཏད་པའི་གཙོ་བོ་ཡིན་པའི་ཕྱིར་ཏེ། ཇི་ལྟར་ན། ཕྱག་ན་རྡོ་རྗེ་དབང་བསྐུར་བའི་རྒྱུད་ལས། རིགས་ཀྱི་བུ་དེ་བཞིན་གཤེགས་པ་ཐམས་ཅད་ཀྱི་དཀྱིལ་འཁོར་འཁོར་ལས་སྒྱུར་བ་ཆེན་པོའི་རྡོ་རྗེའི་དཀྱིལ་འཁོར་ཆེན་པོར་ལག་ཏུ་རྡོ་རྗེས་དབང་བསྐུར་
བས་ཁྱོད་ལ་དབང་བསྐུར་རོ། །ཏིང་ངེ་འཛིན་བྱེ་བ་ཁྲག་ཁྲིག་བརྒྱ་སྟོང་དུ་མ་ལས་བྱས་པའི་རྡོ་རྗེ་ཁྱོད་ལ་བྱིན་ནོ། །འཁོར་ལོས་སྒྱུར་བའི་རྒྱལ་པོ་ཆེན་པོའི་རྡོ་རྗེས་ཁྱོད་བྱིན་གྱིས་བརླབས་སོ། །རྡོ་རྗེ་སྙིང་པོ་ཐམས་ཅད་ཁྱོད་ལ་བསྟན་ཏོ། །དེ་བཞིན་གཤེགས་པ་ཐམས་ཅད་ཀྱིས་བསྟན་པ་
ཐམས་ཅད་ཀྱི་དོན་བྱ་བ་དང་། བསྲུང་བར་གནང་ངོ་། །ཁྱོད་ཀྱི་སྔོན་གྱི་སྨོན་ལམ་ཡོངས་སུ་རྫོགས་སོ་ཞེས་བྱ་བ་ལ་སོགས་པ་རྒྱ་ཆེར་བརྗོད་པས་དབང་བསྐུར་རོ། །གཞན་ཡང་དེ་བཞིན་གཤེགས་པའི་གསང་བའི་རྟགས་ཐམས་ཅད་ཀྱི་བདག་པོ་ཉིད་དུ་བསྒྲུབས་ནས། མ་འོངས་པ་ན་གསང་
བའི་རྒྱུད་ཉན་པའི་སྐལ་བ་དང་ལྡན་པ་རྣམས་ལ་འཆད་པར་བྱེད་པའི་སྟོན་པ་ཉིད་དུ་བྱིན་གྱིས་བརླབས་པ་ཡིན་ཏེ། དཔལ་ཡེ་ཤེས་ཐིག་ལེའི་རྒྱུད་ལས། བཅོམ་ལྡན་འདས་མ་འོངས་པའི་དུས་སུ་ཡང་དག་པར་གསང་བའི་རྒྱུད་འདི་སྐལ་བ་དང་ལྡན་པའི་སེམས་ཅན་རྣམས་ལ་སུས་འཆད་
པར་འགྱུར། བཅོམ་ལྡན་འདས་ཀྱིས་བཀའ་སྩལ་པ། དཔལ་ཕྱག་ན་རྡོ་རྗེ་མགོན་པོས་བཤད་པར་བྱེད་དོ་ཞེས་གསུངས་ཤིང་། དེ་ཁོ་ན་ཉིད་སྒྲོན་མེའི་རྒྱུད་ལས། ལྷ་མོས་གསོལ་པ། གསང་བ་ཆེན་པོའི་རྒྱུད་འདི་ནི། །ཤེས་པ་དང་ནི་བཤད་པ་སུ། །བཅོམ་ལྡན་འདས་ཀྱིས་བཀའ་རྩལ་པ།
ནུབ་ཕྱོགས་སུ་དཔལ་རྡོ་རྗེ་ཆེན་པོའི་ཨོོཎྱཱན་དུ། རྒྱལ་པོ་ཨིནྡྲ་བྷཱུ་ཏི་ཞེས་བྱ་བས་ཤེས་པ་དང་། བཤད་པ་དང་། སེམས་ཅན་ལ་གསལ་བར་བྱེད་དོ། །ཞེས་སོ། །དཔལ་ཡེ་ཤེས་ཐིག་ལེའི་རྒྱུད་ཀྱིས་རྒྱལ་པོ་ལས། གང་ཞིག་ངས་བསྟན་པའི་ཕྱག་ན་རྡོ་རྗེའི་རྒྱལ་པོ་དེ་ཉིད་དེ། ཨིནྡྲ་བྷཱུ་ཏི་སྤྲུལ་པའི་སྐུས་བཅུའི་དབང་ཕྱུག་

213-1-70b

ཡེ་ཤེས་ཀྱི་སྐུས་བཅུའི་དབང་ཕྱུག་གོ་ཞེས་བཤད་དོ། །གཉིས་པ་ཇི་ལྟར་བསྡུས་པའི་ཚུལ་ལ། ལྕང་ལོ་ཅན་དུ་ཇི་ལྟར་བསྡུས་པའི་ཚུལ་དང་། ཨོོ་ཌྱཱན་དུ་ཇི་ལྟར་བསྡུས་པའི་ཚུལ་ལོ། །དང་པོ་ནི། སུམ་ཅུ་རྩ་གསུམ་གྱི་ལྷའི་གནས། རི་རབ་ལྷུན་པོའི་བྱང་ཕྱོགས་ལྕང་ལོ་ཅན་ཞེས་བྱ་བ་དེར། ས་
བཅུའི་བྱང་ཆུབ་སེམས་དཔའི་ཚོགས་ཀྱིས་གསོལ་བ་བཏབ་པའི་ངོར་ཕྱག་ན་རྡོ་རྗེས་བསྡུས་པར་མངོན་ཏེ། གདུགས་དཀར་གྱི་འགྲེལ་པ་ལས་ལྕང་ལོ་ཅན་གྱི་ཕོ་བྲང་གནས་པ་སྡུད་པར་བྱེད་པ་ལག་ན་རྡོ་རྗེ་ལ། འཁོར་ས་བཅུའི་བྱང་ཆུབ་སེམས་དཔའ་ཀུན་དུ་བཟང་པོ་དང་། རྡོ་རྗེ་ལ་སོགས་པས་
བླ་གོས་ལྔ་བརྒྱ་གདན་དུ་བཏིང་ནས། ཆོས་ཀྱི་འཁོར་ལོའི་མདོ་བདེ་བར་གཤེགས་པས་གང་དུ་གསུངས། རྡོ་རྗེ་འཆང་བ་ཁྱོད་སྨྲོས་ཤིག །ཤེས་རབ་སྲས་པོ་ཁྱོད་སྨྲོས་ཤིག །ཅེས་གསོལ་བ་བཏབ་པའི་རྗེས་ལ། འདི་སྐད་བདག་གིས་ཐོས་པ་ཞེས་གླེང་བསླང་བ་གསུངས་སོ་ཞེས་བཤད་པ་
དང་། སློབ་དཔོན་ཀུན་དགའ་སྙིང་པོའི་རྣལ་འབྱོར་རྒྱུད་ཀྱི་འགྲེལ་པ་ལས། སྡུད་པར་བྱེད་པ་ས་བཅུའི་དབང་ཕྱུག་ལྕང་ལོ་ཅན་གྱི་ཕོ་བྲང་ན་བཞུགས་པའི་རྡོ་རྗེ་འཛིན་པས། འདི་སྐད་ཅེས་བྱ་བ་ལ་སོགས་པ་ཡིན་ཏེ་ཞེས་དང་། ལྕང་ལོ་ཅན་ན་བཞུགས་པའི་ས་བཅུའི་དབང་ཕྱུག་གི་ཚུལ་བཟུང་
བའི་རྡོ་རྗེ་འཛིན་པས་ཀུན་དུ་བཟང་པོ་ལ་སོགས་པའི་བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་ལ། ཇི་ལྟར་བདག་ནི་རྒྱལ་པོའི་ཕོ་བྲང་ལྕང་ལོ་ཅན་ན་ཡང་དག་པར་སྡུད་པའི་དུས་སུ་ཛམྦུའི་གླིང་ཏིལ་གྱི་གོང་བུ་ཏིལ་གྱི་ས་བོན་གྱིས་ཡོངས་སུ་གང་བ་བཞིན་དུ། ཛམྦུའི་གླིང་
ན་དེ་བཞིན་གཤེགས་པ་ཐམས་ཅད་ཀྱིས་ཀུན་དུ་གང་བར་བདག་ཅག་ལ་སྣང་ལ་ཞེས་བྱ་བ་ལ་སོགས་པ་བཤད་པའི་ཕྱིར་རོ། །གཉིས་པ་ནི། ཇི་ལྟར་བཅོམ་ལྡན་འདས་ཀྱི་ཡེ་ཤེས་རྒྱ་མཚོའི་ཀློང་ནས་མངོན་པར་སྤྲུལ་པའི་དཀྱིལ་འཁོར་ཆེན་པོ་ཉིད་དུ་གོང་དུ་ལུང་སྨོས་པ་ལྟ་བུའི་སྐལ་པ་དང་ལྡན་
པའི་གདུལ་བྱ་ཨོོ་ཌྱཱན་གྱི་རྒྱལ་པོ་ཨིནྡྲ་བྷཱུ་ཏི་འཁོར་དང་བཅས་པ་ལེགས་པར་གཅུག་ནས་དབང་བསྐུར་ཞིང་རྒྱུད་སྨིན་པ་མཛད་པ་ལ། ཕྱག་ན་རྡོ་རྗེ་དེ་བཞིན་གཤེགས་པ་ཐམས་ཅད་ཀྱི་བདག་པོས་གསུངས་པ་སྟེ། དཔལ་གསང་བ་གྲུབ་པ་ལས། ཡེ་ཤེས་སྒྱུ་མའི་

213-1-71a

རང་བཞིན་ཐུགས་རྡོ་རྗེ་སྐྱེས་བུ་ཆེན་པོའི་མཚན་སུམ་ཅུ་རྩ་གཉིས་ཀྱིས་བརྒྱན་པའི་སྐུར་གྱུར་ནས། འདི་སྐད་བདག་གིས་ཞེས་བྱ་བ་ལ་སོགས་པས་དོན་དམ་པའི་དེ་ཁོ་ན་ཉིད་དང་། སངས་རྒྱས་དང་བྱང་ཆུབ་སེམས་དཔའ་རྣམས་ལ་བདག་ཉིད་སྟོན་ཏོ་ཞེས་འབྱུང་ངོ་། །དེ་ལྟར་
ན་ཕྱག་ན་རྡོ་རྗེས་རྒྱུད་སྡེ་མཐའ་དག་བསྡུས་ནས་རྒྱལ་པོ་ཨིནྡྲ་བྷཱུ་ཏི་འཁོར་དང་བཅས་པ་ལ་བྱིན་ནོ། །དེ་དག་གྱིས་ཀྱང་དངོས་གྲུབ་ཐོབ་པར་གྱུར་ནས་རང་བཞིན་གྱིས་གྲུབ་པའི་དཔའ་བོ་དང་རྣལ་འབྱོར་མ་ཞེས་བྱ་བར་གྱུར་ནས་ཨོོ་ཌྱཱན་གྱི་ཡུལ་དེ་སྟོངས་ཏེ། དེ་ན་ཆུའི་ཕུང་པོ་ཆེན་པོ་ལག་འགྲོའི་
ཚོགས་ཀྱིས་ཡོངས་སུ་གང་བ་ཅིག་བྱུང་བར་གྱུར་ཏོ། །དེའི་འོག་ཏུ་དཔལ་གསང་བའི་བདག་པོས་ཆུའི་ཕུང་པོ་ཆེན་པོ་ན་གནས་པའི་ཀླུའི་ཚོགས་དེ་དག་སྤྲུལ་པའི་དཀྱིལ་འཁོར་དུ་སྨིན་པར་བྱས་ནས་གསེར་གྱི་ཤོག་བུ་ལ་བེེ་ཌཱུརྱ་ཞུན་མས་བྲིས་པའི་རྒྱུད་སྡེ་མང་པོའི་གླེགས་བམ་རྣམས་ཕྱག་ན་
རྡོ་རྗེས་དེ་དག་ལ་གཏད་དོ། །དེ་ནས་ཀླུ་དེ་རྣམས་རིམ་གྱིས་མིའི་ལུས་སུ་གྱུར་ཏེ་མཚོའི་འགྲམ་དུ་གྲོང་དང་གྲོང་ཁྱེར་མང་པོ་དག་བྱས་ནས། དེར་རྡོ་རྗེ་ཐེག་པ་ཉམས་སུ་བླངས་པས་སྐྱེས་བུ་ཕལ་ཆེར་གྱིས་ནི་དངོས་གྲུབ་ཀྱི་དམ་པ་གྲུབ་པར་གྱུར་ཅིང་། མ་གྲུབ་པ་རྣམས་ཀྱང་མིར་གྱུར་ཏོ། །
བུད་མེད་ཕལ་ཆེ་བ་རྣམས་ཀྱང་གསང་བའི་ཆོས་འཛིན་པའི་མཁའ་འགྲོ་མར་གྱུར་ཏེ། ད་ལྟ་ཡང་ཨོོ་ཎྱཱན་མཁའ་འགྲོའི་གནས་ཞེས་བྱ་བ་གསང་ཆེན་རྡོ་རྗེ་ཐེག་པའི་ཆོས་ཐམས་ཅད་ཀྱི་འབྱུང་གནས་སུ་གྱུར་པ་དང་། གཞན་ཡང་ཡུལ་དེ་ན་ཡོད་པའི་རྒྱལ་པོ་རྣམས་ཀྱང་ཆོས་དང་ལྡན་པའི་
རྒྱལ་པོ་ཆེན་པོ་ཤ་སྟག་འབྱུང་བར་བཤད་དོ། །དེ་ནས་རིམ་གྱིས་མིའི་ཡུལ་དུ་ཇི་ལྟར་འཕེལ་བའི་ཚུལ་ཡང་། ཡུལ་ལྷོ་ཕྱོགས་ཀྱི་རྒྱུད་ན་རྒྱལ་པོ་བི་སུ་ཀལྤ་ཞེས་བྱ་བ་ཉན་ཐོས་ཀྱི་ཐེག་པ་ལ་ཞུགས་པ་ཅིག་ཡོད་པ་དེའི་ནུབ་ཅིག་གི་རྨི་ལམ་དུ་ཁྱོད་ཀྱིས་འདི་ནས་ཨོོ་ཌྱཱན་གྱི་གནས་སུ་སོང་ཞིག་
དང་སྐྱེ་བ་འདི་ཉིད་དུ་རྡོ་རྗེ་འཛིན་པ་ཐོབ་པར་འགྱུར་རོ་ཞེས་ལུང་བསྟན་པ་རྗེས་སུ་ཐོས་ཤིང་། ཐོས་ནས་ཀྱང་ཤིན་ཏུ་སྤྲོ་བ་ཆེན་པོས་ཨོོ་ཌྱཱན་དུ་བྱོན་པས་དེ་ན་ཡོད་པའི་བུད་མེད་ཅིག་དང་ཕྲད་དེ་དེ་ལ་བསྙེན་བཀུར་ཡང་དག་པར་བྱས་པས་དེས་བྱིན་གྱིས་བརླབས་ནས་གསང་བ་འདུས་པའི་རྒྱུད་དང་།

213-1-71b

དེ་ཁོ་ན་ཉིད་འདུས་པའི་རྒྱུད་རྣམས་བྱིན་ནས་རྗེས་སུ་གདམས་པ་ལས་ཡུལ་ལྷོ་ཕྱོགས་ཀྱི་རྒྱུད་དུ་རྒྱ་ཆེར་འཕེལ་ལོ་ཞེས་ཟེར་རོ། །དེ་བཞིན་དུ་གྲུབ་པ་བརྙེས་པའི་སློབ་དཔོན་གཞན་མང་པོས་ཀྱང་ཨོོ་ཌྱཱན་དུ་བྱོན་ནས་མཁའ་འགྲོ་མ་རྣམས་ཀྱིས་རྗེས་སུ་གདམས་པ་མནོས་ཤིང་རྒྱུད་
སྡེ་མང་པོ་སྤྱན་དྲངས་ནས་དེ་ལས་རྒྱ་ཆེར་འཕེལ་བར་བཤད་དོ། །དེ་རྣམས་ཀྱིས་ཐེག་པ་ཆེ་ཆུང་གི་བཀའི་བསྡུ་བ་ཇི་ལྟར་བྱུང་བའི་ཚུལ་བརྗོད་ཟིན་ཏོ། །གཉིས་པ་འགྲེལ་བྱེད་ཀྱི་སློབ་དཔོན་ཇི་ལྟར་བྱོན་པའི་ཚུལ་ནི། དེ་ལྟར་ཉན་ཐོས་པའི་ལུགས་ཀྱི་བསྟན་པ་སྡེ་པ་བཅོ་
བརྒྱད་ཀྱི་བར་དུ་གྱེས་པའི་འཁྲུགས་ལོང་གིས་གནས་པའི་སྐབས་ཡིན་ནའང་འོན་ཀྱང་དར་རྒྱས་ཤིན་ཏུ་ཆེ་བར་གྱུར་ལ། ཐེག་པ་ཆེན་པོའི་ལུགས་ཀྱི་བསྟན་པ་ནི་ཤིན་ཏུ་ཉག་ཕྲག་བའི་རྣམ་པར་གྱུར་པའི་ཚེ། སྟོན་པ་དེ་བཞིན་གཤེགས་པ་མྱ་ངན་ལས་འདས་ནས་ལོ་སུམ་བརྒྱ་སྐོར་དུ་ཟིན་
པ་ན། གྲུབ་པའི་དབང་ཕྱུག་ཡོངས་ཀྱི་སྤྱིའི་མེས་པོར་གྱུར་པའི་སློབ་དཔོན་ཆེན་པོ་ས་ར་ཧ་སྟེ་ལྗོངས་འདིར་མདའ་བསྣུན་ཞེས་པར་བསྒྱུར་བཏུབ་པ་དེ་ཉིད་ཛམྦུའི་གླིང་དུ་བྱོན་པར་གྱུར་ཏོ། །དེའང་འཕགས་པའི་ཡུལ་གྱི་ལྷོ་ཕྱོགས་ཀྱི་རྒྱུད་དུ་རིགས་རྣམས་ཀྱི་མཆོག་ཏུ་གྱུར་པ་བྲམ་
ཟེའི་རིགས་ཀྱི་སྐྱེ་བའི་ལྗོན་ཤིང་ཡོངས་སུ་བཟུང་ནས། ཅུང་ཟད་ཅིག་ནས་ཡི་གེ་དང་། གྲངས་དང་། རྩིས་དང་། ལག་རྩིས་དང་། དབྱུང་བ་དང་། གཞུག་པ་དང་། གཞག་པ་ལ་ཉེ་བར་ཞུགས་ཤིང་། གཞན་ཡང་གཞི་བརྟག་པ་དང་། གོས་བརྟག་པ་དང་། རིན་པོ་ཆེ་བརྟག་པ་
དང་། ཤིང་རྟ་བརྟག་པ་དང་། གླང་པོ་ཆེ་བརྟག་པ་དང་། རྟ་བརྟག་པ་དང་། གཞོན་ནུ་བརྟག་པ་དང་། གཞོན་ནུ་མ་བརྟག་པ་དང་། འབྱེད་པ་དང་ཀློག་པ་དང་སྒྲ་ངེས་པར་སྦྱོར་བ་ལ་སོགས་པའི་གཙུག་ལག་རྒྱ་མཚོ་ལྟ་བུའི་ཕ་རོལ་དུ་སོན་ཅིང་དབེན་པ་ཞིག་ཏུ་གནས་པའི་
ཚེ། ནམ་མཁའ་སྟོང་པའི་ཁོང་ནས་བྲམ་ཟེའི་ཁྱེའུར་གྱུར་པ་ཁྱོད་ཀྱིས་འདི་ན་ཅི་ཞིག་བྱར་ཡོད། དེ་བས་ན་ཕྱག་རྒྱ་ཆེན་པོར་སོང་ཞིག་ཅེས་པའི་སྒྲ་སྙན་གླིང་བུ་ལྟ་བུས་སེམས་ཀྱི་རྒྱུད་ཡོངས་སུ་བསྐུལ་བར་གྱུར་ཏོ། །དེ་སྐད་ཐོས་པའི་མོད་ལ་བྲམ་ཟེའི་ཁྱེའུ་དེ་སྔ་ན་མེད་པའི་སྤྲོ་བ་

213-1-72a

མཆོག་གི་ཤིང་རྟ་ལ་འཛེགས་པར་བརྩམས་ཏེ་བྲམ་ཟེ་རྣམས་ཀྱི་རྣམ་པར་གཡེང་བའི་བྱ་བ་ཐམས་ཅད་དུག་ཅན་གྱི་བཟའ་བ་བཞིན་དུ་ཡོངས་སུ་སྤངས་ནས། དཔལ་གྱི་རི་ག་ལ་བ་དེར་སོང་ངོ་། །སོང་ནས་ཀྱང་ཇི་ཙམ་ཞིག་ན་དེ་བཞིན་གཤེགས་པ་ཐམས་ཅད་ཀྱི་གསང་བའི་
བདག་པོ་ལག་ན་རྡོ་རྗེའི་གསང་བ་ཟབ་མོའི་ཆོས་ཀྱི་སྣོད་དང་ལྡན་པའི་མཆོག་ཏུ་མཁྱེན་ནས་རང་རིག་གཉིས་སུ་མེད་པའི་ཡེ་ཤེས་ལས་སྤྲུལ་པའི་དཀྱིལ་འཁོར་ཆེན་པོ་དག་མངོན་སུམ་དུ་བསྟན་ཏེ། དེ་ཉིད་དུ་དབང་བསྐུར་ནས་རྒྱུད་སྡེ་རིན་པོ་ཆེ་མཐའ་དག་གི་ལུང་ལེགས་པར་བྱིན་ནས་བྱིན་གྱིས་
བརླབས་པ་ལ་བརྟེན་ནས་དངོས་གྲུབ་རྣམས་ཀྱི་མཆོག་ཏུ་གྱུར་པ་གང་ཡིན་པ་དེ་ཉིད་ལེགས་པར་ཐོབ་ནས། བསྟི་བའི་གནས་དེ་ཉིད་དུ་ལོ་གྲངས་བརྒྱ་ཕྲག་འགའ་ཞིག་ཀྱང་བཞུགས་ཞེས་གྲགས་སོ། །དེ་ནས་ཀྱང་རབ་ཏུ་བྱུང་བ་ནི་བསྟན་པ་ཐམས་ཅང་ཀྱི་རྩ་བའོ་སྙམ་དུ་ཤྲཱི་ནཱ་ལེནྡཱ་ཞེས་བྱ་
བར་བྱོན་ནས་འཕགས་པ་གནས་བརྟན་པའི་སྡེ་ལས་རབ་ཏུ་བྱུང་ཞིང་བསྙེན་པར་རྫོགས་པ་དགེ་སློང་གི་དངོས་པོར་བསྒྲུབས་ནས། གནས་དེ་ཉིད་དུ་ལེགས་པར་གསུངས་པའི་ཆོས་འདུལ་བ་སྨྲ་བའི་མཁན་པོར་གྱུར་ནས་འགྲོ་བ་དཔག་ཏུ་མེད་པ་ཡང་ཆོས་འདུལ་བ་ལ་ཡང་དག་པར་གཟུང་
པར་བྱེད་ཅིང་ལོ་བརྒྱ་ཕྲག་འགའ་ཞིག་བརྒལ་བར་གྲགས་སོ། །དེ་ནས་འདི་སྙམ་དུ་སེམས་ཏེ་ཕྱག་རྒྱ་ཆེན་པོ་ཉིད་དུ་མྱུར་བར་འདོང་བར་བྱེད་པའི་ཐབས་ཀྱི་གཙོ་བོ་ནི་སྤྲོས་པ་མེད་པའི་སྤྱོད་པ་ཉིད་དུ་དེ་བཞིན་གཤེགས་པས་རྗེས་སུ་བསྟན་པ་དེ་ལ་རྗེས་སུ་སློབ་པར་བགྱིའོ་སྙམ་པའི་འདུན་
པས་ཉེ་བར་བཟུང་ནས་རབ་ཏུ་བྱུང་བའི་བརྟུལ་བཞུགས་ལ་ཞེན་པ་སྤངས་ནས། མདའ་འཚོང་གི་བུ་མོ་དངོས་གྲུབ་ཀྱི་རྟེན་དུ་ཉེ་བར་བཟུང་ནས་རང་ཉིད་མདའ་མཁན་མཆོག་གི་ཆ་ལུགས་ཀྱིས་སྤྱོད་ནས། སེམས་ཅན་དཔག་ཏུ་མེད་པ་སྲིད་པ་ལས་བསྒྲལ་བ་ལ་ཡང་ལོ་གྲངས་བརྒྱ་
ཕྱག་འགའ་ཞིག་བརྒལ་བར་བཞུགས་ཏེ་མདོར་ན་ཛམྦུའི་གླིང་ན་ལོ་གྲངས་སྟོང་དང་ཉིས་བརྒྱ་རྫོགས་པར་བཞུགས་ནས། འཆོས་སྐྱོབ་ཀྱི་ཡོན་ཏན་ལྡན་པའང་དོ་ཧ་སྤྱོད་པའི་གླུ་ལ་སོགས་པ་མང་པོ་དག་ཀྱང་མ་འོངས་པའི་འགྲོ་བ་རྣམས་ཀྱི་ངོ་ན་གདམས་ཏེ། མཐར་ཡི་དྭགས་ཀྱི་

213-1-72b

དོན་དུ་རང་གི་པུར་སྦྱངས་པའི་དུད་བ་ཨིནྡྲ་ནཱི་ལ་ལྟ་བུའི་ངད་པས་ཀྱང་ཡི་དྭགས་ཀྱི་ཚོགས་མང་པོ་ལྷའི་འཇིག་རྟེན་དུ་སྐྱེ་བར་བྱིན་གྱིས་བརླབས་ནས་རང་ཉིད་ཕྱག་རྒྱ་ཆེན་པོ་ཉིད་དུ་བཞུད་དོ་ཞེས་བྱ་བ་འདི་དག་ནི་སྔོན་གྱི་མཁས་པ་རྣམས་ལ་གཏམ་དུ་ཡོངས་སུ་གྲགས་སོ། །དེ་ལྟ་བུའི་གྲུབ་པ་
ཆེན་པོ་དེ་ཉིད་ཀྱི་བྱིན་གྱིས་བརླབས་ཤིང་རྗེས་སུ་གདམས་པས་ཡོངས་སུ་གྲོལ་བའི་སློབ་མའི་རྩེ་མོར་གྱུར་པ་ནི་འཛམ་བུའི་གླིང་མཆོག་མཛེས་པར་བྱེད་པའི་རྒྱན་གྱི་གཙོ་བོ་དུས་གསུམ་གྱི་དངོས་པོ་མ་ལུས་པ་མཁྱེན་ཅིང་གཟིགས་ནས་ལུང་དུ་སྟོན་པའི་ཚད་མའི་སྐྱེས་བུ་ཆེན་པོ་ཤཱཀྱའི་རྒྱལ་
པོས་འཕགས་པ་ལངྐར་གཤེགས་པ་དང་། འཇམ་དཔལ་རྩ་བའི་རྒྱུད། དང་པོའི་སངས་རྒྱས་ལ་སོགས་པའི་མདོ་སྡེ་དང་རྒྱུད་སྡེ་མང་པོ་ནས་བསྟན་པ་སྐྱོང་བའི་སྐྱེས་བུ་དམ་པ་ཉིད་དུ་ལུང་གི་ཕྲེང་བས་ཉེ་བར་བསྔགས་པའི་འཕགས་པ་ཀླུ་སྒྲུབ་སྟེ། དེའང་སྟོན་པ་མྱ་ངན་ལས་འདས་
ནས་བགྲང་གཞི་བཞི་བརྒྱ་ལོན་པ་ན། ལྷོ་ཕྱོགས་བེེ་དརྦྷའི་ཡུལ་ན་རིགས་རྣམས་ཀྱི་བླ་མར་གྱུར་པ་བྲམ་ཟེ་གཙུག་ཕུད་ཅན་ཞེས་བྱ་བའི་སྲས་སུ་སྐྱེ་བའི་ཟློས་གར་བསྒྱུར་བར་གྱུར་ཏོ། །དེ་ལྟ་ནའང་འཚོ་བ་ཤིན་ཏུ་ཐུང་བའི་མཚན་མ་ངན་པ་ཤར་བ་དེ་ཡོངས་སུ་བཟློག་པའི་བྱ་བ་རྣམས་ཀྱིས་བསྐྱེད་
བསྲིངས་ཏེ་དགུང་ལོ་བདུན་དུ་སོན་པ་ན་ཡབ་ཡུམ་ལས་གནང་བ་ཞུས་པར་རང་གྲོལ་དུ་བྱུང་ནས་དཔལ་ལྡན་རྒྱུན་སྟེར་ཞེས་བྱ་བའི་དྲིའི་གཙང་ཁང་གང་ན་བ་དེར་འདུལ་བ་འཛིན་པ་རྣམས་ཀྱི་མཆོག་ཏུ་གྱུར་པའི་མཁན་པོ་སྒྲ་གཅན་འཛིན་བཟང་པོའི་བཀའ་ལས་རབ་དུ་བྱུང་ནས། རིག་པ་སྔགས་ཀྱི་
རྒྱལ་མོ་མ་ཧཱ་མ་ཡཱུར་ཞེས་བྱ་བའི་དཀྱིལ་འཁོར་དུ་བཅུག་སྟེ་དབང་བསྐུར་བ་དང་རྗེས་སུ་གདམས་པ་བདུད་རྩི་ཟབ་མོས་ཡོངས་སུ་བྲན་ནོ། །དེའི་མོད་ལ་རབ་ཏུ་དགའ་བའི་ས་ལ་རེག་པའི་ཡོན་ཏན་མཐའ་དག་ལ་སྟོང་ཉིད་སྨྲ་བའི་སེང་གེ་གྱུར་ཏེ་ལོ་གྲངས་དྲུག་བརྒྱའི་བར་དུ་མི་ཤིགས་པའི་རྡོ་རྗེ་
ཆེན་པོ་ཉིད་དུ་བྱིན་གྱིས་བརླབས་སོ། །དེ་ལས་གཞན་ཡང་གསང་ཆེན་འདུས་པ་ལ་སོགས་པའི་གཞུང་དང་ཉེ་བར་བསྟན་པ་རྣམས་ཀྱང་མནོས་པ་དང་། དབང་འབྱོར་ཞིང་ཆོས་ཉིད་དམ་པའི་བདེན་པ་མངོན་སུམ་གཟིགས་པས། སླར་ཡང་སྡེ་སྣོད་གསུམ་པོ་མ་ལུས་པ་འཛིན་པའི་བདག་ཉིད་ཆེན་

213-1-73a

པོ་ཉིད་དུ་བསྒྲུབ་པའི་ཕྱིར། བསྙེན་པར་རྫོགས་པ་དགེ་སློང་གི་དངོས་པོ་ཡང་དག་པར་བསྒྲུབས་ནས་འབོད་ཕྱོགས་སུ་དགེ་སློང་དཔལ་ལྡན་ཞེས་བྱ་བའི་གྲགས་པས་རྒྱལ་བའི་བསྟན་པར་བརྒྱན་པར་བྱས་སོ། །དེ་ནས་དཔལ་ནཱ་ལནྡཱར་དགེ་འདུན་གྱི་ཚོགས་ཆེན་པོ་རྣམས་
ཀྱི་ཞལ་ཏ་བ་ཉིད་ཀྱི་ཁུར་བླངས་ནས་གང་གི་ཚེ་དགེ་སློང་གི་དགེ་འདུན་ཆོས་ནས་འབྱུང་བ་བཞིན་བྱེད་པ་རྣམས་ལ་ནི་རྗེས་སུ་བསྔགས་ཤིང་། ཅིག་ཤོས་དེ་ལས་ལྡོག་པ་རྣམས་ནི་གནས་ལས་བསྐལ་པ་ལ་སོགས་པའི་བྱ་བས་བསྟན་པ་ཆོས་དང་མཐུན་པར་བསྐྱངས་པ་དང་། དེ་བཞིན་གཤེགས་
པའི་སྐུའི་ཚད་ཀྱི་གཟུགས་བརྙན་བྱང་ཆུབ་ཆེན་པོ་ལ་སྲོག་ཆགས་ཀྱི་གནོད་པ་བསྲུང་བའི་ཕྱིར་རྡོ་རྗེའི་དྲ་མིག་གི་ར་བས་བསྐོར་བ་ལ་སོགས་པ་དང་། སྐུ་གདུང་མཆོད་རྟེན་བྱེ་བ་བསྐྲུན་པ་ལ་སོགས་པས་དེ་བཞིན་གཤེགས་པའི་གཟུགས་བརྙན་དང་བསྟན་པར་བཅས་པ་ལ་རི་མོར་བགྱིས་པའི་
ཚུལ་འདི་ལ་འགྲན་ཟླར་འོས་པ་འགའ་ཡང་ཡོད་པར་མ་གྲགས་ཤིང་། ཁྱད་པར་ཀླུའི་རྒྱལ་པོས་རང་གི་བསྟི་གནས་རིན་པོ་ཆེ་འབྱུང་བའི་ཕོ་བྲང་གང་ན་བ་དེར་སྤྱན་དྲངས་པ་ན། དེ་དག་གི་མོས་པ་དང་འཚམ་པའི་ཆོས་ཀྱི་འཁོར་ལོ་བསྐོར་ནས། རྒྱལ་བ་ཐམས་ཅད་ཀྱི་ཡུམ་གཅིག་ཤེས་རབ་ཀྱི་ཕ་
རོལ་ཏུ་ཕྱིན་པ་སྟོང་ཕྲག་བརྒྱ་པ་དང་ཡི་གེ་ཉུང་དུ་རྣམས་མི་ཡུལ་དུ་སྔོན་མེད་པ་ལ་སྤྱན་འདྲེན་པའི་ཕྲིན་ལས་ཀྱི་སྣང་བ་ཆེན་པོ་མཛད་པ་དང་། སྐབས་ཤིག་ན་དགེ་སློང་བདེ་བྱེད་ཅེས་བྱ་བས་རྒྱལ་བའི་བསྟན་པ་ལ་རྨ་སྲོལ་བཏོད་པའི་ཆེད་དུ་བརྩམས་པ་བཀའི་དོན་ལ་ལོག་པར་བརྟག་པ་རིག་པའི་རྒྱན་
ཞེས་བྱ་བའི་གཞུང་འབུམ་ཕྲག་བཅུ་གཉིས་ཅན་བྱུང་བ་ཡང་འཕགས་པ་འདི་ཉིད་དངོས་སྟོབས་རིགས་པའི་སྔགས་ཀྱིས་བཏབ་སྟེ་རྨ་མེད་པ་ཉིད་དུ་བདེ་བར་བཀོད་དོ། །ཁྱད་པར་སྟོབས་བཅུ་མངའ་བའི་དགོངས་དོན་གསལ་བར་བྱེད་པའི་བསྟན་བཅོས་ཀྱི་རྒྱལ་པོ་མང་དུ་བསྐྲུན་པ་ནི། འདི་
ལྟ་སྟེ། ཕྱི་རིག་པའི་གནས་ཀྱི་བརྗོད་བྱ་གཙོ་བོར་གྱུར་པ་ལ་དམངས་ལ་གདམས་པ་སྐྱེ་བོ་གསོ་བའི་ཐིག་པ་དང་། མཛངས་བློན་ལ་གདམས་པ་ཤེས་རབ་བརྒྱ་པ་དང་། ས་བདག་ལ་གདམས་པ་དབུ་མ་རིན་པོ་ཆེའི་ཕྲེང་བ་དང་། གཞན་ཡང་གསེར་འགྱུར་དང་སྤོས་སྦྱོར་དང་། རྟེན་ཅིང་

213-1-73b

འབྲེལ་པར་འབྱུང་བའི་རྩིས་དང་། གསོ་བ་རིག་པ་ལ་སྦྱོར་བ་བརྒྱ་པ་ལ་{སོགས་}པ་དང་། ནང་རིག་པའི་གནས་ཀྱི་བརྗོད་བྱ་གཙོ་བོར་སྟོན་པ་ལ། ལྟ་བ་གཏན་ལ་འབེབས་པ་དབུ་མ་ལ་རིགས་པའི་ཚོགས་རྣམ་པ་ལྔ་དང་། བསྟོད་པའི་ཚོགས་བཅོ་བརྒྱད་དང་། སྤྱོད་པ་གཏན་ལ་
འབེབས་པ་དང་། མདོ་ཀུན་ལས་བཏུས་པ་དང་། ཐེག་པ་ཆེན་པོ་བློ་སྦྱོང་ངོ་། །ཉན་ཐོས་ཀྱི་རིགས་སད་པར་བྱེད་པ་རྨི་ལམ་ཡིད་བཞིན་ནོར་བུ་དང་། ཁྱིམ་པའི་སྤྱོད་པ་གཙོ་བོར་སྟོན་པ་དབུ་མ་བཤེས་པའི་སྤྲིང་ཡིག་དང་། རབ་ཏུ་བྱུང་བའི་སྤྱོད་པ་གཙོ་བོར་སྟོན་པ་བྱང་ཆུབ་ཀྱི་ཚོགས་ལ་སོགས་
པ་རྣམས་སོ། །སྔགས་ཀྱི་ཕྱོགས་ལ། ལྟ་སྤྱོད་མདོར་བསྡུས་དེ་སྟོན་པ་རྒྱུད་ཀུན་ལས་བཏུས་པ་དང་། ལྟ་བ་གཏན་ལ་འབེབས་པ་བྱང་ཆུབ་སེམས་འགྲེལ་དང་། བསྐྱེད་རིམ་སྟོན་པ་འདུས་པའི་སྒྲུབ་ཐབས་མདོར་བྱས་དང་མདོ་བསྲེ་དང་། དཀྱིལ་འཁོར་གྱི་ཆོ་ག་ཉི་ཤུ་པ་དང་། རྫོགས་
པའི་རིམ་པ་སྟོན་པ་རིམ་པ་ལྔ་པ་ལ་སོགས་པ་རང་རྒྱུད་དུ་བརྩམས་པའི་བསྟན་བཅོས་མང་པོ་དང་། གཞན་འགྲེལ་དུ་བཏབ་པ་ལའང་གསང་བ་འདུས་པའི་རྒྱུད་འགྲེལ་དང་། སཱ་ལུ་ལྗང་པའི་མདོའི་ཚོགས་སུ་བཅད་པའི་འགྲེལ་པ་ལ་སོགས་པ་མང་དུ་མཛད་དོ། །དེ་ལྟར་བགྲང་གཞི་བརྒྱ་ཕྲག་དྲུག་
གི་སྲིད་དུ་བསྟན་པ་ལེགས་པར་བསྐྱངས་ནས་མཐར་རྒྱལ་པོ་བདེ་སྤྱོད་ཀྱི་བུ་གཞོན་ནུ་ནུས་ལྡན་ཞེས་བྱ་བ་ཅིག་ལ་མས་གོས་བཟང་པོ་སྲུབ་མེད་པ་ཅིག་བྱིན་པས། འདི་བདག་གིས་རྒྱལ་སྲིད་འཛིན་པའི་དུས་སུ་གྱོན་ནོ་ཞེས་སྨྲས་པ་ལ། མས་ཁྱིད་ཀྱིས་རྒྱལ་སྲིད་འཛིན་པ་མི་འོང་སྟེ་ཡབ་དང་སློབ་
དཔོན་ཚེ་སྒྲུབ་དང་བཅུད་ལེན་སྟབས་སུ་བྱས་པ་ཡིན་པས། དེ་ལྟར་གྲུབ་སྟེ་སློབ་དཔོན་དང་སྲོག་གཅིག་པའི་ཕྱིར་རོ་ཞེས་སྨྲས་པས། དེས་པའི་རྒྱལ་སྲིད་ཐོབ་པའི་འདོད་གདུང་གིས་ཀུན་ནས་བསླངས་ཏེ། དཔལ་གྱི་རི་ལ་སློབ་དཔོན་གྱི་དྲུང་དུ་དབུ་བསླང་བའི་ཕྱིར་འོངས་པ་ན། སློབ་དཔོན་
གྱིས་ཇི་ལྟར་འདོད་པ་བཞིན་ཆོད་ཅིག་ཅེས་བཀའ་སྩལ་པ་དང་། དེས་རལ་གྲི་ཤིན་ཏུ་རྣོ་བས་བཅད་པས་ཆད་པར་མ་གྱུར་ཏོ། །དེའི་ཚེ་སློབ་དཔོན་གྱིས་དེ་ལ་སྨྲས་པ། ང་ཉིད་སྔོན་དགེ་འདུན་གྱི་ཞལ་ཏ་བར་གྱུར་པའི་ཚེ་སྨྱུག་མ་ཞིག་བཅད་པས་སྐྱེ་བ་བཅད་པའི་ལྟུང་བྱེད་བྱུང་བའི་ལས་ཀྱི་ལྷག་མ་

213-1-74a

ཡོད་པས། སྨྱུག་མའི་ཤུན་ལྤགས་ཀྱིས་བྲེག་པར་བསྒོ་བ་ན། དེས་ཀྱང་དེ་བཞིན་དུ་བྱས་པས་ཆད་པར་གྱུར་པའི་སྐེ་མཚམས་ནས། ང་ནི་བདེ་བ་ཅན་གྱི་འཇིག་རྟེན་དུ། །སོང་ནས་ལུས་འདི་ལ་ཡང་འཇུག་པར་འགྱུར། །ཞེས་བྱ་བའི་ཚིགས་སུ་བཅད་པའི་གདངས་
སྙན་པ་པི་ཝང་གི་སྒྲ་ལྟ་བུ་བྱུང་བར་གྱུར་ཏོ། །དེ་ནས་དེས་དབུ་བླངས་ཏེ་སོང་བས་ལམ་དུ་མཁའ་འགྲོ་མ་རྣམས་ཀྱིས་ཕྲོགས་ཏེ་དཔག་ཚད་གཅིག་གི་སར་དོར་རོ། །སླར་ཡང་རིང་ཞིག་ལོན་པ་ན་ལོ་རེ་བཞིན་དུ་དབུ་དང་སྐུ་ལུས་རིམ་གྱིས་ཉེ་བར་སོང་ནས་མཐར་སྔ་མ་གཞིན་དུ་འབྱར་བར་གྱུར་པ་དང་། སེམས་
ཅན་གྱི་དོན་མཛད་དོ་ཞེས་གྲག་གོ། །འཕགས་པ་དེ་ཉིད་ཀྱིས་ལེགས་པར་གསུངས་པའི་བདུད་རྩིས་ཉེ་བར་བསྐྱེད་པའི་སྲས་ཀྱི་ཐུ་བོ་རྣམ་པ་བཞིའི་ཡ་གྱལ་དུ་གྱུར་པ། ཛམྦུའི་གླིང་འདིར་མཛེས་པར་བྱེད་པའི་རྒྱན་གཉིས་པ་ནི། སློབ་དཔོན་ཨཱརྱ་དེ་ཝ་སྟེ་དེའང་འཇམ་དཔལ་རྩ་བའི་རྒྱུད་ལས།
གཞན་ཡང་རབ་བྱུང་དམ་པ་ནི། །སིངྒ་ལ་ཡི་གྲོང་ན་གནས། །འཕགས་པ་མིན་ལ་འཕགས་པའི་མིང་། །སིངྒ་ལ་ཡི་གླིང་ན་གནས། །ཕ་རོལ་རྒོལ་བ་བཟློག་ནས་ནི། །མུ་སྟེགས་རྣམས་ཀྱིས་སྔགས་སུན་དབྱུང་། །ཞེས་པ་ངེས་པའི་དོན་གྱི་ལུང་གིས་ཇི་ལྟར་མངོན་པར་བསྔགས་པའི་སྐྱེས་
བུ་ཆེན་པོ་དེ་ཉིད་ནི། ཡུལ་སིངྒ་ལའི་གླིང་གི་རྒྱལ་པོ་པཉྩ་ཤྲིངྒ་ར་ཞེས་བྱ་བའི་སྐྱེད་མོས་ཚལ་གྱི་ལྡུམ་ར་མེ་ཏོག་དང་པདྨའི་རིགས་རྣམ་པ་སྣ་ཚོགས་པས་ཀུན་ནས་ཡིད་དུ་འོང་བར་བྱས་པ་ཞིག་ཡོད་དེ། དེར་པདྨ་གཞན་རྣམས་ནི་ཉིན་མོའི་དུས་སུ་ཁ་འབྱེད་ཅིང་མཚན་མོར་ཟུམས་ནས་དུད་ཅིང་
གནས་པ་ལ། དེའི་ནང་ན་པདྨའི་གོང་བུ་གཅིག་ནི་རིང་མོ་ཞིག་ནས་རྟག་ཏུ་ཟུམས་ཤིང་ཁ་འབྱེ་བར་མི་འདོད་པ་བཞིན་དུ་གནས་སོ། །དེ་ཚེ་ལྡུམ་ར་བ་དེས་སའི་བདག་པོ་དེའི་ཐད་དུ་ཕྱིན་ཏེ་ཇི་ལྟར་གནས་པ་དེ་བཞིན་དུ་ཞུས་པ་དང་། དེས་ཅུང་ཟད་ཅིག་བརྟགས་ནས་སྨྲས་པ། བཞིན་བཟང་
དེ་ནི་རིགས་སྲས་ཁྱད་པར་ཅན་ཞིག་བལྟམས་པའི་ལྟས་སུ་མངོན་ན་ལེགས་པར་གཉེར་བ་གྱིས་ཤིག་ཅེས་བསྒོས་སོ། །དེ་ནས་ནམ་ཞིག་དུས་ལ་བབ་པ་ན་པདྨ་དེ་ཡིད་དུ་འོང་བའི་འདབ་མ་བརྒྱ་སྟོང་དུ་ཁ་བྱེ་བའི་སྦུབས་ན་མིའི་ཁྱེའུ་མཚན་ཐམས་ཅད་དང་ལྡན་ཞིང་འོད་ཟེར་འབར་བ་ཞིག་བཙས་སོ། །

213-1-74b

བཙས་མ་ཐག་ནས་རྒྱལ་པོ་དེ་དགའ་བ་དང་ངོ་མཚར་བ་ལྷན་ཅིག་ཏུ་བྱུང་སྟེ་རང་གི་བུར་བཟུང་ནས་མཐུན་པའི་ཡོ་བྱད་མང་པོ་དག་གིས་བསྙེན་བཀུར་བའི་སྒོ་ནས་བསྐྱེད་དུ་བསྲིངས་སོ། །དེ་ནས་ཁྱེའུ་དེ་ཆེར་སོན་པ་དང་མཁན་པོ་མ་ཧེ་དེ་ཝ་ཞེས་བྱ་བ་ལས་རབ་ཏུ་བྱུང་ཞིང་བསྙེན་པར་རྫོགས་པ་དགེ་སློང་གི་
དངོས་པོར་བསྒྲུབས་ནས་མཚན་ཨཱརྱ་དེ་ཝ་ཞེས་བྱ་བ་གསོལ་ཏེ་ལྟ་དང་བཅས་པའི་འཇིག་རྟེན་གྲགས་པའི་ཟླ་འོད་རྣམ་པར་གསལ་བར་གྱུར་ཏོ། །དེ་ནས་སློབ་དཔོན་ཀླུ་སྒྲུབ་ཅན་དུ་བྱོན་ནས། རྒྱལ་བའི་མྱུ་གུ་ཀུན་གྱིས་བསླབ་པར་བྱ་བ་རིག་པའི་གནས་རྣམ་པ་ལྔ་ཡན་ལག་དང་བཅས་པ་དང་།
ཕྱི་དང་ནང་གི་གྲུབ་པའི་མཐའ་མ་ལུས་པ་ལ་བསྙེངས་པ་མེད་པའི་སྦྱངས་པ་རྒྱ་མཚོའི་ཕ་རོལ་དུ་སོན་པར་མཛད་དེ། སྨྲ་བའི་དབང་ཕྱུག་ཀུན་གྱི་གཙུག་གི་རྒྱན་དུ་གྱུར་ཏོ། །ཅི་ཙམ་ན་དུས་གཞན་ཞིག་ཏུ་མུ་སྟེགས་ཀྱི་སྟོན་པ་རྟ་དབྱངས་ཞེས་བྱ་བ་རང་གི་འདོད་པའི་ལྷ་གཙུག་ན་ཟླ་བ་བསྒྲུབས་པས། དེའི་
ཞལ་བསྟན་པ་ལ་ཕྱོགས་ལས་རྣམ་པར་རྒྱལ་བའི་དངོས་གྲུབ་ཞུས་སོ། །དེ་ཀྱང་མངལ་སྐྱེས་སུ་གཏོགས་པ་གང་གིས་ཀྱང་ཐུབ་པ་མེད་པའི་དངོས་གྲུབ་བྱིན་ནོ། །དེ་ནས་བརྩམས་ཏེ་སངས་རྒྱས་ཀྱི་བསྟན་པ་ཡོད་པའི་ཕྱོགས་ཀུན་ཏུ་ཉུལ་ཞིང་རྩོད་པའི་སྒོ་ནས་སངས་རྒྱས་པའི་ཐེག་པ་སྨྲ་བ་མང་པོ་
ཕམ་པར་བྱས་ནས་ཕལ་ཆེར་མུར་འདུག་པའི་གྲུབ་མཐའ་ལ་སྦྱར་ཏོ། །སླར་ཡང་ང་རྒྱལ་ཆེས་སྐྱེས་ནས། ཤྲི་ནཱ་ལེནྡཱ་ཞེས་བྱ་བ་མཁས་པ་ཐམས་ཅད་ཀྱིས་བསྟི་བའི་གནས་ག་ལ་བ་དེར་སོང་ལ་རྣམ་པར་རྒྱལ་བར་བྱའོ་སྙམ་དུ་འོངས་ནས། དེར་རང་རང་གི་བསྟན་པ་རྒྱལ་བའི་རུ་མཚོན་དུ་བཙུགས་ཏེ་
རྩོད་པར་བྱའི་དུས་ཐོབ་ཅིག་ཅེས་སྨྲས་པ་ལ། ནང་པའི་པཎྜི་ཏ་རྣམས་ཀྱིས་གཞན་གྱིས་ཐུབ་པར་དཀའ་བ་ཤེས་ནས། དཔལ་གྱི་རི་ལས་འཕགས་པ་འབྱོན་པའི་ཡུན་ཇི་སྲིད་དང་རྗེས་སུ་འཚམ་པར། ཉིན་ཞག་སུམ་ཅུ་ནས་རྩོད་པའི་དུས་བཏབ་པོ། །དེའི་བར་ལ་ཀླུ་སྒྲུབ་ཡབ་སྲས་དཔལ་གྱི་རི་
ནས་སྤྱན་འདྲེན་པའི་འཕྲིན་ཡིག་ཆོས་སྐྱོང་བ་རྣམས་ལ་བཅོལ་བས་བྱ་རོག་གི་རྣམ་པ་ཅན་གྱིས་བྱུང་ཞིག་ཡི་གེ་བླངས་ནས་འཕགས་པའི་མདུན་དུ་བསྐྱལ་ལོ། །འཕགས་པས་དེ་ཉིད་གཟིགས་པའི་འཕྲལ་དེ་ལ་འབྱོན་པར་བརྩམས་པ་དང་། ཨཱརྱ་དེ་ཝ་ལ་གསོལ་པ། འཕགས་པ་ཉིད་འབྱོན་པར་

213-1-75a

མི་འཚལ་གྱིས། བདག་ཅག་གིས་འདུལ་བར་ཞལ་གྱིས་འཆེས་སོ། །སློབ་དཔོན་གྱིས་ཀྱང་དེས་འདུལ་བའི་སྐལ་བ་ཡོད་པར་མཁྱེན་ནས་གནང་པ་སྩལ་ཏེ་བྱོན་པ་དང་། ལམ་ཁ་ཞིག་ཏུ་ལྗོན་པའི་ལྷ་མོ་ཞིག་གིས་འཕགས་པའི་སྤྱན་བསླང་དུ་བྱུང་བ་ལ། ཨུཏྤ་ལ་
རྒྱས་པའི་འདབ་མ་ལ་ཅོ་འདྲིར་བྱེད་པའི་དབང་པོའི་དངས་མ་ཡ་གཅིག་དེ་ལ་བྱིན་ནོ། །དེ་ནས་མཐར་གྱིས་ནཱ་ལེནྡཱར་བྱོན་ཏེ། ཐོག་མར་དྲིས་ལན་བླན་པའི་སྒོ་ནས་ང་རྒྱལ་གྱི་རི་བོ་རྣམ་པར་བསྙིལ་ལོ། །དངོས་གཞིའི་དུས་སུ་རྩོད་པའི་གྲལ་རིམས་སོ་སོར་འཁོད་པ་ལ། དེས་དེ་ལ་མིག་གཅིག་པ་
འདི་ཅི་སྨྲ་ཞེས་དྲིས་པ་ལ། འཕགས་པས། དྲག་པོ་མིག་གསུམ་ལྡན་ཡང་དེ་ཉིད་མཐོང་བ་མེད། །བརྒྱ་བྱིན་མིག་སྟོང་ལྡན་ཡང་དེ་ཉིད་མཐོང་བ་མེད། །ཨཱརྱ་དེ་ཝ་མིག་གཅིག་པོ་ནི་གང་ཡིན་དེས། །སྲིད་པ་གསུམ་པོ་མ་ལུས་པ་ཡི་དེ་ཉིད་མཐོང་། །ཞེས་བྱ་བ་ལ་སོགས་པས་ཐོག་དྲངས་ཏེ་
སྒྲུབ་པ་དང་སུམ་འབྱིན་པའི་ཚིག་གི་མེ་ལྕེ་རབ་ཏུ་མཆེད་པས་གཞུང་ལུགས་ངན་པའི་ཚང་ཚིང་མ་ལུས་པ་བསྲེགས་ཏེ། ཐུགས་རྗེ་དཔག་ཏུ་མེད་པའི་བདག་ཉིད་རྫོགས་པའི་སངས་རྒྱས་ཀྱི་བསྟན་པ་ལ་རྗེས་སུ་བཟུང་ཞིང་འགྲན་ཟླས་དབེན་པའི་པཎྜི་ཏ་ཆེན་པོ་ཉིད་དུ་བྱིར་གྱིས་བརླབས་སོ། །དེ་ལ་སོགས་
པའི་སྒོ་ནས་བསྟན་པ་སྐྱོང་བའི་བུ་སློབ་ཀྱི་ཚོགས་ཀྱང་བགྲང་ལས་འདས་པ་བསྐྲུན་པ་དང་ཐམས་ཅད་མཁྱེན་པས་ལུང་བསྟན་པ་དང་རང་གི་སྨོན་ལམ་ཇི་ལྟར་བཏབ་པའི་འབྲས་བུ་ཡོངས་སུ་སྨིན་པར་མཛད་དོ། །སྐབས་ཀྱི་དོན་ལ་བརྩམས་པའི་བསྟན་བཅོས་ཀྱི་སྒོ་ནས་བསྟན་པ་གསལ་བར་མཛད་པའི་
ཚུལ་ནི། མཐའ་བྲལ་གྱི་དོན་རྒྱས་པར་སྟོན་པ་དབུ་མ་བཞི་བརྒྱ་པ་དང་། བསྡུས་ཏེ་སྟོན་པ་དབུ་མ་ལག་པའི་ཚད་དང་། དེ་ལ་རྩོད་པ་སྤོང་བ་དང་། འཁྲུལ་པ་བཟློག་པའི་གཏན་ཚིགས་གྲུབ་པ་དང་། མཚན་ཉིད་དང་སྔགས་ཀྱི་གྲུབ་མཐའི་རྣམ་གཞག་སྟོན་པ་ཡེ་ཤེས་སྙིང་པོ་ཀུན་ལས་བཏུས་པ།
སྔགས་ཀྱི་ཕྱོགས་ལ་སྔགས་ཀྱི་ལྟ་སྤྱོད་གཏན་ལ་འབེབས་པ་ལ། མདོ་རྒྱུད་རྟོག་པའི་ལུང་དང་བསྲེས་ནས་སྒྲུབ་པ་སྤྱོད་པ་བསྡུས་པའི་སྒྲོན་མ་དང་། རིགས་པས་གྲུབ་པ་སེམས་ཀྱི་སྒྲིབ་སྦྱོང་དང་། སྨིན་བྱེད་དབང་གི་ཆོ་ག་ལ་གདན་བཞིའི་དཀྱིལ་ཆོག་སྙིང་པོ་མདོར་བསགས་དང་། བསྐྱེད་

213-1-75b

པའི་རིམ་པ་སྟོན་པ་རྡོ་རྗེ་གདན་བཞིའི་སྒྲུབ་ཐབས་དང་། ཡེ་ཤེས་མཁའ་འགྲོ་མའི་སྒྲུབ་ཐབས་དང་གཏོར་མའི་ཆོ་ག །རྫོགས་པའི་རིམ་པ་སྟོན་པ་ཤིང་གཅིག་གི་དཀའ་འགྲེལ་ལ་སོགས་པ་རྣམས་མཛད་དོ། །སློབ་དཔོན་ཀླུའི་བྱང་ཆུབ་ནི་སློབ་དཔོན་ཀླུ་སྒྲུབ་ཞབས་ཀྱི་ཉེ་བར་གནས་པར་གྱུར་པ་ན་ཚོད་
མཐར་ཕྱིན་པ་ཞིག་ཡོད་པ་དེ་ནམ་ཞིག་ཤི་འཕོས་ནས། ཕྱུགས་སྐྱོང་གི་རིགས་ཀྱི་སྐྱེ་བའི་སྡོང་བུ་ཡོངས་སུ་བཟུང་ནས་ལང་ཚོའི་མེ་ཏོག་ཁ་བྱེ་ནས་རིང་ཞིག་ཏུ་མ་ཧེ་འཚོ་བའི་བརྟུལ་ཞུགས་ལ་གནས་སོ། །དེའི་ཚེ་སྔོན་གྱི་བག་ཆགས་བཟང་པོའི་གྲོགས་ཀྱིས་སེམས་ཀྱི་རྒྱུད་ཡོངས་སུ་བསྐུལ་ཏེ་
འཕགས་པ་ཀླུ་སྒྲུབ་ཅན་དུ་བྱོན་ཏེ། འཕགས་པ་ལ་བདག་ཅག་འཁོར་བས་ཤིན་ཏུ་སྐྱོ་བར་གྱུར་པས་སྒོམ་བྱེད་པ་འཚལ་ལོ་ཞེས་ཞུས་པ་དང་། སློབ་དཔོན་གྱིས་དང་མ་ཧེ་བསྒོམ་དུ་བཅུག་གོ། །དེ་ནས་མི་དཀར་པོ་དང་དེ་ཡང་སྙིང་ལ་འཇུག་པའི་གདམས་པ་རྣམས་རིམ་གྱིས་བསྟན་པས་བདེན་
པ་མཐོང་ངོ་། །དེ་ནས་དམ་པའི་ཆོས་འདུལ་བ་ལ་རབ་ཏུ་བྱུང་ནས་མཚན་ཀླུའི་བྱང་ཆུབ་ཅེས་བྱ་བར་བཏགས་སོ། །སླར་ཡང་གསང་ཆེན་འདུས་པའི་དཀྱིལ་འཁོར་དུ་དབང་བསྐུར་ཏེ་གདམས་པ་བྱིན་པས། འཆི་མེད་རྟག་པར་འཚོ་བའི་དངོས་གྲུབ་བརྙེས་ནས་དཔལ་གྱི་རིར་གནས་ཤིང་སེམས་ཅན་རྣམས་
ཀྱི་དོན་མཛད་ཅེས་གྲགས་སོ། །སློབ་དཔོན་དེ་ཉིད་ཀྱིས་བརྩམས་པའི་བསྟན་བཅོས་ནི་དཀྱིལ་འཁོར་གྱི་ཆོ་ག་ཉི་ཤུ་པ་དང་། སྦྱིན་སྲེག་དང་། རྣམ་གཞག་རིམ་པ་དང་། ལས་མཐའ་རྣམ་འབྱེད་དང་། རིག་པ་ཁོང་བསྡུ་ལ་སོགས་པ་རྣམས་སོ། །དཔལ་འཕགས་པ་ལྷས་བྱིན་གྱིས་བརླབས་ཤིང་
རྗེས་སུ་གདམས་པའི་སློབ་མ་ནི། འཇམ་དཔལ་རྩ་བའི་རྒྱུད་ལས། དགེ་སློང་མང་དུ་ཐོས་པ་ནི། །དེ་ཡི་ཚོན་འབྱུང་འགྱུར་བ། །མཁོ་ལ་ཞེས་ཀྱང་བྱ་བ་སྟེ། །ང་ཉིད་ཀྱི་ནི་བསྟོད་བྱེད་པ། །ཇི་ལྟར་ཡོན་ཏན་བཟང་པོ་ནི། །ཇི་ལྟ་བཞིན་དུ་བརྗོད་པར་འགྱུར། །ཀུན་ནས་སེམས་ནི་རབ་དང་
ཞིང་། །སངས་རྒྱས་རྣམས་ཀྱི་བསྟན་ལ་དད། །བསྒྲུབ་དཀའ་སྔགས་ནི་རབ་གྲུབ་ཅིང་། །འཇམ་པའི་དབྱངས་ཀྱི་དེ་བཞིན་ནོ། །ཡོན་ཏན་ལྡན་ཞིང་ཚུལ་ཁྲིམས་ལྡན། །ཞེས་བྱ་བ་ནས། ཐམས་ཅད་མཁྱེན་པའི་བྱང་ཆུབ་ཐོབ། །ཅེས་པའི་བར་གྱིས་ལུང་བསྟན་པའི་མཁོ་ལ་ནི། ཤར་ཕྱོགས་

213-1-76a

ཀྱི་ཡུལ་གྲུ་ན་བྲམ་ཟེའི་རིགས་སུ་སྐྱེས་ཤིང་། གཞོན་ནུའི་དུས་ནས་སྒྲ་ཚད་ལ་མཁས་པར་སྦྱངས་སོ། །དེར་དེའི་མ་སངས་རྒྱས་པ་ལ་དད་པས་ནང་པའི་གྲུབ་མཐར་གཟུད་པར་འདོད་ཀྱང་། ཕའི་དབང་དུ་སོང་ནས་ཕྱི་རོལ་པའི་གྲུབ་མཐར་སྦྱར་བ་དང་དབང་ཕྱུག་བསྒྲུབས་པས་
ཞལ་གཟིགས་ཤིང་མངལ་སྐྱེས་ཐམས་ཅད་ཀྱིས་མི་ཐུབ་པར་གྱུར་ཅིག་ཅེས་པའི་སྨོན་ལམ་བཏབ་ནས་དེའི་གྲོགས་སུ་སྒྲ་ཚད་ལ་མཁས་པ་སྲིང་མོ་པཎྜི་ཏ་དང་། ནེ་ཙོ་པཎྜི་ཏ་དང་། བསྒྱུར་བ་ཙམ་གྱིས་རྩོད་པའི་ཡི་གེ་རང་བྲིས་སུ་འབྱུང་བའི་ཐོད་ལེ་ཀོར་རྣམས་དངོས་གྲུབ་ཏུ་བྱིན་ནོ། །དེ་གསུམ་གྱིས་མ་ཐུབ་ན་
དབང་ཕྱུག་རང་ཉིད་ལ་ཞུགས་ནས་བྱིན་གྱིས་བརླབས་པར་ཁས་འཆེས་སོ། །དེས་རྒྱ་གར་ཤར་ཕྱོགས་ནས་རིམ་པ་བཞིན་དུ་རྩོད་པས་སུས་ཀྱང་མ་ཐུབ་པར་ཨཱརྱ་དེ་ཝས་ཕམ་པར་བྱས་པས་སྐྱོ་ནས་གངྒཱར་ལྕེབ་པར་བརྩམས་པ་ན། སློབ་དཔོན་འཕགས་པས་སྡེ་སྣོད་ཀྱི་གླེགས་བམ་མང་པོ་ཡོད་
པའི་ལྷ་ཁང་དུ་བཅུག་གོ། །དེར་སྨོན་ལམ་གྱི་དབང་གིས་གླེགས་བམ་ལ་བལྟས་པས་རང་གི་ལྟ་བ་ནོར་བར་གོ་སྟེ། རྒྱུ་འབྲས་ལ་སྐུར་བ་བཏབ་པ་དྲན་ཏེ་འགྱོད་ཅིང་ཉེས་པ་ལྩེ་འདིས་བྱས་སོ་ཞེས་རང་གི་ལྕེ་གཅོད་པའི་ཕྱིར་སྤུ་གྲི་བླངས་པས་དེ་ལྟར་བགྱིད་དུ་མ་སྟེར་བའི་ནུབ་མོ་དེར་རྨི་ལམ་དུ། སྔར་བྱས་པའི་
སྡིག་པ་ལ་འགྱོད་པ་སྐྱེས་ཀྱང་སྡིག་པ་མ་བྱེད། ད་ནང་པའི་བསྟན་པ་ལ་ཞུགས་ནས་ལས་འབྲས་སྟོན་པའི་བསྟན་བཅོས་བརྩམས་ན་སྡིག་པ་བདག་གོ་ཞེས་ལུང་བསྟན་བྱུང་ངོ་། །དེ་ནས་མདོ་དྲན་པ་ཉེར་གཞག་ལ་སོགས་པ་ལ་བརྟེན་ནས་ལས་འབྲས་སྟོན་པའི་བསྟན་བཅོས་བརྩམས་སོ། །དེ་ནས་
ཨཱརྱ་དེ་ཝའི་བཀའ་ལས་རབ་ཏུ་བྱུང་བའི་སྡོམ་པ་ལ་གནས་ཤིང་གདམས་ངག་ཉམས་སུ་བླངས་པས་དངོས་གྲུབ་བརྙེས་སོ། །དེ་ནས་བརྩམས་པའི་བསྟན་བཅོས་ཀྱི་སྒོ་ནས་རྒྱལ་བའི་བསྟན་པ་ཉིན་མོ་ལྟར་མཛད་པའི་ཚུལ་གཞན་ཡང་། ཡན་ལག་བརྒྱད་པ་ཆེན་པོ་དང་། ཡན་ལག་བརྒྱད་པ་ལ
འཇུག་པ་དང་། སྙིང་པོ་བསྡུས་པ་དང་། ཡན་ལག་བརྒྱད་པ་བསྡུས་པ་སྟེ་བཞི་དང་། སངས་རྒྱས་ཀྱི་སྐྱེས་རབས་སོ་བཞི་པ་དང་། སངས་རྒྱས་ཀྱིས་མཛད་པ་སྙན་དངགས་ཆེན་པོ་ལ་སྦྱར་བ་དང་། བྱང་ཆུབ་ཀྱི་སེམས་བསྒོམ་པའི་མན་ངག་གཉིས་དང་། མི་དགེ་བ་བཅུ་དང་དགེ་བ་བཅུ་བསྟན་པ་

213-1-76b

དང་། རྩ་ལྟུང་བཅུ་བཞི་དང་། བླ་མ་ལྔ་བཅུ་པ་དང་། བསྟོད་པ་བརྒྱ་ལྔ་བཅུ་པ་ལ་སོགས་པའི་བསྟོད་པའི་རིགས་མང་པོ་མཛད་དོ། །མཁས་པ་ཆེན་པོ་ཟླ་བ་གྲགས་པ་ནི། ལྷོ་ཕྱོགས་ཀྱི་ཡུལ་གྲུ་ས་མནྟར་སྐུའི་སྐྱེ་བ་ཡོངས་སུ་བཟུང་སྟེ། དེའང་གཟུགས་བཟང་ཞིང་ལྟ་ན་སྡུག་པ། ཡན་ལག་དང་ཉིང་ལག་
ཐམས་ཅད་དང་ལྡན་པ། འགྲོ་བ་ཀུན་གྱི་ཡིད་དང་མིག་འཕྲོག་པར་བཟོད་པ་ཅིག་ཏུ་གྱུར་ཏེ། ཆེར་སོན་པ་ན་མདོ་རྒྱུད་ཀྱི་དོན་མ་ལུས་པར་སྦྱངས་ཤིང་། ཁྱད་པར་དབུ་མ་ཐལ་འགྱུར་གྱི་སྲོལ་འབྱེད་སློབ་དཔོན་སངས་རྒྱས་བསྐྱངས་ཀྱི་སློབ་མ་ཀ་མ་ལ་བུདྡྷི་ལས་ཀླུ་སྒྲུབ་ཡབ་སྲས་ཀྱི་གཞུང་གཉན་པས་
དགོངས་དོན་ཕྱིན་ཅི་མ་ལོག་པར་མཁྱེན་ནོ། །འདིར་ཁ་ཅིག་ཟླ་བ་གྲགས་པས་ཀླུ་སྒྲུབ་ཀྱི་ཞབས་མ་ཟིན་ཏེ། འཇུག་པ་རང་འགྲེལ་ལས། གལ་ཏེ་གནས་བརྟན་དབྱིག་གཉེན་དང་ཆོས་སྐྱོང་ལ་སོགས་པ་བསྟན་བཅོས་རྣམས་ཀྱི་མཛད་པ་པོ་བྱོན་ཟིན་པར་གྱུར་པ་དེ་དག་གིས་ཀྱང་ཞེས་སོགས་འབྱུང་
བའི་གཏན་ཚིགས་ཀྱིས་ཀླུ་སྒྲུབ་ནི་སྟོན་པ་འདས་ནས་ལོ་བཞི་བརྒྱ་ནས་བྱོན་ཏེ་ལོ་དྲུག་བརྒྱར་བཞུགས་པ་དང་། ཐོགས་མེད་དགུ་བརྒྱ་ནས་བྱོན་ཏེ་ལོ་བརྒྱ་དང་ལྔ་བཅུར་བཞུགས་པར་བཤད་པ་ལྟར་ན། དའི་སྐུ་ཚེའི་སྨད་ཀྱི་སློབ་མ་དབྱིག་གཉེན་ཡིན་པས། ཟླ་བ་གྲགས་པའི་དུས་སུ་དབྱིག་གཉེན་ལ་སོགས་
པའང་མི་བཞུགས་པ་གྲུབ་པའི་ཕྱིར་རོ་ཞེས་འདོད་མོད། གསང་པ་འདུས་པའི་འགྲེལ་པ་སྒྲོན་མ་གསལ་བ་ལས། སངས་རྒྱས་ཀུན་གྱི་རིམ་གཉིས་གནས་ཀྱི་རྒྱས་བཏབ་སྟེ། དེ་ནི་ཀླུ་ལས་རྙེད་པ་དཔལ་ལྡན་རྡོ་རྗེ་སེམས་དཔར་བརྒྱུད་དེ་ཟླ་བ་གྲགས་པར་རིམ་བཞིན་བཤད་ཅེས་དང་། པཎྜི་ཏ་སྐལ་
ལྡན་གྲགས་པས་དེ་ནི་དཔལ་ལྡན་ཀླུ་སྒྲུབ་ལས་རྙེད་པ་ཞེས་སྨོས་ཏེ། དེ་ནི་དཔལ་ལྡན་ཀླུ་སྒྲུབ་ཞལ་སྔ་ནས་ཀྱི་དངོས་ཀྱི་སློབ་མ་ཉིད་དུ་སོ་སོར་སྟོན་གྱི་བརྒྱུད་པས་ནི་མ་ཡིན་ནོ་ཞེས་དང་། དོ་ཧ་མཛོད་ཀྱི་ཊཱི་ཀ་ལས་ཀྱང་། ཟླ་གྲགས་ཀྱིས་ཀླུ་སྒྲུབ་ལས་མན་ངག་དངོས་སུ་ཐོབ་ཅིང་། མཐར་དབུ་
སྦྱིན་པ་བཏང་ནས་བདེ་བ་ཅན་དུ་གཤེགས་པའི་ཚེ་ཀླུ་བྱང་དང་། ཨཱརྱ་དེ་ཝ་དང་། ཟླ་གྲགས་གསུམ་གྱིས་གསོལ་བ་བཏབ་པས། སྐུ་ཅི་འདྲ་བའི་འོད་ཀྱིས་ལུས་སྣང་བར་བྱས་ནས། གར་ཡང་མ་རྟོག་ཅིར་ཡང་མ་སེམས་པར་ཞེས་སོགས་ཀྱི་གདམས་པ་གནང་བ་དང་། དེའི་ཚེ་ཨཱརྱ་དེ་ཝས།

213-1-77a

འགྲོའོ་ཨཱརྱ་དེ་ཝ་འགྲོ། །འོད་ལུས་དག་པའི་ཞིང་དུ་འགྲོ། །སོང་ཅིག་ནཱ་ག་བོ་དྷི་སོང་། །བྱ་རྐང་ཅན་དུ་འཕུར་ཏེ་སོང་། །སོང་ཅིག་ཟླ་བ་གྲགས་པ་སོང་། །དཔལ་གྱི་རི་ལ་རྟོག་མེད་སོང་། །ཞེས་གསུངས་ཤིང་ཟླ་བ་གྲགས་པས། ཆད་དོ་ཟླ་བ་གྲགས་པ་ཆད། །ཀླུ་སྒྲུབ་གཤེགས་
པས་ལམ་མཁན་རྒྱུན་ཐག་ཆད། །མ་བཅོས་སྐྱེ་མེད་ཆོས་ཀྱི་རྒྱུན་ཐག་ཆད། །ཡིད་ལ་མི་བྱེད་ཆོས་ཀྱི་རྒྱུན་ཐག་ཆད། །ཅེས་གསུངས་ནས་དཔལ་འབྲས་སྤུངས་ཀྱི་རི་ལ་བཞུགས་ཞེས་བཤད་པའི་ཕྱིར་རོ་ཞེས་འབྱུང་སྟེ་ཞར་ལས་བྱུང་བའི་འཕྲོས་སོ། །སློབ་དཔོན་འདི་ནི་སྐུའི་སྐྱེ་བ་ལྔ་བརྒྱར་རྗེ་བཙུན་
འཇམ་པའི་དབྱངས་ཀྱིས་བྱིན་གྱིས་བརླབས་པར་གྲགས་ཤིང་། དེ་ཁོ་ན་ཉིད་ཀྱི་དོན་ལ་ཐུགས་གཞོལ་བས་ཀུན་རྫོབ་ཀྱི་སྣང་བ་ཐམས་ཅད་རྫུན་པར་མཉམ་ཞེས་གསུངས་པ་ན། གཞན་དག་ན་རེ། འོ་ན་ད་དངོས་པོའི་བ་ལས་འོ་མ་འབྱང་བ་བཞིན་དུ། རི་མོར་བྲིས་པའི་བ་ལས་ཀྱང་འོ་མ་འབྱུང་ངམ་ཞེས་
སྨྲས་པ་ལ། སློབ་དཔོན་གྱིས་དེ་བཞིན་ནོ་གསུངས་ནས་རི་མོར་བྲིས་པའི་བ་ལས་འོ་མ་བཞོས་སོ། །ཡང་དོན་དམ་དུ་སྟོང་པར་མཉམ་ཞེས་གསུངས་པ་ན། འོ་ན་རྡོའི་ཀ་བ་འདི་སྟོང་པ་ཡིན་ནམ་ཞེས་སྨྲས་པ་ལ། དེ་བཞིན་ནོ་གསུངས་ནས། རྡོའི་ཀ་བ་ལས་ཕྱག་ཐལ་བྱུང་མཛད་པ་ལ་སོགས་
པའི་སྒོ་ནས་གཞན་དག་བདེན་པར་ཞེན་པ་ལས་བཟློག་པའི་མཛད་པ་མང་པོས་ངོ་མཚར་མིག་གི་དགའ་སྟོན་གསར་པ་མང་དུ་ངོམ་པར་མཛད་དོ། །ནམ་ཞིག་ན་ཕྱི་རོལ་ན་འགྲོ་བ་མང་པོ་ལ་ཆོས་འཆད་ཅིང་བཞུགས་པ་དང་། སློབ་དཔོན་ཙནྡྲ་གོ་མི་དང་ཆོས་བགྲོ་བར་མཛད་པས། ཙནྡྲ་གོ་མིས་དྲིས་ལན་ཐམས་
ཅད་ཐོགས་པ་མེད་པར་ལྡོན་པ་མཛད་དོ། །ཁྱད་པར་ཙནྡྲ་གོ་མིས་སྤྱན་རས་གཟིགས་ཀྱི་རྡོ་སྐུས་མཛུབ་མོ་གཡོབ་ཅིང་། སློབ་དཔོན་གྱིས་སློབ་མར་སྟོན་པ་བཞིན་རིག་པ་བསླབ་པར་མཐོང་ནས་ཟླ་བ་གྲགས་པས་འཕགས་པ་ཉེ་རིང་མངའ་འམ། ཁོང་ལ་ཞལ་སྟོན་པ་ལྟར་བདག་ལའང་བསྟན་དུ་གསོལ་
ཞེས་ཞུས་པས། དེའི་མཚན་མོ་རྨི་ལམ་དུ་བྱོན་ནས། ཁྱོད་འཇམ་དཔལ་གྱིས་བྱིན་གྱིས་བརླབས་པའི་མཁས་པ་ཡིན་པས་བྱིན་གྱིས་བརླབས་མི་དགོས་ལ། ཙནྡྲ་གོ་མི་ལ་ངས་ཅུང་ཟད་ཅིག་བྱིན་གྱིས་བརླབས་པ་ཡིན་གྱི་གསུང་ངོ་། །སད་པ་དང་དེ་ལྟར་ལགས་ཀྱང་ཞལ་སྟོན་པར་ཞུ་ཞུས་པས་ཞལ་མངོན་

213-1-77b

སུམ་བསྟན་ནོ། །དེའི་ཚེ་འཕགས་པ་བདག་གི་སྤྱི་བོར་བཞག་ནས་སེམས་ཅན་ཐམས་ཅད་ལ་བསྟན་པར་བྱ་སྙམ་ནས་སྤྱི་བོར་ཁུར་ཏེ་གྲོང་ཁྱེར་བ་རྣམས་ལ་ངའི་སྤྱི་བོ་ན་འཕགས་པ་སྤྱན་རས་གཟིགས་བཞུགས་པས། ཐམས་ཅད་ཀྱིས་ཕྱག་དང་མཆོད་པ་གྱིས་ཤིག་ཅེས་བསྒྲགས་པས། ལ་ལས་ནི་ཅི་ཡང་
མ་མཐོང་ངོ་། །ལ་ལས་ནི་ཁྱི་རོ་ཞིག་མཐོང་ཞིང་། ཕལ་ཆེ་བ་དག་ནི་འདི་ཆོས་མང་པོ་བཤད་པས་རླུང་སྨྱོ་བྱུང་བ་ཡིན་ནོ་ཞེས་སྨྲས་སོ། །ཆང་འཚོང་མ་ཞིག་གིས་ཞབས་ཙམ་མཐོང་བས་ཀྱང་ཐུབ་མོང་གི་དངོས་གྲུབ་ཐོབ་ཅེས་གྲགས་སོ། །སློབ་དཔོན་འདིས་བརྩམས་པའི་བསྟན་བཅོས་ལ་དབུ་མ་རིགས་
པའི་ཚོགས་དང་། བཞི་བརྒྱ་པའི་འགྲེལ་པ་དང་། དབུ་མ་ལ་འཇུག་པའི་རྩ་འགྲེལ་དང་། རྩ་བའི་ཤེས་རབ་ཀྱི་འགྲེལ་པ་ཚིག་གསལ་དང་། གསང་བ་འདུས་པའི་འགྲེལ་པ་སྒྲོན་གསལ་ཏེ། གསལ་བ་རྣམ་པ་གཉིས་ལ་སོགས་པས་བསྟན་པའི་སྒྲོན་མ་ཕྱོགས་དུས་ཐམས་ཅད་དུ་སྣང་བར་མཛད་དོ། །
རྒྱལ་བའི་སྲས་པོ་ཤཱནྟ་དེ་ཝ་ནི། པཎྜི་ཏ་བི་བྷཱུ་ཏི་ཙནྡྲས། རྒྱལ་བའི་བསྟན་ལ་བདག་ཉིད་ཆེ། །སྐྱེས་བུ་མང་པོ་བྱོན་མོད་ཀྱི། །ཞི་བའི་ལྷ་ཡི་མཛད་པ་འདྲའི། །ཉམས་དང་དགོངས་པ་ཅན་མི་རྙེད། །ཅས་དང་། འཇམ་དབྱངས་སྤྲུལ་པ་ཞི་བའི་ལྷ། །ཞེས་གསུངས་པ་ལྟར་འདིའི་ཆེ་བའི་ཡོན་ཏན་
ནི་ངོ་མཚར་བའི་གཏམ་བདུན་དུ་གྲགས་ཏོ། །དེའང་ལྷོ་ཕྱོགས་ཀྱི་ཡུལ་གྲུ་ན་མིའི་བདག་པོ་འཇམ་དཔལ་གོ་ཆ་ཞེས་བྱ་བའི་སྲས་ཤཱནྟ་ཝརྨ་ཞེས་བྱ་བར་གྱུར་ཏེ། དང་པོ་ཉིད་ནས་ཕ་མ་དང་དགེ་སྦྱོང་དང་བྲམ་ཟེ་ལ་སོགས་པའི་བཀུར་བར་འོས་པ་ཐམས་ཅད་ལ་གུས་ཤིང་། ཕོངས་པ་དང་མགོན་མེད་པ་རྣམས་ལ་
སྙིང་བརྩེ་བ་དང་ལྡན་པ་གཅིག་ཏུ་དམ་པའི་ཆོས་ལ་མངོན་པར་དགའ་བ། བུ་གཅིག་འདི་ནི་ང་ཡི་སྟན་ཡིན་ཏེ། །ང་ནི་ཁྱོད་ཀྱི་དགེ་བའི་བཤེས་གཉེན་ཡིན། །ཁྱོད་དང་ང་ཉིད་སྟན་གཅིག་ལ་འདུག་པ། །འདི་ནི་ཚུལ་དང་མཐུན་པ་མ་ཡིན་ནོ། །ཞེས་གསུངས་པ་རྨི་བ་དང་། སང་ཉིན་ཡུམ་གྱིས་ཆུ་དྲོན་མོས་ཁྲུས་བྱེད་དུ་

213-1-78a

བཅུག་པ་ན་ཆུའི་ཚ་བ་ལ་མ་བཟོད་པ་ན། བུ་སྙིགས་མའི་དུས་ཀྱི་རྒྱལ་སྲིད་བཟུང་ན། ཉོན་མོངས་པའི་དབང་གིས་མི་དགེ་བར་སྤྱོད་ཅིང་ཕྱི་མ་ངན་སོང་དུ་འདི་བས་ཆེ་བའི་སྡུག་བསྔལ་མྱོང་བར་འགྱུར་རོ། །དེ་བས་ན་འཇིག་རྟེན་གྱི་བྱ་བ་ལ་སྙིང་པོ་མེད་པས་ཤར་ཕྱོགས་བྷངྒ་ལའི་ཡུལ་དུ་སོང་ཞིག །
དེར་འཇམ་པའི་དབྱངས་ཀྱིས་བྱིན་གྱིས་རློབ་པར་འགྱུར་རོ་ཞེས་གནང་བ་བྱིན་པ་ན། འདི་སྙམ་དུ་ཀྱེ་མ་རྒྱལ་སྲིད་འདི་ནི་དུག་གི་སྡོང་པོ་བཞིན་ཏེ་གང་ལ་ཆགས་པ་ཙམ་གྱིས་ཐར་པ་དང་ཐམས་ཅད་མཁྱེན་པའི་སྲོག་གི་གཤེད་མ་ཉིད་དོ། །དེ་བས་ན་ཞི་བསིལ་དམ་པའི་བདུད་རྩི་རོ་མཆོག་ཉེ་བར་བླངས་ནས་རང་
གཞན་ཐམས་ཅད་ཀྱི་དོན་ཆེན་པོ་བྱའོ་སྙམ་དུ་དམ་བཅས་ནས། རྟ་མཆོག་རྒྱན་གྱིས་བརྒྱན་པ་ཞིག་ལ་བཅིབས་ཏེ་དགེ་བའི་བཤེས་གཉེན་ཡིད་ལ་བྱེད་ཅིང་སོང་སོང་བ་ན། བྷངྒ་ལའི་ནགས་འདབས་སུ་སླེབས་ཏེ་སྐོམ་པའི་གདུང་བ་བསལ་བའི་ཕྱིར་དུ་ཆུ་བཏུང་བར་བརྩམས་སོ། །དེར་གློ་བུར་དུ་
བུ་མོ་ཞིག་བྱུང་ནས་དེ་ནི་དུག་ཆུ་ཡིན་པས་མ་འཐུང་ཞིག་ཅེས་སྨྲ་ཞིང་བདུད་རྩིའི་ཆུ་ལས་ངོམས་པར་བྱིན་ནོ། །དེ་ལ་ཁྱོད་གང་ནས་འོངས་དྲིས་པས། དེས་ཀྱང་ནགས་ཚལ་འདིའི་ཉེ་ལོགས་ཤིག་ན་བདག་གི་བླ་མ་འཇམ་པའི་རྡོ་རྗེའི་ཏིང་ངེ་འཛིན་གྲུབ་པ་ཞིག་བཞུགས་ཏེ། དེ་ཉིད་ཀྱི་སྤྱན་{སྔ་}ནས་
འོངས་སོ། །དེ་སྐད་ཐོས་པའི་མོད་ལས། སྤྲོ་བ་མཆོག་ཏུ་བརྟས་པའི་མཆིད་ནས། དེ་བདག་ལ་སྟོན་ཅིག་ཅེས་སྨྲས་ནས། རིངས་པར་སོང་པས་ཅི་ཙམ་ན་བླ་མ་དེ་ཉིད་སྐུ་གསུང་ཐུགས་དུལ་ཞིང་ཟབ་པའི་སྤྱོད་ལམ་ཕུན་སུམ་ཚོགས་ཤིང་གཟི་བྱིན་ཉི་མ་འཆར་ཀའི་དཔལ་བཞིན་དུ་ལྷམ་མེར་
གྲུབ་བོ། །དེ་ནས་འཇམ་པའི་དབྱངས་ཀྱི་ཕྱག་འཚན་ཤིང་གི་རལ་གྲི་ཤུབས་དང་བཅས་པ་ཅིག་བཅང་སྟེ་སྤྱོད་པའི་བརྟུལ་ཞུགས་ཀྱིས་རྒྱུ་ཞིང་། མ་ག་དྷཱའི་རྒྱལ་པོའི་སྐུ་སྲུང་མཛད་ཅིང་རྒོལ་བ་ཐམས་ཅད་ཟིལ་གྱིས་མནན་ནས་འགྲོ་བའི་དོན་བྱེད་ཀྱིན་ཡོད་པའི་ཚེ། ཕྲག་དོག་ཅན་དག་ན་རེ། འདི་ལ་ནི་

213-1-78b

ཤིང་གི་རལ་གྲི་ཞིག་ལས་གཞན་མ་མཆིས་ན། ལྷའི་སྐུ་སྲུང་ནུས་སམ་མ་ཡིན་བརྟག་པར་བྱའོ་ཞེས་བཅས་ནས། གཞན་པ་རྣམས་ཀྱི་མཚོན་ཆ་ལ་རིམ་གྱིས་བལྟས་ཟིན་པ་དང་། བདག་གི་རལ་གྲི་བལྟ་བར་མི་བཟོད་དོ་ཞེས་གསུངས་ཀྱང་ནན་གྱིས་བསྟན་པར་བསྐུལ་ལོ། །དེར་སློབ་དཔོན་གྱིས་སྨྲས་
པ། འོ་ན་མིག་ཡ་གཅིག་བཀབ་ལ་ལྟོས་ཤིག་ཅེས་བསྒོས་ཏེ། རལ་གྲི་ཤུབས་ནས་ཕྱུང་བས་གཟི་བརྗིད་ཀྱིས་རྒྱལ་པོའི་མིག་ཅིག་ཤོས་འཕྲལ་དུ་ས་ལ་ལྷུང་ངོ་། །རྒྱུ་དེ་ཉིད་ཀྱིས་གཡོག་དང་བཅས་པ་ཤིན་ཏུ་སྐྲག་སྟེ་སྐྱ་བས་སུ་སོང་བས། སླར་ཡང་མིག་སྔ་མ་བཞིན་ཏུ་སྦྱར་ནས་རིང་པོའི་བར་དུ་
མཐོང་བར་བྱིན་གྱིས་བརླབས་པར་མཛད་པས་ཐམས་ཅད་ཀྱང་ངོ་མཚར་དུ་གྱུར་ནས་དང་བར་བྱས་སོ། །དེ་ནས་ཀྱང་དོང་སྟེ་སྒོ་དྲུང་ཞིག་ཏུ་སླེབ་པ་ན། མི་ཞིག་གིས་འཁྲུད་{མདོར་}བའི་ཟེགས་མ་སློབ་དཔོན་གྱི་ཞབས་ལ་རེག་པས་དེ་ལྕགས་སྲེག་ལ་ཇི་ལྟར་ཕོག་པ་བཞིན་དུ་ཁོལ་བར་གྱུར་པ་མི་དེས་མཐོང་ངོ་། །དུས་
གཞན་ཞིག་ཏུ་བ་ཏི་བི་ཧ་རའི་རྒྱལ་པོས་བསྲུངས་པའི་ས་ཕྱོགས་སུ་མ་སྟེགས་ཀྱི་པཎྜི་ཏ་བདེ་བྱེད་ཅེས་བྱ་བ་ཞིག་ཡོད་པ་དེས་འོངས་ནས་ཕྱི་ནང་གི་གྲུབ་མཐའ་ལ་བརྩད་ཅིང་མཐུ་དང་རྫུ་འཕྲུལ་འགྲན་ནོ། །དེའང་སུ་ཕམ་པ་དེ་རྒྱལ་བ་དེའི་རྗེས་སུ་འཇུག་པའི་ཆེད་བྱས་སོ། །རྒྱལ་པོས་སངས་རྒྱས་པའི་གྲུབ་མཐའ་
འཛིན་པ་ཐམས་ཅད་ལ་རྩོད་པར་བྱར་ནུས་པ་སུ་ཞིག་ཡོད་དྲིས་པས་སྔར་གྱི་འཁྲུད་མདོར་བའི་མི་དེས། སྒོ་དྲུང་གི་རྣལ་འབྱོར་པ་དེ་དྲན་ནས་དེ་ཉིད་རྩོད་པ་བཟློག་ནུས་སམ་སྙམ་སྟེ་གང་ན་བ་དེར་ཕྱིན་ནས། གསོལ་བ་བཏབ་པས་ཞལ་གྱིས་བཞེས་སོ། །དེས་རྒྱལ་པོ་ལ་ཞུས་ནས། རྒྱལ་པོས་སྐྱེ་བོ་མང་
པོ་འདུས་པའི་དབུས་སུ་ཁྲི་བརྩིགས་ནས་ཕྱི་ནང་གི་པཎྜི་ཏ་རྣམས་གྲལ་དུ་བཀོད་དེ་གྲུབ་མཐའ་ལ་རྩོད་དུ་བཅུག་པས་སློབ་དཔོན་རྒྱལ་ལོ། །ཡང་མུ་སྟེགས་ཀྱིས་ནམ་མཁའ་ལ་རྫུ་ཕྲུལ་གྱིས་དཀྱིལ་འཁོར་བྲིས་པ་ན། སློབ་དཔོན་གྱིས་ཟད་པར་རླུང་གི་ཏིང་ངེ་འཛིན་ལ་མཉམ་པར་བཞག་པས། དཀྱིལ་འཁོར་
དང་མུ་སྟེགས་ཀྱི་གྲོང་ཁྱེར་དང་བཅས་པ་རླུང་གིས་བཤིགས་ནས་དེ་ཐམས་ཅད་ཀྱང་ནང་པའི་བསྟན་པ་ལ་བཙུད་དོ། །དེ་ནས་ནཱ་ལེནྡཱར་མཁན་པོ་རྒྱལ་བའི་ལྷ་ལས་རབ་ཏུ་བྱུང་སྟེ་ཞི་བའི་ལྷ་ཞེས་བྱ་བར་བཏགས་སོ། །དེ་ནས་བརྩམས་ཏེ་བྷུ་སུ་ཀུའི་བརྟུལ་ཞུགས་ཀྱིས་སྒྲུབ་པ་ལ་ཐུགས་རྩེ་གཅིག་ཏུ་གཞོལ་ཞིང་།

213-1-79a

ཏིང་ངེ་འཛིན་གྱི་སྒོ་དུ་མ་མངོན་དུ་མཛད་དོ། །ནམ་ཞིག་ཆོ་འཕྲུལ་གྱི་ཟླ་བ་ལ་གསུང་རབ་འདོན་པའི་རེ་མོས་ཡོད་པས། དེར་སློབ་དཔོན་འབྱོན་པར་ཞུས་པ་ལ། ཅི་ཡང་མི་ཤེས་སོ་ཞེས་ལན་འགའ་བཟློག་ཀྱང་གཞན་དག་གིས་ཉམས་སད་པར་བགྲོས་ནས་ཡང་ཡང་ཞུས་པ་དང་ཞལ་
གྱིས་བཞེས་སོ། །སང་ཉིན་གཙུག་ལག་ཁང་གི་ཕྱི་རོལ་སྐྱེ་བོ་མང་པོ་འདུ་བའི་དབུས་ན་ཁྲི་མཐོན་པོར་བཤམས་ཏེ་སྤྱན་དྲངས་པས་ཁྲི་དེ་ལ་བཅོམ་ལྡན་འདས་ཤཱཀྱའི་རྒྱལ་པོ་བཞིན་དུ་བག་ཚ་བ་མེད་པར་བཞུགས་ནས་སྔོན་དྲང་སྲོང་གིས་གསུངས་པ་གྲགས་ཟིན་པ་ཞིག་གམ། དེའི་རྗེས་སུ་བྱུང་བ་སྔར་
མ་གྲགས་པ་ཞིག་གདོན་གསུངས་པས། དེར་བཞུགས་པ་ཐམས་ཅད་ཀྱིས་མ་ལ་ཞེས་བརྗོད་ཅིང་མ་གྲགས་པ་ཞིག་འདོན་པར་གསོལ་བ་བཏབ་པའི་ངོར། བྱང་ཆུབ་སེམས་དཔའི་སྤྱོད་པ་ལ་འཇུག་པའི་བསྟན་བཅོས་ཆེན་པོ་གསུངས་ཏེ། གང་ཚེ་དངོས་དང་དངོས་མེད་དག །ཅེས་བྱ་བ་ལ་སོགས་
པའི་ཚེ་བདེན་པ་བཞིའི་ཆོས་ཉིད་མངོན་སུམ་གཟིགས་ཤིང་། འཕགས་པ་འཇམ་དཔལ་ཡང་མདུན་གྱི་ནམ་མཁའ་ལ་བཞུགས་པ་སྐྱེ་བོ་མང་པོར་མངོན་སུམ་དུ་མཐོང་ནས་དད་པར་གྱུར་ཏེ། སྐྱེས་བུ་དམ་པ་འདི་ནི་བློ་གྲོས་མི་ཟད་པའོ་ཞེས་མགྲིན་གཅིག་ཏུ་སྒྲོགས་སོ། །དེ་ནས་བསྔོ་བའི་ལེའུ་གསུངས་
པའི་ཚེ་འཇམ་དཔའ་དང་བཅས་ནམ་མཁའི་དབྱིངས་སུ་འཕགས་ཏེ་མཐར་མི་སྣང་བར་གྱུར་ཀྱང་། ཚངས་པའི་དབྱངས་དང་བཅས་པའི་ཆོས་ཀྱི་སྒྲ་ནི་གཞུང་མ་རྫོགས་ཀྱི་བར་དུ་རྒྱུན་ཆད་པར་མ་གྱུར་ཏོ། །དེ་ནས་ལྷོ་ཕྱོགས་ཀྱི་རྒྱུད་སོོ་མནྠ་དང་ཉེ་བར་བྱོན་ནས་ཡ་མཚན་ཅན་གྱི་ལྟ་བ་འཛིན་པ་ལྔ་བརྒྱ་ཙམ་དང་།
སྤྲང་པོ་བཀྲེས་པ་སྟོང་ཕྲག་ཙམ་གྱི་འཚོ་བ་སྦྱར་ནས་ཆོས་བསྟན་པས་སངས་རྒྱས་ཀྱི་བསྟན་པ་ལ་བཙུད་དོ། །དེའི་རྗེས་སུ་ནཱ་ལེནྡཱའི་མཁས་པ་རྣམས་ཀྱིས་གཞུང་དེ་ཡི་གེར་བཀོད་པའི་ཚེ། ཁ་ཆེ་བ་རྣམས་ཀྱིས་ཤློ་ཀ་བདུན་བརྒྱ་ཡོད་པ་བཟུང་བ་དང་། ཡུལ་དབུས་པ་རྣམས་ཀྱིས་ཤློ་ཀ་སྟོང་ཡོད་པ་བཟུང་སྟེ་
མ་མཉམ་པར་བསླབ་པ་ཀུན་ལས་བཏུས་པ་དང་། མདོ་ཀུན་ལས་བཏུས་པའང་བལྟ་ཞེས་འབྱུང་བའི་བསྟན་བཅོས་གཉིས་མ་རྙེད་པ་ལ་གཟུངས་ཐོབ་པའི་པཎྜི་ཏ་གཉིས་ཀྱིས་ཕྱིས་སུ་ཞུས་པས་གཞུང་གི་ཚད་ནི་ཡུལ་དབུས་པ་རྣམས་ཀྱིས་བཟུང་པ་ལྟར་དང་། བསྟན་བཅོས་གཉིས་ནི་ཁོ་བོའི་སྤོ་ཁང་གི་

213-1-79b

གདུང་གསེབ་ན་པཎྜི་ཏའི་ཡི་གེ་ཕྲ་མོ་བྲིས་པ་ཞིག་ཡོད་པས་ལྟོས་ཤིག་གཅེས་བསྟན་ཅིང་། དེ་དག་གི་བཤད་པ་དང་སྒྲུབ་པའི་ལུང་ཡང་གནང་སྟེ་བསྟན་པ་ལ་ཕན་པ་རྒྱ་ཆེར་མཛད་དོ། །འཛམ་གླིང་མཛེས་པར་བྱེད་པའི་རྒྱན་གྱི་ཡ་གྱལ་ཐོགས་མེད་སྐུ་མཆེད་ནི་ཇི་སྐད་དུ། འཇམ་དཔལ་རྩ་བའི་རྒྱུད་ལས།
ཐོགས་མེད་ཅེས་བྱའི་དགེ་སློང་ནི། །བསྟན་བཅོས་དེ་ནི་དོན་ལ་མཁས། །མདོ་སྡེ་ངེས་དོན་དྲང་བའི་དོན། །རྣམ་པ་མང་པོ་རབ་ཏུ་འབྱེད། །འཇིག་རྟེན་རིག་པ་སྟོན་བདག་ཉིད། །གཞུང་འབྱེད་ངང་ཚུལ་ཅན་དུ་འགྱུར། །དེ་ཡི་རིག་པ་གྲུབ་པ་ནི། །སཱ་ལའི་ཕོ་ཉ་མོ་ཞེས་བརྗོད། །དེ་ཡི་སྔགས་ཀྱི་
མཐུ་ཡིས་ནི། །བློ་ནི་བཟང་པོ་སྐྱེ་བར་འགྱུར། །བསྟན་པ་ཡུན་རིང་གནས་བྱའི་ཕྱིར། །མདོ་ཡི་དེ་ཉིད་དོན་སྡུད་བྱེད། །ལོ་ནི་བརྒྱ་དང་ལྔ་བཅུར་འཚོ། །དེ་ལུས་ཞིག་ནས་ལྷ་ཡུལ་འགྲོ། །འཁོར་བ་རྣམས་སུ་འགྲོ་བ་ན། །ཡུན་རིང་བདེ་བ་རྗེས་མྱོང་ནས། །བདག་ཉིད་ཆེན་པོ་མཐར་གྱིས་ཏེ། །
བྱང་ཆུབ་ཐོབ་པར་འགྱུར་བ་ཡིན། །ཞེས་པའི་ལུང་གིས་མངོན་པར་བསྔགས་པའི་སྐྱེས་བུ་དེ་དག་ཇི་ལྟར་བྱོན་པའི་ཚུལ་ནི། དམ་པའི་ཆོས་མངོན་པ་ལ་དགྲ་ལན་གསུམ་བྱུང་སྟེ། དེའང་དང་པོ་ནི་ནང་པས་གཎྜཱི་བརྡུང་བའི་སྒྲ་ལ་བརྟགས་ནས་དེ་ལ་མུ་སྟེགས་པ་རྣམས་ཁྲོས་ནས་དམག་དྲངས་ཏེ་བསྣུབས་
སོ། །གཉིས་པ་ནི་སྟག་གཟིག་གི་རྒྱལ་པོའི་སྐྱེས་ཀྱི་མཚན་མ་ལ་བརྟགས་ནས་ཁྲོས་ཏེ་དམག་དྲངས་ནས་བསྣུབས་སོ། །གསུམ་པ་ནི་མུ་སྟེགས་ཀྱི་སློང་མོ་བ་ལ་བཤལ་ཆུས་གཏོར་བ་ལ་ཁྲོས་ཏེ་ཉི་མ་བསྒྲུབས་ནས་བསྣུབས་སོ། །དེའི་ཚེ་བྲམ་ཟེ་མོ་སུ་པྲ་ཀཱ་ཤ་ཤཱི་ལཱ་ཞེས་བྱ་བ་ནང་པ་ལ་དད་པ་ཞིག་
འདི་སྙམ་དུ་སེམས་ཏེ། ཀྱེ་མ་བསྟན་པའི་རྩ་བ་མངོན་པ་འདི་ནི་འདི་ལྟར་ནུབ་པར་གྱུར་ཀྱང་སླར་དར་བར་བྱེད་པ་ནི་གཞན་འགའ་ཡང་མི་སྣང་ན་བདག་ནི་བུད་མེད་ཀྱི་ལུས་སུ་སོང་བས་མི་ནུས་མོད་ཀྱི། འོན་ཀྱང་ལུས་ལས་ཁྱེའུ་བསྐྱེད་དེ། དེ་ལ་བསྟན་པ་དར་བར་བྱེད་དུ་གཞུག་གོ་སྙམ་སྟེ། རྒྱལ་
རིགས་དང་འདུས་པ་ལས་ཐོགས་མེད་དང་། བྲམ་ཟེའི་རིགས་དང་འདུས་པ་ལས་དབྱིག་གཉེན་འཁྲུངས་སོ། །འཁྲུངས་མ་ཐག་ནས་དེ་དག་གི་ལྕེ་ལ་གི་ཝང་གིས་ཨ་ཡིག་འདྲི་བ་ལ་སོགས་པ་བློ་རྣོ་བའི་མཆོག་རྣམས་བྱས་སོ། །ཆེར་སོན་པའི་ཚེ་བདག་གི་ཕའི་ལས་གང་ཡིན་ཞེས་སྨྲས་པ་ལ།

213-1-80a

མ་དེས་འདི་སྐད་དུ། དེའི་ཕྱིར་ན་ཁྱེད་དག་བསྐྱེད་པ་མ་ཡིན་གྱི། བློ་སྦྱོང་གྱིས་བསྟན་པ་དར་བར་བྱོས་ཤིག་ཅེས་གདམས་སོ། །གཞོན་ནུ་གཉིས་ཀྱང་དེ་ལྟར་བགྱིའོ་ཞེས་གཉིས་ཀའང་ཆུང་ངུ་ཉིད་ནས་རིག་པའི་གནས་ཐམས་ཅད་ལ་འཇུག་པའི་བློ་གྲོས་ཤིན་ཏུ་གསལ་བར་གྱུར་
ཏེ་རབ་ཏུ་བྱུང་ནས་སྡེ་སྣོད་གསུམ་ལ་སྦྱངས། དེ་ནས་གཅེན་གྱིས་ཐེག་པ་ཆེན་པོའི་བསྟན་པ་གསལ་བར་བྱེད་པ་ལ་དགོངས་ནས་རི་བོ་བྱ་རྐང་གི་ཕུག་ཏུ་བྱོན་ཏེ་ལོ་བཅུ་གཉིས་ཀྱི་བར་དུ་བྱམས་པ་བསྒྲུབས་ཀྱང་གྲུབ་པའི་རྟགས་མཚན་མ་བྱུང་ནས་སྐྱོ་སྟེ་ཕྱི་རོལ་དུ་བྱོན་པ་ན། ཁྱི་མོ་ཁོག་སྨད་འབུས་
གང་ཞིག་ཟ་བ་ལ་ཁོག་སྟོད་མ་ཤི་བར་ཟུག་པ་ཞིག་མཐོང་ནས། དེར་སྙིང་རྗེ་ལྷག་པར་སྐྱེས་ནས། འདི་ལྟར་འབུ་འདི་དག་བསལ་ན་ནི་འཆི་བར་འགྱུར་ལ། མ་བསལ་ན་ནི་ཁྱི་མོ་འཆི་བར་འགྱུར་གྱི་དེ་བས་ན་རང་གི་ལུས་ལས་ཤ་བཅད་དེ་འབུ་རྣམས་དེར་བསལ་བར་བྱའོ་སྙམ་སྟེ། གྲོང་ཁྱེར་དུ་བྱོན་
ནས་གསེག་ཤང་གཏེང་བར་བཅུག་སྟེ། སྤུ་གྲི་གཡར་ནས་ལུས་ཀྱི་ཤ་བཅད་དེ། སྲོག་ཆགས་ཕྲ་མོ་དེ་དག་ལག་པས་བསལ་ན་ནི་ཤི་བའི་དོགས་པས་སྤྱན་བཙུམས་བཞིན་པར་ལྗགས་ཀྱི་རྩེ་མོས་ལེན་པར་བརྩམས་པ་ན་དེ་ཉིད་དུ་ཁྱི་མོ་མེད་པར་རྗེ་བཙུན་གྱི་སྐུ་འོད་དང་འོད་ཟེར་ལྷམ་མེར་བཞུགས་
པ་མཐོང་ངོ་། །མཐོང་ནས་ཀྱང་ཡུས་པའི་ཚུལ་གྱིས། ཀྱེ་མ་ཡབ་གཅིག་བདག་གི་སྐྱབས། །ངལ་བརྒྱས་འབད་ཀྱང་འབྲས་མ་མཆིས། །ཅི་ཕྱིར་ཆར་སྤྲིན་རྒྱ་མཚོའི་དབུང་། །གདུང་བས་བསྲེགས་ཏེ་སྐོམ་ཚད་འབེབས། །བདག་གིས་དེ་ཙམ་བསྒྲུབས་ན་རྟགས་ཀྱང་མ་བྱུང་བས་ཐུགས་
རྗེ་རེ་ཆུང་ཞེས་གསོལ་བ་དང་རྗེ་བཙུན་གྱིས། ལྷ་ཡི་རྒྱལ་པོས་ཆར་ཕབ་ཀྱང་། །ས་བོན་མི་རུང་མི་འཁྲུངས་ལྟར། །སངས་རྒྱས་རྣམས་ནི་བྱོན་གྱུར་ཀྱང་། །སྐལ་བ་མེད་པས་བཟང་མི་མྱོང་། །ང་དང་པོ་ཉིད་ནས་ཡོད་ཀྱང་ཁྱོད་རང་གི་ལས་ཀྱི་སྒྲིབ་པས་མ་མཐོང་བར་ཟད་དོ། །དེ་ལྟར་སྙིང་རྗེ་
ཆེན་པོ་སྐྱེས་པས་ལས་ཀྱི་སྒྲིབ་པ་བྱང་ནས་མཐོང་བ་ཡིན་ནོ་ཞེས་དང་། ཁྱོད་ཀྱི་འདོད་པ་ཅི་ཞིག་གསུངས་པ་ལ། ཐེག་པ་ཆེན་པོ་དར་བར་ཞུས་པས། ངའི་ཆོས་གོས་ལ་འཇུས་ཤིག་གསུངས་ནས་ཡུད་ཙམ་གྱིས་དགའ་ལྡན་གྱི་གནས་སུ་ཁྲིད་དེ། ལྷའི་གྲོ་སྐད་གཅིག་ཏུ་བཞུགས་ནས། ཡུམ་གྱི་མདོ་

213-1-80b

རྣམས་དང་། རྣལ་འབྱོར་སྤྱོད་པའི་ས་ཆེན་པོ་པ་དང་། ཐེག་པ་ཆེན་པོའི་མདོ་སྡེ་མང་པོ་དང་། དེ་དག་གི་དོན་སྟོན་པའི་བསྟན་བཅོས་བྱམས་ཆོས་ལྔ་རྣམས་བསན་ཏེ་མི་ཡུལ་དུ་བྱོན་ནས། དབྱིག་གཉེན་ལ་སོགས་པའི་སློབ་མའི་ཚོགས་དཔག་དུ་མེད་པ་བསྐྲུན་ནོ། །བརྩམས་པའི་སྒོ་ནས་
བཀའི་དགོངས་པ་འགྲེལ་པའི་བསྟན་བཅོས་ནི། རྣལ་འབྱོར་སྤྱོད་པའི་ས་ལ་སོགས་པ་རྒྱས་པའི་བསྟན་བཅོས་ས་སྡེ་ལྔ་དང་། ཐེག་པ་ཆེན་པོའི་སྡོམ་ཐེག་བསྡུས་དང་། ཐེག་པ་ཐུན་མོང་པའི་སྡོམ་ཆོས་མངོན་པ་ཀུན་ལས་བཏུས་པ་གཉིས་དང་། བྱམས་ཆོས་ལྔ་ཡང་ཡི་གེར་བཀོད་དོ། །མངོན་
རྟོགས་རྒྱན་དང་ཡུམ་གྱི་དོན་སྟོན་པ་དེ་ཉིད་རྣམ་པར་ངེས་པ་དང་། རྒྱུད་བླ་མའི་འགྲེལ་པ། མདོ་དགོངས་པ་ངེས་འགྲེལ་གྱི་འགྲེལ་པ་དང་། དཀོན་མཆོག་གསུམ་རྗེས་སུ་དྲན་པའི་འགྲེལ་པ་ལ་སོགས་པ་མང་དུ་མཛད་ཅིང་འོད་བྱེད་པའི་ས་མངོན་དུ་མཛད་དེ། མདོར་ན་ལོ་གྲངས་ཕྱེད་དང་ཉིས་
བརྒྱའི་བར་དུ་བསྟན་པ་ལ་བྱ་བ་བྱས་སོ་ཞེས་གྲགས་སོ། །སློབ་དཔོན་དེའི་གཅུང་འཛམ་གླིང་མཛེས་པར་བྱེད་པའི་རྒྱན་བཞི་པ་མང་དུ་ཐོས་པའི་མཁས་མཆོག་དབྱིག་གཉེན་ནི། རྒྱུད་དེ་ཉིད་ལས། ལྷོ་ཡི་ཕྱོགས་སུ་བྲམ་ཟེ་ནི། །ཡི་གེ་དང་པོ་བ་བསྟན་པ། །སྟོན་པའི་བསྟན་པ་དེ་གཙོ་བྱེད། །
མཆོད་རྟེན་ཀུན་དགའ་ར་བར་གནས། །སྟོན་པའི་གཟུགས་བརྙན་ཡིད་འོང་བའི། །ས་ནི་རྒྱ་མཚོ་གཉིས་མཐར་ཐུག །ཐམས་ཅད་ཀྱི་ནི་རྒྱན་དུ་བྱས། །ཞེས་པ་དུས་གསུམ་གཟིགས་པ་མཆོག་གི་ལུང་བསྟན་པའི་སྐྱེས་བུ་ཆེན་པོ་སྟེ་འདིས་ཁ་ཆེར་སློབ་དཔོན་སི་གྷ་བྷ་དྲའི་དྲུང་དུ་བྱོན་ནས། །བསྟན་
བཅོས་བྱེ་བྲག་ཏུ་བཤད་པ་ཆེན་པོ་དང་མངོན་པ་སྡེ་བདུན་ལ་སོགས་པ་གསན་ཅིང་སྦྱངས་པས་མཐར་ཕྱིན་པར་མཛད་དོ། །དེ་ནས་ཤྲཱི་ནཱ་ལེནྡཱར་བྱོན་པས་དེ་ཉིད་དུ་གཅེན་གྱིས་ཐེག་པ་ཆེན་པོའི་བསྟན་བཅོས་ཀྱི་རྣམ་གྲངས་མང་པོ་བརྩམས་ནས་བསྟན་པ་སྤེལ་གྱིན་བཞུགས་པ་ཐོས་པས། དེ་ལ་ཅུད་ཟད་
མ་རངས་པའི་རྣམ་འགྱུར་གྱིས་ཐེག་པ་ཆེན་པོའི་ཆོས་དང་གང་ཟག་ལ་བསྟིངས་པའི་ཚིག་གིས་འདི་ལྟར། ཀྱེ་མ་ཐོགས་མེད་ནགས་སུ་ལོ། །བཅུ་གཉིས་བར་དུ་ཏིང་འཛིན་བསྒྲུབ། །ཏིང་འཛིན་མ་གྲུབ་གླང་ཆེན་གྱི། །རྒྱབ་ཁལ་ལོངས་པའི་གྲུབ་མཐའ་བརྩམས། །ཞེས་སྨྲས་སོ། །དེ་གཅེན་

213-1-81a

གྱིས་གསན་པས་ཚུལ་བཞིན་མིན་པའི་ལོག་སྒྲུབ་དུ་མཁྱེན་ནས་དེ་མ་བསལ་ན་མི་བཏུབ་པར་དགོངས་ནས། རང་གི་སློབ་མ་གཉིས་ལ་མདོ་སྡེ་ས་བཅུ་པ་དང་། བློ་གྲོས་མི་ཟད་པས་བསྟན་པ་གཉིས་དེའི་ཐད་དུ་སྲོད་དང་ཐོ་རངས་ཀྱི་དུས་སུ་ཁ་ཏོན་བྱེད་དུ་བཏང་ནས། དེ་དག་གིས་
ཀྱང་དེ་བཞིན་དུ་བྱས་སོ། །དེའི་དུས་ན་དབྱིག་གཉེན་གྱིས་མདོ་འདོན་པ་གསན་པས་སྲོད་ལ་ཐེག་པ་ཆེན་པོ་རྒྱུ་བཟང་བ་ཙམ་ཞིག་རྟོགས། ཐོ་རངས་རྒྱུ་འབྲས་གཉིས་ཀ་བཟང་བར་རྟོགས་ནས་སྔར་གྱི་སྐུར་བ་བཏབ་པ་རྗེས་སུ་དྲན་ཅིང་འགྱོད་པས་རང་གི་ལྕེ་གཅོད་པར་བརྩམས་སོ། །དེར་མདོ་འདོན་པ་
གཉིས་ཀྱི་མཆིད་དུ། དེས་སྒྲིབ་པ་འབྱང་བར་མི་འགྱུར་གྱི། དེ་བས་ཕུ་བོ་ཅན་དུ་གཤེགས་ན་དེ་ལ་སྒྲིབ་པ་སྦྱོང་བའི་ཐབས་མངའོ་ཞེས་སྨྲས་པ་དང་ཐོགས་མེད་ཀྱི་དྲུང་དུ་བྱོན་ནོ། །དེར་ཐོག་མ་ཉིད་དུ་ཆོས་ཀྱི་འབེལ་གཏམ་འགའ་ཞིག་བྱས་པས། གཅུང་པོ་ནི་སྤོབས་པ་མྱུར་ཞིང་ལན་ཐོགས་པ་མེད་
པར་འབྱུང་བ་དང་། གཅེན་པོ་དེ་བས་ཅུང་ཟད་བུལ་ཞིག་ལན་བཟང་པོ་འབྱུང་བ་ལ། གཅེན་གྱི་གསུང་ལས་ཁྱོད་ནི་སྐྱེ་བའི་ཕྲེང་བ་ལྔ་བརྒྱར་པཎྜི་ཏར་གྱུར་པས་ད་ལྟ་ཡང་སྐྱེས་སྟོབས་ཀྱི་ཤེས་རབ་ཆེ་བ་ཡིན་ལ། ང་ནི་དེ་ལྟ་བུ་མ་ཡིན་པས་ལྷག་པའི་ལྷ་ལ་འདྲི་ཡིན་ལན་སྨྲ་བ་ཡིན་ནོ་ཞེས་བྱུང་བས། དེར་ལྷག་
པར་དད་ནས། དེ་ཉིད་བདག་ལ་བསྟན་དུ་གསོལ་ཞེས་གསོལ་བ་བཏབ་པས། རྗེ་བཙུན་ལ་འདྲི་ཡི་གསུངས་ནས་ཞུས་པ་དང་། བྱམས་པས་འདི་སོ་སོ་སྐྱེ་བོ་ཡིན་ཞིང་ཐེག་པ་ཆེན་པོ་ལ་སྐུར་བ་བཏབ་པས་ཚེ་འདི་ལ་མཐོང་བའི་སྐལ་བ་མེད་པས། ལས་སྒྲིབ་ཟད་པར་བྱེད་པའི་ཐབས་སུ་ཐེག་ཆེན་གྱི་
མདོའི་འགྲེལ་པ་མང་པོ་བརྩམས་པ་དང་། གཙུག་ཏོར་རྣམ་པར་རྒྱལ་མ་ཡི་དམ་དུ་བགྱིས་ན། ཕྱི་མའི་དུས་ན་མཇལ་བར་ལུང་བསྟན་པ་དེ་ལྟར་བསྙད་བས་ཤིན་ཏུ་ཡིད་ཆེས་ཏེ། དེའི་ཚེ། ང་ཡི་ཕུ་བོ་ཀླུ་དང་འདྲ། །ང་ནི་ཆར་སྡོད་བྱ་དང་འདྲ། །ཀླུ་ཡི་རྒྱལ་པོས་ཆར་ཕབ་ཀྱང་། །བྱ་ཡི་
མགྲིན་པར་སོང་བ་མེད། །ཅེས་སྨྲས་སོ། །སློབ་དཔོན་འདིས་བྷ་ག་བི་ཧ་ར་ཞེས་བྱ་བ་ན་ཟངས་ཆེན་འབྲུ་མར་གྱིས་བཀང་བའི་ནང་དུ་བཞུགས་ནས་འབུམ་སྡེ་བརྒྱད་ཅུ་འམ་དགུ་བཅུ་རྩ་དགུ་ཐུགས་ལ་བཅང་བ་ཞལ་ཏོན་དུ་མཛད་ཅིང་། མཁས་པའི་ཚོགས་ཀྱི་སློབ་མའང་འདི་ལས་མང་བར་མ་བྱུང་བར་

213-1-81b

མངོན་ནོ། །འདིས་མངོན་པ་མཛོད་ཀྱི་ཚིག་ལེའུར་བྱས་པ་བརྩམས་ཏེ་སྐྱེས་དང་བཅས་པ་སློབ་དཔོན་འདུས་བཟང་ལ་བསྐུར་བས་ཤིན་ཏུ་མཉེས་ནས། དེའི་འགྲེལ་པ་མདོ་དང་མཐུན་པ་ཞེས་བྱ་བ་ཡང་བྱས་སོ། །བརྩམས་པའི་བསྟན་བཅོས་ཀྱི་ཉི་མས་སྟོབས་བཅུ་མངའ་བའི་བཞེད་པ་གསལ་བར་
མཛད་པའི་ཚུལ་ནི། བཀའ་འཁོར་ལོ་དང་པོ་བསྟན་པའི་གཞིར་བཟུང་ནས་ཆོས་ཐམས་ཅད་ཀྱི་མཚན་ཉིད་གཏན་ལ་འབེབས་པ་མཛོད་རྩ་བ་རང་འགྲེལ་དང་བཅས་པ་མཛད་དེ། རལ་འགྲེལ་འདི་ཉིད་བརྩམས་ནས་སློབ་དཔོན་འདུས་བཟང་ལ་བསྐུར་བས། ཅུང་ཟད་མ་མཉེས་པར་རྩ་བ་སུན་འབྱིན་
གྱི་འགྲེལ་པ་འདི་ལུང་རིགས་ཀྱིས་ཚར་བཅད་དེ་ཕམ་པར་བྱ་བར་དགོངས་ནས། བསྟན་བཅོས་ལན་གྱི་ཕུང་པོ་ཞེས་བའང་བརྩམས་ཏེ་རྒྱ་གར་དུ་འབྱོན་པར་ཆས་པ་ན། དེ་སློབ་དཔོན་དབྱིག་གཉེན་གྱིས་གསན་ནས། སློབ་དཔོན་འདི་བྱེ་བྲག་ཏུ་སྨྲ་བའི་གྲུབ་མཐའ་ལ་མཁས་པ་ཡིན་པས་
བཟློག་པར་ཡང་དཀའ་ཞིང་། བཟློག་པའི་དགོས་པ་ཡང་མེད་པས་བདག་ནི་རང་བྱུང་གི་མཆོད་རྟེན་བལྟར་འགྲོའོ་ཞེས་བསྒྲགས་ཏེ་བལ་ཡུལ་དུ་བྱོན་ནོ་ཞེས་གྲགས་སོ། །འཁོར་ལོ་བར་པའི་དགོངས་འགྲེལ་ཆོས་ཐམས་ཅད་རྣམ་པར་རིག་པ་ཙམ་དུ་སྟོན་པར་ཤེས་རབ་ཀྱི་ཕ་རོལ་དུ་ཕྱིན་པའི་
གཞུང་འགྲེལ་དང་། འཁོར་ལོ་ཐ་མ་ངེས་དོན་དུ་བཤད་པ་པྲ་ཀཱ་ར་ཎ་སྡེ་བརྒྱད་དང་། གཞན་ཡངས་བཅུ་པ་དང་། བློ་གྲོས་མི་ཟད་པས་བསྟན་པ་དང་། ག་ཡ་གོ་རིའི་མདོ་དང་། ཆོས་བཞི་པའི་མདོ་དང་། སྒོ་དྲུག་པའི་གཟུངས་དང་། ཆོས་དང་ཆོས་ཉིད་རྣམ་པར་འབྱེད་པ་ལ་སོགས་
པ་བཀའ་དང་བསྟན་བཅོས་ཀྱི་འགྲེལ་པ་མང་དུ་མཛད་དེ། བལ་པོ་ཧ་ངུ་ཞེས་པ་རབ་བྱུང་གི་ཆ་བྱས་ལ་སྡོམ་ཁྲིམས་མི་བསྲུང་པ་ཆང་གི་བུམ་པ་ཐོགས་པ་གཟིགས་པས། བསྟན་པ་ཉམས་པར་དགོངས་ནས་ཐུགས་སྐྱོ་སྟེ་རྣམ་པར་རྒྱལ་མའི་གཟུངས་བཟློག་སྟེ་བཏོན་པས་མྱ་ངན་ལས་འདས་སོ། །
དེའི་ཤུལ་དུ་མཆོད་རྟེན་བརྩིགས་པ་ད་ལྟའི་བར་དུ་ཡོད་ཅེས་གཏམ་དུ་གྲགས་སོ། །སློབ་དཔོན་དེས་ཚད་མ་དང་། མངོན་པ་དང་། ཤེས་རབ་ཀྱི་ཕ་རོལ་དུ་ཕྱིན་པ་དང་འདུལ་བ་རྣམས་བཤད་པའི་སློབ་མ་རང་ལས་མཁས་པར་གྲགས་པའི་སློབ་མའི་གཙོ་བོ་བཞི་བྱུང་བའི་ཚད་མ་རང་བས་མཁས་

213-1-82a

པ་འཛམ་གླིང་མཛེས་པའི་རྒྱན་དྲུག་གི་ནང་གསེས་གཞུང་བྱེད་པའི་སློབ་དཔོན་ཆེན་པོ་ཕྱོགས་ཀྱི་གླང་པོ་ནི། དཔལ་དུས་ཀྱི་འཁོར་ལོའི་རྒྱུད་ཕྱི་མ་ལས། ཕྱོགས་ཀྱི་གླང་པོ་གཞན་ལ་ཕན་པའི་བསམ་པ་བཙུན་པ་ཟླ་བ་པདྨའི་མྱུ་གུ་དང་། །ཞེས་ཐམས་ཅད་
མཁྱེན་པའི་བཀས་ལུང་བསྟན་པའི་བསྟན་འཛིན་གྱི་སྐྱེས་བུ་ཆེན་པོ་དེ་ནི། སྟོན་པ་མྱ་ངན་ལས་འདས་ནས་ལོ་དགུ་ལྷག་ཙམ་གྱི་དུས་ན། འཕགས་པ་ཀུ་རུ་ཀུལླེ་རང་བྱུང་དུ་བཞུགས་པའི་རི་དང་ཉེ་བའི་ལྷོ་ཕྱོགས་ཀྱི་རྒྱུད་དུ་རིགས་རྣམས་ཀྱི་ནང་ནས་ཀུན་གྱིས་བཀུར་བར་འོས་པ་རྒྱལ་རིགས་སུ་སྐུ་
འཁྲུངས་སོ། །ཅུང་ཟད་ནར་སོན་ནས་བརྡ་སྤྲོད་རིག་པ་ལ་སོགས་པའི་གཙུག་ལག་ཐམས་ཅད་ལ་ཤིན་དུ་མཁས་པར་སྦྱངས་ནས། དམ་པའི་བསྟན་པ་ལ་དད་པར་གྱུར་ནས་རྒྱལ་སྲིད་ཀྱི་བྱ་བ་ཡོངས་སུ་བཏང་སྟེ། གནས་མ་བུའི་སྡེ་པའི་མཁན་པོ་རྒྱལ་པའི་དབང་པོ་ཞེས་བྱ་བ་ལས་རབ་ཏུ་
བྱུང་སྟེ་བསླབ་པའི་གཞི་ལྔ་ལེགས་པར་བཟུང་ངོ་། །སྐབས་ཤིག་ན་དཔལ་ནཱ་ལེནྡཱར་བྱོན་ཏེ་ཐམས་ཅད་མཁྱེན་པ་གཉིས་པ་དབྱིག་གཉེན་གྱི་ཞབས་ལ་བརྟེན་ཏེ་ཐེག་པ་གསུམ་ལ་མཁས་པར་སྦྱངས། ཁྱད་པར་རྣམ་པར་རིག་པར་སྨྲ་བའི་འགྲུབ་མཐའ་དང་ཚད་མ་ལ་ཤིན་ཏུ་མཁས་པར་གྱུར་ཏེ།
འཁོར་བར་འཕྱན་པའི་རྒྱུའི་གཙོ་བོ་མ་རིག་པའི་མུན་པ་དཔྱིས་འབྱིན་པར་བྱེད་པའི་གཉེན་པོ་རྣམ་པར་འབྱེད་པའི་ཤེས་རབ་བསྐྱེད་པའི་ཆེད་དུ་ཚད་མ་ལ་སོགས་པའི་བསྟན་བཅོས་ཐོར་བུ་བརྒྱ་རྩར་ལོངས་བ་བརྩམས་སོ། །ནམ་ཞིག་ན་བསྟན་བཅོས་དེ་དག་ཀྱང་ཐོར་བུར་སོང་ནས་ལུས་ཡོངས་
སུ་མ་རྫོགས་པར་དགོངས་ནས། དེ་དག་གི་བརྗོད་བྱ་ཐམས་ཅད་ཚང་ཞིང་ལུས་གཅིག་ཏུ་དྲིལ་ནས་སྟོན་པའི་བསྟན་བཅོས་ཤིག་བརྩམ་པར་བགྱིའོ་སྙམ་དུ། ལྷོ་ཕྱོགས་རི་བོ་འབིགས་བྱེད་དང་ཉེ་བ་ན་རང་གི་བསྟི་གནས་ཡོད་པའི་ཕུག་པ་དེའི་བྲག་ངོས་སུ། ཚད་མའི་མདོ་ཀུན་ལས་བཏུས་པའི་
མཆོད་པར་བརྗོད་པ་དང་། བཤད་པར་དམ་བཅའ་བའི་ཚིགས་སུ་བཅད་པ་བྲིས་པ་ནི་འདི་ལྟར། ཚད་མར་གྱུར་པ་འགྲོ་ལ་ཕན་བཞེད་པ། །སྟོན་པ་བདེ་གཤེགས་སྐྱོབ་ལ་ཕྱག་འཚལ་ནས། །ཚད་མར་བསྒྲུབ་ཕྱིར་རང་གི་གཞུང་ཀུན་ལས། །བཏུས་ཏེ་སྣ་ཚོགས་འཐོར་རྣམས་འདིར་གཅིག་བྱ། །

213-1-82b

ཞེས་པ་འདི་དག་རྡོ་ཐལ་གྱིས་བྲིས་མ་ཐག་ནས་ས་གཡོ་བ་དང་། འོད་འབྱིན་པ་དང་། སྒྲ་ཆེན་པོ་འབྱུང་བ་དང་། མུ་སྟེགས་ཀྱི་སྟོན་པ་རྣམས་ཀྱི་བྱིན་པ་རེངས་པ་ལ་སོགས་པའི་ལྟས་ཀྱི་ཁྱད་པར་མང་པོ་བྱུང་ངོ་། །དེའི་ཚེ་མུ་སྟེགས་ཀྱི་སྟོན་པ་ནག་པོ་ཐུབ་རྒྱལ་ཞེས་བྱ་བས་བརྟགས་པ་ན་ཚིགས་
སུ་བཅད་པ་དེའི་མཐུར་ཤེས་པས། སློབ་དཔོན་བསོད་སྙོམས་ལ་བཞུད་པའི་སྐབས་སུ་འོངས་ནས་ལན་གཉིས་སུ་བསུབས་སོ། །ལན་གསུམ་པར་སློབ་དཔོན་གྱིས་སླར་ཡང་བྲིས་ནས་དེའི་མཇུག་ཏུ། སུ་ཞིག་ངས་བྲིས་པའི་ཚིགས་སུ་བཅད་པ་འཕྱི་བ་ཀུ་རེ་དང་ཀྱལ་ཀའི་ཕྱིར་ཡིན་ན་དགོས་པ་རྒྱ་
ཆེན་པོ་ཡོད་པས་མ་དབྱི། ཕྲག་དོག་གི་དབང་གིས་ཡིན་ན་བློ་ལ་ཡོད་པའི་ཕྱིར་དབྱི་བར་མི་ནུས་སོ། །གལ་ཏེ་རྩོད་པའི་ཕྱིར་ཡིན་ན་ལུས་དངོས་སུ་སྟོན་ཅིག་བརྩད་པར་བྱའོ་ཞེས་བྲིས་སོ། །དེ་མཐོང་ནས་བརྩད་པའི་ཕྱིར་ཁོ་འོངས་ནས་བསྟན་པ་རྒྱལ་དུ་བཙུགས་ཏེ་བརྩད་པས་སློབ་དཔོན་ལན་
གསུམ་གྱི་བར་དུ་རྒྱལ་ཏེ། ཁྱོད་ནང་པའི་བསྟན་པ་ལ་འཇུག་དགོས་གསུངས་པས། ཤིན་ཏུ་ཁྲོས་ཤིང་ཁ་ནས་མེ་སྦར་ཏེ་སློབ་དཔོན་གྱི་ཡོ་བྱད་ཕལ་ཆེར་བསྲེགས་སོ། །དེ་ལ་སློབ་དཔོན་ཐུགས་སྐྱོ་སྟེ། ཀྱེ་མ་བདག་གིས་མུ་སྟེགས་འདི་གཅིག་པུའི་དོན་ཡང་བྱ་བར་མི་ནུས་ན། སེམས་ཅན་
ཐམས་ཅད་ཀྱི་དོན་བྱ་བ་ལྟ་ཞོག །དེ་བས་བཞི་བའི་བདེ་བ་མངོན་དུ་བྱའོ་སྙམ་དུ་དགོངས་ནས། བདག་གིས་ཐོད་ལེ་ཀོར་འདི་ནམ་མཁར་འཕངས་ནས། ཇི་སྲིད་འདི་ས་ལ་ལྷུང་བ་ན་སེམས་བསྐྱེད་བཏང་ངོ་ཞེས་དམ་བཅས་ནས་འཕགས་པས། ས་ལ་མ་ལྷུང་བའི་བར་དེ་ཉིད་དུ་འཇམ་དཔལ་བྱོན་ཏེ།
བུ་ཀྱེ་མ་བྱེད་ཐེག་པ་དམན་དང་ཕྲད་ལས་བློ་གྲོས་ངན་པ་སྐྱེད། །ཁྱོད་ཀྱིས་སངས་རྒྱས་མ་ཐོབ་བར་དུ་དགེ་བའི་བཤེས་སུ་ང་ཉིད་འགྱུར། །མུ་སྟེགས་ཚོགས་ཀྱིས་ཁྱོད་ཀྱི་བསྟན་བཅོས་འདི་ལ་གནོད་པར་ནུས་མིན་ཏེ། །ཕྱི་མའི་དུས་ན་བསྟན་བཅོས་ཀུན་གྱི་མིག་གཅིག་ཏུ་ནི་འདི་འགྱུར་རོ། །ཞེས་
གནང་བ་བྱིན་ཏེ་ལུང་བསྟན་པའི་བསྟན་བཅོས་ཆེན་པོ་ཚད་མ་ཀུན་ལས་བཏུས་པ་བརྩམས་སོ། །གཞན་ཡང་དེའི་རང་འགྲེལ་དང་། དམིགས་པ་བརྟགས་པ་རྩ་འགྲེལ་དང་། དུས་གསུམ་བརྟག་པ་དང་། རིག་པ་ལ་འཇུག་པ་དང་། ཕྱོགས་ཆོས་དགུའི་འཁོར་ལོ་ལ་སོགས་པ་མང་དུ་

213-1-83a

མཛད་པའི་སྒོ་ནས་བསྟན་པ་ཤིན་ཏུ་རྒྱས་པར་མཛད་དོ། །སློབ་དཔོན་དེའི་སློབ་མ་དབང་ཕྱུག་སྡེ་ནི་རིག་པའི་གནས་ཐམས་ཅད་ལ་མཁས་པར་གྱུར་ཏེ། དེས་ཀུན་ལས་བཏུས་ཀྱི་འགྲེལ་བཤད་མཛད་དོ། །དབང་ཕྱུག་སྡེའི་སློབ་མ་ནི། རིགས་པར་སྨྲ་བ་ཐམས་ཅད་ཀྱི་གཙུག་
གི་ནོར་བུ་ལྟ་བུ་འཛམ་གླིང་མཛེས་པར་བྱེད་པའི་རྒྱན་དྲུག་ལས། གཞུང་འགྲེལ་བར་བྱེད་པའི་སློབ་དཔོན་ཆེན་པོ་དཔལ་ལྡན་ཆོས་ཀྱི་གྲགས་པ་ནི། འཇམ་དཔལ་རྩ་བའི་རྒྱུད་ལས། ཡི་གེ་དྷ་ཞེས་སྡོམ་བརྩོན་ཉིད། །ལྷོ་ཡི་ཕྱོགས་སུ་རྣམ་པར་གྲགས། །ཕ་རོལ་རྒོལ་བ་བཟློག་ནས་ཀྱང་། །
དེ་བཞིན་སྡོམ་བརྩོན་སྔགས་ཀྱང་འགྲུབ། །ཅེས་ལུང་བསྟན་པ་ལྟར། ལྷོའི་ཕྱོགས་ཀྱི་རྒྱ་མཚོ་དང་ཉེ་བའི་ཡུལ་ཀཱཉྩི་ན་གར་ཞེས་བྱ་བའི་ཕྱོགས་ན་མུར་འདུག་པའི་བྲམ་ཟེའི་རིགས་སུ་སྐྱེ་བ་བཞེས་ཤིང་། ཆུང་ངུའི་དུས་ནས་བརྡ་སྤྲོད་པའི་རིག་པ་ལ་ལེགས་པར་འབྱོངས་ནས། བྲམ་ཟེའི་རིགས་
ཀྱི་དབང་ཕྱུག་གི་ཆོ་ག་བྱ་བའི་ཕྱིར་རང་གི་ཞང་པོ་མུ་སྟེགས་ཀྱི་པཎྜི་ཏ་གཞོན་ནུ་མ་ལན་ཞེས་བྱ་བ་ལས་རྩྭ་མུཉྫ་དང་ཚངས་སྐུད་ལ་སོགས་པ་བྲམ་ཟེའི་ཡོ་བྱད་རྣམས་བསླངས་པས། ཞང་པོས་གླན་པ་ཁྱོད་ལ་ཆས་མི་སྟེར་ཞེས་སྨྲས་ནས་བསྐྲད་པ་ན། གཞོན་ནུའི་བསམ་པ་ཡོ་བྱད་མི་སྦྱིན་ན་ཡང་
ངན་སྨྲས་ཀྱི་ཁ་ཕྲུ་འཐོར་བ་མི་རིགས་སོ། །འོན་ཀྱང་མུ་སྟེགས་ཐམས་ཅད་ཕམ་པར་བྱེད་བ་ཞིག་བྱའོ་སྙམ་ནས། ནང་པའི་བསྟན་པ་ལ་རབ་ཏུ་བྱུང་ནས་སྡེ་སྣོད་གསུམ་ལ་སྦྱངས་སོ། །ཁྱད་པར་སློབ་དཔོན་དབང་ཕྱུག་སྡེ་ལས་ཚད་མ་ཀུན་ལས་བཏུས་པ་ཚར་གསུམ་གསན་ཏེ། དེའང་གཉིས་
བའི་དུས་ནས་སློབ་དཔོན་དབང་ཕྱུག་སྡེ་ལས་མཁས་པར་གྱུར་ཏེ། སློབ་དཔོན་ཕྱོགས་ཀྱི་གླང་པོའི་དགོངས་པ་ཇི་ལྟ་བ་བཞིན་བརྗོད་པས་ཤིན་ཏུ་མཉེས་ནས། ཁྱོད་ཀྱིས་ངའི་གྲུབ་མཐའ་ནོར་བ་ཐམས་ཅད་ཕྱོགས་སྔར་གྱིས་ལ་ཀུན་ལས་བཏུས་ཀྱི་འགྲེལ་པ་རྩོམས་ཤིག་ཅེས་རྗེས་སུ་གནང་ངོ་། །
གཞན་ཡང་གྲུབ་མཐའི་གནད་ཐམས་ཅད་རྟོགས་དགོས་པར་དགོངས་ནས་སློབ་དཔོན་བྲན་གྱི་རྣམ་པར་བརྫུས་ནས་གྲངས་ཅན་པའི་གསང་ཚིག་རྣམས་ཀྱང་མ་ལུས་པ་མཁྱེན་པར་མཛད་ནས། ཆོས་དང་མཐུན་པའི་རྩོད་པས་རྒོལ་བ་ངན་པ་ཐམས་ཅད་ཚར་བཅད་དེ་ཆོས་ཀྱི་ལམ་ལ་བཀོད་དོ། །

213-1-83b

དེའི་ཚེ། གལ་ཏེ་ཆོས་ཀྱི་གྲགས་པ་ཡི། །སྨྲ་བའི་ཉི་མ་ནུབ་པ་ན། །ཆོས་རྣམས་གཉིད་ལོག་ཡང་ན་ཤི། །ཆོས་མ་ཡིན་རྣམས་ད་གདོད་ལོང་། །ཞེས་ཆེད་དུ་བརྗོད་སྐད་དོ། །ཁྱད་པར་བརྩམས་པའི་བསྟན་བཅོས་ནི། །རྟོག་གེ་རབ་ཏུ་བྱེད་པ་སྡེ་བདུན་དང་། རྣམ་འགྲེལ་ལེའུ་དང་
པོའི་རང་འགྲེལ་མཛད་དོ། །དེའི་འཕྲོས་ལེའུ་ཕྱི་མ་གསུམ་གྱི་འགྲེལ་པ་ལྷ་དབང་བློར་བརྩམས་སུ་བཅུག་ནས་དེས་ལན་གཅིག་ལན་གཉིས་ཀྱི་བར་དུ་བརྩམས་ཏེ་གཟིགས་སུ་ཕུལ་བས་གཉིས་ཀའང་ཆུ་དང་མེར་སྦྱངས་པར་གྲངས་ཤིང་། ཡང་ལན་གཅིག་བརྩམས་ནས་གཟིགས་པར་
ཕུལ་བ་ཚིག་ཟུར་གྱི་མཚོནཔའི་དོན་རྣམས་དང་འཕྲོས་དོན་རྣམས་མ་གཏོགས་པའི་དངོས་སུ་བསྟན་པའི་དོན་རྣམས་བྱུང་འདུག་གསུངས་སོ། །དེའི་སློབ་མ་ཤཱཀྱ་བློས་དེའི་འགྲེལ་བཤད་བྱས་སོ། །དེའི་སློབ་མ་རྒྱན་མཁན་པོས་སྤུར་ལས་ལུང་བླངས་ཏེ་འགྲེལ་བཤད་མཛད་དོ། །མངོན་
པ་རང་བས་མཁས་པ་སློབ་དཔོན་བློ་གྲོས་བརྟན་པ་ནི། སློབ་དཔོན་དབྱིག་གཉེན་གྱིས་འབུམ་སྡེ་བརྒྱད་ཅུ་ཞལ་འདོན་དུ་མཛད་པའི་ཚེ། །དེའི་ཉེ་འཁོར་དུ་ཕུག་རོན་ཞིག་རྟག་ཏུ་གནས་པ་དེས་ཆོས་ཀྱི་སྒྲ་དེ་རྣ་བའི་དཔྱིད་དུ་ནོས་སོ། །དུས་ནམ་ཞིག་གི་ཚེ་ན་ཕུག་རོན་དེ་ཚེ་འཕོས་ཏེ་མཐའ་འཁོབ་ཀྱི་
ཕྱོགས་ན་དམངས་རིགས་ཀྱི་སྐྱེ་བའི་མྱུ་གུ་ཡོངས་སུ་བཟང་ངོ་། །གང་གི་ཚེ་བྱིས་པ་དེ་བཙས་མ་ཐག་ནས་སྔོན་གྱི་བག་ཆགས་བཟང་པོའི་ས་བོན་ཡོངས་སུ་སད་དེ་ངའི་སློབ་དཔོན་གང་དུ་བཞུགས་ཞེས་འདྲིའོ། །དེར་ཁྱོད་ཀྱི་སློབ་དཔོན་སུ་ཞིག་གཅེས་སྨྲས་པ་ན་དབྱིག་གཉེན་ནོ་ཞེས་སྨྲའོ། །དེའི་ཚེ་ཡུལ་
དབུས་སུ་འགྲོ་བའི་ཚོང་པ་རྣམས་ལ་ཕས་དྲིས་པས་དབྱིག་གཉེན་ཞེས་བྱ་བ་ད་ལྟ་ཡང་བཞུགས་སོ་ཞེས་ཐོས་སོ། །དེ་ནས་ཅུང་ཟད་ཅིག་ཆེར་སོན་པ་ན་སློབ་དཔོན་དབྱིག་གཉེན་ཅན་དུ་བསྐྱལ་ནས། སློབ་དཔོན་གྱིས་དེ་ལ་ཡི་གེའི་ཕྱི་མོ་སྟོན་པ་ནས་བརྩམས་ཏེ་རིག་པའི་གནས་ཐམས་ཅད་ཚར་
ཕྱིན་པའི་བར་དུ་བསླབས་སོ། །དེ་ཆུང་ངུའི་དུས་ནས་རང་གི་བཟའ་བའི་སྲན་མ་ནས་ཕུད་བླངས་ཏེ། རྒྱུན་གྱི་དབང་པོ་ན་སྒྲོལ་མའི་སྐུ་རྟེན་བཞུགས་པ་དེའི་ཕྱག་ཏུ་ཕུད་ཕུལ་ནས་གཟོད་རང་གིས་བཟའ་བར་བྱའོ་སྙམ་སྟེ་ལན་འགའ་ཞིག་གི་བར་དུ་ཕུལ་ཡང་ས་ལ་ལྷུང་ངོ་། །སླར་ཡང་སྔོན་དུ་འཕགས་

213-1-84a

མས་མ་བཞེས་པར་རང་གིས་ཟོས་ན་མི་རུང་སྙམ་སྟེ། སྲན་མ་ཟད་ཟད་ཀྱི་བར་དུ་ཕུལ་ཡང་ལྷུང་བ་ན་བྱིས་པ་ངུས་སོ། །དེ་ལ་རྗེ་བཙུན་མས་ཞལ་དངོས་སུ་བསྟན་ནས་མ་ངུ་བར་ཁྱིམ་དུ་སོང་ཤིག་དང་། ངས་ཁྱོད་ལ་བྱིན་གྱིས་བརླབ་ཀྱིས་བྱིན་གྱིས་བརླབས་སོ་གསུངས།
དེ་ནས་བརྩམས་ཏེ་ཤེས་བྱ་ཐམས་ཅད་ལ་ཐོགས་པ་མེད་པའི་བློ་གྲོས་སྐྱེས་ཤིང་། དམ་པའི་ཆོས་དཀོན་མཆོག་བརྩེགས་པ་ལ་སོགས་པའི་མདོ་སྡེ་མང་པོའི་ཚིག་དོན་མ་ལུས་པ་ཁོང་དུ་ཆད་དེ། དཀོན་མཆོག་བརྩེགས་པ་ལ་འགྲེལ་པ་མཛད་པར་གྲགས་སོ། །མདོར་ན་དེ་སྐད་དུ། བསྟན་
བཅོས་ཀུན་ཀྱི་དཔང་གཅིག་ལ། །སློབ་དཔོན་བློ་གྲོས་བརྟན་པ་ཉིད། །ཅེས་མཁས་པ་དྷརྨ་ཀཱིརྟི་ལ་སོགས་པ་མང་པོས་བསྔགས་པར་བརྗོད་པའི་རོལ་མོ་ཕྱོགས་བྲལ་འགྲོ་བའི་རྣ་བའི་བཅུད་དུ་ལེན་པ་བྱུང་ངོ་། །སྐབས་སུ་བབ་པ་བརྩམས་པའི་བསྟན་བཅོས་ཀྱི་སྒོ་ནས་རྒྱལ་བའི་
དགོངས་པ་ཇི་ལྟ་བ་བསྐྱངས་པའི་ཚུལ་ནི། མཛོད་ཀྱི་འགྲེལ་པ་གནམ་ལྕགས་ཐོག་གཟེར་དང་། ཆོས་མངོན་པ་ཀུན་ལས་བཏུས་ཀྱི་འགྲེལ་པ་པྲ་ཀཱ་ར་ཎ་སྡེ་བརྒྱད་ཀྱི་འགྲེལ་པ་ལ་སོགས་པའི་བསྟན་བཅོས་མང་དུ་མཛད་དོ། །སློབ་དཔོན་དབྱིག་གཉེན་གྱི་སློབ་མ་ཤེས་རབ་ཀྱི་ཕ་རོལ་ཏུ་
ཕྱིན་པ་རང་ལས་མཁས་པ་འཕགས་པ་རྣམ་གྲོལ་སྡེ་ནི། སློབ་དཔོན་སངས་རྒྱས་འབངས་ཀྱི་དབོན་དུ་འཁྲུངས་ཤིང་། ཆུང་དུ་ནས་དབྱིག་གཉེན་གྱི་ཞབས་ལ་གུས་པས་བསྙེན་ཅིང་རིག་པའི་གཙུག་ལག་མང་པོ་ལ་ཐུགས་སུ་ཆུད་པ་དང་། བྱེ་བྲག་ཏུ་རྒྱལ་བའི་ཡུམ་གྱི་གཞུང་ལུགས་མཐའ་དག་
ལ་ཤིན་ཏུ་མཁས་པར་གྱུར་ཅིང་། རབ་ཏུ་དགའ་བའི་ས་ལ་བདེ་བར་རེག་པའི་ཡོན་ཏན་མང་པོ་རྒྱུད་ལ་འཁྲུངས་པར་གྲགས་ཤིང་། གང་གི་རྫོགས་པའི་སངས་རྒྱས་ཉིད་ལས་ཆོས་ཀྱི་བདུད་རྩི་ཡང་མངོན་སུམ་དུ་མཉན་པའི་སྐལ་བ་དང་ལྡན་པར་གྱུར་ཏེ། ཆོས་ཀྱི་ཚུལ་ཐམས་ཅད་ལ་སོམ་
ཉི་ཡོངས་སུ་བྲལ་ནས། རྗེ་བཙུན་བྱམས་པའི་མངོན་པར་རྟོགས་བའི་རྒྱུན་ཉི་ཁྲི་དང་སྦྱར་བའི་འགྲེལ་བ་ཉི་ཁྲི་སྣང་བ་ཞེས་བྱ་བ་མཛད་དོ། །དེའི་སློབ་མ་བཙུན་པ་རྣམ་གྲོལ་སྡེ་སྟེ། དེས་ཀྱང་ཉི་ཁྲི་རྣམ་པར་འགྲེལ་པ་བརྩམས་སོ། །སློབ་དཔོན་སེང་གེ་བཟང་པོ་ནི་རྒྱལ་རིགས་ལས་རབ་ཏུ་

213-1-84b

བྱུང་པ། བདེ་བར་གཤེགས་པའི་བཀའ་ལུང་རབ་འབྱམས་ལ་མཁས་པ་དང་། ཁྱད་པར་དུ་ཤེས་རབ་ཀྱི་ཕ་རོལ་དུ་ཕྱིན་པའི་དོན་འཆད་པ་ལ་འཇིགས་པ་མེད་པའི་དབང་བརྙེས་པར་གྱུར་ཏོ། །དུས་གཞན་ཞིག་ཏུ་ཤར་ཕྱོགས་ཁ་སརྤ་ཎིར་བཞུགས་པ་ན། ནུབ་གཅིག་གི་རྨི་ལམ་དུ་ནམ་མཁའ་
ལ་སྤྲིན་གྱི་ཕུང་པོ་དཀྲིགས་པའི་ཁྲོད་ན་འདིར་རྗེ་བཙུན་བྱམས་པས་བརྒྱད་སྟོང་པ་གསུང་ངོ་ཞེས་ལྷའི་བུ་མང་པོས་མཆོད་པ་བྱེད་པ་ཙམ་མཐོང་སྟེ་དེར་ཡུན་དུ་བསྟས་པས་རྗེ་བཙུན་བྱམས་པ་ཞལ་གྱི་དཀྱིལ་འཁོར་བཙོ་མ་གསེར་གྱི་མདངས་དང་ལྡན་པ་སྤྱི་བོའི་གཙུག་ན་གསེར་གྱི་མཆོད་རྟེན་
གྱིས་སྤྲས་པ། ཕྱག་གཡས་པས་ཆོས་འཆད་ཀྱི་ཕྱག་རྒྱ་མཛད་པ་ཅིག་མཐོང་ངོ་། །མཐོང་ནས་ཀྱང་དེ་ལ་ཕྱག་དང་མཆོད་པ་བྱས་ནས་འདི་སྐད་དུ། རྗེ་བཙུན་གྱི་བསྟན་བཅོས་ལ་འགྲེལ་པ་མང་དུ་མཆིས་ན་གང་གི་རྗེས་སུ་འཇུག་པར་བགྱི་ཞེས་གསོལ་པ་དང་། ཐམས་ཅད་ཀྱི་གཞུང་
ལེགས་པར་རྟོགས་ལ་འཐད་པ་བསྡུས་ཏེ་ཁྱོད་ཀྱིས་ཕྱོགས་གཅིག་ཏུ་རྩོམས་ཤིག་ཅེས་བྱ་བས་བསྐུལ་ལོ། །མནལ་སད་པ་དང་འཕགས་པའི་བཀའ་རྗེས་སུ་བསྒྲུབ་པའི་ཕྱིར་ནུབ་ཕྱོགས་སུ་བྱོན་ཏེ། ཚ་བ་གསུམ་ཀྱི་གཙུག་ལག་ཁང་དུ་དཔལ་ལྡན་ཆོས་སྐྱོང་ཞེས་བྱ་བས་སྦྱིན་བདག་
བྱས་ཏེ། བརྒྱད་སྟོང་པའི་འགྲེལ་ཆེན་དང་། ཉི་ཁྲི་བསྡུས་དོན་ལེ་བརྒྱད་མ་དང་། དོན་གསལ་འགྲེལ་པ་དང་། བསྡུས་དོན་རྟོགས་པར་སླ་བ་ལ་སོགས་པ་མང་དུ་མཛད་དོ། །སློབ་དཔོན་དབྱིག་གཉེན་གྱི་སློབ་མ་འདུལ་བ་རང་ལས་མཁས་པ་ཡོན་ཏན་འོད་ནི་བྲམ་ཟེའི་རིགས་སུ་སྐྱེས་
ནས། བདག་དང་གཞན་གྱི་གྲུབ་པའི་གཞུང་ལུགས་རྒྱ་མཚོ་ཆེན་པོ་ལྟ་བུའི་དོན་ལ་བསྙེངས་པ་མི་མངའ་བའི་བློ་གྲོས་ཀྱི་དཀྱིལ་འཁོར་རྣམ་པར་རྒྱས་པ། འཕགས་པ་གཞི་ཐམས་ཅད་ཡོད་པར་སྨྲ་བའི་འདུལ་བ་འཛིན་པ་ཐམས་ཅད་ཀྱི་གཙུག་གི་ནོར་བུ་ལྟ་བུར་གྱུར་ཏེ་དགུང་ལོ་བརྒྱ་ཕྲག་
བཞིའི་བར་ལ་སེམས་ཅན་གྱི་དོན་མཛད་དོ། །བྱེ་བྲག་ཏུ་བདེ་བར་གཤེགས་པའི་བསྟན་པ་རིན་པོ་ཆེའི་རྩ་བར་གྱུར་བའི་དམ་པའི་ཆོས་འདུལ་བའི་བདུད་རྩི་མ་ལུས་པ་གསལ་བར་བྱེད་པའི་བསྟན་བཅོས་ཀྱི་ཕྲེང་བ་ནི། འདུལ་བ་མདོ་དང་། དེའི་རང་འགྲེལ་དང་། ཀརྨ་ཤ་ཏམ་དང་། བྱང་

213-1-85a

ཆུབ་སེམས་དཔའི་སའི་ཚུལ་ཁྲིམས་ཀྱི་ལེའུའི་འགྲེལ་པ་ལ་སོགས་པ་མང་དུ་བརྩམས་སོ། །སློབ་དཔོན་ཆེན་པོ་ཤཱཀྱ་འོད་ནི་མ་ག་དྷཱའི་མཁན་པོ་བསོད་ནམས་གྲགས་པ་དང་ཞི་བའི་འོད་རྣམས་ལས་འདུལ་བའི་སྡེ་སྣོད་མཉན་ཅིང་སྦྱངས་པ་མཐར་ཕྱིན་པར་མཛད་
པས་ཆོས་འདུལ་སྨྲ་བ་མཆོག་གི་ཁྲི་ལ་བཞུགས་ཏེ། འདུལ་བ་སུམ་བརྒྱ་པ་དང་། རང་འགྲེལ་འོད་ལྡན་ལ་སོགས་པ་མང་དུ་མཛད་དོ། །བརྡ་སྤྲོད་པ་ཇི་ལྟར་བྱུང་བའི་ཚུལ་ནི། སྔོན་སུམ་ཅུ་རྩ་གསུམ་ན་བརྡ་སྤྲོད་སྨྲ་བ་སརྦྦ་ཛྙཱ་ཞེས་བྱ་བ་བྱུང་སྟེ། དེས་སརྦྦ་ཛྙཱ་བྱཱ་ཀ་ར་ཎ་ཞེས་བྱ་བའི་
སྒྲའི་བསྟན་བཅོས་མཛད་དོ། །དེ་ལས་ལྷའི་དབང་པོ་བརྒྱ་བྱིན་གྱིས་བསླབས་པས་མཁས་པར་གྱུར་ནས་ཨིནྡྲ་བྱཱ་ཀ་ར་ཎ་ཞེས་བྱ་བའི་བསྟན་བཅོས་ཆེན་པོ་མཛད་དོ། །དེ་ལས་དྲང་སྲོང་ཕུར་བུས་བསླབས་ནས་མཁས་པར་གྱུར་པ་དང་། ལྷའི་བུ་རྣམས་ལ་བརྡ་སྤྲོད་པ་སྟོན་པའི་
སློབ་དཔོན་དུ་བསྐོས་པས་ལྷའི་བླ་མ་འམ་སྒྲ་མཁན་ཞེས་བྱ་བར་གྲགས་ཏེ། འོན་ཀྱང་ང་རྒྱལ་ཆེ་བར་གྱུར་བས་སློབ་མ་རྣམས་ཀྱང་ཤིན་ཏུ་བསྟེན་དཀའ་བར་བྱུང་སྟེ། དེའི་ང་རྒྱལ་རྣམ་པར་གཞིལ་བའི་ཕྱིར་དུ། ལྷའི་དབང་པོས་ཕུར་བུ་ལ་གསེར་གྱི་བུམ་པ་གཅིག་བསྐུར་ཏེ་ཕྱིའི་རྒྱ་མཚོ་ལས་
ཆུ་ལེན་དུ་བཏང་ངོ་། །དེས་ཀྱང་དབང་པོའི་ལྟར་མཉན་ཏེ་རྒྱ་མཚོ་ནས་ཆུ་བླངས་ཏེ་ཕུལ་བ་དང་། བརྒྱ་བྱིན་གྱིས་ཆུ་དེ་ལས་ཀུ་ཤའི་རྩེ་མོས་ཐིགས་པ་གཅིག་བླངས་པ་ཕུར་བུའི་ལག་པ་ལ་བཞག་སྟེ། འདི་སྐད་དུ། བརྡ་སྤྲོད་པའི་བསྟན་བཅོས་ནི་རྒྱ་མཚོ་ཆེན་པོ་ཙམ་མོ། །ཁོ་བོས་
ཁོང་དུ་ཆུད་པ་ནི་བུམ་པའི་ཆུ་ཙམ་མོ། །ཁྱོད་ཀྱིས་ཤེས་པ་ནི་ཆུའི་ཐིགས་པ་དེ་ཙམ་མོ་ཞེས་སྨྲས་པ་དང་། དེ་ཡི་མུག་པར་གྱུར་ཏེ་སླན་ཆད་དུ་སྒྲ་མི་འཆད་པར་དམ་བཅས་སོ། །དེའི་ཚེ་སླར་ཡང་བརྒྱ་བྱིན་གྱིས་འོན་ཏེ་རང་གིས་གང་དག་ཤེས་པ་ནས་གཞན་ལ་སྟོན་ཅིག་དང་ཕན་ཐོགས་
པར་འགྱུར་རོ་ཞེས་གསུངས། སྔར་གྱི་དམ་བཅའ་བ་དང་མི་འགལ་བའི་ཕྱིར། ཇི་སྐད་དུ། ཚེས་བརྒྱད་སློབ་དཔོན་ངེས་པར་འཇོམས། །བཅུ་བཞི་ལ་ནི་སློབ་མ་འཇོམས། །གནམ་སྟོང་ལ་ནི་རིག་པ་འཇོམས། །ཚེས་གཅིག་ལ་ནི་ཐམས་ཅད་འཇོམས། །ཞེས་བྱ་བའི་དུས་

213-1-85b

གཉེན་པ་བཞི་པོ་བསྲུངས་ནས། དེ་ལས་གཞན་རྣམས་ལ་སྟོན་པར་ཁས་བླངས་སོ། །དབང་པོས་བྱས་པའི་བརྡ་སྤྲོད་པ་ནི་མིའི་ཡུལ་དུ་འོང་རེ་ཞིག་དར་བར་གྱུར་ཏོ། །དེའི་འོག་ཏུ་བྲམ་ཟེ་པཱ་ཎི་ནི་བྱུང་སྟེ། དེ་ནི་ཐོག་མ་ཉིད་ནས་བརྡ་སྤྲོད་པའི་རིག་པ་སློབ་པའི་འདུན་པ་ཆེན་པོས་མཚན་
མཁན་ལ་ལག་རིས་བསྟན་པས་བྱཱ་ཀ་ར་ཎ་ཤེས་པའི་མཚན་བཟང་ཅི་ཡང་མཐོང་བར་མ་གྱུར་མོད། མཚོན་རྣོན་པོ་དག་གིས་ལག་རིས་ལེགས་པར་བཅོས་ཏེ་བསླབ་པར་བརྩམས་ཀྱང་སློབ་དཔོན་མ་རྙེད་དོ། །དེ་ནས་མ་ཧཱ་དེ་ཝ་བསྒྲུབས་པས་ཇི་ཙམ་ཞིག་ན་ལྷའི་ཞལ་གྱི་དཀྱིལ་འཁོར་མངོན་
སུམ་བསྟན་ཏེ་འདོད་པ་དྲིས་སོ། །དེས་ཀྱང་བརྡ་སྤྲོད་པ་ཤེས་པར་འཚལ་ལོ་ཞེས་སྨྲས་པས། ལྷ་དེ་ཉིད་ཀྱིས། ཨ་ཨི་ཨུ་ཞེས་བྱ་བ་ལ་སོགས་པ་གསུངས་ཏེ་བྱིན་གྱིས་བརླབས་པས་དེའི་མོད་ལ་བརྡ་སྤྲོད་ཐམས་ཅད་ཤེས་པ་ཡིན་ནོ་ཞེས་འགལ་ཞིག་འཆད་ལ། ནང་པ་རྣམས་ནི་
འཕགས་པ་སྤྱན་རས་གཟིགས་བསྒྲུབས་པས་དེ་ལྟར་དུ་ཤེས་ཕར་འཆད་དེ། དེ་ཅིའི་ཕྱིར་ཞེ་ན། འཇམ་དཔལ་རྩ་བའི་རྒྱུད་ལས། བྲམ་ཟེའི་ཁྱེའུ་པཱ་ཎི་ནི། །ངེས་པར་ཉན་ཐོས་བྱང་ཆུབ་ཏུ། །ང་ཡིས་ལུང་བསྟན་བྱས་པ་ཡིན། །འཇིག་རྟེན་དབང་ཕྱུག་བདག་ཉིད་ཆེ། །དེ་ཡང་
དེ་ཡི་སྔགས་གྲུབ་བོ། །ཞེས་དང་། ལངྐར་གཤེགས་པ་ལས་ཀྱང་། སྒྲ་བྱེད་པ་ནི་པཱ་ཎི་ནི། ཞེས་ལུང་དུ་བསྟན་པའི་སློབ་དཔོན་ཆེན་པོ་དེས་པཱ་ཎི་བྱ་ཀ་ར་ཎ་ཞེས་བྱ་བ་ཤློ་ཀ་ཉིས་སྟོང་ཡོད་པ་བྱས་སོ། །དེ་ལ་ཀླུའི་རྒྱལ་པོ་ནོར་རྒྱས་ཀྱི་བུས་མ་ཧཱ་བྷཱ་ཥ་ཞེས་བྱ་བའི་འགྲེལ་པ་བྱས་པ་ལ་སོགས་
པ་མང་དུ་ཡོད་དོ། །ཀ་ལཱ་པའི་མདོ་ནི་སློབ་དཔོན་ཆེན་པོ་ཀླུ་སྒྲུབ་ཀྱི་སྦྱིན་བདག་ཏུ་གྱུར་པའི་རྒྱལ་པོ་བདེ་སྤྱོད་ལ་བཙུན་མོ་སྒྲ་རིག་པ་ཅུང་ཟད་ཤེས་པ་ཞིག་ཡོད་དེ། ནམ་ཞིག་གི་ཚེ་ཁྲུས་ཀྱི་ཆེད་དུ་ཆུ་ལ་ཞུགས་པའི་དུས་ན་རྒྱལ་པོས་དེ་ལ་ཆབ་ཀྱི་ཟེགས་མས་གཏོར་བ་དང་། དེས་མ་མོ་ད་ཀཱ་སཱིཉྩ་
ཞེས་པ་བདག་ལ་ཆུ་མ་འཐོར་ཞེས་པ་སཾ་སྐྲྀ་ཏའི་སྐད་ཀྱིས་སྨྲས་པ་ལ། རྒྱལ་པོས་འཕྲལ་སྐད་དང་སྦྱར་ཏེ་ཏིལ་གྱི་ལ་དུ་སློང་ཞེས་བྱ་བར་གོ་སྟེ། བྲན་མོ་ལ་ཏིལ་གྱི་ལ་དུ་བསྐུར་རོ། །དེའི་ཚེ་བཙུན་མོ་འདི་སྙམ་དུ། །སཾ་སྐྲྀ་ཏའི་སྐད་ཅུང་ཟད་ཀྱང་མི་ཤེས་པའི་རྒྱལ་པོ་བ་ལང་ལྟ་བུ་འདི་དང་

213-1-86a

ལྷན་ཅིག་ཏུ་གནས་པ་བས་ཤི་བ་བླའོ་སྙམ་སྟེ་ཡི་མུག་པར་གནས་པ་རྒྱལ་པོས་ཤེས་ཏེ། ངས་ཀྱང་བརྡ་སྤྲོད་པ་བསླབ་པར་བགྱིའོ་ཞེས་སྤྲོ་བ་བསྲིང་ངོ་། །གང་གི་ཚེ་རྒྱལ་པོའི་ཞང་པོ་དབང་ཕྱུག་གོ་ཆས་རྒྱལ་པོས་བསྟེན་པར་འོས་པའི་སློབ་དཔོན་མཁས་པ་ཡང་རྙེད་པར་དཀའ་
ཞིང་། རྙེད་པར་གྱུར་ཀྱང་ཡུན་རིང་དུ་ཐོགས་པས་རྒྱལ་སྲིད་ཀྱི་བྱ་བ་འཆོར་བར་འགྱུར་བས་དེས་ན་བདག་གིས་འདོད་པའི་ལྷ་བསྒྲུབས་ཏེ་ལེགས་པར་ཤེས་པར་བྱས་ནས་རྒྱལ་པོ་ལ་ཚེགས་ཆུང་ངུས་བསླབ་པར་བགྱིའོ་ཞེས་སྨྲས་ཏེ། དེས་གཞོན་ནུ་ཀཱརྟི་ཀ་བསྒྲུབས་པས་ཞག་བདུན་ནས་གཞོན་
ནུ་གདོང་པ་དྲུག་དང་ལྡན་པ། རྨ་བྱའི་བཞོན་པ་ལ་བཅིབས་ཏེ་མདུང་ཐུང་གིས་ལག་པར་སྤྲས་པའི་རྣམ་པ་ཅན་དུ་བྱུང་སྟེ། རིགས་ཀྱི་བུ་ཁྱོད་ལ་ཅི་ཞིག་འདོད་ཅེས་དྲིས་པ་ལ། དེས་ཀྱང་སྒྲ་ཤེས་པར་འཚལ་ལོ། །ལྷའི་ཞལ་ནས། སིདྡྷོ྅་ཝརྞ་སམཱམྣཱ་ཡ་ཞེས་བྱ་བ་ནས་མཚམས་སྦྱོར་
རྐང་པ་ལྔ་དང་། མིང་རྐང་པ་དྲུག་དང་། ཀུན་བཤད་པ་རྐང་པ་བཞི་རྣམས་བཤད་པས། ལྷའི་བྱིན་གྱི་བརླབས་དང་རང་གི་བག་ཆགས་སད་པས་ལེགས་པར་ཤེས་ཏེ། ཚིམ་པའི་རློམ་པས་དེས་ཆོག་པར་འཚལ་ལོ་ཞེས་སྨྲས་སོ། །དེ་ནས་རྨ་བྱའི་བཞོན་པ་གདོང་བསྒྱུར་ཏེ་སོང་བ་དང་། དེའི་
ཚེ་བསྟན་བཅོས་འདིའི་མིང་ཅི་ཡིན་སྙམ་ནས། དེ་ཝ་ཤཱ་སྟྲ་ནཱ་མ་ཀི་ཧོ་ཞེས་སྨྲས་པས། ལྷའི་ཞལ་ནས་ཀ་ལཱ་པ་སཱུ་ཏྲ་ཞེས་གསུངས་པ་དང་། རྨ་བྱའི་མདོངས་ཀྱི་ཁ་དོག་ལ་ལེགས་པའི་ཆ་མང་པོ་བསགས་པ་སྟོན་པ་དང་གཉིས་ཀ་འཛོམ་པས་བསྟན་བཅོས་ལའང་ལེགས་པའི་བརྗོད་བྱ་ཐམས་ཅད་
ཚང་བར་ཤེས་ནས་ཀ་ལཱ་པ་སཱུ་ཏྲ་ཞེས་བཏགས་སོ། །ཡན་ལག་ཅུང་ཟད་མ་རྫོགས་པ་ཀུན་བཤད་པ་རྐང་པ་བཞི་དང་ཀྲྀཏ་རྐང་པ་དྲུག་ནི། དབང་ཕྱུག་གོ་ཆ་དང་བྲམ་ཟེ་མཆོག་སྲེད་ཀྱིས་ཁ་བསྐང་བྱས་པར་གྲགས་སོ། །དེ་ནས་རྒྱལ་པོ་ལ་བསླབས་པས་མྱུར་དུ་ཤེས་ཏེ། བདག་གི་ལག་གཡས་
པདྨ་ཡོད། །གཡོན་པ་ལ་ནི་ཨུཏྤ་ལ། །ཡུ་བ་འཇམ་དང་རྩུབ་པ་དག །གང་འདོད་སྨྲོས་ཤིག་བཞིན་བཟང་མ། །ཞེས་པ་བསྐུར་བས་བཙུན་མོའང་མགུའོ། །རྒྱལ་པོས་འདི་ལ་དོན་འགྲེལ་ཞིག་མཛད་པ་བདེ་སྤྱོད་ཀྱི་བྱཱ་ཀ་ར་ཎ་ཞེས་བྱ་བ་ཤློ་ཀ་ལྔ་བརྒྱ་པ་ཅིག་ཡོད་ཅེས་གྲགས་སོ། །དེ་ལ་

213-1-86b

བརྟེན་ནས་པཎྜི་ཏ་བྲམ་ཟེ་ཨུ་གྲ་བྷཱུ་ཏི་སྟེ་གྲགས་འབྱོར་དང་། དུརྒ་སིདྷ་དང་། ཁ་ཆེའི་པཎྜི་ཏ་རཏྣ་ཙྪ་ཏྲ་དང་། སློབ་དཔོན་སྤྱན་གསུམ་འབངས་ཀྱིས་བྱས་པའི་འགྲེལ་བཤད་ལ་སོགས་པ་མང་དུ་ཡོད་དོ། །སློབ་དཔོན་ཙནྡྲ་གོ་མི་ནི་ཤར་ཕྱོགས་བྷངྒ་ལར་འཁྲུངས་ཤིང་གཞོན་ནུ་ནུས་མཁས་
པར་གྱུར་ཏེ། མུ་སྟེགས་ཀྱི་པཎྜི་ཏ་བརྡ་སྤྲོད་པའི་དབང་ཕྱུག་ཅེས་བྱ་བ་སྒྲ་རིག་པ་སྨྲ་བ་ཀུན་གྱིས་མ་ཐུབ་པ་དེས་ཕྱི་དང་ནང་གི་བསྟན་པ་རྒྱལ་བའི་རུ་མཚོན་དུ་བཞག་སྟེ་རྩོད་པའི་ཕྱིར་བྱུང་བའང་། སློབ་དཔོན་འདིས་བྱིས་པར་གནས་པའི་དུས་ནས་ཚར་བཅད་དེ་པཎྜི་ཏ་འཁོར་དང་བཅས་པ་ནང་
པའི་བསྟན་པ་ལ་བཅུག་གོ། །བྷ་རེནྡྲའི་རྒྱལ་པོའི་བུ་མོ་ཏཱ་རཱ་ཞེས་པ་དང་ལྷན་ཅིག་བཞུགས་པ་ན། དུས་གཅིག་གི་ཚེ་གཡོག་མོས་རྗེ་མོ་ལ་ཏཱ་རཱ་ཞེས་བོས་པ་གསན་པས། ཡི་དམ་གྱི་ལྷའི་མཚན་དང་མཐུན་པས་མི་རུང་བར་དགོངས་ནས་འབྱོན་པར་ཆས་པ་དང་། རྒྱལ་པོས་ངའི་
བུ་མོ་དང་ལྷན་ཅིག་མི་འདུག་ན་གངྒཱ་ལ་སྐྱུར་ཅིག་ཅེས་དེ་ལྟར་དུ་བསྐྱུར་བའི་ཚེ། སློབ་དཔོན་གྱིས་སྒྲོལ་མ་ལ་བསྟོད་པ་མཛད་པས། སྒྲོལ་མས་ཞལ་བསྟན་ནས་ཆུའི་དབུས་སུ་གླིང་སྤྲུལ་ཏེ་མི་འཇིག་པར་བྱིན་གྱིས་བརླབས་པས་དེང་སང་ཡང་ཙནྡྲ་གླིང་ཞེས་བྱ་བ་གྲོང་དང་གྲོང་རྡལ་དུ་
བཅས་པ་ཡོད་པར་གྲགས་སོ། །གཏམ་དེ་ཐོས་པས་བྷ་རེནྡྲའི་རྒྱལ་པོའང་སླར་དད་པར་གྱུར་ཏེ་བླ་མ་ཉིད་དུ་བཀུར་རོ། །མཐར་གྱིས་ནཱ་ལེནྡཱར་བྱོན་ཏེ། སློབ་དཔོན་ཟླ་བ་གྲགས་པས་ཆོས་འཆད་པའི་སར་གདུགས་ཤིག་ཁྱེར་ཏེ་ཕྱིན་པ་ན། སློབ་དཔོན་ཟླ་བ་གྲགས་པས་འདི་ང་ལ་རྩོད་པའི་
ཕྱིར་འོངས་སོ་དགོངས་ནས་ཡོན་ཏན་ཅི་ཤེས་དྲིས་པས། སྒྲ་པཱ་ཎི་དང་། འཇམ་དཔལ་མཚན་བརྗོད་དང་། བསྟོད་པ་བརྒྱ་ལྔ་བཅུ་པ་གསུམ་ཤེས་གསུངས་པས། སློབ་དཔོན་ཙནྡྲ་གོ་མི་ཡིན་ནམ་གསུངས་པས། དེ་ལྟར་དུ་གྲགས་སོ་ཞེས་གསུངས་སོ། །འོ་ན་དགེ་འདུན་གྱིས་
བསུ་བ་བྱེད་པས་རེ་ཞིག་ཕར་ཐེགས་ཤིག་གསུངས་པ་ན། ང་དགེ་བསྙེན་ལ་དགེ་འདུན་གྱིས་བསུ་བ་བྱར་མི་རུང་བྱས་པས། ཤིང་རྟའི་སྟེང་དུ་འཇམ་དཔལ་བཞུགས་ནས་དེའི་རྒྱབ་ཏུ་ཁྱེད་བཞུགས་ཤིག །འཇམ་དབྱངས་ལ་བསུ་བ་བྱེད་པའི་ལུགས་སུ་བྱའོ་གསུངས་ནས་དེ་ལྟར་

213-1-87a

བྱས་སོ། །དེའི་དུས་སུ་སློབ་དཔོན་གྱིས་རྔ་ཡབ་གཡོབ་ཅིང་འཇམ་པའི་དབྱངས་དེ་ལ་བསྟོད་པ་ཤློ་ཀ་བཅུ་བཞི་པ་མཛད་པས། འཇམ་པའི་དབྱངས་ཀྱི་ཞལ་ནས་ང་ལ་དེ་ཙམ་གྱི་ཡོན་ཏན་མཆིས་སམ་གསུངས་ནས་དབུ་ཡོན་མཛད་པས་རྟེན་དེ་ལ་འཇམ་དབྱངས་དབུ་ཡོན་
མ་ཞེས་གྲགས་སོ། །རྩོད་པ་མཛད་པའི་དུས་སུ་ཙནྡྲ་གོ་མི་ལ་འཕགས་པའི་རྡོ་སྐུ་གཅིག་གིས་སློབ་ཀྱིན་ཡོད་པ་ཟླ་བ་གྲགས་པས་གཟིགས་ནས་འཕགས་པ་ཉེ་རིང་མ་མཛད་ཅིག་གསུངས་པས་སྐྱེངས་ཏེ་ཕྱག་མཛུབ་ཀྱེ་རེ་ལུས་པ་ལ་སྤྱན་རས་གཟིགས་མཛུབ་ཀྱེར་མ་ཞེས་བྱ་བར་གྲགས་སོ། །ཡང་
དབུལ་པོ་ཞིག་གིས་སློབ་དཔོན་ལ་ནོར་བསླངས་པ་ན། སློབ་དཔོན་ལ་ནོར་མེད་པར་སྒྲོལ་མའི་སྐུ་བརྙན་ཞིག་ལ་གསོལ་བ་བཏབ་པས། ཕྱག་གདུབ་ལ་སོགས་པའི་རིན་པོ་ཆེའི་རྒྱན་རྣམས་བྱིན་པས་སྒྲོལ་མ་རྒྱན་མེད་མ་ཞེས་བྱ་བར་གྲགས་སོ། །དེ་ལ་སོགས་པའི་ཡི་དམ་གྱི་ལྷས་རྗེས་
སུ་བཟུང་བའི་ལོ་རྒྱུས་མང་དུ་ཡོད་དོ། །དེ་ནས་སྨན་དཔྱད་ལ་སོགས་པའི་བསྟན་བཅོས་མང་དུ་བརྩམས་པས། འཇིག་རྟེན་དབང་ཕྱུག་གི་བཀས་ཐེག་པ་ཆེན་པོའི་བསྟན་བཅོས་མང་དུ་རྩོམས་ཤིག་དང་སེམས་ཅན་ལ་ཕན་པ་ཆེ་བར་འགྱུར་རོ་ཞེས་བསྐུལ་ནས། ཟླ་བ་སྒྲོན་མེའི་འགྲེལ་
པ་དང་། སྡོམ་པ་ཉི་ཤུ་པ་དང་། སྐུ་གསུམ་ལ་འཇུག་པ་ལ་སོགས་པ་མཛད་དོ། །དེའི་ཚེ་སློབ་མ་རྒྱལ་རིགས་ཀྱི་དགེ་སློང་ཞིག་བབས་ནས་སྡིག་པ་སྣ་ཚོགས་སྤྱོད་པ་གཟིགས་པས་དེ་འདུལ་བའི་ཕྱིར་དུ་སློབ་མ་ལ་སྤྲིང་བ་དང་། ཙནྡྲ་པའི་མདོ་དང་། ཡི་གེའི་མདོ་དང་། བྱིངས་
ཀྱི་མདོ་དང་། ཉེར་བསྒྱུར་དང་། ཨུཎ་དང་། སུབ་དང་ཏིང་ལ་སོགས་པ་མཛད་ནས་བཏུལ་ལོ། །དུས་དེར་སློབ་དཔོན་ཟླ་བ་གྲགས་པས་མཛད་པའི་སྒྲའི་བསྟན་བཅོས་ཀུན་དུ་བཟང་པོ་ཞེས་བྱ་བ་ཚིགས་སུ་བཅད་པར་བྱས་པ་ལེགས་པ་ཞིག་ཡོད་པ་དེ་ཉིད་དར་ཆེ་བར་གྱུར་པས།
ཙནྡྲ་གོ་མིས་འཕགས་པ་ལ་བདག་གི་དེ་དར་བར་གསོལ་བ་བཏབ་པས། ཀུན་དུ་བཟང་པོ་དར་འཕྲོ་ཆད་ནས་ཙནྡྲ་པ་དར་བར་གྱུར་ཏོ། །དེའི་ཚེ་སློབ་དཔོན་ཟླ་བ་གྲགས་པ་ཐུགས་ཆད་དེ་བསྟན་བཅོས་ཁྲོན་པ་ལ་འཕངས་པས་ཁྲོན་པ་དེ་ལ་ཙནྡྲ་ཁྲོན་པ་ཞེས་གྲགས་ཤིང་། དེ་ནས་ཆུ་

213-1-87b

འཐུངས་པ་རྣམས་བློ་རྣོ་བར་འགྱུར་རོ་ཞེས་གྲགས་སོ། །དེ་ལ་བརྟེན་ནས་སློབ་དཔོན་དེའི་ཞང་པོ་ཆོས་ཀྱི་འབངས་དང་། རཏྣ་མ་ཏི་དང་། པཎྜི་ཏ་ཟླ་བ་གང་བ་དང་། པཎྜི་ཏ་རཱ་ཛ་ཤྲཱི་ལ་སོགས་པས་མཛད་པའི་འགྲེལ་པ་མང་དུ་བྱུང་ངོ་། །བརྡ་སྤྲོད་པ་དབྱངས་ཅན་གྱི་མདོ་ནི། རྒྱ་གར་ལྷོ་
ཕྱོགས་མ་ཧཱ་རཱཥྚ་ཞེས་བྱ་བའི་ཡུལ་ཁམས་སུ་བྲམ་ཟེའི་གཙང་མའི་རིགས་སུ་འཁྲུངས་པ། ཚངས་པར་སྤྱོད་པའི་བསླབ་པ་ལ་གནས་པའི་དགེ་བསྙེན་རྗེས་སུ་འབྱོར་པ་རང་བཞིན་བཟང་པོ་ཞེས་བྱ་བ། རིག་བྱེད་ཐམས་ཅད་དང་བྱེ་བྲག་ཏུ་བརྡ་སྤྲོད་བའི་གཞུང་ལ་མཁས་པ་ཞིང་བྱུང་ངོ་། །
དུས་གཞན་ཞིག་ཏུ་ཡུལ་དབུས་སུ་ཕྱིན་ཏེ། བྲམ་ཟེའི་པཎྜི་ཏ་སྟོང་ཕྲག་ལྷག་ཙམ་དང་། གཞན་ཡང་རིག་བྱེད་སྨྲ་བའི་མཁས་པ་མང་པོ་ཚོགས་པའི་ཁྲོད་དུ་བརྡ་སྤྲོད་ཀྱི་གཞུང་ལས་བརྩམས་པའི་འབེལ་གཏམ་ཉིན་ཞག་ཏུ་སྦྲེལ་བར་བྱས་པ་ན། སྐྱེས་བུའི་མིང་ལ་རྣམ་དབྱེ་བདུན་པའི་
མང་པོའི་ཚིགས་སུཔ྄་བྱིན་པ་ལ་པུཾ་སུ་ཞེས་འདོན་དགོས་པ། སློབ་དཔོན་གྱིས་པུཾ་ཀྵུ་ཞེས་ཐལ་ཏེ། དེ་ལ་ཚོགས་པ་ཀུན་གྱིས་རྣམ་པར་འཕྱས་སོ། །དེའི་རྐྱེན་གྱིས་སློབ་དཔོན་ཐུགས་མུག་སྟེ་རང་ཉིད་ཤི་བར་བརྩམས་པ་ན། དུས་དེ་ཉིད་དུ་དབྱངས་ཅན་མས་ཞལ་བསྟན་ཏེ་བུ་དེ་ལྟ་བུའི་
ལས་རྩོམ་པར་བྱེད་མི་དགོས་ཀྱི། དེ་དང་མཐུན་པའི་མདོ་ཡོད་པ་ངས་བསྟན་པར་བྱའོ་ཞེས་དབུགས་ཕྱུང་ནས། བརྡ་སྤྲོད་པའི་གཞུང་གཞན་ལས་ཁྱད་པར་དུ་འཕགས་པའི་མདོ་མཚམས་སྦྱོར་ལེའུ་ལྔ་དང་། མིང་ལེའུ་བཅུ་གཉིས་དང་། ཀུན་བཤད་པ་ལེའུ་བཅུ་གསུམ་དང་། ཀྲྀ་ཏ་
ལེའུ་གཅིག་སྟེ་ལེའུ་སུམ་ཅུ་རྩ་གཅིག་པ་འདི་ཉིད་སྐད་ཅིག་གི་ཡུན་དུ་རྫོགས་པར་གསུངས་ནས། སློབ་དཔོན་གྱིས་མདོ་འདི་འགྲེལ་པ་དང་བཅས་པ་མཚན་མོ་དེ་ལ་བྲིས་ཏེ། དེའི་འཕྲལ་ལ་དཔེ་ཤོག་ཀྱང་རྙིང་པ་ལྟར་སོང་ངོ་། །སང་ཉིན་རྒོལ་བ་རྣམས་ཀྱི་གནས་སུ་ཕྱིན་ཏེ་བསྟན་པས་ཐམས་
ཅད་མགུ་བར་གྱུར་པ་དང་། སླར་ཡང་སྔར་གྱི་ལོ་རྒྱུས་དང་བཅས་པ་རྒྱས་པར་བསྟན་པས་ཐམས་ཅད་ཀྱང་ངོ་མཚར་ཆེ་བར་གྱུར་ཅིང་བརྡ་སྤྲོད་པའི་གཞུང་གཞན་ལས་ཁྱད་པར་འཕགས་པར་བཀུར་རོ། །མདོ་དེ་ལ་བརྟེན་ནས་ཕྱི་ནང་གི་པཎྜི་ཏ་རྣམས་ཀྱིས་བྱས་པའི་འགྲེལ་པ་མང་དུ་ཡོད་

213-1-88a

པར་གྲགས་སོ། །དེ་ཙམ་གྱིས་ནི་བདག་ཅག་གི་སྟོན་པ་ཐུབ་པའི་དབང་པོ་སྲས་དང་བཅས་པའི་རྣམ་པར་ཐར་པ་དག་གི་རྗེས་སུ་འཇུག་ཅིང་རྗེས་སུ་སློབ་པར་འདོད་པའི་བློ་ལྡན་རྣམས་ལ་ཕན་པ་དང་བདེ་བ་ཀུན་གྱི་འབྱུང་གནས་དམ་པར་གྱུར་པའི་སངས་རྒྱས་བཅོམ་ལྡན་འདས་
ཀྱི་བསྟན་པ་རིན་པོ་ཆེ་འདི་ཉིད་འཇིག་རྟེན་གྱི་ཁམས་སུ་རིང་པོར་གནས་པའི་ཐབས་ལ་ཤིན་ཏུ་གུས་པ་བགྱིད་དགོས་སོ་ཞས་སྤྲོ་བ་སྐྱེད་པའི་དགོས་པ་དམ་པས་ཉེ་བར་དྲངས་ཏེ། བསྟན་པའི་གཏད་རབས་རྣམས་དང་། ཛམྦུའི་གླིང་འདི་མཛེས་པར་བྱེད་པའི་མཁས་པ་རྒྱན་དྲུག་དང་མཆོག་
ཟུང་ལ་སོགས་པ་ཇི་ལྟར་བྱོན་པ་དང་། བསྟན་པ་ལ་བྱ་བ་ཇི་ལྟར་བྱས་པའི་ཚུལ་ཐོར་བུ་བ་མདོ་ཙམ་དུ་སྨོས་པ་ཡིན་ལ། དེ་ལས་གཞན་པའི་འགྲེལ་བྱེད་ཀྱི་སློབ་དཔོན་ཇི་སྙེད་བྱོན་པ་རྣམས་ཀྱི་རྣམ་པར་ཐར་པ་རེ་རེ་ཞིང་བརྗོད་པ་ལ་ནི་མ་ལུས་པའི་འབྱུང་ཁུངས་བཙལ་བ་ཡང་དཀའ་ཞིང་།
ཕལ་ཆེ་བ་ཞིག་ནི་རིག་པའི་གནས་ཀྱི་གཙུག་ལག་རྣམས་དང་། བྱེ་བྲག་ཏུ་སྡོམ་པ་རིན་པོ་ཆེ་རྣམ་པ་གསུམ་དང་རྗེས་སུ་འབྲེལ་པའི་བཤད་པ་དང་། ལུང་འབོགས་པ་དང་། གདམས་ངག་འདོམས་པ་དང་། རྒྱུད་སྡེ་རིན་པོ་ཆེ་རྣམས་ཀྱི་དབང་ཀ་དང་། བྱིན་གྱིས་བརླབ་པ་དང་། རྗེས་
སུ་{གནང་}བ་དང་། བཤད་ཀ་ལ་སོགས་པ་གཅིག་ནས་གཅིག་ཏུ་བརྒྱུད་ཅིང་ཇི་ལྟར་བྱུང་བའི་ཚུལ་དང་རྣམ་པར་ཐར་པ་རྣམས་ནི་སོ་སོའི་ཆོས་འབྱུང་དང་རྟོགས་པ་བརྗོད་པ་རྣམས་སུ་འབྱུང་ཡང་། འདི་ན་མཐོང་ཐོས་གང་དག་བྱུང་བ་ཙམ་གླེང་བ་ལ་ཡང་ཡི་གེའི་ཁུར་གྱི་ངལ་བའི་རྒྱུས་མ་བྲིས་
ཤིང་། དེ་ལས་གཞན་པའི་དགོངས་འགྲེལ་གྱི་བསྟན་བཅོས་ཐ་དད་པའི་རྩོམ་པ་པོའི་སློབ་དཔོན་རྣམས་དང་སྒྱུར་བ་པོའི་ལོ་ཙཱ་བ་རྣམས་ཀྱི་མཚན་གྱི་ཕྲེང་བ་ཙམ་ཤེས་པར་འདོད་པ་ལ་ནི་འོག་ཏུ་ཆོས་ཚན་རྣམས་ཀྱི་མཚན་བྱང་སྨོས་པའི་སྐབས་སུ་ལེགས་པར་བསྟས་པས་ཤིན་ཏུ་གསལ་བར་
འགྱུར་རོ། །གཞན་དུ་བསྟན་བཅོས་རིན་པོ་ཆེ་འདི་དག་ལ་ད་ལྟའི་སྐབས་སུ་ལུང་རྒྱུན་ཐོར་བུ་བ་བཞུགས་པ་རྣམས་ཀྱི་བརྒྱུད་པའི་མཚན་གྱི་ཕྲེང་བ་རིམ་པར་བསྟར་བ་ཞིག་བྱུང་ན་ཤིན་ཏུ་འཐད་པའི་གནས་སུ་རིགས་ནའང་འདིར་ཡི་གེ་མངས་ཀྱིས་དོགས་པ་ལ་སོགས་པས་སླར་ཡང་གཞན་དུ་

213-1-88b

རྣམ་པར་སྤྲོ་བར་བྱའོ། །དེ་དག་གིས་ནི་འཕགས་པའི་ཡུལ་གྱི་བསྟན་སྐྱོང་ཆེན་པོ་རྣམས་ཀྱིས་བསྟན་པ་ལ་བྱ་བ་བྱས་པའི་ཚུལ་ཇི་ལྟར་རིགས་པ་ངག་གི་ལམ་ནས་རེ་ཞིག་གླེང་ཟིན་ཏོ།།      །།ད་ནི་གངས་ཅན་ཡུལ་གྱི་བསྟན་སྐྱོང་ཆེན་པོ་རྣམས་ཀྱིས་བསྟན་པ་ལ་བྱ་བ་བྱས་པའི་ཚུལ་ལ་བསྟན་པ་སྔ་དར་དང་།
ཕྱི་དར་གཉིས་སོ། །དང་པོ་བསྟན་པ་སྔ་དར་ལ། སྤྱིར་བོད་ཀྱི་རྒྱལ་པོའི་བརྒྱུད་པ་ནི། འཕགས་པའི་ཡུལ་གྱི་ཀོ་ས་ལའི་རྒྱལ་པོ་གསལ་རྒྱལ་གྱི་སྲས་ལྔ་ཚིགས་སུ་བཤད་པ་དང་། རྒྱལ་པོ་གཟུགས་ཅན་སྙིང་པོའི་སྲས་ཆུང་བ་སྟོབས་ཆུང་སྟེ་དེའི་སྲས་ལྔ་ཚིགས་སུ་བཤད་པ་དང་། བཏྶ་ལའི་
རྒྱལ་པོ་འཆར་བྱེད་ཀྱི་སྲས་སུ་བཤད་པ་སྟེ། འདོད་ཚུལ་གྱི་རྣམ་པ་ཐ་དད་པ་མཆིས་ཤིང་། དེ་ལས་ཕྱི་མ་འདིའི་ལུགས་ལ་ནི། །རྒྱལ་པོ་འཆར་བྱེད་ལ་སྲས་མིག་མས་ལྕིབས་ཀྱིས་འགེབས་པ་དང་། སོར་མོ་རྣམས་འདྲ་བས་འབྲེལ་བའི་མཚན་དང་ལྡན་པ་ཞིག་བྱུང་སྟེ། དེ་ཉིད་ལེགས་
པ་མ་ཡིན་པའི་མཚན་མར་བཟུང་ནས། ཟངས་ཀྱི་སྒྲོམ་བུ་ཁ་སྦྱར་གྱི་ནང་དུ་བཅུག་སྟེ་ཆུ་བོ་གངྒཱ་ལ་བསྐུར་བ་མཐར་གྱིས་ཞིང་པ་རྣམས་ཀྱིས་རྙེད་དེ། དེ་ལ་མཐུན་པའི་རྐྱེན་དུ་འགྱུར་བ་དག་གིས་ཚུལ་བཞིན་དུ་བསྐྱེད་དུ་བསྲིང་བར་བྱས་སོ། །ནམ་ཞིག་ཆེར་སོན་པ་ན་སྔར་གྱི་བྱུང་བ་རྣམས་ཐོས་
བས་ཡིད་སྐྱོ་བར་གྱུར་ཏེ་གངས་ལྡན་གྱི་རི་བོའི་དབྲག་ཏུ་བྲོས་ནས་རིམ་གྱིས་ལྷ་རི་ཡོལ་བའི་ཁར་འབྱུང་སྟེ་བཙན་ཐང་སྒོ་བཞིར་ཐོན་པ་ལ། བོན་པོ་རྣམས་ནི་དམུ་ཐག་དང་དམུ་སྐས་བརྟེན་ཏེ་བབས་པའི་ལྷ་ཡིན་ནོ་ཞེས་སྨྲ་ཞིང་། དངོས་ལ་ཁྱོད་སུ་ཞིག་ཅེས་དྲིས་པ་དང་བཙན་པོ་སྨྲས་སོ། །
གང་ནས་བྱོན་དྲིས་པ་དང་ནམ་མཁའ་ལ་མཛུབ་མོ་སྦྲེང་ངོ་། །དེ་ནས་འདི་ནི་ཁོ་བོ་ཅག་རྣམས་ཀྱི་ཇོ་བོ་བྱའོ་ཞེས་ཤིང་གི་ཁྲི་ལ་བཞག་སྟེ་མིའི་གཉའ་བ་ལ་ཁུར་བས་མིང་ཡང་གཉའ་ཁྲི་བཙན་པོ་ཞེས་བྱ་བར་ཐོགས་སོ། །དེ་ནས་བཟུང་སྟེ་གནམ་གྱི་ཁྲི་བདུན་དང་། བར་གི་ལྟེང་གཅིག་དང་།
སའི་ལེགས་དྲུག་དང་། དེ་ནས་ཀྱང་ཕྱི་མའི་སྲས་ལྡེ་གནམ་ཞེས་བྱ་བ་ནས། ཁྲི་རྗེ་ཐོག་བཙན་ཞེས་བྱ་བའི་བར་གི་རྒྱལ་རབས་ཉི་ཤུ་རྩ་དྲུག་ཡན་ཆད་ཀྱི་ཆབ་སྲིད་དག་ནི་བོན་གྱིས་བསྐྱངས་སོ། །དེ་ནས་ལྷ་མོ་དྲི་མ་མེད་པས་ཞུས་པའི་མདོ་ལས། ང་ཡོངས་སུ་མྱ་ངན་ལས་འདས་ནས་ལ་ཉིས་

213-1-89a

སྟོང་ལྔ་བརྒྱ་ན་གདོང་དམར་ཅན་གྱི་ཡུལ་དུ་དམ་པའི་ཆོས་དར་བར་འགྱུར་རོ་ཞེས་ཐམས་ཅད་མཁྱེན་པའི་ལུང་བསྟན་གྱི་རྔ་བོ་ཆེ་བདེན་པའི་མཐའི་རང་སྒྲ་འབུམ་དུ་ལྡིར་བ་གང་ཡིན་པ་དེ་ནི་ནམ་ཡང་འགོག་ཏུ་མེད་པ་ཐམས་ཅད་མཁྱེན་པ་ཉིད་ཀྱི་ཁྱད་པར་གྱི་ཆོས་ཏེ། ཅིའི་ཕྱིར་
ཞེ་ན། བར་སྐབས་དེ་ནས་ལྷ་ཐོ་ཐོ་རི་གཉན་བཙན་ཞེས་བྱ་བ་བསིལ་ལྡན་ཁ་བ་ཅན་གྱི་ལྗོངས་འདིར་ཆོས་དང་ལྡན་པའི་རྒྱལ་པོ་ཐམས་ཅད་ཀྱི་ཐོག་མར་གྱུར་པ་དེ་བོད་ཁམས་ཀྱི་འགྲོ་བ་སྤྱིའི་བསོད་ནམས་ཀྱི་མགྲོན་དུ་ཁུགས་པར་གྱུར་ཏོ། །དེའང་ཇི་ལྟར་ཞེ་ན། རྒྱལ་པོ་དེ་ཡུམ་བུ་གླ་སྒང་གི་རྩེ་ན་
བཞུགས་པའི་དུས་སུ་བསོད་ནམས་ཀྱི་མཐུ་ལས་ནམ་མཁའ་ནས་ཟ་མ་ཏོག་ཅིག་བབས་ཏེ་དེ་ཁ་ཕྱེ་བའི་ནང་ན་ཟ་ཏོག་བཀོད་པ་དང་། པང་ཀོང་ཕྱག་བརྒྱ་པ་དང་། གསེར་གྱི་མཆོད་རྟེན་གཅིག་ལ་སོགས་པ་བྱུང་སྟེ། དེའི་མིང་ལ་གཉེན་པོ་གསང་བ་ཞེས་བྱ་བར་བཏགས་ཏེ་དེ་ལ་མཆོད་པ་
བྱས་པས་རྒྱལ་པོ་ཚེ་ལོ་བརྒྱ་དང་ཉི་ཤུ་ཐུབ་པ་བྱུང་ཞིང་དམ་པའི་ཆོས་ཀྱི་དབུ་བརྙེས་པར་གྱུར་ཏོ། །དེ་ནས་བརྩམས་ཏེ་རྒྱལ་རབས་ལྔའི་ཕྱི་མར་གྱུར་པ་གནམ་རི་སྲོང་བཙན་ལ་སྲས་ལེགས་པའི་མཚན་དང་ལྡན་ཞིང་། དབུའི་གཙུག་ཏུ་སངས་རྒྱས་ཨ་མི་ཏཱ་བྷ་བཞུགས་པ་ཞིག་སྐུ་བལྟམས་
སོ། །དེ་ཅུང་ཟད་ཆེར་སོན་ནས་བཟོ་ལ་སོགས་པའི་སྒྱུ་རྩལ་དང་རིག་པའི་གནས་མཐའ་དག་ལ་མཁས་པར་གྱུར་པས་བློན་པོ་རྣམས་ཀྱིས་འོ་ཅག་རྣམས་ཀྱི་རྗེ་འདི་ཐུགས་ཤིན་ཏུ་སྒམ་མོ་ཞེས་བསྔགས་པ་བརྗོད་པ་བྱུང་བས། མཚན་ཡང་སྲོང་བཙན་སྒམ་པོ་ཞེས་གྲགས་སོ། །
ཆོས་རྒྱལ་ཆེན་པོ་དེའི་སྐུ་རིང་ལ་དམ་པའི་ཆོས་དར་བས་བྱེད་པའི་སྟ་གོན་དུ། ཐོན་མི་ཨ་ནུའི་བུ་འཁོར་དང་བཅས་པ་རྒྱ་གར་དུ་{བརྫངས་}ནས། འཕགས་པའི་ཡུལ་ནས་བྲམ་ཟེའི་རིགས་ཀྱི་སློབ་དཔོན་ལི་བྱིན་དང་ལྷ་རིགས་པའི་སེང་གེ་ལ་སོགས་པ་ལ་གཏུགས་ནས་རྒྱ་གར་གྱི་ཡི་གེའི་
རིགས་དང་བརྡ་སྤྲོད་པའི་གཞུང་ལུགས་རྣམས་ལ་སྦྱངས་པ་མཐར་ཕྱིན་པར་མཛད་ནས་ཤིན་ཏུ་མཁས་པར་གྱུར་ཏེ། ལེགས་པར་སྦྱར་བའི་སྐད་ཀྱི་ཡི་གེ་ལྔ་བཅུ་བོད་ཀྱི་སྐད་ལ་མཁོ་བའི་དབྱངས་ཀྱི་ཡི་གེ་བཞི་དང་གསལ་བྱེད་སུམ་ཅུར་དབྲི་བ་དང་བསྣན་པའི་སྒོ་ནས་ངེས་

213-1-89b

པར་མཛད་དོ། །འཕགས་པའི་ཡུལ་གྱི་བརྡ་སྤྲོད་པའི་གཞུང་ཆེན་པོ་བརྒྱད་དང་གྲངས་མཚུངས་སུ་སྦྱར་ནས་བོད་ཀྱི་སྐད་དང་རྗེས་སུ་མཐུན་པའི་བརྡ་སྤྲོད་པའི་བསྟན་བཅོས་བརྒྱད་བརྩམས་པ་ལ་སོགས་པས་ཁ་བ་ཅན་གྱི་ལྗོངས་འདིར་བཀའ་དྲིན་གྱི་གཏིང་མཐའ་གཞལ་བའི་ཡུལ་ལས་འདས་
པར་གྱུར་ཏེ། ལོ་ཙཱ་བ་དེ་ཉིད་ཀྱི་གསུང་ལས། ང་དྲིན་ཆེན་གྱི་བློན་པོ་ཐོན་མི་ངས། །ལམ་འགྲོད་པར་དཀའ་བའི་རྒྱ་གར་དུ། །ལུས་ཚ་གྲང་ཆེ་ཡང་དཀའ་བ་སྤྱད། །ཁོང་མཁས་པ་བྲམ་ཟེ་ལི་བྱིན་ལ། །ཡིད་གུས་པའི་ཚུལ་གྱིས་མོས་གུས་བྱས། །ནོར་རིན་ཆེན་གསེར་གྱི་ཕྱག་
རྟེན་ཕུལ། །དོན་རྙེད་པར་དཀའ་བའི་ཡིག་འབྲུ་བསྟན། །བློ་ཐེ་ཚོམ་སེལ་བའི་མཛུབ་ཁྲིད་བྱས། །ཚིག་དབྱངས་ཡིག་རྣམས་ལ་མཁས་པར་བསླབས། །རྒྱ་ཡིག་ལྔ་བཅུ་ཐམ་པ་སྟེ། །བོད་ཡིག་གསུམ་ཅུར་གཏན་ལ་ཕབ། །རང་མཁས་པའི་ངེས་ཤེས་བློ་ལ་ཤར། །འཕྲལ་
ཡོན་ཏན་ཐམས་ཅད་ཁོང་དུ་ཆུད། །དུས་ད་ལྟ་དགའ་ལ་ཕྱི་མ་སྐྱིད། །ཡུལ་མཐའ་འཁོབ་བོད་ཀྱི་རྒྱལ་ཁམས་འདིར། །མི་མཁས་པས་སླེབ་པའི་སྔ་མ་ཡིན། །ང་མུན་པ་སེལ་བའི་སྒྲོན་མ་ཡིན། །རྗེ་རྒྱལ་པོ་ཉི་ཟླའི་ཚུལ་དུ་བཞུགས། །གྲོགས་བློན་པོའི་ཁྲོད་ན་ང་ཙམ་མེད། །བོད་
ཁ་བ་ཅན་པའི་མི་རྣམས་ལ། །ང་ཐོན་མི་བཀའ་དྲིན་མི་ཆེ་འམ། །ཞེས་འབྱུང་བ་ལྟར་བཀའ་དྲིན་གྱི་གཏིང་མཐའ་ཐུག་པ་མེད་པར་གྱུར་ཏོ། །དེ་ནས་རྒྱལ་པོས་ཀྱང་བསླབས་ཏེ་ཐོག་མར་མདོ་ཟ་མ་ཏོག་བཀོད་པ་དང་། པང་ཀོང་དང་། མདོ་སྡེ་དཀོན་མཆོག་སྤྲིན་ལ་སོགས་པའི་དམ་པའི་
ཆོས་བསྒྱུར་བ་དང་། བོད་འབངས་རྣམས་ཀྱང་དམ་པའི་ཆོས་ལ་བཀོད་པ་ལ་སོགས་པའི་སྐུ་དྲིན་ཤིན་ཏུ་ཆེ་བ་བྱུང་སྟེ། རྒྱལ་པོ་འདིས་ཐོག་མར་ཡུལ་ཕྱོགས་བཀྲ་ཤིས་པར་བསྒྲུབ་པའི་ཕྱིར་བོད་ཀྱིས་འདི་སྲིན་མོ་གན་རྐྱལ་དུ་ཉལ་བ་ལྟར་ཡོད་པའི་ས་དགྲ་གནོན་པའི་གཉེན་པོར་
མཐའ་འདུལ་དང་། ཡང་འདུལ་དང་། རུ་གནོན་གྱི་གཙུག་ལག་ཁང་རྣམས་བཏབ་སྟེ། ཛམྦུའི་གླིང་གི་རྟེན་གྱི་མཆོག་དམ་པ་ཇོ་ཤཱཀ་རྣམ་པ་གཉིས་ལ་སོགས་པ་སྤྱན་དྲངས་ཏེ་ལྷ་ལྡན་སྤྲུལ་པའི་གཙུག་ལག་ཁང་རྟེན་དང་བརྟེན་པར་བཅས་པ་བཞེངས་པ་དང་། རྒྱ་གར་གྱི་སློབ་དཔོན་ཀུ་ས་

213-1-90a

ར་དང་། བྲམ་ཟེ་ཤངྐ་ར་དང་། བལ་པོའི་སློབ་དཔོན་ཤཱི་ལ་མཉྫུ་དང་། རྒྱ་ནག་གི་སློབ་དཔོན་མ་ཧཱ་ཡཱ་ན་དང་དྷརྨ་ཀོ་ཥ་རྣམས་སྤྱན་དྲངས་ཤིང་ཐོན་མི་སམྦྷོ་ཊས་ལོ་ཙཱ་བ་བྱས་ཏེ་དམ་པའི་ཆོས་མང་དུ་བསྒྱུར་རོ། །དེ་ནས་རྒྱལ་རབས་ལྔ་ནས་འཇམ་དཔལ་
བརྟན་པའི་འཁོར་ལོའི་སྒྱུ་འཕྲུལ་རྣམ་པར་རོལ་པའི་ཆོས་རྒྱལ་ཚངས་པ་ལྷའི་མེ་ཏོག་གིས། ཐམས་ཅད་མཁྱེན་པ་ཞི་བ་འཚོ་དང་། སློབ་དཔོན་པདྨ་སམྦྷ་ཝ་ལ་སོགས་པ་འཕགས་པའི་ཡུལ་གྱི་པཎྜི་ཏ་མང་པོ་སྤྱན་དྲངས་པ་དང་། ཟན་གཡང་མི་འགྱུར་ལྷུན་གྱིས་གྲུབ་པའི་
གཙུག་ལག་ཁང་རྟེན་དང་བརྟེན་པར་བཅས་པ་སྐྱེ་དགུའི་བསོད་ནམས་ཀྱི་ཞིང་བླ་ན་མེད་པ་ཉིད་དུ་བསྐྲུན་པར་མཛད་དོ། །བོད་ཀྱི་རབ་ཏུ་བྱུང་བ་ཐམས་ཅད་ཀྱི་ཐོག་མར་གྱུར་པ་སད་མི་མི་བདུན་ལ་སོགས་པའི་རབ་ཏུ་བྱུང་བའི་སྡེ་ཚུགས་ཤིང་། རྒྱ་གར་གྱི་པཎྜི་ཏ་ཆེན་པོ་བི་མ་ལ་
མི་ཏྲ་དང་། སངས་རྒྱས་གསང་བ་དང་། ཤཱནྟིཾ་གརྦ་དང་། རྣམ་དག་སེང་གེ་ལ་སོགས་པ་དང་། བོད་ཀྱི་ལོ་ཙཱ་བ་འཁོན་ཀླུའི་དབང་པོའི་བསྲུངས་པ་དང་། པ་གོར་བེེ་རོ་ཙ་ན་དང་། ཨཱ་ཙཱརྱ་རིན་ཆེན་པོ་མཆོག་དང་། ཡེ་ཤེས་དབང་པོ་དང་། ཀ་ཅོག་ཞང་གསུམ་ལ་
སོགས་པའི་ལོ་ཙཱ་བ་སྟོང་ཕྲག་ཙམ་ཀྱིས་སྡེ་སྣོད་གསུམ་དང་། གསང་སྔགས་རྒྱུད་སྡེ་བཞི་དང་། དེ་དག་གི་དགོངས་འགྲེལ་དང་བཅས་པའི་ཆོས་མང་པོ་བསྒྱུར་ཅིང་། དེ་དག་ཀྱང་འཆད་པ་དང་། ཉན་པ་དང་། སྒོམ་པ་ལ་སོགས་པས་བསྟན་པ་རིན་པོ་ཆེ་ཕྱོགས་ཐམས་
ཅད་དུ་རྒྱས་པའི་ལས་བསྒྲུབས་སོ། །དེའི་སྲས་སད་ན་ལེགས་མཇིང་ཡོན་གྱི་སྲས་བྱང་ཆུབ་སེམས་དཔའ་ལག་ན་རྡོ་རྗེའི་གཉིས་སུ་མེད་པའི་ཡེ་ཤེས་ཀྱི་རྣམ་པར་རོལ་པ་ཆོས་རྒྱལ་ཆེན་པོ་ཁྲི་རལ་པ་ཅན་གྱི་སྐུ་རིང་ལ། རྒྱ་གར་དང་བལ་པོ་སོགས་པ་ནས་པཎྜི་ཏ་མང་པོ་
སྤྱན་དྲངས་ཏེ་བཤད་པ་དང་སྒྲུབ་པའི་སྲོལ་ཤིན་ཏུ་དར་བར་གྱུར་ཏོ། །ཉི་འོག་གི་མཁན་པོ་ཨཱ་ཙཱརྱ་ཛི་ན་མི་ཏྲ་ལ་སོགས་པའི་ལོ་ཙཱ་བ་མཁས་པ་རྣམས་ལ་གསུང་རབ་ཀྱི་བརྡའི་སྐད་མི་འདྲ་བའི་ཁྱད་པར་མང་དུ་མཆིས་པ་རྣམས་ཤིན་ཏུ་རྟོགས་པར་སླ་བར་ཀུན་གྱིས་བསླབ་ཏུ་རུང་བར་

213-1-90b

གྱིས་ཤིག་ཅེས་བཀའ་སྩལ་ནས་གསུང་རབ་མཐའ་དག་སྐད་གསར་བཅད་ཀྱིས་གཏན་ལ་ཕབ་པ་དང་། འོན་ཅང་གི་རྡོའི་རྒྱ་ཕིབས་དགུ་ཐོག་བཞེངས་པ་དང་། རབ་ཏུ་བྱུང་བ་རེ་རེ་ལའང་འབངས་སུ་མི་ཁྱིམ་བདུན་རེ་འབུལ་པ་ལ་སོགས་པས་བསྟན་པ་ལ་སྨན་པའི་ཕྲིན་ལས་བསམ་
པའི་ཡུལ་ལས་བརྒལ་བར་མཛད་དོ། །མདོར་ན་དེ་དག་གི་སྐབས་སུ་བོད་ཀྱི་ཡུལ་འཛིན་མའི་ཁྱོན་འདིར་ཞབས་ཀྱིས་བཅགས་ཤིང་བསྟན་པ་རྒྱས་པའི་རྩ་ལག་ཏུ་གྱུར་པའི་པཎྜི་ཏ་དང་། སྐད་གཉིས་སྨྲ་བའི་དབང་པོ་སྤྲུལ་པའི་ལོ་ཙཱ་བ་གང་དག་བྱོན་པ་ཕལ་ཆེ་བ་རྣམས་ཀྱི་མཚན་གྱི་ཕྲེང་བ་
རྟོགས་པར་སླ་བའི་ཕྱིར། ཚིགས་སུ་བཅད་པར་བསྡེབས་ན་འདི་ལྟ་སྟེ། བོད་དུ་རྒྱལ་བའི་བསྟན་པ་སྔ་དར་དུས། །རྒྱ་བལ་ཁ་ཆེ་ནས་བྱོན་པཎྜི་ཏ། །ཀུ་ས་ར་དང་བྲམ་ཟེ་ཤངྐ་ར། མཉྫུ་ཤྲཱི་དང་མཁན་ཆེན་ཞི་བ་འཚོ། །པདྨ་འབྱུང་གནས་སྔགས་འཆང་ཆོས་ཀྱི་གྲགས། །
དྲི་མེད་བཤེས་གཉེན་དང་ནི་སངས་རྒྱས་གསང་། །ཤཱནྟིཾ་གརྦ་རྣམ་དག་སེང་གེ་དང་། །པདྨའི་ངང་ཚུལ་བྲམ་ཟེ་ཨཱ་ནནྡ། །ཀལྤ་མི་ཏྲ་ཛི་ན་མི་ཏྲ་དག །ལྷ་དབང་བྱང་ཆུབ་ཤཱི་ལེནྡྲ་ [བལ་པོ།] བོ་དྷིཿ། །དཱ་ན་ཤཱི་ལ་བོ་དྷི་མི་ཏྲ་དང་། །མུ་ནི་ཝརྨ་སརྦ་ཛྙཱ་དེ་ཝ། །རིག་བྱེད་
འོད་ཟེར་ཞེས་བྱ་ལ་སོགས་དང་། །རྒྱ་ནག་སློབ་དཔོན་ [བསམ་ཡས་རབ་གནས་མཁན།] མ་ཧཱ་དེ་ཝ་ཚེ། །མ་ཧཱ་ཡཱ་ན་ཞེས་བྱ་ལ་སོགས་བྱོན། །དེ་དེའི་སྐབས་སུ་སྐད་ [སུ་རེནྡྲ་བོ་དྷིཿ།] གཉིས་སྨྲ་བའི་དབང་། །ཀུན་གྱི་སྔོན་མ་ཐོན་མི་སམྦྷོ་ཊ། །དྷརྨ་ཀོཥྛ་དང་ནི་རྡོ་རྗེ་དཔལ། ། [བིདྱཱ་ཀ་ར་པྲ་བྷཱ།]
མཱུ་ལ་ཀོ་ཥ་ཡེ་ཤེས་གཞོན་ནུ་དང་། །ངན་ལམ་རྒྱལ་བ་མཆོག་དབྱངས་ཡེ་ཤེས་དབང་། །སཾ་ཤི་ཏ་དང་སྦྲང་རྒྱར་ལེགས་གཟིགས་མཚན། །སེང་གོང་ལྷ་ལུང་གཟིགས་དང་གསལ་སྣང་དང་། །རྡོ་རྗེ་བདུད་འཇོམས་ཛྙཱ་ན་སིདྡྷིའི་མཚན། །ཤཱཀྱ་པྲ་བྷཱ་ཛ་ཡ་རཀྵི་ཏ། །དཔལ་གྱི་ 
[བྲན་ཀ །] སེང་གེ་མཉྫུ་ [གཉགས།] ཤྲཱི་དབའ། །ལྷ་ [རྩངས་] དབང་བསྲུངས་དང་བྲན་ [རྦ།] ཀ་མུ་ཏི་ཀ །[འབའ་ཁྲི་བཞེར།] [པ་གོར།] རྣམ་པར་སྣང་མཛད་བསྲུངས་དང་ [འཁོན།] ཀླུ་དབང་བསྲུངས། [རྦ།] རིན་{[རྨ་]}ཆེན་མཆོག་དང་ [སྣ་ནམ།] རིན་ཆེན་ [རྩངས།] ལེགས་ [ལྕེ།] པར་གྲུབ། །[མཆིམས།] [བྲང་ཏི།] དྷརྨཱ་ལོ་ [ཤུང་བུ།] ཀ་

213-1-91a

དྲན་པ་ནམ་མཁའ་དང་། །རྣམ་པར་མི་རྟོག་ཤཱཀྱ་འོད་དང་ལྩེ། །ཁྱི་འབྲུག་དང་ནི་ཁམས་པ་གོ་ཆ་ཛྙཱ། །དེ་ཝ་ཀོ་ཥ་རྒྱལ་ཉེན་ཉ་བཟང་དང་། །འགོས་ལོ་ཆོས་འགྲུབ་སྟོང་གི་ཨཱ་ཙཱརྱ། །དྷརྨ་ཤཱི་ལ་ཀླུ་ཡི་རྒྱལ་མཚན་དང་། །དཔལ་བརྩེགས་
བསྲུངས་དང་རཏྣ་རཀྴི་ཏ། །ཡེ་ཤེས་སྡེ་དང་ཛ་ཡ་རཀྵི་ཏ། །འཇམ་དཔལ་གོ་ཆ་རཏྣེནྡྲ་ཤཱི་ལ། །བཟང་སྐྱོང་ལྷ་ཡི་ཟ་ [ཉང་།] བ་དཔལ་གྱི་ལྷུན། [ཞང་།] །དཔལ་གྱི་འབྱོར་བ་ཡེ་ཤེས་སྙིང་པོ་ཅན། །རྒྱལ་བ་ཤེས་རབ་ཤཱཀྱ་ [ཅོག་རོ།] བཤེས་གཉེན་དང་། །དགེ་བ་
དཔལ་དང་ལེགས་སྡེ་ནམ་མཁའི་སྙིང་། །ཡིག་མཁན་དགོན་གླིང་རྨ་དང་གཞོན་ནུ་བསྲུངས། །ནམ་མཁའ་སྐྱོང་སྟེ་སྐད་གཉིས་སྨྲ་རྣམས་ཀྱིས། །དམ་པའི་ཆོས་མང་བོད་ཀྱི་སྐད་དུ་བསྒྱུར། །ཞེས་སོ། །སྐབས་དེར་བོད་ཡུལ་འདིར་སྔོན་དུས་རྒྱ་གར་གྱི་ཡུལ་ལ་འགྲན་
ནུས་པའི་བསྟན་པ་ [གནུབས།] དར་བ་ལ། སྔོན་གྱི་སྨོན་ལམ་ལོག་པའི་ཕོ་ཉས་བོས་པའི་གླང་དར་མ་འུ་དུམ་བཙན་དང་། སྡིག་ཅན་གྱི་བློན་པོ་དབང་བཙན་པ་རྣམས་ཀྱི་སྙིང་ལ་ཡིད་ཀྱི་སྲུབ་ཤིང་བརྒྱད་ཁྲི་བཞི་སྟོང་གི་ཚང་སྟན་བཅས་པའི་དབང་གིས་མ་བཟོད་པར། ཆོས་
རྒྱལ་ཆེན་པོ་བཀྲོངས་ནས་རྒྱལ་སྲིད་ཀྱི་ཁྲི་བཟུང་། དགེ་འདུན་གྱི་འདུལ་བའི་ཁྲིམས་ཐམས་ཅད་ལོ་ཐོག་ལ་སེར་བ་ཕོག་པ་ལྟར་བཅོམ་ནས། སྔོན་ཆད་དར་རོ་ཅོག་གི་བསྟན་པ་ཐམས་ཅད་མིང་གི་ལྷག་མ་ཙམ་དུ་བྱས་ཏེ་བསྣུབས་སོ། །དེའི་ཚེ་ཕྱོགས་བཅུའི་རྒྱལ་བ་
རྣམས་ཀྱི་མཐུ་སྟོབས་དང་བྱིན་རླབས་མ་ལུས་པ་གཅིག་ཏུ་བསྡུས་པའི་བདག་ཉིད་གསང་བའི་བདག་པོ་མིའི་སྲིད་པའི་བརྫུ་ལ་ཞུགས་པའི་ལྷ་ལུང་དཔལ་གྱི་རྡོ་རྗེས་སྡིག་ཅན་གྱི་རྒྱལ་པོ་ལ་ལྕགས་མདས་བསྣུན་ཏེ་གཤིན་རྗེའི་དེད་དཔོན་ཆེན་པོའི་ཁར་བསྟབ་བོ། །དེ་ནས་འདུལ་བ་
འོད་ལྡན་ལ་སོགས་པའི་ཆོས་ཀྱི་གླེགས་བམ་འགའ་ཞིག་བསྣམས་ནས་ཁམས་ཀྱི་ཕྱོགས་སུ་བྱོན་ནོ། །གཉིས་པ་བསྟན་པ་ཕྱི་དར་ནི། དེ་ལྟར་རྒྱལ་པོ་གླང་དར་མ་འཇིག་རྟེན་ཕ་རོལ་ཏུ་འཕོས་པའི་རྗེས་སུ་ཡང་བསྟན་པ་རྨས་ཚབ་ཤིན་ཏུ་ཆེ་བའི་རྐྱེན་གྱིས་དུས་རིང་པོའི་བར་དུ་

213-1-91b

བོད་ཡུལ་གྱི་འགྲོ་བ་མཐའ་དག་མུན་པའི་གླིང་དུ་གྱི་ནར་འཁྱམས་དགོས་པ་བྱུང་ངོ་། །དེའི་ཚེ་མདོ་སྨད་ཀྱི་ཕྱོགས་ནས་གཙང་རབ་གསལ་དང་། གཡོ་དགེ་འབྱུང་དང་། སྨར་ཤཱཀྱ་མུ་ནི་སྟེ་གསུམ་དང་། བླ་ཆེན་དགེ་བ་རབ་གསལ་ལམ་དགོངས་པ་རབ་གསལ་ཏེ་བཞི་དང་། སྟོད་
ནས་པཱ་ལའི་མཐའ་ཅན་རྣམ་པ་གསུམ་ནས་རིམ་པར་བརྒྱུད་དེ། འདུལ་བའི་བསྟན་པ་རིན་པོ་ཆེའི་སྒྲོན་མེ་སླར་ཡང་སྦོར་བར་མཛད་དོ། །དེའི་རྗེས་སུ་སྟོད་ནས་མངའ་བདག་ལྷ་བླ་མ་ཡེ་ཤེས་འོད་ཁུ་དབོན་གྱིས་སངས་རྒྱས་བཅོམ་ལྡན་འདས་ཀྱི་བསྟན་པ་རིན་པོ་ཆེ་སྙིང་གི་ནོར་དུ་
བཅང་བའི་ཐུགས་བསྐྱེད་ཀྱི་ཤིང་རྟ་རྣམ་པར་ཡངས་བའི་འཕྲུལ་ལ་བརྟེན་ནས། ཡང་དག་བསྟན་པའི་ཉིན་མོར་བྱེད་པ་ལྗོངས་འདིར་འདྲེན་པར་བྱེད་པའི་བློ་གྲོས་ཀྱི་སྐྲ་རེངས་རྣམ་པར་གསལ་བའི་རིན་ཆེན་བཟང་པོ་ལ་སོགས་པའི་གཞོན་ནུ་ཉི་ཤུ་གཅིག་རྒྱ་གར་གྱི་ཡུལ་དུ་བརྫངས་སོ། །
དེའི་ནང་ནས་སྤྲུལ་པའི་ལོ་ཆེན་རིན་ཆེན་བཟང་པོ་དང་། ལོ་ཆུང་ལེགས་པའི་ཤེས་རབ་གཉིས་ཀྱིས་བོད་དུ་བྱོན་ནས་མཁས་པའི་བྱ་བ་ཡང་དག་པར་བྱས་ཤིང་། ཁྱད་པར་ལོ་ཆེན་བཟང་པོ་ནི་སྔགས་དང་མཚན་ཉིད་གཉིས་ཀ་ལ་སྦྱངས་པ་ཆེན་པོའི་མཐར་ཕྱིན་ཏེ་བསྟན་པའི་
སྒྲོན་མེ་ཆེན་པོར་གྱུར་ཅིང་། ཤྲདྡྷཱ་ཀ་ར་ཝརྨྨ་ལ་སོགས་པའི་པཎྜི་ཏ་ཡོངས་སུ་གྲགས་པ་མང་པོ་བོད་དུ་སྤྱན་དྲངས་ཏེ། ཟབ་པ་དང་རྒྱ་ཆེ་བའི་ཆོས་ཀྱི་རྣམ་གྲངས་དཔག་ཏུ་མེད་པ་བསྒྱུར་བ་དང་། ཉན་པ་དང་བཤད་པ་དང་སྒོམ་པའི་སྲོལ་བཟང་ཡང་དག་པས་བསྟན་པའི་གཞི་ཆེན་པོ་
བཙུགས་སོ། །དེའི་རྗེས་སུ་འཕགས་པའི་ཡུལ་གྱི་བྷྲྀ་ཀ་མ་ལ་ཤཱི་ལཱའི་གཙུག་ལག་ཁང་གི་པཎྜི་ཏ་ཐམས་ཅད་ཀྱི་གཙུག་གི་ནོར་བུ་ལྟར་གྱུར་པ་ཇོ་བོ་དཱི་པཾ་ཀ་ར་ཤྲཱི་ཛྙཱ་ན་ཞེས་པ། བསྐལ་པ་དུ་མ་ནས་དེ་་བཞིན་གཤེགས་པ་ཀུན་གྱི་འབྱུང་གནས་སུ་གྱུར་པའི་བྱང་ཆུབ་ཀྱི་སེམས་
རིན་པོ་ཆེ་ལ་ལེགས་པར་གོམས་པའི་རྒྱལ་པའི་མྱུ་གུ་ཆེན་པོ་དེ་ལ་སོགས་པ་རང་དང་གཞན་གྱི་གྲུབ་པའི་མཐའ་རྒྱ་མཚོ་ལྟ་བུའི་ཕ་རོལ་ཏུ་ཕྱིན་པའི་མ་ཧཱ་པཎྜི་ཏ་དཔག་ཏུ་མེད་པ་སྤྱན་དྲངས་ནས་ཟབ་པ་དང་རྒྱ་ཆེ་བའི་ཆོས་ཀྱི་འཁོར་ལོ་རྒྱ་ཆེན་པོ་བསྐོར་བས་བསྟན་པ་རིན་པོ་ཆེ་མི་ནུབ་པའི་

213-1-92a

རྒྱལ་མཚན་དུ་བསླང་ངོ་། །དེ་བཞིན་དུ་སྤྲུལ་བའི་ལོ་ཙཱ་བ་ཆེན་པོ་ལྷ་བླ་མ་ཡེ་ཤེས་འོད་ལ་སོགས་པའི་སྐད་གཉིས་སྨྲ་བའི་དབང་པོ་མང་དུ་བྱོན་པ་རྣམས་ཀྱིས་དཀའ་བ་དུ་མ་སྤྱད་པས་བཀའ་དང་བསྟན་བཅོས་དཔག་ཏུ་མེད་པ་བསྒྱུར་ཅིང་གཏན་ལ་ཕབ་སྟེ། ཆོས་
ཀྱི་སྣང་བ་དཀར་པོས་འཇིག་རྟེན་གྱི་ཁམས་ཐམས་ཅད་བསལ་བར་བྱས་སོ། །དེ་དག་གི་སྐབས་སུ་པཎྜི་ཏ་དང་ལོ་ཙཱ་བ་བྱོན་པའི་མཚན་གྱི་ཕྲེང་བ་ཚིགས་སུ་བཅད་པར་བསྡེབས་པ་ནི། བསྟན་པ་ཕྱི་དར་དུས་ཀྱི་པཎྜི་ཏ། །བུདྡྷ་པཱ་ལ་དྷརྨ་པཱ་ལ་དང་། །པྲཛྙཱ་པཱ་ལ་དང་ནི་ལེགས་
པར་བཤད། །ཤྲདྡྷཱ་ཀ་ར་ཝརྨ་པདྨ་སྦས། །མུཀྟི་མི་ཏྲ་སངས་རྒྱས་དཔལ་ཞི་བ། །ཤེས་རབ་གོ་ཆ་དཔལ་ལྡན་ཨ་ཏི་ཤ །དཱ་ན་ཤྲཱི་དང་དྲན་པ་ཡེ་ཤེས་གྲགས། །ཕྲ་ལ་རིང་བ་སུ་ནྱ་ཡ་ཤྲཱི་དང་། །ཛྙཱན་ཤྲཱི་དང་ཙནྡྲ་རཱ་ཧུ་ལ། །དྷི་ར་པཱ་ལ་ཨ་ཏུ་ལྱ་ད་ཤ །བློ་བཟང་གྲགས་པ་ཨ་
མ་ར་ཙནྡྲ། །ཐིག་ལེ་བུམ་པ་གཞོན་ནུ་བུམ་པ་དང་། །གསེར་གྱི་གོ་ཆ་དམ་པ་རྒྱ་གར་བ། །ཛ་ཡཱ་ནནྡ་ག་ཡ་དྷ་རའི་ [ཇོ་བོ་རྗེ།] ཞབས། [དེའི་དབོན་པོ།] དོན་ཡོད་རྡོ་རྗེ་ཁ་ཆེ་ཟླ་བ་མགོན། །སྟོང་ཉིད་ཏིང་ངེ་འཛིན་རྡོ་རྗེ་ [ཁ་ཆེ།] ཡེ་རྡོར་བ། །ཤེས་ [འབུམ་ཕྲག་གསུམ་པ།] རབ་གསང་བ་མ་ཧཱ་ཛ་ན་དང་། །
སྟོབས་ཀྱི་ཟླ་བ་མནྟྲ་ཀ་ལཀྵུ། །ཀརྨ་བཛྲ་དང་ནི་ཛ་མཱ་རི། །དཔའ་བོ་རྡོ་རྗེ་སྒྲ་གཅན་འཛིན་སྦས་པ། །རྣམ་སྣང་རྡོ་རྗེ་མཉྫུ་གྷོ་ཥ་དང་། །སཱུཪྻ་ཀཱིརྟྟི་པྲཛྙཱ་ཤྲཱི་ཛྙཱ་ན། །གཾ་གཱ་དྷ་ར་དང་ནི་ནོར་སྦས་དང་། །ཀུན་བཟང་དཔལ་དང་ནིཥྐ་ལངྐ་ལྷ། །འགྲོ་བ་ཤེས་དགའ་དང་བུདྡྷ་ཤྲཱི་ཛྙཱ་ན། །
ཤཱཀྱ་ཤྲཱི་བཟང་རབ་འབྱོར་ཟླ་བ་དང་། །སུ་ག་ཏ་ཤྲཱི་དཱ་ན་ཤཱི་ལ་དང་། །ཛ་ཡ་དཏྟ་དང་ནི་སཾ་གྷ་ཤྲཱི། །བློ་བཟང་སྙིང་པོ་ཀཱ་ལ་ཙནྡྲ་དང་། །ཛི་ན་གུཔྟ་མ་ཧཱ་བོ་དྷི་པ། །ཛ་བྷ་མ་ཤྲཱི་འཇིག་རྟེན་གསུམ་ཀུན་དགའ། །ལོངས་སྤྱོད་རྡོ་རྗེ་དང་ནི་རཏྣ་ཤྲཱི། །མ་ཧཱ་པ་ན་བཛྲ་ཀཱིརྟི་དང་། །ཀ་
ཡ་ཤྲཱི་དང་བལ་པོ་གྲགས་པ་དཔལ། །ཀུ་མཱ་ར་དང་ཐམས་ཅད་མཁྱེན་པའི་དཔལ། །སཱ་དྷུ་ཀཱིརྟི་བི་ན་ཡ་ཤྲཱི་དང་། །ཤཱི་ལ་ཤྲཱི་དང་མངྒ་ལ་ཤྲཱི་དང་། །བི་མ་ལ་ཤྲཱི་དཱར་པན་ཨཱ་ཙཱརྱ། །རྒྱལ་བའི་ལྷ་དང་ལཀྵྨཱི་ཀ་ར། །ཨཱ་ནནྡ་ཤྲཱི་རཱ་ཧུ་ལ་ཤྲཱི་དང་། [བལ་པོ།] ཟངས་གླིང་པ་དང་ཀཱིརྟི་

213-1-92b

པཎྜི་ཏ། །ཤ་རི་པུ་ཏྲ་ནགས་ཀྱི་རིན་ཆེན་དང་། །བུདྡྷ་གུཔྟ་ཞེས་བྱ་ལ་སོགས་སོ། །དུས་དེར་སྔ་ཕྱིར་བྱོན་པའི་ལོ་ཙཱ་བ། །ཆེན་པོ་ལྷ་ཡི་བླ་མ་ཡེ་ཤེས་འོད། །རིན་ཆེན་བཟང་པོ་གྲགས་འབྱོར་ཤེས་རབ་དང་། །སེང་དཀར་ཤཱཀྱ་འོད་དང་ཞི་བ་འོད། །ལེགས་པའི་ཤེས་རབ་
བརྩོན་འགྲུས་སེངྒེ་དང་། །ཚུལ་ཁྲིམས་རྒྱལ་བ་ཁུ་ཡི་དངོས་གྲུབ་དང་། །རྒྱལ་བའི་འབྱུང་གནས་ཤཱཀྱ་བློ་གྲོས་མཚན། །ཆོས་ཀྱི་ཤེས་རབ་དད་པ་ཤེས་རབ་དང་། །དགེ་བའི་བློ་གྲོས་ཚུལ་ཁྲིམས་འབྱུང་གནས་ [འགྲོ་] མཚན། ཆོས་ [ལྷ] ཀྱི་བརྩོན་ [རྔོག །] འགྲུས་སྟག་ལོ་
[རྒྱ།] གཞོན་བརྩོན་པ། མགར་ [ནག་ཚོ།] པ་ཆོས་བཟང་ཤེའུ་རྡོ་རྗེའི་ལྷ། །རབ་ [འབྲོམ།] ཞི་བཤེས་གཉེན་བློ་ལྡན་ཤེས་རབ་ཅན། ལེགས་ [མར་ཐུང་།] པའི་ཤེས་རབ་འཕགས་ [རྨ།] པ་ཤེས་རབ་ [གནོད།] དང་། །ཤཱཀྱ་ཡེ་ཤེས་དགའ་ [ཁྱུང་པོ།] བའི་རྡོ་རྗེ་གཟུ། །གྱི་ལྗང་དབུ་
དཀར་ཆོས་ཀྱི་ཡོན་ཏན་དང་། །ཆོས་ཀྱི་རིན་ཆེན་ཆོས་ཀྱི་བློ་གྲོས་མཚན། །གཉན་ལོ་དར་མ་གྲགས་ [རྔོག །] དང་འགོས་ལྷས་བཙས། [པུ་ཧྲང་།] གྱི་ཇོ་ཟླ་བའི་འོད་ཟེར་ཤེས་རབ་ [ཟངས་དཀར།] བརྩེགས། །བློ་གྲོས་གྲགས་དང་ [འབྲོག་མི།] བསོད་ནམས་རྒྱལ་མཚན་པ། །རོང་པ་ཆོས་བཟང་
རྡོ་རྗེ་དབང་ཕྱུག་དང་། །བྱང་ཆུབ་ཤེས་རབ་རྩ་ [མར་པ་ལྷོ་བྲག།] མི་སངས་རྒྱས་གྲགས། །ཁེའུ་གད་འཁོར་ལོ་གྲགས་དང་གསལ་བ་གྲགས། [ཀློག་སྐྱ།] དིང་རི་ཆོས་གྲགས་རྒྱུས་ཀྱི་སྨོན་ལམ་ [མལ་གྱོ།] གྲགས། །པ་ཚབ་ཉི་ [སེ་ཙ།] གྲགས་པ་རི་རིན་ཆེན་གྲགས། །ཤེས་
རབ་ [ཡོལ་ལྕགས།] གྲགས་དང་རྭ་ [མང་འོར།] ཆེན་རྡོ་རྗེ་གྲགས། །ཀྲེ་བོ་ཤེས་དཔལ་བཀྲ་ཤིས་རྒྱལ་མཚན་པ། །བ་རེག་ཐོས་ [སྤང་ཞོ།] དགའ་རྨ་བན་ཆོས་འབར་དང་། །མཚུར་སྟོན་དབྱིག་གི་རྒྱལ་མཚན་མཚུར་དབང་ངེ་། །ཀུན་དགའ་རྡོ་རྗེ་དང་ནི་ཀུན་དགའ་གྲགས། ། [འཐོ།] མར་
དོ་ཆོས་དབང་ཆོས་ཀྱི་སྙིང་པོ་དང་། [ཀམ།] །ཆོས་ཀྱི་ཡེ་ཤེས་ [ཕྱུགས་མཚམས།] དབང་ཕྱུག་རྒྱ་མཚོ་དང་། །ཚུལ་ཁྲིམས་ཡོན་ཏན་ཁེའུ་གད་ཡོན་ཏན་དཔལ། །བསོད་ནམས་བཟང་པོ་སུམ་པ་དཔལ་མཆོག་གི། །རྡོ་རྗེ་དང་ནི་ཉི་མ་རྡོ་རྗེ་དང་། [ཁུ།] །དགེ་བསྙེན་ [དཔྱལ་པ།] ནེ་ཚོ་གློག་སྐྱ་ [དཔྱལ།] གཞོན་ནུ་འབར། །

213-1-93a

ལྷ་སྟོན་ཡེ་ཤེས་རྒྱལ་མཚན་བྱང་ཆུབ་འབྱུང་། །ཆོས་ཀྱི་བློ་གྲོས་ཏིང་ངེ་འཛིན་བཟང་པོ། །ཤེས་རབ་ཡེ་ཤེས་རིག་པ་གཞོན་ནུ་དང་། །གཞོན་ཚུལ་དང་ནི་ཁུ་ཡི་མདོ་སྡེ་འབར། །ཤེས་རབ་བརྩོན་འགྲུས་དང་ནི་གཡུང་དྲུང་འོད། །བསོད་ནམས་
རྒྱལ་བ་ཤེས་རབ་བླ་མ་དང་། །མྱ་ངན་མེད་དཔལ་ལ་ཆིངས་ཡོན་ཏན་ [གླན།] འབར། [ཅོག་གྲུ།] བསོད་ནམས་མོས་པ་དགེ་ཚུལ་ཁྱུང་གྲགས་པ། །ཚུལ་ཁྲིམས་བརྩེགས་པ་དང་ནི་ལྷ་བཙུན་པ། །ལྷ་བཙན་མུ་ནི་རཱ་ཛ་སངས་རྒྱས་བསྐྱངས། །རྒྱལ་གྱི་ལོ་ཙཱ་རྡོ་རྗེ་རྒྱལ་པོ་
དང་། [ཅོག་གྲུ།] །དེ་ཝ་རིན་ཆེན་ཆོས་ཀྱི་ [ཅོག་གྲུ།] རིན་ཆེན་དང་། །ཚུལ་ཁྲིམས་ [ཀྱུ་ར།] འོད་ཟེར་དགེ་སློང་བྱ་ཡི་གདོང་། །ད་བྱིད་ལོ་ཙཱ་དང་ནི་ཕུར་བུ་འོད། །ཚུལ་རྒྱལ་ཤེས་རབ་ལེགས་དང་དྷརྨ་གྲགས། །མར་པ་བློ་གྲོས་བཟང་པོ་སེ་ལོ་ [རྔོག །] ཙཱ། །ཟླ་བ་གྲགས་པ། [སྦལ།] གཉལ་
མི་ཡེ་ཤེས་ཆོས། །ཆོས་ [ལྷ།] ཀྱི་ཟླ་བ་དགེ་སློང་ཤེས་རབ་བསྐྱངས། [ཀྱུ་ར།] །ནག་ཚོ་ཤེར་རྒྱན་འ་ཞ་རྒྱ་གར་བརྩེགས། །གཉན་སྟོན་བསོད་ནམས་ [པ་ཚབ།] བ་རི་ཆོས་གྲགས་དང་། [ནག་ཚོ།] ཨོང་པོ་ལོ་ཙཱ་གཞོན་ནུ་ཤེས་རབ་དང་། །འགར་བ་ཤེས་འབྱུང་འཇམ་དཔལ་གཞོན་ནུ་དང་། །
ཤེས་རབ་འོད་ཟེར་དང་ནི་དགའ་བ་དཔལ། །ཡེ་ཤེས་འབྱུང་གནས་ཤཱཀྱ་བཙོན་འགྲུས་པ། །རྭ་པ་ཆོས་རབ་རྡོ་རྗེ་རྒྱལ་མཚན་དང་། །ཞ་མ་དགེ་བསྙེན་སེང་རྒྱལ་ལྩེ་བཀྲ་ཤིས། །ཆག་ལོ་དགྲ་བཅོམ་དཔྱལ་པ་ཆོས་ཀྱི་བཟང་། །བྱམས་པའི་དཔལ་དང་ས་སྐྱ་པཎྜི་ཏ། །ཆོས་
རྗེ་དཔལ་དང་ཤེས་རབ་འོད་ [ལྕེ།] དང་ཞང་། །གྲུབ་པ་དཔལ་དང་ཤེས་རབ་རིན་པོ་ཆེ། །འུ་རུ་དར་མ་སེང་གེ་མི་ [ལོ་བཙུན་ཆུང་།] མཉམ་བཟང་། །ཤོང་སྟོན་རྡོ་རྗེ་རྒྱལ་མཚན་བློ་གྲོས་བརྟན། །ཨོོ་ཌྱཱན་པ་རིན་ཆེན་དཔལ་དང་ཁམས། [གནུབས།] །བློ་གྲོས་རྒྱལ་པོ་ལྡན་མ་ཚུལ་ [ཆག་ལོ།] 
སེང་དང་། །ར་ [དཔྱལ་པ།] ས་གཞོན་བརྩོན་ཤུ་ཀེ་གྲགས་རྒྱལ་མཚན། [གློ་བོ།] །ཉི་མ་ [ཐར་ལོ།] རྒྱལ་མཚན་དབང་ [ལྷོ་བྲག།] ལོ་བློ་གྲོས་བརྟན། །སྒྲ་ཚད་སྨྲ་བ་རིན་རྒྱལ་བློ་ [དབུས་པ།] གསལ་དང་། །ལེགས་ [ཤོང་།] པའི་བློ་གྲོས་ཡར་ལུང་གྲགས་རྒྱལ་མཚན། [བུ་སྟོན།] །རིན་ཆེན་གྲུབ་དང་རིན་ཆེན་རྣམ་རྒྱལ་བ། །བློ་གྲོས་ [ཇོ་ནང་།] 

213-1-93b

དཔལ་དང་ཀུན་སྤངས་གྲགས་པའི་མཚན། །བྱང་ཆུབ་རྩེ་མོ་བོ་དོང་གྲགས་རྒྱལ་མཚན། །སྣར་ཐང་སཾ་གྷ་ཤྲཱི་དང་སྐྱབས་མཆོག་དཔལ། །ཤེས་རབ་རིན་ཆེན་འགོས་ལོ་གཞོན་ནུ་དཔལ། །རིན་ཆེན་ཆོས་རྒྱལ་བསོད་ནམས་རྒྱ་མཚོ་དང་། །ཆོས་སྐྱོང་བཟང་པོ་ཏཱ་ར་ནཱ་ཐ་དང་། །
ངག་དབང་ཕུན་ཚོགས་ལ་སོགས་སྐད་གཉིས་སྨྲ། [ལོ་ཆེན།] མང་པོས་བཀའ་དང་བསྟན་བཅོས་འདི་སྙེད་ཅིག །བསྒྱུར་དང་བཤད་པས་གཏན་ལ་ཕབ་པར་མཛད། [ཆོས་འཁོར་སྒང་།] །ཅེས་སོ། །དེ་ལྟར་ [ཆག་ལོ།] འཕགས་པའི་ཡུལ་གྱི་པཎྜི་ཏ་ཆེན་པོ་དང་། [ཞ་ལུ།] སྤྲུལ་པའི་ལོ་ཙཱ་བ་ཆེན་
པོ་ཇི་སྙེད་བྱོན་པ་རྣམས་ལས་ཉེ་བར་བརྒྱུད་པའི་བཀའ་སྲོལ་དྲི་མ་མེད་པ་རྣམས་ལེགས་པར་བཟུང་ནས། ངོ་མཚར་མཁས་པ་ལ་འོས་པའི་ཕྲིན་ལས་རྣམ་པ་གསུམ་གྱིས་ཛམྦུའི་གླིང་གི་བྱང་ཕྱོགས་ཀྱི་འཛིན་མའི་དཀྱིལ་འཁོར་ཆེན་པོ་ལུས་པ་མེད་པར་སྣང་བར་བྱེད་པའི་བོད་ཡུལ་བསྟན་
པའི་སྒྲོན་མེ་ཆེན་པོ་རྣམས་ཀྱི་ལུགས་སྲོལ་བཀའ་རྫོགས་ལ་སོགས་པ་ཇི་ལྟར་བྱུང་བ་ལ། བཀའ་གདམས་པ་ནི། ལྷ་ཆོས་བདུན་ལྡན་གྱི་བསྟན་པའི་བདག་པོ་མཉམ་མེད་ཇོ་བོ་ཆེན་པོ་དཔལ་ལྡན་མར་མེ་མཛད་ཀྱིས་གསལ་བར་ཕྱེ་བའི་སྲོལ་ཏེ། དེའང་ཐེག་པ་གསུམ་གྱི་བཀའ་
མ་ལུས་པ་གང་ཟག་གཅིག་མངོན་པར་རྫོགས་པར་འཚང་རྒྱ་བའི་ཆ་རྐྱེན་དུ་ཡང་དག་པར་གདམས་པས་སམ། རྒྱལ་བའི་བཀའ་མཐའ་དག་ཉམས་སུ་བསྟར་བར་བྱ་བའི་གདམས་ངག་ཏུ་ལེགས་པར་རྟོགས་པས་དེ་སྐད་དུ་གྲགས་ཤིང་། དེའང་ཇོ་བོ་ཉིད་ཀྱིས་གཞན་ལ་རྗེས་སུ་གདམས་
ཤིང་བྱིན་གྱིས་བརླབས་པ་ལས་སྐྱེས་བའི་སློབ་མ་རྒྱ་གར་དང་། བལ་བོད་རྣམས་སུ་དཔག་ཏུ་མེད་པ་བྱོན་པ་ལས། ཇོ་བོ་རང་དང་མཁྱེན་པ་མཉམ་ཞིང་དབུ་དང་སྤྱན་དང་ཕྱག་གཡས་པ་དང་ཕྱག་གཡོན་པ་ལྟ་བུའི་སྲས་ཀྱི་ཐུ་བོ་རྣམས་ནི་པཎྜི་ཏ་པི་ཏོ་བ་དང་། རཏྣཱ་ཀ་ར་དང་། སའི་
སྙིང་པོ་དང་། བཤེས་གཉེན་གསང་བ་དང་། དབུ་མ་སེང་གེ་འམ་དྷརྨཱ་ཀ་ར་མ་ཏི་ལ་སོགས་པ་དང་། བོད་ན་མངའ་རིས་སྟོད་དུ་ལྷ་བཙུན་བྱང་ཆུབ་འོད་དང་། ལོ་ཆེན་རིན་ཆེན་བཟང་པོ་དང་། ནག་ཚོ་ཚུལ་ཁྲིམས་རྒྱལ་བ་དང་། རྨ་དགེ་བའི་བློ་གྲོས་ལ་སོགས་པ་དང་།

213-1-94a

གཙང་དུ་འབྲོག་མི་ཤཱཀྱ་ཡེ་ཤེས་དང་། འགོས་ཁུག་པ་ལྷས་བཙས་དང་། ལིང་ལོ་ཙཱ་བ་དང་། མགར་དགེ་བ་དང་། སེ་སྟོན་སྒྲ་གཅན་འཛིན་ལ་སོགས་པ་དང་། དབུས་སུ་ཁུ་རྔོག་འབྲོམ་གསུམ་དང་། ལྷོ་བྲག་ཏུ་རྣལ་འབྱོར་པ་ཆག་ཁྲི་མཆོག་དང་། དགེ་བ་སྐྱོང་དང་། ཁམས་
སུ་ཕྱག་དར་སྟོན་པ་སྟེ་ཕ་རོལ་ཏུ་ཕྱིན་པའི་ཊཱི་ཀ་ཁམས་ལུགས་སུ་གྲགས་པའི་མཛད་པ་པོ་དེ་དང་། རྣལ་འབྱོར་པ་ཆེན་པོ་ལུང་ཨ་མི་བྱང་ཆུབ་དང་། དགོན་པ་བ་འཛིང་སྒོམ་དབང་ཕྱུག་རྒྱལ་མཚན་དང་། གསང་ཕུར་འོད་དུ་ཡལ་བའི་རྣལ་འབྱོར་པ་ཤེས་རབ་ལ་སོགས་པ་རྣམས་བྱོན་པ་ལས། བཀའ་
གདམས་ཀྱི་ཕྲིན་ལས་བསྐྱང་བའི་བརྒྱུད་འཛིན་ཆེན་པོ་ནི། གསང་བའི་བདག་པོའི་རྣམ་པར་འཕྲུལ་པ་ཁུ་སྟོན་བརྩོན་འགྲུས་གཡུང་དྲུང་དང་། འཇམ་པའི་དབྱངས་ཀྱི་རྣམ་པར་འཕྲུལ་པ་རྔོག་ལེགས་པའི་ཤེས་རབ་དང་། སྤྱན་རས་གཟིགས་ཀྱི་རྣམ་པར་འཕྲུལ་པ་འབྲོམ་སྟོན་རྒྱལ་བའི་འབྱུང་གནས་ཏེ་ 
གསུམ་གྱི་ཕྱི་མ་ནི་སངས་རྒྱས་ཕལ་པོ་ཆེའི་མདོ་ལས། བྱང་ཕྱོགས་སུ་དགེ་བསྙེན་ཆོས་འཕེལ་ཞེས་བྱ་བ་འབྱུང་ཞེས་པ་དང་། སྙིང་རྗེ་པདྨ་དཀར་པོ་ལས། དེར་དགེ་བསྙེན་ཆོས་འཕེལ་ཞེས་བྱ་བ་རྫུ་འཕྲུལ་དང་ལྡན་པ་འབྱུང་ཞེས་དང་། འཕགས་མ་སྒྲོལ་མས་ཇོ་བོ་ལ་བོད་དུ་བྱོན་ན་ཕན་ཐོགས་པ་འོང་
ཞིང་། ཁྱད་པར་ཨུ་པ་སི་ཀ་ཅིག་ལ་ཕན་ཐོགས་པ་འོང་ཞེས་བྱ་བའི་ལུང་གིས་རྗེས་སུ་བསྟན་པ་སྟེ། དེང་འདིར་བཀའ་གདམས་བསྟན་པའི་བདག་པོ་ཇོ་བོ་ཡབ་སྲས་གཉིས་ཞེས་པའི་ཐུགས་སྲས་ཀྱི་བྱང་ཆུབ་སེམས་དཔའ་ཆེན་པོ་ནི་འདི་ཉིད་དོ། །གང་གིས་ལེགས་པར་གསུངས་པའི་བདུད་རྩིས་ཉེ་བར་
བསྐྱེད་པ་ནི་དགེ་བའི་བཤེས་གཉེན་ཕུ་ཆུང་བ་དང་། སྤྱན་སྔ་བ་དང་། པུ་ཏོ་བ་རིན་ཆེན་གསལ་ལ་སོགས་པ་དང་རྗེས་སུ་འཇུག་པ་མཁས་ཤིང་བཙུན་པ་དང་བཟང་པོའི་ཡོན་ཏན་གྱིས་མངོན་པར་ཕྱུག་པའི་དགེ་བའི་གཤེས་གཉེན་ཆེན་པོ་མང་དུ་བྱོན་པ་རྣམས་ཀྱིས་ཕྲིན་ལས་ཀྱི་འཁོར་ལོ་ཤིན་ཏུ་དར་བར་བྱས་
སོ། །འོན་ཀྱང་ད་ལྟ་ནི་བཀའ་གདམས་པའི་གྲུབ་མཐའ་ལོགས་སུ་གྱུར་པ་མེད་ཀྱང་གདམས་ངག་གི་བརྒྱུད་པ་ཕལ་ཆེ་བ་དག་ས་དགེ་ཀར་གསུམ་གྱི་ནང་དུ་འདྲེས་ཏེ་མི་ནུབ་པར་སྐྱོང་བ་འདི་ལྟར་ཉིད་དོ། །རྙིང་མ་པའི་ལུགས་སྲོལ་ནི། གསང་སྔགས་ཀྱི་ཐེག་པ་སྔ་འགྱུར་དང་ཕྱི་འགྱུར་གྱི་དབང་ལས་

213-1-94b

གསར་རྙིང་གཉིས་སུ་འབྱེད་པའི་ཕྱི་མ་སྟེ། དེའང་ཐོག་མར་སྲོང་བཙན་སྒམ་པོའི་རིང་ལ་རྒྱ་གར་གྱི་པཎྜི་ཏ་བྱོན་པ་རྣམས་དང་། བོད་ཀྱི་ལོ་ཙཱ་བ་རྣམས་ཀྱིས་ཐུགས་རྗེ་ཆེ་བོའི་མདོ་རྒྱུད་མང་པོ་བོད་དུ་བསྒྱུར་བ་དང་། རྒྱལ་པོས་སློབ་མ་སྐལ་བ་དང་ལྡན་པ་རྣམས་ལ་གསང་སྔགས་ཀྱི་ལྷ་ཞི་ཁྲོ་རྣམས་
ཀྱི་གདམས་ངག་སྣ་ཚོགས་པ་བསྟན་པས་དུས་དེར་དངོས་གྲུབ་ཐོབ་པའི་སྐྱེས་བུའང་མང་དུ་བྱུང་ཞིང་། དེ་ནས་བརྩམས་ཏེ་མེས་ཨག་ཚོམ་ཡན་ཆད་ལ་གསང་བ་སྔགས་ཀྱི་སྐོར་ཉམས་སུ་ལོན་པ་མང་ཙམ་བྱུང་བ་དང་། བོད་འབངས་གཞན་ཐམས་ཅད་ཀྱང་སྤྱན་རས་གཟིགས་ལ་གསོལ་བ་
འདེབས་པ་དང་ཡི་གེ་དྲུག་པ་འདོན་པ་ཙམ་ནི་ཀུན་ལ་དར་རོ། །དེ་ནས་ཁྲི་སྲོང་ལྡེ་བཙན་གྱི་དུས་སུ་དབས་མཉྫུ་ཤྲཱིས་ཀྲི་ཡོག་སྡེ་གསུམ་གྱི་ཉན་བཤད་དར་བར་མཛད་པ་དང་། ཁྱད་པར་སློབ་དཔོན་ཆེན་པོ་པདྨ་སམྦྷ་ཝས་རྣལ་འབྱོར་བླ་ན་མེད་པ་གཙོ་བོར་གྱུར་པའི་དབང་བསྐུར་བ་དང་རྒྱུད་བཤད་
པ་དང་གདམས་ངག་བསྟན་པ་དང་། ཆོས་ཀྱི་གཏེར་དང་ནོར་གྱི་གཏེར་གཞུག་པ་ལ་སོགས་པས་གསང་སྔགས་ཀྱི་ཆོས་ཤིན་ཏུ་དར་བར་མཛད་དོ། །ཕྱིས་སུ་འདུལ་བ་ལ་སོགས་པའི་བསྟན་པ་ལ་འཕེལ་འགྲིབ་ཆེར་བྱུང་མོད་ཀྱི། གསང་སྔགས་བླ་མེད་ཀྱི་བསྟན་པ་ནི་མ་ནུབ་པར་བཞུགས་པར་
བཤད་དོ། །འདི་དག་གི་སྐབས་སུ་དར་བའི་རྒྱུད་ནི་གསང་བ་འདུས་པ་དང་། ཟླ་གསང་ཐིག་ལེ་ལ་སོགས་པའི་ཏནྟྲ་སྡེ་བཅོ་བརྒྱད་དུ་གྲགས་པ་རྣམས་ཏེ། ཁྱད་པར་ཉམས་སུ་སྤྱད་པ་སྒྲུབ་པ་ཆེན་པོ་བཀའ་བརྒྱུད་ནི་འཇམ་དཔལ་སྐུ་ལ་སོགས་པའི་འཇིག་རྟེན་ལས་འདས་པའི་སྡེ་ལྔ་དང་། མ་མོ་རྦོད་
གཏོང་ལ་སོགས་པ་འཇིག་རྟེན་པའི་སྡེ་གསུམ་སྟེ། དེ་ལས་ཕུར་པ་དང་རྟ་མགྲིན་གཉིས་ནི་སློབ་དཔོན་ཆེན་པོ་ཉིད་ཀྱིས་རྒྱལ་པོ་ལ་སྩལ་བས་རྒྱལ་པོས་དཔལ་རྟ་མགྲིན་གྲུབ་སྟེ་རྟ་མགྲིན་གྱིས་རྟ་སྐད་འཚེར་བ་ཐོས་པ་མང་པོ་བྱུང་ཞིང་། ཕུར་པ་ནི་ཇོ་མོ་དང་འབྲེ་ཨ་ཙ་ར་ས་ལེ་ལ་སྩལ་བས་དེ་དག་
ལས་རིམ་གྱིས་འཕེལ་ལོ། །དེ་བཞིན་དུ་འཇམ་དཔལ་གྱི་སྐོར་ནི་སློབ་དཔོན་ཤཱནྟི་གརྦྷ་དང་། ཡང་དག་པའི་སྐོར་ནི་ཧཱུཾ་ཀཱ་ར་དང་། བདུད་རྩིའི་སྐོར་ནི་བི་མ་ལ་མི་ཏྲ་རྣམས་ཀྱིས་བཤད་ཅིང་དར་བར་བྱས་སོ། །མ་མོ་ལ་སོགས་པ་ནི་སློབ་དཔོན་གྱིས་བོད་ཀྱི་ལྷ་འདྲེ་གདུག་པ་ཅན་བཏུལ་བ་རྣམས་

213-1-95a

དབང་བསྐུར་ཏེ་དམ་ཚིག་ལ་བཞག་ནས་རིས་སུ་བཅད་པའི་སྡེ་གསུམ་པོ་འཇིག་རྟེན་པ་ལ་ཕན་གདགས་པའི་རྩ་ལག་ཏུ་སྒྲུབ་པའི་ཐབས་ཀྱི་རིམ་པ་བསྟན་པ་རྣམས་ཡིན་ནོ། །འདུས་པ་མདོ་ནི་དགོངས་པ་འདུས་པ་སྟེ། འདི་ནི་གནུབས་སངས་རྒྱས་ཡེ་ཤེས་ཀྱིས་རྒྱ་གར་
དང་བྲུ་ཤའི་ཡུལ་ལ་སོགས་པ་ན་བཞུགས་པའི་མཁས་པ་རྣམས་བསྟེན་ཅིང་། བྲུ་ཤའི་སློབ་དཔོན་ཆེ་བཙན་སྐྱེས་དང་བཅས་ཏེ་དགོངས་པ་འདུས་པ་བོད་སྐད་དུ་བསྒྱུར་བ་དང་ཉན་བཤད་ཀྱི་སྒོ་ནས་དར་བར་བྱས་སོ། །གསང་བའི་སྙིང་པོ་ལ་སོགས་པ་སྒྱུ་འཕྲུལ་རྒྱན་གྱི་སྐོར་ནི་དྲི་མེད་བཤེས་
གཉེན་དང་རྨ་རིན་ཆེན་མཆོག་གིས་བསྒྱུར་ཅིང་བཤད་བས་དར་བར་གྱུར་པའོ། །མན་ངག་རྫོགས་པ་ཆེན་པོ་སེམས་སྡེ་དང་། ཀློང་སྡེ་དང་། མན་ངག་གི་སྡེ་གསུམ་གྱི་དང་པོ་གཉིས་ནི་བེེ་རོ་ཙ་ན་དང་། ཕྱི་མ་ནི་བི་མ་ལ་མི་ཏྲ་ལས་བྱུང་བའི་མན་ངག་ཏུ་བཤད་དོ། །དེ་ལྟ་བུའི་གསང་སྔགས་
འདི་དག་བསླབ་པ་ལས་བྱུང་བའི་གྲུབ་པ་བརྙེས་པའང་སྔོན་གྱི་དུས་སུ་རྗེ་འབངས་ཉི་ཤུ་རྩ་ལྔ་ལ་སོགས་པ་མང་དུ་བྱོན་པ་རྣམས་དང་། དེ་དག་གི་རྗེས་སུ་འཇུག་པའི་བཀའ་གཏེར་གྱི་བརྒྱུད་པ་འཛིན་པའི་སྐྱེས་བུ་དམ་པ་རྣམས་ཀྱིས་ཤིན་ཏུ་དར་ཞིང་རྒྱས་པར་བྱས་སོ། །རྗེ་བཙུན་ས་སྐྱ་
པ་ནི་འོག་ཏུ་བཤད་པར་བྱའོ། །མར་པ་ལས་བརྒྱུད་པའི་ཕྱག་རྒྱ་བའམ་སྒྲུབ་པའི་ལུགས་སྲོལ་ནི། སྐད་གཉིས་སྨྲ་བའི་དབང་ཕྱུག་ལྷོ་བྲག་མར་པ་ཆོས་ཀྱི་བློ་གྲོས་ཀྱིས་འཕགས་པའི་ཡུལ་དུ་ལན་གསུམ་དུ་བྱོན། བླ་མ་བརྒྱ་རྩ་བརྒྱད་ཙམ་བསྟེན་ཏེ། འཁོར་ལོ་བདེ་མཆོག་
དང་གསང་བ་འདུས་པ་ལ་སོགས་པའི་རྒྱུད་སྡེ་དང་། སྨིན་བྱེད་དང་གྲོལ་བྱེད་ཀྱི་གདམས་པ་དཔག་ཏུ་མེད་པ་སྤྱན་དྲངས་ཏེ། བོད་ཡུལ་དུ་བསྒྱུར་བཤད་ཀྱི་ཕྲིན་ལས་ཡང་དག་པས་གཏན་ལ་ཕབ་བོ། །གསུང་ལས་སྐྱེས་པའི་སློབ་བུ་གྲངས་མེད་པ་བྱོན་པའི་ནང་ནས་གཙོ་བོར་གྱུར་
བ་ནི་བཀའ་ཆེན་བཞི་སྟེ། དེའང་འཕོ་བ་རྒྱ་མཐོངས་ཁ་ཕྱེ་བ་ལས་བྱ་འཕུར་བ་ལྟ་བུའི་བཀའ་བབས་དོལ་གྱི་མཚུར་སྟོན་དབང་ངེ་། རྒྱུད་བཤད་ཐམས་ཀྱི་མན་ངག་མུ་ཏིག་བསྟར་ལ་བརྒྱུས་ལྟ་བུའི་བཀའ་བབས་གཞུང་གི་རྔོག་སྟོན་ཆོས་རྡོར། འོད་གསལ་མུན་ནང་མར་མེ་

213-1-95b

སྦར་པ་ལྟ་བུའི་བཀའ་བབས་གཙང་རོང་གི་མེས་སྟོན་ཚོན་པོ། གཏུམ་མོ་ཤིང་གཤགས་ལ་མེ་སྦར་བ་ལྟ་བུའི་བཀའ་བབས་གུང་ཐང་གི་མིད་ལ་རས་པ་སྟེ། དེ་དག་ལས་དང་པོ་གསུམ་གྱིས་རྒྱུད་བཤད་པའི་སྲོལ་བསྐྱངས་ཤིང་། མིད་ལས་གྲུབ་པའི་དབང་ཕྱུག་གི་སར་གཤེགས་
ནས་སྒྲུབ་བརྒྱུད་ཀྱི་བསྟན་པའི་རྒྱལ་མཚན་བཟུང་སྟེ་སློབ་མ་མང་དུ་བསྐྲུན་པའི་ཆོས་བརྒྱུད་འཛིན་པའི་སློབ་མའི་གཙོ་བོ་ནི་རས་ཆུང་བ་དང་། དྭགས་པོ་ལྷ་རྗེ་གཉིས་ཏེ། དང་པོས་ནི་རྒྱ་གར་དུ་བྱོན་ཏེ་ལུས་མེད་མཁའ་འགྲོའི་ཆོས་སྐོར་གྱི་ལྷག་མ་སྤྱན་དྲངས་པ་དང་། རས་ཆུང་
སྙན་བརྒྱུད་ལ་སོགས་པའང་དེ་ཉིད་ནས་དར་བར་མཛད་དོ། །ཕྱི་མས་ནི་ཐོག་མར་དབུ་རུ་ཕྱོགས་སུ་བྱོན་ཏེ་བྱ་ཡུལ་བ་དང་། སྙུག་རུམ་པ་དང་། ལྕགས་རི་གོང་ཁ་བ་རྣམས་ལས་བཀའ་གདམས་ཀྱི་ཆོས་ལ་གསན་སྦྱངས་མཐར་ཕྱིན་པར་མཛད། ཕྱིས་སུ་མིད་ལ་ལས་ཟབ་
ཆོས་ཀྱི་གདམས་པ་གསན་ཏེ་དགས་ལ་སྒམ་པོའི་དགོན་པ་བཏབ་ནས་དེར་བཞུགས་པས་དེ་སྐད་དུ་གྲགས་སོ། །སློབ་མའི་ཚོགས་ལ་བཀའ་གདམས་ཀྱི་ཆོས་དང་ཕྱག་རྒྱ་ཆེན་པོའི་གདམས་པ་རྒྱ་ཆེར་སྤེལ་བའི་ཕྲིན་ལས་རབ་ཏུ་རྒྱས་པར་གྱུར་ཏེ་བཀའ་ཕྱག་ཆུ་བོ་གཉིས་འདྲེས་སུ་
གྲགས་པའང་འདི་ཉིད་ནས་བྱུང་ཞིང་། བཀའ་བརྒྱུད་ཐམས་ཅད་ཀྱི་བྱུང་ཁུངས་ཆེན་པོ་ཡིན་ནོ། །རྗེས་སུ་གདམས་པའི་སློབ་མ་བརྒྱུད་འཛིན་གྱི་བུ་ཆེན་ནི། དྭགས་པོ་སྒོམ་ཚུལ་དང་། ཕག་མོ་གྲུ་པ་སྟེ་ཁམས་པ་རྡོར་རྒྱལ་དང་། གྲུབ་ཐོབ་དབུ་སེ་སྡེ་དུས་གསུམ་མཁྱེན་པ་དང་།
འབའ་དོམ་རས་པ་ལ་སོགས་པའོ། །ཕག་གྲུ་ནི་ཐོག་མར་དབུས་ཀྱི་སྟོད་ལུང་རྒྱ་དམར་ལ་སོགས་པ་ལས་དབུ་ཚད་དང་། གཙང་དུ་ལས་སྟོད་དཀོན་མཆོག་མཁར་དང་། ས་སྐྱ་པ་ཆེན་པོ་དང་། བྱང་སེམས་ཟླ་བ་རྒྱལ་མཚན་དང་། དམར་ཆོས་ཀྱི་རྒྱལ་པོ་ལ་སོགས་པ་ལས་ཟབ་ཆོས་
ཀྱི་གསན་སྦྱངས་མཛད་པས་ཉམས་རྟོགས་ཁྱད་པར་ཅན་རྒྱུད་ལ་འཁྲུངས། ཕྱིས་སུ་དྭགས་པོ་ལྷ་རྗེའི་ཞབས་བསྟེན་ཏེ་དེའི་ཟབ་ཆོས་ཀྱི་བདག་པོར་གྱུར་ཏོ། །དེ་ཉིད་ཀྱི་རྗེས་སུ་གདམས་པ་ལས་སྐྱེས་པའི་སློང་མའི་གཙོ་བོ་ནི་གླིང་རས་དང་། འབྲི་ཁུང་སྐྱུ་ར་རིན་ཆེན་དཔལ་དང་། སྟག་ལུང་བཀྲ་

213-1-96a

ཤིས་དཔལ་དང་། ཁྲོ་ཕུ་བ་ལ་སོགས་པའོ། །གླིང་རས་ཀྱི་སློབ་མ་གཙང་པ་རྒྱ་རས་ཡེ་ཤེས་རྡོ་རྗེའོ། །དེའི་སློབ་མ་ནི་རྒོད་ཚང་པ་དང་། ལོ་རས་པ་དང་། དབོན་སྲས་ལ་སོགས་པ་སྟེ། དེ་གསུམ་སོ་སོ་ལས་མཆེད་པ་ལ་སྟོད་སྨད་བར་གྱི་འབྲུག་པ་རྣམས་ཏེ། དེ་
དག་ལས་རིམ་གྱིས་འབྱུང་བའི་རང་རང་གི་སྲོལ་འཛིན་རྣམས་ཀྱིས་མི་ནུབ་པར་སྐྱོང་བར་བྱེད་དོ། །དམ་པའི་ཆོས་སྡུག་བསྔལ་ཞི་བར་བྱེད་པའི་བཀའ་སྲོལ་ནི། གྲུབ་པའི་དབང་ཕྱུག་ཆེན་པོ་དམ་པ་སངས་རྒྱས་ཀྱིས་ཡོངས་སུ་དར་བར་བགྱིས་ཏེ། འདི་ལ་བརྒྱུད་པ་ལྔ་ཕྱི་བར་གསུམ་གྱི་བརྒྱུད་པ་དང་པོ་ནི།
དམ་པ་རྒྱ་གར་གྱིས་ཁ་ཆེ་ཛྷཱ་ན་གུ་ཧྱ་ལ་བཤད་པའི་ཞི་བྱེད་སྒྲོན་མ་སྐོར་གསུམ་ལ་སོགས་པ་རྣམས་ཏེ། དེ་རྣམས་དམ་པ་དང་ཁ་ཆེ་བ་གཉིས་ཀས་ཨང་པོ་ལོ་ཙཱ་བ་ལ་བཤད་པ་དང་། ཁ་ཆེ་བས་པུ་ཧྲངས་ལོ་ཆུང་ལའང་བཤད་དེ། དེས་དམར་སྟོན་ཆོས་ཀྱི་རྒྱལ་པོ་ལ་སོགས་པ་ལ་བཤད་དོ། །
བརྒྱུད་པ་བར་མ་ནི་དམ་པས་བོད་ལ་ལན་ལྔར་བྱོན་པའི་བཞི་པའི་དུས་སུ་རྨ་ཆོས་ཀྱི་ཤེས་རབ་དང་། སོ་དགེ་འདུན་འབར་དང་། ཀམ་ཡེ་ཤེས་རྒྱལ་མཚན་གསུམ་ལ་བཤད་དོ། །བརྒྱུད་པ་ཕྱི་མ་ནི་ལན་ལྔ་པར་དིང་རི་ལ་བྱོན་པའི་དུས་སུ་དམ་པ་ཕྱར་ཆེན་དང་ཕྱར་ཆུང་དང་། བཛྲ་ཀྲོ་དྷ་དང་།
དམ་པ་ཀུན་དགའ་ལ་སོགས་པ་ལ་གསུངས་ནས་རིམ་གྱིས་དར་རོ། །དེ་ནས་བརྒྱུད་པའི་གཅོད་ཀྱི་སྐོར་ནི། དམ་པ་བོད་དུ་ལན་གསུམ་པར་བྱོན་པའི་དུས་སུ་ཡར་ལུངས་པའི་སྨ་ར་སེར་པོ་དང་། སྐྱོ་སྟོན་བསོད་ནམས་བླ་མ་ལ་བཤད་དེ། དེ་ནས་བརྒྱུད་པ་ལ་ཕོ་གཅོད་ཅེས་གྲགས་པ་དང་། མ་གཅིག་
གིས་དམ་པ་དང་སྐྱོ་སྟོན་གཉིས་ཀ་ལས་གསན་ཏེ། དེ་ནས་བརྒྱུད་པ་ལ་མོ་གཅོད་ཅེས་གྲགས་སོ། །དཔལ་ལྡན་ཤངས་པ་བཀའ་བརྒྱུད་པའི་ལུགས་སྲོལ་ནི། ཁྱུང་པོ་རྣལ་འབྱོར་གྱིས་རྒྱ་གར་དུ་བྱོན་ཏེ་རྡོ་རྗེ་གདན་པ་དང་། མཻ་ཏྲི་པ་དང་། ཡེ་ཤེས་ཀྱི་མཁའ་འགྲོ་མ་ནི་གུ་མ་ལ་སོགས་
པའི་བླ་མ་བརྒྱ་དང་ལྔ་བཅུ་ལྷག་པ་ལས་ཆོས་གསན་ཏེ་ཐུགས་ཉམས་སུ་བསྟར། བོད་དུ་བྱོན་ཏེ་ཤངས་གཞོང་གཞོང་གི་དགོན་པ་བཏབ་པས་ཤངས་པ་བཀའ་བརྒྱུད་ཅེས་བྱ་བར་གྲགས་ཤིང་། འདི་ལ་སློབ་མ་ལ་སྟོད་དཀོན་མཆོག་མཁར་དང་། རྨོག་ཅོག་པ་ལ་སོགས་པ་ཁྲི་ཕྲག་བརྒྱད་

213-1-96b

དུ་ལངས་པ་བྱུང་བར་གྲགས་སོ། །མན་ངག་སྦྱོར་དྲུག་སོགས་ནི་བོད་དུ་ཐོག་མར་དཔལ་ཆེན་རྒ་ལོ་དང་། གྲུབ་ཐོབ་ཡུ་མོ་ཡབ་སྲས་དང་། བུ་དོལ་ལ་སོགས་པས་དར་བར་མཛད་དོ། །རི་བོ་དགའ་ལྡན་པའི་ལུགས་སྲོལ་ནི། ཤར་བཙོང་ཁ་པ་ཆེན་པོ་བློ་བཟང་གྲགས་པའི་དཔལ་གྱི་
རྗེས་སུ་འཇུག་པ་དང་བཅས་པ་སྟེ། རྗེ་བཙུན་དམ་པ་འདི་ནི་འཇམ་དཔལ་རྩ་བའི་རྒྱུད་དང་། མཁའ་འགྲོ་གསང་བའི་རྒྱུད་དང་། བཀའ་གདམས་གླེགས་བམ་རིན་པོ་ཆེ་ལ་སོགས་པའི་བཀའ་དང་བསྟན་བཅོས་མང་པོ་ནས་ལུང་བསྟན་ཅིང་། སྔོན་གྱི་དུས་སུ་དེ་བཞིན་གཤེགས་པ་
དབང་པོའི་ཏོག་གི་དྲུང་དུ་ཐུགས་བསྐྱེད་ཅིང་། མ་འོངས་པ་ན་སངས་རྒྱས་ཀྱི་ཞིང་དཔག་ཏུ་མེད་པ་འདས་པའི་མཚམས་སུ་ངོ་མཚར་རྨད་བྱུང་བཀོད་པ་སྣ་ཚོགས་པས་མཛེས་པ་ཞེས་བྱ་བའི་ཞིང་ཁམས་སུ། དེ་བཞིན་གཤེགས་པ་སེང་གེའི་ང་རོ་ཞེས་བྱ་བར་འཚང་རྒྱ་བར་ལུང་བསྟན་པའི་སྐྱེས་བུ་
དམ་པ་སྟེ། རྗེ་བཙུན་དམ་པ་འདིས་སྐུ་ཚེའི་སྟོད་དུ་མདོ་སྔགས་དང་རིག་པའི་གཙུག་ལག་གངས་ཅན་གྱི་ལྗོངས་སུ་དར་བ་ཕལ་ཆེར་གྱི་གསན་པ་དང་སྦྱངས་པ་རྒྱ་མཚོ་ཆེན་པོ་ལྟ་བུའི་ཕ་རོལ་ཏུ་ཕྱིན་པར་མཛད་དོ། །བར་སྐབས་སུ་ཐོས་པའི་དོན་ལ་དཔྱད་པ་དང་བསྒོམ་པའི་སྒོ་ནས་ཉམས་སུ་
བཞེས་པ་ཁོ་ན་ལྷུར་མཛད་ཅིང་། འཕྲལ་གྱི་ཀུན་དུ་སྤྱོད་པ་རྣམས་ཀྱང་འདུལ་བ་དང་མཐུན་པའི་ལག་ལེན་གྱི་གསོས་བཏབ་བོ། །ཁྱད་པར་རྒྱལ་བའི་གསུང་རབ་མདོ་རྒྱུད་མ་ལུས་པའི་སྙིང་པོ་བསྡུས་པ། ཤིང་རྟ་ཆེན་པོ་ཀླུ་སྒྲུབ་དང་ཐོགས་མེད་གཉིས་ཀྱི་ལམ་སྲོལ། སྐྱེས་བུ་གསུམ་གྱིས་
ཉམས་སུ་བླང་བར་བྱ་བའི་རིམ་པ་ཐམས་ཅད་ཚང་བར་སྟོན་པར་བྱེད་པ་བྱང་ཆུབ་ལམ་གྱི་རིམ་པ་གཙོ་བོར་གྱུར་བའི་བསྟན་པ་རྒྱས་པའི་ཕྲིན་ལས་སྐྱོང་བ་ལ་འབད་པ་རྩེ་གཅིག་ཏུ་བཏོན་པས། དཔལ་ལྡན་འཇམ་པའི་དབྱངས་ཀྱང་དགྱེས་པས་ཞལ་གཟིགས་པ་ལ། བླ་མ་དབུ་མ་པས་ལོ་ཙཱ་བ་
མཛད་པའི་ཚུལ་གྱིས་མདོ་དང་སྔགས་ཀྱི་ཆོས་མང་པོ་ལ་ཐེ་ཚོམ་གྱི་མདུད་པ་གྲོལ་བར་བྱས་སོ། །སྐུ་ཚེའི་སྨད་དུ་འགྲོ་དོན་དང་ཕྲིན་ལས་རྨད་དུ་བྱུང་བར་རྒྱས་པར་གྱུར་ཏེ་ལྷ་ལྡན་དུ་ཆོ་འཕྲུལ་དུས་ཆེན་གྱི་སྨོན་ལམ་ཆེན་པོ་ཚུགས་པ་དང་། འབྲོག་རི་བོ་དགའ་ལྡན་རྣམ་རྒྱལ་གླིང་བཏབ་པས།

213-1-97a

དེ་ནས་བརྩམས་ཏེ་དེའི་རྗེས་སུ་འཇུག་པ་དང་བཅས་པ་ལ་དགའ་ལྡན་པ་ཞེས་ཡོངས་སུ་གྲགས་པ་བྱུང་ངོ་། །དེ་ཉིད་ཀྱི་གསུང་གི་བདུད་རྩི་འཐུང་བ་ལས་སྐྱེས་པའི་སློབ་མ་གྲངས་མེད་པ་བྱུང་བ་ལས་མཆོག་ཏུ་གྱུར་པ་ནི་རྒྱལ་ཚབས་རྗེ་དང་། མཁས་གྲུབ་རྗེ་དང་།
ཐམས་ཅད་མཁྱེན་པ་དགེ་འདུན་གྲུབ་པ་དང་། འདུལ་འཛིན་གྲགས་རྒྱལ་དང་། འདུལ་འཛིན་བློ་གྲོས་སྦས་པ་སྟེ་འདུལ་བ་འཛིན་པ་རྣམ་པ་གཉིས་ལ་སོགས་པ་མཁས་པའི་ཕྲིན་ལས་ལ་དབང་འབྱོར་བ་མང་དུ་བྱོན་པ་རྣམས་ཀྱིས་ཕྲིན་ལས་ཀྱི་རྒྱུན་གནས་པར་བྱེད་དོ། །རྗེ་བཙུན་ས་སྐྱ་
པའི་ལུགས་སྲོལ་ནི། ཐོག་མར་འཁོན་ཀླུའི་དབང་པོའི་བསྲུངས་པས་སད་མི་མི་བདུན་གྱི་ནང་གསེས་སུ་རབ་ཏུ་བྱུང་སྟེ། སློབ་དཔོན་པདྨ་སམྦྷ་ཝའི་ཞབས་ཀྱི་པདྨར་བརྟེན་ཏེ་གསང་སྔགས་ཀྱི་སྨིན་བྱེད་དང་གྲོལ་བྱེད་ཀྱི་གདམས་པ་མང་དུ་གསན་ཅིང་། དཔལ་ཆེན་རྡོ་རྗེ་གཞོན་ནུ་ལ་སོགས་
པའི་གསང་སྔགས་ཀྱི་བཀའ་བབས་ཤིང་གྲུབ་པ་བརྙེས་སོ། །དེ་ནས་བཟུང་སྟེ་འཁོན་རོག་ཤེས་རབ་ཚུལ་ཁྲིམས་ཡན་ཆད་ལ་གསང་སྔགས་རྙིང་མའི་གྲུབ་པ་བརྙེད་པ་ཤ་སྟག་བྱུང་ངོ་། །ཇི་ཙམ་ཞིག་ན་འཁོན་རོག་གི་གཅུང་དུ་གྱུར་པ་དཀོན་མཆོག་རྒྱལ་པོས་དབང་ཕྱུག་མ་ཉི་ཤུ་རྩ་བརྒྱད་
ཀྱི་གར་འཆམ་བྱེད་པ་ལ་སོགས་པ་གཟིགས་པའི་རྐྱེན་གྱིས། གསང་སྔགས་གསར་མ་ལ་འཇུག་པའི་སྒོ་བྱེ་སྟེ། རྙིང་མའི་ཆོས་སྐོར་ཡང་ཕུར་གཉིས་ཙམ་མིན་པའི་ཕལ་ཆེ་བ་གཏེར་དུ་སྦས་ནས། བླ་ཆེན་འབྲོག་མི་ལོ་ཙཱ་ལ་སོགས་པའི་མཁས་གྲུབ་ཀྱི་འཁོར་ལོས་སྒྱུར་བ་དུ་མའི་
ཞབས་བསྟེན་ནས་ཐོས་བསམ་བསྒོམ་པ་རྒྱ་མཚོ་ལྟ་བུའི་མཐར་སོན་པར་མཛད་དོ། །ས་དཀར་པོའི་ལོགས་ལ་སཱ་ལུའི་སྨན་ལྗོངས་ཀྱི་རྡོ་རྗེའི་གདན་ཆེན་པོ་དཔལ་ལྡན་ས་སྐྱའི་ཆོས་གྲྭ་ཆེན་པོ་འདི་ཉིད་སྐྱེ་དགུ་མ་ལུས་པའི་བསོད་ནམས་ཀྱི་དཔྱིད་དུ་བསྐྲུན་ཏེ། དེ་ཕྱིན་ཆད་ནས་ལྷ་རིགས་
འཁོན་ས་སྐྱ་པ་ཞེས་ཡོངས་སུ་གྲགས་སོ། །དེའི་སྲས་འཕགས་པ་འཇིག་རྟེན་དབང་ཕྱུག་གིས་འགྲོ་བའི་དོན་ལ་བསམ་བཞིན་དུ་སྐྱེ་བའི་སྒྱུ་འཕྲུལ་གྱི་རོལ་པ་དཔལ་བརྩེ་བ་ཆེན་པོ་ཀུན་དགའ་སྙིང་པོ་སྟེ། རྗེ་བཙུན་དམ་པ་འདིས་ལྷག་པའི་ལྷ་འཇམ་པའི་དབྱངས་བསྒྲུབས་པས་ཟླ་

213-1-97b

བ་དྲུག་ནས་ལྷག་པ་ལྷའི་ཞལ་གྱི་དཀྱིལ་འཁོར་མཐོང་ཞིང་། ཕ་རོལ་ཏུ་ཕྱིན་པའི་ལུགས་ཀྱི་ལམ་ཡོངས་སུ་རྫོགས་པར་སྟོན་པར་བྱེད་པའི་ཞེན་པ་བཞི་བྲལ་གྱི་གདམས་པའི་ལམ་སྲོལ་ཆེན་པོ་སྩལ་ཏོ། །དེ་ནས་བརྩམས་ཏེ་བཀའ་སྡེ་སྣོད་ཀྱི་ཆོས་ཐམས་ཅད་ལ་མི་འཇིགས་པ་མེད་
པའི་སྤོབས་པ་བརྙེས་ནས་རིམ་གྱིས་བྲང་ཏི་དར་མ་སྙིང་པོ་དང་། ཁྱུང་རིན་ཆེན་གྲགས་དང་། མེས་ལྷང་ཚེར་དང་། ཁའུ་པ་དར་མ་རྒྱལ་མཚན་དང་། སྒྱི་ཆུ་བ་དགྲ་ལྷ་འབར་དང་། མལ་ལོ་ཙཱ་བ་དང་། པུ་ཧྲངས་ལོ་ཆུང་ལ་སོགས་པ་ལས་མདོ་སྔགས་ཀྱི་ཆོས་ཚུལ་བསམ་
གྱིས་མི་ཁྱབ་པ་གསན་ཏེ་བསྟན་པའི་བདག་པོར་གྱུར་ཏོ། །ཁྱད་པར་བླ་ཆེན་ཞང་དགོན་པ་བ་ཡུན་རིང་དུ་བརྟེན་ཏེ། དཔལ་ལྡན་བིཪྺ་པའི་བཞེད་གཞུང་གསུང་ངག་རིན་པོ་ཆེ་ལམ་འབྲས་བུ་དང་བཅས་པའི་གདམས་ངག་ཡན་ལག་དང་བཅས་པ་གསན་ཅིང་ཐུགས་ཉམས་སུ་བསྟར་
རོ། །དཔལ་རྣལ་འབྱོར་གྱི་དབང་ཕྱུག་གཙོ་འཁོར་ལྔ་དམ་པའི་ཆོས་སྒོ་སྐྱེལ་གྱི་ཚུལ་དུ་བྱོན་ནས། རྒྱུད་སྡེ་བདུན་ཅུ་རྩ་གཉིས་དང་། ལྕགས་རིའི་ཁོང་ལས་མི་འདའ་བའི་ཟབ་ཆོས་བཞི་ལ་སོགས་པ་དང་། གསུང་ངག་རིན་པོ་ཆེ་ཉེ་བརྒྱུད་ཀྱི་གདམས་པ་མ་ལུས་པ་སྩལ་ཏོ། །རང་ལོ་
ལྔ་བཅུ་པར་གདམས་ངག་གི་བཀའ་རྒྱ་གྲོལ་ཏེ། ཁམས་པ་ཨ་སེང་གིས་ཞུས་པའི་ངོར་གསུང་ངག་ཐོག་མར་གསུངས་པ་ནས་བཟུང་སྟེ་གདམས་པ་རྣམས་ལེགས་པར་སྩལ་བའི་སློབ་མ་མཆོག་ཐོབ་པ་གསུམ། བཟོད་པ་ཐོབ་པ་བདུན། རྟོགས་པ་ལྡན་པ་བརྒྱད་ཅུ། གཞུང་བཤད་འཛིན་
པའི་ཐུགས་སྲས་བཅུ་གཅིག །ཚིག་རྐང་རྣམ་པར་འགྲེལ་བའི་ཐུགས་སྲས་བདུན། ཕྱོགས་ཀྱི་མཁས་གྲུབ་ཆེན་པོ་བཞི་ལ་སོགས་པ་རྣམས་སོ། །དེའི་སྲས་རྗེ་བཙུན་མཆེད་གཉིས་ཞེས་པ་ནི་འཕགས་པའི་ཡུལ་གྱི་པཎྜི་ཏ་ཆེན་པོ་མི་ཐུབ་ཟླ་བའི་རྣམ་པར་འཕྲུལ་པ་སློབ་དཔོན་བསོད་ནམས་
རྩེ་མོ་དང་། སྐྱེ་བ་དུ་མར་རྗེ་བཙུན་འཇམ་པའི་དབྱངས་ལྷག་པའི་ལྷར་གྱུར་པས་སྐྱེ་བ་འདིར་འཇམ་དཔལ་གྱི་མཚན་ཡང་དག་པར་བརྗོད་པ་ཐུགས་ལ་རང་རྡོལ་དུ་བྱུང་བ་ལ་སོགས་པའི་ཡོན་ཏན་རྒྱ་མཚོའི་མངའ་བདག་རྗེ་བཙུན་གྲགས་པ་རྒྱལ་མཚན་དང་། ཆོས་རྗེ་ཁུ་དབོན་ཞེས་པ་མཁྱེན་

213-1-98a

རབ་འཇམ་པའི་དབྱངས་དང་གཉིས་སུ་མེད་པས། གངས་ཅན་གྱི་ལྗོངས་སུ་བཅུ་ཕྲག་རིག་པའི་གནས་ཀྱི་བསྟན་པ་ཡོངས་སུ་རྫོགས་པ་གསལ་བར་བྱེད་པའི་ཐོག་མར་གྱུར་བ་ས་སྐྱ་པཎྜི་ཏ་དང་། ལུང་རྟོགས་ཀྱི་ཡོན་ཏན་ཕུན་སུམ་ཚོགས་པའི་རྟགས་སུ། དབུ་དང་ཕྱག་
ཞབས་རྣམས་སོ་སོར་ཕྲལ་ཏེ་དེ་བཞིན་གཤེགས་པ་ལྔའི་དཀྱིལ་འཁོར་དུ་སྤྲུལ་པ་དང་བསྡུ་བས་སའི་སྟེང་གི་འགྲོ་བ་རྒྱ་མཚོ་དད་པར་བྱས་ཏེ། མདོ་སྔགས་ཆོས་ཀྱི་སྣང་བར་བྱེད་པོ་འགྲོ་བར་མགོན་པོ་འཕགས་པ་རིན་པོ་ཆེ་སྟེ། དཔལ་ས་སྐྱའི་རྗེ་བཙུན་གོང་མ་ལྔ་ཞེས་ཡོངས་སུ་གྲགས་སོ། །
འདི་དག་གིས་སྟོབས་བཅུ་མངའ་བའི་བསྟན་པ་ལ་ལྷག་པའི་བྱ་བ་བྱས་པ་དད་ཆེ་བའི་ཡོན་ཏན་མདོར་བསྡུས་པ་རྟོགས་པར་འདོད་པ་རྣམས་ཀྱིས་དཔལ་ས་སྐྱའི་རྗེ་བཙུན་གོང་མ་ལྔའི་གསུང་རབ་རིན་པོ་ཆེའི་བར་གྱི་སྒོ་འཕར་འབྱེད་པའི་དཀར་ཆག་འཕྲུལ་གྱི་ལྡེ་མིག་ཏུ་འཁོད་པ་ལ་སོགས་པར་
ཤེས་པར་བྱ་བ་ལས་འདིར་མ་སྤྲོས་སོ། །ཇི་སྐད་སྨོས་པའི་རྗེ་བཙུན་རྣམ་པ་ལྔ་པོ་དེ་དག་གི་བསྟན་པ་མ་ལུས་པ་ཕྱོགས་བཅུ་ཀུན་དུ་གསལ་བར་བྱེད་པའི་བསྟན་སྐྱོང་གི་སྐྱེས་བུ་ཆེན་པོ་བགྲང་གིས་མི་ལྡང་བར་བྱོན་ཞིང་། བྱེ་བྲག་ཏུ་འཛམ་གླིང་བྱང་ཕྱོགས་ཀྱི་ནོར་འཛིན་དགའ་མའི་དཀྱིལ་
འཁོར་ཀུན་དུ་ཉི་མ་དང་། ཟླ་བ་ལྟར་ཡོངས་སུ་གྲགས་ཤིང་། རྒྱལ་བ་དགྱེས་པའི་ཕྲིན་ལས་འཆད་རྩོད་རྩོམ་པ་གསུམ་ལ་བསྙེངས་པ་དང་བྲལ་བའི་མཁས་པ་ཡོངས་ཀྱི་འཁོར་ལོས་སྒྱུར་པ་ཀུན་དགའ་རྣམ་པ་གཉིས་སམ། རྗེ་བཙུན་ངོར་པ་དང་རྫོང་པ་གཉིས་སུ་གྲགས་པ་ལ་སོགས་
བ་སྟེ། རྗེ་བཙུན་ངོར་པ་ལ་སློབ་མ་བསམ་གྱིས་མི་ཁྱབ་པ་བྱོན་པའི་ནང་ནས་གཙོ་བོར་གྱུར་པ་ནི། བདག་ཆེན་གཞི་ཐོག་པ་ལ་སོགས་པ་ས་སྐྱ་འཁོན་གྱི་གདུང་བརྒྱུད་དང་། བདག་ཆེན་ཡེ་ཤེས་དབང་ཕྱུག་ལ་སོགས་པ་བླ་བྲང་ཤར་པ་རྣམས་དང་། ཐུགས་སྲས་སེམས་དཔའ་ཆེན་པོ་
དཀོན་མཆོག་རྒྱལ་མཚན་དང་། རྒྱལ་ཚབས་དམ་པ་ཀུན་དགའ་དབང་ཕྱུག་དང་། ཡོངས་འཛིན་དཀོན་མཆོག་འཕེལ་བ་དང་། འཇམ་པའི་དབྱངས་ཤེས་རབ་རྒྱ་མཚོ་དང་། མཁས་གྲུབ་དཔལ་ལྡན་རྡོ་རྗེ་དང་། གུ་གེ་པཎྜི་ཏ་གྲགས་པ་རྒྱལ་མཚན་དང་། གུང་རུ་ཤེས་རབ་བཟང་པོ་དང་། དྭགས་

213-1-98b

པོ་བཀྲ་ཤིས་རྣམ་རྒྱལ་དང་། བཟང་ཆེན་ཕྱོགས་ལས་རྣམ་རྒྱལ་དང་། སྨར་ཁམས་པ་གྲགས་པ་བཟང་པོ་དང་། དམར་སྟོན་རྒྱལ་མཚན་འོད་ཟེར་དང་། པཎྜི་ཏ་ཆེན་པོ་ཤཱཀྱ་མཆོག་ལྡན་དང་། ཞ་ལུ་སྐུ་ཞང་མཁྱེན་རབ་ཆོས་རྗེ་དང་། བྱམས་ཆེན་རབ་འབྱམས་པ་
སངས་རྒྱས་འཕེལ་དང་། འཇམ་དབྱངས་ཀུན་དགའ་ཆོས་བཟང་དང་། དཔལ་འབུམ་ཕྲག་གསུམ་པ་བྱམས་པ་ཆོས་དོན་གྲུབ་དང་། བྱང་ཆུབ་སེམས་དཔའ་གཞོན་ནུ་རྒྱལ་མཆོག་དང་། གྲུབ་ཆེན་དཀོན་མཆོག་བློ་གྲོས་དང་། གོ་བོ་རབ་འབྱམས་པ་ཀུན་
མཁྱེན་བསོད་ནམས་སེང་གེ་དང་། ཉག་རེ་དཔལ་གྱི་རྒྱལ་མཚན་དང་། ཡོན་ཏན་འོད་ཟེར་དང་། གྲགས་པ་རིན་ཆེན་དོན་གྲུབ་དང་། ལྡན་མ་དྲུང་ཀུན་དགའ་རིན་ཆེན་ལ་སོགས་པ་དང་། སྲད་པ་ཀུན་དགའ་བློ་གྲོས་དང་། མཁས་གྲུབ་ཟླ་བ་བཟང་པོ་དང་། བྲག་དཀར་
སེམས་དཔའ་ཆེན་པོ་དང་། གྲུབ་ཐོབ་ཐང་སྟོང་རྒྱལ་པོ་དང་། མངོན་པར་དགའ་བའི་མཁན་པོ་དཔལ་ལྡན་སངས་རྒྱས་དང་། བླ་མ་དཔལ་ལྡན་རྒྱལ་པོ་ལ་སོགས་པ་སའི་སྟེང་ན་ཡོངས་སུ་གྲགས་པའི་སློབ་མ་མང་དུ་བྱོན་པ་རྣམས་དང་། རིམ་གྱིས་སྙན་བརྒྱུད་བསྟན་པའི་བདག་པོ་
ཚར་ཆེན་བློ་གསལ་རྒྱ་མཚོ་ལ་སོགས་པ་སྟེ། དེ་དག་གི་རྗེས་སུ་འཇུག་པ་བརྒྱུད་པ་དང་བཅས་པ་རྣམས་ཀྱིས་རྣམ་པ་ཐམས་ཅད་དུ་ལེགས་པར་བསྐྱངས་སོ། །མདོར་ན་འཇིག་རྟེན་དང་འཇིག་རྟེན་ལས་འདས་པའི་དགེ་ལེགས་དང་ཕན་བདེའི་འདོད་དགུ་མི་ཟད་པའི་འབྱུང་གནས་གཅིག་
པུར་གྱུར་པ་སངས་རྒྱས་བཅོམ་ལྡན་འདས་ཉི་མའི་གཉེན་གྱི་ཞལ་ལུང་དང་མངོན་པར་རྟོགས་པའི་ཆོས་ཚུལ་ཡིད་བཞིན་གྱི་ནོར་བུའི་རྒྱལ་པོ་འདི་ཉིད། ཛམྦུ་བྀཀྵའི་ཟུར་ཕུད་ཀྱིས་ཉེ་བར་མཚན་པའི་གླིང་གི་དམ་པ་འདི་ན་མཁས་པའི་སྐྱེས་བུ་གང་དག་བྱོན་པ་རྣམས་ཀྱིས་ལེགས་པར་བཤེད་
པ་དང་ཚུལ་བཞིན་སྒྲུབ་པའི་རྒྱལ་མཚན་གྱི་རྩེ་མོ་ལ་མངའ་གསོལ་ཏེ། དེ་བཞིན་གཤེགས་པའི་ཕྲིན་ལས་ཀྱི་སྣང་བ་དཀར་པོས་ཕྱོགས་དང་ཕྱོགས་བྲལ་གྱི་དཀྱིལ་འཁོར་ཐམས་ཅད་དུ་ཡང་དག་པར་རབ་ཏུ་གསལ་བར་བགྱིས་པ་འདི་ལྟར་ལགས་སོ། །འདིར་སྨྲས་པ། ས་གསུམ་

213-1-99a

བཀྲ་ཤིས་བྱེད་པའི་ཆོ་ག་བཟོ་གནས་རིག་པའི་རིན་ཆེན་རྒྱན་གྱིས་རྣམ་པར་མཛེས། །རིག་བྱེད་ཚེ་ཡི་བདུད་རྩིའི་དགའ་སྟོན་འགྱེད་ལ་རབ་མཁས་སྒྲ་དང་ཚད་མའི་རྡོ་རྗེ་ཡིས། །ཚིག་དོན་འཁྲུལ་པའི་རི་བོའི་འགྲོས་བཅིངས་ནང་གི་ལུང་དོན་རྣམ་པར་འབྱེད་
པའི་མིག་སྟོང་ [མཐའ་དག་གཟུགས་ཅན།] བཀྲ། །ཡང་དག་རྟོགས་པའི་ལང་ཚོ་རྟག་ཏུ་དར་ལ་བབ་རྣམས་བློ་ལྡན་སྔོན་གྱིས་ལྷ་དབང་ཡིན། །དེ་བཞིན་གཤེགས་པ་རང་གི་ཐུགས་རྗེ་དང་། །སྨོན་ལམ་གཞལ་དུ་མེད་ལས་ཟློས་པའི་གར། །ཕྱོགས་བཅུར་ཆོས་ཀྱི་སྣང་བས་
འགེངས་བཟོད་པ། །སྨྲ་བའི་དབང་ཕྱུག་བྱོན་པ་བསམ་མི་ཁྱབ། །གང་དག་བྱོན་པ་དེ་དག་སྟོབས་བཅུ་པའི། །ལེགས་གསུངས་དྲི་ [བྱ་བའི་རང་བཞིན་བརྗོད་པ།] མ་མེད་པས་འགྲོ་བ་ལ། །ཕན་པ་བསྒྲུབས་པའི་རྟོགས་བརྗོད་ཕྱོགས་རེ་ཙམ། །མཐོང་བའི་ང་རོ་འབྱིན་དེ་
ཅི་ལ་སྙམ། །དེ་ཀོ་རྗེས་སུ་འཇུག་པའི་སྐྱེ་བོ་རྣམས། །ཆོས་ལ་བློ་ [ཆོས་འགོག་པ།] གྲོས་ཞུམ་པ་གཟེངས་བསྟོད་དང་། །རྒོད་པ་འདུལ་སོགས་ཆ་ཙམ་བསྙད་པ་ལས། །འཕགས་རྣམས་མཛད་པ་བྱིས་པའི་བློ་ལས་འགོངས། །གང་ཕྱིར་སྟོན་པ་ཐམས་ཅད་མཁྱེན་
པ་ཡི། །གཉིས་སུ་མེད་པའི་ཡེ་ཤེས་རང་སྣང་ལས། །གཞན་དུ་བགྲང་ལས་འདས་པའི་བསྐལ་པ་རུ། །བཙལ་ཡང་དམིགས་སུ་མེད་པ་ངེས་པའི་དོན། །འོན་ཏེ་བློ་གྲོས་དམན་པའི་ཆོས་ཀྱི་བློ། །འཕྱང་མོ་ཉུག་ལ་བརྟེན་པ་སྤོང་བའི་ [བསམ་པ་རྒྱ་ཆེ་བ།] སླད། །འདྲི་དང་
ལེན་ལྡོན་སྡུད་དང་འགྲེལ་པ་ཡི། །རྣམ་པར་སྣང་བས་བསྟན་པ་རབ་གསལ་བྱས། །དུས་གསུམ་རྒྱལ་བ་ཀུན་གྱི་མཁྱེན་དང་བརྩེ། །བྱིན་རླབས་ཟད་མི་ཤེས་པའི་འབབ་སྟེགས་སུ། །བྱས་པ་མཐོང་ན་མི་མཐུན་མེད་པའི་སྐུ། །ཚངས་བཅས་སྐྱེ་དགུ་ཀུན་
གྱིས་བཏུད་པའི་གནས། [དགག་པའི་དཔེ།] །དངོས་པོ་ཐམས་ཅད་སྐྱོན་བཅུ་སྤངས་ [རིགས་རང་བཞིན་བརྗོད་པ།] པའི་གླུ། །རྟག་པར་འཇོ་བའི་ཡོན་ཏན་གྱིས་དབེན་པས། །དྲི་ཟའི་གླིང་བུ་སྙན་དགུ་བསྐྱུར་བའི་དཔལ། །སྨྲ་མཆོག་རྣམས་ཀྱི་གསུང་ལས་ཤིན་ཏུ་

213-1-99b

དམན། །མཐའ་ཀླས་སྐྱེ་བའི་ཡུན་དུ་ཆོས་ཐམས་ཅད། །སྦྱངས་སྟོབས་ཕུན་སུམ་ཚོགས་པའི་མཁྱེན་པ་དེས། །དཔྱད་པ་གང་ཚེ་ངལ་བའི་གཏམ་འབྱུང་བ། །ཆེས་བརླིང་རིག་པའི་གནས་དེ་གང་དུ་མཆིས། །ཨེ་མ་ཆུ་ཡི་གཏེར་ལས་དག་བྱེད་མ། །རྟག་
ཏུ་འབྱིན་ [མཛེས་པ་བསྔགས་པ་ལ་སྦྱར་བ།] ཡང་གང་བའི་རང་བཞིན་གྱིས། །མཁས་བཙུན་བཟང་པོ་གྲུབ་པའི་ཡོན་ཏན་དག །སྨྲ་མཁས་ཡོངས་ཀྱིས་བརྗོད་པས་མི་ཟད་སྟོན། །གསུང་རབ་ཀུན་གྱི་སྙིང་པོ་འདོམས་པ་ [མཆོག་གི་ངེས་བསྟན།] ལ། །མཁས་པའི་འབྲས་
བུ་སྐལ་པར་ལྡན་པའི་བུ། །སྡུག་བསྔལ་ཞི་བ་ཐར་པའི་ལྡིང་ཁང་དང་། །ཐམས་ཅད་མཁྱེན་པའི་གྲོང་ཁྱེར་སོང་བ་མང་། །འགལ་འབྲེལ་རིགས་པར་སྨྲ་ལ་སྤྲོ་བའི་འཛུམ། [།ཡན་ལག་གཉིས་པའི་གཟུགས་ཅན།] །དཀའ་བའི་གནད་ལ་བརྩད་བསམ་འགྱུར་ཞིང་། །ཕྱི་རོལ
རྒོལ་བ་སྟོང་གིས་མ་ཕྲོགས་པར། །ལེགས་པར་བརྟགས་པའི་གཏམ་གྱིས་མགྲིན་པ་ཕྱུག །ལེགས་བཤད་བརྩམས་ [ནང་ཤེས་བྱེད་གྱི་རྒྱུ།] པའི་ཚིག་དོན་ཟེགས་མས་ཀྱང་། །སྐྱེ་འཕགས་ཡིད་ཀྱི་བརྟན་པ་མ་བྱིན་པར། །བརྩེ་མེད་རང་དབང་འཕྲོག་པའི་
ལས་འདི་འདྲ། །དགེ་སྦྱོང་ཆོས་ལ་མི་འོས་པ་མིན་ནམ། །མདོར་ན་རྣམ་པར་དཀར་བའི་ཕྲིན་ [དཔའ་བ་ཕུན་སུམ་ཚོགས་པའི་ཟོལ་བསྟོད།] ལས་མཐའ། །མཐོང་འདོད་ལྷ་ཡི་ལམ་འདིས་རང་གི་ལུས། །སྔོན་པོར་སོང་བ་དེ་སྲིད་བཙལ་བྱས་ཀྱང་། །མ་རྙེད་ད་རུང་
རྗེས་སུ་སོང་བར་ངེས། །ཐམས་ཅད་མཁྱེན་པ་ཆེན་པོ་ཉི་མའི་ [ངེས་པའི་དཔེ།] གཉེན་གྱི་བཀའ་ལུང་སྤྱི་དང་བྱེ་བྲག་གི་དགོངས་དོན་རྣམས་པར་འགྲེལ་བའི་བསྟན་བཅོས་གངས་ཅན་པའི་སྐད་དུ་འགྱུར་རོ་འཚལ་གྱི་ཆོས་སྦྱིན་རྒྱུན་མི་འཆད་པའི་ངོ་མཚར་འཕྲུལ་གྱི་ཕྱི་མོ་རྫོགས་
ལྡན་བསྐལ་པའི་བསོད་ནམས་ཀྱི་སྤྲིན་ཕུང་རྒྱས་པར་དཀྲིགས་པའི་ཚུལ་ལས་བརྩམས་པའི་གཏམ་ངོ་མཚར་ཆུ་གཏེར་འཕེལ་བའི་ཟླ་བ་གསར་པ་ལས། སྤྲོ་བ་བསྐྱེད་པའི་ཆེད་དུ་བསྟན་སྐྱོང་རྣམས་ཀྱིས་བྱ་བ་བྱས་པའི་སརྒ་སྟེ་གཉིས་པའོ།།      །།

213-1-100a

[༄། །འཕགས་མའི་ཛཱ་ཏི་ལས་ལུས་བརྟེན་གཡོ་བ་ཞེས་བྱ་བའི་སྡེབ་སྦྱོར་ཉིད་དོ།]
༄༅། །ས རྦཱ ཛྙེ ན སུ དྷོ ཀྟཾ ཤྲོ ཏ མི པ ཏི {ཏི} ཿ ཀྲི ཏོ ཧི ཏཾ ས དྲྀ། ཀྩི ནྟཱ མ ཎི ཿ སུ ཀུ མྦྷེ ཧ ཀ ལྤ དཱ རུ བྷི ར པི བི ཤཱ ཀྱཾ །
[རབ་ཏུ་སྤེལ་བ། ]ཀུན་མཁྱེན་གྱིས་གསུངས་བདུད་རྩི་སྒྲ་འཛིན་དུ། །ལྷུང་བས་བསྒྲུབས་པའི་ཕན་པ་དེ་འདྲ་ནི། །འདི་ན་ཡིད་བཞིན་ནོར་བུ་བུམ་པ་བཟང་། །དཔག་བསམ་ཡོངས་འདུ་དག་ཀྱང་བཟོད་པ་མིན། །

213-1-100b

གང་གིས་བགྲོད་པའི་ལམ་དང་མྱ་ངན་ལས། །འདས་པ་བསོད་ནམས་གསུམ་གྱི་སྙིང་པོ་ཅན། །དེས་ནི་འཁོར་བ་ངན་པར་སོང་དག་ཏུ། །འབབ་ལས་ཡོང་ཡེ་འཛིན་པ་ཆོས་ཀྱི་མཆོག །ལམ་དང་འབྲས་བུ་དབེན་པའི་བས་མཐའ་རུ། །ངལ་བསོའི་བདེ་བ་ལ་དམིགས་ལྟུང་བ་ལས། །འཛིན་ཅིང་ 
[རིགས་བརྗོད་པ་ཐ་མའི་གསལ་བྱེད།] སྲིད་དང་ཞི་བའི་མཐའ་འགོང་བ། །ཐེག་ཆེན་ཆོས་ཀྱི་ཁྱད་པར་དེ་བས་མང་། །གསང་ཆེན་སྐལ་བར་ལྡན་པའི་ལུས་ངག་ཡིད། །མི་བྱེད་རྡོ་རྗེ་གསུམ་གྱི་རྒྱས་བཏབ་ནས། །མཆོག་ [རིགས་རང་བཞིན་བརྗོད་པ།] གི་གོ་འཕང་རིངས་པར་འདོད་པའི་ཆོས། །སྒྲ་དོན་རྒྱུད་ཀྱི་ཟབ་ཁྱད་བསམ་ལས་
འདས། །སྲིད་པའི་ལམ་ན་དུབ་པ་དབུགས་རབ་འབྱིན། །གདུང་བས་ཉན་ལ་བསིལ་བའི་ངལ་ [རིགས་རང་བཞིན་བརྗོད་པ།] བསོ་སྟེར། །མངོན་འདོད་སྙེ་མ་གཡུར་བའི་དགའ་ཚལ་འདི། །ཐོབ་པའི་ལུས་ཅན་དེ་དག་སྐལ་བ་སྦོམ། །ཚངས་པའི་བཀའ་ལས་མ་འདས་ལམ་གསུམ་དུ། །འགྲོ་བ་དག་ 
[ཁྱད་གཞི་ཐ་དད་ཅིང་ཁྱད་ཆོས་མཚུངས་པའི་བསྡུས་བརྗོད།] བྱེད་འབབ་པའི་ལྷ་མོ་ཁྱོད། །ལས་ཉོན་སྒྲིབ་པ་སྦྱོང་བའི་མཐུ་རྫོགས་ན། །ཐུབ་པའི་བཀའ་ལུང་དམ་པའི་རྗེས་སུ་སྙེགས། །བརྗོད་པ་བླ་ན་མེད་པ་འགོག་ལམ་གྱི། །བདེན་པ་ཟུང་གི་སྙིང་པོ་ [རྨད་དུ་བྱུང་བའི་དཔེ། ] འདྲན་པའི་གསུང་། །རབ་མཆོག་དྲི་
མས་དབེན་པ་ལུང་རྟོགས་ཀྱི། །དཀོན་མཆོག་དམ་པའི་ཆོས་ཀྱི་དབྱེ་བ་བྲི། །སྤྱི་དོན་གསུམ་པ་བཀྲལ་བྱ་ངེས་པའི་ཆེད་དུ་དམ་པའི་ཆོས་ཀྱི་རྣམ་པར་གཞག་པ་ལ། [རིགས་རང་བཞིན་བརྗོད་པ།] ཆོས་ཀྱི་སྒྲ་འཇུག་པའི་ཡུལ་སྤྱིར་བཤད་པ་དང་། དེ་ལས་དམ་པའི་ཆོས་བྱེ་བྲག་ཏུ་བཤད་པའོ། །དང་པོ་ལ་སྒྲའི་དོན་བཤད་
པ་དང་། དབྱེ་བ་བསྟན་པ་གཉིས་ལས། དང་པོ་སྒྲའི་དོན་ནི་སྤྱིར་ཆོས་ཞེས་བྱ་བ་དེ་ལ་ལེགས་པར་སྦྱར་པའི་སྐད་དུ་ནི་དྷརྨ་ཞེས་འབྱུང་སྟེ། དེ་ནི་ཌུ་དྷྲྀཉ྄་འཛིན་པ་ལའོ་ཞེས་བྱ་བའི་བྱིངས་ལས་བྱུང་བའི་ཕྱིར་འཛིན་པར་བྱེད་པའི་དོན་ལ་འཇུག་གོ། །དེའང་གང་འཛིན་པར་བྱེད་པ་ཡིན་ཞེ་ན། ཤེས་བྱ་
རྣམས་ཀྱི་རང་དང་སྤྱིའི་མཚན་ཉིད་ཐམས་ཅད་འཛིན་པར་བྱེད་དེ། །དེའང་འདི་ལྟར་གཟུགས་ཀྱི་མཚན་ཉིད་གཟུགས་སུ་རུང་པ་འཛིན་པར་བྱེད་པ་ནས། རྣམ་པ་ཐམས་ཅད་མཁྱེན་པའི་མཚན་ཉིད་ཆོས་ཐམས་ཅད་མངོན་སུམ་དུ་བྱེད་དོ་ཞེས་བྱ་བ་ལྟ་བུའི་བར་གྱིས་རང་གི་མཚན་ཉིད་ཐམས་ཅད་འཛིན་པར་

213-1-101a

བྱེད་དོ། །གཞན་ཡང་འདུས་བྱས་ཀྱི་དངོས་པོ་ཐམས་ཅད་ནི་མི་རྟག་པའོ། །ཟག་པ་དང་བཅས་པ་ཐམས་ཅད་ནི་སྡུག་བསྔལ་པའོ། །ཆོས་ཐམས་ཅད་ནི་བདག་མེད་པའོ། །མྱ་ངན་ལས་འདས་པ་ནི་ཞི་བའོ་ཞེས་བྱ་བ་ལྟ་བུའི་སྤྱིའི་མཚན་ཉིད་ཐམས་ཅད་ཀྱང་འཛིན་པར་བྱེད་པའི་ཕྱིར་
གང་ཆོས་ཞེས་བྱ་བའི་ངེས་པའི་ཚིག་ནི་འཛིན་པར་བྱེད་པའི་དོན་དུ་གཟུང་བར་བྱའོ། །གཉིས་པ་དབྱེ་བ་བསྟན་པ་ནི། དེ་ལྟ་བུའི་སྒྲ་དེ་འཇུག་པའི་ཡུལ་གང་ལ་དབྱེ་ན་རྣམ་པ་བཅུ་ཉིད་དུ་འཇུག་པར་རིག་པར་བྱ་སྟེ། རྣམ་བཤད་རིགས་པ་ལས། ཆོས་ནི་ཤེས་བྱ་ལམ་དང་ནི། །མྱ་ངན་འདས་དང་ཡིད་ཀྱི་
ཡུལ། །བསོད་ནམས་ཚེ་དང་གསུང་རབ་དང་། །འབྱུང་འགྱུར་ངེས་དང་ཆོས་ལུགས་ལའོ། །ཞེས་པ་ལྟར་ཏེ། དེའང་ཤེས་བྱ་ལ་འཇུག་པ་ནི་དཔེར་ན་ཆོས་གང་ལ་འདུས་བྱས་སམ་འདུས་མ་བྱས་ཞེས་བྱ་བ་ལྟ་བུ་སྟེ་ཤེས་བྱའི་ཆོས་སུ་གཏོགས་པ་གང་ཡིན་པ་དེ་ལ་ནི་མཁས་པར་བྱ་བའི་གནས་
ཉིད་དོ། །དེ་བཞིན་དུ་ལམ་ལ་འཇུག་པ་ནི། ཡང་དག་པར་ལྟ་བ་ནི་ཆོས་ཡིན་ནོ། །ཡང་དག་པར་ལྟ་བ་ནི་ལམ་ཡིན་ནོ་ཞེས་བྱ་བ་ལྟ་བུ་སྟེ་ལམ་གྱི་ཆོས་གང་ཡིན་པ་དེ་ནི་བསྒྲུབ་བར་བྱ་བ་ཉིད་དོ། །མྱ་ངན་ལས་འདས་པ་ལ་འཇུག་པ་ནི་འདོད་ཆགས་དང་བྲལ་བ་རྣམས་ཀྱི་མཆོག་ཆོས་ཞེས་བྱ་བ་
ལྟ་བུ་སྟེ། མྱ་ངན་ལས་འདས་པའི་ཆོས་གང་ཡིན་པ་དེ་ལ་ནི་རིག་པར་བྱ་བ་ཉིད་དོ། །ཡིད་ཀྱི་ཡུལ་ལ་འཇུག་པ་ནི་ཆོས་ཀྱི་ཁམས་དང་ཆོས་ཀྱི་སྐྱེ་མཆེད་ཅེས་བྱ་བ་ལྟ་བུའམ། འདི་ནི་རིགས་པའི་ཆོས་སོ་འདི་ནི་རིགས་པ་མ་ཡིན་པའི་ཆོས་སོ་ཞེས་བྱ་བ་ལྟ་བུ་སྟེ། ཡིད་ཀྱི་ཡུལ་དུ་གྱུར་པའི་ཆོས་
རྣམས་ནི་ཡོངས་སུ་ཤེས་ནས་འཇུག་ལྡོག་ཚུལ་བཞིན་དུ་བྱ་བ་ཉིད་དོ། །བསོད་ནམས་ལ་འཇུག་པ་ནི་བཙུན་མོའི་འཁོར་དང་གཞོན་ནུ་རྣམས་ལྷན་ཅིག་སྤྱོད་ཅེས་བྱ་བ་ལྟ་བུ་སྟེ། བསོད་ནམས་ཀྱི་ཆོས་སུ་གྱུར་པ་གང་ཡིན་པ་དེ་ནི་ཡོངས་སུ་སྤྱད་པར་བྱ་བ་ཉིད་དོ། །ཚེ་ལ་འཇུག་པ་ནི་མཐོང་བའི་
ཆོས་ལ་བདེ་བར་གནས་ཞེས་བྱ་བ་ལྟ་བུ་སྟེ། མཐོང་བའི་ཚེའི་ཆོས་གང་ཡིན་པ་དེ་ལ་ནི་བརྩོན་པར་བྱ་བ་ཉིད་དོ། །གསུང་རབ་ལ་འཇུག་པ་ནི་དམ་པའི་ཆོས་ཞེས་བྱ་བ་འདི་ལྟ་སྟེ། མདོའི་སྡེ་དང་དབྱངས་ཀྱིས་བསྙད་པའི་སྡེ་དང་ལུང་དུ་བསྟན་པའི་སྡེ་ཞེས་བྱ་བ་ལྟ་བུ་སྟེ། གསུང་རབ་ཀྱི་ཆོས་

213-1-101b

རྣམས་ནི་ཐོས་པ་དང་བསམ་པའི་བགྱི་བས་འཇུག་པར་བྱ་བ་ཉིད་དོ། །འབྱུང་འགྱུར་ལ་འཇུག་པ་ནི་ལུས་འདི་ནི་རྒ་བར་འགྱུར་བའི་ཆོས་ཡིན་ནོ་ཞེས་བྱ་བ་ལྟ་བུ་སྟེ་འབྱུང་བར་འགྱུར་བའི་ཆོས་རྣམས་ཀྱང་ཤེས་པར་བྱ་བ་ཉིད་དོ། །ངེས་པ་ལ་འཇུག་པ་ནི་དགེ་སྦྱོང་གི་ཆོས་བཞི་ཞེས་ལྟ་བུ་སྟེ། ངེས་
པའི་ཆོས་ལ་ནི་ནམ་ཡང་དབྲི་བ་དང་བསྣན་པར་བྱར་མེད་པའམ་དེ་ལས་མི་འདའ་བར་བྱ་བ་ཉིད་དོ། །ཆོས་ལུགས་ལ་འཇུག་པ་ནི་ཡུལ་ཆོས་དང་རིགས་ཆོས་ཞེས་བྱ་བ་ལྟ་བུ་སྟེ། ལུགས་ཀྱི་ཆོས་གང་ཡིན་པ་དེ་དང་དེའི་རྗེས་སུ་མཐུན་པར་བྱ་བ་ཉིད་དོ། །གཉིས་པ་དམ་པའི་ཆོས་བྱེ་བྲག་ཏུ་བཤད་པ་
ལ། དམ་པའི་ཆོས་ནི་མཚན་ཉིད་དང་། སྒྲ་དོན་དང་། རབ་ཏུ་དབྱེ་བ་སྟེ་གསུམ་ལས། དང་པོ་དམ་པའི་ཆོས་ཀྱི་མཚན་ཉིད་ནི། བཤད་མ་ཐག་པའི་བཅུ་པོ་དེ་ལས། བསོད་ནམས་དང་ལམ་དང་མྱ་ངན་ལས་འདས་པ་གསུམ་ནི་བརྗོད་བྱའི་གཙོ་བོ་ཉིད་དུ་བཟུང་ནས། གསུང་རབ་ནི་རྗོད་བྱེད་
དུ་བྱས་པའི་དམ་པའི་ཚེས་གང་ལ་དམིགས་ནས། སྲིད་པའི་སྡུག་བསྔལ་རྒྱུ་དང་བཅས་པ་མཐར་འབྱིན་པར་བྱེད་པའི་ཐབས་སུ་གྱུར་པ་གང་ཡིན་པ་སྟེ། སྡུག་བསྔལ་དག་ནི་ཐམས་ཅད་དང་། །སྒྲིབ་པ་ཀུན་སེལ་དམ་པའི་ཆོས། །ཞེས་སོ། །དམ་པའི་ཆོས་དེ་ལ་ཡང་གང་ཞིག་བརྗོད་
པར་བྱ་བ་དང་གང་གིས་བརྗོད་པར་བྱེད་པའི་མཚན་ཉིད་ལ་ལྟོས་ནས་དབྱེ་ན་རྟོགས་པའི་དམ་པའི་ཆོས་དང་། ལུང་གི་དམ་པའི་ཆོས་གཉིས་སུ་འགྱུར་ཏེ། མཛོད་ལས། སྟོན་པའི་དམ་ཆོས་རྣམ་གཉིས་ཏེ། །ལུང་དང་རྟོགས་པའི་བདག་ཉིད་དོ། །ཞེས་སོ། །རྟོགས་པའི་དམ་པའི་ཆོས་དེ་ལའང་
གང་འདོད་ཆགས་དང་བྲལ་བར་གྱུར་པ་དང་། གང་གིས་འདོད་ཆགས་དང་བྲལ་བར་བྱེད་པའི་མཚན་ཉིད་ཀྱིས་རྣམ་པར་དབྱེན་འགོག་པའི་བདེན་པའི་དམ་པའི་ཆོས་དང་ལམ་གྱི་བདེན་པའི་དམ་པའི་ཆོས་རྣམ་པ་གཉིས་སུ་འགྱུར་ཏེ། མགོན་པོ་བྱམས་པས། གང་ཞིག་གང་གིས་ཆགས་བྲལ་བ། །
བདེན་གཉིས་མཚན་ཉིད་ཅན་དེ་ཆོས། །ཆགས་བྲལ་ཉིད་ནི་འགོག་པ་དང་། །ལམ་གྱི་བདེན་པ་དག་གིས་བསྡུས། །ཞེས་སོ། །ལུང་གི་དམ་པའི་ཆོས་ནི་རྟོགས་པའི་དམ་པའི་ཆོས་སུ་འཇུག་པར་བྱེད་པའི་བརྗོད་པ་ཕུན་སུམ་ཚོགས་པ་སྟེ་དེ་ལ་ཡང་སྤྲོས་པ་ལས་བྱུང་བའི་བག་ཆགས་སམ་

213-1-102a

འཇིག་རྟེན་པའི་མངོན་བརྗོད་ཅེས་བྱ་བ་དང་། ཆོས་ཀྱི་དབྱིངས་ཀྱི་རྒྱུ་མཐུན་ལས་བྱུང་བའི་མངོན་བརྗོད་དམ་འཇིག་རྟེན་ལས་འདས་པའི་མངོན་བརྗོད་ཅེས་བྱ་བ་གཉིས་སུ་དབྱེ་བར་བྱ་བའང་འབྱུང་སྟེ། དང་པོ་ནི་རྟ་དང་གླང་པོ་ལ་སོགས་པའི་གཏམ་སྣ་ཚོགས་པ་སྟེ་འཁོར་བ་དང་ཆོས་མཐུན་
པས་དེ་སྐད་ཅེས་བྱའོ། །གལ་ཏེ་དེ་ལྟར་ཡིན་ན་རྟོགས་པའི་དམ་པའི་ཆོས་སུ་འཇུག་པའི་རྗོད་པ་ཉིད་དུ་ཇི་ལྟར་འགྱུར་ཞེ་ན། དངོས་སུ་མངོན་པར་མཐོ་བའི་རྒྱུ་གཙོ་བོར་སྨོས་ནས། བརྒྱུད་ནས་རྟོགས་པའི་ཆོས་ལ་འཇུག་པའི་དབང་གིས་བཞག་པ་སྟེ། ཤེས་རབ་བརྒྱ་པ་ལས། མི་ཡི་ཆོས་ལུགས་
ལེགས་སྤྱད་ན། །ལྷ་ཡུལ་བགྲོད་པ་ཐག་མི་རིང་། །ལྷ་དང་མི་ཡི་ཐེམ་སྐས་ལ། །འཛེགས་ན་ཐར་པ་གམ་ན་ཡོད། །ཅེས་གསུངས་པ་དང་། མགོན་པོ་བྱམས་པས་ཀྱང་། །རིག་པའི་གནས་ལྔ་དག་ལ་བརྩོན་པར་མ་བྱས་ན། །འཕགས་མཆོག་ཅི་གཏམ་ཐམས་ཅད་མཁྱེན་ཉིད་མི་འགྱུར་ཏེ། །
ཞེས་བྱ་བ་ལ་སོགས་པའི་དོན་དུ་དགོངས་ནས་དེ་ལྟར་དུ་བཞག་པར་མངོན་ནོ། །གཉིས་པ་ནི་གསུང་རབ་ཡན་ལག་བཅུ་གཉིས་ཏེ། དེ་ནི་ཆོས་ཉིད་རྟོགས་པར་བྱེད་པའི་རྒྱུ་མཐུན་ནམ། ཆོས་དབྱིངས་རྟོགས་པར་བྱེད་པའི་རྒྱུ་མཐུན་ལས་བྱུང་བས་དེ་སྐད་ཅེས་བྱ་སྟེ། དབུས་དང་མཐའ་རྣམ་པར་འབྱེད་པ་ལས།
རྒྱུ་མཐུན་དོན་གྱི་མཆོག་ཉིད་དང་། །ཞེས་དང་། མྱ་ངན་ལས་འདས་པའི་མདོ་ལས། ཆུ་བོ་ཆེན་པོ་རྒྱ་མཚོར་བབ། འབབ། གཞོལ་བ་དེ་བཞིན་དུ། ཆོས་ཐམས་ཅད་ཀྱང་མྱ་ངན་ལས་འདས་པར་བབ། འབབ། གཞོལ་ཞེས་གསུངས་སོ། །གཉིས་པ་སྒྲ་དོན་བཤད་པ་ལ། སྤྱི་དང་བྱེ་བྲག་པ་གཉིས་
ལས། དང་པོ་ནི་ལེགས་པར་སྦྱར་བའི་སྐད་དུ་སདྡྷརྨ་ཞེས་འབྱུང་བ་བོད་སྐད་ལ་དམ་པའི་ཆོས་ཞེས་བྱ་བར་འགྱུར་ཏེ། དེ་ལ་དམ་པ་ནི་སྟོན་པ་རྫོགས་པའི་སངས་རྒྱས་ཡིན་ལ། ཆོས་ནི་དེས་གསུངས་པ་ཡིན་པའི་ཕྱིར་དམ་པའི་ཆོས་ཞེས་བྱའོ། །ཡང་ན་བསྟན་བཅོས་ཀྱི་དབང་དུ་བྱས་ན་དམ་པ་ནི་སངས་
རྒྱས་ཀྱི་རྣམ་པར་འཕྲུལ་པ་དང་། དེའི་སྲས་བཀའི་དོན་རང་རྒྱུད་དུ་རྩོམ་པར་བྱེད་པའི་སློབ་དཔོན་དང་། གཞུང་འགྲེལ་བྱེད་པ་ལ་དབང་བརྙེས་བའི་སློབ་དཔོན་ཡིན་ལ། ཆོས་ནི་དེ་དག་གིས་ལེགས་པར་བཤད་པ་ཡིན་པའི་ཕྱིར་དམ་པའི་ཆོས་སོ། །ཡང་ན་དམ་པ་ནི་མཆོག་ཏུ་གྱུར་པ་ཡིན་ལ་ཆོས་

213-1-102b

ཀྱང་ཡིན་པས་དམ་པའི་ཆོས་ཏེ་གཞི་མཐུན་པས་སམ། སྐྱེས་བུ་དམ་པ་རྣམས་ཀྱིས་སྤྱད་པར་བྱ་བ་ཡིན་པས་ན་དམ་པའི་ཆོས་ཏེ། དཔེར་ན་དགེ་སྦྱོང་གི་ཆོས་བཞི་ཞེས་བྱ་བ་ལྟ་བུའོ། །གཉིས་པ་ནི་དེ་བཞིན་གཤེགས་པའི་བཀའ་འབའ་ཞིག་པ་སྟེ། དེ་ནི་སུ་བྷཱ་ཥྀ་ཏ་ཞེས་པ་ལེགས་པར་གསུངས་པ་སྟེ། 
ཚིག་དང་དོན་ཕྱིན་ཅི་མ་ལོག་པར་ཡང་དག་པར་གསུངས་པའི་ཕྱིར་ལེགས་པར་གསུངས་པ་སྟེ། ཇི་ལྟར་ལེགས་པར་གསུངས་ཤེ་ན། མདོ་ལས་བཅོམ་ལྡན་འདས་ཀྱིས་ཆོས་ལེགས་པར་གསུངས་པ། ཡང་དག་པར་མཐོང་བ། ནད་མེད་པ། དུས་ཆད་པ་མེད་པ། ཉེ་བར་གཏོད་པ། འདི་མཐོང་བ་ལ་དོན་ཡོད་བ། མཁས་པ་རྣམས་
ཀྱི་རང་གིས་རིག་པར་བྱ་བའོ་ཞེས་གསུངས་པ་དེའང་ཕྱིན་ཅིང་ལོག་པར་ཡང་དག་པར་གསུངས་པའི་ཕྱིར་ལེགས་བར་གསུངས་པ་དང་། དོན་མཐོང་བའི་ཕྱིར་ཡང་དག་པར་མཐོང་བ་དང་། ཉོན་མོངས་བའི་བག་ལ་ཉལ་གྱི་གཉེན་པོར་གྱུར་བའི་ཕྱིར་ནད་མེད་པ་དང་། ཡོངས་སུ་ཉམས་པ་མེད་པའི་ཕྱིར་
དུས་ཆད་པ་མེད་པ་དང་། སྡུག་བསྔལ་མ་ལུས་པ་ལས་ངེས་པར་འབྱུང་བ་ལ་ཉེ་བར་གཏོད་པའི་ཕྱིར་ཉེ་བར་གཏོད་པ་དང་། ཐུན་མོང་མ་ཡིན་པའི་ཕྱིར་འདི་མཐོང་བ་ལ་དོན་ཡོད་པ་དང་། རྟོག་གེས་བརྟག་པར་མི་ནུས་པའི་ཕྱིར་མཁས་པ་རྣམས་ཀྱི་རང་གིས་རིག་པར་བྱ་བའོ། །གཞན་ཡང་དུས་
ཐམས་ཅད་དུ་བྱ་སླ་བའི་ཕྱིར་དུས་ཆད་པ་མེད་པ་དང་། སློབ་དཔོན་གྱི་དཔེ་མཁྱུད་དང་བྲལ་བའི་ཕྱིར་ཚུར་ཤོག་ལྟོས་ཤིག་ཅེས་བྱ་བའི་སྐབས་དབྱེ་བ་དང་ལྡན་པའི་ཕྱིར་ཏེ། དབྱིག་གཉེན་གྱིས། འཕགས་པའི་ལམ་གྱི་ཡན་ལག་བརྒྱད་པོ་ནི། །ཡང་དག་དོན་དང་དོན་ནི་མཐོང་བ་དང་། །གཉེན་པོ་
དང་ནི་གཏན་དང་མ་ལུས་དང་། །ཐུན་མོང་མིན་དང་རྟོག་གེའི་ཡུལ་མིན་དང་། །གཞན་ཡང་དེ་ནི་དུས་ཆད་མེད་པའི་ཕྱིར། །བྱ་སླ་བ་དང་ཚུར་ཤོག་ལྟོས་ཤིག་ཅེས། །སློབ་དཔོན་དཔེ་མཁྱུད་བྲལ་བར་ཤེས་བྱ་ཞིང་། །ཞེས་སོ། །གཞན་ཡང་ལུང་ལས་བཅོམ་ལྡན་འདས་ཀྱིས་ལེགས་པར་
གསུངས་པའི་ཆོས་འདུལ་བ་ནི་ལེགས་པར་བསྟན་པ། ངེས་པར་འབྱུང་བ་རྫོགས་པའི་བྱང་ཆུབ་ཏུ་འགྲོ་བར་བྱེད་པ། མི་མཐུན་པ་མེད་ཅིང་འདུས་པ་དང་ལྡན་པ། རྟེན་པ་ཡོད་པ་ཞེས་བྱ། འདི་སྟོན་པ་ནི་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་སོ་ཞེས་པ་

213-1-103a

སྟེ། དེ་དག་གི་དོན་ནི་ཕྱི་རོལ་པ་ལས་ཆོས་འདུལ་བ་འདིའི་ཡོན་ཏན་ཡང་དག་པར་བསྟན་པ་ཡིན་ཏེ། ཕྱི་རོལ་པ་དག་གི་འདུལ་བ་ནི་ཉེས་པར་བསྟན་པ་ཉིད་ཀྱིས་ལེགས་པར་གསུངས་པ་མ་ཡིན་པ་དང་། རྫོགས་པའི་བྱང་ཆུབ་ཏུ་འགྲོ་བར་མི་འགྱུར་བ་ཉིད་ཀྱིས་ངེས་པར་འབྱུང་
བ་མ་ཡིན་པ་དང་། འདུས་པ་དང་མི་ལྡན་པ་ཉིད་ཀྱིས་མཐུན་པ་མ་ཡིན་པ་དང་། སྟོན་པ་དེ་བཞིན་གཤེགས་པ་ལ་སོགས་པ་མ་ཡིན་པ་ཉིད་ཀྱིས་རྟེན་པ་མེད་པའོ། །མདོར་ན་སྐྱོན་རྣམ་པ་འདི་བཞི་བསྟན་པ་ཡིན་ཏེ། བསྟན་པའི་ཆོས་ལ་དོན་ཕྱིན་ཅི་ལོག་པ་ཉིད་ཀྱི་སྐྱོན་དང་། སྒྲུབ་པའི་ཆོས་ལས་
མྱ་ངན་ལས་འདས་པར་མི་འགྲོ་བ་ཉིད་ཀྱི་སྐྱོན་དང་། ཉན་པ་པོ་རྣམས་སུ་བློ་དུ་མ་དང་ལྡན་པ་ཉིད་ཀྱི་སྐྱོན་དང་། སྟོན་པ་ལ་ཐེ་ཚོམ་ཐམས་ཅད་གཅོད་མི་ནུས་པའི་སྐྱོན་དང་ལྡན་པ་སྟེ། དེ་ཉིད་ལས། ཚིག་འབྲུ་བཟང་མིན་དོན་བཟང་མིན། །གྲོལ་དང་རིགས་པའི་ཐབས་མ་ཡིན། སྔ་མ་ཕྱི་མ་
འགལ་བ་ཡིན། །དེ་བཞིན་བསྡུ་བ་བཞི་དང་ནི། །བསྟན་པ་བཞི་དག་སྤངས་པ་དང་། །སྟོན་པའང་སྟོན་པའི་མཚན་ཉིད་མེད། །དེ་ལྟར་གཞན་གྱི་བསྟན་བཅོས་དང་། །སློབ་མ་བསྟན་པ་སྐྱོན་ཅན་ཡིན། །ཆོས་འདུལ་བ་འདི་ལ་ནི་དེ་ལས་བཟློག་པས་ན་སྐྱོན་མེད་པ་ཡིན་ནོ། །དོན་ཕྱིན་
ཅི་མ་ལོག་པ་ཉིད་ཀྱིས་རིགས་པ་ཡིན་པའི་ཕྱིར་ཆོས་སོ། །ཉོན་མོངས་པ་འདུལ་བའི་ཕྱིར་འདུས་པའོ། །དེ་ལྟར་ན་སངས་རྒྱས་ཀྱི་བསྟན་པ་ནི་ཡང་དག་པའི་ཡེ་ཤེས་དང་སྤངས་པ་འདྲེན་པ་ཉིད་བསྟན་པ་ཡིན་ནོ་ཞེས་གསུངས་སོ། །གཞན་ཡང་མདོ་ལས་དགེ་སློང་དག་ངའི་ཆོས་ནི་ལེགས་པར་
གསུངས་པ། གསལ་བ། ཕྱེ་བ། རྒྱུ་བ་བཅད་པ། ལྷ་དང་མིའི་བར་དག་ལ་ཡང་དག་པར་ཤིན་ཏུ་བསྟན་པའོ་ཞེས་བྱ་བས་ནི་དེ་བཞིན་གཤེགས་པའི་ཆོས་ཀྱི་ཡོན་ཏན་བསྟན་ཏོ། །དེའང་ཇི་ལྟར་ཞེ་ན། དོན་ཕྱིན་ཅི་མ་ལོག་པར་བསྟན་པའི་ཕྱིར་ལེགས་པར་གསུངས་པ་དང་། ཚིག་དང་ཡིག་
འབྲུ་གསལ་བ་དང་དོན་ཤིན་ཏུ་རྣམ་པར་ཕྱེ་ནས་བསྟན་པའི་ཕྱིར་བདེ་བར་འཇུག་པ་ཉིད་དང་། གོང་དུ་འགྲོ་བའམ་རྒྱུ་བ་བཅད་པ་ཉིད་ཀྱིས་གོང་ན་མེད་པ་ཉིད་དང་། ལྷ་དང་མིས་ཡང་དག་པར་གཟུང་བ་ཉིད་དང་། ཇི་ལྟར་འོས་པའི་གདུལ་བྱ་ལ་བསྟན་པ་ཉིད་དང་། སློབ་དཔོན་གྱི་དཔེ་མཁྱུད་མེད་པར་རྒྱུན་

213-1-103b

དུ་བསྟན་པ་ཉིད་དེ། དེ་ལྟ་བུའི་ཡོན་ཏན་དྲུག་དང་ལྡན་པ་སྟེ། དེ་ཉིད་ལས། དེ་ཉིད་དོན་ནི་ལེགས་གསུངས་ཕྱིར། །བདེ་བར་འཇུག་ཕྱིར་བླ་མེད་ཕྱིར། །རབ་ཏུ་གཟུང་ཕྱིར་ཇི་ལྟར་འོས། །མ་ལུས་པ་ནི་བསྟན་ཕྱིར་རོ། །ཞེས་སོ། །གཞན་ཡང་རྣམ་པར་བཤད་པའི་རིགས་པ་ལས་ཡོན་
ཏན་ཡོངས་སུ་འཛིན་པའི་རྣམ་པ་བཅུ་དག་གིས་ལེགས་པར་གསུངས་པ་ཉིད་དུ་བཤད་དོ། །བཅུ་ནི་ཡང་དག་པར་བླང་བ་དང་། དབང་དུ་མཛད་པ་དང་། འཇུག་པ་དང་། རབ་ཏུ་བསྟན་པ་དང་། རབ་ཏུ་དབྱེ་བ་དང་། རྟན་དང་། གོ་བར་མཛད་པ་དང་། གདགས་པ་དང་། དུས་དང་། ཡོན་
ཏན་ཡོངས་སུ་འཛིན་པ་རྣམས་སུ་གསུངས་ཏེ། དེ་དག་གི་དོན་ནི། ཡང་དག་པར་མངོན་པར་རྫོགས་པར་སངས་རྒྱས་ནས་གསུངས་པའི་ཕྱིར་ཡང་དག་པར་བླང་བ་དང་། སེམས་ཅན་ཐམས་ཅད་ཀྱི་དབང་དུ་མཛད་ནས་གསུངས་པའི་ཕྱིར་དབང་དུ་མཛད་པ་ཉིད་དང་། རེས་འགའ་བ་མ་ཡིན་
པར་ཡང་དང་ཡང་དུ་རྒྱུན་དུ་གསུངས་པའི་ཕྱིར་འཇུག་པ་ཉིད་དང་། དཔེ་མཁྱུད་ཀྱིས་འགའ་ལ་ཡང་བར་ཆད་པར་མ་བྱས་པར་ཡང་དག་པར་གསུངས་པའི་ཕྱིར་རབ་ཏུ་བསྟན་པ་ཉིད་དང་། སེམས་ཅན་གྱི་བསམ་པ་ཇི་ལྟ་བ་བཞིན་དུ་ཡང་དག་པར་གསུངས་པའི་ཕྱིར་རབ་ཏུ་དབྱེ་བ་དང་། དབྱངས་ཀྱི་
ཡན་ལག་ལྔ་དང་ལྡན་པར་ཡང་དག་པའི་གསུངས་པའི་ཕྱིར་རྟེན་ཉིད་དང་། དབྱངས་གཅིག་གིས་འཇིག་རྟེན་གྱི་ཁམས་མཐའ་ཡས་པར་གོ་བར་མཛད་པའམ། འཁོར་གྱི་དཀྱིལ་འཁོར་ཇི་སྙེད་པ་ཁྱབ་པར་ཡང་དག་པར་གསུངས་པའི་ཕྱིར་གོ་བར་མཛད་པ་ཉིད་དང་། མཐའ་གཉིས་སྤངས་
པའི་ལམ་གསུངས་པའི་ཕྱིར་གདགས་པ་ཉིད་དང་། འདུལ་བ་ཡོངས་སུ་སྨིན་པ་རྣམས་ལ་གསུངས་པའི་ཕྱིར་དུས་ཉིད་དང་། གསུང་ཡོན་ཏན་དྲུག་ཅུ་དང་ལྡན་པར་ཡང་དག་པར་གསུངས་པའི་ཕྱིར་ཡོན་ཏན་ཡོངས་སུ་འཛིན་པ་ཉིད་དེ། ཁྱད་པར་དེ་དང་དེ་དག་གིས་ལེགས་པར་
གསུངས་སོ་ཞེས་བྱ་བའི་དོན་དུ་བསྟན་པ་ཡིན་ནོ། །གསུམ་པ་རབ་ཏུ་དབྱེ་བ་ལྔ་སྟེ། བརྗོད་བྱའི་སྒོ་ནས་དབྱེ་བ་དང་། རྗོད་བྱེད་ཀྱི་སྒོ་ནས་དབྱེ་བ་དང་། གཉེན་པོའི་སྒོ་ནས་དབྱེ་བ་དང་། གདུལ་བྱའི་སྒོ་ནས་དབྱེ་བ་དང་། བདག་རྐྱེན་གྱི་སྒོ་ནས་དབྱེ་བའོ། །དང་པོ་བརྗོད་

213-1-104a

པར་བྱ་བའི་སྒོ་ནས་དབྱེ་ན། བདེན་པ་གཉིས་སམ་དྲང་ངེས་གཉིས་ཏེ། དབུ་མ་རྩ་བའི་ཤེས་རབ་ལས། སངས་རྒྱས་རྣམས་ཀྱིས་ཆོས་བསྟན་པ། །བདེན་པ་གཉིས་ལ་ཡང་དག་བརྟེན། །ཞེས་སོ། །དེའང་ཇི་ལྟར་ན་གསུང་རབ་གང་གིས་ཀུན་རྫོབ་ཀྱི་བདེན་
པ་བརྗོད་པར་བྱ་བའི་གཙོ་བོར་སྟོན་པར་བྱེད་པ་དེ་ནི་དྲང་བའི་དོན་དང་། དོན་དམ་པའི་བདེན་པ་བརྗོད་པར་བྱ་བའི་གཙོ་བོར་སྟོན་པར་བྱེད་པ་དེ་ནི་ངེས་པའི་དོན་ཏེ། འཕགས་པ་བློ་གྲོས་མི་ཟད་པས་བསྟན་པ་ལས། ཀུན་རྫོབ་སྒྲུབ་པ་སྟོན་པ་ནི་དྲང་བའི་དོན་ཏོ། །དོན་དམ་སྒྲུབ་པ་སྟོན་པ་ནི་ངེས་
པའི་དོན་ཏོ་ཞེས་སོ། །གཉིས་པ་རྗོད་བྱེད་ཀྱི་སྒོ་ནས་དབྱེ་ན་གསུང་རབ་ཡན་ལག་བཅུ་གཉིས་ཏེ། བརྒྱད་སྟོང་འགྲེལ་བ་སྙིང་པོ་མཆོག་ལས། མདོ་སྡེ་དབྱངས་བསྙད་ལུང་བསྟན་དང་། །ཚིགས་བཅད་ཆེད་བརྗོད་གླེང་གཞི་དང་། །རྟོགས་བརྗོད་དེ་ལྟ་བུ་བྱུང་དང་། །སྐྱེས་རབས་
ཤིན་ཏུ་རྒྱས་པ་དང་། །རྨད་བྱུང་གཏན་ལ་དབབ་པའི་སྡེ། །གསུང་རབ་ཡན་ལག་བཅུ་གཉིས་སོ། །ཞེས་གསུངས་པ་ལྟར་མདོའི་སྡེ་ནི་གང་བཞེད་པའི་དོན་མདོར་སྨོས་པའི་ཚུལ་གྱིས་ལྷུག་པར་གསུངས་པ་སྟེ། འདུས་བྱས་འདུས་མ་བྱས་རྣམ་པར་ངེས་པ་ལས། དེ་ལ་
ཚིག་རྐྱང་ལྷུག་གིས་མདོ་མདོར་བརྗོད་པ་དེ་ནི་མདོའི་སྡེའོ་ཞེས་སོ། །ཅིའི་ཕྱིར་ཕྱེ་སྟེ་མི་གསུངས་སྙམ་ན། ཀུན་ལས་བཏུས་པ་ལས། ཕན་ཡོན་བཅུ་གཟིགས་ནས་དེ་བཞིན་གཤེགས་པས་སྨོས་པའི་ཚུལ་གྱིས་ཆོས་སྟོན་ཏེ་རྣམ་པར་གཞག་སླ་བ་དང་། བཤད་སླ་བ་དང་། གཟུང་
སླ་བ་དང་། ཆོས་ལ་གུས་པས་མྱུར་དུ་ཚོགས་ཡོངས་སུ་རྫོགས་པར་བྱེད་པ་དང་། མྱུར་དུ་ཆོས་ཉིད་རྟོགས་པར་འགྱུར་བ་དང་། སངས་རྒྱས་ལ་ཤེས་ནས་དད་པ་ཐོབ་པ་དང་། ཆོས་དང་དགེ་འདུན་ལ་ཤེས་ནས་དད་པ་ཐོབ་པ་དང་། མཐོང་བའི་ཆོས་ལ་བདེ་བར་གནས་
པའི་མཆོག་ལ་རེག་པ་དང་། འབེལ་བའི་གཏམ་གྱིས་གཏན་ལ་འབེབས་པས་དམ་པ་རྣམས་ཀྱི་སེམས་མགུ་བར་བྱེད་དོ། །མཁས་པ་མཁས་པ་ཞེས་བྱ་བའི་གྲངས་སུ་འགྲོའི་ཞེས་སོ། །དབྱངས་ཀྱིས་བསྙད་པའི་སྡེ་ནི། མདོའི་སྡེ་དེ་ཉིད་ལ་བར་དང་མཐའ་མ་དག་ཏུ་

213-1-104b

ཚིགས་སུ་བཅད་པའི་དབྱངས་སུ་བསྙད་པའམ། ད་དུང་བརྟག་པར་བྱ་བ་གཞན་ཡོད་པས་དྲང་བའི་དོན་དུ་གསུང་བའི་མདོ་སྡེ་གང་ཡིན་པ་རྣམས་སོ། །ལུང་དུ་བསྟན་པའི་སྡེ་ནི། ཉན་ཐོས་དང་བྱང་ཆུབ་སེམས་དཔའ་ལ་སོགས་པ་སྔོན་བྱུང་བ་ཤི་བའི་དུས་བྱས་པ་དང་འབྱུང་
བར་འགྱུར་བ་ལ་སོགས་པ་རྣམས་ལུང་སྟོན་པར་མཛད་པའམ། དགོངས་པ་རྣམ་པར་ཕྱེ་ནས་ལུང་སྟོན་པར་བྱེད་པ་ངེས་པའི་དོན་གྱི་མདོ་སྡེ་གང་ཡིན་པ་རྣམས་སོ། །ཚིགས་སུ་བཅད་པའི་སྡེ་ནི། ལུང་གང་དག་ཚིག་རྐང་པ་གཉིས་པ་ནས་བརྩམས་ཏེ་རྐང་པ་དྲུག་པའི་བར་དུ་ཚིགས་
སུ་བཅད་པར་བསྡེབས་ནས་གསུངས་པ་གང་ཡིན་པ་རྣམས་སོ། །ཆེད་དུ་བརྗོད་པའི་སྡེ་ནི། གང་ཟག་གཞན་གྱིས་ཞུ་བ་ལ་མ་ལྟོས་པར་བཅོམ་ལྡན་འདས་ཀྱིས་བསྟན་པ་ཡུན་དུ་གནས་པར་བྱ་བ་ཁོ་ནའི་ཕྱིར་ཡི་རང་བའི་ཚུལ་གྱིས་གསུངས་པ་སྟེ། དཔེར་ན་མདོ་ལས་བཅོམ་
ལྡན་འདས་ནང་དུ་ཡང་དག་འཇོག་ལས་བཞེངས་ཏེ་གདན་ལ་བཞུགས་ནས་དགེ་སློང་གི་དགེ་འདུན་རྣམས་ལ་ཆེད་དུ་རྗོད་པ་འདི་ཆེད་དུ་བརྗོད་དོ་ཞེས་པ་ལྟ་བུ་སྟེ། རྣམ་བཤད་རིགས་པ་ལས། གང་ཟག་གི་ཆེད་དུ་གསུངས་པ་མ་ཡིན་གྱི། བསྟན་པ་གནས་པར་བྱ་བ་
འབའ་ཞིག་གི་ཕྱིར་གསུངས་པ་གང་ཡིན་པ་སྟེ་ཞེས་གསུངས་སོ། །གླེང་གཞིའི་སྡེ་ནི། གང་ཟག་འགའ་ཞིག་གི་ཆེད་དུ་གསུངས་པ་དང་བྱུང་བ་དང་བཅས་པའི་བསླབ་པ་བརྗོད་པ་རྣམས་ཏེ། སྒྲ་སྦྱོར་བམ་པོ་གཉིས་པ་ལས། མདོ་སྡེ་དང་འདུལ་བ་ལ་སོགས་པ་ཐོག་མ་ཅི་ལས་
གླེངས་ཏེ་བཤད་པ་དང་། གཞི་འདི་དང་སྐབས་འདི་དང་བྱུང་བ་འདིའི་ཚེ་བསླབ་པ་བཅས་པ་ལྟ་བུ་ལ་བྱ་སྟེ་གླེང་གཞིའི་སྡེ་ཞེས་བྱ་ཞེས་སོ། །རྟོགས་པ་བརྗོད་པའི་སྡེ་ནི། ཆོས་ཉན་པ་རྣམས་ཀྱིས་དོན་གོ་ཞིང་ལེགས་པར་རྟོགས་པར་བྱ་བའི་ཕྱིར་སྔོན་བྱུང་བ་གཞན་ལས་
བརྩམས་པའི་དཔེ་དང་བཅས་ནས་སྟོན་པ་གང་ཡིན་པ་རྣམས་སོ། །དེ་ལྟ་བུ་བྱུང་བའི་སྡེ་ནི་སྔོན་རབས་ཀྱི་གཏམ་རྒྱུད་གསུངས་པ་རྣམས་སོ། །སྐྱེས་པ་རབས་ཀྱི་སྡེ་ནི། བཅོམ་ལྡན་འདས་ཀྱིས་སྔོན་བྱང་ཆུབ་སེམས་དཔའི་སྤྱད་པ་སྤྱོད་པའི་ཚེ་གང་དང་གང་དུ་སྐྱེས་པ་དང་།

213-1-105a

དཀའ་ཐུབ་ཅི་དང་ཅི་མཛད་པ་རྣམས་ལེགས་པར་སྟོན་པ་རྣམས་སོ། །ཤིན་ཏུ་རྒྱས་པའི་སྡེ་ནི། ཐེག་པ་ཆེན་པོ་བྱང་ཆུབ་སེམས་དཔའི་སྡེ་སྣོད་ཀྱིས་དང་ཕ་རོལ་ཏུ་ཕྱིན་པ་ལ་སོགས་པ་ཤིན་ཏུ་རྒྱ་ཆེ་བ་དང་རྒྱས་པ་དང་ཟབ་པའི་རྣམ་པར་སྟོན་པ་རྣམས་སོ། །རྨད་དུ་བྱུང་
བའི་སྡེ་ནི། གང་ལས་ཉན་ཐོས་དང་བྱང་ཆུབ་སེམས་དཔའ་དང་རྫོགས་པའི་སངས་རྒྱས་རྣམས་ཀྱི་མཁྱེན་པ་དང་རྫུ་འཕྲུལ་དང་བྱིན་གྱིས་བརླབས་པ་ལ་སོགས་པ་ངོ་མཚར་རྨད་དུ་བྱུང་བའི་ཆོས་བསྟན་པ་རྣམས་སོ། །གཏན་ལ་དབབ་པའི་སྡེ་ནི། ཆོས་ཐམས་ཅད་རང་དང་སྤྱིའི་མཚན་
ཉིད་ཀྱིས་གཏན་འབེབས་པའི་སྒོ་ནས་མདོ་སྡེ་ལ་སོགས་པའི་དོན་ཡང་དག་པར་བསྟན་པ་རྣམས་སོ། །གསུམ་པ་གཉེན་པོའི་སྒོ་ནས་དབྱེ་ན་སྡེ་སྣོད་གསུམ་སྟེ། སྤྱིའི་དེས་ཚིག་དང་། སོ་སོའི་རང་བཞིན་དང་། སྡེ་སྣོད་གསུམ་དུ་འཇོག་པའི་རྒྱུ་མཚན་ནོ། །དང་པོ་སྤྱིའི་ངེས་ཚིག་
ནི། ཐུན་མོང་དུ་ལེགས་པར་སྦྱར་བའི་སྐད་དུ་པི་ཊ་ཀ་ཞེས་འབྱུང་སྟེ། དེ་ཉིད་བསྒྱུར་ན་གང་བུའམ་བསྡུས་པའི་དོན་ལ་འཇུག་སྟེ། དེ་ན་ཤེས་པར་བྱ་བའི་ཆོས་ཐམས་ཅད་ནི་འདིའི་བརྗོད་བྱ་ཉིད་དུ་བསྡུས་པའི་ཕྱིར་སྡེ་སྣོད་དམ། ཡང་ན་ཡུལ་དབུས་ཀྱི་བྲེ་བོ་ཆེའི་མིང་སྟེ། དེའི་ནང་
དུ་བྲེའུ་ཆུང་གིས་གཞལ་བར་བྱ་བའི་འབྲུལ་སོགས་པ་མང་པོ་ཆུད་པ་ལྟར། འདིར་ཡང་ཤེས་པར་བྱ་བའི་ཆོས་སམ་བསླབ་པར་བྱ་བའི་ཆོས་མང་པོ་འདུས་པའི་ཕྱིར་སྡེ་སྣོད་ཅེས་བྱ་སྟེ། དཔེར་ན་སྣོད་གང་དུ་འབྲུ་བྲེ་བཅུ་ཤོང་ཞིང་འདུས་པའི་སྣོད་དེ་ལ་སྣོད་ཅེས་བྱ་བ་དང་འདྲ་བར་སྡེ་
སྣོད་གསུམ་པོ་དང་གཉིས་པོ་འདིར་ཡང་གསུང་རབ་ཡན་ལག་བཅུ་གཉིས་ཀྱི་དོན་དང་ཚིག་ཐམས་ཅད་མ་འདུས་པ་མེད་པའི་ཕྱིར་སྡེ་སྣོད་ཅེས་བྱའོ། །དེ་ལྟར་ཡང་སློབ་དཔོན་ཐོགས་མེད་ཀྱིས་གསུམ་པོའམ་གཉིས་པོ་དེ་ཡང་ཅིའི་ཕྱིར་སྡེ་སྣོད་ཅེས་བྱ་ཞེ་ན། སྨྲས་པ། བསྡུས་པའི་
ཕྱིར་ཏེ་ཤེས་བྱའི་དོན་ཐམས་ཅད་བསྡུས་པའི་ཕྱིར་རོ་ཞེས་སོ། །ཡང་ན་ཕུང་པོ་དང་ཁམས་དང་སྐྱེ་མཆེན་ཀྱི་ཆོས་ནས་སྐུ་དང་ཡེ་ཤེས་ལ་སོགས་པའི་བར་གྱིས་ཤེས་པར་བྱ་བའི་དོན་ཐམས་ཅད་འདུས་པས་དེའི་ཕྱིར་སྡེ་སྣོད་ཅེས་བྱའོ་ཞེས་གསུངས་སོ། །སྡེ་སྣོད་གསུམ་དུ་གསུང་རབ་

213-1-105b

ཡན་ལག་བཅུ་གཉིས་པོ་ཇི་ལྟར་འདུ་བར་འགྱུར་བ་ཡིན་སྙམ་ན། མདོའི་སྡེ་དང་དབྱངས་ཀྱིས་བསྙད་པའི་སྡེ་དང་ལུང་དུ་བསྟན་པའི་སྡེ་དང་ཚིགས་སུ་བཅད་པའི་སྡེ་དང་ཆེད་དུ་བརྗོད་པའི་སྡེ་སྟེ་ལྔ་པོ་དག་ནི་ཉན་ཐོས་ཀྱི་མདོ་སྡེའི་སྡེ་སྣོད་དུ་འདོད་དོ། །གླེང་གཞིའི་སྡེ་དང་རྟོགས་པ་
བརྗོད་པའི་སྡེ་དང་དེ་ལྟ་བུ་བྱུང་བའི་སྡེ་སྟེ་གསུམ་པོ་དག་ནི་ཉན་ཐོས་ཀྱི་འདུལ་བ་སྟེ། དེའི་ཡང་དང་པོས་ནི་སྟུང་བ་བསླབ་བྱ་དང་བཅས་པ་སྟོན་པའི་ཕྱིར་ན་གཙོ་བོའི་ཚུལ་དང་། ཕྱི་མ་གཉིས་ནི་དེའི་འཁོར་གྱི་ཚུལ་དུ་འདོད་པ་ཡིན་ནོ། །སྐྱེས་པ་རབས་ཀྱི་སྡེ་ནི་བྱང་ཆུབ་སེམས་
དཔའི་འདུལ་བའི་སྡེ་སྣོད་ཀྱི་འཁོར་དང་། ཤིན་ཏུ་རྒྱས་པའི་སྡེ་དང་རྨད་དུ་བྱུང་བའི་སྡེ་གཉིས་ནི་བྱང་ཆུབ་སེམས་དཔའི་མདོ་སྡེའི་སྡེ་སྣོད་ཉིད་དུ་འདོད་དོ། །གཏན་ལ་དབབ་པའི་སྡེ་ནི་ཉན་ཐོས་དང་བྱང་ཆུབ་སེམས་དཔའ་གཉིས་ཀའི་ཐུན་མོང་དུ་གྱུར་པའི་ཆོས་མངོན་པའི་སྡེ་སྣོད་དུ་
ངེས་པ་ཡིན་ལ། རང་སངས་རྒྱས་ལ་ནི་སྡེ་སྣོད་ལོགས་སུ་གྱུར་པ་མེད་པས་ཉན་ཐོས་ཀྱི་སྡེ་སྣོད་ལ་དམིགས་པ་ཡིན་ནོ། །གཉིས་པ་སོ་སོའི་རང་བཞིན་ལ། མཚན་ཉིད་དང་། མཚན་གཞི་དང་། ངེས་པའི་ཚིག་སྟེ་གསུམ་གསུམ་ལས། དང་པོ་མདོ་སྡེའི་སྡེ་སྣོད་ཀྱི་མཚན་
ཉིད་ནི། ལྷག་པའི་སེམས་ཀྱི་བསླབ་པ་བརྗོད་བྱའི་གཙོ་བོར་གྱུར་པའི་གསུང་རབ་ཀྱི་རིགས་སུ་གཏོགས་པའོ། །གཉིས་པ་མཚན་གཞི་ནི། ཤེས་རབ་ཀྱི་ཕ་རོལ་ཏུ་ཕྱིན་པ་སྟོང་ཕྲག་བརྒྱ་པ་ལ་སོགས་པ་རྣམས་སོ། །གསུམ་པ་ངེས་ཚིག་ནི། མདོའི་སྐད་དོད་ལ་ལེགས་པར་
སྦྱར་བའི་སྐད་དུ་སཱུ་ཏྲ་ཞེས་པ་མགོ་སྨོས་པ་སྟེ། མདོ་སྡེ་རྒྱན་ལས། མདོ་དང་ཆོས་མངོན་འདུལ་བ་དག །མདོར་ན་དོན་ནི་རྣམ་བཞིར་འདོད། །བློ་ལྡན་པས་ནི་དེ་ཤེས་ན། །རྣམ་པ་ཐམས་ཅད་མཁྱེན་པ་ཐོབ། །ཅེས་པའི་དོན་ནི་སྡེ་སྣོད་གསུམ་པོ་སོ་སོར་རེ་རེ་ཞིང་གནས་ལ་སོགས་
པ་བཞི་དང་། མངོན་དུ་བ་ལ་སོགས་པ་བཞི་དང་། ལྟུང་བ་ལ་སོགས་པ་བཞི་སྟེ། མདོར་ན་སྡེ་སྣོད་གསུམ་པོ་མ་ལུས་པར་ཤེས་པའི་བློ་དང་ལྡན་པའི་བྱང་ཆུབ་སེམས་དཔའ་རྣམས་ཀྱིས་རྣམ་པ་ཐམས་ཅད་མཁྱེན་པ་ཉིད་འཐོབ་པར་བཤད་ལ། ཉོན་ཐོས་དག་གིས་ནི་ཚིགས་
213-1-106a

སུ་བཅད་པ་གཅིག་གི་དོན་རྟོགས་པས་ཀྱང་ཟག་པ་ཟད་པའི་འབྲས་བུ་འཐོབ་པར་གཤད་དོ། །དེ་དག་ལས་གནས་ལ་སོགས་པ་རྣམ་པ་བཞི་ནི། དེ་ཉིད་ལས། གནས་རྣམས་དང་ནི་མཚན་ཉིད་དང་། །ཆོས་དོན་སྨོས་ཕྱིར་མདོ་ཡིན་ནོ། །ཞེས་གསུངས་
པ་བཞིན་དུ། ས་ཡུལ་གང་དུ་བཤད་པ་དང་། གང་གིས་བཤད་པ་དང་། གང་གི་ཕྱིར་གསུངས་པ་རྣམས་སྨོས་པའི་ཕྱིར་གནས་དང་། ཀུན་རྫོབ་ཀྱི་བདེན་པའི་མཚན་ཉིད་དང་དོན་དམ་པའི་བདེན་པའི་མཚན་ཉིད་སྨོས་པའི་ཕྱིར་མཚན་ཉིད་དང་། ཕུང་པོ་དང་ཁམས་དང་སྐྱེ་མཆེད་དང་རྟེན་
ཅིང་འབྲེལ་པར་འབྱུང་བ་ལ་སོགས་པ་སྨོས་པའི་ཕྱིར་ཆོས་དང་། དེ་རྣམས་ཀྱི་དགོངས་པའི་དོན་སྨོས་པའི་ཕྱིར་དོན་ཏེ་དེ་དག་སྨོས་པའི་ཚུལ་གྱིས་གསུངས་པའི་ཕྱིར་མདོ་ཡིན་ནོ། །དེ་དག་སྟོན་པར་བྱེད་པའི་གསུང་རབ་ཀྱི་ཚོགས་སུ་གྱུར་པའི་ཕྱིར་སྡེ་ཞེས་བྱ་བ་ཡིན་ནོ། །གཉིས་པ་མངོན་པའི་སྡེ་སྣོད་ལ་ཡང་དག་པོ་
མཚན་ཉིད་ནི། ལྷག་པའི་ཤེས་རབ་ཀྱི་བསླབ་པ་བརྗོད་བྱའི་གཙོ་བོར་གྱུར་པའི་གསུང་རབ་ཀྱི་རིགས་སུ་གཏོགས་པའོ། །གཉིས་པ་མཚན་གཞི་ནི་མངོན་པ་སྡེ་བདུན་ལ་སོགས་པ་རྣམས་སོ། །གསུམ་པ་ངེས་པའི་ཚིག་ནི་མངོན་པ་ལ་ལེགས་པར་སྦྱར་བའི་སྐད་དུ་ཨ་བྷི་ཞེས་
འབྱུང་སྟེ། ཨ་བྷི་མུ་ཁྱ་ཞེས་པ་མངོན་དུ་ཕྱོགས་པ་དང་། ཨ་བྷི་ཀྵ་ཎ་ཞེས་པ་ཡང་ཡང་དང་། ཨ་བྷི་བྷུ་ཞེས་པ་ཟིལ་གནོན་དང་། ཨ་བྷི་ས་མ་ཡ་ཞེས་པ་རྟོགས་པ་སྟེ། དེ་ཉིད་ལས། མངོན་དུ་ཕྱིར་དང་ཡང་ཡང་དང་། །ཟིལ་གནོན་རྟོགས་ཕྱིར་མངོན་པའི་ཆོས། །
ཞེས་པ་ལྟར་ཞི་བ་མྱ་ངན་ལས་འདས་པ་ལ་མངོན་དུ་ཕྱོགས་པའི་ཆོས་བྱང་ཆུབ་ཀྱི་ཕྱོགས་དང་མཐུན་པ་དང་རྣམ་པར་ཐར་པའི་སྒོ་ལ་སོགས་པ་སྟོན་པའི་ཕྱིར་མངོན་དུ་བ་དང་། ཕུང་པོ་དང་ཁམས་དང་སྐྱེ་མཆེད་ལ་སོགས་པ་ཆོས་རེ་རེ་ལའང་བསྟན་དུ་ཡོད་པ་དང་བསྟན་དུ་མེད་པ་ལ་
སོགས་པའི་བྱེ་བྲག་མང་པོ་ཡང་དང་ཡང་དུ་སྟོན་པའི་ཕྱིར་ཡང་ཡང་དང་། བརྩད་པ་དང་བརྩད་པའི་གཞི་ལ་སོགས་པ་སྨྲ་བ་ལ་རྣམ་པར་ངེས་པས་ཕས་ཀྱི་རྒོལ་བ་ཟིལ་གྱིས་གནོན་པའི་ཕྱིར་ཟིལ་གནོན་དང་། ཤེས་བྱ་ཇི་སྙེད་པའི་མདོ་སྡེའི་དོན་མ་ནོར་བར་རྟོགས་པའི་རྒྱུར་འགྱུར་

213-1-106b

བའི་ཕྱིར་རྟོགས་པ་སྟེ་རྣམ་པ་བཞི་པོ་དེ་དག་གིས་མངོན་པ་ཡིན་ནོ། །གསུམ་པ་འདུལ་པའི་སྡེ་སྣོད་ལའང་དང་པོ་མཚན་ཉིད་ནི། ལྷག་པའི་ཚུལ་ཁྲིམས་ཀྱི་བསླབ་པ་བརྗོད་བྱའི་གཙོ་བོར་གྱུར་པའི་གསུང་རབ་ཀྱི་རིགས་སུ་གཏོགས་པའོ། །གཉིས་པ་མཚན་གཞི་ནི་ལུང་སྡེ་བཞི་
ལ་སོགས་པ་རྣམས་སོ། །གསུམ་པ་ངེས་ཚིག་ནི་འདུལ་བ་ལ་ལེགས་པར་སྦྱར་བའི་སྐད་དུ་བི་ན་ཡ་ཞེས་པ་འབྱུང་སྟེ་བི་པཏྟི་རྣམ་པར་ལྟུང་པ་དང་། བི་ནིཤྩ་ཡ་རྣམ་པར་ངེས་པ་སྟེ། དེ་ཉིད་ལས། ལྟུང་དང་འབྱུང་དང་ལྡང་བ་དང་། །ངེས་པར་འབྱུང་དང་གང་ཟག་དང་། །
བཅས་པ་དང་ནི་རབ་དབྱེ་དང་། །རྣམ་པར་ངེས་ཕྱིར་འདུལ་བ་ཉིད། །ཅེས་འབྱུང་བ་ལྟར་ཏེ། དེ་ལ་ལྟུང་བ་ནི་ཕས་ཕམ་པ་དང་། དགེ་འདུན་ལྷག་མ་དང་། ཉེས་པ་སྦོམ་པོ་དང་། ལྟུང་བྱེད་དང་། སོ་སོར་བཤགས་པ་སྟེ་ལྟུང་བ་རིས་ལྔའོ། །ལྟུང་བ་དེ་དག་གང་
ལས་འབྱུང་བའི་རྒྱུ་ནི། མི་ཤེས་པ་ལ་སོགས་པ་བཞི་ལས་འབྱུང་བའོ། །ལྟུང་བ་ལས་ལྡང་བའི་ཐབས་ནི། ཕྱིན་ཆད་མི་བྱ་བར་བསྡུམས་པའི་སེམས་སྟོན་པས་ལྡང་བའོ། །ལྟུང་བ་ལས་ངེས་པར་འབྱུང་བའི་ཐབས་ནི། སོ་སོར་བཤགས་པ་ལ་སོགས་པ་བདུན་སྟོན་
པས་ངེས་པར་འབྱུང་བ་སྟེ་ཆོས་རྣམ་པ་བཞི་འབྱུང་བའི་ཕྱིར་འདུལ་བ་ཡིན་ནོ། །རྣམ་པ་གཞན་ཡང་གང་ལ་བརྟེན་ནས་བསླབ་པའི་ཚིག་བཅའ་བའི་གང་ཟག་དང་། གང་ཟག་གཉིས་པ་གསོལ་ནས་སྟོན་པས་དགེ་འདུན་ལ་བསླབ་པ་བཅས་པ་དང་། དེ་མདོར་བསྟན་
པ་ལས་རབ་ཏུ་དབྱེ་བ་དང་། ལྟུང་བ་དང་ལྟུང་བ་མ་ཡིན་པ་རྣམ་པར་ངེས་པ་སྟེ་བཞི་འབྱུང་བའི་ཕྱིར་ཡང་འདུལ་བ་ཡིན་ནོ། །གསུམ་པ་སྡེ་སྣོད་གསུམ་དུ་བཞག་པའི་རྒྱུ་མཚན་ནི། སྤང་བྱ་གསུམ་ཡིན་པ་དང་བསླང་བྱ་གསུམ་ཡིན་པ་དང་ཤེས་བྱ་གསུམ་ཡིན་པ་སྟེ་རྒྱུ་རྣམ་པ་དགུ་ལས།
དང་པོ་ནི་སྤང་བྱ་ཉོན་མོངས་པ་གསུམ་གྱི་དབང་གིས་སྡེ་སྣོད་གསུམ་དུ་གཞག་སྟེ། འདི་ལྟར་ཉེ་བའི་ཉོན་མོངས་པ་ཐེ་ཚོམ་གྱི་གཉེན་པོར་མདོ་སྡེའི་སྣོད་རྣམ་པར་གཞག་པ་སྟེ། མདོ་སྡེ་གང་ལས་ཕུང་པོ་དང་ཁམས་དང་སྐྱེ་མཆེད་དང་རྟེན་ཅིང་འབྲེལ་བར་འབྱུང་བ་དང་། བདེན་

213-1-107a

པ་དང་ས་དང་ཕ་རོལ་ཏུ་ཕྱིན་པ་ལ་སོགས་པའི་དོན་གང་ལ་ཡིད་གཉིས་སུ་གྱུར་པ་དེ་ལ་དེ་གདོན་མི་ཟ་བར་བྱ་བའི་ཆེད་དུ་བཤད་པའི་ཕྱིར་རོ། །མཐའ་གཉིས་ལ་སྦྱོར་བའི་གཉེན་པོར་འདུལ་བའི་སྡེ་སྣོད་རྣམ་པར་གཞག་པ་སྟེ། གང་ལས་ཚེགས་དང་རྩོལ་བས་བསྒྲུབ་པའི་ཁ་
ན་མ་ཐོ་བའི་ཡོངས་སུ་སྤྱད་པས་སྲེད་པས་ཀུན་ནས་བསླང་བའི་སོག་འཇོག་ལ་སྤྱོད་པ་བཀག་པ་འདོད་པའི་བསོད་ཉམས་ཀྱི་མཐའ་སྤོང་བ་དང་། ངེས་པར་འབྱུང་བའི་ཚུལ་ཁྲིམས་དག་པ་དང་ལྡན་པའི་དགེ་སློང་གིས་ཁ་ན་མ་ཐོ་བ་མེད་པའི་ཡོངས་སུ་སྤྱད་པ་ལྷག་པར་རྙད་ན་ཁ་ཟས་བརྒྱ་དང་ལྡན་
པ་དང་། ཁང་པ་བརྩེགས་པ་ཁང་མིག་ལྔ་བརྒྱ་པ་ཡང་ཞེན་མེད་དུ་སྤྱོད་པར་གནང་བ་བདག་ཉིད་ངལ་ཞིང་དུབ་པའི་མཐའ་སྤོང་བར་སྟོན་པའི་ཕྱིར་ཏེ། དཔེར་ན་བཅོམ་ལྡན་འདས་ཀྱིས་དགེ་སློང་ཚུལ་ཁྲིམས་དང་ལྡན་པ་དང་། ཡོན་ཏན་དང་ལྡན་པ་ལ་ནི་ངས་ཁ་ཟས་རོ་བརྒྱ་དང་ལྡན་པ་དང་གོས་འབུམ་
རི་བ་ཡང་གནང་ངོ་ཞེས་གསུངས་པ་ལྟ་བུའོ། །རང་གི་ལྟ་བ་ལ་མཆོག་ཏུ་འཛིན་པའི་གཉེན་པོར་ཆོས་མངོན་པའི་སྡེ་སྣོད་རྣམ་པར་གཞག་པ་སྟེ། ཆོས་རྣམས་ཀྱི་མ་མོ་གང་གིས་ཤེས་བྱ་ཐམས་ཅད་ཀྱི་རང་སྤྱིའི་མཚན་ཉིད་ཕྱིན་ཅི་མ་ལོག་པར་གཏན་ལ་ཕབ་ནས་རྒྱ་ཆེར་སྟོན་པའི་ཕྱིར་རོ། །
གཉིས་པ་ནི་བསླབ་པར་བྱ་བ་རྣམ་པར་བྱང་བའི་ལམ་གསུམ་གྱི་དབང་གིས་སྡེ་སྣོད་གསུམ་དུ་རྣམ་པར་བཞག་སྟེ། འདི་ལྟར་རྗོད་བྱེད་གསུམ་པོ་དེ་དག་གིས་བརྗོད་བྱ་བསླབ་པ་གསུམ་ཅི་རིགས་པར་བསྟན་ཏེ། མདོ་སྡེའི་སྡེ་སྣོད་ཀྱིས་ནི་ཉན་ཐོས་དང་ཐེག་པ་ཆེན་པོའི་བསླབ་པ་གསུམ་རྒྱས་པར་
བརྗོད་པའི་སྒོ་ནས་གདུལ་བྱ་རྣམས་བསླབ་པ་གསུམ་ལ་ཡང་དག་པར་སྦྱོར་བར་བྱེད་དོ། །འདུལ་བའི་སྡེ་སྣོད་ཀྱིས་ནི་སོ་སོར་ཐར་པའི་སྡོམ་པའི་བསླབ་བྱ་ལ་སློབ་པའི་ཚུལ་རྒྱ་ཆེར་བསྟན་པའི་སྒོ་ནས་གདུལ་བྱ་རྣམས་ཀྱི་རྒྱུད་ལ་དངོས་སུ་ཚུལ་ཁྲིམས་ཡོངས་སུ་དག་པར་བྱེད་པ་དང་། དེ་ལ་གནས་པས་འགྱོད་
པ་མེད་པ་ལ་སོགས་པ་རིམ་གྱིས་སེམས་རྩེ་གཅིག་པ་འཐོབ་པའི་ཕྱིར་ལྷག་པའི་ཚུལ་ཁྲིམས་ཀྱི་བསླབ་པ་དང་ལྷག་པའི་སེམས་ཀྱི་བསླབ་པ་ལ་ཡང་དག་པར་སྦྱོར་བར་བྱེད་དོ། །ཆོས་མངོན་པའི་སྡེ་སྣོད་ཀྱིས་ནི་ཆོས་རྣམས་ཀྱི་མཚན་ཉིད་མ་ནོར་བར་རྒྱ་ཆེར་བསྟན་པའི་སྒོ་ནས་ཆོས་རབ་ཏུ་རྣམ་པར་འབྱེད་པའི་

213-1-107b

བློ་དྲི་མ་མེད་པར་བསྒྲུབ་པའི་ཕྱིར་ལྷག་པའི་ཤེས་རབ་ཀྱི་བསླབ་པ་ལ་ཡང་དག་པར་སྦྱོར་བར་བྱེད་དོ། །དེ་སྐད་དུ་ཡང་། སློབ་དཔོན་དབྱིག་གཉེན་གྱིས། མདོ་སྡེ་ནི་བསླབ་པ་གསུམ་བཤད་དོ། །འདུལ་བས་ནི་ལྷག་པའི་ཚུལ་ཁྲིམས་དང་ལྷག་པའི་སེམས་བསྒྲུབ་པ་ཡིན་ཏེ། ཚུལ་ཁྲིམས་དང་ལྡན་པ་ནི་འགྱོད་
པ་མེད་པ་ལ་སོགས་པའི་རིམ་གྱིས་ཏིང་ངེ་འཛིན་འཐོབ་པའི་ཕྱིར་རོ། །ཆོས་མངོན་པས་ལྷག་པའི་ཤེས་རབ་བསྒྲུབ་པ་ཡིན་ཏེ་དོན་ཕྱིན་ཅི་མ་ལོག་པར་སྟོན་པའི་ཕྱིར་རོ་ཞེས་གསུངས་སོ། །གསུམ་པ་ནི་ཤེས་པར་བྱ་བ་ཆོས་དོན་བཤད་པ་དང་ཆོས་དོན་སྒྲུབ་པ་དང་ཆོད་དོན་འབྲེལ་གཏམ་གྱིས་
གཏན་ལ་འབེབས་པའི་དབང་གིས་སྡེ་སྣོད་གསུམ་དུ་རྣམ་པར་གཞག་པ་སྟེ། འདི་ལྟར་མདོ་སྡེའི་སྡེ་སྣོད་ཀྱིས་ནི་རྗོད་པར་བྱེད་པའི་མིང་དང་ཚིག་དང་ཡི་གེའི་མཚན་ཉིད་ཀྱི་ཆོས་དང་དེས་བརྗོད་པར་བྱ་བ་ཕུང་པོ་དང་ཁམས་ལ་སོགས་པའི་མཚན་ཉིད་ཀྱི་དོན་ནམ། མཐོ་རིས་འགྲུབ་པར་བྱེད་པའི་
རྒྱུ་དགེ་བ་བཅུའི་ལས་ལ་སོགས་པའི་ཆོས་དང་མྱ་ངན་ལས་འདས་པ་འགྲུབ་པར་བྱེད་པའི་རྒྱུ་བྱང་ཆུབ་ཀྱི་ཕྱོགས་ཀྱི་ཆོས་སུ་དེ་དག་གིས་བརྗོད་པར་བྱ་བའི་དོན་མངོན་སུམ་དུ་བྱེད་དོ། །འདུལ་བའི་སྡེ་སྣོད་ཀྱིས་ནི་འདོད་ཆགས་ལ་སོགས་པའི་ཉོན་མོངས་པ་རྣམས་ལ་མི་སྡུག་
པ་ལ་སོགས་པར་བསྒོམ་པའི་སྒོ་ནས་ཉོན་མོངས་པ་འདུལ་བ་ལ་མཆོག་ཏུ་སྤྲོ་བས་ན། མིང་གི་ཚོགས་ལ་སོགས་པའི་ཆོས་དང་དེ་དག་གིས་བརྗོད་པར་བྱ་བའི་དོན་མངོན་སུམ་དུ་བྱེད་དོ། །མངོན་པའི་སྡེ་སྣོད་ཀྱིས་ནི་ཆོས་ཀྱི་མཚན་ཉིད་ཤིན་ཏུ་མཁས་པར་བསྒྲུབས་ནས་ཆོས་དང་དོན་རྣམས་གཞན་ལ་མ་
ནོར་བ་ཉིད་དུ་ལེགས་པར་འདོམས་པ་ལ་མཁས་པར་འགྱུར་རོ། །དེ་སྐད་དུ་ཡང་སློབ་དཔོན་དེ་ཉིད་ཀྱིས། མདོ་སྡེས་ནི་ཆོས་དང་དོན་བཤད་དོ། །འདུལ་བས་ནི་ཆོས་དང་དོན་བསྒྲུབ་པ་སྟེ། ཉོན་མོངས་པ་འདུལ་བ་ལ་རབ་ཏུ་བརྩོན་པས་དེ་གཉིས་རྟོགས་པའི་ཕྱིར་རོ། །ཆོས་མངོན་པས་ནི་འབེལ་བའི་
གཏམ་རྣམ་པར་གཏན་ལ་དབབ་པ་ལ་མཁས་པ་ཞེས་གསུངས་སོ། །དེ་ལྟར་བཤད་པའི་སྡེ་སྣོད་གསུམ་གྱི་ཆོས་དེ་དག་ལས་བྱུང་བའི་ཤེས་རབ་ཀྱིས་རྣམ་པར་གྲོལ་བར་བྱེད་དོ། །དེའང་ཐོས་པའི་ཤེས་རབ་ཀྱིས་ཆོས་ཀྱི་དབྱིངས་རྣམ་པར་དག་པའི་རྒྱུ་མཐུན་པ་ལས་བྱུང་བའི་ཐོས་

213-1-108a

པའི་བག་ཆགས་འཇོག་པ་དང་། བསམས་པའི་ཤེས་རབ་ཀྱིས་ཇི་ལྟར་བསམས་པ་དེ་དང་དེའི་དོན་སྤྱིའི་ཚུལ་གྱིས་རྟོགས་པར་བྱེད་པ་དང་། དེ་ལྟ་བུའི་ཐོས་པ་དང་བསམ་པའི་ཤེས་རབ་དང་ལྡན་པས་ནི་བསམ་པའི་དོན་རྩེ་གཅིག་ཏུ་ཡིད་ལ་བྱེད་པའི་བསྒོམ་པ་ལ་སྦྱོར་བའི་ཚུལ་གྱིས་ལྷག་
མཐོང་གི་རྒྱུ་ཞི་གནས་ཀྱི་ཏིང་ངེ་འཛིན་རྒྱུད་ལ་སྐྱེད་པར་བྱེད་དོ། །དེས་སེམས་ཀྱི་ཉོན་མོངས་པ་བཞི་བར་བྱེད་པ་དང་ལྷག་མཐོང་གིས་ཆོས་ཉིད་དོན་དམ་པའི་བདེན་པ་ཡང་དག་པ་ཇི་ལྟ་བ་བཞིན་དུ་རྟོགས་པའི་སྒོ་ནས་རྣམ་པར་གྲོལ་བར་བྱེད་དེ། མགོན་པོ་བྱམས་པས། སྡེ་སྣོད་དག་ནི་གསུམ་མམ་གཉིས་
ཀྱང་རུང་། །བསྡུས་པའི་ཕྱིར་ན་རྒྱུ་ནི་དགུས་འདོད་དོ། །དེ་ཡིས་བག་ཆགས་རྟོགས་དང་ཞི་བ་དང་། །རབ་ཏུ་རྟོགས་པས་རྣམ་པར་གྲོལ་བར་བྱེད། །ཅེས་སོ། །བཞི་པ་གདུལ་བྱའི་སྒོ་ནས་དབྱེ་བ་ནི། གལ་ཏེ་དེ་ལྟར་སྡེ་སྣོད་གསུམ་དུ་བཞག་པ་དེ་ཁོ་ན་ཉིད་དུ་ངེས་སམ་ཞེ་ན། མཐའ་གཅིག་ཏུ་མ་ངེས་ཏེ། བཞི་
རུ་དབྱེ་བ་དང་། གཉིས་སུ་བསྡུ་བའོ། །དང་པོ་ནི། རིག་པ་འཛིན་པ་སྔགས་ཀྱི་སྡེ་སྣོད་ནི་སྔར་གྱི་སྡེ་སྣོད་གསུམ་པོ་གང་ཡང་རུང་བའི་ཁོངས་སུ་འདུ་བར་འགྱུར་རམ། ཡང་ན་ལོགས་སུ་འགྱུར་བ་ཡིན་སྙམ་ན། སློབ་དཔོན་ཨ་བྷ་ཡཱ་ཀ་རས་ནི་བསླབ་པ་གསུམ་ཀ་སྟོན་པས་སྡེ་སྣོད་གསུམ་ཀའོ་ཞེས་གསུམ་ཆར་
གྱི་ཟབ་པའི་མཐར་ཐུག་ཡིན་པས་དེ་དག་ཏུ་བསྡུ་བའི་ལུགས་སུ་མཛད་དོ། །སློབ་དཔོན་ཤཱནྟི་པས་ནི་ཟབ་མོའི་དོན་བསྡུས་ནས་སྟོན་པས་མདོ་སྡེའི་སྡེ་སྣོད་ཡིན་ནོ་ཞེས་མདོ་སྡེའི་ཁོངས་སུ་བསྡུ་བའི་ལུགས་སུ་བཞེད་དོ། །སློབ་དཔོན་ཨཱརྱ་དེ་ཝས་ནི་རིག་པ་འཛིན་པའི་སྡེ་སྣོད་དོ་ཞེས་ལོགས་སུ་
ཕྱེ་བའི་སྡེ་སྣོད་བཞི་པ་ཉིད་དུ་བཞེད་དོ། །དེ་ལྟར་ན་སྡེ་སྣོད་བཞིར་ཡང་འགྱུར་ཏེ་འདི་ནི་གདུལ་བྱ་ཐུན་མོང་དུ་མ་གྱུར་པ་དག་གི་དོན་གསུངས་པ་ལ་སོགས་པས་ཕྱི་མ་ལྟར་འཐད་པའི་ལུགས་སུ་བཞེད་དོ། །གཉིས་པ་ནི། རྒྱན་ལས། གཉིས་ཀྱང་རུང་ཞེས་པས་གདུལ་བྱའི་གང་ཟག་ལ་ལྟོས་ནས་སྡེ་སྣོད་གཉིས་
སུ་བཞག་པའང་རིགས་ཏེ། ཉན་ཐོས་ཀྱི་སྡེ་སྣོད་དང་། བྱང་ཆུབ་ཀྱི་སྡེ་སྣོད་དང་། བྱང་ཆུབ་སེམས་དཔའི་སྡེ་སྣོད་དག་གོ། །དེའང་འདུལ་བྱའི་གང་ཟག་བློ་དམན་པ་ལམ་རྒྱ་ཆུང་ངུ་ལ་མོས་པའི་ཉན་ཐོས་ཀྱི་སྡེ་སྣོད་དང་། བློ་མཆོག་ཏུ་གྱུར་བ་ལམ་རྒྱ་ཆེན་པོ་ལ་མོས་པའི་ངོ་ན་བྱང་ཆུབ་སེམས་དཔའི་སྡེ་སྣོད་གཉིས་སུ་འགྱུར་

213-1-108b

བ་ཡིན་ཏེ། རྒྱན་གྱི་འགྲེལ་པར་གསུམ་པོ་དེ་དག་ཉིད་ཐེག་པ་དམན་པ་དང་། ཐེག་པ་མཆོག་གི་བྱེ་བྲག་གིས་རྣམ་པ་གཉིས་སུ་འགྱུར་ཏེ། ཉན་ཐོས་ཀྱི་སྡེ་སྣོད་དང་། བྱང་ཆུབ་སེམས་དཔའི་སྡེ་སྣོད་དོ་ཞེས་སོ། །དེ་དག་ལ་ཐེག་པ་ཆུང་ངུ་དང་ཐེག་པ་ཆེན་པོ་ཞེས་ཀྱང་བྱ་སྟེ། སྤྱིར་ཐེག་པ་ཞེས་
བྱ་བ་ལེགས་པར་སྦྱར་བ་ལ། ཡཱ་ན་ཞེས་ཡོད་པ་དེ་ནི་ཁྱོགས་དང་ཐེག་པ་དང་བཞོན་པ་དང་ལམ་རྣམས་སུ་འཇུག་པ་ལས། འདིར་འགྲོ་བའི་དོན་གྱིས་ཐེག་པ་ཞེས་བྱ་ཞིང་། ལམ་གྱི་བདེན་པ་འཁོར་དང་བཅས་པ་ལའང་སྒྲ་དེ་ནི་དོན་གྱིས་འཇུག་སྟེ། སློབ་པའི་གང་ཟག་གི་ལམ་གྱི་བདེན་
པ་ནི་འདིས་འདོང་བར་བྱེད་པས་ཐེག་པ་ཞེས་བྱའོ། །མི་སློབ་པའི་ལམ་གྱི་བདེན་པ་ནི་འདིར་དོང་བས་ན་ཐེག་པ་ཞེས་བྱའོ། །ཐེག་པ་དམན་པ་དང་ཐེག་པ་ཆེན་པོ་གཉིས་ཀྱི་ཁྱད་པར་ཡང་། སྡེ་སྣོད་ཀྱི་དབང་དུ་བྱས་ན་ཐེག་པ་དམན་པའི་ལུགས་ཀྱི་གསུང་རབ་ཡན་ལག་བཅུ་གཉིས་དང་
བསྟན་བཅོས་མངོན་པ་སྡེ་བདུན་ལ་སོགས་པ་ནི་ཉན་ཐོས་ཀྱི་སྡེ་སྣོད་ཡིན་ལ། དེ་དག་ལ་མ་གྲགས་པའི་ཤེས་རབ་ཀྱི་ཕ་རོལ་ཏུ་ཕྱིན་པ་དང་། ཕལ་པོ་ཆེ་ལ་སོགས་པ་ཤིན་ཏུ་རྒྱས་པའི་སྡེ་སྣོད་རྣམས་ནི་བྱང་ཆུབ་སེམས་དཔའི་སྡེ་སྣོད་དུ་འདོད་པ་ལ་སོགས་པའི་ཁྱད་པར་ཞིབ་ཏུ་
ཕྱེ་ན་མཐའ་ཡས་པར་གསུངས་ཀྱང་། གཙོ་བོར་འཕགས་པ་ལངྐར་གཤེགས་པ་ལས། ཆོས་ལྔ་དག་དང་རང་བཞིན་གསུམ། །རྣམ་པར་ཤེས་པ་བརྒྱད་ཉིད་དང་། །བདག་མེད་གཉིས་ཀྱི་དངོས་པོར་ནི། །ཐེག་པ་ཆེན་པོ་མཐའ་དག་འདུས། །ཞེས་གསུངས་སོ། །དེ་ལ་ཆོས་ནི་
མིང་དང་རྒྱུ་མཚན་དང་རྣམ་པ་རྟོག་པ་དང་དེ་བཞིན་ཉིད་དང་ཡང་དག་པའི་ཡེ་ཤེས་སོ། །རང་བཞིན་ནི་ཀུན་བརྟགས་དང་། གཞན་དབང་དང་། ཡོངས་སུ་གྲུབ་པ་སྟེ་གསུམ་མོ། །རྣམ་པར་ཤེས་པ་ནི། ཚོགས་དྲུག་དང་། ཉོན་མོངས་པའི་ཡིད་དང་། ཀུན་གཞིའི་རྣམ་པར་ཤེས་པ་སྟེ་བརྒྱད་དོ། །བདག་
མེད་ནི་ཟག་གི་བདག་མེད་དང་། ཆོས་ཀྱི་བདག་མེད་གཉིས་ཏེ། དེ་དག་སྟོན་པར་བྱེད་པ་ནི་ཐེག་པ་ཆེན་པོའི་གཞུང་ཡིན་ནོ། །ཡང་ལམ་དང་འབྲས་བུའི་དབང་དུ་བྱས་ན། ཆེན་པོ་བདུན་དང་ལྡན་པའི་ཕྱིར་ཐེག་པ་ཆེན་པོ་ཞེས་བྱ་སྟེ། དེའང་མདོ་སྡེ་ལ་སོགས་པའི་ཆོས་རྒྱ་ཆེན་པོ་དཔག་ཏུ་མེད་པ་དང་ལྡན་པར་

213-1-109a

དམིགས་པའི་ཕྱིར་དམིགས་པ་ཆེན་པོའོ། །རང་གི་དོན་དང་གཞན་གྱི་དོན་གཉིས་སྒྲུབ་པའི་ཕྱིར་སྒྲུབ་པ་ཆེན་པོའོ། །རྟོགས་པའི་དུས་ན་གང་ཟག་དང་ཆོས་ཀྱི་བདག་མེད་པ་གཉིས་རྟོགས་པས་རྟོགས་པ་ཆེན་པོའོ། །བསྐལ་པ་གྲངས་མེད་པ་གསུམ་དུ་རྟག་ཏུ་གུས་པར་བྱས་ཏེ་སྦྱོར་
བའི་བརྩོན་འགྲུས་རྩོམ་པས་བརྩོན་འགྲུས་རྩོམ་པ་ཆེན་པོའོ། །འཁོར་བ་ཡོངས་སུ་མི་གཏོང་ཞིང་ཀུན་ནས་ཉོན་མོངས་པས་གོས་པ་མེད་པས་ཐབས་ལ་མཁས་པ་ཆེན་པོ་སྟེ། རྒྱུའི་ཁྱད་པར་ལྔའོ། །སྟོབས་དང་མི་འཇིགས་པ་དང་སངས་རྒྱས་ཀྱི་ཆོས་མ་འདྲེས་པ་ཡང་དག་པར་འགྲུབ་པས་ཡང་དག་
པར་གྲུབ་པ་ཆེན་པོའོ། །ཡང་དང་ཡང་དུ་མངོན་པར་རྫོགས་པར་བྱང་ཆུབ་པ་དང་མྱ་ངན་ལས་འདས་པ་ཆེན་པོ་ཀུན་དུ་སྟོན་པས་སངས་རྒྱས་ཀྱི་ཕྲིན་ལས་ཆེན་པོ་སྟེ། མགོན་པོ་བྱམས་པས། དམིགས་པ་ཆེ་བ་ཉིད་དང་ནི། །དེ་བཞིན་སྒྲུབ་པ་གཉིས་དག་དང་། །ཡེ་ཤེས་བརྩོན་འགྲུས་རྩོམ་
པ་དང་། །ཐབས་ལ་མཁས་པར་གྱུར་པ་དང་། །ཡང་དག་གྲུབ་པ་ཆེན་པོ་དང་། །སངས་རྒྱས་ཕྲིན་ལས་ཆེན་པོ་སྟེ། །ཆེན་པོ་བདུན་དང་ལྡན་པའི་ཕྱིར། །ཐེག་ཆེན་ཞེས་ནི་ངེས་པར་བརྗོད། །ཅེས་པ་ལྟར་རོ། །ཡང་ན་ཐེག་པ་ཆེན་པོ་བསྡུས་པ་ལས། ཤེས་བྱའི་གནས་དང་མཚན་ཉིད་དེར་འཇུག་དང་། །
དེ་ཡི་རྒྱུ་འབྲས་དེ་རབ་དབྱེ་བ་དང་། །བསླབ་པ་གསུམ་དང་དེ་འབྲས་སྤངས་པ་དང་། །ཡེ་ཤེས་ཐེག་པ་མཆོག་གྱུར་ཁྱད་པར་འཕགས། །ཞེས་པའི་དོན་རྒྱ་ཆེར་འབྱུང་བ་རྣམས་ཀྱི་སྒོ་ནས་ཐེག་པ་ཆེན་པོ་ཁྱད་པར་དུ་འཕགས་པ་བསྟན་པ་ཡིན་ནོ། །ཁྱད་པར་འཕགས་པའི་ཐེག་པ་ཆེན་པོ་དེ་ལ་དབྱེ་ན། གདུལ་
བྱ་དབང་པོ་རྟུལ་པོ་རྒྱུ་ལ་མོས་པས་རྒྱུ་ལམ་དུ་བྱེད་པ་ལ་རྒྱུ་ཕ་རོལ་ཏུ་ཕྱིན་པའི་ཐེག་པ་དང་། དབང་པོ་རྣོན་པོ་རྒྱུ་འབྲས་ལྷུན་གྲུབ་ལ་མོས་པས་འབྲས་བུ་ལམ་དུ་བྱེད་པ་ལ་འབྲས་བུ་གསང་སྔགས་རྡོ་རྗེ་ཐེག་པ་གཉིས་སུ་འགྱུར་ཏེ། མདོ་སྡེ་གདམས་ངག་འབོགས་པའི་རྒྱལ་པོ་ལས། འདྲེན་
པའི་ཐེག་པ་གསུམ་པོ་དག །བཅོམ་ལྡན་ངེས་པར་གསུངས་ལགས་ན། །རྒྱུ་འབྲས་ལྷུན་གྲུབ་ཏུ་སྤྱོད་ཅིང་། །སངས་རྒྱས་གཞན་ནས་མི་འཚོལ་བའི། །ངེས་པའི་ཐེག་པ་ཅིས་མ་གསུངས། །ཞེས་པ་དང་། རྒྱུ་ལ་མོས་པ་རྒྱུ་ཆོས་ཀྱི། །འཁོར་ལོ་རབ་ཏུ་བསྐོར་བྱས་

213-1-109b

ནས། །རྡོ་རྗེ་ཐེག་པའི་ཉེ་ལམ་ཞིག །མ་འོངས་དུས་ན་འབྱུང་བར་འགྱུར། །ཞེས་སོ། །དེ་ལས་ཕྱི་མ་གསང་སྔགས་རྡོ་རྗེ་ཐེག་པ་བྱེ་བྲག་ཏུ་བཤད་པ་ལ། མདོར་བསྟན་པ་དང་། རྒྱས་པར་བཤད་པ་གཉིས་ལས། དང་པོ་ལ་སྤྱིའི་ངོ་བོ་ངོས་བཟུང་བ་དང་། རྒྱུད་ཀྱི་ངེས་ཚིག་བསྟན་པའོ། །
དང་པོ་ལ་ཐེག་པ་དམན་པ་ལས་མཆོག་ཏུ་གྱུར་པའི་ཐེག་པ་ཆེན་པོ་ནང་ནས་གཞི་མི་སྤོང་བར་ལམ་དུ་བྱེད་པའི་ཐབས་ཁྱད་པར་དུ་འཕགས་པ། དཀའ་བ་མེད་པར་གཞན་དོན་དུ་བླ་ན་མེད་པའི་བྱང་ཆུབ་མྱུར་དུ་འགྲུབ་པའི་ཐབས་སུ་གྱུར་པ་གང་ཡིན་པའོ། །གཉིས་པ་ངེས་
ཚིག་ནི་སྐད་བྱེ་བྲག་ཏུ་རྟོགས་པར་བྱེད་པ་འབྲིང་པོ་ལས། ཏནྡྲ་པྲ་བནྡྷ་ཁྱཱ་ཞེས་པ་རྒྱུན་ཆགས་པར་བཤད་པའི་མིང་དུ་བཤད་དེ། དེ་ལས་བྱེ་བྲག་ཏུ་བརྗོད་བྱ་དོན་གྱི་རྒྱུད་ཀྱི་དབང་དུ་བྱས་ན། སེམས་ཉིད་གཉིས་སུ་མེད་པའི་ཡེ་ཤེས་རང་གི་མཚན་ཉིད་གསལ་ལ་མ་འགགས་པ། རྒྱུ་དང་
ཐབས་དང་འབྲས་བུའི་གནས་སྐབས་ཐམས་ཅད་དུ་འབྲེལ་ཞིང་རྒྱུན་ཆགས་པ། ངོ་བོ་ནི་ཐབས་དང་ཤེས་རབ་ཟུང་དུ་འབྲེལ་བའི་བདག་ཉིད་ཅན་དུ་གནས་པ་དེ་ལ་རྒྱུད་ཅེས་བྱ་སྟེ། སྒྱུ་འཕྲུལ་དྲ་བ་ལས། རྒྱུད་ནི་རྒྱུན་ཞེས་བྱ་བ་སྟེ། །ཞེས་དང་། རྡོ་རྗེ་རྩེ་མོ་ལས། རྒྱུད་ནི་རྒྱུན་ཆགས་ཞེས་བྱ་སྟེ། འཁོར་
བ་རྒྱུད་དུ་འདོད་པ་དེ། །མྱ་ངན་འདས་པ་རྒྱུད་ཕྱི་མ། །ཞེས་དང་། གསང་བ་འདུས་པའི་རྒྱུད་ཕྱི་མ་ལས། རྒྱུད་ནི་རྒྱུན་ཆགས་ཞེས་བྱ་སྟེ། །རྒྱུན་དེ་རྣམ་པ་གསུམ་དུ་འགྱུར། །གཞི་དང་དེ་ཡི་རང་བཞིན་དང་། །མི་འཕྲོགས་པ་ཡིས་རབ་ཕྱེ་བའོ། །རང་བཞིན་རྣམ་པ་རྒྱུ་ཡིན་ཏེ། ། གཞི་ནི་ཐབས་
ཞེས་བྱ་བ་ཡིན། །དེ་བཞིན་མི་འཕྲོགས་འབྲས་བུ་སྟེ། །གསུམ་གྱིས་རྒྱུད་ཀྱི་དོན་བསྡུས་པའོ། །ཞེས་གསུངས་པ་ལྟ་བུའོ། །དེ་ལྟ་བུའི་རྒྱུད་སྡེ་དེ་ལ་སྤྱིར་གསང་སྔགས་སམ་སྔགས་ཀྱི་ཐེག་པ་དང་། རྡོ་རྗེ་ཐེག་པ་དང་རིག་པ་འཛིན་པའི་སྡེ་སྣོད་དང་། འབྲས་བུའི་ཐེག་པ་ཞེས་བྱ་བའི་མཚན་གྱི་རྣམ་
གྲངས་དང་ལྡན་པའོ། །དེ་ལས་དང་པོ་གསང་སྔགས་ཞེས་པ་འདིའི་སྒྲ་དོན་ནི། ལེགས་པར་སྦྱར་བའི་སྐད་དུ་མནྟྲ་ཞེས་འབྱུང་བ་བོད་སྐད་དུ་གསང་སྔགས་སམ་སྔགས་ཏེ། དེའང་ཡི་གེ་བསྣན་བགོད་ཀྱི་སྒྲ་ལས་དྲངས་ན་མ་ན་ཡིད་དང་། ཏྲཱ་ཡ་སྐྱོབ་པ་སྟེ། ཡིད་མཚན་མ་དང་རྣམ་པར་རྟོག་པ་ལས་སྐྱོབ་

213-1-110a

པའི་ཕྱིར་སྔགས་ཏེ། དེ་ཉིད་ལས། དབང་པོ་དང་ནི་ཡུལ་རྣམས་ཀྱི། །རྐྱེན་གྱིས་གང་དང་གང་བྱུང་བའི། །ཡིད་དེ་མན་ཞེས་བྱ་བར་བཤད། །ཏྲ་ནི་སྐྱོབ་པར་བྱེད་པའི་དོན། །འཇིག་རྟེན་སྤྱོད་ལས་རྣམ་གྲོལ་བ། །གང་བཤད་དམ་ཚིག་སྡོམ་པ་སྟེ། །རྡོ་རྗེ་ཀུན་གྱི་སྲུང་བ་
ནི། །སྔགས་ཀྱི་སྤྱོད་པ་ཞེས་བཤད་དོ། །ཞེས་དང་། ཡང་ན་སྟོང་པ་དང་སྙིང་རྗེ་གཉིས་སུ་མེད་པ་ལའང་བཤད་དེ། དབང་ཡོན་ཏན་རིམ་པ་ལས། མ་ནི་སྟོང་པ་མཚན་མ་བྲལ། །རྡོ་རྗེ་སེམས་དཔའི་དབུགས་དབྱུང་བ། །ཤེས་རབ་ཆེན་པོ་བདག་གིས་བཤད། །ཏྲ་ནི་སྐྱོབ་པར་བྱེད་པའི་དོན། །དེ་
བཞིན་གཤེགས་པའི་དབུགས་དབྱུང་བ། །སྟོང་པ་དང་ནི་སྙིང་རྗེ་ཉིད། །གཉིས་སུ་མེད་དང་གཉིས་ཀྱི་ཚུལ། །ཞེས་སོ། །དེ་ལ་ནང་གསེས་ཀྱི་དབྱེ་བ་གསང་སྔགས་དང་རིག་སྔགས་དང་གཟུངས་སྔགས་གསུམ་དུ་འགྱུར་ཏེ། དང་པོ་ནི་སྣོད་མིན་དུ་གཏོགས་པའི་སྐྱེ་བོ་རྣམས་ཀྱི་སྤྱོད་ཡུལ་དུ་མ་གྱུར་པའི་
ཕྱིར་གསང་བར་བྱ་བའི་འོས་ཡིན་པས་ན་དེ་སྐད་ཅེས་བྱ་སྟེ། དཔལ་ཁ་སྦྱོར་གྱི་རབ་ཏུ་བྱེད་པ་དང་པོར། ཁྱབ་འཇུག་དང་དབང་ཕྱུག་ཆེན་པོ་དང་ཚངས་པ་དང་ཉན་ཐོས་དང་རང་སངས་རྒྱས་རྣམས་ཀྱི་སྤྱོད་ཡུལ་མ་ཡིན་པའི་ཕྱིར་གསང་བའོ་ཞེས་སོ། །གཉིས་པ་ནི། བིདྱཱ་ཞེས་པའི་སྒྲས་གཙོ་ཆེར་རིག་པའི་མི་
མཐུན་པའི་ཕྱོགས་སུ་གྱུར་པའི་འདོད་ཆགས་ལ་སོགས་པ་ཉོན་མོངས་པའི་མུན་པ་འཇོམས་པ་ལ་ལྟོས་ནས་འཇོག་པ་སྟེ། རྡོ་རྗེ་རྩེ་མོར། འདོད་ཆགས་མུན་པ་རྣམ་རྟུལ་ཞིང་། །ཉོན་མོངས་རྣམས་ཀྱང་རྣམ་པར་འདུལ། །མ་རིག་པ་ནི་ཟློག་བྱེད་པ། །དེ་ནི་རིག་སྔགས་རྣམ་པར་བརྗོད། །ཅེས་དང་། བསམ་གཏན་
ཕྱི་མའི་འགྲེལ་པ་ལས། དེ་ལ་རིག་སྔགས་ནི་བུད་མེད་ཀྱི་གཟུགས་དང་དབྱིབས་ཀྱི་ལྷ་དང་། དེ་སྟོན་པའི་སྒྲ་དང་ཕྱག་རྒྱ་ལ་སོགས་པའོ་ཞེས་སོ། །གསུམ་པ་ནི། དྷཱ་ར་ཎི་ཞེས་པའི་སྒྲས་ཡོན་ཏན་འཛིན་པར་བྱེད་པ་ལ་ལྟོས་ནས་འཇོག་པ་སྟེ། དེ་ཉིས་ལས། སངས་རྒྱས་ཆོས་རྣམས་འཛིན་བྱེད་ཅིང་། །ཆོས་རྣམས་
འཛིན་པར་བྱེད་པ་དང་། །དགེ་བ་ཞེས་བྱ་འཛིན་བྱེད་པ། །གཟུངས་སྔགས་ཀྱི་ནི་མཚན་ཉིད་བརྗོད། །ཅེས་སོ། །དེ་ལྟར་གསང་སྔགས་ཞེས་བྱ་བའི་སྒྲ་དོན་དང་ལྡན་པ་དེ་ལ་རྡོ་རྗེ་ཐེག་པ་ཞེས་བྱ་བའི་དོན་ནི། འདི་ལྟར་རྡོ་རྗེ་ནི་སངས་རྒྱས་ཀྱི་སྐུ་གསུང་ཐུགས་རྡོ་རྗེའོ། །ཐེག་པ་ནི་འདིས་འདོང་བར་བྱེད་བས་ན་ལམ་དང་།

213-1-110b

འདིར་དོང་བས་ན་འབྲས་བུ་ལ་བྱའོ། །ཡང་ན་མི་ཕྱེད་པ་དང་མི་ཤིགས་པ་དང་ཐོགས་པ་མེད་པའི་དོན་གྱིས་ན་རྡོ་རྗེའོ། །དེ་ན་རྒྱུད་དང་འབྲས་བུ་ལྷུན་གྱིས་གྲུབ་པའི་ཚུལ་དུ་སྤྱོད་པའི་ལམ་གྱིས་འདོང་བས་ན་ཐེག་པ་སྟེ། རྒྱུད་ཀྱི་དོན་ལ་འཇུག་པ་ལས། དེ་ཉིད་ནི་འཚེ་བ་མེད་ཅིང་ཡང་དག་པའི་དོན་ཐོགས་པ་མེད་པར་
ཐོབ་པར་བྱེད་པས་ན་རྡོ་རྗེའོ། །དེ་ནི་ཐེག་པ་ཡང་ཡིན་ཏེ་ལམ་དེས་དཀའ་བ་མེད་པར་མྱུར་དུ་ཡིད་ལ་བྱེད་པའི་ཕྱིར་རོ་ཞེས་དང་། དུས་འཁོར་འགྲེལ་ཆེན་ལས། རྡོ་རྗེ་ནི་མི་ཕྱེད་པ་དང་མི་ཆོད་པ་ཆེན་པོ་ཡིན་ལ། དེ་ཉིད་ཐེག་པ་ཡིན་པ་ནི་རྡོ་རྗེ་ཐེག་པ་སྟེ་སྔགས་ཀྱི་ཚུལ་དང་ཕ་རོལ་ཏུ་ཕྱིན་པའི་ཚུལ། འབྲས་
བུ་དང་རྒྱུའི་བདག་ཉིད་གཅིག་ཏུ་འདྲེས་པར་གྱུར་པའོ་ཞེས་དང་། དཔལ་གསང་བ་འདུས་པ་ལས། འདོད་ཆགས་ཞེས་སྡང་གཏི་མུག་རྣམས། །རྡོ་རྗེ་ལ་དགའ་རྟག་པར་གནས། །དེས་ན་སངས་རྒྱས་རྣམས་ཀྱི་ཐབས། །རྡོ་རྗེ་ཐེག་པ་ཞེས་བཤད་དོ། །ཞེས་འབྱུང་བ་ལྟ་བུའོ། །རིག་པ་འཛིན་པའི་སྡེ་སྣོད་
ཅེས་བྱ་བ་ནི། དེ་བཞིན་གཤེགས་པའི་རིག་སྔགས་འཆང་བ་རྣམས་ཀྱི་བསླབ་པའི་གཞི་དང་ལྟ་བའི་གྲུབ་པའི་མཐའ་འདི་ཉིད་ཀྱིས་སྟོན་པར་བྱེད་པའི་དོན་དུ་དཔུང་བཟང་གི་རྒྱུད་ཀྱི་འགྲེལ་བ་ལས་བཤད་པ་ལྟ་བུའོ། །དེ་ལ་འབྲས་བུའི་ཐེག་པ་ཞེས་བྱ་བའི་དོན་ནི། དཔེར་ན་སྐྱེས་བུ་ཤིན་ཏུ་
མཛེས་པ་ལ་ལྷ་ཞེས་བརྗོད་པ་བཞིན་དུ་ཐེག་པ་འདི་བའི་ལུགས་ཀྱིས་ད་ལྟ་ནས་འབྲས་བུའི་རྣམ་པར་བསྒོམས་པས་ན་འབྲས་བུའི་ཐེག་པ་ཞེས་བྱ་སྟེ། རྡོ་རྗེ་གུར་ལས། སངས་རྒྱས་ང་རྒྱལ་རྣལ་འབྱོར་གྱིས། །སངས་རྒྱས་ཉིད་དུ་ངེས་པར་འགྲུབ། །ཅེས་སོགས་རྒྱ་ཆེར་གསུངས་སོ། །ཁྱད་པར་དུ་
ཐེག་པ་འདི་ཉིད་ཀྱིས་མངོན་པར་བསྒྲུབས་པའི་འབྲས་བུ་ནི། གང་ཟག་དབང་པོ་རབ་ཀྱིས་ཚེ་འདི་ཉིད་དུ་འགྲུབ་པ་དང་། འབྲིང་གིས་བར་དོར་འགྲུབ་པ་དང་། ཐ་མས་སྐྱེ་བ་བདུན་ན་འགྲུབ་པ་དང་། ཤིན་ཏུ་ཐ་མས་ཀྱང་སྐྱེ་བ་བཅུ་དྲུག་ན་འགྲུབ་པར་གསུངས་ཏེ། དེའི་དང་པོ་ནི། གསང་བ་འདུས་པ་
ལས། འདི་ཡིས་ཆོས་ཀྱི་བདག་ཉིད་ཆེ། །སྐུ་གསུམ་མི་ཕྱེད་ལས་བྱུང་བ། །ཡེ་ཤེས་རྒྱ་མཚོས་རྣམ་པར་བརྒྱན། །ཚེ་འདི་ཉིད་ལ་འགྲུབ་པར་འགྱུར། །ཞེས་གསུངས་པ་དང་། གཉིས་པ་ཡང་ཡེ་ཤེས་ཐིག་ལེ་ལས། ཡང་ན་ལུས་ནི་སྤངས་མ་ཐག །བརྩོན་པ་མི་ལྡན་པས་ཀྱང་འགྲུབ། །

213-1-111a

ཅེས་གསུངས་པ་དང་། གསུམ་པ་ཡང་། གསང་བའི་མཛོད་ལས། །དབང་བསྐུར་ཡང་དག་སྦྱིན་ལྡན་ན། །སྐྱེ་ཞིང་སྐྱེ་བར་དབང་བསྐུར་འགྱུར། །དེ་ཡིས་སྐྱེ་བ་བདུན་ན་ནི། །མ་བསྒོམས་པར་ཡང་དངོས་གྲུབ་ཐོབ། །ཅེས་གསུངས་པ་དང་། །བཞིན་པ་ཡང་དམ་ཚིག་ལྔ་པ་ལས། གལ་
ཏེ་ལྟུང་བ་མེད་གྱུར་ན། །སྐྱེ་བ་བཅུ་དྲུག་དག་ན་འགྲུབ། །ཅེས་གསུངས་སོ། །དེ་བས་ན་མི་གནས་པའི་མྱ་ངན་ལས་འདས་པའི་འབྲས་བུ་ཚེགས་མེད་པ་ཉིད་ཀྱིས་འགྲུབ་པའི་ཕྱིར་ན་འབྲས་བུའི་ཐེག་པ་ཞེས་བྱའོ། །དེ་ཉིད་རྗོད་པར་བྱེད་པའི་སྒྲ་རྒྱུད་ཀྱི་དབང་དུ་བྱས་ན། བརྗོད་བྱ་རྒྱུད་གསུམ་པོ་སྟོན་པར་བདེ་བའི་མིང་དང་
ཚིག་དང་ཡི་གེའི་རྣམ་པ་རང་རང་གི་རྣམ་པར་རིག་པ་ལ་སྒྲ་སྤྱི་དང་དོན་སྤྱི་འདྲེས་མའི་རྣམ་པར་སྣང་བ་གང་ཡིན་པ་དེ་ནི་སྒྲའི་རྒྱུད་མཚན་ཉིད་པ་དང་། སྒྲ་རྒྱུད་བློ་ལ་སྒྲ་གནས་པའི་འབྲས་བུ་དང་། དེ་ཉིད་རྒྱུད་ལ་སྐྱེད་པར་བྱེད་པའི་གྲོགས་སུ་གྱུར་པ་གང་རྗོད་པར་བྱེད་པ་ལུང་གི་རྒྱུད་སྡེའི་རིམ་པ་ནི་སངས་རྒྱས་བཅོམ་
ལྡན་འདས་ཀྱིས་ལེགས་པར་གསུངས་པ་ནས་བརྩམས་ཏེ་གླེགས་བམ་དུ་བྲིས་པའི་བར་ནི་སྒྲ་རྒྱུད་བཏགས་པ་བ་ཉིད་དུ་བཞེད་དོ། །གལ་ཏེ་དེ་ལྟ་ན་མངོན་པ་མཛོད་ལས། ཆོས་ཀྱི་ཕུང་པོ་བརྒྱད་ཁྲི་དག །གང་རྣམས་ཐུབ་པས་གསུངས་དེ་དག །ཚིག་གམ་མིང་ཡིན་དེ་དག་ནི། །གཟུགས་
སམ་འདུ་བྱེད་དག་ཏུ་འདུས། །ཞེས་བཤད་པ་དང་འགལ་ལོ་སྙམ་ན། བྱེ་བྲག་ཏུ་སྨྲ་བ་དང་མདོ་སྡེ་པ་དག་དེ་ལྟར་འདོད་ཀྱང་། ཐེག་པ་ཆེན་པོའི་ལུགས་ལ་ཀུན་རྫོབ་ཏུ་སྣང་བ་ཐམས་ཅད་རྣམ་པར་རིག་པ་སྒྱུ་མ་ལྟ་བུར་འདོད་པ་དེ་ཉིད་ཀྱི་ཕྱིར་ན་འོག་མའི་གཞུང་དང་འགལ་བའི་སྐྱོན་དུ་འགྱུར་བ་མེད་དོ། །དེ་དག་
ནི་ཐུན་མོང་བ་ལ་གྲགས་པའི་ལུགས་ཡིན་ལ། ཐུན་མོང་མ་ཡིན་པའི་ལུགས་ཀྱི་སྒྲ་རྒྱུད་མཚན་ཉིད་པ་ནི། རྡོ་རྗེ་རྩེ་མོར། སེམས་ཅན་ཀུན་ལ་ཕན་པའི་ཕྱིར། །སངས་རྒྱས་རྣམས་ཀྱི་ཆོས་ལོངས་རྫོགས། །སངས་རྒྱས་ཐུགས་རྗེས་བསྐུལ་ནས་ནི། །རྒྱུད་དོན་ཡང་དག་བྱུང་བ་ཡིན། །ཞེས་འབྱུང་བ་ལྟར་
འོག་མིན་གྱི་བྱང་ཆུབ་སེམས་དཔའ་རྣམས་ཀྱི་ཆོས་ཀྱི་ལོངས་སྤྱོད་རྗོད་བྱེད་སྒྲའི་རྒྱུད་ཐམས་ཅད་མཚན་ཉིད་པ་དང་། སྔར་བཤད་པའི་མཚན་བཏགས་ཀྱི་དབྱེ་བ་དག་ནི་སྒྲ་རྒྱུད་བཏགས་པ་བ་ཉིད་དུ་འཁྲུལ་པ་ཟད་པའི་རྗེ་བཙུན་གོང་མ་རྣམས་ཀྱི་བཞེད་པ་བླ་ན་མེད་པ་ཉིད་ཡིན་ནོ། །གཉིས་པ་རྒྱས་པར་བཤད་པ་

213-1-111b

ལ། དེ་ཕ་རོལ་ཏུ་ཕྱིན་པའི་ཐེག་པ་ལས་ཁྱད་པར་དུ་འཕགས་པར་བསྟན་པ་དང་། །ཁྱད་པར་དུ་འཕགས་པའི་རྒྱུད་སྡེའི་དབྱེ་བ་དང་། དབྱེ་བ་དེ་དང་ལྡན་པའི་གྲངས་ངེས་པ་དང་། གྲངས་དང་གོ་རིམས་གཉིས་ཀ་ངེས་པ་དང་། །གྲངས་ངེས་པ་ཅན་གྱི་རྒྱུད་ཀྱི་སྒྲ་དོན་བཤད་པའོ། །དང་པོ་དེ་ཕ་རོལ་ཏུ་ཕྱིན་
པའི་ཐེག་པ་ལས་ཁྱད་པར་དུ་འཕགས་པར་བསྟན་པ་ནི་སློབ་དཔོན་ཛྙཱ་ན་ཤྲཱིས། གསང་བ་སྔགས་ཀྱི་ཐེག་པ་འདི་ཕ་རོལ་ཏུ་ཕྱིན་པའི་ཐེག་པ་ཆེན་པོ་དབུ་མ་ལས་ཀྱང་ཁྱད་པར་ཅི་ཞིག་ཡོད་པར་བསྟན་ཅེ་ན། དམིགས་པ་བླ་ན་མེད་པ་ལ་དམིགས་པའི་ཐབས་དང་། སྒྲུབ་པ་བླ་ན་མེད་པ་དང་། །ཡེ་ཤེས་བླ་ན་
མེད་པ་དང་། བརྩོན་འགྲུས་བླ་ན་མེད་པ་དང་། །གདུལ་བྱ་མ་ལུས་པ་རྗེས་སུ་འཛིན་པར་ནུས་པ་དང་། ཉོན་མོངས་པ་བྱིན་གྱིས་རློབ་པ་དང་། བྱིན་གྱིས་རློབ་པ་མྱུར་བ་དང་། མྱུར་དུ་འབྱུང་བ་དང་། ཉོན་མོངས་སྤོང་བ་དང་། བསམ་པ་བླ་ན་མེད་པ་དང་། སྤྱོད་པ་བླ་ན་མེད་པའི་ཐབས་མཁས་པ་སྟེ།
དེ་ལྟར་ཐབས་མཁས་པ་ཉིད་རྣམ་པ་བཅུ་གཅིག་གི་ཁྱད་པར་དུ་འཕགས་སོ་ཞེས་གསུངས་ཏེ། དེ་དག་གི་དོན་ཡང་རིམ་པ་བཞིན་དུ་དགེས་པ་རྡོ་རྗེ་ལ་སོགས་པའི་རྒྱ་ཆེན་པོ་ལ་དམིགས་པའི་ཕྱིར་དང་། བསྐྱེད་པའི་རིམ་པ་ལ་བརྟེན་ནས་ལུས་ཀྱི་བཀོད་པ་སྣ་ཚོགས་པ་དང་ཏིང་ངེ་འཛིན་གྱི་སྟོབས་
ཀྱིས་ཀྱང་མངོན་གསུམ་མ་ཡིན་པར་དོན་དཔག་ཏུ་མེད་པ་བསྒྲུབ་པར་ནུས་པའི་ཕྱིར་དང་། རྒྱུ་དང་ངོ་བོ་ཉིད་དང་ལས་དག་ལས་ཡེ་ཤེས་མྱུར་བ་ཉིད་དུ་འགྲུབ་པའི་ཕྱིར་དང་། དམ་ཚིག་རྣམ་པར་དག་པའི་དབང་གིས་བརྩོན་འགྲུས་ཆེན་པོ་ཤུགས་འབྱུང་དུ་རྩོམ་པ་འབྱུང་བའི་ཕྱིར་དང་། མཚམས་མེད་
པ་ལྔའི་ལས་བྱེད་པ་ལ་སོགས་པ་ཐེག་པ་གཞན་ནས་ཡོངས་སུ་སྤངས་པ་རྣམས་ཀྱང་འདིར་འགྲུབ་པར་གསུངས་པའི་ཕྱིར་དང་། ལྷ་མཆོད་པའི་བསམ་པ་དང་བདེ་བ་ལ་བརྟེན་པའི་རྫོགས་པའི་རིམ་པའི་རྣལ་འབྱོར་གྱིས་ཉོན་མོངས་པ་བྱིན་གྱིས་རློབ་པའི་ཕྱིར་དང་། ད་ལྟ་ཉིད་ནས་དེ་བཞིན་གཤེགས་པ་
རྣམས་ཀྱིས་མངོན་པར་དབང་བསྐུར་ཞིང་བྱིན་གྱིས་རློབ་པའི་ཕྱིར་དང་། ཚེ་འདི་དང་སྐྱེ་བ་བདུན་དང་བཅུ་དྲུག་ན་ངེས་པར་འཚང་རྒྱ་བའི་ཐབས་ཀྱི་ཁྱད་པར་མང་པོ་འདི་ལ་ཡོད་པའི་ཕྱིར་དང་། དབྱིབས་དང་ཁ་དོག་ལ་སོགས་པའི་སྒོ་ནས་ཉོན་མོངས་པ་རང་བཞིན་གྱིས་རྣམ་པ་གྲོལ་བར་སྤོང་བའི་ཕྱིར་དང་།

213-1-112a

སངས་རྒྱས་རྣམས་ཀྱི་སྐུ་དང་གསུང་དང་ཐུགས་རྡོ་རྗེའི་རྣལ་འབྱོར་ལ་རྩེ་གཅིག་ཏུ་དམིགས་པས་ཆོས་ཐམས་ཅད་སྒྱུ་མ་ལྟ་བུར་ཤེས་ཤིང་ཉོན་མོངས་པ་ཚེགས་མེད་པར་སྤོང་བར་ནུས་པའི་ཕྱིར་དང་། ཐེག་པ་གཞན་ནས་མ་གནང་བའི་འདོད་པའི་ལོངས་སྤྱོད་ཐམས་ཅད་ལ་འདི་
ནས་ཇི་སྐད་བཤད་པའི་ཐབས་ཀྱི་རྩིས་ཟིན་པའི་སྒོ་ནས་སྤྱད་པས་འབྲས་བུ་མྱུར་དུ་འགྲུབ་པར་གསུངས་པས་ན། སྤྱོད་པ་བླ་ན་མེད་པ་སྟེ་འདི་དག་གིས་ཁྱད་པར་དུ་འཕགས་པར་བཞེད་དོ། །སློབ་དཔོན་ཤཱནྟི་པ་ནི། ཕ་རོལ་ཏུ་ཕྱིན་པ་དང་སྔགས་ཀྱི་ཐེག་པ་དོན་དམ་པའི་བདེན་པ་ལ་ཁྱད་པར་མེད་ཀྱང་
ཀུན་རྫོབ་ཀྱི་བདེན་པའི་ཁྱད་པར་ལ་སྣང་བའི་དམིགས་པ་རྣམས་ལྷར་བསྒོམ་པས་དམིགས་པ་རྒྱ་ཆེ་བ་དང་། དུས་གསུམ་གྱི་སངས་རྒྱས་ཀྱི་བདེན་པའི་ཚིག་རྣམས་ཡིད་བཞིན་དུ་བཟུང་བས་བྱིན་གྱིས་བརླབས་པ་ཁྱད་པར་ཅན་སྐྱེ་བས་གྲོགས་རྒྱ་ཆེ་བ་དང་། འགྲོ་བའི་དོན་དང་ཞིང་ཡོངས་
སུ་དག་པ་ད་ལྟ་ཉིད་ནས་སྤྱོད་པས་སྤྱོད་པ་རྒྱ་ཆེ་བ་སྟེ་གསུམ་པོ་འདོས་རྡོ་རྗེ་ཐེག་པ་ཁྱད་པར་དུ་འཕགས་པར་བཞེད་དོ། །སློབ་དཔོན་ཆེན་པོ་ཏྲི་པི་ཊ་ཀ་མ་ལ་ཤཱི་ལས། ཚུལ་གསུམ་གྱི་སྒྲོན་མ་ལས། དོན་གཅིག་ན་ཡང་མ་རྨོངས་དང་། །ཐབས་མང་དཀའ་བ་མེད་པ་དང་། །དབང་པོ་
རྣོན་པོའི་དབང་བྱས་པས། །སྔགས་ཀྱི་བསྟན་བཅོས་ཁྱད་པར་འཕགས། །ཞེས་གསུངས་པ་ལྟར། ཕ་རོལ་ཏུ་ཕྱིན་པའི་ཐེག་པ་དང་སྔགས་ཀྱི་ཐེག་པ་གཉིས་ལས། རྟོགས་པར་བྱ་བའི་ལྟ་བ་དང་ཐོབ་པར་བྱ་བའི་འབྲས་བུ་དང་ཀུན་སློང་བྱང་ཆུབ་ཀྱི་སེམས་རྣམས་ལ་ཁྱད་པར་ཞུགས་པ་
མ་ཡིན་ཡང་། མ་རྨོངས་པ་ལ་སོགས་པ་རྣམ་པ་བཞིས་སྔགས་ཀྱི་ཐེག་པ་ཁྱད་པར་དུ་འཕགས་པར་བཞེད་དོ། །དེ་ཅིའི་ཕྱིར་ཞེ་ན། རྟོགས་པར་བྱ་བའི་ལྟ་བ་ནི་ཆོས་ཐམས་ཅད་ཀྱི་གནས་ལུགས་སྤྲོས་པའི་མཐའ་ཐམས་ཅད་དང་བྲལ་བ་དང་དབུ་མའི་ལམ་ཡིན་ལ་དེ་ལ་ཁྱད་པར་ཞུགས་པ་མ་ཡིན་
ནོ། །དེ་ཉིད་ལས་ཁྱད་པར་དུ་གྱུར་པའམ་ལྷག་པའི་ལྟ་བ་ཡང་དག་པ་ཞིག་ཡོད་པར་མི་འགྱུར་ལ། གལ་ཏེ་ཡོད་པར་གྱུར་ན་ནི་ལྟ་བ་དེ་སྤྲོས་པ་ཅན་ལས་མ་འདས་ཤིང་། སྤྲོས་པའི་མཐར་ལྷུང་བའི་ལྟ་བས་ནི་ནམ་ཡང་རྣམ་པར་གྲོལ་བ་ཡོད་པར་མདོ་སྔགས་གཉིས་ཀ་ནས་རྣམ་པ་ཀུན་དུ་

213-1-112b

གསུངས་པ་མེད་པའི་ཕྱིར་རོ། །ཐོབ་པར་བྱ་བའི་འབྲས་བུ་རྣམ་པ་ཐམས་ཅད་མཁྱེན་པའི་སངས་རྒྱས་སུ་དམིགས་པ་ལ་ཡང་མི་མཐུན་པ་མེད་དེ། དེ་ཉིད་དམིགས་པར་བྱ་བའི་ཡུལ་དུ་གྱུར་པའི་ཐེག་པ་ཆེན་པོའི་ལམ་ཞིག་ཡོད་པ་མི་སྲིད་ལ་གལ་ཏེ་སྲིད་པར་གྱུར་ན་ཡང་དེ་ཉིད་
ནི་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཀྱི་ལམ་མ་ཡིན་པའི་ཕྱིར་རོ། །ཀུན་ནས་སློང་བ་བྱང་ཆུབ་ཀྱི་སེམས་ལམ་གྱི་གཞིར་བཟུང་བ་ཡང་མི་མཐུན་པ་མེད་དེ། གཞན་དོན་དུ་མི་གནས་པའི་མྱ་ངན་འདས་པའི་གོ་འཕང་དོན་དུ་གཉེར་བའི་བློ་མེད་ན་ཐེག་པ་ཆེན་པོའི་ལམ་ལ་
འཇུག་པའི་དགོས་པ་འགའ་ཡང་མེད་པའི་ཕྱིར་རོ། །དེས་ན་ལམ་སྤྱི་འམ་རྩ་བ་མཚུངས་པས་གསང་བ་སྔགས་ཀྱི་ཐེག་པ་ནི་རྩོད་པ་དང་བྲལ་བ་ཡིན་ལ། དེ་ལས་སྤྱོད་པ་བདེ་བས་འགྲུབ་པ་ལ་སོགས་པའི་བྱེ་བྲག་མང་པོ་སྟོན་དུ་ཡོད་པས་ན་ཆོས་ཁྱད་པར་དུ་འཕགས་པ་ཡིན་ནོ། །དེ་ཡང་འདི་
ལྟར་རྟོགས་པའི་ལྟ་བ་ལ་མ་རྨོངས་པའི་ཁྱད་པར་ཡོད་དེ། ཕ་རོལ་ཏུ་ཕྱིན་པ་ནས་སོ་སོ་སྐྱེ་བོའི་གནས་སྐབས་སུ། དངོས་པོའི་གནས་ལུགས་དཔེ་དང་གཏན་ཚིགས་ལ་སོགས་པའི་སྒོ་ནས་སྤྲོས་བྲལ་དུ་ཇི་ལྟར་གཏན་ལ་ཕབ་ཀྱང་དོན་སྤྱིའི་ཚུལ་གྱིས་རྟོགས་པ་ཙམ་ལས་རྟོགས་མེད་དུ་འགྱུར་
མི་སྲིད་ལ། གསང་སྔགས་པས་དབང་གི་དུས་ན་རྫས་དང་སྔགས་དང་ཏིང་ངེ་འཛིན་གྱི་རྟེན་འབྲེལ་ཟབ་མོའི་གནད་ཀྱིས་ཡེ་ཤེས་ཕབ་པ་དེའི་ཚེའམ་དབང་གསུམ་པ་ལ་སོགས་པའི་གནས་སྐབས་སུ་ཡེ་ཤེས་རྒྱུད་ལ་སྐྱེས་པ་ན་རྟོགས་མེད་ཀྱི་ཡེ་ཤེས་སྤྲོས་པ་དང་བྲལ་བ་དཔེའི་ཚུལ་གྱིས་དངོས་སུ་
རྟོགས་པ་འབྱུང་ཞིང་། དེ་ལ་བརྟེན་ནས་དོན་གྱི་ཡེ་ཤེས་ཀྱང་མྱུར་དུ་འདྲེན་པར་བཟོད་པའི་ཕྱིར་རོ། །དེ་སྐད་དུ་ཡང་སློབ་དཔོན་བཛྲ་པཱ་ཎིས། དོན་དེ་ཁོ་ན་ཉིད་ལ་དབྱེ་བ་མེད་ཀྱང་ཕ་རོལ་ཏུ་ཕྱིན་པའི་ཐེག་པ་ནི་རྨོངས་པ་སྟེ། ལུང་དང་རིགས་པས་གཏན་ལ་ཕབ་སྟེ་རྟོགས་པའོ། །རྡོ་རྗེ་ཐེག་
པ་ནི་མ་རྨོངས་པ་སྟེ་ལུང་དང་རིགས་པ་དང་བླ་མའི་མན་ངག་དག་གིས་ཉམས་སུ་མྱོང་བའོ་ཞེས་གསུངས་སོ། །རྟོགས་པར་བྱེད་པའི་ཐབས་མང་བའི་ཁྱད་པར་ཡོད་དེ། ཕ་རོལ་ཏུ་ཕྱིན་པའི་ལམ་གྱི་ཐབས་མཁས་པ་ཇི་སྙེད་པ་གཞིར་བཞག་པའི་སྟེང་དུ། དེ་དག་ཏུ་མིང་ཙམ་ཡང་མ་གྲགས་

213-1-113a

པའི་རིམ་པ་གཉིས་ཀྱི་རྣལ་འབྱོར་དང་བཟླས་བསྒོམ་དང་ལས་ཀྱི་ཚོགས་རབ་འབྱམས་དང་རྟོགས་པ་བརྟན་པའི་ཐབས་ཀྱི་སྤྱོད་པ་ལ་སོགས་པ་མཆོག་དང་ཐུན་མོང་གི་དངོས་གྲུབ་སྒྲུབ་པའི་ཐབས་ཟབ་པ་དང་རྒྱ་ཆེ་བའི་རིམ་པ་མང་དུ་ཡོད་པའི་ཕྱིར་ཏེ། དཔེར་ན། ཀྱེ་རྡོ་རྗེ་
ལས། སྐྱེ་བོ་མི་བཟད་པ་ཡི་ལས། །གང་དག་གང་གིས་འཆིང་འགྱུར་བ། །ཐབས་དང་བཅས་ན་དེ་ཉིད་ཀྱིས། །སྲིད་པའི་འཆིང་བ་ལས་གྲོལ་འགྱུར། །ཞེས་བྱ་བ་ལྟ་བུ་རྒྱ་ཆེར་གསུངས་པའི་ཕྱིར་རོ། །འོ་ན་དེ་ལྟ་བུ་ནི་མཚན་ཉིད་ཐེག་པ་ལས་ཀྱང་བཤད་དེ། དཀོན་མཆོག་བརྩེགས་པ་
ལས། དཔེར་ན་གྲོང་ཁྱེར་གྱི་ལུད་གང་ཡིན་པ་དེས་འབྲས་སམ་བུ་རམ་གྱི་ཞིང་ལ་ཕན་འདོགས་སོ། །དེ་བཞིན་དུ་བྱང་ཆུབ་སེམས་དཔའི་ཉོན་མོངས་པའི་ལུད་གང་ཡིན་པ་དེས་བྱང་ཆུབ་ཀྱི་མྱུ་གུ་ལ་ཕན་འདོགས་སོ་ཞེས་གསུངས་པས་སོ་སྙམ་ན་དེ་ནི་ས་ཐོབ་པའི་ཚེ་ཡིན་གྱིས་མ་ཐོབ་པ་
ཕྱིན་ཆད་ཀྱི་གང་ཟག་གིས་ནི་འདོད་པའི་ཡོན་ཏན་ལྔ་ལ་སོགས་པའི་ཡུལ་སྤོང་པ་ཉིད་ལམ་དུ་བྱེད་པ་སྟེ། མདོ་ལས། འདོད་པ་རྣམས་ནི་དུག་གི་ལོ་མ་ལྟ་བུའོ། །ཞེས་སོགས་དང་། །སློབ་མ་ལ་སྤྲིང་བ་ལས། །ཡུལ་དང་དུག་མཚུངས་དང་པོ་མྱོང་བ་ཙམ་ན་བདེ། །ཡུལ་དང་དུག་
མཚུངས་རྣམ་པར་སྨིན་པ་རྩུབ་ལ་མི་བཟད་པ། །ཡུལ་དང་དུག་མཚུངས་གཏི་མུག་མུན་པས་ཐིབས་པོར་བྱེད། །ཡུལ་དང་དུག་མཚུངས་ཤུགས་བཟློག་དཀའ་ཞིང་གཡོ་བ་ཡིན། །ཞེས་འབྱུང་བ་ལྟ་བུའོ། །དཀའ་བ་མེད་པས་བྱང་ཆུབ་འགྲུབ་པའི་ཁྱད་པར་ཡོད་དོ། །ཕ་རོལ་ཏུ་ཕྱིན་པ་བ་ནི་
བསྐལ་བ་གྲངས་མེད་གསུམ་ལ་སོགས་པར་མགོ་དང་རྐང་ལག་གི་བར་གྱི་བདོག་པ་གཏོང་བ་ལ་སོགས་པ་དཀའ་སྤྱད་དང་དཀའ་ཐུབ་ཀྱི་ལམ་ཡིན་པས་ཚེགས་ཆེན་པོས་བསྒྲུབ་དགོས་ལ། གསང་སྔགས་པ་ནི་དེ་ལྟ་བུ་མ་ཡིན་པར་སྤྱོད་པ་བདེ་བས་བྱང་ཆུབ་འགྲུབ་པའི་ལམ་ཡིན་པའི་ཕྱིར་རོ། །
དེ་སྐད་དུ་ཡང་གསང་བ་འདུས་པ་ལས། དཀའ་ཐུབ་སྡོམ་པ་མི་བཟད་པ། །བསྟེན་ཀྱང་འགྲུབ་པར་མི་འགྱུར་གྱི། །འདོད་པའི་ལོངས་སྤྱོད་ཐམས་ཅད་ལ། །བརྟེན་ན་མྱུར་དུ་འགྲུབ་པར་འགྱུར། །ཞེས་དང་། འདོད་པའི་ཡོན་ཏན་ཐམས་ཅད་ལ། །ཅི་བདེ་བར་ནི་བརྟེན་བཞིན་དུ། །རང་གི་

213-1-113b

ལྷ་ཡི་སྦྱོར་བ་ཡིས། །བདག་དང་གཞན་ལ་མཆོད་པར་བྱ། ཞེས་དང་། སློབ་དཔོན་བཛྲ་པཱ་ཎིས། གཞན་ཡང་དཀའ་མེད་པ་སྟེ་བདེ་བ་ཆེན་པོ་ལམ་དུ་བྱེད་པའོ། །ཕ་རོལ་ཏུ་ཕྱིན་པ་ནི་བཏང་སྙོམས་པ་དང་ཉམས་སུ་མྱོང་བ་མེད་དོ། །རྒྱུ་ལམ་དུ་བྱེད་པས་ན་རྒྱུའི་ཐེག་པའོ། །འབྲས་བུ་
ལམ་དུ་བྱེད་པས་ན་འབྲས་བུའི་ཐེག་པ་ཁྱད་པར་དུ་འཕགས་སོ་ཞེས་གསུངས་པའི་ཕྱིར་རོ། །འོ་ན་སྡུད་པ་ཚིགས་སུ་བཅད་པ་ལས། བྱང་ཆུབ་སེམས་དཔའ་འདོད་པའི་ཡོན་ཏན་ལྔ་སྤྱོད་ཀྱང་། །སངས་རྒྱས་ཆོས་དང་འཕགས་པའི་དགེ་འདུན་སྐྱབས་སོང་སྟེ། །སངས་རྒྱས་བསྒྲུབ་བྱ་
སྙམ་དུ་ཀུན་མཁྱེན་ཡིད་བྱེད་པ། །མཁས་པ་ཚུལ་ཁྲིམས་ཕ་རོལ་ཕྱིན་གནས་རིག་པར་བྱ། །ཞེས་གསུངས་པ་དང་མཚུངས་སོ་སྙམ་ན། དེ་ནས་བཤད་པ་ནི་བྱང་ཆུབ་སེམས་དཔའ་མི་སྐྱེ་བའི་ཆོས་ལ་བཟོད་པ་ཐོབ་པ་ཉིད་ནས་ཡིན་ལ། གསང་སྔགས་ཀྱི་སྐབས་ནས་བཤད་པ་ནི་
དབང་བསྐུར་བ་ཐོབ་པའི་དུས་ཉིད་ནས་ཆོས་ཐམས་ཅད་ལྷག་པའི་ལྷར་ངོ་སྤྲོད་ཅིང་མཆོད་པ་དང་མི་འབྲལ་བར་བྱ་བ་ཡིན་པས་ཁྱད་པར་ཆེ་སྟེ། དུས་འདི་ཉིད་ནས་བཟུང་ནས་ནི། །འཁོར་བའི་ཉེས་པ་མ་གོས་པར། །མཆོད་པ་འདི་དང་ལྡན་པར་ནི། །དུས་ཀུན་དུ་ནི་བདེ་བར་གནས། །
ཞེས་བྱ་བ་ལ་སོགས་པ་རྒྱུད་གཞུང་མང་པོ་ནས་བཤད་པའི་ཕྱིར་རོ། །དབང་པོ་རྣོན་པོས་དབང་དུ་བྱས་པའི་ཁྱད་པར་ཡོད་དེ། ཕ་རོལ་ཏུ་ཕྱིན་པར། རྟུན་པ་རབ་ཀྱིས་ཇི་ལྟར་མྱུར་ཡང་མངོན་པར་རྫོགས་པར་འཚང་རྒྱ་བ་ལ་བསྐལ་པ་གྲངས་མེད་གསུམ་དུ་ཐོགས་ལ། རྡོ་རྗེ་ཐེག་པར་གང་
ཟག་དབང་པོ་རབ་ཀྱིས་ཚེ་འདི་ཉིད་ལ་འགྲུབ་པར་གསུངས་ཏེ། གསང་བ་འདུས་པ་ལས། འདིས་ནི་དེ་བཞིན་གཤེགས་པའི་སྐུ། །ཆོས་འཛིན་མཆོག་གི་གསུང་དང་ནི། །རྡོ་རྗེ་འཛིན་པའི་ཐུགས་དག་ཀྱང་། །ཚེ་འདི་ཉིད་ལ་སྟེར་བར་བྱེད། །ཅེས་གསུངས་པའི་ཕྱིར་རོ། །འོ་ན་
གསང་ཆེན་ཐབས་ལ་མཁས་པའི་མདོ་ལས། མི་སྐྱེ་བའི་ཆོས་ལ་བཟོད་པ་ཐོབ་པའི་བྱང་ཆུབ་སེམས་དཔའ་འདོད་ན་ཞག་བདུན་ན་བླ་ན་མེད་པའི་བྱང་ཆུབ་ཐོབ་བོ་ཞེས་ཀྱང་བཤད་ན། གསང་སྔགས་དང་ཁྱད་པར་ཡོད་པ་མི་གྲུབ་བོ་སྙམ་ན། དེ་ནི་ཕྱིར་མི་ལྡོག་པའི་ས་ཐོབ་པ་ལ་

213-1-114a

བཤད་པའི་ཕྱིར་ན་ཁྱད་པར་ཆེའོ། །སྔགས་ལས་ནི་སྡིག་པ་ཆེན་པོ་བྱེད་པས་ཀྱང་འགྲུབ་པར་གསུངས་ཏེ། ཇི་སྐད་དུ། སེམས་ཅན་མཚམས་མེད་ལྔ་ལ་སོགས། །སྡིག་པ་ཆེན་པོ་བྱེད་པས་ཀྱང་། །རྡོ་རྗེ་ཐེག་པའི་རྒྱ་མཚོ་སྟེ། །ཐེག་མཆོག་འདི་ལ་
འགྲུབ་པར་འགྱུར། །ཞེས་སོ། །གཞན་ཡང་ཁ་ཅིག་འདི་སྐད་དུ། དུས་ཀྱི་མཐར་གསང་སྔགས་སྤྱོད་པའི་དུས་མ་ཡིན་ཞེས་སྨྲ་བ་ཡང་རིགས་པ་མ་ཡིན་ཏེ། རྣལ་འབྱོར་མ་ཀུན་དུ་སྤྱོད་པ་ལས། །གཞན་ཡང་ཕྱི་མའི་དུས་ཀྱི་ཚེ། །དུས་མཐར་དངོས་གྲུབ་མི་ཐོབ་སྟེ། །ཆོས་
འདི་དེ་ལྟར་ཤེས་ནས་ནི། །བསམ་པ་ཐམས་ཅད་རྫོགས་བྱེད་ཡིན། །ཞེས་དང་། ཧེ་རུ་ཀ་མངོན་པར་འབྱུང་བ་ལས། །ཧེ་རུ་ཀ་དཔལ་གཟུང་བྱས་ན། །སྙིགས་མའི་དུས་སུ་འགྲུབ་པར་འགྱུར། །ཞེས་སོ། །གཉིས་པ་ཁྱད་པར་དུ་འཕགས་པའི་རྒྱུད་སྡེའི་དབྱེ་བ་ལ་གསུམ་སྟེ།
གཉིས་དང་གསུམ་དུ་བསྡུ་བ་དང་། བཞིར་བཞག་པ་དང་། ལྔ་དང་དྲུག་ཏུ་དབྱེ་བའོ། །དང་པོ་ནི། རྣམ་སྣང་སྒྱུ་འཕྲུལ་དྲ་བར། ཕྱི་ནང་དབྱེ་བ་ཤེས་པ་ཡིས། །རྒྱུད་སྡེའི་དབྱེ་བ་ཤེས་པར་འགྱུར། །ཞེས་དང་། གྲུབ་ཆེན་ཨ་བྷ་ཡཱ་ཀ་རས། དཀྱིལ་འཁོར་ལ་སོགས་ཆོ་ག་ནི། །
སྟོན་པས་རྒྱུད་སྡེ་གཉིས་སུ་སྤྲོས། །ཞེས་དང་། འཇིག་རྟེན་གསུམ་རྒྱལ་གྱི་རྟོག་པའི་འགྲེལ་པ་ལས། གསང་སྔགས་ཀྱི་སྒོ་ནས་བྱང་ཆུབ་སེམས་དཔའི་སྤྱད་པ་སྤྱོད་པ་རྣམས་ཀྱི་ལམ་ཡང་སངས་རྒྱས་བཅོམ་ལྡན་འདས་ཀྱིས་རྣམ་པ་གཉིས་སུ་གསུངས་ཏེ། སེམས་ཅན་
རྟོག་པ་མང་བ་རྣམས་ཀྱི་དོན་དུ་བྱ་བའི་རྒྱུད་རྣམས་གསུངས་སོ། །གཅིག་ཁོ་ནར་རྣལ་འབྱོར་གྱིས་བསྒྲུབ་པར་འདོད་པ་རྣམས་ལ་རྣལ་འབྱོར་གྱི་རྒྱུད་རྣམས་བཤད་དོ་ཞེས་གསུངས་པ་རྣམས་ཀྱིས་རྒྱུད་སྡེ་རིན་པོ་ཆེ་རྣམ་པ་གཉིས་སུ་མཛད་པ་ཡིན་ནོ། །ཐམས་ཅད་
གསང་བའི་རྒྱུད་ལས། བྱ་སྤྱོད་གཉིས་ཀ་རྣལ་འབྱོར་རྒྱུད། ཅེས་དང་། སྔགས་དོན་རྣམ་གཟིགས་ལས། རྣལ་འབྱོར་སྤྱོད་དང་བྱ་བའི་རྒྱུད། །ཅེས་དང་། རྡོ་རྗེ་བདུད་རྩིའི་འགྲེལ་པར། རྒྱུད་ཐམས་ཅད་ནི་བྱ་བའི་རྒྱུད་དང་སྤྱོད་པའི་རྒྱུད་དང་གསང་བའི་རྒྱུད་ཁ་ཅིག་གོ་ཞེས་དང་།

213-1-114b

སློབ་དཔོན་ཀུན་དགའ་སྙིང་པོས་དེ་ཉིད་སྣང་ཆེན་དུ། ཐམས་ཅད་ཅེས་བྱ་བ་ནི་བྱ་བའི་རྒྱུད་དང་། སྤྱོད་པའི་རྒྱུད་དང་གཉིས་ཀའི་རྒྱུད་རྣམས་སོ་ཞེས་གསུངས་པ་རྣམས་ཀྱིས་རྒྱུད་སྡེ་རིན་པོ་ཆེ་རྣམ་པ་གསུམ་དུ་བསྡུ་བའི་ཚུལ་དུ་བཞེད་པ་ཡིན་ནོ། །གཉིས་པ་ནི། དཔལ་དགེས་པའི་རྡོ་རྗེའི་
བཤད་པའི་རྒྱུད་ཐུན་མོང་མ་ཡིན་པ་རྡོ་རྗེ་གུར་ལས། །དམན་པ་རྣམས་ལ་བྱ་བའི་རྒྱུད། །བྱ་མིན་རྣལ་འབྱོར་དེ་ལྟག་ལ། །སེམས་ཅན་མཆོག་ལ་རྣལ་འབྱོར་མཆོག །རྣལ་འབྱོར་བླ་མེད་དེ་ལྟག་ལ། །ཞེས་དང་། ཡང་དག་པར་སྦྱོར་པའི་རྒྱུད་ལས། གཉིས་གཉིས་འཁྱུད་དང་ལག་
བཅང་དང་། །དགོད་དང་བལྟས་པས་འཁྲིག་པ་ཡིན། །སྲིན་བུའི་ཚུལ་གྱིས་རྒྱུད་བཞིར་གནས། །ཞེས་གསུངས་པ་རྣམས་ཀྱིས་རྒྱུད་སྡེ་རིན་པོ་ཆེ་རྣམ་པ་བཞིར་བཞག་པའི་ལུགས་སོ། །གསུམ་པ་ནི། དཔལ་ཀྱེ་རྡོ་རྗེའི་རྩ་བའི་རྒྱུད་ལས། དགོད་དང་བལྟ་བ་དག་གིས་དང་། །
འཁྱུད་དང་དེ་བཞིན་གཉིས་གཉིས་ཀྱིས། །རྒྱུད་ཀྱང་རྣམ་པ་བཞི་རྣམས་ཀྱིས། །དགོངས་པའི་སྐད་ནི་མ་བསྒྲགས་པ། །ཞེས་བྱ་བས་བཞི་ནི་དངོས་སུ་བསྟན་ནས། མ་བསྒྲགས་ཞེས་པའི་ཤུགས་ལས་ནི་རྒྱུད་སྡེ་ལྔ་པ་བསྟོན་པར་སློབ་དཔོན་བྷ་བི་ལྷ་ལ་སོགས་པ་བཞེད་པས་རྒྱུད་
སྡེ་ལྔ་དང་། དཔལ་མཁའ་འགྲོ་རྒྱ་མཚོ་ལས་ནི། བྷ་ག་རྣམས་སུ་རྒྱུད་རྣམ་ལྔ། །བྱ་བ་ལ་སོགས་བླ་མེད་མཐར། །ཞེས་དང་། སླབ་དཔོན་བཛྲ་པཱ་ཎིས། ཐབས་ཀྱི་རྒྱུད་ལ་སྔ་སྟེ་བྱ་བའི་རྒྱུད་དང་། སྤྱོད་པའི་རྒྱུད་དང་། རྣལ་འབྱོར་གྱི་རྒྱུད་དང་། རྣལ་འབྱོར་བླ་ན་མེད་པའི་རྒྱུད་
དང་། རྣལ་འབྱོར་གོང་ན་མེད་པའི་རྒྱུད་དོ་ཞེས་དང་། སློབ་དཔོན་ཤཱནྟི་བས། ཟབ་ཅིང་རྒྱ་ཆེ་བ་དང་ལྡན་པའི་ཐེག་པ་ནི་བྱ་བ་དང་། སྤྱོད་པ་དང་། རྣལ་འབྱོར་དང་། རྣལ་འབྱོར་ཆེན་པ་དང་། རྣལ་འབྱོར་བླ་ན་མེད་པ་ཞེས་བྱ་བ་རྣམ་པ་ལྔར་འགྱུར་རོ་ཞེས་དང་། རབ་ཏུ་སྒྲོན་
གསལ་ལས། རྡོ་རྗེ་འཆང་ཆེན་པོས་བསམ་པ་དང་བག་ལ་ཉལ་བ་དང་ཁམས་དང་བག་ཆགས་ཀྱི་དབྱེ་བས་སྔགས་ཀྱི་བསྟན་བཅོས་རྣམ་པ་ལྔ་རུ་གསུངས་ཏེ། བྱ་བ་དང་། སྤྱོད་པ་དང་། རྣལ་འབྱོར་དང་། རྣལ་འབྱོར་གྱི་བླ་མ་དང་། རྣལ་འབྱོར་མའི་རྒྱུད་ཀྱི་དབྱེ་བས་སོ་ཞེས་

213-1-115a

གསུངས་པ་རྣམས་ཀྱིས་རྒྱུད་སྡེ་རིན་པོ་ཆེ་རྣམ་པ་ལྔར་དབྱེ་བའི་ལུགས་སུ་འདྲེན་པ་ཡིན་ནོ། །བདེ་མཆོག་ལེའུ་ལྔ་བཅུ་རྩ་གཅིག་པ་ལས་ནི། ཇི་སྲིད་མདོ་བྱ་སྤྱོད་པ་དང་། །རྣལ་འབྱོར་གསང་མཐའི་དབྱེ་བ་ལས། །སེམས་ཅན་མོས་པ་སྣ་ཚོགས་པ། །དེ་དང་
དེ་ལ་དགའ་བ་སྦྱིན། །ཞེས་མདོ་སྡེ་རྟོག་པའི་རྒྱུ་དང་། བྱ་བའི་རྒྱུད་དང་། སྤྱོད་པའི་རྒྱུད་དང་། རྣལ་འབྱོར་གྱི་རྒྱུད་དང་། རྣལ་འབྱོར་བླ་ན་མེད་པའི་རྒྱུད་དང་། རྣལ་འབྱོར་གསང་མཐའི་རྒྱུད་དེ་རྒྱུད་སྡེ་རིན་པོ་ཆེ་སྒོ་དྲུག་དུ་དབྱེ་བ་འདི་ནི་གྲུབ་ཆེན་ན་རོ་པ་རྗེས་སུ་འབྲང་བ་དང་བཅས་པའི་
བཞེད་པ་ཡིན་ཏེ། དེ་དག་ལ་ཡང་ནང་གསེས་ཀྱི་དབྱེ་བའི་ཚུལ་མི་འདྲ་བ་དག་ཡོད་དོ། །གསུམ་པ་དབྱེ་བ་དེ་དང་ལྡན་པའི་གྲངས་ངེས་པ་ནི། དེ་ལྟར་མཁས་ཤིང་གྲུབ་པ་བརྙེས་པའི་སློབ་དཔོན་ཆེན་པོ་རྣམས་ཀྱིས་རྒྱུད་སྡེ་སོ་སོའི་རྗེས་སུ་འབྲང་བའི་བཤད་སྲོལ་མི་འདྲ་བའི་དབང་
ལས་རྒྱུད་སྡེའི་དབྱེ་སྒོ་མང་ཉུང་ཅི་རིགས་པ་ཞིག་འབྱུང་ཡང་། རྣམ་པར་དབྱེ་བ་དང་རིས་སུ་བསྡུ་བའི་ཁྱད་པར་ཅུང་ཟད་ཙམ་བྱས་པ་ཡིན་གྱི། དོན་ལ་རྒྱུད་སྡེ་རིན་པོ་ཆེ་རྣམ་པ་བཞིར་ངེས་པ་ནི། འདི་ལྟར། ཕྱི་རོལ་མུ་སྟེགས་བྱེད་རྣམས་ཀྱི་ལུགས་ལ་ལོག་པའི་སྤྱོད་པ་བཞི་ཡོད་པས་དེ་རྗེས་
སུ་གཟུང་བའི་ཕྱིར་དུ་རྒྱུད་སྡེ་བཞིར་ངེས་པ་དང་། སངས་རྒྱས་པ་ལ་གྲུབ་མཐའ་མི་འདྲ་བ་བཞི་ཡོད་པས་དེ་དང་ལུང་སྒོ་བསྟུན་གྱི་དབང་དུ་བྱས་ནས་བསྐྱེད་ཆོ་ག་མི་འདྲ་བ་བཞིས་རྒྱུད་སྡེ་བཞིར་ངེས་པ་དང་། འདོད་པའི་ཁམས་ཀྱི་སེམས་ཅན་ལ་འདོད་ཆགས་ཀྱི་སྤྱོད་པ་མི་འདྲ་བ་བཞི་
ཡོད་པས་དེ་མ་སྤངས་ཀྱང་ལམ་དུ་བྱེད་པའི་གཉེན་པོ་བཞི་ཡིན་པས་རྒྱུད་སྡེ་བཞིར་ངེས་པའོ། །དང་པོ་ནི་འདོད་ཆགས་ཅན་ལྷ་ཆེན་པོའི་རྗེས་སུ་འབྲང་བ་ཁ་ཅིག་ནི། འདི་སྐད་དུ། །གོ་ཧཾ་བུད་མེད་མེ་ཡིན་ཏེ། །དེ་ཡི་ཉེ་གནས་ཐབ་ཁུང་ཡིན། །ཞེས་བྱ་བ་ལ་སོགས་པ་མངོན་པར་ཞེན་པ་
ཆོས་སུ་སྨྲ་ཞིང་གཙང་དམེ་མེད་པར་ཁྱི་དང་ཕག་པའི་བརྟུལ་ཞུགས་སྤྱོད་པ་དག་ཡོད་དེ། དེ་རྣམས་རྗེས་སུ་གཟུང་བའི་ཕྱིར་དུ་རྣལ་འབྱོར་བླ་ན་མེད་པའི་རྒྱུད་གསུངས་ཏེ། བདེ་མཆོག་ལས། སྒྱུ་མ་དག་ནི་ཐམས་ཅད་ལས། །བུད་མེད་སྒྱུ་མ་ཁྱད་པར་འཕགས། །ཞེས་དང་། གསང་བ་

213-1-115b

འདུས་པ་ལས། ཆགས་ཅན་ཡེ་ཤེས་འདོད་པ་ཡིས། །རྟག་ཏུ་འདོད་ཡོན་རྣམ་ལྔ་བསྟེན། །ཞེས་སོ། །ཞེ་སྡང་ཅན་ཁྱབ་འཇུག་གི་རྗེས་སུ་འབྲང་བ་ཁ་ཅིག་ནི། མཆོད་སྦྱིན་གྱི་རིག་བྱེད་ལས། བར་གྱི་དུས་ལ་བབ་པ་ན། །བྱོལ་སོང་དྲུག་གམ་བདུན་སྦྱར་བྱ། །རྟ་ཡི་གཙང་མའི་རིགས་
ཡིན་ནོ། །ཉུང་བ་བྱོལ་སོང་གསུམ་གྱིས་སོ། །ཞེས་བྱ་བ་དང་། རྒྱལ་རིགས་ལ་ནི་རྒྱལ་རིགས་དང་། །བྲམ་ཟེ་འདོད་པས་བྲམ་ཟེ་གསད། །མ་རུངས་དག་ལ་རྗེ་རིགས་ཏེ། །དམངས་རིགས་ལ་ནི་དམངས་རིགས་གསད། །ཅེས་བྱ་བ་ལ་སོགས་པ་རྣམ་པར་འཚེ་བ་ཆོས་སུ་སྨྲ་བ་
དག་ཡོད་དེ། དེ་དག་རྗེས་སུ་གཟུང་བའི་ཕྱིར་དུ་སྤྱོད་པའི་རྒྱུད་གསུངས་ཏེ། ཁྲོ་བོ་ཁམས་གསུམ་རྣམ་པར་རྒྱལ་བའི་རྟོག་པ་ལས། །བཅོམ་ལྡན་འཇམ་པའི་དབྱངས་ཉིད་ནི། །ཁྲོ་བོའི་མིང་ནི་གཤིན་རྗེའི་གཤེད། །དེ་མཐོང་ནས་ནི་ཁྲོ་བོ་གཞན། །ཐམས་ཅད་ཀྱིས་ནི་
ལག་ཆ་ཤོར། །ཞེས་དང་། དེ་ནས་འདིར་ནི་གསད་བྱ་བ། །ཇི་ལྟར་ཡང་དག་སྦྱོར་ལྡན་པས། །དོགས་པ་མེད་པར་འགྲུབ་པར་འགྱུར། །གསོད་པའི་མཆོག་ནི་བཤད་པར་བྱ། །ཞེས་དང་། དེ་ནས་གང་གིས་ལངས་པ་ལས། །མཚོན་ཆ་རྣོན་པོ་འབར་བ་ཡིས། །བསད་
པའི་ཤ་དང་ཁྲག་བཅས་པའི། །ཨརྒྷ་དེ་ལ་དབུལ་བར་བྱ། །ཞེས་གསུངས་སོ། །གཏི་མུག་ཅན་ཚངས་པའི་རྗེས་སུ་འབྲང་བ་ཁ་ཅིག་ནི། འདི་སྐད་དུ། འདག་ཆལ་དག་གིས་བགོས་པའི་གོས། །དྲི་མ་མེད་པར་འགྱུར་བ་བཞིན། །ལུས་ལ་མཆོད་སྦྱིན་གྱིས་བསྒོས་པ། །འབབ་སྟེགས་
བཀྲུས་པའང་དེ་ལྟར་བདག །ཅེས་བྱ་བ་ལ་སོགས་པ་གཙང་སྦྲའི་སྤྱོད་པ་ཆོས་སུ་སྨྲ་བ་དག་ཡོད་དེ། དེ་དག་རྗེས་སུ་གཟུང་བའི་ཕྱིར་དུ་བྱ་བའི་རྒྱུད་གསུངས་ཏེ། ལེགས་པར་གྲུབ་པ་ལས། །ཁྲུས་བྱས་གཙང་ཞིང་གཟུང་བྱ་སྟེ། །བཀྲ་ཤིས་ངོ་མཚར་དག་བྱས་ནས། །བསྒྲུབ་པའི་རྫས་ནི་
ཡོངས་སུ་བཟུང་། །ཞེས་དང་། དུས་སུ་ཟོས་ནས་དུས་སུ་ཁྲུས་བྱས་ནས། །ཕྲེང་བ་མར་མེ་བདུག་པ་བསྟོད་དང་དྲི། །ཤ་ཆང་མེད་པའི་ལྷ་བཤོས་ཕུལ་ནས་སུ། །ཀུ་ཤའི་ཁྲེས་ལ་འདུག་ལ་བཟླས་བརྗོད་བརྩམ། །ཞེས་སོ། །རྐྱེན་མཉམ་པ་སྐབས་ཐོབ་ཀྱིས་གསུམ་ཀའི་རྗེས་སུ་འབྲང་

213-1-116a

བ་ཁ་ཅིག་ནི། དེ་དག་ལས་གང་དང་གང་སྨྲ་བའི་སློབ་དཔོན་དང་ཕྲད་པ་དེ་དང་དེའི་སྤྱོད་པའི་རྗེས་སུ་སྐྱོང་བ་དག་ཡོད་དེ། །དེ་རྣམས་རྗེས་སུ་གཟུང་བའི་ཕྱིར་དུ་རྣལ་འབྱོར་གྱི་རྒྱུད་གསུངས་ཏེ། དེ་ཉིད་འདུས་པའི་དུམ་བུ་དང་པོ་རྡོ་རྗེ་དབྱིངས་ཀྱི་དུམ་བུ་ལས་ནི་འདོད་ཆགས་ཅན་
རྗེས་སུ་གཟུང་བའི་ཕྱིར་དུ་ལྷ་ཐམས་ཅད་ཆགས་པའི་ཉམས་ཅན་དང་། ཁམས་གསུམ་རྣམ་པར་རྒྱལ་བའི་དུམ་བུ་ལས་ནི་ཞེ་སྡང་ཅན་རྗེས་སུ་གཟུང་བའི་ཕྱིར་དུ་ཁྲོ་བོའི་ཉམས་ཅན་དང་། འགྲོ་བ་འདུལ་བའི་དུམ་བུ་ལས་ནི་གཏི་མུག་ཅན་རྗེས་སུ་གཟུང་བའི་ཕྱིར་དུ་ཞི་བའི་ཉམས་ཅན་དང་། དོན་
ཐམས་ཅད་གྲུབ་པའི་དུམ་བུ་ལས་ནི་ལྷ་རྣམས་ཀྱི་སྐུ་མདོག་དང་ཉམས་སྣ་ཚོགས་པར་གསུངས་སོ། །འདི་ནི་དེ་ཉིད་འདུས་པའི་རྒྱུད་ཀྱི་རྗེས་སུ་འབྲངས་ནས། སློབ་དཔོན་རབ་འབྱོར་བསྐྱངས་དང་ཀུན་དགའ་སྙིང་པོ་ལ་སོགས་པ་རྣམས་ཀྱི་བཞེད་པ་ཡིན་ནོ། །གཉིས་པ་ནི། སངས་རྒྱས་པའི་
མཚན་ཉིད་ཐེག་པ་ལ་གྲུབ་མཐའ་མི་འདྲ་བ་བཞི་ཡོད་པའི་ཉན་ཐོས་གནས་མ་བུ་པ་དང་། ཉི་འོག་བྱེ་བྲག་ཏུ་སྨྲ་བ་དག་ནི་བརྗོད་དུ་མེད་པའི་གང་ཟག་གི་བདག་ཁས་ལེན་པ་ལྟར། དེ་དང་ལུང་སྒོ་བསྟུན་གྱི་དབང་དུ་བྱས་ན། བྱ་བའི་རྒྱུད་ལ་བདག་དང་རས་བྲིས་གཉིས་ཀ་མ་ཡིན་པའི་ཡེ་ཤེས་སེམས་
དཔའ་ཞེས་བྱ་བ་ནི་འདོད་པ་ཡིན་ནོ། །ཡང་ཉན་ཐོས་ཁ་ཆེ་བྱེ་བྲག་ཏུ་སྨྲ་བ་དང་མདོ་སྡེ་པ་གཉིས་ནི། གང་ཟག་གི་བདག་ཁས་ལེན་པར་མི་འདོད་ཀྱང་ཡུལ་རྡུལ་ཕྲན་དང་འཛིན་པའི་ཤེས་པ་སྐད་ཅིག་ཆ་མེད་ཀྱི་བདེན་པར་ཁས་ལེན་པ་ལྟར། སྤྱོད་པའི་རྒྱུད་དུ་བདག་ཉིད་དམ་ཚིག་སེམས་དཔའ་དང་
མདུན་དུ་ཡང་ཡེ་ཤེས་སེམས་དཔའ་གཉིས་ཀ་འདོད་པ་ཡིན་ནོ། །འཕགས་པ་རང་སངས་རྒྱས་ནི། ཇི་སྐད་དུ། གཟུང་བའི་རྟོག་པ་སྤང་ཕྱིར་དང་། །འཛིན་པ་མི་སྤང་ཕྱིར་ན་ཡང་། །རྟེན་གྱི་བསེ་རུ་ལྟ་བུའི་ལམ། །ཞེས་མངོན་པར་རྟོགས་པའི་རྒྱན་ལས་འབྱུང་བ་ལྟར། ཀུན་རྫོབ་ཏུ་གཟུང་
འཛིན་གཉིས་ཀ་འདོད་ཀྱང་དོན་དམ་པར་གཟུང་བར་བྱ་བའི་ཡུལ་བདེན་པར་མི་འདོད་ལ། འཛིན་པའི་ཤེས་པ་སྐད་ཅིག་མ་བདེན་པར་ཁས་ལེན་པ་ལྟར། རྣལ་འབྱོར་གྱི་རྒྱུད་ལ་བདག་ཉིད་དམ་ཚིག་སེམས་དཔར་བསྐྱེད་པ་ལ་ཡེ་ཤེས་སེམས་དཔའ་བཅུག་ནས་སླར་ཡང་དེ་ཉིད་གཤེགས་སུ་

213-1-116b

གསོལ་བར་འདོད་པ་ཡིན་ནོ། །ཐེག་པ་ཆེན་པོ་སེམས་ཙམ་པ་དང་དབུ་མ་པ་ནི་ཀུན་རྫོབ་ཏུ་གཟུང་འཛིན་གཉིས་ཀ་འདོད་ལ། དོན་དམ་པར་གཟུང་འཛིན་གཉིས་ཀ་བདེན་པ་མེད་པར་ཁས་ལེན་པ་ལྟར། རྣལ་འབྱོར་བླ་ན་མེད་པའི་རྒྱུད་ལ་དམ་ཚིག་སེམས་དཔའ་དང་ཡེ་ཤེས་སེམས་དཔའ་དབྱེར་མེད་དུ་བསྲེས་ནས། 
ཐུན་མཚམས་ཀྱི་གནས་སྐབས་སུ་ཡང་ཡེ་ཤེས་སེམས་དཔའ་གཤེགས་སུ་གསོལ་བར་མི་འདོད་པ་སྟེ། དེ་དག་དང་ལུང་སྒོ་བསྟུན་གྱི་དབང་དུ་བྱས་ན་བསྐྱེད་ཆོག་རྣམ་པ་བཞིས་རྒྱུད་སྡེ་བཞིར་བཞག་པ་ནི་ཡེ་ཤེས་རྡོ་རྗེ་ཀུན་ལས་བཏུས་པའི་རྒྱུད་ཀྱི་རྗེས་སུ་འབྲངས་ནས་འཕགས་པ་ཡབ་
སྲས་ལ་སོགས་པའི་བཞེད་པའོ། །གསུམ་པ་ནི། དཔལ་རྡོ་རྗེ་སྙིང་པོ་རྒྱན་ལས། འདི་ནི་གཉིས་པོ་འཁྱུད་པ་ཡིས། །རྒྱུད་ཀྱི་དབྱེ་བ་བསྟན་པའོ། །དེ་བཞིན་དུ་ནི་ལག་བཅང་དང་། །དགོད་དང་བལྟས་པས་ཤེས་པར་བྱ། །ཞེས་གསུངས་པའི་དོན་ནི་འདོད་པའི་ཁམས་ཀྱི་གཞན་
འཕྲུལ་དབང་བྱེད་པ་བལྟས་པ་ཙམ་གྱི་བདེ་བས་ཆགས་པ་ཚིམ་ལ། དེ་ཙམ་གྱི་བདེ་བ་གནང་བ་ནི་བྱ་བའི་རྒྱུད་དེ། བྱ་བའི་རྒྱུད་རྡོ་རྗེ་གཙུག་ཏོར་ལས། དཀྱིལ་འཁོར་ལྷ་རྣམས་ཐམས་ཅད་ནི། །དཀར་པོའི་རིགས་ལ་རྟག་གནས་ཤིང་། །ཕོ་ནི་མོ་ལ་བལྟ་བ་དང་། །མོ་ཡང་ཕོ་ལ་བལྟ་བ་བྲི། །
ཞེས་སོ། །འཕྲུལ་དགའ་བ་ནི་དགོང་པ་ཙམ་གྱི་བདེ་བས་ཚིམ་ལ། དེ་ཙམ་གྱི་བདེ་བ་གནང་བ་ནི་སྤྱོད་པའི་རྒྱུད་དེ། རྣམ་པར་སྣང་མཛད་མངོན་པར་བྱང་ཆུབ་པ་ལས། མགོན་པོ་རལ་པའི་ཐོར་ཚུགས་ཅན། །ཕོ་ཉ་རྣམས་ཀྱིས་ཡོངས་སུ་བསྐོར། །བཞིན་ནི་བག་ཙམ་འཛུམ་པ་བྲི། །ཞེས་
སོ། །དགའ་ལྡན་པ་དང་འཕྲུལ་དགའ་བ་ནི་ལག་བཅང་དང་འཁྱུད་པ་ཙམ་གྱི་བདེ་བས་ཚིམ་ལ། དེ་ཙམ་གྱི་བདེ་བ་གནང་བ་ནི་རྣལ་འབྱོར་གྱི་རྒྱུད་དེ། དཔལ་མཆོག་དང་པོ་ལས། དཀྱིལ་འཁོར་གྱི་ནི་ལྷ་རྣམས་ཀུན། །དཔུང་པ་ཡིད་ཙམ་བསྡམ་པར་བཞག །ཅེས་དང་། རྡོ་རྗེ་རྩེ་མོ་ལས།
དེ་ཡི་གཡོན་ལོགས་ལྷ་མོ་ནི། །འཛུམ་བཅས་ཟླ་བའི་འོད་མངའ་བ། །ཀུན་དུ་རྣམ་པར་ལྟ་བས་ཏེ། །བཅོམ་ལྡན་འདས་ཀྱི་ཕྱག་ལ་འཇུས། །ཞེས་སོ། །སུམ་ཅུ་རྩ་གསུམ་པ་དང་། རྒྱལ་ཆེན་རིས་བཞི་པ་དང་། མིའི་འགྲོ་བ་ལ་སོགས་པ་རྣམས་ནི་དབང་པོ་ཟུང་སྦྱོར་གྱི་བདེ་བས་ཚིམ་ལ།

213-1-117a

དེ་ཙམ་གྱི་བདེ་བ་གནང་བ་ནི་རྣལ་འབྱོར་བླ་ན་མེད་པའི་རྒྱུད་དེ། དགྱེས་པ་རྡོ་རྗེ་ལས། བོལླ་ཀ་ཀོ་ལ་སྦྱར་བས། །དེ་ཡི་བདེ་བ་ཤེས་པར་འགྱུར། །ཞེས་དང་། འཁོར་ལོ་སྡོམ་པ་ལས་ཀྱང་། དབང་གཉིས་སྙོམས་པར་འཇུག་པ་ལས། །སྙོམས་པར་འཇུག་པའང་དེ་ཉིད་
འཛིན། །ཞེས་སོ། །འདི་དག་ནི་གྲུབ་པ་བརྙེས་པའི་སློབ་དཔོན་བྷ་ཝི་ལྷ་ལ་སོགས་པས་དགེས་པ་རྡོ་རྗེའི་རྒྱུད་ཀྱི་རྗེས་སུ་འབྲང་བའི་བཞེད་པ་སྟེ་འཐད་པ་དང་ལྡན་པའི་ལུགས་ལེགས་པ་ཅིག་ཏུ་བཞེད་དོ། །བཞི་པ་གྲངས་དང་གོ་རིམས་གཉིས་ཀ་ངེས་པ་ལ། གང་ཟག་དང་། དབང་དང་། ལམ་
མོ། །དང་པོ་གང་ཟག་གིས་ངེས་པ་ནི། བཅོམ་ལྡན་འདས་ཀྱིས་ཐུན་མོང་མ་ཡིན་པའི་ཆོས་ཀྱི་གདུལ་བྱར་གྱུར་པའི་གང་ཟག་བསམ་གྱིས་མི་ཁྱབ་པ་ཞིག་ཡོད་ཀྱང་ཕྱོགས་རིས་སུ་བསྡུ་ན། དབང་པོ་དམན་པ་དང་། འབྲིང་དང་། མཆོག་དང་། ཆེས་མཆོག་ཏུ་གྱུར་པ་སྟེ་བཞི་པོ་འདིར་འདུ་
ཞིང་། དེ་དག་རྗེས་སུ་གསུང་བ་ལ་དགོངས་ནས་རྒྱུད་སྡེ་རྣམ་པ་བཞི་རིམ་པ་བཞིན་དུ་བཞག་སྟེ། དེ་ཡང་གང་ཟག་དམན་པ་ཕྱི་ལུས་ངག་གི་བྱ་བ་ཁྲུས་དང་གཙང་སྦྲ་ལ་དགའ་བ་རྣམས་ལ་བྱ་བའི་རྒྱུད་རྣམས་གསུངས་ཏེ། དེ་ནི་ལེགས་པར་གྲུབ་པ་དང་དཔུང་བཟང་ལ་སོགས་པ་རྣམས་སོ། །
གང་ཟག་འབྲིང་ཕྱི་ལུས་ངག་གི་བྱ་བ་དང་ནང་ཏིང་ངེ་འཛིན་ཆ་མཉམ་དུ་སྤྱོད་པ་རྣམས་ལ་སྤྱོད་པའི་རྒྱུད་རྣམས་གསུངས་ཏེ། དེ་ནི་རྣམ་པར་སྣང་མཛད་མངོན་པར་བྱང་ཆུབ་པ་ལ་སོགས་པའོ། །གང་ཟག་མཆོག་ཏིང་ངེ་འཛིན་ཁོ་ན་གཙོ་བོར་སྤྱོད་པ་རྣམས་ལ་རྣལ་འབྱོར་གྱི་རྒྱུད་རྣམས་གསུངས་ཏེ། དེ་ནི་དེ་ཁོ་
ན་ཉིད་བསྡུས་པ་ལ་སོགས་པའོ། །གང་ཟག་ཆེས་མཆོག་ཏུ་གྱུར་པ་ཏིང་ངེ་འཛིན་གྱི་ཁྱད་པར་གོང་ན་མེད་པ་སྤྱོད་པ་རྣམས་ལ་རྣལ་འབྱོར་ཆེན་པོ་བླ་ན་མེད་པའི་རྒྱུད་རྣམས་གསུངས་པ་ཡིན་ཏེ། དེ་ལ་ཐབས་ཀྱི་རྒྱུད། ཤེས་རབ་ཀྱི་རྒྱུད། ཐབས་དང་ཤེས་རབ་གཉིས་སུ་མེད་པའི་རྒྱུད་གསུམ་ལས། དང་པོ་ནི་གསང་བ་
འདུས་པ་ལ་སོགས་པའོ། །གཉིས་པ་ནི་བདེ་མཆོག་ཉུང་ངུའི་རྒྱུད་ལ་སོགས་པ་དང་། གསུམ་པ་ནི་ཀྱེ་རྡོ་རྗེ་དང་དུས་ཀྱི་འཁོར་ལོ་ལ་སོགས་པ་རྣམས་སོ། །དེ་ལྟར་ཡང་རྡོ་རྗེ་གུར་ལས། དམན་པ་རྣམས་ལ་བྱ་བའི་རྒྱུད། །བྱ་མིན་རྣལ་འབྱོར་དེ་ལྟག་ལ། །སེམས་ཅན་མཆོག་ལ་རྣལ་འབྱོར་མཆོག །རྣལ་

213-1-117b

འབྱོར་བླ་མེད་དེ་ལྟག་ལ། །ཞེས་སོ། །འདི་ནི་རྒྱུད་དེ་ཉིད་ཀྱི་རྗེས་སུ་འབྲངས་ནས་དངོས་གྲུབ་བརྙེས་པའི་སློབ་དཔོན་དཔལ་ལྡན་བིཪྺ་པ་དང་། ཌོམྦི་ཧེ་རུ་ཀ་རྗེས་སུ་འབྲང་བ་དང་བཅས་པའི་བཞེད་པའི་ལུགས་སྲོལ་ཤིན་ཏུ་ལེགས་པ་ཡིན་ནོ། །གཉིས་པ་དབང་གིས་ངེས་པ་ནི། ལམ་འདིར་
འཇུག་པར་བྱེད་པའི་ཐབས་ཀྱི་གཙོ་བོ་དབང་བསྐུར་བ་ཡང་རྣམ་པ་བཞི་ཡོད་པས། དེ་སྟོན་པར་བྱེད་པའི་ཕྱིར་ཡང་རྒྱུད་སྡེ་བཞིར་ངེས་པ་ཡིན་ཏེ། ཡེ་ཤེས་ཐིག་ལེ་ལས། ཆུ་དང་དེ་བཞིན་ཅོད་པན་དབང་། །བྱ་བའི་རྒྱུད་ལ་རབ་ཏུ་གྲགས། །རྡོ་རྗེ་དྲིལ་བུ་དེ་བཞིན་མིང་། །སྤྱོད་པའི་རྒྱུད་ལ་
རབ་ཏུ་གྲགས། །ཕྱིར་མི་ལྡོག་པའི་སློབ་དཔོན་དབང་། །རྣལ་འབྱོར་རྒྱུད་ལས་བཤད་པ་ཡིན། །རྣལ་འབྱོར་མ་ཡི་རྒྱུད་དུ་ནི། །གསང་བ་ཤེས་རབ་ཡེ་ཤེས་དང་། །ཤེས་རབ་ཡེ་ཤེས་ཆེན་པོའོ། །ཞེས་སོ། །གསུམ་པ་ལམ་གྱིས་ངེས་པ་ནི། འདིར་ཞུགས་པའི་གང་ཟག་རིགས་
བཞི་པོས་དབང་བསྐུར་བའི་ཚུལ་རྣམ་པ་བཞི་ལས། གང་དང་གང་ཐོབ་པ་དེ་དང་དེས་ལམ་གྱི་ཚུལ་རྣམ་པ་བཞི་གང་ཡིན་པ་རེ་ཉམས་སུ་བླང་དགོས་པས། དེ་སྟོན་པར་བྱེད་པའི་ཕྱིར་ཡང་རྒྱུད་སྡེ་བཞིར་ངེས་པ་ཡིན་ཏེ། དེ་ཡང་བྱ་བའི་རྒྱུད་དུ། རྗེ་དཔོན་གྱི་ཚུལ་དུ་དངོས་གྲུབ་ལེན་པ་སྟེ། རྗེ་
བོ་ཉིད་དུ་ཉེ་བར་གནས། །ཞེས་སོ། །སྤྱོད་པའི་རྒྱུད་དུ་གྲོགས་པོའི་ཚུལ་གྱིས་ཏེ། གྲོགས་པོ་ཉིད་དུ་ཉེ་བར་གནས། །ཞེས་སོ། །རྣལ་འབྱོར་རྒྱུད་དུ་ཡེ་ཤེས་འབྱིན་འཇུག་གིས་ཚུལ་གྱིས་ཏེ། དེ་བཞིན་གཤེགས་པ་ཚད་མེད་པ་དང་སེམས་ཅན་ཚད་མེད་དུ་བསྒྲུབས་ནས་སླར་གཤེགས་
སུ་གསོལ་བར་བཤད་དོ། །རྣལ་འབྱོར་ཆེན་པོའི་རྒྱུད་དུ་གཉིས་སུ་མེད་པ་སྟེ། མདོར་ན་ཕུང་པོ་ལྔ་རྣམས་ནི། །རྒྱལ་བ་ལྔར་ནི་རབ་ཏུ་གྲགས། །ཞེས་བྱ་བ་ལ་སོགས་པ་སྤྲོ་བར་བྱ་བ་མང་དུ་ཡོད་དོ། །ལྔ་པ་གྲངས་ངེས་པ་ཅན་གྱི་རྒྱུད་ཀྱི་སྒྲ་དོན་ནི། ཅིའི་ཕྱིར་བྱ་བའི་རྒྱུད་ཅེས་བྱ་ཞེ་ན།
ལུས་ངག་གི་བྱ་བ་གཙོ་བོར་སྟོན་པའི་ཕྱིར་ན་བྱ་བའི་རྒྱུད་ཅེས་བྱ་སྟེ། བསམ་གཏན་ཕྱི་མའི་འགྲེལ་པ་ལས། རྒྱུད་འདི་ནི་ཕྱི་ལུས་ངག་གི་བྱ་བ་གཙོ་བོར་སྟོན་པས་བྱ་བའི་རྒྱུད་ཅེས་གསུངས་པའི་ཕྱིར་རོ། །ཅིའི་ཕྱིར་སྤྱོད་པའི་རྒྱུད་ཅེས་བྱ་ཞེ་ན། ལུས་ངག་གི་བྱ་བ་དང་ཏིང་ངེ་འཛིན་

213-1-118a

ཆ་མཉམ་པར་སྤྱོད་པའི་ཕྱིར་ན་སྤྱོད་པའི་རྒྱུད་ཅེས་བྱ་སྟེ། རྣམ་པར་སྣང་མཛད་མངོན་པར་བྱང་ཆུབ་པའི་དོན་བསྡུས་པ་ལས། རྒྱུད་འདི་ནི་གཙང་སྦྲ་ལ་སོགས་པ་ལ་སྨད་པ་འཇིག་རྟེན་དང་འགལ་བར་སྤྱོད་པ་གཉིས་ཀ་ལ་སྤྱོད་པས་སྤྱོད་པའི་རྒྱུད་དོ་ཞེས་གསུངས་པའི་ཕྱིར་
རོ། །ཅིའི་ཕྱིར་རྣལ་འབྱོར་གྱི་རྒྱུད་ཅེས་བྱ་ཞེ་ན། ཏིང་ངེ་འཛིན་གཙོ་བོར་བྱེད་པའི་ཕྱིར་ན་རྣལ་འབྱོར་གྱི་རྒྱུད་ཅེས་བྱ་སྟེ། དེ་ཁོ་ན་ཉིད་སྣང་བའི་དོན་བསྡུས་པ་ལས། རྒྱུད་འདི་ནི་ཏིང་ངེ་འཛིན་གཙོ་བོར་སྟོན་པས་རྣལ་འབྱོར་གྱི་རྒྱུད་དོ་ཞེས་གསུངས་པའི་ཕྱིར་རོ། །ཅིའི་ཕྱིར་རྣལ་འབྱོར་བླ་ན་མེད་པའི་རྒྱུད་ཅེས་
བྱ་ཞེ་ན། ཏིང་ངེ་འཛིན་གྱི་ཁྱད་པར་གོང་ན་མེད་པ་སྟོན་པའི་ཕྱིར་ན་རྣལ་འབྱོར་བླ་ན་མེད་པའི་རྒྱུད་ཅེས་བྱ་སྟེ། ཡང་དག་པར་སྦྱོར་བའི་རྒྱུད་ལས། གསང་བའི་ཡེ་ཤེས་བླ་ན་མེད། །སྙིང་པོ་བཅོམ་ལྡན་བཤད་དུ་གསོལ། །ཞེས་དང་། གསང་བ་འདུས་པ་ལས། སྐུ་དང་གསུང་དང་ཐུགས་
ཀྱི་མཆོག །དེ་བཞིན་གཤེགས་པ་ཀུན་གྱིས་ཀྱང་། །བྱང་ཆུབ་སེམས་ནི་བླ་ན་མེད། །སྙིང་པོ་བཅོམ་ལྡན་བཤད་དུ་གསོལ། །ཞེས་གསུངས་པའི་ཕྱིར་རོ། །ལྔ་པ་བདག་རྐྱེན་གྱི་སྒོ་ནས་དབྱེ་བ་ལ། ཞལ་ནས་གསུངས་པ་དང་། བྱིན་གྱིས་བརླབ་པ་དང་། རྗེས་སུ་གནང་བའི་བཀའ་
སྟེ་གསུམ་མོ། །དང་པོ་ཞལ་ནས་གསུངས་པ་ནི་འཕགས་པ་སྡུད་པ་ལྟ་བུའོ། །གཉིས་པ་བྱིན་གྱིས་བརླབ་པ་ནི། སྐུ་གསུང་ཐུགས་ཀྱིས་བྱིན་གྱིས་བརླབས་ནས་གསུངས་པ་གསུམ་སྟེ། དང་པོ་ནི་དེ་བཞིན་གཤེགས་པའི་སྐུའི་མཛད་པ་ཕྱག་ལ་སོགས་པས་བྱིན་གྱིས་རློབ་པ་སྟེ་
ས་བཅུ་པའི་མདོ་ལྟ་བུའོ། །གཉིས་པ་ནི་གསུང་གིས་བྱིན་གྱིས་རློབ་པ་སྟེ། མ་སྐྱེས་དགྲས་འགྱོད་པ་བསལ་བའི་མདོ་ལྟ་བུའོ། །གསུམ་པ་ནི་ཐུགས་ཀྱིས་བྱིན་གྱིས་རློབ་པ་སྟེ་ཀུན་ཏུ་བཟང་པོའི་སྤྱོད་པ་སྟོན་པའི་མདོ་ལྟ་བུའོ། །ཐུགས་ཀྱིས་བྱིན་གྱིས་བརླབས་པ་ལའང་ཐུགས་ཏིང་ངེ་འཛིན་གྱིས་
བྱིན་གྱིས་བརླབས་པ་དང་། ཐུགས་ཐུགས་རྗེས་བྱིན་གྱིས་བརླབས་པ་དང་། ཐུགས་བདེན་པའི་སྟོབས་ཀྱིས་བྱིན་གྱིས་བརླབས་པ་སྟེ་གསུམ་དུ་འགྱེད་པ་ལྟར་ན། རིམ་པ་བཞིན་དུ་ཤེས་རབ་ཀྱི་ཕ་རོལ་ཏུ་ཕྱིན་པའི་སྙིང་པོ་ལྟ་བུ་དང་། གནོད་སྦྱིན་ལ་སོགས་པས་སྨྲས་པའི་སྔགས་བཅོམ་

213-1-118b

ལྡན་འདས་ཀྱིས་བྱིན་གྱིས་བརླབས་པ་ལྟ་བུ་དང་། སངས་རྒྱས་ཀྱི་བྱིན་གྱི་རླབས་ཀྱིས་འོད་ཟེར་གྱི་རྩེ་མོའམ་ནམ་མཁའ་ལས་ཆོས་ཀྱི་སྒྲ་འབྱུང་བ་ལྟ་བུ་རྣམས་སུ་བཤད་དོ། །གསུམ་པ་རྗེས་སུ་གནང་བའི་བཀའ་ནི། ཐོག་མར་གླེང་གཞིའི་ཚིག་དང་། བར་དུ་མཚམས་སྦྱོར་གྱི་ཚིག་དང་། མཐར་
མཐུན་འགྱུར་གྱི་ཚིག་དང་། རྗེས་སུ་ཡི་རང་གི་ཚིག་རྣམས་འཇུག་པ་རྗེས་སུ་གནང་བ་སྟེ། སྙིང་རྗེ་ཆེན་པོ་པད་དཀར་ལས། ཀུན་དགའ་བོ་དེ་ན་དགེ་སློང་དེ་དག་གིས་ཁྱོད་ལ་དེ་སྐད་དྲིས་པ་དང་འདི་སྐད་ལུང་སྟོན་ཅིག །འདི་སྐད་བདག་གིས་ཐོས་པ་དུས་གཅིག་ན། བཅོམ་ལྡན་འདས་དང་པོ་
མངོན་པར་རྫོགས་པར་སངས་རྒྱས་ནས་ཡུལ་མ་ག་དྷཱ་ན་བྱང་ཆུབ་ཀྱི་སྙིང་པོ་ལ་བཞུགས་ཞེས་སོགས་ནས། དོན་དང་ཚིག་དང་ཡི་གེ་གང་དག་གིས་རྣམ་གྲངས་གང་དང་གང་གསུངས་པ་དེ་ལ་ཁྱོད་ཀྱིང་གླེང་གཞི་དང་བཅས་པ་དང་། རྒྱུ་དང་བཅས་པ་དང་། རྐྱེན་དང་བཅས་པ་དང་། དོན་
བཟང་པོ་དང་། ཚིག་འབྲུ་བཟང་པོ་རྒྱས་པར་སྟོན་ཅིག །མདོ་སྡེའི་མཇུག་ཏུའང་བཅོམ་ལྡན་འདས་ཀྱིས་དེ་སྐད་ཅེས་བཀའ་སྩལ་ནས། ཐམས་ཅད་དང་ལྡན་པའི་འཁོར་ཡི་རངས་ཏེ། བཅོམ་ལྡན་འདས་ཀྱིས་གསུངས་པ་ལ་མངོན་པར་བསྟོད་དོ་ཞེས་བྲིས་ཤིག །ཀུན་དགའ་བོ་ཆོས་ཀྱི་ཚུལ་འདི་དེ་ལྟར་ཡང་
དག་པར་བསྡུ་བར་བྱའོ་ཞེས་དང་། ཆོས་ཡང་དག་པར་སྡུད་པ་ལས། དགེ་སློང་དག་འདི་སྐད་བདག་གིས་ཐོས་པ་ཞེས་གྱིས་ལ་ཆོས་བསྡུ་བར་བྱའོ་ཞེས་བྱ་བ་དང་འབྲེལ་བ་དང་གོ་རིམས་ཀྱང་བསྟན་པར་བྱའོ་ཞེས་བཀའ་སྩལ་བ་ལྟ་བུའོ། །དེ་རྣམས་ཀྱིས་གང་བཀྲལ་བར་བྱ་བ་བཀའི་རྣམ་པར་གཞག་པའི་གླེང་བ་
རེ་ཞིག་བསྟན་ཟིན་ཏོ། །འདིར་སྨྲས་པ། ལྷ་དང་མི་ཡི་སྟོན་པ་བླ་ན་མེད་པས་སྔོན། །བསྐལ་པ་བྱེ་བ་ཁྲག་ཁྲིག་བགྲང་ལས་འདས་པ་ནས། །ཚིགས་སུ་བཅད་པ་གཅིག་ཅིག་ཕྱིར་ཡང་ལོངས་སྤྱོད་དང་། །ལུས་སྲོག་དཔག་ཏུ་མེད་པ་བཏང་ནས་བསྒྲུབས་པའི་ཆོས། །གང་དག་ཕན་པའི་དགོངས་པས་ལེགས་པར་
བསླབས་པ་རྣམས། །ཐོས་པ་ཙམ་ཡང་རྣ་བར་ [ཡོངས་སུ་བརྗེས་པའི་རྒྱན།] ཚེར་མའི་ལས་འགྱུར་བ། །ངན་པར་འགྲོ་བའི་འབབ་སྟེགས་འཆའ་ལ་རིང་མོ་ནས། །གོམས་པའི་བག་ཆགས་མི་དམན་ལྡན་པ་ཀུན་གྱི་གཤིས། [འགལ་བའི་གཟུགས་ཅན།] བཅུ་གཉིས་ཁྱིམ་ལ་ལོངས་སུ་ [མི་འོས་པའི་དོན་གཞན་བཀོད་པ།] སྤྱོད་པས་

213-1-119a

མི་རྒྱུ་ཞིང་། །རྣམ་པ་ཀུན་དུ་ཁ་ལོ་འདྲེན་པ་འཐེང་ལྡན་གྱི། །རྗེས་སུ་རྒྱུག་པར་མི་བྱེད་ཆོས་ཀྱི་ཉི་མ་འདིས། །སྲིད་པའི་གདོན་ཆེན་གསུམ་གྱི་གདུང་བ་རབ་བསིལ་བྱེད། །འབད་རྩོལ་མཚན་མའི་ཀུན་དུ་རྟོག་པས་རབ་ཏུ་དབེན། །མངོན་འདོད་ལྡན་པ་ཀུན་གྱི་རེ་བ་
རྫོགས་བྱེད་ཀྱང་། །མཆོག་གི་འདོད་པ་སྟེར་བ་མེད་ཕྱིར་ནོར་བུའི་རྒྱལ། །ཏོག་གི་བློ་གྲོས་ཐུབ་པའི་གསུང་ལས་ཤིན་ཏུ་དམན། །ནད་ཆེན་གསོད་པའི་ནུས་པ་རྨད་བྱུང་ཨ་མྲྀ་ཏ། །སུ་ཞིག་ [སྒྲས་ཟིན་པ་མཚུངས་པའི་ལྡོག་པ་ཅན་ལས་གཏན་ཚིགས་ཀྱི་ལྡོག་པ།] བསྟེན་ན་འཆི་མེད་བྱེད་པ་ཡོད་བཞིན་
དུ། །ཕན་དང་གནོད་པའི་མཐའ་གཉིས་དག་ཏུ་མ་ལྷུང་བའི། །འབྱོར་དགུ་གཅིག་ཏུ་སྦྱར་བའི་སྨན་དེས་ཅི་ཞིག་བྱ། །བློ་ལྡན་དམ་ [སྤྱིའི་བསྡུས་པ་བརྗོད་པ།] པའི་ཆོས་ལ་གུས་པ་ལྷོད་གྱུར་ན། །རྨོངས་ཆེན་སྐྱེ་བོས་རིང་དུ་བསྐྱུར་བ་སྨོས་ཅི་དགོས། །འཚོ་བར་བཅས་ལ་མི་འཆི་སྒྲུབ་པའི་
ཐབས་དགོས་ཀྱི། །ལུས་སྲོག་སོ་སོར་དེངས་པར་གྱུར་ལ་དེ་ལྟ་མིན། །སྲིད་པ་གསུམ་གྱི་སྙིང་པོ་ཕུལ་དུ་བྱུང་བའི་ [མི་འོས་ཤིང་འོས་པའི་དོན་གཞན་བཀོད་པ།] ཆོས། །ནུས་མཐུ་ཟད་མི་ཤེས་པས་མངོན་པར་ལྕི་བའི་ཁུར། །ཕྲག་པར་འཛིན་ལ་ནུབ་པ་མེད་པའི་འོད་སྲུངས་བྱིན། །ཡངས་
པའི་དཀྱིལ་འཁོར་འདི་ནི་ཨེ་མ་ཤིན་ཏུ་སྲ། །སྦྲང་རྩིས་མྱོས་པའི་ [ངོ་མཚར་ཕུལ་བྱུང་།] གདངས་སྙན་ཚིག་འབྲུ་བཟང་པོ་ལ། །རོ་མཆོག་མངར་བའི་བརྗོད་བྱ་རྨད་བྱུང་འཁྱིལ་བ་ཅན། །དྲི་མེད་ཆུ་སྐྱེས་འདབ་མ་ཡངས་པའི་ཆོས་ཀྱི་ཚུལ། །འཇིག་རྟེན་འདི་ན་མི་ནུབ་རྟག་པར་
རྒྱལ་གྱུར་ཅིག །ཐམས་ཅད་མཁྱེན་པ་ཆེན་པོ་ཉི་མའི་ [འབྲུ་མང་པོའི་ཚིག་སྡུད་ཀྱི་དཔེ།] གཉེན་གྱི་བཀའ་ལུང་སྤྱི་དང་བྱེ་བྲག་གི་དགོངས་དོན་རྣམ་པར་འགྲེལ་པའི་བསྟན་བཅོས་གངས་ཅན་པའི་སྐད་དུ་འགྱུར་རོ་འཚལ་གྱི་ཆོས་སྦྱིན་རྒྱུན་མི་འཆད་པའི་ངོ་མཚར་འཕྲུལ་གྱི་ཕྱི་མོ་རྫོགས་ལྡན་བསྐལ་
པའི་བསོད་ནམས་ཀྱི་སྤྲིན་ཕུང་རྒྱས་པར་དཀྲིགས་པའི་ཚུལ་ལས་བརྩམས་པའི་གཏམ་ངོ་མཚར་ཆུ་གཏེར་འཕེལ་བའི་ཟླ་བ་གསར་པ་ལས། བཀྲལ་བྱ་ངེས་པའི་ཆེད་དུ་དམ་པའི་ཆོས་ཀྱི་རྣམ་པར་གཞག་པའི་སརྒ་སྟེ་གསུམ་པའོ།།      །།

213-1-119b

[༄། །མཉམ་པའི་བྲྀཏྟའི་སྡེབ་སྦྱོར་ཡི་གེ་བཅོ་བརྒྱད་པ་བསྟན་འཛིན་ལ་རྣམ་པར་དབྱེ་བ་བཞི་བཅུ་རྩ་བཞིས་ཉེ་བར་ལྷག་པའི་ཉིས་འབུམ་དྲུག་ཁྲི་ཉིས་སྟོང་དུ་འགྱུར་བ་ལས། སུམ་ཁྲི་བདུན་སྟོང་དང་བརྒྱད་བརྒྱ་ལྔ་བཅུ་རྩ་བདུན་པ་མེ་ཏོག་གཡོ་བའི་འཁྲི་ཤིང་ཞེས་བྱ་བའི་པྲཱསྟཱ་རས་མཛེས་པའོ། །] [གནས་གསུམ་གྱི་གསལ་བྱེད་ལས་བྱ་བ་བརྗོད་པ་ཐ་མའི་གསལ་བྱེད།]
ཡེ པཱ ད ནྱཱ སཻ ཿ ཏ པི ཏ ས ཀ ལཾ བི ཤྲ མཱ རཱུ ཌྷ བྷ དྲཱི དཱ ཀྵི ཎྱོ བཱ ཡུ རྨ ན ཧ ར ཤ ནེེ ཿ ཀུ མྦྷ བྷ དྲོ བི པ དྡོ ཿ །
གང་དག་རྐང་པ་བཀོད་པས་དུབ་ལ་བཞོན་པ་བཟང་ལྡན་གདུངས་རྣམས་ལ། །ཡིད་འཕྲོག་ལྷོ་ཡི་དྲི་ཁྱེར་དལ་བུ་ཕོངས་པའི་ལག་པར་བུམ་པ་བཟང་། །

213-1-120a

སཾ སཱ རཱ ན ནྟཾ ན ཀ ཙ པ ཏ ཏེ ཿ སཱ ཀ རཱ ལ མྦ ཤ ངྐེེ ཿ ཏྲཱ སོོ སཾ ཡུ ཀྟཾ ས མུ ད ཡ ཧི ཏཾ དཱ ན དྷ རྨ ཏྟ མེ ཝཾ །
ལྷུང་བའི་དོགས་བཅས་ལག་པའི་མཆེལ་པ་མཐའ་བྲལ་འཁོར་བའི་སྡུག་བསྔལ་དང་། །ཀུན་ནས་འབྱུང་བའི་འཇིགས་དང་ལྡན་ལ་ཆོས་ནི་མཆོག་ཏུ་ཕན་སྟེར་ཉིད། །

213-1-120b

ཆོས་ཀྱི་ཆོས་མཆོག་ཐུབ་གསུང་མྱ་ངན་མེད། །དོན་བཟང་འདབ་མ་སྟོང་ཕྲག་རྫོགས་པའི་ཁ། །ཟབ་ཡངས་དཀྲུགས་པ་པདྨའི་རྒྱ་ནང་དུ། །ཆུད་པའི་ངོ་མཚར་ལྟད་མོ་ལྐོག་ན་མོ། །དུས་དེར་རྒྱལ་བ་འགྲོ་ལ་ཕན་པའི་ལས། །ལྷུན་གྱིས་གྲུབ་པ་ལས་བྱུང་སྨྲ་བའི་དབང་།། །རྣམ་པར་ 
[མཐའ་དག་གཟུགས་ཅན།] འབྱེད་པའི་བུ་མོ་ཆོས་ཀུན་ལ། །སྦྱངས་པའི་མིག་ཡངས་མང་པོ་འཇིག་རྟེན་བྱུང་། །དེ་དེས་བཀའ་ལུང་ཡངས་པ་སྡུད་པ་དང་། །ཟབ་མོ་འགྲེལ་དང་རིམ་པར་བསྟར་བ་ཡི། [ཡན་ལག་གཉིས་པའི་གཟུགས་ཅན།] །འཆད་རྩོམ་མཁས་པའི་རྐང་རྩིས་བསྣུན་པའི་ཚེ། །ཚིག་དོན་དྲི་མེད་འདབ་མ་
ཕྱོགས་སུ་གྲོལ། །ཡེ་ཤེས་དག་པའི་གཏེར་གྱུར་ཐུབ་པ་དང་། །དགོངས་པ་གཉིས་སུ་མེད་པར་བཀོད་ [ཆ་ཤས་ཀྱི་གཟུགས་ཅན།] པའི་ཆོས། །སྲིད་པའི་ཟུག་རྔུ་ཀུན་གྱི་ཕ་རོལ་དུ། །འདོང་བར་ཞི་བའི་ལམ་དང་རྗེས་སུ་མཐུན། །གང་ལ་དམིགས་པས་འཁོར་བའི་ནད་ཆེན་གསུམ། །ཟད་པར་ཟ་བའི་ལས་སུ་
མངོན་ཕྱོགས་པའི། །བསླབ་ [རིགས་རང་བཞིན་བརྗོད་པ།] གསུམ་དམ་པའི་འབྱོར་པར་ལྡན་པའི་ལམ། །ཡང་དག་འཆོས་པར་བྱེད་པ་བསྟན་པའི་ཆོས། །གཅིག་ཏུ་ངན་པར་འགྲོ་དང་སྲིད་པ་ཡི། །ཚོར་བ་སྲིན་པོ་ཁྲོས་པའི་སོ་འདྲ་ [སྐྱེད་བྱེད་འགྲུབ་པའི་རྒྱུ།] བས། །བཏབ་པ་ཀུན་ལས་ཡོང་ཡེ་སྐྱོབ་པའི་མཐུ། །
གང་ལ་རྫོགས་པ་དེ་ཡང་ལུང་གི་ཆོས། །སྡུག་བསྔལ་ཐན་པ་སྐྱེད་པའི་ཀུན་འབྱུང་དུས། །གསོད་བྱེད་ལམ་བདེན་སྤྲིན་གྱི་རླུང་ཡབ་ཀྱིས། །སྡུག་བསྔལ་ [དངོས་པོའི་དཔེ།] འགོག་པ་བསིལ་བའི་རླུང་འཇོ་བ། །འཁོར་ལོ་དང་པོའི་བཀའ་དོན་གསལ་བར་བྱེད། །ཆོས་རྣམས་སྒྱུ་མའི་དཔེ་འདྲར་
རང་བཞིན་དང་། །མཚན་ཉིད་མེད་པའི་མཐའ་བྲལ་ [མཐའ་དག་གཟུགས་ཅན།] ལུང་གི་སྒྲས། །མཐའ་བརྒྱད་མལ་དུ་ཡུར་བསློང་བའི་ཆོས། །འཁོར་ལོ་བར་པའི་བཀའ་ཡང་གསལ་བར་བྱེད། །ཡོད་དང་མེད་མཐའ་བརྟོལ་བ་ངེས་པའི་ལུང་། །ཀུན་བརྟག་ [རབ་སྤེལ།] མཚན་མས་སྟོང་པའི་
གཞན་གྱི་དབང་། །ཡོངས་གྲུབ་རྣམ་རིག་ཙམ་དུ་ལེགས་ཕྱེ་བ། །འཁོར་ལོ་ཐ་མའི་བཀའ་དོན་རྣམས་ཀྱང་ངོ་། [དེ་ཉིད་བརྗོད་པའི་དཔེ།] །མུན་པ་ཆེན་པོའི་གཤེད་རྒྱུ་བ་འདི། །པདྨའི་གཉེན་གྱི་དཔལ་དང་རྗེས་ [རིགས་བརྗོད་པ་ཐ་མའི་གསལ་བྱེད།] མཐུན་ཡང་། །སྒྲིབ་པའི་དགྲ་ཚོགས་བཅོམ་ལས་ཕྱི་རོལ་དུ། །ཕྱོགས་

213-1-121a

བ་མིན་ཕྱིར་ལེགས་བཤད་སྣང་བའོ། །སྟོང་གསུམ་མི་མཇེད་ཡངས་པའི་ཟོང་གིས་ཀྱང་། །ལེགས་པར་གདམས་པའི་ཚིག་དོན་ཆ་རེ་ཡང་། །གཞལ་དུ་མེད་པའི་རིན་ཆེན་འདི་ཐོབ་པས། །ཕལ་པའི་ནོར་མཆོག་དེ་ལ་རྣམ་པར་འཕྱ། །མཆོག་དང་ཕལ་དུ་
གཏོགས་པའི་ཤེས་བྱ་བ། །ཇི་ལྟ་ཇི་སྙེད་ཡང་དག་འདོམས་པའི་ [མཚུངས་པ་གསལ་བྱེད་ཀྱི་སྒྲས་དངོས་སུ་ཟིན་པའི་འཕྱ་བ།] གཞུང་། །ལུང་དང་རིགས་པ་མན་ངག་ཀུན་གྱི་མ། །དགོངས་འགྲེལ་བསྟན་པའི་ཆོས་ཀྱི་ཁྱད་པར་གླེང་། །སྤྱི་དོན་བཞི་པ་འགྲེལ་ཚུལ་ངེས་པའི་ཆེད་དུ་བསྟན་བཅོས་ཀྱི་ [རིགས་བརྗོད་པ་ཐ་མའི་གསལ་བྱེད།] 
རྣམ་པར་གཞག་པ་ལ། བསྟན་བཅོས་སུ་གཏོགས་པ་སྤྱིར་བཤད་པ། དེ་ལས་མཆོག་གི་བསྟན་བཅོས་བྱེ་བྲག་ཏུ་བཤད་པའོ། །དང་པོ་བསྟན་བཅོས་སུ་གཏོགས་པ་ཙམ་ལ་རྣམ་པར་དབྱེ་ན་དོན་མེད་པའི་བསྟན་བཅོས་དང་། དོན་ལོག་པའི་བསྟན་བཅོས་དང་། དོན་དང་ལྡན་པའི་བསྟན་
བཅོས་དང་། ངན་གཡོའི་བསྟན་བཅོས་དང་། བརྩེ་བ་བྲལ་བའི་བསྟན་བཅོས་དང་། སྡུག་བསྔལ་སྤོང་བའི་བསྟན་བཅོས་དང་། ཐོས་པ་ལྷུར་ལེན་པའི་བསྟན་བཅོས་དང་། རྩོད་པ་ལྷུར་ལེན་པའི་བསྟན་བཅོས་དང་། སྒྲུབ་པ་ལྷུར་ལེན་པའི་བསྟན་བཅོས་ཏེ་རྣམ་པར་དགུར་འགྱུར་ཏེ། ས་སྡེ་
ལས། དོན་མེད་དོན་ལོག་དོན་དང་ལྡན། །ངན་གཡོ་བརྩེ་བྲལ་སྡུག་བསྔལ་སྤོང་། །ཐོས་རྩོད་སྒྲུབ་པ་ལྷུར་ལེན་པ། །ཞེས་གསུངས་པ་ལྟར་རོ། །གཉིས་པ་དེ་ལས་མཆོག་གི་བསྟན་བཅོས་བྱེ་བྲག་ཏུ་བཤད་པ་ལ། བསྟན་བཅོས་རྣམ་པ་དགུ་པོ་དེ་དག་ལས། སྔ་མ་གཉིས་གཉིས་ནི་
ཕལ་པ་ཡི་ལ། ཕྱི་མ་རེ་རེ་ནི་མཆོག་སྟེ། ཇི་སྐད་དུ། བསྟན་བཅོས་དྲུག་བྲལ་གསུམ་དུ་འདོད། །ཅེས་སོ། །དེ་ལྟར་ཕྱི་མ་གསུམ་པོ་དེ་དག་གི་རང་བཞིན་ངེས་པར་བྱེད་པ་ལ། བསྟན་བཅོས་ཀྱི་མཚན་ཉིད་དང་། ངེས་པའི་ཚིག་དང་། རབ་ཏུ་དབྱེ་བ་སྟེ་གསུམ་མོ། །དང་པོ་མཚན་ཉིད་ནི་སྟོན་པ་དེ་བཞིན་གཤེགས་
པའི་བཀའ་ལུང་འབའ་ཞིག་གི་དབང་དུ་བྱས་ཏེ། རྩོམ་པ་པོ་རྣམ་པར་གཡེང་བ་མེད་ཅིང་བློ་དང་ལྡན་པའི་སྐྱེས་བུ་དམ་པ་དག་གིས་རྗོད་པར་བྱེད་པ་གདོན་ཕུན་སུམ་ཚོགས་པའི་སྒོ་ནས་ཐར་པ་ཐོབ་པར་བྱེད་པའི་ལམ་གྱི་ཆོས་དང་རྗེས་སུ་མཐུན་པར་ལེགས་པར་བཤད་པ་སྟེ། འཕགས་པ་བྱམས་པས། གང་

213-1-121b

ཞིག་རྒྱལ་བའི་བསྟན་པ་འབའ་ཞིག་གི། །དབང་བྱས་རྣམ་གཡེང་མེད་ཡིད་ཅན་གྱིས་བཤད། །ཐར་བ་ཐོབ་པའི་ལམ་དང་རྗེས་མཐུན་པ། །དེ་ཡང་དྲང་སྲོང་བཀའ་བཞིན་སྤྱི་བོས་བླངས། །ཞེས་སོ། །གཉིས་པ་ངེས་པའི་ཚིག་ནི། འཆི་བ་མེད་པའི་སེང་གེས། ནི་རྡེ་ཤ་གྲནྠ་ཡོཿ ཤཱསྟྲ་ཞེས་
བཤད་ཅིང་། དེ་ལ་ཤཱ་ས་ན་འཆོས་པ། ཏྲ་ཡའམ་ཏཱ་ར་ཎ་སྐྱོབ་བ། དེ་གཉིས་བསྡུས་པ་ལ་ཤཱསྟྲ་ཞེས་འབྱུང་སྟེ། གདུལ་བྱ་རྣམས་ཀྱི་རྒྱུད་ཉོན་མོངས་པ་དུག་གསུམ་ལས་བསླབ་པ་སུམ་ལྡན་དུ་འཆོས་པ་དང་། ངན་འགྲོ་དང་སྲིད་པའི་སྡུག་བསྔལ་ལས་སྐྱོབ་པའི་ཕྱིར་བསྟན་བཅོས་སོ། །
དེ་ལྟར་ཡང་རྣམ་བཤད་རིགས་པ། ཉོན་མོངས་དགྲ་རྣམས་མ་ལུས་འཆོས་པ་དང་། །ངན་འགྲོའི་སྲིད་པས་སྐྱོབ་པ་གང་ཡིན་པ། །འཆོས་སྐྱོབ་ཡོན་ཏན་ཕྱིར་ན་བསྟན་བཅོས་ཏེ། །གཉིས་པོ་འདི་དག་གཞན་གྱི་ལུགས་ལ་མེད། །ཅེས་སོ། །དེས་ན་འཆོས་པ་དང་སྐྱོབ་པར་བྱེད་པའི་
ཡོན་ཏན་དང་ལྡན་པའི་ཕྱིར་ངེས་པའི་ཚིག་དེ་ནི་སངས་རྒྱས་ཀྱི་བཀའ་ལའང་བཤད་དུ་ཡོད་དེ། དེ་ཉིད་ལས། དེ་ལྟ་བས་ན་སངས་རྒྱས་ཀྱི་གསུང་ཁོ་ན་དོན་དོན་དམ་པར་བསྟན་བཅོས་ཡིན་པས་འཆོས་པ་དང་སྐྱོབ་པའི་ཡོན་ཏན་གྱི་ཕྱིར་ཡང་དོན་དུ་བཟུང་བ་ལ་འབད་པ་དང་ལྡན་པར་བྱའོ་
ཞེས་གསུངས་སོ། །གསུམ་པ་རབ་ཏུ་དབྱེ་བ་ནི། བྱེད་པ་ལས་ཀྱི་སྒོ་ནས་དབྱེ་བ། བརྗོད་བྱ་དོན་གྱི་སྒོ་ནས་དབྱེ་བ། བཤད་བྱ་བཀའི་སྒོ་ནས་དབྱེ་བ་སྟེ་གསུམ་མོ། །དང་པོ་བྱེད་པ་ལས་ཀྱི་སྒོ་ནས་དབྱེ་བ་ལའང་། བཀའ་རྒྱ་ཆེན་པོ་སྡུད་པའི་བསྟན་བཅོས་དང་། ཟབ་མོ་རྣམ་པར་
འབྱེད་པའི་བསྟན་བཅོས་དང་། འཁྲུགས་པ་གོ་རིམས་སུ་བསྡེབས་པའི་བསྟན་བཅོས་དང་གསུམ་སྟེ། དེ་དག་དཔེར་མཚོན་ན་དང་པོ་ནི་འདུལ་བ་མདོ་རྩ་འམ་ཐེག་པ་ཆེན་པོ་མདོ་སྡེ་རྒྱན་ལྟ་བུའོ། །གཉིས་པ་ནི་མངོན་པར་རྟོགས་པའི་རྒྱན་ནམ་དབུ་མ་རྩ་བའི་ཤེས་རབ་ལྟ་བུའོ། །གསུམ་
པ་ནི་བསླབ་པ་ཀུན་ལས་བཏུས་པའམ་མདོ་སྡེ་རྒྱན་ནམ་སྐྱེས་པའི་རབས་ལྟ་བུའོ། །གཉིས་པ་བརྗོད་བྱ་བཀའི་སྒོ་ནས་དབྱེ་བ་ལ་གསུམ་ལས། ཤེས་བྱ་ཇི་ལྟ་བ་སྟོན་པའི་བསྟན་བཅོས་དང་། ཇི་སྙེད་པ་སྟོན་པའི་བསྟན་བཅོས་དང་། ཐར་པ་དང་ཐམས་ཅད་མཁྱེན་པའི་ལམ་སྟོན་པའི་

213-1-122a

བསྟན་བཅོས་ཏེ་གསུམ་མོ། །དང་པོ་ལའང་ཕལ་པ་དང་ཁྱད་པར་བ་གཉིས་ལས། དང་པོ་ནི་འཇིག་རྟེན་ལུགས་ཀྱི་བསྟན་བཅོས་ཤེས་རབ་བརྒྱ་པ་དང་། སྐྱེ་བོ་གསོ་བའི་ཐིགས་པ་དང་། ཚིགས་སུ་བཅད་པའི་མཛོད་དང་། ཙན་ཀའི་རྒྱལ་པོའི་ལུགས་ཀྱི་
བསྟན་བཅོས་ལ་སོགས་པ་རྣམས་ཏེ། དེ་དག་བསྟན་བཅོས་ཕལ་པ་མཛད་པའི་རྒྱུ་མཚན་ཡང་། གཙོ་བོར་མངོན་མཐོ་འཐོབ་བྱེད་ཀྱི་རྒྱུ་ཡིན་ཞིང་། ཐར་པའི་རྟེན་དུ་འགྲོ་བ་ཡང་སྲིད་དེ། ཤེས་རབ་བརྒྱ་པ་ལས། མི་ཡི་ཆོས་ལུགས་ལེགས་སྤྱད་ན། །ལྷ་ཡུལ་བགྲོད་པར་ཐག་
མི་རིང་། །ལྷ་དང་མི་ཡི་ཐེམ་སྐས་ལ། །འཛེགས་ན་ཐར་པ་གམ་ན་འདུག །ཅེས་དང་། འཇིག་རྟེན་པ་ཡི་ཡང་དག་ལྟ། །ཆེན་པོ་གང་ན་ཡོད་གྱུར་ཀྱང་། །དེ་ནི་བསྐལ་པ་སྟོང་དུ་ཡང་། །ངན་འགྲོར་འགྲོ་བ་མི་སྲིད་དོ། །ཞེས་པས་སོ། །གཉིས་པ་ནི། གཙོ་བོར་བརྗོད་པར་བྱ་བ་
རིག་པའི་གནས་ལྔ་སྟོན་པའི་བསྟན་བཅོས་ཀྱི་རིགས་སུ་གཏོགས་པ་རྣམས་ཏེ། འདི་དག་ནི་འོག་ཏུ་འཆད་པར་འགྱུར་རོ། །གཉིས་པ་ཇི་ལྟ་བ་སྟོན་པའི་བསྟན་བཅོས་ནི། བདེན་པ་རྣམ་པ་བཞིའམ་རྣམ་པ་བཅུ་དྲུག་ཏུ་སྟོན་པའམ། གཟུང་འཛིན་གཉིས་སུ་མེད་པའི་དོན་སྟོན་པ་དང་།
རང་བཞིན་གཉིས་སུ་མེད་པའི་དོན་སྟོན་པ་སྟེ། དཔེར་ན་བདེན་པ་རྣམ་པར་ངེས་པའམ་དབུ་མ་རྒྱན་ལ་སོགས་པ་ལྟ་བུའོ། །གསུམ་པ་ཐར་པ་དང་ཐམས་ཅད་མཁྱེན་པའི་ལམ་སྟོན་པའི་བསྟན་བཅོས་ནི། བྱང་ཆུབ་སེམས་དཔའི་ས་དང་ཉན་ཐོས་ཀྱི་སའམ། བྱང་ཆུབ་སེམས་དཔའི་སྤྱོད་པ་ལ་
འཇུག་པ་ལ་སོགས་པ་ལྟ་བུའོ། །དེ་ལ་ཁ་ཅིག་དེ་དག་ཕྱོགས་རེ་ཙམ་སྟོན་པའི་བསྟན་བཅོས་ཉིད་ཡིན་པས་ན། རབ་ཏུ་བྱེད་པ་ཡིན་ལ། འདིར་ནི་མ་ལུས་པ་སྟོན་པའི་བསྟན་བཅོས་ཆེན་པོ་ཀུན་ལས་བཏུས་པའམ་མངོན་པ་མཛོད་ལྟ་བུའོ་ཞེས་ཀྱང་འདོད་དོ། །གཉིས་པ་བཤད་བྱ་བཀའི་སྒོ་
ནས་དབྱེ་བ་ལ། སྤྱིར་བཤད་པ་དང་བྱེ་བྲག་ཏུ་བཤད་པ་གཉིས་ལས། དང་པོ་ནི་བསྒྲུབ་པར་བྱ་བའི་འབྲས་བུ་རྣམ་པ་ཐམས་ཅད་མཁྱེན་པའི་གོ་འཕང་དོན་དུ་གཉེར་བ་ལ་ཆེས་སྤྲོ་བར་གྱུར་པའི་བློ་དང་ལྡན་པའི་བྱང་ཆུབ་སེམས་དཔའ་རྣམས་ཀྱིས་བསླབ་པར་བྱ་བའི་གནས་ཀྱི་གཙོ་བོ་ནི་རིག་པའི་

213-1-122b

གནས་རྣམ་པ་ལྔ་འམ། རིག་པའི་གནས་བཅུར་གྲགས་པའི་བསྟན་བཅོས་རྣམས་ཏེ། ཇི་སྐད་དུ་མདོ་སྡེ་རྒྱན་ལས། རིག་པའི་གནས་ལྔ་དག་ལ་བརྩོན་པར་མ་བྱས་ན། །འཕགས་པའི་དམ་པ་ཐམས་ཅད་མཁྱེན་པ་ག་ལ་ཐོབ། །ཅེས་གསུངས་ཤིང་། དེའི་འགྲེལ་བཤད་ལས། རིག་
པའི་གནས་ནི་ལྔ་སྟེ་ནང་རིག་པ་དང་། རྒྱུ་རིག་པ་དང་། སྒྲ་རིག་པ་དང་། གསོ་བ་རིག་པ་དང་། བཟོའི་ལས་ཀྱི་གནས་རིག་པའོ། །དེ་ལ་དེ་བཞིན་གཤེགས་པའི་གསུང་རབ་ཡན་ལག་བཅུ་གཉིས་ལ་མཁས་པ་ནི་ནང་རིག་པ་ཞེས་བྱའོ། །མངོན་སུམ་དང་རྗེས་སུ་དཔག་པའི་ཚད་མས་ཟིན་པའི་
ཏརྐའི་གཞུང་ལ་མཁས་པ་ནི་རྒྱུ་རིག་པ་ཞེས་བྱའོ། །སྒྲའི་གཙུག་ལག་བྱཱ་ཀ་ར་ཎ་ལ་མཁས་པ་ནི་སྒྲ་རིག་པ་ཞེས་བྱའོ། །རླུང་དང་བད་ཀན་ལ་སོགས་པ་ནད་གསོ་བའི་གཙུག་ལག་ལ་མཁས་པ་ནི་གསོ་བ་རིག་པ་ཞེས་བྱའོ། །གླུ་དང་གར་དང་སྤོས་ལ་སོགས་པའི་གཙུག་ལག་ལ་མཁས་པ་ནི་
བཟོའི་ལས་ཀྱི་གནས་རིག་པ་ཞེས་བྱའོ། །རིག་པའི་གནས་ལྔ་པོ་དེ་དག་ལ་ཉན་པ་དང་བསམ་པ་ལ་སོགས་པའི་སྒོ་ནས་ཤེས་པ་དང་རྟོགས་པར་མ་བྱས་པར་བྱང་ཆུབ་སེམས་དཔའ་རྣམས་ཀྱིས་ཐམས་ཅད་མཁྱེན་པའི་ཡེ་ཤེས་ག་ལ་ཐོབ་སྟེ། དེ་བས་ན་བྱེ་བྲག་མེད་པར་མཁྱེན་པའི་ཡེ་ཤེས་
ཐོབ་པར་བྱ་བའི་ཕྱིར་རིག་པའི་གནས་ལྔ་ལ་བརྩོན་པར་བྱེད་དོ་ཞེས་བྱ་བའི་དོན་ཏོ། །དེ་ལ་འཕགས་པ་ནི་ཉན་ཐོས་དང་རང་སངས་རྒྱས་དེ་དག་ལས་མཆོག་ཏུ་གྱུར་བས་འཕགས་པ་དམ་པའི་བྱང་ཆུབ་སེམས་དཔའོ། །ཇི་ལྟར་ཡོད་པ་མ་ལུས་པ་དང་ཕྱིན་ཅི་མ་ལོག་པར་ཤེས་པ་ནི་ཐམས་ཅད་མཁྱེན་པ་
ཞེས་བྱའོ་ཞེས་བཤད་པ་དང་། ས་སྐྱ་པཎྜི་ཏས་ཀྱང་། མཁས་གང་ཤེས་བྱའི་དེ་ཁོ་ན། །ཇི་བཞིན་རྟགས་པ་ཡིན་པར་འདོད། །བྱེ་བྲག་སྦྱངས་པའི་དོན་ཤེས་པ། །དེ་ཡང་དེ་ལ་མཁས་པ་ཡིན། །དེ་ཡུལ་བརྡ་སྤྲོད་རྟོག་གེ་དང་། །གསོ་བ་ཕྱི་ནང་རིག་ཅེས་གསུངས། །གཞན་ལས་
གཞན་དག་རྣམ་བཤད་པ། །འདི་ཡི་ནང་དུ་འདུས་ཤེས་བྱ། །ཞེས་ཏེ། དེ་ཡང་མཁས་པ་ཞེས་བྱ་བ་ནི་གང་ཡིན་ཞེ་ན། ཤེས་བྱ་ཐམས་ཅད་ཕྱིན་ཅི་མ་ལོག་པར་ཤེས་པ་ཡིན་ལ། གཞན་ཡང་བྱེ་བྲག་ཏུ་གང་བསླབ་བ་ཤེས་པ་དེ་ལའང་དེ་ཉིད་ལ་མཁས་པ་ཞེས་བྱ་ཞིང་། དེས་བསླབ་པར་བྱ་བའི་

213-1-123a

ཡུལ་ནི་རིག་པའི་གནས་ལྔ་སྟེ། བརྡ་སྤྲོད་པ་སྒྲ་དང་། རྟོག་གེ་སྟེ་ཚད་མ་དང་། ཕྱི་རོལ་རིག་པ་བཟོ་དང་། ནང་རིག་པ་ལུང་གི་ཆོས་དང་། གསོ་བ་རིག་པ་སྨན་དཔྱད་རྣམས་ལ་བཤད་དོ། །གཞན་ཡང་རིག་པའི་གནས་ཆུང་བ་ལྔ་དང་། མདོ་ལས་རིག་པའི་
གནས་བཅོ་བརྒྱད་དུ་གསུངས་པ་རྣམས་ཀྱང་རིག་པའི་གནས་ཆེན་པོ་ལྔ་པོ་དག་ཏུ་འདུ་ཞེས་པའི་དོན་ཏོ། །དེ་བས་ན་རྣམ་པ་ཐམས་ཅད་མཁྱེན་པའི་གནས་ཐོབ་པ་ལ་མངོན་པར་འདོད་པའི་བྱང་ཆུབ་སེམས་དཔའ་ཤེས་བྱ་ཐམས་ཅད་ལ་ཤིན་ཏུ་མཁས་པར་བྱ་དགོས་སོ་ཞེས་པའི་དོན་ཏོ། །དེའང་
གང་གི་ཕྱིར་ཞེ་ན། རྒྱན་ལས་སྔ་མ་དེའི་རྗེས་ཐོགས་སུ། དེ་ལྟར་གཞན་དག་ཚར་བཅད་པ་དང་རྗེས་བཟུང་ཕྱིར། །བདག་ཉིད་ཤེས་བྱའི་ཕྱིར་ན་དེ་ལ་དེར་བརྩོན་བྱེད། །ཅེས་དང་། དེའི་འགྲེལ་བཤད་ལས་ཀྱང་། བྱེ་བྲག་ཏུ་རྒྱུ་རིག་པ་དང་སྒྲ་རིག་པ་ལ་བྱང་ཆུབ་སེམས་དཔའ་བཙོན་པར་བྱེད་དོ། །
ཅིའི་ཕྱིར་ཞེ་ན། མུ་སྟེགས་རྒྱུ་རིག་པའི་གཙུག་ལག་ཤེས་པར་རློམ་པ་དང་། སྒྲ་རིག་པའི་གཙུག་ལག་ཤེས་པར་རློམ་པ་དེ་དག་ཚར་གཅད་པར་བྱ་བའི་ཕྱིར་བརྩོན་པར་བྱེད་དོ། །གསོ་བ་རིག་པ་དང་བཟོའི་ལས་ཀྱི་གནས་རིག་པ་ལ་བྱང་ཆུབ་སེམས་དཔའ་བརྩོན་པར་བྱེད་དོ། །ཅིའི་ཕྱིར་ཞེ་ན། ནད་
ཀྱིས་བཏབ་པའི་ནད་ཞི་བར་འདོད་པ་རྣམས་དང་བཟོ་སློབ་པར་འདོད་ཅིང་ལོགས་སྤྱོད་འདོད་པ་རྣམས་རྗེས་སུ་གཟུང་ཞིང་ཕན་གདགས་པའི་ཕྱིར་བརྩོན་པར་བྱེད་དོ། །ནང་རིག་པ་ལ་བྱང་ཆུབ་སེམས་དཔའ་བརྩོན་པར་བྱེད་དོ། །ཅིའི་ཕྱིར་ཞེ་ན། བདག་ཉིད་འཕགས་པའི་ལམ་དེ་ཁོ་ན་ཉིད་ཀྱི་
མཚན་ཉིད་གང་ཡིན་པ་ཕྱིན་ཅི་མ་ལོག་པར་ཤེས་པར་བྱ་བའི་ཕྱིར་བརྩོན་པར་བྱེད་དོ་ཞེས་སོ། །གཉིས་པ་སོ་སོར་བཤད་པ་ལ། གཞན་རྗེས་སུ་འཛིན་པའི་རིག་པའི་གཙུག་ལག་གཉིས་ལས། དང་པོ་བཟོ་རིག་པ་ལ། དེར་འཇུག་པའི་དགོས་པ་དང་། དེ་སྟོན་པའི་བསྟན་བཅོས་ཀྱི་རང་
བཞིན་བསྟན་པའོ། །དང་པོ་ནི། རྣམ་པ་ཐམས་ཅད་མཁྱེན་པའི་གོ་འཕང་དོན་དུ་གཉེར་བའི་བྱང་ཆུབ་སེམས་དཔའ་རྣམས་ཀྱིས་གནས་སྐབས་སུ་ཕན་བདེ་འབྱུང་བའི་རྩ་ལག་ཏུ་གྱུར་པའི་བཟོའི་གནས་ཀྱི་རིག་པ་ལ་མཁས་པའི་གོ་སར་དབང་བ་དང་། ཤ་ཐང་བ་མེད་པར་ལོངས་སྤྱོད་ཀྱི་འབྱོར་བ་དང་ལྡན་པར་བྱ་བ་

213-1-123b

དང་། འཇིག་རྟེན་པ་རྣམས་ཀྱིས་བཀུར་བར་བྱ་བ་དང་། ལོངས་སྤྱོད་ཀྱི་སྒོ་ནས་གཞན་ལ་ཕན་གདགས་པར་བྱ་བ་དང་། མཐར་ཐུག་ཐམས་ཅད་མཁྱེན་པའི་གཟུགས་ཀྱི་སྐུ་མཚན་བཟང་པོ་དང་དཔེ་བྱད་བཟང་པོས་བརྒྱན་པ་འགྲུབ་པའི་རྒྱུར་འགྱུར་བ་དང་། དེ་ཉིད་མངོན་དུ་གྱུར་ནས་ཀྱང་དེ་བཞིན་
གཤེགས་པའི་གཟུགས་དང་གཟུགས་བརྙན་ནས་སྤྲུལ་པ་ཐ་མའི་བར་གྱི་རྣམ་པས་སེམས་ཅན་ཀུན་གྱི་ཉེར་འཚོའི་གཞིར་འགྱུར་བའི་དགོས་པ་དམ་པས་ཡིད་ཡོངས་སུ་དྲངས་ནས་རིག་པའི་ཚུལ་འདི་ལ་འཇུག་པར་རིགས་ཏེ། མདོ་སྡེ་རྒྱན་གྱི་འགྲེལ་བཤད་ལས། བཟོའི་གནས་ཀྱི་རིག་པ་བྱང་ཆུབ་
སེམས་དཔའ་འཚོལ་བར་བྱེད་དོ། །ཅིའི་ཕྱིར་ཞེ་ན། ཚེགས་ཆུང་ངུས་ཤ་ཐང་པ་མེད་པར་ལོངས་སྤྱོད་བསྒྲུབ་པར་བྱ་བ་དང་། ལོངས་སྤྱོད་དང་ལྡན་ཞིང་བཟོའི་གནས་ལ་མཁས་པས་འཇིག་རྟེན་པ་རྣམས་ཀྱིས་བཀུར་བར་བྱ་བ་དང་། ལོངས་སྤྱོད་ཀྱི་སྒོ་ནས་འཇིག་རྟེན་པ་རྣམས་ལ་ཕན་པར་བྱ་
བའི་ཕྱིར་ཚོལ་བར་བྱེད་དོ་ཞེས་དང་། །བསོད་ནམས་ཀྱི་སྟོབས་ཀྱི་རྟོགས་པ་བརྗོད་པ་ལས། དེ་བས་ན་བཟོ་འབའ་ཞིག་མི་རྣམས་ཀྱི་ཉམས་སུ་སྨན་པ་ཡིན་ཏེ། བཟོ་བ་ནི་རིགས་དམན་པར་སྐྱེས་སུ་ཟིན་ཡང་རྒྱལ་པོ་རྣམས་དང་། བློན་པོ་རྣམས་དང་། བྲམ་ཟེ་དང་། ཁྱིམ་བདག་
རྣམས་ཀྱིས་གདོན་མི་ཟ་བར་བཀུར་རོ། །སྣ་ཚོགས་ལས་ཅན་ལྷ་རྣམས་དང་། །མི་རྣམས་ཀྱིས་ཀྱང་ལེགས་པར་བཀུར། །དེ་བཞིན་མ་རབས་བཟོ་ཡི་ཕྱིར། །མི་དང་ལྷ་རྣམས་ཀྱིས་ཀྱང་བཀུར། །ཞེས་དང་། མངོན་བརྗོད་ཀྱི་བསྟན་བཅོས་སྣ་ཚོགས་གསལ་བར། བི་ཤཱ་ཀརྨ་སྣ་
ཚོགས་བྱེད། །ལས་བཟང་ཅན་དང་ལྷའི་བཟོ་བོ། །ཞེས་པས་བསྟན་པའི་ལྷའི་བཟོ་བོ་ཤྭ་ཀརྨ་ལྟ་བུ་ནི་ལྷའི་དབང་པོ་ལ་སོགས་པ་འཇིག་རྟེན་ན་ཆེ་བར་རློམ་པས་ཀྱང་བཀུར་ཞིང་བསྔགས་པའི་གནས་སུ་གྱུར་བའང་བཟོའི་གནས་ལ་མཁས་པ་ཁོ་ནའི་ཕྱིར་ཏེ། གདགས་པའི་བསྟན་བཅོས་ལས།
འཁོར་ལོ་རིན་པོ་ཆེ་ག་ལས་འོངས་ཤེ་ན། གང་གི་ཚེ་འཁོར་ལོས་སྒྱུར་བའི་རྒྱལ་པོ་འཇིག་རྟེན་དུ་བྱུང་བ་དེའི་ཚེ། ལྷ་རྣམས་ཀྱི་དབང་པོ་བརྒྱ་བྱིན་གྱིས་ལྷའི་བུ་ལས་ཐམས་ཅད་པ་ལ་བསྒོ་བ། ལས་ཐམས་ཅད་ལ་འཁོར་ལོས་སྒྱུར་བའི་རྒྱལ་པོ་འཇིག་རྟེན་དུ་བྱུང་བ་ཤེས་པར་གྱིས་ལ། དེའི་ཕྱིར་

213-1-124a

ལྷའི་འཁོར་ལོ་རིན་པོ་ཆེ་མངོན་པར་སྤྲུལ་པར་གྱིས་ཤིག །དེ་ནས་ལྷའི་བུ་ལས་ཐམས་ཅད་པས་ལྷ་རྣམས་ཀྱི་དབང་པོ་བརྒྱ་བྱིན་གྱིས་བསྒོ་བ་བཞིན་དུ་མཉན་ཏེ། ལྷའི་འཁོར་ལོ་རིན་པོ་ཆེ་རྩིབས་སྟོང་པ་ལྟེ་བ་དང་བཅས་པ། མུ་ཁྱུད་དང་བཅས་པ། རྣམ་པ་ཐམས་
ཅད་ཡོངས་སུ་རྫོགས་པ། དག་པ། བཟང་བ། ལྷ་རྫས་རིལ་གྱིས་གསེར་ལས་མངོན་པར་གྲུབ་བ་ཞེས་འཁོར་ལོ་རིན་པོ་ཆེ་ལྷའི་བཟོ་བོས་སྤྲུལ་དགོས་པར་བཤད་ཅིང་། རིག་བྱེད་པའི་བཏམ་རྒྱུད་ལས་ཀྱང་། སྔོན་གྱི་དུས་སུ་ལྷའི་བུ་ཉི་མས། ལས་ཐམས་ཅད་པའི་བུ་མོ་ནེ་རུ་ཀ་
ཆུང་མར་བླངས་པས་ཉི་མའི་འོད་ཟེར་ཆེ་བ་ལ་མ་བཟོད་ནས་ཕའི་ཁྱིམ་དུ་བྲོས་སོ། །དེའི་ཚེ་ཕ་མ་དག་གིས་འཐབས་བསྐྱོ་བར་གྱུར་ཏེ། རི་བོ་ཏི་སེ་ན་རྟ་རྒོད་མའི་གཟུགས་ཀྱིས་དཀའ་ཐུབ་བྱེད་ཅིང་ཡིབས་སོ། །དེའི་ཚེ་ལས་ཐམས་ཅད་པས་ཉི་མ་དུམ་བུ་བཅུ་གཉིས་སུ་བྱས་ཤིང་ལོང་མོ་
ཡན་ཆད་བརྡར་ཏེ་གཟུགས་ཡིད་དུ་འོང་བར་བྱས་པས་དེ་ཕྱིན་ཆད་ལྟ་ན་སྡུག་ཅེས་བྱའོ་ཞེས་འབྱུང་བ་ལྟར་བཟོ་རིག་པ་ནི་འཇིག་རྟེན་ཐམས་ཅད་དུ་ཕན་འདོགས་རྒྱ་ཆེན་པོ་འབྱུང་བའི་གཞི་མ་ཉིད་དུ་བཤད་པའི་ཕྱིར་རོ། །གཞན་ཡང་སྔོན་གྱི་ཆོས་རྒྱལ་མྱ་ངན་མེད་པ་ལ་སོགས་པའང་བཅོམ་ལྡན་
འདས་ཀྱིས་ལུང་བསྟན་པའི་རྒྱུའི་གཙོ་བོ་དེ་བཞིན་གཤེགས་པའི་མཆོད་རྟེན་བརྩིགས་པ་དང་། དགེ་འདུན་གྱི་ཀུན་དགའ་ར་བ་བརྩིགས་པ་ལ་སོགས་པའི་སྒོ་ནས་སྟོན་པའི་སྐུ་གསུང་ཐུགས་ཀྱི་ཕྲིན་ལས་དཀར་པོའི་རྒྱུན་མི་ནུབ་པ་སྐྱོང་བའི་རྩ་ལག་ཏུ་འགྱུར་བ་ལ་དགོངས་ནས་ལུང་བསྟན་པར་བཤད་པའི་ཕྱིར་དང་།
ཁྱད་པར་མྱ་ངན་ལས་འདས་པའི་མདོ་ལས། ཆུ་བོ་ཆེན་པོ་བཞི་རྒྱ་མཚོར་བབ། འབབ། གཞོལ་བ་དེ་བཞིན་དུ་ཆོས་ཐམས་ཅད་མྱ་ངན་ལས་འདས་པ་ལ་བབ། འབབ། གཞོལ་ཞེས་བྱ་བ་ལ་སོགས་པའི་དོན་དུ་འགྱུར་བའི་དོགས་པ་ཡོད་དོ། །གཉིས་པ་དེ་ལ་དབྱེ་ན་གཙོ་བོ་དང་། ཕལ་པ་གཉིས་སོ། །དེའི་དང་
པོ་ལའང་སྐུ་གསུང་ཐུགས་ཀྱི་རྟེན་གསུམ་ལས། དང་པོ་ནི་དེ་བཞིན་གཤེགས་པའི་སྐུ་གཟུགས་ཀྱི་ཚད་བཤད་པ་ནས། ཉན་ཐོས་དང་རང་སངས་རྒྱས་ལ་སོགས་པའི་སྐུ་གཟུགས་ཀྱི་ཚད་བཤད་པའི་བར་ཏེ། མདོར་བསྡུ་ན་ངག་དབང་ལྷ་མོས་རྗེས་སུ་བཟུང་པའི་དཔལ་ལྡན་བློ་གྲོས་བཟང་པོས་སྐུ་

213-1-124b

གཟུགས་ཀྱི་ཆ་ཚད་བཤད་པ་ལས། རྒྱལ་བའི་སྐུ་གཟུགས་ཐལ་མོ་བཅུ་པ་དང་། །རྒྱལ་སྲས་རྣམས་ཀྱི་མཐོ་བཅུ་ཞན་པ་དང་། །རྒྱལ་ཡུམ་སོགས་ཀྱི་ཞལ་ཚད་དགུ་པ་དང་། །རྒྱལ་དབང་ཁྲོས་པ་རྣམས་ཀྱི་གདོང་བརྒྱ་དང་། །མིའུ་ཐུང་གི་ལུས་ཚད་མཐོ་དྲུག་པ། །ཞེས་གསུངས་ཏེ།
དེ་ཡང་གང་ལ་བརྟེན་སྙམ་ན། །དཔལ་དུས་ཀྱི་འཁོར་ལོའི་རྒྱུད་ལས། རྒྱལ་བའི་བདག་པོ་གཙུག་ཏོར་ནས་ནི་མཛོད་སྤུའི་དབུས་སུ་ཕྱེད་དང་བཅས་པའི་ཉི་མའི་སོར་དུ་འགྱུར། །དེ་ནས་མགྲིན་པའི་ཆུ་སྐྱེས་དེ་བཞིན་སྙིང་ག་དང་ནི་དེ་ནས་ལྟེ་གསང་ཆུ་སྐྱེས་དེ་བཞིན་ནོ། །ཞབས་ཀྱི་མཐིལ་
དང་རྗེ་ངར་བརླ་དང་དཔྱི་ཡང་མ་ནུ་དེ་ཉིད་དེ་ཉིད་རིག་བྱེད་རྣམས་ཀྱི་སྟེ། །བྲང་ཕྱེད་ཕྱེད་བཅས་ཉི་མའི་རང་དཔུང་དཔུང་ལག་རྣམས་ནི་མཁའ་མིག་རྒྱལ་པོ་ཉི་མའི་ཚད་ཀྱིས་སོ། །ཉི་ཤུ་རྩ་ལྔ་ལྷག་པའི་བརྒྱ་ཕྲག་གང་ཞིག་དུས་དང་དགུ་ཡིས་མི་རྣམས་ཀྱི་ནི་འཇིག་རྟེན་ཚད། །རིག་བྱེད་ཕྱེད་དང་བཅས་
པའི་བཞི་དང་ཆུ་གཏེར་ཕྱེད་དང་བཅས་པའི་རིག་བྱེད་རིག་བྱེད་ཀྱི། །གཙུག་ཏོར་མཐོ་བའི་འོག་ཏུ་འགྱུར་ཏེ་རྒྱལ་བའི་བདག་པོའི་དཔལ་ལྡན་དཔྲལ་བ་དག་དང་ཤངས་དང་ནི། །ཤངས་ཀྱི་འོག་ཏུ་ཀོས་ཀོའི་མཐའ་དང་དེ་ནས་མགྲིན་པ་དག་སྟེ་མགྲིན་པ་རྩ་བའི་ཆུ་སྐྱེས་དབུས། །
དེ་ནས་སྙིང་ག་ལྟེ་བ་གསང་བར་མི་ཡི་བདག་པོ་ཕྱེད་བཅས་ཉི་མ་རྣམས་ཀྱི་རིམ་པས་སོ། །གསང་བའི་ཆུ་སྐྱེས་ལྟེ་བའི་རྩ་བར་རྡོ་རྗེ་དག་ཀྱང་ཐུབ་པ་ཡི་ནི་སྟེང་གི་གཙུག་ཏོར་ཉིད། །ཅེས་པས་སྐུ་གཟུགས་མཐོ་བཅུ་པར་བྱས་པའི་སོར་མོ་བརྒྱ་ཉེར་ལྔ་པའི་ཚད་དང་། བདེ་མཆོག་སྡོམ་པ་འབྱུང་བའི་
རྒྱུད་ལས། མཐིལ་ལམ་ཐལ་མོ་བཅུ་གཅིག་གིས། །ལྷ་ཡི་གཟུགས་ནི་བྲི་བར་བྱ། །ཞེས་དང་། ཟབ་མོ་རྡོ་རྗེ་ཅན་གྱི་ལྷ། །ཆ་ནི་བཅུ་གཉིས་མཚན་ཉིད་དོ། །ཞེས་པས་སོར་མོ་བརྒྱ་ཉི་ཤུ་པའི་བསྟན་ཅིང་། བསླབ་བཏུས་སུ། བྱང་ཆུབ་སེམས་དཔའ་རྣམས་ཀྱི་ཡང་
སོར་བཅུ་གཉིས་པའི་མཐོ་བཅུ་པ་ཉིད་དོ་ཞེས་དང་། སྡོམ་འབྱུང་གི་རྒྱུད་འགྲེལ་རྣམས་ལས་བྱང་ཆུབ་སེམས་དཔའ་རྣམས་ཀྱི་ཚད་བསྟན་པ་དང་། གཞན་ཡང་སྡོམ་འབྱུང་ལས། ཡིད་དུ་འོང་བའི་རང་གཟུགས་ནི། །ཆ་དགུ་པར་ནི་མངོན་པར་བྲི། །ཞེས་པས་རྒྱལ་ཡུམ་རྣམས་

213-1-125a

ཀྱི་ཚད་དང་། ཁྲོ་བོ་ཁྲོ་མོ་དབང་ཕྱུག་མ། །བྲན་ཕོ་བྲན་མོ་ཅི་བགྱི་མ། །དྲག་ཅིང་འཇིགས་པའི་གཟུགས་རྣམས་ནི། །ཐལ་མོ་བརྒྱད་པ་རྣམ་པར་བྲི། །ཞེས་དང་། གཤིན་རྗེའི་གཤེད་ནག་པོའི་རིམ་པར་ཕྱེ་བ་བཅུ་བཞི་པར། ཁྲོ་བོ་སྦོམ་ལ་ཐུང་བར་བཤད། །ཅེས་སོགས་ཀྱི་
ཁྲོ་བོ་མཐོ་བརྒྱད་པའི་ཚད་དང་། བྱ་བ་བཏུས་པར་སྒྲ་གཅན་དང་མིའུ་ཐུང་དང་ཚོགས་ཀྱི་བདག་པོ་རྣམས་ནི་མཐོ་ལྔ་བྱའོ། །མིའུ་ཐུང་གི་ལུས་བྱིངས་པོ་སྐུའི་ཚད་བཤད་པ་རྣམས་སོ། །དེ་དག་གི་ནང་ནས་དེ་བཞིན་གཤེགས་པའི་སྐུ། ལོངས་སྤྱོད་རྫོགས་པ་དང་། སྤྲུལ་པའི་སྐུའི་
བདག་ཉིད་ཅན་རྣམས་ནི་མཚན་བཟང་པོ་སུམ་ཅུ་རྩ་གཉིས་དང་། དཔེ་བྱད་བཟང་པོ་བརྒྱད་ཅུས་སྤྲས་པའི་སྐུ་སྟེ། རྒྱུད་བླ་མར། མཐོང་ན་ཚིམ་བྱེད་ཡོན་ཏན་གང་། །སུམ་ཅུ་རྩ་གཉིས་ཞེས་བྱ་བ། །སྤྲུལ་པ་ཆོས་ལ་རྫོགས་པར་ནི། །ལོངས་སྤྱོད་རྫོགས་སྐུ་གཉིས་ལ་བརྟེན། །
ཞེས་དང་། མངོན་རྟོགས་རྒྱན་ལས། མཚན་ནི་སུམ་ཅུ་རྩ་གཉིས་དང་། །དཔེ་བྱད་བརྒྱད་ཅུའི་བདག་ཉིད་འདི། །ཐེག་ཆེན་ཉེ་བར་ལོངས་སྤྱོད་ཕྱིར། །ཐུབ་པའི་ལོངས་སྤྱོད་རྫོགས་སྐུར་བཞེད། །ཅེས་སོ། །དེ་ལྟ་བུའི་གཟུགས་ཀྱི་སྐུ་རྣམ་པ་གཉིས་ཀྱི་གཟུགས་བརྙན་
མཚན་ཉིད་དང་ལྡན་པ་བསྒྲུབ་པ་ལ། ཉེ་བར་མཁོ་བའི་མཚན་དང་དཔེ་བྱད་བཤད་པ་རྒྱལ་ཚབ་བྱམས་པའི་བསྟན་བཅོས་ལས་འབྱུང་བ་ནི། ཕྱག་ཞབས་འཁོར་ལོས་མཚན་དང་རུས་སྦལ་ཞབས། །ཞེས་བྱ་བ་ནས། སྤྱན་ནི་མཐོན་མཐིང་སྤྱན་རྫི་བ་མཆོག་གི། །འདྲ་བ་འདི་དག་གསུམ་
ཅུ་རྩ་གཉིས་མཚན། །ཞེས་བྱ་བའི་བར་དུ་འབྱུང་བའི་དོན་ནི། སྣང་བའི་རྒྱན་དུ། བླ་མ་རྣམས་ལ་སྐྱེལ་བ་དང་བསུ་བ་ལ་སོགས་པས་ཕྱག་དང་ཞབས་འཁོར་ལོས་མཚན་དང་ལྡན་པ་ཉིད་དང་། སྡོམ་པ་ཡང་དག་པར་བླངས་པ་བརྟེན་པ་ཉིད་ཀྱིས་རུས་སྦལ་བཞིན་དུ་ཞབས་ཤིན་ཏུ་གནས་པ་
ཉིད་དང་། བསྡུ་བའི་དངོས་པོ་བཞི་བསྟེན་པས་ཕྱག་དང་ཞབས་ཀྱི་སོར་མོ་ངང་པའི་རྒྱལ་པོ་ལྟ་བུར་དྲ་བས་འབྲེལ་བ་ཉིད་དང་། བཟའ་བ་དང་བཅའ་བ་ལ་སོགས་པ་གྱ་ནོམ་པ་བྱིན་པས་ཕྱག་དང་ཞབས་འཇམ་ཞིང་གཞོན་ཤ་ཆགས་པ་ཉིད་དང་། བལྡག་པ་ལ་སོགས་པ་ཤིན་ཏུ་གྱ་ནོམ་པ་བྱིན་པས་

213-1-125b

ཕྱག་དང་ཞབས་དང་ཕྲག་པ་དང་ལྟག་པའི་ཕྱོགས་མཐོ་བའི་ཕྱིར་བདུན་མཐོ་བ་ཉིད་དང་། གསད་པར་བྱ་བ་ལས་ཐར་བར་བྱས་པས་སོར་མོ་རིང་བ་ཉིད་དང་། འཚོ་བ་ལ་ཕན་འདོགས་པ་ཉིད་ཀྱིས་རྟིང་པ་ཡངས་པ་ཉིད་དང་། སྲོག་གཅོད་པ་སྤངས་པས་སྐུ་ཆེ་ཞིང་དྲང་བ་ཉིད་དང་
དགེ་བའི་ཆོས་ཡང་དག་པར་སྤངས་པས་ཞབས་འབུར་མི་མངོན་པ་ཉིད་དང་། དགེ་བ་ཡང་དག་པར་བླངས་པ་སྤེལ་བས་སྐུའི་སྤུ་གྱེན་དུ་ཕྱོགས་པ་ཉིད་དང་། རིག་པ་དང་བཟོ་ལ་སོགས་པ་གུས་པར་བྱས་ཏེ་བྱིན་པས་བྱིན་པ་རི་དྭགས་ཨེ་ན་ཡའི་ལྟ་བུ་དང་། ནོར་བདོག་པ་སློང་བ་
པོའི་སྐྱེ་བོ་ཕྱིར་མ་སྤངས་པས་ཕྱག་རིང་ཞིང་མཛེས་པ་ཉིད་དང་། སྐྱེ་བོ་ཐམས་ཅད་ཚངས་པར་སྤྱོད་པ་ཡང་དག་པར་ལེན་དུ་འཇུག་ཅིང་གསང་བའི་ཚིག་བསྲུངས་པས་མདོམས་ཀྱི་སྦ་བ་སྦུབས་སུ་ནུབ་པ་ཉིད་དང་། གདིང་བ་གྱ་ནོམ་པ་བྱིན་པས་མདོག་གསེར་འདྲ་བ་ཉིད་དང་། ཁང་
བཟངས་ལ་སོགས་པ་དམ་པ་བྱིན་པས་པགས་པ་འཇམ་པ་ཉིང་དང་། འདུ་འཛི་ལ་སོགས་པ་ཡོངས་སུ་སྤངས་པས་སྤུ་རེ་རེ་ནས་གཡས་ཕྱོགས་སུ་འཁྱིལ་བ་ཉིད་དང་། སྐྱེ་བོ་བླ་མ་ཐམས་ཅད་གནས་ཇི་ལྟ་བ་བཞིན་དུ་བཀོད་པས་ཞལ་མཛོད་སྤུས་བརྒྱན་པ་ཉིད་དང་། རྣམ་
པ་ཐམས་ཅད་དུ་ཁ་དྲག་གི་ཚིག་གིས་ཁྱད་དུ་མ་བསང་པས་རོ་སྟོད་སེང་གེ་འདྲ་བ་ཉིད་དང་། སྙན་པར་སྨྲ་བ་དང་ལེགས་པར་སྨྲ་བའི་རྗེས་སུ་མཐུན་པར་བྱས་པས་དཔུང་མགོ་ཤིན་ཏུ་ཟླུམ་པ་ཉིད་དང་། སྨན་ལ་སོགས་པ་བྱིན་པས་ཕྲག་པ་རྒྱས་པ་ཉིད་དང་། སྐྱེ་བོ་ནད་པའི་
གཡོག་བྱས་པས་རོ་བྲོ་བའི་མཆོག་མཁྱེན་པ་ཉིད་དང་། ནགས་ཚལ་དང་ཀུན་དགའི་ར་བ་ལ་སོགས་པ་བྱེད་པ་ཡང་དག་པར་ལེན་དུ་བཅུག་པས་ཤིང་ནྱ་གྲོ་དྷ་ལྟར་ཆུ་ཞེང་གབ་པ་ཉིད་དང་། གཙུག་ལག་ཁང་ལ་སོགས་པ་ལྷག་པར་བྱིན་པས་དབུ་གཙུག་ཏོར་དང་ལྡན་པ་ཉིད་དང་།
འཇམ་པོ་ལ་སོགས་པ་གསུངས་པས་ལྗགས་རིང་བ་ཉིད་དང་། འཇིག་རྟེན་གྱི་ཁམས་ཐམས་ཅད་ཀྱི་སེམས་ཅན་ལ་དམ་པའི་ཆོས་གོ་བར་བྱས་པས་ཚངས་པའི་དབྱངས་ཉིད་དང་། ཚིག་འཁྱལ་བ་སྤངས་པས་འགྲམ་པ་སེང་གེའི་འདྲ་བ་ཉིད་དང་། སྐྱེ་བོ་ཐམས་ཅད་བཀུར་བ་ལ་

213-1-126a

སོགས་པས་ཚེམས་དཀར་བ་ཉིད་དང་། འཚོ་བ་རྣམ་པར་དག་པ་ཉིད་ཀྱིས་ཚེམས་མཉམ་པ་ཉིད་དང་། བདེན་པའི་ཚིག་ཀུན་དུ་སྤྱད་པས་ཚེམས་ཐགས་བཟང་བ་ཉིད་དང་། ཕྲ་མའི་ཚིག་སྤངས་པས་ཚེམས་བཞི་བཅུ་མངའ་བ་ཉིད་དང་། སེམས་
ཅན་ཐམས་ཅད་ལ་བུ་གཅིག་པ་དང་འདྲ་བར་བལྟས་པས་སྦྱན་མཐོན་མཐིང་ཉིད་དང་། ཁོང་ཁྲོ་བ་ལ་སོགས་པ་མེད་པར་བལྟས་པས་རྫི་མ་བའི་ལྟ་བུ་ཉིད་དོ་ཞེས་འབྱུང་ངོ་། །དཔེ་བྱད་བཟང་པོ་བརྒྱད་ཅུ་ཡང་། །ཐུབ་པའི་སེན་མོ་ཟངས་མདོག་དང་། །ཞེས་བྱ་བ་ནས། གཡུང་
དྲུང་འཁྱིལ་པས་བརྒྱན་པ་སྟེ། །སངས་རྒྱས་དཔེ་བྱད་བཟང་པོར་བཞེད། །ཅེས་བྱ་བའི་བར་དུ་འབྱུང་སྟེ། དེའི་དོན་ནི། གོང་མའི་རྗེས་ཐོགས་སུ་འདི་ལྟ་སྟེ། འདུ་བྱེད་ཐམས་ཅད་འདོད་ཆགས་དང་བྲལ་བ་ཉིད་ཀྱིས་སེན་མོ་ཟངས་ཀྱི་མདོག་ལྟ་བུ་ཉིད་དང་། སེམས་ཅན་
ཐམས་ཅད་ལ་ཕན་པའི་ལྷག་པའི་བསམ་པ་ཉིད་ཀྱིས་སེན་མོའི་མདོག་སྣུམ་པ་ཉིད་དང་། རིགས་ཀྱི་མཆོག་སྤེལ་བས་སེན་མོ་མཐོ་བ་ཉིད་དང་། ཚུལ་ཁ་ན་མ་ཐོ་བ་མེད་པ་ཉིད་ཀྱིས་སོར་མོ་རྣམས་ཟླུམ་པ་ཉིད་དང་། དགེ་བའི་རྩ་བ་བསགས་པ་ཉིད་ཀྱིས་སོར་མོ་རྣམས་རྒྱས་པ་
ཉིད་དང་། ཡང་དག་པར་མཐར་གྱིས་ཞུགས་པ་ཉིད་ཀྱིས་སོར་མོ་རྣམས་བྱིན་གྱིས་ཕྲ་བ་ཉིད་དང་། ལུས་ལ་སོགས་པའི་ལས་དང་འཚོ་བ་རབ་ཏུ་བསྲུངས་བ་ཉིད་ཀྱིས་རྩ་མི་མངོན་པར་ཉིད་དང་། དགེ་བའི་རྩ་བ་བསགས་པ་ཉིད་ཀྱིས་སོར་མོ་རྣམས་རྒྱས་པ་
སྦས་པའི་ཆོས་ཀྱི་བློ་གྲོས་ཅན་ཉིད་ཀྱིས་ལོང་བུ་མི་མངོན་པ་ཉིད་དང་། བགྲོད་པར་དཀའ་བའི་གནས་ཐམས་ཅད་ལ་སྐྱེ་བོ་སྒྲོལ་བར་མཛད་པ་ཉིད་ཀྱིས་ཞབས་མི་མཉམ་པ་མེད་པ་ཉིད་དང་། མི་ཟིལ་གྱིས་གནོན་པ་ལ་མཁས་པ་ཉིད་ཀྱིས་སེང་གེའི་སྟབས་སུ་གཤེགས་པ་ཉིད་དང་། ཀླུ་
ཟིལ་གྱིས་མནན་པ་ལ་མཁས་པ་ཉིད་ཀྱིས་གླང་པོ་ཆེའི་སྟབས་སུ་གཤེགས་པ་ཉིད་དང་། ནམ་མཁའ་ལ་གཤེགས་པར་མཁས་པ་ཉིད་ཀྱིས་དང་བའི་སྟབས་སུ་གཤེགས་པ་ཉིད་དང་། སྐྱེས་བུ་ཁྱུ་མཆོག་ཏུ་མཁས་པ་ཉིད་ཀྱིས་ཁྱུ་མཆོག་གི་སྟབས་སུ་གཤེགས་པ་ཉིད་དང་། སྐོར་

213-1-126b

ཕྱོགས་ཀྱི་ལམ་དང་མཐུན་པར་གཤེགས་པ་ཉིད་ཀྱིས་གཡས་ཕྱོགས་སུ་ལྡོག་ཅིང་གཤེགས་པ་ཉིད་དང་། མཛེས་པར་མཁས་པ་ཉིད་ཀྱིས་མཛེས་པར་གཤེགས་པ་ཉིད་དང་། རྟག་ཏུ་སེམས་གྱ་གྱུ་མི་མངའ་བ་ཉིད་ཀྱིས་མ་ཡོ་བར་གཤེགས་པ་ཉིད་དང་། ཡོན་ཏན་ཡང་དག་པར་བརྗོད་པ་མཛད་
པ་ཉིད་ཀྱིས་སྐུ་འཁྲིལ་བག་ཆགས་པ་ཉིད་དང་། སྡིག་པའི་ཆོས་དང་མ་འབགས་པ་ཉིད་ཀྱིས་སྐུ་བྱི་དོར་བྱས་པ་ལྟ་བུ་ཉིད་དང་། གདུལ་བྱ་དང་འཚམ་པའི་ཆོས་སྟོན་པར་མཛད་པ་ཉིད་ཀྱིས་སྐུ་རིམ་པར་འཚམ་པ་ཉིད་དང་། སྐུ་ལ་སོགས་པའི་ཀུན་དུ་སྤྱོད་པ་གཙང་བའི་ཕྱིར་རྣམ་པར་
དག་པ་ཉིད་དང་། ཐུགས་ཐུགས་རྗེ་ཅན་གྱི་ཕྱིར་སྐུ་འཇམ་པ་ཉིད་དང་། ཐུགས་རྣམ་པར་དག་པའི་ཕྱིར་སྐུ་རྣམ་པར་དག་པ་ཉིད་དང་། ཆོས་འདུལ་བ་ཡོངས་སུ་རྫོགས་པའི་ཕྱིར་མཚན་རྫོགས་པ་ཉིད་དང་། ཡངས་ཤིང་མཛེས་པའི་ཡོན་ཏན་བརྗོད་པའི་ཕྱིར་སྐུའི་ཁོ་ལག་ཡངས་ཤིང་བཟང་བ་ཉིད་དང་།
ཐམས་ཅད་ལ་ཐུགས་སྙོམས་པའི་ཕྱིར་གོམས་པ་སྙོམས་པ་ཉིད་དང་། རྣམ་པར་དག་པའི་ཆོས་སྟོན་པའི་ཕྱིར་སྤྱན་རྣམ་པར་དག་པ་ཉིད་དང་། ཆོས་གོ་སླ་བ་སྟོན་པའི་ཕྱིར་སྐུ་གཞོན་ཤ་ཅན་ཉིད་དང་། ཐུགས་རྟག་ཏུ་མ་ཞུམ་པའི་ཕྱིར་སྐུ་ཞུམ་པ་མེད་པ་ཉིད་དང་། དགེ་བའི་
རྩ་བ་ཡང་དག་པར་འཕགས་པའི་ཕྱིར་སྐུ་རྒྱས་པ་ཉིད་དང་། ཡང་སྲིད་པ་ཟད་པ་ཉིད་ཀྱིས་སྐུ་ཤིན་ཏུ་གྲིམས་པ་ཉིད་དང་། རྟེན་ཅིང་འབྲེལ་པར་འབྱུང་བ་རྣམས་ཤིན་ཏུ་རྣམ་པར་ཕྱེ་བ་སྟོན་པར་མཛད་པ་ཉིད་ཀྱིས་ཡན་ལག་དང་ཉིང་ལག་ཤིན་ཏུ་རྣམ་པར་འབྱེས་པ་ཉིད་དང་། ཚིག་གི་
དོན་ཤིན་ཏུ་རྣམ་པར་དག་པ་སྟོན་པས་རབ་ཏུ་གཟིགས་པ་རབ་རིབ་མེད་ཅིང་རྣམ་པར་དག་པ་ཉིད་དང་། སློབ་མ་ཚུལ་ཁྲིམས་ཕུན་སུམ་ཚོགས་པ་ཉིད་དུ་གྱུར་བ་ཉིད་ཀྱིས་དཀུ་ཟླུམ་པ་ཉིད་དང་། འཁོར་བའི་སྐྱོན་གྱིས་མ་སྦགས་པ་ཉིད་ཀྱིས་དཀུ་སྐབས་ཕྱེད་པ་ཉིད་དང་། ང་རྒྱལ་
གྱི་འགྱིང་བ་མ་བཅོམ་པ་ཉིད་ཀྱིས་དཀུ་མ་རྙོངས་པ་ཉིད་དང་། ཆོས་ཟད་པ་རྣམ་པར་ཟློག་པ་ཉིད་ཀྱིས་ཕྱལ་ཕྱང་ངེ་བ་ཉིད་དང་། ཆོས་ཟབ་མོ་རྟོགས་པ་ཉིད་ཀྱིས་ལྟེ་བ་ཟབ་པ་ཉིད་དང་། སློབ་མ་མཐུན་པ་ཟབ་པ་ཉིད་ཀྱིས་སྟེ་བ་གཡས་ཕྱོགས་སུ་འཁྱིལ་བ་ཉིད་དང་། འཁོར་ཀུན་

213-1-127a

ནས་མཛེས་པར་འགྱུར་པ་ཉིད་ཀྱིས་ཀུན་ནས་མཛེས་པ་ཉིད་དང་། ཐུགས་གཙང་བ་ཉིད་ཀྱིས་ཀུན་དུ་སྤྱོད་པ་གཙང་བ་ཉིད་དང་། དུས་མ་ཡིན་པའི་ཆོས་འདུལ་བ་དང་བྲལ་བ་ཉིད་ཀྱིས་སྐུ་ལ་སྨེ་བ་དང་གནག་བག་མེད་པ་ཉིད་དང་། ལུས་ལ་སོགས་པ་ཟོ་མདོག་
བདེ་བ་འཐོབ་པའི་ཆོས་སྟོན་པར་བྱེད་པ་ཉིད་ཀྱིས་ཕྱག་ཤིང་བལ་ལྟར་འཇམ་པ་ཉིད་དང་། མདངས་ཡོད་པའི་དགེ་སྦྱོང་ཆེན་པོ་རྙེད་པ་ཉིད་ཀྱིས་ཕྱག་གི་རི་མོ་མདངས་ཡོད་པ་ཉིད་དང་། ཆོས་ཟབ་མོ་ལ་གནས་པ་ཉིད་ཀྱི་ཕྱག་གི་རི་མོ་ཟབ་པ་ཉིད་དང་། ཕྱིས་རྗེས་སུ་ཡང་དག་པར་
ཡོངས་སུ་དག་པའི་ཆོས་སྟོན་པར་མཛད་པ་ཉིད་ཀྱིས་ཕྱག་གི་རི་མོ་རིང་བ་ཉིད་དང་། བསླབ་པ་རབ་ཏུ་མང་པོ་ཀུན་སྟོན་པར་མཛད་པ་ཉིད་ཀྱིས་ཞལ་ཧ་ཅང་མི་རིང་བ་ཉིད་དང་། འཇིག་རྟེན་ཐམས་ཅད་གཟུགས་བརྙན་དང་འདྲ་བར་རྟོགས་པ་ཉིད་ཀྱིས་མཆུ་བིམ་པ་ལྟར་དམར་བ་ཉིད་དང་།
ཚིག་འཇམ་པོས་འདུལ་བ་ཉིད་ཀྱིས་ལྗགས་མཉེན་པ་ཉིད་དང་། ཡོན་ཏན་འཐད་པ་མངའ་བ་ཉིད་ཀྱིས་ལྗགས་སྲབ་པ་ཉིད་དང་། ཆོས་འདུལ་བ་བྱིས་པའི་སྐྱེ་བོ་ཆགས་པ་ཅན་གྱིས་གཏིང་དཔག་དཀའ་བ་ཉིད་ཀྱིས་ལྗགས་དམར་བ་ཉིད་དང་། བསྙེངས་པ་ཐམས་ཅད་མི་མངའ་བ་ཉིད་ཀྱིས་
འབྲུག་གི་སྒྲ་དང་ལྡན་པ་ཉིད་དང་། སྙན་པ་ལ་སོགས་པར་གསུངས་པ་ཉིད་ཀྱིས་གསུང་སྙན་ཞིང་གཉེན་ལ་འཇམ་པ་ཉིད་དང་། སྲིད་པར་ཀུན་དུ་སྦྱོར་བ་བསྡོམས་པ་ཉིད་ཀྱིས་མཆེ་བ་ཟླུམ་པ་ཉིད་དང་། སྐྱེ་བོ་གདུལ་བར་དཀའ་བ་འདུལ་བ་ཉིད་ཀྱིས་མཆེ་བ་རྣོ་བ་ཉིད་དང་། ཆོས་
འདུལ་བ་ཤིན་ཏུ་དཀའ་བ་ཉིད་ཀྱིས་མཆེ་བ་དཀར་བ་ཉིད་དང་། མཉམ་པའི་ས་ལ་གནས་པ་ཉིད་ཀྱིས་མཆེ་བ་མཉམ་པ་ཉིད་དང་། མཐར་གྱིས་མངོན་པར་རྟོགས་པ་ཡང་དག་པར་རབ་ཏུ་སྟོན་པར་མཛད་པ་ཉིད་ཀྱིས་མཆེ་བ་བྱིན་གྱིས་ཕྲ་བ་ཉེད་དང་། ཤེས་རབ་མཆོག་ལ་གནས་པ་
ཉིད་ཀྱིས་ཤངས་མཐོ་བ་ཉིད་དང་། སྐྱེ་བོ་གཙང་མ་ཕུན་སུམ་ཚོགས་པ་ཉིད་ཀྱིས་ཤངས་གཙང་བ་ཉིད་དང་། ཆོས་ཤིན་ཏུ་རྒྱས་པ་ཉིད་ཀྱིས་སྤྱན་ཡངས་པ་ཉིད་དང་། སེམས་ཅན་གྱི་ཚོགས་དྲངས་པ་ཉིད་ཀྱིས་རྫི་མ་སྟུག་པ་ཉིད་དང་། འགྲོ་བ་གཞོན་ནུ་ཐམས་ཅད་མངོན་པར་

213-1-127b

མགུ་བ་ཉིད་ཀྱིས་སྤྱན་དཀར་ནག་འབྱེས་ཤིང་པདྨའི་འདབ་མ་རངས་པ་ལྟ་བུ་ཉིད་དང་། རྟག་ཏུ་ཕྱིས་རྗེས་སུ་གཟིགས་པ་ཉིད་ཀྱིས་སྨིན་ཚུགས་རིང་བ་ཉིད་དང་། ཆོས་འདུལ་བ་འཇམ་པོ་ལ་མཁས་པ་ཉིད་ཀྱིས་སྨིན་མ་འཇམ་པ་ཉིད་དང་། ཐུགས་ཀྱི་རྒྱུད་དག་པས་བརླན་པ་ཉིད་
ཀྱིས་སྨིན་མ་སྣུམ་པ་ཉིད་དང་། ཀུན་དུ་སྐྱོན་གཟིགས་པ་ཉིད་ཀྱིས་སྨིན་མའི་སྤུ་མཉམ་པ་ཉིད་དང་། མཆོག་ཏུ་གནོད་པ་བཟློག་པར་མཛད་པ་ཉིད་ཀྱིས་ཕྱག་རིང་ཞིང་རྒྱས་པ་ཉིད་དང་། འདོད་ཆགས་ལ་སོགས་པའི་གཡུལ་ལས་རྣམ་པར་རྒྱལ་བ་ཉིད་གྱིས་སྙན་མཉམ་པ་ཉིད་དང་།
སེམས་ཅན་གྱི་རྒྱུད་མ་ཉམས་པར་མཛད་པ་ཉིད་ཀྱིས་སྙན་གྱི་དབང་པོ་མ་ཉམས་པ་ཉིད་དང་། ལྟ་བས་བྱས་པ་ཐམས་ཅད་ཀྱིས་གཞན་དུ་མི་འགྱུར་བ་ཉིད་ཀྱིས་འཕྲལ་བ་ལེགས་པར་འབྱེས་པ་ཉིད་དང་། སྨྲ་བ་ཐམས་ཅད་ཀྱི་ཐོག་མར་གྱུར་བ་ཉིད་ཀྱིས་འཕྲལ་བ་དབྱེས་ཆེ་བ་ཉིད་དང་། སྨོན་
ལམ་གྱི་མཆོག་ཡོངས་སུ་རྫོགས་པ་ཉིད་ཀྱིས་དབུ་ཤིན་ཏུ་རྒྱས་པ་ཉིད་དང་། ཡུལ་གྱི་དགའ་བ་རྗེས་སུ་བཟློག་པར་མཛད་པ་ཉིད་ཀྱིས་དབུ་སྐྲ་བུང་བ་ལྟར་གནག་པ་ཉིད་དང་། མཐོང་བ་དང་བསྒོམ་པས་སྤང་བར་བྱ་བའི་བག་ལ་ཉལ་སྤངས་པ་ཉིད་ཀྱིས་དབུ་སྐྲ་སྟུག་པ་ཉིད་དང་། བསྟན་པ་
བློ་འཇམ་པོས་ཡོངས་སུ་ཤེས་པ་ཉིད་ཀྱིས་དབུ་སྐྲ་འཇམ་པ་ཉིད་དང་། ཐུགས་འདོད་ཆགས་ལ་སོགས་པས་མ་འཁྲུགས་པ་ཉིད་ཀྱིས་དབུ་སྐྲ་མ་འཛིངས་པ་ཉིད་དང་། རྟག་ཏུ་ཚིག་མི་རྩུབ་པ་ཉིད་ཀྱིས་དབུ་སྐྲ་མི་བཤོར་བ་ཉིད་དང་། བྱང་ཆུབ་ཀྱི་ཡན་ལག་གི་མེ་ཏོག་བཀྲམ་པ་ཉིད་ཀྱིས་
དབུ་སྐྲ་དྲི་ཞིམ་པ་ཉིད་དང་། རྣམ་པ་ཐམས་ཅད་དུ་མཛེས་པར་གྱུར་པ་ཉིད་ཀྱིས་ཕྱག་དང་ཞབས་དཔལ་གྱི་བེའུ་དང་བཀྲ་ཤིས་པ་དང་གཡུང་དྲུང་འཁྱིལ་པས་བརྒྱན་པ་ཉིད་ཡིན་ནོ་ཞེས་འབྱུང་བ་ནི་སངས་རྒྱས་ཀྱི་གཟུགས་སྐུའི་ཡོན་ཏན་ཡིན་པས་དེ་དག་དང་ལྡན་པའི་སྐུའི་ཆ་ཚད་དེ་དག་གི་
མཚན་ཉིད་སྟོན་པའི་བསྟན་བཅོས་ནི་གོང་དུ་སྨོས་པའི་རྒྱུད་འགྲེལ་དེ་དག་རྣམས་དང་། དྲང་སྲོང་ཨེ་དྲ་ཡའི་བུས་བྱས་པའི་བསྟན་བཅོས་ལ་སོགས་པ་རྣམས་སོ། །གཉིས་པ་དེ་བཞིན་གཤེགས་པའི་གསུང་གི་རྟེན་ལུང་གི་ཆོས་ཀྱི་ཕུང་པོ་སྟེ། དེ་ལ་ཆོས་ཀྱི་ཕུང་པོའི་ཚད་བསྟན་པ་

213-1-128a

དང་། དེ་ཉིད་འགྲུབ་པའི་རྒྱུ་བསྟན་པའོ། །དང་པོ་ཆོས་ཀྱི་ཕུང་པོ་ཉིད་དུ་རྣམ་པར་གཞག་པའི་ཚད་ནི། བདག་ཅག་གི་སྟོན་པ་ཤཱཀྱའི་རྒྱལ་པོས་གདུལ་བྱ་མཐའ་ཡས་པའི་དོན་དུ་ལེགས་པར་གདམས་པའི་གཞུང་གི་ཚད་ལ་ཡང་དག་པར་ན་ཚད་དང་མུར་
ཐུག་པ་མེད་ནའང་། གདུལ་བྱ་སོ་སོས་དབང་པོའི་རིམ་པ་དང་འཚམ་པར་བཟུང་བའི་གསུང་རབ་རིན་པོ་ཆེའི་ཚད་ལ་འདོད་པ་ཐ་དད་པ་དག་ཡོད་དེ། འདི་ལྟར་བསྟན་པའི་གཞིར་གྱུར་པ་ཐེག་པ་དམན་པའི་ལུགས་ཀྱི་འདོད་པ་ལྟར་ན། འདོད་ཆགས་ལ་སོགས་པའི་ཉོན་མོངས་པར་
སྤྱོད་པ་ནང་གསེས་ཀྱི་སྒོ་ནས་རྣམ་པར་དབྱེ་བ་བརྒྱད་ཁྲི་སྟེ། དེ་དག་ལས་གང་ཡང་རུང་བ་རེའི་གཉེན་པོ་མ་ཚང་བ་མེད་པར་སྟོན་པའི་གཏམ་རྫོགས་པ་རེ་ལ་ལུང་གི་ཆོས་ཀྱི་ཐུང་བའི་ཚད་དུ་འདོད་དེ། མངོན་པ་མཛོད་ལས། ཆོས་ཀྱི་ཕུང་པོ་བརྒྱད་ཁྲི་དག །གང་རྣམས་ཐུབ་པས་
གསུངས་དེ་དང་། །ཅེས་དང་། ཁ་ཅིག་བསྟན་བཅོས་ཚད་ཅེས་ཟེར། །ཕུང་པོ་ལ་སོགས་གཏམ་རེ་ཡིན། །སྤྱོད་པ་རྣམས་ཀྱི་གཉེན་པོར་ནི། །ཆོས་ཀྱི་ཕུང་པོ་མཐུན་པར་གསུངས། །ཞེས་སོ། །དེ་ལྟ་བུའི་ཆོས་ཀྱི་ཕུང་པོ་རེ་རེའི་འཇལ་བྱེད་ཀྱི་ཚད་ནི་ཅི་ཙམ་ལ་འཇོག་པ་
ཡིན་སྙམ་ན། མངོན་པ་སྡེ་བདུན་གྱི་ཡ་གྱལ་ཆོས་ཀྱི་ཕུང་པོ་ཞེས་བྱ་བ་ཤཱ་རིའི་བུས་བསྡུས་པར་འདོད་པའི་གཞུང་གང་ལ་ཤློ་ཀ་སྟོང་ཕྲག་དྲུག་ཏུ་ལོངས་པ་དེ་ཉིད་ཆོས་ཀྱི་ཕུང་པོ་གཅིག་གི་ཚད་དུ་བྱས་ནས། དེ་ཉིད་ཀྱི་ཟླས་རྣམ་པར་དབྱེ་བའི་ཆོས་ཀྱི་ཕུང་པོ་བརྒྱད་ཁྲི་ཉིད་དུ་ཡོད་པར་འདོད་
དོ། །ཐེག་པ་ཐུན་མོང་བ་ལྟར་ན། དབུ་མ་པ་ཆོས་ཀྱི་བཤེས་གཉེན་གྱིས། མ་ལུས་པ་ནི་ཆོས་ཀྱི་ཕུང་པོ་བརྒྱད་ཁྲི་བཞི་སྟོང་སྟེ། དེ་ལ་ཆོས་ཕུང་གཅིག་གི་ཚད་ནི་ཇི་ཙམ་ཞེ་ན། དེ་གཅིག་ལ་ནི་ཚིག་ལེའུར་བྱས་པ་སྟོང་ཉིད་དོ། །ཚིགས་སུ་བཅད་པ་རེ་ལའང་ཡིག་འབྲུ་
སུམ་ཅུ་རྩ་གཉིས་ཉིད་དོ། །དེ་ལྟར་ན་ཕུང་པོ་ཐམས་ཅད་ཚིགས་སུ་བཅད་པ་བྱེ་བ་ཕྲག་བརྒྱད་དང་། ཡང་འབུམ་ཕྲག་བཞི་བཅུར་འགྱུར་བར་བཤད་དོ། །ཐེག་པ་ཆེན་པོ་ལྟར་ན་གླང་པོ་ཆེ་རབ་བརྟན་ཞེས་བྱ་བ་ལུས་ཀྱི་ཚད་ནི་མཐའ་བསྐོར་ལ་དཔག་ཚད་བདུན་ཡོད་པ་ཞིག་སྟེ།

213-1-128b

དེའི་ཁུར་དུ་བཀུར་བ་འོས་པའི་སྣག་ཚ་ལས་བྲིས་པ་ཇི་ཙམ་ཡོད་པ་དེ་ཙམ་ལ་ཆོས་ཀྱི་ཕུང་པོ་གཅིག་གི་ཚད་དུ་མངོན་པར་འདོད་དེ། དེ་ཉིད་ཀྱི་ཤེས་རབ་ཀྱི་ཕ་རོལ་རུ་ཕྱིན་པའི་འགྲེལ་པ་ཚིག་གསལ་ལས། ཐེག་པ་བླ་ན་མེད་པའི་དབང་དུ་བྱས་ཏེ། དབང་པོའི་གླང་པོ་ཆེ་རབ་བརྟན་གྱིས་
འཁུར་བར་འོས་པའི་སྣག་ཚས་ནི་ཆོས་ཀྱི་ཕུང་པོ་གཅིག་འདྲི་བར་ནུས་སོ་ཞེས་གསུངས་ཏེ། དེ་ལྟར་བྱས་ན་མདོ་གང་དག་ལས། འཕགས་པ་ལྷས་བྱིན་གྱིས་གླང་པོ་ཆེ་ལྔ་སྟོང་གིས་འཁུར་བར་བྱ་བའི་གླེགས་བམ་རྣམས་ཁ་དོན་དུ་རྫོད་པར་བྱེད་དོ་ཞེས་གསུངས་པ་འདིའང་རིགས་པར་འགྱུར་
རོ། །ཆོས་ཀྱི་ཕུང་པོ་དེ་སྙེད་ཡོད་པ་ཉིད་ན། ཅིའི་ཕྱིར་འཛམ་བུའི་གླིང་ན་རབ་དུ་མི་སྣང་ཞེ་ན། ཁ་ཅིག་ནི་འཇིག་རྟེན་གྱི་ཁམས་གཞན་ན་རྣམ་པར་སྤྱོད་ཅིང་གཞན་ཡང་ཕལ་ཆེར་ཀླུ་རྣམས་ཀྱི་གནས་ན་སྤྱོད་པ་སྟེ་ཞེས་གསུངས་པའི་ཕྱིར་རོ། །དེ་བས་ན་དེ་དག་ཕལ་ཆེ་བའི་
དགོངས་པ་མཐུན་པར་ཆོས་ཀྱི་ཕུང་པོ་བརྒྱད་ཁྲི་བཞི་སྟོང་དུ་བཞེད་དོ། །རྒྱུད་སྡེའི་ཚང་ནི། རྟོག་པའི་རྒྱུད་དང་། བྱ་བའི་རྒྱུད་དང་། སྤྱོད་པའི་རྒྱུད་དང་། གཉིས་ཀའི་རྒྱུད་དང་། རྣལ་འབྱོར་གྱི་རྒྱུད་རྣམས་ཀྱི་མིང་ལ་རིམ་པ་བཞིན་དུ་སྟོང་ཕྲག་བཞི་དང་། བཞི་དང་། བརྒྱད་དང་།
དྲུག་དང་། སྟོང་ཕྲག་བཅུ་གཉིས་རྣམས་སུ་སྟེ་སུམ་ཀྲི་བཞི་སྟོང་དུ་ཡོད་པར་ཡེ་ཤེས་རྡོ་རྗེ་ཀུན་ལས་བཏུས་པ་ལས་བཤད་ཅིང་། རྣལ་འབྱོར་མའི་རྒྱུད་ཀྱི་གྲངས་ནི་དེར་མ་གསུངས་སོ། །ཡང་བདེ་མཆོག་སྡོམ་པ་འབྱུང་བའི་རྒྱུད་ལས། རྣལ་འབྱོར་རྒྱུད་རྣམས་ཀྱི་ནི་ཚད། །བྱེ་བ་
ཕྲག་ནི་དྲུག་དུ་ངེས། །དེ་བཞིན་རྣལ་འབྱོར་མ་རྒྱུད་གྲངས། །བྱེ་བ་ཕྲག་ནི་བཅུ་དྲུག་གྲངས། །དེ་བཞིན་ཕ་རོལ་ཕྱིན་པའི་ཚུལ། །ས་ཡ་དང་ནི་དུང་ཕྱུར་ལྔ། །ཐེག་ཆེན་ལས་གཞན་མདོ་སྡེ་རྣམས། །དུང་ཕྱུར་ཕྲག་བརྒྱད་གསུངས་པ་ཡིན། །ཞེས་སོ། །འདི་དག་
ཀྱང་ཚིགས་སུ་བཅད་པའི་གྲངས་དུ་བལྟ་བར་བྱ་བ་ནི་མ་ཡིན་ཏེ། མདོ་རྒྱུད་ཐ་དད་པའི་མིང་གི་གྲངས་ཡིན་པའི་ཕྱིར་རོ། །ཅིའི་ཕྱིར་ཞེ་ན། བྱ་བའི་རྒྱུད་ལ་སྟོང་ཕྲག་བཞིར་ཡོད་པར་གསུངས་པ་ལ། དོན་ཡོད་ཞགས་པའི་མདོ་ཁོ་ན་ལའང་སྟོང་ཕྲག་བརྒྱད་ཡོད་པ་དང་། དེ་བཞིན་

213-1-129a

དུ་དེ་ཉིད་འདུས་པ་སྟོང་ཕྲག་བརྒྱ་པ་དང་། དགྱེས་པ་རྡོ་རྗེ་འབུམ་ཕྲག་བདུན་པ་དང་། འབུམ་ཕྲག་ལྔ་པ་དང་། སངས་རྒྱས་མཉམ་པར་སྦྱོར་བ་ཁྲི་བརྒྱད་སྟོང་ཡོད་པ་ལྟ་བུ་སྟེ། ཆོས་ཀྱི་རྣམ་གྲངས་རེ་རེ་ལ་ཡང་ཚིགས་སུ་བཅད་པའི་འབྲངས་མང་པོ་ཡོད་པ་
ཉིད་དུ་གྲུབ་པའི་ཕྱིར་རྒྱུད་སྡེའི་གྲངས་ནི་དཔག་ཏུ་མེད་དོ་ཞེས་སློབ་དཔོན་བསོད་ནམས་རྩེ་མོས་གསུངས་སོ། །དེ་ལྟ་བུའི་ལུང་གི་ཆོས་དེ་དག་མདོ་རྒྱུད་ཐ་དད་པ་ནས་བཤད་པའི་གཞི་མ་གང་ཡང་རུང་བ་དག་ལ་ཡི་གེར་བྲིས་ནས་གླེགས་བམ་དུ་བྱས་པའི་མིང་ལ་ལེགས་པར་སྦྱར་བའི་སྐད་
དུ་པུསྟ་ཀཿཞེས་བྱ་སྟེ། དེ་དག་ནི་གསུང་གི་རྟེན་ནོ། །གཉིས་པ་དེ་ཉིད་འགྲུབ་པར་བྱེད་པའི་རྒྱུ་ནི་ཡི་གེ་སྟེ། དེ་ལ་ཡི་གེའི་ངོ་བོ་དང་། ངེས་པའི་ཚིག་དང་། དབྱིབས་སམ་རྣམ་པ་སྟེ་གསུམ་ལས། དང་པོ་ནི། བརྗོད་པར་འདོད་པའི་དབང་གིས་རླུང་གཡོས་པས་དེའི་སྐྱེ་བའི་
གནས་དང་བྱེད་པ་ལྷན་ཅིག་ཕྲད་པ་དེ་ལས་ཡི་གེའི་གདངས་འབའ་ཞིག་འབྱུང་སྟེ། དེའང་དབྱངས་དང་གསལ་བྱེད་དག་གོ། །དེ་སྐད་དུའང་རྣམ་འགྲེལ་ལས། ཡི་གེ་ཀུན་སློང་ཤེས་པ་ལས། །སྐྱེ་ལ་ཤེས་པས་སྒྲ་སྐྱེའོ། །ཞེས་དང་། སློབ་དཔོན་ཆོས་མཆོག་གིས། ངག་
གི་དོན་སྣང་བའི་སེམས་པ་ལས་སྒྲ་སྐྱེ་ལ། དེ་ལས་གནས་དང་བྱེད་པ་ཕྲད་ཅིང་དེ་ལས་སྒྲ་སྐྱེའོ་ཞེས་དང་། སློབ་དཔོན་ཙནྡྲ་གོ་མིས་ཡི་གེའི་མདོར། གནས་དང་བྱེད་པ་དང་རྩོལ་བ་རྣམས་ལས་ཡི་གེ་རྣམས་སྐྱེའོ་ཞེས་དང་། དབང་པོ་ཆེན་པོ་ཀྱང་། བརྗོད་འདོད་དབང་
གིས་རླུང་གཡོས་ཤིང་། །དེ་ཡི་གནས་དང་བྱེད་པ་དང་། །ལྷན་ཅིག་ཡི་གེའི་གདངས་རྣམས་སྐྱེ། །ཞེས་བཤད་པའི་ཕྱིར་རོ། །གཉིས་པ་ནི་ལེགས་པར་སྦྱར་བའི་སྐད་དུ་ཨཀྵ་ར་ཞེས་འབྱུང་བ་ནི་མི་འགྱུར་བའི་དོན་ཏེ། ཡུལ་གྱི་བྱེ་བྲག་ཐ་དད་པར་གྱུར་ཀྱང་དབྱངས་དང་གསལ་བྱེད་
རྣམས་ནི་གཞན་དུ་འགྱུར་བ་མེད་པའི་ཕྱིར་རོ། །ཡང་བྱཉྫ་ན་ཞེས་པ་ནི་གསལ་བྱེད་དེ། དེའང་བརྗོད་བྱའི་དོན་གང་ཡིན་པ་དེ་ཡི་གེ་འདུས་པ་བརྗོད་པ་ལས་གསལ་བར་བྱེད་པའི་ཕྱིར་རོ། །ཡང་ན་ཝརྞྞ་ཞེས་ནུས་པ་དང་ལྡན་པས་ཏེ། བརྗོད་བྱའི་དོན་ཐམས་ཅད་རྗོད་པར་བྱེད་པའི་

213-1-129b

ནུས་པ་མཐའ་དག་འདི་ལ་མངའ་བའི་ཕྱིར་རོ། །དེ་སྐད་དུ་ཡང་། མི་འགྱུར་བ་དང་གསལ་བྱེད་དང་། །རྗོད་པར་བྱེད་པའི་ནུས་ལྡན་ཕྱིར། །ཡི་གེ་ཞེས་ནི་བརྗོད་པ་ཡིན། །ཞེས་སོ། །གསུམ་པ་ནི་མདོ་རྒྱ་ཆེར་རོལ་པ་ལས་བཤད་པའི་ཚངས་པའི་ཡི་གེ་ལ་སོགས་པའི་ཡིག་རིགས་
དྲུག་ཅུ་རྩ་བཞི་སྟེ། དེ་ཡང་མདོ་དེ་ཉིད་ལས། ཚངས་པའི་ཡི་གེ་དང་། ཁ་རོཥྚིའི་ཡི་གེ་དང་། པདྨའི་སྙིང་པོའི་ཡི་གེ་དང་། ཨངྒའི་ཡི་གེ་དང་། མངྒའི་ཡི་གེ་དང་། ཡུལ་མ་ག་དྷཱའི་ཡི་གེ་དང་། བཀྲ་ཤིས་པའི་ཡི་གེ་དང་། སོར་མ་པའི་ཡི་གེ་དང་། ཤ་ཀ་ནའི་ཡི་གེ་དང་།
ཡ་བ་ནའི་ཡི་གེ་དང་། བག་ལེ་བའི་ཡི་གེ་དང་། པ་རུ་ཤའི་ཡི་གེ་དང་། འགྲོ་ལྡིང་བའི་ཡི་གེ་དང་། ཀི་ར་ཏའི་ཡི་གེ་དང་། ལྷོ་ཕྱོགས་པའི་ཡི་གེ་དང་། དྲག་ཤུལ་ཅན་གྱི་ཡི་གེ་དང་། གྲངས་ཀྱི་ཡི་གེ་དང་། སྤྱིའུ་ཚུགས་པའི་ཡི་གེ་དང་། རྗེས་སུ་མཐུན་པའི་ཡི་གེ་དང་། བྲུ་
ཤའི་ཡི་གེ་དང་། ཀ་ཤའི་ཡི་གེ་དང་། རྒྱའི་ཡི་གེ་དང་། ཕུ་ནའི་ཡི་གེ་དང་། ཧུ་ནའི་ཡི་གེ་དང་། ཡི་གེ་འབྲིང་དང་། རྒྱས་པ་བྲི་བའི་ཡི་གེ་དང་། རྒྱལ་གྱི་ཡི་གེ་དང་། ལྷའི་ཡི་གེ་དང་། ཀླུའི་ཡི་གེ་དང་། གནོད་སྦྱིན་གྱི་ཡི་གེ་དང་། དྲི་ཟའི་ཡི་གེ་དང་། མིའམ་ཅིའི་ཡི་
གེ་དང་། ལྟོ་འཕྱེ་ཆེན་པོའི་ཡི་གེ་དང་། ལྷ་མ་ཡིན་གྱི་ཡི་གེ་དང་། ནམ་མཁའ་ལྡིང་གི་ཡི་གེ་དང་། རི་དྭགས་ཀྱི་འཁོར་ལོ་པའི་ཡི་གེ་དང་། ཁྭ་སྐད་ཤེས་པའི་ཡི་གེ་དང་། ས་བླའི་ལྷའི་ཡི་གེ་དང་། བར་སྣང་གི་ལྷའི་ཡི་གེ་དང་། ནུབ་ཀྱི་བ་ལང་སྤྱོད་ཀྱི་ཡི་གེ་དང་།
བྱང་གི་སྒྲ་མི་སྙན་གྱི་ཡི་གེ་དང་། ཤར་གྱི་ལུས་འཕགས་པོའི་ཡི་གེ་དང་། གདེག་པའི་ཡི་གེ་དང་། གཞག་པའི་ཡི་གེ་དང་། བསྣན་པའི་ཡི་གེ་དང་། རྒྱ་མཚོའི་ཡི་གེ་དང་། རྡོ་རྗེའི་ཡི་གེ་དང་། སྤྲིང་ཡིག་དང་། ལན་གྱི་ཡི་གེ་དང་། རྣམ་འཐོར་གྱི་ཡི་གེ་དང་། རིངས་
མེད་ཀྱི་ཡི་གེ་དང་། བསྟན་བཅོས་བསྐོར་བའི་ཡི་གེ་དང་། རྩིས་བསྐོར་བའི་ཡི་གེ་དང་། གདེག་པ་བསྐོར་བའི་ཡི་གེ་དང་། གཞག་པ་བསྐོར་བའི་ཡི་གེ་དང་། རྐང་པས་བྲིས་པའི་ཡི་གེ་དང་། ཚིག་ལན་གཉིས་སུ་གདབ་པའི་ཚིག་གི་མཚམས་ཀྱི་ཡི་གེ་དང་། ཚིག་གི་མཚམས་

213-1-130a

བཅུར་བརྒྱུད་པའི་ཡི་གེ་དང་། བླ་ཐབས་སུ་བསྣན་པའི་ཡི་གེ་དང་། སྒྲ་ཐམས་ཅད་ཀུན་དུ་སྡུད་པའི་ཡི་གེ་དང་། རིག་པ་དང་མཐུན་པའི་ཡི་གེ་དང་། རྣམ་པར་འདྲེས་པའི་ཡི་གེ་དང་། དྲང་སོང་གི་དཀའ་ཐུབ་སྤྱད་པའི་ཡི་གེ་དང་། ལྷའི་ངེས་པའི་ཡི་གེ་དང་།
ས་བལྟ་བའི་ཡི་གེ་དང་། ནམ་མཁའ་བལྟ་བའི་ཡི་གེ་དང་། སྨན་ཐམས་ཅད་ཀྱི་རྒྱུ་མཐུན་པའི་ཡི་གེ་དང་། སྙིང་པོ་ཐམས་ཅད་ཀུན་དུ་སྡུད་པའི་ཡི་གེ་དང་། འབྱུང་པོ་ཐམས་ཅད་ཀྱི་སྒྲ་སྡུད་པའི་ཡི་གེ་སྟེ། དེ་ལྟར་ཡི་གེའི་རིགས་ཀྱི་བྱེ་བྲག་དྲུག་ཅུ་རྩ་བཞིར་གསུངས་པ་རྣམས་དང་། བྱེ་བྲག་
ཏུ་བོད་གངས་ཅན་གྱི་ལྗོངས་འདིར་ཡོངས་སུ་དར་བའི་ཡི་གེ་ནི། འགྲེལ་ཆེན་དྲི་མ་མེད་པའི་མདོར་བསྡུས་བཞི་པ་ལས། དེ་བཞིན་གཤེགས་པ་མངོན་པར་རྫོགས་པར་སངས་རྒྱས་པ་འཕགས་པའི་ཡུལ་འདིར་བཅོམ་ལྡན་འདས་ཡོངས་སུ་མྱ་ངན་ལས་འདས་པར་གྱུར་པ་ན། སྡུད་པར་
བྱེད་པ་པོ་དག་གིས་ཐེག་པ་གསུམ་གླེགས་བམ་ལ་བྲིས་ཏེ། དེ་བཞིན་གཤེགས་པའི་ངེས་པས་སྡེ་སྣོད་གསུམ་མ་ག་དྷཱའི་སྐད་ཀྱིས་བྲིས་སོ། །མདོ་སྡེ་ནི་སིནྡྷུའི་སྐད་ཀྱིས་སོ། །ཕ་རོལ་ཏུ་ཕྱིན་པའི་ཚུལ་དང་སྔགས་ཀྱི་ཚུལ་ནི་ལེགས་པར་སྦྱར་བའི་སྐད་ཀྱིས་སོ། །རྒྱུད་དང་རྒྱུད་གཞན་དག་ནི་
ལེགས་པར་སྦྱར་བའི་སྐད་དང་། ཐ་མལ་པའི་སྐད་དང་། ཟུར་ཆག་གི་སྐད་དང་། ལེགས་པར་སྦྱར་བ་མ་ཡིན་པར་རི་ཁྲོད་ལ་སོགས་པ་ཀླ་ཀློའི་སྐད་ཀྱིས་ཏེ། དེ་ལྟ་བུ་ལ་སོགས་པ་ཐམས་ཅད་མཁྱེན་པས་བསྟན་པའི་ཆོས་རྣམས་སྡུད་པར་བྱེད་པ་པོ་དག་གིས་བྲིས་སོ། །དེ་བཞིན་དུ་བོད་ཀྱི་
ཡུལ་དུ་ཐེག་པ་གསུམ་བོད་ཀྱི་སྐད་ཀྱིས་བྲིས་ཏེ། རྒྱ་ནག་ཏུ་རྒྱ་ནག་གི་སྐད་ཀྱིས་སོ། །རྒྱ་ནག་ཆེན་པོར་རྒྱ་ནག་ཆེན་པོའི་སྐད་ཀྱིས་སོ། །པར་སི་ཀའི་ཡུལ་དུ་པར་སི་ཀའི་སྐད་ཀྱིས་སོ། །ཆུ་བོ་སི་ཏའི་བྱང་དུ་ཙམྤ་ཀའི་ཡུལ་གྱི་སྐད་དང་། སྤྲེའུའི་ཡུལ་གྱི་སྐད་དང་། གསེར་ཞེས་བྱ་བའི་ཡུལ་གྱི་
སྐད་ཀྱིས་སོ་ཞེས་བྱུང་བའི་ཚིག་ལ་བརྟགས་ན་བཀའ་བསྡུ་བ་བྱེད་པའི་དུས་ནས་བོད་ལ་ཡི་གེ་ཡོད་པར་གྲུབ་པར་ལྟར་སྣང་ཞེས་གསུངས་ཤིང་། སྔོན་གྱི་མཁས་པ་མང་པོ་རྣམས་ནི། དུས་ཀྱི་འཁོར་ལོའི་འགྲེལ་ཆེན་དུ་སྡུ་དང་པོ་རྣམས་ཀྱིས་ཐེག་པ་གསུམ་བོད་ཀྱི་ཡུལ་དུ་བོད་ཀྱི་སྐད་ཀྱིས་འདྲི་བར་ལུང་བསྟན་

213-1-130b

པ་ལྟར་འདོད་དོ། །དེའང་གོང་དུ་ཇི་སྐད་སྨོས་པ་ལྟར་སྐད་གཉིས་སྨྲ་བ་ཆེན་པོ་ཉིད་ཀྱིས་སྲོལ་ཆེན་རྣམ་པར་ཕྱེ་བའི་ཡི་གེའི་རྒྱུན་ཆེན་པོ་དེ་ཉིད་རིམ་གྱིས་མཆེད་པ་ལ་བརྟེན་ནས། བོད་དང་བོད་ཆེན་པོར་གཏོགས་པའི་ཡུལ་དང་ལྗོངས་དང་གྲོང་དང་གྲོང་ཁྱེར་དང་། གྲོང་རྡལ་དང་གཙུག་ལག་ཁང་དང་རྒྱལ་
པོའི་ཁབ་ཀྱི་གྲོང་ཁྱེར་ཆེན་པོ་ལ་སོགས་པ་རྣམས་སུ་དར་རྒྱས་སུ་གྱུར་པའི་ཡི་གེ་ལའང་རྫབ་ཆེན་དང་རྫབ་ཆུང་དང་། འབྲུ་ཆེན་དང་འབྲུ་ཆུང་དང་། གཤར་མ་དང་དཀྱུས་ཡིག་ལ་སོགས་པ་ཡོངས་སུ་གྲགས་པ་རྣམས་དང་། གཞན་ཡང་ཆག་ལོ་དང་འགོས་ལོ་ལ་སོགས་པའི་ཡིག་གསར་གྱི་རྣམ་
པའང་མང་དུ་ཡོད་པ་དང་། ཁམས་གསུམ་ཆོས་ཀྱི་རྒྱལ་པོ་འཕགས་པ་རིན་པོ་ཆེས་མཛད་པའི་ཧོར་ཡིག་རིགས་གསུམ་ལ་སོགས་པ་རྣམས་ཀྱང་དབྱངས་དང་གསལ་བྱེད་ཀྱི་རྣམ་གཞག་བོད་ཀྱི་སྐད་དང་མཐུན་པར་འབྱུང་བས་འདི་དག་ཀྱང་རྣམ་པ་ཅུང་ཟད་ཙམ་མ་གཏོགས་ཕལ་ཆེར་བོད་ཀྱི་ཡི་གེའི་ཁོངས་སུ་
གཏོགས་པར་སེམས་སོ། །དེ་ལྟར་ན་ཡི་གེ་ཚོགས་དང་མིང་གི་ཚོགས་དང་ཚིག་གི་ཚོགས་རྣམས་ཀྱི་རྣམ་པར་གཞག་པ་སྟོན་པར་བྱེད་པའི་བསྟན་བཅོས་ནི་ཙནྡྲ་གོ་མིའི་ཡི་གེའི་མདོ་ལྟ་བུའམ། བརྡ་སྤྲོད་པའི་བསྟན་བཅོས་རྣམས་སམ། གྲུབ་མཐའ་སྨྲ་བ་རྣམས་ཀྱི་སོ་སོའི་འདོད་པ་ཐ་དད་པར་སྟོན་པར་བྱེད་པའི་བསྟན་
བཅོས་རྣམས་སམ། གསང་སྔགས་རྡོ་རྗེ་ཐེག་པ་རྣམས་སུ་ཡི་གེའི་བཤད་པ་བསམ་གྱིས་མི་ཁྱབ་པར་འབྱུང་བ་སྟེ་དེ་དག་སྟོན་པར་བྱེད་པའི་བསྟན་བཅོས་རྣམས་ལྟ་བུའོ། །གསུམ་པ་ཆོས་ཀྱི་སྐུའམ་ཐུགས་ཀྱི་རྟེན་ནི་མཆོད་རྟེན་ཏེ། དེ་ལ་སྤྱིར་ཉན་ཐོས་དང་རང་སངས་རྒྱས་དང་ཐེག་པ་ཆེན་པོའི་མཆོད་རྟེན་ཏེ་གསུམ་དུ་བཤད་
དེ། །དེའང་ཉན་ཐོས་ཀྱི་མཆོད་རྟེན་ནི་ཆོས་གོས་བཞི་བལྟབ་བྱས་པའི་སྟེང་དུ་ལྷུང་བཟེད་ཁ་སྦུབ་པ་ལ་འཁར་གསིལ་བཙུགས་པ་ལྟ་བུའོ། །རང་སངས་རྒྱས་ཀྱི་མཆོད་རྟེན་ནི་རྨང་གྲུ་བཞི་པའི་སྟེང་དུ་ངོས་གྲུ་བཞི་ཟླུམ་པོ་བང་རིམ་བཅུ་གཉིས་པ་འཁོར་ལོ་རྩིབས་བརྒྱད་པའི་རྣམ་པ་ཅན་ནོ། །ཐེག་པ་ཆེན་པོའི་མཆོད་རྟེན་
ནི་ལྷུང་བཟེད་ཁ་སྦུབ་པ་ལྟ་བུ་བིམྤའི་ཟླུམ་པོ་དང་། ཁང་བུ་ལྟ་བུ་དང་། རྒྱལ་མཚན་ལྟ་བུའི་མཆོད་རྟེན་བརྒྱད་ལ་སོགས་པ་ཡོད་པར་ཀླུ་སྒྲུབ་ཀྱིས་གསུངས་སོ། །གཞན་ཡང་འདུལ་བ་ལུང་ལས། ཆོས་འཁོར་ལ་གདུགས་དང་། གདུགས་ལ་ཆར་ཁེབས་སུ་བཏགས་ནས་སོ་སོ་སྐྱེ་བོའི་མཆོད་རྟེན་ལ་གདུགས་མེད་པ་དང་།

213-1-131a

ཉན་ཐོས་ཀྱི་མཆོད་རྟེན་ལ་འབྲས་བུའི་གྲངས་ཀྱི་གདུགས་ཡོད་པ་དང་། རང་རྒྱལ་གྱི་མཆོད་རྟེན་ལ་གདུགས་བདུན་ཡོད་པ་དང་། སངས་རྒྱས་ཀྱི་མཆོད་རྟེན་ལ་གདུགས་བཅུ་གསུམ་པ་ཆར་ཁེབས་ཏོག་དང་བཅས་པ་སྟེ་རྣམ་པ་ཐ་དད་ཉིད་དུ་ཡོད་པར་གསུངས་སོ། །དེ་དག་ལས་
བྱེ་བྲག་ཏུ་མཆོད་རྟེན་ཐམས་ཅད་ཀྱི་གཙོ་བོར་གྱུར་པ་ནི། ལས་ཀྱི་མཐའ་བརྗོད་པའི་མདོ་ལས། སྤྲུལ་པ་མཛད་པ་སྔོན་བསྟན་ཕྱིར། །མཆོད་རྟེན་བརྒྱད་དུ་སྐུ་གདུང་བཞག །ཅེས་བཤད་པ་ལྟར་སྟོན་པའི་མཛད་པ་མཐའ་ཡས་པའི་ནང་ནས་མཛད་པའི་གཙོ་བོ་རྣམས་ལ་བརྟེན་ནས་ཡུལ་འཁོར་ཆེན་པོ་དེ་དང་
དེའི་རྒྱལ་པོ་ལ་སོགས་པའི་སྐྱེ་འགྲོ་རྣམས་སྤྲོ་བ་མཆོག་ཏུ་སྐྱེས་ཤིང་བསོད་ནམས་ཀྱི་ཞིང་དུ་བསྐྲུན་པ་ཤཱཀྱ་ཐུབ་པའི་མཆོད་རྟེན་ཆེན་པོ་བརྒྱད་དུ་གྲགས་པ་དང་། གཞན་ཡང་སྐུ་གདུང་ཆ་བརྒྱད་དུ་བགོས་པའི་མཆོད་བརྟེན་བརྒྱད་དང་། རས་ཚིག་པ་དང་མ་ཚིག་པ་དང་སོལ་བའི་མཆོད་རྟེན་གསུམ་སྟེ་བཅུ་གཅིག་གོ། །
གཞན་ཡང་སྔ་ཕྱིར་བྱུང་བའི་མཆོད་རྟེན་གྲངས་མེད་པ་ཡོད་ཀྱང་གཙོ་བོ་སྐུ་བལྟམས་པ་ནས་མྱ་ངན་ལས་འདས་ཀྱི་བར་དུ་བྱུང་བའི་མཆོད་རྟེན་བརྒྱད་པོ་འདི་ཉིད་ཡིན་པས། དེང་གི་དུས་སུ་དེ་བཞིན་གཤེགས་པའི་རིང་བསེལ་གྱི་སྙིང་པོ་ཅན་གྱི་མཆོད་རྟེན་གང་བཞེང་ཡང་རྣམ་པ་ནི་བརྒྱད་པོ་དེ་དག་གང་
ཡང་རུང་བ་རེའི་དབྱིབས་ཅན་དུ་བྱ་བ་ཡིན་ནོ། །འདི་དག་གི་གོ་རིམས་ནི་སྟག་ཚང་ལོ་ཙཱ་བ་ལ་སོགས་པ་བཀྲ་ཤིས་སྒོ་མངས་ནས་ཐོག་མར་བྱས་པ་དང་། ཁ་ཅིག་ལྷ་བབས་ཀྱིས་ཐོག་དྲངས་པ་དང་། ཁྱད་པར་སྟག་ཚང་བས་མཆོད་རྟེན་བརྒྱད་ཀྱི་བསྟོད་པར། སྐུ་བལྟམས་པའི་དུས་ཀྱི་མཆོད་རྟེན་བཀྲ་ཤིས་
སྒོ་མངས་དང་། ཆོས་ཀྱི་འཁོར་ལོ་བསྐོར་བའི་མཆོད་རྟེན་ད་ལྟའི་ཆོ་འཕྲུལ་མཆོད་རྟེན་ལ་ངོས་འཛིན་པ་དང་། ཆོ་འཕྲུལ་བསྟན་པའི་ཚེའི་མཆོད་རྟེན་པདྨ་སྤུངས་པ་ལ་ངོས་འཛིན་པའི་མི་འདྲ་བའི་ཁྱད་པར་ཅུང་ཟད་བྱུང་ཡང་། མངའ་རིས་པ་ཚུལ་ཁྲིམས་འོད་ཟེར་དང་། པཎ་ཆེན་ནམ་མཁའ་དཔལ་
བཟང་དང་། རྒྱལ་དབང་ལྔ་པ་ལ་སོགས་པ་ཕྱིས་ཀྱི་མཁས་པ་ཕལ་ཆེ་བས་ལེགས་པར་བཤད་པའི་གོ་རིམས་མཐུན་པར་སྐུ་ལྟམས་པའི་ཚེ་གཏེར་ཁ་ལྔ་བརྒྱ་བྱུང་བ་ལ་སོགས་པ་བཀྲ་ཤིས་པ་དང་དགེ་ལེགས་ཀྱི་མཚན་མ་བརྒྱ་ཕྲག་མང་པོ་མངོན་དུ་བྱུང་བའི་རྟེན་འབྲེལ་གྱི་དབང་དང་། དུས་དེ་ཉིད་དུ་ཕྱོགས་

213-1-131b

དྲུག་ན་ཞབས་ཀྱི་གོམ་པ་བདུན་བདུན་དུ་བོར་བར་པདྨ་རེ་རེ་བྱུང་བ་ལ་སོགས་པ་རྒྱུ་མཚན་དུ་བྱས་ནས་པདྨ་སྤུངས་པ་ནས་མགོ་འཛིན་པར་མཛད་དོ། །དེ་ལ་དང་པོ་གྲོང་ཁྱེར་སེར་སྐྱར་ལུམྦིའི་ཚལ་དུ་སྐུ་བལྟམས་པའི་དུས་ཀྱི་མཆོད་རྟེན་ནི་དབྱིབས་ཟླུམ་པོ་པདྨའི་རྣམ་པ་ཅན་བང་རིམ་བཞི་པ་པདྨ་དང་འཁོར་
ལོས་སྤྲས་པ་སའི་བདག་པོ་ཟས་གཙང་ལ་སོགས་པས་བཞེངས་པ་ལ་པདྨ་སྤུངས་པའི་མཆོད་རྟེན་ཞེ་བྱའོ། །གཉིས་པ་མ་ག་དྷཱ་རྒྱལ་པོའི་ཁབ་ཏུ་མངོན་པར་བྱང་ཆུབ་པའི་དུས་ཀྱི་མཆོད་རྟེན་ནི། དབྱིབས་གྲུ་བཞི་པ་བང་རིམ་བཞིས་མཛེས་པ་མ་སྐྱེས་དགྲ་དང་གཟུགས་ཅན་སྙིང་པོ་ལ་སོགས་པས་
བཞེངས་པ་ལ་བྱང་ཆུབ་ཆེན་པོའི་མཆོད་རྟེན་ཞེས་བྱའོ། །གསུམ་པ་ཝཱ་རཱ་ན་སཱིར་ཆོས་ཀྱི་འཁོར་ལོ་བསྐོར་བའི་དུས་ཀྱི་མཆོད་རྟེན་ནི། དབྱིབས་གྲུ་བཞི་པ་བང་རིམ་བཞི་པ་གློ་འབུར་དང་བཅས་སྒོ་རབ་བརྒྱ་རྩ་བརྒྱད་ལ་སོགས་པས་མཛེས་པ་ཡོངས་སུ་གྲགས་པ་ལྟར་རམ། ཡང་ན་བདེན་པ་རྣམ་པ་བཞིའམ་
བཅུ་དྲུག་དང་རྣམ་པར་ཐར་པ་སོགས་ཀྱི་མཚོན་བྱེད་དུ་ལོགས་རེར་སྒོ་བཞི་འམ་བརྒྱད་དམ་བཅུ་དྲུག་རེར་ཡོད་པ་ལྔ་སྡེ་བཟང་པོ་འཕགས་པས་བཞེངས་པ་ལ་བཀྲ་ཤིས་སྒོ་མངས་ཀྱི་མཆོད་རྟེན་ཞེས་བྱའོ། །བཞི་པ་མཉན་དུ་ཡོད་པར་ཆོ་འཕྲུལ་བསྟན་པའི་དུས་ཀྱི་མཆོད་རྟེན་ནི། དབྱིབས་གྲུ་བཞི་པ་བང་རིམ་བཞི་
དང་ལྡན་ཞིང་ཕྱོགས་བཞིར་གློ་འབུར་དང་བཅས་པ་ལིཙྪ་བཱི་རྣམས་ཀྱིས་རྒྱལ་བྱེད་ཚལ་དུ་བཞེངས་པ་ལ་མུ་སྟེགས་ཕམ་བྱེད་ཀྱི་མཆོད་རྟེན་ནམ་ཆོས་འཕྲུལ་ཆེན་པོའི་མཆོད་རྟེན་ཞེས་བྱའོ། །ལྔ་པ་ནི་གནས་སུམ་ཅུ་རྩ་གསུམ་དུ་ལྷའི་ཡུལ་ན་དབྱར་གནས་པ་མཛད་ཅིང་ཡུམ་ལ་ཆོས་གསུངས་ནས་ཕྱི་དྲོ་ནམ་མཁའ་
ནས་བབ་པའི་དུས་ཀྱི་མཆོད་རྟེན་ནི། དབྱིབས་གྲུ་བཞི་པ་བང་རིམ་བརྒྱད་པའམ་བཞི་པ་ངོས་རེ་ལ་གློ་འབུར་དང་བཅས་པའི་གློ་འབུར་གྱི་དབུས་སུ་ཐེམ་སྐས་ཡོད་པ་གསལ་ལྡན་གྱི་དད་པ་ཅན་རྣམས་ཀྱིས་བཞེངས་པ་ལ་སུམ་ཅུ་རྩ་གསུམ་ལྷའི་མཆོད་རྟེན་ནམ་ལྷ་བབ་ཏུ་གྲགས་པའི་མཆོད་རྟེན་ཞེས་བྱའོ། །དྲུག་
པ་ནི་རྒྱལ་པོའི་ཁབ་རུ་ལྷས་བྱིན་གྱིས་དགེ་འདུན་གྱི་དབྱེན་བྱས་པ་མཆོག་གཟུང་གིས་བསྡུམ་པར་བྱས་པའི་དུས་ཀྱི་མཆོད་རྟེན་ནི། དབྱིབས་བང་རིམ་བཞི་པ་གྲུ་བཞིའི་གྲུ་བཞི་པོ་མཉམ་པར་བཅད་པ་རྒྱལ་བྱེད་ལ་སོགས་པའི་མ་ག་དྷཱ་པས་བཞེངས་པ་ལ་འོད་ཟེར་ཅན་ནམ་བྱམས་དངོས་སམ་དབྱེན་བསྡུམས་

213-1-132a

པའི་མཆོད་རྟེན་ཞེས་བྱའོ། །བདུན་པ་ཡངས་པ་ཅན་དུ་སྐུ་ཚེ་ཟླ་བ་གསུམ་དུ་བྱིན་གྱིས་བརླབས་པའི་དུས་ཀྱི་མཆོད་རྟེན་ནི། དབྱིབས་ཟླུམ་པོ་བང་རིམ་གསུམ་པ་ལྷ་རྣམས་ཀྱིས་བརྩིགས་པའམ་ཡངས་པ་ཅན་གྱི་གྲོང་ཁྱེར་པ་རྣམས་ཀྱིས་བཞེངས་པར་གྲགས་པ་ལ་སྐུ་ཚེ་བྱིན་གྱིས་
བརླབས་པའི་མཆོད་རྟེན་ནམ་རྣམ་པར་རྒྱལ་བའི་མཆོད་རྟེན་ཞེས་བྱའོ། །བརྒྱད་པ་རྩྭ་མཆོག་གི་གྲོང་དུ་མྱ་ངན་ལས་འདའ་བའི་ཚུལ་བསྟན་པའི་དུས་ཀྱི་མཆོད་རྟེན་ནི། དབྱིབས་བང་རིམ་དང་བྲལ་བ་གདན་ཁྲིའི་སྟེང་དུ་བུམ་རྟེན་ཡན་ཆད་བཞུགས་པ་རྩྭ་ཅན་གྱི་གྱད་རྣམས་ཀྱི་བརྩིགས་པ་ལ་མྱ་ངན་
འདས་པའི་མཆོད་རྟེན་ཞེས་བྱ་བ་སྟེ་མཆོད་རྟེན་བརྒྱད་པོ་དེ་དག་གི་ཆ་ཚང་ལ་སོགས་པ་སྟོན་པར་བྱེད་པའི་བསྟན་བཅོས་རྣམས་དང་། དེར་མ་ཟད་གསང་སྔགས་རྡོ་རྗེ་ཐེག་པའི་རྒྱུད་སྡེ་སོ་སོ་ནས་བཤད་པའི་གཞལ་ཡས་ཁང་དང་བུམ་པ་དང་རྡོ་རྗེ་དྲིལ་བུ་དང་ཞི་རྒྱས་དབང་དྲག་གི་ལས་དང་རྗེས་སུ་མཐུན་
པའི་ཐབ་ཀྱི་ཐིག་དང་དགང་གཟར་དང་བླུགས་གཟར་ལ་སོགས་པའི་ཚད་དང་མཚན་ཉིད་ལ་སོགས་པ་སྟེ། མདོར་ན་སྐུ་གསུང་ཐུགས་ཡོན་ཏན་ཕྲིན་ལས་དང་བཅས་པའི་རྟེན་གྱི་རིགས་སུ་གཏོགས་པ་རྣམས་ཀྱི་སོ་སོའི་ཚད་དང་མཚན་ཉིད་ལ་སོགས་པ་སྟོན་པར་བྱེད་པའི་བསྟན་བཅོས་ནི་ལོགས་
སུ་གནས་པ་དང་མདོ་སྡེ་དང་རྒྱུད་སྡེ་སོ་སོའི་འགྲེལ་པ་རྣམས་ཀྱི་གསེབ་ཚག་ནས་བསྟན་པ་ཅི་རིགས་པར་འབྱུང་བ་རྣམས་ལྟ་བུའོ། །གཞན་ཡང་བཟོ་རིག་པ་ཕལ་བ་ནི། མདོ་སྡེ་ལས་གསུངས་པའི་བཟོ་སྦྱངས་བཅོ་བརྒྱད་ཅེས་པ། ཚོང་པ་དང་། རྫ་མཁན་དང་། ཕྲེང་བ་མཁན་དང་། ཆང་ཚོང་དང་།
ཕྱུགས་བཙོང་བ་དང་། འདྲེག་མཁན་དང་། འབྲུ་མར་འཚིར་བ་དང་། མགར་བ་དང་། ཤིང་མཁན་དང་། ཕྱ་མཁན་དང་། ཐག་པ་དང་། ཀོ་པགས་མཁན་དང་། རྐྱལ་ཆེན་པ་དང་། བཙོ་བླག་མཁན་དང་། སྨྱིག་མ་མཁན་དང་། བཤན་པ་དང་། གདོལ་བ་མཁན་དང་། ཤིང་རྟ་མཁན་ཏེ་བཟོ་སྦྱངས་བཅོ་
བརྒྱད་དང་། གཞན་ཡང་རིན་པོ་ཆེ་བརྟག་པ། ས་གཞི་བརྟག་པ། གོས་བརྟག་པ། ལྗོན་ཤིང་བརྟག་པ། རྟ་བརྟག་པ། གླང་པོ་ཆེ་བརྟག་པ། སྐྱེས་པ་བརྟག་པ། བུད་མེད་བརྟག་པ་སྟེ་བརྟག་པ་བརྒྱད་དང་། གཞན་ཡང་མདོ་སྡེ་རྣམས་སུ་སྒྱུ་ཙལ་གྱི་རིག་པ་ཇི་སྙེད་པའི་བྱ་བ་བསྟན་ཏེ། དེ་དག་དྲུག་ཅུ་རྩ་བཞིར་བསྡུ་བ་ཡང་། །

213-1-132b

རོལ་མོའི་མཚན་ཉིད་སྒྱུ་མ་དང་། །འགྱེད་སྟོབས་དང་ནི་མེ་ཏོག་ལས། །དམག་རྣམས་ཀྱི་ནི་བདག་ཉིད་ཤེས། །གཡོས་སུ་བྱ་བ་རྣམས་པར་ངེས། །ཚོང་དང་ནོར་ནི་བསྒྱུར་བ་དང་། །རྒྱན་དང་ལག་རྩིས་བཅུད་ཀྱིས་ལེན། །འཁྲུལ་འཁོར་སྦྱོར་དང་དྲི་བ་དང་། །འཕོངས་དཔྱད་དང་ནི་ཚོམ་སྦྱོར་སྒྲ། །ཡི་གེ་དང་ནི་
ཁྭ་སྐད་དང་། །རང་རང་བཟོ་དང་མཚོན་རྣམས་བརྟག །གཅོད་ཐབས་དང་ནི་སོག་ལེ་དང་། །ཕུབ་རྣམས་བསྐོར་བར་བྱེད་པ་དང་། །སོང་དང་འོང་བ་ཤེས་པ་དང་། །གཞི་ཡི་མཚན་ཉིད་ཤེས་པ་དང་། །མདུང་དང་རྡོ་རྗེ་བརྟག་པ་དང་། །ཐབས་ཀྱི་ཚོར་བའི་མཚན་ཉིད་དང་། །ཟུག་རྔུ་འབྱིན་དང་མིག་འགྲུལ་
དང་། །བྷ་ར་ཏ་ཡི་བསྟན་བཅོས་ཤེས། །བཅིང་དང་ཁང་པ་བརྩེགས་མ་དང་། །དེ་བཞིན་གོས་ཀྱི་འཕང་བ་དང་། །ཡན་ལག་མཉེ་དང་མོ་འདེབས་དང་། །དེ་བཞིན་ཆུ་ཡི་ཀུན་འཛིན་དང་། །དུང་གི་སྒྲ་དང་སྡེབ་སྦྱོར་དང་། །གྲོང་རྡལ་དང་ནི་གློག་འདྲ་དང་། །མཚན་མོ་ཆོམ་རྐུན་ཤེས་པ་དང་། །སྒྲ་དང་
ས་རྟོག་བྱེད་པ་དང་། །སྐྱེས་པ་བུད་མེད་རྟ་དང་ནི། །གླང་པོའི་མཚན་ཉིད་གང་སློང་དང་། །འབྱུང་པོ་དག་ནི་གསོ་བ་དང་། །ཟངས་མ་འཁར་བ་གསེར་དག་དང་། །ཤིང་དང་དུང་དང་ཤེས་པ་དང་། །རི་མོ་མཚོན་དང་གསོ་དག་གི། །ལས་རྣམས་དེ་དག་གོ་རིམས་བཞིན། །སྐར་མའི་གཏན་ཚིགས་ཤེས་
པ་དང་། །མཚན་མོ་ཤེས་པ་ཉིད་དང་ཡང་། །ངེས་པའི་ཚིག་གི་གཞུང་རྣམས་ཀྱིས། །སྒྱུ་ཙལ་དྲུག་ཅུ་རྩ་བཞིར་དྲན། །ཞེས་བྱ་བ་བསྡུས་ཏེ་སྟོན་པའི་བསྟན་བཅོས་འདུལ་བ་ཕྲན་ཚེགས་ཀྱི་འགྲེལ་པ་ལྟ་བུའམ། ཡང་ན་སྙན་དངགས་མེ་ལོང་དུ་འདི་ལྟར་སྒྱུ་ཙལ་དྲུག་ཅུ་རྩ་བཞི་ཞེས་འབྱུང་བའི་བཟོར་གཏོགས་
པ་སུམ་ཅུ་དང་། རོལ་མོའི་བྱེ་བྲག་བཅོ་བརྒྱད། གླུ་དབྱངས་ཀྱི་ངེས་པ་བདུན། གར་གྱི་ཉམས་དགུའོ། །དེ་ལ་བཟོར་གཏོགས་པ་སུམ་ཅུ་ནི། སྒྱུ་རྩལ། ཡི་གེ། ལག་རྩིས། གྲངས་ཅན། རྩིས། འཛིན་སྟངས། ཐོར་ཚུགས། གོམ་སྟབས། ལྕགས་ཀྱུས་བསྒྱུར་ཐབས། རལ་གྲིས་ཐབས། ཞགས་པ་གདབ་
པ། མངའ་བོ་ཆེ་འཕེན་ཐབས། འཕོང་གི་སློབ་དཔོན། མདུན་དུ་སྣུར་བ། ཕྱིར་སྣུར་བ། གཅད་པ། དྲལ་བ། དབུག་པ། རྒྱང་ནས་འཕོག་པ། སྒྲ་གྲག་པར་འཕོག་པ། གནད་དུ་འཕོག་པ། མི་འཆོར་བར་འཕོག་པ། ཚབས་ཆེ་བ། གནས་ལྔ་ལ་བྱང་བར་གྱུར་ཏོ། །མཆོངས་པ། གྱད་ཀྱི་འཛིན་སྟངས། བང་།

213-1-133a

རྐྱལ། རྒལ་བ། གླང་པོ་ཆེའི་གཉར་ཞོན་པ། རྟ་ལ་ཞོན་པ། ཤིང་རྟའི་ཐབས། མངའ་གཞུ་འགྱེད་སྟོབས། རོལ་མོའི་བྱེ་བྲག་བཅོ་བརྒྱད་ནི། གར་མཁན་ནམ་བྲོ་མཁན། གར་རམ་བྲོ། རྔ་བོ་ཆེ། རྫ་རྔ། རྔ། རྫ་རྔ་ཆེན་པོ། འཁར་རྔ། པི་ཝང་རྒྱུད་གཅིག་པ་རྫ་རྔ་ཁ་གཅིག །ལྕགས་
ཀྱི་སོལ་ཁྲོལ། ཁར་དཀྲོལ། པི་ཝང་རྒྱུད་གསུམ་པ། རྔ་མུ་ཀུནྡ། སིལ་སྙན། གླུ་དབྱངས། ཕེག་རྡོབ་པ། རོལ་མོའི་སྒྲ། པི་ཝང་། གླིང་བུ། གླུ་དབྱངས་ཀྱི་ངེས་པ་བདུན་ནི། བར་མ། དྲང་སྲོང་། ས་འཛིན་པ། དྲུག་ལྡན་པ། ལྔ་པ། བློ་གསལ། འཁོར་ཉན། གར་སྟབས་ཀྱི་ཉམས་དགུ་ནི། སྟེགས་པའམ་
སྒེག་པའམ་འཛིན་པ། དཔའ་བོ། མི་སྡུག་པ། དྲག་ཤུལ་ཅན། བཞད་གད། འཇིགས་སུ་རུང་བ། སྙིང་རྗེ་བ། རྔམ་པ། ཞི་བ་སྟེ་དེ་ལ་སོགས་པའི་རྣམ་གྲངས་སྟོན་པར་བྱེད་པའི་བསྟན་བཅོས་རྣམས་དང་། གཞན་ཡང་དུས་འཁོར་བསྡུས་རྒྱུད་ལས། གཡུལ་དུ་ཕམ་པའི་དགྲ་བོ་དག་ནི་གལ་ཏེ་འཕྲལ་
ལ་རྫོང་གི་ནང་དུ་ཞུགས་པར་གྱུར་པ་ན། །ཕྱི་རོལ་དུ་ནི་འཕྲུལ་འཁོར་བྱ་སྟེ་རྒྱུན་ཆད་མེད་པར་རྡོ་དང་མེ་མདའ་རབ་ཏུ་འབེབས་པ་དང་། །རལ་གྲི་ལ་སོགས་གཅོད་པའི་འཕྲུལ་འཁོར་དག་དང་ས་གཞི་གནས་ལ་གུར་དང་གོ་ནི་དབྱེ་བ་ཡིས། །དེ་ཡིས་རྫོང་ནི་ཕྱེ་མར་བྱས་ཏེ་ཉིན་ཞག་ཅུང་ཟད་དག་གིས་འདུག་པ་དེ་ནི་
བསྒྲུབ་པར་བྱ། །ཞེས་ངོ་མཚར་བའི་སྦྱོར་བ་ཐང་རྫོང་གཞིག་པ་རྡོའི་འཕྲུལ་འཁོར། ཆུ་རྫོང་འཇོམས་པ་གྲུའི་འཕྲུལ་འཁོར། རི་རྫོང་འཇོམས་པ་མེའི་འཕྲུལ་འཁོར། རལ་གྲི་འཁོར་བ་གྲི་གུག་གི་འཕྲུལ་འཁོར། རྩེ་མོ་འབྱེད་པ་རླུང་གི་འཕྲུལ་འཁོར། རྩིག་པ་འཇིག་པ་གུར་གྱི་འཕྲུལ་འཁོར། གོ་
ཆ་འཇིག་པ་ལྕགས་མདའི་འཕྲུལ་འཁོར་རྣམས་དང་། རང་ཕྱོགས་སྲུང་བ་རལ་གྲིའི་འཕྲུལ་འཁོར། རྒྱལ་རིགས་འཐབ་པ་ཤིང་རྟའི་ཚད། ལྟད་མོ་ལ་འགྲོ་བའི་དོན་དུ་ཁང་བཟང་གི་མཚན་ཉིད། དགའ་སྟོན་གྱི་དོན་དུ་ཕྱོགས་ཀྱི་མཚན་ཉིད། ལྡུམ་ར་བཅུ་པའི་དོན་དུ་ཆུ་འདྲེན་པའི་འཕྲུལ་འཁོར་སོགས་
དུས་ཀྱི་འཁོར་ལོ་ལས་གསུངས་པ་དང་། གཞན་ཡང་མི་དཔྱད་རྟ་དཔྱད་ཐོར་བུར་འདུག་པ་རྣམས་སྟོན་པར་བྱེད་པའི་བསྟན་བཅོས་ལོགས་སུ་མེད་ནའང་མདོ་དང་རྒྱུད་ཀྱི་འགྲེལ་པ་རྣམས་ཀྱི་གསེབ་ཚག་ནས་ཅི་རིགས་པར་འབྱུང་བ་ལྟ་བུའོ། །གཉིས་པ་གཞན་རྗེས་སུ་འཛིན་པར་བྱེད་པ་རིག་པའི་གནས་གཉིས་

213-1-133b

པ། ཚེ་རིང་བ་དང་ནད་མེད་པའི་བདེ་བ་སྒྲུབ་པར་བྱེད་པ་རིག་པའི་གནས་གཉིས་པ་གསོ་བ་རིག་པ་ལ། གསོ་བ་རིག་པ་ལ་འཇུག་པའི་དགོས་པ་དང་། དེ་སྟོན་པའི་བསྟན་བཅོས་ཀྱི་རང་བཞིན་བསྟན་པའོ། །དང་པོ་ནི་རྣམ་པ་ཐམས་ཅད་མཁྱེན་པའི་གོ་འཕང་དོན་དུ་གཉེར་བའི་བྱང་ཆུབ་སེམས་དཔའ་རྣམས་ཀྱིས་གནས་
སྐབས་སུ་བྲོ་ནད་རྣམ་པ་སྣ་ཚོགས་ཀྱིས་བཏབ་པའི་ལུས་ཅན་རྣམས་ཀྱི་ནད་ཀྱི་ཟུག་རྔུ་མཐའ་དག་སེལ་བར་བྱེད་པ་ལ་མཁས་པ་དང་། དུས་མ་ཡིན་པར་འཆི་བའི་སྡུག་བསྔལ་གྱི་འཇིགས་པ་ལས་སྐྱོབ་པའི་ནུས་པ་དང་ལྡན་པར་བྱས་ནས་ཕན་པ་རྒྱ་ཆེན་པོ་བསྒྲུབ་པའི་ཕྱིར། རླུང་ལས་གྱུར་པ་དང་། མཁྲིས་པ་
ལས་གྱུར་པ་དང་། བད་ཀན་ལས་གྱུར་བ་དང་། འདུས་པ་ལས་གྱུར་པའི་ནད་དང་། ནད་ཀྱི་གླེང་གཞི་དང་། ནད་མེད་པར་བྱ་བ་དང་། དེའི་ཐབས་ཀྱི་ཁྱད་པར་མང་པོ་ལ་མ་རྨོངས་པར་བྱས་ནས་གཞན་གྱི་དོན་རྗེས་སུ་བསྒྲུབ་པ་དང་། མཐར་ཐུག་གི་སྨན་པ་བླ་ན་མེད་པ་ཐམས་ཅད་མཁྱེན་པའི་གོ་འཕང་གི་རྒྱུར་འགྱུར་བ་
དང་། དེ་ཉིད་མངོན་དུ་གྱུར་ནས་ཀྱང་གདུལ་བྱར་གྱུར་པའི་འགྲོ་བ་ཐམས་ཅད་ཀྱི་ཉོན་མོངས་པ་བརྒྱད་ཁྲི་བཞི་སྟོང་གི་གཉེན་པོར་འགྱུར་བའི་བདུད་རྩིའི་སྒོ་མོ་དེ་སྙེད་ཀྱི་གྲངས་དང་མཉམ་པར་ཕྱེ་བས་གནས་སྐབས་དང་མཐར་ཐུག་གི་བདེ་བ་ལ་འགོད་པའི་ཐབས་ལ་དབང་བརྙེས་པར་འགྱུར་བའི་དགོས་པ་དམ་པས་
ཡིད་ཡོངས་སུ་རྒྱས་ཏེ་ཚུལ་འདི་ལ་འཇུག་པར་རིགས་སོ། །དེ་ལྟར་ཡང་རྒྱན་གྱི་འགྲེལ་བཤད་ལས། གསོ་བ་རིག་པ་བྱང་ཆུབ་སེམས་དཔའ་ཚོལ་བར་བྱེད་དོ། །ཅིའི་ཕྱིར་ཞེ་ན། ནད་དང་ནད་ཀྱི་གླེང་གཞི་དང་། ནད་མེད་པ་དང་། ནད་མེད་པའི་ཐབས་ཤེས་པར་བྱ་བ་དང་། སེམས་ཅན་རྣམས་ཀྱི་ནད་རྣམ་པ་
སྣ་ཚོགས་བཞི་པར་བྱ་བའི་ཕྱིར་ཚོལ་བར་བྱེད་དོ་ཞེས་དང་། སྟོན་པས་ཆོས་ཀྱི་འཁོར་ལོ་དང་པོའི་སྐབས་སུ་ཡང་དགེ་སློང་ནད་པས་ནི་སྨན་པ་ལ་དྲིས་ཏེ་བྱའོ་ཞེས་དང་། བཅོམ་ལྡན་འདས་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་པའི་ཚེ་དགེ་སློང་རྣམས་སྟོན་ཀའི་བྲོ་ནད་ཀྱིས་སྐྱ་བོ་བསེང་བསེང་བོར་
གྱུར་པའི་ཚེ། སྨན་སོ་སོར་བསྟེན་པར་གསུངས་ཀྱང་དུས་སུ་མ་གཏོགས་པར་དེ་ལས་ཡོལ་བར་བསྟེན་པར་མ་གནང་བས་སྐྱ་བོར་གྱུར་པ་ལས། ཀུན་དགའ་བོ་དེ་ལྟ་བས་ན་རྗེས་སུ་གནང་སྟེ། དགེ་སློང་རྣམས་ཀྱི་སྨན་རྣམ་པ་བཞི་པོ་དུས་སུ་རུང་བ་དང་། ཐུན་ཚོད་དུ་རུང་བ་དང་། ཞག་བདུན་པ་དང་། ཇི་སྲིད་

213-1-134a

འཚོའི་བར་དུ་སོ་སོར་བཅང་བ་བསྟན་པར་བྱའོ། །དེ་ལ་དུས་སུ་རུང་བ་ནི། ལྡེ་གུ་དང་ཞེས་བྱ་བ་ལ་སོགས་པས་རྒྱས་པར་བཀའ་སྩལ་པ་དང་། ཡན་ལག་བརྒྱད་པའི་སྙིང་པོ་བསྡུས་པའི་མདོའི་གནས་ལེའུ་གཉིས་པ་ཉིན་རེའི་སྤྱོད་པའི་ལེའུ་ལས་ཀྱང་། སེམས་ཅན་ཐམས་ཅད་བདེ་
འདོད་ཕྱིར། །རྩོམ་པ་ཀུན་ལ་འཇུག་པར་འདོད། །ཅེས་དང་། མགོའི་བཤད་པའི་ལེའུ་ལས་ཀྱང་། ཚོ་ནི་རིང་བར་འདོད་པ་ཡིས། །ཆོས་དང་ནོར་དང་བདེ་བ་སྒྲུབ། །ཚེ་ཡི་རིག་བྱེད་ལུང་བཤད་པ། །རབ་ཏུ་གུས་པར་བྱ་བ་གྱིས། །ཞེས་བྱ་བ་ལ་སོགས་པའི་དགོས་པ་མང་དུ་ཡོད་པར་ཤེས་པར་བྱའོ། །གཉིས་པ་
ནི་དགོས་པ་དེ་དང་ལྡན་པའི་གསོ་བ་རིག་པའི་གཞུང་གི་བསྟན་བཅོས་ནི་བཤད་མ་ཐག་པའི་གཞུང་དེ་ཉིད་ལས། ཚངས་པས་ཚེ་ཡི་རིག་བྱེད་དྲན། །སྐྱེ་དགུས་བདག་ལ་བཤད་པ་ཡིན། །དེ་ཡིས་ཐ་སྐར་དེས་བརྒྱ་བྱིན། །དེས་རྒྱུན་ཤེས་སོགས་དྲང་སྲོང་ལའོ། །དེ་ཡིས་མེ་བཞིན་འཇུག་ལ་སོགས། །དེ་
རྣམས་ཀྱིས་ཀྱང་སོ་སོར་བྱས། །ཤིན་ཏུ་འཐོར་བ་དེ་རྣམས་ལས། །རབ་གཅེས་ཕལ་ཆེར་བཏུས་པ་ནི། །ཤིན་ཏུ་བསྡུས་མིན་རྒྱས་མིན་པར། །ཡན་ལག་བརྒྱད་པའི་སྙིང་པོ་བྱ། །ཞེས་འབྱུང་བ་ལྟར་ལྷ་དང་མིའི་དྲང་སྲོང་ལ་སོགས་པ་མཁས་པ་གང་དག་བྱུང་བ་རྣམས་ཀྱིས་མཛད་པའི་གཞུང་
མང་དུ་བྱུང་བར་གྲགས་ཀྱང་། གཞུང་དེ་ཐམས་ཅད་ཀྱི་སྙིང་པོ་བསྡུས་ཏེ་རྒྱས་བསྡུས་འཚམ་པ་ལེགས་པར་བཤད་པ་ཀུན་གྱི་མཐར་ཐུག་པ་ནི་ཡན་ལག་བརྒྱད་པའི་སྙིང་པོ་བསྡུས་པ་ཞེས་བྱ་བ་འདི་ཉིད་དེ། འདིའི་གཞུང་གི་ཚད་ནི་ཤློ་ཀ་དགུ་སྟོང་དང་བཞི་བརྒྱ་ལྷག་ཙམ་ལ། བརྗོད་པར་བྱ་བའི་སྙིང་པོ་ནི་
ཡན་ལག་བརྒྱད་དེ། བརྒྱད་ནི། ལུས་དང་བྱིས་པ་གདོན་ལུས་སྟོད། །མཚོན་དང་མཆེ་བ་རྒས་རོ་ཙ། །གསོ་དཔྱད་གང་ལ་གནས་གྱུར་པ། །ཡན་ལག་བརྒྱད་ཅེས་དེ་ལ་བརྗོད། །ཅེས་པ་སྟེ། དེ་ཡང་བརྗོད་ཚུལ་ནི། མདོ་གནས་ལུས་དང་ནད་གཞི་དང་། །གསོ་གནས་ཆོ་ག་གྲུབ་ཕྱི་མ། །ཞེས་པ་ལྟར་
གནས་དྲུག་ཏུ་བྱས་ནས། མདོ་གནས་ལེའུ་སུམ་ཅུ་དང་། ལུས་གནས་ལེའུ་དྲུག་དང་། ནད་ཀྱི་གཞི་ལེའུ་བཅུ་དྲུག་དང་། གསོ་བའི་གནས་ལེའུ་ཉི་ཤུ་རྩ་གཉིས་དང་། ཆོ་ག་གྲུབ་པ་ལེའུ་དྲུག་དང་། ཕྱི་མའི་གནས་ལེའུ་བཞི་བཅུ་སྟེ་ཡོངས་སུ་བསྡོམས་པ་ལེའུ་བརྒྱ་དང་ཉི་ཤུའོ། །དེ་ལས་མདོ་གནས་དང་

213-1-134b

པོ་ཚེ་རིང་བའི་ལེའུས་ནི་ནད་གསུམ་གྱི་ངོ་བོ། སྨན་དང་སྨན་པ། ནད་པ་དང་ནད་གཡོག་རྣམས་ཆོས་བཞི་ལྡན་ལ་སོགས་པའི་སྤྱིའི་རྣམ་གཞག་དང་། ལེའུ་རྣམས་ཀྱི་རྣམ་གྲངས་སྟོན་པས་རྩ་བའི་རྒྱུད་དང་། དེ་ནས་གནས་ལྔ་པ་ཡན་ཆན་ཀྱིས་དེ་ཉིད་ཚང་བར་བཤད་པས་བཤད་པའི་རྒྱུད་དང་། ཐ་མས་ཡན་ལག་
ཕྱི་མ་རྣམས་སྟོན་པས་ཕྱི་མ་རྒྱུད་ཀྱི་ཚུལ་དུ་གནས་པ་སྟེ། དེ་ལྟར་ན་གཞུང་འདིས་བརྗོད་པར་བྱ་བ་ཐམས་ཅད་བརྒྱད་པོ་དེ་ཉིད་དུ་བསྡུས་ནས་སྟོན་པ་ལྟ་བུའོ། །གསུམ་པ་ལོག་པར་རྟོག་པ་གཞན་དག་ཚར་གཅོད་པར་བྱེད་པའི་རིག་པའི་གནས་གཉིས་ཀྱི་དང་པོ་ཚིག་གི་འགལ་འབྲེལ་གཅོད་པའི་རིག་པ་གནས་གསུམ་
པ་བརྡ་སྤྲོད་པའི་བསྟན་བཅོས་ལ། བརྡ་སྤྲོད་པའི་རིག་པ་ལ་འཇུག་པའི་དགོས་པ་དང་། དེ་སྟོན་པའི་བསྟན་བཅོས་ཀྱི་རང་བཞིན་བསྟན་པའོ། །དང་པོ་ནི་རྣམ་པ་ཐམས་ཅད་མཁྱེན་པའི་གོ་འཕང་དོན་དུ་གཉེར་བའི་བྱང་ཆུབ་སེམས་དཔའ་རྣམས་གནས་སྐབས་སུ་བདག་ཉིད་ལེགས་པར་སྦྱར་བའི་སྐད་ལ་འབྱོངས་
ནས་ཆོས་ཐམས་ཅད་ཀྱི་ངེས་པའི་ཚིག་ལ་མཁས་ཤིང་གཞན་གྱིས་བཀུར་བ་དང་། མཁས་པར་རློམ་པ་གཞན་དག་ཚར་གཅད་པ་ལ་དབང་བ་དང་། སྒྲ་གཅིག་ཅིག་ལ་ཡང་ངེས་པའི་ཚིག་མང་པོ་དགྲོལ་ཏེ་བཤད་པ་ལ་གཞན་གྱི་དྲིང་ལ་མི་འཇོག་པའི་མཁས་པར་གྱུར་ནས་སངས་རྒྱས་ཀྱི་ཆོས་ལ་བྱ་བ་བྱས་པའི་
དམ་པ་དམ་པ་ཞེས་བྱ་བའི་གྲངས་སུ་འགྲོ་བ་དང་། མཐར་ཐུག་ཆོས་སོ་སོ་ཡང་དག་པའི་རིག་པ་དང་། དོན་སོ་སོ་ཡང་དག་པའི་རིག་པ་དང་། ངེས་པའི་ཚིག་སོ་སོ་ཡང་དག་པའི་རིག་པ་དང་། སྤོབས་པ་སོ་སོ་ཡང་དག་པའི་རིག་པ་སྟེ་རིག་པ་བཞི་པོ་དེ་ལ་སོགས་པ་ཡོན་ཏན་ཐམས་ཅད་ལ་དབང་བརྙེས་པ་རྫོགས་
པའི་སངས་རྒྱས་སྒྲ་སྒྲོགས་དབང་པོའི་རྒྱུར་འགྱུར་པ་དང་དེ་ཉིད་མངོན་དུ་བྱས་ནས་ཀྱང་གདུལ་བྱར་གྱུར་པའི་འགྲོ་བ་སྣ་ཚོགས་པར་རང་རང་གི་སྐད་དང་རྗེས་སུ་མཐུན་པའི་ཆོས་སྟོན་པ་ལ་དབང་དམ་པའི་ཕ་རོལ་དུ་སོན་པའི་དགོས་པ་དམ་པས་ཡིད་ཡོངས་སུ་དྲངས་ཏེ་རིག་པའི་ཚུལ་འདི་ལ་འཇུག་པར་རིགས་སོ། །དེ་སྐད་
དུ་ཡང་མདོ་སྡེ་རྒྱན་གྱི་འགྲེལ་བཤད་ལས། སྒྲ་རིག་པ་བྱང་ཆུབ་སེམས་དཔའ་འཚོ་བར་བྱེད་དེ། བདག་ཉིད་སཾ་སྐྲྀ་ཏའི་སྐད་ལ་མཁས་པའི་སྒོ་ནས་བདག་ལ་མཁས་པ་གཞན་དག་ཡིད་ཆེས་པར་བྱ་བ་དང་། སྒྲའི་གཙུག་ལག་ཤེས་པར་རློམ་པའི་མུ་སྟེགས་པ་དག་ཚར་གཅད་པར་བྱ་བ་དང་། དོན་གཅིག་

213-1-135a

ལ་ངེས་པའི་ཚིག་མང་པོ་བསྟན་ཅིང་བཤད་པའི་ཆོས་ཀྱི་ཐ་སྙད་ལ་མཁས་པར་བྱ་བའི་ཕྱིར་ཚོལ་བར་བྱེད་དོ་ཞེས་བྱ་བའི་དོན་ཏོ་ཞེས་དང་། གཞན་ཡང་མདོ་ལས་བྱང་ཆུབ་སེམས་དཔའ་ཅིའི་ཕྱིར་སྒྲ་ལ་སློབ་པར་བྱེད་ཅེ་ན། སྒྲའི་ཚིག་ཡོངས་སུ་དག་པར་བྱ་བ་དང་། ཡོངས་སུ་མ་དག་པའི་
ཚིག་གི་དོན་གསལ་བར་སྟོན་ནུས་པ་དང་། དོན་ཐམས་ཅད་ཤེས་ཤིང་ཁོང་དུ་ཆུད་པར་བྱ་བ་དང་། ཡང་དག་པའི་ཚིག་མི་ཉམས་པས་ང་རྒྱལ་གྱིས་མི་ཤིགས་པ་དང་། ངན་པར་ལྟ་བ་ལས་ལྡོག་ཅིང་སེམས་ཅན་འདུལ་བའི་ཐབས་དང་མཁས་པས་ཤེས་པར་བྱ་བའི་ཕྱིར། བྱང་ཆུབ་སེམས་དཔའ་སྒྲ་རིག་
པའི་བསྟན་བཅོས་ལ་སློབ་པར་བྱེད་དོ་ཞེས་དང་། ཐོན་མི་ལོ་ཙཱས་ཀྱང་། བསླབ་པ་ཀུན་གྱི་གཞི་འཛིན་ཅིང་། །རིག་བྱེད་སྨྲ་པ་རྣམས་ཀྱི་རྒྱུ། །ཞེས་གསུངས་པ་ལྟར་སངས་རྒྱས་པའི་གྲུབ་མཐའ་བྱེ་བྲག་ཏུ་སྨྲ་བ་དང་། མདོ་སྡེ་པ་དང་། སེམས་ཙམ་པ་དང་། དབུ་མ་པ་སྟེ་གྲུབ་པའི་མཐའ་སྨྲ་བ་བཞིའམ། ཉན་
ཐོས་དང་རང་སངས་རྒྱས་དང་བྱང་ཆུབ་སེམས་དཔའི་བསླབ་པར་བྱ་བ་ཐམས་ཅད་ཀྱི་གཞི་འཛིན་ཅིང་། རིག་བྱེད་ནི་ཕྱི་རོལ་པའི་ལུགས་ཀྱི་ངེས་བརྗོད་ལ་སོགས་པ་བཞི་སྟེ། དེའང་ཇི་སྐད་དུ། སྙན་ཚིག་མཆོད་སྦྱིན་སྲིད་སྲུང་དང་། །ངེས་བརྗོད་རིག་བྱེད་རིག་བྱེད་བཞི། །ཞེས་བྱ་བའི་རིག་བྱེད་སྨྲ་བ་རྣམས་ཀྱང་འདི་
ལ་མ་བརྟེན་པར་མི་འབྱུང་ཞིང་། ཆོས་ཀྱི་དོན་རྟོགས་པར་བྱེད་པ་ལའང་ཐོག་མར་ཚིག་ལ་མཁས་པར་བྱ་དགོས་ཏེ། ས་སྐྱ་པཎྜི་ཏས་ཀྱང་། ཚིག་ཀྱང་སྒྲིགས་ལེགས་མི་ཤེས་ན། །དོན་བཟང་སྨོས་ཀྱང་ཅི་ཞིག་དགོས། །ཞེས་དང་། བརྡ་སྤྲོད་ཀྱི་གཞུང་འདི་ཁོ་ནར་མ་ཟད། རིག་པའི་གནས་ཐམས་ཅད་
ལ་འཇུག་པའི་སྒོ་གཅིག་པུ་ཡང་འདི་ཉིད་ཡིན་ཏེ། ཇི་སྐད་དུ། གང་ཞིག་ཤེས་ན་མཁས་པའི་གནས་ཐོབ་ཅིང་། །མཐར་ཐུག་ཀུན་མཁྱེན་གོ་འཕང་བདེ་བླག་འགྲོད། །གཞུང་ལུགས་ཀུན་ལ་ཐོགས་མེད་འཇུག་པའི་སྒོ། །བརྡ་སྤྲོད་རིག་གནས་བསྟན་བཅོས་རྣམ་དབྱེ་བགྱི། །ཞེས་གསུངས་པ་ལ་སོགས་
པ་རྒྱ་ཆེར་འབྱུང་བ་ཡིན་ནོ། །གཉིས་པ་ནི། དགོས་པ་དེ་དང་ལྡན་པའི་བརྡ་སྤྲོད་རིག་པའི་གཞུང་འདིས་བརྗོད་པར་བྱ་བ་ཅི་ཞིག་ཡིན་སྙམ་ན། དཔལ་ལྡན་བློ་གྲོས་བརྟན་པས། རང་བཞིན་རྐྱེན་དང་རྣམ་འགྱུར་གསུམ། །བརྡ་སྤྲོད་གཞུང་གི་བརྗོད་བྱ་ཡིན། །ཞེས་པ་སྟེ། གཞུང་གི་བརྗོད་བྱ་མ་ལུས་པ་མདོར་

213-1-135b

བསྡུ་ན། རང་བཞིན་དང་རྐྱེན་དང་རྣམ་འགྱུར་ཏེ་གསུམ་དུ་འདུ་ཞིང་། རང་བཞིན་ལའང་དབྱེ་ན། བྱིངས་དང་མིང་གཉིས་ཏེ། དེ་སྐད་དུའང་། རང་བཞིན་མིང་དང་བྱིངས་དེ་ལའང་། །ཞེས་སོ། །བྱིངས་ལའང་ནང་གསེས་ཀྱི་སྒོ་ནས་དབྱེ་ན། མདོའི་བྱིངས་དང་། རྐྱེན་གྱིས་བཅོས་པའི་བྱིངས་དང་། གླེགས་
བམ་ལས་འབྱུང་བའི་བྱིངས་དང་གསུམ་དུ་འགྱུར་རོ། །རང་བཞིན་གཉིས་པ་ནི་མིང་ངམ་རྟགས་ཏེ། དེ་ཡང་བྱིངས་ཀྱི་ཡི་གེ་གང་ལ་ཀྲྀཏ་རྐྱེན་བྱིན་པས་བྱིངས་ཡིན་པའང་བོར། སན་ལ་སོགས་པ་མཁྱེན་པས་རྐྱེན་གྱིས་བཅོས་པའི་བྱིངས་ཀྱང་མ་ཡིན་ལ། ཚིག་ཏུ་འགྲུབ་པར་བྱེད་པའི་རྣམ་དབྱེ་ཡང་
མ་བྱིན་པ་སྟེ། ལུང་སྟོན་པ་ཀ་ལཱ་པའི་མདོ་ལས། བྱིངས་དང་རྣམ་དབྱེ་བོར་བའི་དོན་དང་ལྡན་པ་ནི་རྟགས་སོ་ཞེས་འབྱུང་ངོ་། །རྟགས་ལ་ཡང་དབྱངས་དང་གསལ་བྱེད་ཀྱི་མཐའ་ངེས་པ་ཅན་གྱི་སྒོ་ནས་དབྱེ་ན། སྐྱེས་པའི་རྟགས་དང་བུད་མེད་ཀྱི་རྟགས་དང་མ་ནིང་གི་རྟགས་གསུམ་སྟེ། དེ་དག་གི་རྣམ་པར་
དབྱེ་བ་རྒྱས་པར་སྟོན་པའི་བསྟན་བཅོས་ནི་མཁས་པ་འཆི་བ་མེད་པའི་སེང་གེས་མཛད་པའི་མིང་དང་རྟགས་རྗེས་སུ་བསྟན་པའི་མངོན་བརྗོད་ཀྱི་བསྟན་བཅོས་ཨ་མར་ཀོ་ཥ་དང་། དེའི་འགྲེལ་པ་འདོད་འཇོའི་བ་མོ་ལ་སོགས་པ་ལྟ་བུའོ། །གཞན་ཡང་དེའི་བྱེ་བྲག་ཏུ་གྱུར་པའི་ཉེ་བར་བསྒྱུར་བ་རྣམས་ཀྱང་རང་བཞིན་
གྱི་ཁོངས་སུ་བསྡུའོ། །རྐྱེན་ནི་རང་བཞིན་དེ་ཉིད་རྣམ་འགྱུར་གཞན་དུ་སྒྲུབ་པར་བྱེད་པ་སྒྲའི་ཡན་ལག་སྟེ། དེའི་བྱ་བ་བྱིངས་ལས་མིང་དུ་སྒྲུབ་པར་བྱེད་པ་བྱེད་ལྡན་གྱི་རྐྱེན་དང་། མིང་ལས་མིང་གཞན་སྒྲུབ་པར་བྱེད་པ་དེ་ཕན་གྱི་རྐྱེན་ནོ། །དེ་ལའང་སྤྱི་དང་གྲངས་མེད་དང་དངོས་པོའི་རྐྱེན་གསུམ་ད་འགྱུར་རོ། །
བྱིངས་ལས་ཚིག་ཏུ་སྒྲུབ་ཅིང་རྣམ་པར་འབྱེད་པར་བྱེད་པ་ཏིང་ང་དང་། མིང་ལས་ཚིག་ཏུ་སྒྲུབ་ཅིང་དོན་རྣམ་པར་འབྱེད་པ་སུབ྄་དང་། རང་བཞིན་དང་རྐྱེན་དག་གི་བར་དུ་གཞུག་པ་ཨ་ག་མ་དང་། བྱིངས་གཞན་དུ་བསྒྱུར་བ་ཉེ་བར་བསྒྱུར་བ་རྣམས་སོ། །རྣམ་འགྱུར་ནི་དཔང་ལོ་ཆེན་པོས། རང་བཞིན་རྐྱེན་དང་འབྲེལ་
པ་དང་། །ཡི་གེ་ཙམ་དང་འབྲེལ་བ་ཡི། །བསྒྱུར་དང་དབྱེ་བ་རྣམ་འགྱུར་ཏེ། །ཞེས་གསུངས་པ་ལྟར་སྒྲའི་ཡན་ལག་གི་ཡི་གེ་བསྒྱུར་དང་དབྱི་བ་དང་། བར་རྐྱེན་སྟེར་བ་དང་། ཚིག་གི་བསྡུ་བ་བྱ་བ་རྣམས་ཏེ། དེ་དག་ཏུ་སྒྲའི་བརྗོད་བྱ་ཐམས་ཅད་བསྡུས་པའོ། །ཡང་ན་མཚམས་སྦྱོར་དང་མིང་དང་ཀུན་བཤད་

213-1-136a

དང་ཀྲྀཏ་དང་བཞིས་མདོའི་རྩ་བ་སྟོན་ལ། བྱིངས་དང་ཉེར་བསྒྱུར་དང་ཨུཎ་ལ་སོགས་པ་ཡན་ལག་སྟེ། དེ་དག་གིས་འཆད་པ་ཀ་ལཱ་པ་ལྟ་བུའོ། །ཡི་གེའི་ཚོགས་དང་། མིང་གི་ཚོགས་དང་། ཚིག་གི་ཚོགས་ཏེ་གསུམ་དུ་སྟོན་པ་སྨྲ་བའི་སྒོ་མཚོན་ཆ་ལྟ་བུའོ། །དེ་དག་དང་
རྗེས་སུ་འབྲེལ་པ་སྡེབ་སྦྱོར་གྱི་བསྟན་བཅོས་ནི། ཡི་གེ་ལྕི་ཡང་གི་བྱེ་བྲག་སྦྱོར་བའི་སྒོ་ནས་ཚིགས་སུ་བཅད་པའི་རིགས་རྣམས་རྒྱས་པར་སྟོན་པར་བྱེད་པ་སྟེ། ཚིགས་སུ་བཅད་པ་གང་ལའང་ལུང་ལས་འབྱུང་བའི་ཚིགས་སུ་བཅད་པ་དང་། བསྟན་བཅོས་ལས་འབྱུང་བའི་ཚིགས་སུ་བཅད་པ་གཉིས་སོ། །
དང་པོ་ནི་མངོན་པ་ཀུན་ལས་བཏུས་པར། ཚིགས་སུ་བཅད་པ་རྐང་པ་གཉིས་པ་ནས་དྲུག་པའི་བར་དུ་ཡོད་པར་གསུངས་པ་དང་། རྗེ་ངོར་ཆེན་ཐམས་ཅད་མཁྱེན་པས། ལུང་ལས་ཚིགས་བཅད་རྐང་པ་གཉིས་པ་ནས། །བརྩམས་ཏེ་དྲུག་པའི་བར་དུ་གསུངས་པས་ན། །དེ་དང་མཐུན་པའི་ཚིགས་སུ་
བཅད་པ་བགྲང་། །ཞེས་གསུངས་ཏེ། དེའང་རྐང་པ་གཉིས་པ་ནི། བྲམ་ཟེ་ཆུ་ལ་ཇི་ཙམ་ཞིག །ཅེས་ཚིག་རྐང་པ་གཅིག་གིས་དྲིས་པ་ལ། མི་ཡི་བདག་པོ་པུས་ནུབ་ཙམ། །ཞེས་ཚིག་རྐང་གཅིག་གིས་ལན་བཏབ་པས་ཚིགས་སུ་བཅད་པ་རྫོགས་པ་ལྟ་བུ་སྟེ། དེས་མཚོན་ཏེ་ལུང་རྣམས་
ལས་མང་དུ་འབྱུང་བ་ལྟ་བུའོ། །གཉིས་པ་ནི་སྙན་དངགས་མེ་ལོང་དུ། ཚིགས་བཅད་རྐང་བཞི་དེ་ཡང་ནི། །བྲྀཏྟ་ཛཱ་ཏི་ཞེས་རྣམ་གཉིས། །དེ་ཡི་སྤྲོས་པ་མཐའ་དག་ནི། །སྡེབ་སྦྱོར་གཞུང་དུ་ངེས་པར་བསྟན། །རིགས་དེ་སྙན་དངགས་རྒྱ་མཚོ་ནི། །ཟབ་མོ་བརྒལ་འདོད་རྣམས་ཀྱི་གྲུ། །ཞེས་
འབྱུང་བ་བཞིན་དུ་སྡེབ་སྦྱོར་གྱི་བསྟན་བཅོས་རྣམས་ལས་ཚིགས་སུ་བཅད་པ་རེ་ལ་རྐང་པ་བཞི་བཞི་བསྒྲིགས་པའི་ཚིགས་སུ་བཅད་པ་བྱ་བ་ཡིན་ཏེ། དེ་ལའང་ཡི་གེ་བགྲང་བ་དང་ཕྱི་མོ་བགྲང་བའི་བྱེ་བྲག་གིས་བྲྀཏྟའི་སྡེབ་སྦྱོར་དང་། ཛཱ་ཏིའི་སྡེབ་སྦྱོར་གཉིས་སུ་དབྱེའོ། ། བྲྀཏྟའི་སྡེབ་སྦྱོར་ལ་ 
མཉམ་པ་དང་། ཕྱེད་མཉམ་པ་དང་། མི་མཉམ་པའི་བྲྀཏྟ་ཞེས་བྱ་བ་སྟེ་གསུམ་མོ། །ཛཱ་ཏིའི་སྡེབ་སྦྱོར་ལའང་འཕགས་མའི་ཛཱ་ཏི་དང་། རོ་ལངས་ཅན་གྱི་ཛཱ་ཏི་དང་། ཕྱི་མོ་མཉམ་པའི་ཛཱ་ཏི་སྟེ། དེ་དག་གི་དབྱེ་བ་སྟོན་པའི་བསྟན་བཅོས་ནི། མདོར་བསྡུས་ཚིགས་བཅད་གསལ་བ་དང་། །མདོ་ཉིད་

213-1-136b

དཔེར་བརྗོད་གྱུར་བ་དང་། །མ་འདྲེས་རིམ་ཅན་འདོན་སླ་དང་། །སྡོད་དང་ཚོགས་དང་ཡོན་ཏན་བརྒྱད། །ཅེས་པའི་ཡོན་ཏན་བརྒྱད་ཀྱིས་གཞན་ལས་ཁྱད་པར་དུ་གྱུར་པའི་རིན་ཆེན་འབྱུང་གནས་ལྟ་བུའོ། །སྙན་དངགས་ཀྱི་བསྟན་བཅོས་ནི། ལུས་བཤད་པ་དང་། རྒྱན་བཤད་པ་དང་། སྐྱོན་སེལ་བ་བཤད་པ་སྟེ་གསུམ་
གྱི་ལུས་ལ་ཚིགས་སུ་བཅད་པ་དང་། ལྷུག་པ་དང་། སྤེལ་མ་སྟེ་གསུམ་མོ། །རྒྱན་ལ་ཐུན་མོང་མ་ཡིན་པའི་རྒྱན་གྱི་འདོད་པ་རྣམ་པར་དབྱེ་བ་དང་། ཐུན་མོང་བ་དོན་རྒྱན་སུམ་ཅུ་རྩ་ལྔ་དང་། སྒྲ་རྒྱན་བྱ་སླ་བྱ་དཀའ་ལ་སོགས་པ་དང་། གབ་ཞིག་གི་རྒྱན་དང་། དེ་དག་གི་རྣམ་འགྱུར་རྣམས་སོ། །སྐྱོན་
སེལ་བ་ནི། དོན་ཉམས་དོན་འགལ་དོན་གཅིག་པ། །ཐེ་ཚོམ་ཅན་དང་རིམ་པ་ཉམས། །སྒྲ་དམན་གཅོད་མཚམས་ཉམས་པ་དང་། །སྡེབ་སྦྱོར་ཉམས་དང་མཚམས་སྦྱོར་བྲལ། །ཡུལ་དུས་སྒྱུ་ཙལ་འཇིག་རྟེན་དང་། །ལུང་རིགས་དག་དང་འགལ་བ་སྟེ། །སྐྱོན་བཅུ་དེ་དག་སྙན་དངགས་ལ། །སྙན་
དངགས་མཁན་གྱིས་རྣམ་པར་སྤང་། །ཞེས་པའི་སྐྱོན་རྣམ་པ་བཅུ་སེལ་བ་ལ་སོགས་པ་སྔོན་གྱི་སྙན་དངགས་ཀྱི་གཞུང་རྣམས་ལས་ཕུལ་དུ་བྱུང་བ་སློབ་དཔོན་དབྱུག་པ་ཅན་གྱིས་མཛད་པའི་སྙན་དངགས་མེ་ལོང་ཞེས་བྱ་བའི་བསྟན་བཅོས་ལ་སོགས་པ་ལྟ་བུའོ། །མངོན་བརྗོད་ཀྱི་བསྟན་བཅོས་ནི། །འདོད་
འཇོའི་བ་མོར། མཐོ་རིས་མཁའ་དང་ཕྱོགས་དུས་བློ། །སྒྲ་སོགས་གར་དང་བཅས་པ་དང་། །ས་འོག་གདེངས་ཅན་དམྱལ་བ་ཆུ། །དེ་རྣམས་ཀྱི་ནི་ཚིགས་བཅས་བཤད། །ཅེས་དང་། ས་ཡི་སྡེ་ཚན་གྲོང་ཁྱེར་དང་། །རི་བོ་དང་ནི་ནགས་ཚལ་དང་། །སྨན་དང་རི་དྭགས་ལ་སོགས་དང་། །མི་དང་
བྲམ་ཟེ་རྒྱལ་རིགས་དང་། །རྗེའུ་རིགས་དམངས་རིགས་ཡན་ལག་བཅས། །ཉེ་བའི་ཡན་ལག་བཅས་འདིར་བརྗོད། །ཅེས་པ་སྡེ་ཚན་དུ་བཅད་དེ། དེ་དག་གི་དོན་རེ་རེ་ལའང་མིང་གི་རྣམ་གྲངས་མང་པོ་འབྱུང་བ་སྟོན་པ། དཔེར་ན་འཆི་མེད་སེང་གེས། ཉི་མ་འོད་འགྱེད་བསྟན་བྱ་དང་། །མི་སྦྱིན་སྐྱེས་
དང་བཅུ་གཉིས་བདག །ཉིན་བྱེད་འོད་བྱེད་སྣང་བྱེད་དང་། །རབ་ཏུ་གསལ་བྱེད་རྣམ་གསལ་བྱེད། །འོད་ཟེར་མིག་གཟུགས་རྟ་བདུན་པ། །རྟ་ལྗང་དང་ནི་ཚ་ཟེར་ཅན། །རྣམ་འགྱུར་མཆོད་འོས་མ་ཟླུམས་དང་། །ཆར་འབེབས་འོད་འགྲོ་གསོ་བྱེད་དང་། །ནམ་མཁའི་ནོར་བུ་སྒྲོལ་བྱེད་

213-1-137a

བཤེས། །སྣ་ཚོགས་འོད་ཟེར་འོད་སྣང་བྱེད། །འོད་ཀྱི་ནོར་ཅན་གཟའ་ཡི་བདག །འོད་ཟེར་{བདག་}པོ་སྣང་བྱེད་བདག །འོད་ཅན་འཇོམས་བྱེད་འོད་སྟོང་བ། །གདུང་བ་འོད་འབྱིན་འོད་ཟེར་གཟུང་། །ཞེས་པ་ཉི་མ་གཅིག་པུའི་མིང་ལ་རྣམ་གྲངས་སུམ་ཅུ་རྩ་བདུན་འབྱུང་བ་
དང་། མིང་གཅིག་ཉིད་དོན་མང་པོ་ལ་འཇུག་པ། དཔེར་ན་ཀླུ་སྒྲུབ་ཞབས་ཀྱིས། ངག་ཕྱོགས་ས་དང་འོད་ཟེར་དང་། །ཕྱུགས་དང་མིག་དང་རྡོ་རྗེ་དང་། །མཐོ་རིས་ཆུ་སྟེ་དོན་དགུ་ལ། །མཁས་པས་གོ་སྒྲ་ངེས་པར་བཟུང་། །ཞེས་པ་གོའི་སྒྲ་ལྟ་བུའི་མིང་གཅིག་ཉིད་ལའང་དོན་དགུ་ལ་འཇུག་པར་སྟོན་པ་སྟེ།
དེ་དག་སྟོན་པའི་བསྟན་བཅོས་ཨ་མ་ར་ཀོ་ཥ་དང་། དེའི་འགྲེལ་པ་འདོད་འཇོའི་བ་མོ་དང་། མུ་ཏིག་ཕྲེང་བ་ལ་སོགས་པ་ལྟ་བུའོ། །ཟློས་གར་གྱི་བསྟན་བཅོས་ནི། སྔོན་བྱུང་གི་གཏམ་ལྟ་བུའི་གཟུགས་སུ་བྱས་ཏེ་སྐད་རིགས་སོ་སོའི་རྗོད་བྱེད་རྣམས་ཉེ་བར་དྲངས་པའི་གླུ་ཟློས་ཤིང་གར་བྱེད་པ་ལ། ལུས་ཀྱི་
རྣམ་འགྱུར་རྣམ་པ་སྣ་ཚོགས་པ་དང་། དབྱངས་ཀྱི་བྱེ་བྲག་ཐ་དད་པ་རྣམས་དང་། ལྷའི་རྗེས་སུ་སྐྱེས་པ་དང་། དྲང་སྲོང་གི་རྗེས་སུ་སྐྱེས་པ་དང་། བློ་གསལ་གྱི་རྗེས་སུ་སྐྱེས་པ་ལ་སོགས་པ་དང་། འདྲེན་པ་དང་། དཀྱུས་གཅིག་ཏུ་སྦྱར་བ་དང་། དཀྱུས་གཉིས་པ་དང་ཕྱེད་ཕྱི་མ་ལ་སོགས་པའི་མཚན་
ཉིད་རྣམས་དང་ལྡན་ཞིང་རྗོད་བྱེད་ཀྱི་ཚིག་ཕལ་ཆེར་སཾ་སྐྲྀ་ཏའི་སྐད་དང་། པྲ་ཀྲྀ་ཏའི་སྐད་དང་། ཨ་བ་བྷྲཾ་ཤའི་སྐད་དང་། པི་ཤཱ་ཙིའི་སྐད་ཀྱིས་གླུར་ཚིགས་སུ་བཅད་པ་དང་། ལྷུག་པ་དང་། སྤེལ་མ་རྣམས་རོལ་མོ་དང་བསྡེབས་ནས་བསྒྱུར་བ་སྟེ། དེ་ཡང་ལྷ་དང་། ཀླུ་དང་། དྲི་ཟ་དང་། ལྷ་མ་ཡིན་དང་།
ནམ་མཁའ་ལྡིང་དང་། གནོད་སྦྱིན་དང་། མི་དང་མི་མ་ཡིན་པ་རྣམས་ཀྱི་གར་དང་སྐད་རིགས་སོ་སོའི་གླུའི་ཁྱད་པར་རྣམ་པ་བདུན་སྟེ། ཇི་སྐད་དུ། རྩེད་མོ་རློམ་པར་བླང་བ་ནི། །ལྔ་པ་དང་ནི་བར་མའི་དབྱངས། །དཔའ་བོ་དྲག་པོ་ངོ་མཚར་དུ། །དྲུག་སྐྱེས་ཁྱུ་མཆོག་དེ་བཞིན་ནོ། །ས་འཛིན་པ་དང་འཁོར་
ཉན་དབྱངས། །སྙིང་རྗེའི་རོ་ལ་བླང་བར་བྱ། །འཐབ་མོ་འཇིགས་དང་བཅས་པ་ལ། །བློ་གསལ་དབྱངས་ནི་བླང་བར་བྱ། །ཞེས་པ་ལྟར་སྟོན་པའི་གཞུང་ནི། བྷ་ར་ཏ་དང་། རྒྱལ་པོ་སྤྲིན་གྱི་བཞོན་པས་ཀླུའི་སྲོག་བསྐྱབས་པའི་སྐྱེས་རབས་ཀླུ་ཀུན་དུ་དགའ་བའི་ཟློས་གར་དགའ་བའི་ལྷས་མཛད་པ་དང་།

213-1-137b

གཙུག་གི་ནོར་བུའི་བར་བཏང་ནས་བྲམ་ཟེའི་དབུལ་བ་བསལ་བའི་ཕྱིར་རང་ཉིད་ཆོང་དུ་བཅུག་སྟེ་དགྲ་ལ་སྟེར་དུ་བཅུག་པས་ཐམས་ཅད་བཏུལ་བའི་སྐྱེས་རབས་འཇིག་རྟེན་ཀུན་དུ་དགའ་བའི་ཟློས་གར་ཙནྡྲ་གོ་མིས་མཛད་པ་ལྟ་བུའོ། །སྐར་རྩིས་ཀྱི་རིག་པ་ནི། ཕྱི་ནང་གཞན་གསུམ་སྟོན་པ་དཔལ་ལྡན་
དུས་ཀྱི་འཁོར་ལོའི་རྒྱུད་ལས་བཤད་པའི་ཕྱི་དུས་ཀྱི་འཁོར་ལོའི་རྩིས་ཀྱི་རིག་པ་སྟེ། ཨངྒིའི་གྲངས་ཀྱི་རི་མོ་འདྲི་བ་དང་། དབྲི་བ་དང་བསྣན་པ་དང་བསྒྱུར་བ་དང་བགོད་པ་སྟེ་ཡི་གེའི་ཡན་ལག་ལྔ་དང་། གཟའ་དང་། ཚེས་དང་། སྐར་མ་དང་། སྦྱོར་བ་དང་། བྱེད་པ་སྟེ་རྩིས་ཀྱི་ཡན་ལག་ལྔ་དང་། གཟའ་ལྔ་
དང་། ཁྱིམ་དང་། ལོངས་སྤྱོད་དང་། སྒྲ་གཅན་དང་། དུས་མེ་དང་། ཉི་ཟླ་འཛིན་པའི་རྩིས་དང་། ཉི་ལྡོག་ལ་སོགས་པ་དང་། དུས་སྦྱོར་དང་། ཞག་གསུམ་གྱི་རྣམ་པར་དབྱེ་བ་དང་། དེ་དག་གི་དགེ་དང་མི་དགེའི་འབྲས་བུ་བརྟག་པ་ལ་སོགས་པ་སྟེ། དེ་དག་སྟོན་པར་བྱེད་པའི་བསྟན་བཅོས་ནི་ཕྱི་དུས་ཀྱི་
འཁོར་ལོའི་རྒྱུད་ཀྱི་འགྲེལ་པ་རྣམས་ལས་འབྱུང་བ་ལྟ་བུ་དང་། འཕགས་པ་སྤྱན་རས་གཟིགས་དབང་ཕྱུག་བཅོམ་ལྡན་འདས་ཐལ་བའི་དབང་པོའི་སྐུར་བཞེངས་ནས། ལྷ་མོ་ཨུ་མ་དང་ཞུ་བ་དང་ལན་གྱི་ཚུལ་དུ་ཕྱི་རོལ་པའི་ལུགས་སུ་གསུངས་པའི་དཔལ་གཡུལ་ལས་རྣམ་པར་རྒྱལ་བ་ཞེས་བྱ་བའི་རྒྱུད་
ཀྱི་རྒྱལ་པོ་དབྱངས་འཆར་བ་ལྟ་བུའོ། །གཞན་ཡང་བརྩི་བར་བྱ་བ་དུས་ཀྱི་ཚད་བརྩི་བ་དང་། གཟུགས་ཅན་གྱི་ཚད་འཇལ་བ་གཉིས་ལས། དང་པོ་ནི་སེམས་ཀྱི་རྣམ་པར་རྟོག་པའི་སྐད་ཅིག་མ་གཅིག་ལ་དུས་མཐའི་སྐད་ཅིག་མའོ། །དེ་བརྒྱ་ཉི་ཤུ་ལ་བྱ་རྫོགས་ཀྱི་སྐད་ཅིག་མའོ། །དེ་དྲུག་ཅུ་ལ་
ཐང་གཅིག་གོ། །དེ་སུམ་ཅུ་ལ་ཡུད་ཙམ་མོ། །དེ་སུམ་ཅུ་ལ་ཉིན་ཞག་གོ། །དེ་སུམ་ཅུ་ལ་ཟླ་བའོ། །ཟླ་བ་གཉིས་ལ་དུས་གཅིག་གོ། །དེ་གསུམ་མམ་ཟླ་བ་དྲུག་ལ་བགྲོད་པ་གཅིག་གོ། །བགྲོད་པ་གཉིས་སམ་ཟླ་བ་བཅུ་གཉིས་ལ་ལོ་སྟེ། །མཛོད་ལས། སྐད་ཅིག་མ་བརྒྱ་ཉི་ཤུ་ལ། །དེ་ཡི་
སྐད་ཅིག་དེ་དག་ཀྱང་། །དྲུག་ཅུ་ལ་ནི་ཐང་གཅིག་གོ། །ཡུད་ཙམ་ཉིན་ཞག་ཟླ་བ་རྣམས། །གོང་ནས་གོང་དུ་སུམ་ཅུར་འགྱུར། །ཞག་གི་ཐུན་དང་བཅས་པ་ཡི། །ཟླ་བ་བཅུ་གཉིས་ལ་ནི་ལོ། །ཞེས་སོ། །གཉིས་པ་ནི་རྗེས་ཀྱི་རྡུལ་ཕྲ་རབ་བདུན་ལ་རྡུལ་ཕྲན་གཅིག་གོ། །དེ་འདུན་ལ་ལྕགས་

213-1-138a

རྡུལ་ལོ། །དེ་བཞིན་དུ་བདུན་འགྱུར་གྱིས་བསྒྲེ་བའི་ཆུ་རྡུལ་དང་། རི་བོང་གི་རྡུལ་དང་། ལུག་རྡུལ་དང་། གླང་རྡུལ་དང་། ཉི་ཟེར་རྡུལ་དང་། སྲོ་མ་དང་། ཤིག་དང་། ནས་དང་། སོར་མོ་དང་། སོར་མོ་ཉི་ཤུ་བཞི་ལ་ནི་ཁྲུ་གང་ངོ་། །ཁྲུ་བཞི་ལ་ནི་གཞུ་འདོམ་གང་ངོ་། །
དེ་ལྔ་བརྒྱ་ལ་ནི་རྒྱང་གྲགས་གཅིག་གམ་དགོན་པའོ། །དེ་བརྒྱད་ལ་དཔག་ཚད་གཅིག་གོ། །དེས་འཇིག་རྟེན་གྱི་ཁམས་ཀྱི་ཚད་ཐམས་ཅད་འཇལ་བར་བྱེད་དེ། མཛོད་ལས། ཕྲ་རབ་རྡུལ་དང་ནི། རྡུལ་ཕྲན་དང་ནི་དེ་བཞིན་དུ། །ལྕགས་ཆུ་རི་བོང་ལུག་དང་གླང་། །ཉི་ཟེར་རྡུལ་དང་སྲོ་མ་དང་། །དེ་ལས་
བྱུང་དང་དེ་བཞིན་དུ། །སོར་ཚིགས་ཞེས་བྱ་གོང་བདུན་བསྒྱུར། །སོར་མོ་ཉི་ཤུ་བཞི་ལ་ཁྲུ། །ཁྲི་བཞི་ལ་ནི་གཞུ་གང་ངོ་། །དེ་དག་ལྔ་བརྒྱ་རྣམས་ལ་ནི། །རྒྱང་གྲགས་དེ་ལ་དགོན་པར་འདོད། །དེ་བརྒྱད་དཔག་ཚད་ཅེས་བྱའོ། །ཞེས་སོ། །ཡང་ན་རྒྱ་དཔངས་ཀྱི་ཚད་འཇལ་བར་བྱེད་པ་ལ་སོར་མོ་དང་།
ལྕི་ཚད་འཇལ་བར་བྱེད་པ་ལ་སྲང་དང་། བོངས་ཚད་འཇལ་བ་ལ་བྲེ་ཉིད་ཡིན་ཏེ། འཆི་མེད་མཛོད་ལས། འཇལ་བྱེད་སྲང་དང་སོར་དང་བྲེ། །མ་རུ་ལྔ་སོགས་མ་ཤ་ཀ །དེ་དག་དྲུག་ཅུ་ཞོ་ཡིན་ཏེ། །ཞོ་བཞི་ལ་ནི་སྲང་གང་ངོ་། །ཞེས་གསུངས་པ་ལྟ་བུའོ། །རྩི་བྱེད་གྲངས་ཀྱི་གནས་གཞན་
ནི་མཛོད་ཀྱི་རང་འགྲེལ་ལ་སོགས་པ་ནས་འབྱུང་བ་ཚིགས་སུ་བཅད་པར་བསྡེབས་པ་རྐྱང་པ་དང་ཁུག་པ་གཉིས་ཀྱི་དང་པོ་ནི། གཅིག་བཅུ་བརྒྱ་སྟོང་ཁྲི་འབུམ་དང་། །ས་ཡ་བྱེ་བ་དུང་ཕྱུར་རྣམས། །རྐྱང་པའི་གྲངས་སུ་ཤེས་པར་བྱ། །ཞེས་པ་ལྟར་རོ། །གཉིས་པ་ཁུག་པ་ནི་གནས་འདི་ལ་
ཡང་ནང་གསེས་སུ་དབྱེ་ན་གསུམ་དུ་འགྱུར་ཏེ། ཐེར་འབུམ་ཁྲག་ཁྲིག་རབ་བཀྲམ་དང་། གཏམ་དཀྲིགས་མི་འཁྲུགས་ཁྱད་འབྱིན་དང་། །སྤང་རྟེན་དེད་འདྲེན་ཞེས་བྱ་བ་འདི་ཡན་ཆད་ཀྱི་གནས་དགུ་ལ། །ཐེར་འབུམ་བཅུ་ལ་ཐེར་འབུམ་ཆེན་པོ་ལ་སོགས་པ་སྦྱར་བའི་བཅོ་བརྒྱད་ལ་ནི་ཁུག་པ་
དང་པོ་ཞེས་བྱའོ། །དེའི་རྗེས་སུ་མཐའ་སྣང་དང་། རྒྱུ་རིགས་འོད་མཛེས་དབང་པོ་དང་། །ལེགས་འབྱིན་རྟོགས་འགྲོ་འབྱིན་རྡུལ་དང་། །བརྒྱ་རྟགས་སྟོབས་འཁོར་ཞེས་བྱ་བ། །འདི་ཡན་ཆད་ཀྱི་གནས་དགུ་ལ་སྔ་མ་བཞིན་དུ་ཆེན་པོ་དང་བཅས་པའི་བཅོ་བརྒྱད་ལ་ཁུག་པ་གཉིས་པ་ཞེས་བྱའོ། །

213-1-138b

དེའི་རྗེས་སུ་བརྡ་ཤེས་དང་། རྣམ་བྱུང་སྟོབས་མིག་ཅེས་བྱ་བ་འདི་ཡན་ཆད་ཀྱི་གནས་གསུམ་པོ་ལ་ཆེན་པོ་དང་བཅས་པའི་དྲུག་འབྱུང་བ་ལ་ཁུག་པ་གསུམ་པ་ཞེས་བྱའོ། །དེ་ལྟར་ན་ཁུག་པ་གཉིས་པ་ཡན་ཆད་ལ་ཆེན་པོ་དང་བཅས་པའི་གནས་སོ་དྲུག་དང་། ཐ་མའི་དྲུག་དང་བཅས་པའི་ཞེ་གཉིས་དང་། རྐྱང་པའི་
གནས་དགུ་དང་བཅས་པའི་ལྔ་བཅུ་རྩ་གཅིག་གོ། །དེ་ལ་གནས་དྲུག་ཅུའི་དབང་དུ་བགྱིས་ན་གནས་བརྒྱད་ཐ་མ་དང་བཅས་པའི་མ་ཚང་བར། བྱམས་པ་སྙིང་རྗེ་དགའ་བ་དང་། བཏང་སྙོམས་རྣམས་ཞེས་པ་ཆེན་པོ་དང་བཅས་པའི་བརྒྱད་ཁུག་པ་གསུམ་པར་བསྟན་པས་གྲངས་ཀྱི་གནས་བཅུ་བཞི་སྟེ་ཐམས་
ཅད་བསྡོམས་པའི་ལྔ་བཅུ་རྩ་དགུ་ནི་གྲངས་ཀྱི་མིང་དུ་བཏགས་ལ། དྲུག་ཅུ་པ་ནི་དེ་ལྟ་བུའི་མིང་ལས་འདས་པས་གྲངས་མེད་པ་ཞེས་བྱའོ། །ཡང་ན་གོང་གི་སྟོབས་མིག་ཅེས་པའི་རྗེས་སུ་ཉལ་ཉུལ་དང་། ཝལ་ཝོལ་ཁྱད་ཁྱུད་ཕྱད་ཕྱིན་རྣམས། །ཆེན་པོར་བཅས་ཏེ་བགྲང་བར་བྱ། །གྲངས་མེད་པ་ནི་ཐ་
མ་ཡིན། །ཞེས་བྱ་བའང་བཤད་དོ། །བཞི་པ་ལོག་པར་རྟོག་པ་ཚར་གཅོད་པར་བྱེད་པའི་རིག་པའི་གནས་གཉིས་པ་དོན་གྱི་འགལ་འབྲེལ་གཅོད་པར་བྱེད་པའི་རིག་གནས་བཞི་པ་རྒྱུ་རིག་པའམ་རྟོག་གེ་རིག་པའམ་གཏན་ཚིགས་རིག་པ་ལ་འདུག་པའི་དགོས་པ་དང་། དེ་སྟོན་པའི་བསྟན་
བཅོས་ཀྱི་རང་བཞིན་བསྟན་པའོ། །དང་པོ་ནི་རྣམ་པ་ཐམས་ཅད་མཁྱེན་པའི་གོ་འཕང་དོན་དུ་གཉེར་བའི་བྱང་ཆུབ་སེམས་དཔའ་རྣམས་ཀྱིས་གནས་སྐབས་སུ་རིགས་པ་དང་མི་རིགས་པར་སྨྲ་བ་ཐམས་ཅད་ཀྱི་དབྱེ་བ་རྣམ་པར་ཕྱེད་ཅིང་། མུ་སྟེགས་པའི་འདོད་པ་སྙིང་པོས་དབེན་པ་ལ་ཡང་དག་པ་
ཉིད་དུ་མངོན་པར་ཞེན་ཅིང་འཇུག་པ་རྣམས་ཚར་གཅོད་པའི་ཕྱིར་དང་། མུ་སྟེགས་ཅན་ལ་སོགས་པ་རྒྱུ་རིག་པ་ཤེས་པར་རློམ་པ་རྣམས་ཚར་གཅད་པ་དང་། བསྟན་པ་ལ་མི་དད་པ་རྣམས་དད་པར་བྱ་བ་དང་། དད་པ་རྣམས་ཀྱི་དད་པའི་དབང་པོ་ཕྱིར་ཞིང་འཕེལ་བར་བྱ་བ་དང་། དེ་བཞིན་གཤེགས་པའི་
ཆོས་རྣམས་ཀྱི་མཚན་ཉིད་གཞན་དུ་མཆི་ན་དེ་དག་གི་འགལ་འབྲེལ་རྣམ་པར་དཔྱོད་པ་དང་། མཐར་ཐུག་སྟོན་པ་ཚད་མར་གྱུར་པའི་གོ་འཕང་གི་རྒྱུར་འགྱུར་པ་དང་། དེ་ཉིད་མངོན་དུ་བྱས་ནས་ཀྱང་ཚད་མར་གྱུར་པའི་ཆོས་ཀྱི་སྣང་བ་ཆེན་པོས་གདུལ་བྱར་གྱུར་པ་རྣམས་ཀྱི་མ་རྟོགས་པ་དང་ལོག་པར་

213-1-139a

རྟོགས་པ་དང་། ཐེ་ཚོམ་གྱི་དྲ་བ་མ་ལུས་པ་གཅོད་པར་བྱེད་པ་ལ་གཞན་དྲིང་མི་འཇོག་པར་འགྱུར་པའི་དགོས་པ་དམ་པས་ཡིད་ཉེ་བར་དྲངས་ཏེ་ཚུལ་འདི་ལ་འཇུག་པར་རིགས་སོ། །དེ་ལྟར་ཡང་རྒྱུན་གྱི་འགྲེལ་བཤད་ལས། རྒྱུ་རིག་པ་བྱང་ཆུབ་སེམས་དཔའ་འཚོལ་བར་
བྱེད་དེ། འདི་ལྟར་ལེགས་པར་སྨྲས་པ་དང་ཉེས་པར་སྨྲས་པ་རྣམས་ཀྱི་དོན་ཕྱིན་ཅི་མ་ལོག་པར་ཤེས་པར་བྱ་བ་དང་། རྒྱུ་རིག་པའི་གཙུག་ལག་ཤེས་པར་རློམ་པའི་མུ་སྟེགས་པ་དག་ཚར་གཅད་པ་དང་། བསྟན་པ་འདི་ལ་མ་དད་པ་རྣམས་དད་པར་སྐྱེད་པ་དང་། དད་པ་སྐྱེད་པ་རྣམས་ཀྱི་དད་པ་
ཕྱིར་ཞིང་འཕེལ་བར་བྱ་བའི་ཕྱིར་བརྩོན་པར་བྱེད་དོ་ཞེས་དང་། ཐབས་ལ་མཁས་པ་སངས་རྒྱས་ཀྱི་དྲིན་ལན་བསབས་པ་ཞེས་བྱ་བ་ཐེག་པ་ཆེན་པོའི་མདོ་ལས་ཀྱང་། སེམས་ཅན་དད་པའི་སེམས་བསྐྱེད་པར་བྱ་བའི་ཕྱིར་རྒྱུ་རིག་པའི་བསྟན་བཅོས་སློབ་པར་བྱེད་དོ་ཞེས་དང་། ཚད་མ་ཀུན་
ལས་བཏུས་པ་ལས། ཚད་མ་དང་གཞལ་བྱ་ཉེ་བར་བརྗོད་པ་ཉིད་ཀྱིས་མུ་སྟེགས་པའི་འདོད་པ་སྙིང་པོས་དབེན་པའི་ཕྱིར། དེར་ཞེན་པ་རྣམས་ལྡོག་པའི་དོན་དུ་འདི་བརྩམས་པ་ཡིན་གྱིས། འདི་ཙམ་གྱིས་དེ་བཞིན་གཤེགས་པའི་བསྟན་པ་ལ་གཞུག་པའི་དོན་དུ་ནི་མ་ཡིན་ཏེ། དེའི་ཆོས་ནི་རྟོག་
གེའི་ཡུལ་མ་ཡིན་པའི་ཕྱིར་རོ། །ལྡོག་པ་ལ་ནི་སྟོན་པའི་ཆོས་ཉིད་ཐོས་ནས་འབད་པ་མེད་པར་འགྱུར་ཏེ་བར་དུ་མ་བསྐལ་བའི་ཕྱིར་རོ་ཞེས་བྱ་བ་དང་། ཡང་དེ་ཉིད་ལས། གང་ཞིག་རྟོག་གེའི་ལམ་ནས་ཆོས་ཉིད་ལ་ཁྲིད་ན། །ཐུབ་པའི་ཆོས་ལས་ཆེས་བསྲིངས་ཉམས་པར་བྱས་པ་ཡིན། །དེ་
ལྟ་ན་ཡང་དེ་བཞིན་གཤེགས་པའི་ཆོས་ཀྱི་མཚན་ཉིད་གཞན་དུ་འགྲོ་ན་དཔྱད་པར་རིགས་ཞེས་དང་། ཆོས་མངོན་པའི་མདོ་ལས། དགེ་སློང་དག་གམ་མཁས་རྣམས་ཀྱིས། །བསྲེགས་བཅད་བརྡར་བའི་གསེར་གཞིན་དུ། །ལེགས་པར་བརྟགས་ལ་ང་ཡི་བཀའ། །བླང་བར་བྱ་ཡིས་གུས་
ཕྱིན་མིན། །ཞེས་བྱ་བ་ལ་སོགས་པ་རྒྱ་ཆེར་གསུངས་པའི་ཕྱིར་རོ། །གཉིས་པ་ནི་སྟོན་པ་རྫོགས་པའི་སངས་རྒྱས་ཀྱིས་ལེགས་པར་གསུངས་པའི་བཀའ་གང་ལས་བརྩམས་ཏེ་རིགས་པར་སྨྲ་བའི་དབང་ཕྱུག་ཆེན་པོ་རྣམས་ཀྱིས་ལེགས་པར་བཀྲལ་བའི་བསྟན་བཅོས་ལ་མངོན་སུམ་དང་། རང་དོན་རྗེས་

213-1-139b

དཔག །གཞན་དོན་རྗེས་དཔག །གཞན་སེལ་དཔེ་དང་། ལྟག་ཆོད་བརྟག་པ་སྟེ་དྲུག་ཏུ་བསྡུས་ནས་སྟོན་པ་ཚད་མའི་མདོ་ལྟ་བུའམ། དེའི་དགོངས་འགྲེལ་རབ་ཏུ་བྱེད་པ་སྡེ་བདུན་ལྟ་བུའམ། བརྟག་པ་སྡེ་བདུན་ནམ། གྲུབ་པ་སྡེ་བརྒྱད་དམ། རྗེས་འབྲེལ་བདུན་ལ་སོགས་པའོ། །དེ་ལ་རབ་ཏུ་
བྱེད་པ་སྡེ་བདུན་ནི། གཙོ་བོ་ལུས་ལྟ་བུའི་བསྟན་བཅོས་གསུམ་དང་། གྱེས་པ་ཡན་ལག་དང་འདྲ་བའི་བསྟན་བཅོས་བཞིའོ། །དང་པོ་ལ་གང་ཟག་དབང་པོ་རྣོ་འབྲིང་རྟུལ་གསུམ་གྱིས་ཡང་དག་པའི་ཤེས་པ་བདེ་བླག་ཏུ་རྟོགས་པར་བྱེད་པའི་ཐབས་སྟོན་པའི་བསྟན་བཅོས་ནི་རིམ་པ་བཞིན་དུ་རིགས་
པའི་ཐིགས་པའི་རབ་ཏུ་བྱེད་པ་དང་། ཚད་མ་རྣམ་པར་ངེས་པ་དང་། རྒྱས་པའི་བསྟན་བཅོས་ཚད་མ་རྣམ་འགྲེལ་ཏེ་གསུམ་མོ། །དེའི་དང་པོ་ནི་དབང་པོ་རབ་མགོ་སྨོས་པ་ཙམ་གྱིས་དོན་རྟོགས་པའི་དབང་དུ་བྱས་ནས་རང་ལུགས་སྙིང་པོ་ཙམ་མ་གཏོགས་གཞན་སུན་འབྱིན་ལ་སོགས་པ་མེད་པའི་
རིགས་པའི་ཐིགས་པའི་རབ་ཏུ་བྱེད་པ་ལེའུ་གསུམ་པའི་བདག་ཉིད་ཅན་ཏེ། དེ་འདྲ་ལེའུ་དང་པོ་མངོན་གྱུར་རྟོགས་པར་བྱེད་པའི་ཐབས་ཏེ། དེ་ལའང་དབང་པོའི་ཤེས་པའམ་མངོན་སུམ་དང་། དེ་བཞིན་དུ་ཡིད་ཀྱི་ཤེས་པ་དང་། རང་རིག་པ་དང་། རྣལ་འབྱོར་པའི་ཤེས་པའམ་མངོན་སུམ་སྟེ་
བཞིའི་སྒོ་ནས་གཏན་ལ་འབེབས་ཤིང་། དེའི་ཡུལ་ནི་རང་གི་མཚན་ཉིད་དེ། ཇི་སྐད་དུ། ཡང་དག་པའི་ཤེས་པ་ནི་སྐྱེས་བུའི་དོན་ཐམས་ཅད་འགྲུབ་པའི་སྔོན་དུ་འགྲོ་བ་ཅན་ཡིན་པས་དེ་བསྟན་ཏོ། །ཡང་དག་པའི་ཤེས་པ་ནི་རྣམ་པ་གཉིས་ཏེ་ཞེས་སོགས་མངོན་སུམ་གྱི་ལེའུ་དང་། ལེའུ་
གཉིས་པ་ལྐོག་གྱུར་གྱི་འཇལ་བྱེད་སྒྲུབ་བྱེད་དང་དངོས་སྟོབས་རྗེས་དཔག་གི་རྟེན། འབྲས་བུའི་དང་རང་བཞིན་དང་མ་དམིགས་པའི་གཏན་ཚིགས་གསུམ་སྟེ། ཇི་སྐད་དུ། དེ་ལ་རང་གི་དོན་གྱི་རྗེས་སུ་དཔག་པར་བྱ་བ་ལ་ཚུལ་གསུམ་པའི་རྟགས་ལས་ཤེས་པ་གང་ཡིན་པའོ་ཞེས་སོགས་རང་གི་དོན་གྱི་
རྗེས་སུ་དཔག་པའི་ལེའུ་དང་། ལེའུ་གསུམ་པ་གཞན་རྗེས་སུ་འཛིན་པའི་ཡན་ལག་ལ་གཞན་གྱི་དོན་རྗེས་སུ་དཔག་པའི་རྟགས་བརྗོད་པ་སྟེ། རྒྱུ་ལ་འབྲས་བུ་བཏགས་པའི་ཕྱིར་རོ་ཞེས་སོགས་གཞན་དོན་རྗེས་སུ་དཔག་པའི་ལེའུ་རྣམས་སོ། །འབྲིང་རྣམ་པར་ངེས་པ་ལ་ཡང་ལེའུ་གསུམ་གྱི་
213-1-140a

བདག་ཉིད་ཅན་ཏེ། དེ་ཡང་ལེའུ་དང་པོས་དབང་མངོན་ཡིད་མངོན་རང་རིག་མངོན་སུམ་རྣལ་འབྱོར་མངོན་སུམ་རྣམས་སྟོན་པ་མངོན་སུམ་ལེའུ། གཉིས་པ་རང་དོན་ལེའུ། གསུམ་པ་གཞན་དོན་ལེའུ་རྣམས་སོ། །རྒྱས་པ་ཚད་མ་རྣམ་འགྲེལ་ལེའུ་བཞིའི་བདག་ཉིད། 
ལེའུ་དང་པོ་རང་གི་གཞལ་བྱ་རྟོགས་པར་བྱེད་པའི་ཐབས་ཀྱི་ནང་ནས་ལྐོག་གྱུར་རྟོགས་བྱེད་ཀྱི་རྟགས་ཡང་དག་གསུམ་གྱི་སྒོ་ནས་རྟགས་ཀྱི་མཚན་ཉིད་དང་། དེའི་ལྡོག་པ་གཏན་ཚིགས་ལྟར་སྣང་དང་བཅས་པའི་དོན་གཏན་ལ་འབེབས་པར་བྱེད་པ་ལ། ཕྱོགས་ཆོས་དེ་ཚོས་ཁྱབ་པ་ཡི། །གཏན་ཚིགས་
དེ་ནི་རྣམ་གསུམ་ཉིད། །ཅེས་སོགས་རང་དོན་གྱི་ལེའུ། ལེའུ་གཉིས་པ་སྟོན་པ་ཚད་མར་གྱུར་པ་གང་ལས་གཤེགས་པའི་ལམ་རྒྱས་པར་སྟོན་པར་བྱེད་པ་ལ། ཚད་མ་བསླུ་མེད་ཅན་ཤེས་པ། །དོན་བྱེད་ནུས་པར་གནས་པ་ནི། །ཞེས་སོགས་ཚད་མ་གྲུབ་པའི་ལེའུ་དང་། ལེའུ་གསུམ་པ་མངོན་
གྱུར་རྟོགས་པར་བྱེད་པའི་ཐབས་མངོན་སུམ་བཞི་གཏན་ལ་འབེབས་པར་བྱེད་པ་ལ། གཞལ་བྱ་གཉིས་ཕྱིར་ཚད་མ་གཉིས། །དོན་བྱེད་ནུས་དང་མི་ནུས་ཕྱིར། །ཞེས་བྱ་བ་ལ་སོགས་པས་མངོན་སུམ་ཀྱི་ལེའུ་དང་། ལེའུ་བཞི་པ་གཞན་རྗེས་སུ་འཛིན་པའི་ཡན་ལག་ལ། གཞན་དོན་རྗེས་སུ་
དཔག་པའི་མཚན་ཉིད་དང་། དེའི་དབྱེ་བ་དང་། དེ་ལ་ལོག་པར་རྟོགས་པ་སྤང་པའི་ཚུལ། བྱེ་བྲག་ཏུ་སོ་སོའི་སྒོ་ནས་རྒྱས་པར་སྟོན་པ། གཞན་ལ་བསྟན་པར་བྱ་ཉིད་ཕྱིར། །བདག་མཐོང་མིན་ཡང་གཞན་དག་གི། །ཞེས་སོགས་གཞན་དོན་ལེའུ་རྣམས་ཏེ་གསུམ་མོ། །གཉིས་པ་གྱེས་པ་ཡན་
ལག་ལྟ་བུའི་བསྟན་བཅོས་བཞི་ནི། མངོན་སུམ་ལེའུ་ལས་འཕྲོས་པ་ནི་མེད་ལ། རང་དོན་རྗེས་དཔག་ལས་འཕྲོས་ནས་ཕྱོགས་ཆོས་ཁྱབ་པ་སྤྱིར་གཏན་ལ་འབེབས་པ་གཏན་ཚིགས་ཐིགས་པ་དང་། རྟོགས་དཀའ་བ་ཁྱབ་པའམ་ལྷག་ཆོད་ཀྱི་འབྲེལ་པ་གཏན་ལ་འབེབས་པས་འབྲེལ་པ་གཏན་ལ་འབེབས་པས་འབྲེལ་པ་བརྟག་པ་སྟེ་
གཉིས་སོ། །གཞན་དོན་ལེའུ་ལས་འཕྲོས་ནས་དག་ལས་གཞན་བློ་རྟོགས་པ་ཐ་སྙད་དུ་སེམས་ཙམ་ལའང་མི་འགལ་བར་སྟོན་པ་བརྒྱུད་གཞན་གྲུབ་པ་དང་། རྒོལ་ཕྱིར་རྒོལ་རྩོད་པ་དང་། རྒྱལ་འཕམ་ཚར་བཅད་ཀྱི་གནས་སྟོན་པ་རྩོད་པའི་རིག་པའི་བསྟན་བཅོས་དང་གཉིས་ཏེ་བསྡོམས་པས་སྡེ་བདུན་

213-1-140b

རྩ་འགྲེལ་དང་བཅས་པ་ལྟ་བུའོ། །དེ་དག་ལ་སོགས་པའི་རྟོག་གེའི་བསྟན་བཅོས་རྣམས་བོད་དག་མངོན་པའི་སྡེ་སྣོད་དུ་སྨྲ་བ་ནི་མི་འཐད་དེ། རྟོག་གེ་ནི་གཏན་ཚིགས་རིག་པའི་བསྟན་བཅོས་ཡིན་ལ། མངོན་པ་ནི་ནང་རིག་པའི་བསྟན་བཅོས་ཡིན་པའི་ཕྱིར་རོ། །ཅིའི་ཕྱིར་ན། དེ་དག་ལུང་
ལ་མི་བརྟེན་པར་བཤད་པའི་ཕྱིར་ཏེ། མགོན་པོ་བྱམས་པས། རྟོག་གེ་བརྟན་ཅིང་མ་ངེས་ལ། །མ་ཁྱབ་ཀུན་རྫོབ་སྐྱོ་བ་ཅན། །བྱིས་པ་ལ་ནི་བརྟེན་པར་འདོད། །ཅེས་གསུངས་ཤིང་། མངོན་པ་ནི་ཆོས་ཐམས་ཅད་ཀྱི་མ་མོ་ཡིན་པའི་ཕྱིར་དེ་ལས་ལྡོག་པའི་ཁྱད་པར་མང་དུ་ཡོད་པའི་ཕྱིར་རོ། ། 
ལྔ་པ་རིག་པའི་གནས་ཐམས་ཅད་ཀྱི་གཙོ་བོའམ་ཕུལ་དུ་བྱུང་བ་ནི་འཕགས་པའི་ལམ་ཕྱིན་ཅི་མ་ལོག་པར་སྟོན་པར་བྱེད་པ་རིག་པའི་གནས་ལྔ་པ་ཀུན་ཤེས་པར་བྱེད་པ་རྒྱལ་བའི་བསྟན་པ་རིན་པོ་ཆེ་ནང་སྟོང་བའི་བསྟན་བཅོས་ལ། ནང་དོན་རིག་པ་ལ་འཇུག་པའི་དགོས་པ་དང་། དེ་སྟོན་པའི་བསྟན་
བཅོས་ཀྱི་རང་བཞིན་བསྟན་པའོ། །དང་པོ་ནི་རྣམ་པ་ཐམས་ཅད་མཁྱེན་པའི་གོ་འཕང་དོན་དུ་གཉེར་བའི་བྱང་ཆུབ་སེམས་དཔའ་རྣམས་ཀྱིས་གནས་སྐབས་སུ་བདག་ཉིད་ཐེག་པ་གསུམ་དུ་གཏོགས་པའི་འཕགས་པའི་ལམ་ཐམས་ཅད་དང་། དེ་དག་གི་དེ་ཁོ་ན་ཉིད་ཕྱིན་ཅི་མ་ལོག་པར་ཁོང་དུ་ཆུད་པར་བྱས་ནས་
ཐར་པ་ད་ཐམས་ཅད་མཁྱེན་པའི་གེགས་སུ་གྱུར་པའི་སྤང་བྱ་མ་ལུས་པ་སྤོང་བའི་གཉེན་པོ་ལ་ཤིན་ཏུ་མཁས་པར་བྱ་བ་དང་། གཞན་དག་ལའང་རྒྱ་ཆེར་ཡང་དག་པར་རབ་ཏུ་སྟོན་པ་ལ་ཤིན་ཏུ་མཁས་པར་བྱ་བ་དང་། མཐར་ཐུག་སྒྲིབ་གཉིས་བག་ཆགས་དང་བཅས་པ་ལས་ཤིན་ཏུ་འདས་པའི་ཆོས་ཀྱི་
རྒྱལ་པོ་ཆེན་པོའི་གོ་འཕང་རིན་པོ་ཆེ་མངོན་དུ་བྱ་བ་དང་། གང་མངོན་དུ་གྱུར་ནས་ཀྱང་ཐེག་པ་གསུམ་གྱི་རིགས་སུ་གཏོགས་པའི་གདུལ་བྱ་རྣམས་སོ་སོའི་ཁམས་དང་བསམ་པ་དང་བག་ལ་ཉལ་དང་རྗེས་སུ་འཚམ་པའི་ཆོས་ཀྱི་འཁོར་ལོ་བསྐོར་བ་ལ་དབང་བརྙེས་པ་དམ་པའི་ཕ་རོལ་དུ་སོན་པར་བྱ་བའི་དགོས་
པ་བླ་ན་མེད་པས་ཡིད་ཡོངས་སུ་དྲངས་ནས་ཚུལ་འདི་དག་ལ་འཇུག་པར་རིགས་སོ། །དེ་ལྟར་ཡང་རྒྱན་གྱི་འགྲེལ་བཤད་ལས། ནང་རིག་པ་བྱང་ཆུབ་སེམས་དཔའ་འཚོལ་བར་བྱེད་དོ། །ཅིའི་ཕྱིར་ཞེ་ན། བདག་ཉིད་ཀྱིས་འཕགས་པའི་ལམ་དང་། དེ་ཁོ་ན་ཉིད་ཕྱིན་ཅི་མ་ལོག་པར་ཤེས་པས་ཉོན་

213-1-141a

མོངས་པ་སྤང་བར་བྱ་བ་དང་། བྱས་པ་ཆུད་ཟོས་པ་དང་། མ་བྱས་པ་འོང་བ་མེད་པ་ཕྱིན་ཅི་མ་ལོག་པ་ཤེས་པར་བྱ་བ་དང་། གཞན་ལའང་མངོན་པར་རྒྱ་ཆེར་བསྟན་པའི་ཕྱིར་ཚོལ་བར་བྱེད་དོ་ཞེས་དང་། མདོ་ལས། སྡུག་བསྔལ་དག་ནི་ཐམས་ཅད་དང་། །སྒྲིབ་པ་ཀུན་སེལ་དམ་པའི་
ཆོས། ཞེས་བྱ་བ་ལ་སོགས་པ་རྒྱ་ཆེར་འབྱུང་ངོ་། །གཉིས་པ་དེ་སྟོན་པའི་བསྟན་བཅོས་ཀྱི་རང་བཞིན་བསྟན་པ་ལ་མཚན་ཉིད་ཐེག་པའི་དགོངས་པ་འགྲེལ་བའི་བསྟན་བཅོས་དང་། སྔགས་ཀྱི་ཐེག་པའི་དགོངས་པ་འགྲེལ་པའི་བསྟན་བཅོས་སོ། །དང་པོ་ལའང་བཀའ་དང་པོ་བདེན་བཞིའི་ཆོས་ཀྱི་འཁོར་ལོའི་དགོངས་
པ་འགྲེལ་པའི་བསྟན་བཅོས་དང་། བར་པ་མཚན་ཉིད་མེད་པའི་ཆོས་ཀྱི་འཁོར་ལོའི་དགོངས་པ་འགྲེལ་བའི་བསྟན་བཅོས་དང་། ཐ་མ་ལེགས་པར་རྣམ་པར་ཕྱེ་བའི་ཆོས་ཀྱི་འཁོར་ལོའི་དགོངས་པ་འགྲེལ་བའི་བསྟན་བཅོས་ཏེ་གསུམ་མོ། །དང་པོ་ལ་ལྟ་བའི་ཆགས་ལ་བར་བྱེད་པའི་བསྟན་བཅོས་དང་།
སྤྱོད་པའི་ཆགས་ལ་བར་བྱེད་པའི་བསྟན་བཅོས་གཉིས་ལས། དང་པོ་ལྟ་བའི་ཆགས་ལ་བར་བྱེད་པ་ནི་ཉན་ཐོས་པའི་ཐུན་མོང་མ་ཡིན་པའི་འདུལ་བ་མངོན་པ་སྡེ་བདུན་ཏེ། དེ་ཡང་ཇི་སྐད་དུ། ཆོས་ཀྱི་ཕུང་པོ་ཤཱ་རིའི་བུས། །གདགས་པའི་བསྟན་བཅོས་མོོ་དགའ་བུས། །ཁམས་ཀྱི་ཚོགས་ནི་གང་པོས་
བྱས། །རྣམ་ཤེས་ཚོགས་ནི་ལྷ་སྐྱིད་ཀྱིས། །ཡེ་ཤེས་ལ་འཇུག་ཀཏྱའི་བུས། །རབ་ཏུ་བྱེད་པ་དབྱིག་བཤེས་ཀྱིས། །ཡང་དག་འགྲོ་བའི་རྣམ་གྲངས་ནི། །གསུས་པོ་ཆེ་ཡིས་བྱས་ཞེས་གྲགས། ཞེས་པ་ལྟར་བདུན་ཏེ། འདི་དག་ནི་བྱེ་བྲག་ཏུ་སྨྲ་བ་རྣམས་ནི་བཀའ་ཡིན་པར་འདོད་དེ། རྒྱུ་མཚན་གང་གི་ཕྱིར་ན། བཅོམ་
ལྡན་འདས་ཀྱིས་ཡུལ་ཐ་དད་པ་དང་། དུས་ཐ་དད་པ་དང་། གང་ཟག་ཐ་དད་པ་དག་ཏུ་རང་དང་སྤྱིའི་མཚན་ཉིད་ཀྱི་ཆོས་འཐོར་བུའི་ཚུལ་དུ་གསུངས་པ་རྣམས་དགྲ་བཅོམ་པ་བདུན་གྱིས་བསྡུས་པ་ཡིན་ནོ། །གལ་ཏེ་དེ་ལྟར་མ་ཡིན་ན་བཀའ་ལ་སྡེ་སྣོད་གསུམ་མ་ཚང་བར་འགྱུར་བའི་སྐྱོན་ཡོད་དོ་ཞེས་ཟེར་རོ། །མདོ་སྡེ་པ་ཡན་
ཆད་ནི། བཅོམ་ལྡན་འདས་ཀྱི་བཀའ་གང་ལ་ནི་མངོན་པའི་སྡེ་སྣོད་མ་ཚང་བའི་སྐྱོན་ཡོད་པ་མ་ཡིན་ཏེ། ཅིའི་ཕྱིར་ཞེ་ན། མདོ་སྡེ་དང་འདུལ་བ་གཉིས་ཀའི་སྤྱི་ཁྱབ་ཏུ་བསྟན་པའམ་གསེབ་ཚགས་རྣམས་ནས་བསྟན་པའི་ཕྱིར་རོ། །དེས་ན་འདི་དག་ནི་བསྟན་བཅོས་ཡིན་ནོ་ཞེས་གསུང་ངོ་། །བདུན་པོ་དེ་

213-1-141b

དག་གི་དགོངས་པ་འགྲེལ་བར་བྱེད་པ་ནི་བྱང་ཕྱོགས་རི་བོ་འབིགས་བྱེད་གར་མཁན་གྱི་གཙུག་ལག་ཁང་ག་ལ་བ་དེར་འཕགས་པ་ཉེར་སྦས་ཀྱི་སློབ་མ་ཟླ་བ་ནོར་བུ་ཞེས་བྱ་བ་ལ་སོགས་པའི་དགྲ་བཅོམ་པའི་དགེ་འདུན་ལྔ་བརྒྱས་བསྟན་བཅོས་བྱེ་བྲག་ཏུ་བཤད་པའི་མཚོ་ཆེན་པོ་ཞེས་བྱ་བ་གཞུང་གི་ཚད་
ཤློ་ཀ་འབུམ་ཕྲག་གཅིག་ཡོད་པ་ཞིག་མཛད་དོ། །ཕྱིས་སློབ་དཔོན་དེ་རྣམས་ལས་རིམ་པར་བརྒྱུད་དེ། སློབ་དཔོན་དབྱིག་གཉེན་གྱིས་གསན་ནས། བསྟན་བཅོས་དེ་ཐམས་ཅད་ཀྱི་བརྗོད་པར་བྱ་བའི་སྙིང་པོ་མ་ལུས་པ་བསྡུས་ནས། ཐེག་པ་དམན་པའི་ལུགས་སུ། ཆོས་མངོན་པར་མཛོད་ཀྱི་ཚིག་
ལེའུར་བྱས་པ་ཞེས་བྱ་བ་གནས་བརྒྱད་དང་ལྡན་པའི་བདག་ཉིད་ཅན་གྱི་བསྟན་བཅོས་ཆེན་པོ་འདི་མཛད་དོ། །དེའང་འདིའི་བརྗོད་བྱའི་གནས་དང་པོས་ནི་ཤེས་པར་བྱ་བའི་གནས་ཐམས་ཅད་ཟག་པ་དང་བཅས་པ་དང་། ཟག་པ་མེད་པའི་ཆོས་ཀྱི་ཚོགས་གཉིས་སུ་བསྡུས་ཏེ་མདོར་བསྟན་ནས། ཡན་
ལག་རྒྱས་པར་བཤད་པ་འདུས་བྱས་ཀྱི་རྣམ་པར་གཞག་པ་དང་། ཕུང་པོ་དང་ཁམས་དང་སྐྱེ་མཆེད་རྣམས་ཀྱི་རྣམ་པར་གཞག་པ་སྤྱིར་བསྟན་ནས། ཆོས་ཐམས་ཅད་དེ་གསུམ་གྱིས་ཇི་ལྟར་བསྡུས་པའི་ཚུལ་དང་། ཁམས་ཀྱི་རྣམ་པའི་རབ་ཏུ་དབྱེ་བ་རྒྱས་པར་སྟོན་པ་ཁམས་བསྟན་པའི་མཛད་དོ། །གནས་
གཉིས་པས་ནི་དབང་པོ་རྣམས་ཀྱི་རང་བཞིན་དང་། འདུས་བྱས་ཀྱི་ཆོས་རྣམས་ཀྱི་སྐྱེ་བའི་ཚུལ་དང་། རྒྱུ་རྐྱེན་འབྲས་བུ་དང་བཅས་པ་སྟོན་པ་དབང་པོ་བསྟན་པའི་མཛོད་དོ། །གནས་གསུམ་པ་འབྲས་བུ་སྡུག་བསྔལ་གྱི་བདེན་པའི་སྣོད་ཀྱི་འཇིག་རྟེན་དང་། བཅུད་ཀྱི་སེམས་ཅན་དང་། འཕྲོ་
བའི་དབྱེ་བ་དང་། སྐྱེ་བའི་ཚུལ་གྱི་རྟེན་འབྲེལ་དང་། སྐྱེས་པ་གནས་པའི་རྐྱེན་དང་། གནས་པ་འཆི་འཕོ་བའི་སེམས་དང་། སེམས་ཅན་གྱི་ཚོགས་གསུམ་དུ་བསྡུ་བ་རྣམས་ཀྱི་སྒོ་ནས་བརྟེན་པ་སེམས་ཅན་གྱི་འཇིག་རྟེན་དང་། རྟེན་སྣོད་ཀྱི་འཇིག་རྟེན་དང་། དེ་དག་གི་ཚད་དང་འཇལ་བྱེད་ལ་སོགས་
པ་སྟོན་པ་འཇིག་རྟེན་བསྟན་པའི་མཛོད་དོ། །གནས་བཞི་པས་ནི་འཇིག་རྟེན་སྣ་ཚོགས་སུ་སྐྱེ་བའི་རྒྱུ་ཀུན་ནས་འབྱུང་བའི་བདེན་པ་གཏན་ལ་དབབ་པ་ལ་སོགས་པ་སྟོན་པ་ལས་བསྟན་པའི་མཛོད་དོ། །གནས་ལྔ་པ་ཀུན་ནས་འབྱུང་བའི་ལས་ཀྱི་འབྲས་བུ་འབྱིན་པར་བྱེད་པ་ནི་ཕྲ་རྒྱས་ལ་རག་ལས་སོ་

213-1-142a

ཞེས་ཤེས་པའི་ཆེད་དུ་དེ་དག་སྟོན་པ་ཕྲ་རྒྱས་བསྟན་པའི་མཛོད་དོ། །གནས་དྲུག་པས་ནི་ཀུན་ནས་འབྱུང་བའི་ལས་དང་ཉོན་མོངས་པ་དེ་དག་གྱི་རྒྱུན་འགོག་པར་བྱེད་པའི་གཉེན་པོ་ཉིད་ནི་ལམ་དང་གང་ཟག་ལ་རག་ལས་སོ་ཞེས་ཤེས་པའི་ཆེད་དུ་རྣམ་པར་
གྲོལ་བའི་ལམ་དང་གང་ཟག་བསྟན་པའི་མཛོད་དོ། །གནས་བདུན་པས་ནི་མཐོང་བ་དང་སྒོམ་པས་སྤང་བར་བྱ་བ་སྤངས་པའི་འབྲས་བུ་ཤེས་པ་རྣམ་པ་བཅུ་ཤེས་པ་དང་ལྡན་པ་དང་། འཐོབ་པ་དང་། སངས་རྒྱས་ཀྱི་ཐུན་མོང་མ་ཡིན་པའི་ཡོན་ཏན་བརྗོད་པ་ཡེ་ཤེས་བསྟན་པའི་མཛོད་དོ། །
གནས་བརྒྱད་པས་ནི། འཇིག་རྟེན་པ་དང་ཐུན་མོང་བའི་ཡོན་ཏན་བསམ་གཏན་དང་། གཟུགས་མེད་ཀྱི་ཏིང་ངེ་འཛིན་གྱི་དབྱེ་བ་བསྟན་པ་སྙོམས་པར་འཇུག་པ་བསྟན་པའི་མཛོད་དེ། འདི་ལ་སློབ་དཔོན་རང་ཉིད་ཀྱིས་མཛད་པའི་རང་འགྲེལ་དང་བཅས་པ་ལྟ་བུའོ། །གཉིས་པ་སྤྱོད་པའི་ཆ་
གསལ་བར་བྱེད་པ་ནི། འདི་ལྟར། རབ་བྱུང་གསོ་སྦྱོང་གཞི་དང་ནི། །དགག་དབྱེ་དབྱར་དང་ཀོ་པགས་དང་། །སྨན་དང་གོས་དང་སྲ་བརྐྱང་དང་། །ཀོ་ཤམྦྷི་དང་ལས་ཀྱི་གཞི། །དམར་སེར་ཅན་དང་གང་ཟག་དང་། །སྤོ་དང་གསོ་སྦྱོང་བཞག་པ་དང་། །གནས་མལ་དང་ནི་རྩོད་པ་དང་། །
དགེ་འདུན་དབྱེན་རྣམས་བསྡུས་པ་ཡིན། །ཞེས་ལུང་བར་སྡོམ་ལས་འབྱུང་བའི་གཞི་བཅུ་བདུན་གྱི་གོ་རིམས་སྨོས་པ་དག་དང་ཅུང་ཟད་མི་འདྲ་བའི་ཁྱད་པར་མིན་པ་གཞན་ལུང་གཞི་ནས་བྱུང་བའི་དོན་རྣམས་ནི་གཞུང་གི་ཚུལ་དུ་བཤད། ལུང་རྣམ་པར་འབྱེད་པ་ལས་བྱུང་བ་རྣམས་ནི་
འགྲེལ་བའི་ཚུལ་དུ་མཛད། ལུང་ཕྲན་ཚེགས་ནས་བྱུང་བ་རྣམས་ནི་ཁ་སྐོང་བའི་ཚུལ་དུ་བཤད། ཞུ་བའི་སྐབས་སུ་ལུང་བླ་མ་ནས་བྱུང་བ་རྣམས་དོགས་གཅོད་ཀྱི་ཚུལ་དུ་བཤད་དེ། མདོར་ན་ལུང་སྡེ་བཞིའི་བརྗོད་བྱའི་སྙིང་པོ་མཐའ་དག་ཚང་ལ་མ་ནོར་བར་སྟོན་པ་སྟེ། གཞུང་འདི་ཉིད་ཀྱི་གཤམ་
དུ་ཡང་འདུལ་བའི་མདོ་ཞེས་བྱ་བ་ངེས་པར་འབྱུང་བའི་ཚུལ་ཁྲིམས་ཀྱི་དབང་དུ་བྱས་པ། འདུལ་བ་རྒྱ་མཚོའི་སྙིང་པོ་མདོར་བསྡུས་པ་ལྷག་པའི་ཚུལ་ཁྲིམས་ཀྱི་བསླབ་པ་མཐའ་དག་གི་མཛོད་དུ་གྱུར་པ། འདུལ་བའི་སྡེ་སྣོད་ཐམས་ཅད་ཀྱི་མ་ལྟ་བུ་ཞེས་མངོན་པར་བསྔགས་པའི་གཞུང་འདི་ལ་

213-1-142b

ལེའུའི་ཐ་སྙད་མ་མཛད་ཅིང་། བཀའ་ལུང་གི་འཁྲུགས་པ་གོ་རིམས་སུ་བསྡེབས་ནས་འཆད་པར་བྱེད་པ་འདུལ་བ་མདོ་རྩ་ཞེས་བྱ་བ་གཞུང་ཚིག་ལྷུག་བམ་པོ་དགུ་ཤློ་ཀ་ཉིས་སྟོང་དང་བདུན་བརྒྱ་པ་སྟེ། གཞུང་འདིས་བསྟན་པར་བྱ་བ་ཉིད་ནི་གཞི་བཅུ་བདུན་ཉིད་དོ། །དེའང་དང་པོ་རབ་བྱུང་
གི་གཞིས་ནི། སྔར་སྡོམ་པ་མ་ཐོབ་པ་ཐོབ་པར་བྱེད་པ་འབོག་པའི་ཆོ་ག་ལ་སྔོན་གྱི་ཆོ་ག་ཞེས་པ་རབ་ཏུ་བྱུང་བ་དང་བསྙེན་པར་རྫོགས་པ་ཅིག་ཅར་དུ་སྒྲུབ་པའི་ཐབས་དང་། ད་ལྟར་གྱི་ཆོ་ག་ཞེས་པ་གསོལ་བ་དང་གཞིའི་ལས་ཀྱིས་རིམ་ཅན་དུ་སྒྲུབ་པའི་ཐབས་དང་། འབུལ་བའི་ཆོ་ག་དང་།
ཐོབ་པ་མི་ཉམས་པར་སྲུང་བའི་ཐབས་སུ་དགེ་སློང་ཕ་མའི་བསླབ་པར་བྱ་བ་ལ་སློབ་པ་ལ་སོགས་པ་རབ་བྱུང་གི་གཞི་ཀུན་ལ་ཉེ་བར་མཁོ་བ་རྣམས་སྟོན་ཏོ། །གཉིས་པ་གསོ་སྦྱོང་གི་གཞིས་ནི། གསོ་སྦྱོང་བཅུ་བཞི་པ་དང་། བཅོ་ལྔ་པ་དང་། གནོད་པ་ཞི་བའི་གསོ་སྦྱོང་དང་། མཐུན་པའི་གསོ་
སྦྱོང་དང་། བཀྲ་ཤིས་པའི་གསོ་སྦྱོང་དང་། ཞི་གནས་ཀྱི་གསོ་སྦྱོང་དང་བཅས་པའི་དབྱེ་བསྡུ་ལ་སོགས་པ་བསྟན་ཏོ། །གསུམ་པ་དབྱར་གནས་པའི་གཞིས་ནི། དབྱར་གནས་པའི་གཞི་དང་། དགོས་པ་དང་། གང་ཟག་དང་། དུས་དང་། གནས་དང་། ཡུན་དང་། བསམ་པ་དང་། ཆོ་ག་དང་།
ཁས་ལེན་ཇི་ལྟར་བྱ་བ་རྣམས་སྟོན་ཏོ། །བཞི་པ་དགག་དབྱེའི་གཞིས་ནི། ཡུལ་དང་། གང་ཟག་དང་། བྱེད་པ་པོ་དང་། དངོས་པོ་དང་། དུས་དང་། བསམ་པ་དང་། ཆོ་ག་དང་། དགོས་ཆེད་ལ་སོགས་པ་སྟོན་ཏོ། །ལྔ་པ་སྲ་བརྐྱང་གི་གཞིས་ནི། སྲ་བརྐྱང་འདིང་བ་དང་། བརྐྱང་པའི་ཚུལ་དང་།
དབྱུང་བའི་ཆོ་ག་ལ་སོགས་པ་སྟོན་ཏོ། །དྲུག་པ་གོས་ཀྱི་གཞིས་ནི། གོས་ཇི་ལྟར་སྒྲུབ་པ་དང་། གོས་ཀྱི་རྒྱུ་དང་། རྒྱུ་དེ་ལས་གྲུབ་པའི་གོས་ཀྱི་རྣམ་པར་གཞག་པ་ལ་སོགས་པས་སྟོན་ཏོ། །བདུན་པ་ཀོ་པགས་ཀྱི་གཞིས་ནི། ཡུལ་དབུས་དང་། མཐའ་འཁོབ་ཀྱི་མཚམས་སུ་བཅང་བའི་
ཚུལ་ལ་སོགས་པ་སྟོན་ཏོ། །བརྒྱད་པ་སྨན་གྱི་གཞིས་ནི། སྨན་རྣམ་པ་བཞིར་དབྱེ་བ་དང་། མཚན་གཞི་དང་། མཚན་ཉིད་དང་། དགོས་པ་དང་། སྒྲ་དོན་དང་། བརྟེན་པའི་ཚུལ་ལ་སོགས་པས་སྨན་ཇི་ལྟར་སྒྲུབ་པ་དང་། སྨན་གྱི་སྣོད་དང་། བསྟེན་པའི་གང་ཟག་དང་། གཞག་པའི་

213-1-143a

གནས་དང་། རུང་བའི་ཁང་པ་དང་། སྨན་ལ་འཇུག་པའི་ཚུལ་ལ་སོགས་པ་སྟོན་ཏོ། །དགུ་པ་ལས་ཀྱི་གཞིས་ནི། ལས་དངོས་དང་། གང་ཟག་དང་འབྲེལ་བའི་ལས་ཞར་བྱུང་དང་བཅས་པ་རྒྱས་པར་སྟོན་ཏོ། །བཅུ་པ་ཕྱིར་བཅོས་ཀྱི་གཞིས་ནི། མི་མོས་པ་
ནན་ཏུར་གྱིས་ཕྱིར་བཅོས་སུ་འཇུག་པ་ནན་ཏུར་དང་། ཕྱིར་བཅོས་ཀྱི་རྣམ་པར་གཞག་པ་དང་བཅས་པ་སྟོན་ཏོ། །བཅུ་གཅིག་པ་དུས་དང་དུས་མ་ཡིན་པ་བསྡུས་པ་འབྱུང་བའི་གཞིས་ནི། འཆབ་པའི་གཞི་དང་། བསམ་པ་དང་། སྦྱོར་བ་དང་། མཐར་ཐུག་གི་ཡན་ལག་རྣམས་སྟོན་ཏོ། །བཅུ་གཉིས་
པ་ས་གཞན་ན་གནས་པ་སྤྱོད་པའི་གཞིས་ནི། དེའི་དབྱེ་བསྡུ་དང་། གྲལ་དང་། བསླབ་བྱ་དང་། སྒྲ་དོན་ལ་སོགས་པ་བསྟན་ཏོ། །བཅུ་གསུམ་པ་ཡོངས་སུ་སྦྱོང་བའི་གཞིས་ནི། ཡུལ་དང་། གླེང་བ་དང་། གང་ཟག་དང་། བསམ་པ་དང་། དངོས་པོ་དང་། དུས་དང་། ཆོ་ག་དང་། དགོས་ཆེད་དང་།
ཇི་ལྟར་སྒྲུབ་པ་རྣམས་ཀྱིས་བཤད་དོ། །བཅུ་བཞི་པ་ལས་བྱེ་བའི་གཞིས་ནི། གཞི་དང་། བསམ་པ་དང་། སྦྱོར་བ་དང་། མཐར་ཐུག་པ་རྣམས་ཀྱིས་ཞི་བར་བྱ་བ་དང་། དགེ་འདུན་བྱེ་བའི་རྒྱུ་སྤོང་བ་དང་གཉེན་པོ་བསྟེན་པ་དག་གིས་བྱེ་བཞི་བར་བྱེད་པའི་ཆོ་ག་རྣམས་སྟོན་ཏོ། །བཅོ་ལྔ་པ་འཁོར་ལོ་བྱེ་བའི་
གཞིས་ནི། གཞི་དང་། བསམ་པ་དང་། སྦྱོར་བ་དང་། མཐར་ཐུག་པ་དང་། ཉེས་དམིགས་ལ་སོགས་པས་{}བྱེ་བ་ཞི་བར་བྱ་བ་དང་ཞི་བར་བྱེད་པའི་ཐབས་རྣམས་སྟོན་ཏོ། །བཅུ་དྲུག་བརྩོད་པའི་གཞིས་ནི། འཁྲུག་ལོང་གི་རྒྱུའི་དབྱེ་བ་ཞི་བར་བྱ་བ་དང་ཞི་བར་བྱེད་པ་དག་སྟོན་ཏོ། །བཅུ་བདུན་པ་
གནས་མལ་གྱི་གཞིས་ནི། སོ་སོར་ཐར་པའི་སྡོམ་པས་མཆོག་ཏུ་གྱུར་པ་ལ་ཕྱག་བྱ་བ་དང་མི་བྱ་བའི་ཚུལ་དང་གཙུག་ལག་ཁང་བརྩིགས་པའི་ཐབས་ལ་སོགས་པ་དང་། གཙུག་ལག་ཁང་བསྐྱང་བའི་ཆོ་ག་དང་། ལོངས་སྤྱོད་ཀྱི་རྣམ་པ་ཇི་ལྟར་བྱ་བ་རྣམས་དང་བཅས་པ་སྟོན་པའི་གཞུང་དེ་ལྟ་
བུའམ། འདུལ་བ་ལུང་རྣམ་པར་འབྱེད་པ་གཞིར་བྱས་ནས་གཞན་ཇི་ལྟར་རིགས་པར་སྦྱར་ནས་འཆད་པ་མེ་ཏོག་ཕྲེང་རྒྱུད་དམ་སུམ་བརྒྱ་པ་ལ་སོགས་ལྟ་བུའོ། །གཉིས་པ་བཀའ་བར་བ་མཚན་ཉིད་མེད་པའི་ཆོས་ཀྱི་འཁོར་ལོ་དགོངས་པ་འགྲེལ་པའི་བསྟན་བཅོས་ལ། ལྟ་བའི་ཆ་

213-1-143b

གསལ་བར་བྱེད་པའི་བསྟན་བཅོས་དང་། སྤྱོད་པའི་ཆ་གསལ་བར་བྱེད་པའི་བསྟན་བཅོས་ཏེ་གཉིས་སོ། །དང་པོ་{ལྟ}་བའི་ཆ་གསལ་བར་བྱེད་པ་ནི། ཤིང་རྟའི་སྲོལ་འབྱེད་ཆེན་པོ་བཞིའམ་གཉིས་རྗེས་འབྲང་དང་བཅས་པ་སྟེ། དེའང་རྒྱུ་ཕ་རོལ་ཏུ་ཕྱིན་པའི་མདོའི་ཕྱོགས་ཀྱི་ལམ་གྱི་གཙོ་བོ་
ཉིད་ནི་ཕ་རོལ་ཏུ་ཕྱིན་པ་དྲུག་སྟེ། དེའི་ནང་ནས་མཐར་ཐུག་པར་གྱུར་པ་ནི་ཤེས་རབ་ཀྱི་ཕ་རོལ་ཏུ་ཕྱིན་པ་སྟེ། མགོན་པོ་མི་ཕམ་པས། བློ་ལྡན་རྒྱལ་བའི་ཡུམ་འདི་ལ་མོས་པ། །སངས་རྒྱས་ཡོན་ཏན་ཚོགས་ཀྱི་སྣོད་གྱུར་ཏེ། ཞེས་དང་། སྡུད་པའི་འགྲེལ་པ་ལས། སྤྱིར་ཤེས་རབ་ཀྱི་ཕ་རོལ་དུ་ཕྱིན་
པའི་མདོ་དངོས་ཀྱིས་ནི་ཐེག་པ་གསུམ་ཆར་གྱི་ལམ་བསྟན་པ་ཡིན་ཏེ། འདི་ལྟར་ཉན་ཐོས་ཀྱི་ས་ལ་སློབ་པར་འདོད་པས་ཀྱང་ཤེས་རབ་ཀྱི་ཕ་རོལ་ཏུ་ཕྱིན་པ་ལ་བསླབ་པར་བྱའོ་ཞེས་བྱ་བ་ལ་སོགས་པ་བརྒྱས་པར་གསུངས་ཤིང་། མཐར་དེ་ཅིའི་ཕྱིར་ཞེ་ན། ཤེས་རབ་ཀྱི་ཕ་རོལ་ཏུ་ཕྱིན་པ་འདི་
ལས་ཐེག་པ་གསུམ་པོ་རྒྱ་ཆེར་བསྟན་ཏོ་ཞེས་གསུངས་པས་སོ། །དེ་དག་དང་མཐུན་པར་མངོན་པར་རྟོགས་པའི་རྒྱན་གྱི་མཆོད་པར་བརྗོད་པའི་སྐབས་ནས་ཀྱང་། ཡུམ་གྱི་གླེང་གཞི་དང་མཐུན་པར་ཐེག་པ་གསུམ་ཆར་གྱི་ལམ་བསྟན་པའི་དབང་དུ་བཞེད་ནས། མཁྱེན་གསུམ་གྱི་ཡོན་ཏན་
ལ་བསྔགས་པའི་མཆོད་པར་བརྗོད་པ་འབྱུང་པ་ཡིན་ཞིང་། ལུས་ཀྱི་སྐབས་སུ་ནི་ཐེག་པ་ཆེན་པོའི་ལམ་ཁོ་ན་བསྟན་པ་ཡིན་ཏེ། གཞན་གྱིས་མྱོང་བ་མ་ཡིན་ཏེ་ཞེས་དང་། མངོན་པར་རྟོགས་པ་བརྒྱད་དམ་ཡང་ན་ཡུལ་གསུམ་གཅིག་ཏུ་བྱས་པའི་དྲུག་གི་ལམ་རིམ་ནི་ཐེག་པ་གཞན་ཡོད་པ་མ་
ཡིན་པའི་ཕྱིར་རོ། །རྟོགས་རིགས་ཀྱི་དབང་དུ་བྱས་ན། ལུས་ཀྱི་སྐབས་སུ་ཡང་ཐེག་པ་གསུམ་ཆར་གྱི་ལམ་བསྟན་པས་མངོན་པ་མཐའ་དག་བསྡུས་པ་འཕགས་པ་དེ་གཉིས་ཀྱིས་གསུངས་པའི་དགོངས་པ་ཡིན་པར་གསུངས་སོ། །དེ་བཞིན་དུ་དབུ་མ་རིགས་པའི་ཚོགས་ཀྱིས་ཀྱང་། ཐེག་
པ་གསུམ་ག་དག་གི་བྱང་ཆུབ་ཐོབ་པའི་ཐབས་སུ། གཟུགས་ནི་རང་བཞིན་གྱིས་སྐྱེ་བ་མེད་དོ་ཞེས་སོགས་རྒྱ་ཆེར་དངོས་སུ་བསྟན་པའི་སྐྱེ་མེད་ཀྱི་དོན་གཏན་ལ་འབེབས་པར་བྱེད་དེ། མདོ་ལས། གཟུགས་ནས་རྣམ་པ་ཐམས་ཅད་མཁྱེན་པའི་བར་གྱི་ཆོས་ཐམས་ཅད་སྐྱེ་བ་མེད་པར་གསུངས་

213-1-144a

པའི་སྒྲུབ་བྱེད་དུ། རྒྱུ་ལ་དཔྱོད་པ་རྡོ་རྗེ་གཟེགས་མ་དང་། འབྲས་བུ་ལ་དཔྱོད་པ་ཡོད་མེད་སྐྱེ་འགོག་དང་། གཉིས་ཀ་ལ་དཔྱོད་པ་མུ་བཞི་སྐྱེ་འགོག་དང་། ངོ་བོ་ལ་དཔྱོད་པ་གཅིག་དང་དུ་བྲལ་དང་། ཐམས་ཅད་ལ་དཔྱོད་པ་རྟེན་འབྲེལ་གྱི་རིགས་པ་རྣམས་
གསུངས་པའི་ཕྱིར་རོ། །དེ་དག་ལ་སྔོན་གྱི་མཁས་པ་རྣམས་ཀྱིས་སྦས་དོན་མངོན་པར་རྟོགས་པའི་རིམ་པ་གཏན་ལ་འབེབས་པའི་བསྟན་བཅོས་དང་། དངོས་བསྟན་སྟོང་པ་ཉིད་ཀྱི་རིམ་པ་གཏན་ལ་འབེབས་པའི་བསྟན་བཅོས་ཞེས་བྱེ་བའི་ཤིང་རྟའི་སྲོལ་ཆེན་པོ་གཉིས་ཀྱི་རྣམ་པར་གཞག་པའི་ཐ་སྙད་
མཛད་པ་ཡིན་ཞིང་། དོན་ལ་ཡང་ཤིན་ཏུ་ཡང་དག་པར་གནས་པ་ཉིད་དེ། དངོས་པོ་རྣམ་པ་བརྒྱད་པོ་དོན་བདུན་ཅུའི་ནང་གསེས་ཀྱི་དབྱེ་བ་དང་བཅས་པ་འདི་དག་ནི་མདོའི་ཤུགས་ཀྱིས་བསྟན་པའམ་སྦས་པའི་དོན་ཡིན་ལ། དེ་བཞིན་དུ་གཟུགས་ལ་སོགས་པ་རང་བཞིན་གྱིས་སྐྱེ་བ་མེད་པ་ལ་སོགས་པ་
ནི་མདོ་ལས་དངོས་སུ་བསྟན་པའི་བརྗོད་བྱའི་གཙོ་བོ་ཡིན་པའི་ཕྱིར་རོ། །དེས་ན་མདོ་འདིས་དངོས་སུ་བསྟན་པའི་སྟོང་ཉིད་བཅུ་དྲུག་ལ་སོགས་པ་སྟོང་པ་ཉིད་ཀྱི་རིམ་པ་གསལ་བ་བྱེད་པ་ནི་དབུ་མ་རིགས་པའི་ཚོགས་རྗེས་སུ་འབྲང་བ་དང་བཅས་པ་སྟེ། དེ་ལ་ཡང་རང་གཞན་གྱི་སྡེ་པ་གཉིས་ཀའི་
བསྒྲུབ་བྱ་བདེན་དངོས་ཐུན་མོང་དུ་དགག་པ་དབུ་མ་རྩ་བའི་ཤེས་རབ་ཅེས་བྱ་བ་ལེའུའི་གནས་སུ་རབ་ཏུ་བྱེད་པའི་ཐ་སྙད་བཏགས་པའི་རབ་ཏུ་བྱེད་པ་ཉི་ཤུ་རྩ་བདུན་གྱི་བདག་ཉིད་དང་ལྡན་པའི་རབ་ཏུ་བྱེད་པ་དང་པོ་རྐྱེན་བརྟག་པ། གཉིས་པ་འགྲོ་འོང་བརྟག་པ། གསུམ་པ་དབང་པོ་བརྟག་པ།
བཞི་པ་ཕུང་པོ་བརྟག་པ། ལྔ་པ་ཁམས་བརྟག་པ། དྲུག་པ་མངོན་པར་འདོད་པས་ཆགས་པ་བརྟག་པ། བདུན་པ་སྐྱེ་གནས་འཇིག་པ་བརྟག་པ། བརྒྱད་པ་བྱེད་པ་པོ་བརྟག་པ། དགུ་པ་སྔ་རོལ་ན་གནས་པར་བརྟག་པ། བཅུ་པ་མེ་དང་བུད་ཤིང་བརྟག་པ། བཅུ་གཅིག་པ་སྔོན་དང་ཕྱི་མའི་
མཐའ་བརྟག་པ། བཅུ་གཉིས་པ་བདག་གིས་བྱས་པ་དང་གཞན་གྱིས་བྱས་པ་བརྟག་པ། བཅུ་གསུམ་པ་འདུ་བྱེད་བརྟག་པ། བཅུ་བཞི་པ་ཕྲད་པ་བརྟག་པ། བཅོ་ལྔ་པ་རང་བཞིན་བརྟག་པ། བཅུ་དྲུག་པ་བཅིངས་པ་ཐར་པ་བརྟག་པ། བཅུ་བདུན་པ་ལས་བརྟག་པ། བཅོ་བརྒྱད་པ་

213-1-144b

བདག་དང་ཆོས་བརྟག་པ། བཅུ་དགུ་པ་དུས་བརྟག་པ། ཉི་ཤུ་པ་ཚོགས་པ་བརྟག་པ། ཉེར་གཅིག་པ་འབྱུང་བ་དང་འཇིག་པ་བརྟག་པ། ཉེར་གཉིས་པ་དེ་བཞིན་གཤེགས་པ་བརྟག་པ། ཉེར་གསུམ་པ་ཕྱིན་ཅི་ལོག་བརྟག་པ། ཉེར་བཞི་པ་འཕགས་པའི་བདེན་པ་བརྟག་པ། ཉེར་ལྔ་
པ་མྱ་ངན་ལས་འདས་པ་བརྟག་པ། ཉེར་དྲུག་པ་སྲིད་པའི་ཡན་ལག་བཅུ་གཉིས་བརྟག་པ། ཉེར་བདུན་པ་ལྟས་བརྟག་པ་རྣམས་ཚིགས་སུ་བཅད་པ་བམ་པོ་ཕྱེད་དང་གཉིས། ཤློ་ཀ་བཞི་བརྒྱ་བཞི་བཅུ་རྩ་དགུའི་གྲངས་ཚད་དུ་བཞུགས་པ་དང་། རང་སྡེ་དངོས་པོར་སྨྲ་བའི་འདོད་པ་བྱེ་བྲག་ཏུ་
དགག་པ་རིགས་པ་དྲུག་ཅུ་པ་ཤློ་ཀ་དྲུག་ཅུ་རྩ་གཉིས་ཡོད་པ་སྟེ། དེ་ལྟར་ལུས་ལྟ་བུའི་བསྟན་བཅོས་གཉིས་དང་། གོང་གི་རྐྱེན་བརྟག་པའི་རབ་ཏུ་བྱེད་པ་ལས་འཕྲོས་ནས་རང་བཞིན་མེད་པར་སྨྲ་བ་ལ་རིགས་པ་དང་འགལ་བ་སྤོང་བ་རྩོད་པ་བཟློག་པ་དང་། འདུས་བྱས་བརྟག་པའི་རབ་ཏུ་བྱེད་
པ་ལས་འཕྲོས་ནས་སྐྱེ་འཇིག་མེད་པར་སྨྲ་བ་ལ་ལུང་དང་འགལ་བ་སྤོང་བ་སྟོང་ཉིད་བདུན་ཅུ་པ་སྟེ། ཡན་ལག་ལྟ་བུའི་བསྟན་བཅོས་གཉིས་དང་། བདེན་དངོས་ཀྱི་སྒྲུབ་བྱེད་རྟོག་པའི་རིགས་པ་འགོག་པ་ཞིབ་མོ་རྣམ་པར་འཐགས་པ་སྟེ་ལྔ་ནི་འཕགས་པས་མཛད་པ་ཡིན་ལ། ཁ་ཅིག་དོན་
དམ་པར་རང་བཞིན་མེད་ཀྱང་ཀུན་རྫོབ་ཏུ་འཇིག་རྟེན་པའི་ཐ་སྙད་འཐད་ཅིང་གྲུབ་པར་སྟོན་པ་ཐ་སྙད་གྲུབ་པ་དང་དྲུག་ཡིན་ནོ་ཞེས་གསུངས་སོ། །གཉིས་པ་ནི་མདོའི་ཤུགས་ལས་བསྟན་པའི་དོན་དམ་སྦས་པའི་དོན་གཙོ་བོར་སྟོན་པར་བྱེད་པའི་བསྟན་བཅོས་ནི་མངོན་པར་རྟོགས་པའི་རྒྱན་ཏེ། འདིས་
བསྟན་པར་བྱ་བའི་སྙིང་པོ་ནི། གཞུང་རྩ་བར། ཤེས་རབ་ཕ་རོལ་ཕྱིན་པ་ནི། །དངོས་པོ་བརྒྱད་ཀྱིས་ཡང་དག་བཤད། །ཅེས་པས་ལུས་མདོར་བསྟན། དེ་ནས། །རྣམ་ཀུན་ཤེས་ཉིད་ལམ་ཤེས་ཉིད། །དེ་ནས་ཐམས་ཅད་ཤེས་པ་ཉིད། །རྣམ་ཀུན་མངོན་རྫོགས་རྟོགས་པ་དང་། །རྩེ་མོར་ཕྱིན་
དང་མཐར་གྱིས་པ། །སྐད་ཅིག་གཅིག་མངོན་རྫོགས་བྱང་ཆུབ། །ཆོས་ཀྱི་སྐུ་དང་དེ་རྣམ་བརྒྱད། །ཅེས་འཇུག་པའི་ཡུལ་མཁྱེན་པ་གསུམ་དང་། འཇུག་པ་སྦྱོར་བ་བཞི་དང་། ཞུགས་པའི་འབྲས་བུ་ཆོས་ཀྱི་སྐུ་དང་བཅས་པའི་སྐབས་རྣམ་པ་བརྒྱད་དུ་བསྡུས་ནས་བསྟན་ཏོ། །དེ་དག་ཀྱང་

213-1-145a

ནང་གསེས་ཀྱི་དབང་གིས་དོན་བདུན་ཅུར་ཕྱེ་ནས་བསྟན་བཅོས་ཀྱི་ལུས་རྣམ་པར་གཞག་པའང་། དེ་ཉིད་ལས། སེམས་བསྐྱེད་པ་དང་གདམས་ངག་དང་། །ངེས་འབྱེད་ཡན་ལག་རྣམ་བཞི་དང་། །སྒྲུབ་པ་ཡི་ནི་རྟེན་གྱུར་པ། །ཆོས་ཀྱི་དབྱིངས་ཀྱི་རང་བཞིན་
དང་། །དམིགས་པ་དག་དང་ཆེད་དང་ནི། །གོ་ཆ་འཇུག་པའི་བྱ་བ་དང་། །ཚོགས་ནི་ངེས་པར་འབྱུང་བཅས་རྣམས། །ཐུབ་པའི་རྣམ་ཀུན་མཁྱེན་པ་ཉིད། །ཅེས་རྣམ་མཁྱེན་གྱི་ཆོས་བཅུ་དང་། །མོག་མོག་པོར་བྱེད་ལ་སོགས་དང་། །སློབ་མ་བསེ་རུའི་ལམ་གང་དང་། །འདི་དང་
གཞན་པའི་ཡོན་ཏན་གྱིས། །ཕན་ཡོན་ཆེ་བ་མཐོང་བའི་ལམ། །བྱེད་པ་དང་ནི་མོས་པ་དང་། །བསྟོད་དང་བཀུར་དང་བསྔགས་པ་དང་། །བསྔོ་དང་རྗེས་སུ་ཡི་རང་བ། །ཡིད་ལ་བྱེད་པ་བླ་མེད་དག །བསྒྲུབ་དང་ཤིན་ཏུ་དག་པ་ཞེས། །བྱ་བ་འདི་ནི་བསྒོམ་པའི་ལམ། །བྱང་ཆུབ་
སེམས་དཔའ་མཁས་རྣམས་ཀྱི། །ལམ་ཤེས་ཉིད་ནི་དེ་འདྲར་བཤད། །ཅེས་ལམ་ཤེས་ཀྱི་ཆོས་བཅུ་གཅིག་དང་། །ཤེས་པས་སྲིད་ལ་མི་གནས་ཤིང་། །སྙིང་རྗེས་ཞི་ལ་མི་གནས་དང་། །ཐབས་མ་ཡིན་པས་རིང་བ་དང་། །ཐབས་ཀྱིས་རིང་བ་མ་ཡིན་ཉིད། །མི་མཐུན་གཉེན་
པོའི་ཕྱོགས་དག་དང་། །སྦྱོར་དང་དེ་ཡི་མཉམ་ཉིད་དང་། །ཉན་ཐོས་ལ་སོགས་མཐོང་བའི་ལམ། །དེ་འདྲ་ཀུན་ཤེས་ཉིད་དུ་འདོད། །ཅེས་གཞི་ཤེས་པའི་ཆོས་དགུ་དང་། །རྣམ་པར་སྦྱོར་བར་བཅས་རྣམས་དང་། །ཡོན་ཏན་སྐྱོན་ནི་མཚན་ཉིད་བཅས། །ཐར་དང་ངེས་འབྱེད་ཆ་
མཐུན་དང་། །སློབ་པ་ཕྱིར་མི་ལྡོག་པའི་ཚོགས། །སྲིད་དང་ཞི་བ་མཉམ་ཉིད་དང་། །ཞིང་དག་བླ་ན་མེད་པ་ནི། །རྣམ་ཀུན་མངོན་རྫོགས་རྟོགས་པ་སྟེ། །འདི་ནི་ཐམས་མཁས་བཅས་པ་ཡིན། །ཞེས་རྣམ་ཀུན་མངོན་རྫོགས་ཀྱི་སྦྱོར་བའི་ཆོས་བཅུ་གཅིག་དང་། དེ་ཡི་རྟགས་དང་
རྣམ་འཕེལ་དང་། །བརྟེན་དང་སེམས་ཀུན་གནས་པ་དང་། །མཐོང་ཞེས་བྱ་དང་བསྒོམ་པ་ཞེས། །བྱ་བའི་ལམ་ནི་སོ་སོ་ལ། །རྣམ་པར་རྟོག་པ་རྣམ་བཞི་ཡི། །བར་ཆད་མེད་པའི་ཏིང་ངེ་འཛིན། །ལོག་པར་བསྒྲུབ་དང་བཅས་པ་ནི། །རྩེ་མོའི་

213-1-145b

མངོན་རྟོགས་ཞེས་རྩེ་མོར་སྦྱོར་བའི་ཆོས་བརྒྱད་དང་། མཐར་གྱིས་པ་དང་། རྣམ་གསུམ་རྣམ་བཅུ་ཞེས་མཐར་གྱིས་སྦྱོར་བའི་ཆོས་བཅུ་གསུམ་དང་། སྐད་ཅིག་མ། གཅིག་གིས་མངོན་རྫོགས་བྱང་ཆུབ་པ། །མཚན་ཉིད་ཀྱིས་ནི་རྣམ་པ་བཞི། །ཞེས་སྐད་ཅིག་མའི་སྦྱོར་བའི་ཆོས་
བཞི་དང་། ངོ་བོ་ཉིད་ལོངས་རྫོགས་བཅས་དང་། །དེ་བཞིན་གཞན་པ་སྤྲུལ་པ་ནི། །ཆོས་སྐུ་མཛད་པ་དང་བཅས་པ། །རྣམ་པ་བཞིར་ནི་ཡང་དག་བརྗོད། །ཅེས་བྱ་བས་ཆོས་ཀྱི་སྐུའི་ཆོས་བཞི་མདོར་བསྟན་པ་རྣམས་སོ། །ཡན་ལག་རྒྱས་པར་བཤད་པའི་སྐབས། སེམས་བསྐྱེད་
པ་ནི་གཞན་དོན་ཕྱིར། །ཞེས་བྱ་བ་ལ་སོགས་པ་དོན་བདུན་ཅུ་པོ་རེ་རེ་ནས་རྒྱས་པར་འཆད་དོ། །དེ་དག་ཀྱང་འབྲིང་དུ་བསྟན་པ་ན་ཡུལ་གསུམ་གཅིག་ཏུ་བསྡོམས་ནས་དྲུག་ཏུ་འདུ་བ་དང་། མདོར་བསྡུས་སུ་བསྟན་པ་ན་གསུམ་དུ་འདུ་བ་ཡིན་ནོ། །དེ་ལྟར་བཤད་མ་ཐག་པའི་སྟོང་པ་ཉིད་ཀྱི་རིམ་
པ་གཏན་ལ་འབེབས་པའི་བསྟན་བཅོས་དང་། མངོན་པར་རྟོགས་པའི་རིམ་པ་བསྟོན་པར་བྱེད་པའི་བསྟན་བཅོས་དག་ལ་ནི་ཤིང་རྟའི་སྲོལ་ཆེན་པོ་གཉིས་ཞེས་མཁས་པའི་ཚོགས་ལ་ཡོངས་སུ་གྲགས་ཤིང་གྲུབ་པ་ཡིན་ནོ། །ཁ་ཅིག་ཤེས་རབ་ཀྱི་ཕ་རོལ་ཏུ་ཕྱིན་པའི་དོན་ཐམས་ཅད་སྒོ་གསུམ་
རྣམ་གྲངས་བཅུ་གཅིག་གི་སྒོ་ནས་སྟོན་པ་འབུམ་ཊཱི་ཀ་དང་། གཙོ་བོའི་དོན་སུམ་ཅུ་རྩ་གཉིས་སུ་བསྡུས་ནས་སྟོན་པ་སློབ་དཔོན་ཕྱོགས་གླང་གིས་མཛད་པའི་བརྒྱད་སྟོང་དོན་བསྡུས་གཉིས་དང་བཅས་པའི་སྲོལ་འབྱེད་བཞིར་འདོད་དེ། དེ་ལྟར་ན་སྒོ་གསུམ་རྣམ་གྲངས་བཅུ་གཅིག་ནི། གདུལ་
བྱ་དབང་པོ་རྣོན་པོ་མགོ་སྨོས་པ་ཙམ་གྱིས་རྟོགས་པ་དང་། དབང་པོ་འབྲིང་པོ་ཅུང་ཟད་སྤྲོས་པ་ཙམ་གྱིས་རྟོགས་པ་དང་། ཤིན་ཏུ་སྤྲོས་པའི་ཚིག་གིས་དོན་རྟོགས་དགོས་པ་དག་གི་ངོར་རིམ་པ་བཞིན་དུ་བསྡུས་ཏེ་བསྟན་པའི་སྒོ་དང་། འབྲིང་དུ་བསྟན་པའི་སྒོ་དང་། རྒྱས་པར་བསྟན་པའི་སྒོ་
རྣམས་སོ། །རྣམ་གྲངས་བཅུ་གཅིག་ནི། ཤཱ་རིའི་བུ་དང་རབ་འབྱོར་ལ། །བཀའ་སྩལ་རེ་རེ་བརྒྱ་བྱིན་དང་། རབ་འབྱོར་བྱམས་པ་གཉིས་བཞི་གཉིས། །ཀུན་དགའ་བོ་ལ་བཀའ་སྩལ་གཅིག །དེ་ལྟར་རྣམ་གྲངས་བཅུ་གཅིག་གོ། །ཞེས་པ་ལྟར་རོ། །འབུམ་ཊཱི་ཀ་འདི་དཾ་ཥྚ྄་སེ་ནཱས་

213-1-146a

མཛད་ཟེར་མོད། དབྱིག་གཉེན་གྱིས་མཛད་པའི་གཞུང་འགྲེལ་དུ་རིགས་ཤིང་འདི་དང་བརྒྱད་སྟོང་དོན་བསྡུས་གཉིས་ཀྱིས་སེམས་ཙམ་བསྟན་ནོ་ཞེས་ཀུན་མཁྱེན་བུ་སྟོན་གསུང་ངོ་། །ཁ་ཅིག་ནི་དཔའ་བོས་མཛད་པའི་འབུམ་ཊཱི་ཀ་ཅེས་ཀྱང་གསུང་ངོ་། །གཙོ་
བོའི་དོན་སུམ་ཅུ་རྩ་གཉིས་ནི། བརྒྱད་སྟོང་དོན་བསྡུས་ཉིད་དུ། རྟེན་དང་དབང་དུ་བྱ་བ་དང་། །ལས་དང་བསྒོམ་པ་དང་བཅས་དང་། །རབ་དབྱེ་རྟགས་དང་ལྟུང་བ་ [དང་འདི་ལ་དཀར་ཆག་འཕང་ཐང་མར་ཁྲི་སྲོང་ལྡེ་བཙན་གྱིས་མཛད་དོ་ཞེས་ཟེར།] དང་། །ཕན་ཡོན་བཅས་པར་ཡང་དག་
བརྗོད། །ཅེས་འབྱུང་བའི་རྟེན་ནི་སྟོན་པ་རྫོགས་པའི་སངས་རྒྱས་དང་། དབང་དུ་བྱ་བ་ནི་འཁོར་དང་། ལས་ནི་ཡུམ་ལ་ཆོས་སྤྱོད་རྣམ་པ་བཅུས་ཇི་ལྟར་སྤྱད་པ་དང་། བསྒོམ་པ་ནི་རྣམ་པར་གཡེང་བ་བཅུའི་གཉེན་པོར་གྱུར་པའི་བསྒོམ་པ་རྣམ་པ་བཅུ་དང་། རབ་ཏུ་དབྱེ་བ་ནི་ནང་སྟོང་
པ་ཉིད་ནས་བཟུང་སྟེ་དངོས་པོ་མེད་པའི་ངོ་བོ་ཉིད་སྟོང་པ་ཉིད་ཀྱི་མཐར་ཐུག་པའི་བར་གྱི་སྟོང་པ་ཉིད་བཅུ་དྲུག་དང་། རྟགས་ནི་བདུད་ཀྱི་ལས་ཀྱི་རྟགས་དང་། ཕྱིར་མི་ལྡོག་པའི་རྟགས་ཏེ་གཉིས་དང་། ལྟུང་པ་ནི་ཤེས་རབ་ཀྱི་ཕ་རོལ་ཏུ་ཕྱིན་པ་སྤངས་ན་རྣམ་པར་སྨིན་པ་ངན་
འགྲོར་ལྟུང་བ་དང་། ཕན་ཡོན་ནི་སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་ལ་སོགས་པ་རིན་པོ་ཆེས་བཀང་ནས་སྦྱིན་པ་སྦྱིན་པ་བས་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱད་ན་བསོད་ནམས་ཆེས་ཆེ་བར་བསྔགས་པ་ལ་སོགས་པ་དང་སུམ་ཅུ་རྩ་གཉིས་ཀྱིས་བརྗོད་བྱ་
ཐམས་ཅད་བསྡུས་པར་འདོད་དོ། །དེ་ལྟ་ན་ཤིང་རྟ་ཆེན་པོ་བཞི་ཞེས་པའི་རྣམ་པར་གཞག་པ་ཡང་མཁས་པ་འགའ་ཞིག་བཞེད་དོ། །དེ་ལ་ཡང་སྟོན་ཤེས་བྱ་ཀུན་མཁྱེན་ལ་སོགས་པས། ཕྱི་མ་གཉིས་པོ་ནི། སྔ་མ་གཉིས་ལས་ལོགས་སུ་གྱུར་པའི་སྲོལ་འབྱེད་གཞན་
མ་ཡིན་པས་ན་སྲོལ་འབྱེད་ལ་སྔ་མ་གཉིས་སུ་ངེས་སོ་ཞེས་བཞེད་དོ། །རྗེ་ངོར་ཆེན་ཐམས་ཅད་མཁྱེན་པ་ཆེན་པོའི་ཞལ་སྔ་ནས་ཀྱང་། ཤིང་རྟའི་སྲོལ་ཆེན་པོ་ནི་སྔ་མ་གཉིས་པོ་དེ་ཡོངས་སུ་གྲངས་ཤིང་ཡང་དག་པར་གྲུབ་བོ་ཞེས་གསུངས་ཏེ། ཅིའི་ཕྱིར་ཞེ་ན། སྤྱིར་ཤིང་རྟའི་

213-1-146b

སྲོལ་འབྱེད་ཅེས་བྱ་བའི་ཐ་སྙད་ཀྱི་གདགས་གཞི་ནི་ཡུམ་གྱི་དགོངས་པ་རྣམ་པར་འགྲེལ་བ་ཙམ་གྱིས་དེ་ལྟར་དུ་འཇོག་པ་མ་ཡིན་ཏེ། སློབ་དཔོན་གཞན་གྱི་མན་ངག་ལ་བརྟེན་ནས་དོན་སྤྱིའི་ཚུལ་གྱིས་འགྲེལ་པ་ལ་མ་ལྟོས་པར་ཆོས་ཉིད་དོན་དམ་པའི་བདེན་པ་མངོན་སུམ་དུ་མཐོང་བའི་
སྒོ་ནས་བཀའི་དགོངས་པ་རང་དབང་དུ་འགྲེལ་པ་ལ་ཤིང་རྟའི་སྲོལ་འབྱེད་དུ་འཇོག་པ་གང་ཞིག་དེ་ལ་སྔ་མ་གཉིས་པོ་དེར་ངེས་ཤིང་། ཕྱི་མ་གཉིས་ནི་གཞན་གྱི་མན་ངག་ལ་བརྟེན་ནས་དོན་སྤྱིའི་ཚུལ་གྱིས་འགྲེལ་པ་ཙམ་ཡིན་པའི་ཕྱིར་རོ། །བདེན་མོད། འདིར་ནི་གཙོ་བའི་དོན་སུམ་ཅུ་
རྩ་གཉིས་དང་། སྒོ་གསུམ་རྣམ་གྲངས་བཅུ་གཅིག་ལ་སོགས་པའི་འགྲེལ་ཚུལ་མི་འདྲ་བའི་སྒོ་ནས་སྲོལ་འབྱེད་སོ་སོར་འཇོག་གོ་ཞེ་ན། གལ་ཏེ་དེ་ལྟ་ན་རྩ་བ་ཤེས་རབ་དང་། འཇུག་པ་གཉིས་ཀྱང་སྲོལ་འབྱེད་སོ་སོར་འཇོག་དགོས་པར་འགྱུར་ཏེ། སྔ་མས་ནི་རྟེན་ཅིང་འབྲེལ་པར་
འབྱུང་བ་སྤྲོས་པའི་མཐའ་བརྒྱད་དང་བྲལ་བར་གཏན་ལ་དབབ་པའི་ཚུལ་གྱིས་འགྲེལ་ལ། ཕྱི་མས་ནི་མདོ་སྡེ་ས་བཅུ་པ་ལས་བཤད་པ་སོགས་དང་སྦྱར་ནས་འགྲེལ་པའི་ཕྱིར་རོ། །འོ་ན་ཕྱི་མ་གཉིས་པོ་གང་གི་མན་ངག་ལ་བརྟེན་ཞེ་ན། མགོན་པོ་བྱམས་པའི་མན་ངག་ཐོགས་
མེད་ནས་བརྒྱུད་པ་ཐོས་ནས་དེའི་རྗེས་སུ་འབྲང་བ་ཡིན་ཏེ། གོང་དུ་འདི་དང་བརྒྱད་སྟོང་དོན་བསྡུས་གཉིས་སེམས་ཙམ་དུ་བསྟན་ནོ་ཞེས་གསུངས་པས་ཀྱང་རྟོགས་པར་ནུས་པའི་ཕྱིར་རོ། །གཉིས་པ་སྤྱོད་པའི་ཆ་གསལ་བར་བྱེད་པ་ནི། མདོ་ཀུན་ལས་བཏུས་པའམ། བསླབ་པ་ཀུན་ལས་
བཏུས་པའམ། གང་ཟག་གཅིག་གི་ཆ་རྐྱེན་དུ་ལྟ་བ་དང་སྤྱོད་པ་ཟུང་འབྲེལ་དུ་ཉམས་སུ་ལེན་པའི་ཚུལ་རྒྱས་པར་བསྟན་པ་བྱང་ཆུབ་སེམས་དཔའི་སྤྱོད་པ་ལ་འཇུག་པ་ལྟ་བུའམ། ཡང་ན་རིན་ཆེན་ཕྲེང་བའི་སྒོམ་རིམ་གསུམ་ལྟ་བུའོ། །གསུམ་པ་བཀའ་ཐ་མ་ལེགས་པར་རྣམ་པར་ཕྱེ་
བའི་ཆོས་ཀྱི་འཁོར་ལོའི་དགོངས་པ་འགྲེལ་པའི་བསྟན་བཅོས་ལའང་ལྟ་བའི་ཆ་གསལ་བར་བྱེད་པའི་བསྟན་བཅོས་དང་། སྤྱོད་པའི་ཆ་གསལ་བར་བྱེད་པའི་བསྟན་བཅོས་གཉིས་སོ། །དང་པོ་ལ། མགོན་པོ་བྱམས་པའི་ཆོས་ལྔ་ལས་གོང་དུ་སྨོས་པའི་མངོན་པར་རྟོགས་པའི་རྒྱན་མ་

213-1-147a

གཏོགས་པའི་བྱམས་པའི་ཆོས་བཞི་དང་། དེ་དག་རྗེས་སུ་འབྲེལ་པའི་ཆོས་སྡེ་བཅོ་ལྔ་སྡེ་བསྡམས་པའི་ཆོས་སྡེ་ཉི་ཤུ་ལ་གཅིག་གིས་དམན་པ་རྩ་འགྲེལ་དང་བཅས་པ་རྣམས་སོ། །དེ་ལ་སྤྱིར་བྱམས་པ་དང་འབྲེལ་བའི་ཆོས་ཉི་ཤུ་ཞེས་བྱ་བའི་གྲངས་
ངེས་ཀྱི་རྣམ་པར་གཞག་པ་འདོད་པ་ཡང་ཡོད་དེ། དེ་ལྟར་ན་གང་ཟག་གསུམ་གྱིས་མཛད་པའི་ཆོས་ཉི་ཤུ་སྟེ། རྒྱན་གཉིས་འབྱེད་གཉིས་རྒྱུད་བླ་མ་ཞེས་པ་ལྟར་བྱམས་པའི་ཆོས་ལྔ་དང་། ཐོགས་མེད་ཀྱིས་མཛད་པའི་ས་སྡེ་ལྔ་དང་། སྡོམ་རྣམ་པ་གཉིས་ཏེ་བདུན་དང་། དབྱིག་
གཉེན་གྱིས་མཛད་པའི་པྲ་ཀཱ་ར་ཎ་སྡེ་བརྒྱད་དང་བཅས་པ་རྣམས་སོ། །དེ་ལས་དང་པོ་བྱམས་པའི་ཆོས་ལྔས་མདོ་གང་དང་གང་གི་དོན་གཏན་ལ་ཕབ་ངོས་གཟུང་བ་དང་། ཇི་ལྟར་གཏན་ལ་འབེབས་པའི་ཚུལ་བྱེ་བྲག་ཏུ་བཤད་པ་གཉིས་ལས། དང་པོ་རྗེ་བཙུན་བྱམས་པས་བསྟན་བཅོས་
ཆེན་པོ་ལྔ་མཛད་པའི་དེ་ལས་ཤེས་རབ་ཀྱི་ཕ་རོལ་ཏུ་ཕྱིན་པའི་མདོ་རྣམས་ཀྱི་དགོངས་པ་འགྲེལ་བར་བྱེད་པའི་མན་ངག་གི་བསྟན་བཅོས་མངོན་པར་རྟོགས་པའི་རྒྱན་མཆོད་པར་བརྗོད་པ་དང་བཅས་པ་མཛད་དོ། །དེ་ནས་ཐེག་པ་ཆེན་པོའི་མདོ་སྡེ་སྣ་ཚོགས་པ་འཐོར་བ་བསྡུས་པ་ལྟ་བུའི་
སྒོ་ནས་མདོ་སྡེ་རྒྱན་མཛད་དོ། །དེ་ནས་འདི་གཉིས་ཀྱི་དོན་ཅུང་ཟད་བསྡུས་པ་དབུས་དང་མཐའ་རྣམ་པར་འབྱེད་པ་མཛད་དོ། །དེ་ནས་དེ་དག་གི་དོན་ཤིན་ཏུ་བསྡུས་པ་ཆོས་ཉིད་རྣམ་པར་འབྱེད་པ་མཛད་དོ། །དེ་ནས་ཆོས་འཁོར་ཕྱི་མའི་དབང་དུ་བྱས་པའི་ངེས་དོན་གྱི་གསུང་
རབ་ཕུལ་དུ་ཕྱིན་པའི་དགོངས་པ་འགྲེལ་པར་བྱེད་པ་ཐེག་པ་ཆེན་པོ་རྒྱུད་བླ་མའི་བསྟན་བཅོས་བསྔོ་བ་དང་བཅས་པ་མཛད་དོ། །དེ་དག་གི་ནང་ནས་བར་བ་གསུམ་ལ་ནི་མཆོད་པར་བརྗོད་པ་དང་བསྔོ་བ་གང་ཡང་མེད། དང་པོ་ལ་བསྔོ་བ་དང་ཐ་མ་ལ་མཆོད་བརྗོད་མེད་པས་ཆོས་ལྔ་པོ་དཀྱུས་
ཐོག་གཅིག་ཏུ་མཛད་པ་ཡིན་ནོ་ཞེས་མདོ་སྡེ་རྒྱན་གྱི་འགྲེལ་པ་འགའ་ཞིག་ལས་འབྱུང་ངོ་། །དེ་ལྟར་བཤད་པ་དེ་ཐོག་མཐའ་གཉིས་སུ་མཆོད་བརྗོད་དང་བསྔོ་བ་ཡོད་པའི་ཚུལ་དང་། བར་པ་གསུམ་ལ་དེ་དག་གང་ཡང་མེད་པའི་ཚུལ་ལ་དཔགས་ན་ཤིན་ཏུ་འགྲིགས་ཆེ་བ་ལྟར་མཆིས་ནའང་ 
ཐོག་གཅིག་ཏུ་མཛད་པ་ཡིན་ནོ་ཞེས་མདོ་སྡེ་རྒྱན་གྱི་འགྲེལ་བ་འགའ་ཞིག་ལས་འབྱུང་ངོ་། །དེ་ལྟར་བཤད་པ་དེ་ཐོག་མཐའ་གཉིས་སུ་མཆོད་བརྗོད་དང་བསྔོ་བ་ཡོད་པའི་ཚུལ་དང་། བར་པ་གསུམ་ལ་དེ་དག་གང་ཡང་མེད་པའི་ཚུལ་ལ་དཔགས་ན་ཤིན་ཏུ་འགྲིགས་ཆེ་བ་ལྟར་མཆིས་ནའང་།

213-1-147b

འབྱེད་རྣམ་པ་གཉིས་པོ་སྔ་མ་དག་གི་དོན་ཅུང་ཟད་བསྡུས་པ་དང་ཤིན་ཏུ་བསྡུས་ནས་མཛད་ཅེས་པའི་རྣམ་པར་གཞག་པ་དེ་ལྟར་བྱེད་པ་ཡང་འཐད་པ་ཡོད་མེད་དཔྱད་པར་བྱའོ། །ཡང་སྔོན་གྱི་མཁས་པ་གཅིག་ནི། མདོ་སོ་སོ་བ་དང་ཐུན་མོང་བ་གཏན་ལ་འབེབས་པའི་དབང་དུ་བྱས་
ནས་བྱམས་པའི་ཆོས་ལྔར་ངེས་པ་ཡིན་ཏེ། མདོ་སྡེ་རྒྱན་གྱིས་ནི་སངས་རྒྱས་ཀྱི་སའི་མདོ་དང་། མངོན་པར་རྟོགས་པ་རྒྱན་གྱིས་ནི་ཤེས་རབ་ཀྱི་ཕ་རོལ་ཏུ་ཕྱིན་པ་འབུམ་པ་དང་། རྒྱུད་བླ་མས་ནི་འཕགས་པ་གཟུངས་ཀྱི་དབང་ཕྱུག་རྒྱལ་པོས་ཞུས་པའི་མདོའི་དོན་གཏན་ལ་འབེབས་
པས་ནི་མདོ་སོ་སོ་བ་དང་། དབུས་དང་མཐའ་རྣམ་པར་འབྱེད་པས་ནི་གང་ཟག་གཅིག་མངོན་པར་རྫོགས་པར་འཚང་རྒྱ་བའི་ལམ་གྱི་རིམ་པ་སྟོན་ལ། ཆོས་དང་ཆོས་ཉིད་རྣམ་འབྱེད་ཀྱིས་ནི་དེའི་ནང་ནས་ཐེག་པ་ཆེན་པོ་ཐུན་མོང་མ་ཡིན་པའི་ལམ་གྱི་རིམ་པ་སྟོན་པས་ན། གཉིས་པོས་
མདོའི་དོན་ཐུན་མོང་དུ་གཏན་ལ་འབེབས་པར་བྱེད་པའི་ཕྱིར་རོ་ཞེས་བཞེད་དོ། །ཁ་ཅིག་ནི་རྩ་བ་ལུས་ལྟ་བུའི་བསྟན་བཅོས་དང་། གྱེས་པ་ཡན་ལག་ལྟ་བུའི་བསྟན་བཅོས་ཏེ་རྣམ་པ་གཉིས་ཀྱི་དབང་དུ་བྱས་ནས་ཆོས་ལྔར་ངེས་པ་ཡིན་ཏེ། མངོན་པར་རྟོགས་པའི་རྒྱན་དང་མདོ་སྡེ་རྒྱན་
གཉིས་་ཀྱིས་མདོ་སྡེའི་སྡེ་སྣོད་དང་། དབུས་དང་མཐའ་རྣམ་པར་འབྱེད་པས་ནི་མངོན་པའི་སྡེ་སྣོད་གཏན་ལ་འབེབས་པས་གཙོ་བོ་ལུས་ལྟ་བུའི་བསྟན་བཅོས་ཡིན་ལ། རྒྱུད་བླ་མས་ནི། མདོ་སྡེ་རྒྱན་དུ་རིགས་ཆད་ཀྱི་སེམས་ཅན་ཡོད་པར་བསྟན་པ་དེ་དགོངས་པ་ཅན་དུ་བསྟན་ནས་
སེམས་ཅན་ཐམས་ཅད་དེ་བཞིན་གཤེགས་པའི་སྙིང་པོ་ཅན་དུ་བསྒྲུབ་པ་དང་། ཆོས་དང་ཆོས་ཉིད་རྣམ་པར་འབྱེད་པས་ནི་དབུས་མཐར་ཐེག་པ་ཐུན་མོང་བའི་ལམ་གྱི་རིམ་པ་བསྟན་ཀྱང་། ཐེག་པ་ཆེན་པོ་ཐུན་མོང་མ་ཡིན་པའི་ལམ་གྱི་རིམ་པ་མ་བསྟན་པ་དེ་འདིས་བསྟན་པས་ན་གཉིས་
པོ་གྱེས་པ་ཡན་ལག་ལྟ་བུའི་བསྟན་བཅོས་ཡིན་ནོ་ཞེས་བཞེད་དོ། །ཁ་ཅིག་ནི་སྡེ་སྣོད་གསུམ་གཏན་ལ་འབེབས་པའི་དབང་དུ་བྱས་ནས་ཆོས་ལྔར་ངེས་པ་ཡིན་ཏེ། དེ་ཡང་མདོ་སྡེའི་སྡེ་སྣོད་གཏན་ལ་འབེབས་པ་ནི་མདོ་སྡེ་རྒྱན་དང་རྒྱུད་བླ་མ་སྟེ། དེ་ཡང་སྔ་མས་ནི་མདོ་སྡེ་དྲང་

213-1-148a

བའི་དོན་དང་། ངེས་པའི་དོན་སོ་སོར་མ་ཕྱེས་བར་གཏན་ལ་འབེབས་པ་དང་། ཕྱི་མས་ནི་ངེས་པའི་དོན་གྱི་མདོ་སྡེ་བྱེ་བྲག་ཏུ་གཏན་ལ་འབེབས་པའི་ཕྱིར་རོ། །འདུལ་བའི་སྡེ་སྣོད་གཏན་ལ་འབེབས་པ་ནི། མངོན་པར་རྟོགས་པའི་རྒྱན་ཏེ། དེ་ཡང་ཐེག་
ཆེན་ཐུན་མོང་མ་ཡིན་པའི་འདུལ་བ་ནི་ཉོན་མོངས་པ་འདུལ་བ་ཡིན་ལ། འདི་ཉིད་ཀྱིས་ནི་དེའི་གཉེན་པོར་བྱེད་པའི་ཕྱིར་རོ། །མངོན་པའི་སྡེ་སྣོད་གཏན་ལ་འབེབས་པ་ནི་འབྱེད་རྣམ་པ་གཉིས་ཏེ། འདི་དག་གིས་ནི་ཆོས་རྣམས་ཀྱི་རང་དང་སྤྱིའི་མཚན་ཉིད་གཏན་ལ་འབེབས་པའི་ཕྱིར་
རོ་ཞེས་གསུངས་སོ། །དེ་ལྟར་སོ་སོའི་བཞེད་པ་རྣམས་སྨོས་ནས་འདིར་ཡོངས་སུ་གྲགས་པའི་རྩོད་བྲལ་གྱི་མཁས་པ་མང་པོ་རྣམས་ཀྱིས་བཞེད་པའི་དོན་གྱི་སྙིང་པོ་དྲིལ་ཏེ་བརྗོད་ན། ཆོས་ལྔ་པོ་འདི་དག་གིས་ནི་བཤད་པར་བྱ་བའི་མདོ་སྡེ་ཐེག་པ་ཆེན་པོ་ཐུན་མོང་མ་ཡིན་པའི་སྡེ་སྣོད་
ཡིན་ལ། དེ་ལ་ཡང་ངེས་པའི་དོན་གྱི་མདོ་སྡེ་གཏན་ལ་འབེབས་པ་དང་། དྲང་བའི་དོན་གྱི་མདོ་སྡེ་གཏན་ལ་འབེབས་པ་དང་། དྲང་བའི་དོན་དང་ངེས་པའི་དོན་གྱི་མདོ་སྡེ་སྣ་ཚོགས་གཏན་ལ་འབེབས་པ་དང་གསུམ་ལས། དང་པོ་ངེས་པའི་དོན་གྱི་མདོ་སྡེ་གཏན་ལ་འབེབས་
པ་ནི་མངོན་པར་རྟོགས་པའི་རྒྱན་དང་རྒྱུད་བླ་མ་གཉིས་ཏེ། དེ་ལས་ཀྱང་སྔ་མས་ནི་ངེས་པའི་དོན་གྱི་མདོ་སྡེ་ཤེས་རབ་ཀྱི་ཕ་རོལ་ཏུ་ཕྱིན་པའི་རིགས་གཅིག་ཁོ་ན་གཏན་ལ་འབེབས་པར་བྱེད་པ་ཡིན་ཏེ་གོང་དུ་སྨོས་པ་ལྟར་རོ། །ཕྱི་མས་ནི་ངེས་པའི་དོན་གྱི་མདོ་སྡེ་འཕགས་པ་
གཟུངས་ཀྱི་དབང་ཕྱུག་རྒྱལ་པོས་ཞུས་པའི་མདོ་དང་། དེ་བཞིན་གཤེགས་པའི་སྙིང་པོའི་མདོ་དང་། དཔལ་ཕྲེང་གི་མདོ་དང་། ལྷག་པའི་བསམ་པ་རྣམ་པར་དག་པ་བསྟན་པའི་མདོ་དང་། འཕེལ་འགྲིབ་མེད་པའི་མདོ་དང་། ཡེ་ཤེས་སྣང་བ་རྒྱན་གྱི་མདོ་ལ་སོགས་པ་རིགས་དུ་
མ་གཏན་ལ་འབེབས་པར་བྱེད་པ་ཡིན་ཏེ། འདི་ལྟར་རྒྱུད་བླ་མའི་འགྲེལ་པ་ཐོགས་མེད་ཀྱིས་མཛད་པ་ལས་ཀྱང་འདི་ལྟར་འབྱུང་སྟེ། རྡོ་རྗེའི་གནས་བསྟན་པ་དེ་ཡང་རྒྱས་པར་ནི་མདོ་ཇི་ལྟ་བ་བཞིན་དུ་རྟོགས་པར་བྱ་སྟེ། ཀུན་དགའ་བོ་དེ་བཞིན་གཤེགས་པ་ནི་བསྟན་དུ་མེད་པ་སྟེ།

213-1-148b

དེ་ནི་མིག་གིས་བལྟ་བར་མི་ནུས་སོ། །ཀུན་དགའ་བོ་ཆོས་ནི་བརྗོད་དུ་མེད་པ་སྟེ། དེ་ནི་རྣ་བས་མཉན་པར་མི་ནུས་སོ། །ཀུན་དགའ་བོ་དགེ་འདུན་ནི་འདུས་མ་བྱས་པ་སྟེ། དེ་ནི་ལུས་དང་སེམས་ཀྱིས་བརྙེན་བཀུར་བྱ་བར་མི་ནུས་སོ་ཞེས་རྡོ་རྗེའི་གནས་གསུམ་པོ་འདི་ནི་ལྷག་པའི་
བསམ་པ་བསྟན་པའི་ལེའུ་རྗེས་སུ་འབྲངས་ཏེ་རིག་པར་བྱའོ། །ཤཱ་རིའི་བུ་དོན་འདི་ནི་དེ་བཞིན་གཤེགས་པའི་ཡུལ་ཏེ་དེ་བཞིན་གཤེགས་པའི་སྤྱོད་ཡུལ་ལོ། །ཤཱ་རིའི་བུ་དོན་འདི་ནི་རེ་ཞིག་ཉན་ཐོས་དང་། རང་སངས་རྒྱས་ཐམས་ཅད་ཀྱིས་ཀྱང་རང་གི་ཤེས་རབ་ཀྱིས་ཡང་
དག་པར་ཤེས་པའམ། ལྟ་བའམ། བརྟག་པར་མི་ནུས་ན་བྱིས་པ་སོ་སོའི་སྐྱེ་བོ་དག་གིས་ལྟ་ཅི་སྨོས་ཏེ། དེ་དེ་བཞིན་གཤེགས་པ་ལ་དད་པས་རྟོགས་པ་ནི་མ་གཏོགས་སོ། །ཤཱ་རིའི་བུ་དོན་དམ་པར་ནི་དད་པས་རྟོགས་པར་བྱ་བ་ཡིན་ནོ། །ཤཱ་རིའི་བུ་དོན་དམ་པར་ཞེས་བྱ་
བ་འདི་ནི་སེམས་ཅན་གྱི་ཁམས་ཀྱི་ཚིག་བླ་དྭགས་སོ། །ཤཱ་རིའི་བུ་སེམས་ཅན་གྱི་ཁམས་ཞེས་བྱ་བ་འདི་ནི་དེ་བཞིན་གཤེགས་པའི་སྙིང་པོའི་ཚིག་བླ་དྭགས་སོ། །ཤཱ་རིའི་བུ་དེ་བཞིན་གཤེགས་པའི་སྙིང་པོ་ཞེས་བྱ་བ་འདི་ནི་ཆོས་ཀྱི་སྐུའི་ཚིག་བླ་དྭགས་སོ་ཞེས་རྡོ་རྗེ་གནས་བཞི་པ་འདི་
ནི་འགྲིབ་པ་མེད་པ་དང་འཕེལ་བ་མེད་པ་ཉིད་བསྟན་པའི་རྗེས་སུ་འབྲངས་ཏེ་རྟོགས་པར་བྱའོ། །བཅོམ་ལྡན་འདས་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཅེས་བྱ་བ་འདི་ནི་མྱ་ངན་ལས་འདས་པའི་དབྱིངས་ཀྱི་ཚིག་བླ་དྭགས་སོ། །བཅོམ་ལྡན་འདས་མྱ་ངན་ལས་འདས་པའི་
དབྱིངས་ཞེས་བགྱི་བ་འདི་ནི་དེ་བཞིན་གཤེགས་པའི་ཆོས་ཀྱི་སྐུའི་ཚིག་བླ་དྭགས་སོ་ཞེས་རྡོ་རྗེའི་གནས་ལྔ་པ་འདི་ནི་འཕགས་པ་དཔལ་ཕྲེང་གི་མདོའི་རྗེས་སུ་འབྲངས་ཏེ་རྟོགས་པར་བྱའོ། །ཤཱ་རིའི་བུ་དེ་བཞིན་གཤེགས་པས་བསྟན་པའི་ཆོས་ཀྱི་སྐུ་གང་ཡིན་པ་དེ་ནི་འདི་ལྟ་སྟེ། གངྒཱའི་ཀླུང་
གི་བྱེ་མ་སྙེད་ལས་འདས་པའི་དེ་བཞིན་གཤེགས་པའི་ཆོས་དག་དང་། རྣམ་པར་དབྱེར་མེད་པའི་ཆོས་དང་ལྡན་པ་མ་བྲལ་པའི་ཡེ་ཤེས་ཀྱི་ཡོན་ཏན་ཡིན་ནོ་ཞེས་རྡོ་རྗེ་གནས་དྲུག་པ་འདི་ནི་འགྲིབ་པ་མེད་ཅིང་འཕེལ་བ་མེད་པ་ཉིད་བསྟན་པའི་རྗེས་སུ་འབྲངས་ནས་རྟོགས་པར་བྱའོ། །འཇམ་

213-1-149a

དཔལ་དེ་བཞིན་གཤེགས་པ་ནི་རྟོག་པར་མི་མཛད། རྣམ་པར་རྟོག་པར་མི་མཛད་མོད་ཀྱི། དེ་ལྟ་ན་ཡང་འདི་ལྟ་བུའི་རང་བཞིན་གྱི་མཛད་པ་འདི་ནི་མི་རྟོག་རྣམ་པར་མི་རྟོག་པ་བཞིན་དུ་ལྷུན་གྱིས་གྲུབ་པར་འཇུག་གོ་ཞེས་རྡོ་རྗེའི་གནས་བདུན་པ་འདི་ནི་དེ་བཞིན་གཤེགས་
པའི་ཡོན་ཏན་དང་ཡེ་ཤེས་བསམ་གྱིས་མི་ཁྱབ་པའི་ཡུལ་ལ་འཇུག་པ་བསྟན་པའི་རྗེས་སུ་འབྲངས་ནས་རྟོགས་པར་བྱའོ། །དེ་ལྟར་མདོར་བསྡུས་ནས་རྡོ་རྗེ་གནས་བདུན་པོ་འདི་ནི་བསྟན་པའི་སྒོ་བསྡུས་པའི་དོན་གྱིས་ན་བསྟན་བཅོས་འདི་མཐའ་དག་གི་ལུས་སུ་རིག་པར་བྱའོ། །རྡོ་རྗེའི་
གནས་བདུན་པོ་འདི་དག་ལས་རང་གི་མཚན་ཉིད་བསྟན་པ་དང་། རྗེས་སུ་འབྲེལ་པ་ནི་གོ་རིམས་ཇི་ལྟ་བར་འཕགས་པ་གཟུངས་ཀྱི་དབང་ཕྱུག་རྒྱལ་པོའི་མདོར་གླེང་གཞིའི་ལེའུ་ལས་གནས་གསུམ་རིག་པར་བྱ་ལ། དེའི་འོག་ཏུ་ལྷག་མ་བཞི་ནི་བྱང་ཆུབ་སེམས་དཔའ་དང་དེ་བཞིན་
གཤེགས་པའི་ཆོས་ཀྱི་དབྱེ་བ་ལས་སོ། །དེ་ལས་ཇི་སྐད་དུ། བཅོམ་ལྡན་འདས་ཆོས་ཐམས་ཅད་མཉམ་པ་ཉིད་དུ་མངོན་པར་རྫོགས་པར་སངས་རྒྱས་པ། ཆོས་ཀྱི་འཁོར་ལོ་ལེགས་པར་བསྐོར་བ། སློབ་མའི་ཚོགས་ཤིན་ཏུ་དུལ་བ་མཐའ་ཡས་པ་མངའ་བ་ཞེས་གསུངས་ཏེ། རྩ་
བའི་ཚིག་འདི་གསུམ་གྱིས་ནི་གོ་རིམས་ཇི་ལྟ་བ་བཞིན་དུ་དཀོན་མཆོག་གསུམ་རིམ་གྱིས་སྐྱེ་བ་འགྲུབ་པ་རྣམ་པར་གཞག་པར་རིག་པར་བྱ་ལ། ལྷག་མ་གནས་བཞི་ནི་དཀོན་མཆོག་གསུམ་འབྱུང་བ་དང་རྗེས་སུ་མཐུན་པའི་རྒྱུ་འགྲུབ་པ་བསྟན་པར་རིག་པར་བྱའོ་ཞེས་སོགས་རྒྱས་པར་གསུངས་
པའི་ཕྱིར་རོ། །གཉིས་པ་དྲང་བའི་དོན་གྱི་མདོ་སྡེ་གཏན་ལ་འབེབས་པ་ནི་དབུས་དང་མཐའ་རྣམ་པར་འབྱེད་པ་དང་། ཆོས་དང་ཆོས་ཉིད་རྣམ་པར་འབྱེད་པ་གཉིས་ཏེ། དེ་དག་གིས་ནི་མདོ་དགོངས་པ་ངེས་འགྲེལ་ལ་སོགས་པ་གཏན་ལ་འབེབས་པའི་ཕྱིར་རོ། །གསུམ་པ་དྲང་བའི་
དོན་དང་ངེས་པའི་དོན་གྱི་མདོ་སྡེ་སྣ་ཚོགས་གཏན་ལ་འབེབས་པ་ནི་མདོ་སྡེ་རྒྱན་ཏེ། འདིས་ནི་གཞིའི་དུས་སུ་རིགས་ཆད་ཀྱི་སེམས་ཅན་ཡོད་པར་བཤད་པ་དང་། ལམ་གྱི་དུས་སུ་ཆོས་ཐམས་ཅད་སྐྱེ་བ་མེད་པར་གཏན་ལ་འབེབས་པའི་མདོ་དྲང་བའི་དོན་དུ་སྟོན་པ་དང་། འབྲས་བུའི་དུས་

213-1-149b

སུ་མཐར་ཐུག་ཐེག་པ་གཅིག་ཏུ་ངེས་པའི་དོན་དུ་བསྟན་ནས་མཐར་ཐུག་ཐེག་པ་གསུམ་དུ་བསྟན་པ་རྣམས་ཀྱིས་དྲང་བའི་དོན་གྱི་མདོ་སྡེ་གཏན་ལ་འབེབས་པའི་ཕྱིར་དང་། གཞིའི་དུས་སུ་སེམས་ཅན་ཐམས་ཅད་དེ་བཞིན་གཤེགས་པའི་སྙིང་པོ་ཅན་དུ་བསྟན་པ་དང་། ལམ་གྱི་དུས་
སུ་ཕ་རོལ་ཏུ་ཕྱིན་པ་དྲུག་དང་། བསྡུ་བའི་དངོས་པོ་བཞིའི་སྤྱོད་པ་དང་། འབྲས་བུའི་དུས་སུ་སྐུ་གསུམ་དང་ཡེ་ཤེས་བཞིའི་རྣམ་པར་གཞག་པ་སྟོན་པ་རྣམས་ཀྱིས་ངེས་དོན་གྱི་མདོ་སྡེ་གཏན་ལ་འབེབས་པའི་ཕྱིར་རོ། །གཉིས་པ་ཇི་ལྟར་གཏན་ལ་འབེབས་པའི་ཚུལ་བྱེ་བྲག་ཏུ་བཤད་པ་
ནི། མདོ་སྡེ་རྒྱན་གྱིས་ཐེག་པ་ཆེན་པོའི་དྲང་བའི་དོན་དང་ངེས་པའི་དོན་གྱི་མདོ་སྡེ་དུ་མའི་དོན་ཐམས་ཅད་དཔེ་ལྔས་མཚོན་པའི་དོན་རྣམ་པ་ལྔའི་དབང་དུ་བྱས་ནས་བསྟན་པ་ཡིན་ཏེ། དེའང་རྒྱན་གྱི་རྒྱ་ཆེར་བཤད་པ་ལས་བསྒྲུབ་པར་བྱ་བ་དང་། བྱེ་བྲག་ཏུ་ཤེས་པར་བྱ་བ་དང་། བསམ་
པར་བྱ་བ་དང་། བསམ་གྱི་མི་ཁྱབ་པ་དང་། ཡོངས་སུ་གྲུབ་པ་རྟོགས་པའི་དོན་སོ་སོ་རང་གིས་རིག་པར་བྱ་བ་དང་། བྱང་ཆུབ་ཀྱི་ཕྱོགས་དང་མཐུན་པའི་ངོ་བོ་ཉིད་དོ་ཞེས་དང་། དེའི་འགྲེལ་བཤད་ལས་འདིར་ནི་ཐེག་པ་ཆེན་པོར་དངོས་པོ་ལྔ་པོ་དང་། ངོ་བོ་ཉིད་གསུམ་དང་། གང་
ཟག་རྣམ་པར་གཞག་པ་སྟེ་རྣམ་པ་གསུམ་གྱིས་འགྲེལ་ཏོ། །དེ་ལ་དངོས་པོ་ལྔ་གང་ཞེ་ན། མིང་དང་། རྒྱུ་མཚན་དང་། རྣམ་པར་རྟོག་པ་དང་། དེ་བཞིན་ཉིད་དང་། རྣམ་པར་མི་རྟོག་པའི་ཡེ་ཤེས་སོ་ཞེས་སོགས་རྒྱ་ཆེར་གསུངས་ཤིང་ངོ་བོ་ཉིད་གསུམ་ནི་ཀུན་བརྟག་དང་གཞན་དབང་
དང་ཡོངས་གྲུབ་གསུམ་མོ། །དཔེ་ལྔའི་རྩ་བར། ཇི་སྐད་དུ། གསེར་ལས་བརྡུང་བྱས་འདྲ་ཞིང་པདྨ་རྒྱས་པ་བཞིན། །བཀྲེས་པས་ཉེན་པ་གཡོས་ལེགས་ཁ་ཟས་ཟ་བ་འདྲ། །ཕྲིན་ཡིག་ལེགས་པ་ཐོས་འདྲ་རིན་ཆེན་སྒྲོམ་ཕྱེ་ལྟར། །ཆོས་དེ་འདིར་བཤད་པ་ཡང་དགའ་བའི་
མཆོག་བསྐྱེད་དོ། །ཞེས་འབྱུང་བ་བཞིན་དུ་ཚིགས་སུ་བཅད་པ་རིང་ཐུང་སྣ་ཚོགས་པར་སྤེལ་བའི་གཞུང་གི་ཚད་བམ་པོ་གཉིས། ལེའུ་ཉི་ཤུ་རྩ་གཅིག་གི་བདག་ཉིད་དུ་བཞུགས་པའི་ལེའུ་དང་པོས་སྤྱིར་བསྟན། ལེའུ་གཉིས་པས་ཐེག་པ་ཆེན་པོ་བཀར་སྒྲུབ་པ་དང་། གསུམ་པས་

213-1-150a

སྐྱབས་སུ་འགྲོ་བ་དང་། བཞི་པས་རིགས་བསྟན་པ་དང་། ལྔ་པས་སེམས་བསྐྱེད་པ་དང་། དྲུག་པས་བསྒྲུབ་པ་དང་། བདུན་པས་དེ་ཁོ་ན་ཉིད་དང་། བརྒྱད་པས་མཐུ་དང་། དགུ་པས་ཡོངས་སུ་སྨིན་པ་དང་། བཅུ་པས་བྱང་ཆུབ་དང་། བཅུ་གཅིག་པས་མོས་པ་
དང་། བཅུ་གཉིས་པས་ཡོངས་སུ་ཚོལ་བ་དང་། བཅུ་གསུམ་པས་བཤད་པ་དང་། བཅུ་བཞི་པས་བསྒྲུབ་པ་དང་། བཅོ་ལྔ་པས་གདམས་ངག་རྗེས་སུ་བསྟན་པ་དང་། བཅུ་དྲུག་པས་ཐབས་དང་ལྡན་པའི་ལས་དང་། བཅུ་བདུན་པས་ཕ་རོལ་ཏུ་ཕྱིན་པ་དང་བསྡུ་བ་དང་། བཅོ་བརྒྱད་པས་
མཆོད་པ་དང་བསྙེན་པ་ཚད་མེད་དང་། བཅུ་དགུ་པས་བྱང་ཆུབ་ཀྱི་ཕྱོགས་དང་མཐུན་པ་དང་། ཉི་ཤུ་པས་ཡོན་ཏན་དང་། ཉེར་གཅིག་པས་སྤྱོད་པ་དང་མཐར་ཐུག་བསྟན་པ་རྣམས་སོ། །དབུས་དང་མཐའ་རྣམ་པར་འབྱེད་པ་ནི། མཐའ་ཞེས་བྱ་བ་ནི་ཡོད་མེད་དང་། རྟག་ཆད་ཀྱི་ལྟ་བའོ། །
དབུས་ཞེས་བྱ་བ་ནི་དེ་ཉིད་སྤངས་པ་དབུ་མའི་ལམ་སྟེ། དེ་དག་རྣམ་པར་འབྱེད་པས་ན་དེ་སྐད་ཅེས་བྱ་ཞིང་། འདིས་ནི་ཐེག་པ་ཐུན་མོང་བའི་ལམ་གྱི་རིམ་པ་དང་། ཐེག་པ་ཆེན་པོ་ཐུན་མོང་མ་ཡིན་པའི་ལམ་གྱི་རིམ་པ་དོན་བདུན་གྱི་སྒོ་ནས་བསྟན་པ་སྟེ། དེ་ཡང་། མཚན་ཉིད་སྒྲིབ་པ་དེ་ཁོ་ན། །
གཉེན་པོ་དག་ནི་བསྒོམ་པ་དང་། །དེ་ཡི་གནས་དང་འབྲས་བུ་ཐོབ། །ཐེག་པ་བླ་ན་མེད་པའོ། །ཞེས་འབྱུང་བ་ལྟར་ཚོགས་སུ་བཅད་པ་གཞུང་གི་ཚད་ལེའུ་ལྔ་ལ་ཤློ་ཀ་བདུན་ཅུ་ཡོད་པའི་ལེའུ་དང་པོས་མཚན་ཉིད་དང་། གཉིས་པས་སྒྲིབ་པ་དང་། གསུམ་པས་དེ་ཁོ་ན་ཉིད་དང་། བཞི་པས་གཉེན་
པོ་སྒོམ་པ་དང་། ལྔ་པས་བླ་ན་མེད་པ་དང་བཅས་པའོ། །ཆོས་དང་ཆོས་ཉིད་རྣམ་པར་འབྱེད་པ་ནི། ཆོས་ནི་ཀུན་ནས་ཉོན་མོངས་པ་འཁོར་བའི་ཆོས་སོ། །ཆོས་ཉིད་ནི་མྱ་ངན་ལས་འདས་པའི་ཆོས་ཏེ་དེ་གཉིས་ཀྱི་རྣམ་པར་དབྱེ་བ་རབ་ཏུ་སྟོན་པས་ན་དེ་སྐད་ཅེས་བྱ་སྟེ། ཇི་སྐད་དུ། འདི་དག་ཐམས་
ཅད་ནི་གཉིས་ཀྱིས་བསྡུས་ཏེ། ཆོས་དང་ཆོས་ཉིད་ཀྱིས་སོ། །ཆོས་ཀྱི་ཉེ་བར་མཚོན་པ་ནི་འཁོར་བའོ། །འདི་ཉིད་ཀྱིས་ཉེ་བར་མཚོན་པ་ནི་ཐེག་པ་གསུམ་གྱིས་མྱ་ངན་ལས་འདས་པའོ་ཞེས་འབྱུང་བ་ལྟར་ཚིག་ལྷུག་པར་འདོད་པའོ། །རྒྱུད་བླ་མ་ནི། གཞུང་འདི་ཉིད་ཀྱི་སྐད་དོད་དུ་ཨུཏྟ་ར་ཞེས་

213-1-150b

འབྱུང་བ་མཆོག་དང་། བླ་མ་དང་། བྱང་དང་། ཕྱི་མ་རྣམས་སུ་འཇུག་སྟེ། དེའང་ཐེག་པ་ཆེན་པོའི་རྒྱུད་དམ། རྒྱུན་ཆགས་པའི་ཆོས་རྣམས་ཀྱི་གོང་མར་གྱུར་པས་སམ། ཡང་ན་ཐེག་པ་ཆེན་པོའི་རྒྱུད་ཕྱི་མའི་དགོངས་པ་འགྲེལ་པས་དེ་སྐད་ཅེས་བྱ་ཞིང་། འདིས་ནི་སྔར་སྨོས་པའི་
མདོ་སྡེ་དེ་རྣམས་ཀྱིས་དོན་རྡོ་རྗེའི་གནས་བདུན་དུ་བསྡུས་ནས་སྟོན་པ་སྟེ། ཇི་སྐད་དུ། སངས་རྒྱས་ཆོས་ཚོགས་ཁམས་དང་བྱང་ཆུབ་དང་། །ཡོན་ཏན་སངས་རྒྱས་ཕྲིན་ལས་ཐ་མ་སྟེ། །བསྟན་བཅོས་ཀུན་གྱི་ལུས་ནི་མདོར་བསྡུ་ན། །རྡོ་རྗེ་ཡི་ནི་གནས་བདུན་འདི་དག་གོ། །ཞེས་
འབྱུང་བ་ལྟར་ཚིགས་སུ་བཅད་པ་རིང་ཐུང་སྣ་ཚོགས་ཡོད་པ་སྐབས་བཞིའི་སྐབས་དང་པོས་དཀོན་མཆོག་གསུམ་དང་། ཁམས་བདེ་བར་གཤེགས་པའི་སྙིང་པོ་དང་། སྐབས་གཉིས་པས་འབྲས་བུ་བྱང་ཆུབ་དང་། སྐབས་གསུམ་པས་ཡོན་ཏན་དྲུག་ཅུ་རྩ་བཞི་དང་། སྐབས་
བཞི་པས་ཕྲིན་ལས་དང་། སྐབས་ལྔ་པས་ཇི་སྐད་བསྒྲགས་པའི་གནས་བཞི་པོ་དག་ལ་ལྷག་པར་མོས་པ་རྣམས་ཀྱི་ལྷག་པར་མོས་པའི་ཕན་ཡོན་བསྟན་པ་དང་བཤད་པ། མཇུག་གི་དོན་བསྟན་བཅོས་བརྩམས་པའི་ཚུལ། བདག་ཉིད་དག་པའི་ཐབས་བསྟན་པ། ཉམས་པའི་རྒྱུ་དང་
འབྲས་བུ་བསྟན་པ། བརྩམས་པའི་དགེ་བ་བསྔོ་བ་བསྡུས་པའི་དོན་དང་བཅས་པ་རྣམས་བསྟན་ཏོ། །དེ་ལྟར་བཤད་པ་དེ་དག་གི་སྟེང་དུ་མངོན་པར་རྟོགས་པའི་རྒྱན་བསྣན་པ་ལ་བྱམས་པའི་ཆོས་ལྔ་ཞེས་བྱའོ། །དེ་དག་དང་རྗེས་སུ་འབྲངས་པའི་འཕགས་པ་ཐོགས་མེད་ཀྱིས་མཛད་པའི་ཆོས་བདུན་
ལས་ས་སྡེ་ལྔ་ནི་རྩ་བ་ལྟ་བུ་ཡིན་ལ། དེ་དག་ལས་སའི་དངོས་གཞིས་ནི་གང་ཟག་གཅིག་འཚང་རྒྱ་བའི་ཆ་རྐྱེན་ཐམས་ཅད་ས་བཅུ་བདུན་དུ་བསྡུས་ནས་སྟོན་པ་སྟེ། དེ་ཉིད་ལས་འབྱུང་བའི་སྤྱི་སྡོམ་དུ། རྣམ་ཤེས་ལྔ་དང་ལྡན་པའི་ས། །ཡིད་ཀྱི་ས་དང་གཞན་གསུམ་སྟེ། །རྟོག་དཔྱོད་
བཅས་ལ་སོགས་པ་དང་། །ཏིང་འཛིན་བཅས་དང་མ་ཡིན་དང་། །སེམས་ཡོད་པ་དང་སེམས་མེད་དང་། །ཐོས་དང་བསམ་དང་བསྒོམ་ལྡན་དང་། །དེ་བཞིན་ཐེག་པ་གསུམ་ལྡན་དང་། །ཕུང་པོར་བཅས་དང་ཕུང་མེད་གཞན། །ཞེས་གསུངས་པ་ལྟར་བཅུ་བདུན་པོ་དེ་ཡང་རྟེན་དང་།

213-1-151a

སྤྱོད་པ་དང་། འབྲས་བུ་གསུམ་གྱི་དབང་དུ་མཛད་པ་ཡིན་ཏེ། དེ་ཡང་རྟེན་གྱི་རང་བཞིན་གྱི་དབང་དུ་བྱས་ནས་ས་དང་པོ་གཉིས་ཏེ། ཉམས་སུ་ལེན་པའི་རྟེན་དེ་ཡང་རྣམ་པར་ཤེས་པ་ཚོགས་བརྒྱད་ཀྱི་རྒྱུན་ལ་འཇོག་དགོས་པའི་ཕྱིར་རོ། །ཇི་ལྟར་འཇུག་པའི་དབང་དུ་
བྱས་ནས་རྟོག་དཔྱོད་དང་བཅས་པ་ལ་སོགས་པའི་ས་གསུམ་སྟེ། རྟེན་དེ་ཡང་བསམ་གཏན་དང་པོའི་དངོས་གཞི་ཙམ་པོ་མན་ཆད་དུ་རྟོག་པ་དང་བཅས་པ་དང་། དཔྱོད་པ་དང་བཅས་པའི་སྒོ་ནས་འཇུག་པ་དང་། ཁྱད་པར་ཅན་གྱི་དུས་སུ་རྟོག་པ་མེད་ཅིང་དཔྱོད་པ་ཙམ་དང་བཅས་པའི་སྒོ་ནས་
འཇུག་པ་དང་། བསམ་གཏན་གཉིས་པ་མན་ཆད་དུ་རྟོག་པ་མེད་པ་དང་། དཔྱོད་པ་མེད་པའི་སྒོ་ནས་འཇུག་པའི་ཕྱིར་རོ། །དེའི་གནས་སྐབས་ཀྱི་དབང་དུ་བྱས་ནས་ཏིང་ངེ་འཛིན་དང་བཅས་པ་ལ་སོགས་པའི་ས་བཞི་སྟེ། རྟེན་དེ་ཉིད་གཟུགས་དང་གཟུགས་མེད་པ་ན་ཏིང་ངེ་འཛིན་དང་བཅས་པ་
དང་། འདོད་པ་ན་ཏིང་ངེ་འཛིན་དང་བཅས་པ་མ་ཡིན་པ་དང་། སྙོམས་པར་འཇུག་པ་གཉིས་ལ་སོགས་པའི་གནས་སྐབས་ན་སེམས་མེད་པ་དང་། དེ་ལས་གཞན་དུ་ནི་སེམས་ཡོད་པའི་ཕྱིར་རོ། །གོ་རིམས་ཀྱི་དབང་དུ་བྱས་ནས་ཐོས་པ་དང་། བསམ་པ་དང་། བསྒོམ་པའི་ས་གསུམ་སྟེ།
དེ་གསུམ་ལ་འཇུག་པ་ན་རིམ་མིན་དུ་ནི་ནམ་ཡང་མ་ཡིན་པའི་ཕྱིར་རོ། །གང་ཐོབ་པའི་དབང་དུ་བྱས་ནས་གནས་སྐབས་ཀྱི་འབྲས་བུ་ཉན་ཐོས་ལ་སོགས་པའི་ས་གསུམ་སྟེ། ཐོབ་པར་བྱ་བའི་ཐེག་པ་ནི་གསུམ་པོ་དེར་མ་འདུས་པ་མེད་པའི་ཕྱིར་རོ། །དེ་ལ་འགྲོ་བའམ་འདོང་བའི་དབང་དུ་
བྱས་ནས་ས་ལྷག་མ་གཉིས་པོ་སྟེ། དེ་ལྟ་བུའི་རྟེན་དེ་ཡང་མཐར་ཐུག་ཐེག་པ་གསུམ་གྱི་འབྲས་བུ་ཕུང་པོ་ལྷག་བཅས་དང་། ལྷག་མ་མེད་པའི་མྱ་ངན་ལས་འདས་པ་གཉིས་སུ་འགྲོ་བའི་ཕྱིར་རོ། །དེ་སྐད་དུ་ཡང་། སའི་སྟོད་འགྲེལ་དུ། རང་བཞིན་དུ་ནི་ཇི་ལྟར་འཇུག །དེ་ལ་དེ་
ཡི་གནས་སྐབས་དང་། །གོ་རིམས་དང་ནི་གང་ཐོབ་དང་། །དེ་ལ་དེ་ནི་འགྲོ་བ་ཡིན། །ཞེས་སོ། །རྣམ་པར་གཏན་ལ་དབབ་པ་བསྡུ་བས་ནི་སའི་དངོས་གཞིའི་འགྲེལ་བ་ལྟ་བུར་བྱེད་པར་ཡང་གསུངས་ཏེ། དེའི་གནས་སྐབས་ཀྱི་ཚིག་དོན་གཉིས་ཀ་མུ་བཞི་ལ་སོགས་པར་གཏན་ལ་

213-1-151b

དབབ་པར་བསྟན་ལ། དེའི་ནང་ནས་ཀྱང་ཀུན་ནས་ཉོན་མོངས་པ་དང་། རྣམ་པར་བྱང་བའི་ཆོས་ཀྱི་རྣམ་གྲངས་བསྟན་པ་ཡིན་ནོ། །དེ་ལྟར་བཤད་མ་ཐག་པ་གཉིས་པོ་དེས་ནི་གསུང་རབ་རྣམས་ཀྱི་བརྗོད་པར་བྱ་བའི་དོན་གྱི་ཆ་གཏན་ལ་འབེབས་པར་བྱེད་པ་ཡིན་ནོ། །གཞི་བསྡུ་བས་ནི་
རྗོད་པར་བྱེད་པའི་གཞུང་དེ་དག་སྡེ་སྣོད་གསུམ་དུ་བསྡུ་བའི་ཚུལ་བསྟན་པ་སྟེ། འདི་ཉིད་ཀྱི་མདོར་བསྟན་པའི་སྐབས་སུ་སྡེ་སྣོད་གསུམ་གང་བསྡུ་བ་འབྱུང་བ་སྨོས་ནས། རྒྱས་པར་བཤད་པ་ན་མདོ་སྡེ་དང་། འདུལ་བ་གཉིས་ལས་མི་འབྱུང་བ་ནི་ས་སྡེ་ལྔ་ཀ་མ་མོའི་བསྡུ་བ་ཡིན་པས་ལོགས་
སུ་མ་བསྟན་པ་ཡིན་ཏེ། ཇི་སྐད་དུ། དེ་ལ་མ་མོ་བསྡུ་བ་ནི། ས་བཅུ་བདུན་དང་བསྡུ་བ་བཞིའོ་ཞེས་འབྱུང་བས་སོ། །རྣམ་གྲངས་བསྡུ་བ་ནི། ཀུན་ནས་ཉོན་མོངས་པ་དང་རྣམ་པར་བྱང་བའི་ཆོས་ཀྱི་རྣམ་གྲངས་བྱེ་བྲག་གཏན་ལ་འབེབས་པ་སྟེ། འདི་གཉིས་ཀྱི་གསུང་རབ་
རྣམས་ཀྱི་རྗོད་པར་བྱེད་པའི་ཚིག་གི་ཆ་གཏན་ལ་འབེབས་པར་བྱེད་པ་ཡིན་ནོ། །རྣམ་པར་བཤད་པའི་སྒོ་བསྡུ་བས་ནི་དེ་དག་ཇི་ལྟར་འཆད་པའི་ཚུལ་སྟོན་པ་སྟེ། དེ་ལྟར་ན་གསུང་རབ་རྣམས་ཀྱི་བརྗོད་བྱ་དང་རྗོད་བྱེད་དང་། ཇི་ལྟར་བཤད་པའི་ཚུལ་སྟོན་པའི་དབང་གིས་ས་སྡེ་ལྔའོ། །
སྡོམ་རྣམ་པ་གཉིས་ལས་མངོན་པ་ཀུན་ལས་བཏུས་ནི་ཐེག་པ་ཐུན་མོང་བའི་སྡོམ་ཡིན་ཏེ། ཉན་ཐོས་པ་དང་ཐུན་མོང་དུ་ཕྱི་རོལ་གྱི་རྣམ་པར་གཞག་པ་དང་། རྣལ་འབྱོར་སྤྱོད་པ་དང་། ཐུན་མོང་དུ་མཚན་ཉིད་རྣམ་པ་གསུམ་དང་། རྣམ་པར་ཤེས་པ་ཚོགས་བརྒྱད་ལ་སོགས་པའི་རྣམ་
པར་གཞག་པ་གསུངས་པའི་ཕྱིར་ཏེ། འདིས་བརྗོད་བྱ་ནི་མཚན་ཉིད་ཀུན་ལས་བཏུས་པ་དང་། བདེན་པ་རྣམ་པར་ངེས་པ་དང་། ཆོས་རྣམ་པར་ངེས་པ་དང་། ཐོབ་པ་རྣམ་པར་ངེས་པ་དང་། འབེལ་གཏམ་རྣམ་པར་ངེས་པ་སྟེ་ལྔར་བསྡུས་ནས་སྟོན་པ་ཡིན་ནོ། །ཐེག་པ་ཆེན་པོ་
བསྡུས་པ་ནི། ཐེག་པ་ཆེན་པོ་ཐུན་མོང་མ་ཡིན་པའི་སྡོམ་ཡིན་ཏེ། དེ་ནས་བསྟན་པའི་ཤེས་བྱའི་གནས་ལ་སོགས་པ་དེ་རྣམས་རྣལ་འབྱོར་སྤྱོད་པའི་ལུགས་ཀྱི་གཞི་ལམ་འབྲས་བུའི་རྣམ་པར་གཞག་པ་ཁོ་ན་ཡིན་ཏེ། དེ་ཡང་། ཤེས་བྱའི་གནས་དང་མཚན་ཉིད་དེར་འཇུག་དང་། །དེ་

213-1-152a

ཡི་རྒྱུ་འབྲས་དེ་རབ་དབྱེ་བ་དང་། །བསླབ་པ་གསུམ་དང་དེ་འབྲས་སྤང་བ་དང་། །ཡེ་ཤེས་ཐེག་པ་མཆོག་གྱུར་ཁྱད་པར་འཕགས། །ཞེས་པའི་དོན་རྣམ་པ་བཅུར་བསྡུས་ནས་སྟོན་པའི་ཕྱིར་རོ། །དེའི་འོག་ཏུ་དབྱིག་གཉེན་གྱིས་རང་རྒྱུད་དུ་བརྩམས་པའི་བསྟན་
བཅོས་ལྔ་དང་གཞན་འགྲེལ་ཊཱི་ཀར་བརྩམས་པ་གསུམ་སྟེ། རབ་ཏུ་བྱེད་པ་སྡེ་བརྒྱད་བརྩམས་པ་ནི། །ཆོས་ཐམས་ཅད་སེམས་ཙམ་དུ་སྟོན་པ་སུམ་ཅུ་པའི་རབ་ཏུ་བྱེད་པ་སྟེ། འདིས་ནི་ཆོས་དང་གང་ཟག་གི་འགྲོ་བ་ཐམས་ཅད་གྱུར་པ་གསུམ་དུ་བསྡུས་ནས་བདག་མེད་པ་གཉིས་བསྟན་པའི་
ཕྱིར་རོ། །དེ་རིགས་པས་སྒྲུབ་པ་ཉི་ཤུ་པའི་རབ་ཏུ་བྱེད་པ་སྟེ། སྣང་བ་ཐམས་ཅད་སེམས་ཡིན་པའི་སྒྲུབ་བྱེད་བསྟན་པའི་ཕྱིར་རོ། །དེ་ལྟར་ཆོས་ཐམས་ཅད་སེམས་ཡིན་ན་ཕུང་པོ་ལྔའི་རྣམ་པར་གཞག་པ་མི་འཐད་པར་འགྱུར་རོ་ཞེ་ན། དེ་འཐད་པར་སྟོན་པ་ཕུང་པོ་ལྔའི་རབ་ཏུ་བྱེད་པའོ། །
དེ་ལྟར་ཡིན་ཡང་བཤད་པ་དང་ཉན་པའི་བྱ་བ་འཐད་པར་སྟོན་པ་རྣམ་པར་བཤད་པའི་རིགས་པའོ། །སྒོ་གསུམ་གྱི་ལས་འཐད་པར་སྟོན་པ་ལས་སྒྲུབ་པའི་རབ་ཏུ་བྱེད་པ་སྟེ་དེ་ལྟར་ལྔའོ། །རང་དོན་དུ་ཕ་རོལ་ཏུ་ཕྱིན་པ་དྲུག་དང་། གཞན་དོན་དུ་བསྡུ་བའི་དངོས་པོ་བཞིའི་སྤྱོད་པ་འཐད་པར་སྟོན་པ།
མདོ་སྡེ་རྒྱན་གྱི་འགྲེལ་པ། རྟེན་ཅིང་འབྲེལ་པར་འབྱུང་བ་བཅུ་གཉིས་འཐད་པར་སྟོན་པ་རྟེན་འབྲེལ་གྱི་མདོའི་འགྲེལ་པ། མཚན་ཉིད་གསུམ་འཐད་པར་སྟོན་པ་དབུས་དང་མཐའ་རྣམ་པར་འབྱེད་པའི་འགྲེལ་པ་དང་གསུམ་སྟེ་བརྒྱད་དོ། །ཁ་ཅིག་སློབ་དཔོན་འདིས་མཛད་པའི་ཆོས་
དང་ཆོས་ཉིད་རྣམ་པར་འབྱེད་པའི་འགྲེལ་པ་དང་། ས་བཅུ་པའི་འགྲེལ་པ་ལ་སོགས་པ་མང་དུ་མཛད་པས་སྡེ་བརྒྱད་ཀྱི་གྲངས་ངེས་མེད་ཅེས་དང་། གཞན་ཡང་འཕགས་པ་ཐོགས་མེད་ཀྱིས་མཛད་པའི་རྒྱུད་བླ་མའི་འགྲེལ་པ་སོགས་ཀྱང་བགྲང་དུ་རུང་སྟེ། བྱམས་པ་དང་འབྲེལ་པའི་
ཆོས་ཉི་ཤུའི་གྲངས་ངེས་མི་རིགས་པར་ཡང་སྨྲ་བ་ཡོད་དོ། །གཉིས་པ་སྤྱོད་པའི་ཆ་གསལ་བར་བྱེད་པའི་བསྟན་བཅོས་ནི་བྱང་ཆུབ་སེམས་དཔའི་སྡོམ་པ་ཉི་ཤུ་པ་ལ་སོགས་པ་ལྟ་བུའོ། །གཉིས་པ་སྔགས་ཀྱི་ཐེག་པའི་དགོངས་པ་འགྲེལ་པའི་བསྟན་བཅོས་ལ། རྒྱུད་འགྲེལ་བའི་ཐབས་

213-1-152b

ཀྱི་གདམས་ངག་གི་རྣམ་གྲངས་སྤྱིར་བསྟན་པ་དང་། སྐབས་སུ་བབས་པའི་རྒྱུད་ཀྱི་རྣམ་འགྲེལ་དཔེར་མཚོན་པའོ། །དང་པོ་ལ་སྤྱིར་རྒྱུད་སྡེ་རིན་པོ་ཆེ་འགྲེལ་བའམ་བཤད་པའི་ཐབས་ཀྱི་གདམས་ངག་བསམ་གྱིས་མི་ཁྱབ་ནའང་ཕལ་ཆེར་རྣམ་པ་དྲུག་ཏུ་འདུ་བར་བཞེད་དོ། །དེའང་
འདི་ལྟ་སྟེ། གདམས་ངག་དྲུག་གིས་བཤད་པ་དང་། རྒྱུད་གསུམ་གྱིས་བཤད་པ་དང་། བདག་ཉིད་ཅན་གསུམ་གྱིས་བཤད་པ་དང་། གནས་པ་བཞིས་བཤད་པ་དང་། དག་པ་གསུམ་གྱིས་བཤད་པ་དང་། གསང་བ་བདུན་གྱིས་བཤད་པའོ། །དང་པོ་ནི། འགྲེལ་པ་པོས་འགྲེལ་སླ་ཞིང་
ཉན་པ་པོ་རྣམས་ཀྱིས་ཀྱང་རྟོགས་པར་སླ་བའི་ཕྱིར་གདམས་ངག་དྲུག་གིས་བཤད་པ་སྟེ། དེའང་གང་བརྗོད་པར་བྱ་བའི་དོན་བཤད་པར་བྱ་བའི་མན་ངག་ནི་སྤྱིའི་དོན་དུ་བཤད་པ་དང་། སྦས་པའི་དོན་དུ་བཤད་པ་དང་། མཐར་ཐུག་པའི་དོན་དུ་བཤད་པ་སྟེ་གསུམ་དང་། དེ་རྗོད་པར་བྱེད་
པའི་སྒྲ་ནི་ཡན་ལག་གི་དོན་གྱིས་བཤད་པ་དང་། ཡི་གེའི་དོན་གྱིས་བཤད་པ་དང་། མན་ངག་གི་དོན་གྱིས་བཤད་པ་སྟེ་གསུམ་མོ། །དེ་ལྟར་ཡང་དཔལ་ནམ་མཁའ་དང་མཉམ་པའི་རྒྱུད་ལས། ཡི་གེ་དང་ནི་ཡན་ལག་དང་། །བསྡུས་པའི་དོན་དང་སྤྱི་ཡི་དོན། །སྦས་དང་དེ་བཞིན་མཐར་ཐུག་པར། །
རྒྱུད་རྣམས་ངེས་པ་ཁོ་ན་ཡིན། །ཞེས་སོ། །དེ་ལ་སྤྱིའི་དོན་ཞེས་བྱ་བ་ནི་གཉིས་ཀའི་ཐུན་མོང་དུ་གྱུར་བ་སྟེ། དེ་ལའང་ཕ་རོལ་ཏུ་ཕྱིན་པའི་ཐེག་པའི་སྤྱི་ནི། དེ་ནས་བཤད་པའི་བྱང་ཆུབ་ཕྱོགས་ཀྱི་ཆོས་སུམ་ཅུ་རྩ་བདུན་དང་། ལམ་ལྔ་དང་། ས་བཅུ་ལ་སོགས་པ་སྟེ། དེ་དག་ནི་ཕ་རོལ་ཏུ་ཕྱིན་
པའི་ལམ་ལ་ཞུགས་པ་རྣམས་ཀྱིས་དེ་དག་དང་མི་མཐུན་པའི་འགྱོད་པ་བསལ་བའི་ཕྱིར་དང་། གསང་བ་སྔགས་ཀྱི་གཞུང་གིས་བརྗོད་བྱ་ཉིད་དུའང་བསྟན་པའི་ཕྱིར་དེ་སྐད་ཅེས་བྱའོ། །བསྐྱེད་པའི་རིམ་པ་སྤྱི་ནི་བུམ་པའི་དབང་དང་རྗེས་སུ་འབྲེལ་བ་ཡན་ལག་དང་བཅས་་པ་སྟེ། འདི་ནི་མཆོག་གི་
དངོས་གྲུབ་སྒྲུབ་པ་དང་ཐུན་མོང་གི་དངོས་གྲུབ་སྒྲུབ་པ་གཉིས་ཀས་སློབ་པའི་ཕྱིར་དེ་སྐད་ཅེས་བྱའོ། །དེ་ལྟར་ཡང་ཡེ་ཤེས་རྡོ་རྗེ་ཀུན་ལས་བཏུས་པའི་རྒྱུད་ལས། ངོ་མཚར་གྱི་རྡོ་རྗེའི་ཚིག་ཐོས་ནས་སྨོད་པར་བྱེད་པ་དེ་རྣམས་ལ་མི་འགལ་བའི་སྒོ་ནས་བཤད་པ་ནི་སྤྱིའི་དོན་ཏོ་ཞེས་དང་། སློབ་དཔོན་

213-1-153a

ཟླ་བ་གྲགས་པས་ཀྱང་། མདོ་སོགས་ལ་ནི་རབ་བཞུགས་པའི། །འགྱོད་པ་ཟློག་པར་བྱེད་པ་དང་། །བསྐྱེད་པའི་རིམ་དང་ལྡན་པ་དག །སྤྱི་ཡི་དོན་ནི་ཡིན་པར་བཤད། །ཅེས་སོ། །སྦས་པའི་དོན་ཞེས་བྱ་བ་ནི། བུམ་པའི་དབང་ཐོབ་པ་ཙམ་ལ་མ་གྲགས་ཤིང་
མཆོག་དབང་གོང་མ་གསུམ་ཐོབ་པ་ཁོ་ནའི་ཡུལ་དུ་གྱུར་པའི་ཕྱིར་དེ་སྐད་ཅེས་བྱ་སྟེ། དེ་ལའང་ཐབས་ཀྱི་ཁྱད་པར་ལ་ལྟོས་ནས་རང་བྱིན་གྱིས་བརླབས་པའི་སྦས་པ་ཞེས་བྱ་བ་དང་། དཀྱིལ་འཁོར་འཁོར་ལོའི་སྦས་པ་ཞེས་བྱ་བ་གཉིས་ཏེ། ཀྱེ་རྡོ་རྗེ་ལས། དཀྱིལ་འཁོར་འཁོར་ལོའི་ཐབས་
དང་ནི། །རང་བྱིན་བརླབས་པའི་རིམ་པས་ཀྱང་། །ཀུན་རྫོབ་དོན་དམ་ཚུལ་ཅན་གྱིས། །བྱང་ཆུབ་སེམས་ནི་རབ་ཏུ་བསྐྱེད། །ཅེས་སོ། །མཐར་ཐུག་པའི་དོན་ཞེས་བྱ་བ་ནི་ལམ་གང་ཡིན་པ་དེས་མངོན་པར་བསྒྲུབས་པའི་འབྲས་བུར་གྱུར་པ་སྟེ། དེ་ལའང་སྤྱིའི་མཐར་ཐུག་པ་ནི་ཐུན་མོང་
བའི་འབྲས་བུ་ཀུན་དུ་འོད་ཀྱིས་དང་། སྦས་པའི་མཐར་ཐུག་པ་ནི་གསང་སྔགས་བླ་ན་མེད་པའི་འབྲས་བུ་རྡོ་རྗེ་འཛིན་པའི་ས་ཉིད་དེ། འདི་ནས་བཤད་པའི་སྐུ་དང་ཡེ་ཤེས་དང་ཤེས་བྱ་ཐམས་ཅད་རང་སྣང་དུ་མཁྱེན་པའི་ཚུལ་ལ་སོགས་པ་ཕ་རོལ་ཏུ་ཕྱིན་པའི་གཞུང་ནས་མ་བཤད་པའི་ཁྱད་
པར་མང་དུ་འབྱུང་བའི་ཕྱིར་མཐར་ཐུག་པ་མཚན་ཉིད་པ་ནི་འདི་ཡིན་གྱི། སྔ་མ་ནི་མཐར་ཐུག་པ་དངོས་ཉིད་མ་ཡིན་ནའང་དེ་དང་ཉེ་བའི་ཕྱིར་དེ་སྐད་དུ་བཏགས་པ་སྟེ། དཔེར་ན་མངོན་པར་རྟོགས་པའི་རྒྱན་ལས། ས་དགུ་འདས་ནས་ཡེ་ཤེས་ནི། །གང་གིས་སངས་རྒྱས་སར་གནས་པ། །དེ་ནི་
བྱང་ཆུབ་སེམས་དཔའི་ས། །བཅུ་པ་ཡིན་པར་ཤེས་པར་བྱ། །ཞེས་ས་བཅུ་པ་ཉིད་ལ་སངས་རྒྱས་ཀྱི་སར་གཏགས་པ་ལྟ་བུའོ། །དེ་དག་བརྗོད་པར་བྱེད་པའི་སྒྲ་ཡན་ལག་གི་དོན་གྱིས་བཤད་པ་ནི། གཞུང་གིས་དངོས་སུ་བསྟན་པའི་མིང་དང་ཚིག་གི་རྗེས་སུ་འབྲང་ནས། འཇིག་རྟེན་ན་གྲགས་
པའི་མིང་དང་། བསྟན་བཅོས་ལས་གྲགས་པའི་མིང་དང་། དེ་དག་འཇུག་པའི་རྒྱུ་མཚན་ངེས་པའི་ཚིག་ཡོད་པ་དང་མེད་པ་སྐབས་དང་བསྟུན་པའི་བཤད་པ་རྣམས་དང་། དེ་ཉིད་འདུས་པར་གྱུར་པའི་ཚིག་གིས་གཞུང་གི་དོན་རྟོགས་པར་དཀའ་བའི་གནས་རྣམས་སུ་ཚིག་གི་འབྱེད་སྡུད་དང་བྱ་བ་དང་བྱེད་

213-1-153b

པ་དང་ལས་ཀྱི་ཚིག་ལ་སོགས་པས་རྣམ་པར་ཕྱེ་ནས་སེང་གེའི་ལྟ་སྟངས་དང་། སྦལ་པའི་འཕར་བ་དང་། རུས་སྦལ་གྱི་བཞི་འགྲོས་དང་། སྟག་མོའི་མཆོང་སྟབས་ཞེས་བྱ་བ་སྟེ་རྣམ་པ་བཞིའི་སྒོ་ནས་གཞུང་གི་ཚིག་དོན་གཏན་ལ་ཕེབས་པར་འཆད་པའམ། ཡང་ན། དགོས་པ་བསྡུས་པའི་དོན་བཅས་
དང་། །ཚིག་དོན་བཅས་དང་མཚམས་སྦྱོར་བཅས། །བརྒལ་ལན་བཅས་ཏེ་བསྙད་པར་བྱ། །ཞེས་བྱ་བ་ལྟ་བུའི་ཚུལ་གྱིས་རྣམ་པར་འགྲེལ་བའོ། །ཡི་གེའི་དོན་གྱིས་བཤད་པ་ནི། གཞུང་ཚིག་གིས་རྒྱུ་མཚན་དངོས་སུ་མི་རྙེད་ཀྱང་ཡི་གེ་སོ་སོར་བྱས་པས་དོན་རྟོགས་པར་འགྱུར་བ་དག་ལ་ནི་ཡི་གེའི་སྒྲ་ལས་
དྲངས་ཏེ་བཤད་པ་དང་། ཡི་གེ་ཁ་ཕྲལ་ཏེ་བཤད་པ་དང་། ཡི་གེ་དབྱིབས་མཐུན་པར་བཤད་པའི་སྒོ་ནས་རྣམ་པར་འགྲེལ་བའོ། །བསྡུས་པའི་དོན་གྱིས་མན་ངག་གིས་བཤད་པ་ནི། ཡན་ལག་དང་ཡི་གེ་གཉིས་ཀས་བཤད་དུ་མི་བཏུབ་པ་དེ་བཞིན་གཤེགས་པ་རྣམས་ཀྱིས་མཛད་པའི་བརྡར་གྱུར་པ་མཐའ་དག་
བསྡུས་པའི་དོན་གྱིས་རྣམ་པར་བཤད་པས་རྟོགས་པར་འགྱུར་བ་གང་ཡིན་པ་སྟེ། སློབ་དཔོན་ཟླ་བ་གྲགས་པས། ཀོ་ཊ་ཀྵ་ལ་སོགས་པའི་སྒྲ། །འཇིག་རྟེན་བསྟན་བཅོས་ལ་མེད་ཅིང་། །དེ་བཞིན་གཤེགས་པའི་བརྡར་གྱུར་པ། །འདི་ནི་ཇི་བཞིན་མིན་པར་བརྗོད། །ཅེས་པ་ལྟ་བུའོ། །དེ་ལྟ་བུའི་བཤད་པར་བྱ་བ་
མཐར་ཐུག་པ་དག་གཅིག་ཏུ་བྱས་པའི་ཚེ་ལྔ་འམ་སོ་སོར་བྱས་པའི་ཚེ་དྲུག་ཏུ་འགྱུར་བ་ལ། འཆད་པར་བྱེད་པ་གསུམ་གྱིས་འཆད་པའི་ཚེ་ན་མན་ངག་བཅོ་ལྔའམ་བཅོ་བརྒྱད་གང་ཡང་རུང་བ་རེ་འབྱུང་བ་ཡིན་ནོ། །གཞན་ཡང་ཡེ་ཤེས་རྡོ་རྗེ་ཀུན་ལས་བཏུས་པའི་རྒྱུད་ལས། མཐའ་དྲུག་གི་བཤད་པ་ཞེས་
གསུངས་པའི་ལུགས་ཀྱི་གདམས་ངག་ནི་འདི་ཉིད་དེ། བརྗོད་བྱ་སྤྱིའི་དོན་གཉིས་སུ་ཡན་ལག་གི་དོན་གྱིས་བཤད་པ་ན་སྒྲ་ཇི་བཞིན་བཤད་པར་འགྱུར་རོ། །སྦས་པའི་དོན་དུ་ཡན་ལག་གི་དོན་གྱིས་བཤད་པ་ན། ངེས་པའི་དོན་གྱི་བཤད་པར་འགྱུར་རོ། །མཐར་ཐུག་པའི་དོན་དུ་ཡན་ལག་གི་དོན་གྱིས་བཤད་པ་ན་
དགོངས་པ་ཅན་མ་ཡིན་པའི་བཤད་པར་འགྱུར་རོ། །སྤྱིའི་དོན་གཉིས་སུ་ཡི་གེ་དང་མན་ངག་གིས་བཤད་པ་ན་སྒྲ་ཇི་བཞིན་མ་ཡིན་པའི་བཤད་པར་འགྱུར་རོ། །སྦས་པའི་དོན་དུ་གཉིས་ཀྱིས་བཤད་ན་དྲང་བའི་དོན་གྱི་བཤད་པར་འགྱུར་རོ། །མཐར་ཐུག་པའི་དོན་དུ་དེ་གཉིས་ཀྱིས་བཤད་ན་དགོངས་པ་ཅན་གྱི་བཤད་པར་

213-1-154a

འགྱུར་ཏེ་དེ་ལྟར་མཐའ་དྲུག་གོ། །ཡང་ཡི་གེའི་དོན་དང་། སྤྱིའི་དོན་དང་། སྦས་པའི་དོན་དང་། མཐར་ཐུག་པའི་དོན་ཏེ་བཞི་པོ་ལ་ཚུལ་བཞི་ཞེས་པའི་ཐ་སྙད་འབྱུང་སྟེ་བཤད་པའི་ཚུལ་འདི་དག་ཀྱང་གདམས་ངག་དྲུག་གི་ནང་དུ་འདུ་བར་འགྱུར་རོ། །དེ་ལྟ་བུའི་བཤད་ཐབས་དེ་དག་
གིས་རྒྱུད་འགྲེལ་བའི་ཚུལ་ཡང་། གཞུང་གི་ཚིག་དོན་ལ་སྐབས་ཁ་ཅིག་ཏུ་ནི་སྤྱིའི་དོན་དང་། ཁ་ཅིག་ཏུ་ནི་སྦས་པའི་དོན་དང་། ཁ་ཅིག་ཏུ་ནི་མཐར་ཐུག་པའི་དོན་དུ་སྟེ་གང་བརྗོད་པར་བྱེད་པའི་སྒྲ་ནི་ཡན་ལག་གི་དོན་གཙོ་ཆེ་ཞིང་གཞན་གཉིས་ཀྱང་སྐབས་ཀྱི་སྟོབས་ཀྱིས་ཅུང་ཟང་རེ་འཇུག་པ་དང་བཅས་ཏེ་
བཤད་པ་ནི་ཡན་ལག་གི་དོན་གྱི་བཤད་པའམ། ཡི་གེའི་དོན་གྱི་བཤད་པའམ། གཞུང་ཐད་སོའི་བཤད་པའམ། ཡོངས་སུ་གྲགས་པའི་བཤད་པ་ཞེས་བྱའོ། །ཁྱད་པར་གཞུང་གི་ཚིག་འགའ་ཞིག་ཏུ། གང་ཟག་ཕ་རོལ་ཏུ་ཕྱིན་པ་དང་མཐུན་པ་ལ་དགའ་བ་དང་། བསྐྱེད་པའི་རིམ་པ་ལ་དགའ་བ་
རྣམས་ལ་སྤྱི་ལྟར་ཡང་བཤད་དོ། །ཟབ་མོ་ལ་མོས་པ་རང་གི་ལུས་ལ་དགའ་བ་དང་ཆགས་ཅན་ཕྱག་རྒྱའི་རྣལ་འབྱོར་ལ་དགའ་བ་རྣམས་ལ་ཙཎྜ་ལཱི་དང་དཀྱིལ་འཁོར་འཁོར་ལོ་ལྟར་ཡང་བཤད་དོ། །རྟོགས་པ་དང་ལྡན་པ་སྤྱི་བློས་མོས་པ་ཡུལ་དུ་བྱ་བའི་ཕྱིར་དང་རྟོགས་པ་དང་ལྡན་པ་ཡེ་ཤེས་དཔེའི་ཚུལ་
གྱིས་རྟོགས་པར་བྱ་བའི་ཕྱིར་མཐར་ཐུག་པའི་དོན་དུ་བཤད་པ་སྟེ་དེ་དག་ནི་རྒྱུད་དོན་ཡིད་བཞིན་གྱི་ནོར་བུ་ལྟ་བུའི་བཤད་པ་ཞེས་བྱ་བ་སྟེ། འདི་ནི་འཇིགས་བྲལ་རྣལ་འབྱོར་གྱི་དབང་ཕྱུག་གྱི་དབང་ཕྱུག་ཆེན་པོ་བརྒྱུད་པ་དང་བཅས་པ་རྣམས་ཀྱི་བཤད་སྲོལ་ཐུན་མོང་མ་ཡིན་པར་འདོད་དོ། །གཉིས་པ་ནི། སེམས་ཀྱི་རྒྱུད་རྒྱུན་ཆགས་པ་ཞིག་
གཏན་ལ་དབབ་པ་ལ་དགོངས་ནས་རྒྱུད་གསུམ་གྱིས་བཤད་པ་སྟེ། གསང་བ་འདུས་པ་ལས། རྒྱུད་ནི་རྒྱུན་ཆགས་ཞེས་བྱ་སྟེ། །རྒྱུན་དེ་རྣམ་པ་གསུམ་དུ་འགྱུར། །གཞི་དང་དེ་ཡི་རང་བཞིན་དང་། །མི་འཕྲོགས་པ་ཡིས་རབ་ཕྱེ་བའོ། །རང་བཞིན་རྣམ་པ་རྒྱུ་ཡིན་ཏེ། །གཞི་ནི་ཐབས་ཞེས་བྱ་བ་ཡིན། །དེ་བཞིན་མི་འཕྲོགས་
འབྲས་བུ་སྟེ། །གསུམ་གྱིས་རྒྱུད་ཀྱི་དོན་བསྡུས་པའོ། །ཞེས་གསུངས་པ་ལྟར་ཏེ། དེའང་རྒྱུའི་རྒྱུད་ནི་སེམས་ཅན་ཐམས་ཅད་ཀྱི་ཆོས་ཉིད་རང་བཞིན་གྱིས་རྣམ་པར་དག་པ་དང་ཆོས་ཅན་ཕུང་པོ་དང་ཁམས་དང་སྐྱེ་མཆེད་ཀྱི་ཆོས་སམ་ལུས་དང་ངག་དང་ཡིད་ཀྱི་ཆོས་ཇི་ལྟར་གནས་པ་རྣམས་སོ། །ཐབས་ཀྱི་རྒྱུད་ནི་

213-1-154b

སྨིན་པར་བྱེད་པའི་དབང་དང་གྲོལ་བར་བྱེད་པའི་ལམ་འཁོར་དང་བཅས་པ་རྣམས་སོ། །འབྲས་བུའི་རྒྱུད་ནི་ཐབས་དེ་ལ་གོམས་པར་བྱས་པས་མཆོག་དང་ཐུན་མོང་གི་དངོས་གྲུབ་གྲུབ་པར་གྱུར་པ་གང་ཡིན་པ་སྟེ། གཞི་དང་ལམ་དང་འབྲས་བུའི་རྒྱུད་ཀྱི་མངོན་པར་རྟོགས་པ་གསུམ་དུ་རྒྱུད་ཀྱི་ཚིག་དོན་མ་ལུས་
པ་བསྡུས་ནས་གང་ཟག་གཅིག་འཚང་རྒྱ་བའི་ཉམས་ལེན་དུ་སྦྱར་བའི་བཤད་པ་སྟེ། ཚུལ་འདིས་ཀྱང་རྒྱུད་གསུམ་པོ་གནས་སྐབས་གང་དང་གང་དུ་བབ་པར་དེ་དང་དེར་འགྲེལ་པ་དང་། ཚིག་འགའ་ཞིག་ཏུ་རྒྱུད་གསུམ་དང་ལྡན་པར་འགྲེལ་པ་གཉིས་ཀ་འབྱུང་བ་ཡིན་ནོ། །གསུམ་པ་ནི། དབང་ལམ་དུ་བྱ་བའི་ཕྱིར་
བདག་ཉིད་ཅན་གསུམ་གྱིས་བཤད་པ་སྟེ། ནམ་མཁའ་དང་མཉམ་པའི་རྒྱུད་ལས། སྔགས་དང་དབྱིབས་དང་ཆོས་བདག་ཉིད། །སྦྱོར་བ་རྣམ་པ་གསུམ་གྱིས་ནི། །སྲིད་པའི་ཉེས་པས་མི་གོས་ཤིང་། །རྒྱུད་ཀྱི་དོན་ལ་འཇུག་པར་བྱ། །ཞེས་གསུངས་པའི་དོན་ནི་ལུས་དང་ངག་དང་སེམས་དང་རླུང་སྟེ་རྒྱུ་རྣམ་པ་བཞི་ཡོད་པ་དང་།
དེ་བཞིན་དུ་དབང་བཞི་དང་ལམ་བཞི་དང་འབྲས་བུ་བཞི་ཡོད་པས་རིམ་པ་ལྟར་དབྱིབས་ཀྱི་བདག་ཉིད་དང་། སྔགས་ཀྱི་བདག་ཉིད་དང་། དབང་ཆོས་ཀྱི་བདག་ཉིད་དང་། མཐར་ཐུག་ཆོས་ཀྱི་བདག་ཉིད་དེ་རྣམ་པ་བཞིར་འགྱུར་ནའང་དབང་ཆོས་དང་མཐར་ཐུག་ཆོས་གཉིས་གཅིག་ཏུ་བྱས་པའི་བདག་ཉིད་ཅན་གསུམ་སྟེ། དེ་དག་གིས་
རྒྱུད་འགྲེལ་བ་ལའང་བདག་ཉིད་ཅན་གསུམ་གང་དུ་བབ་པའི་སྐབས་སོ་སོར་བཤད་པ་དང་། སྔགས་དང་དབྱིབས་དང་ཆོས་གསུམ་ཚང་བའི་ཚིག་རེ་རེ་ལའང་རྒྱུ་དང་དབང་དང་ལམ་དང་འབྲས་བུར་སྦྱར་ཏེ་བཤད་པས་བཤད་པའི་ཐབས་བཅུ་གཉིས་སམ་ཆོས་གཉིས་སོ་སོར་བྱས་པ་ན། བཅུ་དྲུག་ཏུ་བཤད་
པར་ཡང་འགྱུར་རོ། །བཞི་པ་ནི། འབྲས་བུ་སྐུ་བཞི་ལམ་དུ་བྱ་བའི་ཕྱིར་གནས་པ་བཞིས་བཤད་པ་སྟེ། དཔལ་ནམ་མཁའ་དང་མཉམ་པ་ལས། གོང་བུ་ཆུ་དང་གཟུགས་སུ་བཅས། །དེ་བཞིན་གཟུགས་ལས་འདས་པ་དང་། །གནས་པ་རྣམ་པ་བཞི་རུ་ནི། །རྒྱུད་རྣམས་ངེས་པ་ཁོ་ན་ཡིན། །ཞེས་གསུངས་པ་ལྟར་ལོངས་སྤྱོད་
རྫོགས་པའི་སྐུ་ནི་གོང་བུར་གནས་པ་དང་། ཆོས་ཀྱི་སྐུ་ནི་ཆུར་གནས་པ་དང་། སྤྲུལ་པའི་སྐུ་ནི་གཟུགས་སུ་གནས་པ་དང་། ངོ་བོ་ཉིད་ཀྱི་སྐུ་ནི་གཟུགས་ལས་འདས་པར་གནས་པ་སྟེ། འབྲས་བུ་གནས་པ་བཞི་ཡིན་པ་ལྟར་སྦྱང་གཞི་ལའང་མངལ་སྐྱེས་ཀྱི་འགྲོ་བའི་དབང་དུ་བྱས་ན་ཉིང་མཚམས་སྦྱོར་བ་དང་།

213-1-155a

མངལ་གྱི་གནས་སྐབས་ལྔ་དང་། འཚོ་བའི་གནས་སྐབས་དང་། འཆི་བའི་གནས་སྐབས་ཏེ་གནས་པ་བཞི་དང་། དེ་བཞིན་དུ་གསང་དབང་དང་རང་བྱིན་གྱིས་བརླབས་པ་ལ་སོགས་པའི་སྨིན་པར་བྱེད་པ་དང་གྲོལ་བར་བྱེད་པ་དག་ལའང་གནས་པ་བཞི་སྟེ། ལམ་བཞི་པོའི་ནང་གསེས་
ཀུན་དུ་ཡང་གནས་པ་བཞི་བཞི་ཡིན་ནོ། །འདི་དག་གིས་རྒྱུད་འགྲེལ་བ་ལའང་གནས་པ་བཞིའི་སྒོའི་ནས་གཞུང་ཚིག་སོ་སོའི་སྐབས་སུ་བཤད་པ་ལས། ཚིག་རེ་ལ་གནས་པ་བཞི་བཞི་སྦྱར་བ་མེད་ཀྱང་རྒྱུ་དང་ལམ་དང་འབྲས་བུའི་གནས་པ་གསུམ་གཞུང་ཚིག་གཅིག་ལ་སྦྱར་དུ་མི་རུང་བ་མེད་པའི་ཕྱིར་རོ། །
ལྔ་བ་ནི། སྤང་བྱ་མི་མཐུན་པའི་ཕྱོགས་སྤང་བའི་ཕྱིར་དག་པ་གསུམ་གྱིས་བཤད་པ་སྟེ། ཀྱེ་རྡོ་རྗེ་ལས། ངེས་པར་དངོས་པོ་ཐམས་ཅད་ཀྱི། །དག་པ་དེ་བཞིན་ཉིད་དུ་བརྗོད། །ཕྱི་ནས་རེ་རེའི་དབྱེ་བ་ཡིས། །ལྷ་རྣམས་ཀྱིས་ནི་བརྗོད་པར་བྱ། །རང་རིག་བདག་ཉིད་དག་པ་ཉིད། །དག་
པ་གཞན་གྱི་རྣམ་གྲོལ་ཡིན། །ཞེས་པ་སྟེ། རྒྱུའི་རྒྱུད་ངོ་བོ་ཉིད་ཀྱི་དག་པ་གསུམ་དང་། ཐབས་ཀྱི་རྒྱུད་དྲི་མ་སྦྱོང་བྱེད་ཀྱི་དག་པ་གསུམ་དང་། འབྲས་བུའི་རྒྱུད་དྲི་མ་དང་བྲལ་བའི་དག་པ་གསུམ་སྟེ། འདི་དག་གིས་རྒྱུད་འགྲེལ་བའི་ཚུལ་ཡང་རྒྱུད་གསུམ་སོ་སོའི་ཐད་སོར་བཤད་པ་ལས་ཚིག་རེ་
ལ་དག་པ་གསུམ་ག་སྦྱར་དུ་མི་བཏུབ་ནའང་ཚིག་རེ་ལ་རྒྱུད་གསུམ་ཚང་བ་ཉིད་དུ་བཤད་པར་བྱ་བ་ཡིན་ནོ། །དྲུག་པ་ནི། སྣོད་དང་མི་ལྡན་པ་ལ་གབ་ཅིང་གསང་བའི་དོན་དུ་གསང་བ་བདུན་གྱིས་བཤད་པ་ནི། དཔལ་ཡང་དག་པར་སྦྱོར་བའི་བརྒྱུད་ལས། གསང་བ་ནི་མི་གསལ་བའོ། །གསང་བ་ནི་དེ་ཁོ་ན་ཉིད་མདོར་
བསྟན་པའོ། །གསང་བ་ནི་ས་བོན་ལྔའོ། །གསང་བ་ནི་དམ་པའི་དངོས་པོ་སྦས་པའོ། །གསང་བ་ནི་གསང་བའི་པདྨའོ། །གསང་བ་ནི་ལྟེ་བའི་དགའ་བའོ། །གསང་བ་ནི་ཐམས་ཅད་དུ་འགྲོ་བ་བསྡུས་པའོ། །གསང་བ་ནི་བདེ་བ་མཐའ་ཡས་པ་སྟེ་རྒྱུད་ཀྱི་གཞུང་གི་བཤད་པའོ་ཞེས་
གསུངས་སོ། །དེའང་འདིར་གསང་བ་བརྒྱད་དུ་གསུངས་ཀྱང་། རྒྱུད་དེ་ཉིད་ལས། གསང་བའི་སྒྲ་ནི་བདུན་པ་སྟེ། བརྒྱད་པ་ནི་བརྗོད་དུ་མེད་པའི་མཚན་ཉིད་དོ་ཞེས་གསུངས་པས། ཐོག་མ་དང་ཐ་མའི་གསང་བ་གཉིས་རྟོགས་བྱ་དང་རྟོགས་པ་གཉིས་གནས་ལུགས་ལ་ངོ་བོ་དབྱེར་མེད་པའི་

213-1-155b

ཕྱིར་གསང་བ་བདུན་དུ་ངེས་པ་སྟེ། དེ་དག་ཀྱང་རིམ་པ་ལྟར་སྨིན་པར་བྱེད་པ་དང་། བསྐྱེད་པའི་རིམ་པ་དང་། རྟོགས་པའི་ལྟ་བ་དང་། ཕོ་ཉ་དང་། རང་བྱིན་གྱིས་བརླབས་པ་དང་། ལམ་གྱི་ཡན་ལག་རྣམས་བསྟན་ཏེ། འདི་དག་གིས་རྒྱུད་འགྲེལ་བའི་ཚུལ་ཡང་གཞུང་ཐམས་ཅད་གནས་
སྐབས་གང་དང་གང་དུ་འབྲེལ་བར་ཐད་སོར་བཤད་པ་ཁོ་ན་ལས་མི་འབྱུང་བ་ཡིན་ནོ། །དེ་ལྟ་བུའི་བཤད་པའི་ཐབས་འདི་དག་དང་། སློབ་དཔོན་མི་ཐུབ་ཟླ་བའི་རྒྱུད་དོན་ཡན་ལག་ལྔའི་བཤད་པ་ཞེས་བྱ་བ་དང་། གསང་བ་འདུས་པའི་བསྙེན་སྒྲུབ་ཡན་ལག་ཏུ་བཅས་པ་དང་། བདེ་
མཆོག་ཉུང་ངུའི་གསང་བ་རྣམ་པ་གསུམ་རྣམས་ཕལ་ཆེར་མཚུངས་པར་བཤད་དོ། །གཞན་ཡང་ཡེ་ཤེས་རྡོ་རྗེ་ཀུན་ལས་བཏུས་པའི་རྒྱུད་ལས་རྒྱན་བདུན་ཞེས་བཤད་པའི་ནང་གསེས་ཀྱི་མཐའ་དྲུག་དང་ཚུལ་བཞི་ཞེས་པའི་བཤད་པའི་སྲོལ་རྣམས་ཀྱང་གདམས་ངག་འདི་དག་ཏུ་དོན་
གྱིས་མ་འདུས་པ་མེད་པར་གསུངས་སོ། །དེ་དག་གིས་ནི་རྒྱུད་སྡེ་རིན་པོ་ཆེ་སྤྱིར་འགྲེལ་བའི་ཚུལ་གྱི་རྣམ་པར་གཞག་པ་ཅུང་ཟད་ཅིག་བསྟན་པ་ཡིན་ལ། བྱེ་བྲག་ཏུ་ནང་གསེས་ཀྱི་རྒྱུད་སྡེ་རིན་པོ་ཆེ་རེ་རེ་ལའང་ཐབས་ཀྱི་རྒྱུད་དང་། ཤེས་རབ་ཀྱི་རྒྱུད་དང་། གཉིས་སུ་མེད་པའི་རྒྱུད་དང་། 
དེ་བཞིན་དུ་བྱ་བའི་རྒྱུད་དང་། སྤྱོད་པའི་རྒྱུད་དང་། རྣལ་འབྱོར་གྱི་རྒྱུད་ལ་སོགས་པ་རྒྱུད་སྡེ་ཐ་དད་པའི་རྗེས་སུ་འབྲངས་ནས་རྣམ་པར་འགྲེལ་བའི་ཚུལ་ཐ་དད་པ་ཤིན་ཏུ་མང་བར་འབྱུང་སྟེ། དེ་དག་ནི་འདིར་བཤད་ཀྱིས་ལྡང་བ་མེད་པའི་ཕྱིར། རྒྱུད་ཀྱི་རྣམ་འགྲེལ་སོ་སོའི་སྟེང་དུ་
ལེགས་པར་བརྟགས་པས་ཤེས་པར་འགྱུར་རོ། །གཉིས་པ་སྐབས་སུ་བབ་པའི་རྒྱུད་ཀྱི་རྣམ་འགྲེལ་དཔེར་མཚོན་པ་ནི། དེ་ལྟར་ཇི་སྐད་བཤད་པའི་རྒྱུད་དོན་འགྲེལ་བར་བྱེད་པའི་མན་ངག་དེ་དག་ཅི་རིགས་པ་ལ་བརྟེན་ནས་ཟབ་པ་དང་རྒྱ་ཆེ་བའི་རྒྱུད་དོན་རྣམ་པར་བཀྲལ་བའི་
བསྟན་བཅོས་རྣལ་འབྱོར་བླ་ན་མེད་པའི་སྐོར་ལ། གཉིས་སུ་མེད་པའི་རྒྱུད་ཀྱི་རྒྱལ་པོ་ཀྱེ་རྡོ་རྗེ་རྩ་བའི་རྒྱུད་དང་། བཤད་པའི་རྒྱུད་ཀྱི་འགྲེལ་པ་བྱང་ཆུབ་སེམས་དཔའ་ཕྱག་ན་རྡོ་རྗེས་མཛད་པ་དང་། དཀའ་འགྲེལ་པདྨ་ཅན་དང་། ཀོོ་མུ་ཏི་ལ་སོགས་པ་དང་། རྡོ་རྗེ་གུར་

213-1-156a

གྱི་དཀའ་འགྲེལ་དང་། སཾ་པུ་ཊའི་འགྲེལ་བ་མན་ངག་གི་སྙེ་མ་ལ་སོགས་པ་དང་། དུས་ཀྱི་འཁོར་ལོའི་འགྲེལ་པ་དྲི་མ་མེད་པའི་འོད་ལ་སོགས་པ་ལྟ་བུའོ། །ཤེས་རབ་ཀྱི་རྒྱུད་ལ་བདེ་མཆོག་རྩ་བའི་རྒྱུད་ཀྱི་སྟོད་འགྲེལ་བྱང་ཆུབ་སེམས་དཔའ་
ཕྱག་ན་རྡོ་རྗེས་མཛད་པ་དང་། དཀའ་འགྲེལ་རིན་པོ་ཆེའི་ཚོགས་དང་། དཔའ་བོ་ཡིད་འོང་དང་། མཁའ་འགྲོ་རྒྱ་མཚོའི་རྒྱུད་འགྲེལ་ལ་སོགས་པ་ལྟ་བུའོ། །ཐབས་ཀྱི་རྒྱུད་ལ་གསང་བ་འདུས་པ་འཕགས་པའི་སྐོར་ལ་རྒྱུད་འགྲེལ་སྒྲོན་མ་གསལ་བ་དང་། སྦྱོར་བ་ཡན་
ལག་དྲུག་པའི་འགྲེལ་པ་ལ་སོགས་པ་དང་། ཡེ་ཤེས་ཞབས་ཀྱི་སྐོར་ལ་རྒྱུད་འགྲེལ་སློབ་མ་ལ་ཕན་པ་ལ་སོགས་པ་ལྟ་བུ་སྟེ། དེ་དག་སྤྱིའི་དགོངས་འགྲེལ་དུ་གྱུར་པ་སྒྲུབ་པའི་ཐབས་དང་དཀྱིལ་འཁོར་གྱི་ཆོ་ག་ཡན་ལག་དང་བཅས་པ་རྣམས་ལྟ་བུའོ། །རྒྱུད་སྡེ་འོག་མའི་སྐོར་      
ལ་རྣལ་འབྱོར་གྱི་རྒྱུད་ལ་དེ་ཁོ་ན་ཉིད་བསྡུས་པའི་རྒྱ་ཆེར་བཤད་པ་ལ་སོགས་པ་དང་། སྤྱོད་པའི་རྒྱུད་ལ་རྣམ་པར་སྣང་མཛད་མངོན་པར་བྱང་ཆུབ་པའི་རྒྱུད་ཀྱི་འགྲེལ་པ་ལ་སོགས་པ་དང་། བྱ་བའི་རྒྱུད་ལ་བསམ་གཏན་ཕྱི་མའི་རྒྱུད་ཀྱི་འགྲེལ་པ་ལ་སོགས་པ་རྒྱུད་སོ་སོ་དང་སྤྱིའི་འགྲེལ་
པ་སྒྲུབ་པའི་ཐབས་དང་དཀྱིལ་འཁོར་གྱི་ཆོ་ག་ཡན་ལག་དང་བཅས་པ་རྣམས་ལྟ་བུའོ། །དེ་དག་གིས་ནི་བཀའ་ལུང་གི་དགོངས་པ་རྣམ་པར་འགྲེལ་བའི་རྣམ་པར་གཞག་པ་ལ་སོགས་པ་མདོ་ཙམ་རེ་ཞིག་བརྗོད་ཟིན་ཏོ། །འདིར་སྨྲས་པ། སྲིད་ཞིར་བཀྲ་ཤིས་སྒྲུབ་པ་ཆོས་ཀྱི་དབྱངས། །
དབྱངས་མཆོག་དཀྱིལ་འཁོར་རྫོགས་པའི་གདངས་ཉིད་དུ། །དུ་མའི་མོས་པར་ཐ་དད་སྟོན་པའི་མཆོག །མཆོག་གི་ཡོན་ཏན་མཐར་ཕྱིན་ཤཱཀྱའི་གཙོ། །གཙོ་བོ་འཇིག་རྟེན་གཙོ་བོས་ཕྱག་བྱས་པའི། །གསུང་རབ་གཉིས་མེད་གསུང་དང་། [ཤློ་ཀ་དགུ་པོ་ཟུང་ལྡན་གྱི་རྒྱན་གྱི་བྱེ་བྲག་ལས་བྱུང་བ།] དགོངས་
གཅིག་ཏུ། །ཇི་བཞིན་སྒྲ་དང་ཇི་བཞིན་མིན་པ་སོགས། །ལེགས་པར་མཁྱེན་དོན་ལེགས་འདོམས་རྒྱལ་བའི་སྲས། །བདེན་མཐོང་རང་སྟོབས་ཤིང་རྟའི་སྲོལ་ཕྱེ་འམ། །གཞན་གྱི་གཞུང་དོན་ལ་བརྟེན་འགྲེལ་ཡང་རུང་། །ཐམ༷ས་ཅད༷་ཤེས་བྱའི་གནས་ཀུན་འཆད་པ་ལ། །ཐམས་

213-1-156b

ཅད་མཁྱེན་པ་ཉིད་དང་མཚུངས་པར་སྨྲ། །སྨྲ་མཆོག་སྨྲ་བའི་ཉི་མ་གང་དག་གིས། །ལེགས་བཤད་པ་ལེག༷ས་པར་གདམས་པའི་སྣང་བ་ཆེ། །འཇི༷ག་རྟེན་འཇིག་རྟེན་འདས་པའི་ངོ་མཚར་འཕྲུལ། །ཇི༷་སྙེད་ཇི༷་བཞིན་སྟོན་པ་འདི་རྨད་བྱུང་། །ཕྱོགས་བྲལ་བདེ་གཤེགས་
གཤེགས་པའི་ལམ་པོ་ཆེ། །རྣམ་གཉིས་དངོས་གྲུབ་གྲུབ༷་པའི་ཐུགས་ཀྱི་བཅུད། །ལྔ་རིག་མཁས་དབང་དབང་པོས་བཤད་བྱ་བ། །ལེགས་པའི་ལམ་འགྲོ་འགྲོ་བའི་མིག་འདི་ཡིན། །བརྒྱ་ལམ་སྐྱེ་བའི་ཕྲེང་བར་མཇལ་དཀ༷འ་དཀ༷འ། །མཇལ་བ་སྙིང་པོ་ཀུན་གྱིས་རབ་ལྕི་ལྕི། །མཆོག་
ཏུ་རྣམ་གྲོལ་སྙིང་པོས་ཆེས་བརླིང༷་བརླིང༷་། །སྦྱིན་འདི་ཐོབ་པའི་སྐལ་བ་རྨད་བྱུང་བྱུང༷་། །ཡང༷་ཡང༷་སྐྱེ་བར་སྦྱངས་པའི་བློ་གྲོས་ཀྱིས། །གས༷ལ་གས༷ལ་ཡང་དག་རྟོགས་ནས་གསུངས་པའི་ཆོས། །ཡང་ཡང་དཔྱད་པ་གསུམ་གྱིས་དག་གྱུར་པ། །རང༷་རང༷་མོས་པ་བླངས་དོན་མི་ཆུང་
གྲང་། །ཀུན༷་ཕན་གཞོན་ནུ་རྩེ་དགའ་དྲན་པ་ཡིས། །ཀུན༷་ནས་འོད་ཀྱི་སོར་མོ་རབ་བརྐྱངས་ནས། །ཀུནྡའི་འདབ་མ་ནས་བཟུང་འབྱེད་པའི་ཚེ། །ཀུན་དགའི་འཛུམ་བརྒྱ་གྲོལ་ལ་སུ་ཡིས་འགོག །སྨྲ་མཆོག་རྣམས་ཀྱི་བཀའ་དོན་བཀྲལ་བའི་ཚུལ༷། །ཚུལ༷་ལུགས་མང་
པོའི་ཁྱད་པར་མདོ་ཙམ་དུ༷། །དུ་མའི་ལུང་ལས་ཉེ་བར་འཕོས་པའི་དབྱང༷ས། །དབྱང༷ས་ཀྱི་རྒྱལ་མོའི་གླུ་ཡི་སྤུན་ཟླར་བླངས། །རྗོད་བྱེད་སྙན་པའི་གདངས་ལས་ཆོས་ཀྱི་དོན། །ཅི་ཡང་འདྲེན་པའི་མཚར་ལ་མ་བཟོད་པར། །ཡིད་འཕྲོག་སྒྲ་ངན་སྤངས་པ་མཐོ་རིས་སུ། །བྲོས་ཏེ་རང་གི་གླིང་བུར་
བཤུང་བ་འདྲ། །ཐམས་ཅད་མཁྱེན་པ་ཆེན་པོ་ཉི་མའི་གཉེན་གྱི་བཀའ་ལུང་སྤྱི་དང་བྱེ་བྲག་གི་དགོངས་དོན་རྣམ་པར་འགྲེལ་པའི་ [རབ་རྟོག་ལས་སེམས་ལྡན་རབ་རྟོག །] བསྟན་བཅོས་གངས་ཅན་པའི་སྐད་དུ་འགྱུར་རོ་འཚལ་གྱི་ཆོས་སྦྱིན་རྒྱུན་མི་འཆད་པའི་ངོ་མཚར་འཕྲུལ་གྱི་ཕྱི་མོ་རྫོགས་ལྡན་བསྐལ་
པའི་བསོད་ནམས་ཀྱི་སྤྲིན་ཕུང་རྒྱས་པར་དཀྲིགས་པའི་ཚུལ་ལས་བརྩམས་པའི་གཏམ་ངོ་མཚར་ཆུ་གཏེར་འཕེལ་བའི་ཟླ་བ་གསར་པ་ལས། འགྲེལ་ཚུལ་ངེས་པའི་ཆེད་དུ་བསྟན་བཅོས་ཀུན་གྱི་རྣམ་པར་གཞག་པའི་སརྒ་སྟེ་བཞི་པའོ།།      །།

213-1-157a

[༄། །མཉམ་པའི་བྲྀཏྟ་ཝརྞ་བཅུ་གཅིག་པ་གསུམ་བསྔགས་ལ་ངོ་མཚར་རྟོགས་བྱེད་ཀྱི་དགོངས་པས་ཉིས་སྟོང་བཞི་བཅུ་རྩ་བརྒྱད་ཡོད་པའི་ནང་གསེས་སུམ་བརྒྱ་ང་བདུན་པ་དབང་པོ་རྡོ་རྗེ་ཞེས་བྱ་བའི་པྲཱསྟཱ་རས་བཅིངས་པའོ། །]
དྷ རྨོ ཏྟ རཱ ན ནྡ ད དཱ ཏི ལོ ཀེ ཏྱཱ གོ མ ཧཱ ར མྦྷ མ ཧཱ ཙ དྷཱི ར ཀྲྀ ཏྟེ མ ཧཱ ས ཏྭ བ ས ཏཱི ཛི ནཱ ནཱཾ ཀ རྨཱ རྞ བཱ བ ཤྱ བི ཀུ རྦ ཎཻ ཝཾ །
[ཡམ་ལག་གཅིག་པའི་གཟུགས་ཅན།] ཆོས་མཆོག་ཀུན་དགའ་སྟེར་འཇིག་རྟེན་ན། །བརྟན་བྱེད་རྩོམ་པ་ཆེ་དང་གཏོང་བ་ཆེ། །སྙིང་སྟོབས་ཆེ་ལྡན་དེ་དག་རྒྱལ་རྣམས་ཀྱི། །ཕྲིན་ལས་རྒྱ་མཚོའི་རྣམ་འཕྲུལ་ངེས་པ་ཉིད། །

213-1-157b

སྡེ་བཞིའི་སྙེ་མ་དུད་པའི་ཚལ་དུ་སྟོབས་ཀྱི་ཤིང་རྟར་ཡང་དག་འཛེགས། །བསྡུ་དངོས་བཞི་ཡི་འཁོར་ལོའི་འགྲེས་མཛེས་སྙིང་རྗེའི་གདུང་སྐྱོབ་དཀར་པོ་ཡིས། །འཇིག་རྟེན་ཁམས་སུ་རྫོགས་ལྡན་ཆོས་ཀྱི་གྲིབ་མ་ཡིད་དུ་འོང་འཇོ་བ། །ཆོས་དང་སྲིད་པར་དགེ་བའི་རྒྱལ་སྲིད་ཅིག་ཅར་སྐྱོང་བའི་
[གཟུགས་ཅན་ལས་མ་བསྡུས་པ།] མི་བདག་ཡོད། །ཇེ་མཐོའི་རིགས་ཀྱི་ས་བོན་མ་རྨས་པ། །བདེ་བར་འགྲོ་བའི་ཞིང་སར་བཏབ་པ་ལས། །ལུས་ཅན་ཡོངས་ཀྱི་མཉེས་གཤིན་ཟླ་མེད་པའི། །སྐྱེས་བུ་དམ་པའི་ལོ་ཏོག་ཅི་ཡང་ལེགས། ། དེ་དེའི་རྒྱུད་དུ་འབབ་སྟེགས་ལེགས་བྱས་པའི། །བཞིན་
བཟང་ལང་ཚོ་གསར་བུའི་དཔལ་ཉིད་དང་། [མ་བསྡུས་པའི་གཟུགས་ཅན།] །མཉམ་དུ་སྒྱུ་རྩལ་ཀུན་ལ་རབ་སྒྲིན་པའི། །གཏམ་སྙན་དང་པོའི་ཕོ་ཉ་བཞིན་དུ་རྒྱུ། །འགའ་ཞིག་རྣམ་པ་ཐམས་ཅད་མཁྱེན་པའི་རྒྱུ། །བློ་ལྡན་རྣམས་ཀྱི་འཇུག་ [ཡོན་ཏན་ལྷན་ཅིག་བརྗོད་པ་ལ་ཆོས་ཀྱི་དཔེས་བརླིང་བ།] ངོགས་ཤེས་
བྱའི་གནས། །གྲངས་མེད་སྤྲོ་བ་མཆོག་གིས་རབ་སྦྱངས་པས། །མཁས་དང་གྲུབ་པའི་རྩེ་མོར་མ་ཕྱིན་སུ། །ཟབ་བརླིང་གཞོན་ནུའི་བརྟུལ་ཞུགས་འཆང་བ་ [རྒྱུའི་རྒྱན་ལས་ཐོབ་པར་བྱེད་པ།] འགའ། །བསྟན་ཇུས་རྨ་བྱའི་ཐེག་པ་ལ་ཆིབས་ནས། །ལས་དབང་ཤ་ཟའི་མདུང་རྣོན་ཐོགས་པའི་
མདུན། །འཚེ་བྱེད་པ་སངས་སློབ་མས་ཅི་སྟེ་ཚུགས། །རྣམ་འདྲེན་བསྟན་པ་སྐྱོང་བར་ཚེ་རིང་ལྷས། །བསྐོས་ [རིག་བྱེད་ཀྱི་ལོ་རྒྱུས་ལས་དྲངས་པའི་མཐའ་དག་གཟུགས་ཅན།] པའི་མི་བདག་ཁྱོད་ཀྱི་མཐུ་ཆེན་པོས། །མི་བདག་གཞན་གྱི་གྲགས་པ་ཟིལ་གནོན་པའི། །ཐུབ་ཆོད་ལས་འདི་ཆོས་ལ་རིགས་
སམ་ཅི། །བསོད་ནམས་གསེར་གྱི་སྒོ་ངའི་སྦུབས་ཡངས་ [ཟོལ་བསྟོད་ལས་དཔའ་བ་ཕུན་སུམ་ཚོགས་པ།] ནས། །ལེགས་འཁྲུངས་མི་ཡི་རྗེ་བོ་འཇིག་རྟེན་མགོན། །གཙུག་ལག་རིག་བྱེད་འཆད་པའི་དང་པོ་དེ། །ཆབ་སྲིད་འཇིག་རྟེན་མཛེས་པའི་དཔལ་དུ་བྱོན། །ལྷག་པའི་ལྷས་བསྐྱེད་བློ་
གྲོས་དཀྱིལ་ [གཟུགས་ཅན་ལས་མཐའ་དག་གཟུགས།] འཁོར་དུ། །རིག་པའི་གཞུང་བརྒྱ་སོང་ཡང་ཁེངས་པ་ཅི། །ཆེ་བའི་རྒྱ་མཚོ་ཉིད་དུ་དག་བྱེད་མ། །མཐའ་དག་ཕྱིན་པས་ངོམས་པ་ནམ་ཞིག་མཐོང་། ། [རྐང་པ་དང་པོ་དང་གསུམ་པར་ཡོད་པ་ཆོད་པའི་ཟུང་ལྡན།] རྒྱལ་བའི་ཕྲིན་ [དོན་གཞན་བཀོད་པ་ལས་ཁྱད་པར་ལ་གནས་པ།]

213-1-158a

ལས་བར་ཆད་མེད་ས་བོན། །འཛམ་གླིང་ཡངས་མའི་མངལ་དུ་ལེགས་བཟུང་བ། །རྒྱལ་བའི་སྲས་སུ་ངེས་པར་ཟློས་པ་ལ། །བླ་མ་ཆེ་ཞེས་ཕྱོགས་ཀྱི་བློ་ལྡན་སྨྲ། །འཇིག་རྟེན་ཀུན་དགའ་འབྱུང་བའི་ཕྲིན་ལས་ཀྱིས། །རྒྱ་མཚོའི་སྐ་རགས་ལྡན་པར་མཛེས་ཁྱོད་ནི། །
སྲིད་པས་ཐོབ་པའི་དགའ་བ་མཐ་ཡས་འདི། །ཉིད་ལས་གཞན་པའི་དྲིན་གྱིས་ཅི་སྟེ་ཐོབ། །སྔ་ན་མེད་པའི་བདེ་སྐྱིད་མེ་ཏོག་འདབ། །འཛུམ་ལྡན་གྲགས་པ་དགེ་བའི་རྐང་དྲུག་གི། །གླུ [དགའ་བ་ལས་དངོས་ཐོབ།] སྙན་འབུམ་དུ་འབྱིན་པས་བོད་ཆེན་པོ། །ལེགས་ལྡན་དཔྱིད་ཀྱི་དཔལ་དེས་མཛེས་
པར་བྱས། །ཆེ་བའི་ཁེངས་ལྡན་མང་པོའི་ཐོར་ཚུགས་རྩེ། །མཛེས་བྱེད་གང་གི་ཞབས་དང་རྩ་ [གཟུགས་ཅན་ལས་ལྡན་པ།] ལག་འཚོ། །དྲི་བཟང་ཁང་པ་དྲོད་ཀྱི་རེག་པས་རྙིངས། །ཁྱོད་ཞབས་མཛེས་པའི་ལང་ཚོ་ཡོལ་བ་མེད། །བཀའ་ལུང་ཡི་གེའི་གཟུགས་སུ་འཁྲུངས་པ་རེས། །འགྲོ་བའི་
མི་བདེ་བཅིལ་ [ལྡོག་པ་ཅན་ལས་གཉིས་ཀྱི་ལྡོག་པ།] བ་སྔོན་ལས་མཐུ། །མ་ཡིན་ཟུག་རྔུ་ཐམས་ཅད་འབྱིན་བྱེད་པའི། །སྨན་མཆོག་སྟོང་གི་ཐིགས་པས་བྲན་པར་ངེས། །རྣམ་འབྱེད་བློ་གྲོས་འབར་བའི་ལྕེ་བཞིན་དུ། །གཡོ་བ་དེ་མཐོང་ [བསྙོན་དོར་ལས་ཆོས་ལ་བསྙོན་པ།] ཤེས་བྱའི་དངོས་པོ་དག །རང་གི་བརྟན་
པ་ཟ་ཕྱིར་གླལ་སྙམ་དུ། །སྐྲག་སྟེ་རང་བཞིན་མངོན་སུམ་བསྟན་པ་འདྲ། །ཕྱོགས་དང་ཕྱོགས་བྲལ་དག་གི་རྒྱལ་རིགས་ལ། །བསྔགས་པའི་སྙན་ [ཏིང་ངེ་འཛིན་གྱི་རབ་རྟོག་ལ་དཔེའི་རྒྱན་གྱིས་མཛེས་པ།] དངགས་གླུ་རུ་བླངས་རྣམས་ཀྱང་། །འདི་ན་སྙིང་རྗེའི་བདག་ཉིད་བཞུགས་གང་གི། །ཆེ་བའི་ཡོན་
ཏན་བརྗོད་པའི་འཕྲིན་དུ་བྱུང་། །མི་དམན་བསོད་ནམས་ཡངས་པའི་དགའ་ཚལ་ [རྒྱུའི་རྒྱན་ལས་རིགས་འབྲས།] དུ། །སྲིད་གསུམ་འབྱོར་བ་ཡོངས་སུ་སྤུངས་བས་ཀྱང་། །དབྱེ་བ་བརྒྱ་སྟོང་ཆ་ཤས་ཕོད་མིན་པའི། །ལེགས་བྱས་ཆོས་ཀྱི་སྡོང་པོ་འདི་འཁྲུངས་སོ། །མཐོང་བའི་ཆོས་ཀྱི་ཕན་པ་ནི་ཚེ་ཡང་། །ཆེ་བར་
སྒྲོ་བཏགས་ཚིག་གི་སྤུན་མ་དེ། །[གཟུགས་ཅན་ལས་ལྡན་པ།] འུད་ཆེན་རླུང་གི་རྟ་ལ་བསྐྱོན་ནས་ནི། །བསྔགས་པ་དབྱངས་སུ་བརྗོད་དང་ཅི་ཞིག་མཚུངས། [བེེ་དརྦྷའི་མཛེས་པའི་ཡོན་ཏན་བསྔགས་པ་ལ་སྦྱར་བ།] སེམས་རྒྱུད་ལ་ཞེན་རྣམ་པར་གནག་པའི་དྲི། །གཉེན་པོ་ཆུང་ངུ་ཡིས་ཀྱང་ [གཟུགས་ཅན་ལས་མི་མཉམ་པ།] འཇིག་པའི་ཆོས། །

213-1-158b

ལེགས་པར་བྱིན་པའི་བཀའ་དྲིན་གཟུགས་ཅན་དུ། །གྲུབ་ན་སྲིད་པ་གསུམ་དུ་ཅང་ཆུད་དམ། །ལེགས་བྱས་ཕ་རོལ་མཐོང་དཀའ་མི་བདག་གི། །རྟོགས་བརྗོད་མཐའ་ཡས་ཚིག་ཏུ་འཁྲུངས་པའི་ཚད། །འཇལ་བྱེད་ཁུར་ཆེན་ཁྱེར་བའི་གཉིས་ལས་འཐུང་། །རབ་ཏུ་བརྟན་དེ་སྲིད་པས་སྤྲུལ་ལམ་སྙམ། །
འོན་ཏེ་ཆེ་བའི་ཆར་ལས་གཞན་གྱིས་གསོས། །ངོམས་པར་བཏུང་བས་རྒྱས་པའི་དབྱངས་བཞིན་ [སྙམ་སྒྲ་ཅན་གྱི་རབ་རྟོག །] དུ། །ལེགས་པར་བརྟགས་པའི་མཐོང་དོན་ཅུང་ཟད་ཅིག །ཚིག་ཏུ་བསྡེབས་པ་འདི་ལ་དགའ་བས་ཉོན། །སྤྱི་དོན་ལྔ་པ་བསྟན་པ་གནས་པའི་ཆེད་དུ་དགོངས་འགྲེལ་བར་དུ་སྒྲུབ་པར་ 
[མཚུངས་པ་གསལ་བྱེད་ཀྱི་དཔེ།] བསྐུལ་བ་ལ། གང་གིས་བསྐུལ་བ་བསྟན་པའི་སྒྲོན་མཆེན་པོའི་ཁྱད་པར་དང་། གང་ལ་བསྐུལ་བ་བསྟན་པའི་རྩ་ལག་ཆེན་པོའི་ཁྱད་པར་རོ། །དང་པོ་ལ་ངོས་གཟུང་བ་དང་། དེའི་ཆེ་བའི་ཡོན་ཏན་གྱི་ཁྱད་པར་བརྗོད་པ་གཉིས་ལས། དང་པོ་བསྟན་པའི་སྒྲོན་མར་གྱུར་པའི་སྐྱེས་བུ་དམ་པ་
ནི་སྤྱིར་སྟོབས་བཅུ་མངའ་བའི་བསྟན་པ་རིན་པོ་ཆེ་གང་དང་གང་དུ་དར་བ་དེ་དང་དེ་དག་གི་ཕྱོགས་དང་ཕྱོགས་བྲལ་ཀུན་ཏུ་མཛེས་པར་བྱེད་པའི་བསྟན་འཛིན་གྱི་སྐྱེས་བུ་ཆོས་བཞིན་དུ་སྨྲ་ཞིང་ཆོས་བཞིན་དུ་མཛད་པ་གང་དག་འབྱོན་པར་འགྱུར་བ་སྟོན་པ་ཐུབ་པའི་དབང་པོ་ཉིད་ཀྱིས་ལུང་བསྟན་པའི་སྐྱེས་བུ་དམ་པ་སྟེ། དེ་
ལའང་དབྱེ་ན། འབྱོན་འགྱུར་གྱི་སྐྱེས་བུ་དམ་པ་གང་དག་ཡིན་པ་དེ་དག་གི་མཚན་ནས་དངོས་སུ་སྨོས་ཏེ་ལུང་བསྟན་པ་དང་། བརྒྱུད་ནས་ནི། དཔེར་ན། བ་ཚ་ཆུ་ཀླུང་གི་མདོ་ལས། ལྔ་བརྒྱ་ཐ་མར་གྱུར་པའི་ཚེ། །ང་ཉིད་སློབ་དཔོན་གཟུགས་ཀྱིས་གནས། །ང་ཡིན་སྙམ་དུ་ཡིད་བྱོས་ལ། །དེ་ཚེ་དེ་ལ་གུས་པ་སྐྱེད། །
ཅེས་གསུངས་པ་ལྟར་སྟོན་པ་རང་གི་མཁྱེན་བརྩེ་ནུས་པ་རྒྱ་མཚོ་ཆེན་པོའི་རྣམ་པར་འཕྲུལ་པའི་སྒྱུ་འཕྲུལ་གྱི་དྲ་བ་ཉིད་དུ་ལུང་བསྟན་པའི་སྐྱེས་བུ་དམ་པ་རྒྱལ་བའི་བསྟན་པ་རིན་པོ་ཆེ་སྐྱོང་བ་ལ་ཐུགས་རྩེ་གཅིག་ཏུ་ཕྱོགས་པ་གྲངས་མེད་པ་དག་འབྱོན་པར་གསུངས་པ་ལ། འདིར་སྐབས་སུ་བབ་པ་ནི་ཕྱི་མ་སྟེ། དེ་ལ་ཡང་
འདིར་རྡོ་རྗེ་འཆང་ཀུན་དགའ་བཟང་པོའི་ཆོས་ཀྱི་ཁྲི་ཆེན་པོ་ལ་མངའ་གསོལ་བའི་གདན་རབས་སུམ་ཅུ་པར་གྱུར་བ་འཇམ་པའི་དབྱངས་བཀྲ་ཤིས་ལྷུན་གྲུབ་གྲགས་པའི་རྒྱལ་མཚན་དཔལ་བཟང་པོ་པ་ཞེས་ཡོངས་སུ་གྲགས་པ་བདེ་ཉིད་དོ། །གཉིས་པ་ནི། འདིས་སྔོན་གྱི་སྐྱེ་བ་ཇི་ལྟར་བཞེས་པའི་དབང་དུ་བགྱིས་ན། འཕགས་

213-1-159a

པའི་ཡུལ་གྱི་པཎྜི་ཏ་མང་པོའི་གཙུག་གི་ནོར་བུ་ལྟ་བུར་གྱུར་པ་དཔལ་དཱི་པཾ་ཀ་ར་ཤྲཱི་ཛྙ་ནའི་རྣམ་པར་འཕྲུལ་པ་ཉིད་དུ་དངོས་དང་མངོན་པར་ཤེས་པའི་མེ་ལོང་སྒྲིབ་པ་མེད་པ་ཐོགས་པ་འགའ་ཞིག་གིས་ཀྱང་ལུང་བསྟན་པ་དང་། བར་སྐབས་སུའང་རྗེས་བཙུན་དམ་པ་ཉིད་ཀྱི་ཉམས་ཀྱི་སྣང་
བ་ལ་རྒྱ་གར་རྡོ་རྗེ་གདན་གྱི་མཁན་པོ་མཛད་པའི་སྔོན་གྱི་སྐྱེ་བ་དྲན་པ་བྱུང་བ་དང་། གངས་རིའི་ལྗོངས་འདིར་ཡང་བཀའ་གདམས་པའི་དགེ་བའི་བཤེས་གཉེན་ཆེན་པོ་ཞིག་གི་སྐྱེ་བ་བླངས་པར་གསུངས་པ་དང་། ཨེ་ཝཾ་ཆོས་ལྡན་གྱི་གདན་རབས་བཅུ་བཞི་པ་མཁན་པོ་རིན་པོ་ཆེ་དཔལ་ལྡན་དོན་གྲུབ་སྟེ།
དེ་ལ་སོགས་པ་མཁས་པ་དང་གྲུབ་པའི་ཡོན་ཏན་བརྙེས་པ་མང་པོའི་སྐུའི་སྐྱེ་བ་ལུ་གུ་རྒྱུད་དུ་བཞེས་ནས། དུས་དེ་དང་དེ་དག་ཏུ་འགྲོ་བ་རྒྱ་མཚོའི་དོན་མཐའ་ཡས་པར་མཛད་པ་ཞིག་གོ། །སྐྱེ་བ་འདིར་ཡང་གཞུང་ལུགས་མང་པོའི་དོན་ལ་ལེགས་པར་སྦྱངས་པས། ཆོས་དང་ཆོས་མ་ཡིན་པ་རྣམ་པར་
དཔྱོད་པས་ལོག་པར་སྨྲ་བ་གཞན་ཚར་གཅོད་པ་ལ་ཤིན་ཏུ་མཁས་ཤིང་། ནང་དུ་གསང་སྔགས་རྡོ་རྗེ་ཐེག་པའི་སྔགས་ཀྱི་རིག་པ་གྲུབ་པས་རྟོགས་པའི་ཡོན་ཏན་བསམ་གྱིས་མི་ཁྱབ་པ་ལ་དབང་འབྱོར་པའི་རྡོ་རྗེ་སློབ་དཔོན་ཆེན་པོར་གྱུར་པའོ། །བྱེ་བྲག་ཏུ་འཛམ་བུའི་གླིང་འདིར་ཐུབ་པའི་རྒྱལ་
ཚབ་ཀྱི་མཆོག་ཏུ་གྱུར་པའི་སྐྱེས་བུ་ཆེན་པོ་རྡོ་རྗེ་འཆང་ཀུན་དགའ་བཟང་པོ་ཞེས་རྒྱལ་བ་ཉིད་ཀྱི་ཞལ་སྒོ་ནས་ཚངས་པའི་གསུང་དབྱངས་ཡན་ལག་དྲུག་ཅུའི་སྒྲ་ལས་ལུང་བསྟན་པའི་སྐྱེས་བུ་དམ་པ་སྟེ། དེའང་གང་ལས་ལུང་བསྟན་པ་ཡིན་སྙམ་ན། འཕགས་པ་དགེ་བའི་རྩ་བ་ཡོངས་སུ་འཛིན་
པ་བྱང་ཆུབ་སེམས་དཔའི་སྡེ་སྣོད་ཀྱི་མདོ་ལས། དེ་ཚེ་འཇིག་རྟེན་མགོན་པོའི་སྤྲུལ་པ་སྤྲུལ། །དེ་ཚེ་དགེ་སློང་ཀུན་དགའ་བཟང་པོ་འབྱུང་། །ཚུལ་ཁྲིམས་ཀྱིས་ཀྱང་ཁྱད་པར་འཕགས་གྱུར་ལ། །ཐོས་པ་མང་ཞིང་ཕ་རོལ་ཕྱིན་པས་འཕགས། །ཐབས་དང་ཤེས་རབ་ལ་ནི་ཤིན་ཏུ་བསླབས། །
དེ་དག་ཆོས་ཀྱི་སེམས་རྒྱུད་བརྗེད་མི་འགྱུར། །རྟག་ཏུ་འཕགས་པ་རྣམས་དང་འགྲོགས་པར་འགྱུར། །དཔའ་བོ་དེ་ཡི་ཡོན་ཏན་གང་ཡོད་པ། །མང་དུ་ཐོས་ཀྱང་མཐར་ཐུག་འགྱུར་བ་མེད། །དཔའ་བོ་ཤིན་ཏུ་གནས་པ་དེ་ཡི་མིང་། །དེ་ཚེ་བུད་མེད་གང་གིས་ཐོས་གྱུར་པ། །དེ་

213-1-159b

ནི་ཕྱིན་ཆད་བུད་མེད་དངོས་མི་འགྱུར། །དེ་ལྟར་རྩི་སྨན་འདྲ་བའི་མི་དེས་ནི། །མིང་གིའང་སངས་རྒྱས་མཛད་པ་བྱེད་པར་འགྱུར། །དེ་ཚེ་ཕྱོགས་བཅུ་དག་ཏུ་བསྒྲགས་པ་ན། །དཔའ་བོ་དེ་ཡི་མིང་ནི་སུས་ཐོས་པ། །དེ་ཡི་མིང་གིས་ལས་ནི་དེ་བྱེད་དེ། །བུད་མེད་གང་ཟག་ལ་ནི་རེག་མི་
འགྱུར། །གང་གིས་མཐོང་དང་བསྟི་སྟང་བྱེད་ཅི་སྨོས། །དེས་ན་རྒྱལ་བས་དགེ་སློང་གང་སྤྲུལ་པ། །ཀུན་དགའ་བཟང་པོ་ཞེས་ནི་བྱ་བ་དེས། །རྒྱལ་བས་དེ་སྐད་བསྒྲགས་པ་དེ་འདྲ་བ། །བྱང་ཆུབ་བཞུགས་པ་ཅི་མཆིས་དེ་ལ་ཞུས། །ཀུན་དགའ་བཟང་པོ་གོ་ཆ་དཔའ་བོའི་
མིང་། །འཇིག་རྟེན་ཁམས་འདིར་ཡོངས་སུ་བསྒྲགས་པ་ན། །གང་དག་ཕྱི་དུས་དགེ་སློང་རྣམས་འབྱུང་བ། །རྩུབ་དང་གཏུམ་དང་ཤིན་ཏུ་རྩུབ་པ་ཡི། །དགེ་སློང་གཞན་གྱིས་འདི་ལ་རྩོད་པར་འགྱུར། །ཆོས་འདི་རྒྱལ་བས་གསུངས་པ་མ་ཡིན་ཞེས། །འཇིག་རྟེན་ཕྱིན་ཅི་ལོག་
ལ་ཀུན་དགར་ལྟོས། །དེ་ཕྱིར་སྙིགས་མའི་དུས་ན་དེ་དག་ནི། །ང་དང་ལྷན་ཅིག་སངས་རྒྱས་ཞིང་དུ་ལྷགས། །ང་ཡི་བྱང་ཆུབ་མཆོག་འདི་ཐོབ་གྱུར་ཀྱང་། །དེ་ཚེ་སེམས་ཅན་ལྟ་ཅན་སྤྲོ་བ་མེད། །ཕྱི་དུས་འཇིགས་པ་ཆེན་པོ་དེ་ཡི་ཚེ། །སྲོག་ཀྱང་བཏང་ནས་དེ་བཞིན་བྱ་སྙམ་སྟེ། །
ང་ཡི་ཆོས་མཆོག་སྤེལ་ཞིང་འཛིན་པར་བྱེད། །ཀུན་དགའ་བཟང་སྐྱོང་རིན་ཆེན་འབྱུང་གནས་དང་། །དཀོན་མཆོག་འབྱུང་གནས་དང་ནི་དེད་དཔོན་བཟང་། །ཡོན་ཏན་སྦས་པ་མཁས་དང་དེ་བཞིན་དུ། །དཔའ་བོ་བཟང་སྟོབས་གང་ཡིན་དེ་ལ་ལྟོས། །ཀུན་དགའ་གང་སུ་དག་གིས་དེ་དག་
མཐོང་། །གང་དག་སུ་ཡིས་མིང་ཡང་ཐོས་གྱུར་བ། །དེ་དག་ནམ་ཡང་བྱང་ཆུབ་དོགས་པ་མེད། །དེ་དག་ནམ་དུའང་ལོག་པར་ལྷུང་མི་འགྱུར། །དེ་དག་ཐམས་ཅད་བརྩོན་པས་ཚོགས་པ་ཡིན། །དེ་དག་ཐམས་ཅད་ཚོགས་པར་ཤེས་པར་འགྱུར། །ཞེས་གསུངས། ཡང་དམ་
ཆོས་པདྨ་དཀར་པོ་ལས། ངས་ནི་དགེ་སློང་དགེ་འདུན་མོས་པར་བྱས། །ཀུན་དགའ་བཟང་པོ་ང་ཡི་ཆོས་འཛིན་པ། །བདེ་གཤེགས་བྱེ་བ་དྲུག་ཅུ་མཆོད་བྱས་ནས། །མ་འོངས་དུས་ཀྱི་ཚེ་ན་རྒྱལ་བར་འགྱུར། །དེ་ཡི་མིང་ནི་རྒྱ་མཚོ་བློ་འཛིན་ཏེ། །མངོན་པར་ཤེས་ཐོབ་ཅེས་ཀྱང་དེ་ན་གྲགས། །

213-1-160a

ལྟ་ན་སྡུག་པ་ཡོངས་སུ་དག་པའི་ཞིང་། །མ་བསྙལ་རྒྱལ་མཚན་རྒྱལ་བའི་བ་དན་ནོ། །བྱང་ཆུབ་སེམས་དཔའ་གངྒཱའི་ཇི་སྙེད་དེར། །དེ་བས་ལྷག་པ་ཡོངས་སུ་སྨིན་པར་བྱེད། །རྒྱལ་བ་དེ་ནི་རྫུ་འཕྲུལ་ཆེ་བར་འགྱུར། །ཕྱོགས་བཅུའི་འཇིག་རྟེན་དུ་ནི་སྒྲ་ཡང་
བསྒྲགས། །དེ་ཡི་ཚེ་ཡང་དཔག་ཏུ་མེད་པར་འགྱུར། །འཇིག་རྟེན་རྣམས་ན་ཕན་ཞིང་བརྩེ་ཕྱིར་གནས། །སྐྱོབ་པ་དེ་ནི་མྱ་ངན་འདས་འོག་ཏུ། །ཉེས་འགྱུར་དེ་ཡི་དམ་ཆོས་གནས་པར་འགྱུར། །དེ་ནས་གཟུགས་བརྙན་དེ་ཡི་ཉིས་འགྱུར་དུ། །གནས་ཏེ་རྒྱལ་བ་དེ་ཡི་བསྟན་པ་ལ། །དེ་ན་
སེམས་ཅན་གངྒཱའི་བྱེ་མ་སྙེད། །སངས་རྒྱས་འབྱུང་བ་དེ་ལ་རྒྱུ་ཡང་བསྐྱེད། །ཅེས་སོ། །དེ་ལྟར་སའི་སྟེང་ཐམས་ཅད་དུ་ཡོངས་སུ་གྲགས་པའི་སྐྱེས་བུ་ཆེན་པོ་དེ་ཉིད་ཀྱི་ལུགས་སྲོལ་དྲི་མ་མེད་པར་སྨྲ་བའི་གདན་རབས་ཀྱི་ཁྲི་ལ་ཞབས་ཀྱི་འཁོར་ལོ་རྣམ་པར་བཀོད་པའི་བསྟན་པའི་མངའ་བདག་ཆེན་
པོ་ཉིད་དུ་གྱུར་ཏེ། དེར་ཆོས་ཀྱི་ཁྲི་ལ་བཞུགས་ནས་ཀྱང་བགྲང་གཞི་གསུམ་གྱི་བར་དུ་བསྟན་པའི་བྱ་བ་རྒྱ་ཆེན་པོའི་ཁུར་ཁྱེར་བའི་སྒོ་ནས་སྡོམ་པ་གསུམ་གྱི་ཕྲིན་ལས་བཟང་པོ་གངྒཱའི་རྒྱུན་ཆེན་པོ་བཞིན་དུ་རྣམ་པར་སྤྲོས་ཏེ། དེའི་རྒྱུན་ཡང་ནམ་མཁའ་ཇི་སྲིད་ཀྱི་བར་དུ་གནས་པར་བྱེད་པའི་སློབ་མའི་
ཚོགས་དཔག་ཏུ་མེད་པ་བསྐྲུན་ནོ། །སླར་ཡང་བོད་ཆེན་གྱི་ལྗོངས་འདིར་སྐྱེ་བ་ནས་སྐྱེ་བའི་ཕྲེང་བར་ལས་བཟང་དང་སྨོན་ལམ་གྱི་ས་བོན་ལེགས་པར་བཟུང་བའི་དཔལ་སའི་སྟེང་གི་ཆོས་རྒྱལ་ཆེན་པོ་སྡེ་དགེ་བསྟན་པ་ཚེ་རིང་ཡབ་སྲས་རྣམས་ཀྱིས་སྤྱན་དྲངས་པ་ལྟར་ལྗོངས་འདིར་བྱོན་ཏེ་མི་བདག་ཆེན་
པོས་རིགས་ཀྱི་ཅོད་པན་གཅིག་པུ་བར་མངའ་གསོལ་ལོ། །དེ་ནས་བརྩམས་ཏེ་དཔལ་སའི་དབང་ཕྱུག་སྡེ་དགེ་རྒྱལ་པོ་ཡབ་སྲས་རྣམས་དང་མངའ་འོག་ཏུ་གཏོགས་པས་མཚོན་ཏེ། ཡངས་པའི་འཇིག་རྟེན་ཁམས་ཀྱི་འགྲོ་བ་རྒྱ་མཚོ་སྨིན་གྲོལ་གྱི་ལམ་ལ་བཀོད་པ་དང་། རྒྱལ་བའི་བསྟན་པ་ལ་བྱ་བ་
ཡང་དག་པར་བྱས་སོ། །དེ་དག་གི་ཚུལ་རྒྱས་པ་ནི་དེ་ཉིད་ཀྱི་རྣམ་པར་ཐར་པ་དཔག་བསམ་གྱི་ལྗོན་པ་ཞེས་བྱ་བ་ལས་འབྱུང་བ་ལྟར་ཤེས་པར་བྱ་བ་ལས་འདིར་མ་སྨྲོས་སོ། །དེ་ལྟར་མཆོད་ཡོན་ཉི་ཟླ་ཟུང་དུ་འབྲེལ་བ་ལྟར་བཞུགས་ཤིང་ཆོས་དང་སྲིད་ཀྱི་ཕྲིན་ལས་རབ་ཏུ་རྒྱས་པར་གྱུར་པའི་དུས་དེར་མཁན་པོ་

213-1-160b

ཆེན་པོ་དེ་ཉིད་ནས་དགོངས་འགྲེལ་འགྱུར་རོ་འཚལ་གྱི་ཆོས་ཀྱི་སྦྱིན་པ་མི་ཟད་པའི་རྒྱུན་གྱི་ཕྱི་མོ་འདི་དག་བར་དུ་བསྒྲུབ་པར་བསྐུལ་ཏེ། དེའང་འདི་སྐད་དུ་བཀའ་སྩལ་པ་ཐོས་ཏེ། དེང་ས་སྐྱོང་བསྟན་པའི་རྩ་ལག་ཆེན་པོ་དྲི་མ་མེད་པའི་རིགས་སྲས་ཀྱི་ཕྲེང་བ་དང་བཅས་པའི་ཕྲིན་ལས་ཀྱི་གཙོ་བོ་རྒྱལ་བའི་
གསུང་རབ་འགྱུར་རོ་འཚལ་བར་དུ་བསྒྲུབ་པ་ལ་སོགས་པའི་བགྱི་བ་བླ་ན་མེད་པ་གང་དག་མཐར་ཕྱིན་པ་ནི་ཤིན་ཏུ་རྗེས་སུ་ཡི་རང་བར་གྱུར་ཅིང་། སླར་ཡང་རྒྱལ་བའི་བཀའ་དོན་ཡང་དག་པར་གསལ་བར་བྱེད་པ་ལ་ནི་དགོངས་འགྲེལ་རིན་པོ་ཆེ་འཕགས་པའི་ཡུལ་ནས་གངས་ཅན་པའི་བརྡའི་ལམ་
དུ་འགྱུར་རོ་འཚལ་འདི་དག་ལ་རག་ལས་པ་དང་། འདི་དག་གཉིས་ཀ་གང་དུ་བཞུགས་པ་དེ་ན་ལུང་གི་དམ་པའི་ཆོས་ཡོངས་སུ་རྫོགས་པར་གནས་པར་འདོད་པ་དང་། འདི་དག་བཞུགས་པ་ལ་བརྟེན་ནས་འཇིག་རྟེན་གྱི་ཁམས་སུ་སངས་རྒྱས་བཅོམ་ལྡན་འདས་ཀྱི་བསྟན་པ་ཡུན་དུ་གནས་
པའི་རྒྱུར་འགྲོ་སྟེ། ཇི་སྐད་དུ། ཆོས་རྣམས་ཐམས་ཅད་བཀའ་དང་བསྟན་བཅོས་གཉིས་སུ་འདུས། །ལེགས་པར་གསུངས་དང་དེ་ཡི་དགོངས་འགྲེལ་བཅས། །དེ་ཡི་དབང་གིས་ཤཱཀྱའི་བསྟན་པ་འདི། །འཇིག་རྟེན་ཁམས་སུ་ཡིན་རིང་གནས་པར་འགྱུར། །ཞེས་བྱ་བ་ལ་
སོགས་པའི་ཕན་འདོགས་རྒྱ་ཆེན་པོ་འབྱུང་བའི་ཚུལ་གྱིས་སྤྲོ་བ་བསྐྱེད་པ་སྔོན་དུ་འགྲོ་བའི་བཀའ་སྩལ་དམ་པ་ཚངས་པའི་དབྱངས་སུ་བསྒྱུར་བ་གང་དག་ཐོས་པའི་མོད་ལ། མི་བདག་ཆེན་པོ་སྲས་དང་བཅས་པའི་ཐུགས་ལ་སྔ་ན་མ་མཆིས་པའི་སྤྲོ་བ་མཆོག་གི་རྒྱ་མཚོ་རྣམ་པར་རྒྱས་པའི་རླབས་ཕྲེང་གི་རྩེ་
མོ་ཚངས་པའི་འཇིག་རྟེན་གྱི་བར་དུ་ལུད་པ་སྙམ་བྱེད་པ་དེ་ལྟ་བུའི་ཚུལ་གྱིས་བསྐུལ་བར་མཛད་དོ། །གཉིས་པ་གང་ལ་བསྐུལ་བ་བསྟན་པའི་རྩ་ལག་ཆེན་པོའི་ཁྱད་པར་ལའང་ངོས་བཟུང་བ་དང་། དེའི་ཆེ་བའི་ཡོན་ཏན་གྱི་ཁྱད་པར་བརྗོད་པ་གཉིས་ལས། དང་པོ་ནི། སྤྱིར་ཛམྦུའི་གླིང་གི་བསྟན་པའི་
སྲི་ཞུ་བ་ཆེན་པོ་གྱུར་ཅིང་བྱེ་བྲག་ཏུ་མ་ཧཱ་བྷོ་ཊའི་ལྗོངས་ཀྱི་ཐིག་ལེ་འདིར་ཐུབ་པའི་བཀའ་ལུང་སྤྱི་དང་བྱེ་བྲག་གི་དགོངས་དོན་མ་ལུས་པ་རྣམ་པར་འགྲེལ་པའི་བསྟན་བཅོས་གངས་ཅན་པའི་བརྡའི་ལམ་དུ་འགྱུར་རོ་འཚལ་གྱི་ཆོས་སྦྱིན་རྒྱུན་མི་འཆད་པའི་ངོ་མཚར་འཕྲུལ་གྱི་ཕྱི་མོ་འདི་ཉིད་བསྐྲུན་པར་བྱེད་པའི་བདག་

213-1-161a

པོའི་རྐྱེན་དུ་གྱུར་པ་ནི། སྐལ་བ་བཟང་པོ་ཀུན་གྱི་ཡོངས་རྩེར་སོན་པ་དཔལ་སྡེ་དགེ་ས་སྐྱོང་བླ་མ་ཆེན་པོ་ཀུན་དགའ་ཕྲིན་ལས་རྒྱ་མཚོའི་སྡེ་ཞེས་ཡོངས་སུ་གྲགས་པ་དེ་ཉིད་དོ། །གཉིས་པ་ནི། འདི་ཉིད་ཀྱི་སྐུ་ཆེ་བའི་ཡོན་ཏན་གྱི་ཁྱད་པར་ཅུང་ཟད་ཅིག་ཡི་གེ་དང་། མིང་དང་།
ཚིག་གི་ཕྲེང་བའི་ལམ་ནས་འདྲེན་པ་ལ་གཉིས་ཏེ། རིགས་རུས་ཀྱི་ཁྱད་པར་བརྗོད་པ་དང་། ཡོན་ཏན་གྱི་ཁྱད་པར་བརྗོད་པའོ། །དང་པོ་ནི་མདོ་རྒྱ་ཆེར་རོལ་པ་ལས། དགེ་སློང་དག་ཅིའི་ཕྱིར་བྱང་ཆུབ་སེམས་དཔའ་རིགས་རྣམ་པར་བལྟ་བ་ལ་རྣམ་པར་བལྟ་ཞེ་ན། བྱང་ཆུབ་སེམས་དཔའ་ནི་རིགས་
དམའ་བ་གདོལ་པའི་རིགས་སམ། སྨྱིག་མ་མཁན་གྱི་རིགས་སམ། ཤིང་རྟ་མཁན་གྱི་རིགས་སམ། གཡུང་རིགས་སུ་མི་སྐྱེའི། བྲམ་ཟེའི་རིགས་སམ་རྒྱལ་རིགས་ཁོ་ན་སྟེ་རིགས་གཉིས་སུ་སྐྱེའོ། །དེ་ལ་གང་གི་ཚེ་བྲམ་ཟེའི་རིགས་བཙུན་པར་བྱ་བ་དེའི་ཚེ་བྲམ་ཟེའི་རིགས་སུ་སྐྱེའོ། །
གང་གི་ཚེ་རྒྱལ་རིགས་བཙུན་པར་བྱ་བ་དེའི་ཚེ་རྒྱལ་རིགས་སུ་སྐྱེ་སྟེ། དགེ་སློང་དག་ད་ལྟར་ནི་རྒྱལ་རིགས་བཙུན་པར་བྱ་བས་དེའི་ཕྱིར་བྱང་ཆུབ་སེམས་དཔའ་རྒྱལ་རིགས་སུ་སྐྱེ་སྟེ་ཞེས་དང་། ཤེས་རབ་ཀྱི་ཕ་རོལ་ཏུ་ཕྱིན་པ་སྟོང་ཕྲག་བརྒྱ་པར། དེ་ལ་བྱང་ཆུབ་སེམས་དཔའ་སེམས་དཔའ་ཆེན་པོ་
མའི་མངལ་དུ་འགྲོ་བ་ཕུན་སུམ་ཚོགས་པ་གང་ཞེ་ན། འདི་ལ་བྱང་ཆུབ་སེམས་དཔའ་སེམས་དཔའ་ཆེན་པོ་ཚེ་རབས་ཐམས་ཅད་དུ་བརྫུས་ཤིང་སྐྱེ་བ་སྟེ། འདི་ནི་བྱང་ཆུབ་སེམས་དཔའ་སེམས་དཔའ་ཆེན་པོའི་མའི་མངལ་དུ་འགྲོ་བ་ཕུན་སུམ་ཚོགས་པའོ། །དེ་ལ་བྱང་ཆུབ་སེམས་
དཔའ་སེམས་དཔའ་ཆེན་པོའི་རིགས་ཕུན་སུམ་ཚོགས་པ་གང་ཞེ་ན། བྱང་ཆུབ་སེམས་དཔའ་སེམས་དཔའ་ཆེན་པོ་རིགས་ཆེན་པོར་སྐྱེ་བ་སྟེ། འདི་ནི་བྱང་ཆུབ་སེམས་དཔའ་སེམས་དཔའ་ཆེན་པོའི་རིགས་ཕུན་སུམ་ཚོགས་པའོ། །དེ་ལ་བྱང་ཆུབ་སེམས་དཔའ་སེམས་དཔའ་ཆེན་པོའི་
བརྒྱུད་ཕུན་སུམ་ཚོགས་པ་གང་ཞེ་ན། བྱང་ཆུབ་སེམས་དཔའ་སེམས་དཔའ་ཆེན་པོ་རྒྱལ་རིགས་ཆེ་ཞིང་མཐོ་བའམ། བྲམ་ཟེའི་རིགས་ཆེ་ཞིང་མཐོ་བར་སྐྱེ་བ་སྟེ། འདི་ནི་བྱང་ཆུབ་སེམས་དཔའ་སེམས་དཔའ་ཆེན་པོའི་བརྒྱུད་ཕུན་སུམ་ཚོགས་པའོ། །དེ་ལ་བྱང་ཆུབ་སེམས་དཔའ་སེམས་

213-1-161b

དཔའ་ཆེན་པོའི་རུས་ཕུན་སུམ་ཚོགས་པ་གང་ཞེ་ན། བྱང་ཆུབ་སེམས་དཔའ་སེམས་དཔའ་ཆེན་པོ་གང་གི་རིགས་སུ་སྔོན་གྱི་བྱང་ཆུབ་སེམས་དཔའ་རྣམས་བྱུང་བར་འགྱུར་བ་དེའི་རིགས་སུ་སྐྱེ་བ་སྟེ། འདི་ནི་བྱང་ཆུབ་སེམས་དཔའ་སེམས་དཔའ་ཆེན་པོའི་རུས་ཕུན་སུམ་ཚོགས་
པའོ། །དེ་ལ་བྱང་ཆུབ་སེམས་དཔའ་སེམས་དཔའ་ཆེན་པོའི་འཁོར་ཕུན་སུམ་ཚོགས་པ་གང་ཞེ་ན། བྱང་ཆུབ་སེམས་དཔའ་སེམས་དཔའ་ཆེན་པོས་བྱང་ཆུབ་ཏུ་སེམས་ཅན་རྣམས་བཀོད་ཅིང་བྱང་ཆུབ་སེམས་དཔའི་འཁོར་དང་ལྡན་པ་ཉིད་དུ་འགྱུར་བ་འདི་ནི་བྱང་ཆུབ་སེམས་དཔའ་སེམས་
དཔའ་ཆེན་པོའི་འཁོར་ཕུན་སུམ་ཚོགས་པའོ་ཞེས་དང་། ཁྲི་བརྒྱད་སྟོང་པ་ལས། དེ་ལ་བྱང་ཆུབ་སེམས་དཔའ་སེམས་དཔའ་ཆེན་པོའི་རིགས་ཕུན་སུམ་ཚོགས་པ་གང་ཞེ་ན། བྱང་ཆུབ་སེམས་དཔའ་སེམས་དཔའ་ཆེན་པོ་རིགས་ཆེན་པོ་དག་ཏུ་སྐྱེ་བ་སྟེ། དེ་ནི་བྱང་ཆུབ་སེམས་དཔའ་སེམས་
དཔའ་ཆེན་པོའི་རིགས་ཕུན་སུམ་ཚོགས་པ་ཡིན་ནོ། །དེ་ལ་བྱང་ཆུབ་སེམས་དཔའ་སེམས་དཔའ་ཆེན་པོའི་ཆོ་རིགས་ཕུན་སུམ་ཚོགས་པ་གང་ཞེ་ན། བྱང་ཆུབ་སེམས་དཔའ་སེམས་དཔའ་ཆེན་པོ་རྒྱལ་པོའི་རིགས་ཤིང་སཱ་ལ་ཆེན་པོ་ལྟ་བུ་དག་དང་། བྲམ་ཟེའི་རིགས་ཤིང་སཱ་ལ་ཆེན་པོ་ལྟ་བུ་
དག་ཏུ་སྐྱེ་བ་སྟེ། དེ་ནི་བྱང་ཆུབ་སེམས་དཔའ་སེམས་དཔའ་ཆེན་པོའི་ཆོ་རིགས་ཕུན་སུམ་ཚོགས་པ་ཡིན་ནོ། །དེ་ལ་བྱང་ཆུབ་སེམས་དཔའ་སེམས་དཔའ་ཆེན་པོའི་རུས་ཕུན་སུམ་ཚོགས་པ་གང་ཞེ་ན། རིགས་གང་ལས་སྔོན་གྱི་བྱང་ཆུབ་སེམས་དཔའ་སེམས་དཔའ་ཆེན་པོ་དག་བྱུང་བར་
གྱུར་པ་སྟེ། དེ་ནི་བྱང་ཆུབ་སེམས་དཔའ་སེམས་དཔའ་ཆེན་པོའི་རུས་ཕུན་སུམ་ཚོགས་པ་ཡིན་ནོ་ཞེས་དང་། མགོན་པོ་བྱམས་པས། སྨོན་ལམ་དག་ནི་མཐའ་ཡས་དང་། །ལྷ་ལ་སོགས་པའི་སྐད་ཤེས་དང་། །སྤོབས་པ་ཆུ་བོ་ལྟ་བུ་དང་། །མངལ་དུ་འཇུག་པ་མཆོག་དང་ནི། །
རིགས་དང་རུས་དང་ཆོ་འབྲང་དང་། །འཁོར་དང་སྐྱེ་བ་དག་དང་ནི། །ཞེས་སོ། །དེ་ལྟ་བུའི་རིགས་དང་རུས་དང་ཆོ་འབྲང་ཕུན་སུམ་ཚོགས་པའི་སྐྱེ་བ་གང་ལ་ཡོད་པ་དེ་ནི་འཕགས་པའི་ཡུལ་གྱི་མཁས་པ་ཆེན་པོ་རྣམས་ཀྱིས་ཤིང་སཱ་ལ་ཆེན་པོ་བཞིན་དུ་འཇིག་རྟེན་ཆེས་མཆོག་ཏུ་མངོན་པར་བཀུར་བ་དང་

213-1-162a

བསྔགས་པ་བརྗོད་པ་དུ་འབྱུང་ཞིང་གངས་ཅན་གྱི་ལྗོངས་འདིར་ཡང་སྙན་དངགས་སྨྲ་བའི་མཁན་པོ་ཐམས་ཅད་ཀྱིས་བླ་ནས་བླ་མ་ཉིད་དུ་རྗོད་བྱེད་རྒྱན་གྱི་མེ་ཏོག་གི་སིལ་མ་དག་གིས་ལན་གཅིག་མ་ཡིན་པར་མངོན་པར་འཐོར་བ་ཀུན་གྱི་འབབ་སྟེགས་སུ་གྱུར་པ་སྟེ། རྗེ་ངོར་ཆེན་
དཀོན་མཆོག་ལྷུན་གྲུབ་ཀྱིས་ས་སྐྱ་པའི་གདུང་རབས་ཡ་རབས་ཀྱི་ཁ་རྒྱན་ལས། མི་ཤེས་གདོལ་པའི་ཕྲུ་གུ་ཕོངས་པ་ཡི། །འཁོར་གྱིས་གཏེག་ལ་འཇིག་རྟེན་འདྲེན་པ་ཞེས། །སྨིག་རྒྱུ་འབབ་ཆུར་སྒྲོགས་པའི་གྲག་སྟོང་སྒྲས། །འཇིག་རྟེན་ཡམ་མོར་བྱེད་དང་འདི་མི་མཚུངས། །ཞེས་དང་།
རིན་སྤུངས་ས་སྤྱོད་ངག་དབང་འཇིགས་བྲལ་གྱིས་བསྐལ་བ་བཟད་པོའི་ལེགས་ལམ་ལས། པདྨ་འབྱུང་གནས་ཞི་བ་འཚོའི། །གསུང་གི་བཅུད་ཀུན་སྙིང་དབུས་སུ། །ཉལ་ཏེ་མ་རིག་གཉིད་ལས་སད། །སད་མི་ཀླུ་དབང་བསྲུང་བ་ཞེས། །བརྡ་སྤྲོད་རིག་པའི་ཟེར་འཕྲོ་བས། །རྒྱ་གར་ཆོས་
རྣམས་བོད་ཡུལ་དུ། །གསལ་བའི་བདེ་གཤེགས་བསྟན་པ་འདི། །འཛིན་པའི་སྐྱེས་བུ་སྔ་བར་བྱུང་། །ཤེས་རབ་མ་ཉམས་ཐབས་ཀྱི་བདག །གཉིས་སུ་མེད་པ་མཆོག་ཞི་བའི། །རྒྱལ་པོར་དབང་ཕྱུག་རྡོ་རྗེ་འཛིན། །ཡིད་བཞིན་འདོད་འཇོ་རིན་པོ་ཆེ། །རིགས་དེའི་ས་བོན་གང་
ལ་ལྷའི། །རང་བཞིན་གྱིས་མཐོ་སཱ་ལའི་ཤིང་། །མཐོ་བརྟན་རྒྱས་པའི་ཡལ་ག་ཅན། །འགྲོ་བའི་གདུང་འཕྲོག་ཕན་པར་བརྩོན། །ཞེས་འབྱུང་བ་ལྟ་བུ་སྟེ། དེའང་རིགས་ནི་མཁས་ཤིང་མཛངས་ལ་དཔའ་ཞིང་རྟུལ་ཕོད་པ། བཀའ་བཙན་ལ་དཀྱེལ་ཆེ་བ། གཞུང་བཟད་ལ་འགྲོགས་
བདེ་བ་ལ་སོགས་པ་ཡ་རབས་ཀྱི་སྤྱོད་ཚུལ་ཅི་རིགས་པ་དང་ལྡན་པའོ། །རུས་ནི་རིགས་མ་ཉམས་པའི་ཕ་དེའི་རྒྱུད་ལས་བྱུང་བའོ། །ཆོ་ནི་ཞང་པོའི་ཁུངས་དང་ལྡན་པའོ། །འབྲང་བ་ནི་བཤད་མ་ཐག་པ་གསུམ་པོ་དང་ལྡན་པའི་སྤྱོད་པའི་འབྲངས་འཛིན་པ་ཡིན་ནོ་ཞེས་མཁས་པ་རྣམས་ཀྱིས་བཤད་པ་
ལྟར་འདིར་ཡང་སྔོན་གྱི་ཡིག་ཚང་རྣམས་ཀྱི་གཏན་ཚིགས་ཚད་མར་གཟུང་ནས། མཁས་པ་སྔ་མ་དག་གིས་གཏམ་གྱི་གླིང་བུ་མང་ཉུང་ཅི་རིགས་པར་བསྒྱུར་བ་བཞིན་དུ། འདིར་ཡང་དགོས་པའི་དབང་ལས་དེ་དག་གི་བརྗོད་བྱའི་སྙིང་པོ་བསྡུས་པ་གང་དག་ཚོགས་པ་གསུམ་པའི་ལམ་ནས་དྲངས་ཏེ་ཅུང་

213-1-162b

ཟད་ཅིག་གླེང་བ་ནི་འདི་ལྟ་སྟེ། སྤྱིར་བོད་ཆེན་པོར་གྲགས་པའི་མིའི་འགྲོ་བ་ལ་ཆེ་བ་དག་ནི་སྦྲ་འབྲུ་སྒ་སྡོང་ཞེས་བྱ་བ་སྟེ་རུས་ཆེན་བཞི་དང་། དེ་རྣམས་ཀུན་གྱི་ཞང་པོར་འོས་པ་བསྒོ་ལྷ་སྡེ་དཀར་པོའི་རིགས་ལྔར་བྱུང་བར་གྲགས་པ་ལས་འདི་ཕྱི་མ་ཡིན་ཞིང་། དེ་ལས་མཆེད་པ་སྟོད་སྨད་ཀྱི་
ཕྱོགས་སུ་ཡོད་པའི་ནད་གསེས་རྔུ་ཆེན་རྒྱལ་མོ་ཚོ་བཅོ་བརྒྱད་དུ་གྲགས་པ་བྱུང་ངོ་། །དེའང་ཇི་ལྟར་ཞེ་ན། འགར་ཀེ་འགོར་གསུམ་དང་། གསུང་གསེར་འབྲོམ་གསུམ་དང་། ཤོལ་སྟག་འཕྱང་གསུམ་དང་། ཅི་འབུ་གཞག་གསུམ་དང་། གཅེ་སིང་རམ་གསུམ་དང་། ཕྱུག་པོ་བུ་
གསུམ་སྟེ་ཚོ་ཆེན་བཅོ་བརྒྱད་དེ། དེ་དག་གི་ཡ་གྱལ་དུ་གྱུར་པའི་འགར་གྱི་རིགས་སོ། །རིགས་དེ་ལས་སྐྱེས་པའི་སྐྱེས་བུ་དམ་པ་འགར་ཆེན་ཡེ་ཤེས་བཟང་པོ་དང་། འགར་དམ་པ་ཞེས་བྱ་བ་མཆེད་གཉིས་བྱུང་ངོ་ཞེས་གྲག་གོ། །དེ་ལས་ཕྱི་མ་འདི་ནི་སིངྒ་ལའི་སློབ་དཔོན་ཨཱརྱ་དེ་ཝའི་རྣམ་
འཕྲུལ་དུ་གྲགས་པའི་མགར་ཆོས་སྡིངས་པ་སྟེ། དེའི་ཆེ་བའི་ཡོན་ཏན་ནི་འདིས་ཐུགས་དམ་གྱི་ལྷའི་གཙོ་བོ་རྡོ་རྗེ་འཇིགས་བྱེད་ལ་མཛད་པས་དངོས་གྲུབ་གྱི་མཚན་མ་མང་དུ་བྱུང་ངོ་། །འབྲི་ཁུང་འཇིག་རྟེན་གསུམ་གྱི་མགོན་པོ་ལ་སོགས་པའི་བླ་མ་མང་པོ་བསྟེན་ཏེ། གསང་བསྔགས་ཀྱི་གདམས་
པ་མང་དུ་མནོས་པས་ཟབ་ཆོས་ཀྱི་བདག་པོར་གྱུར་ཏེ། ཙ་རི་དང་དྭགས་པོ་འགར་ཕུག་པ་ལ་སོགས་པར་བྱོན་ནས་གསང་བསྔགས་ཀྱི་སྤྱོད་པ་བསྐྱངས་པས། མི་མ་ཡིན་པའི་རིགས་ཀྱི་འགྲོ་བ་མང་པོ་འདུས་ནས་ཐོ་བཙམས་ཀྱང་གླགས་མ་རྙེད་པར་ཤིན་ཏུ་དད་པར་གྱུར་ཏེ་སྲོག་གི་སྙིང་པོ་ཕུལ་ནས་སྐྱབས་
སུ་བསྟེན་ནོ། །དེ་ལ་སོགས་པའི་འགྲོ་བ་རྣམས་ཀྱི་དོན་དཔག་ཏུ་མེད་པ་བྱས་ནས་ཕྱིས་སུ་སྤོ་བོ་ཕྱོགས་སུ་བྱོན་ནོ། །ཡུལ་དེ་ན་འཁོར་བའི་སྐྱེ་བོ་མང་པོ་ལ་ཡང་རྫུ་འཕྲུལ་དང་ཐབས་ཀྱི་ཁྱད་པར་མང་པོ་བསྟན་པས་ཤིན་ཏུ་དད་པར་བྱས་ནས་དགེ་བའི་ལམ་གྱི་ས་བོན་ལེགས་པར་བཏབ་བོ། །ཕུ་ལུང་
དགོན་པ་རིན་ཆེན་གླིང་གི་གཞི་བཏིང་ནས་ཞི་བར་གཤེགས་སོ། །དེ་ཉིད་ཀྱི་སྐུའི་དབོན་པོ་ཨུ་རྒྱན་པ་ལ་སོགས་བས་ཀྱང་ཁམས་ཀྱི་ཕྱོགས་ནས་བྱོན་ཏེ་དེའི་ཕྲིན་ལས་ཀྱི་རྒྱུན་བསྐྱངས། དེ་ནས་དབོན་རྒྱུད་རིམ་པར་བྱུང་བ་དག་ལ་ཕུ་ལུང་སྡེ་པ་ཐོག་ཀ་བར་གྲགས་ཏེ་དེང་སང་གི་བར་དུ་ཡོད་ཅེས་

213-1-163a

གྲགས་སོ། །འགར་ཆེན་ཡེ་ཤེས་བཟང་པོ་ནི་སྙིང་སྟོབས་དང་མཐུ་རྩལ་རྨད་དུ་བྱུང་བ་ཞིག་སྟེ། དེས་སླང་མདོ་དྲུག་གི་ནོར་འཛིན་མའི་ཆ་ཡངས་པ་བདག་གིར་མཛད་དོ། །དེ་ནི་སྔ་ན་མེད་པའི་དབང་ཐང་གི་ལྗོན་པ་རབ་ཏུ་རྒྱས་པའི་གྲིབ་{མ་}ལ་འབངས་ཀྱི་ཚོགས་མཐའ་དག་
ངལ་བསོར་སྤྱོད་ཅིང་བཀའ་ལུང་ཐམས་ཅད་རྒྱན་བཟང་པོ་ལྟར་དུ་བསྲེལ་བ་བྱུང་ངོ་། །དེ་ལ་རིགས་ཀྱི་སྲས་གཉིས་བྱུང་བའི་དང་པོ་ནི་སྒོམ་སྟོན་བསོད་ནམས་རིན་ཆེན་དང་། གཉིས་པ་རྔུ་རྒུ་རུ་ཞེས་བྱ་བ་གཉིས་ཏེ། དེའི་དང་པོ་ནི་ཆོས་དང་སྲིད་པའི་གཙུག་ལག་གཟུང་གི་གཞུང་ལུགས་དཔྱོད་པ་ལ་བློ་རབ་ཏུ་
གསལ་བ་དང་། བྱས་པ་གཟོ་བ་ལྷག་པའི་བསམ་པས་གནས་པར་གྱུར་པ་ལ་སོགས་པ་ཡ་རབས་ཀྱི་སྤྱོད་ཚུལ་དང་མཛངས་པའི་ཡོན་ཏན་ཅི་རིགས་པ་ཚང་བས། རྣམ་འདྲེན་བུ་རམ་ཤིང་པའི་རིང་ལུགས་མ་ནོར་བ་ཡོངས་སུ་འཛིན་པའི་སྐྱེས་བུ་ཆེན་པོ་ཆོས་ཀྱི་རྒྱལ་པོ་འཕགས་པ་རིན་པོ་ཆེའི་ཞབས་
ཀྱི་པདྨར་བརྟེན་ནས་དེའི་ལས་ཚན་གྱི་རྣམ་གཞག །གསོལ་གཟིམས་མཆོད་གསུམ་འཇལ་ཡིག་མཛོད་པ་གསུམ། །ཐབ་འདྲེན་གདན་གསུམ་སྐྱ་རྟ་མཛོ་ཁྱི་བཞི། །ཆེན་པོ་ལ་འོས་ལས་ཚན་བཅུ་གསུམ་སྟེ། །འདི་རྣམས་ཆོས་ཀྱི་རྒྱལ་པོ་ས་སྐྱ་པ། །དཔལ་ལྡན་འཕགས་པའི་རིང་
ལ་དར་བ་ཡིན། །ཞེས་པའི་ལས་ཚན་བཅུ་གསུམ་གྱི་ཐོག་མ་གསོལ་དཔོན་གྱི་ལས་ཀ་ཟིན་ཏོ། །དེ་ནས་རིམ་གྱིས་གོང་ནས་གོང་དུ་ཕྱིན་པར་གྱུར་ཏེ་སྟོང་སྐོར་གྱི་དཔོན་པོའི་འཇའ་ས་དང་སྟག་མགོ་ནོར་བུ་གསུམ་པ་དང་དམག་རྣམས་བྱིན་ཏེ་ཆེན་པོའི་གོ་ས་ཉིད་དུ་དབང་བསྐུར་རོ། །ཕྱིས་སུ་
ས་དམར་ཡང་དགོན་དུ་ཚོགས་པ་སྟོང་ཕྲག་ཙམ་བསྐྱངས་པ་དང་བཅས་ཏེ་དེར་བསྟན་པའི་གཞི་ཆེན་པོ་བཙུགས་སོ། །གཅུང་པོ་རྔུ་རྒུ་རུ་ཅན་ལ་བསོད་ནམས་ཀྱི་བྱེད་པོས་ལེགས་པར་སྩལ་བའི་སྲས་དགུ་ཡོད་པའི་ནང་ནས་རྔུ་རྗེ་སྟོང་དཔོན་ཟླ་བ་བཟང་པོ་ཞེས་བྱ་བ་བློ་སྒྲིན་ཞིང་གཟུ་བོར་གནས་
པ། སྐྱེ་བོ་ཀུན་གྱིས་བཀུར་བའི་འོས་སུ་གྱུར་པ་ཞིག་སྟེ། དེའང་གོང་མ་མཆོད་ཡོན་གྱིས་བཀའ་དྲིན་བཟང་པོས་ལེགས་པར་བསྐྱངས་ཤིང་རིམ་གྱིས་རྔུ་རྒྱུད་ས་དམར་ནས་བཟུང་སྟེ་ལྗང་མཚམས་བར་གྱི་སྟོང་དཔོན་གྱི་བསྐོས་གཞག་དང་ལུང་ལས་ཀྱིས་མངོན་པར་མཐོ་བ་ཆེན་པོའི་གོ་སར་བཞག་

213-1-163b

གོ། །དེ་ལ་སྲས་དཔལ་ལྡན་སེང་གེ་དང་རྒྱལ་བ་བཟང་པོ་ཞེས་བྱ་བ་གཉིས་འཁྲུངས་ཤིང་། ཕྱི་མའི་སྲས་ནི་སངས་རྒྱས་བཟང་པོ་དང་པདྨ་བསྟན་སྲུང་ཞེས་བྱ་བ་གཉིས་སོ། །དེའི་ཕྱི་མ་ལ་ཡང་བསོད་ནམས་འབུམ་དང་དཀར་ཆེན་བྱང་ཆུབ་འབུམ་ཞེས་བྱ་བའི་སྲས་གཉིས་སོ། །དེའི་ཕྱི་མའི་
སྲས་སུ་དབོན་ཆེན་དགེ་འདུན་རྒྱལ་མཚན་དང་། བདེ་ཆེན་བསོད་ནམས་བཟང་པོ་དང་། རྔུ་ཆོས་ཀྱི་རྡོ་རྗེ་གསུམ་མོ། །དང་པོ་དེའི་སྲས་སུ་མགོན་པོ་གཟུངས་ཞེས་བྱ་བ་བྱུང་ཞིང་། དེ་ནས་རིམ་གྱིས་མཆེད་པའི་མི་བརྒྱུད་ནི་ས་དམར་གྱི་ཕྱོགས་སུ་དེང་སང་གི་བར་དུ་ཡང་རྒྱུན་མ་ཆད་པར་ཡོད་
དོ། །བདེ་ཆེན་བསོད་ནམས་འབུམ་ནི་ཡུམ་ལྔ་པའི་ལམ་དུ་སོང་བའི་དགོངས་རྫོགས་ཀྱི་དགེ་བའི་རྩ་བ་བསྐྲུན་པའི་ཆེད་དུ་ཀ་ཐོག་རྡོ་རྗེའི་གདན་གྱི་དགོན་པར་བྱོན་ནས་རིང་ཞིག་བཞུགས་པ་ན་ནམ་ཞིག་མཆེད་ཟླ་གཞན་རྣམས་ཀྱིས་རང་གི་བསྟི་གནས་སུ་འབོད་པར་བཏང་བར་བརྩམས་པ་ན་ཀརྨ་
ཆོས་གྲགས་རྒྱ་མཚོ་དང་། རྔུ་ཆོས་ཀྱི་རྡོ་རྗེ་དཔོན་སློབ་བཟུང་གིས་ཡེ་ཤེས་ཀྱི་གཟིགས་པ་རབ་ཏུ་དྭངས་པའི་མེ་ལོང་དག་ཏུ་ཇི་ལྟར་ཤར་བའི་ལུང་བསྟན་སྩལ་བ་ནི། ཁྱོད་ལ་རིང་པོར་མི་ཐོགས་པར་ལས་ཀྱི་མ་མས་བྱིན་པའི་བགོ་སྐལ་དུ་བཀྲ་ཤིས་པའི་རྟགས་ཀྱི་དགེ་མཚང་མང་པོ་ཆེད་དུ་
བཀྲམ་པ་ལྟ་བུ་ཡོད་པའི་གནས་ཞིག་རང་དབང་དུ་འབྱུང་བར་འགྱུར་ལ། གནས་དེ་ལེགས་པར་བཟུང་ནས་ཡིད་ཅི་བདེ་བར་བག་ཕོབས་ཤིག་དང་ཕ་ལས་ཆེས་ལྷག་པའི་བུ་རྒྱུད་ཇེ་བཟང་དུ་འགྲོ་བར་འགྱུར་རོ་ཞེས་སྩལ་ཏོ། །ཇི་ལྟར་ལུང་བསྟན་སྩལ་བ་ཐོག་ཏུ་བབ་སྟེ་རིམ་པར་བརྒྱུད་
ཀྱིན་བྱོན་པས་ནམ་ཞིག་ན་ལྕགས་རར་ཕྱིན་ཏོ། །དེར་གླིང་ཡུལ་གྱི་མངའ་རིས་དང་སའི་དུམ་བུའི་བདག་པོར་གྱུར་ཏེ། དེའི་མོད་ལ་སྔོན་གྱི་སྨོན་ལམ་གྱི་འཕེན་པས་ལྗོངས་དེ་ནའང་བདེ་བ་དང་། ལོ་ལེགས་པ་དང་། སྡེ་བཞིའི་འབྱོར་བ་ཕུན་སུམ་ཚོགས་པ་དང་ལྡན་པ་གྱུར་པ་དང་། དགེ་ལེགས་
ཀྱི་མཚན་མ་གཞན་དག་ཀྱང་མངོན་དུ་བྱུང་བའི་རྟེན་འབྲེལ་བཟང་བ་དེ་རྒྱུ་མཚན་དུ་སོང་སྟེ་སྡེ་དགེ་ཞེས་བྱ་བ་མིང་དུ་ཐོགས་སོ། །དེས་ན་སྡེ་དགེའི་ཐ་སྙད་ཀྱི་ཐོག་མའང་འདིའི་དུས་ནས་བྱུང་བ་ཉིད་དོ། །དེ་ལས་སྲས་བཞི་བྱུང་བའི་གཉིས་པ་སྡེ་དགེ་བོ་ཐར་ཞེས་བྱ་བ་སྲེད་མེད་ཀྱི་བུའི་སྟོབས་དང་

213-1-164a

རྣམ་པར་དཔྱོད་པའི་རྩལ་ཡོངས་སུ་རྫོགས་པ་ཞིག་སྟེ། དེའི་བློ་གྲོས་ཀྱི་གོམ་སྟབས་ཆེན་པོ་གཅིག་གིས་ཟུལ་བརྒྱུད་ཀྱི་མི་སྡེ་མཐའ་དག་རང་དབང་དུ་ཐོབ་བོ། །ཐོབ་པའི་འབངས་འཁོར་ཐམས་ཅད་ཆོས་དང་མཐུན་པའི་ཕྲིན་ལས་ཀྱིས་བསྐྱངས་པས་ཐམས་
ཅད་ཀྱང་བཀའ་ལུང་གང་དག་སྩལ་པ་གཙུག་གི་ནོར་བུ་བཞིན་དུ་སྤྱི་བོས་ལེན་པ་བྱུང་ངོ་། །དེ་ཉིད་ཀྱི་བླའི་མཆོད་གནས་སུ་གྲུབ་ཐོབ་ཟང་སྟོང་རྒྱལ་པོ་ཞེས་སམ་བརྩོན་འགྲུས་བཟང་པོ་ཞེས་ཡོངས་སུ་གྲགས་པ་མཐུ་ཆེ་ཞིང་རྫུ་འཕྲུལ་ཆེ་བའི་གོམ་པའི་འདེགས་འཇོག་བསྒྱུར་བ་ཙམ་གྱི་གང་དུ་བཞུད་
ཀྱང་དཀའ་བ་ཅི་ཞིག །ཁྱད་པར་དཔལ་རི་པདྨ་འོད་ཀྱི་གཞལ་ཡས་སུ་སྐད་ཅིག་རེས་བྱོན་ཏེ་སློབ་དཔོན་ཆེན་པོ་པདྨཱ་ཀ་ར་དང་དངོས་སུ་མཇལ་ནས། ལེགས་པར་གདམས་པའི་བདུད་རྩི་ཅི་ཡང་གསན་པ་དང་། སློབ་དཔོན་ཆེན་པོས་བོད་ཡུལ་དུ་འགྲོ་བའི་དོན་ལ་འབྱོན་དགོས་པར་ཇི་ལྟར་བསྐུལ་བ་དེ་
བཞིན་དུ་བོད་དང་བོད་ཆེན་པོ་དང་རྒྱ་ནག་ལ་སོགས་པ་ཡུལ་དང་ལྗོངས་དང་གྲོང་དང་གྲོང་ཁྱེར་མང་པོར་ཡང་ཞབས་ཀྱི་བཅགས་ཤིང་སྐུ་དངོས་དང་རྣམ་པར་འཕྲུལ་བའི་བཀོད་པ་བགྲང་ལས་འདས་པ་དག་གིས་སེམས་ཅན་གྱི་དོན་ལ་རྩེ་གཅིག་ཏུ་གཞོལ་ཞིང་བབ་པ། ད་ལྟར་ཡང་སྐུ་དངོས་སུ་བཞུགས་པའམ་ལུས་
མ་སྤངས་པར་མཁའ་སྤྱོད་དུ་གཤེགས་པའི་ཚུལ་གཉིས་ཀར་གྲགས་པ་དེ་ཉིད་སྤྱན་དྲངས་ཏེ་གཙུགས་གིས་བསྟེན་ནོ། །གང་གི་ཚེ་ན་གྲུབ་པའི་དབང་ཕྱུག་ཆེན་པོ་དེའི་ཡེ་ཤེས་ཀྱིས་གཟིགས་པའི་དོན་ཡུལ་དེར་ས་དཔྱད་ཕུན་སུམ་ཚོགས་ཤིང་དེར་དགོན་པ་བཏབ་ན་བཤད་སྒྲུབ་ཀྱི་རྒྱུན་རྒྱ་ཆེན་པོ་དར་རྒྱས་སུ་
འགྱུར་བའི་རྟེན་འབྲེལ་ཕུན་སུམ་ཚོགས་པ་ཤར་བ་གཟིགས་ནས། རྔུ་མདའི་སྲིབ་རིའི་འཁྲིས་དེ་ན་མཚོ་ཞིག་ཡོད་པར་ཀླུའི་དབང་པོ་ཞིག་གིས་རྟེན་བཅས་པ་ལ་ཀླུ་དེ་བཏུལ་ནས་བསྟན་པ་ཇི་སྲིད་གནས་ཀྱི་བར་དུ་རྣམ་པར་མི་འཚེ་ཞིང་མཐུན་རྐྱེན་ཐམས་ཅད་སྒྲུབ་པའི་གྲོགས་སུ་བཀའ་བསྒོས་པས་
དེས་ཀྱང་དེ་ལྟར་དུ་བགྱི་བར་དམ་བཅས་སོ། །མཚོ་དེ་ཡང་རྫུ་འཕྲུལ་གྱི་མཐུ་ཆེན་པོས་ལེགས་པར་བསུབས་ཏེ། དེའི་ཁར་གཙུག་ལག་ཁང་གི་རྨང་བཏིང་བ་ནས་བརྩམས་ཏེ་སྲིབ་ཀྱི་དགོན་དུད་བརྒྱ་དང་རྩ་བརྒྱད་བཞེངས་པའི་བདག་པོའི་རྐྱེན་སྦྱར་བ་ལ་སོགས་པ་ལེགས་བྱས་རྒྱ་ཆེན་པོ་

213-1-164b

བསྐྲུན་ནོ། །གཙུག་ལག་ཁང་ལེགས་པར་གྲུབ་པ་དང་གྲུབ་ཆེན་དེ་ཉིད་ཀྱིས་དེར་དཔལ་མགོན་པོ་ཆེན་པོ་ཞལ་བཞི་པའི་ལྗགས་བསྙེན་ཞིག་ཀྱང་མཛད་དོ། །དེའི་ཚེ་ཆོས་དང་སྲིད་པའི་དཔལ་འབྱོར་གྱི་སྒོ་འཕར་བྱེ་བ་བརྒྱ་སྟོང་དུས་ཅིག་ཅར་དུ་ཕྱེ་བའི་རྟེན་འབྲེལ་ཐམས་ཅད་འབད་མེད་ལྷུན་གྱིས་
གྲུབ་པ་ཉིད་དུ་བྱུང་བས་དགོན་པའི་མཚན་དུ་ཡང་ལྷུན་གྲུབ་སྟེང་ཞེས་བྱ་བར་གསོལ་ལོ། །སྡེ་དགེ་བོ་ཐར་གྱི་རིགས་སྲས་ཆེ་བ་དཔལ་ལྡན་སེང་གེ་ཞེས་བྱ་བ་མདོ་སྔགས་ཀྱི་གཞུང་ལུགས་མང་པོ་དང་ཐོས་བསམ་གྱི་བགྱི་བ་མཐར་སོན་ཏེ་བསྒྲུབ་པའི་སྙིང་པོ་ལྷུར་མཛད་པ་དང་། །དེའི་མཆེད་
རིའི་ལྡེབས་སུ་ངུར་སྨྲིག་འཆང་བ་འདུས་པའི་སྡེ་བཅུགས་ཤིག་གཙུག་ལག་ཁང་བཞེངས་པ་ལ་དེང་སང་ཉིན་དགོན་དུ་གྲགས་ཤིང་། རྔུ་ཕུའི་བྲག་གི་ཕུག་པ་སེང་གེ་རྫོང་དུ་གྲགས་པ་འདི་ཡང་དེ་ཉིད་ཀྱི་སྒྲུབ་གནས་མཛད་པས་ཕྱི་ནས་རྟེན་ལ་བརྟེན་པའི་མིང་དུ་ཐོགས་པ་ཡིན་ནོ་ཞེས་གླེང་ངོ་། །དེའི་མཆེད་
ཡ་རྒྱལ་མཚན་འབུམ་ལ་སྲས་བཞི་བྱུང་བའི་དཔོན་ཆེན་ཨ་སྔའི་སྲས་སུ་ཇོ་གདན་ནམ་མཁའ་ལྷུན་བཟང་ཞེས་བྱ་བ་འཁྲུངས་ཏེ། འདིས་བླ་མ་མང་པོའི་གདམས་པའི་མཛོད་བཟུང་ནས་རྡོ་རྗེ་འཇིགས་བྱེད་ལྷག་པའི་ལྷར་བཟུང་ཞིང་། དེའི་རྩ་སྔགས་ཡ་མ་རཱ་ཛ་དུང་ཕྱུར་གཅིག་སོང་བའི་མཚམས་
ནས་ལྗགས་ཀྱི་སྟེང་ནས་ལྕགས་ཀྱི་རིལ་བུ་རང་རྡོལ་དུ་བྱུང་བ་དང་། བསྐྱེད་པའི་རིམ་པ་ལ་བརྟན་པ་ཐོབ་པས་ཉེ་གནས་འགའ་ཞིག་གིས་མཐོང་སྣང་དུ་རྡོ་རྗེ་འཇིགས་བྱེད་མངོན་སུམ་དུ་བཞུགས་པར་མཐོང་བ་ལ་སོགས་བགྲུབ་པའི་མཚན་མ་མང་དུ་བརྙེས་སོ། །དེའི་མཆེད་ཡ་རྒྱལ་འཕེལ་གྱི་
སྲས་ཆེ་བ་སྡེ་དགེ་ཀུན་དགའ་རིན་ཆེན་ཞེས་བྱ་བ་སྟེ། འདིས་ནི་ཤར་ཆེན་བྱམས་པ་ཀུན་དགའ་བཀྲ་ཤིས་དང་། པ་པང་མཁན་ཆེན་བསོད་ནམས་རིན་ཆེན་ལ་སོགས་པའི་ཡོངས་འཛིན་མང་པོ་བསྟེན་ནས་ཟབ་དོན་གྱི་བདུད་རྩི་ངོམས་པར་བཞེས་ནས། ཡི་དམ་གྱི་ལྷ་མང་པོའི་བསྙེན་སྒྲུབ་
དང་ཁྱད་པར་ཆོས་སྐྱོང་གི་བསྙེན་པ་ལ་བཞུགས་པའི་ཚེ་སྒྲུབ་ཁང་ཐམས་ཅད་མེའི་ཕུང་པོ་གཅིག་ཏུ་འབར་བར་ཀུན་གྱིས་མཐོང་བ་ལ་སོགས་པ་ལུང་རྟོགས་ཀྱི་ཡོན་ཏན་བསམ་གྱིས་མི་ཁྱབ་པ་བརྙེས་སོ། །སྡེ་དགེ་བླ་བྲང་ལྷ་ཁང་ཞེས་པ་ལྷ་ཁང་དང་བླ་བྲང་ཟུང་དུ་འབྲེལ་པ་འདི་ཉིད་གསར་དུ་

213-1-165a

བཞེངས་པ་དང་། ངུར་སྨྲིག་འཆང་བའི་དགེ་འདུན་གྱི་སྡེ་མང་དུ་བསགས་པ་ལ་སོགས་པའི་སྒོ་ནས་བསྟན་པ་དར་རྒྱས་སུ་མཛད་དོ། །དེའི་མཆེད་ཟླར་གྱུར་པ་ནམ་མཁའ་དང་རྡོ་རྗེ་ལྷུན་གྲུབ་ཅེས་བྱ་བ་གཉིས་སུ་བྱོན་པའི་ཕྱི་མ་དེའི་རིགས་སྲས་ལ་གྲགས་པ་ལྷུན་གྲུབ་
དང་། ཀརྨ་སྲུང་ཞེས་བྱ་བ་གཉིས་བྱོན་ནོ། །དེའི་དང་པོས་ནི་ཐུགས་དམ་གྱི་གཙོ་བོར་དགྱེས་པའི་རྡོ་རྗེ་དང་ཆོས་སྐྱོང་བའི་སྲུང་མ་ནག་པོ་ཆེན་པོ་གུར་གྱི་མགོན་པོ་ལ་མཛད་པས། སྲུང་མའི་དབང་པོ་དེ་ཉིད་དུས་རྟག་ཏུ་ལུས་དང་གྲིབ་མ་བཞིན་དུ་འགྲོགས་ཤིང་ཇི་ལྟར་བསྒོས་པའི་འཕྲིན་ལས་
ཐམས་ཅད་ཐོགས་པ་མེད་པས་བསྒྲུབ་པ་གདོན་མི་ཟ་བ་དང་། རེས་འགའ་གར་གྱི་ཉམས་དགུ་ཡོངས་སུ་རྫོགས་པའི་སྐུའི་དཀྱིལ་འཁོར་ཡང་མངོན་སུམ་དུ་བསྟན་པ་དང་། མགོན་པོའི་སྐུ་རྟེན་ཞིག་ཐུན་མོང་མ་ཡིན་པའི་ཆོ་གས་བཞེངས་ནས་རབ་ཏུ་གནས་པའི་ཆོ་ག་བགྱིས་པའི་ཚེ་མགོན་
པོར་ཡེ་ཤེས་པ་དངོས་སུ་ཐིམ་པའི་སྣང་བ་བྱུང་ངོ་། །སྐུ་དེ་ནི་ད་ལྟ་མགོན་ཁང་ཆེན་པོ་ན་བཞུགས་སུ་གསོལ་བ་བྱིན་རླབས་ཀྱི་གཟི་འོད་འབར་བ་འདི་ཉིད་ལགས་ཤིང་། ཕྱིས་སུ་ཡུལ་ལྗོངས་འདི་ཉིད་ཀྱི་བསྟན་སྲིད་ལ་རྣམ་པར་སྡང་ཞིང་ཕྲག་དོག་གི་དུག་ཆུས་ཀུན་ནས་མྱོས་པའི་ཁ་རླངས་ཀྱི་
འཚུབས་མར་ཕ་རོལ་གྱི་དཔུང་ཚོགས་མི་སྲུན་པ་དག་གིས་ཉེ་བར་ལྷགས་པའི་དུས་ན་མགོན་ཁང་དུ་གཉུག་མར་བཞུགས་པའི་བླ་མས་མཆོད་གཏོར་རྒྱ་ཆེན་པོ་ཕུལ་ནས་དྲག་པོའི་ཕྲིན་ལས་སུ་བསྐུལ་བ་དང་བཅས་ཏེ་མགོན་ཁང་གི་ཐོག་ཁར་སྤྱན་དྲངས་ནས་དག་ཕྱོགས་སུ་ཞལ་བསྟན་ཏེ་བཞག་གོ། །
དེའི་དུས་ན་འགྲོ་བ་མང་པོའི་མཐུན་སྣང་དུ་མགོན་པོའི་སྐུ་ཤིན་ཏུ་མི་སྡུག་པའི་ཉམས་ཅན་གྱིས་བདུད་རྟ་ནག་པོ་རླུང་གི་ཤུགས་ལྡན་ཞིག་ལ་བཅིབས་ཏེ། དུས་ཀྱི་མཐའི་མཐོར་རླུང་དྲག་པོ་ལྟ་བུའ་རླུང་ནག་འཚུབ་མ་ཆེན་པོ་དང་ཆབ་ཅིག་ཏུ་དགྲ་སྡེ་ཡོད་པའི་ཕྱོགས་ག་ལ་བ་དེར་མངོན་སུམ་དུ་རྒྱུག་
པར་མཐོང་ངོ་། །ཇི་ལྟར་མཐོང་བ་དེ་བཞིན་དུ་རིང་པོར་མ་ཐོགས་པར་དགྲ་སྡེ་དེ་དག་ནང་འཁྲུགས་པ་དང་ཆོ་འཕྲུལ་དུ་མ་བྱུང་སྟེ་རང་ཞིར་སོང་བ་ལ་སོགས་པ་བསྟན་སྲུང་དངོས་སུ་འཁོར་བའི་འཕྲིན་ཡིག་བསྙོན་དུ་མེད་པ་གང་དེ་བདེན་པའི་མཐས་བསྒྲགས་པ་ལྟར་གྱུར་ཏོ། །སྡེ་དགེ་ཀུན་དགའ་

213-1-165b

རིན་ཆེན་པའི་གཅུང་དཔོན་ཆེན་ནམ་མཁའི་སྲས་དབོན་ཆེན་ལྷུན་ཐུབ་ཅེས་བྱ་བ་བསོད་ནམས་གྱི་ལྗོན་པ་མངོན་པར་རྒྱས་པ་ཞིག་བྱུང་སྟེ། དེ་ལ་སྲས་དྲུག་བྱོན་པའི་དང་པོ་ནི་བླ་མ་མཚོ་ལས་སྐྱེས་པའི་རྡོ་རྗེའི་ལུང་གིས་ཟིན་པའི་གཏེར་ཆེན་པོ་རིག་འཛིན་རྒོད་ཀྱི་ལྡེམ་འཕྲུ་ཅན་གྱི་སྐྱེ་བའི་ཟློས་གར་དུ་
གྲགས་པ་སྡེ་དགེ་གྲུབ་ཆེན་ཀུན་དགའ་རྒྱ་མཚོ་ཞེས་པ་སྐྱེས་ཐོབ་དང་སྦྱངས་སྟོབས་ཀྱི་མཁྱེན་རབ་ཕུལ་དུ་བྱུང་ཞིང་། ཐུགས་རྒྱུད་ཐོག་མ་ཉིད་ནས་བྱང་ཆུབ་སེམས་ཀྱི་བརླན་གྱིས་ལེགས་པར་བསྒོས་པའི་སྐྱེས་བུ་དམ་པ་ཞིག་སྟེ། འདིས་ནི་ཤར་ཆེན་བྱམས་པ་ཀུན་དགའ་བཀྲ་ཤིས་
གྲགས་པའི་རྒྱལ་མཚན་དཔལ་བཟང་པོ་པ་གཙོ་བོར་སྨོས་པའི་གསང་སྔགས་གསར་རྙིང་གི་གྲུབ་པའི་ལུགས་སྲོལ་འཛིན་པའི་མཁས་གྲུབ་ཀྱི་བླ་མ་མང་པོ་བསྟེན་ཅིང་དེ་དག་ལ་ཇི་ལྟར་མངའ་བའི་ཟབ་ཆོས་ཀྱི་བདུད་རྩི་ཐམས་ཅད་བུམ་པ་གང་འབྱོའི་ཚུལ་དུ་གསན་པས། གསང་
བསྔགས་ཀྱི་བསྟན་པའི་རྩ་ལག་དམ་པར་གྱུར་ཏོ། །དེའི་འབྲས་བུ་རྟོགས་པའི་ཡོན་ཏན་ནི་གཟུང་འཛིན་གྱི་འཆིང་བ་མཐའ་དག་རང་སར་གྲོལ་བའི་བདེན་གཏམ་གྱི་རི་མོ་སྲ་ཞིང་མཁྲེགས་པ་རྡོ་བའི་གཞི་མ་ཡང་འཇིམ་པའི་ཕུང་པོ་ལ་བརྫིས་པ་ལྟ་བུའི་ཞབས་རྗེས་འཇོག་པ་དང་།
ལྐོག་ཏུ་གྱུར་པའི་ཤེས་པར་བྱ་བའི་དངོས་པོ་ཐམས་ཅད་ཀྱང་སྒྲིབ་བྱེད་ཀྱི་རྣམ་པ་འགའ་ཡང་མེད་པར་རྗེན་པ་ཉིད་དུ་ཡང་དག་པར་གཟིགས་ནས་ལུང་དུ་བསྟན་པ་ལ་བསྙེངས་པ་མི་མངའ་བའི་མངོན་པར་ཤེས་པ་ཐོབ་ཅིང་། འབྱུང་པོ་གདུག་པ་ཅན་གྱི་རིགས་རྣམས་དམ་ལ་འདོགས་པ་ལ་
ཡང་དཀའ་བ་མེད་པའི་སྔགས་ཀྱི་མཐུ་ཆེན་པོ་གྲུབ་པ་ལ་སོགས་པ་ཡོན་ཏན་བསམ་གྱིས་མི་ཁྱབ་པ་ལ་དབང་འབྱོར་རོ། །གཙུག་ལག་ཁང་བསམ་གྲུབ་མཐོང་གྲོལ་བརྩིགས་པའི་ཐོག་མར་ས་འདུལ་དང་། མཐར་རྟེན་དང་བརྟེན་པར་བཅས་པ་ལ་ཡེ་ཤེས་ཀྱི་འཁོར་ལོ་འཇུགཔའི་རབ་དུ་གནས་
པའི་ཆོ་གའང་མཛད་དོ། །ཆོས་གྲྭ་འདིས་མཚོན་པའི་ཕྱོགས་དང་ཕྱོགས་བྲལ་རྣམས་ནས་ལྷགས་པའི་དོན་གཉེར་གྱི་སློབ་མ་མང་པོ་ལ་རང་རང་གི་བློ་དང་འཚམ་པའི་དབང་ལུང་དང་ཉམས་ཁྲིད་དང་གྱེར་དབྱངས་དང་གར་འཆམ་དང་རོལ་མོ་ལ་སོགས་པའི་ཕྱག་ལེན་གྱི་རིགས་ཤིན་ཏུ་ཕྲ་མོ་

213-1-166a

ཚུན་ཆད་ལ་གཅེས་སྤྲས་ཀྱི་སྒོ་ནས་གཏན་ལ་འབེབས་པ་ལ་སོགས་པ་རྣམ་པར་དཀར་བའི་ཕྲིན་ལས་ཀྱི་རྒྱུན་ཆེན་པོས་བསྟན་པ་རིན་པོ་ཆེ་ལ་གཅིག་ཏུ་བཀའ་དྲིན་ཆེ་བར་མཛད་དོ། །གཉིས་པ་དབོན་ཆེན་ཀླུ་འཕེལ་ཞེས་བྱ་བ་དང་། གསུམ་པས་གཞི་སྐྱོང་
བའི་དབང་པོ་བླ་མ་བྱམས་པ་ཕུན་ཚོགས་ཞེས་བྱ་བ་སྟེ་འདི་ནི་གནོད་སྦྱིན་གྱི་སྡེ་དཔོན་ཆེན་པོ་ལག་ན་རྡོ་རྗེའི་རྣམ་འཕྲུལ་དུ་ལུང་གིས་ཟིན་པའི་སྐྱེས་བུ་ཆེན་པོ་ཞིག་སྟེ། གཙུག་ལག་ཟུང་གི་མཁྱེན་དཔྱོད་རབ་ཏུ་གསལ་བས། ཤར་ཆེན་ཆོས་ཀྱི་རྒྱལ་པོ་ཤེས་རབ་འབྱུང་གནས་ལ་
སོགས་པ་མདོ་རྒྱུད་རྒྱ་མཚོའི་ཕ་རོལ་དུ་སོན་པའི་མཁས་གྲུབ་དུ་མའི་ཞབས་ཀྱི་པདྨ་ཉེ་བར་བསྙེན་ཅིང་། སྡོམ་པ་གསུམ་དང་རྗེས་སུ་འབྲེལ་བའི་ཟབ་པ་དང་རྒྱ་ཆེ་བའི་ཆོས་ཀྱི་བདུད་རྩི་ཟད་མི་ཤེས་པའི་རྒྱུན་ཆེན་པོ་ངོམ་པར་གསོལ་ལོ། །གཅིག་ཏུ་མཚུངས་པ་མེད་པའི་བསོད་
ནམས་ཀྱི་མཐུས་སྐྱེ་འགྲོ་ཐམས་ཅད་དབང་དུ་འདུས་པ་ཞིག་སྟེ། འདི་ཉིད་ཀྱི་སྐུ་རིངས་ལ། གཞན་སྡེ་མི་སྲུན་པ་དབང་ཤེད་དང་ངན་དཔུང་གིས་མངོན་པར་ཁེངས་ཤིང་། སྟོབས་བཅུ་མངའ་བའི་རིང་ལུགས་རྨ་མེད་པ་གང་དང་གང་དུ་དར་བ་དེ་དང་དེར་སྡང་ཞིང་ཐོ་བཙམས་པ། བེ་
རི་རྒྱལ་པོ་ལ་སོགས་པའི་དཔོན་ཆེན་དང་དཔོན་ཕྲན་མང་པོའི་ང་རྒྱལ་གྱི་གནམ་རུ་ཤིན་ཏུ་གྱོང་པོར་གནས་པ་དག །ཆེ་བར་རློམ་པ་གཞན་མང་པོས་དགུག་ཏུ་མ་བཏུབ་པ་རྣམས་ཀྱང་སྔོན་ལས་དང་སྨོན་ལམ་གྱི་ནུས་མཐུ་དགག་ཏུ་མེད་པའི་རྒྱུད་གྲིམས་པོས་དཀའ་བ་མེད་པར་རང་དབང་དུ་
བཀུག་སྟེ། ཆབ་འབངས་རྫོང་ཆེན་བཅོ་བརྒྱད་དང་། རིས་སུ་མ་ཆད་པའི་ཆོས་སྡེ་བརྒྱ་རྩ་ལ་སོགས་པ་ཐ་གྲུ་རྣམ་པར་ཡངས་པའི་དབྱིག་འཛིན་གྱི་གཞི་མར། ལས་ཤུགས་གསེར་སྦྱངས་ཀྱི་ཙཀྲ་རྩིབས་མ་སྟོང་གིས་མངོན་པར་སྤ་བས་མངའ་བསྒྱུར་བ་མཛད་དོ། །ཁྱད་པར་རྒྱལ་
བྱའི་བསྟན་པའི་རྩ་ལག་ཏུ་ཨེ་ཝཾ་ཆོས་ལྡན་གྱི་སྒྲུབ་ཁང་བླ་བྲང་ནས་རིན་པོ་ཆེ་དཔལ་མཆོག་རྒྱལ་མཚན་པ་དེ་ཉིད་མདོ་སྨད་ཕྱོགས་ཀྱི་ཆོས་གྲྭ་དང་། ཡུལ་དང་། གྲོང་ཁྱེར་དང་། གྲོང་རྡལ་དང་། རྒྱལ་པོའི་ཕོ་བྲང་ལ་སོགས་པ་རྣམས་སུ་བསྟན་པའི་སྣང་བ་ཆེན་པོ་བཀྱེ་བའི་ཆེད་དུ་

213-1-166b

སྤྱན་དྲངས་ཏེ་རིགས་ཀྱི་ཅོད་པན་གཅིག་པུ་ཉིད་དུ་མངའ་གསོལ་ལོ། །ཆོས་གྲྭ་ཆེན་པོ་ལྷུན་གྲུབ་སྟེང་འདི་ཉིད་གཙོར་སྨོས་པའི་ཆོས་སྡེ་མང་པོར་བཤད་སྒྲུབ་ཀྱི་རྒྱུན་ཉམས་པ་སླར་གསོ་ཞིང་། མེད་པ་གསར་དུ་སྤེལ་བ་དང་། སྤྲུལ་པའི་ལྷ་ཁང་ཆེན་པོ་བསམ་གྲུབ་མཐོང་གྲོལ་གཙོ་བོར་
སྨོས་པའི་གཙུག་ལག་ཁང་མང་པོ་བཞེངས་པ་དང་། རིག་པ་འཛིན་པའི་དགེ་འདུན་གྲངས་མེད་པ་ལ་བསྙེན་བཀུར་གྱ་ནོམ་པ་སྟོབ་པ་དང་བཅས་ཏེ། ཀྱཻ་རྡོ་རྗེ་དང་འཁོར་ལོ་བདེ་མཆོག་དང་གསང་བ་འདུས་པ་ལ་སོགས་པའི་གསང་ཆེན་རྒྱུད་སྡེ་ཆེན་པོའི་དཀྱིལ་འཁོར་མང་པོའི་ཞལ་ཕྱེ་
བའི་སྒྲུབ་མཆོད་ཀྱི་རྣམ་པ་མང་པོ་ཡང་གསར་དུ་འཛུགས་པར་མཛད་དེ། མདོར་ན་སྔར་སྲོལ་བཟང་པོ་མི་ཉམས་པར་སྐྱོང་བ་དང་། གསར་བྱུང་གི་སྒྲིག་སྲོལ་བཟང་པོ་བཅའ་བ་ལ་སོགས་པས་ལུགས་གཉིས་ཀྱི་བསྟན་པའི་རྒྱུན་གཙང་དྲི་མ་མེད་པ་བསྐལ་བ་ནམ་གནས་ཀྱི་བར་དུ་མི་ནུབ་
པར་སྤེལ་བའི་བགྱི་བ་ཐམས་ཅད་ཆོས་རྒྱལ་ཨ་ཤོ་ཀའི་རྣམ་པར་ཐར་པའི་ངོ་མཚར་ཡང་འགོག་པར་ནུས་པའི་རང་བཞིན་ཁོ་ན་ཉིད་དོ། །བཞི་པ་དབོན་ཆེན་ཀརྨ་ཞེས་བྱ་བ་དང་། ལྔ་པ་བླ་མ་ལྷ་སྲུངས་ཞེས་བྱ་བ་སྟེ། ཕྱི་མ་འདི་ནི་ཡི་དམ་གྱི་ལྷའི་བསྒོམ་བཟླས་ཁོ་ནས་ཉིན་མཚན་འདའ་
བར་མཛད་དོ། །དྲུག་པ་བླ་མ་ཀརྨ་བསམ་གྲུབ་ཅེས་བྱ་བ་སྟེ་དེ་ནི་སྒྲུབ་བརྒྱུད་ཀརྨ་ཀཾ་ཚང་གི་གྲུབ་མཐའ་ལ་ཞུགས་པའི་བློ་གྲོས་དང་ལྡན་པ་ཞིག་སྟེ་དབོན་པོ་སྟོད་ཀྱི་གདན་སར་བཞུགས་སོ། །ཀརྨ་སྲུང་ཁྱིམ་ཐབས་ལ་བཞུགས་པའི་སྲས་གཉིས་ཏེ་མགོན་པོ་དང་། ལྷུན་གྲུབ་ཅེས་སོ། །
མགོན་པོའི་སྲས་བླ་མ་བསོད་ནམས་རྒྱལ་མཚན་དང་སྐལ་བཟང་འབུམ་དང་། པདྨ་བསམ་གྲུབ་དང་ཀུན་དགའ་ཚེ་བརྟན་ཏེ་བཞི་ལས། ཕྱི་མ་འདིས་ནི་ཡོངས་འཛིན་མང་པོའི་ཞབས་ཀྱི་པདྨར་གུས་པས་བསྟེན་ཅིང་མདོ་རྒྱུད་ཀྱི་ལུང་དང་མན་ངག་གི་གསན་པ་རྒྱ་མཚོ་ལྟ་བུའི་ཕ་རོལ་དུ་
སོན་ནས་རིམ་པ་གཉིས་ཀྱི་ཏིང་ངེ་འཛིན་ཟབ་མོ་ལ་རྩེ་གཅིག་ཏུ་བརྩོན་པས་ཡོན་ཏན་དཔག་ཏུ་མེ་པ་མངའ་ཞིང་། ལྷག་པའི་ལྷ་རྗེ་བཙུན་རྡོ་རྗེ་རྣལ་འབྱོར་མའི་ཞལ་གྱི་དཀྱིལ་འཁོར་མངོན་སུམ་དུ་མཐོང་བར་གྲགས་སོ། །སྐལ་བཟང་འབུམ་གྱི་སྲས་བླ་མ་བཀྲ་ཤིས་རྒྱ་མཚོ་ལ་སོགས་

213-1-167a

པ་རྣམས་ཏེ་བླ་མ་འདི་ནི་གསང་ཆེན་རྒྱུད་སྡེ་མང་པོའི་ལག་ལེན་ཆེ་ཕྲ་ཀུན་ལ་ཤིན་ཏུ་མཁས་པར་གྱུར་ཏེ། ངུར་སྨྲིག་འཛིན་པའི་དགེ་འདུན་སྟོང་ཕྲག་ཕྱེད་དང་གཉིས་ཙམ་གྱི་མགོ་འཛིན་དང་སྒྲིག་སྲོལ་མ་འཕྱུགས་པར་བསྐྱངས་བ་ལ་སོགས་པ་བསྟན་པའི་བགྱི་བ་
ལྷག་པར་བགྱིས་སོ། །སྐུ་ཚེའི་སྨད་དུ་ལོ་གྲངས་བཅུ་གསུམ་ཙམ་ལ་ཡི་དམ་གྱི་ལྷ་མང་པོའི་བསྙེན་སྒྲུབ་ལ་རྩེ་གཅིག་ཏུ་གཞོལ་བའི་རིང་ནས་མཁའ་སྤྱོད་དུ་གཤེགས་ཤིང་དེའི་དབོན་རྒྱུད་ད་ལྟར་བཞུགས་པའི་བར་རོ། །དབོན་ཆེན་ཀླུ་འཕེལ་གྱི་སྲས་གསུམ་ལས་ཨོོ་ཌྱཱན་བཀྲ་ཤིས་ཁྱིམ་ཐབས་ལ་
བཞུགས་ནས་སྲིད་པའི་ཕྲིན་ལས་ཀྱི་རྒྱུན་སྐྱོང་བར་མཛད་དོ། །དབོན་ཆེན་ཀུན་དགའ་ཕུན་ཚོགས་ནི་ཐུགས་སྒམ་ཞིང་དང་རིང་བ་དང་། མངའ་འབངས་ཐམས་ཅད་ཆོས་དང་མཐུན་པའི་བྱ་བས་བསྐྱང་བ་ལ་སོགས་པ་ཡ་རབས་ཀྱི་སྤྱོད་ཚུལ་ཕུན་སུམ་ཚོགས་པ་ནམ་ཡང་གཏོང་བ་དང་། ཕྱི་
གསོ་བ་རིག་པ་དང་། བཟོ་རིག་པ་ལ་སོགས་པ་ལ་མཁས་པར་གྱུར་པ་དང་། ནང་གསང་སྔགས་གསར་རྙིང་གི་ལམ་གྱི་ཉམས་ལེན་ཟབ་མོ་ལ་བརྩོན་པ་དང་དཀྱིལ་འཁོར་གྱི་རིགས་མང་པོའི་ཆོ་གའི་ཕྱག་ལེན་དང་། གར་འཆམ་དང་དབྱངས་དང་རོལ་མོ་ལ་སོགས་པའི་གཙུག་
ལག་རྒྱ་མཚོའི་དོན་ལ་བློ་ལྡན་ཀུན་གྱིས་བསྔགས་པའི་མཁྱེན་རབ་ཕུལ་དུ་བྱུང་བ་མངའ་ཞིང་། ས་སྐྱོང་བླ་མ་ཆེན་པོ་བྱམས་པ་ཕུན་ཚོགས་པ་སྐུ་གཤེགས་ནས། དེའི་གདན་སའི་ཁྲི་ལ་བཞུགས་ནས་རྣམ་དཀར་གྱི་ཕྲིན་ལས་རྒྱ་ཆེར་སྤེལ་བར་མཛད་དོ། །དབོན་པོ་རྒྱ་བོ་ནི་
དཔོན་པོ་སྟོད་དུ་བཞུགས་སོ། །དཔོན་ཆེན་ལྷུན་ཐུབ་ཀྱི་སྲས་བཞི་པ་ཀརྨ་ཞེས་བྱ་བ་དེའི་སྲས་དབོན་པོ་ཆེ་མཆོག་དང་། རྡོར་ལེགས་དང་། གཡུལ་རྒྱལ་ཏེ་གསུམ་ལས། ཆེ་མཆོག་ནི་ཆོས་དང་སྲིད་ཀྱི་གཙུག་ལག་ཀུན་ལ་མི་འཇིགས་པའི་བློ་གྲོས་ཀྱི་ལང་ཚོ་མངོན་པར་བདོ་
བས་གདན་ས་གཉིས་པ་མཛད་དེ་ཆབ་འབངས་ཐམས་ཅད་ཆོས་དང་བྱམས་པས་བདེ་བར་སྦྱར་བ་ལ་སོགས་པ་བཀའ་དྲིན་ཤིན་ཏུ་ཆེ་བ་བྱུང་ངོ་། །གཡུལ་རྒྱལ་གྱི་སྲས་ངག་དབང་བཀྲ་ཤིས་ནི་མཁྱེན་རབ་ཕུན་སུམ་ཚོགས་པ་མངའ་ཞིང་གཅིག་ཏུ་གཞན་ལ་ཕན་པ་ལྷུར་བྱེད་པ་ཞིག་

213-1-167b

གོ། །དཔོན་པོ་ཀླུ་འཕེལ་གྱི་སྲས་འགྲན་ཟླ་མེད་པའི་བསོད་ནམས་ཀྱི་འབྲས་བུ་མཐའ་དག་གཅིག་ཏུ་འཁྱིལ་བའི་ཁྲི་ཆེན་བླ་མ་སངས་རྒྱས་བསྟན་པ་ཞེས་མཚན་གྱི་སྙན་པའི་ཡི་གེ་ཕྱོགས་བྲལ་གྱི་ཆེ་དགུ་མང་པོས་རལ་པའི་རྩེ་ལ་ཅི་བདེ་བར་ངལ་བསོར་སྤྱོད་པ་སྙམ་བགྱིད་པ་དེ་ནི། གཏེར་གཞུང་
འགའ་ཞིག་ཏུ་ཅོག་རོ་ཀླུའི་རྒྱལ་མཚན་པའི་སྤྲུལ་པའི་རོལ་རྩེད་ཉིད་དུ་གདོན་མི་ཟ་བར་ལུང་གིས་བསྟན་པའི་སྐྱེས་བུ་ཆེན་པོ་ཞིག་སྟེ། དང་པོ་ནས་རང་བཞིན་བཟང་ཞིང་བསམ་པ་དགེ་བ། ཡིད་གཞུངས་ཤིང་ཕྱི་ནང་གི་རིག་པའི་གཞུང་ལུགས་རབ་འབྱམས་ལ་བློ་གྲོས་ཀྱི་འཇུག་པ་ཤིན་ཏུ་
གསལ་པོར་གྱུར་པས་སྡེ་དགེའི་གདན་རབས་ཀྱི་ཁྲི་ལ་མངའ་གསོལ་ལོ། །དེ་ནས་བཟུང་སྟེ་རྒྱལ་ཁམས་ཀྱི་འགྲོ་བ་རིས་སུ་མེད་པ་ལས་དབང་གི་གྲིབ་མ་བསིལ་པོའི་ཁོངས་སུ་བདེ་བར་སྐྱོང་ཞིང་། དེ་བཞིན་གཤེགས་པའི་བསྟན་པ་ལ་ཕན་པའི་ལེགས་བྱས་ཀྱི་སྒོ་འཕར་བྱེ་བ་ཁྲག་ཁྲིག་
དུས་ཅིག་ཅར་དུ་ཕྱེ་བ་ལ་སྔོན་རབས་བོད་ཀྱི་ཆོས་རྒྱལ་ཆེན་པོ་རྣམས་ཀྱི་མཛད་པ་བཟང་པོ་རྗེས་སུ་དྲན་པའི་རང་བཞིན་དུ་གྱུར་ཅིང་། མངའ་འོག་ཏུ་མཆིས་སོ་འཚལ་གྱི་དགེ་འདུན་སྡེ་རིས་སུ་མ་ཆད་པ་རྣམས་ལ་བཤད་སྒྲུབ་ཀྱི་རྒྱུན་ཉམས་པ་སླར་གསོ་བ་དང་། སྔ་ན་མེད་པའི་དཀྱིལ་
འཁོར་གྱི་སྒྲུབ་མཆོད་མང་པོ་ལོ་རེ་བཞིན་འཛུགས་པའི་སྲོལ་བཏོད་པ་དང་། ཆོག་དེ་དང་དེ་དག་གི་ཆིངས་དང་། མཐོང་བ་བརྒྱུད་པའི་ལག་ལེན་དུ་དར་བའི་གྱེར་གདངས་དང་། ཕྱག་རྒྱ་དང་། བྲི་ཐིག་རྔུལ་ཚོན་ལ་སོགས་པ་རྣམས་ཀྱང་གྲྭ་ས་ཆེན་པོ་རྣམས་དང་། ལྗོངས་འདིར་
སྔ་རབས་བྱོན་པའི་མཁས་གྲུབ་གོང་མ་རྣམས་ཀྱིས་ཇི་ལྟར་བཞག་པའི་ལག་ལེན་ཐམས་ཅད་མ་འཕྱུགས་པའི་བཅའ་ཁྲིམས་རྡོ་རྗེའི་ར་བ་ལྟར་བརྟན་པར་བཅས་ཏེ། བསྟན་དོན་རྒྱ་ཆེ་ཞིང་བསྐལ་པའི་བར་དུ་ཡང་ཆེས་བརླིང་བར་མཛད་དོ། །རང་ལུགས་ཀྱི་གྲྭས་གཙོར་བཏོན་
པའི་དབུས་བཙང་ཁམས་གསུམ་དུ་གཏོགས་པའི་དགེ་འདུན་གྱི་ཚོགས་ཚད་མེད་ཅིང་གྲངས་མེད་པ་ལ་བསྙེན་བཀུར་གྱ་ནོམ་པ་སྦྱར་རོ། །ཁྱད་པར་ལྷུན་གྲུབ་སྟེང་གི་ཆོས་གྲྭ་ཆེན་པོས་མཚོན་པའི་མདོ་སྨད་ཀྱི་སའི་ཆ་ལ་འཁོད་པའི་འགྲོ་བའི་བདེ་སྐྱིད་དང་བསྟན་པའི་བཤད་སྒྲུབ་ལ་

213-1-168a

ཕན་པའི་ཐུགས་བསྐྱེད་རྨ་མེད་པ་ཉེ་བར་བཞག་སྟེ། འཇམ་མགོན་བཀྲ་ཤིས་དཔལ་ལྡན་ཞེས་པ་མདོ་སྡེ་དང་རྒྱུད་སྡེ་མ་ལུས་པའི་གསན་སྦྱངས་རྒྱ་མཚོ་ལྟ་བུའི་ཕ་རོལ་དུ་སོན་པ་དེ་ཉིད་སྤྱན་དྲངས་ཏེ། དཔལ་དགྱེས་པ་རྡོ་རྗེ་ལ་སོགས་པའི་རྒྱུད་སྡེ་ཆེན་པོ་རྣམས་དང་
རྗེས་སུ་འབྲེལ་བའི་དབང་བསྐུར་བ་དང་བྱིན་གྱིས་བརླབས་པ་ལ་སོགས་པའི་ཆོས་ཀྱི་འཁོར་ལོ་རྒྱ་ཆེན་པོ་བསྐོར་བས་བསྐུལ་ཏེ་བསྟན་པའི་རྒྱལ་མཚན་ཆེན་པོ་མི་ནུབ་པར་བྱས་སོ། །ཐུབ་བསྟན་རྣམ་པར་རྒྱལ་བའི་ཆོས་གྲྭ་ནས་ཀུན་མཁྱེན་གོ་བོ་རབ་འབྱམས་བསོད་ནམས་སེང་གེ་ཞེས་ས་སྟེང་གི་
དཀྱིལ་འཁོར་ལུས་པ་མེད་པར་ཉིན་མོར་བྱེད་པ་ལྟར་གྲགས་པ་གང་དེའི་ཞབས་སྟེགས་སེང་གེའི་ཁྲི་མཐོན་པོ་གང་ལ་མངའ་གསོལ་བའི་མཁན་ཆེན་བཟང་པོ་རྒྱལ་མཚན་ཞེས་པ་གཞུང་ལུགས་རབ་འབྱམས་སྨྲ་བའི་དབང་ཕྱུག་དེ་ཉིད་སྤྱན་དྲངས་ནས་བླའི་མཆོད་གནས་སུ་བཀུར་རོ། །མགོན་
དེས་གསུང་ངག་རིན་པོ་ཆེ་ལ་འབྲས་བུ་དང་བཅས་པའི་གདམས་ངག་གི་ཉམས་ཁྲིད་རྒྱས་པ། དེའི་ཡན་ལག་དང་བཅས་པ་ཡོངས་སུ་རྫོགས་པ་དང་། འཕགས་ཡུལ་གྱི་གྲུབ་པའི་དབང་ཕྱུག་འཇིགས་མེད་འབྱུང་གནས་སྦས་པའི་ཞབས་ཀྱིས་ལེགས་པར་བཀྲལ་བའི་རྡོ་རྗེ་
ཕྲེང་བ་དཀྱིལ་འཁོར་ཆེན་པོ་བཞི་བཅུ་རྩ་ལྔ་ལ་སོགས་པའི་དབང་བསྐུར་གྱི་རིགས་དང་། རྗེས་སུ་གནང་བ་དང་། ཉམས་ཁྲིད་ལ་སོགས་པ་ཟབ་པ་དང་རྒྱ་ཆེ་བའི་ཆོས་ཀྱི་འཁོར་ལོ་རྒྱ་ཆེན་པོ་བསྐོར་ཏེ། དེ་དག་གི་རྒྱུན་དེང་སང་གི་བར་དུ་ཡང་དར་རྒྱས་སུ་བཞུགས་སོ། །སླར་
ཡང་དཔལ་ཨེ་ཝཾ་ཆོས་ལྡན་གྱི་དགོན་པ་ནས། བཅོམ་ལྡན་འདས་ཤཱཀྱའི་རྒྱལ་པོའི་རྒྱལ་ཚབས་ཀྱི་སྐྱེས་བུ་ཆེན་པོ་རྡོ་རྗེ་འཆང་ཀུན་དགའ་བཟང་པོ་པའི་ཞབས་སྟེགས་མི་འཇིགས་གདོང་ལྔའི་ཁྲི་ལ་མངའ་གསོལ་བའི་མཁན་རབས་ཉེར་གསུམ་པ་དཔལ་ལྡན་རྡོ་རྗེ་འཆང་དབང་ངུར་སྨྲིག་
གར་གྱིས་རྣམ་པར་རྩེན་པའི་མཁས་གྲུབ་སངས་རྒྱས་ཕུན་ཚོགས་པ་ཞེས་བྱ་བ། འཛམ་གླིང་བསྟན་པའི་རྒྱན་གཅིག་པུ་དཔལ་ས་སྐྱ་པ་ཀུན་དགའ་བཀྲ་ཤིས་པ་གཙོ་བོར་སྨོས་པའི་གཙང་དབུས་ཁམས་གསུམ་གྱི་མཁས་པ་དང་གྲུབ་པའི་དབང་པོ་མ་ལུས་པའི་གཙུག་གི་ནོར་བུར་གྱུར་པ་དེ་ཉིད་

213-1-168b

མདོ་ཁམས་ཕྱོགས་ཀྱི་སྐྱེ་འགྲོ་དཔག་ཏུ་མེད་པའི་ཐར་པ་བགྲོད་པའི་ལམ་མཁན་ཉིད་དུ་སྤྱན་དྲངས་ཏེ། ཆོས་གྲྭ་འདིར་རྟག་པར་བཞུགས་ནས། ལྕགས་ར་དང་། ཡ་ན་དང་། དབོན་པོ་སྟོད་དང་། ཟུལ་སྟོད་དང་། སྤེ་བར་དང་། སྨད་ཤོད་རྣམས་སུ་ཞབས་ཀྱིས་བཅགས་པར་གསོལ་བ་བཏབ་
སྟེ། དེ་དག་ཏུ་སྤྱན་དྲངས་ནས། སྡོམ་པ་གསུམ་གྱི་བདུད་རྩིའི་སྒོ་འཕར་བསམ་གྱིས་མི་ཁྱབ་པ་ཕྱེ་བས་སྐལ་བར་ལྡན་པ་ཀུན་གྱི་རེ་བ་ཡོངས་སུ་རྫོགས་པར་མཛད་པ་དང་། སྒྲུབ་མཆོད་ཀྱི་རིགས་མང་པོ་གསར་དུ་བཙུགས་པ་དང་། སྔར་ཡོད་པ་རྣམས་ཀྱང་དག་ཐེར་མཛད་པའི་སྒོ་ནས། བསྟན་
པ་རིན་པོ་ཆེའི་དྲི་མ་ཕྲ་མོ་རྣམས་ཀྱང་ལུང་དང་རིགས་པ་དང་མན་ངག་གི་དག་བྱེད་བཟང་པོས་ལེགས་པར་བཀྲུས་ཏེ། སྔོན་དུས་འཕགས་པའི་ཡུལ་གྱི་བསྟན་པ་དར་རྒྱས་ལ་འགྲན་པར་ནུས་པའི་ཕྲིན་ལས་ཀྱི་རྒྱུན་ཆེན་པོ་བཙུགས་པ་སོགས་ལ་ས་སྐྱོང་བླ་མ་ཆེན་པོ་འདི་ཉིད་ཀྱི་བཀའ་དྲིན་
མཐའ་དག་གཟུགས་སུ་རུང་ན་གནམ་སའི་དཀྱིལ་འཁོར་ཀུན་ཀྱང་དོག་པར་འགྱུར་པའི་རང་བཞིན་ཁོ་ནའོ། །དབོན་ཅེན་ཀླུ་འཕེལ་གྱི་རིགས་སྲས་ཨོ་ཌྱཱན་བཀྲ་ཤིས་དེ་ཉིད་ལ་སྲས་བཞི་འཁྲུངས་པའི་དང་པོ་སྡེ་དགེ་ཁྲི་ཆེན་བླ་མ་བསོད་ནམས་ཕན་སུམ་ཚོགས་ཞེས་ཡོངས་སུ་གྲགས་པ་
ལས་དབང་གི་འཁོར་ལོས་སྒྱུར་བ་ཆེན་པོ་སྟེ། དེ་ནི་ཐོག་མ་ཉིད་ནས་སངས་རྒྱས་བཅོམ་ལྡན་འདས་ཀྱི་བསྟན་པ་ལ་རྩོམ་པ་བླ་ན་མེད་པའི་སྒོ་ནས་ཕན་འདོགས་པར་འདོད་པའི་དམ་བཅའི་ཁུར་ཆེན་པོ་བླངས་པ་ཞིག་སྟེ། ཤིན་ཏུ་མཐོ་བའི་རིགས་སུ་གྱུར་ཀྱང་དྲེགས་པ་དང་
ཁེངས་པ་མི་མངའ་བར་རང་བཞིན་གྱིས་བཟང་ཞིང་། བདག་དང་གཞན་ལ་ཕན་པའི་བསམ་པ་དང་སྦྱོར་བ་ཕུན་སུམ་ཚོགས་པ་ལ་ཞུགས་པ། བཟོ་དང་གསོ་བ་ལ་སོགས་པ་ཕྱི་རིག་པའི་གནས་ཕལ་ཆེ་བ་དག་ལ་མ་རྨོངས་པའི་མཁྱེན་རབ་དང་ལྡན་པ། ནང་གསང་སྔགས་གསར་རྙིང་
གི་བསྟན་པ་ལ་ལྷག་པར་མོས་པས་མཁས་གྲུབ་ཡོངས་ཀྱི་གཙུག་གི་ནོར་བུ་ལྟར་གྱུར་པ་མཁན་ཆེན་སངས་རྒྱས་ཕུན་ཚོགས་པ་ལ་སོགས་པ་གསར་རྙིང་གི་བླ་མ་མང་པོ་ལས་ཟབ་ཆོས་ཀྱི་གདམས་པ་རྒྱ་མཚོ་ལྟ་བུའི་གསན་སྦྱངས་དཔྱིས་ཕྱིན་པར་མཛད་དེ། བསླབ་པ་རིན་པོ་ཆེ་རྣམ་པ་

213-1-169a

གསུམ་གྱི་འབྱོར་པས་ཐུགས་ཀྱི་བང་མཛོད་རྨ་མེད་པའི་རང་བཞིན་དུ་ཡོངས་སུ་བཀང་སྟེ་ཆོས་སྨྲ་བའི་རྒྱལ་པོར་གྱུར་ཏོ། །གཙུག་ལག་གཉིས་ཀ་ཟུང་དུ་འབྲེལ་བའི་ཕྲིན་ལས་ཀྱི་དབང་ཕྱུག་དམ་པའི་གོ་འཕང་ཉིད་དུ་མངའ་སྒྱུར་བའི་ཕྱིར་སྡེ་དགེའི་གདན་རབས་རིན་པོ་
ཆེའི་ཁྲི་འཕང་མཐོན་པོ་ལ་ཞབས་ཀྱི་པདྨ་དམར་པོ་རྣམ་པར་བཀོད་དེ་ཆོས་དང་སྲིད་པའི་གཞུང་ལུགས་ཐམས་ཅད་སྨྲ་བའི་རྒྱལ་པོར་གྱུར་ཏོ། །དེ་ནས་བརྩམས་ཏེ་དང་མཐུན་པའི་ཕྲིན་ལས་མདོག་བཟང་གི་འཁོར་ལོ་སྔོན་དུ་རྒྱུ་བས། ཡངས་པའི་རྒྱལ་ཁམས་ཀྱི་འགྲོ་བ་ཕལ་ཆེ་བ་གཞོལ་
དུ་མེད་པའི་མཁྱེན་རབ་དང་བརྩེ་བའི་གདུགས་དཀར་གྱི་གྲིབ་མ་བསིལ་པོའི་རབ་གང་ན་ལེགས་པར་བཅུག་ནས་རྣམ་པར་འཚེ་བ་མེད་པའི་བདེ་བ་ལ་ངལ་བསོ་བའི་སྐལ་བ་བཟང་པོ་ཅི་ཡང་བྱིན་ནོ། །གཞན་ཡང་བསགས་པའི་དངོས་པོ་གྱ་ནོམ་ོ་དག་ཀྱང་བོད་ཁམས་ཀྱི་ཆོས་སྡེ་རིས་སུ་མེད་པའི་དགེ་
འདུན་རྣམས་ལ་མཆོད་ཅིང་རྗེད་པར་བྱེད་པ་དང་། བྱེ་བྲག་ཏུ་མངའ་འོག་ཏུ་གཏོགས་པའི་མགོན་སྡེ་རྣམས་སུ་གཙུག་ལག་ཁང་སྔར་ཡོད་ཉམས་པ་རྣམས་ཀྱི་ཉམས་གསོ་དང་། མེད་པ་རྣམས་གསར་དུ་བཞེངས་པ་དང་། བསྟན་པའི་རྩ་ལག་དགེ་སློང་གི་དགེ་འདུན་གྲངས་མེད་པ་ལ་བསྙེན་
བཀུར་སྟོབ་པའི་ཕྱིར་གཏོང་ཞིང་། དེ་དག་གི་བཅའ་ཁྲིམས་དང་ཀུན་སྤྱོད་ཀྱི་སྒྲིག་ལམ་གོང་མ་རྣམས་ཀྱི་བཞག་པའི་རྒྱུན་བཟང་པོ་སྐྱོང་བ་དང་། གྲྭས་ཆེན་པོ་རྣམས་ལ་ཇི་ལྟར་ཡོངས་སུ་དར་བའི་ལུགས་སྲོལ་བཟང་པོ་སྔོན་ཆད་འདིར་མ་བྱུང་བ་རྣམས་ཀྱང་གསར་བསྒྲུབ་ཀྱི་སྲོལ་བཏོད་པ་ལ་
སོགས་པ་སྟོབས་བཅུ་མངའ་བའི་བསྟན་པ་རིན་པོ་ཆེ་རིང་འཚོར་འགྱུར་བའི་བཀའ་དྲིན་ཟླ་མེད་པ་མཛད་དོ། །གཉིས་པ་དཔོན་དབང་ཆེན་མགོན་པོ་ཞེས་བྱ་བ་དང་། གསུམ་པ་བླ་མ་སངས་རྒྱས་དཔལ་བཟང་པ་སྟེ། འདིས་རྣམ་པ་ཐམས་ཅད་དུ་བསྒྲུབ་པར་བྱ་བའི་གཙོ་བོ་ནི། སྤྱིར་བདེ་བར་
གཤེགས་པའི་བསྟན་པ་ཐམས་ཅད་དང་། སྒོས་སུ་རྗེ་བཙུན་ས་སྐྱ་པ་ཞེས་ཁམས་གསུམ་ཆོས་ཀྱི་སྒྲོན་མེ་ཆེན་པོར་གྱུར་པ་དེ་དང་། རྒྱལ་བ་གཉིས་པ་རྗེ་བཙུན་ཀུན་དགའ་བཟང་པོ་ཡབ་སྲས་བརྒྱུད་པ་དང་བཅས་པའི་ལུགས་བཟང་རྩོད་པ་ཀུན་ལས་གྲོལ་བ་གང་དེ། གངས་ཀྱི་ར་བས་

213-1-169b

མཛེས་པར་བསྐོར་བའི་ལྗོངས་འདིར་ཇི་ལྟར་སྤྲིན་སྔོན་དུས་ཀྱི་ཆུ་གཏེར་ཆེན་པོ་བཞིན་དུ་མི་ཉམས་ཤིང་གོང་ནས་གོང་དུ་སྤེལ་བའི་ཐུགས་བསྐྱེད་རིན་པོ་ཆེ་འབྱུང་བའི་གནས་ཀྱི་དབའ་རླབས་གནམ་དུ་འཕྱོ་བའི་རང་བཞིན་ལས་ནམ་ཡང་བྲི་བ་མེད་པ་ནས། གྲུབ་པའི་དབང་པོའི་གདན་ས་རི་ཁྲོད་སྨིན་གྲོལ་
གླིང་དང་། དབོན་པོ་སྟོད་ཀྱི་གདན་ས་གཉིས་ཆར་སྐྱོང་བར་མཛད་དོ། །གདན་ས་དེ་གཉིས་དང་དགོན་སྡེ་གཞན་དང་གཞན་དག་ལ་ཡང་ངོར་ལུགས་དཀྱིལ་འཁོར་བདུན་དུ་གྲགས་པ་ལ་སོགས་པའི་དཀྱིལ་འཁོར་གྱི་རྣམ་པ་མང་པོའི་སྒྲུབ་མཆོད་དང་གཞུང་འདོན་པའི་དུས་མཆོད་{གྱི་}རྒྱུན་མང་པོ་
གསར་དུ་བཞག་སྟེ། ངུར་སྨྲིག་འཆང་བའི་དགེ་འདུན་བགྲང་ལས་འདས་པ་ལ་བསྙེན་བཀུར་རྒྱ་ཆེན་པོ་སྦྱོར་བའི་སྲོལ་བཏོད་དོ། །གཞན་ཡང་རྗེ་བཙུན་ཨེ་ཝཾ་པ་ཆེན་པོ་བརྒྱུད་པ་དང་བཅས་པ་འགའ་ཞིག་གི་བཀའ་འབུམ་དང་རྣམ་པར་ཐར་པ་ལ་སོགས་པའི་གླེགས་བམ་དག་ཅིང་དངོས་
བཟང་བ་མང་པོ་བཞེངས་ཏེ། དེ་དག་གི་མདུན་དུ་ཡང་སྤོས་དང་མར་མེ་ལ་སོགས་པའི་ཉེ་བར་སྤྱོད་པ་རྒྱ་དཔངས་མི་ཆུང་བའི་རྒྱུན་མཆོད་ཀྱི་རྒྱུན་བཙུགས་སོ། །ཁྱད་པར་ཕྱོགས་བཅུའི་རྒྱལ་བ་ཐམས་ཅད་ཀྱི་ཡོན་ཏན་དང་ཕྲིན་ལས་མངའ་བ་འཇམ་དབྱངས་སངས་རྒྱས་ཕུན་ཚོགས་པ་དེ་ཉིད་
བོད་ཆེན་གྱི་ལྗོངས་འདིར་སྦྱན་འདྲེན་པའི་སླད་དུ། འཕགས་པའི་ཡུལ་གྱི་པཎ་ཆེན་ན་རོ་ཏ་པའི་རྣམ་པ་ཐར་པའི་རྗེས་སུ་འགྲོ་བའི་དཀའ་བ་དཔག་ཏུ་མེད་པ་དང་དུ་བླངས་ཏེ། ལྗོངས་འདིའི་འགྲོ་བའི་ལེགས་བྱས་ཀྱི་མགྲོན་དུ་སྤྱན་དྲངས་ནས། འཆད་རྩོད་རྩམ་པའི་ཕྲིན་ལས་གཞལ་དུ་
མེད་པས། བསྟན་པ་མཐའ་དག་ནམ་ལངས་པ་ལ་ཉི་མ་ཤར་བ་ལྟར་མཛད་པའང་འདི་པ་སྐུ་མཆེད་ཀྱི་དྲིན་ཁོ་ན་ལས་བྱུང་བ་ཡིན་ནོ། །བསྟན་འཛིན་གྱི་སྐྱེས་བུ་ཆེན་པོ་དེ་ལ་སོགས་པའི་ཡོངས་རྫོགས་བསྟན་པའི་མངའ་བདག་མང་པོ་གཙུག་ན་མཆོད་ཅིང་། དེ་དག་ལས་འོངས་པའི་གདམས་
པ་ཟབ་པ་དང་རྒྱ་ཆེ་བ་བསམ་གྱིས་མི་ཁྱབ་པ་རྣམས་ཐུགས་ཉམས་སུ་བཞེས་ཏེ། མདོར་ན་མཁས་པ་དང་བཙུན་པ་དང་གྲུབ་པའི་ཡོན་ཏན་ཟད་མི་ཤེས་པའི་ངང་ཚུལ་བཟང་པོ་ཡོངས་སུ་འཛིན་པ་ཉིད་དོ། །བཞི་པ་བྱམས་པ་ཀུན་དགའ་རབ་བརྟན་པ་སྟེ། འདི་ནི་སྐྱེས་སྟོབས་དང་སྦྱང་སྟོབས་ཀྱི་

213-1-170a

རྣམ་པར་འབྱེད་པའི་མིག་དཀྱུས་རིང་པོར་སྤྲོས་པའི་ཁོངས་ག་ལ་བ་དེ་ན། ཕྱི་དང་ནང་གི་གྲུབ་པའི་གཞུང་ལུགས་རབ་འབྱམས་ཐམས་ཅད་དོག་པ་མེད་པའི་ཚུལ་གྱིས་ཆུད་པས། དེའི་འབྲས་བུ་གྲུབ་མཐའ་སོ་སོའི་ལྟ་གྲུབ་ཀྱི་ཁྱད་པར་རྣམ་པར་དབྱེ་བའི་གཏམ་སྙན་གྱི་མེ་
ཏོག་བསྟར་ལ་བརྒྱུས་པའི་ཕྲེང་བ་གང་དག །བློ་ལྡན་ཡོངས་ཀྱི་རྣ་བའི་རྒྱན་དུ་བཀོད་པ་ལ་བསྙེངས་པ་མི་མངའ་བའི་གདེངས་ཐོས་སྟེ། དབོན་སྟོད་ཀྱི་གདན་སར་བཞུགས་སོ། །དེར་བསྟན་སྲིད་ཟུང་དུ་འབྲེལ་བའི་ཕྲིན་ལས་དཔག་ཏུ་མེད་པས་བསྟན་པ་དང་སེམས་ཅན་གྱི་དོན་རྒྱ་ཆེན་པོ་བསྒྲུབས་
ཤིང་། རྒྱུ་དང་དཀའ་ཚོགས་ཀྱི་གཏིང་མཐའ་གཞལ་དུ་མེད་པས་དཔལ་ས་སྐྱའི་རྗེ་བཙུན་གོང་མ་ལྔའི་བཀའ་འབུམ་སྐྱ་ཆོས་པུ་སྟི་བཅུ་དྲུག་ན་བཟའ་དང་གླེགས་ཤིང་གླེགས་ཐག་དང་བཅས་པ་སྤུས་བཟང་བར་བསྒྲུབས་པ་དང་། དཀོན་མཆོག་གསུམ་ལ་མཆོད་པ་ཕུལ་བ་དང་། དགེ་འདུན་ལ་
བསྙེན་བཀུར་བགྱིས་པ་ལ་སོགས་པའི་རྣམ་པར་དཀར་བའི་ལེགས་མཛད་ཀྱི་ཕུང་པོ་གང་ལ་བློ་ལྡན་ཐམས་ཅད་ཀྱི་བསྔགས་པར་བརྗོད་པའི་ཚིག་གི་གླིང་བུ་ཅི་ཡང་བསྒྱུར་བའི་གནས་སོ། །དཔོན་དབང་ཆེན་མགོན་པོ་ལ་སྲས་གཉིས་འཁྲུངས་པའི་དང་པོ་མགོན་པོ་ཚེ་རིང་ཞེས་བྱ་བ་ཡ་རབས་ཀྱི་རང་
བཞིན་བཟང་པོ་ཡོངས་སུ་མི་འདོར་བའི་ལས་ཅན་ཞིག་སྟེ། འོན་ཀྱང་གཞོན་ནུའི་དུས་ཉིད་ནས་ལྔ་པའི་ལམ་དུ་གཤེགས་སོ། །དེའི་མཆེད་ཟླར་གྱུར་པ་དཔོན་དབང་ཆེན་པོའི་སྲས། སྟོབས་ཀྱི་འཁོར་ལོས་སྒྱུར་བའི་ཆོས་ལྡན་གྱི་རྒྱལ་པོ་བསྟན་པ་ཚེ་རིང་ཞེས་ཡོངས་སུ་གྲགས་པ་སྟེ།
དེ་ནི་སྔ་ན་མེད་པའི་ལེགས་བྱས་ཀྱི་གཞི་ཆེན་པོར་གྱུར་པའི་ཆོས་ཀྱི་སྦྱིན་པའི་མ་མོ་འདི་ཉིད་ཀྱི་དབུ་འཛུགས་པའི་བདག་པོའི་རྐྱེན་བྱེད་པ་པོ་སྟེ། ངེས་པར་ས་ལ་གནས་པའི་བྱང་ཆུབ་སེམས་དཔའ་ཉིད་མིའི་བདག་པོའི་མིག་འཕྲུལ་གྱི་རྫུ་ལ་ཞུགས་པ་ཞིག་སྟེ། ཐོག་མ་ཉིད་ནས་འཇིག་རྟེན་
ཐམས་ཅད་ལ་ཡིད་བརྩེ་བའི་རླན་གྱིས་བརླན་པ། ན་བ་དང་། རྒ་བ་དང་། འཆི་བ་དང་། སྡུག་པ་དང་བྲལ་བ་ལ་སོགས་པའི་སྡུག་བསྔལ་གྱི་ཁུར་ཆེན་པོ་དག་གིས་ཡོངས་སུ་གཟིར་བའི་སྐྱེ་བོ་མགོན་དང་བྲལ་བ་དང་། སྐྱབས་དང་བྲལ་བ་དང་། དཔུང་གཉེན་དང་བྲལ་བ་བདག་

213-1-170b

མཐོང་ན། སྙིང་རྗེའི་ཕྱག་རིང་ཡངས་བར་བརྐྱང་སྟེ། འཇིགས་པ་དང་། ཉམ་པ་གང་དང་གང་ཡིན་པ་དེ་ལས་བསྐྱབ་པ་ལ་སྤྲོ་བ་མཆོག་ཏུ་བརྟས་པ། སྔོན་གྱི་བསོད་ནམས་ཀྱི་མཐུ་ཆེན་པོ་ཐོབ་པ་ལ། སླར་ཡང་དཀོན་མཆོག་གསུམ་ལ་མཆོག་ཏུ་དད་པས། ཡོན་ཏན་གྱི་ཆོས་གང་
དག་ཕྱིར་ཕྱིར་རབ་ཏུ་བརྟན་པར་བྱས་པ། ཕྱོགས་བཅུའི་རྒྱལ་ཕྲན་ཐམས་ཅད་ཀྱང་ཕྱག་འཚལ་ཞིང་རང་གི་ངང་གིས་བཏུད་བར་བྱས་པ། དེ་ལྟ་ནའང་དགེ་བའི་སེམས་དང་ཆོས་ལས་འབྱུང་བའི་སྤྱོད་པའི་ཆུ་ཀླུང་བསིལ་པོར་འབེབས་པ་ལ་རབ་ཏུ་མཁས་པས་ང་རྒྱལ་གྱི་མེ་དཔུང་ཡོངས་སུ་
བཅིལ་བ་དང་ཐུགས་དུལ་བར་གྱུར་པ། གཏོང་བ་ལ་མཆོག་ཏུ་དཔའ་བ། ཡིད་གཞུངས་ཤིང་མང་དུ་ཐོས་པ་དང་། ཤེས་རབ་ཀྱི་ནོར་དང་ལྡན་པ། ཡི་གེ་དང་། གྲངས་དང་། རྩིས་དང་། མིག་འཕྲུལ་དང་། སྔོན་གྱི་རབས་དང་། སྙན་དངགས་དང་། ཟློས་གར་དང་། རོལ་མོའི་བྱེ་བྲག་
དང་། འཕོང་དང་། སྒྱུ་རྩལ་གྱི་རིག་པ་ཐམས་ཅད་ལེགས་པར་སྦྱངས་པ། ཁྱད་པར་གསོ་བ་རིག་པའི་གཞུང་ལུགས་སྨན་འཚོ་བའི་མདོ་དང་། ཡན་ལག་བརྒྱད་པ་དང་། དེའི་མན་ངག་རྒྱུད་བཞི་འགྲེལ་པ་དང་བཅས་པ་ལ་སྦྱངས་པའི་ཕ་རོལ་དུ་སོན་ནས། མཆོག་དམན་གྱི་འགྲོ་བ་
ཐམས་ཅད་དུས་མ་ཡིན་པར་འཆི་བ་དང་ནད་ཀྱི་ཟུང་རྔུས་གདུངས་པར་གྱུར་པའི་འཇིགས་པ་ལས་སྐྱོབ་ཅིང་། གནས་སྐབས་ཀྱི་བདེ་བ་དང་འཆི་བ་མེད་པའི་གོ་འཕང་སྦྱིན་པ་ལ་མ་རྨོངས་པ་ནི་སྔོན་གྱི་འཚོ་བྱེད་གཞོན་ནུས་གསོས་སམ་སྨན་པའི་རྒྱལ་པོ་གཉིས་པ་ལྟ་བུར་གྱུར་ཏེ་སེམས་ཅན་ཐམས་ཅད་
ཀྱི་ཉེར་འཚོའི་གཞི་ཆེན་པོ་ཉིད་དོ། །དེ་ལྟར་ཡང་སྐྱེས་པ་རབས་ཀྱི་རྒྱུད་ལས། རིག་བྱེད་ཤེས་ལ་དེ་ནི་ཚངས་པ་བཞིན། །རྒྱལ་པོ་རྣམས་ཀྱིས་བཀུར་བ་རྒྱལ་པོ་བཞིན། །སྐྱེ་དགུ་རྣམས་ལ་བརྒྱ་བྱིན་མངོན་སུམ་བཞིན། །ཤེས་འདོད་རྣམས་ལ་དྲན་སྤྱོད་ཕ་དང་འདྲ། །ཞེས་པ་ལྟར་སྐྱེ་
བོ་ཐམས་ཅད་ལ་ཕ་དང་འདྲ་བར་ཐབས་ཀྱི་བྱེ་བྲག་ཅི་རིགས་པའི་སྒོ་ནས་ཕན་འདོགས་པ་ཞིག་གོ། །དེར་མ་ཟད་ཚེ་རབས་དུ་མ་ནས་བསོད་ནམས་ཀྱི་ཚོགས་དཔག་ཏུ་མེད་པ་མངོན་པར་འདུ་བྱ་བ་ལ་ཀུན་ནས་ཡོངས་སུ་གོམས་པའི་བག་ཆགས་བཟང་པོ་སད་པས། རྒྱལ་སྲིད་ཀྱི་ཁྲི་ལ་

213-1-171a

མ་བཞུགས་པའི་དུས་ནས། ཇི་ལྟར་མངའ་བའི་བདོག་པ་རྣམས་ལ་ཕོངས་སེམས་མེད་པར་བླ་མ་དང་དཀོན་མཆོག་མཆོད་པའི་ཆེད་དུ་གཏོང་བ་དང་། དེ་བཞིན་གཤེགས་པ་སྲས་དང་བཅས་པའི་སྐུ་གསུང་ཐུགས་ཀྱི་རྟེན་གསུམ་བཞེངས་པ་ལ་སོགས་པའི་
རྣམ་པར་དཀར་པའི་ལེགས་བྱས་ཀྱི་རྒྱུན་ཁོ་ནའི་ཆེད་དུ་གཏོང་ཞིང་། ཇི་ལྟར་བཞེང་བར་བྱ་བའི་རྟེན་གསུམ་རྣམས་ཀྱང་བློ་དམན་ཀུན་གྱིས་ཡིད་ལ་མི་ཤོང་ཞིང་། སྔོན་གྱི་སྐྱེས་བུ་བློ་སྟོབས་དང་ལྡན་པ་མང་པོས་ཀྱང་བརྩམ་པར་མ་ནུས་པའི་ལས་གང་ཡིན་པ་དེར་འཇུག་པ་ལ་མི་སྤོབས་པ་
མེད་པ་ཞིག་སྟེ། དཔེར་ན་རྒྱལ་བའི་བཀའ་འགྱུར་རོ་འཚལ་གྱི་ཆོས་སྦྱིན་པར་གྱི་བྱ་བ་མཐར་ཕྱིན་པ་དང་། བསྟན་བཅོས་འགྱུར་རོ་འཚལ་གྱི་ཆོས་སྦྱིན་གྱི་ཕྱི་མོ་བསྒྲུབས་པའི་མགོ་བརྩམས་པ་འདི་ལྟ་བུའི་རང་བཞིན་ཁོ་ན་ལས། སྐྱེ་བོ་ཕལ་གྱི་བསམ་སྦྱོར་དང་རྗེས་སུ་མཐུན་པར་འདི་
དང་འདི་ལྟ་བུའི་འབྱོར་བ་དག་ནི་རེ་ཞིག་བསགས་ན་བདག་གི་དཀོར་ཁང་མངོན་པར་གཏམས་པའི་རྒྱུར་འགྱུར་རོ་སྙམ་པ་དང་། བདག་གིས་དཔལ་འབྱོར་འདི་དང་འདི་ཞེས་བྱ་བ་རྣམ་པར་འཕེལ་བར་བྱས་ཏེ། དགྲ་ཟླར་གྱུར་པ་ཐམས་ཅད་ཀྱང་ཟིལ་གྱིས་གནོན་པའི་མཐུ་དང་ལྡན་པར་བྱའོ་སྙམ་
པ་ལ་སོགས་པའི་བློ་ངན་ཐམས་ཅད་རིང་དུ་སྤངས་པ་དང་། སྒོ་གསུམ་དགེ་བའི་རྩ་བ་ཐམས་ཅད་ལ་གཅིག་ཏུ་འདུན་པའི་ཡ་རབས་དང་དམ་པའི་ངང་ཚུལ་བཟང་པོ་ལས་གཞན་ཡང་མི་འགྱུར་བས། འགྲོ་བ་ཐམས་ཅད་ཀྱི་ཡིད་ཀྱི་དབང་པོ་ཀུན་ནས་འཛིན་ནུས་པར་གྱུར་ཏོ། །ནམ་ཞིག་ན་ཆོས་
དང་སྲིད་པའི་གཙུག་ལག་ཟུང་གི་ཕྲིན་ལས་ཀྱི་འཁོར་ལོ་མུ་མེད་ཕྱོགས་ཀྱི་ཕ་རོལ་དག་ཏུ་བགྲོད་པའི་གདན་རབས་ཀྱི་ནོར་བུ་རིན་པོ་ཆེ་བཏེགས་པའི་ཁྲི་འཕང་མཐོན་པོ་ག་ལ་བ་དེ་ན་བཙོ་སྦྱངས་དག་པའི་གསེར་གྱི་པ་ཏྲ་རིས་གློག་འགྱུ་སྟོང་གིས་མཛེས་པ་དག་ཀྱང་ཉུང་ངུར་བྱེད་པས་ཡོངས་སུ་
འཁྱུད་པའི་མངལ་གྱི་ཁུར་དུ་ལྷ་དང་མི་དང་གདེངས་ཅན་གྱི་དབང་པོའི་ཡུལ་ན་རིན་ཐང་ཤིན་ཏུ་ཆེ་བའི་ནོར་བུ་རིན་པོ་ཆེ་སྣ་ཚོགས་པའི་ཕྲ་ཚོམ་དང་ལྡན་པ། དེ་ལྟ་བུའི་རྐང་གདུབ་མཛེས་པ་དག་གིས་མངོན་པར་སྤུད་པའི་ཞབས་ཀྱི་ཆུ་སྐྱེས་ཟུང་དག་ཉེ་བར་བཀོད་དོ། །དེ་ལྟར་གཙུག་ལག་གཉིས་

213-1-171b

ཀྱིས་མཐོ་བའི་ཁྲི་ལ་བཞུགས་མ་ཐག་ནས། རྟོགས་བརྗོད་རིན་པོ་ཆེ་དཔག་བསམ་འཁྲི་ཤིང་གི་གཙུག་ན་ནོར་བུའི་སྐྱེས་རབས་ལས། །རྟག་ཏུ་དམ་པས་བསྟེན་འོས་ཤིང་། །རྩོད་དུས་རབ་ཏུ་འཕྲོག་བྱེད་པ། །རྫོགས་ལྡན་ལྟ་བུས་གང་གིས་ནི། །སྐྱེ་བོ་ཆོས་རྣམས་
འཛིན་པར་བྱས། །ས་བདག་བཟོད་ལ་ཀུན་ཆགས་ཤིང་། །དཔལ་གྱིས་དཀྲིས་གྱུར་སྙིང་རྗེར་དགའ། །རབ་གྲགས་ལ་ཡང་དབང་ཐུལ་གང་། །སྐྱེ་དགུ་རྣམས་ཀྱི་དགའ་འབྱེད་གྱུར། །ཞེས་པ་ལྟར་སྙིང་རྗེའི་བདག་ཉིད་དང་ལྡན་པ་གང་གི་མཐུས་ཆབ་འབངས་
ཀྱིས་མཚོན་པའི་རྒྱལ་ཁམས་ཐམས་ཅད་རྟག་ཏུ་བདེ་ཞིང་འབྱོར་པ་དང་། ལོ་ལེགས་པར་གྱུར་པས་ནང་དུ་དགའ་བ་རབ་ཏུ་རྒྱས་པའི་བཏུང་བ་གང་ལ་སྐྱེ་བོ་མ་ལུས་པ་རྩེ་བར་བྱེད་ཅིང་། ཆ་ལུགས་བཟང་ལ་མི་འཕྱར་བ་དང་། མིའི་བདག་པོའི་བཟོད་པ་དང་། དེས་པ་དང་
སྙིང་བརྩེ་བ་དང་། གྲགས་པའི་ཡོན་ཏན་མི་ཟད་པ་དག་སྙིང་གི་དཀྱིལ་ནས་ཡང་ཡང་དྲན་པར་བྱེད་ཅིང་། དགེ་བའི་ཡོན་ཏན་དེ་དག་ཀྱང་ཕྱོགས་ཕྱོགས་ཀུན་དུ་སྒྲོག་པར་བྱེད་པའི་བསྟོད་པ་དང་བཀྲ་ཤིས་ཀྱི་རོལ་མོ་མང་པོ་འཁྲོལ་བ་ལ་ལྷུར་བྱེད་པར་གྱུར་ཏོ། །དེ་ནས་
བཟུང་སྟེ་ཡངས་པའི་ས་ཆེན་པོའི་དཀྱིལ་འཁོར་ཐམས་ཅད་བྱམས་པ་ཆེན་པོས་དཔུང་གིས་ལེགས་པར་བསྲུངས་པའི་སྐབས་དེར། སྔོན་གྱི་དྲང་སྲོང་རྣམས་ཀྱིས་ལེགས་པར་བཞག་པའི་འཇིག་རྟེན་ལུགས་ཀྱི་བསྟན་བཅོས་དང་རྗེས་སུ་གདམས་པ་ཟབ་མོ་རྣམས་དང་
མི་འགལ་བར་བྱ་བ་ཐམས་ཅད་བརྟགས་ནས་བྱེད་པ་དང་། མི་འོས་པའི་ལས་ལ་གཡེར་པོར་གྱུར་ཀྱང་མི་འཇུག །འོས་པའི་ལས་ཐམས་ཅད་ལ་དཀའ་ཡང་ལེ་ལོ་དང་ཕྱི་བཤོལ་གྱི་དབང་གིས་མི་འདོར་བ་དང་། གནའ་དུས་ཡན་ནས་ཡོངས་སུ་དར་བའི་དཔྱ་ཁྲལ་
རྣམས་ཀྱང་དུས་དང་གནས་སྐབས་དག་ལ་ལེགས་པར་བརྟགས་ནས་ཚོད་ཟིན་པར་ལོངས་སྤྱད་པ་ལས་རིགས་པ་མ་ཡིན་པའི་འདོད་ཆེན་གྱི་ལས་མི་བརྩམ་པ་ནི། དཔེར་ན་ཕྲེང་བརྒྱུད་མཁན་མཁས་པ་དག་གིས་ཀུན་དགའ་ར་བའི་མེ་ཏོག་གི་ཚལ་ནས་དུས་ལ་བབ་པ་ན་མེ་

213-1-172a

ཏོག་གི་རིགས་ཙམ་བཏུ་བར་བྱའི། སོལ་བ་མཁན་གྱིས་བཞིན་དུ་དུས་གཅིག་ལ་རྩ་བ་ཡོངས་སུ་འབྱིན་པར་མི་བྱེད་པ་དེ་བཞིན་ནོ། །གཞན་ཡང་དབང་དང་སྟོབས་ཀྱི་སྒོ་ནས་བརྩམས་ན་ཁྱབ་འཇུག་བཞིན་དུ་གཞན་སྡེ་རྣམ་པར་ནོན་པ་ལ་མི་མཐུན་པ་ནི་
འགའ་ཡང་མེད་མོད། ཆོས་དང་འགལ་བར་གྱུར་པའི་ཆགས་སྡང་གི་ལས་མི་བརྩམ་པར་ཀུན་གྱི་སེམས་བསྲུང་བ་དང་། རྟག་ཏུ་དགེ་སྡིག་གི་ལས་འབྲས་ཞིབ་ཏུ་བསམས་ཤིང་སྒོ་གསུམ་དགེ་བའི་ལམ་དུ་རང་གཞན་ཐམས་ཅད་འཇུག་པ་དང་། འཁོར་བ་དང་མྱ་ངན་ལས་
འདས་པའི་འབྱོར་བ་ཕུན་སུམ་ཚོགས་པ་དག་ལ་དབང་འབྱོར་ཡང་། རྒྱགས་པ་དང་ཁེངས་པའི་སེམས་མི་འཛིན། བློ་གཏད་ཀྱི་དཔང་དཀོན་མཆོག་གསུམ་ལ་བཅོལ་བས། གཡོ་སྒྱུ་རྣམ་པར་སྤངས་ནས་ལྷག་པའི་སེམས་ཀྱིས་རྟག་ཏུ་གནས་ཤིང་ཞི་དུལ་གསོང་པོར་སྨྲ་བ་དང་།
བག་དང་བཅས་པའི་ངང་ནས་སྐྱེ་བོ་ཐམས་ཅད་བུ་བཞིན་དུ་སྐྱོང་བའི་སྤྱོད་ཚུལ་ཕུན་སུམ་ཚོགས་པ་མངའ་བ་ཡིན་ཏེ། ཇི་སྐད་དུ། གྱ་ཚོམ་མི་སྨྲ་ཤེས་ཀྱང་མ་བཅོལ་རང་ཞུགས་ཡོང་མི་བྱེད། །ཟིན་ཁར་མི་འདོར་འོག་ནས་སྔར་བརྩམས་འགྱོད་མི་སྨྲ། །ལྷག་པར་ཁེ་
མཐོང་བཙལ་གླགས་ཡོད་ཀྱང་མི་རིགས་འདོད་ཆེན་ཡོང་མི་བྱེད། །དབང་དང་ཚན་གྱིས་ཐུབ་ཀྱང་འཕྱགས་གནོན་གཟན་མི་འཚོལ། །ཉེ་ཞེས་ཉེ་མགོན་མི་བྱེད་རིང་ཞེས་སྙོམ་ལས་ཡོང་མི་སྤྱོད། །དབང་སར་ཕྱིན་ཅིང་ཀུན་གྱིས་བཀུར་ཡང་མཐའ་དག་སེམས་བསྲུང་བྱ། །
ལེགས་ཉེས་བསམ་ཞིང་སྲོད་དང་ཐོ་རངས་དགེ་བ་སྤྱད། །ང་རྒྱལ་ཁེངས་སེམས་མུ་ཅོར་སྨྲ་དང་རྒྱགས་ཆོས་མེད། །ཚན་ཀར་མི་འདོར་གཞན་གྱིས་བརྩི་སར་ཡུན་རིང་སྡོད། །ཕྱི་ཚུལ་མི་འཆོས་ནང་གི་གཡོ་སྒྱུ་མེད། །གསོང་དེས་མཉེན་དང་གསལ་སྟུག་འཇམ་ལ་
རིང་། །ངན་ལ་ཁྱད་དུ་མི་གསོད་ཞེ་ས་ཕངས་མེད་མཉམ། །ཕྲག་དོག་འགྲན་སེམས་ནོར་ངན་གཞན་ལ་འཕྱ་མི་བྱེད། །བདག་ལ་རང་བསྟོན་མི་བྱེད་གཞན་ལ་མཚང་མི་འབྲུ། །དཔའ་ལ་སྲན་ཆེ་བྱེད་དགུ་མཐར་ཕྱིན་མཛངས་ལས་སློབ། །ཆང་དང་བུད་མེད་དད་དང་

213-1-172b

ཁེ་བརྐམ་གཅམ་བུའི་ལས། །ནམ་དུའང་མི་བྱེད་ཆུང་མ་ངན་པའི་ཁར་མི་བཏང་། །ཞེས་གསུངས་པ་ལྟར་རོ། །ཁྱད་པར་འཇིག་རྟེན་གྱི་མེས་པོ་ཚངས་པ་དང་། དྲག་པོ་དང་། སྲེད་མེད་ཀྱི་བུ་དང་། མིག་སྟོང་པ་དང་། སྐེམས་བྱེད་ལ་སོགས་པ་འཇིག་རྟེན་སྐྱོང་བའི་ལྷ་
དང་། ལྷ་མ་ཡིན་དང་། གདེངས་ཅན་གྱི་དབང་པོ་དང་། གནོད་སྦྱིན་དང་། དྲི་ཟ་དང་། གྲུལ་བུམ་དང་། ནམ་མཁའ་ལྡིང་དང་། ལངྐའི་དབང་ཕྱུག་དང་། མིའི་དབང་ཕྱུག་ཏུ་གྱུར་པ་རྣམས་ནི་འདི་ལྟ་སྟེ། གསེར་གྱི་འཁོར་ལོ་དང་། དངུལ་གྱི་འཁོར་ལོ་དང་། ཟངས་ཀྱི་
འཁོར་ལོ་དང་། ལྕགས་ཀྱི་འཁོར་ལོ་དང་། སྟོབས་ཀྱི་འཁོར་ལོ་རྣམས་ཀྱིས་མཚན་པ་ལ་སོགས་པ་འཇིག་རྟེན་ན་དབང་ཆེ་ཞིང་གཟི་བརྗིད་ཆེ་བ་དག་ཀྱང་རང་རང་གི་རལ་པའི་ཐོར་ཚུགས་ནོར་བུ་རིན་པོ་ཆེ་འོད་ཟེར་སྟོང་གི་དྲ་བས་དཀྲིགས་པ་དག་གིས་ལན་བརྒྱར་བཏུད་ཅིང་
མཆོད་པའི་གནས་སུ་གྱུར་པ། བསྟན་པའི་བདག་པོ་ཆེན་པོ་དཔལ་ས་སྐྱ་པ་ཞེས་སྙན་གྲགས་ལྷའི་རྔ་བོ་ཆེ་ལྟར་ཡོངས་སུ་ལྡིར་བ་དེ་ཉིད་བརྒྱུད་པ་དང་བཅས་པའི་ལུགས་བཟང་དྲི་མ་མེད་ཅིང་རྩོད་པ་ཀུན་ལས་གྲོལ་བ་དེ་ཉིད་ཀྱིས་མཚོན་ཏེ། སངས་རྒྱས་པའི་གྲུབ་པའི་མཐའི་
གཞུང་ལུགས་དྲི་མ་མེད་པ་གང་དུ་དར་ཞིང་རྒྱས་པར་གྱུར་པ་རྣམས་དང་། དེ་ཉིད་མཁས་པའི་བགྱི་བ་གསུམ་གྱི་སྒོ་ནས་འཛིན་པར་བྱེད་པའི་བསྟན་འཛིན་གྱི་སྐྱེས་བུ་ཕྱོགས་བཅུའི་འཇིག་རྟེན་གྱི་ཁམས་མུར་ཐུག་པ་མེད་པ་རྣམས་སུ་བྱོན་པ་དང་། འབྱོན་པར་འགྱུར་བ་དང་། 
ད་ལྟར་འཚོ་ཞིང་གཞེས་པ་ཇི་སྙེད་ཅིག་མཆིས་པ་རྣམས་ལ་དད་པ་གསུམ་གྱི་རྩ་བ་རབ་ཏུ་བརྟན་པས། དོན་ཡོད་རྣམ་པ་བཞིས་བཀུར་སྟིར་བྱེད། བླ་མར་བྱེད། རི་མོར་བྱེད། མཆོད་ཅིང་རྗེད་པར་བྱེད། དེ་དག་གི་རྣམ་པར་དཀར་བའི་ཕྲིན་ལས་ཀྱི་རྒྱུན་ཆེན་པོ་དག་རིང་དུ་གནས་
པའི་ཐབས་ཀྱང་བྱེད་དོ། །མི་བདག་ཆེན་པོ་རང་གི་རིགས་ཀྱི་ཅོད་པན་ཉིད་དུ། བཅོམ་ལྡན་འདས་ཤཱཀྱའི་རྒྱལ་པོའི་ལུང་དང་རྟོགས་པའི་ཆོས་ཀྱི་རྒྱལ་སྲིད་ཆེན་པོ་ལེགས་པར་བཟུང་ནས་མདོ་སྡེ་དང་རྒྱུད་སྡེར་གཏོགས་པའི་ཆོས་ཀྱི་ཇི་སྙེད་པ་དག་འཆད་པ་དང་།

213-1-173a

རྩོད་པ་དང་། རྩོམ་པའི་ཕྲིན་ལས་ཀྱི་འཁོར་ལོས་སྒྱུར་བའི་བསྟན་འཛིན་གྱི་སྐྱེས་བུ་རིམ་པར་བྱོན་པ་རྣམས་ནི་འདི་ལྟ་སྟེ། ཡོངས་རྫོགས་བསྟན་པའི་མངའ་བདག་འཇམ་པའི་དབྱངས་སངས་རྒྱས་ཕུན་ཚོགས་པ་དང་། གཞུང་ལུགས་རབ་
འབྱམས་སྨྲ་བའི་དབང་པོ་འཇམ་མགོན་བཀྲ་ཤིས་དཔལ་ལྡན་པ་དང་། རྒྱ་ཆེན་ཆོས་ཀྱི་སྤྱན་ལྡན་ཐུབ་བསྟན་མཁན་རིན་པོ་ཆེ་བཟང་པོ་རྒྱལ་མཚན་དང་། རྣམ་འདྲེན་བསྟན་པའི་རྩ་ལག་ཆེན་པོ་སི་ཏུ་ཆོས་ཀྱི་འབྱུང་གནས་དང་། གསང་ཆེན་རྒྱ་མཚོའི་མངའ་བདག་
མཚུངས་མེད་ཀུན་དགའ་ཆོས་འཕེལ་དང་། ཤེས་པར་བྱ་བའི་གཞུང་ལུགས་རྒྱ་མཚོའི་མངའ་བདག་བཀྲ་ཤིས་དབང་ཕྱུག་དང་། མཐུ་སྟོབས་གྲུབ་པའི་དབང་ཕྱུག་རྡོ་རྗེ་འཛིན་པ་སངས་རྒྱས་རྒྱ་མཚོ་པ་ལ་སོགས་པའི་བསྟན་འཛིན་གྱི་དགེ་བའི་བཤེས་གཉེན་མང་པོ་དང་།
ཁྱད་པར་ངོར་ཆེན་རྡོ་རྗེ་འཆང་ཀུན་དགའ་བཟང་པོ་པའི་ལུགས་བཟང་བདུད་རྩིའི་རྒྱུན་མ་ལུས་པ་བཟུང་ནས། སེམས་ཅན་གྱི་ཁམས་ཀྱི་ཉོན་མོངས་པའི་རིམས་ནད་མཐའ་དག་ཞི་བར་བྱེད་པའི་ཆོས་ཀྱི་སྨན་པ་ཆེན་པོ་ཐམས་ཅད་མཁྱེན་པ་བཀྲ་ཤིས་ལྷུན་གྲུབ་གྲགས་
པའི་རྒྱལ་མཚན་དཔལ་བཟང་པོ་ཞེས་ཡོངས་སུ་གྲགས་པ་དེ་ཉིད་དང་། ཡར་ལུང་བཀྲ་ཤིས་ཆོས་སྡེ་ནས། རྒྱལ་བ་ཀུན་གྱི་ཕྲིན་ལས་སྐྱོང་བ་ངག་དབང་ཀུན་དགའ་ལེགས་པའི་འབྱུང་གནས་བསྟན་པའི་རྒྱལ་མཚན་དཔལ་བཟང་པོ་པ་སྟེ། རྗེ་བཙུན་དམ་པ་དེ་
དག་རང་གི་བླའི་མཆོད་གནས་ཀྱི་ཆེད་དང་། མདོ་སྨད་ཕྱོགས་ཀྱི་སྐྱེ་དགུ་མ་ལུས་པ་མངོན་པར་མཐོ་བ་དང་ངེས་པར་ལེགས་པའི་གྲོང་དུ་འཁྲིད་པར་བྱེད་པའི་ལམ་མཁན་དམ་པ་ཉིད་དུ་སྤྱན་དྲངས་ཏེ། ཆབ་འོག་ཏུ་གཏོགས་པས་མཚོན་པའི་སེམས་ཅན་རྒྱ་མཚོ་ཆེན་
པོའི་རྡུལ་གྱི་གྲངས་དང་མཉམ་པ་རྣམས་ཀྱི་རྒྱུད་ལ་ཆོས་ཀྱི་ས་བོན་མ་རྨས་པར་བཏབ་སྟེ། ལ་ལ་ནི་དཀོན་མཆོག་གསུམ་ལ་སྐྱབས་སུ་སོང་ཞིང་བསླབ་པའི་གཞི་རབ་ཏུ་བཟུང་བ་ལ་བཀོད། ལ་ལ་ནི་ཁྱིམ་ནས་ཁྱིམ་མེད་པར་རབ་ཏུ་བྱུང་བ་དགེ་སློང་གི་དངོས་པོར་

213-1-173b

བསྒྲུབས་ཏེ་འཁོར་བ་ལས་མངོན་པར་འཕགས་པའི་གནས་ལ་བཀོད། ལ་ལ་ནི་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་སེམས་བསྐྱེད་པ་སྩལ་ཏེ་ཐེག་པ་ཆེན་པོའི་རིགས་སུ་བཀོད། ལ་ལ་ནི་གསང་སྔགས་རྡོ་རྗེ་ཐེག་པའི་ཆོས་ཀྱི་སྒོར་སྨིན་པར་བྱས་ཏེ་
རིང་པོར་མི་ཐོགས་པར་རྣམ་པར་གྲོལ་བའི་སྐལ་བ་དང་ལྡན་པར་བྱས་ཏེ། མདོར་ན་འཁོར་བ་ཕལ་མོ་ཆེ་སངས་རྒྱས་ལ་གཞོལ་བ་དང་། དམ་པའི་ཆོས་ལ་བབ་པ་དང་། དགེ་འདུན་ལ་གཞག་པར་མཛད་དེ། དེ་དག་ཐམས་ཅད་ཀྱང་མི་བདག་ཆེན་པོ་འདིའི་སྐུ་དྲིན་ཁོ་ན་
ལས་བྱུང་བ་ཡིན་པས། ལེགས་པར་བསམས་ན་སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་ཐམས་ཅད་ཛམྦུ་གསེར་གྱི་ཕུང་པོས་ཡོངས་སུ་བཀང་སྟེ་བཅལ་བར་བྱས་ཀྱང་མི་བདག་ཆེན་པོ་འདི་ཉིད་ཀྱི་སྐུ་དྲིན་དང་གཞར་ཡང་མཉམ་པར་དཀའ་བའི་རང་བཞིན་
ཁོ་ནའོ། །དེ་ལྟར་ཇི་སྐད་སྨོས་པའི་འདྲེན་མཆོག་དམ་པ་དེ་དག་སྤྱི་བོའི་རྒྱན་དུ་བསྟེན་ཅིང་སྒོ་གསུམ་ལོངས་སྤྱོད་དང་བཅས་པས་མཉེས་པར་འགྱུར་པའི་ལས་གང་ཡིན་པ་དེ་རྟུན་པ་ལྷུར་བྱེད་ཅིང་། དེ་དག་གི་ཞལ་སྒོ་ནས་བྱུང་བའི་གསུང་གི་བདུད་རྩི་ནི། རྒྱུད་སྡེ་ཆེན་པོ་རྣམས་
ལས་འབྱུང་བའི་དཀྱིལ་འཁོར་རྣམས་ཀྱི་དབང་བསྐུར་བ་དང་། རྗེས་སུ་གནང་བ་དང་། ལུང་འབོགས་པ་དང་། མན་ངག་གི་ཉམས་ཁྲིད་ཟབ་མོ་དཔག་ཏུ་མེད་པ་རང་དང་གཞན་གྱི་ཐར་པའི་གསོས་སུ་རྟག་ཏུ་ལེན་པར་མཛད་ཅིང་། ཇི་ལྟར་ཐོས་པའི་ཆོས་དེ་དག་ལས་ཀྱང་
ཕལ་ཆེར་གྱི་བསྒོམ་བཟླས་མ་ཆག་པའི་ཉམས་བཞིས་ཆུ་བོའི་རྒྱུན་བབས་པ་ལྟ་བུའི་ཉིན་མཚན་གྱི་དུས་འདའ་བར་མཛད་དོ། །དེའི་ཐོག་མར་དཀར་ཆ་བཞི་དང་གཏོར་མ་བརྒྱ་རྩ་སྔོན་དུ་འགྲོ་བས། དུས་གསུམ་གྱི་དེ་བཞིན་གཤེགས་པ་ཐམས་ཅད་ཀྱི་བགྲོད་པ་གཅིག་
པའི་ལམ་ཟབ་མོ་བླ་མའི་རྣལ་འབྱོར་གྱི་ཉམས་ལེན། དཔལ་ཀྱེ་རྡོ་རྗེ་ལྷ་དགུ་མན་ངག་ལུགས་ཀྱི་མངོན་པར་རྟོགས་པ་འབྲིང་དུ་བྱ་བ་ཡན་ལག་དུས་ཀྱི་དབང་བཞི་ལེན་པ་དང་བཅས་པ། དཔལ་ན་རོ་ཏ་པའི་ཐུགས་བཅུད་ཀྱི་གདམས་པ་ཟབ་མོ་རྗེ་བཙུན་རྡོ་རྗེ་རྣལ་འབྱོར་

213-1-174a

མའི་བསྒོམ་བཟླས། རྡོ་རྗེ་འཇིགས་བྱེད་རྭ་ལུགས་ཀྱི་མངོན་པར་རྟོགས་པ། ཐུགས་རྗེ་ཆེན་པོ་དང་ཕྱག་རྒྱ་ཆེན་པོ་ཟུང་འཇུག་ཏུ་ཉམས་སུ་ལེན་པའི་སྒྲུབ་ཐབས་མདོ་ཁམས་ཤར་ཕྱོགས་མར་གྲགས་པ། སྒྲོལ་མ་དཀར་མོ་ཡིད་བཞིན་གྱི་འཁོར་ལོའི་སྒྲུབ་
ཐབས། རྡོ་རྗེ་ནག་པོ་ཆེན་པོ་གུར་གྱི་མགོན་པོ་ཁྲོ་བོ་བཅུ་དང་བཅས་པའི་སྲུང་བའི་འཁོར་ལོ་རྡོ་རྗེ་བྲག་རྫོང་མ་དང་། གཞན་ཡང་རྗེ་བཙུན་ས་སྐྱ་པའི་མན་ངག་གསེར་ཆོས་ཀྱི་སྐོར་ལ་སོགས་པ་གསང་སྔགས་གསར་རྙིང་གི་ཡི་དམ་གྱི་ལྷ་དུ་མའི་བསྒོམ་བཟླས་མང་པོ་དང་། དེ་དག་གི་
མཇུག་ཏུའང་གཏོར་མའི་རྣལ་འབྱོར་དང་བཅས་པ་རྣམས་རྒྱུན་པར་ཆག་ཉམས་མེད་པའི་དམ་བཅའ་ངེས་པ་ཅན་དུ་མཛད། ཐུན་མཚམས་རྣམས་སུ་ཡང་དཀོན་མཆོག་གསུམ་རྗེས་སུ་དྲན་པའི་མདོ་དང་། ཡན་ལག་བདུན་པ་དང་། རྒྱ་བོད་ཀྱི་བླ་མ་བརྒྱུད་པ་དང་བཅས་པའི་སྐུ་
བསྟོད་དང་གསོལ་འདེབས་ཀྱི་རིགས་མང་པོ་དང་། འཕགས་པ་འཇམ་དཔལ་གྱི་མཚན་ཡང་དག་པར་བརྗོད་པ་ཉི་མ་རེ་ལ་ཚར་བདུན་རེ། དཔལ་ཡེ་ཤེས་ཡོན་ཏན་བཟང་པོའི་བསྟོད་པ་ཚར་ཉི་ཤུ་གཅིག་རེ། སྒྲོལ་མའི་བསྟོད་པ་ཕྱག་འཚལ་ཉེར་གཅིག་པ་ཚར་ཉི་ཤུ་རྩ་གཅིག །
ཉི་མ་སྦས་པས་མཛད་པའི་སྒྲོལ་མའི་བསྟོད་པ་རྣམ་དག་གཙུག་ན་ཅན་ཚར་རེ། སྒྲོལ་མའི་མཚན་བརྒྱ་རྩ་བརྒྱད་པ་ཚར་རེ། ཤེས་རབ་སྙིང་པོ་ཚར་དགུ་རེ། གཙུག་ཏོར་རྣམ་པར་རྒྱལ་མའི་གཟུངས། རྡོ་རྗེ་རྣམ་པར་འཇོམས་པའི་གཟུངས། ཚེ་དང་ཡེ་ཤེས་དཔག་ཏུ་མེད་
པའི་གཟུངས། ལས་ཀྱི་སྒྲིབ་པ་རྣམ་པར་སྦྱོང་བའི་གཟུངས་རྣམས་དང་། ཕུང་པོ་གསུམ་པའི་མདོ་དང་། བཟང་པོ་སྤྱོད་པའི་སྨོན་ལམ་ལ་སོགས་པའི་སྨོན་ལམ་གྱི་སྐོར་མང་པོ་རྣམས་ཞལ་འདོན་དུ་མཛད། གཞན་ཡང་དཀོན་མཆོག་གསུམ་གྱི་རྟེན་ལ་ཕྱག་འཚལ་
བ་དང་བསྐོར་བ་བྱེད་པ་དང་། སཱཙྖ་འདེབས་པ་ལ་སོགས་པ་མདོར་ན་ས་བདག་ཆེན་པོ་འདི་ཉིས་ཀྱིས་ཉི་མ་རེ་ལ་དམ་བཅར་བགྱིས་པའི་དགེ་སྦྱོང་ཁོ་ན་ལ་ཡང་། དགེ་སྦྱོར་བྱེད་པར་རློམ་པ་ཕལ་གྱིས་ཉི་མ་མང་པོ་འཕུལ་བའི་རྒྱུར་འགྲོ་བ་ལ་སོགས་པའི་ཡོན་ཏན་བརྗོད་ཀྱིས་

213-1-174b

མི་ལྡང་བ་ནི་རྣམ་པར་འཕྲུལ་པ་མཆོག་གི་ལེགས་བྱས་གཅིག་པུའི་རྗེས་སུ་འགྲོ་བའི་རང་བཞིན་ནོ། །གསང་སྔགས་ཟབ་མོའི་བཟླས་བརྗོད་གྲངས་སུ་བགྱིས་པ་ཡང་། རྡོ་རྗེ་འཇིགས་བྱེད་ཀྱི་སྙིང་པོ་ཡི་གེ་བཅུ་པ་དུང་ཕྱུར་གཅིག །ཐུགས་རྗེ་ཆེན་པོའི་སྙིང་པོ་ཡི་གེ་
དྲུག་པ་དུང་ཕྱུར་གཅིག །གུར་གྱི་མགོན་པོའི་སྙིང་པོ་ཡི་གེ་བདུན་པ་དུང་ཕྱུར་གཅིག །སེང་གེའི་གདོང་ཅན་མའི་བསྙེན་པ་དུང་ཕྱུར་གཅིག་རྣམས་རང་གི་ལྗགས་ཐོག་ནས་བསགས་པ་ལ་སོགས་པ་སྒོ་གསུམ་བག་མེད་ཀྱི་དབང་དུ་བཞུགས་པ་ནི་རྟག་ཏུ་ཞབས་འབྲིང་ན་འཁོད་
པ་རྣམས་ཀྱིས་ཀྱང་ཡེ་མ་མཐོང་པོ་ཞེས་ཀུན་གྱིས་ཁ་མཐུན་པར་ལན་གཅིག་མ་ཡིན་པར་སྙན་དངགས་དམ་པའི་གྲུ་བཞིན་དུ་ལེན་པར་བྱེད་དོ། །མདོར་ན་རིན་ཆེན་ཕྲེང་བ་ལས། དམ་པའི་ཆོས་དང་ཆོས་སྨྲ་ལ། །ཉིད་ཀྱིས་བཀུར་སྟི་མཆོག་དང་ནི། །གུས་པར་མཛད་དེ་
གནས་ལས་བཞེངས། །མེ་ཏོག་གཏོར་ནས་ཆོས་ཉན་ཅིང་། །ཆོས་ཀྱི་སྦྱིན་པ་དག་ཀྱང་མཛོད། །འཇིག་རྟེན་གཏམ་ལ་དགའ་མ་མཛད། །འཇིག་རྟེན་འདས་ལ་དགྱེས་པར་མཛོད། །འཁོར་རྣམས་ཟིལ་གྱིས་མནན་པའི་ཕྱིར། །ལྷུན་སྟུག་བརྟན་ལ་ངེས་པར་མཛོད། །
ཅེས་གསུངས་པ་ལྟར་དང་། དེ་དག་གི་བར་སྐབས་རྣམས་སུ་ཡང་གཟུ་བོར་གནས་པའི་བློ་གྲོས་ཀྱིས་ལེགས་པར་བརྟགས་པའི་བཀའ་ཁྲིམས་བཙན་པོས་རྒྱལ་ཁམས་ཐམས་ཅད་ཀྱང་བྱམས་པའི་ཆོས་དང་མཐུན་པའི་ཕྲིན་ལས་ཀྱིས་བདེ་བར་སྐྱོང་བ་ལ་བློ་སྒམ་ཞིང་གཏིང་
མི་རྟོགས་པ། བྱ་བ་གང་བརྩམས་ཀྱང་རང་གི་ངང་གིས་འགྲུབ་པ་ལ་སོགས་པ་ཡོན་ཏན་བསམ་ལས་འདས་པ་ཞིག་སྟེ། དེ་ཉིད་ལས། ཇི་ལྟར་རྒྱལ་སྲིད་བསྐྱང་བ་དང་། །འབངས་ཀུན་བདེ་ལ་འཁོད་པ་དང་། །བསྔོ་བའི་དགྲ་རྣམས་འདུལ་བ་དང་། །རྒྱལ་
ཁམས་ཆོས་ཀྱིས་བསྐྱང་བགྱི་བ། །ཞིབ་ཏུ་དགོངས་ནས་གྲུབ་པར་མཛོད། །འགྲུབ་བམ་མི་འགྲུབ་མ་ངེས་པར། །དགོངས་མ་ཐག་ཏུ་མ་གསུངས་ཤིག །ཡུན་ཇི་སྲིད་ཅིག་ཆོས་སྒྲུབ་ཅིང་། །སེར་སྣ་འཇུར་གེགས་མ་མཛད་པར། །བདོག་པ་ཐམས་

213-1-175a

ཅད་གཏུགས་ཏེ་མཛོད། །ཁྱོད་ནི་བདོག་པ་ཀུན་བོར་ནས། །གཅིག་པུ་ག་ཤེད་གཤེགས་འཚལ་བས། །ཆོས་ཀྱི་སླད་དུ་སྤྱད་པ་ཀུན། །ཁྱོད་ཀྱི་མདུན་དུ་འོང་བ་ཉིད། །འབངས་ལ་རེ་བ་མ་འཇོག་པར། །ཞལ་བཞུགས་ཚེ་ན་མྱུར་བར་
མཛོད། །ཅེས་བྱ་བ་ལ་སོགས་པ་སྔོན་གྱི་དྲང་སྲོང་མཁས་པ་རྣམས་ཀྱིས་ཇི་ལྟར་གདམས་པའི་བདུད་རྩི་ལྟ་བུའི་ཆོས་རྣམས་ལ་ནམ་ཡང་མི་འདའ་བ་ལྷུར་བྱེད་པ་ཉིད་དོ། །དེར་མ་ཟད་རིན་ཆེན་ཕྲེང་བ་ལས། གཙུག་ལག་ཁང་དག་བརྩིག་པ་དང་། །མཆོད་རྟེན་བརྩིག་
དང་ན་བཟའ་གསོལ། །ཞིག་རལ་བཅོས་དང་མཆོད་པ་གཟུགས། །ལྷ་ཁང་ལ་སོགས་གཞན་བགྱི་བ། །སྔ་ལུགས་བཞིན་དུ་རྒྱས་པར་མཛོད། །དམ་ཆོས་ཚུལ་བཞིན་སྤྱོད་པ་ཡི། །དགེ་སློང་དགེ་བསྙེན་ལ་སོགས་པ། །གཞན་གྱིས་གཙེ་བ་མེད་པ་
ཡི། །དཔུང་གཉེན་སྐྱབས་དང་ཁ་འཛིན་མཛོད། །འདི་ཀུན་ཡུན་དུ་བདེ་བ་ཡི། །མྱ་ངན་འདའ་བའི་དགེ་ཚོགས་ལགས། །ཞེས་གསུངས་པ་བཞིན་དུ་མི་བདག་འདི་ཉིས་ཀྱི་སྐུ་རིང་ལ་ལྷུན་གྲུབ་སྟེང་ལ་སོགས་པའི་སྟོད་སྨད་ཀྱི་དགོན་སྡེ་བཅུ་གསུམ་ཙམ་དུ་གཙུག་
ལག་ཁང་རྟེན་དང་བརྟེན་པར་བཅས་པ་གསར་དུ་བསྐྲུན་པར་མཛད་པའང་། འདི་ལྟ་སྟེ། གཙང་ཨེ་ཝཾ་ཆོས་ལྡན་དུ་གླིང་པ་སྤྱི་ཁང་དང་། ལྷུན་གྲུབ་སྟེང་གི་ལྷ་ཁང་གསར་པ་དང་། མགོན་ཁང་ཤར་རྟེན་དང་བརྟེན་པར་བཅས་པ་དང་། ལྕགས་རིའི་འདུ་ཁང་རྒྱལ་
མཚན་དང་བཅས་པ་དང་། གཞན་ཡང་འཛོམ་ཐོག་དང་། ཡེ་ན་དང་། རབ་བརྟན་དང་། དུམ་མདོ་དང་། སྦམ་མཛངས་དང་། དཔལ་སྤུངས་དང་། རྒ་ལེན་སྟེང་དང་། རྣམ་རྒྱལ་གླིང་དང་། ལྡན་གྱི་དྲན་ཐང་རྣམས་སུ་གཙུག་ལག་ཁང་བཅུ་བདུན་ལྡེབས་རིས་དང་
བཅས་པ་དང་། དེ་དག་གི་ནང་དུའང་དུས་གསུམ་གྱི་སངས་རྒྱས་ལ་སོགས་པའི་སྐུ་བརྙན་ལྡེར་བཟོ་དང་། ལྷུན་གྲུབ་སྟེང་འདིར་གསེར་ཟངས་ལས་གྲུབ་པའི་བླ་མ་ཡི་དམ་སངས་རྒྱས་བྱང་སེམས་དང་། ཆོས་སྐྱོང་ནོར་ལྷ་རྣམས་ཀྱི་སྐུ་བརྙེན་བཟོ་བཀོད་ཤིན་ཏུ་ལེགས་

213-1-175b

པ་སྔ་ཕྱིར་བཞེངས་པ་ཕྱེད་བཞི་བརྒྱ་ཙམ་དང་། ཙནྡན་དཀར་དམར་ལས་གྲུབ་པའི་བསྐལ་པ་བཟང་པོའི་སངས་རྒྱས་སྟོང་གི་སྐུ་བརྙན་ཆ་གཉིས་ཀྱིས་མཚོན་ཏེ་གཞན་མང་པོ་དང་། བ་སོ་ལས་གྲུབ་པའི་སྒྲོལ་མ་ཉེར་གཅིག་གི་སྐུ་བརྙན་སློབ་དཔོན་ཉི་མ་སྦས་པའི་
ལུགས་དང་། ཙནྡན་དཀར་དམར་སྤེལ་མ་ལས་གྲུབ་པའི་དེ་བཞིན་གཤེགས་པའི་མཆོད་རྟེན་ཆེན་པོ་བརྒྱད་ཐོག་ཆད་དུ་ལངས་པ་བཟོ་དབྱིབས་ཁྱད་དུ་འཕགས་པ་ཅན་དང་། རྒྱལ་བའི་བཀའ་འགྱུར་རོ་འཚལ་གསེར་བྲིས་སུ་བྱས་པ་གླེགས་བམ་བརྒྱ་ཕྲག་གཅིག་
ལ་བདུན་གྱིས་ལྷག་པ་དང་། བསྟན་བཅོས་འགྱུར་རོ་འཚལ་དངུལ་བྲིས་སུ་བྱས་པ་གླེགས་བམ་བརྒྱ་ཕྲག་གཉིས་ལ་བརྒྱད་ཀྱིས་ཉེ་བར་ལྷག་པ་དང་། དཔལ་ས་སྐྱའི་རྗེ་བཙུན་གོང་མ་ལྔའི་བཀའ་འབུམ་ཤོག་སྐྱར་བྲིས་པ་གླེགས་བམ་བཅུ་དྲུག་སྟེ་དེ་དག་ཐམས་ཅད་
ཀྱང་གླེགས་ཤིང་དང་གླེགས་ཐག་དང་ན་བཟའ་ཚུན་ཆད་ཁྱད་པར་དུ་འཕགས་པ་དང་། དེ་དག་གིས་མཚོན་པའི་གླེགས་བམ་ཆེ་ཆུང་བགྲང་ལས་འདས་པ་བཞེངས་སོ། །ལྷ་ཁང་དང་མཆོད་རྟེན་རྣམས་ཀྱི་གན་འཇི་ར་དང་རྒྱལ་མཚན་མང་པོ་ཡང་གསེར་ཟངས་ལས་བགྱིས་པ་
དང་། ལོ་བསྟར་དུ་གསང་སྔགས་ཟབ་མོའི་རྣལ་འབྱོར་དང་ལྡན་པའི་དགེ་སྦྱོང་རྣམས་ལ་ཆོས་དང་མཐུན་པའི་ཡོན་འབུལ་རྒྱ་ཆེན་པོ་སྟོབ་པ་དང་བཅས་ཏེ། ཡི་དམ་གྱི་ལྷ་མང་པོའི་རྩ་སྔགས་དང་། སྙིང་པོ་དང་། ཉེ་བའི་སྙིང་པོ་རྣམས་ཀྱི་བཟླས་པ་དུང་ཕྱུར་ཕྲག་མང་པོ་
བསགས། སྔོན་གྱི་གོང་མ་རྣམས་ཀྱིས་ཇི་ལྟར་བཞག་པ་དང་། རང་ཉིད་ཀྱིས་གསར་བཞག་བགྱིས་པ་ལའང་དཔལ་དུས་ཀྱི་འཁོར་ལོ་ལྷ་དྲུག་བརྒྱ་དང་དྲུག་ཅུ་རྩ་བཞིའི་དཀྱིལ་འཁོར་ལ་སོགས་པ་སྒྲུབ་མཆོད་མང་པོ་ལོ་དུས་ལྟར་བཙུགས་པ་ལ་དུས་ལས་ཡོལ་བ་མི་མངའ་
ཞིང་། བར་སྐབས་རྣམས་སུ་ཡང་དགོན་སྡེ་རིས་སུ་མེད་པ་ལ་སྐུ་རིམ་གསར་བསྐྲུན་གྱི་ཆོ་གའི་རིགས་དང་། མདོ་སྣ་མང་པོ་ཁྲི་འདོན་དང་འབུམ་ཐེར་མང་པོ་འདོན་པ་ལ་སོགས་པ་སྟེ། བསགས་པའི་དངོས་པོ་ཐམས་ཅད་ཀྱང་དགེ་བའི་རྩ་བ་ཁོ་ནའི་རྒྱུར་འགྲོ་བར་མཛད་དོ། །

213-1-176a

སྐུ་ཚེའི་མཐར་ཡང་བསྟན་བཅོས་འགྱུར་རོ་འཚལ་གྱི་ཆོས་སྦྱིན་པར་དུ་བསྒྲུབ་པའི་དབུ་འཛུགས་པ་ལ་སོགས་པ་མདོར་ན་དུས་ཕྱིས་སངས་རྒྱས་ཀྱི་བསྟན་པ་ལ་ལྷག་པར་བྱ་བ་བྱས་པའི་བཀའ་དྲིན་འདི་དང་མཚུངས་པ་འགའ་ཡང་མ་བྱུང་ངོ་ཞེས་གཏམ་དུ་གླིང་
བར་ཡང་བྱེད་དོ། །དེ་ལྟར་ས་ལ་སྤྱོད་པའི་དབང་པོ་བསྟན་པ་ཚེ་རིང་ཞེས་ཡོངས་སུ་གྲགས་པ་དེ་ལ་སྔོན་གྱི་བསོད་ནམས་དཔག་ཏུ་མེད་པའི་བྱེད་པོས་ཡོངས་སུ་བྱིན་པའི་སྡེ་བཞིའི་འབྱོར་བ་ཤིན་ཏུ་ཡངས་ཤིང་རྒྱ་ཆེ་ལ་གཞར་ཡང་འཛད་དུ་མེད་པའི་ལོངས་སྤྱོད་ཀྱི་གཏེར་ཆེན་པོ་དང་ལྡན་
པར་གྱུར་ཏེ། དཔེར་ན་རྣམ་མང་ཐོས་ཀྱི་བུའི་དཔལ་དང་འབྱོར་བ་ཇི་ལྟ་བ་བཞིན་ནོ། །དེ་ལྟ་ནའང་ཐོག་མར་རིགས་སྲས་ཀྱི་ཕྲེང་བ་ཅུང་ཟད་འབྱོན་དཀའ་བ་ལྟར་གྱུར་བར་བརྟེན། བདོག་པའི་དངོས་པོ་ཕལ་ཆེ་བ་དག་དཀོན་མཆོག་གི་ཕྱོགས་སུ་གཏོང་ཕོད་རྒྱ་ཆེན་པོའི་འབུལ་
བ་དང་ཆབ་ཅིག་ཏུ། མཐར་ཐུག་གི་འབྲས་བུ་བླ་ན་མེད་པའི་བྱང་ཆུབ་ཉིད་གཙོ་བོར་དམིགས་ཏེ། གནས་སྐབས་སུའང་མིའི་ལྷ་གང་གི་རིགས་སྲས་ཆུ་བོའི་རྒྱུན་ལྟར་འབྱོན་པའི་གསོལ་བ་འདེབས་པ་ལ་བརྩོན་པ་ལྟ་བུས། འཛམ་གླིང་བསྟན་པའི་མངའ་བདག་དཔལ་ས་སྐྱ་
པ་ངག་དབང་ཀུན་དགའ་བཀྲ་ཤིས་གྲགས་པའི་རྒྱལ་མཚན་དཔལ་བཟང་པོ་པ་ལ་སོགས་པ་བསྟན་འཛིན་གྱི་སྐྱེས་བུ་ཆེན་པོ། གསང་སྔགས་དང་རིགས་སྔགས་ཀྱི་ནུས་མཐུ་གྲུབ་པ་གང་དག་གི་བཀའ་ལུང་ཡིད་འཕྲོག་དགའ་མའི་མིག་གི་ཟུར་མདའ་གང་དུ་ལྷུང་བ་ཙམ་གྱིས།
འཇིག་རྟེན་དང་འཇིག་རྟེན་ལས་འདས་པའི་དྲེགས་བྱེད་མཐུ་ཆེ་ཞིང་གཟི་བརྗིད་ཆེ་བ་རྣམས་ཀྱང་རང་རང་གི་ཁེངས་པ་རིང་དུ་བསྐྱུངས་ནས། ཅི་བགྱི་ཞེས་བསྒོ་བའི་ཕྲིན་ལས་ཐམས་ཅད་གུས་པས་མཉན་ཅིང་འབད་པ་མེད་པར་ཚུལ་བཞིན་དུ་བསྒྲུབ་པ་ལ་མི་གུས་པ་མེད་པའི་རྡོ་རྗེ་འཆང་
མང་པོའི་བཀའ་ལུང་བཙན་པོས་སྲུང་མའི་དབང་པོ་གུར་མགོན་ལྕམ་དྲལ་དང་། གདོང་བཞི་མགོན་པོ་ལ་སོགས་པ་སྲུང་མ་རྒྱ་མཚོའི་ཚོགས་རྣམས་ལ། བསིལ་ལྡན་ལྗོངས་ཀྱི་རྒྱལ་བའི་བསྟན་པ་ཡོངས་སུ་རྫོགས་པའི་གདུགས་དཀར་ཐུར་མ་བརྒྱ་པ་ཁམས་གསུམ་གྱི་བླ་

213-1-176b

མ་ནས་བླ་མར་འདེགས་པའི་སྙིང་སྟོབས་ཀྱི་ཡུ་བ་བརྟན་པའི་མིའི་ལྷ་གང་གི་རིགས་སྲས་གངྒཱའི་རྒྱུན་ལྟར་ཆད་པ་མི་མངའ་ཞིང་མྱུར་དུ་འབྱོན་པའི་འཕྲིན་ལས་སུ་བསྐུལ་བའི་རྔ་ཆེན་ཅི་ཡང་བརྡུང་བར་བརྩམས་སོ། །དུས་ཇི་ཙམ་ཞིག་ན་ཇི་ལྟར་བཅོལ་བའི་འབྲས་བུས་ནམ་ཡང་མི་བསླུ་
བ་ཉིད་དུ་འབྱུང་བ་ནི་དཀོན་མཆོག་གི་བདེན་པའི་མཐུའི་ཆོས་ཉིད་དོ། །དེའང་ས་གཞི་ཐམས་ཅད་ཆོས་བཞིན་དུ་སྐྱོང་བའི་རྒྱལ་པོ་དེ་ལ་རིགས་སྲས་ཀྱི་མཆོག་ཏུ་གྱུར་པ་ཤིང་སཱ་ལ་ཆེན་པོ་ལྟ་བུ་གསུམ་ཞིག་རིས་བྲལ་སྐྱེ་བོ་ཡོངས་ཀྱི་རྩ་ལག་ཏུ་བྱུང་བར་གྱུར་ཏོ། །དེའི་དང་པོ་ལ་ནི་
དཔལ་མིའི་དབང་ཕྱུག་བསོད་ནམས་མགོན་པོ་ཞེས་བྱ་བ་ཕྱོགས་རྣམས་ཀུན་དུ་རབ་ཏུ་གྲགས་པ་སྟེ། དེའི་རང་བཞིན་ནི་ཇི་ལྟ་བུ་ཞིག་གོ་སྙམ་ན། འདི་ནི་ཕལ་དང་ཐུན་མོང་དུ་གྱུར་པ་ཞིག་སྟེ། དེའང་ཐོག་མ་ཉིད་ནས་ཆོས་སྐྱོང་བའི་སྲུང་མ་རྣམས་ཀྱི་གཟི་བརྗིད་ཀྱི་ཐིག་ལེ་
གཅིག་ཏུ་བསྡུས་ནས་ལེགས་པར་བསྐྱེད་ཅིང་ཀུན་དུ་ཡོངས་སུ་བསྐྱབ་པའི་སྐྱེས་བུ་ཉིད་དུ་གདོན་མི་ཟ་བའི་བདེན་དཔང་དུ་རྣམ་པར་དཔའ་ཞིང་རྟུལ་ཕོད་པ། ཡན་ལག་མཆོག་གི་གཟུགས་དང་ལྡན་པ། ས་ཆེན་པོ་སྐྱོང་བ་ལ་གནོད་པ་དང་སྡོ་བ་མེད་པ། གཟི་བརྗིད་ཆེ་ཞིང་
མཐུ་ཕུན་སུམ་ཚོགས་པ་དང་ལྡན་པས་གཞན་སྡེ་མི་སྲུན་པའི་ཕྱོགས་ཐམས་ཅད་ལས་རྣམ་པར་རྒྱལ་བ། སྒྱུ་རྩལ་གྱི་རིགས་ཐམས་ཅད་ལ་མཁས་པར་གྱུར་པ་ནི་འདི་ལྟ་སྟེ། ཡི་གེ་དང་། ལག་རྩིས་དང་། གྲངས་དང་། རྩིས་ཆེན་དང་། ཐོར་ཚུགས་དང་། གོམ་
སྟབས་དང་། ལྕགས་ཀྱུའི་བསྒྱུར་ཐབས་དང་། རལ་གྲིའི་ཐབས་དང་། ཞགས་པས་གདབ་པ་དང་། མདའ་བོ་ཆེ་འཕེན་པ་དང་། མདུན་དུ་བསྣུར་བ་དང་། ཕྱིར་བསྣུར་བ་དང་། གཅད་པ་དང་། དྲལ་བ་དང་། དབུག་པ་དང་། རྒྱང་ནས་འཕོག་པ་དང་། སྒྲ་གྲག་པར་འཕོག་
པ་དང་། གནད་དུ་འཕོག་པ་དང་། མི་འཆོར་བར་འཕོག་པ་དང་། ཚབས་ཆེ་བར་འཕོག་པ་དང་། མཆོང་བ་དང་། གྱད་ཀྱི་འཛིན་སྟངས་དང་། བང་དང་། རྐྱལ་གྱིས་བརྒལ་བ་དང་། གླང་པོ་ཆེའི་གཉར་ཞོན་པ་དང་། རྟ་ལ་ཞོན་པ་དང་། ཤིང་རྟའི་ཐབས་དང་། མདའ་དང་།

213-1-177a

གཞུ་དང་། གྱད་སྟོབས་ཏེ་བཟོར་གཏོགས་པ་རྣམས་དང་། གཞན་ཡང་གར་དང་བྲོ་དང་། རྔ་བོ་ཆེ་དང་། རྫ་རྔ་དང་། རྔ་ཕྲན་དང་། རྔ་ཆེན། འཁར་རྔ། པི་ཝང་རྒྱུད་གཅིག་པ་དང་། རྫ་རྔ་ཁ་གཅིག་པ་དང་། ལྕགས་ཀྱི་སིལ་ཁྲོལ་དང་། འཁར་
བའི་སིལ་ཁྲོལ་དང་། པི་ཝང་རྒྱུད་གསུམ་པ་དང་། རྔ་མུ་ཀུནྡ་དང་། སིལ་སྙན་གླུ་དབྱངས་དང་བསྟུན་པ་དང་། ཕེག་རྡོབ་དང་། རོལ་མོའི་སྒྲའི་རིགས་གཞན་དང་། པི་ཝང་སྤྱིའི་རིགས་དང་། གླིང་བུ་སྟེ་རོལ་མོའི་བྱེ་བྲག་རྣམས་དང་། གཞན་ཡང་དབྱངས་ཀྱི་ངེས་པ་
བར་མ་དང་། དྲང་སྲོང་དང་། ས་འཛིན་དང་། དྲུག་ལྡན་དང་། ལྔ་བ་དང་། བློ་གསལ་དང་། འཁོར་ཉན་རྣམས་དང་། གཞན་ཡང་། སྒེག་པ་དཔའ་བ་མི་སྡུག་པ། །དྲག་ཤུལ་བཞད་གད་འཇིགས་སུ་རུང་། །སྙིང་རྗེ་རྔམ་དང་ཞི་བ་སྟེ། །ཞེས་པའི་གར་གྱི་ཆ་བྱད་རྣམས་
ཏེ། སྒྱུ་རྩལ་གྱི་རིགས་རྣམ་པ་དྲུག་ཅུ་རྩ་བཞི་དང་། གཞན་ཡང་ཕོ་རྩལ་སྣ་དགུ་ཞེས་བྱ་བ། མཐེབ་ཀྱིས་ཤ་ནོན་པ་དང་། རྐྱལ་གྱིས་ཆུ་ཆེན་བརྒལ་བ་དང་། ཡང་རྩལ་བྱ་ལྟ་བུ་སྟེ་ལུས་ཀྱི་རྩལ་གསུམ། ལོ་རྒྱུས་ཀྱིས་དགེ་འཐོན་པ་དང་། གཏམ་གྱིས་བཞད་
གད་འཐོན་པ་དང་། གཤགས་ཀྱིས་ཕ་རོལ་གནོན་པ་སྟེ་ངག་གི་རྩལ་གསུམ་དང་། མཛངས་ལ་བློ་འགྱུ་བ་དང་། དཔའ་ལ་བསྲན་ཚུགས་པ་དང་། ཁ་གསལ་ཞིང་གཏིང་མི་རྟོགས་པ་སྟེ་ཡིད་ཀྱི་རྩལ་གསུམ་དང་བཅས་པ་དང་། གཞན་ཡང་ཕོ་རྩེད་སྣ་དགུ་ཞེས་
བྱ་བ། གཏམ་ཡིག་རྩིས་གསུམ། གདའ་རྡོ་མཆོངས་གསུམ། བང་རྐྱལ་ཤེད་གསུམ་དང་བཅས་པ་སྟེ་སྐྱེས་བུ་དམ་པ་ལ་འོས་པའི་ཡོན་ཏན་གྱི་ཚོགས་མ་ལུས་པ་རབ་ཏུ་རྫོགས་པར་གྱུར་ཏོ། །རྣམ་པ་གཅིག་ཏུ་ལས་འབྲས་སྟོན་པའི་མདོ་དང་བསྟན་བཅོས་ཀྱི་རིགས་ལ་
ཤིན་ཏུ་འདྲིས་པས་དགེ་བ་དང་དགེ་བ་མ་ཡིན་པའི་བླང་དོར་གྱི་གནས་རྣམས་ལ་འཛོལ་མེད་དུ་དཔྱོད་ཅིང་གཞན་ལ་ཡང་རྒྱ་ཆེར་འདོམས་པ་ལ་མཁྱེན་རབ་ཀྱི་འཇུག་པ་ཤིན་ཏུ་གཡེར་པོར་གྱུར་ཏེ། དབོན་པོ་སྟོད་ཀྱི་གདན་སའི་ཁུར་བཞེས་སོ། །དེར་ཆབ་འབངས་སུ་གཏོགས་པ་

213-1-177b

ཐམས་ཅད་ཀྱང་ཕན་པའི་སེམས་དང་རྗེས་སུ་འབྲེལ་བའི་བཀའ་ཁྲིམས་བཟང་པོས་བདེ་བ་ལ་སྦྱོར་བའི་ཐབས་ལ་ཤིན་ཏུ་མཁས་ཤིང་། སྐྱེ་བོ་མ་ལུས་པ་ཕྱོགས་སུ་ལྷུང་བ་མེད་པའི་ཐུགས་བརྩེས་གཏིང་ནས་མི་འདོར་ཞིང་། ཉེས་པར་སྤྱོད་པ་རྣམས་ཀྱང་འཕྲལ་ལ་བསྡིགས་པའི་
ཚུལ་གྱིས་ལེགས་པའི་ལམ་དུ་འཆོས་པ་དང་། ལེགས་པར་སྤྱོད་པ་རྣམས་ནི་གོང་ནས་གོང་དུ་བཀུར་བའི་སྒོ་ནས་བོགས་འབྱིན་པའི་ཚུལ་གྱིས་བདེ་བར་སྐྱོང་བའི་མཛད་པ་བཟང་པོ་ནམ་ཡང་མི་བསྐྱུད་པར་ལྷག་པའི་བསམ་པ་ལ་ཡང་དག་པར་གནས་པ་ཉིད་དོ། །གཞན་ཡང་
རྟག་ཏུ་སྒོ་གསུམ་བག་དང་བཅས་པ་ལ་ལགས་པར་གནས་ནས། བགྱི་བ་དང་བགྱི་བར་བྱ་བ་མ་ཡིན་པ་དང་། བཀུར་བ་དང་བཀུར་བར་བྱ་བ་མ་ཡིན་པ་དང་། གཞོམ་པ་དང་གཞོམ་པར་བྱ་བ་ཡིན་པའི་གནས་ཐམས་ཅད་ཡང་དང་ཡང་དུ་ལེགས་པར་བརྟགས་ནས་ཉམ་ང་
བ་མེད་པའི་ཚུལ་གྱིས་སྤྱོད་པ་སྟེ། འཕགས་མཆོག་ནཱ་གཱ་རྫུ་ནས། ཕན་སེམས་ཆེ་བ་སྒྲིན་པའི་ཚུལ། །དྲང་པོའི་ཚུལ་ནི་མི་བསླུ་བ། །བག་ཡོད་ཉམ་ང་མེད་པ་ནི། །དེ་ནི་རྒྱལ་པོའི་ཚུལ་དུ་གནས། །ཞེས་དང་། མ་སུ་རཀྵས་བྱས་པའི་ལུགས་ཀྱི་བསྟན་བཅོས་
ལས་ཀྱང་། བརྟན་ཞིང་ཟབ་མོའི་བློ་དང་ལྡན། །མདངས་ལྡན་ཆོས་དང་བསྟན་བཅོས་རིག །དུལ་ཞིང་བདེན་པར་སྨྲ་བ་དང་། །རྒྱལ་པོའི་འཁོར་ལ་ཕན་པར་སེམས། །རིགས་བཙུན་རྒྱུད་ནི་མཉེན་པ་དང་། །བླ་མ་ལ་ནི་གུས་ཉན་དང་། །སྐྱེ་དགུ་རྗེས་བརྩེར་ལྡན་པ་
ཡི། །རྒྱུད་བྱུང་དེ་ནི་རྒྱལ་སྲས་ཡིན། །ཞེས་བཤད་པ་ལྟ་བུའི་ཡོན་ཏན་རིན་པོ་ཆེའི་བང་མཛོད་ལེགས་པར་བཟུང་ནས། རང་གཞན་གྱི་འདོད་པའི་དངོས་པོ་མ་ལུས་པ་བསྒྲུབ་པའི་རང་བཞིན་ཅན་ནོ། །ཁྱད་པར་ཆོས་ཐམས་ཅད་ཀྱི་རྒྱལ་པོའི་མདོ་ལས། ལྷ་དང་བཅས་
པའི་འཇིག་རྟེན་ན། །དཀོན་མཆོག་གསུམ་པོ་མ་གཏོགས་པ། །ཡོན་གྱི་གནས་འགའ་ཡོད་མ་ཡིན། །ཞེས་དང་། སངས་རྒྱས་ཕལ་པོ་ཆེ་ལས། རིགས་པར་བརྩོན་པ་དཀོན་མཆོག་གསུམ་རྣམས་ལ། །སྦྱོར་བ་སྐྱོ་བ་མེད་པས་མཆོད་བྱས་ན། །དེ་དག་བདུད་བཞིའི་

213-1-178a

ལམ་ལས་རབ་འདས་ཏེ། །བྱང་ཆུབ་བླ་མེད་མྱུར་དུ་རེག་པར་འགྱུར། །ཞེས་གསུངས་པའི་ལུང་དོན་དང་མཐུན་པར་དཀོན་མཆོག་གསུམ་ལ་དད་པ་གསུམ་གྱི་རྩ་བ་རབ་ཏུ་བརྟན་པའི་སྒོ་ནས་བདོག་པའི་དངོས་པོ་ཕལ་ཆེ་བ་དག་གིས་བསྙེན་བཀུར་བ་ལ་སོགས་པ་
དགེ་བའི་རྩ་བ་ལྷུར་བྱེད་པ་གཞན་དང་ཐུན་མོང་དུ་མ་གྱུར་པ་ཞིག་སྟེ། དེ་ཡང་སྐྱོ་བོ་ཕལ་པ་ཁ་ཅིག་ནི། རང་གིས་བསགས་པའི་དངོས་པོ་བཟང་ཞིང་ཤིན་ཏུ་ཕངས་པར་གྱུར་པ་གང་ཡིན་པ་དེ་དག་བདག་གིར་བཟུང་ནས། དེའི་ལྷག་མར་གྱུར་པའི་དངོས་པོ་དམན་པའམ་ཡན་
འགར་དུ་ལུས་པ་དེ་ཉིད་མཆོད་སྦྱིན་གྱི་ཆེད་དུ་གཏོང་བ་དག་ཡོད་ཀྱང་། ས་འཛིན་ཆེན་པོ་འདིས་ནི་རང་གི་མདོག་དགུ་ཐམས་ཅད་ཀྱི་ཕུལ་དུ་བྱུང་བའམ་མཆོག་ཏུ་གྱུར་བའམ། ཆེས་དཀོན་པའམ། གཅེས་པར་བཟུང་བ་གང་ཡིན་པ་དེ་དག་ནི་དཀོན་མཆོག་གི་ཕྱོགས་སུ་བཏང་བ་གཙོ་
བོར་བྱེད་ཅིང་། ཁྱད་པར་འཛམ་གླིང་བསྟན་པའི་མངའ་བདག་དཔལ་ས་སྐྱ་པ་ངག་དབང་ཀུན་དགའ་བསོད་ནམས་རིན་ཆེན་པ་ཡབ་སྲས་རྣམས་དང་། རྗེ་བཙུན་རྡོ་རྗེ་འཆང་ཀུན་དགའ་བཟང་པོའི་དམ་པ་ཆོས་ཀྱི་རྒྱལ་སྲིད་ཆེན་པོ་ལ་མངའ་བསྒྱུར་བའི་མཁན་ཆེན་ཐམས་ཅད་
མཁྱེན་པ་བཀྲ་ཤིས་ལྷུན་གྲུབ་པ་དང་། རྒྱལ་བ་ཀུན་ཀྱི་རིགས་ཀྱི་བདག་པོ་དཔལ་ལྡན་རྡོ་རྗེ་སེམས་དཔའ་ཉིད་ངུར་སྨྲིག་གར་གྱིས་རྣམ་པར་རྩེན་པ་མཁན་ཆེན་དཔལ་ལྡན་ཆོས་སྐྱོང་བ་དང་། མདོ་སྔགས་རྒྱ་མཚོ་སྨྲ་བའི་དབང་ཕྱུག་ཡར་ཀླུང་མཁན་པོ་ངག་དབང་ཀུན་
དགའ་ལེགས་པའི་འབྱུང་གནས་དང་། ཕྱི་དང་ནང་གི་རིག་པའི་གཞུང་ལུགས་རབ་འབྱམས་སྨྲ་བ་སངས་རྒྱས་ཡེ་ཤེས་པ་དང་། རྡོ་རྗེ་འཛིན་པ་ཀུན་གྱི་གཙུག་གི་ནོར་བུ་སངས་རྒྱས་རྒྱ་མཚོ་པ་ལ་སོགས་པ་མཁས་པ་དང་བཙུན་པ་དང་གྲུབ་པའི་ཡོན་ཏན་མི་ཟད་ནམ་མཁའི་
མཛོད་དུ་གྱུར་པ་མང་པོའི་ཞབས་ཀྱི་པདྨ་རྣམས་ནི། ལྷ་དང་མིའི་ཡུལ་ན་རྙེད་པར་དཀའ་ཞིང་རིན་ཐང་གཞལ་དུ་མེད་པའི་ཡིད་བཞིན་གྱི་ནོར་བུ་རིན་པོ་ཆེ་འོད་ཟེར་སྟོང་གི་དྲ་བ་རིང་པོའི་ལམ་དུ་འཕྲོ་བ་གང་གིས་ཉེ་བར་སྤུད་པ་སྟེ། དེ་ལྟ་བུའི་རལ་པའི་ཐོར་ཚུགས་རིན་པོ་ཆེ་

213-1-178b

ཨནྡ་རྙིལ་གྱི་ཁུ་བས་ལན་བརྒྱར་བྱུགས་པ་སྙམ་བྱེད་པའི་རྩེ་མོ་ན་མངོན་པར་བཀོད་ཅིང་། དེ་དག་མཉེས་པའི་ཞལ་གྱི་འཛུམ་སྒྲོས་བནྡྷཱུ་ཛི་བ་ཀ་ལྟར་རྣམ་པ་ཕྱེ་བ་ལས་ལེགས་པར་འོངས་པའི་མདོ་སྡེ་དང་རྒྱུད་སྡེ་རྣམས་ཀྱིས་རྗེས་སུ་བསྟན་པར་བྱ་བའི་གདམས་པ་ཟབ་མོའི་བདུད་
རྩིའི་བཅུད་ལེན་མཐའ་དག་ཡང་དང་ཡང་དུ་བཏུང་བས། མངོན་པར་མཐོ་བ་དང་ངེས་པར་ལེགས་པའི་གྲོང་ཁྱེར་མཆོག་ཏུ་འཇུག་པར་བྱེད་པའི་ལམ་གྱི་ལུས་སྟོབས་ཡོངས་སུ་རྟས་པར་བྱེད་པའི་ཐབས་སུ། རྗེ་བཙུན་རྡོ་རྗེ་རྣལ་འབྱོར་མ་ལ་སོགས་པ་མཆོག་དང་ཐུན་མོང་གི་དངོས་
གྲུབ་སྒྲུབ་པར་བྱེད་པའི་གནས་སུ་མཆོག་ཏུ་བསྔགས་པའི་ལྷག་པའི་ལྷ་མང་པོའི་བསྒོམ་བཟླས་ཀྱི་རིམ་པ་རྒྱུན་པར་ཉིད་དུ་མ་ཆག་པར་ཐུགས་ཉམས་སུ་བསྟར་རོ། །གཞན་ཡང་ཤེས་རབ་ཀྱི་ཕ་རོལ་དུ་ཕྱིན་པ་བསྡུད་པ་དང་། ཤེས་རབ་སྙིང་པོ་པ་དང་། སྒྲོལ་བསྟོད་པ་དང་། སློབ་
དཔོན་ཆེན་པོ་པདྨ་འབྱུང་གནས་ཀྱི་གསོལ་འདེབས་ལེའུ་བདུན་པ་ལ་སོགས་པ་གསང་སྔགས་གསར་སྙིང་གི་བླ་མ་བརྒྱུད་པ་མང་པོའི་གསོལ་འདེབས་དང་སྨོན་ལམ་གྱི་རིགས་མང་པོ་ཞལ་ཏོན་དུ་མཛད་དོ། །ཁྱད་པར་རང་གི་ཡབ་རྗེས་སྐྱོང་བསྟན་པ་ཚེ་རིང་གི་དགོངས་རྫོགས་
བསྒྲུབ་པ་དང་། ས་བདག་རང་གི་དལ་འབྱོར་གྱི་རྟེན་བཟང་པོ་བརྙེས་པ་ཆོས་ཚུལ་དགེ་བ་བཅུ་དང་ལྡན་པར་བྱ་བ་དང་། སྦྱིན་པའི་ཕ་རོལ་ཏུ་ཕྱིན་པ་ཡོངས་སུ་རྫོགས་པའི་སྙིང་པོ་ཅན་དུ་བསྒྲུབ་པར་བྱ་བའི་ཕྱིར། ཆུ་ཕོ་ཁྱིའི་ལོར་གཙང་དབུས་ཀྱི་ཕྱོགས་སུ་ཆིབས་ཀྱི་ཁ་ལོ་བསྒྱུར་
ཏེ་དབུས་གཙང་གི་སའི་ཆར་འཁོད་པའི་དགོན་སྡེ་རིས་སུ་མ་ཆད་པ་རྣམས་སུ། བསྟན་པ་རིན་པོ་ཆེའི་རྩ་ལག་ཏུ་བཞུགས་ཤིང་རྣམ་པར་དཀར་བའི་ཕྲིན་ལས་མུ་མེད་པར་སྤྲོ་བ་ལ་བཀའ་དྲིན་གཞལ་དུ་མེད་པར་གྱུར་པའི་བླ་མ་དང་། མཁན་པོ་དང་། ཟུར་འཆད་པ་མཐའ་དག་ལ་
དངོས་པོ་བཟང་ཞིང་རྒྱ་དཔངས་མི་དམན་པའི་མཆོད་འབུལ་དང་། དགེ་སློང་གི་དགེ་འདུན་རྒྱ་མཚོ་ལྟ་བུ་ཇི་སྙེད་ཅིག་མཆིས་པ་རྣམས་ལ་འབུལ་བ་དང་བསྙེན་བཀུར་གྱ་ནོམ་པ་དག་གིས་མཉེས་པར་བགྱིས་སོ། །དེ་དག་ཏུ་བཞུགས་པའི་དཀོན་མཆོག་གསུམ་གྱི་རྟེན་བྱིན་རླབས་

213-1-179a

ཀྱི་གཟི་འོད་མངོན་པར་འབར་བ་མཐའ་དག་ལ་ཡང་། སྙན་ཤལ་དང་། འཕན་དང་། བ་དན་དང་། བླ་རེ་དང་། ལྡ་ལྡི་དང་། རྒྱལ་མཚན་དང་། སྤོས་དང་། མར་མེ་དང་། ཞལ་ཟས་ལ་སོགས་པའི་མཆོད་པའི་རྣམ་གྲངས་བསམ་གྱིས་མི་ཁྱབ་པ་དངོས་
པོ་བཟང་ཞིང་རྒྱ་ཆེ་བ་དག་གིས་བསྟི་སྟང་དུ་བྱས། བླ་མར་བྱས། རི་མོར་བྱས། རྗེད་པར་བྱས། ཕྱག་འཚལ་བར་བྱས་ཏེ། ས་བདག་ཆེན་པོ་རང་གི་ཡབ་མེས་གོང་མ་ཆོས་ཀྱི་དབྱིངས་སུ་ཐིམ་པ་རྣམས་ཀྱི་ཐུགས་ཀྱི་བཞེད་པ་མ་ལུས་པ་ཡོངས་སུ་བསྐང་བ་དང་། རང་དང་རང་
ལ་ལྟོས་བཅས་ཀྱི་སྐྱེ་བོ་སངས་རྒྱས་ཀྱི་ཞིང་གི་རྡུལ་ཕྲ་རབ་ཀྱི་གྲངས་དང་བཅས་པ་རྣམས་ཀྱི་རྒྱུད་ལ་བསོད་ནམས་ཀྱི་ཚོགས་དཔག་ཏུ་མེད་པའི་རྒྱ་མཚོ་རྒྱ་ཆེ་ཞིང་གཏིང་མི་དཔོག་པར་བསྐྱིལ་ཏེ། མདོར་ན་གཙུག་ལག་ཟུང་གི་ཕྲིན་ལས་ཀྱི་སྣང་བ་དཀར་པོས་ཕྱོགས་ཀྱི་ཁོར་ཁོར་
ཡུག་མ་ལུས་པ་ཡོངས་སུ་བཀང་བ་དང་འགེངས་བཞིན་པའི་ངོ་མཚར་གཏམ་གྱི་ཟླ་འོད་གཞོན་ནུ་ཕྱོགས་ཀྱི་ལུས་ཕྲའི་རྣ་རྒྱན་དུ་འགོད་པ་འདི་ལྟར་ལགས་སོ། །ལྷ་སྲས་རིགས་ཀྱི་ཤིང་སཱ་ལ་ཆེན་པོ་ལྟ་བུ་གསུམ་པ་ནི་སྡེ་དགེ་བློ་གྲོས་རྒྱ་མཚོ་ཞེས་བྱ་བ་སྟེ། འདི་ནི་སྔོན་གྱི་
བསོད་ནམས་ཀྱི་རྒྱུ་དཔག་ཏུ་མེད་པས་བསྐྱེད་པས་སྐལ་པ་ཕུན་སུམ་ཚོགས་པ་དང་ལྡན་པའི་ལྷའི་རིགས་སུ་འཁྲུངས་པ། ཐོག་མ་ཉིད་ནས་དབང་པོ་དུལ་བར་གྱུར་པས་སྤྱོད་ཚུལ་མི་མཐུན་པ་མེད་པའི་ངང་ཚུལ་ཅན། རྟག་ཏུ་ཐོས་བསམ་ལ་གོམས་པ་ལྷུར་བྱས་པས་བློ་དྲི་མ་མེད་
པར་གྱུར་པ། རིག་བྱེད་གསུམ་དང་བརྟག་པ་བརྒྱད་ལ་སོགས་པ་རིག་པའི་གཙུག་ལག་མང་པོ་ལ་མཁས་པ། གཞན་ཡང་འཕགས་མཆོག་ཀླུ་སྒྲུབ་ཞབས་ཀྱིས། གང་ལ་ཕ་དང་མ་དག་མཆོད་བྱེད་པའི། །རིགས་དེ་ཚངས་བཅས་སློབ་དཔོན་བཅས་པའང་ལགས། །
དེ་དག་ལ་མཆོད་གྲགས་པར་འགྱུར་པ་དང་། །སླད་མ་ལ་ཡང་མཐོ་རིས་འགྱུར་པ་ལགས། །ཞེས་པ་ལྟར་རང་གི་བླ་མ་དང་ཡབ་ཡུམ་དང་རྒན་རབས་ཞེ་སར་འོས་པ་རྣམས་ལ་བཀུར་སྟི་མཁས་པ། གང་གི་ཡོན་ཏན་གྱི་གྲགས་པ་དཀར་པོ་ལ་འཇིག་རྟེན་ཀུན་གྱིས་བསྔགས་

213-1-179b

པའི་གནས་སུ་གྱུར་ཅིང་། དེ་བཞིན་གཤེགས་པའི་བསྟན་པ་དང་སེམས་ཅན་ཐམས་ཅད་ལ་ཕན་པ་རྒྱ་ཆེན་པོ་བསྒྲུབ་པའི་སྙིང་སྟོབས་དང་དམ་བཅའི་ཡ་ལད་ཤིན་ཏུ་བཙན་པར་བགོས་པ་ཞིག་གོ། །དེ་ཡང་འདི་ལྟར་ཡིད་ལ་བྱེད་དེ། བདག་གིས་བསྟན་འགྲོའི་དོན་བགྱིད་
པ་ལ་ནི་རིགས་པ་དང་མི་རིགས་པའི་འགལ་འབྲེལ་ཚུལ་བཞིན་དུ་དཔྱོད་པའི་བློ་གྲོས་ཕུན་སུམ་ཚོགས་པ་ཞིག་ལ་རག་ལས་སོ། །དེ་ཡང་བློ་དང་ལྡན་པ་རྣམས་ཀྱིས་བསླབ་པར་བྱ་བའི་གནས་རིག་པའི་གཙུག་ལག་སྔ་པོ་ལེགས་པར་རྟོགས་པ་ལས་འབྱུང་བར་དགོངས་ནས་དེ་དག་
གི་གཞུང་ཡན་ལག་དང་བཅས་པ་ཅི་རིགས་པ་ལ་མཁས་པར་སྦྱངས་སོ། །ཁྱད་པར་སྐྱེ་བོ་གཞན་དག་ཕན་པས་རྗེས་སུ་འཛིན་པའི་ཕྱིར། གསོ་བ་རིག་པའི་རྒྱུད་བཞི་འགྲེལ་པ་སྔ་ཕྱི་མང་པོ་དང་བཅས་པ་ལ་སྦྱངས་པ་རྒྱ་མཚོའི་ཕ་རོལ་དུ་སོན་པ་གཡུ་ཐོག་ཡོན་ཏན་མགོན་
པོའི་དཔལ་ལ་འགྲན་པར་གྱུར་ཏེ། ནང་རླུང་ལས་གྱུར་པ་དང་། བད་ཀན་ལས་གྱུར་པ་དང་། མཁྲིས་པ་ལས་གྱུར་པ་དང་། འདུས་པ་ལས་གྱུར་པའི་ནད་ཀྱི་རིགས་རྣམ་པ་སྣ་ཚོགས་པ་དག་གིས་ཉེན་པའི་སྐྱེ་བོ་གྲངས་མེད་པ་དུཿཁ་ལས་རྣམ་པར་བཀྲོལ་ཏེ་མི་ཤིགས་པའི་
སྲོག་གི་ཀ་བ་བརྟན་པོར་གཙུགས་པའི་ཕྲིན་ལས་ནམ་མཁའ་དང་མཉམ་པར་གྱུར་ཏོ། །ནང་དོན་རིག་པའི་གནས་སྟོན་པར་བྱེད་པའི་བསྟན་བཅོས་ཆེན་པོ་སྡོམ་པ་གསུམ་གྱི་རབ་ཏུ་དབྱེ་བ་དང་། དཔལ་ཀྱེ་རྡོ་རྗེའི་རྩ་བའི་བརྒྱུད་བརྟག་པ་གཉིས་པ་དང་། རྒྱུད་སྡེ་སྤྱིའི་རྣམ་པར་
གཞག་པ་དང་། རྒྱུད་ཀྱི་མངོན་པར་རྟོགས་པ་དག་གི་དོན་མ་ལུས་པ་སྟོན་པའི་བསྟན་བཅོས་ཚུལ་དང་པོ་གསུམ་དང་། མངོན་པར་རྟོགས་པ་ལྗོན་ཤིང་སྟེ་མཛེས་པར་བྱེད་པའི་རྒྱན་རྣམ་པ་གཉིས་དང་། བྱང་ཆུབ་སེམས་དཔའི་སྤྱོད་པ་ལ་འཇུག་པ་དང་། དབུ་མ་བཤེས་པའི་སྤྲིང་
ཡིག་དང་། རྒྱལ་པོ་ལ་གདམས་པ་ལ་སོགས་པའི་གཞུང་མང་པོ་ཐུགས་སུ་ཆུད་པར་མཛད་པས་ལུང་དང་རིགས་པའི་བདག་པོར་གྱུར་ཏོ། །གཞན་ཡང་ཚོགས་འདོན་གྱི་རིགས་སུ་གཏོགས་པའི་ཆོས་སྤྱོད་རྣམས་དང་། ཀྱེ་རྡོ་རྗེ་དང་རྡོ་རྗེ་ཕུར་པ་ལ་སོགས་པའི་དཀྱིལ་འཁོར་གྱི་སྒྲུབ་

213-1-180a

མཆོད་ཆེན་པོ་མང་པོ་དང་། དེ་དག་གི་ཕྱག་ལེན་ཕྲ་མོ་ཚུན་ཆད་ལའང་གཞན་དྲིང་མི་འཇོག་པར་མཛད་དོ། །ཁྱད་པར་དུ་ཡང་སློབ་སྤྲིང་ལས། གང་ཞིག་ཐོབ་ན་སྐྱེ་བའི་རྒྱ་མཚོ་མཐར་འབྱིན་ཅིང་། །བྱང་ཆུབ་མཆོག་གི་ས་བོན་དགེ་བའང་འདེབས་བྱེད་ལ། །ཡིད་
བཞིན་ནོར་བུ་བས་ཀྱང་ཡོན་ཏན་ཆེས་ལྷག་པའི། །མི་ཉིད་ཐོབ་ནས་སུ་ཞིག་འབྲས་བུ་མེད་པར་བྱེད། །བདེ་གཤེགས་ལམ་བསྟན་འགྲོ་བ་འདྲེན་པར་ཆས་གྱུར་ཅིང་། །སེམས་ཀྱི་སྟོབས་ཆེན་མི་ཡི་རྙེད་པ་གང་ཡིན་པ། །ལམ་འདི་ལྷ་དང་ཀླུ་ཡིས་མི་རྙེད་གནོད་སྦྱིན་དང་། །མཁའ་
ལྡིང་རིག་འཛིན་མིའམ་ཅི་དང་ལྟོ་འཕྱེས་མིན། །ཞེས་དང་། བཤེས་སྤྲིང་ལས། རྒྱ་མཚོ་གཅིག་ནས་གཉའ་ཤིང་བུ་ག་དང་། །རུས་སྦལ་ཕྲད་པ་བས་ཀྱང་དུད་འགྲོ་ལས། །མི་ཉིད་ཆེས་ཐོབ་དཀའ་བས་མི་དབང་གིས། །དམ་ཆོས་སྤྱོད་པས་བདེ་འབྲས་མཆིས་པར་མཛོད། །
ཅེས་གསུངས་པ་ལྟར་དལ་འབྱོར་གྱི་རྟེན་བཟང་པོ་རྙེད་པ་འདི་དོན་ཡོད་པར་བྱ་བའི་ཕྱིར། དགེ་བ་དང་དགེ་བ་མ་ཡིན་པའི་ཚུལ་ལེགས་པར་དཔྱོད་ཅིང་བླང་དོར་ཐམས་ཅད་ཕྱིན་ཅི་མ་ལོག་པར་མཛད་དོ། །ཁྱད་པར་མཁས་གྲུབ་ཡོངས་ཀྱི་འཁོར་ལོས་སྒྱུར་བ་ཆེན་པོ་འཇམ་མགོན་
བཀྲ་ཤིས་ལྷུན་གྲུབ་པ་ལ་སོགས་པ་གོང་དུ་སྨོས་པའི་ཡོངས་འཛིན་དགེ་བའི་བཤེས་གཉེན་མང་པོའི་ཞབས་ཀྱི་པདྨ་གཙུག་གི་རྒྱན་དུ་བརྟེན་ཅིང་། ལེགས་པར་གསུངས་པའི་ཆོས་ཀྱི་བདུད་རྩིའི་ཆུ་རྒྱུན་མང་པོས་རྣམ་པ་ཐམས་ཅད་མཁྱེན་པའི་གོ་འཕང་གི་བདེ་བ་བླ་ན་མེད་པ་དེ་ཉིད་
ཐོབ་པར་བྱེད་པའི་གསོས་སུ་ཡང་ཡང་བཏུང་ནས། དེ་དག་གི་སྙིང་པོ་སྡོམ་པ་གསུམ་གྱི་བསླབ་པའི་གནས་ཐམས་ཅད་མིག་གིས་འབྲས་བུ་བཞིན་དུ་གཅེས་པར་བསྲུང་ཤིང་། ངོར་པའི་ཆག་མེད་རྣམ་པ་བཞིས་ཐོག་དྲངས་པའི་མཆོག་དང་ཐུན་མོང་གི་དངོས་གྲུབ་སྒྲུབ་པའི་ཐབས་ལ་
མཆོག་ཏུ་གྱུར་པའི་ཡི་དམ་གྱི་ལྷའི་བསྒོམ་བཟླས་དང་ཉམས་ལེན་མང་པོ་ཐུགས་ཉམས་སུ་བསྟར་རོ། །འདི་ཡུམ་སྲས་ཀྱིས་སྐམ་ཐོག་གི་ཕོ་བྲང་དུ་ལྷ་ཁང་དང་མགོན་ཁང་རྟེན་དང་བརྟེན་པར་བཅས་པ་གསར་དུ་བཞེངས་ཏེ། དེར་སངས་རྒྱས་དང་བྱང་ཆུབ་སེམས་དཔའ་རྣམས་ཀྱི་སྐུ་བརྙན་

213-1-180b

གསེར་ཟངས་ལས་བྱས་པ་དང་། ཙནྡན་དཀར་དམར་ལས་བྱས་པ་མང་པོ་བཞེངས། རྒྱལ་བའི་བཀའ་འགྱུར་རོ་འཚལ་དང་ས་སྐྱ་བཀའ་འབུམ་བར་མ་ལ་སོགས་པའི་གླེགས་བམ་མང་པོ་ཡོན་གྱིས་བསླུས་ཏེ། དེ་དག་གི་གླེགས་ཐག་དང་གླེགས་ཤིང་ཐམས་ཅད་ཀྱང་
བཟོ་བཀོད་ཁྱད་པར་འཕགས་པ་མཛད་དོ། །དེ་དག་གི་མདུན་དུའང་རྟག་པར་མཆོད་པའི་བྱེ་བྲག་བསམ་གྱིས་མི་ཁྱབ་པའི་བཀུར་སྟི་དང་བཅས་ཏེ་བཞུགས་སུ་གསོལ་བ་ལ། དཔལ་ལྡན་རྡོ་རྗེ་འཆང་གི་རིག་སྔགས་གྲུབ་པ་ངོར་གྱི་མཁན་ཆེན་རྡོ་རྗེ་འཆང་དང་དཔལ་ལྡན་ཆོས་སྐྱོང་
གྲགས་པའི་རྒྱལ་མཚན་དཔལ་བཟང་པོ་དང་། ཡར་ལུང་མཁན་པོ་ངག་དབང་ཀུན་དགའ་ལེགས་པའི་འབྱུང་གནས་དང་། མཁྱེན་རབ་ཀྱི་དབང་ཕྱུག་སློབ་དཔོན་སངས་རྒྱས་ཡེ་ཤེས་ལ་སོགས་པ་མཆོག་གི་རྡོ་རྗེ་སློབ་དཔོན་ཆེན་པོ་རྣམས། དགེ་འདུན་འདུས་པའི་ཚོགས་ཀྱི་
དབུར་བཞུགས་སུ་གསོལ་བའི་རྟེན་དེ་དག་ལ་མངོན་པར་ཞེན་པའི་བགེགས་དང་དྲི་མ་སྦྱང་བ་དང་། རྟེན་རང་རང་གི་རིགས་ཀྱི་ལྷར་བསྐྱེད་པ་ལ་ཡེ་ཤེས་ཀྱི་འཁོར་ལོ་ཡང་ཡང་འཇུག་པ་ལ་སོགས་པའི་རབ་ཏུ་གནས་པའི་ཆོ་ག་ཡང་དག་པར་བསྒྲུབས་ཏེ་བྱིན་གྱིས་བརླབས་པ་དང་ཕན་བདེའི་
གཟི་འོད་ཉི་མ་བྱེ་བའི་དཔལ་ལས་ལྷག་པར་འབར་བ་མཛད་དོ། །མཆོག་གི་རྡོ་རྗེ་སློབ་དཔོན་ཆེན་པོ་དེ་དག་ལའང་སྔ་ཕྱིར་བདོག་པའི་དངོས་པོ་བཟང་དགུ་བརྒྱ་ཕྲག་མང་པོས་བསྙེན་བཀུར་བསྟབས་ཏེ་ལོངས་སྤྱོད་ཐམས་ཅད་སྙིང་པོ་ཅན་དུ་བྱས་སོ། །འཛོམ་ཐོག་དགོན་དུ་དགེ་
འདུན་གྱི་ཀུན་དགའ་ར་བ་རྟེན་དང་བརྟེན་པར་བཅས་པ་གསར་དུ་བསྐྲུན་ཏེ། དེར་དགེ་འདུན་གྱི་ཚོགས་ཆེན་པོ་བསྡུས་ནས་ངོར་བའི་དཀྱིལ་འཁོར་ཆེན་པོ་ལྔའི་སྒྲུབ་མཆོད་ཡོད་པ་ལ་བཅའ་སྒྲིགས་ཆོས་དང་མཐུན་པར་བསྔམས་ཤིང་། གསར་དུའང་རྗེ་བཙུན་རྡོ་རྗེ་རྣལ་འབྱོར་
མའི་སིནྡྷཱུའི་དཀྱིལ་འཁོར་གྱི་སྒྲུབ་མཆོད་ཟླ་རེ་བཞིན་ཆོས་བཅུ་ལ་རྒྱུན་མི་ཆད་པར་འཛུགས་པ་དང་། ས་ངོར་དང་ལྗོངས་འདིའི་དགོན་སྡེ་རིས་སུ་མེད་པར་ཡང་མཆོད་འབུལ་རྒྱ་ཆེན་པོ་བྱེད་པ་ལ་སོགས་པ་མདོར་ན་རྣམ་པར་དཀར་བའི་ཕྲིན་ལས་ཀྱི་བྱ་བ་རྒྱ་དང་དཔངས་མི་ཆུང་བར་བགྱིས་པ་དང་

213-1-181a

བགྱིད་བཞིན་པའི་སྙིང་སྟོབས་དང་གཏོང་བ་ཆེན་པོའི་སྒོ་ནམ་ཡང་མི་བསྡམ་པ་འདི་ཉིད་དོ། །མཚུངས་པ་མེད་པའི་བསོད་ནམས་དང་སྟོབས་ཀྱིས་མངོན་པར་མཐོ་བའི་ལྷ་སྲས་ཀྱི་རིགས་ཤིང་སཱ་ལ་ཆེན་པོ་ལྟ་བུ་གཉིས་པ་ནི། ཐ་གྲུ་རྣམ་པར་ཡངས་པའི་ས་ཆེན་པོ་ལ་
འཁོད་པའི་སྐྱེ་བོ་ཕལ་མོ་ཆེ་གཞལ་དུ་མེད་པའི་བྱམས་བརྩེ་དང་ཕྲིན་ལས་ཀི་གདུང་སྐྱོབ་དཀོར་པོའི་གྲིབ་བསིལ་སྣུམ་པོ་གཅིག་གིས་ཡོངས་སུ་ཁྱབ་པར་བདེ་བར་སྐྱོང་བ་ལ་བརྫི་བ་མི་མངའ་ཞིང་། སླར་ཡང་གནམ་གྱི་མཐོངས་ནས་བསྐོས་པའི་མི་བདག་གོང་མ་ཆེན་པོའི་ལས་ལུང་གི་
དབང་སྐལ་བཙན་པོས་ལན་གཅིག་མིན་པར་ཤིན་ཏུ་བརླིང་བར་བྱས་པའི་མིའི་ནོར་བུ་རིན་པོ་ཆེ། གཅིག་ཏུ་གངས་ལྡན་རི་བོའི་ར་བས་ཡོངས་སུ་བསྐོར་བའི་སྨན་ལྗོངས་ཆེན་པོ་འདི་ཉིད་དུ་བཞུགས་པའི་བསྟན་པ་རིན་པོ་ཆེ་རིས་སུ་མ་ཆད་པའི་དབུ་འཕང་བླ་ནས་བླར་འདེགས་པ་ལ་བསྙེངས་
བ་མེད་པའི་སྙིང་སྟོབས་ཀྱི་ཕྲག་པ་བརྟན་པ་གང་དེ། བསྐལ་པ་དཔག་ཏུ་མེད་པའི་ལེགས་བྱས་ཀྱི་མཐུ་ཆེན་པོ་དག་གིས་ཀུན་ཏུ་རབ་ཏུ་བརླིང་བར་བྱས་པའི་ས་འཛིན་གྱི་དབང་པོ། བསྟན་པའི་སྙིང་པོ་སྡོམ་པ་གསུམ་གྱི་ཚུལ་ཁྲིམས་ཕུམ་སུམ་ཚོགས་པས་རྒྱུད་ཡོངས་སུ་གཏམས་པའི་
མཚན་ནི་སྡེ་དགེ་ས་སྐྱོང་བླ་མ་ཆེན་པོ་ཀུན་དགའ་ཕྲིན་ལས་རྒྱ་མཚོའི་སྡེ་ཞེས་ཡོངས་སུ་གྲགས་པའི་ཟླ་རིས་གསར་པའི་འཕྲིན་ཡིག་དམ་པ་གང་དེ། ཕྱོགས་དང་ཕྱོགས་བྲལ་གྱི་ཡིད་འཕྲོག་དགའ་མའི་འགྲམ་དཀྱུས་ཡངས་པར་ལེགས་པར་འདྲི་བ། ཁྱད་པར་དུ་ཡང་རྣམ་པར་
དཀར་བའི་བྱ་བ་རྒྱ་ཆེན་པོ་འདི་ཉིད་བསྒྲུབ་པའི་ཐོག་མཐའ་བར་གསུམ་གྱི་བདག་པོའི་རྐྱེན་བྱེད་པ་པོ་གང་ཡིན་པ་དེ་ཉིད་དོ། །གཉིས་པ་དེའི་ཡོན་ཏན་གྱི་ཁྱད་པར་བརྗོད་པ་ལ། ཡང་དག་པའི་ལུང་ལ་བརྟེན་ནས་སྐྱེ་བའི་སྤྲུལ་སྐུར་གྲུབ་པའི་ཁྱད་པར། གཞོན་ནུའི་ས་ལ་གནས་ནས་ཡ་
རབས་ཀྱི་སྤྱོད་པ་བསྐྱངས་པའི་ཁྱད་པར། བསྟན་པའི་རྗེས་སུ་ཞུགས་ནས་ཐོས་པ་དང་ཚོགས་བསགས་ཀྱི་ཁྱད་པར། བསྟན་སྲིད་ཀྱི་ཁྲི་ལ་བཞུགས་ནས་ཕྲིན་ལས་ཀྱི་རྒྱུན་སྐྱོང་བའི་ཁྱད་པར་བརྗོད་པ་སྟེ་བཞི་ལས། དང་པོ་ཡང་དག་པ་ལུང་ལ་བརྟེན་ནས་སྐྱེ་བའི་སྤྲུལ་སྐུར་

213-1-181b

གྲུབ་པའི་ཁྱད་པར་ནི། སྤྱིར་དེ་བཞིན་གཤེགས་པ་རྣམས་ཀྱིས་དམ་པའི་ཆོས་ཀྱི་ཕྲིན་ལས་འཇིག་རྟེན་གྱི་ཁམས་སུ་ཡུན་རིང་པོར་གནས་པ་དང་། སེམས་ཅན་ཡོངས་སུ་སྨིན་པར་བྱེད་པའི་ཐབས་མཁས་པའི་ཁྱད་པར་ལ་རྗེས་སུ་ཞུགས་པའི་ཚེ་ན། སངས་རྒྱས་དང་བྱང་ཆུབ་སེམས་
དཔའ་དང་། འཕགས་པ་ཉན་ཐོས་དང་། རང་སངས་རྒྱས་དང་། འཇིག་རྟེན་ན་ཆེ་བའི་ཚངས་པ་དང་། དབང་པོ་དང་། འཇིག་རྟེན་སྐྱོང་བ་དང་། སྟོང་འཁོར་ལོས་སྒྱུར་བའི་རྒྱལ་པོ་དང་། ཁམས་ཀྱི་རྒྱལ་ཕྲན་དང་། དམ་པའི་ཆོས་སྨྲ་བ་ལ་སོགས་པའི་རྣམ་པར་འཕྲུལ་པ་བསམ་གྱིས་མི་ཁྱབ་
པས་དོན་མཛད་པ་ཡིན་ཏེ། དེའང་བློ་གྲོས་རྒྱ་མཚོས་ཞུས་པའི་མདོར། དེ་བཞིན་གཤེགས་པའི་དམ་པའི་ཆོས་འཛིན་པ། །བརྒྱ་བྱིན་ཚངས་པ་དེ་བཞིན་འཇིག་རྟེན་སྐྱོང་། །འཁོར་ལོས་སྒྱུར་དང་མི་ཡི་བདག་པོར་འགྱུར། །བདེ་དང་ཡིད་འདེའི་བྱང་ཆུབ་དེ་འཚང་རྒྱ། །དེ་བཞིན་གཤེགས་
པའི་དམ་པའི་ཆོས་འཛིན་པ། །དེ་ལུས་སུམ་ཅུ་རྩ་གཉིས་མཚན་ལྡན་ཞིང་། །མཁས་པ་ཡན་ལག་སྨད་པ་མེད་པར་འགྱུར། །དེ་ལ་བལྟ་བས་ངོམས་པར་ཡོངས་མི་འགྱུར། །ཞེས་དང་། སངས་རྒྱས་ཀྱི་སྟོབས་བསྐྱེད་པ་ཆོ་འཕྲུལ་རྣམ་པར་བསྟན་པ་ཞེས་བྱ་བའི་མདོ་ལས། བཅོམ་
ལྡན་འདས་ཀྱིས་བཀའ་སྩལ་པ། རིགས་ཀྱི་བུ་ལེགས་སོ་ལེགས་སོ། །ཀྱེ་རྒྱལ་བའི་བུ་དག་དེ་བཞིན་གཤེགས་པའི་ཐབས་མཁས་པ་དང་། སེམས་ཅན་ཡོངས་སུ་སྨིན་པར་བྱ་བ་ནི་མང་ངོ་། །སེམས་ཅན་རྣམས་ཀྱི་བསམ་པ་ཇི་ལྟ་བུ་དང་། ཇི་ལྟར་འདུལ་བ་དང་། དགེ་བའི་རྩ་བ་ཇི་ལྟ་བུ་དང་།
སེམས་ཅན་རྣམས་ཀྱི་མོས་པ་སྣ་ཚོགས་ཀྱི་སྤྱོད་པ་མཁྱེན་ནས་ཆོས་སྟོན་ཏེ། སེམས་ཅན་ཁ་ཅིག་ནི་བྱང་ཆུབ་སེམས་དཔས་འདུལ། ཁ་ཅིག་ནི་ཉན་ཐོས་ཀྱིས་འདུལ། ཁ་ཅིག་ནི་རང་སངས་རྒྱས་ཀྱིས་འདུལ། ཁ་ཅིག་ནི་ལྷས་འདུལ། ཁ་ཅིག་ནི་བརྒྱ་བྱིན་གྱིས་འདུལ། ཁ་ཅིག་ནི་ཚངས་
པས་འདུལ། ཁ་ཅིག་ནི་ཀླུས་འདུལ། ཁ་ཅིག་ནི་རྫུ་འཕྲུལ་ཆེན་པོས་འདུལ། ཁ་ཅིག་ནི་རྒྱལ་པོས་འདུལ། ཁ་ཅིག་ནི་ཏིང་ངེ་འཛིན་གྱིས་འདུལ། ཁ་ཅིག་ནི་ཆོས་ཉན་པས་འདུལ། ཁ་ཅིག་ནི་ཆོ་འཕྲུལ་གྱིས་འདུལ། ཁ་ཅིག་ནི་དེ་བཞིན་གཤེགས་པ་མྱ་ངན་ལས་འདས་པས་འདུལ། ཁ་ཅིག་

213-1-182a

ནི་རིང་བསྲེལ་གྱིས་འདུལ། ཁ་ཅིག་ནི་མཆོད་རྟེན་བྱེད་དུ་འཇུག །གཙུག་ལག་ཁང་དང་སྐྱེད་མོས་ཚལ་བྱེད་དུ་གཞུག་པའི་དགེ་བའི་རྩ་བར་སྤྲོ་བ་བསྐྱེད་པས་འདུལ། ཁ་ཅིག་ནི་སྐུ་གཟུགས་བྱེད་དུ་གཞུག་པ་དང་། རི་མོ་དང་། གསེར་དང་། དངུལ་དང་། ར་གན་གྱིས་སྐུ་གཟུགས་བྱེད་དུ་
གཞུག་པའི་དགེ་བའི་རྩ་བ་ལ་སྤྲོ་བ་བསྐྱེད་པས་འདུལ། ཁ་ཅིག་ནི་དགེ་སློང་གི་དགེ་འདུན་ལ་མཆོད་པ་དང་བཀུར་སྟི་བྱ་བའི་དགེ་བའི་རྩ་བར་སྤྲོ་བ་བསྐྱེད་པས་འདུལ། ཁ་ཅིག་ནི་མདོ་སྡེ་འདྲི་བ་དང་། འདྲིར་གཞུག་པ་དང་། བཀླག་པ་ལ་སྤྲོ་བ་བསྐྱེད་པས་འདུལ། ཁ་ཅིག་ནི་མར་མེ་དང་། སྤོས་དང་། 
མེ་ཏོག་དང་། དྲི་དང་། ཕྲེང་བ་དང་། དོ་ཤལ་ལ་སོགས་པས་བརྒྱན་པ་ལ་སྤྲོ་བ་བསྐྱེད་པས་འདུལ་བ་ཡིན་ཏེ། དོན་དམ་པ་མཁས་པའི་ཆོས་དང་ལྡན་པ་དང་། མྱ་ངན་ལས་འདས་པའི་ཆོས་དང་ལྡན་པ་ནི་མ་ཡིན་ནོ། །ཀྱེ་རྒྱལ་བའི་སྲས་དག་ཡང་དེ་བཞིན་གཤེགས་པས་ནི་མི་མཁྱེན་པ་དང་། མི་
འཇིགས་པ་དང་། མི་གསན་པ་དང་། རྣམ་པར་མི་མཁྱེན་པ་ཅུང་ཟད་ཀྱང་མི་མངའ་སྟེ། འོང་བ་ཡང་མཁྱེན། མ་འོངས་པ་ཡང་མཁྱེན། འདས་པ་ཡང་མཁྱེན། ད་ལྟར་བྱུང་བ་ཡང་མཁྱེན། སེམས་ཅན་ཐམས་ཅད་ཀྱི་སྤྱོད་ལམ་ཡང་མཁྱེན། སྤྱོད་པ་ཡང་མཁྱེན། ཁམས་ཀྱང་མཁྱེན།
སྐྱེ་བ་ཡང་མཁྱེན། འབྱུང་བ་ཡང་མཁྱེན་ཏོ། །ཀྱེ་རྒྱལ་བའི་སྲས་དག་འདི་ལྟ་སྟེ། དཔེར་ན་སྨན་པ་ལེགས་པར་བསླབས་པ་ཚེའི་རིག་པ་ཡན་ལག་བརྒྱད་པ་ཐམས་ཅད་ལ་ཆེས་མཁས་ཤིང་ཁམས་ཐམས་ཅད་ལ་མཁས་པ། སྨན་དང་ཡོ་བྱད་སྦྱོར་བ་ལ་བརྩོན་པ་ནི། སེམས་ཅན་ནད་པ་
ནད་སྣ་ཚོགས་ཀྱིས་ལུས་ཡོངས་སུ་གཟིར་བ་རྣམས་ཀྱི་ཁམས་ཀྱང་ཤེས། དུས་ཀྱང་ཤེས། ཚོད་ཀྱང་ཤེས། སྨན་ཡང་ཤེས། རླུང་ལས་གྱུར་པ་དང་། མཁྲིས་པ་ལས་གྱུར་པ་དང་། བད་ཀན་ལས་གྱུར་པ་དང་། འདུས་པ་ལས་གྱུར་པ་དང་། ཁྲག་ལས་གྱུར་པ་དང་། མ་ཞུ་བ་ལས་གྱུར་པ་དང་།
སྐྲན་དང་། དམུ་རྫིང་དང་། སྙིང་ནད་དང་། མཛེ་དང་། གཡན་པ་དང་། ཤུ་པ་དང་། འབྲས་ལ་སོགས་པ་དང་། དུག་དང་། མེ་དབལ་ལ་སོགས་པའང་ཤེས་སོ། །དེས་ཐམས་ཅད་ཤེས་ནས་སྨན་གྱི་རྫས་སྣ་ཚོགས་ཀྱི་ཕྱེ་མ་དང་། སྣ་ནས་བླུགས་པའི་ལས་དང་། གཏར་ག་གདབ་པ་དང་། མར་

213-1-182b

དང་། འབྲུ་མར་བསྐོལ་བ་དང་། སྨིན་པར་བྱ་བ་རྣམས་སྦྱོར་བའི་ཐབས་ཀྱིས་སེམས་ཅན་ཐམས་ཅད་ཀྱི་ནད་དེ་དག་ཐམས་ཅད་ཉེ་བར་ཞི་བར་བྱེད་ཅིང་ནད་སྣ་ཚོགས་ཀྱི་འཇིགས་པ་ལས་ཡོངས་སུ་ཐར་བར་བྱེད་དོ། །ཀྱེ་རྒྱལ་བའི་སྲས་དག་དེ་བཞིན་དུ་དེ་བཞིན་གཤེགས་པས་ཏིང་ངེ་འཛིན་
སྣ་ཚོགས་དང་། རྫུ་འཕྲུལ་གྱི་རྐང་པ་དང་། སྟོབས་དང་། མི་འཇིགས་པ་དང་། ལྷའི་མིག་དང་རྣ་བ་རྣམས་ཀྱི་ཚེའི་རིག་པ་ཡན་ལག་བརྒྱད་དང་ལྡན་པས་སེམས་ཅན་གྱི་ཁམས་དང་བཅས་སྦྱོར་བ་སྣ་ཚོགས་ལ་མཁས་པས། འདོད་ཆགས་དང་། ཞེ་སྡང་དང་། གཏི་མུག་གི་ནད་
དང་། ཉོན་མོངས་པ་དང་ཉེ་བའི་ཉོན་མོངས་པའི་ནད་ཀྱིས་གཟིར་བའི་སེམས་ཅན་དང་། ང་རྒྱལ་དང་རྒྱགས་པ་དང་དྲེགས་པས་བསྒྲིབས་པ་དང་། ཆགས་པ་དང་། མྱ་ངན་དང་། འཇིགས་པ་དང་། ཁྲོ་བས་བསྒྲིབས་པ་རྣམས་སེམས་ཅན་དམྱལ་བ་དང་། དུད་འགྲོའི་སྐྱེ་གནས་དང་། ཡི་
དྭགས་ཀྱི་སྐྱེ་གནས་དང་། གཤིན་རྗེའི་འཇིག་རྟེན་གྱི་གནས་ནས་ཡོངས་སུ་ཐར་བར་བྱ་བའི་ཕྱིར་ཐབས་མཁས་པ་སྣ་ཚོགས་དང་། སྦྱོར་བ་སྣ་ཚོགས་དང་། ཏིང་ངེ་འཛིན་སྣ་ཚོགས་དང་། རྫུ་འཕྲུལ་གྱི་རྣམ་པར་རོལ་པས་སེམས་ཅན་རྣམས་ཡོངས་སུ་སྒྲོལ་བར་བྱས་ནས་བླ་ན་མེད་པ་ཡང་དག་
པར་རྫོགས་པའི་བྱང་ཆུབ་ཀྱི་སར་བཀོད་པས་ལྷག་མ་མ་ལུས་པའི་མྱ་ངན་ལས་འདས་པའི་དབྱིངས་སུ་མྱ་ངན་ལས་འདས་པར་མཛད་དོ། །མི་དགེ་བའི་ཆོས་བརྒྱད་ལས་ཡོངས་སུ་ཐར་བར་མཛད་ཅིང་། འཕགས་པའི་ལམ་ཡན་ལག་བརྒྱད་པ་ལ་འགོད་པ་ནི། རིགས་ཀྱི་བུ་འདི་ལྟ་སྟེ་དཔེར་ན་ཟླ་
བའི་དཀྱིལ་འཁོར་ནི་ཐབས་ལ་མཁས་པ་དང་ལྡན་པས་ཇི་ལྟར་ཁམས་ཀྱི་དགེ་བའི་རྩ་བ་འདུལ་བའི་སེམས་ཅན་རྣམས་ཀྱི་དོན་དུ་བདག་ཉིད་མི་སྣང་བར་ཡང་སྟོན། ཟླ་བ་ཁམ་པ་ལྟ་བུའི་དཀྱིལ་འཁོར་ཀྱང་སྟོན། ཟླ་བ་མར་གྱི་ངོ་དང་ཡར་གྱི་ངོ་ཡང་སྟོན། ཟླ་བའི་དཀྱིལ་འཁོར་ཡོངས་སུ་རྒྱས་
པ་ཡང་སྟོན། མུན་ནག་ཐིབས་པོ་ཐམས་ཅད་ཀྱང་རྣམ་པར་བསལ། རྩྭ་དང་ཤིང་གེལ་པ་དང་སྨན་དང་འབྲུ་ལ་སོགས་པ་ཡང་བསིལ་བར་བྱེད་དོ། །ཀྱེ་རྒྱལ་བའི་སྲས་དག་དེ་བཞིན་དུ་དེ་བཞིན་གཤེགས་པས་ཀྱང་སྡུག་བསྔལ་རྣམ་པ་སྣ་ཚོགས་ཀྱིས་བསྒྲིབས་པའི་སེམས་ཅན་རྣམས་དང་།

213-1-183a

ཁམས་སྣ་ཚོགས་ཀྱིས་འདུལ་བའི་སེམས་ཅན་རྣམས་ཀྱི་སྤྱོད་པ་མཁྱེན་ནས་ཡོངས་སུ་མྱ་ངན་ལས་འདའ་ཡང་སྐྱེ་བར་ཡང་སྟོན། འཁོར་ལོས་སྒྱུར་པའི་རྒྱལ་པོར་ཡང་སྟོན། རྩེ་བ་དང་། དགའ་བ་དང་། བུད་མེད་ཀྱི་བཞད་གད་དང་། ཀུ་རེ་དང་། དྲི་དང་། ཕྲེང་བ་དང་། 
དགའ་ཞིང་རྩེ་བ་ཡང་སྟོན། ཁྱིམ་ནས་འབྱུང་བ་དང་། རབ་ཏུ་བྱུང་བ་དང་། དཀའ་བ་སྤྱོད་པ་རྣམས་ཀྱང་སྟོན། བདུད་བཏུལ་བ་དང་། ཆོས་ཀྱི་འཁོར་ལོ་བསྐོར་བ་ནས། ཆོས་ཀྱི་སྤྲིན་ཆེན་པོའི་ཆར་འབབ་པས་སེམས་ཅན་རྣམས་ཚིམ་པར་བྱེད་པའི་བར་ཡང་སྟོན། དེ་བཞིན་གཤེགས་
པ་རྣམས་ཡོངས་སུ་མྱ་ངན་ལས་འདས་ཀྱང་སྤྱོད་པ་སྣ་ཚོགས་ཀྱིས་རིང་བསྲེལ་མཆོད་པ་དང་། མཆོད་རྟེན་དང་། གཙུག་ལག་ཁང་དང་སྐུ་གཟུགས་བྱེད་དུ་གཞུག་པ་དང་། རབ་ཏུ་བྱུང་བའི་ཕྱིར་ཁྱིམ་ནས་བྱུང་བ་དང་། དགེ་སློང་གི་དགེ་འདུན་རྣམས་{མཆོད་}པ་དང་། དམ་པའི་ཆོས་འདྲི་
བ་དང་། བཀླག་པ་དང་། ཁ་ཏོན་དུ་བྱ་བ་ལ་སྤྲོ་བ་བསྐྱེད་པ་དག་གིས་ཀྱང་སེམས་ཅན་ཐམས་ཅད་ཐར་བར་མཛད་པ་དང་། འཛིན་པ་དང་། བརྟུལ་ཞུགས་དང་། སྡོམ་པ་དང་། ཉེ་བར་གནས་པ་དང་། དགེ་བསྙེན་གྱི་སྡོམ་པ་རྣམས་འཛིན་དུ་གཞུག་པའི་ཐབས་མཁས་པས་ཀྱང་སེམས་ཅན་རྣམས་ཐར་བར་
མཛད་དེ། སེམས་ཅན་དམྱལ་བ་དང་། དུད་འགྲོའི་སྐྱེ་གནས་དང་། གཤིན་རྗེའི་འཇིག་རྟེན་དང་། མི་ཁོམ་པ་དང་། ངན་སོང་དང་། ངན་འགྲོ་ཐམས་ཅད་ལས་ཡོངས་སུ་ཐར་བར་མཛད་ནས་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་བཀོད་དོ་ཞེས་དང་། མདོ་སྡེ་ས་བཅུ་པ་ལས། ས་
དང་པོ་ལ་གནས་པའི་བྱང་ཆུབ་སེམས་དཔའ་རྣམས་ནི་ཕལ་ཆེར་ཛམྦུའི་གླིང་གི་དབང་པོར་འགྱུར་ཞིང་། དབང་ཕྱུག་ཆེན་པོ་ལ་དབང་རབ་ཏུ་ཐོབ་པ་དང་། ཆོས་རྗེས་སུ་བསྲུང་བ་དང་། གཏོང་བ་ཆེན་པོས་སེམས་ཅན་རྣམས་སྡུད་པའི་གཙོ་བོར་གྱུར་ཅིང་། སེམས་ཅན་རྣམས་ཀྱི་སེར་སྣའི་དྲི་མ་
བཟློག་པ་ལ་མཁས་པ་ཡིན། གཏོང་བ་ཆེན་པོ་རྩོམ་པ་ལ་ཡོངས་སུ་དུབ་པར་མི་འགྱུར་བ་ཡིན་ནོ། །སྦྱིན་པ་དང་། སྙན་པར་སྨྲ་བ་དང་། དོན་སྤྱོད་པ་དང་། དོན་མཐུན་པས་ལས་གང་ཅི་རྩོམ་ཡང་རུང་སྟེ། དེ་ཐམས་ཅད་སངས་རྒྱས་ཡིད་ལ་བྱ་བ་དང་། ཆོས་ཡིད་ལ་བྱ་བ་དང་། དགེ་

213-1-183b

འདུན་ཡིད་ལ་བྱ་བ་དང་། བྱང་ཆུབ་སེམས་དཔའ་ཡིད་ལ་བྱ་བ་ནས། རྣམ་པ་ཐམས་ཅད་ཀྱི་མཆོག་དང་ལྡན་པའི་ཐམས་ཅད་མཁྱེན་པའི་ཡེ་ཤེས་ཀྱི་བར་དུ་ཡིད་ལ་བྱ་བ་དང་མི་འབྲལ་བ་ཡིན་ཏེ། ཇི་ལྟར་ན་སེམས་ཅན་ཐམས་ཅད་ཀྱི་མཆོག་ཏུ་འགྱུར། གཙོ་བོར་འགྱུར། ཕུལ་དུ་འགྱུར་རོ་ཞེས་
དང་། འཕགས་པ་ཆོས་ཐམས་ཅད་ཡང་དག་པར་སྡུད་པ་ཞེས་བྱ་བའི་མདོ་ལས། བྱང་ཆུབ་སེམས་དཔའ་རྣམས་ཀྱི་འཕྲུལ་བ་ཆེན་པོ་རྣམ་པ་བཅུར་ཁོང་དུ་ཆུད་པར་བྱ་སྟེ། གང་ཞེ་ན་འཁོར་ལོས་སྒྱུར་བར་འཕྲུལ་བ་དང་། བརྒྱ་བྱིན་དུ་འཕྲུལ་བ་དང་། ཚངས་པར་འཕྲུལ་བ་དང་། ཉན་ཐོས་སུ་
འཕྲུལ་བ་དང་། རང་སངས་རྒྱས་སུ་འཕྲུལ་བ་དང་། བྱང་ཆུབ་སེམས་དཔར་འཕྲུལ་བ་དང་། སངས་རྒྱས་སུ་འཕྲུལ་བ་དང་། སངས་རྒྱས་ཀྱི་ཞིང་དུ་འཕྲུལ་བ་དང་། བྱང་ཆུབ་ཀྱི་སྙིང་པོར་འཕྲུལ་བ་དང་བཅུ་པོ་དེ་དག་ནི་བྱང་ཆུབ་སེམས་དཔའ་རྣམས་ཀྱི་འཕྲུལ་བ་ཆེན་པོར་ཁོད་དུ་ཆུད་པར་བྱའོ། །དེ་
ལ་ནམ་འཇིག་རྟེན་ན་འཁོར་ལོས་སྒྱུར་བའི་རྒྱལ་པོ་གཙོ་བོར་བྱེད་ཅིང་ཚུལ་ཁྲིམས་ཡང་དག་པར་འཛིན་པ་དང་། སྤྱོད་པ་གཙོ་བོར་བྱེད་པ་དེར་ནི་བྱང་ཆུབ་སེམས་དཔའ་ཆེན་པོས་འཁོར་ལོས་སྒྱུར་བའི་བཀོད་པ་རྣམ་པར་སྤྲུལ་ནས་སེམས་ཅན་གྱི་དོན་བྱེད་དོ་ཞེས་སོགས་དང་། དེ་ལ་སོགས་
པ་འཁོར་ལོས་སྒྱུར་བའི་རིན་པོ་ཆེ་བཀོད་པ་ཐམས་ཅད་སྤྲུལ་ནས། བྱང་ཆུབ་སེམས་དཔའ་སེམས་ལ་དབང་བ། སེམས་ཅན་ཐམས་ཅད་ལ་ཕན་པ་དང་བདེ་བའི་ལྷག་པའི་བསམ་པ་ཅན། མི་རིན་པོ་ཆེ་ཁ་ན་མ་ཐོ་བ་མེད་པའི་ལས་ཟབ་པ། སྣུམ་པ། ཕན་པའི་ལྷག་པའི་བསམ་པ་དམ་པ་ཆོས་ཆེན་པོ་
ལ་གཞོལ་བ། འཁོར་ལོས་སྒྱུར་བ་ཆེན་པོ་དགེ་བ་བཅུའི་ལས་ཀྱི་ལམ་ལ་བརྟེན་པ། སྐྱེས་བུ་ཆེན་པོའི་མཚན་སུམ་ཅུ་རྩ་གཉིས་དང་ལྡན་པས་སེམས་ཅན་རྣམས་ཡོངས་སུ་སྨིན་པར་བྱེད་དེ། འདི་ནི་བྱང་ཆུབ་སེམས་དཔའི་འཁོར་ལོས་སྒྱུར་བར་འཕྲུལ་པ་ཆེན་པོ་ཞེས་བྱའོ་ཞེས་དང་། ཐེག་པ་ཆེན་
པོའི་བསྟན་བཅོས་མདོ་སྡེ་རྒྱན་ལས། བྱང་ཆུབ་སེམས་དཔའ་རྟག་ཏུ་ནི། །ཁྱིམ་པ་འཁོར་ལོས་སྒྱུར་རྣམས་སུ། །གྱུར་ནས་སྐྱེ་བ་ཐམས་ཅད་དུ། །སེམས་ཅན་རྣམས་ཀྱི་དོན་བྱེད་དོ། །ཞེས་དང་། དཔལ་མགོན་འཕགས་པ་ཀླུ་སྒྲུབ་ཀྱིས་རིན་ཆེན་ཕྲེང་བར། །དེ་དག་དང་པོར་རབ་དགའ་བ། །བྱང་ཆུབ་

213-1-184a

སེམས་དཔའ་དགའ་བྱེད་ཕྱིར། །ཀུན་ཏུ་སྦྱོར་བ་གསུམ་སྤངས་ཤིང་། །དེ་བཞིན་གཤེགས་པའི་རིགས་སྐྱེས་ཕྱིར། །དེ་ཡི་རྣམ་པར་སྨིན་པས་ན། །སྦྱིན་པའི་ཕ་རོལ་ཕྱིན་མཆོག་གྱུར། །འཇིག་རྟེན་ཁམས་ནི་བརྒྱ་གཡོ་ཞིང་། །འཛམ་གླིང་དབང་ཕྱུག་ཆེན་པོར་གྱུར། །ཞེས་སོ། །དེས་ན་སངས་
རྒྱས་དང་བྱང་ཆུབ་སེམས་དཔའ་རྣམས་ནི་གདུལ་བྱ་འདུལ་བའི་ཐབས་ཀྱི་རྣམ་པ་ཅིར་ཡང་སྟོན་པ་ལ་ཞུགས་པ་ན། བརྒྱ་བྱིན་དང་། འཇིག་རྟེན་སྐྱོང་བ་དང་། འཁོར་ལོས་སྒྱུར་བ་དང་། མིའི་རྒྱལ་པོ་དང་། ཉན་ཐོས་དང་། རང་སངས་རྒྱས་དང་། དགྲ་བཅོམ་པ་དང་། བྱང་ཆུབ་སེམས་དཔའ་ལ་སོགས་
པའི་ཚུལ་བཟུང་ནས། དེ་བཞིན་གཤེགས་པའི་ཕྲིན་ལས་ཀྱི་རྒྱུན་མི་ནུབ་པར་སྐྱོང་བར་བྱེད་དོ། །བྱེ་བྲག་ཏུ་དམ་པའི་ཆོས་ཡུན་དུ་གནས་པར་བྱེད་པ་དང་། སེམས་ཅན་རྣམས་ཉེས་པར་བྱེད་པ་ལས་བཟློག་ནས་ལེགས་པར་བྱེད་པ་ལ་འགོད་པ་ལ་སོགས་པར་ཆོས་དང་ལྡན་པའི་མིའི་རྒྱལ་པོའི་སྐྱེ་བར་སྤྲུལ་པ་ནི་
ལྷ་དང་མིའི་ཡུལ་ན་གྲགས་པ་དགེ་བའི་གཞིར་གྱུར་བ་སྟེ། གསེར་འོད་དམ་པ་ལས། རྒྱལ་པོ་ཆོས་དང་ལྡན་པ་ཡི། །གྲགས་པ་འཇིག་རྟེན་གསུམ་གང་སྟེ། །སུམ་ཅུ་གསུམ་གྱི་གནས་རྣམས་ན། །ལྷ་ཡི་དབང་པོ་དགར་འགྱུར་ཏེ། །འཛམ་བུའི་གླིང་ན་ངེད་ཀྱི་བུ། །འདི་ལྟར་ཆོས་ལྡན་རྒྱལ་པོ་ཡིན། །
ཆོས་ཀྱི་ཡུལ་འཁོར་དེར་བརྟེན་ནས། །ལེགས་པར་བྱེད་ལ་སྐྱེ་བོ་བཀོད། །རྒྱལ་པོ་དེ་ནི་ལེགས་བྱེད་པས། །སྐྱེ་བོ་དག་ནི་འདིར་འགྱེད་དེ། །ལྷ་དང་ལྷ་ཡི་བུ་རྣམས་ཀྱིས། །ལྷ་གནས་གང་བར་བྱེད་སྙམ་མོ། །ཆོས་ཀྱི་ཡུལ་འཁོར་དེར་བསྟན་པས། །རྒྱལ་པོ་རྣམས་ནི་རབ་ཏུ་དགའ། །ལྷ་དབང་རབ་ཏུ་དང་གྱུར་
བས། །མི་ཡི་རྒྱལ་པོ་དེ་ལ་བསྲུང་། །ཉི་ཟླ་དང་ནི་དེ་བཞིན་དུ། །རྒྱུ་སྐར་ལེགས་པར་རྒྱུ་བར་འགྱུར། །རླུང་ཡང་དུས་སུ་ལྡང་འགྱུར་ཞིང་། །ཆར་པའང་དུས་སུ་འབབ་པར་འགྱུར། །ལྷ་གནས་རྣམས་དང་དེ་བཞིན་དུ། །ཡུལ་འཁོར་རྣམས་སུ་ལོ་ལེགས་བྱེད། །ལྷ་དང་ལྷ་ཡི་བུ་རྣམས་ཀྱིས། །ལྷ་ཡི་གནས་རྣམས་གང་
བར་བྱེད། །དེ་ལྟ་བས་ན་རྒྱལ་པོ་ཡི། །བདག་གིས་ཕངས་པའི་སྲོག་བཏང་གིས། །བདག་གིས་འཇིག་རྟེན་བདེར་འགྱུར་བའི། །དཀོན་མཆོག་ཆོས་ནི་མི་བཏང་སྟེ། །ཡོན་ཏན་རྣམས་ཀྱིས་གང་བརྒྱན་པ། །ཆོས་དང་ལྡན་པས་བསྟེན་པར་བྱ། །རང་གིས་སྐྱེས་བོ་རྟག་དགའ་བ། །རྟག་ཏུ་སྡིག་པ་རྣམ་པར་སྤང་། །ཆོས་ཀྱིས་ཡུལ་འཁོར་

213-1-184b

བསྐྱང་བར་བྱ། །ཆོས་ཀྱང་ཡང་དག་བསྟན་པར་བྱ། །ལེགས་པར་བྱེད་ལ་སེམས་ཅན་དགོད། །ཉེད་བྱེད་ལས་ནི་བཟློག་པར་བྱ། །གང་ཚེ་སྡིག་པ་བྱེད་པ་རྣམས། །ཚུལ་བཞིན་འདུལ་བར་བྱེད་པའི་ཚེ། །ཡུལ་འཁོར་དུ་ནི་ལོ་ལེགས་ཤིང་། །རྒྱལ་པོ་གཟི་བརྗིད་ལྡན་པར་འགྱུར། །རྒྱལ་པོ་གྲགས་དང་ལྡན་འགྱུར་ཞིང་། །སྐྱེ་དགུ་
རྣམས་ཀྱང་བདེ་བར་སྐྱོང་། །ཞེས་སོ། །དེ་བས་ན་བྱང་ཆུབ་སེམས་དཔའ་སྡོམ་བརྩོན་མིའི་དབང་ཕྱུག་ཆེན་པོ་འདི་ནི། སྐྱེ་བ་ནས་སྐྱེ་བར་སྙིང་སྟོབས་དམན་པ་མིན་པའི་ཐུགས་བསྐྱེད་ཀྱི་ཁུར་ཆེན་པོ་ཡོངས་སུ་ཁྱེར་བས། དུས་སྙིགས་མ་ལྔའི་མུན་ཀློང་སྟུག་པོའི་ཁྲོད་དུ་རང་དབང་མེད་པར་ཆུད་པའི་འགྲོ་བ་རྣམས་གནས་
སྐབས་དང་མཐར་ཐུག་གི་བདེ་བ་ལ་ཅི་ནུས་སུ་དགོད་པའི་ཕྱིར་དང་། དགེ་ལེགས་ཐམས་ཅད་ཀྱི་འབྱུང་གནས་སུ་གྱུར་པ་དམ་པའི་ཆོས་རིན་པོ་ཆེ་འཇིག་རྟེན་གྱི་ཁམས་སུ་ཡུན་རིང་པོར་གནས་པ་ཆོ་ག་མཐའ་དག་བསྒྲུབ་པའི་གཡར་དམ་དང་སྨོན་ལམ་གྱི་ཕ་རོལ་ཏུ་ཕྱིན་པ་ཡོངས་སུ་རྫོགས་པར་བྱ་བའི་ཕྱིར། ས་
གཞི་ཡངས་པ་ཆོས་བཞིན་དུ་སྐྱོང་བ་ལ་བསྙེངས་པ་དང་བྲལ་བའི་སྟོབས་དང་འབྱོར་བ་དང་གྲགས་པ་དཀར་པོས་མངོན་པར་མཐོ་བའི་མིའི་རྒྱལ་པོ་ཆེན་པོར་སྐྱེ་བའི་སྤྲུལ་སྐུའི་དཔག་བསམ་གྱི་ལྗོན་པ་ཡོངས་སུ་བཟུང་ནས། འགྲོ་བ་ཀུན་གྱི་ཉེར་འཚོའི་གཞིར་བྱེད་པ་གདོན་མི་ཟ་བ་ཞིག་གོ། །གཉིས་པ་གཞོན་ནུའི་ས་
ལ་གནས་ནས་ཡ་རབས་ཀྱི་སྤྱོད་པ་བསྐྱངས་པའི་ཁྱད་པར་ནི། དེ་ལྟར་རིང་ནས་དགེ་ཚོགས་དཔག་ཏུ་མེད་པ་མངོན་པར་འདུ་བྱས་པའི་མཐུ་ལས་ལེགས་པར་འཁྲུངས་པའི་བསོད་ནམས་ཀྱི་སྐལ་པ་ཆེན་པོ་དང་ལྡན་པ། བསམ་པ་དགེ་བ། རང་དང་གཞན་ལ་ཕན་པར་ཞུགས་པ། སྙིང་རྗེ་དང་ལྡན་པ། བདག་ཉིད་
ཆེན་པོ་དམ་པའི་ཆོས་འདོད་པ། འགྲོ་བ་ཐམས་ཅད་ལ་གཉེས་གཤིན་པ་ལ་སོགས་པ་ཡ་རབས་དམ་པའི་ཁྱད་པར་དང་ལྡན་པ་ཞིག་སྟེ། དེའང་འཕགས་མཆོག་ཀླུ་སྒྲུབ་ཀྱིས། གཞོན་ཡང་རྒན་པའི་ཉེ་བར་ཞི་ལ་དགའ། །མཁས་པར་གྱུར་ཀྱང་ཤེས་པའི་ང་རྒྱལ་མེད། །གཟི་བརྗོད་ཆེ་ཡང་བཟོད་ཅིང་དེས་པའི་
ངང་། །ཇེ་མཐོར་ཕྱིན་ཡང་ང་རྒྱལ་དྲེགས་པ་མེད། །ཅེས་དང་། སེར་སྣ་གཡོ་སྒྱུ་ཆགས་དང་སྙོམ་ལས་དང་། །མངོན་པའི་ང་རྒྱལ་འདོད་ཆགས་ཞེ་སྡང་དང་། །རིགས་དང་གཟུགས་དང་ཐོས་པ་ལང་ཚོ་དང་། །དབང་ཐང་ཆེ་བས་རྒྱགས་པ་དགྲ་བཞིན་གཟིགས། །ཞེས་གསུངས་པ་བཞིན་དུ་ལང་ཚོ་གཞོན་ནུའི་ས་

213-1-185a

ལ་གནས་པའི་དུས་ནས། རང་གི་བླ་མ་གྱུར་པ་དང་། སློབ་དཔོན་དང་། མཁས་པ་ཡོན་ཏན་ཅན་དང་། ཕ་མ་ལ་སོགས་པ་ཞེ་ས་བགྱི་བའི་འོས་སུ་གྱུར་པ་གང་ཡིན་པ་དག་ལ་ཞེ་སར་མཁས་པའི་སྲི་ཞུའི་སྒོ་ནས་མངོན་པར་མཆོད་ཅིང་། རང་ཉིད་ནི་དཔའ་བ་དང་། རྟུལ་ཕོད་པ་དང་།
ཡན་ལག་མཆོག་གི་གཟུགས་དང་ལང་ཚོར་ལྡན་པ། འགྲོ་བ་ཐམས་ཅད་ཀྱི་མིག་ཏུ་སྡུག་ཅིང་ཡིད་འཕྲོག་པར་བཟོད་པ། པདྨའི་རྫིང་བུར་འཁྲུངས་པའི་ཆུ་སྐྱེས་གཞོན་ནུ་ཁ་བྱེ་མ་ཐག་པ་ཇི་ལྟ་བ་བཞིན་དུ་ཁ་དོག་རྒྱས་ཤིང་། གཏམ་གྱི་སྒོ་ནས་ལི་ཤི་གསར་པའི་དྲི་འབྱུང་བ་ལ་སོགས་པ་གཞོན་
ནུ་དམ་པའི་ཡོན་ཏན་གྱི་ཚོགས་མང་པོས་ལེགས་པར་བཟུང་བའོ། །དེར་མ་ཟད་བསླད་པ་མེད་པའི་རིགས་དང་། བརྫི་བ་མེད་པའི་སྟོབས་དང་། གཞོམ་དུ་མེད་པའི་དཔུང་པ་དང་། བྲི་བ་མེད་པའི་མངའ་ཐང་དང་དཔལ་འབྱོར་ཕུན་སུམ་ཚོགས་པ་དག་གིས་ཕྱུར་བུར་གཏམས་པར་གྱུར་མོད་
ཀྱི། བདག་ནི་འདི་ལྟར་བསོད་ནམས་ཀྱི་མཐུ་ཆེན་པོ་དང་ལྡན་ནོ་སྙམ་དུ་གཞན་ལ་ཇི་མི་སྙམ་བྱེད་པའི་མངོན་པར་ཁེངས་པ་ཡོངས་སུ་སྤངས་པ་དང་། རང་གི་བདོག་པའི་དངོས་པོ་དབྱིག་གི་རྣམ་པའམ། འབྲུའི་བང་བའམ། བཟའ་བ་དང་བཅའ་བའི་རྣམ་པའམ། བགོ་བ་དང་རྒྱན་གྱི་བྱེ་
བྲག་གམ། རྟ་དང་བཞོན་པ་ལ་སོགས་པ་གང་ཅིའང་རུང་ལ་མངོན་པར་ཞེན་ཅིང་། འདི་ནི་དཀོན་མཆོག་གི་ཕྱོགས་སུ་མཆོད་པར་ཕུལ་བའམ། བཀྲེན་པ་དང་ཕོངས་པ་དང་། ཉམ་ཐག་པ་དང་། མགོན་མེད་པ་དང་། ནད་པ་དང་། ཡུལ་གཞན་ནས་བསྐྲད་པ་ལ་སོགས་པ་སྙིང་རྗེའི་ཡུལ་
དུ་གྱུར་བའི་སྐྱེ་བོ་རྣམས་ལ་སྦྱིན་པར་བྱིན་ན། སླར་ཡང་འདི་དང་འདི་ལྟ་བུའི་འབྱོར་པ་དག་གིས་ཡོངས་སུ་དབེན་པར་འགྱུར་རོ་སྙམ་པ་ལ་སོགས་པ་སོག་སྲུང་གི་སྡུག་བསྔལ་དུ་འགྱུར་བའི་སེར་སྣའི་འཆིང་བ་ཐམས་ཅད་ལས་རང་བཞིན་གྱིས་གྲོལ་བ། སློང་བ་ཐམས་ཅད་ཀྱི་དཔག་
བསམ་ལྗོན་པ་ལྟ་བུའི་གཏོང་ཕོད་ཆེན་པོའི་ཕྱག་རིང་རབ་ཏུ་རྐྱོང་བ། དགེ་བའི་རྩ་བ་ལ་གཅིག་ཏུ་འདུན་ཅིང་སྤྲོ་བ་མཆོག་གི་རྩེར་འཛེགས་པ་ཞིག་གོ། །དེར་མ་ཟད། མགོན་པོ་བྱམས་པས། རིག་པའི་གནས་ལྔ་དག་ལ་སྦྱོང་བར་མ་བྱས་ན། །འཕགས་མཆོག་ཅི་གསུང་ཐམས་ཅད་མཁྱེན་

213-1-185b

ཉིད་མི་འགྱུར་ཏེ། །ཞེས་དང་། ས་སྐྱ་པཎྜི་ཏས། མ་བསླབས་པ་ལ་ཀུན་མཁྱེན་དུ། །འགྱུར་ན་རྒྱུ་འབྲས་ག་ལ་བདེན། །རྒྱུ་འབྲས་བསླུ་བ་མེད་པ་འདི། །ཐམས་ཅད་མཁྱེན་པའི་ཁྱད་ཆོས་ཡིན། །ཞེས་གསུངས་པ་དང་། སྐྱེས་རབས་ལས་ཀྱང་། །ཡོན་ཏན་ཡོད་ན་རྒྱལ་པོའི་གོ་འཕང་
དང་། །སྐྱེ་དགུ་མངོན་པར་མཐོ་བ་ཐོབ་པར་འགྱུར། །ལྷ་དབང་དཔལ་ཡང་ཡོན་ཏན་ཏན་ལ་ལྟོས་ཏེ། །ཡོན་ཏན་ཡོད་ན་ཕ་རོལ་མགུ་བར་འགྱུར། །གྲགས་པ་རྣམས་ཀྱང་ཡོན་ཏན་ཉིད་ལས་འཕྲོ། །བདག་ཉིད་ཆེ་བའང་ཡོན་ཏན་ལྡན་ལས་འབྱུང་། །ཟླ་འོད་ལས་ཀྱང་གསལ་བའི་ཡོན་ཏན་
གྱིས། །དགྲ་བོ་མི་ཟད་དྲེགས་ཤིང་སྡང་བ་དང་། །འཁོན་རྙིང་ཡོད་ཅིང་ཕྲག་དོག་ཆེ་བ་ཡང་། །ཡིད་ནི་རབ་ཏུ་དང་ཞིང་མགུ་བྱེད་དོ། །ཞེས་གསུངས་པ་ལྟར་གནས་སྐབས་སུ་སྐྱོན་ཡོན་གྱི་ཁྱད་པར་མ་འཁྲུལ་བར་རྣམ་པར་འབྱེད་ཅིང་བླང་དོར་གྱི་གནད་ལ་མཁས་པར་འགྱུར་བ་དང་། དེ་
ལ་བརྟེན་ནས་འཛའ་བ་དང་མཛའ་བ་མ་ཡིན་པའི་སྐྱེ་བོ་ཐམས་ཅད་མ་བསྡུས་པར་ཡང་རང་དབང་དུ་འདུ་བར་འགྱུར་བ་དང་། སྲིད་པ་ནས་སྲིད་པ་ཐམས་ཅད་དུ་ཡོན་ཏན་གྱི་གྲགས་པའི་ཟླ་འོད་དཀར་པོ་ཕྱོགས་བཅུའི་ཁོ་ར་ཁོར་ཡུག་ཐམས་ཅད་དུ་ཉུལ་བ་ཡང་ཡོན་ཏན་གྱི་དབང་
ལས་བྱུང་བར་རྗེས་སུ་རྟོགས་སོ། །དེ་ལྟར་རྟོགས་ནས་ཀྱང་ཐོག་མར་འཇིག་རྟེན་པའི་བཟོའི་གནས་དང་། ལས་ཀྱི་གནས་དང་། ཡི་གེ་དང་། གྲངས་དང་། རྩིས་དང་། ལག་རྩིས་དང་། རལ་གྲིའི་ཐབས་དང་། འཕོང་དང་། སྟོབས་དང་། གྱད་ཀྱི་འཛིན་སྟངས་
རྣམས་ལ་སེམས་ཅན་གཞན་ལས་ཁྱད་པར་དུ་གྱུར་བའི་རིག་པ་མང་པོ་ལ་འདྲིས་པར་མཛད་དོ། །གཞན་ཡང་གཞི་བརྟག་པ་དང་། གོས་བརྟག་པ་དང་། རིན་པོ་ཆེ་བརྟག་པ་དང་། ཤིང་རྟ་བརྟག་པ་དང་། རྟ་དང་གླང་པོ་ཆེ་བརྟག་པ་ལ་སོགས་པ་དང་། འབྱེད་པ་
དང་། ཀློག་པ་རྣམས་ལ་གཡེར་པོར་གྱུར་ཏོ། །གསུམ་པ་བསྟན་པའི་རྗེས་སུ་ཞུགས་ནས་ཐོས་པ་དང་ཚོགས་བསགས་ཀྱི་ཁྱད་པར་ནི། དེ་ལྟ་བུའི་གཞོན་ནུ་དེ་ཉིད་སྲིད་པའི་དཔལ་འབྱོར་ཀུན་གྱི་དབུས་ན་མངོན་པར་མཐོ་ཡང་། ཇི་ཙམ་ཞི་གནས་སྔོན་གྱི་བསྐལ་པ་

213-1-186a

དཔག་ཏུ་མེད་པར་གོམས་པའི་ཆོས་ཀྱི་བག་ཆགས་བཟང་པོ་དམན་པ་མིན་པའི་གྲོགས་ཀྱིས་ཉེ་བར་བསྐུལ་ནས་འདི་ལྟར་ཡིད་ལ་བྱེད་པར་གྱུར་ཏོ། །ཀྱེ་མ་དེང་བདག་གི་བསོད་ནམས་ཀྱི་མཐུ་ཆེན་པོས་རྙེད་པར་དཀའ་བའི་ལུས་རྟེན་དལ་བ་བརྒྱད་དང་
འབྱོར་པ་བཅུའི་བདག་ཉིད་ཅན་གྱི་རྙེད་པ་འདི་ནི་ལེགས་པར་རྙེད་དོ། །ཚེ་འདིའི་མཐོ་འབྱོར་དང་གྲགས་པའི་ཟླ་རིས་དཀར་པོ་རིང་དུ་འཕྲོ་བའི་གོ་འཕང་དམ་པ་དེ་ཡང་ཐོབ་པར་གྱུར་ཏོ། །འོན་ཀྱང་འཁོར་བའི་ལྟར་སྣང་གི་བདེ་འབྱོར་གྱི་དཔལ་ནི་ཇི་ལྟར་བདོ་ཡང་རྣམ་པར་
དཔྱད་ན་མཐའ་བཞི་ལས་མི་འདའ་སྟེ། ཇི་སྐད་དུ། བསགས་པ་ཀུན་མཐར་འཛད་པ་སྟེ། །མཐོན་པོའི་མཐའ་ནི་དམའ་བ་ཡིན། །འདུས་པའི་མཐའ་ནི་འབྲལ་བ་སྟེ། །འཚོ་བའི་མཐའ་ནི་འཆི་བ་ཡིན། །ཞེས་གསུངས་པ་ལྟར་འཁོར་བ་མཐའ་བཞིའི་རང་བཞིན་ཅན་
ཏེ་མི་རྟག་ཅིང་མི་བརྟན་ལ་ཐེར་ཟུག་མེད་པའི་ཆོས་ཅན་ཁོ་ན་སྟེ། སྐྱེ་འཆིའི་ཕྲེང་བ་ནི་གར་མཁན་གྱི་ལག་པའི་ཟློས་གར་བསྒྱུར་བ་ལྟ་བུའོ། །འབྱོར་རྒུད་ཀྱི་རེ་མོས་ནི་སྟོན་ཀའི་སྤྲིན་གྱི་འདུ་འགོད་བརྩམས་པ་ལྟ་བུའོ། །སྐྱེས་བུའི་འཚོ་བ་ནི་སྤྲིན་རུམ་སྟུག་པོའི་ཁྲོད་ན་གློག་གི་
ཐག་པ་འགྱུ་བ་ལྟ་བུའོ། །ཁྱད་པར་ཁྱིམ་ན་གནས་པའི་ལྟར་སྣང་གི་བདེ་བ་ནི་ཐར་པ་མེད་པའི་མེ་འོབས་སྟུག་པོའི་ནང་དུ་ལྷུང་བ་ལྟ་བུའོ་ཞེས་དང་། གཞན་ཡང་བཅོམ་ལྡན་འདས་ཀྱིས་ཁྱིམ་ན་ཆགས་པའི་ཉེས་དམིགས་མང་པོ་བསྟན་པ་རྗེས་སུ་དྲན་པའི་ཡིད་འབྱུང་གི་
མཚོན་རྣོན་པོ་དག་གིས། འཁོར་བ་ལ་མངོན་པར་ཞེན་པའི་འཆིང་བ་དམ་པོ་ཡོངས་སུ་དྲལ་བ་ལ་སྤྲོ་བས་ཞུགས་པར་གྱུར་ཏོ། །དེའང་དགེ་སློང་ལ་རབ་ཏུ་གཅེས་པའི་མདོ་ལས། ཤིན་ཏུ་ལེགས་པའི་ཚུལ་ཁྲིམས་གང་། །བསྡོམས་པའི་མི་དེ་མཛེས་པའི་
གཟུགས། །འདུལ་བ་ལ་ནི་ཉེ་བར་གནས། །ཚུལ་ཁྲིམས་བསླབ་པ་རང་ཡིད་ཆེས། །མི་དེ་ཉི་མ་གཅིག་ལ་ཡང་། །བསོད་ནམས་ཕུང་པོ་དཔག་ཏུ་མེད། །གསོག་ཅིང་སངས་རྒྱས་འབྲས་བུ་འགྲུབ། །ཅེས་དང་། ཚུལ་ཁྲིམས་འདི་ནི་བདེ་བའི་མཆོག །ཚུལ་

213-1-186b

ཁྲིམས་འདི་ནི་ཐར་པའི་ལམ། །ཚུལ་ཁྲིམས་འདི་ནི་ཡོན་ཏན་གཞི། །ཚུལ་ཁྲིམས་འདི་ནི་སངས་རྒྱས་རྒྱུ། །ཞེས་དང་། འཕགས་པ་ཀླུ་སྒྲུབ་ཀྱིས། ཁྱོད་ཀྱི་ཚུལ་ཁྲིམས་མ་ཉམས་མོད་མི་དམའ། །མ་འདྲེས་མ་སྦགས་པ་དག་བསྟེན་པར་མཛོད། །ཁྲིམས་
ནི་རྒྱུ་དང་མི་རྒྱུའི་ས་བཞིན་དུ། །ཡོན་ཏན་ཀུན་གྱི་གཞི་རྟེན་ལགས་པར་གསུངས། །ཞེས་བྱ་བ་ལ་སོགས་པ་རབ་ཏུ་བྱུང་ཞིང་ཚུལ་ཁྲིམས་ཀྱི་བསླབ་པ་ཚུལ་བཞིན་དུ་བསྲུངས་བའི་ཕན་ཡོན་དཔག་ཏུ་མེད་ཅིང་བསམ་གྱིས་མི་ཁྱབ་པ་རྗོད་བྱེད་ཀྱི་གླིང་བུ་དྲི་ཟའི་རོལ་མོ་བྱེ་བ་
ཕྲག་བརྒྱས་ཀྱང་གང་གི་དཔེ་ཟླར་མི་བཟོད་ཅིང་ཆར་ཡང་མི་ཕོད་པའི་སྙན་འགྱུར་ངག་གི་ལང་ཚོ་ཡོངས་སུ་རྫོགས་པའི་འཕྲིན་ཡིག་དམ་པས་ཡིད་ཀྱི་དབང་པོ་ཡོངས་སུ་ཕྲོགས་པར་གྱུར་ཏོ། །དེ་ལའང་ཐོག་མར་ཤེས་རབ་ཀྱི་ཕ་རོལ་ཏུ་ཕྱིན་པ་སྡུད་པ་ལས། བླ་མ་མཁས་པ་
རྣམས་ལ་རྟག་ཏུ་བརྟེན་བར་བྱ། །ཅི་ཕྱིར་ཞེ་ན་མཁས་པའི་ཡོན་ཏན་དེ་ལས་འབྱུང་། །ཞེས་དང་། སློབ་དཔོན་ཀླུ་སྒྲུབ་ཀྱིས་ཀྱང་། དགེ་བའི་བཤེས་གཉེན་བསྟེན་པ་ཚངས་པར་སྤྱོད། །ཡོངས་སུ་རྫོགས་པར་ཐུབ་པས་གསུངས་དེའི་ཕྱིར། །སྐྱེས་བུ་དམ་པ་བསྟེན་
བགྱི་རྒྱལ་བ་ལ། །བརྟེན་པ་རབ་ཏུ་མང་པོས་ཞི་བ་ཐོབ། །ཅེས་དང་། དགེ་བ་དགེ་བའི་བཤེས་ལ་བརྟེན་ན་འཕེལ། །ཞེས་བྱ་བ་ལ་སོགས་པ་རྒྱ་ཆེར་འབྱུང་སྟེ། དེ་དག་ཀྱང་དགེ་བའི་བཤེས་གཉེན་ལ་རག་ལས་པར་རྗེས་སུ་རྟོགས་སོ། །དེ་ལྟར་རྗེས་སུ་རྟོགས་
ནས་ཀྱང་རྒྱལ་བ་གཉིས་པ་རྗེ་བཙུན་ཀུན་དགའ་བཟང་པོའི་ཆོས་ཀྱི་རྒྱལ་སྲིད་ཆེན་པོ་ལ་མཁས་པའི་ཕྲིན་ལས་རྣམ་པ་གསུམ་གྱི་འཁོར་ལོས་སྒྱུར་བའི་གདན་རབས་སུམ་ཅུ་པ། ལེགས་པར་གསུངས་པ་དམ་པའི་ཆོས་འདུལ་རྒྱ་མཚོའི་ཕ་རོལ་ཏུ་སོན་པ་སྨྲ་བའི་དབང་
ཕྱུག་ཆེན་པོ། །དོན་གྱི་སླད་དུ་མཚན་ནས་སྨོས་ན་མཁན་ཆེན་ཐམས་ཅད་མཁྱེན་པ་བཀྲ་ཤིས་ལྷུན་གྲུབ་གྲགས་པའི་རྒྱལ་མཚན་དཔལ་བཟང་པོའི་ཞལ་སྔ་ནས་ཀྱི་མཁན་པོ་དང་། འདུལ་བ་སྨྲ་བའི་མཆོག་འཕགས་པ་ཨུ་པཱ་ལི་ལྟ་བུའི་ཐོས་པ་དང་ཡོན་ཏན་གྱི་ཕུང་པོ་འཛིན་ཅིང་

213-1-187a

ལེགས་པར་སྨྲ་བའི་དབང་ཕྱུག་སངས་རྒྱས་བསྟན་པ་སློབ་དཔོན་དང་། གནས་བརྟན་འདུལ་བ་འཛིན་པ་ཆེན་པོ་བཀྲ་ཤིས་བཟང་པོ་པ་དུས་བསྒོ་བ་ལ་སོགས་པ་མཁས་ཤིང་བཙུན་པའི་དགེ་སློང་གི་དགེ་འདུན་གྲངས་ཚང་བའི་དབུས་སུ་ཚིགས་དང་པོ་གཉིས་རིམ་ནོས་ཀྱི་རབ་ཏུ་བྱུང་
བ་དགེ་ཚུལ་གྱི་དངོས་པོར་བསྒྲུབས་ཏེ། དེའི་མཚན་ལ་ཕུན་ཚོགས་བསྟན་པ་ཞེས་བྱ་བར་གསོལ་ཏོ། །དེ་ནས་བརྩམས་ཏེ་བསླབ་པར་བྱ་བའི་གནས་ཐམས་ཅད་མིག་གི་འབྲས་བུ་ལྟར་གཅེས་པར་བསྲུང་པའི་སྒོ་ནས་སྔོན་གྱི་འཕགས་པ་རྟ་ཐུལ་ལ་སོགས་པའི་རྣམ་པར་ཐར་པའི་རྗེས་སུ་སློབ་ཅིང་
རྗེས་སུ་འགྲོ་བའི་འདུན་པ་ས་ལྟ་བུར་བརྟན་པར་མཛད་དོ། །དེ་ལྟར་ངེས་པར་འབྱུང་བའི་ཚུལ་ཁྲིམས་རྣམ་པར་དག་པའི་གཞི་གཙང་མ་ལ་གནས་པ་དེས། མངོན་པ་མཛོད་ལས། ཚུལ་གནས་ཐོས་དང་བསམ་ལྡན་པས། །བསྒོམ་པ་ལ་ནི་རབ་ཏུ་སྦྱར། །ཞེས་གསུངས་པའི་དོན་དང་རྗེས་སུ་
མཐུན་པར་བསྟན་པའི་བྱ་བ་ཐོས་པ་དང་བསམ་པ་དང་བསྒོམ་པ་གསུམ་ལ་འཇུག་པའི་འདུན་པ་དྲག་པོས་ཀུན་ནས་བསླངས་ཏེ། དེའང་ཐོག་མར་བྱང་ཆུབ་སེམས་དཔའི་སྡེ་སྣོད་ལས། ཐོས་པས་ཆོས་རྣམས་ཤེས་པར་འགྱུར། །ཐོས་པས་སྡིག་ལས་ལྡོག་པར་འགྱུར། །ཐོས་པས་དོན་མ་ཡིན་
པ་སྤོང་། །ཐོས་པས་མྱ་ངན་འདས་པ་ཐོབ། །ཅེས་བྱ་བ་ལ་སོགས་པ་གསུངས་པ་ལྟར་ཕྱི་དང་ནང་གི་གྲུབ་པའི་མཐའ་ཤེས་པས་བླང་དོར་གྱི་གནས་རྣམས་ལེགས་པར་ཤེས་པར་བྱས་ཏེ། ཉེས་པའི་སྤྱོད་པ་ལས་ལྡོག་པ་དང་། དོན་མེད་པའི་འདོད་པ་ཡོངས་སུ་སྤོང་བ་དང་། ཟག་པ་ཟད་
པ་ཡོངས་སུ་ཤེས་པ་ལ་སོགས་པ་མང་དུ་ཐོས་པའི་ཕན་ཡོན་རྣམས་ཐེག་པ་ཆེ་ཆུང་གི་གཞུང་མང་པོ་ནས་རྒྱ་ཆེར་བསྟན་པའི་དོན་ལ་རྗེས་སུ་སློབ་པའི་ཕྱིར་དང་། བྱེ་བྲག་ཏུ་དུས་གསུམ་གྱི་དེ་བཞིན་གཤེགས་པ་ཐམས་ཅད་ཀྱི་འགྲོད་པ་གཅིག་པའི་ཉེ་ལམ། གཞི་དང་ལམ་དང་འབྲས་
བུའི་གནས་སྐབས་ཐམས་ཅད་ནས་ཟབ་པའི་ཁྱད་པར་མང་པོས་བརྟུན་པ་རབ་འབྲིང་གི་དབང་ལས་ཚེ་འདིའམ། བར་དོའམ། སྐྱེ་བ་བདུན་ནམ་བཅུ་དྲུག་ཏུ་ཟུང་འཇུག་རྡོ་རྗེ་འཆང་གི་གོ་འཕང་གདོན་མི་ཟ་བར་འགྲུབ་པའི་ལམ་ཟབ་མོ་གསང་སྔགས་རྡོ་རྗེ་ཐེག་པ་སྟེ། དེ་ལྟ་ནའང་ལམ་དེར་

213-1-187b

འཇུག་པ་ལ་ནི་དབང་བསྐུར་བ་ལེགས་པར་ཐོབ་དགོས་ཀྱི། དབང་བསྐུར་བ་མཐོབ་པར་སྔགས་ཀྱི་ལམ་ལ་འབད་པ་བྱས་ཀྱང་དངོས་གྲུབ་ཐོབ་པར་མི་འགྱུར་ཞིང་། བརྒྱ་ལམ་ན་འཇིག་རྟེན་པའི་དངོས་གྲུབ་ཕྲ་མོ་ཙམ་ཐོབ་སྲིད་ཀྱང་ཕྱི་མར་ངན་སོང་དུ་འགྲོ་བར་གསུངས་ཏེ། དམ་པ་དང་པོའི་རྒྱུད་
ལས། དབང་བསྐུར་མེད་པར་རྒྱུད་འཆད་དང་། །ཟབ་མོའི་དེ་ཉིད་སྒོམ་བྱེད་པ། །དེ་དོན་ལེགས་པར་ཤེས་ན་ཡང་། །དམྱལ་བར་འགྱུར་གྱི་གྲོལ་བ་མིན། །ཞེས་དང་། ཕྱག་རྒྱ་ཆེན་པོ་ཐིག་ལེའི་རྒྱུད་ལས། དབང་མེད་ན་ནི་དངོས་གྲུབ་མེད། །བྱེ་མ་བརྩིར་ཡང་མར་མེད་བཞིན། །
གང་ཞིག་རྒྱུད་ལུང་ང་རྒྱལ་གྱིས། །དབང་བསྐུར་མེད་པར་འཆད་བྱེད་པ། །སློབ་དཔོན་སློབ་མ་ཤི་མ་ཐག །དངོས་གྲུབ་ཐོབ་ཀྱང་དམྱལ་བར་སྐྱེ། །དེ་བས་འབད་པ་ཐམས་ཅད་ཀྱིས། །བླ་མ་ལ་ནི་དབང་ནོད་ཞུ། །ཞེས་དང་། དབང་བསྐུར་མ་ཐོབ་པར་སྔགས་པ་ཉིད་དུ་ཁས་ལེན་པ་
སྙིང་པོ་མེད་ཅིང་སྨིག་རྒྱུའི་ཆུ་ལ་བཏུང་བར་འདོད་པ་དང་མཚུངས་ཏེ། བདེ་མཆོག་རྩ་རྒྱུད་ལས། སྔགས་པས་དཀྱིལ་འཁོར་མ་མཐོང་བར། །གང་ཞིག་རྣལ་འབྱོར་པར་འདོད་པ། །མཁའ་ལ་ཁུ་ཚུར་གྱིས་རྡེག་དང་། །སྨིག་རྒྱུའི་ཆུ་ནི་འཐུང་དང་མཚུངས། །ཞེས་དང་། རྡོ་རྗེ་ཐོད་པའི་
རྒྱུད་ལས་ཀྱང་། དཔེར་ན་བུ་ཚ་མེད་པའི་ཁྱིམ། །ཤི་བ་ཙམ་གྱིས་སྟོང་པར་འགྱུར། །དེ་བཞིན་དབང་དང་བྲལ་བ་ཡི། །ཡེ་ཤེས་ཀུན་གྱི་སྟོང་པ་ཉིད། །དཔེར་ན་པི་ཝང་སྦྱོར་ཀུན་ཚོགས། །རྒྱུ་དང་བྲལ་ན་བརྡུང་མི་རུང་། །དེ་བཞིན་དབང་དང་བྲལ་ན་ནི། །སྔགས་དང་བསམ་གཏན་
འགྲུབ་མི་འགྱུར། །རྨོངས་པ་གང་ཞིག་དབང་མེད་པར། །བདག་ནི་དབང་བསྐུར་ཞེས་སྨྲ་བ། །ཇི་སྲིད་སངས་རྒྱས་བཞུགས་ཀྱི་བར། །སློབ་མར་བཅས་ཏེ་དམྱལ་བར་འགྲོ། །ཞེས་བྱ་བ་ལ་སོགས་པ་དབང་བསྐུར་བ་མ་ཐོབ་པར་སྔགས་ཀྱི་ལམ་ལ་འཇུག་པའི་ཉེས་པ་དཔག་ཏུ་མེད་པ་
གསུངས་ཤིང་དབང་བསྐུར་བ་ཚུལ་བཞིན་དུ་ཐོབ་པའི་ཕན་ཡོན་བསམ་གྱིས་མི་ཁྱབ་ཀྱང་། མདོར་བསྡུ་ན། གང་ཟག་དབང་པོ་ཡང་རབ་དབང་གི་རྗེས་དེ་མ་ཐག་པར་གྲོལ་བར་གསུངས་ཏེ། འགྲེལ་ཆེན་སྒྲོན་མ་གསལ་བ་ལས། དངོས་གྲུབ་ཐམས་ཅད་ནི་དཀྱིལ་འཁོར་དུ་དབང་བསྐུར་བ་ལས་

213-1-188a

འབྱུང་བར་འགྱུར་རོ་ཞེས་དང་། ས་སྐྱ་པཎྜི་ཏས་ཀྱང་། དེས་ན་གང་ཟག་དབང་པོ་རབ། །དབང་བསྐུར་ཉིད་ཀྱིས་གྲོལ་བར་གསུངས། །ཞེས་སོ། །གང་ཟག་རབ་ཏུ་གྱུར་པ་མ་ཡིན་ནའང་དབང་ལེན་པ་ལ་རྟག་ཏུ་གོམས་པར་བྱས་པས་སྐྱེ་བ་བདུན་ནས་འགྲུབ་སྟེ།
གསང་བའི་མཛོད་ལས། དབང་བསྐུར་ཡང་དག་སྦྱིན་ལྡན་ན། །སྐྱེ་ཞིང་སྐྱེ་བར་དབང་བསྐུར་འགྱུར། །དེ་ཡིས་སྐྱེ་བ་བདུན་ནས་ནི། །མ་བསྒོམས་པར་ཡང་དངོས་གྲུབ་ཐོབ། །ཅེས་སོ། །དབང་ཐོབ་ནས་རྩ་བའི་ལྟུང་བས་མ་གོས་ན་སྐྱེ་བ་བཅུ་དྲུག་ནས་འགྲུབ་པ་ཡང་། དམ་ཚིག་ལྔ་པ་
ལས། གལ་ཏེ་ལྟུང་བ་མེད་གྱུར་ན། །སྐྱེ་བ་བཅུ་དྲུག་དག་ནས་འགྲུབ། །ཅེས་གསུངས་ཤིང་། གྲོལ་བྱེད་ཀྱི་ལམ་སྟོན་པའི་སྣོད་རུང་དུ་བྱེད་པའི་ཐབས་ཀྱང་དབང་བསྐུར་བ་ཉིད་ཡིན་ཏེ། ཕྱག་རྒྱ་ཆེན་པོ་ཐིག་ལེ་ལས། དང་པོར་རེ་ཞིག་སློབ་མ་ལ། །དབང་རྣམས་ལན་ཅིག་བསྐུར་བ་
ཡིས། །དེ་ཚེ་གསང་ཆེན་བཤད་པ་ཡི། །ངེས་པར་སྣོད་དུ་འགྱུར་བའོ། །ཞེས་བྱ་བ་ལ་སོགས་པའི་ཕན་ཡོན་བརྗོད་ཀྱིས་མི་ལྡང་བར་ཡིད་ཆེས་པའི་ལུང་དང་མན་ངག་གི་ཚོགས་ཀྱིས་ཉེ་བར་བསྟན་པའི་ཡི་གེ་དམ་པ་གསུབ་ཏུ་མེད་པ་གང་དག་ཡིད་ཀྱི་ངོས་སུ་ལེགས་པར་འདྲི་བཞིན་པའི་སྡོམ་
བརྩོན་མིའི་དབང་ཕྱུག་འདིས་གོང་དུ་སྨོས་པའི་བླ་མ་དེ་ཉིད་ཀྱི་དྲུང་ནས་དཔལ་ཀྱེ་རྡོ་རྗེའི་རྡུལ་ཚོན་གྱི་དཀྱིལ་འཁོར་དུ་དབང་བཞི་པོ་ཡོངས་སུ་རྫོགས་པར་མནོས་ཏེ། ཕུང་པོ་དང་། ཁམས་དང་། སྐྱེ་མཆེད་ཀྱི་ཞིང་ས་གཤིན་པར་སངས་རྒྱས་ཀྱི་སྐུ་བཞིའི་བདག་ཉིད་ཅན་གྱི་ས་བོན་ལེགས་
པར་བཏབ་སྟེ། རིག་པ་འཛིན་པ་སྔགས་ཀྱི་སྡོམ་པའི་མྱུ་གུ་རྨ་མེད་པ་ཉིད་དུ་ཡོངས་སུ་འཛིན་པའི་སྐལ་བ་ཅན་དུ་བགྱིས་སོ། །དེ་ནས་བརྩམས་ཏེ་ངོར་ལུགས་ཀྱི་དཀྱིལ་འཁོར་ཆེན་པོ་བདུན་དུ་གྲགས་པའི་དབང་བསྐུར་བ་དང་། རྡོ་རྗེ་འཇིགས་བྱེད་རོ་ལངས་བརྒྱད་སྐོར་ཀྱི་དབང་བསྐུར་བ་
དང་། ངན་སོང་ཐམས་ཅད་ཡོངས་སུ་སྦྱོང་བའི་རྒྱུད་ནས་བསྟན་པའི་དཀྱིལ་འཁོར་བཅུ་གཉིས་ཀྱི་དབང་བསྐུར་བ་རྣམས་དང་། གཞན་ཡང་ཀུན་རིག་རྩ་བའི་དཀྱིལ་འཁོར་དང་། འཆི་བདག་འཇོམས་པ་ལྷ་བཅུ་གསུམ་དང་། ཚེ་དཔག་ཏུ་མེད་པ་ལྷ་དགུ་དང་། མི་འཁྲུགས་པ་ལྷ་དགུ་དང་།

213-1-188b

མགོན་པོའི་བཀའ་བབ་བཞིར་གྲགས་པ་བྲམ་ཟེ་ཆེན་པོའི་བཞེད་པའི་མགོན་པོ་གྲི་གུག་ལྷ་ལྔ་རས་བྲིས་ཀྱི་དཀྱིལ་འཁོར་དུ་དབང་བསྐུར་བ་དང་། བླ་མ་ལོ་ཙཱ་བའི་མགོན་པོ་ལྷ་བརྒྱད་རས་བྲིས་ཀྱི་དཀྱིལ་འཁོར་དུ་དབང་བསྐུར་བ་དང་། བླ་མ་བྲག་སྟེང་པའི་བཞེད་པའི་གུར་གྱི་མགོན་པོ་ལྷ་བཅུ་
གཉིས་རས་བྲིས་ཀྱི་དཀྱིལ་འཁོར་དུ་དབང་བསྐུར་བ་དང་། གྱི་ལྗང་ལུགས་ཀྱི་མགོན་པོ་ལྷ་བཅུ་བདུན་པ་རས་བྲིས་ཀྱི་དཀྱིལ་འཁོར་དུ་དབང་བསྐུར་བ་དང་། མགོན་པོ་གྲི་གུག་ལྷ་ལྔ་སྙན་བརྒྱུད་ལུགས་སིནྡྷུ་རའི་དཀྱིལ་འཁོར་ལ་བརྟེན་པ་རྣམས་ཀྱི་དབང་བསྐུར་བ་ལ་སོགས་པའི་དབང་བསྐུར་གྱི་རིགས་
མང་པོ་མནོས་སོ། །གཞན་ཡང་མཆོག་དང་ཐུན་མོང་གི་དངོས་གྲུབ་སྒྲུབ་པའི་ཡི་དམ་གྱི་ལྷ་བསམ་གྱིས་མི་ཁྱབ་པའི་དབང་བསྐུར་བ་དང་། བྱིན་གྱིས་བརླབས་པ་དང་། རྗེས་སུ་གནང་བ་དང་། རྗེས་སུ་གདམས་པ་མང་པོ་བུམ་པ་གང་འབྱོའི་ཚུལ་དུ་གསན་ནོ། །ཡར་ལུང་མཁན་པོ་ངག་གི་
དབང་ཕྱུག་ཀུན་དགའ་ལེགས་པའི་འབྱུང་གནས་བསྟན་པའི་རྒྱལ་མཚན་དཔལ་བཟང་པོ་པའི་དྲུང་ནས། རྡོ་རྗེ་ཕྲེང་བ་དང་ཀྲཱྀ་ཡ་ས་མུཙྪ་གཉིས་ཀའི་དབང་གི་ཆུ་བོ་ཆིག་འདྲེས་སུ་གྱུར་པའི་དཀྱིལ་འཁོར་ཆེན་པོ་བཞི་བཅུ་རྩ་ལྔ་རས་བྲིས་ལ་བརྟེན་པ། ཀྲཱྀ་ཡ་ས་མུཙྪའི་སྒོས་ཆོས་བསབས་པ་དང་བཅས་པའི་
ཕྱག་ལེན་རྒྱས་པའི་ལུགས་ཀྱི་དབང་བསྐུར་བ་ཐོབ་པ་ལ། དཔལ་གསང་བ་འདུས་པའི་རྒྱུད་ལས་གསུངས་པའི་མི་བསྐྱོད་པའི་རིགས་གསང་བ་འདུས་པ་འཇམ་དཔལ་རྡོ་རྗེ་ལྷ་བཅུ་དགུ། དཔལ་གསང་བ་འདུས་པ་མི་བསྐྱོད་རྡོ་རྗེ་ལྷ་སོ་གཉིས། རྣམ་སྣང་སྒྱུ་དྲའི་རྒྱུད་ལ་བརྟེན་པའི་འཇམ་དཔལ་རྡོ་རྗེ་
ལྷ་ཞེ་གསུམ། རྩ་བའི་རྒྱུད་གཤིན་རྗེ་དགྲ་ནག་གི་རྒྱུད་ལ་བརྟེན་པའི་རྣམ་སྣང་གི་རིགས་དཔལ་གཤིན་རྗེ་གཤེད་ལྷ་བཅུ་གསུམ་སྟེ་ཕ་རྒྱུད་བཞི། བརྟག་པ་གཉིས་པ་ནས་གསུངས་པའི་ཧེ་རུ་ཀའི་རིགས་ཀྱི་དཔལ་དགྱེས་པ་རྡོ་རྗེ་ཐོད་པ་ཅན་ཞལ་བརྒྱད་ཕྱག་བཅུ་དྲུག་པ་ལྷ་དགུ། ཐུགས་རྡོ་རྗེ་ཞལ་གསུམ་
ཕྱག་དྲུག་པ་ལྷ་དགུ། གསུང་རྡོ་རྗེ་ཞལ་གཅིག་ཕྱག་བཞི་པ་ལྷ་དགུ། སྐུ་རྡོ་རྗེ་ཞལ་གཅིག་ཕྱག་གཉིས་པ་ལྷ་དགུ། མཁའ་འགྲོ་མ་རྡོ་རྗེ་གུར་གྱི་རྒྱུད་ལས་གསུངས་པའི་མཁའ་འགྲོ་ལྔ་རིགས་བསྡུས་པ་ལྷ་ལྔ་བཅུ་རྩ་གསུམ། སམྤུ་ཊའི་རྒྱུད་ལས་གསུངས་པའི་བདག་མེད་ལྷ་མོ་ཉེར་གསུམ།

213-1-189a

བརྟག་གཉིས་ནས་གསུངས་པའི་བདག་མེད་ལྷ་མོ་བཅོ་ལྔ། ཡང་རྒྱུད་སྡེ་དེ་ཉིད་ནས་གསུངས་པའི་ཀུ་རུ་ཀུལླེ་ལྷ་བཅོ་ལྔ། མཁའ་འགྲོ་མ་རྡོ་རྗེ་གུར་ནས་བཤད་པའི་རྡོ་རྗེ་སྒྲོལ་མ་ལྷ་བཅུ་གསུམ། སམྦུ་ཊ་ནས་གསུངས་པའི་སྙིང་པོ་ཀྱེ་རྡོ་རྗེ་མཚོན་ཆ་ཅན་ཞལ་བརྒྱད་ཕྱག་
བཅུ་དྲུག་པ་ལྷ་བཅུ་བདུན། ཐུགས་རྡོ་རྗེ་ཞལ་གསུམ་ཕྱག་དྲུག་པ་ལྷ་བཅུ་བདུན། གསུང་རྡོ་རྗེ་ཞལ་གཅིག་ཕྱག་བཞི་པ་ལྷ་དགུ། སྐུ་རྡོ་རྗེ་ཞལ་གཅིག་ཕྱག་གཉིས་པ་ལྷ་བཅུ་བདུན་རྣམས་གཉིས་མེད་ཀྱི་རྒྱུད། སམྤུ་ཊ་ནས་གསུངས་པའི་བདེ་མཆོག་རྡོ་རྗེ་སེམས་དཔའ་ལྷ་སོ་བདུན། བདེ་
མཆོག་རྩ་བའི་རྒྱུད་ནས་གསུངས་པའི་འཁོར་ལོ་སྡོམ་པ་ཞལ་བཞི་ཕྱག་བཅུ་གཉིས་པ་ལྷ་དྲུག་ཅུ་རྩ་གཉིས། བདེ་མཆོག་སྔོན་པོ་ཞལ་གཅིག་ཕྱག་གཉིས་པ་ལྷ་དྲུག་ཅུ་རྩ་གཉིས། བདེ་མཆོག་སེར་པོ་ཞལ་གཅིག་ཕྱག་གཉིས་པ་ལྷ་དྲུག་ཅུ་རྩ་གཉིས། ཕག་མོ་དམར་མོ་ལྷ་སུམ་ཅུ་སོ་
བདུན། ཕག་མོ་སྔོན་མོ་ལྷ་སོ་བདུན། ཕག་མོ་སེར་མོ་ལྷ་སོ་བདུན། ཨ་བྷི་དྷ་ན་ལས་གསུངས་པའི་ཧཱུཾ་མཛད་ཁྲོ་བོ་ལྷ་བཅུ་གཅིག་པ། ཡང་རྒྱུད་དེ་ཉིད་ལས་གསུངས་པའི་བདེ་མཆོག་འཁོར་ལོས་སྒྱུར་དྲུག་ལྷ་བདུན་ཅུ་རྩ་གཉིས། རྡོ་རྗེ་བདུད་རྩིའི་རྒྱུད་ལ་བརྟེན་ནས་རྡོ་རྗེ་ཉི་མའི་རིགས་
ཀྱི་རྡོ་རྗེ་བདུད་རྩི་ལྷ་ཉེར་གཅིག །བདུད་རྩི་ཧཱུཾ་མཛད་ལྷ་ཉེར་དགུ། བདུད་རྩི་ཁྲོ་བོ་བྷ་ཉེར་གཅིག །བདུད་རྩི་འཁྱིལ་བ་ལྷ་བཅུ་གསུམ། ཧེ་རུ་ཀའི་རིགས་སངས་རྒྱས་ཐོད་པ་ལྷ་ཉི་ཤུ་རྩ་ལྔ། སངས་རྒྱས་ཐོད་པ་ལྷ་དགུ། མ་ཧཱ་མཱ་ཡའི་རྒྱུད་ཆུང་ལ་བརྟེན་པའི་མ་ཧཱ་མཱ་ཡ་ལྷ་ལྔ། གདན་
བཞིའམ་རྒྱུད་གསེར་གྱི་ཆར་པ་ནས་བཤད་པའི་རྣམ་སྣང་གི་རིགས་རྣལ་འབྱོར་ནམ་མཁའ་ལྷ་ལྔ་བཅུ་རྩ་བརྒྱད། དེའི་ཡུམ་བཀའ་ཡེ་ཤེས་མཁའ་འགྲོ་ལྷ་བཅུ་གསུམ་རྣམས་བདེ་མཆོག་གི་ཕྱོགས་སུ་གཏོགས་པའམ་རྣལ་འབྱོར་མ་རྒྱུད། སྔོན་བྱུང་དྲང་སྲོང་ཉི་མའི་ཤིང་རྟ་སོགས་དྲང་སྲོང་བྱེ་བ་
ཕྲག་ཕྱེད་དང་བཞི་འདུལ་བའི་དོན་དུ་གསུངས་པ་དཔལ་དུས་ཀྱི་འཁོར་ལོའི་རྒྱུད་ལ་བརྟེན་ནས་སྐུ་གསུང་ཐུགས་ཡོངས་སུ་རྫོགས་པ་ལྷ་དྲུག་བརྒྱ་སུམ་ཅུ་རྩ་བཞི། ཕ་རྒྱུད་མ་རྒྱུད་གཉིས་སུ་ཕྱེ་ན་དགྱེས་རྡོར་ནས་འདིའི་བར་མ་རྒྱུད་དུ་བསྡུས་ཀྱང་འཐད་དོ། །དེ་ཉིད་འདུས་པའི་རྒྱུད་ལས་གསུངས་པའི་

213-1-189b

ཐབས་གཙོ་བོར་སྟོན་པ་རྡོ་རྗེ་དབྱིངས་ལྷ་ལྔ་བཅུ་རྩ་གསུམ། ངན་སོང་སྦྱོང་རྒྱུད་དང་བརྟག་པ་ཕྱོགས་གཅིག་པ་གཙུག་དགུ་ལྷ་སུམ་ཅུ་རྩ་བདུན། སྒྱུ་དྲའི་རྒྱུད་དང་འཇམ་དཔལ་གྲགས་པའི་མཚན་བརྗོད་ཀྱི་འགྲེལ་པ་ལ་བརྟེན་ནས་ཤེས་རབ་གཙོ་བོར་སྟོན་པ་ཆོས་དབྱིངས་གསུང་དབང་ལྷ་ཉིས་
བརྒྱ་ཉེར་གཅིག་སྟེ་རྣལ་འབྱོར་རྒྱུད། འབྱུང་པོ་འདུལ་བྱེད་ཀྱི་རྒྱུད་ལ་བརྟེན་པའི་རྡོ་རྗེའི་རིགས་འབྱུང་པོ་འདུལ་བྱེད་ལྷ་སོ་གསུམ་པ་སྤྱོད་རྒྱུད། དེ་བཞིན་གཤེགས་པའི་རིགས་ཀྱི་ཡུམ་འོད་ཟེར་ཅན་མ་ལྷ་ཉི་ཤུ་རྩ་ལྔ། གཟུངས་གྲྭ་ལྔ་ལྷ་བཅུ་གསུམ་འདི་ཡན་གྱིས་འཕྲེང་རྐྱང་གི་དཀྱིལ་འཁོར་ཞེ་
གཉིས་ཚང་ངོ་། །ཀྲཱྀ་ཡ་ནས་གསུངས་པའི་བདེ་ལེགས་སུ་བྱེད་པའི་དཀྱིལ་འཁོར་གསུམ་ཞེས་པ་ནོར་རྒྱུན་མའི་རྟོག་ཆུང་ལ་བརྟེན་པའི་དེ་བཞིན་གཤེགས་པའི་རིགས་ཀྱི་གནས་གཙང་མའི་ལྷ་ནོར་རྒྱུན་མ་ལྷ་བཅུ་དགུ། གཟའ་ཡུམ་གྱི་རྟོག་པ་ལས་གསུངས་པའི་རིགས་བྱེད་མ་ནུབ་བྱང་གི་གྲྭར་བཞུགས་པ་
དཀྱིལ་འཁོར་གྱི་གཙོ་བོར་བྱས་པའི་གཟའ་ཡུམ་ལྷ་ཞེ་དྲུག་གམ་ལྔ་བཅུ། དེ་བཞིན་གཤེགས་པའི་རིགས་ཀྱི་གཙུག་གཏོར་རྣམ་རྒྱལ་མ་ལྷ་སུམ་ཅུ་རྩ་གསུམ་སྟེ་བྱ་རྒྱུད་ཀྱི་དཀྱིལ་འཁོར་ལྔ་དང་བཅས་པ་རྣམས་སོ། །གཞན་ཡང་གཉིས་སུ་མེད་པའི་རྒྱུད་ཀྱི་རྒྱལ་པོ་དཔལ་དུས་ཀྱི་འཁོར་ལོའི་སྐུ་གསུང་
ཐུགས་ཡོངས་སུ་རྫོགས་པའི་དཀྱིལ་འཁོར་དུ་བྱིས་པ་འཇུག་པའི་དབང་བདུན། མཆོག་དབང་གོང་མ་རྡོ་རྗེ་སློབ་དཔོན་ཆེན་པོ་བདག་པོའི་དབང་དང་བཅས་པ་དང་། དཔལ་ཀྱེ་རྡོ་རྗེའི་ཆོས་སྐོར་ལ་བརྒྱུད་པའི་བཀའ་བབས་བཞིར་བཞུགས་པའི་དབང་རས་བྲིས་ཀྱི་དཀྱིལ་འཁོར་ལ་བརྟེན་པ་དང་། རྭ་
ཆེན་རྡོ་རྗེ་གྲགས་པའི་ལུགས་ཀྱི་རྡོ་རྗེ་འཇིགས་བྱེད་ལྷ་བཅུ་གསུམ་གྱི་དབང་བསྐུར་བ་དང་། གཞན་ཡང་བྱིན་རླབས་དང་རྗེས་སུ་གནང་བ་དང་། ཁྲིད་ཀྱི་སྐོར་ལ་སོགས་པའི་གདམས་པ་དཔག་ཏུ་མེད་པ་གསན་ནོ། །རྡོ་རྗེ་འཛིན་པའི་དབང་ཕྱུག་སངས་རྒྱས་རྒྱ་མཚོའི་དྲུང་དུ་སྔ་ཕྱིར་གདམས་པའི་བདུད་རྩི་
དཔག་ཏུ་མེད་པ་གསན་པ་རྣམས་འདིར་ཕྱོགས་སུ་བསྡམས་ཏེ་རགས་པ་ཙམ་སྨོས་ན། ཐོག་མར་རྗེ་བཙུན་ས་སྐྱ་པའི་གསེར་ཆོས་ཀྱི་ནང་ཚན་དུ་གྱུར་པའི་ཚེ་དཔག་ཏུ་མེད་པ་སྤྲུལ་སྐུའི་བྱིན་གྱིས་བརླབས་པ་དང་། འཇམ་དཔལ་ནག་པོ་སྐྱིལ་ཀྲུང་ཅན་གྱི་བྱིན་གྱིས་བརླབས་པ་དང་། རྡོ་རྗེ་ཁྱུང་ཁྲའི་རྗེས་གནང་

213-1-190a

དང་། པཎྜི་ཏ་ཟླ་འབྱུང་ནས་བརྒྱུད་པའི་འཇམ་དཔལ་ཤེས་རབ་འཁོར་ལོའི་བྱིན་གྱིས་བརླབས་པ་དང་། ཆག་ལོ་ཙཱ་བ་དགྲ་བཅོམ་པ་ནས་བརྒྱུད་པའི་ཁྲོ་བོ་གཙུག་ཏོར་འབར་བའི་རྗེས་སུ་གནང་བ། དེའི་མན་ངག་ཟབ་མོ་དང་བཅས་པ་དང་། པཎྜི་ཏ་དཱ་ན་ཤཱི་ལ་ནས་
བརྒྱུད་པའི་དབྱངས་ཅན་མ་དམར་མོ་དང་། གྲྭ་པ་མངོན་ཤེས་ལས་བརྒྱུད་པའི་སྨན་སྐྱོང་ཆེན་པོ་ཞང་བློན་རྡོ་རྗེ་བདུད་འདུལ་དང་། མཉམ་མེད་ཇོ་བོ་ཆེན་པོ་ནས་བརྒྱུད་པའི་རྟ་མགྲིན་ཤྭན་བཞིས་བསྐོར་དང་། ཐུབ་པ་དང་སྤྱན་རས་གཟིགས་དང་མི་གཡོ་བ་དང་སྒྲོལ་མ་སྟེ་བཀའ་གདམས་ལྷ་བཞིར་
གྲགས་པ་དང་། མ་གཅིག་གྲུབ་པའི་རྒྱལ་མོ་ལུགས་ཀྱི་རྟ་མགྲིན་དབྱུག་ཐོ་ཅན་དང་། ཀྲཱྀ་ཡ་ས་མུཙྪའི་བཞེད་པ་དང་རྗེས་སུ་མཐུན་པའི་གཟའ་ཐམས་ཅད་ཀྱི་ཡུམ་རྗེ་བཙུན་མ་རིག་པ་ཆེན་མོ་ལྷ་བཅུ་བཞི་དང་། དཔལ་མོ་ལུགས་ཀྱི་འཕགས་པ་བཅུ་གཅིག་ཞལ་ལྷ་ལྔ་དང་། གཞན་ཡང་ལྷ་
མོ་ནམ་མཁའི་གོས་ཅན་མ་དང་། ཕྱག་ན་རྡོ་རྗེ་ཁང་བུ་བརྩེགས་པ་དང་། འཕགས་པ་དོན་ཡོད་ཞགས་པ་ལྷ་ལྔ་དང་། རྡོ་རྗེ་འཇིགས་བྱེད་ཕྱག་གཉིས་པ་དང་། ལྷ་མོ་འོད་ཟེར་ཅན་གཙོ་རྐྱང་རྣམས་ཀྱི་རྗེས་སུ་གནང་བ་དང་། སྒྲོལ་མ་དཀར་མོ་ཡིད་བཞིན་འཁོར་ལོའི་རྗེས་སུ་གནང་བ་ཚེ་ཁྲིད་
དང་བཅས། གསེར་ཆོས་ཀྱི་མཁའ་འགྲོ་སེང་གེའི་གདོང་ཅན་མའི་རྗེས་སུ་གནང་བ་མན་ངག་གི་སྐོར་དང་བཅས་པ། རས་ཆུང་རྡོ་རྗེ་གྲགས་པ་ནས་བརྒྱུད་པའི་ཚེ་དཔག་ཏུ་མེད་པའི་ཚེའི་དབང་བསྐུར་བ་དང་དེའི་གདམས་པ་ཟབ་མོའི་ཁྲིད་ཀྱི་རིམ་པ་དང་བཅས་པ། གྲུབ་ཐོབ་ཐང་སྟོང་རྒྱལ་པོའི་
ལུགས་ཀྱི་བླ་མ་ཞི་ཁྲོའི་ཚེའི་དབང་བསྐུར་བ། རྫོང་བྱུང་བའི་ལུགས་ཀྱི་ཚེའི་དབང་བསྐུར་བ་ཟབ་མོ་རྣམས་ལེགས་པར་མནོས་ཤིང་། གྲུབ་ཆེན་ལ་བ་པའི་ལུགས་ཀྱི་འཁོར་ལོ་བདེ་མཆོག་རས་བྲིས་དཀྱིལ་འཁོར་ལ་བརྟེན་པའི་དབང་བསྐུར་བ་དང་། བདེ་མཆོག་སྒྱུ་མ་ཆེན་པོ་ལྷ་ལྔའི་དཀྱིལ་འཁོར་
དུ་དབང་བསྐུར་བ་དང་། འཁོར་ལོ་བདེ་མཆོག་གྲུབ་ཆེན་དྲིལ་བུ་པའི་ལུགས་ཀྱི་བྱིན་རླབས་ཟབ་མོ་དང་། གཞན་ཡང་དམར་པོ་སྐོར་གསུམ་དང་། དམར་མོ་སྐོར་གསུམ་ལ་སོགས་པ་གསེར་ཆོས་དང་ཟབ་ཆོས་ཀྱི་སྐོར་མང་པོའི་བྱིན་གྱིས་བརླབས་པ་དང་རྗེས་སུ་གདམས་པའི་

213-1-190b

བདུད་རྩི་བསམ་གྱིས་མི་ཁྱབ་པ་གསན་ཅིང་། ཁྱད་པར་དུ་ཡང་བསྟན་པའི་མངའ་བདག་རྗེ་བཙུན་ས་སྐྱ་པ་ཡབ་སྲས་ལ་བསྟན་པ་སྲུང་བའི་མཚོན་ཆར་ཆོས་སྐྱོང་བའི་སྲུང་མའི་རིགས་རྣོ་ཞིང་མྱུར་མགྱོགས་ཆེ་བ་མང་པོའི་གདམས་ངག་གི་བཀའ་བབ་པའི་ནང་ནས་གཙོ་བོར་གྱུར་བ་ནི་ཆོས་སྐྱོང་
བའི་སྲུང་མ་ཆེ་ཆུང་གཉིས་སུ་གྲགས་པ་ལས། ཆོས་སྲུང་ཆེ་བ་ནི་འཕགས་ཡུལ་རྡོ་རྗེའི་གདན་གྱི་སྒོ་སྐྱོང་དུ་བཞུགས་པའི་སྲུང་མའི་དབང་པོ་རྡོ་རྗེ་ནག་པོ་ཆེན་པོ་འདི་ཉིད་ནི། མཁའ་འགྲོའི་དབང་ཕྱུག་རྡོ་རྗེ་གུར་གྱི་རྒྱུད་ལེའུ་བཅོ་ལྔ་པ་ལས་བསྟན་པས་གུར་གྱི་མགོན་པོ་ཞེས་བྱ་སྟེ། འདི་
ལ་བཀའ་བབས་རྣམ་བཞིའི་གདམས་ངག་ཆུ་བོའི་རྒྱུན་བཞིན་དུ་མ་ནུབ་པར་བཞུགས་པ་ལས། བརྒྱུད་པའི་བཀའ་བབས་དང་པོ་དཔལ་རྣལ་འབྱོར་གྱི་དབང་ཕྱུག་བིཪྺ་པ་ལས་བརྒྱུད་པའི་མགོན་པོ་དཔའ་བོ་གཅིག་པ་ལམ་འབྲས་པའི་མགོན་རྐྱང་དུ་གྲགས་པའི་རྗེས་སུ་གནང་བ་ལས་ཚོགས་ཀྱི་
ལུང་དང་བཅས་པ་དང་། བཀའ་བབས་གཉིས་པ་བ་རི་ཙཱ་བ་ནས་བརྒྱུད་པའི་མགོན་པོ་དཔའ་བོ་གཅིག་པའི་རྗེས་སུ་གནང་བ་དང་། བཀའ་བབས་བཞི་པ་ཁ་ཆེ་པཎ་ཆེན་ཤཱཀྱ་ཤྲཱི་ནས་བརྒྱུད་པ་སྤུ་གྲི་སྐོར་གསུམ་གྱི་ལུང་དང་བཅས་པ་རྣམས་མནོས་སོ། །བརྒྱུད་པའི་བཀའ་བབས་གསུམ་
པ་བླ་མ་མལ་ལོ་ཙཱ་བ་ནས་བརྒྱུད་པའི་བྱིན་གྱིས་བརླབས་པའི་བཀའ་མ་ནུབ་པ་ལ་ལོ་ཆེན་གྱི་བཞེད་པ་གཙོ་བོར་གྱུར་པ་ནག་པོ་ཆེན་པོ་ལྕམ་དྲལ་ལྷ་གསུམ་སྦགས་ཏེ་སྒྲུབ་པ་དང་། ལྷ་བརྒྱད་མཁའ་འགྲོ་སྦགས་ཏེ་སྒྲུབ་པ་ཐུན་མོང་བ་དང་ཐུན་མོང་མ་ཡིན་པ་གཉིས་དང་། ལྷ་བཅུ་གཉིས་པ་ཐུན་མོང་བ་དང་
ཐུན་མོང་མ་ཡིན་པ་གཉིས་དང་། མགོན་པོ་ཁྲོ་བོ་བཅུ་དང་བཅས་པ་གཙོ་འཁོར་སྦགས་ཏེ་སྒྲུབ་པའི་རྗེས་སུ་གནང་བ་བཀའ་རྒྱ་ཤིན་ཏུ་དམ་པ་ཅན་དང་། ཤིན་ཏུ་ཟབ་པ་གསང་ཁྲིད་ཀྱི་སྔོན་དུ་འགྲོ་བའི་ནག་པོ་ཆེན་པོ་ལྷ་བརྒྱད་ལ་བེར་ནག་ཟངས་གྲི་ཅན་བསྣན་པའི་ལྷ་དགུ་པ་རྣམས་ཀྱི་རྗེས་གནང་དང་། དཔལ་ལྡན་
ལྷ་མོ་དུད་པའི་སོལ་བ་ཅན་ཕྱི་སྒྲུབ་ཐུན་མོང་བ་དང་། གསང་སྒྲུབ་ཐུན་མོང་མ་ཡིན་པ་གཉིས་དང་། ལས་ཀྱི་མགོན་པོ་པུ་ཏྲ་མིང་སྲིང་དང་། ནང་གི་ལས་མཁན་བེར་ནག་ཟངས་གྲི་ཅན་དང་། ཕྱིའི་ལས་མཁན་གཅེར་བུ་ཟངས་གྲི་ཅན་དང་། རུ་མཚོན་གྱི་ལས་མཁན་བྲན་བདུད་གཤིན་
213-1-191a

རྗེ་ནག་པོ་ཐུན་མོང་བ་དང་ཐུན་མོང་མ་ཡིན་པའི་ལུགས་ཏེ་དེ་དག་གི་རྗེས་སུ་གནང་བ་རྣམས་ལེགས་པར་མནོས་སོ། །ཆོས་སྐྱོང་ཆུང་བར་གྲགས་པ་ནི། དཔལ་གསང་བ་འདུས་པའི་རྩ་བའི་རྒྱུད་ལེའུ་བཅུ་བདུན་པ་དང་། འཁོར་ལོ་བདེ་མཆོག་གི་བཤད་པའི་རྒྱུད་ལ་བརྟེན་པའི་
ཞིང་སྐྱོང་སྟོབས་འཕྲོགས་ནག་པོ་གདོང་བཞི་པའམ་དྲག་པོ་གཟི་ལྡན་དབང་ཕྱུག་ཏུ་གྲགས་པ་སྟེ། དེའི་རྗེས་སུ་གནང་བའི་སྐོར་ལ། བསྙེན་དུས་ཀྱི་མགོན་པོ་ཞལ་བཞི་པ་དང་། སྒྲུབ་དུས་ཀྱི་མགོན་པོ་ཞལ་ཁྲ་ཅན་གྱི་རྗེས་སུ་གནང་བ་ཐུན་མོང་བ་དང་ཐུན་མོང་མ་ཡིན་པ་གཉིས། ལས་སྦྱོར་གྱི་
མགོན་པོ་གདོང་བརྙན་ཅན་དང་། ནང་ཞིང་སྐྱོང་ལྟར་སྒྲུབ་པའམ་གསང་སྒྲུབ་ཅེས་གྲགས་པ་དང་། ལས་བཞིའི་རྗེས་སུ་གནང་བ་ལ། དཀར་པོ་ཚེ་འཕེལ་བར་བྱེད་པ་ཐུན་མོང་བ་དང་ཐུན་མོང་མ་ཡིན་པ་གཉིས་དང་། སེར་པོ་བསོད་ནམས་རྒྱས་པར་བྱེད་པ་ལྷ་དགུ་པ་དང་ལྷ་ལྔ་པ་གཉིས་
དང་། དམར་པོ་སྐྱེ་འགྲོ་དབང་དུ་སྡུད་པར་བྱེད་པ་དང་། སྔོན་པོ་དགྲ་བགེགས་སྒྲོལ་བར་བྱེད་པ་དང་ཤིས་བསྟེན་པ་དང་། གཤིན་རྗེ་ལྟར་སྒྲུབ་པ་དང་། དམག་དཔོན་གྱི་མགོན་པོ་ཁྱུང་ཞལ་ཅན་རྣམས་ཀྱི་རྗེས་སུ་གནང་བ་རྣམས་དང་། གཞན་རང་ཞིང་སྐྱོང་སྟོབས་འཕྲོགས་དབང་པོའི་བཀའ་སྡོང་ཀྱི་
གཙོ་བོ་བླ་མ་གཉན་ལོ་ཙཱ་བའི་སྲུང་མ་མཐུ་རྩལ་ཤིན་ཏུ་ཆེ་བར་གྲགས་པ་བེག་རྩེ་ལྕམ་དྲལ་གཉིས་དང་ལྷ་མང་གཉིས་ཀའི་རྗེས་སུ་གནང་བ་རྣམས་གསན་པར་མཛད་དོ། །གཞན་ཡང་གུར་གྱི་མགོན་པོ་སྤྲིན་གསེབ་མ་དང་། དཔལ་ལྡན་ལྷ་མོ་རྡོ་རྗེ་རབ་བརྟན་མ་ལ་སོགས་པའི་རྗེས་སུ་གནང་
བ་མང་པོ་དང་། དེ་དག་གི་སྒྲུབ་སྐོར་དང་། ལས་ཚོགས་ཟབ་ཅིང་ཆེས་ཟབ་པ་གསང་སྔགས་འཛིན་པ་ཕལ་གྱི་རྣ་བའི་སྣོད་དུ་ལྷུང་བར་མ་གྱུར་པའི་ཟབ་ཆོས་ཀྱི་གསན་པ་རྒྱ་མཚོ་ལྟ་བུའི་ཕ་རོལ་དུ་སོན་པར་མཛད་དོ། །གཞན་ཡང་གསང་སྔགས་གསར་རྙིང་གི་བསྟན་པའི་སྲོལ་འཛིན་ཆེན་པོར་
གྱུར་པའི་བླ་མ་མཁས་གྲུབ་ཀྱི་ཡོན་ཏན་མངའ་བ། གཞན་མང་པོ་ལས་ཀྱང་སྔ་ཕྱིར་ཟབ་པ་དང་རྒྱ་ཆེ་བའི་ཆོས་ཀྱི་བདུད་རྩི་གསན་པའི་རྣམ་གྲངས་མང་དུ་ཡོད་ཀྱང་འདིར་མ་སྤྲོས་སོ། །དེས་ན་རྒྱལ་རིགས་དང་མི་དཔོན་གཞན་པ་འགའ་ཞིག་ནི་རིགས་དང་སྟོབས་དང་འབྱོར་བ་ལ་སོགས་བཅུད་ཟད་རེས་

213-1-191b

ཁེངས་ཏེ་འཇིག་རྟེན་ཕ་རོལ་གྱི་ལྟད་མོ་འབྱུང་སྙམ་ཡིད་ལ་མི་བྱེད། དེ་ལ་བརྟེན་ནས་བླ་མ་དང་དཀོན་མཆོག་ལ་མོས་གུས་ཙམ་ཡང་མི་སྐྱེ་ཞིང་། གལ་ཏེ་གུས་པ་བྱས་ན་རང་གི་ཆེ་བ་ཉམས་ཀྱིས་དོགས་པས་བདེ་འགྲོའི་ལུས་རྟེན་ཐོབ་པར་གྱུར་ཀྱང་དམ་པའི་ཆོས་ཉན་པ་ལ་སོགས་པའི་སྐལ་བ་
བཟང་པོ་མྱོང་བའི་སྐབས་ཡོད་པ་མ་ཡིན་ནོ། །དེར་མ་ཟད་དགྲ་བསད་པ་དང་། དཔལ་འཕྲོག་པ་དང་། གཡོ་སྒྱུ་བརྩམས་པའི་ལོ་རྒྱུས་རྣམས་ཀྱང་ཆོས་དང་ཡོན་ཏན་བཞིན་དུ་བསམས་ནས་དབྱངས་སུ་ལེན་པར་བྱེད་པ་དང་། རྒྱུ་དེས་མངའ་རིས་རྣམས་ཀྱང་སྡིག་པ་དང་སྡུག་བསྔལ་ལ་སྦྱོར་བར་བྱེད་
དོ། །འདིར་ནི་དེ་དག་དང་ཐུན་མོང་དུ་མ་གྱུར་བ་སྟེ་རྒྱལ་རིགས་མཐོ་བའི་གནས་སུ་སྐྱེས་ཀྱང་ཁེངས་པ་ལ་སོགས་པ་རིང་དུ་བསྐྱུངས་ནས་ཡང་དག་པའི་དགེ་བའི་བཤེས་གཉེན་ཆེན་པོའི་སྤྱོད་པ་སྐྱོང་བ་འདི་ནི་བློ་ལྡན་ཀུན་གྱི་སྙན་དངགས་དམ་པའི་མེ་ཏོག་གིས་མངོན་པར་མཐོར་བའི་ཡུལ་དུ་གྱུར་
པ་ཉིད་དོ། །ཇི་ལྟར་ཐོས་པའི་ཆོས་རྣམས་ཀྱི་དོན་ལ་བསམ་པས་སྒྲོ་འདོགས་གཅོད་པའི་ཕྱིར་ཡང་དག་པའི་བློ་གྲོས་ཀྱི་སྣང་བ་བསྐྱེད་པ་ལ་མཐུན་པ་མིན་པའི་ཕྱོགས་སུ་གྱུར་པ་ནི་མི་ཤེས་པའི་མུན་པ་སྟེ། དེའི་གཉེན་པོར་རྗེ་བཙུན་འཇམ་དཔལ་དབྱངས་དང་། དུས་མ་ཡིན་པའི་འཆི་བ་
བཟློག་པ་ལ་རབ་ཏུ་བསྔགས་པའི་ཚེ་སྒྲུབ་ཀྱི་རིགས་འགའ་ཞིག་གི་བཟླས་བསྒོམ་གྱི་རྒྱུན་མ་ཆག་པར་མཛད་དོ། །དེ་ནས་བརྩམས་ཏེ་དཔལ་ཨེ་ཝཾ་ཆོས་ལྡན་གྱི་གཙུག་ལག་ཁང་ཆེན་པོའི་ཚོགས་འདོན་གྱི་རིམ་པ་ཇི་ལྟར་སྲིད་པ་རྣམས་དང་། དཔལ་ཀྱེ་རྡོ་རྗེ་དང་རྡོ་རྗེ་ཕུར་པའི་དཀྱིལ་འཁོར་ཆེན་
པོ་རྣམས་ཀྱི་སྒྲུབ་ཐབས་དང་། དཀྱིལ་འཁོར་གྱི་ཆོ་ག་ཡན་ལག་དང་བཅས་པའི་ཐུགས་འཛིན་བྱང་ཆུབ་པར་མཛད་ནས། དེ་དག་ལག་ཏུ་བླང་བའི་རིམ་པ་ཆོ་གའི་ཆིངས་དང་། འདོན་འགྲིགས་དང་། གདངས་དབྱངས་དང་། གར་འཆམ་དང་། རོལ་མོའི་རིགས་ཀྱི་འབུད་དཀྲོལ་ལ་སོགས་པ་
ལ་ཤིན་ཏུ་འདྲིས་པར་མཛད་དེ། ལོ་གྲངས་ཁ་ཡར་དུ་དགེ་འདུན་གྱི་ཚོགས་ཆེན་པོའི་དབུར་བཞུགས་ནས་དཀྱིལ་འཁོར་ཆེན་པོ་སྒྲུབ་ཅིང་མཆོད་པ་དང་། འཇིག་ཅིང་དབང་བླང་བ་རྣམས་ལ་བྱང་ཆུབ་པར་མཛད་དོ། །དེར་མ་ཟད་གཉིས་སུ་མེད་པའི་རྒྱུད་ཀྱི་རྒྱལ་པོ་དཔལ་ཀྱེ་རྡོ་རྗེའི་རྩ་རྒྱུད་

213-1-192a

བརྟག་པ་གཉིས་པ་དང་། དེ་ཉིད་གཙོ་བོར་གྱུར་པའི་རྒྱུད་སྡེ་མང་པོའི་རྣམ་གཞག་དང་། མཚན་གྱི་དོན་དང་། བཤད་པའི་ཐབས་ཀྱི་མན་ངག་དང་། མངོན་པར་རྟོགས་པ་རྣམས་སྟོན་པར་བྱེད་པའི་བསྟན་བཅོས་ཆེན་པོ་ཚུལ་གསུམ་མཛེས་པར་བྱེད་པའི་རྒྱན་དང་།
མངོན་པར་རྟོགས་པ་མཛེས་པར་བྱེད་པའི་རྒྱན་དང་། ཡོངས་སུ་རྫོགས་པའི་བསྟན་པ་རིན་པོ་ཆེའི་དགོངས་དོན་མཐའ་དག་དཔྱད་པ་གསུམ་གྱི་སྒོ་ནས་ལེགས་པར་འདོམས་ཤིང་། ཆོས་དང་ཆོས་མ་ཡིན་པ་རྣམ་པར་འབྱེད་པའི་བསྟན་བཅོས་ཆེན་པོ་སྡོམ་པ་གསུམ་གྱི་རབ་ཏུ་དབྱེ་བ་
ལ་སོགས་པ་ནང་དོན་རིག་པའི་གཞུང་ལུགས་རྣམས་ཀྱང་སྦྱངས་པ་ལ་རྩོལ་བས་ཁོང་དུ་ཆུད་པར་བྱས་ནས་དེ་དག་གི་ཚོགས་འདོན་རྣམས་ལ་ཡང་བྱོན་ནོ། །གཞན་ཡང་འཇིག་རྟེན་ལུགས་ཀྱི་བསྟན་བཅོས་སྐྱེ་བོ་གསོ་བའི་ཐིག་པ་དང་། ཤེས་རབ་བརྒྱ་པ་དང་། ཙ་ན་ཀའི་རྒྱལ་པོའི་ལུགས་
ཀྱི་བསྟན་བཅོས་དང་། ལེགས་པར་བཤད་པ་རིན་པོ་ཆེའི་གཏེར་ལ་སོགས་པ་དང་། ཕྱི་རོལ་རིག་པའི་གཙུག་ལག་གི་གཞུང་དུ་གཏོགས་པ་མང་པོ་དང་། འཕྲིན་ཡིག་དང་ཆབ་ཤོག་གི་སྙན་དངགས་ཡན་ཆད་ཀྱི་ཐ་སྙད་རིག་པའི་བསྟན་བཅོས་ཕལ་ཆེ་བ་རྣམས་དང་། འཁོར་བ་ལས་
ཡིད་འབྱུང་སྐྱེད་པ་བྱེད་པའི་རྟོགས་པ་བརྗོད་པ་དང་། རྣམ་པར་ཐར་བ་མང་པོའི་ཚིག་དོན་ལ་ལེགས་པར་དཔྱད་པའི་གཟིགས་རྟོགས་ཀྱི་སྒོ་ནས་ཚར་ཕྱིན་པར་བགྱིས་སོ། །མདོར་ན་ཇི་སྐད་དུ། ལེགས་པར་བཤད་པ་རིན་པོ་ཆེའི་གཏེར་ལས། མི་གང་སྐྱེ་བོ་དམ་པ་དང་། །དམན་པའི་ཁྱད་
པར་ལེགས་ཤེས་ནས། །དེ་ཡི་བྱ་བ་བསྒྲུབ་ཤེས་པ། །ཕུན་སུམ་ཚོགས་པའི་གཞི་ཆེན་ཡིན། །ཞེས་པ་ལྟར་རང་གཞན་གྱི་སྤྱོད་པའི་ཆ་ལ་ལེགས་པར་བརྟགས་ནས་དམ་པ་དང་དམ་པ་མ་ཡིན་པའི་ཁྱད་པར་དཔྱོད་པ་ལ་མ་རྨོངས་པ་ཉིད་དུ་གྱུར་ཏོ། །དེ་ནས་བསྟན་པའི་གཞི་
མ་ཡོངས་སུ་རྫོགས་པ་དགེ་སློང་གི་དངོས་པོར་བསྒྲུབ་པའི་ཕྱིར་དང་། དབུས་གཙང་ཕྱོགས་ཀྱི་དགོན་སྡེ་རིས་སུ་མ་ཆད་པ་རྣམས་སུ་ཀུན་མཁྱེན་ཉི་མའི་གཉེན་གྱི་བསྟན་པའི་རྩ་ལག་ཏུ་བཞུགས་པའི་བླ་མ་དམ་པ་རྣམས་དང་དགེ་སློང་གི་དགེ་འདུན་གྱི་ཚོགས་ཇི་སྙེད་ཅིག་མཆིས་པ་དག་ལ་དབུལ་འགྱེད་

213-1-192b

དང་བསྙེན་བཀུར་སྟོབ་པའི་ཕྱིར་དང་། དེ་དག་གི་གཙུག་ལག་ཁང་ཆེན་པོ་རྣམས་སུ་འགྲོ་བ་མ་ལུས་པའི་མགོན་སྐྱབས་དང་དཔུང་གཉེན་དུ་བཞུགས་པའི་རྟེན་གསུམ་ངོ་མཚར་ཅན་བགྲང་གིས་མི་ལང་བ་ཇི་སྙེད་བཞུགས་པ་རྣམས་ཀྱི་ཞལ་མཇལ་ཞིང་མཆོད་པ་དབུལ་བའི་སྒོ་ནས་བསོད་
ནམས་ཀྱི་ཚོགས་གསོག་པའི་ཕྱིར་དབུས་གཙང་གི་ཕྱོགས་སུ་ཆིབས་ཀྱི་གདོང་བསྒྱུར་བ་ལ་མཆོག་ཏུ་དགའ་བའི་འཛུམ་གྱི་ཕྲེང་བ་མང་པོས་བསུ་བའི་གདོང་གི་པདྨ་རྣམ་པར་རྒྱས་པ་དང་སྤྲོ་བ་མཆོག་གི་ཤིང་རྟ་དམ་པའི་འཁོར་མངོན་པར་འཛེགས་པར་གྱུར་ཏོ། །ཇི་ལྟར་བཞེད་པའི་དོན་དེ་དག་གི་རྐྱེན་སེལ་ལ་
ཡང་དངུལ་མདའ་ལྷུན་གྲུབ་སྟེང་གཙོ་བོར་སྨོས་པའི་མངའ་འོག་ཏུ་གཏོགས་པའི་དགོན་སྡེ་མཐའ་དག་ལ་སྐུ་ཚེ་རིང་དུ་འཚོ་བའི་ཆོ་ག་མང་པོ་དང་། བསྲུང་བཟློག་གི་རིམ་གྲོ་རྒྱ་ཆེན་པོ་དང་། མགོན་ཁང་རྣམས་སུ་བསྐང་གསོ་རྒྱུན་འདོན་བྱེད་པའི་གྲྭ་པ་གསར་འཕར་མང་པོ་ཡང་བཞག་གོ། །ཁྱད་པར་མཁན་ཆེན་
ཐམས་ཅད་མཁྱེན་པ་བཀྲ་ཤིས་ལྷུན་གྲུབ་པ་དང་། ཡར་ལུང་མཁན་པོ་ངག་དབང་ཀུན་དགའ་ལེགས་པའི་འབྱུང་གནས་པ་དང་། མཐུ་སྟོབས་གྲུབ་པའི་དབང་ཕྱུག་སངས་རྒྱས་རྒྱ་མཚོ་སྟེ། རྡོ་རྗེ་འཛིན་པའི་དེད་དཔོན་ཆེན་པོ་དེ་དག་ནི་མགོན་ཁང་གསར་རྙིང་རྣམས་སུ་རིམ་པ་བཞིན་དུ་གདན་དྲངས་ཞུས་
ཏེ། བསྟན་སྲུང་ཡོངས་ཀྱི་སྡེ་དཔོན་ཆེན་པོ་རྡོ་རྗེ་གུར་གྱི་མགོན་པོ་ལྕམ་དྲལ་དང་། གདོང་བཞི་གཉན་གྱི་མགོན་པོ་ལ་སོགས་པའི་སྲུང་མ་རྒྱ་མཚོའི་ཚོགས་རྣམས་སྔགས་དང་ཏིང་ངེ་འཛིན་གྱི་ནུས་པས་བྲན་བཞིན་དུ་བཀོལ་ཏེ། མདུན་དུ་ཅི་བགྱི་ཞེས་བཀའ་ནོད་པའི་ཚུལ་གྱིས་འཁོད་པ་ལ་ཁྱེད་
རྣམས་ཀྱིས་རིགས་ཀྱི་བུ་འདིའི་ལུས་དང་གྲིབ་མ་བཞིན་དུ་རྟག་པར་འགྲོགས་ལ། དམ་པའི་ཆོས་ཚུལ་བཞིན་དུ་སྒྲུབ་པར་བྱེད་པ་ལ་འགལ་རྐྱེན་བར་དུ་གཅོད་པ་ཐམས་ཅད་མི་འབྱུང་བ་དང་། མཐུན་རྐྱེན་བཞེད་པའི་དོན་ཐམས་ཅད་ཆོས་དང་མཐུན་པར་ཚུལ་བཞིན་དུ་སྒྲུབ་པའི་ཕྲིན་ལས་དང་སྟོང་
གྲོགས་གྱིས་ཤིག་ཅེས་བྱ་བ་ལ་སོགས་པའི་ཕྲིན་ལས་རྣམ་པ་བཞིའི་བཀའ་བསྒོ་ཡང་དག་པ་མཛད་དོ། །དེ་ནས་རིམ་གྱིས་བཏེག་སྟེ་ལམ་བར་དུ་འཁོད་པའི་དགོན་སྡེ་རྣམས་ལ་ཡང་དགེ་གཏོང་གི་མཆོད་སྦྱིན་རྒྱ་ཆེན་པོ་བསྟར་བ་དང་བཅས་ཏེ། ཡུལ་དབུས་འགྱུར་འཆང་གི་ལྟེ་བ་ལྷ་ལྡན་སྤྲུལ་པའི་

213-1-193a

གཙུག་ལག་ཁང་ཆེན་པོ་དང་ཉེ་བའི་ཆར་ཕེབས་སོ། །དེའི་ཚེ་གཞུང་ས་ཆེན་པོ་མཆོད་ཡོན་ཉི་ཟླ་ཟུང་དུ་འབྲེལ་པ་ལྟ་བུ་དག་ནས་ཐུགས་ཤིན་ཏུ་དགེས་པའི་རོལ་མོར་མདུན་བསུའི་བཀོད་པ་སྔ་ཕྱིའི་རིམ་པ་མང་པོ་སྩལ་བ་ལ་སོགས་པ་གཞན་ལས་ཁྱད་པར་དུ་འཕགས་པའི་
བསྔགས་བཀུར་རྒྱ་ཆེན་པོ་དང་བཅས་ཏེ་ལྷ་ལྡན་དུ་བདེ་བར་ཕེབས་སོ། །དེར་ཕེབས་པ་དང་ཐོག་མར་བསིལ་ལྡན་ལྗོངས་ཀྱི་བོད་འབངས་སྤྱིའི་བསོད་ནམས་ཀྱི་ར་བ་གཞལ་དུ་མེད་ཅིང་རྣམ་པར་ཡངས་བ་དག་ཏུ་འགྱུར་ཁུག་སྙན་པའི་མགྲིན་པ་མཐའ་དག་ལྷན་ཅིག་ཏུ་བསྒྲིགས་པའི་སྨོན་ལམ་གྱི་རྒྱང་
གླུ་ཤིན་ཏུ་སྙན་པའི་གདངས་སུ་བསྒྱུར་ཏེ། དུས་རིང་མོ་ཞིག་ནས་ལན་བརྒྱའམ་སྟོང་གི་བར་དུ་བོས་པ་དང་འདྲ་བར་ཉེ་བར་ལྷགས་པའི་མགྲོན་གྱི་དམ་པ། སྡེ་སྲིད་མིའི་དབང་པོ་ཕོ་ལྷ་ཐཱ་ཇི་ཞེས་བྱ་བ་ལེགས་བྱས་ཀྱི་མཁུར་ཚོས་ཡངས་པའི་ངོས་སུ་རྒྱ་ཆེན་དབང་གི་ཕྲིན་ལས་ཀྱི་དམར་མདངས་
ཕུན་སུམ་ཚོགས་པས་མངོན་པར་འཕོས་པ་དེ་ཉིད་ཀྱི་ཞལ་བཟང་ཟླ་བ་གཞོན་ནུ་ཡོངས་སུ་མཇལ་བར་ཞུ་བའི་རྟེན་དང་། དེང་གི་དུས་ན་སངས་རྒྱས་ཀྱི་བསྟན་པ་རིས་སུ་མ་ཆད་པ་ལ་ཕན་པའི་རི་མོ་ལྷག་པར་བགྱི་བའི་སྒོ་ནས། འཇིག་རྟེན་གྱི་ཁམས་ཐམས་ཅད་བདེ་སྐྱེད་ཀྱི་དཔལ་ལ་
བཀོད་པའི་དྲིན་གཟོར་དམིགས་ནས་འབུལ་ཚན་བརྒྱ་ཕྲག་གཅིག་དང་གསུམ་གྱིས་ལྷག་པ་ཕུལ་ལོ། །དེར་འཇིག་རྟེན་ལུགས་ཀྱི་བསྟན་བཅོས་དང་མཐུན་པའི་གསུང་མཆིད་ཀྱི་བདུད་རྩིའི་ཟེར་ཕྲེང་ཅི་ཡང་སྩལ་བའི་དགའ་སྟོན་བཟང་པོ་མྱང་ངོ་། །དེ་ཉིད་ནས་མཚམས་སྦྱར་ཏེ་མི་རིང་
བར་དཔལ་ལྡན་གྲུ་འཛིན་ཞིང་གི་མགོན་པོའི་ཕོ་བྲང་གཉིས་པ་པོ་ཏ་ལ་ཞེས་བྱ་བ་སྤྲུལ་པའི་ལྷ་བཟོ་བི་ཤྭ་ཀརྨའི་ལག་གི་འདུ་བྱེད་ལས་བྱུང་བ་ལྟ་བུའི་བསྟི་གནས་དེ་ཉིད་དུ་འཕགས་པ་ཕྱག་ན་པདྨའི་རྣམ་པར་འཕྲུལ་པ་གདོན་མི་ཟ་བའི་ཐུགས་རྗེ་དང་ལྡན་པ། རྒྱལ་བའི་དབང་པོ་ཐམས་ཅད་
མཁྱེན་པ་བསྐལ་བཟང་རྒྱ་མཚོ་ཞེས་ཡོངས་སུ་གྲགས་པའི་བསྟན་འཛིན་གྱི་སྐྱེས་བུ་ཆེན་པོ་དེ་ཉིད་ཞལ་མཇལ་གྱི་ཆེད་དུ་བྱོན་པ་ན། ནམ་ཞིག་གི་ཚེ་ན་སྐྱབས་མགོན་ཆེན་པོ་དེ་ནི་འཇིགས་མེད་གདོང་ལྔའི་དབང་པོ་དྲེགས་པས་བསྒྱིངས་པའི་ཁྲི་མཐོན་པོ་ག་ལ་བར་ཞབས་ཀྱི་པདྨ་རྣམ་པར་བཀོད་དེ།

213-1-193b

ལྷམ་མེ། ལྷང་ངེ། ལྷན་ནེར་བཞུགས་པ་མཐོང་ངོ་། །མཐོང་ནས་ཀྱང་གནས་སྐབས་སུ་སྐལ་པ་བཟང་པོ་འདི་ལྟ་བུ་དང་ཕྲད་པར་གྱུར་ཏོ་སྙམ་པའི་དགའ་བ་དང་སྤྲོ་བ་དཔག་ཏུ་མེད་པ་དང་ཆབ་ཅིག་པར། དེ་ཉིད་ཀྱི་སྤྱན་ལམ་དུ་བཀྲ་ཤིས་པའི་ཁ་དར་དང་། དེ་བཞིན་གཤེགས་པའི་
རྟེན་གསུམ་ངོ་མཚར་ཅན་གྱིས་ཐོག་དྲངས་པའི་འབུལ་བ་དངོས་པོ་བཟང་ཞིང་གཏོས་ཆེ་བ་ཚན་གྲངས་སྟོང་ཕྲག་ལས་ཀྱང་ལྷག་པའི་ཚོགས་རྫོགས་རྒྱ་དཔངས་མི་ཆུང་ཙམ་ཕུལ་ཏེ། ཞལ་གྱི་དཀྱིལ་འཁོར་དངོས་སུ་མཇལ་བའི་དགའ་བ་གྱ་ནོམ་པ་བརྙེས་སོ། །དེ་ནས་རིམ་གྱིས་དཔལ་
འབྲས་སྤུངས་དང་སེ་ར་ལ་སོགས་པ་དེ་ཕྱོགས་ཀྱི་དགོན་སྡེ་ཆེ་ཕྲ་རྣམས་སུ་དགེ་སློང་གི་དགེ་འདུན་ཇི་སྙེད་བཞུགས་པ་དག་ལའང་གྲལ་འགྱེད་དང་བསྙེན་བཀུར་གཟབས་པར་བསྟབས་སོ། །ཁྱད་པར་མེ་ཏོག་བརྩེགས་པའི་གཟུངས་ལས། སེང་གེ་རྣམ་པར་རྩེ་བ་གང་གིས་དེ་
བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ལ་ལོ་གཅིག་གམ། ལོ་བརྒྱ་འམ། ལོ་སྟོང་དུ་ཡང་རུང་སྟེ་བདེ་བའི་ཡོ་བྱད་རྣམས་ཀྱིས་བསྙེན་བཀུར་བྱས་པ་དང་། དེ་བཞིན་གཤེགས་པ་ཡོངས་སུ་མྱ་ངན་ལས་འདས་ནས་མཆོད་རྟེན་རྣམས་ལ་མེ་
ཏོག་འབུལ་ལམ། ཆུ་སྙིམ་པ་གང་འཐོར་རམ། བྱུག་པའི་ཐིག་ལེ་འདྲིའམ། མེ་ཏོག་གི་ཉལ་ཉིལ་འཕྱག་གམ། བྱུག་པ་འབུལ་ལམ། སྤོས་འབུལ་ལམ། གདུག་པ་འབུལ་ལམ། མར་མེ་འབུལ་ཞིང་ཕུལ་ན་དགའ་བའི་སེམས་ཀྱིས་གོམ་པའི་སྟབས་འགའ་བོར་ཏེ་སངས་
རྒྱས་བཅོམ་ལྡན་འདས་ལ་ཕྱག་འཚལ་ལོ་ཞེས་སྨྲ་བ་དེ་དག་ནི་སེང་གེ་རྣམ་པར་རྩེ་བ་བསྐལ་པའམ། བསྐལ་པ་བརྒྱ་འམ། བསྐལ་པ་སྟོང་དུའམ། བསྐལ་པ་བརྒྱ་སྟོང་དུ་ངན་འགྲོ་ལོག་པར་ལྟུང་བའི་གནས་སུ་འགྲོ་བར་འགྱུར་བ་དེའི་གནས་མེད་དོ་ཞེས་བྱ་བ་ལ་སོགས་པ་རྒྱ་ཆེར་གསུངས་
པའི་ཕན་ཡོན་གྱི་འཕྲིན་ཡིག་བསླུ་བ་མིན་པའི་ལུང་གི་ཕྲེང་བ་མང་པོ་ཡིད་ཀྱི་ཁང་བཟངས་ཡངས་པ་དག་ཏུ་རྗེས་སུ་སེམས་ཤིང་རྗེས་སུ་དྲན་པའི་བྱེད་པོས་ལེགས་པར་འདྲི་བཞིན་པས་འཇིག་རྟེན་ཀུན་གྱི་མཆོད་སྡོང་བླ་ན་མེད་པར་བཞུགས་པ་ནི་འདི་ལྟ་སྟེ། འདོད་པའི་ཁམས་དང་གཟུགས་

213-1-194a

ཀྱི་ཁམས་ན་གནས་པའི་ལྷ་དང་། མི་དང་། ལྷ་མ་ཡིན་དང་། དྲི་ཟ་དང་། གདེངས་ཅན་དབང་པོ་ལ་སོགས་པ་དང་། འཕགས་པ་ཉན་ཐོས་དང་། རང་སངས་རྒྱས་དང་། བྱང་ཆུབ་སེམས་དཔའི་ཚོགས་བྱེ་བ་ཁྲག་ཁྲིག་མང་པོས་མདུན་གྱིས་བལྟས་ཏེ། ཉི་
མ་རེ་རེ་བཞིན་དུ་མཆོད་པའི་སྤྲིན་གྱི་བྱེ་བྲག་བསམ་གྱིས་མི་ཁྱབ་པས་མཆོད་ཅིང་རྗེད་པར་བྱེད་པའི་བསོད་ནམས་ཀྱི་རྟེན་བླ་ན་མེད་པ། བཅོམ་ལྡན་འདས་ཤཱཀྱའི་རྒྱལ་པོའི་སྐུ་བརྙན་རྣམ་པ་གཉིས་ལ་སོགས་པའི་རྟེན་གསུམ་གྱི་རྣམ་པ་ཇི་སྙེད་བཞུགས་པ་རྣམས་ཏེ། དེ་དག་ལ་ཞལ་གསེར་གསོལ་
བ་དང་། བདུག་པ་དང་། མར་མེ་དང་། ཞལ་ཟས་སོགས་ཉེ་བར་སྤྱོད་པ་རྣམས་དང་། སྟོང་འཁུན་གྱི་ཡུལ་ལས་འཐོན་པའི་དར་གོས་ཀྱི་ཁྱད་པར་སྣ་ཚོགས་པ་ལས་གྲུབ་པའི་སྙན་ཤལ་དང་། འཕན་དང་། གསེར་ལས་བརྡུངས་པའི་མཆོད་ཀོང་ལ་སོགས་པ་མཆོད་པའི་ཡོ་བྱད་གྱ་ནོམ་པ་རྣམས་ཀྱིས་
མཆོད་པ་འབུལ་བ་དང་བཅས་ཏེ། མདོར་ན་བསགས་པའི་དངོས་པོ་སྙིང་པོས་དབེན་པ་རྣམས་ཀྱང་འདིའི་དོན་མཐར་ཐུག་བླ་ན་མེད་པའི་བྱང་ཆུབ་ཀྱི་རྒྱུར་འགྲོ་བའི་སྙིང་པོ་ཤིན་ཏུ་ལྕི་བའི་རང་བཞིན་ཅན་དུ་མཛད་དོ། །དེ་ནས་མཐར་གྱིས་གཙང་ཕྱོགས་སུ་བཏེག་སྟེ་ལམ་བར་གྱི་དགོན་སྡེ་རིས་སུ་མ་ཆད་
པ་རྣམས་སུ་བཞུགས་པའི་དགེ་འདུན་རྣམས་ལ་བསྙེན་བཀུར་རྒྱ་ཆེན་པོ་བསྲིང་བ་དང་བཅས་ཏེ། རིམ་གྱིས་ལྷ་དང་བཅས་པའི་འཇིག་རྟེན་གྱི་ཁམས་སུ་ཕན་བདེ་མ་ལུས་པའི་འབྱུང་གནས་གཅིག་པུར་གྱུར་པའི་དཔལ་སྟོབས་བཅུ་མངའ་བའི་ལུང་རྟོགས་ཀྱི་བསྟན་པ་དྲི་མ་མེད་པའི་ཆུ་ཀླུང་བྱེ་བ་
ཕྲག་བརྒྱ་ཡོངས་སུ་བཟུང་བ། བཤད་པ་དང་སྒྲུབ་པའི་ཕྲིན་ལས་ཀྱི་རྒྱུན་ཆེན་པོས་ཕྱོགས་དང་ཕྱོགས་བྲལ་གྱི་ཁོ་ར་ཁོར་ཡུག་མ་ལུས་པ་ཁྱབ་པར་རྟག་ཏུ་འབེབས་པའི་གནས། ཉེ་བར་བསྟེན་ན་གནས་སྐབས་དང་མཐར་ཐུག་གི་ཡོན་ཏན་རིན་པོ་ཆེ་ཟང་མི་ཤེས་པའི་འབྱུང་གནས་དམ་པར་
གྱུར་པ། དཔལ་ཨེ་ཝཾ་ཆོས་ལྡན་གྱི་ཆོས་གྲྭ་ཆེན་པོ་ཞེས་པ་འོག་མིན་སྟུག་པོ་བཀོད་པའི་ཞིང་ཁམས་ཆེན་པོ་ཉིད་སའི་སྟེང་ན་འཕོས་པ་སྙམ་བྱེད་པ་སྟེ། དེའང་ཨེ་ཝཾ་ཞེས་པ་ནི་མདོ་སྡེ་དང་རྒྱུད་སྡེ་ཕལ་ཆེ་བ་དག་གི་ཐོག་མར་གླེང་སློང་བའི་གཞི་ཐམས་ཅད་ནི་ཡི་གེ་དམ་པ་དེ་གཉིས་ལས་རྣམ་པར་འཕྲོས་

213-1-194b

ཏེ། ཆོས་ཀྱི་ཕུང་པོ་བསམ་གྱིས་མི་ཁྱབ་པའི་བར་དུ་འབྱུང་བའི་སྒོར་གྱུར་བ་ལྟར། འདིར་ཡང་དེ་ལྟ་བུའི་སྒྲ་དོན་དང་ལྡན་པའི་ཕྱིར་ཏེ། གདན་ས་དེ་ཉིད་ཀྱི་ཡོན་ཏན་གྱི་ཁྱད་པར་མང་པོ་ཡིད་ལ་རྗེས་སུ་བྱེད་ཅིང་། རྗེས་སུ་མཐོང་བ་ལྷུར་བྱེད་པ་དང་བཅས་ཏེ། དཔེར་ན་སྐོམ་པས་གདུང་
བའི་སྐྱེས་བུ་གང་ལ་ལ་ཞིག་ཤིན་ཏུ་བསིལ་བའི་ཆུ་རྒྱུན་གཙང་མ་ཡིད་དུ་འོང་བའི་ཆབ་སྒྲ་སྙན་པར་སྒྲོགས་བཞིན་དུ་འབབ་པ་གང་ཞིག་ཡིད་ལ་བྱེད་ཀྱིན་རིངས་པ་རིངས་པར་འགྲོ་བ་དེ་བཞིན་དུ་མཆོག་ཏུ་སྤྲོ་བའི་ཤིང་རྟ་དམ་པ་ལ་མངོན་པར་འཇིགས་ཏེ་བྱོན་ནོ། །ཇི་སྐད་ཡིད་ལ་བྱ་བའི་གནས་དེའི་
ཡོན་ཏན་གྱི་ཁྱད་པར་ཡང་ཇི་ལྟ་བུ་ཞེ་ན། རྒྱས་པར་ན་བརྗོད་ཀྱིས་མི་ལྡང་བ་ཉིད་ཀྱང་འདིར་མདོ་ཙམ་ཞིག་ནི། རྗེ་བཙུན་མཁས་པའི་དབང་པོ་དཀོན་མཆོག་ལྷུན་གྲུབ་པའི་དངོས་སློབ་ཤར་དགས་པོའི་པཎྜི་ཏ་རྗེ་བཙུན་ཕྲིན་ལས་པ་འཇིགས་བྲལ་གསུང་རབ་གཏེར་མཛོད་སྦས་པའི་སྡེ།
ཕྱོགས་ལས་རྣམ་པར་རྒྱལ་བ་ཞེས་བྱ་བའི་མཁས་པ་ཆེན་པོ་དེས་མཛད་པའི་བསྟོད་པ་ཌཱ་ཀི་རྣམ་པར་བཞད་པའི་གླུ་དབྱངས་ཞེས་བྱ་བ་ལས། ཀུན་དཀྲིས་ཉེས་བརྒྱས་གཟིངས་པའི་གྲོང་ཁྱིམ་ལས། །ལམ་རིང་བགྲོད་དཀས་ཕྱིན་པ་ཉེར་ཞིའི་གནས། །ངན་འགྲོའི་འཇིགས་
ལས་རྒྱལ་བྱེད་ཚལ་དང་ནི། །མྱང་འདས་ཐར་པ་མཆོག་གི་གཞལ་མེད་ཁང་། །འདུ་འཛིའི་ཀླུང་བརྒྱ་བརྒལ་བ་རི་བོའི་ཕང་། །བྱ་དང་རི་དྭགས་རྩེ་བའི་དོ་ར་མཆོག །གྲུབ་པའི་རིག་འཛིན་དྲང་སྲོང་དགའ་བའི་ཚལ། །འབྲོག་དགོན་ཤིན་ཏུ་དབེན་པའི་བསྟི་གནས་གང་། །
ཏིང་འཛིན་དང་གིས་འཕེལ་བ་སྲིད་ཉོན་གྱི། །གདུང་སྐྱོབ་དཔལ་གྱི་དུམ་བུའི་ལྡིང་ཁང་ཉིད། །ལྗོ་ཕྱོགས་མ་ལ་ཡ་ཡི་ནགས་ཀླུངས་ལས། །བྱང་ཕྱོགས་དཔལ་མོའི་རྒྱུན་དུ་འཕོས་པ་སྙམ། །སྲིད་པའི་འདམ་རྫབ་ནཱ་རིའི་བགྲོད་པ་དང་། །མཚན་རྒྱུ་སྲེད་བྱེད་ཁ་ཟས་མཾ་སའི་དུམ། །
མྱོས་འགྱུར་དུག་གི་ཁུ་བའི་ཐིགས་པ་སྟེ། །ཉེས་བརྒྱའི་བསྐྱེད་རྩ་བདུད་ཀྱི་ལོངས་སྤྱོད་དག །རྟག་པར་རིང་དུ་སྤང་བ་བཅའ་ཁྲིམས་ཀྱི། །ར་བ་བརྩེགས་པའི་གོ་སྐབས་མི་ཕྱེད་པ། །ཞོ་འཐུང་རུས་པའི་དུམ་བུ་གོ་པིནྡའི། །མཚོན་གྱི་འཁོར་ལོ་ཡིས་ཀྱང་གཞིག་ནུས་མིན། །

213-1-195a

དཀར་གསུམ་མངར་གསུམ་འཕགས་པ་དགེས་པའི་ཟས། །ཟླ་བའི་དུམ་བུ་རྩིའི་ཟིལ་མངར་དང་། །བཟའ་ཤིང་འཕུར་མ་མང་པོ་བགྲུངས་པའི་ཆབ། །ལྷ་ཡི་ཞལ་སྐྱེམས་བཏུང་བས་ཉེར་འཚོ་བའི། །གཙང་སྤྱོད་ས་ཧ་ཀ་རའི་སྙེ་མ་དག །ཡོངས་
སུ་སྨིན་པའི་ཚུལ་ཁྲིམས་དྲི་བཟང་པོ། །ཕྱོགས་བརྒྱར་འཐུལ་བས་ལྷ་རྫས་སྤོས་ངད་ཀྱིས། །སྲིད་ལམ་དུབ་པའི་མགྲོན་པོ་དབུགས་འབྱིན་བཞིན། །གུས་པའི་ཕོ་ཉས་མགྲོན་གཉེར་ལམ་རིང་གིས། །ངལ་བརྒྱའི་ཁུར་བཅས་ལམ་དུ་བགྲོད་མ་ཐག །ཐོས་བསམ་སྒོམ་པའི་བྱ་
བ་ལྷུར་བྱེད་ལས། །ཚེ་འདིའི་ཟང་ཟིང་གཡེངས་པ་ངང་གིས་སྤོང་། །བུད་ཤིང་ལ་སོགས་ཉེར་སྤྱད་བཙལ་དཀའ་བས། །བཟའ་བཏུང་རྙེད་བཀུར་ལྷུར་བྱེད་མི་འདུ་ཞིང་། །དབང་ལུང་མན་ངག་ཆོས་ཀྱི་ཆར་འབབ་པས། །ཐར་འདོད་སྐལ་ལྡན་སྐྱེ་བོ་ངང་གིས་འདུ། །ཞེས་བྱ་བ་
ལ་སོགས་པའི་ཡོན་ཏན་གྱི་རྣམ་པ་མང་པོ་དང་ལྡན་པའི་གནས་དེ་ཉིད་དང་ཉེ་བའི་ཕྱོགས་སུ་བདེ་བར་སོན་ནོ། །དེའི་ཚེ་ངོར་གྱི་བླ་བྲང་ཁག་རྣམས་དང་ཁང་ཆེན་རྣམས་ཀྱིས་བསུ་བ་སྔ་ཕྱི་མང་པོས་རིམ་པར་སོན་ཅིང་། ཁྱད་པར་སིནྡྷཱུ་ཝཱ་རའི་རྒྱ་མཚོ་ཆེན་པོ་ཤིན་ཏུ་རངས་པའི་རྦ་རླབས་
ཀྱི་ལྕེ་ཞགས་ནམ་མཁའི་མཐོངས་སུ་འཕྱོ་བ་ལ། ཁ་དོག་ལྔ་པའི་གཞའ་རིས་གསར་བས་སླར་ཡང་ཀུན་ནས་མཛེས་པར་བྱས་པ་ལྟ་བུའི་དགེ་སློང་གི་དགེ་འདུན་གྱི་ཚོགས་ཆེན་པོ་ཕྲེང་དུ་བསྟར་བའི་སེར་སྦྲེང་གི་བཀོད་པ་སྐྱེ་བོ་ཀུན་གྱི་མིག་གི་ལོངས་སྤྱོད་དུ་བསྐྲུན་པའི་ངོ་མཚར་གྱི་ལྟད་མོ་མཐོང་
བ་ནི་འདི་ལྟ་སྟེ། ཐོག་མར་དགེ་ཞིང་བཀྲ་ཤིས་བར་བྱ་བ་དང་སྙན་པའི་གྲགས་པས་ཕྱོགས་ཀྱི་དཀྱིལ་འཁོར་ཀུན་ཏུ་དགང་བར་བྱ་བའི་རྟེན་འབྲེལ་གྱི་དང་པོར་སྐྱེ་བ་ལྔ་པའི་ཆོས་དུང་དཀར་པོ་གཡས་སུ་འཁྱིལ་བ་འབུད་པའི་སྒྲ་དང་། དེ་ནས་རིམ་བཞིན་དུ་གླིང་བུའི་སྒྲ་དང་། སིལ་སྙན་གྱི་སྒྲ་
དང་། རྔ་བོ་ཆེའི་སྒྲ་དང་། རྔ་ཟླུམ་གྱི་སྒྲ་དང་། རྫ་རྔའི་སྒྲ་དང་། པི་ཝང་གི་སྒྲ་སྟེ་རོལ་མོའི་བྱེ་བྲག་བསམ་གྱིས་མི་ཁྱབ་པ་དང་། གཞན་ཡང་ཕྱོགས་ལས་རྣམ་པར་རྒྱལ་བའི་རྒྱལ་མཚན་དང་། གདུགས་དང་། བ་དན་དང་། ཕྱེ་མ་ཕུར་མ་དང་། འཕན་རྩེ་གསུམ་པ་དང་།

213-1-195b

རིན་པོ་ཆེའི་རྔ་ཡབ་དང་། བསིལ་ཡབ་ལ་སོགས་པ་མཆོད་པའི་བྱེ་བྲག་བསམ་གྱིས་མི་ཁྱབ་པ་དང་བཅས་ཏེ་བསུ་བའི་དགའ་སྟོན་རྒྱ་ཆེན་པོ་དང་བཅས་ཏེ་རིང་ནས་བསམ་པའི་ཡུལ་དུ་ལན་བརྒྱར་བྱས་པའི་ཆོས་གྲྭ་ཆེན་པོ་དེ་ཉིད་དུ་སྐུ་དང་གསུང་དང་ཐུགས་ལ་མི་མཐུན་པའི་ཕྱོགས་ཐམས་ཅད་
ལས་རྣམ་པར་རྒྱལ་བའི་ངོ་མཚར་གཏམ་གྱི་གླིང་བུ་བྱེ་བ་ཕྲག་བརྒྱས་བདུན་བདར་བ་དང་བཅས་ཏེ་ཉེ་བར་བྱོན་ནོ། །དེ་ལའང་འདི་ལྟར་དོགས་པ་སེམས་ཏེ། མཚུངས་པ་མེད་པའི་བསྟན་པའི་རྩ་ལག་དམ་པར་གྱུར་པའི་བླ་མ་དང་མཁན་པོ་གང་དུ་བཞུགས་བཞིན་དུ། རང་གི་སློབ་མ་ལ་
བསུ་བ་འད་ལྟ་བུའི་བཀོད་པ་བཤམས་པ་མི་རིགས་སོ་སྙམ་ན། ཤིན་ཏུའང་རིགས་ཏེ། གང་དག་གནས་སྐབས་དང་མཐར་ཐུག་གི་རྣམ་པ་ཐམས་ཅད་དུ་དགེ་ལེགས་སུ་བྱེད་པའི་རྟེན་འབྲེལ་ཐམས་ཅད་ཀྱི་ཐོག་མ་ནི་རང་གི་མཁན་པོར་གྱུར་པའམ། བླ་མར་གྱུར་པའམ། སློབ་དཔོན་
དུ་གྱུར་པ་གང་ཡིན་པ་དེ་ཉིད་ཀྱིས་བསྒྲིགས་དགོས་པ་ནི། ཆོས་ཐམས་ཅད་རྟེན་ཅིང་འབྲེལ་བར་འབྱུང་བའི་གནད་ལ་མཁས་པ་ཀུན་གྱི་ཆོས་ལུགས་ཡིན་ནོ། །དེའང་དཔེར་ན་བདག་ཅག་གི་སྟོན་པ་འདི་ཉིད་སྔོན་གྱི་དུས་ན་བྲམ་ཟེ་རྒྱ་མཚོའི་རྡུལ་དུ་གྱུར་པ་ན། དེ་བཞིན་གཤེགས་པ་
དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རིན་ཆེན་སྙིང་པོའི་སྤྱན་སྔར་བླ་ན་མེད་པའི་བྱང་ཆུབ་ཀྱི་མཆོག་ཏུ་སེམས་བསྐྱེད་ཅིང་སྨོན་ལམ་ཆེན་པོ་ལྔ་བརྒྱ་བཏབ་ནས་བདེན་པའི་སྟོབས་བརྗོད་པ་ན། དེ་བཞིན་གཤེགས་པ་རིན་ཆེན་སྙིང་པོའི་ཞལ་ནས། ཁྱོད་ནི་པདྨ་དཀར་པོ་ལྟ་བུའི་
བྱང་ཆུབ་སེམས་དཔའོ་ཞེས་བྱ་བ་ལ་སོགས་པས་རྒྱ་ཆེར་བསྔགས་པ་དང་། དེའི་ཚེ་ཕྱོགས་བཅུའི་སངས་རྒྱས་ཐམས་ཅད་ཀྱིས་ཀྱང་། བྱང་ཆུབ་ཏུ་སེམས་དང་པོ་བསྐྱེད་པའི་བྱང་ཆུབ་སེམས་དཔའ་དེ་ལ་མེ་ཏོག་ཟླ་བ་མདོག་མཛེས་དྲི་མ་མེད་པ་དག་སྐྱེས་སུ་སྩལ་བ་དང་བཅས་ཏེ།
སངས་རྒྱས་རྣམས་ཀྱི་གསུང་དབྱངས་དབྱངས་ཀྱི་དཀྱིལ་འཁོར་ཡོངས་སུ་རྫོགས་པ་ལས་འཕོས་པའི་བསྟོད་པའི་ཚོགས་རྣམས་ཀྱིས་མངོན་པར་བསྟོད་པ་དང་། བྲམ་ཟེའི་ཁྱེའུར་གྱུར་པའི་ཚེ་དེ་བཞིན་གཤེགས་པ་མར་མེ་མཛད་ཀྱིས་ལུང་བསྟན་ཅིང་འཁོར་གྱི་དབུས་སུ་མངོན་པར་བསྟོད་པ་

213-1-196a

དང་། སྐྱེ་བ་གཅིག་གིས་ཐོགས་པའི་བྱང་ཆུབ་སེམས་དཔའ་སེམས་དཔའ་ཆེན་པོ་དམ་པ་ཏོག་ཏུ་གྱུར་པའི་ཚེ་དགའ་ལྡན་གྱི་གནས་ཛམྦུའི་གླིང་དུ་འཕོ་བར་བརྩམས་པ་ན། ཕྱོགས་བཅུའི་སངས་རྒྱས་རྣམས་ཀྱིས་བསྟོད་ཅིང་སེམས་ཅན་གྱི་དོན་ལ་
བསྐུལ་བ་དང་། རང་གི་ཅོད་པན་དམ་པ་རྗེ་བཙུན་མ་ཕམ་པའི་དབུར་བཅིངས་ཏེ། མ་འོངས་པ་ན་འཚང་རྒྱ་བར་ལུང་བསྟན་ཅིང་འཁོར་གྱི་ཚོགས་སུ་མ་དོན་པར་བསྟོད་དེ། ཐེག་པ་ཆེན་པོའི་དམ་པའི་ཆོས་ཀྱི་རྒྱལ་ཚབ་ཏུ་དབང་བསྐུར་བ་དང་། ཤར་ཕྱོགས་ཟ་ཧོར་གྱི་རྒྱལ་པོ་དགེ་བ་
དཔལ་གྱི་སྲས་ཇོ་བོ་ཆེན་པོ་དཔལ་ལྡན་ཨ་ཏི་ཤ་འཁོར་དགེ་སློང་འདུལ་བ་འཛིན་པ་བརྒྱ་དང་བརྒྱད། དགེ་ཚུལ་བཅུ་གསུམ། དགེ་སློང་ཆེན་པོ་བཞི་སྟེ་བརྒྱ་དང་ཉི་ཤུ་ལྔས་ཡོངས་སུ་བསྐོར་ཏེ། བླ་མ་གསེང་གླིང་པའི་དྲུང་དུ་བྱང་ཆུབ་ཀྱི་མཆོག་ཏུ་སེམས་བསྐྱེད་པ་དང་། ཐེག་
པ་ཆེན་པོའི་བློ་སྦྱོང་ལ་སོགས་པ། ཐུགས་པ་ཇི་ལྟར་མངའ་བའི་ཆོས་རྣམས་ཞུ་བའི་ཆེད་དུ་བྱོན་པ་ན། བླ་མ་གསེར་གླིང་པའི་འཁོར་དགེ་སློང་ཆོས་གོས་རྣམ་པ་གསུམ་སྐུ་ལ་གསོལ་བ་ཐམས་ཅད་ཀྱང་རིལ་བ་སྤྱི་བླུགས་དང་། འཁར་གསིལ་ཕྱག་ན་ཐོགས་པས་མཛེས་
པ། སྔོན་དུས་སྟོན་པའི་འཁོར་གྱི་དགྲ་བཅོམ་པ་རྣམས་ལྟར་དང་བ་འདྲེན་པའི་དགེ་སློང་ལྔ་བརྒྱ་དང་སུམ་ཅུ་རྩ་ལྔ། རབ་ཏུ་བྱུང་བ་དྲུག་ཅུ་རྩ་གཅིག་སྟེ། མདོར་ན་རབ་ཏུ་བྱུང་བ་ལྔ་བརྒྱ་དང་དགུ་བཅུ་རྩ་བདུན་གྱི་སེར་སྦྲེང་གི་སྣ་བླ་མ་གསེར་གླིང་པ་ཉིད་ཀྱིས་དྲངས་ནས། རྒྱང་རིང་
པོ་ནས་བསུ་བ་མཛད་པ་ལ་སོགས་པ་སྔོན་གྱི་མཁས་གྲུབ་མང་པོའི་རྣམ་པར་ཐར་པ་རྣམས་ལ་ལེགས་པར་བལྟས་པས་རྟོག་པའི་ཚེར་མ་དེ་དག་ཡོངས་སུ་ཞི་བར་འགྱུར་རོ། །དེ་ནས་མི་རིང་བར་ཨེ་ཝཾ་བླ་བྲང་ཞེས་པ་དུས་རྟག་པར་དཔའ་བོ་དང་མཁའ་འགྲོའི་ཚོགས་ཐམས་ཅད་སྤྲིན་བཞིན་
དུ་འདུ་ཞིང་། གསང་ཆེན་ཆོས་ཀྱི་ཕོ་བྲང་ཆེན་པོ་ཉིད་དུ་རྡོ་རྗེ་ཐེག་པས་མཚོན་པའི་ཆོས་ཀྱི་ཚུལ་དྲི་མ་མེད་པ་ཐམས་ཅད་བཤད་པ་དང་སྒྲུབ་པའི་སྒྲ་དབྱངས་ཆེན་པོ་རྒྱུན་མི་འཆད་པར་འབྱུང་བའི་ཕྲིན་ལས་རྒྱ་ཆེན་པོ་བསྒྲུབ་པ་དང་། གནས་གཙང་མ་རིས་ཀྱི་ལྷའི་བུ་གཞོན་ནུ་གྲངས་

213-1-196b

མེད་པའི་ཚོགས་ནི། དཔེར་ན་ཆུ་ལས་སྐྱེས་པའི་པདྨ་རྣམ་པ་སྣ་ཚོགས་པས་ཀུན་ནས་བརྒྱན་ཏེ་ཉམས་དགའ་དགའ་ལྟར་བྱས་པའི་རྫིང་བུ་གང་ལ་ངང་པ་དང་ངུར་པའི་ཚོགས་མང་པོ་མ་བསྡུས་པར་ཡང་ངང་གིས་འདུ་བར་འགྱུར་བ་དེ་བཞིན་དུ་ཉི་མ་རེ་རེ་བཞིན་དུ་ནམ་མཁའི་ངོས་
ཐམས་ཅད་དུ་སྤྲིན་གྱི་ཤིང་རྟ་དང་། གླང་པོ་ཆེ་དང་། མཁའ་ལྡིང་དང་། རྟ་མཆོག་གི་རྣམ་པ་བསམ་གྱིས་མི་ཁྱབ་པ་དག་སྤྲུལ་ཏེ། དེ་དག་གི་རྒྱབ་ཏུ་ཞོན་ཏེ་མངོན་པར་ལྷགས་ནས་འོངས་པའི་ལྷའི་བུ་དེ་དག་གིས་ལྷའི་མེ་ཏོག་གི་སིལ་མས་གཏོར་བ་དང་། བདུག་པའི་སྤྲིན་གྱིས་
དཀྲིགས་པ་དང་། རིན་པོ་ཆེའི་སྒྲོན་མ་བཏེག་པ་དང་། དྲི་ཞིམ་པོའི་ཆུས་ཟིལ་མ་འཐོར་བ་དང་། བཟའ་བ་དང་བཅའ་བ་སྦྱར་བའི་ཞལ་ཟས་རྣམ་པ་སྣ་ཚོགས་པས་མཆོད་དང་། སིལ་སྙན་ལ་སོགས་པ་རོལ་མོའི་བྱེ་བྲག་དཔག་ཏུ་མེད་པ་དག་གིས་མངོན་པར་མཆོད་པ་དང་། གཞན་
ཡང་འཕན་དང་། གདུགས་དང་། རྒྱལ་མཚན་དང་། རྔ་ཡབ་དང་། ཁང་བཟང་ཉམས་དགའ་བ་ལ་སོགས་པ་དཔལ་འབྱོར་ཕུན་སུམ་ཚོགས་པ་དག་གིས་བཀུར་སྟིར་བྱེད། མཆོད་པར་བྱེད། རྗེད་པར་བྱེད། སྙན་པའི་ཚིག་ཐམས་ཅད་ཀྱིས་བསྟོད་ཅིང་བཀུར་བར་བྱེད་པའི་གནས་
ཀྱི་དམ་པ་ག་ལ་བ་དེར། བསོད་ནམས་ཀྱི་མཐུ་ཆེན་པོས་མངོན་པར་མཐོ་བར་བྱས་པའི་ལྷ་སྲས་མིའི་དབང་ཕྱུག་ཆེན་པོ་རང་བཞིན་གྱིས་ཞི་ཞིང་དུལ་བའི་ཡོན་ཏན་གྱི་ཚོགས་མང་པོས་ཡོངས་སུ་བཟུང་བའི་རྒྱལ་བའི་མྱུ་གུའི་རིགས་མཆོག་རྨ་མེད་པ་དེ་ཉིད་དང་། དེའི་བཀའི་ལས་བྱེད་
ཀྱི་གཙོ་བོ་འཕྲུལ་བློན་ཆེན་པོ་བསོད་ནམས་བཀྲ་ཤིས་ཞེས་བྱ་བ། ས་གཞི་སྐྱོང་བ་ཆེན་པོ་གང་དེའི་བཀའ་ལུང་གསེར་གྱི་འཁོར་ལོ་རྩིབས་སྟོང་གིས་མངོན་པ་མཛའ་བ་གང་དེ་གཟུ་བོར་གནས་པའི་བློ་གྲོས་ཀྱི་ལག་པས་ལེགས་པར་བཟུང་ནས། ཕྱོགས་དང་ཕྱོགས་བྲལ་གྱི་རྒྱལ་
ཕྲན་དང་། བློན་པོ་དང་། སྡེ་དཔོན་དང་། མཁས་པ་དང་། མཛངས་པ་དང་། དཔའ་ཞིང་རྟུལ་ཕོད་པ་ཀུན་གྱི་སྤྱི་བོའི་སྟེགས་ལ་ངལ་བསོར་སྤྱོད་ཅིང་། ལུགས་དང་མཐུན་པའི་བཀའ་མཆིད་ལྷའི་བདུད་རྩི་ལྟ་བུས་སྐྱེ་འགྲོ་ཐམས་ཅད་དགེ་བ་བཅུ་དང་རྗེས་སུ་མཐུན་པའི་སྤྱོད་ལམ་བཟང་པོ་ལ་

213-1-197a

རྣལ་དུ་འགོད་པར་བྱེད་པ་དེ་ཉིད་དང་། མདུན་ན་འདོན་གྱི་གཙོ་བོ་འཕྲུལ་བློན་ཆེན་པོ་ལྷ་བུ་ཚེ་རིང་ཞེས་བྱ་བ། བྱམས་ལྡན་ས་གཞི་སྐྱོང་བའི་དབང་ཕྱུག་དམ་པ་དེ་ཉིད་ཀྱི་ཆོས་དང་སྲིད་ཀྱི་གཙུག་ལག་ཉི་ཟླ་ཟུང་འབྲེལ་ལྟ་བུའི་བགྱི་བ་མཐའ་དག་གི་ཕྲིན་ལས་ཐུར་
མ་བརྒྱ་པའི་གདུགས་དཀར་པོ་གང་ཡིན་པ་དེ། བསྒྲུན་དུ་མེད་པའི་སྙིང་སྟོབས་ཀྱི་ཕྲག་པ་བརྟན་པོས་གོང་ནས་གོང་དུ་འདེགས་པའི་གྲིབ་མ་བསིལ་པོས་ཡངས་པའི་ས་ཆེན་པོའི་དཀྱིལ་འཁོར་གྱི་འཁོར་ལོ་མ་ལུས་པ་ཡོངས་སུ་སྐྱོབ་པ་ལ་བསྙེངས་པ་མི་མངའ་བའི་མཁྱེན་དཔྱོད་ཀྱི་རྩལ་
ཆེན་པོ་ཀུན་ནས་རྫོགས་པར་གྱུར་ཅིང་། གཅིག་ཏུ་རྒྱལ་བའི་བསྟན་པ་རིན་པོ་ཆེ་ལ་ཁ་ཙམ་ཚིག་ཙམ་མ་ཡིན་པའི་སྙིང་ནས་ཕན་པའི་ཐུགས་བསྐྱེད་ཀྱི་ཁོ་ལག་ཀུན་ནས་བདོ་བ་དེ་ཉིད་དང་། གཞན་ཡང་ས་བདག་ཆེན་པོའི་བཞེད་པ་ཐམས་ཅད་ཡིད་བཞིན་དུ་བསྒྲུབ་པ་ལ་ལུས་དང་ངག་དང་
ཡིད་ཀྱི་རྩལ་དགུ་ཡོངས་སུ་རྫོགས་པའི་ཕྱི་བློན་དང་། ནང་བློན་དང་། དཀོར་གཉར་དང་། མགོ་དཔོན་ལ་སོགས་པའི་འཁོར་གྱི་སྐྱེ་བོའི་ཚོགས་དང་ལྷན་ཅིག་ཏུ་འདྲེན་མཆོག་མཚུངས་པ་མེད་པའི་ཞལ་གྱི་དཀྱིལ་འཁོར་ལེགས་པར་མཇལ་བའི་ཕྱིར། ཐམས་ཅད་ཀྱང་སྔ་ན་མེད་པའི་
དགའ་བ་དང་། སྤྲོ་བ་དང་། གུས་པ་མཆོག་གི་བདུད་རྩིའི་འཛུམ་རླབས་སྟོང་གིས་བཞིན་གྱི་དཀྱིལ་འཁོར་མ་ལུས་པ་ལེགས་པར་བཀྲུས་པ་བཞིན་དུ་མངོན་པར་ཆས་ཏེ་གསང་ཆེན་ཆོས་ཀྱི་གནས་མཆོག་དམ་པ་དེ་ཉིད་དུ་ཉེ་བར་ཕྱིན་ཏོ། །ཇི་ཙམ་ཞིག་ན་གནས་དེར་སྡེ་སྣོད་རིན་པོ་ཆེ་རྣམ་པ་
གསུམ་དང་། རྒྱུད་སྡེ་རིན་པོ་ཆེ་རྣམ་པ་བཞིས་བསྡུས་པའི་ཆོས་ཀྱི་སྒྲ་དབྱངས་རྒྱུན་མི་འཆད་པར་རྟག་ཏུ་སྒྲོགས་པ་ལ་འཇིགས་པ་དང་བག་ཚབ་མི་མངའ་བའི་བརྡར། གདོང་ལྔའི་དབང་བོ་བརྒྱད་ཀྱིས་མངོན་པར་བཏེག་པའི་ཆོས་ཀྱི་ཁྲི་ཆེན་པོ་ཞིག་ཏུ་རྒྱལ་བས་ལུང་བསྟན་པའི་སྐྱེས་བུ་ཆེན་
པ་རྗེ་བཙུན་ཀུན་དགའ་བཟང་པོ་བའི་དམ་པའི་ཆོས་ཀྱི་རྒྱལ་སྲིད་ཆེན་པོ་ལ་མངའ་བསྒྱུར་བའི་གདན་རབས་སོ་གསུམ་པ། མཁན་ཆེན་ཐམས་ཅད་མཁྱེན་པ་ཆེན་པོ་དཔལ་ལྡན་ཆོས་སྐྱོང་བཀྲ་ཤིས་གྲགས་པའི་རྒྱལ་མཚན་དཔལ་བཟང་པོ་པ་ཞེས་བྱ་བ། ཕྱོགས་བཅུའི་འཇིག་རྟེན་གྱི་

213-1-197b

ཁམས་རབ་འབྱམས་མཐའ་དང་མུར་ཐུག་པ་མེད་པའི་ཞིང་ན་བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་གང་ཇི་སྙེད་ཅིག་བྱོན་པ་དང་། འབྱོན་པར་འགྱུར་བ་དང་། ད་ལྟར་བཞུགས་ཤིང་འཚོ་ལ་གཞེས་པ་ཐམས་ཅད་ཀྱི་སྐུ་དང་གསུང་
དང་ཐུགས་ཀྱི་གསང་བ་བསམ་གྱིས་མི་ཁྱབ་པ་མ་ལུས་པ་གཅིག་ཏུ་བསྡུས་པའི་སྒྱུ་འཕྲུལ་གྱི་རྣམ་པར་རོལ་པ་ཆེན་པོ་དེང་གི་དུས་ཀྱི་ལྷ་དང་། མི་དང་། ཀླུའི་འཇིག་རྟེན་གྱི་ཁམས་སུ་འཁོད་པའི་སྐྱེ་དགུ་མ་ལུས་པའི་ཡན་ལག་མཆོག་གིས་ལན་བརྒྱར་བཏུད་པར་བྱས་པའི་སྐྱབས་ཀྱི་དམ་པ་
མ་རྟོགས་པ་དང་ལོག་པར་རྟོགས་པ་དང་། ཐེ་ཚོམ་གྱི་མུན་པ་མ་ལུས་པ་སེལ་བར་བྱེད་པ། ལྟ་བ་ངན་པའི་རབ་རིབ་ཀྱིས་ཁེབས་པ་ཐམས་ཅད་ཡེ་ཤེས་ཀྱི་ཐུར་མ་རྣོན་པོས་རྣམ་པར་སྣང་བར་བྱེད་པ། མངོན་པར་ཞེན་པའི་མེ་དཔུང་གི་ལྕེ་ཞགས་འཇིལ་བར་བྱེད་པ། ཁོང་ནས་
འཁྲུགས་པའི་མཚོན་ཆ་རྣོན་པོ་རྟུལ་བར་བྱེད་པ། རྗེས་སུ་གདམས་པའི་བདུད་རྩིའི་སྒོ་འཕར་བྱེ་བ་ཕྲག་བརྒྱར་ཕྱེ་བས་སེམས་ཅན་གྱི་རེ་བ་ཐམས་ཅད་རྫོགས་པར་བྱེད་པ། འཁོར་བ་དང་ངན་སོང་གི་འཇིགས་པ་ལས་སྐྱོབ་པར་ངེས་པའི་ཐུགས་རྗེའི་ཕྱག་རིང་རྐྱོང་བ། མ་དད་པ་
རྣམས་ཀྱི་རྒྱུད་ལ་དད་པའི་ཞིང་ས་གཤིན་པར་བྱེད་པ། དད་པ་རྣམས་ཀྱི་རྒྱུད་ལ་དགེ་བའི་ལམ་གྱི་ས་བོན་མ་རྨས་པ་འདེབས་པར་བྱེད་པ། དེང་ནས་བཟུང་སྟེ་བྱང་ཆུབ་མཆོག་གི་གོ་འཕང་ལ་རག་པར་མ་གྱུར་པ་དེ་སྲིད་དུ་བསྟེན་པར་འོས་པའི་མཚན་ཉིད་ཅན་གྱི་བསྟན་འཛིན་གྱི་སྐྱེས་བུ་ཆེན་པོ་
དེ་ཉིད་བསྐལ་པ་དཔག་ཏུ་མེད་པའི་བསོད་ནམས་ཀྱི་རྒྱུས་སམ། བླ་མ་བསུ་བ་ལ་སོགས་པ་ལེགས་བྱས་ཀྱི་མཐུ་ཆེན་པོས་མངོན་པར་བསྒྲུབས་པའི་འབྲས་བུ་བསླུ་བ་མིན་པའི་བདེན་དཔང་ཉིད་དུ། ཞབས་མཐིལ་པདྨ་རཱ་ག་བཞུ་བའི་ཚོན་གྱིས་ལན་བརྒྱར་བྱུགས་པ་སྙམ་བྱེད་པ་ལ། སླར་ཡང་
བཀྲ་ཤིས་པའི་རྟགས་ཀྱི་འཁོར་ལོ་རྩིབས་སྟོང་གི་གཟུགས་ཀྱིས་ཉེ་བར་སྤུད་པ་གང་དེ་ཆོས་ཀྱི་ཁྲི་མཐོན་པོ་ག་ལ་བ་དེར་མངོན་པར་བཀོད་དེ། མཐོང་ན་མི་མཐུན་པ་མེད་པའི་སྐུའི་དཀྱིལ་འཁོར་གང་ལས་མཚན་བཟང་པོ་སུམ་ཅུ་རྩ་གཉིས་དང་དཔེ་བྱད་བཟང་པོ་བརྒྱད་ཅུའི་གཟི་བྱིན་རིང་པོའི་ལམ་

213-1-198a

དུ་སྣང་བ་འབྱིན་པར་བྱེད་དེ། དཔེར་ན། ཛམྦུ་གསེར་གྱི་རྡུལ་ཚོགས་མངོན་པར་བརྩེགས་པའི་ལྷུན་པོ་ཞིག་ལ་གུར་གུམ་གྱི་ཆར་པས་ལན་བརྒྱ་སྟོང་དུ་བཀྲུས་པ་ལ། འཆར་ཀའི་ཉི་འོད་ཀྱི་ཐིགས་པ་བདག་གིས་ཀྱང་ཡོངས་སུ་བྲན་པ་བཞིན་དུ་ལྷམ་མེར་བཞུགས་པ་མཐོང་
ངོ། །མཐོང་ནས་ཀྱང་ལྷ་སྲས་ཆོས་ཀྱི་བག་ཆགས་རབ་ཏུ་བརྟས་པ་གང་གི་ཡིད་ལ་སྤྲོ་བ་གསང་དུ་སྐྱེས་པའི་ཆེད་དུ་བརྗོད་པ་འདི་ལྟ་སྟེ། ཨེ་མ་དེ་རིང་ཐོབ་པའི་འབྲས་བུ་འདི། །དངོས་སུ་ཡིན་གྱི་རྨི་ལམ་སྣང་བ་མིན། །རིང་ནས་གསོལ་བ་བཏབ་པའི་སྙིང་པོ་དེ། །དེ་རིང་སྨིན་པར་
གྱུར་གྱི་དོན་མེད་མིན། །ཨེ་མ་དགེ་བའི་ཟོང་གིས་བསྒྲུབས་པའི་རྟེན། །སྐལ་བ་བཟང་པོར་གྱུར་གྱི་དམན་པ་མིན། །ཇི་ལྟར་ཡིད་ལ་བྱ་བའི་དགོས་པ་དེ། །བླ་ན་མེད་པར་བྱུང་གི་གྱི་ན་མིན། །ཨེ་མ་དེ་རིང་ཀུན་དགའ་གསར་བ་འདི། །འདྲེན་པ་ཁྱེད་ལས་བྱུང་གི་གཞན་ལས་
མིན། །དེ་ཕྱིར་མི་ཡི་སྐྱེ་བ་བླངས་པ་ནི། །ངེས་པར་དོན་ཆེན་གྱུར་ལ་བདག་དགའོ། །ཞེས་ཆེད་དུ་བརྗོད་ཅིང་བ་སྤུ་རྣམ་པར་གཟིངས་པའི་སྙིམ་པའི་ཆུ་སྐྱེད་དམར་པོ་གཙུག་གི་རྒྱན་དུ་བཀོད་དེ། ཕྱག་གི་ཕྲེང་བ་བརྩེགས་པ་དང་ཆབ་ཅིག་ཏུ་བཀྲ་ཤིས་པའི་རེ་ཁཱ་མངོན་པར་གསལ་
བའི་དར་དཀར་གྱི་ཕྱག་རྟེན་འབུལ་བ་དང་བཅས་ཏེ་མདུན་དུ་འཁོད་དོ། །དེར་རྗེ་བཙུན་དེ་ཉིད་ནས་ལམ་གྱི་བར་ཆད་འདྲི་བའི་ཚིགས་སུ་བཅད་པ་སྩལ་བ། ལེགས་པར་བྱོན་ཏམ་མངོན་མཐོའི་རིགས་ཀྱི་བུ། །ལེགས་པར་བྱོན་ཏམ་བསོད་ནམས་སྨིན་པའི་ལྷ། །ལེགས་པར་བྱོན་ཏམ་
ཀུན་གྱི་མཉེས་གཤིན་པ། །ལེགས་པར་བྱོན་ཏམ་བྱམས་དང་བརྩེ་བའི་བདག །བཤུལ་རིང་ལམ་དུ་བགྲོད་པ་མང་པོ་ཡིས། །སྐུ་ཐང་རྣམ་པར་དུབ་པར་མ་བྱས་སམ། །ཉི་ལྷགས་གདུང་བའི་བཟའ་བ་དམན་པ་ཡིས། །པདྨའི་སྐུ་མདངས་ཕྲོགས་པར་མ་བྱས་སམ། །འབྱུང་བ་
ལྔ་ཚོགས་དལ་འབྱོར་ཆོས་ཀྱི་སྣོད། །གཅོང་ནད་ཕྲ་མོས་རྒུད་པར་མ་བྱས་སམ། །དགེ་བའི་ལས་ལ་སྡང་བའི་ཉེ་ཞོ་ཡིས། །ཐུགས་ལ་ཚེར་མའི་བྱ་བ་མ་བྱས་སམ། །ཞེས་བྱ་བ་ལ་སོགས་པའི་བཀའ་མཆིད་དབྱངས་ཀྱི་རྒྱལ་མོའི་རྒྱུད་མངས་ལྟ་བུ་རྣ་བའི་བཅུད་དུ་སྩལ་ཏེ། དེའི་ཚེ་ལན་

213-1-198b

དུ་གསོལ་པ། ལེགས་པར་འོངས་སོ་མདོ་སྨད་སའི་ཐིག་ལེ། །སྡེ་བཞིའི་རྣམ་པར་རྒྱས་པའི་རྒྱལ་པོའི་ཁབ། །དགེ་བཅུར་རྟག་ཏུ་སྤྱོད་པའི་རྒྱལ་རིགས་ཀྱི། །ལྗོན་པའི་ཡལ་ག་རྣམ་པར་འཕྱང་བ་ང་། །ཆོས་ཀྱི་རྒྱལ་པོའི་ཞལ་བཟང་བལྟ་ཕྱིར་འོང་། །ཞབས་ཀྱི་པདྨ་གཙུག་ཏུ་ལེན་
ཕྱིར་འོང་། །ལེགས་པར་གསུངས་པའི་བདུད་རྩི་འཐུང་ཕྱིར་འོང་། །ཡེ་ཤེས་གཟིགས་པའི་བྱིན་རླབས་འབེབས་ཕྱིར་འོང་། །ངན་འགྲོའི་སྐྱེ་སྒོ་འགོག་པའི་ཆེད་དུ་འོང་། །འཁོར་བའི་འཇིགས་ལས་སྐྱོབ་པའི་ཆེད་དུ་འོང་། །བསོད་ནམས་ས་བོན་འཇོག་པའི་ཆེད་དུ་འོང་། །བསླབ་
གསུམ་ནོར་བུ་བསྒྲུབ་པའི་ཆེད་དུ་འོང་། །ཐར་པའི་ཁང་བཟང་བསྟེན་པའི་ཆེད་དུ་འོང་། །བྱང་ཆུབ་སྙིང་པོའི་ལམ་གྱི་ཆེད་དུ་འོང་། །མཁྱེན་དང་བརྩེ་དང་ནུས་པའི་དབང་ཕྱུག་གི། །སྔགས་སྲུང་རྡོ་རྗེའི་ར་བར་ཆུད་པའི་བརྡར། །ནད་དང་བར་དུ་གཅོད་པའི་ཁབ་ཀྱི་སོས། །མ
རྨས་མ་བཏབ་པ་རུ་ལྷགས་འདིའོ། །ཞེས་བྱ་བ་ལ་སོགས་པའི་ཚིག་གི་ཕྲེང་བ་སྙན་སྒྲོན་དུ་འབུལ་བ་དང་བཅས་ཏེ། རྗེ་བཙུན་དམ་པ་བཀའ་དྲིན་མཚུངས་པ་མེད་པའི་བདག་ཉིད་ཅན་གྱི་ཞལ་གྱི་དཀྱིལ་འཁོར་སེམས་ཅན་ཐམས་ཅད་ལ་ཁྱབ་པའི་སྙིང་རྗེ་ཆེན་པོས་ལན་བརྒྱར་བཀྲུས་པ་
སྙམ་བྱེད་པ། སུ་ཞིག་མཐོང་ན་དོན་གྱི་སྙིང་པོས་མངོན་པར་ལྕི་བ་གང་ཡིན་པ་དེ་ཉིད། ལྷ་སྲས་མིའི་དབང་ཕྱུག་དམ་པ་དེ་ཉིད་སྐུ་འཁོར་གྱི་ཚོགས་དང་བཅས་པའི་འདྲེན་བྱེད་ཀྱི་དབང་པོའི་དགའ་སྟོན་བླ་ན་མེད་པ་ཉིད་དུ་མཐོང་བར་གྱུར་ཏོ། །ཇི་ལྟར་མཐོང་བ་ལའང་དུས་དེ་ཉིད་ནས་བརྩམས་
ཏེ་བླ་མའི་སྐུ་གསུང་ཐུགས་ཡོན་ཏན་ཕྲིན་ལས་དང་བཅས་པ་ལ་རྗེ་བཙུན་འཇམ་པའི་དབྱངས་དང་གཉིས་སུ་མེད་པའི་སྣང་བ་ཁོ་ན་ལས། འགྲོ་བ་ཕལ་དང་ཐུན་མོང་དུ་གྱུར་པའི་མ་དད་པ་ལ་སོགས་པ་སྐད་ཅིག་ཀྱང་མི་འབྱུང་བ་ནི་ཀུན་གྱིས་མངོན་དུ་གྱུར་པའོ། །ཚུལ་འདི་ལ་བསམས་ན་རྗེ་
བཙུན་དམ་པ་འདི་ཉིད་དང་སྐྱེ་བ་དཔག་ཏུ་མེད་པའི་རིང་ནས་བསོད་ནམས་ཀྱི་ཕུང་པོ་མངོན་པར་འདུ་བྱས་ཤིང་སྨོན་ལམ་གསེར་གྱི་སྐུད་པ་བཟང་པོས་ལུ་གུ་རྒྱུད་དུ་སྦྲེལ་པའི་སྐྱེས་བུ་དམ་པ་ཉིད་དུ་གདོན་མི་ཟ་བའོ། །ཅིའི་ཕྱིར་ན་གཞན་དུ་བསྐལ་པའམ་བསྐལ་པ་ལས་ལྷག་པར་ཡང་རྒྱལ་བ་ཀུན་

213-1-199a

གྱི་ཕྲིན་ལས་ལས་སྤྲུལ་པའི་མཆོག་གི་རྡོ་རྗེ་སློབ་དཔོན་ཆེན་པོའི་མཚན་ཉིད་ཐམས་ཅད་ཡོངས་སུ་རྫོགས་ནས་སྐྱེ་བོ་མ་ལུས་པ་སྨིན་པར་བྱེད་པའི་བདག་ཉིད་ཅན་དང་ནམ་དུ་ཡང་མཇལ་བར་དཀའ་ཞིང་། གང་ཏེ་མཇལ་བར་གྱུར་ཀྱང་སེམས་ཅན་རང་རང་ལས་
ཀྱི་ཉེས་པས་བསྒྲིབས་ཏེ། ཚུལ་བཞིན་མ་ཡིན་པར་སྤྱོད་པ་དང་། བློ་དྲི་མ་དང་བྲལ་བའི་རང་བཞིན་ཅན་མ་ཡིན་པ་དང་། ཡང་དག་པར་མ་ཡིན་པར་སྨྲ་བ་དང་། རང་དང་སྐལ་བ་མཉམ་པ་ཙམ་དུ་མཐོང་ངོ་། །དེ་ལྟར་མཐོང་བ་ལ་བརྟེན་ནས་སེམས་ཀྱི་རྒྱུད་ལ་དད་པ་ཙམ་ཡང་སྐྱེ་བར་
མི་འགྱུར་བ་ཡིན་ནོ། །དེ་ལྟར་ཡིན་པའང་ཅིས་ཤེས་ན། བ་ཚ་ཆུ་ཀླུང་གི་མདོ་ལས། ལྔ་བརྒྱ་ཐ་མར་གྱུར་པ་ན། །ང་ཉིད་སློབ་དཔོན་གཟུགས་འཛིན་ཏེ། །ང་ཡིན་སྙམ་དུ་ཡིད་བྱོས་ལ། །དེ་ཚེ་དེ་ལ་གུས་པ་སྐྱེད། །ཅེས་སོ། །རྡོ་རྗེ་གུར་ལས། རྡོ་རྗེ་སེམས་དཔའ་ལྟ་བུ་ཡི། །
དེ་ལྟར་སློབ་དཔོན་གཟུགས་འཛིན་ཏེ། །སེམས་ཅན་རྗེས་སུ་གཟུང་དམིགས་ནས། །ཕལ་པའི་གཟུགས་སུ་གནས་པའོ། །ཞེས་དང་། སློབ་དཔོན་སྟོན་པར་གྱུར་པ་ནི། །སངས་རྒྱས་ཀུན་གྱིས་ཕྱག་མཛད་པ། །བདག་ཅག་རྣམས་ཀྱི་ཕ་དང་མ། །འདི་ཉིད་ཡིད་ལ་བསམ་
པར་བྱ། །ཞེས་དང་། གང་ཕྱིར་ཡེ་ཤེས་རྡོ་རྗེ་ནི། །བརྙེས་པས་མྱུར་དུ་ཐོབ་པར་འགྱུར། །དེ་ཕྱིར་སློབ་དཔོན་དྲུང་གཤེགས་ནས། །དེ་བཞིན་གཤེགས་རྣམས་ཕྱག་མཛད་དོ། །ཞེས་གསུངས་པ་བཞིན། ངེས་པའི་དོན་དུ་བསྐལ་བ་དཔག་ཏུ་མེད་པའི་གོང་རོལ་ནས་ཟུང་འཇུག་རྡོ་རྗེ་
འཛིན་པ་ཆེན་པོ་གོ་འཕང་མངོན་དུ་མཛད་ཟིན་ཀྱང་། སྲེག་ཆགས་ཀྱི་རྣམ་པ་སྣ་ཚོགས་པ་དག་གདུལ་བའི་ཐབས་ལ་བཞུགས་པ་ན། ལ་ལ་ནི་དཀྱིལ་འཁོར་གྱི་འཁོར་ལོའི་རྣམ་པར་བསྟན་ནས་དོན་མཛད། ལ་ལར་ནི་སངས་རྒྱས་ཀྱི་སྐུར་བསྟན་ནས་དོན་མཛད། དེ་བཞིན་དུ་བྱང་ཆུབ་
སེམས་དཔའ་དང་། འཕགས་པ་ཉན་ཐོས་དང་། རང་སངས་རྒྱས་དང་། པཎྜི་ཏ་དང་། གྲུབ་པ་ཐོབ་པ་དང་། རིག་པ་འཛིན་པའི་ས་ལ་གནས་པ་ལ་སོགས་པ་རྣམས་ཀྱི་ཚུལ་བཟུང་ནས་དོན་མཛད་དོ། །དེ་སྐད་དུའང་། ས་སྐྱ་པཎྜི་ཏས། ཁྱོད་ནི་རྒྱལ་དང་རྒྱལ་བའི་སྲས། །

213-1-199b

རབ་བྱུང་དགེ་བསྙེན་ཁྱིམ་པ་སོགས། །འགྲོ་བ་ཀུན་གྱི་གཟུགས་མཛད་ནས། །གདུལ་བྱ་ཐམས་ཅད་སྨིན་པར་མཛད། །ཉི་མའི་འོད་ཟེར་རབ་ཚ་ཡང་། །མེ་ཤེལ་མེད་པར་མེ་མི་འབྱུང་། །དེ་བཞིན་སངས་རྒྱས་བྱིན་རླབས་ཀྱང་། །བླ་མ་མེད་པར་འབྱུང་མི་འགྱུར། །ཞེས་དང་། 
རྡོ་རྗེ་གུར་གྱི་རྒྱུད་ལས། གང་དུ་སྣང་ནས་ཀྱང་སེམས་ཅན་གྱི་དོན་མཛད་དོ། །སོ་སོར་སྣང་ནས་ཀྱང་སེམས་ཅན་གྱི་དོན་མཛད་དོ་ཞེས་བྱ་བ་ལ་སོགས་པ་རྒྱ་ཆེར་གསུངས་སོ། །དེ་བས་ན་སངས་རྒྱས་དང་བྱང་ཆུབ་སེམས་དཔའ་གངྒཱའི་ཀླུང་གི་བྱེ་མ་སྙེད་ཀྱི་གྲངས་དང་མཉམ་པ་ལ་བསྐལ་
པའི་ཕྲེང་བའང་དེ་སྙེད་ཀྱི་གྲངས་དང་མཉམ་པར་བསྙེན་བཀུར་བ་ལས། རྡོ་རྗེ་སློབ་དཔོན་གྱི་བ་སྤུའི་ཁུང་བུ་གཅིག་ལ་མཆོད་པའི་བསོད་ནམས་ཀྱི་ཕུང་པོ་ཆེས་ཁྱད་པར་དུ་འཕགས་པ་འཐོབ་པའི་ཚུལ་མང་དུ་གསུངས་ཤིང་། བདེ་མཆོག་སྡོམ་པ་འབྱུང་བ་ལས། མཆོད་པ་ཐམས་
ཅད་ཡོངས་སྤངས་ཏེ། །བླ་མ་མཆོད་པ་ཡང་དག་བརྩམ། །དེ་མཉེས་པས་ནི་ཀུན་མཁྱེན་གྱི། །ཡེ་ཤེས་མཆོག་ནི་ཐོབ་པར་འགྱུར། །བླ་མེད་མཛད་པའི་སློབ་དཔོན་ནི། །རྡོ་རྗེ་སེམས་དཔའ་རབ་མཆོད་ན། །དེ་ཡིས་བསོད་ནམས་མ་བྱས་ཅི། །དཀའ་ཐུབ་མ་བསྟེན་
ཅི་ཞིག་ཡོད། །ཅེས་དང་། སློབ་དཔོན་ཡོན་ཏན་གླེང་བྱ་ཡིས། །སྐྱོན་ནི་ནམ་ཡང་མ་ཡིན་ནོ། །ཞེས་སོ། །གལ་ཏེ་དེ་ལྟར་ཡིན་ན་ཐུགས་རྗེ་ཆེན་པོའི་རང་བཞིན་ཅན་དུ་བཞུགས་ནས་རྣམ་པ་ཐམས་ཅད་དུ་ཡིད་བཞིན་གྱི་ནོར་བུ་འདྲ་བར་སྲོག་ཆགས་མཐའ་དག་གི་དོན་ཇི་ལྟར་
མི་མཛད་ཅེ་ན། བཤད་པར་བྱ་སྟེ། དཔེར་ན་ལྷའི་རྒྱལ་པོ་རྣམས་ཀྱིས་ཆར་གྱི་རྒྱུན་ཆེན་པོ་རབ་ཏུ་ཕབ་ཀྱང་། ཏིལ་དང་ནས་ལ་སོགས་པའི་ས་བོན་རུལ་བ་དང་། མེས་ཚིག་པ་དང་། ས་བོན་དུ་མི་རུང་བ་བཏབ་པ་དག་ལས་ནི་ནམ་ཡང་མྱུ་གུ་སྐྱེ་བར་མི་འགྱུར་བ་དེ་བཞིན་དུ། སངས་རྒྱས་
དང་བྱང་ཆུབ་སེམས་དཔའ་རྣམས་ནི་འགྲོ་བ་མཐའ་དག་གི་ཡིད་ལ་རེ་བ་ཐམས་ཅད་ཡོངས་སུ་རྫོགས་པར་མཛད་པ་ལ་མི་མཁས་པ་མེད་ཀྱང་སྐལ་བ་མེད་པ་རྣམས་ཀྱིས་དད་པའི་རྩ་བ་བརྟན་པ་དང་། དམ་པའི་ཆོས་མཉན་པ་དང་། ཡུལ་དེ་ལ་བརྟེན་ནས་ཚོགས་བསགས་པ་ལ་སོགས་པའི་

213-1-200a

ལས་བཟང་པོ་མྱང་བར་མི་འགྱུར་ཏེ། ཇི་སྐད་དུ་ཡང་། རྒྱུ་ནི་ཡོངས་སུ་སྨིན་གྱུར་ནས། །གང་དང་གང་ལ་གང་དང་ནི། །གང་ཚེ་བྱ་བ་ཕན་གྱུར་བ། །དེ་དང་དེ་ལ་དེར་སྣང་ངོ་། །ལྷ་ཡི་རྒྱལ་པོས་ཆར་ཕབ་ཀྱང་། །ས་བོན་མི་རུང་མི་འཁྲུངས་ལྟར། །
སངས་རྒྱས་རྣམས་ནི་བྱུང་གྱུར་ཀྱང་། །སྐལ་བ་མེད་པས་བཟང་མི་མྱང་། །ཞེས་སོ། །དེ་ལ་སོགས་པ་རྒྱུ་མཚན་དུ་མས་ཡིད་ཡོངས་སུ་དྲངས་ནས་མི་རིང་བར་གཟའ་སྐར་དང་སྦྱོར་བྱེད་བཟང་པོ་འཛོམ་པའི་ཟླ་ཚེས་དགེ་བའི་ཉིན་འབུལ་ཆེན་གྱི་བཀོད་པ་ལེགས་པར་བཤམས་ཏེ། དེའང་འཕགས་
པའི་ཡུལ་གྱི་སྙན་དངགས་མཁན་ཐམས་ཅད་ཀྱི་གཙུག་གི་ནོར་བུ་ལྟར་གྱུར་པ་དཔལ་ལྡན་དནྜིའི་ཞབས་ཀྱི་སྙན་དངགས་ཀྱི་གཞུང་ལས་ལེགས་པར་འཕོས་པའི་མཆོད་པར་བརྗོད་པ་ཡན་ལག་བདུན་པ་དང་བཅས་པའི་ཚིགས་སུ་བཅད་པ་ཉམས་འགྱུར་སྟོང་གི་རོ་དང་ལྡན་པའི་དབྱངས་ཀྱིས་མདུན་
བསུ་ནས། ཐོག་མར་བཀྲ་ཤིས་པའི་ལྷ་དར་དང་། རྒྱལ་བ་བདུད་ལས་རྣམ་པར་རྒྱལ་བའི་སྐུ་གསུང་ཐུགས་ཀྱི་རྟེན་ངོ་མཚར་ཆེ་བ་རྣམས་ཀྱིས་ཐོག་དྲངས་པའི་འབུལ་བ་དངོས་པོ་བཟང་ཞིང་རྒྱ་དཔངས་མི་དམན་པ་ཚན་གྲངས་བརྒྱ་ཕྲག་བདུན་བརྩེགས་པ་མཎྜལ་དུ་ཕུལ་ལོ། །གཞན་ཡང་ཨེ་
ཝཾ་ཐར་པ་རྩེའི་མཁན་ཆེན་རྡོ་རྗེ་འཆང་ནམ་མཁའ་བསམ་འགྲུབ་བཀྲ་ཤིས་གྲགས་པའི་རྒྱལ་མཚན་དཔལ་བཟང་པོ་ཞེས་པ། ཤེས་རབ་ཀྱི་སྣང་བ་དམ་པས་སྒྲིབ་པའི་མུན་པ་མཐའ་དག་བསལ་བར་བྱས་པ། དཀའ་བ་བརྒྱ་སྟོང་གིས་བསྒྲུབས་པའི་ཡོན་ཏན་གྱི་ཚོགས་མང་པོ་ལ་
དབང་འབྱོར་པ། མངོན་པར་ཤེས་པའི་མིག་གྲུངས་པོར་གྱུར་པས་དུས་གསུམ་གྱི་ཤེས་པར་བྱ་བ་ཐམས་ཅད་མཁྱེན་ཅིང་གཟིགས་པ། འགྲོ་བ་ཐམས་ཅད་ལེགས་པའི་ལམ་དུ་འཁྲིད་པ་ལ་ཤ་ཐང་བ་མེད་པའི་མཐུ་ཆེན་པོ་དང་ལྡན་པ། ཆོས་ཐམས་ཅད་མ་ནོར་བར་ཡང་དག་པར་སྟོན་
པ་ལ་བསྙེངས་པ་མེད་པའི་མཁྱེན་རབ་ཀྱི་དབང་ཕྱུག་གྲུབ་པ་དེ་ཉིད་ཀྱི་ཞལ་གྱི་དཀྱིལ་འཁོར་མཐོང་བའི་སྐལ་པ་བཟང་པོའི་རོ་ལ་ཡོངས་སུ་སྤྱོད་པའི་མཚོན་བྱེད་དུ་རྣམ་གྲངས་བརྒྱ་དང་ལྔ་བཅུ་ཕུལ་ལོ། །ཨེ་ཝཾ་ཀླུ་སྡིངས་བླ་བྲང་གི་ཤར་པ་རིན་ཆེན་རྒྱལ་མཚན་ཞེས་པ་བླ་ན་མེད་པའི་བྱང་ཆུབ་ཀྱི་སྤྱོད་

213-1-200b

པ་ལ་མ་འདྲིས་པ་མེད་པས་དམ་པའི་སྤྱོད་པ་ལ་དགའ་བ། སྐྱེ་བ་ནས་སྐྱེ་བར་སྦྱངས་པའི་བག་ཆགས་ཀྱི་མཐུ་བརྟས་པར་གྱུར་པས་ཚེ་འདིའི་གཙུག་ལག་མང་པོའི་གནད་ལ་མཁས་པ། ཟབ་ཅིང་ཡངས་པའི་ཆོས་ཐམས་ཅད་སྡེབ་ལེགས་ངག་གི་ཤིང་རྟ་ལ་བརྟེན་ནས། འགྲོ་བ་ཀུན་གྱི་ཐར་
པའི་གསོས་སུ་འདྲེན་པ། རྟག་ཏུ་མཁས་པའི་བྱ་བ་ཐམས་ཅད་ལྷུར་ལེན་པའི་བསྟན་འཛིན་གྱི་སྐྱེས་བུར་གྱུར་པ་དེ་ཉིད་ལ་འབུལ་བ་རྣམ་གྲངས་བརྒྱ་དང་ལྔ་བཅུ། ཨེ་ཝཾ་ཕུན་ཚོགས་གླིང་བླ་བྲང་གི་མཁན་ཆེན་འཇམ་པའི་དབྱངས་བསོད་ནམས་བཟང་པོ་བཀྲ་ཤིས་གྲགས་པའི་རྒྱལ་མཚན་དཔལ་
བཟང་པོ་ཞེས་པ། ཕྱི་དང་ནང་གི་གྲུབ་པའི་མཐའི་གཞུང་ལུགས་མ་ལུས་པ་མཁྱེན་ཅིང་ལེགས་པར་སྨྲ་བའི་དབང་ཕྱུག་ཆེན་པོ། སྙིགས་མའི་དུས་འདིར་རྒྱལ་བ་གཉིས་པ་བཞིན་དུ་བསྟན་པ་ལ་ལྷག་པར་སྨན་པའི་བྱ་བ་བྱས་པ། རྒྱལ་བ་ཀུན་གྱི་སྐུ་གསུང་ཐུགས་མི་ཟད་པ་རྒྱན་གྱི་འཁོར་
ལོའི་ཡོན་ཏན་གྱ་ནོམ་པའི་འབྱོར་པས་རྒྱས་པ། སྐྱེ་དགུ་མ་ལུས་པའི་ཡིད་ལ་རེ་བ་ཐམས་ཅད་རྫོགས་པར་བྱེད་པའི་དཔག་བསམ་དམ་པ་དེ་ཉིད་ལ་འབུལ་བ་རྣམ་གྲངས་བརྒྱ་དང་ལྔ་བཅུ། དེ་སྐབས་སུ་ཟུར་འཆད་པ་ཡིན་པ་ལ་ཕྱིས་སུ་གདན་རབས་ཀྱི་ཁྲིར་ཕེབས་པའི་མཁན་ཆེན་འཇམ་
པའི་དབྱངས་སངས་རྒྱས་དཔལ་བཟང་བཀྲ་ཤིས་གྲགས་པའི་རྒྱལ་མཚན་དཔལ་བཟང་པོ་ཞེས་པ། སྐྱེ་བ་དུ་མ་ནས་ལྷག་པའི་ལྷ་འཇམ་དཔལ་གཞོན་ནུས་རྗེས་སུ་བཟུང་བ། ཚེ་འདིར་ཤེས་བྱའི་དཀྱིལ་འཁོར་མ་ལུས་པ་ཐུགས་སུ་ཆུད་པ་ཕྱི་གནས་ལྔ་རིག་པའི་པཎྜི་ཏ་ཆེན་པོར་གྱུར་པ། ནང་
དུ་བཅུ་གསུམ་རྡོ་རྗེ་འཛིན་པའི་ས་ལ་ཇི་ལྟར་མངའ་བའི་ཡོན་ཏན་མ་ལུས་པ་རྫོགས་པ། སངས་རྒྱས་བཅོམ་ལྡན་འདས་ཀྱི་བསྟན་པ་མཁས་པའི་བྱ་བ་རྣམ་པ་གསུམ་གྱིས་ལྷག་པར་ཕན་པའི་བགྱི་བ་བགྱིས་པའི་བསྟན་འཛིན་གྱི་སྐྱེས་བུ་དམ་པ་དེར་ཡང་འབུལ་བ་དཔངས་མཐོར་བརྩེགས།
དཔོན་སློབ་དབུ་མཛད་སངས་རྒྱས་ཚུལ་ཁྲིམས་ཞེས་གཞུང་ལུགས་རབ་འབྱམས་ལ་མཁྱེན་པའི་དཀྱིལ་འཁོར་རྒྱས་ཤིང་། འཕགས་པའི་དགེ་འདུན་རྒྱ་མཚོ་ལྟ་བུའི་དབུས་ན་ཡོན་ཏན་གྱི་ཁྱད་པར་དུ་མས་མངོན་པར་འཕགས་པ་དེ་ཉིད་ལ་ཡང་འབུལ་བ་གཟབ་པར་བརྩེགས། གཞན་ཡང་

213-1-201a

ཁང་ཚན་བཅོ་བརྒྱད་ཀྱི་དགེ་འདུན་རྣམས་ལ་མང་ཇ་རྟེན་བཞག་པ་ལ་སོགས་པ་མཛད་དོ། །ཁྱད་པར་དཔལ་ཨེ་ཝཾ་ཆོས་ལྡན་ལ་བསྔགས་པ་ཌཱཀའི་རྣམ་པར་བཞད་པའི་གླིང་བུ་ལས། ཆོས་ཀྱི་དུང་དང་རྔ་ཆེན་གཎྜཱི་སྒྲ། །སྤྲིན་ཆེན་འབྲུག་གི་གད་རྒྱངས་ལས་ལྷག་
པས། །ཚུལ་བཞིན་མགྲོན་གཉེར་ངུར་སྨྲིག་འཛིན་པའི་དཔུང་། །ལི་ཁྲིའི་ཆུ་གཏེར་གཡོ་བའི་རྦ་ཀློང་བཞིན། །འདུས་པ་རྒྱ་མཚོའི་སྣམ་སྦྱར་འཕགས་པའི་གོས། །གུར་གུམ་གཞོན་ནུའི་ཚོན་གྱིས་ནམ་མཁའི་ཁམས། །སིནྡྷཱུ་ཝཱ་ར་ལི་འཁྲིའི་རྡུལ་ཚོགས་ལྟར། །དམར་
སེར་འོད་ཀྱི་དཀྱིལ་འཁོར་རྒྱ་མཚོའི་དབུས། །ཞེས་བསྔགས་པའི་དོན་དང་མཐུན་པར་ཨེ་ཝཾ་གཙུག་ལག་ཁང་ཆེན་པོ་ཉིད་དུ་སེམས་ཅན་རྒྱ་མཚོའི་ཚོགས་ཀྱི་མགོན་དང་སྐྱབས་དང་དཔུང་གཉེན་དུ་བཞུགས་ནས། སངས་རྒྱས་བཅོམ་ལྡན་འདས་ཀྱི་བསྟན་པའི་རྩ་ལག་ཏུ་གྱུར་པ། སུམ་
ལྡན་རྡོ་རྗེ་འཛིན་པའི་དགེ་སློང་གི་དགེ་འདུན་ངུར་སྨྲིག་གོས་ཀྱིས་མཛེས་པར་བྱས་པའི་ཚོགས་སྟོང་ཕྲག་ཕྱེད་གཉིས་སུ་ལྡང་བ་ཐམས་ཅད་ཟླ་བ་གཅིག་དང་ཞག་བཞིའི་བར་དུ་བསྙེན་བཀུར་ཡང་དག་པར་བགྱིས་ཏེ། རྣལ་འབྱོར་རྒྱུད་ཀྱི་ནང་གསེས་ཆ་མཐུན་གྱི་རྒྱུད་ཀྱི་ཁོངས་སུ་
གཏོགས་པ། དཔལ་ངན་སོང་ཐམས་ཅད་ཡོངས་སུ་སྦྱོང་བའི་རྒྱུད་ཀྱིས་དངོས་སུ་བསྟན་པར་བྱ་བའི་གཙོ་བོ་ཀུན་རིག་རྩ་བའི་ལྷ་སུམ་ཅུ་རྩ་འདུན་མགྲོན་ཐབས་ཀྱི་ལྷ་དང་བཅས་པའི་དཀྱིལ་འཁོར་གྱི་ཆོ་ག་རྒྱས་པ། རྗེ་བཙུན་རྡོ་རྗེ་འཆང་གིས་མཛད་པའི་ཡིག་ཆ་སྒྲིབ་པ་རྣམ་སེལ་དང་
གཞན་ཕན་མཐའ་ཡས་ཇི་ལྟ་བ་བཞིན་གྱི་སྒྲུབ་མཆོད་དུ་བཙུགས་ཏེ། གྲྭ་པ་རེ་ལ་གསེར་ཞོ་རེ་འགྱེད་པ་ཉིན་གཅིག་གོ། །གྲྭ་པ་བཞི་རེ་ལ་དངུལ་ཞོ་ཕྱེད་དང་གཉིས་རེ་འབྱེད་པ་ཉིན་ཉི་ཤུ་རྩ་བཞིའོ། །གྲྭ་པ་བཞི་རེ་ལ་གཞུང་ཇ་བར་ཁག་རེ་འགྱེད་པ་ཉིན་གསུམ་མོ། །གྲྭ་པ་བཅུ་རེ་ལ་
ཇ་ནག་པོ་བར་ཁག་རེ་འགྱེད་པ་ཉིན་གཅིག་གོ། །གྲྭ་པ་བཞི་རེ་ལ་མ་ཧཉྩི་ཡུག་རེ་འགྱེད་པ་ཉིན་བཞིའོ། །གྲྭ་པ་རེ་རེ་ལ་མཛོད་དར་ལེགས་པ་རེ་འགྱེད་པ་ཉིན་གཅིག་སྟེ། དེ་ལྟར་ཉིན་སུམ་ཅུ་རྩ་བཞི་རྫོགས་པ་དང་། དེའི་མཚམས་ནས་འདིའི་མདུན་ན་འདོན་ལ་སོགས་པའི་སྐུ་འཁོར་དུ་

213-1-201b

གཏོགས་པ་རྣམས་ཀྱིས་རིམ་པར་བཙུགས་པ་ལ་ཟླ་བ་གཅིག་སྟེ། མདོར་ན་ཟླ་བ་གཉིས་ཀྱི་བར་དུ་དགེ་འདུན་ཇི་སྙེད་མཆིས་པ་རྣམས་ལ་བསྙེན་བཀུར་དང་ཡོན་འབུལ་གཟབས་པར་བསྟབས་སོ། །གཞན་ཡང་དགེ་འདུན་ཉུང་བཏུས་ཀྱིས་བཅོམ་ལྡན་འདས་མགོན་པོ་ཚེ་དཔག་ཏུ་མེད་
པའི་ཆོ་ག་དང་། གཙུག་ཏོར་རྣམ་པར་རྒྱལ་མའི་སྟོང་མཆོད་དང་། མགོན་ཁང་ཤར་ནུབ་རྣམས་སུ་བསྐང་གསོ་དང་། ཀ་དྲུག་ཁང་དུ་འཇིགས་བྱེད་དྲུག་ཅུ་པའི་གཏོར་རྒྱབ་གསར་འཕར་བཙུགས་པ་དང་། རྡོ་རྗེ་རྣམ་པར་འཇོམས་པའི་གཏོར་ཆེན་གཏོང་བ་རྣམས་ལའང་ཡོན་འབུལ་དང་བསྙེན་
བཀུར་དཔངས་མཐོར་བྱས་སོ། །གཙུག་ལག་ཁང་དང་། གཙང་ཁང་དང་། ལམ་འབྲས་ལྷ་ཁང་དང་། ལམ་ཟབ་ལྷ་ཁང་ལ་སོགས་པའི་ལྷ་ཁང་རྣམས་སུ་སྐྱེ་དགུ་མ་ལུས་པའི་ཕན་བདེའི་རྩ་ལག་ཏུ་བཞུགས་པའི་བླ་མ་རྒྱལ་བ་སྲས་དང་བཅས་པའི་སྐུ་གསུང་ཐུགས་ཀྱི་རྟེན་ཤིན་ཏུ་དཀོན་
ཞིང་ངོ་མཚར་བ། བྱིན་རླབས་ཀྱི་གཟི་འོད་རབ་ཏུ་འཕྲོ་བ་རྣམས་ལ་སྤོས་དང་། མར་མེ་དང་། ཞལ་ཟས་དང་། ཁ་དོག་སྣ་ཚོགས་པའི་དར་གྱི་སྙན་ཤལ་དང་། གོས་བཟང་ཁྱད་པར་དུ་འཕགས་པ་མང་པོའི་རྒྱུ་ལས་བསྐྲུན་པའི་བླ་རེ་དང་། རྒྱལ་མཚན་དང་། འཕན་དང་། ལྡ་ལྡི་
ལ་སོགས་པ་མཆོད་པའི་ཡོ་བྱད་ཕུལ་བའི་གཏོང་ཕོད་མི་དམན་པ་ངོ་མཚར་རྣ་བའི་དགའ་སྟོན་བླ་ན་མེད་པ་ཉིད་དུ་མཛད་དོ། །དེ་ནས་དཔལ་ས་སྐྱ་ཉིད་དུ་འབྱོན་པའི་ཕྱིར་མཐུན་པའི་ཡོ་བྱད་སྣ་ཚོགས་པའི་འབྱོར་བ་བསྣམས་པའི་འཁོར་ཀྱི་ཚོགས་མང་པོ་དང་བཅས་པ་གདན་བཏེག་སྟེ་བྱོན་པ་
ན། ནམ་ཞིག་ན་ཆོས་གྲྭ་ཆེན་པོ་དེ་ཉིད་ལ་བསྔགས་པ་དབང་པོའི་ཉེར་འཚོ་ཞེས་བྱ་བ་ལས། འཛམ་གླིང་འཛིན་མའི་ཁྱོན་གྱི་དབུས། །དབུས་ཀྱི་རྡོ་རྗེའི་རང་བཞིན་ཞིང་། །ཞིང་ཁམས་རྒྱ་མཚོ་ཀུན་གྱི་མཆོག །མཆོག་འདི་ས་ཡི་སྙིང་པོ་སྟེ། །སྐྱེ་དགུ་ཀུན་ལ་རབ་དགའི་དཔལ་སྟེར་
བ། །གང་གིས་བྱང་ཆུབ་སྙིང་པོ་བརྙེས་པའི་གཞི། །རྡོ་རྗེ་རང་བཞིན་རྡོ་རྗེ་གདན་འདི་ནི། །རྒྱལ་བ་རྒྱ་མཚོས་བྱང་ཆུབ་བརྙེས་པའི་གནས། །མ་ག་དྷཱ་ཡང་འདི་ལས་གཞན་དུ་ཅི། །ཞེས་དང་། ལོངས་སྤྱོད་རྣམ་མང་ལྡན་པའི་གནས་མང་ཡང་། །རིག་པའི་འབྱུང་གནས་འདི་

213-1-202a

ལྟ་འགའ་ཡོད་མིན། །ཡིད་འཕྲོག་མཛེས་པའི་རིན་ཆེན་མང་ཡོད་ཀྱང་། །འདོད་དགུ་འགྲུབ་པ་བསམ་འཕེལ་གཅིག་པོ་ཙམ། །ཞེས་དང་། དེ་ཕྱིར་རྒྱལ་དང་རྒྱལ་བའི་སྲས་རྣམས་ཀྱིས་བསྟེན་ཅིང་། །རིག་པའི་གནས་ལྔ་ཕུལ་བྱུང་རྣམས་ཀྱིས་བསྟི་བའི་
གནས། །ངུར་སྨྲིག་གོས་མཆོག་འཛིན་པ་རྣམས་ཀྱི་དགའ་ཚལ་ཏེ། །གདན་ས་མཆོག་འདི་བྱང་ཆུབ་སྙིང་པོ་ཡིན་ལགས་གྲང་། །ཞེས་འབྱུང་བ་ལྟར། བསྐལ་པ་བཟང་པོའི་རྣམ་པར་འདྲེན་པ་ཐམས་ཅད་མངོན་པར་བྱང་ཆུབ་པའི་ཚུལ་བསྟན་པའི་གནས། འཕགས་པའི་ཡུལ་གྱི་རྡོ་རྗེ་
གདན་ཆེན་པོའི་གནྡྷོ་ལ་དང་། རིག་པའི་གནས་ལྔ་ལ་མཁས་པ་དང་གྲུབ་པའི་དབང་ཕྱུག་གི་འབྱུང་གནས་སུ་གྱུར་པ་ལ་ནི་ཁྱད་པར་ཅུང་ཟད་ཀྱང་དམིགས་སུ་མེད་པ། འཕགས་པ་རིགས་གསུམ་མགོན་པོས་དགོངས་བཞིན་དུ་སྐྱེ་བའི་ཟློས་གར་གྲངས་མེད་པ་དེང་ནས་བཟུང་སྟེ་མ་འོངས་བསྐལ་པའི་
བར་དུ་ཡང་འབྱོན་པར་འགྱུར་བར་མངོན་པར་ཤེས་པ་དྲུག་གི་མིག་གྲུངས་བོར་གྱུར་པ་རྣམས་ཀྱིས་ལེགས་པར་གཟིགས་ཤིང་ལུང་བསྟན་གྱི་བདུད་རྩིའི་ཆུ་གཙང་མས་ལེགས་པར་ཆག་ཆག་བཏབ་པ། ཇི་ལྟར་ལུང་དུ་བསྟན་པ་དེ་ལྟར་བདེན་པའི་མཐས་ཀྱང་ཤིན་ཏུ་གསལ་བར་བྱས་པའི་གདན་ས་ཆེན་པོ་དང་ལས་སྐྱའི་ཆོས་གྲྭ་ཆེན་པོ་ཞེས་བྱ་
བ་དེའི་ཉེ་འདབས་སུ་བྱོན་ནོ། །དེར་བྱོན་པ་དང་གདན་ས་དེ་ཉིད་ནས་ཀྱང་བསུ་བ་སྡེ་ཕྱི་མང་པོས་སོན་པ་རྣམས་ཀྱིས་མདུན་བསུ་བ་དང་། ལྷ་བསངས་ཀྱི་དུད་པ་གནམ་སའི་དཀྱིལ་འཁོར་མ་ལུས་པར་ཁྱབ་པར་གཏུལ་བ་དང་། ཕྱོགས་ལས་རྣམ་པར་རྒྱལ་བའི་རྒྱལ་མཚན་དང་། བ་
དན་དང་། འཕན་དང་། གདུགས་ལ་སོགས་པའི་ཡོ་བྱད་བསམ་གྱིས་མི་ཁྱབ་པ་བསྒྲེང་བ་དང་བཅས་ཏེ། རིང་ནས་མངོན་པར་འདུན་པའི་རི་མོ་ལན་ཅིག་མ་ཡིན་པར་ཡང་དང་ཡང་དུ་འདྲི་བའི་གནས་ག་ལ་བ་དེར་བདེ་བར་ཕེབས་སོ། །དེར་ཅུང་ཟད་ཅིག་ནས་སྐྱབས་གཅིག་རིན་
པོ་ཆེའི་བསྟན་སྲིད་ཟུང་གི་ཕྲིན་ལས་ཀྱི་འཁོར་ལོས་སྒྱུར་བའི་མཁྱེན་རབ་ཀྱི་དབང་ཕྱུག་ཕྱག་མཛོད་རིན་པོ་ཆེའི་སྐུ་ཞབས་སུ་འཛམ་གླིང་བསྟན་པའི་བདག་པོའི་ཞལ་གྱི་དཀྱིལ་འཁོར་མཇལ་བའི་སྐབས་དབྱེ་བར་གསོལ་ལོ། །དེས་ཀྱང་ལེགས་པར་སྐབས་ཕྱེད་པ་དང་། ཇི་ཙམ་ཞིག་

213-1-202b

ན་ཛམྦུ་རྐང་འཐུང་གི་རྒྱལ་མཚན་གྱིས་ཉེ་བར་སྤུད་པའི་གླིང་དམ་པ་འདི་ཉིད་རྣམ་པ་ཐམས་ཅད་དུ་མཛེས་པར་བྱེད་པའི་རྒྱན་གྱི་མཆོག་ཏུ་གྱུར་པ། སྐྱབས་གཅིག་མཚུངས་ཟླ་མེད་པ། དཔལ་ས་སྐྱ་པ་སྔགས་འཆད་བླ་མ་ངག་དབང་ཀུན་དགའ་བསོད་ནམས་རིན་ཆེན་བཀྲ་ཤིས་གྲགས་
པའི་རྒྱལ་མཚན་དཔལ་བཟང་པོ་ཞེས་མཚན་གྱི་རྔ་བོ་ཆེ་སྲིད་པ་གསུམ་གྱི་ཁོངས་སུ་ལྡིར་བ། དེ་ཉིད་སུ་ཞིག་གི་ཐོས་པའི་འཛིན་པའི་བཅུད་དུ་ལེན་པར་བྱེད་པ་ཁོ་ནས་ཀྱང་སྲིད་ཞིའི་རྒུད་པ་ཐམས་ཅད་ལས་སྐྱོབ་པའི་ཐུགས་རྗེ་ཆེན་པོ་དང་ཡོན་ཏན་དཔག་ཏུ་མེད་པས་བཟུང་བའི་བདག་
ཉིད་ཅན། གང་གི་ཞབས་མཐིལ་བནྡྷུ་ཛཱི་ཝ་ཀའི་འདབ་མ་ལྟ་བུའི་ངོས་སུ་བསོད་ནམས་ཀྱི་བྱེད་པོས་ལེགས་པར་བྲིས་པའི་འཁོར་ལོ་རྩིབས་བརྒྱད་པའི་རྟགས་ཀྱིས་ཉེ་བར་སྦུད་པ་དེ་ནི། འཇིག་རྟེན་གྱི་ཁམས་ན་མཐུ་ཆེ་ཞིང་གཟི་བརྗིད་ཆེ་བར་རློམ་པ་རྣམས་ནི་འདི་ལྟ་སྟེ། ཚངས་
པ་དང་། དབང་པོ་དང་། དྲག་པ་དང་། སྲེད་མེད་ཀྱི་བུ་ལ་སོགས་པའི་ལྷའི་དབང་པོ་རྣམས་དང་། དེ་བཞིན་དུ་མི་དང་། ལྷ་མ་ཡིན་དང་། ལྟོ་འཕྱེ་དང་། གནོད་སྦྱིན་དང་། མིའམ་ཅི་དང་། གྲུལ་བུམ་སྟེ། དེ་དག་གི་བདག་པོར་གྱུར་པ་རྣམས་ཀྱང་མངོན་པར་ཁེངས་པ་བསྐྱུངས་
ཏེ། མུན་པའི་གཉེན་པོར་བྱེད་པའི་ནོར་བུ་རིན་པོ་ཆེའི་རྒྱན་གྱིས་ལེགས་པར་བརྒྱན་པའི་རལ་པའི་ཐོར་ཚུགས་རྣམས་ཀྱི་རྩེ་ན་ལེགས་པར་བཀོད་ཅིང་། རི་མོར་བྱས་པ། བླ་མར་བྱས་པ། མཆོད་ཅིང་རྗེད་པར་བྱས་པ། འཇིག་རྟེན་གྲགས་པའི་ཟླ་འོད་དཀར་པོས་ཡོངས་སུ་
བྲན་པའི་མཁས་པ་དང་། གྲུབ་པ་དང་། རིག་སྔགས་འཆང་བ་ཐམས་ཅད་ཀྱིས་རྗེད་པར་བྱེད། ཚིག་གི་བདོག་པ་ཕུན་སུམ་ཚོགས་པ་དག་གི་བསྟོད་པའི་མེ་ཏོག་ཇི་སྙེད་པས་མངོན་པར་གཏོར་ཡང་ཡོངས་སུ་གཏུགས་པ་མེད་པའི་ཡོན་ཏན་གྱི་ཕུང་པོར་གྱུར་པ། མཆོག་གི་སྤྲུལ་པའི་སྐུ་
དཔལ་ལྡན་སྟོབས་བཅུ་མངའ་བ་ཉིད་དང་། དེའི་རྣམ་པར་འཕྲུལ་པ་བགྲང་ལས་འདས་པ་རྣམས་ཀྱིས་ལེགས་པར་བཤད་པའི་ཚོགས་ཇི་སྙེད་མཆིས་པ་དང་། དེ་དག་གི་བརྗོད་བྱར་གྱུར་བ་གང་ཡིན་པའི་དམ་པའི་ཆོས་ཐམས་ཅད་ཀྱི་བདག་པོ། མཐའ་དྲུག་ཚུལ་བཞིའི་ལམ་

213-1-203a

ནས་རྒྱལ་བའི་དགོངས་པ་མ་ལུས་པ་གཏན་ལ་འབེབས་པའི་མཁས་པ་རྣམས་ལ་འོས་པའི་ཕྲིན་ལས་གསུམ་གྱི་སྒོ་ནས། བསྟན་པའི་རྒྱལ་མཚན་དམ་པ་གོང་ནས་གོང་དུ་བསླང་བ་ལ་འཇིགས་པ་དང་བག་ཚ་བ་མེད་པའི་མཁྱེན་རབ་ཀྱི་དབང་ཕྱུག་ཆེན་པོ་སྟེ། གང་དེ་
མི་འཇིགས་བཞི་དང་ལྡན་པའི་གོ་འཕང་ཉེ་བར་བརྙེས་པའི་བརྡར། སེང་གེ་ཆེན་པོ་བརྒྱད་ཀྱིས་མངོན་པར་བཏེག་པའི་ཆོས་ཀྱི་ཁྲི་མཐོན་པོ་ཞིག་ཏུ་སྲིད་པ་གསུམ་གྱི་གཟི་བརྗིད་ཀྱི་ཕུང་པོ་མ་ལུས་པ་གཅིག་ཏུ་སྤུངས་པ་ལས་ལྷག་པའི་རང་བཞིན་ཉིད་དུ་འོད་དང་འོད་ཟེར་གྱི་ཚོགས་རབ་ཏུ་དཀྲིགས་
པའི་སྐུའི་དཀྱིལ་འཁོར་ནི། དཔེར་ན་འཆར་ཀའི་ཉིན་མོར་བྱེད་པའི་དཀྱིལ་འཁོར་སྒྲིབ་བྱེད་མེད་པ་ཞིག །ཐུན་མཚམས་སྤྲིན་གྱི་ལང་ཚོ་མངོན་པར་བདོ་བའི་རྩེ་ན་འདུག་པ་དང་འདྲ་བར་མཐོང་ན་མི་མཐུན་པ་མེད་པའི་སྐུ་ལས་མཚན་གྱི་སྣང་བ་རིང་པོའི་ལམ་དུ་འཕྲོ་བ་སྟེ། དེ་ནི་དགེ་སློང་གི་
དགེ་འདུན་སྤྱོད་ལམ་དུལ་ཞིང་མཛེས་པ་ཁོ་ནས་ཀྱང་སྐྱེ་འཕགས་ཐམས་ཅད་ཀྱི་ཡིད་འཕྲོག་པར་བཟོད་པའི་འཁོར་གྱིས་ཀུན་ནས་བསྐོར་ཞིང་མདུན་གྱིས་བལྟས་ཏེ་གནས་སོ། །དེ་དག་ཀྱང་ལ་ལ་ནི་ཨ་ག་རུ་དང་། ཏུ་རུཥྐ་དང་། ཙནྡན་ལ་སོགས་པ་ལྷན་ཅིག་སྐྱེས་པའི་སྤོས་
མཆོག་གི་སྡོད་བུ་དག་གཏུལ་བའི་དུད་སྤྲིན་བེེ་ཌཱུརྱ་སྔོན་པོའི་སྤྲིན་ཕུང་ལྟ་བུ་དག་གཏིབས་པར་བྱེད་དོ། །ལ་ལ་ནི་ཡི་གར་ཤིན་ཏུ་འོང་བའི་དྲི་ཞིམ་པོ་སྣ་ཚོགས་པ་དག་གཅིག་ཏུ་སྦྱར་བ་ལས་བྱུང་བའི་སྤོས་ཀྱི་རེང་བུ་སྦར་བ་དག་ཐོགས་ཏེ། སྔོ་བསངས་དུད་པའི་སྤྲིན་གྱི་རི་མོ་ངོ་
མཚར་བ་དག་ནམ་མཁའི་ངོས་ལ་ཅི་ཡང་འདྲི་བར་བྱེད་དོ། །ཁ་ཅིག་ནི་མཐུན་པའི་རྐྱེན་དུ་གྱུར་པའི་ཡོ་བྱད་གཙང་ཞིང་བསོད་པ་ཕུན་སུམ་ཚོགས་པ་དག་གིས་སྐུའི་རིམ་གྲོ་དག་ལྷུར་བྱེད་དོ། །ཁ་ཅིག་ནི་གསང་ཆེན་རྡོ་རྗེ་ཐེག་པའི་ཆོས་ཀྱི་འཁོར་ལོ་བསྐོར་བ་ལ་ཉེ་བར་མཁོ་བའི་
ཉེར་བསྡོགས་ཀྱི་ཕྲེང་བ་ཚར་དུ་དངར་བ་ཅི་དང་ཅི་དགོས་པ་དག་མངོན་པར་བསྐྲུན་པར་བྱེད་དོ། །ཕལ་ཆེར་ནི་འདྲི་ཞིང་ལན་ལྡོན་པའི་ཚུལ་གྱིས་ཆོས་ཐམས་ཅད་ཀྱི་དྲང་བའི་དོན་དང་ངེས་པའི་དོན་གྱི་བྱེ་བྲག་ཕྲ་ཞིང་ཕྲ་བ་ཉིད་དུ་རྣམ་པར་འབྱེད་པའི་ལེགས་བཤད་ཀྱི་བདུད་རྩི་མང་པོ་

213-1-203b

དག་ལེན་པར་བྱེད་དོ། །ཁ་ཅིག་ནི་ཇི་སྐད་ཐོས་པའི་གསུང་གི་བདུད་རྩི་མང་པོ་དག་བརྡ་དང་ཚིག་ལ་རྨོངས་པར་མ་གྱུར་བའི་སྐྱེས་བུའི་འདུ་བྱེད་ཀྱིས་ཡི་གེའི་ལམ་དུ་འགོད་པར་བྱེད་དོ། །ཁ་ཅིག་ནི་འགྲོ་བ་རྒྱ་མཚོའི་དད་པའི་དབའ་རླབས་ཀྱི་ཕྲེང་བ་རྣམ་པར་གཡོས་པའི་རྩེ་
མོ་ནས་འཁྲུངས་པར་དངོས་སུ་འབྱོར་པའི་ཡོ་བྱད་ཀྱི་མཎྜལ་གྱ་ནོམ་པ་དག་ཀྱང་སྟོབ་པར་བྱེད་པའི་དབུས་སུ། རྗེ་བཙུན་དམ་པ་དེ་ཉིད་འོད་དང་འོད་ཟེར་གྱི་སྣང་བ་ལྷམ་མེར་འབར་བ་དང་བཅས་ཏེ་བཞུགས་པ་དངོས་སུ་མཐོང་བར་གྱུར་ཏོ། །དེ་ལྟར་མཐོང་བར་གྱུར་པ་དང་། སྡོམ་བརྩོན་
མིའི་དབང་ཕྱུག་དམ་པ་འཁོར་དང་བཅས་པ་ནི་འདི་སྙམ་དུ། ཨེ་མ་ཁམས་གསུམ་ཆོས་ཀྱི་རྒྱལ་པོ་ཆེན་པོ། དུས་གསུམ་མཉམ་པར་གཟིགས་པའི་དབང་ཕྱུག །འཇིག་རྟེན་གསུམ་གྱི་སྙིང་པོ་མཐའ་དག་གཅིག་ཏུ་སྤུངས་པ་ལྟ་བུའི་སྐྱབས་ཀྱི་མཆོག་འདི་ལྟ་བུ་དང་དངོས་སུ་མཇལ་
བའི་སྐལ་བ་བཟང་པོའི་རོ་ལ་ལོངས་སུ་སྤྱད་པར་གྱུར་པ་འདི་ནི་ངེས་པར་ངོ་མཚར་ཆེ་བ་ཞིག་གོ་སྙམ་དུ་ཐུགས་ལ་བྱེད་པ་དང་བཅས་ཏེ། རྗེ་བཙུན་དམ་པ་དེས་སྐྱེ་བ་དཔག་ཏུ་མེད་པ་ནས་བཟོད་པའི་རྒྱུ་ཕུམ་སུམ་ཚོགས་པས་ཉེ་བར་བསྒྲུབས་པའི་ཞལ་བཟང་ཟླ་བ་རྒྱས་པའི་དཀྱིལ་འཁོར་
རྟག་ཏུ་གང་བའི་རང་བཞིན་ཅན་དེ་ཉིད། སྐལ་པར་ལྡན་པའི་མིག་གི་མེ་ལོང་དག་ཏུ་འགོག་པ་མེད་པའི་ཚུལ་གྱིས་འཆར་བ་དང་། ལེགས་པར་གདམས་པའི་བདུད་རྩིའི་སྒོ་འཕར་ཕྱེ་བས་ཐར་པ་བླ་ན་མེད་པའི་ལང་ཚོའི་བཅུད་ལེན་དུ་འཐུང་བའི་སྐལ་བ་བཟང་པོ་ལ་སྦྱོར་བར་གསོལ་བའི་
མཚོན་བྱེད་དུ། ཐོག་མར་སིད་ཞིའི་སྐྱབས་མགོན་མཚུངས་པའི་ཟླ་ཐམས་ཅད་དང་བྲལ་བ། གང་གི་ཡོན་ཏན་འཛད་དུ་མེད་པའི་རང་བཞིན་རྒྱ་མཚོ་ལྟ་བུའི་ནང་ནས་ཕྱོགས་རེ་ཙམ་ཞིག་ཉམས་དང་འགྱུར་བའི་རོ་དང་ལྡན་པའི་སྙན་དངགས་དམ་པའི་གླུར་བླངས་པའི་མཆོད་པར་བརྗོད་པ་
དང་། ཡན་ལག་བདུན་པོ་ཚིགས་སུ་བཅད་པར་བསྡེབས་པའི་མེ་ཏོག་གི་སིལ་མས་མངོན་པར་གཏོར་ཞིང་རབ་ཏུ་གཏོར་རོ། །དེ་ནས་བཀྲ་ཤིས་པའི་རྟགས་ཀྱི་དགེ་མཚན་རྣམ་པར་བཀྲ་བའི་ལྷ་དར་དཀར་པོ་དང་། བདེ་ལྡན་ཞིང་གི་མགོན་པོ་ཚེ་དཔག་ཏུ་མེད་པའི་སྐུ་བརྙན་

213-1-204a

གྱིས་ཐོག་དྲངས་པའི་འབུལ་བ་དངོས་པོ་བཟང་ཞིང་གཏོས་ཆེ་བ་རྣམ་གྲངས་སྟོང་ཕྲག་གཅིག་དང་བརྒྱ་ཕྲག་གསུམ་གྱིས་ཉེ་བར་ལྷག་པའི་འབུལ་བ་ཕུལ་ལོ། །དེར་བཤུལ་ཐག་རིང་པོའི་ལམ་གྱི་བདེ་ལེགས་དང་ཁམས་འདྲི་བ་དང་ལན་ལྡོན་པ་ལས་
བརྩམས་པའི་བཀའ་མཆིད་ཨུཏྤ་ལ་དཀར་པོའི་ཕྲེང་བ་ལྟ་བུ་ཀུན་གྱི་རྣ་བར་མཛེས་པའི་རྒྱན་དུ་ལེགས་པར་སྩལ་ཏོ། །དེ་ནས་རིམ་པར་ཟབ་པ་དང་རྒྱ་ཆེ་བའི་ཆོས་ཀྱི་དགའ་སྟོན་ཐོབ་པ་ལ། ཐོག་མར་འཕགས་ཡུལ་གྱི་གྲུབ་པའི་དབང་ཕྱུག་ཆེན་པོ་ཛེ་ཏཱ་རི་ལས་རིམ་པར་བརྒྱུད་
དེ། བསྟན་པའི་བདག་པོ་དཔལ་ས་སྐྱ་པ་ལ་བཀའ་བབ་པའི་འཇམ་དཔལ་ཨ་ར་པ་ཙ་ནའི་རྗེས་སུ་གནང་བ་དང་། གྲུབ་པའི་དབང་ཕྱུག་ཐང་སྟོང་རྒྱལ་པོ་ཞེས་པ་དགུང་ལོ་བརྒྱ་དང་ཉི་ཤུ་ལྔར་བཞུགས་ནས་སེམས་ཅན་གྱི་དོན་མཛད་པར་གྲགས་པ་དེ་ཉིད་ལས་བརྒྱུད་པ་བར་མ་ཆད་
པ་ལས་བྱུང་བའི་ཚེ་སྒྲུབ་ཟབ་གཏེར་དག་སྣང་ཆུ་བོ་ཉིས་འདྲེས་སུ་གྱུར་པའི་བླ་མ་ཞི་ཁྲོའི་ཚེ་དབང་ཟབ་མོ་དང་། དཔལ་ཀྱེ་རྡོ་རྗེ་མན་ངག་ལུགས་ཀྱི་དཀྱིལ་འཁོར་རས་བྲིས་ལ་བརྟེན་པའི་རྒྱུ་དུས་ཀྱི་དབང་བཞི་ཡོངས་སུ་རྫོགས་པ། རྡུལ་ཚོན་གྱི་དཀྱིལ་འཁོར་ཆེན་པོ་ཞལ་ཕྱེ་བའི་རྡོ་རྗེ་
ཕུར་པ་ས་ལུགས་སྟོད་ལས་བྱང་ཆུབ་སྒྲུབ་པའི་དབང་བཞི་ཡོངས་སུ་རྫོགས་པ་དང་། རྡོ་རྗེ་གུར་གྱི་རྒྱུད་ལེའུ་བཅོ་ལྔ་པ་ལས་བསྟན་པའི་རྡོ་རྗེ་ནག་པོ་ཆེན་པོ་གུར་གྱི་མགོན་པོ་ལྕམ་དྲལ་ལྷ་བརྒྱད་ཀྱི་རྗེས་སུ་གནང་བ་དང་། གཞན་ཡང་རྗེས་སུ་གནང་བ་དང་རྗེས་སུ་གདམས་
པ་དཔག་ཏུ་མེད་པ་སྩལ་ཏོ། །གཞན་ཡང་སྔོན་གྱི་དུས་ནས་བླ་མ་བརྒྱུད་པ་དང་བཅས་པ་རྣམས་ཀྱི་བཀའ་དང་དམ་ཚིག་གཉེན་པོའི་རྡོ་རྗེ་བདུད་རྩི་སྙིང་ལ་སིམ་པ་དྲལ་དུ་མ་བཏུབ་པར་དུས་རྟག་ཏུ་མཁའ་འགྲོ་ཆོས་སྐྱོང་གི་ཚོགས་ཐམས་ཅད་སྤྲིན་བཞིན་དུ་འདུ་ཞིང་བསྒོ་བ་ཐམས་
ཅད་བྲན་བཞིན་དུ་ཉན་པའི་བསྟི་གནས་སུ་གྱུར་བའི་མགོན་ཁང་ཆེན་པོ་རྣམས་སུ། ཧེ་རུ་ཀ་དཔལ་མིའི་སྲིད་པར་བཟུང་བའི་རྗེ་བཙུན་དམ་པ་དེ་ཉིད་དང་། སྡོམ་བརྩོན་བླ་མ་ཆེན་པོ་འདི་ཉིད་ལྷན་ཅིག་ཏུ་བྱོན་ནས། ཆོས་སྐྱོང་བའི་སྲུང་མ་རྣམས་ལ་མཆོད་གཏོར་རྒྱ་ཆེན་

213-1-204b

པོས་མཉམ་པར་བྱས་ཏེ། སྔོན་དུས་བླ་མ་མ་ལ་ལོ་ཙཱ་བས་ས་ཆེན་ཀུན་དགའ་སྙིང་པོ་ལ་ཇི་ལྟར་གཏད་པ་དེ་ལྟར་དུ། རྗེ་བཙུན་ཧེ་རུ་ཀ་དཔལ་ཆེན་པོ་ཉིད་ཀྱི་ཕྱག་ན་དམ་ཚིག་གི་རྡོ་རྗེ་འབར་བ་ཐོགས་ཏེ་ཆེད་དུ་བསྒོ་བ། ཆོས་སྐྱོང་བའི་སྲུང་མ་མཐུ་ཆེ་ཞིང་རྫུ་འཕྲུལ་ཆེན་པོ་དང་ལྡན་པ།
བཅོལ་བའི་ལས་ཐམས་ཅད་ལ་སྐད་ཅིག་ཀྱང་གཡེལ་བ་མེད་པར་སྒྲུབ་པ། མངོན་པར་ཤེས་པའི་མིག་དང་ལྡན་པ་ཁྱེད་རྣམས་དམ་ཚིག་དང་ལྡན་པའི་རིགས་ཀྱི་བུ་འདིའི་ལུས་དང་གྲིབ་མ་བཞིན་དུ་འབྲལ་བ་མེད་པར་འགྲོགས་ལ། ཕྱི་དང་ནང་གི་བར་དུ་གཅོད་པ་མི་མཐུན་པའི་ཕྱོགས་
ཐམས་ཅད་ཞི་བའི་ཕྲིན་ལས་སྒྲུབས་ཤིག །མཐུན་པའི་ཕྱོགས་ཐམས་ཅད་གོང་ནས་གོང་དུ་སྤེལ་བའི་ཕྲིན་ལས་སྒྲུབས་ཤིག །གཞན་ཡང་རིགས་ཀྱི་བུ་འདིས་ཇི་ལྟར་འདོད་པའི་ཕྲིན་ལས་རྣམ་པ་བཞི་གང་དང་གང་བཅོལ་བ་ཐམས་ཅད་མྱུར་བ་ཉིད་དུ་སྒྲུབས་ཤིག་ཅེས་བྱ་བ་ལ་
སོགས་པའི་བཀའ་དང་དམ་ཚིག་གི་རྡོ་རྗེ་ཕྱེད་པར་དཀའ་བའི་ར་བ་དེ་ན་ལེགས་པར་བཅུག་སྟེ། མཐར་ཐུག་བྱང་ཆུབ་མ་ཐོབ་ཀྱི་བར་དུ་སྐད་ཅིག་ཀྱང་འབྲལ་བ་མེད་པར་ལུ་གུ་རྒྱུད་དུ་སྦྲེལ་ལོ། །གཞན་ཡང་ཆོས་དང་སྲིད་པའི་གཙུག་ལག་ཟུང་ལས་བརྩམས་པའི་བཀའ་མཆིད་ཉིན་
མོར་བྱེད་པའི་ནོར་བུའི་འོད་ཟེར་གྱི་དྲ་བ་མང་དུ་{སྤྲོས་}པས། བློ་གྲོས་ཀྱི་འདབ་བརྒྱ་རྣམ་པར་གྲོལ་བར་མཛད་པའི་བཀའ་དྲིན་བསམ་པའི་ཡུལ་ལས་འདས་པའི་ཚུལ་གྱིས་རྗེས་སུ་བཟུང་ཞིང་རྗེས་སུ་བསྐྱངས་ཏེ་ཉིན་ཞག་གི་འཁོར་ལོ་མང་པོ་ཡང་བརྒལ་བར་མཛད་དོ། །དེ་དག་གི་བར་
སྐབས་རྣམས་སུ། སྐྱེ་དགུ་མ་ལུས་པའི་ཕན་པ་དང་བདེ་སྐྱིད་འབྱུང་བའི་རྩ་ལག་ཏུ་བཞུགས་པའི་རྟེན་མཇལ་དང་མཆོད་འབུལ་མཛད་པ་ནི། གདན་ས་ཆེན་པོ་དེ་ཉིད་ཀྱི་གདགས་སྲིབ་ཏུ་བཞུགས་སོ་འཚལ་གྱི་ལྷ་ཁང་དང་། གཙུག་ལག་ཁང་དང་། མགོན་ཁང་དང་།
སྒྲུབ་ཁང་ཁྱད་པར་དུ་འཕགས་པ་རྣམས་དང་། སྤྲུལ་པའི་ལྷ་ཁང་ཆེན་པོ་ཞེས་བྱ་བ། གང་གི་ངོ་མཚར་སྒྱུ་མའི་བཀོད་པ་ལྟ་བུའི་ཁྱད་པར་གྱི་ལྟད་མོའི་ཆ་ཤས་རེ་ཡང་སྐལ་བར་ལྡན་པ་སུ་ཞིག་གི་མིག་གི་དབང་པོའི་ལོངས་སྤྱོད་ཉིད་དུ་ཐོབ་པར་གྱུར་པའི་མོད་ལ།

213-1-205a

སུམ་ཅུ་རྩ་གསུམ་པའི་ལྷ་རྣམས་ཀྱི་བསོད་ནམས་ཀྱི་མཐུ་ལས་གྲུབ་པ་རྣམ་པར་རྒྱལ་བའི་ཁང་བཟངས་ཞེས་བྱ་བ། སྤྲུལ་པའི་བཟོ་བོ་བི་ཤྭ་ཀརྨྨའི་འཕྲུལ་གྱིས་བཟོས་པ། ལྷའི་རིན་པོ་ཆེ་སྣ་བཞི་ལས་བསྒྲུབས་པ་ཞིག་སྟེ། དེའི་བཟོ་དབྱིབས་
ལྟ་ན་སྡུག་པའི་ངོ་མཚར་དང་གྲགས་པ་ཡང་འགོག་པར་ནུས་པའི་རང་བཞིན་ཅན་ཉིད་དོ། །དེ་ཡང་ཇི་ལྟར་ཞེ་ན། བསྐལ་པ་བཟང་པོའི་ལེགས་ལམ་ལས། གང་དུ་འཇུག་པའི་ཐེམ་སྐས་སུ་ཞིག་གིས། །འགོངས་པ་ཙམ་ན་ཐར་པའི་གྲོང་ཁྱེར་དུ། །བདེ་བར་སོན་པ་
སྲིད་ལས་འདས་པ་ཡི། །སྒོ་དེའི་ཁྱད་པར་ཅི་ཡིན་ཡོངས་མི་ཤེས། །རྟ་བབས་ནོར་བུ་རྒྱས་པའི་ལྗོན་པ་ཡི། །ཀ་བ་སྟོང་གིས་བཏེགས་པའི་འོད་ཀུན་དུ། །འབར་བས་རང་གནས་ཕྲོགས་ཏེ་གནམ་སྔོན་པོ། །ས་ལ་ལྷུག་བ་མིན་ནམ་ཁྱམས་དེ་སྔོ། །དེ་ལ་ནོར་འཛིན་ཟླ་
བའི་མིག་མངས་རིས། །བཀྲ་བ་དེ་ནི་མཐིང་གི་རོལ་བའི་མཚོར། །སིནྡྷཱུ་ཝཱ་རའི་གེ་སར་ཕྱེ་མའི་ཕྲེང་། །རླབས་ཀྱི་སོར་མོས་བྲིས་པ་བཞིན་དུ་མཛེས། །ཨིནྡྲ་ནཱི་ལའི་བ་གམ་འོད་ཚོགས་ཀྱིས། །རྩིག་ངོས་དག་པའི་ལོགས་ལ་ཡོངས་ཁྱབ་པ། །ཨུཏྤལ་སྔོན་པོ་རབ་
རྒྱས་ནགས་སུ་སེམས། །མེ་ཏོག་ཟས་ཅན་རྣམས་ལ་འཁྲུལ་པ་འཇུག །མདའ་ཡབ་ཕྲེང་བ་ལས་འཕྱང་དྲ་ཕྱེད་ཚོགས། །ཕ་གུ་ཆུ་སྐྱེས་དཀར་པོའི་ངོས་རྩེ་ལ། །རེག་པ་རྣམ་པར་གསལ་ཏེ་བཅུ་དྲུག་ཆ། །སྙིང་ལས་བདུད་རྩིའི་ཐིག་ཕྲེང་བསྒྲེང་བ་བཞིན། །བྱ་འདབ་
མཁའ་དང་འདྲེས་པའི་འགྲམ་པ་ལ། །རྒྱ་ཕིབས་འཇིག་རྟེན་གསུམ་གྱི་མུན་འཕྲོག་པའི། །སྣང་བའི་རི་མོ་གློག་གི་གར་མཁན་མས། །གཞན་ཡིད་རྐུ་བའི་ཆོ་འཕྲུལ་མཛེས་ལས་ལྷག །ཟླ་བ་རླུང་གིས་བསྐྱོད་པའི་རྔ་ཡབ་རྩེར། །ཛམྦུ་ནཱ་དའི་གསེར་གྱི་དྲིལ་ཆུང་
གི། །མགྲིན་ལ་ཟད་མི་ཤེས་པའི་སྒྲ་སྙན་མང་། །རྣ་བའི་བཅུད་དུ་འགྲོ་བའི་དབྱངས་སུ་འབབ། །ཏོག་གི་ཁྱད་པར་ཉི་མའི་སྤྱི་བོ་ལ། །འོད་ཟེར་འབབ་སྟེགས་བྱེད་པའི་གཟི་བརྗིད་གཏེར། །མཛེས་པའི་གོས་ཅན་ལྷབ་ལྷུབ་རྟ་གདོང་མེར། །རེག་པས་མི་བརྫིའི་རྒྱལ་

213-1-205b

མཚན་འབུམ་གྱིས་སྤུད། །ཅེས་པ་ལྟ་བུའི་ངོ་མཚར་རྨད་དུ་བྱུང་བའི་གཞལ་མེད་ཁང་ཆེན་པོ་དེ་དང་བཅས་པ་སྟེ། རྟེན་དེ་དག་ཏུ་བཞུགས་པའི་བརྟེན་པ་རྒྱལ་བ་སྲས་དང་བཅས་པའི་སྐུ་གསུང་ཐུགས་ཀྱི་རྟེན་གསུམ། རྒྱ་གར་གྱི་པཎྜི་ཏ་མང་པོ་དང་། བོད་ཀྱི་ལོ་ཙཱ་བ་ཆེན་པོ་
རྣམས་དང་། དཔལ་ས་སྐྱའི་གདུང་རབས་རིམ་པར་བྱོན་པ་རྣམས་ཀྱི་ཐུགས་དམ་རྟེན་དུ་མཛད་པས་ཡེ་ཤེས་ཀྱི་འཁོར་ལོ་དངོས་སུ་བཞུགས་པ། ཕན་བདེ་ཐམས་ཅད་ཀྱི་འབྱུང་གནས་སུ་གྱུར་བ་སྤྱི་ལ་སྤོས་དང་། མར་མེ་དང་། ཞལ་ཟས་ཕུལ་ལོ། །བྱེ་བྲག་པ་རྣམས་ལ་
ལྷག་པར་འཕན་དང་། བླ་རེ་དང་། རྒྱལ་མཚན་འབུལ་བ་ལ་སོགས་པའི་དགེ་བའི་རྩ་བ་རྒྱ་ཆེན་པོ་བསྐྲུན་པའི་ངོ་མཚར་བརྗོད་ཀྱིས་མི་ལྡང་བ་ཉིད་དོ། །དེ་ལྟར་གདན་ས་ཆེན་པོ་དེར་ཇི་ལྟར་བཞེད་པའི་དོན་ཐམས་ཅད་ལེགས་པར་གྲུབ་ནས། དཔལ་ཞ་ལུའི་ཆོས་སྡེར་བྱོན་ནས།
དེར་བཞུགས་པའི་དགེ་འདུན་རྣམས་ལ་མང་ཇ་དང་གྲལ་འགྱེད། གྲ་པ་རེར་དངུལ་དཀར་བལ་པོའི་དོང་ཙེ་རེའི་འགྱེད་པ་དང་། གདན་ས་དེའི་བླ་མ་དང་ལས་ཚན་རྣམས་ལ་འབུལ་བ་ཚན་གྲངས་དང་། རྟེན་གསུམ་རྣམས་ཀྱི་ཞལ་མཇལ་དང་མཆོད་འབུལ་མཛད་དོ། །སྐབས་དེར་
ཆོས་གྲྭ་ཆེན་པོ་བཀྲ་ཤིས་ལྷུན་པོའི་དགོན་པར་གདན་འདྲེན་ཞུ་བའི་བསུ་བར། བླ་བྲང་རྒྱལ་མཚན་མཐོན་པོའི་མགྲོན་གཉེར་བ་དང་། གཞིས་རྩེ་རྫོང་གི་དཔོན་པོ་དང་། ཧགས་གདོང་གྲྭ་ཚང་དང་། རྒྱ་ཁང་ཚན་གྱི་དགེ་བསྐོས་རྣམས་ཀྱིས་སོན་ནས་བསུ་སྟེ། དེ་ཕྱོགས་སུ་
ཆིབས་ཀྱི་གདོང་བསྒྱུར་བར་མཛད་པས་མི་རིང་བར་བླ་བྲང་ཆེན་པོ་རྒྱལ་མཚན་མཐོན་པོ་ཞེས་བྱ་བ། དེའི་ངོ་མཚར་གྱི་ཁྱད་པར་ནི། དཔེར་ན་བསྐལ་པ་བཟང་པོའི་རྒྱལ་བ་བཞི་པའི་རྒྱལ་ཚབས་ཆེན་པོ་མགོན་པོ་བྱམས་པས། སྐལ་བར་ལྡན་པའི་ལྷ་བུ་གྲངས་མེད་པའི་
དབུས་སུ། ཐེག་པ་ཆེན་པོས་ཆོས་ཀྱི་འཁོར་ལོ་རྒྱ་ཆེན་པོ་བསྐོར་བའི་གནས་དགའ་ལྡན་ཆོས་ཀྱི་གཞལ་མེད་ཁང་ཆེན་པོ་ཞེས་པ། དེ་ནི་ཕལ་ཆེར་སྦྱོང་བར་དཀའ་བའི་ས་ལ་གནས་པའི་བྱུང་ཆུབ་སེམས་དཔའི་རྒྱུ་ཚོགས་ཕན་སུམ་ཚོགས་པ་མ་ཡིན་པས་འཐོབ་པར་དཀའ་བ་

213-1-206a

ངོ་མཚར་གྱི་ཁྱད་པར་བརྗོད་མི་ནུས་པ་ཞིག་སྟེ། དེའི་བཀོད་པ་ལེགས་པ་དང་དཔལ་མ་ལུས་པ་སའི་སྟེང་ན་ཡོངས་སུ་འཕོས་པ་སྙམ་བྱེད་པའི་ངོ་མཚར་སྐྱེ་བོ་ཡོངས་ཀྱི་མིག་གི་བདུད་རྩིར་གྱུར་པ་ཞིག་གོ། །དེའང་འདི་ལྟར་ལྷའི་རིན་པོ་ཆེ་སྣ་
བདུན་གྱི་ཕ་གུ་བརྩེགས་པ་ལྟ་བུའི་སྟེགས་བུ་དང་། བ་གམ་དང་། མདའ་ཡབ་དང་། ལན་ཀན་རྣམས་ཀྱིས་མཛེས་པ། ཟུར་བཞི་དང་ལྡན་པ་ཆོས་མཐོ་ཞིང་བརླིང་བ། སྒོ་དང་རྟ་བབས་དང་སྐར་ཁུང་དང་། རྒྱན་གྱི་རྣམ་པ་མང་པོ་དང་ལྡན་པ། བཙོ་མ་གསེར་གྱི་རྒྱ་
ཕིབས་མང་པོ་དག་ལ་ཉི་མ་བྱེ་བའི་དཔལ་བཞིན་དུ་འོད་ཟེར་གྱི་དྲ་བ་དཀྲིགས་པ། དེའི་ཕྱི་རོལ་ཀུན་དུ་གཙུག་ལག་ཁང་དང་། ཁང་བ་དང་། ཁང་ཕྲན་གྱི་ཚོགས་མང་པོ་དང་། མེ་ཏོག་གི་ལྡུམ་ར་དང་། སྐྱེད་མོས་ཚལ་ལ་སོགས་པས་བསྐོར་བས་ཡིད་དུ་འོང་བར་བྱས་པ། དེ་
ལྟ་བུའི་ངོ་མཚར་གྱི་ཕུང་པོར་གྱུར་པ་གང་ཡིན་པ་དེའི་ཉེ་འདབས་སུ་བྱོན་ནོ། །དེར་བྱོན་པ་དང་ཆོས་གྲྭ་ཆེན་པོ་དེ་ཉིད་ནས་ཀྱང་། དྲི་ཞིམ་པོའི་སྨན་དང་། སྤོས་དང་། སིཧླ་དང་། བདུད་རྩི་ཅན་གྱི་ཤིང་གི་ལྕུག་ཕྲན་གཞོན་ནུ་དག་བསྲེགས་པའི་ལྷ་བསང་གི་དུད་སྤྲིན་སྔོན་པོས་ནམ་མཁའི་
དབྱིངས་ཁྱབ་པར་གཏུལ་ལོ། །དེ་དང་ཆབ་ཅིག་པར་ལྷའི་རྒྱལ་མཚན་དང་། ལྷའི་བ་དན་ལ་སོགས་པའི་དར་འཕྱར་གྱི་དགའ་སྤྲོ་དཔག་ཏུ་མེད་པ་བསྟར་བའི་བཀུར་སྟི་དང་བཅས་ཏེ་བླ་བྲང་ཆེན་པོར་སྤྱན་དྲངས་ཞུས་སོ། །དེ་ན་ལྷ་དང་བཅས་པའི་འཇིག་རྟེན་པ་ཐམས་ཅད་ཀྱི་ཡོན་གྱི་
གནས་དམ་པར་གྱུར་པ་ནི་པཎ་ཆེན་ཐམས་ཅད་གཟིགས་པ་བློ་བཟང་ཡེ་ཤེས་དབང་པོ་ཞེས་ཡོངས་སུ་གྲགས་པ་སྟེ། དེ་ནི་སྔོན་དུས་འཕགས་པའི་ཡུལ་དང་བསིལ་ལྡན་ཁ་བ་ཅན་གྱི་ལྗོངས་འདིར་ཉི་མ་དང་ཟླ་བ་ལྟར་རབ་ཏུ་གྲགས་པའི་མཁས་པ་ཆེན་པོ་དུ་མའི་སྐུའི་སྐྱེ་བ་ལུ་གུ་རྒྱུད་
དུ་བཞེས་པ། དེའི་དབང་གིས་དཔལ་སྟོབས་བཅུ་མངའ་བའི་བསྟན་པ་རིན་པོ་ཆེ་ཕྱོགས་རིས་མེད་པ་ལ་སྐྱེ་བ་ནས་སྐྱེ་བར་ཕན་པའི་བྱ་བ་ཡང་དག་པར་བགྱིས་པ། སྐྱེ་བ་འདིར་ཡང་གསེར་མདངས་ཅོད་པན་འཆང་བ་ཐམས་ཅད་ཀྱི་བསྟན་པའི་རྒྱལ་མཚན་མཛེས་པར་བྱེད་པའི་ཏོག་ཏུ་

213-1-206b

གྱུར་བ། འགྲོ་བ་ཐམས་ཅད་བུ་གཅིག་པ་ལྟར་བརྩེ་བའི་ཐུགས་རྗེ་ཆེ་ཞིང་། རྣམ་པར་དཀར་བའི་ཕྲིན་ལས་ནམ་མཁའི་མཐའ་དང་མཉམ་པར་གྱུར་པའི་བསྟན་འཛིན་གྱི་སྐྱེས་བུ་ཞིག་གོ། །དེ་ལྟ་ནའང་སྐབས་དེར་སྐྱེ་འགྲོ་སྤྱིའི་ལེགས་བྱས་ཀྱི་ཐག་པ་ཕྲ་མོས་མ་ཟིན་པ་བཞིན་
དུ་རེ་ཞིག་དེ་ནས་མི་སྣང་བར་ཞིང་ཁམས་གཞན་དུ་གཤེགས་པའི་ཚུལ་བསྟན་ནོ། །དེའི་སྐྱེ་བའི་ཟློས་གར་གྱི་སྤྲུལ་པའི་སྐུ་ཡང་བྱོན་མ་ཟིན་པའི་སྐབས་སུ་མཆིས་མོད། རྗེ་བཙུན་དམ་པ་དེས་ཐེག་པ་གསུམ་གྱི་ཆོས་ཀྱི་འཁོར་ལོ་རྒྱ་ཆེན་པོ་བསྐོར་བའི་སེང་གེའི་ཁྲི་མཐོན་པོ་དང་།
དམ་པ་དེ་ཉིད་ཀྱི་སྐུ་བརྙན་ཕྱག་ནས་ཅན་གྱི་མདུན་ག་ལ་བར་རྣམ་གྲངས་བརྒྱ་ཕྲག་གཅིག་ལ་བརྒྱད་ཀྱིས་ཉེ་བར་ལྷག་པའི་མཆོད་འབུལ་མཛོད་དོ། །ཆོས་གྲྭ་དེའི་གཙུག་ལག་ཁང་ཆེན་པོར་བསྟན་སྐྱོང་འཕགས་པའི་དགེ་འདུན་ཞི་ཞིང་དུལ་བ། སྐུ་ལས་ཧ་རི་ཙནྡ་ནའི་དྲི་བསུང་
མངར་པོ་ཁོ་ར་ཁོར་ཡུག་ཏུ་འཐུལ་བ། མཐའ་མེད་འཁོར་བའི་རིམས་ནད་ཀྱི་གཉེན་པོར་བྱེད་པའི་ཡོན་གནས་དམ་པ་སྟོང་ཕྲག་བཞིར་ལྡང་བར་བཞུགས་པ་རྣམས་ལ་མང་ཇ་གཉིས་དང་། གྲྭ་པ་རེ་ལ་དངུལ་དཀར་བལ་པོའི་དོང་ཙེ་རེ་རེ་གྲལ་འགྱེད་དུ་ཕུལ་ལོ། །དེ་ན་བྱིན་
རླབས་དང་ཕན་བདེའི་དཔལ་གྱིས་མངོན་པར་གཏམས་པའི་སྐུ་གསུང་ཐུགས་ཀྱི་རྟེན་མཆོག་ཛམྦུའི་གླིང་ན་དཀོན་པ་ལྟར་གྱུར་པའི་གྲགས་ཆེ་ཞིང་གྲངས་མང་བར་བཞུགས་པ་རྣམས་ལའང་ཞལ་གསེར་གསོལ་བ་དང་། སྤོས་རེང་གཏུལ་བ་དང་། མར་མེ་སྤོར་བ་དང་། སྙན་
ཤལ་དང་འཕན་ཚར་འདོགས་པ་ལ་སོགས་པ། སྔོན་གྱི་བྱང་ཆུབ་སེམས་དཔའ་གང་དག་བྱུང་བ་རྣམས་ཀྱིས། ཕྱོགས་བཅུའི་ཞིང་གི་རྒྱལ་བ་རྣམས་ལ་མཆོད་པའི་སྤྲིན་གྱི་ཕུང་པོ་དཔག་ཏུ་མེད་པས་མངོན་པར་མཆོད་ཅིང་རི་མོར་བྱས་པ་དེ་ལྟ་བུའི་རྣམ་པར་ཐར་པ་དག་གི་རྗེས་
སུ་འཇུག་པ་དང་རྗེས་སུ་སློབ་པར་འདོད་པའི་འདུན་པ་ལས་བྱུང་བའི་མཆོད་པའི་སྤྲིན་རྣམས་ཀྱིས་མངོན་པར་མཆོད་ཅིང་རྗེད་པར་མཛད་དོ། །དེ་ནས་འཕགས་པའི་གནས་བརྟན་དགྲ་བཅོམ་པ་ཆེན་པོ་རྣམས་ཀྱི་རྣམ་པར་འཕྲུལ་པའི་རོལ་རྩེད་གདོན་མི་ཟ་བའི་མཁན་པོ་དགེ་བའི་

213-1-207a

བཤེས་གཉེན་ཆེན་པོ་རིམ་པར་བྱོན་པ་རྣམས་ཀྱིས་བཀའ་གདམས་བསྟན་པའི་སྙིང་པོའི་ཆོས་ཚུལ་དྲི་མ་མེད་པའི་འཁོར་ལོ་བསྐོར་བའི་གདན་ས་ཆེན་པོ། །དཔལ་སྣར་ཐང་ཞེས་བྱ་བའི་ཆོས་གྲྭ་ཉིད་དུ་འབྱོན་པར་བརྩམ་པ་ན། དེ་ནས་ཀྱང་མདུན་བསུའི་
ཕྲེང་བ་སྔ་ཕྱིའི་རིམ་པར་བསྟར་བ་ནི་སྔ་མ་བཞིན་དུ་བྱུང་སྟེ། དེ་དག་དང་བསྟུན་ནས་དཔལ་སྣར་ཐང་གི་ཆོས་གྲྭར་བྱོན་ནོ། །དེ་ན་དཔལ་ལྡན་ཉི་མའི་གཉེན་གྱི་བསྟན་པ་དམ་པའི་རྩ་ལག་ཏུ་བཞུགས་པའི་བླ་མ་དང་མཁན་པོ་ཕྱི་དང་ནང་གི་ཡོན་ཏན་གྱི་ཚོགས་མང་པོས་འབྱོར་བ། སེམས་
ཅན་ཐམས་ཅད་ལ་ཕན་པ་བསྒྲུབ་པའི་ཕྱིར་ཞུགས་པ་རྣམས་ལ་འབུལ་བ་ཚན་གྲངས་བསྔོ་རྟེན་དང་བཅས་པ་ཕུལ་ལོ། །དེར་འཕགས་པའི་དགེ་འདུན་ཆོས་སྤྱོད་བཅུའི་རྒྱུན་དང་ཉམས་ལེན་ལྷུར་ལེན་པས་ཉིན་མཚན་གྱི་འཁོར་ལོའི་དུས་འདའ་བར་བྱེད་པའི་ཡོན་གནས་དམ་པ་ཇི་སྙེད་
མཆིས་པ་རྣམས་ལའང་མང་ཇའི་བསྙེན་བཀུར་དང་དངུལ་དཀར་གྱི་དོང་ཙེ་རེ་རེ་འགྱེད་དུ་བསྟབས་སོ། །དེ་བཞིན་གཤེགས་པ་སྲས་དང་བཅས་པའི་རྟེན་རྣམས་ཀྱི་སྤྱན་སྔར་ཉེ་བར་སྤྱོད་པ་རྣམས་དང་ཡོ་བྱད་འབུལ་བ་རྣམས་ནི་སྔ་མ་ཇི་ལྟ་བ་བཞིན་དུ་གཟབས་སོ། །དེ་ལྟེ་ཇི་སྐད་
བཤད་པ་རྣམས་ཀྱང་དེ་དག་ལས་གང་གཙོར་གྱུར་པ་གང་ཡིན་པའམ་རགས་པ་གང་ཡིན་པ་ཁོ་ན་བཏུས་ནས་སྨོས་པ་ཡིན་གྱི་ཞིབ་ཏུ་ནི་མ་ཡིན་ནོ། །གཞན་དུ་ན་སྡོམ་བརྩོན་བསྟན་པའི་རྩ་ལག་ཆེན་པོ་འདིས་ཐུགས་བསྐྱེད་དང་སྙིང་སྟོབས་རྨད་དུ་བྱུང་བའི་གཏོང་བ་དམ་པའི་སྒོ་འཕར་ཡངས་
པོར་ཕྱེ་ནས། དུས་གཞན་དང་གནས་སྐབས་གཞན་དག་ཏུ་དགེ་བའི་རྩ་བ་བསྒྲུབ་པའི་ཚུལ་བརྗོད་པ་ལྟ་ཞོག །དེང་གི་དུས་ཁོ་ནར་ཡང་དབུས་གཙང་གི་ཕྱོགས་ཀྱི་དགོན་སྡེ་ཕྱོགས་རིས་སུ་མེད་པ་ལ་མཆོད་ཅིང་བསྙེན་བཀུར་བགྱིས་པའི་ངོ་མཚར་གཏམ་གྱི་ཕུང་པོ་ཁོ་ན་བརྗོད་ཀྱང་འཛད་དུ་
མེད་པའི་རང་བཞིན་དུ་འགྱུར་བ་ནི་ངེས་པའོ། །དེའང་འདི་ལྟར་མདོ་རུ་བསྡུ་ན། ཡུལ་སྟག་ལུང་གི་དགོན་པ་ནས་བཟུང་སྟེ། དབུས་ཕྱོགས་ཀྱི་འཛིན་མའི་དཀྱིལ་འཁོར་མ་ལུས་པ་དང་། གཙང་ཕྱོགས་ཀྱི་འཛིན་མའི་དཀྱིལ་འཁོར་མ་ལུས་པ་དང་། སྟོད་ཀྱི་གཉའ་ནམ་གྲོད་པ་ཕུག་

213-1-207b

མན་ཆད་ཀྱི་འཛིན་མའི་དཀྱིལ་འཁོར་མ་ལུས་པ་སྟེ། དེ་དག་ཏུ་གནས་པའི་གདན་ས་དང་། གཙུག་ལག་ཁང་དང་། དགོན་སྡེ་དང་། སྒྲུབ་གནས་དང་། རི་ཁྲོད་དབེན་པའི་བསྟི་གནས་ཇི་སྙེད་མཆིས་པ་སྟེ། དེ་དག་ལ་བརྟེན་པའི་དགེ་སློང་དང་། དགེ་སློང་མ་དང་། བར་
སློབ་མ་དང་། དགེ་ཚུལ་དང་། དགེ་ཚུལ་མ་དང་། དགེ་བསྙེན་དང་། དགེ་བསྙེན་མ་ལ་སོགས་པ་བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཤཱཀྱ་སེང་གེ་དེ་ཉིད་བསྟན་པའི་རྗེས་སུ་ཞུགས་པའི་སྦྱིན་གནས་སུ་གྱུར་པ་ཇི་
སྙེད་མཆིས་པ་དང་། གཤེན་རབས་བོན་གྱི་རྗེས་སུ་ཞུགས་པའི་སྦྱིན་གནས་སུ་གྱུར་པ་ཇི་སྙེད་མཆིས་པ་རྣམས་ཏེ། དེ་དག་ཐམས་ཅད་དུ་མ་ཁྱབ་པ་མེད་པའི་མང་ཇའི་བསྙེན་བཀུར་དང་། གྲལ་འགྱེད་ཀྱི་འབུལ་བ་ཡང་དག་པར་བགྱིས་སོ། །དེའང་དགོན་སྡེ་གང་དང་གང་
ཡིན་པ་དེ་དང་དེའི་གྲ་པའི་ཚོགས་མང་ཉུང་གང་ཡོད་ཀྱི་གྲངས་དང་མཉམ་པར། དངུལ་བལ་པོའི་དོང་ཙེ་རེ་རེ་འགྱེད་པ་ནི་དགོན་སྡེ་ཕལ་ཆེ་བ་ལ་ཡོད་ཅིང་། ཐ་ན་དགོན་པོའི་མིང་ཐོགས་ཙམ་ཞིག་ལའང་མང་ཇ་རེ་དང་འགྱེད་སྐལ་མི་རེ་ལ་དངུལ་ཞོ་གང་ཕྱིན་ཆད་དུ་ལྷུང་
བ་ནི་གཅིག་ཀྱང་མེད་པའི་དགོངས་གཏད་ཀྱི་ཡོན་འབུལ་མཛད་དོ། །དགོན་སྡེ་དེ་དག་ཏུ་མཁས་པའི་ཕྲིན་ལས་བཟང་པོ་ལ་དབང་འབྱོར་བའི་བླ་མ་དང་། མཁན་པོ་དང་། སློབ་དཔོན་དང་། ཟུར་འཆད་པར་བཞུགས་པ་ཐམས་ཅད་ལ་ཡང་དགེ་བའི་རྩ་བ་ཐམས་ཅད་བྱང་ཆུབ་ཏུ་
ཡོངས་སུ་བསྔོ་བར་ཞུ་བའི་རྟེན་དང་ཡོན་འབུལ་གྱི་དངོས་པོས་མ་ཁྱབ་པ་མེད་པའི་དགོངས་གཏད་ཀྱི་བསྙེན་བཀུར་གཟབ། དེ་དག་གི་གཙུག་ལག་ཁང་དང་རྟེན་མཆོག་ཁྱད་པར་ཅན་གྱི་བཞུགས་གནས་རྣམས་སུ། ཇི་སྐད་དུ། ཇི་ལྟར་བདེ་གཤེགས་སྐུ་གཟུགས་ཤིང་ལས་སམ། །རྡོ་
ལས་བྱས་པའང་རུང་སྟེ་མཁས་པས་མཆོད། །ཅེས་དང་། གང་ཞིག་སངས་རྒྱས་ཡིད་བྱེད་པ། དེ་ཡི་མདུན་ན་ཐུབ་པ་བཞུགས། །ཞེས་གསུངས་པ་ལྟར་སེམས་ཅན་རང་རང་གི་མོས་པའི་བྱེ་བྲག་ཙམ་མ་གཏོགས་པར་ཐམས་ཅད་ཀྱང་དེ་བཞིན་གཤེགས་པ་ཐུགས་རྗེ་ཆེ་ཞིང་

213-1-208a

སེམས་ཅན་ཐམས་ཅད་ལ་ཕན་འདོགས་པའི་ཕྲིན་ལས་ཅན་གྱི་སྐུ་དང་གསུང་དང་ཐུགས་ཀྱི་རྟེན་ཡིན་པའི་ཕྱིར། མཆོག་དམན་དང་བཟང་ངན་གྱི་ཁྱད་པར་དབྱེར་མི་བཏུབ་ཀྱང་། ཀུན་རྫོབ་ཀྱི་རྗེས་སུ་འབྲང་སྟེ་རྟེན་གསུམ་གྱི་རྣམ་པ་བཞེང་བ་རྒྱུའི་ཁྱད་
པར་དང་། བཞེང་པ་པོ་གང་ཟག་གི་ཁྱད་པར་དང་། ཚད་དང་མཚན་ཉིད་རྫོགས་པའི་ཁྱད་པར་དང་། འཕགས་པ་གསུམ་གྱི་སྐུ་གདུང་དང་རིང་བསྲེལ་བཞུགས་པའི་ཁྱད་པར་དང་། ཐུན་མོང་དང་ཁྱད་པར་བའི་རབ་ཏུ་གནས་པའི་དུས་སུ་ཡེ་ཤེས་ཀི་འཁོར་ལོ་ཕེབས་པའི་ལྟས་དང་
མཚན་མ་མཐོང་བའི་ཁྱད་པར་ལ་སོགས་པའི་སྒོ་ནས་གྲགས་ཆེ་ཆུང་བྱེད་པ་ལྟར། འདིར་ཡང་དེའི་དབང་གིས་རྟེན་གསུམ་གྲགས་ཆེ་བ་རྣམས་སུ་འཕན་དང་། བླ་རེ་དང་། རྒྱལ་མཚན་དང་། སྙན་ཤལ་དང་། ཉེ་བར་སྤྱོད་པའི་ཕྲེང་བ་ཚར་དུ་དངར་བ་བརྒྱ་ཕྲག་བརྩེགས་པའི་
མཆོད་པ་དང་། སྟོང་ཕྲག་བརྩེགས་པའི་མཆོད་པ་འབུལ་བ་དང་། གཞན་རྣམས་ལ་ཡང་དྲི་ཞིམ་པོའི་སྤོས་དང་། མར་མེའི་མཆོད་པ་འབུལ་བ་ལ་སོགས་པས་རྒྱལ་བ་སྲས་དང་བཅས་པ་མ་ལུས་པ་མཉེས་པར་མཛད་པའི་རྣམ་པར་ཐར་པ་འདི་ནི། སྔོན་གྱི་འཕགས་པ་བྱང་
ཆུབ་སེམས་དཔའ་སེམས་དཔའ་ཆེན་པོ་རྣམས་ཀྱིས་བྱང་ཆུབ་སེམས་དཔའི་སྤྱོད་པ་རྒྱ་མཚོ་ལྟ་བུ་ལ་ཞུགས་པའི་དུས་ཀྱི་སྙིང་སྟོབས་ཇི་ལྟར་བསྐྱེད་པ་དེ་ཁོ་ན་དང་མཚུངས་པར་འགྱུར་གྱི། དེ་ལས་གཞན་པའི་སོ་སོ་སྐྱེ་བོ་གཏོང་ཕོད་ཆེ་བར་རློམ་པ་དང་། སྙིང་སྟོབས་ཆེ་བར་རློམ་པ་བྱེ་བ་
བརྒྱ་སྟོང་མང་པོ་བསྡམས་ཀྱང་གང་གི་ཆ་ཤས་རེ་ཡང་བསྒྲུན་དུ་ཡོད་པའི་རེ་བ་ནི་སྟོན་ཀའི་དུས་ཀྱི་སྤྲིན་ལྟ་བུའོ་ཞེས་དགེ་བའི་ཕྱོགས་ལ་མངོན་པར་དགའ་བའི་སྐྱེས་བུ་གཟུ་བོར་གནས་པ་མཐའ་དག་མགྲིན་གཅིག་ཏུ་སྙན་དངགས་དམ་པའི་གླུ་བཞིན་དུ་ལེན་པར་བྱེད་པ་དག་ཡོད་དོ། །
དེ་ལྟར་སངས་རྒྱས་བཅོམ་ལྡན་འདས་ཀྱི་བསྟན་པ་དང་བསྟན་འཛིན་དགེ་བའི་བཤེས་གཉེན་རིས་སུ་མེད་པ་ལ་ཕན་པའི་རི་མོ་དང་བསྙེན་བཀུར་རྒྱ་ཆེན་པོ་སྟོབ་པ་དང་བཅས་ཏེ། སྙིང་པོ་མེད་པའི་ཟང་ཟིང་གི་དངོས་པོ་རྣམས་ལས་བླ་ན་མེད་པའི་བྱང་ཆུབ་ཀྱི་ས་བོན་དུ་འགྱུར་བའི་སྙིང་པོ་

213-1-208b

ཡང་དག་པར་བླངས་ཟིན་ནས། དེ་ནི་ཐོབ་པར་དཀའ་བའི་དལ་འབྱོར་གྱི་ལུས་རྟེན་ཞེས་བྱ་བ་མི་རྟག་ཅིང་མི་བརྟན་ལ་ཆུ་བུར་བཞིན་དུ་སྙིང་པོ་མེད་པའི་ཆོས་ཅན་འདི་ལ་བརྟེན་ནས་བླ་ན་མེད་པའི་བྱང་ཆུབ་ཀྱི་ས་བོན་དུ་འགྱུར་བའི་དམ་པའི་ཆོས་ཀྱི་ཐོས་པའི་བག་ཆགས་འགའ་ཞིག་
ནི་སྔར་ཡང་བསགས་མོད། ད་དུང་ཡང་དམ་པའི་ཆོས་ཀྱི་ཐོས་པ་མང་པོའི་ཕ་རོལ་ཏུ་སོན་པར་བྱས་ཏེ། རང་དང་གཞན་གྱི་དོན་རྒྱ་ཆེན་པོ་བསྒྲུབ་པར་བགྱིའོ་སྙམ་དུ་དགོངས་པ་རྩེ་གཅིག་པས་ངོར་དུ་བཞུགས་ནས་ཆོས་གསན་པར་མཛད་དོ། །དེ་ལའང་སློབ་
དཔོན་དབྱིག་གཉེན་གྱིས། སྤྱོད་པ་རྣམས་ཀྱི་གཉེན་པོར་ནི། །ཆོས་ཀྱི་ཕུང་པོ་མཐུན་པར་གསུངས། །ཞེས་འབྱུང་བ་ལྟར། ལེགས་པར་གསུངས་པའི་ཆོས་འདུལ་བའི་སྡེ་སྣོད་དང་། མདོ་སྡེའི་སྡེ་སྣོད་དང་། མངོན་པའི་སྡེ་སྣོད་དེ་གསུམ་མམ། ཡང་ན་དེ་
ལས་རིག་པ་འཛིན་པའི་སྡེ་སྣོད་ལོགས་སུ་ཕྱེ་ན་སྡེ་སྣོད་བཞིར་བཞེད་པ་སྟེ། གང་ལྟར་ཡང་དེ་དག་གིས་བརྗོད་པར་བྱ་བའི་སྙིང་པོར་གྱུར་པའི་ལམ་གྱི་གཙོ་བོ་ནི་སྡོམ་པ་རིན་པོ་ཆེ་རྣམ་པ་གསུམ་སྟེ། དེ་དང་རྗེས་སུ་འབྲེལ་བའི་ཆོས་ཀྱི་བདུད་རྩི་ཟབ་ཅིང་རྒྱ་ཆེ་བའི་རྣམ་གྲངས་
བསམ་གྱིས་མི་ཁྱབ་པ་ཞིག་གསན་ཏེ། དེའང་ཐོག་མར་རྒྱལ་བའི་བསྟན་པ་ཐམས་ཅད་ཀྱི་གཞི་མ་སོ་སོར་ཐར་པའི་སྡོམ་པ་སྟེ། དེ་རང་གི་རྒྱུད་ལ་ཡོངས་སུ་རྫོགས་པ་དགེ་སློང་གི་དངོས་པོར་བསྒྲུབ་པའི་ཕྱིར། དེ་ཉིད་བཀའི་གནང་བ་ཞུ་བའི་མཁན་པོ་ནི། དགག་སྒྲུབ་
གནང་གསུམ་གྱི་སྒོ་ནས་བསླབ་པར་བྱ་བའི་གནས་རྣམས་ཉེ་བར་ལུང་འཕོགས་པའམ་སྟོན་པ་ལ་ཤིན་ཏུ་མཁས་པ་དང་། བསྒྲུབ་བྱ་ལ་ནད་པའམ་འདུ་ཤེས་ཉེ་བར་བཞག་ནས་ཤིན་ཏུ་སྙིང་བརྩེ་བ་དང་ལྡན་པས་དམན་པའི་གནས་སུ་ལྟུང་བ་ལས་ཡོངས་སུ་འཛིན་པ་དང་། 
དངོས་སུ་ལེགས་པར་གསུངས་པ་དམ་པའི་ཆོས་འདུལ་བ་ལས་འབྱུང་བའི་ཚུལ་ཁྲིམས་ཀྱི་བསླབ་པ་རིན་པོ་ཆེ་ལ་ཉེ་བར་སྦྱོར་ཞིང་། བརྒྱུད་ནས་མྱ་ངན་ལས་འདས་པའི་གོ་འཕང་དམ་པ་ལ་སྦྱོར་བར་བྱེད་པའི་ཡོན་ཏན་ཕུན་སུམ་ཚོགས་པ་དང་ལྡན་པ་དོན་གྱི་སླད་དུ་མཚན་ནས་སྨོས་ན་ཐམས་

213-1-209a

ཅད་མཁྱེན་པ་ཆེན་པོ་དཔལ་ལྡན་ཆོས་སྐྱོང་བཀྲ་ཤིས་གྲགས་པའི་རྒྱལ་མཚན་དཔལ་བཟང་པོའི་ཞལ་སྔ་ནས་ཞེས་ཡོངས་སུ་གྲགས་པ་དེ་ཉིད་དང་། ལས་ཀྱི་སློབ་དཔོན་ནི་བདེ་བར་གཤེགས་པའི་བསྟན་པ་འདུལ་བའི་གཞུང་ལུགས་རྒྱ་མཚོ་ལྟ་བུའི་ཕ་རོལ་
དུ་སོན་ཅིང་། དེའི་བསླབ་པའི་གནས་མ་ལུས་པ་ཚུལ་བཞིན་དུ་སྟོན་པ་ལ་མགྲིན་པ་རྣམ་པར་ཡངས་བ་དཔོན་སློབ་སངས་རྒྱས་ཚུལ་ཁྲིམས་པ་དང་། གསང་སྟེ་སྟོན་པའི་སློབ་དཔོན་གནས་བརྟན་འདུལ་བ་འཛིན་པ་ཆེན་པོ་ཆོས་རྗེ་ཀུན་དགའ་རྒྱ་མཚོ་བ་དང་། གཞན་ཡང་
དུས་བསྒོ་བ་དང་། ཁ་སྐོང་གི་དགེ་འདུན་གྲངས་ཚང་བ་དང་བཅས་པའི་དབུས་སུ། མདོ་རྩ་བར་དགེ་བསྙེན་ཉིད་དང་། དགེ་ཚུལ་ཉིད་དང་། དགེ་སློང་ཉིད་དག་གིས་སྔ་མ་བསྙེན་པར་མ་རྫོགས་པ་ལ་ཕྱི་མ་མི་བྱའོ་ཞེས་གསུངས་པ་ལྟར་ཚིགས་གསུམ་རིམ་ནོས་ཀྱི་སྒོ་ནས་
ཡོངས་སུ་རྫོགས་པ་དགེ་སློང་གི་སྡོམ་ལྡན་ཉིད་དུ་བསྒྲུབས་སོ། །དེ་ལྟར་བསྒྲུབས་པའི་མཚན་དུ་ཡང་བླ་མ་ཆེན་པོ་ཀུན་དགའ་ཕྲིན་ལས་རྒྱ་མཚོའི་སྡེ་ཞེས་བྱ་བར་བསྒྱུར་ཏེ་ལྷ་དང་བཅས་བའི་འཇིག་རྟེན་གྱི་འགྲོ་བ་མ་ལུས་པའི་མཆོད་པའི་གནས་སུ་མངའ་གསོལ་བར་མཛད་དོ། །
དེ་ནས་བརྩམས་ཏེ་བཅས་པའི་ཉེས་པ་ཕྲ་རགས་རྣམས་ཀྱིས་ནམ་ཡང་ནོངས་པ་མེད་པའི་བསླབ་པ་རིན་པོ་ཆེ་ལ་ཤིན་ཏུ་གུས་པའི་སྒོ་ནས། བཤེས་སྤྲིང་ལས། བག་ཡོད་བདུད་རྩིའི་གནས་ཏེ་བག་མེད་པ། །འཆི་བའི་གནས་སུ་ཐུབ་པས་བཀའ་སྩལ་ཏེ། །དེ་བས་ཁྱོད་
ཀྱིས་དགེ་ཆོས་སྤེལ་སླད་དུ། །གུས་པས་རྟག་ཏུ་བག་དང་བཅས་པར་མཛོད། །ཅེས་གསུངས་པ་བཞིན་དུ་སྒོ་གསུམ་བག་ཡོད་ཀྱི་སྤྱོད་པ་ལ་ནམ་ཡང་མ་གཡོས་པར་མཛད་དོ། །སླར་ཡང་རང་གཞན་སེམས་ཅན་ཐམས་ཅད་སྡུག་བསྔལ་མཐའ་དག་ལས་སྒྲོལ་
བ་དང་། གནས་སྐབས་དང་མཐར་ཐུག་གི་བདེ་བ་ཐམས་ཅད་འཐོབ་པར་བྱེད་པའི་རྒྱུའི་གཙོ་བོ་ནི་ཐེག་པ་ཆེན་པོའི་ལམ་དང་། དེའི་རྩ་བ་ཡང་བྱང་ཆུབ་ཀྱི་མཆོག་ཏུ་སེམས་བསྐྱེད་པ་སྟེ། དེའང་བསླབ་བཏུས་ལས། སྡུག་བསྔལ་མཐར་འབྱིན་འདོད་པ་དང་། །བདེ་བའི་

213-1-209b

མཐར་ནི་འགྲོ་འདོད་པས། །དད་པའི་རྩ་བ་བརྟན་བྱ་སྟེ། །བྱང་ཆུབ་ལ་ནི་བློ་བརྟན་བྱ། །ཞེས་གསུངས་ཤིང་། གལ་ཏེ་འདི་ཉིད་མེད་ན་བླ་ན་མེད་པ་ཡང་དག་པར་རྫོགས་པའི་སངས་རྒྱས་ཀྱང་འཇིག་རྟེན་དུ་འབྱུང་བར་མི་འགྱུར་ཏེ། ཤེས་རབ་ཀྱི་ཕ་རོལ་ཏུ་ཕྱིན་པ་སྡུད་པ་ལས།
དེ་བཞིན་འདི་ན་བྱང་ཆུབ་སེམས་མེད་བདེ་གཤེགས་ཀྱི། །ཡེ་ཤེས་འཇིག་རྟེན་འདི་དག་ཀུན་དུ་ག་ལ་འབྱུང་། །ཞེས་དང་། ཆུ་ཡི་ཐིགས་པས་བུམ་པ་དང་པོ་ཐ་མའི་བར། །རིམ་གྱིས་ཉུང་ངུ་ཉུང་ངུས་དེ་ཡོངས་འགེངས་པ་ལྟར། །དེ་བཞིན་དང་པོའི་སེམས་ཀྱང་བྱང་ཆུབ་མཆོག་རྒྱུ་སྟེ། །
རིམ་གྱིས་དཀར་པོའི་ཡོན་ཏན་རྫོགས་པའི་སངས་རྒྱས་འགྱུར། །ཞེས་དང་། བྱང་ཆུབ་སེམས་དཔའི་སྤྱོད་པ་ལ་འཇུག་པར། བྱང་ཆུབ་སེམས་བསྐྱེད་གྱུར་ན་སྐད་ཅིག་གིས། །འཁོར་བའི་བཙོན་རར་བསྡམས་པའི་ཉམ་ཐག་རྣམས། །བདེ་གཤེགས་རྣམས་ཀྱི་སྲས་ཞེས་བརྗོད་བྱ་
སྟེ། །འཇིག་རྟེན་ལྷ་མིར་བཅས་པའི་ཕྱག་བྱར་འགྱུར། །ཞེས་བྱ་བ་ལ་སོགས་པའི་ཕན་ཡོན་དཔག་ཏུ་མེད་པར་ལུང་གིས་ཉེ་བར་བསྟན་པའི་དོན་ལ་རྗེས་སུ་འཇུག་པའི་ཕྱིར། སྔར་གྱི་མཁན་ཆེན་ཚད་མེད་པའི་ཐུགས་རྗེའི་བདག་ཉིད་ཅན། ཐུན་མོང་འགྲོ་བའི་བློ་དང་རྗེས་སུ་མཐུན་པར་
རྒྱལ་བའི་སྲས་པོ་བྱང་ཆུབ་སེམས་དཔའ་སེམས་དཔའ་ཆེན་པོའི་རྣམ་པར་རོལ་པ། སྙིགས་མའི་དུས་ཀྱི་སྐྱེ་བོ་ཐམས་ཅད་ཐེག་པ་ཆེན་པོའི་ལམ་དུ་བཀྲི་བའི་ཐབས་ལ་མཁས་ཤིང་ཐུགས་རྗེ་ཆེན་པོ་དང་ལྡན་པ། ཁྱད་པར་བྱང་ཆུབ་སེམས་དཔའི་སྤྱོད་པར་འཇུག་པ་ལས། རྟག་པར་དགེ་བའི་
བཤེས་གཉེན་ནི། །ཐེག་ཆེན་དོན་ལ་མཁས་པ་དང་། །བྱང་ཆུབ་སེམས་དཔའི་བརྟུལ་ཞུགས་མཆོག །སྲོག་གི་ཕྱིར་ཡང་མི་གཏོང་ངོ་། །ཞེས་གསུངས་པའི་མཚན་ཉིད་དང་རྗེས་སུ་མཐུན་པ་དེ་ཉིད་ལ་གསུང་ངག་རིན་པོ་ཆེའི་སྣང་བ་གསུམ་གྱི་ཁྲིད་དང་བཅས་པའི་སེམས་བསྐྱེད་ཀྱི་
སྡོམ་པ་རིན་པོ་ཆེ་འབོགས་པའི་སྟོན་པར་གསོལ་བ་བཏབ་བོ། །ཇི་ལྟར་གསོལ་བ་དེ་བཞིན་དུ་མཁན་ཆེན་ཐམས་ཅད་མཁྱེན་པ་ཉིད་ནས་ཞལ་གྱིས་བཞེས་ཏེ། རྒྱལ་གྱིས་ཡོངས་སུ་ཉ་བའི་དམར་ཕྱོགས་ཀྱི་རྫོགས་པ་གཉིས་པའི་ཚེས་ལ། དཔལ་ཨེ་ཝཾ་ཆོས་ལྡན་གྱི་གཙུག་ལག་ཁང་

213-1-210a

ཆེན་པོར་བྱོན་ཏེ། དེའང་གང་དུ་བཞུགས་པའི་ཆོས་ཀྱི་ཁྲི་ནི། སྙིགས་མའི་དུས་ཀྱི་རྒྱལ་བ་གཉིས་པོ་རྡོ་རྗེ་འཆང་ཀུན་དགའ་བཟང་པོ་ཞེས་མཚན་གྱི་སྙན་པ་ཚངས་པའི་བུ་མོའི་རྒྱུད་མངས་ཀྱི་དཔལ་ལས་ལེགས་པར་འཕོས་པ་སྙམ་བྱེད་པ་གང་དེ། ལྷ་དང་མི་
དང་། ལྷ་མ་ཡིན་དང་། དྲི་ཟ་དང་། གྲུལ་བུམ་དང་། ལྟོ་འཕྱེ་ཆེན་པོ་དང་། ནམ་མཁའ་ལྡིང་ལ་སོགས་པའི་སྐྱེ་དགུ་སྐལ་བ་མཆོག་དང་ལྡན་པ་གང་དག་གི་རྣ་བའི་སྣོད་དུ་ལྷུང་བར་གྱུར་པ་དེའི་མོད་ལ། གང་དག་དགེ་བའི་རྩ་བ་ལ་སྤྲོ་བ་མ་སྐྱེས་བ་རྣམས་ཀྱི་སྤྲོ་བ་གསར་དུ་བསྐྱེས་
པ་དང་། སྐྱེས་པ་རྣམས་ཀྱི་སྤྲོ་བ་གོང་ནས་གོང་དུ་བོགས་དབྱུང་བར་བྱེད་དོ། །འགྲོ་བ་དེ་དག་གི་གནས་སུ་སྐྱེ་བ་དམན་པའི་རྟེན་ཅན་དུ་གྱུར་པ་གང་དག་གིས། གང་གི་མཚན་གྱི་སྒྲ་དབྱངས་སྙན་པ་དེ་ཉིད་ལན་ཅིག་ཙམ་དུ་ཐོས་པའམ། དད་པས་ངག་ཏུ་རྗོད་པར་བྱེད་པ་དེའི་མོད་ལ།
དམན་པའི་སྐྱེ་བ་ཡོངས་སུ་བོར་ཏེ། སྐྱེ་བ་དམ་པའི་མཚན་གྱི་འཁྲི་ཤིང་དང་ལྡན་པར་བྱེད་དོ། །དུད་འགྲོའི་སྐྱེ་གནས་སུ་གཏོགས་པའི་བྱ་དང་རི་དྭགས་ལ་སོགས་པའི་རྣ་ལམ་དུ་བསྒྲགས་པ་ཙམ་གྱིས་སྐྱེ་བ་དེ་ཉིད་ཀྱི་འཚོ་བའི་འདུ་བྱེད་ཡོངས་སུ་བཏང་བ་ནས་བརྩམས་ཏེ། ཡང་འབྱུང་
བའི་སྲིད་པ་ཐམས་ཅད་དུ་ངན་འགྲོ་དང་ངན་སོང་ལོག་པར་ལྟུང་བ་རྣམས་སུ་སྐྱེ་བའི་སྒོ་འགེགས་པ་ལ་སོགས་པའི་ལུང་གི་ཚོགས་ཀྱིས་མངོན་པར་བསྔགས་སོ། །དེ་ལྟར་བསྔགས་པའི་ཡུལ་དུ་གྱུར་པ་བསྟན་འཛིན་གྱི་སྐྱེས་བུ་ཆེན་པོ་དེ་ཉིད་ཀྱི་ཞབས་ཀྱི་ཆུ་སྐྱེས་རྙོག་པ་ཐམས་ཅད་
དང་བྲལ་བའི་རང་བཞིན་ཅན་གང་དུ་རྣམ་པར་བཀོད་དེ། བཅོམ་ལྡན་འདས་ཤཱཀྱའི་རྒྱལ་པོ་བཞིན་དུ་ཆོས་ཀྱི་འཁོར་ལོ་རྒྱ་ཆེ་བ་དང་ཟབ་པའི་བདུད་རྩིའི་སྒོ་འཕར་བསམ་གྱིས་མི་ཁྱབ་པར་ཕྱེ་བས། ལེགས་བྲིས་དབང་པོའི་བཅུད་ཀྱིས་ལེན་པའི་བཏུང་བ་བྱེ་བ་བརྒྱ་སྟོང་གིས་ཀྱང་།
གང་གི་ཟེགས་མ་རེར་ཡང་འགྲན་པར་བཟོད་པའི་སྐལ་བ་ཤིན་ཏུ་ཕྲ་བའི་རང་བཞིན་ཅན་གྱི་འབྱོར་བ་བླ་ན་མེད་པས། འཇིག་རྟེན་གྱི་ཁམས་མ་ལུས་པ་སྐལ་པ་བཟང་པོ་ལ་སྦྱར་བའི་དུས་ཀྱི་ཆོས་ཀྱི་ཁྲི་ཆེན་པོ་པདྨ་རཱ་གའི་ཁ་དོག་ཅན་གང་ལ། མཁན་ཆེན་འཇམ་པའི་དབྱངས་དེ་ཉིད་ཀྱི་

213-1-210b

ཞབས་ཀྱི་པདྨ་ལེགས་པར་བཀོད་དེ། སེམས་ཅན་ཐམས་ཅད་བླ་ན་མེད་པའི་བྱང་ཆུབ་ལ་དགོད་པར་བགྱིའོ་སྙམ་པའི་དགོངས་པ་མངོན་དུ་བཞག་སྟེ། ཉིན་མོར་བྱེད་པའི་དཀྱིལ་འཁོར་གྱི་དཔལ་བཞིན་དུ་གཟི་བརྗིད་ཀྱི་ཕུང་པོ་མངོན་པར་དཀྲིགས་ཏེ་ལྷམ་མེར་བཞུགས་སོ། །དེ་ལྟར་བཞུགས་
པ་དང་། ཆོས་ཀྱི་གཎྜིའི་སྒྲ་ཆེན་པོ་བསྒྲགས་པའི་མོད་ལ། སྡོམ་བརྩོན་མིའི་དབང་ཕྱུག་ཆེན་པོ་རང་གི་མདུན་ན་འདོན་རྣམས་དང་། རྒྱལ་པོའི་སྐུ་སྲུང་བ་དང་། ཉེ་བའི་འཁོར་དང་། ལས་གཉེར་བ་ལ་སོགས་པའི་འཁོར་གྱི་ཚོགས་མང་པོ་དང་ལྷན་ཅིག་ཏུ། སྟོད་མངའ་རིས་ནས་
བརྩམས་ཏེ། སྨད་དར་རྩེ་མདོ་ཡན་གྱི་ཕྱོགས་རིས་མཐའ་དག་ནས། དམ་པའི་ཆོས་ཀྱི་བདུད་རྩི་བཏུང་བའི་ཆེད་དུ་ཉེ་བར་ལྷགས་པའི་བུ་སློབ་ཀྱི་ཚོགས་གནམ་གྱི་སྐར་མ་བཀྲ་བ་ལྟ་བུའི་དབུས་སུ། དཔལ་གྱི་མགུར། དུང་གི་ཚེམས་བར་ནས། འཕྲུལ་གྱི་ལྗགས་བརྐྱང་སྟེ། མདོ་
སྡེ་དང་རྒྱུད་སྡེ་ཟབ་མོ་ཐམས་ཅད་ཀྱི་དོན་གྱི་བཅུད་ཕྱུང་བ། འཇིགས་བྲལ་དཔལ་ལྡན་ཆོས་སྐྱོང་གི་བཞེད་གཞུང་། མཁས་པ་ཐམས་ཅད་ཀྱིས་བགྲོད་པར་བྱ་བའི་འཇུག་ངོགས། བསོད་ནམས་དང་མི་ལྡན་པ་རྣམས་ཀྱིས་རྟོགས་པར་དཀའ་བ། མྱ་ངན་ལས་འདས་པའི་གྲོང་ཁྱེར་
དུ་འགྲོ་བ་རྣམས་ཀྱི་ཐེམ་སྐས། རྣམ་པ་ཐམས་ཅད་ཀྱི་མཆོག་དང་ལྡན་པའི་སྟོང་པ་ཉིད་སྟོན་པར་བྱེད་པའི་ཏིང་ངེ་འཛིན་གྱི་རང་བཞིན། གསུང་ངག་རིན་པོ་ཆེ་ལ་མ་འབྲས་བུ་དང་བཅས་པའི་གདམས་ངག་གི་ཉམས་ཁྲིད་ཟབ་མོ་སྨིན་རྒྱས་སུ་ལེགས་པར་སྩལ་བའི་ཐོག་མར། སྣང་བ་
གསུམ་གྱི་ཉམས་ཁྲིད་རྒྱས་པར་སྩལ་བ་སྔོན་དུ་བཏང་ནས། མཆུ་ཟླ་བའི་དཀར་ཕྱོགས་ཀྱི་རྫོགས་པ་གསུམ་པའི་ཚེས་བཟང་པོ་ལ། རྗེ་བཙུན་དམིགས་པ་མེད་པའི་ཐུགས་རྗེའི་བདག་ཉིད་ཅན་དེ་ཉིད་ལ། ཐེག་པ་ཆེན་པོའི་རིགས་སུ་སྐྱེས་བའི་སློབ་མའི་ཚོགས་མི་དང་མི་མ་ཡིན་པས་
བསྡུས་པ། སངས་རྒྱས་ཀྱི་ཞིང་གི་རྡུལ་ཕྲ་རབ་ཀྱི་གྲངས་དང་མཉམ་པས་ཀུན་ནས་བསྐོར་ཅིང་མདུན་གྱིས་བལྟས་ཏེ་གནས་པའི་དབུས་སུ། འཕགས་པ་བསྐལ་པ་བཟང་པོ་ལས། བདེ་གཤེགས་སྐྱེ་དབང་འཁོར་ལོས་སྒྱུར་རྒྱལ་ཚེ། །དེ་བཞིན་གཤེགས་པ་ཀུན་དུ་འོད་ཟེར་ལ། །གླིང་བཞི་

213-1-211a

དག་ནི་དབུལ་བར་བྱས་ནས་ཀྱང་། །དང་པོར་བྱང་ཆུབ་མཆོག་ཏུ་སེམས་བསྐྱེད་དོ། །བདེ་གཤེགས་གྲགས་བྱིན་འཛམ་གླིང་རྒྱལ་པོའི་ཚེ། །དེ་བཞིན་གཤེགས་པ་ཟླ་བའི་ཏོག་དེ་ལ། །གཙུག་ལག་ཁང་ནི་བྱེ་བ་བྱས་ནས་ཀྱང་། །དང་པོར་བྱང་ཆུབ་
མཆོག་ཏུ་སེམས་བསྐྱེད་དོ། །བདེ་གཤེགས་བཀོད་པའི་རྒྱལ་པོ་འཁོར་སྒྱུར་ཚེ། །དེ་བཞིན་གཤེགས་པ་སྣང་བའི་འོད་དེ་ལ། །བེེ་ཌཱུརྱ་ཡི་ཁང་བཟངས་ཕུལ་ནས་ཀྱང་། །དང་པོར་བྱང་ཆུབ་མཆོག་ཏུ་སེམས་བསྐྱེད་དོ། །དེ་བཞིན་གཤེགས་པ་སྣང་མཛད་བསྲུང་བའི་ཚེ། །
དེ་བཞིན་གཤེགས་པ་བཀོད་པའི་རྒྱལ་པོ་ལ། །བཤོས་དག་བདག་ཉིད་བཙོང་སྟེ་སྦྱར་ནས་ཀྱང་། །དང་པོ་བྱང་ཆུབ་མཆོག་ཏུ་སེམས་བསྐྱེད་དོ། །དེ་བཞིན་གཤེགས་པ་གྱ་ནོམ་རྒྱལ་པོ་ཡི། །ཕོ་ཉའི་ཚེ་ན་བདེ་གཤེགས་རྒྱལ་བ་ཡི། །བཤེས་གཉེན་དེ་ལ་ལན་ཅིག་
བསྐོར་བྱས་ནས། །དང་པོ་བྱང་ཆུབ་ཏུ་ནི་སེམས་བསྐྱེད་དོ། །ཞེས་དང་། དེ་ལྟར་སངས་རྒྱས་རྣམས་ལ་ཆུང་ངུ་ཡི། །ཡོན་ཕུལ་རྣམ་པར་སྨིན་པའི་འདི་དག་ཡིན། །འཁོར་ཚེ་དེ་ཡི་འབྲས་བུ་དེ་འདྲ་ན། །མཁས་པ་སུ་ཞིག་བྱང་ཆུབ་སེམས་མི་བསྐྱེད། །ཅེས་བྱ་བ་ལ་སོགས་པ་
སྔོན་གྱི་བྱང་ཆུབ་སེམས་དཔའ་རྣམས་ཀྱིས་སེམས་དང་པོར་བསྐྱེད་པའི་རྣམ་པར་ཐར་པ་ལུང་གི་ཕྲེང་བ་དྲི་མ་མེད་པའི་ཚོགས་ཀྱིས་ལེགས་པར་བསྟན་པ། ཐོས་པ་འཛིན་པའི་ལམ་དུ་ལྷུང་བ་དག་གི་དོན་ལ་རྗེས་སུ་སེམས་ཤིང་། རྗེས་སུ་མོས་ནས། རྗེས་སུ་སློབ་པ་དང་། རྗེས་སུ་
འཇུག་པ་ལ་སྤྲོ་བ་མཆོག་ཏུ་སྐྱེས་པའི་སྡོམ་བརྩོན་ལྷ་སྲས་ཆེན་པོ་ཉིད་ནས་བཀྲ་ཤིས་པའི་ཁ་དར་དང་། གསེར་དང་། དངུལ་དང་། གོས་ཡུག་དང་། རྟ་མཆོག་གི་བཞོན་པ་ལ་སོགས་པའི་འབུལ་ཚན་དང་། སྐུ་འཁོར་རྣམས་ནས་ཀྱང་རང་རང་གི་བདོག་པའི་དངོས་པོ་གྱ་ནོམ་པ་དག་གི་
སེམས་བསྐྱེད་ཀྱི་ཕྱག་རྟེན་དུ་འབུལ་བ་དང་བཅས་ཏེ། གང་དག་འདས་པ་དང་། མ་བྱོན་པ་དང་། ད་ལྟར་བཞུགས་པའི་དེ་བཞིན་གཤེགས་པ་ཐམས་ཅད་ཀྱི་བགྲོད་པ་གཅིག་པའི་ལམ། རྒྱལ་བའི་མྱུ་གུ་ཐམས་ཅད་ཀྱི་འབྱུང་གནས་སུ་གྱུར་པའི་བླ་ན་མེད་པ་ཡང་དག་པར་རྫོགས་

213-1-211b

པའི་བྱང་ཆུབ་ཏུ་ཐུགས་བསྐྱེད་དམ་པར་མཛད་དོ། །དེ་ཡང་རིན་ཆེན་ཕྲེང་བ་ལས། དགེ་བའི་རྩ་བ་བྱང་ཆུབ་སེམས། །རི་དབང་རྒྱལ་པོ་ལྟར་བརྟན་དང་། །ཕྱོགས་མཐས་གཏུགས་པའི་སྙིང་རྗེ་དང་། །གཉིས་ལ་མི་བརྟན་ཡེ་ཤེས་ལགས། །ཞེས་གསུངས་པ་ལྟར་
སྟོང་ཉིད་སྙིང་རྗེའི་སྙིང་པོ་ཅན་གྱི་བྱང་ཆུབ་ཀྱི་སེམས་ཡིན་ཏེ། དེ་ལའང་རགས་པ་བརྡ་ལས་ཐོབ་པ་དང་། ཕྲ་བ་ཆོས་ཉིད་ཀྱིས་ཐོབ་པ་གཉིས་ལས། ཕྱི་མ་འདི་ནི་མདོ་སྡེ་རྒྱན་ལས། རྫོགས་པའི་སངས་རྒྱས་རབ་མཉེས་བྱས། །བསོད་ནམས་ཡེ་ཤེས་ཚོགས་རབ་
བསགས། །ཆོས་ལ་མི་རྟོག་ཡེ་ཤེས་ནི། །སྐྱེད་ཕྱིར་དེ་ནི་དམ་པར་འདོད། །ཅེས་གསུངས་པ་ལྟ་བུ་ལས་སྐྱེ་བར་འགྱུར་པ་ཡིན་གྱི། དེ་ཉིད་འབོགས་པར་བྱེད་པ་ཆོ་གའི་སྒོ་ནས་བླང་དུ་མེད་པར་གསུངས་ཤིང་། འོན་ཀྱང་དེ་ཉིད་རྒྱུད་ལ་སྐྱེད་པར་བྱེད་པ་ལ་སྔོན་དུ་ཀུན་
རྫོབ་བྱང་ཆུབ་ཀྱི་སེམས་བསྐྱེད་པ་ལེགས་པར་ཐོབ་ནས། གོང་གི་རྒྱུ་དེ་དག་ལ་འབད་པར་བྱ་དགོས་པ་ཡིན་ནོ། །དེ་བས་ན་འདིར་ཐོབ་པའི་སེམས་བསྐྱེད་ཀྱི་སྡོམ་པའང་སྨོན་པ་དང་འཇུག་པའི་བདག་ཉིད་ཅན་གྱི་ཀུན་རྫོབ་བྱང་ཆུབ་ཀྱི་སེམས་བསྐྱེད་པ་ཉིད་ཐོབ་པ་སྟེ། དེའི་ཆོ་ག་
ལ་ཡང་ཐེག་པ་ཆེན་པོ་ཐུན་མོང་བ་དང་ཐུན་མོང་མ་ཡིན་པ་གཉིས་སུ་བཞུགས་པ་ལས། སྐབས་འདིར་ཐུན་མོང་མ་ཡིན་པ་བརྒྱུད་པའི་ཁྱད་པར་གཉིས་དང་ལྡན་པའི་ཆོ་ག་རྣམ་པར་དག་པའི་ལམ་གྱི་སྲོལ་ཆེན་པོ་ལ་བརྟེན་ནས། བྱང་ཆུབ་སེམས་དཔའི་སྡོམ་པ་ཡང་
དག་པ་ལེན་པར་མཛད་དོ། །དེ་ལྟར་འབོགས་བྱེད་རྣམ་པར་དག་པའི་སྒོ་ནས་བྱང་ཆུབ་སེམས་དཔའི་སྡོམ་ལྡན་ཉིད་དུ་བསྐྲུན་ཏེ། དེ་ཕྱིན་ཆད་ནས་ཐམས་ཅད་ཀྱིས་རྒྱལ་བའི་སྲས་རྒྱལ་བའི་སྲས་ཞེས་མིང་དོན་གཉིས་ཀ་འཕོས་པའི་བྱང་ཆུབ་སེམས་དཔའ་ཉིད་དུ་ལེགས་
པར་བསྒྲུབ་ནས། འཇིག་རྟེན་གྱི་ཁམས་ན་སོ་སོ་སྐྱེ་བོ་དང་། འཕགས་པའི་ཁོངས་སུ་གཏོགས་པ་འགའ་དང་བཅས་པས་ཀྱང་ཕྱག་བགྱི་བར་འོས་པའི་བསོད་ནམས་ཀྱི་ཞིང་ཆེན་པོ་ཞིག་ཏུ་བསྐྲུན་ཏོ། །དེ་ལྟར་བྱང་ཆུབ་ཀྱི་མཆོག་ཏུ་སེམས་བསྐྱེད་ནས། དེའི་

213-1-212a

བསླབ་པའི་གནས་ནི། བྱང་ཆུབ་སེམས་དཔའི་ས་ལས། བྱང་ཆུབ་སེམས་དཔའི་ཚུལ་ཁྲིམས་ཐམས་ཅད་ནི་གསུམ་པོ་འདི་དག་ཁོ་ནར་ཟད་དེ་ཞེས་གསུངས་པ་ལྟར། བྱང་ཆུབ་སེམས་དཔའི་བསླབ་པ་ཐམས་ཅད་མདོར་བསྡུ་ན། བྱང་
ཆུབ་སེམས་དཔའ་རྒྱལ་པོ་ལ་འབྱུང་བ་དང་། བློན་པོ་ལ་འབྱུང་བ་དང་། རྒྱལ་བློན་ཐུན་མོང་དུ་འབྱུང་བ་དང་། ལས་དང་པོ་པ་ལ་འབྱུང་བ་སྟེ། ལྟུང་བ་དེ་དག་སྤོང་བའི་སེམས་པ་ས་བོན་དང་བཅས་པ་ནི་སྡོམ་པའི་ཚུལ་ཁྲིམས་དང་། སྦྱིན་པ་རྣམ་པ་བཞི་ལ་སོགས་པ་ཕ་
རོལ་ཏུ་ཕྱིན་པ་དྲུག་གིས་བསྡུས་པའི་དགེ་བའི་ཆོས་བསྒྲུབ་པར་འདོད་པ་དགེ་བ་ཆོས་སྡུད་ཀྱི་ཚུལ་ཁྲིམས་དང་། སེམས་ཅན་ཐམས་ཅད་ཀྱི་གནས་སྐབས་དང་མཐར་ཐུག་གི་དོན་གྱི་ཕན་པ་དང་བདེ་བ་བསྒྲུབ་པར་འདོད་པའི་སེམས་པ་ས་བོན་དང་བཅས་པ་ནི་སེམས་ཅན་དོན་བྱེད་ཀྱི་ཚུལ་
ཁྲིམས་ཏེ། གསུམ་པོ་དེ་ཉིད་དུ་འདུ་བར་གསུངས་པ་ལས། དེའི་མི་མཐུན་པའི་ཕྱོགས་སྤོང་བ་དང་། མཐུན་པའི་ཕྱོགས་སྒྲུབ་པ་སྟེ། དེ་དག་གི་སྤང་བླང་མཐའ་དག་པ་ནི། འདིར་རྒྱལ་སྲིད་ཀྱི་བྱ་བའི་ཁུར་ལྕི་བས་ཚུལ་བཞིན་དུ་འགྲུབ་པར་དཀའ་བ་ལྟར་མཆིས་ནའང་། 
གཞན་དོན་དཔག་ཏུ་མེད་པའི་འབྱུང་གནས་ཆེན་པོ་མི་གནས་པའི་མྱ་ངན་ལས་འདས་པ་ཐམས་ཅད་མཁྱེན་པ་སྟེ། དེའི་གོ་འཕང་དམ་པ་མངོན་པར་འདོད་པའི་སྨོན་པའི་སེམས་པ་མི་གཏོང་བའི་ཐབས་ལ་ཅི་ནུས་སུ་འབད་པ་ལྷུར་བྱེད་པ་ཉིད་དོ། །སླར་ཡང་དེའི་སྟེང་དུ་རྗེ་བཙུན་
དམ་པ་དེ་ཉིད་སྡོམ་པ་སུམ་ལྡན་གྱི་བླ་མར་གསོལ་བའི་ཕྱིར། རྗེ་བཙུན་རིན་པོ་ཆེས། དེ་ཙམ་གྱིས་ཀྱང་བློ་གྲོས་མ་ཁེངས་ཤིང་། །བློ་ཆེན་སྤྱངས་པ་ཟབ་མོ་དག་ལ་མོས། །རྡོ་རྗེ་འཆང་ཆེན་མྱུར་དུ་ཐོབ་འདོད་པ། །དེ་ལ་རྡོ་རྗེ་ཐེག་པ་སྦྱིན་པར་བྱ། །ཞེས་གསུངས་
པ་ལྟར་སྤྱིར་ཟབ་མོ་སྔགས་ཀྱི་སྡོམ་པ་ལ་མཆོག་ཏུ་མོས་པ་དང་། བྱེ་བྲག་ཏུ་རྗེ་བཙུན་ས་སྐྱ་པ་ལ་ཟབ་ཅིང་རྒྱ་ཆེ་བའི་གདམས་པ་རྒྱ་མཚོ་ཙམ་མངའ། དེའི་ནང་ནས་ཀྱང་རྒྱལ་བའི་བསྟན་པ་ཡོངས་སུ་རྫོགས་པའི་ཉམས་ལེན་དུ་གྱུར་པ་གསུང་ངག་རིན་པོ་ཆེ་ལམ་འབྲས་བུ་དང་

213-1-212b

བཅས་པའི་གདམས་ངག་སྟེ། དེའི་རྩ་བར་གྱུར་པ་དཔལ་ཀྱི་རྡོ་རྗེ་མན་ངག་ལུགས་ཞེས་ཡོངས་སུ་གྲགས་པའི་དཀྱིལ་འཁོར་ཆེན་པོའི་དབང་བསྐུར་བ་དང་། དེའི་མན་ངག་ཟབ་མོ་རྣམས་དང་བཅས་པ་བཞུགས་ཏེ། དེ་ཉིད་ལེགས་པར་ཞུས་ཏེ་བདག་དང་གཞན་གྱི་
རེ་བའི་སྙིང་པོ་གྲུབ་པར་བགྱིའོ། །མིར་སྐྱེས་པའང་དོན་དང་ལྡན་པར་བགྱིའོ། །ངན་འགྲོའི་སྒོ་དག་དགག་པར་བགྱིའོ། །སྒྲིབ་པ་ཀུན་གྱི་དགྲ་ཚོགས་གཞོམ་པར་བགྱིའོ། །སྡོམ་པ་གསུམ་ལྡན་གྱི་རྒྱལ་པོར་བགྱིའོ། །ལམ་གྱི་རྒྱལ་སྲིད་ཆེན་པོ་ཡང་བསྐྱང་བར་བགྱིའོ། །
ཡན་ལག་བདུན་ལྡན་གྱི་ནོར་བུའི་འབྱོར་བ་ཐོབ་པར་བགྱིའོ། །ཕྲིན་ལས་རྣམ་པ་བཞིའི་འཁོར་ལོ་རྒྱུན་མི་འཆད་པར་བསྐོར་བར་བགྱིའོ་ཞེས་རྩེ་གཅིག་ཏུ་ཡིད་ལ་བྱེད་པས་སྔར་གྱི་སྡོམ་པ་གཉིས་པོའི་བཀའ་དྲིན་ལེགས་པར་མནོས་པའི་དཔལ་ལྡན་བླ་མ་དམ་པ། འཕགས་
ཡུལ་གྱི་གྲུབ་པའི་དབང་ཕྱུག་ཐམས་ཅད་ཀྱི་གཙུག་གི་ནོར་བུ་ལྟ་བུར་གྱུར་པ། དཔལ་མཐུ་སྟོབས་ཀྱི་མགོན་པོ་བིཪྺ་པ་ཉིད་དང་། མཚན་དོན་གཉིས་ཀ་ལོགས་ན་དམིགས་སུ་མེད་པའི་བདག་ཉེད་ཆེན་པོ་དེ་ལ་གསོལ་བ་བཏབ་པ་དེ་བཞིན་དུ། རྡོ་རྗེ་སློབ་དཔོན་ཆེན་
པོའི་ལས་སུ་འོས་པའི་སློབ་མ་རྗེས་སུ་བཟུང་བ་དང་། ཞག་བདུན་ཕྲག་གཅིག་ཏུ་ལྷག་པའི་ལྷའི་བསྙེན་པ་ཁ་གསོ་བ་དང་བཅས་པ་དགོས་པ་རྣམས་སྔོན་དུ་བཏང་ངོ་། །དེ་ལས་གྲོལ་བ་ན་རྗེ་བཙུན་ཀུན་དགའ་བཟང་པོས་གསང་ཆེན་རྡོ་རྗེ་ཐེག་པའི་ཆོས་ཀྱི་འཁོར་ལོ་བསྐོར་
བའི་དུས་ནས་དཀྱིལ་འཁོར་གྱི་ས་གཞི་ལེགས་པར་བཟུང་ཞིང་བྱིན་གྱིས་བརླབས་པའི་དབང་གི་ཁང་པ་ཁྱད་པར་ཅན་དེར། རྡུལ་ཚོན་གྱི་དཀྱིལ་འཁོར་དུ་དཔལ་ལྡན་དགེས་པའི་རྡོ་རྗེའི་དཀྱིལ་འཁོར་ཆེན་པོར། བཅོམ་ལྡན་འདས་ཀྱི་ཞལ་དང་འདྲ་བའི་ཆོ་གའི་གཞི་ཆེན་པོ་བརྒྱད་
དང་ལྡན་པར་དབང་བཞི་རྫོགས་པར་བསྐུར་ཏེ། སློབ་མའི་རྟེན་དཀྱིལ་འཁོར་བཞི། སྐུ་བཞི། ཡེ་ཤེས་ལྔ་ལྡན་གྱི་འབྲས་བུ་མྱུར་དུ་འགྲུབ་པའི་སྐལ་བ་ཅན་དུ་སྨིན་པར་མཛད་དོ། །སླར་ཡང་རྣལ་འབྱོར་དབང་ཕྱུག་གིས་རྡོ་རྗེའི་ཚིག་རྐང་ལས། ལམ་གྱི་ཐུན་བཞི་ལ་དབང་

213-1-213a

བཞི་བླངས་པས་བདེ་ཆེན་གྱི་སྒྲིབ་པ་འགགས་ཏེ་འཚང་རྒྱ་བ་བཤད་རྒྱུད་ཅེས་གསུངས་པ་ལྟར་རྡོ་རྗེ་སློབ་དཔོན་གྱི་ཟབ་མོ་ལུས་ཀྱི་དཀྱིལ་འཁོར་དུ་ལམ་དུས་ཀྱི་དབང་གི་ཆུ་བོ་ཆེན་པོ་མ་ནུབ་པར་བསྐུར་བ་དེ་དག་གི་སྐབས་སུ་རྩ་བའི་སྔགས་ཀྱི་བཟླས་ལུང་དང་། ཡི་གེ་བརྒྱ་པའི་བཟླས་
ལུང་དང་བཅས་པ། གསང་དབང་གི་ལམ་གྱི་སྔོན་འགྲོར་རྗེ་བཙུན་རྡོ་རྗེ་བདག་མེད་མའི་སིནྡྷུ་རའི་དཀྱིལ་འཁོར་དང་། བླ་མའི་ལུས་ཀྱི་དཀྱིལ་འཁོར་དུ་བྱིན་རླབས་ཀྱི་བརྒྱུད་པ་མ་ཉམས་པར་བསྐུར་བ་དང་བཅས་པ་ལེགས་པར་སྩལ་ཏོ། །དེ་དག་དང་རྗེས་སུ་འབྲེལ་པར། རྩ་བའི་རྒྱུད་
ལས། འདི་ནི་འཁོར་བ་ཞེས་བྱ་སྟེ། །དེ་ཉིད་མྱ་ངན་འདས་པ་ཉིད། །འཁོར་བ་སྤངས་ནས་གཞན་དུ་ནི། །མྱ་ངན་འདས་པ་རྟོགས་མི་འགྱུར། །ཞེས་གསུངས་པ་བཞིན་དུ་འཁོར་འདས་གཉིས་སུ་མེད་པའི་ལྟ་བ་ཟབ་མོའི་རྒྱ་དང་མ་བྲལ་བའི་ཕྱི་བསྐྱེད་པའི་རིམ་པ་དང་ནང་བསྐྱེད་པའི་རིམ་
པ་དང་། ཟབ་མོ་རྫོགས་པའི་རིམ་པ་སྟེ། དབང་བཞི་པོ་གང་དང་གང་ཡིན་པ་དེ་དང་དེའི་ལམ་གང་ཡིན་པ་དང་། ལྟ་བ་གང་ཡིན་པ་དང་། གྲུབ་པའི་མཐའ་གང་ཡིན་པ་དང་། འདའ་ཀ་མའི་གདམས་པ་གང་ཡིན་པ་དང་། བར་དོའི་གདམས་པ་གང་ཡིན་པ་དང་བཅས་པའི་ཉམས་ཁྲིད་རྒྱས་པར་
མནོས་སོ། །དེ་དག་དང་འབྲེལ་པར་དེ་བཞིན་ཤེགས་པ་ཐམས་ཅད་ཀྱི་བགྲོད་པ་གཅིག་པའི་ལམ་ཟབ་མོ་བླ་མའི་རྣལ་འབྱོར་གྱི་ཁྲིད་བྱིན་གྱིས་བརླབས་པ་དང་བཅས་པ་དང་། ལམ་ཟབ་ནང་གི་བླ་མའི་རྣལ་འབྱོར་གྱི་བྱིན་གྱིས་བརླབས་པ་དང་། བླ་མ་རིན་ཆེན་འབྱུང་ལྡན་གྱི་བྱིན་གྱིས་བརླབས་པ་དང་། ཕྱིའི་བར་ཆད་སྲུང་
བའི་ཐབས་སུ་རྣལ་འབྱོར་དབང་ཕྱུག་གི་སྲུང་བ་ཐུན་མོང་བའི་བྱིན་གྱིས་བརླབས་པ་དང་། ནང་གི་བར་ཆད་སྲུང་བའི་ཐབས་སུ་དབང་བཞིའི་བརྡ་དོན་གྱི་མན་ངག་ཆིང་བརྒྱུད་མ་དང་། ཐུན་མོང་གི་བར་ཆད་སྲུང་བ་ལ་ཕན་འདོགས་པ་རྡོ་རྗེ་རྣམ་པར་འཇོམས་བིཪྺ་པའི་ལུགས་ཀྱི་བྱིན་གྱིས་བརླབས་པ་དང་། མཚན་པར་
བྱ་བ་གསུང་ངག་རིག་པོ་ཆེའི་ལམ་ཐམས་ཅད་མཚོན་པར་བྱེད་པ་བིཪྺ་པའི་སྲུང་བ་ཐུན་མོང་མ་ཡིན་པའི་བྱིན་གྱིས་བརླབས་པ་དང་། བླ་མའི་རྣལ་འབྱོར་གྱི་བྱེ་བྲག་ཏུ་གྱུར་བ་ཚར་གསུམ་ཁུག་པའི་བྱིན་གྱིས་བརླབས་པ་ཡན་ལག་དང་བཅས་པ་རྣམས་ལེགས་པར་མནོས་སོ། །དེ་རྣམས་ཀྱི་རྒྱབ་བརྟེན་ཚད་མ་

213-1-213b

བཞི་དང་རྗེས་སུ་འབྲེལ་བའི་ཡི་གེ་རྣམས་ཀྱི་ལུང་གསན་པ་ལ། ཐོག་མར་བསྟན་བཅོས་རྡོ་རྗེའི་ཚིག་རྐང་ལ་རྗེ་བཙུན་ས་སྐྱ་པ་ཆེན་པོས་རྣམ་འགྲེལ་བཅུ་གཅིག་མཛད་པ་ལ། དེའི་ནང་ནས་ཚིག་ཉུང་ལ་དོན་རྒྱས་པ་རྣམ་འགྲེལ་གཉགས་མ་ཡིག་ཆུང་དང་བཅས་པ་ལ། དེང་སང་ལམ་འབྲས་གླེགས་
བམ་ཞེས་མཚན་དུ་གྲགས་པ་ཚང་རྒྱས་སུ་གསན་པའི་རྣམ་གྲངས་ནི། རྩ་བ་རྡོ་རྗེའི་ཚིག་རྐང་། དེའི་བསྡུས་དོན། ཀུན་གཞི་རྒྱུ་རྒྱུད་གདན་སོགས། ལམ་ལ་སོགས་པ་ཆོས་ཉི་ཤུ་ལ། ལུས་ཀྱི་དཀྱིལ་འཁོར། བུམ་དབང་གི་འདའ་ཀ་མའི་སྐབས་སུ་འཆི་ལྟས་འཁྲུལ་འཁོར་འཆི་བསླུ་
དང་བཅས་པ། བུམ་དབང་གི་སྣང་བ་བསྒྱུར་བའི་འདའ་ཀ་མ། གསང་དབང་གི་སྐབས་སུ་ཐིག་ལེའི་རྣལ་འབྱོར་བཞི། ཤེས་རབ་ཡེ་ཤེས་ཀྱི་ཕྱག་རྒྱའི་མཚན་ཉིད། དབང་བཞི་པའི་འདའ་ཀ་མ་བུམ་དབང་གི་ཐུན་མོང་དུ་ཡི་གེས་སྒོ་དགག་པ་དང་བཅས་པ། བར་དོ་བཞིའི་གདམས་ངག །ལམ་དུས་ཀྱི་
དབང་། ཚད་མ་བཞི། གདམས་ངག་དྲུག །རྟེན་འབྲེལ་ལྔ། གྲིབ་སེལ་གྱི་སྦྱིན་སྲེག་བསྡུས་པ། གྲིབ་མ་ཁྲུས་ཀྱིས་སེལ་བ་དང་། སཱཙྪས་སེལ་བ་དང་། ཐིག་ལེ་བསྲུང་བ་དང་། ཡི་གེ་བརྒྱ་པའི་འདོན་ཐབས། འཇིག་རྟེན་པའི་ལམ་གྱི་སྐབས་སུ་རླུང་གི་སྦྱོར་བ་བདུན་གྱི་བདུན་གྱི་ལམ་ཁྲིད་པ། བྷ་
ཀའི་ཡི་གེ་བཅུ་བཞི། འདས་པའི་ལམ་ལ་གསང་དབང་གི་སྐབས་སུ་འཁོར་བཞིའི་རྒྱ། བཞི་པའི་སྐབས་སུ་དབང་ཕྱུག་གི་དོན་བརྒྱད། ས་བཅུ་གསུམ་པའི་ཕྱེད་ཀྱི་མངོན་རྟོགས། དེ་ཐམས་ཅད་ཀྱི་དོན་བསྡུས་པའི་ཚིགས་སུ་བཅད་པ། དེ་དག་ལ་འཕྲོས་པ་ལས། ཀུན་གཞི་རྒྱུ་རྒྱུད་
ལ་འཕྲོས་ནས་འཁོར་འདས་དབྱེར་མེད་ཀྱི་ལྟ་བ་རྩ་འགྲེལ་གཉིས། གདན་སོགས་ལ་འཕྲོས་ནས་དབང་གི་ཆུ་བོ་མ་ནུབ་པར་བསྐུར་བ་སྟེ། དེ་ལའང་དབང་བཞིའི་ཆོ་ག་མཐའ་དག་མདོར་བསྡུས་པ་མན་ངག་གི་གནད། མཆོག་དབང་གསུམ་གྲོལ་ལམ་ལ་བརྟེན་ནས་བསྐུར་བ། ལམ་སོགས་
ཉི་ཤུ་ལ་འཕྲོས་ནས་ཕྱི་བསྐྱེད་པའི་རིམ་པ་མདོར་བསྡུས་པ། དམ་ཚིག་ལ་འཕྲོས་ནས་བདུད་རྩི་རིལ་བུ་བསྒྲུབ་པ། བྱིན་རླབས་ཀྱི་བརྒྱུད་པ་མ་ཉམས་པ། སྲུང་བ་སུམ་ཅུ་དང་མན་ངག་གི་གནད་བདུན་ཅུ་ལ་འཕྲོས་ནས་གེགས་སེལ་ལོ། །དེ་ལ་ཡི་གེ་བཞི་སྟེ། བསམ་གཏན་འདོར་

213-1-214a

བའི་འཕྲང་བདུན། བྱུང་རྒྱལ་དུ་མི་བཏང་བའི་གནད་བཞི། འབྱུང་བ་ལུས་འཁྲུགས་རླུང་དང་སྤྱོད་ལམ་གྱིས་བསལ་བ། རྣལ་འབྱོར་གྱི་ཕྲིན་ལས་སུམ་ཅུ་རྩ་གཉིས་དང་། ལས་དང་པོ་པ་དང་ཐུན་མོང་གི་ཆོས་བདུན་ཏེ་ལམ་རྒྱས་པ་དང་། རྩ་བ་མེད་པའི་ལམ་འབྲིང་པོ་དང་། 
རང་གི་གཞུང་ཅུང་ཟད་ཡོད་པ་བསྒྲུབ་པའི་ལུང་སྦྱིན་པ་ལམ་བསྡུས་པ་སྟེ། དེ་ལྟར་ན་ལམ་རྒྱས་འབྲིང་བསྡུས་གསུམ་དང་། ལམ་དེ་དག་རྣལ་འབྱོར་པས་ཉམས་སུ་བླངས་པས་རྟོགས་ཚད་བསྐྱེད་པའི་ཕྱིར་ལམ་གྱི་གཞུང་ཤིང་བཞི་དང་། རྟོགས་པ་བསྐྱེད་པའི་ཆོས་ལྔ་ཡོད་དོ། །གཞུང་
ཤིང་ཆེན་པོ་བཞི་ནི། གང་ཟག་གཞུང་ཇི་ལྟ་བ་བཞིན་བཀྲི་བའི་གཞུང་ཤིང་། མན་ངག་གི་གནད་དྲུག་གིས་བཀྲི་བའི་གཞུང་ཤིང་། བརྩོན་འགྲུས་ཅན་མན་ངག་གི་གནད་བཅུ་གཅིག་གིས་བཀྲི་བའི་གཞུང་ཤིང་། གང་ཟག་དབང་པོ་རབ་འབྲིང་གསུམ་དུ་བཀྲི་བའི་གཞུང་ཤིང་ངོ་། །རྟོགས་པ་
བསྐྱེད་པའི་ཆོས་ལྔ་ནི། ལམ་འཇུག་ལྡོག །ཕྱག་རྒྱ་འཇུག་ལྡོག །ཤེས་པས་ཕན་འདོགས་པའི་མན་ངག་བདུན། ལམ་བསྲེ་བ་འགྲོས་བཞི་དང་བཅས་པ། ཕྱི་ནང་གི་མཛད་པ་བཅུ་གཉིས། རྟོགས་པ་བསྐྱེད་པའི་དཔེ་ཆུང་ལ། འཆི་ལྟས་ཀྱི་འཁྲུལ་འཁོར་གཉིས། རྩའི་དཔེ་ཆུང་། བྷ་
གའི་ཡི་གེ་བཅུ་བཞིའི་དཔེ་ཆུང་། གེགས་སེལ་གཞན་གྱི་དཔེ་ཆུང་རྣམས་ནི་གང་ཟག་ཐ་མའི་ལམ་གྱི་མན་ངག་ཡིན་ལ། འབྲིང་གི་ལམ་དམ་ཚིག་དང་སྡོམ་པ་ནི་དེ་དག་གི་གསེབ་ཚགས་སུ་འདུའོ། །གང་ཟག་རབ་ཀྱི་མན་ངག་བླ་མའི་རྣལ་འབྱོར་གྱི་ཡི་གེའོ། །དེ་ཐམས་ཅད་ཀྱི་རྒྱབ་བརྟེན་
ལུང་འདི་ཉིད་དང་མདོར་བསྡུས་ཏེ་སྦྱར་བ་དང་། ཞིབ་ཏུ་སྦྱར་བ་དང་། ལུང་མཐའ་དག་དང་མདོར་བསྡུས་ཏེ་སྦྱར་བ་དང་། བླ་མ་རྒྱ་བོད་ཀྱི་ལོ་རྒྱུས་རྣམས་ལེགས་པར་གསན་ནོ། །མན་ངག་ཕྲ་མོའི་རྐང་གྲངས་རྣམས་རྗེ་བཙུན་ཀུན་དགའ་དབང་ཕྱུག་པས་ཕྱོགས་གཅིག་ཏུ་བསྒྲིགས་པ་པོ་ཏི་རྨར་
བཏུས་སམ་རྨར་ཆུང་དུ་གྲགས་པ་ཁ་སྐོང་དང་བཅས་པ་གསན་པའི་རྣམ་གྲངས་ལ། ཐོག་མར་བླ་མ་ཚད་མའི་སྐབས་སུ་བླ་མ་བརྒྱུད་པའི་གསོལ་འདེབས་རྗེ་པས་མཛད་པ། དེའི་ཁ་སྐོང་ཤར་པས་མཛད་པ། ས་བིར་མཇལ་བའི་ལོ་རྒྱུས་རྗེ་པས་རྒ་ཐེང་ལ་གནང་བ་རྣམས་སོ། །ཉམས་མྱོང་

213-1-214b

ཚད་མའི་སྐབས་སུ་གཞུང་ཇི་ལྟ་བ་བཞིན་བཀྲི་བའི་ཁྲིད་ཡིག་རྗེ་པས་བྲ་སྟོན་ལ་གནང་བ། སྨིན་བྱེད་ཀྱི་སྐབས་སུ་སངས་རྒྱས་སྤྱན་གྱི་རྣལ་འབྱོར་དང་། ཨཥྚའི་བཟླས་ལུང་ས་ཆེན་གྱིས་མཛད་པ། ཨཥྚའི་གཞི་བཤད་ས་པཎ་གྱིས་མཛད་པ། བདུད་རྩི་རིལ་བུའི་སྒྲུབ་ཐབས་འཕགས་པས་
མཛད་པ། དབང་གི་རབ་དབྱེ་རྗེ་པའི་གསུང་ལས་ཞང་བཙུན་གྱིས་བྲིས་པ། རྗེ་པས་རྒ་སྟོན་ལ་སྤྲིངས་པ། ཕྱི་ནང་གསང་གསུམ་གྱི་མཎྜལ་ས་པཎ་གྱིས་མཛད་པ། དེའི་ཁ་སྐོང་ཤར་ཆེན་གྱིས་མཛད་པ། ལུས་སྦྱོང་ཉི་ཤུ་པ་ནོར་བཟང་གིས་མཛད་པ། ལུས་གནད་ཀྱི་མན་ངག་
དམར་གྱིས་མཛད་པ། བདག་མེད་མའི་བྱིན་རླབས་རྗེ་པས་མཛད་པ། གཏུམ་མོ་འཁོར་ལོ་བཞི་པ། གཏུམ་མོའི་དམིགས་པ་ཉི་ཤུ་རྩ་དགུ། གེགས་སེལ་གསང་བདུན་མ། བར་ཆད་གསུམ་སེལ། བཀའ་རྒྱ་མ། ཉམས་ཆེ་ཆུང་། གླེང་གཞི་མ། རླུང་རེངས་ལྔ་བཅོས་པ་སོགས། 
འབྱུང་བ་ལུས་འཁྲུགས་སོགས་སེལ་བ། གེགས་སེལ་གྱི་ཡི་གེ་བཞིའི་གསལ་བྱེད་རྣམས་ས་ཆེན་གྱི་གསུང་སྒྲོས་ཡི་གེ་རྙིང་པ། ཕྲིན་ལས་སོ་གཉིས་ཀྱི་སྡོམ་ཚིག་དང་དེའི་ཞལ་ཤེས་བུདྡྷ་ཤྲཱིས་མཛད་པ། དབང་བཞི་ངོ་སྤྲོད་རྩ་འགྲེལ་ས་ཆེན་གྱིས་མཛད་པ། བརྡ་དོན་གསལ་བ་
རྩ་འགྲེལ་ས་པཎ་གྱིས་མཛད་པ་ལ་ལྷོ་པས་ཟིན་བྲིས་བྱས་པ་རྣམས་སོ། །བསྟན་བཅོས་ཚད་མའི་སྐབས་སུ་གནད་དུ་ཆེ་བ་དྲུག་གི་ཡིག་རྙིང་། རྟེན་འབྲེལ་ལྔ་ས་པཎ་གྱིས་མཛད་པ། ལམ་བསྡུས་པ་དམར་གྱིས་མཛད་པ། ཕྱུག་ཆེན་གྱི་དབྱེ་བ་ས་པཎ་གྱིས་མཛད་པ། ཚོགས་
སྦྱོར་གྱི་མངོན་རྟོགས་འཕགས་པས་མཛད་པ། འཁོར་བཞིའི་རྒྱ་ས་པཎ་གྱིས་མཛད་པ། ལམ་བསྡུས་པའི་བཤད་པ་ས་ཆེན་གྱིས་མཛད་པ། སྒྲུབ་པ་ལུང་སྦྱིན་ས་པཎ་གྱིས་མཛད་པ། གསང་བ་བཅུའི་རྒྱས་གདབ་ས་ཆེན་གྱིས་མཛད་པ། ལུང་ཚད་མ་ལ། ལུང་འདི་
ཉིད་དང་ཞིབ་ཏུ་སྦྱར་བ་རྗེ་བཙུན་རྩེ་མོས་མཛད་པ། དེའི་གསལ་བྱེད་ཀྱི་ཡི་གེ་གཅིག་དང་བཅས་པ་རྣམས་སོ། །རྣལ་འབྱོར་དབང་ཕྱུག་གིས་ས་ཆེན་ལ་གནང་བའི་ཟབ་ཆོས་བཞིར་གྲགས་པ་ལ། ལམ་ཟབ་ཀྱི་ཁྲིད་ཡིག་ས་པཎ་གྱིས་མཛད་པ། བླ་མ་རིན་ཆེན་འབྱུང་

213-1-215a

ལྡན་དམར་གྱིས་མཛད་པ། ལམ་སྦས་བཤད་ས་པཎ་གྱིས་མཛད་པ། ཕོ་བྲང་ལྔའི་སྦས་བཤད་ཡི་གེ་རྙིང་པ། སྦས་བཤད་ཀྱི་འཁྲུལ་འཁོར་རྩ་འགྲེལ་དཔལ་ལྡན་པས་མཛད་པ། གྲུབ་ཆེན་བཅུ་དང་ཕྲ་མོ་བརྒྱད་ཀྱི་རྩ་འགྲེལ་ས་པཎ་གྱིས་མཛད་
པ། གསལ་བྱེད་བུདྡྷ་ཤྲཱིས་མཛད་པ། བིར་སྲུང་གི་མན་ངག་རྙིང་པ་གསུམ། བིར་སྲུང་གི་མན་ངག་བྱིན་རླབས་བྱེད་ཚུལ་དང་བཅས་པ་འཕགས་པས་མཛད་པ། རྣམ་འཇོམས་བིར་ལུགས་ཀྱི་བྱིན་རླབས་བྱེད་ཚུལ་གྱི་ཡི་གེ་རྙིང་པ། གཟུངས་ཀྱི་མཆན་དང་དེའི་གསལ་
བྱེད་ས་པཎ་གྱིས་མཛད་པ། དེའི་ལག་ལེན་རིགས་འཛིན་གྲགས་ཀྱིས་མཛད་པ་རྣམས་སོ། །མན་ངག་ཟུར་པ་ལ། ཚར་གསུམ་ཁུག་པ་རྗེ་པས་མཛད་པ། ཡི་གེ་བརྒྱ་པའི་གདམས་ངག་གི་ཡི་གེ་རྙིང་པ། སྒོ་དྲུག་ཆོས་འབྲེལ་དུ་གྲགས་པ་ལ། ཤཱནྟི་པའི་མདོ་རྒྱུད་
བསྲེ་བ། ཤེས་རབ་འབྱུང་གནས་སྦས་པ་དང་། ཛྙཱ་ན་ཤྲཱི་དང་། རིན་ཆེན་རྡོ་རྗེ་གསུམ་གྱི་བར་ཆད་གསུམ་སེལ། ངག་དབང་གྲགས་པའི་གཉུག་མ་དྲན་གསལ། ན་རོ་པའི་སྡུག་བསྔལ་གསུམ་སེལ་རྣམས་སོ། །དེ་རྣམས་ཀྱི་ཁ་སྐོང་རྗེ་བླ་མ་ཡབ་སྲས་ཀྱིས་
མཛད་པ་ལ། བླ་མ་རྡོ་རྗེ་འཆང་ཆེན་པོའི་ཞལ་ལྔ་ནས་མཛད་པའི་ལམ་འབྲས་བཤད་ཐབས་ཀྱི་མན་ངག་གསལ་བའི་སྒོ་འབྱེད། ཁྲིད་ཡིག་ཚིགས་བཅད་མའི་ས་བཅད། ལམ་ཟབ་ནང་གི་བླ་མའི་རྣལ་འབྱོར། རྒྱུ་དུས་ཀྱི་དབང་གིས་རྟོགས་པ་བསྐྱེད་པ། བིར་སྲུང་བར་ཆད་ཀུན་སེལ།
སྐུའི་རྣམ་འགྱུར་དྲུག་གི་ཟིན་བྲིས། བིར་སྲུང་ཐུན་མོང་མ་ཡིན་པའི་བྱིན་རླབས་བྱ་ཚུལ། དེ་ཉམས་སུ་བླང་ཚུལ། དེ་དང་ལམ་འབྲས་མཚོན་བྱ་མཚོན་བྱེད་དུ་སྦྱར་བ། བིར་སྲུང་གསར་པ་རྣམས་སོ། །བླ་མ་བརྒྱུད་པའི་རྣམ་པར་ཐར་པ་ཐོར་བུ་བ་གསན་པའི་རྣམ་གྲངས་ནི། རྗེ་ 
ས་ཆེན་གྱི་རྣམ་ཐར་དང་། རྗེ་བཙུན་རྩེ་མོའི་རྣམ་ཐར་བསྟོད་པ་མཆན་བུ་དང་བཅས་པ་རྗེ་བཙུན་གྱིས་མཛད་པ། རྗེ་བཙུན་པའི་རྣམ་ཐར་ཆོས་རྗེ་པས་མཛད་པ། རྣམ་ཐར་མནལ་ལམ་མ་སྦལ་སྟོན་གྱིས་བྲིས་པ། ཆོས་རྗེ་པའི་རྣམ་ཐར་ལྷོ་བ་ཀུན་མཁྱེན་གྱིས་མཛད་པ། རྣམ་ཐར་

213-1-215b

གསུང་སྒྲོས་མ་བླ་མ་རྡོ་རྗེ་འཆང་གིས་མཛད་པ། འཕགས་པའི་རྣམ་ཐར་ཡེ་ཆེན་པོས་མཛད་པ། ཚོགས་ཉན་གཉིས་ཀྱི་རྣམ་ཐར་བར་སྟོན་གྱིས་མཛད་པའི་བརྒྱུད་པའི་ལོ་རྒྱུས་ལས་བཏུས་པ། ཉན་ཆེན་པའི་རྣམ་ཐར་དཀར་པོ་གྲགས་པས་མཛད་པ། ཞང་པའི་རྣམ་ཐར་དཔལ་ལྡན་པས་མཛད་པ། 
བྲག་ཕུག་པའི་རྣམ་ཐར་རི་ཁྲོད་པས་མཛད་པ། ཆོས་རྗེ་བླ་མ་དང་རི་ཁྲོད་པའི་རྣམ་ཐར་དཔལ་ལྡན་པས་མཛད་པ། དཀར་པོ་བྲག་པའི་རྣམ་ཐར་རང་གིས་མཛད་པ། དཔལ་ལྡན་པའི་རྣམ་ཐར་མུས་ཆེན་པས་མཛད་པ། བུདྡྷ་བའི་རྣམ་ཐར་བླ་མ་རྡོ་རྗེ་འཆང་གིས་མཛད་པ། ཆོས་
རྗེ་ཤར་པའི་རྣམ་ཐར་དད་པ་རྒྱས་བྱེད་ངོར་ཆེན་གྱིས་མཛད་པ། རྡོ་རྗེ་འཆང་གི་རྣམ་ཐར་ཁོ་སྐོང་དང་བཅས་པ་མུས་ཆེན་གྱིས་མཛད་པ། རྣམ་ཐར་དངོས་གྲུབ་དབང་གི་རྒྱལ་པོ་གུ་གེ་པཎ་ཆེན་གྱིས་མཛད་པ། དེ་གཉིས་ཀའི་དོན་བསྡུས་པ་ལེགས་བཤད་ཆུ་བོ་འདུས་པའི་རྒྱ་མཚོ་སངས་
རྒྱས་ཕུན་ཚོགས་ཀྱིས་མཛད་པ། མུས་ཆེན་གྱི་རྣམ་ཐར་གསུང་སྒྲོས་མ་གུང་རུས་མཛད་པ། རྣམ་ཐར་ངོ་མཚར་ཆུ་རྒྱུན་ཁ་སྐོང་དང་བཅས་པ་ཀུན་མཁྱེན་གྱིས་མཛད་པ། རྗེ་ཀུན་དབང་པའི་རྣམ་ཐར་རིན་པོ་ཆེའི་ཕྲེང་བ་མཁན་ཆེན་ལེགས་འབྱུང་གིས་མཛད་པ། མཁས་གྲུབ་དཔལ་
རྡོར་བའི་རྣམ་ཐར་མི་ཉག་པཎ་ཆེན་གྱིས་མཛད་པ། ཀུན་མཁྱེན་གྱི་རྣམ་ཐར་རྗེ་སངས་རྒྱས་རིན་ཆེན་པ་དང་གློ་བོ་མཁན་ཆེན་པ་དང་བྱ་བཏང་ཀུན་དགའ་མཆོག་ལྡན་པ་རྣམས་ཀྱིས་མཛད་པ། རྗེ་འདྲེན་མཆོག་གི་རྣམ་ཐར་ཡོན་ཏན་མཐའ་ཡས་པ་རྗེ་སངས་རྒྱས་རིན་ཆེན་པས་མཛད་པ། 
རྣམ་ཐར་ངོ་མཚར་སྣང་བའི་ཉིན་བྱེད་རྗེ་དཀོན་མཆོག་ལྷུན་གྲུབ་ཀྱིས་མཛད་པ། རྗེ་སངས་རིན་པའི་རྣམ་ཐར་དགེ་ལེགས་རིམ་པོ་ཆེའི་གཏེར་ཁ་སྐོང་དང་བཅས་པ་ས་སྐྱ་ལོ་ཙཱ་བས་མཛད་པ། དེའི་རྣམ་ཐར་འཇམ་པའི་དབྱངས་ཀྱི་ཡོན་ཏན་རྣམ་པར་བཀོད་པ་རྗེ་དཀོན་མཆོག་ལྷུན་གྲུབ་
པས་མཛད་པ། དཀོན་མཆོག་ལྷུན་གྲུབ་ཀྱི་རྣམ་ཐར་འདོད་དགུ་དཔལ་འབྱུང་གི་འགྲེལ་པ་དཀོན་མཆོག་དཔལ་ལྡན་གྱིས་མཛད་པ། སངས་རྒྱས་སེང་གེའི་རྣམ་ཐར་དད་པའི་མེ་ཏོག་གི་ཕྲེང་བ་ནམ་མཁའ་དཔལ་བཟང་གིས་མཛད་པ། བྲང་ཏི་ནམ་མཁའ་དཔལ་བཟང་གི་རྣམ་ཐར་ཁ་

213-1-216a

སྐོང་དང་བཅས་པ། བྱམས་པ་ཀུན་དགའ་བཀྲ་ཤིས་ཀྱི་རྣམ་ཐར་ཡེ་ཤེས་ཀླུ་དབྱངས་ཞེས་བྱ་བ་དང་། དཔལ་ལྡན་དོན་གྲུབ་ཀྱི་རྣམ་ཐར་དད་པའི་གསལ་འདེབས་ཞེས་བྱ་བ་གཉིས་ངག་དབང་བརྟན་པའི་རྡོ་རྗེས་མཛད་པ། ནམ་མཁའ་དཔལ་བཟང་གི་རྣམ་
ཐར་བྱིན་རླབས་ཆུ་རྒྱུན་སངས་རྒྱས་ཕུན་ཚོགས་ཀྱིས་མཛད་པ། ཤེས་རབ་འབྱུང་གནས་ཀྱི་རྣམ་ཐར་དགེ་ལེགས་ངོ་མཚར་ལྷུན་པོ་ངག་དབང་བསོད་ནམས་རྒྱལ་མཚན་གྱིས་མཛད་པ། ངག་དབང་བསོད་ནམས་རྒྱལ་མཚན་གྱི་རྣམ་ཐར་སངས་རྒྱས་ཕུན་ཚོགས་ཀྱིས་མཛད་པ། བསོད་
ནམས་རྒྱ་མཚོའི་རྣམ་ཐར་ཡོན་ཏན་རྒྱ་མཚོ་ལྷུན་གྲུབ་དཔལ་གྱིས་མཛད་པ། དཔལ་མཆོག་རྒྱལ་མཚན་གྱི་རྣམ་ཐར་དད་པའི་གསལ་འདེབས་དང་ལྷུན་གྲུབ་དཔལ་ལྡན་གྱི་རྣམ་ཐར་ལེགས་བྱས་དཔལ་གྱི་དགའ་སྟོན་གཉིས་སངས་རྒྱས་ཕུན་ཚོགས་ཀྱིས་མཛད་པ། སངས་
རྒྱས་ཕུན་ཚོགས་ཀྱི་རྣམ་ཐར་ངེས་འབྱུང་གཏམ་གྱི་རོལ་མཚོ་རང་ཉིད་ཀྱིས་མཛད་པ་རྣམས་ཀྱི་ལུང་མནོས་སོ། །གཞན་ཡང་སྣང་བ་གསུམ་གྱི་སྐབས་སྔ་ཆོས་སུ། ཆོས་སྤྱོད་པུ་སྟི་དངོས་ཀྱི་རྐང་གྲངས་ནི། དཀོན་མཆོག་གསུམ་རྗེས་སུ་དྲན་པའི་མདོ། ཉེ་བ་འཁོར་གྱིས་ཞུས་
པའི་མདོ་ལས་བྱུང་བའི་ཕུང་པོ་གསུམ་པའི་མདོ། བཅོམ་ལྡན་འདས་ཤཱཀྱའི་རྒྱལ་པོ་ལ་མཛད་པ་བཅུ་གཉིས་ཀྱི་སྒོ་ནས་བསྟོད་པ་ཀླུ་སྒྲུབ་ཀྱིས་མཛད་པར་གྲགས་པ། སངས་རྒྱས་ཀྱི་བསྟོད་པ་མགོན་པོ་བྱམས་པས་མཛད་པ་མདོ་སྡེ་རྒྱན་ལས་བྱུང་བ། ཐུབ་དབང་དང་རྒྱན་
དྲུག་མཆོག་གཉིས་སོགས་ལ་བསྟོད་པ་འཕགས་པས་མཛད་པ་འདོགས་འབྲེལ་དང་བཅས་པ། མཁན་པོ་བོ་དྷི་ས་ཏྭ་དང་། ཆོས་རྒྱལ་མེས་དབོན། ལོ་པཎ་རྣམས་ལ་ཐུན་མོང་དུ་བསྟོད་པ་རྣམས་ཆོས་རྗེ་བླ་མ་དམ་པས་མཛད་པའི་རྒྱན་རབས་གསལ་བའི་མེ་ལོང་གི་མཆོད་བརྗོད་
དུ་མཛད་པ་རྣམས་དང་། ཇོ་བོ་ཡབ་སྲས་ཀྱི་བསྟོད་པ་ཤློ་ཀ་རེ་རེ། ཇོ་བོའི་བསྟོད་པ་ཕུན་ཚོགས་བྷདྒ་ལ་ནས་འབྱུང་བ། ས་ཆེན་གྱིས་རྣལ་འབྱོར་དབང་ཕྱུག་གཙོ་འཁོར་ལྔ་མངོན་སུམ་དུ་ཞལ་གཟིགས་པའི་དུས་སུ་མཛད་པའི་བསྟོད་པ་ཨ་ལ་ལ་སྟེ་ཞེས་བྱ་བ་ཡོད་པ། ས་པཎ་གྱིས་

213-1-216b

མཛད་པའི་བིཪྺ་པའི་བསྟོད་པ། རྗེ་ས་སྐྱ་པ་ཆེན་པོ་ཀུན་དགའ་སྙིང་པོའི་བསྟོད་པ་སློབ་དཔོན་བསོད་ནམས་རྩེ་མོས་མཛད་པ་ནས་བཟུང་སྟེ། མཁན་ཆེན་ཐམས་ཅད་མཁྱེན་པ་དཔལ་ལྡན་ཆོས་སྐྱོང་བའི་བར་གྱི་ལམ་འབྲས་བུ་དང་བཅས་པའི་གདམས་ངག་གི་བླ་མ་བརྒྱུད་པ་རྣམས་ཀྱི་བསྟོད་པ་རྒྱས་བསྡུས་ཇི་སྙེད་
བཞུགས་པ་རྣམས་དང་། གཞན་ཡང་རྒྱུད་གསུམ་མན་ངག་དང་བཅས་པའི་བླ་མ་བརྒྱུད་པ་ལ་གསོལ་བ་འདེབས་པ་ཀུན་ཁྱབ་འཁོར་ལོ་མ་རྗེ་དཀོན་མཆོག་ལྷུན་གྲུབ་ཀྱིས་མཛད་པ་ཁ་སྐོང་དང་བཅས་པ། ཞེན་པ་བཞི་བྲལ་གྱི་བརྒྱུད་འདེབས་རྗེ་རྡོ་རྗེ་འཆང་གིས་མཛད་པ་ཁ་སྐོང་དང་བཅས་པ། འཇམ་དཔལ་
མཚན་བརྗོད་ལོ་ཆེན་རིན་ཆེན་བཟང་པོའི་འགྱུར། ཤེས་རབ་བློ་འཕེལ་གྱི་གཟུངས། ཤེས་རབ་ཀྱི་ཕ་རོལ་ཏུ་ཕྱིན་པའི་སྙིང་པོ་བམ་པོ་གཅིག་པ། རྣམ་རྒྱལ་གྱི་གཟུངས། བསྟོད་པ་འཆི་མེད་དཔལ་སྦྱིན་མ་རྗེ་རྡོ་རྗེ་འཆང་གིས་མཛད་པ། ལམ་འབྲས་ཕྱག་མཆོད་ཆེན་མོ་འཕགས་པས་མཛད་
པ། ཁ་སྐོང་ཤར་པ་དང་རྡོ་རྗེ་འཆང་སོགས་ཀྱིས་མཛད་པའི་ཚིགས་བཅད་ཐོར་བུ་བ་རྣམས་དང་བཅས་པ། འཕགས་པ་བཟང་པོ་སྤྱོད་པའི་སྨོན་ལམ་གྱི་རྒྱལ་པོ། སྣང་བ་མཐའ་ཡས་ཀྱི་སྒོམ་དོན་ལ་བརྟེན་པའི་འཕོ་བ་ས་པཎ་གྱིས་མཛད་པ། དེའི་བསྡུས་དོན་ཚིགས་སུ་བཅད་པ་ས་པཎ་གྱིས་
མཛད་པ། བདེ་བ་ཅན་གྱི་སྨོན་ལམ་མི་མཇེད་ཞིང་མ་ཀུན་མཁྱེན་གྱིས་མཛད་པ། བྱམས་པའི་སྨོན་ལམ། ཕ་རོལ་ཏུ་ཕྱིན་པ་དྲུག་གི་སྨོན་ལམ། སྒྲོལ་མའི་ཕྱག་འཚལ་ཉེར་གཅིག་ཕན་ཡོན་དང་བཅས་པ། ཡན་ལག་བདུན་པ་དགེ་སློང་མ་དཔལ་མོས་མཛད་པ། འདོད་དོན་
གསོལ་གདབ་རྗེ་བཙུན་གྱིས་མཛད་པ། ཉིན་ཞི་མཚན་ཁོྲའི་སྒོམ་བཟླས་གློ་བོ་མཁན་ཆེན་པས་མཛད་པ། ཡང་ཞི་ཁྲོའི་འདོན་ཐབས་གསལ་བ་གཅིག །སྡུད་པ་ལ་སོགས་པ་ཤེས་རབ་ཀྱི་ཕ་རོལ་ཏུ་ཕྱིན་པའི་མདོ་དང་། ཕུང་པོ་གསུམ་པ་འདོན་པའི་ཐབས་ས་པཎ་གྱིས་མཛད་པ།
འཇམ་དཔལ་མཚན་བརྗོད་འདོན་པའི་ཐབས་རྗེ་བཙུན་གྱིས་མཛད་པ། གསུང་ངག་བླ་མ་བརྒྱུད་པའི་མཆོད་ཆོག་གི་ཐོ་ཡིག་ཀུན་མཁྱེན་བསོད་ནམས་སེང་གེས་མཛད་པ། བླ་མ་དམ་པ་ལ་ཐུན་མོང་མ་ཡིན་པའི་སྒོ་ནས་གསོལ་བ་འདེབས་པ་གང་དྲིན་མ་ས་པཎ་གྱིས་མཛད་པ།

213-1-217a

ཐུན་མོང་བའི་སྒོ་ནས་གསོལ་བ་འདེབས་པ་སྐུའི་སྤྱོད་པ་མ་ས་པཎ་གྱིས་མཛད་པ། བླ་མ་དམ་པ་ལ་མཎྜལ་འབུལ་བའི་ཚུལ་དང་། ཕྱོགས་བཅུ་དུས་གསུམ་མ་དང་ཐོས་པ་རྒྱ་མཚོ་མ་རྣམས་འཕགས་པས་མཛད་པ། མདོ་སྒྲུབ་མཆིམས་ཀྱིས་མཛད་པ།
བསྙེན་པར་རྫོགས་པའི་སྡོམ་བརྒྱུད་ཀྱི་གསོལ་འདེབས་བྲང་ཏི་པས་མཛད་པ། ཡོན་སྦྱོང་བའི་གཟུངས། རྗེ་ངོར་ཆེན་པས་མཛད་པའི་འགྲོ་ལ་བདེ་སྐྱིད་མའི་བར་པཎ་ཆེན་གྱིས་ཐར་རྩེར་བསྒྲིགས་པ་ཁ་སྐོང་ཅུང་ཟད་དང་བཅས་པའི་ཕྱག་དཔེའི་སྟེང་ནས་སོ། །གཞན་ཡང་རྗེ་བཙུན་དམ་པ་དེ་
ཉིད་ཀྱི་དྲུང་ནས། སྐབས་འདི་དག་དང་གཞན་དུའང་རུང་སྟེ་དབང་བསྐུར་བ་དང་། བྱིན་གྱིས་བརླབས་པ་དང་། རྗེས་སུ་གནང་བ་རྣམས་ཇི་ལྟར་གསན་པའི་རྣམ་གྲངས་ནི། སློབ་དཔོན་སངས་རྒྱས་ཡེ་ཤེས་ཞབས་ཀྱིས་བཀྲལ་བའི་གསང་བ་འདུས་པ་འཇམ་པའི་རྡོ་རྗེ་ལྷ་བཅུ་དགུའི་དཀྱིལ་
འཁོར་དུ་དབང་བསྐུར་བ། རྭ་ལོ་ཙཱ་བའི་ལུགས་ཀྱི་རྡོ་རྗེ་འཇིགས་བྱེད་རོ་ལངས་བརྒྱད་སྐོར་གྱི་དཀྱིལ་འཁོར་དུ་དབང་བསྐུར་པ། སློབ་དཔོན་ཛེ་ཏཱ་རིས་བཀྲལ་བའི་ཚེ་དཔག་ཏུ་མེད་པ་ལྷ་དགུའི་དཀྱིལ་འཁོར་དུ་དབང་བསྐུར་བ། དཔལ་ལྡན་ན་རོ་པའི་ཐུགས་བཅུད་ཀྱི་གདམས་པའི་
ཉིང་ཁུ་རྗེ་བཙུན་ས་སྐྱ་པ་ལ་བཀའ་བབ་པའི་རྗེ་བཙུན་རྡོ་རྗེ་རྣལ་འབྱོར་མའི་དབང་བཞི་བྱིན་རླབས་ཀྱི་ཚུལ་དུ་བསྐུར་བ་སིནྡྷུ་རའི་དཀྱིལ་འཁོར་ལ་བརྟེན་པ། རྒྱལ་ཆེན་ཨིནྡྲ་བྷཱུ་ཏིའི་ལུགས་ཀྱི་ཕག་མོ་ཞལ་གཉིས་མའི་བྱིན་གྱིས་བརླབས་པ། གྲུབ་ཆེན་མཻ་ཏྲི་པའི་ལུགས་ཀྱི་ཕག་མོ་
རིག་པ་འཛིན་མ་རྩེན་མའི་བྱིན་གྱིས་བརླབས་པ་སྟེ། མཆོག་གི་དངོས་གྲུབ་སྒྲུབ་པའི་ཐབས་ལ་ཁྱད་པར་དུ་བསྔགས་པ་དམར་མོ་སྐོར་གསུམ་མོ། །ཀྱེ་རྡོ་རྗེ་རྩ་བའི་རྒྱུད་བརྟག་པ་གཉིས་པ་ལ་བརྟེན་པ་རྒྱལ་པོ་ལྷན་ཅིག་སྐྱེས་པའི་རོལ་པ་ལ་རྗེ་བཙུན་མ་ཉིད་ཀྱིས་དངོས་སུ་བྱིན་
གྱིས་བརླབས་ཤིང་ལེགས་པར་གདམས་པ། རྗེ་བཙུན་ཀུ་རུ་ཀུལླེ་དཔའ་བོ་གཅིག་པའི་རྗེས་གནང་རང་བྱིན་རླབས་ཀྱི་མན་ངག་དང་བཅས་པ། ཀག་ཆོལ་འདོད་པའི་རྒྱལ་པོ་ཡབ་ཡུམ་གྱི་བྱིན་གྱིས་བརླབས་པ་ཟབ་མོ། དཔལ་ཚོགས་ཀྱི་བདག་པོའི་རྗེས་གནང་ཐུན་མོང་མ་ཡིན་པ་སྟེ་

213-1-217b

ལས་རྒྱས་པའི་དངོས་གྲུབ་སྒྲུབ་པ་ལ་མཆོག་ཏུ་བསྔགས་པ་དམར་པོ་སྐོར་གསུམ་མོ། །གྲུང་ཆེན་ཛེ་ཏཱ་རི་ནས་བ་རི་ལོ་ཙཱ་བ་སོགས་ལ་བརྒྱུད་པ། རྗེ་ས་སྐྱ་པ་ཆེན་པོ་སོགས་ལ་ཞལ་གཟིགས་ཁོ་ནར་བྱུང་བའི་འཇམ་དཔལ་ཨ་ར་བ་ཙ་ན་དམར་སེར་གྱི་རྗེས་སུ་གནང་བ། དཔལ་ཡེ་
ཤེས་ཡོན་ཏན་བཟང་པོ་བསྟོད་སྒྲུབ་ཀྱི་རིག་པ་གཏད་པ། པཎྜི་ཏ་མ་ཏིའི་ལུགས་ཀྱི་འཇམ་དཔལ་དཀར་པོ། པཎྜི་ཏ་གསེར་གདུགས་ཅན་ནས་བརྒྱུད་པའི་འཇམ་དཔལ་དཀར་པོ། རྗེ་བཙུན་ས་སྐྱ་པའི་གསེར་ཆོས་ཀྱི་འཇམ་དཔལ་ནག་པོའི་བྱིན་རླབས་ཟབ་མོ། གྲུབ་ཆེན་མེ་ཏྲ་ཛོ་ཀི་
ནས་བརྒྱུད་པའི་ཚེ་དཔག་ཏུ་མེད་པ་དཀར་པོ། བ་རི་བའི་ལུགས་ཀྱི་གཙུག་ཏོར་རྣམ་པར་རྒྱལ་མ་ལྷ་དགུ། སློབ་དཔོན་ངག་གི་དབང་ཕྱུག་གྲགས་པའི་འཆི་བདག་བསླུ་བའི་རྟོག་པ་ལས་བྱུང་བའི་སྒྲོལ་མ་དཀར་མོ་ཡིད་བཞིན་འཁོར་ལོ། མཉམ་མེད་ཇོ་བོ་རྗེ་ནས་བརྒྱུད་པའི་ཁྲོ་
བོ་སྨེ་བ་བརྩེགས་པ་ལྗང་ནག །རྗེ་བཙུན་ས་སྐྱ་པའི་ལུགས་ཀྱི་སྨེ་བརྩེགས་དུད་ཁ། ཁྲོ་མོ་སྨེ་བརྩེགས། ས་ལུགས་ཀྱི་སྤྱན་རས་གཟིགས་གཙོ་འཁོར་གསུམ་པ། དཔལ་མོ་ལུགས་ཀྱི་སྤྱན་རས་གཟིགས་བཅུ་གཅིག་ཞལ། འཕགས་པ་དོན་ཡོད་ཞགས་པ་ལྷ་ལྔ་པ། བཀའ་
གདམས་པའི་ལུགས་ཀྱི་ཐུབ་པ་དང་། སྤྱན་རས་གཟིགས་དང་། མི་གཡོ་བ་དང་། རྗེ་བཙུན་སྒྲོལ་མ་སྟེ་ལྷ་བཞིར་གྲགས་པ། བླ་མ་གཉེན་གྱི་ཐུགས་དམ་སྒྲོལ་མ་ཡན་ལག་བཞི་པ་གཟུངས་ཀྱི་ལུག་བླང་བ་དང་བཅས་པ། ཇོ་བོ་རྗེའི་ལུགས་ཀྱི་སྒྲོལ་མ་ཉི་ཤུ་རྩ་གཅིག །ཡང་
སྒྲོལ་མ་ཉི་ཤུ་རྩ་གཅིག་སྟབས་གཅིག་ཏུ་འབྱུང་བའི་རྗེས་གནང་། གྲུབ་ཆེན་ཉི་མ་སྦས་པའི་ལུགས་ཀྱི་སྒྲོལ་མ་ཉི་ཤུ་རྩ་གཅིག །རྡོ་རྗེ་གུར་ལས་བརྟེན་པའི་དམ་པ་ཐམས་ཅད་འདྲེན་པ་འཇིག་རྟེན་གསུམ་གྱི་རྡོ་རྗེས་བཀྲལ་བའི་ཁྲོ་བོ་འབྱུང་པོ་འདུལ་བྱེད། བླ་ཆེན་ཤཱཀྱ་དཔལ་བའི་ལུགས་ཀྱི་འབྱུང་པོ་
འདུལ་བྱེད་མེ་དབང་ཅན། མཁས་པ་ཆེན་པོ་དོན་ཡོད་རྡོ་རྗེ་ནས་བརྒྱུད་པའི་གཤིན་རྗེ་གཤེད་དམར་པོ། རྭ་ལོ་ཙཱ་བའི་ལུགས་ཀྱི་རྡོ་རྗེ་འཇིགས་བྱེད་ཕྱག་གཉིས་པ། མངའ་བདག་ཉང་རལ་ཆེན་པོའི་ལུགས་ཀྱི་གུ་རུ་དྲག་པོ་དམར་པོ་མེའི་ཕྲེང་བ་ཅན། བྱང་ཆུབ་སེམས་དཔའ་ཟླ་བ་རྒྱལ་

213-1-218a

མཚན་པའི་ལུགས་ཀྱི་རྟ་མགྲིན་ནག་པོ་ལྕགས་རལ་ཅན། དབོན་སྟོན་སྐྱེར་སྒང་པ་ལ་རྨི་ལམ་དུ་སློབ་དཔོན་པདྨ་འབྱུང་གནས་ཀྱིས་གནང་བ་དང་གཏེར་ནས་བརྒྱུད་པ་ཟུང་འབྲེལ་གྱི་རྟ་མགྲིན་དམར་པོ། ཀྲཱྀ་ཡ་ས་མུཙྪའི་དགོངས་པ་དང་མཐུན་པར་མཛད་པའི་གཟའ་
ཐམས་ཅད་ཀྱི་ཡུམ་རྗེ་བཙུན་རིག་པ་ཆེན་མོ་གཙོ་འཁོར་བཅུ་བཞི་པ། རྡོ་རྗེ་གུར་གྱི་རྒྱུད་ལས་བརྟེན་པའི་ལྷ་མོ་ནོར་རྒྱུན་མ་གཙོ་རྐྱང་། བ་རི་བའི་ལུགས་ཀྱི་རྡོ་རྗེ་རྣམ་པར་འཇོམས་པའི་རྗེས་གནང་བཀྲུ་བྱ་བ་བསྲུང་བ་དང་བཅས་པ། པཎྜི་ཏ་དོན་ཡོད་རྡོ་རྗེ་ནས་བརྒྱུད་པའི་རི་ཁྲོད་ལོ་མ་
ཅན། རྗེ་བཙུན་མི་གཡོ་བ་སྔོན་པོ་དང་དཀར་པོ་གཉིས། རིགས་ལྡན་ཆོས་ཀྱི་རྒྱལ་པོ་ནས་བརྒྱུད་པའི་རྡོ་རྗེ་ཁྱུང་ཁྲ། ས་སྐྱ་པའི་ཐུགས་རྩིས་ཆེ་བའི་ཆོས་སྐོར་གྱི་ནང་ཚན་མཁའ་ལྡིང་གསེར་མིག་འཁྱིལ་བ། སློབ་དཔོན་ཆེན་པོ་པདྨ་ནས་བརྒྱུད་པའི་ཡེ་ཤེས་ཀྱི་བྱ་ཁྱུང་དམར་པོ་
རྣམས་ཀྱི་རྗེས་སུ་གནང་བ་དང་། མ་གཅིག་གྲུབ་པའི་རྒྱལ་མོའི་ལུགས་ཀྱི་ཚེ་དཔག་ཏུ་མེད་པའི་ཚེ་འཛབ་ལ་བརྟེན་པའི་ཚེ་དབང་ཟབ་མོ། གྲུབ་པའི་དབང་ཕྱུག་ཐང་སྟོང་རྒྱལ་པོའི་ལུགས་ཀྱི་ཟབ་གཏེར་དག་སྣང་ཆུ་བོ་ཉིས་འདྲེས་ཀྱི་ཚེ་དབང་ཟབ་མོ། རིག་འཛིན་ཆེན་པོ་རྒོད་ལྡེམ་
པའི་ཟབ་གཏེར་ལུགས་ཀྱི་ཚེ་དབང་ལྕགས་ཀྱི་སྡོང་བུ་ཅན་རྣམས་དང་། དཔལ་ལྡན་ཤངས་པ་བཀའ་བརྒྱུད་པའི་ལུགས་ཀྱི་མགོན་པོ་དཀར་པོ་ཡིད་བཞིན་གྱི་ནོར་བུ་དང་། ཇོ་བོ་རྗེའི་ལུགས་ཀྱི་ཛམྦྷ་ལ་དཀར་པོ་འབྲུག་ཞོན་ལྷ་ལྔ་རྣམས་ཀྱི་རྗེས་སུ་གནང་བ་ལེགས་པར་གསན་ནོ། །ཆོས་སྐྱོང་
བའི་སྲུང་མ་རྣམས་ཀྱི་སྐོར་ལ། འཛམ་གླིང་བསྟན་པའི་བདག་པོ་དཔལ་ས་སྐྱ་པ་ལ་བཀའ་བབ་པའི་ཆོས་སྐྱོང་བའི་སྲུང་མ་རྒྱ་མཚོ་ཙམ་གྱི་ནང་ནས། བསྟན་སྲུང་ཡོངས་ཀྱི་སྡེ་དཔོན་རྡོ་རྗེ་ནག་པོ་ཆེན་པོ་གུར་གྱི་མགོན་པོ་སྟེ། དེ་ལའང་བཀའ་བབ་རྣམ་པ་བཞི་བཞུགས་པ་ལས། དང་པོ་
པཎྜི་ཏ་ཆེན་པོ་ག་ཡ་དྷ་རའི་ལུགས་སྲོལ་ལམ་འབྲས་བུ་དང་བཅས་པའི་གདམས་ངག་ཡོངས་སུ་རྫོགས་པར་ཐོས་པ་ལས་གཞན་སྤྱོད་ཡུལ་དུ་མ་གྱུར་བ་ལམ་འབྲས་མགོན་རྐྱང་གི་རྗེས་གནང་། གཉིས་པ་པཎྜི་ཏ་དོན་ཡོད་རྡོ་རྗེ་ནས་བརྒྱུད་པའི་མགོན་པོ་ཕོ་རྐྱང་། གསུམ་ཤྲདྡྷཱ་ཀ་ར་

213-1-218b

ཝརྨ་སོགས་ནས་བརྒྱུད་དེ་བླ་མ་མལ་ལོ་ཙཱ་བའི་ལུགས་སུ་གྲགས་པ་མགོན་པོ་ལྷ་བཅུ་གཉིས་མ་དང་། ལྷ་བརྒྱད་པ་དང་། ས་སྐྱ་པའི་ཞལ་ངོ་ནང་བརྒྱུད་ལས་བྱུང་བའི་ལྷ་བརྒྱད་ཐུན་མོང་མ་ཡིན་པ། ལྕམ་དྲལ་ལྷ་གསུམ་རྣམས་དང་། ཁའུ་བྲག་རྫོང་པའི་ལུགས་ཀྱི་
མགོན་པོ་ཁྲོ་བོ་བཅུ་དང་བཅས་པ། བེར་ནག་ཟངས་གྲི་ཅན་བསྣན་པའི་གུར་གྱི་མགོན་པོ་ལྷ་དགུ། པུ་ཏྲ་མིང་སྲིང་རྣམས་ཀྱི་ཟུར་བཀའ་དང་། གྲུབ་ཐོབ་ཐང་སྟོང་རྒྱལ་པོས་ཤར་ལྷོ་འཇིགས་བྱེད་མུན་པ་ཚལ་གྱི་དུར་ཁྲོད་དུ་ཞལ་གཟིགས་པའི་གུར་གྱི་མགོན་པོ་སྤྲིན་
གསེབ་མ། རྒྱལ་བ་གཉིས་པ་ངོར་ཆེན་རྡོ་རྗེ་འཆང་གི་བཀའ་སྲུང་ཐུན་མོང་མ་ཡིན་པ་ཤིན་ཏུ་གཉེན་པ་ཞིང་སྐྱོང་སྟོབས་འཕྲོག་དབང་པོའི་སྒྲུབ་བསྐོར་ལས་བསྙེན་དུས་ཀྱི་མགོན་པོ་ཞལ་བཞི་པ། སྒྲུབ་དུས་ཀྱི་མགོན་པོ་ཞལ་ཁྲ་ཅན། དཀར་པོ་ཚེ་འཕེལ་པར་བྱེད་པ། སེར་
པོ་བསོད་ནམས་རྒྱས་པར་བྱེད་པ། དམར་པོ་སྐྱེ་འགྲོ་དབང་དུ་བྱེད་པ། སྔོན་པོ་དགྲ་བགེགས་འཇོམས་པར་བྱེད་པ་རྣམས་ཀྱི་རྗེས་སུ་གནང་བ་དང་། དཔལ་འཁོར་ལོ་སྡོམ་པའི་བཀའ་སྲུང་ཐུན་མོང་མ་ཡིན་པ་ནོར་སྐྱོང་དུར་ཁྲོད་ཀྱི་བདག་པོ་ཡབ་ཡུམ། དཔལ་རྡོ་རྗེ་འཇིགས་
བྱེད་ཀྱི་བཀའ་སྡོད་ཐུན་མོང་མ་ཡིན་པ་འཆི་བདག་ལས་ཀྱི་གཤིན་རྗེ་དམ་ཙན་ཆོས་ཀྱི་རྒྱལ་པོ་ལྷ་བཅུ་གསུམ་པ། ལས་ཀྱི་གཤིན་རྗེ་དཔའ་བོ་གཅིག་པ་ཡབ་ཡུམ། དམར་པོ་ཁྲག་གི་མདོག་ཅན་ཡབ་ཡུམ། མ་རུ་ཙེ་བཞིས་བསྐོར་བ་རྣམས་ཀྱི་རྗེས་སུ་གནང་བ་རྣམས་
གསན་ནོ། །གཞན་ཡང་མགོན་པོ་གསང་བ་མངོན་པར་འབྱུང་བའི་རྒྱུད་ལ་སོགས་པ་ནས་བསྟན་པ་རྒྱ་བོད་ཀྱི་མཁས་གྲུབ་ཆེན་པོ་རྣམས་ཀྱིས་ལེགས་པར་བཀྲལ་བའི་མྱུར་མཛད་ཡེ་ཤེས་ཀྱི་མགོན་པོ་ཕྱག་དྲུག་པའི་སྐོར་ལ། མཁས་གྲུབ་ཁྱུང་པོ་རྣལ་འབྱོར་གྱིས་བླ་མ་མེེ་ཏྲི་པ་དང་གྲུབ་
ཆེན་རཱ་ཧུ་ལ་གཉིས་ལས་ཞུས་པའི་སྐོར་གྱི་རྗེས་སུ་གནང་བ་རྣམས་བསྡོམས་པ་བཅུ་གསུམ་སྟེ། དེའང་མྱུར་མཛད་ཡེ་ཤེས་ཀྱི་མགོན་པོ་ཕྱག་དྲུག་པའི་གཏོར་དབང་བར་ཆད་ཀུན་སེལ། རྗེས་གནང་བར་ཆད་ཀུན་སེལ། དབང་བཞི་བྱིན་གྱིས་བརླབས་པའི་ཚུལ་དུ་བསྐུར་བ། བླ་མ་མགོན་པོ་དབྱེར་

213-1-219a

མེད་ཀྱི་སྐོར་ལ། ཞི་བ་གྲིབ་སེལ་བ། རྒྱས་པ་བླ་མ་མགོན་པོ་དབྱེར་མེད། མཁའ་འགྲོ་དབང་སྡུད་དང་གནད་དབབ་གཅིག་ཏུ་བྱས་པ། གསང་སྒྲུབ་ཀྱི་མགོན་པོ་མཆིན་ཁ། ནང་སྒྲུབ་ཀྱི་མགོན་པོ་རྒྱན་ཅན། མགོན་པོ་དབང་གི་རྒྱལ་པོ། །མགོན་པོ་ཚེ་བདག །ས་ར་ཧའི་
མགོན་པོ་ཁྲག་འཐུང་། མགོན་པོ་ལྷ་བཞི་དྲིལ་ཏེ་སྒྲུབ་པ། མགོན་པོ་དཀར་པོ་ཡིད་བཞིན་གྱི་ནོར་བུ་སྟེ་བཀའ་བཅུ་གསུམ་མོ། །ཀླུ་སྒྲུབ་ལུགས་ཀྱི་མགོན་པོ་ཕྱག་བཞི་པ་ལྷ་མང་། དཔལ་ལྡན་ལྷ་མོ་རེ་ཝ་ཏཱི་དམ་ཟོར་རྒྱལ་མོ། དཔལ་ལྡན་ལྷ་མོ་དུད་པའི་སོལ་བ་ཅན། མགོན་པོ་སྟག་
ཞོན་ལྕམ་དྲལ་འཁོར་དང་བཅས་པ། གདོང་བཞི་པའི་བཀའ་འཁོར་བསམ་གྱིས་མི་ཁྱབ་པའི་ནང་ནས་གནོད་སྦྱིན་ཆེན་པོ་ཟངས་ཀྱི་བེག་རྩེ་ཅན་ལྕམ་དྲལ་དང་ལྷ་མང་གཉིས། པཎྜི་ཏ་དོན་ཡོད་རྡོ་རྗེ་ནས་བརྒྱུད་པའི་རྨུགས་འཛིན་སེར་ནག་གཉིས་རྣམས་སོ། །རྒྱལ་པོ་ཆེན་པོ་རྣམ་ཐོས་ཀྱི་བུའི་ཆོས་སྐོར་ལ་རྗེས་
སུ་གནང་བ་ལྔ་ཕྲག་ལྔ་ཙམ་བཞུགས་པའི་ཐོག་མར་གོང་གནོན་དུ་འགྲོ་བ་ཕྱག་ན་རྡོ་རྗེ་འགྲོ་བཟང་སྙིང་པོའི་ལུགས་ཀྱི་རྗེས་སུ་གནང་བ། རྒྱལ་པོ་ཆེན་པོ་རྣམ་ཐོས་སྲས་དཀར་པོ་ཚེ་འཕེལ་བ། རྣམ་ཐོས་སྲས་སེར་ཆེན་ལྷ་དགུ་པ། དེ་དང་འབྲེལ་པའི་རྣམ་སྲས་དྲག་པོ། སློབ་དཔོན་ཤུ་རངྒ་ཝརྨའི་
ལུགས་ཀྱི་རྣམ་ཐོས་སྲས་སྐུ་མདོག་མཐིང་གཞལ་གསུམ་ཕྱག་དྲུག་པ། གར་མཁན་མཆོག་སྐུ་མདོག་ལྗང་གུ་ཞལ་གསུམ་ཕྱག་བཅོ་བརྒྱད་པ་ལྷ་བརྒྱད་དང་ལྡན་པ། གར་མཁན་མཆོག་སྐུ་མདོག་དམར་སྨུག་ཞལ་གསུམ་ཕྱག་བཅོ་བརྒྱད་པ། དྲེགས་བྱེད་སེང་གེའི་བཞོན་པ་ཅན་ཀླུ་བརྒྱད་
ཀྱིས་བསྐོར་བ། སེང་གེའི་བཞོན་པ་མེད་པའི་དྲེགས་བྱེད་ཀླུ་བརྒྱད་ཀྱིས་བསྐོར་བ། དྲག་པོ་ཡང་གསང་སྲིན་པོ་བཞིས་བསྐོར་བ། སློབ་དཔོན་ཀླུ་སྒྲུབ་ཀྱིས་སྤྲང་པོ་ཉི་མའི་དངོས་གྲུབ་བསྒྲལ་པའི་ལོ་རྒྱུས་ཅན་གྱི་རྒྱལ་པོ་ཆེན་པོ་རྟ་སྔོན་ཅན་སྐུ་མདོག་མཐིང་ནག་བདུད་མོ་བཞིས་བསྐོར་
བ། རྣམ་ཐོས་སྲས་ནང་མ་མོ་ལྟར་སྒྲུབ་པ་ལྷ་དགུ་པ། ཡང་གསང་མདུང་དམར་ཅན་ཕྱག་བཞི་པ། རྣམ་ཐོས་སྲས་དམར་པོ་ལས་མཁན་མདུང་དམར་ཅན། གསང་བ་གཤིན་རྗེ་ལྟར་སྒྲུབ་པ་ལྷ་བཅུ་གསུམ། རྣམ་ཐོས་སྲས་ལྗང་ཡུལ་མའམ་སྤྲིན་གསེབ་མར་གྲགས་པའི་སེར་

213-1-219b

ཆེན་ལྷ་དགུ། རྣམ་ཐོས་སྲས་ལྗང་སེར་བེ་ཅོན་ཅན་དང་བཅས་པ་སྟེ་བཀའ་བཅོ་ལྔ་རྣམས་ཀྱི་རྗེས་སུ་གནང་བ་རྣམས་གསན་ནོ། །གཞན་ཡང་རྒྱལ་བ་གཉིས་པའི་ཆོས་ཀྱི་རྒྱལ་སྲིད་ཆེན་པོ་ལ་འཆད་རྩོད་རྩོམ་པའི་ཕྲིན་ལས་ཀྱི་འཁོར་ལོས་{བསྒྱུར་}བ། ཁམས་གསུམ་གྱི་སྐྱེ་འགྲོ་མ་ལུས་པ་བདག་
གིར་མཛད་པའི་མཁན་ཆེན་འཇམ་པའི་དབྱངས་བསོད་ནམས་བཟང་པོ་བཀྲ་ཤིས་གྲགས་པའི་རྒྱལ་མཚན་དཔལ་བཟང་པོ་པ་དང་། མཁན་ཆེན་ཐམས་ཅད་གཟིགས་པ་ནམ་མཁའ་བསམ་གྲུབ་བཀྲ་ཤིས་གྲགས་པའི་རྒྱལ་མཚན་དཔལ་བཟང་པོ་སྟེ། ཡོངས་རྫོགས་ཆོས་ཀྱི་རྒྱལ་པོ་ཆེན་
པོ་རྣམ་པ་གཉིས་ལས་བདག་མེད་མ་ལྷ་མོ་བཅོ་ལྔའི་དཀྱིལ་འཁོར་དང་། ཀུ་རུ་ཀུལླེ་ལྷའི་དཀྱིལ་འཁོར་དུ་དབང་བསྐུར་བ་དང་། བཀའི་གནང་བ་ཤིན་དུ་ཟབ་པ་འགའ་ཞིག་མནོས་སོ། །དེ་ལྟར་ལེགས་པར་ཐོས་པའི་ཆོས་དོན་མངོན་དུ་བྱ་བའི་ཕྱིར། ཉིན་ཞག་ཕྲུགས་རེར་ངོར་པའི་ལུགས་
ཀྱི་དལ་འབྱོར་རྣམ་པ་བཞི་གཏོར་མ་དང་བཅས་པས་མཚོན་ཏེ། དངོས་གྲུབ་ཟུང་གི་འབྱུང་གནས་ལྷག་པའི་ལྷའི་བསྒོམ་བཟླས་མ་ཆག་པར་ཉམས་སུ་བསྟར་བར་མཛད་དོ། །དེ་ལྟར་ན་སྡོམ་བརྩོན་བླ་མ་ཆེན་པོ་འདིའི་དགོངས་བཞེད་ཀྱི་གཙོ་བོར་གྱུར་པའི་དཔལ་ལྡན་བླ་མ་དམ་པ་ཡང་དག་པའི་དགེ་བའི་བཤེས་
གཉེན་བདག་ཉིད་ཆེ་བ། མཐུ་ཆེ་བ། རྫུ་འཕྲུལ་ཆེ་བ། བརྟུལ་ཞུགས་གྲུབ་པ། མངོན་པར་ཤེས་པ་དང་ལྡན་པ། རིང་ནས་བསྒྲུབས་པའི་ཡོན་ཏན་གྱི་ཚོགས་མང་པོ་ལ་དཔལ་འབྱོར་བ་དམ་པའི་ཕ་རོལ་དུ་སོན་པ་རྣམས་ནི་ལེགས་པར་མཇལ་ལོ། །བསྟན་པ་དམ་པའི་སྙིང་པོ་སྡོམ་པ་གསུམ་གྱི་
འབྱོར་བ་ནི་རྒྱས་པར་ཐོབ་པོ། །མུ་ཞིག་གིས་ཐོས་ན་ཕན་ཡོན་ཆེ་བའི་ཆོས་ཀྱི་བག་ཆགས་བཟང་པོ་ཅི་རིགས་པ་ནི་རྒྱུད་ལ་བཞག་གོ། །བླ་ན་མེད་པའི་བྱང་ཆུབ་ཀྱི་ས་བོན་རྨ་མེད་པ་ནི་ཅི་ཡང་བཟུང་ངོ་། །ཟང་ཟིང་གི་དངོས་པོ་རྣམས་ནི་བར་མདོར་མ་ཡིན་པར་དཀོན་མཆོག་མཆོད་པ་དང་དགེ་འདུན་བསྙེན་བཀུར་
བགྱིས་པའི་ཆེད་དུ་ནི་ལེགས་པར་ཐོང་ངོ་། །དྲིན་ལན་བླན་པར་དཀའ་བའི་ཕ་མེས་སུ་གཏོགས་པ་འདི་ནས་མི་སྣང་བར་གྱུར་པ་རྣམས་ཀྱི་ཐུགས་དགོངས་རྒྱ་ཆེན་པོ་ནི་ཡོངས་སུ་རྫོགས་པར་བགྱིས་སོ། །ད་ལྟར་ཞལ་བཞུགས་པ་རང་ཉིད་གཉེན་འདུན་དུ་འབྲེལ་པ་ལྟོས་དང་བཅས་པའི་རྒྱུད་ལའང་

213-1-220a

དགེ་བའི་སྡོང་པོ་ན་རབ་ཏུ་བརྟན་པར་བཙུགས་སོ། །འཁོར་དུ་འདུས་ཤིང་རྗེས་སུ་ལྷགས་པའི་སྐྱེ་བོའི་ཚོགས་ཆེན་པོ་རྣམས་ཀྱང་ལ་ལ་ནི་སྐྱབས་སུ་འགྲོ་བར་བསྐུལ། ལ་ལ་ནི་ཤཱཀྱ་སེང་གེའི་བསྟན་པ་ལ་རབ་ཏུ་འབྱུང་བར་བསྐུལ། ཕལ་ཆེར་ནི་བླ་ན་མེད་པ་ཡང་དག་པར་རྫོགས་
པའི་བྱང་ཆུབ་ཏུ་སེམས་བསྐྱེད་པར་བསྐུལ། ལ་ལ་ནི་གསང་སྔགས་དང་རིག་སྔགས་འཆང་བའི་སྐལ་ལྡན་དུ་བསྐུལ་ཏེ་བཞག་གོ། །ཐུགས་རྗེར་ལྡན་པ་གང་གི་མངའ་འོག་ཏུ་འཁོད་ཅིག་བདེ་བའི་གྲིབ་མར་སྤྱོད་པ་རྣམས་ཀྱིས་མཚོན་ཏེ། ཡངས་པའི་རྒྱལ་ཁམས་ཀྱི་འགྲོ་བ་དཔྱ་དང་ཟང་ཟིང་གི་
འབུལ་བའི་འབྲེལ་པ་ཡོད་དགུ་ཐམས་ཅད་ཀྱང་། ནམ་ཞིག་དགེ་བའི་རྒྱ་མཚོ་ཆེན་པོ་འདི་ཡོངས་སུ་གཏུགས་པར་མ་གྱུར་པ་དེ་སྲིད་དུ་དེ་དག་ཀྱང་གཞར་ཡང་འཛད་དུ་མེད་པའི་རང་བཞིན་དུ་བྱས་སོ། །ཆོས་དང་མཐུན་པར་སྤྱོད་པའི་དམ་པ་རྣམས་ཀྱི་དགེ་བའི་གྲགས་པ་དཀར་པོ་དག་
ཀྱང་མི་ནུབ་པར་རྟག་ཏུ་བརྟན་པ། སྐྱེ་དགུ་རྣམས་ཀྱི་ཐོས་པ་འཛིན་པའི་རྒྱན་དུ་བཀོད་དེ། མདོར་ན་ཇི་ལྟར་བཞེད་པའི་སྙིང་པོ་མ་ལུས་པ་ལེགས་པར་གྲུབ་ནས། སླར་ཡང་ཁམས་ཕྱོགས་སུ་འབྱོན་པའི་དགོངས་པ་གཏད་དེ། དེ་དག་གི་ཉེར་བསྡོགས་ཇི་ལྟར་འོས་པ་རྣམས་བརྩམས་སོ། །
དེ་ནས་སྣྲོན་གྱི་ཟླ་བའི་གཟའ་ཚེས་དགེ་བར་སྡོམ་བརྩོན་སྐྱེ་དགུའི་བདག་པོ་སྐུ་འཁོར་གྱི་ཚོགས་ཆེན་པོ་རྣམས་དང་བཅས་པའི་ཆིབས་ཀྱི་གདོང་བསྒྱུར་ཏེ། དཔེར་མ་ཉིན་མོར་བྱེད་པའི་དཀྱིལ་འཁོར་དྲི་མ་མེད་པ་དམར་སེར་མཚམས་ཀྱི་སྤྲིན་ཕུང་གཞོན་ནུ་རབ་ཏུ་འཁྲིགས་པ་དང་ལྷན་ཅིག་ཏུ་
འགྲོགས་པའམ། ཛམྦུ་གསེར་གྱི་རི་བོ་སིནྡྷུ་ཝཱ་རའི་ཆུ་གཏེར་ཆེན་པོ་དང་མཉམ་དུ་འགྲོགས་ནས་འགྲོ་ཤེས་པ་བཞིན་དུ་རིམ་གྱིས་བྱོན་ནས་ལྷ་སར་ཕེབས་སོ། །དེ་ན་གཞུང་ས་ཆེན་པོ་མཆོད་ཡོན་ཉི་ཟླ་ཟུང་འབྲེལ་ལྟ་བུར་བཞུགས་པ་ལ་ཞལ་གྱི་དཀྱིལ་འཁོར་མཇལ་བ་དང་སྟབས་སུ་ཇི་
ལྟར་ཡིད་ལ་བྱས་པའི་ཆོས་ཀྱི་ཚུལ་རྣམས་ལེགས་པར་ཐོས་པའི་ཚུལ་དང་། བདོག་པའི་རྫས་ཀྱི་དངོས་པོ་རྣམས་ཀྱང་གེགས་མེད་པ་ཉིད་དུ་དགེ་བའི་རྩ་བར་ཡོངས་སུ་གཏོང་གྲུབ་པའི་ཚུལ་རྣམས་རྒྱས་པ་སྙན་དཔང་དུ་གསོལ་ལོ། །དེ་དག་ནས་ཀྱང་ལེགས་བྱས་ཀྱིས་རྗེས་སུ་ཡི་རང་བའི་ཚུལ་ལས་

213-1-220b

བརྩམས་པའི་ལེགས་སོའི་མཆིད་ཀྱི་མེ་ཏོག་ཨུ་དུམྺཱ་རའི་ཕྲེང་བ་ལྟ་བུ་དག་སྤྱི་བོའི་རྒྱན་དུ་སྩལ་བ་དང་། བསྔགས་བཀུར་མངོན་པར་མཐོ་བའི་ཁྲི་ལ་བཞག་སྟེ་དགའ་སྟོན་དང་གཏང་རག་གི་སྐྱེས་གནང་རྒྱ་ཆེ་ཞིང་དཔངས་མི་དམན་པ། སུམ་ཅུ་རྩ་གསུམ་པའི་དཔལ་དང་ལོངས་སྤྱོད་ཀྱི་
ངོ་མཚར་ལ་ཡང་ཅོ་འདྲིར་བྱེད་སྙམ་པ་བདག་བརྩེགས་ཏེ། སྐྱེ་བོ་ཀུན་གྱི་མིག་དང་རྣ་བའི་དགའ་སྟོན་བླ་ན་མེད་པ་ཉིད་དུ་ལེགས་པར་སྩལ་ཏོ། །འདི་དག་གི་སྐབས་ཤིག་ཏུ་ཁམས་ནས་མཁན་ཆེན་རྡོ་རྗེ་འཆང་བཀྲ་ཤིས་ལྷུན་གྲུབ་གྲགས་པའི་རྒྱལ་མཚན་དཔལ་བཟང་པོ་བ་དེ་ཉིད་ཞིང་ཁམས་
གཞན་གྱི་འགྲོ་དོན་ལ་གཤེགས་པའི་གཏམ་གྱི་ཚེར་མ་རྣོན་པོ་ཐོགས་པའི་ཕོ་ཉ་ཞིག་གིས་སླེབས་སོ། །དེ་སྐད་སྙན་དུ་གསོལ་བའི་མོད་ལ། སྡོམ་བརྩོན་ས་གཞི་སྐྱོང་བ་ཆེན་པོ་ཉིད་ནི་ཡོངས་འཛིན་ཆེན་པོ་དེ་དང་བྲལ་བའི་མྱ་ངན་གྱི་མེ་ཞགས་རེག་བྱ་ཤིན་ཏུ་ཚ་བའི་རང་བཞིན་ཅན་གྱིས། བློ་གྲོས་
ཀྱི་ཆུ་གཏེར་ནི་ཀུན་ནས་ཡོངས་སུ་བསྐོལ། འདྲེན་པ་མཆོག་གི་ཞལ་བཟང་དངོས་སུ་མཇལ་བའི་སྐལ་བ་ནི་ཉམས་སོ་ཞེས་གསུང་མཆིད་སྙན་པ་མ་ཡིན་པའི་ཆུ་རླབས་ཀྱི་ཕྲེང་བ་རྣམས་ནི་རང་འབྱུང་བར་གྱུར། མུ་ཏིག་གི་འོད་ཟེར་རིང་དུ་འཕྲོ་བའི་ཚེམས་ཀྱི་གེ་སར་རྣམས་ཀྱང་མཆུའི་སྒྲིན་བྱེད་ཟུང་
གིས་འགེབས་པར་བྱེད། རྣམ་པར་དཔྱོད་པའི་སྐྱེས་བུ་གཞོན་ནུ་དེ་ཡང་ཅི་བྱ་གཏོལ་མེད་ཀྱི་ཐང་ལ་རིང་ཞིག་འཕྱན་པའི་ངལ་བ་ཅི་ཡང་སྟོན་པར་གྱུར་ཏོ། །དེར་ཅུང་ཟད་ཅིག་ནས་འདི་ལྟར་སེམས་པར་བྱེད་དེ། ཀྱེ་མ་འཇིག་རྟེན་གྱིས་བྱ་བ་གཞན་གྱིས་ངལ་བ་ལ་སོགས་པའི་གདུང་བ་དག་ནི་ཡོངས་སུ་
བསལ་བར་བླའི། ཡོངས་འཛིན་དམ་པ་དང་བྲལ་བའི་གདུང་བ་ཤིན་ཏུ་ཚ་བའི་རང་བཞིན་ཅན་འདི་ནི། སྟོན་མཚན་ཟླ་བ་རྒྱས་པ་སྟོང་གི་འོད་ཀྱི་ཐིགས་པ་དག་གིས་ཡོངས་སུ་བྲན་ཀྱང་འགོག་ཏུ་མེད་ཅིང་། མ་ལ་ཡའི་ནགས་ཚལ་སྟུག་པོ་བསྐྱོད་པ་ལས་ཉེ་བར་འཕོས་པའི་དྲི་ཁྱེར་དལ་བུ་དག་གིས་
ཀྱང་བཟློག་པར་བཟོད་པའི་གོ་སྐབས་དེ་ནི་ཅི་ཞིག །འོན་ཀྱང་བཅོམ་ལྡན་འདས་ཤཱཀྱའི་རྒྱལ་པོའི་རྒྱལ་ཚབས་ཀྱི་སྐྱེས་བུ་ཆེན་པོ་རྡོ་རྗེ་འཆང་ཀུན་དགའ་བཟང་པོ་པའི་ལུང་དང་མངོན་པར་རྟོགས་པའི་རྒྱལ་སྲིད་ཀྱི་འབྱོར་བ་བླ་ན་མེད་པ་ལ་མངའ་བསྒྱུར་བའི་བསྟན་འཛིན་གྱི་སྐྱེས་བུ་ཆེན་པོ་ཞིག་བླའི་

213-1-221a

མཆོད་གནས་སུ་ཐོབ་པར་གྱུར་ན་ཡོངས་སུ་བསལ་བར་ནུས་སོ། །དེའི་ནང་ནས་ཀྱང་ཁོ་བོ་ཅག་སྡོམ་པ་གསུམ་གྱི་བཀའ་དྲིན་གཞལ་དུ་མེད་པས་ལེགས་པར་བསྐྱངས་པའི་འདྲེན་མཆོག་མཚུངས་པའི་ཟླ་ཐམས་ཅད་དང་བྲལ་བ། ཆོས་ཀྱི་རྒྱལ་པོ་ཆེན་པོ། ཆོས་
ཀྱི་གྲུ་ཆེན་པོ། སྨྲ་བའི་དེད་དཔོན་ཆེན་པོ། སྦྱིན་པའི་གནས་ཆེན་པོ། སྲིད་པའི་ཆུ་གཏེར་སྐེམ་པར་མཛད་པ། རྨོངས་པའི་གཟེབས་དྲལ་བར་མཛད་པ། ཁྲོ་བའི་མེ་ལྕེ་འཇིལ་བར་མཛད་པ། ངན་འགྲོ་ལས་འཕོ་བར་མཛད་པ། ལམ་བཟང་པོ་སྟོན་པར་མཛད་པ། སེམས་ཅན་
ཐམས་ཅད་ཀྱི་སྙིང་པོ་དམ་པ། ཆོས་ཐམས་ཅད་མཁྱེན་པའི་དབང་ཕྱུག་དཔལ་ལྡན་ཆོས་སྐྱོང་བཀྲ་ཤིས་གྲགས་པའི་རྒྱལ་མཚན་དཔལ་བཟང་པོའི་ཞབས་ཀྱི་ཆུ་སྐྱེས་གང་ཡིན་པ་དེ། རྟག་པར་གཙུག་གི་རྒྱན་དུ་བཀོད་པའི་སྐལ་བ་བཟང་པོ་དེ་ཐོབ་པར་གྱུར་ན། བཟོད་པར་དཀའ་བའི་
གདུང་བ་འདི་ནི་ཡོངས་སུ་དབྲོག་པར་ནུས་སོ། །དེར་མ་ཟད་བོད་ཆེན་པོའི་ཕྱོགས་ཀྱི་ཡུལ་དང་ཡུལ་གྲུ་ཆེན་པོ་དང་། གྲོང་དང་། གྲོང་ཁྱེར་དང་། གྲོང་རྡལ་ལ་སོགས་པར་འཁོད་པའི་སྐྱེ་འགྲོ་ཐམས་ཅད་ལ་ཕན་བདེ་རྒྱ་ཆེན་པོ་འབྱུང་བ་དང་། སྤྱི་དང་བྱེ་བྲག་གི་རྒྱལ་བའི་བསྟན་པ་རིན་པོ་
ཆེའི་བཤད་སྒྲུབ་ཀྱི་ཕྲིན་ལས་ཡུན་རིང་དུ་གནས་པར་འགྱུར་བ་དང་། ཞར་ལས་རང་གི་ཚེ་འདི་དང་ཚེ་རབས་གཏན་གྱི་འདུན་མ་བླ་ན་མེད་པ་དག་ཀྱང་འབད་མེད་ལྷུན་གྲུབ་ཏུ་འབྱུང་བ་ནི་གདོན་མི་ཟའོ། །དེ་བས་ན་དོན་དེ་ཉིད་རིང་པོར་མ་ཡིན་པར་འགྲུབ་པར་བྱེད་པའི་ཐབས་ཤིག་བརྩམ་
པར་བྱའོ་སྙམ་དུ་ཡང་ནས་ཡང་དུ་ཡིད་ལ་བྱེད་པར་གྱུར་ཏེ། ཇི་ཙམ་ཞིག་ན། ལུགས་ཀྱི་བསྟན་བཅོས་ཤེས་རབ་ལྡོང་བུར། དམ་པ་མང་པོ་ཁས་འཆེ་མི་བྱེད་ལ། །གལ་ཏེ་དཀའ་བས་ཁས་ནི་བླངས་གྱུར་ན། །རྡོ་ལ་རི་མོ་བྲིས་པ་ལྟ་བུར་ནི། །ཤི་ཡང་གཞན་དུ་བྱེད་པར་མི་
འགྱུར་རོ། །ཞེས་གསུངས་པ་དང་། སློབ་དཔོན་ཀླུ་སྒྲུབ་ཀྱིས། དམན་པས་གང་ཚེ་ནོར་ནི་ཅུང་ཟད་རྙེད། །འགྲོ་བ་ཐམས་ཅད་བརྙས་པའི་ང་རྒྱལ་ལྡན། །དམ་པ་ནོར་གྱི་འབྱོར་པ་ཐོབ་གྱུར་ཀྱང་། །སཱ་ལུ་སྨིན་པ་ལྟ་བུར་ཤིན་ཏུ་འདུ། །རིགས་དམའ་བ་ཡི་སེམས་ཅན་དག །

213-1-221b

ནོར་རམ་རིག་པ་རྙེད་གྱུར་ན། །འགྲོ་བ་ཀུན་ལ་རྩྭ་སྙམ་སེམས། །པགས་པ་སྔོན་པོའི་ཝ་བཞིན་ནོ། །ནོར་རམ་རིག་པར་ལྡན་གྱུར་ན། །དམན་པ་རྣམས་ནི་དྲེགས་པར་འགྱུར། །གོ་འཕང་གཉིས་པོ་དེ་དག་གིས། །མཁས་པ་ཤིན་ཏུ་དུལ་བར་འགྱུར། །ཞེས་གསུངས་པ་ལྟར་
རང་ཉིད་སྟོབས་དང་རིག་པ་དང་ནོར་གྱི་འབྱོར་པ་ཕུན་སུམ་ཚོགས་པ་དག་གིས་ཀྱང་དྲེགས་པ་མི་མངལ་ཞིང་། ཤིན་ཏུ་ཐུགས་སྒམ་པ། སྒྲིན་པོར་རློམ་པ་མང་པོ་དག་གིས་ཀྱང་ཐུགས་དགོངས་ཀྱི་བཞེད་པའི་གཏིང་ཕྱིན་པར་དཀའ་བ་བྱ་བ་ཅི་དང་ཅི་བྱེད་པ་ཐམས་ཅད་ཀྱང་དངོས་དང་བརྒྱུད་པའི་
སྒོ་ནས་སངས་རྒྱས་ཀྱི་བསྟན་པ་དང་སེམས་ཅན་ལ་ཕན་པའི་རྒྱུ་རུ་འགྱུར་བ། བླ་མ་དང་དཀོན་མཆོག་ལ་མཆོག་ཏུ་གུས་ཤིང་འདུད་པའི་བདག་ཉིད་ཅན་གྱི་ལས་ཁོ་ནས། ཇི་ལྟར་དམ་བཅས་པ་ཉིད་ནམ་ཡང་མི་འགྱུར་བར་བྱེད་དོ། །དེའང་ཐུགས་ལ་ཇི་ལྟར་བཞེད་པའི་དོན་དེ་འགྲུབ་པར་
བྱེད་པའི་ཐབས་ཀྱི་ཐོག་མར། གཞུང་ས་ཆེན་པོ་མཆོད་ཡོན་ཟུང་དང་། དཔལ་ས་སྐྱ་གོང་རྣམས་ནས་དགོངས་ཁྲོལ་འོང་དགོས་པ་ལས། དེ་དག་ཏུ་ཇི་ལྟར་བརྣག་པའི་དོན་རྒྱས་པར་གསོལ་བའི་སྒོ་ནས་དགོངས་པ་ཞུས་པས། བསྟན་དོན་ལ་དམིགས་པའི་ཐུགས་རྒྱས་མཁན་ཆེན་
ཁྲི་ཐོག་པ་ཉིད་ཁམས་ཕྱོགས་སུ་སྤྱན་འདྲེན་ཞུ་ཆོག་པའི་བཀའ་ལུང་གི་གནང་བཀོད་ཡང་དག་པར་སྩལ་ཏོ། །དེ་ནས་རིམ་གྱིས་ངོར་དུ་མཁན་ཆེན་ཐམས་ཅད་མཁྱེན་པ་ཉིད་ཀྱི་སྐུ་ཞབས་སུ། མཁན་ཆེན་རྡོ་རྗེ་འཆང་བཀྲ་ཤིས་ལྷུན་གྲུབ་པ་ཞིང་ཁམས་གཞན་དུ་གཤེགས་པའི་སྙན་གསན་
འབུལ་བ་དང་། དེའི་དགོངས་རྫོགས་སྔོན་མ་ཅུང་ཟད་དང་བཅས་ཏེ། ཁམས་ཕྱོགས་སུ་བསྟན་པ་དང་འགྲོ་བའི་དོན་ལ་དགོངས་པས་ཅིས་ཀྱང་འབྱོན་དགོས་པའི་གསོལ་བ་འདེབས་པའི་ནན་ཏན་གྱི་སྙིང་པོ་རྣམས་སྙན་དངགས་དམ་པའི་ལམ་ནས་དྲངས་པའི་གླིང་བུ་དང་བཅས་ཏེ་མི་སྣ་བརྫངས་
སོ། །དེར་རྗེ་བཙུན་ཐུགས་རྗེའི་བདག་ཉིད་ཅན་དེ་ཉིད། ཡོངས་རྫོགས་ཆོས་ཀྱི་རྒྱལ་སྲིད་ཆེན་པོ་ལ་རྣམ་པར་དཀར་བའི་ཕྲིན་ལས་རྣམ་པ་གསུམ་གྱི་སྒོ་ནས་མངའ་སྒྱུར་བའི་སྐབས་ཡིན་ནའང་། དཔེར་ན་སྔོན་དུས་བཅོམ་ལྡན་འདས་ཤཱཀྱའི་རྒྱལ་པོ་དེ་ཉིད་འཁོར་དགེ་སློང་གི་དགེ་འདུན་དང་

213-1-222a

བཅས་ཏེ་རྒྱལ་བྱེད་ཀྱི་ཚལ་ན་འཁོར་རྣམ་བཞི་ལ་ཆོས་སྟོན་ཅིང་བཞུགས་པ་ན། དེ་ནས་དཔག་ཚད་བརྒྱ་དྲུག་ཅུ་རྩ་གསུམ་བརྒལ་བ་ན་བུ་རམ་ཤིང་འཕེལ་ཞེས་བྱ་བ་ནས་མ་ག་དྷཱ་བཟང་མོས་མུ་སྟེགས་པ་རྣམས་དད་པར་བྱ་བའི་ཆེད་དུ་བུ་རམ་ཤིང་འཕེལ་གྱི་གྲོང་
ཁྱེར་ཆེན་པོའི་ཚོང་དཔོན་གྱི་བུ་ཁྱུ་མཆོག་བྱིན་གྱི་ཁང་པའི་ཡང་ཏོག་གི་སྟེང་དུ་མངོན་པར་འཛེགས་ནས། བཅོམ་ལྡན་འདས་བཞུགས་པའི་ཕྱོགས་ག་ལ་བ་དེར་ཐལ་མོ་སྦྱར་ནས་བཅོམ་ལྡན་འདས་ཀྱི་ཡོན་ཏན་རྗེས་སུ་དྲན་པས་མེ་ཏོག་རྣམས་གཏོར་ཞིག་སྤོས་གཏུལ་ནས། བཅོམ་ལྡན་
འདས་སྤྱན་དྲང་བའི་ཕྱིར་གསེར་གྱི་བུམ་པ་ལས་ཆུ་སྦྲེང་བ་དང་བཅས་ཏེ་འདི་སྐད་ཅེས་སྨྲས་སོ། །བཅོམ་ལྡན་འདས་ཐུགས་རྗེ་ཆེན་པོ་དང་ལྡན་པ། བདག་ནི་རི་དྭགས་དང་འདྲ་བར་གྱུར་ཅིང་མཐའ་འཁོབ་ན་མཆིས་ཏེ། དཀོན་མཆོག་གསུམ་དང་བྲལ་བར་གྱུར་པ་ལ་རྗེས་སུ་བཟུང་
བར་མཛད་ཅིང་། དགེ་སློང་གི་དགེ་འདུན་དང་བཅས་པ་འདིར་གཤེགས་པར་མཛད་དུ་གསོལ་ཞེས་དང་། ཡང་འདི་སྐད་སྨྲས་ཏེ། ཚུལ་ཁྲིམས་རྣམས་དག་ཤེས་རབ་ཤིན་ཏུ་དག །དད་ལྡར་སྙིང་པོ་ཉན་ཐོས་ཆེ་རྣམས་ཀྱིས། །མགོན་མེད་གྱུར་བ་བདག་ལ་རྗེས་བཟུང་བའི། །དོན་
མཛད་ཐུགས་རྗེས་གཤེགས་པར་མཛད་དུ་གསོལ། །ཞེས་གསོལ་བ་དང་། མེ་ཏོག་དང་། སྤོས་དང་། བུམ་པའི་ཆུ་ཡང་ནམ་མཁའ་ལ་འཕགས་སོ། །ཇི་ཙམ་ན། མེ་ཏོག་དེ་བཅོམ་ལྡན་འདས་ཀྱི་སྟེང་གི་ནམ་མཁའ་ལ་ཁང་པ་བརྩེགས་པ་བཞིན་དུ་གནས་སོ། །
སྤོས་ཀྱི་དུད་པ་ལང་སྤྲིན་བརྩེགས་པ་བཞིན་དུ་གནས་པར་གྱུར་ཏོ། །དེ་མཐོང་བ་དང་། ཀུན་དགའ་བོས་བཅོམ་ལྡན་འདས་ལ་འདི་ལྟར་སྤྱན་འདྲེན་པ་འདི་ག་ལས་མཆིས། བཅོམ་ལྡན་འདས་ཀྱིས་བཀའ་སྩལ་པ། ཀུན་དགའ་བོ་འདི་ནས་དཔག་ཚད་བརྒྱ་དྲུག་ཅུ་རྩ་གསུམ་ན་
བུ་རམ་ཤིང་འཕེལ་གྱི་གྲོང་ཁྱེར་ཡོད་པ་ནས་འོངས་སོ། །ཀུན་དགའ་བོ་གྲོང་ཁྱེར་དེ་ནི་མུ་སྟེགས་པ་རྣམས་ཀྱིས་བཟུང་བ་ཡིན་པས་རྫུ་འཕྲུལ་གྱི་རྣམ་པར་འཕྲུལ་པས་འགྲོ་བར་བྱའོ། །དགེ་སློང་རྣམས་ལ་ཚུལ་ཤིང་བྲིམས་ཤིང་ཅེས་གསུངས་ནས་སང་གི་གདུགས་ཚོད་ལ

213-1-222b

གཤེགས་པར་གནང་བ་དེ་བཞིན་དུ། བསྐལ་པ་དཔག་ཏུ་མེད་པ་ནས་བྱམས་པ་ཆེན་པོ་དང་། སྙིང་རྗེ་ཆེན་པོ་དང་། བྱང་ཆུབ་ཀྱི་སེམས་ཀྱི་མཐུས་ཤིན་ཏུ་མཉེན་པར་བྱས་པའི་རྒྱལ་བའི་གདུང་འཚོབ་བླ་ན་མེད་པ་འདི་ནི། སེམས་ཅན་ཕྲ་མོ་ཞིག་གི་དོན་དུ་འགྱུར་ནའང་དཔག་
ཚད་བྱེ་བ་བརྒྱ་ཕྲག་མང་པོའི་ཕ་རོལ་ཏུ་ཡང་གཤེགས་པ་ལ་དཀའ་བའི་འདུ་ཤེས་སམ་མི་སྤྲོ་བ་མི་མངའ་ན། འདིར་སྐྱེ་བའི་ཕྲེང་བ་མང་པོའི་དུས་ནས་བཅོམ་ལྡན་འདས་ཀྱི་བསྟན་པ་ལ་ཕན་པའི་སྨོན་ལམ་གྱི་མཐུ་ཆེན་པོ་དང་ལྡན་པའི་སྡོམ་བརྩོན་མིའི་དབང་ཕྱུག་ཆེན་པོ་འདིས་
མཚོན་ཏེ་འགྲོ་བ་ཚད་མེད་ཅིང་གྲངས་མེད་པའི་དོན་དུ་འགྱུར་བ་ན་ལྟ་སྨོས་ཀྱང་ཅི་དགོས། དེ་ལྟ་བས་ན་དད་པའི་རྩ་བ་རབ་ཏུ་བརྟན་པའི་སྡོམ་བརྩོན་ས་བདག་ཆེན་པོའི་བརྟུལ་ཞུགས་བཟུང་བ་ཉིད་ནས་ཇི་ལྟར་གསོལ་བ་བཏབ་པའི་དོན་བཞིན། ཇི་སྐད་དུ། སངས་རྒྱས་ཉི་
མ་གདུལ་བྱ་ཡི། །རི་ལ་ཇི་ལྟར་འོས་པར་འབབ། །ཅེས་བྱ་བ་དང་། རྒྱ་མཚོ་ཆུ་སྲིན་རྣམས་ཀྱི་གནས། །དུས་རླབས་ཡོལ་བར་འགྱུར་ཡང་སྲིད། །གདུལ་བར་བྱ་བའི་སྲས་རྣམས་ལ། །སངས་རྒྱས་དུས་ལས་ཡོལ་བ་མེད། །ཅེས་པ་ལྟར་རྒྱལ་བ་གཉིས་པ་རྡོ་རྗེ་
འཆང་གིས་བསྐལ་པ་མང་པོའི་གོང་ནས་སྨོན་ལམ་གྱི་ས་བོན་བཟང་པོ་ལེགས་པར་བཏབ་པའི་གདུལ་བྱའི་ཞིང་ས་ཐུན་མོང་མ་ཡིན་པ་ཡོད་པའི་གནས་ནི་ཁམས་ཕྱོགས་དང་། དེའི་ནང་ནས་ཀྱང་ས་ཕྱོགས་ཆོས་ལྡན་གྱི་རྒྱལ་པོས་བསྐྱངས་ཤིང་། ཕྱི་ནང་གི་ཉེར་འཚེ་མེད་པ་ཞེས་འབྱུང་
བ་བཞིན་དུ་རང་གི་གདུལ་ཞིང་གང་དུ་ཡོད་པ་དེ་དུས་གསུམ་གཟིགས་པ་རྣམས་ནི་མི་མཁྱེན་པའམ། མི་གཟིགས་པའམ། ཐུགས་སུ་མི་ཆུད་པའམ། རྣམ་པར་མི་རིག་པ་ཅི་ཡང་མི་མངའ་བས་རྗེ་བཙུན་དམ་པ་དེ་ཉིད་ཀྱིས་སྡེ་དགེའི་ས་ཕྱོགས་འདི་ཉིད་དུ་བསྟན་པ་དར་
རྒྱས་ཆེ་བའི་གནས་སུ་གཟིགས་སོ། །གཟིགས་ནས་ཀྱང་རིང་ཞིག་ནས་དེར་འབྱོན་པར་ཞལ་གྱིས་བཞེས་པའི་བཀའ་འཕྲིན་གྱི་གླིང་བུ་སྙན་འགྱུར་འབུམ་གྱི་རོ་དང་ལྡན་པ་སྩལ་ཏོ། །ཇི་ཙམ་ན་མིའི་བདག་པོའི་མངགས་གཞུགས་པ་དེས་ཀྱང་བཀའ་མཆིད་ཇི་ལྟར་ནོད་

213-1-223a

པ་ཁྱེར་ཏེ་འོངས་ནས་སྡེ་དགེ་བླ་མ་ཞེས་པ་བསམ་པ་དགེ་བ། དད་པ་བརྟན་པ། སེམས་ཅན་ལ་ཕན་པའི་ཕྱིར་ཞུགས་པ་དེ་ཉིད་ཀྱི་མདུན་དུ་ཇི་ལྟར་ནོད་པ་དེ་ལྟར་ཕུལ་ལོ། །དེའི་མོད་ལ་དེས་དགོངས་པ། ད་ནི་ཡོངས་འཛིན་དམ་པ་
དེ་ཉིད་མི་རིག་པར་རང་གི་སྐལ་བས་ཐོབ་པར་འགྱུར་པར་གདོན་མི་ཟའོ་སྙམ་པའི་ཐུགས་དགེས་པ་ལས་བྱུང་བའི་ངོ་མཚར་ནི། དཔེར་ན་ཡིད་འཕྲོག་པདྨའི་རྫིང་པུ་དག་ན་འཁྲུངས་པའི་འདབ་མ་བརྒྱ་པ་ཁ་ཟུམ་པ་ཞིག །ཉི་མ་འཆར་ཀའི་འོད་ཟེར་ཡོངས་སུ་ཕོག་
པས་ཁ་བྱེ་བར་གྱུར་པ་ལ། སླར་ཡང་སྦྲང་རྩི་འཐུང་བའི་བུང་བ་གཞོན་ནུ་དག་གིས་སྙན་པའི་གླུ་དབྱངས་ལེན་པ་ལ་མི་སྤྲོ་བ་མེད་པ་དེ་བཞིན་དུ། ཡོངས་འཛིན་ཆོས་ཀྱི་རྒྱལ་པོའི་གསུང་གི་ཟེགས་མས་སྙིང་ལ་བྲན་པའི་མོད་ལ། མི་རྗེ་དམ་པའི་བཞིན་གྱི་དཀྱིལ་
འཁོར་དགའ་བ་བརྒྱ་ཕྲག་བརྩེགས་པའི་འཛུམ་གྱི་ཕྲེང་བ་གསར་པས་ཉེ་བར་ཕྱེ་བའི་ཞལ་སྒོ་ནས། སྙན་པའི་གདངས་སུ་དྲངས་པའི་ལེགས་སོའི་དགའ་སྟོན་གསར་པ་ཅི་ཡང་བྱུང་བར་གྱུར་ཏོ། །དེ་ནས་སླར་ཡང་ཁམས་ཀྱི་ཕྱོགས་སུ་བཏེག་པའི་དགོངས་པ་ཉེ་བར་བཞག་
སྟེ་འཁོར་གྱི་ཚོགས་ཆེན་པོ་དག་དང་ལྷན་ཅིག་ཏུ། མེ་ལྷའི་ཕྱོགས་སུ་ཆིབས་ཀྱི་གདོང་བསྒྱུར་ཏེ་རིམ་གྱིས་གྲོང་དང་། གྲོང་ཁྱེར་དང་། ཁང་ཁྱིམ་རྣམས་ཀྱིས་ཡོངས་སུ་དབེན་པའི་རི་ཀླུང་དང་། གནམ་གྱི་དུམ་བུ་ས་ལ་ལྷུང་བ་ལྟ་བུའི་ཐང་ཆེན་པོ་མང་པོ་བདེ་བར་བརྒལ་
ཏེ་བྱོན་པས། ཇི་ཙམ་ན་བོད་ཆེན་པོར་གྲགས་པའི་ནོར་འཛིན་མའི་དཀྱིལ་འཁོར་ཆེན་པོ་མདོ་སྟོད་འོ་མའི་ཐང་ཞེས་བྱ་བ། སྡོམ་བརྩོན་བླ་མ་ཆེན་པོ་རང་གི་ཡབ་མེས་སུ་གྱུར་པ། དམན་པ་མིན་པའི་སྟོབས་ཀྱི་འཁོར་ལོས་སྒྱུར་བ། སྡེ་དགེ་ས་སྤྱོད་ཆེན་པོ་པ།
བསོད་ནམས་ཀྱི་མཐུ་ཆེ་བ། དབང་ཆེ་བ། གཟི་བརྗིད་ཆེ་བ། སྡེ་དང་དཔུང་ཆེ་བ། དཔའ་ཞིང་རྟུལ་ཕོད་པ། མཐོན་པོར་འཕགས་ནས་དམན་པའི་མཐའ་རུ་ནམ་ཡང་མ་ལྷུང་བའི་གོང་མ་རིམ་པར་བྱོན་པ་རྣམས་ཀྱིས་དགེ་བ་བཅུ་དང་རྗེས་སུ་མཐུན་པའི་བཀའ་ཁྲིམས་

213-1-223b

ཀྱི་འཁོར་ལོ་ནམ་མཁའི་ལམ་ན་མངོན་པར་རྒྱུ་བའི་གྲིབ་མ་སྣུམ་པོ་དང་ལྡན་པས་འབབ་སྟེགས་སུ་བྱས་ཤིང་། ལེགས་པར་བསྲུངས་པའི་ས་གཞི་ག་ལ་བ་དེར་བདེ་བར་བྱོན་ནོ། །དེར་བྱོན་པ་དང་གང་གི་མཆེད་ཟླར་གྱུར་པའི་མིའི་བདག་པོ་བརྩེ་བའི་བདག་ཉིད་ཅན་རྣམ་པ་
གཉིས་དང་། བཀའི་འཁོར་ལོས་སྒྱུར་པའི་འཕྲུལ་བློན་ཆེན་པོ་རྣམས་གཙོ་བོར་གྱུར་པའི་སྐྱེ་བོའི་ཚོགས་མང་པོ་དག་ཀྱང་བསུ་བ་ཉིད་དུ་མངོན་པར་ལྷགས་པར་གྱུར་ཏོ། །ཇི་ལྟར་ལྷགས་པ་དེ་རྣམས་ལ་ཡང་གཏམ་སྙན་གསར་པ་མེ་ཏོག་གི་ཕྲེང་བ་ལྟ་བུ་ཐོས་པ་འཛིན་པའི་རྒྱན་དུ་
རུང་བ་ཅི་ཡང་སྕལ་ཏོ། །སླར་ཡང་རིམ་གྱིས་བྱོན་པས་སྡེ་བཞིའི་དཔལ་འབྱོར་ཕུན་སུམ་ཚོགས་པས་ཡོངས་སུ་གཏམས་ཤིང་དགེ་ལེགས་ཀྱི་མཚན་མ་མང་པོ་ཆེད་དུ་བཀྲམ་པ་ལྟར། ལྷུན་གྱིས་གྲུབ་པས་ཀུན་ནས་ཡོངས་སུ་བསྐོར་བའི་སའི་ཐིག་ལེ་གང་ཡིན་པ་སྟེ། དེ་
ཉིད་མཛེས་པར་བྱེད་པའི་རྒྱན་དམ་པར་གྱུར་པའི་རྒྱལ་ཁབ་ཆེན་པོ་མི་མཐུན་པའི་ཕྱོགས་ཐམས་ཅད་ལས་རྣམ་པར་རྒྱལ་བ་ཞེས་བྱ་བ་དེའི་ཉེ་འདབས་སུ་ཟླ་ཚེས་དགེ་བའི་ཉིན་མོར་བྱོན་པར་གྱུར་ཏོ། །དེ་ཙམ་ན་རྒྱལ་པོའི་ཁབ་ཀྱི་ཕོ་བྲང་དམ་པ་དེའི་ཕྱི་རོལ་དང་། སྟོང་གི་ཕྱོགས་
མཚམས་ཀྱི་ཁོ་ར་ཁོར་ཡུག་རྣམས་སུ་རྒྱལ་པོ་ཆེན་པོ་མིག་སྐྱའི་གན་མཛོད་ལས་བླངས་མ་ཐག་པ་ལྟ་བུའི་གོས་བཟང་དང་། རིན་པོ་ཆེའི་རིགས་ལས་ལེགས་པར་གྲུབ་པའི་རྒྱན་གྱི་རྣམ་པ་མང་པོ་རྣམས་ནི་འདི་ལྟ་སྟེ། ཁ་དོག་སྣ་ཚོགས་པའི་རྒྱལ་མཚན་དང་། མཛེས་
པའི་གདུགས་དང་། བ་དན་དཀར་པོ་དང་། སྔོན་པོ་དང་། དམར་པོ་དང་། སེར་པོ་དང་། ལྗང་གུ་དང་། ལེ་བརྒན་དང་ལྡན་པའི་ཕྲེང་བ་དག་བསྒྲེང་བ་དང་། འཕན་དང་། གོས་ཀྱི་ཆུན་འཕང་དང་། མེ་ཏོག་གི་ཕྲེང་བ་དང་། རིན་པོ་ཆེའི་དོ་ཤལ་དང་། དྲིལ་ཆུང་
དང་། གཡེར་ཁའི་ཕྲེང་བ་དུ་མ་དཔྱངས་པས་ཀུན་ནས་མཛེས་པར་བརྒྱན་ཏེ་བཞག་གོ། །གཞན་ཡང་དགེ་འདུན་གྱི་ཀུན་དགའ་ར་བ་དང་། ཁང་བཟང་དང་། ཁང་ཕྲེང་དང་། སྐྱེད་མོས་ཚལ་རྣམས་ཀྱང་ལེགས་པར་བརྒྱན་ཏེ། དེ་དག་གི་སྟོང་ནས་དྲི་ཞིམ་པོའི་སྤོས་དང་།

213-1-224a

ལྷ་ཤིང་སྣ་ཚོགས་པ་དག་བསྲེགས་པའི་དུད་སྤྲིན་གྱི་ཕུང་པོ་བསྐལ་པ་ཆགས་པའི་དུས་ཀྱི་སྤྲིན་ལྟ་བུ་ཡང་གཏུལ་ལོ། །དེ་ན་གདན་ས་ཆེན་པོ་ལྷུན་གྲུབ་སྟེང་གི་ཆོས་གྲྭ་ཆེན་པོ་ཞེས། གང་གི་གྲགས་སྙན་ཀཱ་ཤི་ཀའི་གོས་བཟང་དྲི་མ་མེད་པ་དེ་
ནི་ཕྱོགས་དང་ཕྱོགས་བྲལ་གྱི་བུ་མོས་རང་ལུས་མཛེས་པར་བཀླུབས་པའི་རྒྱན་གྱི་གཙོ་བོ་ཉིད་དུ་ལེན་པ་ལ་ནམ་ཡང་མི་སྤྲོ་བ་མེད་ཅིང་གུས་པས་བཏུང་པ་སྙམ་བྱེད་པ། རིག་པའི་གཞུང་ལུགས་རྣམ་པ་ལྔ་ལ་མཁས་ཤིང་གྲུབ་པའི་ཡོན་ཏན་མང་པོ་ཡང་འཛིན་པའི་སྐྱེས་བུ་ཆེན་པོ། སའི་
སྟེང་ན་ཡོངས་སུ་གྲགས་པ་མང་པོའི་འཁོར་ལོས་མཚན་པའི་ཞབས་ཀྱིས་དངོས་སུ་བཅགས་ཤིང་ལེགས་པར་བཤད་པའི་བདུད་རྩིའི་རྒྱུན་གྱི་དགའ་སྟོན་ནམ་ཡང་འཛད་པ་མེད་པའི་རང་བཞིན་དུ་བཀྱེ་བའི་གདན་ས་སྟེ། དེ་ན་གཉུག་མར་གནས་པའི་སུམ་ལྡན་རྡོ་རྗེ་འཛིན་པའི་བླ་མ་དང་
སློབ་དཔོན་ཆེན་པོ་ལུང་དང་མངོན་པར་རྟོགས་པའི་ཡོན་ཏན་རྒྱ་མཚོ་ལྟ་བུའི་ཕ་རོལ་དུ་སོན་ཅིང་། འཆད་རྩོད་རྩོམ་པའི་ཕྲིན་ལས་ཀྱི་སྣང་བ་དཀར་པོ་རིག་པོའི་ལམ་དུ་སྤྲོ་བ་རྣམས་དང་། ངུར་སྨྲིག་འཆང་བའི་དགེ་སློང་གི་དགེ་འདུན་བརྒྱ་ཕྲག་མང་པོ་སྟེ། ཐམས་ཅད་ཀྱང་ཕྱི་ཚུལ་ཞི་
ཞིང་དུལ་བའི་སྤྱོད་ལམ་མཛེས་པ་ནི། སྔོན་དུས་སྟོན་པའི་འཁོར་གྱི་གནས་བརྟན་དགྲ་བཅོམ་པ་རྣམས་ཀྱི་རྣམ་པར་ཐར་པའི་རྗེས་སུ་བྱེད་ཅིང་རྗེས་སུ་སློབ་པ། སྐྱེ་བོ་མི་སྲུན་པ་རྣམས་ཀྱི་ཡིད་ཀྱི་དབང་པོ་ཡང་དགེ་བའི་ལམ་དུ་བསྒྱུར་བ་ལ་ཤ་ཐང་བ་མེད་པ། ནང་དུ་བསྒྲུབ་པར་
བྱ་བའི་སྙིང་པོ་ནི་གཞན་དོན་དཔག་ཏུ་མེད་པའི་འབྱུང་གནས་སུ་གྱུར་པ། མི་གནས་པའི་མྱ་ངན་ལས་འདས་པའི་གོ་འཕང་སྟེ། དེ་ཉིད་ཐོབ་པ་ལ་རྩེ་གཅིག་ཏུ་སྨོན་པ་དང་། དེ་ལ་འཇུག་པའི་སེམས་རིན་པོ་ཆེ་དང་གཞར་ཡང་མི་འབྲལ་བ་དང་། དེའི་སྤྱོད་པ་རྒྱ་ཆེན་པོ་རྣམས་ལ་ཡང་
ཤིང་ཏུ་གུས་པ་ལྷུར་བྱེད་པ། ཁྱད་པར་དེ་བཞིན་གཤེགས་པ་ཐམས་ཅད་ཀྱི་བགྲོད་པ་གཅིག་པའི་ཉེ་ལམ་གསང་ཆེན་རྡོ་རྗེ་ཐེག་པའི་སྔགས་ཀྱི་རྒྱས་སྒོ་གསུམ་ལེགས་པར་བཏབ་ནས། ས་ལམ་གྱི་ཡོན་ཏན་གྱ་ནོམ་པ་སྒྲུབ་པའི་ཐབས་ལ་མ་རྨོངས་པའི་ཚོགས་རྣམས་ནི་མེ་ཏོག་

213-1-224b

ཨུཏྤ་ལ་དམར་པོ་དང་། བནྡུ་ཛཱི་བ་ཀ་དང་། ཀིཾ་ཤུ་དང་། ཀརྞི་ཀཱ་ར་དང་། ཀུངྐུ་མའི་མེ་ཏོག་རྣམ་པར་བཞད་པའི་ནགས་ཀླུང་སྟུགས་པོ་གང་ལ་ལ་ཞིག །སེར་བུ་ཡིད་དུ་འོང་བ་དག་བྱུང་སྟེ་དལ་གྱིས་བསྐྱོད་པ་ན་མཚར་སྡུག་གི་ལྟད་མོ་ཅི་ཡང་འབྱུང་བ་དེ་བཞིན་དུ་ཐུབ་པའི་གོས་མཆོག་རྣམ་པ་
གསུམ་གྱིས་ཀུན་ནས་མཛེས་པར་བཀླུབས་པའི་ངུར་སྨྲིག་གི་ཚོན་མདངས་གསར་པས་ས་གཞིའི་ཁྱོན་ཆེན་པོ་ཡོངས་སུ་བཀབ་པའི་དགེ་སློང་གི་དགེ་འདུན་ཆེན་པོས་སེར་སྦྲེང་གི་བཀོད་པ་ཚར་དུ་དངར་བ་དག་རིམ་གྱིས་བྱོན་ཏེ་བསུ་བར་བྱེད་དོ། །དེ་དག་ཀྱང་ལ་ལ་ནི་སྤང་བྱ་མི་མཐུན་པའི་
ཕྱོགས་ཐམས་ཅད་ལས་རྣམ་པར་རྒྱལ་བ་ཉིད་དུ། བཀྲ་ཤིས་པར་བྱེད་པའི་མེ་ཏོག་གི་སིལ་མ་མང་པོ་འཐོར་བར་བྱེད་དོ། །འགའ་ཞིག་ནི་དྲི་འཛིན་གྱི་དབང་པོ་ཡོངས་སུ་ཚིམ་པར་བཟོད་པའི་དྲི་ངད་རབ་ཏུ་ལྡང་བའི་སྤོས་ཀྱི་མཆོག་མང་པོ་དག་གཏུལ་བར་བྱེད་དོ། །ཁ་ཅིག་ནི་བསྟན་པ་
དང་འགྲོ་བ་རྒྱ་མཚོའི་དགེ་ལེགས་དང་དཔལ་འབྱོར་ཕུན་སུམ་ཚོགས་པ་ཐམས་ཅད་གསར་དུ་འགུགས་པའི་བཀྲ་ཤིས་ཀྱི་ཚོགས་སུ་བཅད་པའི་ཆོ་ག་རྣམས་ནི་སྐྱེ་བ་ལྔ་པའི་དུང་དཀར་གྱི་སྒྲ་དང་། ལོ་པཎ་སྤྱན་འདྲེན་གྱི་དུས་སུ་དར་བའི་
དུང་གི་སྒྲ་དང་། སྨྲ་ངན་ཐམས་ཅད་ཟིལ་གྱིས་གནོན་པར་བྱེད་པའི་ཆོས་ཀྱི་རྔ་སྒྲ་དང་། རྔ་ཟླུམ་གྱི་སྒྲ་དང་། འཁར་རྔའི་སྒྲ་དང་། ཏིང་ཏིང་ཤག་གི་སྒྲ་དང་། སིལ་སྙན་གྱི་སྒྲ་དང་། ཕེག་རྡོབ་ཀྱི་སྒྲ་རྣམས་སུ་བསྒྱུར་ཏེ། བསྟན་ལ་དགའ་བའི་ལྷ་དང་མིའི་འགྲོ་བ་རྣམས་ཀྱི་རྣ་བར་
འཇེབས་པར་བྱེད། སྙིང་ལ་འབབས་པར་བྱེད། ཀུན་ནས་རངས་པར་བྱེད། ཡོངས་སུ་ཚིམ་པར་བྱེད་དོ། །ལ་ལ་ནི་རིན་པོ་ཆེའི་གདུགས་དང་། ཕྱོགས་ལས་རྣམ་པར་རྒྱལ་བའི་རྒྱལ་མཚན་དང་། དགའ་བའི་རུ་མཚོན་དང་། བ་དན་དང་། ཕྱེ་མ་ཕུར་མ་དང་། མེ་ཏོག་གི་ཕྲེང་བ་དང་།
རིན་པོ་ཆེའི་རྔ་ཡབ་དང་། བསིལ་ཡབ་རྣམས་ཏེ་དེ་དག་རེ་རེ་ཡང་བརྒྱ་སྟོང་མང་པོ་ཐོགས་ཏེ་འགྲོ་བ་ན། ནམ་མཁར་ལྷགས་པའི་ལྷ་རྣམས་ཀྱི་ལག་པས་འཁྱུད་པ་བཞིན་དུ་བྲེ་བར་བྱེད། དཔྱངས་པར་བྱེད། གདེངས་པར་བྱེད། བསྐྱོད་ཅིང་གཡོབ་པར་བྱེད་པའི་མདུན་བསུའི་བཀོད་པ་དཔག་ཏུ་མེད་

213-1-225a

པ་དག་གིས་བསུ་ཞིང་དལ་གྱིས་འོངས་པ་དང་། དེའི་རྗེས་ཐོགས་ཉིད་ནས་དཔལ་སྡོམ་བརྩོན་མིའི་ནོར་བུ་རིན་པོ་ཆེ་སྡེ་དགེ་བླ་མ་ཆེན་པོ་སྟེ། ཆོས་ལས་བྱུང་བའི་མཚན་གྱི་རོལ་མོ་ནི་ཀུན་དགའ་ཕྲིན་ལས་རྒྱ་མཚོའི་སྡེ་ཞེས་བྱ་བ། བསོད་ནམས་ཀྱི་མཐུས་མངོན་པར་
བཏེག་པས་ཇེ་མཐོར་གྱུར་པ་མིའི་རྒྱལ་པོ། འཇིག་རྟེན་དུ་སྔ་ན་མེད་པའི་བདེ་སྐྱིད་ཀྱི་དཔལ་འགུགས་པར་བྱེད་པའི་དབང་གི་ལྕགས་ཀྱུ། ཕྱོགས་ཀྱི་རྒྱལ་ཕྲན་མང་པོ་གཙུག་ན་ངལ་བསོར་སྤྱོད་པ་ལ་མི་གུས་པ་མེད་པ་གཙུག་གི་ནོར་བུ། ཀུན་མཁྱེན་ཉི་མའི་གཉེན་གྱི་བསྟན་པ་རིང་དུ་གནས་
པར་བྱེད་པའི་སྨན་པ་ཆེན་པོ། བྱམས་པ་དང་བརྩེ་བས་རྒྱུས་བརླན་པར་བྱས་པ་རྒྱལ་བའི་མྱུ་གུ་དམ་པ། བགྱི་བ་ཐམས་ཅད་ཀྱི་བློ་སྣ་དཀོན་མཆོག་ལ་གཏོད་པས་གཞན་གྱིས་ཐུབ་པ་མེད་པའི་དཔའ་པོ་ཆེན་པོ་དེ་ཉིད་ལྗོངས་འདིའི་འགྲོ་བ་སྤྱིའི་བསོད་ནམས་ཀྱི་བཞོན་པ་ལ་ལེགས་པར་བཅིབས་ཏེ།
རང་གི་རྒྱལ་ཁབ་དམ་པའི་མཐུན་པའི་ཕྱོགས་ཐམས་ཅད་ལས་རྣམ་པར་རྒྱལ་བ་དེ་ཉིད་རྣམ་པ་ཐམས་ཅད་དུ་མཛེས་པར་བྱེད་པའི་བཅུད་ཀྱི་སྙིང་པོ་ཉིད་དུ་ལེགས་པར་བྱོན་ཏེ། གཟི་བརྗིད་ཀྱི་ཕུང་པོ་མངོན་པར་བརྟས་པའི་རང་བཞིན་དུ་བརྟན་པར་བཞུགས་སོ། །བཞི་པ་བསྟན་སྲིད་ཀྱི་ཁྲི་ལ་བཞུགས་
ནས་ཕྲིན་ལས་ཀྱི་རྒྱུན་སྐྱོང་པའི་ཁྱད་པར་ལ་གཉིས་ཏེ། ཁྲི་ལ་བཞུགས་པའི་དུས་སུ་བསོད་ནམས་ཀྱི་སྐལ་པར་ལྡན་པའི་ཁྱད་པར། སྐལ་པར་ལྡན་པས་བསྟན་པ་དང་འགྲོ་ལ་ཕན་པ་སྒྲུབ་པའི་ཁྱད་པར་རོ། །དང་པོ་བསོད་ནམས་ཀྱི་བསྐལ་པར་ལྡན་པའི་ཁྱད་པར་ནི། དེ་ལྟར་ཁམས་གསུམ
ཆོས་གྱི་རྒྱལ་པོ་ཆེན་པོར་གྱུར་པའི་སྐྱེས་བུ་དམ་པ་ཇི་སྐད་སྨོས་པ་དེ་དག་གི་དྲིན་གྱིས་ལྷ་དང་བཅས་པའི་སྐྱེ་དགུ་མ་ལུས་པའི་ཕྱག་བགྱིར་འོས་པའི་བླ་མ། སྡོམ་པ་གསུམ་གྱི་འབྱོར་བ་བླ་ན་མེད་པ་དང་ལྡན་པ། ཆོས་ཀྱི་རྒྱལ་པོའི་རྒྱལ་ཚབ་དམ་ཉིད་དུ་ཆོ་ག་ཡང་དག་པའི་སྒོ་ནས་མངའ་གསོལ་
དུ་ཟིན་ཡང་སླར་ཡང་སྙིགས་མའི་དུས་ཀྱི་སྐྱེ་བོ་མི་སྲུན་པ་ཤིན་ཏུ་གདུལ་དཀའ་བ་དག །དངོས་སུ་ཆོས་དང་མཐུན་པའི་བཀའ་ཁྲིམས་རྡོ་རྗེ་བརྩེགས་པའི་ར་བ་ན་ལེགས་པར་བཅུག་སྟེ། བརྒྱུད་ནས་ཚུལ་བཞིན་མ་ཡིན་པའི་སྤྱོད་པ་ལས་བཟློག་པར་བྱ་བའི་ཕྱིར་དང་། སངས་རྒྱས་བཅོམ་

213-1-225b

ལྡན་འདས་ཀྱི་བསྟན་པ་རིན་པོ་ཆེའི་དབུ་འཕང་མངོན་པར་འདེགས་པའི་ཕྱིར། བསྐལ་པ་དཔག་ཏུ་མེད་པའི་བསོད་ནམས་ཀྱི་འབྲས་བུ་སྨིན་པ་སྙམ་བྱེད་པའི་ཛམྦུ་གསེར་གྱི་ཕུང་པོ་མཐའ་དག་གཅིག་ཏུ་བརྩེགས་པ་དཔལ་སྡེ་དགེ་རྒྱལ་པོ་ཞེས་བྱ་བའི་བསྟན་སྲིད་ཉི་ཟླ་ཟུང་དུ་འབྲེལ་བ་ལྟ་བུའི་གདན་སའི་
ཁྲི་འཕང་མཐོན་པོ། །ཕྱོགས་ཀྱི་དཀྱིལ་འཁོར་ཀུན་དུ་འཁོད་པའི་རྒྱལ་རིགས་དང་། བློན་པོ་དང་། མི་དཔོན་དང་། ཆེ་བཙན་གྱི་སྐྱེ་འགྲོ་ཕལ་ཆེ་བ་དག་གི་རལ་པའི་དོ་ཀེར་སྣུམ་པོ་མཛེས་པར་བྱེད་པ་ནོར་བུའི་རྒྱན་དང་བཅས་པས་ལན་གཅིག་མིན་པར་བཏུད་པར་བྱས་པའི་གནས་ག་ལ་བ་དེར། སྡོམ་བརྩོན་བླ་མ་
ཆེན་པོ་གང་གི་ཞབས་ཀྱི་ཆུ་སྐྱེས་དམར་པོ། སེན་མོ་མུ་ཏིག་གི་དོག་པ་འཛིན་པ་དག་ཉེ་བར་བཀོད་དེ་སྐྱེ་དགུའི་བདག་པོ་དམ་པ་ཉིད་དུ་དབང་བསྐུར་རོ། །དེའང་ཇི་ལྟར་ཁྲི་ལ་མངའ་གསོལ་བའི་ཚུལ་ནི། སྡོམ་བརྩོན་བླ་མ་སྐྱེ་དགུའི་བདག་པོ་གྱུར་པ་རང་གི་སྐུའི་མཆེད་ཟླར་གྱུར་བ་ཆེ་ཞིང་མཐོ་བའི་
རིགས་ཤིང་སཱ་ལ་ཆེན་པོ་ལྟ་བུ་སྡེ་དགེ་བླ་མ་བློ་གྲོས་རྒྱ་མཚོ་དང་། དཔོན་ཆེན་བསོད་ནམས་མགོན་པོ་ཞེས་པ་གོང་དུ་སྨོན་པའི་ཡ་རབས་དམ་པའི་སྤྱོད་ཚུལ་དང་། ཕྱི་དང་ནང་གི་རིག་པའི་གཙུག་ལག་རྒྱ་མཚོའི་མངའ་བདག་ཅན་ཏེ་རྣམ་པ་གཉིས་དང་། མཁྱེན་དཔྱོད་ཀྱི་དཀྱིལ་འཁོར་རྣམ་པར་
ཡངས་པའི་དགེ་ཚུལ་མཚེ་དབང་ལྷ་མོ་ཞེས་པ་སྲིད་ཞའི་ཡོན་ཏན་མང་པོ་དང་ལྡན་པར་གྱུར་ཀྱང་རྒྱགས་པ་དང་གཡེང་བ་མ་མཆིས་པར་སྒོ་གསུམ་ཚུལ་དམ་པ་ལ་རྟག་ཏུ་གནས་པ། བདོག་པའི་རྫས་ཕལ་ཆེ་བ་དག་ཀྱང་དཀོན་མཆོག་ལ་མཆོད་པ་འབུལ་བ་དང་། སེམས་ཅན་ལ་སྦྱིན་པར་གཏོང་
པའི་ཕྱག་ཐུང་ངུར་མ་གྱུར་པ་དེ་ཉིད་དང་། སྡོམ་བརྩོན་བླ་མ་སྐྱེ་དགུའི་བདག་པའི་བཀའ་ལུང་གི་ནོར་བུས། འགྲོ་བའི་སེམས་ཀྱི་རྙོག་པ་མ་ལུས་པ་བགྲུང་བར་བྱེད་ཅིང་། གཅིག་ཏུ་ཕྲིན་ལས་ཀྱི་འཁོར་ལོ་རིན་པོ་ཆེ་ལག་ཏུ་ཐོགས་ནས་འཛིན་མའི་ཁྱོན་གྱི་དཀྱིལ་འཁོར་ཡངས་པ་མཐའ་དག་རང་
དབང་དུ་བགྱིད་པ་ལ་བསྙེངས་པ་མི་མངའ་བའི་བློ་གྲོས་ཀྱི་རྩལ་རབ་ཏུ་རྫོགས་པའི་འཕྲུལ་གྱི་མདུན་ན་འདོན་དང་། ནང་བློན་དང་། སྐུ་སྲུང་བ་དང་། ཡི་གེ་པ་དང་། ཚོང་དཔོན་དང་། དམག་དཔོན་དང་། སྡེ་དཔོན་ལ་སོགས་པ་རྒྱལ་པོའི་འཁོར་གྱི་སྐྱེ་བོའི་ཚོགས་དབང་ཆེ་ཞིང་མཐོ་བར་གྱུར་

213-1-226a

པ་རྣམས་ཀྱང་གུས་པའི་ཞེ་ས་དང་བཅས་ཏེ། རྐང་རྟེན་དང་ལྡན་པའི་ཁྲི་མཐོན་པོ་གང་ཡིན་པ་དེ་ལ་གཙུག་གིས་ཉེ་བར་བཏུད་ནས་མདུན་དུ་འཁོད་པ་དག་ནི་འདི་ལྟ་སྟེ། མདུན་ན་འདོན་ཐམས་ཅད་ཀྱི་མེས་པོར་གྱུར་པའི་བློན་ཆེན་ཆོས་སྐྱོང་བློ་གྲོས་དང་། རྒྱལ་བའི་མྱུ་གུའི་
སྤྱོད་ཚུལ་ལ་གོམས་པ་སྡོམ་བརྩོན་བསོད་ནམས་བཀྲ་ཤིས་དང་། ངོ་མཚར་ཚིག་གི་བང་མཛོད་འཛིན་པ་དགེ་སློང་བསྟན་པ་བཟང་པོ་དང་། རིག་པའི་གནས་ཀྱི་བང་མཛོད་འཛིན་པ་དྲུང་ཡིག་རྣམ་པ་གཉིས་དང་། མང་དུ་ཐོས་པའི་དབང་ཕྱུག་དགེ་སློང་བཟང་པོ་དང་། ངང་ཚུལ་ཆོས་དང་
མཐུན་པ་དགེ་སློང་མགོན་སྲུང་དང་། དྲན་འཛིན་གྱི་མེ་ལོང་རབ་ཏུ་གསལ་པ་དཔོན་པོ་ལྷ་དགྱེས་དང་། བསྟན་སྲིད་ཟུང་གི་ཕྲིན་ལས་ཀྱི་འཁོར་ལོས་སྒྱུར་བ་ལྷ་བུ་ཚེ་རིང་དང་། བགྱི་བ་ཀུན་ལ་རྨོངས་པ་མེད་པའི་བློ་ལྡན་དར་རྒྱས་དང་། བློ་དང་ཐབས་ཀྱི་རྩལ་རབ་ཏུ་རྫོགས་པ་ཕྱག་མཛོད་གུ་རུ་
བཀྲ་ཤིས་དང་། གཙུག་ལག་ཟུང་གི་མཁྱེན་པ་རབ་ཏུ་རྒྱས་པ་བོད་གྱེས་དང་། སྡེབ་ལེགས་གཏམ་གྱི་འབྱུང་གནས་ཚོང་དཔོན་འབུམ་སྐྱབས་དང་། ཤེས་རབ་དང་གཟུངས་ཀྱི་མེ་ལྕེ་རབ་ཏུ་འབར་བ་བཀྲ་ཤིས་རྒྱ་མཚོ་དང་། བརྟན་ཅིང་ཟབ་མོའི་བློ་དང་ལྡན་པ་གྲོག་མ་དང་། རྣམ་པར་
དཔྱོད་པའི་མིག་ན་ཀྱུས་རིང་པོར་གྱུར་པ་ཨ་ཟློས་ལ་སོགས་པ་སྟེ། ཐམས་ཅད་ཀྱང་ཇི་སྐད་དུ། མ་སུ་རཀྵའི་ལུགས་ཀྱི་བསྟན་བཅོས་ལས། ཚིག་གསལ་བློ་ནི་ཕུན་སུམ་ཚོགས། །ལུགས་ཀྱི་བསྟན་བཅོས་དག་ལ་མཁས། །ངང་འཇམ་དཔྱོད་པར་བྱེད་པ་སྟེ། །རྒྱལ་པོའི་བློན་པོ་དེ་
འདྲས་བྱ། །ཞེས་དང་། རིགས་དང་ངང་ཚུལ་ཡོན་ཏན་ལྡན། །བདེན་དང་ཆོས་ལ་མཆོག་ཏུ་གཞོལ། །གཟུགས་བྱད་ཤིན་ཏུ་བཟང་བ་ནི། །རྒྱལ་པོའི་སྤྱན་མི་ཡིན་པར་བཤད། །ཅེས་གསུངས་པ་ལྟར་ཕྱི་དང་ནང་གི་རིག་པའི་གཙུག་ལག་མང་པོའི་བརྗོད་པར་བྱ་བ་ཐམས་ཅད་འདྲེན་པ་ལ་ཐོགས་
པ་མེད་པའི་བརྗོད་བྱེད་ཀྱི་ཚིག་གསལ་བ། བརྗོད་ཚུལ་གྱི་སྡེབ་ལེགས་པ། དགོས་པའི་གཙོ་བོ་གང་དང་གང་ཡིན་པ་དེ་དཔེ་དང་གཏན་ཚིགས་ཀྱི་སྒོ་ནས་བདེ་བླག་ཏུ་སྟོན་ནུས་པ། འཇིག་རྟེན་ལུགས་ཀྱི་བསྟན་བཅོས་ཤེས་རབ་སྡོང་བུ་དང་། སྐྱེ་བོ་གསོ་བའི་ཐིགས་པ་དང་། ཙ་ན་ཀའི་རྒྱལ་པོའི་

213-1-226b

ལུགས་ཀྱི་བསྟན་བཅོས་དང་། ཚིགས་སུ་བཅད་པ་བརྒྱ་པ་དང་། ལེགས་པར་བཤད་པ་རིན་པོ་ཆེའི་གཏེར་ལ་སོགས་པ་ལུགས་ཀྱི་བསྟན་བཅོས་ཐམས་ཅད་རིག་ཅིང་དེ་དག་གི་རྗེས་སུ་བྱེད་པ། གཏུམ་པ་དང་རྩུབ་པའི་ཚེར་མའི་མེ་དཔལ་བཏུལ་ནས། སྙིང་རྗེ་ཆེན་པོའི་སེམས་བཞིན་དུ་
འཇམ་ཞིང་མཉེན་པའི་ངང་ཚུལ་དང་ལྡན་པ། བརྩམ་པར་བྱ་བ་དང་བརྩམ་པར་བྱ་བ་མ་ཡིན་པ་དང་། བསྐྱབ་པར་བྱ་བ་དང་བསྐྱབ་པར་བྱ་བ་མ་ཡིན་པ་དང་། བསྐྱུང་བར་བྱ་བ་དང་བྱ་བ་མ་ཡིན་པ་དང་། གཞོན་པར་བྱ་བ་དང་གཞོན་པར་བྱ་བ་མ་ཡིན་པ་དང་། བཀུར་བར་བྱ་བ་དང་བཀུར་
བར་བྱ་བ་མ་ཡིན་པ་ལེགས་པར་དཔྱོད་ཅིག་བླང་དོར་ཚུལ་བཞིན་དུ་བྱེད་པ། བདེན་པའི་ལམ་དུ་རྒྱུ་ཞིང་བདེན་པའི་ཚིག་གསོང་པོར་སྨྲ་བ། བགྱི་བ་ཐམས་ཅད་ཀྱང་མཐར་དམ་པའི་ཆོས་སུ་འགྱུར་བ་དང་བསྟན་པའི་ཞབས་ཏོག་ཏུ་འགྱུར་བའི་ལས་ལ་གཞོལ་བ། བཟོད་པ་བསྒོམ་པ་བཞིན་དུ་བཞིན་
འཛུམ་ཞིང་གཟུགས་བྱད་ཕུན་སུམ་ཚོགས་པ་དང་ལྡན་པས་ཀུན་གྱི་མཉེས་གཤིན་དམ་པར་གྱུར་པ་དང་། གཞན་ཡང་རྒྱལ་པོའི་འཁོར་དུ་འོས་པ་དཔལ་ཞིང་བརྟན་པ་དང་། བཟོའི་ལས་དང་། མཚོན་གྱི་ལས་དང་། བཞོན་པ་དག་ལ་ཡང་འདབ་ཆགས་བཞིན་དུ་ཤིན་ཏུ་གོམས་པར་བྱས་པ་
སྟེ། དེ་ལྟ་བུའི་ཡོན་ཏན་དང་ལྡན་པའི་འཁོར་གྱི་ཚོགས་ཆེན་པོ་རྣམས་ཀྱིས་མདུན་གྱིས་བལྟས་ཏེ་ཀུན་ནས་བསྐོར་བའི་དབུས་ག་ལ་བ་དེ་ཉིད་དུ། གསེར་གྱི་རི་དབང་ཉི་མའི་འོད་ཀྱིས་འཁྱུད་པའམ་ཀ་ན་ཀའི་མཆོད་སྡོང་ལ་མར་མེའི་འོད་ཀྱིས་ཕོག་པ་ལྟར་བཞུགས་སུ་གསོལ་ལོ། །དུས་དེ་ཉིད་
དུ་ཡང་ལུང་བཀྲ་ཤིས་ཆོས་ལྡན་གྱི་མཁན་པོ་ངག་དབང་ཀུན་དགའ་ལེགས་པའི་འབྱུང་གནས་རྒྱལ་མཚན་དཔལ་བཟང་པོ་ཞེས་པ་དཔལ་ལྡན་སྟོབས་བཅུ་མངའ་བའི་བསྟན་པ་རིན་པོ་ཆེ་འཆད་པ་དང་། རྩོད་པ་དང་། རྩོམ་པའི་ཕྲིན་ལས་ཀྱི་སྒོ་ནས་རིང་དུ་གནས་པར་བྱེད་པའི་མཁྱེན་བརྩེ་
ནུས་པའི་བདག་ཉིད་ཅན་དེ་ཉིད་གཙོ་བོར་བྱས་པའི་གསང་སྔགས་གྲུབ་པའི་རྡོ་རྗེ་སློབ་དཔོན་ཆེན་པོ་རྣམས་དང་ལྷན་ཅིག་པས། སྡོམ་བརྩོན་ས་གཞི་སྐྱོང་བའི་བརྟུལ་ཞུགས་བཟུང་བའི་བླ་མ་ཆེན་པོ་གང་དེ། བསྐལ་པ་བཟང་པོ་འདི་ཉིད་ཇི་སྲིད་གནས་པ་དེ་སྲིད་དུ། སྐུ་གསུང་ཐུགས་མི་

213-1-227a

ཤིགས་རྡོ་རྗེ་གསུམ་གྱི་རང་བཞིན་དུ་སྒྲུབ་པར་བྱེད་པའི་བྱེད་པའི་ཆོ་ག་ཟབ་མོའི་རྟེན་འབྲེལ་ལ་བརྟེན་ནས། རྣམ་པར་དཀར་བའི་ཕྲིན་ལས་ཀྱི་འཁོར་ལོ་གང་དེ་རིང་པོའི་ལམ་དུ་རྒྱུ་བས་སྙིགས་མའི་དུས་ཀྱི་སེམས་ཅན་ཐམས་ཅད་དགེ་བ་བཅུའི་ཁྲིམས་ཀྱི་ར་བ་ལ་ཡང་དག་པར་
གཟུད་པར་བྱ་བའི་ཕྱིར་དང་། བསྒྲུན་དུ་མེད་པའི་སྙོང་སྟོབས་ཀྱི་ཕྲག་པ་བརྟན་པོས་ཐམས་ཅད་མཁྱེན་པ་ཆེན་པོ་ཉི་མའི་གཉེན་གྱི་བསྟན་པ་རིན་པོ་ཆེ་ཕྱོགས་དུས་གནས་སྐབས་ཀུན་དུ་མི་ཉམས་པར་བགྱི་བའི་ཁུར་ཆེན་པོ་གོང་ནས་གོང་དུ་གདེགས་པར་བྱ་བའི་ཕྱིར་དང་། ཕྱོགས་སུ་ལྷུང་བ་མེད་པའི་
སྙིང་རྗེ་ཡོངས་སུ་རྒྱས་པའི་གདུགས་དཀར་གཅིག་གི་གྲིབ་ཏུ་ཡངས་པའི་རྒྱལ་ཁམས་ཀྱི་འགྲོ་བ་ཐམས་ཅད་རྫོགས་ལྡན་བསྐལ་པའི་དུས་ཀྱི་བདེ་སྐྱིད་གསར་པའི་རོ་ལ་ལོངས་སུ་སྤྱད་པར་བྱ་བའི་ཕྱིར་དང་། མཐའ་གཉིས་ལ་མི་གནས་སངས་རྒྱས་བཅོམ་ལྡན་འདས་ཀྱི་གོ་འཕང་མངོན་དུ་བྱ་
བའི་ཐབས་ཀྱི་གཙོ་བོ་གཞན་ལ་ཕན་པ་ཉེ་བར་ཞུགས་པའི་བྱང་ཆུབ་སེམས་དཔའི་སྤྱོད་པ་རླབས་པོ་ཆེ་མཐར་ཕྱིན་པར་བྱ་བའི་ཕྱིར་དུ་ཞབས་བརྟན་གྱི་ཆོ་ག་ཡང་དག་པར་བསྒྲུབ་པར་བརྩམས་སོ། །དེ་ལ་བུའི་ཞབས་ཀྱི་པདྨ་བརྟན་པའི་ཆོ་ག་དེ་ལྟར་བསྒྲུབ་པའི་དགོས་པའང་། ཤེས་རབ་བརྒྱ་པར། 
ནད་དང་འདྲ་བའི་དགྲ་མེད་དེ། །འཆི་བ་དང་མཉམ་འཇིགས་པ་མེད། །ཅེས་འབྱུང་བ་ལྟར་འཁོར་བ་ན་ཤིན་ཏུ་འཇིགས་ཤིང་བག་ཚ་བར་བྱེད་པའི་གནས་ནི་དེ་དག་ཏུ་བཤད་ལ། དེས་ན་དེ་དག་བཟློག་པའི་ཐབས་ལ་བརྩོན་དགོས་པ་ཡང་། སློབ་དཔོན་ངག་གི་དབང་ཕྱུག་གྲགས་པས་མཛད་
པའི་འཆི་བ་བསླུ་བའི་མན་ངག་ལས། ཆོས་སྤྱོད་དབང་པོ་ཐུལ་བ་ནི། འཁོར་བ་རུ་ནི་ཇི་སྲིད་འཚོ། དེ་སྲིད་བསོད་ནམས་ལ་སོགས་ཚོགས། །བྱང་ཆུབ་སྒྲུབ་བྱེད་རབ་ཏུ་སྐྱེ། །འཁོར་བར་སྲོག་ལས་གཅེས་པ་ནི། །ཅི་ཡང་ཡོད་པ་མ་མཐོང་སྟེ། །དེ་བས་མྱུར་དུ་ཐབས་མང་པོས། །
འཆི་བ་བསླུ་བར་ཀུན་དུ་སྤྱོད། །ཅེས་གསུངས་ཤིང་དེ་ལྟ་བུའི་འཆི་བའི་འཇིགས་པ་བཟློག་པའི་ཐབས་ཀྱང་། དེ་ཉིད་ལས། གང་ཞིག་རིགས་པའི་ཐབས་སྦྱོར་བ། །དཀའ་བ་ཅུང་ཟད་ཡོད་མ་ཡིན། །ནོར་བུ་སྔགས་དང་སྨན་རྣམས་ཀྱི། །མཐུ་ནི་ཐམས་ཅད་འདོད་པ་ཡིན། ཞེས་དང་།

213-1-227b

ལུས་དང་ངག་གི་ལས་ཀྱིས་ཕྱི། །བསམ་གཏན་ལས་ཀྱིས་ནང་གི་ཡིན། །ནོར་བུ་སྔགས་སྨན་ཕྱི་ཡི་སྟེ། །རྣལ་འབྱོར་ནུས་པས་ནང་ཡིན་ནོ། །ཞེས་དང་། །སྔགས་ཀྱིས་གང་ཞིག་ལས་བྱེད་པ། །དེ་ཡི་ཚེ་ནི་འཕེལ་བར་འགྱུར། །ཚེ་ནི་འཕེལ་བར་གྱུར་བ་ན། །དེས་ནི་འཆི་བ་བསླུ་
བར་འགྱུར། །སྔགས་རྣམས་ཀྱི་ནི་མཐུ་ལ་ཡང་། །ཐེ་ཚོམ་བྱ་བ་རིགས་མ་ཡིན། །གང་ཕྱིར་སྔགས་ཀྱི་མཐུ་དག་ནི། །བསམ་མི་ཁྱབ་པར་ཀུན་ལ་འདོད། །འཇིག་རྟེན་ན་ནི་དངོས་གཞན་དག །སྔགས་ཀྱིས་མི་འགྲུབ་དེ་ཡོད་མིན། །ཡང་དག་དད་དང་མངོན་བརྩོན་ལས། །སྔགས་
རྣམས་ཡིད་བཞིན་ནོར་བུར་མཚུངས། །ཞེས་གསུངས་པ་བཞིན་དུ་ནོར་བུ་དང་སྨན་དང་སྔགས་དང་ཏིང་ངེ་འཛིན་གྱི་ནུས་པས་ཚེ་བ་སྲིང་བའི་ཐབས་བསམ་གྱིས་མི་ཁྱབ་པ་ཅིག་བསྟན་པ་ལས། འདིར་གཙོ་བོར་གསང་བ་སྔགས་ཀྱི་གདམས་པ་སྟེ། དེ་ལ་ཡང་སྔོན་གྱི་མཁས་པ་ཆེན་པོ་
རྣམས་ཀྱི་བཞེད་སྲོལ་གྱི་ཆོ་ག་མི་འདྲ་བ་ཚུལ་འགའ་ཞིག་མཆིས་པ་ལས། འདིར་སློབ་དཔོན་ངག་གི་དབང་ཕྱུག་གྲགས་པས། ཚངས་དབང་ཁྱབ་འཇུག་ཉི་ཟླ་དང་། །དྲག་པོ་ཕྱོགས་སྐྱོང་འདོད་ལྷས་ཀྱང་། །སྤུ་རྩེ་ཙམ་ཡང་མ་ཉམས་པར། །འཆི་བདག་ལྟ་བུར་འཆི་ལས་རྒྱལ། །
སྐྲ་དཀར་གཉེར་མ་སྐལ་ངན་དང་། །ནད་དང་དབུལ་བ་ཀུན་ཟད་བྱེད། །སེང་གེ་ལ་སོགས་འཇིགས་ཆེན་བརྒྱད། །སྡུག་བསྔལ་ཚོགས་ནི་འཇིག་པར་བྱེད། །མ་བསླངས་པར་ནི་ཟས་སྐོམ་སོགས། །ཁང་བཟང་གོས་ལ་སོགས་པ་རྙེད། །རལ་གྲི་མིག་སླན་རྐང་བྱུག་དང་། །བུམ་པ་
བཟང་སོགས་དངོས་གྲུབ་རྣམས། །སྙན་དངགས་སྨྲ་མཁན་ཉིད་ཀྱི་བློ། །ཤེས་རབ་གཅིག་ཏུ་དྲི་མ་མེད། །འདོད་པའི་དངོས་གྲུབ་གཞན་དག་ཀྱང་། །འཁོར་ལོ་འདི་ལས་འབྱུང་བར་འགྱུར། །ཞེས་གསུངས་བ་ལྟར། ཕྱོགས་བཅུའི་རྒྱལ་བ་ཀུན་གྱི་ཕྲིན་ལས་མ་ལུས་པ་གཅིག་ཏུ་བསྡུས་པའི་
རང་གཟུགས་རྗེ་བཙུན་སྒྲོལ་མ་དཀར་མོ་ཡིད་བཞིན་འཁོར་ལོའི་ཆོ་ག་རྣམ་པར་དག་པའི་སྒོ་ནས། འཆི་བདག་བདུད་ཀྱི་དཔུང་གིས་མི་ཕྱེད་པའི་འཆི་བ་མེད་པ་རྡོ་རྗེའི་སྲོག་གི་ཀ་རིང་ཤིན་ཏུ་བརྟན་པར་བཙུགས་སོ། །སླར་ཡང་དེ་ཉིད་རྒྱུན་དུ་བརྟན་པར་བྱེད་པའི་ཆོ་ག་ལ་བཀྲ་ཤིས་པའི་རྫས་རྟགས་

213-1-228a

རྣམ་་པ་བརྒྱུད་ཀྱི་མངའ་འབུལ་དང་བཅས་པའི་བཀྲ་ཤིས་ཀྱི་ཚིགས་སུ་བཅད་པ་བརྗོད་པའི་ཆེད་དུ། ཕྱོགས་བཅུ་རབ་འབྱམས་ཀྱི་ཞིང་མུར་ཐུག་པ་མེད་པ་རྣམས་སུ་བཞུགས་པའི་རྒྱལ་བ་སྲས་དང་སློབ་མར་བཅས་པའི་ཚོགས་དང་། གཞན་ཡང་འཆི་མེད་ཚེའི་དངོས་
གྲུབ་བརྙེས་པའི་ལྷ་དང་། ཀླུ་དང་། དྲང་སྲོང་དང་། གྲུབ་པ་དང་། རིག་པ་འཛིན་པའི་ཚོགས་བསམ་གྱིས་མི་ཁྱབ་པས་ནམ་མཁའི་གཏོས་ཐམས་ཅད་དུ་ཁྱབ་པར་མངོན་པར་བལྟས་ཏེ། དེ་དག་དང་མཆོག་གི་རྡོ་རྗེ་སློབ་དཔོན་ཆེན་པོ་རྣམས་མགྲིན་བསྒྲིགས་ཏེ་བཀྲ་ཤིས་ཀྱི་གླུ་དང་རོལ་མོའི་བྱེ་
བྲག་བསམ་གྱིས་མི་ཁྱབ་པའི་སྒྲ་ཤིན་ཏི་སྙན་པར་འབྱིན་ཅིང་། ལྷའི་མེ་ཏོག་མནྟཱ་ར་བ་དང་། པུཎྜཱ་རཱི་ཀ་དང་། ཨུཏྤ་ལ་ལ་སོགས་པའི་མེ་ཏོག་གི་རྣམ་པ་སྣ་ཚོགས་པ་དག་གིས་སིལ་མ་གཏོར་བ་ནི། །བསྐལ་པ་ཆགས་པའི་དུས་ཀྱི་ཆར་གྱི་རྒྱུན་ཆེན་པོ་བཞིན་དུ་བསྙིལ་བས། མི་དང་མི་མ་ཡིན་
པའི་འགྲོ་བ་རྒྱ་མཚོའི་དབང་པོ་ལྔའི་སྤྱོད་ཡུལ་དུ་སྔོན་ཆད་མཐོང་བ་དང་། ཐོས་པ་དང་མྱང་བར་མ་ནུས་པའི་ངོ་མཚར་གྱི་ལྟད་མོ་ཚར་དུ་དངར་བ་དག་བསྐྲུན་ཏོ། །དེ་ནས་བརྩམས་ཏེ། ཇི་སྐད་དུ། ནོར་དང་འདོད་པ་ཐར་པ་ཆོས། །ཞེས་པ་ལྟར་སྡེ་བཞི་སྟེ། དེ་ཡང་ཆོས་ནི་གནས་སྐབས་སུ་མངོན་
པར་མཐོ་བ་དང་། མཐར་ཐུག་ངེས་པར་ལེགས་པའི་གོ་འཕང་ཐོབ་པར་བྱེད་པའི་རྒྱུའོ། །ནོར་ནི་རིག་བྱེད་མང་དུ་ཐོས་པ་དང་། ས་གཞི་དང་རིན་པོ་ཆེ་ལ་སོགས་པ་དང་བསྲུང་བར་བྱ་བའི་རིགས་སོ། །འདོད་པ་ནི་ལྷ་དང་མིའི་དབང་པོའི་ཡུལ་དུ་གྱུར་པའི་འདོད་པའི་ལོངས་སྤྱོད་རྣམས་སོ། །
ཐར་པ་ནི་གཏན་གྱི་བདེ་བ་བྱང་ཆུབ་ཀྱི་སྙིང་པོ་སྟེ་བསྒྲུབས་པའི་འབྲས་བུ་ཉིད་དུ་བཤད་དོ། །དགེ་བ་ནི་མ་ཆགས་པ་དང་། ཞེ་སྡང་མེད་པ་དང་། གཏི་མུག་མེད་པས་ཀུན་ནས་བསླངས་པའི་ལས་ཏེ། དེ་ལ་དབྱེ་ན་ལུས་ངག་ཡིད་ཀྱི་སྤང་བ་བཅུ་སྟེ་འབྲས་བུ་རྡུལ་མེད་པ་ཉིད་དུ་སྐྱེད་པར་བྱེད་པའི་རྒྱུ་གང་
ཡིན་པའོ། །མདོར་ན་འཁོར་བ་དང་མྱ་ངན་ལས་འདས་པའི་དཔལ་འབྱོར་གྱི་རྒྱུ་དང་འབྲས་བུ་ཐམས་ཅད་སྡེ་བཞི་པོ་འདིར་མ་འདུས་པ་མེད་ཅིང་། ཕྱི་མ་ནི་སྐྱེ་བ་ནས་སྐྱེ་བར་བདེ་བ་ཕུན་སུམ་ཚོགས་པ་འཐོབ་པར་བྱེད་པའི་རྒྱུ་འམ་ལམ་ཁོ་ན་ཉིད་དོ། །དེས་ན་མིང་དོན་དེ་དང་ལྡན་པའི་བསྟན་སྲིད་ཟུང་

213-1-228b

འབྲེལ་གྱི་བགྱི་བ་ཤིན་ཏུ་ལྕི་བའི་ཁུར་ཆེན་པོ་ཡོངས་སུ་བཞེས་པར་མཛད་དོ། །དེ་ལའང་ལེགས་པར་བཤད་པ་རིན་པོ་ཆེའི་གཏེར་ལས། དམ་པ་དཔོན་དུ་བསྐོས་གྱུར་ན། །དོན་གྲུབ་པ་དང་བདེ་སྐྱིད་འཐོབ། །ནོར་བུ་རྒྱལ་མཚན་རྩེར་མཆོད་ན། །ཡུལ་ཕྱོགས་དགེ་ཞེས་འཇིག་རྟེན་
སྒྲོགས། །ཞེས་གསུངས་པ་ལྟར། དགེ་བའི་རྩ་བ་ལ་ཡོངས་སུ་སྦྱངས་པའི་བསོད་ནམས་ཀྱི་མཐུ་ཆེན་པོ་དང་ལྡན་པ་དེ་ཉིད་མངའ་འབངས་ཀྱིས་མཚོན་པའི་བསྟན་འགྲོ་སྤྱིའི་བསོད་ནམས་ཀྱི་ནོར་བུ་བརྩེགས་པའི་ཁྲི་ག་ལ་བར་བཞུགས་པ་ནས་བརྩམས་ཏེ། འདི་ལྟར་མདོ་ལས། ལུས་
ཅན་རྣམས་ཀྱི་ལས་རྣམས་ནི། །བསྐལ་པ་བརྒྱར་ཡང་ཆུང་མི་ཟ། །ཚོགས་ཤིང་དུས་ལ་བབ་པ་ན། །འབྲས་བུ་སྨིན་པ་ཉིད་དུ་འགྱུར། །ཞེས་དང་། རྒྱལ་པོ་ལ་གདམས་པ་ལས། སྐྱེས་བུ་དེ་ནི་གང་དང་གང་འགྲོ་ཡང་། །ལས་ནི་གྲིབ་མ་བཞིན་དུ་རྗེས་སུ་འབྲངས། །ཞེས་དང་།
ལས་ཀྱི་རྣམ་པར་འགྱུར་བའི་མདོ་ལས། ཇི་ལྟར་གང་ཟག་ལས་འདི་ལྟ་བུར་གྱུར་པས་སྔར་ཡང་བདེ་ལ། ཕྱིས་ཀྱང་བདེ་བར་འགྱུར་བའི་ལས་གང་ཡིན་ཞེ་ན། གང་ཟག་སུ་ཡང་རུང་སྟེ་སྦྱིན་པ་བྱིན་པ་ཡང་མང་པོ་དང་རངས་པར་བྱིན། བདག་ཀྱང་ཡིད་དགའ་སྟེ་བྱིན་པས་ཕྱིས་ཀྱང་མི་འགྱོད་པའི་
གང་ཟག་དེའི་འབྲས་བུ་ནི། མིར་སྐྱེས་ན་ཡང་ཕྱུག་པོའི་རིགས་སུ་སྐྱེ་སྟེ་ནོར་མང་པོ་སྤྱོད་པ་དང་། མང་པོའི་ཇོ་བོར་གྱུར་ནས། བློན་པོ་དང་། གྲོགས་པོ་དང་། གཉེན་དང་རིགས་གཅིག་པ། མང་དུ་བདོག་པ་དང་། བང་མཛོད་ཐམས་ཅད་གང་ཞིང་བདེ་བའི་རིགས་སུ་སྐྱེ་སྟེ། གང་ཟག
ལས་འདི་ལྟ་བུ་འདུས་པས་སྔར་ཡང་བདེ། ཕྱིས་ཀྱང་བདེ་བར་འགྱུར་རོ་ཞེས་དང་། ཟུང་གི་མདོ་ལས། གང་དག་ང་ཡི་བསྟན་པ་ལ། །སྦྱིན་པ་སྐྲ་ཙམ་བྱིན་པ་ནི། །བསྐལ་པ་སྟོང་ཕྲག་བརྒྱད་ཅུ་རུ། །ལོངས་སྤྱོད་ཆེ་ཞིང་ནོར་ཡང་མང་། །ཞེས་དང་། མདོ་རྒྱ་ཆེར་རོལ་པ་ལས། ཁྱོད་
ཀྱིས་སྔོན་ཆད་དགེ་ལས་བསགས་པ་དང་། །ཡུན་རིང་དུས་ཀྱི་དགེ་བས་བྱུང་བ་དང་། །ཁྱོད་ཀྱིས་ཆོས་རྣམས་ཀུན་གྱི་ཚུལ་སྦྱངས་པས། །དེ་རིང་མཆོད་པ་རྒྱ་ཆེན་བྱུང་བ་གྱུར། །ཞེས་འབྱུང་བ་ལྟར། སྡོམ་བརྩོན་བླ་མ་ཆེན་པོ་སྐྱེ་དགུའི་བདག་པོར་གྱུར་པ་གང་གི་ལེགས་བྱས་ཀྱི་མཐུས།

213-1-229a

དུས་དེ་ཉིད་ནས་བརྩམས་ཏེ་མངའ་འོག་ཏུ་འཁོད་པས་མཚོན་ཏེ། ཕྱོགས་བཅུའི་འཛིན་མའི་དཀྱིལ་འཁོར་ཀུན་དུ་ཆེ་བའི་ཡོན་ཏན་དང་། རིགས་དང་། སྟོབས་དང་། དཔུང་གི་སྡེ་ཆེན་པོས་མངོན་པར་ཁེངས་པ་དང་ལྡན་པའི་རྒྱལ་ཕྲན་དང་། བློན་པོ་དང་། མི་དཔོན་
དང་། རྫོང་དཔོན་དང་། སྡེ་དཔོན་དང་། ཆེ་བཙན་དང་། འབྱོར་ལྡན་གྱི་སྐྱེ་བོ་རྣམས་ཏེ། ཐམས་ཅད་ཀྱང་ལེགས་བྲིས་ཀྱི་ཡུལ་ནས་འོངས་བ་ལྟ་བུའི་གོས་བཟང་དང་རྒྱན་གྱི་རྣམ་པ་མང་པོས་ལུས་ལ་སྒེག་པར་བྱས་པ་བགྲང་གི་མི་ལྡང་བ་རྣམས་ཀྱིས་ལྷགས་ཏེ། རང་རང་གི་མངོན་པར་རྒྱགས་
པ་ཐམས་ཅད་ཆོག་ཤེས་ལྡན་པའི་ནོར་བཞིན་དུ་བཏང་ནས། གང་གི་ཞབས་སྟེགས་ཀྱི་ཁྲི་མཐོན་པོ་རིན་ཐང་ཆེ་བའི་ནོར་བུ་རིན་པོ་ཆེའི་ཕྲ་ཚོམ་ཚར་དུ་དངར་བར་བཀོད་པ་དག་ནི། བཙོ་མ་གསེར་གྱི་པ་ཏྲ་རིས་འཁྱུག་པས་ལེགས་པར་བཟུང་བའི་ངོ་མཚར་མིག་གི་དགའ་སྟོན་དུ་གྱུར་པ་ག་ལ་བ་དེ་ན།
ལུས་ཐམས་ཅད་ནས་གུས་པའི་ཞེ་ས་དང་བཀུར་སྟི་སྔོན་ཏུ་འགྲོ་བས། སྡོམ་བརྩོན་བླ་མ་ཆེན་པོའི་ཐུགས་ལ་ཇི་ལྟར་བཞེད་པའི་དགེ་བའི་རྩ་བ་ཐམས་ཅད་ལེགས་པར་གྲུབ་ནས། དེང་གི་དུས་སུ་བོད་ཆེན་པོའི་ལྗོངས་ཀྱི་འགྲོ་བ་སྤྱིའི་བསོད་ནམས་ཀྱི་ཁང་པ་བརྩེགས་པའི་ནང་དུ་བདེ་བར་བྱོན་
པའི་དགའ་སྟོན་དང་། གཅིག་ཏུ་བསྟན་སྲིད་ཟུང་འབྲེལ་གྱི་ཁྲི་ལ་མངའ་གསོལ་བའི་ལེགས་སོའི་གཏང་རག་ཏུ། རང་རང་གི་བདོག་པའི་དངོས་པོ་གྱ་ནོམ་པ་དག་སྟོབས་པར་བྱེད་དོ། །དེ་དག་ལ་ཡང་སྔ་ན་མེད་པའི་གཏམ་སྙན་གྱི་བཀའ་སྩལ་དང་། གནང་སྐྱེས་ཀྱི་རྣམ་པ་མང་པོ་དག་
གིས་ཡིད་ཀྱི་རེ་བ་དག་ཀྱང་ཚིམ་པར་བྱེད་དོ། །གཞན་ཡང་བསོད་ནམས་ཀྱི་མཐུ་ཆེན་པོ་དེས། དེ་ཙམ་ན་རྒྱལ་པོ་ཕོ་བྲང་གི་ཕྱི་ནང་ཐམས་ཅད་དང་། མངའ་འོག་ཏུ་གཏོགས་པའི་ཡུལ་ལྗོངས་དང་། གྲོང་དང་། གྲོང་ཁྱེར་དང་། གྲོང་རྡལ་དང་། ཚོང་དུས་དང་། ཕོ་བྲང་དང་། ཁང་
ཁྱིམ་ཐམས་ཅད་ཀྱང་འབྱོར་བ་དང་རྒྱས་པ་དང་། བདེ་ཞིང་ལོ་ལེགས་པ་དང་། མི་དང་སྐྱེ་བོའི་ཚོགས་ཆེན་པོ་རྣམས་ཀྱང་དགའ་གཞིས་ཀྱི་གླུ་ལེན་པ་དང་། གར་གྱིས་རྩེན་པའི་ངོ་མཚར་ཅི་ཡང་རྒྱས་པ་དང་། ཉེན་ཀོར་གྱི་ཀུན་དགའ་ར་བ་དང་། སྐྱེད་མོས་ཚལ་དང་། མེ་ཏོག་གི་ལྡུམ་

213-1-229b

ར་དང་། ཤིང་ལྗོན་པ་དང་། ཚང་ཚིང་འཁྲིགས་པའི་ནགས་ཚལ་རྣམས་ཀྱང་། རིན་པོ་ཆེ་མ་ར་ཀ་ཏི་དང་། ཨིནྡྲ་ནཱི་ལ་དང་། གཡུ་ལྗང་གི་ཁ་དོག་ལ་འགྲན་པའི་ལོ་འདབ་དང་ལྡན་པའི་དབྱར་སྐྱེས་ཀྱི་ཕྲེང་བ་དག་ཀྱང་། རྩ་བ་དང་། སྡོང་བུ་དང་། ལྕུག་མ་དང་། ལོ་མ་དང་། མེ་ཏོག་དང་།
འབྲས་བུ་རྣམ་པ་སྣ་ཚོགས་པ་དག་ཀྱང་རང་རང་གི་དུས་ཀྱི་ངོ་མཚར་དང་ལང་ཚོ་ངོམ་པ་བཞིན་དུ་ཉམས་དགའ་བར་བྱེད་དོ། །ཡུལ་ཕྱོགས་དེ་དང་དེ་དག་ཏུ་ནི་གཏེར་དང་། འབྲུའི་ཚོགས་དང་། བཟའ་བ་དང་། བཅའ་བ་དང་། བཏུང་བ་དང་། བགོ་བ་དང་། རྒྱན་དང་། རྟ་དང་བཞོན་
པ་དང་། གནག་ལུག་ལ་སོགས་པ་ཉེ་བར་མཁོ་བ་རྣམས་ཀྱང་ཡིད་བཞིན་དུ་འབྱོར་ཞིང་རྒྱས་པར་གྱུར་ཏོ། །གཞན་ཡང་རིན་པོ་ཆེ་གསེར་དང་། དངུལ་དང་། ནོར་བུ་དང་། མུ་ཏིག་དང་། བཻ་ཌཱུརྱ་དང་། དུང་དང་། མན་ཤེལ་དང་། བྱི་རུ་ལ་སོགས་པ་ལྷ་དང་མིའི་དབྱིག་གི་རྣམ་
པ་མང་པོ་ཡང་ཡུལ་ཕྱོགས་དེ་དང་དེ་དག་ཏུ་འཕེལ་བར་གྱུར་ཏོ། །དེ་ལྟར་མཚུངས་པ་མེད་པའི་སྟོབས་དང་། བསོད་ནམས་ཀྱི་མཐུ་ཆེན་པོས་ཇེ་མཐོར་གྱུར་པའི་སྡོམ་བརྩོན་མིའི་དབང་ཕྱུག་དམ་པ་དེས་ནི། བོད་ཆེན་ལྗོངས་ཀྱི་འཛིན་མའི་དཀྱིལ་འཁོར་རྣམ་པར་ཡངས་པའི་དཀྱིལ་འཁོར་
ཀུན་དུ་འཁོད་པའི་སྐྱེ་དགུ་ཐམས་ཅད་གཞལ་དུ་མེད་པའི་ཐུགས་རྗེ་དང་ཕྲིན་ལས་འདོད་དགུའི་དཔག་བསམ་གྱི་ལྗོན་པ་ལྟར་རྒྱས་པར་གྱུར་པའི་གྲིབ་མ་སྣུམ་པོ་གཅིག་གིས་ཡོངས་སུ་ཁེབས་པར་བྱེད་ཅིང་ཅི་བདེ་བར་སྐྱོང་བ་ལ། རྣམ་པ་ཀུན་དུ་བརྫི་བ་མི་མངའ་ཞིང་། གལ་ཏེ་སྲིད་པ་དང་ཞི་
བའི་དཔལ་འབྱོར་ཕུན་སུམ་ཚོགས་པ་དང་ལྡན་པར་མཐོང་སྟེ། དེ་ལ་མ་བཟོད་པར་སྡང་བའི་སེམས་དང་། གདུག་པའི་སེམས་དང་། དྲག་ཤུལ་གྱི་སེམས་དང་། བསམ་པ་ངན་པ་དང་། སྦྱོར་བ་རྩུབ་མོར་གཤོམ་པའི་སྐྱེ་འགྲོ་མི་སྲུན་པ་འགའ་ཞིག་ཡོད་པ་རྣམས་ཀྱང་། གང་གི་
བསོད་ནམས་ཀྱི་སྟོབས་དང་། ལྷན་པའི་བསམ་པ་མི་དམན་པའི་ཁང་བཟང་ཡངས་བ་དེ་ན་རྟག་ཏུ་བསྟེན་ཅིང་བསྒྲུབས་པའི་དབང་གིས་འབྲལ་བ་མེད་པར་བཞུགས་པའི་ལྷ་དང་སྲུང་མའི་ཚོགས་གཟི་བརྗིད་ཆེ་བ། མཐུ་ཆེ་བ། རྫུ་འཕྲུལ་ཆེ་བ། སྟོབས་ཆེ་བ། ཡེ་ཤེས་ཀྱི་མིག་རྡུལ་

213-1-230a

མེད་ཅིང་དྲི་མ་དང་བྲལ་བ་མང་པོ་དག་མཆིས་ཏེ། དེ་དག་ལ་ཇི་ལྟར་མངོན་པར་འདོད་པའི་དོན་གང་དང་གང་ཡིན་པ་དེ་དང་དེ་གསོལ་ཞིང་ལས་སུ་བསྒོ་བ་ན། འབད་རྩོལ་དྲག་པོ་ལ་མ་ལྟོས་པར་ལས་ངན་ལ་འདྲིས་ཤིང་བརྩམས་པར་བྱེད་པ་གང་ཡིན་པ་དེ་དག་གཏན་བརླག་ཏུ་
སོང་བ་ཀུན་གྱིས་མངོན་དུ་གྱུར་པ་མང་པོ་དག་ཀྱང་ཡོད་དོ། །དེ་ལྟ་བུའི་ལྷག་པའི་བསམ་པ་དང་བསོད་ནམས་ཀྱི་མཐུ་ཆེན་པོ་ཆབ་སྲིད་ཀྱི་ཐ་གྲུ་རྣམ་པར་ཡངས་པའི་ས་ཆེན་པོ་ཆོས་བཞིན་དུ་སྐྱོང་བ་ལ་ནི་གནོད་པ་དང་སྔོ་བ་མི་མངའ་བའི་ཁར། སླར་ཡང་ཛམྦུའི་གླིང་གི་རྒྱལ་ཁབ་ཆེན་པོ་བཞིའི་
ཡ་གྱལ་དུ་གྱུར་བ་གནམ་གྱི་མཐོངས་ནས་བསྐོས་པའི་ཤར་ཕྱོགས་གོང་མ་རྒྱལ་པོ་ཞེས་བྱ་བ། སའི་སྟེང་ན་མཚུངས་པའི་ཟླ་ཐམས་ཅད་དང་བྲལ་བའི་སྟོབས་དང་ལས་དབང་གི་འཁོར་ལོས་སྒྱུར་བ་ཆེན་པོ་དེས། བཀའ་ལུང་ཛམྦུ་ཆུ་བོའི་གསེར་ལས་བསྒྲུབས་པའི་ཅོད་པན་དམ་པ་བས་ཀྱང་
རབ་ཏུ་ལྕི་ཞིང་རིན་ཐང་ཆེ་བ་གང་ཞིག །དེང་གི་སྡོམ་བརྩོན་བླ་མ་ཆེན་པོའི་སྤྱི་བོར་བཅིངས་ཏེ། དེང་ནས་བརྩམས་ཏེ་བོད་ཆེན་པོར་གཏོགས་པའི་ས་གཞིའི་དཀྱིལ་འཁོར་ཆེན་པོ་ཀུན་དུ་འཁོད་པའི་སྐྱེ་འགྲོ་མཐའ་དག་དང་། མི་བདག་སྤྱིའི་མེས་པོར་དགོས་པའི་འཇའ་ས་དང་གསེར་དམ་
ཆེན་པོ་ཡང་དང་ཡང་དུ་སྩལ་ཏེ། ཤིན་ཏུ་བརླིང་བར་བྱས་པའི་སྒོ་ནས་ཀྱང་མཚུངས་པ་མེད་པའི་སྟོབས་ལྡན་གྱི་རྒྱལ་པོའི་གོ་ས་རུ་དབང་བསྐུར་བ་ལེགས་པར་ཐོབ་བོ། །དུས་ནམ་ཞིག་ན་སྡོམ་བརྩོན་ཆེན་པོ་འདིས་བཞེད་པའི་གཙོ་བོ། མཁན་ཆེན་ཐམས་ཅད་མཁྱེན་པ་ཆེན་པོ་དཔལ་ལྡན་
ཆོས་སྐྱོང་བཀྲ་ཤིས་གྲགས་པའི་རྒྱལ་མཚན་དཔལ་བཟང་པོ་དེ་ཉིད་དང་། མཁྱེན་རབ་ཀྱི་དབང་ཕྱུག་སངས་རྒྱས་ཡེ་ཤེས་པ་སྟེ། བསྟན་པའི་བདག་པོ་ཆེ་ཆུང་གཉིས་ཀ་ངོར་ནས་དབང་པོའི་ཕྱོགས་སུ་ཆིབས་ཀྱི་ཁ་ལོ་བསྒྱུར་ཏེ། རིམ་གྱིས་འབྲི་ཀླུང་གསེར་དང་ལྡན་པ་འབབ་པའི་རྒྱུན་ཕྱོགས་ནས་
བརྒྱུད་དེ་བྱོན་ནོ། །དེ་དག་གི་ལམ་བར་རྣམས་སུ་འཁོད་པའི་དད་ལྡན་གྱི་འགྲོ་བ་རྒྱ་མཚོ་ལྟ་བུ་ལ་རང་རང་གི་བློ་དང་འཚམས་པའི་ཆོས་ཀྱི་བདུད་རྩི་སྩལ་བཞིན་པ་ནས་ལྕགས་ཕོ་སྤྲེལ་ལོའི་རྒྱུ་སྐར་ཐ་སྐར་གྱིས་ཉ་བའི་དཀར་པོའི་ཕྱོགས་ཀྱི་དུས་ཚེས་དགེ་བར། ཆོས་སྡེ་ཆེན་པོ་ལྷུན་གྲུབ་སྟེང་གི་རྒྱལ་ཁབ་དང་

213-1-230b

ཁང་ཉེ་བའི་ནོར་འཛིན་མའི་ཆ་ཤས་ལྷ་ལུང་ཁུག་ཅེས་བྱ་བར་ཕེབས་སོ། །དེར་ཕེབས་པ་ན་བྱམས་བརྩེའི་དབང་ཕྱུག་སྡེ་དགེ་བླ་མ་ཆེན་པོ་འདི་ཉིད་སྐུ་འཁོར་རྣམས་ཀྱིས་མཚོན་པའི་ཆིབས་བསུའི་རིམ་པ་མང་པོ་དག་གི་བྱོན་ནས་བསུ་ཞིང་། ཁྱད་པར་ལྷུན་གྲུབ་སྟེང་གི་གདན་ས་འདིར་འབྱོན་པའི་
སྟ་གོན་ཡང་འདི་ལྟར་བརྩམས་ཏེ། དེའང་ཆོས་ཀྱི་རྗེ་ས་སྐྱ་པཎྜི་ཏས། ཁྱོད་ལ་བསུ་བས་དཔལ་དུ་བྱེད། །བརྟེན་པས་བློ་གྲོས་མཆོག་ཏུ་འགྱུར། །བསྟེན་ན་འཇིགས་པ་མེད་པར་མཛད། །བསྙེན་བཀུར་བགྱིས་པའང་བདེ་བ་འབྱུང་། །ཞེས་གསུངས་པ་ལྟར་རང་གི་དངོས་ཀྱི་བླ་མ་བསུ་བ་
དང་སྐྱེལ་མར་བྱས་པའི་འབྲས་བུ་ནི་མཐར་ཐུག་ཕྱག་ཞབས་འཁོར་ལོས་མཚན་པ་འཐོབ་པ་ལ་སོགས་པའི་ཕན་ཡོན་རྗེས་སུ་དྲན་པ་སྡོམ་བརྩོན་བླ་མ་ཆེན་པོ་དེའི་བཀའི་བཀོད་པས་ཇི་ལྟར་སྩལ་བ་དེ་བཞིན་དུ། ས་ཕྱོགས་འདིའི་ཁོ་ར་ཁོར་ཡུག་དང་། ཡངས་པའི་ཁྱམས་དང་། སྲང་བར་དང་།
བཞི་མདོ་དང་སུམ་མདོ་རྣམས་སུ་ཕྱག་དར་གྱི་ཆོ་གས། རྡོ་བ་དང་། བོང་པ་དང་། གསེག་མ་དང་། གྱོ་མོ་དང་། སྡོང་དུམ་དང་། སོ་ཟག་དང་། མི་གཙང་བའི་འདམ་དང་ལྗན་ལྗིན་གྱི་ཚོགས་ལེགས་པར་བསལ་ཏེ། དྲི་ཞིམ་པོ་དང་ཙནྡན་གྱི་ཆུས་རྡུལ་གྱི་འཚུབ་མ་མེད་པར་ཆག་ཆག་ལེགས་
པར་བཏབ་ལ། དེ་ནས་རིན་པོ་ཆེ་རྣམ་པ་བཞིའི་ཁ་དོག་ལ་མངོན་པར་འཁུ་བའི་སྟེགས་བུ་དང་། བ་གམ་དང་། རྟ་བབས་དང་། སྒོ་དང་། སྒོ་ཁང་དང་། སྐར་ཁུང་དང་། ཁྱམས་ཀྱི་དཀྱིལ་འཁོར་ཡོངས་སུ་རྫོགས་པའི་གཙུག་ལག་ཁང་དང་། ལྷའི་ཁང་བཟང་དང་། རྒྱལ་པོའི་ཕོ་
བྲང་དང་། དགེ་འདུན་གྱི་གནས་མལ་དང་། སྒྲུབ་པའི་ཁང་པ་དང་། ཁང་པ་བརྩེགས་པ་དང་། སྐྱེད་ཚལ་གྱི་དོ་ར་རྣམས་སུ་ཡིད་ལ་མི་འབབ་པ་མེད་པའི་རྒྱུན་གྱི་བྱེ་བྲག་མང་པོས་ལེགས་པར་བརྒྱན་པ་ནི་འདི་ལྟ་སྟེ། རྒྱ་གར་དང་། བལ་པོ་དང་། ཁ་ཆེ་དང་། སྟོང་འཁུན་གྱི
ཡུལ་ལས་འོངས་པའི་གོས་བཟང་དང་། རས་དར་གྱི་བྱེ་བྲག་ཁ་དོག་དཀར་པོ་དང་། སྔོན་པོ་དང་། སེར་པོ་དང་། དམར་པོ་དང་། ལེ་བརྒན་དང་། སྣ་ཚོགས་སྤེལ་བ་དག་གིས་རྒྱལ་མཚན་དང་། བ་དན་དང་། བླ་རེ་དང་། ཡོལ་བ་དང་། འཕན་གྱི་རྣམ་པ་དང་། རིན་པོ་ཆེའི་རྔ་

213-1-231a

ཡབ་ཀྱི་རྣམ་པ་མང་པོ་དག་བསྒྲེང་བ་དང་དཔྱངས་པས་ཀུན་ནས་མཛེས་པར་བྱས་སོ། །གཞན་ཡང་མེ་ཏོག་གི་ཕྲེང་བ་དང་། གསེར་གྱི་དྲ་བ་དང་། མུ་ཏིག་གི་ཆུན་འཕྱང་དང་། དྲིལ་བུ་གཡེར་ཁའི་ཕྲེང་བ་དང་། མེ་ཤེལ་དང་། ཆུ་ཤེལ་དང་། ཟླ་བ་རླུང་གིས་བསྐྱོད་
པ་རྣམས་ཀྱིས་འགྲོ་བ་མང་པོའི་སྙིང་ལ་སྔ་ན་མེད་པའི་དགའ་བ་རབ་ཏུ་སྟེར་བར་བྱས་སོ། །གཞུང་ལུགས་རབ་བྱམས་འཛིན་ཅིང་སྨྲ་བའི་མགྲིན་པ་རྣམ་པར་ཡངས་པའི་བླ་མ་དང་། དགེ་སློང་གི་དགེ་འདུན་རྒྱ་མཚོ་ཆེན་པོའི་རྡུལ་གྱི་གྲངས་དང་མཉམ་པས་མདུན་ནས་བསུ་བའི་སེར་སྦྲེང་གི་
ཚར་དུ་དངར་བ་དག་ནི་ངུར་སྨྲིག་བླ་གོས་གསར་པའི་ཚོན་གྱིས་ས་དང་ནམ་མཁའི་ཁ་དོག་ཀྱང་བསྒྱུར་བ་སྙམ་བྱེད་པ་རྣམས། ཁ་ཅིག་ནི་ཨ་ག་རུ་དང་། ཏུ་རུཥྐ་དང་། ཧ་རི་ཙནྡན་ལ་སོགས་པ་ལྷན་ཅིག་སྐྱེས་པ་དང་སྦྱར་བའི་བདུག་སྤོས་ཀྱི་དུད་པ་ནི། ཆར་ལྡན་མའི་དུས་ཀྱི་སྤྲིན་སྔོན་
ཡིད་དུ་འོང་བ་རབ་ཏུ་བརྩེགས་པ་ལ་ཅོ་འདྲི་བ་ལྟ་བུའི་ཕྱོགས་ཀྱི་ཁོར་ཡུག་ཐམས་ཅད་ཀྱང་ཚུལ་ཁྲིམས་དང་ལྡན་པའི་ལུས་བཞིན་དུ་བྱེད་དོ། །ལ་ལ་ནི་སྲུང་མ་རྒྱ་མཚོའི་སྡེ་དཔོན་ཆེན་པོ་རྡོ་རྗེ་གུར་གྱི་མགོན་པོ་ལྕམ་དྲལ་ལྷ་བརྒྱད་དང་། ཞིང་སྐྱོང་ཆེན་པོ་བྲམ་ཟེའི་གཟུགས་ཅན་དང་བཅས་
པའི་འཆམ་སྐུ་ཆེན་པོ་ཕལ་ཐོག་ཕྱེད་གཉིས་ཙམ་བརྒལ་བ་བསྣམས་ཏེ། སྒེག་པའི་སྟང་སྟབས་མང་པོ་བྱེད་ཀྱིན་བསུའོ། །འགའ་ཞིག་ནི་བཀྲ་ཤིས་དང་དགེ་ལེགས་ཐམས་ཅད་ཀྱི་འབྱུང་གནས་སུ་གྱུར་པའི་རྗེ་བཙུན་ཆེན་པོ་ཉིད་མི་མཐུན་པའི་ཕྱོགས་ཐམས་ཅད་ལས་རྣམ་པར་རྒྱལ་ནས་
བསྐལ་པ་མང་པོར་སྐུ་གསུང་ཐུགས་མི་འགྱུར་རྡོ་རྗེ་གསུམ་གྱི་རང་བཞིན་དུ་བརྟན་པར་བཞུགས་ནས། སེམས་ཅན་གྱི་དོན་ལ་བསྐུལ་བའི་ཚིགས་སུ་བཅད་པ་ཐམས་ཅད། ཆོས་ཀྱི་དུང་དང་། གླིང་བུ་དང་། རྔ་བོ་ཆེ་དང་། སིལ་སྙན་ལ་སོགས་པའི་རོལ་མོའི་བྱེ་བྲག་ཐ་དད་པ་དེ་དང་དེ་དག་
གི་གདངས་སུ་བསྒྱུར་ཏེ་འབུད་པ་དང་འཁྲོལ་བར་བྱེད་དོ། །ཕལ་ཆེ་བ་དག་ནི་བརྒྱ་བྱིན་ཚོན་གྱི་ཁ་དོག་དང་། སྟོན་ཀའི་ཟླ་བའི་འོད་དང་། བཙོ་མའི་གསེར་དང་། གུར་གུམ་དང་། ལེ་བརྒན་རྩི་དང་། ཨུཏྤལ་དང་། ཀརྞི་ཀ་དང་། ལྡོང་རོས་དང་། མཚལ་དང་། མཐོན་

213-1-231b

ཀ་ཆེན་པོ་དང་། མ་ར་ཀ་ཏི་དང་། རྨ་བྱའི་ལྐོག་མའི་མདོངས་ལྟ་བུའི་རས་དང་དར་གྱི་ཁྱབ་པར་རབ་ཏུ་མང་པོ་ལས་བྱས་པའི་གདུགས་དང་། རྒྱལ་མཚན་དང་། བ་དན་དང་། ལྡ་ལྡི་དང་། ཕྱེ་མ་ཕུར་མ་དང་། འཕན་གྱི་རྣམ་པ་བགྲང་ལས་འདས་པ་བསྒྲེང་བ་རྣམས་ནི་ཡིད་འཕྲོག་
རླུང་གི་འགྲེད་པ་དལ་བུས་ཀྱང་ཅུང་ཟད་བསྐྱོད་པ་དང་བཅས་ཏེ་མདུན་ནས་བསུ་བར་བྱེད། དེ་དག་ལས་གཞན་པའི་རྒྱལ་པོ་དང་། རྒྱལ་ཕྲན་དང་། བློན་པོ་དང་། རིག་བྱེད་པ་དང་། ཁྱིམ་བདག་དང་། གྲོང་ཁྱེར་གྱི་སྐྱེ་བོ་དང་ཞོ་ཤས་འཚོ་བ་རྣམས་ནི་ཕྱོགས་ཀྱི་དཀྱིལ་འཁོར་ཀུན་དུ་ཡོངས་
སུ་ཁྱབ་པར་ས་ཆེན་པོའི་རྡུལ་བཞིན་དུ་ལྷགས་པ་རྣམས་ཀྱི་ཀྱང་མཁན་ཆེན་ཐམས་ཅད་མཁྱེན་པ་ཆེན་པོའི་ཞལ་གྱི་དཀྱིལ་འཁོར་མཐོང་ན་དོན་གྱི་སྙིང་པོ་དམ་པས་ཡོངས་སུ་ལྕི་བ་གང་དེར། མིག་གི་དབང་པོས་ཡང་དང་ཡང་དུ་མཇལ་ཞིང་། ལག་པའི་ཐལ་སྦྱར་བཅིངས་པ་སྤྱི་བོའི་རྒྱན་དུ་བཀོད་
དེ། ཕྱག་གི་ཕྲེང་བ་གྲངས་མེད་པ་བརྩེགས་པས་མངོན་པར་མཆོད་པ་དང་། འདི་ཕྱི་བར་དེའི་གནས་སྐབས་ཀུན་དུ་ཡེ་ཤེས་ཀྱི་གཟིགས་པ་དམ་པས་འཇུག་པའི་གསོལ་བ་འདེབས་པ་ལ་བྲེལ་བར་གྱུར་ཏོ། །དེར་མ་ཟད་དུས་དེ་ཉིད་དུ་རྗེ་བཙུན་དམ་པ་ཉིད་འབྱོན་པའི་མདུན་ཕྱོགས་ཀྱི་ནམ་མཁའི་
ཁམས་ཕལ་ཆེར་ཡང་སྤྲིན་གྱི་དུམ་བུ་མཆོད་རྫས་ཀྱི་རྣམ་པ་ཅན་མང་པོ་ཆེད་དུ་བྱས་པ་ལྟ་བུས་གཏམས་པའི་ཁྲོད་ན། ཁ་དོག་ལྔ་ལྡན་གྱི་འཇའ་ཚོན་གསར་པའི་རང་བཞིན་ཡིན་པ་ལ། རྣམ་པ་ནི་ལྷའི་རྒྱལ་མཚན་དང་། ལྷའི་བ་དན་དང་། ལྷའི་འཕན་དང་། ལྷའི་གོས་བཟང་སྲ་བ་ལ་
འཇམ་པ་དང་འདྲ་བ་དག་ཀྱང་ཆེད་དུ་དབྱངས་པ་ལྟ་བུར་མཆིས་པ་འགྲོ་བ་མང་པོའི་མཐུན་སྣང་དུ་བྱུང་ངོ་། །ཚུལ་དེ་ལ་དཔག་ན་སྡེ་དགེ་ས་སྐྱོང་བླ་མ་ཆེན་པོ་འདིའི་སྔོན་གྱི་དུས་ནས་བསགས་པའི་བསོད་ནམས་ཀྱི་སྟོབས་དང་། ཐུགས་བསྐྱེད་རྨད་དུ་བྱུང་བའི་ལེགས་བྱས་ཀྱི་མཐུ་ཆེན་པོས།
དཀར་པོའི་ཕྱོགས་སུ་མངོན་པར་དགྱེས་པའི་ལྷ་དང་སྲུང་མའི་ཚོགས་བསམ་གྱིས་མི་ཁྱབ་པ་དག་ཀྱང་ས་སྐྱོང་ཆེན་པོ་རང་གི་མཐུན་པའི་གྲོགས་སུ་ཉེ་བར་བཀུག་ནས་མཁན་ཆེན་ཐམས་ཅད་མཁྱེན་པ་ཆེན་པོ་ཉིད་འདིར་སྤྱན་འདྲེན་པ་དང་བསུ་བ་བྱ་བའི་གྲོགས་སུ་ནམ་མཁའི་མཐོང་ས་ལ་

213-1-232a

ལྷགས་པར་གདོན་མི་ཟའོ། །ཅིས་མངོན་ན། སྔོན་དུས་དེད་དཔོན་དོན་ཀུན་གྲུབ་པས་རྒྱ་མཚོ་ལས་ཡིད་བཞིན་གྱི་ནོར་བུ་རྙེད་པ། ནག་ཕྱོགས་ཀླུ་གདུག་པ་ཅན་གྱིས་ཕྲག་དོག་གིས་རྒྱ་མཚོར་དོར་བ་ན། དེད་དཔོན་སྙིང་སྟོབས་ཀྱི་མཐུ་བྲི་བ་མེད་པ་དེས། ལྷ་
བདག་གི་རིན་པོ་ཆེ་སྩོལ་ཅིག་ཅེས་ཡང་ཡང་སྨྲས་ཀྱང་དེས་ནོར་བུ་མ་བྱིན་པ་དང་། ད་ནི་བདག་གིས་རྒྱ་མཚོ་ཆེན་པོ་ཡོངས་སུ་བསྐམ་པར་མ་གྱུར་གྱི་བར་དུ་ཕྱིར་དོར་ལ་ཡིད་བཞིན་གྱི་ནོར་བུ་དེ་བླང་བར་བྱའོ། །བླངས་ནས་ཀྱང་སེམས་ཅན་ཐམས་ཅད་ཀྱི་དབུལ་འཕོངས་ཀྱི་རྒྱུན་གཅད་པར་བྱའོ་
ཞེས་དམ་བཅས་ཏེ་རྒྱ་མཚོའི་ཆུ་འཕྱགས་པར་བརྩམས་པ་ན། ལྷའི་དབང་པོས་དེའི་ལྷག་པའི་བསམ་པ་རྟོགས་ནས་ལས་སྣ་ཚོགས་པ་ལ་ཆུ་སྣོད་བྱིན་ཅིག་ཅེས་བསྒོ་བ་ན། དེས་ཀྱང་དེ་མ་ཐག་ཏུ་ཆུ་འཕྱགས་པའི་གཞོང་པ་དག་སྤྲུལ་ཏེ་བྱིན་པས། དེར་བསྟན་ལ་དགའ་བའི་ལྷ་རྣམས་ཀྱང་
དེའི་གྲོགས་སུ་ལྷགས་ནས་རྒྱ་མཚོ་བསྐམ་པར་བརྩམས་པ་ན། ཀླུ་དེས་ཀྱང་དེད་དཔོན་མཐུ་ཆེན་པོ་དང་ལྡན་པ་ཡིན་པར་ཤེས་ནས་སྐྲག་སྟེ་ནོར་བུ་དེ་བྱིན་པ་ལྟ་བུའོ། །མདོར་ན་སྡོམ་བརྩོན་སྡེ་དགེ་བླ་མ་ཆེན་པོ་ཞེས་བྱ་བ། གང་གི་ཐུགས་རྒྱུད་ཀྱི་དད་པའི་ཞིང་ས་གཤིན་པ། ཐུགས་བསྐྱེད་
ཀྱི་ས་བོན་དགེ་བ། ཕན་སེམས་ཀྱི་སོ་ནམ་ལེགས་པ། ཐབས་མཁས་ཀྱི་སྲུང་བས་བསྲུངས་པ། སྙིང་སྟོབས་ཀྱི་དྲོད་གཤེར་འཛོམ་པ། སྨོན་ལམ་གྱི་ཆར་ཆུ་ཞོད་པ་སྟེ། མཐུན་པའི་རྐྱེན་ཐམས་ཅད་ཚོགས་པའི་དུས་འདིར། ས་བདག་མཆོག་གིས་མཚོན་པའི་ས་སྟེངས་ཀྱི་སྐྱེ་
འགྲོ་སྤྱིའི་བསོད་ནམས་རྣམ་པར་ཡངས་པའི་དགའ་ཚལ་དམ་པ་དེ་ན། སྐྱབས་གཅིག་མཚུངས་པ་མེད་པའི་མཁན་ཆེན་སྐྱེ་དགུའི་དཔག་བསམ་ཆེན་པོ་ཞེས་བྱ་བ། བྱམས་པའི་རྩ་བ་བརླིང་བ། སྙིང་རྗེའི་སྡོང་པོ་རྒྱས་པ། ཕན་སེམས་ཀྱི་ཡལ་ག་བརྐྱངས་པ། ཡོན་ཏན་གྱི་མེ་ཏོག་
ཁ་བྱེ་བ། ཕྲིན་ལས་ཀྱི་ལོ་འདབ་རྒྱས་པ། ཕན་བདེའི་གྲིབ་མ་འགུགས་པ། ཉོན་མོངས་པའི་ཚ་གདུང་འཇིལ་བ། ཆོས་ཀྱི་སྦྱིན་ཆེན་འགྱེད་པ། མོས་པའི་ཤིང་རྟ་འགེངས་པ། ཐར་པའི་འབྲས་བུ་སྟེར་བར་བྱེད་པའི་བདག་ཉིད་ཆེན་པོ་གང་འདི་དེང་གི་དུས་མདོ་སྟོད་སྨད་བར་གསུམ་གྱི་

213-1-232b

སྐྱེ་འགྲོ་སྤྱིའི་ཕན་པ་དང་བདེ་བ་འཛད་པ་མེད་པར་འབྱུང་བའི་གནས་སུ་གྱུར་པའི་མགྲོན་གྱི་དམ་པ་ཉིད་དུ་ལེགས་པར་སྤྱན་དྲངས་སོ། །དེ་ནས་བརྩམས་ཏེ་སངས་རྒྱས་བཅོམ་ལྡན་འདས་ཀྱི་བསྟན་པ་རིན་པོ་ཆེ་ལ་ཕྲིན་ལས་གཞལ་དུ་མེད་པས་ཕན་འདོགས་པ་དང་། སེམས་ཅན་དཔག་ཏུ་མེད་
པ་གང་དེའི་མཁྱེན་པ་དང་། བརྩེ་བ་དང་། ནུས་པ་མཆོག་གི་ར་བ་ཡངས་པ་ན་ཆུད་པར་མཛད་དོ། །དེ་ལྟ་བུའི་སྐྱབས་གཅིག་མཚུངས་པ་མེད་པ་གང་དེ་མཆོག་དམན་གྱི་འགྲོ་བ་སྤྱིའི་དཔལ་དུ་དཀའ་བ་མེད་པར་ཐོབ་པ་དེའང་རྒྱལ་པོའམ། རྒྱལ་ཕྲན་ནམ། བློན་པོའམ། ཕ་མ་
འམ། མཛའ་བཤེས་ལ་སོགས་པ་གཞན་གང་གི་ཡང་དྲིན་ལས་བྱུང་བ་མ་ཡིན་གྱི། ཆོས་སྐྱོང་བའི་བླ་མ་ཆེན་པོ་བསོད་ནམས་ཀྱི་སྐལ་བར་ལྡན་པ་འདི་ཉིད་ཁོ་ནའི་སྐུ་དྲིན་ལས་བྱུང་བར་ཤེས་པར་བྱའོ། །དེས་ན་ཚུལ་འདི་ཁོ་ན་ལ་བསམས་ཀྱང་སྐྱེས་བུ་སྟོབས་དང་ལྡན་པ་སུ་ཞིག་གིས་
སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་མ་ལུས་པ་རིན་ཆེན་གསེར་ཀྱི་བྱེ་མས་བཀང་སྟེ། ཉི་མ་རེ་རེ་ཞིང་{བཅལ་}ཡང་གང་གི་སྐུ་དྲིན་གྱི་ཚད་དང་ནམ་ཡང་མཉམ་པར་མི་འགྱུར་བ་སྟེ། དེཅིའི་ཕྱིར་ཞེ་ན། ཚེ་འདིའི་འདུན་མ་ཙམ་མ་ཟད། ཚེ་རབས་གཏན་གྱི་འདུན་མ་མྱ་ངན་ལས་
འདས་པ་ཆེན་པོའི་ཕྱོགས་སུ་གཞོལ་ཞིང་འབབ་པར་འགྱུར་བའི་ལྷག་པའི་བསམ་པ་རྣམ་པར་དག་པ་ལས་བྱུང་བའི་མཐུ་ཉིད་ཀྱིས་སོ། །གཉིས་པ་སྐལ་པར་ལྡན་པས་བསྟན་པ་དང་འགྲོ་ལ་ཕན་པ་བསྒྲུབ་པའི་ཁྱད་པར་ལ་གསུམ་སྟེ། ཟང་ཟིང་གི་སྦྱིན་པས་བསྟན་པ་དང་འགྲོ་བ་ལ་ཕན་པ་
བསྒྲུབ་པའི་ཁྱད་པར། ཆོས་ཀྱི་སྦྱིན་པས་བསྟན་པ་དང་འགྲོ་བ་ལ་ཕན་པ་བསྒྲུབ་པའི་ཁྱད་པར། བྱམས་པ་དང་མི་འཇིགས་པའི་སྦྱིན་པས་བསྟན་པ་དང་འགྲོ་བ་ལ་ཕན་པ་བསྒྲུབ་པའི་ཁྱད་པར་རོ། །དང་པོ་ནི་དེ་ལྟར་བསོད་ནམས་ཀྱི་སྐལ་བར་ལྡན་པའི་སྐྱེས་བུ་དམ་པ་དེ་ལ་སྔོན་གྱི་དགེ་བའི་མཐུ་དམན་
པ་མིན་པའི་བག་ཆགས་བཟང་པོ་ཡོངས་སུ་སད་པའི་གྲོགས་ཀྱིས་བསྐུལ་བའི་རྣམ་པར་རྟོག་པ་གཉིས་ཤིག་སྐྱེས་པར་གྱུར་ཏོ། །དེའང་འདི་ལྟར། འཁོར་བའི་ཕུན་སུམ་ཚོགས་པ་དག་ནི་རྟག་ཅིང་བརྟན་ལ་མི་འགྱུར་བའི་གོ་འཕང་ལྟ་བུར་ཡིད་ལ་བྱེད། བློ་དེ་ལ་བརྟེན་ནས་འབྱོར་བ་དང་ནུས་པ་

213-1-233a

ཡོད་བཞིན་དུ་མཆོད་པ་འབུལ་བ་དང་སྦྱིན་པ་གཏོང་བ་ལ་སོགས་པ་དགེ་བའི་ཆེད་དུ་ཆུང་ངུ་ཡང་གཏང་བར་མི་ནུས་པ་དག་ཡོད་དེ། དེ་དག་ནི་སྐྱེས་བུ་ཤིན་ཏུ་མ་རབས་ཀྱི་སྤྱོད་པར་གྱུར་པ། ཚེ་འདིར་ཡང་སོག་སྲུང་གི་སྡུག་བསྔལ་ཆེ་བ་དང་། སྐྱེ་བ་གཞན་དུ་ཡང་།
མདོ་སྡུད་པར། སེར་སྣ་ཅན་ནི་ཡི་དྭགས་གནས་སུ་སྐྱེ་བར་འགྱུར། །གལ་ཏེ་མིར་སྐྱེ་ན་ཡང་དབུལ་པོ་ཉིད་དུ་འགྱུར། ཞེས་གསུངས་པ་ལྟ་བུའི་འབྲས་བུ་མི་འདོད་པ་མྱོང་བར་འགྱུར་བའི་ལས་ཅན་ཞིག་གོ། །ཡང་ཇི་སྐད་དུ། བསགས་པ་ཀུན་མཐའ་འཛད་པ་སྟེ། །མཐོན་
༷༷པོའི་མཐའ་ནི་དམའ་བ་ཡིན། །འདུས་པའི་མཐའ་ནི་འབྲལ་བ་སྟེ། །འཚོ་བའི་མཐའ་ནི་འཆི་བ་ཡིན། །ཞེས་གསུངས་པ་ལྟར་འཁོར་བའི་ཕུན་སུམ་ཚོགས་པ་ནི་ཇི་ལྟར་བདོག་ཀྱང་མི་རྟག་ཅིང་མི་བརྟན་ལ་འགྱུར་བ་སྙིང་པོ་མེད་པ་དང་། ཁྱད་པར་ནོར་གྱི་འབྱོར་པ་ནི། རྔ་བོ་ཆེའི་མདོ་
ལས། ནོར་ནི་དགྲ་དང་ཆོམ་རྐུན་སོགས་མང་དང་། །རྒྱལ་པོ་མེ་དང་ཆུ་དང་མཛའ་བཤེས་དང་། །ཉེ་དུ་མི་མཛའ་བགོ་སྐལ་སྤྱོད་མང་གིས། །སྡིག་པར་སྤྱོད་པ་ཡིས་ནི་འཛད་པར་འགྱུར། །ཞེས་དང་། བཤེས་སྤྲིང་ལས། དེས་པ་བདོག་མང་ཇི་ལྟར་སྡུག་བསྔལ་བ། །འདོད་པ་
ཆུང་རྣམས་དེ་ལྟ་མ་ལགས་ཏེ། །ཀླུ་མཆོག་རྣམས་ལ་མགོ་བོ་ཇི་སྙེད་པ། །དེ་ལས་བྱུང་བའི་སྡུག་བསྔལ་དེ་སྙེད་དོ། །ཞེས་གསུངས་པ་ལྟར་འཇིགས་པ་དང་གསོད་པ་དང་། སྡུག་བསྔལ་བ་དུ་མའི་འབྱུང་གནས་ཆེན་པོ་སྟེ། ཚུལ་དེ་ལ་སེམས་ཤིང་ཇི་ལྟར་ནུས་པའི་སྒོ་ནས་དཀོན་
མཆོག་ལ་མཆོད་པ་འབུལ་བ་དང་། སློང་བ་ལ་སྦྱིན་པ་གཏོང་བ་ལ་སྤྲོ་བ་དག་ཡོད་དེ། དེ་དག་ནི་སྐྱེས་བུ་དམ་པའི་ཁོངས་སུ་འགྲོ་བ། ཚེ་འདིར་ཡང་སེར་སྣ་དང་སོག་སྲུང་གི་སྔག་བསྔལ་མེད་པ་དང་། སྐྱེ་བ་གཞན་དུ་ཡང་། སྦྱིན་པས་ལོངས་སྤྱོད་ཁྲིམས་ཀྱིས་བདེ། །ཞེས་པ་ལྟ་
བུའི་འབྲས་བུ་ཡིད་དུ་འོང་བ་འཐོབ་པར་འགྱུར་བའི་ལས་ཅན་ཞིག་གོ། །དེ་ལྟར་ཡིན་པ་ཡང་གང་གིས་ཤེས་ན། མང་དུ་སྨོས་པས་ཅི་ཞིག །སྙིང་པོ་དམ་པ་བླང་དུ་ཡོས་པའི་སྐབས་འདིར་འབད་པ་བརྒྱ་སྟོང་མང་པོས་བསྒྲུབ་པར་བྱ་བའི་སྙིང་པོ་ནི་མཐར་ཐུག་གི་འབྲས་བུ་རྣམ་པ་ཐམས་ཅད་

213-1-233b

མཁྱེན་པ་རྫོགས་པའི་སངས་རྒྱས་བཅོམ་ལྡན་འདས་ཀྱི་གོ་འཕང་སྟེ། དེ་ཉིད་གང་ལ་བརྟེན་ནས་མཐར་ཕྱིན་པར་གྱུར་པའི་སྔོན་གྱི་སྐྱེས་བུ་ཆེན་པོ་ཇི་སྙེད་ཅིག་བྱོན་པ་ཐམས་ཅད་ཀྱི་བགྲོད་པ་གཅིག་པའི་ལམ་ཐམས་ཅད་ཀྱི་དང་པོར་གྱུར་པ་ནི་སྦྱིན་པའི་ཕ་རོལ་ཏུ་ཕྱིན་པ་ཉིད་དེ། སྐྱེས་པ་རབས་
ཀྱི་གླེང་གཞིའི་མདོ་ལས། བདག་གིས་སངས་རྒྱས་བྱེད་པའི་ཆོས། །གང་དང་དེ་རུ་བཙལ་བྱས་པ། །སྟེང་དང་འོག་དང་ཕྱོགས་བཅུ་དང་། །ཆོས་ཀྱི་དབྱིངས་ཀྱི་བར་དུའོ། །དེ་ཚེ་བཙལ་བ་ན་ནི་མཐོང་། །དང་པོར་སྦྱིན་པའི་ཕ་རོལ་ཕྱིན། །སྔོན་གྱི་སྐྱེས་བུ་ཆེན་པོ་ཡི། །ལམ་ནི་ཕ་རོལ་
ཕྱིན་རྗེས་འགྲོ། །འདི་ནི་རེ་ཞིག་ཁྱོད་ཀྱིས་ཀྱང་། །བརྟན་པོར་བྱས་ནས་བཟུང་བར་གྱིས། །གལ་ཏེ་བྱང་ཆུབ་ཐོབ་འདོད་ན། །སྦྱིན་པའི་ཕ་རོལ་ཕྱིན་པར་གྱིས། །ཞེས་གསུངས་ཤིང་གནས་སྐབས་ཐམས་ཅད་དུ་ཡང་སྙིང་པོས་རྣམ་པར་དབེན་པའི་ནོར་ལས་སྙིང་པོ་དམ་པ་བླངས་པར་
འགྱུར་བ་དང་། མཛའ་བཤེས་དང་། ཉེ་དུ་དང་། དགྲ་དང་ཆོམ་རྐུན་ལ་སོགས་པས་གཙེ་བར་མི་འགྱུར་བ་དང་། མངོན་པར་འདོད་པ་དང་སེར་སྣའི་ཉོན་མོངས་པ་རྣམས་ཀྱིས་བདག་ཟིལ་གྱིས་གནོན་པར་མི་འགྱུར་བ་དང་། སོག་སྲུང་ལ་སོགས་པ་འཁོར་བའི་སྡུག་བསྔལ་གྱི་ལམ་
ལས་འདའ་བར་བྱེད་པའི་བཞོན་པ་བདེ་བ་ཉིད་དུ་འགྱུར་བ་དང་། ཡོན་ཏན་གྱི་ཚོགས་དང་གྲགས་པ་དཀར་པོ་ཡང་རྣམ་པར་འཕེལ་བར་འགྱུར་བ་དང་། སྐྱེ་བ་ནས་སྐྱེ་བར་ལོངས་སྤྱོད་འཛད་པ་མེད་པའི་གཏེར་ལ་སྤྱོད་པའི་རྒྱུར་འགྱུར་བ་དང་། མཐོ་རིས་ཀྱི་ཡོན་ཏན་བདུན་དང་ལྡན་པར་
འགྱུར་བ་དང་། དབང་ཕྱུག་ཕུན་སུམ་ཚོགས་པ་ཐོབ་པ་འགྱུར་བ་སྟེ། ཀོ་ས་ལའི་སྐྱེས་པའི་རབས་ལས། སྦྱིན་པ་ཞེས་བྱ་གཏེར་ཆེན་རྗེས་འགྲོ་རྐུམ་པོ་ལ་སོགས་ཐུམ་མོང་མིན། །སྦྱིན་པ་འདོད་དང་སེར་སྣའི་སྐྱོན་གྱིས་རྡུལ་ཅན་སེམས་ནི་སྦྱོང་བར་བྱེད། །སྦྱིན་པས་འཁོར་བའི་
ལམ་བགྲོད་ངལ་བ་མེད་པ་བཞོན་པ་བདེ་བ་ཡིན། །སྦྱིན་པས་བདེ་བ་མང་པོ་འགྲུབ་ཅིང་གྲོགས་པོ་བཟང་པོ་མཆོག་ཡིན་ནོ། །འབྱོར་བ་ཕུན་སུམ་ཚོགས་པའམ་བཀའ་ལུང་ཡོན་ཏན་ནམ། །སུམ་ཅུ་རྩ་གསུམ་ཕོ་བྲང་གནས་སམ་གཟུགས་བཟང་ཡོན་ཏན་ནམ། །གང་ཞིག་འདོད་པ་དེ་དག་

213-1-234a

ཐམས་ཅད་སྦྱིན་པས་ཐོབ་པར་འགྱུར། །དེ་ལྟར་ངེས་དོན་གཏན་ལ་ཕབ་ན་སྦྱིན་པ་སུས་མི་བྱེད། །སྦྱིན་པས་ནོར་གྱི་སྙིང་པོ་ལེན་པར་གསུངས། །སྦྱིན་པ་དབང་ཕྱུག་རྣམས་ཀྱི་རྒྱུ་ཞེས་གསུངས། །སྦྱིན་པ་དཔལ་ལྡན་སྐྱེ་བོ་མཆོག་གི་ཚུལ། །ཤེས་རབ་ཆུང་ངུས་རྡུལ་ཙམ་
སྦྱིན་མི་ནུས། །ཞེས་དང་། ཁང་བུ་བརྩེགས་པའི་མདོ་ལས། ཀུན་དགའ་བོ་འདི་ལྟར། དེ་བཞིན་གཤེགས་པའི་ཆོས་ཀྱི་དབྱིངས་ནི་ཤིན་ཏུ་རབ་ཏུ་གནས་པ་ཡིན་ནོ། །དེ་ཤིན་ཏུ་རབ་ཏུ་གནས་པའི་ཕྱིར་ཐལ་མོ་སྦྱར་བ་ཡང་ཆུད་ཟ་བར་མི་འགྱུར་ན། སྦྱིན་པ་ལ་སོགས་པ་བྱེད་པ་ལྟ་སྨོས་
ཀྱང་ཅི་དགོས་ཞེས་དང་། ཆགས་པ་མེད་པའི་སེམས་ཀྱིས་སེར་སྣའི་དགྲ་བོ་ཟིལ་གྱིས་མནན་ནས་སྦྱིན་པ་ལེགས་པར་བྱིན་པའི་མི་དེ་ནི་འཇིག་རྟེན་དཔའ་བོ་ཐམས་ཅད་ཀྱི་ནང་ནས་ཀྱང་ཆེས་དཔའ་བོ་ཉིད་ཡིན་ཏེ། ཆེད་དུ་བརྗོད་པའི་ཚོམས་ལས། འདི་ན་ལན་བརྒྱར་གཡུལ་བཟློག་དཔའ་བོ་
བས། །སེར་སྣ་དགྲར་གྱུར་ཟིལ་གྱིས་མནན་ནས་སུ། །གང་ཞིག་ཆགས་མེད་སེམས་ཀྱིས་སྦྱིན་བྱེད་པ། །དེ་དག་ཆེས་དཔའ་ཡིན་པར་ངེས་གསུངས་སོ། །ཞེས་སོ། །སྦྱིན་པ་གཏོང་བས་ལོངས་སྤྱོད་རེ་ཞིག་ཟད་པ་ལྟར་སྣང་ཡང་ཟད་པའི་མཆོག་ཡིན་པའི་ཕྱིར་འཇིག་རྟེན་འདི་དང་ཕྱི་མར་
བཅས་པར་ཤིན་ཏུ་ཡང་འཕེལ་བའི་ཐབས་བླ་ན་མེད་པ་ཡིན་ཏེ། རྔ་བོ་ཆེའི་མདོར་ཡང་། རང་དང་རང་གི་ལོངས་སྤྱོད་དག་ལ་ཡང་། །སྤྱོད་པར་བྱེད་པ་སྐྱེས་བུ་རྣམས་ཀྱི་ནོར། །སྤྱད་པ་ཉིད་ན་གནོད་པ་གཞན་གྱིས་ཀྱང་། །ཟད་པར་མི་འགྱུར་ཤེས་བྱ་དམ་ཆོས་ཕྱིར། །འདིར་ཟད་བྱས་
མཆོག་ཕ་རོལ་ཟད་མི་འགྱུར། །འཇིག་རྟེན་འདིར་འཕེལ་འཇིག་རྟེན་ཕ་རོལ་དུ། །ཟད་པར་མི་འགྱུར་ཁ་དོག་མཐུར་བཅས་བྱེད། །ཅེས་སོ། །དེ་ལྟ་བུའི་ཕན་ཡོན་གྱི་ཟང་ཟིང་གི་སྦྱིན་པ་དེ་ལ་དབྱེ་ན་གཏོང་བ་དང་། གཏོང་བ་ཆེན་པོ་དང་། ཤིན་ཏུ་གཏོང་བ་ཆེན་པོ་དང་གསུམ་དུ་འགྱུར་
ཏེ། ཆོས་ཡང་དག་པར་སྡུད་པའི་མདོ་ལས། བྱང་ཆུབ་སེམས་དཔའ་རྣམས་ཀྱི་གཏོང་བ་རྣམ་པ་གསུམ་སྟེ། གཏོང་བ་དང་། གཏོང་བ་ཆེན་པོ་དང་། ཤིན་ཏུ་གཏོང་བའོ། །དེ་ལ་གཏོང་བ་གང་ཞེ་ན། བཟང་བ་དང་། བཏུང་བ་དང་། བཞོན་པ་དང་། གོས་དང་། མར་མེ་

213-1-234b

དང་། སྤོས་དང་། རྒྱན་ལ་སོགས་པ་གང་སེམས་ཅན་རྣམས་ཕན་པར་འགྱུར་བ་མ་གཏོགས་པ་མི་སྦྱིན་པ་གང་ཡིན་པ་དེ་ནི་གཏོང་བའོ། །གཏོང་བ་ཆེན་པོ་འདི་ལྟ་སྟེ། ཆུང་མ་དང་། བུ་དང་། བུ་མོ་དང་། ཡིད་དུ་འོང་བའི་བྲན་དང་། ཁྱིམ་དང་། རྒྱལ་སྲིད་རྣམས་ཡོངས་སུ་གཏོང་
བ་ནི་གཏོང་བ་ཆེན་པོའོ། །ཤིན་ཏུ་གཏོང་བ་གང་ཞེན། ལག་པ་དང་། རྐང་པ་དང་། རྣ་བ་དང་། སྣ་དང་། ཤ་དང་། རུས་པ་དང་། པགས་པ་དང་། མིག་དང་། ལྕེ་དང་། མགོ་རུས་དང་། རྐང་ལ་སོགས་པ་གཏོང་བ་སྟེ། འདི་ནི་བྱང་ཆུབ་སེམས་དཔའི་ཤིན་ཏུ་གཏོང་བ་
ཞེས་བྱའོ་ཞེས་གཏོང་བ་རྣམ་པ་གསུམ་དུ་གསུངས་པ་ལས། འདིར་དང་པོ་དང་འབྲེལ་བར་བསགས་པའི་དངོས་པོ་ཐམས་ཅད་མཆོད་སྦྱིན་གྱི་ཆེད་དུ་བཏང་བའི་སྐབས་ཏེ། དེ་ལ་ནང་གསེས་ཀྱིས་སྦྱིན་པར་བྱ་བའི་རྫས་ཀྱང་མ་དག་པའི་སྦྱིན་པ་སྤངས་ནས་སྦྱིན་དུ་རུང་བའི་དངོས་པོ་
རྣམས་སྦྱིན་པར་བྱིན་པའི་རྣམ་པར་སྨིན་པ་སོ་སོར་བཤད་པ་ཡང་། ཕ་རོལ་ཏུ་ཕྱིན་པ་ལྔ་བསྟན་པའི་མདོ་ལས། ཁ་ཟས་སྦྱིན་པར་བྱིན་ན་ནི། །དེ་ནི་ཚེ་དང་ཁ་དོག་དང་། །སྟོབས་དང་བདེ་བ་ལྔ་ལ་སྤོབས། །ཤེས་རབ་ཅན་གྱི་སྦྱིན་པ་ཡིན། །ཁ་ཟད་སྦྱིན་པས་དགའ་བ་དང་། །ཚེ་རིང་
སྟོབས་ལྡན་བདེ་སྐྱིད་འགྱུར། །སྐོམ་བྱིན་པས་ནི་མཁས་པ་དེ། །ཀུན་དུ་འབར་ཞིང་རབ་འབར་བ། །ཡི་དྭགས་ཉམ་ངར་མི་སྐྱེ་ལ། །སྐོམ་པའི་གནོད་པ་འབྱུང་མི་འགྱུར། །གོས་སྦྱིན་ཤིང་ཏུ་དཔལ་དང་ལྡན། །རྟན་ཏུ་རིགས་ལྡན་གཟུགས་བཟང་ཞིང་། །མི་དེ་ངོ་ཚ་ཤེས་པར་འགྱུར། །
ཞེས་དང་། སྦྱིན་པའི་ལེགས་པའི་མདོ་ལས། བཅོམ་ལྡན་འདས་ཀྱིས་དགེ་སློང་རྣམས་ལ་བཀའ་སྩལ་པ། དགེ་སློང་དག་མཁས་པ་རྣམས་ཀྱིས་རྣམ་པ་སུམ་ཅུ་རྩ་བདུན་སྦྱིན་པར་བྱིན་ནོ། །སུམ་ཅུ་རྩ་བདུན་གང་ཞེ་ན། སེར་སྣ་རྣམ་པར་སྤང་བའི་ཕྱིར་དད་པས་སྦྱིན་པ་བྱིན་ནོ། །དུས་
སུ་སྦྱིན་པ་བྱིན་ནོ། །དེ་བཞིན་གཤེགས་པས་གནང་བའི་རུང་བ་དངོས་པོ་གསུམ་ཡོངས་སུ་དག་པས་སྦྱིན་པ་བྱིན་ནོ། །སེམས་ཀྱི་འཁྲུག་པའི་སྐྱོན་ཐམས་ཅད་སྤང་བའི་ཕྱིར་བསྟི་སྟང་དུ་བྱས་ཏེ་སྦྱིན་པ་བྱིན་ནོ། །སྙིང་པོ་མེད་པའི་ལུས་ལས་སྙིང་པོ་བླང་བའི་ཕྱིར་རང་གི་ལག་ནས་སྦྱིན་པ་བྱིན་ནོ། །

213-1-235a

གཞན་ལ་མི་གནོད་པར་སྦྱིན་པ་བྱིན་ན་རྣམ་པར་སྨིན་པ་གཏོང་བ་ཆེན་པོ་རབ་ཏུ་ཐོབ་པར་འགྱུར་རོ། །ཁ་དོག་ཕུན་སུམ་ཚོགས་པ་སྦྱིན་པར་བྱིན་ན་རྣམ་པར་སྨིན་པ་ཁ་དོག་མཛེས་པ་རབ་ཏུ་ཐོབ་པར་འགྱུར་རོ། །སྤོས་ཕུན་སུམ་ཚོགས་པ་སྦྱིན་པར་བྱིན་ན་རྣམ་པར་
སྨིན་པ་གྲགས་པའི་སྤོས་རབ་ཏུ་ཐོབ་པར་འགྱུར་རོ། །རོ་བྲོ་བ་ཕུན་སུམ་ཚོགས་པ་སྦྱིན་པར་བྱིན་ན་རོ་བྲོ་བའི་མཆོག་གི་དཔེ་བྱད་བཟང་པོ་རབ་ཏུ་ཐོབ་པར་འགྱུར་རོ། །གྱ་ནོམ་པ་སྦྱིན་པར་བྱིན་ན་རྣམ་པར་སྨིན་པ་ལོངས་སྤྱོད་གྱི་ནོམ་པ་རབ་ཏུ་ཐོབ་པར་འགྱུར་རོ། །རྒྱ་ཆེན་པོ་སྦྱིན་པར་བྱིན་ན་
རྣམ་པར་སྨིན་པ་ལོངས་སྤྱོད་རྒྱ་ཆེན་པོ་རབ་ཏུ་ཐོབ་པར་འགྱུར་རོ། །བཟའ་བ་སྦྱིན་པར་བྱིན་ན་རྣམ་པར་སྨིན་པ་སྐྱེ་བ་ཐམས་ཅད་དུ་བཀྲེས་པ་རྣམ་པར་གཅོད་པ་རབ་ཏུ་ཐོབ་པར་འགྱུར་རོ། །བཏུང་བ་སྦྱིན་པར་བྱིན་ན་རྣམ་པར་སྨིན་པ་སྐྱེ་བ་ཐམས་ཅད་དུ་སྐོམ་པ་རྣམ་པར་གཅོད་པ་རབ་དུ་
ཐོབ་པར་འགྱུར་རོ། །གོས་སྦྱིན་པར་བྱིན་ན་རྣམ་པར་སྨིན་པ་གོས་ཀྱི་ལོངས་སྤྱོད་སྣ་ཚོགས་པ་རབ་ཏུ་ཐོབ་པར་འགྱུར་རོ། །གནས་སྦྱིན་པར་བྱིན་ན་རྣམ་པར་སྨིན་པ་པུ་ཤུ་དང་། ཁང་པ་བརྩེགས་པ་དང་། ཁྱིམ་དང་། ཁང་པ་དང་། གཞལ་མེད་ཁང་དང་། སྐྱེད་ཤིང་གི་ར་བ་དང་།
ཀུན་དགའ་ར་བ་དང་། ཡུལ་རབ་ཏུ་ཐོབ་པར་འགྱུར་རོ། །མལ་ཆ་སྦྱིན་པར་བྱིན་ན་རྣམ་པར་སྨིན་པ་རིགས་མཐོན་པོ་རབ་ཏུ་ཐོབ་པར་འགྱུར་རོ། །བཞོན་པ་སྦྱིན་པར་བྱིན་ན་རྣམ་པར་སྨིན་པ་རྫུ་འཕྲུལ་གྱི་རྐང་པ་བཞི་རབ་ཏུ་ཐོབ་པར་འགྱུར་རོ། །སྨན་སྦྱིན་པར་བྱིན་ན་རྣམ་པར་སྨིན་པ་རྒ་ཤི་མེད་ཅིང་
མྱ་ངན་དང་ཀུན་ནས་ཉོན་མོངས་པ་འགོག་པའི་མྱ་ངན་ལས་འདས་པ་རབ་ཏུ་ཐོབ་པར་འགྱུར་རོ། །ཆོས་སྦྱིན་པར་བྱིན་ན་རྣམ་པར་སྨིན་པ་སྐྱེ་བ་དྲན་པ་རབ་ཏུ་ཐོབ་པར་འགྱུར་རོ། །མེ་ཏོག་སྦྱིན་པར་བྱིན་ན་རྣམ་པར་སྨིན་པ་བྱང་ཆུབ་ཀྱི་ཡན་ལག་གི་མེ་ཏོག་རབ་ཏུ་ཐོབ་པར་འགྱུར་རོ། །ཕྲེང་བ་སྦྱིན་པར་
བྱིན་ན་རྣམ་པར་སྨིན་པ་འདོད་ཆགས་དང་། ཞེ་སྡང་དང་། གཏི་མུག་གི་དྲི་མ་རྣམ་པར་དག་པ་རབ་ཏུ་ཐོབ་པར་འགྱུར་རོ། །བདུག་པ་སྦྱིན་པར་བྱིན་ན་རྣམ་པར་སྨིན་པ་ཉོན་མོངས་པའི་དྲི་ང་བ་ཐམས་ཅད་མེད་པ་རབ་ཏུ་ཐོབ་པར་འགྱུར་རོ། །གདུགས་སྦྱིན་པར་བྱིན་ན་རྣམ་པར་སྨིན་པ་ཆོས་ལ་དབང་ཐོབ་

213-1-235b

པ་རབ་ཏུ་འགྱུར་རོ། །དྲིལ་བུ་སྦྱིན་པར་བྱིན་ན་རྣམ་པར་སྨིན་པ་སྒྲ་དབྱངས་ཡིད་དུ་འོང་བ་རབ་ཏུ་ཐོབ་པར་འགྱུར་རོ། །སིལ་སྙན་སྦྱིན་པར་བྱིན་ན་རྣམ་པར་སྨིན་པ་ཚངས་པའི་སྒྲ་དབྱངས་རབ་ཏུ་ཐོབ་པར་འགྱུར་རོ། །མར་མེ་སྦྱིན་པར་བྱིན་ན་རྣམ་པར་སྨིན་པ་ལྷའི་མིག་སྒྲིབ་པ་མེད་ཅིང་རྣམ་པར་དག་པ་
རབ་ཏུ་ཐོབ་པར་འགྱུར་རོ། །དར་སྦྱིན་པར་བྱིན་ན་རྣམ་པར་སྨིན་པ་ལྷ་དང་མིའི་ནང་ན་རྣམ་པར་གྲོལ་བའི་དར་གྱིས་བཅིངས་པ་རབ་ཏུ་ཐོབ་པར་འགྱུར་རོ། །དེ་བཞིན་གཤེགས་པའི་མཆོད་རྟེན་ནམ། དེ་བཞིན་གཤེགས་པའི་སྐུ་གཟུགས་ལ་འབྲུ་མར་དྲི་ཞིམ་པོ་ཕུལ་ལམ་སྤོས་ཀྱི་ཁྲུས་ཆུ་དབུལ་
བ་ཕུལ་ན་རྣམ་པར་སྨིན་པ་སྐྱེས་བུ་ཆེན་པོའི་མཚན་སུམ་ཅུ་རྩ་གཉིས་དང་དཔེ་བྱད་བཟང་པོ་བརྒྱད་ཅུ་རབ་ཏུ་ཐོབ་པར་འགྱུར་རོ། །ཁྲུས་ཀྱི་ཡོ་བྱད་སྦྱིན་པར་བྱིན་ན་རྣམ་པར་སྨིན་པ་སྐྱེ་བ་ཐམས་ཅད་དུ་ནད་ཉུང་བ་དང་རིགས་མཆོག་ཏུ་སྐྱེ་ཞིང་ཀུན་དུ་མཛེས་པ་རབ་ཏུ་ཐོབ་པར་འགྱུར་རོ། །སྙིང་
པོ་ལྔ་སྦྱིན་པར་བྱིན་ན་རྣམ་པར་སྨིན་པ་སྐྱེ་བ་ཐམས་ཅད་དུ་མཐུ་ཆེ་ཞིང་སྤྲོ་བ་ཆེན་པོ་མི་ཐུལ་བ་རབ་ཏུ་ཐོབ་པར་འགྱུར་རོ། །བྱམས་པ་ལ་གནས་ཏེ་སྦྱིན་པར་བྱིན་ན་རྣམ་པར་སྨིན་པ་གནོད་སེམས་མེད་པ་རབ་ཏུ་ཐོབ་པར་འགྱུར་རོ། །སྙིང་རྗེ་ལ་གནས་ཏེ་སྦྱིན་པར་བྱིན་ན་རྣམ་པར་སྨིན་པ་འཚེ་བ་མེད་
པ་རབ་ཏུ་ཐོབ་པར་འགྱུར་རོ། །དགའ་བ་ལ་གནས་ཏེ་སྦྱིན་པར་བྱིན་ན་རྣམ་པར་སྨིན་པ་མི་འཇིགས་པ་སྦྱིན་པ་རབ་ཏུ་ཐོབ་པར་འགྱུར་རོ། །བཏང་སྙོམས་ལ་གནས་ཏེ་སྦྱིན་པར་བྱིན་ན་རྣམ་པར་སྨིན་པ་མི་དགའ་བ་སྤོང་བ་རབ་ཏུ་ཐོབ་པར་འགྱུར་རོ། །རྣམ་པ་སྣ་ཚོགས་ཀྱི་སྦྱིན་པར་བྱིན་ན་རྣམ་པར་
སྨིན་པ་ལོངས་སྤྱོད་སྣ་ཚོགས་རབ་ཏུ་ཐོབ་པར་འགྱུར་རོ། །ལན་ལ་མི་རེ་བ་ལ་གནས་ཏེ་སྦྱིན་པར་བྱིན་ན་རྣམ་པར་སྨིན་པ་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཐོབ་པར་འགྱུར་རོ་ཞེས་བྱ་བ་ལ་སོགས་པ་ཟང་ཟིང་གི་སྦྱིན་པ་ཚུལ་བཞིན་དུ་བྱིན་པའི་ཕན་ཡོན་མང་པོ་དྲི་མ་མེད་པའི་ལུང་གི་
ཚོགས་ཀྱིས་ལེགས་པར་གདམས་པའི་ཡི་གེ་དམ་པའི་རྔ་ཆེན་བརྡུང་བ་ནི་ཅི་ཡང་ཐོས་སོ། །ཐོས་ནས་ཀྱང་སླར་ཡང་འདི་ལྟར་ཐུགས་ལ་སེམས་པར་བྱེད་དེ། རྗེ་ངོར་ཆེན་རྡོ་རྗེ་འཆང་གིས། ད་ལྟའི་བདེ་སྡུག་འབྱོར་རྒུད་འདུ་འབྲལ་རྣམས། །སྔོན་བསགས་ལས་ཀྱི་རྗེས་སུ་འབྲང་བའི་

213-1-236a

ཕྱིར། །ལས་འབྲས་བསླུ་མེད་དོན་ལ་མ་རྨོངས་པས། །བླང་དོར་ཚུལ་བཞིན་སྤྱོད་དང་ཤེས་ལྡན་དག །ཅེས་གསུངས་པ་ལྟར། བདག་གི་སྔོན་གྱི་སྐྱེ་བར་སྦྱིན་པ་མ་ཉུང་ཙམ་ཞིག་བཏང་བའི་མཐུས། ད་ལྟ་ནི་ཀུན་གྱི་འགྲན་པའི་ཟླ་ཐམས་ཅད་དང་བྲལ་བའི་སྟོབས་
དང་། དཔལ་དང་འབྱོར་པ་ཕུན་སུམ་ཚོགས་པ་འདི་ལྟ་བུ་ཞིག་ཐོབ་པར་གྱུར་པའི་འདི་དག་གོ། །འོན་ཏེ་འདི་དག་གི་རང་བཞིན་ལ་ཇི་ལྟར་དཔྱད་ཀྱང་འཁོར་བའི་ཕུན་སུམ་ཚོགས་པ་ཞེས་པ་མི་རྟག་པའི་མཐའ་ཅན་གང་རུང་ཞིག་ལས་མ་འདས་པའི་ཕྱིར། ནམ་ཞིག་ན། སྟོན་ཀའི་སྤྲིན་གྱི་
འདུ་འགོད་ལྟར་མི་བརྟན་ཅིང་གཡོ་བའི་རང་བཞིན་ཅན་ཡིན་པ་དང་། ཚྭ་ཆུ་ལྟར་ཇི་ཙམ་སྤྱད་ཀྱང་ངོམས་པའི་མཐའ་མཐོང་བ་མེད་པའི་རང་བཞིན་ཅན་ཡིན་པ་དང་། ཆུའི་ཆུ་བུར་ལྟར་སྙིང་པོས་རྣམ་པར་དབེན་བའི་རང་བཞིན་ཅན་ཡིན་པའི་ཕྱིར། ཡིད་བརྟན་དུ་རུང་བ་ནི་ཅུང་ཟད་ཀྱང་མ་
མཆིས་སོ། །འོན་ཀྱང་སྙིན་པོ་མེད་པ་ལས་ཀྱང་སྦྱིན་པ་གཏོང་བ་ལ་སོགས་པའི་སྒོ་ནས། བླ་ན་མེད་པའི་བྱང་ཆུབ་ཀྱི་སྙིང་པོ་ལེན་པའང་ཤིན་ཏུ་མཁས་པ་ནི་སྔོན་གྱི་སྐྱེས་བུ་ཆེན་པོ་ཐབས་ལ་མཁས་པ་རྣམས་སོ། །དེ་བས་ན་ཁོ་བོ་ཅག་ཀྱང་སྔོན་གྱི་སྐྱེས་བུ་དམ་པ་བྱང་ཆུབ་སེམས་དཔའ་
སེམས་དཔའ་ཆེན་པོ་རྣམས་ཀྱིས་ཇི་ལྟར་བླ་ན་མེད་པའི་བྱང་ཆུབ་ཀྱི་སྤྱོད་པ་རྒྱ་ཆེན་པོ་སྤྱོད་པའི་ལམ་གང་ཡིན་པ་དེའི་རྗེས་སུ་ཞུགས་ལ། སེར་སྣ་མེད་པའི་གཏོང་བ་ལ་རབ་ཏུ་དཔའ་བར་གྲགས་པའི་རྔ་བོ་ཆེ་ནི་བརྡུང་བར་བགྱིའོ། །ལན་དང་རྣམ་པར་སྨིན་པ་རེ་བ་མེད་པའི་སྦྱིན་པ་དམ་པའི་སྒོ་བརྒྱ་
ཕྲག་གཅིག་ནི་དབྱེ་བར་བགྱིའོ། །གཏོང་ཕོད་དང་དམན་པ་མིན་པའི་ལག་པ་ནི་བརྐྱང་བར་བགྱིའོ། །འགྲོ་བ་ཐམས་ཅད་ནི་མཆོད་པ་དང་སྦྱིན་པའི་ཞིང་དུ་དགོད་པར་བགྱིའོ་ཞེས་སྙམ་དུ་རྩེ་གཅིག་པས་དགོངས་ཏེ། ཟང་ཟིང་གི་འབྱོར་བ་ཕལ་ཆེ་བ་དག་དགེ་བའི་རྩ་བ་བསྒྲུབ་པའི་ཆེད་དུ་ཚུལ་
བཞིན་དུ་གཏོང་བ་ལ་མི་སྤྲོ་བ་མེད་པའི་སྙིང་སྟོབས་ཀྱི་ཆུ་གཏེར་རབ་ཏུ་འཕེལ་བར་གྱུར་ཏོ། །དེའང་གང་དུ་གཏོང་བར་བྱ་བའི་ཞིང་དུ་གྱུར་བ་ནི། དབུ་མ་བཤེས་པའི་སྤྲིང་ཡིག་ལས། ལོངས་སྤྱོད་གཡོ་བ་སྙིང་པོ་མེད་མཐོང་ནས། །དགེ་སློང་བྲམ་ཟེ་བཀྲེན་དང་བཤེས་རྣམས་ལ། །སྦྱིན་

213-1-236b

པ་ཚུལ་བཞིན་སྩལ་བགྱི་ཕ་རོལ་དུ། །སྦྱིན་ལས་གཞན་པའི་གཉེན་མཆོག་མ་མཆིས་སོ། །ཞེས་བཤད་པ་ལྟར། སྦྱིན་པའི་ཞིང་ངམ་མཆོད་པའི་ཞིང་ངམ་ཡོན་གྱི་ཞིང་དམ་པར་གྱུར་པ་ནི། དམ་པའི་ཆོས་སྨྲ་བ་དང་། དགེ་སློང་དང་བྲམ་ཟེ་ལ་སོགས་པ་དང་། ཕན་འདོགས་པའི་ཞིང་
དུ་གྱུར་པ་ནི་བཀྲེན་པ་དང་ནད་པ་ལ་སོགས་པ་དང་། རེ་བའི་ཞིང་དུ་གྱུར་པ་ནི་མཛའ་བཤེས་ལ་སོགས་པ་རྣམས་སུ་གསུངས་པ་ལས། འདིར་སྡོམ་བརྩོན་སྐྱེ་དགུའི་བདག་པོ་འདི་ཉིད་ནི། སྤྱིར་ཛམྦུའི་གླིང་གི་ཕྱོགས་ཁ་བ་ཅན་གྱི་ལྗོངས་སུ་བཞུགས་སོ་འཚལ་གྱི་སངས་རྒྱས་བཅོམ་
ལྡན་འདས་ཀྱི་བསྟན་པ་རིན་པོ་ཆེ་མཐའ་དག་དང་། དེ་ཉིད་ཡུན་དུ་གནས་པར་བྱེད་པའི་རྩ་ལག་བསྟན་པ་འཛིན་པའི་གང་ཟག་རྒྱ་མཚོ་ཆེན་པོའི་རྡུལ་གྱི་གྲངས་དང་མཉམ་པ་ཇི་སྙེད་ཅིག་བཞུགས་པ་ཐམས་ཅད་ཀྱི་ཉེར་འཚོའི་གཞིར་གྱུར་པའི་བསྟན་པ་སྦྱིན་བདག་ཆེན་པོ་ཉིད་དུ་ལེགས་
པར་གྲགས་ཤིང་གྲུབ་པའི་ཚུལ་ཕལ་ཆེ་བ་ནི་གོང་དུ་སྨོས་པ་ལ་ཤེས་པར་འགྱུར་ཞིང་། དེ་དག་ཙམ་དུ་མ་ཟད་སྐབས་འདི་དང་འོང་ཏུ་འཆད་པར་འགྱུར་བ་རྣམས་སུ་ཡང་རྒྱས་པར་འབྱུང་སྟེ། ཅིའི་ཕྱིར་ན། གནའི་དུས་ནས་དར་བའི་དཔྱ་དང་གཞན་གྱིས་ཕུལ་བ་དང་། ཚོང་ཟོང་
གིས་བསྒྲུབས་པ་ལ་སོགས་པ་བདོག་པའི་དངོས་པོ་ཐམས་ཅད་ཀྱང་མཐར་དཀོན་མཆོག་ལ་མཆོད་པ་འབུལ་བ་དང་། གཙུག་ལག་ཁང་བརྩིགས་པ་དང་། དེ་བཞིན་གཤེགས་པ་སྲས་དང་སློབ་མར་བཅས་པའི་སྐུ་དང་གསུང་དང་ཐུགས་ཀྱི་རྟེན་བཞེངས་པ་ལ་སོགས་པའི་རྒྱུར་གཏོང་བ་དང་། 
ཁྱད་པར་ཆོས་ཀྱི་སྦྱིན་པ་རྒྱུན་མི་འཆད་པའི་འཕྲུལ་གྱི་སྒོ་ཆེན་པོ་འདི་ཕྱེ་བའི་རྒྱུར་གཏོང་བའི་ཚུལ་རྒྱས་པ་ནི་འོག་ཏུ་འཆད་པར་འགྱུར་བ་ལྟར་དང་། བྱེ་བྲག་ཏུ་བོད་ཆེན་པོའི་ལྗོངས་ན་སྡོམ་བརྩོན་བླ་མ་འདི་ཉིད་ཀྱི་ཡབ་མེས་གོང་མར་གྱུར་པ་བསྟན་པ་ལ་ལྷག་པའི་བསམ་པ་མཆོག་ཏུ་དཀར་བ་
རྣམས་ཀྱི་སྐུ་རིང་ནས་གསང་སྔགས་གསར་རྙིང་བོན་གསུམ་གྱི་གྲུབ་པའི་མཐའ་ཕྱོགས་རིས་མེད་པའི་དབུ་འཕང་བླ་མ་ནས་བླ་མར་འདེགས་པའི་འཛིན་སྐྱོང་དང་ཞབས་ཏོག་ཡང་དག་པ་མཛད་ཅིང་། དེ་དག་གི་ནང་ནས་ཀྱང་མཆོག་གམ། གཙོ་བོའམ། ཕུལ་ལམ། གཙུག་གི་ནོར་

213-1-237a

བུ་བཞིན་དུ་གཅེས་པར་བཟུང་བ་ནི་འཛམ་གླིང་བསྟན་པའི་བདག་པོ་དཔལ་ས་སྐྱ་པའི་ལུགས་བཟང་དྲི་མ་མེད་པ་འདི་ཉིད་དང་། རྒྱལ་བ་ཉི་མའི་གཉེན་གྱི་རྒྱལ་ཚབ་ཆེན་པོ་རྡོ་རྗེ་འཆང་ཀུན་དགའ་བཟང་པོ་པའི་བསྟན་པ་རྩོད་པ་ཀུན་གྱི་ཕྱོགས་ལས་རྣམ་པར་རྒྱལ་བའི་
རྒྱལ་མཚན་དམ་པ་འདི་གཉིས་གང་གི་སྙིང་སྟོབས་ཀྱི་ཕྲག་པ་རབ་ཏུ་བརྟན་པའི་རྩེ་ན་བཟུང་ངོ་། །ཇི་ལྟར་བཟུང་བ་དེ་དག་ཀྱང་བསྐལ་པ་ནས་བསྐལ་པའི་ཕྲེང་བར་བརྟན་པར་བྱེད་པའི་ཆོ་ག་རྨད་དུ་བྱུང་བ་ནི་མཁས་པའི་ཕྲིན་ལས་རྣམ་པ་གསུམ་སྟེ། དེ་དག་ལ་ཤིན་ཏུ་དབང་འབྱོར་པའི་བསྟན་
འཛིན་གྱི་སྐྱེས་བུ་ཆེན་པོ། ས་གསུམ་གྱི་ཁོངས་ནས་གྲགས་པའི་ཟླ་འོད་རྣམ་པར་གསལ་བ་མང་པོ་སྤྱན་དྲངས་ཏེ། བསྟན་པའི་རྒྱུན་ཆེན་པོ་མི་ནུབ་པར་བཙུགས་སོ། །དེས་ན་གོང་མ་དེ་དག་གི་བསྟན་པ་ལ་དམ་པའི་བྱ་བ་ཇི་ལྟར་བྱས་པ་དེ་བཞིན་དུ། དེང་གི་དུས་ཀྱི་སྡོམ་བརྩོན་སྐྱེ་དགུའི་
བདག་པོ་འདིས་ཀྱང་གོང་མ་དེ་དག་གི་ཕྲིན་ལས་དང་། རྣམ་པར་དཀར་བའི་ལེགས་བྱས་ཀྱི་སྡོང་པོ་ཆེན་པོ་རྨ་མེད་པ་ཉིད་དུ་བཟུང་ནས། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་བཅོམ་ལྡན་འདས་ཀྱི་བདག་རྐྱེན་ལས་བྱུང་བའི་བསྟན་པ་རིན་པོ་ཆེ་འདི་
ཉིད་འཇིག་རྟེན་གྱི་ཁམས་ན་ཡུན་དུ་འཚོ་ཞིང་གཞེས་པའི་ཐབས་ཀྱི་རྣམ་པ་མང་པོ་མངོན་པར་འདུ་བགྱི་བ་དང་། དེ་ཉིད་ལེགས་པར་གནས་པ་ལ་བརྟེན་ནས་ཡངས་པའི་རྒྱལ་ཁམས་ཀུན་དུ་བདེ་ལེགས་རྒྱ་ཆེན་པོ་འབྱུང་བར་ལྷག་པའི་བསམ་པས་ཀུན་ནས་བསླངས་ཏེ། གཏོང་ཕོད་
ཆེན་པོའི་ཕྱག་གི་དཔག་བསམ་གྱི་ཡལ་ག་རྣམ་པར་བརྐྱངས་ཏེ། བླ་མ་དང་དཀོན་མཆོག་ལ་མཆོད་པ་འབུལ་བ་དང་། འཕགས་པའི་དགེ་འདུན་ལ་བརྙེན་བཀུར་བགྱིས་པ་ལ་སོགས་པའི་གཏམ་རགས་པ་ཙམ་བརྗོད་པ་ནི་འདི་ལྟ་སྟེ། བགྲང་བ་ལས་འདས་པའི་སྐལ་པ་རྣམས་སུ་བསགས་
པའི་ལེགས་བྱས་རྒྱ་མཚོ་ལྟ་བུས་ཀྱང་ཤིན་ཏུ་བགྲུབ་པར་དཀའ་བ་ཉིད་ནི་རྣམ་པ་ཐམས་ཅད་མཁྱེན་པའི་ཡེ་ཤེས་མཆོག་སྟེ། དེའི་གོ་འཕང་ཉིད་ཀྱང་དཀའ་ཚེགས་ཆེན་པོ་ལ་མ་ལྟོས་པར་བདེ་བླག་ཏུ་བརྙེས་པར་འདོད་བའི་སློབ་མ་བློ་དང་ལྡན་པ་དག་གིས། མཆོད་པ་གཞན་ཐམས་ཅད་

213-1-237b

སྤངས་ཏེ། རང་ཉིད་ལ་དུས་གསུམ་གྱི་སངས་རྒྱས་ཐམས་ཅད་ཀྱི་མཛད་པ་བླ་ན་མེད་པ་ཐམས་ཅད་མཛད་པའི་དཔལ་ལྡན་བླ་མ་མཆོག་གི་རྡོ་རྗེ་སློབ་དཔོན་ཆེན་པོ་གང་ཡིན་པ་དེ་ཉིད་དོ། །དེ་ནི་རྣམ་པ་ཐམས་ཅད་དུ་བཅོམ་ལྡན་འདས་རྡོ་རྗེ་སེམས་དཔལ་ལྟ་བུར་བསྟས་ལ། ཤིན་ཏུ་
གཏོང་བར་དཀའ་བ་དང་དཀོན་པ་དང་། ཁྱད་པར་ཅན་དུ་གྱུར་པའི་ཡོ་བྱད་གང་དང་གང་ཡིན་པ་དེ་དང་དེས་མངོན་པར་མཆོད་ཅིང་། མཉེས་པར་འགྱུར་བའི་ཐབས་སུ་ཅི་འགྱུར་བྱེད་པ་དེ་ནི་འཁོར་བའི་སྡུག་བསྔལ་མཐའ་ཅན་དུ་བྱེད་པའི་སྐྱེས་བུ་དམ་པ་སྟེ། ཇི་སྐད་དུ། མཆོད་པ་
ཐམས་ཅད་ཡོངས་སྤངས་ནས། །བླ་མར་མཆོད་པ་ཡང་དག་བརྩམ། །དེ་མཉེས་པས་ནི་ཀུན་མཁྱེན་པའི། །ཡེ་ཤེས་མཆོག་ནི་ཐོབ་པར་འགྱུར། །བླ་མེད་མཛད་པའི་སློབ་དཔོན་ནི། །རྡོ་རྗེ་སེམས་དཔའ་རབ་མཆོད་ན། །དེ་ཡིས་བསོད་ནམས་མ་བྱས་ཤིང་། །དཀའ་ཐུབ་མ་
བསྟེན་ཅི་ཞིག་ཡོད། །ཅེས་བྱ་བ་དང་། རིམ་པ་ལྔ་པ་ལས་ཀྱང་། དེ་ཉིད་མི་ཟད་འདོད་པ་ཡིས། །ཤིན་ཏུ་དགའ་བ་གང་དང་གང་། །ཤིན་དུ་ཁྱད་པར་ཅན་དེ་དེ། །དེ་དང་དེ་ནི་བླ་མར་བྱིན། །སློབ་དཔོན་གྱིས་ནི་སྡིག་པ་འཕྲོག །སློབ་དཔོན་གྱིས་ནི་འཇིགས་པ་སེལ། །སློབ་དཔོན་
གྱིས་ནི་སྡུག་བསྔལ་གྱི། །རྒྱ་མཚོའི་མཆིང་ལས་ཕ་རོལ་སྒྲོལ། །ཞེས་བྱ་བ་དང་། རྡོ་རྗེ་སྙིང་པོ་རྒྱན་གྱི་རྒྱུད་ལས། བློ་ལྡན་རྡོ་རྗེ་སློབ་མ་ཡིས། །ཅི་སྟེ་བདེ་བ་ཀུན་འདོད་ན། །དད་མོས་སེམས་ཀྱིས་དབུལ་བར་བྱ། །ཡིད་ལ་གང་བསམས་མ་ཕུལ་ལམ། །ཁས་བླངས་དེ་ནི་མ་ཕུལ་ན། །
ཡི་དྭགས་དམྱལ་བ་རྣམ་གཉིས་སུ། །ངེས་པར་སྐྱེ་སྟེ་བརླག་པར་འགྱུར། །ཞེས་དང་། དཔལ་ཡང་དག་པར་སྦྱོར་བའི་རྒྱུད་ལས་ཀྱང་། གང་དང་གང་གིས་སྡུག་པའི་རྫས། །རེ་བ་མེད་པའི་སེམས་ཀྱིས་ནི། །དེ་དང་དེ་ནི་བླ་མར་དབུལ། །ཞེས་བྱ་བ་དང་། རྡོ་རྗེ་ཕྲེང་བ་ལས། གསེར་དང་
དོ་ཤལ་གོས་དང་ནི། །རིན་ཆེན་སྣ་ཚོགས་ཡོན་ཏན་མཆོག །བྲན་དང་ལས་བྱེད་གྲངས་མེད་དང་། །དད་ཅིང་གུས་པ་ལ་སོགས་ཀྱི། །ཆགས་པ་བྲལ་བའི་སེམས་ཀྱིས་ནི། །རབ་ཏུ་འབད་པས་མཉེས་པར་བྱ། །ཇི་ལྟར་བཞེད་པ་སྟོན་པ་ལ། །རྙེད་པར་དཀའ་བའི་དངོས་རྣམས་ཀྱིས། །སྔགས་

213-1-238a

གྱི་དོན་སྟོན་བླ་མ་ནི། །དགོས་པ་ཡོངས་སུ་བསྐང་བར་བྱ། །ཞེས་བྱ་བ་དང་། གཤིན་རྗེའི་གཤེད་དམར་པོའི་རྒྱུད་ལས། དེ་ནས་བླ་མར་ཡིན་དབུལ་བ། །འདི་ན་རབ་ཏུ་བཤད་པར་བྱ། །བདག་ཉིད་ཞི་བ་ཉིད་དང་ནི། །ལས་ཀུན་འགྲུབ་པའི་ཕྱིར་དུ་ཡང་། །ཕོངས་པ་མེད་
པར་དབུལ་བྱ་སྟེ། །བདག་ཉིད་དངུལ་གྱི་རྣ་རྒྱན་དང་། །གསེར་དང་ནོར་བུ་མཱ་ལ་དང་། །དེ་བཞིན་བུ་དང་ཆུང་མ་དང་། །སྐྱེད་བྱེད་མ་དང་སྲིད་མོ་དང་། །རྣམ་པ་སྣ་ཚོགས་ན་བཟའ་ཉིད། །གདུགས་དང་རྔ་ཡབ་མཛེས་པ་དང་། །ཁང་པ་ཁྲི་དང་དྲི་བཟང་དང་། །དེ་བཞིན་གླུ་དང་རོལ་མོ་ཉིད། །རལ་
གྲི་དང་ནི་རྒྱན་ཉིད་ཀྱང་། །བླ་མར་རབ་དབུལ་བརྟུལ་ཞུགས་ཅན། །ཞེས་བྱ་བ་དང་། བླ་མ་ལྔ་བཅུ་པ་ལས་ཀྱང་། བླ་མ་ལ་ནི་གྲུས་བཅས་ཡོན། །རྗེས་སུ་མཐུན་པར་སྦྱིན་པར་བྱ། །དེས་ནི་རིམས་སོགས་གནོད་པ་རྣམས། །ཕྱིར་ཞིང་འབྱུང་བར་མི་འགྱུར་རོ། །རང་གི་དམ་ཚིག་སློབ་དཔོན་ནི། །
སྦྱིན་དཀའ་བུ་དང་ཆུང་མ་དང་། །རང་སྲོག་གིས་ཀྱང་བསྟེན་བྱ་ན། །ལོངས་སྤྱོད་གཡོ་བ་སྨོས་ཅི་དགོས། །གང་ཕྱིར་བསྐལ་པ་བྱེ་བ་ནི། །གྲངས་མེད་པར་ཡང་རྙེད་དཀའ་བའི། །སངས་རྒྱས་ཉིད་ཀྱང་བརྩོན་ལྡན་ལ། །ཚེ་འདི་ཉིད་ལ་སྟེར་བར་བྱེད། །རྟག་ཏུ་རང་གི་དམ་ཚིག་བསྲུང་། །རྟག་ཏུ་དེ་
བཞིན་གཤེགས་པ་མཆོད། །རྟག་ཏུ་བླ་མ་ལ་ཡང་དབུལ། །འདི་ནི་སངས་རྒྱས་ཀུན་དང་འདྲ། །མི་ཟད་དེ་ཉིད་འདོད་པ་ཡིས། །ཅུང་ཟད་ཡིད་འོང་གང་དང་གང་། །ཤིན་ཏུ་ཁྱད་པར་གྱུར་པ་ཉིད། །དེ་དང་དེ་ནི་བླ་མ་སྦྱིན། །དེ་བྱིན་སངས་རྒྱས་ཐམས་ཅད་ལ། །རྟག་ཏུ་བྱིན་པ་ཉིད་དུ་འགྱུར། །དེ་
བྱིན་བསོད་ནམས་ཚོགས་ཡིན་ཏེ། །ཚོགས་ལས་དངོས་གྲུབ་མཆོག་ཏུ་འགྱུར། །ཞེས་བྱ་བ་ལ་སོགས་པ་རྒྱུད་སྡེ་རིན་པོ་ཆེ་རྣམས་ནས་བརྗོད་བྱའི་གཙོ་བོ་ལྟར་བསྟན་ཅིང་། སྐལ་བར་ལྡན་པའི་གང་ཟག་རྣམས་ལ་རྗེས་སུ་གདམས་པ་རྣམས་གང་གི་ཐུགས་ཉམས་སུ་བསྟར་ནས། འདིར་མཁན་
ཆེན་ཐམས་ཅད་མཁྱེན་པ་དཔལ་ལྡན་ཆོས་སྐྱོང་བཀྲ་ཤིས་གྲགས་པའི་རྒྱལ་མཚན་དཔལ་བཟང་པོ་ཞེས་བྱ་བ། ལྷ་དང་བཅས་པའི་སྐྱེ་དགུ་མ་ལུས་པའི་ཐོར་ཚུགས་རྣམ་པར་སྤ་བའི་རྒྱན་དུ་བཞུགས་པ་ལ་ཕྱོགས་རེས་ཐོབ་ཤོར་དུ་འགྱུར་བའི་སྐབས་ཅི་ཞིག །འོན་ཀྱང་སྔོན་གྱི་སྨོན་ལམ་བཟང་

213-1-238b

པོའི་གྲོགས་པོ་མཛའ་གཅུགས་དམ་པ་དེ་ནི་སུས་ཀྱང་བསླུ་རུ་མེད་པ་ཆོས་ཉིད་དེ། དེའང་འདི་ལྟར། རྗེ་བཙུན་ཆེན་པོ་དེ་ཉིད་ནི་སྡོམ་བརྩོན་སྐྱེ་དགུའི་བདག་པོ་འདི་དང་སྐྱེ་བ་ནས་སྐྱེ་བར་མཆོད་ཡུལ་དང་སྦྱིན་བདག་གི་ཚུལ་ལམ། སློབ་དཔོན་དང་སློབ་མའི་ཚུལ་གྱིས་ཉི་ཟླ་ཟུང་འབྲེལ་བཞིན་དུ་
མི་འབྲལ་བར་བྱང་ཆུབ་སྤྱོད་པའི་སྨོན་ལམ་གྱི་ཁྱད་པར་ནི་དོན་ཡོད་ཞགས་པ་ལྟ་བུས་ལེགས་པར་སྦྲེལ་བར་བརྟེན། དེང་གི་དུས་སུའང་ལྗོངས་འདིའི་སྐྱེ་འགྲོ་སྤྱིའི་བསོད་ནམས་ཀྱི་ཞིང་དུ་སྤྱན་འདྲེན་ཇི་ལྟར་གསོལ་བ་བཞིན་དུ་ལེགས་པར་ཞུགས་པའི་དགའ་སྟོན་གྱི་འབུལ་བ་སྟོབ་པའི་ཕྱིར་
རྗེ་བཙུན་དམ་པ་ཉིད་ལ་སྐབས་དབྱེ་བའི་ཆེད་དུ། མི་བདག་ཆེན་པོའི་ཞལ་ལས་འདི་སྐད་དུ་མཆིད་པ་ཐོས་ཏེ། རྗེ་བཙུན་དམིགས་པ་མེད་པའི་ཐུགས་རྗེའི་བདག་ཉིད་ཅན་ནི། ཁམས་གསུམ་གྱི་འགྲོ་བ་མ་ལུས་པའི་དཔལ་དམ་པར་གྱུར་པའི་ཆོས་ཀྱི་རྒྱལ་པོ། ཆོས་ཀྱི་དབང་ཕྱུག །
ཆོས་ཀྱི་འབྱུང་གནས། ཆོས་ཀྱི་སྒྲོན་མེ་ཆེན་པོ་ཉིད་དུ་བཞུགས་བཞིན་པ་ནས། གུས་ལྡན་ཁོ་བོ་ཅག་གི་ལྷག་བསམ་གྱི་རྫིང་བུའི་ནང་ནས་བྱུང་བའི་སྤྱན་འདྲེན་པར་གསོལ་བ་འདེབས་པའི་ཚིག་གི་པདྨ་དཀར་པོའི་ཕྲེང་བ་ནན་ལྟར་བརྒྱུས་པའི་ཚུལ་ལ་ཐུགས་བརྩེ་བས་རྗེས་སུ་དགོངས་ཏེ། 
བཤུལ་རིང་ལམ་གྱི་ངལ་བ་དུ་མ་ཁྱད་དུ་བསད། སྙིང་རྗེ་ཆེན་པོའི་ཤིང་རྟའི་འཁྲུལ་འཁོར་ནི་ལེགས་པར་བསྐོར། དེང་གི་དུས་ན་བདག་ཅག་ལྟོས་དང་བཅས་པའི་བསོད་ནམས་ཀྱི་ནམ་མཁའ་ཡངས་པའི་རྒྱན་དུ་ལེགས་པར་བྱོན་པའི་བཀའ་དྲིན་གྱི་ཕུང་པོ་འདི་ཀོ་གལ་ཏེ་གཟུགས་ཅན་ཉིད་
དུ་བྱར་བཏུབ་ན། སྟོང་གསུམ་གྱི་སྟོང་ཆེན་པོའི་མི་མཇེད་འཇིག་རྟེན་ཁམས་ཀྱི་སྣོད་ཀྱང་ཡངས་པོ་མ་ཡིན་པའི་གྲགས་པ་བྱུང་དུ་དོགས་བ་ཅི་སྟེ་མི་མཆི། དེས་ན་དེ་ལྟ་བུའི་སྐུ་དྲིན་གྱི་ཕུང་པོ་རྫོགས་པར་འཚོབ་པར་བྱེད་པའི་ནུས་པ་དེ་ནི་འཇིག་རྟེན་ཀུན་གྱི་མེས་པོ་གསེར་མངལ་ཅན་གྱིས་ཀྱང་
གསོབ་པར་བཟོད་པའི་མཐུ་ནི་ཤིན་ཏུ་ཡང་ཕྲ་ན། གཞན་གྱིས་ལྟ་ག་ལ་ཞིག །འོན་ཏེ་ལྷག་པའི་བསམ་པ་ཉིད་གཙོ་བོར་བཟུང་བའི་ལེགས་འབུལ་ཉུང་ཟད་ཅིག་སྟོབ་པར་འཚལ་ཏེ། སང་དགེ་འདུན་གྱི་ཀུན་དགའ་ར་བ་ཆེན་པོར་ཞབས་ཀྱིས་བཅགས་པར་གསོལ་བ་འདེབས་ཀྱིན་མཆི་

213-1-239a

ན། ཅི་གནང་ཞེས་བྱ་བའི་ངག་གིས་སྐབས་དབྱེ་བ་ན། མཁན་པོ་ཆེན་པོ་ཐམས་ཅད་མཁྱེན་པ་ནས་ཀྱང་། དེ་ལྟར་དུ་བགྱིར་རུང་བར་བཀའི་གནང་བ་བྱིན་ནོ། །དེ་ཙམ་ན་དཔལ་མིའི་བདག་པོ་མཆོག་གི་འཁོར་རྣམས་དང་དགེ་སློང་འགའ་ཞིག་ལ་འདི་ལྟར་
བསྒོ་སྟེ། མི་རིང་བར་དགེ་འདུན་གྱི་གཙུག་ལག་ཁང་ཆེན་པོའི་ཕྱི་དང་ནང་གི་ཁྱམས་ཀྱི་དཀྱིལ་འཁོར་ཡངས་པ་ཐམས་ཅད་དུ་རྡོ་བ་དང་། གསེག་མ་དང་། གྱོ་མོ་དང་། བོང་བ་དང་། ཕྱག་དར་ཀྱི་ཚོགས་ཐམས་ཅད་ལེགས་པར་བསལ་ཏེ། ཙནྡན་གྱི་ཆུ་དང་། དྲི་བཟང་པོའི་ཆུ་
དང་། སྤོས་ཀྱི་ཆུ་དག་གིས་ཆག་ཆག་ལེགས་པར་ཐོབ་ཅིག །དེར་མ་ཟད་རྒྱན་གྱི་བྱེ་བྲག་ཇི་སྙེད་པ་དག་ཀྱང་མཛེས་ཤིང་ཡིད་དུ་འོང་བར་བྲེ་ཞིག་ཅེས་བསྒོའོ། །དེ་རྣམས་ཀྱང་མི་བདག་ཆེན་པོའི་ལྟར་མཉན་ཏེ། གཙུག་ལག་བསམ་གྲུབ་མཐོང་གྲོལ་གྱི་ཕྱི་དང་ནང་ཐམས་ཅད་དུ་ཕྱག་
དང་ལེགས་པར་བགྱིས་པ་ལ། དྲི་ཞིམ་པོས་ཡང་དག་པར་བསྒོས་ཏེ། ངོ་མཚར་མིག་གི་བདུད་རྩིའི་རང་བཞིན་ཅན་གྱི་བླ་རེ་དང་། གདུགས་དང་། རྒྱལ་མཚན་དང་། ཕྱེ་མ་ཕུར་མ་དང་། འཕན་ཚར་གྱི་བྱེ་བྲག་བསམ་གྱིས་མི་ཁྱབ་པ་དབང་པོའི་གཞུ་རིས་ལྟར་བཀྲ་བ་རྣམས་བཏགས་
ཤིང་གཙུག་ལག་ཁང་གི་ཕྱོགས་ཀུན་དུ་མཛེས་པར་བརྒྱན་ནོ། །ཁྱད་པར་དེའི་དབུས་སུ་སྔོན་དུས་ཀྱི་མཁན་པོ་ཆེན་པོ་འཇམ་པའི་དབྱངས་སངས་རྒྱས་ཕུན་ཚོགས་བཀྲ་ཤིས་གྲགས་པའི་རྒྱལ་མཚན་དཔལ་བཟང་པོ་པ་དང་། རྡོ་རྗེ་འཆང་བཀྲ་ཤིས་ལྷུན་གྲུབ་གྲགས་པའི་རྒྱལ་མཚན་
དཔལ་བཟང་པོ་བ་སྟེ་བསྟན་པའི་བདག་པོ་ཟུང་གི་ཞབས་ཀྱི་པདྨ་དྲི་མ་མེད་པ་དག་རྣམ་པར་བཀོད་པའི་ཆོས་ཀྱི་ཁྲི་ཆེན་པོ། རིན་པོ་ཆེ་གསེར་བཙོ་མའི་ཁ་དོག་ཏུ་སྣང་ཞིང་ཟུར་བཞི་དང་ལྡན་པ་ལ། ས་འཛིན་དང་། རྡོ་རྗེའི་གདན་དང་། ལྷ་སྣམ་དང་། ནོར་བུ་བརྩེགས་པ་དག་དང་། པདྨའི་འདབ་
མ་དང་། བྲེ་དང་། གླང་པོའི་རྒྱབ་དང་། སེང་གེའི་ཁྱིམ་དང་། ནོར་བུ་དང་། བད་ཆུང་དང་། བད་ཆེན་དང་། ཙནྡྲའི་གདན་རྣམས་བང་རིམ་རིང་ཐུང་གི་རྣམ་པར་ཡོད་པ། ལོགས་ཤིག་ཏུ་ནི་ཐེམ་སྐས་ཀྱི་རིམ་པ་བཞི་དང་ལྡན་པ། རྒྱབ་ཕྱོགས་ནས་གསེར་གྱི་པདྨ་རབ་ཏུ་རྒྱས་པའི་འདབ་མ་ལྟར་

213-1-239b

ཡངས་པའི་རྒྱབ་ཡོལ་ཆེན་པོ་གྱེན་དུ་བསླངས་པའི་ངོས་སུ། རིན་པོ་ཆེ་རྣམ་པ་སྣ་ཚོགས་ཀྱི་ཕྲ་ཚོམ་གྱི་ཁུར་བུ་ཐོགས་པའི་འོད་ཟེར་གྱི་པ་ཏྲ་རིས་མང་པོ་ཅི་དགར་འཁྱུག་པ། པ་ཏྲའི་ལག་པ་ཁ་ཅིག་ནི་ཡིད་བཞིན་གྱི་ནོར་བུ་རིན་པོ་ཆེ་ཐོགས་ནས་ཕྱི་རོལ་དུ་གདེངས་པ། འགའ་ཞིག་ནི་ནང་དུ་
ལོག་ནས་ཆུའི་དཔའ་ཀློང་ལྟར་འཁྱིལ་བ། དེ་དག་ལ་བརྟེན་ནས་དཔྱངས་པའི་དར་དཀར་པོ་དྲི་མ་མེད་པའི་ཅོད་པན་དང་། མུ་ཏིག་གི་དྲ་བ་དང་། དྲ་བ་ཕྱེད་པས་མཛེས་པར་བྱས་པ། རྩེ་མོར་དགོས་འདོད་འབྱུང་བའི་ནོར་བུ་དབང་གི་རྒྱལ་པོའི་ཏོག་དང་བཅས་པའི་ཁྲི་ལྷུན་སྟུག་པ་
དེ་ཉིད་ལེགས་པར་བཤམས་སོ། །བང་རིམ་གྱིས་ཁར་སྟེང་ཁེབས་ཁ་དོག་སྣ་ཚོགས་པའི་གོས་བཟང་ཤིན་ཏུ་འཇམ་པ་མང་པོ་བརྩེགས་པའི་གདིང་བས་བཀབ་པ། མདུན་ངོས་སུ་རྟན་དང་བཅས་པའི་ལྷུང་བཟེད་དང་། དཀར་ཞལ་དང་། རིལ་བ་དང་། བདུག་སྤོས་གཏུལ་བའི་སྣོད་
དང་། སྤོས་ཀྱི་རེང་བུ་ཐོགས་པའི་སྐྱེས་བུ་གཞོན་ནུའི་གཟུགས་བརྙན་རྣམས་འདེགས་པར་བྱེད་པའི་སྟེགས་བུ་ཡངས་ཤིང་མཐོ་བ། དེའི་ངེས་ན་ཡང་ནོར་བུས་གང་བའི་ཡོལ་གོ་ཐོགས་པའི་སྒྲ་བརྒྱ་པ་སྤྲིན་གྱི་རི་མོ་འཁྲིགས་པའི་གསེབ་ནས་གློག་བཞིན་དུ་འགྱུ་བའི་རྣམ་པ་ཅན་ཡང་བཞག་
གོ། །དེའི་ཉིན་སྐོར་རྣམས་སུ་ཉེ་བར་མཁོ་བའི་ཁྲིའུ་འགའ་ཞིག་དང་དགེ་འདུན་གྱི་གདིང་བ་དགྲམ་པ་དང་བཅས་པའི་ཉེར་བསྡོགས་ཐམས་ཅད་མ་ཚང་བ་མེད་པར་བཤམས་སོ། །སང་ཉིན་རྒྱུ་སྐར་ཐ་སྐར་གྱིས་ཉ་བའི་ཞག་གི་ཕུང་པོ་དེའི་རྒྱལ་བ་གཉིས་པའི་ཚེས་བཟང་པོ་རེས་
གཟའ་པ་སངས་དང་སྐར་མ་ཆུ་སྨད་འཛོམ་པའི་ཉིན། ཁོར་ཡུག་ཏུ་འཁོད་པའི་ས་འཛིན་གྱི་ཕྲེང་བ་རྣམས་ཀྱི་མདུན་ནམ། ངོས་ཐམས་ཅད་ལ་ཉིན་མོར་བྱེད་པའི་འོད་ཀྱིས་ཁྱབ་པར་བྱས་པའི་དུས་ཀྱི་ཚེ། དགེ་སློང་སྤོས་ཀྱི་རིང་བུ་ཐོགས་པ་དག་གིས་རྗེ་བཙུན་མཆོག་གི་སྤྱན་སྔར་
ཕྱིན་ཏེ་དུས་ལ་བབ་པ་མཁྱེན་པར་གསོལ་བར་བྱེད་དོ། །ཇི་ཙམ་ན་གནྡྷརྦའི་ཡུལ་ནས་འོངས་པ་དང་འདྲ་བའི་གླིང་བུ་བསྒྱུར་བ་ལ་སྦྱངས་པ་མཆོག་གིས་མཐར་སོན་པ་དག་སྔོན་དུ་འོངས་ཏེ། དེའི་ལག་པ་ན་མིག་བུ་མང་པོ་དང་ལྡན་པའི་གླིང་བུ་དག་ཐོགས་ཏེ། ཤིན་ཏུ་མཉེན་པའི་མཛུབ་

213-1-240a

རྩེ་རྣམས་ནི་གློག་གི་ཐག་པ་འཁྱུག་པའི་རྣམ་འགྱུར་དུ་མ་བསྒྱུར་ཅིང་འབུད་པ་ན། ཀུན་གྱི་སྙིང་ལ་བདུད་རྩིའི་ཐིགས་པ་ལྟར་སིམ་པར་བྱེད་པའི་དབྱངས་ཀྱི་མཆོད་པ་འབུལ་བ་དང་། གཞན་ཡང་དགེ་སློང་སྤོས་ཀྱི་དུད་སྤྲིན་སྔོན་པོ་རབ་ཏུ་འཐུལ་བའི་སྤོས་སྣོད་
ཐོགས་པ་དང་། དྲང་སྲོང་ཆེན་པོའི་ཞལ་ཟས་ཀྱི་སྣོད་དུ་རུག་བའི་ལྷུང་བཟེད་བཻ་ཌཱུརྱ་སྔོན་པོའི་ཁ་དོག་ཅན་ཐོགས་པ་དང་། ཆུ་གཙང་མའི་ཞབས་བསིལ་གྱི་རྒྱུན་གཏིགས་པའི་དངུལ་གྱི་རིལ་བ་ལྟ་ན་སྡུག་པ་ཐོགས་པ་དང་། སྐྱེས་བུ་ཆེན་པོའི་སྐུ་ལ་བགོ་བར་བྱ་བའི་གོས་བེར་གྱི་ན་བཟའ་དང་།
གདན་དུ་གདིང་བར་བྱ་བའི་བརྟུལ་ཞུགས་ཀྱི་ཡོ་བྱད་ཧ་ཅང་གསར་པ་ཡང་མིན་ལ་ཤིན་ཏུ་རྙིངས་པ་ཡང་མིན་པ། ཚུལ་ཁྲིམས་ཀྱི་དྲི་ཞིམ་པོས་ལེགས་པར་བགོས་པ་དག་ཕྲག་ན་ཐོགས་པ་ལ་སོགས་པའི་ཉེ་བ་འཁོར་གྱི་ཚོགས་ཀྱིས་ཀུན་ནས་བསྐོར་ཏེ། བཅོམ་ལྡན་འདས་ཤཱཀྱ་སེང་
གེ་དགྲ་བཅོམ་པའི་འཁོར་གྱིས་བསྐོར་ཏེ་ལྗོངས་རྒྱུ་བ་ལྟར་ཉི་མ་བྱེ་བའི་དཔལ་འཁུ་བར་བྱེད་པའི་འོད་དང་འོད་ཟེར་གྱི་ཚོགས་ལྷམ་མེར་དཀྲིགས་ཤིང་དལ་གྱིས་བྱོན་ཏེ་ཆོས་ཀྱི་ཁྲི་མཐོན་པོ་གང་ན་བར་ཞབས་ཀྱི་པདྨ་རྣམ་པར་བཀོད་དེ་བཞུགས་སོ། །དེར་བཞུགས་མ་ཐག་ཏུ་ཕྱོགས་
མཚམས་ཐམས་ཅད་ནས་ལི་ཁྲིའི་རྒྱ་མཚོ་ཆེན་པོ་རབ་ཏུ་བསྐྱོད་པ་ལྟ་བུའི་ངུར་སྨྲིག་འཆང་གི་བརྟུལ་ཞུགས་ལ་གནས་པའི་རྡོ་རྗེ་སློབ་དཔོན་གྱི་རིགས་སུ་གཏོགས་པ་དང་། འཕགས་པའི་དགེ་འདུན་གྱི་ཚོགས་གྲགས་མེད་པས་ཀྱང་ཉེ་བར་ལྷགས་ཏེ། ཧ་ཅང་ཡང་ཉེ་བ་མ་ཡིན་པའི་མཐའ་
སྐོར་ཀུན་དུ་རང་རང་གི་འོས་པའི་ཁྲིའུ་དང་སྟན་བསྟབས་པ་རྣམས་སུ་བག་དང་བཅས་པའི་སྤྱོད་ལམ་གྱིས་ལེགས་པར་འཁོད་ཅིང་། ཐམས་ཅད་ཀྱང་རྒྱལ་བ་གཉིས་པ་ཡབ་སྲས་ཀྱི་སྐུའི་ཡོན་ཏན་ལ་བསྔགས་པའི་བསྟོད་པ་ཚིགས་སུ་བཅད་པ་རྣམས་ནི་སྙན་ཅིང་ལྡིར་བའི་གདངས་སུ་བསྒྱུར་ཏེ་ 
གདོན་པར་བྱེད་དོ། །དེར་ཡུན་ཇི་སྲིད་ཅིག་ནས་དཔལ་སྡོམ་བརྩོན་བླ་མ་སྐྱེ་དགུའི་བདག་པོ་ཉིད་ཀྱི་ཕྱག་གི་པདྨ་རྣམ་པར་གདེངས་པའི་མཐིལ་ན། སྟོང་འཁུན་གྱི་རྒྱལ་པོའི་གན་མཛོད་ལས་འཐོན་པའི་དར་དཀར་པོ་དྲི་མ་མེད་པ་ལ་དཔལ་གྱི་བེའུ་ལ་སོགས་པ་བཀྲ་ཤིས་པའི་རི་མོ་རྣམས་ནི་

213-1-240b

ལྷན་སྐྱེས་སུ་བཀྲ་བ་དང་ཆབ་ཅིག་པར། སྐྱེ་འགྲོ་ཀུན་གྱི་སྤྱི་བོ་ནས་དབང་བསྐུར་བའི་རྟེན་འབྲེལ་དུ་ལེགས་པར་དགོངས་ནས་ཁ་དོག་སྣ་ཚོགས་པའི་དར་གྱི་ཅོད་པན་དང་། སུ་ཝརྞྞ་འབྱམས་བརྡུངས་སུ་བྱས་པ་ལས་གྲུབ་པའི་ཟ་མ་ཏོག་བཟོ་དབྱིབས་དང་བཀོད་པ་ཁྱད་པར་ཅན་དང་
བཅས་པའི་བཀྲ་ཤིས་པར་བྱེད་པའི་རྫས་རྣམ་པ་བརྒྱད་ཀྱི་གཟུགས་རྣམས་གུས་པའི་ཞེ་ས་དང་བཅས་པས་ཐོགས་ཏེ། སྔོན་དུས་བཅོམ་ལྡན་འདས་ཐུབ་པའི་དབང་པོ་ལ་མི་མཇེད་ཀྱི་བདག་པོ་ཚངས་པ་གཙུག་ཕུད་ཅན་དང་། སུམ་ཅུ་རྩ་གསུམ་གྱི་བདག་པོ་ལྷའི་དབང་པོ་བརྒྱ་བྱིན་གྱིས་བཀྲ་
ཤིས་པའི་རྫས་ཀྱིས་མངོན་པར་མཆོད་པ་དེ་ཇི་ལྟ་བ་བཞིན་དུ་དགེ་ལེགས་ཀྱི་རྟེན་འབྲེལ་ཕུན་སུམ་ཚོགས་པའི་མཆོད་རྫས་དག་གིས་ཐོག་མ་ཉིད་དུ་ཡང་དག་པར་མཆོད་པར་བྱེད་དོ། །དེ་ནས་རྒྱལ་བ་ཀུན་གྱི་ཡུམ་ཆེན་ཤེས་རབ་ཀྱི་ཕ་རོལ་དུ་ཕྱིན་མ་དབྱངས་ཀྱི་རྒྱལ་མོའི་ཡེ་ཤེས་ཀྱི་ཉི་ཟེར་རྣོན་པོས་ལན་བརྒྱར་
བྲན་པས། བློ་གྲོས་ཀྱི་འདབ་སྟོང་རྣམ་པར་གྲོལ་བའི་སྦུབས་ནས། ཤེས་པར་བྱ་བའི་གཙུག་ལག་མ་ལུས་པ་རྙོག་པ་དང་བྲལ་བའི་སྙན་དངགས་སྦྲང་རྩི་འཛིན་པའི་གླུར་ལེན་པ་བསྙེངས་པ་མེད་པའི་ངག་གི་དབང་ཕྱུག་ཆེན་པོ་དཔལ་ལྡན་དཎྜཱི་ཞེས་བྱ་བ། གང་གིས་ལེགས་པར་གསུངས་
བའི་ཟེགས་མ་རེ་ཡང་འཕགས་པའི་ཡུལ་གྱི་སྨྲ་བའི་ཁྱུ་མཆོག་དམ་པ་ཐམས་ཅད་ཀྱི་གཙུག་ན་ཡིད་བཞིན་གྱི་ནོར་བུ་ལྟར་ལེན་པ་ལ་མི་གུས་པ་མེད་པ་སྟེ། དེ་ཉིད་ཀྱིས་ལེགས་པར་སྩལ་བའི་གཞུང་གིས་དངོས་སུ་བསྟན་པའི་ཐུན་མོང་དང་ཐུན་མོང་མ་ཡིན་པའི་རྒྱན་གྱི་སྙན་དངགས་དམ་པའི་
རྒྱུན་ལས་འཕོས་པའི་ཤིས་པར་བརྗོད་པ་དང་། ཡུལ་ཁྱད་པར་ཅན་རྣམས་ལ་ཕྱག་བྱ་བ་དང་། དངོས་པོ་ངེས་པར་བསྟན་པའི་སྒོ་རྣམས་སྔོན་དུ་འགྲོ་བས། སྐབས་སུ་བབ་པའི་འབུལ་ཚན་གྱི་རྣམ་གྲངས་ལ། ཐོག་མར་བཀྲ་ཤིས་པའི་རྟགས་ཀྱིས་སྤྲས་པའི་མང་བཀུར་མཆོད་ཡིག་ཅན། དེ་
བཞིན་གཤེགས་པའི་སྐུའི་རྟེན་ལ་བཅོམ་ལྡན་འདས་མགོན་པོ་ཚེ་དང་ཡེ་ཤེས་དཔག་ཏུ་མེད་པའི་སྐུ་བརྙན་གསེར་ཟངས་ལས་གྲུབ་པ། བསྟན་པའི་བདག་པོ་སངས་རྒྱས་བཅོམ་ལྡན་འདས་ཀྱི་སྐུ་བརྙན་རྒྱ་གར་གྱི་ལི་མ་ཁྱད་པར་འཕགས་པ། རྡོ་རྗེ་སེམས་དཔའི་སྐུ་བརྙན་ཆོས་རྒྱལ་ལི་མ། གསུང་

213-1-241a

གི་རྟེན་ལ་ཀུན་མཁྱེན་ཉི་མའི་གཉེན་གྱི་བཀའ་ལུང་སྤྱི་དང་བྱེ་བྲག་གི་དགོངས་དོན་རྣམ་པར་འགྲེལ་བའི་བསྟན་བཅོས་གངས་ཅན་གྱི་ལྗོངས་སུ་འགྱུར་རོ་འཚལ་བུ་སྟ་ཀ་ཉིས་བརྒྱ་དང་བརྒྱད། ཐུགས་ཀྱི་རྟེན་ལ་སྐུ་ཚེ་བྱིན་གྱི་བརླབས་པའི་མཆོད་རྟེན་གསེར་ཟངས་ལས་གྲུབ་པ་
བཀའ་གདམས་མཆོད་རྟེན་ལྕགས་རྩེ་ཅན་ཁྱད་འཕགས་གཉིས། ཆོས་གོས་ངུར་སེར་གྲས་དྲུབས་ཅན་གཅིག །ལྷུང་བཟེད་རྟེན་པ་དང་བཅས་པ་གཅིག །དངུལ་ལྗང་བརྡུང་གི་ཕུད་ཀོང་ཅིག །དངུལ་གྱི་སྤྱི་བླུགས་ལེགས་པ་གཅིག །གན་དཀར་གསེར་རིས་མ་སྟེགས་དང་བཅས་པ་གཅིག །
དངུལ་གྱི་བཟེད་ཞལ་བཟོད་དབྱིབས་ལེགས་པ་གཅིག །ཐེག་ཆེན་གན་གྱི་རྡོ་རྗེ་དྲིལ་བུ་ལེགས་པ་གཅིག །རྡོ་རྗེ་དང་དབུ་རྩེ་གསེར་ལས་བྱས་པའི་དྲིལ་བུ་གཅིག །རག་ལས་བྱས་པ་གཅིག །ཏིང་ཤག་དངུལ་ཐག་ཅན་ཆ་གཅིག །རག་ཐག་ཅན་ཆ་གཉིས། གཏོར་ཆ་ལེགས་པ་ལྔ་ཚར་གཅིག །ཏིང་
བདུན་ཆེ་བ་ཆ་གཅིག །སེང་ལྡེང་གི་ཌ་མ་རུ་འཕན་ཚར་བཅས་པ་གཅིག །རིགས་ལྔའི་ཅོད་པན་དར་དབྱངས་དང་བཅས་པ། རྟེན་ཁེབས་ཇུས་མ་འབྲུག་མཐོངས་ཅན་གཅིག །བཀྲ་ཤིས་རྫས་བརྒྱད་ཀྱི་གཟུགས་དངུལ་གྱི་མཎྜལ་ཆེ་ཞིང་ལེགས་པ་གཅིག །རི་དྭགས་རུ་རུའི་རྭ་གཅིག །གླང་པོ་
ཆེའི་མཆེ་བ་ཡ་གཅིག །མ་ཧཱ་ཙི་ནའི་སྤོག་ཕོར་ཟོང་རྙིང་ལས་གྲུབ་པ་ཆེ་ལེགས་གཅིག །དེ་ལ་སོགས་པའི། ཡོ་བྱད་ཀྱི་རྣམ་པ་རྒྱ་གར་དང་རྒྱ་ནག་དང་བལ་པོ་དང་བོད་ཀྱི་ཡུལ་གྲུ་ཆེན་པོ་རྣམས་ལ་རིན་ཐང་ཤིན་ཏུ་ཆེ་བའི་ཉེ་བར་སྤྱད་པའི་རིགས་དང་། གཞན་ཡང་གསེར་དང་དངུལ་དང་། དར་གོས་
དང་། ཨ་རྡོ་ཀའི་སྤོབས་རྩེ་དང་། རྟ་ཕྱུགས་ལ་སོགས་པ་སྟེ་དེ་དག་རེ་རེ་ལའང་ནང་གསེས་ཀྱི་རྣམ་གྲངས་ཤིན་ཏུ་མང་ཞིང་དངོས་པོ་བཟང་བའི་འབུལ་ཚན་གྱི་རྣམ་གྲངས་རགས་པ་རྣམས་ཕྱོགས་སུ་བསྡོམས་པ་ཚན་གྲངས་སྟོང་ཕྲག་གཅིག་དང་བརྒྱ་ཕྲག་ལྔ་ལ་སུམ་ཅུས་ལྷག་པའི་འབུལ་བ་བསྟབ་
བོ། །དེའི་རྗེས་སུ་སྡོམ་བརྩོན་ཆེན་པོའི་སྐུའི་བར་ཆད་སྲུང་བར་བྱེད་པའི་བླ་མ་དང་། ཆོས་ཁྲིམས་དང་། གྲ་ཚང་དང་། གསོལ་དཔོན་དང་། མཆོད་དཔོན་དང་། བཀའི་འཁོར་ལོས་སྒྱུར་བའི་མདུན་ན་འདོན་ཆེན་པོ་རྣམས་དང་། གཉེར་པ་དང་། ཚོང་དཔོན་དང་། ཧོར་འདྲ་དང་།

213-1-241b

ལས་བྱེད་དུ་གཏོགས་པ་ཐམས་ཅད་ཀྱང་རང་རང་གི་འབྱོར་པའི་བང་མཛོད་དག་དབྱེ་ཞིང་། གཏོང་ཕོད་ཀྱི་ཕྱག་རིང་ལེགས་པར་བརྐྱངས་པའི་འབུལ་བ་རྒྱ་ཆེན་པོ་དག་གིས་བསྙེན་བཀུར་སྟོབ་པར་བྱེད་དོ། །དེའི་རྗེས་ཐོགས་སུ་ལྷུན་གྲུབ་སྟེང་གི་ཆོས་གྲ་འདིར་གཉུག་མར་བཞུགས་པའི་བླ་མ་དང་། སློབ་
དཔོན་དང་། ཆོས་ཁྲིམས་དང་། སྤྱི་པའི་དུས་ཇ་བ་ཁག་རྣམས་དང་། དགེ་སློང་དང་། དགེ་ཚུལ་ཇི་སྙེད་བཞུགས་པ་རྣམས་ཀྱིས་ཀྱང་རང་རང་གི་བདོག་པའི་དངོས་པོ་གྱ་ནོམ་པ་དག་གིས་ཡང་དག་པར་མཆོད་པར་བྱེད་དོ། །དེ་དག་གི་རྗེས་སུ་རྫོང་ཁག་ཆེན་པོ་བཅོ་བརྒྱད་ཀྱི་མངའ་འོག་ཏུ་གཏོགས་
སོ་འཚལ་གྱི་བླ་མ་དང་། མི་དཔོན་དང་། དགོན་པ་དང་། ཁྱིམ་བདག་འབྱོར་བ་དང་ལྡན་པ་རྣམས་ཏེ། མདོར་ན་སྡོམ་བརྩོན་སྐྱེ་དགུའི་བདག་པོ་འདིའི་ཐུགས་རྗེས་ལེགས་པར་བསྲུངས་པའི་འཛིན་མའི་དཀྱིལ་འཁོར་ཀུན་དུ་འཁོད་པའི་འགྲོ་བ་གཞན་མང་པོ་དག་ཀྱང་འོངས་ཏེ། རང་རང་གི་དད་
མོས་ཀྱི་ཤུགས་ལས་བྱུང་བའི་འབུལ་བ་དང་བསྙེན་བཀུར་ཡང་དག་པར་སྟོབ་པར་བྱེད་དོ། །ཕྱོགས་དང་ཕྱོགས་བྲལ་གྱི་སྐྱེ་བོའི་ཚོགས་དེ་དག་ཐམས་ཅད་ཀྱང་རྗེ་བཙུན་དམིགས་པ་མེད་པའི་ཐུགས་རྗེ་དང་། ཡོན་ཏན་བསམ་གྱིས་མི་ཁྱབ་པའི་བདག་ཉིད་ཆེན་པོ་གང་གི། ཞལ་བཟང་ཟླ་བ་རྒྱས་པའི་
དཀྱིལ་འཁོར་ལེགས་པར་མཐོང་བའི་བསོད་ནམས་ཀྱི་སྐལ་པ་རྨད་དུ་བྱུང་བའི་རྒྱ་མཚོ་ཆེན་པོ་ནི་གསར་དུ་འཕེལ་བའི་བཀའ་དྲིན་གཞལ་དུ་མེད་པ་བྱུང་ངོ་། །དེ་བཞིན་དུ་ཡར་ལུང་བཀྲ་ཤིས་ཆོས་སྡེའི་མཁན་པོ་ཕྱི་དང་ནང་གི་ཡོན་ཏན་གྱི་ནོར་བུའི་འབྱོར་པས་རབ་ཏུ་གཏམས་ཤིང་། སེམས་ཅན་གྱི་རེ་བ་ཐམས་ཅད་
བདེ་བླག་ཏུ་འགེངས་པར་བྱེད་པའི་ངག་གི་དབང་ཕྱུག་ཀུན་དགའ་ལེགས་པའི་འབྱུང་གནས་བསྟན་པའི་རྒྱལ་མཚན་དཔལ་བཟང་པོ་པ་དེ་ཉིད་ཀྱང་ལྗོངས་འདིར། བསྟན་པའི་དོན་དང་འགྲོ་བའི་དཔལ་དུ་དང་པོར་སྤྱན་འདྲེན་པ་དང་། བར་དུ་དོན་ཡོད་པ་རྣམ་པ་བཞིའི་སྒོ་ནས་དགྱེས་པའི་བྱ་བ་ཡང་
དག་པར་བསྒྲུབས་ནས། དེ་ཉིད་ཀྱི་ཞལ་སྒོ་ནས་བྱུང་བའི་ཟབ་པ་དང་རྒྱ་ཆེ་བའི་ཆོས་ཀྱི་བདུད་རྩི་བསམ་ལས་འདས་པ། རང་དང་གཞན་གྱི་ཐར་པ་མཆོག་གི་སྲོག་ཟུང་བརྟན་པར་བྱེད་པའི་བཅུད་ལེན་དུ་བསྟེན་ཏེ། དེའི་རྣམ་གྲངས་ནི་མདོ་ཙམ་གོང་དུ་སྨྲས་ཟིན་ཏོ། །འདྲེན་མཆོག་དམ་པ་དེའི་

213-1-242a

རྣམ་པར་དཀར་བའི་ཕྲིན་ལས་ཀྱི་རྒྱུན་ཆེན་པོ་ནི། དཔལ་དུས་ཀྱི་འཁོར་ལོའི་དཀྱིལ་འཁོར་ཆེན་པོ་རྡུལ་ཚོན་ལ་བརྟེན་པའི་སྒྲུབ་མཆོད་གསར་དུ་བཙུགས་པ་དང་། མགོན་པོའི་དམར་ཆེན་གཏོར་མའི་བཟློག་པ་ལོ་དུས་བཞིན་དུ་བཙུགས་པ་དང་། {བསྐོང་}གསོ་ཆོས་
ཉིད་མའི་རྒྱུན་འཛུགས་རྣམས་ཀྱི་སྲོལ་མ་ནུབ་པར་བརྟན་པའི་སྦྱིན་བདག་ཆེན་པོར་མཛད། མཐར་རྗེ་བཙུན་བླ་མ་དེ་ཉིད་དབུས་ཕྱོགས་ཀྱི་བསྟན་དོན་ལ་ཆིབས་ཀྱི་གདོང་བསྒྱུར་ནས་འབྱོན་དགོས་བྱུང་བ་ན་ཡང་། འབུལ་རྫོངས་ཀྱི་དངོས་པོ་བཟང་ཞིང་གཏོས་ཆེ་བ་ཚན་གྲངས་བརྒྱ་ཕྲག་ལྔ་ལས་
ལྷག་པའི་ཡོན་འབུལ་བསྟབས་ཏེ། མདོར་ན་མཐར་ཐུག་ཐམས་ཅད་མཁྱེན་པའི་གོ་འཕང་མངོན་དུ་མ་གྱུར་པ་དེ་སྲིད་དུ་མཐས་གཏུགས་པ་མེད་པའི་བསོད་ནམས་ཀྱི་ཚོགས་རྫོགས་རྒྱ་མཚོ་ཆེན་པོ་ལྟ་བུར་བསྐྱིལ་བར་མཛད་དོ། །དེ་བཞིན་དུ་མཁན་ཆེན་རྡོ་རྗེ་འཆང་ཆེན་པོའི་སྐུའི་དཔོན་
དུ་གྱུར་པའི་གནས་ལྔ་རིག་པ་སྨྲ་བའི་དབང་ཕྱུག་ཆེན་པོ་འཇམ་དབྱངས་བླ་མ་སངས་རྒྱས་ཡེ་ཤེས་པའང་། ལྗོངས་འདིར་དང་པོར་སྤྱན་འདྲེན་པ་དང་། བར་དུ་བསྙེན་བཀུར་དང་ཡོན་འབུལ་སྟོབ་པ་ལ་སོགས་པ་ཐམས་ཅད་སྔ་མ་ཉིད་དང་རིགས་མཚུངས་སུ་མཛད་ཅིང་། ཁྱད་པར་མཁན་ཆེན་རྡོ་རྗེ་འཆང་
བཀྲ་ཤིས་ལྷུན་གྲུབ་པའི་གདུང་འབུམ་ཁང་དུ་འདས་དུས་ཀྱི་ཟླ་མཆོད་རྒྱུན་མི་འཆད་པའི་རྟེན་བཞག་གི་མཐུན་རྐྱེན་རྒྱ་དཔངས་མི་དམན་པའི་ལེགས་བྱས་ཀྱི་ཚོགས་ཆེན་པོ་བསྐྲུན་ནོ། །གཞན་ཡང་ས་སྐྱ་གོང་དང་ངོར་པ་བླ་བྲང་རྣམས་ནས་རྫོངས་པའི་འབུལ་སྡུད་ཀྱི་ཆོས་རྗེ་འབྱོན་བཞུད་
མཛད་པ་ཐམས་ཅད་ལའང་ཕན་འདོགས་གང་ཆེ་དང་། གནང་སྦྱིན་གྱ་ནོམ་པ་མཛད་པ་ལ་སོགས་པ་བསྟམ་པར་དམིགས་པའི་མགོ་འདོན་ཡང་དག་པར་མཛད་དོ། །གཞན་ཡང་བར་སྐབས་དག་ཏུ་དགེ་སློབ་བསྙེན་པ་དང་སྒྲུབ་པ་ལྷུར་བགྱིད་པ་རྣམས་དང་། སྔོན་ཆད་བསྙེན་པ་མ་གྲུབ་པ་
རྣམས་ལ་མཚམས་རྒྱགས་ལེགས་པར་སྦྱར་ཏེ་ཡི་དམ་གྱི་ལྷ་གང་ཡང་རུང་བའི་གསང་སྔགས་བགྲང་དུ་བཅུག་པའང་དཔག་ཏུ་མ་མཆིས་པ་མངོན་པར་འདུ་བྱས་སོ། །མདོར་ན་སྡོམ་བརྩོན་སྐྱེ་དགུའི་བདག་པོ་འདིའི་གཏོང་སྒོ་དང་། མཛད་པ་ཐམས་ཅད་ཀྱང་མཐར་ནི་བསྟན་པ་རིན་པོ་ཆེའི་ཞབས་

213-1-242b

འདེགས་སུ་གཞོལ་ཞིང་འབབ་པ་ཁོ་ནར་འགྱུར་བའི་ཕྱིར་ཆོས་ལྡན་གྱི་རྒྱལ་པོ་ཞེས་གྲགས་པའི་ཡི་གེ་རྣམ་པར་གསལ་བ་གང་ཡིན་པ་དེ་ནི་གཅམ་བུ་མ་ཡིན་པའི་ངེས་པའི་དོན་ཉིད་དོ་ཞེས་བདེན་པའི་མཐའ་ཉིད་ཀྱིས་གསལ་བར་འབོད་པ་བཞིན་དུ་མཆིས་སོ། །ཁྱད་པར་རྔུ་མདའ་ལྷུན་གྲུབ་སྟེང་གི་ཆོས་གྲ་
འདིར་སྡེ་དགེ་ས་སྐྱོང་གོང་མར་གྱུར་པ་རྣམས་ཀྱི་ཐུགས་བསྐྱེད་རྨད་དུ་བྱུང་བ་ཉིད་ཀྱི་མཐུ་དང་། བསྟན་འཛིན་གྱི་སྐྱེས་བུ་སྤྲུལ་པའི་སྐུ་རིམ་པར་བྱོན་པ་རྣམས་ཀྱིས་ལེགས་པར་བཤད་པའི་བདུད་རྩིའི་རྒྱུན་གྱིས་རྟག་ཏུ་བརླན་པའི་དབང་གིས། རྣམ་གསུམ་བསླབ་པའི་ནོར་བུའི་འབྱོར་པས་ཀུན་ནས་
བདོ་བའི་དགེ་སློང་གི་དགེ་འདུན་ཆེན་པོ་རྣམས་ཀྱི་སྒྲིགས་སྲོལ་ལ་རྙོག་པའི་དྲི་མ་ཕྲ་ཞིང་། ཚོགས་འདོན་དང་ཆོ་གའི་རིམ་པ་གང་དང་གང་ཡིན་པ་དེ་དང་དེའི་ལག་ལེན་ཕྲ་མོ་ཚུན་ལའང་དེ་ཁོ་ན་ལ་སྦྱངས་པ་ལྟ་བུའི་བྱང་ཆུབ་པ་ཤ་སྟག་ཏུ་མཆིས་མོད། འོན་ཀྱང་བར་སྐབས་འགའ་རེ་ནས་སྒྲིགས་
ལམ་བག་ཡོངས་སུ་སོང་བའི་རྐྱེན་གྱིས་ཅུང་ཟད་འཕྱུགས་པ་མཐོང་བ་རྣམས་ཀྱང་། སྔོན་དུས་མཁན་ཆེན་འཇམ་པའི་དབྱངས་སངས་རྒྱས་ཕུན་ཚོགས་པས་མཛད་པའི་དགོན་གནས་ཀྱི་བཅའ་ཡིག་ལྷག་བསམ་རབ་དཀར་ཞེས་བྱ་བ་དང་། རྡོ་རྗེ་འཆང་བཀྲ་ཤིས་ལྷུན་གྲུབ་པས་མཛད་
པའི་བཅའ་ཡིག་ལྷག་བསམ་མཛེད་པར་བྱེད་པའི་རྒྱན་ཞེས་བྱ་བ་ལ་སོགས་པ་དང་། གྲས་ཆེན་པོ་རྣམས་ཀྱི་གནང་བཀའ་ཇི་ལྟར་བྱ་བའི་མིག་མཐོང་བྱུང་བ་དང་བསྟུན་པའི་ཁྲིམས་སུ་བཅའ་བ་གསར་དུ་སྡོམ་པ་དང་བཅས་པའི་སྒོ་ནས། ཡོན་གནས་དང་བ་འདྲེན་པའི་མཆོག་ཏུ་
བསྐྲུན་ནོ། །དེ་ལྟ་བའི་དགེ་འདུན་གྱི་ཚོགས་འདུ་བའི་སྒྲུབ་མཆོད་ཀྱི་རྒྱུན་སྔར་ཡོད་པ་རྣམས་མ་ཉམས་པར་མཛད་ནས། ལོ་དུས་བཞིན་དུ་རིམ་པར་འཛུགས་པ་ནི། འདི་ལྟར་རྒྱུ་སྐར་རྒྱལ་གྱིས་ཉ་བའི་ཟླ་བར། བཅོམ་ལྡན་འདས་ཤཱཀྱའི་རྒྱལ་པོའི་རྒྱལ་ཚབ་ཆེན་པོ་རྗེ་བཙུན་ཀུན་
དགའ་བཟང་པོ་པའི་གཟུགས་སྐུ་སྒྱུ་འཕྲུལ་གྱི་སྤྲོས་པ་མཁའ་ཁྱབ་ཆོས་ཀྱི་སྐུའི་དབྱིངས་སུ་བརྟུལ་བའི་ཟླ་དུས་ཀྱི་མཆོད་པ་འབུལ་བའི་དུས་བཟང་པོ་དང་བསྟུན་པའི་ཉི་ཤུ་ལྔའི་ཉིན་ནས་བརྩམས་ཏེ། ཆོ་འཕྲུལ་གྱི་ཟླ་བའི་ཚེས་བཅུ་དྲུག་གི་བར་དུ། ལྷུན་གྲུབ་སྟེང་གི་ཆོས་གྲྭ་ཆེན་པོ་འདི་ཉིད་དུ་

213-1-243a

གཉུག་མར་གནས་པའི་དགེ་སློང་གི་དགེ་འདུན་ཇི་སྙེད་བཞུགས་པ་རྣམས་དང་། གཞན་ཡང་ལྕགས་རའི་དགོན་པ་དང་། རྒ་ལྡན་སྟེང་གི་དགོན་པ་དང་། འཁོར་ལོ་མདོའི་དགོན་པ་དང་། རྫོང་ཆེན་མགོའི་དགོན་པ་དང་། ཡེ་ནའི་དགོན་པ་དང་། རབ་བརྟན་གླིང་
གི་དགོན་པ་སྟེ། དགོན་སྡེ་བདུན་གྱི་བླ་མ་དང་དགེ་སློང་ཞི་བ་རྒྱས་སུ་འདུ་བའི་དགེ་འདུན་གྱི་འདུ་བ་ཆེན་མོར་གྲགས་པ་སྟེ། དེ་ལ་མཆོད་གནས་སྟོང་ཕྲག་གཅིག་ལ་བརྒྱ་ཕྲག་ལྔས་ལྷག་པ་རྣམས་ཀྱིས། གཙུག་ལག་ཁང་ཆེན་པོ་བསམ་འགྲུབ་མཐོང་གྲོལ་གྱི་ནང་ན་སྟབས་སུ་འཚོགས་
ཤིང་། དེའི་དབུར་རབ་ཏུ་ངོར་ཆེན་རྡོ་རྗེ་འཆང་གི་རྒྱལ་ཚབ་ཏུ་མངའ་གསོལ་བའི་མཁན་པོ་རིན་པོ་ཆེ་རེ་བཞུགས་པའི་སྐབས་ཡིན་ན་དེ་ཉིད་དང་། དེ་ལྟར་མ་བྱུང་བ་ན་ངོར་པའི་ཆོས་རྗེ་ཆེན་པོ་རེས་རྡོ་རྗེ་སློབ་དཔོན་མཛད་པ་ལ། དེང་གི་སྐབས་ནི་མཁན་རིན་པོ་ཆེ་ཐམས་ཅད་མཁྱེན་པ་དཔལ་
ལྡན་ཆོས་སྐྱོང་བཀྲ་ཤིས་གྲགས་པའི་རྒྱལ་མཚན་དཔལ་བཟང་པོ་པ་ཚོགས་ཀྱི་དབུར་སྤྱན་འདྲེན་པར་མཛད་དེ། ཐོག་མར་དུས་དགྲའི་དབང་པོ་བཅོམ་ལྡན་འདས་རྡོ་རྗེ་འཇིགས་བྱེད་འཁོར་དང་བཅས་པའི་གཏོར་མའི་ཆོ་ག་དྲུག་ཅུ་པ་དང་བཅས་པའི་གཏོར་རྒྱབ་ཉིན་ལྔ། ཚེས་གཅིག་ལ་གཙུག་
ཏོར་རྣམ་པར་རྒྱལ་མའི་སྟོང་མཆོད་དང་། རྡོ་རྗེ་རྣམ་པར་འཇོམས་པའི་ཆོ་ག་གཉིས་སོ། །ཚེས་གཉིས་ནས་བརྩམས་ཏེ་ངོར་པའི་དཀྱིལ་འཁོར་བདུན་དུ་གྲགས་པ་འཛུགས་ཏེ། ཐམས་ཅད་ཀྱང་སྟ་གོན་ཚོམ་བུའི་དཀྱིལ་འཁོར་ལ་བརྟེན་པའི་ཆོ་ག་དང་། དངོས་གཞི་རྡུལ་ཚོན་
ལ་བརྟེན་ཏེ་སྒྲུབ་ཅིང་མཆོད་པ་དང་། བདག་ཉིད་འཇུག་ཅིང་དབང་བླང་བའི་ཆོ་ག་དང་། རྗེས་གཤེགས་སུ་གསོལ་བ་ལ་སོགས་པའི་ཆོ་ག་དང་བཅས་པ་ཉིན་བཅོ་ལྔ་སྟེ། དེའང་གཙོ་བོར་ཐབས་དང་ཤེས་རབ་གཉིས་སུ་མེད་པའི་རྒྱུད་ཀྱི་རྒྱལ་པོ་དཔལ་ཀྱེ་རྡོ་རྗེའི་རྩ་བའི་རྒྱུད་དང་བཤད་པའི་རྒྱུད་རྣམས་
ཀྱི་རྗེས་སུ་འབྲངས་ནས་རྣལ་འབྱོར་གྱི་དབང་ཕྱུག་དཔལ་བིཪྺ་པའི་ཞལ་སྔ་ནས་མན་ངག་ལུགས་སུ་བཀྲལ་བའི་བཅོམ་ལྡན་འདས་དགྱེས་པ་རྡོ་རྗེ་ལྷ་དགུའི་དཀྱིལ་འཁོར་དང་། རྒྱུད་དེ་ཉིད་ཀྱི་བཤད་པའི་རྒྱུད་ཐུན་མོང་མ་ཡིན་པ་མཁའ་འགྲོ་རྡོ་རྗེ་གུར་གྱི་རྒྱུད་ལས་འབྱུང་བའི་རིགས་བསྡུས་པ་

213-1-243b

མཁས་འགྲོ་ལྔའི་ཕོ་བྲང་ལྷ་བཞི་བཅུ་རྩ་དགུའི་དཀྱིལ་འཁོར་དང་། རྒྱུད་གཞན་དང་ཐུན་མོང་བའི་བཤད་པའི་རྒྱུད་དཔལ་ཁ་སྦྱོར་རམ་ཡང་དག་པར་སྦྱོར་བའི་རྒྱུད་ལས་འབྱུང་བའི་རྡོ་རྗེ་དབྱིབས་ལྷ་སུམ་ཅུ་རྩ་བདུན་གྱི་དཀྱིལ་འཁོར་དང་། ཤེས་རབ་རྒྱུད་གཙོ་བོར་གྱུར་པ་འཁོར་ལོ་སྡོམ་པའི་རྩ་བའི་
རྒྱུད་ལེའུ་ལྔ་བཅུ་རྩ་གཅིག་པ་དང་། རྣལ་འབྱོར་མ་ཀུན་དུ་སྤྱོད་པའི་རྒྱུད་ཀྱི་རྗེས་སུ་འབྲངས་ནས་གྲུབ་ཆེན་ལོ་ཧི་པའི་ལུགས་ཀྱི་འཁོར་ལོ་བདེ་མཆོག་ལྷ་དྲུག་ཅུ་རྩ་གཉིས་ཀྱི་དཀྱིལ་འཁོར། རྩ་བའི་རྒྱུད་དེ་ཉིད་དང་རྡོ་རྗེ་མཁའ་འགྲོའི་རྒྱུད་ཀྱི་རྗེས་སུ་འབྲངས་ནས་གྲུབ་ཆེན་ནག་པོ་སྤྱོད་
པའི་ལུགས་ཀྱི་འཁོར་ལོ་བདེ་མཆོག་ལྷ་དྲུག་ཅུ་རྩ་གཉིས་ཀྱི་དཀྱིལ་འཁོར་དང་། ཐབས་རྒྱུད་གཙོ་བོར་གྱུར་བ་དཔལ་གསང་བ་འདུས་པའི་རྩ་བའི་རྒྱུད་དང་། རྒྱུད་ཕྱི་མ་དང་། བཤད་པའི་རྒྱུད་དང་ཆ་མཐུན་གྱི་རྒྱུད་རྣམས་ལ་བརྟེན་ནས་འཕགས་མཆོག་ཀླུ་སྒྲུབ་ཡབ་སྲས་ཀྱིས་ལེགས་པར་
བཀྲལ་བའི་གསང་བ་འདུས་པ་མི་བསྐྱོད་རྡོ་རྗེ་ལྷ་སུམ་ཅུ་རྩ་གཉིས་ཀྱི་དཀྱིལ་འཁོར་དང་། གསང་བ་འདུས་པའི་རྩ་བའི་རྒྱུད་དང་། དེའི་རྒྱུད་ཕྱི་མ་དང་། རྡོ་རྗེ་སྙིང་པོ་རྒྱན་གྱི་རྒྱུད་རྣམས་ལ་བརྟེན་ནས། རྗེ་བཙུན་འཇམ་པའི་དབྱངས་ཀྱིས་དངོས་སུ་བྱིན་གྱིས་བརླབས་པའི་སློབ་དཔོན་
སངས་རྒྱས་ཡེ་ཤེས་ཞབས་ཀྱི་རྣམ་པར་བཀྲལ་བའི་འཇམ་པའི་རྡོ་རྗེ་ལྷ་བཅུ་དགུའི་དཀྱིལ་འཁོར་ཏེ། རྣལ་འབྱོར་བླ་ན་མེད་པའི་རྒྱུད་སྡེ་རིན་པོ་ཆེ་རྣམ་པ་གསུམ་གྱིས་བསྟན་པར་བྱ་བ་ཐམས་ཅད་ཀྱི་སྙིང་པོ་ལས་ཀྱང་ཆེས་སྙིང་པོར་གྱུར་བའི་དཀྱིལ་འཁོར་ཆེན་པོ་གསེར་གྱི་རི་བོའི་གྲངས་དང་
ལྡན་པ་རྣམས་ཀྱི་ཞལ་ཕྱེ་བའི་སྒྲུབ་མཆོད་ཆེན་མོ་འཛུགས་ཤིང་། དེ་ལ་བརྟེན་ནས་རང་དང་གཞན་གྱི་རྒྱུད་ལ་བསྐལ་པ་བྱེ་བ་དུ་མ་ནས་བསགས་པའི་སྡིག་པའི་ཕུང་པོ་བརྩེགས་པ་རི་རབ་ལྟར་ཡོད་པ་རྣམས་ཀྱང་སྐད་ཅིག་རེའི་ཡུན་ལ་བསྙིལ་བར་བྱེད་དོ། །ཡང་དུས་ཚེས་དེ་དང་མཉམ་དུ་ཆོས་སྒྲོག་
མཁན་བརྒྱ་དང་ཉི་ཤུ་ཙམ་གྱིས་རྒྱལ་བའི་བཀའ་འགྱུར་རོ་འཚལ་ཚར་གྲངས་གང་འགྲོར་ཀློག་པ་དང་། སླར་ཡང་ཆོས་སྒྲོག་མཁན་ཉུང་བཏུས་ཀྱིས་ཤེས་རབ་ཀྱི་ཕ་རོལ་ཏུ་ཕྱིན་པ་སྟོང་ཕྲག་བརྒྱ་པ་བརྒྱ་ཚར་མན་ཆད་གང་འགྲུབ་དང་རྒྱལ་བའི་བཀའ་འགྱུར་རོ་འཚལ་རྫོགས་པ་ཚར་གཅིག་ཀློག་པ་དང་།

213-1-244a

གཞན་ཡང་དུས་ཚེས་དེ་དག་དང་མཉམ་པར་མཁར་གསུམ་མདོའི་དགོན་པ་དང་། དཔོན་པོ་སྟོང་ལ་སོགས་པ་ངོར་གྱི་དགོན་ལག་ཡོད་པ་ཕལ་ཆེ་བ་རྣམས་སུ་ཡང་དགེ་འདུན་མང་པོ་འདུ་བའི་དཀྱིལ་འཁོར་ལྔ་བདུན་གང་རུང་གི་སྒྲུབ་མཆོད་དང་། དེ་དག་ཏུ་མ་ཟད་སྡོམ་བརྩོན་སྐྱེ་དགུའི་
བདག་པོ་རང་གི་མངའ་འོག་ཏུ་གཏོགས་པའི་གསར་རྙིང་གི་དགོན་སྡེ་རྣམས་སུ་ཡང་རང་རང་གི་ཕྱོགས་སུ་བསྡུ་ཁྲལ་ཡོད་པ་ལས་བྱུང་བ་རྣམས་ཀྱང་ཕལ་ཆེར་སྐུའི་མཆེད་ཟླར་གྱུར་པ་དང་། སྐུ་ཚབ་དང་བསྐོས་མི་ལ་སོགས་པ་ལ་འགན་བསྐུལ་བ་དང་བཅས་པའི་སྒོ་ནས། དགོན་སྡེ་རང་རང་གི་ཕྱོགས་
སུ་སྐུ་རིམ་དང་། གཏན་པ་མེད་པའི་དགེ་བསྐུལ་དུ་འགྲོ་བ་ལ་སོགས་པའི་རྣམ་དཀར་གྱི་བྱ་བ་རྒྱ་ཆེན་པོ་སྐྱོང་བ་དང་། གཞན་ཡང་ལྷུན་སྒྲུབ་སྟེང་གི་ཆོས་གྲ་འདིར་ཟླ་དུས་དང་། ཚེས་གྲངས་གང་དང་གང་ཡིན་པ་དེ་དང་དེ་ལས་ནམ་ཡང་བསྐལ་དུ་མེད་པའི་མཆོད་པ་དང་། ཆོ་གའི་རིམ་པ་ནི། ཧོར་ལུགས་
ཀྱི་ཟླ་བ་དང་པོའི་ཚེས་བཅུ་བདུན་ནས་སྟོང་གི་བར་དུ་བཅོམ་ལྡན་འདས་རྡོ་རྗེ་ཕུར་པ་ས་ལུགས་ཀྱི་སྒྲུབ་མཆོད་ཆེན་མོ་འཛུགས་པ་སྟེ། དེའང་འདི་ལྟར་དཔལ་ས་སྐྱའི་རྗེ་བཙུན་མཆོག་གི་ཕྲིན་ལས་ལྷུན་གྱིས་གྲུབ་པའི་སྒྱུ་འཕྲུལ་གྱི་རོལ་པ་ལས་བྱོན་པའི་མཆོག་གི་རྡོ་རྗེ་སློབ་དཔོན་ཆེན་པོ་མཚན་ཉིད་དང་ལྡན་
པ། སྤྱིར་མདོ་དང་སྔགས་ཀྱི་གཞུང་ལུགས་རབ་འབྱམས་ལ་སྦྱངས་པ་དང་། ཁྱད་པར་རྗེ་བཙུན་ས་སྐྱ་པའི་ཡབ་ཆོས་རྡོ་རྗེ་ཕུར་པའི་སྟོད་སྨད་ཀྱི་ཕྲིན་ལས་མཐའ་དག་ལ་གཞན་དྲིང་མི་འཇོག་པར་བྲི་ཐིག་དང་། འདོན་གདངས་དང་། འཆམས་དང་། རོལ་མོ་རྣམས་ལ་སྦྱངས་པ་རབ་ཀྱི་མཐར་
སོན་པ་རེ་གདན་ས་ཆེན་པོ་ནས་གདན་འདྲེན་པར་མཛད་དེ། དེ་ཉིད་ཚོགས་ཀྱི་རྡོ་རྗེ་སློབ་དཔོན་དུ་བཞུགས་སུ་གསོལ་ནས་རིག་པ་འཛིན་པའི་དགེ་སློང་གི་དགེ་འདུན་གྱི་ཚོགས་དང་ལྷན་ཅིག་ཏུ་དཔལ་རྡོ་རྗེ་གཞོན་ནུའི་དཀྱིལ་འཁོར་ཆེན་པོ་རྡུལ་ཚོན་ལ་བརྟེན་པའི་སྒྲུབ་མཆོད། ཟླ་བ་དེའི་ཉི་ཤུ་ལྔའི་
ནང་པར་དགེ་འདུན་ཇི་སྙེད་བཞུགས་པས་རྡོ་རྗེ་མི་འཁྲུགས་པ་ལྷ་དགུའི་དཀྱིལ་འཁོར་གྱི་ཆོ་ག་དང་། དེའི་{ཕྱེ་}མ་རེད་ནས་ཉེར་དགུའི་བར་ལ་བསྐང་གསོ་དང་། ཐུགས་གསོ་དང་། ཟུང་གསོ་གང་རུང་རེ་མཛད། དབོ་ཟླ་བའི་ཚེས་གསུམ་ནས་བརྩམས་ཏེ་དགེ་འདུན་གྱི་གཙུག་ལག་ཁང་ཆེན་པོ་

213-1-244b

བསམ་འགྲུབ་མཐོང་གྲོལ་ལ་སོགས་པའི་ལྷ་ཁང་རྣམས་སུ་རྡོ་རྗེ་སློབ་དཔོན་ལྔ་བཅུས་དཔལ་ཀྱེ་རྡོ་རྗེའི་དཀྱིལ་འཁོར་ལ་བརྟེན་པའི་རབ་ཏུ་གནས་པའི་ཆོ་ག་རྒྱས་པ་ཉིན་གསུམ་པ་ཚར་བརྒྱད། ཉེར་གསུམ་ནས་ཉེར་དགུའི་བར་མགོན་ཁང་ཤར་དུ་མགོན་པོའི་དམར་ཆེན་གཏོར་མའི་བཟློག་པ། ནག་པས་ཉ་བའི་
ཞག་གི་ཕུང་པོའི་ཚེས་བརྒྱད་ནས་ཉི་ཤུ་བཞིའི་བར་ལ་ཐབས་དང་ཤེས་རབ་གཉིས་སུ་མེད་པའི་རྒྱུད་ཀྱི་རྒྱལ་པོ་དང་པོའི་སངས་རྒྱས་ཞེས་བྱ་བའི་རྒྱུད་ཀྱི་རྗེས་སུ་འབྲངས་ནས་ལེགས་པར་བཀྲལ་བའི་དཔལ་དུས་ཀྱི་འཁོར་ལོ་ཐུགས་གསུང་སྐུའི་དཀྱིལ་འཁོར་གྱི་ལྷ་མཁའ་རོ་དུས་ཀྱི་གྲངས་དང་མཉམ་པའི་
དཀྱིལ་འཁོར་ཆེན་པོ་རྡུལ་ཚོན་ལ་བརྟེན་པའི་སྒྲུབ་མཆོད་འཛུགས། དེ་ནས་ལྕགས་རའི་དགོན་པར་སྐུ་ཞབས་གྲ་ཚང་དང་བཅས་པའི་དགེ་འདུན་གྱི་ཚོགས་ཇི་སྙེད་བཞུགས་པས་ཉི་ཤུ་ལྔ་ནས་ཉེར་དགུའི་བར་རྡོ་རྗེ་འཇིགས་བྱེད་ཀྱི་གཏོང་མ་དྲུག་ཅུ་རྩ་བཞི་པའི་གཏོར་རྒྱབ། ས་ག་ཟླ་བ་ནས་རིམ་
པར་དཔལ་ཀྱེ་རྡོ་རྗེའི་དཀྱིལ་འཁོར་ལ་བརྟེན་པའི་རབ་ཏུ་གནས་པ་རྒྱས་པ་ལན་གཉིས། དཔལ་རྣལ་འབྱོར་གྱི་དབང་ཕྱུག་བིཪྺ་པའི་ཞབས་ཀྱིས་བཀྲལ་བའི་རྗེ་བཙུམ་རྡོ་རྗེ་བདག་མེད་མ་ལྷ་མོ་བཅོ་ལྔའི་དཀྱིལ་འཁོར་རྡུལ་ཚོན་ལ་བརྟེན་པའི་སྒྲུབ་མཆོད་ཉིན་བརྒྱད། རྡོ་རྗེ་འཇིགས་བྱེད་རྭ་ལུགས་རོ་ལངས་
བརྒྱད་སྐོར་གྱི་དཀྱིལ་འཁོར་རྡུལ་ཚོན་ལ་བརྟེན་པའི་སྒྲུབ་མཆོད་ཉིན་བརྒྱད། ཉི་ཤུ་གསུམ་ནས་ཉེར་དགུའི་བར་རྡོ་རྗེ་ཕུར་པས་ལུགས་ཀྱི་གཏོར་བཟློག །སྣྲོན་གྱི་ཟླ་བར་བཅོམ་ལྡན་འདས་ཚེ་དཔག་ཏུ་མེད་པ་འཆི་མེད་རྔ་སྒྲའི་དཀྱིལ་འཁོར་གྱི་སྒྲུབ་མཆོད་ཉིན་བརྒྱད། ཆུ་སྟོད་ཟླ་བར་བཅོམ་ལྡན་འདས་རྡོ་རྗེ་
འཇིགས་བྱེད་རྭ་ལུགས་ལྷ་བཅུ་གསུམ་གྱི་དཀྱིལ་འཁོར་རྡུལ་ཚོན་ལ་བརྟེན་པའི་སྒྲུབ་མཆོད་ཉིན་བརྒྱད་པ་རྣམས་འཛུགས་སོ། །ཟླ་བ་དེའི་ཚེས་མགོར་ལྷུན་གྲུབ་སྟེང་གི་ཆོས་གྲ་འདིར་ངན་སོང་ཐམས་ཅད་ཡོངས་སུ་སྦྱོང་བའི་ཀུན་རིག་རྩ་བའི་དཀྱིལ་འཁོར་ལྷ་སུམ་ཅུ་རྩ་བདུན་མགྲོན་ཐབས་ཀྱི་ལྷ་དང་
བཅས་པའི་ཆོ་ག་སྟོང་ཕྲག་གསུམ་ལ་ཉིན་གསུམ། གྲོ་བཞིན་ཟླ་བར་སྒྲོལ་མ་མཎྜལ་བཞི་པའི་མཆོད་པའི་ཆོ་ག་ཉིན་གསུམ། ཉེར་གསུམ་ནས་ཉེར་དགུའི་བར་ལ་མགོན་པོའི་གཏོར་མ་དྲུག་ཅུ་རྩ་བཞི་བའི་གཏོར་བཟློག །ཁྲུམས་ཀྱི་ཟླ་བར་མགོན་པོའི་གཏོར་བཟློག །ཐ་སྐར་ཟླ་བའི་ཚེས་བཅུ་

213-1-245a

བཞིའི་ཉིན་ས་སྐོར་ཆེན་པོ་ཞེས་བྱ་བ་སྟེ། དེ་ཡང་། མདོ་སྡེ་ལས་བརྒྱ་པ་ལས། དགེ་སློང་དག་སྔོན་བྱུང་བ་འདས་པའི་དུས་བསྐལ་པ་བཟང་པོ་འདི་ཉིད་ལ། སྐྱེ་དགུ་རྣམས་ཚེ་ལོ་བཞི་ཁྲི་ཐུབ་པ་ན། ཡང་དག་པར་རྫོགས་པའི་སངས་རྒྱས་རིག་པ་དང་ཞབས་སུ་ལྡན་པ།
བདེ་བར་གཤེགས་པ། འཇིག་རྟེན་མཁྱེན་པ། སྐྱེས་བུ་འདུལ་བའི་ཁ་ལོ་སྒྱུར་བ་བླ་ན་མེད་པ། ལྷ་དང་མི་རྣམས་ཀྱི་སྟོན་པ་འཁོར་བ་འཇིག་ཅེས་བྱ་བ་འཇིག་རྟེན་དུ་བྱོན་ཏེ། གང་གི་ཚེ་སངས་རྒྱས་ཀྱི་ཕྲིན་ལས་ཐམས་ཅད་མཛད་ནས། ཕུང་པོ་ལྷག་མ་མེད་པའི་མྱ་ངན་ལས་འདའ་བའི་དབྱིངས་
སུ་ཡོངས་སུ་མྱ་ངན་ལས་འདས་ནས། རྒྱལ་པོ་མཛེས་པས་དེའི་སྐུ་གདུང་ལ་མཆོད་པ་བྱས་ཏེ། སྐུ་གདུང་གི་མཆོད་རྟེན་བརྩིགས་ནས། མཆོད་རྟེན་དེ་ལ་བཀུར་སྟི་ཆེན་པོ་བྱས་ཏེ་མཆོད་རྟེན་གྱི་དུས་སྟོན་གྱི་ལུགས་བཏོད་དོ་ཞེས་དང་། བདག་ཅག་གི་སྟོན་པ་ཡང་དག་པར་རྫོགས་པའི་སངས་
རྒྱས་བཅོམ་ལྡན་འདས་ཤཱཀྱའི་རྒྱལ་པོ་དེ་ཉིད་གྲོང་ཁྱེར་རྩྭ་ཅན་གྱི་གནས་སུ་མྱ་ངན་ལས་འདའ་བའི་ཚུལ་བསྟན་པའི་སྐུ་གདུང་གི་མཆོད་རྟེན་ལ། རྩྭ་ཅན་དང་སྡིང་པ་ཅན་གྱི་གྱད་དང་། ཡུལ་རྟོག་པ་གཡོ་བའི་རྒྱལ་པོ་དང་། སེར་སྐྱའི་གྲོང་ཁྱེར་གྱི་ཤཱཀྱའི་རིགས་དང་། མ་ག་དྷཱའི་རྒྱལ་པོ་མ་
སྐྱེས་དགྲ་རྣམས་ཀྱིས་རང་རང་གི་ཡུལ་དུ་དུས་སྟོན་གྱི་མཆོད་པ་དཔག་ཏུ་མེད་པ་བཙུགས་པར་འདུལ་བ་ལུང་ཕྲན་ཚེགས་དང་། མྱ་ངན་ལས་འདས་པའི་མདོ་ལ་སོགས་པ་ནས་གསུངས་ཤིང་། ལྷག་པར་བསོད་ནམས་ཀྱི་ཚོགས་བྱེ་བ་གྲངས་མེད་དུ་འཕེལ་བར་འདོད་པ་རྣམས་ཀྱིས། ཁྱད་པར་
ཅན་གྱི་དུས་ཆེན་བཞི་ལ་དགེ་བའི་རྩ་བ་སྒྲུབ་པར་གསུངས་པ་ལས། དེའི་ངོས་འཛིན་ཚུལ་ཡང་ཡོངས་སུ་གྲགས་པ་ནི། མཆུ་ཟླ་བར་ཆོ་འཕྲུལ་ཆེན་པོ་བསྟན་པའི་དུས་མཆོད་དང་། ས་ག་ཟླ་བར་མངོན་པར་བྱང་ཆུབ་པའི་དུས་མཆོད་དང་། ཆུ་སྟོད་ཟླ་བར་ཆོས་ཀྱི་འཁོར་ལོ་བསྐོར་བའི་
དུས་མཆོད་དང་། དབྱུག་པ་ཟླ་བར་ལྷ་ལས་བབ་པའི་དུས་མཆོད་རྣམས་སྔོན་དུས་འཕགས་པའི་ཡུལ་དུ་དར་བར་གྲགས་ཤིང་། གཞན་ཡང་ཁྱིམ་ནས་ཁྱིམ་མེད་པར་མངོན་པར་བྱུང་སྟེ། མཆོད་རྟེན་རྣམ་དག་གི་དྲུང་དུ་དབུའི་གཙུག་ཕུད་བྲེགས་པའི་ཚེ་གཙུག་གི་ཕུད་བུ་ལྷ་རྣམས་ཀྱི་དབང་པོ་བརྒྱ་

213-1-245b

བྱིན་གྱིས་བླངས་ཏེ། སུམ་ཅུ་རྩ་གསུམ་གྱི་གནས་སུ་ཁྱེར་བ་ལ་གཙུག་ཕུད་ཀྱི་དུས་སྟོན་བྱས་པ་དང་། དེ་ཉིད་ཤ་ཝ་རི་པའི་ཆ་བྱད་ཅན་དུ་སྤྲུལ་ནས་ཉེ་བར་འོངས་ཏེ། ཤ་ནའི་གོས་ངུར་སྨྲིག་གི་ཚོན་གྱི་བྲན་པ། སྲིད་པ་ཐ་མའི་བྱང་ཆུབ་སེམས་དཔའ་ལ་ཕུལ་ནས། དེའི་ན་བཟའ་ཀཱ་
ཤི་ཀའི་གོས་རིན་ཐང་གཞལ་དུ་མེད་པ་གུས་པས་བླངས་ཏེ། སུམ་ཅུ་རྩ་གསུམ་གྱི་གནས་སུ་ཁྱེར་ཏེ་དེར་ངུར་སྨྲིག་བླངས་པའི་དུས་སྟོན་བྱས་པ་དང་། དཀའ་ཐུབ་ཀྱི་མཛད་པ་མཐར་ཕྱིན་ནས་ཁ་ཟས་རགས་པ་གསོལ་བར་བཞེད་པའི་ཚེ། ལེགས་སྐྱེས་མ་དང་དགའ་སྟོབས་མས། ཉིས་
སྟོང་གི་འོ་མ་བསྐོལ་པའི་འོ་ཐུག་སྦྲང་རྩི་ཅན་གྱིས་གསེར་གྱི་ཡོལ་གོ་ཡོངས་སུ་བཀང་སྟེ་ཕུལ་བ་བཅོམ་ལྡན་འདས་ཀྱིས་ལེགས་པར་བཞེས་ཏེ། ཡོལ་གོ་དེ་ཉིད་ཀྱང་ནཻ་རཱཉྫ་ནའི་ཆུ་བོ་ཆེན་པོར་བསྐྱུར་བ། ཀླུའི་རྒྱལ་པོ་རྒྱ་མཚོ་ཞེས་བྱ་བས་མཆོད་པའི་ཆེད་དུ་བླངས་པ་ན། ལྷའི་དབང་པོ་
བརྒྱ་བྱིན་ནམ་མཁའ་ལྡིང་གི་རྣམ་པར་སྤྲུལ་ནས་ཕྲོགས་ཏེ། དེ་ཉིད་རང་གི་གཟུགས་ཀྱིས་ལྷའི་གནས་སུ་ཁྱེར་བ་དང་ཡོལ་གོའི་དུས་སྟོན་བྱས་པ་ལ་སོགས་པ་བཤད་པ་དང་། འདུལ་བ་མདོ་རྩ་བར། དེ་ལ་དུས་སྟོན་བྱའོ། །བལྟམས་པ་དང་། གཙུག་ཕུད་དང་། དབུ་སྐྲ་དང་།
བྱང་ཆུབ་པའི་དུས་སྟོན་དག་ཀྱང་ངོ་ཞེས་གསུངས་ཤིང་། ཁྱད་པར་བླ་མའི་དུས་ཆེན་གྱི་ཚེ་མཆོད་པ་བྱས་པའི་ཕན་ཡོན་དང་དགོས་པ་ནི། དུས་ཀྱི་འཁོར་ལོའི་རྩ་བའི་རྒྱུད་ཀྱི་དུམ་བུ་བླ་མའི་ཡོན་ཏན་བཟུང་བའི་རྒྱུད་ལས། ཉེ་དུ་འབྲེལ་བ་ཤུལ་ན་གནས་པ་ཡིས། །གཤིན་གྱི་དོན་དུ་དགེ་བ་གང་བྱས་
པའི། །རྣམ་པར་སྨིན་པ་མ་ཕྱིར་བེའུ་བཞིན། །གང་དུ་སྐྱེས་པ་དེ་ཡི་རྗེས་སུ་འབྲང་། །དེ་བཞིན་མོས་གུས་ལྡན་པའི་སློབ་མ་ཡིས། །བླ་མ་འདས་ནས་གདུང་བས་མཆོད་བྱས་ན། །ཐུགས་ཀྱི་དགོངས་པ་གོང་དུ་ཡོངས་རྫོགས་ཤིང་། །སློབ་མས་བླ་མའི་རྣམ་ཐར་སྙོགས་པར་འགྱུར། ། 
བླ་མ་འདས་པའི་ལོ་ཟླ་ཚེ་གྲངས་དག །ངེས་པར་བཟུང་སྟེ་མཆོད་པ་བྱས་གྱུར་ན། །བསྐལ་པར་བསགས་པའི་སྡིག་ཆེན་རབ་བཅོམ་ནས། །ཤིན་ཏུ་མི་བཟད་གཤིན་རྗེའི་གྲོང་ལས་ཐར། །སྟོང་གསུམ་སྐྱེ་བོ་མིག་བྲལ་སྲོག་ཉམས་ལ། །མིག་སྲོག་བྱིན་ཀྱང་དེ་ཡི་དཔེར་མི་ཕོད། །

213-1-246a

དེ་སྙེད་སྐྱེ་བོ་དགྲ་བཅོམ་ལ་བཀོད་ནས། །བསྐལ་པར་མཆོད་པའི་དགེ་བས་དཔེར་མི་བཟོད། །བསྐལ་པ་གྲངས་མེད་བསགས་པའི་སྡིག་པ་ཡང་། །མུན་ལ་ཉི་མ་ཇི་བཞིན་མ་ལུས་སེལ། །ཞེས་འབྱུང་བ་ལྟར། འདིར་འཛམ་གླིང་བསྟན་པའི་བདག་པོ་དཔལ་ས་སྐྱ་
པ་ཀུན་དགའ་སྙིང་པོ་ཞེས་ཕྱོགས་བཅུའི་དཀྱིལ་འཁོར་ཀུན་དུ་གྲགས་པའི་ཡི་གེ་རྣམ་པར་གསལ་བ། དུས་གསུམ་མཉམ་པ་ཉིད་དུ་མཁྱེན་པ། ཐུགས་རྗེའི་དཀྱིལ་འཁོར་ཡངས་པ། སྲིད་པའི་འཆིང་དགུ་གཅོད་པ། ལུས་མེད་གཡུལ་ལས་རྒྱལ་བ། བདེན་པར་ཡང་དག་པར་
འདོམས་པར་མཛད་པ། ཆོས་ཀྱི་རྒྱལ་པོ་ཆེན་པོ། ཆོས་བཞིན་དུ་སྨྲ་བ། རིགས་པར་འདོམས་པའི་རྒྱལ་པོ། གཞི་ཐུགས་སུ་ཆུད་པ། ལམ་མ་ནོར་བར་སྟོན་པ། འབྲས་བུ་བདེ་བླག་ཏུ་སྟེར་བ། ཕྱོགས་བཅུའི་རྣམ་པར་འདྲེན་པ་ཐམས་ཅད་ཀྱིས་ལེགས་སོའི་མེ་ཏོག་
སྩལ་བ། གང་གི་ཞབས་ཀྱི་ཆུ་ལས་སྐྱེས་པ་དག་ནི་འཇིག་རྟེན་གྱི་མེས་པོ་གསེར་མངལ་ཅན་དང་། གཙུག་ན་ཟླ་བ་དང་། ཤིས་བརྗོད་ཉན་དང་། རྣམ་གསུམ་གནོན་པ་ལ་སོགས་པས་ཡན་ལག་མཆོག་གི་གུས་པས་བཏུད་ཅིང་ཕྱག་བྱས་པ། སའི་སྟེང་གི་མཁས་པ་སྐྱེ་བ་ནས་སྐྱེ་
བའི་ཕྲེང་བར་ཤེས་པར་བགྱི་བའི་གཞུང་ལུགས་རབ་འབྱམས་ལ་སྦྱངས་པའི་རྒྱ་མཚོ་རབ་ཏུ་བསྐྱིལ་བས་སྒྲིབ་པའི་དྲི་མ་མ་ལུས་པ་བཀྲུས་ནས་སྐྱེ་བ་འདིར་ལྷག་པའི་ལྷའི་སྐུ་དང་གསུང་དང་ཐུགས་ཀྱི་བྱིན་གྱིས་བྱིན་གྱིས་བརླབས་པ། ཟབ་མོའི་སྔགས་ཀྱིས་ལེགས་པར་བཏབ་པ། ཕྱི་དང་ནང་གི་རིག་པའི་
གཙུག་ལག་རབ་འབྱམས་ལ་ལྟ་བར་བྱེད་པའི་རྣམ་པར་འབྱེད་པའི་མིག་དབང་ཤིན་ཏུ་དག་པར་གྱུར་པ་མང་པོས། དྲི་ཟའི་བུ་མོའི་རྒྱུད་མངས་ཀྱི་གླུ་དང་ལྷན་ཅིག་ཏུ་བསྲེས་པ་སྙམ་བྱེད་པའི་སྙན་དངགས་ཀྱི་མེ་ཏོག་ཨུ་དུམྺཱ་ར་མཐའ་དག་གཅིག་ཏུ་སྤུངས་ནས། གང་གི་ཡོན་ཏན་གྱི་ཁྱད་
པར་ལ་ལན་བརྒྱ་སྟོང་དུ་མར་མངོན་པར་བསྔགས་པའི་ཚིག་གི་མེ་ཏོག་སིལ་མས་ཡང་དག་པར་འཐོར་བ་ན། ནམ་ཞིག་སྙན་དངགས་ཀྱི་མེ་ཏོག་གི་ཕུང་པོ་ནི་ཡོངས་སུ་ཟད་པར་གྱུར་ཀྱང་། དེའི་ཡོན་ཏན་གྱི་ཆ་ཤས་ནི་གཞར་ཡང་གཏུགས་པར་བྱར་མེད་པ་དེ་ཉིད་ཀྱིས། མིའི་སྲིད་པའི་

213-1-246b

ཟ་མ་ཏོག་ནི་ཆོས་དབྱིང་སུ་མཉམ་པ་ཉིད་དུ་རྣམ་པར་བསྲེས་ཏེ། ཡེ་ཤེས་སྒྱུ་མའི་རྒྱལ་པོའི་མིག་འཕྲུལ་གསུམ་དུ་སྤྲུལ་པ་ཡང་བདེ་བ་ཅན་དང་། མངོན་པར་དགའ་བའི་ཞིང་དང་། གསེར་མདོག་ཅན་རྣམས་སུ་བདེ་བར་གཤེགས་པའི་ལོ་དུས་ཀྱི་མཆོད་པའི་དུས་ཇ་ཆེན་པོ་ས་བསྐོར་ཞེས་
བྱ་བས་ངོར་གྱི་དགོན་སྡེ་མཐའ་དག་ཏུ་ཡོད་ཅིང་། ཁྱད་པར་ལྷུན་གྲུབ་སྟེང་འདིར་གཙུག་ལག་ཁང་དུ། དུས་ཐང་གི་སྐུ་བརྙེན་མཐོང་བ་དོན་ལྡན་ཞེས་བྱ་བ་བཀྲམ་པའི་མདུན་གང་ན་བར། མེ་ཏོག་དང་། སྤོས་དང་། མར་མེའི་ཕྲེང་བ་དང་། བྱུག་པ་དང་། ལྷ་བཤོས་ལ་སོགས་
པའི་ཉེ་བར་སྤྱོད་པ་རྣམས་ནི། རེ་རེའང་བརྒྱ་སྟོང་གྲངས་མེད་པར་བསྐྲུན་དུ་བཅུག་སྟེ་བཤམ་མོ། །ཇི་ཙམ་ན་དགེ་འདུན་གྱི་ཚོགས་ཇི་སྙེད་བཞུགས་པ་མ་ལུས་པ་རྒྱལ་པོའི་ཁབ་ཀྱི་གཙུག་ལག་ཁང་དུ་བསྡུ་ཞིང་། དེ་དག་གི་གཙོ་བོར་བཞུགས་པ་ནི། འདི་སྐབས་སུ་ལྷ་དང་བཅས་པའི་འཇིག་རྟེན་
གསུམ་གྱི་མཆོད་ཡུལ་མཆོག་ཏུ་གྱུར་པ་མཁན་པོ་རིན་པོ་ཆེ་ཐམས་ཅད་མཁྱེན་པ་དཔལ་ལྡན་ཆོས་སྐྱོང་པ་ཉིད་སྤྱན་འདྲེན་མཛད་ཅིང་ཆོས་ཀྱི་ཁྲི་ལ་ཞབས་ཀྱི་ཆུ་སྐྱེས་རྣམ་པར་བཀོད་པ་དང་བཅས་ཏེ། མཆོད་པ་དང་བསྟོད་པའི་གདངས་དབྱངས་ཡིད་དུ་འོང་བར་བསྒྱུར་བའི་སྒོ་ནས་མཆོད་ཅིང་རྗེད་
པར་བྱེད་དོ། །དེ་ནས་ཕྱི་རོལ་དུ་སར་སྦྲེང་གི་བཀོད་པ་བསྟར་བའི་ངོ་མཚར་ནི། དཔེར་ན་སིནྡྷུ་ཝཱ་རའི་རྒྱ་མཚོ་ཆེན་པོ་ཞིག་མཆོག་གི་སྐྱེས་བུ་སུ་ཞིག་གི་ཡོན་ཏན་དང་ངོ་མཚར་གྱི་ཕུང་པོ་གང་དག་རྗེས་སུ་དྲན་པས་གཡོས་ཤིང་རབ་ཏུ་གཡོས་ཏེ། སའི་སྟེང་ན་ཡོངས་སུ་ལུད་པར་གྱུར་པ་ན། དགའ་
བའི་དབའ་རླབས་ཀྱི་ཕྲེང་བ་རྣམས་ནི་ནམ་མཁའ་ལ་འགོང་བ་བཞིན་དུ་རྣམ་པར་འཕྱོ་བ་དེ་ནི་ཀཱཉྩ་ནའི་ལྷུན་པོ་འགྲོ་ཤེས་པ་དང་ལྷན་ཅིག་ཏུ་འགྲོགས་ཏེ། འཛིན་མའི་གཞི་ལ་བརྟེན་ཏེ་དལ་བུས་རྒྱུ་བ་དང་འདྲ་བར། བླ་མར་གྱུར་པ་དང་། དགེ་སློང་གི་དགེ་འདུན་ཆེན་པོ་ཚར་དུ་དངར་བ་རྣམས་
ཀྱིས་འདུད་པ་དང་དཀྲོལ་བར་བྱ་བའི་རོལ་མོའི་བྱེ་བྲག་དཔག་ཏུ་མེད་པ་དང་། གདུགས་དང་། རྒྱལ་མཚན་དང་། འཕན་དང་། བ་དན་ལ་སོགས་པ་མཆོད་པའི་ཁྱད་པར་སྔོན་དུས་སྡེ་དགེ་གོང་མ་རྣམས་ཀྱིས་བཞག་པ་དང་། སྡོམ་བརྩོན་བླ་མ་སྐྱེ་དགུའི་བདག་པོ་འདིའི་སྐུ་རིང་

213-1-247a

ལ་གསར་བསྐྲུན་དང་བཅས་པའི་ཡོ་བྱད་ཀྱི་ཕྲེང་བ། མཛེས་ཤིང་ལྟ་ན་སྡུག་པ་རྣམ་པ་སྣ་ཚོགས་པ་དག་བཟུང་ནས། ནམ་མཁའ་ལ་འཕྱར་བ་དང་། དཔྱངས་པ་དང་། རླུང་གིས་བསྐྱོད་པ་རྣམས་ཀྱི་ངོ་མཚར་གང་ཞིག་མཐོང་བར་གྱུར་བའི་སྐྱེ་བོ་འགའ་ཞིག་ནི་བཅོམ་
ལྡན་འདས་འོད་མཐའ་ཡས་པའི་ཡོན་ཏན་གྱི་བཀོད་པ་ཡང་འདི་ལས་ལྷག་པ་ཅི་ཞིག་ཅེས་གཏམ་དུ་སྒྲོག་པ་ལའང་མི་སྤྲོ་བ་མེད་པ་ཉིད་དོ། །ཉེར་ལྔ་ནས་ཉེར་དགུའི་བར་ལ་མགོན་པོའི་གཏོར་བཟློག་ཆེན་པོ་འཆམས་དང་བཅས་པ་དང་། སྟོང་ལ་ཕྱོགས་བཞི་གཏོར་མ། སྨིན་དྲུག་ཟླ་བའི་ཚེས་ལ་
རྣམ་པར་རྒྱལ་མའི་སྟོང་མཆོད་དང་རྡོ་རྗེ་རྣམ་པར་འཇོམས་པའི་བུམ་སྒྲུབ་ཀྱི་ཆོ་ག་རྣམས་སོ། །དེ་ནས་མཁར་མདོ་ལ་སོགས་པའི་དགོན་སྡེ་མང་པོ་རྣམས་སུ་དྲུག་ཅུ་པའི་གཏོར་རྒྱབ་ལ་ཉིན་ལྔ་པ་རེའོ། །མགོས་ཉ་བའི་ཟླ་བར་ཉི་ལྡོག་གི་དུས་ཚོད་རི་མོའི་ངེས་པ་དང་བསྟུན་ཏེ་ངོར་ལུགས་ཀྱི་དགོན་སྡེ་
མཐའ་དག་ཏུ་འཇིགས་བྱེད་ཀྱི་གཏོར་མའི་ཆོ་ག་དྲུག་ཅུ་རྩ་བཞི་པ་དང་བཅས་པའི་གཏོར་རྒྱབ་ཉིན་ལྔ་པ་རེ་རྣམས་ལོ་དུས་ཀྱིས་མཆོད་པ་ཉིད་དུ་བཙུགས་སོ། །གཞན་ཡང་ཟླ་དུས་ཀྱི་མཆོད་པ་ལ། མཁས་པ་འཆི་བ་མེད་པའི་སེང་གེས། ཕྱོགས་ནི་སྔོན་མ་ཕྱི་མ་སྟེ། །དེ་གཉིས་ཟླ་བ་དཀར་ནག་
གོ། །ཞེས་ཉིན་ཞག་བཅོ་ལྔ་ལ་ནི་ཕྱོགས་དང་། ཕྱོགས་སྔ་མ་དང་ཕྱི་མ་གཉིས་ལ་ནི་དཀར་ཕྱོགས་དང་ནག་ཕྱོགས་ཏེ། དེ་གཉིས་བསྡོམས་པའི་ཉིན་ཞག་སུམ་ཅུ་ལ་ཟླ་བ་སྟེ། དེ་ལྟ་བུའི་ཟླ་བ་ཤར་དགུ་ཐམས་ཅད་ཀྱི་ཚེས་གསུམ་ལ་ཤེས་རབ་ཀྱི་ཕ་རོལ་ཏུ་ཕྱིན་པ་སྟོང་ཕྲག་བརྒྱ་པ་ཚར་རེ། ཚེས་
བརྒྱད་ཀྱི་ནང་པར་སྒྲོལ་མ་ལྷ་ཁང་དུ་རྣམ་པར་རྒྱལ་མའི་སྟོང་མཆོད་ཀྱི་ཆོ་ག་དང་། ཨ་ཐིག་ཐང་རྒོད་དུ་དགེ་སློང་བཅུས་ལམ་ཟབ་བླ་མ་མཆོད་པ། མགོན་ཁང་ནུབ་ཏུ་དགེ་སློང་མངའ་ཚོགས་ཀྱིས་མགོན་པོའི་བསྐང་གསོ་དང་། ཡང་མགོན་ཁང་ནུབ་ཏུ་དགེ་སློང་བཅོ་ལྔས་བསྐང་གསོ། ཚེས་བཅུར་
ལྷ་ཁང་གསར་པར་དགེ་སློང་བཅོ་ལྔས་གཏེར་སྟོན་འཇའ་ཚོན་ལུགས་ཀྱི་དཀོན་མཆོག་སྤྱི་འདུས་གཏོར་འབུལ་འཆམས་དང་བཅས། བཅུ་གཉིས་ལ་ཀུན་དགའ་ཆོས་འཕེལ་གྱི་གདུང་འབུམ་ཁང་དུ་དགེ་སློང་བཅུས་ཀུན་རིག་གི་བསྙེན་པ་རྒྱས་པ་མདུན་བསྐྱེད་ཀྱི་ཆོ་ག་དང་བཅས། བཅུ་བཞིར་

213-1-247b

ལམ་འབྲས་ལྷ་ཁང་དུ་དགེ་སློང་ཉི་ཤུས་རིན་ཆེན་འབྱུང་ལྡན་མཆོད་པའི་ཆོ་ག་དང་། ངོར་པའི་ཆོས་སྤྱོད་ཀྱི་རིམ་པ་མཚན་ཡང་དག་པར་བརྗོད་པ་སྨོན་ལམ་རྣམ་པ་བཞི་དང་བཅས་པ་ཡོངས་སུ་རྫོགས་པ་དང་། མགོན་ཁང་གཉིས་སུ་བསྐང་བ་སྔ་མ་བཞིན་དུ་བཏང་བ་དང་། སྡེ་དགེ་གྲུབ་
ཐོབ་པའི་དུས་མཆོད་དུ་དགེ་སློང་བཞིས་ལམ་ཟབ་བླ་མར་མཆོད་པའི་ཆོ་ག་རྣམས་སོ། །ཉི་ཤུར་མཁན་པོ་ཆེན་པོ་བཀྲ་ཤིས་ལྷུན་གྲུབ་པའི་གདུང་འབུམ་ཁང་དུ་དགེ་སློང་བཅུ་ཕྲག་གཅིག་གིས་ལམ་འབྲས་བླ་མར་མཆོད་པའི་ཆོ་ག །ཉི་ཤུ་གསུམ་ལ་ལམ་འབྲས་ལྷ་ཁང་དུ་དགེ་སློང་བཅོ་
ལྔས་ཞང་བློན་ཆེན་པོ་རྡོ་རྗེ་བདུད་འདུལ་གྱི་བསྐང་གསོ་ཚོགས་ཀྱི་འཁོར་ལོ་དང་བཅས་པ་དང་། མགོན་ཁང་གཉིས་སུ་ཆོས་སྐྱོང་རྣམས་ཀྱི་བསྐང་བ་སྔ་མ་ལྟར་རོ། །ཉི་ཤུ་དགུ་ལ་མགོན་ཁང་གཉིས་སུ་བསྐང་བ་སྔ་མ་བཞིན་ནོ། །སྟོང་གི་ཉིན་ལ་དགེ་སློང་བཅོ་ལྔས་སློབ་དཔོན་ཆེན་
པོ་པདྨ་འབྱུང་གནས་ལ་གསོལ་བ་འདེབས་པ་ལེའུ་བདུན་མ་སྟེ་རིམ་པ་དེ་ཉིད་ཀྱིས་ཟླ་དུས་ཀྱི་མཆོད་པ་རྣམས་སོ། །གཞན་ཡང་ནང་རེ་བཞིན་སྒྲོལ་མ་ལྷ་ཁང་དུ་དགེ་སློང་བཞིས་སྒྲོལ་མ་མཎྜལ་བཞི་པའི་མཆོད་པའི་ཆོ་ག་དང་། མགོན་ཁང་ཤར་ནུབ་གཉིས་སུ་རེས་འགའ་ནི་ལྔ་རེ། རེས་འགའ་
ནི་བཅུ་རེ་སྟེ། དེ་ཡང་བསྐང་བ་རྟག་འདོན་བྱེད་པའི་མཆོད་པ་རྣམས་དེ་དག་གི་རིམ་པས་དུས་མཆོད་ཀྱི་རིམ་པ་རྣམས་མ་ཆག་པར་འཇུགས་པར་མཛད་དོ། །དེ་བཞིན་དུ་སྡོམ་བརྩོན་བླ་མ་སྐྱེ་དགུའི་བདག་པོ་གང་གི་སྐུའི་སྲུང་བ་པ་སྐུ་ཞབས་གྲ་ཚང་ཞེས་པ། མངའ་འོག་ཏུ་གཏོགས་པའི་དགོན་
སྡེ་མཐའ་དག་གི་དཀྱིལ་ནས་བཀྲབས་ཤིང་བཏུས་པའི་བླ་མར་གྱུར་པ་དང་དགེ་སློང་གི་ཚོགས་རྣམས་ནི་གསང་བ་ཆེན་པོ་སྔགས་ཀྱི་ཐེག་པ་གསར་རྙིང་དང་བཀའ་གཏེར་གྱིས་བསྡུས་པའི་ཆོས་ཀྱི་ཚུལ་མཐའ་དག་གི་གསན་པ་སྦྱངས་པ་རབ་ཀྱི་རྩེ་མོར་གཤེགས་པས་ལྷ་དང་སྲུང་མའི་ཚོགས་
གང་ཡིན་པ་དེ་དང་དེ་དག་གི་བསྙེན་པ་དང་བསྒྲུབ་པ་དང་། ལས་ལ་སྦྱར་བའི་ཚུལ་ཐམས་ཅད་ལ་འཇུག་པར་བྱེད་པའི་རྣམ་པར་དཔྱོད་པའི་མིག་དཀྱུས་རྣམ་པར་ཡངས་ཤིང་། འདྲི་བ་དང་། བཅའ་བ་དང་། འདོན་པ་དང་། གདངས་དང་། དབྱངས་ཀྱི་འགྱུར་ཁུག་དང་། གར་འཆམས་དང་།

213-1-248a

འབུད་པ་དང་། དཀྲོལ་བར་བྱ་བའི་རིགས་ཐམས་ཅད་ལ་ཐོགས་པ་མི་མངའ་བ་ཤ་སྟག་ཏུ་བཞུགས་པ་རྣམས་ཏེ། དེ་དག་གིས་གདོན་པར་བྱ་བ་དུས་མཆོད་ཀྱི་རིམ་པ་ལ། ལོ་དུས་ཀྱི་མཆོད་པར། ངོར་ངོགས་ཀྱི་མགོན་པོ་ཆེ་ཆུང་གི་བསྐང་བ་བརྒྱ་ཚར། དཔལ་ལྡན་ལྷ་
མོ་རེ་ཝ་ཏཱི་དམག་ཟོར་རྒྱལ་མོའི་ཐུགས་དམ་བསྐང་བ་སྟོང་ཚར། རྒྱ་ཞང་ཁྲམ་པའི་གཏེར་ཆོས་ལས་འབྱུང་བའི་གཤིན་རྗེ་ཚེ་བདག་གི་གཏོར་བཟློག །འཇའ་ཚོན་སྙིང་པོའི་ལུགས་ཀྱི་དཀོན་མཆོག་སྤྱི་འདུས་ཚོགས་འཁོར་བརྒྱ་ཚར། གུ་རུ་དྲག་པོ་མེ་རླུང་འཁྱིལ་བའི་བསྐང་བ་བརྒྱ་ཚར།
ཀློང་གསལ་ལུགས་ཀྱི་ཡེ་ཤེས་རབ་འབར་གྱི་བསྟན་སྲུང་ཡོངས་སུ་རྫོགས་པའི་བསྐང་བ་བརྒྱ་ཚར། འཁོར་ལོ་བདེ་མཆོག་ལས་བཀའ་སྲུང་སྐྱེས་བུ་ཆེན་པོའི་བསྐང་བ་བརྒྱ་ཚར། མགོན་པོ་ཚོགས་ཀྱི་བདག་པོའི་བསྐང་བ་རྣམས་སོ། །ཟླ་དུས་ཀྱི་མཆོད་པར་ཟླ་བ་ཐམས་ཅད་ཀྱི་ཚེས་
གཅིག་ལ་གཙུག་ཏོར་རྣམ་པར་རྒྱལ་མའི་སྟོང་མཆོད་ཀྱི་ཆོ་ག །གཉིས་ལ་རྡོ་རྗེ་རྣམ་པར་འཇོམས་པའི་བུམ་སྒྲུབ་ཀྱི་ཆོ་ག་དང་། འཇམ་དཔལ་གྱི་མཚན་ཡང་དག་པར་བརྗོད་པ། གསུམ་ལས་བདག་ཆེན་པོ་བསྟན་པ་ཚེ་རིང་བའི་དུས་མཆོད་དུ་ན་རོ་མཁའ་སྤྱོད་མའི་ཆོ་ག་སིནྡྷུ་རའི
དཀྱིལ་འཁོར་ལ་བརྟེན་པ། བཞི་ལ་ཛེ་ཏཱ་རིའི་ལུགས་ཀྱི་ཚེ་དཔག་ཏུ་མེད་པ་ལྷ་དགུའི་དཀྱིལ་འཁོར་གྱི་ཆོ་ག །ཚེས་ལྔ་ལ་རྫོགས་ཆེན་པདྨ་རིག་འཛིན་གྱི་དུས་མཆོད་དུ་དཀོན་མཆོག་སྤྱི་འདུས། དྲུག་ལ་ངོར་ལུགས་ཀྱི་ཆོས་སྤྱོད་རྒྱས་པ། བདུན་ལ་སློབ་དཔོན་རིན་པོ་ཆེའི་གསོལ་
འདེབས་ལེའུ་བདུན་པ་དང་ཀློང་གསལ་ལུགས་ཀྱི་ཚེ་སྒྲུབ་ཡང་གསང་བླ་མེད། ཚེས་བརྒྱད་ལ་སློབ་དཔོན་ངག་གི་དབང་ཕྱུག་གྲགས་པའི་ལུགས་ཀྱི་སྒྲོལ་མ་དཀར་མོ་ཡིད་བཞིན་འཁོར་ལོའི་ཆོ་ག་དང་། བླ་མ་དགོངས་པ་འདུས་པའི་ཚོགས་བསྐང་དང་། ངོར་ལུགས་ཀྱི་མགོན་པོ་ཆེ་ཆུང་གི་
བསྐང་བ། དགུ་ལ་གཏེར་སྟོན་ཉི་མ་གྲགས་པའི་ལུགས་ཀྱི་བདུད་འདུལ་མ། བཅུ་ལ་གསོལ་འདེབས་བསམ་པ་ལྷུན་གྲུབ་དང་དཀོན་མཆོག་སྤྱི་འདུས། བཅུ་གཅིག་ལ་རྗེ་མོའི་དགོངས་རྫོགས་སུ་གྲུབ་ཆེན་ཀུན་དགའ་སྙིང་པོའི་ལུགས་ཀྱི་ཀུན་རིག་རྩ་བའི་དཀྱིལ་འཁོར་གྱི་ཆོ་ག །

213-1-248b

བཅུ་གཉིས་ལ་བླ་མ་ཀུན་དགའ་ཆོས་འཕེལ་བའི་དུས་མཆོད་དུ་ཀུན་རིག་གི་བསྙེན་པ་རྒྱས་པའི་ཆོ་ག །བཅུ་གསུམ་ལ་རྗེ་བཙུན་བཞད་པའི་རྡོ་རྗེའི་ལུགས་ཀྱི་བཀྲ་ཤིས་ཚེ་རིང་མའི་གསོལ་བསྐང་། བཅུ་བཞི་ལ་ཉི་མ་གྲགས་པའི་ལུགས་ཀྱི་ཚེ་སྒྲུབ་བདུད་བཞིའི་གཡུལ་ལས་བརྒྱལ་བ་དང་།
ངོར་ལུགས་ཀྱི་མགོན་པོའི་བསྐང་བ། བཅོ་ལྔ་ལ་ལྷ་བསང་དང་བརྒྱགས་བརྔན་ཆེན་པོ་དང་དཀོན་མཆོག་སྤྱི་འདུས་དང་ཡང་འདུས། བཅུ་དྲུག་ལ་སྒྲོལ་མ་དཀར་མོའི་ཆོ་ག །བཅུ་བདུན་ལ་ཐུབ་པ་གནས་བརྟན་དང་བཅས་པའི་ཕྱག་མཆོད། བཅོ་བརྒྱད་ལ་མཁན་པོ་ཆེན་པོ་སངས་རྒྱས་ཕུན་
ཚོགས་པའི་དུས་མཆོད་དུ་ལམ་འབྲས་ཕྱག་མཆོད། བཅུ་དགུ་ལ་ཉི་མ་གྲགས་པའི་ལུགས་ཀྱི་རྟ་མགྲིན་དྲེགས་པ་ཟིལ་གནོན་དང་ལྷ་ཆེན་ཚོགས་བསྐང་། ཉི་ཤུ་ལ་བསྟན་བཅོས་ཆེན་པོ་སྡོམ་པ་གསུམ་གྱི་རབ་ཏུ་དབྱེ་བ། ཉེར་གཅིག་ལ་འཇམ་པའི་དབྱངས་བཀྲ་ཤིས་དཔལ་ལྡན་པའི་
དུས་མཆོད་དུ་ལམ་འབྲས་བླ་མ་མཆོད་པའི་ཆོ་ག །ཉེར་གཉིས་ལ་ཀློང་གསལ་བའི་ལུགས་ཀྱི་ཡེ་ཤེས་རབ་འབར་ཚོགས་བསྐང་། ཉེར་གསུམ་ལ་རཏྣ་གླིང་པའི་ལུགས་ཀྱི་གུ་རུ་དྲག་པོ་མེ་རླུང་འཁྱིལ་བ་དང་ངོར་ལུགས་ཀྱི་མགོན་པོའི་བསྐང་བ་དང་། དམག་ཟོར་མའི་བསྐང་བ་དང་།
ཉེར་བཞི་ལ་དཔལ་ས་སྐྱ་པ་བསོད་ནམས་དབང་ཕྱུག་པའི་དུས་མཆོད་དུ་བླ་མ་མཆོད་པའི་ཆོ་ག །ཉེར་ལྔ་ལ་སངས་རྒྱས་བསྟན་པ་དང་བསོད་ནམས་ཕུན་ཚོགས་གཉིས་ཀྱི་དུས་མཆོད་དུ་རྡོ་རྗེ་མི་འཁྲུགས་པའི་ཆོ་ག་དང་ན་རོ་མཁའ་སྤྱོད་ཀྱི་ཆོ་ག །ཉེར་དྲུག་ལ་ཆོས་སྤྱོད་རྒྱས་པ། ཉེར་བདུན་
ལ་རྒྱལ་སྲས་ཞི་བ་ལྷས་མཛད་པའི་བྱང་ཆུང་སེམས་དཔའི་སྤྱོད་པ་ལ་འཇུག་པ་དང་། ཇོ་བོའི་བྱང་ཆུབ་སེམས་དཔའ་ནོར་བུའི་ཕྲེང་བ་དང་། ཀླུ་སྒྲུབ་ཀྱི་དབུ་མ་བཤེས་པའི་སྤྲིང་ཡིག་དང་། ཉི་མ་གྲགས་པའི་ལུགས་ཀྱི་བདེ་མཆོག་ཚོགས་བསྐང་། ཉེར་བརྒྱད་ལ་ཐམས་ཅད་
མཁྱེན་པ་དཔལ་མཆོག་རྒྱལ་མཚན་པའི་དུས་མཆོད་དུ་ལམ་འབྲས་ཕྱག་མཆོད། ཉེར་དགུ་ལ་ཡེ་ཤེས་རབ་འབར་ཚོགས་བསྐང་དང་། ངོར་ལུགས་མགོན་པོ་དང་དམག་ཟོར་གྱི་བསྐང་བ། སྟོང་ལ་སྒྲོལ་མ་མཎྜལ་བཞིའི་མཆོད་པའི་ཆོ་ག་དང་། གནམ་ཆོས་ཚོགས་བསྐང་རྣམས་སོ། །

213-1-249a

གཞན་ཡང་ཉིན་རེ་བཞིན་རྒྱུན་ཁྱེར་དུ་ཡེ་ཤེས་རབ་འབར་ལས། སེང་གེའི་གདོང་ཅན་མ་དང་། མ་མོ་དང་། མགོན་པོ་ཚོགས་བདག་དང་། རྣམ་ཐོས་སྲས་འཁོར་རྟ་བདག་བཅས་དང་། གནོད་སྦྱིན་སྟག་མདའ་གདོང་དང་། དྲང་སྲོང་དང་། དམ་ཅན་དང་། རྒྱལ་
པོ་སྐུ་ལྔ་དང་། གཡུ་ཕྲེང་ཅན་དང་། རྨུ་མོ་དཀར་མོ་རྣམས་དང་། བདེ་མཆོག་དང་། དེའི་བཀའ་སྲུང་ལྔས་རྩེན་དང་། དམ་ཅན་དང་བཅས་པ། ཉི་མ་གྲགས་པའི་ལུགས་ཀྱི་དྲག་ཁྲོས་གཏེར་སྲུང་ཀླུ་མོ་དང་བཅས་པ། དྷི་རི་ཆོས་གྲགས་ལུགས་ཀྱི་ཚོགས་བདག །རཏྣ་གླིང་པའི་ལུགས་ཀྱི་དམ་
ཅན་དང་། དཀོན་མཆོག་སྤྱི་འདུས་ལ་སོགས་པ་རྣམས་དང་། གཞིའི་ལྷ་གཉེར་རྣམས་ཀྱིས་ཀུན་རིག་གི་ཆོ་ག་ཚར་རེ། ངོར་ལུགས་ཀྱི་མགོན་པོའི་བསྐང་བ་ཚར་རེ་རྣམས་ནི་ཉིན་བཞིན་དུ་མ་ཆགས་པར་འཛུགས་པའི་བདག་པོའི་རྐྱེན་བྱེད་པའི་མཆོག་ཏུ་གྱུར་པའོ། །གཞན་ཡང་ལོ་དུས་སུ་ཀ་
ཐོག་རྡོ་རྗེའི་གདན་གྱི་བླ་མ་དཔོན་སློབ་རྣམས་དང་། དཔལ་བྱང་ཆུབ་གླིང་གི་བླ་མ་དཔོན་སློབ་རྣམས་དང་། ཐང་ཤིང་བྲོ་བརྡུང་དགོན་གྱི་བླ་མ་དཔོན་སློབ་རྣམས་དང་། དགེ་དགོན་པའི་བླ་མ་དཔོན་སློབ་རྣམས་དང་། སྡོམ་བརྩོན་བླ་མ་ཆེན་པོའི་སྐུ་སྲུང་བའི་གཏོ་མཁན་གྱི་རྒྱལ་པོ་དང་། རྩིས་
མཁན་གྱི་རྒྱལ་པོ་དཔོན་གཡོག་རྣམས་ཀྱང་། རྒྱལ་པོའི་ཁབ་ཀྱི་ཕོ་བྲང་ཆེན་པོ་འདིར་དྲུག་ཅུ་ཆེན་པོའི་ཚོགས་པ་དང་ལྷན་ཅིག་ཏུ་ལྷགས་ནས། བཀའ་བརྒྱད་འདུས་ཆེན་དང་ཡེ་ཤེས་རབ་འབར་དང་། ཞིང་སྐྱོང་ལ་སོགས་པ་རང་རང་གི་ལུགས་ཀྱི་ལག་ལེན་ལ་དབང་འབྱོར་བའི་
གཏོར་བཟློག་གི་རིགས་མང་དུ་བཅའ་བ་ལ་སོགས་པའི་སྒོ་ནས། བཅོམ་ལྡན་འདས་བུ་རམ་ཤིང་པའི་ལུག་དང་རྟོགས་པའི་བདག་ཉིད་ཅན་གྱི་བསྟན་པ་རིན་པོ་ཆེ་ཡུན་དུ་བརྟན་པའི་རིམ་གྲོ་དང་། ས་ཕྱོགས་འདི་ཉིད་ཀྱིས་མཚོན་ཏེ་ཡངས་པའི་འཇིག་རྟེན་གྱི་ཁམས་ཐམས་ཅད་
དུ་བདེ་ཞིང་འབྱོར་པ་དང་། ལོ་ལེགས་པ་དང་། སྐྱེ་འགྲོ་ཐམས་ཅད་ཀྱི་རྒྱུད་ལ་དགེ་ཚོགས་ཀྱི་ཆུ་གཏེར་ཀུན་ནས་རབ་ཏུ་འཕེལ་བར་བྱ་བའི་དགོངས་པ་མངོན་དུ་བཞག་སྟེ། སྒྲུབ་ཅིང་མཆོད་པ་ལ་སོགས་པའི་རིམ་པ་ཐམས་ཅད་ཀྱང་དུས་དང་དུས་ལས་ནམ་ཡང་འཛོལ་དུ་མེད་པའི་

213-1-249b

ལེགས་བྱས་དཔྱིད་ཀྱི་དཔལ་མོའི་གཡབ་མོ་ལྟ་བུ་ནི་ཅི་ཡང་གཡོབ་པར་བྱེད་དོ། །དེ་ལྟར་གོང་དུ་སྨོས་པའི་དྲུག་ཅུ་རྩ་བཞི་ཆེན་པོ་ནས་བརྩམས་ཏེ་ཇི་སྐད་བཤད་པའི་དུས་མཆོད་ཀྱི་རིམ་པ་དེ་དམ་འདོན་པར་བྱེད་པའི་ཡོན་གྱི་ཞིང་དུ་གྱུར་པ། ཐམས་ཅད་ལ་ཡང་བསྙེན་བཀུར་དང་གྲལ་འགྱེད་
དུ་དབུལ་བར་བྱ་བ་ཡང་། རེས་འགའ་ནི་དར་གྱི་བྱེ་བྲག་དང་། རེས་འགའ་ནི་གོས་བཟང་གི་རྣམ་པ་དང་། རེས་འགའ་ནི་ཟམ་སོའི་རྣམ་པ་དང་། རེས་འགའ་ནི་གསེར་དང་། དེ་བཞིན་དུ་དངུལ་དང་། ཇ་དང་། མར་དང་། ནས་དང་། ཐ་མི་ཀ་དང་། སྣམ་བུ་དང་། སྣོད་
སྤྱད་ཀྱི་རིམ་པ་དང་། ལྤགས་པའི་རིམ་པ་དང་། རྟ་ཕྱུགས་ལ་སོགས་པ་རེ་མོས་ཀྱིས་སྟོབ་པར་བྱེད་པའི་སྒོ་ནས། དགེ་བ་གང་བྱས་པ་ཐམས་ཅད་ཀྱང་བྱང་ཆུབ་ཀྱི་ལམ་དུ་འགྱུར་བ་ཁོ་ན་ལྷུར་བྱེད་ཀྱི། བྱས་གྲགས་ཀྱི་དགེ་ཆོས་གློ་སྟོང་སྦོས་པའི་ཐུག་རྡོར་བཞིན་དུ་ཁ་ལ་ཡོད་ཅིང་གཏིང་
ལ་མེད་པའི་རྣམ་ཅན་མ་ཡིན་པར། གཏོང་ཕོད་ཆེན་པོའི་སྒོ་མོ་བྱེ་བ་བརྒྱ་སྟོང་དུ་མ་ནི་ནམ་ཡང་མ་བསྡམས་པར་ཡོད་པ་ཡང་སྐྱེ་དགུའི་བདག་པོ་འདི་ཉིད་ཀྱི་ཁྱད་པར་གྱི་ཆོས་སོ། །གཉིས་པ་ཆོས་ཀྱི་སྦྱིན་པས་བསྟན་པ་དང་འགྲོ་ལ་ཕན་པ་སྒྲུབ་པའི་ཁྱད་པར་ནི། སྤྱིར་ཆོས་ཀྱི་
སྦྱིན་པ་ནི་བྱང་ཆུབ་སེམས་དཔའ་རྣམས་ཀྱི་སེམས་ཅན་གཞན་སྨིན་པར་བྱེད་པའི་ཐབས་སུ་གྱུར་པ་གང་ཡིན་པ་སྟེ། འཕགས་པ་ཆོས་བགྲོ་བའི་མདོ་ལས། དེ་ལ་བྱང་ཆུབ་སེམས་དཔའ་རྣམས་ཀྱིས་དགའ་བར་བགྱི་བའི་ཆོས་བཞི་སྟེ། ལེན་དུ་ཕན་འདོགས་པ་ལ་མི་རེ་བའི་
སྦྱིན་པ་དང་། སེམས་ཅན་ཐམས་ཅད་ལ་སྙོམས་པའི་སེམས་ཀྱིས་སྙན་པར་སྨྲ་བ་དང་། སེམས་ཅན་ཐམས་ཅད་ཀྱི་དོན་མ་ལེགས་པ་སེལ་ཞིང་དོན་སྒྲུབ་པས་དོན་སྤྱོད་པ་དང་། སེམས་ཅན་ཐམས་ཅད་ལ་དགའ་བའི་བདག་ཉིད་ཀྱི་དོན་མཐུན་པ་སྟེ། ཆོས་བཞི་པོ་དེ་དག་ནི་བྱང་
ཆུབ་སེམས་དཔའ་རྣམས་ཀྱིས་དགའ་བར་བགྱི་བའོ་ཞེས་དང་། དཀོན་མཆོག་སྒྲོན་མེར། གང་དག་འགྲོ་བའི་སྤྱོད་པ་མང་རྟོགས་པ། དེ་དག་འགྲོ་བ་ཡོངས་སུ་སྨིན་བྱེད་མཁས། །འགྲོ་བ་ཡོངས་སུ་སྨིན་བྱེད་གང་མཁས་པ། །དེ་དག་འགྲོ་བ་སྡུད་ཤེས་ཆོ་ག་མཁས། །

213-1-250a

འགྲོ་བ་སྡུད་ཤེས་ཆོ་ག་གང་མཁས་པ། །དེ་དག་བསྡུ་བའི་དངོས་པོ་བཞི་ལ་བརྩོན། །གང་དག་བསྡུ་བའི་དངོས་པོ་བཞིར་བརྩོན་པ། །དེ་དག་འགྲོ་བའི་དོན་ནི་མཐར་ཡས་བྱེད། །ཅེས་དང་། མདོ་སྡེ་རྒྱན་ལས། སྦྱིན་མཚུངས་དེ་སྟོབ་ལེན་འཇུག་དང་། །
བདག་ཉིད་རྗེས་སུ་འཇུག་རྣམས་ཀྱིས། །སྙན་པར་སྨྲ་དང་དོན་སྤྱོད་དང་། །དོན་མཐུན་ཉིད་དུ་འདོད་པ་ཡིན། །ཞེས་དང་། ཕན་པར་བྱེད་པའི་ཐབས་དང་ནི། །འཛིན་དང་འཇུག་པར་བྱེད་པ་དང་། །དེ་བཞིན་རྗེས་སུ་འཇུག་བྱེད་པས། །བསྡུ་བའི་དངོས་པོ་བཞིར་བཤད་དོ། །ཞེས་
གསུངས་པས་གདུལ་བྱ་རྣམས་ལ་གནས་སྐབས་སུ་ཕན་གདགས་པར་བྱ་བའི་དོན་དུ་ཟང་ཟིང་དང་། མཐར་ཐུག་ཉིད་དུ་ཕན་པའི་རྒྱུ་ཕ་རོལ་ཏུ་ཕྱིན་པ་དྲུག་གི་ཚིག་འཛིན་པ་དང་། དེའི་དོན་ལ་འཇུག་པ་དང་། དོན་དེ་ལ་ཡང་དང་ཡང་དུ་བརྟུན་ཏེ་རྗེས་སུ་འཇུག་པར་བྱ་བའི་ཕྱིར་རོ། །ཡང་ན་སྣོད་
དུ་རུང་བར་བྱ་བ་དང་། མོས་པར་བྱ་བ་དང་། བསྒྲུབ་པར་བྱ་བ་དང་། བསྒྲུབ་པ་མཐར་ཕྱིན་པར་བྱ་བའི་ཕྱིར་ཏེ། རྒྱན་ལས། དང་པོ་སྣོད་འགྱུར་དངོས་པོ་སྟེ། །གཉིས་པ་ཡིས་ནི་མོས་པ་ཡིན། །གསུམ་པ་ཡིས་ནི་བསྒྲུབ་པ་སྟེ། །བཞི་པས་རྣམ་པར་སྦྱོང་བའོ། །ཞེས་སོ། །དེ་
ལྟར་བསྡུ་བ་རྣམ་པ་བཞིའི་སྒོ་ནས་ཆོས་ལ་སྦྱོར་བར་གསུངས་ལ། ཕ་རོལ་ཏུ་ཕྱིན་པ་བསྡུས་པ་ལས། སྦྱིན་པའི་འབྲས་བུས་ཡངས་པ་ཐོབ་གྱུར་ནས། །སྲིད་པའི་མུན་པར་འཐོམས་པའི་སྐྱེ་བོ་ལ། །དམ་པའི་ཆོས་ཀྱི་སྦྱིན་པ་རྒྱ་ཆེན་གྱིས། །ཉི་མ་ཤར་བའི་འོད་ལས་གསལ་བར་སྟོན། །
འཇིག་རྟེན་དམ་པའི་དོན་གྲུབ་སྙོམས་པ་དེ། །ཐམས་ཅད་མཁྱེན་པ་ཉིད་འགྲུབ་གཞིར་གྱུར་པས། །ཉི་ཤར་ཟེར་བཀྱེ་འོད་ཆེན་མི་ཟད་བཞིན། །དེ་ཡི་བསོད་ནམས་ཀུན་དུ་ཟད་མི་ཤེས། །ཞེས་དང་། ཆོས་ཀྱི་སྦྱིན་པ་ཟང་ཟིང་མེད། །ཅེས་གསུངས་པ་ལྟར་སྦྱིན་པ་ཐམས་ཅད་ཀྱི་ནང་ནས་
སྙིང་པོ་འམ་གཙོ་བོར་གྱུར་པ་ནི་ཆོས་ཀྱི་སྦྱིན་པ་ཡིན་ཞིང་། བྱེ་བྲག་ཏུ་སྙིགས་མའི་དུས་ཀྱི་སེམས་ཅན་འདོད་ཆགས་བདོ་བ་དང་། ཞེ་སྡང་བདོ་བ་དང་། གཏི་མུག་བདོ་བས་ཡོངས་སུ་དཀྲུགས་ཏེ། སངས་རྒྱས་བཅོམ་ལྡན་འདས་ཀྱིས་ལེགས་པར་གསུངས་པའི་དམ་པའི་ཆོས་ལ་མོས་པ་

213-1-250b

ལྷུར་མི་བྱེད་ཅིང་། ནུབ་རིའི་རྩེ་མོར་འཛེགས་པའི་ཉི་མ་བཞིན་དུ་རིང་དུ་མི་གནས་པའི་སྐབས་འདིར། དམ་པའི་ཆོས་རྣམས་ཡི་གེར་འདྲི་བ་དང་། གླེགས་བམ་སྦྱིན་པ་དང་། ལུང་ནོད་པ་དང་། འཆང་བ་དང་། ཀློག་པ་དང་། ཁ་ཏོན་དུ་བྱེད་པ་དང་། གཞན་དག་ལའང་རྒྱ་ཆེར་ 
ཡང་དག་པར་རབ་ཏུ་སྟོན་པ་དག་གི་ཕན་ཡོན་བསམ་གྱིས་མི་ཁྱབ་པར་གསུངས་པ་རྣམས་ཀྱིས་ཐུགས་ཡོངས་སུ་ཕྲོགས་པའི་མིའི་ལྷར་གྱུར་བ་དང་བྱང་ཆུབ་སེམས་དཔའ་ཆེན་པོ་བསྟན་པ་ཚེ་རིང་ཞེས་བྱ་བ་དང་། དེའི་སྲས་སུ་གྱུར་པ་སྡེ་དགེ་བླ་མ་ཆེན་པོ་སྐུ་མཆེད་གསུམ་སྟེ། ཡབ་སྲས་ཐམས་
ཅད་ཞལ་འཛོམ་དུ་བཞུགས་པའི་སྐབས་སུ་བཞེངས་པ་ནི་བདེ་བར་གཤེགས་པའི་བཀའ་གངས་ཅན་གྱི་བརྡའི་ལམ་དུ་འགྱུར་རོ་འཚལ་གྱི་ཕྱི་མོ་པར་དུ་བསྒྲུབ་པ་ལ། འཁོར་ལོ་དང་པོར་གཏོགས་པ་འདུལ་བ་ལུང་གི་སྐོར་དང་། འཁོར་ལོ་བར་པ་ཤེས་རབ་ཀྱི་ཕ་རོལ་ཏུ་ཕྱིན་པའི་སྐོར་དང་།
འཁོར་ལོ་ཐ་མའི་མདོ་གཞུང་བཞུགས་ཚ་ན་ཆེ་བའི་སྐོར་དང་། ཐེག་པ་ཆེ་ཆུང་གི་མདོ་ཅི་རིགས་པ་ཕྱོགས་སུ་བསྒྲིགས་པ་མདོ་མང་དུ་གྲགས་པའི་སྐོར་དང་། རྒྱུད་སྡེ་རྣམ་པ་བཞི་བསྡོམས་པ་གསང་བསྔགས་རྒྱུད་འབུམ་དུ་གྲགས་པའི་སྐོར་དང་། མཐར་བསྔོ་བ་དང་སྨོན་ལམ་དང་ཤིས་
བརྗོད་ཀྱི་སྐོར་རྣམས་བསྡོམས་པར་གླེགས་བམ་བརྒྱ་དང་བརྒྱད་དེ། རྒྱས་པར་ནི། དེའི་དཀར་ཆག་ཆོས་སྦྱིན་པར་དུ་བསྒྲུབས་པའི་ཚུལ་ལ་ཉེ་བར་བརྩམས་པའི་གཏམ་བཟང་པོ་བློ་ལྡན་མོས་པའི་ཀུནྡ་ཁ་ཡོངས་སུ་བྱེ་བའི་ཟླ་འོད་གཞོན་ནུའི་འཁྲི་ཤིང་ཞེས་བྱ་བ་ཉིད་དུ་བཀོད་པ་ལྟར
ཕྱི་མོ་ཆེན་པོ་རྫོགས་པ་ནི་ཆུ་གླང་གི་ལོར་ཡོངས་སུ་གྲུབ་པ་ནས་བརྩམས་ཏེ་ཤིང་ཕོ་བྱི་བའི་ལོ་འདི་ཡན་ཆད་དུ། འདུལ་བའམ། ཤེས་ཕྱིན་ནམ། མདོ་སྣ་ལ་སོགས་པ་ཆོས་ཚན་ཕྱོགས་རེ་ཙམ་གྱི་ཚར་གྲངས་ནི་བགྲང་དུ་ཅི་ཞིག །བཀའ་འགྱུར་རོ་འཚལ་ཡོངས་སུ་ཚང་བ་
ཚར་གྲངས་བརྒྱ་ཕྲག་བཅོ་ལྔ་ཙམ་ཀྱི་སྦྱིན་པར་བཏང་བ་དང་། འཛམ་གླིང་བསྟན་པའི་སྒྲོན་མེ་དཔལ་ས་སྐྱ་ཀུན་དགའ་སྙིང་པོ་དང་། གནས་ལྔ་རིག་པའི་པཎྜི་ཏ་སློབ་དཔོན་རིན་པོ་ཆེ་བསོད་ནམས་རྩེ་མོ་དང་། དེ་བཞིན་གཤེགས་པ་ཐམས་ཅད་ཀྱི་གསུང་གི་གསང་བ་འཛིན་

213-1-251a

པ་རྗེ་བཙུན་རིན་པོ་ཆེ་གྲགས་པ་རྒྱལ་མཚན་དང་། ཕྱོགས་ཐམས་ཅད་ལས་རྣམ་པར་རྒྱལ་བ་ཆེན་པོ་ས་སྐྱ་པཎྜི་ཏ་དང་། ཁམས་གསུམ་ཆོས་ཀྱི་རྒྱལ་པོ་ཆེན་པོ་འཕགས་པ་བློ་གྲོས་རྒྱལ་མཚན་དཔལ་བཟང་པོ་པ་སྟེ། དཔལ་ས་སྐྱ་པའི་རྗེ་བཙུན་གོང་མ་ལྔར་གྲགས་
པའི་གསུང་རབ་ཀྱི་སྐོར་ལ། གསུང་རབ་རིན་པོ་ཆེ་ལམ་འབྲས་བུ་དང་བཅས་པའི་གདམས་ངག་གི་སྐོར་གྱི་གླེགས་བམ་དང་། ཆོས་སྲུང་རྡོ་རྗེ་ནག་པོ་ཆེན་པོ་གུར་གྱི་མགོན་པོ་དང་དཔལ་མགོན་གདོང་བཞི་པའི་སྒྲུབ་སྐོར་དང་། ལྕགས་རིའི་ཁོངས་ལས་མི་འདའ་བའི་གསེར་ཆོས་དང་
ཟབ་ཆོས་ལ་སོགས་པ། གསང་སྔགས་འཛིན་པ་ཐུན་མོང་བའི་སྤྱོད་ཡུལ་དུ་མ་བཏུབ་པ་རྣམས་ལོགས་སུ་བཞག །གསང་སྔགས་འཛིན་པ་ཐུན་མོང་བར་ཡོངས་སུ་གྲགས་པའི་བསྟན་བཅོས་རྣམས་བསྡོམས་པར་གླེགས་བམ་བཅོ་ལྔ་སྟེ། དེ་དག་གི་ཆོས་ཀྱི་རྣམ་གྲངས་རྒྱས་པར་ནི་
དཔལ་ས་སྐྱའི་རྗེ་བཙུན་གོང་མ་ལྔའི་གསུང་རབ་རིམ་པོ་ཆེའི་པར་གྱི་སྒོ་འཕར་འབྱེད་པའི་དཀར་ཆག་འཕྲུལ་གྱི་ལྡེ་མིག་ཏུ་བཀོད་པ་ལྟར། ཕྱི་མོ་རྫོགས་པ་མེ་མོ་སྦྲུལ་གྱི་ལོར་ཡོངས་སུ་གྲུབ་པ་ནས་བརྩམས་ཏེ། ཤིང་བྱི་འདི་ཡན་ཆད་དུ་ཡོངས་སུ་ཚང་བ་ཚར་གྲངས་བརྒྱ་ཕྲག་
གསུམ་ཙམ་ཆོས་ཀྱི་སྦྱིན་པར་བཏང་བ་དང་། གཞན་ཡང་ངོར་ལུགས་གཙོ་བོར་བཏོན་པའི་ཆོས་སྤྱོད་ཀྱི་རིགས་དང་། སྒྲུབ་ཐབས་དང་། དཀྱིལ་འཁོར་གྱི་ཆོ་ག་དང་། མཆོད་པ་དང་། གཏོར་མ་ལ་སོགས་པ་ཉེ་བར་མཁོ་བའི་རིགས་སུ་གཏོགས་པ་དང་། གསོ་བ་རིག་པའི་
རྒྱུད་བཞི་དང་། མན་ངག་རྒྱུད་ཀྱི་ལྷན་ཐབས་སོགས། བསྡོམས་པ་གླེགས་བམ་བཅུ་གཅིག་ཙམ་བར་དུ་སྒྲུབས་ཏེ་ཆོས་སྦྱིན་པ་བཏང་ངོ་། །ཁྱད་པར་སྡོམ་བརྩོན་བླ་མ་ཆེན་པོ་འདི་ཉིད་ཚོས་དང་སྲིད་པའི་གཙུག་ལག་གཉི་ཟླའི་སྒྲོན་མ་ཟུང་འབྲེལ་བ་ལྟ་བུའི་ཕྲིན་ལས་ཀྱི་སྣང་བ་དཀར་པོ་ཕྱོགས་
ཀྱི་དཀྱིལ་འཁོར་ཀུན་དུ་འཕྲོ་པ། དཔལ་སྡེ་དགེ་རྒྱལ་པོ་ཞེས་ཡོངས་སུ་གྲགས་པ་གང་གི་གདན་རབས་ཀྱི་ཁྲི་འཕང་མཐོན་པོ་གང་ན་བར། བསོད་ནམས་དཔག་ཏུ་མེད་པ་མངོན་པར་འདུ་བགྱིས་པའི་ལས་ཤུགས་དང་། དམན་པ་མིན་པའི་སྟོབས་ཀྱི་འཁོར་ལོས་མངའ་བསྒྱུར་བ་ནས་བརྩམས་

213-1-251b

ཏེ། ཐམས་ཅད་མཁྱེན་པ་ཆེན་པོ་ཉི་མའི་གཉེན་གྱི་བཀའ་ལུང་སྤྱི་དང་བྱེ་བྲག་གི་དགོངས་དོན་མ་ལུས་པ་རྣམ་པར་འགྲེལ་བའི་བསྟན་བཅོས་གངས་ཅན་པའི་བརྡའི་ལམ་དུ་འགྱུར་རོ་འཚལ་གྱི་ཆོས་སྦྱིན་རྒྱུན་མི་འཆད་པའི་ངོ་མཚར་འཕྲུལ་གྱི་ཕྱི་མོ་རྫོགས་ལྡན་བསྐལ་པའི་བསོད་ནམས་
ཀྱི་སྤྲིན་ཕུང་རྒྱས་པར་དཀྲིགས་པ་ཞེས་བྱ་བ། སྲིད་པ་གསུམ་གྱི་མཆོད་སྡོང་སྔ་ན་མེད་པའི་ཆོས་སྦྱིན་གྱི་ཕྱི་མོ་འདི་ཉིད་གསར་དུ་བསྐྲུན་པར་བརྩམས་ཤིང་། ཤིང་ཕོ་བྱི་བའི་ལོར་ཡོངས་སུ་གྲུབ་པར་བགྱིས་ཏེ། དེའི་འཕྲལ་ལའང་དགོངས་འགྲེལ་ཡོངས་སུ་ཚང་བ་ཚར་ཉི་ཤུ་རྩ་
གཅིག་ཙམ་ཆོས་ཀྱི་སྦྱིན་བར་སྩལ་བ་དང་། ད་ལྟར་སྩོལ་བཞིན་པ་ནས། མ་འོངས་དུས་ཀྱི་བསྐལ་པ་ནས་བསྐལ་པའི་ཕྲེང་བ་ཀུན་དུ་ཡང་དམ་པའི་ཆོས་ཀྱི་སྦྱིན་པ་རྒྱ་ཆེ་ཞིང་རྒྱུན་མི་འཆད་པར་སྩལ་བའི་དམ་བཅའ་བརྟན་པའི་ར་བ་ནི་ནམ་ཡང་གཞིག་ཏུ་མེད་པའི་རང་བཞིན་ཅན་ནོ། །
དེ་ལྟར་ཇི་སྐད་བཤད་པའི་རྣམ་དཀར་གྱི་ལེགས་བྱས་ཆེན་པོ་དེ་དག་འགྲུབ་ཏུ་ཉེ་བ་དང་། ཇི་ཙམ་ན་རྡོ་རྗེ་སྙེམས་མའི་བདག་པོ་དང་གཉིས་སུ་མེད་པའི་ཐམས་ཅད་མཁྱེན་པ་ཆེན་པོ་དཔལ་ལྡན་ཆོས་སྐྱོང་བཀྲ་ཤིས་གྲགས་པའི་རྒྱལ་མཚན་དཔལ་བཟང་པོ་པའི་ཞལ་གྱི་སྒོ་ནས་སྡོམ་
བརྩོན་སྐྱེ་དགུའི་བདག་པོ་དེ་ལ་འདི་སྐད་དུ་མཆིད་པ་ཐོས་ཏེ། འདིར་གསུང་ངག་རིན་པོ་ཆེའི་ཁོག་ཕུབ་པ་ལ་སོགས་པ་མཚན་གྱི་ཕྲེང་བས་གསལ་བར་བྱས་པ་འདི་དག་ཀྱང་བར་གྱི་རྒྱུན་དུ་བསྒྲུབ་པའི་བདག་རྐྱེན་མཛོད་ཅིག །དེ་ལྟར་བྱུང་ན་འགྲོ་བ་མང་པོ་ཞིག་ལ་ཕན་པར་གྱུར་རོ་ཞེས་ 
བཀའ་ལུང་སྙན་དགུ་རྫོགས་པའི་ཕྲིན་ཡིག་དམ་པ་དེ་ཉིད་ཀྱིས་ཉེ་བར་ཕྱིན་པར་གྱུར་ཏོ། །དེ་ལྟར་སོན་པ་དང་། ཇི་སྐད་དུ། བློ་གྲོས་ཆེན་པོས་དགའ་སེམས་དང་། །བླ་མའི་བཀའ་ནི་འབད་དེ་མཉན། །རིག་པ་ཡིས་ནི་མི་ནུས་ན། །མི་ནུས་དེ་ནི་ཚིག་གིས་སྦྱང་། །བླ་མ་
ལས་ནི་དངོས་གྲུབ་དང་། །མཐོ་རིས་དང་ནི་བདེ་བ་འཐོབ། །དེ་བས་འབད་པ་ཐམས་ཅད་ཀྱི། །བླ་མའི་བཀའ་ལས་འདའ་མི་བྱ། །ཞེས་དང་། བླ་མ་ལས་ནི་བཀའ་སྕོལ་ཞུ། །བཀའ་བཞིན་བགྱི་ཞེས་བརྗོད་བྱས་ལ། །ཐལ་མོ་སྦྱར་ཞིང་མ་ཡེངས་པར། །བླ་མའི་བསྒོ་

213-1-252a

བ་མཉན་པར་བྱ། །ཞེས་འབྱུང་བ་ལྟར་བླ་མའི་བཀའ་བཞིན་སྒྲུབ་པའི་གང་ཟག་གང་ཡིན་པ་དེ་ནི་དངོས་གྲུབ་མང་པོའི་སྣོད་དུ་འགྱུར་བར་དགོངས་བཞིན་པས་ཇི་ལྟར་སྩལ་བ་དེ་ལྟར་དུ་བགྱི་ཞེས་འཛུམ་པའི་མདངས་དང་བཅས་པས་ཞལ་གྱིས་འཆེས་པ་
ལྟར། སླར་ཡང་ཡོངས་རྫོགས་བསྟན་པ་རིན་པོ་ཆེའི་ཉམས་ལེན་གྱི་མན་ངག་གསུང་ངག་གི་རིན་པོ་ཆེའི་བྱོན་ཚུལ་ཁོག་ཕུབ་དང་བཅས་པ་རྒྱས་པར་བཤད་པ་ལེགས་བཤད་འདུས་པའི་རྒྱ་མཚོ་ཞེས་བྱ་བ་དང་། ཀུན་མཁྱེན་ཆེན་པོ་རོང་སྟོན་པའི་རྣམ་ཐར་ངོ་མཚར་དད་པའི་རོལ་མཚོ།
རྒྱལ་སྲས་རིན་པོ་ཆེ་ཐོགས་མེད་བཟང་པོ་དཔལ་གྱི་རྣམ་ཐར་གཞན་ལ་ཕན་པའི་འོད་ཟེར་དང་གསུམ་ལ་གླེགས་བམ་གཅིག །དེ་བཞིན་གཤེགས་པ་ཐམས་ཅད་ཀྱི་བགྲོད་པ་གཅིག་པའི་ལམ་ཆེན་གསུང་ངག་རིན་པོ་ཆེའི་བླ་མ་བརྒྱུད་པའི་རྣམ་ཐར་ཕྱོགས་གཅིག་ཏུ་བསྒྲིགས་པ་
གླེགས་བམ་གསུམ། སངས་རྒྱས་བཅོམ་ལྡན་འདས་ཀྱི་རྣམ་ཐར་རྨད་དུ་བྱུང་བ་མཛད་པ་འཁྲུལ་པ་མེད་པར་བརྗོད་པ་བདེ་བར་གཤེགས་པའི་སྤྱོད་པ་མཆོག་གི་གཏེར་ཞེས་བྱ་བ་གླེགས་བམ་གཅིག །བདེ་བར་གཤེགས་པའི་བསྟན་པའི་གསལ་བྱེད་ཆོས་ཀྱི་འབྱུང་གནས་གསུང་རབ་རིན་
པོ་ཆེའི་མཛོད་དང་། རྒྱལ་རབ་གསལ་བའི་མེ་ལོང་གཉིས་ལ་གླེགས་བམ་གཅིག །མ་ཎི་བཀའ་འབུམ་གླེགས་བམ་གཉིས། པདྨ་བཀའི་ཐང་ཡིག་གླེགས་བམ་གཅིག །ཐང་ཡིག་སྡེ་ལྔ་གླེགས་བམ་གཅིག །སྒྲ་བསྒྱུར་མར་པའི་རྣམ་ཐར་དང་། རྗེ་བཙུན་མི་ལའི་
རྣམ་ཐར། རྣམ་ཐར་རྒྱས་པར་ཕྱེ་བ་མགུར་འབུམ་བཅས་གླེགས་བམ་གཅིག །ཕུག་ལུགས་རྩིས་ཀྱི་ལེགས་བཤད་མཁས་པའི་མགུལ་རྒྱན་བཻ་ཌཱུར་དཀར་པོའི་དོ་ཤལ་དཔྱོད་ལྡན་སྙིང་ནོར་གླེགས་བམ་གཉིས། བསྟན་བཅོས་བཻ་ཌཱུར་དཀར་པོ་ལས་དྲིས་ལན་འཁྲུལ་སྣང་གཡའ་
སེལ་དོན་གྱི་བཞིན་རས་སྟོན་བྱེད་སྙན་སྒྲོན་དང་བཅས་པ་གླེགས་བམ་གཉིས། གསོ་བ་རིག་པའི་བསྟན་བཅོས་སྨན་བླའི་དགོངས་རྒྱན་སྨན་རྒྱུད་བཞིའི་གསལ་བྱེད་བཻ་ཌཱུར་སྔོན་པོའི་མལླི་ཀ་ཞེས་བྱ་བ་གླེགས་བམ་གཉིས། ཀླུ་འབུམ་དཀར་ནག་ཁྲ་གསུམ་གླེགས་བམ་

213-1-252b

གཅིག །སྙན་དངགས་ཀྱི་བསྟན་བཅོས་ཆེན་པོ་མེ་ལོང་ལ་འཇུག་པའི་བཤད་སྦྱར་དཎྜིའི་དགོངས་རྒྱན་གླེགས་བམ་གཅིག་སྟེ། མདོར་ན་བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཤཱཀྱའི་རྒྱལ་པོ་ཉིད་དང་། ཤཱཀྱའི་
རྒྱལ་པོའི་སྲས་སུ་གྱུར་པའི་བསྟན་པ་འཛིན་པའི་སྐྱེས་བུ་ཆེན་པོ། ཤེས་པར་བགྱི་བའི་གནས་མ་ལུས་པ་ལ་སྦྱངས་པ་རྒྱ་མཚོའི་མཐར་སོན་པ། ཆོས་ཐམས་ཅད་ཐུགས་སུ་ཆུད་པ། ཆོས་ཀྱི་སྤྱན་ཡངས་ཤིང་དྲི་མ་མེད་པ་མངའ་བ། ཆོས་བཞིན་སྤྱོད་ཀྱིན་ཆོས་བཞིན་དུ་
འདོམས་པ། ཆོས་ཀྱི་ཚུལ་མཐའ་དག་སོ་སོར་སྨྲ་བ་ལ་ཚིག་གི་དབང་ཕྱུག་གྲུབ་པ་རྣམས་ཀྱིས་ལེགས་པར་གསུངས་པའི་གསུང་གི་ཕྲིན་ལས་ཀྱི་རྒྱུན་ཆེན་པོའི་དམ་པའི་ཆོས་ཕལ་ཆེ་བ་དག་ནུབ་པར་མི་འགྱུར་བའི་ཆོས་ཀྱི་སྦྱིན་པ་རྒྱ་ཆེན་པོ་རྟག་ཏུ་འབྱུང་བའི་པར་གྱི་མ་མོ་འདི་
དག །རྨད་དུ་བྱུང་བའི་བཟོད་པ་དམ་པའི་གོ་ཆས་ཀུན་ནས་བརླིང་བར་བྱས་པའི་ཐུགས་བསྐྱེད་དམན་པ་མིན་པའི་སྟོབས་ནི། སྲེད་མེད་བུའི་དཔལ་ལ་ཡང་ཅོ་འདྲི་པར་བཟོད་པའི་སྡོམ་བརྩོན་བསྟན་པའི་སྦྱིན་བདག་ཆེན་པོ་གང་གིས་འབད་པ་དུ་མའི་སྒོ་ནས་བདག་པོའི་རྐྱེན་
ལེགས་པར་སྦྱར་ཏེ། འཇིག་རྟེན་གྱི་ཁམས་མ་ལུས་པའི་མུན་པ་མཐའ་དག་དཔྱིས་འབྱིན་བྱེད་པའི་ཆོས་ཀྱི་ཉི་མ་ཆེན་པོ་འདི་དག་གསར་དུ་བསྒྲུབས་སོ། །བསྒྲུབས་ནས་ཀྱང་ཕྱོགས་བཅུའི་སེམས་ཅན་གྱི་ཁམས་དཔག་ཏུ་མེད་པ་རྣམས་ཀྱང་སྡོམ་བརྩོན་སྐྱེ་དགུའི་བདག་
པོ་འདིའི་ཆོས་ཀྱི་སྦྱིན་པ་གཏོང་བའི་ཞིང་དུ་ལྷགས་པ་ནི། འདི་ལྟ་སྟེ། གང་དག་འགྲོ་བ་མང་པོའི་དོན་ལ་རྩེ་གཅིག་ཏུ་གཞོལ་བའི་བླ་མ་དང་། དགེ་སློང་དང་། དགེ་ཚུལ་དང་། དགེ་བསྙེན་དང་། གཞན་ཡང་མི་དཔོན་དང་། བློན་པོ་དང་། འཁོར་དང་། ཡང་འཁོར་
དང་། ཁྱིམ་བདག་དང་། ཞོ་ཤས་འཚོ་བ་ལ་སོགས་པ་སངས་རྒྱས་བཅོམ་ལྡན་འདས་ཀྱི་ལུང་གི་ཆོས་ཚུལ་རྙོག་པ་མེད་པ་གང་དག་བཞུགས་པ་ལ། གུས་པའི་རི་མོ་ཡོངས་སུ་ལྷོད་པར་མ་གྱུར་པའི་སའི་སྟེང་གི་སྐྱེ་འགྲོ་རིས་སུ་མ་ཆད་པ་རྣམས་ཏེ། དེ་དག་ཐམས་ཅད་ལ་བདེ་

213-1-253a

བར་གཤེགས་པའི་བསྟན་པ་དམ་པའི་ཆོས་ཀྱི་སྦྱིན་པ་ཟད་མི་ཤེས་པའི་སྣང་བ་ཆེན་པོ་བཀྱེ་སྟེ། དེའང་དོན་དུ་གཉེར་བའི་འགྲོ་བ་རང་རང་གི་བློ་དང་མོས་པར་འཚམ་པའི་ཆོས་ཀྱི་རྣམ་གྲངས་གང་དང་གང་ཡིན་པ་དེ་དག །ཆེ་བའི་ཡོན་ཏན་དང་ཕན་ཡོན་བསམ་
གྱིས་མི་ཁྱབ་པ་རྣམས་རྗེས་སུ་གདམས་པ་དང་བཅས་པའམ། ཡང་ན་དགེ་བའི་རྩ་བ་གང་དག་གི་རྗེས་སུ་ཡི་རང་བར་བྱེད་པའི་ཚིག་གིས་སྙན་པར་སྨྲ་བ་དང་བཅས་པས་ལེན་དུ་འཇུག་གོ། །དེ་ལ་བརྟེན་ནས་ཡངས་པའི་རྒྱལ་ཁམས་ཀྱི་སྣོད་ཐམས་ཅད་རྒྱལ་བའི་བསྟན་པ་རིན་
ཐང་གཞལ་དུ་མེད་པའི་འབྱོར་པ་བླ་ན་མེད་པ་དང་ལྡན་པའི་སྙིང་པོ་ཅན་དུ་བགྱིད་དོ། །དེ་ལྟ་བུའི་མཛད་པ་གང་ལ་ཕྱོགས་བཅུའི་རྣམ་པར་འདྲེན་པ་ཐམས་ཅད་ཀྱང་དབྱིངས་ནས་དགྱེས་པའི་བརྡ་མཚོན་དུ། ལེགས་སོའི་ལུང་གི་གླིང་བུ་མཐའ་དག་མགྲིན་གཅིག་ཏུ་བསྒྱུར་བ་ལ་མི་སྤྲོ་
པ་ཅུང་ཟད་ཀྱང་མེད་ན། འགྲོ་བ་ཕལ་བ་དག་མགུ་བ་ཙམ་ལ་ངོ་མཚར་ཆེ་བ་ཅི་ཞིག །གཞན་ཡང་ཆོས་ཀྱི་ཆེད་དུ་དམིགས་ནས་ཕུལ་བའི་ནོར་རྫས་ཀྱི་བྱེ་བྲག་ཇི་སྙེད་བྱུང་བ་རྣམས་ཀྱང་ཕལ་ཆེར་ནི་གོང་དུ་སྨོས་པའི་མཆོད་སྦྱིན་གྱི་ཞིང་དུ་གྱུར་པ་རྣམས་ལ་གཏོང་བ་དང་། དགེ་
འདུན་འདུ་བའི་དྲིའི་གཙང་ཁང་བརྩིགས་པ་དང་། དེ་བཞིན་གཤེགས་པ་རྣམས་དང་། དེ་དག་གི་སྲས་དང་སློབ་མའི་ཚོགས་དང་བཅས་པའི་སྐུ་དང་གསུང་དང་ཐུགས་ཀྱི་རྟེན་རྣམས་བཞེང་བའི་རྒྱུར་སྦྱོར་བ་དང་། དེང་གི་དུས་སུའང་འཇིག་རྟེན་གསུམ་གྱི་མཆོད་སྡོང་བླ་ན་མེད་པ་ཆོས་
སྦྱིན་པར་གྱི་ཕྱི་མོ་རྒྱ་ཆེན་པོ་འདི་དག་བསྐྲུན་པ་ལ་དགོས་པའི་ཡོ་བྱད་མཁོ་དགུ་ཕུན་སུམ་ཚོགས་པ་མ་ཚང་བ་མེད་པ་བསྒྲུབས་པའི་རྒྱུར་བྱེད་པ་དང་། དེ་དག་གི་ལས་བྱེད་པ་རྣམས་ཀྱི་བཟའ་ཡོན་དུ་སྟོབ་པ་ལ་སོགས་པས། འགྲོ་བ་གང་དག་གིས་ཆོས་ཀྱི་སྦྱིན་པ་མངོན་
པར་འདུ་བྱས་པའི་ནོར་རྫས་ཀྱི་འབྲེལ་པ་ཅུང་ཟད་རེ་བཞག་པ་རྣམས་ཀྱང་། ནམ་ཞིག་ན་དགེ་བ་ཉིད་ནས་དགེ་བ་ཉིད་ཀྱི་རྒྱུ་རྐྱེན་དུ་མཆི་བ་སྟེ། དཔེར་ན་རྒྱ་མཚོ་ཆེན་པོའི་ནང་དུ་ཆུའི་ཐིགས་པ་ཉུང་ཟད་ཅིག་ལྷུང་བ་ན་ཡང་། ཇི་སྲིད་རྒྱ་མཚོ་ཆེན་པོ་དེ་ཉིད་ཡོངས་སུ་སྟོངས་བར་མ་གྱུར་

213-1-253b

བ་དེ་སྲིད་དུ་རོ་གཅིག་པར་འདྲེས་ནས་སོ་སོར་དབྱེར་མི་བཏུབ་པ་ལྟ་བུའི་ལེགས་བྱས་ཀྱི་རྒྱུན་ཆེན་པོ་ཉིད་དུ་འགྲོ་བ་ཁོ་ན་ཉིད་དོ། །དེ་ལྟར་རླབས་ཆེན་དགེ་བའི་ལས་ལ་སྤྲོ་བ་མཆོག་ཏུ་བརྟས་པའི་མི་བདག་ཆེན་པོ་འདིའི་མཛད་པའི་ཕྲེང་བ་ལེགས་བྱས་ཀྱི་ཟེར་ཕྲེང་སྟོང་དང་ལྡན་པའི་ངོ་མཚར་
གྲགས་པའི་ཕུང་པོ་འདི་ནི། འབྲས་ལྡན་དུས་ཀྱི་ཟླ་འོད་ལས་ཀྱང་ཆེས་མཆོག་ཏུ་དཀར་ཞིང་བསིལ་བར་གྱུར་པ་གང་དག །ཕྱོགས་བཅུའི་འཛིན་མའི་དཀྱིལ་འཁོར་ཀུན་དུ་འཁོད་པའི་རྒྱལ་ཕྲན་དང་། སྡེ་དཔོན་དང་། སྟོབས་ལྡན་དང་། འབྱོར་ལྡན་གྱི་སྐྱེ་འགྲོ་མཐའ་དག་
གི་རྣ་བའི་བཅུད་ལེན་མཆོག་ཏུ་འཛིན་པར་མི་བྱེད་པ་ནི་འགའ་ཡང་མེད་ཅིང་། དེར་མ་ཟད་རྣམ་པར་དཀར་བའི་ལེགས་མཛད་དང་། རྣམ་པར་ཐར་པ་གང་དག་གཏམ་དུ་གླེང་བར་ཐོས་པ་ལ་བརྟེན་ནས། ཕྱོགས་བཅུའི་འགྲོ་བ་སྔོན་ཆད་དགེ་བའི་རྩ་བ་རྒྱ་ཆེན་པོ་སྒྲུབ་པ་ལ་སྤོབས་པ་མ་
སྐྱེས་པ་རྣམས་ཀྱི་སྤོབས་པ་གསར་དུ་སྐྱེད་པ་དང་། སྤོབས་པ་སྐྱེས་པ་རྣམས་གོང་ནས་གོང་དུ་བོགས་དབྱུང་སྟེ། སྦྱིན་པ་རྣམ་པ་བཞི་པོ་གང་ཡང་རུང་བ་ལ་འཇུག་པར་བསྐུལ་མ་འདེབས་པའི་མཆོག་ཏུ་ཡང་འགྱུར་བ་ཉིད་དོ། །དེས་ན་གོང་དུ་ལུང་དྲངས་པ་ལྟར་བྱང་ཆུབ་སེམས་
དཔའི་སྤྱོད་པ་བསྡུ་བ་རྣམ་པ་བཞིའི་ཐབས་ཀྱིས་སེམས་ཅན་གཞན་སྨིན་པར་བྱེད་པའི་ཚུལ་རྣམས་ཀྱང་ཅི་རིགས་པའི་སྒོ་ནས་ཚང་བ་ཡིན་ནོ། །དེ་ལས་གཞན་པ་མཁས་པ་ལ་འོས་པའི་བགྱི་བ་བླ་ན་མེད་པ་ནི། ཕྱི་རིག་པའི་གནས་ཀྱི་གཙུག་ལག་ཐམས་ཅད་དང་། ནང་སྡོམ་
བ་རིན་པོ་ཆེ་རྣམ་པ་གསུམ་དང་རྗེས་སུ་འབྲེལ་བའི་ཟབ་པ་དང་རྒྱ་ཆེ་བའི་ཆོས་ཀྱི་བང་མཛོད་མ་ལུས་པ་བཟུང་ནས། འཆད་པ་ཆོས་ཀྱི་འཁོར་ལོས་སྐལ་ལྡན་གྱི་གདུལ་བྱ་རྗེས་སུ་འཛིན་པ་དང་། རྩོད་པ་ལུང་རིགས་ཀྱི་འཁོར་ལོས་ལོག་པར་རྟོགས་པ་ཚར་གཅོད་པ་དང་། རྩོམ་
པ་ལེགས་བཤད་ཀྱི་འཁོར་ལོས་རྒྱལ་བའི་བསྟན་པ་གསལ་བར་བྱེད་པ་རྣམས་ཀྱི་སྒོ་ནས་ཆོས་ཀྱི་སྦྱིན་པ་གཏོང་བས། འཇིག་རྟེན་གྱི་ཁམས་ཐམས་ཅད་ཆོས་ཀྱི་སྙིང་པོ་ཅན་དུ་བགྱིད་པ་ཉིད་ནི། སྡོམ་བརྩོན་བླ་མ་ཆེན་པོ་རང་ཉིད་སྡེ་དགེ་གོང་མ་རྣམས་ཀྱི་བསྟན་སྲིད་ཀྱི་བྱ་བ་

213-1-254a

ཆེན་པོའི་ཁུར་ཁྱེར་བའི་ལས་ཅན་དུ་སོང་བས། ཐོག་མ་ཉིད་ནས་འབད་པ་གཙོ་བོར་མ་བརྩམས་པ་དང་། གལ་སྲིད་བརྩམས་ཀྱང་མིའི་རྒྱལ་པོའི་ཀུན་སྤྱོད་དང་ལྡན་པའི་བླ་མར་སོང་བས། ཕན་འདགས་ཆུང་བ་ལ་དགོངས་ནས། རེ་ཞིག་དེའི་སྤྲོས་པ་མ་
མཛད་ཅིང་། འོན་ཀྱང་རྒྱལ་སྲས་བྱང་ཆུབ་སེམས་དཔའ་སྙིང་བརྩེའི་བདག་ཉིད་ཅན་རྣམས་ནི་གང་དང་གང་གི་རྣམ་པས་གནས་ཀྱང་། གཞན་ལ་ཕན་པ་རྒྱ་ཆེན་པོ་འབྱུང་བའི་བསམ་པ་དང་། སྦྱོར་བ་ཕུན་སུམ་ཚོགས་པ་དག་ནི་ནམ་ཡང་མི་འདོར་བ་ཆོས་ཉིད་དེ། དེ་འང་འདི་ལྟར་བོད་ཆེན་
ལྗོངས་ཀྱི་ཡུལ་གྲུ་འདི་ཉིད་ཀྱིས་མཚོན་པའི་འཛིན་མའི་དཀྱིལ་འཁོར་ཐམས་ཅད་དུ། མི་ནུབ་ཆོས་ཀྱི་རྒྱལ་མཚན་ཆེན་པོ་བརྟན་པར་འཛུགས་པ་དང་། འགྲོ་ཚོགས་རྒྱ་མཚོ་ལྟ་བུའི་དོན་ལ་ཕན་པའི་སེམས་དམ་པ་ཉེ་བར་བཞག་ནས། དུས་འདིར་ཁམས་གསུམ་ཆོས་ཀྱི་
རྒྱལ་པོ་ཆེན་པོ་མཁན་པོ་རིན་པོ་ཆེ་ཐམས་ཅད་མཁྱེན་པ་དཔལ་ལྡན་ཆོས་སྐྱོང་བཀྲ་ཤིས་གྲགས་པའི་རྒྱལ་མཚན་དཔལ་བཟང་པོ་ལ་སོགས་པ། གོང་དུ་སྨོས་པའི་བསྟན་འཛིན་ཀྱི་སྐྱེས་བུ་ཆེན་པོ། མཁས་པ་དང་གྲུབ་པའི་ཡོན་ཏན་གྱི་ཚོགས་མང་པོས་ཡོངས་སུ་བཟུང་བ་དེ་དག་
སྡོམ་བརྩོན་སྐྱེ་དགུའི་བདག་པོ་རང་གི་རིགས་ཀྱི་ཅོད་པན་དུ་མངོན་པར་མངའ་གསོལ་ཏེ། སྒོ་གསུམ་ལོངས་སྤྱོད་དང་བཅས་པས་མཉེས་པར་བྱེད་ཅིང་། ཟབ་པ་དང་རྒྱ་ཆེ་བའི་ཆོས་ཀྱི་བདུད་རྩི་བསམ་གྱིས་མི་ཁྱབ་པ་རྣམས་མངོན་པར་མཐོ་བ་དང་ངེས་པར་ལེགས་པའི་གོ་འཕང་
གི་གསོས་སུ་རྟག་པར་ལེན་པ་དང་། སྲོག་ཆགས་དཔག་ཏུ་མེད་པའི་དོན་དུ་ཡང་ལེགས་པར་གསུངས་པའི་ཆོས་ཀྱི་འཁོར་ལོ་རྒྱུན་མི་འཆད་པར་བསྐོར་བའི་གསོལ་བ་འདེབས་པ་པོ་བྱེད་པ་དང་། གཞན་ཡང་དཔལ་ལྡན་ས་སྐྱ་པ་དང་ངོར་ཆེན་རྡོ་རྗེ་འཆང་དག་གི་ཕྲིན་
ལས་ལྷུན་གྱིས་གྲུབ་པ་དང་རྒྱུན་མི་འཆད་པའི་རྣམ་པར་འཕྲུལ་པ་ལས་བྱུང་བའི་ཆོས་ཀྱི་རྗེ་རིན་པོ་ཆེ། ཕྱོགས་བཅུ་ཀུན་དུ་ཆོས་ཀྱི་དགའ་སྟོན་འགྱེད་པ་པོ་ཇི་སྙེད་འབྱོན་པ་རྣམས་དང་། ཆོས་གྲ་ཆེན་པོ་འདི་ཉིད་ན་གཉུག་མར་གནས་ཤིང་བཤད་པ་དང་སྒྲུབ་པའི་ཕྲིན་ལས་ཟུང་

213-1-254b

གིས་བསྟན་པ་སྐྱོང་བར་བྱེད་པའི་ཟུར་ཆོས་པ་ཡང་། མཁྱེན་རབ་ཀྱི་དབང་ཕྱུག་བསོད་ནམས་རྒྱལ་མཚན་ཞེས་པ། ཀུན་མཁྱེན་ཉི་མའི་གཉེན་གྱི་གསུང་རབ་མདོ་སྡེ་དང་རྒྱུད་སྡེ་མ་ལུས་པའི་བརྗོད་བྱར་གྱུར་པའི་བསླབ་པའི་གནས་རྣམས་འགྲོ་བ་རྒྱ་མཚོ་རྡུལ་དང་མཉམ་པ་ལ་བློ་དང་
འཚམ་པར་ཚུལ་བཞིན་དུ་འདོམས་པ་ལ་འཇིགས་མེད་མགྲིན་པའི་འཁོར་ལོ་རྣམ་པར་ཡངས་པ་དེ་དང་། རྡོ་རྗེ་འཛིན་པའི་དབང་ཕྱུག་བཀྲ་ཤིས་བཟང་པོ་ཞེས་པ། ཕྱི་རུ་མཁས་པ་དང་བཙུན་པའི་ཡོན་ཏན་སྟོན་པའི་འཁོར་གྱི་དགྲ་བཅོམ་པ་རྣམས་ཀྱི་རྣམ་པར་ཐར་པ་ལ་གནས་པ།
ནང་དུ་གྲུབ་པའི་ཡོན་ཏན་བཅུ་གསུམ་རྡོ་རྗེ་འཛིན་པའི་ས་ཡང་འདི་ཉིད་ཀྱི་ངོ་ན་རིང་པོ་མ་ཡིན་པ། གཅིག་ཏུ་སེམས་ཅན་ཐམས་ཅད་ལ་བུ་གཅིག་པ་ལྟར་བརྩེ་བ་དེ་དང་། གསང་སྔགས་གྲུབ་པའི་རྩེ་མོར་སོན་པ་རྗེ་བཙུན་ནམ་མཁའ་དཔལ་བཟང་ཞེས་པ། མདོ་རྒྱུད་ཀྱི་མཁྱེན་པ་རབ་ཏུ་
རྒྱས་ཤིང་། གང་གི་སྐུ་གསུང་ཐུགས་ཀྱི་བྱིན་རླབས་རྡོ་རྗེའི་ཟེག་མ་རེས་ཀྱང་ཡིད་ཀྱི་སྲུབ་ཤིང་དཔུང་དང་བཅས་པ་དཔག་ཚད་བརྒྱའི་ཕ་རོལ་དུ་ཡང་གནས་པའི་སྐབས་མེད་པར་བྱེད་པའི་ནུས་པ་མཆོག་གི་བདག་ཉིད་ཅན་དེ་དང་། གཞན་ཡང་བསྟན་པའི་རྩ་ལག་དམ་པར་གྱུར་པ་ཡང་
དག་པའི་དགེ་བའི་བཤེས་གཉེན་གཞུང་ལུགས་མང་པོའི་དོན་ལ་སྦྱངས་པ་མཐའ་རུ་ཕྱིན་པར་གྱུར་པས་མགྲིན་པ་ཆོས་ཀྱི་བང་མཛོད་དུ་གྱུར་པ་གང་དག་བཞུགས་པ་རྣམས་ཏེ། དེ་དག་ཐམས་ཅད་ལ་ཡང་འགྲོ་བ་རིས་སུ་མེད་པའི་ངོར་རང་རང་གི་བློ་དང་མོས་པར་རྗེས་སུ་མཐུན་པའི་
དབང་བསྐུར་བ་དང་། ལུང་འབོགས་པ་དང་། མན་ངག་གི་ཚོགས་སྦྱིན་པའི་ཆོས་ཀྱི་གྲུ་ཆར་རྒྱུན་མི་འཆད་པར་བསྙིལ་དུ་འཇུག་པ་ལ་སོགས་པས་ཆོས་ཀྱི་སྦྱིན་པའི་སྒོ་མོ་བྱེ་བ་བརྒྱ་སྟོང་ཕྲག་མང་པོ་ཕྱོགས་མཐའ་དག་ནས་ཕྱེ་ཞིང་། དེ་ལ་བརྟེན་ནས་སྲོག་ཆགས་བྱེ་བ་བརྒྱ་སྟོང་ཕྲག་
དཔག་ཏུ་མེད་པ་དག །ཕལ་ཆེ་བ་ནི་ལས་དང་འབྲས་བུ་དང་། དཀོན་མཆོག་ལ་ཡིད་ཆེས་པའི་དད་པའི་གཞི་འཛིན་པ་ལ་བཀོད། འགའ་ཞིག་ནི་དཀོན་མཆོག་གསུམ་ལ་སྐྱབས་སུ་འགྲོ་ཞིང་བསླབ་པའི་གཞི་འཛིན་པའི་སྐལ་བ་ཅན་ལ་བཀོད། ཕལ་ཆེར་ནི་བླ་ན་མེད་པ་

213-1-255a

ཡང་དག་པར་རྫོགས་པའི་སངས་རྒྱས་ཀྱི་གདུང་འཛིན་པའི་སྐལ་བ་ཅན་ལ་བཀོད། ཁ་ཅིག་ནི་དཔལ་ལྡན་རྡོ་རྗེ་འཆང་གི་གསང་བའི་སྔགས་དང་རིག་པའི་སྔགས་འཆང་བའི་སྐལ་བ་བཟང་པོ་ཅན་ལ་བཀོད་དོ། །མདོར་ན་འགྲོ་བ་ཕལ་མོ་ཆེ་སངས་རྒྱས་ལ་
གཞོལ་བ་དང་། ཆོས་ལ་འབབ་པ་དང་། དགེ་འདུན་ལ་བབ་པར་བགྱིས་ཏེ། དེ་དག་ཐམས་ཅད་ཀྱང་སྡོམ་བརྩོན་ཆོས་ལྡན་གྱི་རྒྱལ་པོ་འདི་ཉིད་ཀྱི་སྐུ་དྲིན་ལས་བྱུང་བ་ཉིད་དུ་ངེས་པར་ཤེས་དགོས་ཏེ། ཅིའི་ཕྱིར་ན། གནས་སྐབས་སུ་སངས་རྒྱས་ཀྱི་བསྟན་པའི་འཕེལ་འགྲིབ་
དང་། སེམས་ཅན་གྱི་བདེ་སྡུག་རྣམས་ནི་ཡུལ་ཕྱོགས་གང་ཡིན་པའི་ས་བདག་རྒྱལ་པོ་དེའི་སྤྱོད་པ་ཉིད་ལ་རག་ལས་ཏེ། དཔེར་ན་སྔོན་གྱི་ཆོས་རྒྱལ་བྱང་ཆུབ་སེམས་དཔའ་རྣམས་ཀྱི་དྲིན་ལས། བོད་ཡུལ་མུན་པའི་གླིང་འདིར་བསྟན་པ་རིན་པོ་ཆེ་ཉི་མ་ཤར་བ་ལྟར་མཛད་དེ། འཁོར་
དང་ཆབ་འོག་ཏུ་གཏོགས་པའི་འགྲོ་བ་ཐམས་ཅད་ཀྱང་། སངས་རྒྱས་ཀྱི་ཆོས་ཉན་པ་དང་། བཤད་པ་དང་། སྒྲུབ་པའི་ཕྲིན་ལས་དྲི་མ་མེད་པ་ལ་ལོངས་སྤྱོད་དུ་གཞུག་པ་དང་། དེ་ལ་བརྟེན་ནས་གནས་སྐབས་དང་མཐར་ཐུག་གི་བདེ་དགའི་ལོ་ཐོག་ཕུན་སུམ་ཚོགས་པ་ལ་ཡང་དག་པར་
སྦྱར་བ་ལྟ་བུའོ། །དེ་ལས་ལྡོག་པའི་ལས་ལའང་རྒྱལ་པོ་ཉིད་མཐུ་ཆེ་བ་ནི། དཔེར་ན་སྡིག་ཅན་ནག་པོའི་རྩ་ལག་གི་གླང་དར་མས། ལོག་པའི་ཆོས་ཀྱི་ཁྲིམས་ལུགས་བཅས་ཏེ། འཁོར་དང་ཆབ་འོག་ཏུ་གཏོགས་པའི་འགྲོ་བ་མང་པོ་སངས་རྒྱས་དང་ཆོས་ཀྱི་སྒྲ་ཙམ་ཡང་མཉན་པའི་
སྐབས་མེད་པར། བླང་དོར་ཐམས་ཅད་ཕྱིན་ཅི་ལོག་པར་སྤྱད་དུ་གཞུག་པ་དང་། དེ་ལ་བརྟེན་ནས་བསྟན་པ་དམ་པའི་ཆོས་ལ་གནོད་ཚབ་ཆེན་པོས་ཡུན་རིན་དུ་ཉམས་པར་བྱས་པ་དང་། སེམས་ཅན་རྣམས་ཀྱི་གནས་སྐབས་དང་མཐར་ཐུག་གི་བདེ་དགའ་རིང་དུ་བཅོམ་པ་ལྟ་བུའོ། །
དེ་བས་ན་ས་ཕྱོགས་གང་དང་གང་གི་སེམས་ཅན་ཐམས་ཅད། བསོད་ནམས་དང་བསོད་ནམས་མ་ཡིན་པ་ལ་སྦྱར་བའམ། བདེ་བ་དང་བདེ་བ་མ་ཡིན་པ་གང་ལ་སྦྱར་ནའང་། མི་བདག་རྒྱལ་པོ་དེ་དང་། དེའི་རྗེས་སུ་འབྲང་མི་དགོས་པ་ནི་འགའ་ཡང་མེད་པ་ལས། དེང་གི་དུས་ན་

213-1-255b

ཆོས་བཞིན་སྤྱོད་པའི་སྡོམ་བརྩོན་སྐྱེ་དགུའི་བདག་པོ་འདིས། བསིལ་ལྡན་ཁ་བ་ཅན་གྱི་ལྗོངས་འདིར། རྒྱལ་བ་བུ་རམ་ཤིང་པའི་ལུགས་བཟང་དྲི་མ་མེད་པ་ཡུན་རིང་དུ་གནས་པའི་ཕན་འདོགས་རྨད་དུ་བྱུང་བ་ནི། ལུང་གི་ཆོས་ཀྱི་སྦྱིན་པ་སྟེ། དེའི་སྦྱིན་པའི་སྒོ་མོ་བྱེ་བ་བརྒྱ་སྟོང་
ཕྲག་དུ་མ་ཕྱོགས་ཐམས་ཅད་ནས་ཕྱེ་སྟེ། ལྷག་པའི་བྱ་བ་ཡང་དག་པ་ནི་བགྱིས། འཇིག་རྟེན་དུ་བདེ་ལེགས་རྒྱ་ཆེན་པོ་འབྱུང་བའི་བསོད་ནམས་ཀྱི་ཕུང་པོ་གང་ཡིན་པ་དག་ནི་མངོན་པར་འདུ་བགྱིས་པའི་སྐུ་དྲིན་གང་དག་གསོབ་པ་ལ་ནི་བསྟན་པ་དམ་པའི་ཆོས་རྒྱས་པ་ཉིད་ཀྱིས་འཚོབ་པར་ནུས་ཀྱི་
དེ་ལས་གཞན་པའི་ལས་དང་དངོས་པོ་གང་གིས་ཀྱང་གཞར་ཡང་འཚོབ་པའི་མཐའ་ཡོད་པ་མ་ཡིན་པར་སེམས་སོ། །གསུམ་པ་མི་འཇིགས་པ་དང་བྱམས་པའི་སྦྱིན་པས་འགྲོ་ལ་ཕན་པ་སྒྲུབ་པའི་ཁྱད་པར་ལ། དང་པོ་ནི། སྤྱིར་མི་འཇིགས་པའི་སྦྱིན་པ་ཞེས་བྱ་བ། དགྲ་གཉེན་
བར་མའི་སེམས་ཅན་ཐམས་ཅད་ལ་སྙོམས་པའི་སེམས་ཀྱིས་ཕ་རོལ་གྱི་དམག་ཚོགས་དང་། རྐུན་པོ་ལ་སོགས་པ་མིའི་འཇིགས་པ་དང་། གདོན་བགེགས་དང་། སེང་གེ་དང་སྟག་ལ་སོགས་པ་མི་མ་ཡིན་པའི་འཇིགས་པ་དང་། མེ་དང་ཆུ་ལ་སོགས་པ་འབྱུང་བའི་འཇིགས་
པ་སྟེ། འཇིགས་པ་དེ་དག་གིས་ཉེན་པ་ལས་ཡོངས་སུ་སྐྱོབ་པའོ། །དེ་སྐད་དུ་ཡང་། རྡོ་རྗེ་རྩེ་མོ་ལས། དགྲ་དང་གྲོགས་དང་བར་མ་ལ། །སེམས་སྙོམས་མི་འཇིགས་རབ་ཏུ་སྦྱིན། །ཞེས་དང་། ཕལ་ཆེན་ཏ་ལ་ལར། མི་འཇིགས་སྦྱིན་པས་གང་ཞིག་བསྐྱབ་བྱ་བ། །
སྲོག་ཆགས་གསོད་ལས་བཟློག་པར་བྱས་པ་དང་། །འཇིགས་པས་སྐྱབས་འཚོལ་རྣམས་ལ་སྐྱབས་བྱས་པ། །མི་འཇིགས་སྦྱིན་པའི་འོད་ཟེར་དེས་གྲུབ་པོ། །ཞེས་སོ། །དེ་ལྟ་བུའི་མི་འཇིགས་པའི་སྦྱིན་པ་དེ་ལ་བདག་ཅག་གི་སྟོན་པ་འདི་བྱང་ཆུབ་སེམས་དཔའ་སློབ་པའི་
ལམ་པར་གྱུར་པའི་ཚེ། སྒྲོན་མ་སྣང་བྱེད་ཅེས་བྱ་བའི་སྐྱེ་བར། འདོད་པས་ཡོངས་སུ་དྲངས་པའི་ཚངས་པ་འགའ་ཞིག་རྒྱ་མཚོ་ཆེན་པོར་ཞུགས་པ་ན། མི་མ་ཡིན་གྱི་ཆོ་འཕྲུལ་གྱིས་ཕྱོགས་ཀྱི་དཀྱིལ་འཁོར་ཐམས་ཅད་དུ་མུན་པ་སྲོས་པར་བྱས་པས། ཕྱོགས་ཀྱི་མཚན་མ་

213-1-256a

འཁྲུགས་ཏེ་གང་དུ་མཆི་བར་མ་ཤེས་པར་ཅི་བྱ་གཏོལ་མེད་དུ་གྱུར་པ་ན། བྱང་ཆུབ་སེམས་དཔའི་ཕྱག་གཡས་པ་ཞུན་མར་དུ་སྦགས་པའི་རས་ཀྱིས་དཀྲིས་པ་ལ་མེ་སྤར་ནས་ཞག་བདུན་གྱི་བར་དུ་སྣང་བའི་སྒྲོན་མ་བཏེག་ཅིང་། ཚོང་པ་རྣམས་འཇིགས་པ་ཆེན་པོ་ལས་
ཡོངས་སུ་བསྐྱབ་པ་དང་། སེང་གེའི་རྒྱལ་པོར་གྱུར་པའི་ཚེ། ཚོང་པ་ལྔ་བརྒྱ་དུག་སྦྲུལ་ནག་པོས་ཡོངས་སུ་འཁྱུད་ཅིང་བཟའ་བར་བརྩམས་པ་ན། རང་ཉིད་ཡལ་བར་བོར་ནས་སྡེར་མོ་རྣོན་པོས་དུག་སྦྲུལ་གྱི་གདེངས་ཀ་ལ་བསྣུན་ཅིང་བསད་དེ་འཇིགས་པ་དེ་ལས་བསྐྱབ་པ་དང་། 
རི་དྭགས་རུ་རུར་གྱུར་པའི་ཚེ། འབབ་ཆུ་དྲག་པོའི་ཤུགས་ཀྱིས་བདས་པའི་སྐྱེ་བོ་ངན་པའི་རང་བཞིན་ཅན་སྐམ་པར་ཕྱུང་བ་དང་། རི་དྭགས་ཤ་ར་བྷ་དང་སྤྲེའུའི་རྒྱལ་པོར་གྱུར་པའི་ཚེ། གྲོག་རོང་དུ་ལྷུང་བའི་སྐྱེ་བོ་ཉམ་ཉེས་པ་ཡོངས་སུ་བསྐྱབ་པ་ལ་སོགས་པ་སྔོན་གྱི་བྱང་ཆུབ་
སེམས་དཔའ་སྙིང་རྗེའི་བདག་ཉིད་ཅན་དག་གིས་ཇི་ལྟར་བསླབས་པའི་རྗེས་སུ་སློབ་པའི་འདུན་པ་ལྷོད་པར་མ་གྱུར་པའི་སྡོམ་བརྩོན་མིའི་བདག་པོས། སྤྱིར་འཛིན་མའི་དཀྱིལ་འཁོར་རྣམ་པར་ཡངས་པའི་ཁྱོན་ཐམས་ཅད་དགེ་བའི་ལམ་དང་རྗེས་སུ་མི་མཐུན་པ་མེད་པའི་རྒྱལ་ཁྲིམས་རྡོ་རྗེ་
བརྩེགས་པའི་ར་བ་ལྟར་གཞིག་ཏུ་མེད་པར་བཅའ་བ་དང་། སྔོན་དང་ད་ལྟའི་ལེགས་བྱས་དམན་པ་མིན་པའི་མཐུ་ཆེན་པོའི་སྲུང་བས་ལེགས་པར་བསྲུངས་པས་ན། འཇིགས་པ་ཐམས་ཅད་ཀྱིས་མི་ཚུགས་པར་ཡོངས་སུ་སྐྱོབ་པར་བྱེད་དེ། དེའང་མངའ་འོག་ཏུ་གཏོགས་པའི་སྐྱེ་
འགྲོ་ཐམས་ཅད་ནི། མཐོང་བའི་ཆོས་འདིར་ཕན་ཚུན་འཐབ་པ་དང་། རྩོད་པ་དང་། གཡུལ་འགྱེད་པ་དང་། འཕྲོག་འཇོམས་ལ་སོགས་པ་མི་སྲུན་པའི་ལས་བརྩམས་པའི་འཇིགས་པ་རྣམས་ནི། མིའི་རྒྱལ་པོའི་ལུགས་ཀྱི་བཀའ་ཁྲིམས་དམ་པའི་ཆོས་དང་མཐུན་པ་ཉིད་
དུ་བཅའ་ཞིང་། དེ་ལ་བརྟེན་ནས་ལས་ངན་པར་སྤྱོད་པ་གང་ཡིན་པ་དེ་ལས་བཟློག་ཅིང་ཡོངས་སུ་སྐྱོབ་པར་བྱེད་དོ། །ཕྲག་དོག་དྲག་པོའི་ཆང་གིས་རབ་ཏུ་མྱོས་པའི་ཕ་རོལ་གྱི་དམག་ཚོགས་ཀྱི་འཇིགས་པ་དང་། དེ་ཞིན་དུ་དགྲ་དང་། རྐུན་པོ་དང་། རྒྱལ་པོའི་ཆད་པའི་ལས་ཀྱི་

213-1-256b

འཇིགས་པ་ལ་སོགས་པ་མིར་གཏོགས་པའི་འཇིགས་པ་རྣམས་ནི། མི་བདག་ཆེན་པོ་འགྲན་པའི་ཟླ་ཐམས་ཅད་དང་བྲལ་བའི་སྟོབས་ཕུན་སུམ་ཚོགས་པ་དང་། དཔུང་གི་ཚོགས་ཆེན་པོ་དང་། གྲགས་པ་དཀར་པོ་ཕྱོགས་ཀྱི་མཐར་རྒྱས་པ་དང་། བསོད་ནམས་དཔག་ཏུ་མེད་པའི་མཐུ་
རྣམས་ཀྱི་ཡོངས་སུ་སྐྱོབ་པར་བྱེད་དོ། །གདོན་དང་བགེགས་དང་ལོག་པར་འདྲེན་པ་དང་། གཅན་གཟན་གདུག་པ་ཅན་གྱི་འཇིགས་པ་ལ་སོགས་པ་མི་མ་ཡིན་པའི་འཇིགས་པ་རྣམས་ནི། ཆོས་དང་ལྡན་པའི་རྒྱལ་པོས་སྔོན་གྱི་སྐྱེ་བར་དགེ་བ་བསགས་པའི་མཐུ་དང་། ད་ལྟར་དགེ་བ་ལེགས་
པར་སྤྱོད་པ་ལ་ཞུགས་པ་དང་། སེམས་ཅན་ཐམས་ཅད་ལ་ཕན་འདོད་ཀྱི་ལྷག་པའི་བསམ་པ་སྟོབས་དང་ལྡན་པ་རྒྱུད་ལ་སྐྱེས་པའི་མཐུ་ཕུན་སུམ་ཚོགས་པ་རྣམས་ཀྱིས་ཡོངས་སུ་སྐྱོབ་པར་བྱེད་དོ། །མེའི་འཇིགས་པ་དང་ཆུའི་འཇིགས་པ་ལ་སོགས་པ་འབྱུང་བའི་འཇིགས་པ་དང་། ནད་དང་མུ་གེ་
དང་བཀྲ་མི་ཤིས་པ་ལ་སོགས་པ་བྱུར་དང་སྐལ་བ་ངན་པའི་འཇིགས་པ་རྣམས་ནི། མི་བདག་ཆེན་པོས་རྒྱལ་སྲིད་ཐམས་ཅད་དམ་པའི་ཆོས་བཞིན་དུ་སྐྱོང་བ་དང་། དེའི་རྗེས་སུ་འབྲངས་པའི་ཆབ་འབངས་རྣམས་ཀྱང་དགེ་བའི་ལས་དང་སྡིག་པའི་ལས་རྣམས་ཀྱི་བླང་དོར་ཚུལ་བཞིན་པར་སྤྱོད་
དུ་འཇུག་པ་དང་། འགྲོ་བ་མ་ལུས་པའི་བདེ་སྐྱིད་ཀྱི་མཛའ་བོ་གསར་དུ་འགུགས་པའི་རིམ་གྲོར་བགྱིད་པ་དང་། དཀོན་མཆོག་ལ་མཆོད་པ་འབུལ་བ་དང་། རྟིང་ཅིང་འབྲེལ་པར་འབྱུང་བའི་རྫས་དང་སྔགས་དང་། ཏིང་ངེ་འཛིན་གྱི་སྲུང་བ་དང་བཟློག་པའི་ཆོ་ག་རྣམ་པ་མང་པོ་རྩོམ་པས་ཡོངས་སུ་
སྐྱོབ་བར་བྱེད་དོ། །དེ་བཞིན་དུ་ཕྱི་མའི་དུས་སུ་ངེས་པར་འབྱུང་བར་འགྱུར་བ་ངན་སོང་གསུམ་གྱི་སྡུག་བསྔལ་བཟོད་པར་དཀའ་བའི་འཇིགས་པ་དང་། མཐོ་རིས་སུ་སྐྱེས་པར་གྱུར་ཀྱང་། རྟེན་དེ་ལ་ཚེ་ཐུང་བ་ལ་སོགས་པ་འཁོར་བའི་སྡུག་བསྔལ་དཔག་ཏུ་མེད་པའི་འཇིགས་པ་རྣམས་ནི།
ཆོས་དང་མཐུན་པའི་རྒྱལ་པོ་གང་གིས་ཆབ་འབངས་སུ་གཏོགས་པའི་སྐྱེ་འགྲོ་ཐམས་ཅད་ཀྱང་ད་ལྟ་ནས་སྲོག་གཅོད་པ་སྤོང་བ་ལ་སོགས་པ་དགེ་བ་བཅུའི་ཁྲིམས་ལ་སྦྱོར་བར་བྱེད་པས་ན་འཇིགས་པ་དེ་དག་མི་འབྱུང་བར་ཡོངས་སུ་སྐྱོབ་པར་བྱེད་དོ། །དེ་ལྟར་ཡང་རྒྱལ་པོ་བྱམས་པའི་སྟོབས་

213-1-257a

ཀྱི་སྐྱེ་རབས་ལས། རྒྱལ་པོ་དེའི་མཐུ་ཁྱད་པར་ཆེ་བས་ན། །བདག་གི་ཡིན་པའི་བློ་ནི་གར་བཞག་པ། །དེ་ཉིད་དེ་ཡི་སྲུང་བ་མཆོག་ཡིན་པས། །དེ་དག་གིས་ཀྱང་མདངས་འཕྲོག་ནུས་མ་གྱུར། །ཞེས་དང་། བདེ་ལེགས་ཆེན་པོའི་འགྲོ་བ་འདི། །ཡོངས་
སུ་བསྐྱང་བར་གྱུར་པ་ན། །ལྷ་ཡི་དབང་པོ་དག་གིས་ཀྱང་། །འདི་དག་གཙེ་བར་མི་ནུས་ན། །ཤ་ཟ་རྣམས་ཀྱིས་ག་ལ་ནུས། །དེ་བས་ནགས་ན་ཁྱིམ་བཞིན་དུ། །མཚན་མོ་དག་ཀྱང་ཉིན་པར་བཞིན། །གཅིག་པུའང་གྲོགས་ཀྱི་ནང་འདུག་འདྲ། །བདག་ནི་འཇིགས་པ་མེད་པར་
འདུག །ཅེས་འབྱུང་བ་བཞིན་ནོ། །གཞན་ཡང་བཟོད་པ་དམ་པའི་ཆོས་དང་ལྡན་པ་མ་ཡིན་པའི་འགྲོ་བ་རྣམས་ཀྱི་སྡིག་པའི་ལས་ནི་ཁོང་ཁྲོ་བ་སྟེ། དེ་ཉིད་ཀྱིས་ཀུན་ནས་བསླངས་ཏེ་སྨྲ་ལྕེར་ཐུག་པ་རྣམས་ཀྱང་། རྒྱལ་པོ་ཕལ་པའི་ཁྲིམས་ལུགས་འཁྱོག་པོ་ལྟ་བུ་མ་ཡིན་པར་རིགས་པའི་
ལམ་དང་རྗེས་སུ་མཐུན་པས་ལེགས་པར་བརྟགས་ཤིང་དཔྱད་པའི་མཐའ་མར། བཀའ་ལུང་གསེར་གྱི་གཉའ་ཤིང་ལྟ་བུའི་ལྗིད་ཀྱིས་མནན་ཏེ། ཕན་ཚུན་གཉིས་ཀའི་རྒྱུད་ཀྱི་ངན་སེམས་ཀྱི་ཚེར་མ་རྣོན་པོ་མཐའ་དག་དྲུང་ནས་འབྱིན་ཅིང་རྣལ་དུ་གནས་པའི་ཐབས་སུ་ཅི་འགྱུར་
མཛད་ཀྱི། དེ་ལས་གཞན་པའི་གཡོ་སྒྱུ་དང་ཕྱོགས་ལྷུང་གི་སྤྱོད་པར་མ་སོང་བ་ཉིད་གཙོ་བོར་མཛད་དོ། །དེའི་དབང་གིས་མི་བདག་ཆེན་པོ་རང་གི་མངའ་ཞབས་སུ་འཁོད་པ་རྣམས་དང་། དེ་ལས་གཞན་དུ་གྱུར་པའི་མི་དཔོན་དང་། བློན་པོ་དང་། སྡེ་དཔོན་དང་། དབང་བཙན་
པ་དང་། མཛངས་པར་རློམ་པ་མང་པོས་ཐབས་ཀྱིས་བཟླུམ་པར་མ་ནུས་པའི་སྨྲ་མཆུ་ཐམས་ཅད་ཀྱང་། འདི་ཉིད་དུ་ཕྱིན་ན་ལེགས་པར་འདུམ་པར་འགྱུར་རོ་ཞེས། ཕྱོགས་དང་ཕྱོགས་བྲལ་གྱི་འཛིན་མའི་དཀྱིལ་འཁོར་ཐམས་ཅད་ནས་བཀྲེས་པས་ཉེན་པ་བཟའ་བ་དོན་དུ་གཉེར་
བའི་ཕྱིར་རམ། སྐོམ་པ་ཉེན་པ་བཏུང་བ་དོན་དུ་གཉེར་བའི་ཕྱིར་ཇི་ལྟར་འོངས་པ་བཞིན་དུ་རིངས་པར་ལྷགས་ནས། སྐྱེ་དགུའི་བདག་པོ་གང་གི་སྒྲ་འཛིན་གྱི་དབང་པོ་ག་ལ་བར་ཇི་ལྟར་ནུས་པའི་ཚིག་གིས་གསོལ་བར་བྱེད་དོ། །ཇི་ལྟར་གསོལ་བ་དེ་དག་ཀྱང་གཟོད་མ་ནས་ཡོངས་སུ་དར་

213-1-257b

བའི་ཁྲིམས་ལུགས་བཟང་པོ་གང་དག་གི་འཇལ་བར་བྱེད་པའི་སྲང་ལ་བཅལ་ཏེ། མཐའ་དོན་བསླབ་པར་བྱ་བ་གང་དང་གང་བསྒོ་བ་ཐམས་ཅད་ཀྱང་། སྔོན་ཆད་མེད་པའི་གཙུག་གི་ནོར་བུའི་མཆོག་ཅིག་འདོད་ལྡན་གྱི་སྐྱེ་བོས་ཇི་ལྟར་ཐོབ་པ་དེ་ལྟར་དུ་ཡན་ལག་མཆོག་གིས་འདུད་པ་དང་
བཅས་ཏེ་གུས་པས་ལེན་ཅིང་། འགྲོ་བ་ཐམས་ཅད་ཀྱི་ཡིད་བདེ་བར་བྱེད་པའི་སྨན་བཞིན་དུ་ངོམས་པ་མེད་པར་རྟག་ཏུ་འཐུང་བར་བྱེད་དོ། །ཁྱད་པར་ལེགས་པར་བཤད་པ་རིན་པོ་ཆེའི་གཏེར་ལས། རྒྱལ་ངན་གཞན་གྱིས་གཙེས་པ་ན། །ལྷག་པར་ཆོས་རྒྱལ་དྲན་པར་འགྱུར། །
རིམས་ཀྱིས་བཏབ་པའི་སེམས་ཅན་འགའ། །གངས་ཆུ་འབའ་ཞིག་ཡིད་ལ་བྱེད། །ཅེས་པ་ལྟར་རྒྱལ་ཕྲན་དྲེགས་པ་རང་གི་འཁོར་ལ་ཡང་སྙིང་བརྩེ་བ་མེད་པ་རྣམས་ཀྱིས་གཙེས་པ་དང་། ཆད་པའི་ལས་ཀྱིས་ཕོག་པ་དང་། ཁྲི་མུན་དུ་བསྐྱུར་བ་དང་། བཅིངས་པ་ལས་ཐར་ཏེ་ 
བྱུང་བ་དང་། རང་གི་དགྲར་གྱུར་པས་བདས་པ་དང་། ལུས་དང་སྲོག་གི་ཕུང་པོ་ལ་གཏུགས་སུ་ཉེ་བའི་སྐྱེ་བོ་མགོན་མེད་པ་དང་སྐྱབས་མེད་པ། རི་དྭགས་སྨས་མ་བཞིན་དུ་འབྲོས་ཤིང་། སྐྲག་པའི་དབང་གིས་མིག་རྩ་རིག་རིག་ཏུ་གྱུར་པ་རྣམས་ཀྱང་། སྡོམ་བརྩོན་སྐྱེ་དགུའི་བདག་
པོ་གང་གི་སྙིང་རྗེ་རྣམ་པར་ཡངས་པའི་བྲག་རྫོང་བཙན་པོ་ག་ལ་བར་སྐྱབས་སུ་འཚོལ་ཞིང་། ཐར་པ་དམ་པའི་གྲོང་ཁྱེར་བཞིན་དུ་འཇུག་པར་བྱེད་དོ། །དེར་ཤུགས་རིང་དབུགས་ཀྱི་རྒྱུ་བ་རབ་ཏུ་བརྫངས་པས་རྗོད་བྱེད་ཀྱི་སྡེབ་སྦྱོར་ཤིན་ཏུ་འཁྲུགས་པར་གྱུར་པའི་ངོ་ཚ་དག་ནི་ཅི་ཡང་སྟོན་པར་
བྱེད། བ་སྤུ་སྣམ་པར་གཟིངས་པའི་ལག་པ་དེ་དག་ནི་ཐལ་མོ་སྦྱར་བ་འཆིང་བར་བྱེད་ཀྱིན་རིངས་པ་རིངས་པར་ལྷགས་ནས་འོངས་པ་དག་ལའང་ཐོག་མ་ཉིད་ནས་མ་འཇིགས་ཤིག་མ་འཇིགས་ཤིག་ཅེས་འཇམ་པའི་ངག་གི་དབུགས་དབྱུང་སྔོན་དུ་འགྲོ་བས། ནམ་ཞིག་ན་ལུས་དང་སྲོག་ནོངས་
པར་འགྱུར་བ་གང་ཡིན་པ་དེ་ལས་ཡོངས་སུ་སྐྱོབ་པར་བྱེད་དོ། །གཟུ་བོར་གནས་པ་མ་ཡིན་པའི་ཁྲིམས་སྲོལ་འཁྱོག་པོར་གྱུར་པ་རྣམས་ཀྱང་བདེན་རྫུན་རིག་པའི་ཐིག་གིས་བཏབ་སྟེ། ཆོས་ཀྱི་ཚུལ་དྲི་མ་མེད་པ་བཞིན་དུ་ཡང་དག་པར་འཆོས་པར་བྱེད་དོ། །སྡོམ་བརྩོན་ཆེན་པོ་རང་ཉིད་

213-1-258a

ནི་སྔོན་གྱི་སྡེ་དགེ་གོང་མར་གྱུར་བ་རྣམས་ཀྱི་མཐུ་དང་སྟོབས་དང་དཔུང་གི་ཚོགས་དང་། བྱམས་པའི་སེམས་ཀྱིས་ཡོངས་སུ་བསྲུངས་ཤིང་བརྟན་པར་བཞག་པའི་ཆབ་སྲིད་རྣམ་པར་ཡངས་པའི་དཀྱིལ་འཁོར་གང་ཡིན་པ་དང་། སྔོན་གྱི་བསོད་ནམས་ཀྱི་ནུས་པ་དམན་
པ་མིན་པའི་བགོ་སྐལ་དུ་ཇི་ལྟར་བྱུང་བ་ཙམ་གྱིས་ཆོག་ཤེས་བསྟན་ཏེ་གནས་སོ། །དེ་ལྟ་ནའང་གནམ་གྱིས་བསྐོས་པའི་རྒྱལ་པོ་ཤར་ཕྱོགས་གོང་མ་ཆེན་པོའི་བཀའ་ལུང་གི་བཀོད་པ་བཙན་པོ་སྔ་ཕྱི་མང་པོར་སྩལ་ཏེ། བོད་ཆེན་པོའི་ལྗོངས་ཀྱི་བདེ་སྐྱིད་ཐམས་ཅད་གང་ལ་ཤེས་སུ་བཅུག་
སྟེ། འགྲོ་ཁམས་སྤྱིའི་མེས་པོ་ཉིད་དུ་བསྐོས་སོ། །དེའི་དབང་གིས་སྔོན་གྱི་བསྐལ་པར་བྱུང་བའི་འཁོར་ལོས་སྒྱུར་པའི་རྒྱལ་པོ་རྣམས་ལྟར། ཡུལ་རིས་དང་སྐྱེ་བོ་མང་པོ་རང་དབང་དུ་འདུ་བར་གྱུར་བ་ཁོ་ན་ལས། གཞན་གྱི་མངའ་རིས་ལས་འཕྲོག་བཅད་ལ་སོགས་པ་ཆོས་མིན་གྱི་
བགྱི་བ་ནམ་ཡང་མི་མཛད་ཅིང་། དེར་མ་ཟད་ཧ་ཅང་སྟོབས་དང་མཐུ་ཆེ་བ་མ་ཡིན་པའི་མི་དཔོན་གཞན་གྱི་མགོ་འདོན་མཛད་པའང་རབ་ཏུ་མང་བར་ཡོད་པ་དང་། དགྲ་ཇག་གི་རྒྱུན་ལུགས་ཆེ་བའི་གནས་ནས། གཞན་གྱི་འདྲོན་པ་ལ་སོགས་པ་སྲོག་དང་ལོངས་སྤྱོད་ཀྱི་བར་དུ་གཅོད་པར་
འགྱུར་པའི་འཇིགས་པ་ལས་བསྐྱབས་པའི་སྐྱབས་དང་དཔུང་གཉེན་མཛད་པའང་བགྲང་གིས་མི་ལྡང་བ་ཉིད་དོ། །གཞན་ཡང་སྙིང་རྗེའི་བདག་ཉིད་ཅན་འདི་ནི་སློང་བའི་སྐྱེ་བོ་རྣམས་ཀྱི་དཔག་བསམ་གྱི་ལྗོན་པའི་མཆོག་ཏུ་གྱུར་ཏེ། དེའི་གྲགས་པའི་དྲི་བསུང་མངར་པོ་རིང་པོའི་ལམ་དུ་
སོང་བས། རྒྱ་གར་གྱི་ཡུལ་དང་། ནེེ་པ་ལའི་ཡུལ་དང་། ཀསྨི་རའི་ཡུལ་དང་། བོད་ཀྱི་ཡུལ་ལ་སོགས་པ་ཕྱོགས་གཞན་དང་གཞན་ནས་འོངས་པའི་མིའི་འགྲོ་བ་བཀྲེས་པ་དང་། ཕོངས་པ་དང་། ཉམ་ཐག་པ་དང་། འཁྱམས་པས་དུབ་པ་དང་། མགོན་མེད་པ་དང་། སྐྱབས་
མེད་པར་གྱུར་པ་རྣམས་ཀྱང་མེ་ཏོག་དང་པདྨའི་ཕྲེང་བས་རྣམ་པར་བརྒྱན་པའི་མཚོ་ལ་མ་བསྡུས་པར་ཡང་ངང་པའི་ཁྱུ་དག་རང་འདུ་བ་ལྟ་བུའམ། རི་དྭགས་སྐོམ་པ་ཆུ་ཀླུང་གི་ཆེད་དུ་བསྙགས་པ་ལྟར་ལྷགས་ནས་བག་ཚ་བ་མེད་པར་ཤིང་སྡོང་གོག་པོ་ལྟ་བུའི་ལུས་ཐམས་ཅད་ས་ལ་ཕབ་པའི་

213-1-258b

ཕྱག་འཚལ་བ་དང་ཆབ་ཅིག་པར། ལྷའི་རྒྱལ་པོ་རྒྱལ་བར་གྱུར་ཅིག །བླ་མ་ཆེན་པོ་རྒྱལ་བར་གྱུར་ཅིག །སློང་བའི་དཔག་བསམ་རྒྱལ་བར་གྱུར་ཅིག །འདོད་པའི་རེ་སྐོང་རྒྱལ་བར་གྱུར་ཅིག་ཅེས་པའི་ཤིས་པར་བརྗོད་པའི་ཚིག་གི་ཕྲེང་བ་འགའ་ཞིག་གིས་མདུན་བསུ་སྟེ། ངོ་ཚས་
ཉམས་པར་བྱས་པའི་གདོང་གིས་ས་ལ་བལྟ་བ་དང་བཅས་ཏེ་རང་ཉིད་གང་དང་གང་གིས་ཉེན་པར་གྱུར་པ་དེ་དང་དེའི་གཉེན་པོ་དག་རྟབས་ཤིང་རྟབས་པའི་ངག་གིས་སློང་བར་བྱེད་དོ། །དེ་སྐད་སྨྲ་བ་སྐྱེ་དགུའི་བདག་པོ་གང་གི་སྙན་གྱི་དབང་པོར་སིམ་པར་གྱུར་པའི་མོད་ལ་སྔར་འདྲིས་ཀྱི་གྲོགས་དང་
ཕྲད་པ་བཞིན་དུ་འཛུམ་པའི་མདངས་ཕྱུང་ཞིང་སྙིང་རྗེས་ཤིན་ཏུ་འཇམ་པར་བྱས་པའི་གསུང་གིས་དབུགས་དབྱུང་མང་པོ་སྔོན་དུ་འགྲོ་བས། ཇི་ཙམ་ན་སློང་བའི་སྐྱེ་བོ་གང་ལ་བཟའ་བའི་རྣམ་པའམ། བགོ་བའི་རྣམ་པའམ། དབྱིག་གི་རྣམ་པའམ། བཞོན་པའི་རྣམ་པ་གང་དགོས་པ་
དེ་དག་གིས་ཡོངས་སུ་ཚིམ་པར་བྱེད་པའི་སྒོ་ནས། བཀྲེས་པ་དང་ཕོངས་པ་ལ་སོགས་པས་ཉམ་ཉེས་པར་གྱུར་པའི་འཇིགས་པ་ཆེན་པོ་གང་དག་ལས་ཅི་བདེ་བར་ཡོངས་སུ་སྐྱོབ་པར་བྱེད་དོ། །གཞན་ཡང་བཤས་རར་ཆུད་པའི་སྲོག་ཆགས་ཀྱི་རིགས་སྤྱན་ལམ་དུ་བབ་པ་ཐམས་ཅད་ལ་
ཡང་མི་བཟོད་པའི་སྙིང་རྗེས་ཀུན་ནས་བསླངས་པའི་མཆི་མ་འཁྲུགས་བཞིན་པས་རིངས་པ་རིངས་པར་འདོད་ལྡན་གྱི་སྐྱེ་བོ་སྡིག་པའི་ལས་ལ་ཇི་མི་སྙམ་པའི་བདག་པོ་གང་ཡིན་པ་དེ་ལ་རིན་ཐང་ཚད་དུ་ལངས་པར་བཅལ་ཏེ། སྲོག་ཆགས་དེ་དག་གི་སྲོག་བསླུ་བར་མཛད་པ་ཁོ་ན་ཡང་
བགྲང་དུ་མེད་དོ། །འོན་ཏེ་རྒྱལ་པོའི་ཁབ་འདི་དང་གཞན་དུ་ཡང་རུང་སྟེ། རང་དང་གཞན་གྱི་ཕྱོགས་རིས་མཐའ་དག་ནས་ལྷགས་པའི་མགྲོན་འགྲིམ་གྱི་རིགས་མང་བ་དང་། རྟག་ཏུ་གཏོང་སྲོལ་ཆེ་བ་དང་། རྒྱལ་པོའི་ཀུན་སྤྱོད་ཀྱི་དབང་དུ་གྱུར་པས་བཟའ་ཤའི་ཆེད་དུ་དམིགས་པའི་
གནག་ལུག་གི་སྲོག་གཅོད་མང་དུ་འགྲོ་བ་ཡོད་པ་འདི་ནི་ཤིན་ཏུ་སྤང་དཀའ་བར་མཆིས་མོད། དེ་དག་གི་སྡིག་སྦྱོང་དུ་དགེ་སློང་བཅུ་གཅིག་གིས་བཅོམ་ལྡན་འདས་ཀུན་རིག་གི་ཆོ་ག་ཚར་རེ་ཉིན་རེ་ཞིང་འདོན་པ་འདི་ཉིད་ཡིན་ཞིང་། ལན་རེ་ཙ་ན་སྡེ་དགེ་བླ་མ་རང་གིས་བཞེས་ཤ་མཆོད་

213-1-259a

བའི་རུས་པ་དུམ་བུ་བསགས་པ་ལ་དགེ་འདུན་རྣམས་ཀྱིས་བྱང་ཆོག་བཏང་ནས་རུས་བུ་དེ་ལས་སཱཙྪ་བཏབ་པའི་ལོ་རྒྱུས་ཀྱང་ཐོས་སོ། །གཞན་ཡང་སློབ་དཔོན་མ་ཏི་ཙི་ཏས་རྒྱལ་པོ་ཀ་ནིཥྐ་ལ་གདམས་པ་ལས། འགྲོ་བ་དམན་པ་ལོག་ལྟུང་བ། །མགོན་མེད་
ཉེས་མེད་ཕལ་ཆེར་ནི། །རྩྭ་དང་ཆུ་དང་འབྲས་བུ་ནི། །ཕལ་པས་འཚོ་བ་སྒྲུབ་བགྱིད་པ། །བྱ་དང་རི་དྭགས་ཕྱུགས་དག་ལ། །རྒྱལ་པོས་གསོད་དམ་གསོད་འཇུག་པ། །ཅི་ག་རིགས་སམ་མི་རིགས་པ། །བདེ་ལ་གནས་པ་ཁྱོད་ཉིད་གསུངས། །ཁྱོད་ནི་ཆེན་པོར་མི་ཁྲོ་
ཞིང་། །གནོད་པ་བགྱིད་ལའང་བཟོད་ཅེས་གདའ། །ཁྱོད་ཀྱི་ཐུགས་རྗེ་དུད་འགྲོ་ལ། །ཀྱེ་མ་སུ་ཡིས་དགག་པར་བགྱིས། །གནོད་པ་བགྱིད་ལ་བཟོད་མཛད་ཅིང་། །གནོད་མི་བགྱིས་པ་འགུམས་མཛད་པ། །ཁྱོད་ལ་བརྩེ་དང་མི་བརྩེ་བའི། །རྒྱུ་མཐུན་པ་ནི་གཉིས་ཀ་གདའ། །
སྔོན་ཆད་བགྱིས་པའི་སུག་ལས་ཀྱིས། །འདི་ལྟར་འབེན་དུ་གྱུར་པ་ལ། །ཁྱོད་ཉིད་གནོད་པ་མཛད་ན་ཀོ། །སུ་ལ་སྐྱབས་སུ་མཆི་བ་གསུངས། །གཞན་གྱིས་གནོད་པ་བགྱིས་ན་ཡང་། །ཉིད་ཀྱི་ཕྱག་གིས་བཤུག་འཚལ་ན། །ཁྱོད་བཞེངས་མངོན་དུ་གནོད་མཛད་ན། །ཕྱོགས་
ཀུན་མུན་པར་མ་གྱུར་ཏམ། །ཀུན་ལ་སྲོག་ནི་ཕོངས་པ་སྟེ། །ཀུན་ལ་གསོན་པ་སྡུག་པ་ལགས། །ཐམས་ཅད་འཆི་བའི་ཆོས་ཅན་ཏེ། །ཐམས་ཅད་སྡུག་བསྔལ་རྣམས་ཀྱིས་གདུངས། །འདི་ལྟར་གང་ཞིག་མི་འཚལ་བ། །དེ་ཉིད་ཀྱིས་ནི་སྡུག་བསྔལ་ཏེ། །མཁས་པ་སུ་ཞིག་
མགར་བ་ལྟར། །ཚིག་པ་ལ་ནི་ཡང་སྲེག་བཞིན། །ཁྱོད་ནི་སྲོག་གཅོད་མི་དགྱེས་ཤིང་། །སྲོག་གཅོད་དགྱེས་ལས་ཕྱིར་ལོག་ན། །རྒྱལ་སྲིད་ཉམས་པར་འགྱུར་རམ་ཅི། །ལུགས་འདི་ཅི་ཞིག་ལགས་པ་གསུངས། །མཚོན་ཆའི་ཐབས་ལ་མཁས་ཁྱོད་ཀྱིས། །གཡུལ་
ངོར་སྲོལ་བཏོད་མཐོང་ལགས་ན། །གཞན་དུ་ཁྱོད་བརྟེན་རི་དྭགས་ལ། །ཅི་སླད་གནོད་པའི་ལས་རྣམས་མཛད། །རི་དྭགས་གཞོན་ནུའི་སྤྱན་མངའ་ཁྱོད། །སྤྱན་དང་འདྲ་བའི་རི་དྭགས་རྣམས། །རྟབས་ནས་རིག་རིག་ལྟ་བ་ལས། །ཅི་ཡི་སླད་དུ་ཐུགས་མི་རྗེ། །ཁྱོད་ཀྱི་སྤྱན་

213-1-259b

དང་མིག་འདྲའི་ཕྱིར། །ཁྱོད་ལ་དགའ་བ་གང་ལགས་དེ། །རི་དྭགས་ལ་ཡང་དགའ་བགྱིད་ན། །ཁྱོད་ནི་ཇི་ལྟར་དགྱེས་མི་མཛད། །ལོག་པར་ལྟུང་དང་སྤྱན་འདྲ་དང་། །མགོན་མེད་ཡུལ་ན་གནས་པ་ཉིད། །རེ་རེ་ཡང་ནི་རི་དྭགས་དག །མི་འགུམས་པ་ཡི་རྒྱུར་རུང་ངོ་། །མི་
རྣམས་ལ་ནི་མཛད་པ་བས། །སྡུག་བསྔལ་ལྷག་པར་བརྟགས་པ་ཡི། །དུད་འགྲོ་རྣམས་ལ་ཆེས་ལྷག་པར། །ཁྱོད་ཀྱི་ཐུགས་རྗེས་མཛད་དུ་གསོལ། །ཞེས་དང་། སྐྱེས་རབས་ལས་ཀྱང་། གལ་ཏེ་བདག་ནི་དགའ་བར་ཁྱོད་བཞེད་ན། །དཔལ་བོ་ཁྱོད་ཀྱི་རྔོན་པའི་ཕྲིན་
ལས་སྤངས། །དུད་འགྲོའི་རང་བཞིན་སེམས་ནི་གླན་པ་ཅན། རི་དྭགས་ཉོན་མོངས་རྣམས་ལ་སྙོང་རྗེ་མཛོད། །བདེ་ལ་གནས་དང་སྡུག་བསྔལ་བྲལ་འདོད་པ། །སེམས་ཅན་ཐམས་ཅད་མཚུངས་པར་ཐུགས་ལ་དགོངས། །དེ་བས་བདག་ཉིད་མི་འདོད་གང་ཡིན་པ། །དེ་དག་
གཞན་ལ་བགྱི་བར་མི་རིགས་སོ། །གྲགས་པ་མེད་ཅིང་དམ་པས་སྨད་པར་འགྱུར། །སྡུག་བསྔལ་སྡིག་ལས་བྱུང་བར་རིག་ནས་ནི། །དགྲ་བོའི་ཕྱོགས་བཞིན་སྡིག་པ་སྤོང་བར་མཛོད། །དེ་ནི་རང་བཞིན་ཡལ་བར་དོར་མི་རིགས། །ཞེས་གསུངས་པ་བཞིན་འདོད་ལྡན་གྱི་སྐྱེ་
བོ་སྡིག་པའི་བྲེ་ག་མ་གང་བ། དུག་དང་ཁྲག་གི་ཁུ་བས་ལག་པ་དང་མཚོན་ཆ་ལ་སྦགས་པ་སྡང་བའི་རྒྱུ་མེད་པར་རི་དྭགས་ལ་བསྣུན་པ། དོན་དུ་རང་གི་བསོད་ནམས་ཀྱི་སྙིང་ལ་འབིགས་པ། ངན་སོང་འབབ་པའི་རྐང་སྟེགས་འཆའ་བ། མཐོ་རིས་ཀྱི་སྟད་མོ་མཐོང་
བའི་ཐ་མར་གྱུར་པ། གཤིན་རྗེའི་སྐྱེས་བུ་བཞིན་དུ་སྲོག་ལེན་གྱི་ཆོ་ག་ལ་གོམས་པའི་རྔོན་པ་རྣམས་ལའང་རི་དྭགས་གསོད་དུ་མི་སྟེར་བའི་མངོན་རྒྱ་ལོ་གྲངས་ཀྱིས་ངེས་པར་བཅད་པའི་བཀའ་ཁྲིམས་ཀྱང་མང་དུ་འཆའ་བར་མཛད་དོ། །གཞན་ཡང་རང་དང་གཞན་གྱི་
བདེ་དགའ་དང་ལེགས་བྱས་ཀྱི་རྩ་བ་ཅིག་ཅར་དུ་འཇོམས་པའི་གཡུལ་གཤོམ་དང་དམག་འཁྲུག་གི་རིགས་རྣམས་ཀྱང་ཐབས་ཀྱིས་མགོ་གནོན་གང་ཐུབ་དང་ལེགས་འདུམ་དུ་ཅི་འགྲོ་གཙོ་བོར་མཛད་པ་ལས། དེ་ལས་ལྡོག་སྟེ་གཡུལ་གྱི་ལས་ལ་དགའ་བའི་དགའ་སྟོན་བཞིན་དུ་

213-1-260a

ཆེས་ཆེར་སྤྲོ་བའི་རྒྱལ་རིགས་ངན་པའི་ངང་ཚུལ་དག་ནི་ནམས་ཀྱང་མི་འཛིན་པ་ཆོས་ལྡན་བླ་མ་སྐྱེ་དགུའི་བདག་པོ་འདི་ཉིད་ཀྱི་རྣམ་པར་ཐར་པ་རྨད་དུ་བྱུང་བ་ཉིད་དོ། །དེས་ན་ཚུལ་འདི་དག་ལ་ལེགས་པར་བསམས་ན་སེམས་ཅན་རིས་སུ་མེད་པ་ལ་རང་རང་གི་བརྟེན་གནས་
སུ་གྱུར་བའམ། ཕ་མར་གྱུར་བའམ། སྤུན་ཟླར་གྱུར་པའམ། མཛའ་བཤེས་སུ་གྱུར་པ་གང་དང་གང་ཡིན་པ་རྣམས་ལས་སྡོམ་བརྩོན་ཆེན་པོ་འདི་ཉིད་དྲིན་དུ་ཆེ་བར་ཁུམས་སོ། །གཉིས་པ་ནི། སྤྱིར་ཐེག་པ་ཆེན་པོའི་རིགས་སུ་སྐྱེས་པའི་བློ་ལྡན་རྒྱལ་བའི་མྱུ་གུ་དམ་པར་
གྱུར་པ། རྟག་ཏུ་སེམས་ཅན་ཐམས་ཅད་ལ་ཕན་པའི་ཕྱིར་ལམ་ཡང་དག་པ་ལ་ཞུགས་པ་རྣམས་ཀྱིས་དོན་དུ་གཉེར་བྱའི་འབྲས་བུ་ཅི་ཞིག་ཡིན་སྙམ་ན། མགོན་པོ་བྱམས་པས། བདག་སྲེད་མ་ལུས་ཤེས་རབ་ཀྱིས་བསལ་ཏེ། །སེམས་ཅན་སྲེད་ཕྱིར་བརྩེར་ལྡན་ཞི་ཐོབ་མིན། །དེ་
ལྟར་བློ་བརྩེ་བྱང་ཆུབ་ཐབས་བརྟན་པས། །འཕགས་པ་འཁོར་བའམ་མྱ་ངན་འདའ་མི་འགྱུར། །ཞེས་གསུངས་པས། ཤེས་རབ་ཆེན་པོས་འཁོར་བའི་མཐའ་ལ་མི་གནས་པར། ཁམས་གསུམ་གྱི་སྡུག་བསྔལ་ལས་འདས་ཤིང་སྙིང་རྗེ་ཆེན་པོས་མྱ་ངན་ལས་འདས་པའི་མཐའ་ལ་མི་
གནས་པར། འཁོར་པ་སྲིད་དུ་སེམས་ཅན་གྱི་དོན་འབད་མེད་ལྷུན་གྲུབ་ཏུ་འབྱུང་བའི་མི་གནས་མྱ་ངན་ལས་འདས་པའི་གོ་འཕང་དེ་ཉིད་ནི་བློ་དང་ལྡན་པ་རྣམས་ཀྱིས་དོན་དུ་གཉེར་བར་བྱ་བའི་སྙིང་པོ་ཡིན་ནོ། །དེ་ཡང་རང་དགའ་ཙམ་གྱིས་ཟབ་པར་འགྱུར་བ་མ་ཡིན་གྱི། ཐེག་པ་ཆེན་
པོའི་ལམ་ཚང་ལ་མ་ནོར་བ་ཞིག་ལ་ཚུལ་བཞིན་དུ་བསླབས་ནས། དེ་ཉིད་མཐར་ཕྱིན་པར་གྱུར་པ་ལས་འབྱུང་དགོས་པའི་ཕྱིར་རོ། །དེ་ལྟ་བུའི་ཐེག་པ་ཆེན་པོའི་ལམ་ཐམས་ཅད་ཀྱི་རྩ་བ་ནི་སྙིང་རྗེ་ཡིན་ཏེ། ཆོས་ཡང་དག་པར་སྡུད་པའི་མདོ་ལས། སྤྱན་རས་གཟིགས་ཀྱིས་གསོལ་བ།
བཅོམ་ལྡན་འདས་སངས་རྒྱས་ཐོབ་པར་འདོད་པས་ཆོས་མང་པོ་ལ་བསླབ་པར་མི་བགྱིའི་ཆོས་གཅིག་ལ་བསླབ་པར་བགྱིའོ། །དེ་གང་ཞེ་ན། སྙིང་རྗེ་ཆེན་པོའོ། །བཅོམ་ལྡན་འདས་འདི་ལྟ་སྟེ། འཁོར་ལོས་སྒྱུར་བའི་རྒྱལ་པོའི་འཁོར་ལོ་རིན་པོ་ཆེ་གང་དུ་མཆིས་པ་དེར་དཔུང་གི་ཚོགས་

213-1-260b

ཐམས་ཅད་མཆིའོ། །བཅོམ་ལྡན་འདས་དེ་བཞིན་དུ་བྱང་ཆུབ་སེམས་དཔའ་སྙིང་རྗེ་ཆེན་པོ་གང་དུ་མཆིས་པ་དེར་སངས་རྒྱས་ཀྱི་ཆོས་ཐམས་ཅད་མཆི་བ་ལགས་སོ་ཞེས་དང་། ཡང་བྱང་ཆུབ་སེམས་དཔའ་ཆོས་ཤིན་ཏུ་མང་པོ་ལ་བསླབ་པར་མི་བགྱིའོ། །བཅོམ་ལྡན་འདས་བྱང་
ཆུབ་སེམས་དཔའ་ཆོས་གཅིག་བཟུང་ཞིང་རབ་ཏུ་རྟོགས་པར་བགྱིས་ན་སངས་རྒྱས་ཀྱི་ཆོས་ཐམས་ཅད་ལག་མཐིལ་དུ་མཆིས་པ་ལགས་སོ། །ཆོས་གཅིག་པོ་གང་ཞེ་ན་འདི་ལྟ་སྟེ། སྙིང་རྗེ་ཆེན་པོའོ་ཞེས་དང་། མགོན་པོ་བྱམས་པས་མདོ་སྡེ་རྒྱན་ལས། དང་པོ་རྩ་བ་ཐ་མ་འབྲས་
མཆོག་ལྡན། །འདི་ནི་སྙིང་རྗེའི་ལྗོན་ཤིང་ཆེན་པོ་ཡིན། །རྩ་བ་སྙིང་རྗེ་མེད་གྱུར་ན། །དཀའ་སྤྱད་བཟོད་པ་ཉིད་མི་འགྱུར། །ཞེས་དང་། སྙིང་རྗེ་ཆེན་པོ་ཡོན་ཏན་འབྱུང་གནས་ཀྱིས། །སེམས་ཅན་རྣམས་ལ་སྙིང་རྗེ་སུ་མི་བྱེད། །འདི་ལྟར་འདི་དག་ལ་ནི་སྡུག་བསྔལ་
ཡང་། །བརྩེས་བསྐྱེད་བདེ་བ་གཞལ་དུ་མེད་པ་འབྱུང་། །ཞེས་གསུངས་སོ། །དེ་ལྟ་བུའི་སྙིང་རྗེ་ཆེན་པོ་ཡོན་ཏན་ཐམས་ཅད་ཀྱི་འབྱུང་གནས་སུ་གྱུར་བ་དེ་ཉིད་རྒྱུད་ལ་བསྐྱེད་པ་ལ་ཡང་། ཐེག་མར་བྱམས་པའི་ཏིང་ངེ་འཛིན་ལ་ནན་ཏན་བྱ་དགོས་ཏེ། སྙིང་རྗེ་ནི་བྱམས་པའི་
རྩ་བ་ཅན་ཡིན་པའི་ཕྱིར་རོ། །དེ་སྐད་དུ་ཡང་། མདོ་སྡེ་རྒྱན་ལས། སྙིང་རྗེའི་ཆུ་བ་བྱམས་པས་ཏེ། །ཞེས་སོ། །དེ་བསྒོམས་པའི་ཕན་ཡོན་ནི། ཟླ་བ་སྒྲོན་མའི་མདོ་ལས། བྱེ་བ་ཁྲག་ཁྲིག་གཏམས་པའི་ཞིང་དག་ན། །མཆོད་པའི་རྣམ་པ་དཔག་མེད་ཇི་སྙེད་པས། །སྐྱེས་
མཆོད་རྣམས་ལ་ཉིན་རེ་རྟག་མཆོད་པས། །བྱམས་པའི་སེམས་ལ་གྲངས་དང་ཆར་མི་ཕོད། །ཅེས་དང་། བུ་མོ་བློ་གྲོས་བཟང་མོས་ཞུས་པ་ལས། ཆོས་བཞི་དང་ལྡན་ན་མཛེས་པར་འགྱུར་རོ། །དགྲ་བོ་ལ་ཡང་མི་ཁྲོ་བ་དང་། བྱམས་པ་ལ་གནས་པ་དང་། ཆོས་འདོད་པ་དང་། 
དེ་བཞིན་གཤེགས་པའི་སྐུ་གཟུགས་བྱེད་དུ་འཇུག་པའོ་ཞེས་གསུངས་པས་བྱམས་པའི་སྦྱིན་པ་བྱིན་པ་ལས་བསོད་ནམས་དཔག་ཏུ་མེད་པ་འཐོབ་སྟེ། དེའི་རྒྱུ་མཚན་ཡང་སྤྱོད་འཇུག་ལས། དེ་དག་དགའ་ནས་ཐུབ་པ་ཀུན་དགེས་ཤིང་། །དེ་ལ་གནོད་བྱས་ཐུབ་ལ་གནོད་པ་བྱས། །

213-1-261a

ཞེས་དང་། འགྲོ་བ་འདི་ཀུན་ཐུགས་རྗེའི་བདག་ཅན་དེས། །བདག་ཏུ་མཛད་པ་འདི་ལ་ཐེ་ཚོམ་མེད། །སེམས་ཅན་ངོ་བོར་མཐོང་བ་འདི་དག་ཉིད། །མགོན་དེའི་བདག་གཉིད་ཅི་ཕྱིར་གུས་མི་བྱེད། །ཅེས་གསུངས་པས་སེམས་ཅན་ལ་གནོད་པ་བྱས་པ་ན། སངས་
རྒྱས་ལ་གནོད་པ་བྱས་པར་འགྱུར་བ་དང་། སེམས་ཅན་རྣམས་ནི་སངས་རྒྱས་ཀྱིས་བདག་གིར་མཛད་པ་དང་། སེམས་ཅན་རྣམས་ནི་རང་བཞིན་གྱིས་སངས་རྒྱས་ཀྱི་སྙིང་པོ་ཅན་ཡིན་པའི་ཕྱིར་རོ། །དེའི་ངོ་བོ་ཇི་ལྟ་བུ་ཞེ་ན། མཐའ་མེད་པའི་སེམས་ཅན་ཐམས་ཅད་བདེ་བ་དང་བདེ་
བའི་རྒྱུ་དང་ལྡན་པར་འདོད་པའི་དམིགས་རྣམ་ཅན་གང་ཡིན་པའོ། །དེ་ལྟར་ཡང་སློབ་དཔོན་ཟླ་བས། འགྲོ་ལ་ཕན་པ་ཉེར་བསྒྲུབ་པ། །བྱམས་པ་ཆེན་པོ་ཞེས་བྱར་བརྗོད། །ཅེས་དང་། རྩེ་མོ་ལས། སྙན་ཅིང་བདེན་པར་སྨྲ་བ་ཡིས། །ཞེ་སྡང་འཇོམས་བྱེད་བྱམས་པ་
བསྒོམ། །ཞེས་པ་སྟེ། དེ་ལ་དབྱེ་ན་གང་ཟག་གི་རིམ་པ་གསུམ་དུ་འགྱུར་ཏེ། སེམས་ཅན་ལ་དམིགས་པ་དང་། ཆོས་ལ་དམིགས་པ་དང་། དམིགས་པ་མེད་པ་ལ་དམིགས་པའོ། །དེ་སྐད་དུ་ཡང་བྱང་ཆུབ་སེམས་དཔའི་སྡེ་སྣོད་ལས། བྱང་ཆུབ་སེམས་དཔའ་སེམས་དང་པོ་
བསྐྱེད་པ་རྣམས་ཀྱི་བྱམས་པ་ནི་སེམས་ཅན་ལ་དམིགས་པའོ། །སྤྱོད་པ་ལ་ཞུགས་པ་རྣམས་ཀྱི་ནི་ཆོས་ལ་དམིགས་པའོ། །བཟོད་པ་ཐོབ་པ་རྣམས་ཀྱི་ནི་དམིགས་པ་མེད་པའོ་ཞེས་སོ། །དེ་ལྟ་བུའི་དབྱེ་བ་དེ་དང་ལྡན་པའི་བྱམས་པ་དེ་ནི་ཐེག་པ་ཆེན་པོའི་ལམ་ཐམས་ཅད་ཀྱི་རྩ་བར་གྱུར་པ་
སྟེ། དེ་ཉིད་ཀྱི་སྦྱིན་པ་བྱིན་པ་ལ་བརྟེན་ནས་སེམས་ཅན་ལ་ཕན་འདོགས་བསྒྲུབས་པའི་ཚུལ་ནི། བླ་མ་ཆེན་པོ་འདི་ཉིད་རང་གི་མངའ་འོག་ཏུ་གཏོགས་པས་མཚོན་ཏེ། ས་ཆེན་པོ་ལ་འཁོད་པའི་སྐྱེ་བོ་མ་ལུས་པ་མཐོང་བའི་ཆོས་འདིར་མཐོ་རིས་ཀྱི་ཡོན་ཏན་བདུན་དང་ལྡན་པའི་
བདེ་བ་ཕུན་སུམ་ཚོགས་པ་དང་ལྡན་ཞིང་། སླད་མ་རྣམས་སུ་ཡང་བདེ་ལེགས་ཐམས་ཅད་ཀྱི་རྒྱུར་གྱུར་པའི་དགེ་བ་དང་ལྡན་པར་འདོད་པའི་མཉེས་གཤིན་བྱམས་པའི་སེམས་ཀྱིས་ཡོངས་སུ་བསྲུང་བ་ལ་སུས་ཀྱང་བརྫི་བ་མི་མངའ་བ་ནི། རྒྱལ་པོ་བྱམས་པའི་སྟོབས་ཀྱི་སྐྱེས་རབས་སུ། །

213-1-261b

དེའི་དཔུང་བྱམས་པ་རུ་མཚོན་ཁྲོ་བོའི་དཔུང་ནི་ཆོ་ག་ཙམ། །དེ་ནི་མི་ཁྲོ་ཚིག་རྩུབ་མི་སྨྲས་ཡང་ལེགས་པར་བསྲུངས། །དེ་ཡི་བཀའ་ཁྲིམས་ཆོས་ཡིན་རྒྱུ་མེད་ནོར་ཡང་དམ་པ་མཆོད། །དེ་ལྟར་རྨད་དུ་བྱུང་ཡང་ངན་པའི་ཆོས་ཉིད་དྲེགས་པ་མེད། །ཅེས་དང་། སྐྱེ་དགུ་རྣམས་ནི་བདེ་དང་
སྡུག་བསྔལ་གང་། །རྒྱལ་པོ་དེ་ཡང་དེ་དག་དེ་བཞིན་འགྱུར། །དེ་བས་དེ་ནི་སྐྱེ་དགུ་བསྲུང་ལ་མཁས། །མཚོན་ཆ་རྣམས་དང་གཙུག་ལག་རྣམས་ལ་གོམས། །མི་ཡི་བདག་པོའི་བཀའ་ཁྲིམས་སྤྱི་བོས་མནོས། །དེ་ཡི་མཚོན་ཆ་རྒྱན་དང་འདྲ་བར་གྱུར། །འཇིག་རྟེན་ཕན་འབྱུང་
བསྟན་བཅོས་ཚུལ་རྣམས་ཀྱིས། །གཙུག་ལག་དག་ཀྱང་རྣམ་པར་གསལ་བར་སྣང་། །ཚར་གཅད་པ་དང་ཕན་གདགས་བྱས་པ་ལ། །ཆོས་དང་འགལ་བ་དེ་ནི་ཡོངས་མི་བྱེད། །ཚུལ་ལ་མཁས་ཤིང་གཞན་ལ་ཕན་པར་སེམས། །སྐྱེ་དགུ་རྣམས་ལ་རྟོག་མཁས་པ་དང་འདྲ། །ཞེས་འབྱུང་
བ་བཞིན་དུ། འདིར་བྱམས་ལྡན་དམ་པ་གང་གི་མཉེས་གཤིན་བྱམས་པའི་ཐུགས་ཀྱི་སྲུང་བས་ལེགས་པར་བསྲུངས་པའི་འཛིན་མའི་དཀྱིལ་འཁོར་རྣམ་པར་ཡངས་པའི་ཁོངས་སུ། ཆབ་འབངས་ཀྱི་འགྲོ་བ་ཀུན་ཀྱང་འཇིགས་པ་དང་བག་ཚབ་མེད་པར་ཅི་བདེར་གནས་པར་བྱེད། རང་
རང་གི་སྐྱེ་བ་སྔོན་མའི་ལས་ཀྱི་བདག་པོས་ལེགས་པར་སྩལ་བའི་བགོ་སྐལ་གང་དང་གང་ཡིན་པ་དེ་ལ་ལོངས་སུ་སྤྱོད་པར་བྱེད་དོ། །མིའི་བདག་པོ་གང་གི་ཐུགས་བརྩེ་དང་བྱམས་པའི་སྒོ་མོ་བྱེ་བ་བརྒྱ་སྟོང་ཕྲག་མང་པོ་དག་ནི་ཕྱེ་སྟེ། དེ་ལས་བྱུང་བའི་ཕན་འདོགས་ཀྱི་རིགས་རྣམ་པ་སྣ་ཚོགས་པ་
དག་འགྲོ་བ་རང་རང་གི་སྐལ་པ་དང་མཉམ་པར་ལེགས་པར་འགྱེད་པར་མཛད་དོ། །དེ་དག་ཀྱང་བག་ཚབ་མེད་པར་དཔེར་ན་བདག་པོ་རང་གིས་སྔོན་ཆད་བཅོལ་བའི་ནོར་ལ་ཇི་ལྟར་བྱ་བ་དེ་བཞིན་དུ་ལེན་པར་བྱེད་དོ། །སྐྱེ་དགུའི་བདག་པོ་དེ་ཡིས་ཇི་ལྟར་བསྒོས་པའི་བཀའ་ལུང་གི་བྱ་བའི་ཁུར་
ལྕི་བ་དང་ཡང་བ་གང་ཡིན་པ་དེ་ནི་སྐྱེ་བོའི་ཚོགས་དེ་དག་གིས་རྒྱན་གྱི་དམ་པ་བཞིན་དུ་སྤྱི་བོས་བཏུད་ཅིང་གུས་པར་ལེན་པར་བྱེད་དོ། །བྱམས་པའི་སེམས་ཀྱིས་ཀུན་ནས་སྦགས་པའི་ཞལ་བཟང་འཛུམ་པའི་བདུད་རྩི་མང་པོ་ཡང་རྟག་ཏུ་འཐུང་བར་བྱེད་དོ། །ཚིག་རྩུབ་ཀྱི་ཚེར་མ་མེད་

213-1-262a

པའི་འཛུམ་སྒྲོས་པདྨ་དམར་པོའི་འདབ་མ་ཁ་བྱེ་བ་ལས་བྱུང་བའི་གསུང་འཇམ་གྱི་སྦྲང་རྩི་མངར་པོ་ནི་ཅི་ཡང་འཇིབ་པར་བྱེད་དོ། །ཆབ་འབངས་ཀྱི་འགྲོ་བ་དེ་ཐམས་ཅད་ཀྱང་བདེ་བ་དང་སྡུག་བསྔལ་བའི་གནས་སྐབས་ཀྱི་རྣམ་པ་ཅི་འདྲར་གྱུར་ཀྱང་མིའི་བདག་པོའི་
མཁྱེན་པའི་མིག་དཀྱུས་ཡངས་པ་དང་དྲི་མ་མེད་པ་ཉིད་དུ་སྤྲོས་ཏེ་ཡང་དང་ཡང་དུ་གཟིགས་པར་བྱེད་དོ། །དེ་ལྟ་བུའི་བྱམས་པའི་གོ་ཆ་བཟང་པོས་ལེགས་པར་བསྲུངས་པའི་ས་ཕྱོགས་གང་དུ་དགྲའི་འཇིགས་པ་དང་ཕ་རོལ་གྱི་དམག་ཚོགས་ཀྱི་འཇིགས་པ་དག་གིས་གླགས་རྙེད་པའི་
སྐབས་ཅི་ཞིག །འོན་ཀྱང་ལེགས་པར་བཤད་པ་རིན་པོ་ཆེའི་གཏེར་ལས། རྒྱུ་འབྲས་བསླུ་བ་མེད་པ་འདི། །ཐམས་ཅད་མཁྱེན་པའི་ཁྱད་ཆོས་ཡིན། །ཞེས་དང་། རྒྱལ་པོ་ལ་གདམས་པ་ལས། སྐྱེས་བུ་དེ་ནི་གང་དང་གང་འགྲོ་ཡང་། །ལས་ནི་གྲིབ་མ་བཞིན་དུ་རྗེས་སུ་འབྲང་། །
ཞེས་གསུངས་པ་ལྟར་སེམས་ཅན་གྱི་ཁམས་རྣམས་སུ་རང་རང་གི་སྔོན་བསགས་ལས་ཀྱི་འབྲས་བུ་རྣམ་པར་སྨིན་པས་འབྱོར་བ་དང་རྒུད་པ་དང་བཀྲེས་སྐོམ་གྱི་རྣམ་པ་སྣ་ཚོགས་པ་ཞིག་འབྱུང་བ་འདི་ནི་བཟློག་ཏུ་མ་མཆིས་པ་ཉིད་དེ། དེའང་འདི་ལྟར། སྔོན་གྱི་སྦྱིན་པའི་སྟོབས་ལས་སྐྱེས་པའི་སྐྱེ་
བོ་འགའ་ཞིག་ནི། བདོག་པའི་རྫས་ཀྱི་འབྱོར་བ་རྒྱ་ཆེ་ཞིང་ཟད་མི་ཤེས་པ་མཆོད་པ་དང་སྦྱིན་པ་ལ་སོགས་པའི་ཆེད་དུ་ཇི་ཙམ་ཟད་པར་བྱས་པ་དེ་ཙམ་དུ་གང་བར་འགྱུར་བ། རིན་ཆེན་འབྱུང་གནས་ཆེན་པོའི་ཆུ་ལྟ་བུ་ལ་ལོངས་སུ་སྤྱོད་པ་དག་ཡོད་དོ། །ཕལ་ཆེར་ནི་འབྱོར་པའི་ཚོགས་སྦོམ་ཞིང་ 
རྒྱུན་རིང་བ། དུས་དུས་སུ་འཕེལ་འགྲིབ་གྱི་རྣམ་པ་ཅུང་ཟད་སྟོན་ཀྱང་ཡོངས་སུ་ཟད་པར་བྱར་མེད་ཅིང་རྟག་ཏུ་འབྱུང་བ་ཆུ་ཀླུང་ཆེན་པོའི་རྒྱུན་ལྟ་བུ་ལ་སྤྱོད་པའང་ཡོད་དོ། །ཁ་ཅིག་ནི་ཇི་ལྟར་འབྱོར་བར་གྱུར་པ་ཡོངས་སུ་བཟུང་པ་ལ་མཁས་ཀྱང་གཏོང་བ་ལ་མི་མཁས་པ། ཡུན་ཇི་སྲིད་ཅིག་ནས་
དགོས་པའི་ཆེད་དུ་ཡང་སྤྱོད་པར་བྱར་མེད་པས་ཡོངས་སུ་གཏུགས་པར་འགྱུར་བ་རྫིང་བུའི་ཆུ་ལྟ་བུ་སྤྱོད་པའང་ཡོད་དོ། །གཞན་པ་ཕལ་ཆེར་ནི་བསགས་པའི་རྫས་ཀྱི་རྒྱུན་མང་པོ་དང་ལྡན་པ་ཡང་མ་ཡིན་ལ། ཤིན་ཏུ་འགྲིབ་པར་འགྱུར་བ་ཡང་མིན་པ། ཇི་ལྟར་དགོས་པའི་དུས་ཉིད་

213-1-262b

ནའང་རྩོལ་བ་ཆུང་ངུས་འབྱུང་བ། ཆུ་མིག་རྟག་ཏུ་འབབ་པའི་ཆུ་ལྟ་བུ་ལ་སྤྱོད་པ་དག་ཀྱང་ཡོད་དོ། །འགའ་ཞིག་ནི་བདོག་པའི་རྫས་གཙང་བ་དང་མི་གཙང་བ་ཇི་སྙེད་ཅིག་ཉུང་ངུ་ཉུང་ངུ་ནས་ཤིན་ཏུ་འབད་པས་བསགས་ཀྱང་མང་པོ་ཉིད་དུ་འཕེལ་བ་མི་སྲིད་ལ། ཉུང་ཟད་གང་བ་ལྟར་སྣང་
ཡང་ཡོངས་སུ་རྫོགས་པ་ཉིད་རང་དབང་དུ་སྤྱོད་པའི་སྐབས་མེད་པར། གཞན་རྐྱེན་ཕྲ་མོ་རེས་འཁྱག་པའམ་སྐོམ་པར་འགྱུར་བ་རྨིག་རྗེས་ཀྱི་ཆུ་ལྟ་བུ་ལ་སྤྱོད་པའང་ཡོད་དོ། །འགའ་ཞིག་ནི་ཕན་པའི་ཐབས་ཀྱི་ཁྱད་པར་མང་པོས་ལན་འགར་བསྐྱངས་ནའང་། བདག་ཏུ་བཟུང་བའི་ལོ་
བྱད་རྣམས་ནི་དེའི་ཉེས་པ་དྲན་པ་བཞིན་དུ་སྤངས་ཏེ་སྡིག་མེད་ཀྱི་ལོངས་སྤྱོད་དག་ནི་ཡང་དང་ཡང་དུ་ཡིད་སྨོན་བྱེད་ཅིང་བསྒུགས་ནས་དེ་ཉིད་ནམ་བྱུང་བ་ན་ལེན་པ་ཙམ་གྱིས་མི་ཚེ་ཕྱིད་པར་བྱེད་པ་ཆར་སྡོང་ཀྱི་བྱིའུའི་སྤྱོད་པ་དག་ཀྱང་ཡོད་དོ། །དེ་ལྟ་བུའི་མངའ་རིས་རྣམས་ལ་ནི།
སྤྱིར་མིའི་བདག་པོ་འདིས་ཕན་པའི་སེམས་དང་རྗེས་སུ་འབྲེལ་བའི་བགྱི་བ་རྨད་དུ་བྱུང་བས། གནའི་ལུགས་སྲོལ་དུ་དར་བའི་བགྱི་བ་ཐམས་ཅད་གཙོ་བོར་བཟུང་ནས། དགོས་པའི་དཔྱ་འབུལ་རྣམས་ཀྱང་དུས་དང་གནས་སྐབས་ཀྱི་ཁྱད་པར་ལ་མངོན་པར་དཔགས་པའི་སྒོ་ནས་བསྡུ་ཞིང་
མངའ་རིས་ཐམས་ཅད་ཡུན་རིང་དུ་གནས་པའི་བྱ་བ་ཁོ་ན་ལྷུར་ལེན་པར་མཛད་དེ། དཔེར་ན་སྦྲང་རྩི་ལེན་པ་ལ་མཁས་པ་བཞིན་ནོ། །དེའང་ཇི་ལྟར་ཞེ་ན། སྦྲང་རྩི་ལེན་པ་ལ་མཁས་པ་དག་ནི། ནམ་ཞིག་དུས་ལ་བབ་པ་ན་སྦྲང་བུ་འཚོ་བའི་གསོས་སུའང་འཇོག་ཅིང་རང་གི་དགོས་པ་ཉིད་ཀྱང་
ལེན་པར་བྱེད་ཀྱི། སྦྲང་རྩི་འཛིན་པ་ཉིད་ཀྱང་ཡུན་རིང་དུ་གནས་པར་མི་འགྱུར་བའི་ལས་གང་ཡིན་པ་དེ་ནི་ནམ་ཡང་རྩོམ་པར་མི་བྱེད་པ་དེ་བཞིན་དུ། སྡོམ་བརྩོན་མིའི་བདག་པོ་འདིས་ཀྱང་མངའ་རིས་ལ་ལོངས་སུ་སྤྱོད་པའི་ཚེ། ལན་ཅིག་མ་ཡིན་པར་རྟག་ཏུ་སྤྱད་པར་བགྱིར་རུང་བའི་
ལས་ཁོ་ན་རྩོམ་པ་གཙོ་བོར་མཛད་ཅིང་། དུས་གཅིག་ཉིད་དུ་རྩ་བ་ནས་འབྱིན་པར་འགྱུར་བའི་ལས་རྣམས་ནི་རྣམ་པ་ཐམས་ཅད་དུ་བགྱིད་པ་མ་ལགས་ཤིང་། ཁྱད་པར་ཉེ་བར་སྤྱད་པའི་ལོངས་སྤྱོད་ཀྱི་སྐལ་བ་རྨིག་རྗེས་ཀྱི་ཆུ་དང་བྱེའུའི་བཏུང་བ་ལྟ་བུ་ལ་སྤྱོད་པའི་རིགས་ཅན། གནའ་

213-1-263a

ནས་དར་པའི་ཤོ་གམ་ཙམ་ཡང་སྟོབ་པར་མི་ནུས་པ་དང་། ཅུང་ཟད་སྟོབ་པར་ནུས་ཀྱང་ཕྱི་ནས་ལག་པ་དག་ནི་དཎྜ་དང་ཡོལ་གོས་བྲེལ་བའི་སྐལ་བ་ཅན་དུ་འགྱུར་བ་རྣམས་ལ་ནི། བདོག་པ་ངན་ངོན་གང་རུང་རེས་ཀྱང་འཚོབ་པར་བྱེད་པ་དང་། དེའང་མེད་ན་དཀོན་མཆོག་གསུམ་གྱི་
རྟེན་ལ་ཕྱག་འཚལ་བའམ། བསྐོར་བ་བྱེད་པའམ། ཐུགས་རྗེ་ཆེན་པོའི་ཡི་གེ་དྲུག་པའི་བཟླས་བརྗོད་ཙམ་གྱིས་འཚོབ་པར་བྱེད་ཅིང་། སླར་ཡང་རང་རང་གི་གནས་སུ་བཀོད་པའམ་ཁོལ་པོར་བཀོལ་བའི་བྱ་བ་གང་རུང་དག་ལ་འགོད་པར་མཛད་དོ། །དེ་ལས་གཞན་པ་ཚུལ་བཞིན་མ་ཡིན་པའི་ལས་ལ་
རྟག་ཏུ་གོམས་པ། བྱེད་པ་རྒྱུ་མཐུན་གྱི་བག་ཆགས་པ་སད་པ་དང་། སྙིགས་མ་ལྔའི་མྱོས་བྱེད་ཀྱི་བཏུང་བས་མངོན་པར་ཁོངས་པའི་སྐྱེ་བོ་མི་སྲུན་པའི་རིགས་ཅན། གཞན་གྱི་འཚོ་བ་འཕྲོག་པ་དང་། མ་བྱིན་པར་ལེན་པ་དང་། འདོད་པས་ལོག་པར་གཡེམས་པ་ལ་སོགས་པ་མི་དགེ་བའི་ལས་
ལ་དགའ་བའི་ཚལ་བཞིན་དུ་ཞུགས་པ་རྣམས་ཀྱང་། གནས་སྐབས་སུ་ཉེས་པ་གང་དང་གང་ཡིན་པ་དེ་གསལ་བར་བསྒྲགས་ཏེ། སྤྱོ་བ་དང་། བསྡིགས་པ་དང་། ལོངས་སྤྱོད་ཀྱི་ཆ་ལས་ཕྲི་བ་ལ་སོགས་པའི་ཐབས་ཀྱི་རྣམ་པ་མང་པོ་དག་གིས་སྐྱོབ་སྐྱེད་པ་དང་། ཇི་སྲིད་ཅིག་ནས་སྐྱོབ་སྐྱེས་པར་
གྱུར་པ་ན། གོས་རྙིང་པའི་དྲི་མ་བཀྲུས་ནས་དག་པར་གྱུར་པ་ན་རང་གིས་ཡོངས་སུ་སྤྱད་པ་དེ་ཇི་ལྟ་བ་བཞིན་དུ། སྤྱོད་པ་ངན་པ་དེ་ལས་བཟློག་ནས་རྣལ་དུ་གནས་པར་གྱུར་བ་དང་ཕན་འདོགས་ཀྱི་རྣམ་པ་གང་ཡང་རུང་བ་དག་གིས་སེམས་མགུ་བར་བྱེད་དོ། །ཡང་ཇི་སྐད་དུ། ཆུ་ནི་ཇི་ལྟར་བཟློག་
གྱུར་ཀྱང་། །ཐུར་དུ་འབབ་པ་ཁོ་ནར་འདོད། །ཅེས་པ་ལྟར་རང་བཞིན་ངན་པའི་མཐའ་རུ་ལྷུང་བའི་སྐྱེ་བོ་མི་དགེ་བའི་ལས་ལས་ཇི་ལྟར་བཟློག་ཀྱང་འཆོས་སུ་མ་བཏུབ་པ་རྣམས་ཀྱང་། རེ་ཞིག་ཡུལ་གཞན་དུ་སྤྱུགས་ནས་འབྲེལ་ཐག་གཅོད་པ་ཙམ་མཛད་ཀྱི་དྲི་མ་དང་ལྡན་པའི་གོས་རྙིངས་པ་མེ་ལ་
སྦྱངས་པ་བཞིན་དུ། རྒྱལ་རིགས་བློ་ངན་རྣམས་ལ་ཡོངས་སུ་དར་བའི་ཁྲིམས་ལུགས་ངན་པ་དུག་གི་སྡོང་པོ་ལྟ་བུ་དེ་བཟུང་ནས་སྲོག་གི་དབང་པོ་བཀུམས་པ་ལ་སོགས་པའི་བྱ་བ་ནམ་ཡང་མི་བྱེད་པ་ནི། ཆོས་དང་ལྡན་པའི་ས་སྐྱོང་ཆེན་པོ་རྣམས་ཀྱི་ལུགས་ལ་བྱམས་པའི་སྦྱིན་པས་འགྲོ་བ་ལ་ཕན་པ་སྒྲུབ་

213-1-263b

པའི་རྣམ་པར་ཐར་པ་རྨད་དུ་བྱུང་བ་ཉིད་དུ་ཤེས་པར་བྱའོ། །གསུམ་པ་དེ་ལྟར་པར་དུ་བསྒྲུབ་པའི་དགོས་པ་ནི། སྤྱིར་རང་རེ་རྣམས་ཀྱི་སྟོན་པ་ཡང་དག་པར་རྫོགས་པའི་སངས་རྒྱས་ཤཱཀྱའི་རྒྱལ་པོའི་བསྟན་པ་རིན་པོ་ཆེ་གང་དང་མཇལ་བའི་སྐལ་བ་སྦོམ་པ་ལས་ཆེས་སྦོམ་པར་གྱུར་པའི་སྐབས་
འདིར། སྐྱེས་བུ་དམ་པ་བློ་དང་ལྡན་པ་རྣམས་ཀྱིས་ཚེ་འདིའི་བགྱི་བ་ཆུ་ཤིང་བཞིན་དུ་སྙིང་པོ་རྣམ་པར་དབེན་པ་ཐམས་ཅད་ལས་རྒྱང་བསྲིངས་ཏེ། རྗེ་ངོར་ཆེན་རྡོ་རྗེ་འཆང་གིས། འགྲོ་ལ་བདེ་སྐྱིད་འབྱུང་བའི་སྒོ་གཅིག་པུ། །ཀུན་མཁྱེན་རྒྱལ་བའི་བསྟན་པ་རིན་པོ་ཆེ། །ཞེས་མཐའ་དང་མུར་
ཐུག་པ་མེད་པའི་ལུས་ཅན་ཐམས་ཅད་ལ། འཇིག་རྟེན་དང་འཇིག་རྟེན་ལས་འདས་པ་བླ་ན་མེད་པ་བྱུང་ཆུབ་མཆོག་གི་བར་གྱི་དགེ་ལེགས་དང་བདེ་སྐྱིད་ཀྱི་འབྲས་བུ་གང་དང་གང་འདོད་པ་ཐམས་ཅད་འཛད་པ་མེད་པའི་གཏེར་བཞིན་དུ་འབྱུང་བའི་སྒོ་གཅིག་པུ་ཉིད་ནི། ཀུན་མཁྱེན་སངས་རྒྱས་
བཅོམ་ལྡན་འདས་ཀྱི་བསྟན་པ་རིན་པོ་ཆེ་ཞེས་བྱ་བ། རིན་ཐང་གཞལ་དུ་མེད་པའི་བདག་ཉིད་ཅན་འདི་ཁོ་ན་སྟེ། དེ་ཉིད་འཇིག་རྟེན་གྱི་ཁམས་སུ་ཡུན་རིང་པོར་གནས་པར་བྱེད་པའི་ཐབས་ཀྱི་ཁྱད་པར་གང་ཡིན་པ་དག་ལ་ཤིན་ཏུ་འབད་པར་བྱ་དགོས་སོ། །དེ་ཅིའི་ཕྱིར་ཞེ་ན། དེ་ལས་
ལྷག་པར་གྱུར་པའམ། ཕུལ་དུ་བྱུང་བའམ། ཆེས་མཆོག་ཏུ་གྱུར་པའི་བསྒྲུབ་པར་བྱ་བའི་དགོས་པ་ནི། འཇིག་རྟེན་གསུམ་པོ་མ་ལུས་ཤིང་ལུས་པ་མེད་པའི་ཁོངས་ན་འགའ་ཡང་ཡོད་པ་མ་ཡིན་པའི་ཕྱིར་རོ། །དེ་ལ་ཇི་ལྟར་འབད་པར་བྱ་བའི་ཚུལ་ཡང་། སློབ་དཔོན་དབྱིག་
གཉེན་གྱིས། དེ་འཛིན་པ་དང་སྨྲ་བྱེད་པ། །སྒྲུབ་པར་བྱེད་པ་ཁོ་ན་ཡིན། །ཞེས་པ་སྟེ། དེའང་དེའི་རང་འགྲེལ་དུ། དེ་ལ་ལུང་ནི་མདོ་སྡེ་དང་། འདུལ་བ་དང་། མངོན་པ་རྣམས་སོ། །རྟོགས་པ་ནི་བྱང་ཆུབ་ཀྱི་ཕྱོགས་དང་མཐུན་པ་རྣམས་ཏེ། དེ་ལྟར་ན་དམ་པའི་ཆོས་ནི་རྣམ་པ་གཉིས་ཏེ་ཞེས་
དང་། ལུང་འཛིན་པར་བྱེད་པ་དང་སྨྲ་བར་བྱེད་པ་ཡིན་ནོ། །རྟོགས་པ་འཛིན་པར་བྱེད་པ་ནི་སྒྲུབ་བར་བྱེད་པ་ཡིན་ཏེ། དེའི་ཕྱིར་དེ་གཉིས་ཇི་སྲིད་དུ་གནས་པ་དེ་སྲིད་དུ་དམ་པའི་ཆོས་གནས་པར་རིག་པར་བྱའོ་ཞེས་པ་ལྟར་ལུང་གི་ཆོས་རྣམས་ནི་ཉན་པ་དང་བཤད་པ་ཡང་དག་པའི་སྒོ་ནས་གནས་པར་

213-1-264a

བྱེད་པ་དང་། རྟོགས་པའི་ཆོས་ནི་སྒྲུབ་པ་ལྷུར་ལེན་གྱི་སྒོ་ནས་གནས་པར་བྱེད་པའམ། ཡང་ན་ཆོས་རྗེ་པཎྜི་ཏས། དེས་ན་སངས་རྒྱས་གསུང་རབ་དང་། །མཁས་པ་རྣམས་ཀྱི་བསྟན་བཅོས་ཀྱི། །ཚིག་དོན་ལ་ནི་བྱིན་རླབས་ཡོད། །འདི་འདྲ་ཉན་བཤད་བྱེད་
པ་ལ། །ཐོས་པ་ཞེས་ནི་བརྗོད་པ་ཡིན། །དེ་དོན་དཔྱོད་པ་བསམ་པ་ཡིན། །ནན་ཏན་གྱིས་ནི་དེ་སྒྲུབ་པ། །སྒོམ་པ་ཡིན་པར་ཤེས་པར་བྱ། །ཐོས་བསམ་སྒོམ་གསུམ་དེ་ལྟར་གྱིས། །ཞེས་གསུངས་པ་ལྟར་ཐོས་པ་དང་། བསམ་པ་དང་། སྒོམ་པ་སྟེ་གསུམ་གྱི་སྒོ་ནས་འཛིན་
པའམ། ཡང་ན་ཀློག་པ་ཐོས་བསམ་གྱི་འཁོར་ལོ་དང་། སྤོང་བ་བསམ་གཏན་གྱི་འཁོར་ལོ་དང་། བྱ་བ་ལས་ཀྱི་འཁོར་ལོ་སྟེ་གསུམ་གྱི་སྒོ་ནས་འཛིན་དགོས་ཤིང་། གང་ཞིག་ཉན་བཤད་བྱ་བའི་ཆོས་དེ་ཡང་། བསྲེགས་བཅད་བརྡར་བའི་གསེར་བཞིན་དུ་ལེགས་པར་
བརྟགས་པ་ཞིག་དགོས་ཏེ། འདི་ལྟར་བཟོ་མགར་མཁས་པས་མེར་བསྲེགས་པ་ལ་སོགས་པའི་ཐབས་ཀྱིས་སླད་འབྱིན་ཅིང་དོན་དུ་རུང་བར་བྱས་པའི་གསེར་གང་ཞིག །ཚོང་དུས་ཆེན་པོ་ལ་སོགས་པ་གང་དུ་ཡང་མི་བྲིན་པ་མེད་པ་དེ་བཞིན་དུ། ཉན་བཤད་བྱ་བའི་ཆོས་གང་
གིས། མངོན་གྱུར་བརྗོད་བྱར་བྱེད་པ་ལ་མངོན་སུམ་གྱིས་མི་གནོད་པ་དང་། ལྐོག་གྱུར་བརྗོད་བྱར་བྱེད་པ་ལ་རྗེས་སུ་དཔག་པས་མི་གནོད་པ་དང་། ཤིན་ཏུ་ལྐོག་གྱུར་བརྗོད་བྱར་བྱེད་པ་ལ་ལུང་རང་གིས་མི་གནོད་པ་ཅིག་དགོས་ཏེ། ཆོས་མངོན་པའི་མདོ་ལས། དགེ་སློང་དག་
གམ་མཁས་རྣམས་ཀྱིས། །བསྲེགས་བཅད་བརྡར་བའི་གསེར་བཞིན་དུ། །ལེགས་པར་བརྟགས་ལ་ང་ཡི་བཀའ། །བླང་བར་བྱ་ཡི་གུས་ཕྱིར་མིན། །ཞེས་དང་། འཇམ་མགོན་ས་སྐྱ་པཎྜི་ཏས། ལུང་རིགས་རྗེས་སུ་གདམས་པའོ། །ཞེས་དང་། དེའི་བཤད་པར། མདོ་
རྒྱུད་བསྟན་བཅོས་དང་མཐུན་པའི་ལུང་། སྒྲ་ཚད་དངོས་སྟོབས་དང་མཐུན་པའི་རིགས་པ། ཆོས་ཉིད་ཟབ་མོ་དང་མི་འགལ་བའི་གདམས་པའོ་ཞེས་འབྱུང་བ་ལྟར་མཚན་ཉིད་གསུམ་མམ་གཉིས་སམ་གང་རུང་ཅིག་དང་ལྡན་ཡང་རུང་། དེ་རྣམས་ཀྱི་ནང་ནས་ཀྱང་ཡིད་ཆེས་པའི་ལུང་དང་

213-1-264b

བརྒྱུད་པའི་དྲི་མ་མེད་པ་ལས་འོངས་པའི་གདམས་པ་གཙོ་ཆེ་སྟེ། ཤིན་ཏུ་ལྐོག་གྱུར་ལ་སྤྱོད་པའི་ཚེ་ལུང་ཉིད་ཚད་མར་ཡིན་པའི་ཕྱིར་དང་། ལུང་དོན་བརྒྱུད་པ་ཡང་དག་པའི་མན་ངག་གི་འགྲོས་ཀྱིས་བརྒྱན་པ་མེད་ན་ཉམས་སུ་མི་ལོན་པ་མང་དུ་ཡོད་པའི་ཕྱིར་དང་། གང་ཟག་ཁ་ཅིག་ལུང་གི་
ཚིག་སྒྲ་ཇི་བཞིན་པར་ཞེན་ནས་དོན་དུ་མི་འགྱུར་བ་ཡང་དུ་མ་ཡོད་པར་བཤད་པའི་ཕྱིར་རོ། །དེ་ལྟ་བས་ན་ཉན་པ་དང་བཤད་པར་བྱ་བའི་ཆོས་ནི་སངས་རྒྱས་ཀྱིས་གསུངས། སྡུད་པོས་བསྡུས། མཁས་གྲུབ་རྣམས་ཀྱིས་བཀྲལ། པཎྜི་ཏས་བཤད། ལོ་ཙཱ་བས་བསྒྱུར། བླ་མ་བརྒྱུད་པའི་མན་
ངག་དང་ལུང་གི་རྒྱུན་དང་ལྡན་པ། མཁས་པ་རྣམས་ལ་གྲགས་པ་ཞིག་དགོས་ཀྱི། དེ་ལས་གཞན་པའི་ཆོས་ལ་བཤད་སྒྲུབ་བྱས་ཀྱང་ཆོས་བཞིན་དུ་མི་འགྱུར་བ་ཡང་ཡོད་པར་གསུངས་པའི་ཕྱིར་རོ། །དེ་ལྟ་བས་ན་དེང་འདིར་བློ་དང་ལྡན་པའི་སྐྱེས་བུ་དམ་པ་སུ་དག་གིས་ཉན་པ་དང་བཤད་
པ་ལ་སོགས་པའི་བྱ་བ་ཡང་དག་པའི་སྒོ་ནས་གཅེས་སྤྲས་སུ་བྱ་བའི་སྙིང་པོ་ནི། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་དཔག་ཏུ་མེད་པའི་ཡེ་ཤེས་དང་ཐུགས་རྗེ་ཆེན་པོའི་དཀྱིལ་འཁོར་ཡོངས་སུ་རྫོགས་པ་གང་དེས། སེམས་ཅན་ཐམས་ཅད་ལ་
ཕན་པའི་ཕྱིར་ལེགས་པར་བསྟན་པའི་བདུད་རྩིའི་བཏུང་བ་ཇི་སྙེད་ཅིག་སྩལ་བ་ཐམས་ཅད་ཀྱང་། བསྒྲུན་དུ་མེད་པའི་མཁྱེན་རབ་དང་། སྤོབས་པ་དང་། ཏིང་ངེ་འཇིན་དང་། དྲན་པའི་སྙིམ་པ་དག་རབ་ཏུ་བརྐྱངས་ནས་ཡང་དག་པ་ཉིད་དུ་འཐུངས་པས། ཆོས་ཀྱི་ཚུལ་ཐམས་ཅད་ལ་ཞུམ་
པ་མེད་པའི་ཡོན་ཏན་གྱི་ཁོ་ལག་ཕྱོགས་ཐམས་ཅད་བརྟས་པར་གྱུར་བའི་སྲས་ཀྱི་ཐུ་བོར་གྱུར་བ་གང་དག་བྱོན་པ་སྟེ། དེའང་སྟོན་པ་ཉིད་ཀྱིས་རྒྱལ་ཚབས་ཆེན་པོར་དབང་བསྐུར་བའི་རྗེ་བཙུན་མ་ཕམ་པ་དང་། དེ་བཞིན་གཤེགས་པ་ཐམས་ཅད་ཀྱི་གསུང་གི་གསང་བ་འཛིན་པ་དཔལ་ལྡན་ལག་ན་
རྡོ་རྗེ་ལ་སོགས་པ་ས་ལ་གནས་པའི་བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་དང་། གཉིས་ཀའི་ཆ་ལས་རྣམ་པར་གྲོལ་ཏེ་འཁོར་བ་ལས་རིང་དུ་མངོན་པར་འཕགས་པའི་དགྲ་བཅོམ་པ་རྣམས་དང་། སྟོན་པ་ཉིད་ཀྱིས་ངེས་པ་དོན་གྱི་ལུང་གི་ཚོགས་ཀྱིས་མངོན་པར་བསྔགས་པའི་

213-1-265a

བསྟན་སྐྱོང་ཆེན་པོ། ཕྱི་དང་ནང་གི་གཞུང་ལུགས་རྒྱ་མཚོའི་ཕ་རོལ་དུ་སོན་པའི་མཁས་པ་དང་གྲུབ་པའི་ས་ལ་གནས་ནས། སངས་རྒྱས་བཅོམ་ལྡན་འདས་ཀྱིས་ལེགས་པར་གསུངས་པའི་ཆོས་ཀྱི་ཕུང་པོ་ཇི་སྙེད་པའི་ཚིག་དང་དོན་གྱི་ཆ་རྣམ་
པར་འགྲེལ་པའི་བསྟན་བཅོས་དང་། དེ་དག་གི་དགོངས་དོན་བསལ་བར་བྱེད་པ་བསྟན་བཅོས་ཆེན་པོ་རང་རྒྱུད་དུ་བརྩམས་པ་ལ་བསྙེངས་པ་མི་མངའ་བའི་དབང་དམ་པའི་ཕ་རོལ་ཏུ་སོན་པ། སྟོན་པ་ཉིད་ཀྱིས་ཕྱོགས་བཅུའི་སེམས་ཅན་གྱི་ཁམས་སུ་ཆོས་ཀྱི་སྣང་བ་མི་ནུབ་པར་བྱ་བའི་ཁུར་
ཡོངས་སུ་གཏད་པ། ཉོན་མོངས་པའི་བྲོ་ནད་ཀྱིས་ཀུན་ནས་གཙེས་པ་རྣམས་སྐྱོབ་པར་ངེས་པའི་ཆོས་ཀྱི་སྨན་པ་བླ་ན་མེད་པ། ཆོས་ཐམས་ཅད་ལ་འཇིགས་པ་མེད་པའི་སྨྲ་སྤོབས་ཕུན་སུམ་ཚོགས་པའི་ང་རོ་མཐོན་པོས་ལྟ་བ་ངན་པའི་རི་དྭགས་ཐམས་ཅད་རིང་དུ་འབྱེད་པར་བྱེད་
པ། མི་ཤེས་པའི་རབ་རིབ་སྟུག་པོས་རྣམ་པར་དཔྱོད་པའི་ལྔ་བྱེད་ལོང་བ་རྣམས་ཀྱི་དམིགས་བུར་གྱུར་པ། གདུལ་བར་བྱ་བའི་བློ་གྲོས་ཀྱི་ཀུ་མུ་དཱའི་དགའ་ཚལ་མཐའ་དག་ཅིག་ཅར་དུ་ཁ་འབྱེད་པར་བྱེད་པ་ཚིག་གི་འོད་དཀར་ཅི་ཡང་འཇོ་བ། གཙུག་ལག་རབ་འབྱམས་
ཀྱི་དོན་ལ་དཔྱོད་པའི་སྤྱན་ཡངས་པ། སྨྲ་བའི་དབང་ཕྱུག །སྨྲ་བའི་རྒྱལ་པོ། ཆོས་ཀྱི་གྲུ་དམ་པ། ཆོས་ཀྱི་སྦྱིན་བདག་ཆེན་པོ། རྨོངས་པ་ངེས་པར་འཇིགས་པ། སོམ་ཉིའི་དྲ་བ་གཅོད་པ། བདེན་པ་ཡང་དག་པར་སྟོན་པ། ཆོས་བཞིན་དུ་སྨྲ་
པའི་རྩོམ་པ་པོ་ཚད་མར་གྱུར་བ་རྣམས་ཀྱིས། བློ་དང་ལྡན་པའི་སྐྱེས་བུ་དམ་པ་རྣམས་ཀྱིས་བསླབ་པར་བགྱི་བའི་གནས། རིག་པའི་གཞུང་ལུགས་རྣམ་པ་ལྔ་ལས་བརྩམས་པའི་བསྟན་བཅོས་ཀྱི་རིགས་བསམ་གྱིས་མི་ཁྱབ་པ་ཞིག་བཞུགས་པ་ལས། འདིར་
བོད་གངས་ཅན་པའི་བརྡའི་ལམ་དུ་ཇི་སྙེད་ཅིག་བསྒྱུར་བ་རྣམས་སྔོན་གྱི་མཁས་པ་རྒྱ་ཆེན་ཆོས་ཀྱི་སྤྱན་དང་ལྡན་པ་རྣམས་ཀྱིས་ཕྱོགས་གཅིག་ཏུ་བསྡེབས་པར་བསྟན་བཅོས་འགྱུར་རོ་འཚལ་ཞེས་ཡོངས་སུ་གྲགས་པ་འདི་དག་སུ་ཞིག་གིས་གླེགས་བམ་དུ་འདྲི་བ་དང་། ཉན་

213-1-265b

བཤད་ལ་སོགས་པའི་རྒྱུན་ལ་བརྟེན་ནས། བཅོམ་ལྡན་འདས་ཤཱཀྱའི་རྒྱལ་པོའི་བསྟན་པ་རིན་པོ་ཆེ་འཇིག་རྟེན་གྱི་ཁམས་སུ་ཡུན་རིང་པོར་འཚོ་ཞིང་གཞེས་པའི་གསོས་སྨན་བླ་ན་མེད་པ་ཉིད་དུ་འགྱུར་བ་ལ་སོགས་པའི་དགོས་པ་དང་ཕན་ཡོན་དཔག་ཏུ་མེད་པའི་ལུང་དང་
རིགས་པའི་དག་བྱེད་ལྷའི་བུ་མོས་ཤིན་ཏུ་འཇེབས་པའི་ལྷུང་ལྷུང་གི་སྒྲ་སྙན་འབུམ་དུ་འབྱིན་བཞིན་པར་བླ་ན་མེད་པའི་བྱང་ཆུབ་ཏུ་རྩེ་གཅིག་པས་འདུན་པའི་སེམས་ཀྱི་རྒྱ་མཚོ་གང་ལ་མངའ་བ་དེ་ཉིད་དུ་གཞོལ་ཞིང་བབ་པ་ལ་བརྟེན་ནས་རྒྱ་ཆེན་སྤྱོད་པའི་ལེགས་བྱས་ཀྱི་རླབས་
ཕྲེང་གི་ལྕེ་ཞགས་སྲིད་པའི་རྩེ་མོའི་བར་དུ་ལུད་པར་འཕྱུར་བའི་ངོ་མཚར་གྱི་ལྟན་མོ་ཅི་ཡང་བྱུང་བ་ཉིད་དོ། །འདིར་སྨྲས་པ། མངོན་པར་སྤྲུལ་ལོ་ས་གཞི་ཆུ་གཏེར་ལས། །གདོན་པ་གང་ཚེ་ཁྱབ་འཇུག་ཕག་པའི་གཟུགས། །རྩོད་པའི་དུས་འདིར་རྒྱལ་བསྟན་བསྐྱོང་བའི་ཚེ། །
ཐུབ་པའི་ཕྲིན་ལས་དེ་ཡང་མི་བདག་ཚུལ། ༡ །རིགས་རུས་གང་དུ་དྲན་དབང་གྲུབ་པའི་བདག །དཔའ་མཛངས་ [གནས་གསུམ་གྱི་གསལ་བྱེད་ལས་བྱ་བ་བརྗོད་པ་ཐོག་མའི་གསལ་བྱེད།] ལྡན་པ་སྔོན་གྱི་སྐྱེས་བུ་ཡིས། །འབབ་སྟེགས་བྱིན་གྱིས་བརླབས་པ་དེ་ནས་བཟུང་། །ལྷ་བཞིན་འཇིག་རྟེན་
འདི་ན་བསྔགས་པ་ཐོབ། ༢ །ག་པུར་བཏུང་ [བེེདརྦའི་མཛེས་པ་བསྔགས་པ་ལ་སྦྱར་བ།] བ་ལ་བརྟེན་ཚ་བའི་ཡམས། །དཔལ་གྱི་དུམ་བུ་ལས་ནི་དྲི་ངན་བཞིན། །རིགས་ཀྱིས་མངོན་པར་མཐོ་བའི་སྐྱེ་བ་ལས། །མ་རབས་ཀུན་སྤྱོད་མི་འབྱུང་ཁྱད་པར་ཆོས། ༣ །སྙིང་བརྩེས་མངའ་འབངས་
ཐམས་ཅད་བདེ་བ་ལ། །[སྲིད་མིན་གྱི་དཔེ།] འགོད་པའི་མི་བདག་མཆོག་གཅིག་འགྲོ་བ་འདིས། །སྨོན་ལམ་དབྱངས་སུ་ལེན་ཚེ་འཇིག་རྟེན་ཁམས། །ཀུན་དུ་ཕན་བྱེད་མཆོག་འདི་སྐལ་བས་ཐོབ། ༤ །བསོད་ནམས་ཟླ་བ་ཚེས་པའི་འོད་འཐུང་བས། །[ཀུན་དུ་ཕན་པར་བྱེད་པ།] སྔ་ན་མེད་པའི་
དགེ་མཚན་ཀུ་མུ་དཱའི། །འདབ་སྟོང་རབ་ཏུ་རྒྱས་པའི་ངོ་མཚར་གྱིས། །ཆབ་སྲིད་ཡངས་པའི་དགའ་ཚལ་མཛེས་པར་བྱས། ༥ །[རབ་རྟོག་འདྲ་བའི་སྒྲ་ཅན།] ཨེ་མ་སྐབས་གསུམ་བདག་པོར་འོས་པའི་བུ། །[མཐའ་དག་གི་གཟུགས་ཅན།] ས་སྟེངས་རྒྱན་དུ་ཐོབ་པས་འཚེང་ངོ་ཞེས། །ནོར་འཛིན་

213-1-266a

དགའ་བས་རང་ལུས་འདོད་པ་དགུའི། །འབྱུང་གནས་སྤྲུལ་པའི་དགའ་སྟོན་འགྱེད་པ་འདྲ། ༦ །ལང་ཚོའི་མེ་ཏོག་དུས་སུ་དགོས་པ་དང་། །འགྲོགས་པའི་ཡི་གེ་རྩིས་དང་འགྱེད་སྟོབས་དང་། །འཕོང་སྐྱེན་ལྔ་དང་གེར་ལིང་རྩེན་པ་སོགས། །
སྒྱུ་རྩལ་བུང་བའི་རྩེ་འཇོ་ཅི་ཡང་བསྒྱུར། ༧ །དགེ་བར་གོམས་པ་རྣམས་ཀྱི་བག་ཆགས་མཐུ། །དགེ་བའི་བཤེས་ཀྱིས་འཕེལ་བའི་ [ལྡན་པའི་གཟུགས་ཅན།] ཚུལ་རྟོགས་ནས། །དགེ་བའི་བློ་གྲོས་ཤིང་རྟ་བཟུང་བ་དེས། །དགེ་བའི་འབྱུང་གནས་མང་པོ་སྐྱབས་སུ་ཐོབ། ༨ །ཁྱིམ་གྱི་ཉེས་
པ་དྲན་པས་བཞིན་གནག་པ། །ལང་ཚོ་ལས་ [རྐང་པ་བཞི་ཀའི་ཐོག་མར་ཡོད་པ་བར་ཆོད་བའི་ཟུང་ལྡན།] བྱུང་གཏམ་ལ་མ་འཛུམ་ཞིང་། །འདོད་པ་ལྷའི་སྒྱུ་འཕྲུལ་ཀུན་དུ་མ་ཁུགས་པར། །ཚིགས་གསུམ་རིམ་པར་བཟླས་པའི་བརྟུལ་ཞུགས་བཟུང་། ༩ །སྦྲང་རྩིའི་བཅུད་བཟང་འཁྱིལ་ [ནང་ཤེས་བྱེད་ཀྱི་རྒྱུ།] 
པའི་པདྨ་དཀར། །བསླབ་པའི་གནས་ཀྱིས་མཉེན་བྱས་ཉིད་ཡིན་ན། །སྲིད་ཞིའི་འབྱོར་པ་རྫོགས་པའི་སྡོམ་བརྩོན་གྱི། །ཞི་དུལ་ཡོན་ཏན་འཇལ་བའི་དཔེ་རུ་བྱེད། ༡༠ །རིས་བྲལ་སེམས་ཅན་ཀུན་གྱི་རེ་བ་དག །བདེ་བར་འགེངས་པ་གང་ [རྨད་བྱུང་གི་དཔེ།] གི་རིན་ཐང་ནི། །གཞལ་བར་ཆེས་
དཀའ་བྱང་ཆུབ་སེམས་དཔའ་ཡི། །ཚུལ་ཁྲིམས་དབང་གི་རྒྱལ་པོ་བཞིན་དུ་བཟུང་། ༡༡ །རྡོ་རྗེ་འཆང་བ་ལས་བྱུང་ཆོ་ག་ཡིས། །རྡོ་རྗེའི་ཕོ་བྲང་མཆོག་ཏུ་ལེགས་བཅུག་ནས། །[སྦྱར་བའི་དཔེ་རྒྱན།] རྡོ་རྗེ་གསུམ་གྱི་བདག་ཉིད་སྨིན་བྱས་པའི། །རྡོ་རྗེའི་དམ་ཚིག་འཛིན་པའི་སྐལ་བས་བརྒྱན། ༡༢ །རྣམ་
འདྲེན་སྐྱེ་དགུའི་བླ་མ་ཉིད་དང་དེ་སྲས་ས་ལ་གནས་པའི་བདག་ཉིད་ཆེན་པོ་རྣམས། །ཞིང་རབ་ [བར་ཆོད་པའི་ཟུང་ལྡན།] སྦྱོང་དང་སེམས་ཅན་ཡོངས་སུ་སྨིན་པའི་སྤྱོད་པ་དཔག་མེད་བསྐལ་པའི་སྔོན་དུ་སྤྱད། །སླད་ནས་རང་གི་རྣམ་པར་འཕྲུལ་པས་གཞུང་ལུགས་ཀུན་གྱི་ཐོས་པ་མི་དམན་རྒྱུད་ [རྒྱུ་ལས་འབྲས་བུ་སྔ་བ་ཅན།]
ལ་བསགས། །རྩོད་པའི་དུས་སུ་དམ་པའི་ཆོས་ཚུལ་སྟོབས་ཀྱིས་སྐྱོང་བའི་དུས་ལ་བབ་ན་རྒྱལ་སྲིད་བྱེད། ༡༣ །[དངོས་པོའི་དཔེ།] སྐབས་གསུམ་བདག་པོའི་སྟོབས་དང་འབྱོར་པ་དག །ས་ལ་འཕོས་ལྟའི་རྫོང་ཆེན་དྲུག་གསུམ་གྱིས། །མཚོན་པའི་བོད་ཆེན་སྤྱི་ཡི་རྗེ་བོ་རུ། །རྒྱུ་སྐར་

213-1-266b

དབུས་སུ་རྒྱུ་སྐར་བདག་པོ་བཞིན། ༡༤ །འདི་ཡི་རྐང་བཀོད་སྟེགས་བུ་ཀཉྩ་ནའི། །པ་དྲའི་གློག་གི་རྩེ་འཇོས་དམ་འཁྱུད་པའི། །ནོར་བུ་བརྒྱ་ཕྲག་འབར་བའི་མེ་ལོང་དུ། །ཕྱོགས་ཀྱིས་འཛིན་འདུད་པའི་བཞིན་རས་འཆར། ༡༥ །དེ་ན་ཀུན་དགའི་དཔལ་སྟེར་རྒྱལ་བའི་བསྟན། །སྲིད་པར་
བཅས་པའི་ཕྲིན་ལས་འཁོར་ལོ་ཡིས། །[འབྱོར་པ་རྒྱ་ཆེ་བ།] རྒྱ་མཚོའི་གོས་ཅན་ཡངས་པར་དབང་སྒྱུར་བའི། །སྡེ་བཞིའི་བདག་པོ་ཉིད་དུ་གནམ་གྱིས་བསྐོས། ༡༦ །གང་ཚེ་མཆོག་གི་རྡོ་རྗེ་སློབ་དཔོན་དང་། །ལྷན་ཅིག་རྒྱལ་བ་ [ཡན་ལག་གཅིག་པའི་གཟུགས་ཅན།] སྲས་དང་སློབ་མར་བཅས། །འདུས་
པ་ཀུན་གྱིས་སྲིད་ཞིའི་ཡ་མཚན་ནི། །རྟག་ཏུ་ཤིས་པའི་དབྱངས་སྙན་མགྲིན་པ་བསྒྲིགས། ༡༧ །དེར་དེའི་གནས་གསུམ་ལྷ་ཡི་སྐུ་གསུང་ཐུགས། །རྡོ་རྗེའི་ [བྱ་བ་ལྷན་ཅིག་བརྗོད་པ།] རང་བཞིན་བསྒྲུབས་པའི་སྤྱི་བོ་ནས། །དབང་བསྐུར་རིགས་ཀྱི་ཅོད་པན་བཅིང་བ་ཡིས། །བདུད་ལས་
རྣམ་པར་རྒྱལ་བའི་གོ་འཕང་བྱིན། ༡༨ །དེ་ཚེ་དཔལ་ལྡན་ས་ཡི་བདག་པོའི་དཔལ། །རྫོགས་ [བྱ་བ་བརྗོད་པ་བར་གྱི་གསལ་བྱེད།] ལྡན་འཁོར་ལོས་སྒྱུར་དུ་རྣམ་འཁྲུལ་ཏེ། །བི་ཤྭ་ཀརྨས་དགྲ་ལས་རྒྱལ་བྱེད་པའི། །འཁོར་ལོ་རིན་ཆེན་བྱིན་པའི་ཤིས་པ་བསྒྲུབས། ༡༩ །གང་བསམས་ཡིད་བཞིན་
འཇོ་བ་ཁྱོད་ཀྱི་དཔེ། །ང་ཉིད་འོས་ [རྣམ་པར་རྨོངས་པའི་དཔེ།] སྙམ་དེ་ཚེ་ལག་པ་ན། །བཞག་པའི་ནོར་བུ་རིན་ཆེན་ཅི་ལ་རྒྱགས། །དཔལ་དེ་དཔག་བསམ་ཡོངས་འདུ་ལ་ཡང་ཡོད། ༢༠ །སྡོམ་བརྩོན་མི་ཡི་བདག་པོར་མི་འདུད་པའི། །ཕྱོགས་བྲལ་ཁེངས་པ་ལྡན་ [རབ་རྟོག་གི་དཔེ།] པའི་སྐྱེ་བོའི་
ཚོགས། །དབང་བྱེད་མིག་ཟུར་འཁྱོག་པོས་འདེབས་པ་ཡི། །གྲོགས་སུ་བཙུན་མོ་རིན་ཆེན་འཛུམ་ཞིང་བྱུང་། ༢༡ །བགྱི་བ་ཀུན་ལ་སྒྲིན་ཅིང་ཡིད་རབ་གཞུང་། །གྲུངས་པའི་མིག་ [ཀུན་ཕན།] ལམ་དེ་རུ་ལྐོག་ན་མོའི། །དབྱིག་གི་རྣམ་པར་མི་མཐོང་འགའ་ཡང་མེད། །འདོད་དོན་སྒྲུབ་པའི་
བློན་པོ་རིན་ཆེན་མང་། ༢༢ །[ངག་དོན་གྱི་དཔེ་ལས་བཞིན་སྒྲ་གཅིག་པ།] གཟུགས་མཛེས་ཡན་ལག་རྫོགས་པའི་གོམ་ལྷོད་ཀྱིས། །[བྱ་བའི་རང་བཞིན་བརྗོད་པ།] བསམ་པའི་གནས་སུ་མྱུར་སྐྱེལ་གཉིས་ལས་འཐུང་། །སྟོན་ཀའི་སྤྲིན་དཀར་གཡོ་བའི་ཕུང་པོ་ལ། །ཉི་གཞོན་འོད་ཀྱིས་འཁྱུད་བཞིན་མངོན་པར་རྒྱུ། ༢༣ །

213-1-267a

འགྲས་པ་མེད་པར་དབང་སྔོན་རི་དང་འཐབ། །སྙིང་གྲོགས་མིན་ཡང་རླུང་དང་ལྷན་ཅིག་རྩེ། །བསླུ་འདོད་མེད་པར་ཀུན་གྱི་ཡིད་འཕྲོག་པའི། །རྔ་རྔོག་ཟར་བུ་གཡོ་བའི་ཅང་ཤེས་རྟ། ༢༤ །དཔའ་རྟུལ་ཡན་ལག་མཆོག་གི་ལང་ཚོ་ཡིས། །ཁེངས་ལྡན་རལ་གྲི་བསྐྱོད་པའི་
དམག་དཔོན་འདིས། །[སྲིད་པ་ཅན།] ཉེས་བྲལ་སྐྱེ་བོ་གཞོམ་པའི་དོགས་པ་མེད། །སྡང་སེམས་འཆང་བ་མིན་རྣམས་རྗེས་སུ་སྲུང་། ༢༥ །འཆི་མེད་དཔལ་འབྱོར་ལ་སྡང་ལྷ་མ་ཡིན། །བསད་པ་ཁྲག་ [གཟི་བརྗིད་ལྡན་པ།] གིས་ས་གཞི་མ་བརླན་པར། །ཀུན་ལས་རྒྱལ་བའི་དཔལ་མཚན་བཀྲ་
ཤིས་རྟགས། །རྣམ་བརྒྱད་མཆོད་པའི་ཡུལ་དུ་གྱུར་འདི་ཅི། ༢༦ །ཤཱཀྱའི་སྐྱེས་མཆོག་དེ་ཡི་བྱིན་རླབས་ཀྱིས། །འབབ་སྟེགས་ [ཉམས་ལྡན་ལས་དཔའ་བའི་ཉམས་དང་ལྡན་པ།] ལེགས་པར་བྱས་པའི་རྫས་མཆོག་བརྒྱད། །ཤིས་པ་བརྗོད་པའི་གླུ་དང་མཉམ་འགྲོགས་པས། །ལུགས་བརྒྱའི་མདུན་ས་ཆེ་
ལ་མངའ་གསོལ་ཏོ། ༢༧ །དཀར་མིན་ངག་གི་ཉེས་པ་ཟད་པའི་ [རབ་སྤེལ་གྱི་རྒྱན།] བཀའ། །ཤིས་པ་ཡང་དག་བསྒྲུབས་པའི་ཉིན་མོ་ནས། །མི་བདག་གང་གི་དགེ་བའི་ཕྲིན་ལས་ནི། །ནམ་མཁའི་ཕ་རོལ་བགྲོད་པའི་བཀྲ་ཤིས་ཕྱུག ༢༨ །འགྲོ་བ་ཐམས་ཅད་བདེ་དང་བདེ་བའི་རྒྱུར། །དགོད་པའི་སྙིང་
སྟོབས་བརླིང་བར་བཟུང་ [གོོ་ཌ་པའི་མཛེས་པ་བསྔགས་པ་ལ་སྦྱར་བ།] པ་དང་། །ལྷན་ཅིག་ཤར་ཕྱོགས་གོང་མའི་ལས་ལུང་གིས། །ལན་མང་དག་ཏུ་རྡོ་རྗེའི་ཁམས་སུ་བསྒྲུབས། ༢༩ །བཀའ་ལུང་ཟླ་འོད་གསར་པའི་ཟེར་གྱི་ཕྲེང་། །ཕྱོགས་བྲལ་ས་གཞི་སྐྱོང་བ་ [བྱ་བ་ལྷན་ཅིག་བརྗོད་པ།] གཞན་དང་དེའི། །ཆབ་འབངས་བཅས་པའི་
བདེ་སྐྱིད་ས་མོས་ཚལ། །འདབ་སྟོང་རྣམ་པར་བཞད་པའི་བཅུད་དུ་འཐུང་། ༣༠ །རྟག་ཏུ་གུས་པས་བསྟེན་དང་དམ་ཚིག་ཆུ། །འཐུངས་པ་རྗེས་སུ་དྲན་པས་མཉམ་འགྲོགས་ [ལྡན་པའི་གཟུགས་ཅན།] ཤིང་། །མཐུན་པ་བསྒྲུབ་དང་བར་ཆད་བསྒྲལ་བ་ཡི། །ལས་ལ་ཡིད་ལྟར་མགྱོགས་པ་སྲུང་མའི་ཚོགས། ༣༡ །རབ་ཁྲོས་སྡང་
མིག་བལྟ་བའི་འགྱུར་བ་རེས། །བསྟན་དགྲའི་དོན་སྙིང་དམར་པོ་རང་གནས་ [ཆོས་དཔེ།] སུ། །སྐད་ཅིག་གཉིས་པར་མི་ཚུགས་ཁ་ཡི་སྒོར། །ཁྲག་གི་དབའ་རླབས་རྩེ་ན་འཕེན་པར་བྱེད། ༣༢ །[རིག་བྱེད་ཀྱི་གཏམ་རྒྱུད་ལས་དྲངས་པའི་ཁྱད་པར་ལ་གནས་པའི་དོན་གཞན་བཀོད་པ།] སྙིང་རྗེའི་བདག་ཉིད་རང་དོན་སྒྲུབ་པ་ཡི། །ཟོལ་གྱིས་ [དྲག་ཤུལ་གྱི་ཉམས།]

213-1-267b

འགྲོ་བ་ཀུན་ལ་ཕན་པ་བརྩོན། །རྒྱལ་པོ་སྐལ་ལྡན་ཤིང་རྟའི་དཀའ་སྤྱད་ཀྱིས། །གདྒཱ་མི་ཡུལ་ཕབ་པ་བདག་དོན་ནམ། ༣༣ །གང་ཕྱིར་ལྗོངས་འདིས་མཆོད་པའི་སྐྱེ་བོའི་ཚོགས། །རྒྱ་མཚོའི་རྡུལ་གྱི་གྲངས་ལ་འཕྱ་བ་ཡི། །མགོན་དུ་དཔལ་དང་ལྡན་པ་སྟོབས་བཅུ་པའི། །ཆོས་ཀྱི་རྒྱལ་
སྲིད་སྐྱོང་གིས་མཛེས་པར་བྱས། ༣༤ །མངོན་པར་འདོད་པའི་འབྲས་བུ་ཆོས་དང་དབྱིག །འདོད་པ་ཐར་པ་སྡེ་བཞིའི་དགེ་ [མཚུངས་པ་གསལ་བྱེད་ཀྱི་སྒྲ་གཞུང་གིས་ཟིན་པའི་དཔེ།] མཚན་རྣམས། །བསྐལ་པའི་ཆར་དང་ཆུ་གཏེར་དཔག་བསམ་ཤིང་། །འབྲས་བུ་ཕུན་ཚོགས་དཔྱིད་ཀྱི་དཔལ་ལ་སྙེགས། ༣༥ །ཁྱོད་ཉིད་
སྦྱིན་པའི་གནས་གྱུར་ཐམས་ཅད་ཀྱི། [རིམ་པ་ཅན་གྱི་རྒྱན།] དཔལ་ཀུན་འབྱུང་བའི་གནས་སུ་ངེས་ན་ཡང་། །རིང་ནས་སེམས་ཅན་ཀུན་གྱི་ཉེར་འཚོ་རུ། །འགྱུར་བའི་སྨོན་ལམ་བཏབ་ཕྱིར་སུ་ཞིག་བསྟོད། ༣༦ །སྦྱིན་པ་རྣམ་བཞིའི་དངོས་པོའི་རང་དབང་དུ། །འཛིན་པའི་ཐག་པ་ཆད་པས་ཆེས་ [རྒྱུ་འགོག་པ།]
འཐོར་བ། །རྗེས་སུ་འཚོལ་ལ་ཁྱོད་ཀྱི་གྲགས་པ་དེས། །ཕྱོགས་བཅུ་ཀུན་དུ་རྒྱུག་པས་བྲེལ་ལམ་སྙམ། ༣༧ །ཐུབ་བསྟན་རིང་དུ་གནས་བྱེད་མི་བདག་གི། །ཆོས་དྲིན་རྣམ་པར་བརྡལ་བའི་དཀྱིལ་འཁོར་འདི། །རྫོགས་པར་ [སེམས་མེད་རབ་རྟོག །] ཆུད་པའི་སྟོང་གསུམ་མི་མཇེད་ཞིང་། །བྱེད་པ་པོ་དེའི་སྙིང་སྟོབས་ཨེ་མ་ཆེ། ༣༨ །མི་རྣམས་
ནོར་ནི་ཕལ་ཆེར་བུང་བའི་དཔལ་བཞིན་བསགས་ལ་རང་ཡང་སྤྱད་པའི་སྐལ་བ་ཕྲ། །ཕལ་ཆེར་སྙིམ་པར་གནས་ [ངོ་མཚར་ཕུལ་བྱུང་།] པའི་ཆུ་བཞིན་ཇི་ཙམ་བཙིར་བ་དེ་ཙམ་འཛད་ལ་ཤིན་ཏུ་ཉེ། །འདི་ཡེ་དཔལ་ནི་རིན་ཆེན་གསེར་བཞིན་བསོད་ནམས་འབབ་སྟེགས་དམ་པའི་རྟེན་གསུམ་འགྲུབ་བྱེད་དང་། །དག་དང་མ་ [སྦྱར་བའི་དཔེ།]
དག་སྦྱིན་པའི་ཞིང་གྱུར་ཀུན་གྱི་ནོར་མཆོག་མི་ཟད་གྲགས་པ་འཕེལ་ཕྱིར་གནས། ༣༩ །ཐམས་ཅད་མཁྱེན་པ་ཆེན་པོ་ཉི་མའི་གཉེན་གྱི་བཀའ་ལུང་སྤྱི་དང་བྱེ་བྲག་གི་དགོངས་དོན་རྣམ་པར་འགྲེལ་པའི་བསྟན་བཅོས་གངས་ཅན་པའི་སྐད་དུ་འགྱུར་རོ་འཚལ་གྱི་ཆོས་སྦྱིན་རྒྱུན་མི་འཆད་པའི་ངོ་མཚར་འཕྲུལ་གྱི་ཕྱི་མོ་
རྫོགས་ལྡན་བསྐལ་བའི་བསོད་ནམས་ཀྱི་སྤྲིན་ཕུང་རྒྱས་པར་དཀྲིགས་པའི་ཚུལ་ལས་བརྩམས་པའི་གཏམ་ངོ་མཚར་ཆུ་གཏེར་འཕེལ་བའི་ཟླ་བ་གསར་པ་ལས། བསྟན་པ་གནས་པའི་ཆེད་དུ་དགོངས་འགྲེལ་པར་དུ་བསྒྲུབ་པར་བསྐུལ་བའི་སརྒ་སྟེ་ལྔ་པའོ།།      །།

213-1-268a

[༄། །སྡེབ་སྦྱོར་ཕྱེད་མཉམ་པའི་བྲྀཏྟ་ལ་སྤྱིར་གྱི་དབྱེ་བ་བཅུ་གསུམ་མཆིས་པའི་ཡ་གྱལ་བཟང་པོ་སྣང་བ་ཞེས་བྱ་བས་མངོན་པར་སྤུད་པའི་ཚིགས་སུ་བཅད་པ་ཉིད་དོ། །]
ཀ ལྤ སྱ ཙི རཱ མྦཱ པེ ཡ མ རྷ ཥྱཱ ཤྭཱ སཱ ག ཏ ཡཱ བ ཏ ཿ ཀ ཐཱ རྵེ ཿ ཀཱ པྱ པ ཏི བྷ ན ཤཱ ས ནེ མཾ ཀཱ ཪྻཾ ཀྲྀ ནྣ ར པ ཏྱ ནེ ན སཾ ཛྙ ཿ །
[མཆོག་གི་ངེས་པར་བསྟན་པ།] བསྐལ་པའི་སྲིད་དུ་བཏུང་བར་འོས་པའི་ཆབ། །ཇི་སྙེད་རྀ་ཥྀའི་ཧུབ་ཏུ་སོང་བའི་གཏམ། །བསྟན་པའི་འདི་ལ་སུས་ཀྱང་མ་སྤོབས་པའི། །བྱ་བ་མི་བདག་འདི་ཡིས་སྒྲུ་པ་སྟོན། །

213-1-268b

ཀུན་དུ་དགའ་བའི་དཔལ་སྟེར་དཀོན་མཆོག་གསུམ། །སྐྱབས་ཀྱི་དམ་པར་བརྙེས་པའི་བརྟུལ་ཞུགས་ཀྱི། །མཆོག་གསུམ་དགྱེས་པའི་ཕྲིན་ལས་རྒྱ་མཚོ་ཡི། །སྐ་རགས་ལྡན་པ་མཛེས་བྱེད་སྡེ་བཞིའི་བདག །དེས་ནི་སེམས་ཅན་བྱང་ཆུབ་གནས་འདོང་བའི། །ཐེག་པ་མི་
 [བྱ་བའི་རང་བཞིན་བརྗོད་པ།] བསླུ་ངེས་པ་དམ་པའི་ཆོས། །མཆོག་ཏུ་ལེགས་པར་རྟོགས་པའི་བློ་གྲོས་ཀྱིས། །ལེགས་བྱས་འདི་ཡི་སྒོ་འཕར་འབྱེད་ལ་ཞུགས། །ཟླ་གཞོན་ཟེར་གྱིས་ཆུ་ཡི་གཏེར་བཞིན་དང་། །མི་སྦྱིན་སྐྱེས་ཀྱིས་པདྨའི་ཚལ་ལ་བཞིན། །གཏོང་བ་འདི་ཡི་ཕན་ཡོན་བསམ་ཡས་
ཀྱིས། །མི་བདག་དེ་ཡི་བློ་གྲོས་མཛེས་པར་བྱས། །ཐུབ་པའི་བསྟན་པ་ཇི་སྲིད་གནས་བར་ལ། །ཆོས་ཀྱི་སྦྱིན་པ་མི་ཟད་འབྱུང་བའི་མ། །གང་ལ་པར་  [ངག་དོན་གྱི་དཔེ།] ཞེས་བྱ་བ་ཐ་སྙད་དུ། །འཕྲིན་ཡིག་གསལ་བ་ཕྱོགས་ཀྱི་མཁས་པས་བྲིས། །མི་མཆོག་ཆོས་ཀྱི་མཆོད་སྡོང་བླ་ན་མེད། །
མི་དགེའི་མཚན་རིས་དབེན་པའི་ཡུལ་དུས་སུ། །མི་མཁས་ [ཡན་ལག་གཅིག་པའི་གཟུགས་ཅན།] བྲལ་བའི་གྲོགས་དང་གཏོང་བ་ཡིས། །མི་མཐུན་ཕྱོགས་ལས་རྒྱལ་བ་ཉིད་དུ་བསྒྲུབས། །ཡ་མཚན་གཏམ་དུ་གླེང་ལ་དབྱངས་ཅན་མ། །འདི་ན་མཆིས་ཞེས་ [བཞི་གའི་ཐོག་མར་ཡོད་པ་ཆོད་པའི་ཟུང་ལྡན།] བྱིས་
པའི་བློ་འཁྲུལ་ཏེ། །རྒྱུད་མང་སྒྲ་དང་བསྲེས་པའི་ཆོས་འཆད་པ། །བལྟ་འདོད་འདི་ན་ཡང་དང་ཡང་རྒྱུའོ། །སྤྱི་དོན་དྲུག་པ་བསྐུལ་བ་མི་ལྡོག་ཆེད་དུ་ཇི་ལྟར་པར་དུ་ [རྣམ་པར་རྨོངས་པའི་དཔེ།] བསྒྲུབ་པ་ལ། གང་དུ་བསྒྲུབ་པའི་ཡུལ་གྱི་ཁྱད་པར། ནམ་ཞིག་བསྒྲུབ་པའི་དུས་
ཀྱི་ཁྱད་པར། ཇི་ལྟར་བསྒྲུབ་པའི་ལས་ཀྱི་འཁོར་ལོ་དང་གསུམ་ལས། དང་པོ་ནི་སྤྱིར་འཕགས་མཆོག་འཇིག་རྟེན་དབང་ཕྱུག་གི་གདུལ་ཞིང་། བསིལ་ལྡན་སྟོན་དུས་ཟླ་བ་ཞུན་མའི་ཚོན་གྱིས་ལན་བརྒྱར་བྱུགས་པ་ལ་ཅོ་འདྲིར་བྱེད་པའི་ཁ་བའི་རྡུལ་དཀར་གྱི་ཕྲེང་བ་བརྩེགས་པའི་ས་
འཛིན་གྱི་ར་བས་ཡོངས་སུ་བསྐོར་བའི་བོད་ཁ་བ་ཅན་གྱི་རྒྱལ་ཁམས་ཏེ། དེའང་མདོ་སྡེ་པདྨ་དཀར་པོ་ལས། སྟོན་པ་འོད་མའི་ཚལ་ན་བཞུགས་པའི་དུས་ན། སྨིན་མཚམས་ཀྱི་མཛོད་སྤུ་ལས་འོད་ཟེར་ཁ་དོག་ལྔ་འཕྲོས་ཏེ། བྱང་ཕྱོགས་ཁ་བ་ཅན་གྱི་རྒྱལ་ཁམས་ལ་སོང་། དེར་གཟིགས་

213-1-269a

ཏེ་ཞལ་འཛུམ་མཛད་པས་བྱང་ཆུབ་སེམས་དཔའ་སྒྲིབ་པ་རྣམ་པར་སེལ་བས་དེའི་རྒྱུ་རྐྱེན་བཤད་དུ་གསོལ་ཞེས་ཞུས་པ་དང་། བཅོམ་ལྡན་འདས་ཀྱིས་བཀའ་སྩལ་པ། རིགས་ཀྱི་བུ་དུས་གསུམ་གྱི་སངས་རྒྱས་གང་གིས་ཀྱང་གདུལ་བྱར་མ་གྱུར་པའི་གནས།
འདྲེ་སྲིན་དུ་མས་གང་བའི་མཐའ་འཁོབ་ཁ་བ་ཅན་གྱི་རྒྱལ་ཁམས་དེར། མ་འོངས་པའི་དུས་སུ་དམ་པའི་ཆོས་ཉི་མ་ཤར་བ་ལྟ་བུ་ཞིག་དར་ཞིང་རྒྱས་པར་འདུག་སྟེ། སེམས་ཅན་དེ་རྣམས་ཀྱང་ཐར་པ་བྱང་ཆུབ་ཀྱི་ལམ་ལ་འགོད་པར་འགྱུར་རོ། །མཐའ་འཁོབ་དེ་འདུལ་བའི་གཉེན་
པོ་ནི་འཕགས་པ་སྤྱན་རས་གཟིགས་ཡིན་ནོ། །དེ་གང་ཞེ་ན། འཕགས་པ་སྤྱན་རས་གཟིགས་དབང་ཕྱུག་དེས། སྔོན་བྱང་ཆུབ་སེམས་དཔའི་སྤྱད་པ་སྤྱོད་པའི་ཚེ། སངས་རྒྱས་སྟོང་གི་སྤྱན་སྔར་སྨོན་ལམ་བཏབ་སྟེ། བདག་གིས་དུས་གསུམ་སངས་རྒྱས་གང་གིས་ཀྱང་ཞབས་ཀྱིས་མ་
བཅགས་པའི་གནས། མཐའ་འཁོབ་ཁ་བ་ཅན་གྱི་རྒྱལ་ཁམས་ལ་ཡོད་པའི་སེམས་ཅན་གདུལ་དཀའ་བ་དེ་རྣམས་ཐར་པ་བྱང་ཆུབ་ཀྱི་ལམ་ལ་འགོད་པར་གྱུར་ཅིག །མཐའ་འཁོབ་དེ་ཡང་བདག་གིས་འདུལ་བའི་ཞིང་དུ་གྱུར་ཅིག །བདག་འདྲེ་སྲིན་ལ་སོགས་པའི་སེམས་
ཅན་དེ་དག་གི་ཕ་མ་ལྟ་བུར་གྱུར་ཅིག །འགྲོ་བ་སྒྲོལ་བའི་དེད་དཔོན་ལྟ་བུར་གྱུར་ཅིག །མུན་པ་སེལ་བའི་སྒྲོན་མེ་ལྟ་བུར་གྱུར་ཅིག །དུས་གསུམ་སངས་རྒྱས་ལ་སོགས་པ་དེ་བཞིན་གཤེགས་པ་ཐམས་ཅད་ཀྱིས་གསུངས་པའི་ཆོས་ཐམས་ཅད་མཐའ་འཁོབ་ཀྱི་ཡུལ་དིར་དར་
ཞིང་རྒྱས་ལ་ཡུན་རིང་དུ་གནས་པར་གྱུར་ཅིག །སེམས་ཅན་དེ་རྣམས་ཀྱིས་དཀོན་མཆོག་གསུམ་གྱི་མཚན་ཐོས་ཏེ་སྐྱབས་སུ་སོང་ནས། བདེ་འགྲོ་མཐོ་རིས་ཀྱི་ལུས་ཐོབ་སྟེ། དམ་པའི་ཆོས་ལ་ལོངས་སྤྱོད་པར་གྱུར་ཅིག་ཅེས་སྨོན་ལམ་བཏབ་པར་བཤད་པ་དང་། ཟ་མ་
ཏོག་བཀོད་པ་མདོའི་འཁོར་ལོ་ཐ་མ་ལས། སྟོན་པ་མྱ་ངན་ལས་འདའ་བར་ཉེ་བའི་ཚེ། བྱང་ཕྱོགས་ཁ་བ་ཅན་གྱི་རྒྱལ་ཁམས་ཞབས་ཀྱིས་མ་བཅགས། གསུང་གིས་མ་བསྐྱངས་པ་འདི་རྣམས་ཀྱི་དོན་དུ་བཞུགས་པར་ཞུ་ཞེས་གསོལ་བས། བཅོམ་ལྡན་འདས་ཀྱི་ཞལ་ནས།

213-1-269b

ངའི་གདུལ་བྱ་ནི་རྫོགས་པ་ཡིན། ད་གདུལ་བྱར་གྱུར་པ་མེད་པས་ལེ་ལོ་ཅན་རྣམས་ཆོས་ལ་བསྐུལ་བ་དང་། རྟག་པར་སུན་འདོན་པའི་ཕྱིར་མྱ་ངན་ལས་འདའ་བའི་ཚུལ་སྟོན་ནོ། །བྱང་ཕྱོགས་ཁ་བ་ཅན་གྱི་རྒྱལ་ཁམས་ཀྱི་སེམས་ཅན་ནི་ད་ལྟ་དུད་འགྲོར་སོང་བས་སེམས་ཅན་
མིའི་མིང་མེད་དོ། །མུན་པ་མུན་ནག་ཏུ་གྱུར་པ། ཤི་བ་ཐམས་ཅད་ཀྱང་མི་ལྡོག་པ། མཚོ་ལ་ཁ་བ་བབས་པ་བཞིན་དུ་ངན་འགྲོའི་འཇིག་རྟེན་དུ་འགྲོ་བ་ཡིན་པས། མ་འོངས་པའི་དུས་ན་ངའི་བསྟན་པ་མར་འགྲིབ་ཀྱི་དུས་སུ། བྱང་ཆུབ་སེམས་དཔའ་ཁྱོད་ཉིད་ཀྱི་གདུལ་བྱར་འགྱུར་
གྱིས། ཐོག་མར་བྱང་ཆུབ་སེམས་དཔའི་སྤྲུལ་པས་མིའི་འགྲོ་བ་བསྐྱེད། དེ་ནས་ཟང་ཟིང་གིས་བསྡུས། དེ་ནས་ཆོས་ཀྱིས་བསྡུས། འགྲོ་བའི་དོན་དུ་འགྱུར་རོ་ཞེས་དང་། ཇོ་བོ་རྗེ་ལྷ་གཅིག་རྡོ་རྗེ་གདན་གྱི་ནུབ་ཕྱོགས་ན་འོད་དཔག་མེད་པའི་ལྷ་ཁང་ཞིག་ཡོད་པའི་ནང་དུ་
བྱམས་སྙིང་རྗེ་བྱང་ཆུབ་ཀྱི་སེམས་བསྒོམ་ཞིང་བཞུགས་པ་ན། འཕགས་པ་སྤྱན་རས་གཟིགས་ཀྱིས་ཞལ་མངོན་སུམ་དུ་བསྟན་ནས། སྐྱེས་བུ་དམ་པ་ལེགས་སོ་ལེགས་སོ། །དུས་གསུམ་གྱི་སངས་རྒྱས་ཐམས་ཅད་ཀྱི་གསང་བའི་མཛོད་གང་ཡིན་པ་དེ་ཁྱོད་ཀྱིས་ཤེས་སམ། འདི་
ནས་བྱང་ཕྱོགས་ན་ངའི་ཞིང་ཁམས་ཡོད། ཁྱོད་ཀྱི་ཡི་དམ་སྒྲོལ་མ་ཡང་དེ་ན་སེམས་ཅན་གྱི་དོན་མཛད་ཅིང་བཞུགས། གདུལ་བྱ་མང་པོ་ཡང་དེ་ན་ཡོད་པས་བྱང་ཕྱོགས་སུ་སོང་ཤིག་ཅེས་བྱ་བ་ལ་སོགས་པའི་བོད་ཀྱི་ཡུལ་འདིར་འཕགས་པ་སྤྱན་རས་གཟིགས་ཀྱི་འདུལ་ཞིང་ཡིན་པར་
ལུང་གིས་བསྟན་ཅིང་དངོས་སུ་གྲུབ་པ་འདི་ནི། བདེ་མཆོག་ཉུང་ངུ་ལེའུ་ལྔ་བཅུ་རྩ་གཅིག་པ་ལས། བོད་ཀྱི་ཡུལ་དང་དེ་བཞིན་དུ། །མ་ལ་ཝ་དང་པུལིླ་སོགས། ཉི་ཤུ་རྩ་བཞིའི་ཡུལ་ཡིན་ནོ། །ཞེས་པ་ཉི་ཤུ་རྩ་བཞིའི་ཡུལ་གྱི་གསུང་གི་འཁོར་ལོའི་ནང་ཚན་དུ་བཤད་པ་དང་།
ཀྱེ་རྡོ་རྗེ་ལས་གནས་དང་ས་སྦྱར་བའི་བཅུ་གཉིས་པར་བཤད་ཅིང་། རྡོ་རྗེ་མཁས་འགྲོའི་རྒྱུད་ལས། བོད་ཡུལ་དུ་ནི་ལྷན་སྐྱེས་ཏེ། །ཞི་ཞིང་གསལ་བའི་གཟུགས་ཅན་མ། །ཆུ་སྲིན་རྒྱལ་མཚན་ལག་ན་ཐོགས། །བྲག་གི་ཁྱིམ་ལ་བརྟེན་ཏེ་གནས། །རང་བྱུང་གི་ནི་སྐྱེ་གནས་ཅན། །

213-1-270a

ཞེས་དང་། ལྷ་མོ་དྲི་མ་མེད་པས་ཞུས་པའི་མདོ་ལས། ང་མྱ་ངན་ལས་འདས་ནས་ལོ་ཉིས་སྟོང་ལྔ་བརྒྱ་ན་གདོང་དམར་ཅན་གྱི་ཡུལ་དུ་དམ་པའི་ཆོས་དར་བར་འགྱུར་རོ་ཞེས་དང་། ཤེས་རབ་ཀྱི་ཕ་རོལ་ཏུ་ཕྱིན་པ་བརྒྱད་སྟོང་པའི་མདོའི་ཡུལ་ཡོངས་སུ་སྦྱོང་བར། ཡུལ་
དབུས་ནས་ལྷོ་ཕྱོགས་སུ་དར་བར་འགྱུར་རོ། །ལྷོ་ཕྱོགས་ནས་བྱང་ཕྱོགས་སུ་དར་བར་འགྱུར་རོ། །བྱང་ཕྱོགས་ནས་བྱང་ཕྱོགས་སུ་དར་བར་འགྱུར་རོ་ཞེས་དམ་པའི་ཆོས་ཡོངས་སུ་དར་བར་ལུང་གི་ཕྲེང་བ་མང་པོས་མངོན་པར་བསྔགས་པའི་ལྗོངས་འདི་ཉིད་ཇི་ལྟར་ཆགས་པའི་
ཚུལ་ནི། ཐོག་མར་དག་བྱེད་ཀྱི་ཕུང་པོས་ཡོངས་སུ་གཏམས་ཤིང་བཻ་ཌཱུརྱ་སྔོན་པོའི་མཎྜལ་ཕྱིས་པ་ལྟ་བུ་མཚོར་གྱུར་པ་དེ་རིམ་གྱིས་བྲི་ནས། ཤུག་པ་ལ་སོགས་པའི་རྩི་ཤིང་ནགས་ཚལ་སྟུག་པོས་ཁྱབ་པས། སཱ་ལའི་ལྗོངས་ཞེས་གྲགས་པའི་ཡུལ་དུ་གྱུར་པ་སྟེ། དེའང་
འཇམ་དཔལ་རྩ་བའི་རྒྱུད་ལས། ང་ཡི་དུས་ནས་ལོ་བརྒྱ་ན། །ཁ་བ་ཅན་དུ་མཚོ་བྲི་ནས། །སཱ་ལའི་ནགས་ནི་འབྱུང་བར་འགྱུར། །ཞེས་སོ། །དེར་ཁྱད་པར་བོད་ཀྱི་འགྲོ་བ་ཆགས་པའི་ཚུལ་ནི། ལྷ་ལས་ཕུལ་བྱུང་གི་བསྟོད་པར། ཁྱབ་འཇུག་གིས་ནི་འཐབ་དཀའ་བསད། །
ཅེས་པའི་འགྲེལ་པར། འདི་ལྟར་ཁྱབ་འཇུག་གིས་འཐབ་དཀའ་ལ་དྲིས་པ། དཔུང་གི་ཚོགས་བཅོ་བརྒྱད་ཁྱེར་རམ། འོན་ཏེ་ནོར་ལྷ་གཅིག་པུ་ཁྱེར་ཞེས་དྲིས་པས། དེས་དཔུང་གི་ཚོགས་རྣམས་ཁྱེར་རོ་ཞེས་སྨྲས་པ་དང་། དེས་ཞེ་འགྲས་པར་གྱུར་ནས། ཁྱབ་འཇུག་
གིས་སྐྱ་བསེང་གི་ཕྱོགས་བྱས་ཏེ་གཡུལ་ངོར་ཆས་པ་ན། སྲིད་སྒྲུབ་ཀྱིས་ཀུན་དུ་བལྟས་ཏེ་སྨྲས་པ། ཁོ་བོས་ནི་ཉེ་དུའི་ཚོགས་གསོད་པར་མི་ནུས་ཏེ། གང་གི་དོན་དུ་རྒྱལ་སྲིད་ཐོབ་པར་འདོད་པའི་ཉེ་དུའི་ཚོགས་དེ་ཇི་ལྟར་གསད་པར་བྱ་ཞེས་སྨྲ་སྟེ། སྲིད་སྒྲུབ་འཐབ་པ་ལས་
ལྡོག་པར་གྱུར་པ་དང་། ཁྱབ་འཇུག་གིས་སྨྲས་པ། ཁྱེད་ནི་བླུན་པ་ཡིན་ཏེ། གང་གིས་མི་ནི་གསད་པ་དང་། །གང་ཞིག་གསོད་པར་བྱེད་པ་དག །དེ་དག་གཉིས་ཀ་མི་དམིགས་ཏེ། །བསད་དང་གསོད་པ་པོ་ཡོད་མིན། །རིགས་དང་འདུལ་བ་ཕུན་སུམ་ཚོགས། །བྲམ་

213-1-270b

ཟེ་བ་ལང་གླང་པོ་དང་། །ཁྱི་དང་སྨེ་ཤ་ཅན་དག་དང་། །མཁས་པ་རྣམས་ནི་མཉམ་པར་བལྟ། །ཞེས་བྱ་བ་ལ་སོགས་པ་མེད་པར་ལྟ་བའི་ཚིགས་སུ་བཅད་པ་མང་པོ་བསྟན་ཅིང་། སྣ་ཚོགས་པའི་གཟུགས་བསྟན་པས་བསླུས་ནས། སྲིད་སྒྲུབ་ཀྱི་ཁ་ལོ་པ་རང་ཉིད་ཀྱིས་བྱས་ཏེ། གཡུལ་
བགྱེ་བས་འཐབ་དཀའི་རིགས་དཔུང་གི་ཚོགས་བཅོ་བརྒྱད་དང་བཅས་པ་བརླག་པར་གྱུར་ཏོ། །རཱུ་པ་ཏི་ཞེས་བྱ་བའི་རྒྱལ་པོ་དཔུང་གི་ཚོགས་གཅིག་དང་བཅས་པ་གཡུལ་འགྱེད་པའི་ཚེ། བུད་མེད་ཀྱི་ཆ་ལུགས་སུ་བྱས་ཏེ་བྲོས་ནས་རི་ཁ་བ་ཅན་གྱི་ཁྲོད་དུ་ཞུགས་ཏེ། གནས་པའི་རིགས་
ལས་དེང་སང་ན་ཡང་བོད་ཅེས་བྱ་བར་གྲགས་པ་ཡིན་ནོ་ཞེས་འབྱུང་བ་དང་། བོད་ཀྱི་གཏམ་རྒྱུད་ལྟར་ན་སྤྱན་རས་གཟིགས་དབང་ཕྱུག་ལ་བཅོམ་ལྡན་འདས་སྣང་བ་མཐའ་ཡས་ཀྱིས་བྱང་ཆུབ་སེམས་དཔའ་ཐུགས་རྗེ་དང་ལྡན་པ་ཁྱོད་ཁ་བ་ཅན་གྱི་རྒྱལ་ཁམས་བྱ་བ་ཡོད་པས། བཅོམ་
ལྡན་འདས་ཤཱཀྱ་ཐུབ་པའི་གདུལ་བྱར་མ་གྱུར་པས་སྐུའི་ཞབས་ཀྱིས་མ་བཅགས། གསུང་གི་འོད་ཟེར་གྱིས་མ་ཁྱབ། ཐུགས་ཀྱི་བྱིན་གྱིས་མ་བརླབས་པས། ཁྱོད་ཀྱིས་ཁ་བ་ཅན་གྱི་སེམས་ཅན་རྣམས་དང་པོར་ཟང་ཟིང་གིས་བསྡུས། དེ་ནས་ཆོས་ཀྱི་སྦྱིན་པས་ཐུལ་ལ་དེ་རྣམས་ཀྱི་
རྒྱུད་སྨིན་པར་མཛོད་ཅིག་ཅེས་བྱ་བ་བྱུང་ངོ་། །དེ་ནས་བྱང་ཆུབ་སེམས་དཔའ་འཕགས་པ་སྤྱན་རས་གཟིགས་དབང་ཕྱུག་གིས་ཕོ་བྲང་རི་པོ་ཏ་ལའི་རྩེ་མོ་རིན་པོ་ཆེ་སྣ་ཚོགས་པའི་ཁང་བཟངས་ནས་ཁ་བ་ཅན་དུ་གདུལ་བྱའི་སེམས་ཅན་ལ་གཟིགས་པས། སངས་རྒྱས་ཀྱི་བསྟན་པ་མེད་པར་
མཚན་མོ་མུན་པ་མུན་རུམ་དང་འདྲ་བར་མུན་ནག་འཐིབས་པོར་འདུག་པ་གཟིགས་ནས། དེར་སྐྱེས་པའི་སེམས་ཅན་རྣམས་མཚོ་ལ་ཁ་བ་བབ་པ་ལྟར་ཡར་འཐོན་པ་མེད་པར་མར་ངན་སོང་དུ་འགྲོ་བར་འདུག །དེ་ནས་ཐར་པ་མེད་པར་ལྕགས་ཀྱི་ཟ་མ་ཏོག་ཁ་བཅད་པ་འདྲ་བར་གཟིགས་
ནས་དེར་འགྲོ་བའི་དོན་བྱེད་པ་ལ་ནི། དུས་དེ་ཙམ་ན་བོད་ཁམས་གླིང་དགུ་ཞེས་པ། རིན་པོ་ཆེ་འོད་ཀྱི་གླིང་ནི་སྟོད་ཁམས་གསུམ་སྟེ། གཡའ་རི་དང་། གངས་རིའི་བར་ན་གླང་པོ་ཆེ་དང་རི་དྭགས་རྣམས་ཀྱིས་དབང་བྱས་པ། རུ་བཞི་སོག་པའི་གླིང་ནི་བར་ཁམས་གསུམ་སྟེ། བྲག་རི་

213-1-271a

དང་སྤང་རིའི་ཤོད་ན་བྲག་སྲིན་དང་སྤྲེའུ་རྣམས་ཀྱིས་དབང་བྱས་པ། རྨ་བྱ་འོག་གླིང་ནི་སྨད་ཁམས་གསུམ་སྟེ། ནགས་ཚལ་དང་ལྗོངས་ཀྱི་དབུས་ན་བྱ་དང་སྲིན་པོ་རྣམས་ཀྱིས་དབང་བྱས་པས་སེམས་ཅན་མི་ཞེས་བྱ་བའི་མིང་ཡང་མ་བྱུང་བ་དང་། དུད་འགྲོ་ནི་
ཧ་ཅང་གླེན་ཞིང་གཏི་མུག་པས་བླང་དོར་ཚུལ་བཞིན་དུ་སྟོན་པའི་ཡུལ་དུ་མ་བཏུབ་བོ། །དེས་ན་ཐོག་མར་མིའི་འགྲོ་བ་བསྐྱེད་པར་དགོངས་ཏེ། འཕགས་པ་གྲུ་འཛིན་གྱི་མགོན་པོའི་ཕྱག་གཡོན་པའི་འོད་ཟེར་ལས་བྱང་ཆུབ་སེམས་དཔའ་སྤྲེའུའི་རྒྱལ་པོ་ཧ་ལུ་མཉྫུ་ཞེས་བྱ་བ་ཞིག་སྤྲུལ་ཏེ། 
དེ་ལ་གཏན་ཁྲིམས་ལྔའི་སྡོམ་པ་ཕོག་སྟེ། ཟབ་པ་དང་རྒྱ་ཆེ་བའི་ཆོས་ཀྱི་བདུད་རྩི་ཡང་མང་དུ་སྩལ་ཏེ། བྱང་ཕྱོགས་ཁ་བ་ཅན་ཞེས་བྱ་བའི་རྒྱལ་ཁམས་སུ་སོང་ལ་བྲག་དུམ་བུ་གཅིག་པ་ལ་སྒོམས་ཤིག་ཅེས་སྒོམ་བྱེད་དུ་བཏང་ངོ་། །དེས་ཀྱང་རྫུ་འཕྲུལ་གྱིས་བགྲོད་པས་སྐད་ཅིག་གཅིག་
གི་ཡུན་ལ་ཁ་བ་ཅན་དུ་ཕྱིན་ཏེ། སེམས་རྩེ་གཅིག་པའི་ཏིང་ངེ་འཛིན་ལ་མཉམ་པར་བཞག་གོ། །ཇི་ཙམ་ན། རྗེ་བཙུན་སྒྲོལ་མའི་སྒྱུ་འཕྲུལ་གྱི་ཟློས་གར་ཡིན་པའི་བྲག་སྲིན་མོ་ཞིག་རྩེ་དགའི་བདེ་བ་རྗེས་སུ་དྲན་པའི་ཚུལ་གྱིས་རང་གི་རིགས་དང་མཐུན་པར་སྤྲེའུ་མོའི་ཆ་བྱད་དུ་བཟུང་སྟེ་མདུན་
དུ་འོངས་སོ། །འོངས་ནས་ཀྱང་བསམ་གཏན་པ་དེ་དང་དགའ་མགུར་སྤྱོད་པའི་བརྡ་ཐབས་ཀྱི་རྣམ་པ་ཅི་ཡང་བསྟན་པས་ཞག་བདུན་གྱི་བར་དུ་དུས་འདའ་བར་བྱས་ཀྱང་དེའི་སེམས་ནི་ཅུང་ཟད་གཡོ་བར་མ་ནུས་སོ། །སྤྲེའུ་མོས་བསམས་པ། ཁ་དོག་དང་བྱད་བཞིན་མི་སྡུག་པས་ལན་
ནོ་སྙམ་སྟེ། ཉིན་གཅིག་བུད་མེད་བཟང་མོ་མཛེས་ཤིང་ལྟ་ན་སྡུག་པ་ལང་ཚོ་གཞོན་ནུར་གྱུར་པ་རྒྱན་ཐམས་ཅད་ཀྱིས་བརྒྱན་པ་ཅིག་ཏུ་སྤྲུལ་ནས། སླར་ཡང་འདོད་པའི་རྩེ་དགའ་ལ་སྤྱོད་པའི་བརྡ་བསྟན་པ་དང་། སྤྲེའུ་དེའི་སེམས་ཅུང་ཟད་གཡོས་པ་བཞིན་དུ་དེའི་གདོང་ལ་མིག་ཟུར་གཏད་དེ་
ཅུང་ཟད་གནས་པར་གྱུར་ཏོ། །ཇི་ཙམ་ན་དེས་ཀྱང་གླགས་རྙེད་པར་ཤེས་ནས། ངོ་ཚས་སྤངས་པ་བཞིན་དུ་དེའི་གམ་དུ་ལྷགས་ཏེ། བདག་ཅག་གཉིས་ནི་མཐུན་པའི་ཁྱིམ་ཐབས་བྱའོ་ཞེས་ལན་གཅིག་མ་ཡིན་པར་སྨྲ་བར་བྱས་སོ། །སྤྲེའུས་སྨྲས་པ། ང་ནི་འཕགས་པ་སྤྱན་རས་

213-1-271b

གཟིགས་ལས་དགེ་བསྙེན་དུ་བསྒྲུབས་ནས་དེའི་བསླབ་བྱ་ལ་སློབ་པ་ཞིག་ཡིན་པས་སྲོག་གི་དབང་པོ་འགགས་པ་ནི་བླའི། བསླབ་བྱ་འདོར་བ་ལ་ནི་དེ་ལྟ་མ་ཡིན་ནོ་ཞེས་སོ། །དེར་བྲག་སྲིན་མོས་སྨྲས་པ། །ཀྱེ་མ་སྤྲེའུའི་རྒྱལ་པོ་བདག་ལ་དགོངས་ཤིང་གསོན། །བདག་ནི་ལས་ཀྱི་
དབང་གིས་སྲིན་མོའི་རིགས་སུ་སྐྱེས། །འདོད་ཆགས་དབང་གིས་ཁྱོད་ལ་ཞེན་ཅིང་ཆགས། །ཆགས་པའི་དབང་གིས་ཁྱོད་ལ་བསྐོར་ཞིང་གསོལ། །བདག་ནི་ཁྱོད་དང་ཁྱིམ་ཐབས་མི་བྱེད་ན། །ཐ་མར་སྲིན་པོ་དག་དང་འགྲོགས་ནས་ནི། །ཉི་མ་རེ་ལ་སྲོག་ཆགས་ཉི་ཁྲི་གསོད། །
ནང་རེ་རེ་ལ་སྲོག་ཆགས་སྟོང་སྟོང་ཟ། །སྲིན་མོའི་ཕྲུ་གུ་མང་པོ་སྐྱེས་གྱུར་ནས། །ཁ་བ་ཅན་གྱི་ཡུལ་ཕྱོགས་འདི་ཉིད་ནི། །སྲིན་པོའི་རྒྱལ་ཁམས་དག་ཏུ་གྱུར་ནས་ཀྱང་། །ཛམྦུའི་གླིང་ཀུན་སྲིན་པོས་ཟ་བར་འགྱུར། །དེས་ན་བདག་ནི་འདི་རུ་འཆི་བར་བགྱི། །ཤི་ནས་བདག་ཅག་ལས་ཀྱི་
དབང་གིས་ཀྱང་། །བདག་ནི་མི་བཟད་དམྱལ་བའི་གནས་སུ་ལྟུང་། །སྡོམ་པ་བསྲུངས་པས་མི་ཕན་ཁྱོད་ལ་སྡིག་པ་འོང་། །ཁྱོད་ཀྱི་བྱང་སེམས་སྡོམ་པའང་ཉམས་ནས་འགྲོ། །དེ་བས་བདག་ལ་དགོངས་ལ་ཐུགས་རྗེས་གཟིགས། །ཞེས་གདུང་བའི་སྨྲེ་སྔགས་འདོན་པ་དང་།
མཆི་མའི་རྒྱུན་ནི་ཁྲག་གི་ཆུ་གཏེར་བཞིན་དུ་དབབ་པར་བརྩམས་སོ། །བྱང་ཆུབ་སེམས་དཔས་བསམ་པ་མ་ལ་འདིའི་བསམ་པ་བཞིན་བྱས་ན་ནི་བསླབ་པ་དང་འགལ་བར་འགྱུར་ལ། ཅིག་ཤོས་དེ་ལས་བཟློག་སྟེ་བསླབ་པ་ལ་གནས་པར་བྱས་ན་ནི་སྲིན་མོ་ཤི་བར་འགྱུར་གྱི། ད་ནི་འཕགས་པ་
ཉིད་ལ་གསོལ་ཏེ། དེས་ཇི་ལྟར་བཀའ་སྩལ་པ་དེ་ལྟར་བགྱིའོ་སྙམ་དུ་རྫུ་འཕྲུལ་གྱིས་རི་པོ་ཏ་ལའི་གཞལ་མེད་ཁང་ན་འཕགས་པས་ཆོས་ཀྱི་འཁོར་ལོ་བསྐོར་བའི་དྲུང་དུ་མངོན་པར་དོང་སྟེ་ཕྱིན་ནས་གསོལ་པ། ཀྱེ་མ་འགྲོ་བའི་མགོན་པོ་ཐུགས་རྗེ་ཅན། །བདག་གི་དགེ་བསྙེན་
སྡོམ་པ་སྲོག་བཞིན་བསྲུངས་ལགས་ཀྱང་། །བདུད་ཀྱི་རིགས་ཀྱི་སྲིན་མོ་འདོད་སེམས་ཅན། །བདག་ལ་ཐོ་འཚམ་ལགས་སམ་སྡོམ་པ་དབྲོག་ཏུ་བྱུང་། །དེ་ལ་ཇི་ལྟར་བགྱིས་ལ་བདག་གིས་སྡོམ་པ་བསྲུང་། །བྱམས་མགོན་ཁྱེད་ཀྱིས་བདག་ལ་གནང་བར་ཞུ། །ཞེས་གསོལ་པ་ལ།

213-1-272a

འཕགས་པས་བཀའ་སྩལ་བ། རིགས་ཀྱི་བུ་ཁྱོད་ཀྱིས་བྲག་སྲིན་མོ་དང་བཟའ་ཚོ་གྱིས་ཤིག །བར་ཆད་དུ་མི་འགྲོ་ཞིང་ཕན་པ་རྒྱ་ཆེན་པོ་འབྱུང་བའི་གྲོགས་སུ་འགྲོ་སྟེ། མ་འོངས་པ་ན་ཁ་བ་ཅན་གྱི་རྒྱལ་ཁམས་སུ་ཁྱོད་ཀྱི་བུ་ཚ་རིགས་རྒྱུད་འཕེལ་ཞིང་མིའི་འགྲོ་བར་གྱུར་ཏོ། །
དེ་དག་གིས་དམ་པའི་ཆོས་འཛིན་པར་འགྱུར་བས་ན་མཆོག་ཏུ་འགྱུར་རོ་ཞེས་དང་། རྗེ་བཙུན་མ་སྒྲོལ་མས་ཀྱང་། དེ་ནི་ལེགས་ཀྱི་དེས་ནི་མིའི་འགྲོ་བ་འཕེལ་ནས་དམ་པའི་ཆོས་འཛིན་པའི་རྟེན་དུ་འགྱུར་རོ་ཞེས་གསུངས་སོ། །དེ་སྐད་ཐོས་ནས་སླར་ཡང་ཁ་བ་ཅན་དུ་ལོག་སྟེ་བྲག་སྲིན་མོ་དང་བཟའ་ཚོ་བྱས་
ཏེ། དགའ་བ་དང་རྩེ་བ་དང་དགའ་མགུར་སྤྱོད་པ་ལས། ཟླ་བ་དགུ་དང་ངོ་བཅུ་ནས་འགྲོ་བ་རིགས་དྲུག་ནས་ཚེ་འཕོས་པའི་ཕྲུ་གུ་གཤིས་མི་འདྲ་བ་དྲུག་བྱུང་སྟེ། ལུས་ཐམས་ཅད་སྤུས་ཁེངས་པ་དང་། མ་སྲིན་མོ་ཡིན་པས་མཇུག་མ་མེད་ཅིང་གདོང་དམར་བ། དེའང་ལྷ་ལས་འཕོས་པ་
ནི། དལ་བ་དང་། ཡིད་གཞུངས་པ་དང་། རྒྱུད་འཇམ་པ། ལྷ་མ་ཡིན་ལས་འཕོས་པ་ནི་ཞེ་སྡང་ཆེ་བ་དང་འཐབ་པ་ལ་དགའ་བ། མི་ལས་འཕོས་པ་ནི་འདོད་པའི་ལོགས་སྤྱོད་ལ་སྲེད་པ་ཆེ་བ། དུད་འགྲོ་ལས་འཕོས་པ་ནི་གོ་བ་ཞན་པ་དང་ཤེས་རབ་ཆུང་བ། ཡི་དྭགས་ལས་འཕོས་པ་ནི་ལྟོ་
ལ་ཞེན་པ་དང་སེར་སྣ་ཆེ་བ། དམྱལ་བ་ལས་འཕོས་པ་ནི་ཁྲོ་གཏུམ་མ་ཆེ་བ་དང་སྡུག་བསྔལ་ལ་བཟོད་སྲན་ཆེ་བ་རྣམས་བྱུང་སྟེ། དེ་ཐམས་ཅད་ཀྱང་ཕ་ལ་ལྟོས་ནས་ལུས་ལ་སྤུས་གང་བ་དང་། མ་ལ་ལྟོས་ནས་མཇུག་མ་མེད་པ་དང་། ཤ་ཁྲག་ལ་དགའ་བ་དང་། མགོ་ལ་སྐྲ་ཡོད་པ་
དང་། སྨྲ་ཤེས་པ་རྣམས་སུ་གྱུར་ཏོ། །ཇི་ཙམ་ན་ཕ་སྤྲེའུ་བྱང་ཆུབ་སེམས་དཔའ་དེས་ལྷོ་ཕྱོགས་ཀྱི་ནགས་ཚལ་རྨ་བྱ་ཅན་ཞེས་བྱ་བ་ན་སྤྲེའུ་མང་དུ་ཡོད་པའི་ཟླར་བསྐྱལ་ཏེ་བཞག་གོ། །རིང་ཞིག་ལོན་ན་དེ་ཐམས་ཅད་སྤྲེའུ་ཡང་མ་ཡིན་ལ། མི་ཡང་མ་ཡིན་པ་ཁོ་ན་ལྔ་བརྒྱ་ཙམ་འཕེལ་
ནས། རང་རང་གི་ཕ་མ་དང་མེས་པོ་དག་མཐོང་བ་ན། ཁ་དུམ་ནས་ལག་པ་གདེངས་པ་རོང་རོང་བྱེད་ཅིང་ང་ལ་ཟས་བྱིན་ཞེས་སློང་བར་བྱེད་དོ། །དེ་དག་སྤྲེའུ་བྱང་ཆུབ་སེམས་དཔའ་དེས་མཐོང་ནས་ཤིང་ཐོག་ལ་སོགས་བཏུས་ནས་བྱིན་པས་ཚིམ་པར་ཡང་མ་ནུས་ཤིང་ལུས་སེམས་

213-1-272b

ཤིན་ཏུ་གདུང་བར་གྱུར་བས་ཡིད་ལ་འདི་ལྟར་བྱེད་དེ། ང་ལ་ལུས་སེམས་གདུང་བ་འདི་ལྟ་བུ་འབྱུང་བ་ནི་འཕགས་པའི་བཀའ་བཞིན་དུ་བསྒྲུབས་པ་ལས་བྱུང་གི་ཁོང་ལ་ནི་འཁྲུལ་པ་ཅི་ཞིག་སྲིད། དེས་ན་ད་ནི་ཇི་ལྟར་བགྱི་ཞེས་འཕགས་པ་ཉིད་ལ་ཞུ་བར་རིགས་སོ་སྙམ་ནས་རི་བོ་གྲུ་འཛིན་གྱི་གཞལ་
མེད་ཁང་དུ་ཕྱིན་ཏེ་འཕགས་པ་ལ་གསོལ་པ། ཀྱེ་མ་ཁྱིམ་ཐབས་བདུད་ཀྱི་བཙོན་རར་མ་ཤེས་ཤིང་། །བུད་མེད་བདུད་ཀྱི་འཆིང་བར་མ་ཤེས་ལ། །བུ་ཚ་འཁོར་བའི་བདུད་དུ་མ་ཤེས་པས། །འདོད་པ་དུག་གི་ལོ་མར་མ་རྟོགས་ཏེ། །སྙིང་རྗེས་ཆགས་པར་གྱུར་ནས་བདག་བསླུས་ན། །
འདོད་པའི་འདམ་བྱིང་སྡུག་བསྔལ་རི་ཡིས་མནན། །ཉོན་མོངས་དུག་འཐུང་ལས་ངན་རིམས་ཀྱིས་བཏབ། །སྡུག་བསྔལ་ནད་ཀྱི་བདག་ཉིད་མནར་གྱུར་ན། །འཁོར་བའི་གནས་སུ་བདག་ཉིད་རང་གིས་བཅིངས། །མ་རིག་མུན་འཐིབས་རྟོག་པའི་དྲ་བར་ཆུད། །ད་ནི་ཇི་ལྟར་བྱས་ལ་བུ་ཚེ་
བསྐྱོང་བར་བགྱི། །འཕགས་པས་བཀའ་ཡིས་གནང་ནས་བདག་ལ་འདི་ལྟར་བྱུང་། །ཕྱི་མ་དམྱལ་བར་ལྟུང་བར་ཐེ་ཚོམ་མེད། །དེ་ཕྱིར་བདག་ལ་ཐུགས་རྗེས་བསྐྱབ་ཏུ་གསོལ། །ཞེས་ཞུས་པས། འཕགས་པ་སྤྱན་རས་གཟིགས་དབང་ཕྱུག་གི་ཞལ་ནས། བོད་ཁ་བ་ཅན་གྱི་
ཡུལ་ནི་མུན་པའི་སྨག་རུམ་དང་འདྲ། མི་མ་ཡིན་གྱི་སེམས་ཅན་གྱི་དབང་བྱས་ནས་ངའི་གདུལ་བྱའི་རྟེན་དུ་མ་གྱུར། འདི་རྣམས་འགྲོ་བ་མིར་སྤེལ་ལ། མཐོ་རིས་དང་ཐར་པ་ཐོབ་པའི་ཆེད་དུ་ཁྱོད་བཏང་བ་ཡིན། ཁྱོད་ང་ལ་ཐེ་ཚོམ་དང་ཡིད་གཉིས་མ་བྱེད་ཅིག །ཁྱོད་ཀྱང་སྡུག་བསྔལ་
བར་མ་བྱེད་ཅིག །ཁྱོད་ཀྱི་བུ་ཚ་བོ་འདི་རྣམས་མཐར་མིར་འགྱུར་གྱིས་དེ་དུས་ནམ་ཞིག་ན་ངའི་གདུལ་བྱར་འགྱུར་བ་ཡིན་པས། ཁྱོད་ལ་ཉེས་པ་མེད་ཀྱིས་ཐར་པའི་ཆ་དང་མཐུན་ནོ། །ཤིན་ཏུ་ལེགས་སོ། །སྡུག་བསྔལ་བར་མ་སེམས་ཤིག །ཁྱོད་ཀྱི་རིགས་བརྒྱུད་དེ་རྣམས་ཀྱི་ཟས་
སྐལ་འདི་ཡིན་ནོ་གསུངས་ནས། ནས་དང་། གྲོ་དང་། སྲན་མ་ལ་སོགས་པའི་འབྲུ་སྣ་བདུན་གནང་ནས་འདི་ཁ་བ་ཅན་གྱི་ཡུལ་དབུས་སུ་ཐོབ་ཅིག་དང་འབྲུའི་ཚོགས་དཔག་ཏུ་མེད་པ་འཕེལ་བར་འགྱུར་རོ་ཞེས་གསུང་ཞིང་གསེར་དང་། དངུལ་དང་། ཟངས་དང་། ལྕགས་ལ་

213-1-273a

སོགས་པ་རིན་པོ་ཆེའི་ཕྱེ་མ་སྙིམ་པ་གང་ཁ་བ་ཅན་གྱི་ཕྱོགས་སུ་གཏོར་ནས་ས་གཞི་རིན་པོ་ཆེའི་འབྱུང་གནས་སུ་བྱིན་གྱིས་བརླབས་ཏེ། ཁྱོད་ཀྱི་རིགས་རྒྱུད་འདི་དག་མིར་གྱུར་པའི་ཚེ་གསེར་དངུལ་ལ་སོགས་པས་ཀྱང་འཚོ་ཞིང་། རིན་པོ་ཆེའི་འབྱུང་ཁུངས་རྣམས་ཀྱང་དུས་
དུས་སུ་ཁ་བྱེ་བར་འགྱུར་རོ་ཞེས་དང་། ལྗགས་ཀྱི་མཆིལ་མ་ཞིག་ཀྱང་ཁ་བ་ཅན་གྱི་ཕྱོགས་སུ་འཕངས་ཏེ། མ་འོངས་པ་ན་བྱང་ཆུབ་སེམས་དཔའི་སྤྲུལ་པ་ཆོས་སྐྱོང་བ་ཐོད་བརྒལ་བ་རེ་འབྱུང་བར་འགྱུར་རོ་ཞེས་དབུགས་ཕྱུང་ནས་བཏང་ངོ་། །སྤྲེའུ་བྱང་ཆུབ་སེམས་དཔས་ཀྱང་ཁ་བ་
ཅན་གྱི་ཡུལ་དུ་འོངས་ཏེ་ཡུལ་དབུས་སུ་འབྲུ་དེ་དག་བཏབ་པོ། །དེ་ལེགས་པར་སྨིན་པ་དང་སྤྲེལ་ཕྲུག་རྣམས་ལ་བསྟན་ཏེ། འདི་དག་འཕགས་པས་ཁྱེད་རྣམས་ཀྱི་ཟས་སྐལ་དུ་གནང་བ་ཡིན་པས་འདི་ཟོ་དང་ཞེས་སྨྲས་པས། ཡུལ་དེ་ལ་ཟོ་དང་དུ་གྲགས་སོ། །དེ་ནས་སླར་
ཡང་ཐུགས་རྗེ་ཆེན་པོའི་ཕྱག་མཐིལ་གྱི་འོད་ཟེར་ལས་ཁྱེའུ་ཆུང་མཚན་དང་དཔེ་བྱད་དུ་ལྡན་པ་ཅིག་སྤྲུལ་ཏེ། སྔར་གྱི་མི་ཡང་མིན་ལ་སྤྲེའུ་ཡང་མིན་པ་དེ་རྣམས་ཀྱི་ཁྲོད་དུ་བཏང་བ་ན། དེ་རྣམས་ཀྱིས་སྨྲས་པ། ཁྱོད་ཀྱི་ལུས་བྱད་མཛེས་ཤིང་ལྟ་ན་སྡུག་པ་འདི་ཅི་ལས་བྱུང་། 
ཁྱེའུ་ཆུང་གིས་སྨྲས་པ། ངས་མི་དགེ་བ་བཅུ་སྤོང་བ་དང་། དགེ་བ་བཅུ་སྤྱད་པ་ལས་བྱུང་ངོ་། །འོ་ན་བདག་ཅག་རྣམས་ལ་ཡང་སློབས་ཤིག་དང་དེ་ལྟར་དུ་སྤྱད་པར་བགྱིའོ་ཞེས་གསོལ་ལོ། །དེ་ནས་སྤྲུལ་པའི་ཁྱེའུ་དེས་སྤྲེལ་ཕྲུག་རྣམས་ལ་མི་དགེ་བ་བཅུ་སྤོང་བ་དང་། དགེ་
བ་བཅུ་དང་ཕ་རོལ་ཏུ་ཕྱིན་པ་དྲུག་ལ་སྤྱད་པའི་ཚུལ་རྣམས་ལེགས་པར་བཤད་དོ། །དེ་དག་གིས་ཀྱང་བླང་དོར་ཚུལ་བཞིན་དུ་བྱེད་པའི་སྒོ་ནས་བསྒྲུབས་པས། གཟུགས་བྱད་ཇེ་བཟང་དུ་སོང་སྟེ་མཐར་ཐམས་ཅད་ཀྱང་མིར་གྱུར་ཏོ། །རེ་ཞིག་ན་དེ་དག་གཅིག་ལ་གཅིག་འཇིགས་
པའི་སྣང་བ་དང་བཅས་མཆིས་པ་ལ། མེས་པོས་ཆེ་བཞི་བྱས་ཏེ་ཞིང་རྣམས་ཁག་བཞིར་བགོས་ནས་གཏད་པ་ལྟར་སོ་སོར་གྱེས་པས། སེ་དང་། རྨུ་དང་། ལྡོང་དང་། སྟོང་སྟེ་ནང་གི་མིའུ་རིགས་བཞིའམ་གདུང་དྲུག་ཏུ་གྲགས་སོ། །དེ་ལྟར་ཇི་སྐད་བཤད་པ་ལྟ་བུའི་

213-1-273b

འཕགས་པ་སྤྱན་རས་གཟིགས་དབང་ཕྱུག་གི་གདུལ་ཞིང་དུ་གྱུར་པའི་ཡུལ་དེའི་གནས་ཚུལ་དང་ངོ་མཚར་གྱི་ཁྱད་པར་ཇི་ལྟ་བུ་ཞེ་ན། པུ་རྒྱལ་བོད་ཀྱི་ཡུལ་ལ་བསྔགས་པ་མཁས་འགྲོ་མ་རྣམས་ཀྱིས་རྡོ་རྗེའི་མགུར་དུ་བླངས་པ་ལས། ཤར་རྡོ་རྗེ་གདན་གྱི་བྱང་ཕྱོགས་ན། །གནས་པུ་རྒྱལ་
བོད་ཅེས་བྱ་བ་ཡོད། །རི་མཐོན་པོ་གནམ་གྱི་ཀ་བ་ཡོད། །མཚོ་དམའ་མོ་གཡུ་ཡི་མཎྜལ་ཡོད། །གངས་དཀར་པོ་ཤེལ་གྱི་མཆོད་རྟེན་ཡོད། །སྤང་སེར་པོ་གསེར་གྱི་ལྷུན་པོ་ཡོད། །དྲི་ཞིམ་པོ་སྨན་གྱི་བདུག་སྤོས་ཡོད། །ཚོན་བཀྲ་བ་གསེར་གྱི་མེ་ཏོག་ཡོད། །དབྱར་བཀྲ་
བ་གཡུ་ཡི་མེ་ཏོག་ཡོད། །ཀྱེ་གངས་རིའི་མགོན་པོ་སྤྱན་རས་གཟིགས། །གནས་དེ་ན་ཁྱོད་ཀྱི་ཞིང་ཁམས་ཡོད། །ཞིང་དེ་ན་ཁྱོད་ཀྱི་གདུལ་བྱ་ཡོད། །ཀྱེ་གངས་རིའི་མགོན་པོ་སྤྱན་རས་གཟིགས། །རི་པདྨ་སྟོང་ལྡན་དབྱིབས་ལེགས་པ། །དུས་དགུན་གསུམ་དཀར་པོ་ཤེལ་གྱི་
མདོག །དུས་དབྱར་གསུམ་སྔོན་པོ་གཡུ་ཡི་མདོག །དུས་སྟོན་གསུམ་སེར་པོ་གསེར་གྱི་མདོག །དུས་དཔྱིད་གསུམ་ཁྲ་བོ་གཟི་ཡི་མདོག །མདོག་ཕུན་སུམ་ཚོགས་པའི་རི་བོ་ལ། །ལྟས་ཁྱད་པར་འཕགས་པའི་མཚན་མ་ཡོད། །དུང་དཀར་པོ་གཡས་སུ་འཁྱིལ་པ་ལ། །
དར་དམར་པོ་རཱ་གའི་ཅོད་པན་ཡོད། །མི་ཁྱོད་ཀྱི་སྙན་པ་ཕྱོགས་བཅུར་འཕེལ། །དཔལ་བེའུས་རི་སྐོར་བརྒྱན་པ་ལ། །ནགས་བཀྲ་ཤིས་ཡལ་འདབ་རྒྱས་པ་ཡོད། །མི་ཁྱོད་ཀྱི་བུ་སློབ་ཕྱོགས་བཅུར་འཕེལ། །རི་བོགས་ཆད་གཡུ་ཡི་བུམ་པ་ལ། །ཆུ་ཡན་ལག་བརྒྱད་
ལྡན་ཆུ་མིག་འབབ། །མི་ཁྱོད་ཀྱི་ཐུགས་རྗེས་བསིལ་བར་བྱེད། །གནམ་སྔོན་པོ་གཡུ་བྱའི་གདུགས་སུ་ཕུབ། །ལས་ཉོན་མོངས་ཚད་པ་ཞི་བར་བྱེད། །མི་ཁྱོད་ཀྱི་དགེ་བཤེས་འཕེལ་བའི་རྟགས། །རི་ཟུར་གསུམ་བྲ་གཞུང་གནམ་དུ་མཐོ། །དེང་མཁའ་འགྲོའི་རྒྱལ་མཚན་བསྒྲེང་བ་
འདྲ། །མི་ཁྱོད་ཀྱི་གནས་དེར་བསྟན་པ་སྤེལ། །ས་རྩེ་བརྒྱད་ལུང་པ་ཕྱོགས་སུ་གྱེས། །ཀྱེ་འཁོར་ལོ་རྩིབས་བརྒྱད་ཕབ་པ་འདྲ། །མི་ཁྱོད་ཀྱི་མི་མཐུན་གཅོད་པའི་རྟགས། །ཐང་ཆེན་པོའི་གསེབ་ན་རི་ཆུང་ཉལ། །མཚོ་ཆེན་པོའི་ནང་གི་ཉ་མོ་འདྲ། །མི་ཁྱོད་ཀྱི་སྤྱན་སྔ་འཕེལ་བའི་

213-1-274a

རྟགས། །ཀྱེ་གངས་རིའི་མགོན་པོ་སྤྱན་རས་གཟིགས། །མི་ཁྱོད་ཀྱི་ཞིང་ཁམས་དེ་ན་ཡོད། །ཞིང་དེ་ན་ཁྱོད་ཀྱི་གདུལ་བྱ་ཡོད། །འབྲུ་སྣ་ཚོགས་སྨིན་པའི་ཞིང་ས་ཅན། །འབྲུ་བང་མཛོད་རྒྱས་པའི་རྟགས་སུ་བཟང་། །ཤིང་སྣ་ཚོགས་སྐྱེས་པ་ནགས་ཀྱི་ཁྲོད། །གནས་
ཁང་བཟངས་འཕེལ་བའི་རྟགས་སུ་བཟང་། །ཆུ་མི་ཆེ་རྒྱ་མཚོ་ཆེན་པོ་མེད། །ཆུ་མི་ཆུང་ཆུ་བོ་དཔག་མེད་འབབ། །ཆུ་སྙོམས་པས་ཡུལ་མི་རྟག་ཏུ་བདེ། །ཀྱེ་གངས་རིའི་མགོན་པོ་སྤྱན་རས་གཟིགས། །གནས་དེ་ནི་ཁྱོད་ཀྱི་ཞིང་ཁམས་ཡིན། །ཞིང་དེ་ན་ཁྱོད་ཀྱི་གདུལ་བྱ་ཡོད། ། 
ཤར་ལྷུན་པོའི་རྩེ་ནས་ཉི་མ་འཆར། །ཕྱོགས་གཞན་གསུམ་མི་ནོར་ཤུགས་ལ་ཤེས། །འཆར་མི་སྔ་སྔ་སུས་བསམ་གཏན་འཕེལ། །འཆར་མི་འཕྱི་ཉི་འོད་སྨིན་པ་ལ། །ལུས་བག་ཕེབ་བདེ་བར་སྤྱོད་པར་བྱེད། །རྒས་མི་སྔ་ཕོ་རབ་མདུན་སྟངས་འཕེལ། །རྒས་མི་འཕྱི་མཛངས་
མའི་ལས་རྣམས་འགྲུབ། །ཀྱེ་གངས་རིའི་མགོན་པོ་སྤྱན་རས་གཟིགས། །ཡུལ་བཀྲ་ཤིས་འབྱུང་དེ་ཁྱོད་ཀྱི་ཞིང་། །ཞིང་དེ་ན་ཁྱོད་ཀྱི་གདུལ་བྱ་ཡོད། །ཅེས་གསུངས་པ་དང་། འབྲོམ་སྟོན་པ་རྒྱལ་བའི་འབྱུང་གནས་ཀྱིས་སྟོད་མངའ་རིས་ནས་བོད་སྟོན་རྣམས་ཇོ་བོ་རྗེ་ལྷ་གཅིག་
སྤྱན་འདྲེན་པའི་གྲོགས་སུ་སྦྲེན་པའི་ཕྲིན་ཤོག་ལས། ཤིང་རྟའི་དབྱིབས་འདྲ་ཛམ་གླིང་གི། །བྱེ་བྲག་བརྗིད་ལྡན་གངས་རིའི་བྱང་། །ལོ་ཧི་ཏ་འགྲམ་རིན་ཆེན་ཁུངས། །ཁ་བ་ཅན་ཞེས་མང་གྲགས་ན། །བླ་ཆེན་སྟོབས་ལྡན་མི་བསྲུན་པ། །བོད་ཅེས་བྱ་བར་གནས་པའི་ཕྱིར། །ཞེས་
དང་། ནཻ་པ་ལའི་རྒྱལ་པོ་དེ་ཝ་ལྷས་རང་གི་སྲས་མོ་ལྷ་གཅིག་ཁྲི་བཙུན་ལ་གསུངས་པ། ང་ཡི་སྙིང་དང་འདྲ་བའི་བུ་མོ་ཁྱོད། །བོད་ཅེས་བྱ་བ་ཁྱད་པར་འཕགས་པའི་ཡུལ། །རི་མཐོ་ས་གཙང་གངས་རི་གཉན་གྱི་མགུལ། །བསིལ་ལ་མཛེས་པ་ལྷ་གནས་གཞལ་མེད་ཁང་། །ངོ་
མཚར་རྨད་བྱུང་ཕན་བདེ་འབྱུང་བའི་གཞི། །ཆུ་བོ་བཞི་འབབ་རྩི་ཤིང་ནགས་ཀྱིས་མཛེས། །འབྲུ་སྣ་ལྔ་འཁྲུངས་རིན་ཆེན་སྣ་ཚོགས་འབྱུང་། །ཞེས་དང་། རྒྱ་ནག་ཏོང་འཁུན་རྒྱལ་པོས་ལྷ་གཅིག་ཀོང་ཇོ་ལ་བསླབ་བྱར་གདམས་པ་ལས། བོད་ཅེས་བྱ་བ་ཁ་བ་ཅན་གྱི་ཡུལ། །

213-1-274b

ཡུལ་ལ་ཁྱད་པར་འཕགས་པ་དེ་ཡིན་ཏེ། །གངས་རི་རང་བྱུང་མཆོད་རྟེན་ཡ་མཚན་ཅན། །ལྷུན་གྱིས་གྲུབ་པའི་གནས་མཆོག་དམ་པ་ནི། །མཚོ་བཞི་གཡུ་ཡི་མཎྜལ་བཀྲམ་པ་འདྲ། །ཐང་བཞི་ཡིད་འོང་མཆོད་པ་བཤམས་པ་འདྲ། །ཆུ་བོ་བཞི་ཡི་རང་བཞིན་ཅན། །རི་མཐོ་
ས་གཙང་གངས་རི་གཉན་གྱི་ལྗོངས། །བཀྲ་ཤིས་ཉམས་དགའ་ག་ཡུང་དྲུང་བྲིས་པ་འདྲ། །ཞེས་དང་། འཕྲུལ་གྱི་བློན་པོ་མགར་གྱིས་ལྷ་གཅིག་ཀོང་ཇོ་ལ་འདི་ལྟར། ཨེ་མ་ངོ་མཚར་ཆེ། །ལྷ་གཅིག་ཀོང་ཇོ་ཁྱེད། །བདག་གི་ཚིག་ལ་གསོན། །བཀྲ་ཤིས་ཉམས་སུ་དགའ། །
བོད་ཀྱི་རྒྱལ་ཁམས་ན། །རིན་ཆེན་ལྔ་ལས་གྲུབ། །རྒྱལ་པོའི་ཕོ་བྲང་ན། །མི་རྗེ་ལྷ་ཡིས་མཛད། །སྲོང་བཙན་སྒམ་པོ་དེ། །རིགས་གཟུགས་དཔལ་གྱིས་བརྗིད། །མཐོང་ན་སེམས་ཡིད་འཕྲོག །ཐུགས་རྗེ་ཆེན་པོ་ལགས། །རྒྱལ་སྲིད་ཆོས་བཞིན་བསྐྱངས། །
འབངས་རྣམས་བཀའ་ལ་ཉན། །རྒྱལ་བློན་འཁོར་འབངས་རྣམས། །དགའ་སྐྱིད་གླུ་རུ་ལེན། །ཆོས་ཀྱི་ཉི་མ་ཤར། །དཔལ་གྱི་སྒྲོན་མེ་བཏེག །རི་ལ་ཤིང་སྣ་ཚོང་། །ས་གཞི་ཡངས་པ་ལ། །འབྲུ་སྣ་ལྔ་ཡི་ཚོགས། །གོ་མཚམས་མེད་པར་སྐྱེས། །གསེར་དངུལ་
ཟངས་ལྕགས་སོགས། །རིན་ཆེན་དུ་མ་ཡོད། །གནག་རྟ་ལུག་གསུམ་རྒྱས། །དགའ་སྐྱིད་དེ་ལྟར་ཡོད། །ཅེས་དང་། ཁྲོ་ཕུ་ལོ་ཙྭ་བ་བྱམས་པའི་དཔལ་གྱིས་བཻ་ཌཱུརྱའི་ཚོང་དུས་ནས་པཎ་ཆེན་ཤཱཀྱ་ཤྲཱི་སྤྱན་འདྲེན་པོའི་ཕོ་ཉ་པཎ་ཆུང་ཛ་ཡ་ཤྲཱི་དང་། །ཝཱ་རཱ་ཎ་སཱི་བ་སོགས་
མངགས་པའི་དུས་ཀྱི་ཞུ་ཡིག་ཏུ། མ་ག་དྷཱ་སོགས་རིག་འབྱུང་གནས་ན་སྡིག་ཏོ་ཡི། །དམག་ཚོགས་ཀྱིས་བཅོམ་ཨཽ་ཌྱཱན་ཁ་ཆེ་བལ་ཡུལ་ཡང་། །ལོག་སྤྱོད་ཀྱིས་ཁེངས་དེང་སང་བསྟན་སྲོག་ལེགས་གནས་ནི། །བོད་ཡུལ་འདིར་ཟད་སྐྱེས་ཆེན་བྱང་ཕྱོགས་ཞབས་བསྐྱོད་
ཞུ། །ཞེས་གསུངས་པ་ལྟར་ཁ་བ་ཅན་གྱི་རྒྱལ་ཁམས་ནི་ས་གཞི་མཐོ་ཞིང་གཙང་བ། འཆི་བ་མེད་པའི་གཞལ་མེད་ཁང་དུ་སོན་པ་ལྟར་ཧ་ཅང་གྲང་བ་ཡང་མིན་པའི་རེག་པ་བསིལ་པོ་འཇོ་བས་སྙིང་ལ་དགའ་བ་སྟེར་བ། ཤེལ་དཀར་པོ་དང་བསིལ་ཟེར་བྱེད་པའི་དཀྱིལ་འཁོར་བཏགས་

213-1-275a

པའི་ཕྱེ་མ་དག་ལེགས་པར་སྤུངས་པ་དང་འདྲ་བའི་གངས་རིའི་ཕྲེང་བ་ཚར་དུ་དངར་བས་བསྐོར་བའི་ལྗོངས། རྩྭ་དང་། ཤིང་ལྗོན་པ་དང་། གེལ་པ་དང་། ལོ་མ་དང་། མེ་ཏོག་དང་། འབྲས་བུ་དང་། འབྲུ་དང་། སྨན་གྱི་རྣམ་པ་མང་པོ་རྩི་བཅུད་ཆེ་ཞིང་དྲི་ཞིམ་པོའི་
ཚོགས་ཀྱིས་ཀུན་ནས་གཏམས་པ། རིན་པོ་ཆེའི་རིགས་སུ་གཏོགས་པ། གསེར་དང་། དངུལ་དང་། ཟངས་དང་། ལྕགས་ལ་སོགས་པས་གཞི་ལས་རང་འབྱུང་བ། ཕྱོགས་ཀྱི་དཀྱིལ་འཁོར་ཐམས་ཅད་དུ་བཀྲ་ཤིས་པའི་རྟགས་ཀྱིས་ཉམས་དགའ་བར་བྱས་པ། འཕགས་པ་རིགས་
གསུམ་མགོན་གྱིས་རྣམ་པར་འཕྲུལ་པའི་ལྷ་བཙན་པོ་རིམ་པར་བྱོན་པ་རྣམས་ཀྱི་དགེ་བ་བཅུའི་ཁྲིམས་ཀྱིས་ལེགས་པར་བསྐྱངས་པ། མི་དཔའ་ཞིང་རྟ་མགྱོགས་པ་ལ་སོགས་པ་རྟེན་དང་བརྟེན་པའི་ཡོན་ཏན་འབའ་ཞིག་གིས་རྣམ་པར་བཀླུབས་པ། དེའི་ཤར་དུ་རྒྱ་ནག་དང་ཁྲི་བརྟན། །
ལྷོར་རྒྱ་གར་དང་ཁ་ཆེ། ནུབ་ཏུ་སྟག་སྡེ་གཟིག་ཕན། བྱང་དུ་ཁྲོམ་དང་གེ་སར་ཏེ་བརྒྱད་ཀྱིས་ཀུན་ནས་བསྟེན་པའི་ཡུལ་ལྗོངས་གང་ལ་སྤྱིའི་མིང་དུ་བོད་ཡུལ་ཞེས་གྲགས་སོ། །གཉིས་པ་བྱེ་བྲག་ཏུ་ཆོས་ཀྱི་སྦྱིན་པའི་མ་མོ་འདི་གང་དུ་བསྒྲུབ་པའི་གནས་ནི། སྤྱིར་སྐོར་གསུམ་དང་། རུ་བཞི་
དང་། ཁམས་གསུམ་མམ། སྒང་དྲུག་ཏུ་དབྱེ་བའི་རྣམ་བཞག་བྱུང་བ་ལྟར་ན། སྤུ་རངས་དང་། མང་ཡུལ་དང་། ཟངས་དཀར་གསུམ་སྐོར་གཅིག་གོ། །ལི་དང་། བྲུ་ཤ་དང་། སྦལ་ཏེ་གསུམ་སྐོར་གཅིག་གོ། །ཞང་ཞུང་དང་། ཁྲི་ཏེ་དང་། སྟོད་སྨད་གསུམ་སྐོར་གཅིག་སྟེ་ 
སྟོད་ཀྱི་མངའ་རིས་སྐོར་གསུམ་མོ། །དབུས་ན་དབུ་རུ་དང་གཡོ་རུ་གཉིས། གཙང་ན་གཡས་རུ་དང་རུ་ལག་གཉིས་ཏེ་བར་གྱི་དབུས་གཙང་རུ་བཞིའོ། །མདོ་ཁམས་ལ་སྨད་ཁམས་བཏགས་པ་ཁམས་གཅིག་དང་། མདོ་སྨད་ལ་དབྱར་མོ་ཐང་བཏགས་པ་ཁམས་གཅིག་དང་། གཙང
ཁལ་གྱི་ཐང་བཏགས་པ་ཁམས་གཅིག་སྟེ་སྨད་ཁམས་གསུམ་དུ་བཏགས་པའི་དབང་དུ་བྱས་ན་མདོ་སྨད་ཀྱི་ཁམས་དང་། ཡང་ན་རྔུལ་རྫ་ཟལ་མོ་སྒང་དང་། ཚ་བ་སྒང་དང་། སྨར་ཁམས་སྒང་དང་། སྤོ་འབོར་སྒང་དང་། དམར་རྫ་སྒང་དང་། མི་ཉག་རབ་སྒང་སྟེ་སྨད་ཀྱི་མདོ་ཁམས་

213-1-275b

སྒང་དྲུག་ནི་བོད་ཆེན་པོའི་རྒྱལ་ཁམས་སུ་གྲགས་པ་ལས། ཟལ་མོ་སྒང་དང་། ཡང་ཚེ་རིང་གནམ་གྱི་མཐོངས་ནས་བསྐོས་པའི་སྟོབས་ཀྱི་འཁོར་ལོས་སྒྱུར་བ་ཇིང་གིར་གན་གྱིས། ཆོས་ཀྱི་རྒྱལ་པོ་དཔལ་ས་སྐྱ་པ་འཕགས་པ་བློ་གྲོས་རྒྱལ་མཚན་དཔལ་བཟང་པོ་པ་ལ་དབང་ཡོན་
རིམ་པ་གསུམ་ཕུལ་བའི་དང་པོ་ལ་ཁྲི་སྐོར་བཅུ་གསུམ་ཕུལ་བ་དང་། བར་པ་ལ་ཆོས་དུང་དཀར་པོ་རྒྱང་གྲགས་ཀྱིས་{བཙོས་}པའི་བོད་ཆོལ་ཁ་གསུམ་ཕུལ་བ་དང་། རྗེས་མ་ལ་བླ་མའི་བཀའ་བཞིན་ནུ་རྒྱའི་མི་ཡུར་ཆེན་པོ་ཕུལ་བ་ལས། བར་པ་ཆོལ་ཁ་གསུམ་ཞེས་བྱ་བའི་ཐ་སྙད་
གདམས་གཞི་ཡང་། མངའ་རིས་གུང་ཐང་ནས་སོག་ལ་སྐྱ་བོའི་བར་ལ་དབུས་གཙང་དམ་པ་ཆོས་ཀྱི་ཆོལ་ཁ་དང་། སོག་ལ་སྐྱ་བོ་ནས་རྨ་ཆུ་ཁུག་པའི་བར་ལ་མདོ་སྟོད་མགོ་ནག་མིའི་ཆོལ་ཁ་དང་། རྨ་ཆུ་ཁུག་པ་ནས་རྒྱ་མཆོད་རྟེན་དཀར་པོའི་བར་ལ་མདོ་སྨད་གེར་ལིང་རྟའི་ཆོལ་ཁ་སྟེ་
གསུམ་པོ་འདི་ལ་ཞིང་གཅིག་ཏུ་བརྩིས་པ་ཡིན་ཏེ། དེའང་ཧོར་སེ་ཆེན་རྒྱལ་པོའི་མངའ་འོག་ཏུ་ཞིང་བཅུ་གཅིག་ཡོད་པ་ལས། འདིར་ཆོལ་ཁ་གསུམ་དུ་ཞིང་གཅིག་ཅུང་ཟད་མ་ལང་ནའང་། བླ་མ་བཞུགས་པའི་གནས་ཡིན་པ་དང་བསྟན་པ་དར་བའི་གནས་ཡིན་པས་གཞན་ལས་ཁྱད་པར་
འཕགས་པར་དགོངས་ནས་ཞིང་གཅིག་ཏུ་བརྩིས་ནས་ཕུལ་བར་གྲགས་སོ། །དེ་ལྟར་ཇི་སྐད་བཤད་པའི་ཆོལ་ཁ་གསུམ་ལས་ཆོལ་ཁ་ཕྱི་མ་བོད་དང་བོད་ཆེན་པོ་གཉིས་ལས། བོད་ཆེན་པོར་གྲགས་པའི་སའི་ཐིག་ལེ་གང་ཡིན་པ་སྟེ། དེའང་འདི་ལྟར་གང་དག་འདས་པ་དང་། མ་བྱོན་
པ་དང་། ད་ལྟར་བྱོན་པའི་སངས་རྒྱས་བཅོམ་ལྡན་འདས་གང་ཇི་སྙེད་ཅིག་བྱོན་པ་དང་། འབྱོན་པར་འགྱུར་བ་ཐམས་ཅན་ཀྱང་ཡིད་ཀྱི་སྲུབ་ཤིང་དཔུང་དང་བཅས་པའི་གཡུལ་ལས་རྣམ་པར་རྒྱལ་བའི་གོ་འཕང་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཀྱི་སྙིང་པོ་མངོན་དུ་བགྱིད་
པ་དང་བགྱི་བར་འགྱུར་བ། དུས་དང་གནས་སྐབས་ཐམས་ཅད་དུ་ཡང་མི་ཤིགས་རྡོ་རྗེ་ཆེན་པོའི་ཁམས་སུ་བྱིན་གྱིས་བརླབས་པའི་གནས། གླིང་རྣམས་ཀྱི་ནང་ནས་ཆེས་ཁྱད་པར་དུ་འཕགས་པ། ཛམྦུ་རྐང་འཐུང་གི་རྒྱལ་མཚན་གྱིས་ཉེ་བར་སྤུད་ཅིང་། ཤིང་དེའི་འབྲས་བུ་ལེགས་པར་

213-1-276a

སྨིན་པ་ཆུར་ལྷུང་པའི་སྒྲ་ལས་ཉེ་བར་དྲངས་ཏེ། ཛམྦུ་གླིང་ཞེས་བྱ་བའི་ཡུལ་དབུས་གྱུར་འཆང་གི་ལྟེ་བ་འཕགས་ཡུལ་རྡོ་རྗེའི་གདན་ནོ། །དེ་ནས་གནོད་སྦྱིན་གྱི་རྒྱལ་པོའི་ཕྱོགས་སུ་དཔག་ཚད་བརྒྱ་ཕྲག་གཅིག་གཞལ་བའི་ནོར་འཛིན་དགའ་མའི་བཞིན་གྱི་དཀྱིལ་འཁོར་
རྣམ་པར་ཡངས་པ་ག་ལ་བར། ངེས་པའི་དོན་དུ་བསྐལ་པ་དཔག་ཏུ་མེད་པ་ནས་སྟོབས་དང་མི་འཇིགས་པ་ལ་སོགས་པ་ཐུན་མོང་མ་ཡིན་པའི་ཡོན་ཏན་གྱི་རྩལ་མ་ལུས་པ་རྫོགས་པར་གྱུར་ཀྱང་། དུས་འདིར་འགྲོ་བ་ཐུན་མོང་བ་དག་གི་སྣང་ངོ་རུ། དཔེར་ན་ནམ་མཁའ་དངས་པའི་
དུས་ཀྱི་ཟླ་བའི་དཀྱིལ་འཁོར་གཅིག་ཉིད་མ་གཡོས་བཞིན་དུ། ཆུའི་སྣོད་ཆེ་ཆུང་ཇི་སྙེད་པ་དེ་སྙེད་ཀྱི་གྲངས་དང་མཉམ་པའི་གཟུགས་བརྙན་འགོག་པ་མེད་པར་སྟོན་པ་དེ་བཞིན་དུ་འཕགས་པ་རིགས་གསུམ་མགོན་པོའི་རྣམ་པར་འཕྲུལ་པའི་གྱི་རོལ་རྩེད། འོད་གསལ་ལྷའི་
རིགས་ཀྱི་ཤིང་སཱ་ལ་ཆེན་པོའི་པང་པར་རྒྱུན་མི་འཆད་པ་ཉིད་དུ་སྐྱེ་བ་ལེན་ཅིང་། སངས་རྒྱས་བཅོམ་ལྡན་འདས་ཀྱི་ལུགས་མཆོག་དྲི་མ་དང་བྲལ་བ་གང་དག་བཞུགས་པ་མ་ལུས་པ་ལེགས་པར་བཟུང་ནས། མཁས་པའི་ཕྲིན་ལས་རྣམ་པ་གསུམ་གྱི་སྒོ་ནས། ཕྱོགས་ཀྱི་དཀྱིལ་འཁོར་མ་
ལུས་པ་ཡང་དག་པའི་འབྱོར་པ་བླ་ན་མེད་པས་སྣང་བར་བྱེད་དོ། །རབ་ཏུ་སྣང་བར་བྱེད་དོ། །ཀུན་དུ་རབ་ཏུ་སྣང་བར་བྱེད་ཅིང་བྱིན་གྱིས་བརླབས་པའི་གདན་ས་ཆེན་པོ་དཔལ་ས་སྐྱའི་དགོན་པ་ཞེས་ཡོངས་སུ་གྲགས་པ། མཁས་ཤིང་གྲུབ་པའི་ས་ལ་གནས་པ་གྲངས་མེད་པའི་བསྟི་གནས་
སུ་གྱུར་པའི་བོད་ཡུལ་དབུས་ཀྱི་རྡོ་རྗེའི་གདན་ཆེན་པོ། འཕགས་ཡུལ་གྱི་གྲུབ་པའི་དབང་ཕྱུག་ཐམས་ཅད་ཀྱི་འཁོར་ལོས་སྒྱུར་བ་འཇིགས་བྲལ་དཔལ་ལྡན་ཆོས་སྐྱོང་ཆེན་པོའི་ཞབས་ཀྱིས། སེམས་ཅན་རྒྱ་མཚོའི་ཁམས་སུ་ཉིན་ལན་གསུམ་དང་མཚན་ལན་གསུམ་དུ་གཟིགས་ནས་
བདག་གི་སྐལ་བ་དང་ལྡན་པའི་གདུལ་བྱ་སུ་ཞིག་ནི་ཡོངས་སུ་སྨིན་པར་བགྱི། སུ་ཞིག་ནི་རྣམ་པར་གྲོལ་བའི་ལམ་དུ་བཀྲི་བར་བགྱི། སུ་ཞིག་ནི་བྱང་ཆུབ་ཀྱི་སྙིང་པོ་ལ་དགོད་པར་བགྱི། སུ་ཞིག་ནི་སེམས་ཅན་གྱི་དོན་དུ་བསྐུལ་བར་བགྱི་སྙམ་པ་རྩེ་གཅིག་ཏུ་དགོངས་ཏེ། སྐུ་དངོས་

213-1-276b

སུ་བྱོན་ནས་གདན་ས་ཆེན་པོ་དེ་ཉིད་དུ་ཕེབས་པ་ན། དེར་ལེགས་པའི་རྟེན་འབྲེལ་ཕུན་སུམ་ཚོགས་པ་འཛོམ་པར་བརྟེན། ས་འདི་ཐམས་ཅད་ལ་དབང་བ་ཡིན་ནོ་ཞེས་གསུངས་ཤིང་བདག་གིར་མཛད་ཅིང་བྱིན་གྱིས་བརླབས་པའི་གནས་དེ་ཉིད། ལྷ་དང་བཅས་པའི་སྐྱེ་དགུ་མ་ལུས་པའི་
མཆོད་སྡོང་ཕུལ་དུ་བྱུང་བའི་རང་བཞིན་དུ་བཞུགས་སོ། །སླར་ཡང་གདན་ས་ཆེན་པོ་དེ་ཉིད་ནས་ཀྱང་། མེ་ལྷའི་མཚམས་སུ་ཞག་གི་ཕུང་པོ་གསུམ་ཙམ་ཞིག་བསྐལ་བ་ན། འཆི་བ་མེད་པའི་ཡུལ་གྱི་དུམ་བུ་མིའི་ཡུལ་ན་འཕོས་པ་ལྟ་བུའི་ངོ་མཚར་དང་ལྡན་པའི་ནོར་འཛིན་མའི་ཆ་
གླིང་ཞེས་བྱ་བ་གང་ཡིན་པ་དེ་ཉིད་ཡོད་དོ། །དེ་ཡང་ཆུ་བོ་ཆེན་པོ་བཞི་ལས་འབྲི་ཞེས་བྱ་བའི་ཆུ་ཀླུང་གསེར་དང་ལྡན་པའི་རྒྱུན་ཆེན་པོ་དང་། ཤར་ཟླའི་ཆུ་ཀླུང་ཆེན་པོ་གཉིས་ནོར་རྒྱས་ཀྱི་བུ་སའི་སྟེང་ན་གྱ་གྱུར་འཕྱན་ཞིང་དལ་གྱིས་འོངས་པ་ན། སླར་ཡང་རྒྱ་མཚོ་ཆེན་པོའི་རང་གནས་
རྗེས་སུ་དྲན་ཏེ་དེ་ཉིད་དུ་འཇུག་པ་བཞིན་དུ་དལ་གྱིས་འབབ་པའི་བར་ན་ཆུད་ཅིང་། ཡུལ་གྱི་དགེ་བཅུ་དང་བཀྲ་ཤིས་པའི་ལྟས་བཟང་ཐམས་ཅད་མ་ཚང་བ་མེད་པ་ཞིག་སྟེ། ཇི་སྐད་དུ། ཞིང་ས་ཁང་ས་ས་ཡི་དགེ། །ཁང་རྡོ་འཐག་རྡོ་རྡོ་ཡི་དགེ། །འཐུང་ཆུ་ཡུར་ཆུ་ཆུ་ཡི་དགེ། །ཁང་
ཤིང་བུད་ཤིང་ཤིང་གི་དགེ། །གམ་འབྲོག་རྒྱང་འབྲོག་རྩྭ་ཡི་དགེ། །ཞེས་བཤད་པ་ལྟ་བུའི་ཡུལ་གྱི་དགེ་བཅུ་དང་། ཁྱད་པར་ས་ཕྱོགས་འདིར་མཁས་པ་དང་བཙུན་པ་དང་གྲུབ་པའི་དབང་ཕྲུག་གི་ས་ལ་གནས་པའི་བསྟན་འཛིན་གྱི་སྐྱེས་བུ་ཉི་ཟླ་ལྟར་ཡོངས་སུ་གྲགས་པ་མང་པོའི་ཞབས་
ཀྱི་འཁོར་ལོས་བཅགས་ཤིང་བྱིན་གྱིས་བརླབས་པ་དང་། ས་སྐྱོང་ཆེན་པོ་ཡབ་མེས་སྲས་དང་བཅས་པ་རྣམས་ཀྱིས་སྔོན་གྱི་བསྐལ་པར་ལེགས་བྱས་རྒྱུ་མཚོ་ལྟ་བུ་བསགས་པའི་མཐུ་དང་། དགེ་བ་བཅུ་དང་མཐུན་པའི་བཀའ་ཁྲིམས་ཀྱིས་ཆབ་འབངས་ཐམས་ཅད་ཆོས་བཞིན་དུ་བསྐྱངས་པ་
དང་། འགྲོ་བ་རྒྱ་མཚོའི་ཚོགས་རྣམས་ཀྱང་མི་དགེ་བའི་ལས་རྔམ་ཆེན་བསགས་པ་ཉུང་ཞིང་། སྤྱི་མཐུན་དུ་དགེ་བའི་རྩ་བ་བསགས་པའི་སྟོབས་བདོ་བར་གྱུར་པའི་བདག་པོའི་འབྲས་བུ་ལེགས་པར་སྨིན་པའི་ས་ཕྱོགས་ཕུན་སུམ་ཚོགས་པ་ཞིག་ཏུ་གདོན་མི་ཟ་སྟེ། གཞན་དུ་ན་མི་དགེ་བ་སྤྱད་

213-1-277a

པའི་བདག་པོའི་འབྲས་བུར། རིན་ཆེན་ཕྲེང་བར། ས་གཞི་གཟི་ཆུང་ས་ཆར་མང་། །རྡུལ་འཁྲིགས་དྲི་ང་མཐོ་དམའ་ཅན། །ཚ་སྒོ་ཅན་དང་དུས་ལོག་དང་། །འབྲས་བུ་ཕྲ་ཁ་ཆུང་ངུའང་མེད། །ཅེས་གསུངས་ཤིང་དགེ་བ་སྦྱད་པའི་འབྲས་བུ་ནི་དེ་ལས་ལྡོག་སྟེ་འབྱུང་བར་
གསུངས་པ་བཞིན་དུ། ལྗོངས་འདིའི་འཛིན་མའི་དཀྱིལ་འཁོར་གྱི་ཐ་གྲུ་རྣམ་པར་ཡངས་པ་དང་། གཟི་ཆེ་ཞིང་སྣུམ་བག་དང་ལྡན་པ། དམ་པའི་ཆོས་དང་སྲིད་ཀྱི་གཙུག་ལག་རབ་འབྱམས་ཀྱི་ལོངས་སྤྱོད་དང་དགེ་ལེགས་ཐམས་ཅད་ལྷུན་གྱིས་གྲུབ་པའི་ཚུལ་དུ་འབྱུང་བའི་སྒོ་ཆེན་པོ་
ཅིག་ཏུ་ངེས་པའི་ཕྱིར་རོ། །ཁྱད་པར་ཡུལ་ཕྱོགས་འདི་ན་དགེ་ཞིང་བཀྲ་ཤིས་པའི་རྟགས་དང་དབྱིབས་ལེགས་ཤིང་ལྟ་ན་སྡུག་པ་དགེ་ལེགས་ཀྱི་ལྟས་བཟང་ཐམས་ཅད་རང་བྱུང་དུ་གྲུབ་པ་ཡོད་དོ། །དེའང་འདི་ལྟར་སྔོན་གྱི་བསྐལ་པར་བྱུང་བའི་འཁོར་ལོས་སྒྱུར་བའི་རྒྱལ་པོ་རྣམས་ཀྱི་ལེགས་
བྱས་ཀྱི་བགོ་སྐལ་དུ་ཐོབ་པའི་རྒྱལ་སྲིད་རིན་པོ་ཆེ་རྣམ་པ་བདུན་དང་། བསོད་ནམས་བརྒྱ་པའི་གཟུགས་སྐུ་མཚན་བཟང་པོ་སུམ་ཅུ་རྩ་གཉིས་དང་དཔེ་བྱད་བཟང་པོ་བརྒྱད་ཅུས་བརྒྱན་པ་ལ་ཡོངས་སུ་ཚང་བའི་བཀྲ་ཤིས་ཀྱི་རྟགས་རྣམ་པ་བརྒྱད་དེ། དེ་དག་གི་གཟུགས་བརྙན་ཅི་རིགས་
པ་རྣམས་ཀྱང་། ལྗོངས་འདིའི་ཕྱོགས་ཀྱི་འཁོར་ལོ་ཀུན་དུ་ལྷུན་གྱིས་གྲུབ་པའི་ཚུལ་གྱིས་ཚང་སྟེ། དེ་ཡང་ཇི་ལྟར་ཞེ་ན་ཆོས་དང་སྲིད་པའི་དགེ་ལེགས་དང་དཔལ་འབྱོར་གྱིས་བསྡུས་པའི་སྡེ་བཞིའི་འབྲས་བུ་ཕུན་སུམ་ཚོགས་པ་དག་གི་འབྱོར་པ་མ་ཚང་བ་མེད་པས་མངོན་པར་གཏམས་པའི་
ངོ་མཚར་འཛད་པ་མེད་པའི་ཕུང་པོ་མ་ལུས་པ་ཡོངས་སུ་ཆུད་པར་དཀའ་བའི་དོགས་པ་མང་པོས་ཡིད་ཀྱི་དབང་པོ་ཀུན་ནས་བསླངས་ཏེ། གསེར་ལྡན་དགའ་མ་རང་གི་ལུས་འདི་པདྨ་འདབ་མ་བརྒྱད་པ་ཤིན་ཏུ་རྒྱས་ཤིང་རྣམ་པར་ཡངས་པའི་དཀྱིལ་འཁོར་ཆེན་པོ་ཉིད་དུ་སྤྲུལ་པ་སྙམ་བྱེད་པའི་
ས་གཞིའི་ཁྱོན་ཐམས་ཅད་ཐ་གྲུ་རྣམ་པར་ཡངས་ཤིང་། ཕྱོགས་ཐམས་ཅད་ནས་ཁོད་མི་སྙོམས་པ་མེད་པ། སེམས་ཅན་ཀུན་གྱི་ཉེར་འཚོའི་གཞིར་གྱུར་པ་ནི། འདི་ལྟ་སྟེ། ས་གཞི་གང་ལས་རིན་པོ་ཆེ་གསེར་དང་། དངུལ་དང་། བཻ་ཌཱུརྱ་དང་། དུང་དང་། མན་ཤེལ་ལ་སོགས་པའི་རིན་པོ་ཆེ་དུ་

213-1-277b

མའི་འབྱུང་གནས་སུ་གྱུར་པ། འབྲུའི་རིགས་སུ་གྱུར་པ་སོ་བ་དང་། ནས་དང་། གྲོ་དང་། སྲན་མ་དང་། ཏིལ་དང་། ཡུངས་ཀར་ལ་སོགས་པ་ཆེད་དུ་བཏབ་པ་དང་། ཆེད་དུ་བཏབ་པ་མ་ཡིན་པར་འཁྲུངས་པའི་ལོ་ཐོག་དང་སྙེ་མ་དང་། འབྲས་བུ་ལ་སོགས་པ་བཟའ་བ་དང་བཅའ་བའི་རིགས་
རྣམ་པ་སྣ་ཚོགས་བདག་སྐྱེ་ཞིང་། སྐྱེས་པ་དེ་རྣམས་ཀྱང་རང་རང་གི་དྲི་དང་རོ་དང་ནུས་པ་དང་། བཅུད་ཕུན་སུམ་ཚོགས་པ་དང་ལྡན་པ་མང་པོ་རང་དབང་དུ་འབྱུང་བའི་ས་གཞི་རིན་པོ་ཆེ་དགོས་འདོད་ཐམས་ཅད་ཡིད་བཞིན་དུ་འབྱུང་བ་དེ་ལྟ་བུ་དག་ཡོད་དོ། །ཇི་སྐད་བཤད་པའི་ས་གཞི་རིན་པོ་ཆེ་གང་ལ་
བརྟེན་ནས་ཕྱོགས་དང་ཕྱོགས་བྲལ་གྱི་ཁོ་ར་ཁོར་ཡུག་རྣམས་སུ་རི་བོའི་ཕྲེང་བ་མཛེས་ཤིང་སྡུག་པ། དབྱིབས་ལེགས་པ་ཚར་དུ་དངར་བ་དག་ཡོད་དེ། དེའང་འདི་ལྟར་ལྷའི་ནོར་བུ་རིན་པོ་ཆེ་རྒྱུ་བཻ་ཌཱུཪྻའི་རང་བཞིན་ལས་གྲུབ་པ། དཔག་ཚད་གཅིག་གི་ཁོར་ཡུག་ཏུ་སྣང་བའི་འོད་ཟེར་གྱི་དྲ་བ་དཀྲིགས་
པ། རྣམ་པ་ཟུར་བརྒྱད་དང་ལྡན་པ་གང་ལས་ཇི་ལྟར་འདོད་པའི་དགོས་འདོད་ཐམས་ཅད་འབད་པ་མེད་པར་འབྱུང་བ་དེ་གཅིག་པུའི་རྣམ་པ་འམ། དེ་ལྟ་བུ་མང་དུ་བརྩེགས་ཤིང་ཕྱུར་བར་སྤུངས་པ་དང་འདྲ་བའི་སྤང་རི་དང་། ནགས་རི་དང་། བྲག་རི་བརྩེགས་མར་ཡོད་པ་རྣམས་ནི། རིན་པོ་ཆེ་མར་
ཀ་ཏི་དང་། ཨནྡྷ་རྙིལ་དང་། མཐོན་ཀ་དང་། མཐོན་ཀ་ཆེན་པོའི་ཁ་དོག་གི་དཔལ་ལ་ཅུང་ཟད་སྡང་བ་སྙམ་བྱེད་པའི་རྩ་སྔོན་པོ་གསར་བར་སྐྱེས་པ་དང་། ལྡུམ་བུ་དང་། ལོ་འདབ་དང་། མྱུ་གུ་གཞོན་ནུའི་ཚོགས་སྟུག་པོར་སྐྱེས་པ། དེ་དག་གི་རོ་དང་ནུས་པས་རྟ་དང་ཕྱུགས་ཀྱི་རིགས་དང་། རི་དྭགས་
ཀྱི་རིགས་རྣམ་པ་སྣ་ཚོགས་པ་དག་གིས་སྲོག་གི་དབང་པོ་ཡོངས་སུ་བསྲུང་བ་དང་། ཡིད་ལ་རེ་བའི་ཤིང་རྟ་ཐམས་ཅད་འགེངས་པར་བྱེད་པའི་ཡོན་ཏན་དང་ལྡན་པའོ། །གཞན་ཁ་ཅིག་ན་ནི་བུད་མེད་རིན་པོ་ཆེ་མཛེས་ཤིང་ལྟ་ན་སྡུག་པ། དེའི་ལུས་ལ་ལྷའི་གོས་དང་། ལྷའི་ནོར་བུ་རིན་པོ་ཆེ་བཻ་ཌཱུཪྻ་
དང་། ཨིནྡྲ་ནཱི་ལ་དང་། མུ་ཏིག་དང་། དུང་དང་། མན་ཤེལ་དང་། བྱི་རུ་ལ་སོགས་པའི་རིན་པོ་ཆེ་སྣ་ཚོགས་པའི་རྒྱན་གྱིས་བརྒྱན་པ་ལས་སིལ་ཁྲོལ་གྱི་སྒྲ་སྙན་པར་འབྱིན་ཅིང་། སྔོ་བསངས་སྐྲའི་ལན་བུ་མཛེས་པ་གཡོ་བ་དང་འདྲ་བའི་སྐྱེད་མོས་ཚལ་དང་། སྨན་ལྗོངས་དང་། ནགས་ཚལ་

213-1-278a

སྟུག་པོ་རྣམས་ཏེ། དེ་དག་ནི་སྤང་ལྗང་མརྒད་ཀྱི་ཁ་དོག་འཛིན་པའི་རྩི་ཤིང་དང་། ལོ་འདབ་དང་། ལྡུམ་བུའི་ཚོགས་མང་པོ་སྐྱེས་པ། ཨུཏྤ་ལ་ལ་སོགས་པའི་མེ་ཏོག་རྣམ་པ་སྣ་ཚོགས་པ་བཀྲ་བས་མཛེས་པར་བྱས་པ། རྩི་སྨན་གྱི་བྱེ་བྲག་མང་པོ་རོ་དང་བཅུད་དང་དྲི་ཞིམ་པོ་མཆོག་
ཏུ་རྒྱས་པའི་ཚོགས་ཀྱིས་ཡོངས་སུ་ཁེབས་པར་སྐྱེས་པ་དག་ལ་སེར་བུ་བསིལ་ཞིང་ཡིད་དུ་འོང་བ་ལངས་པ་དག་གིས་བསྣུན་པ་ན་རྔ་ཡབ་ལྟར་གཡོབ་ཅིང་། དེ་དག་གི་དྲི་ཞིམ་པོ་རྣམས་རིང་དུ་ཁྱེར་བ། དེའི་ཡོན་ཏན་དང་རོ་བཅུད་བཟང་པོ་དག་རྗེས་སུ་དྲན་པའི་བུང་བ་མང་བ་དག་ཉེ་བར་ལྷགས་ནས་
མགྲིན་པའི་གླིང་བུ་རབ་ཏུ་སྙན་པའི་གླུར་བསྒྱུར་བ། གོས་བཟང་ལྟར་འཇམ་པའི་ལོ་མ་དང་ཀུ་སུམ་དང་འབྲས་བུ་ཡུར་དུ་ཟ་བས་དུད་པར་གྱུར་པའི་ལྗོན་ཤིང་གི་ནགས་ཚལ་རབ་ཏུ་འཁྲིགས་པ་རྣམས་ཀྱི་ཁྲོད་ན། སྤྲེའུ་རྣམས་ཀྱི་གར་བསྒྱུར་བ་དང་། འདབ་ཆགས་ཀོ་ཀི་ལ་ལ་སོགས་པ་སྐད་
སྙན་པ་རྣམས་ཀྱི་རོལ་མོ་འཁྲོལ་བ་སྙམ་བྱེད་པ། ས་ཕྱོགས་ལ་ལར་ནི་དཔའ་ཞིང་མཛངས་པའི་བློན་པོ་རིན་པོ་ཆེ་ཡན་ལག་མཆོག་གི་གཟུགས་དང་ལྡན་པ་ལ་དར་ལྗང་གུའི་སྨད་གཡོགས་དང་། ཀཱ་ཤི་ཀའི་རས་ཀྱིས་སྟོད་གཡོགས་བྱས་པ། དབུ་ལ་དར་དཀར་པོ་དྲི་མ་མེད་པའི་ལ་ཐོད་བཅིངས་
པས་མཛེས་པར་བྱས་པ་དང་འདྲ་བའི་ཀེེ་ལ་ཤའི་རི་བོའི་ཕྲེང་བ་རྣམས་ནི། བགྲོད་པས་དུང་པའི་འགྲོན་པ་རྣམས་ཀྱི་ཚ་བའི་གདུང་བ་འཇིལ་བར་བྱེད་པའི་རླུང་གི་བསིལ་ཡབ་ཡིད་དུ་འོང་བ་དག་གཡོབ་པ་དང་། དངུལ་ཆུའི་རེག་པ་ལྟར་བསིལ་བའི་ཆུ་གཙང་མའི་རྒྱུན་འབེབས་པ་ལ་བརྩོན་པ།
རེས་འགའ་ནི་ན་བུན་གསར་པ་ཡིད་དུ་འོང་བ་ལང་ལིང་འཁྲིགས་པའི་སྟོད་གཡོགས་ཀྱིས་བསྒྲིབ་པའི་ཐབས་ལ་བརྩོན་པར་བྱེད་དོ། །ཁ་ཅིག་ནི་སྐྱེ་བ་ལྔ་པའི་ཆོས་དུང་ཁ་དོག་དཀར་ཞིང་གཡས་སུ་འཁྱིལ་པ་ལ་སྟོང་འཁུན་གྱི་གན་མཛོད་ནས་འཕོས་པའི་དར་ལྗང་སེར་གྱི་ཤམ་བུར་འཕྱང་
བའི་བརྟུལ་ཞུགས་ལ་གནས་པ་ནི། གངས་ལྡན་གྱི་རི་བོ་རྣམས་རང་གི་ལང་ཚོ་དང་ཁ་དོག་རྒྱས་པས་ནོར་བུ་ཆུ་ཤེལ་དང་། ཟླ་བ་དག་པ་དང་། སྟོན་ཀའི་སྤྲིན་དཀར་བརྩེགས་པ་རྣམས་ཀྱི་མཛེས་སྡུག་དང་ངོ་མཚར་དག་ལ་ཅོ་འདྲིར་རྩོམ་པར་བྱེད་དོ། །སྐབས་ཁ་ཅིག་ཏུ་ནི་རིན་པོ་ཆེའི་

213-1-278b

གདུགས་མཆོག་དྲི་མ་མེད་པ་དབྱིབས་ལེགས་པ་ལྟ་ན་སྡུག་པ། རིན་པོ་ཆེའི་ཏོག་གི་འོད་ཟེར་འཕྲོ་བ། ཁོར་ཡུག་ཀུན་དུ་རིན་པོ་ཆེའི་རྒྱན་གྱི་དྲ་བ་དང་དྲ་བ་ཕྱེད་པ་རྣམ་པར་དཔྱངས་པ་གང་ཞིག །གསེར་ལྡན་དགའ་མ་རང་གི་ལུས་ལ་དྲོད་ཀྱི་གདུང་བ་རྒྱས་པ་གང་དག་འཕྲོག་པར་བྱེད་པའི་ཆེད་དུ། བླ་
མ་ཉིད་ན་ལེགས་པར་ཕུབ་བ་ལྟ་བུའི་རིག་པོ་ཆེའི་ལྷུན་པོ། མེ་ཏོག་གི་རིགས་རྣམ་པ་མང་པོ་གཅལ་དུ་བཀྲམ་པ་ལྟར་སྐྱེས་པ་ལྷུན་ཆགས་ཤིང་ཀུན་ནས་ཟླུམ་པོར་གྱུར་པ་ཤིན་ཏུ་མ་ཐོབས། ཕྲག་པ་ན་ནོར་བུ་ཆུ་ཤེལ་གྱི་དབང་པོ་འཆར་ཞིང་། ནོར་བུ་ཆུ་ཤེལ་གྱི་འོད་ཟེར་རིང་པོའི་ལམ་དུ་སྣང་བས།
ཚ་བའི་གདུང་བ་མཐའ་དག་བསིལ་བར་བྱེད་པ་དག་ཡོད་དོ། །དེ་ལས་གཞན་པའི་ཕྱོགས་འགའ་ཞིག་ན་ནི། དཔེར་ན་གཉིས་འཐུང་གི་དབང་པོ་འདུལ་མཁན་མཁས་པའི་ཐབས་ཀྱིས་དུལ་བར་བྱས་པ། གསེར་གྱི་དྲ་བ་དང་། གསེར་གྱི་པདྨ་དང་། ནོར་བུ་དང་། མུ་ཏིག་གི་ཚོམ་བུ་ཅན་གྱི་
ཆུན་འཕྱང་གིས་མཛེས་པར་བྱས་པ་ལ་འདོད་པའི་ཡོན་ཏན་མི་དམན་པའི་ཁུར་དང་ལྡན་པ་གང་དག །བདག་པོ་ལ་འདུད་ཅིང་བག་ཕེབས་པར་གནས་པའི་རྣམ་པ་དང་རྗེས་སུ་མཐུན་པའི་རི་བོ་འགའ་ཞིག་བརྗིད་ཅིང་ལྷུན་ཆགས་པ། རྒྱབ་དང་སྤྱི་བོ་མཐོ་ཞིང་སྣ་ལག་ལེགས་པར་བརྐྱངས་པ་
ལ་སོགས་པའི་རྣམ་པ་དང་ལྡན་པ། དེའི་ངོས་ལོགས་ཀྱི་སྐབས་རྣམས་སུ། གྲོང་དང་། གྲོང་ཁྱེར་དང་། སྤྱིལ་བུ་དང་། བྱ་སྐྱིབས་དང་། ནགས་ཚང་ཚིང་དང་། མེ་ཏོག་རྣམ་པ་སྣ་ཚོགས་པས་ཀུན་ནས་བཀྲ་བར་གྱུར་པའི་སྐྱེད་ཚལ་ཡི་གར་འོང་བ་ཅན་དང་ལྡན་པ་མང་པོ་ཁོར་ཡུག་
ཏུ་འཁོད་པ། ལོགས་འགའ་ཞིག་ན་ནི་དཔའ་ཞིང་རྟུལ་ཕོད་པའི་དམག་མི་རིན་པོ་ཆེ་སྟོབས་དང་ཁོ་ལག་ཡོངས་སུ་རྫོགས་པ་ཡ་ལད་བགོས་ནས་རལ་གྱི་དང་། ཤགྟི་དང་། རུ་མཚོན་རྣོན་པོ་ལ་སོགས་པ་ལག་ཆར་བསྲེལ་ཞིང་། མཐུན་པའི་ཕྱོགས་དང་ལེགས་པའི་ཕྱོགས་རྣམས་ལ་
རྟག་ཏུ་ཐོ་བཙམ་ཞིང་བསྡོ་བའི་དགྲ་བོ་རྣམས་ནི་སྐད་ཅིག་ཙམ་གྱི་ཡུན་དུ་གསོན་པར་གནས་སུ་ཅི་ཞིག་རུང་ཞེས་འཇིགས་པའི་ང་རོ་དང་བཅས་ཏེ། ཁོང་ནས་འཁྲུགས་པའི་བ་སྤུ་རྣམ་པར་གཟིངས་པ་དང་འདྲ་བའི་བྲག་རི་རྡོ་རྗེའི་རང་བཞིན་དུ་བརྩེགས་པ། འཇིགས་ཤིང་སྐྱི་གཡའ་བ། འབྱུང་

213-1-279a

པོའི་འདབ་ཆགས་མང་པོས་མི་སྙན་པའི་གདངས་ཀྱི་ང་རོ་མཐོན་པོར་སྒྲོགས་པ་ལ་སོགས་པ་མི་སྡུག་པའི་ཉམས་ཀྱི་ཁྱད་པར་ཅི་ཡང་སྟོན་པའི་ར་བས་བསྐོར་བ། དེ་དག་ཏུ་སྐྱེས་པའི་ཚེར་མ་ཅན་གྱི་ལྗོན་པའི་ནགས་རུམ་སྟུག་པོ་རྣམས་ནི། ཡལ་གའི་ལག་པ་འཁྱོག་
པོ་དག་བརྐྱངས་ནས་གཡུལ་གྱི་དགའ་སྟོན་ལ་ཆགས་པ་ལྟར་འཁོད་པ། དེ་དག་དང་ངང་ཚུལ་མཐུན་པའི་སྟག་དང་། གཟིག་དང་། དོམ་དང་། དྲེད་དང་། གསའ་དང་། ཛམྦུ་ཀ་ལ་སོགས་པའི་སྲོག་ཆགས་མཆེ་བའི་མཚོན་ཆ་དང་ལྡན་པ་མང་པོས་རྒྱུ་འགྲུལ་བྱེད་པ། ངང་ཚུལ་དེ་
ལས་ལྡོག་པའི་བྲག་རི་འགའ་ཞིག་དག་ནི། དཔེར་ན་རིན་པོ་ཆེའི་རྒྱལ་མཚན་མཐོ་ཞིང་ལྟ་ན་སྡུག་པ། ཀཽ་ཤམྦཱིའི་རས་སམ། ཝཱ་རཱ་ཎ་སཱིའི་རས་ཕུན་སུམ་ཚོགས་པ། ཁ་དོག་མི་འདྲ་བ་མང་པོ་བརྩེགས་པའི་ལྷབ་ལྷུབ་ཁོར་ཡུག་ཏུ་དཔྱངས་བ། དེ་ལ་ཡིད་བཞིན་གྱི་ནོར་བུ་རིན་པོ་ཆེ་འོད་ཟེར་
སྟོང་གི་དྲ་བ་དཀྲིགས་པའི་དཔལ་དང་ལྡན་པ་གང་ཞིག །མཐུན་པ་མ་ཡིན་པའི་ཕྱོགས་ལས་རྣམ་པར་རྒྱལ་བའི་དགའ་སྟོན་གྱི་རྒྱན་དུ་བསླངས་པ་ཇི་ལྟ་བ་དེ་ལྟར་གནས་པའི་བྲག་རི་དང་། ནགས་རི་དང་། སྤང་རི་དང་། ཀཻ་ལ་ཤའི་རི་རྣམས་གད་པ་བང་རིམ་གྱི་རྣམ་པར་བརྩེགས་པ་དེ་ཉིད་
ཀྱིས་ནམ་མཁའ་འབིགས་བྱེད་ཀྱི་རི་བོའི་ཁེངས་པ་ཡང་ཐུང་ངུར་བྱེད་པའི་རང་བཞིན་ཅན་ཏེ། དེའི་ཕྲག་ན་ནི་ཉིན་མོར་བྱེད་པའི་དཀྱིལ་འཁོར་ཡང་ངལ་བསོར་སྤྱོད་པས་ཕྱོགས་ཀྱི་མཚན་མ་དག་ཀྱང་མ་འཁྲུལ་བར་སྟོན་པར་བྱེད་དོ། །ཕྱོགས་མཚམས་ཐ་དད་པ་མང་པོ་ན་ནི། རྟ་མཆོག་རིན་
པོ་ཆེའི་ཁ་དོག་རྨ་བྱའི་མགྲིན་པ་ལྟར་རབ་ཏུ་སྔོ་བ། གང་དང་མུཀྟི་ཀའི་སྒ་སྲབ་དང་རྒྱན་གྱི་རྣམ་པ་མང་པོས་སྤྲས་པའི་དྲིལ་ཆུང་གི་ཕྲང་བ་རྣམས་ནི་ཕན་ཚུན་འཐབ་པའི་ཁ་ནས་སྒྲ་སྙན་པར་འཁྲོལ་བ་དང་ཆབ་ཅིག་ཏུ་དྲི་གཞོན་གྱི་འཚུབས་མའམ། གློག་གི་གྱ་གྱུ་ལའང་སྨ་འབེབས་སྟེར་བའི་གོམ་
སྟབས་སྟོང་དུ་བསྒྱུར་བ་ལ་མི་མཁས་པ་མེད་པ་དེ་བཞིན་དུ། ཆུ་ཀླུང་དང་། ཆུ་ཕྲན་དང་། འབབ་ཆུ་དང་། གཙང་ཆབ་བསིལ་མའི་རྒྱུན་གཙང་མ་དྭངས་ཤིང་དྲི་མ་མེད་པ་མང་པོ་རྟག་པར་གཞོལ་ཞིང་འབབ། ཁ་ཅིག་ནི་དུས་སུ་བབ་སྟེ། དེ་དག་ལས་མང་པོ་ཞིག་ནི་སྐྱེས་བུ་ཆེན་པོ་མཚན་

213-1-279b

གྱིས་ཀུན་ནས་བརྒྱན་པའི་ཐུགས་ཀ་ན་དཔལ་གྱི་བེའུ་འོད་འབར་བའི་རྣམ་པར་སྣང་བ་དེ་ལྟ་བུའི་རི་མོ་དག་ལ་ལེགས་པར་འདྲི་བའི་ཚུལ་གྱིས་འབབ། ཁ་ཅིག་ནི་དགའ་བ་འཁྱིལ་བའམ་གཡུང་དྲུང་རིས་ཀྱི་རི་མོ་འདྲི་བའི་ཚུལ་གྱིས་འབབ་སྟེ། ཐམས་ཅད་ཀྱང་ལྦུ་བ་དཀར་པོ་པུཎྜ་རཱི་ཀའི་
ཕྲེང་བ་འགྲེམས་པ་བཞིན་དུ། ཡིད་འོང་ལྷུང་ལྷུང་སྙན་པའི་ཆབ་སྒྲ་རྟག་ཏུ་སྒྲོག་པས། དྲང་སྲོང་བསམ་གཏན་ལ་གནས་པའམ། ཆགས་བྲལ་དཀའ་ཐུབ་བརྟན་པ་རྣམས་ཀྱི་སྙིང་ལ་ཡང་རབ་ཏུ་སིམ་པའི་བདེ་བ་སྟེར་ནུས་པ་མང་པོ་ཞིག་སྟེ། དེ་དག་ཀྱང་དབྱར་སྐྱེས་སྨན་གྱི་ནགས་
ཚལ་སྟུག་པོས་ཡོངས་སུ་ཁེབས་པའི་རི་ཀླུང་དང་། རི་སུལ་དང་། རི་ཤོད་ཡངས་པ་རྣམས་ན་ཅི་བདེར་རྒྱུ་བ་དག་ཡོད་དོ། །ཁ་ཅིག་དག་ན་སྐྱེས་བུ་ཆེན་པོའི་སྤྱན་དང་མཚུངས་པའི་ཉའི་རྒྱལ་པོ་ལུས་ཐམས་ཅད་གསེར་གྱི་ཁ་དོག་ཅན་ལ། མིག་དག་ཀྱང་གསེར་གྱི་མདོག་ཏུ་སྣང་བ།
ལུས་ལ་མཛེས་པའི་རི་མོ་མང་པོས་ཁྱབ་པ་དེ་ནི་འཕགས་པ་རྫུ་འཕྲུལ་རྣམ་པ་གསུམ་གྱི་བདག་ཉིད་ཅན་བཞིན་དུ། རེས་འགའ་ནི་ཆུའི་ཁ་རུ་ཅི་བདེར་འཕྱོ་ཞིང་། རེས་འགའ་ནི་ཆུའི་གཏིང་དུ་འགྲོ་བ་ལ་ཆགས་ཐོགས་མེད་པས་རྒྱ་མཚོར་བྱིངས་པའི་སེམས་ཅན་མང་པོ་འཛིན་པར་བྱེད་པ་
དང་། ཕ་རོལ་དུ་སྒྲོལ་བར་བྱེད་པའི་མཉེས་གཤིན་པ་སྟེ། དེའི་དཔལ་དང་རྗེས་སུ་མཐུན་པར་ཐང་མཉམ་པ་གཡུའི་རྒྱ་མཚོ་འཁྱིལ་པ་ལྟ་བུར་ཡོད་པའི་དཀྱིལ་ནས། ཧ་ཅང་ཡང་མཐོ་བ་མ་ཡིན་པའི་སྤང་རི་གསེར་གྱི་ཉ་མོ་ཉལ་བ་ལྟར་ཡོད་པ་ལ་དྲི་ཞིམ་པོའི་སྨན་དང་ལྡུམ་བུའི་རིགས་
མང་དུ་སྐྱེས་པ། མེ་ཏོག་ཁ་ཡོངས་སུ་བྱེ་བ་འདབ་མ་དང་གེ་སར་ཐམས་ཅད་གསེར་གྱི་ཁ་དོག་འཛིན་པ་སྟུག་པོས་ཁྱབ་པས་མཛེས་པར་བྱས་པ་སྟེ། དེར་བཤུལ་རིང་གི་ལམ་གྱིས་དུབ་པའི་འདྲོན་པ་གང་དག་ངལ་བསོར་སྦྱོར་ཅིང་དགའ་བའི་རོ་ལ་སྤྱོད་པའི་ཡུལ་དུ་གྱུར་པས་སམ། ཡང་
ན་འབབ་ཆུའི་རྒྱུན་ཆེན་པོ་དལ་གྱིས་འབབ་ན། སྐབས་ལ་ལར་རྒྱུན་སྲོལ་གྱི་དབང་ལས་ཁ་གཉིས་སུ་གྱེས་ནས་འབབ་པ་སྟེ། དེའི་བར་དུ་ཆུད་པར་གྱུར་པའི་བཟའ་ཤིང་གི་ར་བ་དང་། སྐྱེད་མོས་ཚལ་ཡིད་དུ་འོང་བ། རྩྭ་དང་ཤིང་ལྗོན་པ་མང་དུ་སྐྱེས་པ་དག་སྟེ། གང་གིས་ཆུར་ལྟུང་

213-1-280a

བ་རྣམས་ནི་འཛིན་པར་བྱེད་ལ། ཕ་རོལ་དང་ཚུ་རོལ་ནས་ལྷགས་པ་རྣམས་ལ་བདེ་བའི་ངལ་བསོ་སྟེར་བར་བགྱིད་པས། དེར་ཡང་ལེགས་པའི་ལྟས་དང་བཅས་པའི་ས་ཕྱོགས་སུ་བརྟག་པར་བྱར་མི་བཏུབ་པའི་སྐྱོན་འགའ་ཡང་ཡོད་པ་མ་ཡིན་ནོ། །ཁ་ཅིག་ཏུ་ནི་
ལྷའི་འཁོར་ལོ་རིན་པོ་ཆེ་རྩིབས་དང་མུ་ཁྱུད་དང་བཅས་པ། ལྷ་དང་ལག་འགྲོའི་ཡུལ་ནས་འོངས་པའི་རིན་པོ་ཆེ་དཀར་པོ་དང་། སྔོན་པོ་དང་། སེར་པོ་དང་། ལྗང་གུ་ལ་སོགས་པ་ཁ་དོག་སྣ་ཚོགས་པའི་ཕྲས་ཀུན་ནས་སྤྲས་པ། སྐྱེ་བོ་མ་ལུས་པའི་ཡིད་རང་དབང་དུ་སྡུད་
པར་བྱེད་པ་ལ་དབང་བ་གང་ཡིན་པ་དེ་ནི་ནོར་འཛིན་གྱི་བུ་མོའི་ལག་པ་ན་ཐོགས་པ་དང་འདྲ་བའི་ས་གཞི་ལག་མཐིལ་ལྟར་ཁོད་མི་སྙོམས་པ་མེད་པ་སྣུམ་ཞིང་གཟི་མདངས་ཆེ་བ། ཕལ་ཆེར་ན་ནི་དབྱར་སྐྱེས་མྱུ་གུའི་ཚོགས་ཀྱིས་ཁྱབ་པས་མནན་ན་ནེམ་པ་བཏེག་ན་པར་བའི་རེག་བྱ་ཕུན་
སུམ་ཚོགས་པ་དང་ལྡན་པ། ཁོར་ཡུག་ནས་བསྐོར་བའི་རི་བོའི་ཚོགས་ཕྲེང་དུ་བསྟར་བ་རྣམས་ཀྱི་མཐའ་བསྣོལ་བའི་མཚམས་ནས། ལུང་པ་པདྨའི་འདབ་མ་ལྟར་ཡངས་པ། ཕྱོགས་ཕྱོགས་སུ་སོང་བ། དེ་དག་གི་བར་སྐབས་རྣམས་སུ་ཡང་ཡུལ་དང་། ཡུལ་གྲུ་དང་། ལྗོངས་
དང་། གྲོང་དང་། གྲོང་ཁྱེར་དང་། ཚོང་འདུས་དང་། རྒྱལ་པོའི་ཕོ་བྲང་དང་། གཙུག་ལག་ཁང་དང་། མཆོད་རྟེན་དང་། ཀུན་དགའ་ར་བ་རྣམས་ཀྱིས་གང་བ་སྟེ། དཔེར་ན་གཡུའི་མཎྜལ་ངོས་མཉམ་པ་ཡིད་དུ་འོང་བ་ཞིག་ལ་སྐྱེས་བུ་མཁས་པས་མེ་ཏོག་གི་ཚོམ་བུ་བཀྲམ་པ་ལྟ་བུ་
དག་ཡོད་དོ། །དེ་དག་ཐམས་ཅད་ཀྱང་བདེ་བ་དང་འབྱོར་པ་ལོ་ལེགས་པ། སྐྱེ་བོ་མང་པོ་དང་མིས་ཀུན་དུ་གང་བ། དེ་དག་གི་ཉེན་སྐོར་རྣམས་སུ་ཀུན་གྱི་ཉེར་འཚོའི་གཞིར་གྱུར་པའི་ཞིང་ས་ཤིན་ཏུ་གཤིན་པ་མང་པོ་སྟེ། དེ་དག་ལས་དུས་དུས་སུ་མྱུ་གུ་དང་། སྡོང་བུ་དང་། ལོ་མ་དང་།
འབྲས་བུ་ཕུན་སུམ་ཚོགས་པ་དང་ལྡན་པའི་འབྲུའི་རིགས་རྣམ་པ་སྣ་ཚོགས་པ་དང་ལྡན་པ་དག་འབྱུང་སྟེ། དེ་དག་གི་རོ་དང་བཅུད་དང་ནུས་པ་ཕུན་སུམ་ཚོགས་པ་དག་གིས་སྐྱེ་བོའི་ཚོགས་ཆེན་པོ་དེ་དག་སྡུད་པར་བྱེད། དགའ་བར་བྱེད། མགུ་བར་བྱེད། འཚོ་བར་བྱེད། སྲུང་

213-1-280b

པར་བྱེད་དོ། །འབྲུའི་བང་མཛོད་རྣམས་ཀྱང་དངོས་པོ་དེ་དང་དེ་དག་གིས་རབ་ཏུ་རྒྱས་པར་བྱེད་དོ། །རྒྱུ་དེ་དག་གིས་ནི་སེམས་ཅན་དཔག་ཏུ་མེད་པ་བཀྲེས་པའི་སྡུག་བསྔལ་གྱི་འཇིགས་པ་དང་། ཕོངས་པའི་སྡུག་བསྔལ་གྱི་འཇིགས་པ་དང་། རྒྱུད་པའི་སྡུག་བསྔལ་གྱི་འཇིགས་པ་དང་།
མུ་གེའི་སྡུག་བསྔལ་གྱི་འཇིགས་པ་སྟེ། འཇིགས་པ་དེ་དག་གི་རྒྱུན་ཡང་གཅོད་པར་བྱེད་པ་དག་ཡོད་དོ། །དེས་ན་ས་ཕྱོགས་དགེ་བའི་མཚན་མར་རྫོགས་པ་གང་གིས་མཐུན་པའི་ཕྱོགས་ཐམས་ཅད་རང་དབང་དུ་སྡུད་པར་བྱེད་ཅིང་། ཅིག་ཤོས་མཐུན་པ་མ་ཡིན་པའི་ཕྱོགས་ཐམས་
ཅད་གཅོད་པར་བྱེད་པའི་ཕྱིར་འཁོར་ལོ་རིན་པོ་ཆེ་ཉིད་དང་ཆོས་མཚུངས་པ་ཡིན་ནོ། །གཞན་ཡང་རིན་པོ་ཆེའི་གཏེར་གྱི་བུམ་པ་བཟང་པོ་ཞེས་པ་ནང་བཅུད་དུ་རིན་པོ་ཆེའི་གཏེར་མང་པོས་ཡོངས་སུ་ཁེངས་པ། གང་ཞིག་ཐོབ་པར་གྱུར་ན་ནི་སྐྱེས་བུ་དེའི་ཡིད་ལ་ཇི་ལྟར་རེ་བའི་ཤིང་རྟ་མ་ལུས་
པ་མངོན་པར་འདོད་པའི་འབྲས་བུ་དེ་དང་དེ་དག་གིས་བདེ་བར་འགེངས་པ་ལ་རྩོལ་བ་དང་ཚེགས་ཆེ་བ་ལ་མ་ལྟོས་པར་འབད་མེད་ལྷུན་གྱིས་གྲུབ་པའི་ཚུལ་གྱིས་འབྱུང་བའི་ཡོན་ཏན་དང་ལྡན་པ་ཞིག་སྟེ། དེ་དང་རྗེས་སུ་མཐུན་པར་སྡོམ་བརྩོན་ས་གཞི་སྐྱོང་བའི་ཚུལ་བཟུང་བའི་བླ་མ་ཆེན་པོ་
འདི་ཉིད་སྐུ་མཆེད་ཡབ་མས་དང་བཅས་པས་ཡོངས་སུ་བསྲུངས་པའི་རྒྱལ་སྲིད་རྣམ་པར་ཡངས་པའི་དཀྱིལ་འཁོར་ཆེན་པོ་སྟེ། དེར་འཁོད་པའི་ཡུལ་དང་ཡུལ་གྲུ་ཆེན་པོ་རྣམས་ཀྱི་རྒྱལ་འཕྲན་དང་། མདུན་ན་འདོན་དང་། སྡེ་དཔོན་དང་། ཁྱིམ་བདག་དང་། གྲོང་ཁྱེར་གྱི་སྐྱེ་བོ་ལ་སོགས་པ་
རྣམས་ཀྱིས་བདག་གིར་བྱས་པའི་ཕོ་བྲང་དང་། དཀོར་ཁང་དང་། མཛོད་དང་། འབྲུའི་བང་བ་དང་། ཕྱུགས་ཀྱི་ར་བ་རྣམས་ན། རང་རང་གི་ཡུལ་ནས་བྱུང་བ་དང་། ཡུལ་ཁམས་གཞན་ནས་བྱུང་བའི་རིན་པོ་ཆེའི་རིགས་དང་། འབྲུའི་རིགས་དང་། བཟའ་བ་དང་བཅའ་བའི་རིགས་དང་། བགོ་བ་
དང་རྒྱུན་གྱི་རིགས་དང་། བཞོན་པ་དང་བཀོལ་སྤྱད་བྱ་བའི་རིགས་རྣམ་པ་སྣ་ཚོགས་པ་སྟེ། མདོར་ན་ནོར་དང་འདོད་པའི་འབྲས་བུས་བསྡུས་པའི་དཔལ་དང་འབྱོར་བ་དང་ལོངས་སྤྱོད་དང་། དབང་ཕྱུག་ཕུན་སུམ་ཚོགས་པས་མངོན་པར་གཏམས་ཤིང་། འདོད་དགུ་ཕུན་སུམ་ཚོགས་པ་ཐམས་ཅད་

213-1-281a

ཀྱི་འབྱུང་གནས་སུ་གྱུར་པའོ། །དེ་ལ་བརྟེན་ནས་སྐྱེ་འགྲོ་ཐམས་ཅད་ཀྱི་བསམ་པ་ཐམས་ཅད་ཡོངས་སུ་རྫོགས་པར་བྱེད་པའི་རྒྱུར་འགྱུར་བས། རིན་པོ་ཆེའི་གཏེར་གྱི་བུམ་པ་དང་མཚུངས་པའི་བྱ་བ་མ་ལུས་པ་བྱེད་པའི་ཕྱིར་རོ། །ཁྱད་པར་མཆོག་གི་སྤྲུལ་པའི་སྐུ་པདྨ་ཀ་རའི་ལུང་
བསྟན་གྱི་རྔ་བོ་ཆེས་ལན་དུ་མར་བསྔགས་པའི་རྩོད་བྲལ་གྲུབ་པའི་འཁོར་ལོས་སྒྱུར་བ་ཆེན་པོ་ལྕགས་ཟམ་པའམ། ཐང་སྟོང་རྒྱལ་པོའམ། བརྩོན་འགྲུས་བཟང་པོ་ཞེས་མཚན་གྱི་རྣམ་གྲངས་གསུམ་དང་ལྡན་པ། ལུང་དང་རྟོགས་པའི་ཡོན་ཏན་མི་ཟད་པའི་མཛོད་དུ་གྱུར་པས་འབྱུང་བ་བཞིའི་ཡུལ་ལ་
ཐོགས་རྡུགས་མེད་པར་འགྲོ་ཞིང་། རྫུ་འཕྲུལ་གྱི་ཆོ་འཕྲུལ་མང་པོ་བསྟན་པས་འགྲོ་བ་རྒྱ་མཚོ་དད་པའི་ཞིང་ས་གཤིན་པར་བྱས་ནས། དེར་དགེ་བའི་ས་བོན་རྨ་མེད་པ་འདེབས་པའི་སྒོ་ནས་སེམས་ཅན་གྱི་དོན་ལ་ཞུགས་པ་ན། དུས་གསུམ་རྣམ་པར་སྣང་བའི་ཏིང་ངེ་འཛིན་ལ་སྙོམས་པར་
ཞུགས་ནས། འཇིག་རྟེན་གྱི་ཁམས་སུ་བལྟས་པས། ཕན་པ་དང་བདེ་བའི་བདུད་རྩི་ཟད་མི་ཤེས་པའི་འབྱུང་ཁུངས་སུ་གྱུར་པ། དམ་པའི་ཆོས་ཀྱི་ཟླ་བ་འདི་ནི་གང་དུ་འགྲིབ་པར་འགྱུར། གང་དུ་འཕེལ་བར་འགྱུར། གང་དུ་གནས་པར་འགྱུར། གང་དུ་ཡང་དག་པར་བརྟན་པར་འགྱུར་སྙམ་དུ་
དགོངས་པ་ན། ལྗོངས་འདིར་དགེ་ལེགས་ཀྱི་མཚན་མ་ཕུན་སུམ་ཚོགས་པ་ཐམས་ཅད་ངོམ་པ་བཞིན་དུ་མཆིས་པ་དེ་ལེགས་པར་གཟིགས་སོ། །གཟིགས་ནས་ཀྱང་ཇི་སྐད་དུ། རྒྱ་མཚོ་ཆུ་སྲིན་རྣམས་ཀྱི་གནས། །དུས་རླབས་ཡོལ་བར་འགྱུར་ཡང་སྲིད། །གདུལ་བར་བྱ་བའི་སྲས་རྣམས་ལ། །སངས་
རྒྱས་དུས་ལས་ཡོལ་བ་མེད། །ཅེས་འབྱུང་བ་ལྟར་སེམས་ཅན་ལ་སྙིང་བརྩེ་བའི་གྲོགས་ཀྱིས་ལེགས་པར་བསྐུལ་ནས་ལྗོངས་འདིར་སྐུ་དངོས་སུ་བྱོན་ནས་ཞབས་ཀྱི་འཁོར་ལོས་བཅགས། གཙུག་ལག་ཁང་དང་དགོན་པ་འདེབས་པ་ལ་སོགས་པས་སངས་རྒྱས་ཀྱི་བསྟན་པའི་རྒྱལ་མཚན་དམ་པ་བཙུགས་སོ། །
དེ་ནས་བརྩམས་ཏེ་གོང་དུ་སྨོས་པའི་བསྟན་འཛིན་གྱི་སྐྱེས་བུ་དམ་པ་རིམ་པར་བྱོན་པ་རྣམས་ཀྱི་ཞབས་ཀྱིས་བཅགས་ཤིང་ཕྲིན་ལས་ཀྱི་རྒྱུན་མི་ནུབ་པ་སྐལ་ལྡན་ཤིང་རྟའི་རྒྱུན་ཆེན་པོ་བཞིན་དུ་གནས་པར་མཛད་པའི་གདན་ས་ཆེན་པོ་དཔལ་ལྷུན་གྲུབ་སྟེང་གི་ཆོས་གྲྭ་ཆེན་པོ་ཞེས་གྲགས་སྙན་སྤྲིན་གྱི་རྔ་གསང་

213-1-281b

ལྷང་ངེར་ལྡིར་བ་གང་ལ། དཀར་པོའི་ཕྱོགས་སུ་མངོན་པར་འདུན་པའི་ལྷ་དང་མིར་བཅས་པའི་མདོངས་མཐའ་རྣམས་ནི་ཀུན་ནས་དགའ་བའི་སྒྲོ་གཤོག་ཟླུམ་པོར་ཕུབ་པའི་གར་སྟབས་སྟོང་དུ་བསྒྱུར་བས་བྲེལ་བར་བགྱིད་པ་དེ་ཉིད་ཡོད་དོ། །དེ་ལྟ་བུའི་གནས་དེ་ན་ཡོད་པའི་གཙུག་ལག་ཁང་བསམ་གྲུབ་མཐོང་
གྲོལ་ཞེས་བྱ་བ་གང་ཞིག་ལེགས་པར་བལྟས་ན་འཕགས་ཡུལ་རྡོ་རྗེའི་གདན་གྱི་དྲིའི་གཙང་ཁང་ཆེན་པོ་ཡང་འདི་ལས་ལྷག་པ་ཅི་ཞིག་སྙམ་པ་དེ་ཉིད་ཡོད་དེ། དེའང་རྣམ་པ་ནི་ཇི་ལྟ་བུ་ཞེ་ན། ལྷའི་བཟོ་བོ་ལས་སྣ་ཚོགས་པའི་ལག་པའི་ཟློས་གར་གྱིས་རིན་པོ་ཆེ་པདྨ་རཱ་གའི་ཕ་གུ་བརྩེགས་པ་ལས་བྱས་པ་ལྟ་
བུའི་སྟེགས་བུ་དང་། བ་གམ་དང་། མངའ་ཡབ་དང་། ལན་ཀན་དང་། སྒོ་དང་། སྒོ་ཁང་དང་། རྟ་བབས་རྣམས་ཀྱིས་མཛེས་པར་བྱས་པ། བཻ་ཌཱུཪྻ་མཐིང་གའི་ཆུ་གཏེར་ཆེན་པོ་བསྐྱིལ་བ་ལྟ་བུའི་ཁྱམས་ཀྱི་དཀྱིལ་འཁོར་སྔོ་ཞིང་དངས་པ་ལ་བརྟན་པའི་ཀ་བ་བརྒྱ་ཕྲག་གཅིག་གིས་བཏེག་པའི་གདུང་དང་། གདུང་
ཕྲན་དང་སྤང་ལེབ་རྣམས་ལེགས་པར་བཀོད་པ། ལོགས་ཐམས་ཅད་ནས་མི་མཉམ་པ་མེད་པར་ཤིན་ཏུ་མཐོ་ཞིང་ཟུར་བཞི་དང་ལྡན་པ། བཙོ་མ་གསེར་གྱི་རང་བཞིན་ལས་གྲུབ་པའི་རྒྱ་ཕུབ་དང་ཏོག་དང་། རྒྱལ་མཚན་དང་ནམ་མཁའ་ལྡིང་དང་མེ་ལོང་དང་ཡིད་བཞིན་གྱི་ནོར་བུ་རྣམས་ལས་ཤིན་ཏུ་འབར་བའི་འོད་
ཟེར་གྱི་དྲ་བ་རིང་དུ་འཕྲོ་བ། ཆུ་སྲིན་ཀུམྦྷི་རའི་མཆེ་བའི་ཕྲག་ནས་ཉེ་བར་འཐོན་པའི་རིན་པོ་ཆེའི་དཔྱངས་ཐག་ལ་འཁྱུད་ནས་ཤིན་ཏུ་སྙན་པའི་སྒྲ་འབྱིན་པར་བྱེད་པའི་གཡེར་ཀའི་ཕྲེང་བ་དང་དྲིལ་བུ་དང་ཟླ་བ་རླུང་གིས་བསྐྱོད་པ་རྣམས་ཀྱིས་ཕྱོགས་ཐམས་ཅད་ནས་མཛེས་པར་དཔྱངས་པ། ཕྱི་རོལ་དུ་ནཱི་ལོཏྤ་ལ་དང་
པུནྜ་རཱི་ཀ་དང་བནྡྷུ་ཛཱི་བ་ཀའི་ཁ་དོག་ཅན་གྱི་ཁང་པ་དང་། ཁང་ཕྲན་དང་། དྲིའི་གཙང་ཁང་དང་། རིག་སྔགས་འཆར་བ་རྣམས་ཀྱི་སྒྲུབ་ཁང་དམ་པ་དག་གིས་ཀུན་ནས་བསྐོར་བའི་དབུས་སུ་དཔེར་ན་རིན་པོ་ཆེ་པདྨ་རཱ་གའི་མཆོད་སྡོང་དང་། ཐུན་མཚམས་ཀྱི་སྤྲིན་དང་། པདྨ་དམར་པོའི་ནགས་ཚལ་དང་། བྱི་རུའི་
ལྷུན་པོ་རྣམས་ལི་སླར་ཡང་ཉི་མ་འཆར་ཀའི་འོད་ཟེར་གྱི་ཕུང་པོས་ལན་སྟོང་དུ་དཀྲིས་པ་བཞིན་དུ་ལྷམ་མེར་འབར་བ། ནང་ན་དེ་བཞིན་གཤེགས་པ་སྲས་དང་བཅས་པའི་སྐུ་བརྙན་ལུགས་སུ་བླུགས་པ་དང་། འབུར་དུ་བཞེངས་པ་དང་། རི་མོར་བྲིས་པ་དང་། གླེགས་བམ་གྱི་ཚོགས་གྲངས་མེད་པ་རྣམས་

213-1-282a

མཆོད་པའི་ཡོ་བྱད་བསམ་གྱིས་མི་ཁྱབ་པའི་བཀུར་སྟི་དང་བཅས་ཏེ་བཞུགས་པ། དེའི་ཕྱི་དང་ནང་གི་ཁྱམས་གཙང་མ་དང་། ཁོ་ར་ཁོར་ཡུག་ཀུན་དུ་སྒོ་གསུམ་བག་དང་བཅས་ཤིང་སྤོས་མཆོག་ཧ་རི་ཙནྡན་གྱི་དྲི་བསུང་མངར་པོ་རིང་དུ་འཐུལ་བའི་དགེ་སློང་གི་དགེ་འདུན་གྱི་ཚོགས་མང་པོས་སྡེ་
སྣོད་གསུམ་དང་རྒྱུད་སྡེ་བཞིའི་གཞུང་ལུགས་ཀྱི་ཚིག་དང་དོན་གྱི་ཆ་རྣམ་པར་བཀྲོལ་ཞིང་བགྲོ་བར་བྱེད། མཉན་པར་བྱེད། ཀློག་པར་བྱེད། འཛིན་པར་བྱེད། འཆད་ཅིང་སྟོན་པར་བྱེད། ཁ་ཏོན་དུ་བྱེད། ཚུལ་བཞིན་དུ་ཉམས་སུ་ལེན་པར་བྱེད་པའི་སྒོ་ནས་ལུང་གི་ཆོས་ཀྱི་ཚུལ་མང་པོ་ནི་ཡུན་དུ་གནས་པར་
བྱེད་དོ། །རྟོགས་པའི་ཆོས་ཀྱི་ཚུལ་མང་པོ་ནི་རྒྱུད་ལ་མངོན་དུ་བྱེད་དོ། །དེ་ལྟ་བུའི་ཚུལ་གྱིས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཀྱི་ལུགས་བཟང་དྲི་མ་མེད་པ་ཉིད་ཕྱོགས་དུ་མ་ནས་དར་ཞིང་རྒྱས་པར་བྱེད་པ་དག་ཡོད་དོ། །དེ་དང་ཟུང་དུ་འབྲེལ་བའི་རྒྱལ་ཁབ་དམ་པ་
མི་མཐུན་པའི་ཕྱོགས་ལས་རྣམ་པར་རྒྱལ་བ་ཞེས་བྱ་བ་ཤིན་ཏུ་བརླིང་ཞིང་མཐོ་བཟུར་བཞི་དང་ལྡན་པ་ལ་སྟེགས་བུ་དང་བ་གམ་དང་སྒོ་དང་རྟ་བབས་རྣམས་ཀྱིས་མཛེས་པར་བྱས་པ་ལ་ནོར་བུ་ཆུ་ཤེལ་དང་། ཨིནྡྲ་ནཱི་ལ་དང་། པདྨ་རཱ་ག་རྣམས་སོ་སོར་བཞུ་བའི་ཁ་དོག་ཅན་གྱི་ཚོན་རིས་རིམ་པར་བྱུགས་
པས་དབང་པོའི་གཞུའི་མཛེས་པ་ལ་ཅོ་འདྲིར་བྱེད་པ། ངོས་རྣམས་ན་མུན་པ་སེལ་བར་བྱེད་པའི་སྐར་ཁུང་དམ་པ་རིན་པོ་ཆེའི་སྒྲོན་མ་བཏེག་པ་ལྟ་བུ་མང་པོ་ལ་ཁ་དོག་སྣ་ཚོགས་པའི་ཚོན་གྱིས་མཛེས་པ། ནང་གི་ཁྱམས་ཐམས་ཅད་དུ་འཕྲུལ་གྱི་བྱེད་པོས་མངོན་པར་བསྐྲུན་པ་དང་འདྲ་བའི་ཀ་བ་
མང་པོས་བཏེག་པའི་གདུང་དང་། གདུང་ཕྲན་རྣམས་ཀྱིས་ལེགས་པར་བྲེས་པ་ལ་བརྟེན་པའི་སྟེང་ཐོག་རིམ་པར་ཕུབ་པ་ལ་མཐོན་ཀ་ཆེན་པོའི་མདའ་ཡབ་དང་པུ་ཤུས་བརྒྱན་པ། ཉི་མ་འཆར་ཀའི་འོད་མདངས་ཕུན་སུམ་ཚོགས་པ་ལ་འགྲན་ཟླར་བྱེད་པའི་གསེར་བཙོ་མའི་རང་བཞིན་ཅན་གྱི་འགན་ཇིར་ཆེན་
པོ་དང་རྒྱལ་མཚན་དང་མེ་ལོང་དང་དྲིལ་བུ་གཡེར་ཁའི་ཕྲེང་བ་རྣམས་ཀྱིས་སྤྲས་པ་དག་ཡོད་དོ། །ཕྱི་རོལ་ན་མེ་ཏོག་གི་ལྡུམ་ར་དང་། བཟའ་ཤིང་གི་ར་བ་དང་། སྐྱེད་མོས་ཚལ་དང་། ཤིང་ལྗོན་པའི་གྲིབ་བསིལ་སྣུམ་པོ་འབབ་པའི་སྤང་ལྗོང་རྩྭ་སྔོན་དང་། ལྡུམ་བུ་དང་།མེ་ཏོག་དང་། སྨན་གྱི་ལོ་འདབ་སྟུག་

213-1-282b

པོས་ཁེབས་པའི་སྐབས་འགའ་ཞིག་ནས། རེག་པ་ཤིན་ཏུ་བསིལ་བའི་ཆུ་རྒྱུན་གཙང་མ་ཡིད་འོང་སྙན་པའི་ཆབ་སྒྲ་འབྱིན་བཞིན་པ་འབབ་པ་དང་བཅས་པའི་སྐྱེད་ཚལ་གྱི་ཕྲེང་བས་ཀུན་ནས་བསྐོར་བ་ཡོད་དོ། །ཕོ་བྲང་གི་ནང་དང་ཁོར་ཡུག་གི་རིམ་པ་རྣམས་སུ་དགེ་སློང་གི་དགེ་འདུན་མང་པོ་འདུ་བའི་གཙུག་ལག་
ཁང་དང་ལྷ་ཁང་དང་མགོན་ཁང་མང་པོ་རྣམས་སུ། དཀོན་མཆོག་གསུམ་གྱི་རྟེན་གསུམ་ངོ་མཚར་དང་བྱིན་རླབས་ཀྱི་གཟི་འོད་རབ་ཏུ་འབར་བ་བགྲང་གིས་མི་ལང་པ་རྣམས་ཀྱི་མདུན་ན་མཆོད་པར་ཕུལ་བའི་ཡོ་བྱད་ཀྱི་རྣམ་པ་ནི། མེ་ཏོག་དང་། བདུག་པ་དང་། མར་མེ་དང་། དྲི་མཆོག་དང་། ཞལ་ཟས་དང་། རོལ་མོའི་བྱེ་
བྲག་མང་པོ་དང་། གཞན་ཡང་སྟོང་འཁུན་གྱི་རྒྱལ་པོའི་གན་མཛོད་ལས་ཐོན་པའི་བཟང་གོས་དང་། དར་གྱི་བྱེ་བྲག་ཤིན་ཏུ་རྙེད་དཀའ་ཞིང་རིན་ཐང་ཆེ་བ་གྱ་ནོམ་པ་དག་ལས་གྲུབ་པའི་བླ་རེ་དང་། རྒྱལ་མཚན་དང་། འཕུར་མ་དང་། འཕན་དང་། སྙན་ཤལ་ལ་སོགས་པ་མཆོད་པའི་ཡོ་བྱད་བསམ་
གྱིས་མི་ཁྱབ་པའི་བཀུར་སྟི་དང་བཅས་པ་སྟེ་བཞུགས་པའི་གཞལ་མེད་ཁང་མང་པོ་དང་། མིའི་བདག་པོ་དང་། མདུན་ན་འདོན་དང་། མི་དཔོན་དང་། ལས་གཉེར་བ་རྣམས་ཀྱི་བསྟི་གནས་དང་། མདུན་གྲོས་ཀྱི་གནས་དང་། རྒྱལ་པོའི་དཀོར་ཁང་དང་། གན་མཛོད་དང་། མཛོད་ཕལ་པ་དང་། འབྲུའི་བང་
བ་རྣམས་ཀྱི་ཁང་བཟང་དང་། ཁང་པ་བརྩེགས་པ་དང་། ཁང་ལྕོག་རྣམས་ཀྱིས་ཀུན་ནས་མཛེས་པར་བྱས་པ་དག་ཡོད་དོ། །དེ་དག་ཀྱང་འབྱོར་ཞིང་རྒྱས་པ་སྡེ་བཞིའི་འབྲས་བུ་ཕུན་སུམ་ཚོགས་པའི་འབྱུང་གནས་ཆེན་པོ་ཉིད་དུ་ངེས་པ་ནི། འདི་ལྟར་ནོར་དང་འདོད་པའི་སྡེ་རྣམ་པ་གཉིས་ཀྱི་བསྡུས་པའི་
འབྱོར་པ་ལ་དབང་ཐོབ་ཅིང་། ཟང་ཟིང་གི་སྦྱིན་པ་རྒྱུན་མི་འཆད་པར་འབྱུང་བའི་སྒོ་ཆེན་པོ་བརྒྱ་ཕྲག་སྟོང་དུ་མ་དུས་ཅིག་ཅར་དུ་ཡོངས་སུ་བྱེ་བ་ལྟ་བུ་ཡོད་དེ། ཇི་ལྟར་ཞེ་ན། རྒྱལ་ཁབ་ཆེན་པོ་འདི་ཉིད་ཀྱིས་མཚོན་པའི་མངའ་འོག་དུ་གཏོགས་པའི་གྲོང་དང་གྲོང་ཁྱེར་དང་གྲོང་རྡལ་དང་ཚོང་འདུས་རྣམས་
ནས་འབྱུང་བ་དང་། དེ་དག་ལས་གཞན་པའི་ཕྱོགས་དང་ཕྱོགས་བྲལ་གྱི་ཚོང་འདུས་ཆེན་པོ་རྣམས་ནས་འབྱུང་བ་དང་བཅས་པའི་འདོད་པ་དགུའི་ལོགས་སྤྱོད་དང་དཔལ་འབྱོར་ཕུན་སུམ་ཚོགས་པ་དག་འབྱུང་བ་ནིའི་འདི་ལྟ་སྟེ་། ནོར་བུ་རིན་པོ་ཆེ་བཻ་ཌཱུཪྻ་དང་། ཏོག་གི་བློ་གྲོས་དང་། ཨིནྡྲ་ནཱི་ལ་དང་། མུ་ཏིག་དང་། པདྨ་

213-1-283a

རཱ་ག་དང་། ཀེ་ཏ་ཀ་དང་། སྤུག་དང་། ཀརྐེ་ཏ་དང་། ཤེལ་དང་། ཉ་ཕྱིས་དང་། དུང་དང་། མེ་ཤེལ་དང་། ཆུ་ཤེལ་དང་། རྒྱལ་པོ་འཁྱིལ་བ་དང་། པེ་རོ་ཙ་དང་། བྱི་རུ་དང་། མཆང་ལ་སོགས་པ་རིན་པོ་ཆེའི་རིགས་སུ་གཏོགས་པ་རྣམས་སོ། །གཞན་ཡང་རྔ་དང་། རྫ་རྔ་
དང་། རྔ་ཟླུམ་དང་། ཅང་ཏེའུ་དང་། རོལ་མོ་དང་། དུང་དང་། སིལ་སྙན་དང་། གླིང་བུ་དང་། པི་ཝང་དང་། སྒྲ་བརྙན་ལ་སོགས་པ་རོལ་མོའི་རིགས་སུ་གཏོགས་པ་དང་། འབྲས་དང་སོ་བ་དང་། ནས་དང་གྲོ་དང་། སྲན་མ་དང་ཏིལ་དང་། ཁྲེ་དང་ཡུངས་ཀར་ལ་སོགས་པ་འབྲུའི་རིགས་སུ་གཏོགས་
པ་དང་། དཀར་གསུམ་དང་མངར་གསུམ་དང་། ཤིང་ཐོག་དང་། འབྲུའི་རིགས་ལ་སོགས་པ་བཟའ་བ་དང་བཅའ་བའི་རིགས་སུ་གཏོགས་པ་རྣམས་དང་། ཁ་དོག་སྣ་ཚོགས་པའི་གོས་བཟང་པོ་དང་། དར་དང་རས་ཟུང་དང་། རས་ཡ་བ་དང་། ཐེར་ཕྲུགས་ལ་སོགས་པ་བགོ་བ་དང་རྒྱན་གྱི་
རིགས་སུ་གཏོགས་པ་ཉེ་བར་སྤྱད་པའི་ཡོ་བྱད་ཀྱི་རྣམ་པ་མང་པོ་དང་། ཨརྔྷོ་ཀའི་ཕུར་མ་དང་། རྟ་དང་། དྲེའུ་དང་། གནག་ཕྱུགས་ལ་སོགས་པ་ཉེ་བར་མཁོ་བའི་རིགས་སུ་གཏོགས་པ་མ་ཚང་བ་མེད་པ་དག་ཡོད་དོ། །མདོར་ན་ཆེན་པོ་དང་བར་མ་དང་དམན་པའི་སྐྱེ་འགྲོ་ཐམས་ཅད་དང་རང་གི་མངོན་
པར་འདོད་པ་བཞིན་དུ་བཅང་བར་རུང་བའི་ཟང་ཟིང་གི་ལོངས་སྤྱོད་ཟད་མི་ཤེས་པ་ལ་དབང་འབྱོར་པའི་ཚུལ་ནི། སྔོན་གྱི་སྦྱིན་པ་དཔག་ཏུ་མེད་པའི་དཔལ་ལས་ལེགས་པར་འཁྲུངས་པའི་རྒྱལ་པོ་ཆེན་པོ་རྣམ་མང་ཐོས་ཀྱི་བུའི་འབྱོར་པ་དང་མངའ་ཐང་ལ་འགྲན་པར་བཟོད་པའི་ངོ་མཚར་གྱི་ཕུང་པོ་ཅི་
རིགས་པ་ཡོངས་སུ་རྫོགས་པ་ཡོད་དོ། །དེ་ལྟ་བུའི་འབྱོར་པའི་ཚོགས་ཆེན་པོ་དེ་དག་ཀྱང་སྐྱེ་བོ་ཕལ་གྱི་ཆོས་ལུགས་བཞིན་དུ་མཆོག་གི་གོ་འཕང་དུ་འཛེགས་པར་བྱེད་པའི་ལམ་ཡང་དག་པ་བཞིན་དུ། རྟག་ཏུ་གཅེས་པར་བསྲུང་བར་མི་བྱེད་པར་ཡོངས་སུ་བཏང་བ་ལ་མཁས་པའི་སྒོ་ནས། 
བསོད་ནམས་ཀྱི་ཞིང་བླ་ན་མེད་པར་གྱུར་བ་རྣམས་ལ་མཆོད་པའི་ཆེད་དུ་བཏང་བ་དང་། རྒྱལ་བ་སྲས་དང་བཅས་པ་རྣམས་ཀྱི་སྐུ་དང་གསུང་དང་ཐུགས་ཀྱི་རྟེན་ཕན་བདེ་ཀུན་གྱི་རྩ་ལག་ཏུ་གྱུར་བ་མང་པོ་བཞེངས་པའི་རྒྱུར་བཏང་བ་དང་། དགེ་འདུན་གྱི་གཙུག་ལག་ཁང་བརྩིགས་པའི་རྒྱུར་བཏང་བ་དང་།
213-1-283b

ལས་བྱེད་རྣམས་ཀྱི་དྲིན་གཟོའི་ཡོན་འབུལ་དུ་སྟོབ་པ་དང་། མཆོད་པའི་ཡོ་བྱད་བསྒྲུབས་པའི་ཟོང་དུ་བཏང་བ་ལ་སོགས་པ་དགེ་བའི་རྩ་བ་ཁོ་ནའི་ཆེད་དུ་གཏོང་བ་ལ་སྙིང་སྟོབས་ཀྱི་རྒྱ་མཚོ་ནམ་ཡང་བྲི་བ་མེད་པར་སྦྱིན་པའི་སྒོ་ཆེན་པོ་འབྱེད་པར་བྱེད་དོ། །དེའང་འདི་ལྟར། བཟའ་བ་འདོད་པ་རྣམས་
ལ་ནི་བཟའ་བ་དང་། བགོ་པ་འདོད་པ་རྣམས་ལ་ནི་བགོ་བ་དང་། རྒྱན་གྱི་བྱེ་བྲག་འདོད་པ་རྣམས་ལ་ནི་རྒྱན་གྱི་བྱེ་བྲག་དང་། མཁོ་བའི་ཡོ་བྱེད་འདོད་པ་རྣམས་ལ་ནི་མཁོ་བའི་ཡོ་བྱད་དང་། ཇ་དང་གསེར་དང་དངུལ་འདོད་པ་རྣམས་ལ་ནི་ཇ་དང་གསེར་དང་དངུལ། བཞོན་པ་དང་གནག་ཕྱུགས་འདོད་པ་
རྣམས་ལ་ནི་དེ་དང་དེས་ཚིམ་པར་བྱེད་པ་སྟེ། མདོར་ན་སེམས་ཅན་རང་རང་གྱི་ཡིད་ལ་ཅི་དང་ཅི་འདོད་པའི་རེ་བ་ཐམས་ཅད་ཡོངས་སུ་རྫོགས་པར་བྱེད་པའི་ལོགས་སྤྱོད་ཟད་མི་ཤེས་པའི་འབྱུང་གནས་སུ་གྱུར་པའི་ཕྱིར་རོ། །དེར་མ་ཟད་འཇིག་རྟེན་གྱི་འབྱོར་པ་མ་ལུས་པ་གཅིག་ཏུ་སྤུངས་ཀྱང་།
གང་གི་སྣང་བའི་ཟེགས་མ་ཕྲ་མོ་རེ་རེས་ཀྱང་ཟིལ་གྱིས་གནོན་ཅིང་མོག་མོག་པོར་བྱེད་པ་ནི་དམ་པའི་ཆོས་ཀྱི་འབྱོར་པ་བླ་ན་མེད་པ་སྟེ། དེ་ཡང་ཆོས་དང་ཐར་པའི་སྡེ་རྣམ་པ་གཉིས་ཀྱི་བསྡུས་པའི་འབྱོར་བ་ལ་དབང་ཞིང་ཆོས་ཀྱི་སྦྱིན་པ་རྒྱུན་མི་ཆད་པར་འབྱུང་བའི་སྒོ་ཆེན་པོ་བྱེ་བ་ཕྲག་བརྒྱ་
དུས་ཅིག་ཅར་དུ་དབྱེ་བ་ལྟ་བུར་ཡོད་དེ། དེའང་ཇི་ལྟར་ཞེ་ན། བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཀྱིས་ལེགས་པར་གསུངས་པའི་ལུང་གི་ཆོས་སྡེ་སྣོད་གསུམ་དང་རྒྱུད་སྡེ་བཞིའི་བདག་ཉིད་ཅན་དེའི་དགོངས་དོན་རྣམ་པར་འགྲེལ་པའི་
བསྟན་བཅོས་དང་བཅས་པ་གངས་ཅན་གྱི་སྐད་དུ་འགྱུར་རོ་འཚལ་གྱིས་མཚོན་པའི་ཆོས་ཀྱི་སྦྱིན་པའི་མ་མོ་རྒྱ་ཆེན་པོ་འདི་དག་བསྒྲུབས་སོ། །ཇི་ལྟར་བསྒྲུབ་པ་དེ་དག་ཐམས་ཅད་ཀྱང་གེགས་མེད་པ་ཉིད་དུ་མཐར་ཕྱིན་ནས། ཕྱོགས་བཅུར་དམ་པའི་ཆོས་ཀྱི་སྣང་བ་ཆེན་པོ་བཀྱེ་བའི་སྒོ་ནས་འགྲོ་བ་རྒྱ་
མཚོའི་རྒྱུད་ལ་དགེ་བའི་རྩ་བ་བླ་ན་མེད་པའི་འབྱོར་པ་དམ་པ་དེང་ནས་བརྩམས་ཏེ་རྫོགས་པའི་བྱང་ཆུབ་ཀྱི་བར་དུ་ཟད་མི་ཤེས་པའི་རང་བཞིན་ཅན་ལ་སྦྱོར་བ་འདི་དག་ལགས་སོ། །དེའང་གླེགས་བམ་ཙམ་དུ་མ་ཟད་བཤད་སྒྲུབ་ཀྱི་རྒྱུན་ཆེན་པོའང་ཡོད་དེ། ཇི་སྐད་སྨོས་པ་རྣམས་ཀྱིས་

213-1-284a

མཚོན་པའི་བསྟན་འཛིན་གྱི་སྐྱེས་བུ་ཤེས་བྱའི་གནས་ཀྱི་གཙུག་ལག་ཐམས་ཅད་ལ་མི་འཇིགས་པའི་མཁྱེན་རབ་དང་། སྤོབས་པ་དང་། གཟུངས་དང་། ཏིང་ངེ་འཛིན་གྱི་སྒོ་མང་པོ་ལ་དབང་འབྱོར་བ། དམ་པའི་ཆོས་ཐམས་ཅད་ཀྱི་འབྱུང་གནས་སུ་གྱུར་པའི་
མང་དུ་ཐོས་པ་རྣམས་ཀྱིས་རྣམ་པར་དཀར་བའི་ཕྲིན་ལས་རྣམ་པ་གསུམ་གྱི་སྒོ་ནས་ཆོས་ཀྱི་སྣང་བ་ཆེན་པོ་ཕྱོགས་ཐམས་ཅད་དུ་བཀྱེ་སྟེ། སྐྱེ་དགུ་ཐམས་ཅད་ཀྱི་རེ་བའི་ཡོལ་གོ་མ་ལུས་པ་ཐོས་པ་མཆོག་གི་འབྱོར་པ་བླ་ན་མེད་པས་ཕྱུར་བུར་འགེངས་པར་བྱེད་དོ། །དེ་ལ་བརྟེན་ནས་རང་གིས་ནུས་ན་
ཐར་པ་དང་ཐམས་ཅད་མཁྱེན་པའི་འབྲས་བུ་ཡང་རིང་པོར་མ་ཡིན་པར་ལག་རྩེར་གནས་པ་ལྟ་བུར་གྱུར་པ་ཡོད་དོ། །དེས་ན་ཆོས་དང་སྲིད་པའི་དཔལ་འབྱོར་མ་ལུས་པའི་འབྱུང་ཁུངས་སུ་གྱུར་པས་ན་འབྱོར་པ་རྒྱས་པ་དང་། ཕྱི་ནང་ཀུན་ཏུ་མཆོག་དང་ཕལ་པའི་མི་དང་སྐྱེ་བོའི་ཚོགས་ཀྱིས་
ཡོངས་སུ་གང་བ་སྟེ། དེ་ལས་བླའི་མཆོད་གནས་སུ་གྱུར་པ་ནི་ཕྱི་དང་ནང་གི་ཡོན་ཏན་གྱི་ནོར་བུས་ཕྱུག་པའི་བླ་མ་དང་། སློབ་དཔོན་དང་དགེ་སློང་གི་དགེ་འདུན་ཞི་ཞིང་དུལ་བའི་ཡོན་ཏན་གྱི་ཚོགས་བཟུང་བ་མང་པོ་དག་ཡོད་དེ། དེ་དག་འགའ་ཞིག་ནི་ཀློག་པ་ཐོས་བསམ་གྱི་འཁོར་ལོ་ལ་
གནས། འགའ་ཞིག་ནི་སྤོང་བ་བསམ་གཏན་གྱི་འཁོར་ལོ་ལ་གནས་པའི་ཚོགས་དང་། རྒྱལ་པོའི་འཁོར་དུ་བསྙེན་པར་འོས་པ་ནི་དཔའ་ཞིང་མཛངས་ལ་རྟུལ་ཕོད་པ། ཆོས་དང་སྲིད་པའི་གཙུག་ལག་གི་གཞུང་རབ་འབྱམས་ལ་རྣམ་པར་དཔྱོད་པའི་བློ་གྲོས་ཀྱི་རྩལ་རབ་ཏུ་རྫོགས་ནས་མགྲིན་
བ་ལོངས་སྤྱོད་ཀྱི་འཁོར་ལོའི་རྩ་འཁོར་རྣམ་པར་གྲོལ་པའི་ལམ་ནས་ལེགས་བཤད་གཏམ་གྱི་ངོ་མཚར་དང་མཚར་སྡུག་ཟད་མི་ཤེས་པར་འཇོ་བས། སྐྱེ་བོ་མང་པོ་ཡིད་ཀྱི་བརྟན་པ་རང་དབང་དུ་འཕྲོག་པར་བཟོད་པའི་མདུན་ན་འདོན་དང་། མི་དཔོན་དང་། ལས་བྱེད་དང་། གཙོ་བོ་དང་། 
ཚོང་དཔོན་དང་། བྱ་མ་རྟ་དང་། ཁྱིམ་བདག་དང་། ལྗོངས་ཀྱི་སྐྱེ་བོ་དང་། གཞན་ཡང་མཆོག་དང་ཕལ་པའི་བཟོའི་གནས་དང་། རིག་པའི་གནས་ཀྱི་གཙུག་ལག་རབ་འབྱམས་རྣམས་ལ་གཞན་དྲིང་མི་འཇོག་པའི་བློ་གྲོས་དང་ལྡན་པའི་ཚོགས་མང་པོས་ཡོངས་སུ་གང་བའོ། །གཞན་

213-1-284b

ཡང་དག་སྙོན་དང་ངོ་མཚར་བའི་ལྟད་མོའི་གནས་སུ་གྱུར་པའི་གཏམ་བརྗོད་པ་དང་། བཞད་གད་བྱེད་པ་དང་། གླུ་ལེན་པ་དང་། ཟློས་གར་བསྒྱུར་བ་དང་། མིག་འཕྲུལ་སྟོན་པ་དང་། པི་ཝང་བརྡུང་བ་དང་། གླིང་བུ་བསྒྱུར་བ་དང་། ཁར་རྔ་དང་སིལ་ཁྲོལ་འཁྲོལ་བ་ལ་མཁས་པ་
དང་། བུས་པ་སྲང་བར་ན་རྩེ་བའི་བར་རྣམས་ཏེ། དེ་དག་ཐམས་ཅད་ཀྱང་སྲང་དང་། གྲང་བར་དང་། བཞི་མདོ་དང་། སུམ་མདོ་རྣམས་སུ་རང་རང་གི་བྱ་བ་དེ་དག་གིས་འཚོ་བར་བྱེད་པ་དག་ཀྱང་ཡོད་དོ། །དེ་ལྟར་སྡེ་བཞི་རྣམ་པར་རྒྱས་པའི་དགེ་མཚན་གྱི་ཕུང་པོས་གོང་ནས་གོང་དུ་
མངོན་པར་མཐོ་བར་གྱུར་པའི་གདན་ས་དཔལ་ལྷུན་གྲུབ་སྟེང་གི་ཆོས་གྲྭ་ཆེན་པོ་ཞེས་བྱ་བ། སྔོན་གྱི་སྐྱེས་བུ་མཁས་པ་སྐྱེ་བ་ནས་སྐྱེ་བའི་ཕྲེང་བར་ཤེས་པར་བགྱི་བ་རིག་པའི་གནས་ཀྱི་གཞུང་ལུགས་མཐའ་དག་ལ་སྦྱངས་པ་རྒྱ་མཚོའི་ཕ་རོལ་དུ་སོན་པ་གཙུག་ལག་རབ་འབྱམས་ཀྱི་ཡུལ་
ལ་བལྟ་བར་བྱེད་པའི་རྣམ་པར་འབྱེད་པའི་མིག་དབང་ཤིན་ཏུ་དག་པར་གྱུར་བ། ཆོས་ཀྱི་ཚུལ་ཐམས་ཅད་མགྲིན་པ་རྣམ་པར་ཡངས་པའི་འཁོར་ལོའི་སྦུབས་ནས་འདྲེན་པ་ལ་བསྙེངས་པ་དང་བག་ཚ་བ་མི་མངའ་བའི་ངག་གི་དབང་ཕྱུག་གྲུབ་པ་མང་པོས་སྡེབ་ལེགས་ཚིག་གི་མེ་ཏོག་མ་ལུས་པ་
གཅིག་ཏུ་སྤུངས་ནས་མངོན་པར་བསྔགས་པའི་མེ་ཏོག་གི་སིལ་མ་མང་པོས་ཡང་དག་པར་འཐོང་བར་བྱེད་པའི་གདན་ས། བསྐལ་པ་བགྲང་དུ་མེད་པ་རིང་ནས་སེམས་ཅན་ཐམས་ཅད་ལ་ཕན་པར་སྒྲུབ་པའི་དམ་བཅའ་དབྲོག་ཏུ་མེད་པའི་ཁུར་ཆེན་པོ་ཁྱེར་བའི་བྱང་ཆུབ་སེམས་དཔའ་
སེམས་དཔའ་ཆེན་པོ་རྣམས་ཀྱིས་བསམས་བཞིན་དུ་སྐྱེ་བ་ཉེ་བར་ལེན་པའི་ཞིང་དམ་པ། དུས་གསུམ་གྱི་དེ་བཞིན་གཤེགས་པ་ཐམས་ཅད་ཀྱི་ཕྲིན་ལས་ལས་རྣམ་པར་འཕྲུལ་པའི་སྨྲ་བའི་ཁྱུ་མཆོག་ཆེན་པོ་རྣམས་ཀྱིས་མི་ནུབ་ཆོས་ཀྱི་རྒྱལ་མཚན་དམ་པ་བརྟན་པར་འཛུགས་པའི་ཁང་
བཟངས་ཆེན་པོ། སྲིད་པའི་སྡུག་བསྔལ་ཆུ་སྲིན་མ་ཀ་རའི་མཆེ་བ་ལྟར་གཟིངས་པ་ལས་རིང་དུ་བརྒལ་བའི་ངུར་སྨིག་འཆང་བ་རྣམས་ཀྱིས་ངལ་འཚོར་སྤྱོད་པའི་དགའ་ཚལ། ལྷ་དང་། མི་དང་། ལྷ་མ་ཡིན་དང་། དྲི་ཟ་དང་། ལྟོ་འཕྱེ་དང་། སྲུལ་པོ་དང་། ལུས་སྲུལ་པོ་ལ་སོགས་

213-1-285a

པའི་འཇིག་རྟེན་པ་ཐམས་ཅད་ཀྱིས་གཙུག་གི་ནོར་བུས་གུས་པར་བསྟེན་ཅིང་མཆོད་པའི་ཡུལ་དུ་གྱུར་པའི་གཙུག་ལག་ཁང་ཆེན་པོ་བསམ་འགྲུབ་མཐོང་གྲོལ་ཞེས་བྱ་བ་དང་། དེ་དང་ཟུང་འབྲེལ་དུ་ཡོད་པའི་ལྷའི་ཕོ་བྲང་དམ་པ། སྔོན་གྱི་བསོད་ནམས་དཔག་ཏུ་
མེད་པས་ཉེ་བར་བསྐྱེད་པའི་མིའི་ལྷ། ཆེ་ཞིང་མཐོ་བ་ཤིང་སཱ་ལ་ཆེན་པོ་ལྟ་བུའི་རིགས་མཆོག་མ་ཉམས་པ་རྣམས་ཀྱི་སྲིད་པ་ཉེ་བར་ལེན་པའི་གནས། གཞལ་དུ་མེད་པའི་སྟོབས་དང་ཐུགས་བརྩེ་ཆེན་པོ་ལྷུན་ཅིག་ཏུ་འགྲོགས་པའི་ཕྲིན་ལས་ཀྱི་ཟླ་འོད་དཀར་པོ་གང་གིས་ཆབ་འོག་ཏུ་
འཁོད་པའི་འགྲོ་བ་དང་། བྱང་ཕྱོགས་ཀྱི་འཛིན་མའི་དུམ་བུ་རྣམ་པར་ཡངས་པའི་ཁྱོན་ཐམས་ཅད་དུ་འཁོད་པའི་སྐྱེ་འགྲོ་མ་ལུས་པ་དང་བཅས་པ་རྣམས་ལ། སྔ་ན་མེད་པའི་བདེ་སྐྱིད་ཀུནྡའི་དགའ་ཚལ་ཤིན་ཏུ་རྒྱས་པར་བྱེད་པའི་མི་བདག་ཆེན་པོ་རྣམས་འཚོ་གཞེས་སུ་བཞུགས་
པའི་རྒྱལ་པོའི་ཁབ་དམ་པ་མི་མཐུན་པའི་ཕྱོགས་ལས་རྣམ་པར་རྒྱལ་བ་ཞེས། གང་གི་ཡི་གེ་དམ་པ་ཕྱོགས་བཅུའི་འགྲོ་བ་ཡོངས་ཀྱི་ཐོས་པ་འཛིན་པའི་བཅུད་ལེན་དུ་རྟག་པར་རྒྱུ་བའི་འབྱུང་གནས་སུ་གྱུར་པའི་བསྟི་གནས་ཆེན་པོ་གང་ཡིན་པ་དེ་ནི། སྔ་ན་མེད་པའི་ལེགས་བྱད་ཀྱི་
མཆོད་སྡོང་ཆེན་པོ་འདི་ཉིད་གང་དུ་སྒྲུབ་པའི་གནས་སོ། །གཉིས་པ་ནམ་བསྒྲུབ་པའི་དུས་བཤད་པ་ལ། སྟོན་པའི་བསྟན་པ་གནས་པའི་ཚད་བཤད་པ། དེ་ལས་ཆོས་སྦྱིན་འདིའི་ཕྱི་མོ་བསྒྲུབ་པའི་དུས་བཀར་བའོ། །དང་པོ་ལའང་བཤད་པའི་ཚུལ་སོ་སོར་འགོད་པ་དང་། སྒྲ་ཇི་བཞིན་
པའི་ལུང་ངོས་བཟུང་བའོ། །དང་པོ་ལ་སྤྱིར་བདག་ཅག་གི་སྟོན་པ་བཅོམ་ལྡན་འདས་ཤཱཀྱའི་གཙོ་བོའི་ལུང་དང་རྟོགས་པའི་བསྟན་པ་རིན་པོ་ཆེ་ནི། ངེས་པའི་དོན་དུ་གསང་སྔགས་རྡོ་རྗེ་ཐེག་པའི་དཔའ་བོ་དང་རྣལ་འབྱོར་མ་བསམ་གྱིས་མི་ཁྱབ་པ་རྣམས་ཀྱིས་རྟག་ཏུ་སྲུང་བར་བྱེད་པས་
རྒྱུན་ཆད་མེད་པར་འབྱུང་བར་གསུངས་པ་ལ་སོགས་པས་ནམ་ཡང་ནུབ་པ་མེད་པའི་རང་བཞིན་དུ་བཞུགས་པ་དེ་ལྟ་ནའང་། གདུལ་བྱ་ཐུན་མོང་བ་རྣམས་ཀྱི་སྣང་ངོ་རུ་བསྟན་པ་རིན་པོ་ཆེ་ཇི་ཙམ་གནས་པའི་ཚད་ལ་རིང་ཐུང་སྣ་ཚོགས་སུ་གསུངས་པ་ལས། བསྟན་པ་ལོ་སྟོང་ཕྲག་གཅིག་ཏུ་

213-1-285b

གནས་པར་བཤད་པ་ནི། འདུལ་བ་ལུང་ཕྲ་མོ་ལས། ཀུན་དགའ་བོ་བུད་མེད་རྣམས་ལེགས་པར་གསུངས་པའི་ཆོས་འདུལ་བ་ལ་རབ་ཏུ་མ་བྱུང་ན་ནི་ད་དུང་ངའི་བསྟན་པ་ལོ་སྟོང་ཚང་བར་ཉེས་པ་མེད་ཅིང་ཅང་ཉམས་པ་མེད་པར་གནས་པར་འགྱུར་རོ་ཞེས་དང་། ཇི་ལྟར་ཁྱོད་ཀྱིས་སངས་རྒྱས་ཀྱི་
ཞིང་ཕུན་སུམ་ཚོགས་པ་ལ་སེར་བ་བབ་པས་ལོ་སྟོང་ཚང་བར་གནས་པའི་ཡུན་ཐུང་ངུར་ལྷག་མ་ཙམ་དུ་བྱས་སོ་ཞེས་དང་། ཡང་བཅོམ་ལྡན་འདས་ཀྱི་བསྟན་པ་ཡུན་ཇི་སྲིད་ཅིག་གནས་པར་འགྱུར། གནས་བརྟན་གྱིས་སྨྲས་པ། ལོ་སྟོང་ངོ་ཞེས་པའི་འགྲེལ་བ་སློབ་དཔོན་ཚུལ་ཁྲིམས་
བསྐྱངས་ཀྱིས་མཛད་པ་ལས་ལོ་སྟོང་ཞེས་བྱ་བ་ནི་གནས་བརྟན་གྱི་ལོ་སྟོང་གི་བར་དུ་བསྟན་པ་ཉམས་པ་མེད་ཅིང་རལ་བ་མེད་པར་གནས་པར་འགྱུར་རོ་ཞེས་དང་། སློབ་དཔོན་དབྱིག་གཉེན་གྱིས་མངོན་པ་མཛོད་ཀྱི་རང་འགྲེལ་ལས། ལུང་འཛིན་པར་བྱེད་པ་ནི་སྨྲ་བར་བྱེད་པའོ། །རྟོགས་
པ་འཛིན་པར་བྱེད་པ་ནི་སྒྲུབ་པར་བྱེད་པ་ཡིན་ཏེ། དེའི་ཕྱིར་དེ་གཉིས་ཇི་སྲིད་དུ་གནས་པ་དེ་སྲིད་དུ་དམ་པའི་ཆོས་གནས་པར་རིག་པར་བྱའོ། །དེ་དག་ཀྱང་ལོ་སྟོང་དུ་གནས་སོ་ཞེས་བཤད་དོ། །གཞན་དག་ན་རེ། རྟོགས་པ་ནི་དེ་ལྟ་བུ་ཡིན་གྱི། ལུང་ནི་ཡུན་རིང་དུ་གནས་སོ་ཞེས་ཟེར་རོ་
ཞེས་རང་ཉིད་ཀྱི་བཞེད་པ་ལ་ལོ་སྟོང་དུ་གནས་པར་བཤད་པ་དང་། ཆོས་མངོན་པ་མཛོད་ཀྱི་མདོའི་འགྲེལ་པ་བལ་པོ་ཞིག་ནས་ལྷས་མཛད་པར་གསེར་ཕྲེང་ཅན་གྱི་རྟོགས་བརྗོད་དུ་དྲངས་པ་ལས་ཀྱང་། བཙུན་པ་མདང་བདག་མཚན་མོའི་རྨི་ལམ་ན་རྨི་ལམ་ཐུན་བཅུ་མཐོང་སྟེ། བཙུན་པ་གླང་པོ་
ཆེ་ཆེན་པོ་སྐར་ཁུང་ནས་བྱུང་བ་ལ་མཇུག་མ་ཐོགས་པ་དང་། སྐོམ་པ་མ་ཡིན་པ་རྣམས་ཀྱི་ཕྱི་བཞིན་དུ་ཁྲོན་པ་གདའ་བ་དང་། ཕྱེ་བྲེ་གང་དང་མུ་ཏིག་བྲེ་གང་བརྗེ་བ་དང་། ཙནྡན་ཤིང་ཐ་མལ་པ་ལ་འཚོང་བ་དང་། ཀུན་དགའ་ར་བ་མེ་ཏོག་དང་འབྲས་བུ་ཕུན་སུམ་ཚོགས་ལ། མེ་ཏོག་དང་
འབྲས་བུ་ཕུན་སུམ་ཚོགས་བདེ་ནི་ཐམས་ཅད་མ་བྱིན་པར་ལེན་པས་ཕྲོགས་པ་དང་། གླང་པོ་ཆེ་ཆུང་ངུས་སྤོས་ཀྱི་གླང་པོ་ཆེ་བསྡིགས་པ་དང་། སྤྲེའུ་མི་གཙང་བས་འབགས་པས་གཞན་ལ་སྐུད་པ་དང་། སྤྲེའུ་རྒྱལ་པོར་དབང་བསྐུར་བ་དང་། སྣམ་བུ་གཅིག་མི་བཅོ་བརྒྱད་ཀྱིས་བགོས་པ་ལ་

213-1-286a

སྣམ་བུ་ཡང་དེ་བཞིན་དུ་གནས་པ་དང་། སྐྱེ་བོ་ཕལ་པོ་ཆེའི་ཚོགས་འདུས་ཏེ་ཚིག་ངན་བརྗོད་ཅིང་ཆད་པ་དང་གནོད་པ་བྱེད་པ་བདག་གིས་མཐོང་ངོ་། །མཐོང་ནས་བདག་རྒྱལ་སྲིད་ལས་ཉམས་པའམ། སྲོག་གི་བར་ཆད་དུ་འགྱུར་དུ་འོང་ཞེས་བདག་རེངས་ཤིང་
འཇིགས་པ་དང་སྐྲག་པར་གྱུར་ཏོ། །དེ་ནས་ཡང་དག་པར་རྫོགས་པའི་སངས་རྒྱས་འོད་སྲུངས་ཀྱིས་འདི་སྐད་ཅེས་བཀའ་སྩལ་ཏོ། །རྒྱལ་པོ་ཆེན་པོ་མ་འཇིགས་ཤིག །རྒྱུ་འདི་ལས་ཁྱོད་རྒྱལ་སྲིད་ལས་ཉམས་པ་དང་། སྲོག་གི་བར་ཆད་དུ་མི་འགྱུར་གྱི་མ་འཇིགས་ཤིག །དེ་ཅིའི་ཕྱིར་ན།
རྒྱལ་པོ་ཆེན་པོ་གང་ཁྱོད་ཀྱིས་གླང་པོ་ཆེ་སྐར་ཁུང་ནས་བྱུང་བ་ལ་མཇུག་མ་ཐོགས་པ་མཐོང་བ་དེ་ཅིའི་སྔ་ལྟས་ཤེ་ན། མ་འོངས་པ་ན་སྐྱེ་དགུའི་ཚེ་ལོ་བརྒྱ་ཐུབ་པའི་དུས་ན། ཤཱཀྱ་ཐུབ་པ་ཞེས་བྱ་བའི་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་འབྱུང་བར་
འགྱུར་ཏེ། དེའི་ཉན་ཐོས་དང་རང་གི་སྐྱེ་བོ་གཉེན་བཤེས་རྒྱ་ཆེན་པོ་སྤངས་ནས་རབ་ཏུ་བྱུང་སྟེ། དེ་ལྟར་རབ་ཏུ་བྱུང་ནས་གཙུག་ལག་ཁང་ལ་ཁྱིམ་གྱི་འདུ་ཤེས་སྐྱེ་བར་འགྱུར་ཞིང་། དེ་ནས་སེར་སྣ་ཀུན་དུ་བརྟེན་ཅིང་ལན་མང་དུ་བྱས་པས་ལུས་ཞིག་སྟེ་ཤི་བའི་འོག་ཏུ་ངན་སོང་ངན་འགྲོ་
རྣམས་སུ་ལྟུང་ཞིང་སྐྱེ་བར་འགྱུར་བ་དེའི་སྔ་ལྟས་ཡིན་ནོ། །རྒྱལ་པོ་ཆེན་པོ་ཁྱོད་ཀྱིས་སྐོམ་པ་མ་ཡིན་པ་རྣམས་ཀྱི་ཕྱི་བཞིན་དུ་ཁྲོན་པ་གདའ་བ་རྨི་ལམ་དུ་མཐོང་བ་དེ་ཅིའི་སྔ་ལྟས་ཤེ་ན། དེའི་ཉན་ཐོས་དག་བྲམ་ཟེ་དང་ཁྱིམ་བདག་རྣམས་ལ་ཆོས་སྟོན་པ་དེ་དག་ཉན་པར་མི་འདོད་ཅིང་གནས་པར་
འགྱུར་པ་དེའི་སྔ་ལྟས་སོ། །རྒྱལ་པོ་ཆེན་པོ་ཁྱོད་ཀྱི་ཕྱེ་བྲེ་གང་དང་མུ་ཏིག་བྲེ་གང་བརྗེ་བ་རྨི་ལམ་དུ་མཐོང་བ་དེ་ཅིའི་སྔ་ལྟས་ཤེ་ན། དེའི་ཉན་ཐོས་ཕྱེ་ཚོལ་བའི་ཕྱིར་དབང་པོ་དང་སྟོབས་དང་བྱང་ཆུབ་ཀྱི་ཡན་ལག་ལ་སོགས་པའི་རིན་པོ་ཆེ་ཡང་དག་པར་གསལ་བར་བྱེད་དེ། དེའི་སྔ་ལྟས་
སོ། །རྒྱལ་པོ་ཆེན་པོ་ཁྱོད་ཀྱིས་ཙནྡན་ཤིང་ཐ་མལ་པར་འཚོང་བ་རྨི་ལམ་དུ་མཐོང་བ་དེ་ཅིའི་སྔ་ལྟས་ཤེ་ན། དེའི་ཉན་ཐོས་དག་ལུས་མ་བསྒོམས་པ་འབྱུང་བར་འགྱུར་ཞིང་། ཚུལ་ཁྲིམས་མ་བསྒོམས་པ་དང་། སེམས་མ་བསྒོམས་པ་དང་། ཤེས་རབ་མ་བསྒོམས་པ་དག་འབྱུང་བར་

213-1-286b

འགྱུར་ལ། ལུས་མ་བསྒོམས་པ་དང་། ཚུལ་ཁྲིམས་མ་བསྒོམས་པ་དང་། སེམས་མ་བསྒོམས་པ་དང་། ཤེས་རབ་མ་བསྒོམས་པས་མུ་སྟེགས་ཀྱི་བསྟན་པ་འཛིན་ཅིང་སངས་རྒྱས་ཀྱི་གསུང་རབ་དང་མཉམ་པར་བྱེད་པར་འགྱུར་ཏེ། དེའི་སྔ་ལྟས་སོ། །རྒྱལ་པོ་ཆེན་པོ་ཁྱོད་ཀྱིས་ཀུན་
དགའ་ར་བ་མེ་ཏོག་དང་འབྲས་བུ་ཕུན་སུམ་ཚོགས་པ་དག་མ་བྱིན་པར་ལེན་པས་ཕྲོགས་པ་རྨི་ལམ་དུ་མཐོང་བ་དེ་ཅིའི་སྔ་ལྟས་ཤེ་ན། དེའི་ཉན་ཐོས་ཁྱིམ་ལ་བརྟེན་ཏེ་དགེ་འདུན་གྱི་མེ་ཏོག་དང་འབྲས་བུ་བཙོངས་ཤིང་བཙོངས་ཏེ་བཟུང་ནས་འཚོ་བའི་ཕྱིར་སེམས་པ་དག་འབྱུང་བར་འགྱུར་ཏེ། 
དེ་ནི་དེའི་སྔ་ལྟས་སོ། །རྒྱལ་པོ་ཆེན་པོ་གང་ཁྱོད་ཀྱིས་གླང་པོ་ཆུང་ངུས་སྤོས་ཀྱི་གླང་པོ་ཆེན་པོ་སྐྲག་པར་བྱེད་པ་རྨི་ལམ་དུ་མཐོང་བ་དེ་ཅིའི་སྔ་ལྟས་ཤེ་ན། དེའི་ཉན་ཐོས་ཚུལ་ཁྲིམས་འཆལ་པ་སྡིག་པའི་ཆོས་ཅན་དག་འབྱུང་བར་འགྱུར་ཏེ། དེས་གང་དག་དགེ་སློང་ཚུལ་ཁྲིམས་དང་
ལྡན་པ་ཡོན་ཏན་དང་ལྡན་པ། དེས་ཤིང་དགེ་བ་དེ་དག་བསྐྲད་ནས་གནས་གཞན་ན་གནས་པར་འགྱུར་ཏེ། དེ་ནི་དེའི་སྔ་ལྟས་སོ། །རྒྱལ་པོ་ཆེན་པོ་ཁྱོད་ཀྱིས་སྤྲེའུ་མི་གཙང་བས་འབགས་པ་གཞན་ལ་སྐུད་པ་རྨིས་པ་དེ་ཅིའི་སྔ་ལྟས་ཤེ་ན། དེའི་ཉན་ཐོས་སྡིག་པའི་ཆོས་ཅན་ཚུལ་ཁྲིམས་
འཆལ་པ་དེ་དག་གིས་དགེ་སློང་ཚུལ་ཁྲིམས་དང་ལྡན་པ་ཡོན་ཏན་དང་ལྡན་པ་དེས་ཤིང་དགེ་བའི་ཆོས་ཅན་དག་ལ་མི་བདེན་པའི་སྐྱོན་འགེལ་བར་འགྱུར་ཏེ། དེའི་སྔ་ལྟས་སོ། །རྒྱལ་པོ་ཆེན་པོ་ཁྱོད་ཀྱིས་སྤྲེའུ་རྒྱལ་པོར་དབང་བསྐུར་བ་རྨིས་པ་དེ་ཅིའི་སྔ་ལྟས་ཤེ་ན། དེའི་དུས་ན་མ་ནིང་ཡང་
རྒྱལ་པོ་བྱེད་པར་འགྱུར་ཏེ། དེའི་སྔ་ལྟས་སོ། །རྒྱལ་པོ་ཆེན་པོ་ཁྱོད་ཀྱིས་སྣམ་བུ་གཅིག་མི་བཅོ་བརྒྱད་ཀྱིས་བགོས་ལ་སྣམ་བུ་ཡང་དེ་བཞིན་དུ་གནས་པ་རྨི་ལམ་དུ་མཐོང་བ་དེ་ཅིའི་སྔ་ལྟས་ཤེ་ན། དེའི་བསྟན་པ་ཁ་བཅོ་བརྒྱད་དུ་གྱེས་པར་གྱུར་ལ་རྣམ་པར་གྲོལ་བའི་སྣམ་བུ་ནི་རལ་བར་མི་འགྱུར་
ཏེ། དེའི་སྔ་ལྟས་སོ། །རྒྱལ་པོ་ཆེན་པོ་ཁྱོད་ཀྱིས་གང་སྐྱེ་བོ་ཕལ་པོ་ཆེའི་ཚོགས་འདུས་ཤིང་ཚིག་ངན་བརྗོད་དེ། ཆད་པ་དང་གནོད་པ་བྱེད་པ་རྨི་ལམ་དུ་མཐོང་བ་དེ་ཅིའི་སྔ་ལྟས་ཤེ་ན། དེའི་བསྟན་པ་ལོ་སྟོང་དུ་གནས་ཤིང་ངན་པར་སྨྲ་བ་དང་ཆད་པ་བྱེད་པས་ནུབ་པར་འགྱུར་ཏེ་ཞེས་དང་། དེ་

213-1-287a

བཞིན་དུ་མདོ་སྡེ་བསྐལ་པ་བཟང་པོ་ལས་ཀྱང་། མཆོག་ཏུ་དགའ་བའི་རྒྱལ་པོ་ང་སྐྱེས་པའི་ཡུལ་ནི་གྲོང་ཁྱེར་སེར་སྐྱ་ཞེས་བྱའོ། །རིགས་ནི་རྒྱལ་རིགས་སོ། །གདུང་ནི་གཽ་ཏ་མའོ། །འོད་ནི་འདོམ་གང་ངོ་། །ཡབ་ནི་ཟས་གཙང་ཞེས་བྱའོ། །ཡུམ་ནི་སྒྱུ་
འཕྲུལ་མ་ཞེས་བྱའོ། །སྲས་ནི་སྒྲ་གཅན་འཛིན་ཞེས་བྱའོ། །རིམ་གྲོ་པ་ནི་ཀུན་དགའ་བོའོ། །ཤེས་རབ་ཅན་གྱི་མཆོག་ནི་ཉེ་རྒྱལ་ཞེས་བྱའོ། །རྫུ་འཕྲུལ་ཅན་གྱི་མཆོག་ནི་པང་ན་སྐྱེས་ཞེས་བྱའོ། །འདུས་པ་དང་པོ་ལ་ནི་དགེ་སློང་སྟོང་ཉིས་བརྒྱ་ལྔ་བཅུའོ། །སྐུ་ཚེའི་ཚད་ནི་ལོ་བརྒྱའོ། ། 
དམ་པའི་ཆོས་ནི་ལོ་ལྔ་བརྒྱའི་བར་དུ་གནས་སོ། །ལོ་ལྔ་བརྒྱའི་བར་དུ་ནི་དམ་པའི་ཆོས་ལྟར་སྣང་ངོ་། །སྐུ་གདུང་ནི་རྒྱས་པར་འགྱུར་རོ་ཞེས་པས་དམ་པའི་ཆོས་ལོ་ལྔ་བརྒྱ་དང་དམ་པའི་ཆོས་ཀྱི་གཟུགས་བརྙན་ལོ་ལྔ་བརྒྱ་སྟེ་སྟོང་ཕྲག་གཅིག་ཏུ་གནས་པར་གསུངས་པ་དང་། གཞན་ཡང་
མདོ་སྡེ་ལས་བརྒྱ་པར། བཅོམ་ལྡན་འདས་ཀྱིས་ལྷའི་དབང་པོ་བརྒྱ་བྱིན་དང་། རྒྱལ་པོ་ཆེན་པོ་བཞི་ལ་བཀའ་སྩལ་པ། དབང་པོ་དག་དེ་བཞིག་གཤེགས་པ་ནི་རིང་པོར་མི་ཐོགས་པར་ཕུང་པོའི་ལྷག་མ་མེད་པའི་མྱ་ངན་ལས་འདས་པའི་དབྱིངས་སུ་མྱ་ངན་ལས་འདའ་བར་འགྱུར་གྱི། ང་ཡོངས་
སུ་མྱ་ངན་ལས་འདས་པའི་འོག་ཏུ་ཁྱེད་ཀྱིས་བསྟན་པ་སྲུང་བར་གྱིས་ཤིག །དབང་པོ་དག་ལོ་སྟོང་འདས་པའི་འོག་ཏུ་བསྟན་པ་ནུབ་ཏུ་ཆ་བའི་ཚེ། འཇིག་རྟེན་ཆོས་མ་ཡིན་པ་ཤས་ཆེ་ཞིང་དགེ་བ་བཅུའི་ལས་ཀྱི་ལམ་ཡོངས་སུ་ཉམས་པར་འགྱུར་རོ་ཞེས་དང་། བློ་གྲོས་མི་ཟད་པས་བསྟན་པའི་
མདོའི་འགྲེལ་པ་དབྱིག་གཉེན་གྱི་མཛད་པ་ལས་ཀྱང་། སླད་མའི་དུས་ལྔ་བརྒྱ་ཐ་མ་ལ་ཞེས་བྱ་བ་ནི་དེ་བཞིན་གཤེགས་པའི་ཆོས་འཕེལ་བ་དང་འགྲིབ་པའི་ཚུལ་བསྟན་པའི་ཕྱིར་གྱི་ཁྱད་པར་བརྗོད་པའོ། །དེ་ཡང་དཔེར་ན་མིའི་ཚེ་ལོ་བརྒྱ་ཐུབ་པ་ལ་ལོ་ལྔ་བཅུའི་བར་དུ་ནི་འཕེལ་བའི་དུས་
ཏེ། ལུས་དང་། ཤེས་རབ་དང་། རྩལ་ལ་སོགས་པ་འཕེལ་ཞིང་སྐྱེ་བའོ། །དེ་ལྟར་ལོ་ལྔ་བཅུ་འདས་ནས་དེའི་ཕྱི་མའི་ལྔ་བཅུ་ནི་འགྲིབ་པའི་དུས་ཏེ། ལུས་དང་། ཤེས་རབ་དང་། རྩལ་ལ་སོགས་པ་ཤིན་ཏུ་ཉམས་ཤིང་བྲི་ནས་ཐ་མར་རྒ་ཤི་ལ་ཐུག་སྟེ་ཟད་པར་འགྱུར་རོ། །དེ་བཞིན་

213-1-287b

དུ་སངས་རྒྱས་ཤཱཀྱ་ཐུབ་པའི་བསྟན་པ་ལ་འབྲས་བུ་ཐོབ་པ་དང་། ཤིན་ཏུ་རྒྱས་པའི་དུས་ནི་ལོ་སྟོང་ཞིག་ཛམྦུའི་གླིང་ན་གནས་སོ། །དེའི་ཕྱེད་དུ་བགོས་ཏེ་ལྔ་བརྒྱ་སྔ་མ་ནི་འཕེལ་བའི་དུས་སུ་བཞག་ལ། ལྔ་བརྒྱ་ཕྱི་མ་ནི་འགྲིབ་པའི་དུས་སུ་བཞག་གོ། །འཕེལ་བ་ནི་ལོ་བརྒྱད་ཅུའི་བར་དུ་
ཤཱཀྱ་ཐུབ་པ་མྱ་ངན་ལས་མ་འདས་ཏེ། དེའི་དུས་སུ་བྱང་ཆུབ་སེམས་དཔའ་དང་ཉན་ཐོས་ལ་སོགས་པ་འཕགས་པ་ཕྱོགས་བཅུ་ནས་དགེ་བའི་རྩ་བ་སྨིན་ཏེ་ལྷག་མ་རྣམས་ཀྱང་ཤིན་ཏུ་ལྷག་པར་རྣམ་པར་གྲོལ། གཞན་ལྷ་དང་མི་ལ་སོགས་པ་ཡང་དེ་བཞིན་གཤེགས་པ་ཉིད་ཀྱིས་བཀས་
བསྟན་ཅིང་མངོན་སུམ་དུ་ཡོངས་སུ་སྨིན་ཏེ། ཡོངས་སུ་བཀྲོལ་བས་ལྷག་པར་འབྲས་བུ་འཐོབ་པོ། །དེ་ནས་སངས་རྒྱས་མྱ་ངན་ལས་འདས་ནས་ཀྱང་ལོ་ལྔ་བརྒྱ་སྔ་མ་འདས་ཀྱི་བར་དུ་ནི་བྱང་ཆུབ་སེམས་དཔའ་དང་། ཉན་ཐོས་ཆེན་པོ་དག་སངས་རྒྱས་ཀྱི་བསྟན་པ་རྣམས་ཤིན་ཏུ་
འཛིན་ཅིང་ཛམྦུའི་གླིང་ན་ཁྱབ་པར་གྲངས་མང་དུ་གནས་ཏེ། དེ་དག་གིས་ཀྱང་ལྷ་དང་མི་ལ་སོགས་པ་ཤིན་ཏུ་ཚད་མེད་པ་ཡོངས་སུ་སྨིན་པ་དང་། ཡོངས་སུ་གྲོལ་བར་བྱས་ཏེ་འབྲས་བུ་ཐོབ་པར་གྱུར་ཏོ་ཞེས་དང་། དེ་བས་ན་ལྔ་བརྒྱ་སྔ་མ་ནི་དུས་བཟང་པོ་སྟེ། དུས་དེ་ལ་ལྟོས་ནས་
ཁྱད་པར་སྨྲས་པ་ནི་ལྔ་བརྒྱ་ཕྱི་མ་ཞེས་བྱའོ། །དེ་ལྟ་མོད་ཀྱི་ལྔ་བརྒྱ་ཕྱི་མའི་དུས་དེ་ན་ཡང་ལོ་ལྔ་བརྒྱའི་བར་དུ་ནི་བྱང་ཆུབ་སེམས་དཔའ་དང་། ཉན་ཐོས་ལ་སོགས་པ་འཕགས་པ་གྲངས་མང་དུ་ཛམྦུའི་གླིང་ན་གནས་ཏེ། དེ་དག་གིས་ཀྱང་ལྷ་དང་མི་ལ་སོགས་པ་ཤིན་ཏུ་ཚད་མེད་པ་ཡོངས་
སུ་སྨིན་པ་དང་། ཡོངས་སུ་བཀྲོལ་ཏེ་འབྲས་བུ་ཐོབ་པར་བྱས་སོ། །དེ་ལྟར་འབྲས་བུ་ཐོབ་པ་ལ་སོགས་པར་གྱུར་ཀྱང་། ལྔ་བརྒྱ་སྔ་མ་དང་སྦྱར་ན་དེའི་དུས་ངན་པའི་ཕྱིར་ལྔ་བརྒྱ་ཕྱི་མ་ཞེས་སྨོས་ཏེ། ལྔ་བརྒྱ་ཕྱི་མའི་མགོ་ནས་སངས་རྒྱས་ཀྱི་ཆོས་ནས་ཛམྦུའི་གླིང་ན་མེད་པར་མ་གྱུར་གྱི་
བར་དུ་ལྔ་བརྒྱ་ཕྱི་མ་ཞེས་བྱ་བའི་དུས་སུ་བསྡུའོ། །ལྔ་བརྒྱ་ཕྱི་མའི་དང་པོ་ཚུན་ཆད་དུས་ངན་པར་བཞག་མོད་ཀྱི། འོན་ཀྱང་ལོ་ལྔ་བརྒྱའི་བར་དུ་ནི་དུས་ངན་པའི་ནང་ནས་ཀྱང་འབྲས་བུ་ཐོབ་པ་ནི་ཤིན་ཏུ་མི་དཀའ་བའི་ཕྱིར། དུས་ངན་པའི་ཡང་ངན་པ་ཁྱད་པར་དུ་སྨོས་པའོ། །ལྔ་བརྒྱ་ཕྱི་མའི་ལོ་

213-1-288a

འདས་ཕྱིན་ཆད་ནས་ཆོས་མེད་ཀྱི་བར་དུ་དུས་ངན་པའི་ཡང་ངན་པར་བཞག་མོད་ཀྱི། དེའི་ཚེ་ན་ཡང་བརྩོན་འགྲུས་དང་ནན་ཏན་བྱས་ནས་འབྲས་བུ་མི་ཐོབ་པ་ཡང་མ་ཡིན། བྱང་ཆུབ་སེམས་དཔའ་དང་། ཉན་ཐོས་འགའ་ཙམ་ཞིག་འཇིག་རྟེན་དུ་མི་འབྱུང་བ་ཡང་མ་
ཡིན་ནོ་ཞེས་པ་སྟེ་དེ་ལྟར་བཤད་པ་དེ་རྣམས་ཀྱིས་ནི་བདག་ཅག་གི་སྟོན་པའི་བསྟན་པ་རིན་པོ་ཆེ་འདི་ཉིད་ལོ་སྟོང་ཕྲག་གཅིག་ཏུ་གནས་པར་བསྟན་པ་ཡིན་ནོ། །ཡང་བསྟན་པ་ལོ་ཆིག་སྟོང་དང་ཆིག་བརྒྱར་གནས་པར་བཤད་པ་ནི། མདོ་མྱ་ངན་ལས་འདས་པ་ལོ་ཆེན་གྱི་འགྱུར་ལས། ཀུན་
དགའ་བོ་ང་ཡོངས་སུ་མྱ་ངན་ལས་འདས་ནས་ལོ་བརྒྱ་ཕྲག་དང་པོ་ལ་ནི་བསྟན་པ་ལ་ཆོས་བླ་མར་བྱེད་པར་འགྱུར་རོ། །ངའི་ཉན་ཐོས་རྣམས་ཀྱང་ཆོས་ཀྱི་ཀུན་དགའ་ར་བ་ལ་དགའ་བ་དང་ལྡན་པར་གནས་པར་འགྱུར་ཞིང་ཤེས་པ་ལ་མཁས་པ་དང་། ཤེས་རབ་དམ་པ་དང་ལྡན་པའི་རང་བཞིན་དུ་
འགྱུར་རོ་ཞེས་བྱ་བ་ལ་སོགས་པ་ནས། ཀུན་དགའ་བོ་ང་ཡོངས་སུ་མྱ་ངན་ལས་འདས་ནས་ལོ་སྟོང་ཆིག་བརྒྱ་ན། དགེ་སློང་ཚུལ་ཁྲིམས་འཆལ་བ་རྣམས་འབྱུང་བར་འགྱུར་བ་ནི་འཁོར་དང་གཡོག་མང་བར་འགྱུར་རོ། །ཚུལ་ཁྲིམས་དང་ལྡན་པ་རྣམས་ནི་འཁོར་ཉུང་ཞིང་གཡོག་ཉུང་
བར་འགྱུར་རོ་ཞེས་པའི་བར་གྱི་རྒྱ་ཆེར་བསྟན་པས། བསྟན་པ་ནམ་ཞིག་ནུབ་པའི་མཐའ་གསལ་བར་མ་བསྟན་ན་ཡང་། གནས་པའི་ཡུན་ནི་ལོ་སྟོང་ཕྲག་གཅིག་དང་ཆིག་བརྒྱར་གསལ་བར་བསྟན་ནོ། །ཡང་བསྟན་པ་ལོ་གྲངས་སྟོང་ཕྲག་གཅིག་དང་སུམ་བརྒྱར་གནས་པར་བཤད་པ་ནི།
ཏིང་ངེ་འཛིན་མཆོག་དམ་པའི་མདོ་ལས། ལོ་སྟོང་ཕན་ཆད་སུམ་བརྒྱ་ཚུན་ཆད་ནི་ཆེ་ཐང་དུ་འཁྲུགས་ཏེ་ངའི་ཉེ་གནས་རྣམས་ལུས་ལ་ཆོས་གོས་གྱོན་ཀྱང་ཤིང་ཁ་ལ་འཕན་རྙིང་བཏགས་པ་དང་འདྲ་སྟེ་གཟི་བྱིན་མེད་ཅེས་སོགས་ཀྱིས་ནི་བསྟན་པ་ལོ་སྟོང་དང་སུམ་བརྒྱར་གནས་པའི་ཚད་དུ་བསྟན་པ་
ཤུགས་ལས་འབྱུང་ངོ་། །དེ་བཞིན་དུ་བསྟན་པ་ལོ་གྲངས་ཆིག་སྟོང་དང་ལྔ་བརྒྱར་གནས་པར་བཤད་པའང་ཡོད་དེ། སྙིང་རྗེ་པདྨ་དཀར་པོའི་བམ་པོ་བཅུ་པ་བྲག་ཟེ་རྒྱ་མཚོའི་རྡུལ་གྱིས་སྨོན་ལམ་ཆེན་པོ་ལྔ་བརྒྱ་ལས། བདག་ཡོངས་སུ་མྱ་ངན་ལས་འདས་པའི་དུས་ཀྱི་ཚེ། རང་གི་སྐུ་

213-1-288b

གདུང་བདག་ཉིད་ཀྱིས་ཡུངས་འབྲུའི་ཚད་ཙམ་དུ་གཅོག་པར་འགྱུར་ཞིང་། སེམས་ཅན་རྣམས་ལ་སྙིང་བརྩེ་བའི་སླད་དུ་བདག་ནི་སླད་ཀྱིས་ཡོངས་སུ་མྱ་ངན་ལས་འདའ་བར་གྱུར་ཅིག །བདག་ཡོངས་སུ་མྱ་ངན་ལས་འདས་ནས་ཀྱང་ལོ་སྟོང་དུ་དམ་པའི་ཆོས་གནས་པར་གྱུར་ཅིག །
ཡང་ལོ་ལྔ་བརྒྱར་ནི་དམ་པའི་ཆོས་ཀྱི་གཟུགས་བརྙན་གནས་པར་གྱུར་ཅིག་ཅེས་དང་། མདོ་དེའི་བམ་པོ་བཅུ་གཅིག་པ་ལས། སྙིང་རྗེ་ཆེན་པོ་དང་ལྡན་པ་ཁྱོད་བསྐལ་པ་ཆེན་པོ་བཟང་པོ་ལ་འཇིག་རྟེན་གྱི་ཁམས་མི་མཇེད་དེར། སྐྱེ་དགུ་ཚེ་ལོ་བརྒྱ་ཉི་ཤུ་ཐུབ་པ་ན། དེ་བཞིན་གཤེགས་པ་
ཤཱཀྱ་ཐུབ་པ་ཞེས་བྱ་བར་འགྱུར་ཏེ། ལོ་བཞི་བཅུ་རྩ་ལྔས་སངས་རྒྱས་ཀྱི་མཛད་པ་དེ་ལྟ་བུ་མང་པོ་མཐའ་དག་བྱེད་པར་འགྱུར་རོ། །སྐྱེས་བུ་དམ་པ་ཁྱོད་བླ་ན་མེད་པའི་ཡོངས་སུ་མྱ་ངན་ལས་འདས་ནས་ཀྱང་དམ་པའི་ཆོས་ལོ་སྟོང་ལྷག་པར་གནས་པར་འགྱུར་རོ་ཞེས་པས་བསྟན་པ་དམ་པའི་
ཆོས་དང་དམ་པའི་ཆོས་ཀྱི་གཟུགས་བརྙན་དང་བཅས་པར་ལོ་ཕྱེད་ཉིས་སྟོང་གི་ཡུན་དུ་གནས་པར་གསུངས་པའི་ཕྱིར་རོ། །གཞན་ཡང་ལོ་ཉིས་སྟོང་དུ་གནས་པར་བཤད་པ་ནི། ཟླ་བའི་སྙིང་པོས་ཞུས་པའི་མདོ་ལས། ང་མྱ་ངན་ལས་འདས་ནས་དམ་པའི་ཆོས་ཀྱི་གཟུགས་བརྙན་ལ་
ཉིས་སྟོང་དུ་གནས་པར་འགྱུར་རོ་ཞེས་དང་། ང་མྱ་ངན་ལས་འདས་པའི་འོག་ཏུ་ལོ་ལྔ་བརྒྱའི་བར་དུ་ངའི་བསྟན་པར་སྤྱོད་པའི་སེམས་ཅན་རྣམ་པར་གྲོལ་བ་མང་དུ་འགྱུར། དེ་ནས་ལོ་ལྔ་བརྒྱའི་བར་དུ་ཏིང་ངེ་འཛིན་སྤྱོད་པ་མང་དུ་འགྱུར། རྒྱལ་པོ་དང་སེམས་ཅན་ཕལ་པ་དམ་པའི་ཆོས་ལ་དད་ཅིང་། 
སྤྱོད་པ་ཡང་ཕྱིར་ཞིང་ཉུང་བར་འགྱུར་རོ། །དེ་ནས་ལོ་ལྔ་བརྒྱའི་བར་དུ་དམ་པའི་ཆོས་སྟོན་ཅིང་སེམས་ཅན་འདྲེན་པ་དང་ཐར་བར་བྱེད་པའི་སློབ་དཔོན་མང་དུ་འབྱུང་། ཉན་ཐོས་ཀྱི་དགྲ་བཅོམ་པ་ནི་ཉུང་བར་འགྱུར་རོ། །རྒྱལ་པོ་དང་སེམས་ཅན་ཕལ་གྱིས་ཉན་པ་ཙམ་དུ་ཟད་ཀྱིས་ཉམས་
སུ་ལེན་ཅིང་མི་སྤྱོད་པའོ། །བརྩོན་འགྲུས་ནི་མི་བྱེད། འབྲི་བར་འགྱུར་རོ། །དེ་ནས་ལོ་ལྔ་བརྒྱའི་སུམ་བརྒྱ་ནི་དམ་པའི་ཆོས་སྤྱོད་པའི་ལྷ་ཀླུ་ལ་སོགས་པ་སེམས་ཅན་སྲུང་མ་རྣམས་མི་གནས་ཤིང་། སེམས་ཅན་ཆོས་ལ་མ་དད་པར་འགྱུར། སེམས་ཅན་ཆོས་སྤྱོད་པ་རྣམས་ཀྱང་ཆོས་ཀྱི་

213-1-289a

གཞུང་བཞིན་མི་སྤྱོད། བརྩོན་འགྲུས་ཆུང་བས་གྲུབ་པ་ཡང་ཉུང་བར་འགྱུར། ཁ་དོག་བཞི་དང་བཞི་ལས་གྱུར་པ་ཡང་དྲི་དང་རོ་ལ་སོགས་པ་ཆུང་བར་འགྱུར། མི་ནད་ཕྱུགས་ནད་དང་མུ་གེ་ཡང་འབྱུང་བར་འགྱུར་རོ། །ལོ་ཉིས་བརྒྱ་ལ་དགེ་སློང་ཡང་ཆོས་བཞིན་མི་སྤྱོད།
འཇིག་རྟེན་གྱི་ཁེ་དང་གྲགས་པ་ཚོལ་ཞེས་བྱ་བས་ནི་བསྟན་པ་ལོ་ཉིས་སྟོང་དུ་གནས་པར་བཤད་པ་ཡིན་ནོ། །དེ་ལས་གཞན་དག་ཏུ་ནི་ལོ་ཕྱེད་དང་སུམ་སྟོང་དུ་གནས་པའང་སློབ་དཔོན་ཀ་མ་ལ་ཤཱི་ལས་མཛད་པའི་འཕགས་པ་རྡོ་རྗེ་གཅོད་པ་དབུ་མའི་ཚུལ་དུ་རྒྱ་ཆེར་འགྲེལ་པ་ལས། ལྔ་བརྒྱ་ཐ་
མ་ཞེས་བྱ་བ་ལ། བརྒྱ་ཕྲག་ལྔའི་ཚོགས་ནི་ལྔ་བརྒྱ་སྟེ། བཅོམ་ལྡན་འདས་ཀྱི་བསྟན་པ་ལྔ་བརྒྱ་ཕྲག་ལྔའི་བར་དུ་གནས་ཞེས་གྲགས་པས་དེའི་ཕྱིར་ཐ་མ་ཞེས་བྱེ་བྲག་ཏུ་མཛད་དེ། དེའི་ཚེ་སྙིགས་མ་ལྔ་པོ་དག་ཤས་ཆེ་བའི་ཕྱིར་རོ། །དམ་པའི་ཆོས་རབ་ཏུ་རྣམ་པར་འཇིག་པ་ནི་མོས་པ་དང་།
ཀློག་པ་དང་། ཁ་ཏོན་བྱེད་པ་དང་། ལུང་ནོད་པ་དང་། འཆད་པ་དང་། ཉན་པ་དང་། སེམས་པ་ལ་སོགས་པ་ཉམས་པའོ་ཞེས་དང་། སློབ་དཔོན་འཇིགས་མེད་འབྱུང་གནས་སྦས་པས་ཐུབ་པ་དགོངས་པའི་རྒྱན་ལས། བཅོམ་ལྡན་འདས་ཤཱཀྱ་ཐུབ་པའི་དམ་པའི་ཆོས་ཡུན་ཇི་སྲིང་དུ་གནས་
པར་འགྱུར་ཞེ་ན། ལྔ་བརྒྱ་པ་ཐ་མ་ཇི་སྲིད་བར་རོ། །བརྒྱ་ཕྲག་ལྔ་རྣམས་འདུས་བ་ནི་ལྔ་བརྒྱ་པའོ། །ཐ་མ་ནི་ལྔ་བརྒྱ་པ་ལྔ་པ་སྟེ། ལྔ་བརྒྱ་པ་ལྔར་དམ་པའི་ཆོས་གནས་པར་འགྱུར་རོ་ཞེས་པའི་གསུང་ལས་ཏེ། དམ་པའི་ཆོས་ནུབ་པ་ནི་སྒྲུབ་པ་ཡོངས་སུ་ཉམས་པའོ་ཞེས་ཁ་ཅིག་གོ། །
གཞན་རྣམས་ནི་དེ་བཞིན་གཤེགས་པའི་དམ་པའི་ཆོས་གནས་པའི་དུས་ནི་ལོ་སྟོང་ཕྲག་ལྔ་རྣམས་ཏེ། དེ་རྣམས་བརྒྱ་ཕྲག་ལྔ་ལྔ་རྣམས་ཀྱིས་ཕྱེ་བར་བྱས་པ་ནི་ལྔ་བརྒྱ་པ་བཅུ་རྣམས་སུ་འགྱུར་རོ། །དུས་བཅུ་རྣམས་ཏེ། སྔོན་ལ་རེ་ཞིག་རྟོགས་པའི་དུས་དང་སྒྲུབ་པའི་དུས་དང་ལུང་གི་དུས་
ཞེས་པ་གསུམ་མོ། །སླར་ཡང་སོ་སོར་རྣམ་པ་གསུམ་སྟེ་དགྲ་བཅོམ་པ་དང་། ཕྱིར་མི་འོང་བ་དང་། རྒྱུན་དུ་ཞུགས་པ་དང་། ལྷག་མཐོང་དང་། ཏིང་ངེ་འཛིན་དང་། ཚུལ་ཁྲིམས་དང་། ཆོས་མངོན་པ་དང་། མདོ་སྡེ་དང་། འདུལ་བའི་སྡེ་སྣོད་ཀྱིས་དུས་ཏེ་དགུ་པོ་རྣམས་གྲངས་ཇི་ལྟ་བར་ལྔ་བརྒྱ་པ་

213-1-289b

དགུ་རྣམས་ལའོ། །བཅུ་པའི་དུས་ནི་རྟགས་ཙམ་སྟེ་འདི་ཉིད་ལྔ་བརྒྱ་པ་ཐ་མའོ་ཞེས་སྨྲའོ་ཞེས་གསུངས་པས་བསྟན་པ་ལོ་ཕྱེད་དང་སུམ་སྟོང་དུ་གནས་པ་དང་ལྔ་སྟོང་དུ་གནས་པ་གཉིས་ཀ་སྨོས་སོ། །འབུམ་ཊཱིཀ་དང་། ཡུམ་གསུམ་གནོད་འཇོམས་དང་། འཕགས་པ་ཏིང་ངེ་འཛིན་གྱི་
རྒྱལ་པོའི་མདོའི་འགྲེལ་པ་རྣམས་ལས་བསྟན་པ་ལོ་ལྔ་སྟོང་དུ་གནས་པར་བཤད་དེ། དེ་དག་གི་ལུང་ནི་འོག་ཏུ་འཆད་པར་འགྱུར་རོ། །འཕགས་པ་དགའ་བའི་བཤེས་གཉེན་གྱི་རྟོགས་བརྗོད་ལས། གནས་བརྟན་ཡུན་ཇི་སྲིད་ཅིག་གི་བར་དུ་བཅོམ་ལྡན་འདས་ཤཱཀྱ་ཐུབ་པའི་དམ་པའི་ཆོས་
གནས་པར་འགྱུར། དེས་སྨྲས་པ། བཞིན་བཟངས་དག་དོགས་པ་མེད་ཀྱིས་མྱ་ངན་དང་སྨྲེ་སྔགས་མ་འདོན་ཅིག །དེ་ཅིའི་ཕྱིར་ཞེ་ན། བཅོམ་ལྡན་འདས་ཡོངས་སུ་མྱ་ངན་ལས་འདས་པའི་དུས་ཀྱི་ཚེ་གནས་བརྟན་ཆེན་པོ་བཅུ་དྲུག་གི་ལག་ཏུ་དམ་པའི་ཆོས་གཏང་བར་འགྱུར་ཏེ། སྦྱིན་བདག་དང་སྦྱིན་
པ་པོའི་སྦྱིན་པ་ཡོངས་སུ་དག་པར་བྱ་བའི་ཕྱིར་རོ་ཞེས་དང་། མ་འོངས་པ་ན་མཚོན་གྱི་བསྐལ་བ་བྱུང་བ་འདས་ནས་མི་རྣམས་དགེ་བ་བཅུ་དང་ལྡན་པས་ཚེ་སླར་འཕེལ་ཏེ། ལོ་བརྒྱད་ཅུ་ཐུབ་པ་ན་སྟོན་པའི་ཉན་ཐོས་དེ་དག་ཡང་ཕྱིར་ལ་ཛམྦུའི་གླིང་དུ་བྱོན་ནས་དམ་པའི་ཆོས་ཡང་དག་པར་སྟོན་
པར་བྱེད་ཅིང་རབ་ཏུ་འབྱིན་པར་བྱེད་དོ། །ཇི་སྲིད་སྐྱེ་དགུ་རྣམས་ཀྱི་ཚེ་ལོ་དྲག་བརྒྱ་པར་གྱུར་པ་དེ་སྲིད་དུ་བཅོམ་ལྡན་འདས་ཤཱཀྱ་ཐུབ་པའི་བསྟན་པ་དམ་པའི་ཆོས་གནས་པར་འགྱུར་ཏེ། མི་རྣམས་ཀྱི་ཚེ་ལོ་བདུན་བརྒྱ་པར་གྱུར་པ་ན་ཉན་ཐོས་དེ་དག་གིས་གང་སའི་སྟེང་འདི་ན་བཅོམ་ལྡན་འདས་ཤཱཀྱ་
ཐུབ་པའི་བསྟན་པའི་ཚོགས་ཇི་སྙེད་པ་དེ་དག་གཅིག་ཏུ་བསྡུས་ནས་རིན་པོ་ཆེ་སྣ་བདུན་གྱི་མཆོད་རྟེན་གཅིག་བྱས་ཏེ་ཀུན་ནས་བསྐོར་ནས་སྐྱིལ་མོ་ཀྲུང་བཅས་ཏེ་འདུག་ནས་འདི་སྐད་ཅེས་བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཤཱཀྱ་
ཐུབ་པ་དེ་ལ་འདུད་པས་ཕྱག་འཚལ་ལོ་ཞེས་བརྗོད་དེ། ཕྱག་བྱས་ནས་ཕུང་པོ་ལྷག་མ་མེད་པའི་ཡོངས་སུ་མྱ་ངན་ལས་འདས་པའི་དབྱིངས་སུ་ཡོངས་སུ་མྱ་ངན་ལས་འདའ་བར་འགྱུར་རོ། །རིན་པོ་ཆེ་སྣ་བདུན་གྱི་མཆོད་རྟེན་དེ་ཡང་ནུབ་ནས་འོག་གི་གསར་གྱི་གཞི་གང་ཡིན་པ་དེ་ལ་གནས་སོ། །

213-1-290a

དེ་ནས་བཅོམ་ལྡན་འདས་ཤཱཀྱ་ཐུབ་པའི་བསྟན་པ་དམ་པའི་ཆོས་ནུབ་པར་གྱུར་ཏོ། །དེ་ནས་དེའི་རྗེས་ལ་རང་སངས་རྒྱས་བྱེ་བ་ཕྲག་བདུན་འཇིག་རྟེན་དུ་བྱུང་ངོ་། །དེ་ནས་མི་རྣམས་ཚེ་ལོ་བརྒྱད་ཁྲི་བར་འགྱུར་པ་ན་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་
པའི་སངས་རྒྱས་བྱམས་པ་འཇིག་རྟེན་དུ་འབྱུང་ངོ་ཞེས་བྱ་བས་ནི་ཡར་འཕེལ་གྱི་ཚེ་ལོ་བདུན་བརྒྱ་པར་གྱུར་པ་དེ་སྲིད་དུ་སྟོན་པའི་བསྟན་པ་འདི་ཉིད་གནས་པར་བཤད་དོ། །གཉིས་པ་དེ་ལྟར་བཤད་པའི་ཚུལ་དེ་དག་ལས་བསྟན་པ་དམ་པའི་ཆོས་ལོ་སྟོན་དུ་གནས་པ་དང་། སྟོང་དང་ཆིག་
བརྒྱར་གནས་པ་དང་། སྟོང་དང་སུམ་བརྒྱར་གནས་པ་དང་། སྟོང་དང་ལྔ་བརྒྱར་གནས་པ་དང་། ཉིས་སྟོང་དུ་གནས་པ་དང་། ཉིས་སྟོང་ལྔ་བརྒྱའི་བར་དུ་གནས་པ་སྟེ་དེ་ལས་རིང་དུ་མི་གནས་པར་གསུངས་པ་རྣམས་ནི་དྲང་དོན་དགོངས་པ་ཅན་དུ་གསལ་ཏེ། དགོངས་གཞི་ནི་འབྲས་བུའི་
དུས་ཀྱི་བསྟན་པ་དང་སྒྲུབ་པའི་དུས་ཀྱི་བསྟན་པ་ཙམ་ལ་དགོངས་སོ། །ཚེ་ལོ་བདུན་བརྒྱ་པའི་བར་དུ་གནས་པར་གསུངས་པ་ནི། དེ་བཞིན་གཤེགས་པའི་སྐུ་གདུང་དང་གླེགས་བམ་ལ་སོགས་པ་ནི་རིང་དུ་གནས་པ་ཙམ་ལ་དགོངས་སོ། །དགོངས་པ་ནི་ཉིས་སྟོང་ལྔ་བརྒྱའི་བར་ཙམ་ལས་
མི་གནས་པར་བཤད་པ་ནི། གདུལ་བྱ་རྣམས་སྐྱོ་བ་བསྐྱེད་དེ་ཆོས་ལ་བསྐུལ་བའི་ཕྱིར་རོ། །ཧ་ཅང་རིང་བར་གནས་པར་བཤད་པ་ཡང་། ཞུམ་པ་གཟེངས་སྟོད་དེ་བཤད་པ་དང་། སྒྲུབ་པ་ལ་སོགས་པ་ལ་རྩོམ་པ་ཆེན་པོས་འཇུག་པའི་ཕྱིར་ཏེ། དངོས་ལ་གནོད་བྱེད་ནི། ལྷ་མོ་དྲི་མ་མེད་པའི་
འོད་ལུང་བསྟན་པའི་མདོ་ལས། ང་ཡོངས་སུ་མྱ་ངན་ལས་འདས་ནས་ལོ་ཉིས་སྟོང་ལྔ་བརྒྱ་ན་གདོང་དམར་ཅན་གྱི་ཡུལ་དུ་དམ་པའི་ཆོས་དར་བར་འགྱུར་རོ་ཞེས་སྟོན་པ་མྱ་ངན་ལས་འདས་ནས་ལོ་ཕྱེད་དང་སུམ་སྟོང་ནས་གདོང་དམར་ཅན་གྱི་ཡུལ་དུ་དམ་པའི་ཆོས་དར་བར་ལུང་བསྟན་པ་ལ་སོགས་
པ་དང་འགལ་བའི་ཕྱིར་རོ། །དེ་བས་ན་བསྟན་པ་དམ་པའི་ཆོས་ལོ་ལྔ་སྟོང་དུ་གནས་པར་གསུངས་པ་ནི་ངེས་པའི་དོན་གྱི་ཚིག་ཡིན་ནོ། །དེ་ཡང་ཇི་ལྟར་ཞེ་ན། འདི་ལྟར་སློབ་དཔོན་དཾཥྚ྄་སེ་ནཱས་མཛད་པའི་འབུམ་ཊིཀ་ལེའུ་ལས། དེ་ལས་ཕྱི་མའི་འདུས་ལྔ་བརྒྱ་ཐ་མ་ཞེས་བྱ་བ་ནི། དེ་བཞིན་

213-1-290b

གཤེགས་པ་མྱ་ངན་ལས་འདས་པའི་འོག་ཏུ་ལོ་ལྔ་སྟོང་གི་བར་དུ་དམ་པའི་ཆོས་གནས་པར་འགྱུར་ཏེ། ལོ་ལྔ་སྟོང་ལ་ལོ་ལྔ་བརྒྱ་ཕྲག་བཅུ་ཡོད་དེ། དེ་ལ་ལྔ་བརྒྱ་དང་པོ་ལ་དམ་པའི་ཆོས་སྤྱོད་པ་རྣམས་ཕལ་ཆེར་དགྲ་བཅོམ་པའི་འབྲས་བུ་ཐོབ་པར་འགྱུར། ལྔ་བརྒྱ་གཉིས་པ་ལ་ཕལ་ཆེར་
ཕྱིར་མི་འོང་བའི་འབྲས་བུ་ཐོབ་པར་འགྱུར། ལྔ་བརྒྱ་གསུམ་པ་ལ་ལན་ཅིག་ཕྱིར་འོང་བ་དང་། རྒྱུན་དུ་ཞུགས་པའི་འབྲས་བུ་ཐོབ་པར་འགྱུར་བ་མང་སྟེ། ལྔ་བརྒྱ་ཕྲག་གསུམ་པོ་དེ་དག་གི་ཚེ་ནི་ཆོས་རྟོགས་ཤིང་འབྲས་བུ་ཐོབ་པ་མང་བའི་ཚིགས་ཞེས་བྱའོ། །ལྔ་བརྒྱ་བཞི་པ་ལ་ནི་ལྷག་མཐོང་གི་
ཤས་ཆེ་ཞིང་ཤེས་རབ་རྣོ་བ་མང་ངོ་། །ལྔ་བརྒྱ་ལྔ་པ་ལ་ཞི་གནས་ཀྱི་ཤས་ཆེ་སྟེ། ཏིང་ངེ་འཛིན་བསྒོམ་པ་མང་ངོ་། །ལྔ་བརྒྱ་དྲུག་པ་ལ་ནི་ཚུལ་ཁྲིམས་དང་ལྡན་པ་མང་སྟེ། ལྔ་བརྒྱ་ཕྲག་གསུམ་པོ་དེ་དག་གི་ཚེ་ནི་ཞི་གནས་དང་ལྷག་མཐོང་བསྒོམ་ཞིང་ཚུལ་ཁྲིམས་དང་ལྡན་པ་མང་བས་སྒྲུབ་པ་དང་
ལྡན་པའི་ཚིགས་ཞེས་བྱའོ། །ལྔ་བརྒྱ་བདུན་པ་ལ་ཆོས་མངོན་པ་དར་བར་འགྱུར། །ལྔ་བརྒྱ་བརྒྱད་པ་ལ་མདོ་སྡེ་དར་བར་འགྱུར། ལྔ་བརྒྱ་དགུ་པ་ལ་འདུལ་བ་དར་བར་འགྱུར་ཏེ། ལྔ་བརྒྱ་ཕྲག་གསུམ་པོ་དེ་དག་ལ་བཅོམ་ལྡན་འདས་ཀྱི་ཞལ་ནས་གསུངས་པའི་སྡེ་སྣོད་གསུམ་ལ་བརྟེན་ཅིང་
ལུངས་ལ་སྤྱོད་པ་མང་བས་ལུང་གི་ཚིགས་ཞེས་བྱའོ། །ལྔ་བརྒྱ་བཅུ་པ་ལ་སྡེ་སྣོད་གསུམ་ཡང་བཙན་པར་མི་བྱེད། ཆོས་སྤྱོད་པ་རྣམས་ཀྱང་གཞུང་ལས་འབྱུང་བ་བཞིན་དུ་ལེགས་པར་ཉམས་འོག་ཏུ་མི་ཆུད་དེ། མཚན་མ་ཙམ་ཞིག་སྤྱོད་པ་མང་བས་མཚན་མ་ཙམ་གྱི་ཚིགས་ཞེས་བྱ་སྟེ། 
དེ་ལ་ལྔ་བརྒྱ་ཕྲག་བཅུའི་ཐ་མ་འདི་ལ་ཕྱི་མའི་དུས་ལྔ་བརྒྱ་ཐ་མ་ཞེས་བྱའོ་ཞེས་ཏེ། དེ་ལའང་འབྲས་བུ་ཐོབ་པ་མང་བའི་ཚིགས་གསུམ་དང་། སྒྲུབ་པ་དང་ལྡན་པའི་ཚིགས་གསུམ་དང་། ལུང་གི་ཚིགས་གསུམ་དང་། མཚན་མ་ཙམ་གྱི་ཚིགས་ཞེས་ཐ་སྙད་དུ་མཛད་པས་ལོ་ལྔ་སྟོང་དུ་
གནས་པར་གསུངས་པ་དང་། སློབ་དཔོན་འཇམ་དཔལ་གྲགས་པས་མཛད་པའི་ཏིང་ངེ་འཛིན་རྒྱལ་པོའི་མདོའི་འགྲེལ་པ་གྲགས་པའི་ཕྲེང་བ་ལས་ཀྱང་། བརྒྱ་ཕྲག་ལྔ་བསྡུས་པ་ནི་ལྔ་བརྒྱ་སྟེ། དེ་བཞིན་གཤེགས་པའི་དམ་པའི་ཆོས་གནས་པའི་དུས་ལོ་ལྔ་སྟོང་གནས་སོ་ཞེས་ཟེར་རོ། །ལོ་ལྔ་

213-1-291a

སྟོང་ལ་ལྔ་བརྒྱ་ལྔ་བརྒྱ་ཐ་དད་དུ་བྱས་པའི་དབང་དུ་བྱས་ནས་ལྔ་བརྒྱ་ཕྲག་བཅུར་འགྱུར་བས་དུས་བཅུར་འགྱུར་ཏེ། རེ་ཞིག་དང་པོར་ནི་མངོན་པར་རྟོགས་པའི་དུས་ཡིན་ནོ། །དེ་ནས་བསྒྲུབ་པའི་དུས་སོ། །དེ་ནས་ལུང་གི་དུས་ཞེས་བྱ་བས་དུས་གསུམ་མོ། །དེ་ལ་
མངོན་པར་རྟོགས་པའི་དུས་ཀྱང་གསུམ་དུ་འགྱུར་ཏེ། དགྲ་བཅོམ་པའི་དུས་དང་། ཕྱིར་མི་འོང་བའི་དུས་དང་། རྒྱུན་དུ་ཞུགས་པའི་དུས་སོ། །བསྒྲུབ་པའི་དུས་ཀྱང་རྣམ་པ་གསུམ་དུ་འགྱུར་ཏེ། ལྷག་མཐོང་གི་དུས་དང་། ཏིང་ངེ་འཛིན་གྱི་དུས་དང། ཚུལ་ཁྲིམས་ཀྱི་དུས་སོ། །ལུང་
གི་དུས་ཀྱང་གསུམ་དུ་འགྱུར་ཏེ། ཆོས་མངོན་པའི་སྡེ་སྣོད་ཀྱི་དུས་དང་། མདོ་སྡེའི་སྡེ་སྣོད་ཀྱི་དུས་དང་། འདུལ་བའི་སྡེ་སྣོད་ཀྱི་དུས་སོ། །དེ་ལྟར་དུས་དགུ་དང་། རྟགས་ཙམ་འཛིན་པའི་དུས་དང་བཅུར་འགྱུར་རོ། །དེ་ལས་དུས་རེ་རེ་ཡང་ལོ་ལྔ་བརྒྱར་འགྱུར་ཏེ། དེ་ལྟར་དུས་བཅུ་ལ་ལྔ་བརྒྱ་ཕྲག་བཅུ་ཡིན་
པས་ལོ་ལྔ་སྟོང་དུ་འགྱུར་རོ། །དེ་ལ་ལྔ་བརྒྱ་ཕྲག་དང་པོ་ལ་ནི་དགྲ་བཅོམ་པའོ། །གཉིས་པ་ལ་ནི་ཕྱིར་མི་འོང་བའོ། །གསུམ་པ་ལ་ནི་རྒྱུན་དུ་ཞུགས་པའོ། །བཞི་པ་ལ་ནི་ལྷག་མཐོང་ངོ་། །ལྔ་པ་ནི་ཏིང་ངེ་འཛིན་ནོ། །དྲུག་པ་ལ་ནི་ཚུལ་ཁྲིམས་སོ། །བདུན་པ་ལ་ནི་ཆོས་མངོན་
པའོ། །བརྒྱད་པ་ལ་ནི་མདོ་སྡེའོ། །དགུ་པ་ལ་ནི་འདུལ་བའོ། །ལྔ་བརྒྱ་ཕྲག་བཅུ་པ་ལ་ནི་རྟགས་ཙམ་མོ། །དེ་ལྟ་བུ་ལ་ལྔ་བརྒྱ་ཐ་མ་ཞེས་བྱའོ། །ལྔ་བརྒྱ་ཞེས་བྱ་བ་ཁ་ཅིག་གཞན་དུ་འདོན་ཏེ། ལྔ་བརྒྱ་ཞེས་བྱ་བ་ནི་རིང་པོ་བོར་བའོ་ཞེས་ཟེར་རོ། །གཞན་དག་ནི་འདི་སྐད་སྨྲ་སྟེ། 
མི་རྣམས་ནི་ཚེ་ཚད་ལོ་བརྒྱ་ཡིན་ནོ། །དེ་ལ་དང་པོའི་ལོ་ལྔ་བཅུ་ལ་ནི་ཁ་དོག་དང་། གཟུགས་དང་། སྟོབས་དང་། ཤེས་རབ་ལ་སོགས་པ་འཕེལ་བར་འགྱུར་བ་ཡིན་ནོ། །ཕྱེད་ཕྱི་མའི་ལྔ་བཅུ་ལ་ནི་དེ་དག་རིམ་གྱིས་འགྲིབ་པར་འགྱུར་བ་ཡིན་ནོ། །དེ་བཞིན་དུ་འཇིག་རྟེན་ཐམས་
ཅད་ཀྱི་དུས་ཀྱི་ཐ་མ་ལ་འབབ་པའི་ཚེ་ཕྱེད་ཕྱི་མའི་ལྔ་བཅུའི་ཐ་མ་ལ་བབ་པ་འདྲ་བར་ཐ་མར་གྱུར་པ་དམ་པའི་ཆོས་ནུབ་པར་འགྱུར་བའི་དུས་ཀྱོ་ཚེ་མངོན་པར་རྟོགས་པ་ནུབ་པར་འགྱུར་པའི་དུས་ན་མངོན་པར་རྟོགས་པ་ཡོད་པར་མི་འགྱུར་རོ། །ལུང་གི་ཆོས་ཀྱང་འདྲི་བ་དང་། འདྲིར་འཇུག་པ་

213-1-291b

དང་། ཀློག་པ་དང་། འདོན་པ་ལ་སོགས་པ་ལ་ཉོན་མོངས་པ་དང་། གྲོགས་ངན་པ་ལ་སོགས་པས་ཀུན་ནས་དཀྲུགས་པས་འཇིག་རྟེན་རྣམས་འཇུག་པར་མི་འགྱུར་རོ། །དེ་ལྟ་བུར་གྱུར་པ་ནི་ནུབ་པའོ་ཞེས་མངོན་པར་རྟོགས་པའི་དུས་གསུམ་དང་། སྒྲུབ་པའི་དུས་གསུམ་དང་།
ལུང་གི་དུས་གསུམ་དང་། རྟགས་ཙམ་འཛིན་པའི་དུས་ཞེས་ལྔ་བརྒྱ་ཕྲག་བཅུར་གསུངས་པ་དང་། ཡུམ་གསུམ་གྱི་རྒྱ་ཆེར་བཤད་པ་ལས་ཀྱང་དེ་དང་མཐུན་པར་བཤད་དོ། །དེས་ན་དེ་བཞིན་གཤེགས་པའི་བསྟན་པ་ལོ་ལྔ་སྟོང་དུ་གནས་པ་ལས་ལོ་སྟོང་ཕྲག་རེ་ལ་ལྔ་བརྒྱ་ལྔ་བརྒྱའི་
དབང་དུ་བྱས་ན་ལྔ་བརྒྱ་ཕྲག་བཅུར་འགྱུར་རོ། །དེ་ལ་ལྔ་བརྒྱ་དང་པོ་དང་གཉིས་པ་དང་གསུམ་པ་རྣམས་ལ་རིམ་པ་ལྟར་དགྲ་བཅོམ་པ་དང་། ཕྱིར་མི་འོང་བ་དང་། རྒྱུན་དུ་ཞུགས་པ་མང་དུ་འབྱུང་བས། དུས་དེ་དག་ལ་དགྲ་བཅོམ་པའི་དུས་དང་། ཕྱིར་མི་འོང་བའི་དུས་དང་། རྒྱུན་དུ་ཞུགས་
པའི་དུས་ཞེས་བྱ་སྟེ་ཁོང་དུ་ཆུད་པའི་དུས་གསུམ་མོ། །དེ་ནས་ལྔ་བརྒྱ་བཞི་པ་དང་། ལྔ་པ་དང་དྲུག་པ་རྣམས་ལའང་རིམ་པ་བཞིན་དུ་ལྷག་མཐོང་དང་། ཏིང་ངེ་འཛིན་དང་། ཚུལ་ཁྲིམས་དང་ལྡན་པ་མང་དུ་འབྱུང་བས། ལྷག་མཐོང་གི་དུས་དང་། ཏིང་ངེ་འཛིན་གྱི་དུས་དང་། ཚུལ་ཁྲིམས་
ཀྱི་དུས་ཞེས་བྱ་སྟེ་སྒྲུབ་པའི་དུས་གསུམ་མོ། །དེ་ནས་ལྔ་བརྒྱ་བདུན་པ་དང་བརྒྱད་པ་དང་དགུ་པ་རྣམས་ལའང་རིམ་པ་བཞིན་དུ་ཆོས་མངོན་པ་དང་། མདོ་སྡེ་དང་འདུལ་བ་སྟོན་པ་མང་དུ་འབྱུང་བས། མངོན་པའི་དུས་དང་། མདོ་སྡེའི་དུས་དང་། འདུལ་བའི་དུས་ཞེས་བྱ་སྟེ་ལུང་གི་དུས་
གསུམ་མོ། །དེ་ནས་ལྔ་བརྒྱ་བཅུ་པ་ལ་ནི་རབ་ཏུ་བྱུང་བའི་རྟགས་ཙམ་ལས་ལྟ་སྤྱོད་རྣལ་མ་དང་མི་ལྡན་པ་མང་དུ་འབྱུང་བས། རྟགས་ཙམ་འཛིན་པའི་དུས་ཏེ་འདི་ལ་ལྔ་བརྒྱ་པ་ཞེས་འདོད་དེ། དེ་ལྟར་ན་བསྐལ་བ་བཟང་པོའི་རྣམ་པར་འདྲེན་པ་བཞི་པ་འདིའི་བསྟན་པ་ལོ་ལྔ་སྟོང་དུ་གནས་པ་
སྒྲ་ཇི་བཞིན་པའི་དོན་དུ་གནས་པ་ནི་མཁས་པ་ཕལ་ཆེར་མི་བཞེད་པ་མེད་པའི་ཕྱིར་རོ།།      །།གཉིས་པ་དེ་ལས་ཆོས་སྦྱིན་འདིའི་ཕྱི་མོ་བསྒྲུབ་པའི་དུས་བཀར་བ་ལ། མཁས་པ་གཞན་གྱི་བཞེད་པ་ལྟར་བཀར་བ་དང་། རང་ཉིད་འདོད་པའི་རྗེས་སུ་འབྲངས་ནས་བཀར་ཏེ་བཤད་པའོ། །དང་

213-1-292a

པོ་ནི། དེ་ལྟར་བསྟནཔའི་གནས་ཚད་ལོ་ལྔ་སྟོང་དུ་བཤད་པ་དེ་ལས་སྔོན་དུ་ཇི་ཙམ་ཞིག་འདས་པར་གྱུར་པའི་དུས་ན། དེང་གི་བསྟན་བཅོས་འགྱུར་རོ་འཚལ་གྱི་ཆོས་སྦྱིན་གྱི་མ་མོ་འདི་བསྒྲུབས་པ་ཡིན་ཞེ་ན། བཤད་པར་བྱ་སྟེ། དེ་ལ་ཐོག་མར་གྲངས་སུ་རྩི་བར་བྱེད་པས་
ལོར་འཇོག་པའི་རྒྱུ་མཚན་ཅུང་ཟད་བཤད་ན་འདི་ལྟ་སྟེ། དམ་པའི་ཆོས་འདུལ་བའི་ལུངས་ལྟར་ན། མངོན་པ་མཛོད་ལས། སྐད་ཅིག་མ་བརྒྱ་ཉི་ཤུ་ལ། །དེ་ཡི་སྐད་ཅིག་དེ་དག་ཀྱང་། །དྲུག་ཅུ་ལ་ནི་ཐང་གཅིག་གོ། །ཡུད་ཙམ་ཉིན་ཞག་ཟླ་གསུམ་ནི། །གོང་ནས་གོང་དུ་སུམ་ཅུར་
འགྱུར། །ཞག་གི་ཐུབ་དང་བཅས་པ་ཡི། །ཟླ་བ་བཅུ་གཉིས་ལ་ལོ་གཅིག །ཅེས་དང་། འཇིག་རྟེན་གཞག་པ་ལས། འདི་ལྟ་སྟེ་བུད་མེད་བལ་འཁལ་བ་འབྲིང་གིས་ཧ་ཅང་ཡང་མི་རིང་ཧ་ཅང་ཡང་མི་ཐུང་བར་སྙོད་པ་དེ་ཙམ་གྱི་ཡུན་ནི་སྐད་ཅིག་གི་ཚད་ཡིན་ནོ། །དེ་ལྟ་བུའི་སྐད་ཅིག་
བརྒྱ་ཉི་ཤུ་ལ་དེའི་སྐད་ཅིག་གོ། །དེའི་སྐད་ཅིག་དེ་ལྟ་བུ་དྲུག་ཅུ་ལ་ཐང་གཅིག་གོ། །ཐང་གཅིག་དེ་ལྟ་བུ་སུམ་ཅུ་ལ་ཡུད་ཙམ་གཅིག་གོ། །ཡུད་ཙམ་དེ་ལྟ་བུ་སུམ་ཅུ་ལ་ཉིན་ཞག་གཅིག་གོ། །དེ་སུམ་ཅུ་ལ་ཟླ་བ་གཅིག་གོ། །ཟླ་བ་སུམ་ཅུ་ལ་ལོ་གཅིག་གོ་ཞེས་དང་། གསོ་བ་རིག་
པའི་རྒྱུད་བཞི་ལས། སྐད་ཅིག་ལ་སོགས་ཐང་གཅིག་ཡུད་ཙམ་ལ། །ཉིན་ཞག་ཟླ་བ་དུས་དང་ལོར་འགྱུར་ཏེ། །ཞེས་དང་། ཟླ་ཟེར་ལས། པུས་མོ་གཡས་པའི་ལྷ་ང་ནི། །ལག་རྩེའི་སྐོར་བའི་བར་དང་ནི། །མིག་འབྱེད་འཛུམ་དང་མཉམ་པ་ཡི། །ཡུན་ནི་གྲངས་ཀྱི་ཚད་དུ་བཤད། །
ཅེས་པ་ལྟར་སྐྱེས་བུ་དར་ལ་བབ་པ་ཞིག་གིས་སེ་གོལ་གཏོགས་པའི་ཡུན་ལ་བཞེད་པ་དང་། དོན་ལ་སེམས་ཀྱི་རྣམ་པར་རྟོག་པ་སྐད་ཅིག་མ་གཅིག་ཡིན་ལ། དེ་བརྒྱ་ཉི་ཤུ་ལ་དེའི་སྐད་ཅིག་མ་དང་། དེའི་སྐད་ཅིག་མ་སུམ་ཅུ་ལ་ཐང་གཅིག་གོ། །དེ་སུམ་ཅུ་ལ་ཡུད་ཙམ་མོ། །དེ་
སུམ་ཅུ་ལ་ཉིན་ཞག་གཅིག་གོ། །དེ་སུམ་ཅུ་ལ་ཟླ་བ་གཅིག་གོ། །དེ་གཉིས་ལ་དུས་གཅིག་གོ། །དུས་དྲུག་ལ་ལོར་བརྩི་བ་དང་། ཡང་དེ་དབུགས་ཀྱི་སྒོ་ནས་བརྩི་བ་ནི། ཤིག་ལ་སོགས་པ་ཕྲ་མོ་དང་། མི་དང་། ཡི་དྭགས་ཆེན་པོ་དང་། ལྷ་དང་། ལྷམ་ཡིན་དང་། ནུས་

213-1-292b

པའི་མིང་ཅན་འོག་མིན་པ་དང་། གཙོ་བོའི་མིང་ཅན་སྲིད་རྩེ་བ་རྣམས་ཏེ། འགྲོ་བ་བདུན་གྱི་དབུགས་སུམ་བརྒྱ་དྲུག་ཅུར་ཆུ་ཚོད་གཅིག་གོ། །དབུགས་ཉི་ཁྲི་ཆིག་སྟོང་དྲུག་བརྒྱ་ལ་ཞག་གཅིག་གོ། །དེ་སུམ་བརྒྱ་དྲུག་ཅུ་ནི་རང་གི་ལོ་ཡིན་པས་མིའི་ཆུ་ཚོད་ལ་སྲོག་ཆགས་ཕྲ་མོའི་ལོ་གཅིག་སྟེ། 
ཉིན་ཞག་གཅིག་ལ་ལོ་དྲུག་ཅུར་ཕྱིན་པར་འགྱུར་བ་དང་། ཡི་དྭགས་ཆེན་པོ་ནི། འཇིག་རྟེན་གདགས་པ་ལས། མི་རྣམས་ཀྱི་ཉིན་ཞག་གསུམ་ཅུ་གང་ཡིན་པ་དེ་ནི་ཡི་དྭགས་རྣམས་ཀྱི་ཉིན་ཞག་གཅིག་སྟེ་ཞེས་དང་། མངོན་པ་མཛོད་ལས། མཆོག་རིང་བསྐལ་པའོ་ཡི་དྭགས་རྣམས། །ཟླ་བ་ཉིན་ཞག་གི་ལྔ་བརྒྱ། །
ཞེས་དང་། བཤེས་པའི་སྤྲིང་ཡིག་ལས། ལྔ་སྟོང་ངག་དང་ཁྲིར་ཡང་འཆི་མི་འགྱུར། །ཞེས་ཡི་དྭགས་ཆེན་པོ་རྣམས་ཀྱི་ཞག་གཅིག་ལ་ཉི་མ་ཞག་སུམ་ཅུར་འགྱུར་བ་ལ་སོགས་པས་འགྲོ་བ་བདུན་པོ་རང་རང་གི་ལོ་གྲངས་བགྲང་ལུགས་མི་འདྲ་བར་འགྱུར་ཞིང་། དེ་དག་གི་ལོས་གཞལ་ན། མི་ལོ་གཅིག་
ལ་ཕྲ་མོའི་ལོ་ཉིས་ཁྲི་ཆིག་སྟོང་དྲུག་བརྒྱའོ། །ཡི་དྭགས་ཆེན་པོའི་ཞང་བཅུ་གཉིས་སོ། །ལྷའི་ཉིན་ཞག་གཅིག་གོ། །ལྷ་མ་ཡིན་གྱི་ཆུ་ཚོད་གཅིག་གོ། །ནུས་པའི་མིང་ཅན་ནམ། འོག་མིན་པའི་དབུགས་གཅིག་གོ། །གཙོ་བོའི་མིང་ཅན་ནམ་སྲིད་པའི་རྩེ་མོ་པའི་དབུགས་ཉིས་ཁྲི་ཆིག་སྟོང་དྲུག་བརྒྱའི་
ཆ་གཅིག་རྣམས་དང་། གཟའ་བརྒྱད་པོ་རང་རང་གི་རྒྱུ་སྐར་གྱི་འཁོར་ལོ་འཁོར་བའི་ཡུན་ཚད་རང་རང་གི་ཞག་ཏུ་བྱས་པའི་ཞག་ཕྱེད་གཉིས་ལ་མི་ལོ་བརྒྱ་འབྱུང་ངོ་། །དེ་ཡན་མི་ལོ་ས་ཡ་གཉིས་དང་བཞི་འབུམ་ལ་སོགས་པ་གཙོ་བོའི་འཕོ་ཆེན་གཅིག་གི་ཡུན་དུ་གསུངས་པ་སོགས་མང་དུ་སྣང་
བ་ལས། འདིར་མདོར་བསྡུས་སྙིང་པོ་ནི། དུས་ཀྱི་འཁོར་ལོ་ལས། རྒྱལ་པོ་ལོ་ནི་མཐའ་དག་རྗེས་སུ་ཉིན་ཞག་དུས་སྦྱོར་ཆུ་ཚོད་དག་དང་ཆུ་ཡི་སྲང་རྣམས་ཏེ། །ཞེས་དང་། ཕྱག་རྒྱ་ཆེན་པོ་ཐིག་ལེ་ལས། ཐོག་མར་འབྱུང་དང་རྔུབས་པའི་གྲངས། །ཉིས་ཁྲི་དང་ནི་ཆིག་སྟོང་དང་། །དེ་བཞིན་གྲངས་ན་བརྒྱ་ཕྲག་དྲུག །
ཉིན་དང་མཚན་མོར་ངེས་པར་རྒྱུ། །ཞེས་དང་། རྗེ་ངོར་ཆེན་ཐམས་ཅད་མཁྱེན་པས། དེ་ལྟར་སྣ་སྒོ་གཉིས་ནས་འབྱུང་བའི་རླུང་། །ལྡང་འཇུག་གནས་གསུམ་བསྡོམས་པ་ཞག་རེ་ལ། །ཉིས་ཁྲི་ཆིག་སྟོང་དྲུག་བརྒྱ་རྟག་པར་རྒྱུ། །དེ་ལྟར་འོང་བའང་སྔ་མའི་བག་ཆགས་ནི། །སེམས་ལ་གནས་པ་ལུས་ལ་སྨིན་པ་

213-1-293a

སྟེ། དེ་ཡི་དབང་གིས་ཕྱི་རོལ་དུས་སོགས་སྣང་། །ཞེས་སྐྱེས་བུ་ནད་མེད་ཅིག་གི་དབང་དུ་བྱས་ནས། ཉིན་ཞག་ཕྲུགས་གཅིག་ལ་སྣ་སྒོ་གཉིས་ནས་རླུང་ལྡང་འཇུག་གནས་གསུམ་བསྡོམས་པ་ཉིས་ཁྲི་ཆིག་སྟོང་དྲུག་བརྒྱ་རྒྱུ་སྟེ། དེ་ལྟར་འོང་བའི་འཐད་པའང་ཚེ་རབས་སྔ་མའི་ཕྱི་རོལ་
གྱི་བག་ཆགས་སེམས་ལ་གནས་པ་ནང་དུ་ལུས་ལ་སྨིན་ཅིང་། དེའི་དབང་གིས་ཕྱི་རོལ་གྱི་ཡུལ་རྣམས་སྣང་བར་གསུངས་སོ། །དེས་ན་ནང་རླུང་གི་དབང་ལས་ཕྱི་རོལ་གྱི་ཆུ་སྲང་དང་ཆུ་ཚོད་ལ་སོགས་པའི་དུས་རྣམས་འབྱུང་བ་ཡིན་ཞིང་། དེ་དག་རྟོགས་བྱེད་དུས་ཀྱི་འཁོར་ལོ་བའི་རི་མོ་བ་རྣམས་ཀྱང་རགས་པར་མི་ནད་
མེད་ཀྱི་དབུགས་འབྱུང་འཇུག་གནས་གསུམ་གཅིག་ཏུ་བྱས་པ་དྲུག་ལ་སྲང་དང་། དེ་དྲུག་ཅུ་ལ་ཆུ་ཚོད་དང་། དེ་དྲུག་ཅུ་ལ་ཉིན་ཞག་དང་། ཉིན་ཞག་བཅོ་ལྔ་ལ་ཕྱོགས་དང་། ཕྱོགས་གཉིས་ལ་ཟླ་བ་དང་། ཟླ་བ་གཉིས་ལ་དུས་དྲུག་གི་གཅིག་དང་། ཟླ་བ་གསུམ་ལ་དུས་བཞིའི་དུས་གཅིག་དང་། ཟླ་བ་བཞི་ལ་
དུས་གསུམ་གྱི་དུས་གཅིག་དང་། ཟླ་བ་དྲུག་ལ་བགྲོད་པར་འཇོག་ཅིང་། བགྲོད་པ་གཉིད་ལ་ནི་ལོ་གཅིག་ཅེས་བཤད་དོ། །དེ་ལྟ་བུའི་ལོའི་སྐད་དོད་ལ་ལེགས་པར་སྦྱར་བའི་སྐད་དུ་ཝཪྵ་ཞེས་འབྱུང་ཞིང་། དེ་ལའང་ཡང་བགྲང་དང་། བགྲང་བྱ་དང་། བགྲང་གཞི་དང་། རང་སྐྱོབ་དང་། འདོར་བྱེད་ཅེས་བྱ་བ་
རྣམས་ནི་མིང་གི་རྣམ་གྲངས་ཏེ། འཆི་བ་མེད་པའི་སེང་གེས། ཡང་བགྲང་བགྲང་གཞི་རང་སྐྱོབ་དང་། །འདོར་བྱེད་ཅེས་བྱ་ལོ་ཡི་མིང་། །ཞེས་སོ། །དེ་ལྟ་བུ་འཇལ་བྱེད་ལོའི་གྲངས་ཀྱི་ངེས་པས་གཏན་ལ་དབབ་པ་ལ། འཕགས་པའི་ཡུལ་གྱི་མཁས་པ་ཆེན་པོ་དཔའ་ལྡན་ཨ་ཏི་ཤའི་བཞེད་པས། བདག་ཅག་གི་སྟོན་པ་
ཡང་དག་པར་རྫོགས་པའི་སངས་རྒྱས་ཤཱཀྱ་ཐུབ་པ་འདི་ཉིད་ཞིང་འདིའི་གདུལ་བྱར་གྱུར་པ་རྣམས་དམ་པའི་ཆོས་ཀྱི་འདུལ་བ་དུས་ལ་བབ་པར་མཁྱེན་ནས་མཆོག་གི་སྤྲུལ་པའི་སྐུར་བྱོན་པ་ན། ཤིང་མོ་གླང་གི་ལོ་ལ་སྐུ་བལྟམས་ནས། ས་མོ་ཕག་ལ་མངོན་པར་རྫོགས་པར་སངས་རྒྱས་པ་དང་། ཤིང་ཕོ་སྤྲེའུའི་གནམ་
ལོའི་སྟོན་ཟླ་ཐ་ཆུངས་ཀྱི་ཡར་ངོའི་ཚེས་བརྒྱད་ལ་མྱ་ངན་ལས་འདས་པར་འདོད་དེ། དེ་ལྟར་ན་སྟོན་པ་མྱ་ངན་འདས་ནས་དེང་གི་དུས་ཀྱི་ཆོས་ཀྱི་སྦྱིན་པའི་མ་མོ་འདིའི་དབུ་དང་པོར་ཚུགས་པའི་བར་ལ་ལོ་གྲངས་སུམ་སྟོང་དང་བརྒྱད་བརྒྱ་སྔོན་དུ་འདས་པར་གྲུབ་བོ། །འདི་ལ་འགོས་ལོ་གཞོན་ནུ་དཔལ་གྱིས་ལུགས་

213-1-293b

འདི་ནི་སྟོད་ལུངས་པ་ཇོ་བོ་ཚུལ་ཁྲིམས་བྱ་བའི་འདོད་པ་ཡིན་གྱི། ཇོ་བོའི་བཞེད་པ་མ་ཡིན་ནོ་ཞེས་ཀྱང་གསུངས་སོ། །ཀསྨི་རའི་མ་ཧཱ་པཎྜི་ཏ་ཤཱཀྱ་ཤྲཱིའི་ལུགས་ལ་ནི། སྟོན་པ་འདི་ཉིད་མེ་མོ་སྦྲུལ་གྱི་ལོ་ལ་སྐུ་བལྟམས་ཤིང་། མེ་ཕོ་བྱི་བའི་ལོར་མྱ་ངན་ལས་འདས་པར་འདོད་པ་ཡིན་ཏེ། དེ་ལྟར་ན་སྟོན་པ་མྱ་ངན་ལས་
འདས་ནས་འདིའི་བར་ལ་བགྲང་གཞི་ཉིས་སྟོང་དང་ཉིས་བརྒྱ་བདུན་ཅུ་རྩ་དགུ་སྔོན་དུ་བརྒལ་བར་ཤར་རོ། །འདི་ལ་ཆོས་རྗེ་ས་སྐྱ་པའི་ཞལ་ནས། ལུགས་དེ་ནི་རྒྱ་གར་ན་ཉན་ཐོས་སེནྡྷ་པ་རྣམས་དུས་བརྗོད་པའི་ཚེ། སྟོན་པ་འདས་ནས་ལོ་འདི་སོང་ཞེས་ནུབ་རེ་ཞིང་བརྩི་བ་ཞིག་ཡོད་པ་ལ། དེའི་ལུགས་མ་ག་དྷཱའི་བྱང་ཆུབ་
ཆེན་པོའི་སྐུ་གཟུགས་དེ། སློབ་དཔོན་མཐོ་བཙུམ་གྲུབ་རྗེ་དང་བདེ་བྱེད་བདག་པོས་མཛད་པར་བཞེད་ནས། ཙནྡན་གྱི་ལྡེ་གུ་སྤུངས་པ་ན་རང་བྱུང་དུ་འཁྲུངས་པའི་དུས་ད་ནས་བཟུང་བའི་དུས་ཚིགས་འཁྲུལ་ཏེ། སྟོན་པ་འདས་ནས་ལོ་འདི་སོང་ཞེས་བརྩིས་པ་དེའི་རྗེས་སུ་འབྲངས་ནས། རྒྱ་བལ་ཁ་ཆེའི་པཎྜི་ཏ་ཕལ་
ཆེར་བཞེད་ཀྱང་ཡིད་བརྟན་པར་མི་བྱའོ་ཞེས་བྱ་བ་ལ་སོགས་པ་གསུགས་སོ། །དེང་སང་ཡོངས་སུ་གྲགས་ཆེ་བ་པདྨ་དཀར་པོའི་ཞལ་ལུང་གི་རྗེས་སུ་འབྲངས་ནས་ལེགས་པར་བཤད་པའི་བསྟན་བཅོས་ཆེན་པོ་བཻ་ཌཱུརྱ་དཀར་པོ་སྟེ། དེ་ལས་བྱུང་བའི་ལུགས་ལྟར་ན་ས་མོ་ལུག་གི་ལོའི་ཆུ་སྟོད་ཟླ་བའི་ཚེས་བཅོ་ལྔ་ལ་
བདག་ཅག་གི་སྟོན་པ་འདི་ཉིད་ཡུམ་གྱི་ལྷུམས་སུ་ཞུགས་པ་ནས་དེང་གི་ཆོས་ཀྱི་སྦྱིན་པ་འདི་བརྩམས་པའི་བར་ལ་ལོ་ཉིས་སྟོང་དང་དྲུག་བརྒྱ་དགུ་བཅུ་རྩ་བརྒྱད་འདས་ཤིང་། དྲག་པོ་ལྕགས་སྤྲེལ་གྱི་གནམ་ལོའི་ས་ག་ཟླ་བའི་བཟང་པོ་གཉིས་པའི་ཚེས་ལ་ཟླ་སྐར་རྒྱལ་ལ་བབ་པའི་དུས་སུ་སྐུ་བལྟམས་ནས་ཟླ་བའི་ཕུང་པོ་
ཉིས་སྟོང་དྲུག་བརྒྱ་དང་དགུ་བཅུ་རྩ་བདུན་སྔོན་དུ་བརྒལ་བ་དང་། ཤིང་རྟ་ས་ག་ཟླ་བའི་ཚེས་བཅོ་ལྔ་ལ་མངོན་པར་རྫོགས་པར་སངས་རྒྱས་ནས། ལོ་དེའི་ཆུ་སྟོད་ཟླ་བའི་ཚེས་བཞི་ལ་ལྔ་སྡེར་བདེན་པ་བཞིའི་ཆོས་ཀྱི་འཁོར་ལོ་བསྐོར་ནས་ལོ་ཉིས་སྟོང་དང་དྲུག་བརྒྱ་དྲུག་ཅུ་རྩ་གསུམ་འདས་པ་དང་། དཔའ་བོ་ལྕགས་
འབྲུག་གི་ནག་པ་ཟླ་བའི་ཚེས་བཅོ་ལྔ་ལ་ལྷོ་ཕྱོགས་ཤྲཱི་དྷ་ནྱ་ཀ་ཊ་ཀར། སངས་རྒྱས་ཀུན་གྱི་གསུང་གི་གསང་བ་འཛིན་པ་པོ་ལག་ན་རྡོ་རྗེ་ཉིད་མིའི་དབང་པོའི་ཚུལ་བཟུང་བའི་ཆོས་རྒྱལ་ཟླ་བ་བཟང་པོ་ལ་སོགས་པའི་སྐལ་བར་ལྡན་པའི་གདུལ་བྱ་རྣམས་ལ། བདེན་དོན་ཡན་ལག་བཅུ་གཉིས་པ་དམ་པ་དང་པོའི་

213-1-294a

སངས་རྒྱས་ཞེས་བྱ་བའི་རྒྱུད་ཀྱི་རྒྱལ་པོ་གསུངས་ནས། ལོ་དེ་ཉིད་ཀྱི་ས་ག་ཟླ་བའི་ཚེས་བཅོ་ལྔ་ལ་མྱ་ངན་ལས་འདའ་བའི་ཚུལ་བསྟན་ནས་བགྲང་བྱ་ཉིས་སྟོང་དྲུག་བརྒྱ་དང་བཅུ་བདུན་འདས་པ་དང་། ཤིང་སྤྲེལ་གྱི་ལོ་ལ་སངས་རྒྱས་སྣང་བ་མཐའ་ལས་ཀྱི་གསང་བ་གསུམ་པོ་གཅིག་ཏུ་བསྡུས་
པའི་རང་གཟུགས། སྙིགས་མའི་དུས་འདིར་གསང་སྔགས་རྡོ་རྗེ་ཐེག་པའི་ཉེ་ལམ་ལས། གསང་སྔགས་རྙིང་མའི་ཐེག་པ་ཟབ་མོས་འདུལ་བར་གྱུར་པའི་སྐལ་ལྡན་གྱི་གདུལ་བྱ་རྣམས་ཡང་དག་པའི་ལམ་ལ་འཁྲིད་པར་མཛད་པའི་སློབ་དཔོན་ཆེན་པོ་མཚོ་ལས་སྐྱེས་པའི་རྡོ་རྗེ་དེ་ཉིད་དྷ་ན་ཀོ་ཤའི་རྒྱ་མཚོའི་གླིང་ག་ལ་
བ་ན་ངོ་མཚར་པདྨའི་གཞལ་མེད་ཁང་དམ་པའི་ནང་ན་བརྫུས་ཏེ་འཁྲུངས་ནས་ལོ་གྲངས་སྟོང་ཕྲག་གཉིས་དང་དྲུག་བརྒྱ་བཅུ་གསུམ་མོ། །ཤིང་བྱི་ལ་མ་ཧཱ་ཙི་ནའི་ཡུལ་གྱི་སྐྱེ་འགྲོ་ཐམས་ཅད་གཙུག་ལག་རྩིས་ཀྱི་བདེན་པས་འདུལ་བར་འགྱུར་བའི་དགོངས་པ་ཉེ་བར་བཞག་སྟེ། རྒྱལ་བ་ཐམས་ཅད་སྐྱེད་པའི་ཡབ་
གཅིག་ལྷག་པའི་ལྷ་མཆོག་འཇམ་དཔལ་གཞོན་ནུར་གྱུར་པ་ཉིད་གནས་རི་བོ་རྩེ་ལྔར་ཏྲྀཀྵའི་ཤིང་གི་ལྦ་བ་ལས་མཚན་དང་དཔེ་བྱད་ཀྱི་འོད་ཕུང་སྟོང་གིས་དཀྲིགས་པའི་བུས་པ་མཚར་སྡུག་གི་ཚུལ་དུ་བརྫུས་ཏེ་སྐྱེ་བའི་ཆོ་འཕྲུལ་བསྟན་ནས་ལོ་ཉིས་སྟོང་དང་ལྔ་བརྒྱ་བདུན་ཅུ་རྩ་གསུམ་སྔོན་དུ་འདས་པར་གྲུབ་བོ། །གཞན་
ཡང་དུས་ཀྱི་འཁོར་ལོའི་རྒྱུད་འགྲེལ་ལས་འབྱུང་བའི་རྩིས་ཀྱི་ལོ་དག་དང་བསྟུན་པའི་སངས་རྒྱས་བསྟན་པའི་རྩིས་ས་སྐྱ་ལོ་ཙྭ་བ་ལ་སོགས་པའི་མཁས་པ་ཆེན་པོ་རྣམས་ཀྱིས་མཛད་པ་ལས་ནི། ཐུབ་པའི་དབང་པོ་དོན་ཐམས་ཅད་གྲུབ་པ་འདི་ཉིད་ཤིང་ཕོ་བྱི་བའི་ལོ་ལ་སྐུ་བལྟམས་ནས་ཉི་ཤུ་རྩ་དགུར་ཁབ་ཏུ་བཞུགས་
པ་དང་། དཀའ་བ་སྤྱད་པ་ལ་ལོ་དྲུག་དང་། སུམ་ཅུ་རྩ་དྲུག་པས་མོ་ཕག་ལ་རྡོ་རྗེའི་གདན་དུ་མངོན་པར་བྱང་ཆུབ་པ་དང་། བརྒྱད་ཅུ་བཞེས་པ་ཆུ་མོ་ལུག་གི་ནག་པ་ཟླ་བའི་ཉ་ལ་དཔལ་ལྡན་འབྲས་སྤུངས་ཀྱི་མཆོད་རྟེན་ཆེན་པོར་གཉིས་སུ་མེད་པའི་རྒྱུད་ཀྱི་རྒྱལ་པོ་དང་པོའི་སངས་རྒྱས་ཞེས་བྱ་བའི་རྩ་བའི་རྒྱུད་ཀྱི་བདུད་རྩི་
ལེགས་པར་སྩལ་ནས། ལོ་དེའི་ས་ག་ཟླ་བའི་ཚེས་བཅོ་ལྔ་ལ་མྱ་ངན་ལས་འདས་པར་བཞེད་དེ། དེ་ལྟར་ན་སྟོན་པས་མཛད་པའི་ཐམ་བསྟན་ནས་འདིའི་བར་ལ་ལོ་ཉིས་སྟོང་དང་དྲུག་བརྒྱ་བཅུ་གསུམ་སྔོན་དུ་འདས་པར་གྲུབ་བོ། །གཉིས་པ་ནི། དཔལ་ལྡན་འཇམ་པའི་དབྱངས་ཀྱིས་རྗེས་སུ་བཟུང་ཞིང་བྱིན་གྱིས་བརླབས་

213-1-294b

པས་ཕྱི་དང་ནང་གི་ཤེས་བྱའི་གནས་ཐམས་ཅད་ལ་མི་འཇིགས་པའི་བློ་གྲོས་བརྙེས་ནས་སྨྲ་བའི་རྒྱལ་པོར་གྱུར་བ་ཆོས་ཀྱི་རྗེ་དཔལ་ལྡན་ས་སྐྱ་པས། དྲི་མ་མེད་པའི་མདོ་སྡེ་ལ་སོགས་པའི་ལུང་དོན་དང་ལེགས་པར་སྦྱར་ཏེ་ཡང་དག་པར་བཤད་པའི་ལུགས་ལ། སྟོན་པ་ཡང་དག་པར་རྫོགས་པའི་སངས་རྒྱས་ཤཱཀྱའི་རྒྱལ་པོ་
འདི་ཉིད་རབ་བྱུང་མེ་ཡོས་ཀྱི་ལོ་ལ། དགའ་ལྡན་འཆི་བ་མེད་པའི་གཞལ་མེད་ཁང་ཆེན་པོ་ནས། ཛམྦུ་རྐང་འཐུང་གི་རྒྱལ་མཚན་དམ་པས་ཉེ་བར་མཚན་པའི་ཞིང་འདིའི་གདུལ་བར་བྱ་བ་རྒྱ་མཚོ་ཆེན་པོའི་རྡུལ་གྱི་གྲངས་སྙེད་རྣམས་ནི་བླ་ན་མེད་པའི་བྱང་ཆུབ་ཀྱི་ལམ་དམ་པས་འདུལ་བའི་དུས་ལ་བབ་པར་མཁྱེན་པ་ན།
གཟིགས་པ་རྣམ་པ་ལྔས་གཟིགས་ཏེ། དཔལ་འབྱོར་ཕུན་སུམ་ཚོགས་པས་མངོན་པར་གཏམས་པའི་གྲོང་ཁྱེར་ཆེན་པོ་སེར་སྐྱ་ཞེས་བྱ་བར་ཤེས་རབ་ཀྱི་ཕ་རོལ་ཏུ་ཕྱིན་མའི་ངོ་བོ་སྒྲུ་འཕྲུལ་ལྷ་མོའི་ཁོངས་སུ་ལྷ་རྣམས་ཀྱི་མངོན་པར་སྤྲུལ་པའི་གཞལ་མེད་ཁང་དམ་པ་ག་ལ་བ་དེ་ན། གླང་པོ་ཆེའི་མཆོག་ཐལ་ཀར་མཆེ་
བ་དྲུག་དང་ལྡན་པའི་རྣམ་པ་ཅན་གྱི་ལྷུམས་སུ་ཞུགས་ནས། ཟླ་བ་བཅུ་རྫོགས་པ་སྟོད་འགྲེལ་གྱི་སྐད་དུ་རྣམ་བྱུང་སྟེ་དབང་ཐང་དང་བསྟུན་པའི་མིང་ས་འབྲུག་ཅེས་བྱ་བའི་ལོ་ལ་འཇིག་རྟེན་གྱི་ཁམས་ཐམས་ཅད་བཀྲ་ཤིས་པའི་ལྟས་ཀྱིས་ཡོངས་སུ་དཀྲིགས་པ་དང་བཅས་ཏེ། ལུམྦིའི་ཚལ་དུ་ཡུམ་གྱི་དཀུ་གཡོན་པ་ནས་
སྒྲུ་མའི་ཚུལ་གྱིས་བལྟམས་ནས། དེང་གི་དུས་ཀྱི་ལེགས་བྱས་པར་གྱི་སྒོ་ཆེན་རྣམ་པར་འབྱེད་པའི་མགོ་དང་པོར་ཚུགས་པའི་བར་ལ་ལོ་གྲངས་སུམ་སྟོང་དང་དགུ་བརྒྱ་བཞི་བཅུ་རྩ་དགུ་ཡོངས་སུ་འདས་པ་དང་། དགུང་ལོ་སུམ་ཅུ་རྩ་ལྔར་སོན་པ་ཆུ་སྟག་གི་ལོའི་ས་ག་ཟླ་བའི་ཉ་གང་བ་ལ། སངས་རྒྱས་སྟོང་གིས་བྱང་
ཆུབ་ཀྱི་སྙིང་པོ་མངོན་དུ་མཛད་པའི་གནས་མ་ག་དྷར་བྱང་ཆུབ་ལྗོན་པའི་དྲུང་དུ་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཀྱི་གོ་འཕང་མངོན་དུ་མཛད་པའི་ཚུལ་བསྟན་ཏོ། །དེ་ནས་ཀྱང་ཞག་བདུན་ཕྲག་བདུན་བརྒལ་བའི་ཆུ་སྟོད་ཟླ་བའི་ཚེས་བཞི་ལ་གཟུགས་ཁམས་ཀྱི་ཚངས་པ་ཆེན་པོ་དང་། ལྷ་རྣམས་ཀྱི་དབང་པོ་བརྒྱ་བྱིན་
གྱིས་འོངས་ཏེ་ཆོས་ཀྱི་འཁོར་ལོ་བསྐོར་བར་གསོལ་བ་བཏབ་ནས། ཝཱ་རཱ་ཎ་སཱིར་ལྔ་སྡེ་ལ་བདེན་པ་རྣམ་པ་བཞིའི་ཆོས་ཀྱི་འཁོར་ལོ་བསྐོར་བ་ནས་བརྩམས་ཏེ། འཇིག་རྟེན་གྱི་ཁམས་ན་སྔ་ན་མེད་པའི་ཆོས་ཀྱི་སྣང་བ་མཚུངས་པ་མེད་པར་བཀྱེ་བ་ལ་སོགས་པ་བགྲང་གཞི་བརྒྱད་ཅུར་སོན་པ་མེ་མོ་ཕག་གི་བར་དུ་བཞུགས་

213-1-295a

ཏེ། ལོ་དེ་ལ་གྲོང་ཁྱེར་རྩྭ་ཅན་དུ་མཛད་པའི་ཐ་མ་མྱ་ངན་ལས་འདའ་བའི་ཚུལ་བསྟན་ནས་ལོ་སུམ་སྟོང་དང་བརྒྱད་བརྒྱ་བདུན་ཅུ་ཐམ་པ་སྔོན་དུ་བརྒལ་ཏེ། །གཞན་ཡང་འཇམ་དཔལ་རྩ་བའི་རྒྱུད་ལས། ལོ་ནི་དྲུག་བརྒྱ་དག་ཏུ་འཚོ། །ཞེས་ལུང་བསྟན་པ་ལྟར། ས་འབྲུག་ལ་རབ་ཏུ་དགའ་བའི་ས་
ལ་གནས་པའི་ཡོན་ཏན་རྒྱུད་ལ་འཁྲུངས་ནས་བཀའ་དོན་མཐའ་དག་རང་དབང་དུ་འགྲེལ་བའི་ཤིང་རྟའི་སྲོལ་འབྱེད་ཆེན་པོ་སློབ་དཔོན་འཕགས་པ་ཀླུ་སྒྲུབ་བལྟམས་ནས་བགྲང་གཞི་སྟོང་ཕྲག་གསུམ་དང་བཞི་བརྒྱ་བདུན་ཅུ་འདས་ཤིང་། དེ་བཞིན་དུ་སྟོན་པ་མྱ་ངན་ལས་འདས་ནས་ལོ་དགུ་བརྒྱ་ལོན་པ་ན་ཐོགས་མེད་བྱོན་པར་
རྒྱའི་མཁན་པོ་ཝན་བརྩེགས་ཀྱིས་མདོ་སྡེ་དགོངས་པ་ངེས་པར་འགྲེལ་བའི་འགྲེལ་པར་བསྟན་པ་བཞིན་དུ། ས་ཕོ་བྱི་བའི་ལོ་ལ་སྟོན་པའི་བསྟན་པ་གསལ་བར་བྱེད་པའི་སློབ་དཔོན་ཆེན་པོ་ཐོགས་མེད་ཞབས་འཁྲུངས་ནས་བགྲང་བྱ་སྟོང་ཕྲག་གཉིས་དང་དགུ་བརྒྱ་བདུན་ཅུའོ། །དམར་སེར་ཞེས་པ་མེ་མོ་སྦྲུལ་གྱི
ལོ་ལ་འཕགས་པའི་ཡུལ་གྱི་མཁས་པ་དང་གྲུབ་པའི་དབང་ཕྱུག་ཆེན་པོ་མཐའ་དག་གི་གཙུག་གི་ནོར་བུ་ལྟ་བུར་གྱུར་པའི་ཤིང་རྟ་ཆེན་པོ་དཔལ་མཐུ་སྟོབས་ཀྱི་མགོན་པོ་བི་རཱུ་པ་དེ་ཉིད་སོ་མ་པཱུ་རིར་སྐུ་འཁྲུངས་ཡན་ཟླ་བའི་ཕུང་པོ་ཉིས་སྟོང་དང་བརྒྱད་བརྒྱ་རེ་གཅིག་གོ། །མདོ་ལས་དེ་བཞིན་གཤེགས་པ་མྱ་ངན་ལས་
འདས་ནས་ལོ་ཉིས་སྟོང་ལྔ་བརྒྱ་ན་བོད་ཀྱི་ཡུལ་དུ་དམ་པའི་ཆོས་དར་བར་ཐམས་ཅད་མཁྱེན་པའི་ཞལ་གྱི་པདྨ་ཁ་ཡོངས་སུ་བྱེ་བ་ལས་ལུང་བསྟན་རྐང་པ་དྲུག་པའི་གླུར་བླངས་པ་ལྟར་མེ་མོ་ཡོས་ཀྱི་ལོ་ལ་བསིལ་ལྡན་ཁ་བ་ཅན་གྱི་ཡུལ་འདིར་ལྷ་ཐོ་ཐོ་རི་གཉན་བཙན་གྱི་སྐུའི་བསོད་ནམས་གཞལ་དུ་མེད་པའི་དཔྱངས་
ཐག་ལ་བརྟེན་ནས། ཕོ་བྲང་ཡུམ་བུ་གླ་སྒང་དུ་དཔང་སྐོང་ཕྱག་བརྒྱ་པ་དང་ཚིནྡྷ་མ་ཎིའི་བསྐོལ་ཕོར་ལ་སོགས་པ་བབ་སྟེ། སངས་རྒྱས་བཅོམ་ལྡན་འདས་ཀྱི་བསྟན་པ་དམ་པའི་ཆོས་ཀྱི་དབུ་བརྙེས་ནས་བགྲང་བར་བྱ་བ་ཆིག་སྟོང་དང་སུམ་བརྒྱ་བདུན་བཅུའོ། །ལྕགས་མོ་གླང་ལ་འཇིག་རྟེན་གསུམ་གྱི་མཆོད་སྡོང་བླ་ན་
མ་མཆིས་པ་འཕྲུལ་སྣང་གི་གནྡྷོ་ལ་ཆེན་པོའི་ཇོ་བོ་ཤཱཀྱ་མུ་ནི་བོད་དུ་ཕེབས་ནས་ལོ་ཆིག་སྟོང་དང་ཆིག་བརྒྱ་ལྔ་བཅུ་རྩ་དྲུག་གོ། །ས་གླང་ལ་སྙིགས་མའི་དུས་ཀྱི་སེམས་ཅན་རྣམས་ལ་རྒྱལ་བ་གཉིས་པ་ལྟ་བུའི་ཐུགས་རྗེ་རྨད་དུ་བྱུང་བ་སློབ་དཔོན་ཆེན་པོ་པདྨཱ་ཀ་ར་ཉིད། ཁ་བ་ཅན་གྱི་ལྗོངས་འདིར་སྔ་ན་མེད་པའི་ལེགས་

213-1-295b

བྱས་ཀྱི་མཛའ་བོ་འགུགས་པ་ལ་རྣམ་པར་སྡང་བའི་ལྷ་འདྲེ་གདུག་པ་ཅན་རྣམས་ཀྱི་གཉེན་པོར་སྤྱན་དྲངས་ནས་བགྲང་བའི་གཞི་བརྒྱ་ཕྲག་དགུ་དང་བརྒྱད་ཅུ་རྩ་བརྒྱད་དོ། །ལྕགས་སྟག་གི་ལོ་ལ་རྟེན་དང་བརྟེན་པའི་ངོ་མཚར་གཞལ་དུ་མེད་པའི་སྣང་ཞེན་བཅོམ་པའི་ལེགས་བྱས་ཀྱི་ཞིང་བླ་ན་མེད་པ། ཟན་གཡང་
མི་འགྱུར་ལྷུན་གྱིས་གྲུབ་པའི་གཙུག་ལག་ཁང་ཆེན་པོ་བཏབ་ནས་དགུ་བརྒྱ་དང་བརྒྱད་ཅུ་རྩ་བདུན་ནོ། །ཆུ་རྟ་ལ་བདེ་ལྡན་ཞིང་གི་མགོན་པོ་སངས་རྒྱས་བཅོམ་ལྡན་འདས་འོད་མཐའ་ཡས་པའི་གསང་བ་གསུམ་གྱི་རྣམ་པར་འཕྲུལ་པའི་ཟློས་གར་ཆེན་པོས་བྱང་ཆུབ་ལམ་གྱི་རིམ་པ་མཐའ་དག་གསལ་བར་བྱེད་པའི་
འཕགས་པའི་ཡུལ་གྱི་པཎྜི་ཏ་ཆེན་པོ་དཔའ་ལྡན་མར་མེ་མཛད་བཟང་པོ་ཟ་ཧོར་རྒྱལ་པོའི་སྲས་སུ་འཁྲུངས་ནས་ལོ་བདུན་བརྒྱ་དང་ལྔ་བཅུ་རྩ་ལྔ་སྔོན་དུ་འདས་སོ། །ཆུ་མོ་གླང་ལ་ཟབ་ཡངས་དམ་པའི་ཆོས་ཀྱི་སྒྲ་དབྱངས་སྙན་དགུ་རྫོགས་པའི་གདངས་སུ་རྟག་པར་རྒྱུན་མི་འཆད་པར་འབྱུང་བའི་གནས་སུ་གྱུར་པ་
འོག་མིན་སྟུག་པོ་བཀོད་པའི་ཞིང་ཁམས་གཉིས་པ་དཔལ་ལྡན་ས་སྐྱ་ཞེས་ཡོངས་སུ་གྲགས་པའི་དྲི་བསུང་རིང་དུ་འཐུལ་བའི་དགོན་པ་ཆེན་པོ་གང་དེ་བསིལ་ལྡན་ལྗོངས་ཀྱི་བསོད་ནམས་ཀྱི་ཞིང་དུ་བཏབ་ནས་བགྲང་བྱ་དྲུག་བརྒྱ་དང་དྲུག་ཅུ་རྩ་བཞི་འདས་སོ། །ཆུ་ཕོ་སྤྲེའུའི་ལོ་ལ་དབང་པོའི་ཕྱོགས་ཀྱི་གྲུ་འཛིན་ཞིང་
གི་མགོན་པོ་པུཎྜ་རཱི་ཀ་འཆང་བ་ཆེན་པོ། དང་པོར་བྱང་ཆུབ་ཀྱི་མཆོག་ཏུ་ཐུགས་བསྐྱེས་པ་ན། རང་གི་སྨོན་ལམ་གྱི་ས་བོན་ལེགས་པར་བཏབ་པ་རྗེས་སུ་དགོངས་བཞིན་དུ་སྲིད་པར་སྐྱེ་བའི་ཕྲེང་བ་བཟུང་ནས། སེམས་ཅན་གྱི་དོན་ལ་རྩེ་གཅིག་ཏུ་གཞོལ་བས་འགྲོ་བ་རྒྱ་མཚོ་བཅུ་གསུམ་རྡོ་རྗེ་འཛིན་པའི་གྲོང་དུ་འཁྲིད་
པར་བྱེད་པ། རྣལ་འབྱོར་གྱི་དབང་ཕྱུག་རྗེ་བཙུན་ས་སྐྱ་བ་ཆེན་པོ་ཀུན་དགའ་སྙིང་པོ་ཞེས་སྙན་པའི་བ་དན་སྲིད་པ་གསུམ་ན་གསལ་བ་དེ་ཉིད་གཙང་ལ་སྟོང་གྲོམ་པ་ཁའུ་ཞེས་བྱ་བར་འཁྲུངས་ནས་ལོ་དྲུག་བརྒྱ་དང་བཞི་བཅུ་རྩ་བརྒྱད་བརྒལ་བའི་དུས་སོ། །ཤིང་བྱར་བསྐལ་པ་བཟང་པོ་འདི་ལ་འབྱོན་འགྱུར་གྱི་
རྒྱལ་བ་བདུན་པ་རབ་གསལ་ཉིན་ཤཱཀྱ་སེང་གེའི་ལུང་དང་རྟགས་པའི་བསྟན་པ་རིན་པོ་ཆེའི་དཔལ་དུ་འབྱོན་པའི་པཎྜི་ཏ་ཆེན་པོ་ཤཱཀྱ་ཤྲཱི་བོད་དུ་ཕེབས་པའི་དུས་དང་། རིག་པ་སྔགས་ཀྱི་མཐུ་གྲུབ་པའི་ངོ་མཚར་དཔག་ཏུ་མེད་པས་འགྲོ་བ་རྒྱ་མཚོ་དད་པའི་གནས་ལ་བཀོད་ནས་ཧོར་གྱི་རྒྱལ་ཁམས་སུ་ཡང་

213-1-296a

གྲགས་པའི་ཟླ་འོད་རྣམ་པར་གསལ་བ་ཀརྨ་པཀྴི་འཁྲུངས་པ། གཉིས་ཀ་ནས་ལོ་ལྔ་བརྒྱ་དང་སོ་གསུམ་འདས་སོ། །ཆུ་སྟག་ལ་མི་ནས་མིའི་སྐྱེ་བ་ཉི་ཤུ་རྩ་ལྔ་ལ་བར་མ་ཆད་དུ་འཇམ་པའི་དབྱངས་ཀྱིས་རྗེས་སུ་བཟུང་ནས། ཕྱི་དང་ནང་གི་རིག་པའི་གཞུང་ལུགས་རྒྱ་མཚོའི་ཕ་རོལ་དུ་སོན་
ཅིང་། ཡང་དག་པར་སྨྲ་བའི་དབང་ཕྱུག་ཆེན་པོ་ཆོས་ཀྱི་རྗེ་ས་སྐྱ་པཎྜི་ཏ་ཆེན་པོ་དེ་ཉིད་འཛམ་གླིང་དམ་པའི་ཆོས་ཀྱི་སྣང་བྱེད་དུ་འཁྲུངས་ནས་དགུང་ལོ་ལྔ་བཅུ་རྩ་གཅིག་ལོན་པ་ན། འཕགས་ཡུལ་རྡོ་རྗེ་གདན་ནས་དཔག་ཚད་བཅུ་དྲུག་བགྲོད་པ་མང་ཡུལ་སྐྱིད་གྲོང་གི་འཕགས་པ་ཝ་ཏིའི་གཙུག་ལག་ཁང་དང་
འདབ་འབྱོར་བའི་གནས་སུ། རྒྱ་གར་ལྷོ་ཕྱོགས་ཀྱི་ཆ་ནས་འོངས་པ་དབང་ཕྱུག་ཚངས་པའི་རྗེས་སུ་འབྲང་བའི་མུ་སྟེགས་གྱི་སྟོན་པ་འཕྲོག་བྱེད་དགའ་བ་ལ་སོགས་པ་རིག་པའི་གཙུག་ལག་མང་པོའི་མཐར་སོན་ནས། སངས་རྒྱས་བཅོམ་ལྡན་འདས་ཀྱི་གྲུབ་བའི་མཐའ་ཐམས་ཅད་ལ་རྣམ་པར་སྡང་
ཡང་། མཁས་པ་གཞན་གྱིས་ཕམ་པར་བྱ་བར་མ་ནུས་པའི་རྒོལ་བ་ངན་པ་དྲུག་ཡང་དག་པའི་ལུང་དང་རིགས་པས་སུན་ཕྱུང་སྟེ་རང་གི་བསྟན་པ་ལ་བཅུག་ནས། བཅོམ་ལྡན་འདས་ཀྱི་བསྟན་པ་ལ་ངན་སྨྲས་ཀྱི་རྨ་མེད་པར་མཛད་ནས་བགྲང་བྱ་ལྔ་བརྒྱ་དང་ལྔ་སྔོན་དུ་འདས་སོ། །ཤིང་མོ་ལུག་གི་ལོ་ལ་
འཕགས་པ་མཆོག་གི་ཡོན་ཏན་གྱི་རྩལ་ཡོངས་སུ་རྫོགས་ཤིང་ཁམས་གསུམ་འགྲོ་བའི་མགོན་པོར་གྱུར་པ་བློ་གྲོས་རྒྱལ་མཚན་དཔལ་བཟང་པོ་ཞེས་པ་གང་གི་ཐུགས་རྗེ་རྣམ་པར་ཡངས་པའི་ཕྲིན་ལས་ཀྱི་གདུགས་དཀར་པོ་ཐུར་མ་བརྒྱ་པ་གཅིག་གིས་ཤར་ཕྱོགས་ཀྱི་རྒྱ་མཚོའི་
མཐར་ཐུག་པ་ཡོངས་སུ་ཁྱབ་པའི་བདག་ཉིད་ཆེན་པོ་དེ། སྟག་སྟེ་རླུང་ཁུང་དུ་འཁྲུངས་ནས་དགུང་ལོ་བཅུ་དགུ་པ་ཆུ་མོ་གླང་གི་ལོ་ལ་སྟོབས་ཀྱི་འཁོར་ལོས་སྒྱུར་བ་ཤར་ཕྱོགས་གོང་མ་ཆེན་པོའི་རིགས་ཀྱི་ཅོད་པ་ན་གཅིག་པུར་མངའ་གསོལ་ཏེ་གསང་ཆེན་རྡོ་རྗེ་ཐེག་པའི་ལམ་
གྱི་རྩ་བ་དབང་བསྐུར་བ་ལེགས་པར་མནོས་ཤིང་། དབང་ཡོན་དུ་བོད་ཀྱི་ཆོལ་ཁ་གསུམ་ལ་སོགས་པ་ཕུལ་ནས་བོད་ཁམས་ཡོངས་ཀྱི་བདག་པོ་དཔལ་ས་སྐྱ་པར་གྱུར་ནས་བགྲང་བྱ་བཞི་བརྒྱ་དང་གྱ་བཞི་བརྒལ་ལོ། །ཆུ་ཕོ་སྟག་གི་ལོ་ལ་གསུང་རབ་ཀུན་གྱི་བཞེད་དོན་འདབ་མ་བརྒྱ་

213-1-296b

པའི་དགའ་ཚལ་མ་ལུས་པའི་ཁ་རྣམ་པར་འབྱེད་པའི་ལེགས་བཤད་ཉིན་མོར་བྱེད་པའི་སྣང་བ་ཆེན་པོ་འདེགས་པ་ལ་འཇིགས་མེད་སྨྲ་བའི་དབང་ཕྱུག་གྲུབ་པའི་མཁས་པ་ཆེན་པོ་བུ་སྟོན་རིན་ཆེན་གྲུབ་བལྟམས་ནས་ལོ་བཞི་བརྒྱ་དང་བཞི་བཅུ་རྩ་བདུན་སྔོན་དུ་འདས་སོ། །མེ་མོ་
བྱ་ལོར་ཟབ་མོ་སྟོང་པ་ཉིད་ཀྱི་ལྟ་བ་གཏན་ལ་འབེབས་པ་དང་ལེགས་པར་གསུངས་པ་དམ་པའི་ཆོས་འདུལ་བའི་བསྟན་པ་རིན་པོ་ཆེ་འཕེལ་བའི་ཕྱིར། རྗེ་བཙུན་འཇམ་དཔལ་གཞོན་ནུར་གྱུར་པ་ངུར་སྨྲིག་འཆང་བ་ཆེན་པོའི་གར་གྱིས་མངོན་པར་རྩེན་པ་རྗེ་བཙུན་བློ་བཟང་གྲགས་པ་
དེ་ཉིད་མདོ་སྨད་བཙོང་ཁའི་ཡུལ་དུ་སྐུ་བལྟམས་ནས་ལོ་སུམ་བརྒྱ་དང་བརྒྱད་ཅུའོ། །ཤིང་མོ་གླང་ལོར་ཛམྦུའི་གླིང་གི་ཡུལ་དང་། ཡུལ་གྲུ་དང་། ལྗོངས་དང་། གྲོང་ཁྱེར་ལ་སོགས་པ་འཛིན་མའི་དཀྱིལ་འཁོར་ཕལ་མོ་ཆེ་དག་རྫུ་འཕྲུལ་མཆོག་གི་རྐང་པའི་བགྲོད་པས་རྣམ་པར་
བཅགས་ཤིང་བྱིན་གྱི་རློབ་པ་དང་། ཁྱད་པར་ཡུལ་ལྗོངས་འདི་ན་སངས་རྒྱས་བཅོམ་ལྡན་འདས་ཀྱི་བསྟན་པ་དམ་པའི་ཆོས་བཤད་པ་དང་སྒྲུབ་པའི་ཕྲིན་ལས་ཀྱི་རྒྱུན་བཟང་པོ་རྟག་པར་གནས་པའི་ཆོས་གྲྭ་ཆེན་པོ་ལྷུན་གྲུབ་སྟེང་འདི་དང་པོར་འདེབས་པའི་ཐུགས་རྗེ་མཚུངས་
པ་མེད་པ་གྲུབ་པའི་དབང་ཕྱུག་ཆེན་པོ་ཐང་སྟོང་རྒྱལ་པོ་འཁྲུངས་ནས་བགྲང་བའི་གཞི་སུམ་བརྒྱ་དང་ལྔ་བཅུ་རྩ་དགུ་སྔོན་དུ་བརྒལ་ལོ། །ས་གླང་ལོར་རྗེ་བཙུན་བློ་བཟང་གྲགས་པས་སྟོབས་བཅུ་མངའ་བའི་བསྟན་པ་དར་བ་དང་། འགྲོ་བའི་ལེགས་བྱས་ཀྱི་ཕུང་པོ་སྤེལ་བའི་ཆེད་དུ་སྟོན་པས་ཆོ་འཕྲུལ་
བསྟན་པའི་དུས་ཆེན་ལ་ལྷ་སར་སྨོན་ལམ་གྱི་འདུ་བ་ཆེན་པོ་ཚུགས་པ་དང་། ཆོས་འདུལ་བསླབ་པའི་གཞི་རྙོག་པ་མེད་པ་ལ་འབད་པ་ལྷུར་བྱེད་པ་འཕགས་པའི་དགེ་འདུན་གྱི་བསྟེན་པའི་གནས་མཆོག་ཆོས་གྲྭ་ཆེན་པོ་རི་བོ་དགའ་ལྡན་གྱི་དགོན་པ་བཏབ་ནས་ལོ་སུམ་བརྒྱ་དང་ཉེར་བརྒྱད་འདས་སོ། །རྔ་ཆེན་ཆུ་
ཁྱིའི་ལོ་ལ་ཀུན་མཁྱེན་ཆོས་ཀྱི་རྒྱལ་པོ་ཀུན་དུ་དགྱེས་པར་སྐྱེད་པའི་འཆད་རྩོད་རྩོམ་པའི་ཕྲིན་ལས་རྣམ་པར་དག་པས། སྙིགས་མའི་དུས་འདིར་སངས་རྒྱས་བཅོམ་ལྡན་འདས་ཀྱི་ལུང་དང་རྟོགས་པའི་བསྟན་པ་རིན་པོ་ཆེ་ལ་རྒྱལ་བ་གཉིས་པའི་བྱ་བ་ཡང་དག་པར་བྱས་པའི་རྒྱལ་ཚབས་ཀྱི་སྐྱེས་བུ་

213-1-297a

ས་གསུམ་གྱི་ཁོངས་ན་མཚུངས་པ་མེད་པ་རྡོ་རྗེ་འཆང་ཀུན་དགའ་བཟང་པོ་ཞེས་ཡོངས་སུ་གྲགས་པ་དེ་ཉིད་དཔལ་ལྡན་ས་སྐྱར་ངོ་མཚར་བྱེ་བའི་ལྟས་ཀྱི་ཕུང་པོ་དང་ཆབ་ཅིག་ཏུ་བལྟམས་ནས། སྐུ་ལས་སྐྱེས་པའི་འོད་དང་འོད་ཟེར་གྱི་ཕྲེང་བ་མང་པོས་མུར་ཐུག་པ་མེད་
པའི་འཇིག་རྟེན་གྱི་ཁམས་རྒྱས་པར་དཀྲིགས་ཏེ། འཕྲོ་འདུ་འོད་ཟེར་གྱི་ཕོ་ཉ་མང་པོས་གཞན་དོན་དང་པོར་མཛད་པ་ནས་བརྩམས་ཏེ་ལོ་གྲངས་སུམ་བརྒྱ་དང་ལྔ་བཅུ་རྩ་བཞི་ཡོངས་སུ་བརྒལ་བའི་དུས་སོ། །ས་མོ་བྱ་ལོར་སྐྱེ་དགུ་རྒྱ་མཚོའི་ལས་ཉོན་གྱི་སྒྲིབ་པ་མ་ལུས་པ་སྦྱོང་བའི་གཉེན་
པོར་གྱུར་པ། སྡེ་སྣོད་རིན་པོ་ཆེ་རྣམ་པ་གསུམ་གྱི་བཤད་པ་དང་སྒྲུབ་པའི་བྱ་བ་གངྒཱའི་ལྷ་མོའི་རྒྱུན་དང་འདྲ་བའི་འབྱུང་གནས་སུ་གྱུར་པ། བོད་ཡུལ་དབུས་ཀྱི་རྡོ་རྗེའི་གདན་དམ་པ་ཤྲཱི་ཨེ་ཝཾ་ཆོས་ལྡན་གྱི་གནྡྷོ་ལ་ཆེན་པོ་ཁང་ཚན་གྱི་གཙུག་ལག་ཁང་དང་བཅས་པ་ལེགས་པར་བཏབ་ནས་
བགྲང་བྱ་བརྒྱ་ཕྲག་གསུམ་དང་ཉག་མ་བརྒྱད་འདས་སོ། །མེ་མོ་སྦྲུལ་གྱི་ལོར་མཁྱེན་རབ་རྫོགས་པའི་སངས་རྒྱས་ཉིད་དང་དབྱེར་མི་ཕྱེད་ཅིང་། དེའི་བཀའ་དོན་རབ་འབྱམས་ཀྱི་བརྗོད་པར་བྱ་བ་མ་ལུས་པ་སྡེབ་ལེགས་ཚིག་གི་རྒྱུད་མངས་སྙན་དགུ་རྫོགས་པར་སྒྱུར་བའི་ལམ་ནས་འདྲེན་པ་
ལ་འཇིགས་པ་མེད་པར་སྨྲ་བའི་རྒྱལ་པོ་འཇམ་པའི་དབྱངས་དཀོན་མཆོག་ལྷུན་གྲུབ་པ་དཔའ་ལྡན་ས་སྐྱར་འཁྲུངས་ནས་ལོ་ཉིས་བརྒྱ་དང་བཞི་བཅུ་སྔོན་དུ་བརྒལ་ལོ། །ཆུ་ཁྱིར་སྙན་བརྒྱུད་བསྟན་པའི་བདུད་རྩིའི་ཆུ་ཀླུང་མཐའ་དག་མཁྱེན་རབ་རྣམ་པར་ཡངས་པའི་གསུས་པར་བཟུང་ནས།
ལེགས་པར་གདམས་པའི་ཆུ་ཀླུང་གི་རྒྱུན་ཆེན་པོ་བྱེ་བ་བརྒྱ་སྟོང་འབེབས་ཤིང་གསང་ཆེན་བསྟན་པའི་སྲོག་ཟུང་འཚོ་བར་བྱེད་པ་ཚར་ཆེན་རྡོ་རྗེ་འཆང་བློ་གསལ་རྒྱ་མཚོ་འཁྲུངས་ནས་ལོ་ཉིས་བརྒྱ་དང་སུམ་ཅུ་རྩ་ལྔའོ། །མེ་འབྲུག་གི་ལོ་ལ་ཡོངས་སུ་གྲགས་པའི་བསྟན་འཛིན་གྱི་སྐྱེས་བུ་ཆེན་
པོ་རིམ་པར་བྱོན་པ་རྣམས་ཀྱིས་ཆོས་ཀྱི་འཁོར་ལོ་བསྐོར་ཞིང་། སུམ་ལྡན་རྡོ་རྗེ་འཛིན་པའི་དགེ་སྤོང་གི་དགེ་འདུན་རྒྱ་མཚོའི་རྡུལ་དང་མཉམ་པས་བསྟན་པའི་བྱ་བ་དྲི་མ་མེད་པས། མི་ནུབ་ཆོས་ཀྱི་རྒྱལ་མཚན་དམ་པ་མགོན་པོ་བྱམས་པའི་བསྟན་པ་མ་ཤར་གྱི་བར་དུ་བརྟན་པར་འཛུགས་པའི་ཆོས་

213-1-297b

གྲྭ་ཆེན་པོ་སྡེ་དགེ་ལྷུན་གྲུབ་སྟེང་གི་གནྡྷོ་ལ་བསམ་འགྲུབ་མཐོང་གྲོལ་ཆེན་པོ་བཞེངས་ནས་བགྲང་བྱ་བརྒྱ་ཕྲག་གཅིག་དང་ཉེར་གཅིག་གོ། །ས་ཁྱིའི་ལོ་ལ་འཁོར་འདས་ཐམས་ཅད་གཉིས་སུ་མེད་པའི་ཡེ་ཤེས་འོད་གསལ་བདེ་བ་ཆེན་པོའི་རང་བཞིན་དུ་ཤར་བ་སྡེ་དགེ་གྲུབ་ཐོབ་ཀུན་དགའ་རྒྱ་མཚོ་
དག་པའི་ཞིང་དུ་གཤེགས་ནས་བདུན་ཅུ་རྩ་དགུ། མེ་མོ་ལུགས་ལ་བསོད་ནམས་ཀྱི་གོམ་རླབས་ཆེན་པོས་འཛིན་མའི་དཀྱིལ་འཁོར་ཡངས་པ་ལ་མངའ་མཛད་པ་ས་སྐྱོང་བྱམས་པ་ཕུན་ཚོགས་བདེ་བར་གཤེགས་ནས་ལོ་བདུན་ཅུ་ཐམ་པ་འདས་སོ། །ཤིང་ཡོས་ཀྱི་གནམ་ལོ་ཚེས་པར་ཕྱི་ནང་
རིག་པའི་གཙུག་ལག་རྒྱ་མཚོ་འཛིན་ཅིང་། མཚུངས་པ་མེད་པའི་སྟོབས་ཀྱི་འཁོར་ལོས་སྒྱུར་བ་ཁྲི་ཆེན་སངས་རྒྱས་བསྟན་པས་སྡེ་དགེའི་གདན་སའི་ཁྲི་བསྐྱངས་ནས་ཟླ་བའི་ཕུང་པོ་དྲུག་ཅུ་རྩ་གཉིས་སོ། །ས་ཡོས་ཀྱི་ལོ་ལ་དེ་ཉིད་སྐུ་མཆེད་རྣམས་ཀྱི་ཐུགས་བསྐྱེད་རྨད་དུ་བྱུང་བའི་ཤིང་རྟས།
ཨེ་ཝཾ་ཆོས་ལྡན་གྱི་དགོན་པ་ནས། ཕྱི་ཐ་སྙད་རིག་པའི་གཞུང་ལུགས་ཐམས་ཅད་དང་ནང་མདོ་སྔགས་བསྟན་པའི་བདག་པོ་ཆེན་པོ་འཇམ་པའི་དབྱངས་སངས་རྒྱས་ཕུན་ཚོགས་པ་བོད་ཆེན་པོའི་ཡུལ་ལྗོངས་འདིར་སྤྱན་དྲངས་ཏེ་བསྟན་པ་དམ་པའི་སྒྲོན་མ་མངོན་པར་བཏེག་ནས་ལོ་སུམ་ཅུ་རྩ་
བརྒྱད་བརྒལ་ལོ། །རྣམ་རྒྱལ་ཞེས་པ་ཆུ་མོ་སྦྲུལ་གྱི་ལོ་ལ་བསྐལ་བ་དཔག་ཏུ་མེད་པའི་ལེགས་བྱས་ཀྱི་འབྲས་བུ་མཐའ་དག་སྨིན་པས། སྟོབས་བཅུ་མངའ་བའི་བསྟན་པ་རིན་པོ་ཆེ་ལ་སྨན་པའི་བྱ་བ་ལྷག་པར་བྱས་པའི་སྡེ་དགེ་རྒྱལ་པོ་བསྟན་པ་ཚེ་རིང་དེ་ཉིད་སྡེ་བཞིས་མངོན་བར་མཐོང་བའི་
གདན་སའི་ཁྲི་ལ་ཕེབས་ནས་སའི་སྟེང་ཐམས་ཅད་ཆོས་དང་མཐུན་པའི་ཕྲིན་ལས་ཀྱིས་བསྐྱངས་པའི་ཐོག་མ་ནས་ལོ་ཉི་ཤུ་རྩ་ལྔའོ། །ས་སྐྱོང་བསོད་ནམས་ལྡན་པ་དེའི་བླའི་མཆོད་གནས་སུ་རྗེ་བཙུན་ཨེ་ཝཾ་པ་ཆེན་པོའི་བསྟན་པའི་རྒྱལ་སྲིད་མཐོན་པོ་ལ་མཁས་པའི་ཕྲིན་ལས་ཀྱི་འཁོར་
ལོས་སྒྱུར་བའི་གདན་རབས་སུམ་ཅུ་པ་རྡོ་རྗེ་འཆང་བཀྲ་ཤིས་ལྷུན་གྲུབ་གྲགས་པའི་རྒྱལ་མཚན་དཔལ་བཟང་པོ་པ་མདོ་སྨད་ཀྱི་ཕྱོགས་འདིར་ས་ཕོ་སྤྲེའུའི་ལོ་ལ་སྤྱན་དྲངས་ནས་ཟླ་བའི་ཕུང་པོ་དགུ་སྔོན་དུ་སོང་ངོ་། །ས་མོ་བྱ་ལོར་དཔལ་ལྡན་འཇམ་པའི་རྡོ་རྗེ་གང་དེ་འོད་གསལ་འཆི་བ་མེད་པའི་

213-1-298a

རིགས་ཀྱི་སྐྱེ་བར་བཟུང་ནས་ལུས་མེད་ཐུལ་བ་མཆོག་གི་ལུང་རྟོགས་པདྨའི་དགའ་ཚལ་མཐའ་དག་ཅིག་ཅར་དུ་བཞད་པ་མིའི་ཉི་མ་ཆེན་པོ་དཔལ་ས་སྐྱ་པ་ངག་དབང་ཀུན་དགའ་བློ་གྲོས་བཀྲ་ཤིས་གྲགས་པའི་རྒྱལ་མཚན་དཔལ་བཟང་པོ་ཞེས་སའི་སྟེང་ན་གྲགས་
པའི་ཟླ་རིས་རྣམ་པར་གསལ་བ་འདི་ཉིད། དེང་གི་ལྷ་དང་བཅས་པའི་སྐྱེ་དགུ་མ་ལུས་པའི་མགོན་དུ་རྒྱལ་བུ་དོན་ཐམས་ཅད་གྲུབ་པ་བཞིན་དུ་དགེ་ལེགས་ཀྱི་མཚན་མ་འབུམ་གྱི་ཚོགས་དང་ལྷན་ཅིག་ཏུ་བལྟམས་ནས་བགྲང་གཞི་བཀྲ་ཤིས་པའི་གྲངས་དང་མཉམ་པ་བརྒལ་ལོ། །
ཆུ་གླང་གི་ལོ་ལ་མི་བདག་ཆེན་པོ་ཡབ་སྲས་རྣམས་ཀྱི་ཐུགས་བསྐྱེད་ཕུལ་དུ་བྱུང་བས། བཅོམ་ལྡན་འདས་ཐུབ་པའི་དབང་པོའི་བཀའ་གངས་ཅན་གྱི་བརྡས་དྲངས་པ་མཐའ་དག་གི་ངོ་མཚར་པར་གྱི་ལེགས་བྱས་རྒྱ་ཆེན་པོ་གང་དེ་རྒྱལ་ཁབ་འདི་ཉིད་དུ་མངོན་པར་བསྒྲུབས་ནས། འཇིག་
རྟེན་གྱི་ཁམས་སུ་ཆོས་ཀྱི་གཏོང་བ་མི་ཟད་པའི་སྒོ་ཐོག་མར་ཕྱེ་བ་ནས་བགྲང་གཞི་ཆུ་བོའི་གྲངས་ཀྱིས་སྔོན་དུ་འདས་སོ། །ཤིང་སྟག་ལ་དུས་གསུམ་གཤེགས་པའི་རྒྱལ་བ་རབ་འབྱམས་ཀྱི་གསང་བ་རྣམ་གསུམ་གཅིག་ཏུ་བསྡུས་པའི་སྒྱུ་འཕྲུལ་གྱི་རྣམ་པར་རོལ་པ་ཆེན་པོས་སེམས་
ཅན་གྱི་ཁམས་སུ་བླ་ན་མེད་པའི་བྱང་ཆུབ་ཀྱི་ས་བོན་རྨ་མེད་པར་འཇོག་པ་ལ་འགྲན་ཟླས་དབེན་པའི་མཁྱེན་རབ་དང་ཐུགས་རྗེ་ཆེན་པོ་དང་ནུས་པ་བསམ་གྱིས་མི་ཁྱབ་པའི་བདག་ཉིད་མཁན་ཆེན་ཐམས་ཅད་མཁྱེན་པ་དཔལ་ལྡན་ཆོས་སྐྱོང་བཀྲ་ཤིས་གྲགས་པའི་རྒྱལ་མཚན་དཔལ་བཟང་པོ་
འདི་ཉིད། རྒྱལ་བ་ཀུན་དགའ་བཟང་པོའི་ཞབས་སྟེགས་མི་འཇིགས་བཞི་ལྡན་གྱི་རྟགས་སུ་སེང་གེའི་ཁྲི་མཐོ་བ་གང་ལ་ཕེབས་ནས་ཟླ་བའི་ཕུང་པོ་རྩེ་མོའི་གྲངས་དང་མཉམ་པ་སྔོན་དུ་བརྒལ་ཞིང་། མེ་མོ་སྦྲུལ་ལོར་བོད་ཆེན་པོར་གྲགས་པའི་སའི་སྟེང་གི་དཀྱིལ་འཁོར་ཕལ་ཆེ་བ་
དག །དམ་པའི་ཆོས་ཚུལ་དགེ་བ་བཅུ་དང་མཐུན་པའི་ཕྲིན་ལས་དང་། སྟོབས་ཀྱི་འཁོར་ལོས་མངའ་བསྒྱུར་བ་ལ་མི་འཇིགས་ཤིང་། ཁྱད་པར་ཤར་ཕྱོགས་གོང་མ་ཆེན་པོའི་ལས་ལུང་གི་བཀོད་པ་བཙན་པོས་བོད་ཆེན་ལྗོངས་ཀྱི་སྐྱེ་འགྲོ་སྤྱིའི་རྗེ་བོར་མངའ་གསོལ་བའི་སྡེ་དགེ་ས་

213-1-298b

སྐྱོང་ཆེན་པོ་བསྟན་པ་ཚེ་རིང་ཞེས་གྲགས་པའི་རྔ་ཆེན་ཕྱོགས་བརྒྱར་ལྡིར་བ་དེ་ཉིད་ཀྱིས། ཡ་རབས་ཀྱི་ངང་ཚུལ་བཟང་པོ་ནམ་ཡང་མི་གཏོང་ཞིང་བྱེ་བྲག་ཏུ་གསང་ཆེན་རྡོ་རྗེ་ཐེག་པའི་དབང་བསྐུར་གྱི་དམ་ཚིག་རྡོ་རྗེའི་ར་བ་གཉེན་པོ་ལས་མི་འདའ་བ་རྣམས་ཀྱི་ནང་ནས་ཆེས་མཆོག་ཏུ་གྱུར་པ་ནི།
བླ་མའི་བཀའ་ལུང་གུས་པས་མཉན་པ་དང་། མཉན་པའི་དོན་ཚུལ་བཞིན་དུ་བསྒྲུབས་པའི་དམ་བཅའ་ལས་མི་འདའ་བ་ནི་བསྔགས་འོས་ཐམས་ཅད་ཀྱི་ནང་ནས་ཀྱང་ཆེས་མཆོག་ཏུ་གྱུར་པ་ཉིད་དུ་ལུང་དང་རིགས་པ་དང་མན་ངག་གི་གཏན་ཚིགས་མང་པོ་ཐུགས་ལ་སིལ་པར་བརྟེན། སྐབས་
དེར་མཁན་ཆེན་རྡོ་རྗེ་འཆང་ཆེན་པོ་བཀྲ་ཤིས་ལྷུན་གྲུབ་གྲགས་པའི་རྒྱལ་མཚན་དཔའ་བཟང་པོ་པའི་བཀའ་ལུང་གིས་ཇི་ལྟར་བསྐུལ་བ་ཞལ་གྱིས་འཆེས་ཏེ། ཀུན་མཁྱེན་ཉི་མའི་གཉེན་གྱི་བཀའ་ལུང་སྤྱི་དང་བྱེ་བྲག་གི་ཚིག་དོན་རྣམ་པར་འགྲེལ་བའི་བསྟན་བཅོས་འགྱུར་རོ་འཚལ་གྱི་ཆོས་
སྦྱིན་ཆེན་པོ་དེ་ཉིད་པར་དུ་བསྒྲུབས་པའི་མགོ་ཚུགས་ཙམ་ཞིག་མཛད་དོ། །དེ་ནས་བརྩམས་ཏེ་ཀུན་མཁྱེན་ཆོས་ཀྱི་རྒྱལ་པོས་ལེགས་པར་གསུངས་པའི་ཆོས་ཀྱི་ཚུལ་མཐའ་དག་འཇིག་རྟེན་གྱི་ཁམས་སུ་རིང་པོར་བརྟན་པར་བྱེད་པའི་བཀའ་ཁྲིམས་དང་ཕྲིན་ལས་ཀྱི་འཁོར་ལོ་ནོར་
འཛིན་མའི་དཀྱིལ་འཁོར་ཡངས་པར་འགྲོ་བ་ལ་བརྫི་བ་མེད་པའི་སྡོམ་བརྩོན་རྒྱལ་པོའི་ཚུལ་བཟུང་བའི་སྡེ་དགེ་བླ་མ་ཀུན་དགའ་ཕྲིན་ལས་རྒྱ་མཚོའི་སྡེ་ཞེས་ཡོངས་སུ་གྲགས་པ་འདི་ཉིད། དུས་དེར་གདན་སའི་ཁྲི་ལ་དངོས་སུ་ཕེབས་ཟིན་པ་མེད་ནའང་སྡོམ་བརྩོན་བླ་མ་རང་གྱི་བླ་ན་མེད་
པའི་བྱང་ཆུབ་ཀྱི་སྤྱོད་པ་མཐར་ཕྱིན་པར་བགྱི་བ་དང་། བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཐུབ་པའི་དབང་པོའི་བསྟན་པ་ཡོངས་སུ་རྫོགས་པ། ཕྱོགས་དང་ཕྱོགས་བྲལ་གྱི་ཁོ་ར་ཁོར་ཡུག་ཏུ་མ་ཁྱབ་པ་མེད་པར་བརྡལ་
བར་བགྱིའོ་སྙམ་པ་རྩེ་གཅིག་པའི་སྙིང་སྟོབས་ཀྱི་རྒྱ་མཚོ་ཆེན་པོ་རྣམ་པར་རྒྱས་ཤིང་། སྤྲོ་བ་མཆོག་གི་དབའ་རླབས་སྲིད་པའི་རྩེ་མོའི་བར་དུ་ལུད་པ་སྙམ་བགྱིད་པས་འཇིག་རྟེན་གསུམ་གྱི་མཆོད་སྡོང་བླ་ན་མེད་པར་གྱུར་པའི་རྟེན་བཞེངས་འདིའི་ཐོག་མཐའ་བར་གསུམ་དུ་འགྲུབ་པར་

213-1-299a

བྱེད་པའི་བདག་པོའི་རྐྱེན་སྦྱར་བ་འདིས་མཚོན་ཏེ། དཔལ་སའི་དབང་ཕྱུག་སྡེ་དགེ་ས་སྐྱེང་ཞེས་མཚན་གྱི་རོལ་མོ་ཕྱོགས་མཐའ་ནས་ཕྱོགས་མཐར་ཁྱབ་ཅིང་། རྣམ་འདྲེན་བཞི་པའི་བསྟན་པ་བླ་མ་ནས་བླ་མར་འདེགས་པའི་བྱ་བ་ཡང་དག་པར་བྱས་པའི་
ཡབ་མེས་གོང་མ་རྣམས་ཀྱི་བསྟན་ཇུས་ཆེན་པོ་གང་ཞིག་དགུང་དུ་བཏེག་པ་ན། ཡངས་པའི་རྒྱལ་ཁམས་ཐམས་ཅད་དུ་ཕན་བདེའི་གྲིབ་མ་ཙནྡ་ནའི་རེག་པ་ལྟར་བསིལ་བར་འབབ་པ་འདི་ཉིད་ཀྱི་བྱ་བའི་ཁུར་ཆེན་པོ་བཞེས་པའི་ཐོག་མར་གྱུར་པའི་གསར་ཚེས་ཀྱི་གནམ་ལོ། །སྟོན་
པ་ཡང་དག་པར་རྫོགས་པའི་སངས་རྒྱས་ཐུབ་པའི་དབང་པོའི་ཞལ་གྱི་ལུང་དང་མངོན་པར་རྟོགས་པས་བསྡུས་པའི་བསྟན་པ་ཡིད་བཞིན་གྱི་ནོར་བུ་རིན་པོ་ཆེ། འཇིག་རྟེན་གསུམ་གྱི་ཕན་པ་དང་བདེ་ལེགས་མ་ལུས་པ་འབྱུང་བའི་སྒོ་གཅིག་པུར་གྱུར་པ་གང་ཞིག །འཛམ་བུའི་གླིང་
འདིར་ལོ་ལྔ་སྟོང་དུ་གནས་པར་མཁས་པ་རྣམས་ལ་རབ་ཏུ་གྲགས་ཤིང་ལུང་དོན་རྣམ་པར་དག་པས་གསུངས་པ་དེ་ལས། སྟོན་པ་ཐུབ་པའི་དབང་པོ་མེ་ཕག་གི་ལོ་ལ་མྱ་ངན་ལས་འདས་པའི་ལུགས་ཀྱི་དུས་དེ་ནས་བརྩམས། དེང་མི་བདག་ཆེན་པོ་འདིས་ཐུགས་བསྐྱེད་དང་སྙིང་སྟོབས་རྨད་དུ་
བྱུང་བའི་མཐུ་ཆེན་པོས་མངོན་པར་བསྒྲུབས་པའི་ལེགས་བྱས་ཀྱི་ཕུང་པོ། རྟག་ཏུ་ཆོས་ཀྱི་སྦྱིན་པ་རྒྱུན་མི་འཆད་པར་བྱེད་པའི་འཕྲུལ་གྱི་མ་མོ་འདིའི་མགོ་བརྩམས་པ་ཡན་ཆད་དུ་འབྲས་བུའི་དུས་གསུམ་དང་། སྒྲུབ་པའི་དུས་གསུམ་སྟེ་སུམ་སྟོང་དང་། ལུང་གི་དུས་གསུམ་
ལས་མངོན་པའི་དུས་ཀྱི་ལྔ་བརྒྱ་ཕྲག་གཅིག་འདས་ནས། མདོ་སྡེའི་དུས་ཀྱི་ལྔ་བརྒྱ་ཕྲག་གཅིག་ལས་ཀྱང་སུམ་བརྒྱ་བདུན་ཅུ་ཐམ་པ་སྟེ། ཐམས་ཅད་བསྡོམས་པ་ལ་ནི་སུམ་སྟོང་དང་བརྒྱད་བརྒྱ་བདུན་ཅུ་ཐམ་པ་སྔོན་དུ་འདས་སོ། །དེའི་ལྷག་མར་གྱུར་པ་ནི་བརྒྱ་ཕྲག་གཅིག་དང་
སུམ་ཅུ་ཐམ་པ་དང་། འདུལ་བའི་དུས་ཀྱི་ལྔ་བརྒྱ་ཕྲག་གཅིག་དང་། རྟགས་ཙམ་འཛིན་པའི་དུས་ཀྱི་ལྔ་བརྒྱ་ཕྲག་གཅིག་སྟེ། མ་འོངས་པ་ན་བསྟན་པ་རྣལ་མའི་ལྷག་མ་དྲུག་བརྒྱ་དང་སུམ་ཅུ་ཡོད་པ་དང་། རྟགས་ཙམ་འཛིན་པ་ལྔ་བརྒྱ་ཕྲག་གཅིག་དང་བཅས་ན་སྟོང་ཕྲག་

213-1-299b

གཅིག་དང་ཆིག་བརྒྱ་སུམ་ཅུ་ཐམ་པ་མཆིས་སོ། །དེ་ལྟར་སྔོན་དུ་འདས་པའི་ཕྱི་མ་གསར་ཚེས་ཀྱི་གནམ་ལོ་དེ་ལ། དུས་འཁོར་བའི་རབ་བྱུང་བཅུ་གཉིས་པའི་ནང་གསེས་ཀྱི་འབོད་ཕྱོགས། འཕགས་པའི་ཡུལ་གྱི་སྐད་རིགས་རྣམ་པ་བཞི་ལས་སཾ་སྐྲྀ་ཏའི་སྐད་དུ་པིངྒ་ལ་སྟེ། སྟོད་
འགྲེལ་ལས་འབྱུང་བའི་བོད་སྐད་དུ་བསྒྱུར་བ་དམར་སེར་ཅན་དུ་གྲགས་པ། གཙུག་ལག་སྤོར་ཐང་གི་ལུགས་དང་མཐུན་པར་ཤར་ཕྱོགས་མ་ཧཱ་ཙི་ནའི་ཡུལ་དུ་ཏིང་ཟིར་འབོད་པ་གང་ཡིན་པ་སྟེ། དེའི་སྲོག་ནི་འོད་ཀྱི་ནོར་ཅན་རབ་ཏུ་འབར་བའི་དྲོད་ཀྱིས་འཚོ་བར་བྱེད་ཅིང་། ལུས་ཀྱི་
ཁམས་ནི་འོད་སྲུངས་བྱིན་གྱི་རང་བཞིན་དུ་བརྟན་པར་བྱས་པ། དབང་ཐང་ནི་པདྨ་རཱ་གའི་ཚོན་གྱིས་བཙོས་པའི་བགོ་བ་སྟུག་པོས་ལེགས་པར་བཀླུབས་པ། ཀླུང་ནི་ཨིནྡྲ་ནཱི་ལའི་ཁ་དོག་ཅན་གྱི་ཆུ་དར་དྲི་མ་མེད་པའི་སྐ་རགས་ཀྱིས་མཛེས་པར་བྱས་པ། ཕོ་བྲང་གླིང་དགུ་པའི་དབུས་སུ་ཀླུང་
གི་ཁ་དོག་དང་མཐུན་པའི་མེ་ལོང་གནས་པས་འབྱུང་བ་ཆེན་པོ་སུམ་ལྡན་དུ་གྱུར་པ། སྲོག་དང་དབང་ཐང་ཐ་དད་པར་མ་གྱུར་པའི་ཁ་ཡན་གྱི་ལོ་དང་། ལྷའི་བླ་མའི་ཀླུང་དང་ལྡན་པ་སྟེ། གང་ལ་དབང་ཐང་དང་བསྟུན་པའི་མིང་གི་བྱེ་བྲག་ལ་ནི་མེ་མོ་སྦྲུལ་ཞེས་འབོད་པའི་གནམ་ལོ་གང་
ཡིན་པ་དེ་ཉིད་དོ། །དེ་ལའང་ཉིན་མོར་བྱེད་པ་ལྷོ་དང་བྱང་དུ་བགྲོད་པ་གཉིས་ལས་ནི་གནོད་སྦྱིན་གྱི་བདག་པོས་ལེགས་པར་བསྲུངས་པའི་ཕྱོགས་ག་ལ་བ་དེ་ན་མངོན་པར་རྒྱུ་བས་དཀར་པོའི་ཕྱོགས་ཀྱི་བྱ་བ་ཐམས་ཅད་ལ་དགེ་བར་སྟེར་བ། ཞག་གི་ཕུང་པོ་བཅུ་གཉིས་ལས་ནི་ཛྱེཥྛ་སྟེ་
སྣྲོན་གྱིས་ཡོངས་སུ་ཉ་བའི་ཟླ་བའོ། །དུས་བཞི་ལས་ནི་གཉིས་སུ་མེད་པའི་དུས་ཀྱི་འཁོར་ལོའི་ལུགས་ལ་དབྱར་འབྲིང་པོ་ཉིན་མོར་བྱེད་པ་རགས་པར་ཡར་ངོ་སྔོན་དུ་འགྲོ་བ་འཁྲིག་པའི་ཁྱིམ། ཞིབ་པར་ཁྱུ་མཆོག་གི་ཁྱིམ་དུ་སྤྱོད་པའི་དུས་སོ། །གསོ་བ་རིག་པ་དང་ཧོར་ལུགས་རྗེས་སུ་
མཐུན་པའི་ཞག་གི་ཕུང་པོ་ལྔ་པར་འདོད་ཅིང་། གཙུག་ལག་སྤོར་ཐང་གི་ལུགས་ཀྱི་སྟོན་ར་བ། ཕུག་ཁྱུང་མཁས་པ་དེའི་རྗེས་སུ་འབྲང་བ་དང་བཅས་པའི་ནག་རྩིས་རྣམ་པར་དག་པའི་ལུགས་ལ་ཤིང་སྤྲེལ་ཆེ་བ། ཧོར་ལུགས་ལ་སོགས་པའི་ནག་རྩིས་པ་ཕལ་ཆེ་བས་ཆུ་རྟར་

213-1-300a

བཞེད་པའི་ཟླ་བ་སྟེ། དེ་ལ་ཡང་ཕྱོགས་ནི་རྣམ་པ་གཉིས་སུ་མཆིས་པ་ལས་དཀར་པོའི་ཕྱོགས་ཀྱི་རྫོགས་པ་གསུམ་པ་ལ་བབ་པ། དུས་འཁོར་བའི་ལུགས་ཀྱི་ཚེས་ལ་འཆར་བའི་དབྱངས་ཀྱི་ཡི་གེ་ནི་ལའོ། །གསལ་བྱེད་ཀྱི་ཡི་གེ་རགས་པ་ནི་ཊླའོ། །འབྱུང་བ་ནི་
སའི་ཁམས་སོ། །འདོད་པའི་ཡོན་ཏན་ནི་དྲི་ཉིད་དོ། །བཅོམ་ལྡན་འདས་ཐལ་བའི་དབང་པོའི་ལུགས་ཀྱི་དབྱངས་ཀྱི་ཡི་གེ་ནི་ཨོའོ། །གསལ་བྱེད་ཀྱི་ཡི་གེ་ནི་ཧའོ། །འབྱུང་བ་ནི་ཀུན་ལ་ཁྱབ་པ་ནམ་མཁའི་རང་བཞིན་ནོ། །འདོད་པའི་ཡོན་ཏན་གྱི་ཡུལ་ནི་སྒྲ་ཉིད་དོ། །གཉིས་ཀ་
མཐུན་པའི་དར་གུད་ནི་སྨིན་པའོ། །ཉི་མ་ནི་ཤིང་གི་ཁམས་དང་ལྡན་པའི་སྒྲ་བརྒྱ་པ་ཉིད་དོ། །སྤར་ཁ་དང་སྨེ་བ་དག་ནི་དྭ་དང་ཡབ་ལྷ་གདལ་དྲུག་གོ། །རེས་གཟའ་ནི་མཛའ་ལྷའི་གྲོགས་པོ་སྟེ། དེའང་རགས་པར་གུད་པ་དང་ཞིབ་པར་སྤྱི་ལུགས་ཀྱི་གྱོད་པ་སྟེ། དེ་ཉིད་རྣམ་
པར་དག་པ་གྲུབ་པའི་རྩིས་ཀྱི་ལུགས་ལ་རྒྱུ་སྐར་གྱི་ལྷ་ཨོ་ཨ་ནུ་རཱ་དྷཱའི་དགའ་སྟོན་ལ་བསུ་ཞིང་། ཆུ་ཚོད་ཕྱོགས་ཀྱི་གྲངས་དང་མཉམ་པའི་ཡུན་ལ་འཆི་བ་མེད་པར་བགྲུབ་པའི་སྦྱོར་བས་རྣམ་པར་རྩེ་བའོ། །དགེ་ལེགས་སྒྲུབ་པ་ལ་དགེ་བ་ཤས་ཆེ་བ་འཕེལ་བའི་ཉི་མ་ཡོད་པ། གཟའ་
དང་སྐར་མའི་སྦྱོར་འཕྲོད་ཉི་ཤུ་བརྒྱད་མཆིས་པ་ལས་གཞོན་གྱི་འཕྲོད་དང་། ཁམས་ཀྱི་སྦྱོར་བ་རྣམ་པ་བཅུ་ལས་ལང་ཚོའི་སྦྱོར་བ་དང་ལྡན་པའོ། །ཟླ་སྐར་གྱི་ལོངས་སྤྱོད་དེ་ལས་ཡོངས་སུ་བརྒལ་བ་ན། བསྡུས་པའི་རྒྱུད་ཀྱི་རྗེས་སུ་འབྲང་བ་བྱེད་རྩིས་དང་གཉིས་ཀ་མཐུན་
པར་སྣྲོན་གྱི་དགའ་མ་དང་རེས་གཟའ་ལྷག་པ་ལྷན་ཅིག་དུ་ཚོགས་ནས་བཀྲ་ཤིས་ཉི་མའི་དགའ་སྟོན་བཟང་པོ་ལ་ཅི་དགར་ལོངས་སུ་སྤྱོད་པའོ། །རྣམ་པ་གཅིག་ཏུ་ན་བྱ་རོག་གི་འཕྲོད་དང་ཁམས་ཀྱི་སྦྱོར་བ་ནི་ལང་ཚོ་དང་། བྱེད་པ་བཅུ་གཅིག་ལས་ནི་སྔ་ཆར་བིཥྚི་དང་། ཕྱི་ཆར་ས་བོན་
གདབ་བའོ། །རྟེན་ཅིག་འབྲེལ་པར་འབྱུང་བ་རྣམ་པ་བཅུ་གཉིས་ལས་ནི་སྐྱེ་མཆེད་ཉིད་དོ། །གཞན་ཡང་དུས་ཚོད་སའི་ཁམས་ལས་གྲུབ་པའི་འབྲུག་གིས་རྣམ་པར་རྩེ་བ་ལ་སོགས་པ་དགེ་ལེགས་འཛོམ་པའི་དུས་ཕུན་སུམ་ཚོགས་པ་སྟེ། འདི་དག་ནི་ཀུན་མཁྱེན་ཉི་མའི་གཉེན་གྱི་

213-1-300b

བཀའ་ལུང་རྣམ་པར་འགྲེལ་བའི་བསྟན་བཅོས་ཇི་སྙེད་པ་རྣམས་ཆོས་ཀྱི་སྦྱིན་པར་སྤེལ་བའི་མ་མོ་འདི་དག་ནམ་ཞིག་མགོ་བརྩམ་པའི་དུས་ཕུན་སུམ་ཚོགས་པ་ཉིད་དོ། །གསུམ་པ་པར་དུ་ཇི་ལྟར་སྒྲུབ་པའི་ཚུལ་ལ། མགོ་འཛིན་བཀོད་པའི་ཉེར་བསྡོགས་དང་། བྱ་བ་ལས་ཀྱི་འཁོར་
ལོ་གཉིས་ལས། དང་པོ་ནི། བྱང་ཆུབ་སེམས་དཔའི་སྤྱོད་པར་འཇུག་པ་ལས། གཞན་ལ་གཞན་བསྐུལ་འདེབས་མཁས་ཤིང་། །མ་བཅོལ་ཕན་པར་བྱེད་པའི་ངག །གུས་པས་སྤྱི་བོར་བླང་བགྱིས་ཏེ། །རྟག་ཏུ་ཀུན་གྱི་སྒྲོན་མེར་གྱུར། །ཞེས་པ་ལྟར་བརྩམ་པར་བྱ་བ་
གང་ཡིན་པ་དེ་ལས་ཉོག་ཏུ་མི་འགྲོ་བ་དང་། བྱས་པའི་རྗེས་སུ་སྒྲོས་གཙང་བ་ལ་སོགས་པ་མགོ་འཛིན་གྱི་བཀོད་པའི་ཉེར་བསྡོགས་ཁོ་ན་ལ་རག་ལས་པས། དེའང་གཟའ་སྐར་དང་དུས་ཚོས་ཕུན་སུམ་ཚོགས་པའི་ཉིན་དེ་ལ། དཔལ་མིའི་དབང་ཕྱུག་ཆོས་རྒྱལ་ཆེན་པོ་ཡབ་
སྲས་རྣམས་གདན་འཛོམ་པར་བཞུགས་པའི་དགོངས་པ་གཅིག་པས། བཀའ་ལུང་གི་བཀོད་པ་གཉེན་པོ་ཛམྦུ་ཆུ་བོའི་གསེར་གྱི་ཅོད་པན་དང་འདྲ་བར་རབ་ཏུ་ལྕི་ཞིང་གཟི་བརྗིད་ཆེ་བ་དག་གི་བཀོད་པ་འདི་ལྟར་སྩལ་ཏེ། དེ་ཡང་སྤྱིར་ཚུལ་འདི་དག་སྒྲུབ་པ་ལ་གཏོང་བ་མི་ཟད་ནམ་
མཁའ་མཛོད་ཀྱི་སྒོ་མང་པོ་འབྱེད་པ་དང་བསྡམས་པ་གཉིས་ཀ་ལ་གཞན་དྲིང་མི་འཇོག་ཅིང་། བླང་དོར་གྱི་གནས་རྣམས་ཡང་དག་པར་འདོམས་པ་ལ་རྣམ་གསལ་རིག་པའི་འཕྲུལ་སྒོ་ཅི་ཡང་འབྱེད་པར་ནུས་པའི་བཀའ་ལུང་གི་འཁོར་ལོས་སྒྱུར་བའི་འཕྲུལ་བློན་ཆེན་པོ་ལྟ་བུ་ཚེ་རིང་ཉིད་
གཙོ་བོར་བཞུགས་སུ་གསོལ་ནས། བྱེ་བྲག་ཏུ་དངོས་རྫས་ཀྱི་གཏོང་སྒོ་དང་ཚག་བསྡུ་ཐམས་ཅད་ཀྱི་ལས་འགན་རི་བོའི་ལྗིད་ཆེན་པོ་སྙིང་སྟོབས་ཀྱི་ཕྲག་པར་འདེགས་པ་དང་། ལས་བྱེད་པ་རྣམས་ཀྱི་བགྱི་བ་དང་བགྱི་བ་མ་ཡིན་པའི་ལེགས་ཉེས་ཚུལ་བཞིན་དུ་སྟོན་པའི་
མགོ་གཉེར་གྱི་གཙོ་བོར་གྱུར་པའི་སྐུ་ཚབ་པ་ནི་སྐུ་དོན་གཞན་དུ་བགྲོད་དགོས་པ་དང་སྙུན་གྱིས་ཟིན་པ་ལ་སོགས་པས་ཐོག་མཐའ་བར་གསུམ་དུ་བསྐོས་ཏེ། དེའང་འདི་ལྟ་སྟེ། ཐོག་མར་ཆོས་དང་སྲིད་པའི་གཙུག་ལག་གི་ཤེས་བྱ་མང་པོའི་གོ་འབྱེད་པའི་མཁྱེན་དཔྱོད་ནམ་

213-1-301a

མཁའི་ངོས་ལྟར་ཡངས་ཤིང་དད་དང་གཏོང་བའི་ནོར་དང་ལྡན་པའི་འཕྲུལ་གྱི་བློན་ཆེན་ཕྱག་མཛོད་གུ་རུ་བཀྲ་ཤིས་སོ། །བར་དུ་ཡི་གེ་འདྲི་ཀློག་དང་ཚེའི་རིག་བྱེད་དང་རྩིས་ཀྱི་རིག་པ་ལ་སྦྱངས་པ་མི་དམན་ཞིང་། ཕྱི་ཐག་རིང་དུ་ལྟ་བའི་བློ་གྲོས་ཀྱི་མིག་དཀྱུས་
ཐུང་དུར་མ་གྱུར་པའི་གཉེར་པ་ཨ་ཟློས་སོ། །དེའི་རྗེས་སུ་སྡོམ་པ་གསུམ་གྱི་བསླབ་པའི་གནས་ལ་རྟུན་པ་ལྷུར་བྱེད་ཅིང་། བྱ་བ་ཐམས་ཅད་དཀོན་མཆོག་རིན་པོ་ཆེ་བདེན་དཔང་དུ་བཞུགས་པའི་དྲན་ཤེས་དང་མ་བྲལ་བའི་སྤྱོད་པས་དོན་ཐམས་ཅད་མི་འགྲུབ་པ་མེད་ལ། གཅིག་ཏུ་
ཡིག་རྩིས་ཀྱི་རིག་པ་ལ་མཁས་པ་དགེ་སློང་ཚུལ་ཁྲིམས་རབ་བརྟན་ཏེ་དེ་རྣམས་རིམ་པ་ལྟར་བསྐོ་བར་མཛད་དོ། །ཇི་ལྟར་བསྐོས་པ་དེ་དག་གཙོ་བོར་བཞུགས་པའི་ཕྱི་དང་ནང་གི་བྱ་བ་ཆེ་ཕྲ་ཐམས་ཅད་ཀྱི་ཁུར་ལེན་བྱེད་པའི་གྲོགས་ལྡན་པ་ནི། བགྱི་བ་གང་དང་གང་ཡིན་པ་ཐམས་ཅད་ལས་
འབྲས་སྟོན་པའི་མདོ་སྡེའི་རྗེས་སུ་སྒྲུབ་ཅིང་། ངོ་ཚ་ཤེས་པ་ལ་སོགས་པ་ཡ་རབས་ཀྱི་ངང་ཚུལ་པ་གནས་པའི་བར་དཔོན་དགེ་སློང་རིན་ཆེན་བཀྲ་ཤིས་དང་། བློ་གྲོས་བརྟན་པ་དང་། དཔལ་ལྡན་རྒྱལ་མཚན་དང་། ངག་དབང་རིན་ཆེན་ཏེ་ཆོས་གྲོགས་བཞི་དང་། པར་གྱི་བཀྲམ་
བསྡུ་དང་བརྐོས་པ་མཁས་དམན་གྱི་ཁྱད་པར་དཔྱོད་པ་ལ་བློ་གྲོས་རྣམ་པར་གསལ་བ་གཟུངས་སྐྱབས་རྣམས་སོ། །ཞུས་དག་གི་དཔང་པོ་དང་ཡི་གེ་མཁན་ལ་སོགས་པའི་ལས་བྱེད་རྣམས་ཀྱི་ཁ་ཏ་བ་ནི། སྙོན་ལས་དང་རྨོངས་པ་ཆེན་པོའི་མཐར་ཐུག་པའི་རྣམ་པར་ཐར་པ་འདི་ནི་ཀུན་
གྱིས་མངོན་དུ་གྱུར་ཀྱང་། རིག་པའི་གནས་ལ་སྦྱངས་པའི་བག་ཆགས་ཅུང་ཟད་བཞག་པ་རྒྱུ་མཚན་དུ་བྱས་ནས། ལྡན་ཕྲུག་བདག་ལ་དགོས་ཚུལ་གྱི་བཀའ་ལུང་རབ་ཏུ་ལྕི་བ་སྤྱི་བོའི་རྒྱུན་དུ་བཅིང་བའི་སྒོ་ནས་ལས་བྱེད་རྣམས་ཀྱི་བཀོད་པ་ལེགས་པར་སྩལ་ཏོ། །ཇི་ལྟར་སྩལ་བའི་
བཀའ་དོན་ཐམས་ཅད་ཚུལ་བཞིན་བསྒྲུབས་པའི་ནུས་པ་རང་རང་ལ་བྱུང་ན་བྱང་ཆུབ་ཀྱི་སྤྱོད་པ་ལ་ཞུགས་པའི་མིའི་བདག་པོའི་བཞེད་པ་བསྒྲུབས་པའི་ལས་བྱས་པ་ཞེས་བྱ་བའི་གྲངས་སུ་འགྲོ་བ་དང་། མིའི་བདག་པོས་སངས་རྒྱས་བཅོམ་ལྡན་འདས་ཀྱི་བསྟན་པ་ཡུན་དུ་གནས་པའི་བྱ་བ་

213-1-301b

བྱེད་པ་ལ་རང་ཡང་ལས་བཟང་གི་འབྲེལ་བ་བཞག་པའི་སྐལ་བ་ཅན་དུ་འགྱུར་བ་དང་། མིའི་བདག་པོས་དགེ་བ་རྒྱ་མཚོ་ལྟ་བུ་བསགས་པའི་ནང་དུ་རང་གི་ལས་བཟང་ཆུའི་ཐིགས་པ་ཙམ་གྱི་རྒྱུན་ཡང་གནས་པར་འགྱུར་བ་དང་། དེང་སངས་རྒྱས་བཅོམ་ལྡན་འདས་ཀྱི་བསྟན་པ་
དམ་པའི་ཆོས་དང་མཇལ་ནས་དེ་ལ་ཕན་པའི་བྱ་བ་བྱས་པ་དམ་པ་དམ་པ་ཞེས་བྱ་བའི་གྲངས་སུ་འགྲོ་བ་ལ་སོགས་པས་ཚུལ་འདི་ལ་ཟླ་བ་མཐོང་བའི་ཆུ་གཏེར་བཞིན་དུ་སྤྲོ་བ་མཆོག་གིས་འཇུག་པར་མི་བྱེད་པ་ནི་སེམས་དང་ལྡན་པ་སུ་ཞིག །དེ་ལྟ་ནའང་ཁོ་བོ་ཅག་གི་ཡིད་ལ་འདི་ལྟར་རྟོག་པ་
ལ་ཞུགས་ཏེ། མ་ལ་ཕ་རོལ་གཟིགས་པ་ཆེན་པོ་རྣམས་ཀྱི་གསུང་རབ་ཟབ་ཅིང་བརླིང་བ་དག་གི་ཚིག་དང་དོན་གྱི་ཆ་ལ་ཁོ་བོ་ཅག་ལྟ་བུ་ཤེས་རྒྱུད་ཀྱི་སྒྲིབ་པ་སྟུག་པོའི་ཆ་བྲི་བ་ཙམ་ཡང་མ་གྱུར་པ་ཞིག་གིས། དག་པ་དང་མ་དག་པར་དཔྱོད་པའི་སྤོབས་པ་ནི་ནམ་མཁའི་མེ་ཏོག་གམ་
དབང་པོའི་གཞུའི་སྙིང་པོ་ལྟ་བུའོ། །གལ་ཏེ་གོ་རྟོགས་རང་དགའ་མའི་ཉག་ཕྲན་འཁྱལ་པ་ཏེ་འཕངས་ཀྱང་གསུང་རབ་ཟབ་མོའི་གནད་ལ་འབིགས་པའི་ཉེན་པ་འབྱུང་སྲིད་དམ་སྙམ་པ་ལ་སོགས་པ་དོགས་པ་ཆེ་བ་དང་། དེར་མ་ཟད་བཀའ་ལུང་གི་བཀོད་པ་ཇི་ལྟ་བ་བཞིན་དུ་བྱ་
བའི་ཁུར་ཆེན་པོ་འདི་དག་ཡང་དག་པར་འགྲུབ་བམ་འོན་ཏེ་མི་འགྲུབ་སྙམ་པའི་ཐེ་ཚོམ་གྱི་ཁྱོག་ལ་རིང་ཞིག་མཆོང་བར་གྱུར་ཏོ། །དེ་ལྟ་ནའང་མཁན་ཆེན་བསྟན་པའི་བདག་པོ་དེ་ཉིད་དང་། ས་སྐྱོང་བསྟན་པའི་སྦྱིན་བདག་སྟེ་མཆོད་ཡོན་ཆེན་པོ་ཉི་ཟླ་ཟུང་དུ་འབྲེལ་བ་ལྟ་བུའི་བཀའ་
ནན་བཟླས་ཏེ་ཕེབས་སོ། །ཇི་ལྟར་ཕེབས་པའི་བཀའི་ར་བ་དེ་ཉིད་ལས་རྣམ་པར་བརྒལ་བའི་རིག་པ་ཡང་དག་པ་ཞིག་ཀྱང་མ་རྙེད་པར་དེ་ལྟར་བགྱིད་པར་ཁས་འཆེས་ནས་བསྡད་པ་དེ་ལྟར་ལགས་སོ། །དེ་ལྟར་བྱ་བ་ལས་ཀྱི་འཁོར་ལོའི་ཉེར་བསྡོགས་ཀྱི་བཀོད་པ་ཇི་ལྟར་ཕེབས་པའི་ཉི་མ་
དེ་ཉིད་ནས་འདྲི་འདོན་གྱི་མགོ་བརྩམས་ཏེ། དེའང་དགོངས་འགྲེལ་རིན་པོ་ཆེ་འདི་དག་གི་བཞུགས་ཚུལ་ལ་ལྟོས་ནས་མཆོག་དམན་གྱི་རིམ་པས་བཞུགས་པས། ཐོག་མར་རྒྱུད་ཀྱི་འགྲེས་པ་ནས་འདྲི་བར་འོས་ནའང་། དེ་ཉིད་ཤིན་ཏུ་བཀའ་གཉེན་ཅིང་མཁའ་འགྲོའི་ཁུ་ལྡོག་

213-1-302a

ཆེ་བར་སེམས་ཤིང་། སྔོན་དུ་བར་ཆད་ཆུང་བའི་ཐབས་སུ་མཚན་ཉིད་ཐེག་པའི་དབུ་ནས་འདྲི་འདོན་གྱི་མགོ་ཉེ་བར་བརྩམས་སོ། །དེའང་ཇི་ལྟར་བརྩམ་པར་བྱ་བ་རྣམ་པར་དཀར་བའི་བགྱི་བ་གང་ཡིན་པ་ཐམས་ཅད་གེགས་མེད་ཉིད་དུ་མཐར་ཕྱིན་པར་བྱེད་པ་
ལ་ནི། བར་དུ་གཅོད་པ་སྲུང་བའི་ཐབས་ལ་ཤིན་ཏུ་འབད་པར་བྱ་དགོས་པའང་། མདོ་སྡུད་པ་ལས། རིན་ཆེན་ཆོས་ཀྱང་དཀོན་ལ་རྟག་ཏུ་འཚེ་བ་མང་། །ཞེས་དང་། ས་སྐྱ་པཎྜི་ཏས། རིན་ཆེན་ཆོས་ཀྱང་དཀོན་ལ་ནི། རྟག་ཏུ་འཚོ་བ་མང་ཞེས་གསུངས། །ཞེས་གསུངས་
པ་ལྟར་སྙིགས་མ་ལྔའི་མྱོས་བྱེད་ཀྱི་བཏུང་བས་ཀུན་ནས་མྱོས་པའི་སྐྱེ་བོ་མི་སྲུན་པའི་ཁྲོད་ན་ནོར་བུ་རིན་པོ་ཆེ་ལྟ་བུའི་དམ་པའི་ཆོས་དང་དེ་ཚུལ་བཞིན་དུ་སྒྲུབ་པའི་གང་ཟག་གཉིས་ཀ་དཀོན་པ་དང་། འགའ་ཞིག་འབྱུང་བ་རྣམས་ལ་ཡང་། སྐབས་དེར་བདུད་རིགས་རྣམས་ཀྱི་སྟོབས་
ཤིན་ཏུ་ཆེ་བར་གྱུར་བས། ཆོས་ལ་བར་དུ་གཅོད་པའི་རྣམ་པ་མང་དུ་འབྱུང་བར་འགྱུར་བ་དང་། ཁྱད་པར་དེང་གི་དུས་ན་བསྟན་པ་ལ་ལྷག་པར་སྨན་པའི་ཐུགས་བསྐྱེད་དང་། དེའི་བྱ་བ་ནི་འདི་ལས་རྒྱ་ཆེ་བའམ་མཆོག་ཏུ་སྟོབས་ཆེ་བ་འགའ་ཡང་བསྒྲུབ་ཏུ་མེད་པ་ལྟར་མཆིས་
ན། དེའི་ཚེ་གཞན་འཕྲུལ་དབང་བྱེད་ཀྱི་བདག་པོ་དེ་ཡང་རང་གི་སྟན་ལ་མི་དགའ་བར་འགྱུར་བ་དང་། སེམས་ཁོང་དུ་ཆུད་པར་འགྱུར་བ་དང་། རྟག་ཏུ་སྤྱད་པར་བྱ་བ་འདོད་པའི་ཡོན་ཏན་རྣམས་ལ་ཡིད་སྤྲོ་བ་མེད་པར་འགྱུར་བ་དང་། དེའི་གནས་སུ་ཡིད་དུ་འོང་བ་མ་ཡིན་པའི་སྒྲ་
ཆེན་པོ་འབྱུང་བར་གྱུར་ཏེ། ཀྱེ་མ་བདག་ལ་སླད་མའི་དུས་འདིར་ཡིད་ལ་མི་བཟད་པའི་ཟུག་རྔུ་རྩུབ་མོ་འདི་དང་ཡུལ་གྱི་མི་འདོད་པ་འདི་ལྟ་བུ་དག་འབྱིན་པའི་མཐུ་དང་ལྡན་པའི་འགྲོ་བ་ནི་འགའ་ཡང་ཡོད་པ་མ་ཤེས་ན། དེང་བདག་ལ་འཁོན་པའི་རྒྱུ་མེད་པར་སྡང་ཞིང་། ནམ་ཞིག་
ན་བདུད་ཀྱི་གནས་ཀྱང་སྟོངས་པར་བགྱིད་པ་ལ་ཡང་སྤྲོ་བ་དམ་པའི་ཤིང་རྟ་ལ་ཞོན་པའི་དགེ་བ་ཅན་སུ་ཞིག་སའི་སྟེང་ན་མཆིས་པར་མ་གྱུར་ཏམ་སྙམ་དུ་རྟོག་ཅིང་བརྟགས་པ་ལ་ཞུགས་སོ། །ཇི་ཙམ་ན་མིའི་བདག་པོའི་ལྷག་པའི་བསམ་པ་རྣམ་པར་དག་པའི་མཐུ་ལས་བྱུང་བར་ཤེས་

213-1-302b

ནས། དེ་ལ་བར་དུ་གཅོད་པར་རྩོམ་པ་ལ་མི་སྤྲོ་བ་མེད་པར་འགྱུར་ནའང་། སྡོམ་བརྩོན་མིའི་བདག་པོ་གང་གི་བསྐལ་པ་ནས་བསྐལ་པར་བསགས་པའི་བསོད་ནམས་ཀྱི་སྟོབས་ནི་དབྲོག་ཏུ་ནུས་པ་སུ་ཞིག །འོན་ཏེ་ད་ནི་བདག་གིས་དེའི་དགེ་བའི་སེམས་ཀྱི་རྒྱུན་ལམ་དེ་གང་དུ་
གནས་པ་དེ་ལེགས་པར་བརྟགས་ནས། དེར་བསླུ་བྱེད་ཀྱི་མདའ་རྣོན་པོ་མེ་ཏོག་གི་མདེའུ་དང་ལྡན་པ། རྣམ་པ་ནི་ཤིན་ཏུ་རྩུབ་མོ་མ་ཡིན་ན་ཡང་ནུས་པ་མཆོག་དང་ལྡན་པ་དེ་འཕངས་ལ། ཇི་ཙམ་ཞིག་གི་དུས་ན་དེའི་སེམས་དགེ་བའི་རྗེས་སུ་ཞུགས་པ་དེ་འཕྱང་མོ་ཉུག་གི་ལྕུག་ཕྲན་
ལ་ཞོན་པ་ཞིག་གམ། ཡང་ན་དགེ་བའི་ལས་དེ་ལས་ཐབས་ཀྱིས་འབྱོལ་ཞིང་རིམ་གྱིས་སྤྲོ་བ་མེད་པ་ཞིག་ཏུ་འགྱུར་བའི་ཐབས་དེ་ལྟ་བུ་ཞིག་བརྩམ་པར་བྱའོ་སྙམ་དུ་ཡིད་ལ་མི་བྱེད་པ་ནི་མི་སྲིད་པ་ཉིད་དོ། །དེ་ལྟ་ནའང་དེ་ཉིད་ལས་སྲུང་བར་བྱེད་པའི་ཐབས་ཀྱི་རྣམ་པ་གང་དག་ལ་
ཞུགས་པ་རྣམས་ནི་དེ་དང་དེའི་རིགས་ཅན་མང་པོ་གླགས་བལྟ་བར་བརྩམས་ཀྱང་གླགས་རྙེད་པར་འགྱུར་བ་མ་ཡིན་ཞིང་། ཁྱད་པར་གསང་བའི་སྔགས་དང་རིག་པའི་སྔགས་ཀྱི་རྣལ་འབྱོར་སྒྲུབ་པ་རྣམས་ལ་ནི་རྒྱལ་བས་རྒྱུད་སྡེ་རིན་པོ་ཆེ་རྣམས་ལས་ཉེ་བར་བསྟན་པའི་ཆོས་སྐྱོང་བའི་
སྲུང་མ་མཐུ་ཆེ་ཞིང་རྫུ་འཕྲུལ་ཆེ་བ། གཉིས་སུ་མེད་པའི་ཡེ་ཤེས་ཀྱི་རྡོ་རྗེ་གཉེན་པོ་རབ་ཏུ་གདེངས་པ་རྣམས་ནི་རྟག་ཏུ་ལུས་དང་གྲིབ་མ་འགྲོགས་པ་བཞིན་དུ་འགོ་ཞིང་བཅོལ་བ་མེད་པར་བདུད་དང་བདུད་ཀྱི་རིགས་ཅན་རྣམས་ཀྱི་གཤེད་མ་ཉིད་དུ་མངོན་པར་རྒྱུག་པ་ལ་རབ་ཏུ་དགའ་
ན། ཆེད་དུ་གཉེར་གཏད་ཅིང་ལས་སུ་བསྐོས་ན། བར་དུ་གཅོད་པའི་རི་རབ་ཀྱི་རྣམ་པ་ཉིད་ཀྱང་སྐད་ཅིག་དད་པོ་ནས་གཉིས་པའི་བར་དུ་གནས་པའི་གོ་སྐབས་མི་སྟེར་བ་ནི་འབྲས་བུ་གསང་བསྔགས་ཀྱི་ཐེག་པ་ཟབ་ཅིང་མྱུར་བའི་ཁྱད་པར་གྱི་ཆོས་ཉིད་དོ། །དོན་དེ་དག་
རྗེས་སུ་དྲན་ཅིང་ཐབས་ཀྱི་ཁྱད་པར་གང་དག་བརྩམས་པ་ལ་སྤྲོ་བས་ཞུགས་པའི་མི་བདག་ཆེན་པོ་ཆོས་ལ་སྤྱོད་ཅིང་ཆོས་ལ་བསྐུལ་བ་དེ་ཉིད་ཡབ་སྲས་ནས། ལས་འདི་གེགས་དང་བྲལ་བ་ཉིད་དུ་མཐར་ཕྱིན་པར་བྱེད་པའི་རྩ་ལག་ཏུ་ཆོས་སྐྱོང་བའི་སྲུང་མ་རྣམས་ལ་གཉེར་དུ་

213-1-303a

གཏད་ཅིང་བཀའ་བསྒོ་བ་གསོལ་བའི་ཕྱིར་ཟླ་བ་དེའི་དམར་ཕྱོགས་ཀྱི་རྒྱལ་བ་གཉིས་པ་སྟེ་མཁའ་འགྲོ་འདུ་བའི་དུས་ཚེས་ཁྱད་པར་ཅན་ལ་རྡོ་རྗེ་འཛིན་པ་ཀུན་གྱི་རྒྱལ་པོ་ཐམས་ཅད་མཁྱེན་པ་ཆེན་པོ་བཀྲ་ཤིས་ལྷུན་གྲུབ་གྲགས་པའི་རྒྱལ་མཚན་དཔལ་བཟང་པོ་དེ་
ཉིད་མགོན་ཁང་ཆེན་པོར་སྤྱན་དྲངས་ཏེ་ཇི་ལྟར་འདོད་པ་དེ་ལྟར་དུ་གསོལ་བ་བཏབ་པོ། །དེ་ཉིད་ནས་ཀྱང་ཇི་ལྟར་གསོལ་བ་བཞིན་དུ་བདག་ཉིད་ཆེན་པོ་དེ་གཙོ་བོར་བཞུགས་པའི་རྡོ་རྗེ་འཛིན་པའི་དགེ་སློང་ཉི་ཤུ་རྩ་ལྔས་ཉིན་གཅིག་གི་བར་དུ་བཞུགས་ཏེ། སྲུང་མའི་དབང་པོ་ཐམས་
ཅད་སྔགས་དང་ཕྱག་རྒྱ་དང་ཏིང་ངེ་འཛིན་གྱི་ནུས་པའི་ལྕགས་ཀྱུས་མངོན་སུམ་བཞིན་དུ་བཀུག་སྟེ་མདུན་དུ་བཀའ་ལུང་མཉན་གྱིན་འཁོད་དུ་གཞུག་གོ། །དེ་ལྟར་འཁོད་པ་དེ་དག་ལ། ཀྱེ་རྡོ་རྗེ་ལས། སེམས་ཅན་རྣམས་ཀྱི་སྲོག་བསྲུང་ཕྱིར། །རྡོ་རྗེ་སེམས་དཔས་གཏོར་མ་བསྟན།
ཞེས་གསུངས་པ་ལྟར་དངོས་སུ་བཤམས་པ་གྱ་ནོམ་པ་དང་། ཡིད་ཀྱིས་མངོན་པར་སྤྲུལ་བའི་མཆོད་པ་དང་གཏོར་མ་རྒྱ་ཆེན་པོ་མཉེས་པར་བྱས་ཏེ། བསྟན་པའི་སྦྱིན་བདག་པ་ཆེན་པོས་ཇི་ལྟར་བསྒྲུབ་པའི་བྱ་བ་རྒྱ་ཆེན་པོ། ཀུན་མཁྱེན་ཆོས་ཀྱི་རྒྱལ་པོའི་བསྟན་པའི་རྒྱལ་
མཚན་དམ་པ་འཇིག་རྟེན་གྱི་ཁམས་སུ་མི་ནུབ་ཅིང་ཡུན་དུ་བརྟན་པར་བྱ་བ་དང་། དེའི་རྒྱུད་ལ་དགེ་བའི་ཚོགས་རྣམ་པར་འཕེལ་བར་འགྱུར་བའི་ལས་འདི་ལ་བར་དུ་གཅོད་པ་མི་འབྱུང་བ་དང་ལས་མཐར་ཕྱིན་ཅིང་ཕན་བདེ་རྒྱ་ཆེན་པོ་འབྱུང་བའི་ཕྲིན་ལས་དང་སྟོང་གྲོགས་སུ་བསྒོ་བའི་
འདོད་པའི་དོན་གསོལ་བ་མཁན་པོ་ཆེན་པོ་ཉིད་ནས་བསྡེབས་ལེགས་ཚིག་གི་ཕྲེང་བ་གསར་དུ་སྤེལ་བར་མཛད་པ་དང་། དམ་ཚིག་གི་རྡོ་རྗེ་གཉེན་པོའི་རི་མོ་རྟག་ཏུ་མི་བརྗེད་པར་སྙིང་ལ་གསལ་བར་བྲིས་སོ། །གསུམ་པ་བྱ་བ་ལས་ཀྱི་འཁོར་ལོ་ལ། ཞུས་དག་གི་རིམ་
པས་ཡིད་རྟོན་པར་བསྒྲུབས་པ་དང་། དེ་ཉིད་བར་དུ་བསྒྲུབ་པར་རྩོམ་པ་དང་། བརྩམས་པའི་ལས་མཐར་ཕྱིན་པའི་ཚུལ་ལོ། །དང་པོ་ལའང་ཕྱི་མོ་གང་ལ་གཏུགས་པ་དང་། ཞུས་དག་ཇི་ལྟར་བྱས་པའི་ཚུལ་ལོ། །དང་པོ་ཕྱི་མ་གང་ལ་གཏུགས་པ་ལ། སྤྱིར་ས་ཆེན་པོ་

213-1-303b

ལ་གནས་པའི་བྱང་ཆུབ་སེམས་དཔའ་སེམས་དཔའ་ཆེན་པོ་སྙིང་རྗེའི་བདག་ཉིད་ཅན་རྣམས་ནི་རྟག་པར་སེམས་ཅན་ཐམས་ཅད་ལ་བུ་གཅིག་པ་ལྟར་བརྩེ་བའི་སྤྱན་རས་ཀྱིས་ཉིན་ལན་གསུམ་དང་མཚན་ལན་གསུམ་སྟེ་དུས་དྲུག་ཏུ་གཟིགས་པ་ལས་ནི་ནམ་ཡང་ཡོལ་བ་མི་མངའ་ཞིང་། གཟིགས་
པ་གང་གི་ར་བ་ན་འཇིག་རྟེན་གྱི་འགྲོ་བ་སུ་ཞིག་ནི་འཕེལ་བར་གྱུར། སུ་ཞིག་ནི་འགྲིབ་པར་གྱུར། སུ་ཞིག་ནི་དབུལ་བའི་དགོན་པར་འཁྱམས། སུ་ཞིག་ནི་གནོད་པ་དང་ལྷན་གཅིག་པར་གྱུར། སུ་ཞིག་ནི་ཉམ་ང་བའི་གཡང་དུ་རྒྱུ། སུ་ཞིག་ནི་སྡུག་བསྔལ་གྱིས་སྡུག་བསྔལ་བའི་ཁུར་
གྱིས་ནོན། སུ་ཞིག་ནི་སྡུག་བསྔལ་ལ་མངོན་པར་རྒྱུག །སུ་ཞིག་ནི་ངན་སོང་གི་ཐང་དུ་གཞོལ་ཞིང་འབབ། སུ་ཞིག་སྲིད་པའི་ཆུ་གཏེར་དུ་བྱིངས་པ་དེང་ངས་སྙིང་རྗེའི་ལག་པས་གདོན། སུ་ཞིག་སྡུག་བསྔལ་གྱི་སྲིད་པོས་གཙེས་པ་ལས་དེང་ངས་འཇིགས་པ་མ་མཆིས་པའི་
གནས་སུ་བསྐྱལ། སུ་ཞིག་འདོད་ཆགས་ཀྱི་མེས་གདུངས་པ་དེང་ངས་ཆགས་བྲལ་དམ་པའི་ཆོས་ཀྱི་ཆུས་དབང་བསྐུར་བར་བྱ། སུ་ཞིག་སྡང་སེམས་གདུག་པའི་སྦྲུལ་གྱི་ཟིན་པ་དེང་ངས་ཞི་བྱེད་གཉེན་པོའི་སྔགས་ཀྱིས་གསོ་བར་བྱ། སུ་ཞིག་རྣམ་པར་གཡེང་བའི་རླུང་གིས་
བདས་པ་དེང་ངས་རྩེ་གཅིག་སེམས་ཀྱི་སྟེགས་ལ་ངལ་བསོར་སྤྱོད་དུ་གཞུག །སུ་ཞིག་མ་རིག་པའི་སྨག་རུམ་དུ་ལྷུང་བ་དེང་ངས་ཡེ་ཤེས་ཀྱི་སྣང་བ་ཆེན་པོའི་སྒྲོན་མ་སྦྱིན་པར་བྱ། སུ་ཞིག་ལྟར་སྣང་བདེ་བའི་འཆིང་ཐག་གིས་བཅིངས་པ་དེང་ངས་ཡིད་འབྱུང་གཏམ་གྱི་སོར་མོས་བཀྲོལ་
ལ་གཏན་གྱི་བདེ་བའི་གྲོང་ཁྱེར་དུ་བཀྲི་བར་བྱ་སྙམ་དུ་རྩེ་གཅིག་པས་རྟོག་པར་ཞུགས་པ་ན། གངས་ལྡན་གྱི་རི་བོའི་ཕྲེང་བས་བསྐོར་བའི་ནོར་འཛིན་ཡངས་པའི་གཞི་ལ་བརྟེན་པའི་སྲོག་ཆགས་ཀྱི་ཚོགས་ཚད་མེད་ཅིང་གྲངས་མེད་པ་རྣམས། དམ་པའི་ཆོས་ཀྱི་སྣང་བས་མ་ཁྱབ་
པ། བླང་དོར་ལོག་པར་ཞུགས་པ། དུག་གསུམ་གྱི་སྡོང་པོ་རྒྱས་པ། མི་འདོད་ནའང་སྡུག་བསྔལ་མངོན་པར་རྒྱུག་པ། བདེ་བ་སྒྲུབ་པའི་ཐབས་ལ་མི་མཁས་ཤིང་མཐའ་འཁོབ་ཀྱི་མུན་པ་སྟུག་པོའི་ཁྲོད་དུ་འཕྱན་པ་རྣམས་རྣམ་པར་གཟིགས་སོ། །གཟིགས་ནས་

213-1-304a

ཀྱང་པདྨའི་མཚོ་ལ་ངང་པ་འཇུག་པ་བཞིན་དུ་གདུལ་དཀའི་མི་སྲུན་ཚོགས་ཀྱིས་ཡོངས་སུ་ཁྱབ་པའི་གདུལ་ཞིང་དེ་ན་བསམ་བཞིན་པར་སྲིད་པའི་དཔག་བསམ་དམ་པའི་སྐྱེ་བར་ཡོངས་སུ་བཟུང་བའི་སྔོན་གྱི་སྤྲུལ་པའི་རྒྱལ་བློན་རྣམས་དང་། དེ་དག་གིས་སྤྱན་
དྲངས་པ་དང་། སྔོན་གྱི་སྨོན་ལམ་བཟང་པོའི་ཕོ་ཉས་ཡོངས་སུ་བསྐུལ་ཏེ་བྱོན་པའི་འཕགས་ཡུལ་གྱི་པཎྜི་ཏ་ཆེན་པོ་ཤེས་བྱ་རིག་པའི་གཞུང་ལུགས་རབ་འབྱམས་ཀྱི་ཡུལ་ལ་རྣམ་པར་བལྟ་བའི་མཁྱེན་རབ་ཀྱི་མིག་དཀྱུས་ཐུང་ངུར་མ་གྱུར་པ་རྣམས་དང་། སྐད་གཉིས་སྨྲ་བའི་
ལོ་ཙཱ་བ་འཇིག་རྟེན་ཐམས་ཅད་ཆོས་ཀྱིས་སྣང་བར་བྱེད་ཅིང་། འཇིག་རྟེན་ཀུན་གྱི་མིག་ཏུ་གྱུར་པ་རྣམས་ཀྱིས། ཐུགས་བསྐྱེད་དང་རྟུན་པ་བརྒྱ་ཕྲག་དུ་མ་བརྩེགས་པའི་བཀའ་དྲིན་གྱི་ཤིང་རྟས། རྒྱ་གར་དང་། ཁ་ཆེ་དང་། ཟ་ཧོར་དང་། བལ་པོ་དང་། ལི་ཡུལ་དང་།
ཤམྦྷ་ལ་དང་། ཨོོ་ཌྱཱན་དང་། རྒྱ་ནག་ལ་སོགས་པ་རྣམས་ནས་བདེ་བར་གཤེགས་པའི་བཀའ་དང་། བསྟན་བཅོས་ཀྱི་རིགས་དཔག་ཏུ་མེད་པ་སྤྱན་དྲངས་ཏེ། གངས་ཅན་པའི་སྐད་དང་རྗེས་སུ་མཐུན་པའི་བརྡའི་ལམ་དུ་བསྒྱུར་བ་དང་། བཤད་པ་དང་། དཔྱད་
པ་གསུམ་གྱི་སྒོ་ནས་ལེགས་པར་གཏན་ལ་ཕབ་སྟེ། གངས་རིའི་ཁྲོད་འདིར་བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཤཱཀྱའི་རྒྱལ་པོ། ཤཱཀྱ་སེང་གེ། ཤཱཀྱའི་གཙོ་བོ། ཤཱཀྱའི་སྐྱེས་མཆོག་ཆེན་པོ་དེའི་བསྟན་པ་
དྲི་མ་མེད་པ་ཤིན་ཏུ་དར་ཤིང་རྒྱས་པར་མཛད་དོ། །དེ་དང་མཉམ་དུ་སྤྲུལ་བའི་རྒྱལ་བློན་ཆེན་པོ་རྣམས་ཀྱི་བདེ་བར་གཤེགས་པའི་བཀའ་ལུང་དགོངས་འགྲེལ་དྲི་མ་མེད་པ་དང་བཅས་པའི་གླེགས་བམ་གྱི་ཚོགས་བགྲང་གིས་མི་ལང་བ་མང་པོ་ཐུགས་དམ་གྱི་རྟེན་དུ་བཞེངས་ཏེ་མཆོད་
ཅིང་རྗེད་པ་དང་། ཉན་པ་དང་བཤད་པ་ལ་སོགས་པའི་སྲོལ་བཟང་པོ་ནམ་ཡང་བསུབ་ཏུ་མེད་པར་བཙུགས་སོ། །ཆོས་ལྡན་གྱི་རྒྱལ་པོ་སད་ན་ལེགས་མཇིང་ཡོན་གྱི་སྐུ་རིང་ལ། སྐད་གཉིས་སྨྲ་བའི་དབང་པོ་བནྡེ་དཔལ་བརྩེགས་རཀྵི་ཏ་དང་། དེ་ཝེནྡྲ་དང་། དཔལ་

213-1-304b

གྱི་ལྷུན་པོ་ལ་སོགས་པས་འཕང་ཐང་ཀ་མེད་ཀྱི་གཙུག་ལག་ཁང་ན་བཞུགས་པའི་གསུང་རབ་རྣམས་ལ། ཚེག་པར་བརྒྱད་ལ་རྐང་པ་གཅིག་ཏུ་བརྩིས་པའི་རྐང་པ་བཞི་ཚོགས་པ་ལ་ཤློ་ཀ་དང་། དེ་སུམ་བརྒྱ་ལ་སོགས་པ་ལ་བམ་པོའི་ཚད་དུ་བྱས་ཏེ། གཞུང་ཚད་དེ་ཉིད་
ཀྱིས་ལེགས་པར་གཞལ་བའི་ཐེམ་བྱང་མ་འཁྲུལ་བར་ཆོས་ཚན་འདི་དང་འདི་ལ་རྣམ་གྲངས་འདི་དང་འདི་བཀོད་པ་དཀར་ཆག་འཕང་ཐང་མར་གྲགས་པ་སྟེ། བོད་ལ་དམ་པའི་ཆོས་འགྱུར་རོ་ཅོག་ཕྱོགས་གཅིག་ཏུ་བསྒྲིགས་པའི་ཐོག་མར་འདི་ཡིན་པར་གྲགས་ཤིང་།
དེའི་རྗེས་སུ་སྒྲ་བསྒྱུར་གྱི་བནྡེ་དཔལ་བརྩེགས་དང་། འཁོར་ཀླུའི་དབང་པོའི་བསྲུངས་པ་ལ་སོགས་པས་སྟོང་ཐང་ལྡན་དཀར་གྱི་ཕོ་བྲང་ཆེན་པོ་ན་བཞུགས་པའི་གསུང་རབ་དང་བསྟན་བཅོས་བོད་ཀྱི་རྒྱལ་ཁམས་སུ་འགྱུར་རོ་འཚལ་བམ་པོ་དང་ཤློ་ཀའི་གྲངས་སུ་འདི་དང་འདི་
མཆིས་ཞེས་ངེས་པར་གཏན་ལ་ཕབ་ཟིན་པ་རྣམས་ཀྱི་མཚན་བྱང་དཀར་ཆག་ཏུ་བཏབ་པ་ལ་དཀར་ཆག་ལྡན་དཀར་མར་གྲགས་པ་བྱུང་། དེའི་རྗེས་སུ་བཙད་པོ་ཁྲི་ལྡེ་སྲོང་བཙན་ཕོ་བྲང་འོན་ཅང་གི་རྡོར་བཞུགས་པ་ན། ཉི་འོག་གི་མཁན་པོ་ཨཱ་ཙཱརྱ་ཛི་ན་མི་ཏྲ་དང་། སུ་རེནྡྲ་བོ་
དྷི་དང་། ཤཱི་ལེནྡྲ་བོ་དྷི་དང་། དཱ་ན་ཤཱི་ལ་དང་། བོ་དྷི་མི་ཏྲ་དང་། བོད་ཀྱི་མཁན་པོ་རཏྣ་རཀྵི་ཏ་དང་། དྷརྨ་ཏ་ཤཱི་ལ་དང་། ལོ་ཙཱ་བ་མཁས་པར་ཆུད་པ་ཛྙཱ་ན་སེ་ནཱ་དང་། ཛཱ་ཡ་རཀྵི་ཏ་དང་། མཉྫུ་ཤྲཱི་ཝརྨྨ་དང་། རཏྣེནྡྲ་ཤཱི་ལ་ལ་སོགས་པ་རྣམས་ཀྱིས་ཐེག་པ་ཆེ་ཆུང་ལས་འབྱུང་
བའི་རྒྱ་གར་གྱི་སྐད་ལས་བོད་ཀྱི་སྐད་དུ་བསྒྱུར་ཞིང་མིང་དུ་བཏགས་པ་རྣམས་དཀར་ཆག་ཏུ་བྲིས་ཏེ། ནམ་ཡང་གཞུང་ལུགས་དེ་ལས་མི་བསྒྱུར་ཞིང་ཀུན་གྱིས་བསླབ་ཏུ་རུང་བར་གྱིས་ཤིག་ཅེས་བཀའ་སྩལ་བར་བརྟེན། དེ་རྣམས་ཀྱིས་ཀྱང་རྒྱལ་བའི་གསུང་རབ་དང་བསྟན་བཅོས་ཀྱི་
རིགས་སྔར་བསྒྱུར་བ་རྣམས་སྐད་གསར་བཅད་ཀྱིས་གཏན་ལ་ཕབ། གསར་དུ་ཡང་མང་པོ་བསྒྱུར་ཞིང་ཞུས་ཏེ་གཏན་ལ་ཕབ་པོ། །སླན་ཆད་ཀྱང་དེ་ལས་མི་བསྒྱུར་བར་བཀས་བཅད་པ་སྒྲ་སྦྱོར་བམ་པོ་གཉིས་པ་མཛད། བསྟན་པ་ཕྱི་དར་གྱི་དུས་སུ་ཆོས་རྒྱལ་ཆེན་པོ་རྣམས་

213-1-305a

ཀྱི་ཐུགས་བསྐྱེད་དང་། ས་སྟེང་ན་ཉི་ཟླ་ལྟར་ཡོངས་སུ་གྲགས་ཤིང་གྲུབ་པའི་པཎྜི་ཏ་ཇི་སྙེད་བྱོན་པ་རྣམས་ཀྱི་སྐུ་དྲིན་དང་། སྐད་གཉིས་སྨྲ་བའི་དབང་པོ་སྤྲུལ་པའི་ལོ་ཙཱ་བ་ཆེན་པོ་རྣམས་ཀྱིས་གསུང་རབ་སྔར་བསྒྱུར་བ་རྣམས་ཀྱང་ཞུ་ནན་གྱི་སྒོ་ནས་བསྟན་
པ་རིན་པོ་ཆེ་སྒྲོ་སྐུར་གྱི་དྲི་མ་དང་བྲལ་བར་མཛད། སྔོན་ཆད་བོད་དུ་མ་བསྒྱུར་བའི་བཀའ་དང་བསྟན་བཅོས་ཀྱི་རིགས་དཔག་ཏུ་མེད་པ་ཡང་གསར་དུ་བསྒྱུར་ཅིང་ཞུ་བ་དང་། བཤད་པ་ལ་སོགས་པས་ལེགས་པར་གཏན་ལ་ཕབ་ནས་གངས་རིའི་ཁྲོད་འདིར་དམ་པའི་ཆོས་
ཀྱི་འབྱོར་པ་རྒྱ་ཆེ་ཞིང་ཟབ་པའི་ཚོགས་ཀྱིས་སྔོན་དུས་འཕགས་པའི་ཡུལ་དུ་ཇི་ལྟར་བྱུང་བའི་ངོ་མཚར་གྱི་ཕུང་པོ་ལ་འགྲན་པར་བཟོད་པའི་རང་བཞིན་དུ་གྱུར་ཏོ། །དུས་ཕྱིས་འཛམ་གླིང་བསྟན་པའི་སྒྲོན་མེ་དཔལ་ལྡན་ས་སྐྱའི་གདུང་བརྒྱུད་དྲི་མ་མེད་པ་རྣམས་ཀྱི་སྐུའི་ཞང་པོར་
གྱུར་པ། སྟོབས་ཀྱི་འཁོར་ལོས་སྒྱུར་བའི་རྒྱལ་པོ་ཆེན་པོ་སེ་ཆེན་གན་གྱི་བརྒྱུད་པ་དང་བཅས་པས་ལེགས་པར་བསྐྱངས་ཤིང་ཆེན་པོའི་གོ་སར་དབང་བསྐུར་བ། སྐུ་ཞང་ཆེན་པོ་གྲགས་པ་རྒྱལ་མཚན་གྱི་སྲས་ཀྱི་ཐུ་བོ་གཙུང་ལག་ཟུང་གི་མཁྱེན་རབ་རྣམ་པར་ཡངས་པའི་དཔོན་
ཆེན་པོ་ཀུན་དགའ་དོན་གྲུབ་ཀྱི་བསོད་ནམས་གསོག་པའི་རྟེན་དུ། བསྟན་བཅོས་འགྱུར་རོ་འཚལ་བཞེངས་པའི་དུས་སུ། ཆོས་གྲྭ་ཆེན་པོ་སྣར་ཐང་ན་བཞུགས་པའི་བསྟན་བཅོས་འགྱུར་རོ་ཚལ་ལ་མ་ཕྱིར་བཟུང་སྟེ། དེ་ཉིད་དུ་མ་བཞུགས་པའི་ཆོས་ཚན་རྣམས་དང་། གསར་
དུ་བསྒྱུར་བའི་བསྟན་བཅོས་ཀྱི་རིགས་རྣམས་དབུས་གཙང་གི་ཆོས་གྲ་ཆེ་ཆུང་རྣམས་ནས་འབད་པ་ཆེན་པོས་བཙལ་ཏེ། ཆོས་ཀྱི་རྣམ་གྲངས་སྟོང་ཕྲག་ཙམ་རྙེད་པ་བསྣན་པ་དང་བཅས་པའི་བསྟན་བཅོས་རིན་པོ་ཆེ་སྟོང་ཕྲག་གསུམ་དང་སུམ་བརྒྱ་དྲུག་ཅུ་རྩ་གཉིས་བཞུགས་
པའི་གླེགས་བམ་གྱི་ཚོགས་བཞེངས་ཏེ་ལེགས་བྱས་ཀྱི་རྒྱ་མཚོ་ཆེན་པོ་བསྐྱིལ་བར་མཛད་དོ། །དུས་དེར་གངས་ཅན་ཁྲོད་ན་ཡོངས་སུ་གྲགས་པའི་མཁས་པ་ཆེན་པོ་བུ་སྟོན་རིན་ཆེན་གྲུབ་ཅེས་པ། ཀུན་མཁྱེན་ཆོས་ཀྱི་རྒྱལ་པོའི་བསྟན་པ་ལ་རྒྱལ་ཚབ་ཆེན་པོའི་བགྱི་བ་བླ་ན་མེད་

213-1-305b

པ་བགྱིས་པའི་བསྟན་སྐྱོང་དགེ་བའི་བཤེས་གཉེན་ཆེན་པོ་དེས། ཆོས་ཀྱི་རྣམ་གྲངས་མཐའ་དག་གི་མཚར་བྱང་དང་། མཛད་འགྱུར་མཐའ་དཔྱད་དང་བཅས་པའི་སྒོ་ནས་གཏན་ལ་ཕབ་པའི་བསྟན་བཅོས་འགྱུར་རོ་འཚལ་གྱི་དཀར་ཆག་ནོར་བུ་རིན་པོ་ཆེ་དབང་གི་རྒྱལ་པོའི་ཕྲེང་བ་ཞེས་
པ་བརྩམས་སོ། །དེའི་རྗེས་སུ་བསོད་ནམས་དུ་མས་བསྐྱེད་པའི་སྟོབས་ཀྱིས་མངོན་པར་འཕགས་ཤིང་ཁྲིམས་གཉིས་ཀྱི་འཁོར་ལོས་སྒྱུར་བ་ཆེན་པོ་ཏའི་སི་ཏུ་ཆེན་པོ་བྱང་ཆུབ་རྒྱལ་མཚན་གྱིས་ཡུལ་དབུས་འགྱུར་འཆང་གིས་མཚོན་པའི་ས་ཕྱོགས་ཐམས་ཅད་དུ་བསྟན་པ་རྒྱས་པའི་ཕྱིར་
དང་། མི་བདག་ཆེན་པོ་རང་གི་རིགས་ཀྱི་ཅོད་པན་དམ་པ། དུས་གསུམ་སངས་རྒྱས་ཀུན་གྱི་ངོ་བོ་མཚུངས་མེད་ཆོས་ཀྱི་རྗེ་བསོད་ནམས་རྒྱལ་མཚན་དཔལ་བཟང་པོའི་ཞལ་སྔ་ནས་གཙོ་བོར་སྨོས་པའི་བསྟན་འཛིན་གྱི་སྐྱེས་བུ་དམ་པ་རྣམས་ཀྱི་སྐུ་ཁམས་བཟང་ཞིང་ཕྲིན་ལས་
རྒྱས་པར་བྱ་བའི་ཕྱིར་དང་། བདག་གཞན་ཐམས་ཅད་ཀྱི་རྒྱུད་ལ་ཚོགས་གཉིས་ཀྱི་དཔལ་འབྱོར་རྒྱ་ཆེན་པོ་བསྐྱེད་པའི་ཕྱིར་དང་། སྔོན་གྱི་རྒྱལ་བློན་བཟང་པོ་རྣམས་ཀྱི་རྣམ་པར་ཐར་པ་བསྐྱང་བར་བྱ་བའི་ཕྱིར། དཔལ་ཞ་ལུ་གསེར་ཁང་གི་གཙུག་ལག་ཁང་ན་བཞུགས་པའི་
བསྟན་བཅོས་འགྱུར་རོ་འཚལ་ཕྱི་མོར་བཟུང་སྟེ། དེར་མ་ཆུད་པའི་དཔེ་དཀོན་པ་ཕྱིས་སུ་རྙེད་པ་དང་། གསར་དུ་འགྱུར་བ་སུམ་ཅུ་རྩ་བརྒྱད་ཙམ་བསྣན་པ་དང་བཅས་པ་རྣམས་ལ་སྒྲོ་སྐུར་གྱི་མཐའ་སྤང་བའི་ཕྱིར། ལུང་རིགས་སྨྲ་བའི་དབང་པོ་ཤཱཀྱ་འོད་དང་། བྱང་
ཆུབ་རྒྱལ་མཚན་པ་རྣམས་ཀྱིས་ཞལ་ཏ་ལེགས་པར་མཛད་དེ། ཆོས་ཀྱི་རྣམ་གྲངས་སྟོང་ཕྲག་གསུམ་དང་བཞི་བརྒྱ་ཉི་ཤུ་རྩ་དགུ་བཞུགས་པའི་གླེགས་བམ་གྱི་ཚོགས་རྣམས་བཞེངས་ཏེ། ཀུན་མཁྱེན་བུ་སྟོན་ཆེན་པོས་སླར་བསྣན་པ་རྣམས་དང་བཅས་པ་དཀར་ཆག་
ཏུ་བཏབ་སྟེ། དེའི་དཀར་ཆག་ཡིད་བཞིན་གྱི་ནོར་བུ་རིན་པོ་ཆེའི་ཟ་མ་ཏོག་ཅེས་བྱ་བ་བརྩམས་སོ། །ཡང་བླ་ན་མེད་པའི་སྟོབས་དང་འབྱོར་པ་རྒྱ་མཚོའི་མཆེད་ཟླར་གྱུར་པ་ལ་དབང་འབྱོར་ཞིང་། བཅོམ་ལྡན་འདས་ཤཱཀྱའི་རྒྱལ་པོའི་བསྟན་པ་གོང་མ་ནས་གོང་མར་འདེགས་པའི་སྙིང་

213-1-306a

སྟོབས་བསྒྲུན་དུ་མེད་པའི་བདག་ཉིད་ཅན་གྱི་རྒྱལ་པོ་ཆེན་པོ་ཨ་མགོན་བཟང་པོ་དང་། སྙིགས་མའི་དུས་ཀྱི་ཐམས་ཅད་མཁྱེན་པ་ཆེན་པོ་རྡོ་རྗེ་འཆང་ཀུན་དགའ་བཟང་པོ་ཉིད་གློ་བོར་སྤྱན་འདྲེན་པར་མཛད་དེ། བཀའ་དང་དགོངས་འགྲེལ་གྱི་བསྟན་བཅོས་འགྱུར་
རོ་འཚལ་རྣམས་བཞེངས་པ་ན། དེའི་སྒྲིག་རིམ་དང་གཞུང་དོན་འགའ་ཞིག་ཐེ་ཚོམ་ཅན་ཡིན་མིན་གྱི་མཐའ་དཔྱད་དང་བཅས་པ་ལེགས་པར་མཛད་དེ། མཚན་ཉིད་ཐེག་པའི་བསྟན་བཅོས་འགྱུར་རོ་འཚལ་དང་། རྡོ་རྗེ་ཐེག་པའི་བསྟན་བཅོས་འགྱུར་རོ་འཚལ་གྱི་དཀར་ཆག་
གཉིས་མཛད་དོ། །གཞན་ཡང་ལྷ་སྲས་མུ་ནེ་བཙན་པོའི་སྐུའི་ཡང་སྲིད་དུ་ལུང་གིས་ཟིན་པ་སྡེ་སྲིད་མིའི་དབང་པོ་སངས་རྒྱས་རྒྱ་མཚོ་ཞེས། དོན་དུ་དཔལ་ལྡན་འཇམ་པའི་དབྱངས་ཀྱིས་རྗེས་སུ་བཟུང་བའི་པཎྜི་ཏ་ཆེན་པོ། ཤེས་བྱ་རིག་པའི་གཞུང་ལུགས་མཐའ་དག་གང་གི་མཁྱེན་
རབ་ཀྱི་མེ་ལོང་གཅིག་ཏུ་རྣམ་པར་བཀྲ་ཞིང་། ཇི་ལྟར་བཀྲ་བའི་རྣམ་པ་གང་དག་ཚུལ་བཞིན་དུ་འདོམས་པ་ལ་ཐོགས་པ་མི་མངའ་བའི་མཁྱེན་རབ་དང་ངག་གི་དབང་ཕྱུག་བརྙེས་པ་ཆེན་པོ་དེས། རང་གི་རིགས་ཀྱི་ཅོད་པན་ཆེན་པོ། ཚངས་སྲས་བཞད་པའི་རྡོ་རྗེ་ངག་དབང་བློ་
བཟང་རྒྱ་མཚོ་འཇིགས་མེད་གོ་ཆ་ཐུབ་བསྟན་ལང་ཚོའི་སྡེ་ཞེས་པ། སྙིགས་མའི་དུས་ཀྱི་ཐམས་ཅད་མཁྱེན་པ་ཆེན་པོར་གྱུར་པ། གངས་ཅན་ཁྲོད་ཀྱི་གྲུབ་པའི་མཐའ་གསར་རྙིང་རིས་མེད་ཀྱི་བསྟན་པ་མ་ལུས་པའི་གཙུག་རྒྱན་ཆེན་པོ་དེ་ཉིད་ཞབས་ཀྱི་པདྨ་མི་འགྱུར་རྡོ་རྗེའི་ཁྲི་ལ་
བརྟན་པར་བཞུགས་པའི་རིམ་གྲོར་དམིགས་ནས། འཕྱོང་རྒྱས་འཕྱིང་བར་སྟག་རྩེའི་ཕོ་བྲང་དུ། ཞ་ལུ་གསེར་ཁང་གི་གཙུག་ལག་ཁང་གི་བསྟན་བཅོས་འགྱུར་རོ་འཚལ་ལ་ཕྱི་མོར་བགྱིས་ནས་ཡར་ལུང་པས་བཞེངས་པའི་བསྟན་བཅོས་འགྱུར་རོ་འཚལ་ཉིད་ལས་རིམ་པར་
བརྒྱུད་དེ་མཆེད་པའི་བུ་དཔེ་ཆོས་སྡེ་ཆེན་པོ་དཔལ་ལྡན་འབྲས་སྤུངས་དང་། སེ་ར་ཐེག་ཆེན་གླིང་དང་། ར་ས་འཕྲུལ་སྣང་གི་གཙུག་ལག་ཁང་དང་། འཕྱོང་རྒྱས་ལ་སོགས་པར་བཞུགས་པའི་ཕྱི་མོ་རྣམས་དང་། དེར་མ་བཞུགས་པ་བུ་སྟོན་རིན་པོ་ཆེ་ནས་དེང་སང་གི་

213-1-306b

བར་གྱི་གསར་འགྱུར་དང་། མདོ་དང་སྔགས་དང་། རིག་གནས་ཀྱི་དཔེ་རྙིང་ཁུངས་བཙུན་པ་སྔར་མ་ཆུད་པ་རྣམས་དང་བཅས་པའི་ཁྱོན་བདུན་བརྒྱ་དང་བརྒྱད་ཅུ་ཙམ་བསྣན་པས། ཁྱོད་བསྡོམས་པར་ཆོས་ཀྱི་རྣམ་གྲངས་སྟོང་ཕྲག་བཞི་དང་ཉིས་བརྒྱ་དགུ་ཙམ་བསགས་
པ་ལ། མ་ཕྱིར་སྡེབ་ཀྱི་ཞུ་ཆེན་པ་རྣམ་གླིང་པཎ་ཆེན་དཀོན་མཆོག་ཆོས་གྲགས་ཀྱིས་གཙོས་པའི་བརྡ་དག་དང་རིག་པའི་གནས་ལ་བྱང་ཆུབ་པ་རྣམས་ཀྱིས་བགྱིས་ཏེ་བཞེངས་ནས། དེའི་དཀར་ཆག་འཇིག་རྟེན་གསུམ་གྱི་བདེ་སྐྱིད་པད་ཚལ་བཞད་པའི་ཉིན་བྱེད་ཅེས་བྱ་བ། རྒྱལ་
བའི་དབང་པོ་ཐམས་ཅད་མཁྱེན་པ་ལྔ་པ་ཆེན་པོས་བརྩམས་སོ། །དེ་ལ་སོགས་པ་སྔོན་གྱི་མཁས་པ་ཆེན་པོ་ཐུབ་དབང་བསྟན་པའི་རྩ་ལག་དམ་པར་གྱུར་པ་རྣམས་ཀྱིས། ལན་གྲངས་དུ་མའི་བར་དུ་བརྡ་དང་དོན་གྱི་ཞུས་ཆེན་ལན་གྲངས་མང་པོས་ལེགས་པར་གཏན་ལ་ཕབ་
སྟེ། དེ་དག་ལས་མཆེད་པའི་དཔེ་རྒྱུན་མང་པོ་རྣམས་ནི་ཡུལ་དབུས་གཙང་གི་ཕྱོགས་ཀྱི་གདན་ས་ཆེན་པོ་རྣམས་སུ་དར་རྒྱས་ཤིན་ཏུ་ཆེ་བར་བཞུགས་ནའང་། མདོ་སྨད་ཀྱི་ལྗོངས་འདིར་སྔོན་དུས་དགོངས་འགྲེལ་འགྱུར་རོ་འཚལ་གྱི་གླེགས་བམ་ཡོངས་སུ་ཚང་བའི་འདྲི་སྲོལ་ཆེ་བ་
ཞིག་མ་བྱུང་བ་ལྟ་བུས། ཕྱི་མོར་བཏུབ་པའི་དཔེ་རྒྱུན་ནི་ཤིན་ཏུ་དཀོན་པ་ཙམ་སྣང་བ་ལས། རྒ་སྟོད་ཀྱི་ཕྱོགས་ན་རྒ་ཨ་གཉན་དམ་པ་ཞེས་པ། ཁམས་གསུམ་ཆོས་ཀྱི་རྒྱལ་པོ་ཆེན་པོ་དཔལ་ས་སྐྱ་པ་འཕགས་པ་བློ་གྲོས་རྒྱལ་མཚན་དཔལ་བཟང་པོ་པའི་གསུང་ལས་སྐྱེས་པའི་
སློབ་མའི་ཐུ་བོར་གྱུར་པ། དཔལ་ལྡན་རྡོ་རྗེ་འཆང་གི་གསང་བའི་སྔགས་ཀྱི་རྣལ་འབྱོར་ལེགས་པར་གྲུབ་པའི་རྟགས་སུ། གང་གི་སྐུ་དང་གསུང་དང་ཐུགས་ཀྱི་གསང་བ། མི་ཕྱེད་རྡོ་རྗེ་གསུམ་གྱི་ཁམས་སུ་བརྟས་པའི་བྱིན་རླབས་མེ་དཔུང་གི་ཚ་ཚ་རེས་ཀྱང་། ཆུ་སྲིན་རྒྱལ་མཚན་
ཅན་སྡེ་དང་བཅས་པ་བསྐལ་བ་བརྒྱ་ཕྲག་མང་པོའི་ཕ་རོལ་དུ་ཡང་གནས་པའི་གོས་འཕྲོག་པ་ལ། ཅུང་ཟད་ཀྱང་བསྙེལ་བ་མི་མངའ་བའི་དཔའ་བོ་ཆེན་པོར་གྱུར་ཏེ། དེའི་གྲགས་པ་ཆེན་པོ་ཧོར་རྒྱལ་ཁམས་སུ་ཡང་ཨ་གཉན་པཀྵི་ཞེས་ཀུན་དུ་ཡོངས་སུ་གྲགས་པའི་སྐྱེས་བུ་ཆེན་པོ་

213-1-307a

ཞིག་བྱུང་ངོ་། །དེ་ཉིད་གང་ལས་བྱོན་པའི་རིགས་ཀྱི་དབོན་དུ་གྱུར་པ་ཞིག་གིས་རྒྱུ་རྐྱེན་ཕུན་སུམ་ཚོགས་པར་སྦྱར་ཏེ། ཞ་ལུ་གསེར་ཁང་གི་གཙུག་ལག་ཁང་ན་བཞུགས་པའི་བསྟན་བཅོས་འགྱུར་རོ་འཚལ་ཕྱི་མོར་བཟུང་ཞིང་ཡི་གེའི་རིག་བྱེད་པ་རྣམས་
བསགས་ནས་བཞེངས་པའི་བསྟན་བཅོས་འགྱུར་རོ་འཚལ་གྱི་གླེགས་བམ་རྣམས་དང་། ཞྭ་དམར་ཅོད་པན་འཆང་བ་རིམ་པར་བྱོན་ལས་བཞི་པར་གྱུར་པ་ཤཱཀྱའི་སྲས་ཀྱི་བསྟན་པ་སྣང་བར་བྱེད་པའི་ཉི་མ་ཆེན་པོ། དཔལ་ལྡན་ཆོས་ཀྱི་གྲགས་པའི་བདག་རྐྱེན་ལ་བརྟེན་ནས།
འཕྱིང་བར་སྟག་རྩེའི་ཕོ་བྲང་དུ་མངོན་པར་བསྒྲུབས་པའི་བསྟན་བཅོས་འགྱུར་རོ་འཚལ་ལས་དཔེ་བྱས་ནས། ཀརྨ་སི་ཏུ་རིན་པོ་ཆེ་ཆོས་ཀྱི་འབྱུང་གནས་ཞེས་པ། ཐམས་ཅད་མཁྱེན་པའི་ཡོན་ཏན་རྒྱ་མཚོའི་འཇུག་ངོགས་སུ་གྱུར་བའི་རིག་པའི་གནས་ལྔ་ཡན་ལག་དང་བཅས་པ་
ཚུལ་བཞིན་དུ་མཁྱེན་ཅིང་། མཁྱེན་པ་ཐམས་ཅད་ཀྱང་རྗོད་བྱེད་དྲི་མ་མེད་པའི་ལམ་ནས་འདོམས་པ་ལ་མི་འཇིགས་པའི་མཁས་པ་ཆེན་པོ་དེ་ཉིད་ཀྱི་བདག་པོའི་རྐྱེན་སྦྱར་ཏེ་བཞེངས་པའི་བསྟན་བཅོས་འགྱུར་རོ་འཚལ་དང་། དུས་གསུམ་མཉམ་པར་གཟིགས་པའི་ཡེ་ཤེས་ཀྱི་
འདྲེན་བྱེད་དཀྱུས་སུ་རིང་བར་གྱུར་པའི་རྒྱལ་དབང་ཀརྨ་པ་མཐོན་ཀ་ཆེན་པོའི་ཅོད་པན་གྱིས་གཙུག་ཏོར་མཛེས་པར་སྤྲས་པའི་སྐྱེས་བུ་དམ་པ་རིམ་པར་བྱོན་པ་ནས། ཀརྨ་པ་ཡེ་ཤེས་རྡོ་རྗེའི་བར་ལ་ཐུགས་དམ་རྟེན་དུ་བཞུགས་པ་ལ། དུས་ཕྱིས་འགྲམ་ཟླ་མེད་པའི་སྟོབས་
ཀྱི་འཁོར་ལོས་སྒྱུར་བའི་མི་བདག་སའི་ཚངས་པ་སྡེ་དགེ་བསྟན་པ་ཚེ་རིང་ལ་བསོད་ནམས་གསོག་པའི་རྟེན་དུ་ལེགས་པར་སྩལ་བའི་བསྟན་བཅོས་འགྱུར་རོ་འཚལ་དང་། ས་བདག་ཆེན་པོ་རང་གི་ཕྱག་མཆོད་ཀྱི་ཞིང་དུ། མཐིང་ཤོག་ལེགས་པར་བསྟར་བའི་གཞི་མ་ལ་རིན་པོ་ཆེ་
དངུལ་དཀར་ཟླ་བའི་གྲོགས་པོ་འདུལ་སྦྱངས་ལེགས་པར་བགྱིས་པའི་ཁུ་བས་ཤིང་ཏུ་གཟབས་པར་དྲིས་པའི་བསྟན་བཅོས་འགྱུར་རོ་འཚལ་དང་། གཞན་ཡང་བྱམས་ཆོས་ལྔ་ལ་སོགས་པ་པར་མ་ཐོར་བུ་བ་རྣམས་གང་འབྱོར་བྱས་ཏེ། ཞུ་དག་གི་མ་ཕྱིའི་ཆེད་དུ་མངོན་པར་

213-1-307b

འདུ་བགྱིས་སོ། །གཉིས་པ་ཞུ་དག་ཇི་ལྟར་བྱས་པ་ནི། དེ་ལྟར་མངོན་པར་འདུ་བགྱིས་པའི་ཕྱི་མོ་དེ་རྣམས་ཀྱི་ནང་ནས་རྒ་ཨ་གཉེན་པ་ནས་བྱུང་བའི་བསྟན་བཅོས་ཀྱི་དཔེ་ནི་མདོ་ཕྱོགས་ཀྱི་སྐོར་རྣམས་དང་། རྒྱུད་འགྲེལ་ཉུང་ཤས་ཤིག་ཤིན་ཏུ་དག་ཅིང་ཡིད་བརྟན་རུང་བ་ཁོ་ན་
མཆིས་ཀྱང་། དེ་ལས་གཞན་པའི་རྒྱུད་འགྲེལ་རྣམས་དང་། བརྡ་སྤྲོད་རིག་པའི་སྐོར་དང་། ཚད་མ་རིག་པའི་སྐོར་ནས་ཕལ་ཆེར་ཕྱིས་སུ་འཐོར་གོད་དུ་སོང་བས་མ་ཚང་བ་མང་ཞིང་། ཁ་འཐོར་ལུས་པ་རྣམས་ཀྱང་རྗེས་མ་ཞིག་གིས་ཁ་སྐོང་ཐོན་ལོ་ཙམ་བྱས་པའི་གྲས་
སུ་སོང་བས། ཡི་གེ་མཁན་མཁས་པོ་མ་བྱུང་བ་དང་ཆད་ལྷག་མང་པོ་ཡོད་པའི་སྐྱོན་གྱིས་ཡིད་རྟོན་འཆར་བཏུབ་པ་མང་པོ་མ་བྱུང་བས་ཅུང་ཟད་ཙམ་ལས་ཕན་སྐྱེད་ཆེན་པོ་ཐུབ་པ་མ་བྱུང་ངོ་། །དེ་བཞིན་དུ་ཀརྨ་པས་སྩལ་བའི་གླེགས་བམ་གྱི་ཚོགས་རྣམས་བཟོ་བཀོད་ཀྱི་
རྣམ་པ་ནི་མིག་གི་དགའ་སྟོན་ཆེན་པོ་ཁོ་ནར་བཞུགས་ཀྱང་། ཡི་གེ་པས་བྲིས་ཟིན་ནས་ཞུས་དག་སོང་བའི་རྗེས་ཅི་ཡང་མེད་པས་ཆད་ལྷག་ཤིན་ཏུ་མང་བ་དང་། རིག་པའི་གནས་ཀྱི་བསྟན་བཅོས་སྐོར་ནི་ཉུང་ཟད་ཅིག་ལས་གཞན་ལྟར་རྒྱས་པར་མ་བཞུགས་པ་དང་། སྐབས་
འགར་ཡིག་མཁན་མཁས་པོ་མ་བྱུང་བའི་ལག་རྗེས་སུ་སོང་བས་ཀློག་པ་ལ་ཡང་བཀའ་ཚེགས་མ་ཆུང་ཙམ་འབྱུང་བ་ཁོ་ནར་བཞུགས་པས་ཡིད་རྟོན་བཏུབ་པ་ཞིག་མ་བྱུང་། འོན་ཀྱང་སྔ་དུས་ཞིག་ནས་གྱེས་པའི་དཔེ་རྒྱུན་གཞན་ཞིག་ལས་བྲིས་པ་ཡིན་ནམ་སྙམ་པ་
གོ་རིམས་འཁྲུགས་པའི་མཚམས་དང་། སྐབས་འགའ་ཞིག་ནས་ཅུང་ཟད་དེ་ཕན་པ་བྱུང་ངོ་། །སྡེ་དགེ་ཉིད་ཀྱིས་བཞེངས་པའི་དངུལ་བྲིས་ཅན་ནི་དཔེ་མ་བུར་སོང་བས་བུམ་ཆུ་ཡར་འབྱོ་མར་འབྱོར་ཙམ་ལས་ཕན་སྐྱེད་ནུས་པ་ཅི་ཡང་མ་བྱུང་ངོ་། །དེ་རྣམས་ཀྱི་
ནང་ནས་སི་ཏུ་རིན་པོ་ཆེའི་བསྟན་བཅོས་འགྱུར་རོ་འཚལ་འདི་ཚང་ཞིང་རྒྱས་པ་དང་། མཚན་ཉིད་ཐེག་པའི་སྐོར་དང་སྔགས་ཀྱི་ཐེག་པའི་སྐོར་གྱི་སྐབས་འགར་འདི་ཉིད་གྲགས་པ་བྱུང་བས་གཙོ་བོར་བཟུང་བ་ཡིན་ནོ། །འོན་ཀྱང་འདིའི་ནང་ནའང་ཚད་མའི་སྐོར་

213-1-308a

ལ་སོགས་པ་འགའ་ཞིག་ཏུ་ཡི་གེ་པས་བསླད་སྐྱོན་ཆེ་བས་ཆད་ལྷག་དང་བྲི་ནོར་བྱུང་བ་ཤིན་ཏུ་བརྟག་དཀའ་བ་མང་དུ་མཆིས་ཀྱང་། མ་ཕྱི་གཞན་ལའང་དེ་མཚུངས་ཁོ་ན་ལས་མེད་པས་ཅུང་ཟད་རེ་ལས་ཕན་སྐྱེད་ཆེན་པོ་མ་བྱུང་ཞིང་། དེ་
ལས་གཞན་པའི་མ་ཕྱི་ཡིད་ཆེས་པ་གཞན་དང་བསྟུན་པའི་ཡབ་ཡང་ཁམས་ཕྱོགས་འདི་ནས་ཤིན་ཏུ་རྙེད་དཀའ་བར་བཅས། དོགས་གནས་ཆེ་ཙམ་མཆིས་ཀྱང་སོར་བཞག་གོ། །ཇི་སྐད་སྨོས་པའི་ཕྱི་མོ་དེ་རྣམས་ཀྱང་འགའ་ཞིག་ནི་དཔེ་རྒྱུན་གཅིག་པར་སོང་
བ་དང་། ཁ་ཅིག་ནི་རང་བློ་དབང་དུ་མ་གྱུར་པ་ཐམས་ཅད་ཀྱི་ཆོས་ཉིད་ཡིན་པ་ལྟར། ཡི་གེ་པ་དང་། དག་བྱེད་པའི་བློ་བྱིང་བ་དང་། རྨུགས་པ་དང་། ཧ་ཅང་འཕྲོ་རྒོད་དུ་གྱུར་པའི་དབང་གིས་ཆད་ལྷག་ཏུ་སོང་བའི་རྒྱུན་འབྱམས་ཏེ། ཆད་པ་ལ་ཆད་མཉམ་
དང་། ལྷག་པ་ལ་ལྷག་མཉམ་བྱུང་བ་དང་། སྐབས་འགའ་ཞིག་ཏུ་ནི་ཚིག་དང་དོན་གྱི་ཆ་ལ་སྐྱོང་དུ་ཞུགས་པ་དངོས་སུ་མཐོང་བར་བྱུང་བ་རྣམས་དང་། ཕྱིས་ཀྱི་ཞུ་དག་མཁན་གང་ཟག་རང་སྟོབས་ཀྱིས་དཔྱོད་ཚུལ་མི་འདྲ་བའི་དབང་དུ་བཏང་བས་བཅོས་ནོར་སོང་བ་རྣམས་
ལ་བརྟག་དཔྱད་བྱེད་པའི་ཚུལ་གྱིས་འབྱིན་འཇུག་འོས་པ་རྣམས་གང་ཤེས་བྱས་སོ། །སྐབས་ཁ་ཅིག་ཏུ་ནི་གོང་འོག་གི་གོ་རིམས་རྣམ་པར་འཁྲུགས་པ་དང་། དོན་མི་སྟོན་པར་རྫོབ་པོར་སོང་བ་དང་། ཚིག་དང་དོན་གྱི་བྱ་བ་ལ་ཐེ་ཚོམ་ཟ་བའི་རིགས་ཅན་རྣམས་ལ་ནི། བཀྲལ་
བར་བྱ་བའི་བཀའ་དང་བསྟན་བཅོས་གང་ཡིན་པ་དེ་དང་དེ་ལ་གཏུགས་ནས་བཅོས་སོ། །ལ་ལ་ནི་མཛད་པ་པོ་ཐ་དད་པའི་གཞུང་འགྲེལ་གཞན་ལས་འབྱུང་བ་རྣམས་དང་ཡང་བསྟུན་ནས་གང་ལ་ངེས་པར་ཤར་བ་དེ་དང་དེའི་ཐད་ནས་བཅོས་ཤིང་། དེ་དག་གིས་ཀྱང་ངེས་
པ་མ་བྱུང་བ་རྣམས་ནི་རེ་ཞིག་དཔྱད་པར་བྱ་བའི་གནས་སུ་བཞག་གོ། །ཁྱད་པར་སྔགས་ཀྱི་ཚིག་འབྲུ་རྣམས་ནི་སྤྱིར་བསྟན་བཅོས་འདི་དག་གི་ནང་ནས་ཀུན་ལ་རྒྱུག་ཆེ་བའི་དཔེ་ཚན་འགའ་རེ་མིན་པ། སྔོན་ཆད་པར་དུ་བརྐོ་བའམ་ཚིག་གི་བྱི་དོར་བྱེད་པ་ཉུང་བ་ལྟར་

213-1-308b

གྱུར་བ་དང་། གླེགས་བམ་དུ་བྲིས་པའི་རྒྱུན་རྣམས་ཀྱང་ཕལ་ཆེ་བ་དག་ནི་ཡི་གེ་གཤར་དུ་བྲིས་པ་ལ་དཔེ་བྱས་པ་ཤས་ཆེ་བར་བྱུང་བའི་རྟགས་སུ། དཔེར་ན་ཡིག་འབྲུ་ཏ་ར་དང་། པ་ས་དང་། དྷ་ཧ་དང་། ཊ་སྡེ་དང་ཏ་སྡེ་ལྟ་བུ་ཕན་ཚུན་འབྲུ་ནོར་བྱུང་བ་དང་།
བརྩེགས་པ་གལ་རིམ་དུ་ཤོར་བ་ལ་སོགས་པའི་འབྲུ་ནོར་ཅུང་ཟད་རེས་རྐྱེན་བྱས་ཏེ། མེ་སྟག་ཆུང་དུ་ལས་མཆེད་པས། ནགས་ཚལ་ཆེན་པོ་མེར་སྤར་བ་བཞིན་དུ་རིམ་གྱིས་རྒྱ་མིན་བོད་མིན་དུ་གྱུར་པའང་མང་དུ་མཆིས། དེ་དག་ལས་འདྲི་མཁན་དང་ཀློག་མཁན་
གཉིས་ཀས་ཀྱང་དག་སྣང་སྦྱོང་བ་ཙམ་མ་གཏོགས། རྟོག་དཔྱོད་རིག་པའི་སྲང་མདས་གཞལ་འདེགས་མ་གྲུབ་པར་བཏང་སྙོམས་སུ་ལུས། དེ་ལས་རྒྱུན་འབྱམས་སུ་སོང་བ་ཤིན་ཏུ་དཔྱོད་དཀའ་བར་མཆིས་སོ། །འོན་ཀྱང་སཾ་སྐྲྀ་ཏའི་སྐད་ཀྱིས་ཡིན་པའི་སྔགས་
རྣམས་ནི་ཕལ་ཆེར་རྒྱུད་གཞུང་དང་བརྡ་སྤྲོད་པའི་ལུགས་གཉིས་ཀ་དང་བསྟུན་ནས་རང་བློར་གང་ངེས་པ་རྣམས་ནི་ཅི་ནུས་ཀྱིས་བཅོས། སྔགས་བཏུ་ལས་འབྱུང་བ་རྣམས་ནི་དེ་ཉིད་ཀྱིས་ངེས་པར་བྱས། ཅིས་ཀྱང་ཐེ་ཚོམ་དང་བྲལ་བར་མ་ནུས་པ་རྣམས་ནི་སླར་ཡང་བརྟག་པར་བྱ་
བའི་ཡུལ་དུ་བཞག །པི་ཤ་ཙི་དང་། ཨ་ཝ་བྷྲཾ་ཤ་དང་། པྲ་ཀྲྀ་ཏའི་སྐད་ཀྱིས་ཡིན་པ་རྣམས་དང་། ཤིན་ཏུ་གསང་བ་བརྡའི་སྐད་ཀྱིས་ཡིན་པ་སྔགས་ཀྱི་ཚིག་ལེགས་པར་སྦྱར་བའི་སྐད་དང་མཐུན་པར་བཅོས་སུ་མི་བཏུབ་པ་རྣམས་ནི་ཕྱི་མ་མཐུན་པ་ཤས་ཆེ་བ་རྒྱུ་མཚན་
དུ་བྱས་ནས་སོར་བཞག་པ་དང་བཅས་ཏེ་ཞུས་སོ། །གངས་ཅན་སྐད་ཀྱི་བརྡ་རྣམས་ཀྱང་། དཔལ་ཁང་པ་ཆོས་མཛད་ལོ་ཙཱ་བས། སོ་སོ་རིག་བཞི་ས་དགུ་པ། །མ་ཐོབ་དེ་སྲིད་ཆོས་ཀུན་གྱི། །ངེས་ཚིག་ཤེས་མིན་དེ་ཡི་ཕྱིར། །མཐའ་དག་སྡེབ་སྦྱོར་སུ་ཡིས་
ཤེས། །ཞེས་གསུངས་པ་ལྟ་བུའི་ཡོན་ཏན་རྫོགས་པར་མ་གྱུར་པ་དེ་སྲིད་དུ་རྟོགས་པར་དཀའ་ནའང་སྔོན་གྱི་མཁས་པ་རྣམས་ཀྱིས་བཞེད་པའི་གཞུང་གི་རྗེས་སུ་བགྱིད་པའི་སྒོ་ནས་ཏེ། དེའང་རྗེ་བཙུན་འཇམ་པའི་དབྱངས་ཀྱི་རྣམ་པར་འཕྲུལ་བའི་སློབ་དཔོན་ཐོན་མི་སཾ་

213-1-309a

བྷོ་ཊས། འཕགས་པའི་ཡུལ་གྱི་བརྡ་སྤྲོད་པའི་གཞུང་ཆེན་པོ་བརྒྱད་དང་གྲངས་མཚུངས་སུ་སྦྱར་བའི་བོད་སྐད་ལ་ཉེ་བར་མཁོ་བའི་བརྡ་སྤྲོད་ཀྱི་གཞུང་རྣམ་པ་བརྒྱད་མཛད་པར་གྲགས་ཀྱང་། བསྟན་པ་འཕེལ་འགྲིབ་ཀྱི་དབང་གིས་དེང་སང་ནི་སུམ་
ཅུ་པ་དང་རྟགས་གཉིས་ཀྱི་འཇུག་པ་གཉིས་ལས་མི་བཞུགས་པར་གྲགས་ཤིང་། གཞུང་དེ་གཉིས་དང་། གཞན་ཡང་བཀས་བཅད་བྱེ་བྲག་ཏུ་རྟོགས་བྱེད་ཆེན་པོ་དང་། སྦྲ་སྦྱོར་བམ་པོ་གཉིས་པ་དང་། སྨྲ་བའི་སྒོ་མཚོན་ཆ་ལྟ་བུ་རྩ་འགྲེལ་དང་། གཞན་ཡང་
མཁས་པ་ཕྱི་མ་རྣམས་ཀྱིས་ཀྱང་གཞུང་དེ་དག་གི་དགོངས་པ་དང་། བརྡ་རྙིང་གི་གསུང་རབ་ཐམས་ཅད་དང་སྒོ་བསྟུན་ནས་གསར་རྙིང་གི་བརྡ་ཚིག་དག་པར་བྱེད་པའི་བསྟན་བཅོས་ཀྱི་ཚོགས་ནི་མིག་འབྱེད་ཀྱི་ཐུར་མ་འདྲ་བ་མང་དུ་བརྩམས་སོ། །ཇི་ལྟར་བརྩམས་པ་
དག་གི་བརྗོད་པར་བྱ་བ་ཡང་། འཇམ་དབྱངས་ཐོན་མིའི་གཞུང་ལས། ཡི་གེ་ཨཱ་ལི་ཀཱ་ལི་གཉིས། །ཨཱ་ལི་གསལ་བྱེད་ཨི་སོགས་བཞི། །ཀཱ་ལི་སུམ་ཅུ་ཐམ་པའོ། །ཞེས་སློབ་དཔོན་འདིས་ཨ་ཡིག་གསལ་བྱེད་ཀྱི་གྲངས་སུ་འདྲེན་པའི་དབང་གིས་དབྱངས་ཡིག་
བཞི་དང་། གསལ་བྱེད་སུམ་ཅུ་ཐམ་པའི་གྲངས་ངེས་མཛད་ལ། མཁས་པའི་ཁ་རྒྱན་ལས། བོད་ཀྱི་དབང་དུ་མཛད་དེ་དབྱངས་ནི་ལྔའོ། །གསལ་བྱེད་ཉི་ཤུ་རྩ་དགུའོ་ཞེས་ཨ་ཡིག་དབྱངས་ཀྱི་ཁོངས་སུ་དྲངས་པ་ལ་མི་འགལ་པའི་དབང་གིས་དེ་ལྟར་དུ་མཛད་དོ། །
གང་ལྟར་ཡང་དེ་དག་གི་དབྱེ་བ་ལའང་སྔོན་འཇུག་གི་ཡི་གེ་དང་། རྗེས་འཇུག་གི་ཡི་གེ་དང་། མི་འཇུག་པའི་ཡི་གེ་དང་། ཡི་གེ་སོ་སོའི་རྟགས་དང་བཅས་པའི་རྣམ་པར་དབྱེ་བ་མང་དུ་འབྱུང་བ་རྣམས་དང་། ཡི་གེ་གཉིས་སམ་མང་པོ་འདུས་ནས་བརྗོད་པར་བྱ་བ་
དོན་གྱི་ངོ་བོ་སྟོན་པར་བྱེད་པ་གང་ཡིན་པ་དེ་ནི་མིང་སྟེ། དེ་ཡང་འདོགས་པའི་དགོས་པ་དང་རྒྱུ་མཚན་ལ་མ་ལྟོས་པར་དོན་དེ་དང་དེ་ལ་རྒན་པོ་རྣམས་ཀྱིས་བརྡ་སྦྱར་བའི་མིང་གང་ཡིན་པ་དེ་ནི་འདོད་རྒྱལ་དང་། འདྲ་བའམ་འབྲེལ་བ་རྒྱུ་མཚན་དུ་བྱས་ནས་རྗེས་སུ་བཏགས་པའི་མིང་

213-1-309b

གང་ཡིན་པ་དེ་ནི་རྗེས་སུ་སྒྲུབ་པ་སྟེ། དེ་དག་གི་ནང་གསེས་ཀྱི་རྣམ་པར་དབྱེ་བ་ཐ་དད་པར་འབྱུང་བ་རྣམས་སོ། །དངོས་བཏགས་ཀྱི་མིང་གང་ཡང་རུང་བ་གཉིས་སམ་མང་པོ་འདུས་ནས་བརྗོད་པར་བྱ་བ་དོན་གྱི་ཁྱད་པར་སྟོན་པར་བྱེད་པ་གང་ཡིན་པ་དེ་ནི་དམ་པའི་ཆོས་
མངོན་པར་གསུངས་པའི་ཚིག་དང་། རང་བཞིན་མིང་ལ་རྣམ་པར་དབྱེ་བ་བརྒྱད་དབྱེ་བ་དང་བཅས་པ་དང་། རང་བཞིན་བྱིངས་ལ་ཏི་སོགས་ཀྱི་རྐྱེན་སྦྱར་བས་རང་རང་གི་དོན་གྱི་ངོ་བོ་དང་ཁྱད་པར་ཅི་རིགས་པ་སྟོན་པ་ནི་བརྡ་སྤྲོད་པའི་ལུགས་ཀྱི་ཚིག་སྟེ། དེ་དག་དང་
རྗེས་སུ་མཐུན་པར་བོད་ཀྱི་བརྡ་སྤྲོད་པའི་གཞུང་གི་དབང་དུ་བྱས་ན་མིང་དང་ཚིག་གི་འཇུག་པ་ལ་དངོས་པོ་དང་། ལས་དང་། བྱེད་པ་དང་། དགོས་ཆེད་དང་། འབྱུང་ཁུངས་དང་། འབྲེལ་པ་དང་། གནས་གཞི་དང་། བོད་པ་དང་། གཞན་ཡང་ངེས་པར་དགར་བ་
དང་། བསྣན་པ་དང་། འབྱེད་པ་དང་། སྡུད་པ་དང་། རྒྱུ་མཚན་ལ་འཇུག་པ་དང་། ལྷག་བཅས་ཀྱི་སྒྲ་དང་། འདས་པ་དང་། རྣམ་གྲངས་གཞན་བརྗོད་པ་དང་། སྤྱི་དང་བྱེ་བྲག་གི་སྒྲ་དང་། བདག་པོའི་སྒྲ་དང་། དགག་པའི་སྒྲ་དང་། དགྲོལ་བ་ལ་སོགས་པ་རྣམས་
སོ། །གཞན་ཡང་རྟགས་ཀྱི་ངེས་པ་དང་ལྡན་པའི་ཡི་གེ་རྣམས་ནི། གང་ལ་འཇུག་པ་དང་། གང་གིས་འཇུག་པ་དང་། ཇི་ལྟར་འཇུག་པ་དང་། ཅིའི་ཕྱིར་འཇུག་པ་དང་། དེ་དག་ཀྱང་དུས་རྣམ་པ་གསུམ་དང་རྗེས་སུ་འབྲེལ་བའི་དབང་གིས་འཇུག་པ་དང་། བསྐུལ་བའི་ཚིག་དང་
རྗེས་སུ་འབྲེལ་བའི་དབང་གིས་འཇུག་པ་ཐ་དད་པ་མང་དུ་འབྱུང་སྟེ། ཇི་ལྟར་འབྱུང་བ་སྟོན་པར་བྱེད་པའི་བསྟན་བཅོས་ཀྱི་ཚུལ་འགའ་ཞིག་ལ། ཐོས་པ་དང་བསམ་པའི་སྦྱངས་སྟོབས་དམན་པ་མིན་པས་བློའི་དྲི་མ་རགས་པ་སྦྱངས་ཤིང་། ཤེས་པར་བགྱི་བ་རིག་པའི་གཙུག་ལག་
གི་གནས་གཞན་མང་པོ་ལའང་རྣམ་པར་འབྱེད་པའི་བློ་གྲོས་ཀྱི་ལང་ཚོ་དར་ལ་བབ་པའི་ཞུས་དག་པའི་གྲོགས་ལྡན་པ་རྣམས་ནི། སྔོན་གྱི་བརྡ་སྤྲོད་མཁས་པ་ཐོན་མི་སམྦྷོ་ཊ་ཉིད་སླར་ཡང་ས་སྐྱོང་སྡོམ་བརྩོན་ཆེན་པོའི་བསོད་ནམས་ཀྱི་རིམ་པ་རབ་ཏུ་བརྩེགས་པའི་ཐེམ་སྐས་ལ་བརྟེན་ནས་

213-1-310a

བདེ་བར་བབ་པ་སྙམ་བྱེད་པ་རྣམས་ནི་འདི་ལྟ་སྟེ། མ་ཕྱི་འདོན་པའི་ཞུ་ཆེན་པར་རྨུགས་སངས་ཀྱི་བླ་མ་སྦྱིན་པ་རྒྱ་མཚོ་དང་། སྤོ་ལུ་བླ་བྲང་གི་དྲུང་ཡིག་བློ་གྲོས་རྒྱལ་མཚན། ལྕགས་རའི་དྲུག་ཡིག་བསྟན་འཛིན་ལྷུན་གྲུབ། འཛོམ་ཐོག་གི་དགེ་
སློང་བསོད་ནམས་བློ་གྲོས་རྣམས་དང་། བུ་ཡིག་གི་རྗེས་འདེད་པར་རྨུགས་སངས་ཀྱི་དགེ་སློང་ཨོ་རྒྱན་རབ་དགའ་དང་། ཤེས་རབ་སྟན་འཛིན་དང་། འཛོམ་ཐོག་གི་དགེ་སློང་དཔལ་བཟང་རྣམས་དང་། པར་ཡིག་གི་ཡང་འདོན་པར་སྐུ་ཚེའི་པདྨ་ལ་སོགས་པའི་
བློ་གསལ་རྣམས་ཀྱིས་ཁོ་པོའི་ངག་བཀོད་དང་ལེན་གྱི་སྒོ་ནས་གོང་དུ་སྨོས་པའི་མ་དཔེ་དག་དང་ལེགས་པར་གཏུགས་ནས་སྙོམ་ལས་མེད་པར་འདོན་པའི་ཞུ་དག་གི་འགན་འདེགས་བགྱིས་ནས། ཚིག་དོན་གྱི་ཆ་ལ་ཆད་པ་དང་ལྷག་པའི་སྐྱོན་གྱི་རྣམ་པ་གང་དག་མཆིས་པ་རྣམས་
བརྟགས་དཔྱད་རིག་པའི་འཕྲུལ་གྱི་སོར་མོས་འབྱིན་འཇུག་གི་བྱ་བ་གང་འོས་བགྱིས་ཏེ། ཡིད་རྟོན་པའི་གནས་སུ་རུང་བའི་ཞུས་དག་ཡང་དག་པར་བྱས་སོ། །བློ་གྲོས་གསལ་ལྡན་དེ་དག་གི་དཔྱད་པས་ངེས་པར་མ་གྱུར་པ་དང་། ཐེ་ཚོམ་དུ་གྱུར་པ་དང་། རྟོགས་པར་དཀའ་
པའི་དོགས་གནས་གང་དག་བྱུང་བ་རྣམས་ནི་ཁོ་བོའི་མིག་སྔར་བསྟན་དུ་བྱུང་བ་དང་རང་གིས་བལྟས་པ་རྣམས་ལ་བརྟག་དཔྱད་གང་ཤེས་བྱས་ཤིང་། གང་དག་ཡིད་ལ་ངེས་པར་གྱུར་པའི་གནས་རྣམས་སུ་དབྲི་བསྣན་དང་སོར་བཞག་གང་འོས་ཀྱི་བཀོད་པ་བྱེད་བའི་ཁུལ་
བགྱིས་སོ། །གཉིས་པ་དེ་ཉིད་པར་དུ་སྒྲུབ་པར་རྩོམ་པ་ནི། དེ་ལྟར་ཞུས་དག་གི་རིམ་པས་གཏན་ལ་ཕབ་པའི་ཕྱི་མོ་དེ་དག་ལས། པར་ཡིག་འདྲི་བའི་ཡི་གེ་པ་མཁས་པ་རྣམས་ཀྱིས་གོང་དུ་སྨོས་པའི་དུས་ཚེས་ནས་བརྩམས་ཏེ་ཡི་གེར་འདྲི་བའི་གྲ་ལེགས་པར་བཙུགས་ཏེ། 
དེ་ལའང་སྔོན་གྱི་དུས་ན་འདིར་ཕྱོགས་སུ་ཡི་གེ་རྫ་བ་མ་འདྲི་བ་པོ་མ་ཐོགས་ཙམ་ལས། མཁས་མཐོང་ཆེ་བའི་སྙུག་འཛིན་པ་མང་པོ་མ་བྱུང་བར་གྲགས་ཀྱང་། ཕྱིས་སུ་བསོད་ནམས་ཀྱི་སྐལ་བར་ལྡན་པའི་སྡོམ་བརྩོན་ཆེན་པོ་སྐུ་མཆེད་ཡབ་མེས་དང་བཅས་པས་སྐུ་རིང་

213-1-310b

ནས། དེ་བཞིན་གཤེགས་པའི་སྐུ་དང་གསུང་དང་ཐུགས་ཀྱི་རྟེན་མང་པོ་རིས་སུ་འདྲི་བ་དང་། འབུར་དུ་བཞེང་བ་དང་། ལུགས་སུ་བླུགས་པ་དང་། ཟབས་སུ་བརྐོ་བ་ལ་སོགས་པ་དར་སྲོལ་ཤིན་ཏུ་ཆེ་བ་བྱུང་སྟེ། དེ་ལས་བྱུང་བའི་ལེགས་བྱས་ཀྱི་གྲགས་པ་དམ་པ་དཔྱིད་ཀྱི་རྒྱལ་མོའི་
རྒྱངས་གླུ་ལྟ་བུ་གང་དག་ཕྱོགས་བཅུའི་འགྲོ་བ་ཀུན་གྱི་རྣ་བའི་བཅུད་དུ་ལེགས་པར་སིམ་ཞིང་། དེ་ལ་བརྟེན་ནས། ཇི་སྐད་དུ། ས་སྐྱ་པཎྜི་ཏས། པདྨའི་མཚོ་ལ་ངང་པ་འདུ། །དྲི་ལྡན་མེ་ཏོག་བུང་བ་སྡུད། །ཤ་ཡི་དྲི་ལ་ཤ་སྦྲང་འདུ། །འབྲོག་བཟང་དུ་ནི་རི་དྭགས་འདུ། །བཟའ་
བཏུང་མང་སར་སྐྱེ་བོ་ཚོགས། །གལ་ཏེ་དེ་དག་མི་ལྡན་ན། །བསྡུས་ཀྱང་སྐྱེ་བོ་ཕལ་ཆེར་འབྲོས། །དྲོ་ཞིང་བརླན་སར་ནགས་ཚལ་སྐྱེ། །དེ་སོགས་ཕྱི་ཡི་རྟེན་འབྲེལ་ཡིན། །མཆོད་ལ་བརྩོན་ན་མཆོད་པར་འགྱུར། །བྱམས་པ་བྱས་ན་གླགས་ཀྱིས་བྱམས། །བདག་གི་བླ་མ་
མཆོད་བྱས་ན། །སེམས་ཅན་ཀུན་གྱིས་བདག་མཆོད་འགྱུར། །དམ་པའི་ཆོས་ལ་གུས་བྱས་ན། །སངས་རྒྱས་ཀུན་གྱི་ཆོས་མཛོད་འཛིན། །དགེ་འདུན་རྣམས་ནི་མཉེས་བྱས་ན། །དགེ་འདུན་དམ་པ་རྣམས་ནི་སྡུད། །འཁོར་རྣམས་བསམ་པ་དག་པ་ཡིས། །འཁོར་གྱི་
དཀྱིལ་འཁོར་འདུ་བར་འགྱུར། །མདོར་ན་བསམ་པ་དག་པ་ཡིས། །གང་དང་གང་ལ་འདོད་སེམས་ཡོད། །ཤེས་ན་དེ་དང་དེ་དག་འདུ། །ཞེས་གསུངས་པ་ལྟར་ཡུལ་ཕྱོགས་གཞན་གྱི་བཟོ་གནས་རིག་པ་ལ་མཁས་པའི་བློ་ལྡན་གྱི་སྐྱེ་བོ་རྣམས་ཀྱང་། བཤུལ་ཐག་རིང་པོའི་
ལམ་གྱི་བགྲོད་པས་ངལ་བ་དང་ཚེགས་ཆེ་བ་ལམ་ལྟོས་པར་གྲགས་པའི་ཡི་གེ་རྣམ་པར་གསལ་བ་གང་དག་རྣ་བའི་གསོས་སུ་ལེན་ཀྱིན། ཆེད་དུ་བོས་པ་བཞིན་དུ་རང་ལྷགས་པ་མང་པོ་བྱུང་བ་དང་། རྒྱལ་ཁབ་ཆེན་པོ་འདིའི་མངའ་ཞབས་ནས་ཀྱང་མི་བདག་རྣམས་ཀྱི་བསོད་ནམས་ཀྱི་
མཐུ་ལས་གཙོ་བོ་དང་བལ་གྱི་བཟོ་གནས་རིག་པ་འཆང་བའི་བློ་ལྡན་གྱི་སྐྱེ་བོ་སྤྲུལ་པའི་བཟོ་བོ་དང་འདྲ་བ་མང་དུ་བྱུང་ངོ་། །ཁྱད་པར་འཇིག་རྟེན་གསུམ་གྱི་མཆོད་སྡོང་བླ་ན་མེད་པར་གྱུར་པའི་དགོངས་འགྲེལ་གྱི་རྟེན་བཞེངས་ཆེན་པོ་འདིའི་མགོ་བརྩམས་པ་ནས། གཏོང་ཕོད་མི་དམན་པའི་སྒོ་མོ་

213-1-311a

བརྒྱ་སྟོང་ཕྲག་དུ་མ་ཅིག་ཅར་དུ་བྱེ་བར་བརྟེན། མངའ་འོག་གི་མིའི་འགྲོ་བ་མང་ཤས་ཤིག་ནི། ལེགས་བྱས་ཆོས་ཀྱི་སྦྱིན་པ་རྒྱ་ཆེན་པོ་འདི་དག་མྱུར་དུ་འགྲུབ་པར་བྱེད་པའི་ལས་བྱེད་པར་གྱུར་ཏོ། །དེའང་ལ་ལ་ནི་གསར་རྙིང་བརྡའི་ཚིག་དང་དོན་གྱི་འཁྲུལ་པ་སེལ་
བར་བྱེད་པའི་དག་སྡེབ་པར་གྱུར། ལ་ལ་ནི་སྣག་ཚ་དང་སྨྱིག་བུ་ལག་ཆར་ཐོགས་ནས་ཡིག་རིགས་མང་པོ་སོར་མོའི་འཕྲུལ་གྱིས་བསྐྲུན་པ་ལ་དཀའ་བ་མེད་པའི་ཡི་གེའི་འདུ་བྱེད་པ་གྱུར། ཕལ་ཆེར་ཡི་གེའི་གཟུགས་བརྙན་གྱི་ཚད་དང་མཚན་ཉིད་ཉམས་པ་མེད་པའི་ཡིག་འབྲུ་བརྐོ་བའི་
རྐོས་བྱེད་པར་གྱུར་ཏོ། །གཞན་ཡང་དཀར་ཞིང་འཇམ་པའི་ངོས་གཞི་རབ་ཏུ་གཙང་བའི་ཤོག་བུའི་འདུ་བྱེད་པ་དང་། ཤིང་གཞོག་པ་དང་། ཐ་ན་ཤིང་དང་ཤོག་གུའི་ཞོ་ཤས་འཚོ་བ་པ་ཡན་ཆད་ཀྱང་མི་བདག་ཆེན་པོའི་དགེ་ཚོགས་སྒྲུབ་པའི་གྲོགས་སུ་གྱུར་པ་ནི། དཔེར་ན་རིའི་རྒྱལ་པོ་ལྷུན་པོའི་
ངོས་ལ་བརྟེན་པའི་འདབ་ཆགས་ཀྱི་རིགས་ཁ་དོག་ཐ་དད་པར་ཡོད་པ་རྣམས་ཀྱང་། རིན་པོ་ཆེ་ཀཉྩ་ནའི་ཁ་དོག་འབའ་ཞིག་ཏུ་སྣང་བ་ལྟར། མི་བདག་སྐྱེ་དགུའི་ས་འཛིན་ཆེན་པོ་དགེ་བའི་ལམ་དུ་སྙིང་སྟོབས་རྨད་དུ་བྱུང་བ་ཞུགས་པ་ན། དེའི་རྗེས་སུ་ཆབ་འབངས་ཀྱི་སྐྱེ་བོ་ཐམས་ཅད་ཀྱང་དགེ་བའི་
ལས་ཀྱི་བྱ་བ་བྱེད་པ་དང་ལག་ཏུ་ལེན་པ་པོར་གྱུར་ཏེ། ཐམས་ཅད་ཀྱང་རང་རང་གི་ལས་སྐལ་གང་དང་གང་བསྐོས་པ་དེ་དང་དེ་ལ་མ་རྨོངས་པའི་བཟོའི་གནས་ཀྱི་རིག་པ་འཆང་བ་ཁོ་ནར་གྱུར་ཏོ། །ཁྱད་པར་ཡི་གེ་འདྲི་བ་ལ་ཉེ་བར་མཁོ་བའི་མཚན་ཉིད་གདོན་པ་བཅུ་དང་གཅེས་སོ་བརྒྱད་དེ་བཅོ་བརྒྱད་དང་།
མགོ་དང་། དཔུང་པ་དང་། ཟགས་མཆུ་དང་། ཡར་འཐེན་དང་། མར་འཐེན་དང་། མིག་བུ་སྟེ། དེ་རེ་རེ་ལའང་རབ་དང་འབྲིང་དང་ཐ་མ་སྟེ་གསུམ་གསུམ་དུ་ཕྱེ་བའི་མ་ཆོས་ཉི་ཤུ་རྩ་གཅིག་དང་། རྣ་རུའི་ཆོས་གསུམ་དང་། འགྲེང་བུའི་ཆོས་གཉིས་དང་། གི་གུའི་ཆོས་གསུམ་དང་། 
ཞབས་ཀྱུའི་ཆོས་གསུམ་དང་། ར་བཏགས་ཀྱི་ཆོས་གཉིས་དང་། ཡ་བཏགས་ཀྱི་ཆོས་གསུམ་སྟེ་བུ་ཆོས་བཅུ་དྲུག་དང་། སྤྱིའི་ཆོས་གསུམ་སྦོ་དང་བཅས་པ་སྟེ་རགས་པར་ཆོས་བཞི་བཅུའི་མཚན་ཉིད་དང་། ཞིབ་པར་སོ་སོའི་ཐིག་གིས་ཆ་དབྱེ་བ་དང་བཅས་པ་སྟེ། དེ་དག་གི་སྲོལ་འབྱེད་ཚེ་ན་

213-1-311b

པོ་འཇམ་པའི་དབྱངས་ཐོན་མི་སམྦྷོ་ཊའི་ཡི་གེའི་རྒྱུན་འཛིན་པ་རྣམས་ཀྱི་མཆོག་ཏུ་གྱུར་པ་ཁྱུང་པོ་གཡུ་ཁྲིས་ཐིག་རིས་སུ་བཏབ་པ་ལ། མཁས་པ་རོང་པོས་ལྷན་ཐབས་ཀྱི་སྟོང་ཐུན་མཛད་པ་དང་། ཕྱིས་བྱུང་གི་མཁས་པ་རྣམས་ཀྱིས་བརྩམས་པའི་ལེགས་པར་བཤད་པ་དྲི་མ་མེད་པ་རྣམས་དབང་པོར་
བཟུང་སྟེ། དེ་དག་གི་ཚུལ་ལ་ལེགས་པར་བསླབས་ནས་སྦྱངས་བའི་མཐར་སོན་པར་གྱུར་པའི་ཡི་གེའི་དབུ་བ། དགེ་ཚུལ་གྱི་བསླབ་པ་ལ་གནས་ཤིང་གཞན་ལ་ཕན་པ་ལྷུར་བྱེད་པ་བསྟན་པ་རྒྱལ་མཚན་ལ་སོགས་པ་འདིར་ཡོད་པ་དང་། དགའ་སྟོད་ཀྱི་འཛིན་མའི་ཆ་ནས་དབུ་བ་འཇམ་དབྱངས་
ལ་སོགས་པ་མང་པོའི་དཀྱིལ་ནས་བཀྲབས་པ་དང་ཉུང་ཤས་རྣམས་ཀྱིས་དང་པོར་དབུ་ཚུགས་པའི་དབྱར་ཟླ་འབྲིང་པོར་ཡི་གེ་པ་མཁས་བཏུས་བཅོ་ལྔས་བྲིས། དེའི་ཕྱི་ལོ་ནས་བཟུང་སྟེ་སྔར་ཡོད་པ་རྣམས་ཞིབ་འཚོགས་དང་། གསར་དུ་སྦྱོང་རྩོལ་བྱེད་པའང་མང་དུ་བྱུང་བ་དང་བཅས་ཏེ་ཐམས་ཅད་
བསྡོམས་པར་སྨྱུག་འཛིན་པ་བརྒྱད་ཅུ་ཁ་ཡར་གྱིས་ལྕགས་སྤྲེལ་གྱི་ལོའི་ཧོར་ཟླ་བདུན་པའི་བར་གྱི་དབྱར་ངོ་ཕྱེད་གསུམ་སྟེ། དང་པོར་དབུ་ཚུགས་པའི་དབྱར་སྨད་བཅས་པའི་དབྱར་ངོ་གསུམ་གྱི་དོད་ཙམ་ལ། མཚན་ཉིད་ཐེག་པའི་སྐོར་དང་རིག་པའི་གནས་ཀྱི་བསྟན་བཅོས་བཅས་བསྡོམས་པ་གླེགས་
བམ་བརྒྱ་དང་ཉི་ཤུ་རྩ་བརྒྱད་པོ་ཐམས་ཅད་མཐར་ཕྱིན་པར་བྲིས་ཟིན་ཏོ། །དེ་ནས་ཧོར་ཟླ་བདུན་པ་དེ་ཉིད་ནས་བརྩམས་ཏེ་རྒྱུད་ཀྱི་འགྲེལ་པ་རྣམས་བྲི་བའི་དབུ་བཙུགས་ཏེ། དེ་ལ་ཐོག་མར་མཁའ་འགྲོ་ཆོས་སྐྱོང་གི་ཚོགས་ལ་གནང་བ་ནོད་པ་དང་བར་ཆད་མི་འབྱུང་བའི་ཕྲིན་ལས་གཞོལ་བའི་ཕྱིར། མགོན་
ཁང་ནུབ་ཏུ་སུམ་ལྡན་རྡོ་རྗེ་འཛིན་པའི་དགེ་སྐོང་གི་དགེ་འདུན་ཞིབ་འཚོགས་སུ་བགྱིས་པའི་ངོར་ལུགས་ཀྱི་བསྐང་གསོ་དང་། མགོན་ཁང་ཤར་དུ་དམ་པའི་བསྐང་གསོ་ཆོས་ཉིད་མ་འདོན་པ་རྣམས་ཚོགས་ནས་བསྐང་གསོ་དང་ཕྲིན་ལས་བཅོལ་བ་ཡང་དག་པར་མཛད་དོ། །དུས་དེ་ཉིད་དུ་མགོན་པོའི་སྐུ་བརྙན་
རྣམས་སུ་སྙན་ཤལ་ཕུལ་བ་རྣམས་ལའང་གནང་བ་ཞུ་བ་དང་འདོད་པའི་དོན་གསོལ་བ་ཁོ་བོས་སུག་བྲིས་བྱས་བ་ནི་འདི་ལྟ་སྟེ།།      །།སྭ་སྟི་བི་ཛ་ཡནྟུ། རྒྱལ་བ་ཀུན་གྱི་མཐུ་དང་རྫུ་འཕྲུལ་གྱི། །ཆོ་འཕྲུལ་རྣམ་པར་འཕྲུལ་པས་ཟློས་པའི་གར། །གང་ཞིག་དྲན་པས་བདུད་ལས་རྒྱལ་བ་ཡི། །གོ་འཕང་སྦྱིན་པ་

213-1-312a

སྲུང་མའི་དབང་པོར་འདུད། །གང་གི་འཇིགས་རུང་ཉམས་ཀྱི་འགྱུར་བ་རེས། །ཆུ་སྲིན་རྒྱལ་མཚན་སྡེ་དང་བཅས་པ་ཡི། །དོན་སྙིང་ཁ་རུ་འབྱིན་ཡང་བསྟན་སྐྱོང་གི། །དབུ་འཕང་བསྟོད་པའི་གུར་མགོན་ལྕམ་དྲལ་དང་། །ཞི་བ་རྒྱས་པ་དབང་དང་མངོན་སྤྱོད་ཀྱི། །ལས་ཀྱི་དངོས་གྲུབ་ཆར་དུ་བསྙིལ་བ་ལ། །
ཡིད་བཞིན་ནོར་བུ་ལྟ་བུའི་སྲུང་མ་ཆེ། །ཞིག་སྐྱོང་གདོང་བཞི་ལྡན་པ་སྲིང་དང་བཅས། །བསྟན་དང་བསྟན་འཛིན་སྐྱོང་བའི་ཁས་བླངས་དང་། །དམ་ཚིག་རྡོ་རྗེའི་ར་བར་གནས་བཅས་པའི། །ལས་ཀྱི་མགོན་པོ་གནོད་སྦྱིན་ཡབ་ཡུམ་དང་། །པུ་ཏྲ་མིང་སྲིང་སྤྲུལ་པ་ཡང་སྤྲུལ་བཅས། །མཐུ་དང་དཔུང་གིས་ཁེངས་པ་མ་བཏང་ཡང་། །
རྣམ་འདྲེན་བསྟན་ལ་དགའ་བའི་རུ་མཚོན་དག །འཕྱར་ལ་མི་གུས་མེད་པ་སྲུང་མའི་ཚོགས། །འདོད་པའི་ཕྲིན་ལས་བཅོལ་ལ་གཅིག་ཏུ་དགོངས། །འཇིག་རྟེན་ཁམས་སུ་རྒྱལ་བསྟན་རིན་པོ་ཆེ། །ཡུན་དུ་གནས་ཕྱིར་རྒྱུད་ཀྱི་དགོངས་འགྲེལ་རྣམས། །ཕྱི་མོ་གཅིག་ལས་དུ་མ་འབྱུང་བའི་འཕྲུལ། །ཆོས་སྦྱིན་མི་ཟད་པར་གྱི་སྒོ་
བརྒྱ་དབྱེ། །དེ་ཡི་བདག་རྐྱེན་ས་སྤྱོད་ཀུན་གྱི་རྩེ། །བླ་མ་ཀུན་དགའ་ཕྲིན་ལས་རྒྱ་མཚོའི་སྡེ། །སྐུ་འཁོར་བཅས་དང་བཀའ་བཞིན་སྒྲུབ་པ་ཡི། །ལས་བྱེད་ཀུན་ལ་གེགས་མེད་གནང་བ་སྩོལ། །མངོན་པར་བསྒྲུབ་བྱ་མཐའ་རུ་མ་སོན་པར། །གཟུགས་ཅན་གཟུགས་མེད་གཏོགས་པའི་དགྲ་དང་བགེགས། །ནད་དང་
རིམས་ཡམས་གདོན་གྱི་གནོད་པ་སོགས། །འགལ་རྐྱེན་པར་དུ་གཅོད་དགུ་ཞི་བར་མཛོད། །འཆི་བ་མེད་པའི་ཚེ་དང་བསོད་ནམས་དང་། །ཆོས་དང་སྲིད་པའི་དཔལ་འབྱོར་བློ་གྲོས་སོགས། །མཐུན་པའི་རྐྱེན་རྣམས་ཕན་ཚུན་གཅིག་ལ་གཅིག །འགྲན་ལྟར་རྣམ་པར་རྒྱས་པའི་ཕྲིན་ལས་མཛོད། །རིགས་སྟོབས་
འབྱོར་བས་དྲེགས་པའི་ཆེ་དགུ་དང་། །མི་དང་མི་མ་ཡིན་པའི་སྐྱེ་འགྲོ་རྣམས། །རིག་བྱེད་དགའ་མའི་ཨུཏྤལ་མདའ་གཞུ་ཡིས། །རེག་པ་ཇི་བཞིན་འདི་ན་རང་དབང་ཁུགས། །བཀའ་ཡི་དགོངས་འགྲེལ་ཆེན་པོའི་འཕྲུལ་གྱི་སྒོ། །རྣམ་པར་དབྱེ་ལ་ནག་པོའི་ཕྱོགས་ཀྱི་རིགས། །ཕྲག་དོག་སེམས་ལྡན་རྣམས་
ཀྱིས་སྤྲོས་པའི་བགེགས། །ཞི་བའི་བདུད་རྩི་འཐུང་བར་མ་འདོད་ན། །སྔོན་གྱི་དམ་ཚིག་ལ་དགོངས་མཐུ་སྟོབས་དང་། །མི་བཟད་དཔུང་གི་དཀྱིལ་འཁོར་བསྐྱེད་ནས་ནི། །འཐོར་བྱེད་རླུང་དང་འཕྲད་པའི་ཐལ་བ་བཞིན། །དགྲ་བགེགས་དབྱིངས་སུ་སྦྱར་དང་བསྒྲལ་བར་མཛོད། །བླ་མ་དཀོན་མཆོག་གསུམ་གྱི་བདེན་པ་

213-1-312b

དང་། །ལྷ་སྲུང་རྟག་ཏུ་བསྟན་ལས་བྱུང་བའི་མཐུ། །གྲག་སྟོང་ངག་གིས་གསོལ་བཏབ་རྟེན་འབྲེལ་གྱིས། །བསམ་པའི་འབྲས་བུ་འཕྲལ་ལ་སྨིན་པར་ཤོག །ཅེས་པ་ཕྲིན་ལས་ཞུ་བའི་ཆེད་དུ་བྲིས་ཤིང་ལས་བྱེད་པ་རྣམས་ལ་གསང་བསྔགས་ཀྱི་རྒྱུད་འགྲེལ་ཟབ་མོ་འདྲི་འདོན་བྱེད་དུ་འཇུག་པའི་ཉེས་པ་རང་གཞན་ལ་མི་
འབྱུང་བ་དང་རྐྱེན་སེལ་གྱི་ཆེད་དུའང་དམིགས་ནས། བཅོམ་ལྡན་འདས་གསང་བའི་བདག་པོའི་རྗེས་སུ་གནང་བ་ཞིག་གྱིས་ཞེས་སྐུ་ཚབ་པའི་གསུང་གིས་བསྐུལ་བ་ལྟར་དེ་བཞིན་ཡང་བྱས་སོ། །སྐབས་ལ་ལར་རང་གཞན་ལ་མཁའ་འགྲོའི་སུན་ལྟས་སམ་ལྷ་འདྲེའི་བྱད་ལྟས་ལྟ་བུའི་མཚན་མ་འགའ་ཞིག་བྱུང་འདུག་པར།
དེ་ལ་ཕན་པར་བསམས་ནས་ནང་ནུབ་ཏུ་སེང་གདོང་མའི་བསྒོམ་བཟླས་མང་ཙམ་དང་། དེ་ལ་བསྟོད་ཅིང་འདོད་དོན་གསོལ་བའི་ཚིགས་སུ་བཅད་པ་ཁོ་བོའི་སུག་བྲིས་སུ་བགྱིས་པའང་འདི་ལྟ་སྟེ། དཔལ་ཡེ་ཤེས་ཀྱི་མཁའ་འགྲོ་སེང་གེའི་གདོང་པ་ཅན་མ་ལ་བསྟོད་པ་མི་མཐུན་ཕྱོགས་ལས་རྒྱལ་བའི་རྔ་སྒྲ་
ཞེས་བྱ་བ། གང་ལ་བསྟོད་ཅིང་གསོལ་བ་བཏབ་ཙམ་གྱིས། །བདུད་ལས་རྣམ་པར་རྒྱལ་བྱེད་བླ་མ་དང་། །གཉིས་སུ་མེད་པའི་གནས་གསུམ་མཁའ་འགྲོའི་གཙོ། །སེང་གེའི་གདོང་པ་ཅན་ལ་བསྟོད་པར་བགྱི། །ཡེ་ཤེས་མེ་འོད་འབུམ་གྱིས་དཀྲིགས་པའི་དབུས། །བདུད་སྡེའི་
དཔུང་གིས་མི་ཕྱེད་རྡོ་རྗེ་ཡི། །ས་གཞི་ར་བ་གུར་ཁྱིམ་རབ་ཡངས་པས། །མི་མཐུན་ཕྱོགས་ལས་རྣམ་པར་རྒྱལ་ལ་འདུད། །རབ་འཇིགས་དུར་ཁྲོད་བརྒྱད་ཀྱིས་ཡོངས་བསྐོར་བའི། །ཆོས་འབྱུང་དབང་སྔོན་མདོག་ཏུ་འབར་བའི་ནང་། །ཁྲག་ཞག་བསྐྱིལ་བའི་དབའ་རླབས་ཕན་
ཚུན་དུ། །འཐབ་པའི་ལྦུ་ཕྲེང་ཚར་དུ་དངར་ལ་འདུད། །དེ་ན་སྣ་ཚོགས་པདྨ་རྒྱས་པའི་ཁ། །ཟུམས་ཀྱིས་དོགས་ནས་ནམ་མཁའི་ནོར་བུ་ཡང་། །གདན་དུ་འོངས་ལ་བདུད་རྣམས་མ་བཟོད་ནས། །རོ་ཡི་རྣམ་པས་ཉལ་ཏེ་བསྒྲིབས་པ་བཞིན། །དེ་སྟེང་རྒྱལ་བ་སྐྱེད་དང་རོལ་
པའི་ཡུམ། །མཁའ་འགྲོ་བྱེ་བ་འབུམ་གྱི་མངའ་བདག་མོ། །བདུད་དཔུང་རི་དྭགས་མཐར་མཛད་སེང་གེའི་གདོང་། །སྐུ་ནི་གར་གྱི་ཉམས་དགུ་རྫོགས་ལ་འདུད། །ཞེ་སྡང་རྣམ་དག་རྣམ་ཤེས་གནས་གྱུར་ཡང་། །ཆོས་དབྱིངས་ཡེ་ཤེས་རང་བཞིན་བཅོམ་ལྡན་མ། །ཐུགས་ཀྱི་རིགས་མཆོག་མཐིང་ནག་ཁྲོ་མོའི་

213-1-313a

སྐུ། །སེང་གེའི་གདོང་ཅན་མ་ལ་ཕྱག་འཚལ་ལོ། །གཏི་མུག་རྣམ་དག་གཟུགས་ཕུང་གནས་གྱུར་པ། །མེ་ལོང་ཡེ་ཤེས་རང་བཞིན་བཅོམ་ལྡན་མ། །སྐུ་ཡི་རིགས་མཆོག་རབ་དཀར་ཁྲོ་མོའི་སྐུ། །སེང་གེའི་གདོང་པ་ཅན་ལ་ཕྱག་འཚལ་ལོ། །སེར་སྣའི་
རང་བཞིན་ཚོར་ཕུང་གནས་གྱུར་པ། །མཉམ་ཉིད་ཡེ་ཤེས་རང་བཞིན་བཅོམ་ལྡན་མ། །ཡོན་ཏན་རིགས་མཆོག་གསེར་འདྲ་ཁྲོ་མོའི་སྐུ། །སེང་གེའི་གདོང་ཅན་མ་ལ་ཕྱག་འཚལ་ལོ། །འདོད་ཆགས་རྣམ་དག་འདུ་ཤེས་གནས་གྱུར་པ། །སེར་རྟོག་ཡེ་ཤེས་རང་བཞིན་
བཅོམ་ལྡན་མ། །གསུང་གི་རིགས་མཆོག་རབ་དམར་ཁྲོ་མོའི་སྐུ། །སེང་གེའི་གདོང་པ་ཅན་ལ་ཕྱག་འཚལ་ལོ། །ཕྲག་དོག་རྣམ་དག་འདུ་བྱེད་གནས་གྱུར་པ། །བྱ་གྲུབ་ཡེ་ཤེས་རང་བཞིན་བཅོམ་ལྡན་མ། །ཕྲིན་ལས་རིགས་མཆོག་ལྗང་སྔོན་ཁྲོ་མོའི་སྐུ། །སེང་གེའི་གདོང་
པ་ཅན་ལ་ཕྱག་འཚལ་ལོ། །ཉམས་པའི་ཤ་རུས་བལྡད་པའི་ཞལ་སྒོ་ནས། །དགྲ་བགེགས་བྱད་མའི་ཚོགས་ནི་སྐད་ཅིག་ཙམ། །འཚོ་བར་རུང་ངམ་ཞེས་པའི་ང་རོ་ཡིས། །ས་གཞི་རྣམ་པ་དྲུག་ཏུ་གཡོ་ལ་འདུད། །དྲི་གཞོན་གྱིས་བསྐྱོད་འོ་མའི་རྒྱ་མཚོ་བཞིན། །ཁྱོད་གདོང་ཁྲོ་
བའི་གཉེར་མ་རབ་ཏུ་སྤུངས། །རྣོ་དཀར་མཆེ་བ་གཟེངས་པའི་ཕྲག་པ་ནས། །ལྗགས་འགྱུ་གློག་གི་སྟང་སྟབས་བསྒྱུར་ལ་འདུད། །བདེ་འབྱུང་མིག་གིས་མདའ་ལྔའི་བདག་པོའི་ལུས། །བསྲེགས་པའི་ངོ་མཚར་ཡི་གེ་འགོག་བྱེད་པའི། །དམར་ལ་ཟླུམ་པའི་སྤྱན་གསུམ་གཙུབས་
པ་ལས། །མེ་ཡི་ཚ་ཚས་གདོན་བགེགས་སྲེག་ལ་འདུད། །སྨ་ར་སྨིན་མ་འཁྱུག་ཅིང་འཁྱོག་པ་ཡིས། །གློག་འགྱུ་སྟོང་གི་མཛེས་པ་དམའ་ཡང་འབེབས། །རལ་པ་ཁམ་སེར་མཁའ་ལ་གཟིངས་པའི་ཁྲོད། །རང་རྟགས་རིགས་ཀྱི་ཅོད་པན་འཛིན་ལ་འདུད། །རྒྱ་ཆེན་ཐབས་
དང་ཐུགས་རྗེ་ཆེན་པོ་ཡིས། །ཡངས་པར་བརྡལ་བ་བྲང་གི་ངེས་དག་ལས། །དངོས་གྲུབ་བཅུད་ཀྱི་བཏུང་བ་རྟག་འཇོ་བའི། །ནུ་མ་འབུར་བའི་ཁུར་གྱིས་མཛེས་ལ་འདུད། །ཕ་རོལ་བྱས་པའི་རྫས་སྔགས་ཏིང་འཛིན་གྱི། །ནུས་པ་རྩད་ནས་གཅོད་པའི་གྲི་གུག་གཡས། །བྱད་

213-1-313b

མའི་སྙིང་ཁྲག་ལང་ལིང་ཁོལ་བའི་སྣོད། །ལྕང་ལོར་བཅས་པས་ལག་གཡོན་བྲེལ་ལ་འདུད། །ཞབས་གཡས་བསྐུམ་པའི་སེར་མོ་རྣམས་ཀྱི་རྩེ། །ཆུ་ཤིང་ལྟར་མཁྲང་གཡོན་པའི་བརླ་ལ་གཏད། །གར་སྟབས་སྟོང་གིས་རོ་ཡི་སྙིང་ག་ན། །ཁ་ཊྭཱཾ་ག་དང་ཆབ་ཅིག་རོལ་ལ་འདུད། །
དབང་པོའི་གྲངས་ལྡན་ཐོད་པ་སྐམ་པོ་ལ། །སྲོག་ལྔའི་པ་ཏྲས་འཁྱུད་པ་འོད་དུ་འབར། །རོ་སྐྲའི་དཔྱང་ཐག་ལ་བརྟེན་མགོ་བོ་ནི། །བརྒྱ་ཕྱེད་རློན་པའི་དོ་ཤལ་འཕྱང་ལ་འདུད། །དུང་ཆེན་རྒྱན་གྱི་ཕྲེང་བ་རྣམ་ལྔ་དང་། །ཁྲག་གིས་སྦགས་པའི་སྟག་ལྤགས་ཤམ་ཐབས་སོགས། །དཔའ་
མོ་འཇིགས་པའི་ཆ་ལུགས་རྫོགས་པའི་སླད། །ཡེ་ཤེས་མེ་ཡི་དཀྱིལ་ན་བཞུགས་ལ་འདུད། །མི་སྡུག་སྐུ་ཡི་ཆ་ཤས་རེ་རེ་ནས། །སྤྲུལ་པ་ཡང་སྤྲུལ་རྡོ་རྗེའི་ཆར་རླུང་གིས། །ཕ་རོལ་བརྩམས་པའི་བྱད་གཏད་འཁྲུལ་འཁོར་སོགས། །ནུས་པའི་བྲག་རི་ཐལ་བར་རློག་ལ་འདུད། །
སྒོ་གསུམ་གུས་པས་མཆོད་ཅིང་བསྟོད་པ་དང་། །གསང་གསུམ་རྣལ་འབྱོར་བསྒོམ་དང་བཟླས་པ་ཡིས། །སྒོ་གསུམ་རྡོ་རྗེའི་སྲུང་བ་མཐར་ཕྱིན་ནས། །ཁམས་གསུམ་འགྲོ་བའི་དོན་ཆེན་བྱེད་པར་ཤོག། །དེང་གི་རྣལ་འབྱོར་སྦྱིན་བདག་འཁོར་དང་བཅས། །བྱང་ཆུབ་སྒྲུབ་དང་སྒོ་
གསུམ་དགེ་བ་ཡི། །བདུད་རྩི་འཐུང་བའི་དཔལ་འཕྲོག་ནད་དང་གདོན། །བགེགས་རིགས་འཁྲུགས་པའི་བར་ཆད་ཞི་བར་མཛོད། །ཚེ་སྲོག་ཉམས་ཟད་བདུད་དང་གཤིན་རྗེ་ཡིས། །བརྐུས་དང་ཕྲོགས་པ་ཐམས་ཅད་སྣོད་བཅུད་ཀྱི། །ཚེ་དང་བསོད་ནམས་གསར་པའི་སྐྱེད་དང་བཅས། །
འདི་ན་ཚུར་བསྡུས་ཚེ་ཡི་ཀ་རིང་ཚུགས། །ལོ་དང་ཟླ་བ་ཞག་དང་དུས་ཚོད་དང་། །ཕྱི་ནང་འབྱུང་བ་དགྲ་གཤེད་འཐབས་པ་ཡི། །ཆག་ཆེ་ཉམ་ང་ཀེག་དང་སྲིར་ལྡང་བའི། །དུས་མིན་འཆི་བ་ཐམས་ཅད་བཟློག་ཏུ་གསོལ། །ཕྲག་དོག་ཆང་མྱོས་མི་དང་མི་མིན་གྱི། །བསམ་ངན་སྦྱོར་བ་
རྩུབ་མོའི་ཁ་ཡི་རླངས། །བྱད་ཁ་སྦོད་གཏོང་གཏད་ཁྲོམ་བཅུག་པ་སོགས། །གནོད་པ་ཐམས་ཅད་བཟློག་ཅིང་བསྒྱུར་དུ་གསོལ། །ཅིར་ཡང་ཐོགས་པ་མེད་པའི་མཐུ་དང་དཔུང་། །བསྐལ་པའི་འཐོར་རླུང་ལྟ་བུར་བསྐྱེད་ནས་ནི། །བསམ་སྦྱོར་ངན་པར་གོམས་པའི་དགྲ་

213-1-314a

བགེགས་དག། །སྐད་ཅིག་གཉིས་པར་གསོན་དུ་མ་སྟེར་ཅིག། །མདོར་ན་དེང་ནས་བྱང་ཆུབ་སྙིང་པོའི་བར། །ས་འོག་ས་སྟེངས་ས་བླར་རྒྱུ་བ་ཡི། །གདོན་དང་དགྲ་བགེགས་འབྱུང་པོའི་གནོད་པ་ལས། །བདག་ཅག་འཁོར་བཅས་བསྲུང་ཞིང་བསྐྱབ་པར་
མཛོད། །རྩ་བརྒྱུད་བླ་མ་རྣམས་ཀྱི་བྱིན་རླབས་དང་། །མཁའ་འགྲོ་བྱེ་བ་འབུམ་གྱི་མཐུ་རྩལ་དང་། །མཐུ་ཆེན་གསང་སྔགས་ཟབ་མོའི་བདེན་པ་ཡིས། །ཇི་ལྟར་གསོལ་བའི་འབྲས་བུ་འགྲུབ་གྱུར་ཅིག། །དེ་ལྟར་ཡེ་ཤེས་ཀྱི་མཁའ་འགྲོ་སེང་གེའི་གདོང་ཅན་མ་ལ་བསྟོད་པ་མི་
མཐུན་ཕྱོགས་ལས་རྒྱལ་བའི་རྔ་སྒྲ་ཞེས་བྱ་བ་འདི་ནི་རང་གིས་མངོན་པར་འདོད་པའི་དངོས་གྲུབ་ཞུ་བའི་ཆེད་དུ་བནྡེ་ཚུལ་ཁྲིམས་རིན་ཆེན་ཞེས་བགྱི་བས་ལྷུན་གྲུབ་སྟེང་གི་ཆོས་གྲྭར་བྲིས་པ་འདིས་ཀྱང་སེམས་ཅན་ཐམས་ཅད་བདུད་དང་བར་དུ་གཅོད་པ་ཀུན་ལས་རྣམ་པར་རྒྱལ་བར་གྱུར་ཅིག་
ཅེས་བྱ་བའང་བྲིས་ཤིང་། གཞན་ཡང་ལས་ཚན་ནམ་ཞིག་གྱེས་པའི་བར་དེ་སྲིད་དུ། མགོན་ཁང་གཉིས་སུ་དགེ་སློང་གསུམ་རེ་གསར་འཕར་དུ་བཞུགས་པའི་བསྐང་གསོ་རྟག་འདོན་དང་། ཤེས་རབ་ཀྱི་ཕ་རོལ་ཏུ་ཕྱིན་པ་སྟོང་ཕྲག་བརྒྱ་པ་རྟག་འདོན་དང་། ཟླ་བ་བྱུང་ངོ་ཅོག་གི་ཉ་དང་སྟོང་
ལ་བླ་མ་དཔོན་གཡོག་བརྒྱད་རེས་རྡོ་རྗེ་རྣམ་པར་འཇོམས་པའི་སྒོ་ནས་ཕྱོགས་བཞིའི་གཏོར་ཆེན་བརྫོང་བ་དང་། བར་སྐབས་རྣམས་སུ་ཡང་དགེ་སློང་མང་འཚོགས་ཀྱིས་བསྐང་གསོ་འདོན་པ་དང་བཅས་ཏེ་བྱ་བ་ལས་ཀྱི་འཁོར་ལོ་མངོན་པར་བརྩམ་མོ། །ཁྱད་པར་དེའི་ཕྱི་ལོར་མཁན་ཆེན་
ཐམས་ཅད་མཁྱེན་པ་ཆེན་པོ་དཔལ་ལྡན་ཆོད་སྐྱོང་བཀྲ་ཤིས་གྲགས་པའི་རྒྱལ་མཚན་དཔལ་བཟང་པོ་པའི་ཞལ་སྔ་ནས་ཀྱི་ཡེ་ཤེས་ཀྱི་མེ་ལོང་གཙང་མའི་ངོས་སུ་ལྐོག་གྱུར་ཤེས་པར་བགྱི་བའི་དངོས་པོ་མཐའ་དག་མི་འཆར་བ་མེད་པ་ནི་དུས་གསུམ་གཟིགས་པ་ཀུན་གྱི་ཆོས་ཉིད་དེ། །འདིར་ཡང་
མིའི་བདག་པོའི་ཕྲིན་ལས་ཐམས་ཅད་ཀྱི་གཙོ་བོར་གྱུར་པའི་ལས་འདི་དང་། བསྟན་དང་འགྲོ་བའི་དགེ་ལེགས་སྒྲུབ་པ་ལ་བར་དུ་གཅོད་པ་ཡོད་མེད་རྣམས་ཀྱང་གོང་དུ་ཇི་ལྟར་ཤར་བའི་ལུང་དུ་བསྟན་པར། འདི་ལྟར་དེང་གི་སྐྱེ་དགུ་མ་ལུས་པའི་བསོད་ནམས་དང་དབང་ཐང་གི་བུམ་པ་བརྒྱ་

213-1-314b

ལས་སྐྱེས་པའི་ཟོང་གི་དངོས་པོ་གྱ་ནོམ་པས་ལེགས་པར་བསྒྲུབས་པའི་སྡོམ་བརྩོན་མིའི་དབང་ཕྱུག་རིན་པོ་ཆེ་སྐུ་མཆེད་དང་བཅས་པ་ཆབ་སྲིད་རྣམ་པར་རྒྱུན་དུ་བརྟན་པ་དང་། གཙུག་ལག་ལུགས་བརྒྱའི་མདུན་ས་ཆེན་པོ་འདིས་མཚོན་པའི་ཡངས་བའི་འཇིག་རྟེན་ཐམས་ཅད་དུ་བདེ་ལེགས་
འབྱུང་བ་ཡང་ཆོས་ལྡན་གྱི་རྒྱལ་པོ་ཉིད་ལ་རགས་པས་ན་དེ་དག་གི་ཆེད་དང་། མཚུངས་པ་མེད་པའི་སྟོབས་དང་དབང་ཕྱུག་དང་གྲགས་པ་དང་མངའ་ཐང་རྣམ་པར་རྒྱས་པ་ནི། སྔོན་ཡང་བསོད་ནམས་ཀྱི་ཕུང་པོ་ཚད་མེད་པའི་མཐུས་བསྐྲུན་པ་ཡིན་གྱི། དེང་ཡང་འཇིག་རྟེན་གསུམ་ན་སྐྱབས་
གནས་བསླུ་བ་མེད་པའི་ཐུགས་རྗེའི་བདག་ཉིད་ཅན་ནི་དཀོན་མཆོག་རིན་པོ་ཆེ་རྣམ་པ་གསུམ་སྟེ། དེ་དག་ལ་ཅི་ནུས་ཀྱིས་མཆོད་ཅིང་གསོལ་བ་འདེབས་པ་དང་། ཡོན་གནས་དམ་པར་བཞུགས་པ་འཕགས་པའི་དགེ་འདུན་གྱི་སྡེ་ལ་བསྙེན་བཀུར་སྟོབ་པ་དག་ནི། ཇི་ལྟར་བསམ་པ་ཐམས་
ཅད་འགྲུབ་པ་དང་། རིང་འཚོར་བགྱིད་པའི་ཆོ་ག་ཐམས་ཅད་ཀྱི་ནང་ནས་འདི་ལས་མཆོག་ཏུ་གྱུར་པ་འགའ་ཡང་མེད་ན། རྣམ་པ་ཐམས་ཅད་དུ་ཐབས་ཀྱི་བྱེ་བྲག་དེ་ལས་གཡེལ་བ་ནི་ཅི་ཞིག་བགྱིར་རུང་། ཁྱད་པར་དེང་གི་བསྟན་པའི་བྱ་བ་ཆེན་པོ་འདི་དག་བསྒྲུབ་པ་ལ་བར་ཆད་མེད་ཅིང་
མཐར་ཕྱིན་པར་གྱུར་ན། ཉིད་ཀྱིས་ཚེ་རབས་མང་པོ་ནས་སྨོན་ལམ་བཟང་པོས་ལེགས་པར་{སྦྲེལ་}བའི་འབྲས་བུ་མངོན་དུ་འགྱུར་བ་དང་། ཉིད་ཆོས་ལྡན་གྱི་རྒྱལ་པོའི་སྐུའི་སྐྱེ་བ་བཞེས་པའི་དགོས་པ་དང་། ཕྲིན་ལས་ཀྱི་གཞི་ཐམས་ཅད་ཀྱི་སྙིང་པོ་ནི་འདི་ལས་ལྷག་པའི་བགྱི་བ་བགྱིར་མེད་
པ་ཞིག་ན། དེང་དེ་དག་ལ་དམིགས་པའི་སྐུ་རིམ་སྒྲུབ་པ་ལ་མི་གཡེལ་བའི་བཀའ་དྲིན་ཅི་གནང་། ཇི་ལྟར་གསོལ་བ་ལེགས་པར་གྲུབ་ན། ཕན་བདེའི་རྩ་ལག་དམ་པ་རྣམས་ཀྱི་སྐུ་ཚེ་མི་ཤིགས་རྡོ་རྗེ་ཆེན་པོའི་ཁམས་སུ་འགྲུབ་པ་དང་། ཐ་གྲུ་ཡངས་པའི་རྒྱལ་སྲིད་ཀྱི་བྱ་བ་ཡང་ཆོས་
དང་མཐུན་པར་བྱེད་ལ། དེང་གི་བཞེད་པའི་གཙོ་བོ་ཉིད་ཀྱང་གེགས་མེད་དུ་མཐར་ཕྱིན་པར་འགྱུར་ཞིང་། དེ་དག་ལ་བརྟེན་ནས་འཇིག་རྟེན་དང་འཇིག་རྟེན་ལས་འདས་པའི་དགེ་ལེགས་ཐམས་ཅད་ཀྱང་རང་གི་ངང་གིས་འཕེལ་བ་དང་བསོད་ནམས་ཀྱི་སྟོབས་རབ་ཏུ་རྫོགས་པའི་མཐུ་ཉིད་ཀྱིས་སོ་

213-1-315a

ཞེས་པའི་བཀའ་སྩལ་ཚངས་པའི་བུ་མོའི་རྒྱུད་མངས་ཀྱི་གླུ་དང་འདྲ་བར་སྩལ་བར་བརྟེན། ལོ་དེར་མངའ་འོག་ཏུ་གཏོགས་པས་མཚོན་པའི་དགོན་སྡེ་རིས་སུ་མེད་པ་མཐའ་དག་ལ་སྐུ་རིམ་གྱི་རྟེན་རྒྱ་ཆེ་བ་ལན་གཉིས་སུ་དགྲམ་པ་དང་། ཁྱད་པར་ལྷུན་གྲུབ་
སྟེང་གི་ཆོས་གྲྭ་འདི་ཉིད་དུ་ཟླ་བ་བྱུང་ངོ་ཅོག་ཕལ་ཆེ་བ་ལ་གཏོར་བཟློག་གི་རིགས་གང་ཡང་རུང་བ་རེ་འཛུགས་པར་མཛད་དོ། །དེ་བཞིན་དུ་རྟེན་བཞེངས་འདིའི་གེགས་སེལ་གྱི་རིམ་གྲོ་ཡང་ཕལ་ཆེར་སྔ་མ་ལྟར་དང་། ལྷག་ཏུ་སེང་གདོང་མའི་སྙིང་པོ་སྔགས་དུང་ཕྱུར་གཅིག་འདོན་པ་དང་། སྦྱིན་
སྲེག་གི་རིགས་ཅི་མང་བླུགས་པ་དང་། ཆོས་སྐྱོང་བའི་སྲུང་མ་རྣམས་ཀྱི་གཏོར་བསྔོ་བརྒྱ་རྩ་མང་དུ་བྱས་ན་ལེགས་པའི་བཀས་གནང་ཇི་ལྟར་ཕེབས་པ་ལྟར་ཐམས་ཅད་ཚང་བར་མཛད་སོང་ཞིང་། ཁྱད་པར་མཁན་ཆེན་ཐམས་ཅད་མཁྱེན་པ་ཉིད་ནས། ཞག་བདུན་ཕྲག་གཉིས་ཀྱི་བར་སྐུ་མཚམས་
དམ་པར་བཅད་ནས། སྲུང་མའི་དབང་པོ་རབ་འབྱམས་ཀྱི་ཚོགས་ལ་མཆོད་གཏོར་བརྒྱ་རྩ་རེས་མཉེས་པར་མཛད་དེ། སྡོམ་བརྩོན་བསྟན་པའི་སྦྱིན་བདག་ཆེན་པོ་འཁོར་དང་བཅས་པ་རྣམས་ཀྱི་སྐུ་ལ་བར་ཆད་མི་འབྱུང་བ་དང་། ཇི་ལྟར་བསྒྲུབ་པར་བྱ་བའ་ཆོས་ཀྱི་སྦྱིན་པ་འདི་དག་གེགས་མེད་
དུ་མཐར་ཕྱིན་པ་དང་། བསྟན་དང་འགྲོ་བའི་དགེ་ལེགས་ཀྱི་ཚོགས་གོང་ནས་གོང་དུ་འཕེལ་བའི་ཕྲིན་ལས་དང་སྟོང་གྲོགས་སུ་རྟག་པར་འགོ་བའི་བཀའ་བསྒོ་བ་དང་། གཏོར་མ་གཏར་བཟུང་བའི་མན་ངག་ཟབ་མོ་དང་བཅས་པས་གཉེར་གཏད་ཡང་དག་པར་མཛད་དོ། །སྐུ་མཚམས་དེ་
ལས་གྲོལ་བ་ན་དགེ་འདུན་གྱི་གཙུག་ལག་ཁང་བསམ་འགྲུབ་མཐོང་གྲོལ་ཉིད་དུ་ཕེབས་ནས་ལས་བྱེད་པ་རྣམས་ལའང་སྒྲོལ་མ་ཡིད་བཞིན་འཁོར་ལོའི་རྗེས་སུ་གནང་བ་མཐའ་རྟེན་བཀྲུ་བྱ་བ་བསྲུང་གསུམ་དང་བཅས་པའི་བཀའ་དྲིན་གྱིས་བསྐྱང་ངོ་། །དེ་ལྟ་བུའི་རྐྱེན་སེལ་གྱི་རིམ་པ་
མང་པོ་དང་བཅས་པའི་འབད་རྩོལ་ཆེན་པོས་བར་དུ་བསྒྲུབས་པས། ཆུ་ཕོ་ཁྱི་ལོའི་སྟོན་ཟླ་ཐ་ཆུངས་ཀྱི་བར་དུ་བྲིས་པས་ལྷག་ལུས་ཅུང་ཟད་ཙམ་མ་གཏོགས་པའི་གཏོས་ཆེ་བ་རྣམས་བྲིས་ཟིན་པ་བྱུང་ངོ་། །དེའི་རྗེས་སུའང་དབྱར་པོ་ཕྱེད་གཉིས་ཙམ་ལ་སྨྱུག་འཛིན་པ་ཉི་ཤུ་རྩ་ལྔས་སྔར་གྱི་

213-1-315b

འཕྲོ་ལུས་པ་རྣམས་རྫོགས་པར་འདྲི་བ་དང་། གསར་དུ་ཡང་གྲུབ་མཐའ་རིས་སུ་མེད་པ་ལ་ཉེ་བར་མཁོ་བའི་རིགས་ཀྱི་བསྟན་བཅོས་གོང་དུ་སྨོས་པ་ལྟ་བུའི་མང་རབ་ཅིག་པར་དུ་བསྒྲུབ་པ་དང་བཅས་ཏེ། དེ་དག་ལའང་པར་བརྐོས་ནི་མང་པོའི་ཁྲོད་ནས་མཁས་བཏུས་བྱས་པ་བརྒྱ་ཕྲག་ལྔ་
ཙམ་ལ་བཀྲམ་ནས་པར་དུ་བརྐོར་བཅུག་པ་ཡིན་ནོ། །གཞན་ཡང་གླེགས་བམ་རྣམས་ཀྱི་དབུ་ཁང་གཡས་གཡོན་དུ་བཞུགས་པའི་སྐུ་བརྙན་ལ། ཐོག་མར་བསྟོད་པའི་ཚོགས་ཀྱི་དབུར་བསྟན་པའི་བདག་པོ་སངས་རྒྱས་བཅོམ་ལྡན་འདས་དང་། དེའི་བསྟན་པ་ལ་བྱ་བ་ལྷག་
པར་བྱས་པ་ས་སྐྱ་པཎྜི་ཏ་གཉིས་སོ། །དེ་ནས་རིམ་པར་རྒྱུད་སྡེ་གོང་འོག་གི་འགྲེལ་པ་རྣམས་ལ་རྒྱུད་སྡེ་རང་རང་ནས་འབྱུང་བའི་ཡི་དམ་གྱི་ལྷའི་གཙོ་བོ་དང་། དེའི་འགྲེལ་བྱེད་ཀྱི་སློབ་དཔོན་དང་། སོ་སོའི་དབང་བཤད་ཀྱི་བརྒྱུད་པ་ནས་འབྱུང་བ་འགའ་ཞིག་དང་། ལྷ་དང་སློབ་དཔོན་
མཛད་པོ་རྣམས་སྟོད་སྨད་ནས་ཟློས་ཏེ་བྱུང་བ་རྣམས་ལ་ནི་འདོད་པའི་ལྷ་གཞན་དང་། འཕགས་པའི་ཡུལ་གྱི་པཎྜི་ཏ་དང་གྲུབ་ཐོབ་འགའ་རེ་དང་། མཐར་རྒྱུད་སྡེ་ནས་བཤད་པའི་ཆོས་སྐྱོང་བ་རྣམས་དང་ནོར་ལྷ་འགའ་ཞིག་བྲིས་སོ། །མཚན་ཉིད་ཐེག་པའི་སྐོར་ལ། ཤེས་རབ་ཀྱི་
ཕ་རོལ་ཏུ་ཕྱིན་པའི་འགྲེལ་པ་མངོན་པར་རྟོགས་པ་རྒྱན་གྱི་དབུར་སྟོན་པ་རྫོགས་པའི་སངས་རྒྱས་དང་། བསྟན་བཅོས་གསུང་བ་པོ་མགོན་པོ་བྱམས་པ་དང་། དེ་ནས་རིམ་པར་བྱང་ཆུབ་ལྟུང་བ་བཤགས་པའི་མདོ་ལས་འབྱུང་བའི་སངས་རྒྱས་སུམ་ཅུ་རྩ་ལྔ་དང་། དཔང་སྐོང་ཕྱག་བརྒྱ་པ་ནས་
འབྱུང་བའི་ཕྱོགས་བཅུའི་སངས་རྒྱས་དང་། ཕྱོགས་བཅུའི་མུན་པ་རྣམ་པར་སེལ་བ་ནས་འབྱུང་བའི་ཕྱོགས་བཅུའི་སངས་རྒྱས་རེ་དང་། གཡོན་དུ་དཔང་སྐོང་ནས་འབྱུང་བའི་བྱང་ཆུབ་སེམས་དཔའ་བཅུའོ། །དེ་ལས་གཞན་ཕལ་ཆེ་བ་ནི་མེ་ཏོག་བཀོད་པའི་མདོ་ལས་འབྱུང་བའི་སངས་རྒྱས་བརྒྱ་
དང་ཉི་ཤུ་རྩ་གསུམ་ལས་གང་དག་ཆུད་པ་དང་། མངོན་པའི་འགྲེལ་པ་གླེགས་བམ་བཞི་པ་ཕྱིན་གྱི་བརྒྱད་པོ་ལ་གཡོན་དུ་འཇམ་དཔལ་ལ་སོགས་པའི་བྱང་ཆུབ་སེམས་དཔའ་བརྒྱད་དང་། དེ་ནས་འདུལ་བའི་འགྲེལ་པ་ལ་ཐུབ་པ་གནས་བརྟན་བཅུ་དྲུག་དང་། ཉན་ཐོས་ཆེན་པོ་མཆོག་བརྒྱད་

213-1-316a

དང་བཅས་པས་ཁྱབ་པར་བཀོད་དོ། །དེ་ནས་རིག་གནས་ཀྱི་སྐོར་ལ། སྔར་གྱི་སངས་རྒྱས་རྣམས་ལས་མ་རྫོགས་པར་ཡོད་པ་རྣམས་ཚང་བར་བཀོད་པ་དང་། བསྟན་བཅོས་རང་རང་གི་མཛད་པོ་དང་། བོད་ལ་བཀའ་དྲིན་ཆེ་བའི་སློབ་དཔོན་དང་
རྒྱལ་བློན་འགའ་རེ། སྡེ་དགེ་མཆོད་ཡོན་རྣམས་དང་། ཆོས་སྤྱིའི་སྲུང་མ་རྒྱལ་པོ་ཆེན་པོ་བཞིའི་སྐུ་བརྙན་དང་བཅས་པ་རྣམས་བྲིས་སོ། །དེ་དག་གི་རི་མོའི་འདུ་བྱེད་པ་ནི་སྨན་མཁྱེན་གཉིས་པ་བཞིན་དུ་སྣང་སྲིད་ཀྱི་དངོས་པོ་འདུས་བྱས་པ་ཐམས་ཅད་རི་མོའི་ལམ་དུ་འདྲེན་པ་ལ་
ཤིན་ཏུ་མཁས་པའི་གཟུགས་རིས་པ་གཡུང་དྲུང་བོན་གྱི་ཐེག་པ་འཆང་བ་ཨ་འཕེལ་གྱིས་བྲིས་ཤིང་། དེའི་བརྐོས་ཀྱི་འདུ་བྱེད་པ་ནི། མིག་འཕྲུལ་མཁས་པའི་ངོ་མཚར་བརྒྱ་ཕྲག་སྟོང་ཡང་ཉུང་ངུར་བྱེད་ཅིང་ཕྲ་ཞིབ་རི་མོའི་འགྲོས་ལ་མཚུངས་པ་མེད་པའི་བློ་ལྡན་བུ་ནག་ཅན་ལ་
སོགས་པ་གསུམ་དང་། གཞན་ཡང་ལཉྩ་དང་ཝརྟུ་ལའི་ཡི་གེ་དགོས་པ་རྣམས་ཀྱི་འབྲུ་བརྐོས་པ་གཉིས་དང་བཅས་པས་བརྐོས་སོ། །དེ་དག་གི་རྗེས་སུ་ཡང་པར་གྱི་ངོས་ལ་ཞུ་དག་ལན་རེ་དང་བཅས་ཏེ། མདོར་ན་སྔ་ཕྱིར་ཞུས་དག་ལན་བཞི་ཙམ་གྱིས་ཡིད་རྟོན་དུ་བཏུབ་པར་བགྱིས་
སོ། །དེས་ན་སླན་ཆད་ཀྱང་ཕྱི་མོ་འདི་དག་གི་རྒྱུན་ལ་བརྟེན་ནས་ཡི་གེར་འདྲི་བ་དང་། ལུང་ནོད་པ་དང་། འཛིན་པ་དང་། འཆང་བ་དང་། ཀློག་པ་དང་། ཀུན་ཆུབ་པར་བྱེད་པ་དང་། གཞན་དག་ལ་རྒྱ་ཆེར་ཡང་དག་པར་རབ་ཏུ་སྟོན་པ་དང་། གླེགས་བམ་དུ་བྱས་ཏེ། ཁོར་ཡུག་ཀུན་
དུ་མེ་ཏོག་གི་ཕྲེང་བ་དང་། བདུག་པའི་སྤྲིན་དང་། མར་མེའི་ཕྲེང་བ་དང་། དྲི་ཞིམ་པོའི་ཆུའི་བྱུག་པ་དང་། ལྷའི་ཞལ་ཟས་རོ་བརྒྱ་དང་ལྡན་པ་དང་། དབྱངས་སྙན་རོལ་མོའི་ཚོགས་ཀྱིས་མངོན་པར་མཆོད་ཅིང་། གཞན་ཡང་ལྷ་དང་མིའི་ཡུལ་ན་ཁྱད་པར་དུ་འཕགས་པའི་འཕན་
དང་། གདུགས་དང་། རྒྱལ་མཚན་དང་། བ་དན་དང་། དྲིལ་བུ་སིལ་སིལ་གྱི་དྲ་བ་དང་། མེ་ཏོག་གི་ཕྲེང་བ་རྣམ་པ་སྣ་ཚོགས་པས་ཀུན་ནས་ཡོངས་སུ་བསྐོར་ཏེ་བཀུར་སྟིར་བགྱི་བ་དང་། བླ་མར་བགྱི་བ་དང་། མཆོད་པར་བགྱི་བ་དང་། རྗེད་བར་བགྱི་བ་དང་། རི་མོར་བགྱི་བ་དང་།

213-1-316b

ཁྱད་པར་ཆོས་ཀྱི་ཚུལ་འདི་དག་གི་དགོས་པའི་གཙོ་བོར་གྱུར་པ་ཐོས་པ་དང་། བསམ་པ་དང་། བསྒོམ་པ་རྣམས་ལ་རབ་ཏུ་གུས་པ་དང་ཤིན་ཏུ་བརྩོན་པར་བགྱིས་ན། དེའི་ཕན་ཡོན་བཅོམ་ལྡན་འདས་ཀྱིས་ཞལ་གྱི་ལུང་བཟང་དྲི་མ་མེད་པས་མདོ་སྡེ་དང་རྒྱུད་སྡེ་རྣམས་ནས་ཇི་ལྟར་
བསྔགས་པ་རྣམས་རིང་པོར་མི་ཐོགས་པར་འཐོབ་པ་ནི་ངེས་པའོ། །གསུམ་པ་བརྩམས་པའི་ལས་མཐར་ཕྱིན་པའི་ཚུལ་ལ། ནམ་ཞིག་མཐར་ཕྱིན་པ་དང་། མཐར་ཕྱིན་པའི་བྱ་བ་གཉིས་ལས། དང་པོ་ནམ་ཞིག་ལས་མཐར་ཕྱིན་པ་དེའང་། རྡོ་རྗེ་སྙིང་པོའི་གཟུངས་ཀྱི་མདོ་
ལས། བཅོམ་ལྡན་འདས་རིགས་ཀྱི་བུའམ་རིགས་ཀྱི་བུ་མོ་གང་ལ་ལ་ཞིག་གཟུངས་འདི་འཛིན་པ་དང་། འཆང་བ་དང་། ཀློག་པ་དང་། ཀུན་ཆུབ་པར་བགྱིད་པ་དང་། ཡི་གེར་འདྲི་བ་དང་། གཞན་དག་ལ་ཡང་རྒྱ་ཆེར་སྟོན་པ་དེ་ལ་ཚེ་འདི་ལ་ཡོན་ཏན་ཇི་སྙེད་ཅིག་མཆིས་པར་
འཚལ་བར་བགྱི། བཅོམ་ལྡན་འདས་ཀྱིས་བཀའ་སྩལ་པ། དེ་ལ་ལྟ་དང་། ཀླུ་དང་། གནོད་སྦྱིན་དང་། དྲི་ཟ་རྣམས་སྲུང་བར་ཤེས་པར་བྱའོ། །དེ་ཆོས་ཐམས་ཅད་ལ་ཐེ་ཚོམ་མེད་པར་ཤེས་པར་བྱའོ། །དེ་ཆོས་རབ་ཏུ་དབྱེ་བའི་ཤེས་པ་དང་ལྡན་པར་ཤེས་པར་བྱའོ་ཞེས་
དང་། དཀོན་མཆོག་ཏ་ལ་ལར། ཀུན་དགའ་བོ་གང་ལ་ལ་ཞིག་ཆོས་ཀྱི་རྣམ་གྲངས་འདི་ཡི་གེར་འདྲི་བ་དེ་ནི་མིག་ན་བར་མི་འགྱུར། ལྕེ་ན་བར་མི་འགྱུར། སྣ་ན་བར་མི་འགྱུར། སོ་ན་བར་མི་འགྱུར། ལག་པ་དང་རྐང་པ་ན་བར་མི་འགྱུར། ཀླད་པ་ན་བར་མི་འགྱུར། རྣ་བ་ན་བར་མི་འགྱུར།
ལུས་དམན་པར་མི་འགྱུར། ལུས་དྲི་མི་ཞིམ་པར་མི་འགྱུར། ཕ་རོལ་གྱི་གནོད་པས་འཆི་བའི་དུས་བྱེད་པར་མི་འགྱུར་རོ། །དེ་ལ་མི་དང་མི་མ་ཡིན་པ་ཐམས་ཅད་བསྲུང་བར་འགྱུར་རོ། །འདི་ནས་ཤི་འཕོས་ནས་ཀྱང་དེ་སྤྲོས་པ་ཐམས་ཅད་ཡོངས་སུ་སྤངས་ནས་བདེ་འགྲོ་མཐོ་རིས་ཀྱི་འཇིག་
རྟེན་དུ་ལྷ་རྣམས་ཀྱི་ནང་དུ་སྐྱེ་བར་འགྱུར་རོ་ཞེས་གསུངས་པ་ལྟར། སྡོམ་བརྩོན་མི་བདག་ཆེན་པོའི་ལྷག་པའི་སེམས་ཀྱི་རྒྱ་མཚོ་རབ་ཏུ་རྒྱས་པ་ལ། སླར་ཡང་དགེ་ཚོགས་རིན་པོ་ཆེའི་ལྷུན་པོ་འདི་ཉིད་བསྐྲུན་པ་ལ་སྤྲོ་བ་དམ་པའི་དབའ་རླབས་ཀྱི་ཕྲེང་བས་ནམ་མཁའི་ངོས་ལ་འགོང་བ་སྙམ་

213-1-317a

བགྱིད་པ་འདི་དག་ལ། ཕྱོགས་བཅུའི་དེ་བཞིན་གཤེགས་པ་ཐམས་ཅད་ཀྱང་དབྱིངས་ནས་དགྱེས་པའི་ཡེ་ཤེས་ཀྱི་སྤྱན་རས་ཤིན་ཏུ་གྲུངས་པར་གྱུར་པ་དག་གིས་ཡང་དག་པར་གཟིགས་སོ། །གཟིགས་ནས་ཀྱང་ཚད་མེད་པའི་བྱིན་གྱིས་བརླབས་པ་དང་།
ཐུགས་རྗེ་ཆེན་པོའི་ཕྱག་རིང་ལེགས་པར་བརྐྱང་བའི་རབ་ཡངས་པའི་ཁོངས་ལས་ནམ་ཡང་མི་འདའ་བར་ཡེངས་སུ་བསྲུངས་པ་དང་། ཡོངས་སུ་བསྐྱབས་པ་དང་། ཞི་བ་དང་བདེ་ལེགས་སུ་མཛད་པ་དང་། རྟག་ཏུ་བརྟེན་ཅིང་བསྒྲུབས་པའི་ལྷ་སྲུང་གཉེན་པོའི་ཚོགས་ཐམས་ཅད་ཀྱང་
རྣམ་པ་ཐམས་ཅད་ནས་ཐམས་ཅད་དུ་ལུས་དང་གྲིབ་མ་ལྟར་འགྲོགས་ནས། དེང་གི་དགེ་བའི་རྩ་བ་འདི་ཉིད་སྒྲུབ་པའི་ཉེན་ཀོར་དང་། ཁོ་ར་ཁོར་ཡུག་གི་འཛིན་མའི་དཀྱིལ་འཁོར་ཡངས་པའི་ཁྱོན་ཐམས་ཅད་དུ་བར་དུ་གཅོད་པ་རྩོམ་པ་ལ་མི་སྤྲོ་བ་མེད་པའི་བདུད་དང་། བདུད་ཀྱི་རིགས་
ཅན་རྣམས་དང་། གཞན་ཡང་ལོག་པར་འདྲེན་པ་གདུག་པ་ཅན་དང་། གནོད་སྦྱིན་དང་། སྲིན་པོ་དང་། འབྱུང་པོ་དང་། རོ་ལངས་དང་། ཡི་དྭགས་དང་། ཤ་ཟ་དང་། སྨྱོ་བྱེད་དང་། བརྗོད་བྱེད་དང་། མ་མོ་དང་། སྲུལ་པོ་དང་། ལུས་སྲུལ་པོ་དང་། ལྷ་མ་ཡིན་ལ་སོགས་པ་
ལེགས་པའི་ཕྱོགས་ལ་སྡང་བའི་སེམས་དང་ལྡན་པ། གདུག་པའི་སེམས་དང་ལྡན་པ། དྲག་ཤུལ་གྱི་སེམས་དང་ལྡན་པ་རྣམས་ཀྱིས་རྣམ་པ་ཐམས་ཅད་དུ་ཕྲག་དོག་དང་བསླུ་བྲིད་ཀྱི་གོམ་པ་འདོར་ཞིང་བགྲོད་པའི་རྒྱུན་ཡོངས་སུ་བཅད་པ་དང་། དེ་དག་གི་བསམ་སྦྱོར་ངན་པའི་ཁ་རླངས་
ཀྱི་འཚུབས་མར་གྱུར་པའི་ནད་ཐམས་ཅད་དང་། གདོན་ཐམས་ཅད་དང་། ཉེ་བར་འཚེ་བ་ཐམས་ཅད་དང་། དུས་མ་ཡིན་པར་འཆི་བའི་འཇིགས་པ་ཐམས་ཅད་དང་། འཐབ་མོ་དང་རྩོད་པ་འགྱེད་པ་ཐམས་ཅད་ཀྱི་གནོད་པ་དང་བར་དུ་གཅོད་པ་ཐམས་ཅད་མི་གནས་པ་དང་། འབྱུང་
བ་མེད་པ་ཉིད་དུ། དེ་དག་གི་མཐུ་ཆེན་པོ་དང་། རྫུ་འཕྲུལ་ཆེན་པོ་དང་། གཟི་བརྗིད་ཆེན་པོའི་སྲུང་བ་དག་གིས་ཡོངས་སུ་བསྲུངས་པ་དང་། ཡོངས་སུ་བསྐྱབས་པ་དང་། ཡོངས་སུ་སྦ་བ་བགྱིས་ཏེ། མདོར་ན་ཕྲིན་ལས་སུ་འོས་པ་གང་དང་གང་བསྒོས་པ་ཐམས་ཅད་ཐོགས་པ་མེད་པ་ཉིད་

213-1-317b

དུ་ལེགས་པར་བསྒྲུབས་སོ། །གཞན་ཡང་རྣམ་པར་དཀར་བའི་ལེགས་བྱས་ཀྱི་ཕུང་པོ་འདི་དག་མངོན་པར་འདུ་བགྱིད་པ་ན། དེའི་ཚེ་རྒྱལ་བའི་བསྟན་པ་སྐྱོང་བ་ལ་གུས་པ་དང་མངོན་པར་དཔའ་ཞིང་རྩེ་གཅིག་ཏུ་འདུན་པའི་ཕྱོགས་བཅུའི་སྲུང་མ་ལ་སོགས་པ་འཇིག་རྟེན་སྐྱོང་བའི་ལྷ་
མཐུ་བོ་ཆེ་རྣམས་ཀྱང་དགའ་བའི་རུ་མཚོན་སྲིད་པའི་རྩེ་མོའི་བར་དུ་སྙེགས་པར་བསྒྲེངས་ཤིང་། རང་རང་གི་མཐུ་དང་རྫུ་འཕྲུལ་གྱིས་མངོན་པར་འདུ་བགྱིས་པའི་འཁོར་དང་ཡང་འཁོར་དང་། བྲན་དང་ཡང་བྲན་ལ་སོགས་པའི་སྡེ་དང་དཔུང་དུ་བཅས་པ་རྣམས་ཀྱང་། དཔེར་ན་ཁ་དོག་
བཟང་པོ་དང་དྲི་བཟང་པོ་དང་། རོ་བྲོ་བ་བཟང་པོ་དང་ལྡན་པའི་པདྨའི་སྐྱེད་ཚལ་ཆེན་པོ་རབ་ཏུ་རྒྱས་པ་ནི་གང་དུ་མཆིས་པ་དེར་། སྦྲང་རྩིས་འཚོ་བའི་རྐང་པ་དྲུག་པ་རྣམས་ངང་གིས་འདུ་བ་དེ་བཞིན་དུ་ཡང་དང་ཡང་དུ་ལྷགས་ཤིང་། ལྷགས་ནས་ཀྱང་རྒྱལ་བའི་བསྟན་པ་དང་བསྟན་པའི་རྩ་ལག་ཏུ་
གྱུར་བ་འཁོར་དང་སྡེ་དང་གཡོག་ཏུ་བཅས་པ་ཐམས་ཅད་ཀྱང་ཡོངས་སུ་བསྲུངས་པ་དང་། ཡོངས་སུ་བསྐྱབས་པ་དང་། ཞི་བ་དང་བདེ་ལེགས་སུ་འགྱུར་བའི་སྟོང་གྲོགས་དང་དཔུང་གཉེན་དམ་པ་ནི་ཅི་ཡང་བྱས་སོ། །དེས་ན་ཐུགས་རྗེ་ཆེན་པོ་དང་ལྡན་པ་དང་མཐུ་སྟོབས་ཆེན་པོ་དང་ལྡན་པ་
དེ་དག་གིས་ལེགས་པར་བསྲུངས་ཤིང་དགེ་ལེགས་སུ་བསྒྲུབས་པའི་ར་བ་ན་ལེགས་པར་གནས་བཞིན་པས། ས་བཅུའི་དབང་ཕྱུག་མགོན་པོ་མ་ཕམ་པ་དང་ལག་ན་རྡོ་རྗེ་ལ་སོགས་པ་བྱང་ཆུབ་སེམས་དཔའ་དང་། དགྲ་བཅོམ་པ་དང་། པཎྜི་ཏ་དང་། གྲུབ་པའི་སློབ་དཔོན་ཆེན་པོ་
རྣམས་ཀྱིས་ལེགས་པར་གསུངས་པའི་བསྟན་བཅོས་རིན་པོ་ཆེ། གངས་ཅན་གྱི་ལྗོངས་སུ་ཇི་སྙེད་བཞུགས་པའི་གླེགས་བམ་བརྒྱ་ཕྲག་གཉིས་ལ་མཛེས་པར་བྱེད་པའི་རྒྱན་བཀྲ་ཤིས་པའི་གྲངས་ཀྱིས་བརྒྱན་པའི་ཆོས་ཀྱི་གཏོང་བ་ནམ་ཞིག་ཐུབ་པའི་དབང་པོའི་བསྟན་པ་ཇི་སྲིད་གནས་པར་
གྱུར་བ་དེ་སྲིད་དུ་གླེགས་བམ་གྱི་ཕྲེང་བ་རྒྱུན་མི་འཆད་བར་འབྱུང་བའི་ངོ་མཚར་སྒྱུ་མའི་རྒྱལ་པོ་དང་འདྲ་བའི་ཕྱི་མོ་འདི་དག་རྟག་སྦྱོར་དང་གུས་སྦྱོར་གྱི་བརྩོན་འགྲུས་མེ་འབར་བ་ལྟ་བུས་བསྒྲུབས་པའི་ལས་ཀྱི་རྗེས་མར་གྱུར་བ་པར་གྱི་ངོའི་ཞུས་དག་དང་བཅས་པ་མ་ཚང་བ་མེད་པ་ཡོངས་སུ་རྫོགས་

213-1-318a

པར་གྲུབ་པའི་དུས་ནི། རབ་བྱུང་བཅུ་གཉིས་པའི་ནང་གསེས་ཀྱི་གནམ་ལོའི་མིང་ནི་འཕགས་པའི་ཡུལ་གྱི་བརྡ་སྤྲོད་པའི་གཞུང་གི་ཆོ་གས་མངོན་པར་བསྒྲུབས་པ་སཾ་སྐྲྀ་ཏའི་སྐད་དུ་རཀྟཱ་ཀྵི་ཞེས་པ། མངོན་བརྗོད་འབུམ་ཕྲག་གསུམ་པར་མིག་དམར་
ཞེས་འབྱུང་བ། ཤར་ཕྱོགས་སྟོང་ཀུན་གྱི་མི་བདག་ཆེན་པོས་ཡོངས་སུ་བསྲུངས་པའི་ཡུལ་ན་གྱ་ཙི་ཞེས་དང་། ལྗོངས་འདིར་དབང་ཐང་དང་བསྟུན་ནས་རྗེས་སུ་བསྒྲུབ་པར་ཤིང་ཕོ་བྱི་བར་གྲགས་པ། ཕོ་བྲང་གླིང་དགུ་པའི་དབུས་སུ་ཀླུའི་མེ་ལོང་གིས་གནས་པ། འབྱུང་བ་སུམ་
ལྡན་སེ་ཞིག་གི་ལོ་བཀྲ་ཤིས་ཀྱི་ཀླུང་དང་ལྡན་པའོ། །དེ་ལའང་བཅུ་གཉིས་ཁྱིམ་གྱི་བདག་པོ་གནོད་སྦྱིན་གྱི་ཕྱོགས་སུ་བགྲོད་པའི་དུས་དང་། མདོ་སྡེ་གསེར་འོད་དམ་པ་དང་། དུས་ཀྱི་འཁོར་ལོའི་ལུགས་ཀྱིས་སྟོན་པས་དུས་འཁོར་རྩ་རྒྱུད་གསུངས་པའི་དུས་ཆེན་ཡིན་པ་
ལ་སོགས་པའི་རྒྱུ་མཚན་མང་པོས་ལོ་འགོར་འགོད་པ། ནག་པས་ཉ་བའི་དྲི་ཞིམ་ལྡན་གྱི་ཟླ་བ། ཧོར་ལུགས་ཀྱི་ཞག་གི་ཕུང་པོ་གསུམ་པའི་དཀར་ཕྱོགས་ཀྱི་རྫོགས་པ་གསུམ་པ་སྟེ། གཉིས་སུ་མེད་པའི་རྒྱུད་ཆེན་དུས་ཀྱི་འཁོར་ལོ་གསུངས་པའི་དུས་བཟང་པོ། དུས་འཁོར་བའི་
ལུགས་ཀྱི་དབྱངས་ནི་ལའོ། །གསལ་བྱེད་ནི་ཙླའོ། །འབྱུང་བ་ནི་སའི་ཁམས་སོ། །འདོད་པའི་ཡོན་ཏན་ནི་དྲི་ཉིད་དོ། །གཙུག་ན་ཟླ་བའི་ལུགས་ཀྱི་དབྱངས་དང་གསལ་བྱེད་ནི་ཨོ་དང་ཧའོ། །འབྱུང་བ་ནི་ནམ་མཁའི་ཁམས་སོ། །འདོད་པའི་ཡོན་ཏན་ནི་སྒྲ་ཉིད་དོ། །གཉིས་ཀ་མཐུན་
པའི་དར་གུད་ནི་སྨིན་པའོ། །ཉི་མ་ནི་ཤིང་འབྲུག་གོ། །སྤར་ཁ་དང་སྨྲེ་བ་ནི་ཟིན་དང་དགུ་དམར་དག་གོ། །རེས་གཟའ་ཉི་མ་སྟེ་རགས་པར་ཞུད་པ་ཞིབ་པར་གུད་པ་སྟེ། དེ་ཉིད་རྒྱུ་སྐར་གྱི་ལྷ་མོ་ནག་པ་དང་ལྷན་ཅིག་ཏུ་རྩེ་བའི་འཕྲོད་ནི་འདོད་པ་དང་། སྦྱོར་ནི་སྟོབས་དང་ལྡན་པ་ལ་སོགས་པ་
དུས་ཚེས་ཕུན་སུམ་ཚོགས་པའི་འཛོམ་པའི་ཉིན་མོར་མ་ཚང་བ་མེད་པ་མཐར་ཕྱིན་པར་ཡོངས་སུ་གྲུབ་པོ། །གཉིས་པ་ལས་མཐར་ཕྱིན་པའི་བྱ་བ་ལ། གང་དུ་བཞུགས་པའི་རྟེན་གཙུག་ལག་ཁང་འདུ་བྱས་པ་དང་། ལས་བྱེད་པ་ཡོན་གྱིས་མཉེས་པར་བྱས་པ་དང་། བཀྲ་ཤིས་པའི་ངོ་

213-1-318b

མཚར་ཇི་ལྟར་བྱུང་བ་དང་། རབ་ཏུ་གནས་པ་བྱས་པ་གླེང་བའོ། །དང་པོ་ལའང་སྔོན་དུས་ཆོ་ག་ཇི་ལྟར་བྱས་པ་དང་། དངོས་ཇི་ལྟར་འདུ་བྱས་པའོ། །དང་པོ་ལའང་ས་ཆོག་གི་དགོས་པ་དང་། ཆོ་ག་དངོས་དང་། དེ་ལས་ཇི་ལྟར་བཀར་བ་གླེང་བའོ། །དང་པོ་ས་ཆོག་གི་དགོས་
པ་ནི། ས་ཕྱོགས་གང་དུ་གཙུག་ལག་ཁང་དང་། ཁང་པ་བརྩེགས་པ་དང་། མཆོད་རྟེན་དང་། དཀྱིལ་འཁོར་བཞེང་བ་ལ་སོགས་པ་དོན་དུ་གཉེར་བ་དག་གིས་སྔོན་དུ་སའི་ཆོ་ག་ཚུལ་བཞིན་དུ་བགྱིས་པས་སྐྱོན་དང་བྲལ་བའི་ས་གཞི་རང་དབང་དུ་འགྱུར་བ་དང་། འཕྲལ་དང་ཡུན་
དུ་དགེ་ཞིང་སྡེ་བཞིའི་དཔལ་ཐམས་ཅད་རབ་ཏུ་འཕེལ་བར་འགྱུར་བ་ལ་སོགས་པའོ། །གཉིས་པ་ཆོ་ག་དངོས་ལ། སྤྱིར་ཕྱི་དང་ནང་གི་རིག་པའི་རྒྱུད་གཞུང་རྣམས་ནས་ས་ཆོག་གི་རྣམ་གཞག་མང་དུ་འབྱུང་བ་ལས། འདིར་སྐབས་སུ་བབ་པ་ནི་དཔལ་ཀྱེ་རྡོ་རྗེའི་རྩ་བའི་རྒྱུད་དང་། 
བཤད་པའི་རྒྱུད་རྣམས་ཀྱི་དགོངས་པ་རྒྱ་བོད་ཀྱི་མཁས་པ་ཆེན་པོ་རྣམས་ཀྱིས་གསལ་བར་ཕྱེ་བའི་བཀའ་སྲོལ། ལྷག་པའི་ལྷ་དེའི་རྣལ་འབྱོར་གྱི་སྒོ་ནས་སའི་ཆོ་ག་ཡང་དག་པར་བྱས་པ་སྟེ། ཆོ་ག་དེ་ཡང་དོན་རྣམ་པ་ལྔས་བསྡུས་པའི་བདག་ཉིད་ཅན་ནོ། །དེའང་ཇི་ལྟར་ཞེ་ན། ས་གཞི་
བརྟག་པ་དང་། བསླང་བ་དང་། སྦྱང་བ་དང་། གཟུང་བ་དང་། སྲུང་བའོ། །དང་པོ་ནི། གསལ་བ་སྤྱི་རྒྱུད་ལས། དང་པོ་པུས་ནུབ་ཙམ་བརྐོས་ལ། །ས་དེ་ཉིད་ཀྱི་དགང་བར་བྱ། །གལ་ཏེ་ལྷག་པར་གྱུར་ན་ནི། །དངོས་གྲུབ་དག་ནི་ཡོད་པར་འགྱུར། །ཞེས་བྱ་བས་ས་ཉིད་
ཀྱིས་བརྟག་པ་དང་། ཁྲུ་ཕྱེད་བརྐོས་ནས་ཆུ་ཡིས་བཀང་། །གོམ་པ་བརྒྱ་རུ་འགྲོ་བར་བྱ། །མྱུར་དུ་འོངས་ནས་བལྟ་བྱ་སྟེ། །དེ་བཞིན་འདུག་ན་ལྷག་པར་བསྔགས། །ཞེས་བྱ་བས་མཚན་མས་བརྟག་པ་དང་། མཐོ་དམའ་ཅན་དང་ཚེར་མ་ཅན། །གྱོ་མོ་དུམ་བུ་ཅན་དག་དང་། །
དབྱིབས་ཀྱི་རུས་པ་སྡོང་དུམ་ཁུང་། །གྲོག་མཁར་ཐལ་བ་ཚ་སྒོ་ཅན། །གསེག་མ་རྡུལ་དང་རྡོ་དང་སྐྲ། །སྲིན་བུ་གྲོག་སྦུར་ལ་སོགས་མང་། །དེ་ལྟ་བུ་ཡི་ས་གཞི་ནི། །མཁས་པས་ལས་རྣམས་ཀུན་ལ་སྤང་། །ཞེས་ཟུག་རྔུ་ཡོད་མེད་ཀྱིས་བརྟག་པ་ལ་སོགས་པ་སྟེ།

213-1-319a

དེ་དག་ནི་དཀྱིལ་འཁོར་གྱི་ས་གཞི་དང་ཐུན་མོང་དུ་བརྟག་པ་དང་། །བྱེ་བྲག་ཏུ་གཙུག་ལག་ཁང་ལ་སོགས་པ་ལ་ཡུལ་གྱི་དགེ་བ་བཅུས་བརྟག་པ་དང་། དབྱིབས་ཀྱི་གནས་ཚུལ་གྱིས་བརྟག་པ་དང་། ཕྱི་དང་ནང་གི་རྟེན་འབྲེལ་གྱིས་བརྟག་པ་དང་། ཁ་དོག་གིས་བརྟག་
པ་ལ་སོགས་པ་མང་དུ་འབྱུང་བ་སྟེ་དེ་དག་གིས་བརྟག་པའོ། །གཉིས་པ་ལ་གཉིས་ཀྱི། མངོན་པ་ལས་བསླང་བ་ནི། ལེགས་པར་བརྟགས་པའི་ས་གཞི་དེ་ཡུལ་གྱི་རྒྱལ་པོ་དང་བློན་པོ་ལ་སོགས་པས་བདག་གིར་བྱས་པ་ན། དེ་ལས་ཚིག་གམ་རིན་གྱིས་བསླུ་བ་སྟེ། སྤྱི་རྒྱུད་ལས།
བདེན་པའི་ཚིག་གིས་བསླུ་བའམ། ཡང་ན་རི་བའི་རིན་གྱིས་བླུ། །ཞེས་སོ། །མི་མངོན་པ་ལས་བསླང་བ་ནི། ལྷའི་རྣལ་འབྱོར་དང་ལྡན་པའི་གང་ཟག་གིས་ས་གཞི་དེར་མཆོད་གཏོར་ཚུལ་བཞིན་དུ་བཤམས་ནས། སའི་ལྷ་མོ་དང་། ཕྱོགས་སྐྱོང་བ་རྣམས་ལ་མཆོད་གཏོར་བྱིན་ནས་
བསླང་བ་སྟེ། ཡང་དག་པར་སྦྱོར་བ་ལས། སའི་ལྷ་མོ་ཁ་དོག་གསེར་གི་མདོག་ཅན་བུམ་པ་ལག་ན་ཐོགས་པ་བཀུག་ཅིག་བཅུག་སྟེ་བཅིངས་ནས། དྲི་ཞིམ་པོ་ལ་སོགས་པའི་མཆོད་པ་ལྔ་པོ་རྣམས་ཀྱིས་མཆོད་ཅིང་ལྷག་པར་ཉེ་བར་གནས་པར་བྱའོ་ཞེས་དང་། རྩ་བའི་རྒྱུད་ལས། གོང་གི་
ཨ་སོགས་སྔགས་ཀྱིས་ནི། །དེ་ལ་གཏོར་མ་རྣམ་པར་སྦྱིན། །ཞེས་དང་། མ་མ་རིན་ཆེན་སྣ་ཚོགས་འཛིན། །ཞེས་བྱ་བ་ལ་སོགས་པས་བསྟན་ཏོ། །གཞན་ཡང་བགེགས་རིགས་ཕྲ་མོ་རྣམས་ཀྱང་ཐོག་མར་གཏོར་མས་ཚིམ་པར་བྱ་བའང་། བདུད་རྩི་ལས་རྒྱ་མཚོའི་རྒྱུད་ལས།
གེགས་སུ་གྱུར་བའི་བགེགས་རིགས་ལ། །མཉམ་པའི་དོན་གྱིས་སུན་མི་དབྱུང་། །དམིགས་ཀྱི་ཁ་ཟས་སྣ་ཚོགས་ཀྱིས། །བགེགས་རྣམས་མགུ་ནས་ལན་ཆགས་འཁོར། །ཞེས་སོ། །གསུམ་པ་ལའང་གཉིས་ཀྱི། ལས་དང་བྱ་བས་སྐྱོན་སྦྱང་བ་ནི། །ས་བདག་ལྟོ་འཕྱེ་རྒྱུ་བའི་ཚུལ་ལ་
ལེགས་པར་བརྟགས་ནས། དེའི་ལུས་ཀྱི་ཆ་དགུ་ལས་འདས་པའི་ལྟོ་བའི་ཕྱོགས་ནས་དངོས་གྲུབ་ཀྱིས་བླངས་པས་སྦྱང་བ་སྟེ། བཟང་པོ་ཡོངས་བཟུང་ལས། དགུན་ཟླ་ར་བ་ལ་སོགས་ནས། །བརྩམས་ཏེ་ཟླ་བ་གསུམ་གསུམ་དུ། །ལྟོ་འཕྱེ་ལྷོ་དང་ནུབ་དང་བྱང་། །ཤར་དུ་དེ་ཡི་མགོ་བོ་སྟེ། །གཡོན་

213-1-319b

པའི་ཟུར་གྱིས་ཉལ་བ་ཡིན། །ཕྱི་ཡི་ལྟོ་བ་ཤེས་ནས་བརྐོ། །མགོ་དང་རྒྱབ་སོགས་ནས་བརྐོས་པའི། །སྐྱོན་ནི་རྒྱས་པ་ལས་ཤེས་བྱ། །ཞེས་དང་། དེ་ཉིད་རྣམ་པར་བརྟག་པའི་ཚུལ་ཡང་ལེགས་པར་གྲུབ་པའི་རྒྱུད་ཆེན་པོའི་ལུང་། རཏྣ་རཀྵི་ཏ་དང་། ཞང་གྲུབ་པ་དཔལ་གྱི་འགྱུར་ལས། 
ས་གཞི་གང་ཡིན་དེ་ནི་གྲུབ་ཞིང་བྱ། །ཟླ་བ་གསུམ་གྱི་ཉིན་མོའི་གྲངས་ཀྱིས་འདིར། །ཕྱོགས་ནི་སོ་སོར་ས་དེ་རྣམ་པར་དབྱེ། །དབང་ལྡན་ནས་ནི་མེ་ཡི་མཚམས་ཀྱི་བར། །ཤར་གྱི་ས་དེ་དགུ་བཅུར་རྣམ་པར་དབྱེ། །མེ་ནས་བདེན་བྲལ་མཚམས་ཀྱི་བར་དང་ནི། །བདེན་བྲལ་ནས་ནི་
རླུང་གི་མཚམས་བར་དང་། །རླུང་ནས་འབྱུང་པོའི་བདག་པོའི་མཚམས་ཀྱི་བར། །དེ་བཞིན་ཁོ་ནར་དགུ་བཅུར་རྣམ་དབྱེ་བྱ། །སྟོན་ཟླ་ར་བ་འབྲིང་དང་ཐ་མའི་བར། །དབང་ལྡན་མཚམས་ལ་སོགས་པར་མགོ་བོར་གནས། །བདེན་བྲལ་མཚམས་སོགས་འཇུག་མའི་ཆ་རུ་གནས། །གསང་
བའི་གནས་ནི་ས་ཡི་དབུས་སུ་གཞག །ལྟེ་བ་མན་ཆད་ལྟོ་འཕྱེའི་ལུས་སུ་གནས། །སྟོད་ནི་གདེངས་ཀ་དང་ལྡན་མི་ཡི་ལུས། །ལྷོར་བལྟས་ལག་པ་གཡོན་པ་རྣ་བར་བཞག །གཡས་པ་རིན་ཆེན་དང་བཅས་དཀུ་རུ་བཞག །ས་ཡི་ཆ་དགུར་ཁྱབ་པར་ཉལ་ནས་གནས། །ཀླུ་རྒྱལ་དེ་ཡི་
ལུས་ཚད་མཐོ་བཅུའོ། །ཤར་དང་ནུབ་ལ་སོགས་པར་གནས་པ་ཡང་། །ས་ཡི་དུམ་བུ་དེ་ནི་གཞལ་བ་ལྟར། །ཉི་མའི་བགྲོད་པ་ཚེས་གཅིག་ལ་སོགས་པར། །ཉིན་ཞག་རེ་རེ་ཞིང་ནི་ཆ་རེ་རེར། །ཇི་ལྟར་རིགས་པར་ཤར་གྱི་ཆ་རུ་རྒྱུ། །ལྷོ་དང་ནུབ་དང་བྱང་དུའང་དེ་བཞིན་ནོ། །ཞེས་དང་།
དེ་ཡི་ལུས་ལ་ཀླུ་ཡི་བདག་པོ་བརྒྱད། །འོ་མ་ལ་སོགས་ཉེར་སྤྱད་རྣམས་ཀྱིས་མཆོད། །ཞེས་པ་སྟེ། དེའང་མཇུག་རྩེ་དང་། གསང་བ་དང་། ལྟེ་བ་དང་། དཔུང་པ་དང་། སྙིང་ག་དང་། {མགྲིན་}པ་དང་། རྣ་བ་དང་། སྤྱི་བོ་རྣམས་སུ་རིམ་པ་ལྟར་རིགས་ལྡན་སྔོན་པོ་དང་། སྟོབས་ཀྱི་རྒྱུ་དུ་བའི་མདོག་
དང་། དུང་སྐྱོང་དཀར་པོ་དང་། པདྨ་ཆེན་པོ་སེར་པོ་དང་། ནོར་རྒྱས་ལྗང་གུ་དང་། འཇོག་པོ་དམར་པོ་དང་། པདྨ་དཀར་པོ་དང་། མཐའ་ཡས་སྔོན་པོ་རྣམས་སོ། །ཇི་ལྟར་བརྐོ་བའང་། དེ་སྤྱོད་མི་ནི་བགེགས་མཐར་བྱེད་དུ་བསྒོམ། །དཔའ་བོས་ལག་པ་ཏོག་རྩེ་རྡོ་རྗེས་མཚན། །ལག་པ་གཡོན་

213-1-320a

པ་འོག་ཏུ་བྱས་ལ་གཟུང་། །དེ་ཡིས་བདུད་ཀྱི་ཚོགས་རྣམས་སྐྲག་ཅིང་བཟློག །ཤར་དང་བྱང་གི་ཕྱོགས་སུ་ཁ་བལྟས་པས། །ཏོག་རྩེ་ཁམ་བཞི་བརྒྱབ་ནས་བླངས་པ་ཡིས། །ཞི་བའི་སེམས་ཀྱིས་གཏོར་མའི་ནང་ཉིད་དུ། །བཞག་པའམ་ཕྱི་རོལ་མེ་ཡི་མཚམས་སོགས་
དོར། །འབད་པར་དེ་ཡིས་ཁམ་ལྔ་བླངས་པའི་ས། །ས་ཡི་དབུས་སུ་ལེགས་པར་ཡིད་ཀྱིས་དགྲམ། །ཁམ་ལྔ་འདས་མས་དེ་ལ་དུ་མ་ཡིས། །ཕྱོགས་དང་མཚམས་རྣམས་ཀུན་ནས་བརྐོ་བར་བྱ། །ཞེས་དང་། གང་དུ་བརྐོ་བའི་ས་དམིགས་ཀྱང་། སྐར་མ་ཁྲུམས་ཀྱིས་ཉ་བ་དང་ཉི་མ་བུ་མོའི་ཁྱིམ་དུ་
སྤྱོད་པ་ལ་སྟོན་ཟླ་ར་བར་བརྩིས་པའི་སྟོན་འབྲིང་པོ་ལ་མགོ་བོ་ཤར་དང་། མཇུག་མ་ནུབ་དྲང་པོར་འོང་པ་ལ་དཔེར་མཚོན་ནས། དེ་ཉིད་ལས། ཤར་ནས་ཆ་ནི་ཉི་ཤུ་རྩ་བདུན་དོར། །བྱང་ནས་ཕྱེད་དང་བཅུ་བཞིའི་ཆ་དོར་བར། །ཤར་ནུབ་ཆ་དགུ་ལྷོ་བྱང་ཕྱེད་དང་ལྔ། །འདི་ནི་མཆན་གྱི་མདུན་དུ་ཐོག་མར་བརྐོ། །
དེ་ཡིས་ཆོས་ནོར་འདོད་དོན་འཕེལ་ཞིང་འགྲུབ། །ཅེས་པའི་ཚུལ་གྱིས་བརྐོ་བ་སྟེ། དེ་ལྟར་ལེགས་པར་བརྐོས་ནས་རུས་པ་དང་། གྱོ་མོ་དང་། རྡོ་བ་ལ་སོགས་པའི་ཟུག་རྡུ་རྣམས་ཕྱུང་ལ། གཏེར་གཞུག་པ་དང་། ས་དེ་ཉིད་ས་གཉེན་བཟང་པོ་གཞན་དང་བསྲེས་ནས་དྲི་ཞིམ་པོའི་ཆུས་སྦྲུས་པས་དཀྱིལ་འཁོར་
ལ་སོགས་པར་སྟེགས་བུ་བྱ་བ་དང་། གཙུག་ལག་ཁང་ལ་སོགས་པར་ས་དེ་དང་གཟུངས་སྔགས་བཟླས་པའི་ཆུ་དག་གིས་ས་གཞི་ཀུན་དུ་ཁྱབ་པར་དགེ་འདུན་བཞི་སྡེ་དག་གིས་གཏོར་ཞིང་བཅག་པ་དང་། གལ་ཏེ་ཟུག་རྔུ་དེ་དག་བསལ་གྱིས་མ་ལྡང་བ་དང་། སྔོན་ཆད་དཀྱིལ་འཁོར་གྱི་ཁང་པ་ལ་སོགས་པ་བྱས་པ་
ཡན་ནས་ཕྱོགས་ནམ་མཁའི་རང་བཞིན་དུ་སྦྱོང་བར་བྱེད་པའི་སྔགས་དང་ཕྱག་རྒྱ་དང་ཏིང་ངེ་འཛིན་རྣམས་ཁོ་ནས་སྦྱང་བ་ཉིད་དོ། །གཞན་ཡང་ཏིང་ངེ་འཛིན་གྱིས་བགེགས་སྦྱང་བ་ནི། ས་ཕྱོགས་དེར་སྲུང་བའི་འཁོར་ལོ་བསྒོམ་པས་བགེགས་སྦྱང་བ་སྟེ། ཀྱེ་རྡོ་རྗེ་ལས། དང་པོར་ལྷ་ཡི་བདག་ཉིད་ཀྱིས། །རྣལ་འབྱོར་
པས་ནི་ནོར་འཛིན་སྦྱང་། །ཞེས་སོ། །བཞི་པ་ལའང་གཉིས་ལས། བློས་བཟུང་བ་ནི། ལེགས་པར་སྦྱངས་པའི་ས་དེར་དེང་བདག་གིས་འདོད་པའི་སྙིང་པོ་གང་ཡིན་པ་དེ་མངོན་དུ་བགྱིའོ་སྙམ་པ་དམ་ཚིག་ཏུ་བྱ་བ་ཙམ་མོ། །སྟང་སྟབས་ཀྱི་བཀོད་པས་བཟུང་བ་ནི། ས་དེར་སློབ་དཔོན་འཁོར་དང་བཅས་པས་རྩ་བའི་

213-1-320b

རྐང་སྟབས་བརྒྱད་དང་། གོམ་སྟབས་བཞི་དང་། ཚུལ་བཅུ་དྲུག་དང་། བ་དན་གཉིས་དང་། མཆོད་པ་བཅུ་གཉིས་དང་། འདུག་སྟངས་བཅུ་དང་། གང་གྱི་ཉམས་དགུ་དང་། གླུའི་བཀོད་པ་རྣམས་ཏེ། སྟང་སྟབས་དེ་དག་ཐམས་ཅད་རྫོགས་པར་བྱ་བའམ། དེ་ལྟར་མ་གྲུབ་ན་རྩ་བའི་རྐང་སྟབས་
ཙམ་བྱེད་པ་སྟེ། རྡོ་རྗེ་གུར་ལས། ས་གཞི་ཡོངས་གཟུང་དུས་སུ་ནི། །དམ་ཚིག་འདི་ནི་རབ་བསྐུལ་བས། །ཡེ་ཤེས་རྡོ་རྗེ་ཅན་གྱིས་བྱ། །འདི་ནི་དམ་ཚིག་རིམ་པའི་མཆོག །ཅེས་སོ། །ལྔ་པ་ནི། དེ་ལྟར་བཟུང་བའི་ས་ཕྱོགས་སུ་སླར་ཡང་བགེགས་ཀྱི་རིགས་ཀྱིས་འཇུག་པའི་སྐབས་མེད་པར་སྲུང་
བའི་འཁོར་ལོ་བསྒོམས་པས་སྲུང་བ་སྟེ། ཇི་སྐད་དུ། ཇི་ལྟར་བསམ་གཏན་དེ་བཞིན་འདིར། །སྲུང་བ་ཇི་ལྟར་གསུངས་པ་ཉིད། །ཅེས་སོ། །གསུམ་པ་དེ་ལས་ཇི་ལྟར་བཀར་བ་གླེང་བ་ནི། དེ་ལྟར་ཇི་སྐད་བཤད་པའི་ཆོ་ག་དེ་དག་ཐམས་ཅད་འདིར་ཡང་ཚང་བར་བྱ་དགོས་སོ་སྙམ་ན། མ་ཡིན་ཏེ་དེ་
དག་ནི་སྔོན་ཆད་སའི་ཆོ་ག་མ་བྱས་པའི་ཕྱོགས་སུ་ནི་ངེས་པར་དགོས་ཀྱི། གཙུག་ལག་ཁང་དང་དགོན་སྡེ་ཡིན་པ་ལ་སོགས་པ་སྔོན་ཆད་སའི་ཆོ་ག་གྲུབ་པ་ལ་ནི་ཐམས་ཅད་ཚང་བར་མི་དགོས་ཏེ། དེ་ལྟར་དུའང་གསང་བ་སྤྱིའི་རྒྱུད་ལས། དྲང་སྲོང་གནས་དང་བ་ལང་ལྷས། །ཕུག་དང་རི་ཡི་རྩེ་མོ་
དང་། །ས་གཞི་གང་ན་འཐས་པ་དང་། །ཁང་ཐོག་དང་ནི་རྡོ་ལེབ་དང་། །མཆོད་རྟེན་དྲུང་དང་འབབ་ཆུའི་གླིང་། །མཚོ་རྣམས་ཀྱི་ནི་འགྲམ་དག་ཏུ། །ས་གཞི་སྦྱང་དང་བརྟག་པ་དང་། །ནན་ཏན་དུ་ནི་བྱ་མི་དགོས། །དེར་ནི་ཟུག་རྔུ་དབྱུང་མི་དགོས། །འཐས་པར་བཅག་ཀྱང་དེར་མི་དགོས། །མཐོ་
དམའ་ལ་སོགས་སྐྱོན་རྣམས་ནི། །དེར་ནི་དོགས་པ་བསྐྱེད་མི་དགོས། །ཞེས་དང་། ལེགས་བཤད་བེེ་ཌཱུར་དཀར་པོའི་ས་དཔྱད་ཀྱི་སྔོན་བྱུང་ལ་བརྟེན་ནས་བརྟག་པའི་སྐབས་སུའང་། དང་པོ་ཐུན་མོང་སངས་རྒྱས་ཀྱིས། །མཛད་པ་བཅུ་གཉིས་བསྟན་པའི་གནས། །ཤེར་ཕྱིན་གནས་བཤད་ས་ཕྱོགས་
ལྟའི། །རྟེན་ཡུལ་མཆོད་གནས་གྱུར་པ་དང་། །གང་ཟག་ཁྱད་ཅན་བྱིན་རླབས་གནས། །ཆོས་ལྡན་བྱ་བ་ཁྱད་པར་ཅན། །འབྱུང་བཞིན་པའམ་སྔོན་བྱུང་ནས། །རེ་ཞིག་ཟམ་ཆད་པ་ཡང་རུང་། །བྱ་བ་མི་ཤིས་བར་མ་ཆོད། །བཀྲ་ཤིས་གནས་སུ་གྲགས་ཤིང་གྲུབ། །ཐུན་མོང་མ་ཡིན་རྡོ་རྗེའི་ཐེག །བསྒྲུབ་

213-1-321a

པའི་གནས་སུ་བྱེད་པ་ན། །འཛམ་གླིང་གནས་མཆོག་ཉི་ཤུ་བཞིའི། །ཡུལ་ནི་སོ་གཉིས་ནང་དུ་གཏོགས། །ཡིད་ཆེས་ལོ་རྒྱུས་ཚད་མ་རུ། །བཟུང་ལ་ལེགས་པར་གཏན་འབེབས་པའི། །གནས་རྙེད་ཕྱི་ཡི་ས་དཔྱད་སོགས། །མི་ཤེས་པའམ་མ་གྲུབ་ཀྱང་། །དགེ་ལེགས་རང་
བཞིན་འབྱུང་བར་བཤད། །ཅེས་གསུངས་པའང་ཤིན་ཏུ་ཡིད་ཆེས་པའི་ལེགས་པར་བཤད་པ་རྨད་དུ་བྱུང་བར་སྣང་ངོ་། །དེས་ན་ཆོས་གྲྭ་ཆེན་པོ་འདིར་ནི་གོང་དུ་ཇི་སྐད་བཤད་པའི་སྐྱེས་བུ་དམ་པ་མཁས་ཤིང་གྲུབ་པ་དེ་དག་གིས་ས་གཞི་ལེགས་པར་བརྟགས་ཤིང་སྦྱངས་ནས་བྱིན་གྱིས་བརླབས་པ་དང་། དེ་
ནས་བརྩམས་ཏེ་སྲིད་པ་དང་ཞི་བའི་དཔའ་འབྱོར་གྱིས་ཕྱོགས་ཐམས་ཅད་ནས་ཤིན་ཏུ་བཀྲ་ཤིས་པའི་གནས་སུ་གྱུར་ཅིང་། ལྷ་དང་བཅས་པའི་འཇིག་རྟེན་གྱི་མཆོད་རྟེན་ཆེན་པོ་ཉིད་དུ་གྱུར་པའི་ཕྱིར་སའི་ཆོ་ག་ལ་ནན་ཏན་དུ་མ་བྱས་ཀྱང་མི་བཏུབ་པ་མེད་པའི་ཕྱིར། བྱེ་བྲག་ཏུ་ས་གཞི་བརྟག་པའི་ཆོ་ག་རྣམས་དང་།
མངོན་པ་ལས་བསླང་བ་དང་། ལས་དང་བྱ་བས་སྐྱོན་སྦྱང་བ་རྣམས་ནི་ལྷག་པར་དགོས་པ་མ་མཆིས་སོ། །དེ་ལས་གཞན་པ་ཆོ་ག་རྣམས་ནི་སླར་ཡང་བགྱིས་ན་ཤིན་ཏུ་ཕུན་སུམ་ཚོགས་པའི་རྒྱུ་ཉིད་དུ་ཆེས་ཆེར་བསྔགས་ཤིང་། མཁས་པ་ཀུན་གྱི་ལག་ལེན་ལའང་མཛད་པ་དང་། བྱེ་བྲག་ཏུ་དཔེར་ན་གཟུགས་
དང་སྟོབས་དང་ཁོ་ལག་ཀུན་ནས་རྫོགས་པའི་གླང་པོའི་མཆོག་གངས་རིའི་དུམ་བུ་འགྲོ་ཤེས་པ་དང་འདྲ་བ་རྣམས་ཀྱང་འདུལ་མཁན་མཁས་པའི་ལྕགས་ཀྱོ་ཆུང་དུས་བཏབ་པས་དེའི་དབང་དུ་མི་འགྱུར་བ་མེད་པ་དེ་བཞིན་དུ། ལྷ་དང་བཅས་པའི་འཇིག་རྟེན་གྱི་ཁམས་སུ་མཐུ་ཆེ་བ་དང་། རྫུ་འཕྲུལ་ཆེ་བ་དང་། དཔུང་
ཆེ་བ་དང་། དབང་ཆེ་བར་རློམ་པ་རྣམས་ཀྱང་གསང་སྔགས་དང་རིག་སྔགས་གྲུབ་པ་རྣམས་ཀྱི་བཀའ་ལུང་གི་འཕྲིན་ཡིག་གཉེན་པོ་ཐོས་པ་འཛིན་པའི་བཅུད་དུ་སེམ་པ་ཙམ་གྱིས་དེའི་དོན་ཚུལ་བཞིན་དུ་བསྒྲུབ་པ་ལ་གུས་པར་མི་འགྱུར་བ་སུ་ཞིག །དེས་ན་དེ་ལྟ་བུའི་བདག་ཉིད་ཆེན་པོ་རྣམས་ཀྱིས་ས་གཞི་བྱིན་གྱིས་རློབ་པའི་
ཆོག་ཚུལ་བཞིན་དུ་བགྱིས་པ་ནི་ཆེས་མཆོག་ཏུ་ཡང་བདེ་ལེགས་ཕུན་སུམ་ཚོགས་པའི་གཞིར་གྱུར་པ་སྟེ། དེང་འདིར་སྐྱེ་བ་ནས་སྐྱེ་བར་དཀར་བ་མིན་པའི་ངག་གི་ལས་རྣམ་པར་སྤངས་པ། མཆོག་ཏུ་དེ་བཞིན་གཤེགས་པ་ཀུན་གྱི་གསང་བའི་སྙིང་པོ་ཟབ་མོ་སྔགས་ཀྱི་དངོས་གྲུབ་ཀྱིས་ཤིན་ཏུ་བརླིང་བར་བྱས་

213-1-321b

པ། ངེས་པར་དཔལ་རྡོ་རྗེ་འཆད་དབང་ཉིད་ལས་ནམ་ཡང་དམིགས་སུ་མེད་པའི་བདག་ཉིད་ཆེན་པོ་དཔལ་ལྡན་ཆོས་སྐྱོང་ཉིད་གྱི་བཀའི་ས་གཞི་བྱིན་གྱིས་རློབ་བར་གཡར་འདྲེན་དུ་བགྱི་བ་ནེ་ཆེས་མཆོག་ཏུ་གྱུར་བའི་བློ་གྲོས་སོ་སྙམ་དུ་སྡོམ་བརྩོན་སྐྱེ་དགུའི་བདག་པོ་ཉིད་ནས་མཁན་པོ་རིན་པོ་ཆེད་དེ་
སྐད་དུ་གསོལ་བ་དང་། དེ་ཉིད་ནས་ཀྱང་དེ་ལྟར་དུ་བགྱིར་བཏུབ་པ་བཀས་གནང་ནས་སྤྱན་དྲངས་སོ། །གཞན་ཡང་མཁས་པ་དང་བཙུན་པ་དང་གྲུབ་པའི་ཡོན་ཏན་མི་ཟད་པའི་མཛོད་དུ་གྱུར་པ་རྗེ་བཙུན་ནམ་མཁའ་དཔའ་བཟང་པས་མཚོན་ཏེ། རྡོ་རྗེ་སློབ་དཔོན་གྱིས་ལས་རབ་འབྱམས་ལ་དབང་བའི་
གསང་སྔགས་འཛིན་པ་བཅུ་གསུམ་དག་དང་ལྷན་ཅིག་ཏུ། ས་གཞི་མི་མངོན་པ་ལས་བསླང་བ་ལ་སོགས་པའི་ཆོ་ག་རྣམས་ཡང་དག་པར་མཛད་པ་དང་། གཞན་ཡང་གཏེར་བུམ་གྱི་རིགས་མང་དུ་འཇོག་པ་ལ་སོགས་པས་ས་ཕྱོགས་ཞི་ཞིང་དུལ་བ་མཚོ་ལས་སྐྱེས་པ་གཞོན་ནུའི་འདབ་མ་
ལྟ་བུ་ལ། སླར་ཡང་འདོད་དགུའི་དཔལ་འབྱོར་ཟད་མི་ཤེས་པའི་གནས་སུ་བྱིན་གྱིས་བརླབས་སོ། །གཉིས་པ་དངོས་ཇི་ལྟར་འདུ་བྱས་པ་ནི། །དེ་ལྟར་བྱིན་གྱིས་བརླབས་པའི་ས་གཞི་དེར་ཧོར་ལུགས་ཀྱི་ཟླ་བ་གཉིས་པའི་དམར་བའི་ཕྱོགས་ཀྱི་རྒྱལ་བ་གསུམ་པའི་ཚེས་དང་གཟའ་སྐར་དགེ་བར་འཛོམ་པ་ལ
གཙུག་ལག་ཁང་ཆེན་པོ་ཆོས་འབྱུང་བཀྲ་ཤིས་སྒོ་མང་ཞེས་བྱ་བ་འདི་ཉིད་ཀྱི་རྨང་འདི་བར་བརྩམ་སྟེ། དེའི་ཐོག་མར་ཡང་ཇི་སྐད་དུ། །གཙུག་ལག་ཕོ་བྲང་མཁར་ཁང་སོགས། །འདེབས་པར་བྱ་བའི་ལས་བརྩམ་དུས། །ཀེག་དང་དགུ་ངུར་རྩུ་བ་རིགས་བཅོས། །གནས་སའི་སྒོ་བསྒོ་མཆོག་
བྱ། །འཁྲུག་གཏོ་ཉེས་བཀུར་སལ་དང་། །གཡོ་འཁྲུག་དོང་རྩེ་འཁོན་བསྡུམ་སོགས། །གང་འགྲུབ་སྣ་སེལ་ཆོ་ག་བཏང་། །ཆུ་གཏོར་ཀླུ་བརྒྱད་ཀླུ་གསུམ་དང་། །ཀླུ་གཏོར་བརྒྱགས་བརྡན་བཏང་བྱ་ཞིང་། །སྣང་བརྒྱད་སྡོང་རྒྱན་མདོ་ཐིག་དང་། །བཀྲ་ཤིས་བརྩིགས་པ་གཟུགས་བསྡུས་སྒྲོགས། །གནམ་གཏོ་
གནམ་ཁྱི་བཅོས་པ་དང་། །བར་གཏོ་འབྲུག་ལྷ་བཟོས་པ་དང་། །ས་གཏོ་དུར་ཕག་བཅོས་རྣམས་བྱ། །ཞེས་འབྱུང་བའི་བཅོས་ཐབས་རྣམས་ཀྱང་། སྐར་ནག་རྩིས་ཀྱི་གཞུང་ལུགས་དུ་མ་ལ་བློ་གྲོས་ཀྱི་སྦྱིན་དཀྱུས་རྣམ་པར་ཡངས་པའི་བླ་མཁྱེན་བསོད་ནམས་རྒྱལ་དཔོན་གཡོག་རྣམས་ཀྱིས་སྔོན་དུ་གྲུབ་

213-1-322a

པར་བྱས་ནས། དེའི་ཉིན་མོར་ལས་ཀྱི་མགོ་བརྩམས་སོ། །དེ་ལའང་གཙུག་ལག་ཁང་འདིའི་ཚད་དང་བཟོའི་བཀོད་པ་ཕལ་ཆེ་བ་དག་ནི་གཙུག་ལག་ལུགས་བརྒྱའི་ཚུལ་ལ་རྣམ་པར་དཔྱོད་པའི་མཁྱེན་རབ་པདྨའི་གཉེར་གྱི་དཀྱིལ་འཁོར་ལྟར་རབ་ཏུ་གསལ་བའི་སྡོམ་བརྩོན་སྟོབས་ཀྱི་
འཁོར་ལོས་སྒྱུར་བ་ཉིད་ནས་བཀའི་བཀོད་པས་ཡང་དག་པར་ཁྱབ་པར་མཛད་པ་ལ། ཐོག་མར་ཚད་ཀྱི་ཐིག་འདེབས་པ་ནི་མངོན་པར་འདོད་པའི་འབྲས་བུ་ཅི་ཡང་ཡིད་ལ་བྱས་པ་ཙམ་གྱིས་མི་འགྲུབ་པ་འགའ་ཡང་མེད་པ་དེ་ལྟ་བུའི་བསོད་ནམས་ཀྱི་མཐུ་ཆེ་ཞིང་རྣམ་པ་གཅིག་ཏུ་འབྱོར་པ་ཕུན་སུམ་
ཚོགས་པ་དར་ནས་རྒུད་པའི་མཐའ་རུ་མ་ལྷུང་བའི་དགེ་སློང་ཚུལ་ཁྲིམས་རབ་བརྟན་ནམ་དོན་གྲུབ་ཅན་དང་། ཨཽཌྱན་ཚེ་རིང་དང་། ལྷུན་གྲུབ་རྒྱལ་མཚན་ཏེ་གསུམ་གྱིས་བྱས་ཤིང་། མཚམས་དང་ཕྱོགས་ཀྱི་རྩིག་རྨང་འདིང་བ་པོ་ནི། བློ་སྣ་བདེན་པའི་ཕྱོགས་སུ་གཏོད་བས་བྱ་བ་ཐམས་ཅད་བརླིང་
ཞིང་ཀུན་གྱིས་ཡིད་རྟོན་པའི་གནས་སུ་བྱས་པ། མཆོག་ཏུ་ཡི་དམ་གྱི་ལྷ་མང་པོའི་བསྙེན་པ་མཐར་ཕྱིན་པའི་དགེ་སློང་ནས་མཁའ་རྡོ་རྗེ་དང་། ཏིང་འཛིན་རྡོ་རྗེ་དང་། ཀུན་དགའ་རྡོ་རྗེ་སྟེ་གསུམ་གྱིས་ནས་རྩིག་འགྲམ་ལེགས་པར་བཏིང་ངོ་། །དེ་ནས་བཟུང་སྟེ། ཤིང་གཞོག་པ་དང་། ཤིང་
བརྐོས་པ་དང་། གྱེར་བཟོ་བ་ལ་སོགས་པའི་ལས་བྱེད་པ་མི་གྲངས་བཞི་བརྒྱ་ཙམ་བསགས་ཏེ་མཐར་ཕྱིན་པ་ཉིད་དུ་ལེགས་པར་བསླངས་སོ། །དེའི་རྗེས་སུ་འང་ལྷ་རིས་བ་ལ་སོགས་པའི་བཟོ་རིག་པ་མཁས་རྣམས་བསགས་ཏེ་རྩི་ཚོན་དགྱེ་བ་དང་། ལྡེབ་རིས་འདྲི་བ་དང་། ནང་གི་ཁོར་ཡུག་ཀུན་དུ་བྲེ་
བའི་འཕེན་དང་། བླ་རེ་དང་། རྒྱལ་མཚན་དང་། ཆོས་ཀྱི་བཞུགས་ཁྲིད་དང་། སྟེང་གི་ཁང་བཟངས་ཀྱི་རྩེ་མོན་གསེར་ཟངས་ལས་གྲུབ་པའི་གན་འཛིན་དང་། རྒྱལ་མཚན་ལ་སོགས་པ་ངོ་མཚར་ཆེ་བའི་རྒྱན་གྱི་བཀོད་པ་ཡིད་དུ་འོང་བདག་གིས་ཀུན་ནས་རབ་ཏུ་མཛེས་པར་བྱས་སོ། །དེ་ལྟ་བུའི་ཚུལ་གྱིས་ལེགས་
བར་གྲུབ་པའི་རྟེན་གཞལ་དུ་མེད་པའི་ཁང་བཟངས་ཆོས་འབྱུང་བཀྲ་ཤིས་སྒོ་མང་ཞེས་བྱ་བ་གང་གི་ནང་ལོགས་ཐམས་ཅད་དུ་དེ་བཞིན་གཤེགས་པ་སྲས་དང་བཅས་པའི་སྣང་བརྙན་མཐོང་ན་མི་མཐུན་པ་མེད་པ་ཅི་ཡང་བཀྲ་བའི་ཁྱད་པར་ལ་བསམས་ན། ཕྱོགས་བཅུའི་སངས་རྒྱས་ཀྱི་ཞིང་ཁམས་བགྲང་

213-1-322b

དུ་མེད་པའི་ཡོན་ཏན་གྱི་བཀོད་པ་ཡང་ཉེ་བར་མཚོན་པར་ནུས་སོ། །བློ་དང་ལྡན་པའི་གང་ཟག་རྣམས་ཀྱིས་ཡིད་ལ་ཇི་ལྟར་དམིགས་པའི་ལེགས་པར་བཤད་པའི་ཚོགས་ཀྱི་གཏོང་བ་ཅི་ཡང་འཇོ་བའི་གནས་སུ་གྱུར་བའི་ཁྱད་པར་ལ་བསམས་ན། ཐེག་པ་གསུམ་གྱི་བསྟན་པ་རིན་པ་ཆེའི་
འབྱུང་གནས་སུ་གྱུར་པ་འཕགས་ཡུལ་རྡོ་རྗེ་གདན་གྱི་དྟརྨ་གྷཉྫ་གང་ཡིན་པའམ། གསང་སྔགས་བསྟན་པའི་འབྱུང་གནས་སུ་གྱུར་པ་ལྕང་ལོ་ཅན་ནམ། ཨཽ་ཌྱཱན་རྡོ་རྗེ་ཆེན་པོ་རྣམས་ཀྱི་དྷརྨ་གྷཉྗ་གང་ཡིན་པའི་དཔལ་ལ་ཅོ་འདྲི་བར་འོས་པ། ཕྱི་རོལ་གྱི་རྣམ་པ་ལ་བསམས་ན་འཆི་
བ་མེད་པའི་ཡུལ་གྱི་འཕྲུལ་བཟོ་བི་ཤྭ་ཀརྨའི་ལག་རྩི་ལས་འཁྲུངས་བ་ལྟ་བུའི་འགྲམ་ལོགས་དང་། ཀ་བ་དང་། གདུང་དང་། ཐོག་ཕུབས་རིམ་པ་དང་། མདའ་ཡབ་དང་། པུ་ཤུ་དང་། ལན་ཀན་དང་། སྒོ་དང་། རྟ་བབས་ལ་སོགས་པ་མཚན་ཉིད་ཐམས་ཅད་ཡོངས་སུ་རྫོགས་པ། རྩེ་
མོར་ཉི་མ་འཆར་ཀའི་གཟི་བརྗིད་ཀྱི་ཕུང་པོ་ལས་འཕོས་པ་ལྟ་བུའི་རིན་པོ་ཆེ་གསེར་ཟངས་ལས་གྲབ་པའོ་ཏོག་དང་། རྒྱལ་མཚན་དང་། མེ་ལོང་དང་དྲིལ་བུ་སིལ་སིལ་རྣམས་ཀྱིས་ཀུན་ནས་མཛེས་པར་བྱས་པ། ནང་གི་བླ་ཁབ་ལས་རྣམ་པར་དབྱངས་པའི་བླ་རེ་དང་། གདུགས་དང་། རྒྱལ་མཚན་
དང་། འཕན་ཚར་ལ་སོགས་པས་ཡིད་དུ་འོང་བར་བྱས་པའི་གཞལ་མེད་ཁང་རྒྱན་དང་བཅས་པ་གསར་དུ་བསྐྲུན་པའང་ལེགས་པར་མཐར་ཕྱིན་ཏོ། །དེར་ཇི་ལྟར་བཤམས་པའི་ཆོས་ཀྱི་ཁྲི་ཤིང་གི་དྲ་བ་མིག་མངས་རིས་སུ་བྲེས་པ་ག་ལ་བར་འཇིག་རྟེན་གསུམ་ན་མཆོད་འོས་བླ་ན་མེད་པའི་དགོངས་
འགྲེལ་གྱི་ཕྱི་མོ་གང་དག་བཞུགས་པ་རྣམས་མཆོད་པའི་ཡོ་བྱད་ཀྱི་རྣམ་གྲངས་མང་པོས་བཀུར་སྟི་དང་བཅས་ཏེ་མངའ་གསོལ་བར་བགྱིས་སོ། །མདོར་ན་དེ་ལྟ་བུའི་རྟེན་དང་བརྟེན་པར་བཅས་པ་ཐམས་ཅད་ལེགས་པར་མཐར་སོན་པ་ཉིད་དུ་ཡོངས་སུ་གྲུབ་བོ། །གཉིས་པ་ལས་བྱེད་པ་ཡོན་གྱིས་མཉེས་པར་བྱས་པ་ལ།
སྤྱིར་ལས་བྱེད་པའི་བཟོ་བོ་རྣམས་མཉེས་དགོས་པའང་། རབ་ཏུ་གནས་པའི་རྒྱུད་ལས། རྒྱན་རྣམས་མ་ལུས་པ་ཡིས་ནི། །ཕྱི་ནས་བཟོ་བོ་རྣམས་ལ་མཆོད། །གང་དག་དེ་ལ་གྲོགས་བྱེད་པ། །གཞན་དག་ཀྱང་ནི་མཆོད་པར་བྱ། །ཞེས་དང་། སྨན་ལྷ་དོན་གྲུབ་པའི་ཆ་ཚད་ཀྱི་རབ་ཏུ་བྱེད་པ་ཡིད་བཞིན་ནོར་

213-1-323a

བུ་ལས། ཀུན་ནས་ལྷག་བསམ་རབ་དཀར་ལུས། །ཁྲེལ་ཡོད་ངོ་ཚའི་གོས་རྒྱན་ལྡན། །དད་དང་གཏོང་ཕོད་མཆོད་ཚོགས་ཀྱིས། །ལྷ་དང་བཟོ་བོ་དབྱེར་མེད་མཆོད། །ཅེས་པ་ལྟར་བཟོ་གནས་རིག་པ་མཁན་ནི་འགྲོ་བ་ཀུན་གྱིས་བཀུར་ཞིང་
མདུན་འཇོག་གྱ་ནོམ་པ་དག་གིས་མཉེས་པར་བྱ་བའི་ཡུལ་དུ་གསུངས་པ་ལྟར་འདིར་ཡང་ལས་འདི་སྒྲུབ་པའི་རིང་ལ། བཟོ་གནས་རིག་པ་འཆང་བ་རྣམས་ལ་དུས་རྒྱུན་པར་བཟའ་བ་དང་བཏུང་བར་སྦྱར་བ་དང་། བར་སྐབས་རྣམས་སུའང་སྟོན་མོ་དང་སྟོན་ཚབ་གང་རུང་རེ་སྟོབ་པ་དང་།
མཐར་ལས་བྱས་པ་དྲིན་དུ་གཟོ་བའི་ཕྱིར་ཡོན་གྱིས་མགུ་བར་བྱས་པའི་རྣམ་གྲངས་ཞིབ་ཏུ་བརྗོད་ན་འདྲི་བར་བྱ་བ་མང་དུ་ཡོད་ནའང་དགོས་པ་ཆུང་བས་རྒྱས་པར་མི་འདྲིའོ། །འོན་ཏེ་དེང་འདིར་མདོར་བསྡུས་ཤིག་མ་བརྗོད་ན། སྤྱིར་རྒྱལ་པོ་དང་མི་དཔོན་རྣམས་ཀྱི་བྱ་བ་ཕལ་ཆེ་བ་ནི་གཞན་
ལ་ཁྲལ་བཞག་པ་དང་འུ་ལག་བསྐུལ་ནས་སྒྲུབ་པའི་སྲོལ་ཞིག་མཆིས་པ་ལྟར། འདིར་ཡང་དེ་ལྟར་དུ་བྱས་པ་ཡིན་ནམ་སྙམ་དུ་གོ་བར་འགྱུར་བའི་ཕྱིར་རོ། །དེས་ན་དོགས་པ་དེ་བསལ་བའི་ཕྱིར་རགས་བསྡུས་ཙམ་ཞིག་བསྙད་པ་ལ། འདི་ལྟར་དགོངས་འགྲེལ་ཡོངས་སུ་རྫོགས་པར་
བསྡོམས་པའི་གླེགས་བམ་རིན་པོ་ཆེ་བརྒྱ་ཕྲག་གཉིས་ལ་མཛེས་པར་བྱེད་པ་བཀྲ་ཤིས་པའི་རྒྱན་དང་བཅས་པ་བཞུགས་པ། ཡི་གེའི་ལྡེབ་གྲངས་ཀྱིས་རྣམ་པར་དབྱེ་ན། ཡི་གེ་ལྡེབ་དྲུག་ཁྲི་ཉིས་སྟོང་དང་ཉིས་བརྒྱ་ལྔ་བཅུ་རྩ་བདུན་མཆིས་པ་པར་དུ་བསྒྲུབས་པ་ལ། སྡོམ་
བརྩོན་སྐྱེ་དགུའི་བདག་པོ་འདིའི་གཏོང་ཕོད་ཆེན་པོའི་ཕྱག་རིང་ལེགས་པར་བརྐྱངས་ནས། རྒྱལ་པོ་ཆེན་པོ་རྣམ་མང་ཐོས་ཀྱི་བུའི་གཏེར་མཛོད་ཁ་ཡོངས་སུ་བྱེ་བ་ལྟ་བུའི་འདོད་དགུ་མ་ཚང་མེད་པའི་དཀོར་མཛོད་དང་། འབྲུའི་བང་བ་དང་། ཕྱུགས་ཀྱི་ར་བ་རྣམས་སེར་སྣའི་རྒྱས་བཅིངས་པ་
མེད་པར་ལྷུག་པར་ཕྱེ་སྟེ། དེའི་མོད་ལ་རིན་པོ་ཆེ་གསེར་དང་། དངུལ་དང་། བྱི་རུ་དང་། མུ་ཏིག་དང་། དུང་དང་། གཡུ་དང་། གོས་བཟང་པོ་དང་། དར་གྱི་བྱེ་བྲག་མང་པོ་དང་། རས་ཟུང་དང་། རས་ཡབ་དང་། སྣམ་ཕྲུག་གི་རིགས་སུ་གཏོགས་པ་མང་པོ་དང་། བགོ་བ་དང་རྒྱན་གྱི་བྱེ་

213-1-323b

བྲག་རྣམ་པ་སྣ་ཚོགས་པ་དང་། ཉེ་བར་མཁོ་བའི་ཡོ་བྱད་རྣམ་པ་དུ་མ་དང་། ཨརྡྷོ་ཀའི་ཕུར་མ་ཁག་ཏུ་བྱས་པ་མང་པོ་དང་། ཐ་མི་ཀ་དང་། རྟ་དང་། གནག་ཕྱུགས་ཀྱི་རིགས་ལ་སོགས་པ་མདོར་ན་རང་རང་གི་མོས་པར་ཅི་དང་ཅི་འཚམ་པའི་དབྱིག་གི་རྣམ་པ་གྱ་ནོམ་པ་དག་སྩལ་ཏོ། །
དེ་དག་ཀྱང་འདི་ལྟ་སྟེ། ཇི་ལྟར་བྱིན་པ་ཐམས་ཅད་འདིར་འབྲུའི་རིན་ཐང་གི་ཚད་ཀྱིས་བཅལ་ཏེ་བརྗོད་ན། ཐོག་མར་ཞུས་དག་པ་རྣམས་ཀྱི་ཞུས་དཔོན་མི་རེ་ལ་ཉིན་རེར་བྲིས་པ་རབ་ཅིག་གི་ཡོན་དུ་བརྩིས་པ་ནས་འདོང་ཉི་ཤུ་རྩ་གཉིས། དེ་འོག་ལ་ནས་འདོང་བཅུ་བཞི། ཞུས་དག་པ་གཞན་
རྣམས་ལ་ཉིན་རེར་ནས་འདོད་བཅུ་གསུམ་རེ་སྟེ་བསྡོམས་པ་ས་ནས་ཁལ་དྲུག་སྟོང་དགུ་བརྒྱ་དང་དྲུག་ཅུ། ལྷ་རིས་པ་དབུ་ལྷ་གཉིས་རེའི་བྲི་ཡོན་ལ་ནས་འདོང་ཉི་ཤུ་རྩ་ལྔ་རེ་བརྩིས་པ་བསྡོམས་པ་ནས་ཁལ་བརྒྱ་དང་སོ་ལྔ། ལྷ་བརྐོས་པ་སྐུ་བརྙན་གཉིས་རེའི་ཡོན་དུ་ནས་ཁལ་གསུམ་རེ་
བསྡོམས་པས་ནས་ཁལ་དྲུག་བརྒྱ་བཞི་བཅུ། ཡི་གེ་པ་ཡང་རབ་དང་། རབ་དང་། འབྲིང་གསུམ་ལས་བར་མའི་དབང་དུ་བཏང་བའི་གྲངས་ཀྱིས་བརྩི་ན། ཡིག་ལྡེབ་རེ་ལ་ནས་འདོང་ཉི་ཤུ་རེ་བརྩིས་པ་བསྡོམས་པས་ནས་ཁལ་སུམ་ཁྲི་བཞི་སྟོང་དང་ཉིས་བརྒྱ་ཞེ་གཅིག །པར་
བརྐོས་པ་རབ་དང་འབྲིང་སྟོད་དང་འབྲིང་གསུམ་ལས་བར་མ་ཞིག་གི་དབང་དུ་བཏང་བའི་གྲངས་ཀྱིས་བརྩི་ན། པར་ལྡེབ་རེ་ལ་ནས་ཁལ་གསུམ་དང་ཞོ་རེ་བྱིན་པ་བསྡོམས་པས་ནས་ཁལ་འབུམ་ཕྲག་གཉིས་དང་ཉིས་སྟོང་སུམ་བརྒྱ་སོ་ལྔ། པར་ཞུས་པ་མི་རེ་ལ་ཉིན་རེར་ནས་འདོད་བཅུ་གསུམ་
རེ་བརྩིས་པ་བསྡོམས་པས་ནས་ཁལ་ཉིས་སྟོང་དྲུག་བརྒྱ། ཐིག་འདེབས་པ་ཉིན་རེར་ནས་འདོང་བཅུ་རེ་བསྡོམས་པ་ནས་ཁལ་ལྔ་བརྒྱ། ཤོག་གུའི་འདུ་བྱེད་པ་མི་རེ་ལ་ཉིན་རེར་ནས་འདོང་བཅུ་རེ་བརྩིས་པ་བསྡོམས་པས་ནས་ཁལ་ཉིས་སྟོང་བདུན་བརྒྱ་ཉི་ཤུ། ཤིང་གཞོག་པ་ཤིང་ལྡེབ་བརྒྱ་
དང་བཞི་བཅུ་ལ་ནས་ཁལ་ལྔ་རེ་བརྩེས་པ་ནས་ཁལ་ཉིས་སྟོང་ཉིས་བརྒྱ་ཉེར་གསུམ། ཤོག་བུ་ཁ་བཞི་བཅུའི་རིན་ལ་ཇ་བར་ཁག་བྱིན་པ་འབྲུར་བསྡོམས་པས་ནས་ཁལ་སུམ་སྟོང་དང་བརྒྱ་ཉེར་གསུམ། ཤིང་ལྡེབ་བཅུ་དྲུག་རེའི་རིན་ལ་ཇ་བར་ཁག་བྱིན་པ་འབྲུར་བསྡོམས་པས་ནས་ཁལ་

213-1-324a

ཁྲི་ཕྲག་གཅིག་དང་དགུ་སྟོང་བཞི་བརྒྱ་ང་ལྔ་སོང་ངོ་། །བཟའ་བཏུང་སྦྱར་བ་རགས་བསྡུས་སུ་བསྡོམས་ན་ནས་ཁལ་འབུམ་ཕྲག་གཅིག་དང་དྲུག་ཁྲི་བརྒྱད་སྟོང་བཞི་བརྒྱའོ། །མདོར་ན་རྟན་བཞེང་གི་རིམ་གྲོར་སོང་པ་དང་བཟའ་བཏུང་སྦྱར་བ་ལ་སོང་བ་རྣམས་མི་
བགྲང་བར་ལས་བྱེད་པ་རྣམས་ཀྱི་ཡོན་འབུལ་དང་། ཤིང་དང་ཤོག་གུའི་རིན་དུ་སོང་བ་ཁོ་ན་བསྡོམས་པས་ནས་ཁལ་འབུམ་ཕྲག་གཉིས་དང་བདུན་ཁྲི་བཞི་སྟོང་དགུ་བརྒྱ་དང་སོ་གཉིས་སོང་ཞིང་། དེ་དག་ཇའི་ཚད་ཀྱིས་གྲངས་སུ་བཅལ་ན་ཇ་འཁོར་དྲུག་ཅན་ཁྲི་ཕྲག་གཅིག་དང་སུམ་སྟོང་
བདུན་བརྒྱ་ཞེ་དྲུག་ལ། བར་ཁག་གཉིས་དང་སྡུམ་གཅིག་གི་ལྷག་མ་བཅས་སོང་ངོ་། །གཞན་ཡང་པར་ཁང་ཆེན་མོ་འདི་ཉིད་གསར་དུ་བསྐྲུན་པ་ལྡེབ་རིས་དང་བཅས་པ་ལའང་ཉེར་སྤྱད་དང་བཟོ་ཡོན་ལ་སོགས་པར་གཏོང་བའི་དངོས་པོ་རགས་རྩིས་ཀྱིས་ཇ་འཁོར་དྲུག་ཅན་སུམ་སྟོང་དྲུག་བརྒྱ་
ཙམ་སོང་བ་སོགས། མདོར་ན་རྟེན་བཞེང་ས་འདིའི་ཆ་རྐྱེན་དུ་སུམ་རྩེན་པའི་མཛོད་སྒོ་ཆེན་པོ་ཡོངས་སུ་ཕྱེ་བ་ལྟ་བུས་སྟོབས་བཅུ་མངའ་བའི་བསྟན་པ་རིན་པོ་ཆེ་འདི་ཉིད་ཡུན་དུ་གནས་པ་དང་། སེམས་ཅན་གྱི་ཁམས་སུ་བདེ་ལེགས་ཀྱི་མཛའ་ན་མོ་གསར་དུ་འགུགས་པའི་ལྷག་བསམ་
དང་མཛད་པ་རྨད་དུ་བྱུང་བ་ལ་ནི་སྡོམ་བརྩོན་ས་བདག་དམ་པ་འདི་དང་མཚུངས་པ་འགའ་ཡང་མ་བྱུང་བར་སེམས་སོ། །གསུམ་པ་བཀྲ་ཤིས་པའི་ངོ་མཚར་ཇི་ལྟར་བྱུང་བ་ལ། དེ་ལྟར་བསྒྲུབས་པ་ལ་ངོ་མཚར་གྱི་རྣམ་པ་ཇི་ལྟར་བྱུང་བའི་གླེང་བ་མང་དུ་ཡོད་ནའང་། འདིར་མངས་ཀྱིས་དོགས་པས་རྫོགས་
པར་མི་འདྲི་ཞིང་རགས་པ་ཙམ་ཞིག་བརྗོད་ན། སྤྱིར་མི་བདག་ཆེན་པོ་འདིའི་མཛད་པ་ཐམས་ཅད་ནི་ནམ་ཕུགས་སུ་བསྟན་པ་རྒྱས་པའི་གྲོགས་སུ་འགྲོ་བ་ཁོ་ན་ལྷུར་བྱེད་ཅིང་། བྱེ་བྲག་ཏུ་སྡོམ་པ་གསུམ་གྱི་བཀའ་དྲིན་དཔག་ཏུ་མེད་པས་བསྐྱངས་པའི་མཁན་པོ་རིན་པོ་ཆེ་དཔལ་ལྡན་ཆོས་སྐྱོང་བཀྲ་ཤིས་
གྲགས་པའི་རྒྱལ་མཚན་དཔལ་བཟང་པོ་པ་འདི་ཉིད། ཡོངས་རྫོགས་ཆོས་ཀྱི་རྒྱལ་སྲིད་ཆེན་པོའི་མངའ་བདག་ཏུ་ཞབས་ཀྱི་པདྨ་མི་འགྱུར་རྡོ་རྗེ་བརྩེགས་པའི་ཁྲི་འཕང་མཐོན་པོ་བརྟེན་པའི་བགྱི་བ་ཉིད་གཙོ་བོར་ལྷུར་མཛད་པ་བཞིན། དེང་གི་རྟེན་བཞེང་ཆེན་པོ་འདི་ཡང་འདྲེན་མཆོག་དམ་

213-1-324b

པ་དེ་ཉིད་ཀྱི་ཞབས་བརྟེན་དུ་གཙོ་ཆེར་དམིགས་པ་ཡིན་ཏེ། དེའང་ཇི་ལྟར་དམིགས་པ་ཉིད་ཀྱང་། མདོ་ལས། བསོད་ནམས་རྣམ་སྨིན་བདེ་སྟེར་ཞི་བ་སྡུག་བསྔལ་ཐམས་ཅད་སེལ། །བསོད་ནམས་ལྡན་པའི་མི་ཡིས་བསམ་པ་རྣམས་ཀྱང་འགྲུབ། །བདུད་བཅོམ་ནས་ནི་བྱང་ཆུབ་མྱུར་དུ་
རེག་པར་འགྱུར། །མྱ་ངན་ལས་འདས་ཞི་བ་བསིལ་བའི་དངོས་པོ་ཐོབ། །ཅེས་དང་། དོན་ཀུན་གྲུབ་པའི་རྟོགས་བརྗོད་ལས། རང་དོན་ལ་འཇུག་དམིགས་པ་དང་བྲལ་ཞིང་། །གཞན་ལ་ཕན་པ་རྟག་ཏུ་བརྩོན་རྣམས་ཀྱིས། །གྲུབ་པ་ཉོན་མོངས་རྣམས་ལ་མི་འཇིགས་ཤིང་། །གདུང་དང་
གྲེགས་བྲལ་གཟིར་བྱེད་མིན་པར་གྱུར། །ཞེས་གསུངས་པ་ལྟར་ལྷག་པའི་བསམ་པ་སྟོབས་དང་ལྡན་པ་དང་བསོད་ནམས་ཀྱི་མཐུ་ཆེ་བ་རྣམས་ཀྱིས་བསྒྲུབ་པར་བྱ་བ་གང་དང་གང་ཡིན་པ་དེ་དམིགས་པ་ཙམ་གྱིས་མི་འགྲུབ་པ་མེད་པ་ནི་རང་དོན་བྲལ་བའི་སྐྱེས་བུ་དམ་པ་རྣམས་ཀྱི་ཁྱད་པར་གྱི་
ཆོས་ཏེ། དེའང་ཇི་ལྟར་ན། དེང་ཁམས་གསུམ་ཆོས་ཀྱི་རྒྱལ་པོ་མཁན་པོ་རིན་པོ་ཆེ་བསྟན་པའི་སྒྲོན་མེ་ཉིད་ནི་སྐུ་གསུང་ཐུགས་རྡོ་རྗེ་གསུམ་གྱི་བཅུད་ལེན་དམ་པ་བཞེས་ནས་འཚོ་གཞེས་སུ་བཞུགས་པ་དང་། དེའི་བྱ་བ་སེམས་ཅན་ཐམས་ཅད་ལ་ཕན་པའི་ཕྲིན་ལས་ཀྱིས་ནམ་མཁའི་ཁམས་
ཀྱི་མཐས་གཏུགས་པར་འགྲོ་བར་གྱུར་བ་འདི་ལྟར་དང་། སྡོམ་བརྩོན་བླ་མ་བསྟན་པའི་རྩ་ལག་ཆེན་པོ་སྐུ་མཆེད་དུ་བཅས་པ་རྣམས་ཀྱང་། སྡེ་བཞིའི་འབྲས་བུ་ཕུན་སུམ་ཚོགས་ཤིང་དགེ་བའི་ཕྲིན་ལས་དཀར་པོ་རྒྱ་མཚོའི་མཐར་ཐུག་ཏུ་ཁྱབ་པར་རྒྱུ་བའི་རྒྱལ་སྲིད་ཆེན་པོའི་མཛེས་པར་བྱེད་པའི་
རྒྱན་དུ། ལྷ་དང་མིའི་ཡུལ་གྱི་རིན་ཐང་ཆེ་བའི་ནོར་བུ་རིན་པོ་ཆེ་རབ་ཏུ་བརྩེགས་པའི་ཁྲི་འཕང་མཐོན་པོ་ལ་སྐུ་ཚེ་མི་ཤིགས་རྡོ་རྗེ་རིན་པོ་ཆེའི་ཁམས་སུ་བརྟས་ཤིང་མི་མཐུན་པའི་ཕྱོགས་ཐམས་ཅད་ལས་རྣམ་པར་རྒྱལ་ནས། དེའི་ཕྲིན་ལས་ཀྱི་འཁོར་ལོ་རིན་པོ་ཆེ་གཙུག་ལག་ལུགས་བརྒྱའི་རྩིབས་དང་ལྡན་
པས། འཛམ་གླིང་བྱང་ཕྱོགས་ཀྱི་འཛིན་མའི་དཀྱིལ་འཁོར་ཡངས་པར་རྒྱུ་བ་ལ་ཐོགས་པ་མེད་པའི་རབ་འབྱམས་དབང་གི་ཕྲིན་ལས་གྲུབ་པ་རྣམས་ལྷན་ཅིག་ཏུ་བྱུང་ཞིང་། ཤར་ཕྱོགས་གོང་མའི་ལུང་གིས་ཟླ་ཆུའི་རྒྱུད་ཀྱི་མི་སྡེ་ཉིས་སྟོང་ཙམ་ལ་སོགས་པའང་གསར་དུ་ལེགས་པར་སྩལ་ཏོ། །མཁྱེན་

213-1-325a

པའི་སྤྱན་དང་ལྡན་པའི་ཕྱི་དང་ནང་གི་འཕྲུལ་བློན་ཆེན་པོ་ཐམས་ཅད་ཀྱང་། སྐུ་ཚེ་དང་བསོད་ནམས་དབྱར་གྱི་རྒྱ་མཚོའི་རྗེས་སུ་སོང་བ་ལ་ལོངས་སུ་སྤྱོད་ཅིང་། མི་བདག་ཆེན་པོའི་བསྟན་སྲིད་ཀྱི་གདུགས་དཀར་པོ་ཐུར་མ་བརྒྱ་པ་སྐྱེ་དགུ་རྒྱ་མཚོའི་བླ་མ་ནས་བླ་མར་འདེགས་
པ་ལ་ཞུམ་པ་མེད་པའི་སྙིང་སྟོབས་ཀྱི་ལང་ཚོ་དར་བར་གྱུར་པའི་ངོ་མཚར་རྨད་དུ་བྱུང་བ་འདི་དག་གོ། །གཞན་ཡང་སྐྱེ་དགུའི་བདག་པོའི་ཐུགས་རྗེའི་དཔག་བསམ་ཆེན་པོ་ཀུན་གྱི་མཉེས་གཤིན་དམ་པར་གྱུར་པའི་བདེ་སྐྱིད་ཀྱི་འབྲས་བུའི་འཚོ་བའི་བཟོ་དང་རིག་པའི་གནས་ཀྱི་ལས་བྱེད་པ་རྣམས་
ཏེ། དེ་དག་གི་མགོ་འཛིན་དུ་མིའི་དབང་པོའི་བཀའ་ལུང་གིས་བསྐོས་ཤིང་ལས་དེའི་མི་མཐུན་པའི་ཕྱོགས་སེལ་བ་དང་། མཐུན་པའི་ཕྱོགས་བསྒྲུབ་པ་ལ་གཞན་དྲིང་མི་འཇོག་པའི་བློ་ལྡན་རྣམས་ཀྱིས་མཚོན་ཏེ། བཟོའི་ལས་བྱེད་དམན་པ་ཡན་ཆད་ཀྱི་ཁྲོད་ནས་དུས་ཀྱིས་ཉེན་ཏེ་ལྔ་པའི་ལམ་དུ་སོང་
བ་དང་། བྱ་བས་ཉེས་ཏེ་ཆད་ཀྱི་ལས་ཀྱིས་ཕོག་པའི་མིའི་འགྲོ་བ་གཅིག་ཀྱང་མ་བྱུང་བ་འདི་དག་ཀྱང་། ཐུགས་རྗེར་ལྡན་པ་རྣམས་ཀྱིས་ལེགས་པར་བསྲུངས་ཤིང་ཡེ་ཤེས་གཟིགས་པའི་འབབ་སྟེགས་སུ་མཛད་པ་དང་། མི་བདག་ཆེན་པོའི་བསོད་ནམས་ཀྱི་ཤུགས་ལས་བྱུང་བ་གདོན་མི་ཟ་བའི་
ངོ་མཚར་ཤིན་ཏུ་ཆེ་བ་ཉིད་དོ། །གཞན་ཡང་གནས་སྐབས་དེ་དང་དེ་དག་ཏུ་སྡོམ་བརྩོན་ཆེན་པོའི་སྟོབས་ཀྱི་འཁོར་ལོས་ལེགས་པར་བསྲུངས་པའི་མངའ་འོག་ཏུ་གཏོགས་པ་ལྗོངས་དང་། ཡུལ་འཁོར་དང་། གྲོང་དང་གྲོང་རྡལ་ལ་སོགས་པ་རྣམས་སུ་ཡང་ནད་ཀྱི་འཇིགས་པ་དང་། མུ་གེའི་འཇིགས་
པ་དང་། ཕན་ཚུན་འཐབ་པ་དང་རྩོད་པ་དང་། གཡུལ་འགྱེད་པ་ལ་སོགས་པ་སྙིགས་མའི་དུས་ཀྱི་བརླང་སྤྱོད་ཐམས་ཅད་ཀྱང་མིང་གི་ལྷག་མ་ཙམ་དུ་གྱུར་ཏོ། །དེའི་དབང་གིས་འགྲོ་བ་རྣམས་ཀྱང་གནས་སྐབས་སུ་འཇིགས་པ་མཆིངས་པ་དང་། ཉམ་ང་བ་མ་མཆིས་པ་དང་། བག་ཚབ་མ་མཆིས་པར་
གྱུར་ཏེ། ལྟར་སྣང་གི་བདེ་བ་ཁ་ཟས་བཟང་པོའི་རོ་ལྟ་བུ་ལ་ཅི་བདེ་བར་ལོངས་སྤྱོད་པར་བྱེད། མྱོང་བར་བྱེད། དགའ་བར་བྱེད། རྩེ་བར་བྱེད་དོ། །ཡང་དེའི་ཚེ་དེའི་དུས་ན་དཀར་པོའི་ཕྱོགས་སུ་མངོན་པར་འདུན་པའི་ལྷ་རྣམས་ཀྱང་ཀུན་ནས་རངས་པར་གྱུར་པའི་སྐྱེས་ཀྱི་ཕྲེང་བ་གྱ་ནོམ་པ་བསྟར་བ་ནི་འདི་ལྟ་སྟེ།

213-1-325b

ནམ་མཁའི་དཀྱིལ་འཁོར་ཀུན་དུ་དུས་དུས་སུ་སྔོ་བསངས་སྤྲིན་གྱི་ཕྲེང་བ་ལང་ལིང་དུ་འཁྲིགས་པ་དག་ཀྱང་འགྲོ་བ་དང་འོང་བ་དང་ཕན་ཚུན་འཐབ་པའི་ཡ་མཚན་ཆེ་བ་ཅི་ཡང་སྟོན་པར་བྱེད་དེ། དཔེར་ན་སྒྱུ་མ་མཁན་མཁས་པས་རྫས་དང་སྔགས་ཀྱི་ནུས་པའི་འཕྲུལ་ལས། རྟ་མཆོག་གི་རྣམ་པ་དང་། 
ཤིང་རྟའི་རྣམ་པ་དང་། གླང་པོ་ཆེའི་རྣམ་པ་དང་། ནམ་མཁའ་ལྡིང་གི་རྣམ་པ་དང་། གཞན་ཡང་ཡུལ་གླིང་དང་། གྲོང་དང་གྲོང་ཁྱེར་དང་། གྲོང་རྡལ་དང་སྐྱེད་མོས་ཚལ་གྱི་རྣམ་པ་ལ་སོགས་པ་དུ་མ་མངོན་པར་སྤྲུལ་ཏེ། སྤྲུལ་པ་དེ་དག་ཀྱང་ཕ་རོལ་དང་ཚུ་རོལ་དུ་འགྲོ་བ་དང་། དགའ་བ་དང་། རྩེ་བ་
དང་། དགའ་མགུར་སྤྱོད་པའི་རྣམ་པ་ཅན་ཅི་ཡང་སྤྲུལ་ཏེ་སྐྱེ་བོ་ཕལ་གྱི་མིག་ལ་ཚིམ་པ་མེད་པའི་ལྟད་མོ་ཅི་ཡང་འབྱུང་བར་བྱེད་པ་དེ་བཞིན་དུ་ཆར་ལྡན་དུས་ཀྱི་དགའ་སྟོན་ཚར་དུ་དངར་བ་མང་པོ་དག་ཀྱང་འགྲོ་བ་ཀུན་གྱི་མིག་གི་དཔྱིད་དུ་ངོམ་པར་བྱེད་དོ། །ཇི་ཙམ་ན་དེ་དག་ལས་ཀྱང་ལྷའི་མེ་ཏོག་ནཱི་ལོཏྤ་
ལའི་འདབ་མ་གཞོན་ནུ་ལྟ་བུའི་སྦྲང་ཆར་ཟིམ་བུ་དག་ཀྱང་དུས་དང་དུས་སུ་ནི་འབེབས་པར་བྱེད་ཅིང་། དུས་མིན་དུ་ནི་དེངས་པར་ཡང་བྱེད་དེ། དེས་ནི་འདོད་ལྡན་སྐྱེ་བོ་རྣམས་ཀྱི་ཡིད་ལ་གཅགས་པའི་རེ་བ་ཅི་བདེ་བས་འགེངས་པར་བྱེད། ཚིམ་པར་བྱེད་དོ། །དེའི་དུས་ན་ས་གཞིའི་ཁྱོན་ཐམས་
ཅད་ཀྱང་མི་སྲུན་པའི་སྐལ་པ་ངན་པ་ཐམས་ཅད་མེད་པར་བྱས་ཏེ་སྣུམ་ཞིང་མཉེན་པའི་རེག་བྱ་ཕུན་སུམ་ཚོགས་པའི་བདེ་བ་སྙིང་ལ་སིམ་པ་དག་ཅི་ཡང་སྟེར་བའི་མཐུ་དང་ལྡན་པར་བྱེད་དོ། །རེས་འགའ་ནི་སྤྲིན་རུམ་སྟུག་པོ་འགའ་ཞིག་གི་ཁྲོད་ནས་རྣམ་གསལ་གློག་གི་འགྱུ་བ་སྐད་ཅིག་མ་
ཡུན་དུ་གཡོ་བ་སྟོན་ཅིང་། གང་གི་ཚེ་བྱིས་པ་རྣམས་ནི་ཡ་མཚན་མིག་གི་སྨན་དུ་ཡང་བྱེད་ལ། མི་རྟག་པ་སྒོམ་པའི་དམ་པ་རྣམས་ལ་ནི་མངོན་པར་འདུས་བྱས་པའི་ཆོས་ཐམས་ཅད་དེའི་རང་བཞིན་ཅན་དུ་རྗེས་སུ་དྲན་པ་གསལ་འདེབས་པའི་དགེ་བའི་བཤེས་སུ་བགྱིད་པ་དག་ཀྱང་བྱུང་ངོ་། །
རེས་འགའ་ནི་ཧ་ཅང་རྩུབ་མོའི་གདངས་ཀྱང་མིན་ལ་ཤིན་ཏུ་དམན་པ་ཡང་མ་ཡིན་པའི་འབྲུག་སྒྲ་ལྷང་ལྷང་བ་དལ་བུ་དལ་བུས་ལྡིར་བས་སྟོན་གྱི་འབྲས་བུ་འདོད་པ་རྣམས་ཀྱི་སྙིང་གི་རྨ་བྱ་གཞོན་ནུ་དག་ནི་དགའ་བ་བརྒྱ་ཕྲག་མང་པོ་མྱོས་པར་གྱུར་པའི་གར་སྟབས་སྟོང་གིས་ལན་ཅིག་མ་ཡིན་

213-1-326a

པར་བྲེལ་བའི་ངོ་མཚར་གྱི་ཕྲེང་བ་དག་ནི་ཅི་ཡང་སྟོན་པར་བྱེད་དོ། །སྐབས་འགའ་ཞིག་ཏུ་ནི་ལྷའི་བུ་ཉི་མས་ཀྱང་རང་གི་འོད་ཟེར་དྲོད་ཀྱི་རང་བཞིན་ཅན་རྣམ་པར་སྤྲོས་ཏེ། ས་བོན་ཕུན་སུམ་ཚོགས་པ་དང་། རླན་གཤེར་ཕུན་སུམ་ཚོགས་པ་དང་ལྡན་པའི་
འཛིན་མའི་ཁྱོན་ཐམས་ཅད་ཁྱབ་པར་བསྲོ་ཞིང་། དེའི་རུམ་ནས་འཐོན་པའི་སྔོ་ལྗང་དབྱར་སྐྱེས་ཀྱི་ཕྲེང་བ་ཚང་ཚིང་དུ་འཁྲིགས་པའི་ནགས་ཚལ་དང་། མྱུ་གུ་དང་། སྡོང་བུ་དང་། ཡལ་ག་དང་། ལོ་འདབ་ཀྱི་རྣམ་པ་མང་པོའང་དུས་དང་དུས་སུ་ཁ་འབུས་པ་དང་། དུས་དང་དུས་སུ་འབྲས་བུ་སྨིན་པའི་
རྐྱེན་ཡིད་དུ་འོང་བ་དག་ཅི་ཡང་སྩོལ་པར་བྱེད་དོ། །གཞན་ཡང་དཔལ་གྱི་འབྱུང་གནས་སའི་ལྷ་མོ་བརྟན་ལྡན་མས་ནི་རང་གི་ལུས་ཐམས་ཅད་བདེ་བའི་ཐང་དང་། རི་ཀླུང་ཡངས་པ་དང་། སྐྱེད་མོས་ཚལ་དང་། ཞིང་ས་གཤིན་པ་ལ་སོགས་པ་སྣོད་ཀྱི་དགེ་མཚན་མཐའ་དག་རྫོགས་པར་བྱས་པ་གང་དག་
གི་རུམ་ནས་ཁ་དོག་དང་། དྲི་དང་། རོ་བཅུད་དང་། ནུས་པ་དཔག་ཏུ་མེད་པ་ཡོན་ཏན་དུ་འཛིན་པའི་རྩི་ཐོག་དང་ལོ་ཐོག་དང་རྩ་བ་དང་སྡོང་པོ་དང་ལོ་མ་དང་མེ་ཏོག་དང་འབྲས་བུ་ཕུན་སུམ་ཚོགས་པའི་དགའ་སྟོན་ཟད་པ་མེད་པ་ཉིད་དུ་བཀྱེའོ། །དེ་དག་གི་ཁ་དོག་དང་དྲི་དང་རོ་བཅུད་དང་ནུས་པ་དཔག་ཏུ་མེད་པའི་
ཡོན་ཏན་གྱི་ཚོགས་མང་པོས་འགྲོ་བ་ཀུན་གྱི་སྲོག་གི་དབང་པོ་དང་ལུས་ཀྱི་ཟུངས་རྣམ་པར་བསྐྱེད་ཅིང་རིང་པོར་འཚོ་བའི་བཅུད་ལེན་དུ་བྱེད་དོ། །ཇི་ལྟར་ཡིད་ལ་རེ་བའི་སྣོད་ཀྱི་བྱེ་བྲག་གང་དང་གང་ཡིན་པ་ཐམས་ཅད་ཀྱང་དངོས་པོ་དེ་དང་དེ་དག་གིས་བདེ་བར་འགེངས་ནུས་པ་ཁོ་ན་བྱུང་ངོ་། །རྒྱུ་དེ་དང་དེ་དག་
གིས་ཡུལ་ཕྱོགས་ཐམས་ཅད་ཀྱང་བདེ་བ་དང་། ནད་མེད་པ་དང་། བཀྲེས་ངབ་མེད་པ་དང་། འབྱོར་པ་དང་། རང་བཞིན་གྱིས་དགེ་བའི་ལས་ལ་ཞུགས་པ་ལ་སོགས་པ་བསྐལ་པ་རྫོགས་ལྡན་དུས་ཀྱི་དཔལ་ལ་འགྲན་པ་སྙམ་བྱེད་པ་ཁོ་ནར་གྱུར་ཏོ། །མདོར་ན་སྣོད་ཀྱི་འཇིག་རྟེན་དང་བཅུད་ཀྱི་སེམས་
ཅན་ཐམས་ཅད་ནས་བཀྲ་ཤིས་པ་དང་དགེ་ལེགས་ཀྱི་དཔལ་ཐམས་ཅད་རབ་ཏུ་འཕེལ་བར་གྱུར་ཏེ། དེ་རྣམས་ཀྱིས་ནི་དགེ་ཞིང་ངོ་མཚར་བྱུང་བའི་གཏམ་ཅུང་ཟད་ཙམ་གླེང་ཟིན་ཏོ། །བཞི་པ་རབ་ཏུ་གནས་པ་ཇི་ལྟར་བྱས་པ། རྣམ་གཞག་སྤྱིར་བསྟན་པ་དང་། དབྱེ་བ་སོ་སོར་བཤད་པ་དང་།

213-1-326b

སྐབས་སུ་བབ་པའི་རབ་གནས་ངོས་བཟུང་བའོ། །དང་པོ་རྣམ་གཞག་སྤྱིར་བསྟན་པ་ལའང་། མཚན་ཉིད་དང་། སྒྲ་དོན་དང་། དགོས་པ་སྟེ་རྣམ་པ་གསུམ་ལས། དང་པོ་ནི་དེ་བཞིན་གཤེགས་པའི་སྐུ་གསུང་ཐུགས་ཀྱི་རྟེན་དམ་ཚིག་པ་ལ། སངས་རྒྱས་ཀྱི་ཆེ་བའི་བྱིན་རླབས་ཐམས་ཅད་ཡེ་ཤེས་སེམས་
དཔའི་རྣམ་པར་བཅུག་ནས། སེམས་ཅན་གྱི་དོན་དུ་ཇི་སྲིད་འཁོར་བ་གནས་ཀྱི་བར་དུ་བཞུགས་སུ་གསོལ་བས་དགེ་ཞིང་བཀྲ་ཤིས་པ་ཐམས་ཅད་འབྱུང་བའི་གཞིར་སྒྲུབ་པར་བྱེད་པ་གང་ཡིན་པའོ། །གཉིས་པ་ནི་ལེགས་པར་སྦྱར་བའི་སྐད་དུ་རབ་ཏུ་གནས་པ་ལ་པྲ་ཏིཥྛ་བི་དྷིཿཞེས་འབྱུང་སྟེ། དེའང་པྲ་ནི་ཉེ་
བར་སྒྱུར་བའི་ཚིག་ལས་བྱུང་བ་རབ་ཅེས་པ་དང་། ཏིཥྛ་ནི་བྱིངས་ཀྱི་ལུས་འགྱུར་ལས་བྱུང་བ་སྟེ། ཡུན་དུ་གནས་པའམ་བརྟན་པའི་དོན་ཏོ། །བི་དྷིཿནི་ཆོ་ག་སྟེ། དེ་ཉིད་ཇི་ལྟར་སྒྲུབ་པའི་ཐབས་སུ་གྱུར་པ་གང་ཡིན་པའོ། །ཡང་ན་སུ་པྲ་ཏིཥྛ་སྟེ། ལེགས་པར་རབ་ཏུ་གནས་པའམ། ཉེ་བར་སྒྱུར་བའི་
པྲ་ཏིའི་སྒྲ་ལས་དྲངས་ན། ལེགས་པར་སོ་སོར་གནས་པ་ཞེས་ཀྱང་བསྒྱུར་དུ་རུང་སྟེ། མདོར་ན་རྟེན་གང་དང་དེ་ལ་བསྟིམ་པའི་ཡེ་ཤེས་སེམས་དཔའ་གཉིས་དབྱེར་མེད་དུ་ལེགས་པར་རབ་ཏུ་གནས་པའམ། རྟེན་དང་བརྟེན་པའི་ཚུལ་གྱིས་སོ་སོར་ཏིལ་གྱི་གང་བུ་ཏིལ་གྱིས་གང་བ་ལྟར་གནས་པའམ། སེམས་
ཅན་ཀུན་གྱི་ཉེར་འཚོའི་གཞིར་ཡུན་རིང་དུ་གནས་པར་བྱེད་པའི་ཐབས་སུ་གྱུར་པའོ། །གསུམ་པ་ནི་དོན་དམ་པར་སངས་རྒྱས་བཅོམ་ལྡན་འདས་རྣམས་ནི་རྟག་ཏུ་ནམ་མཁའ་ལྟར་རབ་ཏུ་བཞུགས་པ་ལས་ནམ་ཡང་མི་གཡོ་བས་ན་རབ་ཏུ་གནས་པར་བགྱིར་མེད་ནའང་། ཀུན་རྫོབ་ཐ་སྙད་ཙམ་དུ་སྐྱེ་བོ་དད་པ་
ཅན་རྣམས་ཀྱི་མཆོད་པའི་འོས་སུ་འགྱུར་བ་དང་། དེ་ལ་བརྟེན་ནས་སེམས་ཅན་གྱི་ཁམས་སུ་དགེ་ལེགས་རྒྱ་ཆེན་པོ་འབྱུང་བའི་ཕྱིར་རབ་ཏུ་གནས་པར་བགྱིར་ཡོད་པར་བསྟན་ཏེ། རབ་ཏུ་གནས་པའི་གཞུང་རྣམས་ལས། སྐྱེ་བོ་རབ་ཏུ་དད་པ་ཡིས། །བྱེད་པ་དག་པ་སྤེལ་བའི་ཕྱིར། །རབ་གནས་བསྟན་
བཅོས་ལས་གསུངས་པ། །ཐ་སྙད་ཙམ་དུ་བྱས་པ་ཡིན། །ཞེས་དང་། རབ་ཏུ་གནས་པའི་རྒྱུད་མདོར་བསྡུས་པ་ཁ་ཆེའི་པཎྜི་ཏ་ཛྙཱ་ན་བཛྲ་དང་འབྲོ་ཤེས་རབ་གྲགས་ཀྱི་འགྱུར་ལས། སངས་རྒྱས་ཀུན་ནི་རབ་ཏུ་བཞུགས། །རབ་ཏུ་གནས་པ་གང་ནའང་མེད། །ཀུན་ཏུ་མཁའ་ལྟར་གནས་པ་ལ། །ཅིག་ཤོས་

213-1-327a

ཀྱིས་ནི་རབ་ཏུ་བརྟག །འཇིག་རྟེན་ཀུན་རྫོབ་ལ་བརྟེན་ནས། །རབ་ཏུ་གནས་པ་རབ་ཏུ་བརྟགས། །ཞེས་དང་། འཇམ་དབྱངས་ས་སྐྱ་པཎྜི་ཏས། དེ་ཕྱིར་དམ་པའི་དོན་དུ་ནི། །ཆོས་རྣམས་ཐམས་ཅད་སྤྲོས་བྲལ་ཡིན། །དེ་ལ་ཆོ་ག་གང་ཡང་མེད། །སངས་རྒྱས་ཉིད་ཀྱང་ཡོད་མིན་ན། 
ཆོ་ག་གཞན་ལྟ་སྨོས་ཅི་དགོས། །རྒྱུ་དང་ལམ་དང་འབྲས་བུ་ཡི། །དབྱེ་བ་ཐམས་ཅད་ཀུན་རྫོབ་ཡིན། །སོ་སོར་ཐར་དང་བྱང་ཆུབ་སེམས། །དབང་བསྐུར་ལ་སོགས་ཆོ་ག་དང་། །བསྒོམ་པའི་རིམ་པ་ཇི་སྙེད་དང་། །རྟེན་འབྲེལ་ཟབ་མོ་ཐམས་ཅད་དང་། །ས་དང་ལམ་གྱི་དབྱེ་བ་དང་། །རྫོགས་པའི་སངས་
རྒྱས་ཐོབ་པ་ཡང་། །ཀུན་རྫོབ་ཡིན་གྱི་དོན་དམ་མིན། །ཞེས་དང་། དེ་འདྲའི་དབྱེ་བ་ཤེས་ནས་ནི། །ཆོ་ག་བྱེད་ན་ཐམས་ཅད་ཀྱིས། །མིན་ན་ཐམས་ཅད་དོར་བར་བྱོས། །ཆོ་ག་ལ་ལ་དགོས་བཞིན་དུ། །ལ་ལའི་ཆོ་ག་མི་དགོས་ཞེས། །སྨྲ་བ་མཁས་པའི་བཞད་གད་གནས། །ཞེས་གསུངས་པའི་དོན་ལ་ལེགས་
པར་བརྟགས་པས་དགོས་པ་ཡང་དག་གྲུབ་པོ། །ཁྱད་པར་རྟེན་ལ་རབ་ཏུ་གནས་པར་མ་བྱས་པར་ཡུན་རིང་དུ་གནས་ན་འཇིག་རྟེན་དུ་བཀྲ་མི་ཤིས་པར་འབྱུང་བ་དང་། མཆོད་པའི་འོས་སུ་མི་འགྱུར་བ་སྟེ། དཔེར་ན་སྐྱེས་བུ་བླུན་པོ་ནི་ཇི་ལྟར་གཟུགས་མཛེས་ཀྱང་འཇིག་རྟེན་ཀུན་གྱིས་མཆོད་པའི་གནས་
མིན་པའམ། དམ་ཚིག་དང་མི་ལྡན་པའི་སྔགས་པ་དམན་པས་སྲེག་བླུགས་ཀྱི་ཐལ་བ་བཞིན་དུ་ཕན་གནོད་གང་ཡང་མེད་པར་གསུངས་ཏེ། རབ་ཏུ་གནས་པའི་རྒྱུད་ལས། གང་དུ་སྐུ་གཟུགས་རྫོགས་པ་ལ། །བྱིན་མ་བརླབས་པར་རིང་གནས་ན། །དེ་ལ་བཀྲ་མི་ཤིས་འབྱུང་ཞིང་། །ཇི་སྲིད་མཆོད་པ་དེར་
མི་འོས། །དཔེར་ན་སྐྱེས་བུ་ལ་ལ་ཞིག །རིག་པའི་མཚན་ཉིད་སྤངས་པ་ན། །འཇིག་རྟེན་ཀུན་གྱིས་མཆོད་མི་བྱེད། །དེ་དེ་བཞིན་དུ་གཟུགས་བརྙན་དེ། །རབ་གནས་མ་བྱས་གཟུགས་བརྙན་ལ། །གང་གིས་མཆོད་ཅིང་ཕྱག་བྱེད་པ། །དམ་ཚིག་བྲལ་ཞིང་སྔགས་དམན་པས། །སྦྱིན་སྲེག་ཐལ་བ་
འབྲས་མེད་མཚུངས། །ཞེས་སོ། །དེས་ན་རབ་ཏུ་གནས་པའི་ཆོ་ག་ཡང་དག་པར་རྩོམ་པ་ལ་དགོས་པ་ཤིན་ཏུ་ཆེ་སྟེ། ཡང་དེ་ཉིད་ལས། ཆོ་ག་དག་ཉིད་ནུས་པ་ཡིས། །བརྟག་པ་ལས་གསུངས་ཚུལ་ལེགས་པ། །དེས་བྱས་བསོད་ནམས་ཆེ་བ་ཡིན། །ཞེས་སོགས་མང་དུ་འབྱུང་ངོ་། །གཉིས་པ་

213-1-327b

དབྱེ་བ་སོ་སོར་བསྟན་པ་ལ། སྤྱིར་མདོ་ལས་རབ་ཏུ་གནས་པའི་ཆོ་ག་མཚན་ཉིད་པ་བསྟན་པ་མེད་ལ། འགའ་ཞིག་འདུལ་བ་ལས། གཎྜིའི་རབ་གནས་བཤད་པ་དང་། །དེ་ཡི་རབ་གནས་བྱ་བ་ནི། །ཤིན་ཏུ་བརྟན་པའི་ཆོས་ཀྱི་སྐུ། །བསྐྱེད་པ་མ་ཡིན་འཇིགས་བྱེད་མིན། །གདོད་ནས་མ་སྐྱེས་
པ་དགེ་བ། །དེ་ལྟར་རབ་གནས་བྱས་ནས་ནི། །དེ་ཡིས་སྤྱན་དབྱེར་འགྱུར་བ་ཡིན། །ཞེས་པ་ཙམ་ལ་བརྟེན་ནས་སྐུ་གཟུགས་ལ་སོགས་པའི་རྟེན་བཞེངས་གྲུབ་ནས་དུས་སྟོན་བྱ་བ་ལ་སོགས་པའི་ཚེ་རྟེན་གང་ཡིན་པ་དེ་ཉིད་མཆོད་པ་མང་པོའི་བཀུར་སྟི་དང་བཅས་ཏེ་ཁྲི་ལ་བཞུགས་སུ་གསོལ་
ནས། མཆོད་པ་འབུལ་བ་དང་གསོ་སྦྱོང་བླངས་ཏེ་སོ་སོ་ཐར་པའི་མདོ་བཀླག་པ་དང་། འདུལ་བ་ལུང་གི་བཀྲ་ཤིས་ཀྱི་ཚིག་བརྗོད་པ་དང་བཅས་རེ་མེ་ཏོག་འཐོར་བ་ལ་རབ་ཏུ་གནས་པའི་ཐ་སྙད་ཙམ་གདགས་སུ་རུང་བ་སྟེ། ས་སྐྱ་པཎྜི་ཏས། མདོ་ལས་རབ་གནས་བཤད་པ་མེད། །འོན་
ཀྱང་མཆོད་བསྟོད་བཀྲ་ཤིས་སོགས། །རྒྱལ་པོའི་མངའ་དབུལ་ལྟ་བུ་ལ། །རབ་གནས་ཡིན་ཞེས་སྨྲ་ན་སྨྲོས། །ཞེས་སོ། །གསང་སྔགས་རྡོ་རྗེ་ཐེག་པའི་ལུགས་ལ་འཕགས་པའི་ཡུལ་དུ་མཁས་ཤིང་གྲུབ་པའི་སློབ་དཔོན་ཆེན་པོ་རྣམས་ཀྱིས་རྒྱུད་སྡེ་སོ་སོའི་རྗེས་སུ་འབྲངས་ནས་བཀྲལ་
བའི་རབ་ཏུ་གནས་པའི་ཆོ་ག་བསལ་གྱིས་མི་ཁྱབ་པ་ཅིག་བཞུགས་པ་ལས། གངས་ཅན་གྱི་ལྗོངས་འདིར་འགྱུར་པ་ལ། བྱ་བའི་རྒྱུད་དང་མཐུན་པར་བཀྲལ་བའི་རབ་ཏུ་གནས་པའི་ཆོ་ག་ལ། པཎྜི་ཏ་སུ་མ་ཏི་ཀཱིརྟི་དང་། སློབ་དཔོན་ངག་གི་དབང་ཕྱུག་གྲགས་པ་དང་། དཔལ་ལྡན་མར་མེ་མཛད་བཟང་
པོ་རྣམས་ཀྱིས་མཛད་པའི་རབ་གནས་ཀྱི་གཞུང་རྣམས་བཞུགས་སོ། །རྣལ་འབྱོར་གྱི་རྒྱུད་དང་མཐུན་པར་བསྡེབས་པའི་རབ་ཏུ་གནས་པའི་ཆོ་ག་ལ། རྒྱུད་དེ་ཉིད་ཀྱི་ནང་གསེས་སུ་གྱུར་པ་རབ་ཏུ་གནས་པའི་རྒྱུད་ཀྱི་རྗེས་སུ་འབྲང་བ་ནི། རབ་འབྱོར་བསྐྱངས་དང་། ཀུན་དགའ་སྙིང་པོ་དང་། པྲཛྙཱ་པཱ་ལི་
ཏ་དང་། ཞི་བའི་སྙིང་པོ་དང་། སློབ་དཔོན་དད་པའི་འབྱུང་གནས་གོ་ཆ་བཟང་པོ་རྣམས་ཀྱིས་མཛད་པའི་གཞུང་རྣམས་བཞུགས་སོ། །རྣལ་འབྱོར་བླ་ན་མེད་པའི་རྒྱུད་དང་མཐུན་པར་བཀྲལ་བའི་རབ་ཏུ་གནས་པའི་ཆོ་ག་ལ། གྲུབ་པའི་དབང་ཕྱུག་ནག་པོ་དམ་ཚིག་རྡོ་རྗེ་དང་། སློབ་དཔོན་སྦྱང་དཀའ་

213-1-328a

ཟླ་བ་དང་། སློབ་དཔོན་ཟླ་བའི་འོད་དང་། སྣང་བྱེད་ཟླ་བ་དང་། མི་འཇིགས་ཕྱག་དང་། མཻ་ཏྲི་པ་དང་། དཔལ་འཛིན་བཟང་པོ་དང་། པཎྜི་ཏ་སཱ་དྷུ་པུ་ཏྲ་དང་། སློབ་དཔོན་འཇིགས་པ་མེད་པའི་འབྱུང་གནས་དང་། དཱརྤན་ཨཱ་ཙཱརྱ་ལ་སོགས་པ་རྣམས་ཀྱིས་ཀྱེ་རྡོ་རྗེ་དང་།
གསང་བ་འདུས་པ་དང་། གཤིན་རྗེའི་གཤེད་དང་། དུས་ཀྱི་འཁོར་ལོའི་རྒྱུད་རྣམས་ལ་བརྟེན་ནས་མཛད་པའི་རབ་ཏུ་གནས་པའི་ཆོ་ག་ཇི་སྙེད་ཅིག་བཞུགས་པ་རྣམས་ད་ལྟའི་དགོངས་འགྲོལ་ཆེན་པོ་འདི་ཉིད་དུ་བཞུགས་ཤིང་། དེ་དག་ལ་བརྟེན་པའི་ཆོ་གའི་ཕྱག་ལེན་གྱི་སྲོལ་ཡང་བསྟན་པ་སྔ་དར་གྱི་
དུས་སུ་འཇམ་པའི་དབྱངས་ཁྲི་སྲོང་ལྡེ་བཙན་གྱིས། བྱང་ཆུབ་སེམས་དཔའ་ཞི་བ་འཚོ་བོད་ཀྱི་ཡུལ་དུ་བསྟན་པའི་སྒྲོན་མེ་སྦོར་བའི་ཆེད་དུ་སྤྱན་དྲངས་ནས། དབུས་ཀྱི་བསམ་ཡས་མི་འགྱུར་ལྷུན་གྱིས་གྲུབ་པའི་གཙུག་ལག་ཁང་ཆེན་པོ་བཞེངས་པ་ལ་རབ་ཏུ་གནས་པར་གསོལ་བ་བཏབ་བོ། །དེ་
ཉིད་ནས་ཀྱང་ཇི་ལྟར་གསོལ་པ་བཏབ་པ་བཞིན་དུ་རབ་དུ་གནས་པ་ལེགས་པར་མཛད་པས། དེ་ནས་བརྩམས་ཏེ་བསྟན་པ་དང་སེམས་ཅན་གྱི་དགེ་ལེགས་བྱེ་བའི་ཉི་མ་དང་པོར་ཤར་བ་བྱུང་ངོ་། །བསྟན་པ་ཕྱི་དར་གྱི་དུས་སུ་མ་ཧཱ་པཎྜི་ཏ་དད་པའི་བྱུང་གནས་གོ་ཆ་དང་། སྤྲུལ་པའི་ལོ་ཙཱ་བ་ཆེན་
པོ་རིན་ཆེན་བཟང་པོ་དཔོན་སློབ་རྣམས་ཀྱིས་མངའ་རིས་སུ་ཐོ་ལིང་གསེར་གྱི་གཙུག་ལག་ཁང་ཆེན་པོ་ལ། རྣལ་འབྱོར་རྒྱུད་ཀྱི་གཞུང་རྣམས་ལ་བརྟེན་ནས་རབ་ཏུ་གནས་པའི་ཆོ་ག་རྣམ་པར་དག་པར་མཛད་དོ། །གཞུང་དི་དག་གི་གོ་རིམས་དང་ལག་ལེག་རྣམས་ངེས་པར་བྱེད་པའི་སྡོམ་ཚིག་
ལོ་ཙཱ་བ་ཆེན་པོ་དེ་ཉིད་ཀྱིས་མཛད་དོ། །དེ་ནས་སློབ་དཔོན་རིན་པོ་ཆེ་བསོད་ནམས་རྩེ་མོས་མི་ཐུབ་ཟླ་བའི་རབ་གནས་བཟང་པོ་དྲུག་གི་རྣམ་པར་བཤད་པ་མཛད་པ་དང་། རྗེ་བཙུན་རིན་པོ་ཆེ་གྲགས་པ་རྒྱལ་མཚན་གྱིས་སྔར་སྨོས་པའི་གཞུང་དེ་རྣམས་དང་། ལོ་ཆེན་གྱི་སྡོམ་ཚིག་རྣམས་ལ་བརྟེན་ནས་རབ་ཏུ་
གནས་པའི་ཆོ་ག་དོན་གསལ་འདི་ཉིད་མཛད་དོ། །དེའི་རྗེས་སུ་འཕགས་པ་རིམ་པོ་ཆེས་ཆེན་པོ་ཧོར་གྱི་རྒྱལ་ཁབ་ཏུ། ཡུ་གུར་གྱི་བནེྡ་སཾ་གྷ་མི་ཏའི་ངོར་རབ་གནས་སཾ་གྷ་མི་ཏྲ་ཞེས་གྲགས་པ་ཡང་མཛད་དོ། །ཀུན་མཁྱེན་བུ་སྟོན་རིན་པོ་ཆེས་ཡོ་ག་ལ་བརྟེན་པའི་རབ་གནས་བཀྲ་ཤིས་རབ་རྒྱས་དང་། དུས་ཀྱི་

213-1-328b

འཁོར་ལོ་ལ་བརྟེན་པའི་རབ་གནས་བཀྲ་ཤིས་དཔལ་འབར་གཉིས་མཛད་དོ། །རྗེ་ངོར་ཆེན་རྡོ་རྗེ་འཆང་ཀུན་དགའ་བཟང་པོ་ཡབ་སྲས་རྣམས་ཀྱིས་བཀྲ་ཤིས་རྒྱ་མཚོ་དང་། དགེ་ལེགས་རྒྱ་མཚོ་ལ་སོགས་པ་མཛད་ཅིང་། རབ་ཏུ་གནས་པའི་སྲོལ་ཆེན་པོ་མི་ཉམས་ཤིང་དར་རྒྱས་ཤིན་ཏུ་ཆེ་བ་བྱུང་ངོ་། །
གསུམ་པ་སྐབས་སུ་བབ་པའི་རབ་གནས་ངོས་བཟུང་བ་ནི། དེང་འདིར་བསྒྲུབ་པར་བྱ་བའི་ཆོ་ག་ནི་དཔལ་ཀྱེ་རྡོ་རྗེ་ལྷ་དགུའི་དཀྱིལ་འཁོར་ལ་བརྟེན་ནས་རབ་ཏུ་གནས་པའི་ཆོ་ག་དོན་གསལ་དང་། བཀྲ་ཤིས་རྒྱ་མཚོ་དང་། དགེ་ལེགས་རྒྱ་མཚོ་དང་། དཔལ་འབྱོར་རྒྱ་མཚོ་རྣམས་ཀྱི་ཆོ་གའི་གཞུང་གི་དགོངས་པ་མ་
ནོར་པ་ལྷུར་ལེན་པ་ལ་ཆོ་ག་ཡོངས་སུ་རྫོགས་པ་ནི་བཟང་པོ་དྲུག་གིས་བསྡུས་ཏེ། དེའང་ངོར་ཆེན་ཐམས་ཅད་མཁྱེན་པ་དཀོན་མཆོག་ལྷུན་གྲུབ་ཀྱིས། རབ་གནས་རྟེན་དང་སློབ་དཔོན་དུས་དང་གནས། །ཡོ་བྱད་ཆོ་ག་བཟང་པོ་རྣམ་དྲུག་ལས། །ཞེས་གསུངས་པ་ལྟར་ལས། དང་པོ་གང་ཞིག་རབ་ཏུ་གནས་
པར་བྱ་བའི་རྟེན་ནི། དེ་བཞིན་གཤེགས་པའི་སྐུ་དང་གསུང་དང་ཐུགས་ཀྱི་རྟེན་ཚད་དང་མཚན་ཉིད་ཐམས་ཅད་རྫོགས་པ་སྟེ། རབ་ཏུ་གནས་པའི་རྒྱུད་མདོར་བསྡུས་པ་ལས། སྐུ་གཟུགས་མཚན་ཉིད་ལྡན་པ་སྟེ། །ཞི་བ་ལ་སོགས་རོ་ཡི་ལྡན། །ཚད་ཀྱིས་ཚད་ལ་ཕབ་ཅིང་བཟང་། །དེ་འདྲ་རབ་ཏུ་གནས་པར་
འགྱུར། །ཞེས་པས་སྐུ་གཟུགས་དངོས་སུ་བསྟན་ནས། དེའི་ཤུགས་ལས་གསུང་གི་རྟེན་དང་ཐུགས་ཀྱི་རྟེན་དུ་གཏོགས་པ་ཐམས་ཅད་ཀྱང་ཤེས་དགོས་ཏེ། ཇི་སྐད་དུ། སྐུ་གཟུགས་དང་ནི་གླེགས་བམ་དག །ཡོད་ན་ཁྱོད་ཀྱིས་རབ་གནས་གྱིས། །ཞེས་སོགས་རྒྱ་ཆེར་འབྱུང་བ་ལྟར་ལས། འདིར་རབ་ཏུ་གནས་པར་བྱ་
བའི་རྟེན་གྱི་གཙོ་བོ་ནི་ཐམས་ཅད་མཁྱེན་པ་ཆེན་པོ་ཉི་མའི་གཉེན་གྱི་བཀའ་ལུང་སྤྱི་དང་བྱེ་བྲག་གི་དགོངས་དོན་རྣམ་པར་འགྲེལ་བའི་བསྟན་བཅོས་གངས་ཅན་པའི་སྐད་དུ་འགྱུར་རོ་འཚལ་གྱི་ཆོས་སྦྱིན་རྒྱུན་མི་འཆད་པའི་ངོ་མཚར་འཕྲུལ་གྱི་ཕྱི་མོ་རྫོགས་ལྡན་བསྐལ་བའི་བསོད་ནམས་ཀྱི་སྤྲིན་ཕུང་རྒྱས་པར་དཀྲིགས་པ་ཞེས་བྱ་བ་བཟོའི་
བྱ་བ་མ་ལུས་པ་མཐར་ཕྱིན་པ་འདི་ཉིད་དོ། །གཉིས་པ་གང་གིས་རབ་ཏུ་གནས་པར་བྱེད་པའི་སློབ་དཔོན་ནི། སྤྱིའི་མཚན་ཉིད་དུ་རྡོ་རྗེ་སློབ་དཔོན་དུ་དབང་ཐོབ་ཅིང་སྔགས་ཀྱི་གཞུང་ལུགས་མང་པོ་སྦྱངས་པའི་ཕ་རོལ་ཏུ་སོན་པ་སྟེ། ཀྱེ་རྡོ་རྗེ་ལས། རབ་མཐོང་སྔགས་ཀྱི་ཕ་རོལ་སོན། །ཞེས་དང་། བྱེ་བྲག་ཏུ་

213-1-329a

རྡོ་རྗེ་གུར་ལས། དལ་ཞིང་ཟབ་མོའི་ཆོས་དང་ལྡན། །རིག་པ་ཐམས་ཅད་མཁས་པར་བཅས། །སྦྱིན་སྲེག་དཀྱིལ་འཁོར་སྔགས་ཤེས་ཤིང་། །རབ་གནས་གཏོར་མའི་ཕ་རོལ་སོན། །དེ་ཉིད་བཅུ་ནི་རྣམ་པར་རིག །ཉན་ཐོས་སྤྱོད་པ་སྲུང་བ་པོ། །སྔགས་སྤྱོད་རིམ་པར་གུས་
པ་དང་། །གཟུགས་ལྡན་མཐོང་ན་དགའ་བ་དང་། །དཀྱིལ་འཁོར་བྲི་ཞིང་བཟླས་པར་ལྡན། །རྩ་བའི་ལྟུང་བ་འཇོམས་པ་པོ། །སྔགས་དང་ལུས་སྐྱོབ་སྦྱོར་བ་ཡི། །འཇིག་རྟེན་རྣམས་ནི་བདེ་བར་བྱེད། །ཅེས་དང་། རབ་ཏུ་གནས་པའི་རྒྱུད་ལས། སློབ་དཔོན་དེ་ཉིད་བཅུ་ཤེས་ཤིང་། །མཚན་ཉིད་ཀུན་
དང་ཡང་དག་ལྡན། །ཕྱག་རྒྱ་སྔགས་དང་ཆོ་ག་ཤེས། །ལས་རྣམས་ཀུན་ལ་མཁས་པས་སོ། །ཞེས་དང་། ཀྲྀ་ཡ་ས་མུཙྪ་ལས། རབ་དུ་དང་པའི་མཚན་གྱིས་ཕྱུག །དེ་ཉིད་བཅུ་ལ་རྣམ་པར་མཁས། །བཟོ་ཡི་ཆ་ནི་ཐམས་ཅད་དང་། །སྔགས་ཀྱི་བསྟན་བཅོས་རབ་འབྱམས་ཤེས། །གཟའ་
དང་སྐར་མ་དུས་སྦྱོར་ཤེས། །འཇིག་རྟེན་སྨོད་ལས་གཞན་དུ་གྱུར། །རབ་ཏུ་གནས་པར་རབ་ཏུ་མཛད། །གྲོང་ཁྱིམ་གང་དེར་ངེས་པར་ནི། །འདི་ཡིས་སངས་རྒྱས་བཞུགས་གསོལ་བས། །གང་དུ་ཞིག་དང་བཟླས་འཕེལ་ཞིང་། །ནད་མེད་ཆོས་ཀྱང་འཕེལ་བར་འགྱུར། །ནོར་དང་ཚེ་དང་བདེ་བ་
སྟེར། །ཞེས་གསུངས་པའི་མཚན་ཉིད་གཞན་ནི་རྟོགས་པར་སླ་ཤིང་། དེ་ཁོ་ན་ཉིད་བཅུ་རིག་པ་ནི། དཀྱིལ་འཁོར་དང་། ཏིང་ངེ་འཛིན་དང་། ཕྱག་རྒྱ་དང་། བྱེད་པ་དང་། གདན་དང་། བཟླས་པ་དང་། སྦྱིན་སྲེག་དང་། གཏོར་མ་དང་། མཆོད་པའི་ལས་སྤྲོ་ཞིང་བསྡུ་བ་རྣམས་ལ་མཁས་པ་སྟེ། 
སློབ་དཔོན་ཟླ་བའི་འོད་ཀྱིས། དཀྱིལ་འཁོར་ཏིང་འཛིན་ཕྱག་རྒྱ་དང་། །སྟང་སྟབས་འདུག་སྟངས་སྦྱིན་སྲེག་དང་། །སྔགས་དང་བཟླས་བརྗོད་མཆོད་པའི་ལས། །སྤྲོ་བ་དང་ནི་བསྡུ་བ་སྟེ། །དེ་ཉིད་བཅུ་པོ་ཤེས་པ་ཡིན། །ཞེས་རྒྱུད་སྡེ་འོག་མ་རྣམས་དང་ཐུན་མོང་བ་ཕྱིའི་དེ་ཉིད་བཅུའམ། རྡོ་རྗེ་སློབ་
དཔོན་ལ་ཉེ་བར་མཁོ་བའི་དེ་ཉིད་བཅུ་དང་། རྡོ་རྗེ་སྙིང་པོ་རྒྱན་གྱི་རྒྱུད་ལས། ཕྱིར་བཟློག་གཉིས་ཀྱི་ཆོ་ག་དང་། གསང་དང་ཤེས་རབ་ཡེ་ཤེས་དང་། །ཁ་སྦྱོར་འབྱེད་པའི་ཆོ་ག་དང་། །གཏོར་མ་རྡོ་རྗེའི་བཟླས་པ་དང་། །དྲག་ཤུལ་སྒྲུབ་པའི་ཆོ་ག་དང་། །རབ་ཏུ་གནས་དང་དཀྱིལ་འཁོར་སྒྲུབ། །

213-1-329b

གསང་བའི་དེ་ཉིད་བཅུ་ཡིན་ནོ། །ཞེས་བྱེ་བྲག་བླ་མེད་ཀྱི་དགོངས་པ་ནང་ངམ། །གསང་བའི་དེ་ཉིད་བཅུ་དང་། གུར་གྱི་དགོངས་པ་སློབ་དཔོན་ཌོམྦི་པས། །བསྲུང་བ་དབང་བསྐུར་གཏོར་མ་བཟླས་དགར་དང་། །ཕྱིར་བཟློག་གཉིས་དང་དཀྱིལ་འཁོར་སྒྲུབ་པ་དང་། །སྡིག་སྦྱོང་བ་དང་གཤེགས་
སུ་གསོལ་བ་སྟེ། །དེ་ཉིད་བཅུ་ཞེས་རྒྱལ་བ་རྣམས་ཀྱིས་གསུངས། །ཞེས་ཀྱེ་རྡོ་རྗེའི་རྣལ་འབྱོར་པ་ལ་དགོས་པ་ཆོ་གའི་དེ་ཉིད་བཅུ་དང་། འབུམ་ལྔའི་དགོངས་པ་རིན་ཆེན་འབར་བ་ལས་འབྱུང་བ། རྡོ་རྗེ་དྲིལ་བུ་ཡེ་ཤེས་དང་། །ལྷ་དང་དཀྱིལ་འཁོར་སྦྱིན་སྲེག་དང་། །སྔགས་དང་རྡུལ་
ཚོན་གཏོར་མ་དང་། །དབང་བསྐུར་དེ་ཉིད་བཅུ་རིག་པས། །ཞེས་ཐམས་ཅད་ལ་དགོས་པ་དེ་ཁོ་ན་ཉིད་བཅུ་སྟེ། དེ་རྣམས་ཅི་རིགས་པར་ཤེས་པ་དགོས་ཤིང་། ཉན་ཐོས་སྤྱོད་པ་སྲུང་བ་པོ་ནི་དུས་འཁོར་རྩ་རྒྱུད་ལས། དེ་ཉིད་བཅུ་ནི་ཡོངས་ཤེས་པ། །གསུམ་ལས་དགེ་སློང་མཆོག་ཡིན་ཏེ། །
འབྲིང་ནི་དགེ་ཚུལ་ཉིད་དུ་བརྗོད། །ཁྱིམ་ན་གནས་པ་ཐ་མ་ཡིན། །ཞེས་གསུངས་ཤིང་། ས་ཐོབ་མ་གཏོགས་ཁྱིམ་པ་ནི། །རྒྱལ་པོའི་བླ་མར་མི་བྱ་སྟེ། །དེ་ལས་ཐོས་པ་ཡོངས་ཤེས་པ། །གང་ཞིག་རྟགས་ཅན་བྱ་བ་ཉིད། །ས་ཐོབ་མ་གཏོགས་སློབ་དཔོན་ནི། །ཁྱིམ་གནས་གང་ཚེ་མཆོད་
བྱེད་པ། །དེ་ཚེ་སངས་རྒྱས་ཆོས་དང་ནི། །དགེ་འདུན་རྣམས་ལ་གུས་མེད་འགྱུར། །ལྷ་ཁང་སོགས་ཀྱི་རབ་གནས་ཀྱང་། །རྟགས་ཅན་གྱིས་ནི་རྟག་ཏུ་བྱ། །གནས་གཅིག་ན་ནི་གསུམ་ཡོད་ན། །ཁྱིམ་པ་གོས་དཀར་ཅན་གྱིས་མིན། །ཞེས་གསུངས་པས་སོ་སོ་སྐྱེ་བོའི་རྡོ་རྗེ་སློབ་དཔོན་ལ་རབ་
ཏུ་བྱུང་བ་དང་། བྱེ་བྲག་ཏུ་དགེ་སློང་རྡོ་རྗེ་འཛིན་པ་ཉིད་མཆོག་ཏུ་བསྔགས་པ་ལྟར། འདིར་རབ་ཏུ་གནས་པར་བྱེད་པའི་རྡོ་རྗེ་སློབ་དཔོན་ནི་སྤྱི་དང་བྱེ་བྲག་གི་མཚན་ཉིད་མ་ལུས་པ་ཡོངས་སུ་ཚང་བ། ཕྱི་ཀུན་སྤྱོད་ཐམས་ཅད་སྟོན་པའི་འཁོར་གྱི་དགྲ་བཅོམ་པ་ཆེན་པོ་ལྟ་བུ་ལ་ནང་དུ་
སྟོང་པ་ཉིད་དང་སྙིང་རྗེ་གཉིས་སུ་མེད་པའི་རང་གདངས་གདན་གསུམ་ལྷའི་དཀྱིལ་འཁོར་གྱི་འཁོར་ལོ་ཡོངས་སུ་རྫོགས་པའི་རང་བཞིན་དུ་བཞུགས་ནས། སྐལ་བར་ལྡན་པའི་གདུལ་བྱ་རྒྱ་མཚོའི་རྒྱུད་ལ་སྐུ་བཞིའི་ས་བོན་ཡང་དག་པར་འཇོག་པ་ལ་མཁས་ཤིང་། གསང་བར་སྲིད་

213-1-330a

པ་གསུམ་པོ་རོ་གཅིག་ཏུ་གྱུར་བ། མི་ཕྱེད་རྡོ་རྗེ་ཆེན་པོའི་གོ་འཕང་ལས་ནམ་ཡང་མི་གཡོ་བའི་ཐམས་ཅད་མཁྱེན་པ་ཆེན་པོ་དཔལ་ལྡན་ཆོས་སྐྱོང་བཀྲ་ཤིས་གྲགས་པའི་རྒྱལ་མཚན་དཔལ་བཟང་པོ་ཉིད་གཙོ་བོར་བཞུགས་པ་དང་། རྡོ་རྗེ་སློབ་དཔོན་ཆེན་པོ་གཞན་རྣམས་
ཀྱང་བྱང་ཆུབ་ཀྱི་སེམས་རིན་པོ་ཆེ་དང་ལྡན་པ། བྱེ་བྲག་ཏུ་གཞིའི་བསྙེན་པ་ལ་སོགས་པས་དག་པར་བྱས་པ། རབ་ཏུ་གནས་པའི་ཆོ་ག་ལ་མཁས་པ་ལྔ་བཅུ་རྩ་ལྔ་ཙམ་གྱིས་ཐོག་མར་རབ་ཏུ་གནས་པའི་ཆོ་ག་རྩོམ་པ་པོར་བཞུགས་པ་རྣམས་དང་། གཞན་ཡང་ལོ་རེ་བཞིན་དུ་རབ་ཏུ་
གནས་པ་བརྒྱ་ཕྲག་མང་པོ་བསྐྱར་བ་ན་དེ་དག་གི་སྐབས་སུ་རྡོ་རྗེ་སློབ་དཔོན་དུ་འོས་པ་གང་དག་བཞུགས་པ་རྣམས་སོ། །གསུམ་པ་ནམ་ཞིག་རབ་ཏུ་གནས་པར་བྱ་བའི་དུས་ནི། བཀྲ་ཤིས་པར་བྱེད་པའི་ཚེས་དང་གཟའ་དང་སྐར་མ་དང་བྱེད་པ་དང་སྦྱོར་བ་ལ་སོགས་པ་དུས་བཟང་པོ་ཕུན་
སུམ་ཚོགས་པ་འཛོམ་པ་ངེས་པར་དགོས་ཏེ། རབ་ཏུ་གནས་པའི་རྒྱུད་ལས། དབྱར་ཟླ་ར་འམ་དཔྱིད་ཟླ་འབྲིང་། །དགུན་ཟླ་དཔྱིད་ཀྱི་ཐ་ཆུངས་སམ། །དབྱར་ར་དེ་བཞིན་དབྱར་འབྲིང་པོ། །ཉི་མ་བྱང་དུ་བལྟས་པ་ཡི། །དཀར་པོའི་ཕྱོགས་ནི་ཤིས་པའོ། །ཞེས་དང་། ཀྲྀ་ཡ་ས་
མུཙྪ་ལས། མཆུ་དང་དབོ་ཡི་ཟླ་བ་དེ་བཞིན་ངེས་པར་ས་ག་སྣྲོན་དང་ཆུ་སྟོད་ཟླ་བ་དང་། །མགོ་སྟེ་དེ་སྲིད་འདི་རྣམས་དགེ་བ་གཅིག་པུས་འབྲས་བུ་སྟེར་པའི་ཟླ་བ་དྲུག་ཏུ་གསུངས། ཞེས་དང་། དཀྱིལ་འཁོར་གྱི་ཆོ་ག་བཟང་པོ་ཡོངས་སུ་བཟུང་པ་ལས། ཟླ་བ་དྲུག་དང་གཟའ་བཞི་དང་ཞེས་
གསུངས་པའི་ཟླ་བ་དྲུག་ལས། དཔྱིད་ཟླ་འབྲིང་པོ་ནི་སངས་རྒྱས་དབང་བསྐུར་བའི་དུས་དང་། དགུན་ཟླ་འབྲིང་པོ་ནི་འཁོར་ལོས་སྒྱུར་རྒྱལ་གྱི་དུས་ཏེ་དེ་གཉིས་ནི་གཞན་ལས་ཁྱད་པར་དུ་འཕགས་པར་བཤད་པ་ལས། འདིར་ཆེས་མཆོག་ཏུ་གྱུར་པའི་དུས་ནི་སྔ་མ་དེ་ཉིད་ཀྱི་དུས་སུའོ། །དེའང་
བགྲོད་པ་རྣམ་པ་གཉིས་སུ་ཡོད་པ་ལས། ཉི་མ་ལྷོ་བགྲོད་ཀྱི་དུས་ལ་ནི། ཚེ་དང་བསོད་ནམས་ལ་སོགས་པ་རྒྱས་པར་བྱེད་པའི་ལས་བརྩམ་པ་ལ་ཤིས་པར་མི་འགྱུར་བར་གསུངས་ཏེ། དེའང་ལྷོའི་ཕྱོགས་ན་གཤིན་རྗེ་མི་བཟད་པ་རྣམས་ཀྱིས་ཡོངས་སུ་བསྲུངས་པའི་ཕྱོགས་ཡིན་པའི་ཕྱིར་རོ། །

213-1-330b

ཉི་མ་བྱང་བགྲོད་ཀྱི་དུས་ལ་ནི། རྒྱས་པར་བྱེད་པའི་ལས་ལ་མཆོག་ཏུ་ཤིས་པར་གསུངས་ཏེ། དེའང་བྱང་གི་ཕྱོགས་ན་གནོད་སྦྱིན་གྱི་བདག་པོ་རྣམ་མང་ཐོས་ཀྱི་བུ་ལ་སོགས་པ་གནོད་སྦྱིན་ནོར་བདག་ཆེན་པོ་རྣམས་ཀྱིས་ཡོངས་སུ་བསྲུངས་པའི་ཕྱོགས་ཡིན་པའི་ཕྱིར་རོ། །དེས་ན་འདིར་ཡང་ཉིན
མོར་བྱེད་པ་བྱང་བགྲོད་ཀྱི་དུས་ལ་བབ་པའི་ཚེ་བརྩམས་པ་ཡིན་ནོ། །ཟླ་བ་ལའང་འཕེལ་བ་དང་འགྲིབ་པའི་ཕྱོགས་གཉིས་ལས། ཡར་གྱི་ངོ་ལ་འཛོམ་ན་རབ་ཏུ་གྱུར་བ་དང་། གལ་ཏེ་གཟའ་དང་སྐར་མའི་སྦྱོར་འཕྲོད་ལེགས་པར་འཛོམ་ན་མར་གྱི་ངོ་ལའང་དབང་བསྐུར་བ་དང་རབ་ཏུ་གནས་པའི་
ལས་བརྩམ་པར་བཤད་པ་ལས། འདིར་ཡར་གྱི་ངོ་ལ་བབ་པ་ནའོ། །དུས་དེ་ཉིད་དུ་ཤར་བའི་གཟའ་དང་སྐར་མ་དགེ་བ་ནི། རབ་ཏུ་གནས་པའི་རྒྱུད་ལས། ཕུར་བུ་ལྷག་པ་པ་ཝ་སངས། །ཟླ་བའི་གཟའ་སོགས་ཤེས་བྱ་སྟེ། །གཟའ་སྐར་འདི་རྣམས་ལས་བྱས་ན། །རབ་ཏུ་གནས་
པ་མཆོག་ཏུ་དགེ། །ཞེས་དང་། ཐམས་ཅད་དུ་ནི་ཆུ་སྨད་དང་། །སྣར་མ་གྲོ་བཞིན་དེ་བཞིན་ཏེ། །ལག་པ་སྣུབས་དང་སྣྲོན་དང་ནི། །རྒྱལ་དང་ཆུ་སྨད་དེ་བཞིན་ནོ། །ཁྲུམས་སྨད་ཀྱང་ནི་དེ་བཞིན་ཏེ། །རྒྱུ་སྐར་འདི་རྣམས་ཐམས་ཅད་དུ། །སྐྱེ་དགུ་འཕེལ་ཞིང་དེ་ཡིས་ནི། །རབ་ཏུ་
གནས་པའི་མཆོག་ཏུ་བྱེད། །ཅེས་གསུངས་པ་ལྟར་ལས་འདིར་མཆོག་ཏུ་གྱུར་པའི་གཟའ་ནི་ཕུར་བུ་དང་། རྒྱུ་སྐར་གྱི་ལྷ་མོ་སྣར་མ་ལྷན་ཅིག་ཏུ་འཛོམ་པའི་སྦྱོར་འཕྲོད་བཟང་པོ་དང་ལྡན་པའི་གྲལ་ཚེས་ཤིན་ཏུ་དགེ་བའི་ཉིན་མོ་ལའོ། །དུས་ཚོད་ཀྱང་སྔ་དྲོའི་དུས་སུ་ཤིས་པ་ནི། རྒྱུད་ལས།
སྔ་བར་སྐུ་གཟུགས་སྦྱང་བ་དང་། ཞེས་སོགས་རྒྱུད་དང་བསྟན་བཅོས་མང་པོ་ནས་སྔ་དྲོའི་དུས་སུ་བྱ་བར་ངེས་པར་བཤད་པ་ལྟར། འདིར་ཡང་ཛམྦུའི་གླིང་དུ་ཉི་མ་ཤར་དྲོས་ཀྱི་དུས་ཕུན་སུམ་ཚོགས་པ་དེ་ཉིད་དུ་སྤྱན་དབྱེ་བའི་བྱ་བ་ཡང་དག་པར་གྲུབ་པར་བགྱིས་པ་ཡིན་ནོ། །བཞི་པ་གང་དུ་
རབ་ཏུ་གནས་པར་བགྱི་བའི་གནས་ནི། སྤྱིའི་མཚན་ཉིད་དུ་ཆོས་ལྡན་གྱི་རྒྱལ་པོས་བསྐྱངས་པས་ཉེ་བར་འཚེ་བ་མེད་པ་ཞིག་ཏུ་སྟེ། དབང་མདོར་བསྟན་ལས། གང་ན་ས་ཕྱོགས་ཆོས་ལྡན་ཞིང་། །གང་ཞིག་ཁོ་ནར་སྐྱེ་དགུ་རྣམས། །བདེར་གནས་ས་འཛིན་རྩོད་མེད་པའི། །གནས་

213-1-331a

དེར་རྣལ་འབྱོར་བརྩམ་པར་བྱ། །ཞེས་དང་། བྱེ་བྲག་ཏུ་རབ་ཏུ་གནས་པར་བྱ་བའི་གནས་ནི་བཀྲ་ཤིས་ཤིང་ཉམས་དགའ་བ་དང་། གཙུག་ལག་ཁང་ལ་སོགས་པ་བླ་ཁབ་ཅན་དུ་ངེས་པར་དགོས་པའང་། རིན་ཆེན་འབར་བ་ལས། གནས་ནི་ཡིད་འོང་འདུ་འཛི་སོགས། །
སྐྱོན་མེད་རྣམ་མཛེས་བླ་ཁབ་ཅན། །ཞེས་དང་། རབ་ཏུ་གནས་པའི་རྒྱུད་ལས་ཀྱང་། །ཡང་ཐོག་མཆོད་རྟེན་སོགས་གནས་དང་། །ཁྱིམ་དང་ལྷ་ཡི་གནས་རྣམས་སུ། །ཞེས་གསུངས་པ་ལས། འདིར་ཆོས་དང་ལྡན་པའི་རྒྱལ་པོའི་སྟོབས་ཀྱིས་ལེགས་པར་བསྐྱངས་ཤིང་། བྱེ་བྲག་
ཏུ་ཁོ་ར་ཁོར་ཡུག་ཀུན་དུ་མཛེས་ཤིང་བཀྲ་ཤིས་པའི་ཕྲེང་བས་མངོན་པར་བརྒྱན་པའི་གཙུག་ལག་ཁང་ཆེན་པོ་དམ་པའི་ཆོས་ཀྱི་འབྱུང་ཁུངས་སུ་གྱུར་པ་ཆོས་འབྱུང་བཀྲ་ཤིས་སྒོམ་པ་ཞེས་བྱ་བ་གང་ཡིན་པ་དེ་ཉིད་དུའོ། །ལྔ་པ་རབ་ཏུ་གནས་པ་ལ་ཉེ་བར་མཁོ་བའི་ཡོ་བྱད་ནི། དཀྱིལ་འཁོར་
དང་འབྲེལ་བའི་ཡོ་བྱད་དང་། སྦྱིན་སྲེག་དང་འབྲེལ་བའི་ཡོ་བྱད་དང་། རབ་ཏུ་གནས་པ་ལ་ཉེ་བར་མཁོ་བའི་ཡོ་བྱད་དུ་ཁྲུས་ཀྱི་ཡོ་བྱད་དང་། འཐོར་ནས་དང་། མངའ་དབུལ་དང་། དགའ་སྟོན་ལ་སོགས་པའི་ཡོ་བྱད་དང་། དབང་བསྐུར་བ་དང་འབྲེལ་ན་སློབ་མ་ལ་ཉེ་བར་མཁོ་བའི་ཡོ་བྱད་དང་
བཅས་པ་སྟེ། དེ་དག་ཏུ་དགོས་པའི་ཡོ་བྱད་ཀྱི་དངོས་པོ་བཟང་ཞིང་གྱ་ནོམ་པའི་འབྱོར་བ་མ་ཚང་བ་མེད་པ་ཉེར་བསྡོགས་སུ་བཤམས་པ་རྣམས་སོ། །དྲུག་པ་ཇི་ལྟར་རབ་ཏུ་གནས་པར་བྱེད་པའི་ཆོ་ག་ནི། སྦྱོར་བ་དང་། དངོས་གཞི་དང་། རྗེས་ཏེ་རྣམ་པ་གསུམ་གྱི་ཆོ་ག་སྟེ། དེའང་ལག་
ལེན་ཕྲ་མོ་ཚུན་ཆད་ལ་མ་ནོར་བ་དང་དག་པ་ཉིད་ཀྱིས་དེ་བཞིན་ཤེགས་པའི་བྱིན་གྱི་རླབས་པ་འཇུག་པར་གསུངས་ཀྱི། མ་དག་པས་ནི་དེ་ལྟ་མ་ཡིན་ཏེ། རབ་ཏུ་གནས་པའི་རྒྱུད་མདོར་བསྡུས་པ་ལས། ཆོ་ག་དག་དང་ལྡན་བྱས་ལ། །ཆོ་ག་དམན་པས་མི་བྱ་སྟེ། །རབ་གནས་རྟག་པར་བཀྲ་
མི་ཤིས། །འཇིག་རྟེན་འདིར་ཡང་སྡུག་བསྔལ་ལ། །འཇིག་རྟེན་ཕ་རོལ་འཇིགས་པ་ཆེ། །དེ་བས་འབད་པ་ཐམས་ཅད་ཀྱིས། །དངོས་གྲུབ་འདོད་པས་ནན་ཏན་བྱ། །ཞེས་གསུངས་པ་ལྟར་ཆོ་ག་རྣམ་པར་དག་པ་འཕགས་པའི་ཡུལ་དང་བོད་ཡུལ་གྱི་མཁས་པ་དང་གྲུབ་པའི་དབང་ཕྱུག་

213-1-331b

ཆེན་པོ་རྣམས་ཀྱིས་རྒྱུད་སྡེ་སོ་སོའི་རྗེས་སུ་འབྲངས་ནས་བཀྲལ་བའི་ཆོ་ག་མང་དུ་མཆིས་པ་ལས། འདིར་མཁྱེན་རབ་ཀྱི་དབང་ཕྱུག་ཆེན་པོ་དཔལ་ས་སྐྱ་བའི་རྗེ་བཙུན་གོང་མར་གྱུར་པ་རྣམས་དང་། མཁྱེན་རབ་ཀྱི་དབང་ཕྱུག་ངོར་ཆེན་རྡོ་རྗེ་འཆང་ཡབ་སྲས་རྣམས་ཀྱི་གསུང་རབ་རྣམ་པར་དག་པ་ལ་
བརྟེན་པའི་ཆོ་ག་ལ། སྦྱོར་བ་དང་། དངོས་གཞི་དང་། རྗེས་ཀྱི་བྱ་བ་གསུམ་སྟེ། དེ་དག་ཞིབ་ཏུ་ནི་གོང་མ་རྣམས་ཀྱི་ཆོ་གའི་སྟེང་དུ་རྟོགས་པར་བྱའོ། །འདིར་མདོར་བསྡུས་སྡོམས་སུ་སྨོས་ན། དཀྱིལ་འཁོར་དང་འབྲེལ་བའི་རྒྱས་པར་བྱེད་པ་ན། བསྙེན་པ་དང་། ས་ཆོག་དང་། སྟ་གོན་
གྱི་ཆོ་ག་དང་། དཀྱིལ་འཁོར་ཆེན་པོ་བྲི་བའམ་རས་བྲིས་བཀོད་པ་དང་། རྒྱན་དགྲམ་པ་དང་། སྒྲུབ་ཅིང་མཆོད་པ་དང་། འཇུག་ཅིང་དབང་བླང་བ་རྣམས་སྔོན་དུ་སོང་ནས་རབ་ཏུ་གནས་པའི་སྟ་གོན་ལ་འཇུག་གོ། །གཞན་དུ་ན། ལེགས་བཤམས་བདག་བསྐྱེད་བུམ་པ་བཟླས། །རྟེན་སྦྱོང་
བཀྲུ་ཞིང་ཕྱི་བ་དང་། །རྟེན་བསྐྱེད་ཡེ་ཤེས་སྤྱན་དྲངས་ལ། །བགེགས་བསྐྲད་མཆོད་དེ་དགུག་གཞུག་བྱ། །རྒྱས་བཏབ་མཆོད་བསྟོད་གཏོར་མ་བཏང་། །སྙན་གསན་དབབ་ཅིང་མཆོད་བསྟོད་བྱ། །བཟོད་པར་གསོལ་ཞིང་གཤེགས་སུ་གསོལ། །རྟེན་དགབ་བདག་སྲུང་སྟ་གོན་ནོ། །ཞེས་
པ་ལྟར་དོན་ཚན་བཅུ་གསུམ་དང་། དངོས་གཞི་ལ། ཐོ་རངས་བདག་བསྐྱེད་མདུན་བསྐྱོད་མཆོད། །རྟེན་སྦྱོང་བཀྲུ་ཞིང་ཕྱི་བ་དང་། །རིང་བསྲེལ་གཞུག་ཅིང་གསོལ་བ་གདབ། །རྟེན་བསྐྱེད་སྤྱན་དྲངས་དགུག་རྒྱས་གདབ། །དབང་བསྐུར་མཆོད་བསྟོད་སྤྱན་དབྱེ་བྱ། །གསོལ་གདབ་མངའ་
དབུལ་རྒྱས་པར་བྱ། །དེ་ཡང་མཆོད་བསྟོད་བྱེ་བྲག་དང་། །སྦྱིན་སྲེག་སྔགས་ཏེ་དངོས་གཞིའོ། །ཞེས་པ་ལྟར་དོན་ཚན་བཅུ་གསུམ་དང་། མཇུག་གི་བྱ་བ་ལ། གཏོར་མ་སྦྱིན་དང་ཆོས་སྐྱོང་བསྒོ། །དཀྱིལ་འཁོར་མཆོད་དེ་དངོས་གྲུབ་བླང་། །བཟོད་པར་གསོལ་ཞིང་གཤེགས་སུ་གསོལ། །
ཡོན་བདག་བསྒོ་ཞིང་ཤིས་པ་བརྗོད། །རྟེན་མཆོད་བསོད་ནམས་ཡོངས་སུ་བསྔོ། །སློབ་དཔོན་མཆོད་དེ་དགའ་སྟོན་བྱ། །སླར་ཡང་ཤིས་པ་རྒྱས་པར་བརྗོད། །རྗེས་བསྡུ་སྦྱིན་སྲེག་མཇུག་དོན་ནོ། །ཞེས་པ་ལྟར་བཅུ་གསུམ་སྟེ་དོན་ཚན་སུམ་ཅུ་རྩ་དགུའི་བདག་ཉིད་ཅན་གྱི་ཆོ་ག་རྣམ་པར་

213-1-332a

དག་པའི་སྒོ་ནས་རབ་ཏུ་གནས་པར་བགྱིས་པ་ཡིན་ནོ། །དེ་ལྟ་བུའི་ཆོ་ག་ལ་བརྟེན་ནས་རབ་ཏུ་གནས་པ་ལེགས་པར་བགྱིས་པའི་རྟེན་གྱི་ཕྱི་མོ་འདི་དང་། འདི་ལས་རྣམ་པར་འཕྲོས་པར་གྱུར་པའི་དཔེ་རྒྱུན་རྣམས་ནི་གང་དང་གང་དུ་བཞུགས་པའི་ས་ཕྱོགས་དང་ཡུལ་ཁམས་དེ་
དང་དེར། རྟག་ཏུ་དེ་བཞིན་གཤེགས་པ་སྲས་དང་སློབ་མར་བཅས་པའི་ཚོགས་ཀྱི་བྱིན་གྱི་རླབས་ཀྱི་སྲུང་བས་ཡོངས་སུ་བསྲུངས་པས། བྱུར་དང་སྐལ་པ་ངན་པ་དང་བཀྲ་ཤིས་པ་མ་ཡིན་པའི་ཕྱོགས་ཐམས་ཅད་ཉེ་བར་ཞི་བ་དང་། འཇིག་རྟེན་དང་འཇིག་རྟེན་ལས་འདས་པའི་བདེ་ལེགས་དང་
བཀྲ་ཤིས་ཀྱི་དཔལ་ཐམས་ཅད་ཡིད་བཞིན་དུ་འབྱུང་བ་དང་། ཆོས་མ་ཡིན་པར་སྨྲ་བ་དང་། ཕྱིར་རྒོལ་བ་ངན་པ་ཐམས་ཅད་ཀྱིས་མི་ཚུགས་པའི་མཆོག་ཏུ་འགྱུར་བ་དང་། ས་ཕྱོགས་དེ་ཡང་ཡུལ་མཐའ་འཁོབ་ཏུ་མི་འགྱུར་བ་ལ་སོགས་པ་དམ་པའི་ཆོས་ཀྱི་བདེན་པའི་བྱིན་གྱི་
རླབས་པ་དཔག་ཏུ་མེད་པ་དང་ལྡན་པ་དང་། ཕན་ཡོན་བསམ་གྱིས་མི་ཁྱབ་པའི་དཔལ་རབ་ཏུ་འབར་བར་གསུངས་རྒྱས་པར་འདྲི་བ་ལ་ནི་ཡི་གེས་ཚེགས་ཆེ་བར་འགྱུར་བས་མ་སྤྲོས་ལ། འདིར་མདོ་སྡེ་རེ་རེའི་བྱིན་གྱི་རླབས་དང་། ཕན་ཡོན་ལ་དཔེར་མཚོན་པ་ཙམ་བརྗོད་ན། བདུད་
རྩི་བརྗོད་པ་ཞེས་བྱ་བ་ཐེག་པ་ཆེན་པོའི་མདོ་ལས། བཅོམ་ལྡན་འདས་ཀྱིས་ཡུལ་གང་ན་མདོ་སྡེ་འདི་ལྟ་བུ་འཛིན་པ་དང་། ཆོས་སྨྲ་བ་གནས་པའམ། ཆོས་ཀྱི་རྣམ་གྲངས་འདི་གླེགས་བམ་དུ་བྲིས་ཏེ་ཡོད་པའི་ཡུལ་དེར་ཡམས་ཀྱི་ནད་དང་། གནོད་པ་དང་། འགོ་བའི་ནད་དང་། 
འཁྲུག་པ་ཐམས་ཅད་རབ་ཏུ་ཞི་བར་འགྱུར་རོ་ཞེས་གསུངས་པ་དང་། བྱང་ཆུབ་སེམས་དཔའ་སེམས་དཔའ་ཆེན་པོ་བྱམས་པས་འདི་ལྟར་དམ་བཅས་ཏེ། བཅོམ་ལྡན་འདས་སླད་མའི་ཚེ་སླད་མའི་དུས་ལྔ་བརྒྱ་པ་ཐ་མ་ལ་དམ་པའི་ཆོས་འཇིག་པའི་དུས་ལ་བབ་ཅིང་། སངས་རྒྱས་
ཀྱི་བྱང་ཆུབ་འཇིག་པར་འགྱུར་བ་འཇིགས་པ་ཆེན་པོས་འཇིག་པའི་དུས་ལ་བབ་པ་ན་བདག་གིས་ཆོས་ཀྱི་རྣམ་གྲངས་འདི་སྐྱེས་བུ་དམ་པ་དེ་དག་ལ་རབ་ཏུ་བསྟན་པར་བགྱིའོ། །དེ་དག་ལ་གཟི་བྱིན་སྩལ་བར་བགྱིའོ། །ཡུལ་གང་ན་མདོ་སྡེ་འཛིན་པ་དེ་ལྟ་བུ་དག་གནས་པའི་ཡུལ་དེར་བདག་གིས་

213-1-332b

དུས་མ་ལགས་པའི་བསེར་མ་དང་། དགུང་ཆར་དང་། མུ་གེ་དང་། བྲོ་ནད་ཡང་བ་དང་། མི་ངས་དང་། ཡམས་ཀྱི་ནད་དང་། འགོ་བའི་ནད་དང་། གནོད་པ་དང་། འཁྲུག་པ་ཐམས་ཅད་རབ་ཏུ་ཞི་བར་བགྱིའོ། །ཡུལ་གང་ན་ཆོས་ཀྱི་རྣམ་གྲངས་འདི་འཆང་བ་དང་། གླེགས་བམ་དུ་བགྱིས་
པའམ། རྒྱལ་མཚན་གྱི་རྩེ་མོར་བཏགས་པ་ལ་མཆོད་པ་བགྱིད་པའི་ཡུལ་དེར་བདག་གི་བྱིན་གྱི་རླབས་ཀྱིས་ཕ་རོལ་གྱི་དམག་ཚོགས་ཐམས་ཅད་དང་། ཆོམ་རྐུན་དང་། སྲིན་པོ་དང་། མཁའ་འགྲོ་མའི་ཡང་བ་ཐམས་ཅད་རབ་ཏུ་ཞི་བར་འགྱུར་རོ། །གང་དག་ན་ཆོས་སྨྲ་བ་འདི་ལྟ་བུ་དག་དང་།
མདོ་སྡེ་འདི་འཆང་བའི་ཡུལ་དེར་བདག་གིས་ལོ་ཏོག་དང་། ནོར་དང་། འབྲུ་དང་། མེ་ཏོག་དང་། ལོ་མ་དང་། འབྲས་བུ་ཐམས་ཅད་ཕུན་སུམ་ཚོགས་པ་དང་། བདེ་བ་ཐམས་ཅད་འབྱུང་བར་བྱིན་གྱིས་བརླབ་པར་བགྱིའོ་ཞེས་དང་། གསེར་འོད་དམ་པ་མདོ་སྡེའི་དབང་པོའི་རྒྱལ་པོ་
ལས། བཙུན་པ་བཅོམ་ལྡན་འདས་ནམ་མིའི་རྒྱལ་པོས་གསེར་འོད་དམ་པ་མདོ་སྡེའི་དབང་པོའི་རྒྱལ་པོ་འདི་མཉན་ཏེ་ཐོས་ནས། མདོ་སྡེའི་དབང་པོ་འདི་འཛིན་པའི་དགེ་སློང་དེ་དག་ཕྱིར་རྒོལ་བ་ཐམས་ཅད་ལས་ཀུན་དུ་བསྲུང་བར་བགྱིད། ཡོངས་སུ་བསྐྱབ་པ་དང་། ཡོངས་སུ་འཛིན་པ་དང་།
ཡོངས་སུ་སྐྱོང་བར་བགྱིད་ན། བཙུན་པ་བཅོམ་ལྡན་འདས་བདག་ཅག་རྒྱལ་པོ་ཆེན་པོ་བཞིས། མིའི་རྒྱལ་པོ་དེའི་ཡུལ་ཐམས་ཅད་ན་གནས་པའི་སེམས་ཅན་རྣམས་ཀུན་དུ་བསྲུང་བར་བགྱི། ཡོངས་སུ་བསྐྱབ་པ་དང་། ཡོངས་སུ་གཟུང་བ་དང་། ཡོངས་སུ་བསྐྱོང་བ་དང་། ཞི་བ་དང་བདེ་
ལེགས་སུ་འགྱུར་བར་བགྱིའོ་ཞེས་སོ། །ཁྱད་པར་རབ་ཏུ་གནས་པའི་ཐབས་ཀྱི་ཁྱད་པར་ལ་བརྟེན་ནས། ཕྱོགས་བཅུའི་སངས་རྒྱས་ཀྱི་ཞིང་ཁམས་འབྱམས་ཀླས་སུ་བཞུགས་པ་རྣམས་ནས། གདན་གསུམ་ལྷའི་དཀྱིལ་འཁོར་གྱི་འཁོར་ལོའི་ཡེ་ཤེས་པ་འཇིག་རྟེན་གྱི་ཁམས་རྒྱ་མཚོའི་རྡུལ་ཕྲ་བ་
སྙེད་ཀྱི་གྲངས་དང་མཉམ་པ་སྤྱན་དྲངས་ཏེ་དེ་དག་གི་རང་བཞིན་དུ་བྱིན་གྱིས་བརླབས་པའི་རྟེན་འདི་དག་ལ་དད་པའི་སྐྱེ་བོ་གང་ལ་ལས་མཆོད་པའི་བྱེ་བྲག་བསམ་གྱིས་མི་ཁྱབ་པའི་བཀུར་སྟི་ལ་སོགས་པ་བགྱིས་པས་དེ་བཞིན་གཤེགས་པ་ཐམས་ཅད་ལ་མཆོད་པ་ཕུལ་བར་འགྱུར་བ་གདོན་མི་ཟ་བ་ནི།

213-1-333a

དེ་བཞིན་གཤེགས་པ་ཉིད་ཀྱིས་གསུངས་པའི་ཆོ་ག་ཟབ་མོའི་མཐུ་ཉིད་ཀྱིས་སོ། །དེ་དང་མཐུན་པར་ཕན་ཡོན་གཞན་ཡང་རྫོགས་པའི་སངས་རྒྱས་རྣམས་འཇིག་རྟེན་ན་མངོན་དུ་བཞུགས་པའི་གནས་སྐབས་སུ་མཆོད་པ་ཕུལ་བ་དང་། སངས་རྒྱས་དེ་དག་མྱ་ངན་ལས་འདས་ནས་
ཀྱང་དེའི་རྟེན་རབ་ཏུ་གནས་པ་ལེགས་པར་བགྱིས་པ་ལ་མཆོད་པ་ཕུལ་བ་དང་བྱི་དོར་བྱས་པ་ལ་སོགས་པ་བསོད་ནམས་མཉམ་པར་འཐོབ་པར་འགྱུར་ཏེ། མེ་ཏོག་བརྩེགས་པའི་གཟུངས་ལས། གང་གིས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ལ་ལོ་གཅིག་གམ་ལོ་བརྒྱའམ་
ལོ་སྟོང་ཡང་རུང་སྟེ། བདེ་བའི་ཡོ་བྱད་ཐམས་ཅད་ཀྱིས་བསྙེན་བཀུར་བྱས་པ་དང་། དེ་བཞིན་གཤེགས་པ་ཡོངས་སུ་མྱ་ངན་ལས་འདས་ནས་རྟེན་རྣམས་ལ་མེ་ཏོག་འགའ་འབུལ་ལམ། ཆུ་སྙིམ་པ་གང་འཐོར་རམ། བྱུག་པའི་ཐིག་ལེ་འདྲིའམ། མེ་ཏོག་གི་ཉལ་ཉིལ་འཕྱག་གམ། བྱུག་པ་འབུལ་ལམ།
སྤོས་འབུལ་ལམ། བདུག་སྤོས་འབུལ་ལམ། མར་མེ་འབུལ་ལམ་ཕུལ་ནས་དགའ་བའི་སེམས་ཀྱིས་གོམ་པའི་སྟབས་འགའ་བོར་ཏེ། སངས་རྒྱས་བཅོམ་ལྡན་འདས་ལ་ཕྱག་འཚལ་ལོ་ཞེས་སྨྲ་བ་དེ་དག་ནི། སེང་གེ་རྣམ་པར་རྩེ་བ་བསྐལ་པའམ་བསྐལ་པ་བརྒྱའམ། བསྐལ་པ་སྟོང་དུའམ། བསྐལ
པ་བརྒྱ་ཕྲག་སྟོང་དུ་ཡང་ངན་འགྲོ་ལོག་པར་ལྟུང་བའི་གནས་སུ་འགྲོ་བར་འགྱུར་བ་དེ་ནི་གནས་མེད་དོ་ཞེས་དང་། མྱ་ངན་འདས་པའི་མདོ་ལས། དགའ་བོས་གསོལ་པ། བཅོམ་ལྡན་འདས་སངས་རྒྱས་བཞུགས་པ་ན་གལ་ཏེ་སྐྱེས་བུ་ཞིག་གིས་གསེར་དང་། དངུལ་དང་། རིན་པོ་ཆེ་སྣ་བདུན་དང་།
གཞལ་མེད་ཁང་དང་། བུ་དང་། ཆུང་མ་དང་། བྲན་ཁོལ་དང་། གོས་དང་། ཟས་དང་བདེ་བའི་ཡོ་བྱད་ཐམས་ཅད་ཕུལ་ནས་བསྟི་སྟང་དང་བཅས་པས་ཕྱག་བྱས་ཏེ་མཆོད་པ་བྱས་པ་དང་། དེ་བཞིན་གཤེགས་པ་མྱ་ངན་ལས་འདས་ནས་གལ་ཏེ་སྐྱེས་བུ་ཞིག་གིས་གསེར་དང་། དངུལ་དང་།
རིན་པོ་ཆེ་སྣ་བདུན་དང་། གཞལ་མེད་ཁང་དང་། བུ་དང་། ཆུང་མ་དང་། བྲན་ཁོལ་དང་། གོས་དང་། ཟས་དང་བདེ་བའི་ཡོ་བྱད་ཐམས་ཅད་ཀྱིས་དེ་བཞིན་གཤེགས་པའི་སྐུ་གཟུགས་ལ་ཕུལ་ཏེ། དད་པའི་སེམས་ཀྱིས་བསྟི་སྟང་དང་བཅས་པས་ཕྱག་འཚལ་ཏེ་མཆོད་པ་བྱས་ན། བཅོམ་ལྡན་འདས་

213-1-333b

སྐྱེས་བུ་དེ་གཉིས་ཀྱིས་དད་པའི་སེམས་ཀྱིས་མཆོད་པ་བགྱིས་ན། བསོད་ནམས་གང་གིས་མང་དུ་ཐོབ། བཅོམ་ལྡན་འདས་ཀྱིས་བཀའ་སྩལ་བ། སྐྱེས་བུ་དེ་གཉིས་ཀྱིས་དེ་ལྟར་དད་པའི་སེམས་ཀྱིས་མཆོད་ན་བསོད་ནམས་ཐོབ་པའི་ཁྱད་པར་མེད་དོ། །དེ་ཅིའི་ཕྱིར་ཞེ་ན། སངས་རྒྱས་མྱ་ངན་
ལས་འདས་ཀྱང་ཆོས་ཀྱི་སྐུ་ནི་རྟག་པ་ཡིན་པས་དད་པའི་སེམས་ཀྱིས་མཆོད་པ་བསོད་ནམས་འདྲ་སྟེ་ཁྱད་པར་མེད་དོ་ཞེས་བྱ་བ་ནས། དེ་བཞིན་གཤེགས་པ་མངོན་དུ་བཞུགས་པ་ལ་དད་པའི་སེམས་ཀྱིས་བསྟི་སྟང་དང་བཅས་པའི་ཕྱག་འཚལ་བ་ལ་སོགས་པ་དང་། སངས་རྒྱས་ཀྱི་སྐུ་གདུང་རིལ་
པོ་དང་། སྐུ་གདུང་ཕྱེད་ནས་བརྩམས་ཏེ། སྐུ་གདུང་ཡུངས་འབྲུ་ཙམ་གྱི་བར་ལའང་སྤྲོས་ཏེ་རྒྱ་ཆེར་གསུངས་སོ། །བྱེ་བྲག་ཏུ་གསུང་གི་རྟེན་གླེགས་བམ་ནི་དེ་བཞིན་གཤེགས་པའི་ཆོས་ཀྱི་སྐུ་ལ་འཇུག་པར་བྱེད་པའི་ཐབས་སམ། དེའི་ཕན་ཡོན་སྟོན་པའམ་དེ་ཉིད་རྫོད་པར་བྱེད་པའི་དབང་དུ་
བྱས་པ་ཡིན་པས། དེ་ལ་མཆོད་ཅིང་བསྟི་སྟང་དུ་བྱས་པས་ནི་དེ་བཞིན་གཤེགས་པ་ཐམས་ཅད་ལ་མཆོད་པ་བྱས་པར་འགྱུར་ཏེ། སློབ་དཔོན་སེང་གེ་བཟང་པོའི་ཡུམ་གྱི་འགྲེལ་པ་ལས། གཙོ་བོར་ཆོས་ཀྱི་སྐུའི་དེ་བཞིན་གཤེགས་པ་ཉིད་ཤེས་རབ་ཀྱི་ཕ་རོལ་ཏུ་ཕྱིན་པ་ཉིད་ཡིན་ནོ། །དེ་བས་ན་
དེ་སྟོན་པར་བྱེད་པའི་རྒྱལ་བའི་ཡུམ་ལ་མཆོད་ན་ཐམས་ཅད་མཁྱེན་པའི་ཡེ་ཤེས་ཀྱི་ཆོས་ཀྱི་སྐུ་ལ་མཆོད་པའི་ཕྱིར་བསོད་ནམས་མང་དུ་སྐྱེ་བ་ཡིན་ནོ་ཞེས་བྱ་བ་ལ་སོགས་པ་དྲི་མ་མེད་པའི་གསུང་རབ་རྣམས་ལས་རྒྱ་ཆེར་འབྱུང་བའི་དོན་ལ་ཡིད་རྟོན་པར་བྱས་ཏེ། ཚུལ་འདི་དག་ལ་ཤིན་ཏུ་གུས་པའི་སེམས་
ཀྱིས་ཕྱག་འཚལ་བ་དང་། བཀུར་སྟི་རྒྱ་ཆེན་པོ་བགྱིད་པས་བསོད་ནམས་རྫོགས་པའི་ཐབས་ལ་ཤིན་ཏུ་འབད་པར་བྱ་བའི་རིགས་སོ། །འདིར་སྨྲས་པ། ཡིད་འོང་ལོ་འདབ་སྟུག་པོར་སྐྱེས་པ་ལྷབ་ལྷུབ་གོས་གྱུར་མེ་ཏོག་གྲོལ་བ་མུ་ཏིག་གི། །དྲ་བ་དྲ་བ་ཕྱེད་པས་མཛེས་བྱས་སྙེ་མ་དུད་རྣམས་སྤེལ་
ལེགས་ནོར་བུའི་དོ་ཤལ་གྱུར། །ཉི་མ་ཟླ་བ་ཉིན་མཚན་རེ་མོས་རྩེ་མོ་ལ་ཤར་ཡིད་བཞིན་ནོར་བུའི་ཏོག་གིས་མཛེས། །ཛམྦུ་ཤིང་གི་དབང་པོ་གང་ཡིན་ [ཉམས་ལྡན་ལས་རྨད་དུ་བྱུང་བའི་ཉམས་ལྡན།] རང་བྱུང་རྒྱལ་མཚན་ངོ་མཚར་ལྡན་པ་གླིང་གི་མཆོག ༡ །[ཡོན་ཏན་གྱི་རང་བཞིན་བརྗོད་པ།] གླིང་བཞིའི་རྒྱལ་པོ་དེ་ཡི་དབུས་གྱུར་འཆང་། །

213-1-334a

མི་མཆོག་དཔའ་བོས་མངོན་པར་བྱང་ཆུབ་པའི། །གནས་སུ་བྱིན་གྱིས་བརླབས་པས་དངོས་ཀུན་གྱིས། །མི་ཕྱེད་རྡོ་རྗེའི་རང་བཞིན་གྲུབ་པའི་གདན། ༢ །དེ་ལས་གནོད་སྦྱིན་བདག་པོའི་ཕྱོགས་ཆ་རུ། །བགྲོད་པར་ཁ་བའི་རྡུལ་བརྩེགས་རི་བོ་ཡི། །དོ་ཤལ་ལྡན་པའི་དཔལ་
ནི་འོད་གསལ་ལྷ། །གཟུགས་མཆོག་ཕན་ཚུལ་ངོམ་ལ་འཁོད་པ་བཞིན། ༣ །སླར་ཡང་ཐུབ་པ་དགྱེས་པའི་འཛུམ་གྱི་རླབས། །ཟླ་བའི་སྤུན་དང་འགྲོགས་པའི་དབྱངས་ཉིད་ [དངོས་པོའི་དཔེ།] ལས། །ང་ཡི་བསྟན་པ་དྲི་མེད་རྒྱས་འགྱུར་ཞེས། །ལུང་དུ་བསྟན་པས་ཆེས་དཀར་བྱས་པ་བཞིན། ༤ །དེ་ནང་
སཱ་ལའི་ཚང་ཚིང་རབ་འཁྲིགས་པའི། །སྨན་ལྗོངས་ཡིད་ཀྱི་ཆོམ་རྐུན་བྱེད་པ་ [རབ་ཏུ་སྤེལ་བ།] ལ་། །ཉེར་བརྟེན་འགྲོ་བ་བྱང་ཆུབ་སྙེ་མ་ཅན། །བསྒྲུབ་པའི་དམ་བཅའ་སྙིང་ནས་བསྐུལ་བ་དང་། །གཅིག་ཏུ་རྣམ་པ་ཐམས་ཅད་མཁྱེན་པའི་བཀས། །ལུང་བསྟན་འཁྱོག་པོ་མིན་པའི་ [ཏིང་ངེ་འཛིན་གྱི་ཡོན་ཏན།] 
དུས་ཀྱི་སྟེང་། །སོན་པར་རྒྱལ་དང་རྒྱལ་བའི་གདུང་འཚོབ་རྣམས། །གཞན་སྣང་སྐྱེ་བར་ཟློས་པའི་གར་གྱིས་རྩེན། ༦ །གང་ཚེ་ཆོས་ཀྱི་ཉི་མ་བཀྲག་པོ་ཆེས། །མཐའ་འཁོབ་ཡུལ་གྱི་སྔོ་ [བྱ་བའི་རང་བཞིན་བརྗོད་པ།] བསངས་མེལ་ཚེ་མ། །མཐར་བྱས་པོ་དང་བོད་ཡུལ་ཆེན་པོ་ཞེས། །ཡི་གེ་
ཕྱོགས་ཀྱི་རྩིག་ལོགས་གསལ་བར་བྱས། ༧ །བོད་ཡུལ་ཆེན་པོའི་ནོར་འཛིན་པདྨ་དཀར། །སྒང་གི་འདབ་མ་དྲུག་ལྡན་ [མ་བསྡུས་པའི་གཟུགས་ཅན།] དཀྱིལ་འཁོར་ལས། །ཟལ་མོ་སྒང་གི་འདབ་ཡངས་ལ་ཆགས་པ། །གླིང་ཞེས་བོད་པ་ས་ཡི་ཐིག་ལེ་ཡོད། ༨ །དེ་ན་སྟོབས་བཅུ་མངའ་
པའི་སྡེ་སྣོད་འཆང་། །གྲངས་མཐས་དབེན་ [བསྡུས་ཤིང་མ་བསྡུས་པའི་གཟུགས་ཅན།] པ་འབྱོན་པའི་སྟ་གོན་དུ། །སྲིད་པ་འདི་ཡི་ཐོག་མའི་བྱེད་པ་པོས། །དགེ་མཚན་མང་པོ་ཆེད་དུ་བཤམ་པའམ། ༩ །ཡང་ན་ནོར་ལྡན་མ་འདིས་རང་གི་ལུས། །མི་དབང་རིན་ [ཐེ་ཚོམ་ཅན་གྱི་རབ་རྟོག །] ཆེན་བདུན་དང་
ཤིས་པའི་བརྟགས། །རྣམ་བརྒྱད་ལྡན་པའི་དཀྱིལ་འཁོར་སྤྲུལ་པའི་ནང་། །འདོད་དགུའི་ས་བོན་བཏབ་སྙམ་འཕྱང་མོ་ཉུག ༡༠ །[བྱ་བ་བརྗོད་པ་ཐོག་མའི་གསལ་བྱེད།] མགྲོན་དུ་བོས་སོ་སེམས་ཅན་གངས་དང་མཐའ། །གཞལ་དུ་མེད་པ་མི་ཡི་འཇིག་རྟེན་འདིར། །ཡ་མཚན་ཡུལ་གྱི་ཡོན་ཏན་དགེ་བ་

213-1-334b

བཅུ། །མ་ཚང་མེད་པའི་ཡུལ་གྲུ་འདི་ནའོ། ༡༡ །ཐམས་ཅད་བདེ་དང་འབྱོར་ལྡན་གཞན་དག་གིས། །རྣམ་འཚེས་དོགས་པ་མེད་པའི་སྐྱིད་ཉམས་ལ། །ལོངས་སུ་སྤྱོད་པའི་ཆབ་འབངས་འདི་དག་གིས། །མང་པོས་བཀུར་བའི་འབངས་ལ་ཅོ་འདྲིར་བྱེད། ༡༢ །སྣོད་དང་བཅུད་ཀྱི་འཇིག་རྟེན་
རྒྱས་པ་དེར། །ཆོས་ཀྱི་བཀྲ་ཤིས་ཕྱུག་པའི་ཆོ་ག་ [མཚུངས་པ་གསལ་བྱེད་ཀྱི་སྒྲས་ཟིན་པའི་དཔེ།] མཁན། །གཙུག་ལག་ཁང་དང་ཁང་ཕྲན་མཆོད་རྟེན་གནས། །གྲངས་མེད་ཚོམ་བུར་བཀོད་པས་ཀུན་ནས་མཛེས། ༡༣ །ལྟོ་བར་ཆོས་དང་སྲིད་པའི་རྒྱལ་སྲིད་ཟུང་གི་དབུ་འཕང་མཐོན་ [འབྱོར་བ་རྒྱ་ཆེ་བ།] པོར་འཁྲུངས་པའི་
དཔག་བསམ་ཤིང་། །སྡེ་བཞིའི་དཔལ་གྱི་འབྲས་བུ་ཡིད་འོང་མ་ཚང་མེད་པ་དགེ་བའི་ཕྱོགས་སུ་སྨིན་པ་ལས། །ཕན་དང་བདེ་བའི་འདོད་དགུའི་གཏོང་བ་ལྷུན་གྱིས་གྲུབ་པའི་འབྱུང་གནས་མཚུངས་པ་མེད་པ་འདི། [མཐའ་དག་གཟུགས་ཅན།] ས་སྟེངས་འདིར་སྐྱེ་དགུ་ཀུན་གྱི་བསོད་ནམས་རྣམ་པར་ཡངས་པའི་མགྲོན་དུ་
ཡང་དག་འཁྲུངས། ༡༤ །དེ་ན་ལྔ་རིག་མཁས་དང་གྲུབ་པ་ཡི། །ཡོངས་རྩེར་སོན་པའི་དུས་གསུམ་འདྲེན་པ་རྣམས། །མཁས་པ་ལ་འོས་བགྱི་བ་རྣམ་གསུམ་གྱིས། །ཆོས་ཀྱི་རྒྱལ་མཚན་བརྟན་པའི་ཆོ་གས་བྲེལ། ༡༥ །གསང་གསུམ་ཡོན་ཏན་མི་ཟད་རྒྱན་གྱི་མཛོད། །ཡོངས་འཛིན་ཆོས་ཀྱི་རྒྱལ་པོ་
མངོན་གྱུར་ཀྱང་། །སྔོན་ [ཡན་ལག་གཅིག་པའི་གཟུགས་ཅན།] ཆད་ཐུབ་པས་བཞག་པ་མ་ནོར་ལམ། །བཀྲལ་ཕྱིར་མཁས་པའི་ཚུལ་བཟུང་ས༷་སྐྱ་པ༷། ༡༦ །གང་དེའི་ཡོངས་རྫོགས་བསྟན་པའི་རྒྱལ་སྲིད་ལ། །མངའ་མཛད་སྨྲ་བའི་རྒྱལ་ [བསམ་པ་རྒྱ་ཆེ་བ།] པོ་ཨེ༷་ཝ༷ཾ་པ༷འི། །ལུགས་མཆོག་རྒྱལ་པས་བསྔགས་པ་བསྐལ་
པ་བརྒྱར། །བརྟན་བྱེད་ཕྱིན་ལས་ཡོངས་སུ་དར་བའི་གཞི། ༡༧ །བསྟན་པའི་དཔལ་གྱུར་ངུར་སྨྲིག་འཆང་གི་སྡེ། །འདུས་པ་སིནྡྷཱུ་ཝཱ་རའི་ཚོན་གྱི་ [ལྡན་པའི་གཟུགས་ཅན།] མདངས། །རིང་དུ་འཕོས་པ་ཐུན་མཚམས་སྒྲིན་གོས་སུ། །འཁྲུལ་ཏེ་མཁའ་འདིས་ལན་མང་གྱོན་པ་བཞིན། ༡༨ །ཀུན་ཀྱང་རྣམ་གསུམ་
སྡོམ་པའི་བསླབ་པ་ལ། །ལེགས་པར་ཞུགས་པའི་ཚུལ་འདི་ལྷ་དང་ [སེམས་མེད་རབ་རྟོག །] མིའི། །ཕྱག་གི་འོས་སུ་གྲགས་མདོ་རྣམ་པ་བརྒྱས། །གཙེས་པ་ལན་བླན་མ་ནུས་པ་རུ་གོ། ༡༩ །[དངོས་པོའི་དཔེ།] འདུས་པ་དེ་དག་ཕྱི་ནང་གསང་བའི་ཐེག །སྤྲིན་གྱི་རྔ་གསང་ལྟར་སྒྲོག་འཁོར་བ་དང་། །[ཡུལ་ལ་བསྙོན་པ།] ངན་པར་སོང་

213-1-335a

པའི་སྡུག་བསྔལ་གཞོམ་ལ་མངོན། །ཕྱོགས་པས་མཐུན་པར་འདུ་བའི་གནྡྷོ་ལ། ༢༠ །གང་གི་རྟེན་དང་བརྟེན་པའི་བསམ་ཡས་འཕྲུལ། །བཀོད་པ་ལས་གྲུབ་ངོ་མཚར་མཐོང་བ་ན། །རྣམ་པར་གྲོལ་བའི་ཡེ་ཤེས་སྣང་བ་དང་། །བྱུང་བའི་གཞལ་མེད་ཁང་དུ་འཁྲུལ་བ་འཇུག ༢༡ །དེ་དང་ཟུང་
འབྲེལ་དཔལ་ལྡན་རྒྱལ་པོའི་ཁབ། །ཕྱོགས་ལས་རྣམ་པར་རྒྱལ་བྱེད་ཤིས་པའི་གླུར། །ལྷང་ལྷང་ [མཚུངས་པ་གསལ་བྱེད་ཀྱི་དཔེ།] མགྲིན་པ་བསྒྲིགས་ལ་རྒྱལ་པ་སྲས། །མི་དགྱེས་མེད་པའི་ལེགས་བྱས་གཞི་ཆེན་པོ། ༢༣ །སྡེ་བཞིའི་དཔལ་གྱིས་བརླིང་བའི་རྒྱལ་སྲིད་ལ། །དགེ༷་བའི་བཀའ་ [རྐང་པ་གསུམ་པ་ལ་ཡོད་པའི་ཟུང་ལྡན།]
ཁྲིམས་འཁོར་ལོས་སྒྱུར་བའི་རྒྱལ། །བར་ཆད་མི་མང་འབྱོན་དང་འབྱོན་འགྱུར་རྣམས། །གཙུག་ལག་ལུགས་བརྒྱ་བགྲོ་བའི་འདུན་ས་ཆེ། ༢༣ །གང་གི་དཔལ་ལ་འདོད་པ་ཁམས་ཀྱི་ལྷ། །རང་གནས་ལྟ་ན་ [འབྱོར་པ་རྒྱ་ཆེ་བ།] སྡུག་པའི་གྲོང་ཁྱེར་དུ། །ལན་གཅིག་མ་ཡིན་རྨོངས་པས་མཁར་འཁྱམས་
པ། །ལེགས་སོའི་བསྟོད་སྒྲ་སྒྲོགས་པའི་ཟོལ་གྱིས་བསྒྲིབས། ༢༤ །རེ་བའི་དམ་བཅའ་མེད་པར་སྦྱིན་པ་བཞིའི། །གཏོང་བ་འགྲོ་བ་རིས་སུ་ [སེམས་ལྡན་གྱི་རབ་རྟོག །] མེད་བྱིན་ནས། །དེ་དག་ལས་བྱུང་གྲགས་པ་བསྐལ་པའི་བར། །བརྟན་ལྡན་བདག་གིར་བྱེད་པའི་གནས་སུའོ། ༢༥ །བགྲང་གཞི་
སྒྲུལ་གྱི་རྒྱལ་མོ་ལང་ཚོ་ཡི། །ནད་བུ་མེ་ཡི་རང་བཞིན་འབར་ [ཡོངས་སུ་བརྗེས་པ།] ལས་སྐྱེས། །ལྔ་ཚིགས་ཟླ་བའི་བུ་ཆུང་བསྲིངས་པའི་སྐྱེད། །འཕུར་འགྲོ་སྣྲོན་གྱིས་ན་ཚོད་དར་བར་བྱས། ༢༦ །མཁའ་ཡི་གླང་པོ་རང་གི་གནས་ཀུན་དུ། །བགྲོད་པས་དུབ་པའི་ [མི་མཉམ་པའི་གཟུགས་ཅན།]
འཁུན་སྒྲ་སྟོང་དུ་འབྱིན། །རྡུལ་ཆུ་གཙང་མའི་རྒྱུན་བབས་འཐུངས་བའི་ས། །སྔོ་བསངས་ལང་ཚོའི་བཅུད་ལེན་གྲུབ་པའི་དུས། ༢༧ །འགྲོ་སེམས་རང་བཞིན་མཁའ་ཡི་བུ་མོ་དེ། །གདོད་ [ཏིང་ངེ་འཛིན་གྱི་ཡོན་ཏན།] ནས་སྤྲོས་བཅས་བག་མ་གསར་པ་ཡི། །བརྟུལ་ཞུགས་སྤངས་པ་
གང་ལ་ཕན་གནོད་ཀྱི། །བདག་པོས་རེག་པར་མི་འགྱུར་དོན་དམ་གཤིས། ༢༨ [།ཡོངས་སུ་བརྗེས་པ།] འོན་ཏེ་ཀུན་རྫོབ་རྟེན་འབྲེལ་སྣང་བ་ [མཐའ་དག་གི་གཟུགས་ལ་འཕར་མའི་གཟུགས་ཀྱིས་ཅུང་ཟད་སྤ་བ།] ལ་། །དགེ་དང་དགེ་མིན་བྱེད་པོ་ཐ་དད་དུ། །བརྟགས་པའི་ལད་མོར་བདེ་དང་སྡུག་བསྔལ་གྱིས། །འབྲས་བུ་

213-1-335b

གཞན་དབང་གྱུར་ཚེ་རྩིས་ལ་རག །ལེགས་བྱས་རྒྱ་ཆེན་རྩོམ་པའི་ཐོག་མ་རུ། །དགེ་བ་གཟའ་དང་རྒྱུ་སྐར་དུས་ཚོད་སོགས། །བདག་པོ་ཕན་ཚུན་མཛའ་གཅུགས་འདུས་པའི་གྲོས། །ཤིས་པའི་ཁ་ལོ་སྒྱུར་ལ་འཆམ་པའི་ཉིན། ༣༠ །སྟོབས་ཀྱི་འཁོར་ལོས་སྒྱུར་མཆོག་
མི་བདག་གི། །བསོད་ནམས་དགའ་ [ཡན་ལག་གཉིས་པའི་གཟུགས་ཅན།] མའི་རྐང་རྩེས་བསྣུན་པའི་ཚེ། །བློ་གྲོས་མེ་ཏོག་འདབ་མ་སྟོང་གྲོལ་བའི། །ཆོས་བློན་མྱ་ངན་མེད་པའི་ནགས་ཁྲོད་ནས། ༣༡ །བཞེད་པ་རྒྱ་ཆེན་འགྲུབ་པའི་རྩ་ལག་ཏུ། །བཀའ་ [ཆ་ཤས་ཀྱི་གཟུགས་ཅན།] ལུང་གསེར་གྱི་ཡི་གེ་
འོད་ཀྱི་གཏེར། །གཙུག་ཏུ་ལེགས་པར་ཕབ་པས་བགྱི་བ་དང་། །བགྱི་མིན་རྣམ་པར་འབྱེད་པའི་ཁུར་ལེན་པ། ༣༢ །སུམ་རྩེན་གནས་སུ་སྐྱེ་བ་མ་བླངས་ཤིང་། །དྲང་སྲོང་ཁྲོས་པའི་དམོད་པས་ [ཡན་ལག་གཅིག་པའི་གཟུགས་ཅན།] མ་བཏབ་པར། །ཕྱི་ནང་གཙུག་ལག་མཁྱེན་པའི་འདྲེན་བྱད་
སྟོང་། །རྣམ་གསལ་ཆོས་བློན་དབང་པོ་ཆུ་གཏེར་གྲངས། ༣༣ །དེ་དེས་ལེགས་པར་བརྟགས་པའི་ལས་བྱེད་ཚོགས། །[རིག་བྱེད་གཏམ་གྱི་ལོ་རྒྱུས་ལས་དྲངས་པ་སྔོན་མེད་ཀྱི་གཟུགས་ཅན།] བསྐོས་པའི་ལས་ལ་གཞན་དྲིང་མི་འཇོག་མཚར། །འོན་ཏེ་གང་ལ་སྦྱངས་པ་དེ་ཉིད་ལ། །མཁས་པ་རྒྱུ་འབྲས་བསླུ་བ་མིན་པའི་
མཐུ། ༣༤ །མི་བདག་བསོད་ནམས་རྒྱས་པའི་དཔལ་འཐུངས་ [དོན་གཞན་བཀོད་པའི་འགོག་པ།] པ། །ཐམས་ཅད་སྦྱངས་པའི་བློ་ལྡན་འགྱུར་བ་བཞིན། །རིན་ཆེན་རི་བོའི་ཕང་པར་འཛེགས་པའི་བྱ། །སྤུ་སྡུག་གསེར་དུ་མཐོང་དེ་ཡ་མཚན་བྱེད། ༢༥ །གཞན་གྱིས་བསྒྲུབ་དཀའ་ཚེགས་མེད་ཕ་རོལ་དུ། །
ཕྱིན་པ་སྒྱུ་ [བཟློག་པའི་དཔེ།] མའི་རྣམ་འཕྲུལ་མཚུངས་ན་ཡང་། །འབར་པ་ཐང་རེ་ཡིས་ཀྱང་སྒྲིབ་པའི་ཚོགས། །ཟ་ཕྱིར་འདི་ལས་མིག་འཕྲུལ་ཤིན་ཏུ་དམན། ༢༦ །རྒྱ་ཆེན་རྩོམ་པ་ཚེ་འདིའི་སོ་ནམ་མིན། །མཁོ་དགུའི་གཏོང་བ་ཁྱིམ་གྱི་བདེ་ [གཏན་ཚིགས་ཀྱི་ལྡོག་པ་ཅན།] ཕྱིར་མིན། །ཕན་པའི་བསམ་
སྦྱོར་བདག་དོན་ཞེན་པས་མིན། །དེ་ཕྱིར་འདི་ལ་རངས་པར་མི་འགྱུར་སུ། ༢༧ །[བསྡུས་པའི་གཟུགས་ཅན།] བདེ་གཤེགས་རྟེན་གསུམ་ཡིད་བཞིན་ནོར་བུ་ལས། །ཕན་ [ཕན་ཚུན་མེད་པའི་བྱེད་རྒྱུ།] བདེ་བྱིན་རླབས་འདོད་པ་འཇོ་བ་ལ། །རབ་གནས་བྱི་དོར་རིམ་པར་མཁས་པ་ལས། །འབྱུང་བ་ཕན་མཛད་དམ་པའི་

213-1-336a

བཀའ་ཡིན་ནོ། ༣༨ །དེ་སླད་དཔལ་ལྡན་རྡོ་རྗེ་འཆང་དབང་གི། །ལུང་དང་རྟོགས་པའི་ཆོས་ཀྱི་རྒྱལ་སྲིད་ཆེ། །མཁས་པའི་ཕྲིན་ལས་འཁོར་ལོས་མངའ་མཛད་ཅིང་། །ཡུན་དུ་སྐྱོང་པ་ཆོས་ཀྱི་རྒྱལ་པོས་མཚོན། ༣༩ །མཆོག་གི་སློབ་དཔོན་མཚན་ཉིད་རྒྱལ་པའི་བཀས། །བསྔགས་པའི་ཡོན་ཏན་གྱིས་
མཛེས་རྡོ་རྗེ་འཛིན། །འདུས་པའི་ཆོ་ག་ [ལྡན་པའི་གཟུགས་ཅན།] རྣམ་དག་དབྱངས་གཅིག་ཏུ། །དུས་གསུམ་སངས་རྒྱས་འདུས་པའི་རང་བཞིན་བསྒྲུབས། ༤༠ །གྲོགས་དག་ཕྱོགས་བཅུའི་རྒྱལ་བ་སྲས་དང་བཅས། །མཆོད་པའི་ལེགས་ [ཡོན་ཏན་གྱི་རང་བཞིན་བརྗོད་པ།] བྱས་མངོན་པར་འདུ་བྱེད་པ། །དེ་ཀུན་འདུས་པ་ཡི་གེའི་རྣམ་པ་
རུ། །སྣང་བའི་གླེགས་བམ་ཚོགས་འདིས་དཀའ་བ་འཕེལ། ༤༡ །ཞིང་མང་བགྲོད་པའི་རྫུ་འཕྲུལ་འདུས་མ་བྱས། །ཚོགས་ཀྱི་ལམ་མཐར་ཕྱིན་ [གཟུགས་བརྙན་གྱི་དགའ་བ།] པ་ཡང་མིན་པར། །ཕྱོགས་བཅུའི་འདྲེན་པ་འདུས་པའི་གླེགས་བམ་ཞིང་། །མཆོད་བྱའི་ཡུལ་དུ་ཐོབ་འདི་སྐལ་བ་བཟང་། ༤༢ །སྐྱེ་
ནས་སྐྱེ་བར་ཇེ་མཐོའི་རིགས་སུ་སྐྱེ། །ཚུལ་བཟང་ཁ་དོག་གསལ་བ་དེ་ [དཔའ་བའི་ཉམས་དང་ལྡན་པ།] ཡི་ཞབས། །ལྷ་མི་ཀུན་གྱི་སྤྱི་བོས་བཏུད་པ་དེ། །བདེ་གཤེགས་རྟེན་ལ་ཕྱག་བྱས་འབྲས་བུ་ཡིན། ༤༣ །དྲི་ཞིམ་རོ་མཆོག་ཡི་གར་འབབ་པ་ཡི། །བཏུང་བ་དམ་པས་རྟག་ཏུ་དགའ་འགྱུར་ཞིང་། །ན་རྒ་མེད་པའི་བདེ་བ་
[ཡོན་ཏན་བརྗོད་པ་ཐ་མའི་གསལ་བྱེད།] ལྷ་ལུས་ལྟར། །ཐོབ་པ་དེ་ནི་བཏུང་མཆོག་ཕུལ་ལས་བྱུང་། ༤༤ །མཛེས་པའི་གཟུགས་ལྡན་དམ་པའི་བརྟུལ་ཞུགས་དགའ། །ཡོན་ཏན་མང་པོའི་རྒྱན་གྱིས་མཛེས་གྱུར་པས། །[སྦྱར་བའི་དཔེ་རྒྱན།] འཇིག་རྟེན་འཇིག་རྟེན་འདས་པའི་བྱམས་པ་དེ། །མེ་ཏོག་ཕྲེང་བའི་རྒྱན་གྱིས་མཆོད་པའི་མཐུ། ༣༥ །ཞི་
ཞིང་དུལ་བ་ཚུལ་ཁྲིམས་གཙང་ལྡན་ལུས། །གང་ལས་མངར་བའི་དྲི་རབ་འཐུལ་བ་ཡིས། །[ཡན་ལག་གཅིག་པའི་གཟུགས་ཅན།] སྤོས་བཟང་བརྒྱ་ཡི་གྲགས་པ་དང་འཐབ་པ། །བྱུག་པ་སྤོས་ཀྱི་དམ་པས་མངད་པའི་མཐུ། ༤༦ །རབ་རིབ་ཡོགས་པ་དག་དང་འགྲོགས་མིན་པའི། །ལྷ་མིག་དངོས་པོ་ཀུན་ལ་ནམ་དུ་ལངས། །ཤེས་རབ་སྒྲོན་
[མཚུངས་པ་གསལ་བྱེད་ཀྱི་སྒྲས་ཟིན་པའི་དཔེ།] མེ་ཡང་ནི་རབ་གསལ་བ། །དེ་ནི་སྣང་གསལ་བྱིན་པའི་བསོད་ནམས་སོ། ༤༧ །[སྨད་པའི་དཔེ།] ཡན་ལག་མ་ཉམས་བལྟ་ན་སྡུག་པའི་དཔལ། །ཆུ་སྐྱེས་གཞོན་ནུ་ཉིད་དང་མཚུངས་ན་ཡང་། །[ཡན་ལག་གཅིག་པའི་གཟུགས་ཅན།] རིང་དུ་འཚོ་དང་སྟོབས་ཀྱིས་འཕགས་གྱུར་པའི། །ལུས་བཟང་དེ་ནི་ལྷ་བཤོས་ཕུལ་

213-1-336b

བས་ཐོབ། ༤༨ །ཚངས་པའི་སྲས་མོའི་དབྱངས་བཞིན་དེ་ཡི་གསུང་། །རྒྱུད་མང་བརྡུངས་པའི་སྒྲ་བཞིན་དེའི་གྲགས་པ། །ཐུགས་རྗེས་བཞིན་དུ་དེ་མཐུས་འཇིག་རྟེན་ཁམས། །འགེར་བའི་རྒྱུ་ནི་དབྱངས་སྙན་རོལ་མོས་སོ། ༤༩ །གླིང་བཞི་ས་འཛིན་རྒྱལ་པོའི་རྩེ་མོའི་བར། །རང་དབང་བགྱིད་ལ་བསྡོ་བའི་
དགྲས་དབེན། [ངག་དོན་གྱི་དཔེ་ལས་བཞིན་སྒྲ་དུ་མ་ཅན།] པ། །འགྲོ་བ་ཡོངས་ཀྱི་བླ་མར་འགྱུར་བ་ཡང་། །གདུགས་དང་བླ་དྲེ་བྱིན་པའི་འབྲས་བུའོ། ༥༠ །སྐྱེ་བོ་ཀུན་གྱིས་མདུན་ནས་བདར་བ་དང་། །སློང་བ་རྣམས་ཀྱི་དཔག་བསམ་འགྱུར་ལ་ [ཡོན་ཏན་བརྗོད་པ་ཐ་མའི་གསལ་བྱེད།] སོགས། །ཡིད་དུ་འོང་བའི་དཔལ་བརྙེས་ཐམས་ཅད་ནི། །
རྒྱལ་མཚན་ལ་སོགས་ཕུལ་བའི་བསོད་ནམས་ཡིན། ༥༡ །མི་མཆོག་ཆེན་པོའི་གོ་སར་གཤེགས་ནས་ནི། །སེམས་ཅན་མོས་པ་བསམ་ [ཡན་ལག་གཅིག་པའི་གཟུགས་ཅན།] ཡས་རྗེས་མཐུན་དུ། །ལྷུན་གྲུབ་ཆུ་ཟླ་ལྟ་བུས་དོན་བྱེད་པའི། །ཡོན་ཏན་ཐམས་ཅད་བསོད་ནམས་ལག་པས་བྱས། ༥༢ །དེས་ན་སྲས་བཅས་རྒྱལ་བའི་
ཐུགས་ཀྱི་བཅུད། །གླེགས་བམ་ཟ་མ་ཏོག་ཏུ་འཁྱིལ་བ་ལ། །[རབ་སྤེལ་གྱི་རྒྱན།] གྱ་ནོམ་མཆོད་པས་མདུན་དུ་བདར་བ་ནས། །རྒྱ་ཆེར་སྟོན་པའི་བར་ལ་གུས་པ་བྱོས། ༥༣ །ཐོབ་དཀའི་ལུས་དང་ལོངས་སྤྱོད་གཅེས་བྱ་ཡི། །གདམས་པ་མང་པོའི་ཡིད་འབབ་འདོམས་སེམས་ཀྱང་། །ཕན་ [ལྡན་པའི་གཟུགས་ཅན།] ཡོན་རྗེས་སུ་
དྲན་པས་ཕྱག་མཆོད་སོགས། །བསྐུལ་བ་དེ་སྐད་ཐོན་ལ་ཅི་བྱར་ཡོད། ༥༤ །ཨེ་མ་དཔལ་ལྡན་མི་ཡི་བདག་པོའི་སྨོན་ལམ་ཡངས་པའི་མཐུ་ཉིད་ལས། །བདེ་བར་ [འབད་པས་འགོག་པ།] འཁྲུངས་པའི་དགེ་ཚོགས་གང་ལས་བརྩམས་པའི་གཏམ་དགུ་གླེང་བ་ལ། །སྨྲ་མཁས་དགེ་བའི་དབང་པོ་ཡིན་ཡང་ངལ་བ་མི་
འགྱུར་མེད་སྙམ་ཅན། །རེ་བ་མེད་པའི་མགྲིན་ནས་གློ་བུར་ཡང་དག་བྱུང་འདི་ཅི་ཞིག་ [དགའ་བའི་འགྱུར་བ་སྒེག་པའི་ཉམས་དང་པ།] ༥༥ །ཐམས་ཅད་མཁྱེན་པ་ཆེན་པོ་ཉི་མའི་གཉེན་གྱི་བཀའ་ལུང་སྤྱི་དང་བྱེ་བྲག་གི་དགོངས་དོན་རྣམ་པར་འགྲེལ་བའི་བསྟན་བཅོས་གངས་ཅན་པའི་སྐད་དུ་འགྱུར་རོ་འཚལ་གྱི་ཆོས་སྦྱིན་རྒྱུན་མི་འཆད་པའི་ངོ་
མཚར་འཕྲུལ་གྱི་ཕྱི་མོ་རྫོགས་ལྡན་བསྐལ་པའི་བསོད་ནམས་ཀྱི་སྤྲིན་ཕུང་རྒྱས་པར་དཀྲིགས་པའི་ཚུལ་ལས་བརྩམས་པའི་གཏམ་ངོ་མཚར་ཆུ་གཏེར་འཕེལ་བའི་ཟླ་བ་གསར་པ་ལས། བསྐུལ་བ་མི་ལྡོག་ཆེད་དུ་ཇི་ལྟར་པར་དུ་བསྒྲུབ་པའི་སརྒ་སྟེ་དྲུག་པའོ།།      །།

213-1-337a

༄། །[སྡེབ་སྦྱོར་མཉམ་པའི་བྲྀཏྟ་ཡི་གེ་བཅུ་གཅིག་པ་གསུམ་བསྔགས་ལ་ངོ་མཚར་རྟོགས་བྱེད་ཀྱི་དགོངས་པས་རྣམ་པར་དབྱེ་བའི་གྲངས་སུ་ཉིས་སྟོང་དང་ཞེ་བརྒྱད་མཆིས་པའི་ནང་གསེས་ཆིག་བརྒྱ་བདུན་ཅུ་རྩ་གསུམ་པའི་པྲཱསྟཱ་ར་ཉིད་དོ།] །
༄༅། །ནཱ མྣཱ ཨུ པ ལ ཀྵ ཎ སྱ དྷ རྨཱ ཎཱཾ ཡོ ནཱ མ མུ ཁཻ ཝ ནི ཤྩི ཏ ཀྲྀ ཏྭཱ། ནཱ མཱ ལ ཡ དྷ རྨ ཙཱ བ ཏཱ རཱ རྠཾ ནཱ མ ཉྩ པ དཽ བི ཙ ཀྵ ཎཱ ནཱཾ དྷཱི ཿ །
[རྐང་པ་བཞི་ཀའི་ཐོག་མར་ཡོད་པ་ཆོད་པའི་ཟུང་ལྡན།] མིང་གིས་ཉེ་བར་མཚན་པའི་ཆོས་རྣམས་ཀྱི། །མིང་གང་ཐོག་མ་ཉིད་དུ་ངེས་བྱས་ནས། །མིང་གཞི་ཆོས་དང་དོན་ལ་འཇུག་པ་ནི། །མིང་ཚིག་མཁས་པ་རྣམས་ཀྱི་བློ་གྲོས་ཡིན། །

213-1-337b

རང་བཞིན་གཞི་ལ་གནས་པའི་དྲིར་བཅས་པ། །དྲི་མེད་བྱེད་པའི་ཐབས་ཀྱི་ཁྱད་པར་མང་། །དྲི་མས་སྤངས་པ་མཆོག་གི་འབྲས་བུའི་བར། །རྒྱུད་དུ་ལེགས་པར་སོང་བ་སྔགས་ཀྱི་གཞུང་། །ལྷག་པའི་ཚུལ་ཁྲིམས་རྐང་པའི་བཀོད་པ་ཡིས། །སྡུག་བསྔལ་ཞི་བ་ཐར་པའི་གྲོང་འཇུག་ལས། །
[རྐང་པ་གཉིས་པ་དང་གསུམ་པར་ཡོད་པ་ཆོད་པའི་ཟུང་ལྡན།] རྣམ་པར་ལྟུང་བ་རྒྱུ་དང་བཅས་རིག་ནས། །བག་ཡོད་སྤྱོད་པས་འདུལ་བར་སྟོན་པའི་འགྲེལ། །ལྷག་སེམས་གཙོ་བོར་གྱུར་པའི་བསླབ་པ་གསུམ། །བླ་ན་ [གཟུགས་ཅན་ལས་ཡན་ལག་གཉིས་པའི་གཟུགས་ཅན།] མེད་པའི་བྱང་ཆུབ་གནས་འདོང་བར། །རྗེས་སུ་མཐུན་པའི་ཆོས་
དང་དོན་མཚོན་ཉིད། །སྨོས་པས་ཡང་དག་གསུངས་པ་མདོ་ཡི་འགྲེལ། །ཆོས་རབ་རྣམ་པར་འབྱེད་པའི་ལག་རྩེ་རུ། །རྣམ་པ་ [བྱ་བའི་རང་བཞིན་བརྗོད་པ།] ཐམས་ཅད་མཁྱེན་པ་གནས་སྙམ་དུ། །བགྱིད་པ་ཤེས་བྱ་ཀུན་གྱི་རང་དང་སྤྱིའི། །མཚན་ཉིད་མངོན་གྱུར་རྟོགས་པ་མ་མོའི་གཞུང་། །དངོས་
སྟོབས་རིག་པའི་ལམ་གྱི་དྲང་ཐིག་གིས། །ལོག་རྟོགས་འཁྱོག་པོའི་རི་མོ་ [རབ་རྟོག་ལས་སྙམ་སྒྲ་ཅན།] སུན་འབྱིན་ཅིང་། །ཚད་མར་གྱུར་པའི་དགོངས་པ་དྲང་པོའི་ལམ། །སྒྲུབ་བྱེད་གཏན་ཚིགས་རིག་པའི་གཞུང་འགྲེལ་བཟང་། །མཐའ་ཀླས་གཟུགས་ཀྱི་ཁྱད་པར་ལེགས་སྟོན་ [ཡན་ལག་གསུམ་པའི་གཟུགས་ཅན།]
པས། །མིག་ལྡན་ཀུན་དགའ་སྐྱེད་པའི་ཉི་མ་འདིས། །རྗོད་པ་དྲི་མ་མེད་པས་ཆོས་ཐམས་ཅད། །སྣང་བྱེད་བརྡ་སྤྲོད་བསྟན་བཅོས་ཡིན་པར་སྟོན། །ཆོས་དོན་སྒྲུབ་པ་ཀུན་གྱི་ཡང་དག་མཐར། །བགྲོད་པའི་ལུས་རྟེན་རིང་དུ་ [ངེས་བསྟན་ལས་མཆོག་གི་ངེས་པར་བསྟན་པ།] འཚོ་བའི་དཔྱིད། །ཕན་བྱེད་རྫས་དང་
དཔྱད་དང་སྔགས་གདབ་པ། །བཅུད་ལེན་ཀུན་གྱི་འབྱུང་གནས་གསོ་བའི་གཞུང་། །འཇིག་རྟེན་འཇིག་རྟེན་འདས་པའི་བདེ་ལེགས་དང་། །བསོད་ [གནས་གསུམ་གྱི་གསལ་བྱེད་ལས་རིགས་བརྗོད་པ་ཐ་མའི་གསལ་བྱེད།] ནམས་ཕུན་སུམ་ཚོགས་པའི་དབྱར་རིང་མོ། །རང་དབང་འགུགས་པའི་ཕོ་ཉ་དང་པོའི་ཕྲིན། །བཟོ་གནས་
རིག་པའི་བསྟན་བཅོས་དཔྱིད་ཀྱི་གླུ། །[སྒྲུབ་བྱེད་ཀྱི་རྒྱུ་ལས་སྐྱེད་བྱེད་འགྲུབ་པའི་རྒྱུ་ལ་གཟུགས་ཅན་གྱིས་སྤ་བ།] འཁོར་ [མི་མཉམ་པའི་གཟུགས་ཅན།] བ་མྱ་ངན་ལས་འདས་ཤེས་བྱའི་གནས། །གང་གི་ལམ་དུ་ལེགས་པར་སོང་ཙམ་གྱིས། །འཕགས་དང་སོ་སོ་སྐྱེ་བོའི་བརྟན་ལྡན་བློ། །འཕྲོག་པའི་ཆོམ་རྐུན་སྙན་དངགས་གླུ་ཡི་གཞུང་། །

213-1-338a

དེ་ཡང་བཅད་ལྷུག་སྤེལ་མའི་ཡིད་འཕྲོག་ལུས། །གཉིས་སུ་འདི་དག་མེད་ན་མཚང་ཆེ་བ། །བྲྀཏྟ་ཛཱ་ཏིའི་སྡེབ་སྦྱོར་ཕྲེང་དངར་བས། །ཡི་གེ་རྣམ་པར་མི་འཁྲུགས་སྟོན་པའི་གཞུང་། །མིང་དོན་གཅིག་ཏུ་མངོན་པར་ཞེན་པའི་སྒྲོག །མཐའ་དག་གཅོད་པར་བྱེད་ལ་རྟེན་བརྟེན་པ། །རྒྱུ་
དང་འབྲས་ [རིགས་བརྗོད་པ་བར་གྱི་གསལ་བྱེད།] བུ་འདྲ་བ་འབྲེལ་སོགས་ལ། །ལྟོས་པ་མིང་གི་མངོན་བརྗོད་ཤིན་ཏུ་རྣོ། །རྩི་བྱེད་རིག་པའི་པྲ་འཕྲུལ་ཅི་དང་ཅི། །སྟོན་པའི་གཙུག་ལག་དེས་ནི་དུས་གསུམ་གྱི། །[ཡན་ལག་གཅིག་པའི་གཟུགས་ཅན།] བདེ་སྡུག་མ་ནོར་རི་མོའི་འཕྲིན་ཤོད་པའི། །མཆུ་འདབ་ཤིན་ཏུ་སྙུང་བ་
རྩིས་ཀྱི་གཞུང་། །མདོར་ན་ཤེས་བྱའི་གནས་གྱུར་གང་དང་གང་། །བལྟ་འདོད་དེ་དེའི་གཞུང་འགྲེལ་ཟུངས་ཤིག་ [མ་བསྡུས་པའི་གཟུགས་ཅན།] ཀྱེ། །མུན་པར་གནས་པའི་གཟུགས་དབྱིབས་བལྟ་བ་ལ། །སྣང་བྱེད་སྒྲོན་མ་འདེགས་པ་མི་རིགས་སམ། །སྤྱི་དོན་བདུན་པ་དགོས་དོན་རྟོགས་པར་སླ་ཕྱིར་ཆོས་ཀྱི་བཞུགས་
བྱང་སྨོས་པ་ནི། [དོན་གཞན་བཀོད་པ་ལས་ཀུན་ཁྱབ་ཀྱི་དོན་གཞན་བཀོད་པ།] སྤྱིར་ཆོས་ཀྱི་རྣམ་གྲངས་འདི་དག་ཇི་ལྟར་བཞུགས་པའི་གོ་རིམས་ནི་བློ་དང་ལྡན་པའི་སྐྱེས་བུ་དམ་པ་མཁས་པ་རྣམས་ཀྱི་འཇུག་ངོགས་སུ་འཇུག་པར་འདོད་པ་རྣམས་ཀྱིས་ཇི་ལྟར་སློབ་པའི་རིམ་པ་དང་རྗེས་སུ་མཐུན་པར། ཐོག་མར་བཟོ་རིག་པ་
དང་། གསོ་བ་རིག་པ་དང་། བརྡ་སྤྲོད་རིག་པ་དང་། གཏན་ཚིགས་རིག་པ་དང་། ནང་རིག་པའི་སྡེ་སྣོད་ཀྱི་བསྟན་བཅོས་རྣམས་གོ་རིམས་སུ་འགོད་པའམ། སྒྲུབ་པ་ཉམས་ལེན་གྱི་རིམ་པ་དང་རྗེས་སུ་མཐུན་པར་འདུལ་བ་དང་། མདོ་སྡེ་དང་། མངོན་པའི་སྡེ་སྣོད་ཀྱི་བསྟན་བཅོས་རྣམས་གོ་རིམས་སུ་
འགོད་པའམ། དམན་པ་དང་མཆོག་གི་རིམ་པ་དང་རྗེས་སུ་མཐུན་པར་འཇིག་རྟེན་ལུགས་ཀྱི་བསྟན་བཅོས་དང་། ཕྱི་རིག་པའི་གནས་དང་ནང་རིག་པའི་གནས། ཐེག་པ་ཆུང་ངུ་དང་ཐེག་པ་ཆེན་པོ་ཐུན་མོང་པ་དང་ཐུན་མོང་མ་ཡིན་པའི་བསྟན་བཅོས་རྣམས་གོ་རིམས་སུ་འགོད་པའི་རྣམ་པར་གཞག་པ་ཇི་
ལྟར་བྱས་ཀྱང་མི་བཏུབ་པ་མེད་མོད། འདིར་མཆོག་དང་དམན་པའི་གོ་རིམས་ཀྱི་དབང་དུ་བགྱིས་ཏེ། ཐོག་མར་ནང་རིག་པའི་བསྟན་བཅོས་ནས་བརྩམས་ཏེ་འགོད་པ་ལ། དེའང་ཐེག་པ་ཆེན་པོ་ཐུན་མོང་མ་ཡིན་པ་དང་། ཐེག་པ་ཆེན་པོ་ཐུན་མོང་བ་དང་། ཐེག་པ་ཆུང་ངུའི་བསྟན་བཅོས་རྣམས་དང་། དེ་

213-1-338b

དག་གི་རྗེས་སུ་གཏན་ཚིགས་རིག་པ་དང་། བརྡ་སྤྲོད་རིག་པ་དང་། གསོ་བ་རིག་པ་དང་། བཟོ་རིག་པའི་བསྟན་བཅོས་རྣམས་རིམ་པར་དགོད་པར་བྱའོ། །གཞན་ཡང་བོད་ཀྱི་མཁས་པ་སྔ་རབས་པ་དག་གིས་མཛད་པའི་བསྟན་བཅོས་གཅེས་ཤིང་དཔེ་རྒྱུན་དཀོན་པ་ཅི་རིགས་པ་རྣམས་ཀྱང་སྔོན་གྱི་དཀར་ཆག་རྣམས་
སུ་བཞུགས་སུ་བཅུག་པ་ལྟར་དང་། སྔར་མ་ཆུད་པའི་བསྟན་བཅོས་རྙིང་པ་ལོགས་སུ་ལུས་པ་ཕྱིས་བྱུང་བ་དང་། གསར་འགྱུར་གྱི་རིགས་ཀྱང་འདི་དག་ཏུ་ཆུད་པ་དང་མ་ཆུད་པ་ཕྱིས་ཀྱི་དཀར་ཆག་ལ་ལ་ནས་བྱུང་བ་རྣམས་ཀྱང་སླན་ཆད་རྟུན་པ་ལྷུར་བྱེད་པ་རྣམས་ཀྱི་ཕྱིར་ཐོར་དགོད་པར་བྱ་ཞིང་། དེ་དག་གི་
མཐར་བསྔོ་བ་སྨོན་ལམ་དང་། བཀྲ་ཤིས་ཀྱི་ཚིགས་སུ་བཅད་པ་རྣམས་ཀྱིས་མཐའ་བརྒྱན་པ་དང་བཅས་པའི་བསྟན་བཅོས་རྣམས་ཀྱི་བཞུགས་བྱང་སྨོས་པ་ལ། ཐོག་མར་ཡུལ་ཁྱད་པར་ཅན་རྣམས་ཀྱི་ཡོན་ཏན་རྗེས་སུ་དྲན་པས་ཕྱག་འཚལ་བ་ནི་ལེགས་པ་ཐམས་ཅད་འཐོབ་པར་བྱེད་པའི་རྒྱུའི་གཙོ་བོ་
ཡིན་པའི་ཕྱིར་དང་། སྐྱེས་བུ་དམ་པ་རྣམས་ཀྱི་སྤྱོད་པ་རྨད་དུ་བྱུང་བ་གང་དག་གི་རྗེས་སུ་བསྒྲུབ་པའི་ཕྱིར། ཡུལ་མཆོག་ཏུ་གྱུར་པ་རྣམས་ལ་མཆོད་པར་བརྗོད་པའི་ཚུལ་གྱིས་བསྟོད་པའི་ཚོགས་རྣམས་བཀོད་པ་ནི། འདི་ལྟ་སྟེ། ཀ་པ་ལ། ཁྱད་པར་དུ་འཕགས་པའི་བསྟོད་པ་སློབ་དཔོན་མཐོ་བཙུན་གྲུབ་
རྗེས་མཛད་པ། རྒྱ་གར་གྱི་མཁན་པོ་སརྦ་ཛྙཱ་དེ་བ་དང་། ཞུ་ཆེན་གྱི་ལོ་ཙཱ་བ་རིན་ཆེན་མཆོག་གི་འགྱུར། །སླད་ཀྱིས་ལོ་ཙཱ་བ་དཔལ་བརྩེགས་རཀྵི་ཏས་བསྒྱུར་ཅིང་ཞུས་ཏེ་གཏན་ལ་ཕབ་བ། ཁྱད་པར་དུ་འཕགས་པའི་བསྟོད་པའི་རྒྱ་ཆེར་བཤད་པ་སློབ་དཔོན་ཤེས་རབ་གོ་ཆས་མཛད་པ། རྒྱ་གར་གྱི་མཁན་པོ་པཎྜི་
ཏ་ཛཱ་རནྡ་ན་དང་། ཞུ་ཆེན་གྱི་ལོ་ཙཱ་བ་དགེ་སློང་རིན་ཆེན་བཟོང་པོའི་འགྱུར། ཁྱད་པར་དུ་འཕགས་པའི་སྟོད་པའི་རྒྱ་ཆེར་བཤད་པ་སློབ་དཔོན་ཤེས་རབ་གོ་ཆས་མཛད་པ་ལས་བར་སྐབས་སུ་ཚིགས་སུ་བཅད་པ་བཅུ་གཉིས་ཀྱི་འགྲེལ་པ་རྒྱ་དཔེ་མ་རྙེད་ནས་དུས་ཕྱིས་དགེ་སློང་ཀུན་དགའ་རྒྱལ་མཚན་དཔལ་བཟང་པོ་ཞེས་བྱ་
བས་དཔལ་ས་སྐྱའི་དགོན་པར་སྦྱར་བ། ཐམས་ཅད་མཁྱེན་པ་དབང་ཕྱུག་ཆེན་པོའི་བསྟོད་པ་ཞེས་བྱ་བ་བྲམ་ཟེའི་དགེ་བསྙེན་མཐོ་བཙུན་གྲུབ་རྗེས་མཛད་པ། རྒྱ་གར་གྱི་མཁན་པོ་ཇཱི་རནྡ་ན་དང་། ཞུ་ཆེན་གྱི་ལོ་ཙཱ་བ་རིན་ཆེན་བཟང་པོའི་འགྱུར། ལྷ་ལས་ཕུལ་དུ་བྱུང་བར་བསྟོད་པ་སློབ་དཔོན་བདེ་བྱེད་བདག་

213-1-339a

པོས་མཛད་པ། རྒྱ་གར་གྱི་མཁན་པོ་སརྦ་ཛྙཱ་དེ་བ་དང་། ལོ་ཙཱ་བ་རིན་ཆེན་མཆོག་གི་འགྱུར་ལ། ཞུ་ཆེན་གྱི་ལོ་ཙཱ་བ་དཔལ་བརྩེགས་རཀྵི་ཏས་ཞུས་ཏེ་གཏན་ལ་བབ་པ། ལྷ་ལས་ཕུལ་དུ་བྱུང་བར་བསྟོད་པའི་རྒྱ་ཆེར་བཤད་པ་སློབ་དཔོན་ཤེས་རབ་གོ་ཆས་མཛད་པ། རྒྱ་གར་གྱི་མཁན་
པོ་པཎྜི་ཏ་ཛཱ་རནྡ་ནའ་ཞལ་སྔ་ནས་དང་། ཞུ་ཆེན་གྱི་ལོ་ཙཱ་བ་དགེ་སློང་རིན་ཆེན་བཟང་པོའི་འགྱུར། སངས་རྒྱས་ཀྱི་བསྟོད་པ་ཞེས་བྱ་བ་འཕགས་མ་ནོར་རྒྱུན་མས་མཛད་པ། རབ་ཏུ་བསྔགས་པའི་གནས་ཆེན་པོ་བལ་པོ་ཡམ་བུའི་གྲོང་ཁྱེར་དུ་སྒྲའི་མཁན་པོ་དཔལ་རྒྱལ་བའི་བཟང་པོ་དང་། ལོ་ཙཱ་བ་དགེ་སློང་
ཉི་མ་རྒྱལ་མཚན་དཔལ་བཟང་པོའི་འགྱུར། ཆོས་ཀྱི་སྐུ་ལ་གནས་པའི་ཡོན་ཏན་ཐུན་མོང་མ་ཡིན་པ་ལ་བསྟོད་པ་སློབ་དཔོན་ཐོགས་མེད་ཀྱིས་མཛད་པ། རྒྱ་གར་གྱི་མཁས་པོ་ཛི་ན་མི་ཏྲ་དང་། ཤཱི་ལེནྔྲ་བོ་དྷི་དང་། ཞུ་ཆེན་གྱི་ལོ་ཙཱ་བ་ཡེ་ཤེས་སྡེས་བསྒྱུར་ཅིང་ཞུས་ཏེ་གཏན་ལ་ཕབ་པ། དེ་ཁོ་ན་ཉིད་ལ་
བསྟོད་པ་ལོ་ཙཱ་བ་དགེ་སློང་དཔལ་གྱི་གོ་ཆས་མཛད་པ། རྒྱ་གར་གྱི་མཁན་པོ་མཉྫུ་ཤྲཱི་བྷ་དྲ་དང་། དགེ་སློང་ཤཱཀྱ་འོད་ཀྱིས་བསྒྱུར་ཅིང་ཞུས་ཏེ་གཏན་ལ་ཕབ་པ། བདུད་བཏུལ་བ་ལ་བསྟོད་པ་རབ་དགའི་ལྷའི་ཞལ་སྔ་ནས་མཛད་པ། སློབ་དཔོན་ཀླུ་སྒྲུབ་ཀྱི་མཛད་པའི་བསྟོད་པའི་ཚོགས་ཀྱི་སྐོར་
ལ། ཆོས་ཀྱི་དབྱིངས་སུ་བསྟོད་པ། དཔེ་མེད་པར་བསྟོད་པ། འཇིག་རྟེན་ལས་འདས་པར་བསྟོད་པ། སེམས་ཀྱི་རྡོ་རྗེའི་བསྟོད་པ། དོན་དམ་པར་བསྟོད་པ། སྐུ་གསུམ་ལ་བསྟོད་པ་རྣམས་སློབ་དཔོན་ཆེན་པོ་ཀླུ་སྒྲུབ་ཀྱིས་མཛད་པ། རྒྱ་གར་གྱི་མཁན་པོ་ཀྲྀཥྞ་པཎྜི་ཏ་དང་། ལོ་ཙཱ་བ་དགེ་སློང་ཚུལ་
ཁྲིམས་རྒྱལ་བའི་འགྱུར། སྐུ་གསུམ་ལ་བསྟོད་པ་ཞེས་བྱ་བའི་རྣམ་པར་འགྲེལ་པ། རྒྱ་གར་ཀྱི་མཁན་པོ་ཤྲདྡྷཱ་ཀ་ར་ཝརྨ་དང་། བོད་ཀྱི་ལོ་ཙཱ་བ་རིན་ཆེན་བཟང་པོས་བསྒྱུར་ཅིང་ཞུས་པ། སེམས་ཅན་མགུ་བར་བྱ་བའི་བསྟོད་པ་སློབ་དཔོན་ཀླུ་སྒྲུབ་ཀྱི་ཚིགས་སུ་བཅད་པའི་སྒོ་ནས་བསྡུས་པ། རྒྱ་གར་གྱི་
མཁན་པོ་ཆེན་པོ་དཱི་པཾ་ཀ་ར་ཤྲཱི་ཛྙཱ་ན་དང་། ཞུ་ཆེན་གྱི་ལོ་ཙཱ་བ་དགེ་སློང་ཚུལ་ཁྲིམས་རྒྱལ་བའི་འགྱུར། རྡོ་རྗེ་འཆང་ཆེན་པོའི་བསྟོད་པ་ཕྱག་ན་རྡོ་རྗེས་མཛད་པ། ཞ་ལུ་ལོ་ཙཱ་བ་དྷརྨ་པཱ་ལས་དཔལ་གདན་ས་ཐེལ་གྱི་ཡང་དགོན་དུ་བསྒྱུར་བ། ཤེས་རབ་ཀྱི་ཕ་རོལ་ཏུ་ཕྱིན་མའི་བསྟོད་པ་སློབ་དཔོན་འཕགས་པ་ཀླུ་སྒྲུབ་

213-1-339b

ཀྱིས་མཛད་པ། ཁ་ཆེའི་པཎྜི་ཏ་ཐིག་ལེ་བུམ་པ་དང་། ལོ་ཙཱ་བ་བློ་ལྡན་ཤེས་རབ་ཀྱི་འགྱུར། བསམ་གྱིས་མི་ཁྱབ་པར་བསྟོད་པ། བསྟོད་པ་ལས་འདས་པར་བསྟོད་པ། བླ་ན་མེད་པའི་བསྟོད་པ། རྗེ་བཙུན་འཇམ་དཔལ་གྱི་དོན་དམ་པའི་བསྟོད་པ། འཕགས་པ་འཇམ་དཔལ་གྱི་སྙིང་རྗེ་ལ་བསྟོད་པ། གནས་ཆེན་པོ་
བརྒྱད་ཀྱི་མཆོད་རྟེན་ལ་བསྟོད་པ། ཡང་གནས་ཆེན་པོ་བརྒྱད་ཀྱི་མཆོད་རྟེན་ལ་བསྟོད་པ། མཛད་པ་བཅུ་གཉིས་ཀྱི་ཚུལ་ལ་བསྟོད་པ། ཕྱག་འཚལ་བའི་བསྟོད་པ། དམྱལ་བ་ནས་འདོན་པའི་བསྟོད་པ་རྣམས་སློབ་དཔོན་ཆེན་པོ་ཀླུ་སྒྲུབ་ཀྱིས་མཛད་པ། རྒྱ་གར་གྱི་མཁན་པོ་ཏི་ལ་ཀ་དང་། ལོ་ཙཱ་བ་
པ་ཚབ་ཉི་མ་གྲགས་ཀྱི་འགྱུར་རྣམས་སོ། །སློབ་དཔོན་མ་ཏི་ཙི་ཊས་མཛད་པའི་བསྟོད་པའི་སྐོར་ལ། སངས་རྒྱས་བཅོམ་ལྡན་འདས་ལ་བསྟོད་པ་བསྔགས་པར་འོས་པ་བསྔགས་པ་ལས་བསྟོད་པར་མི་ནུས་པར་བསྟོད་པ་ཞེས་བྱ་བ་སློབ་དཔོན་མ་ཏི་ཙི་ཊས་མཛད་པ། རྒྱ་གར་གྱི་མཁན་པོ་སརྦ་
ཛྙཱ་དེ་ཝ་དང་། ཞུ་ཆེན་གྱི་ལོ་ཙཱ་བ་དཔལ་བརྩེགས་རཀྵི་ཏའི་འགྱུར། སངས་རྒྱས་བཅོམ་ལྡན་འདས་ལ་བསྔགས་པར་འོས་པ་བསྔགས་པ་ཞེས་བྱ་བ་ལེའུ་བཅུ་གསུམ་པ། རྒྱ་གར་གྱི་མཁན་པོ་པདྨ་ཀ་ར་ཝརྨ་དང་། ལོ་ཙཱ་བ་དགེ་སློང་རིན་ཆེན་བཟང་པོའི་འགྱུར། དཀོན་མཆོག་གསུམ་
ལ་བཀྲ་ཤིས་ཀྱི་བསྟོད་པ། རྒྱ་གར་གྱི་མཁན་པོ་བི་བྱ་ཀ་ར་སིདྷ་པྲ་བྷ་དང་། ཞུ་ཆེན་གྱི་ལོ་ཙཱ་བ་བནྡེ་དཔལ་བརྩེགས་རཀྵི་ཏའི་འགྱུར། ཡང་དག་པར་རྫོགས་སངས་རྒྱས་ཀྱི་མཚན་ལ་བསྟོད་པ། གཅིག་ལས་འཕྲོས་པའི་བསྟོད་པ། བདེ་བར་གཤེགས་པ་སུམ་ཅུ་རྩ་ལྔའི་བསྟོད་པ་
མཚན་རིན་པོ་ཆེས་སྤྲས་པ་ཞེས་བྱ་བ་རྣམས་སློབ་དཔོན་མ་ཏི་ཙི་ཏྲས་མཛད་པའོ། །ཚིག་བརྒྱད་པའི་བསྟོད་པ་དགེ་བསྙེན་མཐའ་ཡས་ལྷས་མཛད་པ། དཀོར་མཆོག་གསུམ་གྱི་བསྟོད་པ་སློབ་དཔོན་ཆེན་པོ་མ་ཏི་ཙི་ཊས་མཛད་པ། དཀོན་མཆོག་གསུམ་ལ་བསྟོད་པའི་འགྲེལ་པ་སློབ་དཔོན་
རྒྱལ་བའི་སྲས་ཀྱིས་མཛད་པ། རྒྱ་གར་གྱི་མཁན་པོ་ཛྙཱ་ན་ཤཱནྟི་དང་། བོད་ཀྱི་ལོ་ཙཱ་བ་བནྡེ་དཔལ་གྱི་ལྷུན་པོའི་སྡེའི་འགྱུར། དཀོན་མཆོག་གསུམ་གྱི་བསྟོད་པ་སློབ་དཔོན་དབྱིག་གཉེན་གྱིས་མཛད་པ། བརྒྱ་ལྔ་བཅུ་པ་ཞེས་བྱ་བའི་བསྟོད་པ་སློབ་དཔོན་མཁས་པ་ཆེན་པོ་བྲམ་ཟེ་རྟ་

213-1-340a

དབྱངས་ཀྱིས་མཛད་པ། རྒྱ་གར་གྱི་མཁན་པོ་ཤྲཱི་ཤྲདྡྷཱ་ཀ་ར་ཝརྨ་དང་། ལོ་ཙཱ་བ་ཤཱཀྱ་བློ་གྲོས་ཀྱི་འགྱར། བརྒྱ་ལྔ་བཅུ་པ་ཞེས་བྱ་བའི་བསྟོད་པའི་འགྲེལ་པ་སློབ་དཔོན་དགའ་བྱེད་སྙན་པས་མཛད་པ། རྒྱ་གར་གྱི་མཁན་པོ་ཤྲཱི་ཤྲདྡྷཱ་ཀ་ར་ཝརྨ་དང་། ལོ་ཙཱ་
བ་ཤཱཀྱ་བློ་གྲོས་ཀྱི་འགྱུར། གཎྜཱིའི་བསྟོད་པ་ཚིགས་སུ་བཅད་པ་སློབ་དཔོན་རྟ་དབྱངས་ཀྱིས་མཛད་པ། མཁས་པ་ཆེན་པོ་རྒྱལ་བའི་སྡེའི་ཞལ་སྔ་ནས་དང་། ལོ་ཙཱ་བ་བཙུན་པ་དྷརྨ་ཡོན་ཏན་གྱི་འགྱུར། སྤེལ་མར་བསྟོད་པ་ཞེས་བྱ་བ་སློབ་དཔོན་མ་ཏི་ཙི་ཊ་དང་སློབ་དཔོན་ཕྱོགས་ཀྱི་
གླང་པོ་དག་གི་ཞལ་སྔ་ནས་མཛད་པ། རྒྱ་གར་གྱི་མཁན་པོ་ཀུ་མཱ་ར་ཀ་ལ་ཤ་དང་། ཞུ་ཆེན་གྱི་ལོ་ཙཱ་བ་དགེ་སློང་བསོད་ནམས་བཟང་པོའི་འགྱུར། དེ་བཞིན་གཤེགས་པ་ཐམས་ཅད་ལ་བསྟོད་པ། བཅོམ་ལྡན་འདས་ཤཱཀྱ་ཐུབ་པའི་བསྟོད་པ་སློབ་དཔོན་དཀོན་མཆོག་འབངས་
ཀྱིས་མཛད་པ། དཔལ་ལྡན་རྗེ་བཙུན་བྱང་ཆུབ་ཆེན་པོའི་བསྟོད་པ་མཆོག་སྲེད་ཀྱི་ཞལ་སྔ་ནས་མཛད་པ། ཞ་ལུ་ལོ་ཙཱ་བ་དགེ་སློང་ཆོས་སྐྱོང་བཟང་པོའི་འགྱུར། སངས་རྒྱས་ཀྱི་བསྟོད་པ་བཅུ་པ་པཎྜི་ཏ་ནགས་ཀྱི་རིན་ཆེན་གྱིས་མཛད་པ། པཎྜི་ཏ་དེ་ཉིད་ཀྱི་བཀའ་དྲིན་གྱིས་འཚོ་བའི་ལོ་ཆེན་
བསོད་ནམས་རྒྱ་མཚོའི་སྡེའི་འགྱུར། ཡོན་ཏན་མཐའ་ཡས་པར་བསྟོད་པ་སློབ་དཔོན་དཀོན་མཆོག་འབངས་ཀྱིས་མཛད་པ། རྒྱ་གར་གྱི་མཁན་པོ་སརྦ་ཛྙཱ་དེ་བ་དང་། ལོ་ཙཱ་བ་རིན་ཆེན་མཆོག་གི་འགྱུར་ལ། ལོ་ཙཱ་བ་དཔལ་བརྩེགས་ཀྱིས་ཞུས་ཏེ་གཏན་ལ་ཕབ་པ། ཡོན་ཏན་
མཐའ་ཡས་པར་བསྟོད་པའི་འགྲེལ་པ་དང་། ཡོན་ཏན་མཐའ་ཡས་པར་བསྟོད་པའི་དོན་གྱི་ཚིག་ལེའུར་བྱས་པ་སློབ་དཔོན་ཆེན་པོ་ཕྱོགས་ཀྱི་གླང་པོས་མཛད་པ། རྒྱ་གར་གྱི་མཁན་པོ་སརྦ་ཛྙཱ་དེ་བ་དང་། ལོ་ཙཱ་བ་རིན་ཆེན་མཆོག་གི་འགྱུར་ལ། ལོ་ཙཱ་བ་དཔལ་བརྩེགས་རཀྵི་ཏས་ཞུས་
ནས་གཏན་ལ་ཕབ་པ། སངས་རྒྱས་མྱ་ངན་ལས་འདས་པ་ལ་བསྟོད་པ་སློབ་དཔོན་ཆེན་པོ་དཔལ་ལྡན་ཆོས་ཀྱི་གྲགས་པས་མཛད་པ། བཤགས་པའི་བསྟོད་པ་སློབ་དཔོན་ཙནྡྲ་གོ་མིས་མཛད་པ། རྒྱ་གར་གྱི་མཁན་པོ་བུདྡྷ་ཀ་ར་ཝརྨ་དང་། ཞུ་ཆེན་གྱི་ལོ་ཙཱ་བ་དགེ་སློང་རིན་ཆེན་

213-1-340b

བཟང་པོའི་འགྱུར། བཤགས་པའི་བསྟོད་པའི་འགྲེལ་པ་སློབ་དཔོན་སངས་རྒྱས་ཞི་བས་མཛད་པ། རྒྱ་གར་གྱི་མཁན་པོ་བུདྡྷ་ཤྲཱི་ཤཱནྟི་དང་། ཞུ་ཆེན་གྱི་ལོ་ཙཱ་བ་དགེ་སློང་རིན་ཆེན་བཟང་པོའི་འགྱུར། སངས་རྒྱས་དབང་བསྐུར་བ་ཞེས་བྱ་བའི་བསྟོད་པ། ལོ་ཙཱ་བ་རིན་ཆེན་བཟང་
པོའི་འགྱུར། བཅོམ་ལྡན་འདས་ལ་བསྟོད་པ་དཔལ་རྡོ་རྗེ་འཛིན་གྱི་དབྱངས་འདི་རྒྱུད་དག་ལས་བྱུང་བ་ཡིན། བཅོམ་ལྡན་འདས་ལ་བསྟོད་པ་དཔལ་རྡོ་རྗེ་འཛིན་གྱི་དབྱངས་ཀྱི་རྒྱ་ཆེར་བཤད་པ་གཉིས་མང་དུ་ཐོས་པའི་སློབ་དཔོན་ཞི་བ་འཚོས་མཛད་པ། རྒྱ་གར་གྱི་མཁན་པོ་བིདྱཱ་
ཀ་ར་པྲ་བྷ་དང་། ཞུ་ཆེན་གྱི་ལོ་ཙཱ་བ་དཔལ་བརྩེགས་རཀྵི་ཏའི་འགྱུར། དེ་བཞིན་གཤེགས་པ་ལྔ་ལ་བསྟོད་པ་དང་། དེ་བཞིན་གཤེགས་པ་བདུན་གྱི་བསྟོད་པ། རྒྱ་གར་གྱི་མཁན་པོ་པདྨ་ཀ་ར་ཝརྨ་དང་། ཞུ་ཆེན་གྱི་ལོ་ཙཱ་བ་རིན་ཆེན་བཟང་པོའི་འགྱུར། དེ་བཞིན་གཤེགས་པ་
བརྒྱད་ལ་བསྟོད་པ་སློབ་དཔོན་ཞི་བ་འཚོས་མཛད་པ། རབ་ཏུ་སྔ་བར་ནམ་ལངས་པའི་བསྟོད་པ་སངས་རྒྱས་ལ་ཁ་ཆེའི་རྒྱལ་པོ་ཤྲཱི་ཧ་རི་ཤ་དེ་བས་བསྟོད་པ་དང་། གནས་ཆེན་པོ་བརྒྱད་ཀྱི་མཆོད་རྟེན་ལ་ཕྱག་འཚལ་བའི་བསྟོད་པ་ཁ་ཆེའི་རྒྱལ་པོ་ཤྲཱི་ཧ་རི་ཤ་དེ་བས་ཡུམ་གྱི་ཆེད་དུ་
མཛད་པ། པཎྜི་ཏ་རཱ་ཛ་ཤྲཱི་ཛྙཱ་ན་མི་ཏྲ་དང་། ཁེའུ་བརྒད་ཡོན་ཏན་དཔལ་གྱི་འགྱུར། དེ་བཞིན་གཤེགས་པའི་མཚན་བརྗོད་བསྐལ་བཟང་རྒྱན་གྱི་ཕྲེང་བ་ཞེས་བྱ་བ་ཁ་ཆེ་པཎྜི་ཏ་ཤཱཀྱ་ཤྲཱིས་མཛད་པ། པཎྜི་ཏ་དེ་ཉིད་དང་། ལོ་ཙཱ་བ་བྱམས་པའི་དཔལ་གྱི་འགྱུར། སླད་ཆར་ས་སྐྱ་ལོ་ཙཱ་བས་ཅུང་ཟད་བཅོས་
ཤིང་བསྒྱུར་ཏེ་གཏན་ལ་ཕབ་པ། སྦྱོར་བ་བཞིའི་ལྷ་ལ་བསྟོད་པ་ཞེས་བྱ་བ་པཎྜི་ཏ་ཆེན་པོ་རཏྣ་ཀཱིརྟིས་མཛད་པ། བལ་པོ་མ་ཧཱ་པཱ་ནའི་རང་འགྱུར། མཁས་པ་ཆེན་པོ་གྲགས་པ་རྒྱལ་མཚན་ལ་བསྟོད་པ། རྒྱ་གར་གྱི་མཁན་པོ་སུ་ག་ཏ་ཤྲཱིས་སྦྱར་བ། རྒྱ་གར་གྱི་མཁན་པོ་དེ་ཉིད་དང་། 
ལོ་ཙཱ་བ་དགེ་སློང་ཀུན་དགའ་རྒྱལ་མཚན་དཔལ་བཟང་པོའི་འགྱུར། བླ་མ་དམ་པ་ཆོས་ཀྱི་རྒྱལ་པོ་ལ་བསྟོད་པ་ཞེས་བྱ་བ་རྒྱ་གར་གྱི་པཎྜི་ཏ་སྙན་དངགས་མཁན་ཆེན་པོ་ལཀྵྨཱི་ཀ་རས་སྦྱར་བ། པཎྜི་ཏ་དེ་ཉིད་དང་། ལོ་ཙཱ་བ་ཤོང་སྟོན་གྱིས་དཔལ་ས་སྐྱའི་གཙུག་ལག་ཁང་དུ་བསྒྱུར་བ། རྗེ་

213-1-341a

བཙུན་འཇིག་རྟེན་དབང་ཕྱུག་སེང་གེ་སྒྲ་ལ་བསྟོད་པ་སྙན་དངགས་མཁན་ཆེན་པོ་སློབ་དཔོན་གཉིས་སྐྱེས་སྲུང་བས་མཛད་པ། ཞ་ལུ་ལོ་ཙཱ་བ་དགེ་སློང་དྷརྨ་པཱ་ལ་བྷ་དྲས་བསྒྱུར་བ། འཇིག་རྟེན་དབང་ཕྱུག་གི་བསྟོད་པ་རིན་པོ་ཆེའི་ཕྲེང་བ་ཞེས་བྱ་བ་
རྒྱ་གར་ཤར་ཕྱོགས་ཀྱི་པཎྜི་ཏ་ཆེན་པོ་ནགས་ཀྱི་རིན་ཆེན་གྱིས་མཛད་པ། མཁས་པ་དེ་ཉིད་ཀྱི་སྤྱན་སྔར། སྐད་གཉིས་སྨྲ་བའི་དབང་ཕྱུག་ལོ་ཙཱ་བ་ཆེན་པོ་དགེ་སློང་རྒྱ་མཚོའི་སྡེ་ཞེས་པས་ཡང་དག་པར་བསྒྱུར་ཅིང་ཞུས་པ། ཚོགས་ཀྱི་དབང་ཕྱུག་གི་བསྟོད་པ་སློབ་དཔོན་
དཔལ་ནགས་ཀྱི་རིན་ཆེན་གྱིས་མཛད་པ། དགེ་སློང་རྣལ་འབྱོར་སྤྱོད་པ་རྒྱ་མཚོའི་སྡེ་ཞེས་བྱ་བས་ནོར་བུ་རྒྱས་པའི་གཙུག་ལག་ཁང་ཆེན་པོར་བོད་སྐད་དུ་བསྒྱུར་བ། དཔལ་རི་ཁྲོད་ཞབས་ཀྱི་བསྟོད་པ་རིན་པོ་ཆེ་མཁས་པ་ཆེན་པོ་དཔལ་ནགས་ཀྱི་རིན་ཆེན་གྱིས་མཛད་པ། རྗེ་
བཙུན་དམ་པ་དེ་ཉིད་ཀྱི་སྤྱན་སྔར་ཆོས་སྨྲ་བ་གཞོན་ནུ་དཔལ་གྱིས་ཉེ་བར་བསྒྱུར་བ། དཔལ་ལྡན་བླ་མ་ནགས་ཀྱི་རིན་ཆེན་གྱི་བསྟོད་པ་བདུན་པ་ཡུལ་མ་ག་དྷ་ནས་བྱུང་བའི་དགེ་བསྙེན་དམ་པ་ཉི་མ་པས་མཛད་པ། རྩེས་ཐང་ལོ་ཙཱ་བ་གཞོན་ནུ་དཔལ་གྱི་འགྱུར། སྐྱེས་པ་རབས་
ཀྱི་བསྟོད་པ་སློབ་དཔོན་ཡེ་ཤེས་གྲགས་པས་མཛད་པ། སཾ་སྐྲྀ་ཏ་ལ་བོད་སྐད་ཀྱི་མཆན་བུ་ལོ་ཙཱ་བ་དགེ་སློང་དྷརྨ་པཱ་ལ་བྷ་དྲའི་འགྱུར། བླ་མ་དམ་པ་ལ་བསྟོད་པ་ཧ་རི་པུཛྙའི་དགེ་སློང་ཆོས་ཀྱི་ཉི་མས་བཀོད་པ། ཞ་ལུ་ལོ་ཙཱ་བའི་འགྱུར། གྲྭ་ལྔའི་བསྟོད་པ་སྦྱར་བྱང་མེད་པ་ཞ་ལུ་
ལོ་ཙཱ་བའི་འགྱུར་བ་རྣམས་བཞུགས་སོ། །རྒྱུད་སྡེའི་ལྷ་སོ་སོའི་བསྟོད་པ་རྣམས་ནི་རང་རང་གི་སྐབས་སུ་བྲི་བར་བྱའོ། །ཡོན་ཏན་མཐའ་ཡས་རྒྱ་མཚོ་མངའ་བ་ཡི། །མཆོད་གནས་བླ་མེད་རྣམས་ཀྱི་བསྟོད་པའི་ཚོགས། །སྡེབ་སྦྱོར་སྙན་དངགས་རྒྱན་གྱིས་རབ་ [མ་བྱུང་།] མཛེས་
པ། །འགྲེལ་པ་དང་བཅས་བདུན་ཅུ་རྩ་བཞི་བཞུགས། །དེ་དག་གིས་ནི་ཐུན་མོང་དུ་མཆོད་པར་བརྗོད་པའི་ཚུལ་གྱིས་བསྟོད་པའི་ཚོགས་བཞུགས་པའི་རྣམ་གྲངས་རྣམས་བཀོད་ཟིན་ཏོ། །བསྟོད་པའི་བསྟན་བཅོས་ཀྱི་སྐབས་ཏེ་དང་པོའོ།།      །།ད་ནི་རིག་པའི་

213-1-341b

གནས་ལྔ་ལས་ནང་རིག་པའི་བསྟན་བཅོས་ལ། འབྲས་བུ་སྔགས་དང་། རྒྱུ་མཚན་ཉིད་ཀྱི་ཐེག་པའི་སྐོར་གཉིས་ལས། དང་པོ་འབྲས་བུ་སྔགས་ཀྱི་ཐེག་པའི་སྐོར་ནི། ཀ་པ་ལ། རྒྱུད་ཐམས་ཅད་ཀྱི་རྒྱལ་པོར་གྱུར་པ་དཔལ་དགྱེས་པ་རྡོ་རྗེའི་རྒྱུད་ཀྱི་སྐོར་ལ། ཀྱེ་རྡོ་རྗེ་
བསྡུས་པའི་དོན་གྱི་རྒྱ་ཆེར་འགྲེལ་པ་བྱང་ཆུབ་སེམས་དཔའ་རྡོ་རྗེ་སྙིང་པོས་མཛད་པའི་ལེའུ་ལྔ་པ་ཡན་ཆད་པཎྜི་ཏ་དཱ་ན་ཤཱི་ལ་དང་། ལོ་ཙཱ་བ་འབྲོ་སེང་དཀར་ཤཱཀྱ་འོད་ཀྱི་འགྱུར་ལ། སླད་ཀྱིས་རྒྱ་གར་གྱི་མཁན་པོ་ཆེན་པོ་སུ་བྷཱུ་ཏི་ཤྲཱི་ཤཱནྟི་དང་། ལོ་ཙཱ་བ་བཅོག་གྲུ་ཏིང་ངེ་འཛིན་བཟང་
པོས་ཞུས་ཏེ་གཏན་ལ་ཕབ་པ། དེ་ལ་སླད་ཀྱིས་རྒྱ་གར་གྱི་མཁན་པོ་རྒྱལ་པོའི་སྲས་དཔལ་འཇིགས་མེད་ལྷའི་ཞལ་སྔར་ལོ་ཙཱ་བ་སྙེལ་ཅོར་དགེ་སློང་ཤེས་རབ་གྲགས་ཀྱིས་ཡུལ་དབུས་ཀྱི་དཔེས་གཏན་ལ་ཕབ་པ་ལས། སླར་ཡང་ཤོང་སྟོན་རྡོ་རྗེ་རྒྱལ་མཚན་གྱིས་ལེགས་པར་
བཤད་པའི་སློབ་མ་དཔང་ལོ་ཙཱ་བ་བློ་གྲོས་བརྟན་པས་དེ་ཁོ་ན་ཉིད་ཀྱི་ལེའུ་ཡན་ལེགས་པར་བཅོས་པ་དང་། རྡོ་རྗེ་སྙིང་པོའི་འགྲེལ་པ་ཀྱེའི་རྡོ་རྗེའི་བསྡུས་པའི་རྒྱུད་རྒྱ་ཆེར་བཤད་པ་ལེའུ་དྲུག་པ་མན་བྱང་ཆུབ་སེམས་དཔའ་རྡོ་རྗེ་སྙིང་པོས་མཛད་པ་འདི་སྔོན་དེ་ཁོ་ན་ཉིད་ཀྱི་ལེའུ་ཡན་
ལས་མ་འགྱུར་བས། སླད་ཀྱིས་བལ་ཡུལ་གྱི་གྲོང་ཁྱེར་རོལ་པ་ཞེས་བྱ་བ་ནས་འབྲོ་དགེ་སློང་ལོ་ཙཱ་བས་པཎྜི་ཏ་མེ་ཏྲི་ཞབས་ལས་རྙེད་ནས་བོད་ཡུལ་དུ་དཔེ་སྤྱན་དྲངས་ཏེ་བསྒྱུར་བ། ཀྱེའི་རྡོ་རྗེའི་རྒྱུད་ཀྱི་དཀའ་འགྲེལ་པདྨ་ཅན་ཞེས་བྱ་བ་སློབ་དཔོན་མཚོ་སྐྱེས་ཀྱིས་མཛད་པ། རྒྱ་གར་
གྱི་མཁན་པོ་མཁས་པ་ཆེན་པོ་ཀྵི་ཏི་གརྦྷའི་ཞལ་སྔ་ནས་ཞུ་ཆེན་གྱི་ལོ་ཙཱ་བ་ཁུ་སྟོན་དངོས་གྲུབ་ཀྱིས་བསྒྱུར་བ་ལ། དབེན་གནས་རྩེད་ཀྱི་སྟག་ལུང་དུ་སླད་ཀྱི་སྐད་གསར་ཆད་ཀྱིས་ཊཱི་ཀ་དང་གཏུགས་ནས་གཏན་ལ་ཕབ་པ། དཔལ་དགྱེས་པའི་རྡོ་རྗེའི་རྣམ་བཤད་རྣམ་པར་འགྲེལ་
པ་སློབ་དཔོན་བྷ་བ་བྷ་དྲས་མཛད་པ། རྒྱ་གར་གྱི་མཁན་པོ་པུཎྱ་ཀཱིརྟི་དང་། ཞུ་ཆེན་གྱི་ལོ་ཙཱ་བ་སེ་རྩ་བསོད་ནམས་རྒྱལ་མཚན་གྱིས་བསྒྱུར་བ་རྣམས་བཞུགས་སོ།།      །།ཁ་པ་ལ། དགེས་པ་རྡོ་རྗེའི་དཀའ་འགྲེལ་རྣལ་འབྱོར་རིན་པོ་ཆེའི་ཕྲེང་བ་ཞེས་བྱ་བ་བརྟུལ་

213-1-342a

ཞུགས་སྤྱོད་པ་ནག་པོ་འདི་ནག་པོ་པས་མཛད་པ། རྒྱ་གར་གྱི་མཁན་པོ་ཀྲིཥྞ་པཎྜི་ཏ་དང་། ལོ་ཙཱ་བ་ཚུལ་ཁྲིམས་རྒྱལ་བའི་འགྱུར། རྒྱུད་ཀྱི་རྒྱལ་པོ་དཔལ་ཀྱེའི་རྡོ་རྗེའི་འགྲེལ་བཤད་ཁ་སྦྱོར་ཤིན་ཏུ་དྲི་མ་མེད་པ་ཞེས་བྱ་བ་གྲུབ་པའི་སློབ་དཔོན་ཆེན་པོ་ཌྷཾ་ཀ་དཱ་ཤས་
མཛད་པ། ཕྱི་ནང་གི་གཞུང་ལུགས་རྒྱ་ [འདི་ནག་པོ་བ་ཆུང་བ་ཀྲིཥྞ་པཎྜི་ཏས་མཛད་པ་ཡིན།] མཚོའི་མཐར་སོན་པ་ཁ་ཆེའི་པཎྜི་ཏ་བི་མ་ལ་ཤྲི་བྷ་དྲའི་ཞལ་སྔ་ནས། བོད་ཀྱི་ལོ་ཙཱ་བ་དགེ་སློང་ཤོང་བློ་བརྟན་གྱིས་དཔལ་ས་སྐྱའི་གཙུག་ལག་ཁང་དུ་ལེགས་པར་བསྒྱུར་བ་རྣམས་བཞུགས་སོ།།      །།
ག་པ་ལ། ཀྱེ་རྡོ་རྗེའི་འགྲེལ་པ་ཀཽ་མུ་དི་ཞེས་བྱ་བའི་དཀའ་འགྲེལ་སློབ་དཔོན་མཁས་པ་དཔལ་སྦྱངས་དཀའ་ཟླ་བས་མཛད་པ། རྒྱ་གར་གྱིས་ཁན་པོ་པྲཛྙཱ་ཨིནྡྲ་རུ་ཙི་དང་། ལོ་ཙཱ་བ་དགེ་སློང་ཤཱཀྱ་ཡེ་ཤེས་ཀྱི་འགྱུར། རྡོ་རྗེའི་ཚིག་གི་སྙིང་པོ་བསྡུས་པའི་དཀའ་འགྲེལ་
ཞེས་བྱ་བ་དཔལ་ཁ་ཆེའི་པཎྜི་ཏ་དགེ་སློང་སྙན་གྲགས་བཟང་པོས་མཛད་པ། ཁ་ཆེའི་པཎྜི་ཏ་ཆེན་པོ་ཤཱཀྱ་ཤྲཱི་བཟང་པོའི་ཞལ་སྔ་ནས། བོད་ཀྱི་ལོ་ཙཱ་བ་དཔྱལ་ཆོས་ཀྱི་བཟང་པོས་བཀྲ་ཤིས་གསེར་སྡིངས་ཀྱི་གཙུག་ལག་ཁང་ཆེན་པོར་ལེགས་པར་བསྒྱུར་ཅིང་གཏན་ལ་ཕབ་པར་མཛད་
དོ། །དེ་ལ་སླར་ཡང་དཔང་ལོ་ཙཱ་བ་ཆེན་པོ་དཔལ་ལྡན་བློ་གྲོས་བརྟན་པས་ལེགས་པར་བཅོས་ཤིང་གཏན་ལ་ཕབ་པ། རྒྱུད་ཀྱི་རྒྱལ་པོ་ཆེན་པོ་དགྱེས་པ་རྡོ་རྗེ་ཞེས་བྱ་བ་སྒྱུ་མ་བརྟག་པ་གཉིས་པའི་དཀའ་འགྲེལ་དྲན་པའི་འབྱུང་གནས་ཞེས་བྱ་བ་སློབ་དཔོན་ནག་པོ་པས་མཛད་
པ། རྒྱ་གར་གྱི་མཁན་པོ་དཔལ་ལྡན་ཟླ་བ་དང་། བོད་ཀྱི་ལོ་ཙཱ་བ་ཆེན་པོ་འགོས་ལྷས་བཙས་ཀྱི་འགྱུར། ཀྱེའི་རྡོ་རྗེའི་འགྲེལ་པ་སློབ་དཔོན་པདྨའི་མྱུ་གུ་རྡོ་རྗེས་མཛད་པ། རྒྱ་གར་གྱི་མཁན་པོ་ཆེན་པོ་པདྨ་ཀ་ར་དང་། ལོ་ཙཱ་བ་མཚུར་སྟོན་དབྱིག་ [འདི་ནག་པོ་པ་ཆུང་བས་མཛད།]
གི་རྒྱལ་མཚན་གྱི་འགྱུར། དཔལ་དགྱེས་པའི་རྡོ་རྗེའི་དཀའ་འགྲེལ་མུ་ཏིག་ཕྲེང་བ་ཞེས་བྱ་བ་སློབ་དཔོན་ཆེན་པོ་ཤྲཱི་རཏྣ་ཀ་ར་ཤཱནྟི་ [དཔེ་ཐམས་ཅད་དབུ་ནས་མ་ཚང་བ་བྱུང་བ།] པས་མཛད་པ། པཎྜི་ཏ་ཆེན་པོ་ཤཱནྟི་བྷ་དྲ་དང་། བོད་ཀྱི་ལོ་ཙཱ་བ་འགོས་ལྷས་བཙས་ཀྱི་འགྱུར་བ་རྣམས་

213-1-342b

བཞུགས་སོ།།      །།ང་པ་ལ། འགྲེལ་པ་རབ་ཏུ་གསལ་བའི་ཁ་སྦྱོར་རྒྱ་ཆེར་འགྲེལ་པ་ཞེས་བྱ་བ་སློབ་དཔོན་ཀཱ་ཡསྠ་བགྲེས་པོས་མཛད་པ། གླན་དར་མ་བློ་གྲོས་ཀྱི་འགྱུར། རྒྱུད་ཀྱི་རྒྱལ་པོ་ཆེན་པོ་དཔལ་དགེས་པ་རྡོ་རྗེའི་དཀའ་འགྲེལ་སྤྱན་འབྱེད་ཅེས་
བྱ་བ་དྷརྨ་ཀཱིརྟིས་མཛད་ཟེར་བ་ལས། འགྱུར་མཁན་མི་གསལ་བ་རྣམས་བཞུགས་སོ། །འདི་རྒྱ་གར་མ་མིན་པར་འདུག་སྟེ་སྔར་གྱི་རྣམས་ཀྱིས་ཀྱང་བྲོས་ཟིན་འདུག་པས་འདིར་བཞུགས་སུ་བཅུག་པ་ཡིན་ནོ།།      །།ཅ་པ་ལ། དཔལ་དགྱེས་པ་རྡོ་རྗེའི་དཀའ་འགྲེལ་
རྡོ་རྗེའི་ཚིག་བཏུ་བ་ཞེས་བྱ་བ་སློབ་དཔོན་ཆེན་པོ་ཀཱ་མ་དྷེ་ནུ་པས་མཛད་པ། རྒྱ་གར་གྱི་མཁན་པོ་པཎྜི་ཏ་བི་ན་ཡ་དེ་ཝ་དང་། ལོ་ཙཱ་བ་ཆོས་ཀྱི་ཤེས་རབ་ཀྱི་འགྱུར། དཔལ་དགྱེས་པ་རྡོ་རྗེ་ཞེས་བྱ་བའི་རྒྱུད་ཀྱི་དོན་བསྡུས་གཤམ་ཅུང་ཟད་མ་ཚང་བ་ཅིག །འདིར་དགེས་རྡོར་གྱི་འགྲེལ་
པ་ན་རོ་པའི་གསུང་གི་འོད་ཟེར་ལས་སྐྱེས་པ་ཞེས་བྱ་བ་ནི་རྫུན་མར་སྣང་བས་མ་བྲིས་སོ། །རྒྱུད་ཀྱི་རྒྱལ་པོ་མཁའ་འགྲོ་མ་རྡོ་རྗེ་གུར་གྱི་དཀའ་འགྲེལ་ཞལ་ནས་བརྒྱུད་པ་ཞེས་བྱ་བ་རྒྱལ་པོ་ཨིནྡྲ་བྷཱུ་ཏིས་མཛད་པ། རྒྱ་གར་གྱི་མཁན་པོ་ཆེན་པོ་ཉི་མ་སྦས་པ་དང་། ལོ་ཙཱ་བ་ཤཱཀྱ་བརྩོན་
འགྲུས་ཀྱི་འགྱུར། འཕགས་པ་མཁའ་འགྲོ་མ་རྡོ་རྗེ་གུར་ཞེས་བྱ་བའི་རྒྱུད་ཀྱི་རྒྱལ་པོ་ཆེན་པོའི་བརྟག་པ་དང་པོའི་རྒྱལ་པོའི་བཤད་སྦྱར་སློབ་དཔོན་ཆེན་པོ་ནག་པོ་ཞབས་ཀྱིས་མཛད་པ། རྒྱ་གར་གྱི་མཁན་པོ་ག་ཡ་དྷ་ར་དང་། བོད་ཀྱི་ལོ་ཙཱ་བ་འབྲོག་མི་ཤཱཀྱ་ཡེ་ཤེས་ཀྱི་འགྱུར།
རྒྱུད་ཀྱི་རྒྱལ་པོ་མཁའ་འགྲོ་མ་རྡོ་རྗེ་དྲ་བའི་དཀའ་འགྲེལ་དེ་ཁོ་ན་ཉིད་རྒྱས་པ་ཞེས་བྱ་བ་སློབ་དཔོན་ལྷའི་རིགས་ཀྱི་བློ་གྲོས་ཆེན་པོ་ཞེས་བྱ་བས་མཛད་པ། རྒྱ་གར་གྱི་མཁན་པོ་ག་ཡ་དྷ་ར་དང་། བོད་ཀྱི་ལོ་ཙཱ་བ་འགོས་ལྷས་བཙས་ཀྱི་འགྱུར། དགེས་རྡོར་བདེ་མཆོག་ལ་སོགས་
རྒྱུད་སྡེ་མང་པོའི་ཐུན་མོང་གི་བཤད་རྒྱུད་དཔལ་སམྦུ་ཊའི་འགྲེལ་པ་ལས་དཔལ་ཁ་སྦྱོར་ཐིག་ལེ་ཞེས་བྱ་བ་རྣལ་འབྱོར་མའི་རྒྱུད་ཀྱི་རྒྱལ་པོའི་རྒྱ་ཆེར་འགྲེལ་པ་ཡང་དག་པར་ལྟ་བའི་དྲན་པའི་སྣང་བ་ཞེས་བྱ་བ་སློབ་དཔོན་རྒྱལ་པོ་ཨིནྡྲ་བྷཱུ་ཏིས་མཛད་པ། རྒྱ་གར་གྱི་མཁན་པོ་ཤྲཱི་བཛྲ་བོ་

213-1-343a

དྷི་དང་། བོད་ཀྱི་ལོ་ཙཱ་བ་ཆེན་པོ་གྱི་ཇོ་ཟླ་བའི་འོད་ཟེར་གྱི་འགྱུར་བ་རྣམས་བཞུགས་སོ།།      །།ཆ་པ་ལ། ཡང་དག་པར་སྦྱོར་བའི་རྒྱུད་ཀྱི་རྒྱལ་པོའི་རྒྱ་ཆེར་འགྲེལ་པ་མན་ངག་གི་སྙེ་མ་ཞེས་བྱ་བ་མཁས་པ་ཆེན་པོ་འཇིགས་མེད་འབྱུང་གནས་
སྦས་པས་མཛད་པ་ཤློ་ཀ་སྟོང་ཕྲག་བརྒྱད་པ། ཡུལ་དབུས་ཀྱི་མཁས་པ་ཆེན་པོ་དེ་ཉིད་དང་མང་དུ་ཐོས་པའི་དགེ་སློང་བསོད་སྙོམས་པ་རྩ་མི་སངས་རྒྱས་གྲགས་ཀྱིས་ནཱ་ལེནྡྲར་བསྒྱུར་ཞིང་། སླད་ནས་ཁ་ཆེ་པཎ་ཆེན་ཤཱཀྱ་ཤྲཱི་དང་། དཔྱལ་ལོ་ཙཱ་བ་ཆོས་ཀྱི་བཟང་པོས་ཡུལ་
དབུས་ཀྱི་དཔེ་དང་བསྟུན་ནས་བཅོམ་པ་ལ། སླར་ཡང་དཔང་ལོ་ཙཱ་བ་དགེ་སློང་དཔལ་ལྡན་བློ་གྲོས་བརྟན་པས་རྒྱ་གར་གྱི་དཔེ་གཉིས་ལ་གཏུགས་ཏེ་འདིའི་སྔ་འགྱུར་མ་དག་པར་གཟིགས་པ་ལ་བརྟེན་ནས་ལེགས་པར་བསྒྱུར་ཅིང་དག་པར་བཅོས་པ་བཞུགས་སོ།།      །།
ཇ་པ་ལ། རྒྱུད་ཐམས་ཅད་ཀྱི་གླེང་གཞི་གསང་ཆེན་དཔལ་ཀུན་དུ་ཁ་སྦྱོར་ཞེས་བྱ་བའི་རྒྱུད་ཀྱི་རྒྱལ་པོའི་རྒྱ་ཆེར་བཤད་པ་རིན་ཆེན་ཕྲེང་བ་ཞེས་བྱ་བ་རྣལ་འབྱོར་གྱི་དབང་ཕྱུག་ཆེན་པོ་དཔའ་བོ་རྡོ་རྗེས་མཛད་པ། དཔལ་ཟབ་མོའི་དོན་གསལ་བ་རྨད་དུ་བྱུང་བ་ཕྱག་རྒྱ་ཆེན་པོ་ཐིག་ལེའི་
རྒྱུད་ཀྱི་འགྲེལ་པ་ཞེས་བྱ་བ་ཨཽ་ཊྱཱན་གྱི་སློབ་དཔོན་ཕྱག་རྒྱ་ཆེན་པོའི་དངོས་གྲུབ་བརྙེས་པ་སློབ་དཔོན་ཟབ་པའི་རྡོ་རྗེས་མཛད་པ། པཎྜི་ཏ་ཤེས་རབ་གསང་བ་དང་། ལོ་ཙཱ་བ་གཡུང་དྲུང་སྙིང་པོའི་འགྱུར། དགའ་བའི་སྤྱན་ཞེས་བྱ་བའི་རྒྱ་ཆེར་འགྲེལ་པ་སློབ་དཔོན་ཆེན་པོ་རྣལ་འབྱོར་
གྱི་དབང་ཕྱུག་ཤེས་རབ་དཔལ་གསང་བས་མཛད་པ། རྒྱ་གར་གྱི་མཁན་པོ་པྲ་ཛྙཱ་ཤྲཱི་གུཔྟ་ཉིད་དང་། ཞུ་ཆེན་གྱི་ལོ་ཙཱ་བ་རིན་ཆེན་རྒྱལ་མཚན་གྱི་འགྱུར། དཔལ་ལྷན་ཅིག་སྐྱེས་པའི་དགའ་བའི་སྒྲོན་མ་ཞེས་བྱ་བའི་དཀའ་འགྲེལ་ཁོག་དོན་བསྡུས་པ་སློབ་དཔོན་ཆེན་པོ་རྡོ་རྗེ་གསང་
བས་མཛད་པ། རྒྱ་གར་གྱི་མཁན་པོ་མ་ཧཱ་ཡོ་གཱི་ཤཱི་པྲཛྙཱ་གུཔྟས་བསྒྱུར། དཔལ་ཡེ་ཤེས་ཐིག་ལེའི་དཀའ་འགྲེལ་གསང་བའི་དེ་ཁོ་ན་ཉིད་ཅེས་བྱ་བ་སློབ་དཔོན་ཨཱ་ཙཱརྱ་ཛྙཱན་པར་མ་ཡིས་མཛད་པ། བོད་ཀྱི་ལོ་ཙཱ་བ་དགེ་སློང་བྱང་ཆུབ་འབྱུང་གནས་ཀྱི་འགྱུར། དཔལ་རྙོག་པ་མེད་

213-1-343b

པ་ཞེས་བྱ་བའི་རྒྱུད་ཀྱི་འགྲེལ་པ་སློབ་དཔོན་ཆེན་པོ་དགེ་སློང་གཞོན་ནུ་ཟླ་བས་མཛད་པ། དཔལ་དེ་ཁོ་ན་ཉིད་ཀྱི་སྒྲོན་མའི་རྒྱུད་ཀྱི་དཀའ་འགྲེལ་རིན་ཆེན་ཕྲེང་བ་ཞེས་བྱ་བ་རྒྱ་གར་གྱི་སློབ་དཔོན་མ་ཧཱ་སུ་ཁ་ཏ་བཛྲས་མཛད་པ། དེ་ཉིད་དང་། ལོ་ཙཱ་བ་དགེ་སློང་བྱང་ཆུབ་འབྱུང་གནས་ཀྱིས་
བསྒྱུར་བ། འགྲེལ་ཆུང་ཕྲན་བརྒྱད་ལ། དགོངས་པའི་སྐད་ཀྱི་འགྲེལ་པ་སློབ་དཔོན་འཕགས་པ་ཀླུ་སྒྲུབ་ཀྱིས་མཛད་པ། རྒྱ་གར་གྱི་མཁན་པོ་མཉྫུ་གྷོ་ཥ་དང་། བོད་ཀྱི་ལོ་ཙཱ་བ་འབྲོ་དགེ་སློང་ཤེས་རབ་གྲགས་ཀྱིས་ཡེར་པའི་དབེན་གནས་སུ་བསྒྱུར། གླུའི་དེ་ཁོ་ན་ཉིད་ཅེས་བྱ་བ་
རྡོ་རྗེ་གླུའི་འགྲེལ་པ་སློབ་དཔོན་མཁས་པ་ཆེན་པོ་མཚོ་སྐྱེས་རྡོ་རྗེས་ [བཤད་པ་རྣམ་གྲངས་བདུན་གྱི་ལེའུ་ཡང་ཟེར།] མཛད་པ། རྒྱ་གར་གྱི་མཁན་པོ་རཏྣ་བཛྲ་དང་། དགེ་སློང་ཤཱཀྱ་ཡེ་ཤེས་ཀྱི་འགྱུར། རྡོ་རྗེའི་གླུ་བཤད་པ་ཞེས་བྱ་བ་སློབ་དཔོན་སྒྲོལ་མ་ཅན་གྱི་སྡེས་མཛད་པ། རྒྱ་གར་གྱི་མཁན་
པོ་ག་ཡ་དྷ་ར་དང་། ལོ་ཙཱ་བ་དགེ་སློང་ཤཱཀྱ་ཡེ་ཤེས་ཀྱི་འགྱུར། མངོན་པར་རྟོགས་པའི་རིམ་པ་ཞེས་བྱ་བ། ཞར་བྱུང་དབྱུ་གུ་དྲུག་ཅུ་རྩ་བཞིའི་བཤད་པ། ཀྱེའི་རྡོ་རྗེའི་དེ་ཁོ་ན་ཉིད་རྣམ་པར་ཕྱེ་བ་དང་། ཀྱེ་རྡོ་རྗེའི་བཤད་པའི་རྒྱུད་ཁ་སྦྱོར་དང་། རྡོ་རྗེ་མཁའ་འགྲོ་ལས་རྩ་བའི་
སྐབས་བཤད་པ་རྣམས་རྒྱ་གར་གྱི་མཁན་པོ་རཏྣ་བཛྲ་དང་། ལོ་ཙཱ་བ་དགེ་སློང་ཤཱཀྱ་ཡེ་ཤེས་ཀྱི་འགྱུར། དུར་ཁྲོད་བརྒྱད་ཅེས་བྱ་བ། ཡང་དུར་ཁྲོད་བརྒྱད་ཅེས་བྱ་བ་གཉིས་རྒྱ་གར་གྱི་མཁན་པོ་རཏྣ་ཤྲཱི་མི་ཏྲ་དང་། དགེ་སློང་ཤཱཀྱ་ཡེ་ཤེས་ཀྱི་འགྱུར། བརྡ་ངེས་པར་གཟུང་བ་བླ་ཆེན་
མངའ་བདག་ལྷ་ཡེ་ཤེས་རྒྱལ་མཚན་གྱི་འགྱུར་བ་དང་བཅས་བརྒྱད་དོ། །གནས་ལ་སོགས་པ་གཏན་ལ་དབབ་པ་ཡོངས་སུ་གྲགས་པའི་པཎྜི་ཏ་གནས་བརྟན་ཤཱཀྱ་རཀྵི་ཏས་མཛད་པ། དཔལ་བདེ་ཆེན་ཡངས་པ་ཅན་གྱི་གཙུག་ལག་ཁང་དུ་ཞ་ལུ་ལོ་ཙཱ་བ་དགེ་སློང་དྷརྨ་པཱ་ལས་{བསྒྱུར་}བ།
ཡང་སློབ་དཔོན་རྣལ་འབྱོར་པས་མཛད་པའི་དུར་ཁྲོད་བརྒྱད་ཀྱི་བཤད་པ་ཞེས་བྱ་བ། རྒྱ་གར་གྱི་མཁན་པོ་བུདྡྷ་ཀ་ར་བཛྲ་དང་། བོད་ཀྱི་ལོ་ཙཱ་བ་འགོས་ལྷས་བཙས་ཀྱི་འགྱུར། དཔལ་རིན་པོ་ཆེའི་སྙེ་མ་ཞེས་བྱ་བའི་རྒྱ་ཆེར་འགྲེལ་པ་རྒྱ་གར་གྱི་སློབ་དཔོན་ཆེན་པོ་ཤྲཱི་གུ་པའི་ཞལ་སྔ་ནས་མཛད་

213-1-344a

པ། དེ་ཉིད་ཀྱི་རང་འགྱུར་རྣམས་བཞུགས་སོ།།      །།དེ་ལྟར་རྒྱུད་སོ་སོའི་དགོངས་འགྲེལ་རྣམས་བཀོད་ནས། སྤྱིའི་དགོངས་འགྲེལ་སྒྲུབ་ཐབས་དཀྱིལ་ཆོག་ལམ་རིམ་ལ་སོགས་པའི་སྐོར་ལ། ཉ་པ་ལ། དགེས་པ་རྡོ་རྗེའི་སྒྲུབ་ཐབས་
དང་། ཀྱེ་རྡོ་རྗེའི་དཀྱིལ་འཁོར་གྱི་ལས་ཀྱི་རིམ་པའི་ཆོ་ག་སློབ་དཔོན་པདྨ་བཛྲས་མཛད་པ། དགེ་སློང་ཤཱཀྱ་བརྩོན་འགྲུས་ཀྱིས་བསྒྱུར་བ། དཔལ་ཀྱེ་རྡོ་རྗེའི་མར་མེའི་རྩེ་མོ་ལྟ་བུའི་གདམས་པ་ཞེས་བྱ་བ་མཚོ་སྐྱེས་རྡོ་རྗེས་མཛད་པ། རྒྱ་གར་གྱི་མཁན་པོ་ག་ཡ་དྷ་ར་དང་། ལོ་ཙཱ་བ་
འབྲོག་མི་ཤཱཀྱ་ཡེ་ཤེས་ཀྱི་འགྱུར། དགྱེས་པ་རྡོ་རྗེའི་མཎྜལ་གྱི་ཆོ་ག །ཀྱེ་རྡོ་རྗེའི་བསྟོད་པ། སྦྱིན་སྲེག་གི་ཆོ་ག་རྣམས་སློབ་དཔོན་མཚོ་སྐྱེས་རྡོ་རྗེས་མཛད་པ། དམ་ཚིག་ལྔ་པ་སློབ་དཔོན་དཔལ་པདྨ་འབྱུང་གནས་ཞབས་ཀྱིས་མཛད་པ། རིག་པའི་འབྱུང་གནས་ཀྲ་མ་ཤཱི་ལའི་གཙུག་
ལག་ཁང་དུ་ཁམས་པ་ལོ་ཙཱ་བ་བ་རི་དྷརྨ་ཀཱིརྟིའི་འགྱུར། དཔལ་ཀྱེའི་རྡོ་རྗེའི་བྷ་ཌྜཱ་ར་གའི་བསྟོད་པ་ཉི་ཤུ་པ་ཞེས་བྱ་བ་དངོས་གྲུབ་བརྙེས་པའི་སློབ་དཔོན་ཆེན་པོ་མཚོ་སྐྱེས་རྡོ་རྗེས་མཛད་པ་དང་། དཔལ་དཔའ་བོ་གཅིག་པ་ཞེས་བྱ་བའི་སྒྲུབ་ཐབས་སློབ་དཔོན་རྡོ་རྗེ་དྲིལ་བུས་མཛད་པ། རྒྱ་གར་གྱི་མཁན་
པོ་ག་ཡ་དྷ་ར་དང་། དགེ་སློང་ཤཱཀྱ་ཡེ་ཤེས་ཀྱི་འགྱུར། དཔལ་ཀྱེའི་རྡོ་རྗེ་ཞེས་བྱ་བའི་སྒྲུབ་ཐབས་སློབ་དཔོན་བྱང་ཆུབ་སྙིང་པོས་མཛད་པ། རྒྱ་གར་གྱི་མཁན་པོ་དཱི་པཾ་ཀ་ར་ཙནྡྲ་དང་། བོད་ཀྱི་ལོ་ཙཱ་བ་ལྷ་བཙན་པོ་མུ་ནི་རཱ་ཛའི་འགྱུར། དཔལ་ཀྱེ་རྡོ་རྗེ་ལས་སྦྱིན་སྲེག་གི་ཆོ་ག་སློབ་དཔོན་བོ་དྷི་
གརྦྷས་མཛད་པ། རྒྱ་གར་གྱི་མཁན་པོ་ཀ་མ་ལ་ཤྲཱི་དང་། དགེ་སློང་ཤེས་རབ་སྐྱབས་ཀྱི་འགྱུར། དེ་ཁོ་ན་ཉིད་བཅུ་པ་སློབ་དཔོན་ཌོམྦི་པས་མཛད་པ། རྒྱ་གར་གྱི་མཁན་པོ་དཔལ་མར་མེ་མཛད་ཡེ་ཤེས་ཀྱི་ཞབས་དང་ཞུ་ཆེན་གྱི་ལོ་ཙཱ་བ་དགེ་སློང་དགེ་བའི་བློ་གྲོས་ཀྱི་འགྱུར། རྣལ་འབྱོར་ཕ་
དང་རྣལ་འབྱོར་མ་རྣམས་ལ་ཐུན་མོང་མ་ཡིན་པའི་དོན་ལ་གདམས་པ་ཞེས་བྱ་བ་སློབ་དཔོན་ཌོམྦི་ཧེ་རུ་ཀས་མཛད་པ། རྣལ་འབྱོར་པ་བསོད་སྙོམས་པ་པྲཛྙཱ་ཤྲཱི་ཛྙཱ་ནས་བསྡུས་པ། ཚོགས་ཀྱི་འཁོར་ལོའི་ཆོ་ག་ཞེས་བྱ་བ་སློབ་དཔོན་ཌོམྦི་ཧེ་རུ་ཀས་མཛད་པ། རྒྱ་གར་གྱི་མཁན་པོ་ཛྙཱ་ནཱ་ཀ་ར་

213-1-344b

དང་། ལོ་ཙཱ་བ་མར་པ་ཆོས་ཀྱི་བློ་གྲོས་ཀྱི་འགྱུར། དཔལ་ཀྱེའི་རྡོ་རྗེ་སྒྲུབ་པའི་ཐབས་ཌོམྦི་པས་མཛད་པ། པཎྜི་ཏ་ཆེན་པོ་བ་ན་རཏྣ་དང་། རྩེས་ཐང་ལོ་ཙཱ་བ་གཞོན་ནུ་དཔལ་གྱིས་ཁ་ཆེ་དངུལ་གྱི་བུམ་པའི་འགྲེལ་པ་དང་མཐུན་པར་བསྒྱུར་བ། ཀྱེའི་རྡོ་རྗེའི་སྒྲུབ་པའི་ཐབས་ཀྱི་དཀའ་འགྲེལ་
ཁ་ཆེ་དངུལ་གྱི་བུམ་པས་མཛད་པ། རྒྱ་གར་ཤར་ཕྱོགས་ཀྱི་པཎྜི་ཏ་ནགས་ཀྱི་རིན་ཆེན་དང་། རྩེས་ཐང་ལོ་ཙཱ་བ་གཞོན་ནུ་དཔལ་གྱི་འགྱུར། སློང་མོ་བའི་འགྲེལ་པ་ཞེས་བྱ་བ་ཌོམྦི་པས་མཛད་པ། བལ་{བོ་}ཡམ་བུའི་གྲོང་ཁྱེར་དུ་སྒྲ་པ་ཆེན་པོ་ཛེ་ཀརྞྞ་དང་། ལོ་ཙཱ་བ་དགེ་སློང་ཉི་མ་རྒྱལ་མཚན་
དཔལ་བཟང་པོའི་འགྱུར། དཔལ་ཀྱེ་རྡོ་རྗེ་ཕྱག་གཉིས་པའི་སྒྲུབ་ཐབས་སློབ་དཔོན་བཛྲ་ཨ་ལ་ལས་མཛད་པ། ཀྱེའི་རྡོ་རྗེ་དྲན་པ་གཅིག་པ་སློབ་དཔོན་གརྦྷ་རི་པས་མཛད་པ། རྒྱ་གར་གྱི་མཁན་པོ་པྲཛྙཱ་ཨིནྡྲ་རུ་ཙེ་དང་། ལོ་ཙཱ་བ་འབྲོག་མི་ཤཱཀྱའི་ཡེ་ཤེས་ཀྱི་འགྱུར། ཀྱེ་རྡོ་རྗེའི་སྒྲུབ་ཐབས་ཀྱི་
མདོར་བཤད་པ་དག་པ་རྡོ་རྗེའི་སྒྲོན་མ་ཞེས་བྱ་བ་གྲུབ་པ་བརྙེས་པའི་སློབ་དཔོན་དཔལ་ཛ་ལནྡྷ་རི་པས་མཛད་པ། པཎྜི་ཏ་མཉྫུ་ཤྲཱི་ལས་མཉན་ཏེ་ལོ་ཙཱ་བ་ཉི་མ་རྒྱལ་མཚན་དཔལ་བཟང་པོའི་འགྱུར། དཔལ་ཀྱེ་རྡོ་རྗེའི་སྒྲུབ་ཐབས་རབ་ཏུ་གསལ་བ་ཞེས་བྱ་བ་དཀྱིལ་འཁོར་ཆེན་པོའི་སློབ་དཔོན་དཔལ་སྒྲ་ 
[སློབ་དཔོན་མཚོ་སྐྱེས་ཀྱིས་མཛད་པ།] གཅན་གསང་བས་མཛད་པ། རྒྱ་གར་ཤར་ཕྱོགས་ཀྱི་པཎྜི་ཏ་ཤྲཱི་བ་ན་རཏྣའི་ཞལ་སྔ་ནས་དང་། ལོ་ཙཱ་བ་འགོས་གཞོན་ནུ་དཔལ་གྱིས་ཕོ་བྲང་སྣེ་གདོང་དུ་བསྒྱུར། ཀྱེ་རྡོ་རྗེའི་སྒྲུབ་པའི་ཐབས་ཡན་ལག་དྲུག་པ་ཞེས་བྱ་བ་སློབ་དཔོན་མི་ཐུབ་ཟླ་བས་མཛད་
པ། རྒྱ་གར་གྱི་མཁན་པོ་རཏྣ་ཤྲཱི་ཛྙཱ་ན་དང་། ལོ་ཙཱ་བ་ཤཱཀྱ་ཡེ་ཤེས་ཀྱི་འགྱུར། དཀྱིལ་འཁོར་གྱི་ཆོ་གའི་སྒྲུབ་ཐབས་བཟང་པོ་ཡོངས་སུ་བཟུང་བ་ཞེས་བྱ་བ་མཁས་པ་ཆེན་པོ་ཐུབ་དཀའ་ཟླ་བས་མཛད་པ་དང་། འབྱུང་པོ་ཐམས་ཅད་པའི་གཏོར་མ་སློབ་དཔོན་མི་ཐུབ་ཟླ་བས་མཛད་པ། རྒྱ་གར་གྱི་མཁན་པོ་
ག་ཡ་དྷ་ར་དང་། ལོ་ཙཱ་བ་འབྲོག་མི་ཤཱཀྱ་ཡེ་ཤེས་ཀྱི་འགྱུར། དེ་ཁོ་ན་ཉིད་བཞི་པའི་མན་ངག་གསལ་བའི་སྒྲོན་མ་ཞེས་བྱ་བ་དཔལ་ཨོོ་ཌྱཱན་གྱི་ཡུལ་གྱི་དངོས་གྲུབ་གྲུབ་པའི་སློབ་དཔོན་ཏིལླི་པས་མཛད་པ། རྒྱ་གར་གྱི་མཁན་པོ་རཏྣ་ཤྲཱི་ཉིད་ཀྱི་ཞལ་སྔ་ནས་བསྒྱུར། ཀྱེ་རྡོ་རྗེ་ཞེས་བྱ་བའི་སྒྲུབ་པའི་ཐབས་

213-1-345a

སློབ་དཔོན་ཨ་བ་དྷཱུ་ཏི་པ་གཉིས་མེད་རྡོ་རྗེས་མཛད་པ། ཀྱེའི་རྡོ་རྗེའི་སྒྲུབ་ཐབས་གཉིས་མེད་རྡོ་རྗེས་མཛད་པ་འགྱུར་བྱད་མེད་པ་འདི་དང་། འོག་གི་ནགས་རིན་གྱིས་བསྒྱུར་བ་འདི་གཉིས་འགྱུར་ཆད་མི་འདྲ་བ་མ་གཏོགས་ཐ་དད་མེད་ཀྱང་སྔ་མ་རྣམས་ཀྱིས་ཀྱང་གཉིས་ཀ་བྲིས་
འདུག་པས་སོ། །ཀྱེའི་རྡོ་རྗེའི་སྒྲུབ་ཐབས་རྣམ་པར་དག་པའི་གཏེར་ཞེས་བྱ་བ་ཨ་བ་དྷཱུ་ཏི་པ་གཉིས་མེད་རྡོ་རྗེས་མཛད་པ། རྒྱ་གར་ཤར་ཕྱོགས་ཀྱི་པཎྜི་ཏ་ནགས་ཀྱི་རིན་ཆེན་དང་། རྩེས་ཐང་ལོ་ཙཱ་བ་གཞོན་ནུ་དཔལ་གྱིས་ལེགས་པར་བསྒྱུར་བ། འདིའི་གཞུང་ཚད་ནི་རྒྱ་དཔེ་ལ་ཚིགས་སུ་བཅད་པ་བདུན་ཅུ་
ལྷག་པའི་སུམ་བརྒྱ་ཞེས་སོ། །འཁྲུལ་པ་སྤང་བ་ཞེས་བྱ་བའི་སྒྲུབ་ཐབས་སློབ་དཔོན་རིན་ཆེན་འབྱུང་གནས་ཞི་བས་མཛད་པ། ལྷན་ཅིག་སྐྱེས་པའི་དགའ་བ་ལ་ཡང་དག་པར་སྦྱོར་བ་ཞེས་བྱ་བ་སློབ་དཔོན་རིན་ཆེན་འབྱུང་གནས་ཞི་བས་མཛད་པ། དཔལ་རབ་འབྱོར་ཞི་བ་དང་། ལོ་ཙཱ་བ་ཏིང་འཛིན་བཟང་པོའི་འགྱུར།
ལྷན་ཅིག་སྐྱེས་པའི་རྣལ་འབྱོར་གྱི་རིམ་པ་ཞེས་བྱ་བ་སློབ་དཔོན་ཆེན་པོ་རིན་ཆེན་འབྱུང་གནས་ཞི་བས་མཛད་པ། དཔལ་ཀུ་མཱ་ར་ཀ་ལ་ཤུའི་ [འདི་མ་བྱུང་།] འགྱུར། ལྷན་ཅིག་སྐྱེས་པའི་རྣལ་འབྱོར་དམ་པའི་འགྲེལ་པ་སྙིང་པོ་རབ་ཏུ་གསལ་བར་བྱེད་པ་ཞེས་བྱ་བ་ཨཽ་ཌྱཱན་གྱི་སློབ་དཔོན་ཆེན་པོ་བྲམ་ཟེ་ཐ་ག་ནས་མཛད་པ།
པཎྜི་ཏ་ཆེན་པོ་མནྟྲ་ཀ་ལ་ཤུའི་འགྱུར། བཅོམ་ལྡན་འདས་དགྱེས་པའི་རྡོ་རྗེའི་སྒྲུབ་པའི་ཐབས་དེ་ཁོ་ན་ཉིད་བཞིའི་རིམ་པ་ཞེས་བྱ་བ་སློབ་དཔོན་ཀམྤ་ལས་མཛད་པ། པཎྜི་ཏ་བེེ་རོ་ཙ་ན་རཀྵི་ཏ་དང་། ལོ་ཙཱ་བ་གླན་དར་མ་བློ་གྲོས་ཀྱི་འགྱུར། དགྱེས་པ་རྡོ་རྗེའི་སྒྲུབ་ཐབས་སློབ་དཔོན་ཡན་ལག་མེད་པའི་རྡོ་རྗེས་མཛད་
པ། རྒྱ་གར་གྱི་མཁན་པོ་བཛྲ་པཱ་ཎི་དང་། བོད་ཀྱོ་ལོ་ཙཱ་བ་རྨ་བན་ཆོས་འབར་གྱི་འགྱུར། དཔལ་ཀྱེའི་རྡོ་རྗེའི་སྒྲུབ་ཐབས་སློབ་དཔོན་བདེ་བའི་རྡོ་རྗེས་མཛད་པ། རྒྱ་གར་གྱི་མཁན་པོ་དྷརྨ་ཙནྡྲ་དང་། བོད་ཀྱི་ལོ་ཙཱ་བ་དྷརྨ་ཙནྡྲའི་རང་འགྱུར། རིན་ཆེན་འབར་བ་ཞེས་བྱ་བའི་སྒྲུབ་ཐབས་སློབ་དཔོན་མཁས་པ་ཆེན་པོ་
པྲཛྙཱ་ཨིནྡྲ་རུ་ཙིས་མཛད་པ། རྒྱ་གར་གྱི་མཁན་པོ་དེ་ཉིད་དང་། དགེ་སློང་ཤཱཀྱ་ཡེ་ཤེས་ཀྱི་འགྱུར། དཔལ་དགྱེས་པ་རྡོ་རྗེ་དཔའ་བོ་གཅིག་པའི་སྒྲུབ་ཐབས་སློབ་དཔོན་ཆེན་པོ་ནག་པོའི་ཞལ་སྔ་ནས་མཛད་པ། རྒྱ་གར་གྱི་མཁན་པོ་ནག་པོ་དེ་ཉིད་དང་། བོད་ཀྱི་ལོ་ཙཱ་བ་འགོས་ལྷས་བཙས་ཀྱི་འགྱུར། དགྱེས་པའི་

213-1-345b

རྡོ་རྗེའི་སྒྲུབ་ཐབས་དེ་ཁོ་ན་ཉིད་གསལ་བར་བྱེད་པ་ཞེས་བྱ་བ་སློབ་དཔོན་པཎྜི་ཏ་ནག་པོའི་ཞབས་ཀྱིས་མཛད་པ། པཎྜི་ཏ་དེ་ཉིད་དང་། ལོ་ཙཱ་བ་དགེ་སློང་ཚུལ་ཁྲིམས་རྒྱལ་བའི་འགྱུར། དཔལ་དགྱེས་པའི་རྡོ་རྗེའི་གཞུང་འགྲེལ་གྱི་དཀྱིལ་འཁོར་གྱི་ཆོ་ག་ཞེས་བྱ་བ། རོ་བསྲེག་གི་ཆོ་ག །དགྱེས་པའི་རྡོ་རྗེའི་སྦྱིན་
སྲེག་གི་ཆོ་ག་རྣམས་སློབ་དཔོན་ནག་པོ་པས་མཛད་པ། རྒྱ་གར་གྱི་མཁན་པོ་ག་ཡ་དྟ་ར་དང་། ཞུ་ཆེན་གྱི་ལོ་ཙཱ་བ་འགོས་ལྷས་བཙས་ཀྱི་འགྱུར། རབ་གནས་ཀྱི་ཆོ་གའི་ཚུལ་ཞེས་བྱ་བ་དང་། ཚོགས་ཀྱི་འཁོར་ལོའི་མཆོད་པའི་རིམ་པ་སློབ་དཔོན་ནག་པོ་པས་མཛད་པ། རྒྱ་གར་གྱི་མཁན་པོ་ཀྲྀཥྞ་
པཎྜི་ཏ་དེ་ཉིད་དང་། ལོ་ཙཱ་བ་འགོས་ལྷས་བཙས་ཀྱི་འགྱུར། མཆོད་རྟེན་གྱི་ཆོ་ག་དང་། གཤིན་གྱི་ཆོ་ག་ཞེས་བྱ་བ་སློབ་དཔོན་ཆེན་པོ་ནག་པོ་ཞབས་ཀྱིས་མཛད་པ། པཎྜི་ཏ་ཆེན་པོ་རྒྱལ་བའི་སྙན་ལས་མཉན་ཏེ་ལོ་ཙཱ་བ་དགེ་སློང་ཉི་མ་རྒྱལ་མཚན་གྱི་ཐར་པ་གླིང་གི་གཙུག་ལག་ཁང་དུ་ལེགས་
པར་བསྒྱུར་བ། དཔལ་ཧེ་རུ་ཀ་འབྱུང་བ་ཞེས་བྱ་བའི་དཀྱིལ་འཁོར་གྱི་ཆོ་ག་མཁས་པ་ཆེན་པོ་སློབ་དཔོན་ཉིན་མོའི་འབྱུང་གནས་ཟླ་བའི་ཞབས་ཀྱིས་མཛད་པ། དཔལ་ཧེ་རུ་ཀའི་མན་ངག་རང་བྱིན་གྱིས་བརླབ་པའི་རིམ་པ་ཞེས་བྱ་བ། རྒྱ་གར་གྱི་མཁས་པ་ཆེན་པོ་སྟོང་པ་ཉིད་ཏིང་ངེ་འཛིན་གྱི་རྡོ་རྗེ་ཞེས་བྱ་བས་
མཛད་པ། བལ་པོའི་ཡུལ་གྱི་པཎྜི་ཏ་ཆེན་པོ་དེ་ཉིད་ཀྱི་ཞབས་དང་། བོད་ཀྱི་ལོ་ཙཱ་བ་ཆེན་པོ་ཤེས་རབ་ཡེ་ཤེས་དང་། དཔྱལ་སེ་རྩ་བསོད་ནམས་རྒྱལ་མཚན་གྱིས་བསྒྱུར་ཅིང་ཞུས་ཏེ་གཏན་ལ་ཕབ་པ་རྣམས་ལེགས་པར་བཞུགས་སོ།།      །།ཏ་པ་ལ། ཀྱེའི་རྡོ་རྗེའི་དཀྱིལ་འཁོར་གྱི་ལས་ཀྱི་རིམ་
པའི་ཆོ་ག་སློབ་དཔོན་མཚོ་སྐྱེས་རྡོ་རྗེས་མཛད་པ། རྒྱ་གར་གྱི་མཁན་པོ་ག་ཡ་དྷ་ར་དང་། ལོ་ཙཱ་བ་ཤཱཀྱ་ཡེ་ཤེས་ཀྱི་འགྱུར། དགྱེས་པའི་རྡོ་རྗེའི་སྒྲུབ་པའི་ཐབས་དཔལ་རྣལ་འབྱོར་པ་ཡན་ལག་མེད་པའི་རྡོ་རྗེས་མཛད་པ། རྒྱ་གར་གྱི་མཁན་པོ་ཀུན་དུ་བཟང་པོ་དང་། ལོ་ཙཱ་བ་དགེ་སློང་ཚུལ་
ཁྲིམས་རྒྱལ་བའི་འགྱུར། དཔལ་ཧེ་རུ་ཀའི་སྒྲུབ་ཐབས་སློབ་དཔོན་ཆེན་པོ་ས་ཧ་ཛ་བི་ལཱ་པའི་ཞལ་སྔ་ནས་མཛད་པ། རྒྱ་གར་གྱི་མཁན་པོ་བ་ལེནྡྲ་རུ་ཙེ་དང་། བོད་ཀྱི་ལོ་ཙཱ་བ་རྨ་བན་ཆོས་འབར་གྱི་འགྱུར། མན་ངག་རིམ་པ་གསུམ་པ་ཞེས་བྱ་བ་སློབ་དཔོན་ཆེན་པོ་ཌོམྦི་ཧེ་རུ་ཀས་མཛད་པ།

213-1-346a

གོ་བར་བྱེད་པའི་སྙིང་པོ་བརྒྱ་པའི་མིང་སློབ་དཔོན་སྣང་བ་མཐའ་ཡས་རྡོ་རྗེས་མཛད་པ་ཤློ་ཀ་བརྒྱས་རིམ་པ་བདུན་དུ་བྱས་ནས་ཆོས་ཐམས་ཅད་གོ་བར་བྱས་པ་གོ་བྱེད་སྙིང་པོའོ། །དཔལ་དགྱེས་པ་རྡོ་རྗེའི་སྒྲུབ་ཐབས་རིན་པོ་ཆེའི་སྒྲོན་མ་ཞེས་བྱ་བ་སློབ་དཔོན་ཆེན་པོ་དཔལ་
མར་མེ་མཛད་ཡེ་ཤེས་ཀྱིས་མཛད་པ། རྒྱ་གར་གྱི་མཁན་པོ་པཎྜི་ཏ་དཱ་ན་ཤཱི་ལ་དང་། ལོ་ཙཱ་བ་གླན་དར་མ་བློ་གྲོས་ཀྱི་འགྱུར། དབང་བསྐུར་བའི་ཆོ་ག་སློབ་དཔོན་ཆེན་པོ་པྲཛྙཱ་ཤྲཱིས་མཛད་པ། ཧེ་རུ་ཀ་ཉེ་བར་འབྱུང་བ་ཞེས་བྱ་བའི་དཀྱིལ་འཁོར་གྱི་ཆོ་ག་སློབ་དཔོན་ཆེན་པོ་སྟོང་ཉིད་རྡོ་རྗེས་མཛད་པ།
རྒྱ་གར་གྱི་མཁན་པོ་དགེ་སློང་པཱུརྞ་ཀཱིརྟི་དང་། ལོ་ཙཱ་བ་སྣ་ནམ་རྡོ་རྗེ་བླ་མའི་འགྱུར། ཀྱེ་རྡོ་རྗེ་ཕྱག་གཉིས་པའི་སྒྲུབ་ཐབས་མཁས་པ་ཆེན་པོ་ཏཱ་ར་ཤྲཱིས་མཛད་པ། བལ་པོའི་པཎྜི་ཏ་སུ་མ་ཏི་ཀཱིརྟི་དང་། བོད་ཀྱི་ལོ་ཙཱ་བ་མར་པ་ཆོས་དབང་གི་འགྱུར། རྡོ་རྗེ་འཆང་གི་དཀར་ཆག་ཏུ་ཕྱག་རྒྱ་བཞིའི་
སྒྲུབ་ཐབས་ཟེར་བ་ཅིག་འདུག་པ་འདིར་མ་བྱུང་། དགྱེས་པ་རྡོ་རྗེའི་དབང་གཏན་ལ་དབབ་པ་ཞེས་བྱ་བ་སློབ་དཔོན་ཆེན་པོ་དགྲ་ལས་རྒྱལ་བས་མཛད་པ། རྒྱ་གར་གྱི་མཁན་པོ་ཤྲཱི་ག་ཡ་དྷ་ར་དང་། བོད་ཀྱི་ལོ་ཙཱ་བ་གྱི་ཇོ་ཟླ་བའི་འོད་ཟེར་གྱི་འགྱུར། དཔལ་ཁྲོ་བོ་བཅུའི་རིག་པའི་ཆོ་ག་པཎྜི་ཏ་ཛེ་ཏཱ་རིས་
མཛད་པ། སྒྲ་པ་ཆེན་པོ་ཛེ་ཏཱ་ཀརྞ་དང་། དགེ་སློང་ཉི་མ་རྒྱལ་མཚན་དཔལ་བཟང་པོས་ལེགས་པར་བསྒྱུར་ཏེ་གཏན་ལ་ཕབ་པ། གསང་བའི་དབང་གི་རབ་ཏུ་བྱེད་པ་ཞེས་བྱ་བ་སློབ་དཔོན་ཕྱག་རྒྱ་ཆེན་པོའི་དངོས་གྲུབ་ཅན་བིན་པའི་ཞལ་སྔ་ནས་མཛད་པ། དབང་ཆེན་པོའི་རིམ་པ་གསུམ་པ་ཞེས་བྱ་བ་དང་། 
དགྱེས་པ་རྡོ་རྗེ་ཕྱག་གཉིས་པའི་སྒྲུབ་ཐབས་རྒྱ་གར་གྱི་མཁན་པོ་སུ་མ་ཏི་ཤྲཱི་བྷ་དྲ་དང་། དགེ་སློང་ཤཱཀྱ་འོད་ཀྱི་འགྱུར། དཔལ་ཀྱེའི་རྡོ་རྗེའི་མངོན་པར་རྟོགས་པའི་ཐིག་ལེ་ཞེས་བྱ་བ་རྣམ་པར་གྲགས་པའི་མཁས་པ་གནས་བརྟན་ཤཱཀྱ་སྲུང་བའི་ཞབས་ཀྱིས་མཛད་པ། སྐད་གཉིས་སྨྲ་བའི་
གཙུག་གི་ནོར་བུ་དཔལ་བྱང་ཆུབ་རྩེ་མོའི་བཀའ་དྲིན་ལས། ལོ་ཙཱ་བ་སྐྱོབ་པ་དཔལ་བཟང་པོའི་འགྱུར། ཆོས་སྤྱོད་མདོར་བསྡུས་པའི་བྱ་བ་དང་། སཱཙྪའི་ཆོ་ག་འདི་གཉིས་རྒྱ་གར་མ་ཡིན་མིན་ཐེ་ཚོམ་ཟའོ། །བུང་བ་འདོད་པའོ་སྒྲུབ་ཐབས་གྲུབ་པ་བརྙེས་པའི་སློབ་དཔོན་རཏྣ་ཙནྡྲས་མཛད་པ། པཎྜི་

213-1-346b

ཏ་དེ་ཉིད་དང་། ཁུ་དངོས་གྲུབ་ཀྱི་འགྱུར། གཏོར་མའི་དེ་ཁོ་ན་ཉིད་བསྡུས་པ་སློབ་དཔོན་དྷརྨ་པཱ་ཀས་མཛད་པ། རོ་བསྲེག་གི་ཆོ་ག་སློབ་དཔོན་མཁས་པ་ཆེན་པོ་ཡེ་ཤེས་སྙིང་པོས་མཛད་པ། མཛད་པ་པོའི་མཚན་མ་སྨོས་པ་ལ། དཔའ་བོ་གཅིག་པ་དཔལ་ཧེ་རུ་ཀ་ཕྱག་བཅུ་དྲུག་པའི་སྒྲུབ་པའི་ཐབས་
ཞེས་བྱ་བ། སྤྱན་དབྱེ་བའི་ཆོ་ག །ཚ་ཚ་བྱ་བའི་རིམ་པ། གཏོར་མའི་ཆོ་ག །ཡང་གཏོར་མའི་ཆོ་ག །དཔལ་ཀྱེའི་རྡོ་རྗེའི་གཏོར་མའི་ཆོ་ག་ཞེས་བྱ་བ། ཀྱེ་རྡོ་རྗེ་ཞེས་བྱ་བའི་གཏོར་མའི་ཆོ་ག །ཕྱག་མཚན་གྱི་ཕན་ཡོན་རྣམས་ལ་མཛད་པོ་འགྱུར་བྱང་མི་སྣང་ཞིང་ཐེ་ཚོམ་གྱི་གཞིའོ། །ཐིག་ལེ་ཆེན་པོའི་
རིམ་པ་ཞེས་བྱ་བ་རྒྱ་གར་གྱི་མཁན་པོ་བླ་མ་སྒེག་པའི་རྡོ་རྗེས་མཛད་པ། བཅོམ་ལྡན་འདས་ཀྱེའི་རྡོ་རྗེའི་སྒྲུབ་ཐབས་མངོན་པར་རྟོགས་པའི་རིམ་པ་དོན་རབ་ཏུ་གསལ་བ་ཞེས་བྱ་བ། དཔལ་དགྱེས་པ་རྡོ་རྗེའི་སྒྲུབ་ཐབས་རྗེ་ན་རོ་པའི་ཞལ་གྱི་ལུང་དང་སྦྱར་བ། ཡང་རོ་བསྲེག་གི་ཆོ་ག་ན་རོ་པས་མཛད་ཟེར་
བ་རྡོ་རྗེ་འཆང་གི་དཀར་ཆག་ཏུ་སྣང་ཡང་འདིར་མ་བྱུང་། དེ་ཁོ་ན་ཉིད་ཀྱི་སྣང་བ་ཞེས་བྱ་བ་བྱང་ཆུབ་སེམས་དཔས་མཛད་པ། ཁ་ཆེའི་པཎྜི་ཏ་སོ་མ་ནཱ་ཐས་བསྒྱུར་ཐེར་བ་འདི་རྫུན་མར་འདུག་སྟེ་པཎྜི་ཏར་བཤད་འདུག་པས་བཞུགས་སུ་བཅུག་པ་ཡིན། རྡོ་རྗེ་འཆང་གིས་ཀྱང་ཐེ་ཚོམ་དུ་བཞེད་འདུག །དགྱེས་པ་
རྡོ་རྗེའི་ལག་ཏུ་བླང་བའི་རིམ་པ་ཞེས་བྱ་བ། བོད་ཀྱི་ལོ་ཙཱ་བ་སེ་རྩ་བསོད་ནམས་རྒྱལ་མཚན་གྱི་འགྱུར། འདི་སེ་རྩ་བསོད་ནམས་རྒྱལ་མཚན་གྱིས་བརྩམས་པ་ཡིན་འདྲ་སྟེ་སྔར་གྱི་རྣམས་ཀྱིས་ཀྱང་བྲིས་འདུག་པས་བྲིས་སོ། །གཏོར་མའི་ཆོ་ག་སློབ་དཔོན་ཆེན་པོ་དཔལ་མར་མེ་མཛད་ཡེ་ཤེས་ཀྱིས་མཛད་པ། ཀྱེའི་
རྡོ་རྗེའི་དཀྱིལ་འཁོར་གྱི་ཆོ་ག་མཁའ་འགྲོ་མ་ནི་གུམས་མཛད་པ། མཁའ་འགྲོ་མ་དེ་ཉིད་དང་། ལོ་ཙཱ་བ་གླན་དར་མ་བློ་གྲོས་ཀྱི་འགྱུར། ཀྱེའི་རྡོ་རྗེ་ཕྱག་བཅུ་དྲུག་པའི་སྒྲུབ་ཐབས་པཎྜི་ཏ་ཨཱ་ཙཱརྱ་ཀྲྀཥྞ་པས་མཛད་པ། དཔལ་དགྱེས་པའི་རྡོ་རྗེའི་གཏོར་མའི་རིམ་པ་སློབ་དཔོན་ཆེན་པོ་ཨ་ལ་ལ་བཛྲས་མཛད་པ། 
པཎྜི་ཏ་ཀཱ་ཡ་སྠ་པ་ག་ལ་དྷ་ར་དང་། བོད་ཀྱི་ལོ་ཙཱ་བ་གྱི་ཇོ་ཟླ་བའི་འོད་ཟེར་གྱི་འགྱུར། གཏོར་མའི་ལས་ཀྱི་རིམ་པ་ཞེས་བྱ་བ་སློབ་དཔོན་ཆེན་པོ་ཁ་ཆེ་རིན་ཆེན་རྡོ་རྗེས་མཛད་པ། འབྱུང་པོ་ཐམས་ཅད་པའི་གཏོར་མའི་ཆོ་ག་ཞེས་བྱ་བ་སློབ་དཔོན་ནག་པོ་ཞབས་ཀྱིས་མཛད་པ། ལོ་ཙཱ་བ་དགེ་སློང་ཉི་མ་རྒྱལ་

213-1-347a

མཚན་དཔལ་བཟང་པོས་ཐར་པ་གླིང་དུ་བསྒྱུར། ཀྱེའི་རྡོ་རྗེའི་སྒྲུབ་པའི་ཐབས་ཧེ་རུ་ཀ་མཉེས་པར་བྱེད་པའི་ཆོ་ག་ཞེས་བྱ་བ་སློབ་དཔོན་ཆེན་པོ་འཇམ་དཔལ་ཡེ་ཤེས་ཞབས་ཀྱིས་མཛད་པ། རྒྱ་གར་གྱི་མཁན་པོ་མཉྫུ་ཤྲཱི་ཛྙཱ་ན་དང་། རོང་ཟོམ་དྷརྨ་བྷ་དྲས་བསྒྱུར། དཔལ་
ཀྱེའི་རྡོ་རྗེའི་སྒྲུབ་པའི་ཐབས་ཀྱི་མན་ངག་སློབ་དཔོན་ཆེན་པོ་ཤྲཱི་ཨཱ་ནནྡ་བཛྲས་མཛད་པ། སྦྱིན་སྲེག་གི་ལས་ཀྱི་རིམ་པ་རྣལ་འབྱོར་གྱི་དབང་ཕྱུག་དཔལ་གྱི་ཞབས་ཀྱིས་མཛད་པ། དཔལ་དགེས་པ་རྡོ་རྗེ་ལ་བསྟོད་པ་རིག་པའི་གནས་མ་ལུས་པ་ལ་མཁས་པ་གྲུབ་པའི་སློབ་དཔོན་ཁ་ཆེ་རིན་ཆེན་རྡོ་རྗེས་
མཛད་པ། རྒྱ་གར་གྱི་མཁན་པོ་ཀུ་མཱ་ར་ཀ་ལ་ཤ་དང་། ལོ་ཙཱ་བ་དགེ་སློང་བྱང་ཆུབ་ཤེས་རབ་ཀྱི་འགྱུར་རྣམས་སོ། །དེ་ལྟར་ཡབ་སྐོར་རྣམས་བཀོད་ནས། ཡུམ་གྱི་སྐོར་ལ། བདག་མེད་རྣལ་འབྱོར་མའི་སྒྲུབ་ཐབས་བདུད་རྩི་འོད་ཀྱི་སྒྲུབ་ཐབས་སློབ་དཔོན་ཌོམྦི་ཧེ་རུ་ཀས་མཛད་པ་དང་། བདག་
མེད་མ་ཞེས་བྱ་བའི་སྒྲུབ་པའི་ཐབས་མཁས་པ་ཆེན་པོ་དཔལ་མི་ཐུབ་ཟླ་བས་མཛད་པ། རྒྱ་གར་གྱི་མཁན་པོ་ག་ཡ་དྷ་ར་དང་། ལོ་ཙཱ་བ་དགེ་སློང་ཤཱཀྱ་ཡེ་ཤེས་ཀྱི་འགྱུར། བདག་མེད་མ་ལྷ་མོ་བཅོ་ལྔ་ལ་བསྟོད་པ་སློབ་དཔོན་མི་ཐུབ་ཟླ་བས་མཛད་པ། བདག་མེད་མའི་སྒྲུབ་ཐབས་རབ་ཏུ་གསལ་བ་དཔལ་
པཎྜི་ཏ་གཉིས་མེད་རྡོ་རྗེས་མཛད་པ། རྒྱ་གར་གྱི་མཁན་པོ་བཛྲ་པཱ་ཎི་ལས་མཉན་ཏེ། སླད་ཀྱི་དགེ་སློང་མཚུར་ཛྙཱ་ན་ཨཱ་ཀ་རའི་འགྱུར། བདག་མེད་མའི་སྒྲུབ་ཐབས་རྒྱས་པར་བསྟན་པ་ཞེས་བྱ་བ་དཔལ་དཀོན་མཆོག་འབྱུང་གནས་ཀྱིས་མཛད་པ། བདག་མེད་དཔའ་བོ་གཅིག་མའི་སྒྲུབ་ཐབས་
བསྐྱེད་པ་དང་རྫོགས་པར་ལྡན་པ་ཞེས་བྱ་བ་སློབ་དཔོན་བསོད་སྙོམས་པ་སྒྲ་གཅན་འཛིན་གྱིས་མཛད་པ། རྒྱ་གར་གྱི་མཁན་པོ་པྲཛྙཱ་ཨིནྡྲ་རུ་ཙི་དང་། ལོ་ཙཱ་བ་ཤཱཀྱ་ཡེ་ཤེས་ཀྱི་འགྱུར། བདག་མེད་མའི་སྒྲུབ་པའི་ཐབས་སློབ་དཔོན་ཀྲྀཥྞ་པཎྜི་ཏས་མཛད་པ། བདག་མེད་མའི་མན་ངག་ཅེས་བྱ་བ་འཇམ་པའི་
དབྱངས་ཀྱིས་བྱིན་གྱིས་བརླབས་པའི་པཎྜི་ཏ་ཆེན་པོ་དཔལ་བཟང་པོའི་ཞབས་ཀྱི་པདྨ་ལ་རེག་པ་རྡོ་རྗེ་རྣལ་འབྱོར་མའི་བཀའ་དྲིན་ལས་སྐྱེས་པ་པཎྜི་ཏ་དཔལ་ཏིང་ངེ་འཛིན་རྡོ་རྗེའི་ཞབས་ཀྱིས་མཛད་པ། རྒྱ་གར་གྱི་མཁན་པོ་དེ་ཝ་ཨཱ་ཀ་ར་ཙནྡྲ་དང་། བོད་ཀྱི་ལོ་ཙཱ་བ་སེ་རྩ་བསོད་ནམས་རྒྱལ་མཚན་གྱི་འགྱུར།

213-1-347b

བདག་མེད་མའི་དཀྱིལ་འཁོར་གྱི་འཁོར་ལོའི་སྒྲུབ་ཐབས་ན་རོ་པའི་ལུང་དང་སྦྱར་བའི་འདི་ཐེ་ཚོམ་གྱི་གཞིའོ། །དཔལ་ཀྱེའི་རྡོ་རྗེའི་རྒྱུད་ཀྱི་རིམ་པ་ལས་བདག་བྱིན་གྱིས་བརླབ་པ་ཀུ་རུ་ཀུལླེའི་སྒྲུབ་ཐབས་སློབ་དཔོན་ལྷན་ཅིག་སྐྱེས་པའི་རོལ་པས་མཛད་པ། མཁས་པ་ཆེན་པོ་དཔལ་དོན་ཡོད་རྡོ་རྗེ་དང་། 
ལོ་ཙཱ་བ་བ་རི་རིན་ཆེན་གྲགས་ཀྱི་འགྱུར། དགྱེས་པ་རྡོ་རྗེ་ལས་བྱུང་བ་ཀུ་རུ་ཀུལླེའི་སྒྲུབ་ཐབས་སློབ་དཔོན་ཆེན་པོ་ལྷན་སྐྱེས་སྒེག་པས་མཛད་པ་དང་། ཀྱེ་རྡོ་རྗེ་ལས་བྱུང་བའི་ཀུ་རུ་ཀུལླེའི་མན་ངག་ཆེན་པོ་ལྔ་སློབ་དཔོན་ཞི་བ་འཚོས་མཛད་པ། པཎྜི་ཏ་དཱ་ན་ཤཱི་ལ་ཉིད་ཀྱི་འགྱུར། འཕགས་མ་སྒྲོལ་མ་ཀུ་རུ་
ཀུལླེའི་བསྟོད་པ་སློབ་དཔོན་ཆེན་པོ་ཌོམྦི་ཧེ་རུ་ཀས་མཛད་པ། ཀུ་རུ་ཀུལླེའི་སྒྲུབ་པའི་ཐབས་པཎྜི་ཏ་བིམ་པ་དང་། ལོ་ཙཱ་བ་གཞོན་ནུ་འོད་ཀྱི་འགྱུར། མྱུར་མཛད་མའི་སྒྲུབ་ཐབས་ཨཽ་ཌྱཱན་གྱི་ཡུལ་ནས་བྱུང་བ། རྒྱ་གར་གྱི་མཁན་པོ་མ་ག་དྷཱར་བྱུང་བའི་བྱང་ཆུབ་ཆེན་པོར་རབ་ཏུ་བྱུང་བའི་གནས་བརྟན་
མཉྫུ་ཤྲཱི་ཛྙཱ་ན་དང་། བོད་ཀྱི་ལོ་ཙཱ་བ་རོང་ཟོམ་ཆོས་བཟང་གི་འགྱུར། མྱུར་མཛད་མའི་སྒྲུབ་ཐབས་ལྷ་བཅུ་གསུམ་པའི་བདག་ཉིད། ཀུ་རུ་ཀུལླེའི་སྒྲུབ་ཐབས་སློབ་དཔོན་ཆེན་པོ་ཀྲྀཥྞ་བཛྲས་མཛད་པ། ཡེ་ཤེས་རྒྱལ་མཚན་གྱི་འགྱུར་རྣམས་སོ། །གུར་གྱི་སྐོར་ལ། མཁའ་འགྲོ་མ་རྡོ་རྗེ་གུར་གྱི་མཁའ་
འགྲོ་རྣམ་པ་ལྔའི་སྒྲུབ་པའི་ཐབས་ཞེས་བྱ་བ་སློབ་དཔོན་མི་ཐུབ་ཟླ་བས་མཛད་པ། རྒྱ་གར་གྱི་མཁན་པོ་ལཱི་ལ་བཛྲ་དང་། བོད་ཀྱི་ལོ་ཙཱ་བ་སེ་རྩ་བསོད་ནམས་རྒྱལ་མཚན་གྱི་འགྱུར། དཔལ་མཁའ་འགྲོ་མ་རྡོ་རྗེ་གུར་གྱི་དཀྱིལ་འཁོར་བསྡུས་པ་ཞེས་བྱ་བའི་རྗེས་སུ་འབྲང་བའི་སྒྲུབ་ཐབས་སློབ་དཔོན་ཆེན་
པོ་ལྷའི་བརྟུལ་ཞུགས་ཞེས་བྱ་བས་མཛད་པ་དང་། དེ་ཁོ་ན་ཉིད་བཅུ་པ་ཞེས་བྱ་བ་སློབ་དཔོན་ཆེན་པོ་དྲི་མེད་གྲགས་པས་མཛད་པ། མར་པ་ཆོས་ཀྱི་བློ་གྲོས་ཀྱི་འགྱུར། རྡོ་རྗེ་སྒྲོལ་མའི་སྒྲུབ་ཐབས་དཔལ་རིན་ཆེན་འབྱུང་གནས་ཞི་བས་མཛད་པ། པཎྜི་ཏ་ཆེན་པོ་བུདྡྷ་ཤྲཱི་ཛྙཱ་ན་དང་། པཎྜི་ཏ་ཆེན་པོ་ཤཱཀྱ་
ཤྲཱི་བྷ་དྲ་ལ་ཞུས་ཤིང་མཉན་ནས་ཡུལ་དབུས་ཀྱི་སྒྲ་བསྒྱུར་བ་ཆག་ལོ་ཙཱ་བ་དགེ་སློང་དགྲ་བཅོམ་གྱི་འགྱུར། འཕགས་མ་རྡོ་རྗེ་སྒྲོལ་མའི་སྒྲུབ་ཐབས་གྲུབ་ཐོབ་ཆེན་པོ་སྣ་ཚོགས་དམར་པོ་ཞབས་ཀྱིས་མཛད་པ། རྒྱ་གར་ཤར་ཕྱོགས་ཀྱི་པཎྜི་ཏ་ཆེན་པོ་དཱ་ན་ཤཱི་ལའི་རང་འགྱུར། རྡོ་རྗེ་སྒྲོལ་མའི་སྒྲུབ་ཐབས།

213-1-348a

ཡང་རྡོ་རྗེ་སྒྲོལ་མའི་སྒྲུབ་ཐབས་སློབ་དཔོན་དགེ་བའི་མགོན་པོས་མཛད་པ། པཎྜི་ཏ་ཆེན་པོ་བུདྡྷ་ཤྲཱི་ཛྙཱ་ན་དང་། ལོ་ཙཱ་བ་གནུབས་བྱམས་པའི་དཔལ་གྱི་འགྱུར། རྡོ་རྗེ་གུར་ནས་གསུངས་པའི་རོ་སྲེག་གི་ཆོ་ག་སློབ་དཔོན་བློ་གྲོས་ཆེན་པོས་མཛད་པ། རྒྱ་
གར་གྱི་མཁན་པོ་ཨ་ཝ་དྷཱུ་ཏཱི་པ་དང་། བོད་ཀྱི་ལོ་ཙཱ་བ་དགེ་སློང་བ་རི་ལོ་ཙཱའི་འགྱུར། རོ་སྲེག་བྱ་བ་དགེ་སློང་ཏ་ཐཱ་ག་ཏ་རཀྵི་ཏས་མཛད་པ། རྒྱ་གར་གྱི་མཁན་པོ་དེ་ཉིད་དང་། ལོ་ཙཱ་བ་དགེ་སློང་དར་མ་བློ་གྲོས་ཀྱི་འགྱུར། གདུང་སྲེག་པའི་ཆོ་ག་ཨ་ཤོ་ཀས་མན་ངག་ཏུ་བརྩམས་པ། རྒྱ་
གར་གྱི་མཁན་པོ་ཆེན་པོ་ཨ་ཤྲཱི་ཛྙཱ་ན་དང་། ལོ་ཙཱ་བ་དགེ་སློང་དཔལ་གྱི་སྙིང་པོའི་འགྱུར། ཕྱག་རྒྱ་ཆེན་པོའི་ཐིག་ལེའི་སྐོར་ལ། རིན་པོ་ཆེ་ཆར་ཡང་ཞེས་བྱ་བའི་སྒྲུབ་པའི་ཐབས་རྒྱ་གར་གྱི་མཁན་པོ་ཤེས་རབ་གསང་བས་མཛད་ཅིང་། རང་འགྱུར་དུ་བསྒྱུར་བ། དཔལ་རིན་ཆེན་ཐིག་པ་ཞེས་བྱ་བའི་
སྒྲུབ་པའི་ཐབས་རྣལ་འབྱོར་གྱི་དབང་ཕྱུག་དཔལ་ཤེས་རབ་གསང་བས་མཛད་ཅིང་། དེ་ཉིད་ཀྱིས་བསྒྱུར་བ། དབང་རིན་ཆེན་སྣང་བ་ཞེས་བྱ་བ་རྣལ་འབྱོར་གྱི་དབང་ཕྱུག་དཔལ་ཤེས་རབ་གསང་བས་མཛད་པ། རྒྱ་གར་གྱི་མཁན་པོ་དེ་ཉིད་དང་། བོད་ཀྱི་ལོ་ཙཱ་བ་ཀ་མ་དགེ་བསྙེན་ཆོས་ཀྱི་ཡེ་ཤེས་དང་། 
ཕྱུག་མཚམས་དབང་ཕྱུག་རྒྱ་མཚོའི་འགྱུར། ཕྱག་ཆེན་ཐིག་ལེའི་རྒྱུད་ལ་བརྟེན་ནས་དཔལ་ཆེན་པོ་ཡེ་ཤེས་མཁའ་འགྲོའི་དབང་ཕྱུག་གི་སྒྲུབ་པའི་ཐབས་སློབ་དཔོན་ཆེན་པོ་ལོངས་སྤྱོད་རྡོ་རྗེས་མཛད་པ། རྒྱ་གར་གྱི་མཁན་པོ་པྲཛྙཱ་ཤྲཱི་གུཔྟ་དང་། ཞུ་ཆེན་གྱི་ལོ་ཙཱ་བ་དགེ་སློང་རིན་ཆེན་རྒྱལ་མཚན་གྱི་
འགྱུར། སྡིག་པ་ཐམས་ཅད་འདག་པའི་མེའི་མཆོད་པའི་ཏིང་ངེ་འཛིན་ཞེས་བྱ་བ་པཎྜི་ཏ་རིན་ཆེན་རྡོ་རྗེ་དཔལ་གྱིས་མཛད་པ། དཔལ་དགའ་བའི་མེ་ཏོག་གི་ཕྲེང་བ་ཞེས་བྱ་བ་ཡེ་ཤེས་ཐིག་ལེའི་རྒྱུད་ཀྱི་མན་ངག་དཔལ་ཨཽ་ཌྱཱན་རྡོ་རྗེ་ཆེན་པོའི་གནས་ལས་བྱུང་བ་དཔལ་རྒྱལ་པོ་ཆེན་པོ་ཨིནྡྲ་བྷཱུ་ཏིའི་
ཞལ་སྔ་ནས་མཛད་པ་དང་། དཔལ་དེ་ཁོ་ན་ཉིད་ཀྱི་བདུད་རྩིའི་མན་ངག་དཔལ་ཨིནྡྲ་བྷཱུ་ཏི་རང་ལས་བྱུང་བ་སློབ་དཔོན་ཆེན་པོ་རྒྱལ་པོ་ཨིནྡྲ་བྷཱུ་ཏིས་མཆོག་གི་དངོས་གྲུབ་བརྙེས་ནས་མཛད་པ། རྒྱ་གར་གྱི་མཁན་པོ་པྲ་ཛྙཱ་ཤྲཱི་གུཔྟ་དང་། བོད་ཀྱི་ལོ་ཙཱ་བ་དགེ་སློང་རིན་ཆེན་རྒྱལ་མཚན་གྱི་འགྱུར། དབང་རིན་ཆེན་

213-1-348b

ཕྲེང་བའི་མན་ངག །དབང་གི་རིམ་པ་མདོར་བསྡུས་པ། རིམ་པ་ལྔ་པ་ཞེས་བྱ་བ། ཡན་ལག་བརྒྱད་པའི་རིམ་པ་ཞེས་བྱ་བ་རྣམས་རྒྱ་གར་གྱི་སློབ་དཔོན་དཔལ་ཤེས་རབ་གསང་བའི་ཞལ་སྔ་ནས་མཛད་ཅིང་བསྒྱུར་བ། རིན་པོ་ཆེའི་འོད་ཅེས་བྱ་བ་སྙིང་པོ་དེ་ཁོ་ན་ཉིད་ཀྱི་སྒྲུབ་ཐབས་ཡང་དག་པའི་
ས་ལ་གནས་པ་སློབ་དཔོན་རོ་པས་མཛད་པ། རྒྱ་གར་གྱི་པཎྜི་ཏ་བཛྲ་གུ་ཎ་བྷ་དྲ་དང་། ལོ་ཙཱ་བ་རིན་ཆེན་རྒྱལ་མཚན་གྱི་འགྱུར། བདེ་བ་ཆེན་པོའི་བདུད་རྩིའི་འོད་ཅེས་བྱ་བ་རྣལ་འབྱོར་གྱི་དབང་ཕྱུག་ཆེན་པོ་དཔལ་ཡེ་ཤེས་རིན་པོ་ཆེས་མཛད་པ། བྱང་སེམས་ཐིག་པའི་མན་ངག་ཅེས་བྱ་བ་རྣལ་
འབྱོར་གྱི་དབང་ཕྱུག་ཆེན་པོ་ལས་ཀྱི་ཞབས་ཀྱིས་མཛད་པ། གསང་ཆེན་དགའ་བའི་ཐིག་ལེ་ཞེས་བྱ་བ་སློབ་དཔོན་ཡུལ་སོ་མ་པུ་རིར་བྱུང་བའི་དགེ་སློང་དཔལ་ལྡན་བྱང་ཆུབ་བཟང་པོའི་སློབ་མ་དཔལ་མ་ཧཱ་མ་ཏིས་ཞལ་སྔ་ནས་མཛད་པ། རྒྱ་གར་གྱི་སློབ་དཔོན་པཎྜི་ཏ་ཨཱ་ཙཱརྱ་དུ་ལོ་པ་དང་། བོད་ཀྱི་
ལོ་ཙཱ་བ་དགེ་སློང་ཆོས་ཀྱི་ཤེས་རབ་ཀྱི་འགྱུར་རྣམས་བཞུགས་སོ། །དགེས་པ་རྡོ་རྗེའི་རྒྱུད་འགྲེལ་སུམ་ཅུ་བརྒྱད། །ཡབ་སྐོར་གྱ་དགུ་ཡུམ་སྐོར་བཅོ་བརྒྱད་དེ། །གུར་ལ་བཅུ་དང་ཐིག་ལེ་གཉིས་བཅོ་ལྔ། །དྲིལ་བས་བརྒྱ་དང་བདུན་ཅུ་ཐམ་པ་བཞུགས། །དེ་དག་གིས་ནི་
ཐབས་དང་ཤེས་རབ་གཉིས་སུ་མེད་པའི་རྒྱུད་དགེས་པ་རྡོ་རྗེའི་ཆོས་སྐོར་བཞུགས་པའི་རྣམ་གྲངས་རྣམས་བཀོད་ཟིན་ཏོ།།      །།དེ་ལྟར་དགེས་པ་རྡོ་རྗེའི་ཆོས་སྐོར་རྣམས་བཀོད་ནས། དཔལ་དུས་ཀྱི་འཁོར་ལོའི་སྐོར་ལ། ཐ་པ་ལ། མཆོག་གི་དང་པོའི་སངས་རྒྱས་ལས་བྱུང་བ་དཔལ་དུས་ཀྱི་འཁོར་ལོའི་
བསྡུས་པའི་རྒྱུད་ཀྱི་རྒྱལ་པོ་ཁ་ཆེའི་པཎྜི་ཏ་སོ་མ་ནཱ་ཐ་དང་། བོད་ཀྱི་ལོ་ཙཱ་བ་ཆེན་པོ་འབྲོ་དགེ་སློང་ཤེས་རབ་གྲགས་ཀྱིས་བསྒྱུར་བ་ལས། མཁས་པ་ཆེན་པོ་ཞང་སྟོན་མདོ་སྡེ་དཔལ་དང་དུས་འཁོར་གྱི་ཚུལ་ཁོང་དུ་ཆུད་པའི་དགེ་སློང་ཚུལ་ཁྲིམས་དར་གྱིས་དོན་གྱི་ཆ་ལ་དཔྱད་ཅིང་། ལོ་ཙཱ་བ་ཆེན་པོ་དགེ་
སློང་ཤོང་སྟོན་རྡོ་རྗེ་རྒྱལ་མཚན་གྱིས་དཔལ་ས་སྐྱའི་གཙུག་ལག་ཁང་དུ་ཡུལ་དབུས་ཀྱི་རྒྱ་དཔེ་གཉིས་ལ་གཏུགས་ཤིང་ལེགས་པར་བཅོས་ཏེ་གཏན་ལ་ཕབ་བའོ། །འདི་ནི་རྩ་འགྲེལ་ཕྱོགས་གཅིག་ཏུ་བསྡེབས་ན་བསོད་ནམས་ཆེ་ཞིང་། དེང་སང་བཤད་ཉན་དར་བའི་ཕྱིར་ཕན་ཆེ་བ་ལ་བསམས་

213-1-349a

ནས་འདིར་བྲིས་པ་ཡིན་གྱི། རྒྱུད་ཀྱི་རྒྱལ་པོ་འདི་བསྟན་བཅོས་ཀྱི་ཁོངས་སུ་གཏོགས་ནས་བྲིས་པ་ནི་མ་ཡིན་ནོ། །བསྡུས་པའི་རྒྱུད་ཀྱི་རྒྱལ་པོ་དུས་ཀྱི་འཁོར་ལོའི་འགྲེལ་བཤད་རྩ་བའི་རྒྱུད་ཀྱི་རྗེས་སུ་འཇུག་པ་སྟོང་ཕྲག་བཅུ་གཉིས་པ་དྲི་མ་མེད་པའི་འོད་ཅེས་བྱ་བ།
འཕགས་པ་སྤྱན་རས་གཟིགས་དབང་ཕྱུག་གིས་མཛད་པའི་ཕྱི་འཇིག་རྟེན་གྱི་ཁམས་ཀྱི་ལེའུ་དང་། ནང་སེམས་ཅན་གྱི་ལེའུ་གཉིས་འགྱུར་རྒྱུད་དང་འདྲ་བར་བཞུགས་སོ།།      །།ད་པ་ལ། དཔལ་དུས་ཀྱི་འཁོར་ལོའི་རྒྱུད་ཀྱི་འགྲེལ་པ་སྤྱན་རས་གཟིགས་ཀྱིས་མཛད་པའི་དབང་གི་ལེའུ་དང་། སྒྲུབ་
ཐབས་ཀྱི་ལེའུ་དང་། ཡེ་ཤེས་ཀྱི་ལེའུ་རྣམས་འགྱུར་སྔ་མ་དང་འདྲ་བར་བཞུགས་པ་ལས། སླར་ཡང་པཎྜི་ཏ་སྠི་ར་མ་ཏིའི་སློབ་མའི་མཆོག་ལོ་ཙཱ་བ་བློ་གྲོས་རྒྱལ་མཚན་དང་། བློ་གྲོས་དཔལ་བཟང་པོས་རྒྱུད་དང་འགྲེལ་པའི་རྒྱ་དཔེ་མང་པོར་གཏུགས་ཤིང་། དག་པ་རྣམས་དང་མཐུན་པར་བསྒྱུར་ཅིང་ 
གཏན་ལ་ཕབ་པ་བཞུགས་སོ།།      །།ན་པ་ལ། དཔལ་དོན་དམ་བསྙེན་པ་ཞེས་བྱ་བ་དཔལ་འཇིག་རྟེན་དབང་ཕྱུག་གི་སྤྲུལ་པའི་སྐུ་པདྨ་དཀར་པོས་མཛད་པ། ཁ་ཆེའི་པཎྜི་ཏ་ཟླ་བ་མགོན་པོས་བསྒྱུར་ནས་གཏན་ལ་ཕབ་པ། དཔལ་ལྡན་དྲི་མ་དང་བྲལ་བའི་འོད་ཀྱི་རྒྱུད་ལ་འཇུག་པའི་བཤད་སྦྱར་
མི་གཡོ་བའི་སྙིང་པོ་སྣང་བ་ཞེས་བྱ་བ། ཤོང་ལོ་ཙཱ་བ་རྡོ་རྗེ་རྒྱལ་མཚན་གྱི་སློབ་མར་གྱུར་པ། དཔང་ལོ་ཙཱ་བ་དགེ་སློང་དཔལ་ལྡན་བློ་གྲོས་བརྟན་པས་བསྒྱུར་པ། པདྨ་ཅན་ཞེས་བྱ་བའི་དཀའ་འགྲེལ་དཔལ་དུས་ཞབས་པ་ཆེན་པོས་མཛད་པ། ཁ་ཆེའི་པཎྜི་ཏ་སོ་མ་ནཱ་ཐས་བསྒྱུར་བ། དབང་
མདོར་བསྟན་པའི་འགྲེལ་བཤད་དོན་དམ་བསྡུས་པ་ཞེས་བྱ་བ་ཕྱག་རྒྱ་ཆེན་པོ་གྲུབ་པའི་སློབ་དཔོན་དཔལ་ན་རོ་པའི་ཞབས་ཀྱིས་མཛད་པ། ཁ་ཆེའི་པཎྜི་ཏ་དྷརྨ་དྷ་ར་དང་། ལོ་ཙཱ་བ་གྲགས་པ་རྒྱལ་མཚན་གྱིས་བལ་པོའི་མཐིལ་དུ་བསྒྱུར་བ་ལ། སླར་ཡང་ལོ་ཙཱ་བ་ཆེན་པོ་རིན་ཆེན་རྒྱལ་
མཚན་གྱིས་དཔལ་ས་སྐྱའི་ཆོས་གྲྭ་ཆེན་པོར་ལེགས་པར་བཅོས་ཤིང་གཏན་ལ་ཕབ་པ། དབང་མདོར་བསྟན་པའི་མདོར་བཤད་སཱ་དྷུ་པུ་ཏྲ་དཔལ་འཛིན་དགའ་བས་མཛད་པ། རྒྱ་གར་ཤར་ཕྱོགས་ཀྱི་པཎྜི་ཏ་ཆེན་པོ་གནས་བརྟན་བྱང་ཆུབ་སེམས་དཔའ་ནགས་ཀྱི་རིན་ཆེན་གྱི་ཞལ་སྔ་ནས་དང་། ལོ་ཙཱ་བ་

213-1-349b

གཞོན་ནུ་དཔལ་གྱིས་ཆོས་འཁོར་དཔལ་བསམ་ཡས་ཀྱི་མཆིམས་ཕུའི་དབེན་གནས་སུ་བསྒྱུར་བ་རྣམས་བཞུགས་སོ།།      །།པ་པ་ལ། དབང་མདོར་བསྟན་པའི་རྒྱ་ཆེར་འགྲེལ་པ་རྣལ་འབྱོར་པ་དུས་ཀྱི་འཁོར་ལོའི་ཞབས་པས་མཛད་པ། ཁ་ཆེའི་པཎྜི་ཏ་ཟླ་བ་མགོན་པོ་དང་། ལོ་ཙཱ་བ་འབྲོ་
ཤེས་རབ་གྲགས་ཀྱི་འགྱུར། དབང་མདོར་བསྟན་པའི་དཀའ་འགྲེལ་ཤློ་ཀ་སུམ་བརྒྱ་དྲུག་ཅུ་པ། སྐད་གཉིས་སྨྲ་བ་ཐར་པ་ལོ་ཙཱ་བའི་སྲས་ཀྱི་ཐུ་བོར་གྱུར་པ་ལོ་ཙཱ་བ་ཆེན་པོ་བུ་སྟོན་རིན་པོ་ཆེས་རྒྱ་དཔེ་གཉིས་ལ་གཏུགས་ཏེ་བསྒྱུར་བ། རྒྱུད་ཀྱི་རྒྱལ་པོ་དཔལ་དུས་ཀྱི་འཁོར་ལོའི་དབང་གི་རབ་ཏུ་བྱེད་པའི་
འགྲེལ་པ་རྡོ་རྗེའི་ཚིག་འབྱེད་པ་ཞེས་བྱ་བ་སློབ་དཔོན་མཁས་པ་ཆེན་པོ་དཱ་རི་ཀ་པས་མཛད་པ། བོད་ཀྱི་ལོ་ཙཱ་བ་དགེ་སློང་ཤེས་རབ་གྲགས་ཀྱི་འགྱུར། དཔལ་དུས་ཀྱི་འཁོར་ལོའི་སྒྲུབ་ཐབས་ཡན་ལག་བཞི་པ་ཞེས་བྱ་བ་དུས་ཞབས་པས་མཛད་པ། པཎྜི་ཏ་བི་ཤྭ་ཤྲཱི་དང་། ལོ་ཙཱ་བ་གྱི་ཇོ་ཟླ་བའི་འོད་ཟེར་
གྱི་འགྱུར། དུས་ཀྱི་འཁོར་ལོའི་སྒྲུབ་ཐབས་ཡན་ལག་བཅུ་གཅིག་པ་སློབ་དཔོན་དུས་འཁོར་ཞབས་པ་ཆེན་པོས་མཛད་པ། ཁ་ཆེའི་པཎྜི་ཏ་སོ་མནྡ་ཐ་དང་། བོད་ཀྱི་ལོ་ཙཱ་བ་དགེ་སློང་ཤེས་རབ་གྲགས་ཀྱི་འགྱུར། དཔལ་དུས་ཀྱི་འཁོར་ལོའི་སྒྲུབ་པའི་ཐབས་དང་། དཔལ་དུས་ཀྱི་འཁོར
ལོའི་དཀྱིལ་འཁོར་གྱི་ཆོ་ག་སློབ་དཔོན་ཆེན་པོ་སཱ་དྷུ་པུ་ཏྲས་དྷརྨ་ཨཱ་ཀ་ར་ཤཱནྟིའི་དོན་དུ་མཛད་པ། རྒྱ་གར་གྱི་པཎྜི་ཏ་མཁས་པ་ཆེན་པོ་ཝཱ་གཱི་ཤྭ་ར་གུཔྟ་དང་། སྒྲ་སྒྱུར་གྱི་ལོ་ཙཱ་བ་དགེ་སློང་ཆོས་རབ་ཀྱི་འགྱུར། དཔལ་དུས་ཀྱི་འཁོར་ལོའི་དཀྱིལ་འཁོར་གྱི་ཆོ་ག་ཞེས་བྱ་བ་དུས་ཞབས་པ་ཆེན་པོ་སྣང་
བ་དང་ལྡན་པས་མཛད་པ། པཎྜི་ཏ་བ་ནི་ཤྲཱི་དང་། ལོ་ཙཱ་བ་ལ་ཆིངས་ཡོན་ཏན་འབར་གྱི་འགྱུར། དཔལ་དུས་ཀྱི་འཁོར་ལོ་ལྷན་ཅིག་སྐྱེས་པའི་སྒྲུབ་ཐབས་སློབ་དཔོན་དུས་ཞབས་པས་མཛད་པ། པཎྜི་ཏ་བུདྡྷ་ཤྲཱི་ཛྙཱ་ན་དང་། ལོ་ཙཱ་བ་བྱམས་པའི་དཔལ་གྱི་འགྱུར། དཔལ་དུས་ཀྱི་འཁོར་
ལོ་སྐད་ཅིག་གིས་བསྐྱེད་པའི་ལྷན་ཅིག་སྐྱེད་པའི་སྒྲུབ་ཐབས་ཞེས་བྱ་བ་སློབ་དཔོན་རོལ་པའི་རྡོ་རྗེས་མཛད་པ། པཎྜི་ཏ་ཝཱ་གཱི་ཤྭ་ར་དང་། ལོ་ཙཱ་བ་རྭ་ཆོས་རབ་ཀྱི་འགྱུར། དཔལ་དུས་ཀྱི་འཁོར་ལོའི་སྒྲུབ་ཐབས་རྣལ་འབྱོར་རབ་གསལ་ཞེས་བྱ་བ་དབུ་མ་ཆེན་པོའི་པཎྜི་ཏ་མཻ་ཏྲི་པའི་ཞལ་སྔ་ནས་

213-1-350a

མཛད་པ། ཞ་ལུ་ལོ་ཙཱ་བ་དཔལ་ལྡན་ཆོས་སྐྱོང་བཟང་པོས་ཟིལ་གནོན་གྱི་ལོའི་ཆུ་སྟོད་ཟླ་བའི་ཚེས་བཅུ་དྲུག་ལ་ཡོངས་སུ་རྫོགས་པར་བསྒྱུར་ཅིང་གཏན་ལ་ཕབ་པ། འདི་ལ་གཞུང་གི་ཚད་ནི་ཅུང་ཟད་ཀྱིས་ཉེ་བར་ལྷག་པའི་ཤློ་ཀ་བཞི་བརྒྱ་ཡོད་ཅེས་བྱུང་
ངོ་། །རྫོགས་པའི་རིམ་པ་སྟོན་པར་བྱེད་པའི་བསྟན་བཅོས་ཀྱི་སྐོར་ལ། དཔལ་དུས་ཀྱི་འཁོར་ལོའི་སྦྱོར་བ་ཡན་ལག་དྲུག་པ་ཞེས་བྱ་བ། དཔལ་ལྡན་གསང་བ་པའི་བདག་པོ་ས་བཅུའི་དབང་ཕྱུག་བྱང་ཆུབ་སེམས་དཔའ་ཕྱག་ན་རྡོ་རྗེས་མཛད་པ། རྒྱ་གར་གྱི་མཁན་པོ་ཆེན་པོ་དཔལ་
རབ་འབྱོར་ཞི་བ་དང་། ལོ་ཙཱ་བ་ཅོག་རོ་དགེ་སློང་ཏིང་ངེ་འཛིན་བཟང་པོའི་འགྱུར། འདི་ཕྱག་རྡོར་སྟོད་འགྲེལ་ལས་གུད་དུ་ཕྱེ་བར་སྣང་སྟེ། སྔར་གྱི་རྣམས་ཀྱིས་ཀྱང་བྲིས་འདུག་པས་སོ། །དཔལ་དུས་ཀྱི་འཁོར་ལོའི་སྙིང་པོའི་རྒྱན་ཞེས་བྱ་བའི་སྒྲུབ་པའི་ཐབས། ལྷོ་ཕྱོགས་རྒྱ་མཚོའི་
ཡུལ་དུ་འཁྲུངས་པའི་མཁས་པ་ཆེན་པོ་བྲམ་ཟེ་བསོད་སྙོམས་པས་མཛད་པ། རྒྱ་གར་གྱི་པཎྜི་ཏ་ཆེན་པོ་ཤྲཱི་བྷ་དྲ་བོ་དྷིའི་ཞབས་དང་། བོད་ཀྱི་ལོ་ཙཱ་བ་ཆེན་པོ་གྱི་ཇོ་ཟླ་བའི་འོད་ཟེར་གྱི་འགྱུར། དཔལ་དུས་ཀྱི་འཁོར་ལོའི་མན་ངག་སློབ་དཔོན་དུས་འཁོར་ཞབས་ཆེན་པོས་མཛད་པ། རྒྱ་གར་
གྱི་མཁན་པོ་ཆེན་པོ་བུདྡྷ་ཀ་ར་བྷ་དྲ་དང་། ལོ་ཙཱ་བ་གྱི་ཇོ་ཟླ་བའི་འོད་ཟེར་གྱི་འགྱུར། སྦྱོར་བ་ཡན་ལག་དྲུག་པ་ཞེས་བྱ་བ། གྲུབ་པ་ཐོབ་པའི་པཎྜི་ཏ་ཆེན་པོ་ཤྲཱི་ཨ་ནུ་མ་རཀྵི་ཏས་མཛད་པ། རྒྱ་གར་ཤར་ཕྱོགས་ཛ་ག་ཏ་ལའི་པཎྜི་ཏ་ཆེན་པོ་བི་བྷཱུ་ཏི་ཙནྡྲའི་ཞལ་སྔ་ནས་དང་། 
གཉལ་གྱི་ལོ་ཙཱ་བ་མི་མཉམ་པ་བཟང་པོས་བསྒྱུར་ཅིང་ཞུས་ཏེ་གཏན་ལ་ཕབ་པ། སྦྱོར་བ་ཡན་ལག་དྲུག་པའི་རྣམ་པར་འགྲེལ་པ་པཎྜི་ཏ་ཆེན་པོ་ཉི་མ་དཔལ་ཡེ་ཤེས་ཀྱིས་མཛད་པ། རྒྱ་གར་ཤར་ཕྱོགས་ཀྱི་པཎྜི་ཏ་ཆེན་པོ་ཤྲཱི་བི་བྷཱུ་ཏི་ཙནྡྲའི་ཞལ་སྔ་ནས་ཀྱིས་རུ་ལག་གི་སྙིང་པོ་
འབྲིང་མཚམས་ཀྱི་གཙུག་ལག་ཁང་དུ་ལེགས་པར་བསྒྱུར་ཅིང་ཞུས་ཏེ་གཏན་ལ་ཕབ་པ། དཔལ་དུས་ཀྱི་འཁོར་ལོའི་གདམས་ངག་ཉི་མ་ཟླ་བ་བསྒྲུབ་པ་ཞེས་བྱ་བ། རིགས་གསུམ་མགོན་པོས་པཎྜི་ཏ་བྷི་ཀུ་ནི་ལ་ལེགས་པ་གསུངས་པ། མཁས་པ་ཆེན་པོ་ཤྲཱི་བི་བྷཱུ་

213-1-350b

ཏི་ཙནྡྲའི་ཞལ་སྔ་ནས་ཀྱིས་དཔལ་དིང་རི་གླང་འཁོར་དུ་སྒྲ་རང་འགྱུར་དུ་མཛད་པ། ཡེ་ཤེས་སྤྱན་སྒྲུབ་པ་ཞེས་བྱ་བ་སློབ་དཔོན་དུས་ཞབས་པས་མཛད་པ། རྒྱ་གར་ཤར་ཕྱོགས་ཛ་ག་ཏ་ལའི་པཎྜི་ཏ་བི་བྷཱུ་ཏི་ཙནྡྲའི་ཞལ་སྔ་ནས་ཀྱིས་སྒྲ་རང་འགྱུར་དུ་མཛད་པ། རྣལ་
འབྱོར་གསུམ་གྱི་སྙིང་པོ་གསལ་བ་ཞེས་བྱ་བ་བྱང་ཆུབ་སེམས་དཔའ་འཇམ་དཔལ་རྒྱལ་པོ་གྲགས་ཞོས་བྱ་བར་སྐྱེ་བ་བཞེས་པས་མཛད་པ་དང་། སྦྱོར་བ་ཡན་ལག་དྲུག་གི་མན་ངག་དུས་འཁོར་ཞབས་ཀྱིས་མཛད་པའི་སྙན་རྒྱུད་ཅེས་བྱ་བ། པཎྜི་ཏ་སོ་མ་ནཱ་ཐ་དང་། ལོ་ཙཱ་བ་འབྲོ་ཤེས་
རབ་གྲགས་ཀྱི་འགྱུར། དཔལ་དུས་ཀྱི་འཁོར་ལོའི་མན་ངག་སྦྱོར་བ་ཡན་ལག་དྲུག་གི་རྒྱུད་ཀྱི་དཀའ་འགྲེལ་སྦས་པ་མིག་འབྱེད་ཅེས་བྱ་བ་སློབ་དཔོན་ཨ་ཝ་དྷཱུ་ཏཱི་པས་མཛད་པ། རྒྱ་གར་གྱི་མཁན་པོ་དགེ་སློང་ཟླ་བ་གྲགས་པའི་འགྱུར། སྦྱོར་བ་ཡན་ལག་དྲུག་གི་སྦྱོར་བའི་མན་ངག་ཙི་ལུ་པས་
མཛད་པ། པཎྜི་ཏ་ས་མནྟ་ཤྲཱི་དང་། ལོ་ཙཱ་བ་རྭ་ཆོས་རབ་ཀྱི་འགྱུར། རྣལ་འབྱོར་ཡན་ལག་དྲུག་པ་ཞེས་བྱ་བ་དཔལ་ཤ་བ་རི་དབང་ཕྱུག་གིས་པཎྜི་ཏ་མ་ཧཱ་བི་བྷཱུ་ཏི་ཙནྡྲ་ལ་གསུངས་པ། དེས་སྒྲ་རང་འགྱུར་དུ་མཛད་པ། སྦྱོར་བའི་ཕྲེང་བ་པཎྜི་ཏ་རྩ་མི་སངས་རྒྱས་གྲགས་པས་མཛད་པ། ལོ་ཙཱ་
བ་དགེ་ཚུལ་ཤེས་རབ་དཔལ་གྱི་འགྱུར། ནང་གི་སྙེ་མ་ཞེས་བྱ་བ་རྒྱ་གར་ཤར་ཕྱོགས་ཛ་ག་ཏ་ལའི་པཎྜི་ཏ་བི་བྷཱུ་ཏི་ཙནྡྲས་ཕྱོགས་གཅིག་ཏུ་མཛད་པ། པཎྜི་ཏ་དེ་ཉིད་ཀྱི་རང་འགྱུར། སྙིང་པོ་རྡོ་རྗེའི་ཚིག་ཅེས་བྱ་བ་རི་ཁྲོད་ཞབས་ཀྱིས་པཎྜི་ཏ་ནགས་ཀྱི་རིན་ཆེན་ལ་གནང་བ། དེ་ཉིད་དང་ལོ་ཆེན་བསོད་
ནམས་རྒྱ་མཚོའི་སྡེའི་འགྱུར། རྡོ་རྗེ་ཐེག་པ་དུས་ཀྱི་འཁོར་ལོའི་རྩ་བའི་ལྟུང་བ་བྱང་ཆུབ་སེམས་དཔས་མཛད་པ། དཔལ་དུས་ཀྱི་འཁོར་ལོའི་སྡོམ་ཚིག་པཎྜི་ཏ་ཆེན་པོ་ཨ་བྷ་ཡཱ་ཀ་རས་མཛད་པ། པཎྜི་ཏ་ཇོ་བོ་རི་པ་དང་། སྒྲ་སྒྱུར་གྱི་ལོ་ཙཱ་བ་ཁེའུ་བརྒད་འཁོར་ལོ་གྲགས་ཀྱི་འགྱུར། དཔལ་
དུས་ཀྱི་འཁོར་ལོའི་བསྟོད་པ་རྒྱུན་ཆགས་པ་ཞེས་བྱ་བ་ཀ་ལིངྒའི་རྒྱལ་པོའི་བླ་མ་སྡེ་སྣོད་གསུམ་བཤད་པའི་མཁས་པ་ཆེན་པོ་ལེགས་པའི་གྲགས་པས་མཛད་པ། རྒྱ་གར་གྱི་པཎྜི་ཏ་བི་ནཱ་ཡ་ཤྲཱི་མི་ཏྲ་དང་། ལོ་ཙཱ་བ་ལྡན་མ་ཚུལ་ཁྲིམས་སེང་གེས་ཆུ་མིག་རིང་མོར་འགྱུར། བརྒྱད་བརྒྱུད་དྲུག་ཅུ་རྩ་

213-1-351a

བཞིའི་རྣལ་འབྱོར་མ་རྣམས་ཀྱི་གཏོར་མའི་ཆོ་ག །པཎྜི་ཏ་ཆེན་པོ་ཀཱིརྟི་ཙིནྡྲའི་ཞལ་སྔ་ནས་དང་། ལོ་ཙཱ་བ་གྲགས་པ་རྒྱལ་མཚན་གྱི་འགྱུར། དུས་ཀྱི་འཁོར་ལོ་ལ་འཇུག་པ་ཞེས་བྱ་བའི་རྩིས་ཀྱི་བསྟན་བཅོས་སློབ་དཔོན་མཁས་པ་ཆེན་པོ་འཇིགས་མེད་འབྱུང་
གནས་སྦས་པས་མཛད་པ། པཎྜི་ཏ་ཆེན་པོ་དེ་ཉིད་དང་། བོད་ཀྱི་ལོ་ཙཱ་བ་ཤྲཱི་དྷརྨ་ཀཱིརྟིས་བསྒྱུར་བ་ལ། །སླད་ཀྱིས་ཡུལ་མ་ག་དྷཱའི་པཎྜི་ཏ་ཆེན་པོ་མཁས་བཙུན་གྲུབ་པ་བརྙེས་པ་རཱ་ཧུ་ལ་ཤྲཱི་བྷ་དྲའི་ཞལ་སྔར་ཆག་ལོ་ཙཱ་བ་དགེ་སློང་དཔལ་གྱི་མཐའ་ཅན་གྱིས་དག་པར་བཅོས་པ། དཔལ་
དུས་ཀྱི་འཁོར་ལོའི་རྩིས་ཀྱི་མན་ངག་ཅེས་བྱ་བ། ཉི་ཟླ་འཛིན་པའི་རྩིས། གཟའ་ལྔ་སོ་སོའི་རྐྱང་རྩིས་ཀྱི་མན་ངག་ཅེས་བྱ་བ་རྣམས་པཎྜི་ཏ་ཆེན་པོ་ཤཱཀྱ་ཤྲཱི་བྷ་དྲས་མཛད་པ། སྦྱོར་བ་ཡན་ལག་དྲུག་པ་ཞེས་བྱ་བ་དཔལ་ལྡན་མཆོག་གི་དང་པོའི་སངས་རྒྱས་ལ་སོགས་པར་རྒྱུད་སྣ་ཚོགས་
པ་རྣམས་ཀྱི་རྣལ་འབྱོར་མཁས་པ་དཔེ་མེད་བསྲུང་བས་མཛད་པ། ལ་སྟོད་དིང་རི་གླང་འཁོར་མཁན་པ་ཁྲོད་དུ་རྒྱ་གར་ཤར་ཕྱོགས་ཛ་ག་ཏ་ལའི་པཎྜི་ཏ་ཆེན་པོ་བི་བྷཱུ་ཏི་ཙནྡྲ་དང་། གཉལ་གྱི་ལོ་ཙཱ་བ་མི་མཉམ་བཟང་པོས་བསྒྱུར་བ། སླར་ཡང་ལོ་ཙཱ་བ་དཔལ་ལྡན་བློ་གྲོས་བརྟན་པས་ལེགས་
པར་བསྒྱུར་ཏེ་ཞུ་ཆེན་གྲུབ་པ། རྣལ་འབྱོར་ཡན་ལག་དྲུག་གི་བརྗེད་བྱང་ཡོན་ཏན་གྱིས་འགེངས་པ་ཞེས་བྱ་བ་མཁས་པ་ཆེན་པོ་གནས་བརྟན་ཉི་མ་དཔལ་ཡེ་ཤེས་ཀྱིས་མཛད་པ། ཤློ་ཀ་ཕྱེད་དང་བཅས་པའི་བརྒྱ་ཕྲག་དྲུག་པ། རྒྱ་གར་ཤར་ཕྱོགས་ཀྱི་པཎྜི་ཏ་ཆེན་པོ་ཤྲཱི་བྷཱུ་ཏི་ཙནྡྲས་རུ་ལག་གི་སྙིང་པོ་འབྲིང་
མཚམས་ཀྱི་སའི་ཆ་དཔལ་རྒྱ་རྟགས་ཀྱི་གཙུག་ལག་ཁང་དུ་བསྒྱུར་བ། སླར་ཡང་དཔང་ལོ་ཙཱ་བ་བློ་གྲོས་བརྟན་པས་ལེགས་པར་བསྒྱུར་ཅིང་ཞུས་ཆེན་མཛད་པ་རྣམས་བཞུགས་སོ།།      །།ཕ་པ་ལ། དབང་མདོར་བསྟན་གྱི་འགྲེལ་པ་དཔལ་དུས་ཀྱིན་འཁོར་ལོ་པ་པཎྜི་ཏ་
རྣམ་པར་རྒྱལ་བ་དབང་པོས་མཛད་པ། ལོ་ཙཱ་བ་དབང་དཔལ་ལྡན་བློ་གྲོས་བརྟན་པའི་འགྱུར། གཞུང་ཚད་ནི་ཚིགས་བཅད་བདུན་ཅུ་རྩ་བདུན་གྱིས་ལྷག་པའི་བརྒྱ་ཕྲག་བཞིའོ། །རྡོ་རྗེའི་ཚིག་གི་སྙིང་པོ་བསྡུས་པ་ཞེས་བྱ་བ་དང་། རྡོ་རྗེའི་ཚིག་གི་སྙིང་པོ་བསྡུས་པ་ཞེས་བྱ་བའི་དཀའ་འགྲེལ་

213-1-351b

ཁ་ཆེའི་པཎ་ཆེན་ཤཱཀྱ་ཤྲཱིས་མཛད་པ། པཎྜི་ཏ་དེ་ཉིད་ཀྱི་དྲུང་དུ་ལོ་ཙཱ་བ་དཔྱལ་ཆོས་བཟང་གི་འགྱུར། དཔལ་དུས་ཀྱི་འཁོར་ལོའི་རབ་ཏུ་གནས་པའི་ཆོ་ག་ཞེས་བྱ་བ། དཔལ་དུས་ཀྱི་འཁོར་ལོའི་ཚོགས་འཁོར་གྱི་ཆོ་ག་ཞེས་བྱ་བ། དཔལ་དུས་ཀྱི་འཁོར་ལོའི་སྦྱིན་སྲེག་གི་ཆོ་ག་ཞེས་བྱ་བ་རྣམས་སློབ་དཔོན་
དུས་འཁོར་ཞབས་ཀྱིས་མཛད་པ། པཎྜི་ཏ་ཝཱ་གཱི་ཤྭ་ར་དང་། ལོ་ཙཱ་བ་རྭ་ཆོས་རབ་ཀྱི་འགྱུར། འཕགས་པ་མཚན་ཡང་དག་པར་བརྗོད་པའི་མདོར་བཤད་བདུད་རྩིའི་ཐིགས་པ་ཞེས་བྱ་བ་དངོས་གྲུབ་བརྙེས་པའི་སློབ་དཔོན་པཎྜི་ཏ་ཆེན་པོ་གནས་བརྟན་ཉི་མའི་དཔལ་ཡེ་ཤེས་ཀྱིས་མཛད་པ།
རྒྱ་གར་གྱི་མཁན་པོ་པཎྜི་ཏ་ཆེན་པོ་ནོར་བུ་དཔལ་ཡེ་ཤེས་དང་། བླ་མ་རྗེ་བཙུན་རྡོ་རྗེ་འཆང་ཆེན་པོ་དཔལ་ཉི་མའི་དབང་པོའི་འོད་ཟེར་གྱི་ཞལ་སྔར། ལོ་ཙཱ་བ་ཆག་དགེ་སློང་ཆོས་རྗེ་དཔལ་གྱི་འགྱུར། འཕགས་པ་འཇམ་དཔལ་གྱི་མཚན་ཡང་དག་པར་བརྗོད་པའི་འགྲེལ་བ་བདུད་རྩི་ཐིགས་པ་སྒྲོན་
མ་གསལ་པ་ཞིབ་མོ་རྣམ་པར་འཐགས་པ་ཞེས་བྱ་བ་གྲུབ་པ་མཆོག་གི་ཡོན་ཏན་བརྙེས་པའི་པཎྜི་ཏ་ཆེན་པོ་ཨ་ནུ་པ་མ་རཀྵི་ཏས་མཛད་པ། བྱང་རི་བཀྲ་ཤིས་ཀྱི་གཙུག་ལག་ཁང་དུ་པཎྜི་ཏ་སུ་ག་ཏ་ཤྲཱི་དང་། བོད་ཀྱི་ལོ་ཙཱ་བ་དྷརྨ་ཀཱིརྟི་དང་། དགེ་སློང་རྡོ་རྗེ་རྒྱལ་མཚན་གྱི་འགྱུར། འཕགས་པ་འཇམ་
དཔལ་གྱི་མཚན་ཡང་དག་པར་བརྗོད་པའི་རྣམ་པར་བཤད་པ་འཇམ་དཔལ་གྱི་སྤྲུལ་པ་མིའི་དབང་པོ་གྲགས་པས་མཛད་པ། རྒྱ་གར་གྱི་མཁན་པོ་ཨ་བྷ་ཡ་བཛྲ་དང་། བོད་ཀྱི་ལོ་ཙཱ་བ་སྤལ་རྡོ་རྗེ་རྒྱལ་པོའི་འགྱུར། འཕགས་པ་འཇམ་དཔལ་གྱི་མཚན་ཡང་དག་པར་བརྗོད་པའི་འགྲེལ་པ་དྲི་མ་
མེད་པའི་འོད་ཅེས་བྱ་བ་རྒྱལ་པོ་པདྨ་དཀར་པོས་མཛད་པ། ཡུལ་མ་ག་དྷཱའི་དཔལ་ནཱ་ལེནྡྲར་རྗེ་བཙུན་སྒྲོལ་མའི་ལྷ་ཁང་དུ་པཎྜི་ཏ་དགེ་སློང་རྡོ་རྗེ་འཛིན་པ་དཔལ་བསོད་སྙོམས་པ་ཆེན་པོའི་འགྱུར། འཕགས་པ་འཇམ་དཔལ་གྱི་མཚན་ཡང་དག་པར་བརྗོད་པའི་ཕན་ཡོན་གྱི་འགྲེལ་པ་སྔགས་ཀྱི་
དོན་སྙིང་པོ་བསྡུས་པ་དཔལ་མཁས་པ་ཆེན་པོ་དུས་ཞབས་པས་མཛད་པ། རྒྱ་གར་གྱི་མཁན་པོ་ཨཱ་ཙཱརྱ་ཨ་བྷ་ཡ་བཛྲ་དང་། དགེ་བསྙེན་རྡོ་རྗེ་རྒྱལ་པོས་བསྒྱུར་ཟེར་བ་འདི་གསུམ་བོད་མ་ཡིན་པར་སྣང་སྟེ་སྔ་མ་རྣམས་ཀྱིས་བྲིས་སྣང་བས་འདིར་བཞུགས་སུ་བཅུག་པ་ཡིན་ནོ། །འཕགས་པ་

213-1-352a

འཇམ་དཔལ་གྱི་མཚན་ཡང་དག་པར་བརྗོད་པའི་མངོན་པར་རྟོགས་པ་བྱང་ཆུབ་སེམས་དཔའ་སེམས་དཔའ་ཆེན་པོ་ཐུགས་རྗེ་ཆེན་པོ་སྤྱན་རས་གཟིགས་ཀྱིས་མཛད་པ། མཚན་ཡང་དག་པར་བརྗོད་པའི་འགྲེལ་པ་པཎྜི་ཏ་བི་བྷཱུ་ཏི་ཙནྡྲས་མཛད་པ། ལོ་ཙཱ་བ་དགེ་སློང་
བྱང་ཆུབ་རྩེ་མོའི་འགྱུར་རྣམས་བཞུགས་སོ། །ཤེས་དང་ཤེས་བྱ་དབྱེར་མེད་དུས་འཁོར་ལོ། །ཕྱི་ནང་གཞན་གསུམ་བདེན་གཉིས་དབྱེར་མེད་པར། །སྟོན་པའི་བསྟན་བཅོས་རྗེས་འབྲང་དང་ [མ་བྱུང་།] བཅས་པ། །མཆོག་ཏུ་གྱུར་པ་ལྔ་བཅུ་རྩ་དྲུག་བཞུགས། །དེ་དག་གིས་ནི་ཐབས་ཤེས་
གཉིས་སུ་མེད་པའི་རྒྱུད་དུས་ཀྱི་འཁོར་ལོའི་ཆོས་སྐོར་བཞུགས་པའི་རྣམ་གྲངས་རྣམས་བཀོད་ཟིན་ཏོ།།      །།དེ་ལྟར་ཐབས་དང་ཤེས་རབ་གཉིས་སུ་མེད་པའི་རྒྱུད་ཀྱི་སྐོར་གྱི་བསྟན་བཅོས་རྣམས་བཀོད་ནས། རྒྱུད་སྡེ་སྒོ་དྲུག་པ་རྣལ་འབྱོར་གསང་མཐའི་རྒྱུད་བདེ་མཆོག་གི་རྒྱུད་ཀྱི་སྐོར་གྱི་བསྟན་བཅོས་ལ། པ་པ་ལ།
དཔལ་འཁོར་ལོ་སྡོམ་པའི་དཀའ་འགྲེལ་སྒྲུབ་པའི་ཐབས་ཀྱི་གླེང་གཞི་ཞེས་བྱ་བ་སློབ་དཔོན་ཆེན་པོ་ལྭ་བ་པས་མཛད་པ། རྒྱ་གར་གྱི་མཁན་པི་སཱུརྱ་གུཔྟ་དང་། བོད་ཀྱི་ལོ་ཙཱ་བ་འགོས་ལྷས་བཙས་ཀྱི་འགྱུར། མངོན་པར་བརྗོད་པ་འབུམ་པ་ལས་བྱུང་བ་ཉུང་ངུའི་རྒྱུད་ཀྱི་བསྡུས་པའི་དོན་
རྣམ་པར་བཤད་པ་ཞེས་བྱ་བ་ལེའུ་དང་པོའི་འགྲེལ་བཤད་བྱང་ཆུབ་སེམས་དཔའ་ཕྱག་ན་རྡོ་རྗེས་མཛད་པ། རྒྱ་གར་གྱི་མཁན་པོ་དཔལ་རབ་འབྱོར་ཞི་བ་དང་། ཅོག་གྲུ་ལོ་ཙཱ་བ་དགེ་སློང་ཏིང་ངེ་འཛིན་བཟང་པོས་བསྒྱུར་བ་ལས། དུས་ཕྱིས་ཆོས་ཀྱི་རྒྱལ་པོ་བླ་མ་དམ་པའི་བཀའ་དྲིན་གྱིས་
བསྐྱངས་པ། ཤོང་ལོ་ཙཱ་བ་དགེ་སློང་བློ་གྲོས་བརྟན་པས་བྲག་དམར་དབེན་པར་ལེགས་པར་བསྒྱུར་པ། དཔལ་འཁོར་ལོ་སྡོམ་པའི་དཀའ་འགྲེལ་ཞེས་བྱ་བ་སློབ་དཔོན་མཁས་པ་ཆེན་པོ་བྷ་བ་བྷ་དྲ་སེ་མཛད་པ། རྒྱ་གར་ཤར་ཕྱོགས་ལྷ་མོའི་མཁར་ནས་བྱུང་བའི་པཎྜི་ཏ་མི་མཉམ་རྡོ་རྗེ་དང་། དབྱར་
མོ་ཐང་ནས་བྱུང་བའི་ཁམས་པ་དགེ་སློང་བ་རི་ལོ་ཙཱ་བ་རིན་ཆེན་གྲགས་ཀྱིས་བལ་ཡུལ་གྲོང་ཁྱེར་ཡམ་བུར་པན་རུ་བ་རོའི་ལྷ་ཁང་དུ་ནེང་དང་པ་རིས་ཡོན་བདག་བྱས་ནས་ལོ་པཎ་དེ་གཉིས་ཀྱིས་ལེགས་པར་བསྒྱུར་བ། འདིའི་གཞུང་ཚད་ནི་སྟོང་ཕྲག་གསུམ་དང་བརྒྱ་ཕྲག་ལྔའོ། །རིན་པོ་ཆེའི་ཚོགས་

213-1-352b

ཞེས་བྱ་བའི་དཀའ་འགྲེལ་སློབ་དཔོན་ཆེན་པོ་རྒྱལ་དཀའ་མི་ཐུབ་ཟླ་བས་མཛད་པ། རྒྱ་གར་གྱི་མཁན་པོ་ཏཱ་ར་ཀ་ལ་ཤུ་དང་། བོད་ཀྱི་ལོ་ཙཱ་བ་དགེ་སློང་གུ་ཎ་ཤྲཱིའི་འགྱུར་རྣམས་བཞུགས་སོ།།      །།མ་པ་ལ་། དཔལ་འཁོར་ལོ་སྡོམ་པའི་དཀའ་འགྲེལ་དཔའ་བོའི་ཡིད་དུ་འོང་བ་ཞེས་བྱ་བ་སློབ་
དཔོན་ཆེན་པོ་སྐལ་ལྡན་གྲགས་པས་མཛད་པ། རྒྱ་གར་གྱི་མཁན་པོ་དྷརྨ་ཤྲཱི་བྷ་དྲ་དང་། ཞུ་ཆེན་གྱི་ལོ་ཙཱ་བ་དགེ་སློང་རིན་ཆེན་བཟང་པོའི་འགྱུར། དཔལ་འཁོར་ལོ་སྡོམ་པའི་རྩ་བའི་རྒྱུད་ཀྱི་དཀའ་འགྲེལ་སློབ་དཔོན་ལངྐ་རྒྱལ་བ་བཟང་པོས་མཛད་པ། གཞུང་ཚད་བདུན་བརྒྱ་ཡོད་པ། 
དཔལ་འཁོར་ལོ་སྡོམ་པའི་སྒྲུབ་ཐབས་གནས་པ་ཐམས་ཅད་རྒྱ་ཆེར་འགྲེལ་པ་ཞེས་བྱ་བ་ལྷོ་ཕྱོགས་ཀྱི་རྒྱུད་དུ་འཁྲུངས་པ་དངོས་གྲུབ་བརྙེས་པའི་སློབ་དཔོན་ལྷ་སྦས་ཀྱིས་མཛད་པ། ཡོན་ཏན་མ་ལུས་པའི་གནས་ཞེས་བྱ་བའི་འགྲེལ་པ་སློབ་དཔོན་ཆེན་པོ་དཔའ་བོ་རྡོ་རྗེས་མཛད་པ། པཎྜི་
ཏ་ཆོས་སྐྱོང་དང་། ཁམས་པ་བ་རི་ལོ་ཙཱ་བ་དགེ་སློང་རིན་ཆེན་གྲགས་ཀྱི་འགྱུར། གཉིས་ཀའི་བཤད་སྦྱར་ཞེས་བྱ་བ་སློབ་དཔོན་ཆེན་པོ་ཏ་ཐཱ་ག་ཏ་རཀྵི་ཏས་མཛད་པ། རྒྱ་གར་གྱི་མཁན་པོ་དེ་ཉིད་དང་། བོད་ཀྱི་ལོ་ཙཱ་བ་དགེ་སློང་དྷརྨ་བློ་གྲོས་ཀྱིས་ལྷོ་ཕྱོགས་ཨ་ཏི་བི་ཤའི་ཡུལ་བྷཙྪ་མའི་
གྲོང་ཁྱེར་དུ་ཀ་ཡ་ཏའི་རིགས་སུ་འཁྲུངས་པའི་རྗེ་བཙུན་ཏ་ཞེས་གྲགས་པས་གངྒཱའི་ཆུ་འགྲམ་གྱི་གཙུག་ལག་ཁང་དུ་བསྒྱུར། དཔལ་སྡོམ་པའི་འགྲེལ་པ་དེ་ཁོ་ན་ཉིད་མཁས་པ་ཞེས་བྱ་བ་དགའ་བྱེད་བདག་པོའི་སློབ་མ་རྟག་པའི་རྡོ་རྗེས་མཛད་པ། འདི་ཀུན་ལྡན་གྱི་ལོ་ཆོ་འཕྲུལ་ཆེན་པོ་རྟའི་ཟླ་
བའི་ཡར་ངོའི་ཚེས་བརྒྱད་ལ་ལོ་ཙཱ་བ་དགེ་སློང་རིན་ཆེན་གྲུབ་ཀྱི་འགྱུར། སྡོམ་པའི་རྒྱུད་ཉུང་ངུའི་མཚམས་སྦྱོར་དཔལ་ན་རོ་ཏ་པའི་རྗེས་སུ་འབྲང་བའི་པཎྜི་ཏ་སུ་མ་ཏི་ཀཱིརྟིས་མཛད་པ། རྒྱ་གར་གྱི་མཁན་པོ་དེ་ཉིད་དང་། ལོ་ཙཱ་བ་གྲགས་འབྱོར་ཤེས་རབ་ཀྱི་འགྱུར། དཔལ་བདེ་མཆོག་
གི་རྒྱ་ཆེན་བཤད་པ་ཚིག་དོན་རབ་ཏུ་གསལ་བ་ཞེས་བྱ་བ་སློབ་དཔོན་ཆེན་པོ་དཔའ་བོ་རྡོ་རྗེས་མཛད་པ། རྒྱ་གར་གྱི་པཎྜི་ཏ་པ་ར་ཧི་ཏ་དང་། ཞུ་ཆེན་གྱི་ལོ་ཙཱ་བ་དགེ་སློང་འཕགས་པ་ཤེས་རབ་ཀྱི་འགྱུར་རྣམས་བཞུགས་སོ།།      །།ཙ་པ་ལ་། དཔལ་འཁོར་ལོ་སྡོམ་པའི་རྒྱུད་ཀྱི་རྒྱལ་

213-1-353a

པོ་བདེ་མཆོག་བསྡུས་པ་ཞེས་བྱ་བའི་རྣམ་པར་བཤད་པ་ཨིནྡྲ་བྷཱུ་ཏིས་མཛད་པ། རྩ་བའི་རྒྱུད་ཀྱི་སྙིང་པོ་བསྡུས་པ་ངེས་པར་བརྗོད་པའི་བླ་མ་རྩ་བ་རྩ་བའི་འགྲེལ་པ་སློབ་དཔོན་ཤཱུ་རངྒ་བཛྲས་མཛད་པ། ལོ་ཙཱ་བ་འཕགས་པ་ཤེས་རབ་ཀྱིས་ཛྙཱ་ན་ཤྲཱི་མི་ཏྲའི་གསུང་
ཇི་ལྟ་བ་བཞིན་བསྒྱུར་བ་རྣམས་བཞུགས་སོ།།      །།ཚ་པ་ལ། རྒྱུད་ཀྱི་རྒྱལ་པོ་ཆེན་པོ་དཔལ་རྡོ་རྗེ་མཁའ་འགྲོ་ཞེས་བྱ་བའི་རྣམ་པར་བཤད་པ་སློབ་དཔོན་མཁས་པ་ཆེན་པོ་བྷ་ཝ་བྷ་དྲའི་ཞལ་སྔ་ནས་མཛད་པ། རྒྱ་གར་གྱི་མཁན་པོ་པཎྜི་ཏ་ག་ཡ་དྷ་དང་། བོད་ཀྱི་ལོ་ཙཱ་བ་ཆེན་པོ་འགོས་
ལྷས་བཙས་ཀྱི་འགྱུར། གསང་བ་རྡོ་རྗེའི་རྒྱུད་ཀྱི་རྒྱལ་པོའི་འགྲེལ་པ་བླ་མ་ཌོམྦི་ཧེ་རུ་ཀ་ཞེས་བྱ་བ་བརྟུལ་ཞུགས་བརྙེས་པས་མཛད་པ། གུ་རུ་རཏྣ་བཛྲ་དང་། ལོ་ཙཱ་བ་བླ་མ་ཤཱཀྱ་ཡེ་ཤེས་ཀྱི་འགྱུར། དཔལ་རྡོ་རྗེ་མཁའ་འགྲོའི་རྒྱུད་ཀྱི་དེ་ཁོ་ན་ཉིད་རབ་ཏུ་བརྟན་པར་བྱེད་པ་ཞེས་
བྱ་བའི་དཀའ་འགྲེལ་སློབ་དཔོན་ཆེན་པོ་ནོར་བཟངས་ཀྱིས་མཛད་པ། རྒྱ་གར་གྱི་མཁན་པོ་ཤྲཱི་ག་ཡ་དྷ་ར་དང་། བོད་ཀྱི་ལོ་ཙཱ་བ་གྱི་ཇོ་ཟླ་བའི་འོད་ཟེར་གྱི་འགྱུར། དཔལ་གསང་ཆེན་པདྨ་ཞེས་བྱ་བའི་རྒྱ་ཆེར་འགྲེལ་པ་རྒྱ་གར་ཁ་ཆེའི་མཁན་པོ་ལོངས་སྤྱོད་རྡོ་རྗེས་མཛད་པ། པཎྜི་
ཏ་དེ་ཉིད་ཀྱི་རང་འགྱུར་རྣམས་བཞུགས་སོ། །ཕྱི་མ་འདི་བདེ་མཆོག་དང་སངས་རྒྱས་མཉམ་སྦྱོར་གྱི་རྒྱུད་འགྲེལ་དུ་འདོད་པ་ཅི་རིགས་སུ་སྣང་ཞིང་སོ་སོར་དབྱེ་དཀར་བར་སྣང་ནའང་སྡོམ་པ་འབྱུང་བའི་རྒྱུད་ཕྱི་མའི་ཕྱི་མ་ཞེས་བཤད་པ་དང་། མཁས་འགྲོ་མ་ནི་རྡོ་རྗེ་ཕག་མོའི་ཞེས་སོགས་
བདེ་མཆོག་དང་མཐུན་པ་ཤས་ཆེ་བར་སྣང་བས་འདིར་བཀོད་དོ།།      །།ཛ་པ་ལ། དཔལ་མཁའ་འགྲོ་རྒྱ་མཚོ་རྣལ་འབྱོར་མའི་རྒྱུད་ཀྱི་རྒྱལ་པོ་ཆེན་པོའི་འགྲེལ་པ་གྲུ་གཟིངས་ཞེས་བྱ་བ་གྲུབ་པའི་སློབ་དཔོན་པདྨ་རྡོ་རྗེས་མཛད་པ། གཞུང་ཚད་མཉམ་པའི་སྡེབ་སྦྱོར་གྱི་ཤློ་ཀ་སྟོང་ཕྲག་བརྒྱད་པ།
བལ་ཡུལ་ཡམ་བུའི་གྲོང་ཁྱེར་གྱི་དབུས་ཡུ་རུད་ལྷུན་གྱིས་གྲུབ་པའི་གཙུག་ལག་ཁང་དུ། རྒྱ་གར་གྱི་པཎྜི་ཏ་རྡོ་རྗེ་སློབ་དཔོན་རྟོག་གེ་པའི་གཙུག་གི་ནོར་བུ་སྐྱེ་འགྲོ་རྣམས་ཆོས་དང་ཟང་ཟིང་གི་ཆར་གྱིས་ཚིམ་པར་མཛད་པ་རྒྱལ་བའི་སྡེ་དང་། བོད་ཀྱི་ལོ་ཙཱ་བ་དགེ་སློང་ཆོས་ཀྱི་ཡོན་ཏན་གྱི་

213-1-353b

འགྱུར་བ་བཞུགས་སོ།།      །།ཝ་པ་ལ། སྡོམ་པ་འབྱུང་བའི་རྒྱུད་ཀྱི་རྒྱལ་པོ་ཆེན་པོའི་དཀའ་འགྲེལ་པདྨ་ཅན་ཞེས་བྱ་བ་གྲུབ་པ་བརྙེས་པའི་མཁས་པ་ཆེན་པོ་དགེ་སློང་རཏྣ་རཀྵི་ཏས་མཛད་པ། དེ་ཉིད་ཀྱི་དངོས་སློབ་པཎྜི་ཏ་ཐམས་ཅད་མཁྱེན་པའི་དཔལ་གྱིས་རང་འགྱུར་དུ་
མཛད་པ་ལ། དུས་ཕྱིས་བོད་ཀྱི་ལོ་ཙཱ་བ་དགེ་སློང་ཤོང་བློ་བརྟན་གྱིས་ཕུ་རིའི་གཙུག་ལག་ཁང་དུ་བསྒྱུར་ཞིང་བཅོས་པ། དཔལ་ཧེ་རུ་ཀ་མངོན་པར་འབྱུང་བ་རྣལ་འབྱོར་མའི་རྒྱུད་ཀྱི་རྒྱལ་པོ་ཆེན་པོའི་དཀའ་འགྲེལ་ཡི་གེ་ཉུང་ངུ་ཞེས་བྱ་བ་སློབ་དཔོན་ཟླ་བ་གཞོན་ནུས་མཛད་པ། ལྷོ་ཕྱོགས་
ཨོ་ཌི་བི་ཥའི་ཡུལ་བྷཙྪ་མའི་གྲོང་ཁྱེར་དུ་རྗེ་བཙུན་མཁས་པས་བསྔགས་པའི་རྒྱ་གར་གྱི་མཁན་པོ་ཏ་ཐཱ་ག་ཏ་རཀྵི་ཏ་དང་། བོད་ཀྱི་ལོ་ཙཱ་བ་དགེ་སློང་དྷརྨ་བློ་གྲོས་ཀྱིས་ལེགས་པར་བསྒྱུར་བ། རྣལ་འབྱོར་མ་ཀུན་དུ་སྤྱོད་པའི་བཤད་སྦྱར་སློབ་དཔོན་ཏ་ཐཱ་ག་ཏ་རཀྵི་ཏས་མཛད་པ། རྒྱ་གར་
གྱི་མཁན་པོ་དེ་ཉིད་དང་། བོད་ཀྱི་ལོ་ཙཱ་བ་བ་རི་རིན་ཆེན་གྲགས་ཀྱི་འགྱུར། རྣལ་འབྱོར་མ་ཀུན་དུ་སྤྱོད་པའི་འགྲེལ་པ་ཚིག་དོན་རབ་ཏུ་གསལ་བ་ཞེས་བྱ་བ་སློབ་དཔོན་དཔའ་བོ་རྡོ་རྗེས་མཛད་པ། པཎྜི་ཏ་པ་ར་ཧི་ཏ་དང་། ལོ་ཙཱ་བ་འཕགས་པ་ཤེས་རབ་ཀྱི་འགྱུར། ནམ་མཁའ་
དང་མཉམ་པ་ཞེས་བྱ་བའི་རྒྱ་ཆེར་འགྲེལ་པ་པཎྜི་ཏ་རིན་ཆེན་འབྱུང་གནས་ཞི་བས་མཛད་པ། རྒྱ་གར་གྱི་པཎྜི་ཏ་ཤཱུ་ནྱ་ཏཱ་ས་མཱ་དྷི་དང་། ལོ་ཙཱ་བ་ཤེས་རབ་ཡེ་ཤེས་ཀྱི་འགྱུར། དེ་ལྟར་རྒྱུད་སོ་སོའི་འགྲེལ་པ་རྣམས་བཀོད་ནས། སྒྲུབ་ཐབས་དཀྱིལ་ཆོག་མན་ངག་ལ་སོགས་པའི་སྐོར་ནི།
དཔལ་འཁོར་ལོ་སྡོམ་པའི་མཚན་བརྒྱ་རྩ་བརྒྱད་པའི་བསྟོད་པ། དེ་ཁོ་ན་ཉིད་ཀྱི་སྙིང་པོ་སྒྲུབ་པ་ཞེས་བྱ་བ་བྱང་ཆུབ་སེམས་དཔའ་ཕྱག་ན་རྡོ་རྗེས་མཛད་པ། རྒྱ་གར་གྱི་མཁན་པོ་སོ་མ་ནཱ་ཐས་གཉལ་མི་ཤེས་རབ་མཆོག་གི་དོན་དུ་བསྒྱུར་བ། དཔལ་བཅོམ་ལྡན་འདས་མངོན་པར་རྟོགས་
པ་ཞེས་བྱ་བ་ཡུལ་བྷངྒ་ལའི་སློབ་དཔོན་བསོད་སྙོམས་པ་དངོས་གྲུབ་བརྙེས་པ་རྣལ་འབྱོར་གྱི་དབང་ཕྱུག་ལཱུ་ཡི་པས་མཛད་པ། ཁ་ཆེའི་པཎྜི་ཏ་ཤྲདྡྷཱ་ཀ་ར་ཝརྨ་དང་། ཞུ་ཆེན་གྱི་ལོ་ཙཱ་བ་དགེ་སློང་རིན་ཆེན་བཟང་པོའི་འགྱུར་ལ། སླད་ཀྱིས་རྡོ་རྗེ་སློབ་དཔོན་ཆེན་པོ་རྗེ་བཙུན་ན་བ་ཀོ་ཊི་པཱ་
213-1-354a

ད་དང་། བོད་ཀྱི་ལོ་ཙཱ་བ་འགོས་ལྷས་བཙས་ཀྱིས་ཡུལ་ཤར་ཕྱོགས་ཀྱི་དཔེ་དང་བསྟུན་ཏེ་བཅོས་པ། དུས་ཕྱིས་ཤར་ཕྱོགས་ཛ་ག་ཏ་ལའི་པཎྜི་ཏ་ཆེན་པོ་དཱ་ན་ཤཱི་ལས་འགྲེལ་པ་དང་བསྟུན་ནས་ཅུང་ཟད་བཅོས་པ། དཔལ་འཁོར་ལོ་སྡོམ་པའི་བསྟོད་པ་དོན་ཐམས་
ཅད་གྲུབ་པ་རྣམ་དག་གཙུག་གི་ནོར་བུ་ཞེས་བྱ་བ་མཆོག་གི་དངོས་གྲུབ་བརྙེས་པ་སློབ་དཔོན་དཱ་རི་ཀ་པས་མཛད་པ། ཡུལ་ཁ་ཆེའི་མཁན་པོ་དྷརྨ་བཛྲ་དང་། བོད་ཀྱི་ལོ་ཙཱ་བ་རྒྱ་བརྩོན་འགྲུབ་སེང་གེའི་འགྱུར་ལ། སླད་ཀྱིས་རྒྱ་གར་གྱི་མཁན་པོ་ཐུན་མོང་གི་དངོས་གྲུབ་བརྙེས་པའི་པཎྜི་ཏ་
ཀུ་མཱ་ར་བཛྲ་དང་། བོད་ཀྱི་ལོ་ཙཱ་བ་ཉི་མ་རྡོ་རྗེས་རྒྱ་གར་ཤར་ཕྱོགས་ཀྱི་གྲོང་ཁྱེར་མངའ་ལྡན་དུ་བསྒྱུར་ཞིང་བཅོས་པ། དཔལ་འཁོར་ལོ་སྡོམ་པའི་སྒྲུབ་ཐབས་དེ་ཁོ་ན་ཉིད་ཀྱིས་བསྡུས་པ་ཞེས་བྱ་བ་སློབ་དཔོན་ཆེན་པོ་རིག་པའི་བརྟུལ་ཞུགས་པ་དཔལ་དཱ་རི་ཀ་པས་མཛད་པ། བྷངྒ་ལའི་པཎྜི་
ཏ་ཀུ་མཱ་ར་བཛྲ་དང་། ལོ་ཙཱ་བ་དགེ་སློང་ཉི་མ་རྡོ་རྗེའི་འགྱུར། དཔལ་འཁོར་ལོ་སྡོམ་པའི་དཀྱིལ་འཁོར་གྱི་ཆོ་ག་དེ་ཁོ་ན་ཉིད་ལ་འཇུག་པ་ཞེས་བྱ་བ་སློབ་དཔོན་རིག་པའི་བརྟུལ་ཞུགས་པ་དཔལ་དཱ་རི་ཀ་པས་མཛད་པ། རྒྱ་གར་གྱི་མཁན་པོ་ཀུ་མཱ་ར་བཛྲ་དང་། ལོ་ཙཱ་བ་དགེ་སློང་ཉི་མ་རྡོ་རྗེ་
དང་། སྤྱིལ་ཅོག་གི་ཐོ་གར་དགེ་མཛེས་ཀྱི་འགྱུར། དཔལ་འཁོར་ལོ་སྡོམ་པའི་དབང་གི་བྱ་བ་མདོར་བསྡུས་པ་ཞེས་བྱ་བ་སློབ་དཔོན་རྡོ་རྗེ་དྲིལ་བུ་པའི་ཞབས་ཀྱིས་མཛད་པ། རྒྱ་གར་གྱི་མཁན་པོ་པཎྜི་ཏ་ཀྲྀཥྞ་པ་དང་། བོད་ཀྱི་ལོ་ཙཱ་བ་ཆོས་ཀྱི་ཤེས་རབ་ཀྱི་འགྱུར། དཔལ་འཁོར་ལོ་
སྡོམ་པའི་སྒྲུབ་པའི་ཐབས་ཕྱག་རྒྱ་ཆེན་པོ་གྲུབ་པ་དཔལ་རྡོ་རྗེ་དྲིལ་བུ་པས་མཛད་པ། པཎྜི་ཏ་པྲཛྙཱ་བྷ་དྲ་དང་། ལོ་ཙཱ་བ་མལ་གྱོ་བློ་གྲོས་གྲགས་ཀྱི་འགྱུར། དཔལ་འཁོར་ལོ་སྡོམ་པའི་རིམ་པ་ལྔ་པ་སློབ་དཔོན་ཆེན་པོ་མཁས་པ་རྡོ་རྗེ་དྲིལ་བུ་པས་མཛད་པ། རྒྱ་གར་གྱི་པཎྜི་ཏ་ཀྲྀཥྞ་པཎྜི་ཏ་
པ་དང་། དགེ་སློང་ཚུལ་ཁྲིམས་རྒྱལ་བའི་འགྱུར་ལ། ཕྱིས་བླ་མ་སུ་མ་ཏི་ཀཱིརྟི་དང་། དགེ་སློང་བློ་ལྡན་ཤེས་རབ་ཀྱིས་བཅོས་པ་དཔལ་ཕམ་ཐིང་པའི་བརྒྱུད་པ་མ་ནོར་བའི་བཤད་པའོ། །དེ་དག་ལ་དྲིལ་བུ་སྐོར་གསུམ་དུ་གྲགས་སོ། །འཁོར་ལོ་སྡོམ་པའི་ལུས་དཀྱིལ་གྱི་མངོན་པར་

213-1-354b

རྟོགས་པ་དང་། དཔལ་འཁོར་ལོ་སྡོམ་པའི་རིམ་པ་ལྔ་པའི་འགྲེལ་པ་རྡོ་རྗེ་དྲིལ་བུ་པས་མཛད་པ། པཎྜི་ཏ་སུ་མ་ཏི་ཀཱིརྟི་དང་། ལོ་ཙཱ་བ་མར་པ་ཆོས་ཀྱི་དབང་ཕྱུག་གི་འགྱུར། བདེ་མཆོག་ལྷན་ཅིག་སྐྱེས་པའི་སྒྲུབ་ཐབས་གྲུབ་ཐོབ་སློབ་དཔོན་རྡོ་རྗེ་དྲིལ་བུ་པས་མཛད་པ། པཎྜི་ཏ་
རྡོ་རྗེ་གདན་པ་ནི་སྐ་ལངྐ་དང་། དཔྱལ་ལོ་ཙཱ་བ་དཔལ་ཆོས་ཀྱི་བཟང་པོའི་འགྱུར། བཅོམ་ལྡན་འདས་དཔལ་བདེ་མཆོག་སྒྲུབ་པའི་ཐབས་རིན་པོ་ཆེ་ཡིད་བཞིན་གྱི་ནོར་བུ་ཞེས་བྱ་བ་སློབ་དཔོན་མཁས་པ་ཆེན་པོ་རྡོ་རྗེ་དྲིལ་བུ་པས་མཛད་པ། རྒྱ་གར་གྱི་མཁན་པོ་སུ་མ་ཏི་ཀཱིརྟི་དང་། 
བོད་ཀྱི་ལོ་ཙཱ་བ་མཁས་པ་མར་པ་ཆོས་ཀྱི་དབང་ཕྱུག་གི་འགྱུར། དཔལ་བདེ་མཆོག་ཕྱག་གཉིས་པའི་ལྷན་ཅིག་སྐྱེས་པའི་སྒྲུབ་ཐབས་དངོས་གྲུབ་བརྙེས་པའི་པཎྜི་ཏ་ཆེན་པོ་དཔལ་རྡོ་རྗེ་དྲིལ་བུ་པས་མཛད་པ། རྒྱ་གར་གྱི་མཁན་པོ་ལྔ་རིག་པཎ་ཆེན་གྲུབ་པ་བརྙེས་པའི་རྗེ་བཙུན་རཏྣ་རཀྵི་ཏ་
དང་། ཆག་ལོ་ཙཱ་བ་ཆོས་རྗེ་དཔལ་གྱི་འགྱུར། ཚོགས་ཀྱི་འཁོར་ལོའི་ཆོ་ག་སློབ་དཔོན་རྡོ་རྗེ་དྲིལ་བུ་པས་མཛད་པ། དཔལ་འཁོར་ལོ་སྡོམ་པའི་བསྟོད་པ་རྒྱལ་པོ་ཆེན་པོ་ཨིནྡྲ་བྷཱུ་ཏིས་མཛད་པ། དཀྱིལ་འཁོར་གྱི་ལྷ་ལ་བསྟོད་པ་རིན་པོ་ཆེའི་སྒྱུ་འཕྲུལ་སྦྱིན་པ་ཞེས་བྱ་བ་སློབ་
དཔོན་རྡོ་རྗེ་དྲིལ་བུ་པས་མཛད་པ། མ་ཧཱ་པཎྜི་ཏ་སུ་མ་ཏི་ཀཱིརྟི་དང་། བོད་ཀྱི་ལོ་ཙཱ་བ་མར་པ་ཆོས་དབང་གི་འགྱུར། དཔལ་རྡོ་རྗེ་མཁའ་འགྲོའི་བསྟོད་པ་རྒྱུན་ཆགས་ཞེས་བྱ་བ་རྟོག་གེ་པའི་ཚོགས་ཀྱི་གཙུག་གི་ནོར་བུ་སློབ་དཔོན་ཆེན་པོ་དཔལ་ལྡན་ཆོས་ཀྱི་གྲགས་པས་མཛད་པ། རྒྱ་
གར་གྱི་མཁན་པོ་མ་ཎི་ཀ་ཤྲཱི་ཛྙཱ་ན་དང་། ཆག་ལོ་ཙཱ་བ་དགེ་སློང་དཔལ་གྱི་མཐའ་ཅན་གྱི་འགྱུར། འདིའི་གཞུང་ཚད་ནི་བླ་མའི་ཕྱག་དཔེ་ལ་ཚིག་རྐང་པ་བཞིའི་རེ་རེ་ཞིང་ཡི་གེ་སུམ་ཅུ་རྩ་དྲུག་ཏུ་གནས་ཤིང་། རྐང་པ་བཞི་ཀ་བསྡོམས་པས་ཡི་གེ་སྟོང་སུམ་བརྒྱ་བཞི་བཅུ་རྩ་བཞི་
བཞུགས་ལ། བོད་ཀྱི་དཔེ་ལ་ནི་ཚིག་རྐང་རེ་རེ་ལ་ཚེག་བར་ཉིས་བརྒྱ་དགུ་བཅུ་རྩ་ལྔ་ཡོད་ཅིང་། བསྡོམས་པས་ཚེག་བར་སྟོང་བརྒྱ་བརྒྱད་ཅུ་ཡོད་དོ་ཞེས་འབྱུང་ངོ་། །བཅོམ་ལྡན་འདས་དཔལ་འཁོར་ལོ་བདེ་མཆོག་གི་སྒྲུབ་ཐབས་རིན་པོ་ཆེ་གཙུག་གི་ནོར་བུ་ཞེས་བྱ་བ་དང་།

213-1-355a

དཔལ་འཁོར་ལོ་བདེ་མཆོག་གི་དཀྱིལ་འཁོར་གྱི་ཆོ་ག་རིན་པོ་ཆེ་རབ་ཏུ་གསལ་བའི་སྒྲོན་མ་ཞེས་བྱ་བ་སློབ་དཔོན་དཔལ་ལྭ་བ་པས་མཛད་པ། རྒྱ་གར་གྱི་པཎྜི་ཏ་ཆེན་པོ་སུ་མ་ཏི་ཀཱིརྟི་དང་། བོད་ཀྱི་ལོ་ཙཱ་བ་མཁས་པ་ཆེན་པོ་མར་པ་ཆོས་ཀྱི་དབང་ཕྱུག་གི་འགྱུར།
ནག་པོ་པའི་སྐོར་ལ། དཔལ་འཁོར་ལོ་སྡོམ་པ་ཞེས་བྱ་བའི་སྒྲུབ་ཐབས་ཤློ་ཀ་བརྒྱ་ཉི་ཤུ་རྩ་བརྒྱད་པ་དང་། བཅོམ་ལྡན་འདས་དཔལ་བདེ་མཆོག་འཁོར་ལོའི་དཀྱིལ་འཁོར་གྱི་ཆོ་ག་སློབ་དཔོན་ཆེན་པོ་བརྟུལ་ཞུགས་སྤྱོད་པ་ནག་པོ་པས་མཛད་པ། རྒྱ་གར་གྱི་མཁན་པོ་བུདྡྷ་
ཤྲཱི་ཤཱནྟི་དང་། ལོ་ཙཱ་བ་དགེ་སློང་རིན་ཆེན་བཟང་པོའི་འགྱུར། སླད་ཀྱི་པཎྜི་ཏ་ཆེན་པོ་ག་ཡ་དྷ་ར་དང་། ལོ་ཙཱ་བ་འགོས་ལྷས་བཙས་ཀྱི་འགྱུར། དཔལ་བདེ་མཆོག་འཁོར་ལོའི་སྦྱིན་སྲེག་གི་ཆོ་ག་གྲུབ་པའི་སློབ་དཔོན་ཆེན་པོ་ནག་པོ་ཞབས་ཀྱིས་མཛད་པ། རྒྱ་གར་གྱི་མཁན་པོ་དྷརྨ་
བྷ་དྲ་དང་། ཞུ་ཆེན་གྱི་ལོ་ཙཱ་བ་དགེ་སློང་རིག་པ་གཞོན་ནུའི་འགྱུར་ཏེ་བསྐྱེད་པའི་རིམ་པ་སྐོར་གསུམ་མོ། །རྫོགས་རིམ་སྐོར་གསུམ་ལ། དཔྱིད་ཀྱི་ཐིག་ལེ་ཞེས་བྱ་བ་ནག་པོ་སྤྱོད་པ་པས་མཛད་པ། པཎྜི་ཏ་བློ་གྲོས་བཟང་པོ་གྲགས་པ་དང་། ལོ་ཙཱ་བ་སྒྲ་སྒྱུར་མར་པ་ཆོས་ཀྱི་དབང་
ཕྱུག་གི་འགྱུར། དཔྱིད་ཀྱི་ཐིག་ལེའི་རྒྱ་ཆེར་འགྲེལ་པ་ཞེས་བྱ་བ་རྒྱ་གར་ཤར་ཕྱོགས་ཀྱི་པཎྜི་ཏ་ནགས་ཀྱི་རིན་ཆེན་ཞེས་བྱ་བ་རྡོ་རྗེ་རྣལ་འབྱོར་མའི་ཞབས་ཀྱི་ཐིག་ལེ་ལ་རེག་པས་ཧེ་རུ་ཀའི་དཔྱིད་ཀྱི་དགའ་བ་ཐོབ་པ་དེས་མཛད་པ། པཎྜི་ཏ་ཆེན་པོ་དེ་ཉིད་དང་། ལོ་ཙཱ་བ་གཞོན་ནུ་དཔལ་གྱིས་
རྒྱལ་པོའི་ཕོ་བྲང་སྣེའུ་གདོང་དུ་བསྒྱུར་བ། གསང་བའི་དེ་ཁོ་ན་ཉིད་རབ་ཏུ་གསལ་བ་ཞེས་བྱ་བ་སློབ་དཔོན་ཆེན་པོ་སྤྱོད་པའི་བརྟུལ་ཞུགས་ཞག་པོ་པས་མཛད་པ། རྒྱ་གར་གྱི་མཁན་པོ་ག་ཡ་དྷ་ར་དང་། ལོ་ཙཱ་བ་འགོས་ལྷས་བཙས་ཀྱི་འགྱུར་བ་ལས། སླད་ཀྱིས་དཔལ་པཎྜི་ཏ་སུ་མ་ཏི་ཀིརྟི་དང་།
ལོ་ཙཱ་བ་མར་པ་ཆོས་ཀྱི་དབང་ཕྱུག་གིས་བཅོས་པ། རིམ་པ་བཞི་པ་དང་། རིམ་པ་བཞི་པའི་རྣམ་པར་འབྱེད་པ་ཞེས་བྱ་བ་ཨཱ་ཙཱརྱ་ནག་པོ་ཉིད་ཀྱིས་མཛད་པ། པཎྜི་ཏ་སུ་མ་ཏི་ཀཱིརྟི་དང་། བོད་ཀྱི་ལོ་ཙཱ་བ་འབྲོ་དགེ་སློང་ཤེས་རབ་གྲགས་ཀྱི་འགྱུར་ཏེ་ནག་པོ་ཆོས་དྲུག་ཏུ་གྲགས་སོ། །ཡི་

213-1-355b

གེ་བདུན་པའི་སྒྲུབ་ཐབས་པཎྜི་ཏ་ཆེན་པོ་ནག་པོ་པས་མཛད་པ། རྒྱ་གར་གྱི་མཁན་པོ་ངག་གི་དབང་ཕྱུག་དང་། ལོ་ཙཱ་བ་ཀློག་སྐྱ་ཤེས་རབ་བརྩེགས་ཀྱི་འགྱུར་བ་ལས། སླད་ནས་བོད་ཀྱི་ལོ་ཙཱ་བ་ཨཱ་ཙཱརྱ་མར་པ་ཆོས་ཀྱི་དབང་ཕྱུག་གིས་ཞུས་ཏེ་གཏན་ལ་ཕབ་པ་རྣམས་བཞུགས་སོ།།      །།
ཞ་པ་ལ། དཔལ་རྡོ་རྗེ་སེམས་དཔའི་སྒྲུབ་ཐབས་ཞེས་བྱ་བའི་བདེ་མཆོག་གི་སྒྲུབ་ཐབས་སློབ་དཔོན་ལཱུ་ཡི་པས་མཛད་པ། འཁོར་ལོ་བདེ་མཆོག་གི་རྒྱུན་བཤགས་བསྡུས་པ་དཔལ་ཨཽ ཌྱཱན་ལྷ་མོའི་གནས་པ་རྒྱལ་པོ་ཨིནྡྲ་བྷཱུ་ཏིས་མཛད་པ། དཔལ་འཁོར་ལོ་སྡོམ་པའི་སྙིང་པོའི་དེ་ཁོ་ན་
ཉིད་གྲུབ་པ་སློབ་དཔོན་ཆེན་པོ་ཛ་ལནྡྷ་རས་མཛད་པ། དཔལ་ལྷན་ཅིག་སྐྱེས་པའི་མན་ངག་བདག་བྱིན་གྱིས་བརླབ་པ་ཞེས་བྱ་བ་དང་། དཔལ་ལྷན་ཅིག་སྐྱེས་པ་བདེ་བའི་མཆོག་བདག་བྱིན་གྱིས་བརླབ་པ་ཞེས་བྱ་བ་རི་ཁྲོད་ཆེན་པོའི་གསུང་དང་། བདེ་མཆོག་དཔལ་ལྷན་ཅིག་སྐྱེས་པའི་
སྒྲུབ་ཐབས་བདག་བྱིན་གྱིས་བརླབ་པ་ཞེས་བྱ་བ་རྒྱལ་པོ་ཨིནྡྲ་བྷཱུ་ཏི་འབྲིང་པོས་མཛད་པ། རྗེ་མེ་ཉག་ཆེན་པོའི་འགྱུར། སྡོམ་པ་བཤད་པ་ཞེས་བྱ་བ་སློབ་དཔོན་ཆེན་པོ་བརྟུལ་ཞུགས་སྤྱོད་པ་ནག་པོ་པས་མཛད་པ། ཛ་ག་ཏ་ལར་འོལ་སྟོན་ཆོས་འབྱུང་གི་འགྱུར། ཡི་གེ་བདུན་པའི་སྒྲུབ་
ཐབས་སློབ་དཔོན་རྒྱལ་དཀའ་ཟླ་བས་མཛད་པ། དཔལ་འཁོར་ལོ་སྡོམ་པའི་སྒྲུབ་ཐབས་བདུད་རྩི་འཛག་པ་ཞེས་བྱ་བ་སློབ་དཔོན་མི་ཐུབ་ཟླ་བས་མཛད་པ། བདེ་མཆོག་ཤེས་པར་བྱེད་པ་ཞེས་བྱ་བ་དེ་མཆོག་གི་མངོན་པར་རྟོགས་པ་སློབ་དཔོན་བྱང་ཆུབ་རྡོ་རྗེས་མཛད་པ། རྒྱ་གར་གྱི་མཁན་
པོ་བྷ་དྲཱ་ཤྲཱི་བོ་དྷི་དང་། ལོ་ཙཱ་བ་དགེ་བའི་བློ་གྲོས་ཀྱི་འགྱུར། དཔའ་བོ་གཅིག་པའི་སྒྲུབ་ཐབས་སློབ་དཔོན་ཆེན་པོ་ཌོམྦི་ཧེ་རུ་ཀས་མཛད་པ། རྗེ་དཱི་པཾ་ཀ་རའི་ཞལ་སྔ་ནས་དང་། ནག་ཚོ་ཚུལ་ཁྲིམས་རྒྱལ་བའི་འགྱུར། དཔལ་མངོན་པར་རྟོགས་པ་ཞེས་བྱ་བའི་དཀའ་འགྲེལ། རྒྱ་
གར་གྱི་མཁན་པོ་དཔལ་སུ་མ་ཏི་ཀཱིརྟི་དང་། ལོ་ཙཱ་བ་དགེ་སློང་བློ་ལྡན་ཤེས་རབ་ཀྱི་འགྱུར། དཔལ་འཁོར་ལོ་སྡོམ་པའི་ཕྱི་རོལ་གྱི་མཆོད་པའི་ཆོ་ག །དཔལ་འཁོར་ལོ་སྡོམ་པའི་གཏོར་མའི་ཆོ་ག །དཔལ་འཁོར་ལོ་སྡོམ་པའི་ལག་མཆོད་ཀྱི་ཆོ་ག །དཔལ་འཁོར་ལོ་སྡོམ་པའི་དཀྱིལ་

213-1-356a

འཁོར་གྱི་ཆོ་ག་མདོར་བསྡུས་པ་ཞེས་བྱ་བ་རྣམས་སློབ་དཔོན་པྲ་ཛྙཱ་རཀྵི་ཏས་མཛད་པ་སྟེ། པྲ་ཛྙཱ་རཀྙི་ཏའི་ཆོས་བཞིར་གྲགས་པ་རྣམས་པཎྜི་ཏ་སུ་མ་ཏི་ཀཱིརྟི་དང་། ལོ་ཙཱ་བ་བློ་ལྡན་ཤེས་རབ་ཀྱི་འགྱུར། དཔལ་འཁོར་ལོ་སྡོམ་པའི་དབང་གི་བྱ་བའི་རིམ་པ་
པཎྜི་ཏ་ཆེན་པོ་སློབ་དཔོན་རྟག་པའི་རྡོ་རྗེས་མཛད་པ། སྐད་གཉིས་སྨྲ་བའི་དབང་ཕྱུག་དགེ་སློང་དྷརྨ་ཤྲཱི་བྷ་དྲས། ལོ་ཙཱ་བ་ཆེན་པོ་བུ་སྟོན་ཐམས་ཅད་མཁྱེན་པའི་བཀའ་ལྟར་དཔལ་མར་མེ་མཛད་ཡེ་ཤེས་ཀྱི་བྱིན་གྱིས་བརླབས་པའི་གནས་ཞ་ལུ་རི་ཕུག་ཏུ་བསྒྱུར་བ། དཔལ་ལྷན་
ཅིག་སྐྱེས་པའི་བདེ་བའི་མཆོག་བདག་བྱིན་གྱིས་བརླབ་པ་ཞེས་བྱ་བ་སློབ་དཔོན་ཆེན་པོ་ཏིལླི་པས་མཛད་པ། རྗེ་མེ་ཉག་ཆེན་པོའི་འགྱུར། དཔའ་བོ་གཅིག་པ་ཧེ་རུ་ཀའི་སྒྲུབ་ཐབས་ཞེས་བྱ་བ་སློབ་དཔོན་ཆེན་པོ་ན་རོ་པས་མཛད་པ། བདེ་མཆོག་གི་སྦྱིན་སྲེག་སྤྱིའི་གསལ་
བྱེད་པདྨ་དབྱངས་ཀྱིས་མཛད་པ། དཔལ་འཁོར་ལོ་སྡོམ་པའི་ཞི་བའི་སྦྱིན་སྲེག་གི་ཆོ་ག་བསྡུས་པ། བདེ་མཆོག་གི་སཱཙྪའི་ཆོ་ག་མ་ཧཱ་པྲཛྙཱ་རཀྵི་ཏས་མཛད་པ། ལོ་ཙཱ་བ་བཤེས་གཉེན་བ་རི་བའི་འགྱུར། འཁོར་ལོ་སྡོམ་པའི་སྒྲུབ་ཐབས་སློབ་དཔོན་རྒྱལ་བ་བཟང་པོས་མཛད་པ། 
རྒྱ་གར་གྱི་མཁན་པོ་དོན་ཡོད་རྡོ་རྗེ་དང་། བོད་ཀྱི་ལོ་ཙཱ་བ་དགེ་སློང་བ་རིའི་འགྱུར། དཔལ་བདེ་མཆོག་གི་དཀྱིལ་འཁོར་བྱ་བའི་ཐབས་ཞེས་བྱ་བ་ཚིགས་སུ་བཅད་པ་དགུ་བརྒྱ་པ་སློབ་དཔོན་རྒྱལ་བ་བཟང་པོས་མཛད་པ། རྒྱ་གར་གྱི་མཁན་པོ་པཎྜི་ཏ་འཇམ་དཔལ་དང་། བོད་ཀྱི་ལོ་ཙཱ་བ་
དགེ་སློང་བ་རིའི་འགྱུར། དཔལ་ཧེ་རུ་ཀའི་སྒྲུབ་ཐབས་ཞེས་བྱ་བ་སློབ་དཔོན་རིན་ཆེན་རྡོ་རྗེས་མཛད་པ། རྒྱ་གར་གྱི་མཁན་པོ་ཨཱ་ཙཱརྱ་དྷརྨ་ཤྲཱི་བྷ་དྲ་དང་། ལོ་ཙཱ་བ་དགེ་སློང་རིན་ཆེན་བཟང་པོའི་འགྱུར། དཔལ་འཁོར་ལོ་སྡོམ་པའི་དཀྱིལ་འཁོར་གྱི་བཀྲ་ཤིས་ཚིགས་སུ་བཅད་པ་ཁ་ཆེའི་
ཡུལ་དུ་བྱུང་ཞིང་དངོས་གྲུབ་བརྙེས་པའི་སློབ་དཔོན་རིན་ཆེན་རྡོ་རྗེས་མཛད་པ། པཎྜི་ཏ་ཏཱ་ར་ཀ་ལ་ཤུ་དང་། ཞུ་ཆེན་གྱི་ལོ་ཙཱ་བ་ཚུལ་ཁྲིམས་རྒྱལ་བའི་འགྱུར། འདིའི་ཞུ་དག་དང་། སྲུང་བའི་འཁོར་ལོའི་ཁ་སྐོང་རྣམས་འཕགས་པས་མཛད་དོ། །དེ་ཁོ་ན་ཉིད་ཀྱི་སྙིང་པོ་ཞེས་བྱ་བའི་སྒྲུབ་པའི་ཐབས་

213-1-356b

སློབ་དཔོན་དད་པྱེད་གོ་ཆས་མཛད་པ། ཁ་ཆེའི་མཁན་པོ་བི་ནཱ་ཡ་ཀ་དང་། ལོ་ཙཱ་བ་དགེ་སློང་བློ་ལྡན་ཤེས་རབ་ཀྱི་འགྱུར། ཧེ་རུ་ཀའི་རྣམ་པར་དག་པ་སློབ་དཔོན་ཤྲདྡྷཱ་ཀ་ར་ཝརྨས་མཛད་པ། སློབ་དཔོན་དེ་ཉིད་དང་། ལོ་ཙཱ་བ་རིན་ཆེན་བཟང་པོའི་འགྱུར། རྗེ་བཙུན་དཔལ་ཧེ་རུ་ཀ་སྒྲུབ་
པའི་ཐབས་མདོར་བསྡུས་པ་ཞེས་བྱ་བ་བྲམ་ཟེ་བྷྲྀངྒ་རས་མཛད་པ། རྒྱ་གར་གྱི་མཁན་པོ་གཞོན་ནུ་བུམ་པའི་འགྱུར་ལ། སླད་ཀྱི་པཎྜི་ཏ་སུ་མ་ཏི་ཀཱིརྟིའི་ཞབས་དང་། ལོ་ཙཱ་བ་མར་པ་ཆོས་ཀྱི་དབང་ཕྱུག་གིས་ཞུས་ཏིག་བྱས་པ། ཡི་གེ་བདུན་པའི་སྒྲུབ་ཐབས་པཎྜི་ཏ་གཉིས་སུ་མེད་པའི་
རྡོ་རྗེས་མཛད་པ། བོད་ཀྱི་ལོ་ཙཱ་བ་མཁས་པ་མར་པ་ཆོས་ཀྱི་དབང་ཕྱུག་གི་འགྱུར། དཔལ་འཁོར་ལོ་སྡོམ་པའི་སྒྲུབ་ཐབས་རིན་པོ་ཆེའི་སྒྲོན་མ་སློབ་དཔོན་མཁས་པ་མཻ་ཏྲི་པས་མཛད་པ། རྒྱ་གར་གྱི་མཁན་པོ་བཛྲ་པཱ་ཎིའི་ཞལ་སྔ་ནས་དང་། བོད་ཀྱི་ལོ་ཙཱ་བ་བ་རེག་ཐོས་པ་དགས་
བསྒྱུར་བ། སླད་ཀྱིས་དགེ་བའི་བཤེས་གཉེན་མཁས་པ་བ་རི་ལོ་ཙཱ་བས་བཅོས་པ་ལས། དུས་ཕྱིས་ཁ་ཆེའི་པཎྜི་ཏ་ཆེན་པོ་བུདྔྷ་ཤྲཱི་ཛྙཱ་ནའི་བཀའ་དྲིན་ལ་བརྟེན་ནས་གནུབས་ལོ་ཙཱ་བས་སྒྲ་དོན་ཇི་ལྟ་བ་བཞིན་དུ་གཏན་ལ་ཕབ་པ། དཔལ་འཁོར་ལོ་སྡོམ་པའི་མན་ངག་ཅེས་བྱ་བ་སློབ་དཔོན་
གཉིས་མེད་རྡོ་རྗེས་མཛད་པ། གྲུབ་པའི་སློབ་དཔོན་བླ་མ་བྷ་རེནྡྲ་རུ་ཙིའི་ཞལ་སྔ་ནས་དང་། བོད་ཀྱི་ལོ་ཙཱ་བ་རྨ་བན་ཆོས་འབར་གྱི་འགྱུར། དཔལ་འཁོར་ལོ་སྡོམ་པ་ལྷ་བཅུ་གསུམ་མའི་བདག་ཉིད་ཀྱི་དབང་བསྐུར་བའི་ཆོ་ག་ཞེས་བྱ་བ་སློབ་དཔོན་གཉིས་མེད་རྡོ་རྗེས་
མཛད་པ། བལ་པོ་ཨཱ་ཙཱརྱ་ཛྙཱ་ན་བཛྲའི་ཞབས་དང་། བོད་ཀྱི་ལོ་ཙཱ་བ་ཆེན་པོ་ཞང་ཞུང་གིས་བསྒྱུར་ཅིང་ཞུས་ཏེ་གཏན་ལ་ཕབ་པ། དཔལ་འཁོར་ལོ་སྡོམ་པའི་རབ་གནས་སློབ་དཔོན་གཉིས་མེད་རྡོ་རྗེས་མཛད་པ། རྒྱ་གར་གྱི་མཁན་པོ་བཛྲ་པཱ་ཎི་དང་། ལོ་ཙཱ་བ་རྨ་བན་ཆོས་འབར་
གྱི་འགྱུར། དཔལ་འཁོར་ལོ་སྡོམ་པའི་སྒྲུབ་ཐབས་ཚིགས་བཅད་སུམ་ཅུ་པ་སློབ་དཔོན་སྤྲིན་གྱི་བཞོན་པའི་ལྷས་མཛད་པ། འདི་པཎྜི་ཏ་ཚུལ་ཁྲིམས་འབྱུང་གནས་བློ་གྲོས་ཀྱིས་མཛད་པའི་འགྲེལ་པ་རྒྱ་དཔེ་དང་གཏུགས་ནས། ཞ་ལུ་ལོ་ཙཱ་བ་ཆེན་པོ་དྷརྨཱ་པ་ལ་བྷ་དྲ་ཞེས་བྱ་བས་ལེགས་

213-1-357a

པར་བསྒྱུར་པ། ལྷ་བཅུ་གསུམ་གྱི་བདག་གཉིད་དཔལ་འཁོར་ལོ་སྡོམ་པའི་དཀྱིལ་འཁོར་གྱི་ཆོ་ག་དཔལ་བ་ན་རཏྣས་མཛད་པ། ལོ་ཙཱ་བ་ཆེན་པོ་གཞོན་ནུ་དཔལ་གྱིས་ལེགས་པར་བསྒྱུར་ཅིང་གཏན་ལ་ཕབ་པ། ལཱུ་ཡི་པས་མཛད་པའི་མངོན་པར་
རྟོགས་པ་རྣམ་པར་འབྱེད་པ་ཞེས་བྱ་བ་མཁས་པ་ཆེན་པོ་དཱི་པཾ་ཀ་ར་ཤྲཱི་ཛྙཱ་ནས་མཛད་པ། པཎྜི་ཏ་དེ་ཉིད་དང་། ལོ་ཙཱ་བ་དགེ་སློང་ཚུལ་ཁྲིམས་རྒྱལ་བའི་འགྱུར། དཔལ་འཁོར་ལོ་སྡོམ་པའི་སྒྲུབ་ཐབས་དང་། དཔལ་བཅོམ་ལྡན་འདས་ཀྱི་མངོན་པར་རྟོགས་པ་ཞེས་བྱ་བ་རྒྱ་གར་གྱི་མཁན་
པོ་དཔལ་མར་མེ་མཛད་ཡེ་ཤེས་ཀྱིས་མཛད་པ། པཎྜི་ཏ་དེ་ཉིད་དང་། ལོ་ཙཱ་བ་རིན་ཆེན་བཟང་པོའི་འགྱུར། དཔའ་བོ་གཅིག་པའི་སྒྲུབ་ཐབས་ཞེས་བྱ་བ། རྡོ་རྗེ་གདན་གྱི་རྡོ་རྗེ་གདན་གྱི་གླུ། རྡོ་རྗེ་གདན་གྱི་རྡོ་རྗེའི་གླུའི་འགྲེལ་པ་རྣམས་མཁས་པ་ཆེན་པོ་དཱི་པཾ་ཀ་ར་ཤྲཱི་ཛྙཱ་ནས་མཛད་པ། པཎྜི་
ཏ་དེ་ཉིད་དང་། དགེ་སློང་ཚུལ་ཁྲིམས་རྒྱལ་བའི་འགྱུར། སྤྱོད་པའི་གླུ་སློབ་དཔོན་ཆེན་པོ་དཔལ་མར་མེ་མཛད་ཡེ་ཤེས་ཀྱིས་མཛད་པ། པཎྜི་ཏ་བཛྲ་པཱ་ཎི་དང་། ལོ་ཙཱ་བ་དགེ་སློང་ཆོས་ཀྱི་ཤེས་རབ་ཀྱི་འགྱུར། སྤྱོད་པའི་གླུའི་འགྲེལ་པ་ཇོ་བོ་རྗེས་མཛད་པ། པཎྜི་ཏ་དེ་ཉིད་དང་། ནག་
ཚོ་ཚུལ་ཁྲིམས་རྒྱལ་བའི་འགྱུར། དཔལ་འཁོར་ལོ་སྡོམ་པའི་མངོན་པར་རྟོགས་པ་མ་ཧཱ་པཎྜི་ཏ་ཨ་བྷ་ཡ་ཀ་ར་གུཔྟ་པཱ་དས་མཛད་པ། མ་ཧཱ་པཎྜི་ཏ་རཏྣ་རཀྵི་ཏ་པཱ་ད་དང་། ལོ་ཙཱ་བ་རྡོ་རྗེ་འཛིན་པ་ཞང་གྲུབ་པ་དཔལ་བཟང་པོའི་འགྱུར། དབང་གི་རབ་ཏུ་བྱད་པ་ཞེས་བྱ་བ་སློབ་དཔོན་ཆེན་པོ་
ཨ་བྷ་ཡཱ་ཀ་ར་གུཔྟས་མཛད་པ། པཎྜི་ཏ་དེ་ཉིད་དང་། མཁས་པ་ཤེས་རབ་དཔལ་གྱི་འགྱུར། རང་བྱིན་གྱིས་བརླབ་པའི་རིམ་པའི་མན་ངག་ཅེས་བྱ་བ་དངོས་གྲུབ་བརྙེས་པའི་པཎྜི་ཏ་ཆེན་པོ་ཨ་བྷ་ཡཱ་ཀ་ར་གུཔྟས་མཛད་པ། རྒྱ་གར་གྱི་མཁན་པོ་དཔལ་བདེ་མཆོག་ཉིད་དང་དབྱེར་མེད་པའི་
པཎྜི་ཏ་ཆེན་པོ་དཔལ་རྗེ་བཙུན་རཏྣ་རཀྵི་ཏ་དང་། ལོ་ཙཱ་བ་དགེ་སློང་ཆོས་རྗེ་དཔལ་གྱི་འགྱུར། བཅོས་ལྡན་འདས་འཇམ་པའི་རྡོ་རྗེ་བདེ་མཆོག་གི་སྒྲུབ་ཐབས་རྡོ་རྗེ་སློབ་དཔོན་ཆེན་པོ་དཔལ་ཉིན་མོར་མཛད་ཀྱིས་མཛད་པ། རྒྱ་གར་གྱི་མཁན་པོ་ཤྲཱི་སུ་བྷཱུ་ཏི་ཤཱནྟི་དང་། ཞུ་ཆེན་གྱི་ལོ་ཙཱ་བ་དགེ་

213-1-357b

སློང་དགེ་བའི་བློ་གྲོས་ཀྱི་འགྱུར། བདེ་མཆོག་གི་སྦྱིན་སྲེག་གི་ཆོ་ག་བྲམ་ཟེ་ཆེན་པོ་ཉིན་མཛད་རྡོ་རྗེས་མཛད་པ། དཔལ་རྡོ་རྗེ་མཁའ་འགྲོ་ཞེས་བྱ་བའི་རྒྱུད་ཀྱི་རྒྱལ་པོ་ལས་བཏུས་པའི་སྒྲུབ་པའི་ཐབས་བྱང་ཆུབ་ཀྱི་སེམས་ཀུན་དུ་གཟིགས་པའི་ཕྲེང་བ་ཞེས་བྱ་བ་སློབ་དཔོན་ཆེན་པོ་ཀ་ལ་
ཀ་པས་མཛད་པ། རྒྱ་གར་གྱི་པཎྜི་ཏ་ཆེན་པོ་ཀྲཱི་ཀ་ར་དང་། ལོ་ཙཱ་བ་ཆེན་པོ་འགོས་ལྷས་བཙས་ཀྱི་འགྱུར། དཔལ་འཁོར་ལོ་སྡོམ་པའི་ལྷན་ཅིག་སྐྱེས་པའི་དེ་ཁོ་ན་ཉིད་སྣང་བ་སློབ་དཔོན་ཆེན་པོ་དཔག་མེད་རྡོ་རྗེས་མཛད་པ། རྒྱ་གར་གྱི་པཎྜི་ཏ་དཱི་པཾ་ཀ་ར་རཀྵི་ཏ་དང་། ཨཱ་ཙཱརྱ་མར་
པ་ཆོས་ཀྱི་དབང་ཕྱུག་གི་འགྱུར། དཔལ་འཁོར་ལོ་སྡོམ་པའི་སྙིང་པོ་དེ་ཁོ་ན་ཉིད་བསྡུས་པ་སློབ་དཔོན་ཀུ་ས་ལི་པས་མཛད་པ། རྡོ་རྗེ་སློབ་དཔོན་ངག་གི་དབང་ཕྱུག་དང་། ཨཱ་ཙཱརྱ་མར་པ་ཆོས་ཀྱི་དབང་ཕྱུག་གི་འགྱུར། ལྷན་ཅིག་སྐྱེས་པའི་དེ་ཁོ་ན་ཉིད་སྣང་བ་དང་། དཔལ་འཁོར་ལོ་
སྡོམ་པའི་དེ་ཁོ་ན་ཉིད་ཀྱི་མན་ངག་སློབ་དཔོན་ཀུ་ས་ལི་པས་མཛད་པ། ཁ་ཆེའི་མཁས་པ་བྷ་དྲ་བོ་དྷི་དང་། ལོ་ཙཱ་བ་མར་པ་ཆོས་ཀྱི་དབང་ཕྱུག་གི་འགྱུར། དཔལ་འཁོར་ལོ་སྡོམ་པ་གཉིས་སུ་མེད་པའི་བསམ་གཏན་གྱི་མན་ངག་རྣལ་འབྱོར་གྱི་རྒྱུད་གཏུམ་མོ་སློབ་དཔོན་ཆེན་པོ་དགེ་བའི་
མགོན་པོས་མཛད་པ། བལ་པོའི་པཎྜི་ཏ་ཝཱ་གཱི་ཤྭ་ར་དང་། ལོ་ཙཱ་བ་ཨཱ་ཙཱརྱ་མར་པ་ཆོས་དབང་གི་འགྱུར། ལཱུ་ཡི་བའི་མངོན་པར་རྟོགས་པའི་འགྲེལ་པ་སྡོམ་པ་འབྱུང་བ་ཞེས་བྱ་བ། ལཱུ་ཡི་པའི་མངོན་པར་རྟོགས་པའི་འགྲེལ་བའི་ཊཱི་ཀ་ཁྱད་པར་གསལ་བྱེད་ཅེས་བྱ་བ། དཔལ་བདེ་མཆོག་
གི་དཀྱིལ་འཁོར་གྱི་ཆོ་ག་རྣམས་པཎྜི་ཏ་ཆེན་པོ་དེ་བཞིན་གཤེགས་པའི་རྡོ་རྗེས་མཛད་པ། རྒྱ་གར་ཤར་ཕྱོགས་ཛ་ག་ཏ་ལའི་པཎྜི་ཏ་ཆེན་པོ་བི་བྷཱུ་ཏི་ཙནྡྲའི་རང་འགྱུར། དཔལ་བདེ་མཆོག་འཁོར་ལོའི་མངོན་པར་རྟོགས་པའི་དཀའ་འགྲེལ་སློབ་དཔོན་བཱི་ར་བཛྲས་མཛད་པ། དཔལ་བདེ་
མཆོག་འཁོར་ལོའི་ཆོ་ག་ཡིད་འོང་ཕྲེང་བ་ཞེས་བྱ་བ་དང་། མཉེས་པའི་སྙིང་པོ་ཞེས་བྱ་བ་སློབ་དཔོན་ཀྵཱནྟི་དཔའ་བོ་རྡོ་རྗེས་མཛད་པ། ཡེ་ཤེས་འབྱུང་བ་མན་ངག་ཅེས་བྱ་བ་ཀཱ་ཡ་སྠ་པ་ག་ཡ་དྷ་རས་མཛད་པ། རྒྱ་གར་གྱི་མཁན་པོ་དེ་ཉིད་དང་། བོད་ཀྱི་ལོ་ཙཱ་བ་དགེ་སློང་ཤཱཀྱ་ཡེ་ཤེས་ཀྱི་

213-1-358a

འགྱུར། སྡོམ་པ་འབྱུང་བའི་སྒྲུབ་ཐབས་བལ་པོའི་པཎྜི་ཏ་ཆེན་པོ་ཀྵནྟི་ཤྲཱིའི་ཞལ་སྔ་ནས་དང་། བོད་ཀྱི་ལོ་ཙཱ་བ་དགེ་སློང་ཤོང་བློ་བརྟན་གྱིས་ལེགས་པར་བསྒྱུར་ཏེ་གཏན་ལ་ཕབ་པ་རྣམས་བཞུགས་སོ།།      །།ཟ་བ་ལ། དཔལ་མཁའ་འགྲོ་རྒྱ་
མཚོའི་རྒྱུད་ཀྱི་དཀྱིལ་འཁོར་གྱི་འཁོར་ལོའི་སྒྲུབ་ཐབས་པདྨ་རཱ་གའི་གཏེར་ཞེས་བྱ་བ་དང་། རྐང་པ་བཞི་བཅུ་རྩ་བརྒྱད་པ་བསྒྱུར་པའི་བསྟོད་པ། ཤྲཱི་ཛ་ཡ་སོ་ནཱ་དང་། དཔལ་དྷརྨ་ཡོན་ཏན་གྱི་འགྱུར། འདི་ལ་ཚིགས་སུ་བཅད་པར་བསྒྱུར་བའང་སྣང་ངོ་། །གཏོར་མའི་ཆོ་ག་རིན་པོ་
ཆེ་ཨསྨ་གརྦྷ་དང་། བླ་མའི་མཎྜལ་གྱི་ཆོ་ག་རིན་པོ་ཆེ་མརྐ་ཏ་མཁས་པ་ཛ་ཡ་སེ་ནའི་གསུང་། དཔལ་ཡེ་ཤེས་རྡོ་རྗེའི་འགྱུར། དཔལ་འཁོར་ལོ་སྡོམ་པའི་བསྟོད་པ་སློབ་དཔོན་མཻ་ཏྲི་པས་མཛད་པ། དཔལ་མཁའ་འགྲོ་རྒྱ་མཚོའི་མངོན་པར་དབང་བསྐུར་བའི་ཆོ་ག་དང་།
དཔལ་མཁའ་འགྲོ་རྒྱ་མཚོའི་སྦྱིན་སྲེག་གི་ཆོ་ག་རིན་པོ་ཆེ་མེ་ཤེལ་མཁས་པ་ཆེན་པོ་ཛ་ཡ་སེ་ནཱའི་གསུང་། པཎྜི་ཏ་དེ་ཉིད་དང་། དཔལ་ཡེ་ཤེས་རྡོ་རྗེའི་འགྱུར། རང་བྱིན་གྱིས་བརླབ་པའི་མན་ངག་གི་སྒྲུབ་ཐབས་ཞེས་བྱ་བ་རྣལ་འབྱོར་གྱི་དབང་ཕྱུག་ཆེན་པོ་གཞོན་ནུ་དཔལ་གྱི་ཞལ་
སྔ་ནས་ཀྱིས་མཛད་པ། གསང་བ་རིན་པོ་ཆེ་ཡིད་བཞིན་གྱི་ནོར་བུ་སྙན་ནས་སྙན་དུ་བརྒྱུད་པ་ཞེས་བྱ་བ་དཔལ་ལྡན་ན་རོ་པས་མཛད་པ། པཎྜི་ཏ་ཆེན་པོ་ཤྲཱི་ན་རོ་པ་དང་། བོད་ཀྱི་ལོ་ཙཱ་བ་མར་པ་ཆོས་ཀྱི་བློ་གྲོས་ཀྱི་འགྱུར། གསང་བ་རིན་པོ་ཆེ་ཞེས་བྱ་བ་མི་བསྐྱོད་རྡོ་རྗེས་
མཛད་པའི་སྙན་ནས་སྙན་དུ་བརྒྱུད་པ། པཎྜི་ཏ་དེ་ཉིད་དང་། ལོ་ཙཱ་བ་མར་པ་ཆོས་ཀྱི་བློ་གྲོས་ཀྱིས་ཕུལླ་ཧ་རིའི་དགོན་པར་བསྒྱུར་བ། བདུད་རྩི་འོད་ཟེར་ཅན་ཞེས་བྱ་བ་རྣལ་འབྱོར་གྱི་དབང་ཕྱུག་ཆེན་པོ་རཏྣ་ཤྲཱི་ཛྙཱ་ན་དང་། མར་པ་ལོ་ཙཱ་བ་ཆོས་ཀྱི་དབང་ཕྱུག་གི་འགྱུར། དཔལ་རྡོ་རྗེ་
མཁའ་འགྲོ་ལུས་མེད་པའི་ཆོས་ཞེས་བྱ་བ་རྗེ་ཏོ་ལོ་པས་ན་རོ་པ་ལ་གསུངས་པ། རྡོ་རྗེ་མཁའ་འགྲོ་མ་ལྟ་བསྒོམ་སྤྱོད་གསུམ་གྱི་བརྡ་བསྟན་པ། དཔལ་སྡོམ་པའི་མན་ངག་ཞལ་ནས་སྙན་དུ་བརྒྱུད་པ་ཡིད་བཞིན་གྱི་ནོར་བུ་ཞེས་བྱ་བ་མཁའ་འགྲོའི་གསང་ཚིག་མར་པ་ཆོས་ཀྱི་བློ་གྲོས་ཀྱིས་

213-1-358b

{ཕུ་}ལ་ཧ་རིར་བསྒྱུར་པ། དཔལ་འཁོར་ལོ་སྡོམ་པའི་དཀྱིལ་འཁོར་གྱི་བསྟོད་པ་ཞེས་བྱ་བ་པཎྜི་ཏ་ཤཱུ་ར་ཀ་ལ་ཤས་མཛད་པ། ཞུ་ཆེན་གྱི་ལོ་ཙཱ་བ་བསོད་ནམས་བཟང་པོའི་འགྱུར། དཔལ་འཁོར་ལོ་སྡོམ་པའི་དཀྱིལ་འཁོར་གྱི་ལྷ་ཚོགས་ལ་བསྟོད་པ་ཞེས་བྱ་བ་དང་། དཔལ་འཁོར་ལོ་
སྡོམ་པ་ལ་བསྟོད་པ་ཁ་ཆེའི་པཎྜི་ཏ་ཆེན་པོ་བྲམ་ཟེ་རིན་ཆེན་རྡོ་རྗེས་མཛད་པ། རྒྱ་གར་གྱི་མཁན་པོ་པཎྜི་ཏ་མ་ཧཱ་ཛྙཱ་ན་དང་། བོད་ཀྱི་ལོ་ཙཱ་བ་མར་པ་ཆོས་ཀྱི་དབང་ཕྱུག་གི་འགྱུར། དཔལ་འཁོར་ལོ་བདེ་མཆོག་གི་རྒྱུན་བཤགས་རྒྱས་པ་སློབ་དཔོན་བྷུ་རི་བས་མཛད་པ། ཇོ་བོ་རྗེ་དང་། ལོ་ཙཱ་བ་
རིན་ཆེན་བཟང་པོའི་འགྱུར། ལམ་གྱི་རབ་ཏུ་བྱ་བ་གྲོང་ཁྱེར་སུམྦྷ་རིའི་རྒྱལ་པོའི་སྲས་དཔལ་འཇིགས་བྱེད་ལྷའི་ཞལ་སྔ་ནས་མཛད་པ། རྒྱ་གར་གྱི་མཁན་པོ་དེ་ཉིད་ཀྱི་སྤྱན་སྔར། བོད་ཀྱི་ལོ་ཙཱ་བ་གྲགས་འབྱོར་ཤེས་རབ་ཀྱི་འགྱུར། དབང་གི་རིམ་པ་ཞེས་བྱ་བ་ཁ་ཆེའི་པཎྜི་ཏ་བདེ་
བའི་རྒྱལ་པོས་མཛད་པ། རཏྣ་ཤྲཱིའི་ཞབས་ཀྱི་པདྨོ་ལ་གཏུགས་པ་པཎྜི་ཏ་ཤྲཱི་པ་ར་ཧི་ཏ་དང་། བོད་ཀྱི་ལོ་ཙཱ་བ་དགེ་སློང་ཤེས་རབ་རྒྱལ་མཚན་གྱི་འགྱུར། དཔལ་འཁོར་ལོ་སྡོམ་པ་དཔའ་བོ་གཅིག་པའི་སྒྲུབ་ཐབས་པཎྜི་ཏ་དཔལ་མ་ཎི་ཀ་ཤྲཱིས་མཛད་པ། རྒྱ་གར་གྱི་མཁན་པོ་
པཎྜི་ཏ་སུ་མ་ཏི་ཀཱིརྟིའི་སྤྱན་སྔར་དགེ་སློང་པྲཛྙཱ་ཀཱིརྟིའི་འགྱུར། དཔལ་བདེ་མཆོག་འཁོར་ལོའི་སྦྱིན་སྲེག་གི་ཆོ་ག་གྲུབ་པའི་སློབ་དཔོན་ཆེན་པོ་ནག་པོ་ཞབས་ཀྱིས་མཛད་པ། རྒྱ་གར་གྱི་མཁན་པོ་དྷརྨ་ཤྲཱི་བྷ་དྲ་དང་། ཞུ་ཆེན་གྱི་ལོ་ཙཱ་བ་དགེ་སློང་རིག་པ་གཞོན་ནུའི་འགྱུར། དཔལ་འཁོར་
ལོ་བདེ་མཆོག་འབྱུང་བ་ཞེས་བྱ་བའི་དཀྱིལ་འཁོར་གྱི་ཆོ་ག་སློབ་དཔོན་དབུས་པ་བློ་ལྡན་གྱིས་མཛད་པ། ལྷན་ཅིག་སྐྱེས་པའི་དཀྱིལ་འཁོར་གསུམ་གསལ་བར་བྱེད་པ་ཞེས་བྱ་བ་མཁས་པ་ཆེན་པོ་ཛྙཱ་ན་ཤྲཱིས་མཛད་པ། བོད་ཀྱི་རྒྱལ་པོ་ཕོ་བྲང་ཞི་བ་འོད་ཀྱིས་བསྒྱུར་བ། སློབ་དཔོན་ནག་
པོ་པས་མཛད་པ་སྒྲོན་མ་བཞིའི་ཊཱི་ཀ་ཞེས་བྱ་བ། རྒྱ་གར་གྱི་མཁན་པོ་ཆེན་པོ་ཤྲཱི་དྷ་རའི་ཞལ་སྔ་ནས་གྱིས་མཛད་ཅིང་བསྒྱུར་བའོ། །དེ་ལྟར་བདེ་མཆོག་ཡབ་བཀའི་སྐོར་རྣམས་བཀོད་ནས། ཡུམ་གཙོ་བོར་གྱུར་བའི་སྐོར་ལ། དཔལ་རྡོ་རྗེ་ཕག་མོའི་སྒྲུབ་ཐབས་ཨཱ་ཙཱརྱ་བྷ་དྲས་མཛད་

213-1-359a

པ། བལ་པོའི་པཎྜི་ཏ་སུ་མ་ཏི་ཀཱིརྟི་དང་། བོད་ཀྱི་ལོ་ཙཱ་བ་མར་པ་ཆོས་ཀྱི་དབང་ཕྱུག་གི་འགྱུར། རྡོ་རྗེ་ཕག་མོའི་སྒྲུབ་ཐབས་མཁས་པ་ཆེན་པོ་ཨ་བ་དྷཱུ་ཏཱི་པ་གཉིས་སུ་མེད་པའི་རྡོ་རྗེས་མཛད་པ་དང་། རྡོ་རྗེ་རྣལ་འབྱོར་མ་ལ་མཆོད་པ་མདོར་བསྡུས་པ་རྒྱ་
གར་གྱི་མཁན་པོ་བཛྲ་པཱ་ཎིའི་ཞལ་སྔ་ནས་དང་། ལོ་ཙཱ་བ་མཚུར་གྱི་འགྱུར། དཔལ་རྡོ་རྗེ་ཕག་མོའི་སྒྲུབ་ཐབས་བྱང་ཆུབ་སེམས་དཔའ་རྒྱལ་པོ་སེང་གེའི་གདན་ཅན་ཁྱབ་འཇུག་སྦས་པས་མཛད་པ། འཇིགས་མེད་ལྷའི་ཞབས་དང་། ལོ་ཙཱ་བ་རྗེ་བཙུན་པྲཛྙཱ་ཀཱིརྟིའི་འགྱུར། གྲུབ་པའི་
རྡོ་རྗེ་རྣལ་འབྱོར་མའི་སྒྲུབ་ཐབས་སློབ་དཔོན་ཆེན་པོ་དཔལ་ཨཽ་ཌྱཱན་གྱི་མི་དབང་ཨིནྡྲ་བྷཱུ་ཏིས་མཛད་པ། རྒྱ་གར་གྱི་མཁན་པོ་དཔལ་ནཱ་ལེནྡྲ་པ་དང་། ལོ་ཙཱ་བ་དགེ་སློང་པྲཛྙཱ་ཀཱིརྟིའི་འགྱུར། དཔལ་རྡོ་རྗེ་རྣལ་འབྱོར་མའི་སྔགས་ཀྱི་དེ་ཁོ་ན་ཉིད་ཀྱིས་བྱིན་གྱིས་བརླབ་པའི་རིམ་པ་ཞེས་
བྱ་བ་རྒྱལ་པོ་ཨིནྡྲ་བྷཱུ་ཏི་ཆེན་པོས་མཛད་པ། ལོ་ཙཱ་བ་ཡེ་ཤེས་རྡོ་རྗེའི་འགྱུར། རྣལ་འབྱོར་མའི་སྒྲུབ་པའི་ཐབས་དཔལ་ལྷ་ལྕམ་ལཀྵྨཱི་ཀ་རས་མཛད་པ། རྡོ་རྗེ་རྣལ་འབྱོར་མ་དམར་མོའི་སྒྲུབ་ཐབས་དཔལ་རི་ཁྲོད་དབང་ཕྱུག་གིས་མཛད་པ། རྡོ་རྗེ་རྣལ་འབྱོར་མ་དཀར་མོའི་སྒྲུབ་ཐབས་
རྒྱལ་པོ་ཨིནྡྲ་བྷཱུ་ཏིས་མཛད་པ། བླ་མ་བཻ་རོ་ཙ་ནའི་འགྱུར། དཔལ་རྡོ་རྗེ་རྣལ་འབྱོར་མའི་སྒྲུབ་ཐབས་ཞལ་གཉིས་མ་ཆུང་བ་རི་ཁྲོད་དབང་ཕྱུག་གིས་མཛད་པར་གྲགས་པ། རྒྱ་གར་གྱི་མཁན་པོ་བསོད་ནམས་འབྱུང་གནས་བཟང་པོ་དང་། བོད་ཀྱི་ལོ་ཙཱ་བ་རྨ་བན་ཆོས་འབར་གྱི་
འགྱུར། དཔལ་དེ་ཁོ་ན་ཉིད་ཡེ་ཤེས་གྲུབ་པ་ཞེས་བྱ་བ་ཞལ་གཉིས་མ་ཆེ་བར་གྲགས་པ་འཇམ་དཔལ་དབྱངས་ཀྱིས་བྱིན་གྱིས་བརླབས་པ་མཁས་པ་ཆེན་པོ་ཏིང་ངེ་འཛིན་རྡོ་རྗེའི་ཞབས་རྡུལ་ལ་རེག་པ་པཎྜི་ཏ་སྟོང་ཉིད་ཏིང་ངེ་འཛིན་གྱིས་མཛད་པ། དོན་ཐམས་ཅད་གྲུབ་པ་ [དོན་གྲུབ་མ་ཆུང་བའང་ཟེར་] ཞེས་བྱ་བའི་
སྒྲུབ་ཐབས་སློབ་དཔོན་གྲུབ་པ་བརྙེས་པ་ཨ་བ་དྷཱུ་ཏཱི་པས་མཛད་པ། ཡེ་ཤེས་འཕོ་བ་ [དོན་གྲུབ་མ་ཆེ་བ་ཟེར།] ཞེས་བྱ་བ་དཔལ་སྟོང་ཉིད་ཏིང་ངེ་འཛིན་གྱིས་མཛད་པ། རྡོ་རྗེ་ཕག་མོ་དབུ་བཅད་མའི་སྒྲུབ་ཐབས་ཆུང་བ་ལྷ་མོ་དཔལ་གྱི་བློ་གྲོས་མས་མཛད་པ་རྣམས་བལ་པོའི་པཎྜི་ཏ་བྷ་རེནྡྲ་རུ་ཙི་དང་། ལོ་ཙཱ་བ་

213-1-359b

བློ་ལྡན་ཤེས་རབ་ཀྱི་འགྱུར། དབུ་བཅད་མའི་སྒྲུབ་ཐབས་ཆེ་བ་ཞེས་བྱ་བ་དཔལ་བིཪྺ་པས་མཛད་པ། བལ་པོའི་པཎྜི་ཏ་བྷ་རེནྡྲ་རུ་ཙི་དང་། བོད་ཀྱི་ལོ་ཙཱ་བ་རྨ་བན་ཆོས་འབར་གྱི་འགྱུར། དཔལ་རྡོ་རྗེ་རྣལ་འབྱོར་མའི་སྦྱིན་སྲེག་གི་ཆོ་ག་སློབ་དཔོན་ཆེན་པོ་བསོད་སྙོམས་པའི་
སློབ་མ་རྒྱལ་བས་བྱིན་གྱི་ཚ་བོ་སངས་རྒྱས་བྱིན་གྱིས་མཛད་པ། བལ་པོའི་པཎྜི་ཏ་བྷཱ་རེནྡྲ་རུ་ཙི་དང་། བོད་ཀྱི་ལོ་ཙཱ་བ་བློ་ལྡན་ཤེས་རབ་ཀྱི་འགྱུར། གཞུང་དྲུག་གི་སྦྱིན་སྲེག་དང་བཅས་པ་འདི་དག་བོད་ན་གྲགས་པའི་རིམ་པ་ལྟར་བཀོད་པའོ། །རིགས་ལྡན་མའི་དེ་ཁོ་ན་ཉིད་ངེས་
པ་ཞེས་བྱ་བ་ཨཽ་ཌྱཱན་དུ་གྲུབ་པས་མཛད་པ། རྒྱ་གར་གྱི་མཁན་པོ་ཆེན་པོ་དཱི་པཾ་ཀ་ར་ཤྲཱི་ཛྙཱ་ནའི་འགྱུར། རྗེ་བཙུན་རྡོ་རྗེ་རྣལ་འབྱོར་མ་མཆོད་པའི་ཆོ་ག་རྒྱ་གར་གྱི་མཁན་པོ་བཛྲ་པཱ་ཎིའི་ཞལ་སྔ་ནས་དང་། ལོ་ཙཱ་བ་མཚུར་གྱི་འགྱུར། རུས་སྦལ་ཞབས་ཀྱི་སྒྲུབ་པའི་ཐབས་གྲུབ་ཐོབ་རྔོན་
པ་པས་མཛད་པ། རྒྱ་གར་གྱི་པཎྜི་ཏ་ཨཱ་ནནྡ་ཀ་རའི་ཞལ་སྔ་ནས་དང་། དཔྱལ་ལོ་ཙཱ་བ་ཆོས་ཀྱི་བཟང་པོའི་འགྱུར། ཕག་མོ་ཐུགས་ཀྱི་སྒྲུབ་ཐབས་ཀུརྨ་པཱ་དའི་གདམས་པ། པཎྜི་ཏ་ཨཱ་ནནྡ་ཀ་ར་དང་། དཔྱལ་ལོ་ཙཱ་བ་དཔལ་ཆོས་ཀྱི་བཟང་པོའི་འགྱུར། རྡོ་རྗེ་རྣལ་འབྱོར་མ་
མཁའ་སྤྱོད་མ་དམར་མོའི་སྒྲུབ་ཐབས་གྲུབ་ཐོབ་རྔོན་པ་བས་མཛད་པ། བླ་མ་རྡོ་རྗེ་གདན་པ་ནི་སྐ་ལངྐ་དང་། དཔྱལ་ལོ་ཙཱ་བ་ཆོས་ཀྱི་བཟང་པོའི་འགྱུར། སློབ་མ་རྗེས་སུ་གསུང་བའི་ཆོ་ག་ཞེས་བྱ་བ། རྡོ་རྗེ་རྣལ་འབྱོར་མའི་དབང་མདོར་བསྡུས་པ་ཞེས་བྱ་བ། རྡོ་རྗེ་ཕག་མོའི་ཚོགས་
ཀྱི་འཁོར་ལོའི་ཆོ་ག་རྣམས་གྲུབ་ཐོབ་ཤ་བ་རི་དབང་ཕྱུག་གིས་མཛད་པ། ཡུལ་མ་ག་དྷཱའི་པཎྜི་ཏ་གཽ་ཏམ་བྷ་དྲ་དང་། ལོ་ཙཱ་བ་ཉི་མ་རྒྱལ་མཚན་གྱིས་ལེགས་པར་བསྒྱུར་བ། རྣལ་འབྱོར་གྱི་རྗེས་སུ་འབྲང་བ་ཞེས་བྱ་བ་གྲུབ་ཐོབ་ཆེན་པོ་དཱ་རི་ཀ་པས་མཛད་པ། པཎྜི་ཏ་ཀླུའི་སྦྱིན་པའི་
རྣལ་འབྱོར་གྱི་སྙིང་པོའི་དོན་བསྡུས་བསྟན་པ། རྡོ་རྗེ་རྣལ་འབྱོར་མའི་མཆོད་པའི་ཆོ་ག་སློབ་དཔོན་དཱ་རི་ཀ་པས་མཛད་པ་རྣམས་རྒྱ་གར་ཤར་ཕྱོགས་ཛ་ག་ཏ་ལའི་པཎྜི་ཏ་དཱ་ན་ཤཱི་ལས་བོད་ཡུལ་དབུས་ཀྱི་དྲང་སྲོང་དྲང་སྲོང་སྲིན་པོ་ངོར་རང་འགྱུར། ཀེང་རུས་ཏཱ་ར་ན་པའི་སྒྲུབ་ཐབས་ལྷ་འདྲེ་བྲན་དུ་འཁོལ་བའི་

213-1-360a

སློབ་དཔོན་དཱ་རི་ཀ་པས་མཛད་པ། ཀེང་རུས་ཏཱ་ར་ནའི་སྒྲུབ་ཐབས་ཀྱི་འགྲེལ་པ་གཞན་ལ་ཕན་པ་ཞེས་བྱ་བ་མང་དུ་ཐོས་པའི་སློབ་དཔོན་ཀུ་མཱ་ར་བོ་དྷཱིས་མཛད་པ། རྡོ་རྗེ་རྣལ་འབྱོར་མའི་སྒྲུབ་ཐབས་ཞེས་བྱ་བ་སློབ་དཔོན་ཆེན་པོ་ཛཱ་ལནྡྷ་ར་པས་མཛད་པ། 
ཕག་མོའི་སྒྲུབ་ཐབས་སློབ་དཔོན་མཁས་པ་ཆེན་པོ་རྡོ་རྗེ་དྲིལ་བུ་པས་མཛད་པ། རྡོ་རྗེ་ཕག་མོའི་སྒྲུབ་ཐབས་ཨཽ་ཌྱཱན་ནས་བྱུང་བ་རྣམས་པཎྜི་ཏ་སུ་མ་ཏི་ཀཱིརྟི་དང་། ལོ་ཙཱ་བ་མར་པ་ཆོས་དབང་གི་འགྱུར་རྣམས་བཞུགས་སོ།།      །།འ་པ་ལ། རྡོ་རྗེ་ཕག་མོ་དཀར་མོའི་སྒྲུབ་ཐབས་སློབ་དཔོན་ཀོངྐ་བྱིན་གྱིས་
མཛད་པ། རྒྱ་གར་གྱི་མཁན་པོ་པཎྜི་ཏ་རཀྵི་ཏ་དང་། ལོ་ཙཱ་བ་ཁམས་པ་བ་རི་རྷརྨ་ཀཱིརྟིའི་འགྱུར། དཔལ་རྡོ་རྗེ་ཕག་མོ་ཤེས་རབ་གསལ་བྱེད་མའི་བསྟོད་པ་ཞེས་བྱ་བ་སློབ་དཔོན་ཀོངྐ་བྱིན་གྱིས་མཛད་པ། པཎྜི་ཏ་རཏྣ་རཀྵི་ཏ་དང་། ལོ་ཙཱ་བ་དགེ་སློང་གྲུབ་པ་དཔལ་བཟང་པོའི་
འགྱུར། དཔལ་རྡོ་རྗེ་རྣལ་འབྱོར་མའི་བཞེད་པའི་སྦས་པའི་སྦྱིན་སྲེག་གི་ཆོ་ག་ཞེས་བྱ་བ་སློབ་དཔོན་ཀོངྐ་བྱིན་གྱིས་མཛད་པ། པཎྜི་ཏ་དྷ་པ་ལ་ཧ་འུ་དང་། ལོ་ཙཱ་བ་བ་རི་རིན་ཆེན་གྲགས་ཀྱི་འགྱུར། རྡོ་རྗེ་རྣལ་འབྱོར་མའི་དགོངས་པའི་སྦྱིན་སྲེག་གི་ཆོ་ག་སློབ་དཔོན་ཀོངྐ་བྱིན་
གྱིས་མཛད་པ། པཎྜི་ཏ་བཛྲ་པཱ་ཎི་དང་། ལོ་ཙཱ་བ་མཚུར་ཛྙཱ་ན་ཨཱ་ཀ་རའི་འགྱུར། དཔལ་རྣལ་འབྱོར་མའི་ཞི་བའི་སྦྱིན་སྲེག་གི་ཆོ་ག་མཛད་འགྱུར་མི་གསལ་བ་འདི་བོད་མ་འདྲ། རྡོ་རྗེ་ཕག་མོའི་སྒྲུབ་ཐབས་ཀྱི་ཆོ་ག་དོན་ཐམས་ཅད་གྲུབ་པ་ཞེས་བྱ་བ་སློབ་དཔོན་ཆེན་པོ་གཉིས་
མེད་རྡོ་རྗེས་མཛད་པ། ལོ་ཙཱ་བ་དགེ་སློང་ཉི་མ་རྒྱལ་མཚན་གྱིས་གཙང་ཉང་རོ་ཅུང་པའི་གཙུག་ལག་ཁང་ཆེན་པོར་བསྒྱུར་ཅིང་གཏན་ལ་བབ་པ། རྡོ་རྗེ་རྣལ་འབྱོར་མའི་སྒྲུབ་ཐབས་དཔལ་ན་རོ་པའི་ཞལ་གྱི་བརྒྱུད་པ་རྗེས་སུ་གནང་བ། རྒྱ་གར་གྱི་མཁན་པོ་སུ་མ་ཏི་ཀཱིརྟི་དང་།
བོད་ཀྱི་ལོ་ཙཱ་བ་དགེ་སློང་པྲཛྙཱ་ཀཱིརྟིའི་འགྱུར། འདི་ན་རོ་མཁའ་སྤྱོད་ཀྱི་གཞུང་ཡིན། གཞན་དོན་སློབ་མ་རྗེས་སུ་བཟུང་བའི་ཆོ་ག་བླ་མ་བྷ་རེནྡྲ་རུ་ཙིས་མཛད་པ། བླ་མ་བལ་པོ་ལོ་ཙཱ་བ་དང་། ཡེ་ཤེས་རྡོ་རྗེ་ཐུགས་རྗེ་ཆེན་པོ་དང་ལྡན་པས་བསྒྱུར། རྡོ་རྗེ་རྣལ་འབྱོར་མའི་སྒྲུབ་ཐབས་ཞེས་བྱ་

213-1-360b

བ་བི་རཱུ་པའི་གདམས་ངག་གི་བརྒྱད་པ་ཤྲཱི་ཨུ་མ་བ་ཏི་དཏྟས་མཛད་པ། རྒྱ་གར་གྱི་པཎྜི་ཏ་མཁས་པ་ཆེན་པོ་ཝཱ་གཱི་ཤྭ་ར་གུཔྟ་པཱ་ད་དང་། ལོ་ཙཱ་བ་དགེ་སློང་ཆོས་རབ་ཀྱི་འགྱུར། མངོན་པར་རྟོགས་པའི་སྙེ་མ་ཞེས་བྱ་བ་སློབ་དཔོན་ཆེན་པོ་དགེ་བའི་འབྱུང་གནས་སྦས་པས་མཛད་པ།
རྒྱ་གར་ཤར་ཕྱོགས་ཀྱི་པཎྜི་ཏ་མཁས་པ་ཆེན་པོ་དཱ་ན་ཤཱི་ལའི་རང་འགྱུར། རྡོ་རྗེ་རྣལ་འབྱོར་མའི་བདེ་བ་མཆོག་གི་སྡོམ་པ་ལ་འཇུག་པ་ངེས་པ་དོན་གྱི་དཀྱིལ་འཁོར་གྱི་སྒྲུབ་ཐབས་ཞེས་བྱ་བ་རྒྱ་གར་གྱི་མཁན་པོ་ཆེན་པོ་ཨ་ཝ་དྷཱུ་ཏཱི་པ་དཔལ་གཉིས་མེད་རྡོ་རྗེས་མཛད་པ། རྣལ་
འབྱོར་པ་པྲ་ཛྙཱ་ཤྲཱི་ཛྙཱ་ན་ཀཱིརྟིའི་རང་འགྱུར། རྡོ་རྗེ་རྣལ་འབྱོར་མའི་དཀྱིལ་འཁོར་གྱི་ཆོ་ག་ཞེས་བྱ་བ་དཔལ་ཨུ་མ་པ་ཏི་དཏྟས་མཛད་པ། རྒྱ་གར་གྱི་པཎྜི་ཏ་ཆེན་པོ་ཝཱ་གཱི་ཤྭ་ར་གུཔྟ་དང་། ལོ་ཙཱ་བ་དགེ་སློང་ཆོས་རབ་ཀྱི་འགྱུར། དེ་ཁོ་
ན་ཉིད་ཡེ་ཤེས་ཡང་དག་པར་གྲུབ་པའི་རྒྱ་ཆེར་འགྲེལ་པ་དེ་ཁོ་ན་ཉིད་བཤད་པ་ཞེས་བྱ་བ། བི་ཀྲ་མ་ཤཱི་ལའི་གཙུག་ལག་ཁང་དུ་དགེ་སློང་པཎྜི་ཏ་བརྩོན་འགྲུས་དཔལ་བཤེས་གཉེན་གྱིས་མཛད་པ། བལ་པོའི་པཎྜི་ཏ་མཉྫུ་ཤྲཱི་དང་ཛེ་ཏཱ་ཀརྞའི་ཞལ་སྔ་ནས་མཉན་ཏེ། ལོ་ཙཱ་བ་དགེ་སློང་ཉི་
མ་རྒྱལ་མཚན་དཔལ་བཟང་པོས་དཔལ་ཐར་པ་གླིང་དུ་ལེགས་པར་བསྒྱུར། རྡོ་རྗེ་རྣལ་འབྱོར་མ་ཕག་མོ་ཁྲོས་པའི་སྒྲུབ་ཐབས་སློབ་དཔོན་དཔལ་འཛིན་གྱིས་མཛད་པ། ཁ་ཆེའི་པཎྜི་ཏ་ཆེན་པོ་བུདྡྷ་ཤྲཱི་བྷ་དྲ་དང་། བོད་ཀྱི་ལོ་ཙཱ་བ་གནུབས་བྱམས་པའི་དཔལ་གྱི་འགྱུར། དཔལ་
རྡོ་རྗེ་རྣལ་འབྱོར་མ་མཁའ་སྤྱོད་དཀར་མོའི་བསྟོད་པ་པཎྜི་ཏ་དཱི་པཾ་ཀ་རས་མཛད་པ། པཎྜི་ཏ་དེ་ཉིད་དང་ལོ་ཙཱ་བ་རིན་ཆེན་བཟང་པོའི་འགྱུར། རིག་པ་འཛིན་པ་རྩེན་མའི་རྡོ་རྗེ་རྣལ་འབྱོར་མའི་རྗེས་སུ་གནང་བའི་ཆོ་ག་མཁས་པ་ཆེན་པོ་རྒྱལ་བའི་སྡེའམ་མཚན་གཞན་ཁང་པ་གསར་པ་ཞེས་བྱ་
བར་བརྗོད་པས་བྲིས་པ། གཞན་དོན་སློབ་མ་རྗེས་སུ་བཟུང་བའི་ཆོ་ག་ཛ་ཡ་སེ་ནཱས་མཛད་པ། དཔལ་ [ཕག་མོ་དམར་ཆུང་མ་ཞེས་ཀྱང་བྱ།] རྡོ་རྗེ་རྣལ་འབྱོར་མའི་སྒྲུབ་ཐབས་ཞེས་བྱ་བ་ཏྲི་ས་ར་ཧ་པས་མཛད་པ། རིན་པོ་ཆེ་རྒྱན་གྱི་སྒྲུབ་པ། རྡོ་རྗེ་ཕག་མོའི་སྒྲུབ་པའི་ཐབས། དཔལ་རྡོ་རྗེ་རྣལ་འབྱོར་མའི་སྒྲུབ་ཐབས་ཞེས་བྱ་བ་རྣམས་

213-1-361a

རྗེ་དཱི་པཾ་ཀཱ་ར་ཤྲཱི་ཛྙཱ་ནས་མཛད་པ། པཎྜི་ཏ་དེ་ཉིད་དང་། རྒྱ་བརྩོན་འགྲུས་སེང་གེའི་འགྱུར། རྡོ་རྗེ་རྣལ་འབྱོར་མ་ལ་བསྟོད་པ་པཎྜི་ཏ་ཆེན་པོ་དཱི་པཾ་ཀ་ར་ཤྲཱི་ཛྙཱ་ནས་མཛད་པ། པཎྜི་ཏ་དེ་ཉིད་དང་། ལོ་ཙཱ་བ་ཁུ་ནེ་ཙོའི་འགྱུར། རྡོ་རྗེ་ཕག་མོ་མདོར་བསྡུས་པའི་བསྟོད་
པ་ཨ་བྷི་སང་ཀ་ཏཱས་མཛད་པ། པཎྜི་ཏ་ངག་གི་དབང་ཕྱུག་དང་། ཀློག་སྐྱ་ལོ་ཙཱའི་འགྱུར། ཡེ་ཤེས་དབབ་པའི་ཆོ་ག །རྡོ་རྗེ་རྣལ་འབྱོར་མའི་དགོངས་པའི་གསང་བ་སྦྱིན་སྲེག་གི་ཆོ་ག་སློབ་དཔོན་ཨ་བྷི་ཡུཀྟས་མཛད་པ། གཞན་ཡང་རྡོ་རྗེ་རྣལ་འབྱོལ་མའི་བསད་པ་ལས་ཀྱི་མན་
ངག །ཕྱིར་བཟློག་འཁོར་ལོ། ཕག་མོའི་སྲུང་བའི་འཁོར་ལོ། གཏོར་མའི་ཆོ་ག །ལག་པའི་མཆོད་པ་རྣམས་སློབ་དཔོན་ཨ་བྷི་ཡུཀྟས་མཛད་ཟེར་བ་འདི་ནི་ཐེ་ཚོམ་གྱི་གཞིར་སྣང་ངོ་། །རྡོ་རྗེ་ཕག་མོའི་སྒྲུབ་ཐབས་རྣམ་པར་སྒེག་པ་ཞེས་བྱ་བ་དང་། རྡོ་རྗེ་ཕག་མོའི་བསྟོད་པ་རིམ་པ་
གཉིས་པ་རྡོ་རྗེ་བཙུན་མོས་བྱིན་གྱིས་བརླབས་པ་གྲུབ་དབང་རྒྱ་གར་ཤར་ཕྱོགས་ཀྱི་པཎྜི་ཏ་ཆེན་པོ་ཤྲཱི་བ་ན་རཏྣས་མཛད་པ། པཎྜི་ཏ་ཆེན་པོ་དེ་ཉིད་དང་། ཆོས་འཁོར་ལོ་ཙཱ་བ་འཇམ་དཔལ་ཡེ་ཤེས་ཀྱིས་འབྲས་ཡུལ་ནོར་བུའི་གླིང་དུ་བསྒྱུར་བ་ལ། ཕྱིས་ཆོས་སྨྲ་བ་རྒྱ་མཚོའི་སྡེས་མི་
བཅོས་སུ་མི་རུང་བ་རྣམས་བཅོས་ནས་དོན་ལ་རྟོན་པར་བསྒྱུར་བ་ཞེས་བྱ་བའི་མཐའ་ཅན། རྡོ་རྗེ་ཕག་མོ་དོན་ཐམས་ཅད་གྲུབ་མའི་སྒྲུབ་པའི་ཐབས་ཞེས་བྱ་བ་དང་། ཡང་རྡོ་རྗེ་ཕག་མོའི་སྒྲུབ་པའི་ཐབས་ཞེས་བྱ་བ་ཞལ་གཉིས་མ་སྟེ། རྒྱ་གར་ཤར་ཕྱོགས་ཀྱི་པཎྜི་ཏ་ཆེན་པོ་
ནགས་ཀྱི་རིན་ཆེན་གྱིས་མཛད་པ། པཎྜི་ཏ་དེ་ཉིད་དང་། ལོ་ཙཱ་བ་འཇམ་དཔལ་ཡེ་ཤེས་ཀྱི་འགྱུར། གནས་ལ་སོགས་པ་གཏན་ལ་དབབ་པ་རྣམ་པར་གྲགས་པའི་པཎྜི་ཏ་གནས་བརྟན་ཤཱཀྱ་རཀྵི་ཏའི་ཞབས་ཀྱིས་མཛད་པ། ཞ་ལུ་ལོ་ཙཱ་བ་དགེ་སློང་དྷརྨཱ་པཱ་པ་བྷ་དྲས་ལེགས་པར་བསྒྱུར་
བ་རྣམས་བཞུགས་སོ། །བདེ་མཆོག་འཁོར་ལོའི་རྒྱུད་འགྲེལ་ཉི་བུ་བཞི། །ཡབ་སྐོར་གཙོ་བོ་བརྒྱ་དང་བཅོ་བརྒྱད་ལ། །ཡུམ་གྱི་སྐོར་ལ་དྲུག་ཅུ་རྩ་བདུན་ཏེ། །དྲིལ་བས་བརྒྱ་ཕྲག་གཉིས་དང་དགུ་བཞུགས་སོ། །དེ་དག་གིས་ནི་བདེ་མཆོག་འཁོར་ལོའི་ཆོས་སྐོར་

213-1-361b

བཞུགས་པའི་རྣམ་གྲངས་རྣམས་བཀོད་ཟིན་ཏོ།།      །།དེ་ལྟར་བདེ་མཆོག་འཁོར་ལོའི་ཆོས་སྐོར་རྣམས་བཀོད་ནས། དཔལ་གདན་བཞིའི་སྐོར་ལ། རྒྱུད་ཀྱི་རྒྱལ་པོ་དཔལ་གདན་བཞིའི་འགྲེལ་པ་དྲན་པའི་རྒྱུ་མཚན་ཞེས་བྱ་བ་སློབ་དཔོན་བྷ་བ་བྷ་དྲས་མཛད་པ། རྒྱ་གར་གྱི་པཎྜི་ཏ་
ག་ཡ་དྷ་ར་དང་། བོད་ཀྱི་ལོ་ཙཱ་བ་འགོས་ཀྱི་འགྱུར་རྣམས་བཞུགས་སོ།།      །།ཡ་པ་ལ། འཕགས་པ་གདན་བཞིའི་རྣམ་པར་བཤད་པ་སློབ་དཔོན་དགེ་བའི་གོ་ཆས་གཟིགས་ནས་སྦྱོར་བའི་གདན་གྱི་རྣམ་པར་བཤད་པ་ཡན་ཆད་མཛད་ཅིང་། དེ་མན་ཆད་རྒྱ་གར་གྱི་མཁན་པོ་དྲན་
པའི་ཡེ་ཤེས་གྲགས་པས་མཛད་པ། སྨྲྀ་ཏིའི་རང་འགྱུར། མཆན་ཁུང་གི་སྦྱོར་བ་སློབ་དཔོན་ཀླུ་སྒྲུབ་ཀྱིས་མཛད་པ། རྣལ་འབྱོར་གྱི་རྒྱུད་དཔལ་གདན་བཞིའི་སྒྲུབ་པའི་ཐབས་སློབ་དཔོན་ཨཱརྱ་དེ་བས་མཛད་པ། རྒྱ་གར་གྱི་མཁན་པོ་ཀ་མ་ལ་གུཔྟ་དང་། ཞུ་ཆེན་གྱི་ལོ་ཙཱ་བ་
རིན་ཆེན་བཟང་པོའི་འགྱུར། དཔལ་རྡོ་རྗེ་གདན་བཞིའི་སྒྲུབ་ཐབས་ཞེས་བྱ་བ་བལ་པོའི་པཎྜི་ཏ་ཆེན་པོ་ཛ་ག་ཏ་ཨཱ་ནནྡ་ཛཱི་ཝ་བྷ་དྲས་མཛད་པ། སྒྲུབ་ཐབས་འདི་དང་མཐུན་པའི་བཀའ་ལུང་སྔོན་ཆད་བོད་དུ་དར་བ་མ་བྱུང་བ་ལ། དེ་ཉིད་ཀྱི་སྲས་ཀྱི་ཐུ་བོ་པཎྜི་ཏ་མ་ཧཱ་བོ་དྷི་ལས་ནོས་ཤིང་ལུང་མི་
ཆད་པའི་དོན་དུ་པཎྜི་ཏའི་ཕྱག་ནས་རྒྱ་དཔེ་གདན་དྲངས་ཤིང་། བོད་ཀྱི་པཎྜི་ཏ་མ་ཏི་དྷྭ་ཛ་ཤྲཱི་བྷ་དྲ་དང་། ལོ་ཙཱ་བ་དཔལ་ལྡན་སྨྲ་བའི་སེང་གེས་དཔལ་ས་སྐྱའི་གཙུག་ལག་ཁང་ཆེན་པོར་བསྒྱུར་བ། གདན་བཞིའི་ཡུམ་སྐོར་ལ། ཡེ་ཤེས་དབང་ཕྱུག་མའི་སྒྲུབ་ཐབས་འཕགས་པ་ལྷས་མཛད་པ།
པཎྜི་ཏ་སྨྲྀ་ཏི་ཛྙཱན་ཀིརྟིའི་རང་འགྱུར། ཕྱིས་པཎྜི་ཏ་ས་མ་ཡ་ཤྲཱི་ཛྙཱ་ནས་རྒྱ་དཔེ་ལ་ཞུ་ཏིག་བྱས་པ། །རྒྱུད་ཀྱི་རྒྱལ་པོ་དཔལ་གདན་བཞི་པ་ཞེས་བྱ་བའི་དཀྱིལ་འཁོར་གྱི་ཆོ་ག་སྙིང་པོ་མདོར་བསགས་པ་སློབ་དཔོན་ཆེན་པོ་ཨཱརྱ་དེ་བས་མཛད་པ། རྒྱ་གར་གྱི་མཁན་པོ་ག་ཡ་དྷ་ར་དང་། བོད་
ཀྱི་ལོ་ཙཱ་བ་འགོས་ཁུགས་པ་ལྷས་བཙམ་ཀྱི་འགྱུར། དཔལ་གདན་བཞིའི་ཟབ་དོན་སྟོན་པ་ཤིང་གཅིག་གི་དཀའ་འགྲེལ་དང་། རྡོ་རྗེ་དྲིལ་ཐབས་ཀྱི་མཆོད་པའི་ཐབས་ཀྱི་རིམ་པ་སློབ་དཔོན་འཕགས་པ་ལྟས་མཛད་པ། དཔལ་གདན་བཞི་པའི་སྒྲུབ་ཐབས་སློབ་དཔོན་ཆེན་པོ་བྷ་བ་བྷ་ཏྲས་མཛད་པ་

213-1-362a

རྒྱ་གར་གྱི་མཁན་པོ་ག་ཡ་དྷ་ར་དང་། བོད་ཀྱི་ལོ་ཙཱ་བ་ཆེན་པོ་འགོས་ལྷས་བཙས་ཀྱི་འགྱུར། དཔལ་གདན་བཞི་པའི་ཆུའི་སྦྱིན་སྲེག་གི་ཆོ་ག་སློབ་དཔོན་བྷ་བའི་མན་ངག་ལོ་ཙཱ་བ་ཚུལ་ཁྲིམས་གཞོན་ནུའི་འགྱུར། གདན་བཞིའི་ཡུམ་སྐོར་ལ། ཡེ་ཤེས་མཁའ་
འགྲོའི་སྒྲུབ་ཐབས་པཎྜི་ཏ་འཇིགས་མེད་འབྱུང་གནས་སྦས་པས་མཛད་པ། དཔལ་ས་སྐྱའི་ཆོས་གྲྭ་ཆེན་པོར་དགེ་སློང་རིན་ཆེན་རྒྱལ་མཚན་གྱིས་རྒྱ་དཔེ་ལས་བསྒྱུར་ཏེ་ཞུས་པ། རྣལ་འབྱོར་ནམ་མཁའི་སྒྲུབ་ཐབས་སློབ་དཔོན་ཆེན་པོ་རྣམ་པར་རྒྱལ་བའི་དབང་པོའི་སྡེས་མཛད་པ། གདན་བཞིའི་
དེ་ཁོ་ན་ཉིད་བཞི་པ་སློབ་དཔོན་ཛེ་ཏཱ་རི་པས་མཛད་པ། རྒྱ་གར་གྱི་མཁན་པོ་ག་ཡ་དྷ་ར་དང་། བོད་ཀྱི་ལོ་ཙཱ་བ་འགོས་ལྷས་བཙས་ཀྱི་འགྱུར། དེ་ཁོ་ན་ཉིད་དྲུག་རྣམ་པར་གཞག་པ་རྒྱ་གར་གྱི་མཁན་པོ་སྨྲྀ་ཏི་ཛྙཱ་ན་ཀཱིརྟིས་མཛད་པ། པཎྜི་ཏ་དེ་ཉིད་ཀྱི་འགྱུར་རྣམས་སོ། །དཔལ་ལྡན་རྡོ་རྗེ་གདན་བཞིའི་རྒྱུད་འགྲེལ་
གསུམ། །ཡབ་ཡུམ་སྒྲུབ་ཐབས་དཀྱིལ་འཁོར་ཆོ་ག་དང་། །རྫོགས་རིམ་ལ་སོགས་ཆོས་སྐོར་བཅུ་གཉིས་ཏེ། །དྲིལ་བས་བཅུ་ཕྲག་གཅིག་དང་ལྔ་བཞུགས་སོ། །དེ་དག་གིས་ནི་དཔལ་གདན་བཞིའི་ཆོས་སྐོར་བཞུགས་པའི་རྣམ་གྲངས་རྣམས་བཀོད་ཟིན་ཏོ།།      །།དེ་ལྟར་གདན་བཞིའི་ཆོས་སྐོར་རྣམས་བཀོད་ནས།
སྒྱུ་འཕྲུལ་ཚན་མོའི་རྒྱུད་ཀྱི་སྐོར་ལ། སྒྱུ་འཕྲུལ་ཆེན་མོའི་རྒྱུད་ཀྱི་དཀའ་འགྲེལ་སྒྱུ་མ་ཅན་ཞེས་བྱ་བ་རྡོ་རྗེ་སློབ་དཔོན་མཁས་པ་དཔལ་དུ་ཛ་ཡ་ཙནྡྲས་མཛད་པ། པཎྜི་ཏ་བདེ་གཤེགས་གྲགས་པ་དང་། ལོ་ཙཱ་བ་ཡེ་ཤེས་སེམས་དཔའི་འགྱུར། དཔལ་སྒྱུ་འཕྲུལ་ཆེན་མོའི་རྒྱུད་ཀྱི་འགྲེལ་པ་ཡོན་ཏན་ལྡན་པ་
ཞེས་བྱ་བ་སློབ་དཔོན་པཎྜི་ཏ་ཆེན་པོ་དཔའ་རིན་ཆེན་འབྱུང་གནས་ཞི་བས་མཛད་པ། པཎྜི་ཏ་ཆེན་པོ་ཞི་བ་བཟང་པོ་དང་། ཞུ་ཆེན་གྱི་ལོ་ཙཱ་བ་འགོས་ལྷས་བཙས་ཀྱི་འགྱུར། སྒྱུ་འཕྲུལ་ཆེན་མོའི་རྒྱུད་ཀྱི་འགྲེལ་པ་དྲན་པ་ཞེས་བྱ་བ་ནག་པོ་དམ་ཚིག་རྡོ་རྗེས་མཛད་པ། རྒྱ་གར་གྱི་མཁན་པོ་ཛི་ན་ཝ་ར་དང་། བོད་ཀྱི་ལོ་ཙཱ་བ་འགོས་
ལྷས་བཙས་ཀྱི་འགྱུར། སྒྱུ་མ་ཆེན་མོ་ཞེས་བྱ་བའི་དཀའ་འགྲེལ་དཔལ་སློབ་དཔོན་མཁས་པ་ཆེན་པོ་རྒྱན་པས་མཛད་པ། སྒྱུ་མ་ཆེན་མོའི་སྒྲུབ་ཐབས་བཅོམ་ལྡན་འདས་ཡུམ་རྡོ་རྗེ་མཁའ་འགྲོ་མ་ཉིད་ཨཽ་ཌྱཱན་གྱི་ཡུལ་དུ་བྱོན་ནས་གསུངས་པ། རྒྱ་གར་གྱི་མཁན་པོ་ཨ་ཝ་དྷཱུ་ཏཱི་པ་དང་། བོད་ཀྱི་ལོ་ཙཱ་བ་

213-1-362b

ཤཱཀྱ་བརྩོན་འགྲུས་ཀྱི་འགྱུར། སྒྱུ་འཕྲུལ་ཆེན་མོའི་རྒྱུད་ཀྱི་རྗེས་སུ་འབྲང་བའི་ཧེ་དུ་ཀའི་སྒྲུབ་ཐབས་ཞེས་བྱ་བ། རྡོ་རྗེ་སེམས་དཔའི་སྒྲུབ་ཐབས་ཞེས་བྱ་བ་སྤྲོས་པ་མེད་པའི་མན་ངག །མ་ཧཱ་མཱ་ཡཱའི་སྒྲུབ་ཐབས་རྨོངས་པ་སྒྲོལ་བའི་ཞེས་བྱ་བ་རྣམས་སློབ་དཔོན་ཀུ་ཀུར་པས་མཛད་པ། རྒྱ་གར་གྱི་མཁན་
པོ་ཨ་ནཱི་ལ་བཛྲ་དང་བོད་ཀྱི་ལོ་ཙཱ་བ་འགོས་ལྷས་བཙས་ཀྱིས་བསྒྱུར་བ། སྒྱུ་འཕྲུལ་ཆེན་མོའི་སྒྲུབ་པའི་ཐབས་ཀྱི་དཀྱིལ་འཁོར་གྱི་ཆོ་ག་དངོས་གྲུབ་བརྙེས་པ་ཀུ་ཀུ་རི་པས་མཛད་པ། རྒྱ་གར་གྱི་མཁན་པོ་ན་བི་ཀོ་ཊ་དང་། བོད་ཀྱི་ལོ་ཙཱ་བ་འགོས་ལྷས་བཙས་ཀྱི་འགྱུར། མ་ཧཱ་མཱ་ཡཱའི་དཀྱིལ་འཁོར་གྱི་
ལྷ་ལ་བསྟོད་པ་སློབ་དཔོན་ཆེན་པོ་ཀུ་ཀུ་རི་པས་ཞལ་གཟིགས་པའི་ཚེ་བསྟོད་པ། དེ་ཁོ་ན་ཉིད་ཀྱི་མན་ངག་དང་། དེ་ཁོ་ན་ཉིད་ཀྱི་མན་ངག་གི་འགྲེལ་བ་སློབ་དཔོན་བློ་བཟང་སྙིང་པོས་མཛད་པ། རྒྱ་གར་གྱི་མཁན་པོ་ཀ་མ་ལ་གུཔྟ་དང་། ཞུ་ཆེན་གྱི་ལོ་ཙཱ་བ་རིན་ཆེན་བཟང་པོའི་འགྱུར། སྒྱུ་འཕྲུལ་ཆེན་མོའི་སྒྲུབ་ཐབས་སློབ་
དཔོན་ཆེན་པོ་དཔལ་རིན་ཆེན་རྡོ་རྗེས་མཛད་པ། རྒྱ་གར་གྱི་མཁན་པོ་མཁས་པ་ཆེན་པོ་ཛྙཱ་ན་ཤྲཱི་བྷ་དྲ་དང་། བོད་ཀྱི་ལོ་ཙཱ་བ་དགེ་སློང་འཕགས་པ་ཤེས་རབ་ཀྱི་འགྱུར། དཔལ་སངས་རྒྱས་མཁའ་འགྲོའི་སྒྲུབ་ཐབས་དང་། སྒྱུ་འཕྲུལ་ཆེན་མོའི་དཀྱིལ་འཁོར་གྱི་ཆོ་གའི་རིམ་པ་གསལ་བ་ཞེས་བྱ་བ་ནག་པོ་སྤྱོད་པས་མཛད་པ།
རྒྱ་གར་གྱི་མཁན་པོ་ཀརྨྨ་བཛྲ་དང་། ལོ་ཙཱ་བ་དགེ་སློང་གཞོན་ནུ་ཚུལ་ཁྲིམས་ཀྱི་འགྱུར། འདི་ལ་དཔལ་ལར་ཀུ་ཀུ་རི་པས་མཛད་ཟེར་བའང་འདུག །སྤྱིའི་ཆོས་སྤྱོད། རིགས་ལྔ་མཁའ་འགྲོའི་བསྟོད་པ། དཔལ་ཧེ་རུ་ཀ་འཁོར་དང་བཅས་པ་ལ་བསྟོད་པ། བདུན་ཚིགས་ཀྱི་ཆོ་ག་རྣམས་སློབ་དཔོན་ནག་པོ་པས་མཛད་པ། སཱཙྪ་
གདབ་པའི་མན་ངག །སྒྱུ་འཕྲུལ་ཆེན་མོའི་རྫོགས་པའི་རིམ་པ་སློབ་དཔོན་ཆེན་པོ་ཆོས་ཀྱི་ཞབས་ཀྱི་ཞལ་སྔ་ནས་མཛད་པ་དང་། སྒྱུ་མ་ཆེན་མོའི་སྒྲུབ་ཐབས་སློབ་དཔོན་མཁས་པ་ཆེན་པོ་དཔལ་རིན་ཆེན་འབྱུང་གནས་ཞི་བས་མཛད་པ། པཎྜི་ཏ་ཆེན་པོ་ཞི་བ་བཟང་པོ་དང་། ལོ་ཙཱ་བ་འགོས་ལྷས་བཙས་ཀྱི་འགྱུར། སྒྱུ་འཕྲུལ་
ཆེན་མོའི་སྒྲུབ་ཐབས་ཀྱི་དཀྱིལ་འཁོར་གྱི་ཆོ་ག་སྦྱིན་སྲེག་དང་བཅས་པ་སློབ་དཔོན་གྲུབ་ཐོབ་རྣལ་འབྱོར་པ་ཆེན་པོ་དཔལ་རྒྱན་པས་མཛད་པ། སྒྱུ་འཕྲུལ་ཆེན་པོའི་དཀྱིལ་འཁོར་གྱི་ཆོ་ག་བླ་མའི་ཞལ་སྔའི་མན་ངག་ཅེས་བྱ་བ་སློབ་དཔོན་མཁས་པ་འདུལ་བས་བྱིན་གྱིས་མཛད་པ། ཧེ་རུ་ཀ་ཕྱག་རྒྱ་གཅིག་པའི་སྒྲུབ་ཐབས། རོ་སྲེག་པའི་སྒྲུབ་

213-1-363a

ཐབས་ཀྱི་ཆོ་ག །སྒྱུ་འཕྲུལ་ཆེན་མོའི་སྒྲུབ་ཐབས་རྒྱ་གར་གྱི་མཁན་པོ་སྐུ་མེད་རྡོ་རྗེས་མཛད་པ་རྣམས་བཞུགས་སོ། །སྒྱུ་འཕྲུལ་ཆེན་མོའི་རྒྱུད་ཀྱི་འགྲེལ་པ་བཞི། །སྒྲུབ་ཐབས་ལ་སོགས་ཆོས་སྐོར་ཉེར་གསུམ་སྟེ། །གསང་བ་ཡིད་བདེའི་ཆོས་སྐོར་དྲི་མ་མེད། །བཅུ་ཕྲག་གཉིས་དང་བཅས་པའི་བདུན་
བཞུགས་སོ། །དེ་དག་གིས་ནི་སྒྱུ་མ་ཆེན་མོའི་སྐོར་གྱི་ཆོས་ཚན་གྱི་རྣམ་གྲངས་རྣམས་བཀོད་ཟིན་ཏོ།།      །།དེ་ལྟར་སྒྱུ་མ་ཆེན་མོའི་ཆོས་སྐོར་རྣམས་བཀོད་ནས། རྡོ་རྗེ་བདུད་རྩིའི་སྐོར་ལ། ར་པ་ལ། དཔལ་རྡོ་རྗེ་བདུད་རྩིའི་དཀའ་འགྲེལ་སློབ་དཔོན་དྲི་མེད་བཟང་པོའི་ཞབས་ཀྱིས་མཛད་པ། འདི་སྔར་གྱི་འགྱུར་རྙིང་པའི་ལེའུ་
གཉིས་པ་མན་ཆད་མ་ཚང་ཞིང་། དེ་ཡན་ཆད་ཀྱང་ཤིན་ཏུ་འཁྲུགས་ཏེ་འགྲེལ་བ་གཞན་དང་འདྲེས་པ་ལས། ལོ་ཙཱ་བ་ཆེན་པོ་དགེ་སློང་རིན་ཆེན་གྲུབ་ཀྱིས་རྒྱ་དཔེ་ལས་བསྒྱུར་ཞིང་སྨྲྀ་ཏིའི་སྤེལ་མར་བཤད་པ་དང་ཡང་བསྟུན་ནས་གཏན་ལ་ཕབ་པ། རྡོ་རྗེའི་བདུད་རྩིའི་རྒྱུད་ཀྱི་བཤད་པ་སློབ་དཔོན་ཡོན་ཏན་བཟང་པོས་མཛད་པ།
རྒྱ་གར་གྱི་མཁན་པོ་སྨྲི་ཏིའི་རང་འགྱུར། དཔལ་རྡོ་རྗེ་བདུད་རྩིའི་རྒྱུད་ཀྱི་རྒྱལ་པོ་ཆེན་པོའི་རྒྱ་ཆེར་འགྲེལ་པ་བདུད་རྩི་འཛག་པ་ཞེས་བྱ་བ་དངོས་གྲུབ་ཐོབ་པའི་སློབ་དཔོན་ཆེན་པོ་བྷ་གོས་མཛད་པ། གཞུང་ཚད་ཚིགས་བཅད་སྟོང་སུམ་བརྒྱ་ཡོད་པ། རྒྱ་གར་གྱི་མཁན་པོ་པཎྜི་ཏ་ཏཱ་ར་བཱ་ལ་དང་། བོད་ཀྱི་ལོ་ཙཱ་བ་ལ་ཆིངས་ཡོན་ཏན་འབར་
གྱི་འགྱུར་ལས། ཕྱིས་པཎྜི་ཏ་ཤྲཱི་ལ་ཀུ་ཛྷ་བཛྲ་དང་། ལོ་ཙཱ་བ་{གློག་}སྐྱ་ཤེས་རབ་བརྩེགས་ཀྱིས་ལེགས་པར་བཅོས་པ་རྣམས་བཞུགས་སོ། །ཧེ་རུ་ཀ་དཔལ་རྡོ་རྗེ་བདུད་རྩི་ཡི། །རྒྱུད་ཀྱི་རྒྱལ་པོའི་རྣམ་བཤད་དྲི་མ་མེད། །མཁས་གྲུབ་རྣམས་ཀྱིས་མཛད་པ་རྣམ་པ་གསུམ། །ཤིན་ཏུ་ཁྱད་པར་འཕགས་པ་ལེགས་པར་
བཞུགས། །དེ་དག་གིས་ནི་རྡོ་རྗེ་བདུད་རྩིའི་ཆོས་སྐོར་བཞུགས་པའི་རྣམ་གྲངས་རྣམས་བཀོད་ཟིན་ཏོ།།      །།དེ་ལྟར་རྡོ་རྗེ་བདུད་རྩིའི་ཆོས་སྐོར་རྣམས་བཀོད་ནས། སངས་རྒྱས་ཐོད་པའི་སྐོར་ལ། དཔལ་སངས་རྒྱས་ཐོད་པའི་རྒྱུད་ཀྱི་དཀའ་འགྲེལ་ཡེ་ཤེས་ལྡན་པ་ཞེས་བྱ་བ་དངོས་གྲུབ་བརྙེས་པའི་སློབ་དཔོན་ཆེན་པོ་ས་ར་ཧའི་ཞལ་
སྔ་ནས་མཛད་པ། རྒྱ་གར་གྱི་མཁན་པོ་ག་ཡ་དྷ་ར་དང་། བོད་ཀྱི་ལོ་ཙཱ་བ་གྱི་ཇོ་ཟླ་བའི་འོད་ཟེར་གྱི་འགྱུར། སངས་རྒྱས་ཐོད་པའི་རྒྱུད་ཀྱི་དཀའ་འགྲེལ་དེ་ཁོ་ན་ཉིད་ཀྱི་ཟླ་བ་ཞེས་བྱ་བ་སློབ་དཔོན་མཁས་པ་ཆེན་པོ་པདྨ་རྡོ་རྗེས་མཛད་པ་ལས། ལེའུ་གཉིས་པ་ཡན་ཆད་ཇི་ཙམ་རྙེད་པ་དང་། སངས་རྒྱས་ཐོད་པའི་རྒྱུད་ཀྱི་རྒྱལ་

213-1-363b

པོ་ཆེན་པོའི་རྒྱ་ཆེར་འགྲེལ་པ་འཇིགས་པ་མེད་པའི་གཞུང་ཞེས་བྱ་བ། གནས་བརྟན་མཁས་པ་ཨ་བྷ་ཡཱ་ཀ་ར་གུཔྟས་མཛད་པ། དིང་རི་ཆོས་གྲགས་ཀྱི་འགྱུར་ཡིན་ནམ་ཟེར་བའི་འགྱུར་རྙིང་ལ་བར་སྐབས་སུ་དཔེ་སྟོར་བས་མ་ཚང་བ་ལ་དཔང་ལོ་ཙཱ་བ་དགེ་སློང་བློ་གྲོས་བརྟན་པས་ལེའུ་དང་པོར་བཅོམ་ལྡན་འདས་ཀྱི་ཕྱག་རྒྱ་
ཆེན་པོ་ཞེས་པ་ནས། འོག་གི་ལམ་ནས་བྱུང་ཞེས་པའི་བར་དང་། ལྷའི་སྐུ་བསྒོམས་ཏེ་ཞེས་པ་ནས་ས་གཞི་ལ་སོགས་པ་རྣམས་དང་གཡོ་བཞེས་པའི་བར་དང་། ལེའུ་གསུམ་པའི་མཇུག་བསྒོམ་པ་རྫོགས་པས་ཞེས་པ་ནས། ལེའུ་བཞི་པའི་ཐ་མ་ལ་ནི་འདིར་མ་རིག་པ་སྟེ་དེས་ཞེས་པའི་བར་དང་། ལེའུ་བཅུ་པའི་
དབུའི་དེ་ཁོ་ན་ཉིད་ནི་ཐམས་ཅད་ལ་ཞེས་པ་ནས། ལེའུ་བཅུ་བཞི་པའི་མཇུག་ན་གང་ཞིག་ཤར་བས་ནི་ཞེས་པའི་བར་དང་། སྲིད་གསུམ་རྣམ་རྒྱལ་ཞེས་པ་ལ་སོགས་པའི་ཚིགས་བཅད་གཉིས་རྣམས་ཧོར་ཀོང་བསབས་ཤིང་ལྷག་མ་རྣམས་ལ་ཞུ་ཆེན་བགྱིས་ཏེ་གཏན་ལ་ཕབ་པ། དཔལ་སངས་རྒྱས་
ཐོད་པའི་སྒྲུབ་ཐབས། འབྱུང་པོ་ཐམས་ཅད་ཀྱི་གཏོར་མའི་ཆོ་ག །དཔལ་སངས་རྒྱས་ཐོད་པ་ཞེས་བྱ་བའི་དཀྱིལ་འཁོར་གྱི་ཆོ་གའི་རིམ་པ་གསལ་བ་ཞེས་བྱ་བ་རྣམས་དངོས་གྲུབ་ཀྱི་མཆོག་བརྙེས་པའི་སློབ་དཔོན་ས་ར་ཧའི་ཞལ་སྔ་ནས་མཛད་པ། ག་ཡ་དྷ་ར་དང་། གྱི་ཇོ་ཟླ་བའི་འོད་ཟེར་གྱི་འགྱུར། རི་གི་ཨ་ར་
ལའི་སྒྲུབ་ཐབས་ལོ་ཙཱ་བ་དགེ་སློང་རིན་ཆེན་གྲུབ་ཀྱིས་རྒྱ་དཔེ་ཇི་ལྟ་བ་བཞིན་འགྱུར་བ་རྣམས་སོ། །དཔལ་ལྡན་སངས་རྒྱས་ཐོད་པ་ཞེས་བྱ་བའི། །རྒྱུད་ཀྱི་རྒྱལ་པོའི་རྣམ་བཤད་རྣམ་པ་གསུམ། །སྒྲུབ་དཀྱིལ་གཏོར་ཆོག་རི་གིའི་སྒྲུབ་ཐབས་ཏེ། །ཆོས་སྐོར་དྲི་མ་མེད་པ་བདུན་བཞུགས་སོ། །དེ་དག་གིས་ནི་
སངས་རྒྱས་ཐོད་པའི་ཆོས་སྐོར་བཞུགས་པའི་རྣམ་གྲངས་རྣམས་བཀོད་ཟིན་ཏོ།།      །།དེ་ལྟར་སངས་རྒྱས་ཐོད་པའི་ཆོས་སྐོར་རྣམས་བཀོད་ནས། སངས་རྒྱས་མཉམ་སྦྱོར་གྱི་སྐོར་ལ། དཔལ་སངས་རྒྱས་ཐམས་ཅད་དང་མཉམ་པར་སྦྱོར་བ་མཁའ་འགྲོ་སྒྱུ་མ་བདེ་མཆོག་གི་རྒྱུད་ཀྱི་དོན་རྣམ་པར་བཤད་པ་ཞེས་བྱ་བ་དཔལ་
ཨཽ་ཌྱཱན་གྱི་མཁས་པ་ཆེན་པོ་འཛམ་གླིང་གི་ཉི་མ་དང་འདྲ་བ་དངོས་གྲུབ་ཐོབ་པའི་སློབ་དཔོན་རྒྱལ་པོ་བརྒྱ་བྱིན་སྡང་པོས་མཛད་པ། རྒྱ་གར་གྱི་མཁན་པོ་བིདྱཱ་ཀ་ར་སིངྷ་དང་། ཞུ་ཆེན་གྱི་ལོ་ཙཱ་བ་ལྷ་རིན་པོ་ཆེའི་འགྱུར། སངས་རྒྱས་ཐམས་ཅད་དང་མཉམ་པར་སྦྱོར་བ་མཁའ་འགྲོ་སྒྱུ་མ་བདེ་མཆོག་གི་འགྲེལ་པ་

213-1-364a

མཉམ་སྦྱོར་གྱི་རྒྱན་ཞེས་བྱ་བ་སློབ་དཔོན་རབ་ཏུ་དགའ་བའི་རྡོ་རྗེས་མཛད་པ་རྣམས་བཞུགས་སོ།།      །།ལ་པ་ལ། དཔལ་སངས་རྒྱས་ཐམས་ཅད་དང་མཉམ་པར་སྦྱོར་བ་ཞེས་བྱ་བའི་རྒྱུད་ཀྱི་དཀའ་འགྲེལ་སློབ་དཔོན་ཨིནྡྲ་བྷཱུ་ཏིས་མཛད་པ། རྒྱ་གར་གྱི་མཁན་པོ་ཨཱ་ཙཱརྱ་ཤྲདྡྷཱ་ཀ་ར་ཝརྨ་དང་། ཞུ་ཆེན་
གྱི་ལོ་ཙཱ་བ་དགེ་སློང་རིན་ཆེན་བཟང་པོའི་འགྱུར། རྟོག་པ་ཐམས་ཅད་འདུས་པ་ཞེས་བྱ་བ་སངས་རྒྱས་ཐམས་ཅད་དང་མཉམ་པར་སྦྱོར་བ་མཁའ་འགྲོ་མ་སྒྱུ་མ་བདེ་བའི་མཆོག་གི་རྒྱུད་ཕྱི་མ་རྣམ་པར་བཤད་པ་ཤློ་ཀ་དྲུག་སྟོང་ལྔ་བརྒྱ་བདུན་ཅུ་པ་ཤྲཱི་ནཱ་ལེནྡྲ་ན་བཞུགས་པ་རྡོ་རྗེ་སློབ་དཔོན་ཀུན་དགའ་སྙིང་པོས་མཛད་
པ། སྨྲྀ་ཏི་ཛྙཱ་ན་ཀཱིརྟིའི་རང་འགྱུར། འདི་མཉམ་སྦྱོར་གྱི་རྒྱུད་ཕྱི་མ་ཕྱི་མའི་འགྲེལ་པར་སྣང་གི་རྩ་རྒྱུད་ཀྱི་འགྲེལ་པ་མིན་པར་སྣང་ངོ་། །སངས་རྒྱས་ཐམས་ཅད་དང་མཉམ་པར་སྦྱོར་བའི་དཀའ་འགྲེལ་སློབ་དཔོན་རབ་ཏུ་ཞི་བའི་བཤེས་གཉེན་གྱིས་མཛད་པ། རྒྱ་གར་གྱི་མཁན་པོ་ཨཱ་ཙཱརྱ་ཤྲདྡྷཱ་ཀ་ར་ཝརྨ་དང་། དྷརྨ་ཤྲཱི་བྷ་དྲ་དང་ཞུ་
ཆེན་གྱི་ལོ་ཙཱ་བ་དགེ་སློང་རིན་ཆེན་བཟང་པོའི་འགྱུར། དཔལ་རྡོ་རྗེ་སེམས་དཔའི་གསང་བའི་དོན་རྣམ་པར་དགོད་པ་ཞེས་བྱ་བ། དཔལ་ཧེ་རུ་ཀའི་གསང་དོན་རྣམ་པར་དགོད་པ་ཞེས་བྱ་བ། དཔལ་རྣམ་པར་སྣང་མཛད་ཀྱི་གསང་བའི་དོན་རྣམ་པར་དགོད་པ་ཞེས་བྱ་བ། དཔལ་པདྨ་གར་གྱི་དབང་ཕྱུག་གི་གསང་བའི་དོན་རྣམ་
པར་དགོད་པ་ཞེས་བྱ་བ། དཔལ་རྡོ་རྗེ་རིན་ཆེན་ཉི་མའི་གསང་བའི་དོན་རྣམ་པར་དགོད་པ་ཞེས་བྱ་བ། རྟ་མཆོག་རོལ་བའི་གསང་བའི་དོན་རྣམ་པར་དགོད་པ་ཞེས་བྱ་བ་རྣམས་སློབ་དཔོན་ཀུ་ཀུ་རཱ་ཛས་མཛད་པ། རྒྱ་གར་གྱི་མཁན་པོ་བིདྱཱ་ཀ་ར་སིདྷ་དང་། ཞུ་ཆེན་གྱི་ལོ་ཙཱ་བ་ལྷ་རིན་པོ་ཆེའི་འགྱུར། དཀྱིལ་འཁོར་ཐམས་ཅད་ཀྱི་
རྗེས་སུ་འཇུག་པའི་ཆོ་ག་ལྔ་པ་ཞེས་བྱ་བ་སློབ་དཔོན་ཆེན་པོ་ཀུ་ཀུ་རཱ་ཛས་མཛད་པ། རྒྱ་གར་གྱི་མཁན་པོ་ཤྲཱི་བཛྲ་ཧ་ས་དང་། སྒྲ་སྒྱུར་གྱི་ལོ་ཙཱ་བ་རྨ་རིན་ཆེན་མཆོག་གི་འགྱུར། དཔལ་སངས་རྒྱས་ཐམས་ཅད་དང་མཉམ་པར་སྦྱོར་བའི་དཀྱིལ་འཁོར་གྱི་ཆོ་ག་ཞེས་བྱ་བ་སློབ་དཔོན་ཆེན་པོ་ཀུ་ཀུ་རཱ་ཛས་མཛད་པ། རྒྱ་གར་གྱི་
མཁན་པོ་གུ་ལེནྔྲ་གུཔྟ་དང་། ཞུ་ཆེན་གྱི་ལོ་ཙཱ་བ་དྲན་པ་ནམ་མཁའི་འགྱུར་ལ། ཕྱིས་ལོ་ཙཱ་བ་ལྷ་རིན་པོ་ཆེས་བཅོས་ལ། སངས་རྒྱས་ཐམས་ཅད་དང་མཉམ་པར་སྦྱོར་བའི་ཚོགས་ཀྱི་ཆོ་ག་ཞེས་བྱ་བ་སློབ་དཔོན་རྒྱལ་པོ་ཨིནྡྲ་བྷཱུ་ཏིས་མཛད་པ། རྒྱ་གར་གྱི་མཁན་པོ་ཨཱ་ནནྡ་གརྦྷ་དང་། ཞུ་ཆེན་གྱི་ལོ་ཙཱ་བ་དྲན་པ་ནམ་མཁའི་འགྱུར་ལ་

213-1-364b

ཕྱིས་ལོ་ཙཱ་བ་ལྷ་རིན་པོ་ཆེས་བཅོས་པ། དཔལ་ཧེ་རུ་ཀ་ཞེས་བྱ་བའི་སྒྲུབ་ཐབས་སློབ་དཔོན་ཆེན་པོ་ཐུ་བོ་རཱ་ཛ་ཧ་སྟིས་མཛད་པ། དཔལ་ཧེ་རུ་ཀའི་སྒྲུབ་པའི་ཐབས་ཞེས་བྱ་བ་སློབ་དཔོན་ཆེན་པོ་ཧཱུཾ་མཛད་རྡོ་རྗེས་མཛད་པ། རྒྱ་གར་གྱི་མཁན་པོ་བིདྱཱ་ཀ་ར་སིདྷ་དང་། ཞུ་ཆེན་གྱི་ལོ་ཙཱ་བ་ལྷ་རིན་པོ་ཆེའི་འགྱུར། དཔལ་ཧེ་རུ་ཀ་ཞེས་བྱ་
བའི་སྒྲུབ་པའི་ཐབས་སློབ་དཔོན་ཆེན་པོ་ཧཱུཾ་གི་ཞལ་སྔ་ནས་མཛད་པ། རྒྱ་གར་གྱི་མཁན་པོ་བཛྲ་ཧ་ས་དང་། སྒྲ་སྒྱུར་གྱི་ལོ་ཙཱ་བ་རྨ་རིན་ཆེན་མཆོག་གིས་བསྒྱུར་པ་ལས། སླད་ཀྱིས་ལོ་ཙཱ་བ་ཕྱི་མ་དག་གི་སུམ་ཐུག་ཏུ་ཞུ་ཆེན་བཅོས་པ། ཡན་ལག་བཞིའི་དོན་སྣང་བར་བྱེད་པ་ཞེས་བྱ་བ་སློབ་དཔོན་མཁས་ཤིང་དངོས་གྲུབ་བརྙེས་པ་
ཧཱུཾ་མཛད་གྲགས་པས་མཛད་པ། དཔལ་བསམ་ཡས་ཀྱི་མཆིམས་ཕུར་དཀྱིལ་འཁོར་ཆེན་པོའི་སློབ་དཔོན་པཎྜི་ཏ་དཔལ་རྡོ་རྗེ་བཞད་པ་དང་། སྒྲ་སྒྱུར་གྱི་ལོ་ཙཱ་བ་ཆེན་པོ་རྨ་རིན་ཆེན་མཆོག་གིས་དབང་སྒྲུབ་དང་བཅས་པ་ལེགས་པར་བསྒྱུར་བ། དཔལ་སངས་རྒྱས་ཐམས་ཅད་དང་མཉམ་པར་སྦྱོར་བའི་དཀྱིལ་འཁོར་སྒྲུབ་པའི་རིམ་
པ་ཞེས་བྱ་བ་སློབ་དཔོན་ཆེན་པོ་ཧཱུཾ་མཛད་རྡོ་རྗེས་མཛད་པ། རྒྱ་གར་གྱི་མཁན་པོ་བིདྱཱ་ཀ་ར་སིདྷ་དང་། བོད་ཀྱི་ལོ་ཙཱ་བ་ལྷ་རིན་པོ་ཆེའི་འགྱུར། དཔལ་ཁྲག་འཐུང་ཆེན་པོའི་སྒྲུབ་ཐབས་ཡང་དག་པར་གྲུབ་པ་ཞེས་བྱ་བ་གྲུབ་པའི་སློབ་དཔོན་ཆེན་པོ་བཛྲ་ཧཱུཾ་ཀ་རའི་ཞལ་སྔ་ནས་མཛད་པ། དཔལ་ནཱ་ལེནྡྲའི་གཙུག་ལག་ཁང་དུ་རྒྱ་གར་གྱི་
མཁན་པོ་ཧཱུཾ་ཀ་ར་དེ་ཉིད་དང་། ཞུ་ཆེན་གྱི་ལོ་ཙཱ་བ་གནུབས་ནམ་མཁའི་སྙིང་པོའི་འགྱུར། རྒྱུད་ཀྱི་རྒྱལ་པོ་ཆེན་པོ་དཔལ་སངས་རྒྱས་ཐམས་ཅད་དང་མཉམ་པར་སྦྱོར་བ་མཁའ་འགྲོ་མ་སྒྱུ་མ་བདེ་མཆོག་ཅེས་བྱ་བའི་དཀྱིལ་འཁོར་གྱི་ཆོ་ག་སེམས་ཅན་ཐམས་ཅད་ཀྱི་བདེ་བ་སྐྱེད་མ་ཞེས་བྱ་བ་ཁ་ཆེའི་མཁས་པ་ཤེས་བྱ་མཐའ་དག་
ལ་མཁས་པ་དཔལ་རིན་ཆེན་རྡོ་རྗེས་མཛད་པ། དཔལ་ཨཽ་ཌྱཱན་དུ་སྦྱངས་པ་མཁས་པ་ཡེ་ཤེས་རྡོ་རྗེ་དང་། ལོ་ཙཱ་བ་གཉན་བསོད་ནམས་ཀྱི་འགྱུར། རྡོ་རྗེ་སེམས་དཔའི་སྒྲུབ་ཐབས་སློབ་དཔོན་ཆེན་པོ་རྒྱལ་པོ་ཨིནྡྲ་བྷུ་ཏིས་མཛད་པ། བཅོམ་ལྡན་འདས་བདེ་བ་ཆེན་པོ་རྡོ་རྗེ་སེམས་དཔའི་སྒྲུབ་ཐབས་དང་། དཔལ་རྡོ་རྗེ་སེམས་
དཔའ་རྗེས་སུ་དྲན་པའི་ཆོ་ག་ཞེས་བྱ་བ་སློབ་དཔོན་ཆེན་པོ་ཐུ་བོ་རཱ་ཛ་ཧ་སྟིས་མཛད་པ་རྣམས་བཞུགས་སོ། །སངས་རྒྱས་ཀུན་དང་མཉམ་པར་སྦྱོར་བ་ཡི། །མཁའ་འགྲོ་སྒྱུ་མ་བདེ་མཆོག་རྒྱུད་འགྲེལ་ལྔ། །སྒྲུབ་ཐབས་ལ་སོགས་ཆོས་སྐོར་བཅུ་དགུ་སྟེ། །མཉམ་སྦྱོར་ཆོས་སྐོར་ཉི་ཤུ་རྩ་བཞི་བཞུགས། །དེ་དག་གིས་ནི་

213-1-365a

སངས་རྒྱས་མཉམ་སྦྱོར་གྱི་ཆོས་སྐོར་བཞུགས་པའི་རྣམ་གྲངས་རྣམས་བཀོད་ཟིན་ཏོ།།      །།དེ་ལྟར་སངས་རྒྱས་མཉམ་སྦྱོར་གྱི་ཆོས་སྐོར་རྣམས་བཀོད་ནས། སྒྲོལ་མའི་སྐོར་ལ། ཤ་པ་ལ། སྒྲོལ་མ་རྣལ་འབྱོར་ཆེན་པོའི་རྒྱུད་ལྟར་དུ་བཤད་པ་ལ། སྒྲོལ་མའི་སྒྲུབ་ཐབས་ཞེས་བྱ་བ་
སྒྲོལ་མ་རྒྱ་མཚོའི་རྒྱུད་ནས་ཕྱུང་བ་འཕགས་པ་ཀླུ་སྒྲུབ་ཀྱིས་མཛད་པ། རྒྱ་གར་གྱི་པཎྜི་ཏ་ཆེན་པོ་དྷརྨ་བཛྲ་དང་། བོད་ཀྱི་ལོ་ཙཱ་བ་དགེ་སློང་དར་མ་རིན་ཆེན་གྱིས། ཆོས་འཁོར་འཇོ་འཇོའི་གཙུག་ལག་ཁང་དུ་ལེགས་པར་བསྒྱུར་ཅིང་ཞུས་ཆེན་མཛད་པ། རྗེ་བཙུན་མ་འཕགས་མ་
སྒྲོལ་མ་སྤྱིའི་མངོན་པར་རྟོགས་པ་ཞེས་བྱ་བ་འཕགས་པ་ཀླུ་སྒྲུབ་ཀྱིས་མཛད་པ། ལྷ་མོ་སྒྲོལ་མའི་བསྟོད་པ་ཉི་ཤུ་རྩ་གཅིག་པའི་སྒྲུབ་ཐབས་ཞེས་བྱ་བ་དང་། དེའི་སོ་སོའི་སྒྲུབ་ཐབས་ལས་ཚོགས་དང་བཅས་པ་ཁ་ཆེའི་སློབ་དཔོན་ཉི་མ་སྦས་པས་མཛད་པ་རྣམས་མཁས་པ་ཆེན་པོ་མཉྫུ་ཤྲཱི་དང་།
ལོ་ཙཱ་བ་ཆེན་པོ་མལ་གྱོ་བློ་གྲོས་གྲགས་པས་བི་ཀྲ་མ་ལ་ཤཱི་ལའི་གཙུག་ལག་ཁང་དུ་བསྒྱུར་བ། སྒྲོལ་མའི་སྒྲུབ་ཐབས་མན་ངག་གི་རིམ་པ་སློབ་དཔོན་ཆེན་པོ་ཉི་མ་སྦས་པས་མཛད་པ། འདི་དང་པོ་མ་འགྱུར་བ་ལ། ཕྱིས་ཁ་ཆེའི་པཎྜི་ཏས་ཁ་བ་ཅན་གྱི་ལྗོངས་སུ་སྤྱན་དྲངས་པའི་དཔེ་ལས་བོད་སྐད་དུ་
དཔལ་ས་སྐྱའི་དབེན་གནས་དམ་པར་བསྒྱུར་བ། བཅོམ་ལྡན་འདས་མ་སྒྲོལ་མ་ལ་བསྟོད་པ་ཉི་ཤུ་རྩ་གཅིག་མའི་སྒྲུབ་ཐབས་རྗེ་བཙུན་ལྷ་མོ་མཆོག་གིས་རྗེས་སུ་བཟུང་བའི་སློབ་དཔོན་ཆེན་པོ་ཉི་མ་སྦས་པས་མཛད་པ། ཆོས་རྗེ་མ་བྱོན་པའི་སངས་རྒྱས་གསུམ་པར་གྲགས་པའི་པཎྜི་ཏ་ཆེན་པོ་བསོད་སྙོམས་
པ་ཁ་ཆེ་ཤཱཀྱ་ཤྲཱི་བྷ་དྲ་དང་། ལོ་ཙཱ་བ་བྱམས་པའི་དཔལ་གྱིས་བོད་ཡུལ་དབུས་ཀྱི་གཙུག་ལག་ཁང་ཆེན་པོ་སོལ་ནག་ཐང་པོ་ཆེ་དང་། ཕོ་བྲང་ཁྲ་འབྲུག་གི་གཙུག་ལག་ཁང་དུ་བསྒྱུར་བ། ལྷ་མོ་སྒྲོལ་མ་ཉི་ཤུ་རྩ་གཅིག་ལ་བསྟོད་པ་རྣམ་དག་གཙུག་གི་ནོར་བུ་ཞེས་བྱ་བ། སློབ་དཔོན་ཆེན་པོ་སཱུརྱ་གུཔྟས་མཛད་པ། 
རྒྱ་གར་གྱི་མཁན་པོ་དཱི་པཾ་ཀ་ར་ཤྲཱི་ཛྙཱ་ན་དང་། བོད་ཀྱི་ལོ་ཙཱ་བ་རྒྱ་བརྩོན་འགྲུས་སེང་གེས་ཐོ་ལྡིང་གསེར་གྱི་ལྷ་ཁང་དུ་བསྒྱུར་བ། ལྷ་མོ་དམ་ཚིག་ [མ་བྱུང་] སྒྲོལ་མའི་བསྟོད་པ། སྒྲོལ་མ་ཕྲེང་བ་འཛིན་པའི་བསྟོད་པ་པཎྜི་ཏ་ཆེན་པོ་ཐམས་ཅད་མཁྱེན་པའི་བཤེས་གཉེན་གྱིས་མཛད་པ་སྔ་འགྱུར། མེ་ཏོག་ཕྲེང་

213-1-365b

འཛིན་གྱི་བསྟོད་པ་སློབ་དཔོན་ཆེན་པོ་ཐམས་ཅད་མཁྱེན་པའི་བཤེས་གཉེན་ཞེས་བྱ་བ་བྱང་ཆུབ་སེམས་དཔའི་སྤྱོད་པ་རྩེ་གཅིག་ཏུ་མཛད་པས་མཛད་པ། རྒྱ་གར་གྱི་མཁན་པོ་ཀ་ན་ཀ་ཝརྨ་དང་། བོད་ཀྱི་ལོ་ཙཱ་བ་པ་ཚབ་ཉི་མ་གྲགས་ཀྱི་འགྱུར་ལ། སླད་ཀྱིས་པཎྜི་ཏ་མ་ནི་ཀ་ཤྲཱི་ཛྙཱ་ན་དང་།
ཆག་ལོ་ཙཱ་བ་དགེ་སློང་ཆོས་རྗེ་དཔལ་གྱིས་ཅུང་ཟད་བཅོས་པ། འཕགས་མ་སྒྲོལ་མའི་མེ་ཏོག་ཕྲེང་བ་འཛིན་པའི་བསྟོད་པ་ཚེག་བར་བདུན་མར་བཅད་པ་སློབ་དཔོན་ཐམས་ཅད་མཁྱེན་པའི་བཤེས་གཉེན་ཀྱིས་མཛད་པ། པཎྜི་ཏ་ཟླ་བ་གཞོན་ནུའི་རང་འགྱུར། འཕགས་མ་སྒྲོལ་མ་ལ་བསྟོད་
པ་ཁ་ཆེའི་སློབ་དཔོན་ཉི་མ་སྦས་པས་མཛད་པ། རྒྱ་གར་གྱི་པཎྜི་ཏ་སཱ་དྷཱུ་ཀཱིརྟི་དང་། བོད་ཀྱི་ལོ་ཙཱ་བ་ལྡན་མ་ཚུལ་ཁྲིམས་སེང་གེས་བསྒྱུར་བ་ལ། ཕྱིས་དཔལ་ས་སྐྱའི་གཙུག་ལག་ཁང་དུ་དག་པར་བྱས་པ། ལྷ་མོ་སྒྲོལ་མ་ལ་སྨྲེ་སྔགས་ཀྱི་གསོལ་བ་འདེབས་པ་ཞེས་བྱ་བའི་བསྟོད་པ་
སློབ་དཔོན་ཐམས་ཅད་མཁྱེན་པའི་བཤེས་གཉེན་གྱིས་མཛད་པ། པཎྜི་ཏ་ཤཱཀྱ་ཤྲཱི་དང་། ལོ་ཙཱ་བ་བྱམས་པའི་དཔལ་གྱི་འགྱུར། སྒྲོལ་མ་དཀོན་མཆོག་གསུམ་ལ་བསྟོད་པ། རྒྱ་གར་གྱི་མཁན་པོ་དཱི་པཾ་ཀ་ར་ཤྲཱི་ཛྙཱ་ན་དང་། བོད་ཀྱི་ལོ་ཙཱ་བ་ནག་ཚོ་ཚུལ་ཁྲིམས་རྒྱལ་བས་བི་ཀྲ་མ་ཤཱི་
ལའི་གཙུག་ལག་ཁང་དུ་བསྒྱུར་བ། བྱང་ཆུབ་སེམས་བདེ་བའི་མན་ངག །རྒྱ་གར་གྱི་མཁན་པོ་དཱི་པཾ་ཀ་ར་ཤྲཱི་ཛྙཱ་ན་ཉིད་དང་། ཞུ་ཆེན་གྱི་ལོ་ཙཱ་བ་དགེ་བའི་བློ་གྲོས་ཀྱིས་བསྒྱུར་ཅིང་། ཕོ་བྲང་བྱང་ཆུབ་འོད་ཀྱི་ཞུས་པ། མེ་ཏོག་ཕྲེང་འཛིན་གྱི་སྒྲུབ་པའི་ཐབས་འཕགས་པ་འཇམ་དཔལ་
དབྱངས་ཀྱིས་བྱིན་གྱིས་བརླབས་པའི་པཎྜི་ཏ་ཆེན་པོ་ཏ་ཐཱ་ག་ཏ་རཀྵི་ཏས་མཛད་པ། ཅོག་གྲུ་ལོ་ཙཱ་བ་མྱ་ངན་མེད་པའི་དཔལ་གྱིས་བསྒྱུར་བ། སོ་སོའི་སྒྲུབ་ཐབས་ལ། སྒྲོལ་མ་དཀར་མོ་ལ་བརྟེན་ནས་སྟོང་པ་ཉིད་བསྒོམ་པ། སྔོན་མོ་ལ་བརྟེན་ནས་ལོག་པར་ལྟ་བ་སུན་དབྱང་བ། སེར་མོ་ལ་བརྟེན་
ནས་ཆོམ་རྐུན་བཅིང་བ། དམར་མོ་ལ་བརྟེན་ནས་རིག་པ་བསྐྱེད་པ། ལྗང་སེར་ལ་བརྟེན་ནས་འཆི་བ་བསླུ་བ་རྣམས་འཕགས་པ་འཇམ་པའི་དབྱངས་ཀྱིས་བྱིན་གྱིས་བརླབས་པའི་པཎྜི་ཏ་ཆེན་པོ་ཏ་ཐཱ་ག་ཏ་རཀྵི་ཏས་མཛད་པ། པཎྜི་ཏ་དེ་ཉིད་དང་། ཅོག་གྲུ་ལོ་ཙཱ་བ་མྱ་ངན་མེད་པའི་

213-1-366a

དཔལ་གྱི་འགྱུར། འཕགས་མ་ལྷ་མོ་སྒྲོལ་མའི་བསྟོད་པ་དོན་ཐམས་ཅད་གྲུབ་པ་ཞེས་བསྟོད་པའི་རྒྱལ་པོ་སློབ་དཔོན་མ་ཏི་ཙི་ཊས་མཛད་པ། འཕགས་པ་སྒྱུ་འཕྲུལ་དྲ་བའི་རིམ་བས་རྗེ་བཙུན་སྒྲོལ་མའི་སྒྲུབ་ཐབས། རྒྱ་གར་གྱི་མཁན་པོ་མ་ཧཱ་ཛ་ན་དང་། 
ལོ་ཙཱ་བ་གཞོན་ནུ་འོད་ཀྱི་འགྱུར། འཕགས་མ་སྒྲོལ་མའི་དཀྱིལ་འཁོར་གྱི་སྒྲུབ་ཐགས་ཆོ་ག་ཞེས་བྱ་བ་སློབ་དཔོན་ཆེན་པོ་ལྷན་ཅིག་སྐྱེས་པའི་རོལ་པས་མཛད་པ། འབྲོག་མི་ལོ་ཙཱའི་འགྱུར། ཨུ་རྒྱན་སྒྲོལ་མའི་སྐོར་ལ། འཕགས་མ་གནས་ཀྱི་དབང་ཕྱུག་མའི་སྒྲུབ་པའི་ཐབས་ཞེས་བྱ་བ།
དཔལ་ཨུ་རྒྱན་གྱི་སྒྲོལ་མའི་མངོན་པར་རྟོགས་པའི་རིམ་པ་ཞེས་བྱ་བ། ཨུ་རྒྱན་གྱི་སྒྲོལ་མའི་རིམ་པ། དཀྱིལ་འཁོར་དུ་དབང་བསྐུར་བའི་ཆོ་ག་མདོར་བསྡུས་པ་པཎྜི་ཏ་པ་ར་ཧི་ཏས་མཛད་པ་རྣམས་ཁ་ཆེའི་པཎྜི་ཏ་སངྒྷ་ཤྲཱི་བྷ་དྲ་དང་། ལོ་ཙཱ་བ་འཇམ་དཔལ་སྒེག་པའི་རྡོ་རྗེའི་འགྱུར།
དཔའ་བོ་གཅིག་མའི་རྣམ་འབྱོར་མའི་སྒྲུབ་པའི་ཐབས་ཞེས་བྱ་བ། ཨུ་རྒྱན་གྱི་རིམ་པའི་སྒྲོལ་མའི་སྒྲུབ་ཐབས་ཞེས་བྱ་བ་མཁའ་འགྲོ་མ་རྡོ་རྗེ་གདན་མས་གསུངས་པ། གཏོར་མའི་ཆོ་ག་ཉུང་ངུ་དང་། ཞིང་གི་དབང་ཕྱུག་མའི་མཆོད་པའི་རིམ་པ་རྣམས་པཎྜི་ཏ་པ་ར་ཧི་ཏ་དང་། ལོ་ཙཱ་བ་ནག་
ཚོ་ཤེས་རབ་རྒྱལ་མཚན་གྱི་འགྱུར། དེ་ཁོ་ན་ཉིད་ཀྱི་ཚིག་ལེའུར་བྱས་པའི་མན་ངག་པཎྜི་ཏ་པ་ར་ཧི་ཏ་དང་། ལོ་ཙཱ་བ་ནག་ཚོ་ཚུལ་ཁྲིམས་རྒྱལ་མཚན་གྱི་འགྱུར། དེ་ཁོ་ན་ཉིད་ཀྱི་ཚིག་ལེའུར་བྱས་པའི་མན་ངག་གི་འགྲེལ་པ་མཁས་པ་ཆེན་པོ་སློབ་དཔོན་སུ་ཛ་ཡ་ཤྲཱི་བྷ་དྲའི་
ཞལ་སྔ་ནས་ཀྱིས་མཛད་པ། མཁས་པ་རིན་ཆེན་དཔལ་གྱི་སློབ་མ་པཎྜི་ཏ་པ་ར་ཧི་ཏ་དང་། ལོ་ཙཱ་བ་ནག་ཚོ་དགེ་སློང་ཤེས་རབ་རྒྱལ་མཚན་གྱི་འགྱུར། མ་ཧཱ་མཱ་ཡཱའི་རྫོགས་རིམ་དེ་དང་ཆ་འདྲ་བར་འདུག་ནའང་། ནག་ཚོའི་ལུགས་ལ་ཨུ་རྒྱན་སྒྲོལ་མའི་རྫོགས་རིམ་དུ་བཞེད་དོ། །གནས་
ཆེན་གྱི་རིམ་པའི་ལྷ་མོ་སྒྲོལ་མ་ལ་བསྟོད་པ་སློབ་དཔོན་མི་བསྐྱོད་རྡོ་རྗེས་མཛད་པ། པཎྜི་ཏ་པཱ་ར་ཧི་ཏ་དང་། ལོ་ཙཱ་བ་ཚུལ་ཁྲིམས་རྒྱལ་མཚན་གྱི་འགྱུར། ཞིང་གི་དབང་ཕྱུག་མའི་བསྟོད་པ་བློན་པོའི་རིགས་ཤིན་ཏུ་དགའ་བའི་པཎྜི་ཏས་མཛད་པ། པཎྜི་ཏ་ཡེ་ཤེས་རྡོ་རྗེ་དང་། ལོ་ཙཱ་བ་ནག་

213-1-366b

ཚོ་ཆེན་པོའི་འགྱུར། རྡོ་རྗེ་དྲིལ་བུའི་མཚན་ཉིད་ཅེས་བྱ་བ་དང་། ཐོད་པ་མཆོད་པའི་ཆོ་ག་ཞེས་བྱ་བ་པཎྜི་ཏ་པ་ར་ཧི་ཏ་དང་། ལོ་ཙཱ་བ་ནག་ཚོ་ཤེས་རབ་རྒྱལ་མཚན་གྱི་འགྱུར། འདི་ཨུ་རྒྱན་སྒྲོལ་མའི་ཆོས་སྐོར་དུ་མཛད་དོ། །རྨི་ལམ་སྒྲོལ་མའི་སྒྲུབ་ཐབས་སློབ་དཔོན་ཟླ་བའི་བཤེས་
གཉེན་གྱིས་མཛད་པ། རྒྱ་གར་གྱི་པཎྜི་ཏ་སུ་ག་ཏ་ཤྲཱི་དང་། ལོ་ཙཱ་བ་བྱམས་པའི་དཔལ་གྱི་འགྱུར། སྒྲོལ་མའི་འཆི་ཁ་མའི་ཉམས་ལེན་དཔལ་ཆོས་ཀྱི་རྗེ་ས་སྟེང་ན་འགྲན་ཟླ་དང་བྲལ་བའི་ཁ་ཆེ་ཤཱཀྱ་ཤྲཱི་བྷ་དྲའི་ཞལ་སྔ་ནས་མཛད་པ་དང་། འཕགས་མ་སྒྲོལ་མའི་སྒྲུབ་ཐབས་ཞེས་བྱ་བ་སློབ་
དཔོན་ཆེན་པོ་ཐམས་ཅད་མཁྱེན་པའི་བཤེས་གཉེན་གྱིས་མཛད་པ། པཎྜི་ཏ་ཤཱཀྱ་ཤྲཱི་བྷ་དྲ་དང་། ལོ་ཙཱ་བ་བྱམས་པའི་དཔལ་གྱི་འགྱུར། སྒྲོལ་མའི་སྒྲུབ་ཐབས་བསྡུས་པ་འཕགས་པ་ཀླུ་སྒྲུབ་ཀྱིས་མཛད་པ། འཕགས་མ་སྒྲོལ་མའི་སྒྲུབ་ཐབས་ཁ་ཆེའི་པཎྜི་ཏ་ཆེན་པོ་ཤཱཀྱ་ཤྲཱི་བྷ་དྲའི་
ཞལ་སྔ་ནས་བྱུང་བ། དཔྱལ་པདྨོ་ཅན་གྱི་འགྱུར། རྡོ་རྗེ་ཕག་མོ་སྒྲོལ་མ་ལ་བསྟོད་པ་པཎྜི་ཏ་ཟླ་བ་གྲགས་པས་མཛད་པ། སྒྲོལ་མ་ཁྲོ་མོ་ལ་རྩ་བའི་སྔགས་ཀྱིས་བསྟོད་པ་ [མ་བྱུང་] ཚིག་རྐང་བཅུ་གཉིས་པ། སྒྲོལ་མ་ཨུ་གྲ་ཏཱ་རའི་སྒྲུབ་ཐབས་རྒྱ་གར་ཤར་ཕྱོགས་ཀྱི་པཎྜི་ཏ་ཆེན་པོ་ཤྲཱི་བ་ན་རཏྣའི་ཞབས་
ཀྱིས་མཛད་པ་དང་། འཕགས་མ་སྒྲོལ་མ་དྲག་མོའི་སྒྲུབ་ཐབས་སློབ་དཔོན་རྟག་པའི་རྡོ་རྗེས་མཛད་པ། རྒྱ་གར་ཤར་ཕྱོགས་ཀྱི་པཎྜི་ཏ་ཆེན་པོ་ཤྲཱི་བ་ན་རཏྣ་དང་། ལོ་ཙཱ་བ་མཉྫུ་ཤྲཱིས་བསྒྱུར་བ། འཕགས་མ་སྒྲོལ་མ་དྲག་མོའི་སྒྲུབ་ཐབས་ཞེས་བྱ་བ་སློབ་དཔོན་རྟག་པའི་རྡོ་རྗེས་
མཛད་པ། རྒྱ་གར་ཤར་ཕྱོགས་ཀྱི་པཎྜི་ཏ་ཆེན་པོ་ནགས་ཀྱི་རིན་ཆེན་གྱི་ཞལ་སྔ་ནས་དང་། དགེ་སློང་ཆོས་སྨྲ་བ་བསོད་ནམས་རྒྱ་མཚོའི་སྡེའི་འགྱུར། རལ་གཅིག་མའི་སྒྲུབ་ཐབས་སློབ་དཔོན་རྟག་པའི་རྡོ་རྗེས་མཛད་པ། རྒྱ་གར་ཤར་ཕྱོགས་ཀྱི་པཎྜི་ཏ་ཆེན་པོ་དཱ་ན་ཤཱི་ལས་འོན་འདིའི་སྐུ་གྲོང་དུ་
ལེགས་པར་བསྒྱུར་ཅིང་ཞུས་པ། བཅོམ་ལྡན་འདས་མ་སྒྲོལ་མ་ཁྲོས་པའི་བ་ལིཾ་གི་གཏོར་མའི་ཆོ་ག་བསྡུས་པ། རྒྱ་གར་ཤར་ཕྱོགས་ཀྱི་པཎྜི་ཏ་དཱ་ན་ཤཱི་ལས་འགྲན་གྱི་འཕྱང་སར་དུ་རང་འགྱུར་མཛད་པ། སྒྲོལ་མ་རལ་གཅིག་མའི་བློ་འཕེལ་སྙན་ངག་མཁན་རྟག་པའི་རྡོ་རྗེས་

213-1-367a

མཛད་པ། རྒྱ་གར་ཤར་ཕྱོགས་ཀྱི་པཎྜི་ཏ་ཆེན་པོ་དཱ་ན་ཤཱི་ལས་ཡང་དག་པར་བསྒྱུར་བ། འཕགས་པ་རལ་པ་གཅིག་མ་དཀར་མོའི་སྒྲུབ་ཐབས་སློབ་དཔོན་རོལ་པའི་སྦས་པས་མཛད་པ། རྒྱ་གར་ཤར་ཕྱོགས་བ་རེནྡྲ་ཛ་ག་ཏ་ལའི་པཎྜི་ཏ་དཱ་ན་ཤཱི་ལས་ཡུལ་དབུས་
ཀྱི་གྲུབ་པ་ཐོབ་པའི་གནས་དྲང་སྲོང་སྲིན་པོར་རིར་བསྒྱུར་བ། རལ་པ་གཅིག་མ་དམར་མོའི་སྒྲུབ་པའི་ཐབས་ཀུན་སྤངས་རྡོ་རྗེ་ཞེས་པས་མཛད་པ། རྒྱ་གར་ཤར་ཕྱོགས་ཀྱི་པཎྜི་ཏ་མི་དབང་བཟང་པོ་དང་། ཆོས་སྨྲ་བའི་བཙུན་པ་ལེགས་པའི་བློ་གྲོས་ཀྱི་འགྱུར། རལ་པ་གཅིག་མ་དམར་མོའི་བྱིན་
རླབས་ཀྱི་ཆོ་ག་ནག་པོ་སྤྱོད་པ་བས་མཛད་པ། པཎྜི་ཏ་མི་དབང་བཟང་པོ་དང་། ལོ་ཙཱ་བ་གཞོན་ནུ་ཤེས་རབ་ཀྱི་འགྱུར། མཆོག་གི་སྒྲོལ་མ་རལ་གཅིག་མའི་མན་ངག་གི་སྒྲུབ་ཐབས་སྙན་ངག་མཁན་རྟག་པའི་རྡོ་རྗེའི་མན་ངག་བྷ་གུ་པཎྜི་ཏའི་ཁྱད་ཆོས། རྒྱ་གར་ཤར་ཕྱོགས་ཀྱི་པཎ་ཆེན་དཱ་ན་
ཤཱི་ལ་ལས་མཉན་ཏེ། རིག་པ་འཛིན་པ་ཁུ་རྣལ་འབྱོར་པས་འོན་དམར་དུ་ལེགས་པར་བསྒྱུར་ཅིང་གཏན་ལ་ཕབ་པ། སྒྲོལ་མ་ལྷ་ལྔའི་སྒྲུབ་ཐབས་རིན་པོ་ཆེ་གསལ་བ་ཞེས་བྱ་བ་སློབ་དཔོན་རྟག་པའི་རྡོ་རྗེས་མཛད་པ། རྒྱ་གར་གྱི་མཁན་པོ་པཎྜི་ཏ་རཏྣ་ད་ཏི་དང་། བོད་ཀྱི་ལོ་ཙཱ་བ་རྨ་བན་
ཆོས་འབར་གྱི་འགྱུར། ཐུགས་རྗེ་སྒྲོལ་མའི་སྒྲུབ་ཐབས་ཞེས་བྱ་བ་དངོས་གྲུབ་ཕྲེང་བ་སློབ་དཔོན་རྟག་པའི་བཛྲས་མཛད་པ། རྒྱ་གར་གྱི་མཁན་པོ་པཎྜི་ཏ་དོན་ཡོད་རྡོ་རྗེ་དང་། ལོ་ཙཱ་བ་མཁས་པ་བ་རིས་རྒྱ་དཔེ་བོད་དུ་སྤྱན་དྲངས་ནས་བ་སྦུགས་རོང་གི་གསེར་ཁང་དུ་བསྒྱུར་བ། སྒྲོལ་མའི་
ནང་གི་གཏོར་ཆོག་སློབ་དཔོན་ཙནྡྲ་གོ་མིས་མཛད་པ། ཡུལ་བལ་པོ་རྫོང་དུ་བསྒྱུར་བ། ཕྱིར་བཟློག་གི་འཁོར་ལོ་རྟག་པའི་རྡོ་རྗེས་མཛད་པ། མཁས་པ་ཆེན་པོ་རྨ་བན་ཆོས་འབར་གྱི་འགྱུར། སྒྲོལ་མ་གསང་བའི་སྒྲུབ་ཐབས་སློབ་དཔོན་རྟག་པའི་རྡོ་རྗེས་མཛད་པ། རྒྱ་གར་གྱི་མཁན་པོ་རཏྣ་
ད་ཏི་དང་། ལོ་ཙཱ་བ་རྨ་བན་ཆོས་འབར་གྱི་འགྱུར། ཐུགས་རྗེ་སྒྲོལ་མ་ལས་སྣ་ཚོགས་པའི་སྒྲུབ་ཐབས་རྒྱ་གར་བསིལ་བའི་སེང་ལྡེང་ཕུག་ཏུ་སློབ་དཔོན་རྟག་པའི་རྡོ་རྗེས་མཛད་པ། མཁས་པ་ཆེན་པོ་པ་རི་ལོ་ཙཱའི་འགྱུར། ཁྭ་གདོང་མ་སྲང་མདའ་ནག་པོ་ཞེས་བྱ་བ་སློབ་དཔོན་རྟག་པའི་

213-1-367b

བཛྲས་མཛད་པ། སྒྲོལ་མའི་མན་ངག་མེ་ལོང་དངས་བ་ཞེས་བྱ་བ་རྨ་དང་པ་རི་ལོ་ཙཱ་བ་དྷརྨ་ཀཱིརྟི་ཞེས་བྱ་བས་དཔྱལ་དང་། བླ་མ་གུས་སྟོན་ལ་ཞུས་ནས་བསྒྱུར་བ། དེ་རྣམས་སྒྲོལ་མ་རྣལ་འབྱོར་བླ་མེད་དུ་བཀྲལ་བའི་སྐོར་རྣམས་སོ། །མ་རྒྱུད་སྤྱི་དང་འབྲེལ་པ་ལ། དཔལ་ཨུ་རྒྱན་གྱི་རྣལ་
འབྱོར་པ་དང་རྣལ་འབྱོར་མའི་རང་བྱུང་གི་ལོངས་སྤྱོད་དུར་ཁྲིད་ཀྱི་རྟོག་པ་ཞེས་བྱ་བ་སློབ་དཔོན་བིཪྺ་པས་མཛད་པ་ལས་བཏུས་པ། རྣལ་འབྱོར་པ་པྲ་ཛྙཱ་ཤྲཱི་ཛྙཱ་ན་ཀཱིརྟིའི་རང་འགྱུར། རྗེས་ཆགས་ཀྱི་སྦྱོར་བས་དེ་ཁོ་ན་ཉིད་ཀྱི་རྣལ་འབྱོར་ལ་འཇུག་པའི་མན་ངག་ཅེས་བྱ་བ་པཎྜི་ཏ་ཆེན་པོ་དོན་ཡོད་རྡོ་རྗེའི་
ཞལ་སྔ་ནས་མཛད་པ་དང་། ལས་ཀྱི་ཕྱག་རྒྱ་བརྟག་པའི་མན་ངག་ཅེས་བྱ་བ་པཎྜི་ཏ་ཨ་མོ་གྷ་བཛྲ་ལས་བྱུང་བ། རྒྱ་གར་གྱི་མཁན་པོ་དེ་ཉིད་དང་། བོད་ཀྱི་ལོ་ཙཱ་བ་འགོས་ལྷས་བཙས་ཀྱི་འགྱུར། དབང་ཆོས་རྟེན་འབྲེལ་འགྲོ་ལྡོག་དཔལ་ནཱ་རོ་པས་མཛད་པ། རྒྱ་གར་གྱི་བླ་མ་ཏེ་ཕུ་བ་དང་། བོད་ཀྱི་
ལོ་ཙཱ་བ་རྨ་བན་ཆོས་འབར་གྱི་འགྱུར། འཆི་བ་བསླུ་བའི་མན་ངག་ཅེས་བྱ་བ་སློབ་དཔོན་ངག་གི་དབང་ཕྱུག་གྲགས་པས་མཛད་པ། ཤློ་ཀ་སུམ་བརྒྱ་དྲུག་ཅུ་པ། རྒྱ་གར་གྱི་མཁན་པོ་དཱི་པཾ་ཀ་ར་ཤྲཱི་ཛྙཱ་ན་དང་། ལོ་ཙཱ་བ་དགེ་སློང་རིན་ཆེན་བཟང་པོའི་འགྱུར། འདི་ཕྱི་ནང་གི་རྒྱུད་དུ་མ་དང་འབྲེལ་
ཡང་། ཁྱད་པར་མ་རྒྱུད་རྡོ་རྗེ་མཁའ་འགྲོ་དང་། གདན་བཞི་དང་འབྲེལ་བར་སྣང་བས་འདིར་བཀོད་དོ། །རྨི་ལམ་བརྟག་པ་རྒྱ་གར་ཤར་ཕྱོགས་ཀྱི་པཎྜི་ཏ་བི་བྷཱུ་ཏི་ཙནྡྲའི་རང་འགྱུར། པདྨ་དྲ་བ་འབྱུང་བའི་སྒྲུབ་ཐབས་རྒྱལ་བ་དཔལ་ཡེ་ཤེས་ཀྱིས་མཛད་པ་དང་། པདྨ་སྤྱན་རས་གཟིགས་དབང་
ཕྱུག་གི་པདྨ་དྲ་བའི་རིམ་པས་བཅོམ་ལྡན་འདས་ཀྱི་དཀྱིལ་འཁོར་དུ་མཆོད་པའི་ཆོ་ག་རྒྱལ་བ་དཔལ་ཡེ་ཤེས་མིང་གཞན་པདྨ་རྡོ་རྗེ་ཞེས་བྱ་བས་མཛད་པ། ཁ་ཆེའི་པཎྜི་ཏ་ཆེན་པོ་སུ་མ་ན་ཤྲཱི་བྷ་དྲ་དང་། བོད་ཀྱི་ལོ་ཙཱ་བ་དགེ་སློང་རིན་ཆེན་གྲུབ་ཀྱི་འགྱུར། མ་རྒྱུད་དང་ཕྱོགས་མཐུན་པ་མགོན་པོ་ནག་
པོའི་སྐོར་ལ། དཔལ་མགོན་པོ་ནག་པོའི་སྒྲུབ་ཐབས་ཀྱི་རིམ་པ་སློབ་དཔོན་ཀླུ་སྒྲུབ་ཀྱིས་མཛད་པ། པཎྜི་ཏ་འབུམ་ཕྲག་གསུམ་པ་དང་། ལོ་ཙཱ་བ་དགེ་སློང་དང་མ་གྲགས་ཀྱི་འགྱུར། དཔལ་ནག་པོ་ཆེན་པོའི་རྒྱུད་དྲག་པོའི་བརྟག་པ་དུར་ཁྲོད་ཆེན་པོ་ཞེས་བྱ་བའི་འགྲེལ་པ་དཔལ་རྟ་དབྱངས་

213-1-368a

ཀྱིས་མཛད་པ། དཔལ་ནག་པོ་ཆེན་པོའི་དཀྱིལ་འཁོར་གྱི་ཆོ་ག་དངོས་གྲུབ་རིན་ཆེན་འབྱུང་གནས་ཞེས་བྱ་བ་དང་། ཡེ་ཤེས་ཀྱི་མེ་སྦར་བ་ཞེས་བྱ་བ་སྦྱིན་སྲེག་གི་ཆོ་ག་པཎྜི་ཏ་ཆེན་པོ་ས་མནྟ་ཤྲཱིས་མཛད་པ། པཎྜི་ཏ་དེ་ཉིད་དང་། ལོ་ཙཱ་བ་དགེ་སློང་ཆོས་རབ་ཀྱི་འགྱུར། ནག་
པོ་ཆེན་པོའི་མངོན་པར་རྟོགས་པ་ཕྱག་རྒྱ་ཆེན་པོ་མཆོག་གི་དངོས་གྲུབ་ཐོབ་པའི་དཔལ་ལྷན་ཅིག་སྐྱེས་པའི་ཞབས་ཀྱིས་མཛད་པ་དང་། ནག་པོ་ཆེན་པོའི་སྒྲུབ་ཐབས་ཀྱི་རྣམ་པར་བཤད་པ་ལྷན་ཅིག་སྐྱེས་པའི་ཞབས་ཀྱི་སློབ་མ་སློབ་དཔོན་ལི་ཀ་རིའི་ཞབས་ཀྱིས་མཛད་པ། རྒྱ་གར་གྱི་
མཁན་པོ་ཤྲཱི་ན་རེནྡྲ་བྷ་དྲ་དང་། བོད་ཀྱི་ལོ་ཙཱ་བ་ཨུ་རྒྱན་པ་རིན་ཆེན་དཔལ་གྱིས་རི་བོ་ཆེན་པོ་སྤུ་ཏྲའི་མགུལ་བདེ་ཆེན་གླིང་གི་ཕོ་བྲང་ཆེན་པོར་བསྒྱུར་བ། དཔལ་ནག་པོ་ཆེན་པོ་ཡུམ་ཅན་གྱི་སྒྲུབ་ཐབས་ཞེས་བྱ་བ་སློབ་དཔོན་འཕགས་པ་ཀླུ་སྒྲུབ་ཀྱིས་མཛད་པ། རྒྱ་གར་ཤར་ཕྱོགས་ཀྱི་
པཎྜི་ཏ་ཤྲཱི་བ་ན་རཏྣའི་ཞལ་སྔ་ནས་དང་ཆོས་འཁོར་ལོ་ཙཱ་བ་འཇམ་དཔལ་ཡེ་ཤེས་ཀྱི་འགྱུར། དཔལ་ནག་པོ་ཆེན་པོའི་སྒྲུབ་ཐབས་ཞེས་བྱ་བ་འཕགས་པ་ཀླུ་སྒྲུབ་ཀྱིས་མཛད་པ། པཎྜི་ཏ་ཨ་བྷ་ཡཱ་ཀ་ར་དང་། ལོ་ཙཱ་བ་རྩ་མི་ཆེན་པོའི་འགྱུར། དཔལ་མགོན་པོའི་ནང་སྒྲུབ་པཎྜི་ཏ་ཨ་བྷ་
ཡཱ་ཀ་ར་དང་། ལོ་ཙཱ་བ་རྩ་མི་ཆེན་པོའི་འགྱུར། དཔལ་ནག་པོ་ཆེན་པོའི་སྒྲུབ་ཐབས་ཞེས་བྱ་བ་སློབ་དཔོན་བྲམ་ཟེ་མཆོག་སྲེད་ཀྱིས་མཛད་པ། བྱིན་གྱིས་རླབས་པ་ནག་པོ་ཆེན་པོའི་སྒྲུབ་ཐབས་སློབ་དཔོན་ཤ་བ་རི་པས་མཛད་པ། དཔལ་ནག་པོ་ཆེན་པོའི་ [བྱ་རོག་གདོང་ཅན་ཟེར།] དབང་བསྐུར་བའི་ཆོ་ག་
བྲམ་ཟེ་མཆོག་སྲེད་ཞབས་ཀྱིས་མཛད་པ། རྒྱ་གར་གྱི་མཁན་པོ་པཎྜི་ཏ་ནག་པོ་རོ་འཛིན་དང་། ལོ་ཙཱ་བ་གྱི་ལྗང་དབུ་དཀར་བའི་འགྱུར། དཔལ་མགོན་པོ་ནག་པོའི་སྒྲུབ་ཐབས་སློབ་དཔོན་ཆེན་པོ་བསོད་སྙོམས་པས་མཛད་པ། རྒྱ་གར་གྱི་མཁན་པོ་སུ་མ་ཏི་ཀཱིརྟི་དང་། ལོ་ཙཱ་བ་དགེ་སློང་པྲཛྙཱ་ཀཱིརྟིའི་
འགྱུར། དཔལ་མགོན་པོའི་གཏོར་ཆོག་དཱི་པཾ་ཀ་ར་ཤྲཱི་ཛྙཱ་ནས་མཛད་པ། དེ་ཉིད་དང་། ལོ་ཙཱ་བ་འབྲོམ་སྟོན་གྱི་འགྱུར། དཔལ་ལྷ་མོ་ནག་མོའི་སྒྲུབ་པའི་ཐབས་ཀྱི་ཆོ་ག་སློབ་དཔོན་ལོ་ཀ་ཤྲཱིའི་འགྱུར། ལྷ་མོ་རེ་མ་ཏི་དམག་ཟོར་གྱི་མན་ངག་ཨཱ་ཙཱརྱ་དམར་པོ་ཞབས་ཀྱིས་མཛད་པ། དཔལ་ལྡན་

213-1-368b

ལྷ་མོ་དུད་སོལ་མའི་རྗེས་སུ་གནང་བའི་ཆོ་ག །དུད་སོལ་མའི་སྒྲུབ་ཐབས། གཏོར་མའི་ཆོ་ག་རྣམས་པཎྜི་ཏ་ནགས་ཀྱི་རིན་ཆེན་གྱི་ཞབས་ཀྱིས་མཛད་པ། པཎྜི་ཏ་དེ་ཉིད་ཀྱི་བཀའ་དྲིན་གྱིས་འཚོ་བའི་བཙུན་པ་བསོད་ནམས་རྒྱ་མཚོའི་སྡེའི་འགྱུར། དཔལ་ནག་པོ་ཆེན་པོའི་སྒྲུབ་ཐབས།
ཡང་ནག་པོ་ཆེན་པོའི་སྒྲུབ་ཐབས། དཔལ་ནག་པོ་ཆེན་པོའི་བསྟོད་པ་རྐང་པ་བརྒྱད་པ་ཞེས་བྱ་བ་རྣམས་སློབ་དཔོན་འཕགས་པ་ཀླུ་སྒྲུབ་ཀྱིས་མཛད་པ། དཔལ་ནག་པོ་ཆེན་པོའི་བསྟོད་པ་སློབ་དཔོན་བྲམ་ཟེ་མཆོག་སྲེད་ཀྱིས་མཛད་པ། དཔལ་ནག་པོ་ཆེན་པོའི་བསྟོད་པ་སློབ་དཔོན་ཆེན་པོ་ཨ་ཝ་དྷཱུ་ཏཱི་
བས་མཛད་པ། རྗེ་བཙུན་དཔལ་ནག་པོ་ཆེན་པོ་ལ་བསྟོད་པ་དང་། བྱ་རོག་མིང་ཅན་དང་བྱ་རོག་གདོང་ཅན་ལ་བསྟོད་པ་རྩ་མེ་སངས་རྒྱས་གྲགས་པས་མཛད་པ། སེ་ལོ་ཙཱ་བས་བོད་སྐད་དུ་བསྒྱུར་བ་འདི་ལ་ཐམས་ཅད་མཁྱེན་པ་བུ་སྟོན་གྱིས། འདི་གཉིས་རྩོམ་མཁན་བོད་ཀྱིས་བརྩམས་པ་
ཡིན་ཀྱང་སཾ་སྐྲྀ་ཏའི་སྐད་དུ་བརྩམས་ཤིང་། བོད་སྐད་དུ་བསྒྱུར་བ་ཡིན་པས་སྔར་གྱི་རྣམས་ཀྱིས་བྲིས་འདུག་པས་བྲིས་ཞེས་གསུང་ངོ་། །ལྷ་མོ་ནག་མོ་ལ་བསྟོད་པ་བརྒྱད་པ་ཞེས་བྱ་བ་བྲམ་ཟེ་མཆོག་སྲིད་ཀྱིས་མཛད་པ། དཔལ་ནག་པོ་ཆེན་པོའི་བསྟོད་པ་རྐང་པ་བརྒྱད་པ་ཞེས་བྱ་བ་དང་། ཡང་དཔལ་
ནག་པོ་ཆེན་པོ་ལ་བསྟོད་པ་རྐང་པ་བརྒྱད་པ་ཞེས་བྱ་བ་སློབ་དཔོན་ཆེན་པོ་འཕགས་པ་ཀླུ་སྒྲུབ་ཀྱིས་མཛད་པ། རྒྱ་གར་གྱི་མཁན་པོ་ཤྲཱི་བེེ་རོ་ཙ་ན་བཛྲ་དང་། བོད་ཀྱི་ལོ་ཙཱ་བ་དིང་རི་ཆོས་གྲགས་ཀྱི་འགྱུར། དཔལ་ལྷ་མོ་ནག་མོའི་སྒྲུབ་ཐབས་མཁས་པ་ཆེན་པོ་ན་རོ་པའི་ཞབས་ཀྱིས་མཛད་པ།
སྐད་གཉིས་སྨྲ་བའི་སློབ་དཔོན་ལོ་ཀ་ཤྲཱིའི་འགྱུར། གཏུམ་ཆེན་དྲག་པོའི་མངོན་པར་རྟོགས་པ་པཎྜི་ཏ་བདེ་བ་ཆེན་པོའི་རྡོ་རྗེས་བསྒྲིགས་པ། ལོ་ཙཱ་བ་དགེ་སློང་གཞོན་ནུ་དཔལ་གྱི་འགྱུར། མི་གཡོ་བའི་མངོན་པར་རྟོགས་པ་རབ་ཏུ་དགའ་བར་མངོན་པར་བརྗོད་པ་སློབ་དཔོན་དཔལ་ནགས་
ཀྱི་རིན་ཆེན་གྱིས་མཛད་པ། ལོ་ཙཱ་བ་གཞོན་ནུ་དཔལ་གྱིས་བསྒྱུར་བ་རྣམས་བཞུགས་སོ། །སྒྲོལ་མ་བླ་མེད་སྐོར་ལ་དྲུག་ཅུ་གསུམ། །མ་རྒྱུད་སྤྱི་འབྲེལ་དྲུག་དང་པད་དྲའི་གཉིས། །མགོན་པོའི་ཆོས་སྐོར་སུམ་ཅུ་མི་གཡོའི་གཉིས། །དྲིལ་བས་ཆོས་སྐོར་བརྒྱ་དང་རྩ་གསུམ་བཞུགས། །

213-1-369a

དེ་དག་གིས་ནི་སྒྲོལ་མ་ལ་སོགས་པའི་ཆོས་སྐོར་བཞུགས་པའི་རྣམ་གྲངས་རྣམས་བཀོད་ཟིན་ཏོ།།      །།དེ་ལྟར་སྒྲོལ་མ་ལ་སོགས་པའི་ཆོས་སྐོར་རྣམས་བཀོད་ནས། རྣལ་འབྱོར་ཆེན་པོ་ཐབས་ཀྱི་རྒྱུད་གསང་བ་འདུས་པའི་སྐོར་ལ། དང་པོར་མགོན་པོ་ཀླུ་སྒྲུབ་ཀྱི་རྗེས་སུ་
འབྲང་བའི་འཕགས་སྐོར་ལ། ས་པ་ལ། དཔལ་གསང་བ་འདུས་པའི་རྒྱུད་ཀྱི་འགྲེལ་པ་ཞེས་བྱ་བ་རྡོ་རྗེ་ཐེག་པ་ཆེན་པོ་པ་སློབ་དཔོན་ཆེན་པོ་དཔལ་ཀླུ་སྒྲུབ་ཀྱིས་མཛད་ཟེར་བའི་ལེའུ་བཅུ་བདུན་པ་ཡན་ཆད་རྒྱ་གར་གྱི་མཁན་པོ་ཤྲཱི་ཏཱ་ར་ཀ་ལ་ཤའི་སྲས་པཎྜི་ཏ་ཀུ་མཱ་ར་ཀ་ལ་ཤའི་དབོན་པོ་མནྟྲ་ཀ་
ལ་ཤ་ཞེས་བྱ་བ་ཉིད་ཀྱི་རང་འགྱུར། ལེའུ་བཅོ་བརྒྱད་པའི་རྒྱ་ཆེར་འགྲེལ་པ་རྡོ་རྗེ་ཐེག་པ་ཆེན་པོ་པ་དཔལ་ཀླུ་སྒྲུབ་ཀྱིས་མཛད་པ། རྒྱ་གར་གྱི་མཁན་པོ་ཆེན་པོ་དཔལ་གཞོན་ནུ་བུམ་པའི་འགྱུར་བཞུགས་སོ། །འགྲེལ་པ་འདི་སློབ་དཔོན་ཀླུ་སྒྲུབ་ཀྱིས་མཛད་མ་མཛད་རྩོད་པ་ཅན་དུ་འདུག་
ནའང་། བོད་མ་མ་ཡིན་པར་འདུག་ཅིང་མཚན་བཟང་པོར་གཡར་འདུག་པའི་དོན་ལ་དབུ་རུ་བཞུགས་སུ་བཅུག་པ་ཡིན་ཞེས་གསུངས་སོ།།      །།ཧ་པ་ལ། སྒྲོལ་མ་གསལ་བར་བྱེད་པ་ཞེས་བྱ་བའི་རྒྱ་ཆེར་བཤད་པ་སློབ་དཔོན་ཆེན་པོ་ནཱ་གཱརྫུ་ནའི་མན་ངག་ལ་བརྟེན་ཏེ་སློབ་དཔོན་ཟླ་བ་གྲགས་པས་
མཛད་པ། རྒྱ་གར་གྱི་མཁན་པོ་ཤྲདྡྷཱ་ཀ་ར་ཝརྨ་དང་། ཞུ་ཆེན་གྱི་ལོ་ཙཱ་བ་རིན་ཆེན་བཟང་པོའི་འགྱུར་ལ། རྒྱ་གར་གྱི་མཁན་པོ་ཤྲཱི་ཛྙཱ་ནཱ་ཀ་ར་པས་བཤད་ནས། བོད་ཀྱི་ཞུ་ཆེན་གྱི་ལོ་ཙཱ་བ་འགོས་ལྷས་བཙས་ཀྱིས་བསྒྱུར་བ་ལ། ཡང་སླད་ཀྱིས་རྒྱ་གར་གྱི་པཎྜི་ཏ་ནག་པོའི་ཞལ་སྔ་ནས་བཤད་
ཅིང་། བོད་ཀྱི་ལོ་ཙཱ་བ་འགོས་ལྷས་བཙས་ཀྱིས་ཡུལ་དབུས་ཀྱི་དཔེ་དང་གཏུགས་ཏེ་བཅོས་པ། སྦྱོར་བ་ཡན་ལག་དྲུག་པའི་འགྲེལ་པ་སློབ་དཔོན་ཆེན་པོ་ཟླ་བ་གྲགས་པས་མཛད་པ། རྒྱ་གར་གྱི་མཁན་པོ་ཨཱ་ཙཱརྱ་ཤྲདྡྷཱ་ཀ་ར་ཝརྨ་དང་། ཞུ་ཆེན་གྱི་ལོ་ཙཱ་བ་རིན་ཆེན་བཟང་པོའི་འགྱུར།
གསང་བ་ཐམས་ཅད་ཀྱི་སྒྲོན་མའི་རྒྱ་ཆེར་འགྲེལ་བ་གསང་འདུས་རྒྱུད་ཕྱི་མ་པཎྜི་ཏ་སྙན་གྲགས་བཟང་པོས་མཛད་པ། པཎྜི་ཏ་སྨྲྀ་ཏི་ཛྙཱ་ན་ཀཱིརྟི་རང་འགྱུར། འདི་ལ་ཐེ་ཚོམ་གྱི་གཞི་ཅིག་སྣང་ངོ་།།      །།ཨ་པ་ལ། རྡོ་རྗེ་བཟླས་པའི་རྒྱ་ཆེར་བཤད་པ་ཞེས་བྱ་བ་དང་། ཡེ་ཤེས་རྡོ་རྗེ་ཀུན་ལས་

213-1-369b

བཏུས་པའི་རྒྱུད་ལས་འབྱུང་བའི་རྒྱན་བདུན་རྣམ་པར་དགྲོལ་བ་དང་གཉིས་ཀ་སློབ་དཔོན་ཆེན་པོ་ཤྲདྡྷཱ་ཀ་ར་ཝརྨའི་ཞབས་ཀྱིས་མཛད་པ། པཎྜི་ཏ་དེ་ཉིད་དང་། ཞུ་ཆེན་གྱི་ལོ་ཙཱ་བ་དགེ་སློང་རིན་ཆེན་བཟང་པོས་བསྒྱུར་ཅིང་གཏན་ལ་ཕབ་པ། སྒྲོན་མ་གསལ་བར་བྱེད་པ་ཞེས་བྱ་བའི་དཀའ་འགྲེལ་
སློབ་དཔོན་ཐུགས་རྗེ་དཔལ་གྱི་ཞབས་ཀྱིས་མཛད་པ། གཞུང་གི་ཚད་ནི་ཚིགས་སུ་བཅད་པའི་རྣམ་གྲངས་སྟོང་ཕྲག་གསུམ་ལ་བརྒྱ་ཕྲག་ལྔས་ལྷག་མ་ཡོད་པ། སྐད་གཉིས་སྨྲ་བའི་དབང་ཕྱུག་དགེ་སློང་རིན་ཆེན་གྲུབ་ཀྱིས་ཞ་ལུ་རེ་ཕུག་དགའ་ལྡན་གྱི་དབེན་གནས་སུ་བསྒྱུར་ཅིང་གཏན་
ལ་ཕབ་པ། སྒྲོན་མ་གསལ་བ་མདོར་བཤད་པའི་ས་བཅད་སྙིང་གི་མེ་ལོང་ཞེས་བྱ་བ་དཔལ་ལཀྵྨཱི་ཀ་རའི་ཞལ་སྔ་ནས་ཀྱི་སློབ་མ་པཎྜི་ཏ་མཁས་པ་ཀུ་མཱ་རས་མཛད་པ། རྒྱ་གར་གྱི་མཁན་པོ་པཎྜི་ཏ་གཞོན་ནུ་བུམ་པ་དང་། བོད་ཀྱི་ལོ་ཙཱ་བ་དགེ་སློང་ཤཱཀྱ་བློ་གྲོས་ཀྱི་འགྱུར། སྒྲོན་མ་གསལ་
བར་བྱེད་པའི་དཀའ་བ་བཏུས་པའི་འགྲེལ་པ་ཞེས་བྱ་བ་སློབ་དཔོན་ལེགས་ལྡན་བྱེད་ཀྱིས་མཛད་པ། རྒྱ་གར་གྱི་མཁན་པོ་རྒྱལ་བ་མཆོག་དང་། བོད་ཀྱི་ལོ་ཙཱ་བ་དགེ་སློང་ཤཱཀྱ་བརྩོན་འགྲུས་ཀྱིས་བསྒྱུར་བ་རྣམས་བཞུགས་སོ།།      །།ཀི་ཁི་གཉིས་ལ། སྒྲོན་མ་གསལ་བར་བྱེད་པའི་དགོངས་པ་རབ་
གསལ་ཞེས་བྱ་བ་བཤད་པའི་ཊཱི་ཀ་སློབ་དཔོན་ཆེན་པོ་བྷ་བྱ་ཀཱིརྟིས་ཞལ་སྔ་ནས་མཛད་པ། གཞུང་གི་ཚང་ཤློ་ཀ་སྟོང་ཕྲག་བཅུ་དྲུག་པ། རྒྱ་གར་གྱི་མཁན་པོ་ཆེན་པོ་པཎྜི་ཏ་ཀུ་མཱ་རའི་རང་འགྱུར། སྒྲོན་མ་གསལ་བ་ཞེས་བྱ་བའི་ལེའུ་དང་པོའི་འགྲེལ་བཤད་སློབ་དཔོན་ཨཱརྱ་དེ་ཝས་མཛད་ཟེར་བ་
འདི་བོད་མ་འདྲ་བར་འདུག་ནའང་སྔར་གྱི་རྣམས་ཀྱིས་བྲིས་འདུས་པས་བྲིས་སོ།།      །།གི་པ་ལ། རྣལ་འབྱོར་ཆེན་པོའི་རྒྱུད་དཔལ་རྡོ་རྗེ་ཕྲེང་བའི་བརྒྱ་ཆེར་འགྲེལ་པ་ཟབ་མོའི་དོན་གྱི་འགྲེལ་པ་ཞེས་བྱ་བ་པཎྜི་ཏ་ཨ་ལཾ་ཀ་ཀ་ལ་ཤས་མཛད་པ། པཎྜི་ཏ་དེ་ཉིད་དང་། སྟེང་པ་ལོ་ཙཱ་བས་བསྒྱུར་བའི་ལེའུ་བཞི་
བཅུ་རྩ་ལྔ་པའི་ཕྱེད་པར་དུ་འགྲེལ་པ་ཇི་ཙམ་རྙེད་པ་བཞུགས་སོ། །འདིའི་འཕྲོད་རུང་ཡང་བཙལ་བར་བྱའོ། །དེ་ལྟར་རྒྱུད་འགྲེལ་གྱི་སྐོར་རྣམས་བཀོད་ནས། ད་ནི་སྒྲུབ་ཐབས་དཀྱིལ་ཆོག་མན་ངག་ལ་སོགས་པའི་སྐོར་ལ། ངི་པ་ལ། སྒྲུབ་པའི་ཐབས་མདོར་བྱས་པ་སློབ་དཔོན་ཀླུ་སྒྲུབ་ཀྱིས་མཛད་

213-1-370a

པ། རྒྱ་གར་གྱི་མཁན་པོ་ཨཱ་ཙཱརྱ་ཤྲདྡྷཱ་ཀ་ར་ཝརྨ་དང་། ཞུ་ཆེན་གྱི་ལོ་ཙཱ་བ་རིན་ཆེན་བཟང་པོའི་འགྱུར། རྣལ་འབྱོར་ཆེན་པོའི་རྒྱུད་དཔལ་གསང་བ་འདུས་པའི་བསྐྱེད་པའི་རིམ་པ་སྒོམ་པའི་ཐབས་མདོ་དང་བསྲེ་བ་ཞེས་བྱ་བ་སློབ་དཔོན་ཆེན་པོ་ཀླུ་སྒྲུབ་ཀྱིས་མཛད་པ། རྒྱ་
གར་གྱི་མཁན་པོ་དྷརྨ་ཤྲཱི་བྷ་དྲ་དང་། ལོ་ཙཱ་བ་དགེ་སློང་རིན་ཆེན་བཟང་པོའི་འགྱུར། དཔལ་གསང་བ་འདུས་པའི་དཀྱིལ་འཁོར་གྱི་ཆོ་ག་ཞེས་བྱ་བ་སློབ་དཔོན་ཀླུ་སྒྲུབ་ཀྱིས་མཛད་ཟེར་བ། རྒྱ་གར་གྱི་མཁན་པོ་སུ་བྷཱ་ཥི་ཏ་དང་། ཞུ་ཆེན་གྱི་ལོ་ཙཱ་བ་དགེ་སློང་རིན་ཆེན་བཟང་པོའི་འགྱུར། དབང་བཞི་
པའི་རབ་ཏུ་བྱེད་པ་སློབ་དཔོན་ནཱ་གཱརྫུ་ནས་མཛད་པ། རྒྱ་གར་གྱི་མཁན་པོ་ཤཱནྟི་གརྦྷ་དང་། བོད་ཀྱི་ལོ་ཙཱ་བ་འགོས་ལྷས་བཙས་ཀྱི་འགྱུར། བྱང་ཆུབ་སེམས་ཀྱི་འགྲེལ་པ་ཚིགས་བཅད་མ་ཞེས་བྱ་བ་སློབ་དཔོན་བདག་ཉིད་ཆེན་པོ་འཕགས་པ་ཀླུ་སྒྲུབ་ཀྱིས་མཛད་པ། རྒྱ་གར་གྱི་མཁན་པོ་གུ་ཎ་
ཨཱ་ཀ་ར་དང་། ལོ་ཙཱ་བ་རབ་ཞི་བཤེས་གཉེན་གྱི་འགྱུར་ལ། སླད་ཀྱིས་རྒྱ་གར་གྱི་མཁན་པོ་ཀན་ཀ་ཝརྨ་དང་། བོད་ཀྱི་ལོ་ཙཱ་བ་པ་ཚབ་ཉི་མ་གྲགས་ཀྱིས་བཅོས་པ། བྱང་ཆུབ་སེམས་ཀྱི་འགྲེལ་པ་ལྷག་པ་མ་སློབ་དཔོན་ཀླུ་སྒྲུབ་ཀྱིས་མཛད་པ། ཁ་ཆེའི་པཎྜི་ཏ་ཛ་ཡ་ཨཱ་ནནྡ་དང་། བོད་ཀྱི་ལོ་ཙཱ་
བ་བུ་མདོ་སྡེ་འབར་གྱི་འགྱུར། རིམ་པ་ལྔ་པ་སློབ་དཔོན་ཀླུ་སྒྲུབ་ཀྱིས་མཛད་པ། རྒྱ་གར་གྱི་མཁན་པོ་ཨཱ་ཙཱརྱ་ཤྲདྡྷཱ་ཀ་ར་ཝརྨ་དང་། ཞུ་ཆེན་གྱི་ལོ་ཙཱ་བ་རིན་ཆེན་བཟང་པོའི་འགྱུར་ལ། སླད་ཀྱིས་རྒྱ་གར་གྱི་མཁན་པོ་ཀ་མ་ལ་གུཔྟ་དང་། ལོ་ཙཱ་བ་རིན་ཆེན་བཟང་པོས་ཡུལ་དབུས་ཀྱི་དཔེ་དང་ཡང་གཏུགས་
ཏེ་བཅོས་པ། སྤྱོད་པ་བསྡུས་པའི་སྒྲོན་མ་སློབ་དཔོན་ཆེན་པོ་ཨཱརྱ་དེ་ཝས་མཛད་པ། རྒྱ་གར་གྱི་མཁན་པོ་ཤྲདྡྷཱ་ཀ་ར་ཝརྨ་དང་། ཞུ་ཆེན་གྱི་ལོ་ཙཱ་བ་དགེ་སློང་རིན་ཆེན་བཟང་པོའི་འགྱུར། ཤློ་ཀ་སྟོང་སུམ་བརྒྱ་པའོ། །སེམས་ལ་དམིགས་པའི་རིམ་པའི་དོན་འགྲེལ་སེམས་ཀྱི་སྒྲིབ་པ་རྣམ་པར་
སྦྱོང་བ་ཞེས་བྱ་བའི་རབ་ཏུ་བྱེད་པ་སློབ་དཔོན་ཆེན་པོ་ཨཱརྱ་དེ་བས་མཛད་པ། ཨཱ་ཙཱརྱ་ཛྙཱ་ན་ཀ་ར་དང་། ལོ་ཙཱ་བ་ཚུལ་ཁྲིམས་རྒྱལ་བའི་འགྱུར། སྒྱུ་ལུས་ཀྱི་དོན་འགྲེལ་བདག་བྱིན་གྱིས་བརླབ་པའི་རིམ་པ་ཞེས་བྱ་བ་རྣམ་པར་དབྱེ་བ། འོད་གསལ་གྱི་དོན་འགྲེལ་མངོན་པར་བྱང་ཆུབ་པའི་རིམ་པའི་མན་

213-1-370b

ངག་ཅེས་བྱ་བ། རོ་བསྲེག་པའི་ཆོ་ག་རྣམས་སློབ་དཔོན་འཕགས་པ་ལྷས་མཛད་པ། རྒྱ་གར་གྱི་མཁན་པོ་ཤྲདྡྷཱ་ཀ་ར་ཝརྨ་དང་། བོད་ཀྱི་ལོ་ཙཱ་བ་རིན་ཆེན་བཟང་པོའི་འགྱུར། དཔལ་གསང་བ་འདུས་པའི་རྫོགས་རིམ་མཐར་ཕྱིན་པ་སློབ་དཔོན་ཨཱརྱ་དེ་ཝས་མཛད་ཟེར་བ། འདུས་པའི་སྒྲུབ་པའི་ཐབས་རྣམ་
པར་གཞག་པའི་རིམ་པ་ཞེས་བྱ་བ་གྲུབ་པའི་སློབ་དཔོན་ཀླུའི་བློས་ཞལ་སྔ་ནས་མཛད་པ། དཔལ་གསང་བ་འདུས་པའི་དཀྱིལ་འཁོར་གྱི་ཆོ་ག་ཉི་ཤུ་པ་ཞེས་བྱ་བ་སློབ་དཔོན་ཆེན་པོ་ཀླུའི་བྱང་ཆུབ་ཀྱིས་མཛད་པ།      རྒྱ་གར་གྱི་མཁན་པོ་ཆེན་པོ་པཎྜི་ཏ་ལ་
ཀ་ཀ་ལ་ཤ་དང་། བོད་ཀྱི་སྒྲ་སྒྱུར་གྱི་ལོ་ཙཱ་བ་ཆེན་པོ་བནྡེ་པ་ཚབ་ཉི་མ་གྲགས་ཀྱིས་བསྒྱུར་བ། ལས་ཀྱི་མཐའ་རྣམ་པར་འབྱེད་པ་ཞེས་བྱ་བ་རྗེ་བཙུན་འཕགས་པ་ཀླུའི་བློའི་ཞབས་ཀྱིས་མཛད་པ། རྒྱ་གར་གྱི་མཁན་པོ་བླ་མ་རྫེ་བཙུན་མ་ཎི་ཀ་ཤྲཱི་ཛྙཱ་ན་དང་། རྫེ་བཙུན་ཆེན་པོ་རེ་ཝེནྡྲའི་ཞལ་སྔ་ནས་གུས་པར་
མཉམ་ཏེ་ཆག་ལོ་ཙཱ་བ་དགེ་སློང་ཆོས་རྗེ་དཔལ་གྱི་འགྱུར། རིམ་པ་ལྔའི་ཁོངས་སུ་བསྡུ་བའི་མན་ངག་ཅེས་བྱ་བའི་རབ་ཏུ་བྱེད་པ་སློབ་དཔོན་ཆེན་པོ་ཀླུའི་བློ་རིག་པ་འཛིན་པའི་དངོས་གྲུབ་བརྙེས་ནས་ད་དུང་དཔལ་གྱི་རི་ལ་བཞུགས་པའི་ཞལ་སྔ་ནས་ཀྱིས་མཛད་པ། དཀོན་མཆོག་གསུམ་གྱི་རྟེན་དཔལ་
ཚངས་བ་འབྱུང་བའི་གཙུག་ལག་ཁང་དུ་རྒྱ་གར་གྱི་མཁན་པོ་ཨཱ་ལངྐ་ཀ་ལ་ཤ་དང་། བོད་ཀྱི་སྒྲ་སྒྱུར་གྱི་ལོ་ཙཱ་བ་ཉི་མ་གྲགས་ཀྱི་འགྱུར། རིམ་པ་ལྔའི་དོན་མདོར་བཤད་པ་རྣལ་འབྱོར་པའི་ཡིད་འཕྲོག་ཅེས་བྱ་བ་མ་ག་དྷཱའི་པཎྜི་ཏ་ཐུབ་པ་དཔལ་བཟང་པོས་མཛད་པ། དཔྱལ་ལོ་ཙཱ་བ་ཆོས་ཀྱི་བཟང་པོས་
བསྣམས་པའི་རྒྱ་དཔེ་ལས་ལོ་ཙཱ་བ་དགེ་སློང་རིན་ཆེན་གྲུབ་ཀྱི་འགྱུར། རྡོ་རྗེ་སེམས་དཔའི་སྒྲུབ་ཐབས་ཞེས་བྱ་བ་སློབ་དཔོན་ཟླ་བ་གྲགས་པས་མཛད་པ། གཞུང་ཚད་ནི་རྐང་པ་དང་བཅས་པའི་བརྒྱ་ཕྲག་གཉིས་པ་དཔལ་བི་ཀྲ་མ་ལ་ཤཱི་ལའི་གཙུག་ལག་ཁང་ཆེན་པོར་པཎྜི་ཏ་མཁས་པ་ཆེན་པོ་ཏ་ཐཱ་ག་
ཏ་རཀྵི་ཏ་དང་། ལོ་ཙཱ་བ་ཀློག་སྐྱ་གཞོན་ནུ་དཔལ་གྱི་འགྱུར་ལ། སླད་ཀྱིས་དཔལ་ཐོ་ལིང་དཔེ་མེད་ལྷུན་གྱིས་གྲུབ་པའི་གཙུག་ལག་ཁང་དུ་རྒྱ་གར་གྱི་མཁན་པོ་མཁས་པ་ཆེན་པོ་དཱི་པཾ་ཀཱ་ར་རཀྵི་ཏ་དང་། ཁམས་པ་ལོ་ཙཱ་བ་དགེ་སློང་བ་རིས་བཅོས་པ། རྡོ་རྗེ་སེམས་དཔའི་སྒྲུབ་ཐབས་ཀྱི་འགྲེལ་པ་ལི་ལཱ་

213-1-371a

བཛྲའི་ཞབས་ཀྱིས་མཛད་པ། བི་བྷཱུ་ཏི་ཙནྡྲའི་རྒྱ་དཔེ་བལྟས་ནས་ལོ་ཙཱ་བ་དགེ་སློང་རིན་ཆེན་གྲུབ་ཀྱིས་ལེགས་པར་བསྒྱུར་ཅིང་དག་པར་བྱས་པ། བདུད་རྩི་འཁྱིལ་བའི་སྒྲུབ་ཐབས་སློབ་དཔོན་དཔལ་ལྡན་ཟླ་བ་གྲགས་པས་མཛད་པ། སློབ་དཔོན་ཤྲདྡྷཱ་ཀ་ར་ཝརྨ་
དང་། ལོ་ཙཱ་བ་རིན་ཆེན་བཟང་པོའི་འགྱུར། གསང་བ་འདུས་པའི་མངོན་པར་རྟོགས་པའི་རྒྱན་གྱི་འགྲེལ་པ་ཞེས་བྱ་བ་སློབ་དཔོན་ཟླ་བ་གྲགས་པས་མཛད་ཟེར་བ་འདི་ནི་ཐེ་ཚོམ་གྱི་གཞི་ཅིག་སྣང་ངོ་། །ཟུང་དུ་འཇུག་པ་གསལ་བ་ཞེས་བྱ་བ་དབང་གི་བྱ་བ་ཤློ་ཀ་ཕྱེད་དང་བརྒྱད་བརྒྱ་པ་དཀྱིལ་འཁོར་ཆེན་
པའི་དངོས་གྲུབ་བརྙེས་པའི་མཁས་པ་ཆེན་པོ་སྒྲ་གཅན་འཛིན་དཔལ་བཤེས་གཉེན་གྱིས་མཛད་པ། མཁས་པ་ཆེན་པོ་བསོད་སྙོམས་པ་ཤཱཀྱ་ཤྲཱི་བྷ་དྲ་དང་། ལོ་ཙཱ་བ་དགེ་སློང་ཀུན་དགའ་རྒྱལ་མཚན་དཔལ་བཟང་པོའི་འགྱུར། འདི་ལ་ཤློ་ཀ་ཕྱེད་དང་བརྒྱད་བརྒྱའོ། །དཔལ་གསང་བ་འདུས་
པའི་དཀྱིལ་འཁོར་གྱི་ཆོ་ག་སློབ་དཔོན་ནག་པོ་པའི་ཞལ་སྔ་ནས་བླ་མའི་མན་ངག་ལ་བརྟེན་ཏེ་མཛད་པ། རྡོ་རྗེ་སེམས་དཔའི་མཆོད་པའི་ཆོ་ག །གཏོར་མའི་ཆོ་ག །རབ་ཏུ་གནས་པའི་ཆོ་གའི་རིམ་པ་རྣམས་སློབ་དཔོན་ནག་པོ་པས་མཛད་པ། དེ་ཉིད་དང་། འགོས་ལྷས་བཙས་ཀྱི་འགྱུར། རྡོ་རྗེ་འཆང་ཆེན་པོའི་
ལམ་གྱི་རིམ་པ་མན་ངག་བདུད་རྩི་གསང་བ་སློབ་དཔོན་ཆེན་པོ་སྒྲ་དབྱངས་བཅུ་གཅིག་པས་མཛད་པ། རྒྱ་གར་གྱི་མཁན་པོ་དྷརྨ་ཤྲཱི་བྷ་དྲ་དང་། ལོ་ཙཱ་བ་དགེ་སློང་རིན་ཆེན་བཟང་པོའི་འགྱུར། རྣལ་འབྱོར་ཆེན་པོའི་རྒྱུད་དཔལ་གསང་བ་འདུས་པའི་གཏོར་མའི་ཆོ་ག་ཞེས་པ་ཟ་ཧོར་གྱི་མཁན་པོ་ཤཱནྟ་དེ་ཝ་
ཞེས་བྱ་བ་མངོན་ཤེས་ལྔ་དང་ལྡན་པས་མཛད་པ། པཎྜི་ཏ་དེ་ཉིད་དང་། ལོ་ཙཱ་བ་འགོས་ཀྱི་འགྱུར། སྦྱིན་སྲེག་གི་ཆོ་ག་དཔལ་ལྡན་རབ་འཇིགས་རྡོ་རྗེས་མཛད་པ། རྒྱ་གར་གྱི་མཁན་པོ་ཤྲདྡྷཱ་ཀ་ར་ཝརྨ་དང་། དྷརྨ་ཤྲཱི་བྷ་དྲ་དང་། ལོ་ཙཱ་བ་དགེ་སློང་རིན་ཆེན་བཟང་པོའི་འགྱུར་བ་རྣམས་བཞུགས་སོ། །འདི་ལ་ཤློ་ཀ་
བརྒྱ་བརྒྱད་ཅུ་རྩ་གསུམ་མོ།།      །།ཅི་པ་ལ། ད་ནི་སྒྲུབ་སྐོར་དེ་དག་གི་འགྲེལ་པའི་སྐོར་ནི། མདོར་བསྡུས་པའི་སྒྲུབ་ཐབས་ཀྱི་འགྲེལ་པ་རིན་ཆེན་ཕྲེང་བ་ཞེས་བྱ་བ་སློབ་དཔོན་རིན་ཆེན་འབྱུང་གནས་ཞི་བས་མཛད་པ། རྒྱ་གར་གྱི་མཁན་པོ་ཀརྨ་བཛྲའི་རང་འགྱུར། སྒྲུབ་པའི་སྤྱོད་པ་ལ་འཇུག་པ་ཞེས་བྱ་

213-1-371b

བ་སློབ་དཔོན་ཆེན་པོ་དཔལ་ཛྙཱན་བཛྲ་ཞེས་བྱ་བ་གསང་འདུས་རིམ་པ་གསུམ་གྱི་མན་ངག་དང་ལྡན་པ་བཅོམ་ལྡན་འདས་མི་བསྐྱོད་པའི་ཞབས་ཀྱི་ཟེའུ་འབྲུ་སྤྱི་བོས་ལེན་པས་མཛད་པ། རྒྱ་གར་གྱི་མཁན་པོ་དགེ་བསྙེན་བཙུན་པ་ཀུ་མཱ་ར་དང་། བོད་ཀྱི་ལོ་ཙཱ་བ་ལྷ་བཙུན་པའི་འགྱུར། དཔལ་གསང་བ་འདུས་པའི་དཀྱིལ་
འཁོར་གྱི་ལྷའི་སྐུ་ལ་བསྟོད་པ་ཞེས་བྱ་བ་རྣལ་འབྱོར་གྱི་དབང་ཕྱུག་མི་གནས་རྡོ་རྗེས་མཛད་པ། རྒྱ་གར་གྱི་མཁན་པོ་ཨཱ་ཙཱརྱ་ཤྲདྡྷཱ་ཀ་ར་ཝརྨ་དང་། ཞུ་ཆེན་གྱི་ལོ་ཙཱ་བ་རིན་ཆེན་བཟང་པོའི་འགྱུར། བྱང་ཆུབ་སེམས་ཀྱི་འགྲེལ་པའི་རྣམ་པར་བཤད་པ་སྨྲྀ་ཏི་ཛྙཱ་ན་ཀཱིརྟིས་མཛད་པ། རྒྱ་གར་གྱི་མཁན་པོ་སྨྲྀ་ཏི་ཛྙཱ་ན་
ཀཱིརྟི་དེ་ཉིད་ཀྱི་འགྱུར། རིམ་པ་ལྔའི་དཀའ་འགྲེལ་དོན་གསལ་བ་ཞེས་བྱ་བ་སློབ་དཔོན་ཆེན་པོ་བརྩོན་འགྲུས་བཟང་པོའི་ཞལ་སྔ་ནས་མཛད་པ། རྒྱ་གར་གྱི་མཁན་པོ་པཎྜི་ཏ་བཱིརྱ་བྷ་དྲ་དང་། ཞུ་ཆེན་གྱི་ལོ་ཙཱ་བ་འབྲོ་དགེ་བསྙེན་ཆེན་པོ་ཤེས་རབ་བརྩོན་འགྲུས་ཀྱི་འགྱུར། རིམ་པ་ལྔ་པའི་དགོངས་འགྲེལ་ཟླ་བའི་
འོད་ཟེར་ཞེས་བྱ་བ་པཎྜི་ཏ་ཆེན་པོ་འཇིགས་མེད་འབྱུང་གནས་སྦས་པས་མཛད་པ། ཤར་ཕྱོགས་ཛ་ག་ཏ་ལའི་པཎྜི་ཏ་ཙནྡྲའི་འགྱུར། སྒྲུབ་ཐབས་མདོར་བྱས་ཀྱི་དཀའ་འགྲེལ་ལ་པཎྜི་ཏ་བི་བྷཱུ་ཏི་ཙནྡྲས་མཛད་པ། ལོ་ཙཱ་བ་དགེ་སློང་རིན་ཆེན་གྲུབ་ཀྱིས་དཔོའི་ལོ་མགོའི་ཟླ་བའི་ཚེས་བཅུ་དགུ་ལ་རྒྱ་དཔེ་ལ་
གཟིགས་ནས་དཔལ་རི་ཕུག་གི་དབེན་གནས་སུ་བསྒྱུར་བ། རིམ་པ་ལྔའི་དོན་གསལ་བར་བྱེད་པ་ཞེས་བྱ་བ་སློབ་དཔོན་ཀླུའི་བྱང་ཆུབ་ཀྱིས་མཛད་པ་ཞེས་ཟེར་བ་འདི་རྫུན་མ་ཡིན་པར་འདུག་ནའང་སྔར་གྱི་རྣམས་ཀྱིས་བྲིས་འདུག་པ་ལྟར་བྲིས་སོ། །སྤྱོད་པ་བསྡུས་པའི་སྒྲོན་མ་ཞེས་བྱ་བའི་རྒྱ་ཆེར་བཤད་པ་
ཤེས་རབ་མཆོག་དང་ལྡན་པའི་སློབ་དཔོན་ཤཱཀྱ་བཤེས་གཉེན་གྱིས་མཛད་པ། རྡོ་རྗེ་སེམས་དཔའི་སྒྲུབ་པའི་ཐབས་ཀྱི་བཤད་པ་སློབ་དཔོན་ཏ་ཐཱ་ག་ཏ་རཀྵི་ཏས་མཛད་པ། ཐོ་ལྡིང་དཔེ་མེད་ལྷུན་གྱིས་གྲུབ་པའི་གཙུག་ལག་ཁང་དུ་རྒྱ་གར་གྱི་མཁན་པོ་མཁས་པ་ཆེན་པོ་དཱི་པཾ་ཀ་ར་རཀྵི་ཏ་དང་། ཁམས་པ་བ་
རི་ལོ་ཙཱ་བའི་འགྱུར། བསྡུས་པའི་རིམ་པའི་དཀའ་འགྲེལ་སློབ་དཔོན་སྒེག་པའི་རྡོ་རྗེས་མཛད་པ། བལ་པོའི་དགེ་བསྙེན་སུའོ་དཱི་ཏ་དང་། ལོ་ཙཱ་བ་བློ་ལྡན་ཤེས་རབ་ཀྱི་འགྱུར། དད་པ་སྨྲ་བ་ཞེས་བྱ་བའི་བསྟོད་པ་རྒྱ་གར་གྱི་མཁན་པོ་པྲ་ཛྙཱ་ཤྲཱི་གུཔྟ་དང་། སྒྲ་སྒྱུར་གྱི་ལོ་ཙཱ་བ་བནྡེ་རིན་ཆེན་བཟང་པོའི་བསྒྱུར་བ་

213-1-372a

རྣམས་བཞུགས་སོ།།      །།ཆི་པ་ལ། འཕགས་པ་ཀླུ་སྒྲུབ་ཀྱིས་མཛད་པ་རིམ་པ་ལྔའི་དཀའ་འགྲེལ་ཞེས་བྱ་བ་སློབ་དཔོན་ཆེན་པོ་བྷ་བྱ་ཀཱིརྟིས་མཛད་པ། རྒྱ་གར་གྱི་མཁན་པོ་རྒྱལ་བ་མཆོག་དང་། བོད་ཀྱི་ལོ་ཙཱ་བ་དགེ་སློང་ཤཱཀྱ་བརྩོན་འགྲུས་ཀྱི་འགྱུར། རིམ་པ་ལྔའི་བཤད་པ་ལི་ལ་བཛྲ་ཞབས་
ཀྱིས་མཛད་པ། རྒྱ་གར་གྱི་མཁན་པོ་ཆེན་པོ་དེ་ཉིད་དང་། བོད་ཀྱི་ལོ་ཙཱ་བ་དགེ་སློང་དར་མ་བློ་གྲོས་ཀྱི་འགྱུར། རིམ་ལྔའི་བཤད་པ་ནོར་བུའི་ཕྲེང་བ་ཞེས་བྱ་བ་སློབ་དཔོན་ཀླུའི་བྱང་ཆུབ་ཀྱི་ཞལ་སྔ་ནས་མཛད་ཟེར་བ། རྒྱ་གར་གྱི་མཁན་པོ་རྡོ་རྗེ་སློབ་དཔོན་ཆེན་པོ་ཀརྨ་བཛྲ་དང་། ལོ་ཙཱ་བ་དགེ་སློང་གཞོན་ནུ་ཚུལ་ཁྲིམས་ཀྱི་
འགྱུར། འདི་སློབ་དཔོན་ཀླུ་བྱང་གིས་མཛད་མ་མཛད་ཐེ་ཚོམ་ཟ་བར་འདུག་ཀྱང་རྒྱ་གར་གྱི་པཎྜི་ཏས་མཛད་པར་འདུག་པས་བྲིས་སོ། །རིམ་ལྔའི་དཀའ་འགྲེལ་སློབ་དཔོན་མཁས་པ་ཆེན་པོ་དམ་ཚིག་རྡོ་རྗེས་མཛད་པ། རྒྱ་གར་གྱི་མཁན་པོ་ཀྲྀཥྞ་པཎྜི་ཏ་དེ་ཉིད་དང་། ལོ་ཙཱ་བ་དགེ་སློང་ཚུལ་ཁྲིམས་རྒྱལ་བའི་འགྱུར།
རིམ་པ་ལྔའི་འགྲེལ་བའི་དོན་གསལ་བར་བྱེད་པ་ཞེས་བྱ་བ་ཁ་ཆེའི་མཁས་པ་ཆེན་པོ་ལཀྵྨཱིས་ཞལ་སྔ་ནས་མཛད་པ། རྒྱ་གར་གྱི་མཁས་པ་ཏཱ་ར་ཀ་ལ་ཤའི་སྲས་མནྟྲ་ཀ་ལ་ཤ་ཉིད་ཀྱིས་བསྒྱུར་བ་རྣམས་བཞུགས་སོ། །དེ་ལྟར་འཕགས་སྐོར་ལ་འགྲེལ་པ་བཅུ་གཉིས་དང་། སྒྲུབ་ཐབས་ལ་སོགས་ཀྱི་སྐོར་ལ་བཞི་བཅུ་རྩ་
བདུན་ཏེ་ཆོས་སྐོར་ལྔ་བཅུ་ང་དགུའོ།།      །།ཇི་པ་ལ། སློབ་དཔོན་ཡེ་ཤེས་ཞབས་ཀྱི་རྗེས་སུ་འབྲང་བའི་གསང་བ་འདུས་པའི་རྒྱུད་ཀྱི་སྐོར་གྱི་འགྲེལ་པ་ལ། དཔལ་གསང་བ་འདུས་པའི་འགྲེལ་པ་མན་ངག་གཏན་ལ་དབབ་པ་ཞེས་བྱ་བ་ལེའུ་བཅོ་བརྒྱད་པའི་ཕྱེད་ཀྱི་རྩ་བའི་རྒྱུད་རྫོགས་པའི་འགྲེལ་པ་སློབ་མ་ལ་ཕན་པ་
ཞེས་ཀྱང་བྱ་བ་སློབ་དཔོན་རབ་ཏུ་ཞི་བའི་ཡེ་ཤེས་ཀྱིས་མཛད་པ། འདི་སློབ་དཔོན་ཡེ་ཤེས་ཞབས་ཀྱི་དངོས་སློབ་ཚེ་འདི་ཉིད་ལ་མྱ་ངན་ལ་འདའ་བའི་གང་ཟག་བཞིའི་ཡ་གྱལ་རབ་ཏུ་ཞི་བའི་བཤེས་གཉེན་དང་གཅིག་མི་གཅིག་དཔྱད་བྱར་ལུས་སོ། །གསང་བ་འདུས་པའི་རྒྱུད་ཀྱི་མན་ངག་གི་རྒྱ་མཚོ་ཐིགས་པ་ཞེས་པ་ལེའུ་
བཅོ་བརྒྱད་པའི་ཕྱེད་ཀྱི་རྩ་བའི་རྒྱུད་རྫོགས་པ་མན་ཆད་ཀྱི་འགྲེལ་པ་སློབ་དཔོན་བི་ཤྭ་ན་མི་ཏྲས་མཛད་པ། དཔལ་གསང་བ་འདུས་པའི་འགྲེལ་པ་སློབ་དཔོན་ཐ་ག་ནས་མཛད་པ། རྒྱ་གར་གྱི་མཁན་པོ་ཨཱ་ཙཱརྱ་ཤྲདྡྷཱ་ཀ་ར་ཝརྨ་དང་། དྷརྨ་ཤྲཱི་བྷ་དྲ་དང་། ཞུ་ཆེན་གྱི་ལོ་ཙཱ་བ་རིན་ཆེན་བཟང་པོའི་འགྱུར་རྣམས་བཞུགས་སོ།།      །།

213-1-372b

ཉི་པ་ལ། རིན་པོ་ཆེའི་ལྗོན་ཤིང་ཞེས་བྱ་བ་གསང་བ་འདུས་པའི་འགྲེལ་བ་སློབ་དཔོན་ཆེན་པོ་ཙི་ལུ་པས་མཛད་པ། རྒྱ་གར་གྱི་མཁན་པོ་ཀ་མ་ལ་གུཔྟ་དང་། ཞུ་ཆེན་གྱི་ལོ་ཙཱ་བ་ཆེན་པོ་མངའ་བདག་ལྷ་ཡེ་ཤེས་རྒྱལ་མཚན་གྱི་འགྱུར། དཔལ་གསང་བ་འདུས་པའི་རྒྱུད་ཀྱི་དཀའ་འགྲེལ་ཞེས་བྱ་བ་རྩ་རྒྱུད་ལེའུ་བཅུ་བདུན་པ་སློབ་
དཔོན་རྒྱལ་བས་བྱིན་གྱིས་མཛད་པ་དང་། རྒྱུད་ཕྱི་མ་ལེའུ་བཅོ་བརྒྱད་པ་དང་བཅས་པའི་འགྲེལ་པ་སློབ་དཔོན་སྨན་པའི་བུ་རྒྱལ་བས་བྱིན་གྱིས་མཛད་པ་གཉིས། རྒྱ་གར་གྱི་མཁན་པོ་ཞི་བ་བཟང་པོ་དང་། བོད་ཀྱི་ལོ་ཙཱ་བ་དགེ་སློང་ཤེས་རབ་ཡེ་ཤེས་ཀྱི་འགྱུར་ལ། སླད་ཀྱིས་ལྷས་འཕྲུལ་སྣང་དུ་པཎྜི་ཏ་ཏིང་འཛིན་རྡོ་རྗེས་ཡང་ཞུ་ཆེན་
བགྱིས། ཡང་སླད་ཀྱིས་པཎྜི་ཏ་ཤྲཱི་སུ་ནྱཱ་ཡ་མི་ཏྲ་དང་། ལོ་ཙཱ་བ་དར་མ་གྲགས་ཀྱིས་བཅོས་པ་རྣམས་བཞུགས་སོ།།      །།ཏི་པ་ལ། དཔལ་གསང་བ་འདུས་པའི་རྒྱན་ཞེས་བྱ་བ་ལེའུ་བཅོ་བརྒྱད་པའི་རྣམ་པར་བཤད་པ་དཀྱིལ་འཁོར་ཆེན་པོའི་སློབ་དཔོན་བྱང་ཕྱོགས་ཀྱི་ལམ་ལ་མཁས་པ་ཆེན་པོ་སློབ་དཔོན་ཟླ་བའི་འོད་དང་། མིང་གཞན་རིན་ཆེན་
རྡོ་རྗེ་མྱུ་གུས་མཛད་པ། རྒྱ་གར་གྱི་མཁན་པོ་ཆེན་པོ་སུ་ནྱཱ་ཡ་ཤྲཱི་མི་ཏྲ་དང་། བོད་ཀྱི་སྒྲ་སྒྱུར་གྱི་ལོ་ཙཱ་བ་དགེ་སློང་དར་མ་གྲགས་ཀྱིས་མང་ཡུལ་གྲོང་གི་ལྷ་ཁང་ཀ་རུ་དང་ཨག་ཙར་སྒང་དུ་བསྒྱུར་ཅིང་ཞུས་ཏེ་གཏན་ལ་ཕབ་པ། ཡང་དག་རིག་བྱེད་ཅེས་བྱ་བ་རྒྱུད་ཕྱི་མའི་རྣམ་པར་བཤད་པ་སློབ་དཔོན་བིརྱ་པཱ་དས་མཛད་པ། རྒྱ་གར་གྱི་མཁན་
པོ་ཀ་མ་ལ་གུ་ཧྱ་དང་། བོད་ཀྱི་ལོ་ཙཱ་བ་མངའ་བདག་ལྷ་ཡེ་ཤེས་རྒྱལ་མཚན་གྱིས་བསྒྱུར་ཅིང་ཞུས་ཏེ་གཏན་ལ་ཕབ་པ། གསང་བ་འདུས་པའི་བཤད་སྦྱར་སྙིམ་པའི་མེ་ཏོག་ཅེས་བྱ་བ་ལེའུ་བཅུ་གསུམ་པ་ཡན་སློབ་དཔོན་ཆེན་པོ་རཏྣ་ཨཱ་ཀ་ར་ཤཱནྟིས་མཛད་པ་རྣམས་བཞུགས་སོ།།      །།ཐི་པ་ལ། དཔལ་གསང་བ་འདུས་
པའི་བཤད་སྦྱར་སྙིམ་པའི་མེ་ཏོག་གི་ལེའུ་བཅུ་བཞི་པ་མན་ཆད་སློབ་དཔོན་ཆེན་པོ་རཏྣ་ཨཱ་ཀ་ར་ཤཱནྟིས་མཛད་པ། པཎྜི་ཏ་ཆེན་པོ་ཤཱནྟ་བྷ་དྲ་དང་། ཞུ་ཆེན་གྱི་ལོ་ཙཱ་བ་འགོས་ལྷས་བཙས་ཀྱི་འགྱུར། འདི་ཡེ་ཤེས་ཞབས་ཀྱི་རྗེས་འབྲང་བྱ་བའི་དམིགས་བསལ་མི་འདུག་ནའང་། ལྷའི་བསྐྱེད་ཆོག་ལ་སོགས་ཡེ་ཤེས་ཞབས་ལུགས་དང་ 
མཐུན་པར་བྱུང་ཞིང་། སྔར་གྱི་མཁས་པ་དག་གིས་ཀྱང་ཡེ་ཤེས་ཞབས་ལུགས་ཀྱི་ཕྱོགས་སུ་བྲིས་འདུག་པས་འདིར་ཡང་དེ་ལྟར་བྲིས་སོ། །གསང་བ་འདུས་པ་རྒྱུད་ཀྱི་རྒྱལ་པོའི་བཤད་པ་ཟླ་བའི་འོད་ཟེར་ཅེས་བྱ་བ་ལེའུ་བཅུ་བདུན་པའི་རྣམ་པར་བཤད་པ་སློབ་དཔོན་རབ་ཏུ་དགའ་བའི་འབྱུང་གནས་གོ་ཆས་མཛད་པ་རྣམས་བཞུགས་སོ།།      །།

213-1-373a

དེ་ལྟར་རྒྱུད་སོ་སོའི་འགྲེལ་པ་རྣམས་བཀོད་ནས། སྤྱིའི་མན་ངག་ལ་སོགས་པའི་སྒྲུབ་སྐོར་ལ། དི་པ་ལ། རིམ་པ་གཉིས་པའི་དེ་ཁོ་ན་ཉིད་བསྒོམ་པ་ཞེས་བྱ་བའི་ཞལ་གྱི་ལུང་འཇམ་དཔལ་ཞལ་ལུང་ཆེན་མོར་གྲགས་པ་དཀྱིལ་འཁོར་གྱི་སློབ་དཔོན་ཆེན་པོ་ལྷ་སངས་རྒྱས་དཔལ་ཡེ་ཤེས་ཞབས་ཀྱིས་མཛད་པ། 
རྒྱ་གར་གྱི་མཁན་པོ་ཀ་མ་ལ་གུ་ཧྱ་དང་། བོད་ཀྱི་ལོ་ཙཱ་བ་ཆེན་པོ་མངའ་བདག་ལྷ་ཡེ་ཤེས་མཚན་གྱི་འགྱུར། ཞལ་གྱི་ལུང་ཆུང་བ་དཔལ་ལྡན་ཨོོ་ཌྱཱན་ཡུལ་ནས་བྱུང་བའི་སངས་རྒྱས་ཡེ་ཤེས་ཞབས་ཀྱི་སྒྲུབ་ཐབས་ཀྱི་མན་ངག །ལོ་ཙཱ་བ་དགེ་སློང་ཁྱུང་ཝེར་རིན་ཆེན་བཟང་པོའི་འགྱུར། ཀུན་ཏུ་བཟང་པོ་ཞེས་བྱ་བའི་ཞེས་བྱ་བའི་སྒྲུབ་པའི་
ཐབས་བྱང་ཆུབ་སེམས་དཔའ་འཇམ་པའི་དབྱངས་ཀྱི་ཞབས་ཀྱི་ཟེའུ་འབྲུའི་རྡུལ་ལ་རེག་པ་སློབ་དཔོན་ཆེན་པོ་སངས་རྒྱས་ཡེ་ཤེས་ཞབས་ཀྱིས་མཛད་པ། པཎྜི་ཏ་ཤྲདྡྷཱ་ཀ་ར་ཝརྨ་དང་། ལོ་ཙཱ་བ་རིན་ཆེན་བཟང་པོའི་འགྱུར། ཡན་ལག་བཞིའི་སྒྲུབ་ཐབས་ཀུན་ཏུ་བཟང་མོ་ཞེས་བྱ་བ་དཀྱིལ་འཁོར་ཆེན་པོའི་སློབ་དཔོན་སངས་རྒྱས་ཡེ་ཤེས་
ཞབས་ཀྱིས་མཛད་པ། རྒྱ་གར་གྱི་མཁན་པོ་སྨྲྀ་ཏི་ཛྙཱ་ན་ཀཱིརྟིའི་རང་འགྱུར། དཔལ་ཧེ་རུ་ཀའི་སྒྲུབ་ཐབས་སློབ་དཔོན་སངས་རྒྱས་ཡེ་ཤེས་ཞབས་ཀྱིས་མཛད་པ། དཔལ་ཧེ་རུ་ཀ་སྒྲུབ་པའི་ཐབས་ཀྱི་འགྲེལ་པ། འདི་གསུམ་ལ་སྒྲུབ་པའི་ཐབས་ཀུན་ཏུ་བཟང་མོ་གསུམ་ཞེས་ཟེར་རོ། །གྲོལ་བའི་ཐིག་ལེ་དཀྱིལ་འཁོར་ཆེན་པོའི་རྡོ་རྗེ་སློབ་དཔོན་སངས་
རྒྱས་དཔལ་ཡེ་ཤེས་ཞབས་ཀྱིས་མཛད་པ། རྒྱ་གར་གྱི་མཁན་པོ་ཀ་མ་ལ་གུ་ཧྱ་དང་། བོད་ཀྱི་ལོ་ཙཱ་བ་ཆེན་པོ་མངའ་བདག་ལྷ་ཡེ་ཤེས་རྒྱལ་མཚན་གྱི་འགྱུར། བདག་སྒྲུབ་པ་ལ་འཇུག་པ་སློབ་དཔོན་སངས་རྒྱས་ཡེ་ཤེས་ཞབས་ཀྱིས་མཛད་པ། པཎྜི་ཏ་ཤཱནྟི་བྷ་དྲ་དང་། ལོ་ཙཱ་བ་འགོས་ལྷས་བཙས་ཀྱི་འགྱུར། རྗེ་བཙུན་འཕགས་པ་
གནོད་འཛིན་ཆུ་དབང་གི་སྒྲུབ་པའི་ཐབས་སློབ་དཔོན་མི་བསྐྱོད་རྡོ་རྗེ་སངས་རྒྱས་ཡེ་ཤེས་ཞབས་ཀྱིས་མཛད་པ། རྒྱ་གར་གྱི་མཁན་པོ་ཤྲདྡྷཱ་ཀ་ར་བྷ་དྲ་དང་། ལོ་ཙཱ་བ་དགེ་སློང་ཆོས་ཀྱི་ཤེས་རབ་ཀྱི་འགྱུར། གསང་བའི་ཛམྦྷ་ལའི་སྒྲུབ་ཐབས་དང་། རྒྱ་ཆེ་བའི་ཛམྦྷ་ལའི་སྒྲུབ་པའི་ཐབས་སློབ་དཔོན་སངས་རྒྱས་ཡེ་ཤེས་ཞབས་ཀྱིས་
མཛད་པ། རྒྱ་གར་གྱི་མཁན་པོ་ཛ་ཡ་སེ་ན་དང་། བཙུན་པ་དར་མ་ཡོན་ཏན་གྱི་འགྱུར། སྦྱིན་སྲེག་གཉིས་ཀྱི་ཆོ་ག་དང་། གཏོར་ཆོག་མི་ནུབ་པའི་སྒྲོན་མ་དང་། ཚོགས་འཁོར་གྱི་འཁོར་ལོ་སྣ་ཚོགས་འཁོར་ལོ་དང་། རིན་ཆེན་འབར་བ་དང་། རྩ་བའི་ཡེ་ཤེས་ཆེན་པོ་དང་། ཚིགས་སུ་བཅད་པའི་མཛོད་དང་། བྱང་ཆུབ་སེམས་

213-1-373b

ཀྱི་ཐིག་ལེ་དང་། བཀྲ་ཤིས་ཀྱི་རྣམ་བཤད་ཆེན་པོ་དང་། རྒྱུད་ཀྱི་རྣམ་བཤད་དང་། དཀྱིལ་འཁོར་ཆོ་ག་ཉིས་བརྒྱ་ལྔ་བཅུ་པ་རྣམས་ལ་ལུང་དང་མཐུན་པའི་ཆོས་བཅུ་བཞི་ཞེས་བཤད་པ་ལ། རྒྱུད་ཀྱི་རྣམ་བཤད་ནི་མ་མཛད། དཀྱིལ་ཆོག་ནི་ {ཁ་ཆེར་} ཁྱེར་ནས་རྒྱ་གར་ན་མེད་པར་བཤད། གཞན་རྣམས་ལ་གོང་དུ་སྨོས་པ་རྣམས་མ་གཏོགས་པ་བོད་
དུ་འགྱུར་བ་མི་སྣང་ངོ་། །སྟང་སྟབས་ཀྱི་བཀོད་པ་སློབ་དཔོན་ཆེན་པོ་སངས་རྒྱས་ཡེ་ཤེས་ཞབས་ཀྱི་ཞལ་སྔ་ནས་མཛད་པ། དཔལ་གསང་བ་འདུས་པའི་དཀྱིལ་འཁོར་གྱི་ཆོ་ག་བཞི་བརྒྱ་ལྔ་བཅུ་པ་སངས་རྒྱས་ཡེ་ཤེས་ཀྱི་དངོས་སློབ་ཚེ་འདི་ཉིད་ལ་མྱ་ངན་ལས་འདའ་བ་བཞིའི་ཡ་གྱལ་སློབ་དཔོན་མར་མེ་མཛད་བཟང་པོའི་ཞལ་སྔ་ནས་མཛད་པ། རྒྱ་
གར་གྱི་མཁན་པོ་པདྨཱ་ཀ་ར་ཝརྨ་དང་། ཞུ་ཆེན་གྱི་ལོ་ཙཱ་བ་རིན་ཆེན་བཟང་པོའི་འགྱུར་རྣམས་སོ། །ད་ནི་དེ་དག་གི་རྗེས་སུ་འབྲང་བའི་འགྲེལ་པའི་སྐོར་ལ། མཛེས་པའི་མེ་ཏོག་ཅེས་བྱ་བ་རིམ་པ་གཉིས་པའི་དེ་ཁོ་ན་ཉིད་བསྒོམ་པ་ཞལ་གྱི་ལུང་གི་འགྲེལ་པ། སློབ་དཔོན་ཆེན་པོ་བི་ཏ་པཱ་དེས་མཛད་པ། རྒྱ་གར་གྱི་མཁན་པོ་ཀ་མ་ལ་གུ་ཧྱ་དང་། 
བོད་ཀྱི་ལོ་ཙཱ་བ་ཆེན་པོ་མངའ་བདག་ལྷ་ཡེ་ཤེས་རྒྱལ་མཚན་གྱི་འགྱུར། ཀུན་ཏུ་བཟང་པོའི་སྒྲུབ་ཐབས་ཀྱི་འགྲེལ་པ་བྱང་ཕྱོགས་ཀྱི་དགེ་སློང་ཡོན་ཏན་འབྱུང་གནས་བཟང་པོའི་སློབ་མ་ཤྲཱི་ཕ་ལ་བཛྲས་མཛད་པ། རྒྱ་གར་གྱི་མཁན་པོ་བཱིརྱ་བྷ་དྲ་དང་། བི་བྷཱ་ཀ་ར་དང་། སྒྲ་སྒྱུར་གྱི་ལོ་ཙཱ་བ་དགེ་སློང་རིན་ཆེན་བཟང་པོའི་འགྱུར། དཔལ་ཀུན་ཏུ་
བཟང་པོའི་སྒྲུབ་པའི་ཐབས་ཀྱི་འགྲེལ་པ་སློབ་དཔོན་མཁས་པ་ཆེན་པོ་ཐ་ག་ནས་མཛད་པ། རྒྱ་གར་གྱི་མཁན་པོ་ཨཱ་ཙཱརྱ་ཤྲདྡྷཱ་ཀ་ར་ཝརྨ་དང་། ཞུ་ཆེན་གྱི་ལོ་ཙཱ་བ་དགེ་སློང་རིན་ཆེན་བཟང་པོས་བསྒྱུར་བ་རྣམས་བཞུགས་སོ།།      །།ནི་པ་ལ། ཡན་ལག་བཞི་པའི་སྒྲུབ་ཐབས་ཀྱི་རྒྱ་ཆེར་བཤད་པ་སྙིང་པོའི་སྙེ་མ་ཞེས་བྱ་བ་སློབ་དཔོན་དཔལ་ཀུན་ཏུ་
བཟང་པོས་མཛད་པ། པཎྜི་ཏ་ཆེན་པོ་ནྱ་ཡ་ན་ཤྲཱི་དང་། བོད་ཀྱི་ལོ་ཙཱ་བ་ཆེན་པོ་དགེ་སློང་བློ་ལྡན་ཤེས་རབ་ཀྱིས་བལ་ཡུལ་མཐིལ་དུ་འགྱུར། གྲོལ་བའི་ཐིག་ལེ་ཞེས་བྱ་བའི་རྣམ་པར་བཤད་པ་སློབ་དཔོན་ཆེན་པོ་བི་ཏ་པཱ་དས་མཛད་པ། རྒྱ་གར་གྱི་མཁན་པོ་ཀ་མ་ལ་གུ་ཧྱ་དང་། ཞུ་ཆེན་གྱི་ལོ་ཙཱ་བ་ཆེན་པོ་མངའ་བདག་ལྷ་ཡེ་ཤེས་རྒྱལ་
མཚན་གྱི་འགྱུར། དཔལ་གསང་བ་འདུས་པའི་དཀྱིལ་འཁོར་གྱི་ཆོ་གའི་འགྲེལ་པ་ [གཞི་བརྒྱ་ལྔ་བཅུ་པའི་འགྲེལ་པ་ཡང་ཟེར་] སློབ་དཔོན་ཆེན་པོ་རིན་ཆེན་འབྱུང་གནས་ཞི་བས་མཛད་པ། རྒྱ་གར་གྱི་མཁན་པོ་བཱིརྱ་བྷ་དྲ་དང་། སྒྲ་སྒྱུར་གྱི་ལོ་ཙཱ་བ་ཆེན་པོ་དགེ་སློང་རིན་ཆེན་བཟང་པོས་བསྒྱུར་བ་རྣམས་སོ། །ད་ནི་དེ་དག་གི་རྗེས་སུ་འབྲང་བའི་སྒྲུབ་ཐབས་དཀྱིལ་ཆོག་

213-1-374a

ལ་སོགས་པའི་སྐོར་ལ། ཡན་ལག་བཞི་པའི་སྒྲུབ་ཐབས་ཀུན་ཏུ་བཟང་མོ་ཞེས་བྱ་བའི་རྣམ་པར་བཤད་པ་དང་། དཔལ་གསང་བ་འདུས་པའི་དཀྱིལ་འཁོར་གྱི་སྒྲུབ་པའི་ཐབས་རྣམ་པར་བཤད་པ་སློབ་དཔོན་ཆེན་པོ་བི་ཏ་པཱ་དས་མཛད་པ། རྒྱ་གར་གྱི་མཁན་པོ་ཀ་མ་ལ་གུ་ཧྱ་དང་། ཞུ་ཆེན་གྱི་ལོ་
ཙཱ་བ་མངའ་བདག་ཡེ་ཤེས་རྒྱལ་མཚན་གྱི་འགྱུར་བ་རྣམས་བཞུགས་སོ།།      །།པི་པ་ལ། དཔལ་གསང་བ་འདུས་པའི་སྒྲུབ་པའི་ཐབས་དངོས་གྲུབ་ཐམས་ཅད་འབྱུང་བའི་གཏེར་ཞེས་བྱ་བ། སྦྱོར་བ་བདུན་པ་ཞེས་བྱ་བ་དབང་བཞིའི་རབ་ཏུ་བྱེད་པ། གཏོར་མ་ཆེན་པོའི་ཆོ་ག །མི་ཤིགས་
པའི་རིན་པོ་ཆེ་ཞེས་བྱ་བའི་སྒྲུབ་ཐབས། བདག་གི་དོན་གྲུབ་པར་བྱེད་པ་ཞེས་བྱ་བ་རྣལ་འབྱོར་གྱི་བྱ་བའི་རིམ་པ་རྣམས་སློབ་དཔོན་ཆེན་པོ་བི་ཏ་ཕཱ་དས་མཛད་པ། རྒྱ་གར་གྱི་མཁན་པོ་ཀ་ལ་གུ་ཧྱ་དང་། བོད་ཀྱི་ལོ་ཙཱ་བ་ཆེན་པོ་མངའ་བདག་ལྷ་ཡེ་ཤེས་རྒྱལ་མཚན་གྱི་འགྱུར། 
སྦྱོར་བ་ཡན་ལག་དྲུག་གི་སྣང་བའི་རིམ་པ་ཞེས་བྱ་བ་དཔལ་རྣམ་པར་སྣང་མཛད་རྡོ་རྗེས་མཛད་པ། བླ་མ་ཆེན་པོ་པཎྜི་ཏ་པུཎྱཱ་ཤྲཱི་དང་། ལོ་ཙཱ་བ་དགེ་སློང་གཡུང་དྲུང་འོད་ཀྱི་འགྱུར། སློབ་དཔོན་མར་མེ་མཛད་བཟང་པོས་མཛད་པའི་སྒྲུབ་ཐབས་ཀྱི་རྣམ་བཤད་དཔལ་གསང་བ་འདུས་
པའི་འཇམ་དཔལ་གྱི་སྒྲུབ་ཐབས་ཞེས་བྱ་བ་སློབ་དཔོན་མཁས་པ་ཆེན་པོ་དཔལ་ཀུ་ཏུ་བཟང་པོས་མཛད་པ། རྒྱ་གར་གྱི་མཁན་པོ་སུ་ག་ཏ་ཀཱིརྟིས་བསྒྱུར་ནས་གཏན་ལ་ཕབ་པ། ཀུན་ཏུ་བཟང་པོའི་བསྡུས་དོན་སློབ་དཔོན་སངས་རྒྱས་ཡེ་ཤེས་ཞབས་ཀྱིས་མཛད་པ། །དཔལ་གསང་
བ་འདུས་པའི་མངོན་པར་རྟོགས་པ་ཞེས་བྱ་བའི་སྒྲུབ་པའི་ཐབས་དང་། དཀྱིལ་འཁོར་གྱི་ཆོ་ག་སློབ་དཔོན་བསོད་སྙོམས་པས་མཛད་པ། པཎྜི་ཏ་ཤྲདྡྷཱ་ཀ་ར་ཝརྨ་དང་། ལོ་ཙཱ་བ་རིན་ཆེན་བཟང་ [མ་བྱུང་] པོའི་འགྱུར། དགའ་བའི་སྒྲུབ་པའི་ཐབས་ཞེས་བྱ་བ་སློབ་དཔོན་ཆེན་པོ་རྒྱལ་བས་བྱིན་གྱིས་
མཛད་པ་དང་། ཡེ་ཤེས་ཞབས་ཀྱི་རྗེས་སུ་འབྲང་བའི་དཔལ་མི་བསྐྱོད་རྡོ་རྗེའི་སྒྲུབ་པའི་ཐབས་སློབ་དཔོན་དཔལ་རིན་ཆེན་རྡོ་རྗེས་མཛད་པ། རྒྱ་གར་གྱི་མཁན་པོ་པདྨཱ་ཀ་ར་ཝརྨ་དང་། ཞུ་ཆེན་གྱི་ལོ་ཙཱ་བ་དགེ་སློང་རིན་ཆེན་བཟང་པོའི་འགྱུར། འདི་ལ་སྨྲྀ་ཏིའི་རང་འགྱུར་ཅིག་ཀྱང་ཡོད་མོད་ཀྱི། དོན་གཅིག་ཅིང་འགྱུར་འདི་

213-1-374b

བཟང་བས་བྲིས་སོ། །དཔལ་གསང་བ་འདུས་པ་རྟོགས་སླ་ཞིང་མདོར་བསྡུས་པ་ཞེས་བྱ་བ་འཇམ་པའི་རྡོ་རྗེའི་སྒྲུབ་ཐབས་དཔལ་མཁས་པ་ཆེན་པོ་པུཎྱཱ་ཤྲཱི་མི་ཏྲས་མཛད་པ། པཎྜི་ཏ་དེ་ཉིད་དང་། ལོ་ཙཱ་བ་ཀློག་སྐྱ་གཞོན་ནུ་འབར་གྱི་འགྱུར། དབང་གི་རབ་ཏུ་བྱེད་པ་སློབ་དཔོན་མཁས་པ་ཆེན་པོ་དཔལ་དགའ་བའི་
རྡོ་རྗེས་མཛད་པ། གཞུང་ཚད་ནི་ཚིགས་བཅད་སུམ་བརྒྱ། བམ་པོ་གཅིག་པ། ཐོ་ལིང་གི་གཙུག་ལག་ཁང་དུ་རྒྱ་གར་གྱི་མཁན་པོ་མཁས་པ་ཆེན་པོ་དཔལ་མར་མེ་མཛད་དང་། བོད་ཀྱི་ལོ་ཙཱ་བ་དགེ་སློང་བ་རིའི་འགྱུར། འདུས་པའི་དབང་བསྐུར་བ་མདོར་བསྡུས་པ་པཎྜི་ཏ་ངག་གི་དབང་ཕྱུག་གྲགས་པས་མཛད་
པ། བལ་པོའི་པཎྜི་ཏ་སུ་མ་ཏི་ཀཱིརྟི་དང་། བོད་ཀྱི་ལོ་ཙཱ་བ་ཀློག་སྐྱ་གཞོན་ནུ་འབར་དང་། མར་པ་ཆོས་ཀྱི་དབང་ཕྱུག་གི་འགྱུར། ཡན་ལག་བདུན་པ་ཤློ་ཀ་བཞི་བརྒྱ་ཉི་ཤུ་རྩ་ལྔ་པ། དེ་ཁོ་ན་ཉིད་རིན་པོ་ཆེ་སྣང་བ། དེ་ཁོ་ན་ཉིད་རིན་པོ་ཆེ་སྣང་བའི་རྣམ་པར་བཤད་པ་རྣམས་སློབ་དཔོན་ངག་གི་དབང་
ཕྱུག་གྲགས་པས་མཛད་པ། ལོ་ཙཱ་བ་འགོས་ལྷས་བཙས་ཀྱིས་རྒྱ་གར་ཤར་ཕྱོགས་ཀྱི་དཔེ་ལས་ཞུ་གཏུགས་བྱས་པ། འདི་གསུམ་གསང་འདུས་ཀྱི་ཆོས་སྐོར་ཡིན་ཡང་ཡེ་ཤེས་ཞབས་ལུགས་ཀྱི་རྗེས་སུ་འབྲང་བའི་གསལ་ཁ་མི་སྣང་སྟེ། སྔར་གྱི་རྣམས་ཀྱིས་ཡེ་ཤེས་ཞབས་ལུགས་ཀྱི་སྐོར་དུ་བྲིས་
འདུག་པས་བྲིས་སོ། །རབ་ཏུ་གསལ་བ་ཞེས་བྱ་བའི་སྒྲུབ་པའི་ཐབས་སློབ་དཔོན་དཔེ་མེད་པའི་རྡོ་རྗེས་མཛད་པ། རྒྱ་གར་གྱི་མཁན་པོ་བཱིརྱ་བྷ་དྲ་དང་། ཞུ་ཆེན་གྱི་ལོ་ཙཱ་བ་དགེ་སློང་རིན་ཆེན་བཟང་པོའི་འགྱུར། གསང་འདུས་ཀྱི་དཀྱིལ་འཁོར་ལ་སྤྱན་རས་གཟིགས་གཙོ་བོར་སྟོན་པ་དཔལ་གསང་བ་
འདུས་པ་འཇིག་རྟེན་དབང་ཕྱུག་གི་སྒྲུབ་པའི་ཐབས་ཞེས་བྱ་བ། འཕགས་པ་སྤྱན་རས་གཟིགས་འཇིག་རྟེན་དབང་ཕྱུག་གི་སྒྲུབ་པའི་ཐབས། དཔལ་གསང་བ་འདུས་པའི་བསྟོད་པ་རྣམས་སློབ་དཔོན་ཆེན་པོ་དཔལ་མར་མེ་མཛད་ཡེ་ཤེས་ཀྱིས་མཛད་པ། པཎྜི་ཏ་དེ་ཉིད་དང་། ལོ་ཙཱ་བ་དགེ་སློང་རིན་ཆེན་
བཟང་པོའི་འགྱུར། དེ་ཁོ་ན་ཉིད་བཅུ་པ་སློབ་དཔོན་རྒྱན་པས་མཛད་པ། བོད་ཀྱི་ལོ་ཙཱ་བ་དགེ་སློང་དར་མ་གྲགས་གྱི་འགྱུར། རབ་ཏུ་གནས་པའི་ཆོ་ག་སློབ་དཔོན་ཟླ་བའི་འོད་ཀྱིས་མཛད་པ། རྒྱ་གར་གྱི་མཁན་པོ་པུཎྱ་ཀཱིརྟི་དང་། བོད་ཀྱི་ལོ་ཙཱ་བ་དགེ་སློང་བསོད་ནམས་རྒྱལ་མཚན་གྱི་འགྱུར། བརྟན་པའི་

213-1-375a

ནོར་ཐམས་ཅད་པ་ཞེས་བྱ་བའི་སྒྲུབ་པའི་ཐབས་པཎྜི་ཏ་ཆེན་པོ་རཏྣ་ཀཱིརྟིས་མཛད་པ། པཎྜི་ཏ་དེ་ཉིད་དང་། ལོ་ཙཱ་བ་ལ་ཆིངས་ཡོན་ཏན་འབར་གྱི་འགྱུར། ཁྲོ་བོ་བཅུའི་གཏོར་མའི་ཆོ་ག །དབང་གཏན་ལ་དབབ་པ་སློབ་དཔོན་མཁས་པ་ཆེན་པོ་བསོད་སྙོམས་པ་དགེ་སློང་འོད་སྲུང་
གཞོན་ནུས་མཛད་པ། རྒྱ་གར་གྱི་མཁན་པོ་ཏ་ཐཱ་ག་ཏ་རཀྵི་ཏ་དང་། ཞུ་ཆེན་གྱི་ལོ་ཙཱ་བ་རིན་ཆེན་བཟང་པོའི་འགྱུར། སྦྱོར་བ་ཡན་ལག་དྲུག་པ་ཞེས་བྱ་བའི་འགྲེལ་པ་སློབ་དཔོན་སངས་རྒྱས་ཡེ་ཤེས་ཞབས་ཀྱི་ལུགས། པཎྜི་ཏ་སྨྲྀ་ཏིས་མཛད་ཅིང་། དེ་ཉིད་ཀྱི་རང་འགྱུར། སྦྱོར་བ་ཡན་ལག་དྲུག་པ་ཞེས་བྱ་
བ་ཡེ་ཤེས་ཞབས་ཀྱི་ལུགས་འདི་གཉིས་འགྲེལ་པ་ཆེན་པོ་ནས་སྦྱོར་དྲུག་ལ་མོས་པ་ཞིག་གིས་ལོགས་སུ་ཕྱུང་བ་ཡིན་པར་འདུག་པས་ལོགས་སུ་མ་བྲིས་ཀྱང་བཏུབ་མོད་ཀྱི། སྔར་གྱི་རྣམས་ཀྱིས་ཀྱང་བྲིས་འདུག་ཅིང་དོན་བཟང་པས་བྲིས་སོ། །འཇམ་པའི་རྡོ་རྗེ་མཆོད་པའི་ཆོ་ག་སློབ་དཔོན་དཔལ་
སྦྱིན་གྱིས་མཛད་པ། ལོ་ཙཱ་བ་དགེ་སློང་བློ་གྲོས་སེང་གེས་ཞུས་ཆེན་བྱས་ནས་པཎྜི་ཏ་ཆེན་པོ་བི་བྷཱུ་ཏི་ཙནྡྲས་རང་འགྱུར་དུ་མཛད་པ་རྣམས་བཞུགས་སོ།།      །།ཕི་པ་ལ། དཔལ་གསང་བ་འདུས་པའི་རྒྱུད་ལ་བརྟེན་པའི་ཨརྒའི་ཆོ་ག་སྙིང་པོ་བསྡུས་པ་ཞེས་བྱ་བ་དང་། རབ་ཏུ་གནས་པའི་ཆོ་
ག་ཡེ་ཤེས་སྣང་བ་ཞེས་བྱ་བ་སློབ་དཔོན་སྣང་བྱེད་ཟླ་བས་མཛད་པ། རྒྱ་གར་གྱི་མཁན་པོ་དཔལ་པཎྜི་ཏ་ཝ་རེནྡྲ་པ་དང་། ལོ་ཙཱ་བ་དགེ་སློང་པྲཛྙཱ་ཀཱིརྟིའི་འགྱུར། རབ་ཏུ་གནས་པའི་ཆོ་ག་ཞེས་བྱ་བ་པཎྜི་ཏ་མི་འཇིགས་པའི་ཕྱག་གིས་མཛད་པ། རྒྱ་ཆེ་བའི་ཚིག་བསྡུས་པ་ཞེས་བྱ་བ་རབ་ཏུ་གནས་པའི་ཆོ་ག་
སློབ་དཔོན་དཔལ་ཀཱ་ཙ་ཞབས་ཀྱིས་མཛད་པ། ཞ་ལུ་ལོ་ཙཱ་བ་དྷརྨཱ་པཱ་ལ་བྷ་དྲས་དབེན་གནས་དཔལ་ཨེ་ཝཾ་ཆོས་འཁོར་དུ་བསྒྱུར་བ། དཔལ་ངན་སོང་ཐམས་ཅད་ཡོངས་སུ་སྦྱོང་བའི་རྒྱུད་ལས་ཕྱུང་བ་སྤྱན་མའི་ངན་སོང་སྦྱོང་བའི་ཆོ་ག་དཔལ་སྟོང་ཉིད་ཏིང་ངེ་འཛིན་རྡོ་རྗེས་མཛད་པ། རྒྱ་གར་གྱི་མཁན་
པོ་ཨ་ཝ་དྷཱུ་ཏཱི་བེེ་རོ་ཙ་ན་བཛྲའི་ཞལ་སྔ་ནས་དང་། བོད་ཀྱི་ལོ་ཙཱ་བ་ཁམས་ལྡི་རི་ཆོས་ཀྱི་གྲགས་པས་བསྒྱུར་བ། དུས་ཐ་མའི་མཆོད་པའི་ཆོ་ག་མིང་གཞན་གཤིན་པོ་བདེ་བར་གཤེགས་པའི་གནས་ལ་འགོད་པ་ཞེས་བྱ་བ་པཎྜི་ཏ་དཔལ་ཏིང་ངེ་འཛིན་རྡོ་རྗེས་མཛད་པ། རྒྱ་གར་གྱི་མཁན་པོ་དཔལ་ཕྱོགས་དབང་

213-1-375b

དགའ་བྱེད་དང་། ལོ་ཙཱ་བ་དགེ་སློང་པྲཛྙཱ་ཀཱིརྟིའི་འགྱུར་བ་རྣམས་སོ། །དེ་ལྟར་ཡེ་ཤེས་ཞབས་ལུགས་ཀྱི་འགྲེལ་བའི་སྐོར་བཅུ། སྒྲུབ་ཐབས་རབ་གནས་ལ་སོགས་ཀྱི་ཆོས་སྐོར་ལྔ་བཅུ་རྩ་བདུན་ཏེ། ཆོས་སྐོར་ཅུ་རྩ་བདུན་ནོ།།      །།དེ་ལྟར་ཡེ་ཤེས་ཞབས་ལུགས་ཀྱི་རྗེས་སུ་འབྲང་བ་རྣམས་བཀོད་ནས། ད་ནི་
སློབ་དཔོན་རྡོ་རྗེ་བཞད་པ་ལ་སོགས་པའི་བཞེད་པའི་ལུགས་ཀྱི་གསང་འདུས་ཀྱི་སྐོར་ནི། རྒྱུད་ཀྱི་རྒྱལ་པོ་དཔལ་གསང་བ་འདུས་པའི་རྣམ་པར་བཤད་པ་ཞེས་བྱ་བ་སློབ་དཔོན་ཆེན་པོ་རྡོ་རྗེ་བཞད་པས་མཛད་པ། རྒྱ་གར་གྱིས་མཁན་པོ་ཛྙཱན་གརྦྷ་དང་། བོད་ཀྱི་ལོ་ཙཱ་བ་བཻ་རོ་ཙཱ་ནའི་འགྱུར། དཔལ་གསང་བ་འདུས་པའི་
རྒྱུད་ཀྱི་གླེང་གཞི་བླ་མའི་མན་ངག་གི་བཤད་པ་དཀྱིལ་འཁོར་གྱི་སློབ་དཔོན་སྒེག་པའི་རྡོ་རྗེས་མཛད་པ། དཔལ་བདེ་བ་ཆེན་པོ་སྒྲུབ་ཐབས་རྡོ་རྗེ་བཞད་པས་མཛད་པ། དཔལ་བདེ་བ་ཆེན་པོ་སྒྲུབ་པའི་ཐབས་རྣམ་པར་བཤད་པ་སློབ་དཔོན་ཆེན་པོ་བི་མ་ལ་གརྦྷས་མཛད་པ་རྣམས་ཏེ། འདི་དག་སྔར་གྱི་རྣམས་ཀྱིས་
ཡེ་ཤེས་ཞབས་ལུགས་ཀྱི་གསེབ་ཏུ་བྲེས་མོད་ཀྱི། འདི་དག་ཡེ་ཤེས་ཞབས་ལུགས་ཀྱི་རྗེས་སུ་འབྲང་བའི་གསལ་ཁ་མེད་ཅིང་། ལྷ་བསྐྱེད་ཆོག་ལ་སོགས་ཀྱང་འཕགས་སྐོར་དང་ཆ་མ་ཐུན་པར་འདུག་ཅིང་། ཡེ་ཤེས་ཞབས་ལུགས་དང་མི་མཐུན་པས་ལུགས་གུད་དུ་བྱས་སོ། །དཔལ་གསང་བ་འདུས་པ་
ལྷན་ཅིག་སྐྱེས་པའི་སྒྲུབ་ཐབས་སློབ་དཔོན་རྡོ་རྗེ་སྒེག་པས་མཛད་པ། ཁ་ཆེའི་རིགས་ཀྱི་པཎྜི་ཏ་ཆེན་པོ་བུདྡྷ་ཤྲཱི་ཛྙཱ་ན་དང་། ལོ་ཙཱ་བ་བྱམས་པའི་དཔལ་གྱི་འགྱུར། དེ་ལྟར་རྡོ་རྗེ་བཞད་པ་ལུགས་ཀྱི་ཆོས་སྐོར་ལྔའོ། །རྒྱུད་ཀྱི་རྒྱལ་པོ་དཔལ་གསང་བ་འདུས་པའི་འགྲེལ་པ་རྩ་བའི་རྒྱུད་དང་རྒྱུད་ཕྱི་མ་གཉིས་བླ་མའི་མན་ངག་ལས་
བྲིས་པ་ཞེས་བྱ་བ་དང་། ལྷ་མོ་བཞིས་ཡོངས་སུ་ཞུས་པའི་རྣམ་པར་བཤད་པ་མན་ངག་རྒྱས་པ་ཞེས་བྱ་བ་རྒྱ་གར་གྱི་མཁན་པོ་རྡོ་རྗེ་སློབ་དཔོན་སྨྲྀ་ཏི་ཛྙཱ་ན་ཀཱིརྟིས་མཛད་ཅིང་། རྒྱ་གར་གྱི་མཁན་པོ་སྨྲྀ་ཏི་ཛྙཱ་ན་ཀཱིརྟི་ཉིད་ཀྱི་རང་འགྱུར། ལྷ་མོ་བཞིས་ཡོངས་སུ་ཞུས་པའི་རྣམ་པར་བཤད་པ་སློབ་དཔོན་ཡེ་ཤེས་སྙིང་པོས་མཛད་
པ། རྒྱ་གར་གྱི་མཁན་པོ་དྲན་པ་ཡེ་ཤེས་གྲགས་པས་བསྒྱུར་བ་རྣམས་ཏེ་འདི་དག་ཀྱང་སྔར་གྱི་རྣམས་ཀྱིས་ཡེ་ཤེས་ཞབས་ལུགས་ཀྱི་སྐབས་སུ་གཏོགས་པར་བཤད་མོད་ཀྱི། ཡེ་ཤེས་ཞབས་ཀྱི་རྗེས་སུ་འབྲང་བའི་གསལ་ཁ་མེད་ཅིང་། བཟང་པོ་ཞབས་ཀྱི་རྗེས་སུ་འབྲང་བར་སྨྲྀ་ཏིས་གསལ་བར་གསུངས་པས་འདི་

213-1-376a

དག་ཀྱང་ལུགས་ཐ་དད་ཡིན་ནོ། །དེ་ལྟར་བཟང་པོ་ཞབས་དང་སྨྲྀ་ཏིའི་ཆོས་སྐོར་གསུམ་མོ།།      །།བི་པ་ལ། དཔལ་གསང་བ་འདུས་པའི་དཀའ་འགྲེལ་སློབ་དཔོན་ཀུན་དགའ་སྙིང་པོས་མཛད་པ། རྒྱ་གར་གྱི་མཁན་པོ་བི་ཛ་ཡ་ཤྲཱི་དྷ་ར་དང་། ཞུ་ཆེན་གྱི་ལོ་ཙཱ་བ་དགེ་སློང་རིན་
ཆེན་བཟང་པོའི་འགྱུར་ལ། སླད་ནས་ཨཱ་ཙཱརྱ་ཤྲདྡྷཱ་ཀ་ར་ཝརྨས་ཞུས་ཏེ་གཏན་ལ་ཕབ་པ། འདི་འགྲེལ་པ་མཁན་པོས་རྣལ་འབྱོར་གྱི་རྒྱུད་དུ་བཀྲལ་ནས་སྣང་ན་ཡང་རྒྱུད་ཀྱི་ངོ་བོ་རྣལ་འབྱོར་ཆེན་པོའི་རྒྱུད་ཡིན་པས་སྐབས་འདིར་བྲིས་སོ་ཞེས་པ་རྣམས་ཀུན་མཁྱེན་པས་གསུངས་སོ། །དེ་ལྟར་སློབ་དཔོན་ཀུན་དགའ་
སྙིང་པོའི་ལུགས་ཀྱི་ཆོས་སྐོར་གཅིག་གོ། །གསང་འདུས་འཕགས་སྐོར་ཡེ་ཤེས་ཞབས་ལུགས་དང་། །རྡོ་རྗེ་བཞད་པ་བཟང་པོའི་ཞབས་དང་ནི། །སྨྲྀ་ཏི་ཀུན་དགའ་སྙིང་པོ་ལ་སོགས་པའི། །ཆོས་སྐོར་བརྒྱ་དང་སུམ་ཅུ་རྩ་ལྔ་བཞུགས། །དེ་དག་གིས་ནི་གསང་བ་འདུས་པའི་ཆོས་སྐོར་བཞུགས་
པའི་རྣམ་གྲངས་རྣམས་བཀོད་ཟིན་ཏོ།།      །།དེ་ལྟར་དཔལ་གསང་བ་འདུས་པའི་རྒྱུད་དང་འབྲེལ་པའི་ཆོས་སྐོར་རྣམས་བཀོད་ནས། ད་ནི་དེའི་ཆ་དང་མཐུན་པའི་རྒྱུད་གཤིན་རྗེ་གཤེད་ཀྱི་སྐོར་ལ། གཤིན་རྗེ་གཤེད་དགྲ་ནག་གི་རྒྱུད་ལེའུ་བཅོ་བརྒྱད་པའི་འགྲེལ་པ་དཔལ་གཤིན་རྗེ་གཤེད་ཀྱི་རྒྱུད་ཀྱི་དཀའ་
འགྲེལ་ལྷན་ཅིག་སྐྱེས་པའི་སྣང་བ་ཞེས་བྱ་བ་སློབ་དཔོན་ཤྲཱི་དྷ་རས་མཛད་པ། པཎྜི་ཏ་ཆེན་པོ་ཤཱནྟི་བྷ་དྲ་དང་། ལོ་ཙཱ་བ་དགེ་སློང་ཚུལ་ཁྲིམས་རྒྱལ་བའི་འགྱུར། དཔལ་གཤིན་རྗེ་དགྲ་ནག་པོའི་རྒྱུད་ཀྱི་རྒྱལ་པོ་ཆེན་པོའི་དཀའ་འགྲེལ་རིན་པོ་ཆེའི་སྒྲོན་མ་ཞེས་བྱ་བ་སློབ་དཔོན་མཁས་པ་ཆེན་པོ་རཏྣ་ཀ་ར་ཤཱནྟི་
པས་མཛད་པ། ཨཱ་ཙཱརྱ་བི་ན་ཡ་ཙནྡྲ་དང་། ལོ་ཙཱ་བ་དགེ་སློང་ཆོས་ཀྱི་ཤེས་རབ་ཀྱིས་དད་པས་བསྒྱུར། གཤིན་རྗེ་གཤེད་ནག་པོའི་རྒྱུད་ཀྱི་རྒྱལ་པོ་མངོན་པར་མཐོང་བའི་ལམ་གྱི་སྒྲོན་མ་ཞེས་བྱ་བའི་རྒྱ་ཆེར་བཤད་པ་རྒྱ་གར་གྱི་མཁན་པོ་ཆེན་པོ་ཀྲྀཥྞ་པ་ཆེན་པོས་མཛད་པ། རྣལ་འབྱོར་པ་བསོད་སྙོམས་པ་
པྲཛྙཱ་ཤྲཱི་ཛྙཱ་ན་ཀཱིརྟིའི་རང་འགྱུར། གཤིན་རྗེ་གཤེད་ནག་པོའི་རྒྱུད་ཀྱི་དཀའ་འགྲེལ་རིན་པོ་ཆེའི་ཕྲེང་བ་ཞེས་བྱ་བ་ཤར་ཕྱོགས་བྷཾ་ག་ལར་བི་ཀྲ་མ་པུ་རིའི་གཙུག་ལག་ཁང་དུ་སྐུ་འཁྲུངས་པའི་མཁས་པ་ཆེན་པོ་ཨ་ཝ་དྷཱུ་ཏཱི་པ་གཞོན་ནུ་ཟླ་བས་མཛད་པ། རྒྱ་གར་གྱི་མཁན་པོ་ལཱི་ལ་བཛྲ་དང་། བོད་ཀྱི་ལོ་ཙཱ་བ་

213-1-376b

དཔྱལ་སེ་རྩ་བསོད་ནམས་རྒྱལ་མཚན་གྱིས་བསྒྱུར་བ། གཤིན་རྗེ་དགྲ་ནག་པོའི་རྒྱུད་ཀྱི་དཀའ་འགྲེལ་ཡེ་ཤེས་སྒྲོན་མ་ཞེས་བྱ་བ་སློབ་དཔོན་པདྨ་པཱ་ཎིས་མཛད་པ། རྒྱ་གར་གྱི་སློབ་དཔོན་པ་ར་མེ་ཤྭ་ར་དང་། བོད་ཀྱི་ལོ་ཙཱ་བ་རོང་ཟོམ་ཆོས་ཀྱི་བཟང་པོས་བསྒྱུར་བ་རྣམས་བཞུགས་སོ།།      །།མི་པ་ལ།
གཤིན་རྗེ་ནག་པོའི་སྒྲུབ་ཐབས་ཚིག་གི་སྣང་བ་གྲུབ་པ་ཞེས་བྱ་བ་དང་། གཤིན་རྗེ་གཤེད་ནག་པོའི་དཀྱིལ་འཁོར་གྱི་སྒྲུབ་ཐབས་སློབ་དཔོན་མཁས་པ་དཔལ་འཛིན་གྱིས་མཛད་པ། རྒྱ་གར་གྱི་མཁན་པོ་དཱ་ན་ཀཱིརྟི་དང་། ལོ་ཙཱ་བ་དགེ་སློང་ཚུལ་ཁྲིམས་རྒྱལ་བའི་འགྱུར། རྡོ་རྗེ་དབྱངས་ཅན་མའི་བསྟོད་པ་སློབ་
དཔོན་དཔལ་འཛིན་གྱིས་མཛད་པ། པཎྜི་ཏ་སུ་མ་ཏི་ཀཱིརྟི་དང་། ལོ་ཙཱ་བ་མར་དོ་ཆོས་ཀྱི་དབང་ཕྱུག་གི་འགྱུར། གཤིན་རྗེ་གཤེད་དགྲ་ནག་གི་དཀྱིལ་འཁོར་གྱི་ཆོ་ག་གཤིན་རྗེ་གཤེད་འབྱུང་བ་ཞེས་བྱ་བ་སློབ་དཔོན་ཆེན་པོ་ལ་ལི་ཏ་བཛྲས་མཛད་པ། རྒྱ་གར་གྱི་མཁན་པོ་ཨ་མོ་གྷ་བཛྲ་དང་། བོད་ཀྱི་ལོ་
ཙཱ་བ་ཅོག་གྲུ་ཤེས་རབ་བླ་མའི་འགྱུར། མཆོད་རྟེན་སྒྲུབ་པའི་ཆོ་ག་མདོར་བསྡུས་པ་རྒྱ་གར་གྱི་མཁན་པོ་ལ་ལི་ཏ་བཛྲས་མཛད་པ། སྲུང་བའི་འཁོར་ལོའི་སྒྲུབ་པའི་ཐབས་དཔལ་མར་མེ་མཛད་པ་བཟང་པོས་མཛད་པ་དང་། གཤིན་རྗེ་གཤེད་ནག་པོ་ཞེས་བྱ་བའི་སྒྲུབ་པའི་ཐབས་སློབ་དཔོན་ཉིན་མོར་
བྱེད་པའི་གྲགས་པས་མཛད་པ། ཞུ་ཆེན་གྱི་ལོ་ཙཱ་བ་འགོས་ལྷས་བཙས་ཀྱིས་རྒྱ་གར་གྱི་ཕྱི་མོ་དང་གཏུགས་ཏེ་གཏན་ལ་ཕབ་པ། གཤིན་རྗེ་གཤེད་ནག་པོའི་སྒྲུབ་པའི་ཐབས་སློབ་དཔོན་གྷོ་ཥ་བཛྲས་མཛད་པ། བལ་པོའི་མཁས་པོ་སུ་མ་ཏི་ཙནྡྲ་དང་། བོད་ཀྱི་ལོ་ཙཱ་བ་བནྡེ་ཚོགས་ཆག་ཆུང་བའི་འགྱུར། 
དཔལ་གཤིན་རྗེ་གཤེད་དགྲ་ནག་པོའི་སྒྲུབ་ཐབས་འཁོར་ལོའི་དོན་རྒྱས་པར་བཤད་པ་དང་བཅས་པ་སློབ་དཔོན་མི་བསྐྱོད་རྡོ་རྗེས་མཛད་པ། རྒྱ་གར་གྱི་མཁན་པོ་ཨཱ་ཙཱརྱ་བི་ནཱ་ཡ་ཙནྡྲ་དང་། བོད་ཀྱི་ལོ་ཙཱ་བ་དགེ་སློང་ཆོས་ཀྱི་ཤེས་རབ་ཀྱི་འགྱུར། གཤིན་རྗེའི་གཤེད་ནག་པོའི་སྒྲུབ་པའི་ཐབས་བཞི་བརྒྱ་
ལྔ་བཅུ་པ་ལས་བཏུས་པ་དགེ་སློང་བསོད་སྙོམས་པ་ཀ་མ་ལ་རཀྵི་ཏ་ཞེས་བྱ་བས་བསྡུས་པ། རྒྱ་གར་གྱི་མཁན་པོ་པཎྜི་ཏ་ཆེན་པོ་དཱི་པཾ་ཀཱ་ར་ཤྲཱི་ཛྙཱ་ན་དང་། བོད་ཀྱི་ལོ་ཙཱ་བ་དགེ་སློང་ཚུལ་ཁྲིམས་རྒྱལ་བའི་འགྱུར། མཎྜལ་གྱི་ཆོ་ག་སློབ་དཔོན་ཆེན་པོ་དཔལ་རྙོག་མེད་རྡོ་རྗེའི་ཞལ་སྔ་ནས་མཛད་པ། རྒྱ་

213-1-377a

གར་གྱི་མཁན་པོ་ཨ་དུ་ལ་དས་དང་། ལོ་ཙཱ་བ་བློ་ལྡན་ཤེས་རབ་ཀྱི་འགྱུར། མཎྜལ་གྱི་ཆོ་ག་ཞེས་བྱ་བ་རྒྱ་གར་གྱི་མཁན་པོ་ཀ་མ་ལ་རཀྵི་ཏས་གཤིན་རྗེ་གཤེད་ཀྱི་རྒྱུད་བཞི་བརྒྱ་ལྔ་བཅུ་པ་ལ་བརྟེན་ནས་མཛད་པ། ལོ་ཙཱ་བ་ཤྲཱི་པྲཛྙཱ་ཛྙཱ་ན་ཀཱིརྟིའི་རང་འགྱུར། གཤིན་རྗེའི་དགྲ་
ནག་པོའི་སྒྲུབ་ཐབས་ཀུ་མུ་ཏ་ཁ་བྱེ་བ་ཞེས་བྱ་བ་སློབ་དཔོན་རིན་ཆེན་འབྱུང་གནས་ཞི་བས་མཛད་པ། ཨཱ་ཙཱརྱ་བི་ནཱ་ཡ་ཙནྡྲ་དང་། ལོ་ཙཱ་བ་དགེ་སློང་ཆོས་ཀྱི་ཤེས་རབ་ཀྱི་འགྱུར། དཔལ་གཤིན་རྗེ་གཤེད་ནག་པོ་སྒྲུབ་པའི་ཐབས་དང་། ཁྲོ་བོའི་རྒྱལ་པོ་གཤིན་རྗེ་གཤེད་ནག་པོ་དུས་མཐར་ཕྱིན་པའི་སྒྲུབ་ཐབས་
ཞེས་བྱ་བ་རྒྱ་གར་གྱི་མཁན་པོ་ཤྲཱི་པཎྜི་ཏས་མཛད་པ། གཤིན་རྗེ་གཤེད་ནག་པོའི་སྒྲུབ་ཐབས་ཞེས་བྱ་བ་སློབ་དཔོན་མཁས་པ་ཆེན་པོ་དཔལ་མར་མེ་མཛད་ཀྱིས་མཛད་པ། གཤིན་རྗེ་གཤེད་རྣམ་པར་སྣང་མཛད་ཀྱི་མངོན་པར་རྟོགས་པ་ཞེས་བྱ་བ། གཤིན་རྗེ་གཤེད་རིན་ཆེན་འབྱུང་ལྡན་གྱི་སྒྲུབ་ཐབས་
ཞེས་བྱ་བ། འོད་དཔག་ཏུ་མེད་པའི་སྙིང་པོ་འདོད་ཆགས་གཤིན་རྗེ་གཤེད་སྒྲུབ་པའི་ཐབས་ཞེས་བྱ་བ། གཤིན་རྗེ་གཤེད་རྡོ་རྗེ་རྣོན་པོ་ཞེས་བྱ་བའི་སྒྲུབ་ཐབས། རྡོ་རྗེ་སེམས་མ་བདེ་བའི་སྒྲུབ་པའི་ཐབས་ཞེས་བྱ་བ། རྡོ་རྗེ་མཁའ་འགྲོ་མ་རྣལ་འབྱོར་མའི་སྒྲུབ་ཐབས་ཞེས་བྱ་བ། རྡོ་རྗེ་བདེ་རྒྱས་དབྱངས་ཅན་མའི་
སྒྲུབ་ཐབས་ཞེས་བྱ་བ། ལས་ཀྱི་རྡོ་རྗེ་གཽ་རཱི་མའི་སྒྲུབ་ཐབས་རྣམས་སློབ་དཔོན་མར་མེ་མཛད་ཡེ་ཤེས་ཀྱིས་མཛད་པ་དང་། རྗེ་བཙུན་འཇམ་དཔལ་གཤིན་རྗེ་གཤེད་མཆོད་པའི་ཆོ་གའི་རིམ་པ་ཞེས་བྱ་བ་སློབ་དཔོན་ཆེན་པོ་ཀྲྀཥྞ་པཎྜི་ཏས་མཛད་པ། སངས་རྒྱས་གཤིན་རྗེ་གཤེད་ནག་པོའི་སྒྲུབ་ཐབས་ཞེས་
བྱ་བ་ནཱ་ད་ཀུ་བེར་ལས་བྱུང་བའི་དོན་ཀུན་ད་ན་ཀྵེ་རི་ན་བཞུགས་པའི་མཁས་པ་ཆེན་པོ་རྣལ་འབྱོར་ནག་པོ་ཞབས་ཀྱིས་མཛད་པ། གཤིན་རྗེ་གཤེད་ནག་པོའི་སྒྲུབ་ཐབས་ཞེས་བྱ་བ་རྒྱ་གར་གྱི་མཁན་པོ་ཆེན་པོ་ཀ་མ་ལ་ར་ཀྵི་ཏས་མཛད་པ། ཁྲོ་བ་ཐོ་བ་གཤིན་རྗེ་གཤེད་ཀྱི་སྒྲུབ་ཐབས་ཞེས་བྱ་བ། དབྱུག་པ་གཤིན་
རྗེ་གཤེད་རྣམ་པར་འཇོམས་པ་ཞེས་བྱ་བའི་སྒྲུབ་ཐབས། རལ་གྲི་གཤིན་རྗེ་གཤེད་གཏུམ་པའི་སྒྲུབ་ཐབས་ཞེས་བྱ་བ། པདྨ་གཤིན་རྗེ་གཤེད་ཀྱི་ཤེས་རབ་བདེ་བ་ཅན་གྱི་སྒྲུབ་ཐབས་ཞེས་བྱ་བ་རྣམས་རྒྱ་གར་གྱི་མཁན་པོ་དཱི་པཾ་ཀ་ར་ཞེས་བྱ་བས་མཛད་པ། གཤིན་རྗེ་གཤེད་ནག་པོའི་སྒྲུབ་ཐབས་ཀྱི་

213-1-377b

མཎྜལ་གྱི་ཆོ་ག་ཞེས་བྱ་བ་ཟངས་གླིང་ནཱ་ག་པཱུ་རིའི་རྣལ་འབྱོར་པ་ཀ་མ་ལ་རཀྵི་ཏས་ཏ་རུ་པ་རིའི་དུར་ཁྲོད་ཀྱི་ཚལ་དུ་མཛད་པ། ཆོས་ཀྱི་སྐུའི་སྣང་བའི་ཆོ་ག་ཞེས་བྱ་བ་མཆོད་རྟེན་གྱི་ཆོ་ག་རྒྱ་གར་གྱི་མཁན་པོ་ཀ་ལཱ་པ་མ་ཧཱ་ཞེས་བྱ་བས་མཛད་པ། གཤིན་རྗེ་གཤེད་ཀྱི་རོ་སྲེག་གི་ཆོ་ག་ཞེས་བྱ་བ། ཚོགས་ཀྱི་འཁོར་
ལོའི་ཆོ་ག་ཞེས་བྱ་བ། གཤིན་རྗེ་གཤེད་ནག་པོའི་ཞི་བའི་སྦྱིན་སྲེག་གི་ཆོ་ག་ཞེས་བྱ་བ་བླ་མ་ནག་པོ་ཞབས་ཀྱིས་དཔལ་རྡོ་རྗེ་གདན་དུ་མཛད་པ། དེ་རྣམས་རྣལ་འབྱོར་པ་བསོད་སྙོམས་པ་པྲཛྙཱ་ཤཱི་ཛྙཱ་ན་ཀཱིརྟིས་རང་འགྱུར་དུ་མཛད་པ། ཡི་དྭགས་ཐམས་ཅད་རྡོ་རྗེས་བཅིངས་པ་སློབ་དཔོན་
ཆེན་པོ་དཔལ་ནག་པོ་པས་མཛད་པ། གཤིན་རྗེ་གཤེད་ནང་པོའི་མངོན་པར་རྟོགས་པའི་རིམ་པ་ཞེས་བྱ་བ་སློབ་དཔོན་མཁས་པ་ཆེན་པོ་རྡོ་རྗེའི་བློས་མཛད་པ། དཔལ་གཤིན་རྗེ་གཤེད་ནག་པོའི་འཁོར་ལོ་བྲི་བའི་ཆོ་ག །གཤིན་རྗེ་དགྲ་ནག་པོ་ཞེས་བྱ་བའི་སྒྲུབ་པའི་ཐབས་
སློབ་དཔོན་ཀུན་ཏུ་བཟང་པོས་མཛད་པ། པཎྜི་ཏ་དོན་ཡོད་རྡོ་རྗེའི་འགྱུར། གཤིན་རྗེ་གཤེད་ཀྱི་སྒྲུབ་པའི་ཐབས་སློབ་དཔོན་འགྲོ་བཟང་སྙིང་པོས་མཛད་པ། རྒྱ་གར་གྱི་མཁན་པོ་དཱི་པཾ་ཀ་ར་ཤྲཱི་ཛྙཱ་ན་དང་། ཞུ་ཆེན་གྱི་ལོ་ཙཱ་བ་དགེ་སློང་རིན་ཆེན་བཟང་པོའི་འགྱུར། ནག་པོ་ཞལ་གསུམ་ཕྱག་དྲུག་པའི་སྒྲུབ་
ཐབས་སློབ་དཔོན་ལ་ལི་ཏ་བཛྲས་མཛད་པ། འོ་མའི་སྒྲུབ་པའི་ཐབས་སློབ་དཔོན་ཨཱ་ཙཱརྱ་ཛི་མུ་དྲ་པཱ་དས་མཛད་པ། ཨཱ་ཙཱརྱ་བཛྲ་པཱ་ཎི་དང་། ལོ་ཙཱ་བ་དགེ་སློང་ཆོས་ཀྱི་ཤེས་རབ་ཀྱི་འགྱུར། གཤིན་རྗེ་གཤེད་ནག་པོའི་འཁོར་ལོའི་མན་ངག་སློབ་དཔོན་ནཱ་ག་བོ་དྷིས་མཛད་པ། ལོ་ཙཱ་བ་དགེ་སློང་ཆོས་རབ་ཀྱི་
འགྱུར། སྦྱིན་སྲེག་གི་ཆོ་ག་སློབ་དཔོན་ཆེན་པོ་ལ་ལཱི་ཏ་བཛྲས་མཛད་པ། འཆི་བདག་ཡི་དྭགས་རྒྱལ་པོའི་སྒྲུབ་ཐབས། གཤིན་རྗེ་གཤེད་ཀྱི་ལག་མཆོད་དཱ་ན་ཤཱི་ལས་མཛད་ཅིང་། དེ་ཉིད་ཀྱིས་བསྒྱུར་བ་འདི་གཤེད་དམར་གྱི་སྒོར་ཡིན་ཏེ་འབྲེལ་འདུག་པས་དེར་བཞག་གོ། །གཤིན་རྗེ་གཤེད་ནག་པོའི་དཀྱིལ་
འཁོར་གྱི་བསྟོད་པ་ཞེས་བྱ་བ་ཨཱ་ཙཱརྱ་ཀཱིརྟིས་མཛད་པ་དང་། རྡོ་རྗེ་འཛིན་པས་གཤིན་རྗེ་གཤེད་པོ་ལ་བསྟོད་པ་གཅིག་གོ། །དེ་ལྟར་གཤིན་རྗེ་གཤེད་ནག་པོའི་འགྲེལ་སྐོར་ལྔ་དང་། སྒྲུབ་སྐོར་ལ་སོགས་བཞི་བཅུ་རྩ་དགུ་སྟེ། ཆོས་སྐོར་ལྔ་བཅུ་ང་བཞིའོ།།      །།རྡོ་རྗེ་འཇིགས་བྱེད་ཀྱི་སྐོར་ལ།

213-1-378a

དཔལ་རྡོ་རྗེ་འཇིགས་བྱེད་ཀྱི་རྒྱུད་ཀྱི་དཀའ་འགྲེལ་རྡོ་རྗེ་སློབ་དཔོན་མི་བསྐྱོད་པས་མཛད་པ། རྒྱ་གར་གྱི་མཁན་པོ་བི་ནཱ་ཡ་ཙནྡྲ་དང་། ལོ་ཙཱ་བ་དགེ་སློང་ཆོས་ཀྱི་ཤེས་རབ་ཀྱི་འགྱུར། དཔལ་རྡོ་རྗེ་འཇིགས་བྱེད་ཀྱི་རྒྱུད་ཀྱི་མདོར་བཤད་པ་ཞེས་བྱ་བ་སློབ་དཔོན་སོ་ན་ཤྲཱིས་མཛད་པ།
མཁས་པ་ཆེན་པོ་ཏ་ཐཱ་ག་ཏའི་ཞལ་ནས་བརྒྱུད་པ་ཞེས་ཡོད་པ། འཇིགས་བྱེད་ཀྱི་རྒྱུད་ཀྱི་མདོ་མདོར་བཤད་པ་ཞེས་བྱ་བ་སློབ་དཔོན་འཛིན་གྱི་རྗེས་སུ་འབྲང་བའི་སློབ་དཔོན་དཔལ་ཆེན་པོ་རྡོ་རྗེ་གྲུབ་པས་མཛད་པ། རྡོ་རྗེ་འཇིགས་བྱེད་ཀྱི་རྒྱུད་ཀྱི་དཀའ་འགྲེལ་སློབ་དཔོན་མཁས་པ་ཆེན་པོ་དཔལ་གཞོན་ནུ་ཟླ་བས་
མཛད་པ། པཎྜི་ཏ་མཁས་པ་ཆེན་པོ་ཏ་ཐཱ་ག་ཏ་རཀྵི་ཏ་དང་། ལོ་ཙཱ་བ་དགེ་སློང་བ་རི་རིན་ཆེན་གྲགས་ཀྱི་འགྱུར། རྡོ་རྗེ་འཇིགས་བྱེད་ཀྱི་རྒྱུད་ཀྱི་འགྲེལ་པ་རིན་པོ་ཆེའི་ཕྲེང་བ་ཞེས་བྱ་བ་སློབ་དཔོན་ཆེན་པོ་ནག་པོ་པས་རྡོ་རྗེ་མཁའ་འགྲོ་མ་ཉིད་ལས་བླངས་ནས་མཛད་པ། རྒྱ་གར་གྱི་མཁན་པོ་ཆེན་པོ་པཎྜི་ཏ་དཔལ་
བཻ་རོ་ཙ་ན་རཀྵི་ཏ་དང་། བོད་ཀྱི་ལོ་ཙཱ་བ་གླན་དར་མ་བློ་གྲོས་ཀྱི་འགྱུར། མ་ཧེའི་ཞལ་གྱི་སྒྲུབ་ཐབས་ཞེས་བྱ་བའི་འཇིགས་བྱེད་ཀྱི་སྒྲུབ་ཐབས་སློབ་དཔོན་དཔལ་འཛིན་གྱིས་མཛད་པ། རྒྱ་གར་གྱིས་མཁན་པོ་རྣམ་པར་སྣང་མཛད་སྲུང་བ་དང་། ལོ་ཙཱ་བ་དགེ་སློང་བ་རི་དྷརྨ་ཀཱིརྟིའི་འགྱུར། རྡོ་རྗེ་འཇིགས་བྱེད་
ཞལ་གཅིག་ཕྱག་གཉིས་པའི་སྒྲུབ་པའི་ཐབས་འཇམ་པའི་དབྱངས་ཀྱིས་མཛད་པ། རྒྱ་གར་གྱི་མཁན་པོ་ཨཱ་ཙཱརྱ་ཨཱ་ནནྡ་དང་། བོད་ཀྱི་ལོ་ཙཱ་བ་དགེ་སློང་རྡོ་རྗེ་གྲགས་ཀྱི་འགྱུར། དཔལ་རྡོ་རྗེ་འཇིགས་བྱེད་ཀྱི་སྒྲུབ་པའི་ཐབས་མདོར་བསྡུས་པ་སློབ་དཔོན་ཆེན་པོ་ཤྲཱི་བྷ་དྲས་མཛད་པ། རྡོ་རྗེ་འཇིགས་བྱེད་ཀྱི་
བསྙེན་པའི་ཆོ་ག་དང་། སྒྲུབ་པའི་ཆོ་ག་དང་། ལས་སྦྱོར། རྡོ་རྗེ་འཇིགས་བྱེད་ཀྱི་རྟོག་པ་ལས་འཁོར་ལོ་བསྐོར་བའི་ལས་དྲག་པོ་ཕྱོགས་གཅིག་པ་སློབ་དཔོན་ཞི་བའི་ཡེ་ཤེས་ཀྱིས་མཛད་པ། པཎྜི་ཏ་དོན་ཡོད་རྡོ་རྗེའི་རང་འགྱུར། རྡོ་རྗེ་འཇིགས་བྱེད་ཀྱི་སྒྲུབ་ཐབས་སློབ་དཔོན་མཉྫུ་ཤྲཱི་ཛྙཱ་ནས་མཛད་
པ། ཞང་འོར་སྟོན་པ་ཤེས་རབ་བསོད་ནམས་ཀྱི་འགྱུར། དཔལ་རྡོ་རྗེ་འཇིགས་བྱེད་ཀྱི་སྒྲུབ་པའི་ཐབས་དང་། ལས་བྱ་བའི་ཆོ་ག་སེམས་དཔའ་བསྡུས་པ་ཨཱ་ཙཱརྱ་དོན་ཡོད་རྡོ་རྗེས་མཛད་པ། པཎྜི་ཏ་དོན་ཡོད་རྡོ་རྗེ་ཉིད་ཀྱི་རང་འགྱུར་ལ། རྒྱ་གར་གྱི་མཁན་པོ་མཉྫུ་ཤྲཱི་ཛྙཱ་ན་དང་། བོད་ཀྱི་ལོ་ཙཱ་བ་རོང་ཟོམ་ཆོས་

213-1-378b

ཀྱི་བཟང་པོས་བསྒྱུར་ཅིང་། སླར་ཡང་ཕྱུག་མཚམས་དབང་ཕྱུག་རྒྱལ་པོས་བསྒྱུར་ཅིང་གཏན་ལ་བབ་པ། དཀྱིལ་འཁོར་གྱི་ཆོ་ག་སློབ་དཔོན་ཆེན་པོ་དཔལ་དོན་ཡོད་པའི་ཞབས་ཀྱིས་མཛད་པ། པཎྜི་ཏ་དེ་ཉིད་དང་། ལོ་ཙཱ་བ་རྭ་རྡོ་རྗེ་གྲགས་ཀྱི་འགྱུར། དཔལ་རྡོ་རྗེ་འཇིགས་བྱེད་ཆེན་པོའི་བསད་པའི་
འཁོར་ལོ་ལ་ལི་ཏས་མཛད་པ། དཔལ་དེ་ཁོ་ན་ཉིད་གྲུབ་པ་སློབ་དཔོན་ཆེན་པོ་ཀེ་ར་ལིས་མཛད་པ། དཔལ་རྡོ་རྗེ་འཇིགས་བྱེད་ཀྱི་དམ་ཚིག་ལ་འཇུག་པའི་དཀྱིལ་འཁོར་གྱི་ཆོ་ག་དངོས་གྲུབ་བརྙེས་པའི་སློབ་དཔོན་ཆེན་པོ་དཔལ་ལ་ལི་ཏ་བཛྲས་མཛད་པ། གྲུབ་པ་བརྙེས་པའི་པཎྜི་ཏ་ཨ་མོ་གྷ་བཛྲ་དང་། ལོ་ཙཱ་བ་
མར་པ་དགེ་བསྙེན་ཆོས་འབར་གྱི་འགྱུར། རྡོ་རྗེའི་ཚིག་རྣལ་འབྱོར་དབྱེ་བ་ཞེས་བྱ་བ་རྒྱ་གར་ཤར་ཕྱོགས་ཀྱི་པཎྜི་ཏ་ཨ་མོ་གྷ་བཛྲས་མཛད་པ། རྡོ་རྗེ་ཙརྩི་ཀའི་ལས་སྒྲུབ་པའི་ཐབས་སློབ་དཔོན་ཆེན་པོ་བྲམ་ཟེ་དཔལ་འཛིན་གྱིས་མཛད་པ། རྒྱ་གར་གྱི་པཎྜི་ཏ་རྒྱས་སྲས་བི་བྷཱུ་ཏི་ཙནྡྲའི་ཞལ་སྔ་ནས་གློ་
བོ་ལོ་ཙཱ་བ་དགེ་སློང་ཤེས་རབ་རིན་ཆེན་གྱིས་ཆོས་ཀྱི་རྒྱལ་པོའི་ཕོ་བྲང་སྐུ་མཁར་ཉི་གཟུངས་སུ་བསྒྱུར་པ། རྡོ་རྗེ་འཇིགས་བྱེད་ཀྱི་སྒྲུབ་ཐབས་ཞེས་བྱ་བ་སློབ་དཔོན་ཨ་ཤྭ་ཀ་ཤྲཱིས་མཛད་པ། པཎྜི་ཏ་དྷརྨ་ཤྲཱི་མི་ཏྲ་དང་། ལོ་ཙཱ་བ་ཆོས་ཀྱི་བཟང་པོའི་འགྱུར། དཔལ་རྡོ་རྗེ་ཕག་མོའི་སྒྲུབ་ཐབས། དཔལ་
རྡོ་རྗེ་དབྱངས་ཅན་མའི་སྒྲུབ་ཐབས་ཞེས་བྱ་བ། རྡོ་རྗེ་དཀར་མོའི་སྒྲུབ་ཐབས་རྣམས་གྲུབ་ཐོབ་འཁོར་ལོས་སྒྱུར་བའི་སློབ་དཔོན་དཔལ་འཛིན་གྱིས་མཛད་པ། རྒྱ་གར་གྱི་པཎྜི་ཏ་རྒྱལ་སྲས་དཔལ་བི་བྷཱུ་ཏི་ཙནྡྲ་དང་། གློ་བོ་ལོ་ཙཱ་བ་དགེ་སློང་ཤེས་རབ་རིན་ཆེན་གྱིས་ཆོས་ཀྱི་རྒྱལ་པོའི་ཁབ་སྐུ་མཁར་ཉི་
གཟུངས་སུ་བསྒྱུར་བ། ལས་ཀྱི་གཤིན་རྗེའི་མཆོད་པའི་ཆོ་ག་རྒྱ་གར་ཤར་ཕྱོགས་ཀྱི་པཎྜི་ཏ་དཱརྤན་ཨཱ་ཙཱརྱས་མཛད་པ། པཎྜི་ཏ་དེ་ཉིད་དང་། ལོ་ཙཱ་བ་ཞེ་སྡང་རྡོ་རྗེས་དག་པར་བསྒྱུར་བ། དཔལ་རྡོ་རྗེ་འཇིགས་བྱེད་ཀྱི་སྒྲུབ་པའི་ཐབས་ཞེས་བྱ་བ་སློབ་དཔོན་མཉྫུ་བཛྲས་མཛད་པ། བལ་པོའི་པཎྜི་
ཏ་བྷ་རོ་ཕྱག་རྡུམ་དང་། བོད་ཀྱི་ལོ་ཙཱ་བ་རྡོ་རྗེ་གྲགས་ཀྱི་འགྱུར། རྡོ་རྗེ་འཇིགས་བྱེད་ཀྱི་ཚོགས་ཀྱི་འཁོར་ལོ་ཞེས་བྱ་བ་སློབ་དཔོན་རཏྣ་ཨཱ་ཀ་ར་ཤཱནྟིས་མཛད་པ། རྒྱ་གར་གྱི་མཁན་པོ་དཱི་པཾ་ཀ་ར་རཀྵི་ཏ་དང་། ལོ་ཙཱ་བ་དགེ་སློང་རྡོ་རྗེ་གྲགས་ཀྱི་འགྱུར། ཙུ་ཙྪུནྡྷ་རའི་རྟོག་པ་བྷ་རོ་ཕྱག་རྡུམ་གྱི་ཕྱག་

213-1-379a

དཔེ་ལས་རྭ་རྡོ་རྗེ་གྲགས་ཀྱིས་ཕྱིས་བསྒྱུར་བ། རྡོ་རྗེ་འཇིགས་བྱེད་ཆེན་པོའི་སྦྱིན་སྲེག་གི་ཆོ་ག་ཞེས་བྱ་བ་ཨ་མོ་ག་བཛྲས་མཛད་པ། རྭ་རྡོ་རྗེ་གྲགས་ཀྱི་འགྱུར། དཔལ་རྡོ་རྗེ་འཇིགས་བྱེད་ཀྱི་སྒྲུབ་ཐབས་སློབ་དཔོན་ལ་ལི་ཏ་བཛྲས་མཛད་པ། རྒྱ་གར་གྱི་མཁན་པོ་པྲཛྙཱ་ཤྲཱི་དེ་བ་
དང་། བོད་ཀྱི་ལོ་ཙཱ་བ་ཅོག་གྲུ་བནྡེ་ཤེས་རབ་བླ་མའི་འགྱུར། དཔལ་རྡོ་རྗེ་འཇིགས་བྱེད་ཀྱི་སྒྲུབ་ཐབས་དང་། དཔལ་རྡོ་རྗེ་འཇིགས་བྱེད་ཀྱི་གཏོར་མའི་ཆོ་ག་སློབ་དཔོན་ཆེན་པོ་ལ་ལི་ཏ་བཛྲས་མཛད་པ། འཇིགས་བྱེད་ཀྱི་ཞི་བའི་བྱ་བ་བདུན་པ་པཎྜི་ཏ་ཨ་ཨོ་གྷ་ཆུང་བས་མཛད་པ། དྲག་པོའི་བྱ་བ་བདུན་པ་
དེ་ཉིད་ཀྱིས་མཛད་པ། འཁོར་ལོ་བྲི་བའི་ཆོ་ག །ལས་ཀྱི་གྲོགས་ཀྱི་བྱ་བ། དམ་རྫས་རྨད་དུ་བསྒྱུར་ཏེ་བརྟེན་པའི་ཆོ་ག་དང་གསུམ་པོ་འདི་ཁ་ཅིག་རྟོག་པ་གསུམ་པའི་རྒྱུད་དུ་འདོད་དེ། ཁ་ཅིག་མན་ངག་ཏུ་འདོད་དེ་ཞང་ལོ་ཙཱ་བ་ཤེས་རབ་བླ་མའི་འགྱུར། གཏམ་རྒྱུད་ཀྱི་རྟོག་པ། དཔལ་རྡོ་རྗེ་འཇིགས་
བྱེད་ཀྱི་ཕྱག་མཚན་གྱི་རྣམ་པར་དག་པ་ཞེས་བྱ་བ་མཁས་པ་ཆེན་པོ་ཏ་ཐཱ་ག་ཏ་རཀྵི་ཏས་མཛད་པ། ཨུ་ཏོ་བོ་པ་ཏི་དང་། བོད་ཀྱི་ལོ་ཙཱ་བ་མལ་གྱོ་བློ་གྲོས་གྲགས་ཀྱི་འགྱུར། དཔལ་རྡོ་རྗེ་འཇིགས་བྱེད་ཆེན་པོའི་སྒྲུབ་ཐབས་སློབ་དཔོན་ཛྙཱ་ནཱ་ཀ་རས་མཛད་པ། ཟླ་བའི་འོད་ཟེར་གྱི་འགྱུར། དཔལ་རྡོ་རྗེ་འཇིགས་
བྱེད་ཀྱི་བསྟོད་པ། དེ་ཉིད་ལྔ་པའི་བསྟོད་པ། ཡང་འཇིགས་བྱེད་ཀྱི་བསྟོད་པ་གཅིག །དཔལ་རྡོ་རྗེ་འཇིགས་བྱེད་ཀྱི་བསྟོད་པ་པཎྜི་ཏ་དོན་ཡོད་རྡོ་རྗེས་མཛད་པ། པཎྜི་ཏ་དེ་ཉིད་དང་། ཞང་ལོ་ཙཱ་བ་ཤེས་རབ་བླ་མའི་འགྱུར། འཇམ་དཔལ་འཇིགས་བྱེད་མཚན་གྱི་བསྟོད་པ། སློབ་དཔོན་ལས་ཀྱི་
རྒྱལ་པོས་མཛད་པ། དཔལ་རྡོ་རྗེ་འཇིགས་བྱེད་ཀྱི་སྒྲུབ་པའི་ཐབས་རྡོ་རྗེའི་འོད་ཅེས་བྱ་བ་དང་། དཔལ་རྡོ་རྗེ་འཇིགས་བྱེད་ཀྱི་དཀྱིལ་འཁོར་གྱི་ཆོ་ག་གསལ་བ་ཞེས་བྱ་བ་རྒྱ་གར་གྱི་པཎྜི་ཏ་བཻ་རོ་ཙ་ན་རཀྵི་ཏས་མཛད་པ། པཎྜི་ཏ་བཻ་རོ་ཙ་ན་དེ་ཉིད་དང་། ལོ་ཙཱ་བ་གླན་དར་མ་བློ་གྲོས་ཀྱིས་བསྒྱུར་བ་རྣམས་བཞུགས་སོ། །
དེ་ལྟར་འཇིགས་བྱེད་ཀྱི་སྐོར་ལ་འགྲེལ་སྐོར་ལྔ། སྒྲུབ་ཐབས་ལ་སོགས་བཞི་བཅུ་རྩ་གཉིས་ཏེ། ཆོས་སྐོར་བཞི་བཅུ་རྩ་བདུན་ནོ།།      །།ཙི་པ་ལ། གདོང་དྲུག་གི་སྐོར་ལ། དཔལ་གཤིན་རྗེ་གཤེད་པོའི་རྩ་བའི་སྔགས་རྡོ་རྗེ་རབ་ཏུ་བྱ་བ་སློབ་དཔོན་དཔལ་སྒེག་པའི་རྡོ་རྗེས་མཛད་པ་དང་། དེ་ལ

213-1-379b

ཕན་པའི་ལེའུ་གཅིག་སློབ་དཔོན་རིག་པ་བཟང་པོས་མཛད་པ། རྒྱ་གར་གྱི་མཁན་པོ་དཔལ་ཨུ་པཱ་ཡ་ཤྲཱི་མི་ཏྲ་དང་། བོད་ཀྱི་ལོ་ཙཱ་བ་རོང་ཟོམ་ཆོས་ཀྱི་བཟང་པོས་བསྒྱུར་བ། གཤིན་རྗེ་གཤེད་ནག་པོ་གདོང་དྲུག་པོའི་འཁོར་ལོའི་སྒྲུབ་ཐབས་ཞེས་བྱ་བ་སློབ་དཔོན་དེ་ཝ་ཨཱ་ཀ་ར་ཙནྡྲས་མཛད་པ། 
རྒྱ་གར་གྱི་མཁན་པོ་དེ་ཝ་ཨཱ་ཀ་ར་ཙནྡྲ་དེ་ཉིད་དང་། ཅོག་རོ་བནྡེ་ཤེས་རབ་བླ་མའི་འགྱུར། ཨུ་རྒྱན་ནས་བྱུང་བའི་གཤིན་རྗེའི་དགྲ་བྲུབ་པའི་འཁོར་ལོ་ཇི་ལྟར་རྙེད་པ་སློབ་དཔོན་ཀླུའི་བྱང་ཆུབ་ཀྱིས་མཛད་པ་སྟེ་དེ་ལྟར་གདོང་དྲུག་གི་ཆོས་སྐོར་ལ་བཞིའོ།།      །།གཤེད་དམར་སྐོར་ལ། གཤིན་རྗེ་མཐར་
བྱེད་དམར་པོའི་སྒྲུབ་ཐབས་རྣལ་འབྱོར་གྱི་དབང་ཕྱུག་བི་རཱུ་པས་མཛད་པ། རྒྱ་གར་གྱི་མཁན་པོ་བླ་མ་རྗེ་བཙུན་ཆེན་པོ་ཉི་མའི་དབང་པོའི་འོད་ཟེར་དང་། ཆག་ལོ་ཙཱ་བ་དགེ་སློང་ཆོས་རྗེ་དཔལ་གྱི་འགྱུར། གཤིན་རྗེ་གཤེད་དམར་པོའི་སྒྲུབ་ཐབས་སློབ་དཔོན་ཤྲཱི་བི་རཱུ་པས་མཛད་པ། རྒྱ་གར་ཤར་ཕྱོགས་ཀྱི་པཎྜི་
ཏ་དཱ་ན་ཤཱི་ལའི་རང་འགྱུར། གཏོར་མའི་ཆོ་ག་གཉིས་དང་། གཤིན་རྗེ་གཤེད་དམར་པོའི་བྱིན་རླབས་ཀྱི་མན་ངག་འོད་གསལ་འཆར་བའི་རིམ་པ་སློབ་དཔོན་མཐུ་སྟོབས་ཀྱི་མགོན་པོ་དཔལ་བི་རཱུ་པས་མཛད་པ། རྒྱ་གར་གྱི་པཎྜི་ཏ་རེ་ཝེནྡྲ་དང་། ཆག་ལོ་ཙཱ་བ་དགེ་སློང་ཆོས་རྗེ་དཔལ་གྱི་འགྱུར། གཤེད་
དམར་གྱི་རྫོགས་རིམ་ཤིན་ཏུ་སྤྲོས་པ་མེད་པ་དེ་ [མ་བྱུང་] ཁོ་ན་ཉིད་ཀྱི་མན་ངག་ཅེས་བྱ་བ་སློབ་དཔོན་དཔལ་མཐུ་སྟོབས་ཀྱི་མགོན་པོ་བཅོམ་ལྡན་འདས་ཀྱིས་དངོས་སུ་བྱིན་གྱིས་བརླབས་པའི་རྣལ་འབྱོར་གྱི་དབང་ཕྱུག་ཆེན་པོ་བི་རཱུ་པས་མཛད་པ། ཆོས་ཀྱི་རྒྱལ་པོའི་སྐུ་མཁར་ཉི་གཟུངས་སུ་རྒྱ་གར་གྱི་པཎྜི་ཏ་དངོས་གྲུབ་
བརྙེས་པ་དཔལ་དཱརྤན་ཨཱ་ཙཱརྱ་དང་། གློ་བོ་ལོ་ཙཱ་བ་དགེ་སློང་ཤེས་རབ་རིན་ཆེན་གྱི་འགྱུར། གཤིན་རྗེ་གཤེད་དམར་པོའི་སྒྲུབ་ཐབས་ཀྱི་ཆོ་ག་སློབ་དཔོན་བིཪྺ་པའི་མཚན་གྱི་རྣམ་གྲངས་དཔལ་དཔའ་བོ་རྒྱལ་པོས་མཛད་པ། རྒྱ་གར་གྱི་མཁན་པོ་བླ་མ་རྗེ་བཙུན་ཉི་མའི་དབང་པོའི་འོད་ཟེར་དང་།
ཆག་ལོ་ཙཱ་བ་དགེ་སློང་ཆོས་རྗེ་དཔལ་གྱི་འགྱུར། གཤིན་རྗེ་གཤེད་ཀྱི་འཁྲུལ་འཁོར་གྱི་ཕྲེང་བ་སློབ་དཔོན་གྱི་རཱུ་པས་མཛད་པ། རྒྱ་གར་ཤར་ཕྱོགས་ཀྱི་པཎྜི་ཏ་དཔལ་མཁས་པ་ཆེན་པོ་དཱ་ན་ཤཱི་ལས་ཡུལ་དབུས་ཀྱི་གྲུབ་པ་ཐོབ་པའི་གནས་དྲང་སྲོང་སྲིན་པོ་རིར་རང་འགྱུར། དཔལ་གཤིན་རྗེ་གཤེད་དམར་

213-1-380a

པོའི་སྒྲུབ་ཐབས་དང་། དཔལ་གཤིན་རྗེ་གཤེད་དམར་པོའི་དཀྱིལ་འཁོར་གྱི་ཆོ་ག་པཎྜི་ཏ་རྣལ་འབྱོར་གྱི་དབང་ཕྱུག་ཆེན་པོ་དཔལ་འཛིན་གྱིས་མཛད་པ། རྒྱ་གར་གྱི་མཁན་པོ་པཎྜི་ཏ་རྗེ་བཙུན་ཆེན་པོ་དཔལ་གཤིན་རྗེ་གཤེད་ཀྱི་རྗེས་སུ་བཟུང་བ་ཉི་མའི་དབང་པོའི་འོད་ཟེར་
དང་། ཆག་ལོ་ཙཱ་བ་དགེ་སློང་ཆོས་རྗེ་དཔལ་གྱི་འགྱུར། རྣལ་འབྱོར་བཞིའི་དེ་ཁོ་ན་ཉིད་ཅེས་བྱ་བ་རང་བྱིན་གྱིས་བརླབ་པའི་མན་ངག་གྲུབ་ཐོབ་ཀྱི་འཁོར་ལོས་སྒྱུར་བ་མཐུ་སྟོབས་ལ་མངའ་བརྙེས་པ་རྣལ་འབྱོར་གྱི་དབང་ཕྱུག་བྲམ་ཟེ་དཔལ་འཛིན་གྱི་མཛད་པ། དཱརྤན་ཨཱ་ཙཱརྱ་དང་། གློ་བོ་ལོ་ཙའི་
འགྱུར། གཤེད་དམར་གྱི་ཡུམ་བཞི་སོ་སོའི་སྒྲུབ་ཐབས། གཤིན་རྗེ་གཤེད་དམར་པོའི་སྒྲུབ་ཐབས་ཞེས་བྱ་བ། གཤིན་རྗེ་གཤེད་དམར་པོ་མཎྜལ་དུ་མཆོད་པའི་ཆོ་ག་ཞེས་བྱ་བ་རྣམས་གྲུབ་ཐོབ་དཔལ་འཛིན་གྱིས་མཛད་པ། ལྷའི་སྐད་ལ་ལེགས་པར་ཞུགས་པའི་ལོ་ཙཱ་བ་ཉི་མ་རྒྱལ་མཚན་དཔལ་
བཟང་པོས་སྐད་གཉིས་སྨྲ་ [མ་བྱུང་] བའི་གདན་ས་དཔལ་ཐར་པ་གླིང་དུ་བསྒྱུར་བ། དཔལ་གཤིན་རྗེ་གཤེད་ནག་པོ་དམར་པོ་མཆོད་པའི་ཆོ་ག་སློབ་དཔོན་ཆེན་པོ་པཎྜི་ཏ་དཔལ་འཛིན་གྱིས་མཛད་པ། པཎྜི་ཏ་ཉི་མའི་དབང་པོའི་འོད་ཟེར་དང་། ཆག་ཆོས་རྗེ་དཔལ་གྱི་འགྱུར། གཤིན་རྗེ་གཤེད་དམར་
པོའི་ཏིང་ངེ་འཛིན་གྱི་ཆོ་ག་སློབ་དཔོན་དཔལ་འཛིན་གྱིས་མཛད་པ། རྒྱ་གར་ཤར་ཕྱོགས་ཀྱི་པཎྜི་ཏ་ཆེན་པོ་དཱ་ན་ཤཱི་ལའི་རང་འགྱུར། དཔལ་གཤིན་རྗེ་གཤེད་དམར་པོའི་གཏོར་མའི་ཆོ་ག་སློབ་དཔོན་དཔལ་འཛིན་གྱིས་མཛད་པ། གཤིན་རྗེ་གཤེད་དམར་པོའི་སྒྲུབ་ཐབས་དཔལ་རྣམ་པར་སྣང་མཛད་སྲུང་
བས་མཛད་པ། རང་བྱིན་གྱིས་བརླབ་པའི་རིམ་པའི་མན་ངག་དང་བཅས་པ་གཤིན་རྗེ་མཐར་བྱེད་དམར་པོའི་མངོན་པར་རྟོགས་པ་སློབ་དཔོན་ཆེན་པོ་མཁས་ཤིང་དངོས་གྲུབ་བརྙེས་པ་བློ་གྲོས་བཟང་པོས་མཛད་པ་རྣམས་པཎྜི་ཏ་ཆེན་པོ་བླ་མ་རྗེ་བཙུན་ཉི་མའི་དབང་པོའི་འོད་ཟེར་དང་། ཆག་ལོ་ཙཱ་བ་དགེ་སློང་ཆོས་རྗེ་
དཔལ་གྱིས་བསྒྱུར་བ། གཤིན་རྗེ་གཤེད་དམར་པོའི་འཁོར་ལོའི་གསལ་བྱེད་བསྡུས་པ་དང་། གཤིན་རྗེ་གཤེད་དམར་པོའི་འཁོར་ལོའི་དེ་ཁོ་ན་ཉིད་ཀྱི་གསལ་བྱེད་སློབ་དཔོན་གནས་བརྟན་བྱང་ཆུབ་སྙིང་པོས་མཛད་པ། རྡོ་རྗེ་གདན་པ་ནིཥྐ་ལངྐ་དང་། དཔྱལ་ལོ་ཙཱ་བ་དཔལ་ཆོས་ཀྱི་བཟང་པོའི་འགྱུར།

213-1-380b

གཤིན་རྗེའི་དགྲ་དམར་པོའི་སྒྲུབ་ཐབས་ཞེས་བྱ་བ་སློང་དཔོན་ཆེན་པོ་བློ་བཟང་སྙིང་པོའི་ཞབས་ཀྱིས་མཛད་པ། ལྷའི་སྐད་ལ་ལེགས་པར་ཞུགས་པའི་ལོ་ཙཱ་བ་ཉི་མ་རྒྱལ་མཚན་དཔལ་བཟང་པོས་སྐད་གཉིས་སྨྲ་བའི་གདན་ས་དཔལ་ཐར་པ་གླིང་དུ་ལེགས་པར་བསྒྱུར་བ། གཤིན་རྗེ་གཤེད་དམར་པོའི་
རྫོགས་པའི་རྣལ་འབྱོར་ཞེས་བྱ་བ་མཁས་པ་ཆེན་པོ་འཇིགས་མེད་འབྱུང་གནས་སྦས་པས་མཛད་པ། དཔལ་གཤིན་རྗེ་གཤེད་དམར་པོའི་འཚོ་བའི་དེ་ཁོ་ན་ཉིད་ཅེས་བྱ་བའི་མན་ངག་རྒྱ་གར་གྱི་པཎྜི་ཏ་དཱརྤན་ཨཱ་ཙཱརྱས་མཛད་པ་དང་། གཤིན་རྗེ་གཤེད་མཐར་བྱེད་དམར་པོའི་བྱིན་གྱིས་བརླབ་པའི་རིམ་པ་གྲུབ་
ཐོབ་ཀྱི་འཁོར་ལོས་སྒྱུར་པ་བྲམ་ཟེ་དཔལ་འཛིན་གྱིས་མཛད་པ། རྒྱ་གར་གྱི་མཁན་པོ་དཱརྤན་ཨཱ་ཙཱརྱ་དང་། གློ་བོ་ལོ་ཙཱ་བ་དགེ་སློང་ཤེས་རབ་རིན་ཆེན་གྱི་འགྱུར། ལྷ་མོ་འོད་འཛིན་མའི་བྱིན་གྱིས་བརླབ་པ་གྲུབ་ཐོབ་མཁས་པ་ཆེན་པོ་དཔལ་འཛིན་གྱིས་མཛད་པ། རྒྱ་གར་གྱི་མཁན་པོ་དེ་ཝ་ཨཱ་ཀ་ར་དང་།
ལོ་ཙཱ་བ་རིན་ཆེན་བཟང་པོས་འགྱུར་ལ། དུས་ཕྱིས་རྒྱ་གར་ཤར་ཕྱོགས་ཀྱི་པཎྜི་ཏ་དཱརྤན་ཨཱ་ཙཱརྱ་དང་། ལོ་ཙཱ་བ་དགེ་སློང་རྡོ་རྗེ་འཛིན་པ་ཞེ་སྡང་རྡོ་རྗེའི་འགྱུར། སྔ་འགྱུར་ལ་འདི་ལས་ཚན་ཆེ་ཙམ་གདའོ་ཞེས་བུ་སྟོན་གྱིས་གསུངས་སོ། །འོད་འཛིན་མའི་སྒྲུབ་ཐབས་ཏིང་ངེ་འཛིན་ལ་མངའ་བརྙེས་པ་དཔལ་འཛིན་གྱིས་
མཛད་པ། སྒྱུར་བྱེད་ཀྱི་ལོ་པཎ་སྔ་མ་དང་འདྲའོ། །རང་གི་སེམས་གོང་དུ་འཕོ་བའི་མན་ངག་བྱིན་རླབས་དང་བཅས་པ་སློབ་དཔོན་དཔལ་འཛིན་གྱིས་མཛད་པ། པཎྜི་ཏ་རྒྱ་གར་མངོན་ཤེས་ཅན་དང་། བོད་ཀྱི་ལོ་ཙཱ་བ་འགོས་ཁུགས་པས་བསྒྱུར་བ་ལས། དུས་ཕྱིས་སའི་སྟེང་ན་འགྲན་ཟླ་དང་བྲལ་བ་དཱརྤན་
ཨཱ་ཙཱརྱ་དང་། ལོ་ཙཱ་བ་ཤེས་རབ་རིན་ཆེན་གྱི་འགྱུར། བྱིན་གྱིས་བརླབ་པའི་རིམ་པ་དང་། མེའི་ལྷ་མཆོད་པ་ཞེས་བྱ་བ་དངོས་གྲུབ་བརྙེས་པ་དཔལ་འཛིན་གྱིས་མཛད་པ། རྒྱ་གར་གྱི་མཁན་པོ་དཱརྤན་ཨཱ་ཙཱརྱ་དང་། དགེ་སློང་ཤེས་རབ་རིན་ཆེན་གྱིས་ལེགས་པར་བསྒྱུར་བ། བདུད་རྩི་བྱིན་གྱིས་བརླབ་པ་ཞེས་བྱ་བ་
རྣམ་འབྱོར་གྱི་དབང་ཕྱུག་དཔལ་བི་རཱུ་པས་མཛད་པ། རྒྱ་གར་གྱི་མཁན་པོ་དཱརྤན་ཨཱ་ཙཱརྱ་དང་། ལོ་ཙཱ་བ་ཞེ་སྡང་རྡོ་རྗེས་བསྒྱུར་ཅིང་ཞུས་ཏེ་གཏན་ལ་ཕབ་པ། སྲུང་འཁོར་གྱི་བྱིན་རླབས་དང་ཕྱིར་བཟློག་པའི་མན་ངག་ཅེས་བྱ་བ་དང་། བཅོམ་ལྡན་འདས་གཤིན་རྗེ་གཤེད་དམར་པོའི་ཞལ་གདམས་རྣལ་འབྱོར་

213-1-381a

གྱི་དབང་ཕྱུག་དངོས་གྲུབ་མཆོག་བརྙེས་པ་སློབ་དཔོན་དཔལ་འཛིན་གྱིས་མཛད་པ། རྒྱ་གར་གྱི་མཁན་པོ་ཨ་ནུ་པ་མ་རཀྵི་ཏ་དང་། ལོ་ཙཱ་བ་དར་མ་ཡོན་ཏན་གྱི་འགྱུར་ལ། ཕྱིས་ཆོས་ཀྱི་རྒྱལ་པོའི་སྐུ་མཁར་གཉིས་སུ་རྒྱ་གར་ཤར་ཕྱོགས་ཀྱི་མཁན་པོ་ཆེན་པོ་དཱརྤན་ཨཱ་ཙཱརྱ་དང་། ལོ་ཙཱ་བ་དགེ་སློང་ཤེས་རབ་
རིན་ཆེན་གྱི་འགྱུར། འདིའི་དཔེ་བར་སྐབས་སུ་རྒྱ་གར་བལ་པོ་ཐམས་ཅད་དུ་རྒྱུན་ཆད་པ་ལ། ཕྱིས་ཨཽ་ཌྱཱན་དུ་མཁའ་འགྲོ་མ་རྒྱ་མཚོའི་གོས་ཅན་ལས་རྣལ་འབྱོར་པ་སནྟ་ཝ་ལནྟས་ཞུས་ཏེ་བྱུང་ངོ་། །གཤིན་རྗེ་གཤེད་དམར་པོའི་སྔགས་བཏུ་བ་ཞེས་བྱ་བ་སློབ་དཔོན་དཔལ་འཛིན་གྱིས་མཛད་པ། པཎྜི་ཏ་དཱ་ན་ཤཱི་ལ་དང་།
བོད་ཀྱི་ལོ་ཙཱ་བ་བསོད་ནམས་སེང་གེའི་འགྱུར། གཤིན་རྗེ་གཤེད་དམར་པོའི་ལས་ཀྱི་ཕྲེང་བའི་སྒྲུབ་ཐབས་ཡིད་བཞིན་ནོར་བུ་ཞེས་བྱ་བ་ལོངས་སྤྱོད་ཅན་མའི་རྟོག་པ། རིན་ཆེན་ཕྲེང་བ་མའི་སྒྲུབ་ཐབས། ཀླུ་མོ་ཞལ་མཐའ་ཡས་མའི་སྒྲུབ་ཐབས། ཀླུ་མོ་ནོར་སྐྱོང་ཞལ་མ་ཞེས་བྱ་བའི་སྒྲུབ་ཐབས། ཀླུ་མོ་ཨ་
ཡུ་ཞེས་བྱ་བའི་སྒྲུབ་ཐབས། དགའ་བས་ཚིམ་མའི་སྒྲུབ་ཐབས་ཞེས་བྱ་བ། གནོད་སྦྱིན་ནཱ་ཌ་ཕོ་མོའི་སྒྲུབ་ཐབས། གནོད་སྦྱིན་མོ་སའི་བདག་མོ་བཀྲ་ཤིས་མའི་སྒྲུབ་ཐབས། གནོད་སྦྱིན་དགའ་བྱེད་ཀྱི་སྒྲུབ་ཐབས། གནོད་སྦྱིན་གྱི་རྒྱལ་པོ་ཕུར་བུས་འདེབས་པའི་སྒྲུབ་ཐབས། རྡེག་པར་བྱེད་པའི་གནོད་
སྦྱིན་གྱི་སྡེ་དཔོན་གྱི་སྒྲུབ་ཐབས། དཔལ་ཟླ་བའི་ལྷ་མོ་ཞེས་བྱ་བའི་སྒྲུབ་ཐབས། འཕྲོག་མ་རྣ་ཆ་འཛིན་མའི་སྒྲུབ་ཐབས། ཡིད་འཕྲོག་མའི་སྒྲུབ་ཐབས། ལེགས་པར་དགའ་མའི་སྒྲུབ་ཐབས། སྤྱན་ཡངས་མའི་སྒྲུབ་ཐབས། འདོད་ཆགས་དགའ་མའི་སྒྲུབ་ཐབས། གཞན་གྱིས་མི་ཐུབ་པ་ཞེས་བྱ་
བའི་སྒྲུབ་ཐབས། ལྷག་པར་རྒྱལ་བ་མི་ཕམ་པའི་སྒྲུབ་ཐབས། གང་བ་བཟང་པོའི་སྒྲུབ་ཐབས། འབྱུང་མོ་མཛེས་མའི་སྒྲུབ་ཐབས། དཔལ་རྒྱལ་མ་མཛེས་མའི་སྒྲུབ་ཐབས། དྲི་མེད་མཛེས་མའི་སྒྲུབ་ཐབས། ཤ་ཟ་བི་ལཱུའི་སྒྲུབ་ཐབས། ཤ་ཟ་ནོར་བུ་འཛིན་པའི་སྒྲུབ་ཐབས། ཤ་ཟ་ནག་པོའི་
སྒྲུབ་ཐབས། ཤ་ཟ་ནག་པོ་སྙིང་པོའི་སྒྲུབ་ཐབས། ཤ་ཟ་མོ་ཧ་ན་མ་ནའི་སྒྲུབ་ཐབས། ཨ་ལུ་ཀ་ཞེས་བྱ་བའི་སྒྲུབ་ཐབས། ཨ་ལ་གུཔྟ་ཞེས་བྱ་བའི་སྒྲུབ་ཐབས། བོང་བུའི་གདོང་ཅན་མའི་སྒྲུབ་ཐབས། ཤ་ཟ་ཨ་ལུ་བི་ནིའི་ཞེས་བྱ་བའི་སྒྲུབ་ཐབས། ཨུཙྪུསྨ་ཞེས་བྱ་བའི་སྒྲུབ་ཐབས། ཀྵུ་ཀྵུ་སེ་

213-1-381b

རི་ཀུནྡའི་སྒྲུབ་ཐབས། ཤ་ཟ་མོ་རྣ་བ་འཛིན་མའི་སྒྲུབ་ཐབས། ཤ་ཟ་མོ་ཁ་ནག་མོའི་སྒྲུབ་ཐབས་ཏེ། དེ་ལྟར་སྒྲུབ་ཐབས་སུམ་ཅུ་རྩ་དྲུག་གཤིན་རྗེ་གཤེད་ཀྱི་ཡིད་བཞིན་གྱི་ནོར་བུའི་ཕྲེང་བ་ཞེས་བྱ་བའི་སྒྲུབ་ཐབས་འཇམ་དཔལ་དབྱངས་ཀྱི་ཞབས་རྡུལ་ལ་རེག་པ་སློབ་དཔོན་ཤེས་རབ་སྐྱོང་གིས་མཛད་པ། རྒྱ་གར་
ཤར་ཕྱོགས་བྷཾ་ག་ལའི་པཎྜི་ཏ་དཱ་ན་ཤཱི་ལ་ཞེས་བྱ་བ་གནས་བྱིན་གྱིས་བརླབས་པ་དྲང་སྲོང་སྲིན་པོ་རིར་རང་འགྱུར་དུ་མཛད་པ། དཔལ་གཤིན་རྗེ་གཤེད་དམར་པོའི་སྒྲུབ་ཐབས་ལམ་གྱི་སྙིང་པོ་ཞེས་བྱ་བ་མཁས་གྲུབ་རྣལ་འབྱོར་ཆེན་པོ་བུདྡྷ་ཛྙཱ་ན་པཱ་དས་ཨུ་ག་ཡ་ན་འབར་བའི་ཕུག་ཏུ་བཛྲ་ཝཱ་རཱ་ཧཱི་ཉིད་ལས་
དངོས་སུ་ཐོབ་པ་དང་། ལུས་ངག་ཡིད་གསུམ་བྱིན་གྱིས་བརླབ་པའི་མན་ངག་ཅེས་བྱ་བ། སེམས་དཔའ་གསུམ་གྱི་ཏིང་ངེ་འཛིན་ལ་མཉམ་པར་གཞག་པ་ཞེས་བྱ་བ་རྣམས་རྡོ་རྗེ་ཕག་མོས་དངོས་སུ་བྱིན་གྱིས་བརླབ་པ་མཁས་ཤིང་གྲུབ་པ་བརྙེས་པའི་རྣལ་འབྱོར་གྱི་དབང་ཕྱུག་སངས་རྒྱས་ཡེ་ཤེས་ཞབས་
ཀྱིས་མཛད་པ། ཡུལ་དབུས་ཀྱི་པཎྜི་ཏ་ཨཱ་ནནྡ་བྷ་དྲ་དང་། བོད་ཀྱི་ལོ་ཙཱ་བ་སེ་རྩ་བསོད་ནམས་རྒྱལ་མཚན་གྱིས་གྲོང་ཁྱེར་ཏིར་ཧ་ཏིའི་ལྷོ་ཕྱོགས་རང་བྱུང་གི་མཆོད་རྟེན་རྣམ་པར་དག་པའི་དྲུང་དུ་ཡུལ་དབུས་ཀྱི་དཔེ་དང་མཐུན་པར་བསྒྱུར་ཞིང་གཏན་ལ་ཕབ་པ། སླར་ཡང་ཐར་པ་ལོ་ཙཱ་བ་ཉི་མ་རྒྱལ་མཚན་
གྱིས་ཤྲཱི་ནཱ་ལེནྡྲའི་གཙུག་ལག་ཁང་ཆེན་པོར་བཅོས་པ། དེ་ལྟར་གཤིན་རྗེ་གཤེད་དམར་ལ་ཆོས་སྐོར་བདུན་ཅུ་དོན་གཉིས་སོ། །འཕགས་པ་གཤིན་རྗེ་ཚེ་བདག་ནག་པོའི་སྒྲུབ་པའི་ཐབས། གཏོར་མ་དང་བཅས་པ་དང་། དཔལ་གཤིན་རྗེ་ཚེ་བདག་ནག་པོའི་དཀྱིལ་འཁོར་གྱི་ཆོ་ག་དྲན་གསལ་དཔལ་ནག་པོ་
ཞབས་ཀྱིས་མཛད་པ། པཎྜི་ཏ་ཆེན་པོའི་ཞབས་དེ་ཉིད་དང་། ལོ་ཙཱ་བ་གཉན་དར་གྱི་འགྱུར་རྣམས་ཏེ། དེ་ལྟར་ཚེ་བདག་ལ་ཆོས་སྐོར་གསུམ་མོ། །འཁྲུལ་འཁོར་མཐར་ཐུག་གཤིན་རྗེ་གཤེད་པོའི་རྒྱུད། །གཤིན་རྗེ་གཤེད་ནག་རྡོ་རྗེ་འཇིགས་བྱེད་དང་། །གདོང་དྲུག་གཤེད་དམར་སོགས་དང་ཚེ་བདག་
བཅས། །ཆོས་སྐོར་བརྒྱ་དང་བརྒྱད་ཅུ་ཐམ་པ་བཞུགས། །དེ་དག་གིས་ནི་{གཤེན་}རྗེ་གཤེད་དམར་ནག་ལ་སོགས་པའི་ཆོས་སྐོར་བཞུགས་པའི་རྣམ་གྲངས་རྣམས་བཀོད་ཟིན་ཏོ།།      །།དེ་ལྟར་གཤིན་རྗེ་གཤེད་དམར་ནག་ལ་སོགས་པའི་ཆོས་སྐོར་རྣམས་བཀོད་ནས། མཚན་ཡང་དག་པར་བརྗོད་པ་རྣལ་འབྱོར་བླ་མེད་ཀྱི་ལུགས་སུ་

213-1-382a

བཀྲལ་བའི་སྐོར་ལ། འཕགས་པ་འཇམ་དཔལ་གྱི་མཚན་ཡང་དག་པར་བརྗོད་པའི་རྒྱ་ཆེར་འགྲེལ་པ་སློབ་དཔོན་ཆེན་པོ་ཙནྡྲ་གོ་མིས་མཛད་པ། པཎྜི་ཏ་མངོན་ཤེས་ཅན་གྱིས་ཕྱག་ནས་བྱུང་བ། ཞུ་ཆེན་གྱི་ལོ་ཙཱ་བ་འགོས་ལྷས་བཙས་དང་ཤེས་རབ་བརྩོན་འགྲུས་ཀྱི་འགྱུར། མཚན་ཡང་དག་
པར་བརྗོད་པའི་འགྲེལ་པ་ཚུལ་གསུམ་གསལ་བར་བྱེད་པའི་སྒྲོན་མ་འདི་གཉིས་རྒྱུད་སྡེ་སྤྱིར་བཀྲལ་བར་སྣང་ཞིང་ཐེ་ཚོམ་གྱི་གཞི་ཡོད་པ་རྣམས་བཞུགས་སོ།།      །།ཚི་པ་ལ། མཚན་ཡང་དག་པར་བརྗོད་པའི་འགྲེལ་པ་མཚན་དོན་གསལ་བར་བྱེད་པའི་སྒྲོན་མ་ཞེས་བྱ་བ་སློབ་དཔོན་བི་མ་ལ་མི་ཏྲས་
མཛད་ནས་ཐུགས་ཀྱི་སྲས་ཉང་ཏིང་ངེ་འཛིན་བྱིས་ཞུས་པ་གཉགས་ཛྙཱ་ནའི་འགྱུར། འཕགས་པ་འཇམ་དཔལ་གྱི་མཚན་ཡང་དག་པར་བརྗོད་པའི་འགྲེལ་པ་དོན་གསལ་བར་བྱེད་པ་ཞེས་བྱ་བ་དགའ་རབ་རྡོ་རྗེས་མཛད་ཟེར་བ་འདི་ནི་ཐེ་ཚོམ་གྱི་གཞིའོ་ཞེས་གསུངས་སོ། །མཚན་ཡང་དག་པར་བརྗོད་པ་ཉེ་བར་བསྡུས་
པའི་རྣམ་པར་རྟོག་གེ་ཞེས་བྱ་བ་མཁས་པ་ཆེན་པོ་ངེས་པར་སྦྱངས་པ་དཔལ་གཉིས་སུ་མེད་པའི་རྡོ་རྗེས་མཛད་པ། རྒྱ་གར་གྱི་མཁན་པོ་ཆེན་པོ་ཤྲཱི་བཛྲ་བོ་དྷི་དང་། ཞུ་ཆེན་གྱི་ལོ་ཙཱ་བ་དཔྱལ་སེ་རྩ་བསོད་ནམས་རྒྱལ་མཚན་གྱིས་གངས་ཅན་པའི་སྐད་དུ་ལེགས་པར་བསྒྱུར་བ། ནོར་བུ་གླིང་དུ་སྐུ་འཁྲུངས་པའི་
དཔལ་ལྡན་བྱང་ཆུབ་མཆོག་གིས་མཛད་པའི་སྔགས་དོན་རྣམ་པར་གཟིགས་པ་དང་། དེའི་རྗེས་སུ་འབྲངས་པའི་སློབ་དཔོན་ཆེན་པོ་གཉིས་མེད་རྡོ་རྗེས་མཛད་པའི་ཉེ་བར་བསྡུས་པའི་རྣམ་པར་རྟོག་གེ་གཉིས་ཀྱི་དོན་བསྡུས་པ་མཚན་གྱི་སྒྲོན་མེ་ཞེས་བྱ་བ་པྲཛྙཱ་གུ་རུས་མཛད་པ། འཇམ་དཔལ་ཡེ་ཤེས་སེམས་དཔའི་
མངོན་པར་རྟོགས་པ་ཞེས་བྱ་བ་རྒྱ་གར་གྱི་མཁན་པོ་དཔལ་ལྡན་གཉིས་སུ་མེད་པའི་རྡོ་རྗེས་མཛད་པ། འཇམ་དཔལ་ཡེ་ཤེས་སེམས་དཔའ་རིན་པོ་ཆེའི་ཕྱག་རྒྱ་དྲི་མ་མེད་པའི་ཆོ་ག་ཞེས་བྱ་བ། འཕགས་པ་འཇམ་དཔལ་གྱི་མཚན་ཡང་དག་པར་བརྗོད་པའི་འགྲེལ་པ་སྙིང་པོ་མངོན་པར་རྟོགས་པ་ཞེས་བྱ་བ། རང་བཞིན་དུ་
གནས་པའི་སྔགས་ཀྱིས་སྤྱོད་པ་བཅུ་པ། རྨི་ལམ་བརྟག་པ། སངས་རྒྱས་བྱང་ཆུབ་བསམ་གཏན་གྱི་དུག་སེལ་བར་བྱེད་པའི་མར་མེ་ཞེས་བྱ་བ། འཇམ་དཔལ་ཡེ་ཤེས་སེམས་དཔའི་ཡིད་འཇུག་པའི་བསམ་གཏན་གྱི་འཁོར་ལོ་ཞེས་བྱ་བ། ཐིག་ལེ་གྲུབ་པ། ཐིག་ལེ་གཅིག་པ་ཞེས་བྱ་བ། འཇམ་དཔལ་ཡེ་

213-1-382b

ཤེས་སེམས་དཔའི་སྙིང་པོ་གྲུབ་པ་ཞེས་བྱ་བ་རྣམས་རྒྱ་གར་གྱི་མཁན་པོ་དཔལ་ལྡན་གཉིས་སུ་མེད་པའི་རྡོ་རྗེས་མཛད་པ། རྣལ་འབྱོར་པ་བསོད་སྙོམས་པ་པྲཛྙཱ་ཤྲཱི་ཛྙཱ་ན་ཀཱིརྟིའི་རང་འགྱུར། སློབ་དཔོན་ཆེན་པོ་མི་ཏྲི་པའི་གདམས་ངག་ཉེ་བར་བསྡུས་པ་དང་། དཔལ་མཻ་ཏྲ་པས་མཛད་པའི་འཕགས་པ་འཇམ་དཔལ་
གྱི་ཟབ་ཅིང་རྒྱ་ཆེ་བ་ཞེས་བྱ་བའི་འགྲེལ་པ་མཁས་པ་ཆེན་པོ་དྲིལ་བུ་པས་མཛད་པ། རྒྱ་གར་གྱི་མཁན་པོ་མཉྫུ་ཤྲཱི་སིདྡྷི་དང་། དགེ་སློང་བློ་ལྡན་ཤེས་རབ་ཀྱི་འགྱུར། འཕགས་པ་འཇམ་དཔལ་གྱི་སྒྲུབ་ཐབས་ཞི་བ་འོད་ཀྱི་རིམ་པ་ཞེས་བྱ་བ། འཇམ་དཔལ་ཁྲོ་བའི་སྒྲུབ་ཐབས་རྡོ་རྗེ་འོད་ཀྱི་རིམ་པ་ཞེས་
བྱ་བ། དཀྱིལ་འཁོར་གྱི་ཆོ་ག །སྐྱབས་འགྲོ་སེམས་བསྐྱེད་དབང་བཞིའི་གདམས་པ། རྡོ་རྗེ་གླུའི་གདམས་ངག་ཅེས་བྱ་བ། ཁྲུས་ཀྱི་ཆོ་ག །གཏོར་མའི་ཆོ་ག །བདུན་ཚིགས་ཀྱི་ཆོ་ག །རོ་བསྲེག་པའི་ཆོ་ག །སཱཙྪ་གདབ་པའི་རིམ་པ། རབ་ཏུ་གནས་པའི་ཆོ་ག །སྦྱིན་སྲེག་གི་ཆོ་
ག །ཐུན་མོང་གི་དངོས་གྲུབ་སྒྲུབ་པའི་ཐབས་ཀྱི་མན་ངག །མཎྜལ་དབུལ་བའི་མན་ངག་སྟེ་བཅུ་གསུམ་པོ་རྣམས་ནི་བྲམ་ཟེ་སྡོམ་པ་བཟང་པོས་མཛད་ཅིང་། འབྲོ་ལོ་ཙཱ་བ་དྷརྨཱ་བྷིའི་འགྱུར། འདི་དག་ལ་ཐེ་ཚོམ་ཟ་བ་སྣང་ཡང་རྒྱ་གར་མར་བྱེད་ཀྱིན་འདུག་པས་བྲིས་སོ་ཞེས་གསུངས། མཚན་བརྗོད་རྣལ་འབྱོར་
ཆེན་པོ་བླ་མེད་དུ། །དགོངས་པ་འགྲེལ་པའི་རྒྱུད་འགྲེལ་རྣམ་པ་ལྔ། །སྒྲུབ་ཐབས་ལ་སོགས་ཉི་ཤུ་རྩ་བརྒྱད་དེ། །དྲིལ་བས་ཆོས་སྐོར་སུམ་ཅུ་རྩ་གསུམ་བཞུགས། །དེ་དག་གིས་ནི་འཇམ་དཔལ་མཚན་བརྗོད་བླ་མེད་དུ་བཀྲལ་བའི་ཆོས་སྐོར་བཞུགས་པའི་རྣམ་གྲངས་རྣམས་བཀོད་ཟིན་
ཏོ།།      །།དེ་ལྟར་འཇམ་དཔལ་མཚན་བརྗོད་རྣལ་འབྱོར་བླ་མེད་དུ་བཀྲལ་བའི་ཆོས་སྐོར་རྣམས་བཀོད་ནས། བདེ་ཆེན་རལ་གཅིག་གི་སྐོར་ལ། བདེ་ཆེན་རལ་གཅིག་ལྷ་ཉི་ཤུ་རྩ་ལྔའི་སྒྲུབ་ཐབས། དཔལ་བཅོམ་ལྡན་འདས་རལ་པ་གཅིག་པའི་དཀྱིལ་འཁོར་གྱི་འཁོར་ལོའི་སྒྲུབ་ཐབས་ཞེས་བྱ་བ་གྲུབ་པ་བརྙེས་
པའི་པཎྜི་ཏ་ཆེན་པོ་ཨ་ཛི་ཏ་མི་ཏྲ་གུཔྟས་མཛད་པ། དཔལ་བཅོམ་ལྡན་འདས་རལ་པ་གཅིག་པའི་སྒྲུབ་ཐབས་སློབ་དཔོན་ཆེན་པོ་མི་ཕམ་སྦས་པས་མཛད་པ། [མ་བྱུང་།] དཔལ་བཅོམ་ལྡན་འདས་རལ་པ་གཅིག་པའི་སྒྲུབ་ཐབས་མི་ཕམ་སྦས་པའི་བཤེས་གཉེན་ནམ། མཚན་གྱི་རྣམ་གྲངས་རོལ་པའི་རྡོ་རྗེས་

213-1-383a

མཛད་པ། དཔལ་བཅོམ་ལྡན་འདས་རལ་པ་གཅིག་པའི་སྒྲུབ་ཐབས་རྒྱ་གར་གྱི་སློབ་དཔོན་ཆེན་པོ་ཤྲཱི་བཛྲ་ཀཱིརྟིས་མཛད་པ། དཔལ་རལ་གཅིག་མའི་སྒྲུབ་ཐབས་འཁོར་གནོད་སྦྱིན་དང་བཅས་པ་མི་ཏྲ་ཛོ་ཀིས་མཛད་པ་རྣམས་ཤྲཱི་ཛ་ག་ཏ་མི་ཏྲ་ཨཱ་ནནྡ་དང་། གནུབས་ལོ་ཙཱ་བ་
བྱམས་པའི་དཔལ་གྱི་འགྱུར། བསྔོ་བ་ནོར་བུའི་སྒྲོན་མ་ཞེས་བྱ་བ་སློབ་དཔོན་མི་ཕམ་ཟླ་བས་མཛད་པ། རྒྱ་གར་གྱི་པཎྜི་ཏ་སུ་བྷཱ་ཤཱནྟི་དང་། བོད་ཀྱི་ལོ་ཙཱ་བ་བྱམས་པའི་དཔལ་གྱི་འགྱུར། དཔལ་བཅོམ་ལྡན་འདས་རལ་པ་གཅིག་པ་ལ་བསྟོད་པ་ཁ་ཆེའི་པཎྜི་ཏ་བུདྡྷ་ཤྲཱི་དྷ་དྲ་ཛྙཱ་ན་དང་། བོད་ཀྱི་ལོ་ཙཱ་བ་གནུབས་
བྱམས་པའི་དཔལ་གྱི་འགྱུར། དེའི་རྫོགས་རིམ་སྟོན་པའི་མན་ངག་རང་གི་སེམས་ངལ་བསོ་བའི་མན་ངག་ཚིགས་སུ་བཅད་པ་ཉི་ཤུ་རྩ་ལྔ་པ་ཞེས་བྱ་བ་ཇོ་བོ་སྤྱན་རས་གཟིགས་དབང་ཕྱུག་ལས་དངོས་སུ་གསན་ནས། གྲུབ་པ་བརྙེས་པའི་རྣལ་འབྱོར་གྱི་དབང་ཕྱུག་ཆེན་པོ་ཛ་ག་ཏ་མི་ཏྲ་ཨཱ་ནནྡ་པ། 
སྐད་གཉིས་སྨྲ་བ་ཆེན་པོ་བྱམས་པའི་དཔལ་གྱིས་ཡང་དག་པར་བསྒྱུར་ཅིང་ཞུས་ཏེ་གཏན་ལ་ཕབ་པ། རྟོགས་པ་བརྗོད་པ་སུམ་ཅུ་པ། དཔལ་ཁཪྶ་པཱ་ཎི་ཡབ་ཡུམ་གྱི་སྒྲུབ་ཐབས། གནོད་སྦྱིན་སྤུན་གཉིས་ཀྱི་སྒྲུབ་ཐབས་རྣམས་སློབ་དཔོན་ཨ་ཛི་ཏ་མི་ཏྲ་ཛོ་ཀིས་མཛད་པ། རྣལ་འབྱོར་གྱི་དབང་
ཕྱུག་མི་ཏྲ་ཨཱ་ནནྡའི་ཕྲིན་ལས་ཀྱིས་ལྷའི་རིགས་གནུབས་ལོ་ཙཱ་བ་བྱམས་པའི་དཔལ་གྱི་འགྱུར། འདི་དག་མ་རྒྱུད་ཀྱི་ཕྱོགས་སུ་གཏོགས་པ་འདྲ་བར་སྣང་ཡང་བླ་མ་རྣམས་ཀྱིས་ཕ་རྒྱུད་ཀྱི་ཕྱོགས་སུ་བྱས་སྣང་བས་འདིར་བྲིས་སོ། །རིགས་ཀྱི་འཇིག་རྟེན་མགོན་པོའི་སྒྲུབ་ཐབས་ཀྱི་སྣང་བ་ཞེས་བྱ་བ་རྗེ་བཙུན་
མ་ཧི་མས་མཛད་པ། རྒྱ་གར་གྱི་མཁན་པོ་དྷརྨ་དྷ་ར་དང་། ལོ་ཙཱ་བ་ཡར་ལུངས་པ་གྲགས་པ་རྒྱལ་མཚན་གྱིས་དཔལ་ལྡན་ས་སྐྱའི་གཙུག་ལག་ཁང་དུ་བསྒྱུར་བ། ལྔ་བཅུ་པའི་བཤད་པ་ཁ་ཆེའི་པཎྜི་ཏ་དྲི་མེད་དཔལ་བཟང་པོས་མཛད་པ། པཎྜི་ཏ་ཆེན་པོ་དེ་ཉིད་དང་། ལོ་ཙཱ་བ་ཡར་ལུངས་པ་ཤུད་
ཀེ་གྲགས་པ་རྒྱལ་མཚན་གྱི་འགྱུར། ཀུལ་ལོ་ཀ་ནཱ་ཐའི་བྱིན་རླབས་པཎྜི་ཏ་ཆེན་པོ་བི་མ་ལ་ཤྲཱིའི་ཞལ་སྔ་ནས་བྱུང་བ་བཞིན་བྲིས་པ། འཕགས་པ་སྤྱན་རས་གཟིགས་རིགས་ཀྱི་འཇིག་རྟེན་མགོན་པོའི་རྗེས་གནང་གི་ཆོ་ག་ཁ་ཆེའི་པཎྜི་ཏ་བི་མ་ལ་ཤྲཱིས་མཛད་པ། པཎྜི་ཏ་དེ་ཉིད་དང་། ཤོང་ལོ་ཙཱ་བ་བློ་

213-1-383b

བརྟན་གྱི་འགྱུར། རིགས་ཀྱི་འཇིག་རྟེན་དབང་ཕྱུག་སྒྲུབ་པའི་ཐབས་བྲམ་ཟེ་བྷྲྀངྒ་རས་མཛད་པ། འཇམ་དཔལ་སྒེག་པའི་རྡོ་རྗེའི་འགྱུར། འཕགས་པ་སྤྱན་རས་གཟིགས་དབང་ཕྱུག་ཡི་གེ་བདུན་པའི་སྒྲུབ་ཐབས་མི་ཏྲ་ཛོ་ཀིས་མཛད་པ། དེ་ཉིད་དང་། གནུབས་ལོ་ཙཱ་བ་བྱམས་པའི་དཔལ་གྱི་འགྱུར།
འདི་རྣམས་རྣལ་འབྱོར་ཆེན་པོའི་རྒྱུད་དུ་གསལ་བར་གསུངས་ཤིང་། ཐབས་ཤེས་རབ་ཀྱི་རྒྱུད་འདིར་གཏོགས་པ་གསལ་བར་མ་གསུངས་ཀྱང་། ཐབས་རྒྱུད་དང་མཐུན་པ་གཙོ་བོར་སྣང་བས་འདིར་བཀོད་དོ་ཞེས་བུ་སྟོན་གྱིས་གསུངས། དཔལ་ཐུགས་རྗེ་ཆེན་པོའི་དབང་བསྐུར་པའི་མན་ངག་གི་རབ་ཏུ་བྱེད་པ་ཞེས་
བྱ་བའམ། པདྨ་ཟབ་པ་དང་པདྨ་རྒྱལ་པོ་གཉིས་ཀྱི་དབང་ཆོག་སྦྱིན་སྲེག་དཔལ་ཛཱ་ལནྡྷ་རས་མཛད་པ། མངའ་བདག་མཻ་ཏྲི་པའི་ཕྱག་དཔེ་ལས་རྒྱ་གར་ཕྱག་ནའི་ཞལ་སྔ་ནས་དང་། བོད་ཀྱི་ལོ་ཙཱ་བ་པྲཛྙཱ་ཀཱིརྟིའི་འགྱུར། འཕགས་པ་འཇིག་རྟེན་དབང་ཕྱུག་གསང་བའི་སྒྲུབ་ཐབས་ཞེས་བྱ་བ་མ་གཅིག་གྲུབ་
པའི་རྒྱལ་མོས་མཛད་པ། སྦ་ལྕག་མའི་གཞུང་ལ། ཚེ་དང་ཡེ་ཤེས་དཔག་ཏུ་མེད་པའི་དཀྱིལ་འཁོར་གྱི་ཆོ་ག་ཞེས་བྱ་བའི་རྒྱ་གཞུང་། རྟ་མགྲིན་གྱི་སྒྲུབ་ཐབས། ཚེ་དང་ཡེ་ཤེས་དཔག་ཏུ་མེད་པ་ཞེས་བྱ་བའི་སྒྲུབ་ཐབས་རྣམས་རྒྱ་གར་གྱི་པཎྜི་ཏ་ཟླ་བ་བཟང་པོ་དང་། ལོ་ཙཱ་བ་གླན་དར་མ་
ཚུལ་ཁྲིམས་ཀྱི་འགྱུར། ཚེ་དཔག་ཏུ་མེད་པའི་སྦྱིན་སྲེག་གི་ཆོ་ག་ཞེས་བྱ་བ་རྒྱ་གར་གྱི་མཁན་པོ་ཝ་ལ་ཙནྡྲ་བླ་མ་དང་། ལོ་ཙཱ་བ་གླན་དར་མ་ཚུལ་ཁྲིམས་ཀྱི་འགྱུར། ཚེ་དང་ཡེ་ཤེས་དཔག་ཏུ་མེད་པའི་སྒྲུབ་ཐབས་ཡེ་ཤེས་ཀྱི་མཁའ་འགྲོ་མ་གྲུབ་པའི་རྒྱལ་མོས་མཛད་པ། བཅོམ་ལྡན་འདས་ཚེ་དང་ཡེ་
ཤེས་དཔག་ཏུ་མེད་པའི་དཀྱིལ་འཁོར་གྱི་ཆོ་ག་ཞེས་བྱ་བ་ཡེ་ཤེས་ཀྱི་མཁའ་འགྲོ་མ་གྲུབ་པའི་རྒྱལ་མོས་བྱས་པ་ཡིན་ཟེར་བ་རྣལ་འབྱོར་བླ་མེད་དུ་བྱས་པ་འདི་རྒྱ་གཞུང་ཡིན་ཟེར་བ་རྣམས་སོ། །སྤྱན་རས་གཟིགས་དབང་རྣལ་འབྱོར་བླ་མེད་དུ། །གྱུར་པའི་རལ་གཅིག་འཇིག་རྟེན་མགོན་ལ་སོགས། །ཚེ་
དཔག་མེད་པའི་ཆོས་སྐོར་རྣམ་བརྒྱད་དེ། །བཅུ་ཕྲག་གཉིས་ལ་དྲུག་གིས་བརྒྱན་པ་བཞུགས། །དེ་དག་གིས་ནི་བདེ་ཆེན་རལ་གཅིག་ལ་སོགས་པའི་ཆོས་སྐོར་བཞུགས་པའི་རྣམ་གྲངས་རྣམས་བཀོད་ཟིན་ཏོ།།      །།དེ་ལྟར་བདེ་ཆེན་རལ་གཅིག་གི་ཆོས་སྐོར་རྣམས་བཀོད་ནས། ཕྱག་ན་རྡོ་རྗེ་

213-1-384a

རྣལ་འབྱོར་ཆེན་པོའི་རྒྱུད་དུ་བཀྲལ་བ་ལ། འཁོར་ལོ་ཆེན་པོའི་སྐོར་ནི། འཕགས་པ་ལག་ན་རྡོ་རྗེ་གོས་སྔོན་པོ་ཅན་དྲག་པོ་གསུམ་འདུལ་ཞེས་བྱ་བའི་རྒྱུད་ཀྱི་འགྲེལ་བ་བདུད་རྩི་མྱུ་གུ་ཞེས་བྱ་བ་དངོས་གྲུབ་བརྙེས་པའི་ཛ་ཝ་རི་པས་ས་ཝ་རི་བ་ལ་མན་ངག་ཏུ་ཞུས་པ། པཎྜི་ཏ་དེ་ཉིད་དང་། དེ་ཝ་པཱུརྞ་
མ་ཏི་དང་། ལོ་ཙཱ་བ་ཆོས་ཀྱི་བཟང་པོའི་འགྱུར། གནོད་སྦྱིན་གྱི་སྡེ་དཔོན་ཆེན་པོ་ལག་ན་རྡོ་རྗེ་གོས་སྔོན་པོ་ཅན་གྱི་སྒྲུབ་ཐབས་འཁོར་ལོ་ཆེན་པོ་ཞེས་བྱ་བ། གནོད་སྦྱིན་གྱི་སྡེ་དཔོན་ཆེན་པོ་ལག་ན་རྡོ་རྗེ་གོས་སྔོན་པོ་ཅན་གྱི་གཟུངས་ཀྱི་སྒྲུབ་ཐབས་བདུད་རྩི་ཐིགས་པ་ཞེས་བྱ་བ། ལག་ན་རྡོ་རྗེ་གོས་སྔོན་པོ་
ཅན་གྱི་སྒྲུབ་པའི་ཐབས་མདོར་བསྡུས་པ་ཞེས་བྱ་བ་སྟེ་འཇིག་རྟེན་ལས་འདས་པའི་སྒྲུབ་ཐབས་གསུམ་དང་། ཀླུ་རིགས་བཞིའི་སྒྲུབ་ཐབས་ཞེས་བྱ་བ། གནོད་སྦྱིན་གྱི་སྡེ་དཔོན་རྣམ་པར་སྦྱོར་ཞིང་སེལ་བ་ཞེས་བྱ་བའི་སྒྲུབ་ཐབས། ཡི་དྭགས་དང་གྲུལ་བུམ་དང་ཤ་ཟ་དང་སྲུལ་པོ་རྣམས་
རྣམ་པར་སྦྱོང་ཞིང་སེལ་བའི་སྒྲུབ་ཐབས་ཞེས་བྱ་བ་སྟེ་འཇིག་རྟེན་པའི་སྒྲུབ་ཐབས་གསུམ་དང་། དཔལ་ཕྱག་ན་རྡོ་རྗེ་གོས་སྔོན་པོ་ཅན་གྱི་གཟུངས་ཀྱི་གཏོར་མའི་ཆོ་ག་ཞེས་བྱ་བ་རྣམས་ནམ་གྲུའི་རིགས་ལས་བྱུང་བ་དངོས་གྲུབ་བརྙེས་པའི་སློབ་དཔོན་ཆེན་པོ་བྲམ་ཟེའི་བཙུན་པ་ཛ་ཝ་རི་པས་
མཛད་པ། བླ་མ་དེ་ཝ་པཱུརྞ་མ་ཏི་དང་། ལོ་ཙཱ་བ་ཤེའུ་བཛྲ་དེ་ཝས་བསྒྱུར་བ་ལ། སླད་ཀྱི་དགེ་སློང་ཆོས་ཀྱི་བཟང་པོས་བླ་མ་ལས་ཤིན་ཏུ་ལེགས་པར་ཞུས་ཏེ་ཅུང་ཟད་བཅོས་པ། རིམ་པ་དྲུག་པ་ཞེས་བྱ་བ། བསད་པ་བདུད་རྩིས་གསོ་བ་ཞེས་བྱ་བ། བདུད་རྩི་འོ་མའི་མཆོད་པ་ཞེས་བྱ་བ།
ཀླུ་ཁྲོ་བོ་བསད་པའི་ཕྲིན་ལས་ཞེས་བྱ་བ། ཀླུ་རིགས་བཞི་མནན་པའི་ཆོ་ག །ཕྱག་ན་རྡོ་རྗེ་གོས་སྔོན་པོ་ཅན་གྱི་སྦྱིན་སྲེག་གི་ཆོ་ག་ཞེས་བྱ་བ། ཕྱག་ན་རྡོ་རྗེ་གོས་སྔོན་པོ་ཅན་གྱི་དྲག་པོའི་སྦྱིན་སྲེག་གི་ཆོ་ག་ཞེས་བྱ་བ། གནོད་སྦྱིན་གྱི་སྡེ་དཔོན་ཆེན་པོ་ལག་ན་རྡོ་རྗེ་གོས་སྔོན་པོ་ཅན་གྱི་དཀྱིལ་
འཁོར་གྱི་ཆོ་ག་ཞེས་བྱ་བ། མཛེ་ནད་ཀྱི་མཚན་ཉིད་ཅེས་བྱ་བ། གནོད་སྦྱིན་གྱི་སྡེ་དཔོན་ཆེན་པོ་ལག་ན་རྡོ་རྗེ་གོས་སྔོན་པོ་ཅན་འཁོར་ལོ་ཆེན་པོའི་ལྷ་ཚོགས་ལ་བསྟོད་པ་ཞེས་བྱ་བ་རྣམས་ནམ་གྲུའི་རིགས་ལས་བྱུང་བའི་དངོས་གྲུབ་བརྙེས་པའི་སློབ་དཔོན་ཛ་ཝ་རི་པས་མཛད་པ། རྒྱ་གར་

213-1-384b

གྱི་མཁན་པོ་དེ་ཝ་པཱུརྞ་མ་ཏི་དང་། བོད་ཀྱི་ལོ་ཙཱ་བ་དགེ་སློང་མགར་ཆོས་ཀྱི་བཟང་པོའི་འགྱུར་ཏེ་དེ་ལྟར་བཅོ་བརྒྱད་དོ། །རྟེན་ཅིང་འབྲེལ་བར་འབྱུང་བའི་སྲུང་བ་ཞེས་བྱ་བ་ནམ་གྲུའི་རིགས་ལས་བྱུང་བ་དངོས་གྲུབ་བརྙེས་པ་ཛ་ཝ་རིའི་ཞལ་སྔ་ནས་མཛད་པ། པཎྜི་ཏ་དེ་ཝ་པཱུརྞ་མ་ཏི་དང་། ལོ་
ཙཱ་བ་ཤེའུ་བཛྲ་དེ་ཝའི་འགྱུར། ཕྱག་ན་རྡོ་རྗེ་རྣལ་འབྱོར་ཆེན་པོའི་རྒྱུད་དུ་བཀྲལ་བ་ལ། ཕྱག་ན་རྡོ་རྗེ་གོས་སྔོན་པོ་ཅན་གནོད་སྦྱིན་དྲག་པོ་ཆེན་པོ་རྡོ་རྗེ་མེ་ལྕེའི་རྒྱུད་ཀྱི་འགྲེལ་པ་ཞེས་བྱ་བ་སློབ་དཔོན་ཆེན་པོ་འཕགས་པ་ཕྱག་ན་རྡོ་རྗེའི་སྐུ་དངོས་སུ་སྤྲུལ་ནུས་པ་ཕྱག་ན་རྡོ་རྗེ་ཞེས་བྱ་བས་མཛད་པ།
རྒྱ་གར་གྱི་མཁན་པོ་མཉྫུ་ཤྲཱི་དང་། བོད་ཀྱི་ལོ་ཙཱ་བ་དགེ་སློང་གཞོན་ནུ་ཚུལ་ཁྲིམས་ཀྱི་འགྱུར། སློབ་དཔོན་དེས་མཛད་པའི་མེ་ལྕེའི་ཕྲེང་བའི་སྒྲུབ་ཐབས་སོ། །སློབ་དཔོན་བྷ་ཝ་པས་མཛད་པའི་སྐོར་ལ། འཕགས་པ་ཕྱག་ན་རྡོ་རྗེ་གོས་སྔོན་ཅན་གྱི་སྒྲུབ་ཐབས་ཞེས་བྱ་བ། གནོད་སྦྱིན་གྱི་སྡེ་
དཔོན་ཆེན་པོ་ལག་ན་རྡོ་རྗེ་གོས་སྔོན་པོ་ཅན་གྱི་སྒྲུབ་ཐབས་ཆེ་བ། གནོད་སྦྱིན་གྱི་སྡེ་དཔོན་ཆེན་པོ་ལག་ན་རྡོ་རྗེ་གོས་སྔོན་པོ་ [མ་བྱུང་།] ཅན་གྱི་སྒྲུབ་ཐབས་ཆུང་བ། གནོས་སྦྱིན་གྱི་སྡེ་དཔོན་ཆེན་པོ་ལག་ན་རྡོ་རྗེ་གོས་སྔོན་པོ་ཅན་གྱི་དཀྱིལ་འཁོར་གྱི་ཆོ་ག །ལུང་བསྟན་སྦྱོར་བའི་མན་ངག །རྡོ་རྗེ་ལས་ཀྱི་ཚོགས་རིམ་པར་ཕྱེ་
བ་རྣམས་སློབ་དཔོན་བྷ་ཝ་པས་མཛད་པ། ལོ་ཙཱ་བ་ཁུ་བ་བཱིརྱ་དང་དགེ་སློང་གཞོན་ནུ་ཚུལ་ཁྲིམས་ཀྱི་འགྱུར་རྣམས་བཞུགས་སོ།།      །།ཛི་པ་ལ། གནོད་སྦྱིན་གྱི་སྡེ་དཔོན་ཆེན་པོ་ལག་ན་རྡོ་རྗེ་གོས་སྔོན་པོ་ཅན་གྱི་སྦྱོར་ཁ་ཆེན་པོའི་ཆོ་ག །ཕྱག་ན་རྡོ་རྗེ་གོས་སྔོན་ཅན་གྱི་གཏོར་མའི་ཆོ་ག་
ཚོགས་ཀྱི་འཁོར་ལོའི་སྦྱོར་ཀ །ཞི་བའི་སྦྱིན་སྲེག་གི་སྦྱོར་ཀ །རྒྱས་པའི་སྦྱིན་སྲེག་གི་སྦྱོར་ཀ །དབང་གི་སྦྱིན་སྲེག་གི་སྦྱོར་ཀ །དྲག་པོའི་ལས་ཀྱི་སྦྱོར་ཀ །བསྡུས་པའི་ལས་ཀྱི་སྦྱོར་ཀ །ཕྱག་ན་རྡོ་རྗེ་གོས་སྔོན་པོ་ཅན་གྱི་སྦྱིན་སྲེག་གི་ཆོ་ག །མཎྜལ་གྱི་སྦྱོར་ཀ་རྣམས་སློབ་དཔོན་བྷ་ཝ་པས་མཛད་པ། ལོ་ཙཱ་བ་
གཞོན་ནུ་ཚུལ་ཁྲིམས་ཀྱི་འགྱུར། ལས་ཀྱི་རིམ་པ་མུ་ཏིག་ཕྲེང་བ་ཞེས་བྱ་བ་སློབ་དཔོན་བྷ་ཝ་པས་མཛད་པ། རྒྱ་གར་གྱི་མཁན་པོ་རྡོ་རྗེ་སློབ་དཔོན་བཱིརྱ་གུཔྟ་དང་། སླད་ཀྱིས་ལོ་ཙཱ་བ་དགེ་སློང་གཞོན་ནུ་ཚུལ་ཁྲིམས་ཀྱིས་བསྒྱུར་ཏེ་དུར་ཁྲོད་ནགས་ཚལ་དུ་བརྒྱུད་པའི་སློབ་དཔོན་ལ་ཤིན་ཏུ་གསང་ཞིང་

213-1-385a

ལེགས་པར་མནོས་པ། ཕྱག་ན་རྡོ་རྗེ་རྡོ་རྗེ་ལྕེ་དབབ་ཀྱི་འགྲེལ་པ་མུ་ཏིག་ཕྲེང་བ་དང་། བཅོམ་ལྡན་འདས་ཕྱག་ན་རྡོ་རྗེ་ལྕེ་དབབ་ཀྱི་གསང་བའི་ཡང་བཀོལ་གྱི་སྒྲུབ་པའི་ཐབས་ཞེས་བྱ་བ་རྒྱལ་བུ་སྤྲིན་གྱི་ཤུགས་ཅན་གྱིས་མཛད་པ། སླད་ཀྱིས་བླ་མ་ཛ་ཡཱ་ཀ་ར་དང་
ལོ་ཙཱ་བ་མར་པའི་འགྱུར། འདིར་ལྕེ་དབབ་པའི་བྱ་ཐབས། རྟེན་འབྲེལ་གྱི་མཐུས་བསྲུང་བ་གཉིས་མཛད་འགྱུར་མ་ངེས་པ། ལག་ན་རྡོ་རྗེ་ལྕེ་དབབ་ཀྱི་སྔོན་འགྲོའི་ལག་ལེན་རྣལ་འབྱོར་གྱི་སྤྱོད་ལམ་བརྒྱད་པོ་སློབ་དཔོན་རྒྱལ་བུ་སྤྲིན་གྱི་ཤུགས་ཅན་གྱིས་མཛད་པ། པཎྜི་ཏ་ཛ་ཡཱ་ཀ་ར་དང་། མར་པ་
ལོ་ཙཱའི་འགྱུར། གསང་བའི་བདག་པོ་ལག་ན་རྡོ་རྗེ་གོས་སྔོན་པོ་ཅན་གྱི་སྒྲུབ་ཐབས་སློབ་དཔོན་ཆེན་པོ་ནག་པོས་མཛད་པ་རྣམས་སོ། །གཏུམ་པོ་ལྷ་ལྔའི་སྐོར་ལ། རྡོ་རྗེ་གཏུམ་པོ་ལྷ་ལྔ་པ་ཞེས་བྱ་བའི་དཀྱིལ་འཁོར་གྱི་ཆོ་ག །ཕྱག་ན་རྡོ་རྗེའི་ལམ་ཡན་ལག་བརྒྱུད་པ་འཕགས་པ་ཀླུ་སྒྲུབ་
ཀྱིས་མཛད་པ་གཉིས་སོ། །གཏུམ་པོ་ཁྱུང་གཤམ་མའི་སྐོར་ལ། གནོད་སྦྱིན་གྱི་སྡེ་དཔོན་ཆེན་པོ་ལག་ན་རྡོ་རྗེ་གོས་སྔོན་པོ་ཅན་དང་བྱ་ཁྱུང་གི་སྒྲུབ་ཐབས་ཞེས་ནང་སྒྲུབ་ཡིད་བཞིན་ནོར་བུ་དང་། དཔལ་ཕྱག་ན་རྡོ་རྗེ་སྒྲུབ་པའི་ཐབས་ཞེས་བྱ་བ་གསང་བ་ཐུགས་ཀྱི་ཕུར་གཅིག་མ་པཎྜི་ཏ་ལས་ཀྱི་
རྡོ་རྗེས་མཛད་པ། པཎྜི་ཏ་ཝ་ལ་ཙནྡྲ་དང་། ལོ་ཙཱ་བ་གླན་ཆུང་དར་མ་ཚུལ་ཁྲིམས་ཀྱི་འགྱུར། རིག་སྔགས་བཅད་པ་དང་མནན་པའི་ཆོ་ག དཔལ་ཕྱག་ན་རྡོ་རྗེའི་སྦྱིན་སྲེག་མདོར་བསྡུས། ཀླུ་གཏོར་རྒྱས་པ་རྣམས་གླན་ཆུང་དར་མ་ཚུལ་ཁྲིམས་ཀྱི་འགྱུར། ཁྲོ་བོ་རྡོ་རྗེ་གཏུམ་པོའི་
སྒྲུབ་ཐབས་རྒྱལ་པོ་ཟླ་བའི་སྙིང་པོས་མཛད་པ། ལོ་ཙཱ་བ་སྒེག་པའི་དཔལ་གྱི་འགྱུར། རྡོ་རྗེ་ཁྱུང་གི་སྒྲུབ་ཐབས་སློབ་དཔོན་རྡོ་རྗེ་པདྨས་མཛད་པ། པཎྜི་ཏ་སའི་སྙིང་པོ་དང་། ལོ་ཙཱ་བ་རྨ་བན་གྱི་འགྱུར། རྡོ་རྗེ་གཏུམ་པོའི་དཀྱིལ་འཁོར་གྱི་ཆོ་ག་བཟང་པོ་མདོར་བསྡུས་པ་ཞེས་བྱ་བ་སློབ་
དཔོན་ལས་ཀྱི་རྡོ་རྗེས་མཛད་པ། པཎྜི་ཏ་ཆེན་པོ་ཟླ་བ་བཟང་པོ་དང་། ལོ་ཙཱ་བ་གླན་ཆུང་དར་མ་ཚུལ་ཁྲིམས་ཀྱི་འགྱུར་བ་རྣམས་སོ། །ཕྱག་ན་རྡོ་རྗེ་བེ་ཅོན་མར་གྲགས་པའི་སྐོར་ལ། འཕགས་པ་ལག་ན་རྡོ་རྗེ་གོས་སྔོན་པོ་ཅན་ཞེས་བྱ་བའི་རྒྱུད་ཀྱི་རྣམ་པར་བཤད་པ་སྒྲོན་མ་གསལ་བ་ཞེས་བྱ་བ་

213-1-385b

དགེ་སློང་ཀླུའི་བྱང་ཆུབ་ཀྱིས་མཛད་པ། བེ་ཅོན་ཅན་གྱི་རྒྱུད་ཀྱི་འགྲེལ་པ་ལས་རྟོག་པ་ཐམས་ཅད་བསྡུས་པའི་སྒྲོན་མ་ཞེས་བྱ་བ་སློབ་དཔོན་ཆེན་པོ་ཤྲཱི་བྷ་དྲས་མཛད་པ། འཕགས་པ་གོས་སྔོན་པོ་ཅན་ཞེས་བྱ་བའི་རྒྱུད་ཀྱི་རྒྱུ་ཆེར་བཤད་པ་སློབ་དཔོན་ཆེན་པོ་མཆོག་རབ་སྙིང་པོས་མཛད་པ། ལག་
ན་རྡོ་རྗེ་གོས་སྔོན་པོ་ཅན་ཞེས་བྱ་བའི་རྒྱུད་ཀྱི་རྒྱ་ཆེར་བཤད་པ་རྟོག་པ་དྲུག་པ་ཞེས་བྱ་བ་སློབ་དཔོན་གུ་ཡ་རཱུ་པའི་ཞལ་སྔ་ནས་བསྒྱུར་བ་མཁའ་འགྲོའི་གླིང་ནས་དུམ་བུ་བརྒྱད་དུ་ལེགས་པར་བྲིས་པ། དེའི་བཤད་རྒྱུད་འབུམ་ཕྲག་ཕྱེད་དང་སུམ་སྟོང་ལས་ཕྱུང་བ་འདི་རྒྱུད་དུ་འདོད་དོ། །དེ་ཁོ་ན་ཉིད་
སྒྲོན་མ་ཞེས་བྱ་བ་ཕྱག་ན་རྡོ་རྗེའི་སྒྲུབ་ཐབས་ཐམས་ཅད་རྫོགས་པའི་རྒྱན་དགེ་སློབ་ཀླུ་སྒྲུབ་ཀྱིས་མཛད་པ། པཎྜི་ཏ་གུ་རུ་པདྨ་འབྱུང་གནས་དང་། ལོ་ཙཱ་བ་གླང་དཔལ་གྱི་སེང་གེའི་འགྱུར། སླད་ཀྱིས་ཀྱང་པཎྜི་ཏ་དེས་རྒྱ་གར་ནས་སྒྲ་རང་འགྱུར་དུ་བསྒྱུར་རོ། །འཕགས་པ་ལག་ན་རྡོ་རྗེ་
གོས་སྔོན་པོ་ཅན་གྱི་དཀྱིལ་འཁོར་གྱི་ཆོ་ག །སྔགས་ཀྱི་རྒྱན་གྱི་སྒྲུབ་ཐབས། རབ་གནས་ཀྱི་རྒྱན་རྣམས་དགེ་སློང་ནཱ་གཱརྫུ་ནས་མཛད་པ། གཏོར་མའི་རྒྱན་དགེ་སློང་ཀླུའི་བྱང་ཆུབ་ཀྱིས་མཛད་པ། དམ་ཚིག་གི་རྒྱན། འཕགས་པ་ལག་ན་རྡོ་རྗེ་གོས་སྔོན་པོ་ཅན་གྱི་སྒྲུབ་ཐབས་དགེ་སློང་ཀླུའི་བྱང་ཆུབ་
ཀྱིས་མཛད་པ། དེའི་འགྲེལ་པ་སྔགས་ཀྱི་རྒྱན་གྱི་འགྲེལ་པ་དང་། དམ་ཚིག་གི་རྒྱན་གྱི་རྣམ་པར་བཤད་པ་སློབ་དཔོན་མཆོག་རབ་ཀྱིས་མཛད་པ། ཟངས་དཀར་ཚུལ་ཁྲིམས་གཞོན་ནུའི་འགྱུར། འཕགས་པ་ལག་ན་རྡོ་རྗེ་སྔོན་པོ་ཅན་གྱི་སྒྲུབ་ཐབས་ཀྱི་མན་ངག་རྒྱ་ཆེར་བཤད་པ་ཀླུ་སྒྲུབ་
སྙིང་པོ་ཞེས་ཀྱང་བྱ། སློབ་དཔོན་ཀླུའི་བྱང་ཆུབ་ཅེས་བྱ་བས་མཛད་པ། འཕགས་པ་ལག་ན་རྡོ་རྗེ་གོས་སྔོན་པོ་ཅན་གྱི་སྒྲུབ་ཐབས་ཀྱི་མན་ངག་རྒྱ་ཆེར་བཤད་པའི་འགྲེལ་པ་སློབ་དཔོན་པདྨ་འབྱུང་གནས་ཀྱིས་མཛད་པ། དེ་ཁོ་ན་ཉིད་སྒྲོན་མ་ཞེས་བྱ་བའི་སྒྲུབ་ཐབས་རྫོགས་པ་དང་། དེ་ཁོ་ན་
ཉིད་ཀྱི་སྒྲོན་མ་ཞེས་བྱ་བའི་འགྲེལ་པ་སློབ་དཔོན་དཔའ་བོས་བྱིན་གྱིས་མཛད་པ་རྣམས་བཞུགས་སོ། །ཕྱག་ན་རྡོ་རྗེ་རྣལ་འབྱོར་ཆེན་པོར་བཀྲལ་བའི་སྐོར་འདི་ལ་ཐེ་ཚོམ་ཟ་བའི་གཞི་མང་དུ་སྣང་ཡང་བོད་ན་གྲགས་པ་ཅན་དུ་འདུག་པས་བྲིས་སོ་ཞེས་བུ་སྟོན་གྱིས་གསུངས་སོ། །འཁོར་ཆེན་

213-1-386a

གཏུམ་པོ་བེ་ཅོན་ལ་སོགས་པ། །ཕྱག་ན་རྡོ་རྗེ་རྣལ་འབྱོར་བླ་མེད་དུ། །དགོངས་པ་བཀྲལ་བའི་རྒྱུད་འགྲེལ་སྒྲུབ་སྐོར་སོགས། །བཅུ་ཕྲག་བདུན་ལ་གཅིག་གིས་སྤྲས་པ་བཞུགས། །དེ་དག་གིས་ནི་ཕྱག་ན་རྡོ་རྗེ་རྣལ་འབྱོལ་བླ་མེད་དུ་བླ་མེད་དུ་བཀྲལ་བའི་ཆོས་
སྐོར་བཞུགས་པའི་རྣམ་གྲངས་རྣམས་བཀོད་ཟིན་ཏོ།།      །།དེ་ལྟར་ཐབས་ཀྱི་རྒྱུད་དང་། ཤེས་རབ་ཀྱི་རྒྱུད་དང་། ཐབས་ཤེས་རབ་གཉིས་སུ་མེད་པའི་རྒྱུད་ཀྱི་སོ་སོའི་བསྟན་བཅོས་རྣམས་བཀོད་ནས། ད་ནི་རྣལ་འབྱོར་བླ་ན་མེད་པའི་རྒྱུད་སྤྱིའི་དགོངས་འགྲེལ་གྱི་སྐོར་ལ། ཝི་པ་ལ། རྒྱུད་མ་
ལུས་པའི་དོན་ངེས་པར་སྐུལ་བར་བྱེད་པ་དཔལ་གསང་བ་གྲུབ་པ་ཞེས་བྱ་བ་ལྷ་དང་ལྷ་མ་ཡིན་ལ་སོགས་པ་མ་ལུས་པས་ཞབས་ཟུང་པདྨར་མེ་ཏོག་གི་ཕྲེང་བས་མཆོད་པ་གྲུབ་ཐོབ་ཆེན་པོ་པདྨ་བཛྲས་མཛད་པ། རྒྱ་གར་གྱི་མཁན་པོ་ཀྲྀཥྞ་པཎྜི་ཏ་དང་། ལོ་ཙཱ་བ་དགེ་སློང་ཁྲིམས་རྒྱལ་
བའི་འགྱུར། ཐབས་དང་ཤེས་རབ་རྣམ་པར་གཏན་ལ་དབབ་པ་གྲུབ་པ་སློབ་དཔོན་པདྨ་བཛྲའི་སློབ་དཔོན་ཆེན་པོ་ཡན་ལག་མེད་པའི་རྡོ་རྗེས་མཛད་པ། པཎྜི་ཏ་ཆེན་པོ་ཤཱནྟ་བྷ་དྲ་དང་། ཞུ་ཆེན་གྱི་ལོ་ཙཱ་བ་འགོས་ལྷས་བཙས་ཀྱི་འགྱུར། གཞུང་དེ་གཉིས་ལ་བརྟན་ནས་སློབ་དཔོན་
དེའི་སློབ་མ་རྒྱལ་པོ་ཨིནྡྲ་བྷཱུ་ཏིས་མཛད་པའི་ཡེ་ཤེས་གྲུབ་པ་ཞེས་བྱ་བའི་སྒྲུབ་ཐབས་རྒྱ་གར་གྱི་མཁན་པོ་ཤྲདྡྷཱ་ཀ་ར་ཝརྨ་དང་། ཞུ་ཆེན་གྱི་ལོ་ཙཱ་བ་དགེ་སློང་རིན་ཆེན་བཟང་པོས་བསྒྱུར་བ། སླད་ཀྱིས་ནག་ཚོས་ཀྱང་བཅོས་པའོ། །གཞུང་དེ་རྣམས་ལ་བརྟེན་ནས་སློབ་དཔོན་དེའི་སློབ་མ་བཅོམ་
ལྡན་འདས་མ་ལཀྵྨཱི་ཀ་རས་མཛད་པའི་གཉིས་སུ་མེད་པར་གྲུབ་པའི་སྒྲུབ་ཐབས། གཞུང་དེ་རྣམས་ལ་བརྟེན་ནས་ལྕམ་གྱི་སློབ་མ་སློབ་དཔོན་སྒེག་པའི་རྡོ་རྗེས་མཛད་པའི་དངོས་པོ་གསལ་བ་གྲུབ་པ། དཔལ་ཨཽ་ཌྱཱན་ནས་བྱུང་བ་གསང་བའི་གསང་བ་ཆེན་པོ་དེ་ཁོ་ན་ཉིད་ཀྱི་མན་ངག་སློབ་
དཔོན་སྒེག་པའི་རྡོ་རྗེའི་སློབ་མ་སློབ་དཔོན་ཆེན་པོ་དཱ་རི་ཀ་པས་མཛད་པ། སློབ་དཔོན་དེའི་སློབ་མ་ལྷན་ཅིག་སྐྱེས་པའི་རྣལ་འབྱོར་མ་ཙི་ཏོས་མཛད་པའི་དངོས་པོ་གསལ་བའི་རྗེས་སུ་འགྲོ་ [མ་བྱུང་] བའི་དེ་ཁོ་ན་ཉིད་གྲུབ་པ་པཎྜི་ཏ་ཞི་བ་བཟང་པོ་དང་། ཞུ་ཆེན་གྱི་ལོ་ཙཱ་བ་འགོས་ལྷས་བཙས་ཀྱི་འགྱུར།

213-1-386b

དཔལ་ལྷན་ཅིག་སྐྱེས་པ་གྲུབ་པ་ཞེས་བྱ་བ་སྒེག་པ་རྡོ་རྗེའི་སློབ་དཔོན་ཆེན་པོ་དཔལ་ཌོམྦི་ཧེ་རུ་ཀས་མཛད་པ་དེ་རྣམས་ལ་གྲུབ་པ་སྡེ་བརྒྱད་ཅེས་གྲག་གོ། །རྣལ་འབྱོར་གྱི་དབང་ཕྱུག་དཔལ་ས་ར་ཧ་པ་ཆེན་པོས་མཛད་པའི་དོ་ཧ་མཛོད་ཅེས་བྱ་བའི་གླུ་དེ་ཁོ་ན་ཉིད་རྣལ་དུ་མཚོན་པ་དོན་
དམ་པའི་ཡི་གེ། །ཕྱག་རྒྱ་བཞི་གཏན་ལ་དབབ་པ་སློབ་དཔོན་ཀླུ་སྒྲུབ་སྙིང་པོས་མཛད་པ། བླ་མ་དྷི་རི་ཤྲཱི་ཛྙཱ་ན་དང་། བོད་ཀྱི་ལོ་ཙཱ་བ་རྨ་བན་ཆོས་འབར་གྱི་འགྱུར། འདི་མན་ངག་སྙེ་མ་ལ་སོགས་པར་སློབ་དཔོན་ཀླུ་སྒྲུབ་ཀྱིས་བྱས་པ་མ་ཡིན་ཏེ། སོ་སོའི་སྐྱེ་བོ་མན་ངག་མི་ཤེས་
པ་ཁ་ཅིག་གིས་བྱས་སོ་ཞེས་བཤད་མོད་ཀྱི་འོན་ཀྱང་རྒྱ་གར་མ་ཡིན་ཅིང་བོད་ལ་གྲགས་པ་གཙོར་བྱས་ནས་བྲིས་སོ། །སློབ་དཔོན་ཀླུ་སྒྲུབ་ཀྱིས་ཨཱརྱ་དེ་ཝ་ལ་བཤད་ཅིང་། དེས་སེམས་ཀྱི་སྒྲིབ་སྦྱོང་མཛད་དེ་བྲིས་སོ། །ཤེས་རབ་ཡེ་ཤེས་གསལ་བ་ཞེས་བྱ་བ་མཁན་པ་ཆེན་
པོ་དེ་ཝ་ཙནྡྲས་མཛད་པ། པཎྜི་ཏ་བཛྲ་པཱ་ཎི་དང་། ལོ་ཙཱ་བ་དྷརྨ་ཀྰིརྟིའི་འགྱུར། གནས་པ་བསྡུས་པ་སློབ་དཔོན་ཆེན་པོ་དཔལ་ལྷན་ཅིག་སྐྱེས་པའི་རྡོ་རྗེས་མཛད་པ། བླ་མ་དྷི་རི་ཤྲཱི་ཛྙཱ་ན་དང་། བོད་ཀྱི་ལོ་ཙཱ་བ་རྨ་བན་ཆོས་འབར་གྱི་འགྱུར་ལ། ཕྱིས་བར་སྟོན་གྱིས་ཞུས་ནས་བླ་མ་རྒྱ་
གར་བ་དང་། མཚུར་ལོ་ཙཱ་བས་དཔེ་ཕྱི་མོ་ལ་གཏུགས་ཏེ་གཏན་ལ་ཕབ་པ། བསམ་གྱིས་མི་ཁྱབ་པའི་རིམ་པའི་མན་ངག་ཅེས་བྱ་བ་ཕྱག་རྒྱ་ཆེན་པོ་ཐོབ་པའི་སློབ་དཔོན་ཏོག་ཙེ་པས་མཛད་པ། པཎྜི་ཏ་བདེ་བའི་མྱུ་གུ་དང་། ལོ་ཙཱ་བ་འགོས་ཀྱི་འགྱུར་ཏེ། དེ་ལྟར་ལྔ་དང་། སེམས་ཀྱི་སྒྲིབ་སྤྱོད་
དང་བཅས་པའི་དྲུག་པོ་དེ་ལ་སྙིང་པོའི་སྐོར་ཞེས་གྲགས་སོ། །ཐ་དད་དུ་ཆོས་སྤྱོད་ཡོད་པར་སྟོན་པ་ལྟ་བ་ངན་པ་སེལ་བ་ཞེས་བྱ་བ་སློབ་དཔོན་མཁས་པ་ཆེན་པོ་ངེས་པར་སྦྱངས་པ་གཉིས་མེད་རྡོ་རྗེས་མཛད་པ། རྒྱ་གར་གྱི་མཁན་པོ་བླ་མ་བཛྲ་པཱ་ཎི་དང་། བོད་ཀྱི་ལོ་ཙཱ་བ་མཚུར་སྟོན་ཡེ་ [མ་བྱུང་]
ཤེས་འབྱུང་གནས་ཀྱི་འགྱུར། སྔགས་ཀྱི་ལྟ་བ་སྟོན་པ་དབུ་མ་དྲུག་པ་སློབ་དཔོན་མཁས་པ་མཻ་ཏྲིས་མཛད་པ། བླ་མ་བཛྲ་པཱ་ཎི་དང་། ནག་ཚོའི་འགྱུར། ལྟ་བ་ངན་པ་སེལ་བའི་དཀའ་འགྲེལ་དཔལ་ལྡན་ངེས་པར་སྦྱངས་པ་གཉིས་སུ་མེད་པས་མཛད་པ་དང་། སྔགས་ཀྱི་སྤྱོད་པ་

213-1-387a

སྟོན་པ་ལྷན་སྐྱེས་དྲུག་པ་བླ་མ་མཻ་ཏྲི་པས་མཛད་པ། བླ་མ་བཛྲ་པཱ་ཎི་དང་། མཚུར་གྱི་འགྱུར། ལྟ་བ་དཔེས་སྟོན་པ་རྨི་ལན་ངེས་པར་བསྟན་པ། སྤྱོད་པ་དཔེས་སྟོན་པ་སྒྱུ་མ་ངེས་པར་བསྟན་པ་ཞེས་བྱ་བ། ལྟ་བའི་དོན་ལ་འབེབས་པའི་རབ་ཏུ་མི་གནས་པར་གསལ་
བར་སྟོན་པ་ཞེས་བྱ་བ་རྣམས་སློབ་དཔོན་གཉིས་མེད་རྡོ་རྗེས་མཛད་པ། པཎྜི་ཏ་བཛྲ་པཱ་ཎི་དང་། ནག་ཚོ་ཚུལ་རྒྱལ་གྱི་འགྱུར། སྤྱོད་པ་གཏན་ལ་འབེབས་པ་དེ་ཁོ་ན་ཉིད་བཅུ་པ་ཞེས་བྱ་བ་སློབ་དཔོན་གཉིས་སུ་མེད་པའི་རྡོ་རྗེས་མཛད་པ། བླ་མ་ཕྱག་ན་དང་མཚུར་གྱི་འགྱུར་ལ། ཕྱིས་ལོ་ཙཱ་བ་ཚུལ་
ཁྲིམས་རྒྱལ་བས་བཅོས་པ། ཐབས་ཤེས་རབ་དབྱེར་མེད་དུ་སྟོན་པ་ཟུང་དུ་འཇུག་པ་རབ་ཏུ་གསལ་བར་སྟོན་པ་ཞེས་བྱ་བ་སློབ་དཔོན་ཨ་ཝ་དྷཱུ་དཱིས་མཛད་པ། བཛྲ་པཱ་ཎི་དང་། ནག་ཚོ་ཚུལ་རྒྱལ་གྱི་འགྱུར། སྣང་སྟོང་དབྱེར་མེད་དུ་སྟོན་པ་དགའ་གཅུགས་ལྔ་པ་སློབ་དཔོན་མེེ་ཏྲི་པས་མཛད་པ། འཁོར་
འདས་གཉིས་མེད་དུ་སྟོན་པ་མི་བྱེད་པ་ལྔ་པ་སློབ་དཔོན་མཻ་ཏྲི་པས་མཛད་པ། བདེན་གཉིས་ཐ་མི་དད་དུ་སྟོན་པའི་བདེ་བ་ཆེན་པོ་གསལ་བ་སློབ་དཔོན་ཨ་ཝ་དྷཱུ་ཏཱི་པ་དཔལ་གཉིས་སུ་མེད་པའི་རྡོ་རྗེས་མཛད་པ་རྣམས་བླ་མ་བཛྲ་པཱ་ཎི་དང་རྨ་བན་ཆོས་འབར་གྱི་འགྱུར། ཐེག་པ་ཐུན་མོང་གི་ལྟ་བ་
སྟོན་པ་དེ་ཁོ་ན་ཉིད་རིན་པོ་ཆེའི་ཕྲེང་བ་ཞེས་བྱ་བ་སློབ་དཔོན་ཨ་བ་དྷཱུ་ཏཱི་པ་གཉིས་སུ་མེད་པའི་རྡོ་རྗེས་མཛད་པ། བཛྲ་པཱ་ཎི་དང་། ནག་ཚོ་ཚུལ་ཁྲིམས་རྒྱལ་བའི་འགྱུར། གང་ཟག་གསུམ་གྱི་རྟོགས་ཐབས་སྟོན་པ་དེ་ཁོ་ན་ཉིད་རབ་ཏུ་བསྟན་པ་ཞེས་བྱ་བ་དང་། ལྷའི་རྣལ་འབྱོར་གཏན་ལ་
འབེབས་པ་དེ་བཞིན་གཤེགས་པ་ལྔའི་ཕྱག་རྒྱ་རྣམ་པར་བཤད་པ་སློབ་དཔོན་གཉིས་མེད་རྡོ་རྗེས་མཛད་པ། རྒྱ་གར་གྱི་མཁན་པོ་ཕྱག་ན་རྡོ་རྗེ་དང་། ལོ་ཙཱ་བ་རྨ་བན་ཆོས་འབར་གྱི་འགྱུར། དབང་གི་དགོས་པ་མདོར་བསྡུས་པ། དབང་གི་བྱ་བ་མདོར་བསྡུས་པ། རང་བཞིན་ལྔ་པ། ཐབས་དང་ཤེས་རབ་བརྩེ་བ་
ལྔ་པ་རྣམས་སློབ་དཔོན་ཨ་ཝ་དྷཱུ་ཏཱི་པ་གཉིས་སུ་མེད་པའི་རྡོ་རྗེས་མཛད་པ། རྒྱ་གར་གྱི་མཁན་པོ་བཛྲ་པཱ་ཎི་དང་། བོད་ཀྱི་ལོ་ཙཱ་བ་མཚུར་ཛྙཱ་ན་ཨཱ་ཀ་རའི་འགྱུར། འདི་ཨཱ་མ་ནས་ཀྱི་སྐོར་དུ་མི་བགྲང་བར་སྣང་། དོ་ཧ་ཏི་ཞེས་བྱ་བ་དེ་ཁོ་ན་ཉིད་ཀྱི་མན་ངག་ཨ་ཝ་དྷཱུ་ཏཱི་པས་མཛད་པ། རྗེ་བཙུན་དྷི་རི་ཤྲཱི་ཛྙཱ་ནའི་རང་འགྱུར།

213-1-387b

གང་ཟག་གསུམ་གྱི་སྒོམ་ཐབས་སྟོན་པ་ཐེག་པ་ཆེན་པོ་ཉི་ཤུ་པ་སློབ་དཔོན་གཉིས་མེད་རྡོ་རྗེས་མཛད་པ། རྒྱ་གར་གྱི་མཁན་པོ་དེ་ཝཱ་ཀ་ར་ཙནྡྲ་དང་། བོད་ཀྱི་ལོ་ཙཱ་བ་དགེ་སློང་ཤཱཀྱ་བཙོན་འགྲུས་ཀྱི་འགྱུར། ཡིད་ལ་མི་བྱེད་པའི་སྒྲ་ལ་རྩོད་པ་སྤོང་བ་ཡིད་ལ་མི་བྱེད་པ་སྟོན་པ་ཞེས་བྱ་བ་སློབ་དཔོན་ཆེན་པོ་
གཉིས་མེད་རྡོ་རྗེས་མཛད་པ། རྒྱ་གར་གྱི་མཁན་པོ་བཛྲ་པཱ་ཎི་དང་། བོད་ཀྱི་ལོ་ཙཱ་བ་གཉན་ཆུང་གི་འགྱུར། མཐའ་བྲལ་རྟོགས་པའི་ཤེས་རབ་སྟོན་པ་དེ་ཁོ་ན་ཉིད་ཐེག་པ་ཆེན་པོ་ཉི་ཤུ་པ་ཨ་ཝ་དྷཱུ་ཏཱི་པ་གཉིས་མེད་རྡོ་རྗེས་མཛད་པ། རྗེ་བཙུན་དྷི་རི་ཤྲཱི་ཛྙཱ་ནའི་ཞལ་སྔ་ནས། ལོ་ཙཱ་བ་སེང་དཀར་ཤཱཀྱ་འོད་
ཀྱི་འགྱུར། ཤེས་པ་སྤྲོ་བསྡུ་མེད་པར་འཇོག་པའི་མན་ངག་གསང་བ་དམ་པ་འདི་གཞན་རྣམ་གྲངས་སུ་མི་བགྲང་བར་སྣང་། དབང་གི་ཁྱད་པར་གཏན་ལ་འབེབས་པ་དབང་བསྐུར་བ་ངེས་པར་བསྟན་པ་ཞེས་བྱ་བ་སློབ་དཔོན་རྒྱལ་བ་མཻ་ཏྲི་པས་མཛད་པ། རྒྱ་གར་གྱི་མཁན་པོ་ཀྲྀཥྞ་པཎྜི་ཏ་དང་
ལོ་ཙཱ་བ་ཚུལ་ཁྲིམས་རྒྱལ་བའི་འགྱུར། ཆོས་སྣ་ཉི་ཤུ་རྩ་གཉིས་པོ་དེ་མངའ་བདག་མཻ་ཏྲི་དང་། མཚན་གྱི་རྣམ་གྲངས་གཉིས་མེད་རྡོ་རྗེ་ཞེས་ཀྱང་བྱ། ཨ་ཝ་དྷཱུ་ཏཱི་པ་ཞེས་ཀྱང་བྱ་བས་མཛད་པའོ། །དེའི་རྗེས་སུ་འབྲང་པ་བཀས་བསྐུར་བའི་ཆོས་བཞི་ལ། དབང་བསྐུར་བ་ངེས་
པར་བསྟན་པའི་དཀའ་འགྲེལ་སློབ་དཔོན་དགའ་བ་སྐྱོང་གིས་མཛད་པ། པཎྜི་ཏ་ས་མནྟ་བྷ་དྲ་དང་། ལོ་ཙཱ་བ་ནག་ཚོའི་འགྱུར། དེ་ཁོ་ན་ཉིད་བཅུ་པའི་རྒྱ་ཆེར་འགྲེལ་པ་པཎྜི་ཏ་ཆེན་པོ་སློབ་དཔོན་ལྷན་ཅིག་སྐྱེས་པའི་རྡོ་རྗེས་མཛད་པ། རྒྱ་གར་གྱི་མཁན་པོ་བཛྲ་པཱ་ཎི་ལས་མཉན་ཏེ། སླད་ཀྱི་པཎྜི་
ཏ་ཀ་ལྱཱ་ན་ཝརྨ་དང་། ལོ་ཙཱ་བ་དགེ་སློང་ཛྙཱ་ན་ཨཱ་ཀ་ར་མཚུར་གྱི་འགྱུར། རྡོ་རྗེའི་ཚིག་ཅེས་བྱ་བ་རྡོ་རྗེ་སློབ་དཔོན་བཛྲ་པཱ་ཎིས་ཞལ་སྔ་ནས་མཛད་པ། རྒྱ་གར་གྱི་མཁན་པོ་དེ་ཉིད་དང་། ལོ་ཙཱ་བ་མཚུར་སྟོན་དགེ་སློང་ཛྙཱ་ན་ཨཱ་ཀ་རའི་འགྱུར། པཎྜི་ཏ་བཛྲ་པཱ་ཎིས་མཛད་པའི་ལྟ་བ་
ངན་སེལ་གྱི་དྲན་པ་ནི་མ་རྙེད་དེ། དེ་ལྟར་ཆོས་སྣ་ཉི་ཤུ་རྩ་དྲུག་ལ་ཨ་མ་ན་སེ་ཀ་རའི་སྐོར་ཞེས་གྲགས་སོ། །འདིའི་གསང་བ་གྲུབ་པ་གསང་འདུས་ཀྱི་དོན་འགྲེལ་ཡིན་པས་དེའི་ཕྱོགས་སུ་རིགས་ཀྱང་། བོད་ན་གྲུབ་རྙིང་ཨ་མ་ན་སེའི་སྐོར་ཞེས་བཤད་བཀའ་དང་། མན་ངག་གི་བཀའ་

213-1-388a

ཕྱོགས་གཅིག་ཏུ་ཡོད་པས་འདིར་ལྷན་ཅིག་ཏུ་བྲིས་སོ། །ད་ནི་དེ་དག་གི་འགྲེལ་བའི་སྐོར་ལ། དོ་ཧ་མཛོད་ཀྱི་དཀའ་འགྲེལ་སློབ་དཔོན་ཆེན་པོ་དཔལ་གཉིས་སུ་མེད་པའི་རྡོ་རྗེས་མཛད་པ། རྒྱ་གར་ལྷོ་ཕྱོགས་ཀྱི་ཡུལ་ཀོས་ཁོར་སྐུ་འཁྲུངས་པའི་རྣལ་འབྱོར་པ་ཆེན་པོ་ཤྲཱི་བཻ་
རོ་ཙ་ན་བཛྲའི་རང་འགྱུར། མི་ཟད་པའི་གཏེར་མཛོད་ཡོངས་སུ་གང་བའི་གླུ་ཞེས་བྱ་བ་གཉུག་མའི་དེ་ཉིད་རབ་ཏུ་བསྟན་པའི་རྒྱ་ཆེར་བཤད་པ་རྣལ་འབྱོར་གྱི་དབང་ཕྱུག་ཆེན་པོ་དཔལ་ས་ར་ཧ་པའི་དགོངས་པ་མཁས་པར་གྲགས་པ་དཔལ་ལྡན་གཉིས་སུ་མེད་པའི་རྡོ་རྗེས་མཛད་པ། རྣལ་འབྱོར་པ་བསོད་
སྙོམས་པ་པྲཛྙཱ་ཤྲཱི་ཛྙཱ་ན་ཀཱིརྟིའི་རང་འགྱུར། དོ་ཧ་མཛོད་ཀྱི་དཀའ་འགྲེལ་ཞེས་བྱ་བ་སློབ་དཔོན་ཆེན་པོ་ཐར་པའི་འབྱུང་གནས་སྦས་པས་མཛད་པ། རྒྱ་གར་གྱི་མཁན་པོ་རྒྱལ་བའི་ལྷ་དང་། རྒྱ་ལོ་ཙཱའི་འགྱུར། ཕྱག་རྒྱ་བཞིའི་རྒྱ་ཆེར་འགྲེལ་པ་རིན་པོ་ཆེའི་སྙིང་པོ་ཞེས་བྱ་བ། རྒྱ་གར་
གྱི་མཁན་པོ་མཁས་པར་གྲགས་པ་བླ་མ་བི་ཏ་ཀརྨས་མཛད་པ། རྣལ་འབྱོར་པ་བསོད་སྙོམས་པ་པྲཛྙཱ་ཤྲཱི་ཛྙཱ་ན་ཀཱིརྟིའི་རང་འགྱུར་རྣམས་བཞུགས་སོ། །དཱ་རི་ཀ་པས་མཛད་པའི་གྲུབ་མཐའ་བདུན་པ། རྒྱ་གར་གྱི་པཎྜི་ཏ་ནགས་ཀྱི་རིན་ཆེན་དང་། རྩེས་ཐང་ལོ་ཙཱའི་འགྱུར།
དབང་བཞི་པའི་རབ་ཏུ་བྱེད་པ་པཎྜི་ཏ་ནགས་ཀྱི་རིན་ཆེན་གྱིས་མཛད་པ། བྱམས་པ་གླིང་པའི་འགྱུར་རྣམས་བཞུགས་སོ།།      །།ཞི་པ་ལ། ལྷན་ཅིག་སྐྱེས་གྲུབ་རྒྱལ་པོ་ཨིནྡྲ་བྷཱུ་ཏིས་མཛད་པ། རྒྱ་གར་གྱི་མཁན་པོ་ [མ་བྱུང་] ཟླ་བ་མགོན་པོ་དང་། བོད་ཀྱི་ལོ་ཙཱ་བ་ཤེས་རབ་གྲགས་ཀྱི་འགྱུར། ལྷན་
ཅིག་སྐྱེས་གྲུབ་ཀྱི་ [མ་བྱུང་།] གཞུང་འགྲེལ་ཞེས་བྱ་བ་ལྷ་ལྕམ་རྗེ་བཙུན་མ་དཔལ་མོས་མཛད་པ། རྒྱ་གར་གྱི་མཁན་པོ་མ་ནཱ་བི་ཧར་ལ་དང་། བོད་ཀྱི་ལོ་ཙཱ་བ་དགེ་སློང་པྲཛྙཱ་ཀཱིརྟིའི་རང་འགྱུར། དཔལ་དེ་ཁོ་ན་ཉིད་གྲུབ་པ་སློབ་དཔོན་ཆེན་པོ་ཀེ་ར་ལི་པས་མཛད་པ། འདི་
གསུམ་ཁ་ཅིག་གྲུབ་པའི་ཆོས་སྐོར་དུ་གཏོགས་པར་འདོད་དོ། །ད་ནི་དེ་དག་དང་ཕྱོགས་མཐུན་པ་ཕྱག་རྒྱ་ཆེན་པོ་སྟོན་པའི་གཞུང་དོ་ཧ་ལ་སོགས་པའི་སྐོར་ལ། དོ་ཧ་མཛོད་ཅེས་བྱ་བ་སྤྱོད་པའི་གླུ་དང་། མི་ཟད་པའི་གཏེར་མཛོད་མན་ངག་གི་གླུ་ཞེས་བྱ་བ་རྣལ་འབྱོར་གྱི་དབང་

213-1-388b

ཕྱུག་དཔལ་བྲམ་ཟེ་ཆེན་པོ་ས་ར་ཧ་པས་མཛད་པ། རྒྱ་གར་གྱི་མཁན་པོ་བཛྲ་པཱ་ཎི་དང་། བླ་མ་ཨ་སུས་ཞུས་པ། འདི་གཉིས་རྒྱལ་པོ་དོ་ཧ་དང་བཙུན་མོ་དོ་ཧར་གྲགས་ཤིང་། བྲམ་ཟེ་ཆེན་པོས་མཛད་མ་མཛད་ཐེ་ཚོམ་གྱི་གཞིའོ། །དམངས་དོ་ཧ་དང་། བཙུན་མོ་དོ་ཧ་དང་།
རྒྱལ་པོ་དོ་ཧ་དང་། དོ་ཧ་མཛོད་ཅེས་བྱ་བ་སྤྱོད་པའི་གླུའི་འགྲེལ་པ་དོན་གྱི་སྒྲོན་མ་རྣལ་འབྱོར་གྱི་དབང་ཕྱུག་ཆེན་པོ་བལ་པོ་སྐྱེ་མེད་བདེ་ཆེན་གྱིས་མཛད་པ། དེ་ཉིད་ཀྱི་རང་འགྱུར་དུ་གཏན་ལ་ཕབ་པ། གསལ་བྱེད་སུམ་ཅུ་རྩ་བཞི་ལ་སྦྱར་ཏེ་སྟོན་པ་ཀ་ཁའི་དོ་ཧ་ཞེས་བྱ་བ་དང་། དེའི་
རང་འགྲེལ་ཀ་ཁའི་དོ་ཧའི་བཤད་པ་བྲིས་པ་རྣལ་འབྲེལ་གྱི་དབང་ཕྱུག་ཐམས་ཅད་ཀྱི་གཙུག་གི་ནོར་བུ་ལྟ་བུ་དཔལ་ས་ར་ཧས་མཛད་པ། རྒྱ་གར་ལྷོ་ཕྱོགས་ཡུལ་ཀོ་ས་ལར་འཁྲུངས་པ་རྣལ་འབྱོར་གྱི་དབང་ཕྱུག་ཆེན་པོ་ཤྲཱི་བཻ་རོ་ཙ་ན་བཛྲའི་རང་འགྱུར། དོ་ཧ་མཛོད་ཀྱི་སྙིང་པོ་དོན་གྱི་གླུའི་
འགྲེལ་པ་ཞེས་བྱ་བ་སློབ་དཔོན་ཨ་ཝ་དྷཱུ་ཏཱི་པས་མཛད་པ། དོ་ཧ་སྐུའི་མཛོད་འཆི་མེད་རྡོ་རྗེའི་གླུ། གསུང་གི་མཛོད་འཇམ་དབྱངས་རྡོ་རྗེའི་གླུ། ཐུགས་ཀྱི་མཛོད་སྐྱེ་མེད་རྡོ་རྗེའི་གླུ། སྐུ་གསུང་ཐུགས་ཡིད་ལ་མི་བྱེད་པའི་ཕྱག་རྒྱ་ཆེན་པོ་ཞེས་བྱ་བ་རྣམས་སངས་རྒྱས་གཉིས་པ་ལྟར་
གྲགས་པ་རྣལ་འབྱོར་གྱི་དབང་ཕྱུག་ཆེན་པོ་དཔལ་ས་ར་ཧ་པའི་ཞལ་སྔ་ནས་གསུངས་པ། བླ་མ་ནག་པོ་པའི་རང་འགྱུར། དོ་ཧ་མཛོད་ཅེས་བྱ་བ་ཕྱག་རྒྱ་ཆེན་པོའི་མན་ངག་དཔལ་རི་ཁྲོད་པ་ཆེན་པོ་ས་ར་ཧའི་ཞལ་སྔ་ནས་མཛད་པ། ཤྲཱི་བཻ་རོ་ཙ་ན་རཀྵི་ཏའི་རང་འགྱུར། དེ་རྣམ་ལྔ་
པོ་བྲམ་ཟེ་ཆེན་པོ་ས་ར་ཧ་པས་མཛད་པའོ། །མན་ངག་ཚིགས་སུ་བཅད་པ་བཅུ་གཉིས་པ་བྲམ་ཟེ་ཆེན་པོ་ས་ར་ཧའི་ཞལ་སྔ་ནས་གསུངས་པ། རང་བྱིན་གྱིས་བརླབ་པའི་རིམ་པ་རྣལ་འབྱོར་གྱི་དབང་ཕྱུག་དཔལ་ས་ར་ཧ་པས་མཛད་པ། པཎྜི་ཏ་ཆེན་པོ་ཤཱནྟ་བྷ་དྲ་དང་། བོད་ཀྱི་
ལོ་ཙཱ་བ་རྨ་བན་ཆོས་འབར་གྱི་འགྱུར། དེ་ཁོ་ན་ཉིད་ཀྱི་མན་ངག་རྩེ་མོ་དོ་ཧའི་གླུ་ཞེས་བྱ་བ་རྣལ་འབྱོར་གྱི་དབང་ཕྱུག་ཆེན་པོ་དཔལ་ས་ར་ཧའི་ཞལ་སྔ་ནས་གསུངས་པ། ཀྲྀཥྞ་པཎྜི་ཏའི་རང་འགྱུར་དུ་མཛད་པ། དངོས་པོ་སྦྱོང་བ་ཞེས་བྱ་བ་སློབ་དཔོན་ཆེན་པོ་འཕགས་པ་ཀླུ་སྒྲུབ་ཀྱི་ཞལ་

213-1-389a

སྔ་ནས་མཛད་པ། རྒྱ་གར་གྱི་མཁན་པོ་བཛྲ་པཱ་ཎི་དང་། བོད་ཀྱི་ལོ་ཙཱ་བ་རྨ་བན་ཆོས་འབར་གྱི་འགྱུར། སློབ་དཔོན་ཀླུ་སྒྲུབ་ཀྱིས་མཛད་པའི་ཚིགས་སུ་བཅད་པ་ཕྱེད་དང་ལྔ་པའི་འགྲེལ་པ། རྣམ་པར་མི་རྟོག་པའི་རབ་ཏུ་བྱེད་པ་སློབ་དཔོན་ཆེན་པོ་ཨཱརྱ་དེ་ཝས་
མཛད་པ། པཎྜི་ཏ་ཆེན་པོ་མ་ཧཱ་ཀཱ་རུ་ཎ་དང་། བོད་ཀྱི་ལོ་ཙཱ་བ་ཆེན་པོ་རྨ་བན་ཆོས་འབར་གྱི་འགྱུར། དོ་ཧ་མཛོད་ཅེས་བྱ་བ་རྣལ་འབྱོར་གྱི་དབང་ཕྱུག་བིཪྺ་པས་མཛད་པ། དོ་ཧ་མཛོད་སློབ་དཔོན་ཆེན་པོ་ཏིལླི་པས་མཛད་པ། བརྟུལ་ཞུགས་སྤྱོད་པའི་སློབ་དཔོན་ཆེན་པོ་ནག་པོས་
མཛད་པའི་ཚིགས་སུ་བཅད་པ་ལྔ་པ། དཔལ་བི་རཱུ་པས་མཛད་པའི་ཚིག་རྐང་བརྒྱད་ཅུ་རྩ་བཞི་པ་རྣམས་ཡུལ་ལྷོ་ཕྱོགས་ཀོ་ས་ལར་སྐུ་འཁྲུངས་པའི་རྣལ་འབྱོར་གྱི་དབང་ཕྱུག་ཆེན་པོ་ཤྲཱི་བཻ་རོ་ཙ་ན་བཛྲའི་རང་འགྱུར། ལམ་འབྲས་བུ་དང་བཅས་པའི་རྩ་བ་རྡོ་རྗེའི་ཚིག་རྐང་དང་། བདུད་
རྩི་གྲུབ་པའི་རྩ་བ་ཞེས་བྱ་བ་སློབ་དཔོན་ཆེན་པོ་བི་རཱུ་པས་མཛད་པ། རྒྱ་གར་གྱི་མཁན་པོ་རྣལ་འབྱོར་པ་ལས་གྲུབ་པ་ཐོབ་པའི་རྒྱ་གར་ཨེ་ན་དེ་ཝའི་འགྱུར། མཁའ་འགྲོ་མའི་མན་ངག་སྙན་ནས་སྙན་དུ་བརྒྱད་པ་གདུང་བ་བཅད་པའི་གདམས་ངག་ཅེས་བྱ་བ་སྤྲུལ་པའི་རྣལ་འབྱོར་པས་
གཞུང་དུ་བཀོད་པ། ཕྱག་རྒྱ་ཆེན་པོ་རྡོ་རྗེའི་གླུ་བརྡ་བརྒྱུད་གསང་བའི་སྒྲོན་མ་དཔལ་ཤ་བ་རི་དབང་ཕྱུག་དང་། མཁའ་འགྲོ་མ་ཡེ་ཤེས་ཀྱི་སྤྱན་མ་དང་། པདྨའི་སྤྱན་གཉིས་རྣམས་ཀྱིས་སྙིང་པོའི་དོན་མགུར་དུ་བཞེས་པ། སློབ་དཔོན་ཆེན་པོ་ནཱ་རོ་པའི་རྡོ་རྗེའི་གླུ། མ་ཧཱ་ཡོ་
ག་ནཱ་རོ་པའི་རྡོ་རྗེའི་གླུ། ཡང་རྡོ་རྗེའི་གླུ། སློབ་དཔོན་ནག་པོ་ཞབས་ཀྱི་རྡོ་རྗེའི་གླུ། གྲུབ་ཐོབ་བརྒྱད་ཅུ་རྩ་བཞིའི་རྟོག་པའི་སྙིང་པོ་ཞེས་བྱ་བ་སློབ་དཔོན་དཔའ་བོ་འོད་གསལ་གྱིས་ཕྱོགས་གཅིག་ཏུ་བསྡུས་པ་དང་། སྤྱོད་པའི་གླུའི་མཛོད་གྲུབ་པ་རྣམས་ཀྱི་རྡོ་རྗེའི་གླུ་
དེ་ཁོ་ན་ཉིད་གསལ་བར་ཤེས་པའི་སྐྱེ་བོ་རྣམས་ལ་སློབ་དཔོན་ཐུབ་པས་བྱིན་གྱིས་འགྲེལ་པ་མཛད་པ་ལ། རྡོ་རྗེའི་གླུ་འགྲེལ་པ་དང་བཅས་པ་པཎྜི་ཏ་ཆེན་པོ་ཀཱིརྟི་ཙནྡྲའི་ཞལ་སྔ་ནས་གདམས་པ་དང་བཅས་པ་ཞུས་ཤིང་། ཆོས་ཀྱི་རྗེ་དཔལ་ལྡན་ས་སྐྱ་པ་ཁུ་དབོན་རྣམས་ཀྱི་

213-1-389b

སྐུ་དྲིན་ལ་བརྟེན་ནས་བལ་ཡུལ་ཡམ་བུའི་གྲོང་ཁྱེར་དུ་བོད་ཀྱི་ལོ་ཙཱ་བ་གྲགས་པ་རྒྱལ་མཚན་གྱི་འགྱུར། དངོས་པོའི་གནས་ལུགས་བསྒོམ་པ་ཞེས་བྱ་བ་ནོར་བུ་གླིང་པའི་སློབ་དཔོན་བདེ་བའི་རྡོ་རྗེས་མཛད་པ། ཕྱག་རྒྱ་བཞིའི་མན་ངག་ཅེས་བྱ་བ་སློབ་དཔོན་གཉིས་མེད་རྡོ་རྗེས་མཛད་
པ། རྒྱ་གར་གྱི་མཁན་པོ་བཛྲ་པཱ་ཎི་དང་། བོད་ཀྱི་ལོ་ཙཱ་བ་དགེ་སློང་ཚུལ་ཁྲིམས་རྒྱལ་བའི་འགྱུར། ཆོས་ཐམས་ཅད་རབ་ཏུ་མི་གནས་པར་སྟོན་པའི་དེ་ཁོ་ན་ཉིད་ཚིགས་སུ་བཅད་པ་ཕྱེད་ཀྱི་འགྲེལ་བ་དཔལ་ཨ་ཝ་དྷཱུ་ཏཱིའི་ཞབས་ཀྱིས་མཛད་པ། མ་རྟོགས་པ་རྟོགས་པར་བྱེད་པ་ཞེས་
བྱ་བ་སློབ་དཔོན་ཆེན་པོ་དཔལ་གཉིས་མེད་རྡོ་རྗེས་མཛད་པ་དང་། སྙིང་པོ་ཀུན་ལས་བཏུས་པའི་རབ་ཏུ་བྱེད་པ་སློབ་དཔོན་ཆེན་པོ་ཤྲཱི་ཨཱ་ནནྡ་བཛྲས་མཛད་པ། རྒྱ་གར་གྱི་མཁན་པོ་བཛྲ་པཱ་ཎི་དང་། བོད་ཀྱི་ལོ་ཙཱ་བ་རྨ་བན་ཆོས་འབར་གྱི་འགྱུར། སངས་རྒྱས་འཆར་བ་ཞེས་བྱ་བ་སློབ་དཔོན་ལཱུ་ཡི་
པའི་ཞབས་ཀྱིས་མཛད་པ། པཎྜི་ཏ་ནགས་ཀྱི་རིན་ཆེན་དང་། བྱམས་པ་གླིང་པའི་འགྱུར། བསྒོམ་རིམ་དྲུག་པ་ཞེས་བྱ་བ་སངས་རྒྱས་གཉིས་པ་ལྟར་གྲགས་པའི་བཛྲ་པཱ་ཎིས་མཛད་པ། དེ་ཉིད་དང་། ནག་ཚོའི་འགྱུར། ན་མོ་བུདྡྷཱ་ཡའི་འགྲེལ་པ་རྣལ་འབྱོར་གྱིས་དབང་ [མ་བྱུང་] ཕྱུག་ཆེན་པོ་སློབ་དཔོན་
ནག་པོ་རྡོ་རྗེས་མཛད་པའི་དོ་ཧ་མཛོད་ཅེས་བྱ་བ་དང་། དཔལ་ནག་པོ་རྡོ་རྗེ་ཞབས་ཀྱི་དོ་ཧ་མཛོད་ཀྱི་རྒྱ་ཆེན་འགྲེལ་པ་པཎྜི་ཏ་འོད་དཔག་མེད་ཀྱིས་མཛད་པ། ཤྲཱི་བཻ་རོ་ཙ་ན་བཛྲའི་རང་འགྱུར། ཕྱག་རྒྱ་ཆེན་པོའི་མན་ངག་ཏིལླི་པས་ནཱ་རོ་པ་ལ་ཆུ་བོ་གདྒཱའི་འགྲམ་དུ་གསུངས་པ། རྫེ་ནཱ་རོའི་ལྟ་བ་མདོར་བསྡུས་པ་
ཞེས་བྱ་བ་ལོ་ཙཱ་བ་མར་པ་ཆོས་ཀྱི་བློ་གྲོས་ཀྱི་འགྱུར། ཕྱག་རྒྱ་ཆེན་པོ་བསམ་གྱིས་མི་ཁྱབ་པ་ཞེས་བྱ་བ་རྣལ་འབྱོར་གྱི་དབང་ཕྱུག་ཏིལླི་པས་གོ་རི་ཤར་བའི་རྒྱལ་པོའི་ཁབ་ཏུ་རྣལ་འབྱོར་པ་ལ་གདམས་པ་དང་། མཐུ་ཆེན་ལ་གདམས་པ་རྣལ་འབྱོར་གྱི་དབང་ཕྱུག་ཏིལླི་པས་གྱད་ཀྱི་ནོར་བུའི་གྲོང་
དུ་གདམས་པ་ཕྲིན་ལས་བསམ་གྱིས་མི་ཁྱབ་པ་ཞེས་བྱ་བ་དང་། གླུ་མཁན་ལ་གདམས་པ་རྣལ་འབྱོར་གྱི་དབང་ཕྱུག་ཏིལླི་པས་འདུས་པ་རིན་པོ་ཆེའི་ཚོང་དུས་སུ་གདམས་པ་རོལ་མོ་བསམ་གྱིས་མི་ཁྱབ་པ་ཞེས་བྱ་བ་དང་། མུ་སྟེགས་ལ་གདམས་པ་རྣལ་འབྱོར་གྱི་དབང་ཕྱུག་ཆེན་

213-1-390a

པོ་ཏིལླི་པས་རྒྱལ་པོ་སེང་གྲགས་སེང་གེའི་སྒོ་དྲུང་དུ་གདམས་པ་ཆོས་ཉིད་བསམ་གྱིས་མི་ཁྱབ་པ་ཞེས་བྱ་བ་དང་། ཤན་པ་ལ་གདམས་པ་རྣལ་འབྱོར་གྱི་དབང་ཕྱུག་ཏིལླི་པས་རིགས་ངན་གཏུམ་མོའི་གྲོང་ཁྱེར་དུ་གསོད་པའི་སྦྱོར་བ་བསམ་གྱིས་མི་
ཁྱབ་པ་ཞེས་བྱ་བ་དང་། རིག་བྱེད་མཁན་ལ་གདམས་པ་རྣལ་འབྱོར་གྱི་དབང་ཕྱུག་ཏིལླི་པས་གྲོང་ཁྱེར་པདྨ་ཅན་དུ་གདམས་པ་སྣ་ཚོགས་བསམ་གྱིས་མི་ཁྱབ་པ་ཞེས་བྱ་བ་དང་། སྒྱུ་མ་མཁན་ལ་གདམས་པ་རྣལ་འབྱོར་གྱི་དབང་ཕྱུག་ཏིལླི་པས་གྲོང་ཁྱེར་གྲགས་པ་སྐྱོང་དུ་གདམས་
པ་དངོས་པོ་བསམ་གྱིས་མི་ཁྱབ་པ་ཞེས་བྱ་བ་དང་། སྨད་འཚོང་ལ་གདམས་པ་རྣལ་འབྱོར་གྱི་དབང་ཕྱུག་ཏིལླི་པས་སྒྱུ་མ་སྤྲུལ་པའི་གྲོང་ཁྱེར་དུ་གདམས་པ་བསམ་གྱིས་མི་ཁྱབ་པ་བདེ་བ་ཆེན་པོ་ཞེས་བྱ་བ་སྟེ་ཏིལླི་པའི་ཆོས་བརྒྱད་དོ། །འཁོར་བ་ལས་ཡིད་ངེས་པར་འབྱུང་
བར་བྱེད་པ་ཞེས་བྱ་བའི་གླུ་སློབ་དཔོན་དཔལ་མར་མེ་མཛད་ཡེ་ཤེས་ཀྱིས་མཛད་པ། རྒྱ་གར་གྱི་མཁན་པོ་དེ་ཉིད་དང་། ཞུ་ཆེན་གྱི་ལོ་ཙཱ་བ་རྒྱ་བརྩོན་སེང་གེས་བི་ཀྲ་མ་ལ་ཤཱི་ལའི་གཙུག་ལག་ཁང་དུ་བསྒྱུར་བ། སླད་ནས་བླ་མ་དེ་ཉིད་དང་། ལོ་ཙཱ་བ་ཚུལ་ཁྲིམས་རྒྱལ་བས་བཅོས་
པ། ཆོས་ཀྱི་དབྱིངས་སུ་ལྟ་བའི་གླུ་སློབ་དཔོན་ཆེན་པོ་དཱི་པཾ་ཀ་རས་མཛད་པ། རྒྱ་གར་གྱི་མཁན་པོ་དེ་ཉིད་དང་། བོད་ཀྱི་ལོ་ཙཱ་བ་དགེ་སློང་ཚུལ་ཁྲིམས་རྒྱལ་བའི་འགྱུར། ཞི་བྱེད་ཀྱི་མན་ངག་སྒྲོན་མ་དགུ་སྐོར་ལ། མན་ངག་སྐུའི་སྒྲོན་མ་ཞེས་བྱ་བ་དང་། ཐེག་པ་
གསུང་གི་སྒྲོན་མ་ཞེས་བྱ་བ་དང་། ཡང་དག་ལྟ་བའི་སྒྲོན་མ་ཞེས་བྱ་བ་དང་། རིན་པོ་ཆེའི་སྒྲོན་མ་ཞེས་བྱ་བ་དང་། མཉམ་ཉིད་གཞིའི་སྒྲོན་མ་ཞེས་བྱ་བ་དང་། མཐར་ཐུག་འབྲལ་བུའི་སྒྲོན་མ་ཞེས་བྱ་བ་དང་། བྱང་ཆུབ་སྤྱོད་པའི་སྒྲོན་མ་ཞེས་བྱ་བ་དང་། རྣལ་འབྱོར་ལམ་གྱི་སྒྲོན་མ་ཞེས་བྱ་
བ་དང་། གསང་བ་ཐུགས་ཀྱི་སྒྲོན་མ་ཞེས་བྱ་བ་དང་། མཎྜལ་གྱི་ཆོ་ག་ཞེས་བྱ་བ་དང་། དེ་ཁོ་ན་ཉིད་ཕྱག་རྒྱ་ཆེན་པོ་ཡི་གེ་མེད་པའི་མན་ངག་རྣམས་རྣལ་འབྱོར་གྱི་དབང་ཕྱུག་ཆེན་པོ་ཀ་མ་ལ་ཤཱི་ལས་མཛད་པ། རྒྱ་གར་གྱི་མཁན་པོ་ཛྙཱ་ན་གུ་ཧྱ་དང་། ཞུ་ཆེན་གྱི་ལོ་ཙཱ་བ་བླ་མ་ཨང་

213-1-390b

ལོ་བཙུན་ཆུང་གི་འགྱུར་རོ། །བསྐྱེད་རིམ་གྱི་སྐོར་ལ། ཤེས་རབ་ཀྱི་ཕ་རོལ་ཏུ་ཕྱིན་པའི་སྒྲུབ་ཐབས། རྗེ་བཙུན་མ་འཕགས་མ་སྒྲོལ་མའི་སྒྲུབ་ཐབས། རྡོ་རྗེ་ཕག་མོའི་སྒྲུབ་ཐབས། འཇམ་དཔལ་ཁྲོ་བོར་སྒྲུབ་པ་དེ་རྣམས་རྗེ་བཙུན་ཀ་མ་ལ་ཤཱི་ལས་མཛད་ཅིང་། པཎྜི་ཏ་
ཛྙཱ་ན་གུ་ཧྱ་དང་། ཨང་ལོ་ཙཱ་བའི་འགྱུར། ཆོས་དྲུག་མན་ངག་ཅེས་བྱ་བ་གྲུབ་པའི་རྣལ་འབྱོར་གྱི་དབང་ཕྱུག་ཏིལླི་པས་མཛད་པ། རྒྱ་གར་གྱི་མཁན་པོ་ན་རོ་པཎྜི་ཏ་དང་། མར་པ་ལྷོ་བྲག་པ་ཆོས་ཀྱི་བློ་གྲོས་ཀྱིས་ཁ་ཆེའི་གནས་པུཥྤ་ཧ་རིར་བསྒྱུར། བཀའ་ཡང་དག་པའི་ཚད་པ་ཞེས་
བྱ་བ་མཁའ་འགྲོ་མའི་མན་ངག་ཀ་དཔེ་དང་པོ་དང་། ཀ་དཔེ་ཕྱི་མ་གཉིས་འགྱུར་བྱང་མེད་པ། རིམ་པ་ལྔ་བསྡུས་པ་གསལ་བ་ཞེས་བྱ་བ་དཔལ་ནཱ་རོ་པས་མཛད་པ། པཎྜི་ཏ་དེ་ཉིད་དང་། བོད་ཀྱི་ལོ་ཙཱ་བ་མར་པ་ཆོས་ཀྱི་བློ་གྲོས་ཀྱི་འགྱུར། གོ་བར་བྱེད་པའི་སྙིང་པོ་བརྒྱ་པ་ཞེས་
བྱ་བ་སློབ་དཔོན་ཆེན་པོ་ཨཱརྱ་དེ་ཝས་མཛད་པ། གོ་བར་བྱེད་པའི་སྙིང་པོ་བརྒྱ་པ་རྣམ་པར་བཤད་པ་ཞེས་བྱ་བ་དཔལ་ཧེ་རུ་ཀ་དེ་ཝའི་ཞལ་སྔ་ནས་མཛད་པ། ཚེ་སྒྲུབ་པའི་ཐབས་རྣམས་རྒྱ་གར་ཤར་ཕྱོགས་སཏྣ་ག་རའི་པཎྜི་ཏ་ཆེན་པོ་དཔལ་ནགས་ཀྱི་རིན་ཆེན་གྱི་སྤྱན་སྔར། དགེ་
སློང་ཆོས་སྨྲ་བ་བསོད་ནམས་རྒྱ་མཚོའི་སྡེས་བསྒྱུར། དཔལ་འཁོར་ལོ་སྡོམ་པའི་མན་ངག་ཞལ་ནས་སྙན་དུ་བརྒྱུད་པ་ཡིད་བཞིན་ནོར་བུ་ཞེས་བྱ་བ་མཁའ་འགྲོ་མའི་གསང་ཚིག་ཏིལླི་པས་བཀོད་པ་དང་། སྙན་བརྒྱུད་རྡོ་རྗེའི་ཚིག་རྐང་མཁས་པ་ན་རོ་པས་མཛད་པ། མཁས་པ་ན་རོ་
པཎ་ཆེན་དེ་ཉིད་དང་། ལོ་ཙཱ་བ་མར་པ་ཆོས་ཀྱི་བློ་གྲོས་ཀྱིས་པུཥྤ་ཧ་རིའི་གནས་ཆེན་དུ་བསྒྱུར། བདག་གི་རྣལ་འབྱོར་ཞེས་བྱ་བ་ཏོག་རྩེ་པའི་ཞབས་ཀྱིས་མཛད་པ། རྒྱ་གར་ཤར་ཕྱོགས་སཏྣ་ག་རའི་མཁས་པ་ཆེན་པོ་ནགས་ཀྱི་རིན་ཆེན་གྱི་སྤྱན་སྔར། དགེ་སློང་ཆོས་སྨྲ་བ་བསོད་ནམས་
རྒྱ་མཚོའི་སྡེས་བསྒྱུར་བ། ལས་ཐམས་ཅད་གྲུབ་པར་བྱེད་པ་ཞེས་བྱ་བ་ཙརྦ་ཊིའི་ཞབས་ཀྱིས་མཛད་པ། དགེ་སློང་རྒྱ་མཚོས་བསྒྱུར་བ་རྣམས་བཞུགས་སོ།།      །།ཟི་པ་ལ། ལྷན་ཅིག་སྐྱེས་པའི་གླུ་རྣལ་འབྱོར་གྱི་དབང་ཕྱུག་ཤཱནྟི་དེ་ཝས་མཛད་པ། བླ་མ་དྷི་རི་ཤྲཱི་ཛྙཱ་

213-1-391a

ན་དང་། ལོ་ཙཱ་བ་རྨ་བན་ཆོས་འབར་གྱི་འགྱུར། རང་བཞིན་གྱི་དོ་ཧ་མཛོད་ཀྱི་གླུའི་ལྟ་བ་ཞེས་བྱ་བ་སློབ་དཔོན་ལཱུ་ཡི་པས་མཛད་པ། རྣམ་རྟོག་སྤང་པའི་གླུ་ཞེས་བྱ་བ་སློབ་དཔོན་ལི་ལཱ་པས་མཛད་པ། ལས་ཀྱི་གཏུམ་མོའི་དོ་ཧ་མཛོད་ཀྱི་གླུ་ཞེས་བྱ་བ་
སློབ་དཔོན་བི་རཱུ་བས་མཛད་པ། ལྟ་བ་སྒོས་སྤྱོད་པ་འབྲས་བུའི་དོ་ཧའི་གླུ་ཞེས་བྱ་བ་སློབ་དཔོན་ས་ར་ཧ་པས་མཛད་པ། དོ་ཧ་མཛོད་ཀྱི་དེ་ཉིད་ཀྱི་གླུ་ཞེས་བྱ་བ་སློབ་དཔོན་ཀ་ན་རི་ནས་བརྒྱུད་པ་ཐ་ག་ནས་མཛད་པ། སྤྱོད་པའི་དོ་ཧ་མཛོད་ཀྱི་གླུ་ཞེས་བྱ་བ་སློབ་དཔོན་ཀཱ་མ་བྷ་ལ་ནས་
བརྒྱུད་པ་སློབ་དཔོན་ཀོངྐ་ནས་མཛད་པ། ལྷན་ཅིག་སྐྱེས་དགའི་དོ་ཧ་མཛོད་ཀྱི་གླུའི་ལྟ་བ་ཞེས་བྱ་བ་སློབ་དཔོན་བྷ་དེས་མཛད་པ། བདེ་བར་གཤེགས་པའི་ལྟ་བའི་གླུ་ཞེས་བྱ་བ་སློབ་དཔོན་དཱ་མ་པས་མཛད་པ། རླུང་གི་དེ་ཉིད་ཀྱི་དོ་ཧའི་གླུ་ཞེས་བྱ་བ་སློབ་དཔོན་ནག་པོ་པ་ནས་བརྒྱུད་པ་སློབ་དཔོན་
མ་ཧི་པས་མཛད་པ། དཔྱིད་ཀྱི་ཐིག་ལེ་དོ་ཧ་མཛོད་ཀྱི་གླུ་ཞེས་བྱ་བ་སློབ་དཔོན་ནག་པོ་ནས་བརྒྱུད་པ་སློབ་དཔོན་ས་ར་ཧས་མཛད་པ། རྡོ་རྗེ་བཞིའི་གླུ་ཞེས་བྱ་བ་ཨ་ཝ་དྷཱུ་ཏཱི་གཉིས་མེད་རྡོ་རྗེས་མཛད་པ། བླ་མ་མཻ་ཏྲི་པའི་གླུ། ས་ར་ཧའི་གླུ། ཡང་ས་ར་ཧའི་གླུ། བི་རཱུ
བྱེད་པའི་རྡོ་རྗེའི་གླུ། ཀཧྞ་པའི་གླུ། མི་གནས་པའི་དོན་ཐུགས་སུ་ཆུད་པ་བླ་མ་རྗེ་བཙུན་དྷིཥྚི་ཛྙཱ་ནས་མཛད་པ་རྡོ་རྗེའི་གླུ། ཡང་བླ་མ་དྷིཥྚི་ཛྙཱ་ནའི་ཞལ་སྔ་ནས་ཀྱི་གླུ། ཡང་གླུ་གཅིག །གཎྜ་རིའི་གླུ། མ་ཏི་ཙི་ཊའི་གླུ། ཡང་གླུ་གཉིས། ཨཱ་ཙཱརྱ་དཔའ་
འོ་རྣམ་པར་སྣང་མཛད་ཀྱི་གླུ། ན་རོ་པཎྜི་ཏའི་གླུ། ལཱུ་ཡི་པའི་གླུ། ཌོམྦི་པའི་གླུ། བི་རཱུ་པའི་གླུ། ལ་བ་པའི་གླུ། མ་ཧཱ་སུ་ཁ་ཏའི་གླུ། རྣལ་འབྱོར་པ་པྲ་ས་རའི་གླུ། ཀླུ་སྒྲུབ་ཀྱི་གླུ། དཱི་པཾ་ཀཱ་ར་ཤྲཱི་ཛྙཱ་ནའི་ཆོས་ཀྱི་གླུ། ཐིག་ལེ་བཅུ་དྲུག་གི་ཉམས་ལེན་ཞེས་བྱ་བ་སློབ་དཔོན་
ཀངྐ་ལི་པས་མཛད་པ། ཕྱི་ནང་བྱང་ཆུབ་ཀྱི་སེམས་བཅིང་བའི་མན་ངག་ཅེས་བྱ་བ་སློབ་དཔོན་བི་ནཱ་པས་མཛད་པ། རླུང་གི་དེ་ཉིད་བསྒོམ་པའི་མན་ངག་ཅེས་བྱ་བ་སློབ་དཔོན་གྷོ་ར་ཥས་མཛད་པ། རླུང་གི་དེ་ཉིད་བསྒོམ་པའི་མན་ངག་ཅེས་བྱ་བ་སློབ་དཔོན་ཙོ་རོང་གིས་མཛད་

213-1-391b

པ། རྡོ་རྗེ་མཁས་འགྲོའི་རྫོགས་པའི་རིམ་པ་སློབ་དཔོན་བི་རཱུ་པ་ནས་བརྒྱུད་པ་སློབ་དཔོན་བྷི་ན་པས་མཛད་པ། རྣལ་འབྱོར་བཞིའི་ཉམས་ལེན་གྱི་ཐབས་ཞེས་བྱ་བ་སློབ་དཔོན་ཏནྟི་པས་མཛད་པ། ཐབས་དང་ཤེས་རབ་གཏན་ལ་ཕབ་པའི་དངོས་གྲུབ་བསྡུས་པ་ཞེས་བྱ་བ་
སློབ་དཔོན་ཙ་མ་རིས་མཛད་པ། རང་བཞིན་གྲུབ་པ་མེད་པའི་གཞིའི་མན་ངག་ཅེས་བྱ་བ་སློབ་དཔོན་ཀླུ་སྒྲུབ་ཀྱིས་མཛད་པ། རྫེ་བཙུན་ཡི་གེ་བརྒྱ་པའི་སེམས་དཔའ་གསུམ་གྱི་སྒོམ་པའི་ཐབས་སློབ་དཔོན་ནཱ་རོ་པས་མཛད་པ། རིན་ཆེན་ཕྲེང་བ་ཞེས་བྱ་བ་སློབ་དཔོན་སི་ལ་
ཨ་ལིས་མཛད་པ། སྙིང་རྗེ་བསྒོམ་པའི་བྱིན་རླབས་ཞེས་བྱ་བ་སློབ་དཔོན་ཏིལླི་པས་མཛད་པ། ཐེག་པ་ཆེན་པོའི་གནས་ལུགས་གཏན་ལ་འབེབས་པ་ཞེས་བྱ་བ་སློབ་དཔོན་ཆེན་པོ་དྷོ་ཁིནྡྷས་མཛད་པ། སེམས་ལ་གྲོས་འདེབས་ཞེས་བྱ་བ་སློབ་དཔོན་ཨ་ཛོ་གིས་མཛད་པ།
གཞི་ལམ་འབྲས་བུ་བསྒོམ་པའི་ཕྱག་རྒྱ་ཆེན་པོའི་ཉམས་ལེན་ཞེས་བྱ་བ་སློབ་དཔོན་པ་ཀ་ལས་མཛད་པ། རྩ་རླུང་གི་སྒོ་ནས་རྣལ་འབྱོར་གྱི་སྤྱོད་པ་སྤྱད་པ་ཞེས་བྱ་བ་དང་། ཡི་གེ་གཉིས་པའི་མན་ངག་ཅེས་བྱ་བ་སློབ་དཔོན་ཌོམྦི་ཧེ་རུ་ཀས་མཛད་པ། དེ་ཁོ་ན་ཉིད་ཀྱི་བདེ་
བ་བསྒོམ་པའི་རྗེས་སུ་འབྲང་བའི་རྣལ་འབྱོར་བསྒོམ་པའི་མན་ངག་ཅེས་བྱ་བ་སློབ་དཔོན་ཆེན་པོ་ཀུ་ཀུ་རི་པས་མཛད་པ། འཛག་པ་གཅོད་པའི་མན་ངག་ཅེས་བྱ་བ་སློབ་དཔོན་ཀུ་ཛཱི་པས་མཛད་པ། མུ་སྟེགས་ཀྱི་གཏུམ་མོ་ཞེས་བྱ་བ་སློབ་དཔོན་ཨ་ཙིནྟིས་མཛད་པ། གསེར་འགྱུར་
གྱི་རྩི་ཞེས་བྱ་བ་སློབ་དཔོན་ན་ལིས་མཛད་པ། སེམས་དང་སེམས་ཉིད་འདུལ་བའི་ཐབས་ཞེས་བྱ་བ་སློབ་དཔོན་ཤཱནྟ་དེ་ཝ་ནས་བརྒྱུད་པ་སློབ་དཔོན་མེ་ཀོ་ལས་མཛད་པ། ལྷ་ཀུན་གྱི་རྫོགས་པའི་རིམ་པའི་ལམ་ཞེས་བྱ་བ་{གྷ་}དྟ་རིས་མཛད་པ། ཉི་ཟླ་བཅིང་བའི་ཐབས་ཞེས་བྱ་བ་
སློབ་དཔོན་བི་རཱུ་པ་ནས་བརྒྱུད་པ་ཀ་མ་རིས་མཛད་པ། སེམས་ཉིད་ཀྱི་ཐིག་ལེ་ཧཱུཾ་ཉིད་བསྒོམ་པའི་རིམ་པ་ཞེས་བྱ་བ་སློབ་དཔོན་ཛཱ་ལནྡྷ་རིས་མཛད་པ། བསམ་གྱིས་མི་ཁྱབ་བའི་བསྒོམ་པ་ཞེས་བྱ་བ་སློབ་དཔོན་རཱ་ཧུ་ལས་མཛད་པ། ཧཱུྃ་ཡིག་སེམས་ཉིད་ཐིག་ལེ་བསྒོམ་པའི་རིམ་པ་

213-1-392a

ཞེས་བྱ་བ་སློབ་དཔོན་ནག་པོ་པ་ནས་བརྒྱུད་པའི་སློབ་དཔོན་དྷརྨ་བས་མཛད་པ། རང་བཞིན་གྲུབ་པ་ཞེས་བྱ་བ་སློབ་དཔོན་དྷོ་ཀ་རིས་མཛད་པ། ལྷན་ཅིག་སྐྱེས་པའི་གདམས་པ་ཞེས་བྱ་བ་སློབ་དཔོན་མེ་དྷི་ནིས་མཛད་པ། བླ་མེད་སྦྱོར་བའི་རིམ་པ་ཞེས་
བྱ་བ་སློབ་དཔོན་བཱངྒ་ཛས་མཛད་པ། ཨ་ཕྲེང་ཀ་ཕྲེང་གི་སྔགས་ཀྱི་རིམ་པ་ཞེས་བྱ་བ་སློབ་དཔོན་གནྡྷས་མཛད་པ། ཀ་ཕྲེང་བསྒོམ་པའི་ལམ་ཞེས་བྱ་བ་སློབ་དཔོན་དྷ་མ་དྷུ་མས་མཛད་པ། ཨ་ཕྲེང་ཀ་ཕྲེང་བདེ་མཆོག་འཁོར་ལོའི་རྣལ་འབྱོར་ཆེན་པོ་བསྒོམ་པ་ཞེས་བྱ་བ་སློབ་དཔོན་སཱ་
ག་རས་མཛད་པ། རླུང་གནས་ནད་ཀྱི་བརྟག་པ་ཞེས་བྱ་བ་སློབ་དཔོན་ཨ་ཛོ་ཀིས་མཛད་པ། སེམས་ཀྱི་དེ་ཉིད་བཅིང་བ་ཞེས་བྱ་བ་སློབ་དཔོན་ཀོ་དྷ་ལིས་མཛད་པ། གཏུམ་མོ་ཐིག་ལེ་བཀྲམ་པ་ཞེས་བྱ་བ་སློབ་དཔོན་ཙུ་ལི་ཀིས་མཛད་པ། ལུས་ཀྱི་རྩ་ཐིག་མཉམ་པ་ཉིད་ཀྱི་མན་ངག་ཅེས་བྱ་བ་
སློབ་དཔོན་ནི་ཀུ་ནིས་མཛད་པ། འབྱུང་བ་བཞིའི་སྲིད་པའི་ཆགས་ལུགས་ཞེས་བྱ་བ་སློབ་དཔོན་ཙ་ར་པ་ཏིས་མཛད་པ། རང་རིག་ཡེ་ཤེས་ཀྱི་ལྟ་བའི་ཉམས་ལེན་ཞེས་བྱ་བ་སློབ་དཔོན་ཙམྤ་ཀས་མཛད་པ། འཇིགས་པ་བརྒྱད་རྨོངས་པར་བྱེད་པའི་ཐབས་ཞེས་བྱ་བ་སློབ་དཔོན་བྷེ་ཁ་ནས་
མཛད་པ། ཕྱི་ནང་གི་དུག་སེལ་གྱི་རིམ་པ་ཞེས་བྱ་བ་སློབ་དཔོན་ཏིལླི་པས་མཛད་པ། གཡུང་དྲུང་འཁྱིལ་པ་གསུམ་གྱི་ཞལ་གདམས་ཀྱི་ཉམས་ལེན་ཞེས་བྱ་བ་སློབ་དཔོན་ཡུམ་ཀངྐ་ལ་མེ་ཀ་ལས་གསུངས་པ། ལྷན་ཅིག་སྐྱེས་པའི་རང་བཞིན་ཞེས་བྱ་བ་སློབ་དཔོན་ཀནྠཱ་རིས་མཛད་པ། ཨ་
ཏི་རྣལ་འབྱོར་གྱི་བསྒོམ་པའི་ཐབས་ཞེས་བྱ་བ་སློབ་དཔོན་ཀླུའི་བྱང་ཆུབ་ཀྱིས་མཛད་པ། བྱང་ཆུབ་སེམས་ཀྱི་རླུང་རྒྱུ་བའི་མན་ངག་བསྒོམ་པ་ཞེས་བྱ་བ་སློབ་དཔོན་སུ་ཏ་ལིས་མཛད་པ། ལྟ་སྤྱོད་སྐྱེ་མེད་ཀྱི་བསྒོམ་པ་ཞེས་བྱ་བ་སློབ་དཔོན་པ་ན་ཧས་མཛད་པ། ཚེ་སྒྲུབ་པའི་གདམས་ངག་ཅེས་བྱ་བ་
སློབ་དཔོན་ཀོ་ཀི་ལས་མཛད་པ། དུག་སེལ་སྒོམ་པའི་རིམ་པ་ཞེས་བྱ་བ་སློབ་དཔོན་ཨ་རང་གིས་མཛད་པ། གཉིས་མེད་ཀྱི་རྩ་བ་བསྒོམ་པའི་རིམ་པ་ཞེས་བྱ་བ་སློབ་དཔོན་ནག་པོ་པ་ནས་བརྒྱུད་པ་སློབ་དཔོན་ནི་ལ་ཁནྡྷས་མཛད་པ། ཕྲ་བའི་རྣལ་འབྱོར་གྱི་ཉམས་ལེན་ཞེས་བྱ་བ་སློབ་

213-1-392b

དཔོན་ས་མུ་དྲས་མཛད་པ། ཕྱི་ནང་བདུད་རྩིའི་བཅུད་ལེན་ཞེས་བྱ་བ་སློབ་དཔོན་བྷྱ་རིས་མཛད་པ་རྣམས་རྒྱ་གར་གྱི་པཎྜི་ཏ་རཏྣ་ཕ་ལས་རང་འགྱུར་དུ་མཛད་ནས་བཤད་རྒྱུད་ཀྱི་གདམས་པ་བར་མ་ཆད་དུ་གསུངས་སོ། །དོ་ཧ་སྤྱོད་པའི་གླུའི་ལྟ་བ་ཞེས་བྱ་བ་སློབ་དཔོན་ལཱུ་ཧི་པ་ནས་བརྒྱུད་པ་
སློབ་དཔོན་ཀི་ར་པས་མཛད་པ། སྟོང་པ་ཉིད་ཀྱི་ལྟ་བ་ཞེས་བྱ་བ་སློབ་དཔོན་ཤ་བ་རི་པས་མཛད་པ། བདེ་སྡུག་གཉིས་བྲལ་གྱི་ལྟ་བ་ཞེས་བྱ་བ་སློབ་དཔོན་ཤཱནྟི་པས་མཛད་པ། འབྲེལ་མེད་ཀྱི་ལྟ་བ་ཞེས་བྱ་བ་སློབ་དཔོན་ཀཾ་པ་ལས་མཛད་པ་རྣམས་བླ་མ་རཏྣ་པ་ལའི་རང་འགྱུར། ཞེན་མེད་ཀྱི་
ལྟ་བ་ཞེས་བྱ་བ་སློབ་དཔོན་ཀཾ་པ་ལས་མཛད་པ། སྟོང་ཉིད་སྙིང་རྗེའི་ལྟ་བ་ཞེས་བྱ་བ་སློབ་དཔོན་ཆེན་པོ་ཨཱརྱ་དེ་ཝ་ནས་བརྒྱུད་པ་སློབ་དཔོན་ཙ་ཏ་པས་མཛད་པ། སེམས་ཉིད་རིན་ཆེན་གྱི་ལྟ་བ་ཞེས་བྱ་བ་སློབ་དཔོན་ཀ་ན་པ་ནས་བརྒྱུད་པ་སློབ་དཔོན་དྷེ་ཏ་ནས་མཛད་པ། དེ་ཉིད་བརྒྱད་ཀྱི་ལྟ་བ་
ཞེས་བྱ་བ་སློབ་དཔོན་ཨིནྡྲ་བྷཱུ་ཏིས་མཛད་པ། སེམས་ཉིད་ཀྱི་རྟོག་པ་འཇོམས་པའི་ལྟ་བ་ཞེས་བྱ་བ་ཀངྐ་ལ་དང་མེ་ཁ་ལ་ནས་བརྒྱུད་པ་སློབ་དཔོན་ལཀྵྨཱིས་གསུངས་པ། མྱ་ངན་གྱི་ལྟ་བ་ཞེས་བྱ་བ་སློབ་དཔོན་མ་ཧི་ལ་ནས་བརྒྱུད་པ་དྷའུ་རི་པས་མཛད་པ། སེམས་ཙམ་གྱི་ལྟ་བ་ཞེས་བྱ་བ་
སློབ་དཔོན་ས་ར་ཧ་ནས་བརྒྱུད་པ་སློབ་དཔོན་མི་ཏྲི་པས་གསུངས་པ། སྙིང་རྗེའི་སྤྱོད་པ་ཐོད་པའི་ལྟ་བ་ཞེས་བྱ་བ་སློབ་དཔོན་དྷ་རི་ཀ་པ་ནས་བརྒྱུད་པ་སློབ་དཔོན་ས་ར་བྷ་ཁས་མཛད་པ། འབྲེལ་མེད་ཀྱི་ལྟ་བ་ཞེས་བྱ་བ་སློབ་དཔོན་ནག་པོ་པས་མཛད་པ། དེ་བཞིན་ཉིད་ཀྱི་ལྟ་བ་ཞེས་བྱ་བ་སློབ་དཔོན་དཱ་
རི་ཀ་པས་མཛད་པ། ཕྱག་རྒྱ་ཆེན་པོ་བརྡའི་བརྒྱུད་པ་དམ་པ་རྒྱ་གར་ལ་བདེ་བར་གཤེགས་པ་བཅུ་གཉིས་ཀྱིས་གསུངས་པ། སངས་རྒྱས་གཉིས་པ་ལྟར་གྲགས་པ་བླ་མ་རྒྱ་གར་ནག་གུའི་ཞབས་དང་། བོད་ཀྱི་བནྡེ་ཞ་མ་ལོ་ཙཱ་བས་བྱིན་རླབས་ཀྱི་གནས་མཆོག་དིང་རིར་བསྒྱུར་ཏེ་བླ་མ་བྱང་ཆུབ་
སེམས་དཔའ་ཀུན་དགའ་ལ་གསུངས་པ། ཕྱག་རྒྱ་ཆེན་པོའི་མན་ངག་རྡོ་རྗེ་གསང་བའི་གླུ་ཞེས་བྱ་བ་རྣལ་འབྱོར་གྱི་དབང་ཕྱུག་དཔལ་ས་ར་ཧས་ཞལ་ནས་གསུངས་པ། རྒྱ་གར་གྱི་མཁན་པོ་ཀ་མ་ལ་ཤཱི་ལ་དང་། བོད་ཀྱི་ལོ་ཙཱ་བ་ཞ་མ་སྟོན་པ་སེང་གེ་རྒྱལ་པོས་བསྒྱུར། དཔལ་རྡོ་རྗེ་

213-1-393a

མཁའ་འགྲོ་མའི་མགུར་ཞེས་བྱ་བ་ཞ་མ་ལོ་ཙཱའི་འགྱུར། རྡོ་རྗེ་མཁའ་འགྲོ་མའི་བརྡའི་མགུར་ཞེས་བྱ་བ་དབྱིངས་ཀྱི་གཙོ་མོ་རྣམས་བཀའ་བགྲོས་ནས་རྗེ་དམ་པ་རྒྱ་གར་ལ་གནང་བ། སླད་ཀྱིས་དིང་རི་{བླ་}འཁོར་དུ་ཞ་མ་ལོ་ཙཱས་བསྒྱུར་ནས་བླ་མ་བྱང་ཆུབ་སེམས་དཔའ་
ཀུན་དགའ་ལ་གཏང་། ཐུགས་ཀྱི་གསང་བ་གླུར་བླང་བ་ཐིག་ལེ་དག་པའི་ཕྲེང་བ་ཞེས་བྱ་བ་དང་། གྲུབ་ཐོབ་ཕོ་མོ་བརྒྱད་བཅུའི་རྟོག་པ་བརྗོད་པ་དང་། གྲབ་ཐོབ་ལྔ་བཅུའི་རྟོག་པ་བརྗོད་པ་ཐིག་ལེ་འོད་ཀྱི་ཕྲེང་བ་ཞེས་བྱ་བ་མཁའ་འགྲོ་མའི་གསང་མཛོད་ནས་ཕྱུང་སྟེ་རྗེ་དམ་པ་རྒྱ་གར་
གནང་བ་ཞ་མ་ལོ་ཙཱའི་འགྱུར། ཕྱག་རྒྱ་ཆེན་པོ་རིན་མོ་ཆེ་བརྡའི་མན་ངག་ཅེས་བྱ་བ་རྗེ་དམ་པ་ལ་མཁའ་འགྲོ་མས་གཏད་པ། ཞ་མ་ལོ་ཙཱའི་འགྱུར་ལ་དུམ་དྲུག་དང་ལེ་ཕྲན་ལྔ་བཅུ་རྩ་ལྔ་ཡོད་དོ། །མཁའ་འགྲོ་མ་རྡོ་རྗེ་གསང་བའི་གླུ་ཞེས་བྱ་བ་ཚོ་བདུན་དུ་བསྟན་པ་མཁའ་འགྲོ་མ་གསང་
བའི་མཛོད་ན་གནས་པ་ལས་དབྱིངས་ཀྱི་གཙོ་མོ་རྣམས་ཀྱིས་བཀའ་བགྲོས་ནས་ཀ་མ་ལ་ཤཱི་ལ་ལ་གཏད་པ། ཞ་མ་ལོ་ཙཱ་བ་སྟོན་པ་སེང་གེ་རྒྱལ་པོས་བསྒྱུར། རྔོན་པ་ཆེན་པོས་ཀ་མ་ལ་ཤཱི་ལ་ལ་གནད་ཀྱི་གདམས་པ་བསྟན་པ་སེམས་ཀྱི་གསང་བ་ཟབ་དོན་བརྡའི་གླུར་བླངས་པ་ཞེས་བྱ་བ་
ཤ་བ་རི་དབང་ཕྱུག་གིས་དམ་པ་ལ་གནང་། དམ་པའི་ཞལ་སྔ་ནས་ཞ་མ་ལོ་ཙཱ་བས་གཏན་ལ་ཕབ་སྟེ་དཔལ་དིང་རི་མཁན་པའི་ཁྲོད་དུ་བསྒྱུར་པ། དཔལ་ཨཽ་ཌྱཱན་གྱི་ཚོགས་འཁོར་བྱས་པའི་དུས་སུ་རྣལ་འབྱོར་པ་གྲུབ་པ་ཐོབ་བཞི་བཅུས་རྡོ་རྗེའི་མགུར་བཞེངས་བ་ཉམས་ཀྱི་མན་ངག་ཐིག་
ལེ་གསེར་གྱི་ཕྲེང་བ་ཞེས་བྱ་བ། ཡེ་ཤེས་ཀྱི་མཁའ་འགྲོ་མ་སུམ་ཅུ་རྩ་ལྔའི་རྟོག་པ་བརྗོད་པ་མཁའ་འགྲོ་མའི་གསང་མཛོད་ན་གནས་པ་ལས་དབྱིངས་ཀྱི་གཙོ་མོ་རྣམས་ཀྱིས་བཀའ་བགྲོས་ནས་རྗེ་དམ་པ་རྒྱ་གར་ལ་གནང་བ། ཞ་མ་ལོ་ཙཱའི་འགྱུར། མཁའ་འགྲོ་མའི་འབྱམས་གླུ་ཞེས་
བྱ་བ་ཁྱད་པར་གྱི་བརྒྱུད་པ་བརྒྱད་ལས་དོན་སྐོར་རྣམ་པ་བཞི་འབྱམས་གླུ་དང་བཅས་པ་དང་། ཕྱག་རྒྱ་ཆེན་པོ་རིན་པོ་ཆེ་དབང་གི་འཁོར་ལོ་ཞེས་བྱ་བ་དུར་ཁྲོད་རྒྱུ་སྐར་དཔལ་གྱི་རོལ་པར་གསུངས་པ། རྣལ་འབྱོར་པ་ཐམས་ཅད་ཀྱི་དེ་ཁོ་ན་ཉིད་སྣང་བ་ཞེས་བྱ་བ་གྲུབ་པ་རྣམས་ཀྱི་རྡོ་རྗེའི་

213-1-393b

མགུར་རྒྱལ་སྲས་མིའི་སེང་གེ་རྗེ་དམ་པ་རྒྱ་གར་རིན་པོ་ཆེའི་ཞལ་སྔ་ནས་རང་འགྱུར་དུ་མཛད་པ། ཕྱག་རྒྱ་ཆེན་པོ་གསེར་ཕྲེང་ཞེས་བྱ་བ་གྲུབ་པ་ཐོབ་པའི་རྣལ་འབྱོར་པ་དང་པཎྜི་ཏ་མང་པོས་གསུངས་པ་རྣམས་རྗེ་བཙུན་མངའ་བདག་མཻ་ཏྲི་པས་གཞུང་གཅིག་ཏུ་བསྡེབས་པ། པཎྜི་
ཏ་དེ་ཉིད་དང་། ལོ་ཙཱ་བ་མར་པ་ཆོས་ཀྱི་བློ་གྲོས་ཀྱི་འགྱུར། ཤེས་རབ་ཀྱི་ཕྲིན་ཡིག་ཅེས་བྱ་བ་སློབ་དཔོན་ཆེན་པོ་པདྨ་རྡོ་རྗེས་མཛད་པ། པཎྜི་ཏ་ཆེན་པོ་ཤཱནྟ་བྷ་དྲ་དང་། ལོ་ཙཱ་བ་འགོས་ལྷས་བཙས་ཀྱི་འགྱུར། རྣལ་འབྱོར་པའི་རྟོག་པའི་གེགས་སེལ་བ་ཞེས་བྱ་བ་དངོས་གྲུབ་བརྙེས་
པའི་སློབ་དཔོན་ཆེན་པོ་སངས་རྒྱས་གསང་བས་མཛད་པ། དུག་ལྔ་སྦང་པའི་ལམ་མཆོག་ཏུ་གསང་བ་བསམ་གྱིས་མི་ཁྱབ་པ་ཞེས་བྱ་བ་སློབ་དཔོན་འཕགས་པ་ལྷས་མཛད་པ། རྣལ་འབྱོར་གྱི་མཚན་ཉིད་ལྡན་པ་མཁས་པ་ཆེན་པོ་དཔལ་བྱང་ཆུབ་བཟང་པོའི་ཞལ་སྔ་ནས་མཛད་པ། ཤེས་
རབ་བརྩམ་པ་དུས་ཀྱི་གཏམ་ཞེས་བྱ་བ་བྷི་ག་ལའི་མཁས་པ་དཔལ་ངེས་པར་སྦྱངས་པ་དཔལ་ལྡན་གཉིས་སུ་མེད་པའི་རྡོ་རྗེས་བྲམ་ཟེ་བྷ་ལོ་ལ་གདམས་པ། ཏིང་ངེ་འཛིན་ཚོགས་ཀྱི་ལེའུ། འཇིག་རྟེན་ལས་འདས་པའི་ཡན་ལག་བདུན་པའི་ཆོ་ག་གཉིས་སློབ་དཔོན་མཁས་
པ་ཆེན་པོ་དཔལ་མར་མེ་མཛད་ཡེ་ཤེས་ཀྱིས་མཛད་པ། པཎྜི་ཏ་དེ་ཉིད་དང་། ལོ་ཙཱ་བ་ཤཱཀྱ་བློ་གྲོས་ཀྱི་འགྱུར། འདི་དག་མདོ་ཕྱོགས་སུ་བྲིས་པ་ནི་ནོར་བ་ཡིན་ནོ། །བདེ་བར་གཤེགས་པའི་བསྟན་པ་རིན་པོ་ཆེའི་གྲུ་བོ་ཞེས་བྱ་བ་གྲུབ་པ་བརྙེས་པའི་པཎྜི་ཏ་ཆེན་པོ་ཨ་ཛི་ཏ་མི་ཏྲ་གུཔྟས་མཛད་པ་
དང་། འཆིང་བ་རྣམ་གྲོལ་གྱི་བསྟན་བཅོས་རྒྱ་གར་གྱི་སློབ་དཔོན་ཆེན་པོ་གྲུབ་པ་བརྙེས་པ་དཔལ་ནི་སྐ་ལཾ་ཀས་མཛད་པ། རྣལ་འབྱོར་གྱི་དབང་ཕྱུག་ཆེན་པོ་ཤྲཱི་ཛ་ག་ཏ་མི་ཏྲཱ་ནནྡ་དང་ཁ་ཆེའི་པཎྜི་ཏ་ཆེན་པོ་བུདྡྷ་ཤྲཱི་བྷ་དྲས་གཏན་ལ་ཕབ་ནས། ལོ་ཙཱ་བ་གནུབས་ཚུལ་ཁྲིམས་ཤེས་
རབ་ཀྱི་འགྱུར། ལྟ་སྤྱོད་རྣམས་དག་གི་མན་ངག་ཅེས་བྱ་བ་ཁ་ཆེའི་རིགས་ཀྱི་པཎྜི་ཏ་ཆེན་པོ་དཔལ་ཆོས་ཀྱི་ཤཱཀྱ་ཤྲཱི་བྷ་དྲས་མཛད་པ། མཁས་པ་ཆེན་པོ་དེ་ཉིད་ཀྱི་སྤྱན་སྔར་ལོ་ཙཱ་བ་བྱམས་པའི་དཔལ་གྱིས་ཁྲོ་ཕུ་བཟང་ལུང་དུ་འགྱུར། སེམས་རིན་པོ་ཆེ་སྦྱང་བའི་ལམ་འབྲས་ཁ་ཆེའི་

213-1-394a

རིགས་ལས་བལ་ཡུལ་དུ་སྐུ་འཁྲུངས་པའི་པཎྜི་ཏ་ཆེན་པོ་དཔལ་ལྔ་རིས་པའི་མཆོག་བུདྡྷ་ཤྲཱི་ཛྙཱ་ནས་མཛད་པ། མཁས་པ་ཆེན་པོ་དེ་ཉིད་ཀྱི་སྤྱན་སྔར་ལོ་ཙཱ་བ་བྱམས་པའི་དཔལ་གྱིས་བལ་ཡུལ་ཡམ་མགལ་གྱི་གཙུག་ལག་ཁང་དུ་བསྒྱུར་པ། འཆིང་བ་རྣམ་གྲོལ་གྱི་མན་ངག་ཅེས་བྱ་
བ་རྣལ་འབྱོར་གྱི་དབང་ཕྱུག་ཤྲཱི་ཛ་ག་ཏ་མི་ཏྲ་ཨཱ་ནནྡས་གསུངས་པ། རྣལ་འབྱོར་གྱི་དབང་ཕྱུག་དེ་ཉིད་ཀྱི་སྤྱན་སྔར་ལོ་ཙཱ་བ་བྱམས་པའི་དཔལ་གྱིས་བལ་ཡུལ་བུ་ལང་གསེར་ཁང་དུ་བསྒྱུར་བ། གྲུབ་པ་དམ་པའི་ལམ་ངེས་པ། རྣལ་འབྱོར་པ་རང་གི་སེམས་མདུད་པ་འགྲོལ་བའི་མན་
ངག །དཔལ་རྣལ་འབྱོར་བདུན་གྱི་ལམ་རྣམ་པར་ངེས་པ་རྣམས་རྣལ་འབྱོར་གྱི་དབང་ཕྱུག་ཆེན་པོ་ཤྲཱི་ཛ་ག་ཏ་མི་ཏྲ་ཨཱ་ནནྡའི་ཐུགས་ཀྱི་འཁོར་ལོ་དམ་པ་བཀྲ་ཤིས་ཀྱི་ཚོང་འདུས་ཆེན་པོ་དཔལ་མགུར་མོ་རིན་པོ་ཆེའི་གླིང་དུ་མཛད་པའི་བསྟན་བཅོས་གནུབས་ལོ་ཙཱའི་འགྱུར། ཏིང་ངེ་འཛིན་གྱི་དབང་
བསྐུར་བ་དང་། ཕ་རོལ་དབང་དུ་བྱ་བ་བླ་མ་མི་ཏྲ་ཨཱ་ནནྡས་མཛད་པ། དེ་ཉིད་དང་། གནུབས་ལོ་ཙཱའི་འགྱུར། རིན་པོ་ཆེ་འཁོར་ལོ་དབང་གི་མན་ངག་གི་རིམ་པ་སློབ་དཔོན་ཨི་ནྡྲ་བྷཱུ་ཏིས་མཛད་པ། དབང་གི་རིམ་པ་བསྟན་པ་ཞེས་བྱ་བ་རྗེ་བཙུན་ཀླུ་སྒྲུབ་ཀྱིས་མཛད་པ། རྒྱ་གར་གྱི་མཁན་པོ་ག་
ཡ་དྷ་ར་དང་། བོད་ཀྱི་ལོ་ཙཱ་བ་དགེ་སློང་ཡེ་ཤེས་བཟང་པོའི་འགྱུར། དབང་གི་རིམ་པ་མདོར་བསྡུས་པ་སློབ་དཔོན་དཔལ་ཤེས་རབ་གསང་བས་མཛད་པ། བཞི་པའི་རྣམ་པར་ངེས་པའི་མན་ངག་ཅེས་བྱ་བ་ཁ་ཆེའི་སློབ་དཔོན་ཆེན་པོ་རིག་བྱེད་ཀྱི་མཐའ་འཛིན་པ་དཔལ་རིན་ཆེན་རྡོ་རྗེས་མཛད་
པ། རྒྱ་གར་གྱི་མཁན་པོ་བིརྱཱ་བྷ་དྲ་དང་། ལོ་ཙཱ་བ་དགེ་སློང་ཚུལ་ཁྲིམས་བཀྲ་ཤིས་ཀྱི་འགྱུར། དབང་བསྐུར་བའི་ངེས་པ་བསྟན་པ་སློབ་དཔོན་མཁས་པ་ཆེན་པོ་རིན་ཆེན་འབྱུང་གནས་ཞི་བས་མཛད་པ། རྒྱ་གར་གྱི་མཁན་པོ་ཆེན་པོ་ཤཱནྟི་བྷ་དྲ་དང་། ལོ་ཙཱ་བ་ཚུལ་ཁྲིམས་རྒྱལ་བའི་
འགྱུར། དབང་གི་དོན་ངེས་པར་བརྗོད་པ་ཞེས་བྱ་བ་སློབ་དཔོན་རྒྱལ་བ་བཟང་པོ་དཔལ་སྦས་པ་ཞེས་བྱ་བས་མཛད་པ། རུ་ལག་རྒྱང་གི་གཙུག་ལག་ཁང་དུ་རྒྱ་གར་གྱི་མཁན་པོ་ཨ་ཝ་དྷཱུ་ཏཱི་པ་དང་། བོད་ཀྱི་ལོ་ཙཱ་བ་དགེ་སློང་ཤཱཀྱ་བརྩོན་འགྲུས་ཀྱི་འགྱུར། རྡོ་རྗེ་ཐེག་པ་རྩ་བའི་ལྟུང་བ་བསྡུས་

213-1-394b

པ་དང་། ལྟུང་བ་སྦོམ་པོ་བསྡུས་པ་སློབ་དཔོན་རྟ་དབྱངས་ཀྱིས་མཛད་པ། ལྟུང་བ་བཅོ་ལྔ་པ། ཡན་ལག་གི་ཉེས་པ་བདུན་པ། རྡོ་རྗེ་ཐེག་པའི་སྦོམ་པོའི་ལྟུང་བ་བརྒྱད་པ་རྣམས་སློབ་དཔོན་ཀླུ་སྒྲུབ་ཀྱིས་མཛད་པ། རྒྱ་གར་གྱི་མཁན་པོ་པདྨ་ཀ་ར་ཝརྨ་དང་། ཞུ་ཆེན་གྱི་ལོ་ཙཱ་བ་དགེ་སློང་རིན་ཆེན་བཟང་པོའི་འགྱུར་ལ། 
སླད་ཀྱིས་རྒྱ་གར་གྱི་མཁན་པོ་བླ་མ་རྗེ་བཙུན་པཎྜི་ཏ་ཆེན་པོ་མ་ཎི་ཀ་ཤྲཱི་ཛྙཱ་ན་དང་། ཆག་ལོ་ཙཱ་བ་དགེ་སློང་ཆོས་རྗེ་དཔལ་གྱིས་བཙེས་པ། ཡན་ལག་གི་དམ་ཚིག་ཅེས་བྱ་བ། རྡོ་རྗེ་ཐེག་པའི་ལྟུང་བའི་སྙེ་མ་ཞེས་བྱ་བ་མཁས་པ་ཆེན་པོ་ཨ་བྷ་ཡཱ་ཀ་ར་གུཔྟས་མཛད་པ། མ་ག་དྷཱའི་མཁས་པ་ཆེན་པོ་དེ་ཉིད་དང་། མང་དུ་ཟོས་
པའི་དགེ་སློང་བསོད་སྙོམས་པ་རྩ་མི་སངས་རྒྱས་གྲགས་པས་ནཱ་ལེནྡྲར་འགྱུར། རྡོ་རྗེ་ཐེག་པའི་རྩ་བའི་ལྟུང་བ་བཅུ་བཞི་པའི་འགྲེལ་པ་སློབ་དཔོན་ཆེན་པོ་དཔལ་ལྕམ་ལཀྵྨཱི་ཀ་རས་མཛད་པ། རྡོ་རྗེ་ཐེག་པའི་རྩ་བའི་ལྟུང་བའི་རྒྱ་ཆེར་འགྲེལ་པ་སློབ་དཔོན་ཆེན་པོ་སྙིང་པོ་ཞབས་ཀྱིས་མཛད་པ་བྷ་ཝ་པའི་
གདམས་ངག་མངོན་པར་བཀོད་པ། སློབ་དཔོན་རྒྱལ་བའི་ལྷས་མཛད་པའི་རྩ་བའི་ལྟུང་བའི་རྒྱ་ཆེར་འགྲེལ་པ་མཁས་པ་ཆེན་པོ་དཱི་པཾ་ཀ་ར་ཤྲཱི་ཛྙཱ་ནས་གསུངས་པ། པཎྜི་ཏ་དེ་ཉིད་དང་། ལོ་ཙཱ་བ་དགེ་སློང་ཚུལ་ཁྲིམས་རྒྱལ་བའི་འགྱུར། འཇམ་དཔལ་གྲགས་པས་མཛད་པའི་རྡོ་རྗེ་ཐེག་པའི་རྩ་བའི་ལྟུང་བའི་རྒྱ་
ཆེར་འགྲེལ་པ་ལམ་གྱི་སྒྲོན་མ་ཞེས་བྱ་བ་སློབ་དཔོན་འཇམ་དཔལ་གྲགས་པས་མཛད་པ། མྱང་རོ་སྟག་ཚལ་དུ་དཱི་པཾ་ཀ་ར་བོད་དུ་བྱོན་ཙམ་ན་བསྒྱུར་བ། པུ་རི་ཤའི་གྲོང་ཁྱེར་དུ་ཨཱ་ཙཱརྱ་ཨུ་པ་དྷ་ཤྲཱི་བཛྲ་ཤཱི་ལ་དང་། ལོ་ཙཱ་བ་དགེ་སློང་བརྩོན་འགྲུས་སེང་གེས་ལེགས་པར་མནོས་ཏེ་གུས་པར་བསྒྱུར། ཡང་བལ་པོའི་ཁྱིམ་དུ་
རིན་ཆེན་གྲགས་པས་ཀྱང་འགྲེལ་དཔེ་རྙིང་པ་ལ་གཏུགས་ཏེ་ཤིན་ཏུ་དག་པར་བགྱིས་པ། རྡོ་རྗེ་སེམས་དཔའི་སྒྲུབ་ཐབས་ཞེས་བྱ་བ་བླ་མ་མངོན་ཤེས་ཅན་རྡོ་རྗེ་གདན་པས་མཛད་པ། ཡུལ་དབུས་ཀྱི་དཔེ་ཇི་ལྟ་བ་བཞིན་ལོ་ཙཱ་བ་དགེ་སློང་ཉི་མ་རྒྱལ་མཚན་དཔལ་བཟང་པོས་གཙུག་ལག་ཁང་ཆེན་པོ་དཔལ་
ཐར་པ་གླིང་དུ་བསྒྱུར་བ། དཔལ་གསང་བ་ཐམས་ཅད་ཀྱི་སྤྱིའི་ཆོ་གའི་སྙིང་པོ་རྒྱན་ཞེས་བྱ་བ་སློབ་དཔོན་འཇམ་དཔལ་གྲགས་པས་མཛད་པ། བལ་པོའི་མཁན་པོ་ཀ་ན་ཀ་ཤྲཱི་དང་། ལོ་ཙཱ་བ་ཆོས་ཀྱི་ཤེས་རབ་ཀྱི་འགྱུར་ལ། སླད་ཀྱིས་རྒྱ་གར་གྱི་པཎྜི་ཏ་ཧཱ་སྱ་བཛྲ་དང་། ལོ་ཙཱ་བ་དགེ་སློང་ཉི་མ་རྡོ་རྗེས་

213-1-395a

བསྒྱུར། ཚོགས་ཀྱི་འཁོར་ལོའི་ཆོ་ག་ཞེས་བྱ་བ་མ ཧཱ་པཎྜི་ཏ་ཨ བྷ་ཡཱ་ཀ་ར་གུཔྟས་མཛད་པ། མ་ཧཱ་པཎྜི་ཏ་ཤྲཱི་རཏྣ་རཀྵི་ཏའི་རང་འགྱུར། ཚོགས་ཀྱི་འཁོར་ལོའི་ཆོ་ག་སློབ་དཔོན་ནག་པོ་པས་མཛད་པ། རྒྱ་གར་གྱི་མཁན་པོ་ཀྲྀཥྞ་པ་དེ་ཉིད་དང་། བོད་ཀྱི་ལོ་ཙཱ་བ་འགོས་ལྷས་བཙས་ཀྱི་
འགྱུར། ཚོགས་ཀྱི་འཁོར་ལོའི་ཆོ་ག་པཎྜི་ཏ་བཟང་པོ་སྦྱིན་པས་མཛད་པ། རྒྱ་གར་གྱི་མཁན་པོ་ཤཱཀྱ་ཤྲཱི་བྷ་དྲ་དང་། བོད་ཀྱི་ལོ་ཙཱ་བ་དགེ་སློང་ཀུན་དགའ་རྒྱལ་མཚན་དཔལ་བཟང་པོའི་འགྱུར། ཚོགས་ཀྱི་འཁོར་ལོའི་ཆོ་ག་ཡིད་བཞིན་ནོར་བུ་ཞེས་བྱ་བ་པཎྜི་ཏ་རཏྣ་རཀྵི་ཏས་མཛད་པ་དང་།
ཚོགས་ཀྱི་འཁོར་ལོའི་ཆོ་ག་རིམ་པར་ཕྱེ་བ་ཞེས་བྱ་བ་ཨཱ་ཙཱརྱ་ཧེ་རུ་ཀ་བཛྲས་མཛད་པ། པཎྜི་ཏ་རཀྵི་ཏ་དང་། ལོ་ཙཱ་བ་ཞང་གྲུབ་པ་དཔལ་བཟང་པོའི་འགྱུར། སྐུ་དང་གསུང་དང་ཐུགས་རབ་ཏུ་གནས་པ་ཞེས་བྱ་བ་དཔལ་མར་མེ་མཛད་ཡེ་ཤེས་ཀྱིས་མཛད་པ། རྒྱ་གར་གྱི་མཁན་པོ་དཱི་པཾ་ཀཱ་ར་དེ་
ཉིད་དང་། རྒྱ་བརྩོན་འགྲུས་སེང་གེས་བསྒྱུར་བ། གདུགས་ལ་སོགས་པ་རབ་ཏུ་གནས་པ་དང་རྙིང་པ་འབྱིན་པའི་ཆོ་ག་དང་། ས་དང་ཤིང་དང་རྡོའི་ཆོ་ག་གཉིས་ཀྱི་རྒྱ་དཔེ་གཉལ་གྱི་ཕྱོགས་ནས་རྙེད་ཅིང་ཞ་ལུ་ལོ་ཙཱ་བས་དཔལ་སྣེའུ་གདོང་རྩེར་བསྒྱུར་བ། འདི་རྣལ་འབྱོར་ཆེན་པོའི་ཐབས་རྒྱུད་ལས་འཕྲོས་
པ་ཞིག་འདྲ་ནའང་གང་གི་དུམ་བུ་ཡིན་མ་གསལ་བས་འདིར་བཀོད་དོ། །དབྱིག་གི་ཕྲེང་བ་ཞེས་བྱ་བ་ཆོ་གའི་བྱ་བ་བཅུ་པ་ལོ་ཙཱ་བ་དགེ་སློང་ཆོས་སྐྱོང་བཟང་པོས་དཔལ་ཨེ་ཝཾ་ཆོས་འཁོར་དུ་བསྒྱུར། འདི་རྒྱུད་སྣ་ཚོགས་ལས་བཏུས་པར་སྣང་བས་འདིར་བཀོད་དོ། །འདོད་པའི་བསྟན་བཅོས་སློབ་དཔོན་
གཟུགས་བཟང་གིས་མཛད་པ་རྣམས་བཞུགས་སོ། །རྣལ་འབྱོར་བླ་མེད་སྤྱི་ཡི་ལྟ་སྒོམ་དང་། །དབང་དོན་སྡོམ་པ་དམ་ཚིག་ལ་སོགས་དང་། །ཚོགས་འཁོར་རབ་གནས་ལ་སོགས་སྟོན་པ་ཡི། །ཆོས་སྐོར་ཉིས་བརྒྱ་བརྒྱད་ཅུ་རྩ་བདུན་བཞུགས། །དེ་དག་གིས་ནི་བླ་མེད་སྤྱིའི་ལྟ་སྒོམ་སྤྱོད་
འབྲས་ལ་སོགས་པ་སྟོན་པའི་ཆོས་སྐོར་བཞུགས་པའི་རྣམ་གྲངས་རྣམས་བཀོད་ཟིན་ཏོ།།      །།དེ་ལྟར་བླ་མེད་སྤྱིའི་ལྟ་སྒོམ་སྤྱོད་འབྲས་ལ་སོགས་པ་སྟོན་པའི་ཆོས་སྐོར་རྣམས་བཀོད་ནས། རྣལ་འབྱོར་གྱི་རྒྱུད་ཀྱི་སྐོར་ལ། རྩ་བའི་རྒྱུད་དེ་ཉིད་བསྡུས་པའི་སྐོར་ནི། དང་པོ་སློབ་དཔོན་སངས་རྒྱས་

213-1-395b

གསང་བའི་རྗེས་སུ་འབྲང་བ་ལ། འི་པ་ལ། རྒྱུད་ཀྱི་དོན་ལ་འཇུག་པ་ཞེས་བྱ་བ་འཕགས་པ་དེ་ཁོ་ན་ཉིད་བསྡུས་པ་ལས་རྡོ་རྗེ་དབྱིངས་ཀྱི་དཀྱིལ་འཁོར་ཆེན་པོར་གསུངས་པའི་ཡེ་ཤེས་སེམས་དཔའ་མཉེས་པར་བྱ་བའི་ཆོ་ག་བསྡུས་པ་སློབ་དཔོན་སངས་རྒྱས་གསང་བས་མཛད་པ། ལོ་ཙཱ་བ་འཇམ་དཔལ་གོ་ཆའི་འགྱུར། 
རྒྱུད་ཀྱི་དོན་ལ་འཇུག་པའི་འགྲེལ་བཤད་སློབ་དཔོན་ཆེན་པོ་པདྨ་བཛྲས་མཛད་པ་གཉིས་བཞུགས་སོ།།      །།ཡི་རི་གཉིས་ལ། སློབ་དཔོན་ཤཱཀྱ་བཤེས་གཉེན་གྱི་བཞེད་པ་རྗེས་འབྲང་དང་བཅས་པའི་སྐོར་ལ། དེ་ཁོ་ན་ཉིད་བསྡུས་པའི་རྒྱ་ཆེར་བཤད་པ་ཀོ་ས་ལའི་རྒྱན་ཞེས་བྱ་བ་ཤློ་ཀ་སྟོང་ཕྲག་གཉིས་པ་མང་
དུ་ཐོས་པའི་སློབ་དཔོན་ཤཱཀྱ་བཤེས་གཉེན་གྱིས་མཛད་པ། རྒྱ་གར་གྱི་མཁན་པོ་དྷརྨ་ཤྲཱི་བྷ་དྲ་དང་། ཞུ་ཆེན་གྱི་ལོ་ཙཱ་བ་དགེ་སློང་རིན་ཆེན་བཟང་པོའི་འགྱུར། རྡོ་རྗེ་དབྱིངས་ཀྱི་དཀྱིལ་འཁོར་ཆེན་པོའི་ལྷ་རྣམས་ཀྱི་རྣམ་པར་གཞག་པ་ཞེས་བྱ་བ་སློབ་དཔོན་མུ་དི་ཏ་ཀོ་ཥས་མཛད་པ། རྒྱ་གར་གྱི་མཁན་པོ་པདྨཱ་ཀ་ར་ཝརྨ་
དང་། བོད་ཀྱི་ལོ་ཙཱ་བ་དགེ་སློང་རིན་ཆེན་བཟང་པོའི་འགྱུར། དཀྱིལ་འཁོར་གྱི་ཐིག་གདབ་པ་མདོར་བསྡུས་པ་དང་། དཀྱིལ་འཁོར་གྱི་ཐིག་གདབ་པའི་མདོར་བསྡུས་པའི་འགྲེལ་པ་ཡུལ་ཁ་ཆེར་སྐྱེས་པའི་རྡོ་རྗེ་སློབ་དཔོན་ཤྲདྡྷཱ་ཀ་ར་ཝརྨས་མཛད་པ། རྒྱ་གར་གྱི་མཁན་པོ་ཤྲདྡྷཱ་ཀ་ར་ཝརྨ་དང་། ཞུ་ཆེན་གྱི་ལོ་ཙཱ་བ་དགེ་
སློང་རིན་ཆེན་བཟང་པོས་སྐད་གསར་བཅད་ཀྱིས་བཅོས་པ། ཐིག་གདབ་པའི་ཆོ་ག་དཀའ་བ་སྤྱོད་པ་ཞེས་བྱ་བ་སློབ་དཔོན་ཤུདྡྷི་པྲ་བྷས་མཛད་པ། དཀྱིལ་འཁོར་གྱི་ཐིག་གི་ཆོ་ག་སློབ་དཔོན་དྷརྨ་ཀཱིརྟིས་མཛད་པ། ཁམས་གསུམ་རྣམ་རྒྱལ་གྱི་དུམ་བུ་ལས་འཕྲོས་པ་འཕགས་པ་འཇིག་རྟེན་གསུམ་ལས་རྣམ་པར་
རྒྱལ་བ་ཞེས་བྱ་བའི་འགྲེལ་པ་སློབ་དཔོན་མུ་དི་ཏ་ཀོ་ཥས་མཛད་པ་རྣམས་བཞུགས་སོ།།      །།ལི་ཤི་གཉིས་ལ། སློབ་དཔོན་ཀུན་དགའ་སྙིང་པོའི་རྗེས་སུ་འབྲང་བའི་སྐོར་ནི། དེ་བཞིན་གཤེགས་པ་ཐམས་ཅད་ཀྱི་དེ་ཁོ་ན་ཉིད་བསྡུས་པ་ཐེག་པ་ཆེན་པོ་མངོན་པར་རྟོགས་པ་ཞེས་བྱ་བའི་རྒྱུད་ཀྱི་བཤད་པ་དེ་ཁོ་ན་
ཉིད་སྣང་བར་བྱེད་པ་ཞེས་བྱ་བ་ཤློ་ཀ་སྟོང་ཕྲག་བཅོ་བརྒྱད་པ་སློབ་དཔོན་ཆེན་པོ་ཀུན་དགའ་སྙིང་པོས་མཛད་པ། དུམ་བུ་དང་པོ་ཡན་ཆད་ལོ་ཙཱ་བ་རིན་ཆེན་བཟང་པོའི་འགྱུར་ལ། མན་ཆད་རྒྱ་གར་གྱི་མཁས་པ་པཎྜི་ཏ་ཐུགས་རྗེ་ཆེན་པོ་དང་། ཞུ་ཆེན་གྱི་ལོ་ཙཱ་བ་དགེ་སློང་འཕགས་པ་ཤེས་རབ་ཀྱི་འགྱུར་བ་བཞུགས་སོ།།      །།སི་

213-1-396a

ཧི་ཨི་གསུམ་ལ། ཆ་མཐུན་གྱི་རྒྱུད་དཔལ་མཆོག་དང་པོ་ལས་ཤེས་རབ་ཀྱི་ཕ་རོལ་ཏུ་ཕྱིན་པའི་དུམ་བུའི་འགྲེལ་པ་སློབ་དཔོན་ཀུན་དགའ་སྙིང་པོས་མཛད་པ། རྒྱ་གར་གྱི་མཁན་པོ་པདྨ་ཀ་ར་ཝརྨ་དང་། ཞུ་ཆེན་གྱི་ལོ་ཙཱ་བ་དགེ་སློང་རིན་ཆེན་བཟང་པོའི་འགྱུར། དཔལ་མཆོག་དང་
པོའི་རྒྱ་ཆེར་བཤད་པ་ཤེས་རབ་ཀྱི་ཕ་རོལ་ཏུ་ཕྱིན་པ་འབྱུང་བ་དུམ་བུ་དང་པོའི་ཕྱག་རྒྱ་བཤད་པ་ཞེས་བྱ་བ་ཤློ་ཀ་སྟོང་ཕྲག་ཉི་ཤུ་རྩ་བཞི་པ་སློན་དཔོན་ཆེན་པོ་ཀུན་དགའ་སྙིང་པོས་མཛད་པ། པཎྜི་ཏ་ཤྲདྡྷཱ་ཀ་ར་ཝརྨ་དང་། ཀ་མ་ལ་གུཔྟ་དང་། ལོ་ཙཱ་བ་དགེ་སློང་རིན་ཆེན་བཟང་པོའི་འགྱུར། སྨད་
འགྲེལ་ལོ་ཙཱ་བ་རིན་ཆེན་བཟང་པོས་ཅི་རིགས་པར་བསྒྱུར་བ་ལ། གུ་གེའི་ཡུལ་གྱི་དབུས་བྱང་ཆུབ་སེམས་དཔའི་ཐུགས་དམ་སའི་སྙིང་པོ་དཔལ་དཔེ་མེད་ལྷུན་གྱིས་གྲུབ་པའི་གཙུག་ལག་ཁང་དུ་རྒྱ་གར་གྱི་མཁན་པོ་ཆེན་པོ་མནྡྲ་ཀ་ལ་ཤ་དང་། སྒྲ་སྒྱུར་གྱི་(ལོ་ཙཱ་བ་)ཆེན་པོ་བྱང་ཆུབ་སེམས་དཔའི་གདུང་བརྒྱུད་
ལྷ་བླ་མ་དགེ་སློང་ཞི་བ་འོད་ཀྱིས་ཧོར་ཀོང་བསབས་ཏེ་ཡོངས་སུ་རྫོགས་པར་བསྒྱུར་བའོ། །འདི་ལ་རྒྱ་དཔེ་རྙེད་ན་ཧོར་ཀོང་བསབས་དགོས་པའང་ད་དུང་ཆ་གཉིས་གསུམ་སྣང་ངོ་། །རྒྱུད་ཀྱི་རྒྱལ་པོ་སྒྲུ་འཕྲུལ་དྲ་བའི་རྒྱ་ཆེར་བཤད་པ་སློབ་དཔོན་མཁས་པ་ཆེན་པོ་ཀུན་དགའ་སྙིང་པོས་མཛད་
པ། ཞུ་ཆེན་གྱི་ལོ་ཙཱ་བ་རིན་ཆེན་བཟང་པོའི་འགྱུར། རྒྱུད་ཀྱི་རྒྱལ་པོ་སྒྱུ་འཕྲུལ་དྲ་བའི་དཀའ་འགྲེལ་སློབ་དཔོན་རབ་ཏུ་ཞི་བའི་བཤེས་གཉེན་གྱིས་མཛད་པ། རྒྱ་གར་གྱི་མཁན་པོ་ཤྲདྡྷཱ་ཀ་ར་ཝརྨ་དང་། ཞུ་ཆེན་གྱི་ལོ་ཙཱ་བ་རིན་ཆེན་བཟང་པོའི་འགྱུར་བ། རྒྱུད་འདི་རྡོ་རྗེ་སྙིང་པོ་རྒྱན་གྱི་
རྒྱུད་ལས་རྣལ་འབྱོལ་ཆེན་པོའི་རྒྱུད་དུ་གསུངས་ཀྱང་། འགྲེལ་པ་མཁན་པོས་རྣལ་འབྱོལ་གྱི་རྒྱུད་དུ་བཀྲལ་བས་འགྲེལ་པ་འདི་གཉིས་ཕྱོགས་འདིར་བྲིས་སོ། །དཔལ་རྡོ་རྗེ་སྙིང་པོའི་རྒྱན་གྱི་རྒྱུད་ཆེན་པོའི་དཀའ་འགྲེལ་སློབ་དཔོན་རབ་ཏུ་ཞི་བའི་བཤེས་གཉེན་གྱིས་མཛད་པ། བོད་
ཀྱི་ལོ་ཙཱ་བ་དགེ་སློང་རིན་ཆེན་གྲུབ་ཀྱིས་ཡང་དག་པ་ཉིད་དུ་བསྒྱུར་བ་རྣམས་བཞུགས་སོ།།      །།དེ་ལྟར་རྒྱུད་ཀྱི་འགྲེལ་པའི་སྐོར་རྣམས་བཀོད་ནས། སྒྲུབ་ཐབས་དཀྱིལ་ཆོག་མན་ངག་ལ་སོགས་པའི་སྐོར་ལ། ཀུ་པ་ལ། རྡོ་རྗེ་དབྱིངས་ཀྱི་དཀྱིལ་འཁོར་ཆེན་པོའི་ཆོ་ག་རྡོ་རྗེ་ཐམས་ཅད་འབྱུང་

213-1-396b

བ་ཞེས་བྱ་བ་སློབ་དཔོན་ཀུན་དགའ་སྙིང་པོས་མཛད་པ། རྒྱ་གར་གྱི་མཁན་པོ་ཨཱ་ཙཱརྱ་བུདྡྷཱ་ཤྲཱི་ཤཱནྟི་དང་། ཞུ་ཆེན་གྱི་ལོ་ཙཱ་བ་དགེ་སློང་རིན་ཆེན་བཟང་པོའི་འགྱུར། རྡོ་རྗེ་སེམས་དཔའ་འབྱུང་བ་ཞེས་བྱ་བའི་སྒྲུབ་པའི་ཐབས་གཞུང་ཚད་ཤློ་ཀ་བརྒྱ་ཕྲག་གཉིས་དང་རྐང་པ་གཅིག་བཅས་དང་། རྡོ་རྗེ་
སེམས་དཔའི་སྒྲུབ་ཐབས་སློབ་དཔོན་ཀུན་དགའ་སྙིང་པོས་མཛད་པ། རྒྱ་གར་གྱི་མཁན་པོ་སུ་བུདྡྷ་ཤྲཱི་ཤཱནྟི་དང་། ལོ་ཙཱ་བ་དགེ་སློང་དགེ་བའི་བློ་གྲོས་ཀྱི་འགྱུར། ཁམས་གསུམ་རྣམ་པར་རྒྱལ་བའི་དཀྱིལ་འཁོར་གྱི་ཆོ་ག་འཕགས་པ་དེ་ཁོ་ན་ཉིད་བསྡུས་པའི་རྒྱུད་ལས་བཏུས་པ་སློབ་དཔོན་ཆེན་པོ་ཀུན་
དགའ་སྙིང་པོས་མཛད་པ། གཞུང་ཚད་ཤློ་ཀ་སྟོང་ཉིས་བརྒྱ་ཉི་ཤུ་རྩ་ལྔ་པ་ཞུ་ཆེན་གྱི་ལོ་ཙཱ་བ་རིན་ཆེན་བཟང་པོའི་འགྱུར། དཔལ་མཆོག་དང་པོའི་དཀྱིལ་འཁོར་གྱི་ཆོ་ག་དང་། སྤྱན་དབྱེ་བའི་ཆོ་ག་སློབ་དཔོན་ཀུན་དགའ་སྙིང་པོས་མཛད་པ་ཆུང་བ་དང་། ཆེ་བ་གཉིས་པཎྜི་ཏ་ཤྲདྡྷཱ་ཀ་ར་ཝརྨ་དང་། ལོ་
ཙཱ་བ་རིན་ཆེན་བཟང་པོའི་འགྱུར། ཆེ་བ་འདི་ཐེ་ཚོམ་གྱི་གཞི་ཅིག་སྣང་སྟེ་བླ་མ་རྣམས་ཡང་དག་ཏུ་བཞེད་ཀྱིན་སྣང་བས་བྲིས་སོ། །རབ་ཏུ་གནས་པའི་ཆོ་ག་སློབ་དཔོན་ཆེན་པོ་ཀུན་དགའ་སྙིང་པོས་མཛད་པ། རྒྱ་གར་གྱི་མཁན་པོ་ཤྲདྡྷཱ་ཀ་ར་ཝརྨ་དང་། [མ་བྱུང་།] ལོ་ཙཱ་བ་དགེ་སློང་རིན་ཆེན་བཟང་པོའི་
འགྱུར། སྤྱད་དབྱེ་བའི་ཆོ་ག་སློབ་དཔོན་པྲཛྙཱ་ཝ་ལི་ཏས་མཛད་པ། རྒྱ་གར་གྱི་མཁན་པོ་དྷརྨ་ཤྲཱི་བྷ་དྲ་དང་། ཞུ་ཆེན་གྱི་ལོ་ཙཱ་བ་རིན་ཆེན་བཟང་པོའི་འགྱུར། ཐུགས་རྗེ་འབྱུང་བ་ཞེས་བྱ་བའི་བསྒོམ་པ་དང་བཟླས་པའི་ཆོ་ག་སློབ་དཔོན་ཆེན་པོ་ཡེ་ཤེས་རྡོ་རྗེའམ་མིང་གཞན་པདྨ་དཀར་པོ་
ཞེས་བྱ་བས་མཛད་པ་དང་། སྦྱིན་སྲེག་གི་ཆོ་ག་སློབ་དཔོན་རབ་འབྱོར་བསྐྱངས་ཀྱིས་མཛད་པ། རྒྱ་གར་གྱི་མཁན་པོ་ཤྲདྡྷཱ་ཀ་ར་ཝརྨ་དང་། ཞུ་ཆེན་གྱི་ལོ་ཙཱ་བ་དགེ་སློང་རིན་ཆེན་བཟང་པོའི་འགྱུར། དཔལ་ལྡན་རྒྱ་ཆེ་བ་ཞེས་བྱ་བའི་དཀྱིལ་འཁོར་གྱི་ཆོ་ག །ཀུན་ཏུ་བཟང་པོ་ཞེས་བྱ་བའི་སྦྱིན་
སྲེག་གི་ཆོ་ག །རབ་ཏུ་གནས་པའི་ཆོ་ག་རབ་གནས་ཀྱི་རྒྱལ་པོ་ཞེས་བྱ་བ། རྡོ་རྗེ་དབྱིངས་ཀྱི་དཀྱིལ་འཁོར་ཆེན་པོའི་ཆོ་ག་རྡོ་རྗེ་ཐམས་ཅད་འབྱུང་བ་ཞེས་བྱ་བའི་དོན་བསྡུས་པ་ཨཱ་ཙཱརྱ་མུ་ནཱིནྡྲ་བྷ་དྲས་མཛད་པ། དེ་ཉིད་དང་། བོད་ཀྱི་ལོ་ཙཱ་བ་དགེ་སློང་ཆོས་ཀྱི་ཤེས་རབ་ཀྱི་འགྱུར། རྡོ་རྗེ་དབྱིངས་ཀྱི་

213-1-397a

དཀྱིལ་འཁོར་གྱི་དོན་བསྒོམ་པའི་དོན་བསྡུས་པ། རྒྱ་གར་གྱི་མཁན་པོ་ཀུ་མཱ་ར་ཀ་ལ་ཤའི་ཞལ་སྔ་ནས་བསྒྱུར་ཅིང་ཞུས་པ། བྱ་བ་བསྡུས་པ་ཞེས་བྱ་བ་པཎྜི་ཏ་ཆེན་པོ་ནི་སཾ་ག་ཨཱ་ཙཱརྱ་དཔལ་ལྡན་རིགས་ཀྱི་བྱིན་པས་མཛད་པ། བླ་མ་པཎྜི་ཏ་ཆེན་པོ་ཀཱིརྟི་ཙནྡྲས་ཞུས་ཤིང་
གཞུང་སུམ་གཉིས་བལ་པོའི་མཐིལ་དུ་བསྒྱུར་ནས་སུམ་ཆ་གཅིག་ལོ་ཙཱ་བ་དགེ་སློང་ཡར་ལུངས་པ་གྲགས་པ་རྒྱལ་མཚན་གྱིས། གཞུའི་གཙུག་ལག་ཁང་ཆེན་པོ་ཉིད་དུ་ཡོངས་སུ་རྫོགས་པར་ལེགས་པར་བསྒྱུར་ཅིང་ཤིན་ཏུ་དག་པར་བྱས་པ། འདི་ཉིད་ནི་དཔལ་རྡོ་རྗེ་
དབྱིངས་ཀྱི་དཀྱིལ་འཁོར་གྱི་ཆོས་ཡིན་པས་འདིར་བྲིས་སོ། །དེ་ཉིད་བསྡུས་པ་དཔལ་མཆོག་དང་པོ་དང་། །སྒྱུ་འཕྲུལ་དྲ་བ་ལ་སོགས་དགོངས་འགྲེལ་བའི། །མཁས་གྲུབ་གསུམ་གྱི་གཞུང་ལུགས་རྗེས་འབྲང་བཅས། །བཅུ་ཕྲག་གསུམ་ལ་གཉིས་ཀྱིས་བརྒྱན་པ་བཞུགས། །
དེ་དག་གིས་ནི་རྣལ་འབྱོར་གྱི་རྒྱུད་དེ་ཉིད་བསྡུས་པ་དང་དཔལ་མཆོག་དང་སྒྱུ་འཕྲུལ་དྲ་བའི་ཆོས་སྐོར་བཞུགས་པའི་རྣམ་གྲངས་རྣམས་བཀོད་ཟིན་ཏོ།།      །།དེ་ཉིད་བསྡུས་པ་ལ་སོགས་པའི་ཆོས་སྐོར་རྣམས་བཀོད་ནས། ད་ནི་རྩ་བའི་རྒྱུད་དེ་ཉིད་བསྡུས་པའི་རྡོ་རྗེ་དབྱིངས་ཀྱི་དུམ་བུ་ལས་འཕྲོས་
པ་མཚན་ཡང་དག་པར་བརྗོད་པ་རྣལ་འབྱོར་གྱི་རྒྱུད་དུ་བཀྲལ་བའི་སྐོར་ལ། ཁུ་པ་ལ། མཚན་ཡང་དག་པར་བརྗོད་པའི་འགྲེལ་པ་སློབ་དཔོན་ཆེན་པོ་འཇམ་དཔལ་བཤེས་གཉེས་གྱིས་མཛད་པ། རྒྱ་གར་གྱི་མཁན་པོ་ཤྲདྡྷཱ་ཀ་ར་ཝརྨ་དང་། ཞུ་ཆེན་གྱི་ལོ་ཙཱ་བ་དགེ་སློང་རིན་ཆེན་བཟང་པོའི་
འགྱུར། འཕགས་པ་མཚན་ཡང་དག་པར་བརྗོད་པའི་རྒྱ་ཆེར་འགྲེལ་པ་མཚན་གསང་སྔགས་ཀྱི་དོན་དུ་རྣམ་པར་ལྟ་བ་ [འགྲེལ་ཆུང་དུ་གྲགས།] ཞེས་བྱ་བ་རྒྱ་གར་གྱི་མཁན་པོ་སྒེག་པའི་རྡོ་རྗེ་ཉི་མ་ཅན་གྱི་རིམ་པོ་ཆེའི་གླིང་ན་བཞུགས་པ་དཔལ་ལྡན་བྱང་ཆུབ་མཆོག་གི་སྐལ་པ་དང་ལྡན་པ་གང་གི་མཚན་དཔལ་སྣ་ཚོགས་
གཟུགས་ཅན་དུ་གྲགས་པ་དེས་མཛད་པ། རྒྱ་གར་གྱི་མཁན་པོ་སྨྲྀ་ཏི་ཛྙཱ་ན་ཀཱིརྟིའི་འགྱུར་ལ། ཕྱིས་རྒྱ་གར་གྱི་མཁན་པོ་ཕྱག་ན་རྡོ་རྗེ་དང་། ལོ་ཙཱ་བ་ཀློག་སྐྱ་ཤེས་རབ་བརྩེགས་ཀྱིས་བཅོས་པ་ལ་ཡང་གཉེན་གྱིས་བཅོས་པ། གཞུང་ཚད་ནི་ཤློ་ཀ་ཉིས་སྟོང་ལྔ་བརྒྱའོ། །

213-1-397b

འཕགས་པ་འཇམ་དཔལ་གྱི་མཚན་ཡང་དག་པར་བརྗོད་པའི་རྒྱ་ཆེར་བཤད་པ་སློབ་དཔོན་ཆེན་པོ་འཇམ་དཔལ་གྲགས་པས་མཛད་པ། རྒྱ་གར་གྱི་མཁན་པོ་ཨཱ་ཙཱརྱ་ཤྲདྡྷཱ་ཀ་ར་ཝརྨ་དང་། ཀ་མ་ལ་གུཔྟ་དང་། ཞུ་ཆེན་གྱི་ལོ་ཙཱ་བ་དགེ་སློང་རིན་ཆེན་བཟང་པོའི་འགྱུར་བ་རྣམས་
བཞུགས་སོ།།      །།གུ་པ་ལ། འཕགས་པ་འཇམ་དཔལ་གྱི་མཚན་ཡང་དག་པར་བརྗོད་པ་ཞེས་བྱ་བའི་འགྲེལ་པ་སློབ་དཔོན་ཆེན་པོ་ཟླ་བ་བཟང་པོ་གྲགས་པའི་དཔལ་གྱིས་མཛད་པ། རྒྱ་གར་གྱི་མཁན་པོ་པཎྜི་ཏ་ཆེན་པོ་ཤྲཱི་མ་ཧཱ་ཛ་ན་དང་། སྒྲ་སྒྱུར་གྱི་ལོ་ཙཱ་བ་ཆེན་པོ་དགེ་
སློང་འཕགས་པ་ཤེས་རབ་ཀྱི་འགྱུར། འཕགས་པ་འཇམ་དཔལ་གྱི་མཚན་ཡང་དག་པར་བརྗོད་པའའི་འགྲེལ་པ་བསྡུས་པའི་གསལ་བ་ཨཽ་ཌྱཱན་གྱི་སློབ་དཔོན་ཆེན་པོ་ཨ་ཝ་དྷཱུ་ཏཱི་པས་མཛད་པ་དང་། འཕགས་པ་འཇམ་དཔལ་གྱི་མཚན་ཡང་དག་པར་བརྗོད་པའི་འགྲེལ་པ་མཚན་
དོན་གསལ་བར་བྱེད་པ་ཞེས་བྱ་བ་སློབ་དཔོན་ཆེན་པོ་གཉིས་སུ་མེད་པའི་སྦས་པས་མཛད་པ། རྒྱ་གར་གྱི་མཁན་པོ་དྷརྨ་ཤྲཱི་མི་ཏྲ་དང་། བོད་ཀྱི་ལོ་ཙཱ་བ་དགེ་སློང་ཆོས་ཀྱི་བཟང་པོས་ཨོོ་ཌྱཱན་གྱི་ཛམྦུ་དྷ་ར་ཞེས་བྱ་བའི་མཐར་བསྒྱུར་བ། འཇམ་དཔལ་མཚན་བརྗོད་ཀྱི་བཤད་འབུམ་པཎྜི་ཏ་
སྨྲྀ་ཏི་ཛྙཱ་ན་ཀཱིརྟིས་མཛད་པ། པཎྜི་ཏ་དེ་ཉིད་ཀྱི་རང་འགྱུར། འཕགས་པ་འཇམ་དཔལ་གྱི་མཚན་ཡང་དག་པར་བརྗོད་པའི་མན་ངག་གི་འགྲེལ་པ་ཞེས་བྱ་བ་རྒྱ་གར་གྱི་མཁན་པོ་སློབ་དཔོན་གཞོན་ནུ་གྲགས་པས་མཛད་པ། རྒྱ་གར་གྱི་མཁན་པོ་དེ་ཝ་རཱ་ཛ་དང་། བོད་ཀྱི་ལོ་ཙཱ་བ་ཤེས་རབ་བླ་
མའི་འགྱུར། འཕགས་པ་འཇམ་དཔལ་གྱི་མཚན་ཡང་དག་པར་བརྗོད་པའི་དཀའ་འགྲེལ་དབུ་མ་ལ་དགའ་བས་མཛད་པ། འདིའི་རྒྱ་དཔེ་དཔལ་སྣེ་གདོང་གི་གཙུག་ལག་ཁང་དུ་བཞུགས་པ་སྔར་མ་འགྱུར་བ་ལ། དུས་ཕྱིས་འགོས་ཀྱི་རིགས་ལས་འཁྲུངས་པའི་སྐད་གཉིས་སྨྲ་བ་ཆོས་
སྐྱོང་བཟང་པོའི་ཞལ་སྔ་ནས་ཀྱིས་བསྒྱུར་ཅིང་ཞུས་ཏེ་གཏན་ལ་ཕབ་པ། འཕགས་པ་འཇམ་དཔལ་གྱི་མཚན་ཡང་དག་པར་བརྗོད་པའི་དཀའ་འགྲེལ་བསྡུས་པ་ཞེས་བྱ་བ་རཏྣ་ཨཱ་ཀ་ར་གུཔྟས་མཛད་པ། རྒྱ་གར་གྱི་མཁན་པོ་ཀཱ་ལ་ཙ་ཀྲ་དང་། བོད་ཀྱི་ལོ་ཙཱ་བ་ཛྙཱ་ན་གརྦྷ་དང་འབྲོ་ཇོ་སྲས་དང་ཆོས་ཀྱི་

213-1-398a

བརྩོན་འགྲུས་ལ་སོགས་པའི་འགྱུར། འཕགས་པ་འཇམ་དཔལ་གྱི་མཚན་ཡང་དག་པར་བརྗོད་པའི་འགྲེལ་པ་སློབ་དཔོན་ཆེན་པོ་ཕྱག་རྒྱ་ཆེན་པོའི་དངོས་གྲུབ་བརྙེས་པ་ཌོམྦི་ཧེ་རུ་ཀས་མཛད་པ། གཞུང་གི་ཚད་ལ་ཚིགས་སུ་བཅད་པ་སྟོང་ཕྲག་
གཅིག་དང་དྲུག་བརྒྱ་ལྔ་བཅུ་མཆིས་པ། བཀྲ་ཤིས་ཀྱི་གདན་ས་ཆེན་པོ་ཙོང་ཀ་སེར་ཏོ་བླ་མཁར་གྱི་ནང་དུ་བོད་ཀྱི་ལོ་ཙཱ་བ་དགེ་ཚུལ་ཁྱུང་གྲགས་ཀྱིས་བསྒྱུར་བ་རྣམས་བཞུགས་སོ། །གཞུང་འདི་ལའང་ཐེ་ཚོམ་གྱི་གཞི་ཅན་དུ་སྣང་ངོ་ཞེས་སྔོན་གྱི་མཁས་པ་དག་གསུང་ངོ་། །དེ་ལྟར་མཚན་
བརྗོད་ཀྱི་འགྲེལ་པའི་སྐོར་རྣམས་བཀོད་ནས། དེ་དག་གི་རྗེས་སུ་འབྲང་བའི་སྒྲུབ་ཐབས་དང་། དཀྱིལ་ཆོག་དང་། མན་ངག་གི་སྐོར་ལ། ངུ་པ་ལ། མཚན་བརྗོད་ཀྱི་འགྲེལ་པ་ཆུང་བའི་རྗེས་སུ་འབྲང་བ་ནམ་མཁའ་དྲི་མེད་ཆུང་བ་ཞེས་གྲགས་པའི་སྐོར་ནི། མཚན་ཡང་དག་པར་བརྗོད་པ་དཀྱིལ་
འཁོར་གྱི་ཆོ་ག་ནམ་མཁའ་དྲི་མེད་ཅེས་བྱ་བ་འཇམ་དཔལ་བཤེས་གཉེན་གྱིས་མཛད་པ། རྒྱ་གར་གྱི་མཁན་པོ་སུ་བཛྲ་དང་། བོད་ཀྱི་ལོ་ཙཱ་བ་ཆོས་ཀྱི་ཤེས་རབ་ཀྱི་འགྱུར། འཕགས་པ་འཇམ་དཔལ་ཞེས་བྱ་བའི་སྒྲུབ་པའི་ཐབས་སློབ་དཔོན་འཇམ་དཔལ་བཤེས་གཉེན་གྱིས་མཛད་པ། 
འཇམ་དཔལ་གྱི་མཚན་ཡང་དག་པར་བརྗོད་པའི་དཀྱིལ་ཆོག་ལ། བྱང་སེམས་རྡོ་རྗེ་དབུགས་དབྱུང་བའི་དཀྱིལ་འཁོར་གྱི་ཆོ་ག །རྣམ་པར་སྣང་མཛད་དབུགས་དབྱུང་བའི་དཀྱིལ་འཁོར་གྱི་ཆོ་ག །མི་བསྐྱོད་པ་དབུགས་དབྱུང་བའི་དཀྱིལ་འཁོར་གྱི་ཆོ་ག །སྣང་བ་མཐའ་ཡས་དབུགས་དབྱུང་
པའི་དཀྱིལ་འཁོར་གྱི་ཆོ་ག །རིན་ཆེན་འབྱུང་ལྡན་དབུགས་དབྱུང་བའི་དཀྱིལ་འཁོར་གྱི་ཆོ་ག །དོན་ཡོད་གྲུབ་པ་དབུགས་དབྱུང་བའི་དཀྱིལ་འཁོར་གྱི་ཆོ་ག །འཕགས་པ་འཇམ་དཔལ་གྱི་མཚན་ཡང་དག་པར་བརྗོད་པའི་ཁྲུས་ཀྱི་ཆོ་ག །མཚན་ཡང་དག་པར་བརྗོད་པའི་ཆུ་སྦྱིན། མཚན་ཡང་དག་པར་བརྗོད་
པའི་ཟས་ཀྱི་རྣལ་འབྱོར། མཚན་ཡང་དག་པར་བརྗོད་པའི་འབྱུང་པོའི་གཏོར་ཆོག །མཚན་ཡང་དག་པར་བརྗོད་པའི་མཎྜལ་གྱི་ཆོ་ག །མཚན་ཡང་དག་པར་བརྗོད་པའི་བསྐོར་བ་བྱ་ཐབས། འཇམ་དཔལ་གྱི་མཚན་ཡང་དག་པར་བརྗོད་པའི་ཡན་ལག་བདུན་པས་ཚོགས་བསགས་པའི་ཐབས། འཇམ་དཔལ་

213-1-398b

གྱི་མཚན་འདོན་པའི་མན་ངག །མཚན་ཡང་དག་པར་བརྗོད་པའི་དགེ་བའི་རྩ་བ་བསྔོ་བ། མཚན་ཡང་དག་པར་བརྗོད་པའི་མི་རྟག་པ་སྒོམ་པ། མཚན་ཡང་དག་པར་བརྗོད་པའི་མི་རྟག་པ་འཁོར་བ་ལ་ཡིད་བྱུང་བ། མཚན་ཡང་དག་པར་བརྗོད་པའི་ཤེས་པ་དུག་གསུམ་ལས་བཟློག་པའི་མན་ངག །
སྐྱབས་སུ་འགྲོ་པའི་ཆོ་ག །སེམས་བསྐྱེད་པའི་ཆོ་ག །བྱང་ཆུབ་ཀྱི་སེམས་བསྒོམ་པའི་མན་ངག །ཚད་མེད་པ་བཞི་བསྒོམ་པའི་མན་ངག །དུས་གསུམ་གྱི་སངས་རྒྱས་ལ་ལྟ་བ། དབང་པོ་ཐ་མས་མཚན་ཡང་དག་པར་བརྗོད་པའི་རྗེས་སུ་དྲན་པ་དྲུག་སྒོམ་པའི་མན་ངག །དབང་པོ་འབྲིང་གིས་མཚན་
ཡང་དག་པར་བརྗོད་པའི་སྒོ་ནས་རྟེན་འབྲེལ་ཡན་ལག་བཅུ་གཉིས་སྒོམ་པའི་མན་ངག །དབང་པོ་རབ་ཀྱིས་དེ་ཁོ་ན་ཉིད་སྒོམ་པའི་མན་ངག །འཇམ་དཔལ་གྱི་མཚན་ཡང་དག་པར་བརྗོད་པའི་བྱང་ཆུབ་ཆེན་པོའི་སྐུ་གདུང་གི་ཆོ་ག་ཞེས་བྱ་བ། འཕགས་པ་འཇམ་དཔལ་གྱི་མཚན་ཡང་དག་པར་བརྗོད་པའི་སྦྱིན་སྲེག་
གི་ཆོ་ག་བསྡུས་པ་ཞེས་བྱ་བ། འཕགས་པ་འཇམ་དཔལ་གྱི་མཚན་ཡང་དག་པར་བརྗོད་པའི་མཉམ་པར་གཞག་པའི་རིམ་པའི་མན་ངག །འཇམ་དཔལ་དཔའ་བོ་གཅིག་པའི་སྒྲུབ་ཐབས་སློབ་དཔོན་འཇམ་དཔལ་བཤེས་གཉེན་གྱིས་མཛད་པ། འཕགས་པ་འཇམ་དཔལ་གྱི་མཚན་ཡང་དག་པར་
བརྗོད་པའི་ཆོ་ག་མདོ་དང་བསྲེས་པ། འཕགས་པ་འཇམ་དཔལ་གྱི་མཚན་ཡང་དག་པར་བརྗོད་པའི་སྤྱན་དབྱེ་བའི་ཆོ་ག་དང་རབ་ཏུ་གནས་པའི་ཆོ་ག །འཕགས་པ་འཇམ་དཔལ་གྱི་མཚན་ཡང་དག་པར་བརྗོད་པའི་ངན་སྔགས་བྱད་ཀྱི་འཁོར་ལོས་བསད་པ། འཕགས་པ་འཇམ་དཔལ་གྱི་མཚན་ཡང་
དག་པར་བརྗོད་པའི་སྡིག་པ་སྦྱོང་བ་ཚེ་འཕོས་པ་ལ་ཕན་གདགས་པའི་བདུན་ཚིགས་ཀྱི་ཆོ་ག །འཕགས་པ་འཇམ་དཔལ་གྱི་མཚན་ཡང་དག་པར་བརྗོད་པའི་སྡིག་པ་སྦྱོང་བའི་སྦྱིན་སྲེག་གི་ཆོ་ག་ཞེས་བྱ་བ། ངན་སོང་སྦྱོང་བ་འགྲོ་བ་རིགས་དྲུག་གི་ཆོ་ག་རྣམས་སློབ་དཔོན་འཇམ་དཔལ་བཤེས་གཉེན་
གྱིས་མཛད་པ་སྟེ། འདི་དག་ནི་པཎྜི་ཏ་སུ་བཛྲ་དང་། ཞུ་ཆེན་གྱི་ལོ་ཙཱ་བ་གུ་རུབ་ཆོས་ཀྱི་ཤེས་རབ་ཀྱི་འགྱུར། འདི་ལ་ལ་རྒྱ་གཞུང་ཡིན་མིན་ཐེ་ཚོམ་ཟ་བར་འདུག་ནའང་བླ་མ་གོང་མ་རྣམས་རྒྱ་གཞུང་དུ་བཞེད་ཅིང་། སྔར་གྱི་རྣམས་ལའང་བྲིས་འདུག་པས་བཞུགས་སུ་བཅུག་པ་ཡིན་ནོ། །བྱང་

213-1-399a

ཆུབ་གྱི་སེམས་བསྒོམ་པ་དོན་བཅུ་གཉིས་བསྟན་པ་ལུང་གི་རྗེས་སུ་འབྲངས་པ་སིངྒ་ལའི་གླིང་གི་སློབ་དཔོན་འཇམ་དཔལ་བཤེས་གཉེན་གྱིས་མཛད་པའི་ཚིགས་སུ་བཅད་པ་བཞི་བཅུ་པའི་འགྲེལ་པ་འདི་མདོ་ཕྱོགས་སུ་བཞེད་པ་མི་འཐད་དེ། གཞུང་ནས་རྣལ་འབྱོར་རྒྱུད་དུ་གསལ་
བར་གསུང་པའི་ཕྱིར་རོ། །འགྲེལ་པ་བར་པའི་རྗེས་སུ་འབྲངས་པའི་སྐོར་ལ། འཕགས་པ་འཇམ་དཔལ་གྱི་མཚན་ཡང་དག་པར་བརྗོད་པའི་གསང་བ་དང་ལྡན་པའི་སྒྲུབ་པའི་ཐབས་སློབ་དཔོན་ཆེན་པོ་དཔལ་ལྡན་བྱང་ཆུབ་མཆོག་གིས་མཛད་པ། རྒྱ་གར་གྱི་མཁན་པོ་སྨྲྀ་ཏི་ཛྙཱ་ན་ཀཱིརྟིའི་འགྱུར། 
མཚན་ཡང་དག་པར་བརྗོད་པ་བཀླག་པའི་སྒོམ་ཁོག །འཕགས་པ་འཇམ་དཔལ་གྱི་མཚན་ཡང་དག་པར་བརྗོད་པ་ཞེས་བྱ་བའི་སྦྱིན་སྲེག་གི་རིམ་པ། འཕགས་པ་འཇམ་དཔལ་གྱི་དཀྱིལ་འཁོར་གྱི་ཆོ་ག་ཡོན་ཏན་འབྱུང་གནས་ཞེས་བྱ་བ་རྣམས་སློབ་དཔོན་དཔལ་ལྡན་བྱང་ཆུབ་མཆོག་
གི་སྐལ་བ་དང་ལྡན་པ་ཞེས་བྱ་བ་ལ་སོགས་པ་སྐྱེ་བ་གཅིག་ལ་མཚན་ལྔ་ཐོབ་པའི་སློབ་དཔོན་དེའི་ཞལ་སྔ་དང་མཛད་པ། རྒྱ་གར་གྱི་མཁན་པོ་སྨྲྀ་ཏི་ཛྙཱ་ན་ཀཱིརྟིའི་འགྱུར། ཕྱིས་སློབ་དཔོན་འཕགས་པ་མཆོག་གིས་ཞུས་ནས་གཏན་ལ་ཕབ་སྟེ་འགྱུར་ཕྱི་མ་ཡང་ཡིན་ནོ། །འཕགས་
པ་འཇམ་དཔལ་གྱི་རབ་ཏུ་གནས་པའི་ཆོ་ག་སློབ་དཔོན་ཤཱནྟིཾ་གརྦྷས་མཛད་པ། འཕགས་པ་འཇམ་དཔལ་གྱི་མཚན་ཡང་དག་པར་བརྗོད་པའི་གསང་བ་ལྡན་པའི་སྒྲུབ་པའི་ཐབས་ཀྱི་འགྲེལ་པ་ཡེ་ཤེས་གསལ་བ་ཞེས་བྱ་བ་དང་། སྒྲུབ་ཐབས་གསང་བ་ལྡན་པའི་ཐིག་གི་ཆོ་ག །སྤྱན་དབྱེ་
བའི་ཆོ་ག་རབ་གནས་བཅས་པ་རྣམས་པ་པཎྜི་ཏ་སྨྲྀ་ཏིས་མཛད་ནས། དེ་ཉིད་ཀྱིས་སྒྲ་རང་འགྱུར་དུ་བསྒྱུར་བ། འཕགས་པ་འཇམ་དཔལ་གྱི་སྒྲུབ་ཐབས་ཞེས་བྱ་བ་དགེ་བསྙེན་མ་སྙན་གྲགས་དགེ་མས་མཛད་པ། འཕགས་པ་འཇམ་དཔལ་རིན་པོ་ཆེའི་ཆོ་ག་དགེ་བསྙེན་མ་གྲགས་སྦྱིན་མས་
མཛད་པ། སྨྲྀ་ཏི་ཛྙཱ་ན་ཀཱིརྟིའི་རང་འགྱུར། མཚན་བརྗོད་འགྲེལ་ཆེན་གྱི་སྐོར་ལ། ནམ་མཁའ་དྲི་མ་མེད་པ་ཤིན་ཏུ་ཡོངས་སུ་དག་པ་ཆོས་ཀྱི་དབྱིངས་ཀྱི་ཡེ་ཤེས་ཀྱི་སྙིང་པོ་ཞེས་བྱ་བ་སློབ་དཔོན་འཇམ་དཔལ་གྲགས་པས་མཛད་པ། [དཔེ་དངོས་ལ་མཛད་འགྱུར་ཅི་ཡང་མི་འདུག །] པཎྜི་ཏ་ཤྲདྡྷཱ་ཀ་ར་ཝརྨ་དང་། ལོ་ཙཱ་བ་རིན་ཆེན་བཟང་པོའི་འགྱུར།

213-1-399b

དེ་དག་དང་རྗེས་སུ་མཐུན་པ་དཔལ་འཇམ་པའི་རྡོ་རྗེ་འབྱུང་བའི་དཀྱིལ་འཁོར་གྱི་ཆོ་ག་སེམས་ཅན་ཐམས་ཅད་ཀྱི་བདེ་བ་སྐྱེད་པ་ཞེས་བྱ་བ་རྣམས་བཞུགས་སོ།།      །།ཅུ་པ་ལ། མཚན་བརྗོད་འགྲེལ་པ་ཆུང་བའི་སྐོར་ལ། བྱང་ཆུབ་སེམས་སྒོམ་པ་དང་། འཕགས་པ་འཇམ་
དཔལ་གྱི་མཚན་ཡང་དག་པར་བརྗོད་པའི་ཆོ་ག་མདོ་དང་བསྲེས་པ་སློབ་དཔོན་འཇམ་དཔལ་བཤེས་གཉེན་གྱིས་མཛད་པ། མཚན་བརྗོད་འགྲེལ་པ་བར་པའི་བསྐོར། གསང་ལྡན་གྱི་དཀའ་འགྲེལ་དོན་བསྡུས་སྒྲོན་མ་ཞེས་བྱ་བ། རྒྱ་གར་གྱི་མཁན་པོ་དེ་ཝ་ཨཱ་ཀ་ར་ཙནྡྲ་དང་། ལོ་ཙཱ་
བ་ཀློག་སྐྱའི་འགྱུར། གསང་ལྡན་གྱི་ཐོ་ཡིག་དོན་བསྡུས་སུ་མཛད་པ། སྨྲྀ་ཏི་ཛྙཱ་ན་ཀིརྟིས་མཛད་པ། དེ་ཉིད་ཀྱི་རང་འགྱུར། འཕགས་པ་འཇམ་དཔལ་གྱི་མཚན་ཡང་དག་པར་བརྗོད་པའི་དཀྱིལ་འཁོར་གྱི་ཆོ་ག་པཎྜི་ཏ་ཤཱནྟིཾ་གརྦྷས་མཛད་པ། ལོ་ཙཱ་བ་སྨྲྀ་ཏི་ཛྙཱ་ན་ཀཱིརྟིའི་རང་འགྱུར། འཕགས་
པ་འཇམ་དཔལ་གྱི་མཚན་ཡང་དག་པར་བརྗོད་པའི་སྒྲུབ་ཐབས་གསང་བའི་སྒྲོན་མ་ཞེས་བྱ་བ་སློབ་དཔོན་ཆེན་པོ་པྲཛྙཱ་གུ་རུས་མཛད་པ། འཕགས་པ་འཇམ་དཔལ་གྱི་མཚན་ཡང་དག་པར་བརྗོད་པའི་འཁོར་ལོའི་རིམ་པ། མཚན་བརྗོད་ཀྱི་སྒྲུབ་ཐབས་རྡོ་རྗེ་ལས་བསྒྲུབ་ཀྱིས་མཛད་པ། འཕགས་
པ་འཇམ་དཔལ་གྱི་དཀྱིལ་འཁོར་གྱི་ཆོ་ག་ཡིད་བཞིན་ནོར་བུ་ཞེས་བྱ་བ་སློབ་དཔོན་ཟླ་བཟངས་གྲགས་པས་མཛད་པ། ཁ་ཆེའི་མཁན་པོ་པཎྜི་ཏ་མ་ཧཱ་ཛ་ན་དང་། ལོ་ཙཱ་བ་དགེ་སློང་ཚུལ་ཁྲིམས་གཞོན་ནུའི་འགྱུར། མཚན་བརྗོད་ཀྱི་འགྲེལ་པ་ [མ་བྱུང་།] ཨ་ཝ་དྷཱུ་ཏི་པའི་རྗེས་སུ་འབྲང་བའི་སྐོར་ལ། འཕགས་པ་འཇམ་
དཔལ་གྱི་མཚན་ཡང་དག་པར་བརྗོད་པའི་སྒྲུབ་ཐབས། ཡང་འཕགས་པ་འཇམ་དཔལ་གྱི་མཚན་ཡང་དག་པར་བརྗོད་པའི་སྒྲུབ་ཐབས། འཕགས་པ་འཇམ་དཔལ་གྱི་དཀྱིལ་འཁོར་གྱི་ཆོ་ག །འཕགས་པ་འཇམ་དཔལ་ཡེ་ཤེས་སེམས་དཔའ་དེ་ཁོ་ན་ཉིད་ཅེས་བྱ་བའི་སྒྲུབ་ཐབས་རྣམས་སློབ་དཔོན་གཉིས་
སུ་མེད་པ་སྦས་པས་མཛད་པ། པཎྜི་ཏ་དྷརྨ་ཤྲཱི་མི་ཏྲ་དང་། ལོ་ཙཱ་བ་དགེ་སློང་ཆོས་ཀྱི་བཟང་པོའི་འགྱུར། སྦྱིན་སྲེག་གི་ཆོ་ག་མདོར་བྱས་པ་སློབ་དཔོན་མྱ་ངན་མེད་པའི་དཔལ་གྱིས་མཛད་པ། འཇམ་དཔལ་ཡེ་ཤེས་སེམས་དཔའ་དང་པོའི་སངས་རྒྱས་ཞེས་བྱ་བའི་སྒྲུབ་ཐབས་སློབ་དཔོན་ཆེན་པོ་ཨ་ཝ་དྷཱུ་ཏིས་

213-1-400a

མཛད་པ། དྷརྨ་ཤྲཱི་མི་ཏྲ་དང་། ལོ་ཙཱ་བ་ཆོས་ཀྱི་བཟང་པོའི་འགྱུར། མཆོད་རྟེན་སྒྲུབ་པའི་ཆོ་ག་མདོར་བསྡུས་པ་སློབ་དཔོན་ཨ་བ་དྷཱུ་ཏི་པས་མཛད་པ། འཕགས་པ་འཇམ་དཔལ་གྱི་སྒྲུབ་ཐབས་ཞེས་བྱ་བ་མྱ་ངན་མེད་པའི་དཔལ་གྱིས་མཛད་པ། རྒྱ་གར་གྱི་མཁན་པོ་
ཨ་ཤྭ་ཀ་ཤྲཱི་དང་། ལོ་ཙཱ་བ་འ་ཞ་རྒྱ་གར་བརྩེགས་ཀྱི་འགྱུར། རྡོ་རྗེ་འཇིགས་བྱེད་ཀྱི་སྒྲུབ་ཐབས་ཞེས་བྱ་བ་སློབ་དཔོན་ཨ་ཤོ་ཀ་ཤྲཱིས་མཛད་པ། པཎྜི་ཏ་དྷརྨ་ཤྲཱི་མི་ཏྲ་དང་། ལོ་ཙཱ་བ་ཆོས་ཀྱི་བཟང་པོའི་འགྱུར། གཤིན་རྗེ་དགྲ་ནག་པོའི་སྒྲུབ་ཐབས་ཞེས་བྱ་བ། འཕགས་པ་མི་གཡོ་བའི་སྒྲུབ་ཐབས་
གཏོར་མའི་ཆོ་ག །འཕགས་པ་འཇམ་དཔལ་གྱི་སྤྱོད་ལམ་གྱི་ཆོ་ག །འཇམ་དཔལ་རྡོ་རྗེའི་བུམ་པའི་ཆོ་ག་རྣམས་སློབ་དཔོན་ཆེན་པོ་མྱ་ངན་མེད་པའི་དཔལ་གྱིས་མཛད་པ། དཔལ་ཨཽ་ཌྱཱན་གྱི་མཁན་པོ་ཆེན་པོ་དྷརྨ་ཤྲཱི་མི་ཏྲའི་ཞལ་སྔ་ནས་དང་། ཞུ་ཆེན་གྱི་ལོ་ཙཱ་བ་དགེ་སློང་ཆོས་ཀྱི་བཟང་པོས་
བསྒྱུར་བ། ཡེ་ཤེས་སེམས་དཔའི་སྒྲུབ་ཐབས་སློབ་དཔོན་གཉིས་སུ་མེད་པའི་སྦས་པས་མཛད་པ། པཎྜི་ཏ་དྷརྨ་ཤྲཱི་མི་ཏྲ་དང་། ལོ་ཙཱ་བ་མགར་ཆོས་བཟང་གི་འགྱུར། འདིའི་དགྲ་ནག་འཇིགས་བྱེད་རྣམས་ཀྱང་འདི་ཉིད་དུ་བཞུགས་པར་བྱའི། གཞན་དུ་མི་འཁྱར་བར་བྱའོ་ཞེས་བུ་སྟོན་གྱིས་
གསུངས། མཚན་ཡང་དག་པར་བརྗོད་པ་སྒྲུབ་པའི་ཐབས་སློབ་དཔོན་མི་གཡོ་སེང་གེས་མཛད་པ། མར་པ་དོ་པའི་འགྱུར། མཚན་ཡང་དག་པར་བརྗོད་པའི་སྒྲུབ་ཐབས་ཞེས་བྱ་བ་པྲ་བྷཱ་ཀ་རས་མཛད་པ། ཞུ་ཆེན་གྱི་ལོ་ཙཱ་བ་དགེ་སློང་ཉི་མ་རྒྱལ་མཚན་དཔལ་བཟང་པོས་ཐར་
པ་གླིང་གི་གཙུག་ལག་ཁང་ཆེན་པོར་བསྒྱུར་བ། མཚན་ཡང་དག་པར་བརྗོད་པ་ཞེས་བྱ་བའི་སྒྲུབ་ཐབས་གཉན་དར་མ་གྲགས་ཀྱི་རང་འགྱུར། མཚན་ཡང་དག་པར་བརྗོད་པ་ཀློག་པའི་མན་ངག་ཁ་ཆེའི་པཎྜི་ཏ་ཤཱཀྱ་ཤྲཱི་བྷ་དྲས་མཛད་པ། རྣམ་པ་ཉི་ཤུས་བྱང་ཆུབ་རིམ་པས་བཅོས་ལྡན་
འདས་འཇམ་དཔལ་སྒྲུབ་པའི་ཐབས། འཕགས་པ་འཇམ་དཔལ་གྱི་མཚན་ཡང་དག་པར་བརྗོད་པའི་སྒྲུབ་ཐབས་ཞེས་བྱ་བ། འཕགས་པ་འཇམ་དཔལ་གྱི་མཚན་ཡང་དག་པར་བརྗོད་པའི་དཀྱིལ་འཁོར་གྱི་ཆོ་ག །འཕགས་པ་འཇམ་དཔལ་གྱི་མཚན་ཡང་དག་པར་བརྗོད་པའི་དཀྱིལ་

213-1-400b

འཁོར་ཐམས་ཅད་ལ་བསྟོད་པ་རྣམས་སློབ་དཔོན་སོ་མ་ཤྲཱིས་མཛད་པ། རྒྱ་གར་གྱི་མཁན་པོ་མ་ཧཱ་ཛཱ་ན་དང་། བོད་ཀྱི་ལོ་ཙཱ་བ་དགེ་སློང་གཞོན་ནུ་འོད་ཀྱི་འགྱུར། འཇམ་དཔལ་གྱི་གཏོར་མའི་ཆོ་ག་ཅིག་རྣམས་སོ། །མཚན་ཡང་དག་པར་བརྗོད་པ་རྣལ་འབྱོར་གྱི། །རྒྱུད་དུ་བཀྲལ་བའི་འགྲེལ་སྐོར་བཅུ་གཉིས་དང་། །སྒྲུབ་
སྐོར་ལ་སོགས་བརྒྱད་ཅུ་རྩ་གསུམ་སྟེ། །དྲིལ་བས་ཆོས་སྐོར་དགུ་བཅུ་རྩ་ལྔ་བཞུགས། །དེ་དག་གིས་ནི་འཇམ་དཔལ་མཚན་བརྗོད་རྣལ་འབྱོར་གྱི་རྒྱུད་དུ་བསྟན་པའི་ཆོས་སྐོར་བཞུགས་པའི་རྣམ་གྲངས་རྣམས་བཀོད་ཟིན་ཏོ།།      །།དེ་ལྟར་མཚན་བརྗོད་རྣལ་འབྱོར་གྱི་རྒྱུད་དུ་བསྟན་པའི་ཆོས་སྐོར་རྣམས་
བཀོད་ནས། ད་ནི་ཐམས་ཅད་གསང་བ་དང་ངན་སོང་སྦྱོང་པའི་རྒྱུད་ཀྱི་སྐོར་ལ། དཔལ་ཐམས་ཅད་གསང་བའི་བཤད་སྦྱར་གསང་བའི་སྒྲོན་མ་ཞེས་བྱ་བ་སློབ་དཔོན་རིན་ཆེན་འབྱུང་གནས་ཞི་བས་མཛད་པ། རྒྱ་གར་གྱི་མཁན་པོ་པྲཛྙཱ་ཀ་ར་ཝརྨ་དང་། ཞུ་ཆེན་གྱི་ལོ་ཙཱ་བ་དགེ་སློང་རིན་ཆེན་བཟང་པོའི་འགྱུར། 
རྩ་རྒྱུད་དེ་ཉིད་བསྡུས་པའི་དུམ་བུ་གཉིས་པ་ཁམས་གསུམ་རྣམ་རྒྱལ་གྱི་དུམ་བུ་ལས། ངན་འགྲོ་དགུག་ཅིང་སྡིག་པ་སྦྱོང་བ་ལས་འཕྲོས་པ་ངན་སོང་ཐམས་ཅད་ཡོངས་སུ་སྦྱོང་བའི་རྒྱུད་ཀྱི་སྐོར་ལ། ངན་སོང་ཡོངས་སུ་སྦྱོང་བའི་དོན་གྱི་འབྲུ་འགྲེལ་ཞེས་བྱ་བ་སློབ་དཔོན་སངས་རྒྱས་གསང་བས་མཛད་
ཟེར་བ། འདི་པཎྜི་ཏས་ཆོས་གསུང་བ་ལ་ལོ་ཙཱ་བས་ཟིན་བྲིས་སུ་བྱས་པ་ཡིན་ནམ་ཡང་ཟེར། འཕགས་པ་ངན་སོང་ཐམས་ཅད་ཡོངས་སུ་སྦྱོང་བ་གཟི་བརྗིད་ཀྱི་རྒྱལ་པོ་ཞེས་བྱ་བ་ཆོ་ག་ཞིབ་མོའི་རྒྱལ་པོ་ཆེན་པོའི་རྒྱ་ཆེར་འགྲེལ་པ་སྙིང་པོ་རྣམ་པར་བཤད་པ་ཞེས་བྱ་བ་ཛ་ལནྡྷ་རའི་རྡོ་རྗེ་སློབ་དཔོན་
ཀཱ་མ་དྷེ་ནུ་པ་ཞེས་བྱ་བའི་ཞལ་སྔ་ནས་མཛད་པ། ཨཱ་ཙཱརྱ་བི་ན་ཡ་ཙནྡྲ་དང་། བོད་ཀྱི་ལོ་ཙཱ་བ་དགེ་སློང་ཆོས་ཀྱི་ཤེས་རབ་ཀྱིས་འཕེན་ཡུལ་རྒྱལ་གྱི་ལུག་ལྷས་སུ་བསྒྱུར་བ་རྣམས་བཞུགས་སོ།།      །།ཆུ་པ་ལ། བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་
སངས་རྒྱས་ངན་སོང་ཐམས་ཅད་ཡོངས་སུ་སྦྱོང་བའི་གཟི་བརྗིད་ཀྱི་རྒྱལ་པོའི་རྒྱུད་ཀྱི་རྒྱལ་པོ་ཆེན་པོའི་རྣམ་པར་བཤད་པ་མཛེས་པའི་རྒྱན་ཞེས་བྱ་བ་སློབ་དཔོན་ཆེན་པོ་རྡོ་རྗེ་གོ་ཆའི་སློབ་མ་སློབ་དཔོན་ཀུན་དགའ་སྙིང་པོས་མཛད་ཟེར་བ་དང་། ངན་སོང་ཐམས་ཅད་ཡོངས་སུ་སྦྱོང་བ་གཟི་བརྗིད་ཀྱི་རྒྱལ་

213-1-401a

པོའི་རྟག་པ་སྣང་བའི་རྒྱན་ཞེས་བྱ་བ། རྒྱ་གར་གྱི་མཁན་པོ་སུ་བིདྱཱ་ཀ་ར་ཝརྨ་དང་། ཞུ་ཆེན་གྱི་ལོ་ཙཱ་བ་དགེ་སློང་དབང་ཕྱུག་རྒྱལ་མཚན་གྱི་འགྱུར་ཟེར་བ་གཉིས་བཞུགས་སོ། །འདི་ལ་ཀུན་མཁྱེན་བུས་སྦྱོང་རྒྱུད་ཀྱི་བཤད་པ་བྱེད་ལུགས་ཅུང་འདི་ཉིད་
ལེགས་པར་གསུངས་པ་དང་། ངོར་པ་རྡོ་རྗེ་འཆང་ཡབ་སྲས་ཀྱིས་འཁྱིན་ལོ་ཙཱ་བ་དགེ་ཚུལ་ཁྱུང་གྲགས་ཀྱིས་བྱས་ནས་ཀུན་དགའ་སྙིང་པོ་ལ་ཁ་འཕགས་པའི་བོད་མར་བཞེས་དོ། །འོན་ཏེ་སྔོན་གྱི་རྣམས་ཀྱིས་ཁུངས་མར་བཟུང་སྟེ་བཅུག་པ་ལྟར་འདིར་བྲིས་སོ།།      །།ཇུ་པ་ལ། དེ་བཞིན་
གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ངན་སོང་ཐམས་ཅད་ཡོངས་སུ་སྦྱོང་བའི་གཟི་བརྗིད་ཀྱི་རྒྱལ་པོ་ཞེས་བྱ་བའི་བརྟག་པའི་བཤད་པ་ཞེས་ཀྱང་བྱ། གསལ་བའི་སྒྲོན་མ་ཞེས་ཀྱང་བྱ་བ་སློབ་དཔོན་ཀུན་དགའ་སྙིང་པོས་མཛད་ཟེར་བ། རྒྱ་གར་གྱི་མཁན་པོ་ཀུ་མཱ་ར་ཀ་ལ་
ཤ་དང་། བོད་ཀྱི་ལོ་ཙཱ་བ་ཁྱུང་པོ་ཆོས་བརྩོན་གྱི་འགྱུར། དཀྱིལ་འཁོར་སྤྱིའི་རིམ་པ་སློབ་དཔོན་སུ་ར་བྷ་དྲས་མཛད་པ། རྒྱ་གར་གྱི་མཁན་པོ་དྷརྨ་ཤྲཱི་བྷ་དྲ་དང་། ལོ་ཙཱ་བ་དགེ་སློང་རིག་པ་གཞོན་ནུའི་འགྱུར། ངན་སོང་ཐམས་ཅད་ཡོངས་སུ་སྦྱོང་བའི་དཀྱིལ་འཁོར་ཆེན་པོའི་སྒྲུབ་ཐབས་སློབ་དཔོན་ཀུན་
དགའ་སྙིང་པོས་མཛད་ཟེར་བ་གཙུག་དགུའི་གཞུང་དང་ཆ་འདྲ་བ། རྒྱ་གར་གྱི་མཁན་པོ་སྨྲྀ་ཏི་ཛྙཱ་ན་ཀཱིརྟིའི་རང་འགྱུར་ཟེར། དཔེ་ལ་ལན་པཎྜི་ཏ་སུ་བྷཱུ་ཏི་ཤྲཱི་བྷ་དྲ་དང་། ལོ་ཙཱ་བ་རིན་ཆེན་བཟང་པོའི་འགྱུར་ཟེར་བ་སྣང་ངོ་། །དཔལ་ངན་སོང་ཐམས་ཅ་ཡོངས་སུ་སྦྱོང་བའི་དཀྱིལ་འཁོར་གྱི་ཆོ་ག་
ཐུགས་རྗེའི་ཕྲེང་བ་ཞེས་བྱ་བ་རྡོ་རྗེ་གོ་ཆའི་སློབ་མ་རྡོ་རྗེ་སློབ་དཔོན་ཆེན་པོ་ཀུན་དགའ་སྙིང་པོས་མཛད་ཟེར་བ། རྒྱ་གར་གྱི་མཁན་པོ་ཀི་རེ་ཎ་ཀ་ར་ཝརྨ་དང་། ལོ་ཙཱ་བ་དགེ་ཚུལ་ཁྱུང་གྲགས་ཀྱི་འགྱུར། འདི་གཉིས་སྔ་མ་ཅུང་དྲག་པར་སྣང་ངོ་། །དཔལ་ངན་སོང་ཐམས་ཅད་ཡོངས་སུ་སྦྱོང་
བའི་རོའི་སྦྱིན་སྲེག་གི་ཆོ་ག་སློབ་དཔོན་ཆེན་པོ་ཀུན་དགའ་སྙིང་པོས་མཛད་ཟེར་བ། རྒྱ་གར་གྱི་མཁན་པོ་ཀ་ན་ཀ་ཝརྨ་དང་། དགེ་སློང་རིན་ཆེན་བཟང་པོའི་འགྱུར། ངན་སོང་ཐམས་ཅད་ཡོངས་སུ་སྦྱོང་བའི་ཤི་བའི་སྦྱིན་སྲེག་གི་ཆོ་གའི་ལས་ཀྱི་རིམ་པ་མདོ་དང་བསྲེས་ནས་སློབ་དཔོན་ཀུན་དགའ་

213-1-401b

སྙིང་པོས་མཛད་པ། རྒྱ་གར་གྱི་མཁན་པོ་ཤྲདྡྷཱ་ཀ་ར་ཝརྨ་དང་། བོད་ཀྱི་ལོ་ཙཱ་བ་དགེ་སློང་རིན་ཆེན་བཟང་པོའི་འགྱུར། ངན་སོང་ཐམས་ཅད་སྦྱོང་བའི་ཐབས་ཞེས་བྱ་བའི་སྦྱིན་སྲེག་གི་དཀྱིལ་འཁོར་གྱི་ཆོ་ག་སློབ་དཔོན་སྐལ་བཟང་དགའ་བས་མཛད་པ། རྒྱ་གར་གྱི་མཁས་པ་ཆེན་པོ་
བླ་མ་ནི་ན་ཤྲཱི་དང་། ལོ་ཙཱ་བ་དགེ་སློང་ག་ཡུ་རུང་འོད་ཀྱི་འགྱུར། གཙུག་ཏོར་དགུའི་རྒྱུད་ལ་བརྟེན་པའི་ངན་སོང་ཐམས་ཅད་ཡོངས་སུ་སྦྱོང་བའི་དཀྱིལ་འཁོར་གྱི་ཆོ་ག་ཞེས་བྱ་བ་སློབ་དཔོན་ཀུན་དགའ་སྙིང་པོས་མཛད་པ། རྒྱ་གར་གྱི་མཁན་པོ་ཨཱ་ཙཱརྱ་བུདྡྷ་ཤྲཱི་ཤཱནྟི་དང་། བོད་ཀྱི་ལོ་
ཙཱ་བ་དགེ་སློང་རིན་ཆེན་བཟང་པོའི་འགྱུར། འདི་རྩོད་མེད་ཡང་དག་པ་ཡིན་ནོ། །ངན་སོང་ཐམས་ཅད་ཡོངས་སུ་སྦྱོང་བའི་དཀྱིལ་འཁོར་གྱི་ཆོ་གའི་རིམ་པ་ཞེས་བྱ་བ་སློབ་དཔོན་སངས་རྒྱས་གསང་བས་མཛད་པ། རྒྱ་གར་གྱི་མཁན་པོ་སངས་རྒྱས་གསང་བ་དང་། མཉྫུ་ཤྲཱི་ཝརྨ་དང་།
བྲན་ཀ་མུ་ཏིའི་འགྱུར། ངན་སོང་ཐམས་ཅད་ཡོངས་སུ་སྦྱོང་བའི་རོའི་སྦྱིན་སྲེག་གི་དཀྱིལ་འཁོར་གྱི་ཆོ་ག་སློབ་དཔོན་དྷརྨ་ཀཱིརྟིས་མཛད་པ། རྒྱ་གར་གྱི་མཁན་པོ་ཨཱ་ཙཱརྱ་དྷརྨ་པཱ་ལ་དང་། ཞུ་ཆེན་གྱི་ལོ་ཙཱ་བ་དགེ་སློང་དགེ་བའི་བློ་གྲོས་ཀྱི་འགྱུར། ངན་སོང་ཐམས་ཅད་ཡོངས་སུ་སྦྱོང་
བའི་དཀྱིལ་འཁོར་གྱི་སྒྲུབ་ཐབས་ཀྱི་འགྲེལ་པ་ཡན་ཆད་རྫོགས་པའི་འཕྲོ་གཅིག་སློབ་དཔོན་ཀུན་སྙིང་གིས་མཛད་ཟེར་བ། འདི་བོད་མ་འདྲ་བ་ཅིག་འདུག་སྟེ་སྔར་གྱི་རྣམས་ཀྱིས་ཀྱང་བྲིས་འདུག་པས་བྲིས་སོ། །ངན་སོང་ཐམས་ཅད་ཡོངས་སུ་སྦྱོང་བ་ཞེས་བྱ་བའི་ཆོ་ག་མདོར་བསྡུས་པ་རྒྱ་གར་གྱི་
མཁན་པོ་ཨཱ་ནནྡ་པ་ར་ཧི་ཏའི་ཞལ་སྔ་ནས་མཛད་པ། ངན་སོང་སྦྱོང་བའི་སྒྲུབ་པའི་ཐབས་ཞེས་བྱ་བ་པཎྜི་ཏ་འགྲོ་ཀུན་བཟང་པོས་མཛད་པ། དཔལ་ལྡན་བྱང་ཆུབ་རྩེ་མོའི་བཀའ་དྲིན་ལས་ལོ་ཙཱ་བ་མངའ་རིས་པ་རྡོ་རྗེ་དཔལ་གྱིས་བསྒྱུར་བ། ཤེས་རབ་ཀྱི་ཕ་རོལ་ཏུ་ཕྱིན་པའི་སྙིང་པོའི་
སྒྲུབ་ཐབས་སློབ་དཔོན་ཆེན་པོ་ཀླུ་སྒྲུབ་སྙིང་པོས་མཛད་པ། རྒྱ་གར་ [མ་བྱུང་] གྱི་མཁན་པོ་བཻ་རོ་ཙ་ན་རཀྵི་ཏ་དང་། བོད་ཀྱི་ལོ་ཙཱ་བ་གླན་ཆུང་གི་འགྱུར་ལ། སླད་ཀྱིས་སྟག་ལོ་ཙཱ་བས་བཅོས་པ། དེ་ལ་བརྟེན་ནས་ཤེས་རབ་ཀྱི་ཕ་རོལ་ཏུ་ཕྱིན་པ་སྙིང་པོའི་སྒྲུབ་ཐབས་ཞེས་བྱ་བ་སློབ་དཔོན་ཆེན་པོ་དཱ་རི་ཀ་

213-1-402a

པས་མཛད་པ། འཕགས་པ་ཤེས་རབ་ཀྱི་ཕ་རོལ་ཏུ་ཕྱིན་པའི་མན་ངག་རྡོ་རྗེ་ལྟ་བུ་ཞེས་བྱ་བ་དཔལ་ཀམྤ་ལས་མཛད་པ། རྒྱ་གར་གྱི་མཁན་པོ་དཱི་པཾ་ཀ་ར་ཤྲཱི་ཛྙཱ་ནའི་ཞལ་སྔ་ནས། བོད་ཀྱི་སྒྲ་སྒྱུར་གྱི་ལོ་ཙཱ་བ་དགེ་སློང་དགེ་བའི་བློ་གྲོས་ཀྱི་འགྱུར། དེ་ཁོ་ན་ཉིད་
གསལ་བར་བྱེད་པའི་སྒྲོན་མ་ཞེས་བྱ་བ་དཔལ་ཀམྤ་ལའི་ཡུམ་གྱིས་མཛད་པ། མདོ་རྒྱས་འབྲིས་གི་གླེང་གཞིའི་སངས་རྒྱས་བྱང་སེམས་རྣལ་འབྱོར་རྒྱུད་དུ་དགོངས་པ་བཀྲལ་ཏེ་དཀྱིལ་འཁོར་ལ་བཀོད་ནས་སྟོན་པ། ཤེས་རབ་ཀྱི་ཕ་རོལ་ཏུ་ཕྱིན་པའི་དཀྱིལ་འཁོར་གྱི་ཆོ་ག་ཞེས་བྱ་
བ་སློབ་དཔོན་ཆེན་པོ་ཀུན་དགའ་སྙིང་པོས་མཛད་པ་དང་། དེ་ལ་བརྟེན་ནས་ཤེས་རབ་ཀྱི་ཕ་རོལ་ཏུ་ཕྱིན་པའི་དཀྱིལ་འཁོར་གྱི་ཆོ་ག་ཞེས་བྱ་བ་སློབ་དཔོན་ཆེན་པོ་རཏྣ་ཀཱིརྟིས་མཛད་པ། བལ་པོ་མ་ཧཱ་པ་ནའི་རང་འགྱུར། རབ་གནས་ཀྱི་ཆོ་ག་མདོར་བསྡུས་པ་སློབ་དཔོན་དད་པའི་འབྱུང་
གནས་གོ་ཆས་མཛད་པ། རྒྱ་གར་གྱི་མཁན་པོ་ཀ་ན་ཀ་ཝརྨ་དང་། བོད་ཀྱི་ལོ་ཙཱ་བ་པ་ཚབ་ཉི་མ་གྲགས་ཀྱི་འགྱུར། འཕགས་པ་ཤེས་རབ་ཀྱི་ཕ་རོལ་ཏུ་ཕྱིན་པའི་ཚུལ་བརྒྱ་ལྔ་བཅུ་པའི་འགྲེལ་པ་རྣལ་འབྱོར་གྱི་རྒྱུད་དུང་དགོངས་པ་བཀྲལ་བ་རྒྱ་གར་གྱི་མཁན་པོ་ཛྙཱ་ན་མི་ཏྲས་མཛད་པ།
ཡི་གེ་བརྒྱ་པའི་ཆོ་ག་སློབ་དཔོན་པདྨའི་རྡོ་རྗེ་ལྕགས་ཀྱུས་སྟོང་ཕྲག་བརྒྱ་པ་ལས་ཇི་སྙེད་པ་རྣམས་བརྗེད་དུ་དོགས་ནས་བྲིས་པ། ཡང་ཡི་གེ་བརྒྱ་པའི་ཆོ་ག་བསྡུས་པ། བཟླས་པའི་ཕྲེང་བའི་མཚན་ཉིད། སྐུ་ཁྲུས་ཀྱི་ཆོ་ག་རྣམས་པཎྜི་ཏ་པ་ར་ཧི་ཏ་དང་། ལོ་ཙཱ་བ་ནག་ཚོ་དགེ་སློང་ཤེས་རབ་རྒྱལ་
མཚན་གྱི་འགྱུར། གཙུག་ཏོར་དྲི་མེད་ཀྱི་གཟུངས་ལས་བྱུང་བའི་མཆོད་རྟེན་སྒྲུབ་པའི་ཆོ་ག་རྣལ་འབྱོར་གྱི་རྒྱུད་དང་བསྡེབས་ཏེ་སློབ་དཔོན་ཞི་བ་སྙིང་པོས་མཛད་པ། ལས་ཀྱི་སྒྲིབ་པ་ཐམས་ཅད་རྒྱུན་གཅོད་པར་བྱེད་པའི་གཟུངས་རྣལ་འབྱོར་གྱི་རྒྱུད་དུ་དགོངས་པ་བཀྲལ་བ་མི་འཁྲུགས་པའི་སྒྲུབ་
ཐབས་ཞེས་བྱ་བ་རྒྱས་པ་དང་། མི་འཁྱུགས་པའི་སྒྲུབ་ཐབས་བསྡུས་པ་དཔལ་མར་མེ་མཛད་ཡེ་ཤེས་ཀྱིས་མཛད་པ། རྒྱ་གར་གྱི་མཁན་པོ་དེ་ཉིད་དང་། བོད་ཀྱི་ལོ་ཙཱ་བ་དགེ་སློང་ཚུལ་ཁྲིམས་རྒྱལ་བའི་འགྱུར། དེའི་དཀྱིལ་ཆོག་ལས་ཀྱི་སྒྲིབ་པ་ཐམས་ཅད་རྣམ་པར་འཇོམས་པ་ཞེས་

213-1-402b

པའི་དཀྱིལ་འཁོར་གྱི་ཆོ་ག་སློབ་དཔོན་མར་མེ་མཛད་ཀྱིས་མཛད་པ། པཎྜི་ཏ་དེ་ཉིད་དང་། ལོ་ཙཱ་བ་རིན་ཆེན་བཟང་པོའི་འགྱུར། མི་འཁྲུགས་པའི་སྒྲུབ་ཐབས་སློབ་དཔོན་དཔའ་བོ་རྡོ་རྗེས་མཛད་པ་དང་། མི་འཁྲུགས་པའི་སྒྲུབ་ཐབས་སློབ་དཔོན་ཛེ་ཏཱ་རིས་མཛད་པ། བླ་མ་གཉེན་དར་
མ་གྲགས་ཀྱི་རང་འགྱུར། ཡང་མི་འཁྲུགས་པའི་སྒྲུབ་ཐབས། སྦྱིན་སྲེག་གི་ཆོ་ག་དཱི་པཾ་ཀ་ར་ཤྲཱི་ཛྙཱ་ནས་མཛད་པ། རྡོ་རྗེ་ཆོས་ཀྱི་སྒྲུབ་ཐབས་ལོ་ཆུང་ལེགས་པའི་ཤེས་རབ་ཀྱི་འགྱུར་བ་འདི་མཛད་བྱང་མེད་པས། སྔར་གྱི་རྣམས་ཀྱི་བྲིས་འདུག་པས་བཞུགས་སུ་བཅུག་པ་ཡིན། རྒྱན་དམ་
པ་སྣ་ཚོགས་པ་རིམ་པར་ཕྱེ་བ་བཀོད་པ་རྒྱ་གར་གྱི་མཁན་པོ་སྠི་ར་མ་ཏིས་ཡོ་གའི་གཞུང་རྒྱུད་ཕྱི་ནང་ལས་ངེས་དོན་མདོར་བསྡུས་ཏེ་མཛད་པ། བམ་པོ་གཅིག་པ། ཅོག་རོ་ཀླུའི་རྒྱལ་མཚན་གྱིས་སྐད་ཕྱི་མོ་དང་གཏུགས་པའི་འགྱུར་ཡིན་ཟེར་བ། འདི་རྙིང་མའམ་བོད་མ་ཅིག་ཡིན་པ་འདྲ་སྟེ། 
སྔར་གྱི་རྣམས་ཀྱིས་བྲིས་འདུག་པས་བཞུགས་སུ་བཅུག་པ་རྣམས་སོ། །ཐམས་ཅད་གསང་བ་ངན་སོང་སྦྱོང་རྒྱུད་དང་། །ཤེར་ཕྱིན་མི་འཁྲུགས་པ་ལ་སོགས་པའི་གཞུང་། །འགྲེལ་པ་དག་དང་སྒྲུབ་ཐབས་ལ་སོགས་སྐོར། །རྣམ་གྲངས་བཞི་བཅུ་ཐམ་པ་ལེགས་པར་བཞུགས། །དེ་དག་གིས་
ནི་ཐམས་ཅད་གསང་བ་དང་ངན་སོང་སྦྱོང་བ་ལ་སོགས་པའི་ཆོས་སྐོར་བཞུགས་པའི་རྣམ་གྲངས་རྣམས་བཀོད་ཟིན་ཏོ།།      །།དེ་ལྟར་ཐམས་ཅད་གསང་བ་དང་སྦྱོང་རྒྱུད་ལ་སོགས་པའི་ཆོས་སྐོར་རྣམས་བཀོད་ནས། སྤྱོད་པའི་རྒྱུད་ཀྱི་སྐོར་ལ། ཉུ་པ་ལ། རྩ་བའི་རྒྱུད་ལས་རྣམ་པར་སྣང་
མཛད་མངོན་པར་རྫོགས་པར་བྱང་ཆུབ་པའི་རྒྱུད་ཀྱི་བསྡུས་པའི་དོན་སློབ་དཔོན་ཤྲཱི་བུདྡྷ་གུ་ཧྱས་མཛད་པ། རྒྱ་གར་གྱི་མཁན་པོ་ཤཱི་ལེནྡྲ་བོ་དྷི་དང་། ཞུ་ཆེན་གྱི་ལོ་ཙཱ་བ་དགེ་སློང་དཔལ་བརྩེགས་རཀྵི་ཏའི་འགྱུར། འདི་ལ་ཤློ་ཀ་ཉིས་སྟོང་སུམ་བརྒྱ་ཡོད་དོ། །རྣམ་པར་སྣང་མཛད་མངོན་པར་
བྱང་ཆུབ་པའི་རྒྱུད་ཆེན་པོའི་འགྲེལ་བཤད་སངས་རྒྱས་གསང་བས་མཛད་པའི་སྟོད་དུམ་བཞུགས།།      །།ཏུ་པ་ལ། རྣམ་པར་སྣང་མཛད་མངོན་པར་རྫོགས་པར་བྱང་ཆུབ་པའི་རྒྱུད་ཆེན་པོའི་འགྲེལ་བཤད་ཀྱི་སྨད་དུམ་སློབ་དཔོན་སངས་རྒྱས་གསང་བས་ཕྱིན་ཅི་མ་ལོག་པར་མཛད་པ།

213-1-403a

དཔལ་སྣར་ཐང་གི་གཙུག་ལག་ཁང་དུ་བསྟན་བཅོས་བོད་ཀྱི་ཡུལ་དུ་འགྱུར་བ་ཇི་སྙེད་པ་བསྡུས་པའི་ཚེ་འགྲེལ་པ་འདིའི་དཔེ་ཕྱི་མོ་མ་དག་ཅིང་གོང་འོག་འཁྲུགས་ལ་བར་བར་ནས་ཅུང་ཟད་མ་ཚང་བ་ལ་བརྟེན་པས་བསྟན་འགྱུར་ཐམས་ཅད་དུ་མ་དག་པ་བརྒྱུད་པ་དང་། སྐད་
གསར་ཆད་ཀྱིས་གཏན་ལ་མ་ཕབ་པའི་འགྱུར་ཡང་མི་བདེ་བ་ཞིག་སྣང་བས། སྐད་གཉིས་སྨྲ་བའི་དབང་པོ་སྐ་བ་དཔལ་བརྩེགས་ཀྱིས་བསྒྱུར་བའི་རྒྱུད་ཀྱི་ཚིག་དང་བསྟུན་ཏེ་སྐད་གསར་བཅད་དང་མཐུན་པར་བཅོས་པ་འདི་ནི་ཡུལ་དབུས་ཀྱི་ལོ་ཙཱ་བ་གཞོན་ནུ་དཔལ་ཞེས་བྱ་བས་དཔལ་རྩེ་ཐང་གི་གཙུག་
ལག་ཁང་དུ་བྲིས་པ་ཞེས་པའི་མཐའ་ཅན། རྣམ་པར་སྣང་མཛད་ཆེན་པོ་མངོན་པར་བྱང་ཆུབ་པར་རྟོགས་པའི་མཆོད་པའི་ཆོ་ག་སློབ་དཔོན་སྐལ་བཟང་རབ་དགས་མཛད་པ། རྒྱ་གར་གྱི་མཁན་པོ་པདྨ་ཀ་ར་ཝརྨ་དང་། ཞུ་ཆེན་གྱི་ལོ་ཙཱ་བ་དགེ་སློང་རིན་ཆེན་བཟང་པོའི་འགྱུར། རྣམ་པར་སྣང་མཛད་ཀྱི་
སྒྲུབ་པའི་ཐབས་ཀྱི་ཆོ་ག་སློབ་དཔོན་རྒྱལ་བའི་འོད་ཀྱི་མཛད་པ། འཕགས་པ་འཇམ་དཔལ་གསང་བའི་རྒྱུད་ཀྱི་སྒྲུབ་ཐབས་དང་ལས་ཀུན་གྱི་གཏེར་ཞེས་བྱ་བའི་འགྲེལ་པ་སློབ་དཔོན་ལྷ་སྦས་ཀྱིས་མཛད་པ། རྒྱ་གར་གྱི་མཁན་པོ་པདྨ་ཀ་ར་ཝརྨ་དང་། ཞུ་ཆེན་གྱི་ལོ་ཙཱ་བ་རིག་པ་གཞོན་ནུའི་འགྱུར།
འཕགས་པ་འཇམ་དཔལ་གསང་བའི་རྒྱུད་ཀྱི་དཀྱིལ་འཁོར་གྱི་ཆོ་ག་སློབ་དཔོན་དོན་ཡོད་པའི་ཞབས་ཀྱིས་མཛད་པ། བཅོམ་ལྡན་འདས་འཇམ་དཔལ་དབྱངས་ཀྱི་ཁྲོ་བོ་གཤིན་རྗེ་གཤེད་པོའི་སྦྱིན་སྲེག་གི་ཆོ་ག་དང་། དངོས་གྲུབ་ཀྱི་ཚུལ་ངེས་པར་བསྟན་པ་ཞེས་བྱ་བ་སློབ་དཔོན་དོན་ཡོད་ཞབས་ཀྱིས་
མཛད་པ། ཁྲོ་བོ་རྣམ་པར་རྒྱལ་བའི་རྟོག་པ་གསང་བའི་རྒྱུད་ཀྱི་རྒྱ་ཆེར་བཤད་པ་གཤམ་མ་ཚང་བ་ཅིག་རྣམས་བཞུགས་སོ། །རྣམ་སྣང་མངོན་བྱང་རྒྱུད་འགྲེལ་ལ་སོགས་སྐོར། །བཞི་དང་འཇམ་དཔལ་གསང་རྒྱུད་ཆོས་སྐོར་བཞི། །ཁྲོ་བོ་རྣམ་རྒྱལ་རྟོག་པའི་འགྲེལ་པ་གཅིག །སྤྱོད་པའི་
རྒྱུད་ཀྱི་ཆོས་སྐོར་དགུ་བཞུགས་སོ། །དེ་དག་གིས་ནི་རྣམ་སྣང་མངོན་བྱང་སོགས་སྤྱོད་པའི་རྒྱུད་ཀྱི་ཆོས་སྐོར་བཞུགས་པའི་རྣམ་གྲངས་རྣམས་བཀོད་ཟིན་ཏོ།།      །།དེ་ལྟར་སྤྱོད་པའི་རྒྱུད་ཀྱི་ཆོས་སྐོར་རྣམས་བཀོད་ནས། བྱ་བའི་རྒྱུད་ཀྱི་སྐོར་ལ་། ཐུ་པ་ལ། བྱ་བ་སྤྱིའི་རྒྱུད་བསམ་

213-1-403b

གཏན་ཕྱི་མ་རིམ་པར་ཕྱེ་བ་རྒྱ་ཆེར་བཤད་པ་སློབ་དཔོན་སངས་རྒྱས་གསང་བས་མཛད་པ། རྒྱ་གར་གྱི་མཁན་པོ་བིདྱཱ་ཀ་ར་པྲ་བྷ་དང་། ཞུ་ཆེན་གྱི་ལོ་ཙཱ་བ་བནྡེ་དཔལ་བརྩེགས་ཀྱི་འགྱུར། འཕགས་པ་དཔུང་བཟང་གིས་ཞུས་པའི་རྒྱུད་ཀྱི་བསྡུས་པའི་དོན་སློབ་དཔོན་སངས་རྒྱས་གསང་
བས་མཛད་པ། འཕགས་པ་དཔུང་བཟངས་ཀྱིས་ཞུས་པའི་རྒྱུད་ཀྱི་ཚིག་གི་དོན་བཤད་པའི་བརྗེད་བྱང་། འཕགས་པ་དཔུང་བཟངས་ཀྱིས་ཞུས་པའི་རྒྱུད་ཀྱི་བསྡུས་པའི་དོན་དགྲོལ་བའི་བརྗེད་བྱང་། འདི་བོད་ཀྱི་བྱས་པ་ཡིན་ནམ་སེམས། སོ་སོའི་དགོངས་འགྲེལ་ལ། དང་པོ་སྐུའི་
རིགས་འཇམ་དཔལ་གྱི་སྐོར་ལ། དཔའ་བོ་གཅིག་ཏུ་སྒྲུབ་པའི་རྒྱུད་ཀྱི་འགྲེལ་པ་གཙུག་ལག་ཁང་ཛ་ག་ཏ་ལའི་པཎྜི་ཏ་སུ་བྷ་ཀ་ར་ཞེས་བྱ་བས་མཛད་པ། པཎྜི་ཏ་དཱ་ན་ཤཱི་ལས་རང་འགྱུར་དུ་མཛད་པ་ལ། བོད་ཀྱི་ལོ་ཙཱ་བ་རྣམས་ཀྱིས་ལེགས་པར་ཞུས་པ། གསུང་གི་རིགས་ཐུགས་རྗེ་ཆེན་པོའི་
འགྲེལ་པ་ནི་མི་སྣང་ངོ་། །ཐུགས་ཀྱི་རིགས་ཕྱག་ན་རྡོ་རྗེའི་སྐོར་ལ། འཕགས་པ་ལག་ན་རྡོ་རྗེ་གོས་སྔོན་པོ་ཅན་གྱི་ཆོ་ག་ཞེས་བྱ་བའི་གཟུངས་ཀྱི་འགྲེལ་པ་སློབ་དཔོན་ཀླུ་སྒྲུབ་ཀྱིས་མཛད་པ། རྒྱ་གར་གྱི་མཁན་པ་དཱི་པཾ་ཀ་ར་ཤྲཱི་ཛྙཱ་ན་དང་། བོད་ཀྱི་ལོ་ཙཱ་བ་བརྒྱ་བརྩོན་སེང་གེས་ཤྲཱི་ནཱ་ལེནྡྲར་བསྒྱུར་ཅིང་
ཞུས་པ། འཕགས་པ་ལག་ན་རྡོ་རྗེ་གོས་སྔོན་ཅན་གྱི་གཟུངས་ཀྱི་འགྲེལ་པ་ཞེས་བྱ་བ་པཎྜི་ཏ་ཆེན་པོ་ཀརྨ་བཛྲས་མཛད་པ། དཔལ་འབྱུང་པོ་འདུལ་བྱེད་ཀྱི་དཀྱིལ་འཁོར་གྱི་ཆོ་ག་ཞེས་བྱ་བ་སློབ་དཔོན་ཆེན་པོ་བློ་བཟང་སྐྱོང་གིས་མཛད་པ། ཤློ་ཀའི་གྲངས་ཚིགས་བཅད་བདུན་བརྒྱ་པ། རྒྱ་གར་
གྱི་པཎྜི་ཏ་སྒྲ་པཱ་ཎི་ནི་ཡོངས་སུ་རྫོགས་པའི་སྙན་ངག་དང་ཚིག་གི་སྡེབ་ལ་མཁས་པ་ནོན་ནི་པཎྜི་ཏ་དང་། བོད་ཀྱི་ལོ་ཙཱ་བ་ཨུ་རྒྱན་པ་རིན་ཆེན་དཔལ་གྱིས་རི་བོ་ཆེན་པོ་སྤུ་ཏྲའི་མགུལ་དུ་བསྒྱུར་བ། ཕྱག་ན་རྡོ་རྗེ་དང་ཕྱོགས་མཐུན་པ་རྡོ་རྗེ་རྣམ་པར་འཇོམས་པའི་གཟུངས་ཀྱི་སྐོར་ལ། རྡོ་རྗེ་རྣམ་
པར་འཇོམས་པ་ཞེས་བྱ་བའི་གཟུངས་ཀྱི་བཤད་པ་སློབ་དཔོན་བོ་དྷི་ས་ཏྭས་མཛད་པ། དེ་ཉིད་དང་། ལོ་ཙཱ་བ་དཔལ་བརྩེགས་ཀྱི་འགྱུར། རྡོ་རྗེ་རྣམ་པར་འཇོམས་པ་ཞེས་བྱ་བའི་གཟུངས་ཀྱི་རྣམ་པར་བཤད་པ་རྡོ་རྗེ་སྒྲོན་མ་ཞེས་བྱ་བ་གསང་སྔགས་མཐའ་དག་མངའ་བརྙེས་པའི་སློབ་དཔོན་ཆེན་

213-1-404a

པོ་པདྨ་འབྱུང་གནས་ཀྱིས་མཛད་པ། འཕགས་པ་རྡོ་རྗེ་རྣམ་པར་འཇོམས་པ་ཞེས་བྱ་བའི་གཟུངས་ཀྱི་རྒྱ་ཆེར་འགྲེལ་པ་རིན་པོ་ཆེ་གསལ་བ་ཞེས་བྱ་བའི་རྒྱུད་ཀྱི་གྲུབ་པ་སངས་རྒྱས་གསང་བས་མཛད་པ། མཁན་པོ་དེ་ཉིད་དང་། ལོ་ཙཱ་བ་དེ་བས་མཉྫུ་ཤྲཱི་ཝརྨའི་འགྱུར་ལ། ཕྱིས་པཎྜི་ཏ་
འཇོན་ཏེ་ཏའུ་ལ་དང་། ལོ་ཙཱ་བ་འོག་བསོད་ནམས་མོས་པའི་འགྱུར། རྡོ་རྗེ་རྣམ་པར་འཇོམས་པའི་གཟུངས་ཞེས་བྱ་བའི་རྣམ་པར་བཤད་པ་དང་། འཕགས་པ་རྡོ་རྗེ་རྣམ་པར་འཇོམས་པའི་གཟུངས་རྣམ་པར་བཤད་པའི་རྒྱ་ཆེར་འགྲེལ་བ་སློབ་དཔོན་བི་མ་ལ་མི་ཏྲས་མཛད་པ། རྡོ་རྗེ་རྣམ་པར་འཇོམས་པའི་
གཟུངས་ཀྱི་འགྲེལ་པ་སློབ་དཔོན་ཆེན་པོ་རྡོ་རྗེ་གོ་ཆས་མཛད་པ། རྒྱ་གར་གྱི་མཁན་པོ་ཤྲདྡྷཱ་ཀ་ར་ཝརྨ་དང་། བོད་ཀྱི་ལོ་ཙཱ་བ་དགེ་སློང་རིན་ཆེན་བཟང་པོའི་འགྱུར། རྡོ་རྗེ་རྣམ་པར་འཇོམས་པ་ཞེས་བྱ་བའི་གཟུངས་རྣམ་པར་བཤད་པ་སློབ་དཔོན་བདེ་བའི་མྱུ་གུས་མཛད་པ། རྡོ་རྗེ་རྣམ་པར་འཇོམས་པ་ཞེས་བྱ་བའི་
གཟུངས་ཀྱི་འགྲེལ་པ་དང་། རྡོ་རྗེ་རྣམ་པར་འཇོམས་པ་ཞེས་བྱ་བའི་གཟུགས་ཀྱི་མན་ངག་པཎྜི་ཏ་སྨྲྀ་ཏི་ཛྙཱ་ན་ཀིརྟིས་མཛད་པ། པཎྜི་ཏ་ཆེན་པོ་དེ་ཉིད་ཀྱི་འགྱུར། རྡོ་རྗེ་རྣམ་པར་འཇོམས་པ་ཞེས་བྱ་བ་གཟུངས་ཀྱི་འགྲེལ་པ་རིན་པོ་ཆེའི་ཕྲེང་བ་ཞེས་བྱ་བ་སློབ་དཔོན་ཆེན་པོས་ཝ་རི་པས་མཛད་པ། པཎྜི་ཏ་དེ་ཝ་པུཎྱ་
མ་ཏི་དང་། ལོ་ཙཱ་བ་དགེ་སློང་ཆོས་ཀྱི་བཟང་པོའི་འགྱུར། རྡོ་རྗེ་རྣམ་པར་འཇོམས་པའི་གཟུངས་ཞེས་བྱ་བའི་རིམ་པར་ཕྱེ་བའི་རྒྱ་ཆེར་འགྲེལ་པ་གསལ་བའི་སྒྲོན་མེ་ཞེས་བྱ་བ་སློབ་དཔོན་ཡེ་ཤེས་རྡོ་རྗེས་མཛད་པ། རྒྱ་གར་གྱི་མཁན་པོ་ཆེན་པོ་ཐེག་པ་ཆེན་པོའི་གསང་སྔགས་ལ་མཁས་པ་སློབ་དཔོན་བུདྡྷཱ་གུཧྱ་དང་། 
བོད་ཀྱི་ཞུ་ཆེན་གྱི་ལོ་ཙཱ་བ་བནྡེ་སྐ་བ་དཔལ་བརྩེགས་རཀྵི་ཏའི་འགྱུར་ལ། སླད་ཀྱིས་རྒྱ་གར་གྱི་མཁན་པོ་ཆེན་པོ་ཤྲདྡྷཱ་ཀ་ར་ཝརྨ་དང་། བོད་ཀྱི་ལོ་ཙཱ་བ་མཁས་པ་ཆེན་པོ་རིན་ཆེན་བཟང་པོས་རྒྱ་དཔེ་དང་གཏུགས་ནས་བཅོས་ཟེར་བ། དེ་དག་དང་འབྲེལ་པའི་གཙུག་ཏོར་ལ་སོགས་པའི་གཟུངས་ཀྱི་སྐོར་ལ། ཀུན་ནས་
སྒོར་འཇུག་པའི་འོད་ཟེར་གཙུག་ཏོར་དྲི་མ་མེད་པར་སྣང་བ་དེ་བཞིན་གཤེགས་པ་ཐམས་ཅད་ཀྱི་སྙིང་པོ་དང་དམ་ཚིག་ལ་རྣམ་པར་ལྟ་བ་ཞེས་བྱ་བའི་གཟུངས་ཀྱི་རྣམ་པར་བཤད་པ་སློབ་དཔོན་ཆེན་པོ་དངོས་གྲུབ་ཐོབ་པ་ལྷན་ཅིག་སྐྱེས་པའི་རོལ་པས་མཛད་པ། པཎྜི་ཏ་ཛ་ཡ་དེ་ཝ་དང་། ཞུ་ཆེན་གྱི་ལོ་ཙཱ་བ་ཚུལ་ཁྲིམས་

213-1-404b

བརྩེགས་ཀྱི་འགྱུར། དེ་བཞིན་གཤེགས་པ་ཐམས་ཅད་ཀྱི་གཙུག་ཏོར་ནས་བྱུང་བ་གདུགས་དཀར་མོ་ཅན་ཞེས་བྱ་བའི་འགྲེལ་པ་སློབ་དཔོན་ཤཱུ་རངྒ་ཝརྨ་བཛྲས་མཛད་པ། ཟངས་དཀར་འཕགས་པ་ཤེས་རབ་ཀྱི་འགྱུར་རྣམས་བཞུགས་སོ།།      །།དུ་པ་ལ། སྟོང་ཆེན་མོ་རབ་ཏུ་འཇོམས་པའི་
མདོའི་འབུམ་འགྲེལ་ལས་ཀྱི་རྡོ་རྗེས་མཛད་པ། པཎྜི་ཏ་དོན་ཡོད་རྡོ་རྗེའི་རང་འགྱུར། རིགས་སྔགས་ཀྱི་རྒྱལ་མོ་རྨ་བྱ་ཆེན་མོའི་མདོའི་འབུམ་འགྲེལ། གསང་སྔགས་ཆེན་མོ་རྗེས་སུ་འཛིན་པའི་མདོའི་འབུམ་འགྲེལ། རིག་སྔགས་ཀྱི་རྒྱལ་མོ་ཆེན་མོ་བསིལ་བའི་ཚལ་གྱི་མདོའི་འབུམ་འགྲེལ་ཞེས་བྱ་བ་
རྣམས་སློབ་དཔོན་མཁས་པ་ཆེན་པོ་ལས་ཀྱི་རྡོ་རྗེས་མཛད་པ། པཎྜི་ཏ་མཁས་པར་གྲགས་པ་མི་མཉམ་རྡོ་རྗེའི་སྲས་སྐྱེ་བ་ལྔ་བརྒྱར་སྦྱངས་པའི་འབྲས་བུ་ལྔ་རིག་ལ་མ་རྨོངས་ཤིང་གསང་སྔགས་གདམས་པ་ཐུགས་ལ་མངའ་བའི་མཚན་དོན་ཡོད་རྡོ་རྗེར་གྲགས་པས་བོད་ཡུལ་དུ་བྱོན་ནས། 
འཛམ་གླིང་བྱང་ཕྱོགས་ཀྱི་བྲག་དམར་དཔལ་བསམ་ཡས་སུ་རྒྱལ་པོ་ཁྲི་པའི་གདུང་བརྒྱུད་ཀྱི་སྲས་ལྷ་གཅིག་ལྷ་ལྕམ་དར་སྒྲོན་གྱི་ཕོ་བྲང་རྡོ་ལུང་དགོན་པར་རང་འགྱུར་དུ་མཛད་པ་རྣམས་བཞུགས་སོ།།      །།ནུ་པ་ལ། འཕགས་པ་སྒོ་དྲུག་པའི་གཟུངས་ཀྱི་རྣམ་པར་བཤད་པ་སློབ་དཔོན་དབྱིག་གཉེན་གྱིས་མཛད་
པ། འཕགས་པ་སྒོ་མཐའ་ཡས་པ་སྒྲུབ་པའི་གཟུངས་རྣམ་པར་བཤད་པའི་ཚིག་ལེའུར་བྱས་པ་དང་། འཕགས་པ་སྒོ་མཐའ་ཡས་པ་སྒྲུབ་པའི་གཟུངས་ཀྱི་རྒྱ་ཆེར་འགྲེལ་པ་སློབ་དཔོན་ཡེ་ཤེས་སྙིང་པོས་མཛད་པ། རྒྱ་གར་གྱི་མཁན་པོ་པྲཛྙཱ་ཝརྨ་དང་། ཞུ་ཆེན་གྱི་ལོ་ཙཱ་བ་བནྡེ་ཡེ་ཤེས་སྡེ་ལ་སོགས་
པའི་འགྱུར། ཆོས་སྤྱོད་ཐམས་ཅད་ཀྱི་མངོན་པར་རྟོགས་པའི་མན་ངག་གི་རྒྱུད་ཀྱི་འགྲེལ་པ་གཟི་བརྗིད་སྣང་བ་ཞེས་བྱ་བ་ཀླུའི་དབང་ཕྱུག་གིས་མཛད་པ། དགེ་ཚུལ་ཁྱུང་གྲགས་ཀྱི་འགྱུར། འདི་རྩ་འགྲེལ་གཉིས་ཀ་རྫུན་མ་ཡང་དག་པ་ཅིག་འདུག་སྟེ། ནག་ཚོ་ལོ་ཙཱ་བ་ཡང་དག་ཏུ་བཞེད་པ་ཡིན་ཟེར་
ནས། སྔར་གྱི་ [མ་བྱུང་] རྣམས་ཀྱིས་བྲིས་འདུག་པས་འདིར་ཡང་བཞུགས་སུ་བཅུག་པ་ཡིན་ནོ། །དེ་ལྟར་བྱ་བའི་རྒྱུད་སོ་སོའི་འགྲེལ་པ་རྣམས་བཀོད་ནས། ད་ནི་དེ་དག་གི་སྒྲུབ་ཐབས་དཀྱིལ་ཆོག་ལ་སོགས་པའི་སྐོར་ལ། བྱ་བའི་རྒྱུད་ཀྱི་ལྷ་གསུམ་ཚན་ལྔར་གྲགས་པ་ལས། དང་པོ་རིགས་ཀྱི་གཙོ་

213-1-405a

བོ་གསུམ་ལ། སྐུའི་རིགས་ཀྱི་གཙོ་བོ་རྣམ་པར་སྣང་མཛད་ཡིན་པས། དེ་དང་ཕྱོགས་མཐུན་པ་དམ་ཚིག་གསུམ་བཀོད་པའི་རྒྱལ་པོའི་ཡི་གེ་བརྒྱ་པའི་སྒྲུབ་ཐབས་སློབ་དཔོན་ཆེན་པོ་ཀེ་དྷ་ར་ཎ་དྷིས་མཛད་པ། རྒྱ་གར་གྱི་མཁན་པོ་པཎྜི་ཏ་དཔལ་གོ་མི་འཆི་མེད་དང་། བོད་ཀྱི་ལོ་ཙཱ་བ་བློ་ལྡན་
ཤེས་རབ་ཀྱི་འགྱུར། འདི་སྤྱོད་པའི་རྒྱུད་དང་བསྐྱེད་ཆོག་རྣམས་མཐུན་པར་བཀོད་འདུག་ནའང་། རྒྱུད་འགྲེལ་དག་ལས་དམ་ཚིག་གསུམ་བཀོད་བྱ་རྒྱུད་དུ་གསུངས་འདུག་པས་འདིར་བྲིས་སོ། །གསུང་གི་རིགས་ཀྱི་གཙོ་བོ་ཚེ་དཔག་མེད་ཀྱི་སྐོར་ལ། ཚེ་དཔག་མེད་ལ་བསྟོད་པ། འཕགས་པ་ཚེ་དང་ཡེ་ཤེས་
དཔག་ཏུ་མེད་པའི་སྒྲུབ་ཐབས། ཚེ་དང་ཡེ་ཤེས་དཔག་ཏུ་མེད་པའི་ཆོ་ག་ཞེས་བྱ་བ་སློབ་དཔོན་ཛེ་ཏཱ་རི་དགྲ་ལས་རྣམ་པར་རྒྱལ་བས་བྲམ་ཟེ་ནམ་མཁའི་དབྱིངས་ཀྱི་བུའི་ཆེད་དུ་མཛད་པ་རྣམས་རྒྱ་གར་གྱི་མཁན་པོ་ཤྲཱི་མཉྫུ་དང་། ལོ་ཙཱ་བ་ལྕེ་དགའ་བའི་དཔལ་གྱི་འགྱུར། རིགས་ཀྱི་བདག་པོ་གསུམ་
ལ། སྐུའི་རིགས་ཀྱི་བདག་པོ་འཇམ་དཔལ་གྱི་སྐོར་ལ། འཇམ་དཔལ་རྡོ་རྗེ་བློ་གྲོས་འཕེལ་བ་ཞེས་བྱ་བ་སློབ་དཔོན་ཀླུ་སྒྲུབ་ཞབས་ཀྱིས་མཛད་པ། འཇམ་པའི་དབྱངས་ཀྱི་དཔྱད་འཕགས་པ་ལྷས་མཛད་པ་ཤློ་ཀ་བརྒྱ་པ། འཇམ་པའི་དབྱངས་དཔའ་བོ་གཅིག་ཏུ་གྲུབ་པའི་སྒྲུབ་ཐབས་སློབ་དཔོན་
ཆེན་པོ་དཔལ་མར་མེ་མཛད་ཡེ་ཤེས་ཀྱིས་མཛད་པ། རྒྱ་གར་གྱི་མཁན་པོ་དཱི་པཾ་ཀ་ར་ཤྲཱི་ཛྙཱ་ན་དེ་ཉིད་དང་། བོད་ཀྱི་ལོ་ཙཱ་བ་དགེ་བའི་བློ་གྲོས་ཀྱི་འགྱུར། འཇམ་དབྱངས་སྨྲ་བའི་སེང་གེའི་སྒྲུབ་ཐབས་རྗེ་བཙུན་དམ་པ་རྒྱ་གར་གྱི་གདམས་པ། ཞ་མ་སེར་རྒྱལ་གྱི་འགྱུར། རྗེ་བཙུན་འཇམ་དཔལ་
ཤེས་རབ་འཁོར་ལོའི་སྒྲུབ་ཐབས་སློབ་དཔོན་ཆེན་པོ་ཙནྡྲ་ཀ་ར་གུཔྟས་མཛད་པ། པཎྜི་ཏ་ཤཱཀྱ་ཤྲཱི་བྷ་དྲ་དང་། ལོ་ཙཱ་བ་བྱམས་པའི་དཔལ་གྱིས་འགྱུར། འཇམ་དཔལ་གཡོ་བའི་འཁོར་ལོའི་མན་ངག་ཁ་ཆེའི་པཎྜི་ཏ་ཤཱཀྱ་ཤྲཱི་བྷ་དྲས་མཛད་པ། ངག་གི་དབང་ཕྱུག་ལ་བུ་མོ་བརྒྱད་ཀྱིས་བསྟོད་པ། འཕགས་
པ་འཇམ་དཔལ་ལ་ཁྱེའུ་བཅུ་དྲུག་གིས་བསྟོད་པ། འཕགས་པ་ངག་གི་དབང་ཕྱུག་གཙོ་འཁོར་ལྔ་པའི་བསྟོད་པ་པཎྜི་ཏ་ཐིག་ལེ་བུམ་པས་མཛད་པ། གུར་གུམ་གཞོན་ནུ་ལྟ་བུའི་བསྟོད་པ་སློབ་དཔོན་སེང་གེ་མི་གཡོ་བས་མཛད་པ་རྣམས་རྒྱ་གར་གྱི་མཁན་པོ་དཱི་པཾ་ཀ་ར་ཤྲཱི་ཛྙཱ་དང་། ཞུ་ཆེན་གྱི་ལོ་ཙཱ་

213-1-405b

བ་དགེ་སློང་ཚུལ་ཁྲིམས་རྒྱལ་བའི་འགྱུར། བཅོམ་ལྡན་འདས་འཕགས་པ་འཇམ་དཔལ་གྱི་བསྟོད་པ་བྱིན་རླབས་དང་བཅས་པ་སྙན་དངགས་མཁན་རྣམས་ཀྱི་གཙུག་གི་ནོར་བུ་བྱང་ཆུབ་སེམས་དཔའི་རིགས་ཅན་མཁས་པ་ཆེན་པོ་ཙནྡྲ་གོ་མིས་མཛད་པ། རྒྱ་གར་གྱི་མཁན་པོ་མཁས་པ་ཆེན་པོ་སུ་མ་ཏི་ཀཱིརྟིའི་
ཞལ་སྔ་ནས། བོད་ཀྱི་ལོ་ཙཱ་བ་དགེ་སློང་བློ་ལྡན་ཤེས་རབ་དང་མར་པ་ཆོས་ཀྱི་དབང་ཕྱུག་གི་འགྱུར། དཔལ་ཡེ་ཤེས་ཡོན་ཏན་བཟང་པོ་ཞེས་བྱ་བའི་བསྟོད་པ་སློབ་དཔོན་རྡོ་རྗེ་མཚོན་ཆས་མཛད་པ། རྒྱ་གར་གྱི་པཎྜི་ཏ་འབུམ་ཕྲག་གསུམ་པ་དང་། བོད་ཀྱི་རྔོག་ལོ་ཙཱ་བའི་འགྱུར། འཕགས་པ་འཇམ་
པའི་དབྱངས་ཀྱི་བསྟོད་པ་རྟོག་གེ་པ་རྣམས་ཀྱི་གཙུག་གི་ནོར་བུ་སློབ་དཔོན་ཕྱོགས་ཀྱི་གླང་པོས་མཛད་པ། རྒྱ་གར་གྱི་མཁན་པོ་ཤྲདྡྷཱ་ཀ་ར་ཝརྨ་དང་། ཞུ་ཆེན་གྱི་ལོ་ཙཱ་བ་རིན་ཆེན་བཟང་པོའི་འགྱུར། ཨ་ར་པ་ཙ་ནའི་སྒྲུབ་ཐབས་ཀྱི་ཆོ་ག་སློབ་དཔོན་ཤྲདྡྷཱ་ཀ་ར་ཝརྨས་མཛད་པ། ཨ་ར་པ་ཙ་ནའི་སྒྲུབ་
ཐབས་དངོས་གྲུབ་བརྙེས་པའི་སློབ་དཔོན་མི་ཕམ་བཤེས་གཉེན་གྱིས་མཛད་པ། རྒྱ་གར་གྱི་མཁན་པོ་བི་བྷཱུ་ཏི་ཙནྡྲ་དང་། ཆག་ལོ་ཙཱ་བ་དགེ་སློང་ཆོས་རྗེ་དཔལ་གྱི་འགྱུར། ཨ་ར་པ་ཙ་ནའི་སྒྲུབ་ཐབས་སློབ་དཔོན་ཆེན་པོ་མི་ཕམ་བཤེས་གཉེན་གྱིས་མཛད་པ། ལྷག་པའི་ལྷ་འདི་ཉིད་ཀྱིས་
དངོས་སུ་བྱིན་གྱིས་བརླབས་པའི་པཎྜི་ཏ་ཆེན་པོ་ཤྲཱི་བ་ན་རཏྣའི་བཀའ་དྲིན་ལས། ལོ་ཙཱ་བ་དགེ་སློང་རྒྱ་མཚོས་སྡེས་འགྱུར་རྙིང་ལས་ཅུང་ཟད་བཅོས་ཤིང་། རྒྱ་དཔེ་དང་རྐང་པ་མཐུན་པར་དཔལ་གནོད་གནས་ཀྱི་གཙུག་ལག་ཁང་ཆེན་པོར་འགྱུར། འཇམ་དབྱངས་དཀར་པོ་མཆོད་པའི་ཆོ་ག་ཞེས་བྱ་
བ་སློབ་དཔོན་མི་ཕམ་བཤེས་གཉེན་གྱིས་མཛད་པ། པཎྜི་ཏ་ཆེན་པོ་ཤྲཱི་བ་ན་རཏྣའི་སྤྱན་སྔར་ཆོས་འཁོར་ལོ་ཙཱ་བས་བསྒྱུར་བ་ལ། དགེ་སློང་རྒྱ་མཚོས་བཅོས་པ། འཕགས་པ་འཇམ་དཔལ་གྱི་སྒྲུབ་པའི་ཐབས་འཇམ་པའི་དབྱངས་ཀྱིས་བྱིན་གྱིས་བརླབས་པའི་པཎྜི་ཏ་ཆེན་པོ་མ་ཏིས་མཛད་པ། རྒྱ་གར་ཤར་
ཕྱོགས་ཀྱི་ཛ་ག་ཏ་ལའི་པཎྜི་ཏ་ཆེན་པོ་དཱ་ན་ཤཱི་ལས་བོད་ཡུལ་གྱི་དབུས་དྲང་སྲོང་སྲིན་པོའི་རིར་ལྷའི་སྐད་ལས་བོད་ཀྱི་བརྡར་འཁྲུལ་པ་མེད་པར་བསྒྱུར་བ། འཕགས་པ་འཇམ་དཔལ་གྱི་བསྟོད་པ་ཞེས་བྱ་བ་དཔལ་མཁས་པ་རྣམས་ཀྱི་ནང་ནས་རྒྱལ་མཚན་རྩེ་མོ་ལྟར་ཤིན་ཏུ་མཐོ་ཞིང་གསལ་བར་གྱུར་

213-1-406a

བའི་པཎྜི་ཏ་ཆེན་པོ་མ་ཏིས་འཇམ་པའི་དབྱངས་ཀྱི་སྒྲུབ་ཐབས་དང་བསྟུན་ཏེ་བསྐྱེད་རིམ་གྱི་གསལ་འདེབས་བདེ་བའི་ཏིང་ངེ་འཛིན་གྱི་བསྟོད་པ། པཎྜི་ཏ་ཤཱཀྱ་ཤྲཱི་བྷ་དྲ་དང་། བོད་ཀྱི་ལོ་ཙཱ་བ་ཁྲོ་ཕུ་བ་གནུབས་བྱམས་པའི་དཔལ་གྱིས་སྲིན་པོའི་རིར་བསྒྱུར་བ། འཕགས་པ་ཨ་ར་པ་
ཙ་ནའི་མཆོད་པའི་ཆོ་ག་ཞེས་བྱ་བ། ལོ་ཙཱ་བ་དགེ་སློང་ཉི་མ་རྒྱལ་མཚན་དཔལ་བཟང་པོས་གྲུབ་པའི་ཞིང་དམ་པ་མང་ཡུལ་སྐྱིད་གྲོང་འཕགས་པ་འཇིག་རྟེན་དབང་པོའི་གཙུག་ལག་ཁང་ལས་མི་རིང་བའི་ཆེན་པོ་རྣམས་ཀྱི་གདན་ས་དཔལ་ཤེར་གྱི་གཙུག་ལག་ཁང་དུ་བསྒྱུར་བ། གསུང་གི་
རིགས་ཀྱི་བདག་པོ་ཐུགས་རྗེ་ཆེན་པོའི་སྐོར་ལ། འཕགས་པ་དོན་ཡོད་ཞགས་པ་ལྷ་ལྔའི་བསྟོད་པ་སློབ་དཔོན་ཆེན་པོ་ཙནྡྲ་གོ་མིས་མཛད་པ། འཕགས་པ་དོན་ཡོད་ཞགས་པའི་དཀྱིལ་འཁོར་གྱི་ལྷ་ཚོགས་ལ་བསྟོད་པ་དྲི་མ་མེད་པའི་འོད་ཅེས་བྱ་བ། འཇིག་རྟེན་མགོན་པོའི་བསྟོད་པ་ཡིད་འཕྲོག་སྡིག་
འཇོམས་ཞེས་བྱ་བ་ཤར་ཕྱོགས་ཝ་རེནྡྲའི་སློབ་དཔོན་མཁས་པ་ཆེན་པོ་ཙནྡྲ་གོ་མིས་མཛད་པ། ཝ་རེནྡྲའི་ཛ་ག་ཏ་ལའི་ཆེན་པོ་དཱ་ན་ཤཱི་ལའི་རང་འགྱུར། ཐུགས་རྗེ་ཆེན་པོ་ལ་བསྟོད་ཅིང་བསྐུལ་བ་དགེ་བསྙེན་ཆེན་པོ་ཟླ་བས་མཛད་པ། རྒྱ་གར་གྱི་མཁན་པོ་བཱ་ར་མཻ་ཤྭ་ར་དང་། བོད་ཀྱི་ལོ་ཙཱ་བ་འགོས་ལྷས་
བཙས་ཀྱི་འགྱུར། འཇིག་རྟེན་དབང་ཕྱུག་གི་བསྟོད་པ་ཞེས་བྱ་བ་ཙརྦ་ཊིས་མཛད་པ། སྐྲ་མཁན་ཆེན་པོ་རྒྱལ་བའི་སྙན་གྱི་ཞལ་སྔ་ནས་དང་། ལོ་ཙཱ་བ་དགེ་སློང་ཉི་མ་རྒྱལ་མཚན་དཔལ་བཟང་པོའི་འགྱུར། འཕགས་པ་དོན་ཡོད་ཞགས་པ་ལྷ་ལྔའི་བསྟོད་པ་པཎྜི་ཏ་ཆེན་པོ་ཨེ་ར་བ་ཏིས་མཛད་པ། རྒྱ་གར་གྱི་
པཎྜི་ཏ་དོན་ཡོད་རྡོ་རྗེ་དང་། ལོ་ཙཱ་བ་རིན་ཆེན་གྲགས་པའི་འགྱུར། འཕགས་པ་སྤྱན་རས་གཟིགས་དབང་ཕྱུག་ལ་བསྟོད་པ་གྲུབ་ཐོབ་ཆེན་པོ་ཙརྦ་ཊིས་མཛད་པ། རྒྱ་གར་ཤར་ཕྱོགས་ཀྱི་པཎྜི་ཏ་ནགས་ཀྱི་རིན་ཆེན་དང་། ལོ་ཙཱ་བ་འགོས་གཞོན་ནུ་དཔལ་གྱི་འགྱུར། དཔལ་འཇིག་རྟེན་མགོན་པོ་མཁའ་
ལ་སྤྱོད་པའི་སྒྲུབ་ཐབས་ཞེས་བྱ་བ་གྲུབ་ཆེན་པདྨ་འབྱུང་གནས་ཀྱིས་མཛད་པ། རྒྱ་གར་ཤར་ཕྱོགས་ཀྱི་པཎྜི་ཏ་ཆེན་པོ་ཤྲཱི་བ་ན་རཏྣའི་ཞལ་སྔ་ནས་དང་། ཆོས་འཁོར་ལོ་ཙཱ་བས་བསྒྱུར་བ་ལས། སླད་ཀྱིས་བཙུན་པ་རྒྱ་མཚོས་དག་པར་བཅོས་པ། འཇིག་རྟེན་དབང་ཕྱུག་གི་བསྟོད་པ་བརྒྱ་པ་སྙན་དངགས་མཁན་

213-1-406b

ཆེན་པོ་ཤྲཱི་བཛྲ་དེ་ཝ་ཞེས་བྱ་བ་མཛད་པ། རྒྱ་གར་གྱི་མཁན་པོ་སྙན་དངགས་མཁན་པོ་མ་ཧཱ་པཎྜི་ཏ་ལཀྵྨཱི་ཀ་ར་དང་། བོད་ཀྱི་ལོ་ཙཱ་བ་དགེ་སློང་ཤོང་སྟོན་གྱི་འགྱུར། འཇིག་རྟེན་དབང་ཕྱུག་ལ་བསྟོད་པ་དགེ་སློང་མ་དཔལ་མོས་མཛད་པ། ནོར་བུ་གླིང་གི་ཐུགས་རྗེ་ཆེན་པོ་ལྷ་ལྔ་ལ་བསྟོད་པ་སློབ་དཔོན་རྟ་
དབྱངས་ཀྱིས་མཛད་པ། འཕགས་པ་སྤྱན་རས་གཟིགས་དབང་ཕྱུག་ལ་བསྟོད་པ་སློབ་དཔོན་ཙནྡྲ་གོ་མིས་མཛད་པ། ཐུགས་རྗེ་ཆེན་པོ་ལ་སྨྲེ་སྔགས་ཀྱིས་བསྟོད་པ་ཞེས་བྱ་བ་སློབ་དཔོན་ཙནྡྲ་གོ་མིས་མཛད་པ། ཐུགས་རྗེ་ཆེན་པོ་ལ་སྨྲེ་སྔགས་ཀྱིས་བསྟོད་པ་བྱིན་རླབས་ཅན་ཞེས་བྱ་བ་ལྔ་བརྒྱ་པ་
རྣམས་ཀྱི་གཙུག་གི་ནོར་བུ་ལྟར་གྱུར་བ་མཐོང་ལམ་རྒྱུད་ལས་སྐྱེས་པའི་གང་ཟག་སློབ་དཔོན་ཆེན་པོ་ཟླ་བ་གྲགས་པས་མཛད་པ། སྙིང་རྗེ་ལ་བསྟོད་པ་དགེ་བསྙེན་ཀུན་སྦྱིན་གྱིས་མཛད་པ། དཔལ་འཕགས་པ་སྤྱན་རས་གཟིགས་དབང་ཕྱུག་ལ་བསྟོད་པ་ཞེས་བྱ་བ་དགེ་སློང་མ་ཟླ་མཛེས་ཀྱིས་མཛད་པ།
རྒྱ་གར་ཤར་ཕྱོགས་ཀྱི་བཙུན་པ་ཙནྡྲ་ཤྲཱིས་དག་ལས་འབྱུང་བ་དང་རྒྱ་དཔེ་དང་བསྟུན་ནས་དགེ་སློང་བསོད་ནམས་རྣམ་རྒྱལ་གྱི་འགྱུར། འཕགས་པ་འཇིག་རྟེན་དབང་ཕྱུག་ལ་ཀླུའི་རྒྱལ་པོ་ནོར་རྒྱས་ཀྱི་བུས་བསྟོད་པ། དཔལ་ནགས་ཀྱི་རིན་ཆེན་གྱི་ཞལ་སྔར་བསོད་ནམས་རྣམ་པར་རྒྱལ་བའི་འགྱུར།
འཕགས་པ་སྤྱན་རས་གཟིགས་ཕྱག་སྟོང་པའི་སྒྲུབ་ཐབས་འཕགས་པ་ཀླུ་སྒྲུབ་བདག་ཉིད་ཆེན་པོ་མི་འཕྲོགས་པའི་མཁྱེན་རབ་དང་ཐུགས་རྗེར་ལྡན་པ་ས་དྲུག་པའི་བྱང་སེམས་ཡིན་ཡང་ས་དང་པོའི་བྱང་སེམས་བྱིན་གྱིས་བརླབས་པས་མཛད་པ། རྒྱ་གར་གྱི་མཁན་པོ་པཎྜི་ཏ་ཆེན་པོ་དཱི་པཾ་ཀ་ར་ཤྲཱི་ཛྙཱ་ན་དང་།
ཞུ་ཆེན་གྱི་ལོ་ཙཱ་བ་དགེ་སློང་རིན་ཆེན་བཟང་པོའི་འགྱུར། འཕགས་པ་འཇིག་རྟེན་དབང་ཕྱུག་ཡི་གེ་དྲུག་པའི་སྒྲུབ་ཐབས་ཡིད་བཞིན་ནོར་བུ་ཞེས་བྱ་བ་སློབ་དཔོན་འཕགས་པ་ཀླུ་སྒྲུབ་ཀྱིས་མཛད་པ། རྒྱ་གར་གྱི་མཁན་པོ་སློབ་དཔོན་པདྨའི་ཞལ་སྔ་ནས་བོད་ཀྱི་ལོ་ཙཱ་བ་བཙུན་པ་རྒྱལ་བས་མཆོག་དབྱངས་ཀྱིས་
བསྒྱུར་བ། རྗེ་བཙུན་འཕགས་པ་སྤྱན་རས་གཟིགས་དབང་ཕྱུག་ཞལ་བཅུ་གཅིག་པའི་སྒྲུབ་ཐབས་དགེ་སློང་མ་དཔལ་མོས་མཛད་པ། རྒྱ་གར་གྱི་མཁན་པོ་དཱི་པཾ་ཀ་ར་ཤྲཱི་ཛྙཱ་ན་དང་། ལོ་ཙཱ་བ་རིན་ཆེན་བཟང་པོའི་འགྱུར། འཕགས་པ་སྤྱན་རས་གཟིགས་དབང་ཕྱུག་ལ་བསྟོད་པ། འཕགས་པ་སྤྱན་

213-1-407a

རས་གཟིགས་དབང་ཕྱུག་གི་བསྟོད་པ། རྗེ་བཙུན་ཐུགས་རྗེ་ཆེན་པོ་ལ་བསྟོད་པ་རྣམས་དགེ་སློང་མ་དཔལ་མོས་མཛད་པ། འཕགས་པ་སྤྱན་རས་གཟིགས་དབང་ཕྱུག་གི་སྒྲུབ་ཐབས་བརྒྱ་རྩ་བརྒྱད་པ་ཞེས་གྲགས་པ་ལ་འདིའི་རྣམ་གྲངས་ནི། ཐུགས་རྗེ་ཆེན་པོ་
ཁ་སཪྤ་ཎའི་སྒྲུབ་ཐབས་ཚིགས་སུ་བཅད་པ་བཞི་པ། འཇིག་རྟེན་དབང་ཕྱུག་གི་སྒྲུབ་ཐབས། ཐུགས་རྗེ་ཆེན་པོ་ཡེ་ཤེས་སེམས་དཔའི་སྒྲུབ་ཐབས། སྤྱན་རས་གཟིགས་འཁོར་ལོ་གསུམ་བསྒོམ་པ། ཐུགས་རྗེ་ཆེན་པོ་ལྷ་ལྔའི་སྒྲུབ་ཐབས། འཇིག་རྟེན་མགོན་པོ་ཚད་མེད་བཞིའི་སྒྲུབ་ཐབས།
དཔལ་འཇིག་རྟེན་མགོན་པོ་ཡི་གེ་དྲུག་པའི་སྒྲུབ་ཐབས། སེམས་ངལ་བསོ་བའི་ཐུགས་རྗེ་ཆེན་པོའི་སྒྲུབ་ཐབས། ཐུགས་རྗེ་ཆེན་པོ་ཡི་གེ་མེད་པའི་སྒྲུབ་ཐབས། སྟོང་ཉིད་བསྒོམ་པའི་མན་ངག །དཔལ་ཁ་སཪྤ་ཎི་མར་མེ་སྤར་བའི་སྒྲུབ་ཐབས། དཔལ་ཁ་སཪྤ་ཎི་སྐུ་གསུམ་གྱི་གདམས་
པ། ཐུགས་རྗེ་ཆེན་པོ་མཁའ་སྤྱོད་ཀྱི་སྒྲུབ་ཐབས། ཐུགས་རྗེ་ཆེན་པོ་ནམ་མཁའ་དྲི་མེད་ཀྱི་སྒྲུབ་ཐབས། ཐུགས་རྗེ་ཆེན་པོ་ནམ་མཁའ་མཛོད་ཀྱི་སྒྲུབ་ཐབས། སྤྱན་རས་གཟིགས་བཅུ་གཅིག་ཞལ་ཅན་གྱི་སྒྲུབ་ཐབས། དཔལ་ཁ་སཪྤ་ཎི་ཡེ་ཤེས་ཀྱི་འཁོར་ལོའི་སྒྲུབ་ཐབས། སྤྱན་རས་གཟིགས་ཡིད་
བཞིན་ནོར་བུའི་སྒྲུབ་ཐབས། དཔལ་ཐུགས་རྗེ་ཆེན་པོ་པོ་ཊ་ལ་ཀེ་རིའི་རྩེ་མོའི་སྒྲུབ་ཐབས། ཐུགས་རྗེ་ཆེན་པོ་ཅན་འཁོར་ལོས་སྒྱུར་བའི་སྒྲུབ་ཐབས། ཐུགས་རྗེ་ཆེན་པོ་ལུས་ཀྱི་འཁོར་ལོ་འབར་བ། ཐུགས་རྗེ་ཆེན་པོ་དཀའ་ཐུབ་ཅན་གྱི་སྒྲུབ་ཐབས། དཔལ་ཐུགས་རྗེ་ཆེན་པོ་རྟག་ཏུ་བྱ་བའི་རྣལ་
འབྱོར། དཔལ་འཇིག་རྟེན་མགོན་པོ་སྒྲུབ་པའི་མན་ངག །ཐུགས་རྗེ་ཆེན་པོའི་གཏོར་མའི་ཆོ་ག །ཐུགས་རྗེ་ཆེན་པོའི་མཎྜལ་གྱི་ཆོ་ག །ཐུགས་རྗེ་ཆེན་པོའི་བསམ་གྱིས་མི་ཁྱབ་པའི་མཆོད་པའི་ཆོ་ག །སྤྱན་རས་གཟིགས་ཀྱི་སྨོན་ལམ་དུ་བྱ་བ། དཔལ་སྤྱན་རས་གཟིགས་བདུད་རྩི་མཉེས་པའི་
ཟས་ཀྱི་ཆོ་ག །རྣལ་འབྱོར་དབང་ཕྱུག་ཆེན་པོ་ཤྲཱི་མི་ཏྲའི་གདམས་པ་ལུས་སྦྱིན་པའི་ཆོ་ག །ཐུགས་རྗེ་ཆེན་པོའི་ཆུ་སྦྱིན་གྱི་ཆོ་ག །དཔལ་ཐུགས་རྗེ་ཆེན་པོའི་ཆབ་གཏོར་གྱི་ཆོ་ག །མེའི་མཆོད་པའི་ཆོ་ག །སྐུ་གཟུགས་ཀྱི་ཆོ་ག །སྐུ་གཟུགས་དང་མཆོད་རྟེན་གྱི་ཆོ་ག །ཡེ་ཤེས་སྦར་བའི་གདམས་པ།

213-1-407b

དྲི་མ་རྣམ་དག་གི་ཆོ་ག །ཆགས་ཉམས་གསོ་བ། ཏིང་ངེ་འཛིན་མྱུར་དུ་བསྐྱེད་པའི་གདམས་ངག །ཏིང་ངེ་འཛིན་བརྟན་པར་བྱེད་པའི་གདམས་ངག །སེམས་བརྟན་པར་བྱེད་པ། བྱིན་རླབས་མི་ཟད་པའི་ཆོ་ག །འཁོར་ལོ་འབར་བ། དཔལ་ངག་གི་མཐུ་བསྐྱེད་པའི་མན་ངག །གསང་སྔགས་
མྱུར་དུ་འགྲུབ་པའི་ཆོ་ག །རྨི་ལམ་དྲི་མ་མེད་པའི་བསྒོམ་པ། རྨི་ལམ་ལྟ་བ་ངན་པ་རྣམ་པར་ཟློག་པ། ཁྲོ་བ་བསལ་བ། འཕགས་པ་ཐུགས་རྗེ་ཆེན་པོའི་གདུག་པ་འདུལ་བའི་ཆོ་ག །སྐྱེ་བོ་གདུལ་དཀའ་བ་རྣམས་ཀྱི་སྙིང་གི་དྲེགས་པ་ཞི་བར་བྱེད་པའི་སྦྱོར་བ། བླ་མའི་མན་ངག །དཔལ་འཁོར་
ལོ་རྣམ་དག་གི་སྒྲུབ་ཐབས། སྙིང་གི་དུག་སྦྱོང་བ། ལུས་ཀྱི་འཁོར་ལོ་བཅིང་བ་དང་དགྲོལ་བའི་མན་ངག །དཔལ་རྡོ་རྗེ་ཐོད་པའི་དངོས་གྲུབ་སྒྲུབ་པའི་ཐབས། དཔལ་མི་འཇིགས་པ་སྦྱིན་པའི་སྒྲུབ་ཐབས། ཁ་སཪྤ་ཎི་པདྨ་ཁ་འབྱེད་ཀྱི་མན་ངག །ཐུགས་རྗེ་ཆེན་པོ་གཟུགས་བརྙན་ལ་བརྟེན་
པའི་སྒྲུབ་ཐབས། དཔལ་མེ་ཏོག་གི་གདན་ཅན་གྱི་སྒྲུབ་ཟབས། མེ་ཏོག་ལ་བརྟེན་པའི་སྒྲུབ་ཐབས། སྤྱིལ་བུ་ཅན་གྱི་སྒྲུབ་ཐབས། ཐུགས་རྗེ་ཆེན་པོ་རྔ་སྒྲའི་སྒྲུབ་ཐབས། ཉི་ཟླ་སྒྲོན་མའི་ཆོ་ག །གྲགས་པ་བསྐྱེད་པའི་ཆོ་ག །གཟི་བརྗིད་བསྐྱེད་པའི་ཆོ་ག །སེམས་མགུ་བར་བྱེད་པའི་ཆོ་ག །
རྨི་ལམ་སྟོན་པ། ཡིད་འགྱོད་པ་བསལ་བ། ལོངས་སྤྱོད་མི་ཟད་པའི་སྒྲུབ་ཐབས། དཔག་བསམ་གྱི་ཤིང་ཅན་གྱི་སྒྲུབ་ཐབས། བུམ་པ་བཟང་པོ་ཅན་གྱི་སྒྲུབ་ཐབས། ལམ་ཆེན་པོའི་སྒྲུབ་ཐབས། དཔལ་འཇིག་རྟེན་དབང་ཕྱུག་ཝ་ཏི་ཅན་གྱི་སྒྲུབ་ཐབས། པདྨོའི་སྡོང་བུ་ཅན་གྱི་སྒྲུབ་ཐབས།
སྤྱན་རས་གཟིགས་དྲི་མ་འཇིག་པའི་བུམ་པའི་ཆོ་ག །དཔལ་རྡོ་རྗེ་འབར་བ་བསྲུང་བ་ཆེན་པོའི་མན་ངག །སྲུང་བའི་འཁོར་ལོ། རང་སྲུང་བའི་ཆོ་ག །གཞན་སྐྱབ་པའི་ཆོ་ག །སྲུང་སྐུད་ཀྱི་ཆོ་ག །གཞོན་ནུ་བསྲུང་བའི་ཆོ་ག །དཔལ་སྤྱན་རས་གཟིགས་ཀྱི་ནད་བསྲུང་བའི་ཆོ་ག །སྤྱན་རས་
གཟིགས་ཀྱི་ནད་བསལ་བའི་ཆོ་ག །འཕགས་པ་སྤྱན་རས་གཟིགས་ཀྱི་ཀླུ་གསོ་བའི་ཆོ་ག །མཛེའི་ནད་གསོ་བ། གཞན་ལས་རྣམ་པར་རྒྱལ་བའི་གདམས་ངག །ཕ་རོལ་གྱི་གནོད་པ་བསྲུང་བ། ཕ་རོལ་གྱི་སྡེ་གཞོམ་པ། ཕ་རོལ་དབང་དུ་བྱ་བ། ཆོམ་རྐུན་བཅིང་བ། སློབ་མ་ལ་ཤེས་རབ་བསྐྱེད་པ། དཔལ་

213-1-408a

སྤྱན་རས་གཟིགས་ཁྲོས་པས་སེར་བཟློག་པའི་ཆོ་ག །རྨི་ལམ་དྲི་མ་མེད་པ་བསྒོམ་པ། སློབ་མ་བྱིན་གྱིས་བརླབས་པའི་མན་ངག །ཡེ་ཤེས་གཞུག་པའི་ཆོ་ག །ཏིང་ངེ་འཛིན་གྱི་བྱིན་རླབས། ཏིང་ངེ་འཛིན་གྱི་དབང་བསྐུར། དཔལ་ཡེ་ཤེས་འབར་བའི་འཁྲུལ་འཁོར། སྐྱེ་བ་བསྡམས་པའི་
ཆོ་ག །འཆི་བ་བསླུ་བའི་གདམས་པ། དཔལ་ལྷའི་གྲོང་ཁྱེར་དུ་འཇུག་པ། རྡོ་རྗེ་སྐར་མདའི་མན་ངག །ཚེ་འདས་པ་ལ་བྱ་བའི་ཆོ་ག །རོ་བསྲེག་ཆོ་ག །སྦྱིན་སྲེག་གི་ཆོ་ག །བཀྲ་ཤིས་ཀྱི་ཆོ་ག །ཚ་ཚ་གདབ་པའི་ཆོ་ག །རབ་ཏུ་གནས་པའི་ཆོ་ག་རྣམས་ལ་བརྒྱ་དང་བཞིའོ། །འདི་རྣམས་གྲུབ་པ་བརྙེས་པའི་པཎྜི་
ཏ་ཆེན་པོ་ཨ་ཛི་ཏ་མི་ཏྲ་གུཔྟས་མཛད་པ། རྣལ་འབྱོར་གྱི་དབང་ཕྱུག་ཆེན་པོ་ཤྲཱི་ཛ་ག་ཏ་མི་ཏྲཱ་ནནྡའི་ཞལ་སྔ་ནས་དང་། ཁ་ཆེའི་པཎྜི་ཏ་ཆེན་པོ་བུདྡྷ་ཤྲཱི་ཛྙཱ་ནས་གཏན་ལ་ཕབ་ནས། བོད་ཀྱི་ལོ་ཙཱ་བ་གནུབས་བྱམས་པའི་དཔལ་བཟང་པོ་ཞེས་བྱ་བས་བསྒྱུར་བ། འདི་དག་ལ་རྣལ་འབྱོར་བླ་མེད་དང་། རྣལ་འབྱོར་གྱི་ཁོངས་
སུ་གཏོགས་པའང་སྣང་མོད་ཀྱི། ཐུགས་རྗེ་ཆེན་པོ་ཕྱོགས་གཅིག་ཏུ་བྱ་བའི་ཕྱིར་འདིར་བྲིས་སོ། །ཕྱག་སྟོང་སྤྱན་སྟོང་གི་སྒྲུབ་ཐབས་སློབ་དཔོན་ཆེན་པོ་དངོས་གྲུབ་བརྙེས་པ་ཏ་ཐཱ་ག་ཏ་བཛྲས་མཛད་པ། མཁས་པའི་འབྱུང་གནས་ཤར་ཕྱོགས་བྷཾ་ག་ལའི་པཎྜི་ཏ་ཉི་མ་འབྱུང་གནས་ཟླ་བ་དང་། བོད་ཀྱི་ལོ་ཙཱ་བ་དགེ་ཚུལ་
ཁྱུང་གྲགས་ཀྱིས་འདུལ་བའི་བསྟན་པ་སྙིང་པོར་གནས་པའི་ས་དཔལ་ལྡན་རྒྱན་གོང་གི་གཙུག་ལག་ཁང་དུ་བདེ་བར་གཤེགས་པའི་བསྟན་པ་ལ་ཕན་པའི་ཕྱིར་བསྒྱུར་བ། འཕགས་པ་འཇིག་རྟེན་དབང་ཕྱུག་གི་ཡིད་བཞིན་གྱི་ནོར་བུ་འཁོར་ལོས་སྒྱུར་བའི་སྒྲུབ་ཐབས་སློབ་དཔོན་ཛེ་ཏཱ་རིས་མཛད་པ། པཎྜི་ཏ་པཱུརྞ་
ཀཱིརྟི་དང་། སྣ་ནམ་རྡོ་རྗེ་བླ་མའི་འགྱུར། འཇིག་རྟེན་དབང་ཕྱུག་གི་སྒྲུབ་ཐབས་སློབ་དཔོན་ཀླུ་སྒྲུབ་ཀྱིས་མཛད་པ། ཆག་ལོ་ཙཱ་བ་ཆོས་རྗེ་དཔལ་གྱིས་ཉུང་ངུར་བསྡུས་ཏེ་བསྒྱུར་བ། ཡི་གེ་དྲུག་པའི་རྒྱུད་ཀྱི་རིམ་པའི་དཀྱིལ་འཁོར་བསྟན་པའི་སྒྲུབ་པའི་ཐབས། རྒྱ་གར་གྱི་མཁན་པོ་མ་ཧཱ་ཛ་ན་དང་། ལོ་ཙཱ་བ་
གཞོན་ནུ་འོད་ཀྱི་འགྱུར། འཕགས་པ་སྤྱན་རས་གཟིགས་དབང་ཕྱུག་ཁ་སཪྤ་ཎིའི་སྒྲུབ་ཐབས། རྒྱ་གར་གྱི་མཁན་པོ་དཱི་པཾ་ཀ་ར་ཤྲཱི་ཛྙཱ་ན་དང་། ལོ་ཙཱ་བ་དགེ་སློང་ཤཱཀྱ་བློ་གྲོས་ཀྱི་འགྱུར། འཕགས་པ་ཡི་གེ་དྲུག་པའི་སྒྲུབ་ཐབས་སློབ་དཔོན་ཆེན་པོ་པཱུ་ཛ་བཛྲས་མཛད་པ། རྒྱ་གར་གྱི་མཁན་པོ་དཱི་པཾ་ཀ་ར་

213-1-408b

ཤྲཱི་ཛྙཱ་ན་དང་། ལོ་ཙཱ་བ་དགེ་སློང་ཤཱཀྱ་བློ་གྲོས་ཀྱི་འགྱུར། འཕགས་པ་སྤྱན་རས་གཟིགས་དབང་ཕྱུག་གི་སྒྲུབ་ཐབས་ཚིགས་བཅད་བཞི་པ་དང་། རྣལ་འབྱོར་སྙིང་པོ་གཉིས་རྣལ་འབྱོར་གྱི་དབང་ཕྱུག་ཆེན་པོ་ཤྲཱི་ཛ་ག་ཏ་མི་ཏྲས་མཛད་པ། དེ་ཉིད་དང་། བྱམས་པ་ལོ་ཙཱའི་འགྱུར། དཔལ་ཁ་སཪྤ་ཎི་འཇིག་
རྟེན་དབང་ཕྱུག་གི་སྒྲུབ་ཐབས་གྲུབ་པ་བརྙེས་པའི་སྐྱེས་བུ་ཆེན་པོ་ཤྲཱི་ཤཱནྟ་ཀ་རས་མཛད་པ། བོད་ཀྱི་ལོ་ཙཱ་བ་གནུབས་བྱམས་པའི་དཔལ་གྱི་འགྱུར། ཁ་སཪྤ་ཎི་ལྷ་ལྔའི་སྒྲུབ་ཐབས་ཨཱ་ཙཱརྱ་པདྨ་ཀ་རས་མཛད་པ། ཆོས་འཁོར་ལོ་ཙཱའི་འགྱུར། དེ་བཞིན་གཤེགས་པ་འཇིག་རྟེན་དབང་ཕྱུག་ལྷ་ལྔའི་
སྒྲུབ་ཐབས་རྣལ་འབྱོར་གྱི་དབང་ཕྱུག་ཆེན་པོ་ཤྲཱི་མི་ཏྲ་ཨཱ་ནནྡས་མཛད་པ། པཎྜི་ཏ་དེ་ཉིད་དང་། གནུབས་ལོ་ཙཱའི་འགྱུར། སེང་གེ་སྒྲའི་སྒྲུབ་ཐབས་སློབ་དཔོན་ [མ་བྱུང་] ཙནྡྲ་གོ་མིས་མཛད་པ། བླ་མ་རྡོ་རྗེ་གདན་པ་དང་། དཔལ་ཆོས་ཀྱི་བཟང་པོའི་འགྱུར། འཇིག་རྟེན་དབང་ཕྱུག་སེང་གེ་སྒྲ་ཞེས་བྱ་བའི་བསྟོད་པ་
རྒྱ་གར་གྱི་སློབ་དཔོན་ཆེན་པོ་ཏི་ལ་ཀས་མཛད་པ། པཎྜི་ཏ་དེ་ཉིད་དང་། ལོ་ཙཱ་བ་མལ་གྱི་འགྱུར། སེང་གེ་སྒྲའི་སྲུང་བའི་འཁོར་ལོ་ཞེས་བྱ་བ། དོན་ཡོད་ཞགས་པའི་སྒྲུབ་ཐབས་མདོར་བསྡུས་པ། དོན་ཡོད་ཞགས་པའི་གཏོར་མའི་ཆོ་ག །གསོ་སྦྱོང་བླང་བ། འཕགས་པ་དོན་ཡོད་ཞགས་པའི་
གསོ་སྦྱོང་གི་ཆོ་གའི་མན་ངག་རྣམས་ཁ་ཆེའི་པཎྜི་ཏ་ཆེན་པོ་ཤཱཀྱ་ཤྲཱི་བྷ་དྲས་མཛད་ཅིང་། པཎྜི་ཏ་དེ་ཉིད་དང་། བོད་ཀྱི་ལོ་ཙཱ་བ་རབ་མཆོག་དཔལ་བཟང་པོའི་འགྱུར། ཕྱག་ན་རྡོ་རྗེ་ཐུགས་ཀྱི་རིགས་ཀྱི་སྐོར་ལ། དཔལ་ཕྱག་ན་རྡོ་རྗེའི་སྒྲུབ་པའི་ཐབས་སློབ་དཔོན་སངས་རྒྱས་གསང་བས་
མཛད་པ། པཎྜི་ཏ་ཆེན་པོ་དེ་ཉིད་དང་། ལོ་ཙཱ་བ་འཇམ་དཔལ་གོ་ཆའི་འགྱུར། ཕྱག་ན་རྡོ་རྗེ་རྣལ་འབྱོར་གྱི་རྒྱུད་དུ་བཀྲལ་བ་ལ། ཕྱག་ན་རྡོ་རྗེ་མདོ་ལུགས་སུ་གྲགས་པའི་ཆོས་སྐོར་ནི། གོས་སྔོན་པོ་ཅན་གྱི་དངོས་གྲུབ་ཉེ་བར་བྱེད་པའི་མཆོད་རྟེན་གྱི་མན་ངག །གནོད་པ་
སེལ་བའི་བདུད་རྩི། རྡོ་རྗེ་བྱབ་པའི་ལས་ཚོགས། ཡན་ལག་བདུན་པའི་སྒྲུབ་ཐབས་རྣམས་སློབ་དཔོན་འཕགས་པ་ཀླུ་སྒྲུབ་ཀྱིས་མཛད་པ་དང་། གནོད་སྤྱོན་གྱི་སྡེ་དཔོན་ཆེན་པོ་ལག་ན་རྡོ་རྗེ་ཞེས་བྱ་བའི་སྒྲུབ་པའི་ཐབས། ཕྱག་ན་རྡོ་རྗེ་སྒྲུབ་པའི་ཐབས་ཞེས་བྱ་བ་འགྲེལ་པ་ལས་གཟུངས་སྒྲུབ་ཐབས་སུ་མཛད་པ།

213-1-409a

ཕྱག་ན་རྡོ་རྗེ་གོས་སྔོན་པོ་ཅན་གྱི་སྒྲུབ་ཐབས་ཞེས་བྱ་བ་གཏའི་གཏོར་མའི་གདམས་ངག །འཁོར་ལོའི་མན་ངག་ཅེས་བྱ་བ། དཔལ་ཕྱག་ན་རྡོ་རྗེ་གོས་སྔོན་པོ་ཅན་གྱི་གཟུགས་ཀྱི་གཏོར་མའི་ཆོ་ག་ཞེས་བྱ་བ། ཕྱག་ན་རྡོ་རྗེའི་སྒྲུབ་པའི་ཐབས་མདོར་བསྡུས་པ་ཞེས་བྱ་བ། སྡེ་དཔོན་བཞིའི་སྒྲུབ་ཐབས་ཐུན་མོང་
མ་ཡིན་པ། དོན་འགྲེལ་སྒྲོན་མ། སྒྲུབ་པའི་གོ་རིམས། བུམ་པའི་སྒྲུབ་ཐབས་ཞེས་བྱ་བ། དེ་ཁོ་ན་ཉིད་སྒྲོན་མ་ཞེས་བྱ་བ། ཕྱག་ན་རྡོ་རྗེའི་སྤུར་བསད་ལས་ཚོགས་བསྡུས་པ་རྣམས་སློབ་དཔོན་སུ་ཝཱ་གཱི་ཤྭ་ར་ཀཱིརྟིས་མཛད་པ་དང་། ཕྱག་ན་རྡོ་རྗེ་མདོ་ལུགས་ཀྱི་མན་ངག་ལག་ཏུ་བླང་བའི་སྒྲུབ་ཐབས་ཞེས་བྱ་བ། གསང་
སྔགས་བཟླས་བརྗོད་ཀྱི་མན་ངག །ནམ་མཁའ་ལྡིང་གི་རྒྱལ་པོ་རྡོ་རྗེ་སྒྲུབ་པའི་ཐབས་ཞེས་བྱ་བ་རྣམས་སློབ་དཔོན་བཱིརྱ་ཙནྡྲས་མཛད་པ། ཕྱག་ན་རྡོ་རྗེའི་སྒྲུབ་པའི་ཐབས་ཞེས་བྱ་བ་སློབ་དཔོན་ཆེན་པོ་ཤྲདྡྷཱ་ཀ་ར་ཝརྨས་མཛད་པ། རྟེན་འབྲེལ་གྱི་བསྲུང་བ་རྣམས་ཇོ་བོ་རྗེ་དང་། རྒྱ་བརྩོན་འགྲུས་སེང་གེའི་འགྱུར།
ཕྱག་ན་རྡོ་རྗེ་གོས་སྔོན་པོ་ཅན་གྱི་སྒྲུབ་པའི་ཐབས་སློབ་དཔོན་མཁས་པ་ཆེན་པོ་དཔལ་སྟོང་ཉིད་ཏིང་ངེ་འཛིན་རྡོ་རྗེས་མཛད་པ། པཎྜི་ཏ་དེ་ཉིད་དང་། རང་གི་བླ་མ་ཉིད་ལས་ཐོས་ནས་ཁམས་པ་དགེ་སློང་བ་རི་ལོ་ཙཱ་བ་ཆེན་པོ་རིན་ཆེན་གྲགས་པས་བསྒྱུར་ཅིང་། སླད་ཀྱིས་རྒྱ་གར་གྱི་མཁན་པོ་ཨ་བྷི་ཡུཀྟ་དང་ཞུ་དག་བྱས་
ནས་གཏན་ལ་ཕབ་པ། ཕྱག་ན་རྡོ་རྗེ་གོས་དཀར་ཅན་གྱི་སྒྲུབ་ཐབས་སློབ་དཔོན་ངག་གི་དབང་ཕྱུག་གྲགས་པས་མཛད་པ། ལོ་ཙཱ་བ་རིན་ཆེན་བཟང་པོའི་འགྱུར། ཕྱག་ན་རྡོ་རྗེའི་དཀྱིལ་འཁོར་གྱི་གྱི་ཆོ་ག་སློབ་དཔོན་ཀླུ་སྒྲུབ་དང་འགྲོ་བཟང་སྙིང་པོས་དོན་གཅིག་ཏུ་བསྡེབས་པ་རྣམས་སོ། །འདི་དག་ལ་རྒྱ་གཞུང་ཡིན་
མིན་ཐེ་ཚོམ་ཟ་བ་ཅི་རིགས་པ་སྣང་ཞིང་། གཟུངས་ཀྱི་ངོ་བོ་བྱ་རྒྱུད་དུ་གསལ་ཡང་། བསྐྱེད་ཆོག་དང་། དབང་ཆོག་རྣམས་རྣལ་འབྱོར་གྱི་རྒྱུད་བཞིན་བྱས་སྣང་ངོ་། །དཔལ་ཕྱག་ན་རྡོ་རྗེ་ལ་མཚན་ཉིད་བསྡུས་པའི་སྒོ་ནས་བསྟོད་པ་སློབ་དཔོན་བཱིརྱ་ཙནྡྲས་མཛད་པ་དང་། ཕྱག་ན་རྡོ་རྗེ་ལ་དོན་རྟགས་ཀྱི་སྒོ་ནས་
བསྟོད་པ་སློབ་དཔོན་དཱི་པཾ་ཀཱ་ར་ཤྲཱི་ཛྙཱ་ནས་མཛད་པ། པཎྜི་ཏ་དེ་ཉིད་དང་། ལོ་ཙཱ་བ་རྒྱ་བརྩོན་འགྲུས་སེང་གེའི་འགྱུར། བཅོམ་ལྡན་འདས་ཕྱག་ན་རྡོ་རྗེ་ལ་བསྟོད་པ་བསྡུས་པ་གཅིག །ཕྱག་ན་རྡོ་རྗེ་འགྲོ་ [མ་བྱུང་] བཟངས་ཀྱི་སྐོར་ལ། ཕྱག་ན་རྡོ་རྗེ་འགྲོ་བཟངས་ [མ་བྱུང་] མའི་སྒྲུབ་ཐབས། ཕྱག་ན་རྡོ་རྗེ་གོས་སྔོན་པོ་ཅན་གྱི་ཆུ་གཏོར།

213-1-409b

ཕྱག་ན་རྡོ་རྗེ་གོས་སྔོན་པོ་ཅན་གྱི་ཀླུ་གཏོར། ཚོགས་ཀྱི་འཁོར་ལོ་ཞེས་བྱ་བ། ཕྱག་ན་རྡོ་རྗེའི་དཀྱིལ་འཁོར་གྱི་ཆོ་ག་རྣམས་སློབ་དཔོན་འགྲོ་བཟང་སྙིང་པོས་མཛད་པ། པཎྜི་ཏ་ཏེ་ཛ་དེ་ཝ་དང་། ཟངས་དཀར་འཕགས་པ་ཤེས་རབ་ཀྱི་འགྱུར། འཕགས་པ་ལག་ན་རྡོ་རྗེ་གོས་སྔོན་པོ་ཅན་གྱི་སྒྲུབ་པའི་ཐབས་ཡིད་བཞིན་གྱི་ནོར་བུ་
ཞེས་བྱ་བ་སློབ་དཔོན་ཆེན་པོ་དངོས་གྲུབ་བརྙེས་པའི་མཁས་པ་ཆེན་པོ་ཉིན་མཛད་རྡོ་རྗེས་མཛད་པ། རྒྱ་གར་གྱི་མཁན་པོ་ཤྲཱི་ཀུ་མཱ་ར་ཀ་ལ་ཤའི་རང་འགྱུར། དཔལ་ཕྱག་ན་རྡོ་རྗེ་གཏུམ་པོ་ཆེན་པོའི་སྦྱིན་སྲེག་གི་ཆོ་ག་ཞེས་བྱ་བ་སློབ་དཔོན་བྲམ་ཟེ་ཉིན་མཛད་རྡོ་རྗེས་མཛད་པ། ཕྱག་ན་རྡོ་རྗེ་སྙིང་པོའི་མན་ངག་ཅེས་བྱ་བའི་སྒྲུབ་
ཐབས་པཎྜི་ཏ་ཛྙཱ་ན་ཤྲཱིས་མཛད་པ། རིག་སྔགས་གཏད་པའི་ཆོ་ག །རྒྱ་གར་གྱི་མཁན་པོ་ནག་པོ་པ་དང་། ནག་ཚོ་ཚུལ་ཁྲིམས་རྒྱལ་བའི་འགྱུར། ཕྱག་ན་རྡོ་རྗེ་གོས་སྔོན་པོ་ཅན་གྱི་དཀྱིལ་འཁོར་གྱི་ཆོ་ག་ཞེས་བྱ་བ་སློབ་དཔོན་ཆེན་པོ་སྟོང་ཉིད་ཏིང་ངེ་འཛིན་སྙིང་རྗེའི་ཞལ་སྔ་ནས་མཛད་པ། རྒྱ་གར་གྱི་མཁན་པོ་པཎྜི་ཏ་དོན་ཡོད་རྡོ་རྗེ་
དང་། བོད་ཀྱི་ལོ་ཙཱ་བ་ཁམས་པ་བ་རི་དགེ་སློང་རིན་ཆེན་གྲགས་ཀྱི་འགྱུར། ཁྲོ་བོ་རྡོ་རྗེ་འཛིན་པའི་སྒྲུབ་པའི་ཐབས་ཞེས་བྱ་བ། དེའི་སྦྱིན་སྲེག་གི་ཆོ་ག །རྡོ་རྗེ་འཛིན་པའི་གཏོར་མའི་ཆོ་ག་ཞེས་བྱ་བ། བསྲུང་བའི་ཆོ་ག་ལས་ཐམས་ཅད་པ་ཞེས་བྱ་བ་རྣམས་སློབ་དཔོན་སུ་ཏ་བཛྲས་མཛད་པ། རྣལ་འབྱོར་བསོད་སྙོམས་
པ་པྲཛྙཱ་ཤྲཱི་ཛྙཱ་ན་ཀཱིརྟིའི་རང་འགྱུར། ཁྲོ་བོའི་རྒྱལ་པོ་ཕྱག་ན་རྡོ་རྗེ་གོས་སྔོན་པོ་ཅན་སྒྲུབ་པའི་ཐབས་སློབ་དཔོན་སུ་ཙནྡྲ་བྷ་དྲས་མཛད་པ། རྒྱ་གར་གྱི་མཁན་པོ་བི་ནཱ་ཡ་ཙནྡྲ་དང་། ལོ་ཙཱ་བ་ཆོས་ཀྱི་ཤེས་རབ་ཀྱི་འགྱུར། དཔལ་འབྱུང་པོ་འདུལ་བྱེད་ཀྱི་དཀྱིལ་འཁོར་གྱི་ཆོ་ག་ཞེས་བྱ་བ་སློབ་དཔོན་ཆེན་པོ་བློ་བཟང་སྐྱོང་གིས་མཛད་
པ། འདིའི་ཤློ་ཀའི་གྲངས་ཚིགས་བཅད་བདུན་བརྒྱ་པ། རྒྱ་གར་གྱི་པཎྜི་ཏ་སྒྲ་པཱ་ཎི་ནི་ཡོངས་སུ་རྫོགས་པའི་སྙན་དངགས་ལ་མཁས་པ་ནོན་ནི་པཎྜི་ཏ་དང་། བོད་ཀྱོ་ལོ་ཙཱ་བ་ཨུ་རྒྱན་པ་རིན་ཆེན་དཔལ་གྱིས་རི་བོ་ཆེན་པོ་སྤུ་ཏྲའི་མགུལ་དུ་འགྱུར། དཀྱིལ་འཁོར་དྲུག་གི་ཆོ་ག་རིན་པོ་ཆེའི་མིག་ཐུར་ཞེས་བྱ་བ་སློབ་དཔོན་
ཆེན་པོ་ཤཱུ་རངྒ་ཝརྨས་མཛད་པ། རྡོ་རྗེ་རྣམ་པར་འཇོམས་པའི་དཀྱིལ་འཁོར་གྱི་ཆོ་ག་དགའ་བའི་སྒྲོན་མ་ཞེས་བྱ་བ་རྒྱ་གར་གྱི་སློབ་དཔོན་ཆེན་པོ་རྡོ་རྗེ་གོ་ཆས་མཛད་པ། བོད་ཀྱི་ལོ་ཙཱ་བ་པུ་རངས་བསོད་ནམས་བློ་གྲོས་ཀྱི་འགྱུར། རྡོ་རྗེ་རྣམ་པར་འཇོམས་པ་ཞེས་བྱ་བའི་ཁྲུས་ཀྱི་ཆོ་གའི་འགྲེལ་པ་དང་། ལས་ཀྱི་མཐའ་བཅོ་བརྒྱད་

213-1-410a

པའི་མན་ངག་སློབ་དཔོན་རྡོ་རྗེ་གོ་ཆས་མཛད་པ། རྡོ་རྗེ་རྣམ་པར་འཇོམས་པ་ཞེས་བྱ་བའི་ཁྲུས་ཀྱི་ཆོ་གས་སློབ་དཔོན་བྱང་ཆུབ་སྙིང་པོས་མཛད་པ། འཕགས་པ་རྡོ་རྗེ་རྣམ་པར་འཇོམས་པའི་སྒྲུབ་ཐབས་མདོར་བསྡུས་སློབ་དཔོན་ཙནྡྲ་གོ་མིས་མཛད་པ། རྡོ་རྗེ་རྣམ་པར་འཇོམས་པའི་དཀྱིལ་འཁོར་གྱི་ཆོ་
ག་བྲམ་ཟེ་ཛ་ཡ་ཝརྨས་མཛད་པ། རྡོ་རྗེ་རྣམ་པར་འཇོམས་པ་ཞེས་བྱ་བའི་སྒྲུབ་ཐབས་དཔལ་གངྒཱ་དྷ་རས་མཛད་པ། རྡོ་རྗེ་རྣམ་པར་འཇོམས་པ་ཞེས་བྱ་བའི་གཟུངས་ཀྱི་སྒྲུབ་ཐབས། དཔལ་རྡོ་རྗེ་རྣམ་པར་འཇོམས་པ་ལ་བསྟོད་པ། རྡོ་རྗེ་རྣམ་པར་འཇོམས་པའི་བུམ་པའི་ཆོ་ག །ཞི་བའི་སྦྱིན་སྲེག་གི་ཆོ་ག །གཏོར་མའི་
ཆོ་ག་ཞེས་བྱ་བ། རྡོ་རྗེ་རྣམ་པར་འཇོམས་པའི་ལས་བཞི་སྒྲུབ་པའི་ཆོ་ག་རྣམས་བྲམ་ཟེ་མ་ཎི་བཛྲས་མཛད་པ། རྡོ་རྗེ་རྣམ་པར་འཇོམས་པའི་ལས་བཞི་སྒྲུབ་པའི་སྦྱིན་སྲེག་གི་ཆོ་ག །རྡོ་རྗེ་རྣམ་པར་འཇོམས་པའི་ལས་བཞི་སྒྲུབ་པའི་བུམ་པའི་ཆོ་ག །རྡོ་རྗེ་རྣམ་པར་འཇོམས་པའི་ལས་བཞི་སྒྲུབ་པའི་འཁོར་ལོའི་ཆོ་
ག་རྣམས་པཎྜི་ཏ་ཆེན་པོ་ཛྙཱ་ན་ཤྲཱིས་མཛད་པ། རྡོ་རྗེ་རྣམ་པར་འཇོམས་པའི་ལས་སྒྲུབ་པའི་ཐབས་ཀྱི་ཆོ་ག་བྱང་ཆུབ་སེམས་དཔའ་བྱམས་པའི་ཞབས་རྡུལ་ལ་རེག་པ་དཔལ་གངྒཱ་དྷ་རའི་སྲས་ཀྱི་ཐུ་བོ་བྲམ་ཟེ་མ་ཎི་བཛྲས་མཛད་པ། རྡོ་རྗེ་རྣམ་པར་འཇོམས་པའི་ལས་སྣ་ཚོགས་སྒྲུབ་པའི་ཆོ་ག་པཎྜི་ཏ་ཆེན་པོ་ཛྙཱ་ན་
ཤྲཱིས་མཛད་པ་རྣམས་པཎྜི་ཏ་ཛྙཱ་ན་ཤྲཱི་དང་། ལོ་ཙཱ་བ་རབ་ཞི་བཤེས་གཉེན་གྱི་འགྱུར། འཕགས་པ་རྡོ་རྗེ་རྣམ་པར་འཇོམས་པ་ཞེས་བྱ་བའི་གཟུངས་ཀྱི་སྒྲུབ་ཐབས་ཆོ་ག་ཞིབ་མོ་དང་བཅས་པ་བྲམ་ཟེ་རིག་སྔགས་འཆང་བ་མཁས་པ་ཆེན་པོ་ཀུ་མཱ་ར་སེ་ནཱས་མཛད་པ། རྒྱ་གར་གྱི་མཁན་པོ་བུདྡྷ་གུཔྟ་དང་། བོད་ཀྱི་ལོ་ཙཱ་བ་དཔའ་མཉྫུ་ཤྲཱི་ཝརྨའི་
འགྱུར་ལ། ཕྱིས་པཎྜི་ཏ་ཛྙོན་ཏེང་ཧ་ར་དུ་དང་། ལོ་ཙཱ་བ་ད་འོག་བསོད་ནམས་མོས་པ་ཤེས་རབ་ཀྱི་འགྱུར། རྡོ་རྗེ་རྣམ་པར་འཇོམས་པ་ཞེས་བྱ་བའི་གཟུངས་ཀྱི་སྒྲུབ་ཐབས་དཔའ་བོ་གཅིག་ཏུ་གྲུབ་པ་ཞེས་བྱ་བ་དང་། འཕགས་པ་རྡོ་རྗེ་རྣམ་པར་འཇོམས་པ་ཞེས་བྱ་བའི་གཟུངས་ཀྱི་གཏོར་མའི་ཆོ་གའི་རིམ་པ་ཞེས་བྱ་བ་སློབ་དཔོན་ཆེན་
པོ་སངས་རྒྱས་གསང་བས་མཛད་པ། རྒྱ་གར་གྱི་མཁན་པོ་དེ་ཉིད་དང་། ལོ་ཙཱ་བ་དཔའ་མཉྫུ་ཤྲཱི་ཝརྨའི་འགྱུར། ལས་ཀྱི་ཐབས་ཞེས་བྱ་བ་དང་། འཕགས་པ་རྡོ་རྗེ་རྣམ་པར་འཇོམས་པ་ཞེས་བྱ་བའི་ཁྲུས་ཀྱི་ཆོ་ག་སློབ་དཔོན་སངས་རྒྱས་གསང་བས་མཛད་པ། ཁྲུས་ཀྱི་ཆོ་གའི་རིམ་པ། རྡོ་རྗེ་རྣམ་པར་འཇོམས་པ་ཞེས་བྱ་བའི་གཟུངས་

213-1-410b

ཀྱི་མན་ངག་པཎྜི་ཏ་སྨྲྀ་ཏི་ཛྙཱ་ན་ཀཱིརྟིས་མཛད་པ། པཎྜི་ཏ་ཆེན་པོ་དེ་ཉིད་ཀྱི་རང་འགྱུར། རྣམ་འཇོམས་ས་ཝ་རིའི་སྐོར་ལ། རྡོ་རྗེ་རྣམ་པར་འཇོམས་པ་ཞེས་བྱ་བའི་གཟུངས་ཀྱི་དཀྱིལ་འཁོར་གྱི་ཆོ་ག་རིན་ཆེན་སྣང་བ་ཞེས་བྱ་བ་དང་། རྡོ་རྗེ་ཁྲོ་བོས་བསད་པའི་ལས་ཞེས་བྱ་བའི་སྒྲུབ་པའི་ཐབས་སློབ་དཔོན་ཆེན་པོས་ཝ་རི་པས་མཛད་
པ། ཕྱག་ན་རྡོ་རྗེ་གོས་སྔོན་པོ་ཅན་གཏུམ་པོ་ཞེས་བྱ་བའི་སྒྲུབ་ཐབས་ཨཽ་ཌྱཱན་གྱི་སློབ་དཔོན་ཨ་མོ་པ་ནཱ་ཐ་ཞེས་བྱ་བས་མཛད་པ་དང་། སྦྱིན་སྲེག་གི་ཆོ་ག་སློབ་དཔོན་ཆེན་པོ་བྲམ་ཟེ་བར་མ་ཏིས་མཛད་པ། རྡོ་རྗེ་རྣམ་པར་འཇོམས་པ་གཏུམ་པོའི་སྒྲུབ་ཐབས་ཞེས་བྱ་བ་སློབ་དཔོན་ཆེན་པོ་དངོས་གྲུབ་བརྙེས་པའི་ས་བ་རི་པས་མཛད་
པ་རྣམས་བལ་པོའི་པཎྜི་ཏ་དེ་བ་པཱུརྞ་མ་ཏི་དང་། ལོ་ཙཱ་བ་དགེ་སློང་ཆོས་ཀྱི་བཟང་པོའི་འགྱུར། རྡོ་རྗེ་རྣམ་པར་འཇོམས་པའི་ཁྲུས་ཀྱི་ཆོ་ག་སངས་རྒྱས་གསང་བས་མཛད་པ་འགྱུར་བྱང་མེད་པ། རྣམ་འཇོམས་སྒྲུབ་སྐོར་སློབ་དཔོན་གངྒཱ་དྷ་རས་མཛད་པ་འགྱུར་བྱང་མེད་པ་རྣམས་བཞུགས་སོ།།      །།པུ་པ་ལ། རྡོ་རྗེ་
རྣམ་པར་འཇོམས་པ་ཞེས་བྱ་བའི་དཀྱིལ་འཁོར་གྱི་ལག་ལེན་གོ་རིམས་ཇི་ལྟ་བ་ཞེས་ཀྱང་བྱ། གཞན་ལ་ཕན་པ་ཞེས་ཀྱང་བྱ་བ་ [མ་བྱུང་] རིག་སྔགས་འཆང་གི་སློབ་དཔོན་རཏྣ་ཤྲཱི་ཕ་ལས་མཛད་པ། རྒྱ་གར་གྱི་མཁན་པོ་བཛྲ་ [མ་བྱུང་] བོ་དྷི་དང་། ལོ་ཙཱ་བ་ཚུལ་དགེ་རིན་ཆེན་གྱི་འགྱུར། རྡོ་རྗེ་རྣམ་པར་འཇོམས་པའི་གཟུངས་ཀྱི་སྒྲུབ་ཐབས་
ཞེས་བྱ་བ་དང་། འཕགས་པ་རྡོ་རྗེ་རྣམ་པར་འཇོམས་པའི་ཁྲུས་ཀྱི་ཆོ་ག་སློབ་དཔོན་ཡེ་ཤེས་རྡོ་རྗེས་མཛད་པ། རྣམ་པར་འཇོམས་པའི་སྒྲུབ་ཐབས་ཞེས་བྱ་བ་དང་། རྡོ་རྗེ་རྣམ་པར་འཇོམས་པའི་ཁྲུས་ཀྱི་ཆོ་ག་ཞེས་བྱ་བ་སློབ་དཔོན་ཆེན་པོ་རཏྣ་ཀཱིརྟིས་མཛད་པ་རྣམས་བལ་པོའི་པཎྜི་ཏ་མ་ཧཱ་པཱ་ནའི་རང་འགྱུར། སློབ་
དཔོན་ཡེ་ཤེས་རྡོ་རྗེ་དང་། སློབ་དཔོན་པདྨ་ལ་སོགས་པས་མཛད་ཟེར་བའི་རྣམ་འཇོམས་ཀྱི་སྒྲུབ་ཐབས་བརྒྱ་རྩར་གྲགས་པ་ལས། རྡོ་རྗེ་རྣམ་པར་འཇོམས་པའི་དཀྱིལ་འཁོར་གྱི་ཆོ་ག་ཞེས་བྱ་བ་སློབ་དཔོན་ཡེ་ཤེས་རྡོ་རྗེས་མཛད་པ། དབང་བསྐུར་གྱི་ཆོ་ག་དང་། དམ་ཚིག་བསྲུང་བ་སློབ་དཔོན་པདྨས་{མཛད་}པ།
ཁྲོ་བོ་བརྒྱད་ཀྱི་དཀྱིལ་འཁོར་དུ་དབང་བསྐུར་བ་སློབ་དཔོན་དཔལ་མར་མེ་མཛད་ཀྱིས་རྒྱུད་ལ་བརྟེན་ནས་མཛད་པ། ལྷ་མོ་བརྒྱད་ཀྱི་དཀྱིལ་འཁོར་དུ་དབང་བསྐུར་བ། དཔའ་བོ་གཅིག་པའི་དཀྱིལ་འཁོར་དུ་དབང་བསྐུར་བའི་བདུད་རྩིའི་བུམ་པའི་ཆོ་ག །དཔལ་ཡབ་ཡུམ་གཉིས་པའི་དཀྱིལ་འཁོར་དུ་དབང་བསྐུར་བ་

213-1-411a

བདེ་སྦྱིན་དམ་པ་ཞེས་བྱ་བ། བདུད་རྩི་ཐབ་སྦྱོར་ཞེས་བྱ་བ་ཁྲོ་བོ་བཞིའི་དཀྱིལ་འཁོར་དུ་དབང་བསྐུར་བའི་ཆོ་ག་ཟབ་མོ། །སྒོམ་བཞིའི་དཀྱིལ་འཁོར་དུ་དབང་བསྐུར་བའི་ཆོ་ག་དྲི་མ་མེད་པ་ཞེས་བྱ་བ། རྒྱལ་པོ་བཞིའི་དཀྱིལ་འཁོར་དུ་དབང་བསྐུར་བ། ཕྱོགས་སྐྱོང་བཅུའི་དཀྱིལ་
འཁོར་དུ་དབང་བསྐུར་བ། གཟའ་ཆེན་པོ་བརྒྱད་ཀྱི་དཀྱིལ་འཁོར་དུ་དབང་བསྐུར་བའི་ཆོ་ག་ཉི་མ་བཅུད་ལེན་ཞེས་བྱ་བ། རྒྱུ་སྐར་ཉི་ཤུ་རྩ་བརྒྱད་ཀྱི་དབང་བསྐུར་བའི་དཀྱིལ་འཁོར་གྱི་ཆོ་ག་རྡོ་རྗེ་གོ་ཆ་མ་ཞེས་བྱ་བ། ལྷ་ཆེན་པོ་བརྒྱད་ཀྱི་དཀྱིལ་འཁོར་དུ་དབང་བསྐུར་བ་ལེགས་པའི་ལམ་སྟོན་པར་བྱེད་པ་ཞེས་བྱ་བ།
ཀླུ་ཆེན་པོ་བརྒྱད་ཀྱི་དཀྱིལ་འཁོར་དུ་དབང་བསྐུར་བ་དུག་ལས་རྒྱལ་བ་ཞེས་བྱ་བ། སྔ་མ་དང་ད་ལྟ་དང་ཕྱི་མའི་སྡིག་པ་མ་ལུས་པ་ལས་ཐར་བར་བྱེད་པ་འཕགས་པ་རྡོ་རྗེ་རྣམ་པར་འཇོམས་པའི་ཁྲུས་ཀྱི་ཆོ་ག །འཕགས་པ་རྡོ་རྗེ་རྣམ་པར་འཇོམས་པའི་རབ་ཏུ་གནས་པའི་ཆོ་ག་རྣམས་སློབ་དཔོན་ཆེན་པོ་དཔལ་མར་མེ་མཛད་
བཟང་པོས་མཛད་པ། དཔལ་རྡོ་རྗེ་རྣམ་པར་འཇོམས་པའི་ལས་ལ་སྦྱར་བ་འགྲུབ་པར་ངེས་པའི་ཆོ་ག །མན་ངག་གི་སྒྲུབ་པའི་རྣལ་འབྱོར་བའི་ཚེ་དང་སྟོབས་སྒྲུབ་པ་ཞེས་བྱ་བ། རྒྱུད་ཀྱི་བདེན་པའི་དོན་ངེས་པར་སྒྲུབ་པ་རྣལ་འབྱོར་པའི་པྲ་སེ་ན་ལེགས་པར་བརྟགས་པ། འདོད་པའི་དོན་དུས་ལ་ངེས་པར་སྒྲུབ་པ།
རྒྱུད་ཀྱི་བརྟེན་པ་ཞེས་བྱ་བའི་ཚིག་ལེགས་པར་སྒྲུབ་པ་ཞེས་བྱ་བ། རྒྱུད་ཐམས་ཅད་ཐོགས་པ་མེད་པའི་ཚིག་ལེགས་པར་སྒྲུབ་པ་ཞེས་བྱ་བ། མནའ་ལས་རྣམ་པར་རྒྱལ་བའི་སྒྲུབ་ཐབས། ཚོང་ལས་རྣམ་པར་རྒྱལ་བའི་སྒྲུབ་ཐབས། ཕ་རོལ་གྱི་སྡེ་རབ་ཏུ་འཇོམས་པར་བྱེད་པའི་སྒྲུབ་ཐབས། རང་རྟགས་རྡོ་རྗེའི་བསྒྲུབ་པའི་
ཐབས་བདུན་པ་ལས་ཀྱི་བྱེ་བྲག་བཅུ་རྣམས་སློབ་དཔོན་ཡེ་ཤེས་རྡོ་རྗེས་མཛད་པ། བསྒྲུབ་བྱ་གཟའི་བྱང་དུ་གཞུག་པའི་འཁོར་ལོ་ཅན། ཐེ་ཚོམ་མེད་པར་འགྲུབ་པ་ལས་བསྒྲུབ་བྱ་ཐོག་གིས་བསད་པའི་ཆོ་ག་དྲག་ཤུལ་ཞེས་བྱ་བ། བསྒྲུབ་བྱ་སྐྲག་པའི་ལས་ཆུ་ཐིགས་ཞེས་བྱ་བ། འགལ་བ་སྐྲག་པར་བྱེད་པའི་ལས་སྣ་
ཚོགས་པའི་ཆོ་ག་འགའ་བ་མེའི་འཁོར་ལོ་ཞེས་བྱ་བ་རྣམས་དཔལ་མར་མེ་མཛད་བཟང་པོས་མཛད་པ། གཞན་གྱི་རིག་སྔགས་གཅོད་པ་རྒྱུན་གཅོད་{སྤུ་གྲི་}ཞེས་བྱ་བ། གཞན་གྱི་རིག་སྔགས་མནན་པ་གསེར་གྱི་རི་བོ་ཞེས་བྱ་བ། ལས་ཐམས་ཅད་འཇོམས་པའི་ཡེ་ཤེས་འདུས་པའི་ཐོ་བ་ཞེས་བྱ་བ། གཞན་གྱི་

213-1-411b

རིག་སྔགས་བཤིག་པའི་ཕྱིར་བཟློག་པ་ཞེས་བྱ་བ། གཞན་གྱི་ལས་འཇིག་པར་བྱེད་པ་རྡོ་རྗེ་རྣོན་པོ་ཞེས་བྱ་བ། མུ་སྟེགས་ཅན་གྱི་རིག་སྔགས་འཇིག་པའི་སྒྲུབ་པ་ཉེ་བའི་ལས་ཕྱི་མ་ཞེས་བྱ་བ། གདོན་ཐམས་ཅད་བརླག་པར་བྱེད་པ་རྡོ་རྗེ་ཐོ་བ་ཞེས་བྱ་བ། ལྷའི་གདོན་ལས་ཐར་བར་བྱེད་པའི་མན་ངག །འབྱུང་པོའི་
གདོན་ལས་ཐར་བར་བྱེད་པའི་མན་ངག །དྲི་ཟའི་གདོན་ལས་ཐར་བར་བྱེད་པའི་མན་ངག །ཚངས་པའི་གདོན་ལས་ཐར་བར་བྱེད་པའི་མན་ངག །སྲིན་པོའི་གདོན་ལས་ཐར་བར་བྱེད་པའི་མན་ངག །ཤ་ཟའི་གདོན་ལས་ཐར་བར་བྱེད་པའི་མན་ངག །ཀླུའི་གདོན་ལས་ཐར་བར་བྱེད་པའི་མན་ངག །ལོག་
འདྲེན་གྱི་གདོན་ལས་ཐར་བར་བྱེད་པའི་མན་ངག །རྗེད་བྱེད་ཀྱི་གདོན་ལས་ཐར་བར་བྱེད་པའི་མན་ངག །སྨྱོ་བྱེད་ཀྱི་གདོན་ལས་ཐར་བར་བྱེད་པའི་མན་ངག །ལྷ་མ་ཡིན་གྱི་གདོན་ལས་ཐར་བར་བྱེད་པའི་མན་ངག །གཞོན་ནུའི་གདོན་བཞི་ལས་ཐར་བར་བྱེད་པའི་མན་ངག །གནོད་སྦྱིན་གི་གདོན་ལས་ཐར་བར་བྱེད་
པའི་མན་ངག །འབྱུང་པོ་འགུགས་པའི་སྒྲུབ་པ་རྡོ་རྗེ་ལྕགས་ཀླུ་ཞེས་བྱ་བ། ལས་ཀྱི་བྱེ་བྲག་བཞི་བཅུ་རྩ་གཉིས་བཀོད་པ་ཡིད་བཞིན་ནོར་བུ་འོད་འབར་བ་ཞེས་བྱ་བ། གཟུངས་སྔགས་ཀྱི་ལས་མ་གྲུབ་པ་རྣམས་གྲུབ་པར་བྱེད་པའི་རྡོ་རྗེ་བེ་ཅོན་ཞེས་བྱ་བ། གཟུངས་སྔགས་ཀྱི་ལས་གྲུབ་པ་རྣམས་ཆུད་མི་ཟ་བར་
བྱེད་པ་རིན་པོ་ཆེའི་གཏེར་ཞེས་བྱ་བ་རྣམས་སློབ་དཔོན་ཡེ་ཤེས་རྡོ་རྗེས་མཛད་པ། ཀླུའི་ཆར་དབབ་པ་བདུད་རྩིའི་རྒྱུན་ཞེས་བྱ་བ། ཀླུ་རྣམས་མཉེས་པར་བྱེད་པ་ཆུ་ལ་བརྟེན་པའི་གཏོར་མ་བདུད་རྩིའི་རྒྱ་མཚོ་ཞེས་བྱ་བ། སེམས་ཅན་བསྲུང་བའི་ལས་སྤྲིན་དྲལ་བའི་འབྱུར་བ་གཅོད་བྱེད་ཅེས་བྱ་བ་རྣམས་དཔལ་མར་མེ་
མཛད་བཟང་པོས་མཛད་པ། བྱིས་པ་གདོན་ལས་ཐར་བར་བྱེད་པའི་སྒྲུབ་ཐབས་གསང་བ་མེའི་འཁོར་ལོ་ཞེས་བྱ་བ། ཞི་བའི་སྦྱིན་སྲེག་གི་ཆོ་ག་རྒྱུད་ཀྱི་ཞི་བའི་མཚོན་དོན་ཞེས་བྱ་བ། རྒྱུད་ཀྱི་རྒྱས་པ་ཞེས་བྱ་བའི་ཚིག་ལེགས་པར་བསྒྲུབ་པ་རྡོ་རྗེ་རྣམ་འཇོམས་ཀྱི་རྒྱས་པར་བྱེད་པའི་སྦྱིན་སྲེག་གི་ཆོ་ག །མངོན་སྤྱོད་
ཀྱི་སྦྱིན་སྲེག་གི་སྒོ་ནས་ཚར་བཅད་པའི་ལས་དབང་དུ་བྱ་བའི་སྦྱིན་སྲེག་གི་ཆོ་ག །སེམས་ཅན་ཐམས་ཅད་རེངས་པར་བྱེད་པའི་ལས་ཇག་ཆིངས་འཕྲུལ་ཡིག་ཅེས་བྱ་བ། བསྒྲུབ་བྱ་རེངས་པའི་ལས་སྣ་ཚོགས་པ་བསྟན་པ་རླུང་གི་ཞགས་པ་ཞེས་བྱ་བ་རྣམས་སློབ་དཔོན་ཡེ་ཤེས་རྡོ་རྗེས་མཛད་པ། བསྒྲུབ་བྱ་

213-1-412a

ཀླུ་རྣམས་ཀྱི་བྱད་དུ་གཞུག་པའི་ཆོ་ག་སྲེག་གཅོད་ཀྱི་སྤུ་གྲི་ཞེས་བྱ་བ་དཔལ་མར་མེ་མཛད་བཟང་པོས་མཛད་པ། ཚ་བའི་རིམས་ཀྱིས་དགྲ་བསད་པའི་རལ་གྲིའི་འཁོར་ལོ་ཞེས་བྱ་བ། སེམས་ཅན་ཐམས་ཅད་རྨུགས་པར་བྱེད་པའི་ལས་ཀྱི་མཐའ་གཟི་མདངས་ཆེན་པོ་ཞེས་བྱ་བ། དཔལ་
བཀྲ་ཤིས་བསྐྱེད་པ་ཉི་མའི་འོད་ཅེས་བྱ་བ་དཔལ་ཀུན་གྱིས་བརྒྱད་པའི་མཐའ། མིག་གི་དབང་པོ་ཉམས་པ་གསོ་བའི་ཆོ་ག་གསལ་བའི་སྣང་བ་ཞེས་བྱ་བ། རྣ་བའི་དབང་པོ་ཉམས་པ་དང་དེའི་ནད་གསོ་བའི་ཆོ་ག་དགྲ་ལས་རྣམ་པར་རྒྱལ་བ་ཞེས་བྱ་བ། སྣའི་དབང་པོ་ཉམས་པ་དང་ན་བ་གསོ་བ་དྲི་མ་དང་བྲལ་བའི་
སྦྱོང་བྱེད་ཅེས་བྱ་བ། ལྕེའི་དབང་པོ་ཉམས་པ་གསོ་བའི་ཆོ་ག་པདྨ་རྒྱས་པ་ཞེས་བྱ་བ། ལུས་ཀྱི་དབང་པོ་ཉམས་པ་དང་ལུས་ན་བ་གསོ་བའི་ཆོ་ག་རྡོ་རྗེ་རྒྱལ་མཚན་ཞེས་བྱ་བ། ཚེ་ཟད་པ་བསྲིང་བའི་ཆོ་ག་རྒྱུན་གྱི་འཁོར་ལོ་ཞེས་བྱ་བ་རྣམས་སློབ་དཔོན་ཡེ་ཤེས་རྡོ་རྗེས་མཛད་པ། ཤི་བའི་སེམས་ཅན་སྡིག་པ་
ལས་ཐར་བར་བྱེད་པའི་རོ་བསྲེག་པའི་ཆོ་ག་དུག་སྨྱོང་གསལ་བའི་མེ་ལོང་ཞེས་བྱ་བ་དང་། མཆོད་རྟེན་གདབ་པ་ཤི་བའི་སྡིག་པ་བྱང་བར་བྱེད་པ་རང་བྱུང་འཇིགས་བྲལ་ཞེས་བྱ་བ་སློབ་དཔོན་ཆེན་པོ་དཔལ་མར་མེ་མཛད་ཀྱི་མཛད་པ། སེམས་ཅན་ཚེ་ཟད་པ་བསྲིང་བའི་ཆོ་ག་སྒྲུབ་པ་པདྨ་དབྱིག་སྒྲུབ་ཅེས་བྱ་བ།
དལ་འབྱོར་ཆེན་པོའི་སྒྲུབ་པ་བཅུད་ཀྱིས་ལེན་པ་ཞེས་བྱ་བ། ལན་ཆགས་དང་བྲལ་བར་བྱེད་པའི་གཏོར་མའི་ལས་དཔག་བསམ་གྱི་སྡོང་པོ་ཞེས་བྱ་བ། ལོངས་སྤྱོད་དང་ལྡན་པར་ངེས་པའི་དཔལ་ཚོགས་ཀྱི་གཏོར་མ་རིན་པོ་ཆེའི་གསེར་ཕྲེང་ཞེས་བྱ་བ། ཕུན་སུམ་ཚོགས་པའི་ལས་ཀྱི་ཉེ་བར་སྒྲུབ་པར་
བྱེད་པ་ལས་ཚོགས་སྟོང་རྒྱས་ཞེས་བྱ་བ་རྣམས་སློབ་དཔོན་ཡེ་ཤེས་རྡོ་རྗེས་མཛད་པ། འཇིག་རྟེན་གྱི་ལྷ་མཉེས་པར་བྱེད་པ་དོན་གྲུབ་པ་ཞེས་བྱ་བ་དཔལ་མར་མེ་མཛད་བཟང་པོས་མཛད་པ། སྐྱེ་བོ་སྡང་བའི་ལས་མྱུར་བྱེད་ཆེན་མོ་ཞེས་བྱ་བ། གཞན་གྱི་ལྕེ་འབབ་པ་བཟློག་པ་ཞེས་བྱ་བ། སྡང་བ་གསུམ་གྱི་
ལས་ཐོར་བུ་པ། བྲང་དང་བཟའ་མི་གདོན་གྱིས་གཙེས་པ་བསྲུང་བའི་ཆོ་ག་ཆེན་མོ་ཞེས་བྱ་བ། མི་མཐུན་པ་ཞི་བར་བྱེད་པའི་རྩི་སྦྱོར་དབྱིག་གི་ནོར་བུ་ཞེས་བྱ་བ། ནོར་འགྲིབ་པ་དགང་བའི་ཆོ་ག་དཔག་བསམ་གྱི་ཤིང་རྒྱས་པ་ཞེས་བྱ་བ་རྣམས་སློབ་དཔོན་ཡེ་ཤེས་རྡོ་རྗེས་མཛད་པ། ཚོགས་བདག་

213-1-412b

གི་སྒྲུབ་པ་དབུལ་བ་གཏེར་སྦྱིན་ཞེས་བྱ་བ་དཔལ་མར་མེ་མཛད་བཟང་པོས་མཛད་པ། སྦས་པའི་གའུ་ཞེས་བྱ་བ་སློབ་དཔོན་ཡེ་ཤེས་རྡོ་རྗེས་མཛད་པ། གཟའ་ངན་པ་བཟློག་པའི་ཆོ་ག་རྒྱ་མཚོ་སྤྲིན་ཞེས་བྱ་བ། གཟའི་གདོན་ལས་གྲོལ་བར་བྱེད་པའི་ཆོ་ག་རིན་པོ་ཆེ་གྲོལ་བྱེད་ཅེས་བྱ་བ། གཟའ་
བརྒྱད་ཀྱི་ལས་མ་གྲུབ་པ་རྣམས་གྲུབ་པར་བྱེད་པའི་ཆོ་ག་འདོད་པ་རབ་ཏུ་ཞི་བ་ཞེས་བྱ་བ། རྒྱུ་སྐར་ངན་པ་ཟློག་པར་བྱེད་པའི་ཆོ་ག །རྒྱུ་སྐར་རྣམས་ཀྱི་ལས་སྣ་ཚོགས་བསྒྲུབ་པར་བྱེད་པ་དུས་འཛིན་བཟང་པོ་ཞེས་བྱ་བ་རྣམས་དཔལ་མར་མེ་མཛད་བཟང་པོས་མཛད་པ། བཟློག་པའི་འཁོར་ལོ་ཞེས་
བྱ་བ་སློབ་དཔོན་ཡེ་ཤེས་རྡོ་རྗེས་མཛད་པ། ཀླུ་ཆེན་པོ་བརྒྱད་མཆོད་པས་མི་བཟད་པའི་ནད་ཡམས་དྲག་པོ་ལས་ཐར་བར་བྱེད་པ། ཀླུ་སྒྲུབ་རིན་པོ་ཆེ་དབྱིག་སྒྲུབ་ཅེས་བྱ་བ། ཀླུའི་གདོན་ལས་གྲོལ་བར་བྱེད་པ་སྦྲུལ་འཛིན་གསང་བ་ཞེས་བྱ་བ། ཀླུའི་སྲོག་མེ་དཔལ་གྱི་འཁོར་ལོ་ཞེས་བྱ་བ་ཀླུའི་རྣམ་
པར་འཇོམས་པའི་སྙིང་གཟེར་དུ་བཀོད་པ་རྣམས་སློབ་དཔོན་ཆེན་པོ་དཔལ་མར་མེ་མཛད་ཀྱིས་མཛད་པ། མི་ཟད་པའི་ནད་ཞི་བར་བྱེད་པ་གསེར་གྱི་རྒྱ་མཚོ་ཞེས་བྱ་བ། ཚེ་འཕེལ་བའི་སྒྲུབ་ཐབས་རྒྱལ་མཚན་གྱི་རྩེ་མོ་ཞེས་བྱ་བ། བསོད་ནམས་འཕེལ་བར་བྱེད་པའི་དཔལ་ཡེ་ཤེས་ཀྱི་ཕྲེང་བ་ཞེས་བྱ་
བ་རྣམས་སློབ་དཔོན་ཡེ་ཤེས་རྡོ་རྗེས་མཛད་པ། སྒྲ་ལ་གནས་པའི་བསམ་གཏན་ཞེས་བྱ་བ། སྒྲ་ལ་མི་གནས་པའི་བསམ་གཏན་ཞེས་བྱ་བ་རྣལ་འབྱོར་པའི་འཁོར་རྐྱེན་དྲུངས་ནས་འདོན་པ། སྒྲ་མཐར་གྱི་རྣལ་འབྱོར་པའི་ལུས་སེམས་ཀྱི་འབྲེལ་བ་བཅད་པ་རྣམས་སློབ་དཔོན་ཆེན་པོ་དཔལ་མར་
མེ་མཛད་བཟང་པོས་མཛད་པ། རྡོ་རྗེ་རྣམ་པར་འཇོམས་པའི་ཐེམ་ཡིག་གསང་བ་ཞེས་བྱ་བ་སློབ་དཔོན་པདྨ་འབྱུང་གནས་ཀྱིས་མཛད་པ། དེ་རྣམས་ལ་ཆོས་ཀྱི་རྣམ་གྲངས་བརྒྱ་དང་བརྒྱད་དོ། །ཁྲོ་བོའི་རྒྱལ་པོ་གནམ་ལྕགས་འབར་བའི་སྒྲུབ་ཐབས་ཀླུ་འདུལ་བའི་ངན་ཐབས་བལ་པོའི་མན་ངག་དང་། ཁྲོ་
བོའི་རྒྱལ་པོ་རྡོ་རྗེ་གནམ་ལྕགས་འབར་བ་ཞེས་བྱ་བའི་དཀྱིལ་འཁོར་གྱི་ཆོ་ག་རྒྱ་གར་གྱི་སློབ་དཔོན་ཆེན་པོ་ལྷོ་ཕྱོགས་དཔལ་གྱི་རི་ལ་བཞུགས་པའི་བླ་མ་མཻ་ཏྲི་པས་མཛད་པ། པཎྜི་ཏ་བལ་པོ་དེ་བ་པུ་ཎྱ་བཛྲ་དང་། བོད་ཀྱི་ལོ་ཙཱ་བ་འགར་ཆོས་ཀྱི་བཟང་པོས་བལ་ཡུལ་དུ་འགྱུར། རིགས་ཀྱི་ཡུམ་

213-1-413a

སྤྱན་མ་དང་། གོས་དཀར་མོ་དང་། མཱ་མ་ཀཱི་གསུམ་གྱི་སྒྲུབ་ཐབས་སོ་སོར་བཀོད་པ་ནི་མི་སྣང་ལ། ཕྱོགས་མཐུན་ནི་འོག་ན་མར་འགོད་པར་བྱའོ། །རིགས་ཀྱི་ཁྲོ་བོ་གསུམ་ལ། སྐུའི་རིགས་ཀྱི་ཁྲོ་བོ་གཤིན་རྗེ་གཤེད་པོ་སྒྲུབ་པའི་ཐབས་རྒྱ་གར་གྱི་མཁན་པོ་དཱི་པཾ་ཀ་ར་ཤྲཱི་ཛྙཱ་ན་
དང་། ལོ་ཙཱ་བ་དགེ་སློང་ཚུལ་ཁྲིམས་རྒྱལ་བའི་འགྱུར། གསུང་གི་རིགས་རྟ་མགྲིན་གྱི་སྐོར་ལ། རྟ་མགྲིན་གྱི་སྒྲུབ་ཐབས་སློབ་དཔོན་ནཱ་གཱརྫུ་ནས་མཛད་པ། དགེ་སློང་བ་རིའི་འགྱུར། རྟོག་པ་བདུན་བརྒྱ་པ་ནས་གསུངས་པའི་རྟ་མགྲིན་གྱི་སྒྲུབ་ཐབས་ཞེས་བྱ་བ་དང་། རྟ་མགྲིན་གྱི་སྒྲུབ་ཐབས་ཞེས་
བྱ་བ་སློབ་དཔོན་ཙནྡྲ་གོ་མིས་མཛད་པ། རྒྱུད་ཐམས་ཅད་ཀྱི་སྙིང་པོ་བླ་ན་མེད་པ་རྟ་མགྲིན་གྱི་སྒྲུབ་ཐབས་ཞེས་བྱ་བ་པཎྜི་ཏ་པྲ་བྷཱ་ཀ་རས་མཛད་པ་རྣམས་རྒྱ་གར་ཡུལ་ཝཱ་རཱ་ཎ་སཱིའི་པཎྜི་ཏ་པུ་རུ་ཥོདྟ་མའི་ཞལ་སྔ་ནས་ལེགས་པར་མཉན་ཏེ། ལོ་ཙཱ་བ་དགེ་སློང་ཉི་མ་རྒྱལ་མཚན་དཔལ་བཟང་པོས་གཙུག་ལག་ཁང་
ཆེན་པོ་དཔལ་ཐར་པ་གླིང་དུ་བསྒྱུར་བ། འཕགས་པ་རྟ་མགྲིན་གྱི་སྒྲུབ་ཐབས་ཞེས་བྱ་བ་དང་། དཔལ་རྟ་མགྲིན་གྱི་སྒྲུབ་ཐབས་སློབ་དཔོན་ཆེན་པོ་དཔལ་མར་མེ་མཛད་ཡེ་ཤེས་ཀྱིས་མཛད་པ། ཐུགས་ཀྱི་རིགས་ཁྲོ་བོ་བདུད་རྩི་འཁྱིལ་བའི་སྒྲུབ་ཐབས་དངོས་སུ་ནི་མི་སྣང་ངོ་། །དེའི་ཕྱོགས་མཐུན་མི་གཡོ་
བའི་སྐོར་ལ། འཕགས་པ་མི་གཡོ་བའི་སྒྲུབ་ཐབས་ཞེས་བྱ་བ་བླ་མ་གསེར་གླིང་པས་མཛད་པ། སློབ་དཔོན་དཱི་པཾ་ཀ་ར་ཤྲཱི་ཛྙཱ་ནས་རང་འགྱུར་དུ་མཛད་ནས་དགེ་སློང་དབང་ཕྱུག་རྒྱལ་མཚན་ལ་གནང་བ། ཁྲོ་བོའི་རྒྱལ་པོ་འཕགས་པ་མི་གཡོ་བ་ལ་བསྟོད་པ་དང་། ཡང་ཁྲོ་བོའི་རྒྱལ་པོ་འཕགས་པ་མི་
གཡོ་བ་ལ་བསྟོད་པ་སློབ་དཔོན་ཆེན་པོ་དཔལ་མར་མེ་མཛད་ཡེ་ཤེས་ཀྱིས་མཛད་པ། རྒྱ་གར་གྱི་མཁན་པོ་དེ་ཉིད་དང་། ལོ་ཙཱ་བ་དགེ་སློང་ཚུལ་ཁྲིམས་རྒྱལ་བའི་འགྱུར། ཁྲོ་ཆེན་གཏུམ་པོའི་སྒྲུབ་ཐབས་སློབ་དཔོན་པྲ་བྷཱ་ཀ་ར་ཀཱིརྟིས་མཛད་པ། མཁས་པ་ཆེན་པོ་སྦྱིན་པ་ཚུལ་ཁྲིམས་ཀྱི་རང་འགྱུར། ཁྲོ་བོ་
གཏུམ་པོ་ཆེན་པོའི་སྒྲུབ་ཐབས་ཞེས་བྱ་བ་སློབ་དཔོན་ཛེ་ཏཱ་རི་དགྲ་ལས་རྣམ་པར་རྒྱལ་བས་མཛད་པ། པཎྜི་ཏ་སུ་ནྱཱ་ཡ་ཤྲཱི་དང་། ལོ་ཙཱ་བ་ཀློག་སྐྱ་གཞོན་ནུ་འབར་གྱི་འགྱུར། གཏུམ་པོ་དཀར་པོ་ཆེན་པོའི་སྒྲུབ་ཐབས་ལྷུག་པ་མ་དང་། འཕགས་པ་མི་གཡོ་བའི་སྒྲུབ་ཐབས་ཚིགས་བཅད་མ་རྒྱ་གར་ཤར་

213-1-413b

ཕྱོགས་ཀྱི་པཎྜི་ཏ་ཆེན་པོ་དཱ་ན་ཤཱི་ལས་མཛད་པ། དེ་ཉིད་ཀྱི་རང་འགྱུར། དེ་ལྟར་རིགས་གསུམ་པོ་སོ་སོའི་སྒྲུབ་ཐབས་རྣམས་བཀོད་ནས། རིགས་གསུམ་སྤྱིའི་སྒྲུབ་ཐབས་ནི། ལེགས་པར་གྲུབ་པར་བྱེད་པའི་སྒྲུབ་པའི་ཐབས་བསྡུས་པ་བདེ་བར་གཤེགས་པའི་སྲས་པོ་སློབ་དཔོན་བྱང་ཆུབ་མཆོག་གིས་
མཛད་པ། དཔའ་བོ་གཅིག་ཏུ་གྲུབ་པའི་སྒྲུབ་ཐབས་ཞེས་དགེ་བའི་འདོད་འཇོའི་རྣམ་པར་བཤད་པ་སློབ་དཔོན་ཀླུ་སྒྲུབ་ཀྱིས་མཛད་པ། རྒྱ་གར་གྱི་མཁན་པོ་ནག་པོ་པ་དང་། བོད་ཀྱི་ལོ་ཙཱ་བ་འགོས་ལྷས་བཙས་ཀྱི་འགྱུར། གཙུག་ཏོར་ལ་སོགས་པ་གཟུངས་སྣ་ཚོགས་ཀྱི་སྐོར་ལ། འཕགས་
པ་ཀུན་ནས་སྒོང་འཇུག་པའི་འོད་ཟེར་གཙུག་ཏོར་དྲི་མ་མེད་པའི་གཟུངས་བཀླག་ཅིང་མཆོད་རྟེན་བརྒྱ་རྩ་བརྒྱད་དམ་མཆོད་རྟེན་ལྔ་གདབ་པའི་ཆོ་ག་མདོ་སྡེ་ལས་བཏུས་པ་དང་། ཡང་འཕགས་པ་ཀུན་ནས་སྒོར་འཇུག་པའི་འོད་ཟེར་གཙུག་ཏོར་དྲི་མ་མེད་པར་སྣང་བའི་གཟུངས་བཀླག་ཅིང་མཆོད་
རྟེན་བརྒྱ་རྩ་བརྒྱད་དམ་མཆོད་རྟེན་ལྔ་གདབ་པའི་ཆོ་ག་མདོ་སྡེ་ལས་བཏུས་པ་སློབ་དཔོན་བོ་དྷི་ས་ཏྭས་མཛད་པར་གྲགས་པ། བི་མ་ལ་ཨུཥྞཱི་ཥའི་གཟུངས་དང་རྒྱུད་དག་པ་ལས་ཙཻ་ཏྱ་དང་སཱཙྖ་གདབ་པ་ལ་སོགས་པའི་ཆོ་ག་ཨཱ་ཙཱརྱ་དྷརྨ་ཀཱིརྟི་དང་། བཛྲ་ཀཱིརྟི་དང་བཛྲ་བོ་དྷི་ལ་སོགས་པ་ལ་ཐོས་ནས་སློབ་
དཔོན་དེ་དག་གིས་ལུང་བསྟན་ཏེ་གཏན་ལ་ཕབ་པར་བྱས་པའི་དང་པོ་མཆོད་རྟེན་བརྒྱ་རྩ་བརྒྱད་བྱ་བ། མཆོད་རྟེན་གཅིག་གདབ་པའི་ཆོ་ག །མཆོག་རྟེན་གཉིས་གདབ་པའི་ཆོ་ག །མཆོད་རྟེན་གསུམ་གདབ་པའི་ཆོ་ག །མཆོད་རྟེན་ལྔ་གདབ་པའི་ཆོ་ག །མཆོད་རྟེན་དགུ་གདབ་པའི་ཆོ་ག །མཆོད་
རྟེན་བྱེ་བ་གདབ་པའི་ཆོ་ག །སངས་རྒྱས་ཀྱི་སྐུ་བཤད་པ་རྣམས་བཙན་པོའི་ཕྱག་ནས་མཁན་པོས་བཏུས་པ། མཆོད་རྟེན་གྱི་ཆ་རྣམ་པར་དབྱེ་བ་འདུལ་བ་ལས་བྱུང་བའི་མདོ་སློབ་དཔོན་ཞི་བ་སྙིང་པོས་མཛད་པ། དེ་བཞིན་གཤེགས་པ་ཐམས་ཅད་ཀྱི་དམ་ཚིག་བསྲུང་བའི་སྒྲུབ་ཐབས་རྒྱ་གར་གྱི་མཁན་
པོ་དཱི་པཾ་ཀ་ར་ཤྲཱི་ཛྙཱ་ནས་མཛད་པ། པཎྜི་ཏ་དེ་ཉིད་དང་། བོད་ཀྱི་ལོ་ཙཱ་བ་ནག་ཚོ་ཚུལ་ཁྲིམས་རྒྱལ་བའི་འགྱུར། སཱཙྪ་ལྔ་གདབ་པའི་ཆོ་ག །གཙུག་ཏོར་དྲི་མེད་ཀྱི་གཟུངས་ཆོ་ག །ཡང་གཙུག་ཏོར་དྲི་མེད་ཀྱི་གཟུངས་ཆོག་སློབ་དཔོན་དཔལ་མར་མེ་མཛད་ཡེ་ཤེས་ཀྱིས་མཛད་པ། དེ་ཉིད་དང་།

213-1-414a

ནག་ཚོ་ཚུལ་རྒྱལ་གྱི་འགྱུར། འཕགས་མ་གདུགས་དཀར་མོ་ཅན་གཞན་གྱིས་མི་ཐུབ་མ་ཞེས་བྱ་བའི་སྒྲུབ་ཐབས་སློབ་དཔོན་ཙནྡྲ་གོ་མིས་མཛད་པ། ལོ་ཙཱ་བ་འཕགས་པ་ཤེས་རབ་ཀྱི་འགྱུར། འཕགས་པ་གཞན་གྱིས་མི་ཐུབ་པ་གདུགས་དཀར་མོ་ཅན་གྱི་གཏོར་
མའི་ཆོ་ག་ཞེས་བྱ་བ་སློབ་དཔོན་ཙནྡྲ་གོ་མིས་མཛད་པ། ཐོ་ལིང་གི་གཙུག་ལག་ཁང་དུ་དགེ་སློང་རིན་ཆེན་བཟང་པོའི་འགྱུར། འཕགས་པ་དེ་བཞིན་གཤེགས་པའི་གཙུག་ཏོར་ནས་བྱུང་བའི་གདུགས་དཀར་མོ་ཅན་གཞན་གྱིས་མི་ཐུབ་མ་ཕྱིར་བཟློག་པ་ཞེས་བྱ་བའི་གཟུངས་ཀྱི་སྒྲུབ་ཐབས་
སྲུང་བའི་འཁོར་ལོ། འཁྲུལ་འཁོར་བཅིང་བ། དུས་མ་ཡིན་པར་འཆི་བ་བཟློག་པའི་ཐབས། བགེགས་བཟློག་ཅིང་གཟིར་བའི་ཐབས། དམག་དཔུང་གཞོམ་པའི་ཐབས། དངོས་གྲུབ་སྒྲུབ་པའི་ཐབས། འཇིགས་པ་ལས་སྐྱོབ་པའི་ཐབས། སེར་བསྲུང་བའི་ཐབས། མཛེ་ནད་
གདུག་པ་ཅན་གསོ་བའི་ཐབས། གཏོར་མའི་ཆོ་ག་པཎྜི་ཏ་མ་ཧཱ་ཛ་ནའི་རང་འགྱུར་ཡིན་གསུངས། གདུགས་དཀར་མོ་ཅན་གྱི་གཟུངས་ཀྱི་སྒྲུབ་ཐབས། འཕགས་པ་དེ་བཞིན་གཤེགས་པའི་གཙུག་ཏོར་ནས་བྱུང་བའི་གདུགས་དཀར་མོ་ཅན་ཞེས་བྱ་བའི་གཟུངས་ཀྱི་ཆོ་ག་ཞེས་བྱ་བ། རིམས་
བསྲུང་བའི་ཆོ་ག །ཕྱུགས་ནད་གོར་བསྲུང་བའི་ཆོ་ག །ཞི་བའི་སྦྱིན་སྲེག །མངོན་སྤྱོད་ཀྱི་ལས། དངོས་གྲུབ་སྒྲུབ་པའི་ [མ་བྱུང་] སྒོ་ནས་སྲིའུ་གསོ་བ། བཟློག་པའི་ཟོར་བྱ་བའི་ཆོ་ག །མཆོད་རྟེན་བསྒྲུབ་པའི་ཆོ་གའི་རིམ་པ་རྣམས་སློབ་དཔོན་ཙནྡྲ་གོ་མིས་མཛད་པ། ཟངས་དཀར་
འཕགས་པ་ལོ་ཙཱའི་འགྱུར། གཙུག་ཏོར་ནས་བྱུང་བའི་གདུགས་དཀར་མོ་ཅན་གྱི་སྦྱིན་སྲེག་གི་ཆོ་ག་སློབ་དཔོན་རྡོ་རྗེ་རྣོན་པོས་མཛད་པ། འཕགས་མ་དེ་བཞིན་གཤེགས་པའི་གཙུག་ཏོར་ནས་བྱུང་བའི་གདུགས་དཀར་མོ་ཅན་གཞན་གྱིས་མི་ཐུབ་མ་ཞེས་བྱ་བའི་དཀྱིལ་འཁོར་གྱི་ཆོ་ག་ཞེས་བྱ་
བ་དང་། འཕགས་མ་གདུགས་དཀར་མོ་ཅན་གྱི་སཱཙྪའི་ཆོ་ག་ཞེ་བྱ་བ་སློབ་དཔོན་པདྨའི་ལྕགས་ཀྱུས་མཛད་པ། ཟངས་དཀར་ལོ་ཙཱ་བས་ཐོ་ལིང་གི་གཙུག་ལག་ཁང་དུ་འགྱུར། གཙུག་ཏོར་ནས་བྱུང་བའི་གདུགས་དཀར་མོ་ཅན་གྱི་ཆོ་ག་ཞེས་བྱ་བ་སློབ་དཔོན་ཤུ་རངྒ་ཝརྨ་བཛྲས་མཛད་པ། ཟངས་

213-1-414b

དཀར་འཕགས་པ་ཤེས་རབ་ཀྱི་འགྱུར། གཙུག་ཏོར་གདུགས་དཀར་མོ་ལ་བསྟོད་པ། འཕགས་པ་དེ་བཞིན་གཤེགས་པའི་གཙུག་ཏོར་ནས་བྱུང་བའི་གདུགས་དཀར་མོ་ཅན་གཞན་གྱིས་མི་ཐུབ་པ་ཞེས་བྱ་བའི་ཉེ་བར་བཤད་པ་བླ་མ་རྡོ་རྗེ་གདན་པས་མཛད་པ། པཎྜི་ཏ་ཆེན་པོ་དེ་ཉིད་དང་། ལོ་
ཙཱ་བ་དགེ་སློང་བ་རིའི་འགྱུར། གཞན་གྱིས་མི་ཐུབ་པ་གདུགས་དཀར་མོ་ཅན་ཞེས་བྱ་བའི་དཀྱིལ་འཁོར་གྱི་སྒྲུབ་པའི་ཐབས་སློབ་དཔོན་གི་རི་ཝ་ཏས་མཛད་པ། འཕགས་པ་དེ་བཞིན་གཤེགས་པ་ཐམས་ཅད་ཀྱི་གཙུག་ཏོར་ནས་བྱུང་བའི་གདུགས་དཀར་མོའི་གཟུངས་ཀྱི་སྒྲུབ་ཐབས་སློབ་དཔོན་བི་
མ་ལ་མི་ཏྲས་མཛད་པ། རབ་ཏུ་གནས་པའི་ཆོ་ག་ཞེས་བྱ་བ་མང་དུ་ཐོས་པའི་སློབ་དཔོན་པདྨའི་ལྕགས་ཀྱུས་རིགས་ལྔ་ན་ཧ་ར་པའི་སློབ་དཔོན་ཀ་མ་ལ་དྷེ་ནུ་པའི་རྗེས་སུ་འབྲངས་ནས་སྦྱར་བ། ཨཱ་ཙཱརྱ་བི་ནཱ་ཡ་ཙནྡྲ་དང་། ལོ་ཙཱ་བ་དགེ་སློང་ཆོས་ཀྱི་ཤེས་རབ་ཀྱི་འགྱུར། འཕགས་མ་གདུགས་
དཀར་མོ་ཅན་གཞན་གྱིས་མི་ཐུབ་པ་སྒྲུབ་པའི་ཐབས། རྒྱ་གར་ཤར་ཕྱོགས་ཀྱི་པཎྜི་ཏ་བི་བྷཱུ་ཏི་ཙནྡྲ་དང་། གློ་བོ་ལོ་ཙཱ་བ་དགེ་སློང་ཤེས་རབ་རིན་ཆེན་གྱི་འགྱུར། བཅོམ་ལྡན་འདས་མ་གཙུག་ཏོར་རྣམ་པར་རྒྱལ་མ་ལ་བསྟོད་པ་སློབ་དཔོན་ཙནྡྲ་གོ་མིས་མཛད་པ། འཕགས་མ་གཙུག་ཏོར་
གདུགས་དཀར་མོ་ལ་བསྟོད་པ་སློབ་དཔོན་གི་རི་ཝ་ཏས་མཛད་པ། སྲུང་བ་ལྔའི་སྐོར་ལ། འཕགས་མ་རིག་པ་ཆེན་མོ་སོ་སོ་འབྲང་མའི་འཁོར་ལོའི་སེམས་སྦྱོང་སློབ་དཔོན་འཕགས་པ་ཀླུ་སྒྲུབ་ཀྱིས་མཛད་པ། པཎྜི་ཏ་ཆོས་ཀྱི་སྡེ་དང་། ལོ་ཙཱ་བ་དགེ་ཚུལ་ནམ་མཁའ་རྡོ་རྗེའི་འགྱུར། སོ་སོར་
འབྲང་བའི་འཁོར་ལོ་བྲི་བའི་ཐབས་སློབ་དཔོན་རཏྣ་ཨཱ་ཀ་ར་ཤཱནྟི་པས་མཛད་པ། སོ་སོར་འབྲང་མའི་སྒྲུབ་ཐབས། རྨ་བྱ་ཆེན་མོའི་སྒྲུབ་ཐབས། སྟོང་ཆེན་མོ་རབ་ཏུ་འཇོམས་པའི་སྒྲུབ་ཐབས། གསང་སྔགས་རྗེས་སུ་འཛིན་མའི་སྒྲུབ་ཐབས། བསིལ་བའི་ཚལ་ཆེན་མོའི་སྒྲུབ་ཐབས་སློབ་
དཔོན་ཆེན་པོ་ཛེ་ཏ་རི་དགྲ་ལས་རྣམ་པར་རྒྱལ་བས་མཛད་པ། སོ་སོར་འབྲང་མ་ཆེན་མོའི་སྲུང་བ་སློབ་དཔོན་སངས་རྒྱས་ཡེ་ཤེས་ཞབས་ཀྱིས་མཛད་པ། པཎྜི་ཏ་སུ་མ་ཏི་ཀཱིརྟི་དང་། ལོ་ཙཱ་བ་ཆེན་པོ་དྷརྨ་ཀཱིརྟའི་འགྱུར། འཕགས་མ་སོ་སོར་འབྲང་མ་ཆེན་མོའི་རིག་པའི་ཆོ་ག་ཞེས་བྱ་བ་རྒྱ་གར་

213-1-415a

ཡུལ་ཝཱ་རཱ་ཎ་སཱིར་པཎྜི་ཏ་པུ་ར་ཥོཏྟ་མའི་ཞལ་ལས་ལེགས་པར་མཉན་ཏེ། ལོ་ཙཱ་བ་དགེ་སློང་ཉི་མ་རྒྱལ་མཚན་དཔལ་བཟང་པོས་གཙུག་ལག་ཁང་ཆེན་པོ་ཐར་པ་གླིང་དུ་འགྱུར། སྲུང་བ་ལྔའི་ཆོ་ག་སློབ་དཔོན་རིན་ཆེན་འབྱུང་གནས་ཞི་བས་མཛད་པ། རྒྱ་གར་
གྱི་མཁན་པོ་མུ་དི་ཏ་ཤྲཱི་ཛྙཱ་ན་དང་། ལོ་ཙཱ་བ་བནྡེ་བཀྲ་ཤིས་རྒྱལ་མཚན་གྱིས་བསྒྱུར་བ་ལས། སླར་ཆག་ཆོས་རྗེ་དཔལ་གྱིས་བཅོས་པ། སོ་སོར་འབྲང་མ་ཆེན་མོའི་འཁོར་ལོ་བྲི་བའི་ཆོ་ག་སློབ་དཔོན་ཛེ་ཏཱ་རིས་མཛད་པ། རྒྱ་གར་གྱི་མཁན་པོ་སུ་མ་ཏི་ཀཱིརྟི་དང་། དགེ་སློང་པྲཛྙཱ་ཀཱིརྟིའི་
འགྱུར། སྲུང་བ་ལྔའི་སྒྲུབ་ཐབས་དང་མདོ་ཀློག་པའི་ཆོ་ག་བལ་པོའི་དཔེ་ལས་མངའ་རིས་པ་རྡོ་རྗེ་དཔལ་གྱིས་བསྒྱུར་བ། སྲུང་བ་ལྔའི་མཆོད་པའི་ཆོ་ག་དང་། གཟའ་དགུའི་མཆོད་པའི་ཆོ་ག་རྒྱ་གར་ཤར་ཕྱོགས་ཀྱི་པཎྜི་ཏ་ནགས་ཀྱི་རིན་ཆེན་གྱིས་ཉིད་ཀྱི་སློབ་དཔོན་ཧང་ས་ཞེས་བྱ་བའི་
གསུང་ཟིན་བྲིས་སུ་བགྱིས་པའི་ཡི་གེ་ [མ་བྱུང་] ལས་རྩེས་ཐང་ལོ་ཙཱ་བ་གཞོན་ནུ་དཔལ་གྱི་འགྱུར། འཕགས་པ་དྲ་བི་ཏའི་བུམ་པའི་ཆོ་ག་རིམ་པར་ཕྱེ་བ། རབ་གནས་ཀྱི་ཆོ་ག་སློབ་དཔོན་ངག་གི་དབང་ཕྱུག་གྲགས་པས་མཛད་པ། པཎྜི་ཏ་དོན་ཡོད་རྡོ་རྗེ་དང་། ཁམས་པ་ལོ་ཙཱ་བ་བ་རིའི་
འགྱུར། དེ་བཞིན་གཤེགས་པ་བདུན་གྱི་སྔོན་གྱི་སྨོན་ལམ་གྱི་ཁྱད་པར་རྒྱས་པའི་མདོ་སྡེའི་མན་ངག །དེ་བཞིན་གཤེགས་པ་བདུན་གྱི་སྔོན་གྱི་སྨོན་ལམ་གྱི་ཁྱད་པར་རྒྱས་པའི་གཟུངས་བཀླག་པའི་ཆོ་ག་མདོ་སྡེ་ལས་བཏུས་པ། ཡང་དེ་བཞིན་གཤེགས་པ་བདུན་གྱི་སྔོན་གྱི་སྨོན་ལམ་གྱི་ཁྱད་
པར་རྒྱས་པ་ཞེས་བྱ་བའི་མདོ་སྡེ་བཀླག་ཅིང་དེ་བཞིན་གཤེགས་པ་བདུན་མཆོད་དེ་སྨོན་ལམ་གདབ་པའི་ཆོ་ག་མདོ་སྡེ་ལས་བཏུས་ཏེ་རིམ་པར་བཀླག་པ་མཁན་པོ་བོ་དྷི་ས་ཏྭས་མཛད་པ་འདི་གསུམ་ཆོ་ག་རྒྱས་འབྲིང་བསྡུས་གསུམ་ཡིན་ནོ། །གཟུངས་ཐམས་ཅད་ཀྱི་སྒྲུབ་ཐབས་རིམ་པ་གཉིས་
པ་ཞེས་བྱ་བ། གཟུངས་ཐམས་ཅད་ཀྱི་དཀྱིལ་འཁོར་གྱི་ཆོ་ག་ཞེས་བྱ་བ། སྒྲུབ་ཐབས་ཐམས་ཅད་ཀྱི་ལས་ཀ་བྱ་བ་རྣམས་སློབ་དཔོན་ཆེན་པོ་རཏྣ་ཀཱིརྟིས་མཛད་པ། བལ་པོ་མཧཱ་པཱ་ནའི་རང་འགྱུར། རྟེན་ཅིང་འབྲེལ་བར་འབྱུང་བའི་སྙིང་པོའི་ཆོ་ག་ཞིབ་མོ་མཁན་པོ་ནེར་བན་རཀྵི་ཏས་མཛད་

213-1-415b

པ། རབ་ཏུ་གནས་པའི་ཆོ་ག་པཎྜི་ཏ་དཔལ་སུ་མ་ཏི་ཀཱིརྟིས་མཛད་པ། མཁས་པ་དེ་ཉིད་དང་། ལོ་ཙཱ་བ་པྲཛྙཱ་ཀཱིརྟིའི་འགྱུར་བ་རྣམས་བཞུགས་སོ། །འདིར་བཀོད་པའི་སྒྲུབ་ཐབས་འགའ་ཞིག་རྣལ་འབྱོར་རྒྱུད་དང་མཐུན་པ་དང་། སྤྱོད་རྒྱུད་དང་མཐུན་པའི་བསྐྱེད་ཆོག་ཏུ་བྱས་པ་རིགས་པ་
སྣང་ཡང་བརྟེན་པའི་རྒྱུད་པ་ལ་ཆེར་བྱ་རྒྱུད་དུ་སྣང་བ་དང་། སྡེ་ཚན་ཕྱོགས་གཅིག་ཏུ་སྣང་བའི་ཕྱིར་འདིར་བཀོད་དོ་ཞེས་ཀུན་མཁྱེན་བུས་གསུངས་སོ། །སྐུ་གསུང་ཐུགས་ཀྱི་རིགས་གསུམ་གཙོར་གྱུར་པའི། །བྱ་བའི་རྒྱུད་དང་འབྲེལ་པའི་འགྲེལ་པ་དང་། །སྒྲུབ་སྐོར་ལ་སོགས་
ཆོས་སྐོར་བརྒྱ་ཕྲག་བཞི། །བཅུ་ཕྲག་བདུན་ལ་ལྔ་ཡིས་སྤྲས་པ་བཞུགས། །དེ་དག་གིས་ནི་བྱ་བའི་རྒྱུད་ཀྱི་ཆོས་སྐོར་བཞུགས་པའི་རྣམ་གྲངས་རྣམས་བཀོད་ཟིན་ཏོ།།      །།དེ་ལྟར་རྒྱུད་སྡེ་སོ་སོ་བ་དང་འབྲེལ་པའི་ཆོས་སྐོར་རྣམས་བཀོད་ནས། རྒྱུད་སྡེ་བཞི་ཐུན་མོང་བ་ཅི་རིགས་པ་དང་འབྲེལ་
བའི་དགོངས་འགྲེལ་བསྟན་བཅོས་ཀྱི་སྐོར་ལ། ཕུ་པ་ལ། དཀྱིལ་འཁོར་གྱི་ཆོ་ག་རྡོ་རྗེ་ཕྲེང་བ་ཞེས་བྱ་བ་པཎྜི་ཏ་ཆེན་པོ་གནས་བརྟན་ཨ་བྷ་ཡཱ་ཀ་ར་གུཔྟས་མཛད་པ། པཎྜི་ཏ་དེ་ཉིད་དང་། ལོ་ཙཱ་བ་ཁེར་གད་བནྡེ་འཁོར་ལོ་གྲགས་ཀྱི་འགྱུར་ལ། དུས་ཕྱིས་ལོ་ཙཱ་བ་ཤེས་རབ་དཔལ་གྱིས་
བཅོས་ཤིང་། སླང་ནས་པཎྜི་ཏ་རཏྣ་རཀྵི་ཏ་དང་། རཱ་ཧུ་ལ་ཤྲཱི་བྷ་དྲ་དང་། མ་ནི་ཀ་ཤྲཱི་ཛྙཱ་ན་དང་། ཆག་ཆོས་རྗེ་དཔལ་གྱིས་བཅོས་པ་ལས། སླད་ནས་དཔང་ལོ་ཙཱ་བ་བློ་བརྟན་གྱིས་མི་བཅོས་སུ་མི་རུང་བ་རྣམས་བཅོས་ནས་དག་པར་བྱས་པ། རྫོགས་པའི་རྣལ་འབྱོར་གྱི་ཕྲེང་བ་ཞེས་བྱ་བ་
ཤློ་ཀ་སྟོང་ཉིས་བརྒྱ་པ་རྡོ་རྗེ་ཕག་མོས་མངོན་སུམ་དུ་བྱིན་གྱིས་བརླབས་པའི་པཎྜི་ཏ་ཆེན་པོ་འཇིགས་མེད་འབྱུང་གནས་སྦས་པའི་ཞལ་སྔ་ནས་མཛད་པ། རྒྱ་གར་གྱི་པཎྜི་ཏ་ཆེན་པོ་ཐམས་ཅད་མཁྱེན་པའི་དཔལ་བཟང་པོས་འགྱུར་རྙིང་པ་ལ་བརྟེན་ནས་སྨོན་འགྲོའི་གཙུག་ལག་ཁང་དུ་རང་
འགྱུར་དུ་མཛད་ཅིང་། ཡང་པཎྜི་ཏ་དེ་ཉིད་ཀྱིས་ལན་གཉིས་སུ་ཞུས་ཤིང་གཏུགས། སླད་ཀྱིས་རྒྱ་གར་གྱི་པཎྜི་ཏ་ཆེན་པོ་མཁས་བཙུན་མཆོག་གི་གྲུབ་པ་བརྙེས་པ་བླ་མ་རྗེ་བཙུན་ཆེན་པོ་རེ་ཝེནྡྲའི་ཞལ་སྔ་ནས། ཆག་ལོ་ཙཱ་བ་དགེ་སློང་དཔལ་གྱི་མཐའ་ཅན་གྱིས་ཞུས་ཤིང་དག་པར་བསྒྱུར་

213-1-416a

ནས་བཅོས་པ། སྦྱིན་སྲེག་གི་ཆོ་ག་འོད་ཀྱི་སྙེ་མ་ཞེས་བྱ་བ་རྗེ་བཙུན་རྡོ་རྗེ་རྣལ་འབྱོར་མས་བྱིན་གྱིས་བརླབས་པའི་པཎྜི་ཏ་ཆེན་པོ་ཨ་བྷ་ཡཱ་ཀ་ར་གུཔྟས་མཛད་པ། རྒྱ་གར་གྱི་མཁན་པོ་པཎྜི་ཏ་ཆེན་པོ་ཐམས་ཅད་མཁྱེན་པའི་བཤེས་གཉེན་དཔལ་བཟང་པོས་བོད་ཡུལ་གྱི་
དབུས་དྲང་སྲོང་སྲིན་པོ་རིར་རང་འགྱུར་དུ་མཛད་པ་ལ། སླད་ཀྱིས་པཎྜི་ཏ་ཆེན་པོ་རིག་པའི་གནས་རྣམས་ཐུགས་སུ་ཆུད་པའི་མཁས་པ་དག་དང་གྲུབ་པ་བརྙེས་པའི་སྐྱེས་བུ་ཆེན་པོ་རྣམས་ཀྱི་གསུང་གི་བདུད་རྩིའི་རྒྱུན་གྱིས་ཐུགས་གཏམས་ཤིང་དེ་ཁོ་ན་ཉིད་ལ་གཞོལ་བའི་སློབ་དཔོན་ཉི་མའི་དབང་པོའི་འོད་
ཟེར་དང་། ཆག་ལོ་ཙཱ་བ་དགེ་སློང་ཆོས་རྗེ་དཔལ་གྱིས་ལེགས་པར་བསྒྱུར་ཞིང་བཅོས་པ་ལ། དུས་ཕྱིས་ཤོང་ལོ་ཙཱ་བ་དགེ་སློང་བློ་བརྟན་གྱིས་ལེགས་པར་བཅོས་ཤིང་དག་པར་བྱས་པ། ཚིགས་བཅད་བརྒྱ་ཉི་ཤུ་རྩ་ལྔ་པའོ།།      །།པ་ཚབ་ཚུལ་ཁྲིམས་རྒྱལ་མཚན་གྱིས་བསྒྱུར་
བའི་སྒྲུབ་ཐབས་བརྒྱ་རྩར་གྲགས་པའི་རྣམ་གྲངས་ལ། དང་པོར་འཕགས་པ་སངས་རྒྱས་རྗེས་སུ་དྲན་པ། དེ་ནས་རིམ་གྱིས་དམ་ཚིག་གསུམ་གྱི་རྒྱལ་པོའི་སྒྲུབ་ཐབས་པཎྜི་ཏ་ཆེན་པོ་ཀུ་མུད་འབྱུང་གནས་བློ་གྲོས་ཀྱིས་མཛད་པ། པཎྜི་ཏ་ཨ་བྷ་ཡཱ་ཀ་རའི་ཞལ་སྔ་ནས་པ་ཚབ་ཀྱི་བརྒྱུད་ཀྱི་
དགེ་སློང་ཚུལ་ཁྲིམས་རྒྱལ་མཚན་གྱི་འགྱུར། དམ་ཚིག་གསུམ་རྒྱལ་གྱི་རྟོག་པ་ནས་གསུངས་པ་རྡོ་རྗེ་འཛིན་པས་ལེགས་པར་གསུངས་པའི་བསྟོད་པ། རྣལ་འབྱོར་ཆེན་པོའི་རྒྱུད་རྡོ་རྗེ་དཀྱིལ་འཁོར་གྱི་རྒྱན་ལས་གསུངས་པའི་བསྟོད་པའི་ཕན་ཡོན། དམ་ཚིག་གསུམ་གྱི་དམ་ཚིག་
གི་སྒྲུབ་ཐབས་པཎྜི་ཏ་ཆེན་པོ་རིན་ཆེན་འབྱུང་གནས་སྦས་པས་མཛད་པ། གདམས་ངག་གི་རིམ་པའི་བཅོམ་ལྡན་འདས་རྡོ་རྗེ་གདན་གྱི་སྒྲུབ་ཐབས། ཡང་རྡོ་རྗེ་གདན་གྱི་སྒྲུབ་ཐབས་གཅིག །འཕགས་པ་ཡི་གེ་དྲུག་པ་རིག་པ་ཆེན་མོའི་སྒྲུབ་ཐབས། འཕགས་པ་ཡི་གེ་དྲུག་པ་རིག་
པ་ཆེན་པོ་རྗེ་བཙུན་འཇིག་རྟེན་དབང་ཕྱུག་གི་གདམས་ངག་རྒྱུད་ནས་འོངས་པའི་སྒྲུབ་ཐབས་ཀྱི་ཆོ་ག །ཡི་གེ་དྲུག་པའི་གདམས་ངག་གི་ཁྱད་པར་རྣམས་པ་ཚབ་ཚུལ་ཁྲིམས་རྒྱལ་མཚན་གྱི་འགྱུར། བདེ་བ་འབྱུང་བའི་ཁརྶ་པ་ཎིའི་སྒྲུབ་ཐབས་པཎྜི་ཏ་རཏྣ་ཨཱ་ཀ་ར་གུཔྟ་དང་། དགེ་སློང་ཚུལ་

213-1-416b

ཁྲིམས་རྒྱལ་མཚན་གྱི་འགྱུར། བདེ་བ་འབྱུང་བ་ཁརྶ་པ་ཎི་ཞེས་བྱ་བའི་སྒྲུབ་ཐབས་པདྨ་འབྱུང་གནས་བློ་གྲོས་ཀྱིས་མཛད་པ། པཎྜི་ཏ་ཨ་བྷ་ཨཱ་ཀ་ར་དང་། དགེ་སློང་ཚུལ་ཁྲིམས་རྒྱལ་མཚན་གྱི་འགྱུར། སེང་གེ་སྒྲའི་སྒྲུབ་ཐབས། སེང་གེ་སྒྲའི་གཟུངས། སེང་གེ་སྒྲའི་སྒྲུབ་ཐབས་
པཎྜི་ཏ་རཏྣ་ཨཱ་ཀ་ར་དང་། དགེ་སློང་ཚུལ་ཁྲིམས་རྒྱལ་མཚན་གྱི་འགྱུར། སྙིང་རྗེ་ཁྲོས་པ་ཞེས་བྱ་བ་ཧ་ལ་ཧ་ལ་འཇིག་རྟེན་དབང་ཕྱུག་གྱི་སྒྲུབ་ཐབས་ཨ་བྷ་ཡ་དང་། ཚུལ་ཁྲིམས་གྱི་འགྱུར། སྙིང་རྗེ་ཁྲོས་པའི་ཧ་ལ་ཧ་ལའི་སྒྲུབ་ཐབས་དགེ་སློང་ཚུལ་ཁྲིམས་རྒྱལ་མཚན་གྱི་འགྱུར། པདྨ་གར་གྱི་
དབང་ཕྱུག་ཅེས་བྱ་བའི་འཇིག་རྟེན་དབང་ཕྱུག་གི་སྒྲུབ་ཐབས་དང་། པདྨ་གར་གྱི་དབང་ཕྱུག་གི་སྒྲུབ་ཐབས་མཁས་པ་རཏྣ་ཨཱ་ཀ་རའི་ཞལ་སྔ་ནས་ཚུལ་ཁྲིམས་རྒྱལ་མཚན་གྱི་འགྱུར། སེང་གེ་དང་བྱ་ཁྱུང་དང་ཁྱབ་འཇུག་ལ་བཞུགས་པ་ལས་བྱུང་བའི་སྒྲུབ་ཐབས། སེང་གེ་དང་བྱ་ཁྱུང་དང་
ཁྱབ་འཇུག་ལ་བཞུགས་པ་ལས་བྱུང་བའི་འཇིག་རྟེན་དབང་ཕྱུག་གི་སྒྲུབ་ཐབས། ཨཽ་ཌྱཱན་ནས་བྱུང་བའི་རིམ་པ་འཇིག་རྟེན་གསུམ་དབང་དུ་བྱེད་པའི་འཇིག་རྟེན་དབང་ཕྱུག་གི་སྒྲུབ་ཐབས་ས་ར་ཧའི་ཞལ་སྔ་ནས་མཛད་པ། ཨ་བྷ་ཡའི་ཞབས་དྲུང་ནས་པ་ཚབ་ཚུལ་ཁྲིམས་རྒྱལ་མཚན་གྱི་འགྱུར། ཨཽ་ཌི་
ཡཱ་ན་ནས་རྣམ་པར་བྱུང་བའི་འཇིག་རྟེན་དབང་ཕྱུག་འཇིག་རྟེན་གསུམ་དབང་དུ་བྱེད་པའི་སྒྲུབ་ཐབས་ས་ར་ཧའི་ཞལ་སྔ་ནས་མཛད་པ། མཁས་པ་རཏྣ་ཨ་ཀ་ར་དང་། དགེ་སློང་ཚུལ་ཁྲིམས་རྒྱལ་མཚན་གྱི་འགྱུར། འཇིག་རྟེན་དབང་ཕྱུག་དམར་པོའི་སྒྲུབ་ཐབས། སྒྱུ་འཕྲུལ་དྲ་བའི་
ལུགས་ཀྱི་འཕགས་པ་སྤྱན་རས་གཟིགས་དབང་ཕྱུག་གི་སྒྲུབ་ཐབས་པཎྜི་ཏ་ཆེན་པོ་ཤཱནྟ་ཨཱ་ཀ་ར་དང་། དགེ་སློང་ཚུལ་ཁྲིམས་རྒྱལ་མཚན་གྱི་འགྱུར། བརྟན་པའི་འཁོར་ལོའི་སྒྲུབ་ཐབས་པཎྜི་ཏ་ཨཱརྱ་ཨཱ་ཀ་ར་དང་། བ་ཚབ་ཀྱི་འགྱུར། ཚིག་ལྷུག་པའི་བརྟེན་པའི་འཁོར་ལོའི་སྒྲུབ་
ཐབས། འཕགས་པ་དཔལ་དང་ལྡན་པ་འཇམ་དཔལ་གསུང་གི་མངའ་བདག་གི་སྒྲུབ་ཐབས། གསུང་གི་མངའ་བདག་གི་སྒྲུབ་ཐབས། སྤྲོས་པ་མེད་པའི་སྒྲུབ་ཐབས། སྤྲོས་པ་མེད་པའི་སྒྲུབ་ཐབས་ཞེས་བྱ་བ་ཚིག་ལྷུག་པའི་ཨ་ར་པ་ཙ་ནའི་སྒྲུབ་ཐབས། འཕྲལ་དུ་ཉམས་སུ་མྱོང་

213-1-417a

བའི་སྤྲོས་པ་མེད་པའི་སྒྲུབ་ཐབས། ལྷ་ལྔའི་ཁྱད་པར་གྱི་གདམས་ངག །རྡོ་རྗེ་ལུས་མེད་ཀྱི་སྒྲུབ་ཐབས། འཇམ་དཔལ་རྡོ་རྗེ་ལུས་མེད་ཀྱི་སྒྲུབ་ཐབས། ཆོས་ཀྱི་དབྱིངས་ཀྱི་ངག་གི་དབང་ཕྱུག་གི་སྒྲུབ་ཐབས། ཆོས་ཀྱི་དབྱིངས་ངག་གི་དབང་ཕྱུག་གི་སྒྲུབ་ཐབས་
ལས་དབང་དུ་བྱ་བའི་ཆོ་ག །ཆོས་ཀྱི་དུང་གི་ཏིང་ངེ་འཛིན་ཐོབ་པར་བྱེད་པ། ཆོས་ཀྱི་དབྱིངས་ཀྱི་ངག་གི་དབང་ཕྱུག་གི་སྒྲུབ་ཐབས་རྣམས་པཎྜི་ཏ་ཨ་བྷ་ཡ་ལས། ལོ་ཙཱ་བ་དགེ་སློང་ཚུལ་ཁྲིམས་རྒྱལ་མཚན་གྱི་འགྱུར། ངག་གི་སྒྲུབ་པའི་ཐབས་ངག་གྲུབ་པའི་པཎྜི་ཏ་ཆེན་པོ་ཤཱནྟ་རཀྵི་ཏ་
ལ་སོགས་པའི་ཞལ་སྔ་ནས་མཉན་ཏེ་དགེ་སློང་ཚུལ་ཁྲིམས་རྒྱལ་མཚན་གྱི་འགྱུར། ངག་སྒྲུབ་པའི་ཐབས། རྒྱལ་པོ་ཆེན་པོ་བརྗིད་པ་ཞེས་བྱ་བའི་འཇམ་དཔལ་གྱི་སྒྲུབ་ཐབས། འཕགས་པ་དཔའ་བོ་གཅིག་ཏུ་གྲུབ་པའི་སྒྲུབ་ཐབས། ཡང་དཔའ་བོ་གཅིག་ཏུ་གྲུབ་པའི་
སྒྲུབ་ཐབས། ཁོར་ཡུག་མངར་བའི་སྒྲུབ་ཐབས་ཞེས་བྱ་བ་སློབ་དཔོན་ཆེན་པོ་པདྨ་འབྱུང་གནས་ཀྱིས་མཛད་པ། དབང་དུ་བྱེད་པའི་འཇམ་དཔལ་གྱི་སྒྲུབ་ཐབས། འཇམ་དཔལ་གྱི་སྒྲུབ་ཐབས། རིག་པ་འཛིན་པའི་སྡེ་སྣོད་ལས་བྱུང་བའི་འཇམ་དཔལ་གྱི་སྒྲུབ་ཐབས། ཤེས་
རབ་མངོན་པར་བསྐྱེད་པ། ཤེས་རབ་འཕེལ་བའི་ཆོ་ག །འཇམ་དཔལ་གྱི་ཤེས་རབ་འཁོར་ལོ། འཕགས་མ་སེང་ལྡེང་ནགས་ཀྱི་སྒྲོལ་མའི་སྒྲུབ་ཐབས། སྒྲོལ་མ་ཆེན་མོ་ཞེས་བྱ་བའི་སྒྲོལ་མའི་སྒྲུབ་ཐབས། སྒྲོལ་མའི་སྒྲུབ་ཐབས། ཡང་སྒྲོལ་མའི་སྒྲུབ་ཐབས། 
རྡོ་རྗེ་སྒྲོལ་མའི་སྒྲུབ་ཐབས་རྣམས་པཎྜི་ཏ་ཆེན་པོ་ཨ་བྷ་ཡཱ་ཀ་རའི་ཞལ་སྔ་ནས་དགེ་སློང་ཚུལ་ཁྲིམས་རྒྱལ་མཚན་གྱི་འགྱུར། ཡང་རྡོ་རྗེ་སྒྲོལ་མའི་སྒྲུབ་ཐབས་མཁས་པ་ཆེན་པོ་བྱང་ཆུབ་སེམས་དཔའ་དང་ཨ་བྷ་ཡ་ལ་སོགས་པ་ལས་དགེ་སློང་ཚུལ་ཁྲིམས་རྒྱལ་མཚན་གྱི་འགྱུར། རྒྱ་
ནག་པོའི་ལུགས་ཀྱི་འཕགས་མ་སྒྲོལ་མའི་སྒྲུབ་ཐབས། གདམས་ངག་གི་ཁྱད་པར་གྱི་སྒྲུབ་ཐབས། རྒྱ་ནག་ཆེན་པོའི་ལུགས་ཀྱི་སྒྲོལ་མའི་སྒྲུབ་ཐབས། འཆི་བ་སླུ་བར་བྱེད་པའི་སྒྲོལ་མའི་སྒྲུབ་ཐབས། སྒྲོལ་མ་དཀར་མོའི་སྒྲུབ་ཐབས། ཡང་སྒྲོལ་མ་དཀར་མོའི་སྒྲུབ་ཐབས་

213-1-417b

ཡང་སྒྲོལ་མ་དཀར་མོའི་སྒྲུབ་ཐབས། དུག་སེལ་མ་སྒྲོན་མའི་སྒྲུབ་ཐབས། སྒྲོལ་མ་ནོར་སྦྱིན་མའི་སྒྲུབ་ཐབས། སྒྲོལ་མ་ལས་བྱུང་བའི་ཀུ་རུ་ཀུལླེའི་སྒྲུབ་ཐབས་རྟོག་པ་ལས་གསུངས་པ། སྒྲོལ་མ་ལས་བྱུང་བའི་ཀུ་རུ་ཀུལླེའི་ཚིག་ལྷུག་པའི་སྒྲུབ་ཐབས། ཀུ་རུ་ཀུལླེའི་དབང་
དུ་བྱ་བའི་གདམས་ངག །གདམས་ངག་གི་ཁྱད་པར། ཀུ་རུ་ཀུལླེའི་སྒྲུབ་ཐབས། ཡང་ཀུ་རུ་ཀུལླེའི་སྒྲུབ་ཐབས་ཨིནྡྲ་བྷཱུ་ཏིས་ཞལ་སྔ་ནས་མཛད་པ། བུང་བའི་རྣལ་འབྱོར་གྱི་ཀུ་རུ་ཀུལླེའི་སྒྲུབ་ཐབས། ཡང་ཀུ་རུ་ཀུལླེའི་སྒྲུབ་ཐབས། ཡང་ཀུ་རུ་ཀུལླེའི་སྒྲུབ་ཐབས་རྣམས་ཨ་བྷ་
ཡཱ་ཀ་རའི་ཞལ་སྔ་ནས་དགེ་སློང་ཚུལ་ཁྲིམས་རྒྱལ་མཚན་གྱི་འགྱུར། ཨཽ་ཌྱཱན་ནས་ངེས་པར་བྱུང་བའི་ཀུ་རུ་ཀུལླེའི་སྒྲུབ་ཐབས་མཁས་པ་ཆེན་པོ་བྱང་ཆུབ་སེམས་དཔའ་མ་ལ་བ་དཱ་ན་ཤྲཱི་ཛྙཱ་ནའི་ཞལ་སྔ་ནས་དགེ་སློང་ཚུལ་ཁྲིམས་རྒྱལ་མཚན་གྱི་འགྱུར། གསེར་མདོག་གི་ཤེས་རབ་གྱི་
ཕ་རོལ་ཏུ་ཕྱིན་མའི་སྒྲུབ་ཐབས་པཎྜི་ཏ་ཆེན་པོ་ཨ་བྷ་ཡའི་ཞལ་སྔ་ནས་དགེ་སློང་ཚུལ་ཁྲིམས་རྒྱལ་མཚན་གྱི་འགྱུར། མདོར་བསྡུས་པའི་ཤེས་རབ་ཀྱི་ཕ་རོལ་ཏུ་ཕྱིན་པའི་སྒྲུབ་ཐབས་དང་། ཤེས་རབ་ཀྱི་ཕ་རོལ་ཏུ་ཕྱིན་མའི་སྒྲུབ་ཐབས་པཎྜི་ཏ་ཆེན་པོ་མ་ལ་བ་ཞེས་བྱ་བ་དཱ་བྱང་ཆུབ་
སེམས་དཔའི་ཞལ་སྔ་ནས་དགེ་སློང་ཚུལ་ཁྲིམས་རྒྱལ་མཚན་གྱི་འགྱུར། གཞན་ཡང་ཤེས་རབ་ཀྱི་ཕ་རོལ་ཏུ་ཕྱིན་མའི་སྒྲུབ་ཐབས་དང་། དབྱངས་ཅན་མ་ཆེན་མོའི་སྒྲུབ་ཐབས་མཁས་པ་ཨ་བྷ་ཡ་ལས་དགེ་སློང་ཚུལ་ཁྲིམས་རྒྱལ་མཚན་གྱི་འགྱུར། རྡོ་རྗེ་དབྱངས་ཅན་མའི་སྒྲུབ་
ཐབས་མ་ལ་བ་ཞེས་བྱ་བ་དཱའི་ཞལ་སྔ་ནས་དགེ་སློང་ཚུལ་ཁྲིམས་རྒྱལ་མཚན་གྱི་འགྱུར། འཕགས་མ་རྡོ་རྗེ་དབྱངས་ཅན་མའི་སྒྲུབ་ཐབས་པཎྜི་ཏ་ཆེན་པོ་དཱ་དང་ཨ་བྷ་ཡ་དང་ཨཱ་མ་ར་ལ་སོགས་པ་ལས་དགེ་སློང་ཚུལ་ཁྲིམས་རྒྱལ་མཚན་གྱི་འགྱུར་རྣམས་བཞུགས་སོ།།      །།བུ་པ་ལ།
རྟོག་པ་ལས་གསུངས་པའི་འོད་ཟེར་ཅན་དཀར་མོའི་སྒྲུབ་ཐབས་དང་། མྱ་ངན་མེད་པ་ལ་དགའ་བའི་འོད་ཟེར་ཅན་མའི་སྒྲུབ་ཐབས་མཁས་པ་དཱ་ན་ཤྲཱི་དང་། དགེ་སློང་ཚུལ་ཁྲིམས་རྒྱལ་མཚན་གྱི་འགྱུར། རྟོག་པ་ནས་གསུངས་པའི་འོད་ཟེར་ཅན་གྱི་སྒྲུབ་ཐབས་པཎྜི་ཏ་ཆེན་པོ་ཨ་བྷ་ཡའི་

213-1-418a

ཞལ་སྔ་ནས་དགེ་སློང་ཚུལ་ཁྲིམས་རྒྱལ་མཚན་གྱི་འགྱུར། འོད་ཟེར་ཅན་གྱི་སྒྲུབ་ཐབས། ཡང་འོད་ཟེར་ཅན་གྱི་སྒྲུབ་ཐབས། ཨཽ་ཌྱཱན་གྱི་འོད་ཟེར་ཅན་གྱི་སྒྲུབ་ཐབས། ཨོ་ཌི་ཡཱ་ན་ནས་བྱུང་བའི་འོད་ཟེར་ཅན་གྱི་སྒྲུབ་ཐབས། འོད་ཟེར་ཅན་གྱི་སྒྲུབ་ཐབས་
ཨཽ་ཌྱཱན་ནས་འབྱུང་བའི་བདག་བྱིན་གྱིས་བརླབ་པའི་རིམ་པའི་སྒྲུབ་ཐབས། མྱ་ངན་མེད་པ་ལ་དགའ་བའི་འོད་ཟེར་ཅན་གྱི་སྒྲུབ་ཐབས། གདམས་ངག་གི་ཁྱད་པར། འཕགས་མ་འོད་ཟེར་ཅན་གྱི་གཟུངས་འདོན་པའི་མན་ངག །ནོར་རྒྱུན་མའི་སྒྲུབ་ཐབས། ཡང་ནོར་རྒྱུན་མའི་སྒྲུབ་
ཐབས་རྣམས་པཎྜི་ཏ་ཆེན་པོ་ཨ་བྷ་ཡ་ལས་དགེ་སློང་ཚུལ་ཁྲིམས་རྒྱལ་མཚན་གྱི་འགྱུར། ནོར་རྒྱུན་མའི་སྒྲུབ་ཐབས་དང་། ནོར་རྒྱུན་མའི་གཟུངས་ཀྱི་མན་ངག་དཱ་བྱང་ཆུབ་སེམས་དཔའ་ལས་དགེ་སློང་ཚུལ་ཁྲིམས་རྒྱལ་མཚན་གྱི་འགྱུར། རྡོ་རྗེ་ལྕགས་སྒྲོག་མའི་སྒྲུབ་ཐབས་མ་ལ་པའི་
ཞལ་སྔ་ནས་དགེ་སློང་ཚུལ་ཁྲིམས་རྒྱལ་མཚན་གྱི་འགྱུར། གདམས་ངག་གི་ཁྱད་པར་གཞན་གྱི་རྡོ་རྗེ་ལྕགས་སྒྲོག་མའི་སྒྲུབ་ཐབས་ཨ་བྷ་ཡའི་ཞལ་སྔ་ནས་དགེ་སློང་ཚུལ་ཁྲིམས་རྒྱལ་མཚན་གྱི་འགྱུར། ཁྲོ་གཉེར་ཅན་གྱི་སྒྲུབ་ཐབས་མ་ལ་བའི་ཞལ་སྔ་ནས་དགེ་སློང་ཚུལ་ཁྲིམས་རྒྱལ་མཚན་
གྱི་འགྱུར། ཡང་ཁྲོ་གཉེར་ཅན་གྱི་སྒྲུབ་ཐབས། འཕགས་མ་དུག་སེལ་མའི་སྒྲུབ་ཐབས། འཕགས་མ་དུག་སེལ་མའི་གཟུངས་རྣམས་ཨ་བྷ་ཡའི་ཞལ་སྔ་ནས་དགེ་སློང་ཚུལ་ཁྲིམས་རྒྱལ་མཚན་གྱི་འགྱུར། འཕགས་མ་དུག་སེལ་མའི་སྒྲུབ་ཐབས་བྱང་ཆུབ་སེམས་དཔའི་ཞལ་
སྔ་ནས་དགེ་སློང་ཚུལ་ཁྲིམས་རྒྱལ་མཚན་གྱི་འགྱུར། སྐུལ་བྱེད་མའི་སྒྲུབ་ཐབས་ཨ་བྷ་ཡའི་ཞལ་སྔ་ནས་དགེ་སློང་ཚུལ་ཁྲིམས་རྒྱལ་མཚན་གྱི་འགྱུར། འཕགས་པ་རལ་གཅིག་མའི་སྒྲུབ་ཐབས་པཎྜི་ཏ་ཆེན་པོ་དཱ་དང་ཨ་བྷ་ཡ་ལས་དགེ་སློང་ཚུལ་ཁྲིམས་རྒྱལ་མཚན་གྱི་འགྱུར། གཙུག་
ཏོར་རྣམ་པར་རྒྱལ་མའི་སྒྲུབ་ཐབས། འཕགས་མ་གཞན་གྱིས་མི་ཐུབ་མ་གདུགས་དཀར་མོའི་སྒྲུབ་ཐབས། རྡོ་རྗེ་ཙ་རྩི་ཀའི་སྒྲུབ་ཐབས། སོ་སོར་འབྲང་མ་ཆེན་མོའི་སྒྲུབ་ཐབས། རྨ་བྱ་ཆེན་མོའི་སྒྲུབ་ཐབས། སྟོང་ཆེན་མོ་རབ་ཏུ་འཇོམས་མའི་སྒྲུབ་ཐབས། གསང་སྔགས་ཀྱི་

213-1-418b

རྗེས་སུ་འབྲང་མ་ཆེན་མོའི་སྒྲུབ་ཐབས། བསིལ་བའི་ཚལ་ཆེན་མོའི་སྒྲུབ་ཐབས། གདམས་ངག་གཞན་གྱིས་ལྷ་ལྔ་ལེགས་པར་བསྟན་པ་ཞེས་བྱ་བ། ཕྱིར་བཟློག་མ་ཆེན་མོ། རྒྱལ་མཚན་རྩེ་མོའི་དཔུང་རྒྱན་གྱི་སྒྲུབ་ཐབས། གཞན་གྱིས་མི་ཐུབ་པའི་སྒྲུབ་ཐབས། རྡོ་རྗེ་དྲི་
ལྡན་མའི་སྒྲུབ་ཐབས། སྒྲོལ་མ་རབ་ཏུ་དང་བའི་སྒྲུབ་ཐབས་རྣམས་ཨ་བྷ་ཡའི་ཞལ་སྔ་ནས་ཚུལ་ཁྲིམས་རྒྱལ་མཚན་གྱི་འགྱུར། གཏུམ་མོ་ཆེར་ཁྲོས་པའི་ཡན་ལག་དང་བཅས་པའི་སྒྲུབ་ཐབས་སློབ་དཔོན་འོད་ཟེར་འབྱུང་གནས་གྲགས་པས་མཛད་པ། པཎྜི་ཏ་ཆེན་པོ་དཱ་དང་ཨ་
བྷ་ཡ་ལས་དགེ་སྤོང་ཚུལ་ཁྲིམས་རྒྱལ་མཚན་གྱི་འགྱུར། ཁྲོ་བོ་གཏུམ་པོ་ཆེན་པོའི་སྒྲུབ་ཐབས་ཨ་བྷ་ཡ་ལས་ཚུལ་ཁྲིམས་རྒྱལ་མཚན་གྱི་འགྱུར། བྱམས་པའི་སྒྲུབ་ཐབས་པཎྜི་ཏ་ཆེན་པོ་ཤཱནྟ་དང་ཨ་བྷ་ཡ་ལས་དགེ་སློང་ཚུལ་ཁྲིམས་རྒྱལ་མཚན་གྱི་འགྱུར། ཡང་བྱམས་པའི་སྒྲུབ་
ཐབས། ཛམྦྷ་ལ་ཆེན་པོའི་སྒྲུབ་ཐབས། ཛམྦྷ་ལའི་སྒྲུབ་ཐབས་རྣམས་ཨ་བྷ་ལས་དགེ་སློང་ཚུལ་ཁྲིམས་རྒྱལ་མཚན་གྱི་འགྱུར། ཛམྦྷ་ལའི་སྒྲུབ་ཐབས་པཎྜི་ཏ་དཱ་དང་ཨ་བྷ་ཡ་ལས་ཚུལ་ཁྲིམས་རྒྱལ་མཚན་གྱི་འགྱུར། ཡང་ཛམྦྷ་ལའི་སྒྲུབ་ཐབས་ཨ་བྷ་ཡ་ལས་ཚུལ་
ཁྲིམས་རྒྱལ་མཚན་གྱི་འགྱུར། ཛམྦྷ་ལའི་སྒྲུབ་ཐབས་དང་། མདོར་བསྡུས་པའི་ཛམྦྷ་ལའི་སྒྲུབ་ཐབས་དཱ་ལས་དགེ་སློང་ཚུལ་ཁྲིམས་རྒྱལ་མཚན་གྱི་འགྱུར། དཔལ་ཛམྦྷ་ལའི་སྒྲུབ་ཐབས་དང་། ཛམྦྷ་ལའི་རྒྱུན་འབབས་པའི་གདམས་ངག་ཨ་བྷ་ཡ་ལས་དགེ་སློང་ཚུལ་
ཁྲིམས་རྒྱལ་མཚན་གྱི་འགྱུར། ཛམྦྷ་ལའི་གདམས་ངག་དཱ་དང་ཨ་བྷ་ཡའི་ཞལ་སྔ་ནས་དགེ་སློང་ཚུལ་ཁྲིམས་རྒྱལ་མཚན་གྱི་འགྱུར། གདམས་ངག་གི་ཁྱད་པར་ཨ་བྷ་ཡ་ལས་དགེ་སློང་ཚུལ་ཁྲིམས་རྒྱལ་མཚན་གྱི་འགྱུར། ཛམྦྷ་ལའི་ཁྱད་པར་གྱི་གདམས་ངག་དང་ཨ་བྷ་
ཡ་ལས་དགེ་སློང་ཚུལ་ཁྲིམས་རྒྱལ་མཚན་གྱི་འགྱུར། རྟ་མགྲིན་གྱི་སྒྲུབ་ཐབས། ཁམས་གསུམ་རྣམ་པར་རྒྱལ་བའི་སྒྲུབ་ཐབས། རྡོ་རྗེ་མེ་འབར་བའི་གཟི་བརྗིད་ཀྱི་སྒྲུབ་ཐབས། རྟ་མཆོག་གི་སྒྲུབ་ཐབས། གཤིན་རྗེ་གཤེད་དམར་པོའི་སྒྲུབ་ཐབས། གཤིན་རྗེ་

213-1-419a

གཤེད་ནག་པོའི་སྒྲུབ་ཐབས། ཡང་གཤིན་རྗེ་གཤེད་ནག་པོའི་སྒྲུབ་ཐབས། ཡང་གཤིན་རྗེ་གཤེད་ནག་པའི་སྒྲུབ་ཐབས། གཤིན་རྗེ་མཐར་མཛད་ཀྱི་སྒྲུབ་ཐབས། ཡང་གཤིན་རྗེ་མཐར་བྱེད་ཀྱི་སྒྲུབ་ཐབས། བགེགས་མཐར་བྱེད་ཀྱི་སྒྲུབ་ཐབས། 
གཏོར་མའི་ཆོ་ག །རྡོ་རྗེ་ཧཱུཾ་མཛད་ཀྱི་སྒྲུབ་ཐབས། སྟོབས་པོ་ཆེའི་སྒྲུབ་ཐབས། ཧེ་རུ་ཀ་ཕྱག་གཉིས་པའི་སྒྲུབ་ཐབས་མདོར་བསྡུས་པ་རྣམས་ཨ་བྷ་ཡ་ལས་དགེ་སྤོང་ཚུལ་ཁྲིམས་རྒྱལ་མཚན་གྱི་འགྱུར། དགེས་པ་རྡོ་རྗེ་ཕྱག་གཉིས་པའི་སྒྲུབ་ཐབས་དང་། བདག་མེད་མ་
འབའ་ཞིག་གི་སྒྲུབ་ཐབས་དཱ་དང་ཨ་བྷ་ཡ་ལས་དགེ་སློང་ཚུལ་ཁྲིམས་རྒྱལ་མཚན་གྱི་འགྱུར། བདག་མེད་མའི་སྒྲུབ་ཐབས། རྡོ་རྗེ་ཕག་མོའི་སྒྲུབ་ཐབས། རྡོ་རྗེ་ཕག་མོ་དབང་དུ་བྱ་བའི་ཆོ་ག །རྡོ་རྗེ་ཕག་མོའི་སྒྲུབ་ཐབས། རྡོ་རྗེ་ཕག་མོའི་རྟོག་པ་དོན་ཐམས་ཅད་སྒྲུབ་པར་
བྱེད་པ། དཔའ་ཨོོ་ཌྱཱན་གྱི་རྡོ་རྗེ་གདན་ནས་ངེས་པར་བྱུང་བའི་རྡོ་རྗེ་ཕག་མོའི་སྒྲུབ་ཐབས། མདོར་བསྡུས་པའི་རྡོ་རྗེ་ཕག་མོའི་སྒྲུབ་ཐབས་རྣམས་ཨ་བྷ་ཡའི་ཞལ་སྔ་ནས་དགེ་སློང་ཚུལ་ཁྲིམས་རྒྱལ་མཚན་གྱི་འགྱུར། རྡོ་རྗེ་རྣལ་འབྱོར་མའི་སྒྲུབ་ཐབས་དཱ་དང་ཨ་བྷ་ཡའི་ཞལ་སྔ་ནས་
དགེ་སློང་ཚུལ་ཁྲིམས་རྒྱལ་མཚན་གྱི་འགྱུར། དཔལ་འབྱུང་པོ་འདུལ་བྱེད་ཀྱི་མདོར་བསྡུས་པའི་སྒྲུབ་ཐབས། འབྱུང་པོ་འདུལ་བྱེད་ཀྱི་སྒྲུབ་ཐབས་ཡན་ལག་དང་བཅས་པ་འཇིག་རྟེན་གསུམ་གྱི་རྡོ་རྗེས་མཛེས་པར་བསྡེགས་པ། མགོན་པོ་ནག་པོའི་སྒྲུབ་ཐབས་རྣམས་པཎྜི་ཏ་
ཨ་བྷ་ཡ་ལ་སོགས་པ་ལས་དགེ་སློང་པ་ཚབ་ཚུལ་ཁྲིམས་རྒྱལ་མཚན་གྱི་འགྱུར་རོ། །དེ་ལྟར་ན་སྒྲུབ་ཐབས་བརྒྱ་དང་དྲུག་ཅུ་རྩ་བཞི་བཞུགས་ཤིང་། འདི་རྣམས་སཾ་སྐྲྀ་ཏའི་སྐད་མཆོག་ཏུ་གྱུར་ཅིང་དོན་བཟང་ལ་གདམས་ངག་ཆེ་བ་རྣམས་པཎྜི་ཏ་ཆེན་པོ་ཨ་བྷ་ཡའི་ཕྱག་དཔེ་ལས་
པཎྜི་ཏ་ཆེན་པོ་དེ་དག་དང་། པ་ཚབ་ཀྱི་རིགས་སུ་སྐྱེས་པའི་དགེ་སློང་ཚུལ་ཁྲིམས་རྒྱལ་མཚན་གྱིས་ལེགས་པར་བསྒྱུར་བ། རྡོ་རྗེ་སློབ་དཔོན་གྱི་བྱ་བ་ཀུན་ལས་བཏུས་པ་དཀྱིལ་འཁོར་གྱི་སློབ་དཔོན་ཆེན་པོ་པཎྜི་ཏ་ཨ་ཝ་དྷཱུ་ཏཱི་པ་དཔལ་ལྡན་འགྲོ་བའི་མེ་ལོང་གིས་མཛད་པ། བི་ཀྲ་མ་

213-1-419b

ཤཱི་ལའི་པཎྜི་ཏ་ཆེན་པོ་མཉྫུ་ཤྲཱི་དང་། བོད་ཀྱི་ལོ་ཙཱ་བ་བློ་གྲོས་རྒྱལ་མཚན་དཔལ་བཟང་པོའི་འགྱུར། སླར་ཡང་དཔལ་ལྡན་བྱང་ཆུབ་རྩེ་མོའི་ཞབས་རྡུལ་སྤྱི་བོས་ལེན་པ་དགེ་སློང་བཛྲ་ཤྲཱིས་ཀྱང་བཅོས་ཤིང་དག་པར་བགྱིས་པའོ།།      །།མུ་པ་ལ། བ་རི་པའི་སྒྲུབས་ཐབས་བརྒྱ་རྩར་
གྲགས་པ་ལས། རྗེ་བཙུན་རྡོ་རྗེ་གདན་གྱི་མན་ངག་གི་སྒྲུབ་ཐབས་ཀྱི་ཆོ་ག་ཁམས་པ་བ་རི་ལོ་ཙཱའི་འགྱུར། བརྟན་པའི་འཁོར་ལོའི་ཆོ་ག་རྒྱ་གར་གྱི་མཁན་པོ་བཱིརྱ་བྷ་དྲ་དང་། ལོ་ཙཱ་བ་དགེ་སློང་རིན་ཆེན་བཟང་པོའི་འགྱུར། བརྟན་པའི་འཁོར་ལོའི་སྒྲུབ་ཐབས་སློབ་དཔོན་
བྷ་ཝ་སྐནྡྷས་མཛད་པ། པཎྜི་ཏ་དོན་ཡོད་རྡོ་རྗེ་དང་། ཁམས་པ་ལོ་ཙཱ་བ་དགེ་སློང་བ་རིའི་འགྱུར། ཚིག་ལྷུག་པའི་བརྟན་པའི་འཁོར་ལོའི་སྒྲུབ་ཐབས། ཚིག་ལྷུག་པའི་ཨ་ར་པ་ཙ་ནའི་སྒྲུབ་ཐབས་སློབ་དཔོན་ཆེན་པོ་པདྨ་འབྱུང་གནས་ཀྱིས་མཛད་པ། ཨ་ར་པ་ཙ་ནའི་སྒྲུབ་
ཐབས་སློབ་དཔོན་ཆེན་པོ་མི་ཕམ་བཤེས་གཉེན་གྱིས་མཛད་པ། གར་གྱི་མཁན་པོ་ཀ་མ་ལ་གུཔྟ་དང་། ཞུ་ཆེན་གྱི་ལོ་ཙཱ་བ་དགེ་སློང་རིན་ཆེན་བཟང་པོའི་འགྱུར། འཕགས་པ་འཇམ་དཔལ་གྱི་སྒྲུབ་ཐབས། འཇམ་དཔལ་རྡོ་རྗེའི་སྒྲུབ་ཐབས། ངག་གི་རྒྱལ་པོའི་སྒྲུབ་
ཐབས། རྒྱལ་པོ་ཆེན་པོ་འཇམ་དཔལ་རོལ་པའི་སྒྲུབ་ཐབས། རིག་པ་འཛིན་པའི་སྡེ་སྣོད་དུ་གསུངས་པའི་མདོར་བསྡུས་པའི་འཇམ་དཔལ་གྱི་སྒྲུབ་ཐབས། རིག་པ་འཛིན་པའི་སྡེ་སྣོད་ཀྱིས་བསྡུས་པའི་འཇམ་པའི་དབྱངས་ཀྱི་སྒྲུབ་པའི་ཐབས། འཇམ་དཔལ་གྱི་
ཤེས་རབ་ཀྱི་སྦྱོར་བ། ཡན་ལག་མེད་པའི་རྡོ་རྗེ་འཇམ་དཔལ་དབྱངས་ཀྱི་སྒྲུབ་པའི་ཐབས། ཆོས་ཀྱི་དབྱིངས་ངག་གི་དབང་ཕྱུག་གི་སྒྲུབ་པའི་ཐབས། མཚན་ཡང་དག་པར་བརྗོད་པའི་སྒྲུབ་ཐབས། འཕགས་པ་འཇམ་དཔལ་རྡོ་རྗེ་དཔའ་བོ་གཅིག་པའི་སྒྲུབ་ཐབས།
འཇམ་དཔལ་ཤེས་རབ་འཁོར་ལོའི་སྒྲུབ་ཐབས། འཕྲལ་དུ་ཉམས་སུ་མྱོང་བའི་ཨ་ར་པ་ཙ་ནའི་སྒྲུབ་ཐབས། གཤིན་རྗེ་གཤེད་ནག་པོའི་སྒྲུབ་ཐབས། ཡང་གཤིན་རྗེ་གཤེད་ནག་པོའི་སྒྲུབ་ཐབས། ཡང་གཤིན་རྗེ་གཤེད་ནག་པོའི་སྒྲུབ་ཐབས་ཁམས་པ་ལོ་ཙཱ་བ་དགེ་སློང་

213-1-420a

བ་རིའི་འགྱུར། དཔལ་རྡོ་རྗེ་ཆོས་ཀྱི་སྒྲུབ་ཐབས་སློ་དཔོན་སུ་ཛ་ན་བྷ་དྲས་མཛད་པ། སེང་གེ་སྒྲའི་སྒྲུབ་ཐབས་སློབ་དཔོན་ཙནྡྲ་གོ་མིས་མཛད་པ། པཎྜི་ཏ་དོན་ཡོད་རྡོ་རྗེ་དང་། ཁམས་པ་ལོ་ཙཱ་བ་དགེ་སློང་བ་རིའི་འགྱུར། ཧ་ལ་ཧ་ལའི་སྒྲུབ་པའི་ཐབས་སློབ་དཔོན་ལྷན་
ཅིག་སྐྱེས་པའི་རོལ་པས་མཛད་པ། ཁརྶ་པ་ཎིའི་སྒྲུབ་པའི་ཐབས། ཡི་གེ་དྲུག་པའི་སྒྲུབ་པའི་ཐབས་དཔལ་ལྷན་ཅིག་སྐྱེས་པའི་རོལ་པས་མཛད་པ། ཧ་རི་ཧ་རི་ཧ་རི་ལ་ཞོན་པར་གྱུར་པའི་སྤྱན་རས་གཟིགས་དབང་ཕྱུག་གི་སྒྲུབ་པའི་ཐབས་རྫོགས་པའི་སངས་རྒྱས་ཀྱིས་གསུངས་པ།
ཧ་ལ་ཧ་ལའི་སྒྲུབ་པའི་ཐབས་སློབ་དཔོན་ལྷན་ཅིག་སྐྱེས་པའི་རོལ་པས་མཛད་པ། པཎྜི་ཏ་དོན་ཡོད་རྡོ་རྗེ་དང་། ཁམས་པ་ལོ་ཙཱ་བ་དགེ་སློང་བ་རིའི་འགྱུར། པདྨ་གར་གྱི་དབང་ཕྱུག་གི་སྒྲུབ་ཐབས་རྫོགས་པའི་སངས་རྒྱས་ཀྱིས་གསུངས་པ། སྒྲོལ་མའི་སྒྲུབ་ཐབས་སློབ་དཔོན་རྡོ་རྗེ་མྱུ་གུས་
མཛད་པ། སྒྲོལ་མ་དཀར་མོའི་སྒྲུབ་པའི་ཐབས་སློབ་དཔོན་ཡིད་བཞིན་གྱི་ནོར་བུའི་རྒྱལ་པོས་མཛད་པ། སེང་ལྡེང་ནགས་ཀྱི་སྒྲོལ་མའི་སྒྲུབ་ཐབས་རྫོགས་པའི་སངས་རྒྱས་ཀྱིས་གསུངས་པ། སྒྲོལ་མ་དཀར་མོའི་སྒྲུབ་ཐབས་ངག་གི་དབང་ཕྱུག་གྲགས་པའི་སློབ་མའི་ཐུ་བོས་
མཛད་པ། ཨོོ་ཌྱཱན་གྱི་འོད་ཟེར་ཅན་གྱི་སྒྲུབ་པའི་ཐབས། རྟོག་པ་ནས་གསུངས་པའི་འོད་ཟེར་ཅན་གྱི་སྒྲུབ་པའི་ཐབས། རྟོག་པ་ལས་གསུངས་པའི་ཚོགས་འོད་ཟེར་ཅན་དཀར་མོའི་སྒྲུབ་ཐབས། མྱ་ངན་མེད་པའི་ཤིང་གི་འོད་ཟེར་ཅན་གྱི་སྒྲུབ་ཐབས། ཨོོ་ཌྱཱན་གྱི་འོད་ཟེར་
ཅན་གྱི་སྒྲུབ་ཐབས་སློབ་དཔོན་ལྷན་ཅིག་སྐྱེས་པའི་རོལ་བས་མཛད་པ། ཨོོ་ཌྱཱན་གྱི་རིམ་པའི་འོད་ཟེར་ཅན་གྱི་སྒྲུབ་ཐབས། ཙུནྡའི་སྒྲུབ་ཐབས། དཔལ་གནོད་གནས་ཀྱི་མདོར་བསྡུས་པའི་སྒྲུབ་ཐབས་སློབ་དཔོན་ཙནྡྲ་གོ་མིས་མཛད་པ། ཨུཙྪུ་སྨ་ཛམྦྷ་ལའི་སྒྲུབ་པའི་ཐབས་རྣལ་
འབྱོར་པ་དགའ་བ་སྦྱིན་གྱིས་མཛད་པ། ལྕ་མོ་ནོར་རྒྱུན་མའི་སྒྲུབ་ཐབས། ཁྲོ་གཉེར་ཅན་གྱི་སྒྲུབ་ཐབས། བྱམས་པའི་སྒྲུབ་ཐབས། ཤེས་རབ་ཀྱི་ཕ་རོལ་ཏུ་ཕྱིན་མའི་སྒྲུབ་ཐབས་སངས་རྒྱས་ཀྱིས་གསུངས་པ། ཤེས་རབ་ཀྱི་ཕ་རོལ་དུ་ཕྱིན་མའི་སྒྲུབ་ཐབས་སློབ་དཔོན་དགེ་

213-1-420b

འདུན་སྦྱིན་གྱི་སྲས་ཀྱི་མཛད་པ། ཤེས་རབ་ཀྱི་ཕ་རོལ་ཏུ་ཕྱིན་མའི་སྒྲུབ་ཐབས། ཡང་ཤེས་རབ་ཀྱི་ཕ་རོལ་ཏུ་ཕྱིན་མའི་སྒྲུབ་ཐབས། མདོར་བསྡུས་པའི་ཤེས་རབ་ཀྱི་ཕ་རོལ་དུ་ཕྱིན་མའི་སྒྲུབ་ཐབས། མི་གཡོ་བའི་སྒྲུབ་ཐབས་པྲ་བྷཱ་ཀ་ར་ཀཱིརྟིས་མཛད་པ། གཏུམ་པོ་ཆེན་པོའི་
སྒྲུབ་ཐབས། རྡོ་རྗེ་ཧཱུཾ་མཛད་ཀྱི་སྒྲུབ་པའི་ཐབས། རི་ཁྲོད་མ་ལོ་མ་ཅན་གྱི་སྒྲུབ་ཐབས། འཕགས་མ་རི་ཁྲོད་མ་ལོ་མ་ཅན་གྱི་གཟུངས་སྔགས། འཕགས་མ་རྡོ་རྗེ་དབྱངས་ཅན་མའི་སྒྲུབ་ཐབས་སློབ་དཔོན་དཔལ་འཛིན་གྱིས་མཛད་པ། བགེགས་དགྲའི་སྒྲུབ་ཐབས། རལ་
གཅིག་མའི་སྒྲུབ་བའི་ཐབས། འཕགས་མ་དུག་སེལ་མའི་སྒྲུབ་ཐབས། དུག་སེལ་མའི་གཟུངས། ལྷ་མོ་རིགས་བྱེད་མའི་སྒྲུབ་པའི་ཐབས། རྟོག་པ་ལས་གསུངས་པའི་ལྷ་མོ་རིགས་བྱེད་མའི་སྒྲུབ་ཐབས་སློབ་དཔོན་འཕགས་པ་ཀླུ་སྒྲུབ་ཀྱིས་མཛད་པ། ལྷ་མོ་རིགས་བྱེད་
མའི་སྒྲུབ་ཐབས། ཨོོ་ཌི་ཡཱ་ན་ནས་བྱུང་བའི་རིགས་བྱེད་མའི་སྒྲུབ་ཐབས། ཁམས་གསུམ་དབང་དུ་བྱེད་པའི་སྤྱན་རས་གཟིགས་ཀྱི་སྒྲུབ་ཐབས་སློབ་དཔོན་ས་ར་ཧས་མཛད་པ། དཔལ་གནོད་གནས་ཀྱི་སྒྲུབ་པའི་ཐབས། རྒྱ་ནག་པོའི་རིམ་པའི་སྒྲོལ་མའི་སྒྲུབ་ཐབས་སློབ་དཔོན་
རྟག་པའི་རྡོ་རྗེས་མཛད་པ། རྡོ་རྗེ་སྒྲོལ་མའི་སྒྲུབ་ཐབས། འཕགས་པ་གཤིན་རྗེ་གཤེད་དམར་པོའི་སྒྲུབ་ཐབས། སོ་སོར་འབྲང་མ་ཆེན་མོའི་སྒྲུབ་ཐབས། གཙུག་གཏོར་རྣམ་པར་རྒྱལ་མའི་སྒྲུབ་ཐབས། འཕགས་མ་རྨ་བྱ་ཆེན་མོའི་སྒྲུབ་ཐབས། སྟོང་ཆེན་མོ་རབ་ཏུ་
འཇོམས་མའི་སྒྲུབ་ཐབས། གསང་སྔགས་རྗེས་སུ་འཛིན་མའི་སྒྲུབ་ཐབས། བསིལ་བའི་ཚལ་ཆེན་མོའི་སྒྲུབ་ཐབས། ཕྱིར་བཟློག་མ་ཆེན་མོའི་སྒྲུབ་ཐབས། རྒྱལ་མཚན་རྩེ་མོའི་དཔུང་རྒྱན་གྱི་སྒྲུབ་ཐབས། རྣམ་པར་རྒྱལ་མའི་སྒྲུབ་ཐབས། རྡོ་རྗེ་གནྡྷ་རཱིའི་སྒྲུབ་
ཐབས། དཔལ་མགོན་པོ་ནག་པོའི་སྒྲུབ་ཐབས་བྲམ་ཟེ་མཆོག་སྲེད་ཀྱིས་མཛད་པ། རྡོ་རྗེ་ལྕགས་སྒྲོག་གི་སྒྲུབ་ཐབས། སྟོབས་པོ་ཆེའི་སྒྲུབ་ཐབས། གཞན་གྱིས་མི་ཐུབ་མ་ཞེས་བྱ་བའི་གདུགས་དཀར་མོ་ཅན་གྱི་སྒྲུབ་ཐབས། རྟ་མགྲིན་གྱི་སྒྲུབ་པའི་ཐབས། ཞལ་གཅིག་

213-1-421a

ཕག་གཉིས་མའི་ཧེ་རུ་ཀའི་སྒྲུབ་ཐབས། བདག་མེད་མ་གཅིག་པུའི་སྒྲུབ་ཐབས། བདག་མེད་མའི་སྒྲུབ་ཐབས། གསེར་མདོག་ཅན་གྱི་ཤེས་རབ་ཀྱི་ཕ་རོལ་ཏུ་ཕྱིན་མའི་སྒྲུབ་ཐབས། རྟོག་པ་ལས་བརྒྱུད་པའི་འོད་ཟེར་ཅན་གྱི་སྒྲུབ་ཐབས། རྡོ་རྗེ་ཕག་མོའི་
སྒྲུབ་ཐབས། རིགས་བྱེད་མའི་སྒྲུབ་ཐབས། སྒྲོལ་མ་དཀར་མོའི་སྒྲུབ་ཐབས་བཅོམ་ལྡན་འདས་ཉིད་ཀྱིས་གསུངས་པ། སྒྱུ་འཕྲུལ་དྲ་བའི་རིམ་པའི་སྤྱན་རས་གཟིགས་དབང་ཕྱུག་གི་སྒྲུབ་པའི་ཐབས་སློབ་དཔོན་དགྲ་ལས་རྣམ་པར་རྒྱལ་བས་མཛད་པ། དེ་རྣམས་པཎྜི་ཏ་དོན་ཡོད་རྡོ་རྗེ་
དང་། ཁམས་པ་ལོ་ཙཱ་བ་དགེ་སློང་བ་རི་ཆོས་གྲགས་ཀྱི་འགྱུར། འདི་རྣམས་ལ་ཆོས་ཀྱི་རྣམ་གྲངས་དགུ་བཅུ་གོ་དྲུག་ཡོད་དོ།།      །།ལོ་ཙཱ་བ་གྲགས་པ་རྒྱལ་མཚན་གྱིས་བསྒྱུར་བའི་སྒྲུབ་ཐབས་རྒྱ་མཚོའི་རྐང་གྲངས་ལ། སྒྲུབ་ཐབས་ཀུན་ལས་བཏུས་སམ་དམ་ཚིག་གསུམ་གྱི་རྒྱལ་པོའི་
སྒྲུབ་ཐབས་པཎྜི་ཏ་ཆེན་པོ་ཀུ་མུ་ཏ་འབྱུང་བའི་བློ་གྲོས་ཞབས་ཀྱིས་མཛད་པ། དམ་ཚིག་གསུམ་གྱི་རྒྱལ་པོའི་སྒྲུབ་ཐབས་རིན་ཆེན་འབྱུང་གནས་སྦས་པས་མཛད་པ། དཔལ་རྡོ་རྗེ་གདན་གྱི་སྒྲུབ་ཐབས་ཀྱི་མན་ངག་གི་ཆོ་ག །རྡོ་རྗེ་གདན་གྱི་སྒྲུབ་ཐབས། ཡང་རྡོ་རྗེ་གདན་གྱི་སྒྲུབ་ཐབས།
འཕགས་པ་ཡི་གེ་དྲུག་པ་རིག་པ་ཆེན་མོའི་སྒྲུབ་ཐབས་དཔལ་ལྷན་ཅིག་སྐྱེས་པའི་རོལ་པས་མཛད་པ། ཡི་གེ་དྲུག་པའི་སྒྲུབ་ཐབས་ཟ་མ་ཏོག་བཀོད་པའི་མན་ངག་གིས་མཛད་པ། འཇིག་རྟེན་མགོན་པོའི་སྒྲུབ་ཐབས། ཡི་གེ་དྲུག་པའི་སྒྲུབ་ཐབས། འཕགས་པ་ཁརྶ་པཱ་ཎིའི་འཇིག་
རྟེན་དབང་ཕྱུག་གིས་སྨྲ་བ་ཐབས་སློབ་དཔོན་རྙོགས་པ་མེད་པས་མཛད་པ། པོ་ཏ་ལའི་ཁརྶ་པཱ་ཎིའི་སྒྲུབ་ཐབས་སློབ་དཔོན་པདྨ་འབྱུང་གནས་བློ་གྲོས་ཀྱིས་མཛད་པ། དཔལ་ཁརྶ་པཱ་ཎིའི་སྒྲུབ་ཐབས་དགེ་སློང་དགེ་བྱེད་ཀྱིས་མཛད་པ། དཔལ་མཁའ་སྤྱོད་འཇིག་རྟེན་དབང་ཕྱུག་གི་སྒྲུབ་ཐབས་
ཅུད་ཟད་རྒྱས་པར་བྱེད་པ་ཨ་ནུ་པ་མ་ཪཀྵི་ཏས་མཛད་པ། དཔལ་ལྡན་མཁའ་སྤྱོད་ཀྱི་སྒྲུབ་ཐབས། སེང་གེ་སྒྲའི་སྒྲུབ་ཐབས་པཎྜི་ཏ་ཨ་ཝ་དྷཱུ་ཏཱི་དཔལ་ལྡན་གཉིས་མེད་རྡོ་རྗེའི་ཞབས་ཀྱིས་མཛད་པ། འཇིག་རྟེན་མགོན་པོའི་སྒྲུབ་ཐབས། འཇིག་རྟེན་དབང་ཕྱུག་གི་སྒྲུབ་ཐབས།

213-1-421b

སེང་གེ་སྒྲའི་སྒྲུབ་ཐབས། འཕགས་པ་སེང་གེ་སྒྲའི་སྒྲུབ་ཐབས། འཇིག་རྟེན་དབང་ཕྱུག་སེང་གེ་སྒྲའི་སྒྲུབ་ཐབས། འཇིག་རྟེན་དབང་ཕྱུག་ཧ་ལའི་སྒྲུབ་ཐབས། ཧ་ལ་ཧ་ལའི་སྒྲུབ་ཐབས་སློབ་དཔོན་ལྷན་ཅིག་སྐྱེས་པའི་རོལ་པས་མཛད་པ། རྡོ་རྗེ་ཆོས་ཀྱི་སྒྲུབ་ཐབས་ཆོ་
ག་བསྡུས་པ། འཇིག་རྟེན་མགོན་པོ་པདྨ་གར་གྱི་དབང་ཕྱུག་གི་སྒྲུབ་ཐབས་རྫོགས་པའི་སངས་རྒྱས་ཀྱིས་གསུངས་པ། པདྨ་གར་གྱི་དབང་ཕྱུག་གི་སྒྲུབ་ཐབས། ཧ་རི་ཧ་རི་ཧ་རི་ལ་ཞོན་པར་གྱུར་པའི་སྒྲུབ་ཐབས། ཧ་རི་ཧ་རི་ཧ་རི་ལ་ཞོན་པར་གྱུར་པའི་འཇིག་རྟེན་དབང་ཕྱུག་གི་སྒྲུབ་
ཐབས་རྫོགས་པའི་སངས་རྒྱས་ཀྱིས་གསུངས་པ། ཨོ་ཌི་ཡཱ་ན་རིམ་པའི་འཇིག་རྟེན་གསུམ་དབང་དུ་བྱེད་པའི་འཇིག་རྟེན་དབང་ཕྱུག་གི་སྒྲུབ་ཐབས་ས་ར་ཧའི་ཞབས་ཀྱིས་མཛད་པ། ཨོ་ཌི་ཡཱ་ན་ནས་བྱུང་ཞིང་ས་ར་ཧའི་ཞབས་ཀྱིས་གདན་དྲངས་པའི་འཇིག་རྟེན་གསུམ་དབང་དུ་བྱེད་པ་འཇིག་
རྟེན་དབང་ཕྱུག་གི་སྒྲུབ་ཐབས། འཇིག་རྟེན་དབང་ཕྱུག་དམར་པོའི་སྒྲུབ་ཐབས། འཇིག་རྟེན་དབང་ཕྱུག་གིས་ལྷག་པར་དབང་དུ་བྱ་བའི་ཆོ་ག །བསམ་གྱིས་མི་ཁྱབ་པའི་རྗེས་སུ་འབྲངས་པའི་འཕགས་པ་སྤྱན་རས་གཟིགས་དབང་ཕྱུག་མགྲིན་པ་སྔོན་པོ་ཅན་གྱི་སྒྲུབ་ཐབས། སྒྱུ་
འཕྲུལ་དྲ་བའི་རིམ་པའི་སྤྱན་རས་གཟིགས་དབང་ཕྱུག་གི་སྒྲུབ་ཐབས། ཤེས་རབ་བསྐྱེད་པ་པདྨའི་ཕྱག་གི་གཟུངས། སྲན་མ་མ་ཥའི་གཟུངས། འཇིག་རྟེན་དབང་ཕྱུག་དོན་ཡོད་ཞགས་པའི་སྒྲུབ་ཐབས། འཇིག་རྟེན་གསུམ་དབང་དུ་བྱེད་པའི་འཕགས་པ་བྷུགྨའི་སྒྲུབ་ཐབས་
སློབ་དཔོན་དཔལ་ལྡན་ཤཱུ་ནྱ་ཏཱ་ས་མཱ་དྷི་བཛྲ་པཱ་དས་མཛད་པ། འཇིག་རྟེན་དབང་ཕྱུག་གི་སྒྲུབ་ཐབས། བརྟན་པའི་འཁོར་ལོའི་སྒྲུབ་ཐབས་སློབ་དཔོན་བྷ་བ་སྐནྡྷས་མཛད་པ། ཚིག་ལྷུག་པའི་བརྟན་པའི་འཁོར་ལོའི་སྒྲུབ་ཐབས། འཇམ་དཔལ་སེང་གེ་སྒྲའི་སྒྲུབ་ཐབས། དཔལ་
ལྡན་ངག་གི་རྒྱལ་པོའི་སྒྲུབ་ཐབས་པཎྜི་ཏ་དཔལ་ལྡན་ཡིད་བཞིན་ནོར་བུ་སྦྱིན་པས་མཛད་པ། རྡོ་རྗེ་རྣལ་འབྱོར་མས་གསུངས་པའི་འཇམ་དཔལ་ངག་གི་རྒྱལ་པོའི་སྒྲུབ་ཐབས། ངག་གི་རྒྱལ་པོའི་སྒྲུབ་ཐབས། འཕགས་པ་འཇམ་པའི་དབྱངས་ཀྱི་སྒྲུབ་ཐབས། དཔལ་ལྡན་

213-1-422a

འཕགས་པ་ངག་གི་རྒྱལ་པོའི་སྒྲུབ་ཐབས། ངག་གི་རྒྱལ་པོའི་སྒྲུབ་ཐབས། ཤེས་རབ་འཕེལ་བའི་གཏེར་གྱི་ངག་གི་རྒྱལ་པོའི་སྒྲུབ་ཐབས་དཔལ་ལྡན་པཎྜི་ཏ་འཕྲོག་བྱེད་འཇོམས་པས་མཛད་པ། ངག་གི་རྒྱལ་པོའི་སྒྲུབ་ཐབས། ཨ་ར་པ་ཙ་ནའི་
སྒྲུབ་ཐབས་སློབ་དཔོན་མི་ཕམ་བཤེས་གཉེན་གྱིས་མཛད་པ། ཚིག་ལྷུག་པའི་ཨ་ར་པ་ཙ་ནའི་སྒྲུབ་ཐབས། རྗེ་བཙུན་འཕགས་པ་འཇམ་དཔལ་བསྒོམ་པའི་མན་ངག །འཕྲལ་དུ་ཉམས་སུ་མྱོང་བའི་ཨ་ར་པ་ཙ་ནའི་སྒྲུབ་ཐབས། ཡན་ལག་མེད་པའི་རྡོ་རྗེའི་སྒྲུབ་ཐབས།
འཇམ་དཔལ་ཡན་ལག་མེད་པའི་རྡོ་རྗེའི་སྒྲུབ་ཐབས། ཆོས་ཀྱི་དབྱིངས་ངག་གི་དབང་ཕྱུག་གི་སྒྲུབ་ཐབས། ཆོས་ཀྱི་དབྱིངས་ངག་གི་དབང་ཕྱུག་གི་སྒྲུབ་ཐབས་ཀྱིས་དབང་དུ་བྱ་བའི་ཆོ་ག །སེམས་ཅན་ཐམས་ཅད་དབང་དུ་བྱེད་པའི་ཏིང་ངེ་འཛིན། ཆོས་ཀྱི་དབྱིངས་ངག་གི་དབང་
ཕྱུག་གི་སྒྲུབ་ཐབས། ཨ་ར་པ་ཙ་ནའི་སྒྲུབ་ཐབས། ངག་གི་སྒྲུབ་ཐབས། དཔལ་བོ་གཅིག་ཏུ་གྲུབ་པའི་སྒྲུབ་ཐབས། ངག་གི་སྒྲུབ་ཐབས་གཅིག །འཇམ་དཔལ་རྒྱལ་པོ་ཆེན་པོ་རོལ་པའི་སྒྲུབ་ཐབས། འཇམ་དཔལ་གྱི་སྒྲུབ་ཐབས། འཕགས་པ་འཇམ་དཔལ་རྡོ་རྗེ་དཔའ་
བོ་གཅིག་ཏུ་གྲུབ་པའི་སྒྲུབ་ཐབས། དཔལ་བོ་གཅིག་ཏུ་གྲུབ་པའི་སྒྲུབ་ཐབས། བུང་བ་མྱོས་པའི་སྒྲུབ་ཐབས། ལྷག་པར་དབང་དུ་བྱེད་པའི་འཇམ་དཔལ་གྱི་སྒྲུབ་ཐབས། རིག་པ་འཛིན་པའི་སྡེ་སྣོད་ལས་བྱུང་བའི་བསྡུས་པའི་འཇམ་དཔལ་གྱི་སྒྲུབ་ཐབས། རིག་པ་འཛིན་
པའི་སྡེ་སྣོད་སོ་སོ་ནས་བསྡུས་པའི་འཇམ་དཔལ་དབྱངས་ཀྱི་སྒྲུབ་ཐབས། ཤེས་རབ་འཕེལ་བའི་ཆོ་ག །མཚན་ཡང་དག་པར་བརྗོད་པའི་མན་ངག་ཤེས་རབ་འཁོར་ལོའི་དངོས་གྲུབ་མཆོག་གི་སྒྲུབ་ཐབས། ཆོས་ཀྱི་དུང་གི་ཏིང་ངེ་འཛིན་འཇམ་དཔལ་གྱི་སྒྲུབ་ཐབས། མཚན་ཡང་
དག་པར་བརྗོད་པའི་སྒྲུབ་ཐབས། འཇམ་པའི་རྡོ་རྗེའི་སྒྲུབ་ཐབས། ཡི་གེ་གཅིག་པའི་རབ་ཏུ་སྦྱོར་བ་ཅུང་ཟད་པ། གཏུམ་པོ་ཆེན་པོའི་སྒྲུབ་ཐབས་ཆོ་ག་དང་བཅས་པ་སློབ་དཔོན་འོད་ཟེར་འབྱུང་གནས་གྲགས་པས་མཛད་པ། གཏུམ་པོ་ཆེན་པོའི་སྒྲུབ་ཐབས། ཡང་

213-1-422b

གཏུམ་པོ་ཆེན་པོའི་སྒྲུབ་ཐབས། ཡང་གཏུམ་པོ་ཆེན་པོའི་སྒྲུབ་ཐབས། སེང་ལྡེང་ནགས་ཀྱི་སྒྲོལ་མའི་སྒྲུབ་ཐབས་རྫོགས་པའི་སངས་རྒྱས་ཀྱིས་གསུངས་པ། སྒྲོལ་མ་ཆེན་མོའི་སྒྲུབ་ཐབས། མཆོག་སྦྱིན་སྒྲོལ་མའི་སྒྲུབ་ཐབས། དབང་དུ་བྱེད་པའི་སྒྲོལ་མའི་སྒྲུབ་ཐབས།
སློབ་དཔོན་རྡོ་རྗེ་མྱུ་གུས་མཛད་པ། རྡོ་རྗེ་སྒྲོལ་མའི་སྒྲུབ་ཐབས། ཡང་རྡོ་རྗེ་སྒྲོལ་མའི་སྒྲུབ་ཐབས། ཡང་རྡོ་རྗེ་སྒྲོལ་མའི་སྒྲུབ་ཐབས་སློབ་དཔོན་འཕགས་པ་ཀླུ་སྒྲུབ་ཞབས་ཀྱིས་མཛད་པ། རྡོ་རྗེ་སྒྲོལ་མའི་སྒྲུབ་ཐབས་པཎྜི་ཏ་ཆེན་པོ་ཆོས་འབྱུང་ཞབས་ཀྱིས་མཛད་པ། རྡོ་རྗེ་
སྒྲོལ་མའི་སྒྲུབ་ཐབས་པཎྜི་ཏ་ཆེན་པོ་རིན་ཆེན་འབྱུང་གནས་ཞི་བས་མཛད་པ། སྒྲོལ་མའི་སྒྲུབ་ཐབས་ཅུང་ཟད་རྒྱས་པ་པཎྜི་ཏ་གནས་བརྟན་ཆེན་པོ་དཔེ་མེད་སྲུང་བས་མཛད་པ། འཕགས་པ་འཇིགས་པ་ཆེན་པོ་བརྒྱད་ལས་སྐྱོབ་པའི་སྒྲོལ་མའི་སྒྲུབ་ཐབས། རྒྱ་ནག་རིམ་པའི་
འཕགས་མ་སྒྲོལ་མའི་སྒྲུབ་ཐབས། རྒྱ་ནག་ཆེན་པོའི་རིམ་པའི་སྒྲོལ་མའི་སྒྲུབ་ཐབས་སློབ་དཔོན་རྟག་པའི་རྡོ་རྗེས་མཛད་པ། འཆི་བ་བསླུ་བའི་སྒྲོལ་མའི་སྒྲུབ་ཐབས། འཆི་བ་བསླུ་བའི་སྒྲོལ་མ་དཀར་མོའི་སྒྲུབ་ཐབས་སློབ་དཔོན་ངག་གི་དབང་ཕྱུག་གྲགས་པའི་སློབ་མ་ཐུ་བོས་
མཛད་པ། སྒྲོལ་མ་དཀར་མོའི་སྒྲུབ་ཐབས་སློབ་དཔོན་ཡིད་བཞིན་ནོར་བུའི་རྒྱལ་པོས་མཛད་པ། སྒྲོལ་མ་དཀར་མོ་ཕྱག་དྲུག་མའི་སྒྲུབ་ཐབས། འཕགས་མ་སྒྲོལ་མ་དུག་སེལ་མའི་སྒྲུབ་ཐབས། སྒྲོལ་མ་ནོར་སྦྱིན་མའི་སྒྲུབ་ཐབས། འོད་དཔག་མེད་ཀྱི་སྙིང་པོའི་རྒྱུད་
ལས་བཅོམ་ལྡན་འདས་མ་འཕགས་མ་སྒྲོལ་མའི་རྟོག་པ་གསུངས་པ། ངན་སོང་ལས་སྒྲོལ་མའི་སྒྲུབ་ཐབས། ལྷ་མོ་སྒྲོལ་མའི་སྒྲུབ་ཐབས། འཆི་བ་བསླུ་བའི་མན་ངག་གི་སྒྲོལ་མའི་སྒྲུབ་ཐབས། སྣ་ཚོགས་ཡུམ་གྱི་ཆོ་ག །དོན་ཐམས་ཅད་རབ་ཏུ་གྲུབ་པ་སྦྱིན་པའི་
འཕགས་མ་སྒྲོལ་མའི་སྒྲུབ་ཐབས། རྗེ་བཙུན་འཕགས་མ་སྒྲོལ་མའི་ཆོ་ག །འཕགས་མ་དུག་སེལ་མའི་སྒྲུབ་ཐབས། འཕགས་མ་དུག་སེལ་མའི་གཟུངས། འཕགས་མ་དུག་སེལ་མའི་སྒྲུབ་ཐབས། འཕགས་མ་དུག་སེལ་མའི་རིག་སྔགས་ཆེན་མོ། བཅོམ་

213-1-423a

ལྡན་འདས་འཕགས་མ་དུག་སེལ་མའི་རྟོག་པ། འཕགས་མ་ཛཾ་གུ་ལཱིའི་སྒྲུབ་ཐབས། འོད་ཟེར་འབར་ཞིང་མཆེ་བ་གཙིགས་པ་རལ་གཅིག་མའི་སྒྲུབ་ཐབས། ཡང་རལ་པ་གཅིག་མའི་སྒྲུབ་ཐབས། འཕགས་མ་རལ་གཅིག་མའི་སྒྲུབ་ཐབས། རལ་པ་
གཅིག་མའི་སྒྲུབ་ཐབས། ཡང་རལ་པ་གཅིག་མའི་སྒྲུབ་ཐབས་སློབ་དཔོན་ཀླུ་སྒྲུབ་ཀྱིས་བོད་ནས་གདན་དྲངས་པ། ཙུནྡའི་སྒྲུབ་ཐབས། ཡང་ཙུནྡའི་སྒྲུབ་ཐབས། ཡང་ཙུནྡའི་སྒྲུབ་ཐབས། རྟོག་པ་ལས་གསུངས་པའི་འོད་ཟེར་ཅན་དཀར་མོ་ཕྱག་བཅུ་པའི་སྒྲུབ་ཐབས།
མྱ་ངན་མེད་པའི་ཤིང་གི་འོད་ཟེར་ཅན་གྱི་སྒྲུབ་ཐབས། རྟོག་པ་ལས་གསུངས་པའི་འོད་ཟེར་ཅན་གྱི་སྒྲུབ་ཐབས། རྟོག་པ་ལས་གསུངས་པའི་ཆོ་ག་འོད་ཟེར་ཅན་དཀར་མོའི་སྒྲུབ་ཐབས། རྡོ་རྗེ་དབྱིངས་ཀྱི་དབང་ཕྱུག་མ་འོད་ཟེར་ཅན་གྱི་སྒྲུབ་ཐབས། འོད་ཟེར་ཅན་ཕྱག་བརྒྱད་མ་སེར་མོའི་
སྒྲུབ་ཐབས། སྐུ་མདོག་དམར་མོ་ཕྱག་བཅུ་གཉིས་མ་ཨོ་ཌི་ཡཱ་ནའི་འོད་ཟེར་ཅན་གྱི་སྒྲུབ་ཐབས། ཡང་སྐུ་མདོག་དམར་མོ་ཕྱག་བཅུ་གཉིས་མ་ཨོ་ཌི་ཡཱ་ནའི་འོད་ཟེར་ཅན་གྱི་སྒྲུབ་ཐབས་སློབ་དཔོན་ལྷན་ཅིག་སྐྱེས་པའི་རོལ་པས་མཛད་པ། སྐུ་མདོག་དམར་མོ་ཕྱག་བཅུ་གཉིས་པའི་ཨོ་
ཌི་ཡཱ་ནའི་རང་བྱིན་གྱིས་བརླབ་པའི་རིམ་པའི་འོད་ཟེར་ཅན་གྱི་སྒྲུབ་ཐབས། མྱ་ངན་མེད་པའི་ཤིང་གི་འོད་ཟེར་ཅན་གྱི་སྒྲུབ་ཐབས། རྟོག་པ་ལས་གསུངས་པའི་འོད་ཟེར་ཅན་གྱི་སྒྲུབ་ཐབས་པཎྜི་ཏ་སློབ་དཔོན་སྙིང་པོའི་ཞབས་ཀྱིས་མཛད་པ། འོད་ཟེར་ཅན་གྱི་སྒྲུབ་ཐབས། འོད་ཟེར་ཅན་བི་ཙུ་པའི་སྒྲུབ་
ཐབས། འོད་ཟེར་ཅན་གྱི་སྒྲུབ་ཐབས། འོད་ཟེར་ཅན་གྱི་སྒྲུབ་ཐབས་མདོར་བསྡུས་པ། འཕགས་མ་འོད་ཟེར་ཅན་གྱི་གཟུངས་འདོན་པའི་མན་ངག །རི་ཁྲོད་ལོ་མ་ཅན་གྱི་སྒྲུབ་ཐབས། ཡང་རི་ཁྲོད་ལོ་མ་ཅན་གྱི་སྒྲུབ་ཐབས། འཕགས་མ་རི་ཁྲོད་ལོ་མ་ཅན་གྱི་གཟུངས། དཔལ་ལྡན་ནག་པོ་ཆེན་པོའི་སྒྲུབ་
ཐབས། ཤེས་རབ་ཀྱི་ཕ་རོལ་ཏུ་ཕྱིན་མ་དཀར་མོའི་སྒྲུབ་ཐབས། ཤེས་རབ་ཀྱི་ཕ་རོལ་དུ་ཕྱིན་མ་སྐུ་མདོག་སེར་མོའི་སྒྲུབ་ཐབས། ཤེས་རབ་ཀྱི་ཕ་རོལ་ཏུ་ཕྱིན་མ་སྐུ་མདོག་སེམ་མོའི་སྒྲུབ་ཐབས་མདོར་བསྡུས་པ། ཤེས་རབ་ཀྱི་ཕ་རོལ་ཏུ་ཕྱིན་མ་དཀར་མོའི་སྒྲུབ་ཐབས་སློབ་དཔོན་དགེ་འདུན་སྦྱིན་གྱི་

213-1-423b

བུས་མཛད་པ། ཡང་ཤེས་རབ་ཀྱི་ཕ་རོལ་ཏུ་ཕྱིན་མ་དཀར་མོའི་སྒྲུབ་ཐབས་པཎྜི་ཏ་དཔལ་ལྡན་པདྨ་འཕེལ་གྱིས་མཛད་པ། ཤེས་རབ་ཀྱི་ཕ་རོལ་ཏུ་ཕྱིན་མ་གསེར་མདོག་ཅན་གྱི་སྒྲུབ་ཐབས། ཤེས་རབ་ཀྱི་ཕ་རོལ་ཏུ་ཕྱིན་མའི་སྒྲུབ་ཐབས། གསེར་མདོག་ཅན་གྱི་ཤེས་རབ་ཀྱི་ཕ་རོལ་ཏུ་ཕྱིན་མའི་སྒྲུབ་ཐབས།
ཤེས་རབ་ཀྱི་ཕ་རོལ་ཏུ་ཕྱིན་མའི་སྒྲུབ་ཐབས་སློབ་དཔོན་འཕགས་པ་ཐོགས་མེད་ཀྱི་མཛད་པ། འཕགས་མ་རྡོ་རྗེ་དབྱངས་ཅན་མའི་སྒྲུབ་ཐབས་སློབ་དཔོན་དཔལ་འཛིན་གྱིས་མཛད་པ། དབྱངས་ཅན་མ་ཆེན་མོའི་སྒྲུབ་ཐབས། ཡང་རྡོ་རྗེ་དབྱངས་ཅན་མའི་སྒྲུབ་ཐབས། ཡང་རྡོ་རྗེ་དབྱངས་ཅན་མའི་སྒྲུབ་
ཐབས། རྡོ་རྗེ་པི་ཝང་དབྱངས་ཅན་མའི་སྒྲུབ་ཐབས། རྡོ་རྗེ་དབྱངས་ཅན་མའི་སྒྲུབ་ཐབས། གཤིན་རྗེ་གཤེད་ནག་པོའི་རྒྱུད་ལས་བྱུང་བའི་རྡོ་རྗེ་དབྱངས་ཅན་མའི་སྒྲུབ་ཐབས། རྡོ་རྗེ་དབྱངས་ཅན་མའི་སྒྲུབ་ཐབས། ཁྲོ་གཉེར་ཅན་གྱི་སྒྲུབ་ཐབས། ཡང་ཁྲོ་གཉེར་ཅན་གྱི་སྒྲུབ་
ཐབས། སྒྲོལ་མའི་རྟོག་པ་ལས་བྱུང་བའི་ཀུ་རུ་ཀུལླེའི་སྒྲུབ་ཐབས། སྒྲོལ་མའི་རྟོག་པ་ལས་བྱུང་བའི་ཚིག་ལྷུག་པའི་རིགས་བྱེད་མའི་སྒྲུབ་ཐབས་སློབ་དཔོན་འཕགས་པ་ཀླུ་སྒྲུབ་ཀྱིས་མཛད་པ། ཀུ་རུ་ཀུལླེའི་དབང་དུ་བྱེད་པའི་མན་ངག །རིག་བྱེད་མའི་སྒྲུབ་ཐབས། དཔལ་ལྡན་
འཕགས་མ་རིགས་བྱེད་མའི་སྒྲུབ་ཐབས། ཨོ་ཌི་ཡཱ་ན་ནས་བྱུང་བའི་རིགས་བྱེད་མའི་སྒྲུབ་ཐབས། རིགས་བྱེད་མའི་སྒྲུབ་ཐབས་དཔལ་ལྷན་ཅིག་སྐྱེས་པའི་རོལ་པས་མཛད་པ། ཀྱེ་རྡོ་རྗེ་རིམ་པའི་ཀུ་རུ་ཀུལླེའི་སྒྲུབ་ཐབས། ཀུ་རུ་ཀུལླེའི་སྒྲུབ་ཐབས་དཔལ་ཀྱེ་རྡོ་རྗེའི་རྒྱུད་ལས་ཕྱུང་བ་སྙན་
དངགས་མཁན་ཆེན་པོ་བརྩེ་བ་ཅན་ཞེས་བྱ་བས་ཚིགས་བཅད་དུ་བསྡེབས་པ། རྗེ་བཙུན་མ་ཀུ་རུ་ཀུལླི་ཕྱག་དྲུག་མའི་སྒྲུབ་ཐབས། རིགས་བྱེད་མ་ཕྱག་དྲུག་མའི་སྒྲུབ་ཐབས། རིགས་བྱེད་མ་ཕྱག་བརྒྱད་མའི་སྒྲུབ་ཐབས་ཨིནྡྲ་བྷཱུ་ཏིའི་ཞབས་ཀྱིས་མཛད་པ། ཀུ་རུ་ཀུལླེའི་སྒྲུབ་ཐབས།
རིགས་བྱེད་མའི་མན་ངག་གི་རིམ་པ། རིགས་བྱེད་མ་དཀར་མོའི་སྒྲུབ་ཐབས། དཔལ་ལྡན་སྒྱུ་འཕྲུལ་དྲ་བ་རྣལ་འབྱོར་གྱི་རྒྱུད་ཆེན་པོ་སྟོང་ཕྲག་བཅུ་དྲུག་པ་ལས་བྱུང་བའི་ཀུ་རུ་ཀུལླེའི་སྒྲུབ་ཐབས་མཆོག་ཏུ་གྱུར་པ་སློབ་དཔོན་དཔལ་ནག་པོ་སྤྱོད་པའི་ཞབས་ཀྱིས་མཛད་པ། ཀུ་རུ་ཀུལླེའི་

213-1-424a

སྒྲུབ་ཐབས། རྟོག་པ་ལས་གསུངས་པའི་ཀུ་རུ་ཀུལླེའི་སྒྲུབ་ཐབས། ཀུ་རུ་ཀུལླེའི་ལས་རབ་ཏུ་སྐྱོང་བ་སྦྱོར་བ། གཙུག་ཏོར་རྣམ་པར་རྒྱལ་མའི་སྒྲུབ་ཐབས། འཕགས་མ་གཞན་གྱིས་མི་ཐུབ་མ་གདུགས་དཀར་མོ་ཅན་གྱི་སྒྲུབ་ཐབས། རྡོ་རྗེ་ཙ་རྩི་ཀའི་སྒྲུབ་ཐབས།
སོ་སོ་འབྲང་མ་ཆེན་མོའི་སྒྲུབ་ཐབས། ཡང་སོ་སོ་འབྲང་མ་ཆེན་མོའི་སྒྲུབ་ཐབས། ཡང་སོ་སོ་འབྲང་མའི་སྒྲུབ་ཐབས། འཕགས་མ་རྨ་བྱ་ཆེན་མོའི་སྒྲུབ་ཐབས། འཕགས་མ་སྟོང་ཆེན་མོ་རབ་དུ་འཇོམས་མའི་སྒྲུབ་ཐབས། འཕགས་མ་གསང་སྔགས་ཆེན་མོ་རྗེས་སུ་འཛིན་མའི་
སྒྲུབ་ཐབས། བསིལ་བའི་ཚལ་ཆེན་མོའི་སྒྲུབ་ཐབས། ལྷ་མོ་ལྔའི་སྒྲུབ་ཐབས་མདོར་བསྟན་པ། ཕྱིར་བཟློག་མ་ཆེན་མོའི་སྒྲུབ་ཐབས། རྒྱལ་མཚན་གྱི་རྩེ་མོའི་དཔུང་རྒྱན་གྱི་སྒྲུབ་ཐབས། གཞན་གྱིས་མི་ཐུབ་མའི་སྒྲུབ་ཐབས། རྡོ་རྗེ་གྷནྡྷ་རཱིའི་སྒྲུབ་ཐབས། ཡང་རྡོ་རྗེ་གནྡྷ་རཱིའི་
སྒྲུབ་ཐབས། སྲུང་བ་ལྔའི་ཆོ་ག །རྡོ་རྗེ་ལྕགས་སྒྲོག་གི་སྒྲུབ་ཐབས། མན་ངག་གི་རིམ་པའི་ནང་ནས་བྱུང་བའི་རྡོ་རྗེ་ལྕགས་སྒྲོག་གི་སྒྲུབ་ཐབས། རྡོ་རྗེ་ལྕགས་སྒྲོག་གི་སྒྲུབ་ཐབས་ཀྱི་ཆོ་ག །རྒྱལ་མཚན་གྱི་རྩེ་མོའི་དཔུང་རྒྱན་གྱི་སྒྲུབ་ཐབས་པཎྜི་ཏ་ཆོས་ཀྱི་འབྱུང་གནས་བློ་གྲོས་ཞབས་
ཀྱིས་མཛད་པ། འཕགས་མ་གཙུག་ཏོར་རྣམ་པར་རྒྱལ་མའི་སྒྲུབ་ཐབས། ཡང་གཙུག་ཏོར་རྣམ་པར་རྒྱལ་མའི་སྒྲུབ་ཐབས། ལྷ་མོ་ནོར་རྒྱུན་མའི་སྒྲུབ་ཐབས། ནོར་རྒྱུན་མའི་སྒྲུབ་ཐབས། ཡང་ནོར་རྒྱུན་མའི་སྒྲུབ་ཐབས། ནོར་རྒྱུན་མའི་གཟུངས་ཀྱི་མན་ངག །རྡོ་རྗེ་ཕག་མོའི་སྒྲུབ་
ཐབས་པཎྜི་ཏ་ཆེན་པོ་ཨ་ཝ་དྷཱུ་ཏཱི་པ་དཔལ་ལྡན་གཉིས་མེད་རྡོ་རྗེའི་ཞབས་ཀྱིས་མཛད་པ། ཤེས་རབ་ཀྱི་སྣང་བ་བསྒྲུབ་པའི་ཆོ་ག །རྡོ་རྗེ་ཕག་མོས་དབང་དུ་བྱས་པའི་ཆོ་ག །དཔལ་རྡོ་རྗེ་ཕག་མོའི་རྟོག་པ་ལས་གསུངས་པའི་དོན་ཐམས་ཅད་གྲུབ་པ། བྱམས་པའི་སྒྲུབ་ཐབས། ཡང་བྱམས་པའི་
སྒྲུབ་ཐབས། ཁྲོ་ཞིང་དགྱེས་པ་ཛམྦྷ་ལའི་སྒྲུབ་ཐབས་པཎྜི་ཏ་ཆེན་པོ་འཇིགས་མེད་འབྱུང་གནས་སྦས་པས་མཛད་པ། ཛམྦྷ་ལའི་སྒྲུབ་ཐབས་བཞི། བར་གྱི་མན་ངག་ཛམྦྷ་ལའི་སྒྲུབ་ཐབས། དཔལ་ཛམྦྷ་ལའི་སྒྲུབ་ཐབས་མདོར་བསྡུས་པ་སློབ་དཔོན་ཆེན་པོ་ཙནྡྲ་གོ་མིས་མཛད་པ། ཡང་

213-1-424b

ཛམྦྷ་ལའི་སྒྲུབ་ཐབས་མདོར་བསྡུས་པ། ཛམྦྷ་ལའི་སྒྲུབ་ཐབས་རྒྱས་པ། དཔལ་ལྡན་ཛམྦྷ་ལའི་སྒྲུབ་ཐབས། ཛམྦྷ་ལ་ལ་ཆུ་རྒྱུན་དབུལ་བའི་མན་ངག །རྟ་མགྲིན་གྱི་སྒྲུབ་ཐབས་སློབ་དཔོན་ཙནྡྲ་གོ་མིས་མཛད་པ། རྟོག་པ་བདུན་བརྒྱ་པ་ལས་གསུངས་པའི་རྟ་མགྲིན་གྱི་སྒྲུབ་ཐབས།
རྒྱུད་ཐམས་ཅད་ཀྱི་སྙིང་པོ་ཕྱི་མའི་རྟ་འགྲིན་གྱི་སྒྲུབ་ཐབས་པཎྜི་ཏ་པྲ་བྷཱ་ཀ་རས་མཛད་པ། འཇིག་རྟེན་གསུམ་ལས་རྣམ་པར་རྒྱལ་བའི་སྒྲུབ་ཐབས། རྡོ་རྗེ་མེ་དང་ཉི་མ་འབར་བའི་སྒྲུབ་ཐབས། རྟ་མཆོག་གི་སྒྲུབ་ཐབས། འཕགས་པ་གཤིན་རྗེ་གཤེད་དམར་པོའི་སྒྲུབ་ཐབས། གཤིན་རྗེ་
གཤེད་ནག་པོའི་སྒྲུབ་ཐབས། ཡང་གཤིན་རྗེ་གཤེད་ནག་པོའི་སྒྲུབ་ཐབས། གཤིན་རྗེ་དགྲ་ནག་པོའི་སྒྲུབ་ཐབས། གཤིན་རྗེ་མཐར་བྱེད་ཀྱི་སྒྲུབ་ཐབས། ཡང་གཤིན་རྗེ་མཐར་བྱེད་ཀྱི་སྒྲུབ་ཐབས། བགེགས་མཐར་བྱེད་ཀྱི་སྒྲུབ་ཐབས། རྡོ་རྗེ་ཧཱུཾ་མཛད་ཀྱི་སྒྲུབ་ཐབས།
སྟོབས་པོ་ཆེའི་སྒྲུབ་ཐབས། འཕགས་པ་སྟོབས་པོ་ཆེའི་སྒྲུབ་ཐབས། ཡང་འཕགས་པ་ཁྲོ་བོ་སྟོབས་པོ་ཆེའི་སྒྲུབ་ཐབས་དགེ་སློང་ཤཱཀྱ་བཤེས་གཉེན་གྱིས་མཛད་པ། ཨཱརྱ་ཙནྡྲས་རང་འགྱུར་དུ་མཛད་པ་ལ་སྒྲ་བག་ཙམ་བཅོས། ཧེ་རུ་ཀའི་སྒྲུབ་ཐབས། དགྱེས་པ་རྡོ་རྗེ་
ཕྱག་གཉིས་པའི་སྒྲུབ་ཐབས་ཏཱ་ར་ཤྲཱིས་མཛད་ཟེར་བ། བདག་མེད་མ་རྐྱང་པའི་སྒྲུབ་ཐབས། བདག་མེད་མའི་སྒྲུབ་ཐབས། དཔལ་འབྱུང་པོ་འདུལ་བྱེད་ཀྱི་སྒྲུབ་ཐབས་མདོར་བསྡུས་པ། འབྱུང་པོ་འདུལ་བྱེད་ཀྱི་སྒྲུབ་ཐབས་ཀྱི་ཆོ་ག་དམ་པ་ཐམས་ཅད་འདྲེན་པའི་འཇིག་རྟེན་གསུམ་
གྱི་རྡོ་རྗེས་མཛད་པ། དཔལ་ལྡན་ནག་པོ་ཆེ་པོའི་སྒྲུབ་ཐབས། ཡང་དཔལ་ལྡན་ནག་པོ་ཆེན་པོའི་སྒྲུབ་ཐབས་རྣམས་སོ། །ལྷ་སོ་སོའི་སྒྲུབ་ཐབས་རྒྱ་མཚོ་ཞེས་བྱ་བ་འདི་རྣམས་ནི་དཔལ་ལྡན་ས་སྐྱའི་གཙུག་ལག་ཁང་ཆེན་པོར་པཎྜི་ཏ་ཆེན་པོ་གོོ་ཏ་མ་ཤྲཱི་ལས་བརྒྱུད་ཅིང་པཎྜི་
ཏ་ཆེན་པོ་ཀཱིརྟི་ཙནྡྲའི་ཞལ་སྔ་ནས་ཞུས་ཏེ། དེ་ཤཱནྟ་རི་ཡོ་གི་གྲགས་པ་རྒྱལ་མཚན་གྱིས་བྱ་ལོ་ཟླ་བ་བཅུ་གཉིས་པའི་དཀར་པོའི་ཚེས་གསུམ་ལ་དབེན་གནས་དམ་པ་ཆུ་མིག་རྫིང་ཁར་ཡོངས་སུ་རྫོགས་པར་བསྒྱུར་བ། འདི་ལ་ཆོས་ཀྱི་རྣམ་གྲངས་ཉིས་བརྒྱ་བཞི་བཅུ་རྩ་ལྔ་བཞུགས་

213-1-425a

སོ།།      །།ཀླུའི་དབང་ཕྲུག་རྒྱལ་པོའི་སྒྲུབ་ཐབས། སློབ་དཔོན་བདག་ཉིད་ཆེན་པོ་ཀླུ་སྒྲུབ་ཀྱིས་མཛད་པ། རྒྱ་གར་གྱི་མཁན་པོ་དཱི་པཾ་ཀ་ར་ཤྲཱི་ཛྙཱ་ན་དང་། བོད་ཀྱི་ལོ་ཙཱ་བ་དགེ་སློང་རིན་ཆེན་བཟང་པོའི་འགྱུར། ཡིག་བརྒྱའི་ཆོ་ག་སློབ་དཔོན་པདྨས་མཛད་པ།
འཕགས་པ་བྱམས་པའི་སྒྲུབ་ཐབས་ཁ་ཆེའི་པཎྜི་ཏ་ཆེན་པོ་ཤཱཀྱ་ཤྲཱི་བཟང་པོས་མཛད་པ། དེ་ཉིད་དང་། ལོ་ཙཱ་བ་བྱམས་པའི་དཔལ་གྱི་འགྱུར། འཕགས་པ་བྱམས་པའི་སྒྲུབ་ཐབས་སློབ་དཔོན་ཐོགས་མེད་ཀྱིས་མཛད་པ། ཇོ་བོ་ཆེན་པོ་དང་དགེ་བཤེས་སྟོན་པའི་འགྱུར་ལ། དུས་
ཕྱིས་པཎྜི་ཏ་ཆེན་པོ་བུདྡྷ་ཤྲཱི་དང་། གནུབས་ལོ་ཙཱ་བས་དག་པར་བཅོས་པ། དཔལ་མི་ཕམ་མགོན་པོའི་སྒྲུབ་ཐབས་སློབ་དཔོན་ནེེ་རི་ཏི་པས་མཛད་པ། གནུབས་ལོ་ཙཱ་བ་བྱམས་པའི་དཔལ་གྱི་འགྱུར། སེང་གེ་སྒྲའི་སྒྲུབ་ཐབས། འཕགས་པ་ཁརྶ་པ་ཎི་འཇིག་རྟེན་
མགོན་པོའི་སྒྲུབ་ཐབས། ལྷ་མོ་སྒྲོལ་མའི་སྒྲུབ་ཐབས། ཡུམ་ཤེས་རབ་ཀྱི་ཕ་རོལ་ཏུ་ཕྱིན་མའི་སྒྲུབ་ཐབས། འཇམ་པའི་དབྱངས་ཀྱི་རྒྱལ་པོ་ཆེན་པོ་སྒེག་པའི་སྒྲུབ་ཐབས། འཕགས་པ་གཤིན་རྗེ་གཤེད་ཀྱི་སྒྲུབ་ཐབས། ལྷ་མོ་ནོར་རྒྱུན་མའི་སྒྲུབ་ཐབས། ཀུ་རུ་ཀུལླེའི་
སྒྲུབ་ཐབས། གནོད་གནས་ཀྱི་སྒྲུབ་ཐབས། ཁྲོ་གཉེར་ཅན་གྱི་སྒྲུབ་ཐབས། ལྷ་མོ་འོད་ཟེར་ཅན་གྱི་སྒྲུབ་ཐབས་རྣམས་སློབ་དཔོན་ཆེན་པོ་ཕྱག་རྒྱ་ཆེན་པོའི་དངོས་གྲུབ་བརྙེས་པ་དྲི་མ་མེད་པའི་ལྷས་མཛད་པའི་སྒྲུབ་ཐབས་བཅུ་གཅིག །ལྷ་མོ་འོད་ཟེར་ཅན་གྱི་སྒྲུབ་ཐབས། ཡང་
ལྷ་མོ་འོད་ཟེར་ཅན་གྱི་སྒྲུབ་ཐབས་སློབ་དཔོན་ཀུན་དགའ་སྙིང་པོས་མཛད་པ། ལོ་ཙཱ་བ་རིན་ཆེན་བཟང་པོའི་འགྱུར། ཡང་འཕགས་མ་འོད་ཟེར་ཅན་གྱི་སྒྲུབ་ཐབས་སློབ་དཔོན་མྱ་ངན་མེད་པའི་དཔལ་གྱིས་མཛད་པ། རྡེ་རྗེ་ལུ་གུ་རྒྱུད་ཀྱི་སྒྲུབ་ཐབས་སློབ་དཔོན་ཆེན་པོ་ཛེ་ཏཱ་རི་དགྲ་
ལས་རྣམ་པར་རྒྱལ་བས་མཛད་པ། རྒྱ་གར་གྱི་མཁན་པོ་པཎྜི་ཏ་སུ་མ་ཏི་ཀཱིརྟི་དང་། བོད་ཀྱི་ལོ་ཙཱ་བ་མཁས་པ་མར་པ་ཆོས་ཀྱི་དབང་ཕྱུག་གི་འགྱུར། སེང་ལྡེང་ནགས་ཀྱི་སྒྲོལ་མའི་སྒྲུབ་ཐབས་སློབ་དཔོན་འཕགས་པ་ཀླུ་སྒྲུབ་ཀྱི་ཞལ་སྔ་ནས་མཛད་པ། རྒྱ་གར་གྱི་མཁན་པོ་དཔལ་རྣམ་

213-1-425b

པར་སྣང་མཛད་རྡོ་རྗེའི་འགྱུར། སྒྲོལ་མའི་སྒྲུབ་ཐབས་བརྒྱ་རྩ་བརྒྱད་པ་ཞེས་བྱ་བ་སློབ་དཔོན་ཆེན་པོ་ཙནྡྲ་གོ་མིས་མཛད་པ། རྒྱ་གར་གྱི་མཁན་པོ་དཱི་པཾ་ཀ་ར་ཤྲཱི་ཛྙཱ་ན་དང་། ལོ་ཙཱ་བ་དགེ་སློང་ཚུལ་ཁྲིམས་རྒྱལ་བའི་འགྱུར། སླད་ཀྱིས་རྒྱ་གར་གྱི་པཎྜི་ཏ་དཱ་ན་ཤཱི་ལ་དང་། བོད་ཀྱི་ལོ་ཙཱ་བ་བློ་གྲོས་
གྲགས་པས་བཅོས་པ། སྒྲོལ་མ་ཚེ་འཕེལ་བའི་ཆོ་ག་སློབ་དཔོན་ཙནྡྲ་གོ་མིས་མཛད་པ། མ་ཧཱ་པཎྜི་ཏ་རཏྣ་རཀྵི་ཏ་དང་། ལོ་ཙཱ་བ་ཞང་གྲུབ་པ་དཔལ་བཟང་པོའི་འགྱུར། དཔལ་ཆེན་མོ་སྒྲོལ་མའི་བསྟོད་པ་ཞེས་བྱ་བ་པཎྜི་ཏ་ཆེན་པོ་ཙནྡྲ་གོ་མིས་མཛད་པ། པཎྜི་ཏ་ཆེན་པོ་རྒྱལ་བའོ་སྙན་
གྱི་ཞལ་སྔ་ནས། ལོ་ཙཱ་བ་དགེ་སློང་ཉི་མ་རྒྱལ་མཚན་གྱིས་ལོ་ཙཱ་བ་བློ་གྲོས་རྒྱལ་པོའི་འགྱུར་ལ་ཅུང་ཟད་དག་པར་བཅོས་པ། འཕགས་མ་སྒྲོལ་མ་ལ་བསྟོད་པ་ཚིགས་སུ་བཅད་པ་བཅུ་གཉིས་པ། འཕགས་མ་སྒྲོལ་མའི་བསྟོད་པ་ཕྲིན་ལས་ཐམས་ཅད་སྒྲུབ་པ། འཕགས་མ་སྒྲོལ་མའི་
བསྟོད་པ་མེ་ཏོག་ཕྲེང་བ། འཕགས་མ་སྒྲོལ་མ་ལ་འཇིགས་པ་བརྒྱད་སྐྱོབ་ཀྱི་བསྟོད་པ། འཕགས་པ་འཇིགས་པ་བརྒྱད་ལས་སྐྱོབ་པ་ཞེས་བྱ་བའི་སྒྲོལ་མའི་སྒྲུབ་ཐབས་རྣམས་སློབ་དཔོན་ཆེན་པོ་ཙནྡ་གོ་མིས་མཛད་པ། རྒྱ་གར་གྱི་མཁན་པོ་དཱི་པཾ་ཀ་ར་ཤྲཱི་ཛྙཱ་ན་དང་། བོད་ཀྱི་ལོ་ཙཱ་བ་ཚུལ་
ཁྲིམས་རྒྱལ་བས་བསྒྱུར་བ་ལས། སླད་ཀྱིས་རྒྱ་གར་གྱི་མཁན་པོ་བྱང་ཆུབ་སེམས་དཔའ་དཱ་ན་ཤྲཱི་དང་། བོད་ཀྱི་ལོ་ཙཱ་བ་མལ་གྱོ་བློ་གྲོས་གྲགས་པས་བཅོས་པ། སྒྲོལ་མ་དཀར་མོའི་སྒྲུབ་ཐབས་སློབ་དཔོན་ངག་གི་དབང་ཕྱུག་གྲགས་པའི་སློབ་མ་ཐུ་བོས་མཛད་པ། པཎྜི་ཏ་དོན་ཡོད་རྡོ་རྗེ་དང་། ལོ་ཙཱ་
བ་ཁམས་པ་དགེ་སློང་བ་རིའི་འགྱུར། སྒྲོལ་མའི་དཀྱིལ་འཁོར་དུ་འཇུག་པའི་ཆོ་ག་མདོར་བསྡུས་པ་དང་། འཕགས་མ་སྒྲོལ་མའི་དཀྱིལ་འཁོར་དུ་འཇུག་པའི་ཆོ་ག་ཞེས་བྱ་བ་དངོས་གྲུབ་བརྙེད་པའི་སློབ་དཔོན་བོ་བྷ་བ་བྷ་ཊས་མཛད་པ། མ་ཧཱ་པཎྜི་ཏ་ཤྲཱི་བི་མ་ལ་ཀཱིརྟིའི་ཞལ་སྔ་ནས་
དང་། ལོ་ཙཱ་བ་དགེ་སློང་རྡོ་རྗེ་འཛིན་པ་ཞང་གྲུབ་པ་དཔལ་བཟང་པོས་བལ་པོའི་གྲོང་ཁྱེར་ཡམ་བུའི་ནུབ་ཕྱོགས་ཉི་མའི་གཙུག་ལག་ཁང་དུ་འགྱུར། སྒྲོལ་མ་ཡིད་བཞིན་ནོར་བུའི་སྒྲུབ་ཐབས། སྒྲོལ་མའི་ཁྲུས་ཀྱི་ཆོ་ག །གསོ་སྦྱོང་གི་ཆོ་ག་རྣམས་སྒྲོལ་མའི་དངོས་གྲུབ་བརྙེད་པའི་སློབ་དཔོན་

213-1-426a

བྷ་ཝ་བྷ་དྲས་མཛད་པ། མ་ཧཱ་པཎྜི་ཏ་ཤྲཱི་རཏྣ་རཀྵི་ཏ་དང་། ལོ་ཙཱ་བ་ཞང་གྲུབ་པ་དཔལ་གྱི་འགྱུར། སྒྲོལ་མའི་མཎྜལ་གྱི་ཆོ་ག་སྙན་དངགས་མཁན་ཆེན་པོ་སྙིང་རྗེ་ཆེན་པོས་མཛད་པ། སྒྲོལ་མ་མཆོག་སྒྲུབ་པ་ཞེས་བྱ་བ་དངོས་གྲུབ་བརྙེས་པའི་སློབ་དཔོན་བསོད་སྙོམས་པས་
མཛད་པ། འཇིགས་པ་བརྒྱད་ལས་སྐྱོབ་པའི་སྒྲོལ་མའི་སྒྲུབ་ཐབས་སློབ་དཔོན་ཐམས་ཅད་མཁྱེན་པའི་བཤེས་གཉེན་གྱིས་མཛད་པ། ཁ་ཆེའི་པཎྜི་ཏ་ཏ་ཐཱ་ག་ཏ་བྷ་དྲ་དང་། དགེ་སློང་འཕགས་པས་རྒྱའི་ཡུལ་ཅོང་ཏོའི་མཁར་དུ་བསྒྱུར་བ། དཔལ་སྒྲོལ་མ་དཀར་མོ་འཆི་བ་བསླུ་བའི་སྒྲུབ་ཐབས་
སློབ་དཔོན་ངག་གི་དབང་ཕྱུག་གྲགས་པས་མཛད་པ། དཔལ་ཆོས་ཀྱི་རྗེ་སའི་སྟེང་ན་འགྲན་ཟླ་དང་བྲལ་བ་པཎྜི་ཏ་ཤཱཀྱ་ཤྲཱི་བྷ་དྲ་དང་། སྒྲ་སྒྱུར་གྱི་ལོ་ཙཱ་བ་གནུབས་བྱམས་པའི་དཔལ་གྱི་འགྱུར། འཕགས་མ་སྒྲོལ་མའི་སྒྲུབ་ཐབས། སྒྲོལ་མའི་སྒྲུབ་ཐབས་དཱ་བྱང་ཆུབ་སེམས་དཔས་
མཛད་པ། པཎྜི་ཏ་ཏ་ཐཱ་ག་ཏ་རཀྵི་ཏ་དང་། བོད་ཀྱི་ལོ་ཙཱ་བ་རིན་ཆེན་གྲགས་པའི་འགྱུར། རྗེ་བཙུན་སྒྲོལ་མའི་སྒྲུབ་ཐབས་སློབ་དཔོན་ཆེན་པོ་དཔལ་མར་མེ་འཛད་ཡེ་ཤེས་ཀྱིས་མཛད་པ། རྒྱ་གར་གྱི་མཁན་པོ་དཱི་པཾ་ཀ་ར་ཤྲཱི་ཛྙཱ་ན་དང་། བོད་ཀྱི་ལོ་ཙཱ་བ་དགེ་སློང་དགེ་བའི་བློ་གྲོས་ཀྱི་འགྱུར། འཕགས་
མ་ལྷ་མོ་སྒྲོལ་མ་བསྒོམ་པའི་ཆོ་ག་རྒྱས་པ་སློབ་དཔོན་ཆེན་པོ་དཔལ་མར་མེ་མཛད་བཟང་པོས་མཛད་པ། རྒྱ་གར་གྱི་མཁན་པོ་ཆེན་པོ་དུལ་བའི་ལྷ་དང་། བོད་ཀྱི་ལོ་ཙཱ་བ་དགེ་སློང་ཆོས་ཀྱི་ཤེས་རབ་ཀྱི་འགྱུར། འཇིགས་པ་བརྒྱད་ལས་སྐྱོབ་པའི་སྒྲུབ་ཐབས་དང་། འཕགས་མ་སྒྲོལ་མ་ལ་
བསྟོད་པ་དཱི་པཾ་ཀཱ་ར་ཤྲཱི་ཛྙ་ནས་མཛད་པ། རྒྱ་གར་གྱི་མཁན་པོ་དེ་ཉིད་དང་། བོད་ཀྱི་ལོ་ཙཱ་བ་ཚུལ་ཁྲིམས་རྒྱལ་བའི་འགྱུར། འཕགས་མ་སྒྲོལ་མའི་སྒྲུབ་ཐབས་དཔལ་མར་མེ་མཛད་ཡེ་ཤེས་ཀྱིས་མཛད་པ། རྒྱ་གར་གྱི་མཁན་པོ་བུདྡྷ་ཀ་ར་ཝརྨ་དང་། བོད་ཀྱི་ལོ་ཙཱ་བ་དགེ་སློང་ཆོས་ཀྱི་ཤེས་རབ་ཀྱི་
འགྱུར། ཆོམ་རྐུན་བཅིང་བ་ཞེས་བྱ་བའི་རིམ་པ་མ་ཧཱ་པཎྜི་ཏ་ཤྲཱི་རཏྣ་རཀྵི་ཏ་དང་། ལོ་ཙཱ་བ་ཞང་གྲུབ་པ་དཔལ་བཟང་པོའི་འགྱུར། འཕགས་མ་སྒྲོལ་མའི་རྗེས་སུ་སྦྱོར་པའི་གནོད་སྦྱིན་མོའི་སྒྲུབ་ཐབས་རྒྱ་གར་གྱི་མཁན་པོ་བེེ་རོ་ཙ་ན་དང་། བོད་ཀྱི་ལོ་ཙཱ་བ་དར་མ་བློ་གྲོས་ཀྱི་འགྱུར། མེ་ཏོག་ཕྲེང་

213-1-426b

འཛིན་སྒྲོལ་མའི་བསྟོད་པ་དང་བཅས་པའི་བསྒྲུབ་པ་མ་ཧཱ་པཎྜི་ཏ་རཏྣ་རཀྵི་ཏ་པཱ་དའི་ཞལ་སྔ་ནས་ལོ་ཙཱ་བ་གྲུབ་པ་དཔལ་བཟང་པོའི་འགྱུར། རྗེ་བཙུན་མ་སྒྲོལ་མའི་བསྟོད་པ་སློབ་དཔོན་མ་ཏི་ཙེེ་ཏྲས་མཛད་པ། རྗེ་བཙུན་མ་འཕགས་མ་སྒྲོལ་མ་ལ་བསྟོད་པ་ཆོས་ཀྱི་རྗེ་པཎྜི་ཏ་འབུམ་ཕྲག་
གསུམ་པས་མཛད་པ། ཡང་འཕགས་མ་ལྷ་མོ་སྒྲོལ་མ་ལ་བསྟོད་པ། རྗེ་བཙུན་སྒྲོལ་མའི་སྒྲུབ་ཐབས་བླ་མ་ཆེན་པོ་ཤཱཀྱ་ཤྲཱི་བྷ་དྲས་མཛད་པ། རྒྱ་གར་ཤར་ཕྱོགས་ཛ་ག་ཏ་ལའི་པཎྜི་ཏ་ཆེན་པོ་བི་བྷཱུ་ཏི་ཙནྡྲའི་རང་འགྱུར། དབྱངས་ཅན་མའི་སྒྲུབ་ཐབས་བྲལ་ཟེ་ཕུར་བུས་མཛད་པ།
ཚངས་པའི་བུ་མོ་དབྱངས་ཅན་མ་ལ་བསྟོད་པས་གྲུབ་པ་དག་གི་འོད་ཟེར་ཞེས་བྱ་བ་ལྷ་མོ་ཉིད་ཀྱིས་དངོས་སུ་བྱིན་གྱིས་བརླབས་པའི་བྲམ་ཟེ་ཕུར་བུས་མཛད་པ། སུམ་པ་ལོ་ཙཱ་བ་དྷརྨ་ཡོན་ཏན་གྱི་འགྱུར། དབྱངས་ཅན་མའི་བསྟོད་པ་པཎྜི་ཏ་ནག་མོ་ཁོལ་གྱིས་མཛད་པ། པཎྜི་ཏ་ཛྙཱ་ན་
ཤཱི་ལ་དང་། ལོ་ཙཱ་བ་དགེ་སློང་ཆོས་འབར་གྱི་འགྱུར། དཔལ་རྡོ་རྗེ་དབྱངས་ཅན་མའི་སྒྲུབ་ཐབས་སྙན་དངགས་མཁན་ཆེན་པོ་སློབ་དཔོན་ཟླ་བ་གཞོན་ནུས་མཛད་པ། རྣམ་པར་བཤད་པའི་པཎྜི་ཏ་མཁས་པ་ཆེན་པོ་བུདྡྷ་ཤྲཱི་ཛྙཱ་ན་དང་། ལོ་ཙཱ་བ་དགེ་སློང་བྱམས་པའི་དཔལ་གྱིས་མཛད་པ། པཎྜི་ཏ་ཛྙཱ་ན་
མོ་ནོར་རྒྱུན་མའི་སྒྲུབ་ཐབས། འཕགས་མ་ནོར་རྒྱུན་མའི་མཚན་བརྒྱ་རྩ་བརྒྱད་པ། དཔལ་ནོར་རྒྱུན་མའི་སྨོན་ལམ། དཔལ་ནོར་རྒྱུན་མའི་བསྟོད་པ་རྣམས་དཔང་ལོ་ཙཱ་བ་དཔལ་ལྡན་བློ་གྲོས་བརྟན་པས་ཞོལ་ཕུག་ཏུ་རྒྱ་དཔེ་ལས་བསྒྱུར་ཅིང་ཞུས་པའི་ཡི་གེ་པ་ནི་དགེ་བའི་བཤེས་
གཉེན་རིན་ཆེན་མཐའ་ཅན་ཡིན་ནོ། །མཁའ་ལྡིང་གྲུབ་པའི་བསྟན་བཅོས་བྲམ་ཟེ་ཤང་ཀུས་མཛད་པ། རྒྱ་གར་གྱི་མཁན་པོ་དཔལ་བྲམ་ཟེ་ཨ་ཝ་དྷཱུ་ཏི་པ་ཆེན་པོ་དཔེ་མེད་ཀྱི་སྤྱན་སྔར་ལོ་ཙཱ་བ་བནྡེ་པྲཛྙཱ་ཀིརྟིའི་འགྱུར། ལྷ་མོ་དབྱངས་ཅན་གྱི་བསྟོད་པ་ལྷོ་ཕྱོགས་ཀྱི་རྒྱུད་དུ་བྱུང་བའི་མཁས་པ་
ཆེན་པོ་པཎྜི་ཏ་ནག་པོ་ཁོལ་གྱིས་དབྱངས་ཅན་མ་ཞལ་གཟིགས་པའི་དུས་སུ་དགྱེས་ཏེ་བསྟོད་པ། རྒྱ་གར་གྱི་མཁན་པོ་པཎྜི་ཏ་ཛྙཱ་ན་ཤཱི་ལ་དང་། ལོ་ཙཱ་བ་དགེ་སློང་ཆོས་འབར་གྱིས་བསྒྱུར་བ་རྣམས་བཞུགས་སོ། །ལྷ་སོ་སོ་སྣ་ཚོགས་ཀྱི་སྒྲུབ་ཐབས་འདི་རྣམས་རྒྱུད་སྡེ་སྣ་ཚོགས་ནས་

213-1-427a

བཏུས་པ་དང་། རྒྱུད་སྡེ་མཐའ་དག་གཅིག་ཏུ་མ་ངེས་པ་རྣམས་འདིར་ཐུན་མོང་དུ་བཀོད་པའོ།།      །།ཙུ་པ་ལ། དཀྱིལ་འཁོར་སྤྱིའི་བྱ་བ་དང་འབྲེལ་པ་ལ། དཀྱིལ་འཁོར་གྱི་ཆོ་ག་མདོར་བསྡུས་པ་སློབ་དཔོན་སངས་རྒྱས་གསང་བས་མཛད་པ། རྒྱ་གར་གྱི་མཁན་པོ་
སངས་རྒྱས་གསང་བས་དབས་མཉྫུ་ཤྲཱི་དང་། བྲན་ཀ་མུ་དི་ཏ་གཉིས་ལ་བརྫངས་པ། བོད་ཡུལ་དུ་ལོ་ཙཱ་བ་སྐ་བ་དཔལ་བརྩེགས་ལ་སོགས་པས་བསྒྱུར་བ། གཞལ་ཡས་ཁང་གསལ་བའི་མངོན་རྟོགས་མུན་སེལ་སྒྲོན་མེ་ཞེས་བྱ་བ་སློབ་དཔོན་པདྨ་འབྱུང་གནས་ཀྱིས་མཛད་ཟེར་བ་རྣམས་
སོ། །རྒྱུད་སྡེ་བཞི་པོ་སྤྱི་དང་འབྲེལ་པ་དང་། །ཁྱད་པར་སོ་སོའི་སྒྲུབ་ཐབས་སྣ་ཚོགས་པའི། །གཞུང་ལུགས་ངོ་མཚར་བརྒྱ་ཕྲག་ལྔ་དང་ནི། །བཅུ་ཕྲག་བདུན་ལ་གཅིག་གིས་བརྒྱན་པ་བཞུགས། །དེ་དག་གིས་ནི་རྒྱུད་སྡེ་བཞི་པོ་སྣ་ཚོགས་དང་འབྲེལ་པའི་སྒྲུབ་ཐབས་དང་དཀྱིལ་ཆོག་ལ་སོགས་
པའི་ཆོས་སྐོར་བཞུགས་པའི་རྣམས་གྲངས་རྣམས་བཀོད་ཟིན་ཏོ།།      །།དེ་ལྟར་རྒྱུད་སྡེ་བཞི་པོ་སྣ་ཚོགས་དང་འབྲེལ་པའི་སྒྲུབ་དཀྱིལ་ལ་སོགས་པའི་ཆོས་སྐོར་རྣམས་བཀོད་ནས། ད་ནི་ཐེག་པ་གསུམ་དང་རྒྱུད་སྡེ་བཞི་ལ་སོགས་པའི་ཁྱད་པར་དང་། མཚན་ཉིད་ཀྱི་རྣམ་གཞག་དང་། བསྒོམ་རིམ་ལ་
སོགས་གཏན་ལ་འབེབས་པའི་སྐོར་ལ། ཚུལ་གསུམ་གྱི་སྒྲོན་མ་སློབ་དཔོན་ཆེན་པོ་མཐོ་བཙུན་ཏྲི་པི་ཊ་ཀ་མ་ལས་མཛད་པ། རྒྱ་གར་གྱི་མཁན་པོ་པདྨ་ཀ་ར་ཝརྨ་དང་། ཞུ་ཆེན་གྱི་ལོ་ཙཱ་བ་དགེ་སློང་རིན་ཆེན་བཟང་པོའི་འགྱུར། དེ་ཁོ་ན་ཉིད་གྲུབ་པ་ཞེས་བྱ་བའི་རབ་ཏུ་བྱེད་པ་སློབ་དཔོན་ཞི་བ་འཚོས་
མཛད་པ། རྒྱ་གར་གྱི་མཁན་པོ་དཱི་པཾ་ཀ་ར་ཤྲཱི་ཛྙཱ་ན་དང་། ཞུ་ཆེན་གྱི་ལོ་ཙཱ་བ་དགེ་སློང་རིན་ཆེན་བཟང་པོའི་འགྱུར། སླད་ཀྱིས་པཎྜི་ཏ་ཀུ་མཱ་ར་ཀ་ལ་ཤ་དང་། ལོ་ཙཱ་བ་འབྲོ་ཤཱཀྱ་འོད་ཀྱིས་ཚད་མའི་སྐབས་བཅོས་ཤིང་གཏན་ལ་བབ་པ། དེ་ཁོ་ན་ཉིད་ལ་འཇུག་པ་ཞེས་བྱ་བ་བདེ་བར་གཤེགས་པའི་བཀའ་
མ་ལུས་པ་མདོར་བསྡུས་ཏེ་བཤད་པའི་རབ་ཏུ་བྱེད་པ་སློབ་དཔོན་དཔལ་ཡེ་ཤེས་གྲགས་པས་མཛད་པ། རྒྱ་གར་གྱི་མཁན་པོ་པཎྜི་ཏ་པདྨ་ཀ་ར་ཝརྨ་དང་། ཞུ་ཆེན་གྱི་ལོ་ཙཱ་བ་དགེ་སློང་རིན་ཆེན་བཟང་པོའི་འགྱུར། གསང་སྔགས་ཀྱི་ཚུལ་གྱི་སྣང་བ་ཞེས་བྱ་བ་རྡོ་རྗེ་དཔོན་ཆེན་པོ་མཐོ་བཙུན་ཙོ་ཡག་

213-1-427b

གིས་མཛད་པ། རྒྱ་གར་གྱི་མཁན་པོ་པདྨ་ཀ་ར་ཝརྨ་དང་། ཞུ་ཆེན་གྱི་ལོ་ཙཱ་བ་དགེ་སློང་རིན་ཆེན་བཟང་པོའི་འགྱུར། དེ་ཁོ་ན་ཉིད་ཀྱི་སྙིང་པོ་བསྡུས་པ་སློབ་དཔོན་ཆོས་ཀྱི་དབང་པོས་མཛད་པ། རྒྱ་གར་གྱི་མཁན་པོ་ཛ་ན་ར་དཱ་ན་དང་། བོད་ཀྱི་ལོ་ཙཱ་བ་དགེ་སློང་རིན་ཆེན་བཟང་པོའི་འགྱུར། ཐེག་པ་གསུམ་
རྣམ་པར་གཞག་པ་ཞེས་བྱ་བ་སློབ་དཔོན་མཁས་པ་ཆེན་པོ་རིན་ཆེན་འབྱུང་གནས་ཞི་བས་མཛད་པ། རྒྱ་གར་གྱི་མཁན་པོ་ཀྲྀཥྞ་པ་དང་། ཞུ་ཆེན་གྱི་ལོ་ཙཱ་བ་ཆོས་ཀྱི་ཤེས་རབ་ཀྱི་འགྱུར། རྣལ་འབྱོར་བླ་ན་མེད་པའི་རྒྱུད་ཀྱི་དོན་ལ་འཇུག་པ་བསྡུས་པ་སློབ་དཔོན་ཤྲདྡྷཱ་ཀ་ར་ཝརྨས་མཛད་པ། རྒྱ་གར་གྱི་མཁན་པོ་
ཤྲདྡྷཱ་ཀ་ར་ཝརྨ་དེ་ཉིད་དང་། ལོ་ཙཱ་བ་དགེ་སློང་རིན་ཆེན་བཟང་པོའི་འགྱུར། རྡོ་རྗེ་ཐེག་པའི་མཐའ་གཉིས་སེལ་བ་སློབ་དཔོན་ཛྙཱ་ན་ཤྲཱིས་བཀོད་པ། དེ་ཉིད་མཐོང་བའི་ལམ་དཔལ་ཡེ་ཤེས་རྡོ་རྗེས་མཛད་པ། རྒྱ་གར་གྱི་མཁན་པོ་དེ་ཉིད་དང་། ལོ་ཙཱ་བ་རྔོག་བུདྡྷ་པཱ་ལས་དཔལ་ཤིང་ཀུན་དུ་ཚོགས་འཁོར་
སར་གསོལ་བ་བཏབ་ནས་ལྷ་ཁང་བི་ཧཱ་རར་བསྒྱུར་བ། བླ་མ་བརྒྱུད་པའི་རིམ་པའི་མན་ངག་ཅེས་བྱ་བ་ཕྱག་རྒྱ་ཆེན་པོ་རྣལ་དུ་མཚོན་པར་བྱེད་པ་སློབ་དཔོན་ཆེན་པོ་བཛྲ་པཱ་ཎིས་མཛད་པ། རྒྱ་གར་གྱི་མཁན་པོ་དྷི་རོཥྐྲྀ་ཛྙཱ་ན་དང་། བོད་ཀྱི་ལོ་ཙཱ་བ་འབྲོག་མི་ཇོ་སྲས་ཀྱི་འགྱུར། ཐེག་པ་ཆེན་པོའི་
ལམ་གྱི་རིམ་པ་ཞེས་བྱ་བ་སློབ་དཔོན་སྐལ་པ་བཟང་པོའི་རྡོ་རྗེས་མཛད་པ། རྒྱ་གར་གྱི་མཁན་པོ་ག་ཡ་དྷ་ར་དང་། སྒྲ་སྒྱུར་གྱི་ལོ་ཙཱ་བ་འབྲོག་མི་ཤཱཀྱ་ཡེ་ཤེས་ཀྱི་འགྱུར། གསང་སྔགས་ལ་མཇུག་པའི་རབ་ཏུ་བྱེད་པ་དྲུག་ཅུ་པ་སློབ་དཔོན་ཛྙཱ་ན་ཨཱ་ཀ་རས་མཛད་པ། པཎྜི་ཏ་ཛྙཱ་ན་ཨཱ་ཀ་ར་ཉིད་དང་། ལོ་ཙཱ་བ་དགེ་
སློང་ཚུལ་ཁྲིམས་རྒྱལ་བའི་འགྱུར། གསང་སྔགས་འཇུག་པའི་རབ་ཏུ་བྱེད་པ་དྲུག་ཅུ་པའི་འགྲེལ་པ་པཎྜི་ཏ་ཨཱ་ཙཱརྱ་ཛྙཱ་ན་ཨཱ་ཀ་རས་མཛད་པ། རྒྱ་གར་གྱི་མཁན་པོ་ཛྙཱ་ན་ཨཱ་ཀ་ར་ཉིད་དང་། ལོ་ཙཱ་བ་དགེ་སློང་ཚུལ་ཁྲིམས་རྒྱལ་བས་བསྒྱུར་བ་རྣམས་བཞུགས་སོ།།      །།ཚུ་པ་ལ། ཐེག་པ་ཆེན་
པོའི་དོན་བསྡུས་པའི་སྒྲོན་མ་ཞེས་བྱ་བ་སློབ་དཔོན་ནག་པོ་པས་མཛད་པ། རྒྱ་གར་གྱི་མཁན་པོ་ཀྲྀཥྞ་པ་དེ་ཉིད་དང་། ལོ་ཙཱ་བ་དགེ་སློང་ཆོས་ཀྱི་ཤེས་རབ་ཀྱི་འགྱུར། དམ་ཚིག་དང་སྡོམ་པ་ལ་སོགས་པའི་རྣམ་གཞག་གི་སྐོར་ལ། བླ་མ་ལྔ་བཅུ་པ་སློབ་དཔོན་ཆེན་པོ་རྟ་དབྱངས་ཀྱིས་མཛད་པ། རྒྱ་

213-1-428a

གར་གྱི་མཁན་པོ་པདྨ་ཀ་ར་ཝརྨ་དང་། ཞུ་ཆེན་གྱི་ལོ་ཙཱ་བ་དགེ་སློང་རིན་ཆེན་བཟང་པོའི་འགྱུར། བླ་མ་ལྔ་བཅུ་པའི་དཀའ་འགྲེལ་རྒྱ་གར་ཤར་ཕྱོགས་ཀྱི་མཁས་པ་ཆེན་པོ་དཔལ་ནགས་ཀྱི་རིན་ཆེན་གྱི་བཀའ་དྲིན་ལས། མཁས་པ་གཞོན་ནུ་དཔལ་གྱིས་དཔལ་ལྡན་བླ་མ་དམ་པའི་དབེན་
གནས་ལྷ་ཁང་སྟེང་དུ་འགྱུར། སྤྱིའི་དམ་ཚིག་མདོར་བསྡུས་པ་དཔལ་སྒེག་པའི་རྡོ་རྗེས་མཛད་པ། ཚུལ་ཁྲིམས་དང་སྡོམ་པ་དང་དམ་ཚིག་དང་མི་འགལ་བ་ཞེས་བྱ་བ་སློབ་དཔོན་མཁས་པ་ཆེན་པོ་ཡེ་ཤེས་དཔལ་བཟང་པོས་མཛད་པ། ཁ་ཆེའི་མཁན་པོ་ཛྙཱ་ན་ཤྲཱི་བྷ་དྲ་དེ་ཉིད་དང་། ཞུ་ཆེན་གྱི་ལོ་ཙཱ་
བ་དགེ་སློང་བློ་གྲོས་སྙིང་པོ་དང་། དགེ་སློང་རབ་ཞི་བཤེས་གཉེན་གཉིས་ཀྱི་འགྱུར། དམ་ཚིག་ཐམས་ཅད་བསྡུས་པ་ཞེས་བྱ་བ་མཁས་པ་ཆེན་པོ་དཱི་པཾ་ཀ་ར་ཤྲཱི་ཛྙཱ་ནས་མཛད་པ། རྗེ་བཙུན་བླ་མ་ཆེན་པོ་དེ་ཉིད་ཀྱི་ཞལ་སྔ་ནས་དང་། ལོ་ཙཱ་བ་དགེ་སློང་ཚུལ་ཁྲིམས་རྒྱལ་བའི་འགྱུར། ལས་དང་པོ་པའི་
དམ་ཚིག་མདོར་བསྡུས་པ་དབང་པོས་མཚན་པའི་ཡུལ་གྱི་རྩ་ན་གནས་པའི་སློབ་དཔོན་ཛྙཱ་ན་བོ་དྷིས་མཛད་པ། རྒྱ་གར་གྱི་མཁན་པོ་ཀ་མ་ལ་གུཔྟ་དང་། ལོ་ཙཱ་བ་བསོད་ནམས་རྒྱལ་བའི་འགྱུར། སྡོམ་གསུམ་འོད་ཀྱི་ཕྲེང་བ་ཞེས་བྱ་བ་རྒྱ་གར་ཤར་ཕྱོགས་ཛ་ག་ཏ་ལའི་པཎྜི་ཏ་ཆེན་པོ་བི་བྷཱུ་ཏི་
ཙནྡྲས་མཛད་དེ། དེ་ཉིད་ཀྱི་རང་འགྱུར། རྡོ་རྗེ་ཐེག་པའི་རྩ་བའི་ལྟུང་བའི་ལས་ཀྱི་ཆོ་ག་བླ་མ་རྡོ་རྗེ་གདན་པས་མཛད་པ། རྒྱ་གར་གྱི་པཎྜི་ཏ་ཨ་བྷ་ཡཱ་ཀ་ར་གུཔྟ་དང་། བོད་ཀྱི་ལོ་ཙཱ་བ་རྩ་མི་སངས་རྒྱས་གྲགས་ཀྱིས་བསྒྱུར་བ། ཞེན་ལོག་སྒྲོན་མ་ཞེས་བྱ་བ་སློབ་དཔོན་མཁས་པ་ཀླུ་སྒྲུབ་ཀྱིས་མཛད་ཟེར་བ་འདི་
ཐེ་ཚོམ་གྱི་གཞི་གཅིག་སྣང་བས་མཇུག་ཏུ་བཀོད་པ་ཡིན་ནོ། །ཆོས་སྐྱོང་དང་ནོར་ལྷ་ལ་སོགས་པའི་སྐོར་ལ། རྣམ་སྲས་ཀྱི་སྒྲུབ་ཐབས་རྣམ་སྲས་བདེ་བྱེད་ཀྱི་རྟོག་པ་དང་། རྣམ་སྲས་དྲག་བྱེད་ཀྱི་ཆོ་ག་སློབ་དཔོན་འགྲོ་བཟང་སྙིང་པོས་མཛད་པ། རྒྱ་གར་དབུས་ཀྱི་པཎྜི་ཏ་ཆེན་པོ་ཏེ་ཛ་དེ་ཝ་དང་། བོད་ཀྱི་ལོ་
ཙཱ་བ་དགེ་སློང་ཟངས་དཀར་འཕགས་པ་ཤེས་རབ་ཀྱི་འགྱུར། གནོད་སྦྱིན་རྒྱལ་པོ་རྣམ་སྲས་གསང་བའི་སྒྲུབ་ཐབས་སློབ་དཔོན་དགའ་རབ་རྡོ་རྗེས་མཛད་པ། རྒྱལ་པོ་ཆེན་པོ་ལུས་ངན་པོའི་སྒྲུབ་ཐབས་གྲུབ་པ་བརྙེད་པའི་སློབ་དཔོན་ཆེན་པོ་དཔལ་བོ་རྡོ་རྗེས་མཛད་པ། སྒྲ་པ་ཆེན་པོ་རྒྱལ་བའི་སྙན་ལ་ལེགས་པར་

213-1-428b

ཞུས་ཤིང་། ལོ་ཙཱ་བ་དགེ་སློང་ཉི་མ་རྒྱལ་མཚན་དཔལ་བཟང་པོས་དཔལ་ཐར་པ་གླིང་གི་གཙུག་ལག་ཁང་དུ་ལེགས་པར་བསྒྱུར་བ། རྣམ་ཐོས་སྲས་ཀྱི་སྒྲུབ་པའི་ཐབས་སློབ་དཔོན་ཤཱུ་རངྒ་ཝརྨས་མཛད་པ། པཎྜི་ཏ་ཏེ་ཛ་དེ་ཝ་དང་། ལོ་ཙཱ་བ་ཟངས་དཀར་འཕགས་པ་ཤེས་རབ་ཀྱི་འགྱུར། བེེ་ཤ་
ཝ་ཎའི་རྟོག་པ་དང་བསྟོད་པ། བདེ་བྱེད་ཀྱི་རྣམ་སྲས་ཀྱི་རྟོག་པ་ཆོ་ག་སྣ་ཚོགས་པའི་མཛོད། རྣམ་སྲས་ཀྱི་བསྟོད་པ་ཐུགས་རྗེ་བ་འཇོ་ཞེས་བྱ་བ་སྙན་དངགས་ཀྱི་ཕྲེང་བ་སློབ་དཔོན་ནག་པོ་ཞབས་ཀྱིས་མཛད་པ། པཎྜི་ཏ་ཏེ་ཛ་དེ་ཝ་དང་། ལོ་ཙཱ་བ་ཟངས་དཀར་འཕགས་པ་ཤེས་རབ་ཀྱི་འགྱུར། བགེགས་
ཀྱི་རྒྱལ་པོའི་སྒྲུབ་ཐབས་འདི་རྒྱུད་རྡོ་རྗེ་མཁའ་འགྲོ་ལས་ཕྱུང་བའོ། །ཚོགས་ཀྱི་བདག་པོ་གསང་བའི་སྒྲུབ་ཐབས་ཞེས་ [མ་བྱུང་] བྱ་བ་དཔལ་དངོས་གྲུབ་བརྙེས་པའི་པཎྜི་ཏ་ཨ་མོ་གྷ་བཛྲས་མཛད་པ། ཚོགས་ཀྱི་བདག་པོ་ཆགས་པ་རྡོ་རྗེའི་དམ་ཚིག་གི་བསྟོད་པ་པཎྜི་ཏ་དཱི་པཾ་ཀ་ར་ཤྲཱི་ཛྙཱ་ནས་མཛད་པ།
ཚོགས་ཀྱི་བདག་པོ་སྤྲིན་གྱི་སྒྲོན་མེའི་སྒྲུབ་ཐབས་སློབ་དཔོན་བྲམ་ཟེ་རིན་ཆེན་རྡོ་རྗེས་མཛད་པ་རྣམས་རྒྱ་གར་གྱི་པཎྜི་ཏ་དཱི་པཾ་ཀ་ར་ཤྲཱི་ཛྙཱ་ན་དང་། ལོ་ཙཱ་བ་ནག་ཚོ་ཚུལ་ཁྲིམས་རྒྱལ་བའི་འགྱུར། ཚོགས་ཀྱི་བདག་པོའི་སྒྲུབ་ཐབས་འཇུར་གེགས་སེལ་བ་ཞེས་བྱ་བ་སློབ་དཔོན་ཆེན་པོ་ཨིནྡྲ་བྷཱུ་ཏིས་མཛད་པ། པཎྜི་ཏ་
ཆེན་པོ་དཱི་པཾ་ཀ་ར་ཤྲཱི་ཛྙཱ་ན་དང་། ལོ་ཙཱ་བ་རྒྱ་བརྩོན་འགྲུས་སེང་གེས་ཡམ་བུ་ཀརྟ་རིར་ལེགས་པར་བསྒྱུར། འཆོལ་བའི་སྒྲུབ་ཐབས་སྒེག་པའི་རྡོ་རྗེས་མཛད་པ། རྒྱ་གར་ཤར་ཕྱོགས་ཀྱི་པཎྜི་ཏ་ཆེན་པོ་དཱ་ན་ཤི་ལའི་རང་འགྱུར། རྨུགས་འཛིན་འཆོལ་པའི་སྒྲུབ་ཐབས་ཞེས་བྱ་བ་པཎྜི་ཏ་ཨ་བྷ་ཡཱ་ཀ་ར་གུཔྟས་
མཛད་པ། རྒྱ་གར་གྱི་མཁན་པོ་པཎྜི་ཏ་ཨ་ལངྐ་དེ་ལ་ཝ་དང་། ལོ་ཙཱ་བ་དགེ་སློང་ཚུལ་ཁྲིམས་འབྱུང་གནས་སྦས་པས་ཆོས་འཁོར་ཤོད་མའི་གཙུག་ལག་ཁང་དུ་བསྒྱུར་བ་ལ། །སླད་ཀྱིས་པཎྜི་ཏ་མ་ཧཱ་བི་བྷཱུ་ཏི་ཙནྡྲ་དང་། ཆག་ལོ་ཙཱ་བ་དགེ་སློང་ཆོས་རྗེ་དཔལ་གྱིས་བསྒྱུར་ཞིང་དག་པར་བཅོས་པ། ཛམྦྷ་ལའི་
སྒྲུབ་ཐབས་རྒྱལ་པོ་ཨཱརྱ་མ་ཏིས་མཛད་པ། དགེ་སློང་དར་མ་གྲགས་ཀྱི་འགྱུར། དཔལ་རྨུགས་འཛིན་འཆོལ་པ་ནག་པོའི་སྒྲུབ་ཐབས་གསང་བ་ལས་ཀྱང་ཆེས་གསང་བ་སྦས་པ་བུམ་པ་འཁྱིལ་པ་ཞེས་བྱ་བ་སློབ་དཔོན་ནོར་སྦྱིན་གྱིས་མཛད་པ། དཔལ་ཆོས་ཀྱི་རྗེ་སའི་སྟེང་ན་འགྲན་ཟླ་དང་བྲལ་

213-1-429a

བའི་པཎྜི་ཏ་ཤཱཀྱ་ཤྲཱི་བྷ་དྲ་དང་། བོད་ཀྱི་ལོ་ཙཱ་བ་བྱམས་པའི་དཔལ་གྱིས་བོད་ཡུལ་གྱི་དབུས་ངམ་ཤོད་ཀྱི་མཐིལ་བསམ་ཡས་ལྷུན་གྱིས་གྲུབ་པའི་གཙུག་ལག་ཁང་རྒྱལ་པོའི་ཕོ་བྲང་ཡིད་བཞིན་ནོར་བུའི་མཛོད་དབུ་རྩེ་རིམ་གསུམ་ལྷ་ཁང་གི་སྟེང་དུ་ལེགས་པར་བསྒྱུར་བ། ཛམྦྷ་ལ་ནག་པོའི་
སྒྲུབ་ཐབས་བསྡུས་པ་པཎ་ཆེན་ཤཱཀྱ་ཤྲཱིས་ཞལ་ནས་གསུངས་པ། དེ་ཉིད་དང་། གནུབས་ལོ་ཙཱ་བ་བྱམས་པའི་དཔལ་གྱི་འགྱུར། འཕགས་པ་རྨུགས་འཛིན་ཆུའི་དབང་པོ་ལ་ཕྲིན་ལས་ཉི་ཤུའི་སྒོ་ནས་ཁྱད་པར་གྱི་བསྟོད་པ་ཞེས་བྱ་སློབ་དཔོན་ཆེན་པོ་ནོར་འཛིན་དཔལ་གྱིས་མཛད་པ། པཎྜི་ཏ་ཆེན་པོ་བུདྡྷ་
ཤྲཱི་ཛྙཱ་ན་དང་། ལོ་ཙཱ་བ་བྱམས་པའི་དཔལ་གྱིས་མང་ཡུལ་གྱི་གྲོང་གི་འཕགས་པ་ཝ་ཏིའི་ཕོ་བྲང་དུ་བསྒྱུར་བ། འཕགས་པ་རྨུགས་འཛིན་ལ་བསྟོད་པ་སློབ་དཔོན་ཆེན་པོ་བཙུན་པ་ཟླ་བས་མཛད་པ། རྒྱ་གར་གྱི་མཁན་པོ་མུ་དི་ཏ་ཤྲཱི་ཛྙཱ་ན་དང་། བོད་ཀྱི་ལོ་ཙཱ་བ་པ་ཚབ་ཉི་མ་གྲགས་ཀྱིས་ལེགས་པར་བསྒྱུར་བ།
འཕགས་པ་རྨུགས་འཛིན་ལ་བསྟོད་པ་པཎྜི་ཏ་ཛྙཱ་ན་བཛྲས་མཛད་པ། ཛམྦྷ་ལ་བསྟོད་པ་མིའི་དབང་པོ་ཉི་མ་རྣམ་པར་གནོན་པས་མཛད་པ། རྒྱ་གར་གྱི་མཁན་པོ་དྷརྨ་དྷ་ར་དང་། ཡར་ལུང་པ་གྲགས་པ་རྒྱལ་མཚན་གྱིས་བསྒྱུར་ཅིང་ཞུས་ཏེ་གཏན་ལ་ཕབ་པ། རྨུགས་འཛིན་འཚོལ་བའི་མན་ངག་
གི་བསྟོད་པ་བླ་མ་དཱ་བྱང་ཆུབ་སེམས་དཔས་མཛད་པ། ཁ་ཅིག་སློབ་དཔོན་ཉི་མ་སྦས་པས་མཛད་ཟེར་རོ། །ལྷ་མོ་ནོར་རྒྱུན་མའི་བསྟོད་པ་པཎྜི་ཏ་ཛ་མ་རིས་མཛད་ཅིང་། དེ་ཉིད་ཀྱི་རང་འགྱུར། དཔལ་ལྷ་མོ་ནོར་རྒྱུན་མའི་དཀྱིལ་འཁོར་གྱི་ཆོ་ག་འདི་ནི་མཁས་པ་ཆེན་པོ་ཞ་ལུ་ལོ་ཙཱ་བ་དགེ་སློང་
དྷརྨ་པཱ་ལ་བྷ་དྲའི་འགྱུར། གནོད་སྦྱིན་ཆེན་པོ་གཞན་གྱིས་མི་ཐུབ་པའི་སྒྲུབ་ཐབས་ཀྱི་རྒྱུད་རྒྱ་གར་གྱི་བླ་མ་ཛ་མ་རིའི་འགྱུར། རྡོ་རྗེ་བཀོད་པའི་རྒྱུད་ལས་དཀྱིལ་འཁོར་བདུན་པའི་རིམ་པ་རྣམ་པར་ཕྱེ་བའི་སྒྲུབ་ཐབས་ཏེ་ལེགས་ལྡན་ནག་པོའི་སྒྲུབ་ཐབས་སློབ་དཔོན་སྣང་མཛད་མྱུ་གུས་མཛད་
པ་འདི་རྙིང་མ་ཡིན་པ་འདྲའོ་ཞེས་བུ་སྟོན་རྗེས་གསུངས་སོ། །སྡེ་སྣོད་གསུམ་དང་རྒྱུད་སྡེ་བཞི་སོགས་ཀྱི། །སྤྱི་ཡི་རྣམ་གཞག་སྔགས་ཀྱི་ཐེག་པ་ཡི། །དམ་ཚིག་ལ་སོགས་གསལ་བར་སྟོན་པའི་གཞུང་། །བཅུ་ཕྲག་ལྔ་ལ་གཅིག་གིས་བརྒྱན་པ་བཞུགས། །དེ་དག་གིས་ནི་སྡེ་སྣོད་དང་རྒྱུད་སྡེ་སྤྱིའི་

213-1-429b

རྣམ་གཞག་དང་། སྔགས་ཀྱི་ཐེག་པའི་དམ་ཚིག་ལ་སོགས་པ་སྟོན་པའི་ཆོས་སྐོར་བཞུགས་པའི་རྣམ་གྲངས་རྣམས་བཀོད་ཟིན་ཏོ།།      །།དེ་ལྟར་སྡེ་སྣོད་གསུམ་དང་རྒྱུད་སྡེ་བཞི་སོགས་ཀྱི་སྤྱིའི་རྣམ་གཞག་དང་། སྔགས་ཀྱི་ཐེག་པའི་དམ་ཚིག་སྟོན་པའི་ཆོས་སྐོར་རྣམས་བཀོད་ནས། ད་ནི་གནས་ཆེན་དུ་བགྲོད་ཚུལ་
དང་། བླ་མ་ལ་གསོལ་བ་འདེགས་པའི་སྐོར་ལ། པོ་ཊ་ལ་ཀར་འགྲོ་བའི་ལམ་ཡིག་རྗེ་བཙུན་སྤྱན་རས་གཟིགས་ཀྱི་ཞལ་སྔ་ནས་གསུངས་པ། རྒྱ་གར་ཤར་ཕྱོགས་ཀྱི་པཎྜི་ཏ་ཨ་བྷི་ཡུཀྟ་དེ་ཝ་ཤྲཱི་དང་། བོད་ཀྱི་ལོ་ཙཱ་བ་དྷརྨ་ཡོན་ཏན་གྱིས་ཇི་ལྟར་རྙེད་པར་བསྒྱུར། བྱང་ཆུབ་ཆེན་པོ་མདོར་བསྟན་པ་ཞེས་རྡོ་རྗེ་
གདན་གྱི་བཀོད་པ་ཞ་ལུ་ལོ་ཙཱ་བས་ཕོ་བྲང་ཆེན་པོ་སྣེའུ་གདོང་གི་གཙུག་ལག་ཁང་དུ་རྒྱ་གར་གྱི་དཔེ་ལས་བོད་ཀྱི་སྐད་དུ་བསྒྱུར་བ། གྲུབ་ཐོབ་བརྒྱད་ཅུ་རྩ་བཞིའི་གསོལ་འདེབས་བླ་མ་རྡོ་རྗེ་གདན་པས་མཛད་པ། པཎྜི་ཏ་བེེ་རོ་ཙ་ན་དང་། ལོ་ཙཱ་བ་ཤྲཱི་ཆོས་ཀྱི་གྲགས་པའི་འགྱུར། བླ་མ་དམ་པ་བསོད་ནམས་དཔལ་ཞེས་
བྱ་བ་ལ་བསྟོད་པ། རྒྱ་གར་ལྷོ་ཕྱོགས་ཀྱི་ཡུལ་དཔལ་ལྡན་འབྲས་ཕུང་ཞེས་བྱ་བའི་མཆོད་རྟེན་བཞུགས་པའི་གནས་དེར་བླ་མ་མན་ལུངས་པའི་སྐུ་གསུང་ཐུགས་ཀྱི་སྤྱོད་པ་རླབས་པོ་ཆེ་བྱང་ཆུབ་སེམས་དཔའི་རྣམ་པར་ཐར་པ་དང་ཆ་མཐུན་པ་ལ་མོས་པའི་པཎྜི་ཏ་བི་མ་ལ་ཤྲཱི་ཞེས་བྱ་བ་མཁས་ཤིང་བཙུན་པ་
དེས་ཚིགས་སུ་བཅད་པས་བསྟོད་པ། །དཔལ་ལྡན་མན་ལུངས་ཀྱི་གཙུག་ལག་ཁང་ཆེན་པོར་པཎྜི་ཏ་གོོ་ཏཾ་བྷ་དྲ་དང་། ལོ་ཙཱ་བ་གྲགས་པ་བྱང་ཆུབ་གཉིས་ཀྱི་འགྱུར། མཎྜལ་དང་སཱཙྪ་ལ་སོགས་པའི་ཉིན་ཞག་ཕྲུགས་གཅིག་གི་ཆོས་སྤྱོད་ཀྱི་སྐོར་ལ། མཎྜལ་གྱི་ཆོ་ག་དངོས་གྲུབ་བརྙེས་པའི་སློབ་
དཔོན་མཁས་པ་ཆེན་པོ་ཀམྤ་ལའི་ཞལ་སྔ་ནས་མཛད་པ། སྔོན་གྱི་ལོ་ཙཱ་བ་རྣམས་ཀྱི་འགྱུར་རྙིང་ངོ་། །མཎྜལ་བྱ་བའི་ཆོ་ག་དངོས་གྲུབ་བརྙེས་པའི་སློབ་དཔོན་སངས་རྒྱས་གསང་བའི་ཞལ་སྔ་ནས་མཛད་པ། ཕ་རོལ་དུ་ཕྱིན་པ་དང་གསང་སྔགས་གཉིས་ཀའི་ཐུན་མོང་ངོ་། །བླ་མའི་མཎྜལ་གྱི་ཆོ་ག །མཎྜལ་
གྱི་ཆོ་ག་སློབ་དཔོན་ཆེན་པོ་བྱང་ཆུབ་སེམས་དཔའ་དགྲ་ལས་རྒྱལ་བ་གསང་བའི་ཞལ་སྔ་ནས་མཛད་པ། རྒྱ་གར་གྱི་མཁན་པོ་ཨ་ཏུ་ལོ་པ་དང་། ལོ་ཙཱ་བ་དགེ་སློང་ཆོས་ཀྱི་ཤེས་རབ་ཀྱི་འགྱུར། ཡང་མཎྜལ་གྱི་ཆོ་ག་དངོས་གྲུབ་བརྙེས་པའི་སློབ་དཔོན་མཁས་པ་ཆེན་པོ་རིན་ཆེན་འབྱུང་གནས་སྦས་པའི་ཞལ་{སྔ་}

213-1-430a

ནས་མཛད་པ། ཞུ་ཆེན་གྱི་ལོ་ཙཱ་བ་དགེ་སློང་དར་མ་གྲགས་ཀྱི་འགྱུར། སློབ་དཔོན་སྲིད་གསུམ་རྣམས་པར་དག་པའི་རྡོ་རྗེས་མཛད་པའི་ལས་དང་པོ་པའི་ཚོགས་སོག་བྱ་བའི་རིམ་པ་མདོར་བསྡུས་པ། བྱང་ཆུབ་གཞུང་ལམ་ཞེས་བྱ་བ་སློབ་དཔོན་མཁས་པ་ཆེན་པོ་འཇིགས་མེད་འབྱུང་
གནས་སྦས་པས་མཛད་པ། ཤློ་ཀ་སུམ་བརྒྱ་ཉི་ཤུ་རྩ་ལྔ་པ་ཁ་ཆེའི་མཁན་པོ་ཆེན་པོ་ཆོས་ཀྱི་རྗེ་ཤཱཀྱ་ཤྲཱི་བྷ་དྲ་ལས་མཉན་ནས། བོད་ཡུལ་དབུས་ཀྱི་སྡེ་སྣོད་འཛིན་པ་ཆག་ལོ་ཙཱ་བ་དགེ་སློང་དགྲ་བཅོམ་གྱི་འགྱུར། མཎྜལ་གྱི་ཆོ་ག་ཁ་ཆེ་པཎ་ཆེན་གྱིས་མཛད་པ། དེ་ཉིད་དང་། གནུབས་བྱམས་པའི་དཔལ་གྱི་
འགྱུར། དེ་ཁོ་ན་ཉིད་བསྡུས་པའི་མན་ངག་ཅེས་བྱ་བ་སློབ་དཔོན་ཤཱི་ལ་སྭ་བྷཱ་ཝས་ལས་དང་པོ་པའི་ངོར་བསྡུས་ཏེ་མཛད་པ། གཏོར་མའི་ཆོ་ག་སྣ་ཚོགས་ཀྱི་སྐོར་ལ། རྒྱུད་སྣ་ཚོགས་ལས་བཏུས་པའི་གཏོར་མའི་ཆོ་ག་སློབ་དཔོན་དཔལ་ཀླུ་སྒྲུབ་ཀྱིས་མཛད་པ། རྒྱ་གར་གྱི་མཁན་པོ་རྡོ་རྗེ་སློབ་དཔོན་
ཆེན་པོ་ཀརྨ་བཛྲ་དང་། ལོ་ཙཱ་བ་དགེ་སློང་གཞོན་ནུ་ཚུལ་ཁྲིམས་ཀྱི་འགྱུར། ཆོས་སྐྱོང་ཐམས་ཅད་ཀྱི་གཏོར་མའི་ཆོ་ག་སློབ་དཔོན་ཆེན་པོ་བ་ལིཾ་ཨཱ་ཙཱརྱས་མཛད་པ། བོད་ཀྱི་ལོ་ཙཱ་བ་རྨ་བན་ཆོས་འབར་གྱི་འགྱུར། གཏོར་མའི་ཕྲེང་བ་སློབ་དཔོན་བློ་བཟང་སེང་གེས་མཛད་པ། རྒྱ་གར་ཤར་ཕྱོགས་ཀྱི་
དགེ་སློང་དྷརྨ་དཱི་པཾ་ཀ་ར་དང་། ལོ་ཙཱ་བ་དགེ་སློང་དྷརྨ་པཱ་ལ་བྷ་དྲས་དཔལ་ཨེ་ཝཾ་ཆོས་འཁོར་དུ་འགྱུར། རྒྱལ་པོ་ཆེན་པོ་བཞིའི་གཏོར་མ་པཎྜི་ཏ་དཱི་པཾ་ཀ་ར་ཤྲཱི་ཛྙཱ་ན་དང་། ལོ་ཙཱ་བ་དགེ་བཤེས་སྟོན་པའི་འགྱུར། གཏོར་མ་ཆེན་པོའི་ལས་ཀྱི་རིམ་པའི་འགྲེལ་པ་སློབ་དཔོན་རྡོ་རྗེ་མི་བསྐྱོད་པས་མཛད་པ། རྒྱ་གར་གྱི་
མཁན་པོ་བཛྲ་ཀཱིརྟི་དང་། ལོ་ཙཱ་བ་དགེ་སློང་དགེ་བའི་བློ་གྲོས་ཀྱི་འགྱུར། ཆ་གསུམ་འབྲིང་པོའི་ཆོ་ག་ནོར་བུ་གླིང་པ་བདེ་བའི་རྡོ་རྗེའི་གདམས་ངག་ལ་བརྟེན་ནས་པཎྜི་ཏ་ཤྲདྡྷཱ་ཀ་ར་ཝརྨས་ཉེ་བར་སྦྱར་བ། རྒྱ་གར་གྱི་མཁན་པོ་དེ་ཉིད་དང་། ལོ་ཙཱ་བ་དགེ་སློང་རིན་ཆེན་བཟང་པོའི་འགྱུར། ཆུ་གཏོར་གྱི་ཆོ་ག་
མཇམ་དཔལ་མའི་རྩ་བ་སློབ་དཔོན་ཇ་ཡ་སེ་ནཱས་མཛད་པ་དང་། ཆུ་གཏོར་འཇམ་དཔལ་མའི་འགྲེལ་པ་ཕྱག་རྒྱ་ཆེན་པོའི་རྣལ་འབྱོར་ལ་འཇུག་པའི་མན་ངག་ཅེས་བྱ་བ་སློབ་དཔོན་ཤཱཀྱ་མི་ཏྲས་མཛད་པ་གཉིས་དགེ་སློང་རིན་ཆེན་བཟང་པོའི་འགྱུར། གཏོར་མའི་འགྲེལ་པ་སློབ་དཔོན་བི་ད་ཛྙཱ་ནས་མཛད་

213-1-430b

པ། རྒྱ་གར་གྱི་མཁན་པོ་ཤཱནྟིཾ་གརྦྷ་དང་། ཞུ་ཆེན་གྱི་ལོ་ཙཱ་བ་ཨཱ་ཙཱརྱ་རིན་ཆེན་མཆོག་གི་འགྱུར། བདུད་རྩི་འབྱུང་བ་ཞེས་བྱ་བའི་གཏོར་མའི་ཆོ་ག་རྒྱ་གར་གྱི་མཁན་པོ་དཱི་པཾ་ཀ་ར་ཤྲཱི་ཛྙཱ་ནས་མཛད་ཅིང་། ལོ་ཙཱ་བ་ཁུ་དངོས་གྲུབ་ཀྱིས་གཏན་ལ་ཕབ་པ། ཆབ་གཏོར་དྲི་མ་མེད་པའི་གཞུང་སློབ་དཔོན་
དཔལ་མར་མེ་མཛད་ཡེ་ཤེས་ཀྱིས་མཛད་པ། པཎྜི་ཏ་དེ་ཉིད་དང་། ལོ་ཙཱ་བ་ཚུལ་ཁྲིམས་རྒྱལ་བའི་འགྱུར། ཀླུ་གཏོར་གྱི་ཆོ་ག་སྒྲོལ་མའི་ཞབས་རྡུལ་ལ་རེག་པའི་མཁས་པ་ཆེན་པོ་དཔལ་མར་མེ་མཛད་ཤེས་ཡེ་ཤེས་ཀྱིས་མཛད་པ། ལོ་ཙཱ་བ་རིན་ཆེན་བཟང་པོའི་འགྱུར། བཀྲ་ཤིས་དང་བདེ་ལེགས་
སུ་བྱེད་པའི་སྐོར་ལ། དཀོན་མཆོག་གསུམ་གྱི་བཀྲ་ཤིས་ཀྱི་ཚིགས་སུ་བཅད་པ་སློབ་དཔོན་སྣང་བྱེད་ཟླ་བས་མཛད་པ། དེ་བཞིན་བཤེགས་པ་ལྔའི་བཀྲ་ཤིས་ཀྱི་ཚིགས་སུ་བཅད་པ། དཔལ་རྣལ་འབྱོར་གྱི་རྒྱུད་ཀྱི་དཀྱིལ་འཁོར་གྱི་ལྷ་དེ་བཞིན་བཤེགས་པ་རིགས་ལྔ་འཁོར་དང་བཅས་པ་ལྷ་གསུམ་
ཅུ་རྩ་བདུན་གྱི་བཀྲ་ཤིས་ཀྱི་ཚིགས་སུ་བཅད་པ། རྗེ་བཙུན་འཕགས་མ་སྒྲོལ་མས་གསུངས་པའི་བཀྲ་ཤིས་བརྒྱད་པ། རྒྱ་གར་གྱི་མཁན་པོ་བི་ནཱ་ཡ་ཤྲཱི་མི་ཏྲ་དང་། ལོ་ཙཱ་བ་ལྡན་མ་ཚུལ་ཁྲིམས་སེང་གེའི་འགྱུར། མཛད་པ་བཅུ་གཉིས་ཀྱི་བཀྲ་ཤིས་ཀྱི་ཚིགས་བཅད་རྣམས་གཞུགས་སོ། །གསང་བ་
འདུས་པ་ལེའུ་བཅུ་བདུན་པའི་འགྲེལ་པ་བམ་པོ་རྒྱ་རྩ་བཅུ་དང་ཤློ་ཀ་བཅུ་གཉིས་པ་སློབ་དཔོན་རབ་ཏུ་བྱུང་བའི་མཚན་པྲ་བྷ་ཝ་གསང་མཚན་འཕགས་པ་སྙིང་པོས་མཛད་ཟེར་བ། པཎྜི་ཏ་ཕྲ་རས་ཀྱིས་འབལ་བྱམས་པ་ཤེས་རབ་དང་། གཉན་བྱང་ཆུབ་ཚུལ་ཁྲིམས་གཉིས་ཀྱི་དོན་དུ་བསྒྱུར་པ་འདི་རྫུན་མ་
ཡང་དག་ཡིན་པས་མ་བྲིས་སོ་ཞེས་ཀུན་མཁྱེན་བུས་གསུངས་སོ། །བླ་མའི་གསོལ་འདེབས་ཉིན་ཞག་ཕྲུག་གཅིག་གི། །བྱ་རིམ་ཆོས་སྐྱོང་ནོར་ལྷའི་བཀྲ་ཤིས་ཀྱི། །ཚིགས་སུ་བཅད་པ་ལ་སོགས་བསྟན་བཅོས་གྲགས། །དྲི་མ་མེད་པ་སུམ་ཅུ་ཐམ་པ་བཞུགས། །དེ་དག་གིས་ནི་ལས་དང་པོ་པའི་བྱ་བའི་རིམ་
པ་དང་ཆོས་སྐྱོང་དང་ནོར་ལྷ་དང་བཀྲ་ཤིས་ལ་སོགས་པའི་ཆོས་སྐོར་བཞུགས་པའི་རྣམ་གྲངས་རྣམས་བཀོད་ཟིན་ཏོ།།      །།དེ་ལྟར་སྔགས་ཕྱོགས་ཀྱི་ཆོས་སྐོར་ལ་བསྟན་བཅོས་ཉིས་སྟོང་བདུན་བརྒྱ་གྱ་གཅིག་བཞུགས་སོ། །སྔགས་ཀྱི་བསྟན་བཅོས་སྐབས་ཏེ་གཉིས་པའོ།།      །།

213-1-431a

གཉིས་པ་ཕྱི་མཚན་ཉིད་ཀྱི་ཕྱོགས་ལ། རིག་པའི་གནས་ལྔ་སྟོན་པའི་བསྟན་བཅོས་ལས་དང་པོ་ནང་རིག་པའི་བསྟན་བཅོས་ལ་ཐེག་པ་ཆེ་ཆུང་གཉིས་ལས། ཐེག་ཆེན་གྱི་སྙིང་པོ་བཀའ་བར་པ་རྒྱལ་བའི་ཡུམ་གྱི་དགོངས་འགྲེལ་ལ་ཤིང་རྟ་ཆེན་པོའི་སྲོལ་བཞིར་གྲགས་པ་ལས། དང་
པོ་རྒྱལ་བའི་ཡུལ་གྱི་མངོན་པར་རྟོགས་པའི་དོན་སྟོན་པ་ནི། ཀ་པ་ལ། བཅོམ་ལྡན་འདས་བྱམས་པ་མགོན་པོས་མཛད་པའི་ཤེས་རབ་ཀྱི་ཕ་རོལ་ཏུ་ཕྱིན་པའི་མན་ངག་གི་བསྟན་བཅོས་མངོན་པར་རྟོགས་པའི་རྒྱན་ཞེས་བྱ་བའི་ཚིག་ལེའུར་བྱས་པ། པཎྜི་ཏ་གོ་མི་འཆི་མེད་དང་། ལོ་ཙཱ་བ་བློ་ལྡན་ཤེས་རབ་ཀྱི་འགྱུར།
དེའི་རྗེས་སུ་འབྲང་བའི་འགྲེལ་པ་ལས། འཕགས་པ་ཤེས་རབ་ཀྱི་ཕ་རོལ་ཏུ་ཕྱིན་པ་སྟོང་ཕྲག་ཉི་ཤུ་ལྔ་པའི་མན་ངག་གི་བསྟན་བཅོས་མངོན་པར་རྟོགས་པའི་རྒྱན་གྱི་འགྲེལ་པ་ལེགས་པར་སྤྱད་པའི་ལས་ཅན་ཐེག་པ་ཆེན་པོ་ལ་ཡང་དག་པར་གནས་པ་འཕགས་པ་མང་པོས་བཀུར་བ་ཀུ་རུ་ཀུལླེའི་སྡེ་པ་གཙུག་
ལག་ཁང་དུ་མའི་བདག་པོ་སློབ་དཔོན་སངས་རྒྱས་འབངས་ཀྱི་ཚ་བོ་དགེ་སློང་འཕགས་པ་རྣམ་པར་གྲོལ་བའི་སྡེས་མཛད་པ། ཉི་ཁྲི་སྣང་བར་གྲགས་པ་རྒྱ་གར་གྱི་མཁན་པོ་ཤར་ཕྱོགས་ཀྱི་དགེ་བསྙེན་ཆེན་པོ་གོ་མི་འཆི་མེད་དང་། ལོ་ཙཱ་བ་ཆེན་པོ་དགེ་སློང་བློ་ལྡན་ཤེས་རབ་ཀྱི་འགྱུར་གཉིས་བཞུགས་སོ།།      །།
ཁ་པ་ལ། འཕགས་པ་ཤེས་རབ་ཀྱི་ཕ་རོལ་དུ་ཕྱིན་པ་སྟོང་ཕྲག་ཉི་ཤུ་ལྔ་པའི་མན་ངག་གི་བསྟན་བཅོས་མངོན་པར་རྟོགས་པའི་རྒྱན་གྱི་ཚིག་ལེའུར་བྱས་པའི་རྣམ་པར་འགྲེལ་པ་མཁས་པ་ཆེན་པོ་མོས་པས་སྤྱོད་པའི་ས་བརྙེས་པ་སློབ་དཔོན་རྣམ་གྲོལ་སྡེས་མཛད་པ། བལ་ཡུལ་གྱི་པཎྜི་ཏ་ཆེན་པོ་ཤཱནྟི་བྷ་དྲ་དང་། འབྲོ་
སེང་དཀར་དགེ་སློང་ཤཱཀྱ་འོད་ཀྱི་འགྱུར། འདི་ལ་ཤློ་ཀ་ལྔ་སྟོང་བཞི་བརྒྱ་ཡོད་དོ། །ཤེས་རབ་ཀྱི་ཕ་རོལ་ཏུ་ཕྱིན་པ་འབུམ་པ་དང་ཉི་ཁྲི་ལྔ་སྟོང་པ་དང་ཁྲི་བརྒྱད་སྟོང་པ་གསུམ་དོན་མཐུན་པར་མངོན་རྟོགས་བརྒྱད་དུ་བསྟན་པ་པཎྜི་ཏ་ཆེན་པོ་སྨྲྀ་ཏི་ཛྙཱ་ན་ཀཱིརྟིས་མཛད་པ་རྣམས་བཞུགས་སོ། །འདི་ལ་དཔེ་རྙིང་དག་པོ་
རྣམས་ན་པཎྜི་ཏ་བྱམས་པས་མཛད་བྱ་བ་སྣང་སྟེ། དེ་ལྟར་ན་མེེ་ཏྲི་པ་ལ་སྨྲྀ་ཏིར་ནོར་བ་ཡིན་ནམ་སེམས་སོ་ཞེས་བུ་སྟོན་གྱིས་གསུངས་སོ།།      །།ག་ང་ཅ་གསུམ་ལ། ཤེས་རབ་ཀྱི་ཕ་རོལ་ཏུ་ཕྱིན་པ་སྟོང་ཕྲག་ཉི་ཤུ་ལྔ་པ་མངོན་པར་རྟོགས་པའི་རྒྱན་གྱི་རྗེས་སུ་འབྲངས་ནས་དག་པར་གཏུགས་པ་སློབ་དཔོན་

213-1-431b

སེང་གེ་བཟང་པོས་མཛད་པ་ཉི་ཁྲི་ལེ་བརྒྱད་མར་གྲགས་པ་བམ་པོ་བདུན་བཅུ་རྩ་བཞི་པ། བལ་ཡུལ་ཡམ་བུའི་བསོད་ནམས་རྒྱུན་འབྱུང་གི་གཙུག་ལག་ཁང་དུ་པཎྜི་ཏ་ཞི་བ་བཟང་པོ་དང་། ལོ་ཙཱ་བ་དགེ་སློང་ཚུལ་ཁྲིམས་རྒྱལ་བའི་འགྱུར་བཞུགས་སོ།།      །།ཆ་པ་ལ། འཕགས་པ་ཤེས་རབ་ཀྱི་ཕ་རོལ་ཏུ་ཕྱིན་
པ་བརྒྱད་སྟོང་པའི་བཤད་པ་མངོན་པར་རྟོགས་པའི་རྒྱན་གྱི་སྣང་བ་ཞེས་བྱ་བ་མཁས་པ་ཆེན་པོ་སློབ་དཔོན་སེང་གེ་བཟང་པོའི་ཞལ་སྔ་ནས་མཛད་པ་ཤློ་ཀ་སྟོང་ཕྲག་བརྒྱད་པ། རྒྱ་གར་གྱི་མཁན་པོ་སུ་བྷཱ་ཥི་ཏ་དང་། སྒྲ་སྒྱུར་གྱི་ལོ་ཙཱ་བ་ཆེན་པོ་དགེ་སློང་རིན་ཆེན་བཟང་པོས་བསྒྱུར་ནས། སླད་ཀྱིས་རྒྱ་གར་གྱི་མཁན་པོ་པཎྜི་
ཏ་ཆེན་པོ་དཱི་པཾ་ཀ་ར་ཤྲཱི་ཛྙཱ་ན་དང་། ཞུ་ཆེན་གྱི་ལོ་ཙཱ་བ་ཆེན་པོ་དགེ་སློང་རིན་ཆེན་བཟང་པོས་ཡུལ་དབུས་ཀྱི་དཔེ་དང་ཡང་གཏུགས་ནས་བཅོས་པ་ལ། དུས་ཕྱིས་པཎྜི་ཏ་ཆེན་པོ་གཞུང་འབུམ་ཕྲག་གཉིས་ཀྱིས་མགྲིན་པ་བརྒྱན་པ་དྷི་ར་པཱ་ལ་དང་། ལོ་ཙཱ་བ་དགེ་སློང་བློ་ལྡན་ཤེས་རབ་ཀྱི་འགྱུར་བ་བཞུགས་སོ།།      །།
ཇ་པ་ལ། མངོན་རྟོགས་རྒྱན་སྡུས་པ་དང་སྦྱར་བའི་འགྲེལ་པའམ། བཅོམ་ལྡན་འདས་ཡོན་ཏན་རིན་པོ་ཆེ་སྡུད་པ་ཚིགས་སུ་བཅད་པའི་དཀའ་འགྲེལ་རྟོགས་པར་སླ་བ་ཞེས་བྱ་བ་ཤློ་ཀ་ཉིས་སྟོང་ཆིག་བརྒྱ་པ་སློབ་དཔོན་ཆེན་པོ་སེང་གེ་བཟང་པོས་མཛད་པ། བལ་ཡུལ་གྱི་པཎྜི་ཏ་ཛེ་ཏ་ཧང་ངུ་ཤཱནྟི་བྷ་དྲ་དང་། བོད་
ཀྱི་ལོ་ཙཱ་བ་འཕྲོ་སེང་དཀར་ཤཱཀྱ་འོད་ཀྱི་འགྱུར། ཤེས་རབ་ཀྱི་ཕ་རོལ་ཏུ་ཕྱིན་པའི་མན་ངག་གི་བསྟན་བཅོས་མངོན་པར་རྟོགས་པའི་རྒྱན་ཞེས་བྱ་བའི་འགྲེལ་པ་བམ་པོ་ལྔ་པ་སློབ་དཔོན་སེང་གེ་བཟང་པོས་མཛད་པ། རྒྱ་གར་གྱི་མཁན་པོ་བིདྱཱ་ཀ་ར་པྲ་བྷ་དང་། ཞུ་ཆེན་གྱི་ལོ་ཙཱ་བ་བནྡེ་དཔལ་བརྩེགས་ཀྱིས་
བསྒྱུར་བ་ལ། སླད་ཀྱིས་པཎྜི་ཏ་དཔལ་གོ་མི་འཆི་མེད་དང་། ལོ་ཙཱ་བ་དགེ་སློང་བློ་ལྡན་ཤེས་རབ་ཀྱིས་ལེགས་པར་བཅོས་ཤིང་གཏན་ལ་ཕབ་པ། ཤེས་རབ་ཀྱི་ཕ་རོལ་ཏུ་ཕྱིན་པའི་མན་ངག་གི་བསྟན་བཅོས་མངོན་པར་རྟོགས་པའི་རྒྱན་ཞེས་བྱ་བའི་འགྲེལ་པ་རྟོགས་པར་དཀའ་བའི་སྣང་བ་ཞེས་བྱ་བའི་འགྲེལ་
བཤད་སློབ་དཔོན་གསེར་གླིང་པ་ཆོས་ཀྱི་གྲགས་པས་མཛད་པ། རྒྱ་གར་གྱི་མཁན་པོ་དཱི་པཾ་ཀ་ར་ཤྲཱི་ཛྙཱ་ན་དང་། སྒྲ་སྒྱུར་གྱི་ལོ་ཙཱ་བ་ཆེན་པོ་དགེ་སློང་རིན་ཆེན་བཟང་པོའི་འགྱུར། མངོན་པར་རྟོགས་པའི་རྒྱན་གྱི་འགྲེལ་པའི་བསྡུས་དོན་ནུབ་ཀྱི་སྒོ་གླེགས་པ་དཔལ་མཁས་པ་ཆེན་པོ་ཤེས་རབ་འབྱུང་གནས་

213-1-432a

བློ་གྲོས་ཀྱིས་མཛད་པ། པཎྜི་ཏ་ཆེན་པོ་སུ་མ་ཏི་ཀཱིརྟི་དང་། ལོ་ཙཱ་བ་བློ་ལྡན་ཤེས་རབ་ཀྱི་འགྱུར་རྣམས་བཞུགས་སོ།།      །།ཉ་པ་ལ། ཤེས་རབ་ཀྱི་ཕ་རོལ་དུ་ཕྱིན་པའི་མན་ངག་གི་བསྟན་བཅོས་མངོན་པར་རྟོགས་པའི་རྒྱན་གྱི་ཚིག་ལེའུར་བྱས་པའི་འགྲེལ་བཤད་ཚིག་རབ་
ཏུ་གསལ་བ་ཞེས་བྱ་བ་ཡུལ་ཆེན་པོ་བེེ་ད་ལར་སྐྱེས་པའི་སློབ་དཔོན་མཁས་པ་ཆེན་པོ་གྲུབ་པའི་མཐའ་རབ་བྱམས་ལ་མཁྱེན་པའི་སྣང་བས་ཁྱབ་པ་ཐེག་པ་ཆེན་པོ་དབུ་མའི་སློབ་དཔོན་ཆོས་ཀྱི་བཤེས་གཉེན་གྱིས་མཛད་པ། རྒྱ་གར་གྱི་མཁན་པོ་ཆེན་པོ་ཨ་བྷི་ཡུཀྟ་ཀཏྟ་ར་ཤྲཱི་མི་ཏྲ་དང་། བོད་ཀྱི་ལོ་ཙཱ་བ་
དགེ་སློང་ཆོས་ཀྱི་ཤེས་རབ་ཀྱིས་བསྒྱུར་བ། ཤེས་རབ་ཀྱི་ཕ་རོལ་ཏུ་ཕྱིན་པའི་དོན་བསྡུས་རྒྱ་གར་གྱི་མཁན་པོ་ཀུ་མཱ་ར་ཤྲཱི་བྷ་དྲས་མཛད་པ། པཎྜི་ཏ་དེ་ཉིད་དང་། ལོ་ཙཱ་བ་བཀྲ་ཤིས་རྒྱལ་མཚན་གྱིས་བསྒྱུར་བ། སྡུད་པ་ཚིགས་སུ་བཅད་པའི་དཀའ་འགྲེལ་སློབ་དཔོན་སེང་གེ་བཟང་པོའི་དངོས་སློབ་བུདྡྷ་ཤྲཱི་ཛྙཱ་ནས་
མཛད་པ་བམ་པོ་དྲུག་པ། རྒྱ་གར་གྱི་མཁན་པོ་བིདྱཱ་སིདྷ་ཀ་ར་དང་། ཞུ་ཆེན་གྱི་ལོ་ཙཱ་བ་བནྡེ་དཔལ་བརྩེགས་ཀྱི་འགྱུར། མངོན་པར་རྟོགས་པའི་རྒྱན་གྱི་འགྲེལ་པ་གྲགས་པའི་ཆ་ཞེས་བྱ་བ་པཎྜི་ཏ་ཆེན་པོ་རཏྣ་ཀཱིརྟིས་མཛད་པ། རྒྱ་གར་གྱི་པཎྜི་ཏ་ཆེན་པོ་རཏྣ་ཀཱིརྟི་དེ་ཉིད་དང་། ལོ་ཙཱ་བ་ལ་ཆིངས་ཡོན་ཏན་
འབར་གྱི་འགྱུར་རྣམས་བཞུགས་སོ།།      །།ཏ་པ་ལ། བཅོམ་ལྡན་འདས་ཀྱི་ཤེས་རབ་ཀྱི་ཕ་རོལ་ཏུ་ཕྱིན་མའི་མན་ངག་གི་བསྟན་བཅོས་མངོན་པར་རྟོགས་པའི་རྒྱན་གྱི་འགྲེལ་པ་ཤེས་རབ་སྒྲོན་མའི་ཕྲེང་བ་ཞེས་བྱ་བ་དཔལ་ཆོས་ཀྱི་རྗེ་བྱང་ཆུབ་སེམས་དཔའ་དམ་པ་མཁས་པ་ཐམས་ཅད་ཀྱི་བླ་མར་འགྱུར་པ་
ཁ་ཆེའི་རིགས་ཀྱི་པཎྜི་ཏ་ཆེན་པོ་བུདྡྷ་ཤྲཱི་ཛྙཱ་ནས་མཛད་པ། པཎྜི་ཏ་ཆེན་པོ་དེ་ཉིད་དང་། གནུབས་ལོ་ཙཱ་བ་དགེ་སློང་བྱམས་པའི་དཔལ་གྱི་འགྱུར། མངོན་རྟོགས་རྒྱན་སེམས་ཙམ་གྱི་ལྟ་བར་བཀྲོལ་བ་འཕགས་པ་འཇམ་དཔལ་གྱི་དངོས་གྲུབ་བརྙེས་པ་མཁས་པ་ཆེན་པོ་སློབ་དཔོན་རིན་ཆེན་འབྱུང་གནས་
ཞི་བས་མཛད་པ་མངོན་པར་རྟོགས་པའི་རྒྱན་གྱི་ཚིག་ལེའུར་བྱས་པའི་འགྲེལ་པ་དག་ལྡན་ཞེས་བྱ་བ་ཉི་ཁྲི་དང་སྦྱར་བའི་འགྲེལ་པ། རྒྱ་གར་གྱི་མཁན་པོ་ཤྲཱི་སུ་བྷཱུ་ཏི་ཤཱནྟི་དང་། ལོ་ཙཱ་བ་དགེ་སློང་ཤཱཀྱ་བློ་གྲོས་དང་། དགེ་སློང་དགེ་བའི་བློ་གྲོས་ཀྱིས་བསྒྱུར་བ་ལ། སླད་ཀྱིས་པཎྜི་ཏ་ཆེན་པོ་ཤཱནྟ་བྷ་དྲ་དང་། ཞུ་

213-1-432b

ཆེན་གྱི་ལོ་ཙཱ་བ་འགོས་ལྷས་བཙས་ཀྱིས་བཅོས་ཏེ་གཏན་ལ་ཕབ་པ། སྟོང་ཕྲག་བརྒྱ་པའི་རྣམ་པར་བཤད་པ་མངོན་རྟོགས་རྒྱན་དང་མཐུན་པར་བཤད་པ་ཁ་ཆེའི་པཎྜི་ཏ་དྷརྨ་ཤྲཱིས་མཛད་དོ་ཞེས་གྲགས་པ་རྣམས་བཞུགས་སོ།།      །།ཐ་པ་ལ། མངོན་རྟོགས་རྒྱན་བརྒྱད་སྟོང་པ་དང་སྦྱར་ནས་སེམས་ཙམ་
དུ་སྟོན་པ་འཕགས་པ་ཤེས་རབ་ཀྱི་ཕ་རོལ་ཏུ་ཕྱིན་པ་བརྒྱད་སྟོང་པའི་དཀའ་འགྲེལ་སྙིང་པོ་མཆོག་ཅེས་བྱ་བ་ཤློ་ཀ་སྟོང་ཕྲག་བརྒྱད་པ། རྒྱལ་པོའི་སློབ་དཔོན་མཁས་པ་ཆེན་པོ་རིན་ཆེན་འབྱུང་གནས་ཞི་བའི་ཞལ་སྔ་ནས་མཛད་པ། པཎྜི་ཏ་ཤྲཱི་སུ་བྷཱུ་ཏི་ཤཱནྟི་དང་། ལོ་ཙཱ་བ་ཤཱཀྱ་བློ་གྲོས་་ཀྱི་འགྱུར། ཤེས་རབ་ཀྱི་
ཕ་རོལ་ཏུ་ཕྱིན་པའི་དོན་བསྡུས་སྒྲོན་མ་ཞེས་བྱ་བ་དཔལ་ཤཱནྟི་པའི་སློབ་མ་སློབ་དཔོན་མར་མེ་མཛད་ཡེ་ཤེས་ཀྱིས་མཛད་པ། པཎྜི་ཏ་དེ་ཉིད་དང་། ལོ་ཙཱ་བ་མཁས་པ་ཆེན་པོ་ཚུལ་ཁྲིམས་རྒྱལ་བའི་འགྱུར་བ་རྣམས་བཞུགས་སོ།།      །།ད་པ་ལ། བརྒྱད་སྟོང་པ་མངོན་རྟོགས་རྒྱན་དང་སྦྱར་བའི་འགྲེལ་པ་སློབ་
དཔོན་འཇིགས་མེད་འབྱུང་གནས་སྦས་བས་མཛད་པ། འཕགས་པ་ཤེས་རབ་ཀྱི་ཕ་རོལ་ཏུ་ཕྱིན་པ་བརྒྱད་སྟོང་པའི་འགྲེལ་པ་གནད་ཀྱི་ཟླ་བའི་འོད་ཅེས་བྱ་བ་པཎྜི་ཏ་ཆེན་པོ་འཇིགས་མེད་འབྱུང་གནས་སྦས་པས་མཛད་པ། རྒྱ་གར་གྱི་མཁན་པོ་ཆེན་པོ་དེ་ཉིད་དང་། [མ་བྱུང་] མཁས་པ་ཤེས་རབ་དཔལ་གྱིས་དཔལ་
ནཱ་ལེནྡྲར་བསྒྱུར་བ། སྡུད་པ་མངོན་རྟོགས་རྒྱན་དང་མཐུན་པར་བཤད་པ་ཤེས་རབ་ཀྱི་ཕ་རོལ་དུ་ཕྱིན་པའི་མཛོད་ཀྱི་ལྡེ་མིག་ཅེས་བྱ་བ་ཁ་ཆེའི་མཁན་པོ་བླ་མ་དྷརྨ་ཤྲཱིས་མཛད་པ། འཕགས་པ་སྡུད་པའི་གདམས་ངག་འདི་བྱང་ཆུབ་སའི་སྙིང་པོ་དཔལ་འབུམ་སྟེང་གི་གཙུག་ལག་ཁང་གསར་དུ་བཞེངས་པའི་དུས་
མཁས་པ་ཆེན་པོ་བ་རེག་ལོ་ཙཱ་བས་བསྒྱུར་བ་རྣམས་བཞུགས་སོ། །དེ་ལྟར་མངོན་རྟོགས་རྒྱན་གྱི་རྗེས་སུ་འབྲང་བའི་འགྲེལ་པ་ཉི་ཤུ་རྩ་གཅིག་གོ།      །།ཤིང་རྟའི་སྲོལ་བྱེད་གཉིས་པ་དབུ་མ་རིག་པའི་ཚོགས་ནི་འོག་ཏུ་དབུ་མ་དང་ལྷན་ཅིག་བྲིའོ།།      །།ན་པ་གཉིས་ལ། ཤིང་རྟའི་སྲོལ་བྱེད་གསུམ་པ་
སློབ་དཔོན་དཾཥྚ྄ཱ་སེ་ནས་མཛད་པར་གྲགས་པའི་འཕགས་པ་ཤེས་རབ་ཀྱི་ཕ་རོལ་ཏུ་ཕྱིན་པ་འབུམ་པ་རྒྱ་ཆེར་འགྲེལ་པ་ལེའུ་ལྔ་བཅུ་ང་གཉིས་པའི་འཕྲོ་ལ་ལུས་པ་བཞུགས། འདི་ལ་དཀར་ཆག་འཕང་ཐང་མར་རྒྱལ་པོ་ཁྲི་སྲོང་ལྡེའུ་བཙན་གྱིས་མཛད་ཟེར་རོ།།      །།ཕ་པ་ལ། འཕགས་པ་ཤེས་

213-1-433a

རབ་ཀྱི་ཕ་རོལ་ཏུ་ཕྱིན་པ་འབུམ་པ་དང་། ཉི་ཁྲི་ལྔ་སྟོང་པ་དང་། ཁྲི་བརྒྱད་སྟོང་པའི་རྒྱ་ཆེར་བཤད་པ་བམ་པོ་ཉི་ཤུ་རྩ་བདུན་པ། རྒྱ་གར་གྱི་མཁན་པོ་སུ་རེནྡྲ་བོ་དྷི་དང་། ཞུ་ཆེན་གྱི་ལོ་ཙཱ་བ་བནྡེ་ཡེ་ཤེས་སྡེས་བསྒྱུར་བ། འདི་ལ་ཀུན་མཁྱེན་བུས་ཁ་ཅིག་དཾཥྚ྄ཱ་སེ་ནས་མཛད་ཟེར་མོད་ཀྱི། སློབ་དཔོན་
དབྱིག་གཉེན་གྱི་མཛད་པའི་གཞུང་གི་འགྲེལ་པར་བཞེད་པ་ཉིད་འཐད་པར་རྟོགས་ཏེ། རྒྱ་འགྲེལ་རྣམས་སུ་ལུང་དྲངས་པའི་གཞུང་རྣམས་དེ་ན་མི་སྣང་བའི་ཕྱིར་འདིས་ལྟ་བ་སེམས་ཙམ་དུ་བཀྲོལ་ཞིང་། འདི་དང་འབུམ་ཊཱི་ཀ་ཆེ་བ་གཉིས་ཀ་སྒོ་གསུམ་རྣམ་གྲངས་བཅུ་གཅིག་ཏུ་འཆད་དོ་ཞེས་བཤད་
དོ། །ཤིང་རྟའི་སྲོལ་འབྱེད་བཞི་པ་གཙོ་བོའི་དོན་སུམ་ཅུ་རྩ་གཉིས་སུ་སྟོན་པ་འཕགས་པ་ཤེས་རབ་ཀྱི་ཕ་རོལ་ཏུ་ཕྱིན་མ་བསྡུས་པའི་ཚིག་ལེའུར་བྱས་པ་སློབ་དཔོན་ཕྱོགས་ཀྱི་གླང་པོས་མཛད་པ་དང་། འཕགས་པ་ཤེས་རབ་ཀྱི་ཕ་རོལ་ཏུ་ཕྱིན་མ་བསྡུས་པའི་ཚིག་ལེའུར་བྱས་པའི་རྣམ་པར་འགྲེལ་
པ་སློབ་དཔོན་བླ་མ་དཀོན་མཆོག་གསུམ་གྱི་འབངས་ཀྱིས་མཛད་པ། ཤློ་ཀ་ལྔ་བརྒྱ་བཞི་བཅུ་པ། ཁ་ཆེའི་པཎྜི་ཏ་ཐིག་ལེ་བུམ་པ་དང་། ལོ་ཙཱ་བ་དགེ་སློང་བློ་ལྡན་ཤེས་རབ་ཀྱི་འགྱུར་བ་རྣམས་བཞུགས་སོ།།      །།བ་བ་ལ། དཔལ་ལྡན་རྒྱལ་པོ་ཛ་གཏྟ་ཏཱ་ལར་གནས་པས་མཛད་པ་བཅོམ་ལྡན་འདས་མ་འཕགས་པ་ཤེས་རབ་ཀྱི་ཕ་
རོལ་དུ་ཕྱིན་པ་བརྒྱད་སྟོང་པའི་རྣམ་པར་བཤད་པ་མན་ངག་གི་རྗེས་སུ་འབྲང་བ་གཞུང་ཚད་ཤློ་ཀ་སྟོང་ཕྲག་བརྒྱད་པ། རྒྱ་གར་གྱི་མཁན་པོ་ཨ་ལངྐ་དེ་ཝ་དང་། བོད་ཀྱི་ལོ་ཙཱ་བ་ག་རོད་ཚུལ་ཁྲིམས་འབྱུང་གནས་ཀྱིས་དཔལ་སྒྱེའུ་རིའི་དྲུང་དུ་ཆོས་འཁོར་དབེན་པའི་གཙུག་ལག་ཁང་དུ་བསྒྱུར་བ། འདི་བརྒྱད་སྟོང་དོན་བསྡུས་
དང་། ཉི་ཁྲི་གཞུང་འགྲེལ་གཉིས་ཀའི་རྗེས་སུ་འབྲང་བའི་འགྲེལ་པ་ཡིན་ནོ།།      །།མ་པ་ལ། བཅོམ་ལྡན་འདས་མ་ཤེས་རབ་ཀྱི་ཕ་རོལ་ཏུ་ཕྱིན་པའི་དོན་བསྡུས་པའི་ཚིགས་སུ་བཅད་པ་དགུ་པ་སློབ་དཔོན་ཆེན་པོ་ཀམྤ་ལའི་ཞལ་སྔ་ནས་མཛད་པ། རྒྱ་གར་གྱི་མཁན་པོ་ཨཱ་ཙཱརྱ་ཤྲདྡྷཱ་ཀ་ར་ཝརྨ་
དང་། ཞུ་ཆེན་གྱི་ལོ་ཙཱ་བ་དགེ་སློང་རིན་ཆེན་བཟང་པོའི་འགྱུར། བཅོམ་ལྡན་འདས་མ་ཤེས་རབ་ཀྱི་ཕ་རོལ་ཏུ་ཕྱིན་པའི་དོན་བསྡུས་པའི་ཚིགས་སུ་བཅད་པ་དགུ་པའི་རྒྱ་ཆེར་བཤད་པ་སློབ་དཔོན་ཆེན་པོ་ཀམྤ་ལའི་ཞལ་སྔ་ནས་མཛད་པ། རྒྱ་གར་གྱི་མཁན་པོ་ཀཱ་མ་ལ་གུཔྟ་དང་། ཞུ་ཆེན་གྱི་ལོ་ཙཱ་བ་

213-1-433b

དགེ་སློང་རིན་ཆེན་བཟང་པོའི་འགྱུར། ཤེས་རབ་ཀྱི་ཕ་རོལ་ཏུ་ཕྱིན་པ་བདུན་བརྒྱ་པའི་རྒྱ་ཆེར་འགྲེལ་པ་མགོན་པོ་ངག་གི་དབང་པོས་སྤོབས་པ་བསྐྱེད་པའི་སློབ་དཔོན་བི་མ་ལ་མི་ཏྲས་མཛད་པ་བམ་པོ་བདུན་པ། ཤེས་རབ་ཀྱི་ཕ་རོལ་ཏུ་ཕྱིན་པ་བདུན་བརྒྱ་པའི་རྒྱ་ཆེར་བཤད་པ་སློབ་དཔོན་ཀ་མ་ལ་
ཤཱི་ལས་མཛད་པ་བམ་པོ་དྲུག་པ། རྒྱ་གར་གྱི་མཁན་པོ་བི་མ་ལ་མི་ཏྲ་དང་། ལིའི་མཁན་པོ་སུ་རེནྡྲཱ་ཀ་ར་པྲ་བྷ་དང་། ཞུ་ཆེན་གྱི་ལོ་ཙཱ་བ་དགེ་སློང་ནམ་མཁའ་སྐྱོང་གིས་བསྒྱུར་བ། འཕགས་པ་བཅོན་ལྡན་འདས་མ་ཤེས་རབ་ཀྱི་ཕ་རོལ་ཏུ་ཕྱིན་པ་རྡོ་རྗེ་གཅོད་པའི་གནས་བདུན་གྱི་རྒྱ་ཆེར་འགྲེལ་པ་
སློབ་དཔོན་དབྱིག་གཉེན་གྱིས་མཛད་པ་འདི་ནི་ཐམས་ཅད་མཁྱེན་པ་གཞོན་ནུ་དཔལ་བའི་ཞལ་སྔ་ནས་གསར་འགྱུར་མཛད་པའི་འཕྲོ་ཅུང་ཟད་ལུས་པ། ཞ་ལུ་ལོ་ཙཱ་བ་འགོས་ཆོས་སྐྱོང་བཟང་པོས་ལུགས་གཉིས་ཀྱི་མདུན་ས་ཆེན་པོ་ཕོ་བྲང་སྣེའུ་གདོང་རྩེར་ཆོས་ཀྱི་རྗེ་ཆོས་ཀྱི་རྒྱལ་པོ་ཆེན་པོ་དཔལ་ངག་གི་
དབང་ཕྱུག་གྲགས་པ་ཕྱོགས་ཐམས་ཅད་ལས་རྣམ་པར་རྒྱལ་བའི་དཔལ་གྱི་མངའ་ཐང་ཆེན་པོ་ལ་བརྟེན་ནས་ལེགས་པར་བསྒྱུར། སླར་ཡང་རྒྱ་དཔེ་ལ་གཏུགས་ཤིང་སློབ་དཔོན་ཀ་མ་ལ་ཤཱི་ལས་མཛད་པའི་འགྲེལ་པར་བརྗོད་བྱ་རིས་མཐུན་པ་རྣམས་དང་སྦྱར་ཏེ། ཚིག་ཕྲད་དང་འཁྲུགས་སྡེབ་
སོགས་ཅུང་ཟད་ལེགས་ཆར་འགྱུར་བ་རྣམས་འབད་ཅིང་དག་པར་བགྱིས་པ། །ཤེས་རབ་ཀྱི་ཕ་རོལ་ཏུ་ཕྱིན་པ་རྡོ་རྗེ་གཅོད་པ་དབུ་མའི་ཚུལ་དུ་རྒྱ་ཆེར་འགྲེལ་པ་སློབ་དཔོན་ཀ་མ་ལ་ཤཱི་ལས་མཛད་པ། རྒྱ་གར་གྱི་མཁན་པོ་པཎྜི་ཏ་མཉྫུ་ཤྲཱི་དང་། ཛི་ན་མི་ཏྲ་དང་། ཞུ་ཆེན་གྱི་ལོ་ཙཱ་བ་བནྡེ་ཡེ་
ཤེས་སྡེས་བསྒྱུར་བ། འཕགས་པ་ཤེས་རབ་ཀྱི་ཕ་རོལ་ཏུ་ཕྱིན་པའི་སྙིང་པོའི་རྒྱ་ཆེར་བཤད་པ་དོན་བརྒྱད་མ་རྒྱ་གར་གྱི་མཁན་པོ་དྲི་མ་མེད་པའི་བཤེས་གཉེན་གྱིས་མཛད་པ། རྒྱ་གར་གྱི་མཁན་པོ་བི་མ་ལ་མི་ཏྲ་དེ་ཉིད་དང་། བོད་ཀྱི་ཞུ་ཆེན་གྱི་ལོ་ཙཱ་བ་བནྡེ་ནམ་མཁའ་དང་ཡེ་ཤེས་སྙིང་
པོ་ལ་སོགས་པས་བསྒྱུར་བ། འཕགས་པ་ཤེས་རབ་ཀྱི་ཕ་རོལ་ཏུ་ཕྱིན་པའི་སྙིང་པོའི་འགྲེལ་བ་སློབ་དཔོན་ཛྙཱ་ན་མི་ཏྲས་མཛད་པ། བཅོམ་ལྡན་འདས་མ་ཤེས་རབ་ཀྱི་ཕ་རོལ་ཏུ་ཕྱིན་པའི་སྙིང་པོའི་འགྲེལ་པ་དོན་གྱི་སྒྲོན་མ་ཞེས་བྱ་བ་པཎྜི་ཏ་ཕྱག་ན་རྡོ་རྗེས་མཛད་པ། རྒྱ་གར་གྱི་མཁན་པོ་དེ་ཉིད་དང་།

213-1-434a

སྒྲ་སྒྱུར་གྱི་ལོ་ཙཱ་བ་དགེ་སློང་སེང་གེ་རྒྱལ་མཚན་གྱི་འགྱུར། འཕགས་པ་ཤེས་རབ་ཀྱི་ཕ་རོལ་ཏུ་ཕྱིན་པའི་སྙིང་པོ་རྒྱ་ཆེར་འགྲེལ་པ་དོན་བཅུ་པ་གསལ་བར་བསྟན་པ་སློབ་དཔོན་པྲ་ཤསྟྲ་སེ་ནཱས་མཛད་པ། ཤེར་སྙིང་གི་འགྲེལ་པ་མ་ཚང་བ་གཅིག །ཤེས་རབ་ཀྱི་ཕ་
རོལ་ཏུ་ཕྱིན་པའི་སྙིང་པོའི་དོན་ཡོངས་སུ་ཤེས་པ་པཎྜི་ཏ་ཤྲཱི་མ་ཧཱ་ཛ་ནས་མཛད་པ། རྒྱ་གར་གྱི་མཁན་པོ་དེ་ཉིད་དང་། སྒྲ་སྒྱུར་གྱི་ལོ་ཙཱ་བ་དགེ་སློང་སེང་གེ་རྒྱལ་མཚན་གྱི་འགྱུར། ཤེས་རབ་སྙིང་པོའི་རྣམ་པར་བཤད་པ་དགེ་སློང་ལེགས་པའི་ཤེས་རབ་ [མ་བྱུང་] ཀྱིས་སློབ་དཔོན་མར་མེ་མཛད་དཔལ་
ཡེ་ཤེས་ལ་གསོལ་བ་བཏབ་ནས་ལེགས་པར་བཤད་པ། རྒྱ་གར་གྱི་མཁན་པོ་དཱི་པཾ་ཀ་ར་ཤྲཱི་ཛྷཱ་ན་དང་། ལོ་ཙཱ་བ་དགེ་སློང་ཚུལ་ཁྲིམས་རྒྱལ་བའི་འགྱུར། ཤེར་སྙིང་གི་འགྲེལ་པ་སློབ་དཔོན་ཀ་མ་ལ་ཤཱི་ལས་མཛད་ཟེར་བ་རྣམས་བཞུགས་སོ། །གསུང་རབ་ཀུན་གྱི་སྙིང་པོ་བླ་ན་
མེད། །དུས་གསུམ་རྒྱལ་མ་མ་ལུས་སྐྱེད་པའི་ཡུམ། །ཤེས་རབ་ཕ་རོལ་ཕྱིན་མའི་མདོ་ཡི་དོན། །གསལ་བྱེད་བསྟན་བཅོས་བཞི་བཅུ་ཐམ་པ་བཞུགས། དེ་དག་གིས་ནི་ཤེས་ [མ་བྱུང་།] རབ་ཀྱི་ཕ་རོལ་ཏུ་ཕྱིན་མའི་ཆོས་སྐོར་བཞུགས་པའི་རྣམ་གྲངས་རྣམས་བཀོད་ཟིན་ཏོ།།      །།
དེ་ལྟར་ཤེས་རབ་ཀྱི་ཕ་རོལ་ཏུ་ཕྱིན་མའི་སྐོར་རྣམས་བཀོད་ནས། གཉིས་པ་བཀའ་ཐམས་ཅད་ཀྱི་དགོངས་པ་འགྲེལ་ཞིང་། ཁྱད་པར་དུ་ཤེས་རབ་ཀྱི་ཕ་རོལ་ཏུ་ཕྱིན་པའི་དགོངས་པ་འགྲེལ་པ་དབུ་མའི་སྐོར་ལ། ཙ་པ་ལ། དབུ་མ་རྩ་བའི་ཚིག་ལེའུར་བྱས་པ་ཤེས་རབ་ཅེས་བྱ་བ་སློབ་
དཔོན་བདག་ཉིད་ཆེན་པོ་འཕགས་པ་ཀླུ་སྒྲུབ་མི་འཕྲོགས་པའི་མཁྱེན་རབ་དང་ཐུགས་རྗེར་ལྡན་པ་དེ་བཞིན་གཤེགས་པའི་ཐེག་པ་བླ་ན་མེད་པའི་ཚུལ་གསལ་བར་བྱེད་པ་རབ་ཏུ་དགའ་བའི་ས་བསྒྲུབས་ནས་བདེ་བ་ཅན་དུ་གཤེགས་པས་མཛད་པ། རྒྱ་གར་གྱི་མཁན་པོ་ཆེན་པོ་དབུ་མ་པ་ཛྙཱ་ན་གརྦྷ་
དང་། ཞུ་ཆེན་གྱི་ལོ་ཙཱ་བ་དགེ་སློང་ཅོག་རོ་ཀླུའི་རྒྱལ་མཚན་གྱི་འགྱུར། འདི་ལ་རབ་ཏུ་བྱེད་པ་ཉི་ཤུ་རྩ་བདུན། ཤློ་ཀ་བཞི་བརྒྱ་བཞི་བཅུ་རྩ་དགུ། བམ་པོ་ཕྱེད་དང་གཉིས་སུ་བྱས་སོ། །སླད་ཀྱིས་གྲོང་ཁྱེར་དཔེ་མེད་ཀྱི་དབུས་གཙུག་ལག་ཁང་རིན་ཆེན་སྦས་པའི་དབུས་སུ་ཁ་ཆེའི་མཁན་པོ།

213-1-434b

ཧ་སུ་མ་ཏི་དང་། བོད་ཀྱི་སྒྲ་སྒྱུར་གྱི་ལོ་ཙཱ་བ་པ་ཚབ་ཉི་མ་གྲགས་ཀྱིས་འགྲེལ་པ་ཚིག་གསལ་དང་བསྟུན་ནས་བཅོས་པ་དང་། སླད་ཀྱི་ར་ས་འཕྲུལ་སྣང་གི་གཙུག་ལག་ཁང་དུ་ལོ་ཙཱ་བ་དེ་ཉིད་ཀྱིས་ཞུ་ཆེན་བགྱིས་པའོ། །རིགས་པ་དྲུག་ཅུ་པའི་ཚིག་ལེའུར་བྱས་པ་ཞེས་བྱ་བ་སློབ་དཔོན་འཕགས་པ་
ཀླུ་སྒྲུབ་ཀྱི་ཞལ་སྔ་ནས་མཛད་པ། རྒྱ་གར་གྱི་མཁན་པོ་མུ་དི་ཏ་ཤྲཱི་དང་། བོད་ཀྱི་ལོ་ཙཱ་བ་པ་ཚབ་ཉི་མ་གྲགས་ཀྱི་འགྱུར། ཞིབ་མོ་རྣམ་པར་འཐག་པ་ཞེས་བྱ་བའི་མདོ་སློབ་དཔོན་འཕགས་པ་ཀླུ་གྲུབ་ཀྱི་ཞལ་སྔ་ནས་མཛད་པ། ཁ་ཆེའི་པཎྜི་ཏ་ཨཱ་ནནྡ་དང་། ལོ་ཙཱ་བ་དགེ་སློང་གྲགས་འབྱོར་ཤེས་རབ་
ཀྱི་འགྱུར། སྟོང་པ་ཉིད་བདུན་ཅུ་པའི་ཚིག་ལེའུར་བྱས་པ་ཞེས་བྱ་བ་སློབ་དཔོན་འཕགས་པ་ཀླུ་གྲུབ་ཀྱིས་མཛད་པ། ལོ་ཙཱ་བ་གཞོན་ནུ་མཆོག་དང་། གཉན་དར་མ་གྲགས་དང་ཁུའི་འགྱུར་དག་ལས་དོན་དང་ཚིག་བཟང་དུ་བྲིས་པ། རྩོད་པ་བཟློག་པའི་ཚིག་ལེའུར་བྱས་པ་ཞེས་བྱ་བ་སློབ་དཔོན་
འཕགས་པ་ཀླུ་སྒྲུབ་ཀྱིས་མཛད་པ། རྒྱ་གར་གྱི་མཁན་པོ་ཛྙཱ་ན་གརྦྷ་དང་། བོད་ཀྱི་ལོ་ཙཱ་བ་སྐ་བ་དཔལ་བརྩེགས་ཀྱིས་བསྒྱུར་བ་ལས། སླད་ཀྱི་ཁ་ཆེའི་པཎྜི་ཏ་ཛ་ཡ་ཨཱ་ནནྡ་དང་ལོ་ཙཱ་བ་ཁུ་མདོ་སྡེ་དཔལ་གྱིས་བཅོས་པ། དབུ་མ་རྩ་བའི་འགྲེལ་པ་ག་ལས་འཇིགས་མེད་ཅེས་བྱ་བའི་ཚིག་ལེའུར་
བྱས་པ་སློབ་དཔོན་བདག་ཉིད་ཆེན་པོ་འཕགས་པ་ཀླུ་སྒྲུབ་ཀྱིས་མཛད་པ། རྒྱ་གར་གྱི་མཁན་པོ་ཐེག་པ་ཆེན་པོ་དབུ་མ་པ་ཛྙཱ་ན་གརྦྷ་དང་། ཞུ་ཆེན་གྱི་ལོ་ཙཱ་བ་དགེ་སློང་ཀླུའི་རྒྱལ་མཚན་གྱིས་བསྒྱུར་བ། འདི་ལ་རབ་ཏུ་བྱེད་པ་ཉི་ཤུ་རྩ་བདུན། ཤློ་ཀ་ནི་ཉིས་སྟོང་ཆིག་བརྒྱ། བམ་པོ་ནི་
བདུན་དུ་བྱས་སོ། །འདིར་རིགས་པ་དྲུག་ཅུ་པའི་རང་འགྲེལ་རྙེད་ན་བྲིའོ། །ཞིབ་མོ་རྣམ་པར་འཐག་པ་ཞེས་བྱ་བའི་རབ་ཏུ་བྱེད་པ་སློབ་དཔོན་འཕགས་པ་ཀླུ་སྒྲུབ་ཀྱིས་མཛད་པ། ཁ་ཆེའི་པཎྜི་ཏ་ཛཱ་ཡ་ཨཱ་ནནྡ་དང་། བོད་ཀྱི་ལོ་ཙཱ་བ་ཆེན་པོ་དགེ་སློང་ཁུ་མདོ་སྡེ་འབར་གྱི་འགྱུར། སྟོང་པ་
ཉིད་བདུན་ཅུ་པའི་འགྲེལ་པ་སློབ་དཔོན་འཕགས་པ་ཀླུ་གྲུབ་ཀྱིས་མཛད་པ། རྒྱ་གར་གྱི་མཁན་པོ་ཛི་ན་མི་ཏྲ་དང་། ཞུ་ཆེན་གྱི་ལོ་ཙཱ་བ་བནྡེ་ཡེ་ཤེས་སྡེའི་འགྱུར། རྩོད་པ་བཟློག་པའི་འགྲེལ་པས་དང་པོ་ལ་རབ་ཏུ་དགའ་བ་ལ་བཞུགས་པ་སློབ་དཔོན་འཕགས་པ་ནཱ་གཱརྫུ་ནས་མཛད་པ། རྒྱ་

213-1-435a

གར་གྱི་མཁན་པོ་ཛྙཱ་ན་གརྦྷ་དང་། ལོ་ཙཱ་བ་དཔལ་བརྩེགས་རཀྵི་ཏའི་འགྱུར། ཐེག་པ་ཆེན་པོ་ཉི་ཤུ་པ་སློབ་དཔོན་ཀླུ་གྲུབ་ཀྱིས་མཛད་པ། རྒྱ་གར་གྱི་མཁན་པོ་ཙནྡྲ་ཀུ་མཱ་ར་དང་། དགེ་སློང་ཤཱཀྱ་འོད་ཀྱི་འགྱུར། ཡི་གེ་བརྒྱ་པ་དང་། ཡི་གེ་བརྒྱ་པ་ཞེས་བྱ་བའི་
འགྲེལ་པ་སློབ་དཔོན་འཕགས་པ་ཀླུ་གྲུབ་ཀྱིས་མཛད་པ། དཔལ་ཁ་ཆེའི་གྲོང་ཁྱེར་དཔེ་མེད་དུ་བནྡེ་གཞོན་ནུ་ཤེས་རབ་ཀྱིས་བསྒྱུར་བ་ལ། སླད་ཀྱིས་པཎྜི་ཏ་ཨཱ་ནནྡ་དང་། ལོ་ཙཱ་བ་གྲགས་འབྱོར་ཤེས་རབ་ཀྱིས་བཅོས་པ། རྟེན་ཅིང་འབྲེལ་བར་བྱུང་བའི་སྙིང་པོའི་ཚིག་ལེའུར་བྱས་པ། རྟེན་
ཅིང་འབྲེལ་བར་བྱུང་བའི་སྙིང་པོའི་རྣམ་པར་བཤད་པ། མ་རྟོགས་པ་རྟོགས་པར་བྱེད་པ་ཞེས་བྱ་བའི་རབ་ཏུ་བྱེད་པ་རྣམས་སློབ་དཔོན་འཕགས་པ་ཀླུ་སྒྲུབ་ཀྱིས་མཛད་པ། པཎྜི་ཏ་ཨཱ་ནནྡ་དང་། ལོ་ཙཱ་བ་གྲགས་འབྱོར་ཤེས་རབ་ཀྱི་འགྱུར། སྐྱེ་མེད་རིན་པོ་ཆེའི་མཛོད་ཅེས་བྱ་བ་འཕགས་པ་ཀླུ་
སྒྲུབ་སྙིང་པོས་མཛད་པ། རྒྱ་གར་གྱི་མཁན་པོ་ཀ་ན་ཀ་ཝརྨ་དང་། ལོ་ཙཱ་བ་སཱུརྱ་ཀཱིརྟིས་ལྷ་ས་ར་མོ་ཆེར་འགྱུར། དབུ་མ་སྲིད་པ་འཕོ་བ་ཞེས་བྱ་བ་འཕགས་པ་ཀླུ་སྒྲུབ་ཀྱིས་མཛད་པ། ཟླ་བ་གཞོན་ནུའི་རང་འགྱུར། སྲིད་པ་འཕོ་བའི་ཊཱི་ཀ་པཎྜི་ཏ་བྱམས་པ་མགོན་པོས་མཛད་པ།
པཎྜི་ཏ་ཟླ་བ་གཞོན་ནུ་ལ་གྲུ་སྟོན་ཆུང་གིས་ཞུས་ནས་རང་འགྱུར། དབུ་མ་རྩ་བའི་འགྲེལ་པ་བུདྡྷ་པཱ་ལི་ཏ་ཞེས་བྱ་བ་སློབ་དཔོན་སངས་རྒྱས་བསྐྱངས་འཕགས་པ་འཇམ་དཔལ་གྱི་བཀའ་གྲུབ་པ་བསྟན་བཅོས་དུ་མའི་རྣམ་བཤད་མཛད་པ་ཐེག་པ་ཆེན་པོ་ལ་ཡང་དག་པར་ཞུགས་པ་
རིག་སྔགས་འཆང་གྲུབ་པའི་གནས་ཁྱད་པར་ཅན་དུ་གཤེགས་པས་མཛད་པ། རྒྱ་གར་གྱི་མཁན་པོ་ཛྙཱ་ན་གརྦྷ་དང་། ཞུ་ཆེན་གྱི་ལོ་ཙཱ་བ་ཅོག་རོ་ཀླུའི་རྒྱལ་མཚན་གྱི་འགྱུར། རང་བཞིན་གསུམ་ལ་འཇུག་པའི་སྒྲུབ་པ་སློབ་དཔོན་ཆེན་པོ་འཕགས་པ་ཀླུ་སྒྲུབ་ཀྱི་ཞལ་སྔ་ནས་མཛད་པ། ཁ་
ཆེའི་པཎྜི་ཏ་དགེ་སློང་ཟླ་བ་གྲགས་པའི་རང་འགྱུར། ཆ་ཤས་ཀྱི་ཡན་ལག་ཅེས་བྱ་བའི་རབ་ཏུ་བྱེད་པ་སློབ་དཔོན་འཕགས་པ་ལྷས་མཛད་པ་དང་། ཆ་ཤས་ཀྱི་ཡན་ལག་ཅེས་བྱ་བའི་རབ་ཏུ་བྱེད་པའི་འགྲེལ་པ་སློབ་དཔོན་འཕགས་པ་ཀླུ་སྒྲུབ་ཀྱིས་མཛད་པ། རྒྱ་གར་གྱི་མཁན་པོ་ཤྲདྡྷཱ་

213-1-435b

ཀ་ར་ཝརྨ་དང་། བོད་ཀྱི་ལོ་ཙཱ་བ་རིན་ཆེན་བཟང་པོའི་འགྱུར་བ་རྣམས་བཞུགས་སོ།།      །།ཚ་པ་ལ། སློབ་དཔོན་འཕགས་པ་ལྷས་མཛད་པའི་རྣལ་འབྱོར་སྤྱོད་པ་བསྟན་བཅོས་བཞི་བརྒྱ་པ་ཞེས་བྱ་བའི་ཚིག་ལེའུར་བྱས་པ། ཁ་ཆེའི་གྲོང་ཁྱེར་དཔེ་མེད་ཀྱི་དཔུང་རིན་ཆེན་སྦས་
པའི་ཀུན་དགའ་ར་བར་རྒྱ་གར་གྱི་མཁན་པོ་སཱུ་ཀྵ་ཛཱ་ན་དང་། བོད་ཀྱི་ལོ་ཙཱ་བ་པ་ཚབ་ཉི་མ་གྲགས་ཀྱི་འགྱུར། འཁྲུལ་པ་བཟློག་པའི་རིགས་པ་གཏན་ཚིགས་གྲུབ་པ་ཞེས་བྱ་བ་སློབ་དཔོན་འཕགས་པ་ལྷས་མཛད་པ། རྒྱ་གར་གྱི་མཁན་པོ་སརྦ་ཛྙཱ་དེ་ཝ་དང་། ཞུ་ཆེན་གྱི་ལོ་ཙཱ་བ་
དཔལ་བརྩེགས་ཀྱི་འགྱུར། རབ་ཏུ་བྱེད་པ་ལག་པའི་ཚད་ཀྱི་ཚིག་ལེའུར་བྱས་པ་དང་། ལག་པའི་ཚད་ཀྱི་འགྲེལ་པ་སློབ་དཔོན་འཕགས་པ་ལྷས་མཛད་པ། རྒྱ་གར་གྱི་མཁན་པོ་དཱ་ན་ཤཱི་ལ་དང་། ལོ་ཙཱ་བ་དགེ་སློང་དཔལ་འབྱོར་སྙིང་པོས་བསྒྱུར་ཅིང་། ཞུ་
ཆེན་གྱི་ལོ་ཙཱ་བ་དཔལ་བརྩེགས་རཀྵི་ཏས་ཞུས་པ། དབུ་མ་འཁྲུལ་པ་འཇོམས་པ་ཞེས་བྱ་བ་སློབ་དཔོན་ཆེན་པོ་ཨཱརྱ་དེ་ཝས་མཛད་པ། རྒྱ་གར་གྱི་མཁན་པོ་དཱི་པཾ་ཀ་ར་ཤྲཱི་ཛྙཱ་ན་དང་། ལོ་ཙཱ་བ་དགེ་སློང་ཚུལ་ཁྲིམས་རྒྱལ་བའི་འགྱུར། ཡེ་ཤེས་སྙིང་པོ་ཀུན་ལས་བཏུས་པ་ཞེས་བྱ་བ་
སློབ་དཔོན་ཆེན་པོ་འཕགས་པ་ལྷའི་ཞལ་སྔ་ནས་མཛད་པ། རྒྱ་གར་གྱི་མཁན་པོ་ཀྲྀཥྞ་པ་དང་། ལོ་ཙཱ་བ་དགེ་སློང་ཆོས་ཀྱི་ཤེས་རབ་ཀྱི་འགྱུར། ཡེ་ཤེས་སྙིང་པོ་ཀུན་ལས་བཏུས་པའི་བཤད་སྦྱར་སློབ་དཔོན་བྱང་ཆུབ་བཟང་པོས་མཛད་པ། རྒྱ་གར་གྱི་མཁན་པོ་ཤཱནྟི་བྷ་དྲ་དང་། ལོ་ཙཱ་བ་དགེ་
སློང་ཆོས་ཀྱི་ཤེས་རབ་ཀྱི་འགྱུར། དབུ་མ་རྩ་བའི་འགྲེལ་པ་ཤེས་རབ་སྒྲོན་མ་སློབ་དཔོན་བཙུན་པ་ལེགས་ལྡན་འབྱེད་ཀྱིས་འཛད་པ། རྒྱ་གར་གྱི་མཁན་པོ་ཐེག་པ་ཆེན་པོ་དབུ་མ་པ་ཛྙཱ་ན་གརྦྷ་དང་། བོད་ཀྱི་ཞུ་ཆེན་གྱི་ལོ་ཙཱ་བ་དགེ་སློང་ཅོག་རོ་ཀླུའི་རྒྱལ་མཚན་གྱིས་བསྒྱུར་བ་འདི་ལ་རབ་དུ་བྱེད་པ་ཉི་
ཤུ་བདུན། ཤློ་ཀ་དྲུག་སྟོང་། བམ་པོ་ཉི་ཤུར་བྱས་སོ། །དབུ་མ་རིན་པོ་ཆེའི་སྒྲོན་མ་ཞེས་བྱ་བ་བདག་གཞན་གྱི་གྲུབ་མཐའ་རྒྱ་མཚོ་ལྟ་བུ་ལ་མཁྱེན་པའི་ཕ་རོལ་ཏུ་ཕྱིན་པ། སྐུ་ཚེ་འདི་ཉིད་ཀྱིས་རིག་འཛིན་གྱི་གནས་སུ་གཤེགས་པའི་སློབ་དཔོན་མཁས་པ་ཆེན་པོ་བྷ་བྱས་སློབ་དཔོན་

213-1-436a

འཕགས་པ་ཀླུ་སྒྲུབ་ཀྱི་གསུང་བཞིན་དུ་མཛད་པ། ཕྱིས་སོ་མ་པུ་རིའི་གཙུག་ལག་ཁང་དུ་ལོ་ཙཱ་བ་རྒྱ་བརྩོན་འགྲུས་སེང་གེ་དང་ནག་ཚོ་ཚུལ་ཁྲིམས་རྒྱལ་བ་གཉིས་ཀྱིས་ཡང་དང་ཡང་དུ་ཞུས་ནས་བསྒྱུར་བ་རྣམས་བཞུགས་སོ།།      །།ཛ་པ་ལ། དབུ་མའི་
སྙིང་པོའི་ཚིག་ལེའུར་བྱས་པ་དང་། དབུ་མའི་སྙིང་པོ་འགྲེལ་པ་རྟོག་གེ་འབར་བ་སློབ་དཔོན་ཆེན་པོ་བྷ་བྱས་མཛད་པ་བམ་པོ་ཉི་ཤུ་རྩ་བདུན་པ་དང་། དབུ་མའི་དོན་བསྡུས་པ་སློབ་དཔོན་ལེགས་ལྡན་འབྱེད་ཀྱིས་མཛད་པ་རྣམས་ཇོ་བོ་རྗེ་དང་། ལོ་ཙཱ་བ་ཚུལ་ཁྲིམས་རྒྱལ་བའི་འགྱུར། དབུ་མ་
རྟེན་ཅིང་འབྲེལ་བར་འབྱུང་བ་ཞེས་བྱ་བ་སློབ་དཔོན་ནག་པོ་པས་མཛད་པ་རྣམས་བཞུགས་སོ།།      །།ཝ་ཞ་ཟ་གསུམ་ལ། སློབ་དཔོན་ལེགས་ལྡན་འབྱེད་ཀྱིས་ཉེ་བར་སྦྱར་བ་དབུ་མ་རྩ་བའི་འགྲེལ་པ་ཤེས་རབ་སྒྲོན་མའི་རྒྱ་ཆེར་འགྲེལ་པ་ཐེག་པ་ཆེན་པོ་དབུ་མ་པའི་སློབ་དཔོན་ཡུལ་ས་
ཀེ་ཏ་ནས་བྱུང་བ་བྲམ་ཟེའི་རིགས་ཤིང་སཱ་ལ་ཆེན་པོ་ལྟ་བུ་རིག་པའི་གནས་མཐའ་དག་ཆུབ་པ་རང་དང་གཞན་གྱི་གྲུབ་མཐའ་ཐམས་ཅད་ལ་མཁས་པ་སྤྱན་རས་གཟིགས་བརྟུལ་ཞུགས་ཀྱིས་མཛད་པ། རྒྱ་གར་གྱི་མཁན་པོ་ཐེག་པ་ཆེན་པོ་དབུ་མ་བ་ཛྙཱ་ན་གརྦྷ་དང་། བོད་ཀྱི་ལོ་ཙཱ་བ་དགེ་
སློང་ཅོག་རོ་ཀླུའི་རྒྱལ་མཚན་གྱི་འགྱུར་བ་བཞུགས་སོ། །འདི་ལ་རབ་ཏུ་བྱེད་པ་ནི་ཉི་ཤུ་རྩ་བདུན། ཤློ་ཀ་ནི་ཉི་ཁྲི་བཞི་སྟོང་། བམ་པོ་ནི་བརྒྱད་ཅུར་བྱས་སོ།།      །།འ་པ་ལ། དབུ་མ་རྩ་བའི་འགྲེལ་པ་ཚིག་གསལ་བ་ཞེས་བྱ་བ་སློབ་དཔོན་ཟླ་བ་གྲགས་པ་ཐེག་པ་མཆོག་ལ་ཐུགས་
གཞོལ་བ། མི་འཕྲོགས་པའི་མཁྱེན་རབ་དང་ཐུགས་རྗེ་མངའ་བ། རི་མོར་བྲིས་པའི་བ་དྲུས་ལས་འོ་མ་བཞོས་པས་བདེན་པར་ཞེན་པ་བཟློག་པར་མཛད་པས་སྦྱར་བ། ཁ་ཆེའི་གྲོང་ཁྱེར་དཔེ་མེད་ཀྱི་དབུས་རིན་ཆེན་སྦས་པའི་གཙུག་ལག་ཁང་གི་འདབས་སུ་རྒྱ་གར་གྱི་མཁན་པོ་རྟོག་གེ་པ་ཆེན་
པོ་མ་ཧཱ་སུ་མ་ཏི་དང་། བོད་ཀྱི་ལོ་ཙཱ་བ་པ་ཚབ་ཉི་མ་གྲགས་ཀྱིས་ཁ་ཆེའི་དཔེ་དང་མཐུན་པར་བསྒྱུར་བ་ལས། ཕྱིས་ར་མོ་ཆེའི་གཙུག་ལག་ཁང་དུ་ཁ་ཆེའི་མཁན་པོ་ཀ་ན་ཀ་ཝརྨ་དང་། བོད་ཀྱི་ལོ་ཙཱ་བ་པ་ཚབ་ཉི་མ་གྲགས་ཀྱིས་ཉི་འོག་ཤར་ཕྱོགས་ཀྱི་དཔེ་དང་གཏུགས་ཤིང་ལེགས་པར་

213-1-436b

བཅོས་པ། དབུ་མ་འཇུག་པ་སློབ་དཔོན་ཆེན་པོ་ཟླ་བ་གྲགས་པས་མཛད་པ། རྒྱ་གར་གྱི་མཁན་པོ་ཏི་ལ་ཀ་ཀ་ལ་ཤ་ [ཀྲྀཥྞ་པཎྜི་ཏ་] དང་། བོད་ཀྱི་ལོ་ཙཱ་བ་པ་ཚབ་ཉི་མ་གྲགས་ [ཚུལ་ཁྲིམས་རྒྱལ་བ།] ཀྱིས་ཁ་ཆེའི་དཔེ་དང་མཐུན་པར་བསྒྱུར། ཕྱིས་ར་ས་ར་མོ་ཆེར་རྒྱ་གར་གྱི་མཁན་པོ་ཀ་ན་ཀ་ཝརྨ་དང་། ལོ་ཙཱ་བ་དེ་ཉིད་
ཀྱིས་ཉི་འོག་ཤར་ཕྱོགས་ཀྱི་དཔེ་དང་གཏུགས་ཤིང་བཅོས་པ། དབུ་མ་ལ་འཇུག་པའི་བཤད་པ་ཞེས་བྱ་བ་སློབ་དཔོན་ཟླ་བ་གྲགས་པས་མཛད་པ། ཁ་ཆེའི་ཡུལ་གྱི་གྲོང་ཁྱེར་དཔེ་མེད་ཀྱི་རིན་ཆེན་སྦས་པའི་གཙུག་ལག་ཁང་དུ་ཁ་ཆེའི་རྒྱལ་པོ་འཕགས་པ་ལྷའི་སྐུ་རིངས་ལ་རྒྱ་གར་གྱི་མཁན་
པོ་ཏི་ལ་ཀ་ཀ་ལ་ཤ་དང་། བོད་ཀྱི་ལོ་ཙཱ་བ་པ་ཚབ་ཉི་མ་གྲགས་ཀྱིས་ཁ་ཆེའི་དཔེ་དང་མཐུན་པར་བསྒྱུར་པ་ལས། ཕྱིས་ར་ས་ར་མོ་ཆེར་རྒྱ་གར་གྱི་མཁན་པོ་ཀ་ན་ཀ་ཝརྨ་དང་། བོད་ཀྱི་ལོ་ཙཱ་བ་དེ་ཉིད་ཀྱིས་ཉི་འོག་ཤར་ཕྱོགས་ཀྱི་དཔེ་དང་གཏུགས་ཤིང་ལེགས་པར་བཅོས་ཏེ་གཏན་ལ་ཕབ་
པ། གཞུང་ཚད་ནི་བམ་པོ་བཅུ་གཅིག་དང་བམ་པོ་སུམ་གཉིས་སོ། །དབུ་མ་ཤེས་རབ་ལ་འཇུག་པ་སློབ་དཔོན་ཆེན་པོ་ཟླ་བ་གྲགས་པས་མཛད་པ། པཎྜི་ཏ་དེ་ཉིད་དང་། ལོ་ཙཱ་བ་འགོས་ལྷས་བཙས་ཀྱིས་བསྒྱུར་བ་རྣམས་བཞུགས་སོ།།      །།ཡ་པ་ལ། རིགས་པ་དྲུག་ཅུ་པའི་
འགྲེལ་པ་སློབ་དཔོན་ཆེན་པོ་ཟླ་བ་གྲགས་པ་ཞེས་བྱ་བ་ཐེག་པ་ཆེན་པོ་དབུ་མའི་སློབ་དཔོན་ཡུལ་ས་མ་ཏ་ནས་སྐྱེས་པ་མུ་སྟེགས་ཅན་རྟོག་གེ་ངན་པར་སྨྲ་བའི་ཚོགས་ཐམས་ཅད་ཀྱི་མུན་པ་མང་པོ་རྣམ་པར་འཇོམས་པས་མཛད་པ། རྒྱ་གར་གྱི་མཁན་པོ་ཛི་ན་མི་ཏྲ་དང་། དཱ་ན་ཤཱི་ལ་དང་། ཤཱི་
ལེནྡྲ་བོ་དྷི་དང་། ཞུ་ཆེན་གྱི་ལོ་ཙཱ་བ་བནྡེ་ཡེ་ཤེས་སྡེས་བསྒྱུར་བ། བྱང་ཆུབ་སེམས་དཔའི་རྣལ་འབྱོར་སྤྱོད་པ་བཞི་བརྒྱ་པའི་རྒྱ་ཆེར་འགྲེལ་པ་སློབ་དཔོན་ཆེན་པོ་ཟླ་བ་གྲགས་པས་མཛད་པ། དཔལ་གྲོང་ཁྱེར་དཔེ་མེད་ཀྱི་དབུས་རིན་ཆེན་སྦས་པའི་ཀུན་དགའ་ར་བར་རྒྱ་གར་གྱི་མཁན་པོ་
སཱུཀྵྨ་ཛཱ་ན་ཞེས་བྱ་བ་གདུང་རབས་གྲངས་མེད་པར་པཎྜི་ཏ་བརྒྱུད་པའི་རིགས་སུ་སྐུ་འཁྲུངས་པ་བྲམ་ཟེ་རིན་ཆེན་རྡོ་རྗེའི་དཔོན་པོ་བྲམ་ཟེ་ཆེན་པོ་སཛྫ་ནའི་སྲས་གཅིག་པུ་བདེ་བར་གཤེགས་པའི་བསྟན་པ་ལ་གཅེས་སྤྲས་སུ་མཛད་པའི་ཞལ་སྔ་ནས་དང་། བོད་ཀྱི་སྒྲ་སྒྱུར་གྱི་ལོ་ཙཱ་བ་དགེ་སློང་པ་ཚབ་ཉི་མ་གྲགས་

213-1-437a

ཀྱིས་བསྒྱུར་བ། ཕུང་པོ་ལྔའི་རབ་ཏུ་བྱེད་པ་སློབ་དཔོན་ཟླ་བ་གྲགས་པས་མཛད་པ། ཚངས་པའི་འབྱུང་གནས་གཙུག་ལག་ཁང་དུ་རྒྱ་གར་གྱི་མཁན་པོ་དཱི་པཾ་ཀ་ར་ཤྲཱི་ཛྙཱ་ན་དང་། ཞུ་ཆེན་གྱི་ལོ་ཙཱ་བ་དགེ་སློང་ཚུལ་ཁྲིམས་རྒྱལ་བས་ལེགས་པར་བསྒྱུར་བ། སྟོང་ཉིད་
བདུན་ཅུ་པའི་འགྲེལ་པ་སློབ་དཔོན་ཟླ་བ་གྲགས་པས་མཛད་པ། དཔལ་ནཱ་ལེནྡྲའི་གཙུག་ལག་ཁང་དུ་པཎྜི་ཏ་ཨ་བྷ་ཡཱ་ཀ་ར་དང་། སྣུར་ལོ་ཙཱ་བ་དར་མ་གྲགས་ཀྱི་འགྱུར། འདིའི་གཞུང་གྲངས་སྟོང་ཕྲག་གཉིས་དང་བརྒྱ་ཕྲག་གཅིག་གིས་ལྷག་པའོ། །སྟོང་ཉིད་བདུན་ཅུ་པའི་རྣམ་པར་
བཤད་པ། ཁ་ཆེའི་ཡུལ་གྱི་མཁས་པ་ཆེན་པོ་སོ་མ་ཤྲཱིའི་ཞབས་རྡུལ་ལ་བརྟེན་པར་མཛད་པའི་སློབ་དཔོན་མཁས་པ་ཆེན་པོ་དཔལ་གཞན་ལ་ཕན་པས་མཛད་པ། ཐུགས་དམ་སའི་སྙིང་པོ་ཐོ་ལིང་དུ་ཁ་ཆེའི་མཁས་པོ་པ་ར་ཧི་ཏའི་ཞལ་སྔ་ནས་དང་། ལོ་ཙཱ་བ་དགེ་སློང་གཞོན་ནུ་མཆོག་གི་འགྱུར།
རྟོག་གེ་ཐོ་བའི་ཚིག་ལེའུར་བྱས་པ་ཞེས་བྱ་བ་ཁ་ཆེའི་པཎྜི་ཏ་ཛ་ཡ་ཨཱ་ནནྡས་མཛད་པ། པཎྜི་ཏ་དེ་ཉིད་དང་། ཞུ་ཆེན་གྱི་ལོ་ཙཱ་བ་ཁུ་མདོ་སྡེ་འབར་གྱི་འགྱུར་རྣམས་བཞུགས་སོ།།      །།ར་པ་ལ། དབུ་མ་འཇུག་པའི་འགྲེལ་བཤད་དོན་གསལ་བར་བྱེད་པ་ཞེས་བྱ་བ་ཁ་ཆེའི་པཎྜི་ཏ་
ཆེན་པོ་ཛ་ཡ་ཨཱ་ནནྡས་མཛད་པ། ཁ་ཆེའི་མཁས་པ་ཆེན་པོ་ཛ་ཡ་ཨཱ་ནནྡ་དེ་ཉིད་དང་། བོད་ཀྱི་ལོ་ཙཱ་བ་ཀུན་དགའ་གྲགས་ཀྱིས་བསྒྱུར་བ་བཞུགས་སོ།།      །།ལ་པ་ལ། བྱང་ཆུབ་སེམས་དཔའི་སྤྱོད་པ་ལ་འཇུག་པ་སློབ་དཔོན་ཐཱནྟ་དེ་ཝས་མཛད་པ། རྒྱ་གར་གྱི་མཁན་པོ་སརྦ་ཛྙཱ་དེ་ཝ་
དང་། ཞུ་ཆེན་གྱི་ལོ་ཙཱ་བ་དཔལ་བརྩེགས་ཀྱིས་ཁ་ཆེའི་དཔེ་ལས་ཞུས་ཏེ་གཏན་ལ་ཕབ་པ་ལ། སླད་ཀྱིས་རྒྱ་གར་གྱི་མཁན་པོ་དྷརྨ་ཤྲཱི་བྷ་དྲ་དང་། ཞུ་ཆེན་གྱི་ལོ་ཙཱ་བ་རིན་ཆེན་བཟང་པོ་དང་། ཤཱཀྱ་བློ་གྲོས་ཀྱིས་ཡུལ་དབུས་ཀྱི་དཔེ་འགྲེལ་པ་དང་མཐུན་པར་བཅོས་པ། སླར་ཡང་དུས་ཕྱིས་
རྒྱ་གར་གྱི་མཁན་པོ་སུ་མ་ཏི་ཀཱིརྟི་དང་། ཞུ་ཆེན་གྱི་ལོ་ཙཱ་བ་དགེ་སློང་བློ་ལྡན་ཤེས་རབ་ཀྱིས་དག་པར་བཅོས་པ། ཤློ་ཀ་སྟོང་དུ་གྲགས་པ། བམ་པོ་གཉིས་སུ་བྱས་སོ། །བྱང་ཆུབ་སེམས་དཔའི་སྤྱོད་པ་ལ་འཇུག་པའི་དཀའ་འགྲེལ་ཤེས་རབ་ཀྱི་ལེའུའི་རྒྱ་ཆེར་བཤད་པ་དགེ་སློང་མཁས་

213-1-437b

པ་ཤེས་རབ་འབྱུང་གནས་བློ་གྲོས་ཀྱིས་མཛད་པ། འགྲེལ་བཤད་འདིའི་ལེའུ་དང་པོ་གཉིས་དང་། བརྩོན་འགྲུས་བསམ་གཏན་ཤེས་རབ་ཀྱི་ཊཱི་ཀ །མཁས་པ་ཆེན་པོ་སུ་མ་ཏི་ཀཱིརྟི་དང་། ལོ་ཙཱ་བ་མར་པ་ཆོས་ཀྱི་དབང་ཕྱུག་དང་། གཉན་དར་མ་གྲགས་གཉིས་ཀྱིས་སྟོད་སྨད་བགོས་ནས་
བསྒྱུར་བ། བྱང་ཆུབ་སེམས་དཔའི་སྤྱོད་པ་ལ་འཇུག་པའི་རྣམ་པར་བཤད་པའི་དཀའ་འགྲེལ་མཛད་བྱང་འགྱུར་བྱང་མི་གསལ་བ་རྣམས་བཞུགས་སོ།།      །།ཤ་པ་ལ། བྱང་ཆུབ་སེམས་དཔའི་སྤྱོད་པ་ལ་འཇུག་པའི་ལེགས་པར་སྦྱར་བ་ཤློ་ཀ་ཆིག་སྟོང་དགུ་བརྒྱ་བདུན་ཅུ་རྩ་ལྔ་པ་
སློབ་དཔོན་དགེ་བ་ལྷས་མཛད་པ། རྒྱ་གར་གྱི་མཁར་པོ་ཤྲཱི་ཀུ་མཱ་ར་དང་། ཞུ་ཆེན་གྱི་ལོ་ཙཱ་བ་དགེ་བའི་བློ་གྲོས་ཀྱི་འགྱུར། བྱང་ཆུབ་སེམས་དཔའི་སྤྱོད་པ་ལ་འཇུག་པའི་རྟོགས་པར་དཀའ་བའི་གནས་གཏན་ལ་དབབ་པའི་གཞུང་སློབ་དཔོན་མཁས་པ་ཆེན་པོ་ཀྲྀཥྞ་པས་མཛད་པ། རྒྱ་
གར་གྱི་མཁན་པོ་ཀྲྀཥྞ་པ་དེ་ཉིད་དང་། ལོ་ཙཱ་བ་དགེ་སློང་ཆོས་ཀྱི་ཤེས་རབ་ཀྱི་འགྱུར། བྱང་ཆུབ་སེམས་པའི་སྤྱོད་པ་ལ་འཇུག་པའི་དཀའ་འགྲེལ་དཔལ་བི་ཀྲ་མ་ལ་ཤཱི་ལའི་གཙུག་ལག་གི་མཁས་པ་ཆེན་པོ་དགེ་སློང་བེེ་རོ་ཙ་ན་རཀྵི་ཏས་མཛད་པ། སྤྱོད་འཇུག་གི་ཤེས་རབ་ལེའུའི་དཀའ་འགྲེལ་
པཎྜི་ཏ་མི་མཉམ་ཁོལ་པོ་དང་། ལོ་ཙཱ་བ་དགེ་སློང་བློ་ལྡན་ཤེས་རབ་ཀྱི་འགྱུར་ལ། ལི་སྟོན་རྡོ་རྗེ་རྒྱལ་མཚན་གྱིས་མོས་པའི་དབང་གིས་ལེགས་པར་བསྒྱུར་བ། བྱང་ཆུབ་སེམས་དཔའི་སྤྱོད་པ་ལ་འཇུག་པའི་ཤེས་རབ་ལེའུ་དང་། བསྔོ་བའི་ལེའུའི་དཀའ་འགྲེལ་
མཛད་བྱང་འགྱུར་བྱང་མེད་པ་གཅིག །བྱང་ཆུབ་སེམས་དཔའི་སྤྱོད་པ་ལ་འཇུག་པའི་དོན་སུམ་ཅུ་རྩ་དྲུག་ཏུ་བསྡུས་པ་དང་། བྱང་ཆུབ་སེམས་དཔའི་སྤྱོད་པ་ལ་འཇུག་པའི་གཙོ་བོའི་དོན་བཅུ་གཅིག་ཏུ་བསྡུས་པ་གསེར་གླིང་གི་བླ་མ་ཆོས་སྐྱོང་ལ་གུས་པ་དང་ལྡན་པའི་སློབ་མ་ཀ་མ་ལ་རཀྵི་ཏ་
དང་། དཱི་པཾ་ཀ་ར་ཤྲཱི་ཛྙཱ་ནས་གསོལ་བ་བཏབ་ནས་མཛད་པ། རྒྱ་གར་གྱི་མཁན་པོ་དཱི་པཾ་ཀ་ར་དང་། བོད་ཀྱི་ལོ་ཙཱ་བ་ཚུལ་ཁྲིམས་རྒྱལ་བའི་འགྱུར། བྱང་ཆུབ་ཀྱི་སྤྱོད་པ་ལ་འཇུག་པའི་དགོངས་པའི་འགྲེལ་པ་ཁྱད་པར་གསལ་བྱེད་ཅེས་བྱ་བ་རྒྱ་གར་ཤར་ཕྱོགས་ཛ་གཏྟ་ལ་བི་ཧ་རའི་པཎྜི་ཏ་ཆེན་

213-1-438a

པོ་བི་བྷཱུ་ཏི་ཙནྡྲས་མཛད་ཅིང་། པཎྜི་ཏ་ཆེན་པོ་དེ་ཉིད་ཀྱིས་རུ་ལག་གཙང་སྟོད་འབྲིང་མཚམས་ཀྱི་སའི་ཆ་དཔལ་རྒྱ་རྟགས་ཀྱི་གཙུག་ལག་ཁང་དུ་རང་འགྱུར་དུ་མཛད་པ་རྣམས་བཞུགས་སོ།།      །།ས་པ་ལ། བདེན་པ་གཉིས་རྣམ་པར་འབྱེད་པའི་ཚིག་ལེའུར་
བྱས་པ་དང་། བདེན་པ་གཉིས་རྣམ་པར་གཏན་ལ་དབབ་པ་སློབ་དཔོན་ཡེ་ཤེས་སྙིང་པོས་མཛད་པ། པཎྜི་ཏ་ཤཱི་ལེནྡྲ་བོ་དྷི་དང་། ལོ་ཙཱ་བ་ཡེ་ཤེས་སྡེའི་འགྱུར། བདེན་པ་གཉིས་རྣམ་པར་འབྱེད་པའི་དཀའ་འགྲེལ་སློབ་དཔོན་ཞི་བ་འཚོས་མཛད་པ། བམ་པོ་གསུམ་པ། རྒྱ་གར་གྱི་
མཁན་པོ་པྲཛྙཱ་ཝརྨ་དང་། ཛྙཱ་ན་གརྦྷ་དང་། ཞུ་ཆེན་གྱི་ལོ་ཙཱ་བ་བནྡེ་ཡེ་ཤེས་སྡེའི་འགྱུར། དབུ་མ་རྒྱན་གྱི་ཚེག་ལེའུར་བྱས་པ་སློབ་དཔོན་ཆེན་པོ་ཞི་བ་འཚོས་མཛད་པ། རྒྱ་གར་གྱི་མཁན་པོ་སུ་རེནྡྲ་བོ་དྷི་དང་། ཞུ་ཆེན་གྱི་ལོ་ཙཱ་བ་ཡེ་ཤེས་སྡེའི་འགྱུར། དབུ་མའི་རྒྱན་གྱི་འགྲེལ་པ་སློབ་
དཔོན་ཆེན་པོ་ཞི་བ་འཚོས་མཛད་པ། རྒྱ་གར་གྱི་མཁན་པོ་ཤཱི་ལེནྡྲ་བོ་དྷི་དང་། ཞུ་ཆེན་གྱི་ལོ་ཙཱ་བ་ཡེ་ཤེས་སྡེའི་འགྱུར། དབུ་མ་རྒྱན་གྱི་དཀའ་འགྲེལ་སློབ་དཔོན་ཀ་མ་ལ་ཤཱི་ལས་མཛད་པ། རྒྱ་གར་གྱི་མཁན་པོ་སུ་རེནྡྲ་བོ་དྷི་དང་། པྲཛྙཱ་ཝརྨ་དང་། ཞུ་ཆེན་གྱི་ལོ་ཙཱ་བ་ཡེ་ཤེས་
སྡེའི་འགྱུར། འདི་ལ་ཤློ་ཀ་སྟོང་སུམ་བརྒྱ་བརྒྱད་ཅུ་བམ་པོ་བཞི་ཡོད་དོ། །དབུ་མ་སྣང་བ་ཞེས་བྱ་བ། དེ་ཁོ་ན་ཉིད་སྣང་བ་ཞེས་བྱ་བའི་རབ་ཏུ་བྱེད་པ། ཆོས་ཐམས་ཅད་རང་བཞིན་མེད་པ་ཉིད་དུ་གྲུབ་པ་རྣམས་སློབ་དཔོན་ཀ་མ་ལ་ཤཱི་ལས་མཛད་པ། རྒྱ་གར་གྱི་མཁན་པོ་ཤཱི་ལེནྡྲ་བོ་དྷི་དང་།
ཞུ་ཆེན་གྱི་ལོ་ཙཱ་བ་དགེ་སློང་དཔལ་བརྩེགས་རཀྵི་ཏས་བསྒྱུར་བ་རྣམས་བཞུགས་སོ།།      །།ཧ་པ་ལ། སྐུ་གསུམ་ལ་འཇུག་པའི་སྒོ་ཞེས་བྱ་བའི་བསྟན་བཅོས་སློབ་དཔོན་ཀླུའི་བཤེས་གཉེན་གྱིས་མཛད་པ། རྒྱ་གར་གྱི་མཁན་པོ་པྲཛྙཱ་ཝརྨ་དང་། ཞུ་ཆེན་གྱི་ལོ་ཙཱ་བ་ཡེ་ཤེས་
སྡེའི་འགྱུར། སྐུ་གསུམ་འགྲེལ་པ་སློབ་དཔོན་ཡེ་ཤེས་ཟླ་བས་མཛད་པ། རྒྱ་གར་གྱི་མཁན་པོ་པྲཛྙཱ་ཝརྨ་དང་། ཞུ་ཆེན་གྱི་ལོ་ཙཱ་བ་བནྡེ་ཡེ་ཤེས་སྡེའི་འགྱུར། འདི་ལ་ཤློ་ཀ་བདུན་བརྒྱ་དྲུག་ཅུ་མཆིས་སོ། །དེ་ཁོ་ན་ལ་འཇུག་པའི་འགྲེལ་པ་སློབ་དཔོན་དཔལ་སྦས་ཀྱིས་མཛད་པ།

213-1-438b

དབུ་མ་ལུགས་ཀྱི་སྙིང་པོ་མདོར་བསྡུས་པའི་རབ་ཏུ་བྱེད་པ་སློབ་དཔོན་བིདྱཱ་ཀ་ར་པྲ་བྷས་མཛད་པ། རྒྱ་གར་གྱི་མཁན་པོ་བིདྱཱ་ཀ་ར་པྲ་བྷ་དེ་ཉིད་དང་། ཞུ་ཆེན་གྱི་ལོ་ཙཱ་བ་དཔལ་བརྩེགས་རཀྵི་ཏའི་འགྱུར། རྣམ་པ་མེད་པའི་ཚིག་ལེའུར་བྱས་པ་བལ་ཡུལ་གྱི་པཎྜི་ཏ་དགའ་བའི་དཔལ་གྱིས་
མཛད་པ། སྣང་བའི་ཕྲེང་བ་ཞེས་བྱ་བའི་རབ་ཏ་བྱེད་པ་སློབ་དཔོན་ཀམྤ་ལས་མཛད་པ། རྒྱ་གར་གྱི་མཁན་པོ་ཀུ་མཱ་ར་ཀ་ལ་ཤ་དང་། ལོ་ཙཱ་བ་དགེ་སློང་ཤཱཀྱ་འོད་ཀྱི་འགྱུར། སྣང་བའི་ཕྲེང་བ་ཞེས་བྱ་བའི་དཀའ་འགྲེལ་ཡིད་ཀྱི་དགའ་བ་སྐྱེད་པ་དགེ་བསྙེན་བཙུན་པ་ངོ་བོ་ཉིད་མེད་པས་མཛད་པ།
རྒྱ་གར་གྱི་མཁན་པོ་ཀུ་མཱ་ར་ཀ་ལ་ཤ་དང་། ལོ་ཙཱ་བ་དགེ་སློང་ཤཱཀྱ་འོད་ཀྱི་འགྱུར། འདུས་བྱས་དང་འདུས་མ་བྱས་རྣམ་པར་ངེས་པ་ཞེས་བྱ་བ་པཎྜི་ཏ་གནས་བརྟན་ཆེན་པོ་སྟོབས་བཅུ་དཔལ་བཤེས་གཉེན་གྱིས་མཛད་པ་འགྱུར་བྱང་མེད་པ་རྣམས་བཞུགས་སོ།།      །།ཨ་པ་ལ། ལྟ་
བ་ཐ་དད་པ་རྣམ་པར་ཕྱེ་བ་མདོར་བསྡུས་པ་སློབ་དཔོན་དབུ་མའི་སེང་གེས་མཛད་པ། རྒྱ་གར་གྱི་མཁན་པོ་ཏ་རོ་ཤྲཱི་མི་ཏྲ་དང་། ལོ་ཙཱ་བ་དགེ་སློང་ཆོས་ཀྱི་ཤེས་རབ་ཀྱི་འགྱུར། བདེ་བར་གཤེགས་པའི་གཞུང་རྣམ་པར་འབྱེད་པའི་ཚིག་ལེའུར་བྱས་པ་བྷངྒ་ལར་འཁྲུངས་པའི་མཁས་པ་
ཆེན་པོ་ཛི་ཏཱ་རི་པས་མཛད་པ། པཎྜི་ཏ་ཤཱནྟི་བྷ་དྲ་དང་། ལོ་ཙཱ་བ་ཤཱཀྱ་འོད་ཀྱི་འགྱུར། བདེ་བར་གཤེགས་པའི་གཞུང་རྣམ་པར་འབྱེད་པའི་བཤད་པ་བྱང་ཆུབ་སེམས་དཔའི་སྤྱོད་པ་ལ་གཅིག་ཏུ་གཞོལ་བའི་སློབ་དཔོན་དགྲ་ལས་རྒྱལ་བས་མཛད་པ། རྒྱ་གར་གྱི་མཁས་པ་ཆེན་པོ་ཀ་ན་ཀ་ཤྲཱི་
མི་ཏྲ་དང་། བོད་ཀྱི་ལོ་ཙཱ་བ་ཤེས་རབ་གྲགས་ཀྱི་འགྱུར། དབུ་མ་རིན་པོ་ཆེའི་ཕྲེང་བ་ཞེས་བྱ་བ་སློབ་དཔོན་པཎྜི་ཏ་ཆེན་པོ་ཙནྡྲ་ཧ་རི་པས་མཛད་པ། པཎྜི་ཏ་དེ་ཉིད་དང་། ལོ་ཙཱ་བ་ཅོག་རོ་ཏིང་ངེ་འཛིན་བཟང་པོའི་འགྱུར། བདེན་པ་གཉིས་ལ་འཇུག་པ་སློབ་དཔོན་མཁས་པ་ཆེན་པོ་དཔལ་
མར་མེ་མཛད་ཡེ་ཤེས་ཀྱིས་མཛད་པ། པཎྜི་ཏ་དེ་ཉིད་དང་། ལོ་ཙཱ་བ་བརྒྱ་བརྩོན་འགྲུས་སེང་གེའི་འགྱུར། ཐུབ་པ་དགོངས་པའི་རྒྱན་ཤློ་ཀ་སྟོང་ཕྲག་ཕྱེད་དང་དྲུག་པ། སློབ་དཔོན་མཁས་པ་ཆེན་པོ་འཇིགས་མེད་འབྱུང་གནས་སྦས་པས་མཛད་པ། མཁས་པ་རྣམས་ཀྱི་གཙུག་གི་ནོར་བུ་བདེ་

213-1-439a

བར་གཤེགས་པའི་བཀའ་རབ་འབྱམས་ལ་མཁྱེན་པའི་སྣང་བ་སྐྱེས་པའི་མཁས་པ་ཆེན་པོ་དེ་ལ་མཉན་ནས། དེ་ཉིད་ཀྱི་སྤྱན་སྔར་དགེ་སློང་དཔང་ཞོ་གསལ་བ་གྲགས་ཞེས་བྱ་བས་ཡུལ་དབུས་ཀྱི་གྲོང་ཁྱེར་ཆེན་པོ་མཁས་པའི་འབྱུང་གནས་དཔལ་ནཱ་ལེནྡྲར་བསྒྱུར་
བ་ལ། དུས་ཕྱིས་ལུང་རིགས་ཀྱི་དབང་ཕྱུག་སྟག་སྡེ་པ་ཆེན་པོ་སེང་གེ་རྒྱལ་མཚན་པའི་བཀའ་དྲིན་དང་། དེ་ཉིད་ཀྱི་སྲས་ཀྱི་ཐུ་བོ་བསམ་གྱིས་མི་ཁྱབ་པའི་བློ་གྲོས་ཀྱི་སྟོབས་མཐའ་ཡས་པས་ཤེས་བྱའི་ཆོས་ལ་དབང་སྒྱུར་བ་ཤོང་སྟོན་ལོ་ཙཱ་བ་རྡོ་རྗེ་རྒྱལ་མཚན་གྱིས་ལེགས་
བཤད་ཀྱི་སྲོལ་ལ་བརྟེན་ནས་ཕྱི་ནང་གི་གཞུང་ལུགས་ལ་བློའི་སྣང་བ་ཆེར་རྒྱས་པ། ཞུ་ཆེན་གྱི་ལོ་ཙཱ་བ་དཔང་དགེ་སློང་དཔལ་ལྡན་བློ་གྲོས་བརྟན་པས་རྒྱ་དཔེ་དང་གཏུགས་ཏེ་ལེགས་པར་དཔྱད་ནས་བསྒྱུར་ཅིང་ཞུས་པ་ཞེས་པའི་མཐའ་ཅན། ཚད་མ་རྣམ་པར་འཇོམས་པ་མདོར་བཤད་
པའི་འགྲེལ་པ་ཞེས་བྱ་བ་རྩ་འགྲེལ་གཉིས་ཀ་མ་ཚང་བའི་དུམ་བུ་གཅིག །ཐེག་པ་ཆེན་པོའི་མཚན་ཉིད་ཀུན་ལས་བཏུས་པ་ཞེས་བྱ་བ་སློབ་དཔོན་སངས་རྒྱས་ཡེ་ཤེས་ཞབས་ཀྱིས་མཛད་པ། རྒྱ་གར་གྱི་མཁན་པོ་པཎྜི་ཏ་ཀརྞོ་པ་ཏི་དང་། བོད་ཀྱི་ལོ་ཙཱ་བ་དགེ་སློང་པྲཛྙཱ་སིདྷས་
དཔལ་ནཱ་ལེནྡྲའི་གཙུག་ལག་ཁང་ཆེན་པོར་བསྒྱུར། སེམས་བརྟག་པ་སློབ་དཔོན་ཚུལ་ཁྲིམས་འཕགས་པས་མཛད་པ། པཎྜི་ཏ་ཀ་ན་ཀ་དང་། ལོ་ཙཱ་བ་རྨ་ཆོས་འབར་གྱི་འགྱུར། ཐེག་པ་ཐམས་ཅད་དུ་སྣང་བར་བྱེད་པའི་བྱེ་བྲག་ཏུ་བཤད་པ་ཞེས་བྱ་བ་བྲམ་ཟེའི་བཙུན་པ་རབ་འབྱོར་
དབྱངས་ཀྱིས་མཛད་པ། རྒྱ་གར་གྱི་མཁན་པོ་རབ་འབྱོར་དབྱངས་དེ་ཉིད་དང་། བོད་ཀྱི་ལོ་ཙཱ་བ་དགེ་སློང་ཏིང་ངེ་འཛིན་བཟང་པོའི་འགྱུར་རྣམས་བཞུགས་སོ།།      །།ཀི་པ་ལ། ལྟ་བ་གཙོ་ཆེར་གཏན་ལ་ཕབ་ནས། བསྒོམ་པའི་རིམ་པ་སྟོན་པའི་བསྟན་བཅོས་ནི། སློབ་དཔོན་
འཕགས་པ་ཀླུ་སྒྲུབ་ཀྱིས་མཛད་པའི་བསྒོམ་པའི་རིམ་པ་རྒྱ་གར་གྱི་མཁན་པོ་པཎྜི་ཏ་ལོ་ཏ་དང་། དགེ་སློང་ཤཱཀྱ་འོད་ཀྱི་འགྱུར། རྣམ་འབྱོར་བསྒོམ་པའི་ལམ་འཕགས་པ་འཇམ་དཔལ་གྱི་ཞབས་ཀྱི་པདྨའི་ཟེའུ་འབྲུ་སྤྱི་བོས་ལེན་པ་སྡེ་སྣོད་གསུམ་ལ་མཁས་པ་སློབ་དཔོན་ཡེ་ཤེས་སྙིང་པོས་མཛད་

213-1-439b

པ། ཅིག་ཅར་འཇུག་པ་རྣམ་པར་མི་རྟོག་པའི་བསྒོམ་དོན་སློབ་དཔོན་ཆེན་པོ་བི་མ་ལ་མི་ཏྲས་མཛད་པ། རྒྱ་གར་གྱི་མཁན་པོ་དྷརྨ་ཏཱ་ཤཱི་ལ་དང་། ཞུ་ཆེན་གྱི་ལོ་ཙཱ་བ་ཡེ་ཤེས་སྡེའི་འགྱུར། ཀུན་རྫོབ་བྱང་ཆུབ་ཀྱི་སེམས་བསྒོམ་པའི་མན་ངག་པདྨ་སྤུངས་པ་ཞེས་བྱ་བ་དང་།
དོན་དམ་པ་བྱང་ཆུབ་ཀྱི་སེམས་བསྒོམ་པའི་ཡི་གེ་རིན་པོ་ཆེའི་སྒྲོན་མ་ཞེས་བྱ་བ་སློབ་དཔོན་དཔལ་མཁས་པ་ཆེན་པོ་རྟ་དབྱངས་ཀྱི་ཞལ་སྔ་ནས་མཛད་པ། རྒྱ་གར་གྱི་མཁན་པོ་པདྨཱ་ཀ་ར་ཝརྨ་དང་། ཞུ་ཆེན་གྱི་ལོ་ཙཱ་བ་དགེ་སློང་རིན་ཆེན་བཟང་པོའི་འགྱུར། བྱང་ཆུབ་ཀྱི་
སེམས་བསྒོམ་པ་སློབ་དཔོན་ཆེན་པོ་ཀ་མ་ལ་ཤཱི་ལའི་ཞབས་ཀྱིས་མཛད་པ། ཞ་ལུ་ལོ་ཙཱ་བ་དགེ་སློང་དྷརྨ་པཱ་ལ་བྷ་དྲ་ཞེས་བགྱི་བས་གྲ་ཐང་དུ་བསྒྱུར་བ། ཚད་མེད་བཞིའི་རྒྱ་ཆེར་འགྲེལ་པ་སློབ་དཔོན་ཆེན་པོ་སངས་རྒྱས་གསང་བས་མཛད་པ། བསྒོམ་རིམ་དང་པོ། བསྒོམ་
རིམ་བར་པ། བསྒོམ་རིམ་ཐ་མ། རྣལ་འབྱོར་སྒོམ་པ་ལ་འཇུག་པ་རྣམས་སློབ་དཔོན་ཆེན་པོ་ཀ་མ་ལ་ཤཱི་ལས་མཛད་པ། རྒྱ་གར་གྱི་མཁན་པོ་པྲཛྙཱ་ཝརྨ་དང་། ཞུ་ཆེན་གྱི་ལོ་ཙཱ་བ་བནྡེ་ཡེ་ཤེས་སྡེའི་འགྱུར། འཕགས་པ་ཤེས་རབ་ཀྱི་ཕ་རོལ་ཏུ་ཕྱིན་པའི་མན་ངག་རྡོ་རྗེ་ལྟ་བུ་
ཞེས་བྱ་བ་དཔལ་ཀམྤ་ལས་མཛད་པ། ལུས་ཡོངས་སུ་དཔྱད་པའི་སྒོམ་པའི་རིམ་པ་སློབ་དཔོན་ནག་པོ་ཞབས་ཀྱིས་མཛད་པ། རྒྱ་གར་གྱི་མཁན་པོ་དེ་ཉིད་དང་། ལོ་ཙཱ་བ་དགེ་སློང་ཆོས་ཀྱི་ཤེས་རབ་ཀྱི་འགྱུར། མི་སྡུག་པ་བསྒོམ་པའི་རིམ་པ་སློབ་དཔོན་དགེ་བའི་གོ་ཆས་
མཛད་པ། འདི་ནི་སྔོན་གྱི་ལོ་ཙཱ་བ་ཆེན་པོ་རྣམས་ཀྱིས་བསྒྱུར་བ་སྟེ་འགྱུར་རྙིང་ལགས་སྐད་དོ། །ཕ་རོལ་ཏུ་ཕྱིན་པའི་ཐེག་པ་བསྒོམ་པའི་རིམ་པའི་མན་ངག་སློབ་དཔོན་ཆེན་པོ་དཔལ་ཡེ་ཤེས་གྲགས་པས་མཛད་པ། རྒྱ་གར་གྱི་མཁན་པོ་པདྨཱ་ཀ་ར་ཝརྨ་དང་། ཞུ་ཆེན་གྱི་ལོ་ཙཱ་བ་དགེ་
སློང་རིན་ཆེན་བཟང་པོའི་འགྱུར། སངས་རྒྱས་རྗེས་སུ་དྲན་པ་བླ་ན་མེད་པ་བསྒོམ་པ་ཞེས་བྱ་བ་དཀྱིལ་འཁོར་ཆེན་པོའི་སློབ་དཔོན་མ་ཧཱ་མ་ཏིས་མཛད་པ་དང་། ཏིང་ངེ་འཛིན་གྱི་ཚོགས་ཀྱི་ལེའུ་ཞེས་ [འདི་དེ་ཁོ་ན་ཉིད་ལ་འཇུག་པའི་དུམ་བུ་ཡིན།] བྱ་བ་སློབ་དཔོན་བྱང་ཆུབ་བཟང་པོས་མཛད་པ། རྒྱ་གར་གྱི་མཁན་པོ་བི་ནཱ་ཡ་

213-1-440a

ཙནྡྲ་ལས་ཞུས་ཏེ། བོད་ཀྱི་ལོ་ཙཱ་བ་དགེ་སློང་ཆོས་ཀྱི་ཤེས་རབ་ཀྱི་འགྱུར། ཏིང་ངེ་འཛིན་གྱི་ཚོགས་ཀྱི་ལེའུ་སློབ་དཔོན་ནག་པོ་ཞབས་ཀྱིས་མཛད་པ། རྒྱ་གར་གྱི་མཁན་པོ་ཀྲྀཥྞ་པ་དེ་ཉིད་དང་། ཞུ་ཆེན་གྱི་ལོ་ཙཱ་བ་དགེ་སློང་ཆོས་ཀྱི་ཤེས་རབ་ཀྱི་འགྱུར། བསམ་གཏན་
གྱི་ཆོས་དྲུག་རྣམ་པར་གཞག་པ་སློབ་དཔོན་ཆེན་པོ་ཨ་ཝ་དྷཱུ་ཏཱི་པས་མཛད་པ་དང་། བསམ་གཏན་གྱི་ཆོས་དྲུག་རྣམ་པར་བཞག་པའི་འགྲེལ་པ་སློབ་དཔོན་དཱ་ན་ཤཱི་ལས་མཛད་པ། རྒྱ་གར་གྱི་མཁན་པོ་དྷརྨ་ཤྲཱི་བྷ་དྲ་དང་། ཞུ་ཆེན་གྱི་ལོ་ཙཱ་བ་དགེ་སློང་རིན་ཆེན་བཟང་པོའི་འགྱུར། དྲན་པ་གཅིག་པའི་མན་
ངག་དང་། དབུ་མའི་མན་ངག་ཅེས་བྱ་བ་པཎྜི་ཏ་དཱི་པཾ་ཀ་རས་མཛད་པ། པཎྜི་ཏ་དེ་ཉིད་དང་། ལོ་ཙཱ་བ་ཚུལ་ཁྲིམས་རྒྱལ་བས་ལྷ་ས་འཕྲུལ་སྣང་དུ་འགྱུར། དབུ་མའི་མན་ངག་རིན་པོ་ཆེའི་ཟ་མ་ཏོག་ཁ་ཕྱེ་བ་ཞེས་བྱ་བ་མ་ཧཱ་པཎྜི་ཏ་དཔལ་མར་མེ་མཛད་ཡེ་ཤེས་ཀྱི་ཞལ་སྔ་ནས་མཛད་པ། རྒྱ་གར་གྱི་མཁན་པོ་དཱི་
པཾ་ཀ་ར་ཤྲཱི་ཛྙཱ་ན་དེ་ཉིད་དང་། ལོ་ཙཱ་བ་དགེ་བསྙེན་ཆེན་པོ་རྒྱ་བརྩོན་འགྲུས་སེང་གེ་དང་། དགེ་སློང་ཚུལ་ཁྲིམས་རྒྱལ་བའི་འགྱུར། དབུ་མའི་མན་ངག་ཅེས་བྱ་བའི་འགྲེལ་པ་པཎྜི་ཏ་ཤེས་རབ་ཐར་པས་མཛད་པ། རྒྱ་གར་གྱི་མཁན་པོ་ཤེས་རབ་ཐར་པ་དེ་ཉིད་དང་། དགེ་སློང་ཚུལ་ཁྲིམས་རྒྱལ་བའི་འགྱུར།
ཏིང་ངེ་འཛིན་གྱི་མི་མཐུན་པའི་ཕྱོགས་རྣམ་པར་གཞག་པ་རྒྱའི་མཁན་པོ་ཧ་ཤང་ཟབ་མོ་ལ་སོགས་པ་དང་། ཞུ་ཆེན་གྱི་ལོ་ཙཱ་བ་རྣམ་པར་མི་རྟོག་པའི་འགྱུར། བསྒོམ་པའི་རིམ་པ་མདོ་ཀུན་ལས་བཏུས་པ་རྣལ་འབྱོར་སྤྱོད་པའི་བསམ་གཏན་རྗེ་བཙུན་ཀ་རོས་མཛད་པ། བྱང་ཆུབ་སེམས་པའི་སླབ་བྱ་དང་སྤྱོད་པ་
གཙོ་ཆེར་སྟོན་པའི་སྐོར་ནི། མདོ་ཀུན་ལས་བཏུས་པ་ཨཱ་ཙཱརྱ་ཨཱརྱ་ནཱ་གཱརྫུ་ནས་མཛད་པ། བམ་པོ་ལྔ་པ། རྒྱ་གར་གྱི་མཁན་པོ་ཛི་ནཱ་མི་ཏྲ་དང་། ཤཱི་ལེནྡྲ་བོ་དྷི་དང་། ཞུ་ཆེན་གྱི་ལོ་ཙཱ་བ་ཡེ་ཤེས་སྡེའི་འགྱུར། མདོ་ཀུན་ལས་བཏུས་པའི་བཤད་པ་རིན་པོ་ཆེའི་སྣང་བའི་རྒྱན་ཞེས་བྱ་བ་ལུང་གི་ཚད་མས་རབ་ཏུ་
སྦྱང་བ་སློབ་དཔོན་རིན་ཆེན་འབྱུང་གནས་ཞི་བས་མཛད་པ། ཤློ་ཀ་སུམ་སྟོང་ལྔ་བཅུ་རྩ་གཅིག་པ། རྒྱ་གར་གྱི་མཁན་པོ་པཎྜི་ཏ་ནག་པོའི་ཞབས་དང་། བོད་ཀྱི་ལོ་ཙཱ་བ་དགེ་སློང་ཚུལ་ཁྲིམས་རྒྱལ་བའི་འགྱུར། འདི་ལྟ་བ་སེམས་ཙམ་དུ་སྨྲ་བའི་པཎྜི་ཏས་བརྩམས་མོད་ཀྱང་རྩ་འགྲེལ་སྟབས་གཅིག་པའི་

213-1-440b

ཕྱིར་འདིར་བྲིས་སོ། །བྱང་ཆུབ་སེམས་དཔའི་སྤྱོད་པ་བསྡུས་པའི་སྒྲོན་མ་རིན་པོ་ཆེའི་ཕྲེང་བ་ཞེས་བྱ་བ་སློབ་དཔོན་མཁས་པ་ཆེན་པོ་ཆོས་ལྡན་རབ་འབྱོར་དབྱངས་ཀྱིས་མཛད་པ། རྒྱ་གར་གྱི་མཁན་པོ་པྲཛྙཱ་ཀ་ར་ཝརྨ་དང་། ཞུ་ཆེན་གྱི་ལོ་ཙཱ་བ་དགེ་སློང་རིན་ཆེན་བཟང་པོའི་འགྱུར། འདི་བསྒོམ་པའི་བསྟན་བཅོས་ཡིན་
ཀྱང་དུས་ཕྱིས་རྙེད་པས་སྤྱོད་པའི་པུ་སྟིའི་གཤམ་དུ་བཞུགས་སུ་བཅུག་པ་ཡིན་ནོ། །མདོ་ཀུན་ལས་བཏུས་པའི་དོན་བསྡུས་པ་སློབ་དཔོན་དཱི་པཾ་ཀ་ར་ཤྲཱི་ཛྙ་ནས་མཛད་པ། པཎྜི་ཏ་དེ་ཉིད་དང་། ལོ་ཙཱ་བ་རྒྱ་བརྩོན་འགྲུས་སེང་གེའི་འགྱུར། རིམ་གྱིས་འཛུག་པའི་བསྒོམ་དོན་སློབ་དཔོན་བི་མ་ལ་མི་ཏྲས་མཛད་པ། རྒྱ་གར་
གྱི་མཁན་པོ་པྲཛྙཱ་ཝརྨ་དང་། ཞུ་ཆེན་གྱི་ལོ་ཙཱ་བ་ཡེ་ཤེས་སྡེས་ཀ་ཆུར་གཏན་ལ་ཕབ་པ་རྣམས་བཞུགས་སོ།།      །།ཁི་པ་ལ། བསླབ་པ་ཀུན་ལས་བཏུས་པའི་ཚིག་ལེའུར་བྱས་པ་དང་། བསླབ་པ་ཀུན་ལས་བཏུས་པ་སློབ་དཔོན་ཞི་བའི་ལྷས་མཛད་པ། བམ་པོ་བཅུ་བཞི་པ།
རྒྱ་གར་གྱི་མཁན་པོ་ཛི་ན་མི་ཏྲ་དང་། དཱ་ན་ཤཱི་ལ་དང་། ཞུ་ཆེན་གྱི་ལོ་ཙཱ་བ་བནྡེ་ཡེ་ཤེས་སྡེས་བསྒྱུར་པ་ལས། སླད་ཀྱི་ཁ་ཆེའི་པཎྜི་ཏ་ཏི་ལ་ཀ་ཀ་ལ་ཤ་དང་། ལོ་ཙཱ་བ་དགེ་སློང་བློ་ལྡན་ཤེས་རབ་ཀྱིས་སྲི་མདའི་དགོན་པར་ཞུ་གཏུགས་ལེགས་པར་བྱས་པ། བསླབ་པ་ཀུན་ལས་བཏུས་པ་ནས་འབྱུང་བ་དེ་བཞིན་
གཤེགས་པའི་ཡི་གེ་བརྒྱ་པའི་བསྲུང་བ་དང་སྡིག་པ་བཤགས་པའི་ཆོ་ག་སློབ་དཔོན་ཞི་བའི་ལྷས་མཛད་པ། བསླབ་པ་ཀུན་ལས་བཏུས་པའི་མངོན་པར་རྟོགས་པ་ཞེས་བྱ་བ་བླ་མ་གསེར་གླིང་པས་མཛད་པ། དཔལ་མར་མེ་མཛད་ཡེ་ཤེས་དང་། དགེ་སློང་ཚུལ་ཁྲིམས་རྒྱལ་བའི་འགྱུར། བསླབ་པ་ཀུན་ལས་
བཏུས་པའི་ཕྱོགས་ཙམ་ཞིག་བླངས་པའི་བཤད་པ་བསླབ་པའི་མེ་ཏོག་སྙེ་མ་ཞེས་བྱ་བ་བི་ཀྲ་མ་ཤཱི་ལའི་པཎྜི་ཏ་ཆེན་པོ་བེེ་རོ་ཙ་ན་རཀྵི་ཏས་མཛད་པ། རྒྱ་གར་གྱི་མཁན་པོ་སུ་མ་ཏི་ཀཱིརྟི་དང་། བོད་ཀྱི་ལོ་ཙཱ་བ་དགེ་སློང་ཞམ་སེང་རྒྱལ་དང་། ཀློག་སྐྱ་གཞོན་ནུ་འབར་གྱིས་བསྒྱུར་བ་ལ། སླད་ནས་བོད་ཀྱི་ལོ་ཙཱ་
བ་མར་པ་ཆོས་ཀྱི་དབང་ཕྱུག་གིས་བཅོས་པ། ཕ་རོལ་ཏུ་ཕྱིན་པ་བསྡུས་པ་ཨཱརྱ་ཝཱི་རས་མཛད་པ། ལོ་ཙཱ་བ་ཨཱ་ཙཱརྱ་བེེ་རོ་ཙ་ན་རཀྵི་ཏའི་འགྱུར་། ལས་དང་པོ་པའི་ས་སྦྱང་བ་སློབ་དཔོན་མཁས་པ་ཆེན་པོ་བྱང་ཆུབ་སེམས་དཔའི་དགྲ་ལས་རྒྱལ་བ་གསང་བའི་ཞལ་སྔ་ནས་མཛད་པ། རྒྱ་གར་གྱི་མཁན་པོ་ཀྲྀཥྞ་པ་དང་།

213-1-441a

ཞུ་ཆེན་གྱི་ལོ་ཙཱ་བ་དགེ་སློང་ཆོས་ཀྱི་ཤེས་རབ་ཀྱི་འགྱུར། བྱང་ཆུབ་སེམས་དཔའི་སྤྱོད་པ་མདོ་ཙམ་གདམས་ངག་ཏུ་བྱས་པ་སློབ་དཔོན་ཆེན་པོ་དཔལ་མར་མེ་མཛད་ཡེ་ཤེས་ཀྱིས་མཛད་པ། བྱང་ཆུབ་ལམ་གྱི་སྒྲོན་མ་སློབ་དཔོན་ཆེན་པོ་དཔལ་མར་མེ་མཛད་ཡེ་ཤེས་ཀྱིས་མཛད་པ། རྒྱ་གར་
གྱི་མཁན་པོ་ཆེན་པོ་དེ་ཉིད་དང་། ཞུ་ཆེན་གྱི་ལོ་ཙཱ་བ་དགེ་བའི་བློ་གྲོས་ཀྱི་འགྱུར། ཆོས་འདི་ཞང་ཞུང་གི་ཐོ་ལིང་གཙུག་ལག་ཁང་དུ་མཛད་པའོ། །བྱང་ཆུབ་ལམ་གྱི་སྒྲོན་མེའི་དཀའ་འགྲེལ་ཞེས་བྱ་བ་བྷངྒ་ལའི་རྒྱལ་པོའི་རིགས་རྒྱུད་དགེ་སློང་མཁས་པ་ཆེན་པོ་བྱང་ཆུབ་སེམས་དཔའི་སྤྱོད་པ་མཛད་པ་དཱི་པཾ་ཀ་ར་ཤྲཱི་ཛྙཱ་
ནས་མཛད་པ། རྒྱ་གར་གྱི་མཁས་པ་ཆེན་པོ་བྷངྒ་ལ་པ་དཔལ་མར་མེ་མཛད་ཡེ་ཤེས་ཞབས་དང་། ལོ་ཙཱ་བ་དགེ་སློང་ཚུལ་ཁྲིམས་རྒྱལ་བའི་འགྱུར། སྙིང་པོ་བསྡུ་བ་ཞེས་བྱ་བ་སློབ་དཔོན་ཆེན་པོ་དཔལ་མར་མེ་མཛད་ཡེ་ཤེས་ཀྱིས་མཛད་པ། པཎྜི་ཏ་དེ་ཉིད་དང་། ལོ་ཙཱ་བ་དགེ་སློང་ཚུལ་ཁྲིམས་འབྱུང་གནས་དེ་བརྩེས་
བསྒྱུར་བ། སྙིང་པོ་ངེས་པར་བསྡུ་བ་ཞེས་བྱ་བ། བྱང་ཆུབ་སེམས་དཔའི་ནོར་བུའི་ཕྲེང་བ། བྱང་ཆུབ་སེམས་དཔའ་ལས་དང་པོ་པའི་ལམ་ལ་འཇུག་པ་བསྟན་པ་རྣམས་སློབ་དཔོན་དཔལ་མར་མེ་མཛད་ཡེ་ཤེས་ཀྱིས་མཛད་པ། པཎྜི་ཏ་དེ་ཉིད་དང་། ལོ་ཙཱ་བ་ཚུལ་ཁྲིམས་རྒྱལ་བའི་འགྱུར། སྐྱབས་སུ་འགྲོ་བ་བསྟན་པ་ཞེས་བྱ་བ། ཐེག་
པ་ཆེན་པོའི་ལམ་གྱི་སྒྲུབ་ཐབས་ཡི་གེར་བསྡུས་པ། ཐེག་པ་ཆེན་པོའི་ལམ་གྱི་སྒྲུབ་ཐབས་ཤིན་ཏུ་བསྡུས་པ། རང་གི་བྱ་བའི་རིམ་པ་ལ་བསྐུལ་བ་དང་བཅས་པ་ཡི་གེར་བྲིས་པ་རྣམས་སློབ་དཔོན་མཁས་པ་ཆེན་པོ་དཔལ་མར་མེ་མཛད་པ་ཡེ་ཤེས་ཀྱིས་མཛད་པ།  རྒྱ་གར་གྱི་མཁན་པོ་ཆེན་པོ་དེ་ཉིད་དང་། ཞུ་ཆེན་གྱི་ལོ་ཙཱ་
བ་དགེ་བའི་བློ་གྲོས་ཀྱི་འགྱུར། མདོ་སྡེའི་དོན་ཀུན་ལས་བཏུས་པའི་མན་ངག །མི་དགེ་བ་བཅུའི་ལས་ཀྱི་ལས་ཀྱི་ལམ་བསྟན་པ། ལས་རྣམ་པར་འབྱེད་པ་ཞེས་བྱ་བ། སྤྱོད་པ་བསྡུས་པའི་སྒྲོན་མ་རྣམས་སློབ་དཔོན་མཁས་པ་ཆེན་པོ་དཔལ་མར་མེ་མཛད་ཡེ་ཤེས་ཀྱིས་མཛད་པ། རྒྱ་གར་གྱི་མཁན་པོ་པཎྜི་ཏ་དཱི་པཾ་ཀ་ར་ཤྲཱི་ཛྙཱ་ན་དེ་ཉིད་དང་། ལོ་
ཙཱ་བ་དགེ་སློང་ཚུལ་ཁྲིམས་རྒྱལ་བའི་འགྱུར་རྣམས་བཞུགས་སོ།།      །།གི་པ་ལ། མདོ་ཀུན་ལས་བཏུས་པ་ཆེན་པོ་ཞེས་བྱ་བ་མཁས་པ་ཆེན་པོ་དཔལ་མར་མེ་མཛད་ཡེ་ཤེས་ཀྱིས་མཛད་པ། པཎྜི་ཏ་རྒྱལ་བ་ཀུན་དགའ་དང་། སྐད་གཉིས་སྨྲ་བའི་དགེ་སློང་ཉི་མ་གྲགས་པ་དང་ཁུ་མདོ་སྡེ་འབར་གྱི་འགྱུར། བྱང་

213-1-441b

ཆུབ་སེམས་དཔའི་ལམ་གྱི་རིམ་པ་མདོར་བསྡུས་བ་འདི་ལ་ཆག་ཆོས་རྗེ་དཔལ་གྱི་འགྱུར་བ་ཅིག་ཀྱང་ཡོད་མོད་ཀྱི་འདི་དང་གཅིག་ཏུ་འདུག་པས་མ་བྲིས། ཐེག་པ་ཆེན་པོའི་མན་ངག་གི་ཚིགས་སུ་བཅད་པ་འདི་གཉིས་མ་བྱོན་པའི་སངས་རྒྱས་ཆོས་རྗེ་ཤཱཀྱ་ཤྲཱིས་ཡུལ་འཁོར་སོ་སོར་བྱོན་པའི་ཚེ་ཞུ་བ་པོ་རྣམས་ཀྱི་སྐལ་བ་དང་སྦྱར་ཏེ་ཞར་
བྱུང་དུ་བརྩམས་ཤིང་གསུངས་པའི་ཚིགས་སུ་བཅད་པ་ཁ་འཐོར་བ་རྣམས་མཛད་པ། མ་ཧཱ་པཎྜི་ཏ་དེ་ཉིད་དང་། ལོ་ཙཱ་བ་བྱམས་པའི་དཔལ་གྱི་འགྱུར། རྒྱལ་བའི་ལམ་ལ་འཇུག་པ་ཞེས་བྱ་བ་ཁ་ཆེའི་པཎྜི་ཏ་བུདྡྷ་ཤྲཱི་ཛྙཱ་ནས་མཛད་པ། པཎྜི་ཏ་དེ་ཉིད་དང་། བོད་ཀྱི་ལོ་ཙཱ་བ་ཆག་དགྲ་བཅོམ་གྱི་འགྱུར། བྱང་ཆུབ་སེམས་དཔའི་སྤྱོད་
ཡུལ་ཡོངས་སུ་དག་པའི་མདོའི་དོན་མདོར་བསྡུས་པ་སློབ་དཔོན་དཔལ་སྒྲ་གཅན་འཛིན་བཟང་པོས་མཛད་པ། དཔལ་ཆོས་ཀྱི་རྗེ་སའི་སྟེང་ན་འགྲན་ཟླ་དང་བྲལ་བ་ཁ་ཆེ་ཤཱཀྱ་ཤྲཱི་བྷ་དྲ་དང་། གནུབས་ལོ་ཙཱ་བ་བྱམས་པའི་དཔལ་གྱི་འགྱུར། སྐྱབས་འགྲོ་དང་སེམས་བསྐྱེད་ལ་སོགས་ཀྱི་ཆོ་གའི་སྐོར་ལ། བྱང་ཆུབ་ཏུ་སེམས་བསྐྱེད་
པའི་ཆོ་ག་སློབ་དཔོན་མཁས་པ་ཆེན་པོ་འཕགས་པ་ཀླུ་སྒྲུབ་ཀྱིས་མཛད་པ། རྒྱ་གར་གྱི་མཁན་པོ་སུ་རེནྡྲ་བོ་དྷི་དང་། ཞུ་ཆེན་གྱི་ལོ་ཙཱ་བ་ཡེ་ཤེས་སྡེའི་འགྱུར། བྱང་ཆུབ་སེམས་དཔའི་སྡོམ་པའི་ཆོ་ག་སློབ་དཔོན་མཁས་པ་ཆེན་པོ་བྱང་ཆུབ་བཟང་པོས་མཛད་པ། རྒྱ་གར་གྱི་མཁན་པོ་ཆེན་པོ་བླ་མ་སུ་ན་ཡ་ཤྲཱི་མི་ཏྲ་དང་། ཞུ་ཆེན་གྱི་ལོ་ཙཱ་བ་དགེ་
སློང་དར་མ་གྲགས་ཀྱི་འགྱུར། བྱང་ཆུབ་ཀྱི་སེམས་བསྐྱེད་པ་དང་། ཡི་དམ་བླང་བའི་ཆོ་ག་སློབ་དཔོན་མཁས་པ་ཆེན་པོ་བྱང་ཆུབ་སེམས་དཔའ་དགྲ་ལས་རྣམ་པར་རྒྱལ་བས་མཛད་པ། རྒྱ་གར་གྱི་མཁན་པོ་སུ་མ་ཏི་ཀཱིརྟི་དང་། ཞུ་ཆེན་གྱི་ལོ་ཙཱ་བ་དགེ་སློང་བློ་ལྡན་ཤེས་རབ་ཀྱི་འགྱུར་། བྱང་ཆུབ་སེམས་བསྐྱེད་པ་དང་བྱང་ཆུབ་སེམས་དཔའི་སྡོམ་
པའི་ཆོ་གའི་རིམ་པ་སློབ་དཔོན་ཆེན་པོ་དཔལ་མར་མེ་མཛད་ཡེ་ཤེས་ཀྱིས་མཛད་པ། རྒྱ་གར་གྱི་མཁན་པོ་དེ་ཉིད་དང་། ཞུ་ཆེན་གྱི་ལོ་ཙཱ་བ་དགེ་སློང་དགེ་བའི་བློ་གྲོས་ཀྱིས་བསྒྱུར་བ་ལ། སླད་ཀྱིས་པཎྜི་ཏ་དེ་ཉིད་དང་། ལོ་ཙཱ་བ་དགེ་སློང་ཚུལ་ཁྲིམས་རྒྱལ་བས་བཅོས་པ། བྱང་ཆུབ་སེམས་དཔའི་སྡོམ་པ་བཟུང་བའི་ཆོ་ག་སློབ་དཔོན་མཁས་པ་
ཆེན་པོ་འཇིགས་མེད་འབྱུང་གནས་སྒྲས་པས་མཛད་པ། ཁ་ཆེ་པཎྜི་ཏ་ཆེན་པོ་ཤཱཀྱ་ཤྲཱི་བྷ་དྲ་དང་། ཆག་ལོ་ཙཱ་བ་དགེ་སློང་དགྲ་བཅོམ་གྱི་འགྱུར། གསུམ་ལ་སྐྱབས་སུ་འགྲོ་བ་བདུན་ཅུ་པ་སློབ་དཔོན་ཟླ་བ་གྲགས་པས་མཛད་པ། རྒྱ་གར་གྱི་པཎྜི་ཏ་ཆེན་པོ་དཱི་པཾ་ཀ་ར་ཤྲཱི་ཛྙ་ན་དང་། སྒྲ་སྒྱུར་གྱི་ལོ་ཙཱ་བ་དགེ་སློང་རིན་ཆེན་བཟང་པོའི་འགྱུར།

213-1-442a

སྐྱབས་འགྲོ་ཡན་ལག་དྲུག་པ་སློབ་དཔོན་བི་མ་ལ་མི་ཏྲས་མཛད་པ། ལྟུང་བ་བཤགས་པའི་ཆོ་ག་ཐམས་ཅད་ཡོད་པར་སྨྲ་བའི་པཎྜི་ཏ་དེ་ཝ་ཤཱནྟིས་མཛད་པ། རྒྱ་གར་གྱི་མཁན་པོ་དཱི་པཾ་ཀ་ར་ཤྲཱི་ཛྙཱ་ན་དང་། བོད་ཀྱི་ལོ་ཙཱ་བ་ཚུལ་ཁྲིམས་རྒྱལ་བའི་འགྱུར། ལྟུང་བ་བཤགས་པའི་ཆོ་ག་སློབ་དཔོན་དཔལ་མར་མེ་མཛད་ཡེ་ཤེས་
ཀྱིས་མཛད་པ། རྒྱ་གར་གྱི་མཁན་པོ་དེ་ཉིད་དང་། བོད་ཀྱི་ལོ་ཙཱ་བ་དགེ་སློང་ཚུལ་ཁྲིམས་རྒྱལ་བའི་འགྱུར། ཁ་ཏོན་དང་གླེགས་བམ་བཀླག་པའི་སྔོན་དུ་བྱ་བའི་ཆོ་ག །ཕ་རོལ་ཏུ་ཕྱིན་པའི་ཐེག་པའི་ཚ་ཚ་གདབ་པའི་ཆོ་ག །བླ་མའི་བྱ་བའི་རིམ་པ་རྣམས་སློབ་དཔོན་མཁས་པ་ཆེན་པོ་དཔལ་མར་མེ་མཛད་ཡེ་ཤེས་ཀྱིས་མཛད་པ། སྡོམ་པ་
གསུམ་གྱི་རིམ་པ་སློབ་དཔོན་ཆེན་པོ་སྙོག་མེད་རྡོ་རྗེས་མཛད་པ། རྒྱ་གར་གྱི་མཁན་པོ་ཨ་ཏུ་ལྱ་དཱས་དང་། ཞུ་ཆེན་གྱི་ལོ་ཙཱ་བ་དགེ་སློང་བློ་ལྡན་ཤེས་རབ་ཀྱི་འགྱུར། ཆོས་སྤྱོད་ཡན་ལག་བཞི་པ་རྣལ་འབྱོར་གྱི་དབང་ཕྱུག་ཆེན་པོ་ཤྲཱི་ཛ་ག་ཏ་མི་ཏྲཱ་ནནྡས་མཛད་པ། རྣལ་འབྱོར་གྱི་དབང་ཕྱུག་དེ་ཉིད་དང་། གནུབས་ལོ་ཙཱ་བ་བྱམས་པའི་དཔལ་གྱི་
འགྱུར། དམ་པའི་ཆོས་སྤྱོད་ལ་འཇུག་པའི་ཡན་ལག་བདུན་པ་ཁ་ཆེའི་པཎྜི་ཏ་ཤཱཀྱ་ཤྲཱི་བྷ་དྲས་མཛད་པ། པཎྜི་ཏ་ཆེན་པོ་དེ་ཉིད་དང་། བོད་ཀྱི་ལོ་ཙཱ་བ་བྱམས་པའི་དཔལ་གྱི་འགྱུར་རྣམས་བཞུགས་སོ། །ཆོས་རྣམས་རང་བཞིན་སྟོང་པར་སྟོན་པའི་ཚུལ། །འཕགས་མཆོག་ཀླུ་སྒྲུབ་རྗེས་འབྲངས་བཅས་པའི་གཞུང་། །ལྟ་སྒོམ་སྤྱོད་པ་གསལ་བར་བྱེད་
པ་ཡི། །བསྟན་བཅོས་བརྒྱ་དང་ལྔ་བཅུ་རྩ་བདུན་བཞུགས། །དེ་དག་གིས་ནི་དབུ་མའི་ཆོས་སྐོར་བཞུགས་པའི་རྣམ་གྲངས་རྣམས་བཀོད་ཟིན་ཏོ།།      །།དེ་ལྟར་དབུ་མའི་ཆོས་སྐོར་རྣམས་བཀོད་ནས། བཀའ་འཁོར་ལོ་རིམ་པ་གསུམ་པ་ལེགས་པར་རྣམ་པར་ཕྱེ་བ་དང་ལྡན་པའི་བཀའི་དགོངས་པ་གཙོ་ཆེར་འགྲེལ་པར་བྱེད་པའི་བསྟན་བཅོས་ལ།
བཀའ་སོ་སོའི་དགོངས་འགྲེལ་དང་། སྤྱིའི་དགོངས་འགྲེལ་གཉིས་ལས། དང་པོ་བཀའ་སོ་སོའི་དགོངས་འགྲེལ་ནི། དི་པ་ལ། འཕགས་པ་དགོངས་པ་ངེས་པར་འགྲེལ་པའི་རྣམ་པར་བཤད་པ་སློབ་དཔོན་འཕགས་པ་ཐོགས་མེད་ཀྱིས་མཛད་པ། རྒྱ་གར་གྱི་མཁན་པོ་ཛི་ན་མི་ཏྲ་དང་། ཤཱི་ལེནྡྲ་བོ་དྷི་དང་། ཞུ་ཆེན་གྱི་ལོ་ཙཱ་བ་
ཡེ་ཤེས་སྡེའི་འགྱུར། སངས་རྒྱས་རྗེས་སུ་དྲན་པའི་འགྲེལ་པ། ཆོས་རྗེས་སུ་དྲན་པའི་འགྲེལ་པ། དགེ་འདུན་རྗེས་སུ་དྲན་པའི་བཤད་པ་རྣམས་སློབ་དཔོན་ཐོགས་མེད་ཀྱིས་མཛད་པ། རྒྱ་གར་གྱི་མཁན་པོ་དགེ་སློང་ཨ་ཛི་ཏ་ཤྲཱི་བྷ་དྲ་དང་། བོད་ཀྱི་ལོ་ཙཱ་བ་དགེ་སློང་ཤཱཀྱ་འོད་ཀྱི་འགྱུར། འཕགས་པ་སཱ་ལུ་ལྗང་པའི་ཚིག་ལེའུར་བྱས་པ་དང་།

213-1-442b

འཕགས་པ་སཱ་ལུ་ལྗང་པ་ཞེས་བྱ་བ་ཐེག་པ་ཆེན་པོའི་མདོའི་རྒྱ་ཆེར་བཤད་པ་བརྒྱ་ཕྲག་བཅུ་གཉིས་པ་སློབ་དཔོན་ཆེན་པོ་ཀླུ་སྒྲུབ་ཀྱིས་མཛད་པ། རྒྱ་གར་གྱི་མཁན་པོ་དྷརྨ་ཤྲཱི་བྷ་དྲ་དང་། ལོ་ཙཱ་བ་ལེགས་པའི་བློ་གྲོས་དང་ཛྙཱ་ན་ཀུ་མཱ་རས་བསྒྱུར་ནས། ཞུ་ཆེན་གྱི་ལོ་ཙཱ་བ་བནྡེ་དཔལ་བརྩེགས་ཀྱིས་གཏན་ལ་ཕབ་པ། སངས་རྒྱས་
རྗེས་སུ་དྲན་པའི་རྒྱ་ཆེར་འགྲེལ་པ་སློབ་དཔོན་དབྱིག་གཉེན་གྱིས་མཛད་པ། རྒྱ་གར་གྱི་མཁན་པོ་དཱ་ན་ཤཱི་ལ་དང་། ཞུ་ཆེན་གྱི་ལོ་ཙཱ་བ་དགེ་སློང་དཔལ་བརྩེགས་རཀྵི་ཏའི་འགྱུར། ཚིགས་སུ་བཅད་པ་གཅིག་པའི་བཤད་པ། འཕགས་པ་སྒོ་དྲུག་པའི་གཟུངས་ཀྱི་རྣམ་པར་བཤད་པ། འཕགས་པ་ཆོས་བཞི་པའི་རྣམ་པར་བཤད་
པ་རྣམས་སློབ་དཔོན་དབྱིག་གཉེན་གྱིས་མཛད་པ། འཕགས་པ་ཆོས་བཞི་པའི་རྣམ་པར་བཤད་པའི་རྒྱ་ཆེར་འགྲེལ་པ་སློབ་དཔོན་ཡེ་ཤེས་བྱིན་གྱིས་མཛད་པ། རྒྱ་གར་གྱི་མཁན་པོ་དཱ་ན་ཤཱི་ལ་དང་པྲཛྙཱ་ཝརྨ་དང་། ཞུ་ཆེན་གྱི་ལོ་ཙཱ་བ་ཡེ་ཤེས་སྡེའི་འགྱུར། ག་ཡ་གོ་རིའི་མདོའི་རྣམ་པར་བཤད་པ་སློབ་དཔོན་དབྱིག་གཉེན་
གྱིས་མཛད་པ། རྒྱ་གར་གྱི་མཁན་པོ་སུ་རེནྡྲ་བོ་དྷི་དང་། ཞུ་ཆེན་གྱི་ལོ་ཙཱ་བ་ཡེ་ཤེས་སྡེའི་འགྱུར། འཕགས་པ་ག་ཡ་གོ་རིའི་མདོ་དང་སྤེལ་མར་བཤད་པ་འཕགས་པ་འཇམ་དཔལ་གཙོ་བོའི་ཞབས་ལ་བརྟེན་པ་མང་དུ་ཐོས་པ་གནས་བརྟན་ཤཱཀྱའི་བློས་མཛད་པ། སློབ་དཔོན་དབྱིག་གཉེན་གྱིས་མཛད་པའི་འཕགས་པ་མདོ་
སྡེ་ས་བཅུ་པའི་རྣམ་པར་བཤད་པ། རྒྱ་གར་གྱི་མཁན་པོ་མཉྫུ་ཤྲཱི་གརྦྷ་དང་། པྲཛྙཱ་ཝརྨ་དང་། ཞུ་ཆེན་གྱི་ལོ་ཙཱ་བ་ཡེ་ཤེས་སྡེ་དང་བནྡེ་དཔལ་བརྩེགས་ཀྱི་འགྱུར་རྣམས་བཞུགས་སོ།།      །།ཅི་པ་ལ། འཕགས་པ་བློ་གྲོས་མི་ཟད་པས་བསྟན་པའི་མདོའི་རྒྱ་ཆེར་འགྲེལ་པ་སློབ་དཔོན་དབྱིག་གཉེར་གྱིས་མཛད་པའི་འཕགས་པ་བཞུགས་སོ།།      །།
ཆི་པ་ལ། རྟེན་ཅིང་འབྲེལ་བར་འབྱུང་བ་དང་པོ་དང་རྣམ་པར་དབྱེ་བ་བཤད་པ་བམ་པོ་བཞི་པ་སློབ་དཔོན་བ་སུ་བནྡྷུས་མཛད་པ་དང་། རྟེན་ཅིང་འབྲེལ་པར་འབྱུང་བ་དང་པོ་དང་རྣམ་པར་དབྱེ་བ་བསྟན་པའི་རྒྱ་ཆེར་བཤད་པ་སློབ་དཔོན་ཡོན་ཏན་བློ་གྲོས་ཀྱིས་མཛད་པ་བམ་པོ་བཅུ་གཅིག་པ། ལིའི་མཁན་པོ་སུ་རེནྡྲ་ཀ་ར་པྲ་བྷཱ་དང་།
ལོ་ཙཱ་བ་དགེ་སློང་ནམ་མཁའི་འགྱུར། འཕགས་པ་སངས་རྒྱས་ཀྱི་སའི་རྣམ་པར་བཤད་པ་སློབ་དཔོན་ངང་ཚུལ་བཟང་པོས་མཛད་པ་རྣམས་བཞུགས་སོ།།      །།ཇི་པ་ལ། ས་བཅུའི་རྣམ་པར་བཤད་པའི་རྣམ་པར་བཤད་པ་སློབ་དཔོན་དབྱིག་གཉེན་གྱིས་མཛད་པའི་འགྲེལ་བཤད་སློབ་དཔོན་ཉི་མ་གྲུབ་ཀྱིས་མཛད་པ།

213-1-443a

རྒྱ་གར་གྱི་མཁན་པོ་པྲཛྙཱ་ཝརྨ་དང་། ཞུ་ཆེན་གྱི་ལོ་ཙཱ་བ་དགེ་སློང་དཔལ་བརྩེགས་རཀྵི་ཏའི་འགྱུར། འཕགས་པས་བཅུའི་མདོ་སྡེའི་གླིང་བཞིའི་བཤད་པ་སློབ་དཔོན་ཤཱཀྱའི་བློས་མཛད་པ། འཕགས་པ་རྣམ་པར་མི་རྟོག་པར་འཇུག་པའི་གཟུངས་ཀྱི་རྒྱ་ཆེར་འགྲེལ་པ་སློབ་དཔོན་ཀ་མ་ལ་
ཤཱི་ལས་མཛད་པ། རྒྱ་གར་གྱི་མཁན་པོ་ཛི་ན་མི་ཏྲ་དང་། དཱ་ན་ཤཱི་ལ་དང་། ཞུ་ཆེན་གྱི་ལོ་ཙཱ་བ་དཔལ་བརྩེགས་རཀྵི་ཏའི་འགྱུར། འཕགས་པ་སཱ་ལུ་ལྗང་པའི་མདོ་སྡེའི་རྒྱ་ཆེར་འགྲེལ་པ་སློབ་དཔོན་ཀ་མ་ལ་ཤི་ལས་མཛད་པ། ཚིགས་སུ་བཅད་པ་གཉིས་པའི་བཤད་པ་སློབ་དཔོན་ཆེན་པོ་མཛེས་བཀོད་ཀྱིས་
མཛད་པ། འཕགས་པ་འདའ་ཀ་ཡེ་ཤེས་ཀྱི་མདོའི་རྣམ་པར་བཤད་པ་སློབ་དཔོན་པྲཛྙཱ་ས་མུ་དྲས་མཛད་པ། འཕགས་པ་འདའ་ཀ་ཡེ་ཤེས་ཀྱི་མདོའི་དོན་གསལ་བ་ཞེས་བྱ་བ་སློབ་དཔོན་ཞི་བ་ལྷས་མཛད་པ། རྒྱ་གར་གྱི་མཁན་པོ་དྷརྨ་རཱ་ཛ་དང་། བོད་ཀྱི་ལོ་ཙཱ་བ་འཕགས་པ་ཤེས་རབ་ཀྱི་འགྱུར། བྱང་ཆུབ་
ཀྱི་ལྟུང་བ་བཤགས་པའི་འགྲེལ་པ་སློབ་དཔོན་ཆེན་པོ་འཕགས་པ་ཀླུ་སྒྲུབ་ཀྱིས་མཛད་པ། རྒྱ་གར་གྱི་མཁན་པོ་ཤཱནྟ་རཀྵི་ཏ་དང་། བོད་ཀྱི་ལོ་ཙཱ་བ་རྙེ་བ་དེ་ཝ་གྷོ་ཥའི་འགྱུར། བྱང་ཆུབ་ཀྱི་ལྟུང་བ་བཤགས་པའི་འགྲེལ་པ་བྱང་ཆུབ་སེམས་དཔའི་བསླབ་པའི་རིམ་པ་ཞེས་བྱ་བ་སློབ་དཔོན་ཛེེ་ཏ་རི་དགྲ་ལས་རྣམ་
པར་རྒྱལ་བས་མཛད་པ། བལ་པོ་པཎྜི་ཏ་དང་། ཆག་ལོ་ཙཱ་བའི་འགྱུར། ལས་ཀྱི་སྒྲིབ་པ་རྣམ་པར་སྦྱང་བའི་ཆོ་གའི་བཤད་པ་ཞེས་བྱ་བ་སློབ་དཔོན་དཱི་པཾ་ཀ་ར་ཤྲཱི་ཛྙཱ་ནས་མཛད་པ་དང་། ཕུང་པོ་གསུམ་པའི་སྒྲུབ་ཐབས་ཞེས་བྱ་བ་སློབ་དཔོན་ཀྲྀཥྞ་པས་མཛད་པ། རྒྱ་གར་གྱི་མཁན་པོ་ཆེན་པོ་དཱི་པཾ་ཀ་ར་ཤྲཱི་ཛྙཱ་ན་
དང་ལོ་ཙཱ་བ་དགེ་སློང་ཚུལ་ཁྲིམས་རྒྱལ་བའི་འགྱུར། འཕགས་པ་དཀོན་མཆོག་བརྩེགས་པའི་ཆོས་ཀྱི་རྣམ་གྲངས་ལེའུ་སྟོང་ཕྲག་བརྒྱ་པ་ལས་འོད་སྲུངས་ཀྱི་ལེའུའི་རྒྱ་ཆེར་འགྲེལ་པ་སློབ་དཔོན་བློ་བརྟན་གྱིས་མཛད་པ་རྣམས་བཞུགས་སོ།།      །།ཉི་པ་ལ། འཕགས་པ་ཆོས་ཐམས་ཅད་ཀྱི་རང་བཞིན་
མཉམ་པ་ཉིད་རྣམ་པར་སྤྲོས་པའི་ཏིང་ངེ་འཛིན་གྱི་རྒྱལ་པོ་ཞེས་བྱ་བ་ཐེག་པ་ཆེན་པོའི་མདོའི་འགྲེལ་པ་གྲགས་པའི་ཕྲེང་བ་ཞེས་བྱ་བ་སློབ་དཔོན་འཇམ་དཔལ་གྲགས་པས་མཛད་པ། རྒྱ་གར་གྱི་མཁན་པོ་ཞི་བ་བཟང་པོའི་ཞལ་སྔ་ནས་དང་། ལོ་ཙཱ་བ་དགེ་སློང་ཚུལ་ཁྲིམས་རྒྱལ་བའི་འགྱུར། འཕགས་

213-1-443b

པ་བཟང་པོ་སྤྱོད་པའི་སྨོན་ལམ་གྱི་རྒྱལ་པོ་ཆེན་པོའི་བཤད་སྦྱར་འཕགས་པ་ཀླུ་སྒྲུབ་ཀྱིས་མཛད་པ། ཁ་ཆེའི་མཁན་པོ་ཐིག་ལེ་བུམ་པ་དང་། སྒྲ་སྒྱུར་གྱི་ལོ་ཙཱ་བ་དགེ་སློང་བློ་ལྡན་ཤེས་རབ་ཀྱི་འགྱུར། ཀུན་དུ་བཟང་པོའི་སྤྱོད་པའི་སྨོན་ལམ་གྱི་དོན་ཀུན་བསྡུས་ཏེ་སློབ་དཔོན་ཕྱོགས་ཀྱི་གླང་པོས་མཛད་པ།
འཕགས་པ་བཟང་པོ་སྤྱོད་པའི་སྨོན་ལམ་གྱི་རྒྱལ་པོའི་རྒྱ་ཆེར་འགྲེལ་པ་སློབ་དཔོན་ཤཱཀྱའི་བཤེས་གཉེན་གྱིས་མཛད་པ། རྒྱ་གར་གྱི་མཁན་པོ་ཤཱཀྱ་སིདྷ་དང་། ཞུ་ཆེན་གྱི་ལོ་ཙཱ་བ་དཔལ་བརྩེགས་ཀྱི་འགྱུར། འཕགས་པ་བཟང་པོ་སྤྱོད་པའི་སྨོན་ལམ་གྱི་རྒྱལ་པོའི་རྒྱ་ཆེར་འགྲེལ་པ་སློབ་དཔོན་
རྒྱན་བཟང་པོས་མཛད་པ། རྒྱ་གར་གྱི་མཁན་པོ་ཛྙཱ་ན་གརྦྷ་དང་། ཞུ་ཆེན་གྱི་ལོ་ཙཱ་བ་བནྡེ་སྐ་བ་དཔལ་བརྩེགས་ཀྱི་འགྱུར། འཕགས་པ་བཟང་པོ་སྤྱོད་པའི་སྨོན་ལམ་གྱི་འགྲེལ་པ་སློབ་དཔོན་དབྱིག་གཉེན་གྱིས་མཛད་པ། རྒྱ་གར་གྱི་མཁན་པོ་པཎྜི་ཏ་ཨཱ་ཙཱརྱ་ཨཱ་ནནྡ་དང་། ལོ་ཙཱ་བ་དགེ་སློང་བྷ་དྲ་པཱ་
ལའི་འགྱུར་བ་རྣམས་བཞུགས་སོ།།      །།ཏི་ཐི་དི་གསུམ་ལ། འཕགས་པ་དགོངས་པ་ཟབ་མོ་ངེས་པར་འགྲེལ་པའི་མདོའི་རྒྱ་ཆེར་འགྲེལ་པ་རྒྱའི་སློབ་དཔོན་མཁན་པོ་ཝེན་ཚེག་གིས་མཛད་པ། ཞུ་ཆེན་ལོ་ཙཱ་བ་འགོས་ཆོས་གྲུབ་ཀྱིས་རྒྱའི་དཔེ་ལས་བསྒྱུར་ཅིང་ཞུས་ཏེ་གཏན་ལ་ཕབ་
པ། དམ་པའི་ཆོས་པདྨ་དཀར་པོའི་འགྲེལ་པ་ཡུལ་སིངྒ་ལའི་སློབ་དཔོན་སའི་རྩ་ལག་གིས་མཛད་པ་དང་གཉིས་བཞུགས་སོ།།      །།ནི་པ་ལ། འཕགས་པ་ལངྐར་གཤེགས་པའི་འགྲེལ་པ་སློབ་དཔོན་ཡེ་ཤེས་དཔལ་བཟང་པོས་མཛད་པ་བཞུགས་སོ།།      །།པི་པ་ལ། འཕགས་པ་
ལངྐར་གཤེགས་པ་ཞེས་བྱ་བ་ཐེག་པ་ཆེན་པོའི་མདོའི་འགྲེལ་པ་དེ་བཞིན་གཤེགས་པའི་སྙིང་པོའི་རྒྱན་ཞེས་བྱ་བ་རྒྱའི་མཁན་པོ་ཛྙཱ་ན་བཛྲས་མཛད་པ་བཞུགས་སོ། །ཡོད་དང་མེད་པའི་མཐའ་གཉིས་ལེགས་སྤངས་པའི། །ངེས་དོན་རྩོད་མེད་ལེགས་པར་རྣམ་ཕྱེ་བའི། །འཁོར་ལོ་གསུམ་པའི་དགོངས་
འགྲེལ་གཙོ་ཆེ་བའི། །གསལ་བྱེད་བསྟན་བཅོས་བཞི་བཅུ་ཐམ་པ་བཞུགས། །དེ་དག་གིས་ནི་བཀའ་ཐ་མའི་མདོ་སྡེ་སྣ་ཚོགས་ཀྱི་འགྲེལ་པའི་སྐོར་བཞུགས་པའི་རྣམ་གྲངས་རྣམས་བཀོད་ཟིན་ཏོ།།      །།དེ་ལྟར་མདོ་སྡེ་སྣ་ཚོགས་ཀྱི་འགྲེལ་པའི་སྐོར་རྣམས་བཀོད་ནས། གཉིས་པ་སྤྱིའི་

213-1-444a

དགོངས་འགྲེལ་ལ། བཀའ་འཁོར་ལོ་གསུམ་པའི་དོན་གཙོ་བོར་སྟོན་ཅིང་། སྤྱིར་ཐེག་ཆེན་ཐམས་ཅད་ཀྱི་དགོངས་པ་འགྲེལ་པ། རྣལ་འབྱོར་སྤྱོད་པ་སེམས་ཙམ་དང་ཚུལ་མཐུན་པར་སྟོན་པའི་བསྟན་བཅོས་ལ། ཕི་པ་ལ། ཐེག་པ་ཆེན་པོ་མདོ་སྡེ་རྒྱན་ཞེས་བྱ་
བའི་ཚིག་ལེའུར་བྱས་པ་འཕགས་པ་བྱམས་པས་མཛད་པ་བམ་པོ་གསུམ་པ། རྒྱ་གར་གྱི་མཁན་པོ་ཤཱཀྱ་སིདྷ་དང་། ཞུ་ཆེན་གྱི་ལོ་ཙཱ་བ་དཔལ་བརྩེགས་ལ་སོགས་པའི་འགྱུར། སླད་ཀྱི་པཎྜི་ཏ་པ་ར་ཧི་ཏ་དང་། བྲམ་ཟེ་ཆེན་པོ་སཛྫ་ན་དང་། ལོ་ཙཱ་བ་དགེ་སློང་བློ་ལྡན་ཤེས་རབ་ཀྱིས་ཅུང་
ཟད་བཅོས་ཏེ་ལེགས་པར་བཤད་ནས་གཏན་ལ་ཕབ་པ། མཇུག་གི་ཤློ་ཀ་གཅིག་འགྲོ་དོན་འཕེལ་བ་དང་གཞུང་གཞན་ན་འདུག་པ་ལྟར་བྲིས་པའོ། །དབུས་དང་མཐའ་རྣམ་པར་འབྱེད་པའི་ཚིག་ལེའུར་བྱས་པ་འཕགས་པ་བྱམས་པས་མཛད་པ། རྒྱ་གར་གྱི་མཁན་པོ་ཛི་ན་མི་ཏྲ་དང་། ཤཱི་ལེནྡྲ་
བོ་དྷི་དང་། ཞུ་ཆེན་གྱི་ལོ་ཙཱ་བ་བནྡེ་ཡེ་ཤེས་སྡེའི་འགྱུར། ཆོས་དང་ཆོས་ཉིད་རྣམ་པར་འབྱེད་པ་འཕགས་པ་བྱམས་པས་མཛད་པ། རྒྱ་གར་གྱི་མཁན་པོ་པཎྜི་ཏ་ཤཱནྟི་བྷ་དྲ་དང་། ཞུ་ཆེན་གྱི་ལོ་ཙཱ་བ་ཚུལ་ཁྲིམས་རྒྱལ་བས་བསྒྱུར་བ་ལ། སླད་ཀྱིས་ཁ་ཆེའི་མཁན་པོ་པཎྜི་ཏ་པ་ར་ཧི་ཏ་དང་། ཞུ་ཆེན་
གྱི་ལོ་ཙཱ་བ་དགེ་སློང་དགའ་རྡོར་གྱིས་ཐུགས་དམ་ཐོ་ལིང་གི་གཙུག་ལག་ཁང་དུ་གཏན་ལ་ཕབ་པ། ཆོས་དང་ཆོས་ཉིད་རྣམ་པར་འབྱེད་པའི་ཚིག་ལེའུར་བྱས་པ་མགོན་པོ་བྱམས་པས་མཛད་པ། ཁ་ཆེའི་མཁན་པོ་མ་ཧཱ་ཛ་ན་དང་། ལོ་ཙཱ་བ་དགེ་སློང་ཞམ་སེང་གེ་རྒྱལ་མཚན་གྱི་འགྱུར། ཐེག་པ་ཆེན་
པོའི་རྒྱུད་ཕྱི་མ་དེ་བཞིན་གཤེགས་པའི་སྙིང་པོ་སྟོན་པར་བྱེད་པའི་མདོ་ཟབ་མོ་རྣམས་ཀྱི་དགོངས་འགྲེལ་ཐེག་པ་ཆེན་པོ་རྒྱུད་བླ་མའི་བསྟན་བཅོས་མགོན་པོ་བྱམས་པས་མཛད་པ་དང་། ཐེག་པ་ཆེན་པོ་རྒྱུད་བླ་མའི་འགྲེལ་པ་སློབ་དཔོན་ཐོགས་མེད་ཀྱིས་མཛད་པ། དཔལ་གྲོང་ཁྱེར་དཔེ་མེད་
ཀྱི་མཁས་པ་ཆེན་པོ་བྲམ་ཟེ་རིན་ཆེན་རྡོ་རྗེའི་དབོན་པོ་པཎྜི་ཏ་མཁས་པ་ཆེན་པོ་སཛྫ་ན་དང་། ལོ་ཙཱ་བ་དགེ་སློང་བློ་ལྡན་ཤེས་རབ་ཀྱིས་གྲོང་ཁྱེར་དཔེ་མེད་དེ་ཉིད་དུ་བསྒྱུར་བ། ཐེག་པ་ཆེན་པོའི་མདོ་སྡེའི་རྒྱན་གྱི་བཤད་པ་སློབ་དཔོན་དབྱིག་གཉེན་གྱིས་མཛད་པ། གཞུང་ཚད་ཤློ་ཀ་སུམ་སྟོང་

213-1-444b

དྲུག་བརྒྱ་ལྔ་བཅུ་པ། རྒྱ་གར་གྱི་མཁན་པོ་ཤཱཀྱ་སིདྷ་དང་། ཞུ་ཆེན་གྱི་ལོ་ཙཱ་བ་དཔལ་བརྩེགས་ལ་སོགས་པའི་འགྱུར་རྣམས་བཞུགས་སོ།།      །།བི་པ་ལ། དབུས་དང་མཐའ་རྣམ་པར་འབྱེད་པའི་འགྲེལ་པ་སློབ་དཔོན་དབྱིག་གཉེན་གྱིས་མཛད་པ། རྒྱ་གར་གྱི་མཁན་པོ་ཛི་ན་མི་ཏྲ་དང་། ཤཱི་ལེནྡྲ་
བོ་དྷི་དང་། ཞུ་ཆེན་གྱི་ལོ་ཙཱ་བ་ཡེ་ཤེས་སྡེའི་འགྱུར། ཆོས་དང་ཆོས་ཉིད་རྣམ་པར་འབྱེད་པའི་འགྲེལ་པ་སློབ་དཔོན་དབྱིག་གཉེན་གྱིས་མཛད་པ། ཁ་ཆེའི་པཎྜི་ཏ་མ་ཧཱ་ཛ་ན་དང་། ལོ་ཙཱ་བ་བློ་ལྡན་ཤེས་རབ་ཀྱི་འགྱུར། ཐེག་པ་ཆེན་པོ་མདོ་སྡེའི་རྒྱན་གྱི་རྒྱ་ཆེར་བཤད་པ་སློབ་དཔོན་བཙུན་པ་ངོ་བོ་ཉིད་
མེད་པས་མཛད་པ། རྒྱ་གར་གྱི་མཁན་པོ་ཤཱཀྱ་སིདྷ་དང་། ཞུ་ཆེན་གྱི་ལོ་ཙཱ་བ་དཔལ་བརྩེགས་ལ་སོགས་པའི་འགྱུར། མདོ་སྡེ་རྒྱན་གྱི་ཚིགས་སུ་བཅད་པ་དང་པོ་གཉིས་ཀྱི་བཤད་པ་ཁ་ཆེའི་ཡུལ་གྱི་མཁས་པ་ཆེན་པོ་དཔལ་བཙུན་པ་སོ་མ་ཤྲཱིའི་ཞལ་སྔ་ནས་ཀྱི་ཞབས་ཀྱི་པདྨོའི་ཟེའུ་འབྲུའི་རྡུལ་
ལ་རེག་པ་སློབ་དཔོན་གཞན་ལ་ཕན་པ་བཟང་པོས་མཛད་པ། ཁ་ཆེའི་མཁན་པོ་པཎྜི་ཏ་པ་ར་ཧི་ཏ་བྷ་དྲའི་ཞལ་སྔ་ནས་དང་། ལོ་ཙཱ་བ་དགེ་སློང་གཞོན་ནུ་མཆོག་གི་འགྱུར། ཐེག་པ་ཆེན་པོ་མདོ་སྡེ་རྒྱན་གྱི་དོན་བསྡུས་པ་སློབ་དཔོན་མཁས་པ་ཆེན་པོ་ཛྙཱ་ན་ཤྲཱིས་མཛད་པ། པཎྜི་ཏ་དེ་ཉིད་དང་། བོད་ཀྱི་
ལོ་ཙཱ་བ་དགེ་སློང་ཆོས་ཀྱི་བརྩོན་འགྲུས་ཀྱི་འགྱུར། དབུས་དང་མཐའ་རྣམ་པར་འབྱེད་པའི་འགྲེལ་བཤད་སློབ་དཔོན་བློ་བརྟན་གྱིས་མཛད་པ། རྒྱ་གར་གྱི་མཁན་པོ་ཛི་ན་མི་ཏྲ་དང་། ཤཱི་ལེནྡྲ་བོ་དྷི་དང་། ཞུ་ཆེན་གྱི་ལོ་ཙཱ་བ་ཡེ་ཤེས་སྡེའི་འགྱུར། དགོངས་པ་ངེས་པར་འགྲེལ་པའི་མདོ་ལས་
འཕགས་པ་བྱམས་པའི་ལེའུ་ཉི་ཚེའི་བཤད་པ་སློབ་དཔོན་ཡེ་ཤེས་སྙིང་པོས་མཛད་པ་རྣམས་བཞུགས་སོ།།      །།མི་ཙི་གཉིས་ལ། མདོ་སྡེ་རྒྱན་གྱི་འགྲེལ་བཤད་སློབ་དཔོན་ཆེན་པོ་བློ་གྲོས་བརྟན་པས་མཛད་པར་གྲགས་པ། མང་ཡུལ་དུ་མཁན་པོ་མུ་ནེ་ཙནྡྲ་དང་། ལོ་ཙཱ་བ་ལྕེ་བཀྲ་ཤིས་ཀྱིས་ཊཱི་
ཀ་རྣམ་པ་གཉིས་ཀྱི་གཞི་བཟུང་སྟེ་མཁན་པོས་ཀྱང་ཅི་མཁྱེན་དུ་ཊཱི་ཀ་གསར་དུ་བསྒྱུར་བ་རྣམ་པ་གཉིས་དང་གཏུགས་ན་ཡང་ཊཱི་ཀ་གསར་པ་ལས་མི་མངོན་པ་དག་ཀྱང་འདི་ལས་ཞིབ་ཏུ་འཆད་པས་འདི་ཡང་གཅེས་པར་གྱིས། མཇུག་ཅུང་ཟད་ཅིག་མ་ཚང་བ་འདི་སྟོར་བས་ཊཱི་ཀ་གཉིས་དང་གཏུགས་

213-1-445a

པ་བཞུགས་སོ།།      །།ཚི་པ་ལ། འཕགས་པ་ཐོགས་མེད་ཀྱིས་མཛད་པའི་ས་སྡེ་ལྔའི་དང་པོ་རྣལ་འབྱོར་སྤྱོད་པའི་སའི་དངོས་གཞིས་མང་པོ་པ་འདི་ལ་ཤློ་ཀ་བརྒྱད་སྟོང་དགུ་བརྒྱ་བརྒྱད་ཅུ་རྩ་བཞི་པ་བཞུགས་སོ།།      །།ཛི་པ་ལ། རྣལ་འབྱོར་སྤྱོད་པའི་
ས་ལས་ཉན་ཐོས་ཀྱི་ས་རྒྱ་གར་གྱི་མཁན་པོ་ཛི་ན་མི་ཏྲ་དང་། ཞུ་ཆེན་གྱི་ལོ་ཙཱ་བ་ཡེ་ཤེས་སྡེའི་འགྱུར་བཞུགས་སོ། །འདི་ལ་ཤློ་ཀ་དྲུག་སྟོང་ཡོད་དོ།།      །།ཝི་པ་ལ། རྣལ་འབྱོར་སྤྱོད་པའི་ས་ལས་བྱང་ཆུབ་སེམས་དཔའི་ས་དང་པོའི་གོ་རིམས་རྒྱ་གར་གྱི་མཁན་པོ་པྲཛྙཱ་ཝརྨ་དང་། ཞུ་ཆེན་གྱི་ལོ་ཙཱ་བ་
ཡེ་ཤེས་སྡེའི་འགྱུར་བཞུགས་སོ། །འདི་ལ་ཤློ་ཀ་དྲུག་སྟོང་བདུན་བརྒྱ་ལྔ་བཅུ་ཡོད་དོ།།      །།ཞི་པ་དང་ཟི་པའི་སྟོད་ལ། རྣལ་འབྱོར་སྤྱོད་པའི་ས་རྣམ་པར་ཕྲ་གཏན་ལ་དབབ་པ་བསྡུ་བ་བམ་པོ་བཞི་བཅུ་རྩ་གསུམ་པ། རྒྱ་གར་གྱི་མཁན་པོ་པྲཛྙ་ཝརྨ་དང་། ཞུ་ཆེན་གྱི་ལོ་ཙཱ་བ་ཡེ་
ཤེས་སྡེའི་འགྱུར། སྨད་ལ། རྣལ་འབྱོར་སྤྱོད་པའི་ས་ལས་གཞི་བསྡུ་བའི་ནང་གི་མདོ་སྡེ་བསྡུས་པ་བམ་པོ་ཉི་ཤུ་རྩ་གཉིས་པ་རྒྱ་གར་གྱི་མཁན་པོ་པྲཛྙཱ་ཝརྨ་དང་། ཛི་ན་མི་ཏྲ་དང་། ཞུ་ཆེན་གྱི་ལོ་ཙཱ་བ་ཡེ་ཤེས་སྡེའི་འགྱུར་བཞུགས་སོ། །འདི་ལ་ཤློ་ཀ་དྲུག་སྟོང་བདུན་བརྒྱ་དགུ་བཅུ་རྩ་གསུམ་མཆིས་
སོ།།      །།འི་པ་ལ། གཞི་བསྡུ་བའི་ནང་གི་རྣལ་འབྱོར་སྤྱོད་པའི་ས་ལས་འདུལ་བ་བསྡུ་བ། རྒྱ་གར་གྱི་མཁན་པོ་པྲཛྙཱ་ཝརྨ་དང་། ཛི་ན་མི་ཏྲ་དང་། ཞུ་ཆེན་གྱི་ལོ་ཙཱ་བ་ཡེ་ཤེས་སྡེའི་འགྱུར། རྣམ་གྲངས་བསྡུ་བ་ཤློ་ཀ་བདུན་བརྒྱ་ཉི་ཤུ་རྩ་ལྔ་པ། རྣམ་པར་བཤད་པ་བསྡུ་བ་འདི་ནི་འཕགས་པ་
ཐོགས་མེད་བདག་གཞན་གི་གྲུབ་མཐའ་རྒྱ་མཚོའི་ཕ་རོལ་ཏུ་སོན་པ་ཆོས་ཀྱི་རྒྱུན་གྱི་ཏིང་ངེ་འཛིན་བྱང་བར་བརྙེས་པ་འཕགས་པ་མི་ཕམ་པའི་ཞབས་ཀྱི་པདྨོ་རྙོག་པ་མེད་པའི་ཟེའུ་འབྲུ་སྤྱི་བོས་ལེན་པས་མཛད་པ། རྒྱ་གར་གྱི་མཁན་པོ་པྲཛྙཱ་ཝརྨ་དང་། སུ་རེནྡྲ་བོ་དྷི་དང་། ཞུ་ཆེན་གྱི་ལོ་ཙཱ་བ་བནྡེ་ཡེ་
ཤེས་སྡེའི་འགྱུར། འདི་ལ་ཤློ་ཀ་ལྔ་བརྒྱ་བདུན་ཅུ་རྩ་ལྔ་ཡོད་དོ། །དེ་ལྟར་ས་སྡེ་ལྔ་ལ་ཤློ་ཀ་བཞི་ཁྲི་ལྔ་སྟོང་། བམ་པོ་བརྒྱ་དང་ལྔ་བཅུ་བཞུགས་སོ། །རྣལ་འབྱོར་སྤྱོད་པའི་ས་རྣམ་པར་བཤད་པ་ཞེས་པའི་སྟོད་འགྲེལ་ཇི་སྙེད་པ་བཞུགས། འདི་ལ་སྔོན་གྱི་གནའ་མཆན་ལས། ཛི་ན་མི་

213-1-445b

ཏྲས་བཤད་པར་བཤད། བྱང་ཆུབ་སེམས་དཔའི་སའི་འགྲེལ་པ་སྦྱིན་པའི་རིམ་པར་ཕྱེ་བ་དགུ་པ་ཡན་ཆད་སློབ་དཔོན་ཡོན་ཏན་འོད་ཀྱིས་མཛད་པ་བྱང་ཆུབ་སེམས་དཔའི་སའི་འགྲེལ་པ་ལས་ཇི་སྙེད་འགྱུར་བ་རྒྱ་གར་གྱི་མཁན་པོ་དཱི་པཾ་ཀཱ་ར་ཤྲི་ཛྙཱ་ན་དང་། ལོ་ཙཱ་བ་དགེ་སློང་ཚུལ་ཁྲིམས་རྒྱལ་བའི་འགྱུར། བྱང་ཆུབ་སེམས་
དཔའི་ཚུལ་ཁྲིམས་ལེའུའི་འགྲེལ་པ་སློབ་དཔོན་ཡོན་ཏན་འོད་ཀྱིས་མཛད་པ། རྒྱ་གར་གྱི་མཁན་པོ་པྲཛྙཱ་ཝརྨ་དང་། ཞུ་ཆེན་གྱི་ལོ་ཙཱ་བ་ཡེ་ཤེས་སྡེའི་འགྱུར། བྱང་ཆུབ་སེམས་དཔའི་ཚུལ་ཁྲིམས་ཀྱི་ལེའུའི་རྒྱ་ཆེར་འགྲེལ་པ་སློབ་དཔོན་རྒྱལ་བའི་སྲས་ཀྱིས་མཛད་པ། རྒྱ་གར་གྱི་མཁན་པོ་ཛི་ན་མི་ཏྲ་
དང་། པྲཛྙཱ་ཝརྨ་དང་། ཞུ་ཆེན་གྱི་ལོ་ཙཱ་བ་ཡེ་ཤེས་སྡེའི་འགྱུར་བ་རྣམས་བཞུགས་སོ།།      །།ཡི་པ་ལ། རྣལ་འབྱོར་སྤྱོད་པའི་ས་ལས་བྱང་ཆུབ་སེམས་དཔའི་སའི་རྣམ་པར་བཤད་པ་སློབ་དཔོན་རྒྱ་མཚོ་སྤྲིན་གྱིས་མཛད་པ། བལ་ཡུལ་གྱི་པཎྜི་ཏ་ཆེན་པོ་ཤཱནྟི་བྷ་དྲའི་ཞལ་སྔ་ནས་དང་། ལོ་ཙཱ་བ་དགེ་སློང་
ཚུལ་ཁྲིམས་རྒྱལ་བའི་འགྱུར་རྣམས་བཞུགས་སོ།།      །།རི་པ་ལ། ཐེག་པ་ཆེན་པོའི་སྡོམ་ཐེག་པ་ཆེན་པོ་བསྡུས་པ་བམ་པོ་བཞི་པ་དང་། ཐེག་པ་ཐུན་མོང་གི་སྡོམ་ཆོས་མངོན་པ་ཀུན་ལས་བཏུས་པ་བམ་པོ་ལྔ་པ་སློབ་དཔོན་ཐོགས་མེད་ཀྱིས་མཛད་པ། རྒྱ་གར་གྱི་མཁན་པོ་ཛི་ན་མི་ཏྲ་དང་།
ཤཱི་ལེནྡྲ་བོ་དྷི་དང་། ཞུ་ཆེན་གྱི་ལོ་ཙཱ་བ་ཡེ་ཤེས་སྡེའི་འགྱུར། ཐེག་པ་ཆེན་པོ་བསྡུས་པའི་འགྲེལ་པ་ཐེག་པ་ཆེན་པོ་ལ་རབ་ཏུ་གནས་པ་བསྟན་བཅོས་ཕུལ་དུ་བྱུང་བ་དུ་མ་མཛད་པའི་སློབ་དཔོན་དབྱིག་གཉེན་གྱིས་མཛད་པ། རྒྱ་གར་གྱི་མཁན་པོ་དཱི་པཾ་ཀ་ར་ཤཱི་ཛྙཱ་ན་དང་། ལོ་ཙཱ་བ་དགེ་སློང་ཚུལ་ཁྲིམས་
རྒྱལ་བས་ཡུལ་བྲག་དམར་ལྷ་སྡིངས་རི་ཁས་པོ་རིའི་རྩ་ཆུ་བོ་ལོ་ཧི་ཏའི་འགྲམ་དཔལ་བསམ་ཡས་ལྷུན་གྱིས་གྲུབ་པའི་གནས་དབྱིག་འདུལ་པེ་དཀར་གླིང་དུ་བསྒྱུར་ཅིང་ཞུས་ཏེ་གཏན་ལ་ཕབ་པ། འདི་ལ་ཤློ་ཀ་ནི་ཉིས་སྟོང་ཆིག་བརྒྱ་བརྒྱད་ཅུ། བམ་པོ་ནི་བརྒྱད་དུ་བྱས་སོ། །ཐེག་པ་ཆེན་པོ་བསྡུས་པའི་བཤད་
སྦྱར་སློབ་དཔོན་དགེ་བསྙེན་བཙུན་པ་ངོ་བོ་ཉིད་མེད་པས་མཛད་པ། རྒྱ་གར་གྱི་མཁན་པོ་ཛི་ན་མི་ཏྲ་དང་། ཤཱི་ལེནྡྲ་བོ་དྷི་དང་། ཞུ་ཆེན་གྱི་ལོ་ཙཱ་བ་ཡེ་ཤེས་སྡེའི་འགྱུར་ལ། དགེ་སློང་དཔལ་བརྩེགས་ཀྱིས་ཀྱང་ཞུས་སོ། །འདི་ལ་ཤློ་ཀ་ཉིས་སྟོང་བདུན་བརྒྱ་བདུན་ཅུ་རྩ་བཞི་ཡོད། བམ་པོ་བདུན་དུ་བྱས་སོ། །

213-1-446a

ཐེག་བསྡུས་ཀྱི་གནས་དང་པོའི་བཤད་པ་དོན་གསང་བ་རྣམས་པར་ཕྱེ་བ་བསྡུས་ཏེ་བཤད་པ་ཇི་སྙེད་པ་རྣམས་བཞུགས་སོ། །འདི་ལ་སྔོན་གྱི་དཀར་ཆག་ལས་སློབ་དཔོན་དབྱིག་གཉེན་གྱིས་མཛད་ཟེར་བ་སྣང་སྟེ་མིན་པ་འདྲའོ།།      །།ལི་པ་ལ། ཆོས་མངོན་པ་ཀུན་ལས་བཏུས་པའི་བཤད་པ་
བམ་པོ་བཅུ་པ་སློབ་དཔོན་ཆེན་པོ་རྒྱལ་བའི་སྲས་ཀྱིས་མཛད་པ། རྒྱ་གར་གྱི་མཁན་པོ་ཛི་ན་མི་ཏྲ་དང་། ཤཱི་ལེནྡྲ་བོ་དྷི་དང་། ཞུ་ཆེན་གྱི་ལོ་ཙཱ་བ་ཡེ་ཤེས་སྡེའི་འགྱུར། ཆོས་མངོན་པ་ཀུན་ལས་བཏུས་པའི་རྣམ་པར་བཤད་པ་སློབ་དཔོན་རྒྱལ་བའི་སྲས་ཀྱིས་མཛད་པ། རྒྱ་གར་གྱི་མཁན་པོ་ཛི་ན་མི་ཏྲ་དང་། ཞུ་ཆེན་གྱི་
ལོ་ཙཱ་བ་ཡེ་ཤེས་སྡེའི་འགྱུར། རྩ་འགྲེལ་འདི་གཉིས་ལོ་པཎ་ཆེས་ཆེར་མཁས་པ་རྣམས་ཀྱིས་ལེགས་པར་བསྒྱུར་མོད་ཀྱི། འོན་ཀྱང་རྒྱ་གར་གྱི་དཔེ་ལ་འགྲེལ་པའི་ནང་ན་རྩ་བའི་ཚིག་ཡོངས་སུ་རྫོགས་པར་ཡོད་པ་དང་། སྐབས་ལ་ལར་འགྲེལ་པ་ཆད་པ་དང་། དེ་ལྟར་དྲིས་ལན་དང་མཚམས་སྦྱོར་གྱི་ཚིག་ཆད་པ་
དང་། འགྲེལ་པའི་ཚིག་གོང་འོག་ཧ་ཅང་བསྣུར་ཆེས་པར་བསྒྱུར་བ་དང་། འགྲེལ་པའི་ཚིག་ཇི་ལྟ་བ་མ་ཡིན་པར་དོན་ཙམ་བསྡུས་ཏེ་བསྒྱུར་བ་དང་། མདོར་བསྟན་དང་རྒྱས་བཤད་མི་མཚུངས་པར་བསྒྱུར་བ་དང་། རང་བཟོར་བསྒྱུར་བའི་ཚིགས་བཅད་བྱས་པ་ལ་སོགས་པའི་སྐྱོན་འགའ་ཞིག་ལ་བརྟེན་སླར་ཡང་
རྒྱ་གར་གྱི་དཔེ་དང་མཐུན་པར་མང་དུ་ཐོས་པའི་ལོ་ཙཱ་བ་དགེ་སློང་ཉི་མ་རྒྱལ་མཚན་དཔལ་བཟང་པོས་གཙུག་ལག་ཁང་ཆེན་པོ་དཔལ་ཐར་པ་གླིང་དུ་ཅུང་ཟད་དག་པར་བཅོས་པ་རྣམས་བཞུགས་སོ།།      །།ཤི་པ་ལ། ཐམས་ཅད་རྣམ་རིག་ཙམ་དུ་སྟོན་པ་སུམ་ཅུ་པའི་ཚིག་ལེའུར་བྱས་པ་སློབ་དཔོན་ཆེན་པོ་
དབྱིག་གཉེན་གྱིས་མཛད་པ། རྒྱ་གར་གྱི་མཁན་པོ་ཛི་ན་མི་ཏྲ་དང་། ཤི་ལེནྡྲ་བོ་དྷི་དང་། ཞུ་ཆེན་གྱི་ལོ་ཙཱ་བ་ཡེ་ཤེས་སྡེའི་འགྱུར། ཕྱི་རོལ་གྱི་དོན་འགོག་པ་ཉི་ཤུ་པའི་ཚིག་ལེའུར་བྱས་པ་སློབ་དཔོན་དབྱིག་གཉེན་གྱིས་མཛད་པ། རྒྱ་གར་གྱི་མཁན་པོ་ཛི་ན་མི་ཏྲ་དང་། ཤཱི་ལེནྡྲ་བོ་དྷི་དང་། དཱ་ན་
ཤཱི་ལ་དང་། ཞུ་ཆེན་གྱི་ལོ་ཙཱ་བ་ཡེ་ཤེས་སྡེའི་འགྱུར། ཉི་ཤུ་པའི་འགྲེལ་པ་སློབ་དཔོན་དབྱིག་གཉེན་གྱིས་མཛད་པ། རྒྱ་གར་གྱི་མཁན་པོ་ཛི་ན་མི་ཏྲ་དང་། ཤཱི་ལེནྡྲ་བོ་དྷི་དང་། ཞུ་ཆེན་གྱི་ལོ་ཙཱ་བ་ཡེ་ཤེས་སྡེའི་འགྱུར། སློབ་དཔོན་དབྱིག་གཉེན་གྱིས་མཛད་པའི་རང་བཞིན་གསུམ་ངེས་པར་

213-1-446b

བསྟན་པ། པཎྜི་ཏ་ཆེན་པོ་ཤཱནྟི་བྷ་དྲ་དང་། ཞུ་ཆེན་གྱི་ལོ་ཙཱ་བ་འགོས་ལྷས་བཙས་ཀྱི་འགྱུར། ཕུང་པོ་ལྔའི་རབ་ཏུ་བྱེད་པ་སློབ་དཔོན་དབྱིག་གཉེན་གྱིས་མཛད་པ། རྒྱ་གར་གྱི་མཁན་པོ་ཛི་ན་མི་ཏྲ་དང་། ཤཱི་ལེནྡྲ་བོ་དྷི་དང་། དཱ་ན་ཤཱི་ལ་དང་། ཞུ་ཆེན་གྱི་ལོ་ཙཱ་བ་ཡེ་ཤེས་སྡེ་ལ་སོགས་པའི་འགྱུར་
སློབ་དཔོན་དབྱིག་གཉེན་གྱིས་མཛད་པའི་རྣམ་པར་བཤད་པའི་རིགས་པའི་མདོ་སྡེའི་དུམ་བུ་བརྒྱ། རྒྱ་གར་གྱི་མཁན་པོ་བི་ཤུདྡྷ་སིདྷ་དང་། སརྦ་ཛྙཱ་དེ་ཝ་དང་། ལོ་ཙཱ་བ་རྩངས་དེ་ཝེནྡྲ་རཀྵི་ཏས་བསྒྱུར་ཅིང་། ཞུ་ཆེན་གྱི་ལོ་ཙཱ་བ་མཉྫུ་ཤྲཱི་ཝརྨས་ཀྱང་ཞུས་པ། རྣམ་པར་བཤད་པའི་རིགས་པ་སློབ་དཔོན་
དབྱིག་གཉེས་གྱིས་མཛད་པ། བམ་པོ་བཅུ་པ། རྒྱ་གར་གྱི་མཁན་པོ་བི་ཤུདྡྷ་སིདྷ་དང་། ཤཱཀྱ་སིདྷ་དང་། ཞུ་ཆེན་གྱི་ལོ་ཙཱ་བ་རྩངས་དེ་ཝེནྡྲ་རཀྵི་ཏའི་འགྱུར། ལས་གྲུབ་པའི་རབ་ཏུ་བྱེད་པ་སློབ་དཔོན་དབྱིག་གཉེན་གྱིས་མཛད་པ། རྒྱ་གར་གྱི་མཁན་པོ་ཤུདྡྷ་སིདྷ་དང་། ལོ་ཙཱ་བ་དགེ་སློང་རྩངས་དེ་ཝནྡྲ་རཀྵི་
ཏས་བསྒྱུར་ཅིང་། ཞུ་ཆེན་གྱི་ལོ་ཙཱ་བ་དཔལ་བརྩེགས་ཀྱིས་ཞུས་ཏེ་གཏན་ལ་ཕབ་པ། ཐེག་པ་ཆེན་པོའི་ཆོས་བརྒྱ་གསལ་བའི་སྒོའི་བསྟན་བཅོས་རྒྱའི་དཔེ་ལས་སློབ་དཔོན་དབྱིག་གཉེན་གྱིས་མཛད་པར་སྣང་། དེང་སང་བོད་རྣམས་དཔལ་ལྡན་ཆོས་སྐྱོང་གིས་མཛད་ཅེས་གྲགས་སོ། །དཔལ་ལྡན་
དབང་ཕྱུག་རྒྱའི་ལོ་ཙཱ་བ་ཐང་སང་ཙང་ཞེས་བྱ་བས་རྒྱ་གར་གྱི་སྐད་ལས་རྒྱའི་སྐད་དུ་བསྒྱུར་ཅིང་། ཕྱིས་སྟོན་པ་དགེ་སློང་ཆོས་ཀྱི་རྒྱལ་མཚན་ཞེས་བྱ་བས་བསྒྱུར་བར་ཞུས་པའི་དོན་དུ་གཞི་ཐམས་ཅད་ཡོད་པར་སྨྲ་བའི་སྡེ་པ་ལས་རབ་ཏུ་བྱུང་བ་རྒྱ་ནག་ཆེན་པོའི་ལྷ་བཙུན་ཆོས་ཀྱི་རིན་ཆེན་གྱིས་དཔལ་ས་སྐྱའི་
གཙུག་ལག་ཁང་དུ་བསྒྱུར་ཞིང་ལེགས་པར་གཏན་ལ་ཕབ་པ། སུམ་ཅུ་པའི་བཤད་པ་སློབ་དཔོན་བློ་བརྟན་གྱིས་མཛད་པ། རྒྱ་གར་གྱི་མཁན་པོ་ཛི་ན་མི་ཏྲ་དང་། ཤཱི་ལེནྡྲ་བོ་དྷི་དང་། ཞུ་ཆེན་གྱི་ལོ་ཙཱ་བ་ཡེ་ཤེས་སྡེའི་འགྱུར། རབ་ཏུ་བྱེད་པ་ཉི་ཤུ་པའི་འགྲེལ་བཤད་སློབ་དཔོན་དུལ་བའི་ལྷས་
མཛད་པ་དང་། ཕུང་པོ་ལྔའི་རབ་ཏུ་བྱེད་པ་བྱེ་བྲག་ཏུ་བཤད་པ།  བམ་པོ་བཞི་པ་སློབ་དཔོན་བློ་གྲོས་བརྟན་པས་མཛད་པ། རྒྱ་གར་གྱི་མཁན་པོ་ཛི་ན་མི་ཏྲ་དང་། ཤཱི་ལེནྡྲ་བོ་དྷི་དང་། ཞུ་ཆེན་གྱི་ལོ་ཙཱ་བ་ཡེ་ཤེས་སྡེ་ལ་སོགས་པས་བསྒྱུར་ཅིང་ཞུས་ཏེ་གཏན་ལ་ཕབ་པ་རྣམས་བཞུགས་

213-1-447a

སོ།།      །།སི་པ་ལ། ཕུང་པོ་ལྔའི་རྣམ་པར་འགྲེལ་པ་སློབ་དཔོན་ཡོན་ཏན་འོད་ཀྱིས་མཛད་པ་དང་། ཕུང་པོ་ལྔའི་བཤད་པ་སློབ་དཔོན་སའི་རྩ་ལག་གིས་མཛད་པ། རྒྱ་གར་གྱི་མཁན་པོ་ཛི་ན་མི་ཏྲ་དང་། དཱ་ན་ཤཱི་ལ་དང་། བོད་ཀྱི་ལོ་ཙཱ་བ་ཡེ་ཤེས་སྡེའི་འགྱུར། རྣམ་
པར་བཤད་པ་རིགས་པའི་བཤད་པ་བམ་པོ་བཅོ་ལྔ་པ། རྒྱ་གར་གྱི་མཁན་པོ་བི་ཤུདྡྷ་སིདྷ་དང་། ཤཱཀྱ་སིདྷི་དང་། ལོ་ཙཱ་བ་དེ་ཝེནྡྲ་རཀྵི་ཏའི་འགྱུར། འདི་ལ་ཚིགས་སུ་བཅད་པ་བཞི་སྟོང་ཆིག་བརྒྱ་བཞུགས་སོ།།      །།ཧི་པ་ལ། སུམ་ཅུ་པའི་འགྲེལ་བཤད་བམ་པོ་ལྔ་པ་སློབ་དཔོན་དུལ་བ་
ལྷས་མཛད་པ། རྒྱ་གར་གྱི་མཁན་པོ་ཛི་ན་མི་ཏྲ་དང་། ཤཱི་ལེནྡྲ་བོ་དྷི་དང་། དཱ་ན་ཤཱི་ལ་དང་། ཞུ་ཆེན་གྱི་ལོ་ཙཱ་བ་ཡེ་ཤེས་སྡེའི་འགྱུར། ལས་གྲུབ་པའི་རབ་ཏུ་བྱེད་པའི་འགྲེལ་པ་སློབ་དཔོན་དཔལ་ནཱ་ལེནྡྲའི་གཙུག་ལག་ཁང་ཆེན་པོ་ན་གནས་པ་དགེ་སློང་བློ་བཟང་ངང་ཚུལ་གྱིས་མཛད་པ། རྒྱ་
གར་གྱི་མཁན་པོ་བི་ཤུདྡྷ་སིདྷ་དང་། ལོ་ཙཱ་བ་དགེ་སློང་རྩངས་དེ་ཝེནྡྲ་རཀྵི་ཏས་བསྒྱུར་ཅིང་། ཞུ་ཆེན་གྱི་ལོ་ཙཱ་བ་དཔལ་བརྩེགས་ཀྱིས་གཏན་ལ་ཕབ་པ། དབུ་མ་རྒྱན་གྱི་འགྲེལ་བཤད་དབུ་མའི་ལམ་གྲུབ་པ་ཞེས་བྱ་བ་སློབ་དཔོན་མཁས་པ་ཆེན་པོ་དཔལ་རིན་ཆེན་འབྱུང་གནས་ཞི་བའི་ཞལ་སྔ་ནས་
ཀྱིས་མཛད་པ། འདི་ལ་བོད་ན་སེམས་ཙམ་རྒྱན་ཞེས་གྲགས་པ་ལོ་ཙཱ་བ་ཤཱཀྱ་འོད་ཀྱི་འགྱུར། དེ་ལྟར་རྣལ་འབྱོར་སྤྱོད་པ་སེམས་ཙམ་པའི་ལྟ་བ་གཏན་ལ་འབེབས་པའི་བསྟན་བཅོས་རྣམས་བསྟན་ནས། བསྒོམ་པ་གཏན་ལ་འབེབས་པའི་བསྟན་བཅོས་ནི། བསམ་གཏན་གྱི་
སྒྲོན་མ་ཞེས་བྱ་བའི་མན་ངག་རྣལ་འབྱོར་པ་མིག་གི་སྙིང་པོ་སློབ་དཔོན་འཕགས་པ་ཐོག་མེད་ཀྱིས་མཛད་པ། རྣལ་འབྱོར་ལ་འཇུག་པ་ཞེས་བྱ་བ་སློབ་དཔོན་ཕྱོགས་ཀྱི་གླང་པོའི་ཞལ་སྔ་ནས་མཛད་པ། རྒྱ་གར་གྱི་མཁན་པོ་དྷརྨ་ཤྲཱི་བྷ་དྲ་དང་། ལོ་ཙཱ་བ་དགེ་སློང་རིན་ཆེན་བཟང་པོའི་འགྱུར་
དེའི་དོན་འགྲེལ་རྣལ་འབྱོར་ལ་འཇུག་པའི་མན་ངག་སློབ་དཔོན་ཆོས་ཀྱི་དབང་པོས་མཛད་པ། རྒྱ་གར་གྱི་མཁན་པོ་ཛ་ར་ན་དཱ་ན་དང་། ཞུ་ཆེན་གྱི་ལོ་ཙཱ་བ་དགེ་སློང་རིན་ཆེན་བཟང་པོའི་འགྱུར། ཤེས་རབ་ཀྱི་ཕ་རོལ་ཏུ་ཕྱིན་པ་བསྒོམ་པའི་མན་ངག་སློབ་དཔོན་མཁས་པ་ཆེན་པོ་རིན་

213-1-447b

ཆེན་འབྱུང་གནས་ཞི་བས་མཛད་པ། རྒྱ་གར་གྱི་མཁན་པོ་ཤཱནྟི་བྷ་དྲ་དང་། ཞུ་ཆེན་གྱི་ལོ་ཙཱ་བ་འགོས་ལྷས་བཙས་ཀྱི་འགྱུར། རྣལ་འབྱོར་སྤྱོད་པའི་བསྒོམ་པའི་དོན་མདོར་བསྡུས་ནས་བསྟན་པ་སློབ་དཔོན་ཡེ་ཤེས་ཟླ་བས་མཛད་པ། རྩ་བ་སློབ་དཔོན་ཀླུའི་བཤེས་གཉེན་གྱིས་མཛད་པ།
རྒྱ་གར་གྱི་མཁན་པོ་པྲཛྙཱ་ཝརྨ་དང་། ཞུ་ཆེན་གྱི་ལོ་ཙཱ་བ་ཡེ་ཤེས་སྡེའི་འགྱུར། ཤེས་རབ་ཀྱི་ཕ་རོལ་ཏུ་ཕྱིན་པ་བསྒོམ་པའི་མན་ངག་སློབ་དཔོན་ཆེན་པོ་རཏྣ་ཨཱ་ཀ་ར་ཤཱནྟིས་མཛད་པ། རྒྱ་གར་གྱི་མཁན་པོ་ཆེན་པོ་དཔལ་རབ་འབྱོར་ཞི་བ་དང་། ཞུ་ཆེན་གྱི་ལོ་ཙཱ་བ་དགེ་སློང་ཏིང་ངེ་འཛིན་བཟང་
པོའི་འགྱུར། ཤེས་རབ་ཀྱི་ཕ་རོལ་ཏུ་ཕྱིན་པའི་མན་ངག་པཎྜི་ཏ་ཆེན་པོ་རཏྣ་ཨཱ་ཀ་ར་ཤཱནྟིས་མཛད་པ། པཎྜི་ཏ་ཆེན་པོ་ཞི་བ་བཟང་པོ་དང་། ཞུ་ཆེན་གྱི་ལོ་ཙཱ་བ་འགོས་ལྷས་བཙས་ཀྱི་འགྱུར། དགེ་བའི་སྡོང་པོ་ཞེས་བྱ་བའི་རབ་ཏུ་བྱེད་པ་བི་ཀྲ་མ་ཤཱི་ལའི་པཎྜི་ཏ་རཏྣ་ཀཱིརྟིས་མཛད་པ། པཎྜི་ཏ་བིདྱཱ་
ཀ་ར་སིདྷ་དང་། ལོ་ཙཱ་བ་མཉྫུ་ཤྲཱི་ཝརྨའི་འགྱུར། སྤྱོད་པ་དང་བསླབ་བྱ་སྟོན་པའི་སྐོར་ལ། བྱང་ཆུབ་སེམས་དཔའི་སྡོམ་པ་ཉི་ཤུ་པ་སློབ་དཔོན་ཙནྡྲ་གོ་མིས་མཛད་པ། སྡོམ་པ་ཉི་ཤུ་པའི་འགྲེལ་པ་སློབ་དཔོན་ཤཱནྟ་རཀྵི་ཏས་མཛད་པ། རྒྱ་གར་གྱི་མཁན་པོ་བིདྱཱ་ཀ་ར་སིདྷ་དང་། ཞུ་ཆེན་གྱི་ལོ་ཙཱ་བ་མཉྫུ་
ཤྲཱི་ཝརྨའི་འགྱུར། བྱང་ཆུབ་སེམས་དཔའི་སྡོམ་པ་ཉི་ཤུ་པའི་དཀའ་འགྲེལ་སློབ་དཔོན་བྱང་ཆུབ་བཟང་པོའི་ཞལ་སྔ་ནས་མཛད་པ། རྒྱ་གར་གྱི་མཁན་པོ་པཎྜི་ཏ་ཀྵེ་མ་ག་ག་ན་དང་། ལོ་ཙཱ་བ་མང་འོར་དགེ་སློང་བྱང་ཆུབ་ཤེས་རབ་ཀྱི་འགྱུར། འདི་དག་རྩོམ་པ་པོ་རྣམས་སེམས་ཙམ་གྱི་ལྟ་བ་འཛིན་
པ་མ་ཡིན་ཡང་། བོད་ན་འདི་དག་སེམས་ཙམ་ལུགས་སུ་གྲགས་འདུག་པ་དང་། བརྗོད་བྱའང་བྱང་ཆུབ་སེམས་དཔའི་ཚུལ་ཁྲིམས་ལེའུའི་སྐབས་དང་མཐུན་པར་འདུག་པས་འདིར་བྲིས་སོ། །ཆོས་རྣམ་པར་ངེས་པ་ཞེས་བྱ་བའི་རབ་ཏུ་བྱེད་པ་པཎྜི་ཏ་ཆེན་པོ་རཏྣ་ཀཱིརྟིས་མཛད་པ། རྒྱ་གར་གྱི་མཁན་པོ་པཎྜི་
ཏ་ཆེན་པོ་རཏྣ་ཀཱིརྟི་དེ་ཉིད་དང་། བོད་ཀྱི་ལོ་ཙཱ་བ་ལ་ཆིངས་ཡོན་ཏན་འབར་གྱི་འགྱུར། དབུ་མ་རྒྱན་གྱི་མན་ངག་ཅེས་བྱ་བ་སློབ་དཔོན་རིན་ཆེན་འབྱུང་གནས་ཞི་བ་ཞེས་བྱ་བ་པཎྜི་ཏ་རྣམས་ལས་མཆོག་ཏུ་གྱུར་པར་ཀུན་གྱིས་བསྔགས་ཤིང་འགྲན་ཟླ་མེད་པ། ཁྱད་པར་དུ་སློབ་དཔོན་འདི་འཇམ་དཔལ་རྩ་རྒྱུད་ལས།

213-1-448a

རིན་ཆེན་འབྱུང་ཞེས་བྱ་མིང་གང་། །སྟོན་པའི་བསྟན་པ་གསལ་བྱེད་འབྱུང་། །ཞེས་ལུང་བསྟན་པ་དེས་མཛད་པ། རྒྱ་གར་གྱི་མཁན་པོ་ཤཱནྟི་བྷ་དྲ་དང་། ལོ་ཙཱ་བ་དགེ་སློང་ཤཱཀྱ་འོད་ཀྱིས་བསྒྱུར་བ། སླད་ནས་ཁ་ཆེ་ཨ་མོ་གྷ་དང་། འོ་རུ་ལོ་ཙཱའི་འགྱུར་རྣམས་
བཞུགས་སོ། །འདི་སེམས་ཙམ་གྱི་ལྟ་བ་སྟོན་པའི་བསྟན་བཅོས་ཡིན་ཀྱང་། དུས་ཕྱིས་རྙེད་པས་པུ་སྟིའི་གཤམ་དུ་བཞུགས་པ་ཡིན་ནོ། །ཆོས་རྣམས་གཟུང་དང་འཛིན་པ་ལས་གྲོལ་བའི། །རྣམ་རིག་ཙམ་དུ་སྟོན་པའི་ལྟ་བསྒོམ་སྤྱོད། །གསལ་བྱེད་བྱམས་པ་ཐོགས་མེད་
རྗེས་འབྲང་གཞུང་། །བཅུ་ཕྲག་དྲུག་པ་དྲུག་གིས་བརྒྱན་པ་བཞུགས། །དེ་དག་གིས་ནི་ཐེག་པ་ཆེན་པོ་སེམས་ཙམ་དུ་སྟོན་པའི་ཆོས་སྐོར་བཞུགས་པའི་རྣམ་གྲངས་རྣམས་བཀོད་ཟིན་ཏོ།།      །།དེ་ལྟར་སེམས་ཙམ་དུ་སྟོན་པའི་ཆོས་སྐོར་རྣམས་བཀོད་ནས། གསུམ་པ་
བཀའ་འཁོར་ལོ་དང་པོ་བདེན་པ་བཞིའི་ཆོས་ཀྱི་འཁོར་ལོ་བསྐོར་བའི་བཀའི་དགོངས་པ་འགྲེལ་པའི་བསྟན་བཅོས་ལ། དང་པོ་ལྷག་པ་ཤེས་རབ་ཀྱི་བསླབ་པ་སྟོན་པ་མངོན་པའི་བསྟན་བཅོས་ནི། ཨི་པ་ལ། འཕགས་པ་མོོད་གལ་གྱི་བུ་ཆེན་པོས་མཛད་པའི་གདགས་པའི་
བསྟན་བཅོས་ལ། འཇིག་རྟེན་བཞག་པ་བམ་པོ་དགུ། འདི་ལ་དཀར་ཆག་ཆེན་མོ་ནས་བམ་པོ་བདུན་ཞེས་འབྱུང་། རྒྱུ་གདགས་པ་བམ་པོ་དྲུག །རྒྱ་གར་གྱི་མཁན་པོ་ཛི་ན་མི་ཏྲ་དང་། པྲཛྙཱ་ཝརྨ་དང་། ཞུ་ཆེན་གྱི་ལོ་ཙཱ་བ་ཡེ་ཤེས་སྡེ་ལ་སོགས་པའི་འགྱུར།
ལས་གདགས་པ་རྒྱ་གར་གྱི་མཁན་པོ་ཛི་ན་མི་ཏྲ་དང་། དཱ་ན་ཤཱི་ལ་དང་། པྲཛྙཱ་ཝརྨ་དང་། ཞུ་ཆེན་གྱི་ལོ་ཙཱ་བ་ཡེ་ཤེས་སྡེ་ལ་སོགས་པའི་འགྱུར་རྣམས་བཞུགས་སོ། །འདི་དག་བྱེ་བྲག་ཏུ་སྨྲ་བ་རྣམས་བཀའ་རུ་འདོད་ལ། མདོ་སྡེ་པ་རྣམས་བསྟན་བཅོས་སུ་བཞེད་
དོ།།      །།ཀུ་ཁུ་གཉིས་ལ། ཆོས་མངོན་པ་མཛོད་ཀྱི་ཚིག་ལེའུར་བྱས་པ་དང་། དེའི་རང་འགྲེལ་ཆོས་མངོན་པའི་མཛོད་ཀྱི་བཤད་པ་བམ་པོ་སུམ་ཅུ་པ་སློབ་དཔོན་ཆེན་པོ་དབྱིག་གཉེན་གྱིས་མཛད་པ། རྒྱ་གར་གྱི་མཁན་པོ་ཛི་ན་མི་ཏྲ་དང་། ཞུ་ཆེན་གྱི་ལོ་ཙཱ་བ་དཔལ་

213-1-448b

བརྩེགས་རཀྵི་ཏའི་འགྱུར། ཆོས་མངོན་པ་མཛོད་ཀྱི་བསྟན་བཅོས་ཀྱི་ཚིག་ལེའུར་བྱས་པའི་འགྲེལ་པ་མདོ་དང་མཐུན་པ་ཞེས་བྱ་བ་སློབ་དཔོན་འདུས་བཟངས་ཀྱིས་མཛད་པ་རྣམས་བཞུགས་སོ།།      །།གུ་དུ་གཉིས་ལ། ཆོས་མངོན་པ་མཛོད་ཀྱི་འགྲེལ་བཤད་དོན་གསལ་
བཞེས་བྱ་བ་ཤློ་ཀ་ཁྲི་བརྒྱད་སྟོང་། བམ་པོ་དྲུག་ཅུ་པ་སློབ་དཔོན་རྒྱལ་པོའི་སྲས་གྲགས་པ་བཤེས་གཉེན་གྱིས་མཛད་པ། རྒྱ་གར་གྱི་མཁན་པོ་བི་ཤུདྡྷ་སིདྷ་དང་། ཞུ་ཆེན་གྱི་ལོ་ཙཱ་བ་དཔལ་བརྩེགས་ཀྱི་འགྱུར་བ་བཞུགས་སོ།།      །།ཅུ་ཆུ་གཉིས་ལ། 
ཆོས་མངོན་པ་མཛོད་ཀྱི་འགྲེལ་བཤད་མཚན་ཉིད་ཀྱི་རྗེས་སུ་འབྲང་བ་ཞེས་བྱ་བ་སློབ་དཔོན་གང་བ་སྤེལ་ཞེས་པ་ཆོས་མངོན་པའི་གཞུང་ལུགས་གངས་ཅན་མཚོའི་ཕ་རོལ་ཏུ་སོན་པས་མཛད་པ། འདི་ནི་གངས་རི་ཆེན་པོ་ཏི་སེ་དང་ཡིད་བཞིན་གྱི་མཚོའི་ལྷོ་ངོས། རི་བོ་ཆེན་
པོ་སྤོས་ཀྱི་ངད་ལྡང་བའི་འདབ་ཡུལ་བུ་རངས་སུ། རྒྱ་གར་གྱི་མཁན་པོ་ཀ་ན་ཀ་ཝརྨ་དང་། བོད་ཀྱི་ལོ་ཙཱ་བ་པ་ཚབ་ཉི་མ་གྲགས་ཀྱི་འགྱུར་བ་བཞུགས་སོ།།      །།ཇུ་ཉུ་གཉིས་ལ། ཆོས་མངོན་པ་མཛོད་ཀྱི་འགྲེལ་བཤད་ཉེ་བར་མཁོ་བ་ཞེས་བྱ་བ་མདོ་དང་སྦྱར་བ་བལ་
པོའི་པཎྜི་ཏ་དགེ་སློང་ཞི་གནས་ལྷས་ཡང་དག་པར་སྦྱར་བ། ཁ་ཆེའི་གྲོང་ཁྱེར་ཆེན་པོ་དཔེ་མེད་ཀྱི་དབུས་ཛ་ར་མེའི་གཙུག་ལག་ཁང་གི་བྱང་ཕྱོགས་ཀྱི་བསིལ་ཁང་དུ་རྒྱ་གར་གྱི་མཁན་པོ་ཛ་ཡ་ཤྲཱི་དང་། བོད་ཀྱི་ལོ་ཙཱ་བ་ཁམས་པ་དགེ་སློང་ཤེས་རབ་འོད་ཟེར་གྱི་འགྱུར།
ཆོས་མངོན་པ་མཛོད་ཀྱི་འགྲེལ་པ་གནད་ཀྱི་སྒྲོན་མ་ཞེས་བྱ་བ་སློབ་དཔོན་ཕྱོགས་ཀྱི་གླང་པོས་མཛད་པ། གཞུང་གི་ཚད་ཤློ་ཀ་བཞི་སྟོང་ཡོད་པ། པཎྜི་ཏ་ཆེན་པོ་རྣལ་འབྱོར་ཟླ་བ་དང་། ལོ་ཙཱ་བ་འཇམ་དཔལ་གཞོན་ནུའི་འགྱུར། ཆོས་མངོན་པ་མཛོད་ཀྱི་འགྲེལ་
བཤད་མཚན་ཉིད་ཀྱི་རྗེས་སུ་འབྲང་བ་ཞེས་བྱ་བ་སློབ་དཔོན་ཆེན་པོ་གང་བ་སྤེལ་ཆོས་མངོན་པའི་གཞུང་ལུགས་རྒྱ་མཚོའི་ཕ་རོལ་ཏུ་སོན་པས་མཛད་པ། རྒྱ་གར་གྱི་མཁན་པོ་ཀ་ན་ཀ་ཝརྨ་དང་། ཞུ་ཆེན་གྱི་ལོ་ཙཱ་བ་ཚ་བ་ཉི་མ་གྲགས་ཀྱི་འགྱུར། འདི་འགྲེལ་པ་ཆེན་མོ་ལས་མཆིམས་ཀྱིས་

213-1-449a

བཀོལ་བ་ཡིན་ནོ་ཞེས་ཀྱང་གྲག་གོ། །ཆོས་མངོན་པ་ལ་འཇུག་པ་རྒྱ་ཆེར་འགྲེལ་བའི་སྙིང་པོ་ཀུན་ལས་བཏུས་པ་ཞེས་བྱ་བ་རྒྱ་གར་གྱི་མཁན་པོ་ཛི་ན་མི་ཏྲ་དང་། དཱ་ན་ཤཱི་ལ་དང་། ཞུ་ཆེན་གྱི་ལོ་ཙཱ་བ་ཡེ་ཤེས་སྡེའི་འགྱུར། རབ་ཏུ་བྱེད་པ་ཆོས་མངོན་པ་ལ་འཇུག་པ་ཞེས་བྱ་བ་རྣམས་
བཞུགས་སོ།།      །།གཉིས་པ་ལྷག་པ་སེམས་ཀྱི་བསླབ་པ་གཙོ་བོར་སྟོན་པ་མདོ་སྡེའི་སྡེ་སྣོད་ཀྱི་དགོངས་འགྲེལ་ལ། ཏུ་པ་ལ། ཆེད་དུ་མརྗོད་པའི་ཚོམས་དགྲ་བཅོམ་པ་ཆོས་སྐྱོབ་ཀྱིས་བསྡུས་པ་ཤློ་ཀ་སྟོང་ལྔ་བརྒྱ་བཞི་བཅུ་པ། རྒྱ་གར་གྱི་མཁན་པོ་བིདྱཱ་ཀ་ར་པྲ་བྷ་དང་། ལོ་ཙཱ་བ་རིན་ཆེན་མཆོག་
གི་འགྱུར་ལ། ཞུ་ཆེན་གྱི་ལོ་ཙཱ་བ་དཔལ་བརྩེགས་ཀྱིས་ཞུས་ནས་གཏན་ལ་ཕབ་པ། འདི་བྱེ་བྲག་ཏུ་སྨྲ་བ་རྣམས་ཀྱིས་བཀའ་ཉིད་དུ་བཞེད་དོ། །ཆེད་དུ་བརྗོད་པའི་ཚོམས་ཀྱི་རྣམ་པར་འགྲེལ་པ་སློབ་དཔོན་ཤེས་རབ་གོ་ཆས་མཛད་པའི་སྟོད་བཞུགས་སོ།།      །།ཐུ་པ་ལ། ཆེད་དུ་བརྗོད་པའི་ཚོམས་ཀྱི་
རྣམས་པར་འགྲེལ་བའི་སྨད་དུམ་ཡུལ་ཀ་བ་དྷྱ་ར་སྐྱེས་པ་ཐོས་པ་མང་པའི་སློབ་དཔོན་བོ་དྷི་ཝརྨའི་སློབ་མ་ཡུལ་བྷངྒ་ལར་སྐྱེས་པ་བཞེས་པ་ཐམས་ཅད་ཡོད་པར་སྨྲ་བའི་སློབ་དཔོན་པྲཛྙཱ་ཝརྨས་མཛད་པ། འདི་ལ་ཤློ་ཀ་སྟོང་ཕྲག་བཅུ་གཉིས་དང་ལྔ་བརྒྱ་ཡོད་དོ་ཞེས་རྒྱ་གར་གྱི་ཡི་གེ་ལས་སྨོས། རྒྱ་གར་གྱི་མཁན་
པོ་སྒྲའི་གཙུག་ལག་ལ་འབྱམས་ཀླས་པར་མཁས་པ་པཎྜི་ཏ་ཛི་ན་ར་དྷ་ན་དང་། ཞུ་ཆེན་གྱི་ལོ་ཙཱ་བ་ཤཱཀྱ་བློ་གྲོས་ཀྱི་འགྱུར། འཕགས་པ་ཆོས་ཀྱི་དབྱིངས་ཀྱི་སྙིང་པོའི་རྣམ་པར་འགྲེལ་པ་སློབ་དཔོན་ཀླུ་སྒྲུབ་ཀྱི་ཞལ་སྔ་ནས་མཛད་པ། རྒྱ་གར་གྱི་པཎྜི་ཏ་ཡེ་ཤེས་སྙིང་པོ་དང་། ཞུ་ཆེན་གྱི་ལོ་ཙཱ་བ་དཔལ་
བརྩེགས་ཀྱི་འགྱུར། བསྟན་བཅོས་ཚིགས་སུ་བཅད་པ་བསྡུས་པ་ཞེས་བྱ་བ་དང་། ཚིགས་སུ་བཅད་པའི་དོན་བསྡུས་པ་ཞེས་བྱ་བའི་བསྟན་བཅོས་སློབ་དཔོན་དབྱིག་གཉེན་གྱིས་མཛད་པ། རྒྱ་གར་གྱི་མཁན་པོ་དྷརྨཱ་ཀ་ར་དང་། ལོ་ཙཱ་བ་ཡེ་ཤེས་སྙིང་པོས་བསྒྱུར་ཏེ། ཞུ་ཆེན་གྱི་ལོ་ཙཱ་བ་དཔལ་
བརྩེགས་ཀྱིས་ཞུས་པ་རྣམས་བཞུགས་སོ།།      །།གསུམ་པ་ལྷག་པ་ཚུལ་ཁྲིམས་ཀྱི་བསླབ་པ་གཙོ་བོར་སྟོན་པ་འདུལ་བའི་སྡེ་སྣོད་ཀྱི་དགོངས་འགྲེལ་ལ། བཀའ་སོ་སོའི་དགོངས་འགྲེལ་དང་། སྤྱིའི་དགོངས་འགྲེལ་གཉིས་ཀྱི་བཀའ་ལུང་སོ་སོའི་དགོངས་འགྲེལ་ལ། རྩ་བའི་ལུང་

213-1-449b

གི་དགོངས་འགྲེལ་དང་། བཤད་པའི་ལུང་གི་དགོངས་འགྲེལ་གཉིས་ལས། དང་པོ་ལ། རྩ་བའི་ལུང་སོ་སོར་ཐར་པའི་དགོངས་འགྲེལ་ནི། དུ་པ་ལ། སོ་སོར་ཐར་པའི་མདོའི་གཞུང་འགྲེལ་གྱི་སྟོད་བཞུགས་སོ།།      །།ནུ་པ་ལ། སོ་སོར་ཐར་པའི་མདོའི་གཞུང་འགྲེལ་གྱི་སྨད་སློབ་དཔོན་
དཔའ་བོས་མཛད་པར་གྲགས་པ། འཕགས་པ་གཞི་ཐམས་ཅད་ཡོད་པར་སྨྲ་བའི་འདུལ་བ་འཛིན་པ་ཁ་ཆེ་བྱེ་བྲག་ཏུ་སྨྲ་བའི་སློབ་དཔོན་སརྦ་ཛྙཱ་དེ་ཝ་དང་། ཞུ་ཆེན་གྱི་ལོ་ཙཱ་བ་ཀླུའི་རྒྱལ་མཚན་གྱི་འགྱུར། འདི་ལ་ཤློ་ཀ་དགུ་སྟོང་། བམ་པོ་ཉི་ཤུ་རྩ་བདུན་ནོ། །སོ་སོར་ཐར་པའི་འགྲེལ་པ་འདུལ་བ་བསྡུས་
པ་ཞེས་བྱ་བ་སློབ་དཔོན་ཁྱད་པར་བཤེས་གཉེན་གྱིས་མཛད་པ་བམ་པོ་བཅུ་གསུམ་པ། རྒྱ་གར་གྱི་མཁན་པོ་ཤཱི་ལེནྡྲ་བོ་དྷི་དང་། ཤཱཀྱ་པྲ་བྷ་དང་། ཞུ་ཆེན་གྱི་ལོ་ཙཱ་བ་བེེ་རོ་ཙ་ན་རཀྵི་ཏས་བསྒྱུར་བ་ལ། སླད་ཀྱིས་ཁ་ཆེའི་མཁན་པོ་ཛྙཱ་ན་ཤྲཱི་བྷ་དྲ་དང་། ལོ་ཙཱ་བ་དགེ་སློང་རྒྱལ་བ་ཤེས་རབ་དང་། ཤཱཀྱ་
བཤེས་གཉེན་གྱི་འགྱུར་རྣམས་བཞུགས་སོ།།      །།པུ་ཕུ་བུ་གསུམ་ལ། སོ་སོར་ཐར་པའི་མདོའི་རྒྱ་ཆེར་འགྲེལ་པ་ཀུན་ལས་བཏུས་པ་སློབ་དཔོན་དྲི་མེད་བཤེས་གཉེན་གྱིས་མཛད་པ། འཕགས་པ་གཞི་ཐམས་ཅད་ཡོད་པར་སྨྲ་བའི་འདུལ་བ་འཛིན་པ་ཁ་ཆེ་བྱེ་བྲག་ཏུ་སྨྲ་བའི་སློབ་དཔོན་ཛི་
ན་མི་ཏྲ་དང་། སརྦ་ཛྙཱ་དེ་ཝ་དང་། བོད་ཀྱི་ལོ་ཙཱ་བ་ཀླུའི་རྒྱལ་མཚན་གྱི་འགྱུར་བ། འདི་ལ་ཤློ་ཀ་ཁྲི་ལྔ་སྟོང་ཡོད། བམ་པོ་ནི་བདུན་ཅུར་བྱས་སོ། །སོ་སོར་ཐར་པའི་མདོའི་འགྲེལ་པ་མཛད་བྱང་འགྱུར་བྱང་མེད་པ་ཅིག་རྣམས་བཞུགས་སོ།།      །།མུ་པ་ལ། སོ་སོར་ཐར་
པའི་འགྲེལ་པ་མི་བརྗེད་པའི་དྲན་བྱེད་མཛད་བྱང་མེད་པ། རྒྱ་གར་གྱི་མཁན་པོ་ཛཱ་རནྡྷ་ར་དང་། ཞུ་ཆེན་གྱི་ལོ་ཙཱ་བ་དགེ་སློང་རིན་ཆེན་བཟང་པོའི་འགྱུར་ཟེར་བ་ཅིག །སོ་སོར་ཐར་པའི་ཚིག་གི་བརྗེད་བྱང་དཱ་ན་ཤཱི་ལས་མཛད་པར་གྲགས་པ། འཕགས་པ་གཞི་ཐམས་ཅད་ཡོད་པར་སྨྲ་བའི་འདུལ་བ་འཛིན་
པ་ཁ་ཆེ་བྱེ་བྲག་ཏུ་སྨྲ་བའི་སློབ་དཔོན་ཛི་ན་མི་ཏྲ་དང་། ཞུ་ཆེན་གྱི་ལོ་ཙཱ་བ་ཀླུའི་རྒྱལ་མཚན་གྱི་འགྱུར། སོ་སོར་ཐར་པའི་འགྲེལ་པ་ཚིག་གི་དགའ་བ་བསྐྱེད་པ་ཞེས་བྱ་བ་མདོ་སྡེ་འཛིན་པ་ཀ་ལྱཱ་ན་མི་ཏྲས་ཉེ་བར་སྦྱར་བའི་དུམ་བུ་ཅིག །འདུལ་བ་བྱ་བའི་ཕུང་པོ་མཇུག་མ་ཚང་བ་ཅིག་རྣམས་བཞུགས་སོ།།      །།

213-1-450a

ཙུ་པ་ལ། འཕགས་པ་ཐམས་ཅད་ཡོད་པར་སྨྲ་བའི་དགེ་སློང་མའི་སོ་སོར་ཐར་པའི་མདོའི་འགྲེལ་པ་མཛད་བྱང་དང་འགྱུར་བྱང་མེད་པ་ཅིག་བཞུགས། གཉིས་པ་བཤད་པའི་ལུང་གི་དགོངས་འགྲེལ་ལ། འདུལ་བ་གཞིའི་རྒྱ་ཆེར་འགྲེལ་པ་མདོ་སྡེ་འཛིན་པ་དགེ་ལེགས་
བཤེས་གཉེན་གྱིས་མཛད་པ། གསོ་སྦྱོང་གི་གཞི་དགག་དབྱེའི་འཕྲོ་བམ་པོ་བཅུ་གཉིས་པ་ཡན་ཆད་འཇུག་མ་ཚང་བ་རྣམས་བཞུགས་སོ།།      །།ཚུ་པ་ལ། འདུལ་བ་ལུང་རྣམ་པར་བྱེད་པའི་ཚིག་རྣམ་པར་བཤད་པ་སློབ་དཔོན་དུལ་བ་ལྷས་མཛད་པ། འཕགས་པ་གཞི་ཐམས་ཅད་ཡོད་པར་
སྨྲ་བའི་འདུལ་བ་འཛིན་པ་བྱེ་བྲག་ཏུ་སྨྲ་བའི་སློབ་དཔོན་ཛི་ན་མི་ཏྲ་དང་། ཞུ་ཆེན་གྱི་ལོ་ཙཱ་བ་ཀླུའི་རྒྱལ་མཚན་གྱི་འགྱུར་བ་འདི་ལ་ཤློ་ཀ་ནི་ལྔ་སྟོང་ཆིག་བརྒྱ། བམ་པོ་ནི་བཅུ་བདུན་བྱས་པ་རྣམས་བཞུགས་སོ།།      །།ཛུ་པ་ལ། འདུལ་བ་ལུང་ཕྲན་ཚེགས་ཀྱི་རྣམ་པར་བཤད་པ་སློབ་
དཔོན་ཚུལ་ཁྲིམས་བསྐྱངས་ཀྱིས་མཛད་པ། རྒྱ་གར་གྱི་མཁན་པོ་ཤྲཱི་བུདྡྷ་ཤཱནྟི་དང་། ལོ་ཙཱ་བ་དགེ་སློང་དགེ་བའི་བློ་གྲོས་ཀྱི་འགྱུར། འདུལ་བ་ལུང་བླ་མའི་བྱེ་བྲག་ལུང་ཞུ་བའི་འགྲེལ་པ་མདོ་སྡེ་འཛིན་པ་དགེ་ལེགས་བཤེས་གཉེན་གྱིས་མཛད་པ་མགོ་འཇུག་གཉིས་ཀ་ནས་མ་ཚང་བ་གཅིག་བཞུགས་
སོ།།      །།གཉིས་པ་འདུལ་བའི་བཀའ་ལུང་སྤྱིའི་དགོངས་འགྲེལ་ནི། ཝུ་པ་ལ། རྩ་བའི་ལུང་བཤད་པའི་ལུང་ཐམས་ཅད་ཀྱི་དགོངས་འགྲེལ་མཚན་ཉིད་གཏན་ལ་འབེབས་པར་བྱེད་པ་འདུལ་བ་མདོ་རྩ་བ་ཤློ་ཀ་ཉིས་སྟོང་བདུན་བརྒྱ། བམ་པོ་དགུར་བྱས་པ་དང་། ཆོ་ག་ལག་ལེན་གཏན་ལ་
འབེབས་པར་བྱེད་པ་ལས་བརྒྱ་རྩ་གཅིག་པ་གཉིས་སློབ་དཔོན་ཡོན་ཏན་འོད་ཀྱིས་མཛད་པ། པཎྜི་ཏ་ཛི་ན་མི་ཏྲ་དང་། ལོ་ཙཱ་བ་ཀླུའི་རྒྱལ་མཚན་གྱི་འགྱུར་རྣམས་བཞུགས་སོ། །འདི་ལ་ཤློ་ཀ་ནི་སུམ་སྟོང་བདུན་བརྒྱ། བམ་པོ་ནི་དགུར་བྱས་སོ།།      །།ཞུ་ཟུ་གཉིས་ལ། འདུལ་བ་མདོའི་
འགྲེལ་པ་མངོན་པར་བརྗོད་པ་རང་གི་རྣམ་པར་བཤད་པ་ཞེས་བྱ་བ་ཡུལ་བཅོམ་བརླག་གི་འཕགས་པ་གཞི་ཐམས་ཅད་ཡོད་པར་སྨྲ་བའི་རྩོད་པ་ཆེན་པོ་རྣམས་ཀྱི་ཁྱུ་མཆོག་བསྟན་བཅོས་དུ་མ་མཛད་པ་གཞུང་འབུམ་ཕྲག་བཅོ་བརྒྱད་ལ་ཁ་ཏོན་མཛད་པའི་སློབ་དཔོན་ཡོན་ཏན་འོད་ཀྱིས་མཛད་པ། རྒྱ་གར་

213-1-450b

གྱི་མཁན་པོ་པཎྜི་ཏ་ཨཱ་ལངྐ་ར་དེ་ཝ་དང་། ཞུ་ཆེན་གྱི་ལོ་ཙཱ་བ་དགེ་སློང་ག་རོད་ཚུལ་ཁྲིམས་འབྱུང་གནས་སྦས་པ་གཉིས་ཀྱིས་དཔལ་སྒྱེའུ་རིའི་རྩ་ཆོས་སྐོར་དབེན་ཚའི་གཙུག་ལག་ཁང་དུ་འགྱུར་བ་བཞུགས་སོ། །འདི་ལ་ཤློ་ཀ་སྟོང་ཕྲག་བཅུ་བཞི་ཡོད་དོ།།      །།འུ་ཡུ་གཉིས་ལ། འདུལ་བ་
མདོའི་རྒྱ་ཆེར་འགྲེལ་པ་འཕགས་པ་གཞི་ཐམས་ཅད་ཡོད་པར་སྨྲ་བའི་འདུལ་བ་འཛིན་པ་ཆེན་པོ་ཐོ་གར་གྱི་བྱེ་བྲག་ཏུ་སྨྲ་བའི་སློབ་དཔོན་དྷརྨཱ་མི་ཏྲས་མཛད་པ། ཁ་ཆེ་བྱེ་བྲག་སྨྲ་བའི་སློབ་དཔོན་ཛི་ན་མི་ཏྲ་དང་། ཞུ་ཆེན་གྱི་ལོ་ཙཱ་བ་ཀླུའི་རྒྱལ་མཚན་གྱི་འགྱུར་བ་བཞུགས། འདི་ལ་ཤློ་ཀ་ནི་ཉི་ཁྲི་ཆིག་
སྟོང་། བམ་པོ་ནི་བདུན་ཅུར་བྱས་སོ།།      །།རུ་པ་ལ། འདུལ་བ་མདོའི་འགྲེལ་པ་སློབ་དཔོན་པྲ་ཛྙཱ་ཀ་རས་མཛད་པ་བཞུགས་སོ།།      །།ལུ་པ་ལ། འདུལ་བ་མདོའི་རྩ་བའི་འགྲེལ་པ་ཆུང་བ་སློབ་དཔོན་མང་དུ་ཐོས་ཤིང་ཡོན་ཏན་དང་ལྡན་པ་ཡོན་ཏན་གྱི་འོད་ཐམས་ཅད་ཡོད་པར་སྨྲ་བ་པས་བྱས་
པར་གྲགས་པ་བཞུགས། འདི་བོད་མར་ཐེ་ཚོམ་ཟའོ།།      །།ཤུ་པ་ལ། འདུལ་བ་ཚིག་ལེའུར་བྱས་པ་མེ་ཏོག་ཕྲེང་རྒྱུད་ཅེས་བྱ་བ་འདུལ་བ་འཛིན་པ་ཆེན་པོ་འཕགས་པ་དགེ་འདུན་འབངས་ཀྱི་སློབ་མ་དཔལ་འཕགས་པ་ས་གའི་ལྷས་མཛད་པ་བམ་པོ་ལྔ་པ། བལ་པོའི་པཎྜི་ཏ་ཛ་ཡཱ་ཀ་ར་དང་།
བོད་ཀྱི་ལོ་ཙཱ་བ་དགེ་སློང་པྲཛྙཱ་ཀཱིརྟིས་བསྒྱུར། རྒྱ་གར་ཤར་ཕྱོགས་སཏྣ་ག་རའི་པཎྜི་ཏ་བ་ན་རཏྣ་མ་ཧ་སྠི་བཱི་ར་ལ་གཏུགས་ཏེ་སྒྲའི་དོན་ལ་མཁས་པ་རོང་སྟོན་ཤེས་བྱ་ཀུན་རིག་གིས་ཀྱང་འགྱུར་བཅོས་ཅུང་ཟད་བྱས་པ། འཕགས་པ་གཞི་ཐམས་ཅད་ཡོད་པར་སྨྲ་བའི་དགེ་ཚུལ་གྱི་ཚིག་ལེའུར་བྱས་པ་སུམ་
བརྒྱ་པ་དང་། འཕགས་པ་གཞི་ཐམས་ཅད་ཡོད་པར་སྨྲ་བའི་དགེ་ཚུལ་གྱི་ཚིག་ལེའུར་བྱས་པའི་འགྲེལ་པ་འོད་ལྡན་བམ་པོ་བརྒྱད་པ་མང་དུ་ཐོས་པའི་སློབ་དཔོན་ཤཱཀྱ་འོད་ཀྱིས་མཛད་པ། རྒྱ་གར་གྱི་མཁན་པོ་སརྦ་ཛྙཱ་དེ་ཝ་དང་། ཞུ་ཆེན་གྱི་ལོ་ཙཱ་བ་རྩངས་དེ་ཝེནྡྲ་རཀྵི་ཏའི་འགྱུར། ཚིག་ལེའུར་
བྱས་པ་སུམ་བརྒྱ་པའི་རྣམ་པར་བཤད་པ་སློབ་མ་ལ་ཕན་པ་ཞེས་བྱ་བ་སློབ་དཔོན་དུལ་བའི་ལྷས་མཛད་པ། རྒྱ་གར་གྱི་མཁན་པོ་བུདྡྷ་ཤཱནྟི་དང་། ལོ་ཙཱ་བ་དགེ་སློང་དགེ་བའི་བློ་གྲོས་ཀྱི་འགྱུར་རྣམས་བཞུགས་སོ། །འདི་ལ་ཤློ་ཀ་སྟོང་ཕྲག་ཕྱེད་དང་བཞི་ཡོད་དོ།།      །།སུ་པ་ལ། འཕགས་

213-1-451a

པ་གཞི་ཐམས་ཅད་ཡོད་པར་སྨྲ་བ་དགེ་ཚུལ་གྱི་ཚིག་ལེའུར་བྱས་པ་ལྔ་བཅུ་པ་སློབ་དཔོན་ཀླུ་གྲུབ་ཀྱིས་མཛད་ཀྱང་ཟེར། ཁ་ཆེ་དགེ་འདུན་བཟང་པོས་མཛད་ཀྱང་ཟེར་བ། རྒྱ་གར་གྱི་མཁན་པོ་མུ་ནི་ཝརྨ་དང་། ཞུ་ཆེན་གྱི་ལོ་ཙཱ་བ་སྣ་ནམ་ཡེ་ཤེས་སྡེའི་འགྱུར། དེའི་འགྲེལ་པ་དོན་བརྒྱད་མ་ཡང་ཟེར།
དགེ་སྦྱོང་གི་ཀཱ་རི་ཀཱ་ལྔ་བཅུ་པའི་ཚིག་གི་བརྗེད་བྱང་དུ་བྱས་པ་སློབ་དཔོན་ཀ་མ་ལ་ཤཱི་ལས་མཛད་པ། ཡང་ལྔ་བཅུ་པའི་འགྲེལ་པ་ཐམས་ཅད་ཡོད་པར་སྨྲ་བ་རྣམས་ཀྱི་དགེ་ཚུལ་གྱི་བྱ་བ་ཞེས་བྱ་བ་འདི་བོད་ཀྱི་མཁན་པོ་ཆེན་པོ་དག་གི་བརྗེད་བྱང་ཡིན་པ་འདྲའོ། །དགེ་ཚུལ་གྱི་བསླབ་པའི་གཞིའི་མདོ་སྡེ་འཛིན་པའི་
སློབ་དཔོན་ཀ་ལྱཱ་ཎ་མི་ཏྲས་མཛད་པ། ཁ་ཆེའི་མཁན་པོ་གྲོང་ཁྱེར་དཔེ་མེད་ཀྱི་པཎྜི་ཏ་མ་ཧཱ་ཛ་ན་དང་། ལོ་ཙཱ་བ་དགེ་སློང་གཞོན་ནུ་མཆོག་གི་འགྱུར་བ་ལས། སླད་ཀྱིས་ཁ་ཆེའི་པཎྜི་ཏ་པ་ར་ཧི་ཏ་དང་། ལོ་ཙཱ་བ་དགེ་སློང་གཞོན་ནུ་མཆོག་གིས་བཅོས་ཤིང་ཞུས་པ། གླེང་གཞི་དང་གང་ཟག་བསྡུས་པའི་ཚིག་ལེའུར་བྱས་
པ་བྱང་ཕྱོགས་ཀྱི་ཁ་ཆེའི་ཡུལ་ནས་བྱུང་བའི་པཎྜི་ཏ་འདུལ་བ་འཛིན་པ་དགེ་སློང་པ་ལ་ཤྲཱི་བྷ་དྲས་མཛད་པ། ཐོ་ལིང་གི་གཙུག་ལག་ཁང་དུ་རྒྱ་གར་གྱི་མཁན་པོ་དཱི་པཾ་ཀ་ར་ཤྲཱི་ཛྙཱ་ན་དང་། ལོ་ཙཱ་བ་དགེ་སློང་གཞོན་ནུ་མཆོག་གི་འགྱུར། དཔེ་ཁ་ཅིག་ན་བི་མ་ལ་ཤྲཱིས་མཛད་ཟེར། དགེ་ཚུལ་གྱི་དང་པོའི་ལོ་དྲི་བ། ཁ་ཆེའི་
མཁན་པོ་ན་ར་ས་དེ་ཝ་དང་། ལོ་ཙཱ་བ་དགེ་སློང་རྒྱལ་བའི་ཤེས་རབ་ཀྱི་འགྱུར། དགེ་སློང་གང་གི་དང་པོ་ལོ་དྲི་བ་དཔལ་ར་སའི་གཙུག་ལག་ཁང་གི་འོད་མཆོག་དངོས་གྲུབ་ཀྱི་གཙུག་ལག་ཁང་དུ་རྒྱ་གར་གྱི་མཁན་པོ་དཱི་པཾ་ཀ་ར་ཤྲཱི་ཛྙཱ་ན་དང་། ལོ་ཙཱ་བ་དགེ་སློང་ཚུལ་ཁྲིམས་རྒྱལ་བའི་འགྱུར། འདུལ་བ་དྲི་བའི་ཚིག་
ལེའུར་བྱས་པ་དང་། འདུལ་བ་དྲི་བའི་རྒྱ་ཆེར་འགྲེལ་པ་སློབ་དཔོན་མདོ་སྡེ་འཛིན་པ་ཀཱ་ལྱཱ་ཎ་མི་ཏྲས་མཛད་པ། རྒྱ་གར་གྱི་མཁན་པོ་དྷརྨཱ་ཀ་ར་དང་། ཞུ་ཆེན་གྱི་ལོ་ཙཱ་བ་དཔལ་བརྩེགས་ཀྱི་འགྱུར། ཤློ་ཀ་སྟོང་དྲུག་བརྒྱ་དྲུག་ཅུ་རྩ་བཞི་ཡོད་དོ། །འདུལ་བ་ལ་བསྟོད་པ་བཙུན་པ་ཆོས་ཀྱི་ཚོང་དཔོན་གྱིས་མཛད་
པ་དང་། འདུལ་བ་ལ་བསྟོད་པའི་ཚིག་གི་རྣམ་པར་བཤད་པ་བཙུན་པ་ཆོས་ཀྱི་ཚོང་དཔོན་གྱིས་མཛད་ཅིང་སློབ་དཔོན་དུལ་བའི་ལྷས་བཤད་པ། འཕགས་པ་གཞི་ཐམས་ཅད་ཡོད་པར་སྨྲ་བའི་འདུལ་བ་འཛིན་པ་ཁ་ཆེ་བྱེ་བྲག་ཏུ་སྨྲ་བའི་སློབ་དཔོན་ཛི་ན་མི་ཏྲ་དང་། ཞུ་ཆེན་གྱི་ལོ་ཙཱ་བ་བནྡེ་ཀླུའི་རྒྱལ་མཚན་གྱིས་བསྒྱུར་ཅིང་ཞུས་

213-1-451b

ཏེ་གཏན་ལ་ཕབ་པ། གཞུང་ལུགས་ཀྱི་བྱེ་བྲག་བཀོད་པའི་འཁོར་ལོ་བཙུན་པ་དབྱིག་གི་བཤེས་གཉེན་གྱིས་མཛད་པ། རྒྱ་གར་གྱི་མཁན་པོ་དྷརྨཱ་ཀ་ར་དང་། ལོ་ཙཱ་བ་བཟང་སྐྱོང་གི་འགྱུར། སྡེ་པ་ཐ་དད་པར་བྱེད་པ་དང་རྣམ་པར་བཤད་པ་སློབ་དཔོན་བྷ་བྱས་མཛད་པ། རས་འཕྲུལ་སྣང་གི་གཙུག་ལག་ཁང་དུ་རྒྱ་གར་ཤར་ཕྱོགས་
བྷངྒ་ལའི་མཁས་པ་ཆེན་པོ་དཱི་པཾ་ཀ་ར་ཤྲཱི་ཛྙཱ་ན་ཞེས་བྱ་བའི་པཎྜི་ཏའི་ཞལ་སྔ་ནས་དང་། བོད་ཀྱི་ལོ་ཙཱ་བ་དགེ་སློང་ཚུལ་ཁྲིམས་རྒྱལ་བའི་འགྱུར། གཞུང་ཐ་དད་པ་རིམ་པར་བཀླག་པའི་འཁོར་ལོ་ལས་སྡེ་པ་ཐ་དད་པ་བསྟན་པ་བསྡུས་པ་ཞེས་བྱ་བ་འདུལ་བ་འཛིན་པའི་སློབ་དཔོན་དུལ་བའི་ལྷས་མཛད་པ་བཞུགས་སོ། །དེ་
གསུམ་འདུལ་བ་དངོས་མ་ཡིན་ཀྱང་། དེ་དང་རྗེས་སུ་འབྲེལ་པ་ལ་བསམས་ནས་སྔོན་གྱི་རྣམས་ཀྱིས་འདུལ་བའི་སྐབས་སུ་བྲིས་འདུག་པ་བཞིན་བྲིས་སོ། །དགེ་བསྙེན་གྱི་སྡོམ་པ་བརྒྱད་པ་དང་། དགེ་བསྙེན་གྱི་སྡོམ་པ་བརྒྱད་པའི་བཤད་པ་སློབ་དཔོན་ཆེན་པོ་སུ་ན་ཡ་ཤྲཱིས་མཛད་པ། རྒྱ་གར་གྱི་མཁན་པོ་དེ་ཉིད་
དང་། བོད་ཀྱི་ལོ་ཙཱ་བ་ཆེན་པོ་དགེ་སློང་དར་མ་གྲགས་ཀྱི་འགྱུར། རྣམ་པར་གྲོལ་བའི་ལམ་ལ་སྦྱངས་པའི་ཡོན་ཏན་བསྟན་པ་ཞེས་བྱ་བ་རྒྱ་གར་གྱི་མཁན་པོ་བིདྱཱ་ཀ་ར་པྲ་བྷ་དང་། ཞུ་ཆེན་གྱི་ལོ་ཙཱ་བ་དཔལ་བརྩེགས་ཀྱི་འགྱུར། འདི་སྔོན་གྱི་དཀར་ཆག་ཆེན་མོ་ལས་བཀར་བཤད་གཞུང་གི་ངོ་བོ་བལྟས་ན་བསྟན་བཅོས་སུ་
གསལ་བས་བསྟན་བཅོས་ཀྱི་སྡེར་སྔ་མ་རྣམས་ཀྱིས་ཀྱང་བྲིས་འདུག་པས་བྲིས་སོ། །འདུལ་བའི་སྡེ་སྣོད་ཀྱི་འཁོར་དུ་གྱུར་བ་གསེར་མདོག་གི་རྟོགས་པ་བརྗོད་པ། རྒྱ་གར་གྱི་མཁན་པོ་དྷརྨ་ཤྲཱི་བྷ་དྲ་དང་། ཞུ་ཆེན་གྱིས་ལོ་ཙཱ་བ་དགེ་སློང་རིན་ཆེན་བཟང་པོའི་འགྱུར། ཀུན་ལའི་རྟོགས་པ་བརྗོད་པ་རྒྱ་གར་གྱི་མཁན་པོ་པདྨ་ཀ་ར་
ཝརྨ་དང་། ཞུ་ཆེན་གྱི་ལོ་ཙཱ་བ་དགེ་སློང་རིན་ཆེན་བཟང་པོའི་འགྱུར། འཕགས་པ་དགའ་བའི་བཤེས་གཉེན་གྱི་རྟོགས་པ་བརྗོད་པ། རྒྱ་གར་གྱི་མཁན་པོ་ཨ་ཛི་ཏ་ཤྲཱི་བྷ་དྲ་དང་། ལོ་ཙཱ་བ་དགེ་སློང་ཤཱཀྱ་འོད་ཀྱི་འགྱུར། གཞོན་ནུ་མ་བདུན་གྱི་རྟོགས་པ་བརྗོད་པ་སློབ་དཔོན་གསང་བས་བྱིན་གྱིས་མཛད་པ། བསླབ་པ་
བཅུའི་ཆོ་ག་ཀླུ་གྲུབ་ཀྱི་ཞལ་སྔ་ནས་གསུངས་པ། རྩེ་ཐང་ལོ་ཙཱ་བ་གཞོན་ནུའི་འགྱུར། ཡེ་དྷརྨཱའི་འགྲེལ་པ་སློབ་དཔོན་རྟག་པའི་རྡོ་རྗེས་གསུངས་པ། རྩེ་ཐང་ལོ་ཙཱ་བ་གཞོན་ནུའི་ཞབས་ཀྱི་འགྱུར་བ་རྣམས་བཞུགས་སོ། །རྟོགས་པ་བརྗོད་པ་འདི་དག་འདུལ་བའི་སྡེ་སྣོད་ཀྱི་འཁོར་དུ་གཏོགས་པར་བཤད་པས་འདིར་

213-1-452a

བྲིས་སོ། །ཆོས་རྣམས་ཐམས་ཅད་བདག་དང་སེམས་ཅན་མེད། །རྒྱུ་དང་བཅས་ལས་བྱུང་བར་སྟོན་པའི་གཞུང་། །འཁོར་ལོ་དང་པོའི་རྗེས་འབྲང་བསླབ་པ་གསུམ། །སྟོན་བྱེད་གཞུང་ནི་དྲུག་ཅུ་རྩ་གསུམ་བཞུགས། །དེ་དག་གིས་ནི་བཀའ་དང་པོའི་ཆོས་སྐོར་བཞུགས་པའི་རྣམ་གྲངས་རྣམས་བཀོད་ཟིན་ཏོ།།      །།དེ་
ལྟར་བཀའ་དང་པོའི་ཆོས་སྐོར་རྣམས་བཀོད་ནས། ད་ནི་བཀའ་འཁོར་ལོ་རིམ་པ་གསུམ་གྱི་ནང་ནས་ཅི་རིགས་པར་བཏུས་པ་བྱང་ཆུབ་སེམས་དཔའི་འདུལ་བའི་སྡེ་སྣོད་སྐྱེས་པའི་རབས་སྣ་ཚོགས་ཀྱི་སྐོར་ལ། ཧུ་པ་ལ། སྐྱེས་པའི་རབས་སུམ་བཅུ་རྩ་བཞི་པ་སློབ་དཔོན་དཔལ་བོས་སྦྱར་བ། ཤློ་ཀ་སུམ་སྟོང་ཕྱེད་དང་བཞི། བམ་པོ་བཅུ་
གཉིས་པ། རྒྱ་གར་གྱི་མཁན་པོ་བིདྱཱ་ཀ་ར་སིདྷ་དང་། ཞུ་ཆེན་གྱི་ལོ་ཙཱ་བ་མཉྫུ་ཤྲཱི་ཝརྨའི་འགྱུར། སྐྱེས་པའི་རབས་ཀྱི་རྒྱ་ཆེར་བཤད་པ་སློབ་དཔོན་དྷརྨ་ཀཱིརྟིས་མཛད་པ། རྒྱ་གར་གྱི་མཁན་པོ་པཎྜི་ཏ་ཛ་ན་ར་དྷ་ན་དང་། ཞུ་ཆེན་གྱི་ལོ་ཙཱ་བ་ཨི་བུ་དགེ་སློང་ཤཱཀྱ་བློ་གྲོས་ཀྱི་འགྱུར་གཉིས་བཞུགས་སོ།།      །།ཨུ་པ་ལ།
སློབ་དཔོན་རྒྱལ་པོའི་སྲས་སེང་གེ་ཞབས་འབྲིང་བས་མཛད་པའི་སྐྱེས་པའི་རབས་ཀྱི་ཕྲེང་བ་སུམ་ཅུ་རྩ་ལྔ་པ་རྒྱ་གར་གྱི་མཁན་པོ་པཎྜི་ཏ་ཨ་ལངྐ་དེ་ཝ་དང་། བོད་ཀྱི་ལོ་ཙཱ་བ་དགེ་སློང་ཚུལ་ཁྲིམས་འབྱུང་གནས་སྦས་པས་དཔལ་སྤྱིའུ་རིའི་རྩ་ཆོས་སྐོར་དབེན་པའི་གཙུག་ལག་ཁང་དུ་འགྱུར། གཞོན་ནུ་གཙུག་ན་ནོར་བུའི་
སྐྱེས་པའི་རབས་ཟློས་གར་གྱི་བསྟན་བཅོས་འཇིག་རྟེན་ཀུན་དུ་དགའ་བ་ཞེས་བྱ་བ་སློབ་དཔོན་ཆེན་པོ་ཙནྡྲ་གོ་མིས་མཛད་པ། པཎྜི་ཏ་ཆེན་པོ་ཀཱིརྟི་ཙནྡྲ་དང་། ལོ་ཙཱ་བ་ཡར་ལུངས་པ་གྲགས་པ་རྒྱལ་མཚན་གྱིས་བལ་ཡུལ་ཡམ་བུའི་གྲོང་ཁྱེར་དུ་ལེགས་པར་འགྱུར། རིག་པ་འཛིན་པ་སྤྲིན་གྱི་བཞོན་པའི་སྐྱེས་རབས་གླུ་
ཀུན་དུ་དགའ་བའི་ཟློས་གར་དཔལ་དགའ་བའི་ལྷས་མཛད་པ། རྒྱ་གར་གྱི་མཁན་པོ་ལཀྵྨཱི་ཀ་ར་དང་། བོད་ཀྱི་ལོ་ཙཱ་བ་དགེ་སློང་ཤོང་སྟོན་གྱིས་དཔལ་ས་སྐྱའི་གཙུག་ལག་ཁང་དུ་འགྱུར་བ་རྣམས་བཞུགས་སོ།།      །།ཀེ་ཁེ་གཉིས་ལ། བྱང་ཆུབ་སེམས་དཔའི་རྟོགས་པ་བརྗོད་པ་དཔག་བསམ་གྱི་འཁྲི་ཤིང་སྙན་དངགས་
མཁན་ཆེན་པོ་དགེ་བའི་དབང་པོས་མཛད་པ། རྒྱ་གར་གྱི་མཁན་པོ་སྙན་དངགས་མཁན་ཆེན་པོ་ལཀྵྨཱི་ཀ་ར་དང་། བོད་ཀྱི་ལོ་ཙཱ་བ་དགེ་སློང་ཤོང་སྟོན་གྱིས་མང་ཡུལ་འཕགས་པའི་དྲུང་དགེ་འདུན་བཞི་སྡེའི་གཙུག་ལག་ཁང་དུ་བསྒྱུར་ཅིང་ཞུས་ཏེ་གཏན་ལ་ཕབ་པ། དཔལ་ས་སྐྱའི་གཙུག་ལག་ཁང་དུ་རྒྱ་དཔེ་དང་

213-1-452b

ལེགས་པར་གཏུགས་ནས་སྐད་གཉིས་ཀའི་ཆ་ལ་ཞུ་ཆེན་ཞིབ་པ་ཅིག་གྲུབ་པས་གཞན་ལས་ཁྱད་དུ་འཕགས་པ། སླར་ཡང་འདིའི་སྐད་གཉིས་ཟུང་དུ་སྦྱར་བ་ལ། འཇིག་རྟེན་གྱི་མིག་ཏུ་གྱུར་པའི་ཞ་ལུ་ལོ་ཙཱ་བ་ཆོས་སྐྱོང་བཟང་པོས་ལེགས་པར་སྦྱར་བའི་སྐད་ཀྱི་གཞུང་ལ་སོགས་པ་དང་བསྟུན་ཏེ། ཞུ་ཆེན་
མཛད་པ་བཞུགས་སོ།།      །།གེ་པ་ལ། སངས་རྒྱས་ཀྱི་སྤྱོད་པ་ཞེས་བྱ་བའི་སྙན་དངགས་ཆེན་པོ་ཡུལ་ཤ་སེ་ཏ་ཀའི་གསེར་མིག་མའི་བུ་དགེ་སློང་སྙན་དངགས་མཁན་ཆེན་པོ་སྨྲ་བ་དང་ལྡན་པ་ཕྱོགས་སུ་རྣམ་པར་གྲགས་པ་བཙུན་པ་རྟ་དབྱངས་ཀྱིས་མཛད་པ། པཎྜི་ཏས་དབང་བཟང་པོ་དང་། ལོ་ཙཱ་བ་བློ་གྲོས་རྒྱལ་པོའི་འགྱུར། བྱང་ཆུབ་
སེམས་དཔའི་སྐྱེས་པའི་རབས་ཀྱི་ཆོས་ཀྱི་གཎྜཱིའི་སྒྲ་བསྒྲགས་པ་སྙན་དངགས་མཁན་ཆེན་པོ་སློབ་དཔོན་དཔའ་བོས་མཛད་པ། ཆོས་ཀྱི་རྗེ་ས་སྟེང་ན་འགྲན་ཟླ་དང་བྲལ་བའི་པཎྜི་ཏ་ཆེན་པོ་ཁ་ཆེ་ཤཱཀྱ་ཤྲཱི་བཟང་པོ་དང་། ལོ་ཙཱ་བ་གནུབས་དགེ་སློང་བྱམས་པའི་དཔལ་གྱི་འགྱུར། སྐྱེས་རབས་འདི་རྣམས་བྱང་ཆུབ་སེམས་དཔའི་
འདུལ་བ་ཡིན་པས། སྔར་བྱང་ཆུབ་སེམས་དཔའི་སྤྱོད་པའི་ཕྱོགས་སུ་བྲིས་ཀྱང་རུང་མོད་ཀྱི། བཀའ་འཁོར་ལོ་དང་པོ་དང་། ཐ་མའི་གསེབ་ནས་བཏུས་པ་ཤས་ཆེ་བར་སྣང་ཞིང་། བཀའ་འཁོར་ལོ་རིམ་པ་གསུམ་ཀ་དང་འབྲེལ་པར་སྣང་བས་འདིར་བྲིས་སོ། །གང་ཞིག་རླབས་ཆེན་བྱང་ཆུབ་སེམས་ཀྱི་མཐུས། །གཅིག་ཏུ་
གཞན་དོན་སྤྱོད་པའི་བརྩོན་འགྲུས་ཀྱིས། །དཀའ་བ་སྤྱོད་པའི་རྣམ་ཐར་སྐྱེས་པའི་རབས། །སྟོན་པའི་གཞུང་ལུགས་རྣམ་པ་བརྒྱད་བཞུགས་སོ། །དེ་དག་གིས་ནི་སྐྱེས་པའི་རབས་ཀྱི་ཆོས་སྐོར་བཞུགས་པའི་རྣམས་གྲངས་རྣམས་བཀོད་ཟིན་ཏོ།།      །།དེ་ལྟར་སྐྱེས་རབས་ཀྱི་ཆོས་སྐོར་རྣམས་བཀོད་ནས། བཀའ་འཁོར་ལོ་རིམ་
པ་གསུམ་ཀ་དང་སྤྱིར་འབྲེལ་པ་གཏམ་དུ་བྱ་བ་དང་ཕྲིན་ཡིག་སྣ་ཚོགས་ཀྱི་སྐོར་ལ། རྒྱལ་པོ་ལ་གཏམ་བྱ་བ་རིན་པོ་ཆེའི་ཕྲེང་བ་སློབ་དཔོན་ཆེན་པོ་འཕགས་པ་ཀླུ་སྒྲུབ་ཀྱིས་མཛད་པ། རྒྱ་གར་གྱི་མཁན་པོ་ཛྙཱ་ན་གརྦྷ་དང་། བོད་ཀྱི་ལོ་ཙཱ་བ་དགེ་སློང་ཀླུའི་རྒྱལ་མཚན་གྱི་འགྱུར་ལ། སླད་ཀྱིས་རྒྱ་གར་གྱི་མཁན་པོ་ཀ་ན་ཀ་
ཝརྨ་དང་། བོད་ཀྱི་ལོ་ཙཱ་བ་པ་ཚབ་ཉི་མ་གྲགས་ཀྱིས་རྒྱ་དཔེ་གསུམ་དང་གཏུགས་ཏེ་ལེགས་པར་བཅོས་པ། རིན་པོ་ཆེའི་ཕྲེང་བའི་རྒྱ་ཆེར་བཤད་པ་སློབ་དཔོན་མི་ཕམ་བཤེས་གཉེན་གྱིས་མཛད་པ། རྒྱ་གར་གྱི་མཁན་པོ་བིདྱཱ་ཀ་ར་པྲ་བྷ་དང་། ཞུ་ཆེན་གྱི་ལོ་ཙཱ་བ་བནྡེ་དཔལ་བརྩེགས་ཀྱི་འགྱུར། རྨི་ལམ་ཡིད་བཞིན་ནོར་བུའི་གཏམ།

213-1-453a

སྦྱིན་པའི་གཏམ། སྲིད་པ་ལས་འདས་པའི་གཏམ་རྣམས་སློབ་དཔོན་འཕགས་པ་ཀླུ་སྒྲུབ་ཀྱིས་མཛད་པ། ཁ་ཆེའི་པཎྜི་ཏ་ཤྲཱི་ར་ཐ་དང་། ལོ་ཙཱ་བ་དགེ་སློང་གྲགས་འབྱོར་ཤེས་རབ་ཀྱི་འགྱུར། ཡོན་ཏན་བདུན་ཡོངས་སུ་བརྗོད་པའི་གཏམ་སློབ་དཔོན་དབྱིག་གཉེན་གྱིས་མཛད་པ། རྒྱ་གར་གྱི་མཁན་པོ་པཎྜི་ཏ་གངྒཱ་དྟ་
ར་དང་། ཞུ་ཆེན་གྱི་ལོ་ཙཱ་བ་དགེ་སློང་རིན་ཆེན་བཟང་པོའི་འགྱུར། ཚུལ་ཁྲིམས་ཀྱི་གཏམ་སློབ་དཔོན་དབྱིག་གཉེན་གྱིས་མཛད་པ། རྒྱ་གར་གྱི་མཁན་པོ་ཛ་རན་དྷ་ན་དང་། ཞུ་ཆེན་གྱི་ལོ་ཙཱ་བ་རིན་ཆེན་བཟང་པོའི་འགྱུར། ཚུལ་ཁྲིམས་ཀྱི་གཏམ་གྱི་འགྲེལ་པ་སློབ་དཔོན་གསལ་གྲགས་ཀྱིས་མཛད་པ། ཚོགས་ཀྱི་གཏམ་སློབ་
དཔོན་དབྱིག་གཉེན་གྱིས་མཛད་པ། རྒྱ་གར་གྱི་མཁན་པོ་གངྒཱ་དྷ་ར་དང་། ཞུ་ཆེན་གྱི་ལོ་ཙཱ་བ་དགེ་སློང་རིན་ཆེན་བཟང་པོའི་འགྱུར། མི་ཁོམ་པ་བརྒྱད་ཀྱི་གཏམ་སློབ་དཔོན་རྟ་དབྱངས་ཀྱིས་མཛད་པ། རྒྱ་གར་གྱི་མཁན་པོ་ཤྲཱི་ཨ་ཛི་ཏ་བྷ་དྲ་དང་། ཞུ་ཆེན་གྱི་ལོ་ཙཱ་བ་དགེ་སློང་ཤཱཀྱ་འོད་ཀྱི་འགྱུར། ལེགས་པར་བཤད་པ་རིན་པོ་ཆེ་
ཟམ་ཏོག་ལྟ་བུའི་གཏམ་སྙན་དངགས་མཁན་ཆེན་པོ་སློབ་དཔོན་དཔའ་བོས་མཛད་པ། རྒྱ་གར་གྱི་མཁན་པོ་རུ་དྲ་དང་། ལོ་ཙཱ་བ་དགེ་སློང་ཤཱཀྱ་འོད་ཀྱི་འགྱུར། ཕྱིན་ཅི་ལོག་བཞི་སྤང་བའི་གཏམ་སློབ་དཔོན་མ་ཏི་ཙི་ཏྲས་མཛད་པ། རྒྱ་གར་གྱི་མཁན་པོ་བུདྡྷ་བྷ་དྲ་དང་། ཞུ་ཆེན་གྱི་ལོ་ཙཱ་བ་དགེ་སློང་རིན་ཆེན་བཟང་པོའི་
འགྱུར། རྩོད་པའི་དུས་ཀྱི་གཏམ་སློབ་དཔོན་མ་ཏི་ཙི་ཊས་མཛད་པ། རྒྱ་གར་གྱི་མཁན་པོ་ཨ་ཛི་ཏ་ཤྲཱི་བྷ་དྲ་དང་། ཞུ་ཆེན་གྱི་ལོ་ཙཱ་བ་དགེ་སློང་ཤཱཀྱ་འོད་ཀྱི་འགྱུར། དབེན་པའི་གཏམ་སློབ་དཔོན་ཆེན་པོས་འཚོ་བྱིན་གྱིས་མཛད་པ། རྒྱ་གར་གྱི་མཁན་པོ་དཱི་པཾ་ཀ་ར་དང་། ཞུ་ཆེན་གྱི་ལོ་ཙཱ་བ་དགེ་སློང་དགེ་བའི་བློ་གྲོས་ཀྱི་འགྱུར་བ་རྣམས་
བཞུགས་སོ།།      །།ངེ་པ་ལ། ཆོས་སྨྲ་བ་དང་དམ་པའི་ཆོས་ཉན་པ་ལ་གུས་པར་བྱ་བའི་གཏམ་སློབ་དཔོན་ས་འཚོ་སྦྱིན་གྱིས་མཛད་པ། རྒྱ་གར་གྱི་མཁན་པོ་གནས་བརྟན་ཨ་ཛི་ཏ་ཤྲཱི་བྷ་དྲ་དང་། ལོ་ཙཱ་བ་དགེ་སློང་ཤཱཀྱ་འོད་ཀྱི་འགྱུར། ཆེད་དུ་བརྗོད་པའི་གཏམ་དྲང་སྲོང་ཆེན་པོ་ཟླ་བས་མཛད་པ། ལོ་ཙཱ་བ་ཚུལ་ཁྲིམས་
རྒྱལ་བའི་འགྱུར། མི་རྟག་པའི་དོན་གྱི་གཏམ་སྙན་དངགས་མཁན་ཆེན་པོ་དགའ་བའི་དབང་པོས་མཛད་པ། ཁ་ཆེའི་པཎྜི་ཏ་བི་ནཱ་ཡ་དང་། ལོ་ཙཱ་བ་གྲགས་འབྱོར་ཤེས་རབ་ཀྱི་འགྱུར། ལེགས་པའི་ལམ་བསྟན་པའི་གཏམ་སློབ་དཔོན་དཔའ་བོས་མཛད་པ་བམ་པོ་ཕྱེད་དང་གསུམ་པ། རྒྱ་གར་གྱི་མཁན་པོ་ཆེན་པོ་དཱི་པཾ་ཀ་ར་ཤྲཱི་

213-1-453b

ཛྙཱ་ན་དང་། ལོ་ཙཱ་བ་ཆེན་པོ་དགེ་སློང་རིན་ཆེན་བཟང་པོའི་འགྱུར། དགེ་བཅུའི་ལས་ཀྱི་ལམ་བསྟན་པ་སློབ་དཔོན་བྲམ་ཟེ་བཙུན་པ་ཆོས་ལྡན་རབ་འབྱོར་དབྱངས་ཀྱི་ཞལ་སྔ་ནས་མཛད་པ། རྒྱ་གར་གྱི་མཁན་པོ་བུདྡྷ་ཀ་ར་ཝརྨ་དང་། བོད་ཀྱི་ལོ་ཙཱ་བ་དགེ་སློང་ཆོས་ཀྱི་ཤེས་རབ་ཀྱི་འགྱུར། མྱ་ངན་བསལ་བ་སློབ་དཔོན་རྟ་དབྱངས་ཀྱིས་མཛད་
པ། རྒྱ་གར་གྱི་མཁན་པོ་ཨ་ཛི་ཏ་ཤྲཱི་བྷ་དྲ་དང་། ཞུ་ཆེན་གྱི་ལོ་ཙཱ་བ་དགེ་སློང་ཤཱཀྱ་འོད་ཀྱི་འགྱུར། མི་དགེ་བ་བཅུའི་ལས་ཀྱི་ལམ་བསྟན་པ་སློབ་དཔོན་རྟ་དབྱངས་ཀྱིས་མཛད་པ། རྒྱ་གར་གྱི་མཁན་པོ་ཨ་ཛི་ཏ་ཤྲཱི་བྷ་དྲ་དང་། ཞུ་ཆེན་གྱི་ལོ་ཙཱ་བ་དགེ་སློང་ཤཱཀྱ་འོད་ཀྱི་འགྱུར། དམ་པའི་ཆོས་དྲན་པ་ཉེ་བར་གཞག་པའི་འགྲོ་བ་དྲུག་གི་ཚིག་
ལེའུར་བྱས་པ་སློབ་དཔོན་བཙུན་པ་ཆོས་ལྡན་རབ་འབྱོར་དབྱངས་ཀྱིས་མཛད་པ། རྒྱ་གར་གྱི་མཁན་པོ་དྷརྨཱ་ཀ་ར་དང་། ཞུ་ཆེན་གྱི་ལོ་ཙཱ་བ་རྩངས་དེ་ཝེནྡྲ་རཀྵི་ཏའི་འགྱུར། འདོད་པའི་ཡོན་ཏན་ལྔའི་ཉེས་དམིགས་བཤད་པ་སློབ་དཔོན་དབྱིག་གཉེན་གྱིས་མཛད་པ། རྒྱ་གར་གྱི་མཁན་པོ་དྷརྨ་ཤྲཱི་བྷ་དྲ་དང་། ཞུ་ཆེན་གྱི་ལོ་ཙཱ་བ་རིན་ཆེན་
བཟང་པོའི་འགྱུར། འཕགས་པ་སྤྱན་རས་གཟིགས་དབང་ཕྱུག་གིས་དགེ་སློང་རབ་གསལ་གཞོན་ནུ་ལ་སྤྲིང་བའི་ཕྲིན་ཡིག །བཤེས་པའི་སྤྲིང་ཡིག་སློབ་དཔོན་འཕགས་པ་ཀླུ་སྒྲུབ་ཀྱིས་མཛའ་བོ་རྒྱལ་པོ་བདེ་སྤྱོད་ལ་བསྐུར་བ། སློབ་མ་ལ་སྤྲིང་པའི་ཕྲིན་ཡིག་སློབ་དཔོན་ཆེན་པོ་ཙནྡྲ་གོ་མིས་མཛད་པ་རྣམས་རྒྱ་གར་གྱི་མཁན་
པོ་སརྦ་ཛྙཱ་དེ་ཝ་དང་། ཞུ་ཆེན་གྱི་ལོ་ཙཱ་བ་དཔལ་བརྩེགས་རཀྵི་ཏའི་འགྱུར། རྒྱལ་པོ་ཆེན་པོ་ཀ་ནིཥྐ་ལ་སྤྲིང་བའི་ཕྲིན་ཡིག་སློབ་དཔོན་མ་ཏི་ཙི་ཏྲས་མཛད་པ། རྒྱ་གར་གྱི་མཁན་པོ་བིདྱཱ་ཀ་ར་པྲ་བྷ་དང་། ཞུ་ཆེན་གྱི་ལོ་ཙཱ་བ་བནྡེ་རིན་ཆེན་མཆོག་གི་འགྱུར་ལ། ཨཱ་ཙཱརྱ་དཔལ་བརྩེགས་ཀྱིས་ཞུས་ཏེ་གཏན་ལ་ཕབ་པ། སེམས་
རིན་པོ་ཆེ་རྣམ་པར་སྦྱང་བའི་རིམ་པ་ཞེས་བྱ་བའི་སྤྲིང་ཡིག་སློབ་དཔོན་བྱང་ཆུབ་སེམས་དཔའ་ཆེན་པོ་དགྲ་ལས་རྒྱལ་བ་གསང་བས་མཛད་པ། རྒྱ་གར་གྱི་མཁན་པོ་ཨཱ་ཙཱརྱ་དུ་ལོ་པ་དང་། ལོ་ཙཱ་བ་དགེ་སློང་ཆོས་ཀྱི་ཤེས་རབ་ཀྱི་འགྱུར། བླ་མ་ལ་སྤྲིང་བ་དགེ་སློང་དགོན་པ་བས་མཛད་པ། རྒྱ་གར་གྱི་མཁན་པོ་ཨཱ་ཙཱརྱ་བི་ནཱ་ཡ་ཙནྡྲ་དང་།
བོད་ཀྱི་ལོ་ཙཱ་བ་དགེ་སློང་ཆོས་ཀྱི་ཤེས་རབ་ཀྱི་འགྱུར། བུ་ལ་སྤྲིང་བ་པཎྜི་ཏ་མཁས་པ་སཛྫ་ན་ཆེན་པོས་མཛད་པ། ཁ་ཆེའི་མཁན་པོ་མ་ཧཱ་ཛ་ན་དང་། བོད་ཀྱི་ལོ་ཙཱ་བ་མར་པ་ཆོས་ཀྱི་དབང་ཕྱུག་གི་འགྱུར། དྲི་མ་མེད་པའི་རིན་པོ་ཆེའི་ཕྲིན་ཡིག་ཅེས་བྱ་བ་གནས་བརྟན་མཁས་པ་ཆེན་པོ་དཱི་པཾ་ཀ་ར་ཤྲཱི་ཛྙཱ་ནས་རྒྱལ་པོ་ནི་རྱ་ཕ་ལ་ལ་

213-1-454a

བརྫངས་པ་དུས་དེ་ཉིད་དུ་བླ་མ་དེ་ཉིད་དང་། ལོ་ཙཱ་བ་དགེ་སློང་ཚུལ་ཁྲིམས་རྒྱལ་བའི་འགྱུར། ཤློ་ཀ་བཞི་བཅུ་པའོ། །རྒྱལ་པོ་ཟླ་བ་ལ་སྤྲིང་པའི་སྤྲིང་ཡིག་རྣལ་འབྱོར་གྱི་དབང་ཕྱུག་ཤྲཱི་ཛ་ག་ཏ་མི་ཏ་མི་ཏྲ་ཨཱ་ནནྡས་མཛད་པ། རྣལ་འབྱོར་གྱི་དབང་ཕྱུག་དེ་ཉིད་དང་། བོད་ཀྱི་ལོ་ཙཱ་བ་གནུབས་ཚུལ་ཁྲིམས་ཤེས་རབ་ཀྱི་འགྱུར།
བཤེས་པའི་སྤྲིང་ཡིག་གི་རྒྱ་ཆེར་བཤད་པ་ཚིག་གསལ་བ་ཞེས་བྱ་བ་སློབ་དཔོན་བློ་གྲོས་ཆེན་པོས་མཛད་པ། རྒྱ་གར་གྱི་མཁན་པོ་སརྦ་ཛྙཱ་དེ་ཝ་དང་། ཞུ་ཆེན་གྱི་ལོ་ཙཱ་བ་དཔལ་བརྩེགས་ཀྱི་འགྱུར། སློབ་མ་ལ་སྤྲིང་བའི་ཕྲིན་ཡིག་གི་དཀའ་འགྲེལ་སློབ་དཔོན་བེེ་རོ་ཙ་ན་རཀྵི་ཏས་མཛད་པ། རྒྱ་གར་གྱི་མཁན་པོ་པཎྜི་ཏ་ཆེན་པོ་སུ་ག་
ཏ་ཤྲཱི་མི་ཏྲ་དང་། ལོ་ཙཱ་བ་དགེ་སློང་ཚུལ་ཁྲིམས་རྒྱལ་མཚན་གྱི་འགྱུར། སློབ་མ་ལ་སྤྲིང་བའི་འགྲེལ་པ་སློབ་དཔོན་ཤེས་རབ་འབྱུང་གནས་བློ་གྲོས་ཀྱིས་རང་གི་སློབ་མ་རྣམས་ལ་ཕན་པའི་དོན་དུ་མཛད་པ། རྒྱ་གར་གྱི་མཁན་པོ་བི་ནཱ་ཡ་ཙནྡྲ་དང་། བོད་ཀྱི་ལོ་ཙཱ་བ་དགེ་སློང་ཆོས་ཀྱི་ཤེས་རབ་ཀྱི་འགྱུར། རྒྱ་གར་ནུབ་ཕྱོགས་ཀྱི་པཎྜི་
ཏ་ཆེན་པོ་ཛྙཱ་ན་བྷ་དྲས་ལོ་ཙཱ་བ་ཆེན་པོ་བུ་སྟོན་གྱི་ཕྱག་ཏུ་ཕྲིན་ཡིག་ཏུ་བསྐུར་བ་ལོ་ཙཱ་བ་རིན་ཆེན་རྣམ་རྒྱལ་གྱི་འགྱུར། སློབ་དཔོན་ཀ་མ་ལ་ཤཱི་ལས་ལྷོ་ཟ་མོ་ཚངས་པའི་དབྱངས་ལ་སྡུག་བསྔལ་བརྒྱད་ཀྱི་བྱེ་བྲག་བསྟན་པ་དང་། སློབ་དཔོན་ཆེན་པོས་སངས་རྒྱས་གསང་བས་བོད་རྗེ་འབངས་དང་བོད་བཙུན་རྣམས་ལ་བརྫངས་བའི་ཕྲིན་
ཡིག །སློབ་དཔོན་ཀ་མ་ལ་ཤཱི་ལས་མཛད་པའི་དད་ [མ་བྱུང་] བསྐྱེད་སྒྲོན་མ། སངས་རྒྱས་ཀྱི་ཡོན་ཏན་ཐོས་པའི་ཕན་ཡོན་སྟོན་པ་དཔེའི་ཕྲེང་བ་ལས་སངས་རྒྱས་མཆོག་གི་དཔེ་རྒྱ་གར་གྱི་མཁན་པོ་དྷརྨ་ཤྲཱི་བྷ་དྲ་དང་། ལོ་ཙཱ་བ་ཚུལ་ཁྲིམས་ཡོན་ཏན་གྱི་འགྱུར་ལ། དགེ་སློང་རིན་ཆེན་བཟང་པོས་བཅོས་ནས་གཏན་ལ་ཕབ་པ།
དཀོན་མཆོག་མཆོད་པའི་ཕན་ཡོན་བསྟན་པ། མྱ་ངན་མེད་པའི་སྒོ་ནས་ཀླུ་བཏུལ་བའི་ལེའུ། རྒྱ་གར་གྱི་མཁན་པོ་གནས་བརྟན་ཨ་ཛི་ཏ་ཤྲཱི་བྷ་དྲ་དང་། དགེ་སློང་ཤཱཀྱ་འོད་ཀྱི་འགྱུར། དགེ་འདུན་སྤྱན་དྲང་བ་དཔལ་འབྱོར་རབ་བརྟན་གྱི་ཕྱག་དཔེ་རྒྱ་དཔེ་ལས་ཞ་ལུ་ལོ་ཙཱ་བའི་འགྱུར། གནས་བརྟན་སྤྱན་དྲང་བ་སློབ་དཔོན་བྷ་ཝ་
སྐནྡྷ་སྱ་ཞེས་ [མ་བྱུང་] བྱ་བས་མཛད་པ། ཨཱ་ཙཱརྱ་ཛི་ན་མི་ཏྲ་དང་། ལོ་ཙཱ་བ་བནྡེ་ཡེ་ཤེས་སྡེའི་འགྱུར། བསྟན་པའི་གཏད་རབས་མགོ་མཇུག་མ་ཚང་ན་ཡང་ཚོང་འདུས་ཀྱི་ཕོ་བྲང་དུ་འགོས་ལོ་ཙཱ་བ་གཞོན་ནུ་དཔལ་གྱི་འགྱུར། སངས་རྒྱས་ཀྱི་བསྟན་པ་ཇི་ལྟར་གནས་ཚུལ་དང་ཐ་མར་ནུབ་ཚུལ་སྟོན་པ་དགྲ་བཅོམ་པ་དགེ་འདུན་

213-1-454b

འཕེལ་གྱིས་ལུང་སྟོན་པ་དང་། ལིའི་ཡུལ་ལུང་བསྟན་པ་ཞེས་བྱ་བ་གཉིས་བཞུགས་སོ། །འདི་གཉིས་ལི་ཡུལ་ནས་འགྱུར་བ་ཡིན་པ་འདྲའོ། །ངན་འགྲོ་སྲིད་པའི་དུཿཁ་ཀུན་སྤོང་ཞིང་། །མངོན་མཐོ་ཞི་བའི་བདེ་བ་སྒྲུབ་པའི་ཐབས། །གཏན་དུ་བྱ་དང་སྤྲིང་ཡིག་ལ་སོགས་སྐོར། །བཅུ་ཕྲག་བཞི་ལ་བདུན་གྱིས་བརྒྱན་པ་བཞུགས། །
དེ་དག་གིས་ནི་གཏམ་དུ་བྱ་བ་དང་སྤྲིང་ཡིག་སྣ་ཚོགས་པའི་ཆོས་སྐོར་བཞུགས་པའི་རྣམ་གྲངས་རྣམས་བཀོད་ཟིན་ཏོ།།      །།དེ་ལྟར་རང་ཉིད་ཀུན་ཤེས་པ་ནང་རིག་པའི་བསྟན་བཅོས་རྣམས་བཀོད་ནས། གཞན་ཚར་གཅོད་པའི་རིག་པའི་གནས་གཉིས་ཀྱི་དང་པོ་གཏན་ཚིགས་རིག་པ་ནི། ཅེ་པ་ལ། ཚད་མ་ཀུན་ལས་བཏུས་པ་ཞེས་
བྱ་བའི་རབ་ཏུ་བྱེད་པ་སློབ་དཔོན་ཕྱོགས་ཀྱི་གླང་པོས་མཛད་པ། རྒྱ་གར་གྱི་མཁན་པོ་སུ་ད་ན་རཀྵི་ཏ་དང་། བོད་ཀྱི་ལོ་ཙཱ་བ་དགེ་བསྙེན་ཞ་མ་སེང་རྒྱལ་གྱི་འགྱུར། ཚད་མ་མདོའི་རང་འགྲེལ་པཎྜི་ཏ་གསེར་གྱི་གོ་ཆ་དང་། ལོ་ཙཱ་བ་དད་པ་ཤེས་རབ་ཀྱི་འགྱུར། ཚད་མ་ཀུན་ལས་བཏུས་པའི་འགྲེལ་བཤད་སྤྱོད་པ་པ་ཆེན་པོ་ཤིན་ཏུ་ཕྲ་
བའི་ཐུགས་མངའ་སློབ་དཔོན་ཕྱོགས་ཀྱི་གླང་པོས་མཛད་པ། རྒྱ་གར་གྱི་མཁན་པོ་བ་སུ་ངྷ་ར་རཀྵི་ཏ་དང་། བོད་ཀྱི་ལོ་ཙཱ་བ་དགེ་བསྙེན་ཞ་མ་སེང་རྒྱལ་གྱི་འགྱུར། དམིགས་པ་བརྟག་པ། དམིགས་པ་བརྟག་པའི་འགྲེལ་པ། དུས་གསུམ་བརྟག་པ་རྣམས་སློབ་དཔོན་ཆེན་པོ་ཕྱོགས་ཀྱི་གླང་པོས་མཛད་པ། པཎྜི་
ཏ་ཆེན་པོ་ཤཱནྟཱ་ཀ་ར་གུཔྟའི་ཞལ་སྔ་ནས་དང་། ལོ་ཙཱ་བ་དགེ་སློང་ཚུལ་ཁྲིམས་རྒྱལ་མཚན་གྱི་འགྱུར། རིགས་པ་ལ་འཇུག་པའི་སློབ་དཔོན་ཕྱོགས་ཀྱི་གླང་པོས་མཛད་པ། པཎྜི་ཏ་ཐམས་ཅད་མཁྱེན་པས་བསྲུང་བ་དང་། ལོ་ཙཱ་བ་གྲགས་པ་རྒྱལ་མཚན་གྱིས་དཔལ་ས་སྐྱའི་གཙུག་ལག་ཁང་དུ་བསྒྱུར་བ། ཚད་མའི་བསྟན་བཅོས་
རིགས་པ་ལ་འཇུག་པ་ཞེས་བྱ་བ་སློབ་དཔོན་ཆེན་པོ་ཕྱོགས་ཀྱི་གླང་པོས་མཛད་པ། རྒྱ་གར་ལས་རྒྱའི་ལོ་ཙཱ་བ་ཐང་སང་ཙང་གིས་རྒྱའི་སྐད་དུ་བསྒྱུར་བ་ལས། སླད་ཀྱིས་རྒྱའི་དགེ་བཤེས་སིང་གྱང་ཇུས་དང་། བོད་ཀྱི་དགེ་བའི་བཤེས་གཉེས་སྟོན་གཞོན་གྱིས་བོད་སྐད་དུ་བསྒྱུར་ཤིང་། ཕྱིས་གཞི་ཐམས་ཅད་
ཡོད་པར་སྨྲ་བའི་སྡེ་པ་ལས་རབ་ཏུ་བྱུང་བ་རྒྱ་ནག་ཆེན་པོའི་ལྷའི་བཙུན་པ་ཆོས་ཀྱི་རིན་ཆེན་གྱིས་དཔལ་ལྡན་ས་སྐྱའི་གཙུག་ལག་ཁང་དུ་རྒྱའི་དཔེ་དང་བོད་ཀྱི་དཔེ་གཉིས་པོ་ལེགས་པར་གཏུགས་ཤིང་བཅོས་ཏེ་དག་པར་བསྒྱུར་བ། རྒྱའི་དཔེ་ལས་རིགས་པ་ལ་འཇུག་པ་ཞེས་སྣང་། དེང་སང་བོད་རྣམས་རིགས་པའི་སྒོ་ཞེས་གྲགས་

213-1-455a

སོ། །འདི་རིགས་པའི་སྒོ་དང་གཅིག་ཏུ་འདོད་པར་མི་འཐད་དེ། ཚད་མའི་འགྲེལ་ཆེན་རྣམས་སུ་རིགས་སྒོ་ནས་ལུང་དྲངས་པ་རྣམས་འདི་ན་མི་སྣང་བའི་ཕྱིར་རོ། །ཕྱོགས་ཆོས་དགུའི་འཁོར་ལོ་ཞེས་གཏན་ཚིགས་ཀྱི་འཁོར་ལོ་གཏན་ལ་དབབ་པ་སློབ་དཔོན་ཕྱོགས་ཀྱི་གླང་པོས་མཛད་པ། ཟ་ཧོར་གྱི་མཁན་པོ་
བོ་དྷི་ས་ཏྭ་དང་། དགེ་སློང་དྷརྨ་ལོ་ཀས་བསྒྱུར་བ། ཚད་མའི་མདོ་ཀུན་ [རིགས་པའི་སྒོ་ལ་ནྱཱ་ཡ་མུ་ཁ་ཞེས་ཟེར་བ་ལ། འདི་ལ་ནྱཱ་ཡ་པྲ་བེ་ཤ་ཞེས་ཟེར།] ལས་བཏུས་པའི་དགོངས་པ་འགྲེལ་པ་ལ། ཚད་མ་རྣམ་འགྲེལ་གྱི་ཚིགས་ལེའུར་བྱས་པ་འགྲན་ཟླ་མེད་པའི་མཁས་པ་ཆེན་པོ་དཔལ་ཆོས་ཀྱི་གྲགས་པས་
མཛད་པ། རྒྱ་གར་མཁན་པོ་སུ་བྷཱུ་ཏི་ཤྲཱི་ཤཱནྟི་དང་། བོད་ཀྱི་ལོ་ཙཱ་བ་དགེ་སློང་དགེ་བའི་བློ་གྲོས་ཀྱི་འགྱུར་ལ། གྲོང་ཁྱེར་ཆེན་པོ་དཔེ་མེད་ཀྱི་ཤར་ཕྱོགས་ན་ཡུལ་འཁོར་ལོ་འཛིན་པ་ཞེས་བྱ་བ་གྲུབ་པའི་གནས་སུ་གྲགས་པའི་འདབ་རྣམ་པར་རྒྱལ་བའི་ཞིང་ཞེས་བྱ་བར་ཁ་ཆེའི་པཎྜི་ཏ་ཆེན་པོ་སྐལ་ལྡན་རྒྱལ་པོ་དང་། བོད་ཀྱི་ལོ་ཙཱ་བ་ཆེན་
པོ་དགེ་སློང་རྔོག་བློ་ལྡན་ཤེས་རབ་ཀྱིས་བཅོས་ཤིང་། དུས་ཕྱིས་སའི་སྟེང་ན་འགྲན་ཟླ་ཐམས་ཅད་དང་བྲལ་བའི་མཁས་པ་བསོད་སྙོམས་པ་ཆེན་པོ་ཤཱཀྱ་ཤྲཱི་བྷ་དྲ་ལ་སོགས་པ་དང་། ལོ་ཙཱ་བ་ཀུན་དགའ་རྒྱལ་མཚན་དཔལ་བཟང་པོས་བསྒྱུར་ཅིང་ཞུས་ཏེ་གཏན་ལ་ཕབ་པ། ཚད་མ་རྣམ་པར་ངེས་པ་ཞེས་བྱ་བ་དང་། རིགས་
པའི་ཐིགས་པ་ཞེས་བྱ་བའི་རབ་ཏུ་བྱེད་པ་སློབ་དཔོན་ཆོས་ཀྱི་གྲགས་པས་མཛད་པ། པཎྜི་ཏ་གཞན་ལ་ཕན་པ་བཟང་པོ་ལ་སོགས་པ་དང་། བོད་ཀྱི་ལོ་ཙཱ་བ་བློ་ལྡན་ཤེས་རབ་ཀྱི་འགྱུར། གཏན་ཚིགས་ཐིགས་པ་ཞེས་བྱ་བའི་རབ་ཏུ་བྱེད་པ་སློབ་དཔོན་ཆོས་ཀྱི་གྲགས་པས་མཛད་པ། རྒྱ་གར་གྱི་མཁན་པོ་པྲཛྙཱ་ཝརྨ་དང་། ཞུ་ཆེན་གྱི་ལོ་ཙཱ་བ་
དགེ་སློང་དཔལ་བརྩེགས་རཀྵི་ཏའི་འགྱུར། འབྲེལ་པ་བརྟག་པའི་རབ་ཏུ་བྱེད་པ་སློབ་དཔོན་མཁས་པ་ཆེན་པོ་ཆོས་ཀྱི་གྲགས་པས་མཛད་པ། རྒྱ་གར་གྱི་མཁན་པོ་ཛྙཱ་ན་གརྦྷ་དང་། ལོ་ཙཱ་བ་ནམ་མཁའི་འགྱུར་ལ། སླད་ཀྱི་པཎྜི་ཏ་རབ་འབྱོར་ཞི་བ་དང་། ལོ་ཙཱ་བ་ཏིང་ངེ་འཛིན་བཟང་པོས་བཅོས་ཤིང་གཏན་ལ་ཕབ་པ། འབྲེལ་པ་བརྟག་པ་
ཞེས་བྱ་བའི་འགྲེལ་བ་སྨྲ་བའི་སེང་གེ་སློབ་དཔོན་ཆེན་པོ་ཆོས་ཀྱི་གྲགས་པས་མཛད་པ། པཎྜི་ཏ་བི་ཤུདྡྷ་སིདྷ་དང་། ལོ་ཙཱ་བ་དཔལ་བརྩེགས་ཀྱི་འགྱུར། རྟོག་གེ་ [མ་བྱུང་] རབ་ཏུ་བྱེད་པ་སྡེ་བདུན་དང་། ཚད་མ་རྣམ་འགྲེལ་ལེའུ་དང་པོའི་རང་འགྲེལ་སྟོང་ཕྲག་ཕྱེད་དང་བཞི་པ་རིག་པ་ཆེན་པོས་སྟེང་མ་ལུས་པ་ན་སྨྲ་བའི་གླང་པོ་ཆེའི་སྤྱི་བོ་

213-1-455b

གནོན་པར་མཛད་པའི་སེང་གེ་ཕྱོགས་མ་ལུས་པར་སྙན་པར་གྲགས་པ་ཅན་དཔལ་ཆོས་ཀྱི་གྲགས་པས་སྦྱར་བ་རྣམས་བཞུགས་སོ།།      །།ཆེ་པ་ལ། ཚད་མ་རྣམ་འགྲེལ་ལེའུ་ཕྱི་མ་གསུམ་གྱི་འགྲེལ་པ་སྒྲ་པ་ཆེན་པོ་སློབ་དཔོན་ལྷ་དབང་བློས་མཛད་པ། རང་འགྲེལ་དང་གཉིས་ཀ་བསྡོམས་པ་ལ་ཤློ་ཀ་སྟོང་ཕྲག་བཅུ་གཉིས་
པ། བམ་པོ་བཞི་བཅུ་པ། རྒྱ་གར་གྱི་མཁན་པོ་ཆེན་པོ་སུ་བྷཱུ་ཏི་ཤྲཱི་དང་། སྒྲ་སྒྱུར་གྱི་ལོ་ཙཱ་བ་དགེ་སློང་དགེ་བའི་བློ་གྲོས་ཀྱི་འགྱུར། རྩོད་པའི་རིགས་པ་ཞེས་བྱ་བའི་རབ་ཏུ་བྱེད་པ་སློབ་དཔོན་ཆེན་པོ་དྷརྨ་ཀཱིརྟིས་མཛད་པ། དཔལ་ལྷ་བཙུན་པ་ཞི་བ་འོད་ཀྱི་ཞལ་སྔ་ནས། རྒྱ་གར་གྱི་མཁན་པོ་ཆེན་པོ་ཛྙཱ་ན་ཤྲཱི་བྷ་དྲ་དང་། དགེ་སློང་
དགེ་བའི་བློ་གྲོས་ཀྱི་འགྱུར། སླད་ཀྱིས་ཀྱང་པཎྜི་ཏ་ཆེན་པོ་དཱི་པཾ་ཀ་ར་དང་། ལོ་ཙཱ་བ་དགེ་སློང་དར་མ་གྲགས་ཀྱིས་ཞུས་ཤིང་གཏན་ལ་ཕབ་པ། རྒྱུད་གཞན་གྲུབ་པ་ཞེས་བྱ་བའི་རབ་ཏུ་བྱེད་པ་སློབ་དཔོན་དྷརྨ་ཀཱིརྟིས་མཛད་པ། རྒྱ་གར་གྱི་མཁན་པོ་བི་ཤུདྡྷ་སིདྷ་དང་། ཞུ་ཆེན་གྱི་ལོ་ཙཱ་བ་དགེ་སློང་དཔལ་བརྩེགས་ཀྱི་འགྱུར་བ་
རྣམས་བཞུགས་སོ།།      །།ཇེ་ཉེ་གཉིས་ལ། ཚད་མ་རྣམ་འགྲེལ་གྱི་འགྲེལ་བཤད་སྟོང་ཕྱེད་དང་ཕྲག་བཞི་པ་དང་ལྷ་དབང་བློའི་འགྲེལ་པ་གཉིས་ཀྱི་འགྲེལ་བཤད་བཅོམ་ལྡན་འདས་འཇམ་པའི་དབྱངས་ཀྱི་ཞབས་ལ་བརྟེན་པ་སློབ་དཔོན་ཤཱཀྱ་བློས་མཛད་པ་བམ་པོ་དྲུག་ཅུ་རྩ་གསུམ་པ། པཎྜི་ཏ་སུ་བྷཱུ་ཏི་ཤྲཱི་དང་། ལོ་ཙཱ་
བ་རྨ་དགེ་བའི་བློ་གྲོས་ཀྱི་འགྱུར་བ་བཞུགས་སོ།།      །།ཏེ་ཐེ་གཉིས་ལ། ཚད་མ་རྣམ་འགྲེལ་ལེའུ་གཉིས་པ་མན་ཆད་ཀྱི་འགྲེལ་པ་རྣམ་འགྲེལ་གྱི་རྒྱན་ཞེས་བྱ་བ་བམ་པོ་དྲུག་ཅུ་པ་སློབ་དཔོན་མཁས་པ་ཆེན་པོ་ཤེས་རབ་འབྱུང་གནས་སྦས་པས་མཛད་པ། ཁ་ཆེའི་མཁན་པོ་པཎྜི་ཏ་སྐལ་ལྡན་རྒྱལ་པོ་དང་། ལོ་ཙཱ་བ་དགེ་སློང་བློ་
ལྡན་ཤེས་རབ་ཀྱི་འགྱུར་ལ། སླད་ཀྱིས་ཁ་ཆེའི་མཁན་པོ་པཎྜི་ཏ་ཀུ་མཱ་ར་ཤྲཱི་དང་། ཞུ་ཆེན་གྱི་ལོ་ཙཱ་བ་དགེ་སློང་འཕགས་པ་ཤེས་རབ་ཀྱིས་ཞུས་ཤིང་བཅོས་པ་བཞུགས་སོ།།      །།དེ་ན་གཉིས་ལ། ཚད་མ་རྣམ་འགྲེལ་གྱི་རྒྱན་གྱི་འགྲེལ་བཤད་སློབ་དཔོན་རྒྱལ་བ་ཅན་གྱི་ཞལ་སྔ་ནས་མཛད་པ། བོད་ཀྱི་ལྷ་བཙུག་པོ་དགེ་
སློང་ལྷ་བླ་མ་ཞི་བ་འོད་ཀྱི་ཞལ་སྔ་ནས་དང་། ཐུགས་དམ་སའི་སྙིང་པོ་ཐོ་ལིང་དཔལ་དཔེ་མེད་ལྷུན་གྱིས་གྲུབ་པའི་གཙུག་ལག་ཁང་དུ་རྒྱ་གར་གྱི་མཁན་པོ་དཔལ་བི་ཀྲ་མ་ཤཱི་ལའི་མཁས་པ་ཆེན་པོ་ཤྲཱི་དཱི་པཾ་ཀ་ར་རཀྵི་ཏ་དང་། ཞང་ཞུང་གི་ལོ་ཙཱ་བ་ཆེན་པོ་མང་འོར་བྱང་ཆུབ་ཤེས་རབ་ཀྱིས་་་་་་་་་བསྒྱུར་བ་བཞུགས་སོ། །

213-1-456a

བསྟན་བཅོས་འདིའི་གཞུང་གི་ཚད་ནི་བམ་པོ་དྲུག་ཅུ་ཡིན་ནོ།།      །།པེ་པ་ལ། ཚད་མ་རྣམ་འགྲེལ་གྱི་འགྲེལ་བཤད་བྲམ་ཟེ་བདེ་བྱེད་དགའ་བས་མཛད་པ་རྣམ་འགྲེལ་གྱི་རྗེས་སུ་འབྲང་བའི་འཕྲོ་ཇི་སྙེད་པ་དང་། ཚད་མ་རྣམ་འགྲེལ་གྱི་ལེའུ་གཉིས་པའི་འགྲེལ་པ་ཞེས་བྱ་བ་བླ་མ་དམ་པའི་དགེ་བའི་བཤེས་
གཉེན་ཤེས་རབ་འབྱུང་གནས་ཀྱིས་ཞབས་ལ་བཏུད་དེ་བརྟེན་ནས་ཉི་མ་སྦས་པས་མཛད་པ་རྣམས་བཞུགས་སོ།།      །།ཕེ་པེ་གཉིས་ལ། ཚད་མ་རྣམ་འགྲེལ་གྱི་འགྲེལ་པ་ལས་ལེའུ་གསུམ་པའི་གཤད་པ་སློབ་དཔོན་ཆེན་པོ་ཤེས་རབ་འབྱུང་གནས་སྦས་པའི་སློབ་དཔོན་ཉི་མ་སྦས་པས་མཛད་པ།
བམ་པོ་བཅུ་དགུ་པ། ཚད་མ་རྣམ་འགྲེལ་གྱི་རྒྱན་གྱི་འགྲེལ་བཤད་ཤིན་ཏུ་ཡོངས་སུ་དག་པ་ཞེས་བྱ་བ་དཔལ་མཁས་པ་ཛ་མཱ་རིས་སྦྱར་བའི་ལེའུ་དང་པོ་ཊཱི་ཀ་བཞུགས་སོ།།      །།མེ་པ་ལ། ཚད་མ་རྣམ་འགྲེལ་གྱི་མངོན་སུམ་ལེའུའི་འགྲེལ་པ་ཛ་མཱ་རིས་མཛད་པ་བཞུགས་སོ།།      །།ཙེ་པ་ལ། རྣམ་འགྲེལ་
གྱི་རྒྱན་གྱི་ལེའུ་བཞི་པའི་འགྲེལ་པ་དཔལ་མཁས་པ་ཛ་མཱ་རིས་མཛད་པ་བམ་པོ་བརྒྱད་ཅུ་རྩ་གཉིས་པ། པཎྜི་ཏ་སུ་མ་ཏི་དང་། ལོ་ཙཱ་བ་བློ་ལྡན་ཤེས་རབ་ཀྱིས་བསྒྱུར་བ་བཞུགས་སོ།།      །།ཚེ་པ་ལ། སློབ་དཔོན་ཆོས་མཆོག་གིས་སྦྱར་བའི་ཚད་མ་རྣམ་པར་ངེས་པའི་ཊཱི་ཀ་འཐད་ལྡན་ཞེས་བྱ་བ་ཤློ་ཀ་སྟོང་ཕྲག་བཅུ་གཉིས་དང་།
བརྒྱ་ཕྲག་བཞི་དང་དྲུག་ཅུ་རྩ་གསུམ་པ། ཁ་ཆེའི་པཎྜི་ཏ་གཞན་ལ་ཕན་པ་བཟང་པོ་ལ་སོགས་པ་དང་། བོད་ཀྱི་ལོ་ཙཱ་བ་བློ་ལྡན་ཤེས་རབ་ཀྱིས་གྲོང་ཁྱེར་དཔེ་མེད་དུ་འགྱུར། ཚད་མ་རྣམ་པར་ངེས་པའི་འགྲེལ་བཤད་མཁས་པའི་གྲགས་པས་རྒྱ་མཚོའི་མཐའ་ཀླས་པར་ཁྱབ་པ་སློབ་དཔོན་ཡེ་ཤེས་དཔལ་བཟང་པོའི་ཞལ་སྔ་ནས་
མཛད་པ། གནས་བརྟན་མཁས་པ་ཆེན་པོ་ཛྙཱ་ན་ཤྲཱི་བྷ་དྲ་དེ་ཉིད་དང་། ལོ་ཙཱ་བ་དགེ་སློང་ཆོས་ཀྱི་བརྩོན་འགྲུས་ཀྱི་འགྱུར་བ་རྣམས་བཞུགས་སོ།།      །།ཛེ་པ་ལ། སློབ་དཔོན་ཆོས་མཆོག་གིས་སྦྱར་བའི་ཚད་མ་རྣམ་པར་ངེས་པའི་འགྲེལ་བཤད་ལེའུ་གཉིས་པའི་འགྲེལ་པ་འགྱུར་བྱང་མེད་པ་བཞུགས་སོ། །འདི་
ལ་བམ་པོ་བཅུ་གཉིས་དང་ཚིགས་བཅད་སུམ་ཅུ་རྩ་གཉིས་ཡོད་དོ།།      །།ཝེ་པ་ལ། རིགས་པའི་ཐིགས་པའི་རྒྱ་ཆེར་འགྲེལ་པ་སློབ་མ་ལ་{ཕན་པ་}ཞེས་བྱ་བ་སློབ་དཔོན་དུལ་བ་ལྷས་མཛད་པ། རྒྱ་གར་གྱི་མཁན་པོ་ཛི་ན་མི་ཏྲ་དང་། ཞུ་ཆེན་གྱི་ལོ་ཙཱ་བ་ཡེ་ཤེས་སྡེའི་འགྱུར། རིགས་པའི་ཐིགས་

213-1-456b

པའི་རབ་ཏུ་བྱེད་པའི་རྒྱ་ཆེར་འགྲེལ་པ་སློབ་དཔོན་ཆོས་མཆོག་གིས་མཛད་པ། ཤློ་ཀ་ཆིག་སྟོང་བཞི་བརྒྱ་བདུན་ཅུ་རྩ་བདུན་པ། རྒྱ་གར་གྱི་མཁན་པོ་ཛྙཱ་ན་གརྦྷ་དང་། ཞུ་ཆེན་གྱི་ལོ་ཙཱ་བ་དགེ་སློང་དྷརྨ་ལོ་ཀའི་འགྱུར་ལ། རྒྱ་གར་གྱི་མཁན་པོ་སུ་མ་ཏི་ཀཱིརྟི་དང་། བོད་ཀྱི་ལོ་ཙཱ་བ་དགེ་སློང་བློ་ལྡན་ཤེས་རབ་ཀྱིས་སླད་ཀྱིས་ཡུལ་དབུས་ཀྱི་དཔེ་
དང་གཏུགས་ནས་ལེགས་པར་བསྒྱུར་ཏེ་བཅོས་པ། རིགས་པའི་ཐིགས་པའི་ཕྱོགས་སྔ་མ་མདོར་བསྡུས་པ་སློབ་དཔོན་མང་དུ་ཐོས་པ་ཀ་མ་ལ་ཤཱི་ལས་མཛད་པ། རྒྱ་གར་གྱི་མཁན་པོ་བི་ཤུདྡྷ་སིདྷ་དང་། ཞུ་ཆེན་གྱི་ལོ་ཙཱ་བ་དགེ་སློང་དཔལ་བརྩེགས་རཀྵི་ཏའི་འགྱུར། རིགས་པའི་ཐིགས་པའི་དོན་བསྡུས་པ་རྒྱ་གར་གྱི་མཁན་པོ་ཛི་ན་
མི་ཏྲས་མཛད་པ། རྒྱ་གར་གྱི་མཁན་པོ་སུ་རེནྡྲ་བོ་དྷི་དང་། ཞུ་ཆེན་གྱི་ལོ་ཙཱ་བ་ཡེ་ཤེས་སྡེའི་འགྱུར། གཏན་ཚིགས་ཐིགས་པའི་རྒྱ་ཆེར་འགྲེལ་པ་དུལ་བ་ལྷས་མཛད་པ། རྒྱ་གར་གྱི་མཁན་པོ་པྲཛྙཱ་ཝརྨ་དང་། ཞུ་ཆེན་གྱི་ལོ་ཙཱ་བ་དགེ་སློང་དཔལ་བརྩེགས་རཀྵི་ཏའི་འགྱུར། གཏན་ཚིགས་ཐིགས་པའི་འགྲེལ་པ་བྲམ་ཟེ་ཨ་ཙ་ཊས་མཛད་པ་
རྣམས་བཞུགས་སོ།།      །།ཞེ་པ་ལ། འབྲེལ་པ་བརྟག་པའི་རྒྱ་ཆེར་བཤད་པ་སློབ་དཔོན་དུལ་བ་ལྷས་མཛད་པ། རྒྱ་གར་གྱི་མཁན་པོ་ཛྙི་ན་གརྦྷ་དང་། ལོ་ཙཱ་བ་ནམ་མཁའི་འགྱུར། འབྲེལ་པ་བརྟག་པའི་རྗེས་སུ་འབྲང་བ་ཞེས་བྱ་བ་བྲམ་ཟེ་ཤངྐ་རཱ་ནནྡས་མཛད་པ། རྒྱ་གར་གྱི་པཎྜི་ཏ་ཆེན་པོ་ཞབས་ལ་ཞུས་ནས། བོད་ཀྱི་སྒྲ་
སྒྱུར་གྱི་ལོ་ཙཱ་བ་དགེ་སློང་དགའ་བ་རྡོ་རྗེའི་འགྱུར། རྒྱུད་གཞན་གྲུབ་པའི་འགྲེལ་བཤད་སློབ་དཔོན་དུལ་བ་ལྷས་མཛད་པ། རྒྱ་གར་གྱི་མཁན་པོ་བི་ཤུདྡྷ་སིདྷ་དང་། ཞུ་ཆེན་གྱི་ལོ་ཙཱ་བ་དཔལ་བརྩེགས་རཀྵི་ཏའི་འགྱུར། རྩོད་པའི་རིགས་པའི་འགྲེལ་པ་དོན་རྣམ་པར་འབྱེད་པ་ཞེས་བྱ་བ་སློབ་དཔོན་ཆེན་པོ་ཤཱནྟ་རཀྵི་ཏས་མཛད་པ། དཔལ་
ཚངས་པའི་འབྱུང་གནས་བསམ་ཡས་ཀྱི་གཙུག་ལག་ཁང་དུ་རྒྱ་གར་གྱི་མཁན་པོ་ཀུ་མཱ་ར་ཤྲཱི་བྷ་དྲ་དང་། བོད་ཀྱི་ལོ་ཙཱ་བ་དགེ་སློང་འཕགས་པ་ཤེས་རབ་དང་། འབྲོ་སེང་དཀར་ཤཱཀྱ་འོད་ཀྱི་འགྱུར། རྩོད་པའི་རིགས་པའི་འགྲེལ་པ་སློབ་དཔོན་དུལ་བ་ལྷས་མཛད་པའི་གཤམ་མ་ཚང་པ་གཅིག །དམིགས་པ་བརྟགས་པའི་རྒྱ་ཆེར་
བཤད་པ་སློབ་དཔོན་དུལ་བ་ལྷ་ཤེས་བྱའི་དམིགས་པ་མཐའ་དག་ལ་གཞོལ་བ་སྨྲ་བའི་སེང་གེ་མུ་སྟེགས་ཅན་གླང་པོ་ཆེའི་ཀླད་པ་འགེགས་པར་མཛད་པས་སྦྱར་བ། རྒྱ་གར་གྱི་མཁན་པོ་ཤཱཀྱ་སིདྷ་དང་། བོད་ཀྱི་ལོ་ཙཱ་བ་དཔལ་བརྩེགས་ཀྱི་འགྱུར། [འདི་བོད་ན་ལྟ་བ་མཐོན་པོར་རློམ་པ་ཞིག་གིས་བྱས།] རིགས་པ་གྲུབ་པའི་སྒྲོན་མ་ཞེས་བྱ་བ་སློབ་དཔོན་

213-1-457a

ཙནྡྲ་གོ་མིས་མཛད་པ། པཎྜི་ཏ་ཤྲཱི་སིངྷ་པྲ་བྷ་དང་། བོད་ཀྱི་ལོ་ཙཱ་བ་དགེ་སློང་བེེ་རོ་ཙཱ་ནའི་འགྱུར། ཐམས་ཅད་མཁྱེན་པ་གྲུབ་པའི་ཚིག་ལེའུར་བྱས་པ་དང་། ཕྱི་རོལ་གྱི་དོན་གྲུབ་པ་ཞེས་བྱ་བའི་ཚིག་ལེའུར་བྱས་པ་སློབ་དཔོན་དགེ་སྲུངས་ཀྱིས་མཛད་པ། ཁ་ཆེ་བྱེ་བྲག་ཏུ་སྨྲ་བའི་སློབ་དཔོན་
ཆེན་པོ་ཛི་ན་མི་ཏྲ་དང་། བོད་ཀྱི་ལོ་ཙཱ་བ་དགེ་སློང་དཔལ་བརྩེགས་རཀྵི་ཏའི་འགྱུར། ཐོས་པ་བརྟན་པའི་ཚིག་ལེའུར་བྱས་པ། གཞན་སེལ་བརྟག་པའི་ཚིག་ལེའུར་བྱས་པ། དབང་ཕྱུག་འཇིག་པའི་ཚིག་ལེའུར་བྱས་པ་རྣམས་སློབ་དཔོན་དགེ་སྲུངས་ཀྱིས་མཛད་པ། ཚད་མ་བརྟག་པ་ཆེ་བ་དང་། ཚད་མ་བརྟག་པ་ཆུང་བ་སློབ་
དཔོན་ཆོས་མཆོག་གིས་མཛད་པ། ལོ་ཙཱ་བ་དགེ་སློང་བློ་ལྡན་ཤེས་རབ་ཀྱི་འགྱུར། གཞན་སེལ་བ་ཞེས་བྱ་བའི་རབ་ཏུ་བྱེད་པ་སློབ་དཔོན་ཆོས་མཆོག་གིས་མཛད་པ། ཁ་ཆེའི་པཎྜི་ཏ་སྐལ་ལྡན་རྒྱལ་པོ་དང་། ལོ་ཙཱ་བ་དགེ་སློང་བློ་ལྡན་ཤེས་རབ་ཀྱིས་ཁ་ཆེའི་གྲོང་ཁྱེར་དཔེ་མེད་དུ་འགྱུར། འཇིག་རྟེན་ཕ་རོལ་གྲུབ་པ་
ཞེས་བྱ་བ་སློབ་དཔོན་ཆོས་མཆོག་གིས་མཛད་པ། གྲོང་ཁྱེར་ཆེན་པོ་དཔེ་མེད་ཀྱི་དབུས་རཏྣ་རསྨིའི་གཙུག་ལག་ཁང་དུ་ཁ་ཆེའི་རྒྱལ་པོ་ཤྲཱི་ཧ་རི་ཤ་དེ་ཝའི་སྐུ་རིང་ལ་ཁ་ཆེའི་པཎྜི་ཏ་ཆེན་པོ་སྐལ་ལྡན་རྒྱལ་པོ་དང་། བོད་ཀྱི་ལོ་ཙཱ་བ་དགེ་སློང་པ་ཚབ་ཉི་མ་གྲགས་ཀྱི་འགྱུར། གླེགས་བམ་བཀླག་པའི་ཐབས་
པཎྜི་ཏ་དཱ་ན་ཤཱི་ལས་རང་འགྱུར་དུ་མཛད་པ། སྐད་ཅིག་མ་འཇིག་པ་གྲུབ་པ་ཞེས་བྱ་བའི་རབ་ཏུ་བྱེད་པ་སློབ་དཔོན་ཆོས་མཆོག་གིས་མཛད་པ། རྒྱ་གར་གྱི་མཁན་པོ་སྐལ་ལྡན་རྒྱལ་པོ་དང་། ལོ་ཙཱ་བ་དགེ་སློང་བློ་ལྡན་ཤེས་རབ་ཀྱི་འགྱུར། སྐད་ཅིག་མ་འཇིག་པ་གྲུབ་པའི་རྣམ་པར་འགྲེལ་པ་སློབ་དཔོན་བྲམ་
ཟེ་མུ་ཏིག་བུམ་པས་མཛད་པ། རྒྱ་གར་གྱི་མཁན་པོ་བི་ནཱ་ཡ་ཀ་ར་དང་། ལོ་ཙཱ་བ་དགེ་སློང་གྲགས་འབྱོར་ཤེས་རབ་ཀྱི་འགྱུར། ལྷན་ཅིག་དམིགས་པ་ངེས་པར་གྲུབ་པ་ཞེས་བྱ་བ་རྩོད་པར་སྨྲ་བའི་མཆོག་སློབ་དཔོན་དཔལ་ཤེས་རབ་འབྱུང་གནས་སྦས་པས་མཛད་པ། བལ་ཡུལ་གྱི་པཎྜི་ཏ་ཙ་ཧང་དུ་ཤཱནྟི་བྷ་དྲ་
དང་། བོད་ཀྱི་ལོ་ཙཱ་བ་འབྲོ་སེང་དཀར་དགེ་སློང་ཤཱཀྱ་འོད་ཀྱི་འགྱུར། སེལ་བ་གྲུབ་པ་ཞེས་བྱ་བ་དགེ་བསྙེན་དམ་པ་མཁས་པ་ཆེན་པོ་བྲམ་ཟེ་ཤངྐ་རཱ་ནནྡས་མཛད་པ། གྲོང་ཁྱེར་དཔེ་མེད་དུ་ཁ་ཆེའི་པཎྜི་ཏ་མ་ནོ་རཱ་ཐ་དང་། ལོ་ཙཱ་བ་བློ་ལྡན་ཤེས་རབ་ཀྱི་འགྱུར། འགྲེལ་པ་གྲུབ་པ་ཞེས་བྱ་བ་སློབ་དཔོན་མཁས་

213-1-457b

པ་ཆེན་པོ་བྲམ་ཟེའི་རིགས་སུ་སྐུ་འཁྲུངས་པ་ཆོས་ཀྱི་གྲགས་པ་གཉིས་པ་ཞེས་འཇིག་རྟེན་གཏམ་དུ་གྲགས་ཤིང་རྟོག་གེ་བ་ཕལ་པའི་གཞུང་འཇིག་པ་དང་། ཐོགས་པ་མེད་པར་དོན་གྱི་དེ་ཁོ་ན་ཉིད་རྣམ་པར་འཇིག་པའི་བློའི་མཐུ་སྟོབས་ཀྱི་འགྲན་ཟླ་དང་བྲལ་བ། བདེ་བར་བཤེགས་པའི་བསྟན་པ་ལ་
གཅེས་སྤྲས་སུ་འཛིན་པས་ལེགས་པར་བཤད་པའི་རོ་མྱང་བ་ལ་སེམས་རྩེ་གཅིག་ཏུ་གཞོལ་བ་དགེ་བསྙེན་དམ་པ་ཤདྐ་རཱ་ནནྡས་མཛད་པ། པཎྜི་ཏ་སྐལ་ལྡན་རྒྱལ་པོ་དང་། ལོ་ཙཱ་བ་བློ་ལྡན་ཤེས་རབ་ཀྱི་འགྱུར། རྒྱུ་དང་འབྲས་བུའི་ངོ་བོ་གྲུབ་པ་ཞེས་བྱ་བ་མཁས་པ་ཆེན་པོ་ཛྙཱ་ན་ཤྲཱི་མི་ཏྲའི་ཞལ་སྔ་
ནས་མཛད་པ། རྒྱ་གར་གྱི་མཁན་པོ་པཎྜི་ཏ་ཀུ་མཱ་ར་ཀ་ལཱ་ཤུ་དང་། ལོ་ཙཱ་བ་ཤཱཀྱ་འོད་ཀྱི་འགྱུར། ཕྱིས་པཎྜི་ཏ་ཨཱ་ནནྡ་དང་། ལོ་ཙཱ་བ་དེ་ཉིད་ཀྱིས་གཏུགས་ཤིང་གཏན་ལ་ཕབ་པ། རྣམ་པར་རིག་པ་ཙམ་ཉིད་དུ་གྲུབ་པ་ཞེས་བྱ་བ་མཁས་པ་ཆེན་པོ་རིན་ཆེན་འབྱུང་གནས་ཞི་པའི་ཞལ་སྔ་
ནས་ཀྱིས་མཛད་པ། བལ་ཡུལ་གྱི་པཎྜི་ཏ་ཤཱནྟི་བྷ་དྲ་དང་། བོད་ཀྱི་ལོ་ཙཱ་བ་འབྲོ་དགེ་སློང་ཤཱཀྱ་འོད་ཀྱི་འགྱུར། སླད་ནས་པཎྜི་ཏ་ཆེན་པོ་དེ་ཉིད་དང་། ཀློག་སྐྱ་ཤེས་རབ་བརྩེགས་ཀྱིས་གཏན་ལ་ཕབ་པ། ནང་གི་ཁྱད་པ་སློབ་དཔོན་ཆེན་པོ་མཁས་པ་དཔལ་རིན་ཆེན་འབྱུང་གནས་ཞི་
པའི་ཞལ་སྔ་ནས་མཛད་པ་དང་། གཏན་ཚིགས་ཀྱི་དེ་ཁོ་ན་ཉིད་བསྟན་པ་མཁས་པ་ཆེན་པོ་ཛེ་ཏཱ་རིའི་ཞལ་སྔ་ནས་མཛད་པ། རྒྱ་གར་གྱི་མཁན་པོ་པཎྜི་ཏ་ཀུ་མཱ་ར་ཀ་ལཱ་ཤུ་དང་། ལོ་ཙཱ་བ་དགེ་སློང་ཤཱཀྱ་འོད་ཀྱི་འགྱུར། ཆོས་དང་ཆོས་ཅན་གཏན་ལ་ཕབ་པ་ཞེས་བྱ་བ་སློབ་དཔོན་ཛེེ་ཏཱ་རིས་མཛད་པ།
བྱིས་པ་འཇུག་པའི་རྟོག་གེ་ཞེས་བྱ་བ་སློབ་དཔོན་ཆེན་པོ་དགྲ་ལས་རྒྱལ་བས་མཛད་པ། རྒྱ་གར་གྱི་མཁན་པོ་ན་ག་རཀྵི་ཏ་དང་། བོད་ཀྱི་སུམ་པ་ལོ་ཙཱ་བ་དཔལ་མཆོག་དང་པོའི་རྡོ་རྗེའི་འགྱུར། རྟོག་གེའི་སྐད་ཛ་ག་ཏ་ལའི་གཙུག་ལག་ཁང་ཆེན་པོའི་མཁས་པ་ཆེན་པོ་དགེ་སློང་ཐར་པའི་འབྱུང་གནས་
སྦས་པས་མཛད་པ། ཚུལ་འདི་ནི་གང་ཟག་དམ་པ་རྣམས་ཀྱི་བཀའ་དྲིན་ལ་བརྟེན་ནས་ནང་དང་ཕྱིའི་གཞུང་ལུགས་དུ་མ་རྣམས་ལ་བློའི་སྣང་བ་ཆེར་རྒྱས་པ་སྒྲ་སྒྱུར་གྱི་ལོ་ཙཱ་བ་དཔང་དགེ་ [འདི་རྟོག་གེའི་སྐད་ལ་ཆུད་པ་ཡིན་ནམ་དཔྱད།] སློང་དཔལ་ལྡན་བློ་གྲོས་བརྟན་པས་པཎྜི་ཏ་ལ་མ་ལྟོས་པར་རང་ཉིད་ཀྱིས་

213-1-458a

བསྒྱུར་ཅིང་ཞུས་ཏེ་གཏན་ལ་བབ་པ། རིགས་པའི་སྦྱོར་བ་ཞེས་བྱ་བ་ཁ་ཆེའི་ཡུལ་གྱི་མཁས་པ་ཆེན་པོ་དངོས་གྲུབ་བརྙེས་པ་བྲམ་ཟེའི་སློབ་དཔོན་ཆེན་པོ་རིན་ཆེན་རྡོ་རྗེས་མཛད་པ། རྒྱ་གར་གྱི་མཁན་པོ་ཆེན་པོ་དཔལ་རབ་འབྱོར་ཞི་བ་དང་། ཞུ་ཆེན་གྱི་ལོ་ཙཱ་བ་དགེ་སློང་ཏིང་
ངེ་འཛིན་བཟང་པོའི་འགྱུར་བ་རྣམས་བཞུགས་སོ།།      །།ཟེ་འེ་གཉིས་ལ། དེ་ཁོ་ན་ཉིད་བསྡུས་པའི་ཚིག་ལེའུར་བྱས་པ་སློབ་དཔོན་ཞི་བ་འཚོའི་ཞལ་སྔ་ནས་མཛད་པ། གུ་གེ་ཡུལ་གྱི་དབེན་ས་རི་བོ་དགེ་གནས་ཕུན་ཚོགས་གླིང་དུ་རྒྱ་གར་གྱི་མཁན་པོ་དཔལ་གུ་ཎ་ཨཱ་ཀ་ར་ཤྲཱི་བྷ་དྲའི་ཞལ་སྔ་ནས་དང་།
སྒྲ་སྒྱུར་གྱི་ལོ་ཙཱ་བ་ཆེན་པོ་དཔལ་ལྷ་བཙན་པོ་དགེ་སློང་ལྷ་བླ་མ་ཞི་བ་འོད་ཀྱི་ཞལ་སྔ་ནས་བསྒྱུར་ཅིང་ཞུས་ཏེ་གཏན་ལ་ཕབ་པ། དེ་ཁོ་ན་ཉིད་བསྡུས་པའི་དཀའ་འགྲེལ་སློབ་དཔོན་ཆེན་པོ་ཀ་མ་ལ་ཤཱི་ལས་མཛད་པ། རྒྱ་གར་གྱི་མཁན་པོ་མཁས་པ་ཆེན་པོ་དེ་ཝེནྡྲ་བྷ་དྲ་དང་། བོད་ཀྱི་ལོ་ཙཱ་བ་དགེ་སློང་གྲགས་
འབྱོར་ཤེས་རབ་ཀྱི་འགྱུར་བ་རྣམས་བཞུགས་སོ། །འདི་ལ་ཚིགས་སུ་བཅད་པ་ཁྲི་བརྒྱད་སྟོང་། བམ་པོ་དྲུག་ཅུར་བྱས་སོ།།      །།ཡེ་པ་ལ། ཡངས་པ་དང་དྲི་མ་མེད་པ་དང་ལྡན་པ་ཞེས་བྱ་བའི་ཚད་མ་ཀུན་ལས་བཏུས་པའི་འགྲེལ་བཤད་བྱང་ཆུབ་སེམས་དཔའི་ཡུལ་བ་སློབ་དཔོན་རྒྱལ་བའི་དབང་
པོ་བློ་གྲོས་ཀྱི་ཞབས་ཀྱིས་མཛད་པ། ཤློ་ཀ་སྟོང་ཕྲག་དགུ་པ་ཚུ་འདི་ནི་ཆོས་ཀྱི་རྗེ་ཤོང་སྟོན་ལོ་ཙཱ་བ་རྡོ་རྗེ་རྒྱལ་མཚན་གྱིས་ལེགས་པར་བཤད་པའི་སྲོལ་ལ་སོགས་པ་ལ་བརྟེན་ནས་དཔང་ལོ་ཙཱ་བ་དགེ་སློང་དཔལ་ལྡན་བློ་གྲོས་བརྟན་པས་པཎྜི་ཏ་ལ་མ་ལྟོས་པ་དེ་ཉིད་ཀྱིས་རྒྱ་དཔེ་ལ་གཟིགས་ནས་འགྱུར་བ་
བཞུགས་སོ།།      །།སྒྲུབ་དང་སེལ་བ་རྣམ་པར་དག་པ་ཡི། ཡང་དག་རིགས་པས་ལྟ་ངན་སུན་འབྱིན་ཅིང་། །ཤེས་བྱའི་གནས་ལུགས་གསལ་བྱེད་རིག་པའི་གཞུང་། །བཅུ་ཕྲག་དྲུག་ལ་བརྒྱད་ཀྱིས་བརྒྱན་པ་བཞུགས། །དེ་དག་གིས་ནི་གཏན་ཚིགས་རིག་པའི་ཆོས་སྐོར་བཞུགས་པའི་རྣམ་
གྲངས་རྣམས་བཀོད་ཟིན་ཏོ།།      །།དེ་ལྟར་གཏན་ཚིགས་རིག་པའི་ཆོས་སྐོར་རྣམས་བཀོད་ནས། ད་ནི་གཞན་ཚར་བཅད་པའི་གནས་གཉིས་པ་སྒྲ་རིག་པའི་བསྟན་བཅོས་ཀྱི་སྐོར་ལ། རེ་པ་ལ། ལུང་དུ་སྟོན་པ་ཙནྡྲ་པའི་མདོ་ཞེས་བྱ་བ། འཕགས་པའི་ཡུལ་གྱི་མཁས་པ་ཐམས་ཅད་ཀྱི་གཙུག་གི་ནོར་

213-1-458b

བུ་ལྟ་བུ་སློབ་དཔོན་ཆེན་པོ་ཙནྡྲ་གོ་མིའི་ཞལ་སྔ་ནས་མཛད་པ། སྐད་གཉིས་སྨྲ་བའི་དབང་པོ་ཤོང་སྟོན་རྡོ་རྗེ་རྒྱལ་མཚན་གྱིས་ལེགས་པར་བསྒྱུར་བ་ལ། སླར་ཡང་འཇིག་རྟེན་གྱི་མིག་གཅིག་པུ་དཔལ་ལྡན་བློ་གྲོས་བརྟན་པས་འགྱུར་བཅོས་བགྱིས་པ། ཉེ་བར་བསྒྱུར་བ་ཉི་ཤུ་པའི་
འགྲེལ་པ་ཞེས་བྱ་བ་སློབ་དཔོན་ཆེན་པོ་ཙནྡྲ་གོ་མིའི་ཞབས་ཀྱིས་མཛད་པ། སྒྲའི་མཁན་པོ་ཆེན་པོ་པཎྜི་ཏ་ཛཻ་ཏ་ཀརྞའི་ཞལ་སྔ་ནས་ལེགས་པར་མཉན་ཏེ། སྒྱུར་བྱེད་ཀྱི་ལོ་ཙཱ་བ་ཆེན་པོ་དགེ་སློང་ཉི་མ་རྒྱལ་མཚན་དཔལ་བཟང་པོས་ལེགས་པར་བསྒྱུར་བ། ཡི་གེའི་མདོ་ཞེས་བྱ་བ་སློབ་
དཔོན་ཆེན་པོ་ཙནྡྲ་གོ་མིས་མཛད་པ། ལེགས་པར་སྦྱར་བ་སྐད་ཀྱི་བརྡ་སྤྲོད་པ་དགེ་སློང་ཉི་མ་རྒྱལ་མཚན་དཔལ་བཟང་པོས་གངས་ཅན་པའི་སྐད་དུ་ཡང་དག་པར་བསྒྱུར་བ། ཡི་གེའི་མདོའི་འགྲེལ་པ་ཞེས་བྱ་བ་སློབ་དཔོན་ཆོས་སྐྱོང་གི་ཞལ་སྔ་ནས་མཛད་པ། སྒྲའི་མཁན་པོ་ཆེན་པོ་
ཛི་ཏ་ཀརྞའི་ཞལ་སྔ་ནས་ལེགས་པར་མཉན་ནས། སྒྲ་སྒྱུར་གྱི་ལོ་ཙཱ་བ་ཉི་མ་རྒྱལ་མཚན་དཔལ་བཟང་པོས་བསྒྱུར་བ། ལུང་དུ་སྟོན་པ་ཙནྡྲ་པའི་མདོའི་སྤྱིར་བཏང་བ་ཡང་དག་པར་བསྡུ་བ་ཞེས་བྱ་བ་སྐད་གཉིས་སྨྲ་བ་ཆེན་པོ་དགེ་སློང་དཔལ་ལྡན་བློ་གྲོས་བརྟན་པས་ཤིན་ཏུ་དག་པར་བསྒྱུར་
བ། བརྡ་སྤྲོད་པ་ཙནྡྲ་པའི་མདོའི་རྣམ་པར་དབྱེ་བའི་ཚིག་ལེའུར་བྱས་པ་མཁས་པ་ཐམས་ཅད་ཀྱི་གཙུག་གི་རྒྱན་དུ་གྱུར་པའི་སློབ་དཔོན་སེང་གེ་བཟང་པོའི་ཞལ་སྔ་ནས་མཛད་པ། བལ་པོའི་པཎྜི་ཏ་དཔལ་ས་དབང་བཟང་པོའི་ཞལ་སྔ་ནས་དང་། ལོ་ཙཱ་བ་དགེ་སློང་ཤོང་སྟོན་བློ་གྲོས་བརྟན་པའི་
འགྱུར། འདི་ལ་རྟགས་ཀྱི་བྱེ་བྲག་མ་ཕྱེད་པ་ལ་སོགས་པ་བསྟན་བཅོས་ལ་མི་ལེགས་པ་འགའ་རེ་ཡོད་པ་དང་། འགྱུར་མ་དག་པའང་བག་རེ་སྣང་ན་ཡང་ལས་དང་པོ་པ་རྣམས་ལ་ཕན་པར་བསམས་ནས་བྲིས་པ་ཡིན་ནོ། །ལུང་དུ་སྟོན་པ་ཙནྡྲ་པའི་ཏི་ལ་སོགས་པ་དང་སི་ལ་སོགས་
པ་སྐད་གཉིས་སྨྲ་བའི་དབང་ཕྱུག་དྷརྨ་ཤྲཱི་བྷ་དྲའི་འགྱུར། ལུང་དུ་སྟོན་པ་ཙནྡྲ་པའི་ཏི་ངའི་མཐའ་ཞེས་བྱ་བ་བོད་ཀྱི་ལོ་ཙཱ་བ་དགེ་སློང་དཔལ་ལྡན་བློ་གྲོས་བརྟན་པའི་འགྱུར། ལུང་དུ་སྟོན་པ་ཙནྡྲ་པའི་སུབ་ [མ་བྱུང་] ཀྱི་མཐའ་རིན་ཆེན་འབྱུང་གནས་ཞེས་བྱ་བ་ [མ་བྱུང་] གནས་བརྟན་རབ་འབྱོར་ཟླ་བས་མཛད་པ། སྐད་

213-1-459a

གཉིས་སྨྲ་བ་དཔལ་ལྡན་བྱང་ཆུབ་རྩེ་མོའི་སློབ་མར་གྱུར་པ་གནས་ལྔ་རིག་པ་ཆོས་ཀྱི་རྒྱལ་མཚན་དཔལ་བཟང་པོས་དཔལ་ལྡན་ས་སྐྱར་བསྒྱུར་ཅིང་ཞུས་པ། འབྲེལ་པ་མདོར་བསྟན་པ་ཞེས་བྱ་བ་ཀཱ་ཡསྠ་ཙཾ་ཀ་དཱ་ཤས་མཛད་པ། ལོ་ཙཱ་བ་ཆེན་པོ་དཔལ་ལྡན་དཔང་
བློ་གྲོས་བརྟན་པས་ལེགས་པར་བསྒྱུར་ཅིང་ཞུས་ནས་གཏན་ལ་ཕབ་པ། ཙནྡྲ་པའི་བྱིངས་ཀྱི་དཔུང་གཉེན་ཞེས་བྱ་བ་སློབ་དཔོན་ཟླ་བ་གང་བས་མཛད་པ་ལས་བཏུས་པ། ལེགས་པར་སྦྱར་བའི་གཞུང་ལུགས་སྨྲ་བ་ཆེན་པོ་ཐུགས་རྗེ་དཔལ་བཟང་པོས་ཡང་དག་པར་བསྒྱུར་ཅིང་དག་པར་
བགྱིས་པ། ལུང་དུ་སྟོན་པ་ཙནྡྲ་པའི་འབྲེལ་པ་གྲུབ་པ་ཞེས་བྱ་བའི་རབ་ཏུ་བྱེད་པ་སློབ་དཔོན་ཙནྡྲ་གོ་མིའི་རྗེས་སུ་འབྲངས་ནས་མ་ཧཱ་པཎྜི་ཏ་ཉི་མའི་སྙིང་པོའི་ཞལ་སྔ་ནས་མཛད་པ། འགོས་ཀྱི་རིགས་ལས་འཁྲུངས་པའི་ལོ་ཙཱ་བ་ཆེན་པོ་དགེ་སློང་དྷརྨ་པཱ་ལ་བྷ་དྲས་གཡག་སྡེ་ལོ་ཙཱ་བའི་ཕྱག་དཔེ་
ལས་གསར་དུ་བསྒྱུར་ཅིང་། སླད་ཀྱི་ཆར་ཡང་རྒྱ་དཔེ་རྙིང་པ་ལ་གཏུགས་ཏེ་འགྱུར་བཅོས་དང་ཞུ་དག་མཛད་པ། ཨུ་ཎ་ལ་སོགས་པའི་མདོའི་འགྲེལ་པ་སློབ་དཔོན་ཆེན་པོ་ཙནྡ་གོ་མིའི་ཞལ་སྔ་ནས་མཛད་པ། འདི་བོད་དཔེ་སྔ་འགྱུར་གཉིས་ཙམ་ལ་འགྱུར་མ་དག་པ་དང་། ལྷག་ཆད་ཀྱང་ཅུང་ཟད་
བྱུང་བར་བརྟེན། སླད་ཀྱིས་ལོ་ཙཱ་བ་ཆེན་པོ་ཞ་ལུ་རིན་ཆེན་ཆོས་སྐྱོང་བཟང་པོའི་ཞལ་སྔ་ནས་ཤིན་ཏུ་དག་པར་བསྒྱུར་བ། འཇམ་དཔལ་གྱི་བརྡ་སྤྲོད་པའི་རྣམ་པར་འགྲེལ་པ་ཚིགས་སུ་བཅད་པ་སྟོང་ཕྲག་བརྒྱད་པའི་བདག་ཉིད་ཅན། ཆོས་འཁོར་ལྷ་སའི་གཙུག་ལག་ཁང་དུ་ཞ་ལུ་ལོ་ཙཱ་བ་དགེ་
སློང་ཆོས་སྐྱོང་བཟང་པོས་ལེགས་པར་བསྒྱུར་བ། ཡང་འཇམ་དཔལ་གྱི་བརྡ་སྤྲོད་པའི་སྐབས་ལྔ་པའི་རྐང་པ་གཉིས་པའི་རྣམ་པར་འགྲེལ་པ་ཞ་ལུ་ལོ་ཙཱ་བ་དགེ་སློང་དྷརྨ་པཱ་ལ་བྷ་དྲས་དཔལ་གྲ་ཐང་གི་གཙུག་ལག་ཁང་དུ་ཡོངས་སུ་རྫོགས་པར་བསྒྱུར་བ་རྣམས་བཞུགས་སོ།།      །།ལེ་པ་ལ།
ལུང་དུ་སྟོན་པ་ཀ་ལཱ་པའི་མདོ་ཞེས་བྱ་བ་ལོ་ཙཱ་བ་དཔལ་ལྡན་བློ་གྲོས་བརྟན་པས་སློབ་དཔོན་དུརྒ་སིདྷའི་འགྲེལ་པ་ལ་གཏུགས་ནས་སྒྲ་དོན་ཇི་བཞིན་དུ་དཔལ་ས་སྐྱར་བསྒྱུར་པ། ཆ་བསགས་ཀྱི་མདོའི་འགྲེལ་པ་ཞེས་བྱ་བ་སློབ་དཔོན་དུརྒ་སིདྷས་མཛད་པའི་སྟོད་ཆ་ལོ་ཙཱ་བ་ཆེན་པོ་གྲགས་པ་

213-1-459b

རྒྱལ་མཚན་གྱི་འགྱུར། ཀ་ལཱ་པའི་འགྲེལ་པ་ཉུང་ངུ་ལས་སློབ་མ་ལ་ཕན་པ་ཞེས་བྱ་བ་པཎྜི་ཏ་སྒྲོལ་བའི་དབང་ཕྱུག་གིས་མཛད་པ། ལྷ་བླ་མ་ཞི་བ་འོད་ཀྱིས་ཞང་ཞུང་གི་ས་ཆ་ཐོ་ལིང་གསེར་གྱི་གཙུག་ལག་ཁང་དུ་བསྒྱུར་བ། བྱིངས་ཀྱི་ཚོགས་བགྲོད་དཀའ་སེང་གེས་མཛད་པ། ལོ་ཙཱ་བ་ཆེན་པོ་དགེ་སློང་
རིན་ཆེན་གྲུབ་ཀྱིས་བསྒྱུར་ཅིང་། སླད་ཀྱི་དུས་སུའང་བྱིངས་ཀྱི་མདོའི་འགྲེལ་པ་དང་གཏུགས་ནས་དག་པར་བགྱིས་པ། ལུང་དུ་སྟོན་པ་ཀ་ལཱ་པའི་འགྲེལ་པ་པཎྜི་ཏ་བགྲོད་དཀའ་སེང་གེས་མཛད་པ། བུ་སྟོན་ལོ་ཙཱ་བའི་འགྱུར། ཀ་ལ་པའི་མདོའི་འགྲེལ་པ་སློབ་མ་ལ་ཕན་པ་ཞེས་བྱ་བ་ཛོ་བོ་དྲག་
འབྱོར་གྱིས་མཛད་པ། ཆོས་ཀྱི་རྗེ་སྐད་གཉིས་སྨྲ་བ་རྣམས་ཀྱི་གཙུག་གི་ནོར་བུ་ཐུབ་པའི་དབང་པོ་དང་མཁྱེན་རབ་མི་གཉིས་པ་དཔལ་བློ་གྲོས་བརྟན་པའི་བཀའ་ [མ་བྱུང་] དྲིན་ལས་བདེ་བར་གཤེགས་པའི་གསུང་རབ་དང་ཐ་སྙད་ཀྱི་གཙུག་ལག་རྣམས་ལ་བློ་གྲོས་རྒྱ་ཆེར་ཐོབ་པ་གངས་ཅན་གྱི་ཁྲོད་དུ་སྐད་གཉིས་
སྨྲ་བ་དགེ་སློང་བྱང་ཆུབ་རྩེ་མོས་བསྒྱུར་བ་ཞེས་པའི་མཐའ་ཅན་རྣམས་བཞུགས་སོ།།      །།ཤེ་པ་ལ། ཀ་ལཱ་པའི་སི་སོགས་ཀྱི་མཐའི་བྱ་བ་མཁས་པ་དཔལ་ལྡན་འཇམ་དཔལ་གྲགས་པས་མཛད་པ། ལོ་ཙཱ་བ་དགེ་སློང་དཔལ་ལྡན་བློ་གྲོས་བརྟན་པས་དཔལ་གནས་པོ་ཆེའི་གཙུག་ལག་ཁང་དུ་འགྱུར།
པཎྜི་ཏ་ཆེན་པོ་མཱཾ་ཧི་ཀ་ཝིས་མཛད་པའི་ཀ་ལཱ་པའི་མདོ་དང་འབྲེལ་པའི་སི་ལ་སོགས་པའི་རྣམ་དབྱེའི་བྱ་བ་མཁས་པའི་དབང་པོ་དཔལ་ལྡན་བློ་གྲོས་བརྟན་པའི་ལེགས་པར་བཤད་པ་ལ་བརྟེན་སྒྲ་རིག་པའི་དགེ་སློང་ལོ་ཙཱ་བ་བློ་གྲོས་རྒྱལ་མཚན་དང་། བློ་གྲོས་དཔལ་བཟང་པོས་ལེགས་པར་བསྒྱུར་ཅིང་མཚན་
བུས་ཀྱང་གཏན་ལ་ཕབ་པ། ཀ་ལཱ་པའི་ཏི་ལ་སོགས་པའི་མཐའི་བྱ་བ་རྣམ་པར་དཔྱད་པ་ཞེས་བྱ་བ་མཁན་པོ་སརྦ་དྷ་རས་བཀོད་པ་ལེགས་སྦྱར་གྱི་སྐད་ཀྱི་ཐ་སྙད་མཐའ་དག་གཏན་ལ་འབེབས་པར་བྱེད་པ་ཀ་ལཱ་པའི་རྗེས་འབྲང་བྱིངས་ཀྱི་འགྲེལ་པ་ཆེན་པོ་འདི་ནི་མཁས་གྲུབ་དུ་མ་བརྒྱུད་མར་བྱོན་པའི་དཔལ་ངམ་
རིང་གི་ཡང་རྩེའི་གཙུག་ལག་ཁང་དུ་པཎྜི་ཏ་ཆེན་པོ་ཤྲཱི་མ་ཎི་ཀ་དང་། སྒྲ་ཚད་པ་དཔལ་ལྡན་བསོད་ནམས་བཟང་པོ་ལ་སོགས་པ་ཡོངས་འཛིན་དམ་པ་རྣམས་ཀྱི་ཞབས་རྡུལ་ལ་སྤྱི་བོས་ལེན་པར་གྱུར་པ། ལོ་ཙཱ་བ་ཆེན་པོ་རྡོ་རྗེ་རྒྱལ་མཚན་གྱིས་ལེགས་པར་འགྱུར། སྨྲ་བ་ཀུན་ལ་འཇུག་པའི་སྒྲའི་བསྟན་བཅོས་

213-1-460a

སྦྱོར་བ་བཞི་དང་ལྡན་པ་དང་། སྨྲ་བ་ཀུན་ལ་འཇུག་པའི་སྒྲའི་བསྟན་བཅོས་ཀྱི་འགྲེལ་པ་སྦྱོར་བ་བཞི་དང་ལྡན་པ་སློབ་དཔོན་ཆེན་པོ་སུ་བྷཱ་ཤ་ཀཱིརྟིས་མཛད་པ། རབ་ཏུ་སྦྱོར་བའི་སྒོའི་འགྲེལ་པ། ལྡོག་པ་བསྡུས་པ་བསྟན་པའི་ཚིག་ལེའུར་བྱས་པ། ལྡོག་པ་བསྡུས་
པ་བསྟན་པའི་རྣམ་འགྲེལ་རྣམས་སློབ་དཔོན་ན་བི་དྷརྨས་བློ་དམན་པའི་དོན་དུ་གསལ་ཚིག་ཏུ་མཛད་པ། སྨྲ་བའི་སྒོ་མཚོན་ཆ་ལྟ་བུ་ཞེས་བྱ་བ་པཎྜི་ཏ་དྲན་པའི་ཡེ་ཤེས་གྲགས་པས་མཛད་པ་དང་། སྨྲ་བའི་སྒོ་མཚོན་ཆ་ལྟ་བུ་ཞེས་བྱ་བའི་འགྲེལ་པ་སློབ་དཔོན་དེ་ཉིད་ཀྱིས་མཛད་པ་ཡིན་ནམ་ཡང་ཟེར།
རོང་པ་ཆོས་བཟང་གིས་བྱས་པ་ཡིན་ཡང་ཟེར་བ། དཀྱུས་སུ་རྒྱ་གར་གྱི་མཁན་པོ་དྲན་པའི་ཡེ་ཤེས་གྲགས་པས་བླ་མ་ནོར་བཟང་གྲགས་པ་ལས་ཐོས་ཏེ་སློབ་མ་གཞོན་ནུ་གྲགས་པའི་དོན་དུ་མིང་གི་སྦྱོར་བ་ནི་ཅུང་ཟད་བཞག །ཕྲད་ཀྱི་སྦྱོར་བ་ནི་ཅུང་ཟད་བཤད་ནས་བསྒྱུར་ཅིང་ཞུས་པ་ཞེས་བྱ་
བ་ཡོད་པ་རྣམས་བཞུགས་སོ།།      །།སེ་པ་ལ། བརྡ་སྤྲོད་པ་དབྱངས་ཅན་གྱི་མདོ་དང་། བརྡ་སྤྲོད་པ་དབྱངས་ཅན་གྱི་མདོའི་འགྲེལ་པ་རབ་ཏུ་བྱ་བ་གསལ་ལྡན་ཞེས་བྱ་བ་སློབ་དཔོན་ཨ་ནུ་བྷཱུ་ཏིས་མཛད་པ། འཕགས་ཡུལ་ནུབ་ཕྱོགས་ཀུ་རུ་ཀྵེ་ཏྲ་བྲམ་ཟེའི་རིགས་སུ་འཁྲུངས་པ་གནས་
ལྔ་རིག་པའི་པཎྜི་ཏ་བལ་བྷ་དྲ་དང་། མ་ཧཱ་པཎྜི་ཏ་གོ་ཀུ་ལ་ནཱ་ཐ་མི་ཤྲ་མཆེད་ཀྱི་བཀའ་དྲིན་ལ་བརྟེན་པའི་ལོ་ཙཱ་བ་སེ་དཀར་རིགས་ཀྱི་ཐིག་ལེ་འདར་པ་ལོ་ཙཱ་བ་ངག་དབང་ཕུན་ཚོགས་ལྷུན་གྲུབ་ཀྱིས་ཕོ་བྲང་ཆེན་པོ་པོ་ཊ་ལར་བསྒྱུར་པ། སྒྲའི་ཡན་ལག་ཏུ་གྱུར་པའི་བསྟན་བཅོས་ལ། མངོན་བརྗོད་ཀྱི་བསྟན་
བཅོས་འཆི་བ་མེད་པའི་མཛོད་ཅེས་བྱ་བ་པཎྜི་ཏ་འཆི་མེད་སེང་གེས་མཛད་པ། པཎྜི་ཏ་ཆེན་པོ་ཀཱིརྟི་ཙནྡྲ་དང་། ལོ་ཙཱ་བ་ཡར་ལུངས་པ་གྲགས་པ་རྒྱལ་མཚན་གྱིས་བལ་ཡུལ་ཡམ་བུའི་གྲོང་ཁྱེར་དུ་བསྒྱུར་བ་ལ། སླད་ནས་འགོས་ལོ་ཙཱ་བ་དགེ་སློང་དྷརྨ་བྷ་དྲ་ཞེས་བྱ་བས་རྒྱ་དཔེ་དང་འགྱུར་རྙིང་ལ་
གཏུགས་ཏེ་དོན་ལ་དཔྱད་དེ་འགྱུར་བཅོས་ཅུང་ཞིག་བྱས་པ་གཉིས་འབིད་ཅན། འཆི་བ་མེད་པའི་མཛོད་ཀྱི་རྒྱ་ཆེར་འགྲེལ་པ་འདོད་འཇོའི་བ་མོ་ཞེས་བྱ་བ་པཎྜི་ཏ་རབ་འབྱོར་ཟླ་བས་མཛད་པ། དཔལ་ཞ་ལུའི་དགེ་སློང་འགོས་ལོ་ཙཱ་བ་གསུམ་པ་དགེ་སློང་དྷརྨ་པཱ་ལ་བྷ་དྲས་ལེགས་པར་བསྒྱུར་བ། །

213-1-460b

སྙན་དངགས་ཀྱི་མེ་ལོང་པཎྜི་ཏ་སློབ་དཔོན་དབྱིག་པ་ཅན་གྱིས་མཛད་པ། རྒྱ་གར་གྱི་མཁན་པོ་སྙན་དངགས་མཁན་ཆེན་པོ་ཤྲཱི་ལཀྨཱི་ཀ་ར་དང་། བོད་ཀྱི་ལོ་ཙཱ་བ་དགེ་སློང་ཤོང་སྟོན་གྱིས་དཔལ་ས་སྐྱའི་གཙུག་ལག་ཁང་ཆེན་པོར་བསྒྱུར་བ། དེ་རྗེས་དཔང་ལོ་ཙཱ་བ་བློ་གྲོས་བརྟན་པས་ག་དཀའ་བའི་ཆ་ཤས་
སུ་གྱུར་པ་རྣམས་དང་། དོན་ཆེ་བ་རྣམས་ལ་འགྱུར་བཅོས་མཛད་པ་ལ་ཕྱིས་སྙེ་ཐང་བློ་བརྟན་བཞི་པས་ལེགས་པར་འགྱུར་བཅོས་མཛད་པ། སྙན་དངགས་སྤྲིན་གྱི་ཕོ་ཉ་ཞེས་བྱ་བ་སྙན་དངགས་མཁན་ཆེན་པོ་ནག་མོ་ཁོལ་གྱིས་མཛད་པ། ཁ་ཆེའི་པཎྜི་ཏ་སྙན་དངགས་མཁན་ཆེན་པོ་སུ་མ་ན་ཤྲཱི་དང་། ཞུ་ཆེན་
གྱི་ལོ་ཙཱ་བ་མང་དུ་ཐོས་པའི་དགེ་སློང་བྱང་ཆུབ་རྩེ་མོ་དང་། ལོ་ཙཱ་བ་ལུང་རིགས་སྨྲ་བ་ནམ་མཁའ་བཟང་པོས་དཔལ་ས་སྐྱའི་གཙུག་ལག་ཁང་ཆེན་པོར་བསྒྱུར་བ། སྡེབ་སྦྱོར་གྱི་མཚན་ཉིད་སྟོན་པའི་བསྟན་བཅོས་སྡེབ་སྦྱོར་རིན་ཆེན་འབྱུང་གནས་ཞེས་བྱ་བ་རྩོད་པའི་དུས་ཀྱི་ཐམས་ཅད་མཁྱེན་པ་རིན་ཆེན་འབྱུང་
གནས་ཞི་བས་མཛད་པ། ས་གསུམ་ན་འགྲན་ཟླ་བྲལ་བའི་ཐམས་ཅད་མཁྱེན་པ་ཆེན་པོ་བྱང་ཆུབ་རྩེ་མོའི་ཞལ་སྔ་ནས་བསྒྱུར་བ་ལས། སླར་ཡང་བླ་མ་དེ་ཉིད་དང་། སྐྱེས་བུ་དམ་པ་རྣམས་ཀྱི་བཀའ་དྲིན་གྱིས་བསྐྱངས་པའི་དགེ་སློང་ནམ་མཁའ་བཟང་པོས་བསྒྱུར་བ། སླར་ཡང་ཞ་ལུ་ལོ་ཙཱ་བ་ཆོས་སྐྱོང་བཟང་
པོས་དག་པར་བཅོས་པ། ཡང་སྡེབ་སྦྱོར་རིན་ཆེན་འབྱུང་གནས་ཞེས་བྱ་བ་རྩོད་དུས་ཀྱི་ཐམས་ཅད་མཁྱེན་པ་རིན་ཆེན་འབྱུང་གནས་ཞི་བའི་ཞབས་ཀྱིས་མཛད་པ་འདི་ནི་ཆོས་ལྡན་ར་ས་བས་བསྒྱུར་བའི་འཕྲོ་ཡར་ལུངས་པ་ལོ་ཙཱ་བ་གྲགས་པ་རྒྱལ་མཚན་གྱིས་རྫོགས་པར་བསྒྱུར་བ། སླད་ཀྱིས་ས་གསུམ་ན་འགྲན་ 
ཟླ་དང་བྲལ་བའི་ཐམས་ཅད་མཁྱེན་པ་ནམ་མཁའ་བཟང་པོས་སྡོམ་བརྩོན་དམ་པ་རྣམས་ཀྱི་གཙུག་རྒྱན་སྡེ་སྣོད་གསུམ་གྱི་གླེགས་བམ་གཅིག་པུ་སྐད་གཉིས་སྨྲ་བའི་དབང་པོ་དཔལ་ལྡན་བློ་གྲོས་བརྟན་པའི་ཕྱག་བྲིས་ཀྱི་རྒྱ་དཔེ་ལ་གཏུགས་ནས་ཤིན་ཏུ་དག་པར་བསྒྱུར་བ། སྡེབ་སྦྱོར་གྱི་དཔེར་བརྗོད་སྟོན་པ་
སྡེབ་སྦྱོར་གྱི་ཕྲེང་བའི་བསྟོད་པ་ཞེས་པ་འདི་སྟག་སྡེ་བ་སེང་གེ་རྒྱལ་མཚན་གྱི་སྲས་ཀྱི་ཐུ་བོ་ཕྱི་ནང་གི་གཞུང་ལུགས་རྒྱ་མཚོའི་ཕ་རོལ་ཏུ་སོན་པ་དེ་དུས་ན་འགྲན་ཟླ་དང་བྲལ་བའི་མཁས་པ་ཆེན་པོ་སྐད་གཉིས་སྨྲ་བ་རྣམས་ཀྱི་གཙུག་གི་ནོར་བུ་ཤོང་སྟོན་རྡོ་རྗེ་རྒྱལ་མཚན་གྱི་ཞལ་སྔ་ནས་བསྒྱུར་བ། འདིའི་ཡི་

213-1-461a

གེ་བཅུ་གཉིས་པའི་ཚོགས་བཅད་བཅུ་གཉིས་པ་ཡ་མུན་ཡན་ཆད་ཤོང་སྟོན་ལོ་ཙཱ་བ་ཆེན་པོ་རྡོ་རྗེ་རྒྱལ་མཚན་གྱིས་བསྒྱུར་ཏེ་འཕྲོ་ལུས་པ་ལས་ཤོང་སྟོན་དེ་ཉིད་ཀྱི་བརྒྱུད་པའི་སློབ་མ་དཔང་ལོ་ཙཱ་བ་དགེ་སློང་དཔལ་ལྡན་བློ་གྲོས་བརྟན་པས་སློབ་དཔོན་ཤཱཀྱ་རཀྵི་ཏས་མཛད་པའི་འགྲེལ་
པ་ལ་བརྟེན་ནས་ཡོངས་སུ་རྫོགས་པར་བསྒྱུར་བ་རྣམས་བཞུགས་སོ། །རང་བཞིན་རྐྱེན་དང་རྣམ་འགྱུར་ལེགས་སྦྱར་ནས། །དོན་ལ་བརྡ་སྤྲོད་གཞུང་གི་བསྟན་བཅོས་དང་། དེ་ཡི་ཡན་ལག་མངོན་བརྗོད་སྙན་དངགས་སོགས། །སྟོན་པའི་བསྟན་བཅོས་སུམ་ཅུ་རྩ་དགུ་བཞུགས། །དེ་དག་གིས་
ནི་སྒྲ་རིག་པའི་ཆོས་སྐོར་བཞུགས་པའི་རྣམ་གྲངས་རྣམས་བཀོད་ཟིན་ཏོ།།      །།དེ་ལྟར་གཞན་ཚར་གཅོད་པ་རིག་པའི་གནས་ཀྱི་བསྟན་བཅོས་རྣམས་བཀོད་ནས། གཞན་རྗེས་སུ་གཟུང་བའི་རིག་པའི་གནས་གཉིས་ཀྱི་དང་པོ་གསོ་བ་རིག་པའི་བསྟན་བཅོས་ཀྱི་སྐོར་ལ། ཧེ་པ་ལ། སྦྱོར་
བ་བརྒྱ་པ་ཞེས་བྱ་བ་སྨན་གྱི་གཞུང་འཕགས་པ་ཀླུ་སྒྲུབ་ཀྱིས་མཛད་པ། བལ་པོའི་པཎྜི་ཏ་ཆེན་པོ་བྲམ་ཟེ་ཛེ་ཏ་ཀརྞའི་ཞལ་སྔ་ནས་དང་པོ་རྩ་འགྲེལ་ལན་གཅིག་གསུངས་ཤིང་། དུས་ཕྱིས་རྒྱ་གར་ཤར་ཕྱོགས་ཀྱི་པཎྜི་ཏ་བུདྡྷ་ཤྲཱི་ཛྙཱ་ནའི་ཞལ་སྔ་ནས་སྟོད་ཅུང་ཟད་གསུངས་ནས་གྲུབ་པའི་ཞིང་སྐྱི་རོང་
འཕགས་པ་འཇིག་རྟེན་དབང་པོའི་གཙུག་ལག་ཁང་ལས་ཅུང་ཟད་མི་རིང་བར་ཆེན་པོའི་ཆེན་པོ་རྣམས་ཀྱི་གདན་ས་དཔལ་ཤེར་གྱི་གཙུག་ལག་ཁང་དུ་མང་དུ་ཐོས་པའི་ལོ་ཙཱ་བ་དགེ་སློང་ཉི་མ་རྒྱལ་མཚན་དཔལ་བཟང་པོས་འགྲེལ་པ་གསུམ་དང་བསྟུན་ནས་བསྒྱུར་བ། སློབ་དཔོན་འཕགས་པ་ཀླུ་སྒྲུབ་
སྙིང་པོས་སྨན་པ་རྣམས་ལ་བརྫོངས་པ་སྨན་འཚོ་བའི་མདོ་ཚིགས་སུ་བཅད་པ། སློབ་དཔོན་ཀླུ་སྒྲུབ་ཀྱིས་མཛད་པའི་སྨན་ཨ་བའི་ཆོ་ག །སྨན་དཔྱད་ཡན་ལག་བརྒྱད་པའི་འགྲེལ་པ་ལས་བསྟན་པའི་སྨན་གྱི་མིང་གི་རྣམ་གྲངས་ཡན་ལག་བརྒྱད་པའི་སྙིང་པོའི་འགྲེལ་པ་མཛད་པའི་སློབ་དཔོན་ཟླ་བ་ལ་དགའ་བས་
མཛད་པ། ཡན་ལག་བརྒྱད་པའི་སྙིང་པོ་བསྡུས་པ་ཞེས་བྱ་བ་སྨན་པའི་བདག་པོ་དགེ་འདུན་གསང་བ་ཞེས་བྱ་བའི་སྲས་སྨན་པ་ཆེན་པོ་སློབ་དཔོན་ཕ་གོལ་གྱིས་མཛད་པ། རྒྱ་གར་གྱི་མཁན་པོ་ཛ་རནྡྷ་ར་དང་། ཞུ་ཆེན་གྱི་ལོ་ཙཱ་བ་དགེ་སློང་རིན་ཆེན་བཟང་པོའི་འགྱུར། དེའི་རང་འགྲེལ་དུ་གྲགས་པ་ཡན་ལག་

213-1-461b

བརྒྱད་པའི་སྙིང་པོ་ཞེས་བྱ་བའི་སྨན་དཔྱད་ཀྱི་བཤད་པའི་སྟོད་ལེའུ་བཅུ་བཞི་པ་ཡན་ཆད་ཀྱི་འགྲེལ་པ་བཞུགས་སོ།།      །།ཨེ་པ་ལ། ཡན་ལག་བརྒྱད་པའི་རང་འགྲེལ་དུ་གྲགས་པའི་ཡན་ལག་བརྒྱད་པའི་སྙིང་པོ་ཞེས་བྱ་བའི་སྨན་དཔྱད་ཀྱི་བཤད་པ་སྨན་པའི་བདག་པོ་སེང་གེ་སྦས་པ་ཞེས་བྱ་བའི་བུ་
སྨན་པ་ཆེན་པོ་ཕ་གོལ་ཞེས་བྱ་བས་མཛད་པ། ལེའུ་བཅོ་ལྔ་པ་ཡན་ཆད་རྫོགས་པ། རྒྱ་གར་གྱི་མཁན་པོ་ཨཱ་ཙཱརྱ་དྷརྨ་ཤྲཱི་ཝརྨ་དང་། ཞུ་ཆེན་གྱི་ལོ་ཙཱ་བ་ཨི་བུ་དགེ་སློང་ཤཱཀྱ་བློ་གྲོས་ཀྱིས་བསྒྱུར་ཅིང་། མར་ལོ་དགེ་སློང་རིག་པ་གཞོན་ནུ་དང་མཉེལ་ཅོར་དགེ་སློང་དབྱིག་གི་རིན་ཆེན་དང་གསུམ་གྱིས་
ཚད་ལ་ཕབ་སྟེ་མཇུག་བསྡུས་ནས་རྫོགས་པར་བགྱིས་པ་བཞུགས་སོ།།      །།ཀོ་ཁོ་གོ་གསུམ་ལ། ཡན་ལག་བརྒྱད་པའི་སྙིང་པོ་རྣམ་པར་འགྲེལ་པ་ཚིག་གི་དོན་གྱི་ཟླ་ཟེར་ཞེས་བྱ་བ་ཆགས་པ་ལ་དགའ་བའི་བུ་སློབ་དཔོན་ཟླ་བ་ལ་དགའ་བ་ཞེས་བྱ་བ་ཚེའི་རིག་བྱེད་ཀྱི་བསྟན་བཅོས་མཐའ་དག་ལ་མཁས་
པས་མཛད་པ། རྒྱ་གར་གྱི་མཁན་པོ་ཛ་རནྡྷ་ར་དང་། ཞུ་ཆེན་གྱི་ལོ་ཙཱ་བ་དགེ་སློང་རིན་ཆེན་བཟང་པོའི་འགྱུར་བ་རྣམས་བཞུགས་སོ། །རླུང་མཁྲིས་བད་ཀན་འདུས་པ་ལས་གྱུར་པའི། ནད་རྣམས་སྨན་དང་དཔྱད་དང་རིགས་པ་ཡིས། གསོ་ཐབས་ཀླུ་སྒྲུབ་ཕ་ཁོལ་རྗེས་འབྲང་གཞུང་། གསོ་བ་རིག་པའི་བསྟན་
བཅོས་རྣམ་བདུན་བཞུགས། དེ་དག་གིས་ནི་གསོ་བ་རིག་པའི་ཆོས་སྐོར་བཞུགས་པའི་རྣམ་གྲངས་རྣམས་བཀོད་ཟིན་ཏོ།།      །།དེ་ལྟར་གསོ་བ་རིག་པའི་བསྟན་བཅོས་ཀྱི་སྐོར་རྣམས་བཀོད་ནས། གཞན་རྗེས་སུ་འཛིན་པའི་གནས་གཉིས་པ་བཟོ་རིག་པའི་བསྟན་བཅོས་ནི། རྩ་བ་གསེར་འགྱུར་གྱི་བསྟན་
བཅོས་ལ། ངོ་པ་ལ། དངུལ་ཆུ་གྲུབ་པའི་བསྟན་བཅོས་ཞེས་བྱ་བ་སློབ་དཔོན་ཆེན་པོ་བྷ་ལི་པས་མཛད་པ། རྒྱ་གར་གྱི་པཎྜི་ཏ་ཤྲཱི་ན་རེནྡྲ་བྷ་དྲ་དང་། བོད་ཀྱི་ལོ་ཙཱ་བ་ཨོོ་ཌྱཱན་པ་རིན་ཆེན་དཔལ་གྱིས་རི་བོ་ཆེན་པོ་སྤུ་ཊའི་མགུལ་གྱི་ཕོ་བྲང་ཆེན་པོར་འགྱུར། གསེར་འགྱུར་གྱི་བསྟན་བཅོས་བསྡུས་པ་
མཇུག་མ་ཚང་བ་འདི་གྲུབ་ཆེན་ཨོ་རྒྱན་པའི་འགྱུར། གོང་གི་བྷ་ལི་པས་མཛད་པ་དང་གཉིས་འགྱུར་ཆད་མ་གཏོགས་དོན་གཅིག་པ་ཡིན་པ་འདྲའོ། །རྫོགས་པའི་སངས་རྒྱས་ཀྱིས་གསུངས་པའི་སྐུ་གཟུགས་ཀྱི་མཚན་ཉིད་ཀྱི་རྣམ་འགྲེལ་ཞེས་བྱ་བ་རྒྱ་གར་གྱི་མཁན་པོ་དྷརྨ་དྷ་ར་དང་། ལོ་ཙཱ་བ་ཡར་
213-1-462a

ལུངས་པ་གྲགས་པ་རྒྱལ་མཚན་གྱི་མང་ཡུལ་གུང་ཐང་གི་རྒྱལ་སར་བསྒྱུར་བ། དྲང་སྲོང་ཆེན་པོ་ཨཱ་ཏྲེའི་བུས་མཛད་པའི་སྐུ་གཟུགས་ཀྱི་ཚད་ཀྱི་མཚན་ཉིད་ཅེས་བྱ་བ་མཁས་པ་དྷརྨ་དྷ་ར་དང་། སྒྲ་སྒྱུར་གྲགས་པ་རྒྱལ་མཚན་གྱི་འགྱུར། གྲུབ་ཐོབ་བརྒྱད་ཅུ་རྩ་བཞིའི་མངོན་
པར་རྟོགས་པ་བལ་པོའི་དགེ་སློང་དཔལ་གྱི་སྡེས་མཛད་པ། མཆོད་རྟེན་གྱི་མཚན་ཉིད་སྟོན་པ་བུ་སྟོན་ལོ་ཙཱའི་འགྱུར། ཐམས་ཅད་ཀྱི་དབང་ཕྱུག་གི་བཅུད་ལེན་ནད་ཐམས་ཅད་འཇོམས་ཤིང་ལུས་ཀྱི་སྟོབས་རྒྱས་པར་བྱེད་པ་ཞེས་བྱ་བ་ཧ་རི་དྷོ་བར་གྱི་རྣལ་འབྱོར་ཤི་བ་དཱ་ཤ་དང་། ཨོ་རྒྱན་པ་རིན་ཆེན་དཔལ་
གྱིས་སྤུ་ཏྲར་འགྱུར། སྤོས་སྦྱོར་གྱི་བསྟན་བཅོས་དྲི་སྦྱར་བའི་མིག་མངས་ [མ་བྱུང་] རིས་ཀྱི་སྦྱོར་བ་ཚིག་ལེའུར་བྱས་པ་སློབ་དཔོན་ཀླུ་སྒྲུབ་ཀྱིས་མཛད་པ། སྤོས་སྦྱོར་གྱི་རེའུ་ཆར་བྱས་པའི་ཐབས་བཤད་པ་འདི་དག་གི་ཞུས་དག་ལོ་ཙཱ་བ་སྣར་ཐང་པུཎྱེ་རསྨི་ཡིན་ནོ། །དེ་དག་དང་རྗེས་སུ་འབྲེལ་བའི་རྟེན་འབྲེལ་
དང་རྩིས་དང་མོ་ལ་སོགས་པའི་སྐོར་ལ། རྟེན་ཅིང་འབྲེལ་པར་འབྱུང་བའི་གཙུག་ལག་གི་དེ་ཁོ་ན་ཉིད་སློབ་དཔོན་ཀླུ་སྒྲུབ་ཀྱིས་མཛད་པ། པཎྜི་ཏ་བུདྡྷ་ཀ་ར་བྷ་དྲ་དང་། ལོ་ཙཱ་བ་འགོས་ལྷས་བཙས་ཀྱི་འགྱུར། ཤཱ་རིའི་བུའི་མོ་རྩིས་མཚན་མ་བརྒྱད་པ། པཎྜི་ཏ་བུདྡྷ་ཤྲཱི་ཛྙཱ་ན་དང་། ལོ་ཙཱ་བ་ཉི་མ་རྒྱལ་
མཚན་དཔལ་བཟང་པོའི་འགྱུར། དཔལ་ལྡན་ཞི་བ་མ་བྱུང་ལྷས་མཛད་པའི་མོ་རྩིས་ [མ་བྱུང་] པཎྜི་ཏ་གོ་མ་ཤྲཱི་དང་། བུདྡྷ་ཤྲཱི་ཛྙཱ་ན་དང་། ལོ་ཙཱ་བ་ཉི་མ་རྒྱལ་མཚན་གྱི་འགྱུར། ཐུབ་པ་ཆེན་པོ་དྲང་སྲོང་ག་རྒས་ལྟས་ཀྱི་རྣམ་པ་བསྟན་པ་ [མ་བྱུང་] ཞེས་བྱ་བའི་གཙུག་ལག་རྒྱ་ནག་ནས་བསྒྱུར་བ། འཕགས་
པ་སྤྱན་རས་གཟིགས་དབང་ཕྱུག་བཅོམ་ལྡན་འདས་ [མ་བྱུང་] ཐལ་བའི་དབང་པོ་དབང་ཕྱུག་གི་སྐུར་བཞེངས་པས་ཨུ་མ་དང་ཞུ་ལེན་གྱི་ཚུལ་དུ་ཕྱི་རོལ་གྱི་ལུགས་སུ་གསུངས་པའི་དཔལ་གཡུལ་ལས་རྣམ་པར་རྒྱལ་བ་ཞེས་པའི་རྒྱུད་ཀྱི་རྒྱལ་པོ་དབྱངས་འཆར་བ་ཞེས་བྱ་བ་སེང་གེ་གོ་ཆས་མཛད་པའི་སྦས་པ་
གསལ་བྱེད་ [འདི་དཔེ་མ་འབྱོར།] མན་ངག་དོམ་ནག་ལྕེ་མདུད་སོགས་དམར་ནག་གི་འཁོར་ལོ་ཤློ་ཀ་སྟོང་ཕྲག་གཅིག་པ། རྒྱ་གར་གྱི་མཁན་པོ་པཎྜི་ཏ་དཔལ་ཛ་ཡ་ཨ་ནནྡ་ཆེན་པོ་དང་། བོད་ཀྱི་ལོ་ཙཱ་བ་གློ་བོ་ཤེས་རབ་རིན་ཆེན་གྱི་འགྱུར། ཚེའི་གནས་སྐབས་ཀྱི་འབྲས་བུ་གནོད་པ་འབྱུང་བ་ཞེས་བྱ་བའི་ལས་པཎྜི་ཏ་

213-1-462b

ཛ་ཡ་ཨཱ་ནནྡ་དང་། ལོ་ཙཱ་བ་ཤེས་རབ་རིན་ཆེན་གྱི་འགྱུར། གཙུག་གི་ནོར་བུ་ཞེས་བྱ་བ་རྒྱ་གར་ཤར་ཕྱོགས་ཀྱི་པཎྜི་ཏ་དཔལ་ལྷན་ཅིག་སྐྱེས་པ་དང་། ཨོ་རྒྱན་པ་རིན་ཆེན་དཔལ་གྱིས་ལྗོངས་ཏེ་རཱ་ཧུའི་ཏིར་འགྱུར། ཚེ་རྩིས་ཀྱི་འབྲས་བུ་གསལ་བར་བྱེད་པ་ཞེས་བྱ་བ་མ་ན་པུ་རུ་ཥས་མཛད་པ། ཨི་ཐི་
ན་ཀ་ར་ཀ་ཊའི་བྲམ་ཟེ་ལགྨ་ཏི་དང་། མཁའ་འགྲོ་རྡོ་རྗེའི་འགྱུར། དབྱངས་འཆར་བའི་དོན་བསྡུས་པ་པཎྜི་ཏ་ཆེན་པོ་སེང་གེའི་གོ་ཆས་མཛད་པ། རྒྱ་གར་གྱི་མཁན་པོ་པཎྜི་ཏ་ཛ་ཡ་ཨཱ་ནནྡ་དང་། ལོ་ཙཱ་བ་དགེ་སློང་ཤེས་རབ་རིན་ཆེན་ཞེས་བྱ་བ་རྨོངས་པའི་གཉེན་པོ་དགོས་འདོད་ཐམས་ཅད་འབྱུང་བས་
བལ་ཡུལ་རྣལ་འབྱོར་པའི་གཙུག་ལག་ཁང་དུ་ཞུས་ཤིང་གཏན་ལ་ཕབ་པ། དབྱངས་འཆར་བའི་དུས་སྦྱོར་ཀྱི་འབྲས་བུ་ཉེ་བར་མཁོ་བ་ཞེས་བྱ་བ་རྒྱ་གར་གྱི་མཁན་པོ་ཤྲཱི་ཛ་ཡ་ཨཱ་ནནྡ་དང་། ཆག་ལོ་ཙཱ་བ་དགེ་སློང་ཆོས་རྗེ་དཔལ་གྱི་འགྱུར་རྣམས་བཞུགས་སོ།།      །།རྒྱལ་དབང་ལྔ་པའི་དཀར་ཆག་ཏུ་བྲམ་
ཟེ་ཆེན་པོ་དྷ་ར་ཧ་མིས་མཛད་པའི་དུས་བསྟན་པའི་མེ་ལོང་རྒྱ་གར་ཤར་ཕྱོགས་ཀྱི་པཎྜི་ཏ་ཛྙཱ་ན་ཤྲཱི་དང་། ལོ་ཙཱ་བ་ཉི་མ་རྒྱལ་མཚན་གྱི་འགྱུར་ཞེས་བྱ་བ་དང་། དྲང་སྲོང་ཕུར་བུས་མཛད་པའི་ལོ་དྲུག་ཅུའི་འབྲས་རྩིས་ཕུར་བརྟག་བལ་ཡུལ་གྱི་མཁས་པ་བི་ན་སེང་གེའི་འགྱུར། ཞེས་པ་བྱུང་ཡང་དཔེ་མ་
འབྱོར་བས་སླར་བཙལ་དགོས་སོ། །རང་དང་གཞན་གྱི་དབུལ་བ་ཀུན་སེལ་ཞིང་། །འདོད་པ་བསྒྲུབ་པ་མཁས་པ་འཇུག་པའི་ངོགས། །བཟོ་རིག་བསྟན་བཅོས་ཕྱོགས་མཐུན་བཅས་པའི་གཞུང་། །བཅུ་ཕྲགས་གཉིས་ལ་གཉིས་ཀྱིས་བརྒྱན་པ་བཞུགས། །དེ་དག་གིས་ནི་བཟོ་རིག་པའི་ཆོས་སྐོར་
བཞུགས་པའི་རྣམ་གྲངས་རྣམས་བཀོད་ཟིན་ཏོ།།      །།དེ་ལྟར་བཟོ་རིག་པའི་བསྟན་བཅོས་ཀྱི་སྐོར་རྣམས་བཀོད་ནས། ཐུན་མོང་བ་ལུགས་ཀྱི་བསྟན་བཅོས་ལ་སོགས་པའི་སྐོར་ལ། སློབ་དཔོན་ཀླུ་སྒྲུབ་ཀྱིས་མཛད་པའི་ཤེས་རབ་བརྒྱ་པ་ཞེས་བྱ་བའི་རབ་ཏུ་བྱེད་པ་རྒྱ་གར་གྱི་མཁན་པོ་སརྦ་ཛྙ་དེ་ཝ་དང་། ཞུ་ཆེན་གྱི་ལོ་ཙཱ་
དཔལ་བརྩེགས་ཀྱི་འགྱུར། ལུགས་ཀྱི་བསྟན་བཅོས་ཤེས་རབ་སྡོང་བུ་ཞེས་བྱ་བ་སློབ་དཔོན་ཀླུ་སྒྲུབ་ཀྱིས་མཛད་པ་ལས་ལེའུ་གཉིས་པ་ལོགས་ཤིག་ཏུ་བསྒྱུར་བ་ལོ་ཙཱ་བ་ཤཱི་ལེནྡྲ་བོ་དྷི་དང་། ཡེ་ཤེས་སྡེའི་འགྱུར། ལུགས་ཀྱི་བསྟན་བཅོས་སྐྱེ་བོ་གསོ་བའི་ཐིགས་པ་ཞེས་བྱ་བ་སློབ་དཔོན་ཀླུ་སྒྲུབ་ཀྱི་ཞལ་སྔ་ནས་མཛད་པ།

213-1-463a

རྒྱ་གར་གྱི་མཁན་པོ་ཤཱི་ལེནྡྲ་བོ་དྷི་དང་། ཞུ་ཆེན་གྱི་ལོ་ཙཱ་བ་ཡེ་ཤེས་སྡེའི་འགྱུར། ལུགས་ཀྱི་བསྟན་བཅོས་ཚིགས་སུ་བཅད་པའི་མཛོད་ཅེས་བྱ་བ་སློབ་དཔོན་ཉི་མ་སྦས་པས་མཛད་པ། ཟ་ཧོར་གྱི་མཁན་པོ་ཛྙཱ་ན་ཤཱནྟི་དང་། བོད་ཀྱི་ལོ་ཙཱ་བ་དཔལ་གྱི་ལྷུན་པོ་སྡེའི་འགྱུར། ཚིགས་སུ་བཅད་པ་
བརྒྱ་བ་ཞེས་བྱ་བ་སློབ་དཔོན་ཆེན་པོ་མཆོག་སྲེག་ཀྱིས་མཛད་པ། རྒྱ་གར་གྱི་མཁན་པོ་བི་ནཱ་ཡ་ཙནྡྲ་དང་། བོད་ཀྱི་ལོ་ཙཱ་བ་དགེ་སློང་ཆོས་ཀྱི་ཤེས་རབ་ཀྱི་འགྱུར། དྲི་མ་མེད་པའི་དྲིས་ལན་རིན་པོ་ཆེའི་ཕྲེང་བ་ཞེས་བྱ་བ་རྒྱལ་པོ་ཆེན་པོ་སྙན་དངགས་མཁན་གྱི་དམ་པ་སློབ་དཔོན་དོན་ཡོད་འཆར་གྱིས་མཛད་པ། 
རྒྱ་གར་གྱི་མཁན་པོ་ཀ་མ་ལ་གུཔྟ་དང་། ཞུ་ཆེན་གྱི་ལོ་ཙཱ་བ་རིན་ཆེན་བཟང་པོའི་འགྱུར། ཙ་ན་ཀའི་རྒྱལ་པོའི་ལུགས་ཀྱི་བསྟན་བཅོས་རྒྱ་གར་གྱི་མཁན་པོ་པྲ་བྷཱ་ཀ་ར་ཤྲཱི་མི་ཏྲ་དང་། ཞུ་ཆེན་གྱི་ལོ་ཙཱ་བ་དགེ་སློང་རིན་ཆེན་བཟང་པོའི་འགྱུར། མ་སུ་རཀྵས་བྱས་པའི་ལུགས་ཀྱི་བསྟན་བཅོས་རྒྱ་གར་གྱི་མཁན་པོ་
ཨཱ་ཙཱརྱ་དྷརྨ་ཤྲཱི་བྷ་དྲ་དང་། ལོ་ཙཱ་བ་དགེ་སློང་ཤཱཀྱ་བློ་གྲོས་ཀྱི་འགྱུར། མི་དཔྱད་ཀྱི་བསྟན་བཅོས་རྒྱ་མཚོས་བསྟན་པའི་སྐྱེས་པའི་མཚན་བཅོ་ལྔ་པ་དང་བུད་མེད་ཀྱི་མཚན་བཅུ་པ་པཎྜི་ཏ་པྲ་བྷཱ་ཀ་ར་དང་། བོད་ཀྱི་ལོ་ཙཱ་བ་དགེ་སློང་ཨོ་ཌྱཱན་པ་རིན་ཆེན་དཔལ་གྱི་འགྱུར། མི་དཔྱད་ཀྱི་བསྟན་བཅོས་བསྡུས་པ་རྡོ་
རྗེ་གདན་དུ་ཨོ་ཌྱཱན་པས་བསྒྱུར་བ། མིའི་མཚན་ཉིད་བསྟན་པ་རྒྱ་མཚོ་ཞེས་བྱ་བ་སྡེ་སྣོད་འཛིན་པ་ཆེན་པོ་བྷོ་ཊ་པཎྜི་ཏའི་གསུང་ལ་བརྟེན་ནས། པཎྜི་ཏ་དྷརྨ་དྷ་ཏའི་ཞལ་སྔ་ནས། ཡར་ལུངས་པ་གྲགས་པ་རྒྱལ་མཚན་གྱིས་དཔལ་ས་སྐྱའི་གཙུག་ལག་ཁང་དུ་བསྒྱུར་བ། སློབ་དཔོན་པདྨ་དགེ་བསྙེན་གྱིས་
འཇིག་རྟེན་དབང་ཕྱུག་ལས་གྲུབ་པ་ཐོབ་པའི་ལོ་རྒྱུས། པཎྜི་ཏ་བི་ནཱ་ཡ་ཤྲཱི་མི་ཏྲ་དང་། ལོ་ཙཱ་བ་ལྡན་མ་ཚུལ་ཁྲིམས་སེང་གེའི་འགྱུར། ཙནྡྲ་གོ་མིའི་གཏམ་རྒྱུད། པཎྜི་ཏ་བི་ཁྱཱ་ཏ་དེ་ཝས་ཐུགས་རྗེ་ཆེན་པོ་ལས་གྲུབ་པ་ཐོབ་པའི་གཏམ་རྒྱུད། ཤིང་བཟོ་བས་གྲུབ་པ་ཐོབ་པའི་གཏམ་རྒྱུད། བུད་མེད་ཀྱིས་གྲུབ་
པ་ཐོབ་པའི་གཏམ་རྒྱུད། ཚོང་དཔོན་གྱི་བུ་སུ་ཁ་དེ་ཝས་གྲུབ་པ་ཐོབ་པའི་གཏམ་རྒྱུད་རྣམས་པཎྜི་ཏ་བི་ནཱ་ཡ་ཤྲཱིས་བསྒྱུར། གཞོན་ནུ་འབྱུང་ [མ་བྱུང་] བའི་བསྟན་བཅོས་ཇི་ལྟར་བྱུང་བའི་གཏམ་རྒྱུད་པཎྜི་ཏ་སུ་མ་ན་ཤྲཱིའི་ངག་བཞིན་བུ་སྟོན་ལོ་ཙཱ་བས་བསྒྱུར་བ། དྲང་སྲོང་ཆེན་པོ་ཤ་ལེ་ཧོ་ཏྲས་ཡང་དག་པར་བསྡུས་པའི་

213-1-463b

རྟའི་ཚེའི་རིག་བྱེད་མཐའ་དག་རྗེས་སུ་བསྟན་པ་ཞེས་བྱ་བ་རྒྱས་པ་རྒྱ་གར་གྱི་མཁན་པོ་ཨཱ་ཙཱརྱ་དྷརྨ་ཤྲཱི་བྷ་དྲ་དང་། བུདྡྷ་ཤྲཱི་ཤཱནྟི་དང་། ཞུ་ཆེན་གྱི་ལོ་ཙཱ་བ་ཆེན་པོ་དགེ་སློང་རིན་ཆེན་བཟང་པོས་བསྒྱུར་བ་རྣམས་བཞུགས་སོ། །གང་ལ་བརྟེན་ནས་འཇིག་རྟེན་འདིར་བདེ་ཞིང་། མཐོ་རིས་ཐར་པའི་དཔལ་ཡང་འབྱུང་
གྱུར་པའི། །ལུགས་ཀྱི་བསྟན་བཅོས་ཀུན་དང་གཏམ་རྒྱུད་སོགས། །བཅུ་ཕྲག་གཅིག་ལ་དགུ་ཡིས་བརྒྱན་པ་བཞུགས། །དེ་དག་གིས་ནི་ཐུན་མོང་བ་ལུགས་ཀྱི་བསྟན་བཅོས་སྐོར་བཞུགས་པའི་རྣམ་གྲངས་རྣམས་བཀོད་ཟིན་ཏོ།།      །།དེ་ལྟར་མཚན་ཉིད་ཀྱི་ཕྱོགས་ཀུན་དྲིལ་བས་ལྔ་བརྒྱ་དང་སུམ་ཅུ་རྩ་དྲུག་
མཆིས་སོ། །མཚན་ཉིད་ཀྱི་བསྟན་བཅོས་སྐབས་ཏེ་གསུམ་པའོ།།      །།ད་ནི་བོད་ཀྱི་མཁས་པ་ཆེན་པོ་རྣམས་ཀྱིས་མཛད་པའི་དཔེ་དཀོན་པ་ཅི་རིགས་པ་དང་། མཛད་པ་པོའི་མཚན་མ་སྨོས་པའི་མཚན་གྱི་རྣམ་གྲངས་ལ། ཅོ་པ་ལ། ལོ་པཎ་མང་པོས་མཛད་པའི་སྒྲ་བྱེ་བྲག་ཏུ་རྟོགས་བྱེད་ཆེན་མོ། །བྱེ་བྲག་ཏུ་རྟོགས་
བྱེད་འབྲིང་པོ་སྒྲ་སྦྱོར་བམ་པོ་གཉིས་པ་ཕོ་བྲང་འོན་ཅང་རྡོར་བོད་དང་། རྒྱ་གར་གྱི་མཁན་པོ་ཐམས་ཅད་ཀྱིས་ཆོས་སྐད་གཏན་ལ་ཕབ་སྟེ་མཁས་པ་རྣམས་འཚོགས་ཏེ་མིང་དུ་བཏགས། ལྷ་བཙན་པོ་ཁྲི་སྲོང་ལྡེ་བཙན་གྱིས་བསྐུལ་ནས་བཀས་བཅད་དེ་མི་བཅོས་བར་བཞག་པ། འདིར་བྱེ་བྲག་ཏུ་རྟོགས་བྱེད་ཆུང་ངུ་
རྙེད་ན་བྲིའོ། །ཐོན་མི་ཨ་ནུས་བྱས་པའི་སྒྲའི་བསྟན་བཅོས་ལུང་དུ་སྟོན་པའི་རྩ་བ་སུམ་ཅུ་པ་དང་། ལུང་དུ་སྟོན་པ་རྟགས་ཀྱི་འཇུག་པ་ཞེས་བྱ་བ་སློབ་དཔོན་ཨ་ནུས་མཛད་པ། ལྕེ་ཁྱི་འབྲུག་གིས་མཛད་པའི་བྱཱ་ཀ་ར་ཎའི་སྐད་མདོ་ཙམ་ཞིག་བསྒྱུར་བ་གནས་བརྒྱད་ཀྱི་རྩ་བ་དང་། སྒྲའི་བསྟན་བཅོས་གནས་
བརྒྱད་ཀྱི་འགྲེལ་པ་དང་། སྒྲའི་རྣམ་པར་དབྱེ་བ་བསྟན་པ་སུ་བནྟ་དང་། བཀའ་ཡང་དག་པའི་ཚད་མ་ལས་མདོར་བསྡུས་པ་ལེའུ་བཅོ་ལྔ་པ་རྒྱལ་པོ་ཁྲི་སྲོང་ལྡེ་བཙན་གྱིས་མཛད་པ། ཤྲཱི་སིདྷས་མཛད་པའི་ཤེར་སྙིང་གི་འགྲེལ་པ་མདོ་སྡེ་ལས་སྔགས་སུ་བཀྲོལ་བ་ལ་པ་གོར་བེེ་རོ་ཙཱ་ནས་རྒྱལ་པོ་ཁྲི་སྲོང་ལྡེ་བཙན་ལ་
གདམས་པ་དོན་གསལ་བའི་སྒྲོན་མ་དང་། སློབ་ [མ་བྱུང་] དཔོན་བེེ་རོ་ཙཱ་ནས་རྒྱལ་པོ་ཁྲི་སྲོང་ལྡེ་བཙན་ལ་གདམས་པ་རིན་པོ་ཆེ་རྩོད་པའི་འཁོར་ལོ། གཅེས་པ་བསྡུས་པའི་ཕྲིན་ཡིག་བཙུན་པ་ཆེན་པོ་དཔལ་དབྱངས་ཀྱིས་བོད་རྗེ་འབངས་ལ་བརྫངས་པ། ལྟ་བའི་རིམ་པའི་མན་ངག་སྐ་བ་དཔལ་བརྩེགས་ཀྱིས་མཛད་པ། གསུང་

213-1-464a

རབ་རིན་པོ་ཆེའི་གཏམ་རྒྱུད་དང་ཤཱཀྱའི་རབས་རྒྱུད་མཁན་པོ་དཔལ་བརྩེགས་ཀྱིས་མཛད་པ་རྣམས་བཞུགས་སོ།།      །།ཆོ་ཇོ་གཉིས་ལ། འཕགས་པ་དགོངས་པ་ངེས་པར་འགྲེལ་བའི་མདོའི་རྣམ་པར་བཤད་པ་བཞུགས། འདི་འཕགས་པ་ཐོགས་མེད་ཀྱིས་མཛད་ཟེར་བ་མི་
བདེན་ཏེ། འདིའི་འཐད་པ་བསྒྲུབས་པའི་གཏན་ཚིགས་ཀྱི་སྐབས་ནས། ལྷ་བཙན་པོ་བྱང་ཆུབ་རྫུ་འཕྲུལ་གྱིས་མཛད་པའི་བཀའ་ཡང་དག་པའི་ཚད་མ་ལས་བལྟ་བར་བྱའོ་ཞེས་བོད་ཀྱིས་བྱས་པའི་བསྟན་བཅོས་ལ་ཁ་འཕང་ཡོད་པའི་ཕྱིར་རོ། །སྔོན་གྱི་དཀར་ཆག་ལས། ལོ་ཙཱ་བཀླུའི་རྒྱལ་མཚན་
གྱིས་མཛད་པའི་མདོ་སྡེ་དགོངས་འགྲེལ་གྱི་འགྲེལ་པ་བམ་པོ་བཞི་བཅུ་ཞེས་འབྱུང་བ་དེ་ཡིན་པར་སེམས་སོ། །འཕགས་པ་བཟང་པོ་སྤྱོད་པའི་སྨོན་ལམ་ལ་ཕྱོགས་ཀྱི་གླང་པོས་འགྲེལ་པ་མཛད་པ་དང་། ཤཱཀྱ་བཤེས་གཉེན་དང་། སངས་རྒྱས་གྲགས་པ་དང་རྒྱན་བཟང་པོས་ཊཱི་ཀ་མཛད་པ་དང་། རྣམ་
པ་བཞིའི་དོན་དང་འཕྲལ་དུ་མཁན་པོ་དག་ལས་ཐོས་པ་དང་། མདོ་སྡེ་ནས་འབྱུང་བ་དང་ཡང་སྦྱར་ཏེ་བཤད་པ་ལོ་ཙཱ་བ་ཡེ་ཤེས་སྡེས་བརྡ་ཕྲད་སླ་བར་བརྗེད་བྱང་དུ་བྱས་པ། ལྟ་བའི་ཁྱད་པར་མཁན་པོ་ཡེ་ཤེས་སྡེས་མཛད་པ། སངས་རྒྱས་གཙོའི་རྒྱ་ཆེར་འགྲེལ་པ་བོད་ཀྱི་ལོ་ཙཱ་བ་ཞང་ཡེ་ཤེས་སྡེས་མཛད་པ།
ཆོས་ཀྱི་རྣམ་གྲངས་ཀྱི་བརྗེད་བྱང་དང་། ཆོས་ཀྱི་རྣམ་གྲངས་ཀྱི་བརྗེད་བྱང་གི་རྩ་བ་ཨཱ་ཙཱརྱ་དཔལ་བརྩེགས་ཀྱིས་མཛད་པ། འབྲུག་གི་ལོ་ལ་ཕོ་བྲང་སྟོང་ཐང་ལྡན་དཀར་གྱི་བཀའ་དང་བསྟན་བཅོས་འགྱུར་རོ་ཅོག་གི་དཀར་ཆག་ལོ་ཙཱ་བ་དཔལ་བརྩེགས་དང་། ནམ་མཁའི་སྙིང་པོ་ལ་སོགས་པས་མཛད་པ་རྣམས་
བཞུགས་སོ།།      །།ཉོ་པ་ལ། མཛེས་པ་པོའི་མཚན་མ་སྨོས་པ་ལ། དོན་རྣམ་པར་གདོན་མི་ཟ་བའི་འགྲེལ་པ། འདི་འགྲེལ་པ་བཟང་པོ་ཅིག་སྣང་སྟེ་མཛད་བྱང་འགྱུར་བྱང་ལ་སོགས་མི་འདུག་པས་འདིར་བཞུགས་སུ་བཅུག །ལྷག་མཐོང་བསྐྱེད་པའི་ཐབས་ཅུང་ཟད་བྲིས་པ། སེམས་གནས་
པ་སྤྱིའི་ཡི་གེ། མི་སྡུག་པའི་སྒོ་ནས་སེམས་གནས་པའི་ཐབས། བྱམས་པ་བསྒོམ་པའི་སྒོ་ནས་སེམས་གནས་པར་བྱ་བའི་ཐབས། རྟེན་ཅིང་འབྲེལ་པར་འབྱུང་བ་བགྲང་བའི་སྒོ་ནས་སེམས་གནས་པར་བྱ་བའི་ཐབས། ཁམས་རབ་ཏུ་དབྱེ་བའི་སྒོ་ནས་སེམས་གནས་པར་བྱ་བའི་ཐབས། དབུགས་

213-1-464b

བགྲང་བའི་སྒོ་ནས་སེམས་གནས་པར་བྱ་བའི་ཐབས། ཞི་གནས་སྐུ་ལ་བསྒོམ་པའི་ཐབས་ཆུང་ངུ་། ཞི་གནས་ལ་འཇུག་པའི་ཐབས་རྣམས་ཅུང་ཟད་བྲིས་པ། བསམ་གཏན་ལ་འཇུག་པ་བསྡུས་པ། སེམས་ཀྱི་ཉམས་ཅུང་ཟད་ཙམ་ཞིག་མདོར་བསྡུས་ནས་བརྗོད་པ་རྣམས་
སོ། །རྣམ་འཕྲུལ་དཔག་ཡས་རྒྱལ་བའི་མཛད་པ་ཅན། །གངས་རིའི་ཁྲོད་འདིར་བྱོན་པའི་སྐྱེས་བུ་མཆོག །མཁས་པ་མཛད་གཞུང་ཆ་ཙམ་བྲིས་པ་ཡི། །ངོ་མཚར་བསྟན་བཅོས་སུམ་ཅུ་རྩ་གསུམ་བཞུགས། །དེ་དག་གིས་ནི་བོད་ཀྱི་མཁས་པ་རྣམས་ཀྱིས་མཛད་པའི་བསྟན་
བཅོས་ལས་དཔེ་དཀོན་པ་ཕྱོགས་ཙམ་བྲིས་པ་བཞུགས་པའི་རྣམ་གྲངས་རྣམས་བཀོད་ཟིན་ཏོ།།      །།དེ་ལྟར་བོད་ཀྱི་མཁས་པ་རྣམས་ཀྱིས་མཛད་པའི་བསྟན་བཅོས་ཀྱི་སྐོར་རྣམས་བཀོད་ནས། ད་ནི་གསར་བཅུག་མདོ་དང་རིག་གནས་ལ་སོགས་པའི་བསྟན་བཅོས་སྣ་
ཚོགས་ཀྱི་སྐོར་ལ། རྡོ་རྗེ་གཅོད་པའི་བཤད་སྦྱར་ཚིག་ལེའུར་བྱས་པ་འགྱུར་བྱང་མེད་པ། འདུས་བྱས་དང་འདུས་མ་བྱས་རྣམ་པར་ངེས་པའི་བསྟན་བཅོས་སློབ་དཔོན་དགྲ་ལས་རྣམ་པར་རྒྱལ་བས་མཛད་པ། པཎྜི་ཏ་ཀ་ན་ཀ་ཤྲཱི་མི་ཏྲ་དང་། ལོ་ཙཱ་བ་ཤེས་རབ་གྲགས་ཀྱི་འགྱུར།
སྣང་བའི་ཕྲེང་བ་ཞེས་བྱ་བ་བཙུན་པ་ངོ་བོ་ཉིད་མེད་པས་མཛད་པ། པཎྜི་ཏ་གཞོན་ནུ་བུམ་པ་དང་། ལོ་ཙཱ་བ་ཤཱཀྱ་འོད་ཀྱི་འགྱུར། འཕགས་པ་ཤེས་རབ་ཀྱི་ཕ་རོལ་ཏུ་ཕྱིན་པ་བསྡུས་པའི་ཚིག་ལེའུར་བྱས་པ་སློབ་དཔོན་ཕྱོགས་ཀྱི་གླང་པོས་མཛད་པ། འཕགས་པ་ཤེས་རབ་
ཀྱི་ཕ་རོལ་ཏུ་ཕྱིན་པ་ཚིགས་སུ་བཅད་པ་ཆེན་པོ་སློབ་དཔོན་ཨཱརྱ་དེ་ཝས་མཛད་པ། པཎྜི་ཏ་ཆེན་པོ་མི་ཕམ་མགོན་པོའི་རང་འགྱུར། བྱང་ཆུབ་སེམས་དཔའ་སྤྱོད་པ་ལ་འཇུག་པའི་བཤད་པ་ཇོ་བོ་ཆེན་པོ་དཱི་པཾ་ཀ་ར་ཤྲཱི་ཛྙཱ་ནས་མཛད་པ། ཤེར་ཕྱིན་དོན་བསྡུས་སྒྲོན་མེ་དང་།
སྨན་བླའི་སྒྲུབ་ཐབས་པཎྜི་ཏ་དཱི་པཾ་ཀ་ར་ཤྲཱི་ཛྙཱ་ནས་མཛད་པ། པཎྜི་ཏ་དེ་ཉིད་དང་། ནག་ཚོ་ལོ་ཙཱ་བ་ཚུལ་ཁྲིམས་རྒྱལ་བའི་འགྱུར། མངོན་པ་མཛོད་ཀྱི་འགྲེལ་པ་གནམ་ལྕགས་ཐོག་སེར་བློ་གྲོས་བརྟན་པས་མཛད་པ། ཞ་ལུ་ལོ་ཆེན་དྷརྨ་པཱ་ལ་བྷ་དྲས་བསྒྱུར་བ། སྨན་དཔྱད་གཅེས་

213-1-465a

པ་གྲུབ་པ་རྟ་མཁན་བགྲོད་དཀས་བསྲུངས་པའི་བུ་ཉི་མ་བསྲུང་བས་བྱས་པ། མཁན་པོ་ཛི་ན་མི་ཏྲ་དང་། ལོ་ཙཱ་བ་ཙནྡྲས་བསྒྱུར། འཕགས་པ་ཀླུ་སྒྲུབ་ཀྱིས་མཛད་པའི་གསང་སྔགས་ཟབ་མི་རྗེ་ཞ་ལུ་ལོ་ཙཱ་བ་དྷརྨ་པཱ་ལ་བྷ་དྲས་བསྒྱུར་བ། ཚེའི་རིག་བྱེད་
མཐའ་དག་གི་སྙིང་པོ་བསྡུས་པ་འཕགས་ཡུལ་ནུབ་ཕྱོགས་མ་ཧོ་རའི་བྲམ་ཟེ་སཾ་ནྱའི་གོ་ཏ་ར་རཉྩོ་དང་། མ་ཧཱ་ལོ་ཙཱ་བ་སེ་དཀར་རིགས་ཀྱི་ཐིག་ལེ་འདར་བ་ངག་དབང་ཕུན་ཚོགས་ལྷུན་གྲུབ་ཀྱིས་ཕོ་བྲང་ཆེན་པོ་པོ་ཏ་ལར་བསྒྱུར་བ། འཕགས་ཡུལ་བ་ཧའི་སྨན་པ་ད་ན་དཱ་པའི་
སྨན་བཅོས་དང་ཕན་བྱེད་ཀྱི་ཙཀྲ་རིགས་མི་གཅིག་པ་བདུན་ཅུ་དོན་གཉིས་རྣམས་ལོ་པཎ་དེ་གཉིས་ཀྱིས་བསྒྱུར་བ། ཡང་ཚངས་པ་རིག་བྱེད་རྒྱ་མཚོའི་ཡན་ལག་འཛིན་པ་གཡོ་བ་ཅན་ཞེས་པའི་བསྟན་བཅོས་དང་། ཕན་བྱེད་ཀྱི་མན་ངག་ལག་ལེན་ཐོར་བུ་གཉིས་འཕགས་ཡུལ་
མ་དྷུ་རའི་རིག་བྱེད་འཛིན་པ་རཱ་ཀུ་ནཱ་ཐ་དང་། མ་ཧཱ་ལོ་ཙཱ་བ་འདར་པ་ངག་དབང་ཕུན་ཚོགས་ལྷུན་གྲུབ་ཀྱིས་ཕོ་བྲང་ཆེན་པོ་པོ་ཏ་ལར་བསྒྱུར་བ། མིག་འབྱེད་མཐོང་པ་དོན་ལྡན་འཕགས་ཡུལ་ཤཱ་ཛང་གི་སྨན་བ་མ་ཧོ་དང་། མ་ཧཱ་ལོ་ཙཱ་བ་འདར་པ་ངག་དབང་ཕུན་ཚོགས་ལྷུན་གྲུབ་ཀྱིས་ཕོ་བྲང་
ཆེན་པོ་པོ་ཏ་ལར་བསྒྱུར་བ། ཀ་ལཱ་པའི་བྱིངས་མདོ་མཇམ་དབྱངས་རལ་གྲིའི་འགྱུར། ཙནྡྲ་པའི་བྱིངས་མདོ་སློབ་དཔོན་གང་བའི་ཟླ་བས་མཛད་པ། ལོ་ཆེན་བྱང་ཆུབ་རྩེ་མོའི་འགྱུར། ཙནྡྲ་པའི་ཨུ་ཎའི་མདོ་ལོ་ཆེན་ནམ་མཁའ་བཟང་པོའི་འགྱུར། དེའི་རང་འགྲེལ་ལོ་ཆེན་གྱེ་དཔལ་
བཟང་གི་འགྱུར། བྱིངས་ཀྱི་མདོ་བུ་སྟོན་རིན་ཆེན་གྲུབ་ཀྱི་འགྱུར་མི་འདྲ་ཙམ། སུབ་མཐའ་རིན་ཆེན་འབྱུང་གནས་དང་སུ་བནྟའི་བསྒྱུར་འཕྲོ། རྐྱེན་གསུམ་རབ་ཏུ་བཤད་པ་རོང་ཟོམ་ཆོས་བཟང་གི་འགྱུར། ཏི་སོགས་ཀྱི་བྱ་བའི་ཐ་ཚིག་གསལ་བ་མཁན་པོ་དགའ་བའི་གྲགས་པས་མཛད་པ།
མངོན་བརྗོད་ཀྱི་བསྟན་བཅོས་སྣ་ཚོགས་གསལ་བ་པཎྜི་ཏ་དཔལ་འཛིན་སྡེས་མཛད་པ། སྒྲ་གཅིག་དོན་མང་ནོར་བུའི་ཕྲེང་བ་རྣམས་ཞ་ལུ་ལོ་ཆེན་ཆོས་སྐྱོང་བཟང་པོའི་འགྱུར། དུས་ཀྱི་འཁོར་ལོའི་རྩིས་ཀྱི་མན་ངག་དུས་ཞབས་པ་ཆུང་བ་བོ་དྷི་བྷ་དྲས་མཛད་པ། དཔལ་སྟག་ལུང་ཐང་གི་

213-1-465b

གཙུག་ལག་ཁང་དུ་ཞ་ལུ་ལོ་ཆེན་དྷརྨ་པཱ་ལ་བྷ་དྲས་བསྒྱུར་བ། གཏོར་མའི་ཕྲེང་བ་སློབ་དཔོན་བློ་བཟང་སེང་གེས་མཛད་པ། པཎྜི་ཏ་བྷི་ཀྵུ་དྷརྨ་དཱི་ཀ་ར་དང་ཞ་ལུ་ལོ་ཙཱ་བ་ཆོས་སྐྱོང་བཟང་པོས་ཨེ་ཝཾ་ཆོས་འཁོར་དུ་བསྒྱུར་བ། སྡེབ་སྦྱོར་གྱི་བསྟན་བཅོས་རིན་ཆེན་འབྱུང་གནས་ཞི་བས་
མཛད་པ་སྟག་ཚང་ལོ་ཙཱའི་འགྱུར། བརྡ་སྤྲོད་པའི་བསྟན་བཅོས་དབྱངས་ཅན་བྱཱ་ཀ་ར་ཎའི་མཚམས་སྦྱོར་འགྲེལ་པ་པཎྜི་ཏ་ཀྲྀཥྞ་བྷཊྚ་དང་། ལོ་ཙཱ་བ་ཇོ་ནང་ཀུན་དགའ་སྙིང་པོའི་འགྱུར། སྐྱེས་རབས་ཀྱི་དཀའ་འགྲེལ་བཱིརྱ་སིདྷས་མཛད་པ། དབང་ཕྱུག་བྱེད་པ་པོ་དང་ཁྱབ་འཇུག་བྱེད་
པ་པོ་གཅིག་ཉིད་སེལ་བ་ཞ་ལུ་ལོ་ཙཱ་བའི་འགྱུར། ཚིགས་བཅད་དགུ་པ་དང་བདུན་པ་ལ་ཝ་པས་མཛད་པ་བུ་སྟོན་གྱི་འགྱུར། ཤམྦྷ་ལར་འགྲོ་ཚུལ་གྱི་ལམ་ཡིག་འཕགས་པ་དོན་ཡོད་ལྕགས་ཀྱུས་གསུངས་པ། ཇོ་ནང་ཀུན་དགའ་སྙིང་པོས་བལ་དཔེ་ལས་བསྒྱུར་ཞིང་གོ་དཀའ་བ་རྣམས་
བྲམ་ཟེའི་པཎྜི་ཏ་ཀྲྀཥྞ་བྷཊྚ་ལ་དྲིས་ཤིང་གཏན་ལ་ཕབ། ཙནྡྲ་པའི་ཡི་གེའི་འགྲེལ་པ་སྐྱོག་ལོ་ངག་དབང་རིན་ཆེན་བཀྲ་ཤིས་ཀྱིས་གྲ་ཐང་དུ་བསྒྱུར་བ། འཇམ་དཔལ་བྱཱ་ཀ་ར་ཎའི་རྩ་བ་སཱ་དྷུ་ཀཱིརྟིས་མཛད་པ། དཔལ་ལྡན་ཀ་ལིངྐའི་དབང་ཕྱུག་བྱང་ཆུབ་སེམས་དཔའི་ཡུལ་གྱི་སློབ་དཔོན་
རྒྱལ་པོའི་ལྷས་མཛད་པ་རྣམས་སོ། །གཞན་ཡང་སླན་ཆད་དཔེ་འབྱོར་ན་འདིར་འཇུག་ཀྱང་རུང་བ། རྒྱ་འགྱུར་དང་བཀའ་བཙན་ནམ་མི་བཙན་སྙམ་པའི་བོད་ཀྱི་བསྟན་བཅོས་ཀྱི་སྐོར་ལ། རྒྱུད་ཀྱི་སྤྱི་འགྲེལ་སྐོར། རྨ་རིན་ཆེན་མཆོག་གི་བཤད་ཐབས་བཅུ་པ། ལོ་ཆེན་
བེེ་རོས་མཛད་པའི་རྩ་རྒྱུད་ཀྱི་འགྲེལ་པ། བརྒྱད་ཅུ་པ་ལ་གནུབ་སངས་རྒྱས་ཡེ་ཤེས་ཀྱི་མངོན་རྟོགས་འགྲེལ། ཕྲ་མོའི་ནང་ཚན་ལྟ་བ་ལ། བེེ་རོས་བསྟན་པའི་སྙིང་པོ་ཛྙཱ་ནའི་འཕྲུལ་གྱི་མེ་ལོང་དགུ་སྐོར། རྩ་འགྲེལ་འདི་ལྟའི་དཔེ་རྒྱུན་ལ་བི་མ་ལའི་ཡིན་ཟེར་ཀྱང་དཀར་ཆག་
རྙིང་པ་རྣམས་ན་ཛྙཱ་ནའི་ཡིན་པར་བཤད། གཉེན་དཔལ་དབྱངས་ཀྱིས་མཛད་པའི་ཐུགས་ཀྱི་སྒྲོན་མ། ཡང་དག་སྒྲོན་མ། མཐའ་མུན་སེལ་སྒྲོན་མ། ཐབས་ཤེས་སྒྲོན་མ། རྣལ་འབྱོར་སྤྱོད་པའི་ལུགས་ངེས་དོན་ལ་ཇི་བཞིན་བསྒོམ་ཐབས། ལྟ་བ་རིན་ཆེན་སྒྲོན་མ་

213-1-466a

སྟེ་སྒྲོན་མ་དྲུག་གོ། །དབང་ལ། རྨ་རིན་ཆེན་མཆོག་གི་ངེས་འབྱེད་ཆེ་བ། དམ་ཚིག་ལ་དར་རྗེའི་ཁྲུས་ལུང་། ཕྲིན་ལས་ལ་གཉགས་ཛྙཱ་ནའི་ས་ལམ་ལུང་ཕྲན་དང་། བཅོལ་དང་བསྐང་བའི་ལུང་ཕྲན། གནད་ཀྱི་གེགས་སེལ་གཟེར་བཅོ་བརྒྱད་
པ་རྣམས་སོ། །སྒྲུབ་པ་ལ། ནམ་སྙིང་གི་ཞི་ཁྲོ་ལས་ཀྱི་གལ་ཕྲེང་། ཏིང་ངེ་འཛིན་ལ། གནུབས་སངས་རྒྱས་ཡེ་ཤེས་ཀྱི་ཕྱག་རྒྱ་བསམ་གཏན་གྱི་འགྲེལ་པ་རྣམས་ཏེ། གཞན་ཡང་ཟུར་ཆེ་ཆུང་གི་བསྟན་བཅོས་རྣམས་ཀྱང་དེ་དང་འདྲ་ཞེས་རྒྱལ་དབང་ལྔ་པའི་དཀར་ཆག་ཏུ་
འབྱུང་ངོ་། མདོའི་འགྲེལ་པ་མུན་པའི་གོ་ཆ་དང་། དཀའ་གཅོད་སྨྲ་བའི་མཚོན་ཆ། སྐ་བ་དཔལ་བརྩེགས་ཀྱི་མདོའི་དཀའ་འགྲེལ་མི་ཤེས་མདུད་འགྲོལ། ཉེར་བསྒྱུར་གྱི་མཚན་ཉིད་འགྲེལ་བཤད་སློབ་དཔོན་དབང་པོས་བྱིན་གྱིས་མཛད་པ། ལོ་ཙཱ་བ་ནམ་མཁའ་དཔལ་
བཟང་གི་འགྱུར་ཞེས་པ་རྣམས་རྒྱལ་དབང་ལྔ་པའི་དཀར་ཆག་ན་བཞུགས་པ་ལྟར་མ་འོངས་པར་འདི་དག་གི་དཔེ་འབྱོར་བར་གྱུར་པ་འདྲི་བའི་འདུན་པས་བྲིས་པ་ཡིན་གྱི་ད་ལྟའི་དཔེ་དངོས་ལ་ནི་མི་བཞུགས་སོ། །གཤེགས་བཞུགས་རྒྱལ་བས་གསུངས་པའི་སྒྱུ་འཕྲུལ་དོན། །
དགོངས་འགྲེལ་སྔར་བྱུང་དཔེ་བདུན་མ་རྙེད་པ། །བཅུ་དྲུག་ལ་སོགས་བསྣན་ཚེ་སྐྱེ་དགུ་ཡི། །འཆིང་རྒྱ་གཅོད་ལ་རྣོན་པོའི་མཚོན་ཆ་མཆོག །དེ་དག་གིས་ནི་བོད་ཀྱི་མཁས་པ་ཆེན་པོ་རྣམས་ཀྱིས་མཛད་པའི་དཔེ་དཀོན་པ་དང་། མཛད་པ་པོའི་མཚན་མ་སྨོས་པ་དང་།
གསར་བཅུག་སྟེ་བསྟན་བཅོས་སྣ་ཚོགས་པའི་ཆོས་སྐོར་བཞུགས་པའི་རྣམ་གྲངས་རྣམས་བཀོད་ཟིན་ཏོ། །བསྟན་བཅོས་སྣ་ཚོགས་ཀྱི་སྐབས་ཏེ་བཞི་པའོ།།      །།ད་ནི་ལས་བྱས་པ་དོན་ཡོད་པར་བྱ་བའི་ཕྱིར་བསྔོ་བ་དང་། སྨོན་ལམ་དང་། བཀྲ་ཤིས་ཀྱི་
སྐོར་ལ། འཕགས་པ་བཟང་པོར་སྤྱོད་པའི་སྨོན་ལམ་ཀྱི་རྒྱལ་པོ། འཕགས་པ་བྱམས་པའི་སྨོན་ལམ་གྱི་རྒྱལ་པོ། །འཕགས་པ་གསེར་འོད་དམ་པ་ལས་གསུངས་པའི་སྨོན་ལམ། རྒྱལ་པོ་གསེར་གྱི་ལག་པའི་སྨོན་ལམ། ལག་བཟང་གིས་ཞུས་པའི་མདོ་

213-1-466b

ལས་བྱུང་བའི་སྨོན་ལམ། སྦྱིན་པའི་རབས་ཀྱི་སྨོན་ལམ། རིན་ཆེན་ཕྲེང་བ་ནས་བྱུང་བའི་སྨོན་ལམ། བྱང་ཆུབ་སེམས་དཔའི་སྤྱོད་པ་ལ་འཇུག་པ་ལས་བྱུང་བའི་སྨོན་ལམ། འཕགས་པ་ཀླུ་སྒྲུབ་ཞབས་ཀྱིས་མཛད་པའི་རྡོ་རྗེའི་སྨོན་ལམ། རྒྱ་གར་ཤར་ཕྱོགས་ཀྱི་པཎྜི་
ཏ་ཆེན་པོ་དངོས་གྲུབ་བརྙེས་པའི་དབང་ཕྱུག་དཔལ་ནགས་ཀྱི་རིན་ཆེན་དང་། [མ་བྱུང་] དེ་ཉིད་གྱི་བཀའ་དྲིན་ལས་ལེགས་པར་སྦྱར་བའི་ཚུལ་རིག་པ་དགེ་སློང་ཆོས་སྨྲ་བ་བསོད་ནམས་རྒྱ་མཚོའི་སྡེ་ཞེས་བྱ་བས་དཔལ་ཀུན་དུ་བཟང་པོའི་ནགས་ཁྲོད་དུ་བསྒྱུར་བ། བྱང་ཆུབ་འབྱུང་བའི་
སྨོན་ལམ་འཕགས་པ་ཀླུ་སྒྲུབ་ཀྱིས་མཛད་པ། སློབ་དཔོན་ཙནྡྲ་གོ་མིས་མཛད་པའི་བཙུན་པ་ཟླ་བའི་སྨོན་ལམ་རབ་ཏུ་བསྔགས་པའི་གནས་ཆེན་པོ་ཉེ་བའི་འཐུང་གཅོད་བལ་པོ་ཡམ་བུའི་གྲོང་ཁྱེར་དུ་བལ་པོའི་པཎྜི་ཏ་ཛེ་ཏ་ཀརྞའི་ཞལ་སྔ་ནས། བོད་ཀྱི་ལོ་ཙཱ་བ་དགེ་སློང་ཉི་མ་
རྒྱལ་མཚན་དཔལ་བཟང་པོའི་འགྱུར། འཕགས་པ་ཀླུ་སྒྲུབ་ཀྱིས་མཛད་པའི་སྨོན་ལམ། རྒྱལ་པོ་ལ་གཏམ་བྱ་བ་རིན་པོ་ཆེའི་ཕྲེང་བ་ལས་བྱུང་བའི་སྨོན་ལམ་གྱི་ཚིགས་སུ་བཅད་པ་ཉི་ཤུ་པ། རིགས་ཀྱི་སྨོན་ལམ་ཞེས་བྱ་བ་སློབ་དཔོན་མཁས་པ་ཆེན་པོ་དཔལ་མར་
མེ་མཛད་ཡེ་ཤེས་ཀྱི་ཞལ་སྔ་ནས་མཛད་པ། སློབ་དཔོན་བཙུན་པ་རྟ་དབྱངས་ཀྱིས་མཛད་པའི་བསྔོ་བ་ཤིན་ཏུ་བསྡུས་པ། པཎྜི་ཏ་དཱ་ན་ཤཱི་ལའི་རང་འགྱུར། རྒྱལ་བའི་ལམ་ལ་འཇུག་པ་ནས་བྱུང་བའི་སྨོན་ལམ། པཎྡི་ཏ་སངས་རྒྱས་དཔལ་ཡེ་ཤེས་ཀྱིས་མཛད་པ།
སློབ་དཔོན་བཙུན་པ་གཞན་ལ་ཕན་པའི་དབྱངས་དགོན་པ་བ་གསུང་རབ་མཐའ་དག་ཆུབ་པར་བྱས་པ་སྟག་གིས་རོང་ལ་བསྐྱོན་ཏེ་ནགས་ཁུང་དུ་ཕྱིན་པ་ན་སྙིང་རྗེས་གདུངས་པའི་ཡིད་ཀྱིས་འགྲོ་བའི་དོན་སྒྲུབ་པའི་སྨོན་ལམ་བདུན་ཅུ་པ་མཛད་པ། པཎྜི་ཏ་དྷརྨ་ཤྲཱི་པྲ་བྷ་དང་།
ལོ་ཙཱ་བ་དཔལ་གྱི་ལྷུན་པོའི་སྡེའི་འགྱུར། སློབ་དཔོན་ཀ་མ་ལ་ཤཱི་ལའི་སྨོན་ལམ་མུ་གཉིས་མ་ཞེས་བྱ་བ། དཔལ་ལེགས་པར་གྲུབ་པར་བྱེད་པའི་རྒྱུད་ལས་གསུངས་པའི་སྨོན་ལམ། སྨོན་ལམ་རིན་པོ་ཆེའི་རྒྱལ་པོ་ཞེས་བྱ་བ་སློབ་དཔོན་ཀླུ་སྒྲུབ་ཀྱིས་མཛད་པ།

213-1-467a

རྒྱ་གར་ཤར་ཕྱོགས་སཏྣ་ག་རའི་པཎྜི་ཏ་ཆེན་པོ་གནས་བརྟན་ནགས་ཀྱི་རིན་ཆེན་དང་། དགེ་སློང་ཆོས་སྨྲ་བ་བསོད་ནམས་རྒྱ་མཚོའི་སྡེའི་དཔལ་བསམ་ཡས་ལྷུན་གྱིས་གྲུབ་པའི་ཕོ་བྲང་དུ་བསྒྱུར་བ། མཆོག་གི་སྤྱོད་པའི་སྨོན་ལམ།
འཕགས་པ་ཤེས་རབ་ཀྱི་ཕ་རོལ་ཏུ་ཕྱིན་པའི་ཕྱོགས་ཀྱི་སྨོན་ལམ། འཕགས་པ་སྟོང་ཕྲག་བརྒྱ་པ་ལ་སོགས་པ་མདོ་སྡེ་ཆེན་པོ་བཀླག་པའི་ཆོས་ཀྱི་སྦྱིན་པའི་བསྔོ་བ། བླ་ཆེན་དགོངས་པ་རབ་གསལ་གྱིས་མཛད་པའི་ཆོས་ཀྱི་སྦྱིན་པའི་བསྔོ་བ། སྤྱིའི་བསྔོ་བ་དང་གསུམ།
བཀྲ་ཤིས་ཀྱི་ཚིགས་སུ་བཅད་པ། ལྷས་ཞུས་པའི་བདེ་ལེགས་ཀྱི་ཚིགས་སུ་བཅད་པ། ལྷས་ཞུས་པའི་བདེ་ལེགས་སུ་འགྱུར་བའི་ཚིགས་སུ་བཅད་པ། བཅོམ་ལྡན་འདས་ལ་ལྷའི་དབང་པོ་བརྒྱ་བྱིན་གྱི་བཀྲ་ཤིས་ཀྱི་ཚིགས་སུ་བཅད་པ། རབ་འཚེ་མ་དང་། [མ་བྱུང་]
རབ་དགའ་ལྡན་རྣམས་ཀྱིས་བཀྲ་ཤིས་ཀྱི་ཚིགས་སུ་བཅད་པས་བསྟོད་པ་ཕལ་པོ་ཆེ་ལས་འབྱུང་བ་དང་། ཚོང་དཔོན་ག་གོན་དང་བཟང་པོའི་ལེའུར་ལས་འབྱུང་བ་ཤིས་པར་བརྗོད་པའི་ཚིགས་སུ་བཅད་པ། ཡངས་པའི་གྲོང་ཁྱེར་དུ་འཇུག་པའི་བདེ་ལེགས་ཀྱི་ཚིགས་བཅད།
འཕགས་པ་སྟོང་ཆེན་པོ་རབ་ཏུ་འཇོམས་པ་ལས་གསུངས་པའི་བདེ་ལེགས་སུ་འགྱུར་བའི་ཚིགས་སུ་བཅད་པ། སྟོང་ཆེན་པོ་རབ་ཏུ་འཇོམས་པ་ལས་གསུངས་པའི་སྨོན་ལམ། རྨ་བྱ་ཆེན་མོ་ལས་གསུངས་པའི་སྨོན་ལམ་གྱི་བདེན་ཚིག །དཀོན་མཆོག་གསུམ་དང་མཛད་
པ་བཅུ་གཉིས་ཀྱི་བཀྲ་ཤིས་ཀྱི་ཚིགས་སུ་བཅད་པ་འཕགས་པ་ཀླུ་སྒྲུབ་ཀྱིས་མཛད་པ། རྒྱ་གར་གྱི་མཁན་པོ་ཛི་ན་མི་ཏྲ་དང་། ཞུ་ཆེན་གྱི་ལོ་ཙཱ་བ་ཡེ་ཤེས་སྡེའི་འགྱུར། འདི་རྡོ་རྗེ་འབྱུང་བའི་ནང་ན་ཇི་ལྟ་བ་བཞིན་ཡོད་པ་དེ་ཕྱུང་བ་འདྲའོ། །སློབ་དཔོན་འཕགས་པ་
ཀླུ་གྲུབ་ཀྱིས་མཛད་པའི་བཀྲ་ཤིས་མཚན་མངས། རྒྱ་གར་གྱི་མཁན་པོ་ཛི་ན་མི་ཏྲ་དང་། ཞུ་ཆེན་གྱི་ལོ་ཙཱ་བ་ཡེ་ཤེས་སྡེའི་འགྱུར། སངས་རྒྱས་རབས་བདུན་གྱི་བཀྲ་ཤིས་ཀྱི་ཚིགས་བཅད། བཅོམ་ལྡན་འདས་ཀྱིས་ཁྱིམ་བདག་དེས་པ་ལ་གསུངས་པའི་དཀོན་མཆོག་

213-1-467b

གསུམ་གྱི་བཀྲ་ཤིས་ཀྱི་ཚིགས་བཅད། རྒྱ་གར་གྱི་མཁན་པོ་ཛི་ན་མི་ཏྲ་དང་། ཞུ་ཆེན་གྱི་ལོ་ཙཱ་བ་ཡེ་ཤེས་སྡེའི་འགྱུར། དཀོན་མཆོག་གསུམ་གྱི་བཀྲ་ཤིས་ཀྱི་ཚིགས་སུ་བཅད་པ། ཡང་དཀོན་མཆོག་གསུམ་གྱི་བཀྲ་ཤིས་ཀྱི་ཚིགས་སུ་བཅད་པ། དཀོན་མཆོག་
གསུམ་གྱི་བདེ་ལེགས་ཀྱི་ཚིགས་སུ་བཅད་པ། རིགས་གསུམ་གྱི་བཀྲ་ཤིས་ཀྱི་ཚིགས་བཅད། ཡང་རིགས་གསུམ་གྱི་བཀྲ་ཤིས་ཀྱི་ཚིགས་བཅད་གཅིག །བདེན་པ་བརྗོད་པ་རྒྱལ་བའི་བཀྲ་ཤིས་ཀྱི་ཚིགས་སུ་བཅད་པ། རྒྱ་གར་གྱི་དཔེ་ལས་འགོས་ལོ་ཙཱ་བ་དྷརྨ་པཱ་ལ་
བྷ་དྲས་བསྒྱུར་བ་རྣམས་བཞུགས་སོ། །བསྔོ་བ་དང་། སྨོན་ལམ་དང་། བཀྲ་ཤིས་ཀྱི་སྐོར་འདི་རྣམས་ལ་བཀའ་དང་བསྟན་བཅོས་ཅི་རིགས་པར་སྣང་ཡང་། སྔོན་གྱི་རྣམས་ཀྱིས་ཀྱང་བཀྲ་ཤིས་པའི་ཡན་ལག་ཏུ་བསྟན་བཅོས་ཀྱི་མཇུག་ཏུ་བཀོད་འདུག་པས་འདིར་ཡང་དེ་
བཞིན་དུ་བཀོད་པ་ཡིན་ནོ། །གང་ཞིག་བརྗོད་དོན་རྣམས་ཀུན་འགྲུབ་ཅིང་། །གནས་སྐབས་ཀུན་དུ་བདེ་ལེགས་འགྱུར་བ་ཡི། །བསྔོ་བ་སྨོན་ལམ་བཀྲ་ཤིས་ཚིགས་བཅད་སྐོར། །བཅུ་ཕྲག་བཞི་ལ་དྲུག་གིས་བརྒྱན་པ་བཞུགས། །དེ་དག་གིས་ནི་ཐུན་མོང་དུ་བསྔོ་
བ་སྨོན་ལམ་དང་བཀྲ་ཤིས་ཀྱི་ཆོས་སྐོར་བཞུགས་པའི་རྣམ་གྲངས་རྣམས་བཀོད་ཟིན་ཏོ། །བསྔོ་བ་སྨོན་ལམ་དང་བཀྲ་ཤིས་ཀྱི་བསྟན་བཅོས་སྐབས་ཏེ་ལྔ་པའོ།།      །།ཞར་ལས་བྱུང་བ་ཏོ་ང་ལ། བརྡ་སྤྲོད་པ་པཱ་ཎི་ནིའི་མདོ་སྒྲའི་གཙུག་ལག་ཐམས་ཅད་ཀྱི་
ཕྱི་མོ་ལྟ་བུར་གྱུར་པ་མཉམ་མེད་ཤཱཀྱའི་རྒྱལ་པོས་མཇམ་དཔལ་རྩ་བའི་རྒྱུད་སོགས་སུ་ལུང་བསྟན་པའི་བྲམ་ཟེ་པཱ་ཎི་ནི་ལ་འཇིག་རྟེན་དབང་ཕྱུག་གིས་དངོས་སུ་སྩལ་བ་པཱ་ཎི་ནི་བྱཱ་ཀ་ར་ཎ་གཞུང་འགྲེལ་གྱི་གོ་དོན་ཆོ་ག་དཔེར་བརྗོད་སོགས་རེག་ཟིག་ཏུ་བཀོད་པ་ལེགས་བཤད་
ནོར་བུ་འདྲེན་པའི་ཤིང་རྟ་ཞེས་བྱ་བ། སེའི་རིགས་ལ་འཁྲུངས་པ་ངག་དབང་ཕུན་ཚོགས་ལྷུན་གྲུབ་བམ། མིང་གཞན་ཚེ་དབང་རབ་བརྟན་རྡོ་རྗེར་བོད་པས་འཕགས་ཡུལ་ཀུ་རུ་ཀྵེ་ཏྲར་བྲམ་ཟེའི་རིགས་སུ་སྐུ་འཁྲུངས་པ་གནས་ལྔ་རིག་པའི་

213-1-468a

པཎྜི་ཏ་ཆེན་པོ་བ་ལ་བྷ་དྲ་དང་། གོ་ཀུ་ལ་ནཱ་ཐ་མི་ཤྲ་མཆེད་ཀྱི་དྲུང་དུ་ལེགས་པར་གསན་ཏེ་གཞུང་བོད་སྐད་དུ་བསྒྱུར། སློབ་དཔོན་རཱ་མ་ཙནྡྲས་མཛད་པའི་འགྲེལ་པ་པྲ་ཀྲཱྀ་ཡ་གཞིར་བཞག །ཀུན་བཤད་སོགས་ཆོ་ག་རྟོགས་དཀའ་
བ་རྣམས་ལ་མཁས་པའི་གསུང་རྒྱུན་གྱིས་བརྒྱན་པའོ། །པཱ་ཎིའི་གཞུང་འདི་གོང་གི་སྒྲ་རིག་པའི་བསྟན་བཅོས་ཀྱི་སྐབས་དེར་འཇུག་ཏུ་རུང་ནའང་ཕྱིས་སུ་རྙེད་ནས་འདིར་རྩ་འགྲེལ་སྟབས་སུ་བྲིས་པ་ཡིན་ནོ། །འདིར་སྨྲས་པ། ཐུབ་པ་སྐྱེ་དགུ་ཡོངས་ཀྱི་བླ་མའི་དགོངས་
པ་དང་། །གཞན་ཡང་མི་མཐུན་མེད་པར་ཡང་དག་བཀོད་པའི་ཆོས། །ངེས་པར་འབྱུང་བའི་གནས་གསུམ་གང་ལ་མངོན་ཕྱོགས་པར། །བདེ་བར་ཕྱིན་པ་བྱེད་ལ་ཆོས་ཀྱི་ཤིང་རྟ་བརླིང་། །འདི་ཉིད་ལས་བྱུང་ལེགས་ [ཆ་ཤས་ཅན་གྱི་གཟུགས་ཅན།] བཤད་
ཉི་མའི་ཐིགས་པ་རེ། །གང་དག་ཐོས་པ་འཛིན་བྱེད་སྦྲང་རྩིའི་སྣོད་དག་ཏུ། །ལྷུང་བའི་སྐལ་བ་བཟང་པོའི་འདབ་མ་ཡངས་བྱས་པའི། །ཕན་པ་བདེ་ཡི་ཕ་རོལ་བརྗོད་པས་ཕྱིན་པ་མེད། །པདྨའི་ [བསྡུས་ཤིང་མ་བསྡུས་པའི་གཟུགས་ཅན།] གཉེན་གྱི་དཀྱིལ་འཁོར་གྱིས་
བསྐྱེད་མུན་པ་དང་། །ལམ་གསུམ་འབབ་པའི་འཇུག་ངོགས་གསལ་ལ་བརྟེན་སྐོམ་པ་བཞིན། །ཐོས་པའི་བློ་ཡི་ཕུང་པོ་ཁམས་དང་སྐྱེ་མཆེད་སོགས། །ཤེས་བྱའི་མུན་པ་བྱས་པའི་གཏམ་ [སྲིད་མིན་གྱི་དཔེ།] ནི་ཆོས་ལ་མེད། །བླང་དོར་ཡི་གེ་མ་འཁྲུགས་སྟོན་
ཕྱིར་དམིགས་བུ་སྟེ། །ཚུལ་མ་ཡིན་པར་ལྟུང་བ་ལས་འཛིན་དཔུང་པའི་འདབ། །དོན་མེད་མངོན་པར་འདུ་བྱེད་རེག་གཅོད་སྤུ་གྲིའི་རྣོ། །ཐར་པའི་བདེ་བ་དམ་པར་བསུ་ཕྱིར་གྲོགས་ཀྱི་མཆོག །ཐོས་པའི་ཆོས་དོན་ [རྒྱུའི་གཟུགས་ཅན།] བསམ་པ་ལས་
བྱུང་རྣམ་འབྱེད་ཀྱི། །འཁོར་ལོ་གང་གི་སྔ་རོལ་མ་ཤེས་ཤེས་པར་འགྱུར། །ལོག་ཤེས་དེ་བཞིན་འཕྱང་མོ་ཉུག་ལ་བརྟེན་པའི་བློ། །འགྲོལ་བའི་ལས་འདི་བློ་ལྡན་རྣམས་ཀྱི་སྙིང་ལ་ [དངོས་པོའི་རྒྱུའི་སྐྱེད་བྱེད་འགྲུབ་པའི་རྒྱུ།] གནས། །ཚུལ་བཞིན་

213-1-468b

བསྒོམས་པས་བརྡར་བ་བདག་མེད་རིག་པའི་མཚོན། །སྙིང་རྗེ་ཀུན་ནས་རྒྱས་པའི་ལག་པར་ཐོགས་པ་ན། །སྒྲིབ་པ་གསུམ་གྱི་དགྲ་སྡེ་ཡང་འབྱུང་མེད་པར་བཅོམ། །དོན་གཉིས་ལྡན་པའི་རྒྱལ་སྲིད་སྐྱོང་བའི་དབང་ཕྱུག་བྱེད། །དེ་བཞིན་དུ་ནི་ཀློག་
[མ་བསྡུས་པའི་གཟུགས་ཅན།] དང་འཛིན་འཆར་བྱ་བ་རེས། །རྟག་ཏུ་ཐམས་ཅད་མཁྱེན་པའི་ཆོས་ལ་ཆོས་ཀྱི་མིག །དྲི་མ་མེད་འགྱུར་སྨྲ་བའི་རོ་འཛིན་ཡངས་པར་བྱེད། །བསོད་ནམས་ཕུང་པོ་ནམ་མཁའི་མཐའ་ལ་འབྱམས་པར་སྤྱོད། [།ཡོན་ཏན་གྱི་རང་བཞིན་བརྗོད་པ།]
དཀོན་པ་ཨུ་དུམྺཱ་རའི་མེ་ཏོག་མཚུངས་ཀྱང་དེ། །མ་ཡིན་འབྱུང་བར་དཀའ་ལ་ཕན་ཡོན་ཆེ་བའི་ཆོས། །འདོད་པའི་རེ་སྐོང་དབང་གི་རྒྱལ་པོ་འདྲ་ཡང་དེ། །མ་ཡིན་བླ་ན་མེད་པའི་དཔལ་གྱི་འབྱུང་གནས་སོ། །ཨེ་མ་འཁོར་བ་འདི་ནི་བཅུད་ཀྱིས་
དབེན་ [དེ་ཉིད་བརྗོད་པའི་དཔེ།] པ་ཡི། །གྲགས་པ་དེ་ཡང་ད་ནི་སྒྲ་མེད་གཉིད་ལ་ཡུར། །ལེགས་བཤད་སློང་བ་རྣམས་ཀྱི་དཔག་བསམ་ཤིང་ཆེན་ང་། །འདི་མ་མཆིས་ཞེས་སྦྱིན་པའི་རྔ་ཆེན་བརྡུང་བ་སྙམ། [གཅིག་ལ་གཅིག་བརྟེན་གྱི་རབ་སྤེལ།] འཕགས་
ཡུལ་བགྲོད་པའི་གོམ་པ་གཅིག་ཅིག་བཀོད་པ་མེད། །ལང་ཚོའི་མཛེས་པ་ཉི་དང་ལྷགས་པར་མ་བྱིན་ཞིང་། །བརྡ་སྤྲོད་མ་སྦྱངས་རྒྱ་གར་སྨ་ར་ཅན་གྱི་ཆོས། །ཐོས་པའི་འགྲོ་བ་འདི་ནི་སྐལ་པ་ཨེ་མ་སྦོམ། །ཐམས་ཅད་མཁྱེན་པ་ཆེན་པོ་ཉི་མའི་
གཉེན་ [དངོས་མེད་ཀྱི་རྒྱུ་ལས་སྔ་ནས་མེད་པའི་བྱེད་རྒྱུ།] གྱི་བཀའ་ལུང་སྤྱི་དང་བྱེ་བྲག་གི་དགོངས་དོན་མ་ལུས་པ་རྣམ་པར་འགྲེལ་པའི་བསྟན་བཅོས་གངས་ཅན་པའི་སྐད་དུ་འགྱུར་རོ་འཚལ་གྱི་ཆོས་སྦྱིན་རྒྱུན་མི་འཆད་པའི་ངོ་མཚར་འཕྲུལ་གྱི་ཕྱི་མོ་རྫོགས་ལྡན་
བསྐལ་པའི་བསོད་ནམས་ཀྱི་སྤྲིན་ཕུང་རྒྱས་པར་དཀྲིགས་པའི་ཚུལ་ལས་བརྩམས་པའི་གཏམ་ངོ་མཚར་ཆུ་གཏེར་འཕེལ་བའི་ཟླ་བ་གསར་པ་ལས། དགོས་དོན་རྟོགས་པར་སླ་ཕྱིར་ཆོས་ཀྱི་བཞུགས་བྱང་སྨོས་པའི་སརྒ་སྟེ་བདུན་པའོ།།      །།

213-1-469a

༄། །མཉམ་པའི་བྲྀཏྟའི་སྡེབ་སྦྱོར་ལས་བཅུ་གསུམ་པ་ཤིན་ཏུ་སྐྱེ་འགྲོ་ལ་ནང་གསེས་ཀྱི་རྣམ་གྲངས་བརྒྱད་སྟོང་དང་ཆིག་བརྒྱ་གོ་གཉིས་སུ་ངེས་པའི་ཡ་གྱལ་ཉག་མ་གཅིག་གིས་ལྷག་པའི་སྟོང་བཞི་བརྒྱ་པ་རབ་དགའ་ཅན་ཞེས་བྱ་བའི་པྲཱསྟཱ་ར་ཉིད་དོ། །
ནི ཪྤཱ པཾ ཧི མ ར ཛ ས ཉིྩ ཏཱ ཏྶ མུ ཏྠཱཾ སྭཱ ག ཏྱ ཿ ཀུ ཤ ལ ག ཎཱ པྤྲ ཤཱི ཏ དྷཱ རཱ སཾ བོ དྷི རྒུ ཎ ཡ ཏ ཝེ མ ཧཱ ས མུ དྲེ མུ ནེྱ གྲཱ ནྨ ཏི པ རི ཎཱ མ ས མྦྷ ཝཱ ཡཾ།
[ཆ་ཤས་ཀྱི་གཟུགས་ཅན།] སྡིག་བྲལ་ཀུན་ནས་སློང་བ་ཁ་བའི་རྡུལ་བརྩེགས་ལས། །ལེགས་པར་བབས་པའི་དགེ་ཚོགས་རབ་བསིལ་ཆུ་ཡི་རྒྱུན། །བྱང་ཆུབ་ཡོན་ཏན་རྒྱ་མཚོ་ཆེན་པོ་རང་ལ་བསོའི་སླད། །ཡོངས་བསྔོ་འདི་ནི་ཐུབ་མཆོག་ལས་བྱུང་བློ་གྲོས་ཡིན། །

213-1-469b

འཁོར་བའི་གདུང་བ་འཕྲོག་པའི་རྒྱལ་པོ་དགེ་བ་ཉིད། །ཡིན་གྱི་མ་ལ་ཡར་སྐྱེས་དཔལ་གྱི་དུམ་བུ་མིན། །རྣམ་པ་ཐམས་ཅད་བསམས་ཀུན་འཇོ་བ་བསོད་ནམས་སྟོབས། །ཡིན་གྱི་འཇིག་རྟེན་ཕ་རོལ་འབྲས་མེད་དཔག་བསམ་མིན། །བསྐལ་པ་བརྒྱ་ལམ་རྙེད་དཀའ་དེ་བཞིན་གཤེགས་པ་
[དེ་ཉིད་བརྗོད་པའི་དཔེ།] སྟེ། །དེ་དེའི་གསང་བ་རྣམ་གསུམ་མཚོན་པའི་ལེགས་བྱས་ཞིང་། །སྐུ་དང་གསུང་དང་ཐུགས་ཀྱི་རྟེན་རབ་བསྐྲུན་པ་ཡིས། །བསོད་ནམས་ཕུང་པོས་རྟེན་ཀུན་དགའ་ཅི་ཡང་བསྐྱེད། །མཆོག་ཏུ་སྟོན་པ་བླ་ན་ [གཟུགས་བརྙན་གྱི་དགའ་བ།] མེད་པའི་ཞལ་གྱི་ལུང་། །འདྲི་
དང་ཀློག་དང་ཀུན་ཆུབ་པ་དང་གཞན་ལ་སྟོན། །ཐོས་དང་དཔྱད་དང་བསྒོམས་པའི་བསོད་ནམས་ཕྱོགས་རེའི་མཐའ། །གཞན་དུ་བླ་ན་ནམ་མཁའི་འདོམ་གྱིས་མཚོན་དུ་མེད། །དེ་བས་ཀྱང་ནི་བཀའ་ལུང་དགོངས་པ [ཁྱད་འཕགས་ཕུལ་བྱུང་།] ཟབ་ཡངས་མའི། །ངོ་མཚར་ལྟད་མོ་མཐའ་དག་བླ་མེད་
བྱང་ཆུབ་བར། །བལྟ་བར་ནུས་པའི་བསྟན་བཅོས་འཇིག་རྟེན་ཀུན་གྱི་མིག །འགྲོ་ལ་ལེགས་པར་བྱིན་པའི་ཡོན་ཏན་དཔག་ནུས་མིན། བསམ་གྱིས་མི་ཁྱབ་ཡོན་ཏན་སྙིང་པོ་ [ཆ་ཤས་ཅན་གྱི་གཟུགས་ཅན།] དེ་དག་ཀྱང་། །འཐོབ་པ་གླེགས་བམ་ཕྲེང་བ་འདི་དག་མ་བརྟེན་པར། །གཞན་
དུ་འཚོལ་བ་རྣམ་པར་རྨོངས་ཞེས་ཡི་གེ་དང་། །མིང་དང་ཚིག་རྣམས་ཁྲེལ་བའི་གད་མོ་འབྱིན་པ་བཞིན། །མངོན་པར་འདུས་བྱས་དགེ་བ་ [སེམས་མེད་རབ་རྟོག།] མཁའ་ལྟར་རྒྱ་ཆེ་ཡང་། །འབྲས་བུ་ཐམས་ཅད་མཁྱེན་པའི་ཁམས་སུ་བསྔོས་མིན་པ། །དེ་སྲིད་ལྟར་སྣང་བདེ་བས་འཐུང་
དང་སྡིག་པས་ཀྱང་། །བྱང་ཆུབ་ལ་སྡང་དེ་ཡི་ཆོམ་རྐུན་བྱེད་ཀྱིས་དོགས། །དེས་ན་སེམས་ཅན་ཀུན་གྱི་མཉེས་གཤིན་ [རབ་སྤེལ་གྱི་རྒྱན།] བྱང་ཆུབ་སེམས། །གང་དག་ཡང་དག་འགྲོགས་པའི་དམིགས་མེད་ཤེས་རབ་ཀྱི། །སྣང་ཆེན་ཀུན་ཏུ་འགྲོ་བས་དགེ་བའི་རྩ་བ་རྣམས། །བྱང་ཆུབ་མཆོག་ཏུ་ཡོངས་སུ་
བསྔོ་བ་རྣམ་གསལ་བྱེད། །སྤྱོ་དོན་བརྒྱད་པ་བརྩམས་པ་དོན་ཡོད་ཆེད་དུ་དགེ་ [བྱ་བའི་རང་བཞིན་བརྗོད་པ།] བ་བྱང་ཆུབ་ཏུ་བསྔོ་བ་ལ། ཕན་ཡོན་བསྟན་པ་དང་། དེ་བྱང་ཆུབ་ཏུ་སྔོ་བ་དངོས་སོ། །དང་པོ་ཕན་ཡོན་ནི། སྤྱིར་འཇིག་རྟེན་གསུམ་པོ་མ་ལུས་པ་ན་བསླུ་བ་མིན་པའི་སྐྱབས་ཀྱི་གནས་བླ་ན་

213-1-470a

མེད་པ་དང་། ཡོན་གྱི་གནས་བླ་ན་མེད་པར་གྱུར་བ་ནི་དཀོན་མཆོག་གསུམ་དང་མཚུངས་པ་འགའ་ཡང་ཡོད་མ་ཡིན་ཏེ། ཆོས་ཐམས་ཅད་ཀྱི་རྒྱལ་པོའི་མདོ་ལས། ལྷ་དང་བཅས་པའི་འཇིག་རྟེན་ན། །དཀོན་མཆོག་གསུམ་པོ་མ་གཏོགས་པའི། །ཡོན་གྱི་གནས་འགའ་ཡོད་མ་
ཡིན། །ཞེས་སོ། །དེ་ཅིའི་ཕྱིར་ཞེ་ན། དེ་དག་ལ་མཆོད་པ་ཕུལ་བ་དང་གསོལ་བ་བཏབ་པ་ལ་སོགས་པས་བར་ཆད་མེད་པར་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཀྱི་གོ་འཕང་བདེ་བླག་ཉིད་དུ་སྟེར་བའི་མཁྱེན་པ་དང་བརྩེ་བ་དང་ནུས་པའི་ཡོན་ཏན་མ་ལུས་པ་ལྷུན་གྱིས་གྲུབ་པའི་ཚུལ་
དུ་རྫོགས་པའི་ཕྱིར་རོ། །དེ་སྐད་དུ་ཡང་། སངས་རྒྱས་ཕལ་པོ་ཆེ་ལས། རིགས་པར་ལྡན་པ་དཀོན་མཆོག་གསུམ་རྣམས་ལ། །སྦྱོར་བ་སྐྱོ་བ་མེད་པས་མཆོད་བྱས་ན། །དེ་དག་བདུད་བཞིའི་ལམ་ལས་རབ་འདས་ཏེ། །བྱང་ཆུབ་བླ་མེད་མྱུར་དུ་རེག་པར་འགྱུར། །ཞེས་གསུངས་སོ། །དེ་ལྟ་
བུའི་སྐྱབས་གནས་རྣམ་པ་གསུམ་གྱི་ནང་ནས་ཀྱང་སངས་རྒྱས་དཀོན་མཆོག་ནི་སྐྱབས་གཞན་དང་དབྱེར་མེད་ཀྱང་ཡིན་ཞིང་། གཞན་གཉིས་གྱི་འབྱུང་གནས་ཀྱང་ཡིན་པའི་ཕྱིར་དང་། ཐེག་པ་ཆེན་པོར་ཞུགས་པའི་གང་ཟག་གིས་གཏན་གྱི་སྐྱབས་གནས་ཉག་གཅིག་ཡིན་པའི་ཕྱིར་ཆེས་མཆོག་
ཏུ་གྱུར་བ་སྟེ། སོར་མོའི་ཕྲེང་བ་ལ་ཕན་པའི་མདོ་ལས། ཆོས་དང་དཀོན་མཆོག་དོན་གཅིག་སྟེ། །དེ་བཞིན་གཤེགས་པ་ཆོས་ཀྱི་སྐུ། །དགེ་འདུན་དེ་བཞིན་གཤེགས་ཀྱི་མིང་། །དགེ་འདུན་གཉིས་ནི་དེ་བཞིན་གཤེགས། །ཆོས་དང་དགེ་འདུན་གཉིས་ནི་ཐབས་ཀྱི་སྐྱབས་ལེགས་ཏེ། །
དེ་བཞིན་གཤེགས་ནི་ཐབས་མེད་སྐྱབས་དང་དོན་དམ་སྐྱབས། །དེ་བཞིན་གཤེགས་པ་སྐྱབས་མེད་རྣམས་ནི་སྐྱབས་ལགས་ཏེ། །དེ་ཡི་སླད་དུ་དེ་བཞིན་གཤེགས་ལ་སྐྱབས་སུ་མཆི། །ཞེས་དང་། རྒྱུད་བླ་མ་ལས། སྤང་ཕྱིར་བསླུ་བའི་ཆོས་ཅན་ཕྱིར། །མེད་ཕྱིར་འཇིགས་དང་བཅས་
པའི་ཕྱིར། །ཆོས་རྣམ་གཉིས་དང་འཕགས་པའི་ཚོགས། །གཏམ་གྱི་སྐྱབས་མཆོག་མ་ཡིན་ནོ། །དམ་པའི་དོན་དུ་འགྲོ་བ་ཡི། །སྐྱབས་ནི་སངས་རྒྱས་ཉག་གཅིག་ཡིན། །ཐུབ་པ་ཆོས་ཀྱི་སྐུ་ཅན་ཕྱིར། །ཚོགས་ཀྱང་དེ་ཡི་མཐར་ཐུག་ཕྱིར། །འབྱུང་བ་དཀོན་མཆོག་དྲི་མེད་ཕྱིར། །

213-1-470b

མཐུ་ལྡན་ཕྱིར་དང་འཇིག་རྟེན་གྱི། །རྒྱན་གྱུར་ཕྱིར་དང་མཆོག་ཉིད་ཕྱིར། །འགྱུར་བ་མེད་ཕྱིར་དཀོན་མཆོག་ཉིད། །ཅེས་སོ། །དེ་ལྟ་བུའི་ཡོན་ཏན་དཔག་ཏུ་མེད་པ་དང་ལྡན་ཡང་གདུལ་བར་བྱ་བ་སེམས་ཅན་དངོས་དང་བརྒྱུད་པས་དེ་བཞིན་གཤེགས་པ་ལ་མཆོད་པས་མཉེས་པར་
བྱས་པ་ལ་སོགས་པ་བསོད་ནམས་ཀྱི་སྐལ་བ་དང་ལྡན་པ་རྣམས་ཡོངས་སུ་སྨིན་པར་འགྱུར་གྱི། སྐལ་བ་དང་མི་ལྡན་པ་རྣམས་ནི་དེ་ལྟ་མ་ཡིན་ཏེ། དཔེར་ན་ཉི་མའི་དཀྱིལ་འཁོར་ལེགས་པར་ཤར་བ་ནའང་པདྨ་ཁ་འབྱེད་པའི་དུས་སུ་བབ་པ་རྣམས་ཡོངས་སུ་ཁ་འབྱེད་ཀྱི། དུས་སུ་མ་
བབ་པ་རྣམས་ལ་ནི་མ་ཡིན་པ་ལྟར་རོ། །དེ་ལྟར་ཡང་མདོ་ལས། ཇི་ལྟར་ཉི་མ་ཤར་བ་ན། །ཡོངས་སྨིན་པདྨ་ཁ་འབྱེད་ལྟར། །དེ་བཞིན་དེ་བཞིན་བཤེགས་བྱུང་ཡང་། །བསམ་པ་ཡོངས་དག་ཁོ་ན་སྦྱོང་། །ཞེས་སོ། །དེས་ན་དེ་བཞིན་གཤེགས་པ་དོན་གཉིས་མཐར་ཕྱིན་པའི་
བདག་ཉིད་ཅན་གྱི་བསོད་ནམས་བརྒྱ་པའི་མཚན་གྱིས་བརྒྱན་པའི་སྐུ་དང་གསུང་དང་ཐུགས་ཀྱི་རྟེན་དུ་གཏོགས་པ་གང་དག་བཞེངས་པ་དང་དེ་དག་ལ་བརྟེན་ནས་ཚོགས་བསགས་པ་ལ་སོགས་པ་དགེ་བའི་རྩ་བ་བསྐྲུན་པའི་ཕན་ཡོན་བརྗོད་ཀྱིས་མི་ལྡང་བ་བཀའ་དང་བསྟན་བཅོས་རྣམས་
སུ་རྒྱ་ཆེར་འབྱུང་བ་ལས། འདིར་མདོ་ཙམ་ཞིག་བསྙད་ན། དང་པོ་སྐུའི་རྟེན་ནི་དེ་བཞིན་གཤེགས་པའི་སྐུ་གཟུགས་ཚད་དང་མཚན་ཉིད་ཐམས་ཅད་ཡོངས་སུ་རྫོགས་པ། རྒྱུ་རིན་པོ་ཆེ་ལ་སོགས་པ་གང་ཡང་རུང་བ་ལས་བྱས་པའམ་རི་མོར་བྲིས་པའི་བསོད་ནམས་ཀྱིས་དགེ་བའི་རྩ་བ་
ཤིན་ཏུ་སྟོབས་ཆེ་བ་མང་པོ་བསྒྲུབ་པར་དཀའ་བའི་ཏིང་ངེ་འཛིན་གྱི་མཆོག་ཀྱང་རིང་པོར་མི་ཐོགས་པར་འགྲུབ་པར་འགྱུར་ཏེ། ཏིང་ངེ་འཛིན་རྒྱལ་པོའི་མདོ་ལས། སངས་རྒྱས་སྐུ་གཟུགས་ཤིན་ཏུ་མཛེས་པ་དག །རིན་ཆེན་བྱི་དོར་ལེགས་པར་བྱས་པ་ཡང་། །ལྟ་ན་སྡུག་ཅིང་ཤིན་
ཏུ་མཛེས་པར་གྱིས། །རིང་པར་མི་ཐོགས་ཏིང་འཛིན་མཆོག་འདི་ཐོབ། །དེ་བཞིན་གསེར་དག་དང་ནི་དངུལ་དག་དང་། །ཙནྡན་གྱི་ནི་སྐུ་གཟུགས་བཟང་པོ་དག །མཛེས་ཤིང་ཤིན་ཏུ་ལྟ་ན་སྡུག་པ་གྱིས། །རིང་པོར་མི་ཐོགས་ཏིང་འཛིན་མཆོག་འདི་ཐོབ། །འཇིམ་པ་དང་ནི་དེ་

213-1-471a

བཞིན་རྡོ་བ་དང་། །ཤིང་ལ་རི་མོར་བྲིས་པའི་སྐུ་གཟུགས་ཀྱང་། །མཛེས་ཤིང་ཤིན་ཏུ་ལྟ་ན་སྡུག་པ་གྱིས། །རིང་པོར་མི་ཐོགས་ཏིང་འཛིན་མཆོག་འདི་ཐོབ། །ཅེས་དང་། དམ་པའི་ཆོས་པདྨ་དཀར་པོ་ལས། ལ་ལས་དེ་བཞིན་རིན་ཆེན་གཟུགས་བྱས་པ། །
སུམ་ཅུ་རྩ་གཉིས་མཚན་དང་ལྡན་པའི་གཟུགས། །གང་གིས་དེ་ཕྱིར་བྱས་པ་དེ་དག་ཀྱང་། །དེ་དག་ཐམས་ཅད་བྱང་ཆུབ་ཐོབ་པར་གྱུར། །ལ་ལས་དེར་ནི་རིན་ཆེན་སྣ་བདུན་དང་། །ལ་ལས་དེ་བཞིན་ཟངས་དང་ཁར་བ་ལས། །བདེ་བར་གཤེགས་པ་རྣམས་ཀྱི་གཟུགས་བྱས་པ། །
དེ་དག་ཐམས་ཅད་བྱང་ཆུབ་ཐོབ་པར་གྱུར། །རོ་ཉེ་དང་ནི་ལྕགས་སམ་ས་ཡང་རུང་། །བདེ་བར་གཤེགས་པ་རྣམས་ཀྱི་གཟུགས་བྱས་ཏེ། །ལྟ་ན་སྡུག་པ་འཇིམ་པའི་ལས་བྱེད་བཅུག །དེ་དག་ཐམས་ཅད་བྱང་ཆུབ་ཐོབ་པར་གྱུར། །གང་གིས་རྩིག་ངོས་གཟུགས་ཀྱི་རི་མོ་
དག །བསོད་ནམས་བརྒྱ་མཚན་ཡོངས་སུ་རྫོགས་པའི་སྐུ། །བདག་གིས་བྲིས་སམ་འདྲི་རུ་བཅུག་ཀྱང་རུང་། །དེ་དག་ཐམས་ཅད་བྱང་ཆུབ་ཐོབ་པར་གྱུར། །ཞེས་དང་། གཞན་ཡང་དེ་བཞིན་གཤེགས་པ་ལས་གཞན་པའི་མཆོད་པའི་འོས་སུ་གྱུར་པ་མཐའ་དག་ལ་བསྐལ་པ་བགྲང་
པ་ལས་འདས་པ་མང་པོར་བསོད་སྙོམས་ཕུལ་བ་བས་ཀྱང་བསོད་ནམས་ཆེས་མང་དུ་འཐོབ་པར་འགྱུར་ཏེ། དད་པའི་སྟོབས་བསྐྱེད་པ་ལ་འཇུག་པའི་ཕྱག་རྒྱའི་མདོ་ལས། འཇམ་དཔལ་རིགས་ཀྱི་བུའམ་རིགས་ཀྱི་བུ་མོ་གང་ལ་ལ་ཞིག་བསྐལ་པ་གངྒཱའི་ཀླུང་གི་བྱེ་མ་སྙེད་དུ་འཇིག་རྟེན་གྱི་ཁམས་
ཐམས་ཅད་ཀྱི་རྡུལ་སྙེད་ཀྱི་རང་སངས་རྒྱས་དག་ལ་ཉིན་གཅིག་བཞིན་དུ་ལྷའི་ཞལ་ཟས་རོ་བརྒྱ་དང་ལྡན་པ་བྱིན་པ་དང་། དེ་བཞིན་དུ་ལྷའི་གོས་རྣམས་སྦྱིན་པར་བྱིན་པ་བས། འཇམ་དཔལ་རིགས་ཀྱི་བུའམ་རིགས་ཀྱི་བུ་མོ་གཞན་གང་ལ་ལ་ཞིག་སངས་རྒྱས་ཀྱི་སྐུ་གཟུགས་གཅིག་རི་མོར་
བྲིས་པ་འདི་ནི་དེ་བས་བསོད་ནམས་གྲངས་མེད་པར་བསྐྱེད་དོ་ཞེས་དང་། སངས་རྒྱས་ཀྱི་སྐུ་གཟུགས་བྱས་པས་ཚེ་རབས་རྟག་ཏུ་སངས་རྒྱས་དང་ཕྲད་པར་འགྱུར་བའམ་ཀླུའི་རྒྱལ་པོ་རྒྱ་མཚོས་ཞུས་པ་ལས། ཀླུའི་བདག་པོ་བྱང་ཆུབ་སེམས་དཔའ་ཆོས་བརྒྱད་དང་ལྡན་ན་རྟག་ཏུ་རྒྱུན་མི་འཆད་པར་སངས་

213-1-471b

རྒྱས་དང་ཕྲད་པ་འཐོབ་བོ། །བརྒྱད་གང་ཞེ་ན། སེམས་ཅན་སངས་རྒྱས་ཀྱི་གཟུགས་ལ་ལྟ་བ་ཡང་དག་པར་འཛིན་དུ་འཇུག་པ་དང་། དེ་བཞིན་བཤེགས་པ་ལ་རིམ་གྲོ་བྱེད་པ་དང་། རྒྱུན་མི་འཆད་པར་དེ་བཞིན་གཤེགས་པའི་བསྔགས་པ་བརྗོད་པ་དང་། དེ་བཞིན་གཤེགས་
པའི་སྐུ་གཟུགས་བྱེད་པ་དང་། སེམས་ཅན་ཐམས་ཅད་དེ་བཞིན་གཤེགས་པ་ལ་ལྟ་བ་ཡང་དག་པར་འཛིན་དུ་འཇུག་པ་དང་། སངས་རྒྱས་ཀྱི་ཞིང་གང་ན་དེ་བཞིན་གཤེགས་པའི་སྒྲ་གྲག་པའི་སངས་རྒྱས་ཀྱི་ཞིང་དེར་སྨོན་ལམ་འདེབས་པ་དང་། རྒྱུན་ཞུམ་པ་མེད་པ་དང་། རྒྱུན་
རྒྱ་ཆེན་པོར་གྱུར་ནས་སངས་རྒྱས་ཀྱི་ཡེ་ཤེས་འཚོལ་བའོ་ཞེས་དང་། འཕགས་པ་སངས་རྒྱས་ཀྱི་སྟོབས་བསྐྱེད་པ་ཆོ་འཕྲུལ་རྣམ་པར་འཕྲུལ་པ་ལས། མཆོད་རྟེན་དང་ནི་རི་མོ་དང་། །སྐུ་གཟུགས་བྱེད་དུ་གཞུག་པ་དང་། །མཆོད་དང་བཀུར་སྟི་བྱ་བའི་ཕྱིར། །གང་དག་མཚན་ནི་
དྲན་བྱེད་པ། །བྱང་ཆུབ་ཕྱིར་ནི་གནས་པ་རྣམས། །ཐམས་ཅད་ཐར་པ་ཐོབ་པར་འགྱུར། །ཞེས་སོ། །དེ་ནི་མངལ་གྱི་དྲི་མས་མི་གོས་པར་སྐྱེ་བར་ཡང་འགྱུར་ཏེ། དཀོན་མཆོག་སྤྲིན་གྱི་མདོ་ལས། རིགས་ཀྱི་བུ་ཆོས་བཅུ་དང་ལྡན་ན་མངལ་གྱི་དྲི་མས་མི་གོས་པར་སྐྱེའོ། །བཅུ་
གང་ཞེ་ན། འདི་ལྟ་སྟེ། དེ་བཞིན་གཤེགས་པའི་སྐུ་གཟུགས་བྱེད་པ་དང་། མཆོད་རྟེན་ཞིག་པ་འཆོས་པ་དང་། དེ་བཞིན་གཤེགས་པའི་མཆོད་རྟེན་དག་ལ་སྤོས་ཀྱི་བྱུག་པ་འབུལ་བ་དང་། དེ་བཞིན་གཤེགས་པའི་སྐུ་གཟུགས་དག་ལ་ཁྲུས་ཀྱི་སྤོས་ཆུ་འབུལ་བ་དང་། དེ་བཞིན་
གཤེགས་པའི་མཆོད་རྟེན་དག་ལ་ཕྱག་དར་རྐྱང་ནུལ་གྱི་བྱ་བ་འབུལ་བ་དང་། ཕ་མ་ལ་ལུས་ཀྱི་རིམ་གྲོ་བྱེད་པ་དང་། མཁན་པོ་དང་སློབ་དཔོན་དག་ལ་ལུས་ཀྱི་རིམ་གྲོ་བྱེད་པ་དང་། ཚངས་པ་མཚུངས་པར་སྤྱོད་པ་རྣམས་ལ་ལུས་ཀྱི་རིམ་གྲོ་བྱེད་པ་དང་། དེ་ཡང་ཟང་ཟིང་མེད་པའི་སེམས་
ཀྱིས་ཏེ་ཟང་ཟིང་དང་བཅས་པས་མ་ཡིན་པ་དང་། དགེ་བའི་རྩ་བ་དེ་ཡང་དེ་ལྟར་བྱས་པའི་དགེ་བའི་རྩ་བ་འདིས་སེམས་ཅན་ཐམས་ཅད་མངལ་གྱི་དྲི་མས་མི་གོས་པར་སྐྱེས་བར་གྱུར་ཅིག་ཅེས་བསྔོ་བའོ་ཞེས་སོ། །སྐྱེ་བོ་གང་ལ་ལས་ཆོས་སྤོང་བའི་ལས་ཐམས་ཅད་དང་། མཚམས་མེད་པ་

213-1-472a

ལྔ་ལ་སོགས་པའི་ལས་ཀྱི་སྒྲིབ་པ་ཇི་སྙེད་བསགས་པ་དང་། ངན་སོང་དུ་འགྲོ་བ་དང་སྐྱེས་པ་རྣམས་ཀྱི་ཕྱིར་དུ་ཡང་དེ་བཞིན་གཤེགས་པའི་སྐུ་གཟུགས་བྱས་པས་ཡོངས་སུ་བྱང་ཞིང་བསྐལ་པར་གནས་པའི་ལས་ཀྱི་སྒྲིབ་པ་ཐམས་ཅད་དག་པར་ཡང་འགྱུར་ཏེ། སངས་
རྒྱས་ཀྱི་སྟོབས་བསྐྱེད་པ་ཆོ་འཕྲུལ་རྣམ་པར་འཕྲུལ་པའི་མདོ་ལས། རྒྱལ་པོ་ཆེན་པོ་དེ་བཞིན་གཤེགས་པ་དེ་དག་མྱ་ངན་ལས་འདས་ནས་ལོ་བྱེ་བ་ཁྲག་ཁྲིག་བརྒྱ་སྟོང་ལོན་པའམ། མུ་ངན་ལས་འདས་ནས་བསྐལ་པ་བརྒྱ་ལོན་པའི་སངས་རྒྱས་བཅོམ་ལྡན་འདས་རྣམས་ཀྱི་མཚན་བཟུང་
བ་དང་། རིང་བསྲེལ་གྱི་མཆོད་རྟེན་བྱེད་དུ་འཇུག་པ་དང་། རི་མོ་དང་སྐུ་གཟུགས་བྱེད་དུ་འཇུག་པ་དང་། མར་མེ་དང་། སྤོས་དང་། མེ་ཏོག་དང་། དྲི་དང་། བྱུག་པ་རྣམས་ཀྱིས་མཆོད་ཅིང་བཀུར་སྟི་བྱས་པ་དང་། བསླབ་པ་འཛིན་པ་དང་། བརྟུལ་ཞུགས་དང་། དཀའ་ཐུབ་དང་།
སྡོམ་པ་དང་། ཉེ་བར་གནས་པ་རྣམས་ཀྱིས་སེམས་ཅན་ཐམས་ཅད་ངན་སོང་དང་། ངན་འགྲོ་ཐམས་ཅད་ལས་ཡོངས་སུ་གྲོལ་བར་འགྱུར་རོ། །བསྐལ་པར་གནས་པའི་ལས་ཀྱི་སྒྲིབ་པ་མཚམས་མེད་པ་ལྔ་ལ་སོགས་པར་ཡོངས་སུ་དག་པར་འགྱུར་ཏེ། བདེ་འགྲོར་འགྲོ་བར་འགྱུར་
ཞིང་ངན་འགྲོར་འགྲོ་བར་མི་འགྱུར་བ་ནས་རིམ་གྱིས་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཀྱི་བར་དུ་མངོན་པར་རྫོགས་པར་འཚང་རྒྱའོ། །གཞན་ཡང་སངས་རྒྱས་ཀྱི་སྐུ་གཟུགས་བྱས་པས་ཆེད་དུ་སྦྱིན་པ་པོ་ལ་ཕན་ཡོན་གྱི་ཚོགས་ཆེན་པོ་ལྔ་ཡང་ཐོབ་པར་འགྱུར་ཏེ། དེ་བཞིན་གཤེགས་
པའི་སྐུ་བརྙན་བཞག་པའི་ཕན་ཡོན་ཡང་དག་པར་བརྗོད་པ་ཞེས་བྱ་བའི་ཆོས་ཀྱི་རྣམ་གྲངས་ལས། དགེ་སློང་དག་དེ་བཞིན་གཤེགས་པའི་གཟུགས་བརྙན་བྱེད་པའི་གང་ཟག་སྦྱིན་པ་པོ་ལ་ཕན་ཡོན་འདི་ལྔ་ཡོད་དེ། ལྔ་གང་ཞེ་ན། གཞལ་མེད་ཁང་ཆེན་པོར་གནས་པ་དང་། བོང་སྟེད་བཟང་
པོར་གྲགས་པ་དང་། སྤྲོ་བ་མང་བ་དང་། ཚེ་རིང་བ་དང་། གྲགས་པ་དང་ལྡན་པ་དང་། བདེ་བ་མང་བ་སྟེ། དགེ་སློང་དག་འདི་ནི་དེ་བཞིན་གཤེགས་པའི་གཟུགས་བརྙན་བྱེད་པའི་གང་ཟག་སྦྱིན་པ་པོའི་ཕན་ཡོན་དང་པོ་ཡིན་ནོ། །གཞན་ཡང་ཕྱུག་པོ་དང་། ནོར་མང་བ་དང་། ལོངས་

213-1-472b

སྤྱོད་ཆེ་བ་དང་། ནོར་རྫས་དང་། ཡོ་བྱད་མང་བ་དང་། བདག་དབང་བ་བདག་གིར་བྱ་བ་མང་བ་དང་། ནོར་དང་། འབྲུ་དང་། དབྱིག་དང་། གསེར་དང་། མཛོད་དང་། བང་བའི་ཚོགས་མང་བ་དང་། རྟ་དང་། གླང་པོ་ཆེ་དང་། བ་ལང་དང་། ལུག་དང་། བྲན་དང་། བྲན་
མོ་དང་། ལས་བྱེད་པ་དང་། ཞོ་ཤས་འཚོ་བ་མང་བ་དང་། བློན་པོ་དང་། མཛའ་བཤེས་དང་། གཉེན་དང་། སྣག་གི་གཉེན་མཚམས་མང་པོར་འགྱུར་ཏེ། དགེ་སློང་དག་འདི་ནི་དེ་བཞིན་གཤེགས་པའི་གཟུགས་བརྙན་བྱེད་པའི་གང་ཟག་སྦྱིན་པ་པོའི་ཕན་ཡོན་གཉིས་པ་ཡིན་
ནོ། །དགེ་སློང་དག་གཞན་ཡང་གཟུགས་བཟང་པོ་དང་། བལྟ་ན་སྡུག་པ་དང་། མཛེས་པ་དང་། མདོག་གསེར་ལྟར་བཟང་བ་དང་། མགོ་གདུགས་ལྟར་ཟླུམ་པ་དང་། ལག་པ་རིང་བ་དང་། དཔྲལ་བ་དབྱེས་ཆེ་བ་དང་། སྨིན་མཚམས་བར་མ་ཆད་པ་དང་། ཡན་ལག་ཉིང་
ལག་ཐམས་ཅད་དང་ལྡན་པ་དང་། རྒྱུན་ཐམས་ཅད་ཀྱིས་བརྒྱན་པར་འགྱུར་ཏེ། དགེ་སློང་དག་འདི་དག་ནི་དེ་བཞིན་གཤེགས་པའི་གཟུགས་བརྙན་བྱེད་པའི་གང་ཟག་སྦྱིན་པ་པོའི་ཕན་ཡོན་གསུམ་པ་ཡིན་ནོ། །དགེ་སློང་དག་གཞན་ཡང་འཁོར་ལོས་སྒྱུར་བའི་རྒྱལ་པོ་འཁོར་བཟང་པོ་རིན་
པོ་ཆེ་སྣ་བདུན་དང་ལྡན་པ་དང་། བུ་སྟོང་གིས་བསྐོར་བར་འགྱུར་ཏེ། དེའི་བུའམ། ཆུང་མའམ། བྲན་ནམ། ཉེ་བར་འཚོ་བ་གང་ཡིན་པ་དེ་དག་ཐམས་ཅད་དེ་ལ་གུས་པར་ཉན་པ་དང་། བཀའ་ཉན་པར་བྱེད་དེ། དགེ་སློང་དག་འདི་ནི་དེ་བཞིན་གཤེགས་པའི་གཟུགས་བརྙན་བྱེད་པའི་གང་
ཟག་སྦྱིན་པ་པོའི་ཕན་ཡོན་བཞི་པ་ཡིན་ནོ། །དགེ་སློང་དག་གཞན་ཡང་དེ་ལུས་དང་བྲལ་ནས་བདེ་འགྲོ་མཐོ་རིས་ཀྱི་འཇིག་རྟེན་གྱི་ལྷ་རྣམས་ཀྱི་ནང་དུ་སྐྱེ་བར་འགྱུར་ཏེ། དེར་སྐྱེས་ནས་ལྷའི་རྒྱལ་པོ་ཁྱད་པར་ཅན་ལྷ་དང་། ལྷའི་བུ་དང་ལྷའི་བུ་མོ་རྣམས་ཀྱི་རྟེན་དུ་འགྱུར་ལ། གནས་བཅུ་བོ་
ལྷའི་ཚེ་དང་། ལྷའི་མདོག་དང་། ལྷའི་སྟོབས་དང་། ལྷའི་བདེ་བ་དང་། ལྷའི་དབང་ཕྱུག་ལ་དབང་བྱེད་པ་དང་། ལྷའི་གཟུགས་དང་། སྒྲ་དང་། དྲི་དང་། རོ་དང་། རེག་བྱ་རྣམས་ཀྱིས་དགའ་བར་བྱེད་དེ། དགེ་སློང་དག་འདི་ནི་དེ་བཞིན་གཤེགས་པའི་གཟུགས་བརྙན་བྱེད་པའི་གང་ཟག་

213-1-473a

སྦྱིན་པ་པོའི་ཕན་ཡོན་ལྔ་པ་ཡིན་ནོ་ཞེས་དང་། སྟོན་པའི་སྐུ་གཟུགས་མཚན་ཉིད་དང་ལྡན་པར་བྱས་པས། མཚན་སུམ་ཅུ་རྩ་གཉིས་དང་ལྡན་པའི་ལུས་ཀྱི་མཆོག་ཐོབ་པ་དང་ཀུན་གྱིས་མཆོད་པའི་གནས་སུ་འགྱུར་ཏེ། འཕགས་པ་སྤྱན་རས་གཟིགས་ཀྱི་མདོ་ལས། གང་ཞིག་
སྟོན་པ་མི་མཆོག་གཟུགས་བྱེད་པ། །རས་འདྲི་རྩིག་ངོས་འདྲིའམ་གསེར་ལས་བྱས། །དེ་ཡི་ཆོས་ཀྱི་ཁྱད་པར་གང་ཡིན་པ། །དེ་དག་ན་ལུས་རབ་ཏུ་བསྟན་གྱིས་ཉོན། །དེ་ནི་བལྟ་མིན་ལོང་བར་ཞར་མི་འགྱུར། །སྒུར་པོར་མི་འགྱུར་ཡན་ལག་མི་སྡུག་མིན། །དེ་ནི་གཟུགས་དང་ལྡན་ཞིང་ཁ་
དོག་ལྡན། །སུམ་ཅུ་རྩ་གཉིས་མཚན་གྱི་གོ་ཆར་འགྱུར། །ལུས་ནི་རྣམ་པར་དག་ཅིང་ཁྱད་པར་འཐོབ། །སྤོབས་པ་འཐོབ་ཅིང་སྒྲ་སྙན་ཡིད་དུ་འོང་། །ཤེས་བཞིན་ལྡན་ཞིང་འཇིག་རྟེན་ཀུན་གྱི་གཙོ། །དེ་མཐོང་སེམས་ཅན་བདེ་ཞིང་དགའ་བར་འགྱུར། །སྡིག་བྱེད་མི་འགྱུར་ཞེ་སྡང་མེད་
སེམས་ལྡན། །གཡོ་མེད་མི་བརྐུ་རྒྱལ་པོ་འཁྲུག་མི་བྱེད། །མཐུ་དང་ལྡན་ཞིང་དབང་ཆེ་གྲགས་པར་འགྱུར། །བྱམས་ལ་གནས་ཤིང་མི་དམན་སེམས་དང་ལྡན། །འདྲེན་པའི་སྐུ་གཟུགས་རབ་ཏུ་མཛེས་བྱས་ན། །དེ་ནི་མཆོག་འགྱུར་སྐྱེ་བོ་མང་མཆོད་འོས། །བློ་ལྡན་ཕྱུག་ཅིང་དེ་ཉིད་རྒྱ་ཆེར་
ལྡན། །དབང་ལྡན་འཁོར་ལོས་སྒྱུར་བའི་རྒྱལ་པོར་འགྱུར། །འདྲེན་པའི་སྐུ་གཟུགས་རབ་ཏུ་མཛེས་བྱས་ན། །ལྷ་ཡི་དབང་པོ་དབང་ཕྱུག་དབང་ཐོབ་པ། །ལྷུན་པོའི་ཟོམ་ན་དབང་ཐོབ་བརྒྱ་བྱིན་འགྱུར། །བདག་པོ་ལྷུན་པོའི་ཟོམ་ན་རྒྱལ་སྲིད་སྟོན། །དེ་ནི་དྲན་དང་བློ་གྲོས་མི་ལྡན་མིན། །དེ་
ནི་རྟོགས་མོས་ཤེས་རབ་ཚང་བར་འགྱུར། །འཇིག་རྟེན་ཀུན་ན་དབུགས་ཕྱིན་ཐོབ་འགྱུར་ཏེ། །འདི་ནི་ཡེ་ཤེས་ལྡན་ཞིང་དམྱལ་བ་སྤངས། །སེམས་ཅན་སྙིང་པོ་མཚུངས་མེད་མཆོད་བྱས་ན། །དུད་འགྲོའི་སྐྱེ་གནས་གཤིན་རྗེའི་ཡུལ་མི་འགྲོ། །ངན་འགྲོ་གསུམ་པོ་དེས་ནི་རྣམ་སྤངས་ཏེ། །
བདག་དེར་ཕྱིས་མི་སྐྱེ་བར་ཤེས་པར་འགྱུར། །འདྲེན་པའི་སྐུ་གཟུགས་རབ་ཏུ་མཛེས་བྱས་ན། །དབང་ལྡན་དབང་ཕྱུག་ཉིད་ཀྱི་ལྷར་འགྱུར་ཏེ། །མི་དམན་དགའ་བའི་སེམས་ཀྱིས་སངས་རྒྱས་མཆོད། །རྒྱལ་བ་མཆོག་གི་བསྟན་ལ་དད་པར་འགྱུར། །ཚངས་པའི་འཇིག་རྟེན་དབང་ཐོབ་ཚངས་པར་

213-1-473b

འགྱུར། །ཡིད་འོང་ཤིན་ཏུ་མཛེས་པའི་སྤོས་ངད་ལྡན། །འཛམ་བུའི་ཀླུང་གསེར་འོད་བྱེད་དགའ་འགྱུར་བའི། །གཞན་མེད་ཁང་མཆོག་བལྟ་སྡུག་ཐོབ་པར་འགྱུར། །ཞེས་དང་། ཁྱད་པར་གསང་སྔགས་ཀྱི་རྒྱུད་སྡེ་རིན་པོ་ཆེ་རྣམས་ཀྱི་བདེ་མཆོག་སྡོམ་པ་འབྱུང་བ་ལས། སྔགས་པ་
ལས་ནི་དང་པོ་པས། །གཟུགས་བརྙན་ལ་སོགས་བྱ་བ་སྟེ། །བྲིས་སྐུ་བསྒྲུབས་ན་མྱུར་བར་ནི། །དངོས་གྲུབ་རྒྱ་ཆེན་ཐོབ་པར་འགྱུར། །ཞེས་དང་། གཞན་ཡང་དཔལ་ཀྱེ་རྡོ་རྗེ་དང་། དུས་ཀྱི་འཁོར་ལོ་དང་། འཇམ་དཔལ་རྩ་བའི་རྒྱུད་དང་། གཤིན་རྗེའི་གཤེད་དང་། ངན་སོང་སྦྱོང་བའི་རྒྱུད་
རྣམས་ལས་ཐུན་མོང་དང་ཐུན་མོང་མ་ཡིན་པའི་རས་བྲིས་བྲི་བའི་ཚུལ་དང་། དེ་དག་གི་ཕན་ཡོན་དང་བཅས་པ་རྒྱ་ཆེར་གསུངས་པ་རྣམས་ཀྱི་སྟེང་དུ་རྟོགས་པར་བྱ་བས་ཤེས་པ་དང་། གཞན་ཡང་དེ་བཞིན་གཤེགས་པ་ལ་དད་པའི་སྒོ་ནས་སྐུ་གཟུགས་དང་མཆོད་རྟེན་བྱས་པའི་རྒྱུ་ལ་རྡུལ་ཕྲ་རབ་ཀྱི་གྲངས་ཅི་ཙམ་
སོང་བ་དེ་སྙེད་ཀྱི་གྲངས་དང་མཉམ་པའི་ལྷ་དང་མིའི་རྒྱལ་སྲིད་ཆེན་པོ་ཐོབ་པ་དང་། ཡིད་དུ་འོས་བའི་གཟུགས་དང་ལང་ཚོར་ལྡན་ཞིང་དབང་པོ་དུལ་བ་དང་། བདེ་བ་དང་། འབྱོར་བ་རྒྱས་པ་དང་། གསུང་རབ་མང་པོའི་ཚིག་དང་དོན་ལ་མཁས་པ་དང་། ཏིང་ངེ་འཛིན་གྲུབ་པ་ལ་སོགས་པ་ཡོན་ཏན་མང་པོ་དང་
ལྡན་པ་དང་། སྡུག་བསྔལ་ཐམས་ཅད་དང་བྲལ་ནས་བྱང་ཆུབ་དམ་པ་ཐོབ་པ་ལ་སོགས་པ་གནས་སྐབས་དང་མཐར་ཐུག་གི་བདེ་ལེགས་ཐམས་ཅད་འབྱུང་བར་འགྱུར་བ་ཉིད་དེ། གསལ་རྒྱལ་གྱིས་ཞུས་པའི་ཚིགས་སུ་བཅད་པ་ལས། བཅོམ་ལྡན་འདས་ཀྱི་མཆོད་རྟེན་རྣམས་དང་ནི། །
སྐུ་གཟུགས་རྣམས་ལ་རྡུལ་ཕྲན་ཅི་སོང་བ། །དེ་ཡི་གྲངས་སྙེད་དེ་བྱེད་མི་རྣམས་ཀྱིས། །ལྷ་ཡུལ་ས་སྟེང་ངེས་པར་རྒྱལ་སྲིད་འཐོབ། །གཟུགས་དང་གཟུགས་མེད་ཁམས་ཀྱི་ཏིང་ངེ་འཛིན། །ཕུན་སུམ་ཚོགས་པའི་ས་མཆོག་ཀུན་མྱོང་ནས། །ཐ་མར་སྐྱེ་དང་རྒལ་སོགས་པ་
ཡི། །སྡུག་བསྔལ་མེད་པའི་སངས་རྒྱས་གོ་འཕང་འཐོབ། །སུ་དག་འདིར་ནི་རྒྱལ་བའི་གཟུགས་བྱེད་པ། །དེ་དག་གཟུགས་བཟང་ཡིད་འོང་ཡོན་ཏན་ལྡན། །དབང་པོ་བསྡམས་ཤིང་འོད་འབར་ཉི་མ་བཞིན། །འཇིག་རྟེན་དག་ན་མིག་ཏུ་སྡུག་པར་འགྱུར། །སུ་དག་བདེ་བར་

213-1-474a

གཤེགས་པའི་གཟུགས་བྱེད་པ། །དེ་ཡི་ལུས་ནི་དྲི་མ་མེད་པ་དང་། །པདྨའི་སྙིང་པོ་ལྟ་བུ་འཇམ་ཞིང་ཡངས། །ནད་དང་མྱ་ངན་སྡུག་བསྔལ་འཇིགས་ལས་ཐར། །སུ་ཞིག་འཇིག་རྟེན་མགོན་པོའི་གཟུགས་བྱེད་པ། །བྲན་དུ་མི་སྐྱེ་མངག་གཞུག་སྐྱེ་མི་
འགྱུར། །དབུལ་པོར་མི་འགྱུར་རིགས་དམན་མི་འགྱུར་ཞིང་། །དབང་པོ་རྣམས་ཀྱང་ཉམས་པར་ཡོངས་མི་འགྱུར། །ཐུབ་དབང་མཆོད་རྟེན་བྱེད་པའི་མི་རྣམས་ནི། །མྱ་ངན་ཡོངས་མེད་ལུས་ཀུན་བརྟན་པ་དང་། །ལོངས་སྤྱོད་མཆོག་ལྡན་རིན་ཆེན་མཛོད་མང་ལྡན། །དགྲ་ཡི་
ཚོགས་རྣམས་ཀྱང་ནི་ཐུབ་པར་འགྱུར། །ཞེས་དང་། དེ་དང་དོན་མཐུན་པར་མཁས་པ་དཔའ་བོས་སྐུ་གཟུགས་ཀྱི་གཏམ་ལས། སངས་རྒྱས་སྐུ་གཟུགས་བཞེངས་གསོལ་བ། །དང་པོར་མྱ་ངན་སེལ་བར་བྱེད། །རྩོད་པ་ཀུན་སྤངས་མཐོང་ན་དགའ། །སྐལ་ལྡན་གཏེར་
ཚོགས་དཔལ་དང་ལྡན། །ལུས་སྟོབས་ལྡན་ཞིང་སྙན་པར་སྨྲ། །གཟི་བརྗིད་ལྡན་ཞིང་གཟུགས་མཛེས་ལ། །གསུང་རབ་ཀུན་ལ་མཁས་འགྱུར་ཞིང་། །དབང་པོའི་རྟ་ནི་ཐམས་ཅད་ཐུལ། །བློ་ལྡན་གཏོང་དང་ལྡན་པར་འགྱུར། །བཅོམ་ལྡན་སྐུ་གཟུགས་མཆོད་རྟེན་ལ། །ཕྲ་
རབ་རྡུལ་ནི་ཇི་སྙེད་སོང་། །དེ་སྙེད་ས་འོག་ས་སྟེང་འདིར། །དེ་སྙེད་རྒྱལ་པོར་ངེས་པར་འགྱུར། །གཟུགས་དང་གཟུགས་མེད་ཏིང་འཛིན་འགྲུབ། །ཐམས་ཅན་བདེ་བ་མ་ལུས་སྤྱོད། །ཐ་མར་སྐྱེ་དགུའི་རྒུད་སྤངས་ནས། །དེ་དག་བྱང་ཆུབ་གོ་འཕང་ཐོབ། །བདེ་གཤེགས་སྐུ་
གཟུགས་བཞེངས་གསོལ་བ། །མཚན་བཟང་གིས་མཚན་འཁོར་ལོས་སྒྱུར། །སུམ་ཅུ་རྩ་གཉིས་ལུས་མཛེས་ཐོབ། །ངེས་པར་དགྲ་འཇོམས་རྒྱལ་བར་འགྱུར། །དབང་པོ་རྣམས་ནི་མ་ཚང་མེད། །དཔལ་ལྡན་ངན་འགྲོ་རྣམས་ལས་རིང་། །མི་ཡི་རིགས་སུ་སྐྱེ་འགྱུར་ཞིང་། །
ངག་ནི་བཙན་པ་ཉིད་དུ་འགྱུར། །སྐྱེ་བར་ཐོས་དང་དྲན་ལྡན་བརྟན། །མངོན་པར་འདོད་པར་འབྱུང་འགྱུར་ཞིང་། །གནས་ལ་མངོན་པར་དད་པ་དང་། །འདོད་ཆགས་སོགས་ཀྱིས་གནོད་པ་མེད། །འདི་རྒྱལ་རྫོགས་པའི་བྱང་ཆུབ་ཀྱི། །ཁྱད་ལེགས་པ་ཡི་གཞུང་ལ་བརྟེན། །གང་

213-1-474b

འདི་རྒྱལ་བའི་སྐུ་གཟུགས་བཞེངས། །སངས་རྒྱས་སྐུ་འམ་མཆོད་རྟེན་ནམ། །བཞེད་བྱེད་སྲོག་དང་ལྡན་པ་དེ། །བྲན་དང་དབུལ་པོར་མི་སྐྱེ་ཞིང་། །མངག་གཞུག་པར་མིན་རིགས་དམན་མིན། །ཞེས་སོགས་མང་དུ་གསུངས་ཏེ་འདིར་དེ་ཙམ་ལས་འདྲི་བར་མ་ནུས་སོ། །དེ་
བཞིན་དུ་དེ་བཞིན་གཤེགས་པའི་ཐུགས་ཀྱི་རྟེན་མཆོད་རྟེན་བཞེངས་པའི་ཕན་ཡོན་ནི། སྤྱིར་མཆོད་རྟེན་ཞེས་བྱ་བ་ནི་གཙོ་བོར་དེ་བཞིན་གཤེགས་པའི་ཐུགས་ཆོས་ཀྱི་སྐུའི་རང་བཞིན་ཅན་གྱི་མཚོན་བྱེད་མཆོད་རྟེན་ཉིད་ཡིན་ནའང་། དེར་མ་ཟད་སྐུ་གསུང་ཐུགས་རྟེན་དང་ཡོན་གྱི་ཞིང་
དམ་པར་གྱུར་པ་འཕགས་པའི་དགེ་འདུན་ལ་སོགས་པ་ལངས་འཇུག་པ་ལས། འདིར་ཆོས་ཀྱི་སྐུའི་རྟེན་ནམ་ཐུགས་ཀྱི་རྟེན་ལ་མཆོད་རྟེན་ཞེས་བྱ་བ་ནི། དགེ་བའི་རྩ་བ་ཡོངས་སུ་འཛིན་པའི་མདོ་ལས། ཤ་ར་དྭ་ཏིའི་བུ་འདི་ལ་བྱང་ཆུབ་སེམས་དཔའ་དེ་བཞིན་གཤེགས་པའི་མཆོད་རྟེན་
ཞིག་པ་མཐོང་ནས་བཅོས་པའི་ཕྱིར་སྤྲོ་བར་བྱེད་ཅིང་ཐ་ན་འཇིམ་པའི་གོང་བུ་གཅིག་ཙམ་ཡང་རྩིག་པར་བྱེད་པ་ཡིན། ཤ་ར་དྭ་ཏིའི་བུ་གཞན་ཡང་མ་བརྩིགས་པའི་ས་ཕྱོགས་ལམ་པོ་ཆེའི་བཞི་མདོ་སྐྱེ་བོ་མང་པོ་འདུ་བའི་སར་མཆོད་རྟེན་དང་ཁང་པ་བརྩེགས་པའམ། རྡོ་བའི་ཀ་བ་དང་། དེ་
བཞིན་གཤེགས་པའི་སྐུའམ། དེ་བཞིན་གཤེགས་པའི་ཡོན་ཏན་རྗེས་སུ་དྲན་པ་གང་ཡང་རུང་བ་བྱེད་དེ། འདི་ལྟ་སྟེ་དཔེར་ན་ཆོས་ཀྱི་འཁོར་ལོ་བསྐོར་བའམ། མངོན་པར་འབྱུང་བའམ། བྱང་ཆུབ་ཀྱི་ཤིང་དྲུང་དུ་བདུད་འཇོམས་པའམ། དེ་བཞིན་གཤེགས་པའི་ཆོ་འཕྲུལ་ཆེན་
པོའམ། དེ་བཞིན་གཤེགས་པའི་ཡོངས་སུ་མྱ་ངན་ལས་འདས་པ་ཆེན་པོ་ཡང་དག་པར་བསྟན་པའམ། ལྷ་ལས་བབས་པའམ། ལྷ་ཡུལ་དུ་མངོན་པར་འཛེག་པར་བྱེད་པའི་དེ་བཞིན་གཤེགས་པའི་མཆོད་རྟེན་རྩིག་པར་བྱེད་པ་ཡིན། ཤ་ར་དྭ་ཏིའི་བུ་གཞན་ཡང་བྱང་ཆུབ་སེམས་
དཔའ་སེམས་དཔའ་ཆེན་པོ་དེ་བཞིན་གཤེགས་པའི་ཉན་ཐོས་ཀྱི་དགེ་འདུན་བྱེ་ཞིང་འཐབ་པ་དང་། རྩོད་པ་འབྱུང་བ་མཐོང་ནས་མི་དབྱེ་བ་དང་། མཐུན་པར་བསྡུམ་པའི་ཕྱིར་བརྩོན་པ་ཡིན་ཞེས་དང་། འཕགས་པ་ཀླུ་སྒྲུབ་ཀྱིས། ཤཱཀ་ཐུབ་མཆོད་རྟེན་བརྒྱད་པོ་དང་། །ཕྱོགས་

213-1-475a

བཅུ་གཞན་དང་གཞན་རྣམས་ན། །བཞུགས་པའི་ཆོས་སྐུ་ཀུན་ལ་འདུད། །ཅེས་དང་། མཆོད་རྟེན་སྤྱིའི་བསྟོད་པར། སྣ་ཚོགས་པདྨ་ཟླ་བའི་གདན་སྟེང་དུ། །སྣ་ཚོགས་རིན་ཆེན་ཁམས་ལས་གྲུབ་པ་ཡི། །སྤྲུལ་བའི་མཆོད་རྟེན་སྣ་ཚོགས་རྒྱན་
གྱིས་བརྒྱན། །ཆོས་སྐུའི་རང་བཞིན་ཅན་ལ་ཕྱག་འཚལ་ལོ། །ཞེས་སོ། །རྣམ་པ་དེ་ལྟ་བུའི་མཆོད་རྟེན་ཆོས་ཀྱི་སྐུའི་རིང་བསྲེལ་ཅན་བཞེངས་པའི་ཕན་ཡོན་བསམ་གྱིས་མི་ཁྱབ་ཀྱང་། འདིར་མདོར་བསྡུས་ཙམ་ཞིག་བརྗོད་ན། འཕགས་པ་སྒྲ་ཆེན་པོའི་མདོ་ལས། བཅོམ་
ལྡན་འདས་ཀྱིས་ཚེ་དང་ལྡན་པ་ཀུན་དགའ་བོ་ལ་འདི་སྐད་ཅེས་བཀའ་སྩལ་ཏོ། །ཀུན་དགའ་བོ་ལེགས་སོ་ལེགས་སོ། །ཀུན་དགའ་བོ་ཁྱོད་གང་ཞིག་གིས་ཁང་པ་བརྩེགས་པ་དེ་ལྟ་བུ་ཞིག་བྱས་ཏེ་ཕྱོགས་བཞིའི་དགེ་སློང་གི་དགེ་འདུན་ལ་འབུལ་བར་བྱེད་ལ། གང་ཞིག་གིས་དེ་
བཞིན་གཤེགས་པ་ཡོངས་སུ་མྱ་ངན་ལས་འདས་པའི་རིང་བསྲིལ་ཡུངས་འབྲུ་ཙམ་མཆོད་རྟེན་གྱི་བུམ་པ་སྐྱུ་རུ་ར་ཙམ་གྱི་ནང་དུ་བཅུག་སྟེ། སྲོག་ཤིང་ཁབ་ཙམ་བཙུགས་ནས་གདུགས་རྒྱ་ཤུག་གི་ལོ་མ་ཙམ་འདོགས་པར་བྱེད་པའམ། དེ་བཞིན་གཤེགས་པའི་སྐུ་གཟུགས་ཚོན་
གང་ཙམ་ཞིག་བྱེད་ན། དེ་གཉིས་ལས་གང་བསོད་ནམས་ཆེས་མང་དུ་འཕེལ་ཞེས་པ་ནི་ཁྱོད་ཀྱི་ཞུ་པ་བཟང་ལ་སྤོབས་བ་ལེགས་ཏེ་དཔྱོད་པ་དགེའོ། །ཀུན་དགའ་བོ་དེའི་ཕྱིར་ལེགས་པར་རབ་ཏུ་ཉོན་ལ་ཡིད་ལ་ཟུང་ཤིག་དང་ངས་བཤད་དོ། །ཀུན་དགའ་བོ་གང་ཞིག་གིས་ཁང་པ་
བརྩེགས་པ་དེ་ལྟ་བུ་ཞིག་བྱས་ནས་ཕྱོགས་བཞིའི་དགེ་སློང་གི་དགེ་འདུན་ལ་དབུལ་བར་བྱེད་ལ། གང་ཞིག་གིས་དེ་བཞིན་གཤེགས་པ་ཡོངས་སུ་མྱ་ངན་ལས་འདས་པའི་རིང་བསྲེལ་ཡུངས་འབྲུ་ཙམ་མཆོད་རྟེན་གྱི་བུམ་པ་སྐྱུ་རུ་ར་ཙམ་གྱི་ནང་དུ་བཙུག་སྟེ། སྲོག་ཤིང་ཁབ་ཙམ་བཙུགས་
ནས་གདུག་རྒྱ་ཤུག་གི་ལོ་མ་ཙམ་འདོགས་པར་བྱེད་པའམ། དེ་བཞིན་གཤེགས་པའི་སྐུ་གཟུགས་ཚོན་གང་ཚམ་ཞིག་བྱེད་ན། ཀུན་དགའ་བོ་བསོད་ནམས་འདི་ལ་བསོད་ནམས་སྔ་མ་དེས་བརྒྱའི་ཆར་ཡང་ཉེ་བར་མི་འགྲོ། སྟོང་གི་ཆ་དང་། འབུམ་གྱི་ཆ་དང་། གྲངས་

213-1-475b

དང་། ཆ་དང་། དཔེ་དང་། རྒྱུར་ཡང་ཉེ་བར་མི་འགྲོའོ། །དེ་ཅིའི་ཕྱིར་ཞེ་ན། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རྣམས་ནི་དཔག་ཏུ་མེད་པའི་ཆོས་འདི་ལྟ་བུ་དག་དང་ལྡན་ཏེ། ཚུལ་ཁྲིམས་དཔག་ཏུ་མེད་པ་དང་། ཏིང་ངེ་འཛིན་དཔག་ཏུ་
མེད་པ་དང་། ཤེས་རབ་དཔག་ཏུ་མེད་པ་དང་། རྣམ་པར་གྲོལ་བ་དཔག་ཏུ་མེད་པ་དང་། རྣམ་པར་གྲོལ་བའི་ཡེ་ཤེས་གཟིགས་པ་དཔག་ཏུ་མེད་པ་དང་ལྡན་པའི་ཕྱིར་རོ། །ཀུན་དགའ་བོ་ཛམྦུའི་གླིང་ཆུ་ཞེང་དང་རྒྱར་དཔག་ཚད་བདུན་སྟོང་ཡོད་པ་འདི་རྒྱུན་དུ་ཞུགས་པ་རྣམས་དང་།
ལན་ཅིག་ཕྱིར་འོང་པ་རྣམས་དང་། ཕྱིར་མི་འོང་བ་རྣམས་དང་། དགྲ་བཅོམ་པ་རྣམས་དང་། རང་སངས་རྒྱས་རྣམས་ཀྱིས་འདི་ལྟ་སྟེ། འབྲས་སཱ་ལུའི་ཞིང་ངམ། ཏིལ་གྱི་ཞིང་ངམ། སྨྱིག་མའི་ཚལ་ལམ། འདམ་བུའི་ཚལ་ལམ། བུ་རམ་ཤིང་གི་ཚལ་བཞིན་དུ་གང་བར་གྱུར་པ་དེ་དག་ལ་
མི་ལ་ལ་ཞིག་གིས་ཇི་སྲིད་འཚོའི་བར་དུ་ཆོས་གོས་དང་། བསོད་སྙོམས་དང་། མལ་སྟན་དང་། ནད་ཀྱི་གསོས་སྨན་དང་། ཡོ་བྱད་རྣམས་ཀྱིས་ཅི་འདོད་པ་བསྟབས་ཏེ། དེ་དག་ཐམས་ཅད་ཡོངས་སུ་མྱ་ངན་ལས་འདས་ནས་ཀྱང་མཆོད་རྟེན་བྱས་ཏེ་གདུགས་དང་། སིལ་སྙན་
དང་། བ་དན་དང་། དྲི་དང་། བདུག་པ་དང་། ཕྲེང་བ་དང་། ཕྱེ་མ་དང་། བྱུག་པ་དག་གིས་མཆོད་པ་བྱེད་ལ། གང་ཞིག་གིས་དེ་བཞིན་གཤེགས་པ་ཡོངས་སུ་མྱ་ངན་ལས་འདས་པའི་རིང་བསྲེལ་ཡུངས་འབྲུ་ཙམ་མཆོད་རྟེན་གྱི་བུམ་པ་སྐྱུ་རུ་ར་ཙམ་གྱི་ནང་དུ་བཅུག་སྟེ།
སྲོག་ཤིང་ཁབ་ཙམ་བཙུགས་ནས་གདུགས་རྒྱ་ཤུག་གི་ལོ་མ་ཙམ་འདོགས་པར་བྱེད་པའམ། དེ་བཞིན་གཤེགས་པའི་སྐུ་གཟུགས་ཚོན་གང་ཙམ་ཞིག་བྱེད་ན། ཀུན་དགའ་བོ་བསོད་ནམས་འདི་ལ་བསོད་ནམས་སྔ་མ་དེས་བརྒྱའི་ཆར་ཡང་ཉེ་བར་མི་འགྲོ། སྟོང་གི་ཆ་དང་། འབུམ་
གྱི་ཆ་དང་། གྲངས་དང་། ཆ་དང་། དཔེ་དང་། རྒྱུར་ཡང་ཉེས་བར་མི་འགྲོའོ། །དེ་ཅིའི་ཕྱིར་ཞེ་ན། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རྣམས་ནི་དཔག་ཏུ་མེད་པའི་ཆོས་འདི་ལྟ་བུ་དག་དང་ལྡན་ཏེ། ཚུལ་ཁྲིམས་དཔག་ཏུ་མེད་པ་དང་།

213-1-476a

ཏིང་ངེ་འཛིན་དཔག་ཏུ་མེད་པ་དང་། ཤེས་རབ་དཔག་ཏུ་མེད་པ་དང་། རྣམ་པར་གྲོལ་བ་དཔག་ཏུ་མེད་པ་དང་། རྣམ་པར་གྲོལ་བའི་ཡེ་ཤེས་གཟིགས་པ་དཔག་ཏུ་མེད་པ་དང་ལྡན་པའི་ཕྱིར་རོ། །ཀུན་དགའ་བོ་ཤར་གྱི་ལུས་འཕགས་གླིང་ཆུ་ཞེང་དང་རྒྱར་
དཔག་ཚད་བརྒྱད་སྟོང་ཡོད་པ། རྒྱུན་དུ་ཞུགས་པ་རྣམས་ཀྱིས་ཀྱང་གང་བར་གྱུར་ཞེས་བྱ་བ་ནས་རྣམ་པར་གྲོལ་བའི་ཡེ་ཤེས་གཟིགས་པ་ཞེས་བྱ་བའི་བར་དུ་རྒྱ་ཆེར་སྔ་མ་བཞིན་དུ་བརྗོད་པར་བྱའོ། །ཀུན་དགའ་བོ་ནུབ་ཀྱི་བ་ལང་སྤྱོད་ཀྱི་གླིང་ཆུ་ཞེང་དང་རྒྱར་དཔག་ཚད་དགུ་སྟོང་ཡོད་
པ་རྒྱུན་དུ་ཞུགས་པ་རྣམས་ཀྱིས་ཀྱང་གང་བར་གྱུར་ཞེས་བྱ་བ་ནས་སྔ་མ་བཞིན་དུ་རྒྱས་པར་སྦྱར་རོ། །ཀུན་དགའ་བོ་བྱང་གི་སྒྲ་མི་སྙན་གྱི་གླིང་ཆུ་ཞེང་དུ་དཔག་ཚད་ཁྲི་ཡོད་པ་རྒྱུན་དུ་ཞུགས་པ་རྣམས་ཀྱིས་ཀྱང་གང་བར་གྱུར་ཞེས་བྱ་བ་ནས་སྔ་མ་བཞིན་དུ་རྒྱས་པར་སྦྱར་རོ། །ཀུན་དགའ་བོ་
ལྷའི་དབང་པོ་བརྒྱ་བྱིན་གྱི་ཁང་བཟངས་རྣམ་པར་རྒྱལ་བ་ཞེས་བྱ་བ་ཀ་བ་བརྒྱད་ཁྲི་བཞི་སྟོང་རབ་ཏུ་བརྟན་པ་དག་ཡོད་དེ། ཀ་བ་དེ་དག་ཐམས་ཅད་ཀྱང་ལྷའི་བེེ་ཌཱུརྱ་སྔོན་པོ་ཡིན་ནོ། །ཀུན་དགའ་བོ་ཁང་བཟངས་རྣམ་པར་རྒྱལ་བ་གསེར་གྱི་བྱེ་མ་བརྡལ་བ་ལ་ཙནྡན་གྱི་ཆུས་ཆག་ཆག་བཏབ་
པ། གསེར་གྱི་དྲ་བས་གཡོགས་ཤིང་གསེར་གྱི་དྲིལ་བུ་གཡེར་ཁས་བསྐོར་བ་སྟེ། ཀུན་དགའ་བོ་གང་ཞིག་སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་ཁང་བཟངས་དེ་ལྟ་བུ་ཤ་སྟག་གིས་བཀང་སྟེ། ཕྱོགས་བཞིའི་དགེ་སློང་གི་དགེ་འདུན་ལ་དབུལ་བར་བྱེད་ལ། གང་ཞིག་
གིས་དེ་བཞིན་གཤེགས་པ་ཡོངས་སུ་མྱ་ངན་ལས་འདས་པའི་སྐུ་གདུང་ཡུངས་འབྲུ་ཙམ་ཞེས་བྱ་བ་ནས་རྒྱ་ཆེར་སྔ་མ་བཞིན་དུ་སྦྱར་རོ། །ཀུན་དགའ་བོ་ལུས་འཕགས་མོའི་བུ་ཡུལ་མ་ག་ངྷཱའི་རྒྱལ་པོ་མ་སྐྱེས་དགྲས་ཕ་རྒྱུད་དུ་ཞུགས་པ་བས་ད་ནས་དེ་དེ་བཞིན་གཤེགས་པའི་སྐུ་གདུང་
ལ་མཆོད་པ་བྱས་པའི་ཕྱིར་སྐུ་གདུང་གི་བརྒྱད་ཆ་ལ་བཀུར་སྟིར་བྱ་བ་དང་། བླ་མར་བྱ་བ་དང་། རི་མོར་བྱ་བ་དང་། མཆོད་པར་བྱ་བ་དང་། རྗེད་པར་བྱ་བ་དང་། གསོལ་བར་བྱ་བ་ལ་བརྩོན་པར་འགྱུར་རོ་ཞེས་སངས་རྒྱས་ཀྱིས་བསྔགས་པའི་དགེ་བའི་ལས་དེ་དེས་བྱས་པས་སེམས་

213-1-476b

ཅན་དམྱལ་བར་ལན་ཅིག་སོང་ནས་ལས་དེ་ཉིད་དང་། དགེ་བའི་རྩ་བ་དེ་ཉིད་དང་། སྔོན་ལེགས་པར་སྤྱད་པ་དེ་ཉིད་དང་ཀྱིས་དེ་ལས་ཐར་ནས་བསྐལ་པ་ཉི་ཤུར་ལོག་པར་ལྟུང་བར་མི་འགྱུར་ལ། སྐྲ་དང་ཁ་སྤུ་བྲེགས་ནས་གོས་ངུར་སྨྲིག་བགོས་ཏེ། ཡང་དག་པར་ཁྱིམ་ནས་ཁྱིམ་
མེད་པར་རབ་ཏུ་བྱུང་ནས་རང་བྱང་ཆུབ་མངོན་དུ་བྱེད་པར་འགྱུར་ཏེ། རང་སངས་རྒྱས་རྣམ་པར་རྒྱལ་བའི་སྡེ་ཞེས་བྱ་བར་འགྱུར་རོ། །དེ་ཅིའི་ཕྱིར་ཞེ་ན། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རྣམས་ནི་དཔག་ཏུ་མེད་པའི་ཆོས་འདི་ལྟ་བུ་དག་
དང་ལྡན་ཏེ། ཚུལ་ཁྲིམས་དཔག་ཏུ་མེད་པ་དང་། ཏིང་ངེ་འཛིན་དཔག་ཏུ་མེད་པ་དང་། ཤེས་རབ་དཔག་ཏུ་མེད་པ་དང་། རྣམ་པར་གྲོལ་བ་དཔག་ཏུ་མེད་པ་དང་། རྣམ་པར་གྲོལ་བའི་ཡེ་ཤེས་གཟིགས་པ་དཔག་ཏུ་མེད་པ་དང་ལྡན་པའི་ཕྱིར་རོ། །ཀུན་དགའ་བོ་འདི་
ལྟར་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རྣམས་དཔག་ཏུ་མེད་པའི་ཆོས་རྣམས་དང་ལྡན་པ་དེའི་ཕྱིར་དེ་ལ་མཆོད་པའི་རྣམ་པར་སྨིན་པ་ཡང་དེ་ལྟར་དཔག་ཏུ་མེད་པར་ཤེས་པར་བྱའོ་ཞེས་དང་། རྒྱལ་བ་མྱ་ངན་ལས་འདས་
པའི་མཆོད་རྟེན་རིན་པོ་ཆེ་ལ་སོགས་པའི་རྒྱུ་ལས་ལེགས་པར་བཞེངས་ཏེ་མཆོད་པ་ཕུལ་ན་བསོད་ནམས་དཔག་ཏུ་མེད་པ་ཐོབ་ཅིང་། སྡུག་བསྔལ་མཐའ་དག་ལས་རིང་དུ་འདས་པའི་བདེ་བ་དམ་པ་ཐོབ་པར་འགྱུར་ཏེ། མྱ་ངན་ལས་འདས་པ་ལས། ལྷ་དང་མི་དང་
འཁོར་རྣམ་པ་བཞིས་རིན་པོ་ཆེ་སྣ་བདུན་གྱི་མཆོད་རྟེན་བྱས་ཏེ་རིང་བསྲེལ་མཆོད་ན་བསོད་ནམས་དཔག་ཏུ་མེད་པ་ཐོབ་ཅིང་། སེམས་ཅན་དེ་དག་སྲིད་པ་གསུམ་གྱི་སྡུག་བསྔལ་སྤངས་ནས་མྱ་ངན་ལས་འདས་པའི་བདེ་བ་ཐོབ་པར་འགྱུར་རོ་ཞེས་དང་། དམ་པའི་
ཆོས་པདྨ་དཀར་པོ་ལས། རྒྱལ་བ་མྱ་ངན་འདས་པ་དེ་དག་གི། །རྒྱལ་བའི་རིང་བསྲེལ་དག་ལ་སུས་མཆོད་ཅིང་། །རིན་ཆེན་མཆོད་རྟེན་སྟོང་ཕྲག་དུ་མ་དག །གསེར་དང་དངུལ་དང་འོན་ཏེ་ཤེལ་གྱི་འམ། །རྡོ་ཡི་སྙིང་པོའི་མཆོད་རྟེན་གང་གིས་བྱས། །བེེ་ཌཱུརྱ་

213-1-477a

མཆོག་དེ་བཞིན་ཨནྡ་རྙིལ། །ལ་ལས་མུ་ཏིག་ཀེ་ཀེ་རུ་ལས་བྱས། །དེ་དག་གིས་ཀྱང་བྱང་ཆུབ་ཐོབ་པར་འགྱུར། །གང་གིས་མཆོད་རྟེན་རྡོ་ལས་བྱས་པ་དང་། །གང་གིས་ཨ་ག་རུ་དང་ཙནྡན་ནམ། །གང་གིས་ཐང་ཤིང་མཆོད་རྟེན་
བྱས་པ་དང་། །ལ་ལས་ཤིང་མང་གཞན་ལས་བྱས་པ་དང་། །ས་དང་སོ་ཕག་ལས་ནི་བརྩིགས་པ་ཡི། །རྒྱལ་བའི་མཆོད་རྟེན་དགའ་ཞིང་བྱས་པ་དང་། །དེ་ཕྱིར་ས་རྡུལ་ཕུང་པོ་དག་ལས་ཀྱང་། །མྱ་ངན་དགོན་པ་དག་ཏུ་བྱས་པ་དང་། །བྱིས་པ་རྩེ་མོར་དེ་དང་དེ་དག་ཏུ། །
གང་གིས་རྒྱལ་བ་དེ་ཕྱིར་མཆོད་རྟེན་དག །བྱེ་མ་ལས་ནི་ཕུང་པོ་བྱས་པ་ཡང་། །དེ་རྣམས་ཀྱིས་ཀྱང་བྱང་ཆུབ་ཐོབ་པར་གྱུར། །ཞེས་དང་། གཞན་ཡང་སེམས་ཅན་དད་པ་ཅན་གང་ལ་ལས་ཛམྦུའི་གླིང་ནས་བརྩམས་ཏེ་ཤར་ཀྱི་ལུས་འཕགས་པོ་དང་། ནུབ་
ཀྱི་བ་ལང་སྤྱོད་པ་དང་། བྱང་གི་སྒྲ་མི་སྙན་དང་། སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་ཀྱི་བར་ཐམས་ཅད་རིན་པོ་ཆེ་སྣ་བདུན་གྱིས་ཡོངས་སུ་བཀང་སྟེ། རྒྱུན་དུ་ཞུགས་པ་ནས་དགྲ་བཅོམ་པའི་བར་དང་། རང་སངས་རྒྱས་རྣམས་སམ། ཕྱོགས་
བཞིའི་དགེ་སློང་གི་དགེ་འདུན་རྣམས་ལ་འབུལ་བར་བྱེད་པ་ནས། གང་ཞིག་གིས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཡོངས་སུ་མྱ་ངན་ལས་འདས་པའི་མཆོད་རྟེན་འཇིམ་པ་ལས་སྐྱུ་རུ་ར་ཙམ་བྱེད་དུ་འཇུག་ལ། སྐུ་གཟུགས་
ནས་འབྲུ་ཙམ་ལ་སྐུ་གདུང་ཡུངས་ཀར་གྱི་འབྲུ་ཙམ་འཇུག་པར་བྱེད་ན། དེ་བས་བསོད་ནམས་རྒྱུ་མཚན་དང་བཅས་ཏེ། ཁང་བུ་བརྩེགས་པའི་མདོ་ལས་གསུངས་སོ། །གཞན་ཡང་དེ་བཞིན་གཤེགས་པའི་མཆོད་རྟེན་ཞིག་པ་གསོ་བ་དང་གསར་དུ་བརྩིགས་པས་
གནས་སྐབས་སུ་རྒྱལ་པོ་ཆེན་པོའི་རིགས་སུ་སྐྱེ་བར་འགྱུར་བ་དང་། གཟུགས་བཟང་བར་འགྱུར་བ་དང་། མཛེས་ཤིང་ཀུན་གྱི་མིག་ཏུ་སྡུག་པར་འགྱུར་པ་དང་། དབང་ཆེ་བར་འགྱུར་བ་དང་། འཁོར་གཡོག་རྒྱ་ཆེན་པོ་ཐོབ་པར་འགྱུར་བ་དང་། གཡོག་མི་བྱེད་པར་འགྱུར་བ་

213-1-477b

དང་། ལོངས་སྤྱོད་ཆེན་པོར་འགྱུར་བ་དང་། འཇིག་རྟེན་པ་རྣམས་འཁོར་ཞིང་འདུ་བར་འགྱུར་བ་དང་། ཀུན་གྱི་རྟེན་དུ་འགྱུར་བ་དང་། ཕྱོགས་བཅུར་བརྗོད་པ་དང་། སྒྲ་དང་ཚིགས་སུ་བཅད་པ་ཡངས་པར་འགྱུར་བ་དང་། ལྷ་དང་བཅས་པའི་འཇིག་རྟེན་ན་བསྔགས་པར་འགྱུར་བ་དང་།
ཕྱུག་ཅིང་ནོར་མང་པོ་དང་ལྡན་པར་འགྱུར་བ་དང་། འཁོར་ལོས་སྒྱུར་བའི་རྒྱལ་སྲིད་ཐོབ་པར་འགྱུར་བ་དང་། ཚེ་རིང་བར་འགྱུར་བ་དང་། ལུས་རྡོ་རྗེ་ལྟར་མཁྲེགས་པར་འགྱུར་བ་དང་། ལུས་མཚན་བཟང་པོ་དང་ལྡན་པར་འགྱུར་བ་དང་། མཐོ་རིས་སུ་སྐྱེ་བར་འགྱུར་བ་དང་། མཐར་
ཐུག་མྱ་ངན་ལས་འདས་པ་མཆོག་གི་གོ་འཕང་ཐོབ་པར་འགྱུར་བ་ལ་སོགས་པའི་ཡོན་ཏན་རྣམས་འཐོབ་པར་འགྱུར་ཏེ། དགེ་བའི་རྩ་བ་ཡོངས་སུ་འཛིན་པའི་མདོ་ལས། སངས་རྒྱས་མཆོད་རྟེན་མཐོང་ནས་སུ། །ཞིག་པ་ཕྱིར་ནི་བཅོས་པར་བྱ། །དེ་ཕྱིར་སྟོབས་ནི་ཆེ་བ་དང་། །ལུས་ཆེ་
བ་དང་མི་འཇིགས་འགྱུར། །གང་དུ་དད་པ་སྐྱེ་འགྱུར་བའི། །ལམ་ཆེན་བཞི་མདོ་ཕྱོགས་སུ་ནི། །རིང་བསྲེལ་གྱི་ནི་སྐུ་བྱེད་ཅིང་། །སངས་རྒྱས་ཡོན་ཏན་རྣམས་སྟོན་པ། །བསོད་ནམས་མང་པོ་སྐྱེད་པར་བྱེད། །གང་ཞིག་ལམ་གྱི་བཞི་མདོར་ནི། །འཇིག་རྟེན་མཆོད་པའི་མཆོད་རྟེན་
བྱེད། །དེ་ཡི་གྲགས་པ་འཕེལ་བར་འགྱུར། །ཕན་ཚུན་དུ་ནི་རྩོད་པ་ཡི། །ཉན་ཐོས་བྱེ་བ་རྣམས་མཐོང་ནས། །གཅིག་ལ་གཅིག་ནི་བཟོད་གསོལ་ཏེ། །དེ་དག་རྣམས་ནི་མཐུན་བྱེད་པ། །དགེ་བའི་རྩ་བ་དེ་ཡིས་སུ། །མི་འཇིགས་དཔའ་བོར་འགྱུར་བ་ཡིན། །སྲེད་མེད་བུ་ལྟར་མཁྲེགས་
པ་ཡི། །ལུས་ནི་མངོན་པར་འགྲུབ་པ་ཡིན། །ཞེས་དང་། གསལ་རྒྱལ་གྱིས་ཞུས་པ་ལས། ཐུབ་དབང་མཆོད་རྟེན་བྱེད་པའི་མི་རྣམས་ནི། །མྱ་ངན་ཡོངས་མེད་ལུས་ཀུན་བརྟན་པ་དང་། །ལོངས་སྤྱོད་མཆོག་ལྡན་རིན་ཆེན་མཛོད་མང་ལྡན། །དགྲ་ཡི་ཚོགས་རྣམས་ཀྱང་ནི་ཐུབ་པར་འགྱུར། །
རྒྱལ་བའི་མཆོད་རྟེན་སྲོག་ཤིང་ཕུལ་བ་ཡིས། །ཆོས་དང་རྗེས་མཐུན་ཆོས་ལ་སྒྲུབ་པ་དང་། །ཚུལ་ཁྲིམས་ཐོས་དང་བཟོད་པའི་མཆོག་དང་ལྡན། །འཇིག་རྟེན་དག་ན་དོན་ཀུན་འགྲུབ་པར་འགྱུར། །མཆོད་རྟེན་སོགས་ལ་གདུགས་བརྩེགས་ཕུལ་བ་ཡི། །ལྷ་དང་མི་ཡི་ནང་ན་སྐྱེ་བ་

213-1-478a

དང་། །སྲེད་མེད་བུ་ཡི་ལུས་འདྲ་ལུས་ཀུན་བརྟན། །བཀུར་སྟི་བྱ་བའི་ཡོན་ཏན་ལྡན་པར་འགྱུར། །ཐུབ་དབང་མཆོད་རྟེན་རྡོ་ཐལ་བྱུགས་པ་ཡིས། །ལྷ་མིའི་འཇིག་རྟེན་དག་ན་ཚེ་རིང་ཞིང་། །ལུས་སེམས་ནད་དང་མྱ་ངན་བྱེད་སྤངས་ཏེ། །རྟག་ཏུ་སྐྱེད་ཅིང་ནོར་
གྱིས་ཕྱུག་པར་འགྱུར། །གསེར་དངུལ་སྤ་བའི་གླེགས་མོས་གཡོགས་པ་ཡི། །ཐུབ་པའི་དབང་པོའི་མཆོད་རྟེན་བྱས་པ་ཡིས། །མི་རྣམས་སྲིད་པའི་ཁྱད་པར་གཞན་དག་ཏུ། །ལུས་མཁྲེགས་འོད་ཀྱང་འབར་ཞིང་མཛེས་པར་འགྱུར། །ཞེས་བྱ་བ་ལ་སོགས་པ་རྒྱ་ཆེར་གསུངས་སོ། །བྱེ་
བྲག་ཏུ་གསུང་གི་རྟེན་གླེགས་བམ་མཁྲིས་པའི་ཕན་ཡོན་ནི། སྤྱིར་རང་དང་གཞན་གྱི་རྒྱུད་ལ་བསོད་ནམས་ཀྱི་ཕུང་པོ་དཔག་ཏུ་མེད་པ་རྫོགས་པ་ནས་མཐར་ཐུག་བླ་ན་མེད་པའི་བྱང་ཆུབ་ཐོབ་པའི་བར་གྱི་ཡོན་ཏན་ཐམས་ཅད་རྒྱུད་ལ་བསྐྱེད་པར་འདོད་པས་བརྩམ་པར་བྱ་བའི་སྙིང་པོ་ནི་ཆོས་སྤྱོད་རྣམ་པ་བཅུའི་
བདག་ཉིད་ཅན་གྱི་བྱ་བ་སྟེ། དེ་ནི་དམ་པའི་ཆོས་ཀྱི་ཡི་གེ་འདྲི་བ་དང་། མཆོད་པ་དང་། གཞན་དག་ལ་སྦྱིན་པ་དང་། །གཞན་ཀློག་པ་ལས་ཉན་པ་དང་། བདག་ཉིད་ཀློག་པ་དང་། ལེན་པ་དང་། ཚེག་དང་དོན་མ་ནོར་བར་འཆད་པ་དང་། ཁ་ཏོན་བྱེད་པ་དང་། དོན་སེམས་པར་བྱེད་
པ་དང་། ཚུལ་བཞིན་དུ་སྒོམ་པར་བྱེད་པ་སྟེ། འདི་དག་ལ་སྤྱོད་པ་ནི་འབྲས་བུ་ཆེ་བར་བསྟན་པ་ཡིན་ཏེ། དབུས་དང་མཐའ་རྣམ་པར་འབྱེད་པ་ལས། ཡི་གེ་འདྲི་མཆོད་སྦྱིན་པ་དང་། །ཉན་དང་ཀློག་དང་ལེན་པ་དང་། །འཆད་དང་ཁ་ཏོན་བྱེད་པ་དང་། །དེ་སེམས་པ་དང་བསྒོམ་པའོ། །
སྤྱོད་པ་འདི་བཅུའི་བདག་ཉིད་ནི། །བསོད་ནམས་ཕུང་པོ་དཔག་ཏུ་མེད། །ཅེས་སོ། །དེ་ལྟ་བུའི་ཕན་ཡོན་ཆེན་པོ་དང་ལྡན་པའི་ཆོས་སྤྱོད་ཀྱི་རིམ་པ་དེ་ལ་ཡང་ཐོག་མཐའ་བར་གསུམ་ཐམས་ཅད་དུ་གསུང་རབ་དྲི་མ་མེད་པ་ཡི་གེ་བྲིས་པའི་གླེགས་བམ་ལ་མ་བརྟེན་པར་རང་དགའ་ཙམ་
གྱིས་འབད་པ་ལ་ནི་སྙིང་པོ་མེད་པའི་ཕྱིར་རོ། །དེ་བས་ན་ཡོན་ཏན་རིན་པོ་ཆེ་མཐའ་དག་འབྱུང་བའི་གཞིར་གྱུར་པ་སངས་རྒྱས་བཅོམ་ལྡན་འདས་ཀྱི་ཆོས་རྣམས་གླེགས་བམ་དུ་འདྲི་བ་ལ་སོགས་པ་ལྷུར་བགྱིས་པའི་བསོད་ནམས་ཀྱི་ཕུང་པོ་བརྗོད་ཀྱིས་མི་ལྡང་བ་ཉིད་འབྱུང་ནའང་འདིར་མདོ་

213-1-478b

ཙམ་ཞིག་བརྗོད་ན། ཤེས་རབ་ཀྱི་ཕ་རོལ་ཏུ་ཕྱིན་པ་བརྒྱད་སྟོང་པ་ལས། དེ་བཞིན་གཤེགས་པའི་བྱིན་གྱི་རླབས་ཀྱིས་གླེགས་བམ་ཆེན་པོ་ལ་ཡི་གེ་གསལ་ཞིང་རབ་ཏུ་གསལ་བ་ལེགས་པར་བྲིས་ཏེ། མེ་ཏོག་དང་། བདུག་པ་དང་། དྲི་དང་། ཕྲེང་བ་དང་། བྱུག་པ་དང་། ཕྱེ་
མ་དང་། རོལ་མོ་དང་། ན་བཟའ་དང་། གདུགས་དང་། རྒྱལ་མཚན་དང་། དྲིལ་བུ་དང་། བ་དན་དང་། ཁོར་ཡུག་ཏུ་མར་མེའི་ཕྲེང་བ་དང་། མཆོད་པ་རྣམ་པ་མང་པོ་དག་གིས་བཀུར་སྟིར་བྱ། བླ་མར་བྱ། རྗེད་པར་བྱ། མཆོད་པར་བྱ། རི་མོར་བྱ། བསྙེན་བཀུར་བྱ་སྟེ།
ཀུན་དགའ་བོ་འདི་ནི་ངའི་རྗེས་སུ་བསྟན་པའོ། །དེ་ཅིའི་ཕྱིར་ཞེ་ན། ཤེས་རབ་ཀྱི་ཕ་རོལ་ཏུ་ཕྱིན་པ་འདི་ལ་ཐམས་ཅད་མཁྱེན་པའི་ཡེ་ཤེས་ཡོངས་སུ་རྫོགས་པར་འགྱུར་རོ་ཞེས་སོགས་ཡི་གེ་གསལ་བར་བྲིས་པའི་གླེགས་བམ་ལ་མཆོད་པའི་བསོད་ནམས་དཔག་ཏུ་མེད་པར་བཤད་
པ་དང་། བླ་ན་མེད་པའི་བྱང་ཆུབ་ཀྱི་གནས་ཐོབ་པ་དང་། དེའི་ཡོན་ཏན་མང་པོ་རྒྱུད་ལ་བསྐྱེད་པའི་ཐབས་ཀྱང་གླེགས་བམ་དུ་ཡི་གེར་འདྲི་བ་དང་གཟུང་བ་ལ་སོགས་པ་བསོད་ནམས་ཀྱི་མཐུ་ལ་རག་ལས་པ་ཡིན་ཏེ། དེ་སྐད་དུའང་། སྒོ་མཐའ་ཡས་པ་སྒྲུབ་པའི་གཟུངས་
ལས། མདོ་སྡེ་ཐོས་ནས་རྗེས་སུ་ཡི་རང་དང་། །ཡི་གེར་བྲིས་དང་གཟུངས་དང་བཀླགས་པ་ཡི། །བསོད་ནམས་ཆུ་བོ་ཇི་ཙམ་བསྐྱེད་པ་ནི། །སེམས་ཅན་ཀུན་གྱིས་ཤེས་པར་ཡོང་མི་ནུས། །དེ་ནི་ཚེ་རབས་ཀུན་ཏུ་རྒྱལ་བ་མཐོང་། །དེ་དག་ལ་ཡང་དད་པ་བསམ་ཡས་
རྙེད། །མདོ་སྡེ་ཟན་མོའི་ཚུལ་ཡང་ཤེས་པར་འགྱུར། །དེ་ནི་མྱུར་དུ་བྱང་ཆུབ་མཆོག་འཚང་རྒྱ། །བླ་མེད་བྱང་ཆུབ་མ་རེག་བར་དུ་ཡང་། །དེ་ནི་ཏིང་ངེ་འཛིན་དང་མངོན་ཤེས་དང་། །གཟུངས་རྣམས་དང་ནི་གཟུགས་དང་ལོངས་སྤྱོད་དང་། །སངས་རྒྱས་མཐོང་ལས་ཉམས་པར་
ཡོངས་མི་འགྱུར། །ཞེས་དང་། གཞན་ཡང་དམ་པའི་ཆོས་པདྨ་དཀར་པོ་ལས། གང་ཞིག་མདོ་འདི་འཛིན་པ་དེས། །ང་ཡི་མདུན་དུ་དགེ་འདུན་ལ། །མཆོད་པ་མང་པོ་བྱས་པ་ཡིན། །མོས་པ་སྙིང་པོར་གང་གྱུར་ཏེ། །གང་ཞིག་མདོ་འདི་ཀློག་པའམ། །ཡི་གེར་འདྲི་བར་བྱེད་པ་སྟེ། །དེ་བས་

213-1-479a

བསོད་ནམས་མང་དུ་ཐོབ། །མི་འགའ་ལ་ལས་གླེགས་བམ་ལ། །ཤིན་ཏུ་ངེས་ཚིག་འདྲིར་བཅུག་སྟེ། །སྤོས་དང་ཕྲེང་བ་བྱུག་པ་ཡི། །གླེགས་བམ་དེ་ལ་མཆོད་པ་བྱེད། །སྤོས་ཀྱི་འབྲུ་མར་བཀང་བ་ཡི། །མར་མེ་རྟག་ཏུ་སུ་འབུལ་ཞིང་། །སྣ་མ་ཨུཏྤལ་སིལ་མ་
དང་། །ཙམ་པ་ཀས་ཀྱང་རབ་ཏུ་གཏོར། །གླེགས་བམ་དག་ལ་འདི་འདྲ་བའི། །མཆོད་པ་བྱེད་པའི་མི་དེ་ནི། །བསོད་ནམས་མང་པོ་རབ་འཕེལ་ཏེ། །དེ་ལ་ཚད་ཀྱང་ཡོད་མེད་དོ། །ཇི་ལྟར་ནམ་མཁའི་ཁམས་ཀྱི་ཚད། །ཕྱོགས་བཅུ་དག་ན་ཐམས་ཅད་དུ། །རྟག་ཏུ་རྙེད་པར་འགྱུར་
མ་ཡིན། །བསོད་ནམས་ཕུང་པོ་འདི་དེ་འདྲ། །ཞེས་དང་། གང་གིས་དམ་པའི་ཆོས་པདྨ་དཀར་པོའི་ཆོས་ཀྱི་རྣམ་གྲངས་འདི་ཐོས་པ་དང་། གང་ཡི་གེར་འདྲི་བ་དང་། གང་ཡི་གེར་འདྲིར་འཇུག་པ་དང་། སྐར་མའི་རྒྱལ་པོ་མེ་ཏོག་ཀུན་ཏུ་རྒྱས་པ་མངོན་པར་ཤེས་པ་གང་གིས་ཆོས་ཀྱི་རྣམ་
གྲངས་འདི་བཟུང་ངམ། བསྟན་ཏམ། ཐོས་སམ། ཡི་གེ་བྲིས་སམ། ཡི་གེར་འདྲིར་འཇུག་གམ། གླེགས་བམ་དུ་བྱས་ཏེ་བསྟི་སྟང་དུ་བྱེད་པ་དང་། བཙུན་པར་བྱེད་པ་དང་། བཀུར་སྟིར་བྱེད་པ་དང་། མཆོད་པ་དང་། མེ་ཏོག་དང་། བདུག་པ་དང་། སྤོས་དང་། ཕྲེང་བ་དང་།
བྱུག་པ་དང་། ཕྱེ་མ་དང་། གོས་དང་། གདུགས་དང་། རྒྱལ་མཚན་དང་། བ་དན་དང་། རོལ་མོའི་སྒྲ་དང་། ན་བཟའ་དང་། ཐལ་མོ་སྦྱར་བའི་ལས་དང་། མར་གྱི་མར་མེའམ། འབྲུ་མར་གྱི་མར་མེའམ། སྤོས་མར་གྱི་མར་མེའམ། ཙམ་པ་ཀའི་མར་གྱི་མར་མེའམ། སྣ་
མ་དང་སྐྱ་སྣར་དང་། བར་ཤ་ཀ་དང་། ན་པ་མ་ལི་ཀའི་མར་གྱི་མར་མེའམ། མཆོད་པ་རྣམ་པ་མང་པོ་དག་གིས་བསྟི་སྟང་དུ་བྱེད། བཙུན་པར་བྱེད། རིམ་གྲོར་བྱེད། མཆོད་པར་བྱེད་པའི་བསོད་ནམས་མངོན་པར་འདུ་བྱེད་པ་ཇི་སྙེད་ཅིག་འཕེལ་བར་འགྱུར་བའི་བསོད་ནམས་མངོན་པར་འདུ་བྱེད་
པ་དེ་དག་གི་མཐའ་ནི། སངས་རྒྱས་ཀྱི་ཡེ་ཤེས་ཀྱིས་ཀྱང་རྟོགས་པར་མི་ནུས་སོ་ཞེས་དང་། གང་ལ་ལ་ཞིག་གིས་དེ་བཞིན་གཤེགས་པའི་ཡོན་ཏན་གྱི་ཚོགས་ཡང་དག་པ་ཐོབ་པར་འདོད་པས་དམ་པའི་ཆོས་འཛིན་པ་ལ་སོགས་པ་ལ་གུས་པར་བྱས་པས་དབང་པོ་དྲུག་ཡོངས་སུ་དག་

213-1-479b

པར་འགྱུར་བ་ནི། དེ་ཉིད་ནས་རིགས་ཀྱི་བུ་གང་ལ་ལ་ཆོས་ཀྱི་རྣམ་གྲངས་འདི་འཛིན་པའམ། ཀློག་པའམ། སྟོན་པའམ། ཡི་གེར་འདྲི་བ་ཡང་རུང་སྟེ་རིགས་ཀྱི་བུ་ད་མིག་གི་ཡོན་ཏན་བརྒྱད་བརྒྱ་ཐོབ་པར་འགྱུར་རོ། །རྣ་བའི་ཡོན་ཏན་སྟོང་ཉིས་བརྒྱ་ཐོབ་པར་འགྱུར་རོ། །སྣའི་
ཡོན་ཏན་བརྒྱད་བརྒྱ་ཐོབ་པར་འགྱུར་རོ། །ལྕེའི་ཡོན་ཏན་སྟོང་ཉིས་བརྒྱ་ཐོབ་པར་འགྱུར་རོ། །ལུས་ཀྱི་ཡོན་ཏན་བརྒྱད་བརྒྱ་ཐོབ་པར་འགྱུར་རོ། །ཡིད་ཀྱི་ཡོན་ཏན་སྟོང་ཉིས་བརྒྱ་ཐོབ་པར་འགྱུར་རོ། །དེ་ཡོན་ཏན་བརྒྱ་ཕྲག་མང་པོས་དབང་པོ་དྲུག་གི་གྲོང་ཡོངས་སུ་དག་ཅིང་།
ཤིན་ཏུ་ཡོངས་སུ་དག་པར་འགྱུར་རོ་ཞེས་དང་། དེར་མ་ཟད་ས་ཕྱོགས་གང་དག་ཏུ་ཡི་གེ་འདྲི་བ་དང་ཀློག་པ་ལ་སོགས་པ་བྱས་པའི་ས་ཕྱོགས་དེ་ཡང་འཇིག་རྟེན་ཀུན་གྱི་མཆོད་རྟེན་དུ་འགྱུར་བ་ནི། མདོ་དེ་ཉིད་ལས། རིགས་ཀྱི་བུ་དག་ས་ཕྱོགས་གང་ན་ཆོས་ཀྱི་རྣམ་གྲངས་འདི་ཀློག་
གམ། སྟོན་ཏམ། རབ་ཏུ་འཆད་དམ། ཡི་གེར་འདྲིའམ། སེམས་སམ། འདོན་ཏམ། ཁ་ཏོན་བྱེད་དམ། གླེགས་བམ་དུ་བྱས་པ་ཀུན་དགའི་ར་བའམ། གཙུག་ལག་ཁང་ངམ་ཁྱིམ་མམ་གནས་སམ་ཤིང་དྲུང་ངམ་ཁང་པའམ་གནས་ཁང་ངམ་ཕུག་ན་འདུག་ཀྱང་རུང་སྟེ། ས་ཕྱོགས་
དེར་དེ་བཞིན་གཤེགས་པའི་མཆོད་རྟེན་དུ་བྱའོ། །དེ་ཅིའི་ཕྱིར་ཞེ་ན། ས་ཕྱོགས་དེ་དེ་བཞིན་གཤེགས་པ་ཐམས་ཅད་ཀྱི་བྱང་ཆུབ་ཀྱི་སྙིང་པོར་རིག་པར་བྱ་བ་དང་། ས་ཕྱོགས་དེར་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཐམས་ཅད་བླ་ན་མེད་པ་ཡང་དག་པར་
རྫོགས་པའི་བྱང་ཆུབ་མངོན་པར་རྫོགས་པར་སངས་རྒྱས་པར་རིག་པར་བྱ་བ་དང་། ས་ཕྱོགས་དེར་དེ་བཞིན་གཤེགས་པ་ཐམས་ཅད་ཀྱིས་ཆོས་ཀྱི་འཁོར་ལོ་རབ་ཏུ་བསྐོར་བ་དང་། ས་ཕྱོགས་དེར་དེ་བཞིན་གཤེགས་པ་ཐམས་ཅད་ཡོངས་སུ་མྱ་ངན་ལས་འདས་པར་རིག་པར་བྱ་བ་ཡིན་
པའི་ཕྱིར་རོ་ཞེས་དང་། འཇིག་རྟེན་རྣམ་འདྲེན་མྱ་ངན་འདས་པ་ན། །མདོ་སྡེ་མཆོག་འདི་གང་དག་འཛིན་པ་ཡི། །བདེར་གཤེགས་སྲས་པོ་རྣམས་ཀྱི་བསྔགས་པ་ནི། །བསྐལ་བ་བྱེ་བ་སྟོང་ཕྲག་མང་བརྗོད་ཀྱང་། །དེ་དག་གི་ནི་ཡོན་ཏན་མཐའ་ཡས་ཏེ། །ཇི་ལྟར་ཕྱོགས་རྣམས་སུ་ནི་ནམ་མཁའ་བཞིན། །

213-1-480a

གང་དག་རྟག་ཏུ་མདོ་སྡེ་འདི་འཛིན་པ། །དེ་དག་ཡོན་ཏན་བསམ་གྱིས་མི་ཁྱབ་འགྱུར། །འཇིག་རྟེན་འདྲེན་པ་མྱ་ངན་འདས་འདི་དང་། །ང་དང་འདྲེན་པ་འདི་དག་ཐམས་ཅད་མཐོང་། །བྱང་ཆུབ་སེམས་དཔའ་མང་པོ་འདི་ཀུན་དང་། །འཁོར་བཞི་རྣམས་ཀྱང་དེ་ཡིས་མཐོང་བ་ཡིན། །དེ་
ཡིས་དེང་འདིར་ང་ནི་མཉེས་པར་བྱས། །རྒྱལ་བའི་དབང་པོ་མྱ་ངན་འདས་འདི་དང་། །ཕྱོགས་བཅུ་རྣམས་ན་གང་དག་གཞན་བཞུགས་པ། །འདྲེན་པ་དེ་དག་ཐམས་ཅད་མཉེས་པར་བྱས། །གང་ཞིག་མདོ་སྡེ་འདི་ནི་འཛིན་བྱེད་པ། །འདས་དང་ད་ལྟར་མ་བྱོན་སངས་རྒྱས་དང་། །ཕྱོགས་བཅུ་
དག་ན་གང་དག་བཞུགས་པ་ཡང་། །དེ་ཀུན་མཐོང་ཞིང་ཤིན་ཏུ་མཆོད་པར་འགྱུར། །མདོ་སྡེ་ཡང་དག་ཆོས་འདི་གང་འཛིན་པས། །བྱང་ཆུབ་སྙིང་པོ་རྣམ་པར་གང་དགོངས་པ། །སྐྱེས་མཆོག་རྣམས་ཀྱི་གསང་ཆེན་ཤེས་པར་འགྱུར། །དེ་ནི་དེ་ཡང་མྱུར་དུ་རྗེས་སུ་སེམས། །གང་ཞིག་མདོ་སྡེ་
དམ་པ་འདི་འཛིན་པ། །དེ་ཡི་སྤོབས་པ་དག་ནི་མཐའ་ཡས་འགྱུར། །ཇི་ལྟར་རླུང་ནི་གང་དུའང་ཐོགས་མེད་བཞིན། །ཆོས་དང་དོན་དང་ངེས་པའི་ཚིག་ཀྱང་ཤེས། །འདྲེན་པ་རྣམས་ཀྱིས་དགོངས་ཏེ་གང་གསུངས་པ། །མདོ་སྡེ་རྣམས་ཀྱི་མཚམས་སྦྱར་རྟག་ཏུ་ཤེས། །རྣམ་པར་འདྲེན་པ་
མྱ་ངན་འདས་པ་ཡི། །མདོ་སྡེ་རྣམས་ཀྱི་ཡང་དག་དོན་དེ་ཤེས། །ཟླ་བ་ཉི་མ་འདྲ་བར་དེ་འགྱུར་ཏེ། །དེ་ནི་ཤིན་ཏུ་སྣང་ཞིང་གསལ་བྱེད་འགྱུར། །དེ་ནི་ས་ལ་རྒྱུ་ཞིང་དེ་དང་དེར། །བྱང་ཆུབ་སེམས་དཔའ་མང་པོ་ཡང་དག་འཛུད། །དེ་བས་བྱང་ཆུབ་སེམས་དཔའ་མཁས་གང་དག །འདི་འདྲ་
བ་ཡི་ཕན་ཡོན་འདི་ཐོས་ནས། །མྱ་ངན་ང་འདས་མདོ་འདི་ཟུངས་ཤིག་དང་། །དེ་དག་ཐེ་ཚོམ་མེད་པར་བྱང་ཆུབ་འགྱུར། ཞེས་དང་། བསོད་ནམས་མཐའ་ཡས་པར་འཕེལ་བ་དང་། ལྷ་ལ་སོགས་པའི་འགྲོ་བ་ཐམས་ཅད་ཀྱི་སྡང་སེམས་ལ་སོགས་པའི་གནོད་པ་ཐམས་ཅད་ཞི་བར་བྱེད་པ་དང་། བདེ་ལེགས་
ཐམས་ཅད་འཕེལ་བར་བྱེད་པ་ཅི་རིགས་པ་ལའང་དམ་པའི་ཆོས་ཀྱི་གླེགས་བམ་འདྲི་བ་དང་ཀློག་པ་ལ་སོགས་པ་ལས་ཆེས་མཆོག་ཏུ་འགྱུར་བ་འགའ་ཡང་མེད་པ་ནི། སྙིང་རྗེ་པདྨ་དཀར་པོ་ལས། རིགས་ཀྱི་བུའམ་རིགས་ཀྱི་བུ་མོ་གང་ལ་ལ་ཆོས་ཀྱི་རྣམ་གྲངས་འདི་ཉན་པ་དང་། འཛིན་པ་དང་། འཆད་

213-1-480b

དང་། ཀློག་པ་དང་། གཞན་དག་ལ་ཡང་ཐ་ན་ཚིགས་སུ་བཅད་པ་གཅིག་ཙམ་ཡང་རྒྱ་ཆེར་ཡང་དག་པར་སྟོན་པར་བགྱིད་པ་དེ་བསོད་ནམས་ཇི་སྙེད་ཅིག་བསྐྱེད་པར་འགྱུར་ལགས། བཀའ་སྩལ་བ། ངས་དེའི་བསོད་ནམས་སྔར་ཡང་སྨྲས་ཏེ། ད་ཡང་མདོར་
བསྡུས་ཏེ་བརྗོད་པར་བྱའོ། །གང་ལ་ལ་ཞིག་ཆོས་ཀྱི་རྣམ་གྲངས་འདི་ཉན་པ་དང་། འཛིན་པ་དང་། འཆང་བ་དང་། ཀློག་པ་དང་། གཞན་དག་ལ་ཡང་ཐ་ན་ཚིགས་སུ་བཅད་པ་གཅིག་ཙམ་རྒྱ་ཆེར་ཡང་དག་པར་སྟོན་པར་བྱེད་པ་དང་། གང་ཡང་མ་
འོངས་པའི་དུས་ལྔ་བརྒྱ་བ་ན་ཐ་མ་བྲོས་ཏེ་འཆང་བར་བྱེད་ན་དེ་བསོད་ནམས་ཆེས་མང་དུ་སྐྱེད་པར་འགྱུར་གྱི། བྱང་ཆུབ་སེམས་དཔའ་གང་དག་བསྐལ་པ་ཆེན་པོ་བཅུའི་བར་དུ་ཕ་རོལ་ཏུ་ཕྱིན་པ་དྲུག་ལ་སྤྱོད་པའི་བསོད་ནམས་ཀྱི་ཕུང་པོ་ནི་དེ་ལྟ་མ་ཡིན་ནོ། །དེ་ཅིའི་ཕྱིར་ཞེ་ན། ལྷ་
དང་བཅས་པ་དང་། བདུད་དང་བཅས་པ་དང་། ཚངས་པ་དང་བཅས་པ་དང་། དགེ་སྦྱོང་དང་བྲམ་ཟེའི་སྐྱེ་དགུ་དང་བཅས་པ་དང་། གནོད་སྦྱིན་དང་། ཀླུ་དང་། དྲི་ཟ་དང་། གྲུལ་བུམ་དང་། ཡི་དྭགས་དང་། ཤ་ཟ་དང་། མིའམ་ཅི་དང་། ལྷ་མ་
ཡིན་རྣམས་དང་བཅས་པའི་འཇིག་རྟེན་གྱི་སྡང་བའི་སེམས་རབ་ཏུ་དང་བར་བྱ་བ་དང་། ནད་ཐམས་ཅད་རབ་ཏུ་ཞི་བར་བྱ་བ་དང་། འཐབ་མོ་དང་། འཐབ་པ་དང་། རྩོད་པ་དང་། འགྱེད་པ་ཐམས་ཅད་ཉེ་བར་ཞི་བར་བྱ་བ་དང་། དུས་མ་ཡིན་པའི་རླུང་དང་། དུས་མ་
ཡིན་པའི་ཆར་བ་དང་། འཆི་བ་དང་། ནད་ཐམས་ཅད་རབ་ཏུ་ཞི་བར་བྱ་བ་དང་། མུ་གེ་ཐམས་ཅད་རབ་ཏུ་ཞི་བར་བྱ་བ་དང་། བདེ་བར་བྱ་བ་དང་། ལོ་ལེགས་པར་བྱ་བ་དང་། ནད་མེད་པ་ཚོགས་པར་བྱ་བ་དང་། སྐྲག་པ་རྣམས་འཇིགས་པ་མེད་ཅིང་བདེ་བར་བྱ་བ་དང་།
ཉོན་མོངས་པ་ཉེ་བར་ཞི་བར་བྱ་བ་དང་། དགེ་བའི་རྩ་བ་རྣམ་པར་འཕེལ་བར་བྱ་བ་དང་། ངན་སོང་གསུམ་གྱི་སྡུག་བསྔལ་ལས་ཐར་བར་བྱ་བ་དང་། ཐེག་པ་གསུམ་པོ་དག་གི་ལམ་ཡང་དག་པར་བསྟན་པར་བྱ་བ་དང་། ཏིང་ངེ་འཛིན་དང་། གཟུངས་དང་། བཟོད་པ་

213-1-481a

ཐོབ་པར་བྱ་བ་དང་། སེམས་ཅན་ཐམས་ཅད་ཉེ་བར་འཚོ་བར་བྱ་བ་དང་། རྡོ་རྗེའི་གདན་ལ་འདུག་པར་བྱ་བ་དང་། བདུད་བཞི་གཞོམ་པར་བྱ་བ་དང་། བྱང་ཆུབ་ཀྱི་ཕྱོགས་མངོན་པར་རྫོགས་པར་འཚང་རྒྱ་བར་བྱ་བ་དང་། ཆོས་ཀྱི་འཁོར་ལོ་བསྐོར་བར་
བྱ་བ་དང་། འཕགས་པའི་ནོར་བདུན་དང་བྲལ་བའི་སེམས་ཅན་རྣམས་བྱང་ཆུབ་ཀྱི་ཕྱོགས་དང་ལྡན་པར་བྱ་བ་དང་། འཁོར་མང་པོ་བྱ་བ་དང་། མི་འཇིགས་པའི་གྲོང་ཁྱེར་གྱི་གནས་སུ་འཇུག་པར་བྱ་བའི་ཕྱིར་ངས་ཆོས་ཀྱི་རྣམ་གྲངས་འདི་བཤད་པའི་ཕྱིར་རོ་ཞེས་དང་། དེ་བཞིན་
དུ། ཆོས་ཐམས་ཅད་ཀྱི་ཡོན་ཏན་བཀོད་པའི་རྒྱལ་པོའི་མདོ་ལས་ཀྱང་། བཅོམ་ལྡན་འདས་སྤྱན་རས་གཟིགས་དབང་ཕྱུག་གི་མིང་ཙམ་ལ་རྟོག་པ་གང་ལགས་པ་དེ་ཡང་བསམ་པ་ཐམས་ཅད་ཡོངས་སུ་རྫོགས་པར་འགྱུར་ན། གང་དག་ཆོས་ཀྱི་རྣམ་གྲངས་འདི་ལ་དད་པ་དང་།
འཆར་བ་དང་། ཀློག་པ་དང་། ཡི་གེར་འདྲི་བ་དང་། ཡི་གེར་འདྲིར་སྩོལ་བ་དང་། གོས་དང་རྒྱན་གྱི་མཆོད་པ་ཆེན་པོ་དག་གིས་མཆོད་པར་བགྱིད་པ་དང་། རྒྱན་གྱི་བརྒྱན་ནས་ཡི་གེར་འདྲི་བ་དང་། ཡི་གེར་འདྲིར་སྩོལ་བ་ལྟ་སྨོས་ཀྱང་ཅི་འཚལ་ལགས་ཞེས་དང་། སུ་
ཞིག་གིས་སངས་རྒྱས་ཀྱི་ཞིང་རབ་འབྱམས་མ་ལུས་པ་རིན་པོ་ཆེའི་མཆོད་རྟེན་གྱིས་ཡོངས་སུ་བཀང་སྟེ། བསྐལ་པ་ལས་ལྷག་པའི་ཡུན་དུ་འགྲོ་བ་མ་ལུས་པས་རང་གི་གྲོགས་སུ་བཀུག་སྟེ་མཆོད་པ་ཕུལ་བ་བས་ཀྱང་དེ་བཞིན་གཤེགས་པ་ཀུན་གྱི་འབྱུང་གནས་སུ་གྱུར་པ་དམ་པའི་ཆོས་
ཀྱི་རྣམས་གྲངས་གཅིག་ཅིག་གླེགས་བམ་དུ་བྲིས་ནས་བསྟི་སྟང་དུ་བྱས་པ་ན་དེས་བསོད་ནམས་ཀྱི་ཕུང་པོ་ཆེས་མང་དུ་འཕེལ་བ་ནི། སྡུག་པ་ཚིགས་སུ་བཅད་པ་ལས། ལ་ལས་བདེ་གཤེགས་ཡོངས་སུ་མྱ་ངན་འདས་པ་ཡི། །མཆོད་རྟེན་རིན་ཆེན་བདུན་ལས་བྱས་
ཤིང་མཆོད་བྱེད་ལ། །བདེ་བར་གཤེགས་པའི་མཆོད་རྟེན་དེ་དག་གངྒཱ་ཡི། །བྱེ་མ་སྙེད་ཀྱི་བྱེ་བ་ཕྲག་སྟོང་ཞིང་བཀང་སྟེ། །ཡོངས་སུ་བརྟག་བཟུང་ཞིང་རྣམས་བྱེ་བ་མཐའ་ཡས་ན། །སེམས་ཅན་ཇི་སྙེད་འཁོད་པ་དེ་དག་ཐམས་ཅད་ཀྱིས། །ལས་གཞན་མི་བྱེད་ལྷ་ཡི་

213-1-481b

མེ་ཏོག་སྤོས་རབ་དང་། །བྱུག་པས་དུས་གསུམ་བསྐལ་པའམ་དེ་བས་ལྷག་མཆོད་ལ། །གང་ཞིག་གང་ལས་རྣམ་འདྲེན་སྟོབས་བཅུ་འབྱུང་འགྱུར་བ། །བདེ་བར་གཤེགས་ཀྱི་ཡུམ་འདི་གླེགས་བམ་ལ་བྲིས་ཏེ། །འཆང་ཞིང་མེ་ཏོག་བྱུག་པས་བསྟི་སྟང་བྱེད་གྱུར་ན། །མཆོད་
རྟེན་བྱས་མཆོད་བསོད་ནམས་དེས་ནི་ཆར་མི་ཕོད། །ཅེས་དང་། དེ་བཞིན་དུ་འཕགས་པ་སངས་རྒྱས་ཀྱི་སྟོབས་བསྐྱེད་པའི་ཆོ་འཕྲུལ་རྣམ་པར་འཕྲུལ་བ་བསྟན་པའི་མདོ་ལས་ཀྱང་། གང་ཡང་ཛམྦུའི་གླིང་འདིར་དེ་བཞིན་གཤེགས་པའི་རིང་བསྲེལ་གྱི་མཆོད་རྟེན་རིན་པོ་ཆེ་སྣ་བདུན་
ལས་བྱས་པས་གང་བར་བྱས་ཏེ། ལྷའི་ཕྲེང་བ་དང་། བྱུག་པ་དང་། མེ་ཏོག་དང་། མར་མེ་དང་། རིན་པོ་ཆེའི་གདུགས་དང་། སིལ་སྙན་དང་། རྒྱལ་མཚན་དང་། བ་དན་རྣམས་ཀྱིས་ལོ་འབུམ་དུ་བཀུར་སྟི་བྱས་ཏེ་རྗེད་ཅིང་མཆོད་པ་བས། གང་ཆོས་ཀྱི་
རྣམ་གྲངས་འདི་འཆང་བ་དང་། ཀློག་པ་དང་། མཆོད་པ་དང་། འདྲི་བ་དང་། འདྲིར་འཇུག་པ་དང་། གཞན་དག་ལ་ཡང་དག་པར་རབ་ཏུ་བསྟན་ན་དེ་བས་འདི་ཆེས་བསོད་ནམས་མང་དུ་འཕེལ་ལོ། །རིགས་ཀྱི་བུ་གང་ལ་ལ་ཞིག་གིས་ཛམྦུའི་གླིང་གི་སེམས་ཅན་དེ་དག་
འཕགས་པའི་ལམ་ཡན་ལག་བརྒྱད་པ་ལ་འཇོག་ཅིང་། བཞག་ནས་ཀྱང་ལྷའི་ལོ་སྟོང་དུ་ཡོ་བྱད་ཐམས་ཅད་ཀྱིས་མི་བྲེལ་བར་རྗེད་ཅིང་མཆོད་པ་བས། གང་གིས་ཆོས་ཀྱི་རྣམ་གྲངས་འདི་ལས་ཚིག་བཞི་པའི་ཚིགས་སུ་བཅད་པ་གཅིག་ཙམ་ཡང་ཉན་པ་དང་། འཆང་བ་
དང་། འདྲི་བ་དང་། འདྲིར་བཅུག་པ་དང་། གཞན་ལ་རྒྱས་པར་བྱེད་ན་དེ་བས་འདི་ཆེས་བསོད་ནམས་མང་དུ་འཕེལ་ལོ་ཞེས་གསུངས་ཤིང་། ཁྱད་པར་སུ་ཞིག་གིས་འཇིག་རྟེན་གྱི་ཁམས་ན་གང་དག་འཁོད་པའི་སེམས་ཅན་མ་ལུས་པ་ཉན་ཐོས་ཀྱི་དགྲ་བཅོམ་པའི་བྱང་ཆུབ་ཏུ་བཀོད་
པ་ལས་ཀྱང་ཐེག་པ་ཆེན་པོ་ལ་ཞུགས་པའི་སེམས་ཅན་མཆོག་ལ་དེ་བཞིན་གཤེགས་པ་ཀུན་གྱི་ཡུམ་དུ་གྱུར་པའི་དམ་པའི་ཆོས་ཀྱི་གླེགས་བམ་བྱིན་པའི་བསོད་ནམས་ཆེས་ཁྱད་པར་དུ་འཕགས་ཏེ། མདོ་སྡུད་པ་ལས། ལ་ལས་གངྒཱའི་ཀླུང་གི་ཇི་སྙེད་ཞིང་རྣམས་ན། །སེམས་ཅན་ཇི་སྙེད་འཁོད་ཀུན་

213-1-482a

དགྲ་བཅོམ་ཉིད་བཏུལ་བས། །གང་གིས་ཤེས་རབ་ཕ་རོལ་ཕྱིན་འདི་ཡིག་བྲིས་ཏེ། །སེམས་ཅན་མཆོག་ལ་གླེགས་བྱིན་བསོད་ནམས་ཁྱད་པར་འཕགས། །ཞེས་སོགས་རྒྱ་ཆེར་གསུངས་སོ། །དེས་ན་དམ་པའི་ཆོས་ཀྱི་རྣམ་གྲངས་རེ་རེ་ཡང་ཡི་གེར་འདྲི་བ་
དང་། འཛིན་པ་དང་། འཆང་བ་དང་། ཉན་པ་དང་། ཀློག་པ་ལ་སོགས་པའི་ཕན་ཡོན་བསམ་གྱིས་མི་ཁྱབ་པ་དེ་ལྟར་གསུངས་ན་དེ་བཞིན་གཤེགས་པའི་ལུང་རབ་འབྱམས་ཀྱི་ཚིག་དང་དོན་མ་ལུས་པ་གཏན་ལ་འབེབས་པ་དང་། ཤིན་ཏུ་གསལ་བར་བྱེད་པའི་བསྟན་བཅོས་ཀྱི་ཉི་མ་ཆེན་པོ། བཀའ་
ལུང་རྒྱ་ཆེན་པོ་རྣམས་ཉེ་བར་སྡུད་པའི་སྒོ་ནས་གསལ་བར་བྱེད་པ་དང་། ཟབ་ཅིང་བརླིང་བ་རྣམས་ནི་རྣམ་པར་འགྲེལ་པའི་སྒོ་ནས་གསལ་བར་བྱེད་པ་དང་། འཁྲུགས་པ་རྣམས་གོ་རིམས་སུ་སྡེབས་པའི་སྒོ་ནས་གསལ་བར་བྱེད་པའི་བསྟན་བཅོས་ཀྱི་ཚོགས་ཐམས་ཅད་ཀྱི་གླེགས་བམ་འདི་དག་
ནམ་ཡང་འཛད་པ་མེད་པའི་ཆོས་སྦྱིན་གྱི་རྒྱུན་ཆེན་པོའི་འབྱུང་གནས་སུ་གྱུར་པའི་ལེགས་བྱས་འདི་དག་བསྒྲུབས་པའི་བསོད་ནམས་ཀྱི་ཕུང་པོ་བརྒྱའི་ཆ་དང་སྟོང་གི་ཆར་ཡང་བསྐལ་པ་བྱེ་བ་བརྒྱ་སྟོང་ཕྲག་དུ་མའི་བར་དུ་བརྗོད་ཀྱང་མཐར་ཕྱིན་པ་མེད་པའི་རང་བཞིན་དུ་འགྱུར་བ་ནི་ལྟ་ཡང་ཅི་
ཞིག་སྨོས། དེའི་རྒྱུ་མཚན་ཡང་། ཤེས་རབ་ཀྱི་ཕ་རོལ་ཏུ་ཕྱིན་པ་སྡུད་པ་ལས། ཅི་ཕྱིར་ཞེ་ན་སྨྲ་མཆོག་དེ་དག་འདིར་བསླབས་ནས། །ཆོས་རྣམས་ཐམས་ཅད་སྟོང་པ་ཉིད་དུ་འདིར་སྟོན་བྱེད། །དེ་ཐོས་ཉན་ཐོས་མྱུར་དུ་རྣམ་པར་གྲོལ་ལ་རེག །རང་རྒྱལ་བྱང་ཆུབ་དང་ནི་སངས་རྒྱས་བྱང་
ཆུབ་རེག །ཅེས་འབྱུང་བ་ལྟར། གང་དག་འདས་པའི་དུས་ཀྱི་སངས་རྒྱས་བཅོམ་ལྡན་འདས་གང་ཇི་སྙེད་ཅིག་བྱོན་པ་དང་། ད་ལྟར་བའི་དུས་ཀྱི་སངས་རྒྱས་བཅོམ་ལྡན་འདས་གང་ཇི་སྙེད་ཅིག་འཚོལ་ཞིང་གཞེས་པ་དང་། མ་འོངས་པའི་དུས་ཀྱི་སངས་རྒྱས་བཅོམ་ལྡན་འདས་གང་ཇི་སྙེད་ཅིག་འབྱོན་
པ་ཐམས་ཅད་ཀྱང་། རྣམ་པ་ཐམས་ཅད་མཁྱེན་པའི་ཡོན་ཏན་རྒྱ་མཚོའི་འཇུག་ངོགས་སུ་གྱུར་པའི་ཤེས་པར་བྱ་བ་རིག་པའི་གཞུང་ལུགས་རྣམ་པ་ལྔ་པོ་འདི་དག་ལ་ཡོངས་སུ་བསླབས་པ་དང་། བསླབ་པར་མི་འགྱུར་བ་ནི་འགའ་ཡང་མེད་དོ། །ཇི་ལྟར་བསླབ་པར་བགྱི་བའི་གནས་དེ་དག་

213-1-482b

ལ་ལེགས་པར་བསླབས་ཤིང་། བསླབས་ནས་ཀྱང་ཤེས་བྱ་ཇི་ལྟ་བ་དང་ཇི་སྙེད་པ་ཐམས་ཅད་ལ་དབང་འབྱོར་པ་དམ་པའི་ཕ་རོལ་ཏུ་སོན་པ་རྣམ་པ་ཐམས་ཅད་མཁྱེན་པའི་གོ་འཕང་དུ་མངོན་པར་རྫོགས་པར་སངས་རྒྱས་པ་དང་། འཚང་རྒྱ་བར་བགྱིད་པ་ཐམས་
ཅད་ཀྱང་ཚུལ་འདི་དག་ལ་བརྟེན་ནས་འབྱུང་དགོས་པའི་ཕྱིར་རོ། །གལ་ཏེ་དེ་ལྟ་ན་ཇི་ལྟར་བྱང་ཆུབ་ཀྱི་འབྲས་བུ་མངོན་དུ་མཛད་པ་དེའི་ཆེ་བའི་ཡོན་ཏན་གྱི་ཁྱད་པར་ནི་ཅི་ལྟ་བུ་ཞེ་ན། དེའི་ཡོན་ཏན་གྱི་ཁྱད་པར་ནི། དེ་བཞིན་གཤེགས་པའི་ཡེ་ཤེས་ཁོ་ན་ལས། གཞན་བློ་ལྡན་རྒྱལ་བའི་
སྲས་ཆེན་རྣམས་ཀྱིས་ཀྱང་བརྗོད་པའི་ཡུལ་ལས་ཡོངས་སུ་འདས་ན་བྱིས་པ་སོ་སོའི་སྐྱེ་བོ་རྣམས་ཀྱིས་རྣམ་པ་ཀུན་ཏུ་ལྟ་ག་ལ་ཞིག །འོན་ཀྱང་དྲི་མ་མེད་པའི་ལུང་དོན་བཞིན་དུ་གསང་བ་གསུམ་གྱི་ཡོན་ཏན་གྱི་ཁྱད་པར་མཚོན་ཙམ་ཞིག་སྨོས་ན། སྐུ་མི་ཟད་པ་རྒྱན་གྱི་འཁོར་ལོ། གསུང་མི་ཟད་པ་
རྒྱན་གྱི་འཁོར་ལོ། ཐུགས་མི་ཟད་པ་རྒྱན་གྱི་འཁོར་ལོའོ། །དེའི་དང་པོ་སྐུ་མི་ཟད་པ་རྒྱན་གྱི་འཁོར་ལོ་ལ་གཉིས་ལས། སྐུའི་གསང་བ་བསམ་གྱིས་མི་ཁྱབ་པ་ནི་སངས་རྒྱས་ཀྱི་སྐུའི་ཚད་གཞན་སུས་ཀྱང་བཟུང་བར་མི་ནུས་པ་སྟེ། བཅོམ་ལྡན་འདས་མངོན་པར་རྫོགས་པར་སངས་རྒྱས་
ནས་རིང་པོར་མ་ལོན་ཏེ། ཆོས་ཀྱི་འཁོར་ལོ་བསྐོར་ནས་གྲོང་ཁྱེར་ཝ་རཱ་ཎ་སཱིར་དྲང་སྲོང་ལྷུང་བ་རི་དྭགས་ཀྱི་ནགས་ན་བཞུགས་པའི་དུས་ཤིག་ཏུ། ཤར་ཕྱོགས་ལོགས་ཀྱི་དེ་བཞིན་གཤེགས་པ་ཙམ་པ་ཀའི་མདོག་གི་སངས་རྒྱས་ཀྱི་ཞིང་ཁམས་དགྲ་འདུལ་ནས་འོངས་པའི་བྱང་ཆུབ་
སེམས་དཔའ་ཤུགས་འཆང་གིས་བཅོམ་ལྡན་འདས་ཀྱི་སྤྱི་གཙུག་བལྟར་མི་མཐོང་བ་དང་། སྐུ་ཚད་མེད་ཅིང་མཐའ་ཡས་པའི་ཚད་དང་མཐའ་ཡོངས་སུ་བཙལ་བར་འདད་ནས་བྱང་ཆུབ་སེམས་དཔའ་ཤུགས་འཆང་རང་གི་ལུས་དཔག་ཚད་བརྒྱད་ཁྲི་བཞི་སྟོང་དུ་བྱིན་གྱིས་བརླབས་
ཏེ་བལྟས་པས། དེ་བཞིན་གཤེགས་པའི་སྐུ་དཔག་ཚད་འབུམ་ཕྲག་དྲུག་ཅུ་རྩ་བརྒྱད་པར་མཐོང་ནས་དེས་འདི་སྙམ་དུ་སེམས་ཏེ། བདག་ནི་མངོན་པར་ཤེས་པ་ཐོབ་པ་རྫུ་འཕྲུལ་གྱི་རྐང་པས་རྣམ་པར་རྩེ་བ་ཡིན་གྱིས། བདག་གིས་དེ་བས་ཀྱང་རྫུ་འཕྲུལ་གྱི་སྟོབས་རྒྱ་ཆེར་སྐྱེད་དེ།

213-1-483a

དེ་བཞིན་གཤེགས་པའི་སྐུའི་ཚད་བཙལ་བར་བྱའོ་སྙམ་ནས། དེ་སངས་རྒྱས་ཀྱི་མཐུ་དང་རང་གི་རྫུ་འཕྲུལ་གྱི་སྟོབས་བསྐྱེད་པས། སྟེང་ཕྱོགས་ཀྱི་ལོགས་སུ་སངས་རྒྱས་ཀྱི་ཞིང་གངྒཱ་བྱེ་བ་ཕྲག་བརྒྱའི་བྱེ་མ་སྙེད་བརྒལ་ཏེ་འཇིག་རྟེན་གྱི་ཁམས་པདྨོ་ཅན་
ཞེས་བྱ་བ་ན། དེ་བཞིན་གཤེགས་པ་པདྨོའི་དཔལ་གྱི་སྙིང་པོའི་རྒྱལ་པོ་བཞུགས་པའི་གནས་སུ་ཕྱིན་ཏེ་བལྟས་ཀྱང་དབུའི་གཙུག་ཏོར་གྱི་མཐའ་མ་མཐོང་ནས། སླར་སངས་རྒྱས་ཀྱི་མཐུ་དང་རང་གི་རྫུ་འཕྲུལ་གྱི་སྟོབས་ཀྱིས་ཤཱཀྱ་ཐུབ་པའི་སྤྱན་སྔར་ཕྱིན་ཏེ་ལན་བདུན་དུ་བསྐོར་བ་
བྱས་ཏེ་ཆེད་དུ་བརྗོད་པ་དཀོན་མཆོག་བརྩེགས་པའི་མདོ་ལས་བཤད་པ་ལྟ་བུའོ། །སྐུ་ཐམས་ཅད་པ་ནི་སྤྲུལ་པ་མཆོག་ནས་བཟུང་སྟེ། གྲུ་དང་། གཟིངས་དང་། ཟམ་པ་ལ་སོགས་པ་གདུལ་བྱ་གང་ལ་གང་གིས་འདུལ་བ་དེ་ལ་དེ་དང་རྗེས་སུ་མཚམ་པའི་སྐུར་བསྟན་ནས་དོན་
མཛད་དེ། དེ་བཞིན་གཤེགས་པས་སྤྲུལ་པ་གང་སྤྲུལ་ཡང་འདི་སྙམ་དུ་ངས་སྤྲུལ་པ་དག་སྤྲུལ་ཏོ། །སྤྲུལ་ལོ། །སྤྲུལ་པར་བྱའོ་སྙམ་དུ་མི་དགོངས་མོད་ཀྱི། སྤྲུལ་པས་འདུལ་བའི་སེམས་ཅན་མཐོང་བ་ན་འཇིག་རྟེན་གྱི་ཁམས་འདིའམ་འཇིག་རྟེན་གྱི་ཁམས་གྲངས་མེད་པ་རྣམས་
སུ་ཇི་སྙེད་མཆིས་པ་དག་དུ་སྤྲུལ་པའི་གཟུགས་ཀྱིས་བཞུད་དེ་སེམས་ཅན་ཡོངས་སུ་སྨིན་པར་མཛད་པའོ། །གསུང་ལ་ཡང་གཉིས་ལས། གསུང་གི་གསང་བསམ་གྱིས་མི་ཁྱབ་པ་ནི། སངས་རྒྱས་ཀྱི་གསུང་དེ་དྲུང་ནས་ཉན་ཀྱང་ཆེ་བ་མེད་ལ། དཔག་ཚད་དང་རྒྱང་གྲགས་
ལ་སོགས་པ་ནས་ཉན་ཀྱང་ཆུང་ངུ་མེད་པ་སྟེ། དེ་ཡང་མོོད་གལ་གྱི་བུས་ནུབ་ཕྱོགས་བདེ་བ་ཅན་དང་། དེ་ནས་ཀྱང་འཇིག་རྟེན་གྱི་ཁམས་བྱེ་བ་ཕྲག་བརྒྱ་འདས་པ་ན་འོད་ཟེར་ཅན་གྱི་འཇིག་རྟེན་གྱི་ཁམས་ཞེས་བྱ་བ་ན་དེ་བཞིན་གཤེགས་པ་འོད་ཟེར་ཀུན་ནས་འབྱུང་བ་འཁོར་དང་བཅས་
པ་བཞུགས་པའི་གནས་སུ་བྱོན་ཏེ་ཉན་པས་ཀྱང་ཆུང་ངུ་མེད་པ་ཐོས་པ་ལྟ་བུའོ། །གསུང་ཐམས་ཅད་པ་ནི་དག་པ་ལྷའི་སྐད་ནས་བཟུང་སྟེ་ཀླུ་ད་གནོད་སྦྱིན་དང་སྲིན་པོ་ལ་སོགས་པ་འགྲོ་བ་སོ་སོའི་སྐད་དུ་ཆོས་སྟོན་ནུས་པ་སྟེ། དཀོན་མཆོག་བརྩེགས་པ་ལས། ས་བླའི་ལྷ་དང་དེ་

213-1-483b

བཞིན་པར་སྣང་ལྷ། །དེ་དག་སྒྲ་སྐད་འཇུག་པ་ཅི་འདྲ་བ། །དེ་ལྟར་དེ་ལ་དེ་ཡི་སྒྲ་ཡང་འཇུག །རྣམ་པར་ངེས་བདེན་གཏམ་ཡང་དེ་འདྲའོ། །ངང་པ་ཁྲུང་ཁྲུང་ཀ་ལ་པིང་ཀ་དང་། །རྨ་བྱ་ནེ་ཙོ་ཁུ་བྱུག་ཤང་ཤང་ཏེའུ། །རི་སྐེགས་དང་ནི་ངུར་པ་ཀུན་ལ་ཀུན། །ཇི་ལྟའི་སྐད་ཀྱིས་དེ་
ནི་ཚིམ་པར་བྱེད། །སྟག་དང་སེང་གེ་དེ་བཞིན་དོམ་དང་སྤྲེའུ། །གཟིག་དང་བྱི་ལ་རི་དྭགས་གླང་ཆེན་བསེ། །རྟ་དང་ཁྱི་དང་ཕག་དང་འུག་པ་ཀུན། །ཇི་ལྟའི་སྐད་ཀྱིས་དེ་ནི་ཚིམ་པར་བྱེད། །གང་དག་རྐང་བཞི་པ་དང་རྐང་གཉིས་པ། །རྐང་མངས་དང་ནི་དེ་བཞིན་རྐང་མེད་རྣམས། །
བསྐུལ་དང་ཆད་པས་བཅད་དང་ཕན་གདགས་ཕྱིར། །ཀུན་ལ་དེ་ཡི་སྐྲ་སྐད་ཤེས་པ་འཇུག །སེམས་ཅན་གང་དག་སྟོང་གསུམ་འཇིག་རྟེན་ན། །རབ་བམ་འབྲིང་ངམ་འོན་ཏེ་ཐ་མའམ། །དམྱལ་བ་དུད་འགྲོ་གཤིན་རྗེའི་འཇིག་རྟེན་དང་། །ལྷ་མི་རྣམས་དང་དེ་ནི་སྐད་ཀྱང་མཐུན། །
ཇི་ལྟར་རིགས་པར་བྱེད་པ་སྟོན་ཀྱང་ནི། །མི་སེམས་འདུ་ཤེས་མེད་ཅིང་རྟོག་པ་མེད། །ཅེས་དང་། འཇིག་རྟེན་དང་རྗེས་སུ་མཐུན་པར་འཇུག་པ་ལས། སྐུ་དང་སྐུ་ཡི་ཕྲིན་ལས་དང་། གསུང་གིས་གང་དག་བརྗོད་པ་དང་། །ཡིད་དང་ཡིད་ཀྱི་རྣམ་རྟོག་རྣམས། །རྒྱལ་བའི་ཐམས་
ཅད་འཇིག་རྟེན་འདས། །འཇིག་རྟེན་ན་ནི་ཐུགས་བརྩེ་བས། །འཇིག་རྟེན་མགོན་པོ་འོད་མཛད་པ། །འཇིག་རྟེན་ཇི་ལྟར་རྟོགས་པ་བཞིན། །སེམས་ཅན་རྣམས་ལ་ཆོས་སྟོན་ཏོ། །ཞེས་གསུངས་སོ། །ཐུགས་ལ་ཡང་གཉིས་ལས། ཐུགས་ཀྱི་གསང་བ་བསམ་གྱིས་མི་
ཁྱབ་པ་ནི། དེ་བཞིན་གཤེགས་པའི་ཐུགས་ནི་རྣམ་པ་ཐམས་ཅད་དུ་ལྡོག་པ་མི་མངའ་བ་དང་། རྟོག་པ་མི་མངའ་བ་དང་། དཔྱོད་པ་མི་མངའ་བ་དང་། འགྱུར་བ་མི་མངའ་བ་དང་། ཚད་མི་མངའ་བ་ལ་སོགས་པས་ཆོས་གང་ཡང་མངོན་པར་མི་སྒྲུབ་པས་ན་ཐུགས་ཡོངས་སུ་
དག་པའོ། །དེས་ན་ཆོས་ཐམས་ཅད་ལ་ཡང་ཆགས་པ་དང་ཐོགས་པ་ཅུང་ཟད་ཀྱང་མི་མངའ་སྟེ། དཀོན་མཆོག་བརྩེགས་པ་ལས། ཞི་བའི་བློ་གྲོས་དེ་བཞིན་གཤེགས་པ་ནི་དེ་ལྟར་ཐུགས་ཡོངས་སུ་དག་པ་སྟེ། ཐུགས་ཀྱིས་ཆོས་གང་ལ་ཡང་མངོན་པར་མི་སྒྲུབ་ལ།

213-1-484a

ཆོས་ཐམས་ཅད་ལ་ཡང་དེའི་ཡེ་ཤེས་མ་ཆགས་མ་ཐོགས་པར་འཇུག་གོ་ཞེས་གསུངས་པས། སངས་རྒྱས་ཀྱི་ཐུགས་ཀྱིས་ཤེས་བྱ་མཁྱེན་པ་བཞིན་གཞན་སུས་ཀྱང་མི་མཁྱེན་པ་སྟེ། མོོད་གལ་གྱི་བུ་འཕགས་པ་དགྲ་བཅོམ་པ་རྫུ་འཕྲུལ་དང་ལྡན་
པས་ཀྱང་རང་གི་མ་གང་དུ་སྐྱེས་མ་མཁྱེན་པ་བཅོམ་ལྡན་འདས་ཀྱིས་མཁྱེན་པ་ལྟ་བུ་དང་། དགྲ་བཅོམ་པ་གཞན་སུས་ཀྱང་ཁྱིམ་བདག་དཔལ་སྐྱེས་ལ་ཐར་པའི་ས་བོན་ཡོད་པ་མཁྱེན་པར་རབ་ཏུ་འབྱུང་མ་ནུས་པ་ལ། བཅོམ་ལྡན་འདས་ཀྱིས་དཔལ་སྐྱེས་སྐྱེ་བ་བདུན་གྱི་གོང་རོལ་
དུ་ཁྱིར་སྐྱེས་པ་ན། ཕག་གིས་བདས་ནས་མཆོད་རྟེན་ཞིག་ལ་བསྐོར་བ་བྱས་པའི་དགེ་བའི་ས་བོན་ཡོད་པར་མཁྱེན་ནས་རབ་ཏུ་འབྱུང་བར་གནང་བ་ལྟ་བུའོ། །ཐུགས་ཐམས་ཅད་པ་ནི་ཇི་ལྟ་བ་དང་ཇི་སྙེད་པ་ཐམས་ཅད་མཁྱེན་པའི་ཡེ་ཤེས་མངའ་བ་སྟེ། དེ་ཡང་ཇི་ལྟ་བ་ནི་དངོས་
པོའི་གནས་ལུགས་མ་བཅོས་པ་མཁྱེན་ཅིང་མངོན་དུ་གྱུར་པ་ཡིན་ལ། ཇི་སྙེད་པ་མཁྱེན་པ་ནི། ཚེར་མ་རྣོ་བ། སྲན་མ་ཟླུམ་པ། ཕ་ཝང་ལོང་བུ་གྲུ་བཞིར་འོང་བ། རྨ་བྱའི་མདོངས་འདྲ་བ་ལ་སོགས་པ་ཆོས་ཐམས་ཅད་ཀྱི་རྒྱུ་དང་འབྲས་བུའི་རྟེན་འབྲེལ་མ་ལུས་པ་ཐུགས་
སུ་ཆུད་པས་གང་ཡང་མ་འདྲེས་པར་མཁྱེན་པའོ། །རྒྱན་ནི་མཛེས་པར་བྱེད་པ་སྟེ། རང་གཞན་གཉི་གའི་དོན་འབད་མེད་ལྷུན་གྲུབ་ཏུ་འབྱུང་བས་མཛེས་པའོ། །འཁོར་ལོ་ནི་མཛད་པ་ཕྲིན་ལས་ཀྱི་འཁོར་ལོ་སྟེ། དེ་བཞིན་གཤེགས་པས་སེམས་ཅན་བྱེ་བ་ཁྲག་ཁྲིག་དཔག་ཏུ་
མེད་པའི་དོན་ལ་ཆོས་ཀྱི་འཁོར་ལོ་བསྐོར་བས། དེ་རྣམས་ཀྱིས་ཀྱང་ཁྱད་པར་ལྷག་པར་རྟོགས་ཏེ། ལ་ལ་ནི་རྒྱུན་དུ་ཞུགས་པའི་འབྲས་བུ་དང་། ལ་ལ་ནི་ལན་ཅིག་ཕྱིར་འོང་བའི་འབྲས་བུ་དང་། ལ་ལ་ནི་ཕྱིར་མི་འོང་བའི་འབྲས་བུ་དང་། ལ་ལ་ནི་དགྲ་བཅོམ་པ་ཉིད་མངོན་དུ་
བྱེད། ལ་ལ་ནི་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་སེམས་བསྐྱེད་ཅིང་དེ་བཞིན་གཤེགས་པ་ཉིད་དུ་ལུང་བསྟན་པར་འགྱུར་ཏེ། མདོར་ན་འཁོར་བ་ཕལ་མོ་ཆེ་སངས་རྒྱས་ལ་གཞོལ་བ་དང་། ཆོས་ལ་འབབ་པ་དང་། དགེ་འདུན་ལ་བབ་པར་མཛད་དོ། །དེ་རྣམས་

213-1-484b

རེ་རེས་ཀྱང་ཆོས་ཀྱི་ཕུང་པོ་བསམ་གྱིས་མི་ཁྱབ་པ་བསྟན་པས་སྲོག་ཆགས་ཀྱི་ཚོགས་དེ་སྙེད་ཅིག་གིས་བྱང་ཆུབ་ཀྱི་འབྲས་བུ་མངོན་དུ་མཛད་པ་དང་། དེ་དག་གིས་ཀྱང་ཕྱི་མ་ཕྱི་མའི་སེམས་ཅན་རྣམས་ལ་ཆོས་བསྟན་པ་ལ་སོགས་པ་མདོར་ན་འཁོར་བ་མ་སྟོངས་ཀྱི་བར་དུ་དེ་བཞིན་གཤེགས་
པའི་ཕྲིན་ལས་ཀྱི་འཁོར་ལོ་རྒྱུན་ཆད་མེད་པའི་བདག་ཉིད་ཅན་ཏེ། དེ་དག་ཐམས་ཅད་ཀྱང་ཆོས་ཀྱི་ཚུལ་འདི་དག་ལས་འབྱུང་བའི་ཐབས་དང་ཤེས་རབ་ཟུང་དུ་འཇུག་པའི་ལམ་སྲོལ་ཆེན་པོ་འདི་དག་ལ་ལེགས་པར་བསླབས་པའི་འབྲས་བུ་ལས་གཞན་མ་ཡིན་པའི་ཕྱིར་རོ། །དེས་ན་
ཆོས་ཀྱི་སྦྱིན་པ་འདི་ནི་དེ་བཞིན་གཤེགས་པ་ཐམས་ཅད་ཀྱི་འབྱུང་གནས་ཆེན་པོ་ཉིད་དུ་ངེས་པའི་ཕྱིར། བསོད་ནམས་ཀྱི་ཕུང་པོའི་མཐའ་ནི་བསྐལ་པ་མང་པོར་བརྗོད་ཀྱང་མཐར་ཕྱིན་པར་མི་འགྱུར་བའི་རྒྱུ་མཚན་ནི་དེ་ལྟར་ལགས་སོ། །གཉིས་པ་དེ་བྱང་ཆུབ་ཏུ་བསྔོ་བ་ལ། རྣམ་གཞག་
སྤྱིར་བཤད་པ་དང་། སོ་སོར་བཤད་པ་དང་། སྐབས་སུ་བབ་པའི་བསྔོ་བ་དངོས་སོ། །དང་པོ་ལའང་མཚན་ཉིད་དང་། སྒྲ་དོན་དང་། དགོས་པ་སྟེ་རྣམ་པ་གསུམ་ལས། དང་པོ་མཚན་ཉིད་ནི། ཟག་བཅས་དང་ཟག་མེད་ཀྱིས་བསྡུས་པའི་དགེ་བའི་རྩ་བ་མངོན་པར་འདུ་
བགྱིས་པ་ཐམས་ཅད་བླ་ན་མེད་པའི་བྱང་ཆུབ་ཀྱི་ཕྱིར་ཡོངས་སུ་སྒྱུར་བའི་ཐབས་ཁྱད་པར་ཅན་དུ་གྱུར་པ་གང་ཡིན་པ་སྟེ། དཔེར་ན་གསེར་གྱི་དངོས་པོ་ཞིག་རྒྱན་གྱི་དམ་པ་ཉིད་དུ་སྒྱུར་བའི་བཟོ་མགར་གྱི་ལས་ལྟ་བུའོ། །དེ་ལྟར་ཡང་འགྲེལ་པ་དོན་གསལ་བ་ལས། ཡོངས་སུ་བསྔོ་བ་
ཡིད་ལ་བྱེད་པས་ནི། གསེར་མགར་གྱིས་རྒྱན་བཞིན་དུ་ཡང་དག་པར་རྫོགས་པའི་བྱང་ཆུབ་ཀྱི་ཡན་ལག་ཏུ་བྱེད་དོ་ཞེས་བྱ་བ་དང་། མངོན་པར་རྟོགས་པའི་རྒྱན་ལས། ཡོངས་སུ་བསྔོ་བ་ཁྱད་པར་ཅན། དེ་ཡི་བྱེད་པ་མཆོག་ཡིན་ནོ། །ཞེས་གསུངས་སོ། །གཉིས་པ་
སྒྲ་དོན་ནི། སྐད་རིགས་རྣམ་པ་བཞི་ལས་ལེགས་པར་སྦྱར་བའི་སྐད་དུ། པ་རི་ཎ་ཏ་ཞེས་བྱ་བ་འབྱུང་སྟེ། དེ་ནི་ཡོངས་སུ་སྒྱུར་བའམ་ཡོངས་སུ་སྤེལ་བ་ལའང་འཇུག་སྟེ། དགེ་བའི་རྩ་བ་ཐམས་ཅད་སྒྱུ་མའི་རྣམ་པ་ལྟར་སྣང་ལ་རང་བཞིན་མེད་པར་ཡོངས་སུ་སྒྱུར་བར་བྱེད་

213-1-485a

པའམ། བྱང་ཆུབ་ཀྱི་བར་དུ་བར་མ་དོར་ཆུད་འཛའ་བར་མི་འགྱུར་བའི་སྟོབས་དང་ལྡན་པ་ཉིད་དུ་སྤེལ་བར་བྱེད་པའི་ཐ་ཚིག་ཅན་ཏེ། དེ་ལ་ཡོངས་སུ་བསྔོ་བ་ཞེས་སྔོན་གྱི་ལོ་ཙཱ་བ་རྣམས་ཀྱིས་དོན་འགྱུར་དུ་མཛད་པ་ཡིན་ནོ། །གསུམ་པ་དགོས་པ་ནི། སྤྱིར་
བསོད་ནམས་བྱས་པའི་དགེ་ཚོགས་ཐམས་ཅད་ཡོངས་སུ་བསྔོ་བའི་རྒྱས་འདེབས་པར་བྱེད་པ་ནི། མུ་སྟེགས་བྱེད་ཀྱི་གཞུང་དག་ལ་མ་གྲགས་པ། རྣམ་པ་ཐམས་ཅད་མཁྱེན་པ་ཆེན་པོ་ཉིད་ཀྱི་ཁྱད་པར་གྱི་ཆོས་ཏེ། ཁྱད་པར་དུ་འཕགས་པའི་བསྟོད་པ་ལས། བསོད་ནམས་
བྱས་པའི་ཚོགས་དག་ནི། །སེམས་ཅན་རྣམས་ལ་ཡོངས་བསྔོ་བ། །བཅོམ་ལྡན་ཁྱོད་ཀྱིས་གང་གསུངས་པ། །དེ་གཞན་བསྟན་བཅོས་ལས་མ་བཤད། །ཅེས་སོ། །དེས་ན་སྟོན་པ་བཅོམ་ལྡན་འདས་ཐུབ་པའི་དབང་པོ་དེའི་རྗེས་སུ་སློབ་ཅིང་། རྗེས་སུ་སྒྲུབ་པ་ལ་མི་སྤྲོ་བ་
མེད་པའི་བློ་དང་ལྡན་པ་རྣམས་ཀྱིས། བསོད་ནམས་ཀྱི་དངོས་པོ་གང་དག་བསགས་པ་ཐམས་ཅད་ཡོངས་སུ་བསྔོ་བའི་རྒྱས་འདེབས་པ་ལ་ཤིན་ཏུ་གུས་པར་བྱ་དགོས་པ་ཡིན་ནོ། །གལ་ཏེ་ན་དགེ་བའི་རྩ་བ་ཆུང་ངུ་ཞིག་ནའང་བརྙེས་པར་མི་བྱ་བར་མི་གནས་པའི་མྱ་ངན་ལས་འདས་པའི་གོ་
འཕང་དུ་ཡོངས་སུ་སྔོ་བས་ཡོངས་སུ་བསྔོས་ན། ནམ་ཞིག་བྱང་ཆུབ་ཀྱི་སྙིང་པོ་ལ་ཐུག་གི་བར་དུ་བར་མ་དོར་ཟད་པར་མི་འགྱུར་བ་དང་། བསམ་གྱིས་མི་ཁྱབ་པར་འཕེལ་བར་འགྱུར་བ་དང་། བྱང་ཆུབ་ཀྱི་རྒྱུར་སྨིན་པ་ལ་སོགས་པའི་དགོས་པ་དཔག་ཏུ་མེད་པ་ཡོད་དེ། དཔེར་ན་ཆུའི་
ཐིགས་པ་གཅིག་ཅིག་རྒྱ་མཚོ་ཆེན་པོའི་ནང་དུ་ལྷུང་བའི་རྒྱུན་དེ་ནི་བསྐལ་པའི་བར་དུ་ཡང་འཛད་པར་འགྱུར་བའི་གནས་ཡོད་པ་མ་ཡིན་པ་ལྟ་བུའོ། །དེ་སྐད་དུ་ཡང་བློ་གྲོས་རྒྱ་མཚོས་ཞུས་པའི་མདོ་ལས། ཇི་ལྟར་ཆུ་ཐིགས་རྒྱ་མཚོ་ཆེ་ནང་ལྷུང་། །རྒྱ་མཚོ་མ་ཟད་བར་དུ་དེ་མི་ཟད། །དེ་བཞིན་
བྱང་ཆུབ་ཡོངས་བསྔོས་དགེ་བ་ཡང་། །བྱང་ཆུབ་མ་ཐོབ་བར་དུ་དེ་མི་འཛད། །ཅེས་དང་། བློ་གྲོས་མི་ཟད་པའི་མདོ་ལས་ཀྱང་དེ་དང་མཐུན་པར་འབྱུང་ངོ་། །གཞན་ཡང་དེང་གི་ལེགས་བྱས་སྒྲུབ་པ་པོ་འབྲེལ་པ་དང་བཅས་པས་བྱས་པའི་དགེ་བ་ཁོ་ནར་མ་ཟད། ཕྱོགས་ཐ་དད་པ་དང་།

213-1-485b

དུས་ཐ་དད་པ་དང་། གང་ཟག་ཐ་དད་པ་དག་གིས་བསགས་པའི་དགེ་བ་ཐམས་ཅད་ཀྱང་། འཁོར་གསུམ་གྱི་རྣམ་པར་རྟོག་པས་མ་བསྒྲིབས་པར་ཡོངས་སུ་བསྔོས་ན་ཆུ་ཀླུང་མང་པོ་རྒྱ་མཚོར་འབབ་བབ་གཞོལ་བ་དེ་བཞིན་དུ། འཁོར་འདས་ཀྱི་དགེ་བ་ཐམས་ཅད་ཀྱང་བྱང་ཆུབ་མཆོག་གི་
རྒྱུར་འགྱུར་བའི་དགོས་པ་ཡོད་དེ། ནམ་མཁའ་མཛོད་ཀྱི་མདོ་ལས། ཐ་དད་ཕྱོགས་ནས་ཆུ་ཀླུང་མང་པོ་དག། །རྒྱ་མཚོ་ཆེར་འབབ་རོ་གཅིག་འགྱུར་བ་ལྟར། །ཐ་དད་ཕྱོགས་ནས་དགེ་བ་བསགས་བྱས་པ། །བྱང་ཆུབ་བསྔོས་པ་རྣམས་ཀྱང་རོ་གཅིག་འགྱུར། །ཞེས་སོ། །གཞན་
ཡང་དགེ་བ་ཇི་ལྟ་བུའི་སྟོབས་དང་ལྡན་པ་བསགས་ཀྱང་བྱང་ཆུབ་ཏུ་མ་བསྔོས་ན་བར་མ་དོར་ཆུད་འཛའ་བར་འགྱུར་བ་སྟེ། ཇི་སྐད་དུ། ཕལ་ཆེར་དོན་མེད་དོན་ཡོད་དང་། །རྣམ་པ་ཀུན་དུ་དོན་ཡོད་པ། །ཞེས་གསུངས་པས། མོས་པས་སྤྱོད་པའི་དགེ་བ་ཕལ་ཆེར་དོན་མེད་འགྲོ་བ་མང་སྟེ།
དགེ་བའི་ལས་ཀྱི་འཕེན་པས་གནས་སྐབས་སུ་བདེ་འགྲོའི་གནས་སུ་འཕངས་ནས་དེར་བདེ་བ་ཅུང་ཟད་ཅིག་མྱོང་བའི་སྐལ་བ་ཅན་དུ་གྱུར་ནས། དེ་ཙམ་གྱིས་ཟད་པར་གྱུར་པའམ། ཡོངས་སུ་ཟད་པར་མ་གྱུར་ནའང་བསོད་ནམས་ཀྱི་སྟོབས་ཆུང་ངུར་གྱུར་ཏེ། ཕྱི་ནས་འབྲས་བུ་འབྱིན་པའི་
མཐུ་དམན་པར་འགྱུར་བ་དང་། ཡུལ་ཁྱད་པར་ཅན་ལྟ་བུ་ལ་ཁོང་ཁྲོ་བ་སྐྱེས་པ་ལ་སོགས་པའི་སྡིག་པའི་ལས་རེ་རེས་ཀྱང་ཡོངས་སུ་གཏུགས་པར་འགྱུར་བ་ཡོད་དེ། དབུ་མ་འཇུག་པ་ལས། སྤྱད་དང་དངོས་སུ་ཡོངས་སུ་ཟད་པ་ན། །ཕྱིན་ཆད་དེ་ལས་ལོངས་སྤྱོད་འབྱུང་མི་འགྱུར།
ཞེས་དང་། ལི་ཙྪ་བཱིས་ཞུས་པའི་མདོ་ལས། མང་པོ་ཡང་ཉུང་ངུར་རིག་པར་བྱ་སྟེ། ཀུན་མཁྱེན་དུ་མ་བསྔོས་པའི་ཕྱིར་རོ་ཞེས་དང་། སྤྱོད་འཇུག་ལས་ཀྱང་། བསྐལ་པ་སྟོང་དུ་བསགས་པ་ཡི། །སྦྱིན་དང་བདེ་གཤེགས་མཆོད་ལ་སོགས། །ལེགས་སྤྱད་གང་ཡིན་
དེ་ཀུན་ཀྱང་། །ཁོང་ཁྲོ་གཅིག་གིས་འཇོམས་པར་བྱེད། །ཅེས་སོ། །དེས་ན་དགེ་བའི་རྩ་བ་ཡོངས་སུ་བསྔོས་པ་ནི་དེ་ལྟ་བུའི་རྐྱེན་གྱིས་འཇིག་པར་མི་འགྱུར་བ་ལ་སོགས་པའི་དགོས་པ་དཔག་ཏུ་མེད་པ་ཡོད་དོ། །གཉིས་པ་སོ་སོར་བཤད་པ་ལ། གང་ཞིག་བསྔོ་བར་བྱ་བ་བསོད་

213-1-486a

ནམས་ཀྱི་ཁྱད་པར། གང་དུ་བསྔོ་བ་ཡུལ་གྱི་ཁྱད་པར། ཇི་ལྟར་བསྔོ་བ་ལམ་གྱི་ཁྱད་པར་ཏེ་གསུམ་ལས། དང་པོ་བསྔོ་བར་བྱ་བའི་བསོད་ནམས་ནི། །སྤྱིར་དགེ་བའི་མིང་གིས་བཏགས་པ་ཐམས་ཅད་བསྔོ་བས་བསྒྱུར་དུ་རུང་ངམ་སྙམ་ན། མ་ཡིན་ཏེ། མངོན་
པའི་གཞུང་རྣམས་ལས་དེ་བཞིན་ཉིད་ལའང་དགེ་བ་ཞེས་གསུངས་པ་ཡོད་དེ། དེ་ནི་དགོངས་པའི་དབང་གིས་གསུངས་པ་ཡིན་པའི་ཕྱིར། བསྔོ་བར་བྱ་བའི་རྒྱུ་མ་ཡིན་པ་དང་། བསྔོས་ཀྱང་འགྱུར་བ་མེད་པར་གསུངས་ཏེ། ཤེས་རབ་ཀྱི་ཕ་རོལ་ཏུ་ཕྱིན་པ་སྟོང་ཕྲག་བརྒྱ་པ་ལས། ཆོས་
ཀྱི་དབྱིངས་ལ་ཡོངས་སུ་བསྔོ་བ་མེད་དོ་ཞེས་བྱ་བ་ལ་སོགས་པ་བསྔོ་བའི་རྒྱུར་བྱས་ན་གནོད་བྱེད་མང་དུ་ཡོད་པར་གསུངས་པའི་ཕྱིར་རོ། །གལ་ཏེ་དེ་ལྟར་ཡིན་ན་བསྔོ་བའི་རྒྱུར་བཏུབ་པའི་དགེ་བའི་རྩ་བ་དེ་ནི་གང་དག་ཡིན་སྙམ་ན། བཤད་པར་བྱ་སྟེ། དུག་གསུམ་མེད་པའི་སེམས་
ཀྱིས་ཀུན་ནས་བསླངས་བའི་སྒོ་གསུམ་གྱི་ལས་གང་དག་བསགས་པ་སྟེ། རིན་ཆེན་ཕྲེང་བ་ལས། མ་ཆགས་ཞེ་སྡང་གཏི་མུག་མེད། །དེས་བསྐྱེད་ལས་ནི་དགེ་བའོ། །ཞེས་གསུངས་པ་ལྟར་རོ། །དེ་ཉིད་ལེགས་པར་སྦྱར་བའི་སྐད་དུ། ཀུ་ས་ལ་མཱུ་ལ་ཞེས་འབྱུང་ངོ་། །དེའང་
ཀུ་ས་ལ་ནི་དགེ་བ་དང་། མཱུ་ལ་ནི་རྩ་བ་སྟེ། དོན་དུ་རྣམ་པར་སྨིན་པ་བདེ་བ་སྐྱེད་པས་ན་དགེ་བ་སྟེ། དེའང་ཇི་སྐད་དུ། དགེ་བ་ལེགས་པར་སྤྱད་པ་སྟེ། །རྣམ་སྨིན་བདེ་བ་སྐྱེད་པའོ། །ཞེས་སོ། །དེ་ཉིད་ཀྱང་བསོད་ནམས་བྱ་བའི་དངོས་པོའི་སྒོ་ནས་དབྱེ་ན། སྦྱིན་པ་ལས་བྱུང་བའི་
བསོད་ནམས་བྱ་བའི་དངོས་པོ་དང་། ཚུལ་ཁྲིམས་ལས་བྱུང་བའི་བསོད་ནམས་བྱ་བའི་དངོས་པོ་དང་། བསྒོམ་པ་ལས་བྱུང་བའི་བསོད་ནམས་བྱ་བའི་དངོས་པོ་སྟེ་གསུམ་དུ་འགྱུར་བ་ལས། དེང་འདིར་སྐབས་སུ་བབ་པ་ནི་སྦྱིན་པ་ལས་བྱུང་བའི་བསོད་ནམས་བྱ་བའི་དངོས་པོ་སྟེ། དེའང་
སྦྱིན་པའི་སྒྲ་ནི་དབུལ་བ་འདོར་བའི་དོན་ཏེ། འཇིག་རྟེན་དང་འཇིག་རྟེན་ལས་འདས་པའི་དབུལ་བ་འདོར་བར་བྱེད་པས་སྦྱིན་པ་ཞེས་སམ། ཡང་ན་འཆི་བ་དང་ཆོས་དང་སྲིད་པ་གཞན་གོ་བར་བྱེད་པས་སྦྱིན་པ་སྟེ། སློབ་དཔོན་འཕགས་པ་ལྷས། འཆི་དང་ཆོས་དང་སྲིད་པ་གཞན། །སྦྱིན་

213-1-486b

པའི་སྒྲ་ཡིས་གསལ་བར་བྱེད། །དེས་ན་བྱང་ཆུབ་སེམས་དཔའ་ལ། །སྦྱིན་པའི་སྒྲ་ནི་ཤིན་ཏུ་བསྟན། །ཞེས་སོ། །དེ་ལྟ་བུའི་སྦྱིན་པའང་དབྱེ་ན། ཟང་ཟིང་མི་འཇིགས་ཆོས་དང་བྱམས། །སྦྱིན་པ་རྣམ་བཞི་རྟག་ཏུ་སྦྱིན། །ཞེས་པ་ལྟར་རྣམ་པ་བཞི་ལས། འདིར་སྡོམ་བརྩོན་
སྐྱེ་དགུའི་བདག་པོའི་ཐུགས་བསྐྱེད་རྒྱ་མཚོ་ལྟ་བུ་ལས་བྱུང་བའི་ལེགས་བྱས་ཀྱི་ཕུང་པོ་འདི་ནི་སྦྱིན་པ་རྣམ་པ་བཞི་ག་ཚང་བའི་སྒོ་ནས་སྒྲུབ་དགོས་ཤིང་། བྱེ་བྲག་ཏུ་ཟང་ཟིང་གི་སྦྱིན་པ་དང་ཆོས་ཀྱི་སྦྱིན་པ་གཉིས་ནི་ཤིན་ཏུ་གཙོ་ཆེ་བ་སྟེ། དང་པོ་ནི། དུས་སུ་སྦྱིན་དང་འགྱོད་པ་མེད་པ་
དང་། །ཡིད་འོང་སྦྱིན་དང་རྣམ་སྨིན་མི་རེ་བ། །ཞེས་གསུངས་པ་ལྟ་བུ་སྟེ་སངས་རྒྱས་ཀྱི་རྒྱུ་ཉིད་དུ་བསྔོར་མི་རུང་བ་མེད་པ་དང་། ཆོས་ཀྱི་སྦྱིན་པ་ནི་གོང་དུ་ལུང་དྲངས་པ་རྣམས་ལས་ཇི་ལྟར་འབྱུང་བའི་ཕན་ཡོན་བསམ་གྱིས་མི་ཁྱབ་པ་དང་ལྡན་པ་དེ་ཉིད་དོ། །དེར་ཡང་མ་ཟད་ས་སྐྱོང་བསྟན་
པའི་སྲི་ཞུ་བ་ཆེན་པོ་ནས་དཀོན་མཆོག་མཆོད་པ་ལ་སོགས་པ་དུས་གསུམ་དང་རྗེས་སུ་འབྲེལ་བར་རང་ཉིད་ཀྱིས་བསགས་པ་དང་གཞན་ལ་བསྐུལ་བ་ལ་སོགས་པ་ལེགས་བྱས་ཀྱི་ཚོགས་ཇི་སྙེད་མཆིས་པ་རྣམས་དང་། གཞན་ཡང་ཕྱོགས་བཅུའི་འཇིག་རྟེན་གྱི་ཁམས་ཀྱི་འགྲོ་བ་སུ་ཡང་
རུང་བ་དང་། དུས་ནམ་ཡང་རུང་བ་དང་། བསོད་ནམས་གང་ཡང་རུང་བ་བྱས་པ་ཐམས་ཅད་ཀྱང་འདིར་བསྔོར་རུང་བ་ཡིན་ཏེ། ཤིན་ཏུ་རྒྱས་པའི་སྡེ་སྣོད་ལས། འགྲོ་ཀུན་དགེ་བ་ཇི་སྙེད་ཡོད་པ་དང་། །བྱས་དང་བྱེད་འགྱུར་དེ་བཞིན་བྱེད་པ་དང་། །བཟང་པོ་ཇི་བཞིན་དེ་འདྲའི་
ས་དག་ལ། །ཀུན་ནས་ཀུན་ཀྱང་བཟང་པོར་རེད་གྱུར་ཅིག །ཅེས་གསུངས་སོ། །གཞན་ཡང་ཕྱོགས་བཅུའི་འཇིག་རྟེན་གྱི་ཁམས་ན་སྟོང་གསུམ་གྱི་སྟོང་ཆེན་པོའི་འཇིག་རྟེན་གྲངས་མེད་པ་ཡོད་དེ། དེ་དག་ཏུ་ཇི་ལྟར་འདས་པའི་སངས་རྒྱས་བཅོམ་ལྡན་འདས་བགྲང་ལས་འདས་པ་
གང་དག་བྱུང་བ་རྣམས་ཀྱིས། དང་པོར་བྱང་ཆུབ་ཏུ་སེམས་བསྐྱེད་པ་ནས་བཟུང་སྟེ། མངོན་པར་རྫོགས་པར་སངས་རྒྱས་པའི་བར་དང་། ཡོངས་སུ་མྱ་ངན་ལས་འདས་པ་ནས་དམ་པའི་ཆོས་ཡོངས་སུ་ཟད་ཀྱི་བར་ཏེ། དེ་དག་གི་བར་དུ་སངས་རྒྱས་བཅོམ་ལྡན་འདས་དེ་དག་གིས་

213-1-487a

ཕ་རོལ་ཏུ་ཕྱིན་པ་དྲུག་ལས་བརྩམས་པའི་དགེ་བའི་རྩ་བ་གང་དག་བསགས་པ་དང་། ཡོན་ཏན་གྱི་ཚོགས་བསམ་གྱིས་མི་ཁྱབ་པ་བརྙེས་པ་དང་། ཆོས་ཀྱི་འཁོར་ལོ་བསྐོར་བ་དང་། ཆོས་དེ་དག་ལ་བསླབས་པའི་བྱང་ཆུབ་སེམས་དཔའ་བྱང་ཆུབ་ཏུ་ལུང་བསྟན་
པ་དང་། རང་སངས་རྒྱས་དང་། ཉན་ཐོས་སློབ་པ་དང་། མི་སློབ་པ་དང་། སངས་རྒྱས་བཅོམ་ལྡན་འདས་དེ་དག་གིས་རྗེས་སུ་བསྟན་པ་རྗེས་སུ་ཐོས་པའི་ལྷ་དང་མི་ལ་སོགས་པས་དགེ་བའི་རྩ་བ་ཟག་བཅས་དང་ཟག་མེད་གང་དག་བསྐྲུན་པ་རྣམས་ཀྱང་ཡོངས་སུ་བསྔོ་བར་བྱ་བ་
ཉིད་དེ། དེ་སྐད་དུ་ཡང་སྡུད་པ་ཚིགས་སུ་བཅད་པ་ལས། འདས་དུས་སྔོན་གྱི་སངས་རྒྱས་བྱེ་བ་ཁྲག་ཁྲིག་གང་། །ཞིང་མང་མཐའ་ཡས་བྱེ་སྟོང་དག་ན་གང་བཞུགས་དང་། །གང་ཡང་མྱ་ངན་འདས་པ་འཇིག་རྟེན་མགོན་པོ་རྣམས། །སྡུག་བསྔལ་ཟད་པར་བྱ་ཕྱིར་རིན་ཆེན་
ཆོས་སྟོན་པ། །དང་པོ་བྱང་ཆུབ་མཆོག་ཏུ་སེམས་བསྐྱེད་བསྐྱེད་པ་ནས། །རྣམ་པར་འདྲེན་པ་རྣམས་ཀྱི་དམ་ཆོས་ཟད་ཀྱི་དུས། །དེ་བར་རྒྱལ་བ་དེ་དག་བསོད་ནམས་གང་ཡིན་པ། །ཕ་རོལ་ཕྱིན་དང་ལྡན་དང་སངས་རྒྱས་ཆོས་གང་དང་། །གང་ཡང་སངས་རྒྱས་སྲས་རྣམས་དང་
ནི་ཉན་ཐོས་དང་། །སློབ་དང་མི་སློབ་དགེ་བ་ཟག་བཅས་ཟག་མེད་པ། །བསྡུས་ནས་བྱང་ཆུབ་སེམས་དཔའ་རྗེས་སུ་ཡི་རངས་ཤིང་། །འགྲོ་བའི་དོན་རྒྱུ་བྱང་ཆུབ་ཕྱིར་ནི་ཐམས་ཅད་བསྔོ། །ཞེས་དང་། ཕལ་པོ་ཆེ་ལས། ཕྱོགས་བཅུའི་འཇིག་རྟེན་དག་ན་གང་ཡོད་པའི། །
དགེ་བ་དེ་དག་ཡང་ཡང་བསྒྲུབས་པས་ན། །འགྲོ་བ་ཀུན་ལ་ཕན་དང་བདེ་སེམས་ཀྱིས། །ཡེ་ཤེས་མཁས་པ་དེ་དག་ཡོངས་སུ་བསྔོ། །ཞེས་པ་ལྟར་ཏེ། མདོར་ན་སྒོ་གསུམ་གྱིས་མངོན་པར་འདུ་བགྱིས་པའི་བསོད་ནམས་ཀྱི་ཚོགས་ཇི་སྙེད་པ་དག་ནི་རྫོགས་པའི་བྱང་ཆུབ་ཀྱི་
ཕྱིར་ཡོངས་སུ་བསྔོ་བར་བྱ་བའི་ཆོས་སོ། །གཉིས་པ་གང་དུ་བསྔོ་བའི་ཡུལ་ནི། དགེ་བ་དེ་དག་ཀྱང་སངས་རྒྱས་ཀྱི་ས་ལས་གཞན་པ་འཇིག་རྟེན་པའི་ཆེན་པོ་ཚངས་པ་དང་། བརྒྱ་བྱིན་དང་། སྟོང་འཁོར་ལོས་སྒྱུར་བའི་རྒྱལ་པོ་དང་། ཁམས་ཀྱི་རྒྱལ་ཕྲན་དང་། འཁོར་

213-1-487b

དང་ལོངས་སྤྱོད་ཆེན་པོ་དང་ལྡན་པ་ལ་སོགས་པ་འཁོར་བའི་བདེ་འབྲས་སྒྲུབ་པའི་ཆེད་དུ་བསྔོ་བར་བྱ་བ་ནི་མ་ཡིན་ཏེ། དེ་དག་ནི་དངོས་སམ་བརྒྱུད་ནས་སྡུག་བསྔལ་རྒྱུ་དང་བཅས་པ་ལས་མ་བརྒལ་བ་ཡིན་ལ། དགེ་བ་ནི་གཏན་གྱི་འདུན་མ་བསྒྲུབ་པའི་ཕྱིར་བསགས་པ་ཡིན་པས་
སོ། །དེར་མ་ཟད་རང་ཉིད་གཅིག་པུ་སྡུག་བསྔལ་དང་བྲལ་བ་ཙམ་གྱི་འབྲས་བུ་ཉན་ཐོས་ཀྱི་སའམ་རང་སངས་རྒྱས་ཀྱི་སར་ཡོངས་སུ་བསྔོ་བ་ཡང་མ་ཡིན་ཏེ། དེ་དག་ནི་རང་དོན་ཞི་བའི་བདེ་བ་ལྷུར་བྱེད་པས། གཞན་དོན་དུ་རྫོགས་པའི་བྱང་ཆུབ་ཐོབ་པའི་གེགས་སུ་བྱེད་པའི་
ཕྱིར་རོ། །དེ་བས་ན་སྲིད་པ་དང་ཞི་བའི་མཐའ་ལ་མི་གནས་པ་རྣམ་པ་ཐམས་ཅད་མཁྱེན་པའི་སངས་རྒྱས་ཀྱི་ས་འབའ་ཞིག་ནི་བསྔོ་བའི་ཡུལ་དུ་གྱུར་པ་ཡིན་ནོ། །དེ་སྐད་དུ་ཡང་རྒྱལ་བའི་ཡུལ་ལས། དགེ་བའི་རྩ་བ་ཐམས་ཅད་རྣམ་པ་ཐམས་ཅད་མཁྱེན་པ་ཉིད་མ་གཏོགས་
པར་ཉན་ཐོས་ཀྱི་སའམ། རང་སངས་རྒྱས་ཀྱི་སར་ཡོངས་སུ་བསྔོར་མི་འཇུག་པ་ཡིན་ནོ་ཞེས་དང་། མགོན་པོ་བྱམས་པས་ཀྱང་། ཁམས་གསུམ་གཏོགས་པ་མ་ཡིན་དང་། ཞེས་བྱ་བ་ལ་སོགས་པ་གཞན་ཡང་མང་དུ་འབྱུང་ངོ་། །གལ་ཏེ་དེ་ལྟར་ཡིན་དུ་ཆུག་ཀྱང་། ཚེ་
རིང་བ་དང་། ནད་མེད་པ་དང་། དཔལ་འབྱོར་རྒྱས་པ་དང་། རིགས་བཟང་པོར་སྐྱེ་བ་ལ་སོགས་པ་གནས་སྐབས་ཀྱི་ཕུན་སུམ་ཚོགས་པའི་ཆེད་དུ་བསྔོ་བའང་དངོས་སུ་མཐོང་བ་ཅི་ཞིག་ཅེ་ན། གནས་སྐབས་ཀྱི་ཕུན་སུམ་ཚོགས་པ་འབའ་ཞིག་གི་ཕྱིར་བསྔོ་བ་ནི་དམིགས་པ་དམན་
པ་ཡིན་པས་འཇིག་རྟེན་པའི་བསྔོ་བ་ལས་མ་འདས་པའི་ཕྱིར་བསྔོ་ཉེས་པ་ཡིན་ལ། མཐར་ཐུག་གི་འབྲས་བུ་ཐམས་ཅད་མཁྱེན་པའི་ཕྱིར་གཙོ་བོར་དམིགས་ནས། དེ་ཉིད་མངོན་དུ་མ་གྱུར་བར་གྱི་སྐྱེ་བ་དང་ཚེ་རབས་ཐམས་ཅད་དུ་གནས་སྐབས་ཀྱི་འབྲས་བུ་ཕུན་སུམ་ཚོགས་པའི་
ཕྱིར་བསྔོ་བ་ནི་མི་འགལ་ཏེ། བྱང་ཆུབ་སྒྲུབ་པ་ལའང་འགལ་རྐྱེན་མེད་པ་དང་། མཐུན་རྐྱེན་ཕུན་སུམ་ཚོགས་པ་ནི་ལམ་མྱུར་དུ་མཐར་ཕྱིན་པའི་གྲོགས་སུ་འགྱུར་བའི་ཕྱིར་དང་། བརྒྱུད་ནས་གཞན་དོན་དུ་རྫོགས་པའི་བྱང་ཆུབ་ཀྱི་རྒྱུར་འགྱུར་བའི་ཕྱིར་རོ། །གསུམ་པ་ཇི་ལྟར་བསྔོ་

213-1-488a

བ་ལ་མལ་གཉིས་ལས། དང་པོ་མི་མཐུན་པའི་ཕྱོགས་སྤོང་བར་བསྟན་པ་ནི། གལ་ཏེ་བསོད་ནམས་བྱས་པ་བསྔོ་བ་ལ་གུས་པ་ལྷུར་བྱེད་ནའང་འཁོར་གསུམ་དུ་དམིགས་པ་མེད་པའི་ཤེས་རབ་ཀྱིས་མ་ཟིན་པའི་བསྔོ་བ་ནི་ཡོངས་སུ་བསྔོ་བར་མི་ཆུད་དེ།
དཔེར་ན་སྐྱེས་བུ་གང་ལ་ལ་ཞིག་གིས་ལུས་ཟུང་བརྟས་པའི་ཆེད་དུ་ཁ་ཟས་རོ་བཟང་པོ་དང་ལྡན་པ་གཡོས་ནའང་། དུག་དང་སྦྲགས་ཏེ་ཟོས་པས་ཕན་པར་མི་འགྱུར་བ་ཁོ་ནར་མ་ཟད་ལུས་འཇིག་པའི་རྐྱེན་དུ་འགྱུར་བ་ལྟར། སངས་རྒྱས་ཀྱི་བྱང་ཆུབ་མངོན་པར་འདོད་པས་ཀུན་ནས་
བསླངས་ཏེ་བསོད་ནམས་བྱ་བའི་དངོས་པོ་མངོན་པར་འདུས་བྱས་ནས་བསྔོ་བ་ན་འཁོར་གསུམ་དུ་མཚན་མར་འཛིན་པའི་འདུ་ཤེས་ཅན་གྱིས་བསྔོ་བ་བྱས་ན་དེ་ནི་དམིགས་པ་དུག་དང་བཅས་པའི་བསྔོ་བར་འགྱུར་ཏེ། བརྒྱད་སྟོང་པ་ལས། དམིགས་པའི་འདུ་ཤེས་ཅན་ལ་ཡོངས་སུ་བསྔོ་
བ་མེད་དོ། །དེ་ཅིའི་ཕྱིར་ཞེ་ན། དམིགས་པ་ནི་དུག་དང་བཅས་པའོ་ཞེས་དང་། སྡུད་པ་ལས་ཀྱང་། གལ་ཏེ་མཚན་མར་བྱེད་ན་དེ་ནི་བསྔོ་མ་ཡིན། །ཅི་སྟེ་མཚན་མ་མེད་ན་བྱང་ཆུབ་བསྔོ་བ་ཡིན། །ཇི་ལྟར་དུག་དང་འདྲེས་པའི་ཁ་ཟས་བཟང་ཟ་བ། །དཀར་པོའི་ཆོས་ལ་དམིགས་
པའང་དེ་འདྲར་རྒྱལ་བས་གསུངས། །ཞེས་སོ། །གཞན་ཡང་དེ་ལྟ་བུའི་རྣམ་པར་རྟོག་པ་དེ་ནི་ཤེས་བྱའི་སྒྲིབ་པའང་ཡིན་ཏེ། མགོན་པོ་བྱམས་པས། འཁོར་གསུམ་རྣམ་པར་རྟོག་པ་གང་། །དེ་ནི་ཤེས་བྱའི་སྒྲིབ་པར་འདོད། །ཅེས་སོ། །དེས་ན་དམིགས་པའི་ཟུག་རྔུ་
ཅན་གྱི་བསྔོ་བ་ནི་སྤོང་བར་བྱ་བ་ཉིད་དུ་བསྟན་ཏོ། །གཉིས་པ་མཐུན་པའི་ཕྱོགས་སྒྲུབ་པར་བསྟན་པ་ནི། ཐབས་དང་ཤེས་རབ་ཀྱིས་ཟིན་པའི་བསྔོ་བས་ཡོངས་སུ་བསྔོས་ན་བཟང་པོ་བཞི་དང་ལྡན་པའི་བསྔོ་བར་ཡང་འགྱུར་ཏེ། དམིགས་པ་བཟང་དང་སྟོན་པ་བཟང་། །ཐབས་
བཟང་བ་དང་ངེས་འབྱུང་དང་། །སྤྱོད་པ་བཟང་པོའི་བདག་ཉིད་ཀྱིས། །ཡང་དག་སྨོན་ལམ་ཡིན་པར་བཤད། །ཅེས་པ་ལྟར་རོ། །དེ་ལས་ཐབས་ནི་བྱང་ཆུབ་ཀྱི་སེམས་ཀྱི་རྩིས་ཟིན་པ་སྟེ། ཇི་ལྟར་བསྒྲུབས་པའི་དགེ་བ་ཐམས་ཅད་ཀྱང་ནམ་མཁའ་དང་མཉམ་པའི་སེམས་ཅན་

213-1-488b

ཐམས་ཅད་དང་ཐུན་མོང་དུ་བྱས་ཏེ་རྣམ་པ་ཐམས་ཅད་མཁྱེན་པ་རྫོགས་པའི་སངས་རྒྱས་ཀྱི་གོ་འཕང་རིན་པོ་ཆེ་མྱུར་དུ་ཐོབ་པའི་ཕྱིར་ཡོངས་སུ་བསྔོ་སྙམ་པའི་འདུན་པ་དང་མ་བྲལ་བ་སྟེ། སྤྱོད་འཇུག་ལས། དངོས་སམ་ཡང་ན་བརྒྱུད་ཀྱང་རུང་། །སེམས་ཅན་དོན་ལས་གཞན་མི་སྤྱད། །
སེམས་ཅན་ཁོ་ནའི་དོན་གྱི་ཕྱིར། །ཐམས་ཅད་བྱང་ཆུབ་ཕྱིར་བསྔོའོ། །དེ་ལྟ་བུའི་བྱང་ཆུབ་སེམས་ཀྱི་སྟོབས་ཀྱིས་ཡོངས་སུ་ཟིན་པའི་བསོད་ནམས་ཀྱི་འབྲས་བུ་ནི་ནམ་ཡང་ཟད་པ་མེད་ཅིང་འཕེལ་བར་འགྱུར་བའི་ཕྱིར་དགེ་བ་གཞན་ཐམས་ཅད་ལས་མཆོག་ཏུ་གྱུར་བ་དཔག་བསམ་
གྱི་ཤིང་གི་དཔེས་བསྟན་ཏེ། ཇི་སྐད་དུ། དགེ་བ་གཞན་ཀུན་ཆུ་ཤིང་བཞིན་དུ་ནི། །འབྲས་བུ་སྤྱད་པས་ཟད་པར་འགྱུར་བ་ཉིད། །བྱང་ཆུབ་སེམས་ཀྱི་ལྗོན་ཤིང་རྟག་པར་ཡང་། །འབྲས་བུ་འབྱིན་པས་མི་ཟད་འཕེལ་བར་བྱེད། །ཅེས་དང་། སེམས་ཅན་ཚད་མེད་པ་ལ་དམིགས་
པས་བསོད་ནམས་ཀྱང་ཚད་མེད་པ་འབྱུང་སྟེ། རིན་ཆེན་ཕྲེང་བ་ལས། སེམས་ཅན་ཁམས་ནི་ཚད་མེད་ལ། །ཕན་འདོད་དེ་ནི་དེ་འདྲའོ། །ཞེས་སོ། །ཅིག་ཤོས་ཤེས་རབ་ནི་ཆོས་ཐམས་ཅད་ལྟ་བ་བདག་མེད་པས་ཟིན་པ་སྟེ། དེའང་དོན་དམ་པར་ཆོས་ཐམས་ཅད་ཀྱི་རང་
བཞིན་སྤྲོས་པའི་མཐའ་ཐམས་ཅད་དང་བྲལ་བར་ཤེས་ནས། འདིར་དངོས་པོ་དང་བསམ་པ་དང་ཡུལ་ཏེ། འཁོར་གསུམ་པོ་ཡོངས་སུ་དག་པའི་ཚུལ་གྱིས་མི་དམིགས་པའི་རྣམ་པ་ཅན་ཏེ། སྡུད་པ་ལས། གལ་ཏེ་འདི་ལྟར་ཆོས་འདི་འགགས་ཤིང་ཟད་པ་དང་། །གང་དུ་ཡོངས་
སུ་བསྔོ་བ་དེ་ཡང་ཟད་པ་དང་། །ཆོས་ཀྱིས་ཆོས་ལ་ནམ་ཡང་མི་བསྔོ་ཤེས་གྱུར་ན། །དེ་ལྟར་རབ་ཏུ་ཤེས་པས་ཡོངས་སུ་བསྔོས་པ་ཡིན། །ཞེས་དང་། མངོན་པར་རྟོགས་པའི་རྒྱན་ལས། དེ་ནི་དམིགས་མེད་རྣམ་པ་ཅན། །ཕྱིན་ཅི་མ་ལོག་མཚན་ཉིད་དོ། །ཞེས་སོ། །ཐ་སྙད་ཀུན་
རྫོབ་ཏུ་སྒྱུ་མ་མཁན་གྱིས་སྤྲུལ་པའི་སྤྲུལ་པ་ལྟར་སྣང་ཡང་རང་བཞིན་མི་དམིགས་པ་ཉིད་བསྔོ་བ་སྟེ། མདོ་ཏིང་ངེ་འཛིན་རྒྱལ་པོ་ལས། སྒྱུ་མ་བྱེད་པ་དག་གིས་གཟུགས་སྤྲུལ་ཏེ། །རྟ་དང་གླང་པོ་ཤིང་རྟ་སྣ་ཚོགས་བྱས། །དེ་ལ་ཇི་བཞིན་སྣང་བ་གང་ཡང་མེད། །ཆོས་རྣམས་ཐམས་

213-1-489a

ཅད་དེ་འདྲར་ཤེས་པར་གྱིས། །ཞེས་གསུངས་སོ། །དེ་ལྟ་བུའི་ཚུལ་གྱིས་བསྔོ་བའང་། སྤྱོད་འཇུག་ལས། སངས་རྒྱས་བྱང་ཆུབ་སེམས་དཔའ་དག །ཀུན་དུ་ཐོགས་མེད་གཟིགས་པ་ལྡན། །དེ་དག་ཀུན་གྱི་སྤྱན་སྔ་ན། །བདག་ནི་རྟག་པར་གནས་སོ་ཞེས། །ཞེས་གསུངས་
བ་ལྟར་ཕྱོགས་བཅུ་རབ་འབྱམས་མུར་ཐུག་པ་མེད་པའི་ཞིང་ཁམས་རྣམས་སུ་བཞུགས་པའི་བཅོམ་ལྡན་འདས་སྲས་དང་སློབ་མར་བཅས་པ་ཐམས་ཅད་དབང་པོར་བཞུགས་ནས་ཇི་ལྟར་བསྔོས་པ་དེ་ལྟར་དུ་འགྲུབ་པར་བྱིན་གྱིས་རློབས་པར་མོས་ནས་བསོད་ནམས་བྱ་བའི་དངོས་པོ་ཐམས་ཅད་བླ་ན་མེད་
པའི་བྱང་ཆུབ་ཀྱི་ཕྱིར་ཡོངས་སུ་བསྔོ་བ་ནི་ཇི་ལྟར་བསྔོ་བའི་ཚུལ་དུ་བཤད་པ་ལགས་སོ། །གསུམ་པ་དེ་བྱང་ཆུབ་ཏུ་བསྔོ་བ་ནི། དེའང་ཇི་ལྟར་སྔོན་གྱི་བྱང་ཆུབ་སེམས་དཔའ་སེམས་དཔའ་ཆེན་པོ་འཇམ་དཔལ་གཞོན་ནུར་གྱུར་པ་དང་ཀུན་ཏུ་བཟང་པོ་ལ་སོགས་པ་འཕགས་པ་རྣམས་ཀྱི་སྤྱོད་པའི་རྗེས་སུ་སློབ་
ཅིང་རྗེས་སུ་སྒྲུབ་པའི་འདུན་པ་དང་བཅས་ཏེ། གཞལ་དུ་མེད་པའི་ལེགས་བྱས་ཀྱི་ཕུང་པོ་འདི་ཉིད་སེམས་ཅན་ཐམས་ཅད་ཀྱི་དོན་དུ་བླ་ན་མེད་པའི་བྱང་ཆུབ་ཀྱི་རྒྱུར་ཡོངས་སུ་བསྔོ་སྟེ། དེའང་མདོ་སྡེ་དྲན་པ་ཉེ་བར་གཞག་པ་ལས། སངས་རྒྱས་ཆོས་དང་དགེ་འདུན་ལ་བསྟོད་པ། །གསལ་
བར་འགྱུར་བའི་སྙན་དངགས་འབད་པར་བྱ། །ཞེས་དང་། དམ་པའི་ཆོས་ཤིན་ཏུ་གསལ་བར་བྱེད་པའི་སྙན་དངགས་བྱའོ། །དེ་ལས་མྱ་ངན་ལས་འདས་པའི་མཐར་ཐུག་པར་འགྱུར་རོ། །ངལ་བ་འབྲས་བུ་དང་བཅས་པར་འགྱུར་རོ། །གཞན་དག་གིས་དེ་རབ་ཏུ་བསྔགས་པར་འགྱུར་རོ། །
ལུས་ཞིག་ནས་ཤི་བའི་འོག་ཏུའང་ལྷ་རྣམས་སུ་སྐྱེས་བར་འགྱུར་རོ་ཞེས་གསུངས་པ་ལྟར་འདིར་ཇི་ལྟར་བསྔོ་བའི་ཚིགས་སུ་བཅད་པའང་འཕགས་པའི་ཡུལ་གྱི་པཎྜི་ཏ་ཆེན་པོ་དཔལ་ལྡན་དབྱུག་པ་ཅན་གྱི་གཞུང་གི་རྗེས་སུ་འབྲངས་ནས། རྒྱན་གྱི་སྦྱོར་བ་ཕུན་སུམ་ཚོགས་པའི་ཁོངས་ལས་ཉེ་བར་
དྲངས་ཏེ་ཅུང་ཟད་ཅིག་བརྗོད་པ་ནི། འདི་ལྟ་སྟེ། ཨོཾ་སྭ་སྟི་སིདྡྷོ་བྷ་ཝ་ཏུ། [རང་བཞིན་བརྗོད་པ་ལས་ཡོན་ཏན་གྱི་རང་བཞིན་བརྗོད་པ།] གང་གི་རང་བཞིན་སྐྱེ་དང་གནས་དང་འཇིག་ལས་རྣལ་གྲལ་འདུས་མ་བྱས། །ལྷུན་གྲུབ་ཞི་བ་ཆེན་པོའི་སྐུ་ནི་སྤྲོས་མཐར་ནམ་ཡང་གནས་པ་མིན། །འགྲོ་བ་ཐམས་ཅད་རང་གི་

213-1-489b

གོ་འཕང་འཁྲིད་པའི་ཐབས་མཁྱེན་ཐུགས་རྗེ་ཆེ། །བསམ་གྱིས་མི་ཁྱབ་ནུས་པའི་བདག་ཉིད་སངས་རྒྱས་རྣམས་ལ་སྐྱབས་སུ་མཆི། ༡ །རྙོག་བྲག་ཡེ་ཤེས་དམ་པ་ལས་གཞན་སྒྲ་རྟོག་ཡུལ་ལས་རིང་དུ་འདས། །གཉིས་སུ་བགྱི་དང་ཀུན་དུ་རྟོག་པའི་སྒྲིབ་པ་ཀུན་གྱིས་མ་བསྒྲིབས་པ། །དེ་ཉིད་
ཐོབ་བྱེད་མཐོང་དང་བསྒོམ་ལམ་རྨོངས་པ་ཟ་བའི་གསུས་པོ་ཆེ། །ཤེས་བྱའི་གནས་ལུགས་ཡང་དག་སྣང་བྱེད་དམ་པའི་ཆོས་ལ་སྐྱབས་ [ཡན་ལག་གཅིག་པའི་གཟུགས་ཅན།] སུ་མཆི། ༢ །རིང་མོའི་དུས་ནས་ལེགས་སྦྱངས་བློ་གྲོས་སྣང་བའི་གཏེར་གྱི་དཀྱིལ་འཁོར་རྒྱས། །ཟབ་ཡངས་ཆོས་ཚུལ་ཡིད་
བཟངས་རྐང་པ་བཀོད་པའི་གནས་སུ་ཆགས་ཐོགས་བྲལ། །ཕྲིན་ལས་འོད་རླབས་གཞལ་དུ་མེད་པས་ལུང་རྟོགས་ཆོས་ཀྱི་འདབ་སྟོང་ཚལ། །རྒྱ་ཆེར་འབྱེད་པའི་རྩ་ལག་རྨད་བྱུང་ [ཆ་ཤས་ཀྱི་གཟུགས་ཅན།] འཕགས་པའི་ཚོགས་ལ་སྐྱབས་སུ་མཆི། ༣ །འགྲོ་ལ་ཕན་པའི་བློ་གྲོས་འབྲུག་སྒྲའི་གར་གྱི་
གླུ་དབྱངས་ལེན་པ་མོས། །དགེ་ཚོགས་བྱང་ཆུབ་སྨིན་པའི་ཡོན་ཏན་སྤྲིན་གྱི་མཛའ་བོ་ལ་ཆགས་ནས། །ལེགས་བྱས་སྤུ་སྡུག་མཐའ་དག་བསྡེབས་པའི་སྣ་ཚོགས་གོས་ཀྱིས་ལེགས་པར་བརྒྱན། །འབྲས་བུ་ཡིད་འོང་འགུགས་པའི་སྨོན་ལམ་ [གཟུགས་ཅན་གྱི་གཟུགས་ཅན།] འཕྲིན་ཡིག་སྙན་པའི་
རྒྱུད་མངས་འཁྲོལ། ༤ །བཟོད་པར་ལྡན་པས་བརྒྱན་པའི་འཇིག་རྟེན་འདི་ཡི་གདུལ་བྱ་རིགས་ཅན་གསུམ། །ཐ་དད་བློ་དང་འཚམ་པར་ཐེག་པའི་ཆོས་ཀྱི་འཁོར་ལོ་ལེགས་བསྐོར་བས། །མངོན་མཐོ་ངེས་པར་ལེགས་པའི་ཕན་པ་ཅི་ཡང་འབྱུང་གནས་བླ་ན་མེད། །བསྟན་པ་འདི་ཡི་
བྱེད་པོར་གྱུར་པ་སྟོན་མཆོག་ [བྱ་བའི་རང་བཞིན་བརྗོད་པ།] དམ་པ་ཤཱཀྱའི་གཙོ། ༥ །དེ་ཉིད་ཀྱིས་མཚོན་ཕྱོགས་བཅུ་དག་ཏུ་ལྷ་ཡི་རྫིང་རིང་རབ་སོང་བ། །དེ་དག་རྣམས་སུ་ཁྱབ་པར་བརྡལ་བར་ཕྲ་རབ་རྡུལ་གྱི་གོ་སར་ཡང་། །བགྲང་བ་ལས་འདས་ཞིང་གི་བཀོད་པ་ཚར་དུ་དངར་བས་གཏམས་གྱུར་པ། །
དེ་དག་ཀུན་དུ་བྱོན་དང་འབྱོན་འགྱུར་འཚོ་ཞིང་གཞེས་པའི་སངས་རྒྱས་ [རྐང་པ་གསུམ་གྱི་ཐོག་མར་ཡོད་པའི་ཟུང་ལྡན།] རྣམས། ༦ །[ངག་དོན་གྱི་དཔེ་ལས་བཞིན་སྒྲ་གཅིག་པ་ཅན།] སྟོན་མཆོག་དེ་དག་རེ་རེ་ལ་ཡང་གདུང་འཚོབ་འགྱུར་བ་རྒྱལ་བའི་སྲས། །སློབ་མར་གྱུར་པའི་འཕགས་པ་དང་བཅས་འཁོར་ཚོགས་བྱེ་བ་ཁྲག་

213-1-490a

ཁྲིག་གིས། །མདུན་ནས་ལེགས་པར་བདར་བའི་ངོ་མཚར་རྒྱུ་སྐར་ཚོགས་ཀྱི་དོ་ཤལ་ཅན། །ཀུན་དུ་ཕན་པ་གཞོན་ནུས་བརྒྱན་བཞིན་མཛེས་པར་གྱུར་པ་གང་དག་ཡོད། ༧ །འདི་ན་བསོད་ནམས་མྱུ་གུ་གཞོན་ནུས་ཕྱོགས་རབ་དཀྲིགས་པ་དབྱར་གྱི་དཔལ། །གནས་
སྐབས་མཐར་ཐུག་སྙིང་པོ་གང་ཡིན་སྟོན་དུ་ཉེ་བར་བསུ་བའི་ཚེ། །གང་བསམ་དོན་གྱི་སྙེ་མ་ཀུན་ནས་སྨིན་བྱེད་དུས་ཀྱི་རྒྱལ་མོ་ཡིས། །བསྔོ་བྱ་སྨོན་པའི་དངོས་པོ་ཐམས་ཅད་སྙན་དངགས་དམ་པའི་རྒྱང་ [བསྡུས་ཤིང་མ་བསྡུས་པའི་གཟུགས་ཅན།] གླུ་ལེན། ༨ །འོན་ཏེ་སྐྱེ་བའི་འཁྲི་ཤིང་གར་མའི་ལག་པ་
བཞིན་དུ་བསྒྱུར་བའི་ཚེ། །གཡོ་སྒྱུའི་གཏམ་དང་ཀྱལ་པ་ལ་སོགས་འཕྱོན་འདྲིད་སྤངས་པ་ཡང་མི་དྲན། །དྲང་སྲོང་ངག་གི་མཚོན་ཆ་རྣོན་པོར་ལྡན་པའི་སྐྱེ་བ་ཉིད་ཀྱང་མིན། །རིག་སྔགས་གྲུབ་པའི་གཙུག་ཏོར་ཡང་མིན་དེ་སྲིད་ཐམས་ཅད་ [རབ་ཏུ་སྤེལ་བ།] གཞན་གྱི་དབང་། ༩ །དེ་སླད་དུ་ནི་
བགྲང་ལས་འདས་པའི་སྐྱེ་བར་སྐྱོན་རྣམས་བསྐམས་བྱས་པས། །ཡོན་ཏན་མཐའ་དག་ལྷུན་གྲུབ་རང་བཞིན་དབུགས་ཀྱི་རྒྱུ་བའི་རྒྱུན་རེར་ཡང་། །གཞན་དོན་ཉིད་དུ་མི་འགྱུར་འགའ་ཡང་མེད་པའི་དབང་བཅུ་ལྡན་པ་རྣམས། །དེ་རིང་བདག་ཅག་ཇི་ལྟར་སྨོན་པ་སྙིང་པོ་ [སྤངས་ནས་མེད་པའི་བྱེད་རྒྱུ།] 
ཀུན་གྱིས་ལྕི་བར་མཛོད། ༡༠ །ཕྱག་གི་འོས་གྱུར་དེ་དག་སོ་སོའི་སྤྱན་སྔ་རུ། །གྲངས་མེད་སྤྲུལ་པའི་སྨྲ་བ་མཁས་པ་དང་འགྲོགས་ཏེ། །ཡོན་ཏན་ཕུང་པོ་གཏམ་དུ་གླེང་བའི་ཁུར་ལྕི་བས། །ཡན་ལག་ལྔ་ཡང་དུབ་པས་ས་ལ་ངལ་བསོ་བཞིན། ༡༡ །རང་སེམས་སྒྱུ་མའི་རྒྱལ་པོ་འདིས་ནི་སྐད་ཅིག་རེར། །
བསྐལ་པ་ཀུན་གྱི་ཉེར་སྤྱད་ཉིད་ [རབ་རྟོག་བཞིན་སྒྲ་ཅན།] དུ་རྟག་འཇོ་བའི། །གྱ་ནོམ་མེ་ཏོག་བདུག་པ་ལ་སོགས་ལྷ་མིའི་དཔལ། །སྣང་སྟོང་མཆོད་པའི་ལྟད་མོ་ཅི་ཡང་ངོམ་ལ་དགའ། ༡༢ །ཞོ་འཐུང་རུས་པའི་སྤྱད་ཀྱིས་བརྡར་ཡང་ཉམས་པ་ [བསྡུས་ཤིང་མ་བསྡུས་པའི་གཟུགས་ཅན།] མེད། །པཀྵུའི་
རྒྱུན་གཙང་ཕབ་པས་ཀྱང་ནི་དག་མིན་པའི། །རང་བཞིན་བཅས་པར་བགོས་པའི་དྲི་མ་ནག་པོ་ཡིས། །ཐར་པ་སྒྲིབ་པར་བྱེད་དེ་སྟོབས་བཞིའི་ཆོ་གས་སྦྱང་། ༡༣ །[རྨད་དུ་བྱུང་བའི་དཔེ།] ཟླ་གཞོན་ཡིད་ [རིགས་མཐུན་ལྡོག་པ་ཅན།] འོད་ཟེར་གྱི་ཐིགས་པ་འཛག་པ་འདིས། །འཁོར་བ་མྱ་ངན་ལས་འདས་

213-1-490b

དགེ་བ་དཀར་པོ་ཡང་། །ཆེས་དཀར་བྱེད་པའི་ནུས་པ་ཡོད་ན་ད་ལྟ་བདག །དགེ་ལ་ཡི་རངས་བསྒོམས་པའི་རྗེས་སུ་ཅིས་མི་འགྲོ། ༡༤ །ཡོན་ཏན་མ་རྫོགས་དེ་སྲིད་དབེན་པ་ལ་དགའ་མོད། །མི་མཆོག་བདུད་རྩིའི་གཏམ་ལ་སྤྲོ་མེད་རིགས་པ་མིན། །གོང་བུར་འཐུམས་པའི་ཆུ་སྐྱེས་སྒྲ་མེད་ཡུར་
བའི་ལས། །འདབ་སྟོང་ཡོངས་སུ་གྲོལ་བས་མི་འོས་པ་མིན་ནམ། ༡༥ །ཟ་བ་ཞི་བདེ་དབྱིངས་སྤྲོས་པ་བརྟུལ་ལ་དགྱེས་པ་རྣམས། །[འོས་ཤིང་མི་འོས་པའི་དོན་གཞན་བཀོད་པ།] རྒྱལ་བའི་སྲས་ཆེན་འགྲོ་ལ་སྙིང་རྗེས་སེམས་འཁྲུགས་ནས། །དུས་དྲུག་རྒྱལ་བའི་ཐུགས་རྗེས་བསྐུལ་བ་ཐམས་ཅད་
ལ། །གྲོས་སུ་དྲིས་དང་བདག་ཀྱང་དེ་དང་མཐུན་པར་སྨྲ། ༡༦ །དེ་ལྟའི་ཞིང་ [གཞན་གྱི་དབང་གིས་འགོག་པ།] བསམ་སྦྱོར་བ་དག་པའི་མྱོས་བུམ་ལས། །དགེ་བའི་ཟིལ་མངར་མུ་ཏིག་མདངས་འཚེར་རབ་འཐུངས་བས། །ཡོན་ཏན་མི་ཟད་མཆོག་གི་ལང་ཚོ་དར་བའི་འཛུམ། །ཆོས་ཀྱི་འོད་
རླབས་བྱེ་བ་ཕྲག་མང་གསལ་གྱུར་ཅིག ༡༧ །འདི་ན་རིང་མོའི་ [མ་བསྡུས་པའི་གཟུགས་ཅན།] དུས་ན་རྒྱལ་བའི་བསྟན་པ་ལ། །ཕན་པའི་སྨོན་ལམ་སྙན་དངགས་དམ་པའི་སྐུད་པ་ཡིས། །ལན་བརྒྱར་བཙེམས་པ་དུས་འདིར་སྡོམ་བརྩོན་རྒྱལ་པོ་ཡི། །བརྟུལ་ཞུགས་ལ་བརྟེན་དམ་པའི་ཚུལ་
ལ་སྤྲོ་བ་ཅན། ༡༨ །གང་དེ་ཇེ་མཐོའི་རིགས་ [ཡན་ལག་གཅིག་པའི་གཟུགས་ཅན།] ཀྱི་མ་ལ་ཡི་ནགས། །སྐྱེ་བ་དམ་པའི་དཔལ་གྱི་དུམ་བུར་འཁྲུངས་གྱུར་པ། །གང་ཚེ་མཆེད་ཟླར་གྱུར་པའི་སཱ་ལ་ཟུང་དང་བཅས། །བྱང་ཆུབ་སྤྱོད་པར་ཡང་དག་གཞུགས་པའི་དགའ་སྟོན་དུ། ༡༩ །དྲང་སྲོང་ཆེན་
༷པོའི་བཀའ་ལུང་ཡོངས་ [མ་བསྡུས་པའི་གཟུགས་ཅན།] ཀྱི་རྣམ་པར་འགྲེལ། །འཇིག་རྟེན་ཁམས་སུ་རིང་པོར་བརྟན་པའི་ཆོ་ག་རུ། །མི་ཟད་ཆོས་ཀྱི་གཏོང་བ་རྟག་ཏུ་འབྱུང་བའི་དཔྱིད། །པར་ཞེས་བྱ་བའི་ཡི་གེ་རབ་ཏུ་གསལ་བ་བསྐྲུན། ༢༠ །ཚུལ་འདི་ཐོག་མར་མངོན་ [བྱ་བ་བརྗོད་པ་ཐ་མའི་གསལ་བྱེད།] 
པར་བརྩམས་པའི་གཡར་དམ་བཅས། །བར་དུ་སྙིང་སྟོབས་ཞུམ་པ་མེད་པར་གཏོང་བ་རྩོམ། །ཐ་མར་ལེགས་པར་ཕ་རོལ་ཕྱིན་ལ་དགྱེས་པའི་འཛུམ། །བརྒྱ་ཕྲག་གྲོལ་བ་ལས་བྱུང་དགེ་བ་དཀར་པོ་དང་། ༢༡ །[སྟོབས་མཚུངས་པའི་རབ་སྤེལ།] དེ་ཡི་ [ཡོན་ཏན་བརྗོད་པ་ཐ་མའི་གསལ་བྱེད།] དྲིན་གྱིས་སྲིད་པ་

213-1-491a

གསུམ་གྱི་ཁོངས་དག་ཏུ། །བསོད་ནམས་གོམ་པ་བགྲང་དུ་མེད་པ་གང་དག་བཀོད། །དུས་གཞན་དུ་ཡང་སྡིག་པའི་སྙིང་ལ་འབིགས་སྙམ་ཅན། །བདེ་བའི་འབྱུང་གནས་ཟླ་འོད་འདྲ་བ་བསགས་པ་དང་། ༢༢ །མི་བདག་འཁོར་ལོ་རིན་ཆེན་གང་དུ་བགྲོད་པ་
དེར། །དཔུང་གི་ཚོགས་ཀྱང་དེ་ན་མངོན་ཕྱོགས་རྒྱུ་བ་བཞིན། །དེང་འདིར་ས་བདག་ཆེན་པོས་དགེ་བ་བརྩམས་རྗེས་སུ། །དངོས་དང་བརྒྱུད་པའི་གྲོགས་ལྡན་གང་དག་ཡོད་པ་དང་། ༢༤ །ལེགས་བྱས་གང་ལས་འཕོས་པར་གྱུར་པའི་ [དངོས་པོའི་དཔེ།] ཡི་གེའི་འཛུམ། །ཕྱོགས་ཀྱི་དཀྱིལ་
འཁོར་མཛེས་པའི་རྒྱན་དུ་ལེགས་བྱིན་པས། །དེ་དག་ཀུན་ནས་དམ་པའི་ཆོས་ཕྱིར་དམིགས་པའི་རྫས། །གང་དག་ལེགས་བསྟབས་འགྲོ་བ་རྣམས་ཀྱི་དགེ་བས་མཚོན། ༢༢ །ཕྱོགས་ [ཡོངས་སུ་བརྗེས་པ།] བཅུའི་དེ་བཞིན་གཤེགས་པ་སྲས་དང་སློབ་མར་བཅས། །དང་པོར་ཐེག་པ་
གང་དང་གང་དུ་ཞུགས་པ་ནས། །དེ་དེའི་བྱང་ཆུབ་སྙེ་མ་ཉིད་དུ་རབ་སོང་བ། །ཕྲིན་ལས་འགྲོ་བའི་དཔལ་དུ་གནས་གྱུར་དགེ་བ་དཀར། ༢༥ །དེ་བཞིན་སོ་སོ་སྐྱེ་བོར་གཏོགས་པ་གང་ [ཡོན་ཏན་བརྗོད་པ་ཐ་མའི་གསལ་བྱེད།] དག་གིས། །ཀུན་གཞིའི་ཞིང་ལ་བཅས་དང་རང་བཞིན་རྣམ་པར་དཀར། །ས་
བོན་མ་རྨས་གང་དག་བཏབ་པ་ཡི་རང་གི། །འཛུམ་རླབས་མུ་ཏིག་མདངས་སུ་གསལ་བས་མདུན་བསུའོ། ༢༦ །ཨེ་མ་ཡོངས་བསྔོ་མཁས་ [ལྡན་པའི་གཟུགས་ཅན།] བ་རྣམས་ཀྱི་བློ་གྲོས་ལ། །མཚན་མར་དམིགས་པའི་ཟུག་རྔུ་གཞར་ཡང་ཡོད་མ་ཡིན། །དེ་ཕྱིར་དམ་པ་རྣམས་ཀྱི་རྣམ་
པར་བྱང་བ་ཡི། །ཡོན་ཏན་ཐམས་ཅད་ལྷུན་གྱིས་གྲུབ་པའི་ཚུལ་དུ་འཕེལ། ༡༧ །དེ་བཞིན་འདིར་ཡང་སྨན་འདོད་ [སྤངས་ནས་མེད་བའི་བྱེད་རྒྱུ།] སེམས་ཀྱི་རྒྱལ་པོ་དང་། །མཉམ་འགྲོགས་དམིགས་པས་སྟོང་པའི་ཤེས་རབ་འཁོར་ལོ་ཡིས། །བསོད་ནམས་ཚོགས་ཀྱི་རྒྱ་མཚོའི་ཕ་རོལ་ཕྱིན་
འགྲོ་བས། །བྱང་ཆུབ་མཆོག་ཏུ་སྒྱུ་མའི་རོལ་པས་འཇུག་གྱུར་ཅིག ༡༨ །[འདི་ནས་བརྩམས་ཤིས་པ་བརྗོད་པའི་རྒྱན་ཏེ་མ་བསྡུས་པའི་གཟུགས་ཀྱིས་སྤྱིར་ཤིས་པ་བརྗོད་པ་ནི།] ཚུལ་ཆེན་ [གཞི་གཅིག་གིས་ལས་འགལ་བའི་ཤིས་བརྗོད།] གང་གིས་དགེ་བ་བཟང་པོར་རློམ་པ་ཡི། །མཚན་མས་བྱང་ཆུབ་རེག་པར་བགྱི་བ་མེད་ན་ཡང་། །དེ་མཐུས་

213-1-491b

འགྲོ་བ་ཐམས་ཅད་མི་གནས་མྱ་ངན་ལས། །འདས་པའི་གོ་འཕང་སྟེར་བའི་བདེན་པས་སྲུང་གྱུར་ཅིག ༢༩ །དེ་འདྲའི་གོ་འཕང་བླ་ནས་བླ་མར་བྱར་མེད་པའི། །ཡོན་ཏན་གཞལ་དུ་མེད་པའི་ཁང་པ་ཉམས་དགའ་བར། །བདེ་བར་འདོང་པ་སྣ་ཚོགས་ཐེག་པའི་རིམ་པ་ཅན། །ཐུབ་
དབང་བསྟན་པ་སྐྱེ་དགུའི་བླ་ན་བརྟན་གྱུར་ཅིག ༣༠ །བཀའ་དོན་ཟབ་དང་རྒྱ་ཆེའི་དགོངས་པ་མ་ལོན་པར། །ཕལ་ [ཡན་ལག་གཅིག་པའི་གཟུགས་ཅན།] ཆེར་མ་རྟོགས་ལོག་རྟོགས་འཕྱང་མོ་ཉུག་གི་གཡང་། །འཕྱན་པ་གང་ཚེ་ཡང་དག་ཉིད་དུ་རྣམ་བཀོད་པའི། །འཆོས་སྐྱོབ་དམ་པའི་
ཆོས་འདི་འགྲོ་བས་ཇི་ལྟར་ཐོབ། ༣༡ །ད་ཀོ་ལེགས་ [དགའ་བའི་འགྱུར་བ་སྒེག་པའི་ཉམས་དང་ལྡན་པ།] པར་ཐོབ་པ་མཁས་པའི་ཚོགས་རྣམས་ཀྱིས། །བཤད་དང་སྒྲུབ་པའི་གོས་མཆོག་རྣམ་པར་བརྩེགས་པའི་རྩེར། །ཡང་དག་བཀོད་པ་ས་གསུམ་དགེ་བའི་རྒྱལ་མཚན་དུ། །གཟི་བྱིན་རབ་ཏུ་འབར་བར་
རྟག་ཏུ་རྒྱལ་གྱུར་ཅིག ༣༢ །ལུགས་ [ཁྱད་པར་བཅས་པའི་གཟུགས་ཅན།] མཆོག་དེ་དག་མ་ནོར་ཐུགས་ཀྱི་དཔལ་བེའུ་རུ། །ཡོངས་སུ་བཟུང་ནས་ལེགས་པར་འདོམས་ལ་ཟླ་མེད་པའི། །གཟུངས་དང་ཏིང་ངེ་འཛིན་དང་ཤེས་རབ་སྤོབས་པའི་གཏེར། །ས་སྐྱ་པ་སྟེ་ཁམས་གསུམ་ཆོས་ཀྱི་སྒྲོན་
མ་ཆེ། ༣༣ །གང་དེའི་ལུང་ [ཆ་ཤས་ཅན་གྱི་གཟུགས་ཅན།] རྟོགས་ཆོས་ཀྱི་རྒྱལ་སྲིད་མཐོན་པོ་ནས། །ཕྲིན་ལས་དམ་པའི་གསེར་སྦྱངས་འཁོར་ལོ་རིང་སོང་བ། །ཐུབ་པའི་རྒྱལ་ཚབ་ཡོངས་ཀྱི་རྒྱལ་པོ་ཨེ་ཝཾ་པའི། །ལུགས་མཆོག་སྲིད་པ་གསུམ་གྱི་ཁོངས་སུ་གསལ་གྱུར་ཅིག ༣༤ །དེ་སོགས་གངས་ལྡན་
རི་བོའི་དོ་ཤལ་ [མ་བསྡུས་པའི་གཟུགས་ཅན།] གྱིས་མཛེས་པའི། །ལྗོངས་སུ་རྒྱལ་བའི་རིང་ལུགས་ཡང་དག་སྨྲ་བའི་མཆོག །མང་པོས་བྱི་དོར་ལེགས་བྱས་ཕྲིན་ལས་གང་དག་ཡོད། །ཆར་ལྡན་དུས་ཀྱི་ཆུ་ཡི་གཏེར་ལ་འགྲན་གྱུར་ཅིག ༣༥ །སོ་སོ་ཐར་པའི་བསླབ་གཞིའི་ [མཚུངས་པ་གསལ་བྱེད་ཀྱི་སྒྲས་ཟིན་པའི་དཔེ།] 
རྩ་བ་ཤིན་ཏུ་བརླིང་། །རྒྱལ་སྲས་སྤྱོད་པའི་ཡུལ་འདབ་ཁོར་ཡུག་ཡངས་པར་བརྐྱང་། །གསང་ཆེན་གདམས་པའི་འབྲས་བུ་གཡུར་དུ་ཟ་གྱུར་པའི། །ཡོངས་འཛིན་འདོད་དགུའི་ལྗོན་པ་ཐམས་ཅད་བརྟན་གྱུར་ཅིག ༣༧ །[བྱ་བའི་རང་བཞིན་བརྗོད་པ་] ཚིག་དོན་ [མཐའ་དག་གི་གཟུགས་ཅན།] གཟུང་བདེ་རྟོགས་པར་སླ་དང་བཟང་

213-1-492a

རྒྱ་ཆེ། །སྐབས་སུ་གང་བབས་གཞུང་གི་དགོས་པ་བསྡུས་པའི་དོན། །སྒྲ་དོན་མཚམས་སུ་སྦྱོར་དང་བརྒལ་ལན་བཅས་པ་ཡིས། །ལེགས་པར་འདོམས་པས་ས་སྟེངས་ཐམས་ཅད་མཛེས་གྱུར་ཅིག ༣༧ །གཞལ་བར་བྱ་བ་ཕ་རོལ་ཕྱིན་དཀའི་ས་ཆེན་གསུམ། །འཇལ་བྱེད་
ཚད་མའི་གོམ་པ་གསུམ་གྱིས་གནོན་བྱེད་པའི། །རིགས་ལུང་འདོམས་པའི་བློ་གྲོས་པད་དཀར་མིག་ཅན་གྱིས། །ལོག་པར་སྨྲ་བའི་བཅུད་བྲལ་རྐང་འོག་འཆིང་གྱུར་ཅིག ༣༨ །ཉམས་འགྱུར་རོ་ལྡན་སྒྲ་དོན་རྒྱན་གྱི་ནགས་ [རིག་བྱེད་གཞུང་གི་ལོ་རྒྱུས་ལས་འདྲངས་པའི་མཐའ་དག་གཟུགས་ཅན།] ཁྲོད་ནས། །གཙུག་
ལག་རབ་འབྱམས་བཅད་ལྷུག་སྤེལ་མའི་ལེགས་བཤད་ཀྱི། །གླུ་རུ་འཇོ་བས་མང་ཐོས་སེམས་ཀྱི་རི་དྭགས་ཀྱང་། །དཀའ་བ་མེད་འཛིན་སྨྲ་མཆོག་བྱེ་བས་མཛེས་གྱུར་ཅིག ༣༩ །[མ་བསྡུས་པའི་གཟུགས་ཅན།] །གུར་གུམ་རྒྱས་པའི་ནགས་སྟུག་བུང་བའི་སྒྲ་སྙན་ཅན། །ཚུལ་ཁྲིམས་དག་པའི་དྲི་
ཡིས་རྣམ་དབེན་ཀློག་འདོན་གྱི། །སྒྲ་དབྱངས་རྫོགས་པ་མིན་ནོ་ཡོན་ཏན་དེ་དག་གིས། །རིང་པོར་འཕགས་པ་འདུས་པའི་ཚོགས་ཀྱིས་གཏམས་གྱུར་ཅིག ༤༠ །དེ་མཐུས་ལྗོངས་ཀྱི་ཐིག་ལེ་འདིས་ [དཔེ་ལས་དཔེ་ཅན་ལྷག་པའི་ལྡོག་པ་ཅན།] མཚོན་འཇིག་རྟེན་ཁམས། །དཀར་པོའི་ཕྱོགས་སུ་འཛུམ་
བརྒྱ་གྲོལ་བའི་ཡིད་བཟངས་རྣམས། །དུས་སུ་ཡིད་འོང་ཆུ་འཛིན་སྟུག་པོ་ཉིད་དུ་བྲེས། །ཆར་ཟིམ་ཨུཏྤ་ལ་ཡི་འདབ་འདྲ་འབེབས་པ་དང་། ༤༡ །ལྗོན་ཤིང་ལོ་འདབ་སྟུག་ [སྐྱེད་བྱེད་འགྲུབ་པའི་རྒྱུ།] པོར་རྒྱས་པའི་གུར་ཁྱིམ་འབུབ། །རྩ་ལྗང་ལོ་མས་སེར་བུ་འཇོ་བའི་རླུང་ཡབ་གཡོབ། །རེས་འགའ་
ཆུ་གཙང་ཟིལ་པ་སྦྲེང་བའི་མཐོར་ཡབ་བྱེད། །མེ་ཏོག་གང་མོར་དགོད་པ་བཅས་པས་མཛེས་གྱུར་ཅིག ༤༢ །རྨ་མེད་ཆུ་བས་བཏུང་བ་ལན་ [རྨད་དུ་བྱུང་བའི་ཉམས་ལྡན།] མང་འཐུངས་པའི་རོས། །སྡོང་ལྕུག་ལོ་འདབ་སྟུག་པོར་འཁྲུངས་པའི་རྩེ་མོ་ནས། །དུས་སུ་ལང་ཚོ་དར་ལ་བབ་གྱུར་འབྲས་བུའི་
ཚོགས། །ལེགས་པར་ཡོངས་སུ་དུད་པའི་ཁུར་གྱིས་ལྕི་གྱུར་ཅིག ༤༣ །[མ་བསྡུས་པའི་གཟུགས་ཅན།] གདེངས་ཀ་རབ་ཏུ་གཡོ་ [ཕྱི་ཤེས་པར་བྱེད་པ།] བས་མཛེས་པའི་ལྟོས་འཕྱེ་རྣམས། །རངས་པའི་རྣམ་འགྱུར་དུས་སུ་ཉལ་འགྲོའི་བུ་མོ་དག །ཆབ་སྒྲ་སྙན་པའི་གླིང་བུ་བསྒྱུར་བས་རི་ཀླུང་དང་། །ནགས་ཚལ་མཛེས་པའི་

213-1-492b

གར་སྟབས་བསྒྱུར་བ་སྤེལ་གྱུར་ཅིག །གང་ཚེ་མཐོང་བའི་ཆོས་ཀྱི་བདེ་ལ་རབ་སྲེད་པའི། །འགྲོ་འདི་ཇི་ལྟར་མངོན་པར་འདོད་པའི་ལོགས་སྤྱོད་ཕྱིར། །ལུས་སེམས་མནར་གྱིས་དོགས་པའི་རྒྱ་ལས་གྲོལ་བའི་ཁས། །སྙན་པའི་གླུ་ལེན་གར་གྱི་རྩེ་འཇོར་རོལ་གྱུར་ཅིག ༤༥ །མ་ལ་སྙིགས་
མའི་རང་སྟོབས་ཤིན་ཏུ་བདོ་གྱུར་པའི། །[ནང་ཤེས་པར་བྱེད་པ།] རྐུ་དང་འཕྲོག་དང་ཚོང་འཕྲུལ་འཁོར་བའི་སོ་ནམ་སོགས། །བློ་མང་རྗེས་སུ་མི་རྒྱུག་ནགས་ཀྱི་རི་དྭགས་རྣམས། །རྩ་དང་མྱུ་གུས་འཚོ་ལ་འཚེ་བར་མ་གྱུར་ཅིག ༤༠ །རིང་ནས་ལན་གྲངས་བསྟེན་པའི་ཉེར་འཚོས་བོར་བའི་ [སྐབས་མ་ཡིན་པར་བསྟོད་པ།] 
ལུས། །རིད་པོར་གྱུར་བ་འདོད་པ་གོམ་པའི་སྟབས་འཁྱོར་ཞིང་། །བཟའ་དང་བཅའ་བའི་ཡི་གེ་རྣམ་འཁྲུགས་བཟླས་བརྗོད་ལ། །བརྩོན་པའི་དུས་དེ་མིང་གི་ལྷག་མ་ཉིད་གྱུར་ཅིག ༤༧ །ཚ་དང་གྲང་བ་འདུས་པ་ལས་ [སྙིང་རྗེའི་ཉམས་ལྡན།] གྱུར་མི་བཟད་པའི། །ཟུག་རྔུ་དྲག་པོ་རལ་གྲིའི་ལྕེ་
བཞིན་སྐྱོང་བ་ཡིས། །བདེ་བའི་འཚོ་བ་དུས་མ་ཡིན་པར་བཟའ་ཕྱིར་དུ། །རྣམ་པར་གླལ་བའི་འཇིགས་པ་ཐམས་ཅད་མེད་གྱུར་ཅིག ༤༨ །ཁྲག་དམར་རླངས་པའི་ན་བུན་འཕྱུར་བ་ཀླད་པའི་ [ཆོས་ཀྱི་དཔེ།] སྣོད། །བཏུང་བས་ཆེར་མྱོས་མིག་གིས་གཞན་སྲོག་ལ་བལྟ་བས། །ཕྱོགས་ཕྱོགས་
རྒྱུག་པའི་སྲིན་པོ་འབྱུང་པོ་ཡི་དྭགས་རྣམས། །བྱམས་པའི་སེམས་ཀྱིས་འགྲོ་ལ་མཉེས་གཤིན་གནས་གྱུར་ཅིག ༤༩ །ཁྲག་གིས་གཡོས་ [འཇིགས་རུང་གི་ཉམས་ལྡན།] པའི་མིག་བསྒྱུར་སྨིན་མ་རབ་གཅུས་ནས། །རྣོ་མཚོན་མི་བཟད་འཕེན་ཞིང་འདེབས་པའི་ཚེག་སྐྲ་དང་། །སོད་རྒྱོབ་ང་རོ་
དྲག་པོས་གནམ་སའི་དཀྱིལ་འཁོར་ཡང་། །དོག་མོར་བགྱིད་པའི་འཁྲུག་རྩོད་ཐམས་ཅད་ཞི་གྱུར་ཅིག ༥༠ །འགྲོ་བ་ [དྲག་ཤུལ་གྱི་ཉམས་ལྡན།] ཀུན་ཀྱང་འཇིག་རྟེན་ཡང་དག་ལྟ་ལ་གཞོལ། །རང་དབང་དཔལ་གྱིས་ཆོག་ཤེས་འཐུང་ལ་རབ་དགའ་བས། །མཛའ་གཅུགས་བྱམས་པའི་
ཡོན་ཏན་བཞིན་ལ་འཁྱུད་མཐོང་ནས། །རུས་པའི་གེ་སར་དགའ་བས་དགོང་བཞིན་བསྟི་གྱུར་ཅིག ༥༡ །[ཏིང་ངེ་འཛིན་གྱི་རབ་རྟོག །] [མཐའ་དད་གཟུགས་ཅན།] བསོད་ནམས་དཔལ་འབྱོར་པདྨའི་རྫིང་ཆེན་འཁྱིལ་བའི་ནང་། །རིང་འཚོའི་རྟེན་གྱི་དང་མོས་རྣམ་པར་རྩེན་པ་ཡིས། །བདེ་སྐྱིད་ཁོང་

213-1-493a

ནས་རྒྱས་པའི་གད་མོ་རྫ་རྔ་ཡི། །དབྱངས་སུ་རྟག་པར་འབྱིན་པས་འཇིག་རྟེན་མཛེས་གྱུར་ཅིག ༥༢ །ཁྱད་པར་འཕགས་པའི་ཡུལ་འཁྲུངས་མཁས་པའི་མཆོག་རྣམས་ཀྱིས། །ལེགས་པར་བཤད་པ་འདི་ན་མི་བདག་བསོད་ནམས་སྟོབས། །གང་དག་ཐོབ་པ་རྒྱས་པར་
སྤེལ་བའི་ཕྲིན་ལས་འདི། །ཕྱོགས་ཀྱི་དཀྱིལ་འཁོར་ཀུན་དུ་ཡོངས་སུ་དར་བ་དང་། ༥༣ །དེ་དེར་གང་ [འདི་ནས་བརྩམས་ཏེ་བྱེ་བྲག་ཏུ་ཤིས་པ་བརྗོད་ཅིང་བསྔོ་བ་ཡོད་ཏན་གྱི་རང་བཞིན་བརྗོད་པ།] དག་གུས་པས་ཉན་དང་ཀློག་དང་འཛིན། །བསམ་གྱིས་མི་ཁྱབ་བཀུར་སྟི་རྒྱ་ཆེར་བགྱིས་པ་ཡི། །བསོད་ནམས་
ཕུང་པོ་དང་འགྲོགས་བྱིན་གྱིས་བརླབས་པ་ཡིས། །ཐོག་མ་བར་མཐའ་ཀུན་དུ་དགེ་ལེགས་ [རིགས་པའི་རྒྱུ།] འཕེལ་གྱུར་ཅིག ༥༤ །འཇམ་དཔལ་གཞོན་ནུས་མངོན་པར་སྤྲུལ་པའི་སྐྱེས་བུ་ཆེ། །མང་དུ་ཐོས་པ་ཀུན་དགའ་བསྐྱེད་པའི་བློ་གྲོས་གཏེར། །གྲགས་པ༷འི་
ཡི་གེའི་གད་མོ་ལྷང་ལྷང་དགོད་སྙམ་ཅན། །ལྷར་བཅས་འགྲོ་བའི་གཙུག་ན་རྟག་པར་བརྟན་གྱུར་ཅིག ༥༥ །སྲིད་པ་གསུམ་པོ་ [རང་བཞིན་བརྗོད་པ་ལ་རབ་རྟོག་གིས་བརླིང་བ།] ཆོས་ཀྱི་བཀྲ༷་ཤིས༷་སྙིང་པོ་ཅན། །མངོན་པར་སྒྲུབ་ལ་མཁྱེན་དང་བརྩེ་བ་ནུས་པའི་བདག །གང་དེས་དོན་
གཉིས་ལྷུན་གྱིས་གྲུབ་པའི་གོ་འཕང་ནས། །བཞེད་པའི་སྙིང་པོ་གང་ལ་བཅིང་དེ་རྫོགས་གྱུར་ཅིག ༥༦ །དཔལ་ [ཡོན་ཏན་གྱི་རང་བཞིན་བརྗོད་པ།] ལྡན་གཉིས་སུ་མེད་པར་གསུང་པ་སྲས་དང་བཅས། །མ་ལུས་དཀྱིལ་འཁོར་གཅིག་དུ་རྫོགས་པའི་སྒྱུ་འཕྲུལ་གྱིས། །ལུང་རྟོགས་ཆོས་
ཚུལ་སྐྱོང་བ་ཡོངས་ཀྱི་གཙུག་ཏོར་ཆེ། །ཕྲིན་ལས་ས་ཆེན་གསུམ་དུ་ཁྱབ་པར་བརྟན་གྱུར་ཅིག ༥༧ །སྐྱེ་བ་ [ཡོན་ཏན་གྱི་རང་བཞིན་བརྗོད་པ།] དུ་མར་དམ་པའི་སྤྱོད་པར་གོམས་པའི་བློ། །བདེ་གཤེགས་བསྟན་པ་རྣམ་པར་རྒྱས་པའི་དཔུང་གཉེན་དུ། །ཚེ༷་རབས་རི༷ང་མོའི་དུས་ནས་
འབྲེལ་པ་རྒྱལ་བའི་སྲས། །དུས་འདིར་མི་བདག་ཚུལ་གྱིས་བྱ་བ་ལེགས་བྱས་པ། ༥༨ །[ཡན་ལག་གཉིས་པའི་གཟུགས་ཅན།] གང་དེ་ [བསམ་པ་རྒྱ་ཆེ་བ།] དགེ་བའི་ལས་ལ་འདུན་ལྡན་བཙུན་མོར་བཅས། །ཚོགས་གཉིས་རྒྱ་མཚོ་རྣམ་པར་བརྒལ་བའི་ཕ་མཐའ་ནས། །སྤངས་

213-1-493b

དང་རྟོགས་པའི་ཡོན་ཏན་རིན་ཆེན་མི་ཟད་གཏེར། །རིང་པོར་མི་ཐོགས་ཐོབ་པའི་སྐལ་པ་སྦོམ་གྱུར་ཅིག ༥༩ །ལུས་ཅན་སྤྱི་ཡིས་ལེགས་བྱས་ཕུང་པོ་གང་དག་བསགས། །ཐམས་ཅད་ཁྱབ་འཇུག་ལྟེ་བ་ལས་སྐྱེས་མེས་པོ་དེས། །འདི་ན་གཅིག་ཏུ་སྤུངས་པ་ལྟ་བུའི་
ས་གཞི་སྐྱོང་། །གནམ་གྱི་མཐོངས་ནས་བསྐོས་པའི་སྡོམ་བརྩོན་བླ་མ་ཆེ། ༦༠ །ཀུ༷ན་དག༷འ་བསྐྱེད་པའི་སྙིང་སྟོབས་ [འབྱུང་མིན་གྱི་དཔེ།] བི་ཥྞུའི་འཇུག་པ་ཡིས། །ཕྲིན༷་ལས༷་རྒྱ་མཚོ༷འི་འཇིང་ནས་ལངས་པའི་ཕྲག་པ་རུ། །གཞལ་དུ་མེད་པའི་ལེགས་བྱས་ས་གཞི་ཆེན་པོ་འདི། །
གྱེན་དུ་ཁྱེར་ལ་བསྙེངས་པ་ཕྲལ་བའི་སྡོམ་བརྩོན་ཆེ། ༦༡ །གང་དེའི་སྐྱེ་བའི་སྙུག་གུ་ [རིག་བྱེད་གྱི་ལོ་རྒྱུས་ལས་དྲངས་པའི་མཐའ་དག་གཟུགས་ཅན།] གང་དག་བསྒྱུར་བ་ཡིས། །རབ་དང་ཡིད་ལ་དམ་བཅའི་ཡི་གེ་རྣམས་བཀོད་པ། །ཀུན་གྱི་སྙིང་པོ་བླ་ན་མེད་པ་ཁམས་གསུམ་པའི། །དོན་བྱེད་
ཆོས་ཀྱི་རྒྱལ་པོའི་གོ་འཕང་དེ་ཉིད་དོ། ༦༢ །དེ་ནི་མངོན་པར་ [ལྡན་པའི་གཟུགས་ཅན།] འགྲུབ་བྱེད་དཔག་ཏུ་མེད་རང་བཞིན། །དེ་མཐའ་མཁའ་འདིས་ཕྱོགས་བཅུར་བཙལ་ཡང་མ་རྙེད་པར། །ད་དུང་དངོས་པོ་ཀུན་ལ་ཁྱབ་པར་ཉུལ་འདྲ་ཡི། །ཟབ་དང་ཡངས་པའི་
ཚོགས་གཉིས་ཤིན་ཏུ་འཕེལ་གྱུར་ཅིག ༦༣ །[ཏིང་ངེ་འཛིན་གྱི་རབ་རྟོག] །ཡང་འབྱུང་སྲིད་པར་ཚུལ་ཁྲིམས་དག་པའི་ཤིང་རྟར་བརྟན། །རྒྱལ་བའི་གསུང་རབ་ཀུན་གྱི་སྣང་བ་ལེགས་བཟུང་ནས། །ཕྱོགས་བཅུའི་སེམས་ཅན་ཁམས་སུ་ལེགས་པར་བཤད་པའི་འོད། །རྒྱ་
ཆེར་གཏོང་བ་སྨྲ་བའི་ཉི་མ་ཐོབ་གྱུར་ཅིག ༦༤ །སྐྱེ་བ་འདིར་ཡང་ [མཐའ་དག་གཟུགས་ཅན་] ཞབས་སེན་འཆར་ཀའི་དམར་མདངས་ཅན། །བརླིང་བར་བཀོད་པས་ཤིན་དུ་མཛེས་བྱས་གསེར་གྱི་ཁྲི། །ཆེར་རློམ་མི་བདག་ཕལ་གྱི་སྤྱི་བོའི་ང་རྒྱལ་གཞུ། །དགེ་བའི་
རྒྱུད་མངས་དག་གིས་དགུག་ལྡན་དེ་ཉིད་དུ། ༦༥ །[རབ་ཏུ་སྤེལ་བ། རིམ་པ་ཅན་གྱི་རྒྱན།] བསྐལ་བར་འཚོ་བ་སྲོག་གི་རྒྱན་དང་བསོད་ནམས་སྟོབས། །ཕྲིན་ལས་ཆབ་འབངས་བདོ་བ་གངྒཱའི་ཆབ་རྒྱུན་དང་། །གསེར་དང་ལྡན་མ་རྡོ་རྗེའི་ཤུགས་དང་ཉི་མའི་འོད། །རིན་ཆེན་

213-1-494a

འབྱུང་གནས་དཔལ་གྱི་རིམ་པར་སྐྱོད་གྱུར་ཅིག ༦༦ །ས་འཛིན་བྱེ་བའི་བླ་ན་ཐོགས་པ་མེད་རྒྱུ་ཞིང་། །གཟི་བརྗིད་འབར་བས་བླང་དོར་འབྱེད་པའི་སྡོམ་བརྩོན་གྱི། །བཀའ་ཁྲིམས་འདའ་དཀའ་ཉིད་དང་ཉི་མའི་འོད་ཀྱིས་ཀྱང་། །འགྲོ་ཁམས་
སྙོམས་པ་བདེ་ལ་འགོད་འདི་རྒྱལ་གྱུར་ཅིག ༦༧ །སྐྱབས་གསུམ་འདུས་པ་བླ་མའི་ [བྱ་བ་ཐ་དད་མིན་པའི་སྦྱར་བ།] མཆོག་ཏུ་གྱུར་རྣམས་ལས། །ཟབ་དང་རྒྱ་ཆེ་ཐོས་པའི་ཆོས་དོན་དཔྱོད་པ་དང་། །བསྒོམས་པའི་ཤེས་རབ་རྣམ་སད་མིག་གིས་ལེགས་མཐོང་བའི། །ལུང་
རྟོགས་ཡོན་ཏན་གཏེར་ལ་དགྱེས་དགུར་སྤྱོད་གྱུར་ [ཡན་ལག་གཉིས་པའི་གཟུགས་ཅན།] ཅིག ༦༨ །དེ་སོགས་བཀྲ་ཤིས་ཐམས་ཅད་རྟག་ཏུ་འཕེལ་བ་ལ། །མཐུན་པ་མིན་པའི་ཕྱོགས་སུ་གཏོགས་པ་གང་དག་ཡོད། །བསྐལ་པ་འདི་ཡི་ཕ་རོལ་ལེགས་མཐོང་རེ་བ་ཡིས། །སྟོང་པའི་
སྔས་ལ་རྨི་ལམ་སྒུགས་སྙམ་བྱེད་གྱུར་ཅིག ༦༩ །སྐྱེས་སྦྱངས་བློ་གྲོས་དཀྱིལ་འཁོར་ཀུན་ [ཏིང་ངེ་འཛིན་གྱི་རབ་རྟོག] །ནས་གང་གྱུར་བའི། །བྱམས་ལྡན་རྒྱལ་བའི་མྱུ་གུའི་ཟླ་བ་གསར་པ་གང་། །གནས་ལྔའི་གཞུང་ལུགས་ལེགས་པར་འདོམས་པའི་ཟེར་ཕྲེང་གིས། །
རྒྱལ་བསྟན་རྒྱ་མཚོ༷་རྟག་ཏུ་རྒྱས་པར་བྱེད་གྱུར་ཅིག ༧༠ །[མཐའ་དག་གཟུགས་ཅན།] གསེར་མངལ་ཅན་བཞིན་བསོད་ནམས་མཐུ་ཆེན་མི་ཡི་བདག །རིག་བྱེད་འབྱིན་པའི་གདོང་བཞིན་ལེགས་བཤད་འབྱུང་བའི་གནས། །འཆི་བ་མེད་པའི་ཚོགས་ཀྱིས་བཞིན་དུ་ཁེངས་
ལྡན་གྱི། །སྤྱི་བོས་བཏུད་པའི་མགོ༷ན་པོ༷་ཉིད་དུ་རྒྱལ་གྱུར་ཅིག ༧༡ །ས་སྐྱོང་ [ངག་དོན་གྱི་དཔེ་ལས་བཞིན་སྒྲ་དུ་མ་ཅན།]  རྣམས་ཀྱི་བསོད་ནམས་ཁང་པ་རབ་ཡངས་པར། །ཆོས་ཀྱི་བློན་ཆེན་མགྲོན་དུ་གཉེར་བྱས་ཐམས་ཅད་ཀྱང་། །དགོངས་པའི་གོམ་པ་དགེ་བའི་ལམ་
བཀོད་བཀའ་ཁྲིམས་ཀྱི། །ཁ་ལོ་སྒྱུར་ལ་ནམ་ཡང་གཡོ་བར་མ་ [མཐའ་དག་གཟུགས་ཅན།] གྱུར་ཅིག ༧༢ [།ཕྲེང་བའི་གསལ་བྱེད།] མི་བདག་མཐུ་ཡིས་ས་སྟེངས་ཐམས་ཅད་བདེ་བར་སྐྱོང་། །བདེ་བས་ཆབ་འབངས་ཕྱོགས་དང་ཕྱོགས་བྲལ་ཀུན་དུ་རྒྱས། །མངའ་རིས་རྒྱས་པས་

213-1-494b

སྡེ་བཞིའི་དཔལ་འབྱོར་རྟག་ཏུ་འཛིན། །དེས་ནི་དགེ་ལེགས་གྲགས་པ་བརྟན་པར་བྱེད་གྱུར་ཅིག ༧༣ །རྣམ་དཀར་ལས་བཟང་འཆི་བ་མེད་པའི་གྲོང་ཁྱེར་བཞིན། །མངོན་པར་འདེགས་ལ་བློ་གྲོས་རི་ཡི་རྒྱལ་པོའི་སྟོབས། །མི་དམན་ལྷག་པའི་བསམ་པས་ཤིན་ཏུ་བརླིང་
བྱས་པ། །ཆོས་ཀྱི་མདུན་ན་འདོད་ཆེན་བཞུགས་པ་གང་ཡིན་དང་། ༧༤ །དེ་བཞིན་བདེན་པའི་ [རབ་སྤེལ།] ཡི་གེ་སྙིང་ལ་རྣམ་བཀོད་ནས། །དལ་བ་ཐམས་ཅད་དམ་པའི་ཆོས་སྤྱིར་གསོད་པ་ཡི། །རྟུན་པའི་ཁུར་གཉེར་བརྡ་དག་བྱེད་དང་འདྲི་བརྐོས་སོགས། །
ཚུལ་འདིར་དང་བའི་འབད་པ་ཐང་རེར་བགྱིས་པ་བཅས། ༧༥ །ཐམས་ཅད་ཀྱང་ [བྱ་བའི་རང་བཞིན་བརྗོད་པ།] ནི་ཚེ་རབས་ཀུན་དུ་སྐྱེ་བའི་ཤིང་། །དལ་བ་འབྱོར་པའི་ཡལ་ག་མ་ཚང་མེད་རྫོགས་ནས། །ཐོས་དང་བསམ་དང་བསྒོམ་པའི་ལོ་འདབ་རྒྱས་པའི་ཁྲོད། །ཡོན་ཏན་
འབྲས་བུ་གཡུར་དུ་ཟ་བས་མཛེས་གྱུར་ཅིག ༧༦ །བདག་ཀྱང་བྱང་ [མཐའ་དག་གཟུགས་ཅན།] ཆུབ་སྙིང་པོ་སྲིད་དུ་ཚུལ་ཁྲིམས་གསུམ། །རྣམ་དག་བསླབ་ལྡན་དེས་ནི་ཕྱི་ནང་རིག་པ་ཡི། །གཞུང་ལུགས་རིན་ཆེན་སྒྲོན་མ་མཐའ་དག་ལེགས་བཟུང་ནས། །སེམས་ཅན་ཁམས་
སུ་ལེགས་བཤད་སྣང་ཆེན་འགྱེད་པར་ཤོག ༧༧ །[ཡན་ལག་གཉིས་པའི་གཟུགས་ཅན།] མདོར་ན་ངེས་པར་བཀར་བྱས་འགྲོ་བ་རྣམས་ཀྱིས་མཚོན། །མར་གྱུར་སེམས་ཅན་ནམ་མཁའི་མཐའ་ལ་འཕྱ་བ་རྣམས། །ཡོན་ཏན་ཀུན་གྱི་གཞི་མ་རྨད་བྱུང་དད་གསུམ་གྱིས། །ནོར་ལྡན་བརྟན་
མའི་གྲགས་པ་དམའ་ཡང་འབེབས་གྱུར་ཅིག ༧༨ །སུ་ཞིག་གང་ལ་ངེས་པར་ [འདི་ནས་བརྩམས་ཏེ་ཐམས་ཅད་ཐུན་མོང་དུ་ཤིས་པ་བརྗོད་ཅིང་བསྔོ་བ་ལས་མཚུངས་པ་གསལ་བྱེད་ཀྱི་སྒྲས་ཟིན་པའི་དཔེ།] སྐྱབས་སུ་མཆིས་ཙམ་ནས། །ཡེ་ཤེས་གཟིགས་པའི་མེ་ཏོག་ཚོགས་ནི་ཅི་ཡང་བཀྲ། །བརྩེ་དང་ནུས་པའི་ཡལ་
འདབ་ནམ་ཡང་མ་བསྐུམས་པའི། །སྐྱབས་མཆོག་ [མཐའ་དག་གཟུགས་ཅན།] དཔག་བསམ་གསུམ་གྱི་གྲིབ་མར་བསྟི་གྱུར་ཅིག ༧༩ །[གཞི་གཅིག་གིས་ཆོས་དུ་མ་འགལ་བ།] བྱམས་པའི་སེམས་བརླིང་སྙིང་རྗེའི་མཆི་མ་འཁྲུངས་པ་སླ། །སྐྱོན་རྣམས་རབ་སྤོང་ལེགས་པའི་ཡོན་ཏན་སྡུད་ལ་

213-1-495a

དགའ། །གཞན་དོན་ལ་འཇུག་རང་དོན་རེ་བ་ཆད་གྱུར་པའི། །ཐེག་པ་དེ་ལས་བློ་གྲོས་གཡོ་བར་མ་གྱུར་ཅིག ༨༠ །སློང་བ་དབུགས་སུ་འབྱིན་པའི་གཏམ་གྱིས་སྡུན་བསུ་བས། །འདོད་སྟེར་དཔུང་པའི་མཆེལ་པ་རབ་ཏུ་བརྐྱངས་པ་ལས། །རེ་བའི་སྙིམ་པ་ཀུན་ནས་
གདངས་པ་དེ་དང་དེས། །བདེ་བར་འགེངས་བའི་གཏོང་ཕོད་མཐའ་རུ་ཕྱིན་གྱུར་ཅིག ༨༡ །རྙོག་པ་ཀུན་གྱིས་བསླད་པ་མེད་པའི་བསིལ་ [བྱ་བའི་རང་བཞིན་བརྗོད་པ།] པ་གསུམ། །འཁོར་བའི་གདུང་བ་རབ་ཏུ་འཕྲོག་ལ་མངོན་ཕྱོགས་ཚེ། །དཔལ་གྱི་དུམ་བུ་རང་གི་རིན་ཐང་ཉམས་དོགས་
ཀྱིས། །མ་ལ་ཡ་ཡི་ནགས་འདབས་བྲོས་སྙམ་བྱེད་གྱུར་ཅིག ༨༢ །གཤེ་དང་བརྡེག་དང་མཚང་ [སེམས་མེད་ཀྱི་རབ་རྟོག །] འདྲུའི་སྐྱེ་བོ་བརྒྱ་སྟོང་གིས། །ཉེ་བར་གཙེ་ལ་བཟོད་པའི་ངང་ཚུལ་མི་བསྐྱུད་པར། །ཡིད་འོང་འཛུམ་པའི་འོད་རླབས་དཀར་པོ་རབ་གཡོ་བས། །རིངས་བར་བསུ་ཞིང་
ཕན་པར་སྨྲ་ལ་སྤྲོ་གྱུར་ཅིག ༨༣ །དགེ་དང་གོ་ཆ་སེམས་ཅན་དོན་སྦྱོར་ [ནང་ཤེས་པར་བྱེད་པའི་རྒྱུ།] རྟུན་པ་ཡིས། །བསྐལ་པ་མང་པོའི་ཚོགས་གཉིས་ཕ་རོལ་འགོངས་པ་ལ། །ཉིན་མཚན་འཁོར་ལོའི་གོ་སྐབས་ཡོད་དམ་མ་ཡིན་ཞེས། །འཕྱང་མོ་ཉུག་ལ་འགྲོ་བའི་བློ་གྲོས་མཆོངས་
གྱུར་ཅིག ༨༤ །མཚན་རྟོག་སྒྲིབ་ [ཐེ་ཚོམ་ཕུལ་བྱུང་།] བའི་དུརྦཱ་རོཿདང་མི་ལྡན་ཞིང་། །འོག་འགྱུ་ཀུན་རྟོག་རྒྱུན་གྱི་བགྲོད་པ་ཡང་མེད་པར། །དགའ་བ་གྱ་ནོམ་ཡོན་ཏན་མི་ཟད་རིན་ཆེན་གྱི། །འབྱུང་གནས་ཟབ་གསལ་གཉིས་སུ་མེད་དེ་འཕེལ་འགྱུར་ཅིག ༨༥ །བདེན་པ་ཟུང་གི་ཆོས་
དོན་རྣམ་པར་དཔྱོད་ [སྔ་ན་མེད་པའི་གཟུགས་ཅན།] པའི་བློ། །རྩུབ་མོའི་དཔལ་དང་མཁྲེགས་པའི་བེམས་ཆོས་མི་ལྡན་ཡང་། །སྒྲིབ་གཉིས་གཅོད་ལ་རྣོ་བ་རབ་ཀྱི་རྩེར་ཕྱིན་པས། །སྲིད་པ་གསུམ་པོ་སྐད་ཅིག་ཧྲུལ་པོར་བྱེད་གྱུར་ཅིག ༨༦ །ནམ་མཁའི་མཐའ་དང་ [ཡོན་ཏན་མ་ཚང་བའི་ཁྱད་པར་བརྗོད་པ།] 
མཉམ་པར་འབྱམས་པའི་སེམས་ཅན་ལ། །དམིགས་པ་མེད་པའི་ཚད་མེད་སྒྱུ་མའི་རྩེ་འཇོ་བཞིའི། །སྣ་ཚོགས་ཐབས་ལ་མཁས་པའི་སྤྱོད་པ་ཅི་དང་ཅིས། །ནམ་ཡང་མི་གཏོང་ཕྲིན་ལས་མཐའ་རུ་ཕྱིན་གྱུར་ཅིག ༨༧ །[དགག་པའི་དཔེ།] མངོན་ [རྩ་བའི་རང་བཞིན་བརྗོད་པ།] པར་ཤེས་སོགས་ཡོན་

213-1-495b

ཏན་དུ་མས་དབེན་པའི་ཕྱིར། །བེེ་ཌཱུརྱ་མཆོག་ཏོག་གི་བློ་གྲོས་གྲགས་པས་ཀྱང་། །མཚུངས་པར་དཀའ་བ་སྨོན་པའི་ལམ་གྱི་མཐུ་བོ་ཆེས། །ཇི་ལྟར་འདོད་པ་ལྷུན་གྱིས་གྲུབ་པ་ཉིད་གྱུར་ཅིག ༨༨ །བསམ་སོགས་སྟོབས་ཀྱི་རྒྱ་མཚོའི་རླབས་ནི་ཆེར་གཡོ་བས། །སངས་རྒྱས་
ཞིང་ཁམས་རྒྱ་མཚོ་ཡོངས་སུ་དག་པ་དང་། །སེམས་ཅན་ཁམས་ཀྱི་རྒྱ་མཚོ་ཡོངས་སུ་སྨིན་བྱས་ཏེ། །ཐུབ་དབང་ཡོན་ཏན་རྒྱ་མཚོ་ཐམས་ཅད་མཐོང་གྱུར་ཅིག ༨༩ །སོ་སོ་ཡང་དག་རིག་པའི་ཆོས་ [རྐང་པ་བཞི་གའི་དབུས་ན་ཡོད་པ་ཆོད་པའི་ཟུང་ལྡན།] མིག་གྲུངས་པོ་མས། །ཇི་སྙེད་ཏིང་ངེ་འཛིན་གྱི་
ལྟད་མོ་མཚར་མཐོང་ནས། །ཕྱོགས་བཅུ་རྣམས་སུ་མུ་མེད་འོད་གཏོང་དོན་ཡང་བྱེད། །ཐམས་ཅད་མཁྱེན་པའི་ཡེ་ཤེས་དབང་བསྐུར་ཐོབ་གྱུར་ཅིག ༩༠ །མི་སྡུག་ཉམས་ཀྱི་ [སྟོབས་མཚུངས་པའི་རབ་སྤེལ།]  འགྱུར་བ་གཅིག་ཅིག་བསྟན་པ་མེད། །སྨིན་མ་ཡོན་པོས་ལྟ་བ་ཙམ་ཡང་མ་བྱས་པར། །
ཞི་འཛུམ་བརྟན་པའི་རང་བཞིན་ཡིད་འོང་མཐོང་ཙམ་གྱིས། །ཆུ་སྲིན་རྒྱལ་མཚན་སྡེ་དང་བཅས་ལས་རྒྱལ་གྱུར་ཅིག ༩༡ །ཨེ་མ་སྟོང་གསུམ་བྱེ་བ་ཕྲག་བརྒྱའི་ [བྱ་བ་མ་ཚང་བའི་ཁྱད་པར་བརྗོད་པ།] འཇིག་རྟེན་གྱི། །དགའ་བའི་རང་བཞིན་གཞན་ནི་ཅིག་ཅར་སྲུངས་པས་ཀྱང་། །མི་མཆོག་གང་གི་
མཚན་ཙམ་ཐོས་པའི་བརྒྱ་སྟོང་ཆ། །མཚོན་དུ་མེད་དེ་དེ་ཉིད་དུ་ནི་ཐོབ་གྱུར་ཅིག ༩༢ །སྐུ་གསུམ་རིན་ཆེན་གཞལ་དུ་མེད་ [ཁྱད་པར་འཕགས་པའི་ཕུལ་བྱུང་།] པའི་ཁང་པ་རུ། །མི་ཟད་རྒྱན་གྱི་འཁོར་ལོ་ཡོངས་སུ་གྲུབ་པའི་གཟུགས། །ཅི་ཡང་འཕོས་པ་དེ་ཡི་རང་བཞིན་དཔྱོད་བཟོད་པ། །ཀུན་
མཁྱེན་ཡེ་ཤེས་ཨཉྫ་ན་ཡི་བུ་ཙམ་མོ། ༩༣ །བསམ་གྱིས་མི་ཁྱབ་ཡོན་ཏན་ཕུང་པོ་ཐོབ་ [རིག་བྱེད་གཞུང་གི་ལོ་རྒྱུས་དང་སྦྱར་བའི་མཐའ་དག་གཟུགས་ཅན།] ནས་ནི། བསམ་གྱིས་མི་ཁྱབ་ཞིང་དུ་བཀོད་པ་གྲངས་མེད་ཀྱིས། །བསམ་གྱིས་མི་ཁྱབ་ཆོས་ཀྱི་འཁོར་ལོ་ལེགས་བསྐོར་ནས། །བསམ་གྱིས་མི་
ཁྱབ་འགྲོ་བ་འཚང་རྒྱར་དགོད་གྱུར་ཅིག ༩༤ །[རྐང་པ་བཞི་གར་ཡོད་པ་ཆོད་པའི་ཟུང་ལྡན། ངག་དོན་གྱི་དཔེ་ལས་བཞིན་སྒྲ་གཅིག་པ་ཅན།] དེ་ནས་ཀྱང་ནི་འཁོར་བ་སྲིད་དུ་རྣམ་པར་འཕྲུལ། །སྣ་ཚོགས་ཟློས་པའི་ཕྲིན་ལས་རྒྱུན་མི་འཆད་སྟོན་པ། །ཆེ་བ་ཆུ་ཡི་གཏེར་ནས་ཆུང་དུ་ཟིལ་པའི་གུར། །དེ་སྙེད་ཟླ་བའི་གཟུགས་ཀྱིས་

213-1-496a

མཚོན་བཞིན་རྩེན་གྱུར་ཅིག ༩༥ །དེ་སྐད་སྨོན་ལམ་བཏབ་པ་དེ་ཡི་བསོད་ནམས་སྟོབས། །ཤིན་ཏུ་ཆེའམ་མིན་ཞེས་ཚད་དུ་བརྗོད་པར་དཀའ། །ཞིང་དང་བསམ་པ་དངོས་པོ་དག་པ་དགེ་ཆེན་དུ། །གླེང་བ་ཙམ་ལས་ཕ་རོལ་མཐོང་བ་འགའ་ཡང་མེད། ༩༦ །རྣམ་གཟིགས་
སངས་རྒྱས་མདུན་དུ་སྲན་རྡོག་བདུན་གྱིས་གཏོར། [།ཆོས་ཅན་འགོག་པ།] སྨོན་ལམ་བཏབ་པས་ང་ལས་ནུ་གྱུར་གཏམ་དེ་རྫུན། །ཡང་ན་ཞིང་དང་བསམ་པ་དག་པའི་སྟོབས་དག་ནི། །ཚད་མེད་ངེས་པས་འདིར་ཡང་ཡིད་ཆེས་འཁྲུངས་གྱུར་ཅིག ༩༧ །བརྗོད་པ་གང་ལ་སྙིང་པོ་མཆོག་ [བྱུང་བ་འགོག་པ།]  
ཏུ་རབ་ལྕི་ཞིང་། །གཅད་དང་གཞིག་མེད་དེ་ལྟ་ན་ཡང་དྲང་སྲོང་ཕལ། །ངག་གི་ནུས་པས་ལྡང་ཞེན་ཕྱོགས་སུ་རྒྱུག་པའི་ཕྱིར། །དེ་ལས་ཁྱད་པར་འཕགས་པའི་དོན་འདི་འགྲུབ་གྱུར་ཅིག ༩༨ །ཚུལ་འདི་སྔོན་བྱུང་དམ་པ་རྣམས་ཀྱི་སྤྱོད་ [གཏན་ཚིགས་ཀྱི་ལྡོག་པ་ཅན།] རྗེས་སུ། །འཇུག་
འདོད་གོམ་པ་བཀོད་པའི་སྨོན་པ་གང་དག་བཏབ། །རྣམ་པ་ཐམས་ཅད་གང་དུ་འཕེལ་བའི་མཐུན་འགྱུར་གླུ། །སྨོན་ལམ་མཐའ་རུ་སོན་པ་ཀུན་གྱིས་ལོངས་ཤིག་ཀྱེ། ༩༩ །ནམ་མཁའ་སྟོང་པའི་ [ཡན་ལག་གཅིག་པའི་གཟུགས་ཅན།] རང་བཞིན་ཞིག་པའི་དུམ་བུ་དང་། །ཉི་མའི་འོད་ཀྱིས་ཕྱེ་བའི་
ཀུནྡའི་དགའ་ཚལ་བཞིན། །དཀོན་མཆོག་གསུམ་གྱི་བདེན་པས་འགྲོ་བ་བསླུས་པའི་འཕྲིན། །སྲིད་པ་མིན་མཐུས་སྨོན་ལམ་ཐམས་ཅད་གྲུབ་གྱུར་ཅིག ༡༠༠ །གང་ཞིག་ [སྲིད་པ་མིན་པའི་དཔེ།] མཐོང་ན་མི་མཐུན་དབེན་པ་སྐུ་ཡི་བཀྲ་ཤིས་ཆུ་ཞིང་གབ་པ་རྒྱལ་མཚན་ལྟ་བུར་མ་བསྙལ་དྲང་པོ་
ཉིད་དུ་བརྟན། །འཕྲོ་འདུ་འོད་ཀྱི་རྒྱལ་པོས་རབ་དཀྲིགས་དབུ་ཡི་གཙུག་ཏོར་མཐོན་པོར་འཁྲུངས་པའི་ཏོག་གིས་ལེགས་མཚན་ཡན་ལག་མཆོག་གི་གདུགས་ [ཆོས་དཔེ་གཟུགས་ཅན་རབ་རྟོག་རྣམས་སྟོབས་མཚུངས་པའི་རབ་དུ་སྤེལ་བ།] དེ་མཛེས། །འདམ་ལས་སྐྱེས་པ་དམར་པོའི་ལང་ཚོའི་མཚར་སྡུག་
ཐམས་ཅད་ཕྱག་ཞབས་མཐིལ་དུ་བརྐུས་པའི་མཚང་ནི་འཁོར་ལོའི་རྒྱ་ཡིས་བཏབ་བམ་སྙམ། །གཞོམ་གཞིག་བྲལ་བ་ཐུབ་པ་ཆེན་པོའི་བཀྲ་ཤིས་གསུམ་གྱིས་སྐྱེ་དགུ་ཐམས་ཅད་རྣམ་པ་ཀུན་དུ་བཀྲ་ཤིས་དཔལ་གྱིས་ཕྱུག་པར་ཤོག ༡༠༡ །[བསྡུས་པ་དང་མ་བསྡུས་པ་བསྲེས་པའི་གཟུགས་ཅན།] དབྱངས་ཀྱི་

213-1-496b

དཀྱིལ་འཁོར་མ་རྫོགས་མེད་པ་གསུང་གི་བཀྲ་ཤིས་ཉིན་མོངས་རིམས་ནད་འཕྲོག་ལ་མངོན་ཕྱོགས་སྐྱེ་བ་ལྔ་པའི་དབྱངས་སུ་ལྡིར། །དགེ་བ་སུམ་ལྡན་ཆོས་ཀྱི་ཕུང་པོ་འཛད་པ་མེད་པའི་སྦྲང་རྩིས་རབ་མྱོས་གླུ་ཡིས་འབབ་སྟེགས་རོ་འཛིན་པདྨའི་འདབ་མ་ཡངས། །ལེགས་པར་གསུངས་
པ་ཟབ་དང་རྒྱ་ཆེའི་གཏོང་བ་ཐམས་ཅད་རྟག་ཏུ་འཇོ་བ་སྐྱེས་བུ་ཆེན་པོའི་མགུར་གྱི་བུམ་བཟང་ཟླུམ་ཞིང་རྒྱས། །འགག་མེད་རྟག་པར་ཆོས་སྒྲ་འབྱིན་པའི་བཀྲ་ཤིས་གསུམ་གྱིས་སྐྱེ་དགུ་ཐམས་ཅད་རྣམ་པ་ཀུན་དུ་བཀྲ་ཤིས་དཔལ་གྱིས་ཕྱུག་པར་ཤོག ༡༠༢ །ཆོས་དོན་ཇི་ལྟ་ཇི་སྙེད་གཟིགས་པ་
ཐུགས་ཀྱི་བཀྲ་ཤིས་ཉེ་བར་མཚོན་བྱེད་དཔལ་གྱི་བེའུ་འཁྱིལ་བྲང་གི་ངོས་ཡངས་འོད་དུ་འབར། །དུས་གསུམ་དངོས་པོ་ཕྲ་རགས་ཡུལ་གྱི་རྒྱ་མཚོ་ཀུན་དུ་ཐོགས་པ་མེད་འཕྱོ་སྤྱན་གྱི་ཉ་མོ་བ་མཆོག་རྫི་འདབ་བསྐྱོད་ལ་མཁས། །ཉིན་མོར་ [མཆོག་གི་ངེས་བསྟན་གཟུགས་ཅན་དཔེ་རྒྱན་གསུམ་གྱི་སྟོབས་མཚུངས་པའི་རབ་ཏུ་སྤེལ་བ།] 
བྱེད་པས་མཁའ་ལ་བཞིན་དུ་ཡེ་ཤེས་གཟེགས་པ་འཇིག་རྟེན་ཀུན་དུ་རྣམ་པར་མི་རྟོག་བགྲོད་པ་དུས་ལས་ཡོལ་བ་མེད། །སྒྲིབ་པ་མི་མངའ་གསལ་ལེར་གཟིགས་པའི་བཀྲ་ཤིས་གསུམ་གྱིས་སྐྱེ་དགུ་ཐམས་ཅད་རྣམ་པ་ཀུན་དུ་བཀྲ་ཤིས་དཔལ་གྱིས་ཕྱུག་པར་ཤོག ༡༠༣ །ཅེས་པ་དཔལ་
ལྡན་རྡོ་རྗེ་དབྱངས་ཀྱི་དབང་ཕྱུག་མ་རབ་ཏུ་དགྱེས་པར་བསྐྱེད་པའི་གཞུང་ལུགས་ཀྱི་ཏམྦུ་རའི་རྒྱུད་ལས་ཉེ་བར་འཕོས་པའི་འཁྱོག་ཚིག་གི་ལམ་ནས་ཉེ་བར་དྲངས་པའི་བསྔོ་བ་སྨོན་ལམ་གྱི་ཚིགས་སུ་བཅད་པ་བརྒྱ་ཕྲག་གཅིག་ལ་གསུམ་གྱིས་ཉེ་བར་ལྷག་པ་དག་གིས་དགེ་བའི་རྩ་བ་ཐམས་
ཅད་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཀྱི་སྙིང་པོའི་གསོས་དམ་པར་ཡོངས་སུ་བསྔོས་ཟིན་ཏོ། །སླར་ཡང་སྨྲས་པ། དུས་གསུམ་ཕྱོགས་བཅུའི་རྣམ་པར་འདྲེན། །ཀུན་ཀྱང་དང་པོར་ཐུགས་མཆོག་བསྐྱེད། །དེ་ཉིད་ནས་བརྩམས་ལམ་ཐམས་ཅད། །
བར་ཆོད་མེད་དེ་སྨོན་ལམ་མཐུ། །[ཡན་ལག་གཅིག་པའི་གཟུགས་ཅན།] དེ་བཞིན་སྨོན་ལམ་རྒྱ་མཚོའི་མཐར། །སོན་པ་ཐམས་ཅད་འཁོར་བ་སྲིད། །[ཡོན་ཏན་གྱི་རང་བཞིན་བརྗོད་པ།] སེམས་ཅན་དོན་ཆེན་རྟག་འབྱུང་བའི། །ཡོན་ཏན་རྣམས་ཀྱང་དེ་མཐུས་སོ། །[མཐའ་དག་གཟུགས་ཅན།] དེང་ཡང་བྱང་

213-1-497a

ཆུབ་སྙིང་པོའི་མངལ། །འཛིན་འདོད་རྨ་བྱའི་རྒྱལ་མོ་འགའ། །དགེ་བའི་སྤྲིན་ལ་མིག་གཏོད་ཅིང་། །སྨོན་ལམ་འགྲིན་པ་བསྒྱུར་བ་ཡོད། །མ་བྱོན་དུས་ཀྱི་བློ་ལྡན་ཡང་། །མཐོང་བའི་ཆོས་དང་ཕྱི་མའི་བདེ། །གེགས་མེད་འགྲུབ་བྱེད་སྨོན་
པའི་ལམ། །གྲོགས་མཆོག་བཞིན་དུ་ཅིས་མི་བསྟེན། དེ་བསམས་འདིར་ཡང་དགེ་བ་ཡི། །མྱུ་གུ་བླ་མེད་བྱང་ཆུབ་ཀྱི། །སྙེ་མ་འཁྲུངས་གྱུར་དེ་སྲིད་དུ། །མི་ཟད་ [མཚུངས་པ་གསལ་བྱེད་ཀྱི་སྒྲས་ཟིན་པའི་དཔེ།] བསྔོ་བ་སྨོན་ལམ་བགྱིས། །ཐམས་ཅད་མཁྱེན་པ་ཆེན་པོ་ཉི་མའི་གཉེན་གྱི་
བཀའ་ལུང་སྤྱི་དང་བྱེ་བྲག་གི་དགོངས་དོན་རྣམ་པར་འགྲེལ་བའི་ [ལྡན་པའི་གཟུགས་ཅན།] བསྟན་བཅོས་གངས་ཅན་པའི་སྐད་དུ་འགྱུར་རོ་འཚལ་གྱི་ཆོས་སྦྱིན་རྒྱུན་མི་འཆད་པའི་ངོ་མཚར་འཕྲུལ་གྱི་ཕྱི་མོ་རྫོགས་ལྡན་བསྐལ་པའི་བསོད་ནམས་ཀྱི་སྤྲིན་ཕུང་རྒྱས་པར་དཀྲིགས་པའི་ཚུལ་ལས་བརྩམས་
པའི་གཏམ་ངོ་མཚར་ཆུ་གཏེར་འཕེལ་བའི་ཟླ་བ་གསར་པ་ལས། བརྩམས་པ་དོན་ཡོད་ཆེད་དུ་དགེ་བ་བྱང་ཆུབ་ཏུ་བསྔོ་བའི་སརྒ་སྟེ་བརྒྱད་པའོ།།      །།དཔལ་དང་ལྡན་པའི་སྡོམ་བརྩོན་ཆེ་བའི་ལྷ། །སྡེ་བཞིའི་དཔལ་གྱི་གདོང་པས་རབ་མཛེས་པ། །དགེ་བའི་
ལས་བཟང་ཚད་དུ་མེད་པ་བཞིས། །མངོན་པར་བསྐྲུན་པའི་ས་བདག་ཚངས་པ་ཆེ། ༡ །གང་དེས་བླ་མ་དཀོན་མཆོག་གསུམ་བཅས་པ། །སྐྱབས་སུ་བསྟེན་ [མཐའ་དག་གཟུགས་ཅན།] དོན་དགྱེས་པའི་ལས་བསྒྲུབས་པས། །བླ་མའི་བཀའ་ལས་མི་འདའ་རཱ་མ་ཎ། །བརྟན་
པའི་གཏམ་རྒྱུད་མཚར་ལ་ཕྲག་དོག་གོ། ༢ །མཆོག་ཏུ་ཁ་བའི་རྡུལ་བརྩེགས་རི་བོའི་ [མཚུངས་པ་གསལ་བྱེད་ཀྱི་སྒྲས་ཟིན་པའི་དཔེ།] ལྗོངས། །དབྱངས་ལྡན་མགྲིན་པ་ལ་ཆགས་འཁྱོག་པོའི་ཚིག །སྨྲ་བ་མཁས་དགུ་ཚོགས་པའི་བསྔགས་པས་ཀྱང་། །བརྗོད་པ་རྟག་ཏུ་འཕེལ་
བའི་ངོ་མཚར་གཞི། ༣ །[ཡི་གེ་རིང་པོར་བསྐོར་བའི་རྗེས་ཁྲིད།] ཆེ་མཆོག་ [མཛེས་པའི་ཡོན་ཏན་བསྔགས་པས་སྦྱར་བ།] བསྟན་པ་འདི་ལ་ད་སྔན་ཆད། །ཆེར་རློམ་འགའ་ཡིས་བརྩམས་པ་ལྟ་ཞོག་གི། །འཐིབས་བུའི་གཉིད་ཀྱི་རྨི་ལམ་ལྟད་མོར་ཡང་། །ཉམས་སུ་མྱོང་བ་མེད་པའི་ལེགས་བྱས་ཆེ། ༤ །

213-1-497b

གང་འདི་ཇི་ལྟར་བསྐྲུན་ལས་བརྩམས་པའི་གཏམ། །ལེགས་པར་བཤད་པའི་ཟླ་བ་གསར་པ་གང་། །མཉན་འདོད་རྣམས་ཀྱི་ངོ་མཚར་ཆུ་ཡི་གཏེར། །འཕེལ་བྱེད་བསྟན་པའི་མཁའ་ལ་འགྲོས་མཛེས་པ། ༥ །སྟོན་པ་བསྟན་པ་སྐྱོང་བ་ཆོས་དག་དང་། །པར་དུ་
[མཐའ་དག་གཟུགས་ཅན།] འགྲུབ་བྱེད་བདག་རྐྱེན་སྒྲུབ་པའི་ཚུལ། །མཚན་གྱི་ཕྲེང་བ་ཡོངས་བསྔོ་དང་བཅས་པ། །བཀྲ་ཤིས་གྲགས་སུ་རྫོགས་པའི་སརྒ་ཅན། ༦ །མངོན་པར་བརྩམས་སོ་སྤྲོས་པའི་རྩེ་མོ་མིན། །ཧ་ཅང་ [དོན་གསལ།] བསྡུས་པའི་མཐར་ཡང་ལྷུང་བ་མེད། །ཐུན་
མོང་སྐྱེ་བོའི་བློ་དང་རྗེས་མཚམ་པར། །དགོས་པའི་སྙེ་མ་མ་ཚང་མེད་པར་རོ། ༧ །གཞན་དུ་དེ་དེའི་ཁྱད་པར་ཕྱོགས་རེ་ཡང་། །རྫོགས་པར་འདྲི་ལ་རིན་ [བྱ་བ་བརྗོད་པ་ཐོག་མའི་གསལ་བྱེད།] ཆེན་འབྱུང་གནས་བཞིས། །ལེགས་སྦྱར་ཚོས་དང་སྟོང་གསུམ་རྐང་པས་འཐུང་། །
འདྲི་བྱེད་ཉིད་དུ་སོང་ཡང་རྫོགས་མཐའ་མེད། ༨ །སྔོན་བྱུང་འཕགས་པའི་བློ་གྲོས་ལྡན་པ་དག་ [།ཡན་ལག་གཉིས་པའི་གཟུགས་ཅན།] འདི་དག་གདོན་ལ་དཔྱོད་ཚེ་བ་སྤུ་ཡི། །འཁྲི་ཤིང་དུས་མ་ཡིན་པར་གཡོ་བའི་ཕྱག །ཡན་ལག་མཆོག་ཏུ་སྦྱར་བ་ཅིས་མ་བྱུང་། ༩ །དམ་པ་རྣམས་དྲིན་ཡིད་ལ་བྱས་
པ་འགའ། །ཆེད་དུ་མ་གཉེར་སྤྱན་ལས་དག་བྱེད་ [རྣམ་པའི་ཕྲ་མོ།] མ། །འཁྲུངས་དེ་ཆོས་ཀྱི་ཕུང་པོ་ཡོད་བཞིན་དུ། །སྤངས་པའི་འགྲོ་ལ་སྙིང་རྗེ་སྐྱེས་པར་ངེས། ༡༠ །ཚུལ་འདི་བརྟགས་ན་རྙོག་ལྡན་རྫིང་གི་བློར། །སྐྱེ་བའི་ལྗོན་ཤིང་དབང་ཆེའི་སྙིགས་མས་ [འོས་པའི་ཆ་རྒྱན།] བསྲུབས། །
དེ་ནང་ཟླ་བའི་གཟུགས་ཀྱི་ཤེས་བྱད་པ། །འཆར་འདོད་མཁའ་ཡི་རེ་བ་ངེས་མོད་ཀྱི། ༡༡ །བུང་བའི་རྒྱང་གླུ་མཉན་འདོད་ཉི་མ་ཡིས། །འོད་ཟེར་བརྐྱངས་ནས་ཆུ་སྐྱེས་ [འབྲུ་མང་པོའི་ཚིག་སྡུད།] ཁ་ཕྱེ་ཞིང་། །སྦྲང་རྩིའི་མྱོས་བྱེད་སྟོབ་པ་འཐུང་ཆེ་བས། །མྱོས་པའི་ཅ་ཅོ་ཅི་དང་ཅི་མ་
བསྒྲགས། ༡༨ །[དགོངས་པ་ཅན་གྱི་རྒྱན།] གྲགས་པའི་སྤྲིང་ཡིག་ཕྱོགས་བྲལ་ཐོས་པ་འཛིན། །[ཆོས་དུ་མ་བཀོད་པའི་ཏིང་ངེ་འཛིན་གྱི་ཡོན་ཏན།] འགོད་པའི་བློ་དང་དམན་པའི་བསྟི་གནས་ཀྱིས། །སྐྱོ་བ་མིན་ཡང་བཟློག་དཀའ་གསེར་གྱི་ལུང་། །འབབ་སྟེགས་བྱས་པ་གང་ཚེ་ངས་འདི་བརྩམས། ༡༣ །འོན་

213-1-498a

ཏེ་ཅུང་ཟད་སྤྲོས་པ་མཁས་པའི་ཚུལ། །ཡིན་གྱི་ཉི་མ་འཕུལ་བའི་ཐབས་མ་ཡིན། །དགོས་པ་ཆོས་དང་དམ་པའི་དྲིན་གཟོ་བར། །ཡིན་གྱི་གཡར་དགའ་རྫུན་གྱི་འཁོར་ལོ་མིན། ༡༤ །སྡེ་བཞིའི་དཔལ་ནི་གཅེས་པའི་བུས་པ་མིན། །བཅད་ལྷུག་སྤེལ་མ་དགའ་
མའི་ལུས་མ་ཡིན། །[ངེས་པ་ཅན་གྱི་སྦྱར་བ།] སྒྲ་དོན་གབ་ཚིག་ལུས་ཕྲའི་དོ་ཤལ་མིན། །དེ་ཕྱིར་ལེགས་བཤད་རྩོམ་པ་བདག་སྤྲོའོ། ༡༥ །ལུང་དང་རིགས་པ་གཉིས་སུ་འབྲེལ་ཆེ་བས། །ཡུན་རིང་སྦྱང་པར་འོས་ [ཕན་ཚུན་མེད་པའི་བྱེད་རྒྱུ།] པ་བྱ་བའི་ཁུར། །ཐོས་པ་ཉུང་དུ་ངས་ནི་བདེ་བླག་ཏུ། །
བརྩམས་པ་འདི་ཡང་འདྲེན་མཆོག་བླ་མའི་དྲིན། ༡༦ །མཛུབ་རྩེས་ཤེལ་གྱི་ཏམྦུ་རབ་བསྣུན་པའི། །རབ་སྙན་ཚིག་གི་འབྱུང་གནས་དམ་ [དགའ་བའི་འགྱུར་བ་སྒེག་པའི་ཉམས།]  མ་དེ། །འདི་ན་ངེས་པར་མཆིས་ཞེས་ཡི་གེའི་ཚོགས། །ཁོང་ནས་ལན་བརྒྱར་འཛུམ་པ་ཡིན་ནམ་སྙམ། ༡༧ །ཚུལ་ 
འདིར་རྣམ་པར་སྤྲོས་ལས་བྱུང་བ་ཡི། །ལེགས་ [ཏིང་ངེ་འཛིན་གྱི་རབ་རྟོག །] པར་བགྱིས་པ་ཟླ་བའི་འཁྲི་ཤིང་དང་། །མུ་ཏིག་ཀུ་མུ་དཱ་ཡི་མདངས་འདྲ་དེ། །དཔལ་ལྡན་བླ་མ་མཉེས་པའི་མཆོད་པ་འབུལ། ༡༨ །སེམས་ཅན་མོས་པའི་ཕྲ་རབ་རྡུལ་གྱི་ཕྲེང་བ་རབ་བརྩེགས་སྲིད་པའི་ས་བཞིའི་ [མང་པའི་དཔེ།]
བླ་མ་རུ། །དཔལ་གྱི་འབྱུང་གནས་སྟོབས་བཅུ་མངའ་བ་གང་གི་ཐུགས་རྗེ་གཞལ་དུ་མེད་པར་འཁྲིགས་པའི་སྤྲིན། །འབད་རྩོལ་མཚན་མ་ཉེ་བར་ཞི་ལས་ཆོས་ཀྱི་ཆར་རྒྱུན་ཇི་སྙེད་བབ་པ་དགེ་ [གཟུགས་ཅན་གྱི་རྒྱན་ལས་ལྡན་པའི་གཟུགས་ཅན།] ལེགས་ཀྱི། །རིན་ཆེན་བྱེ་བའི་འབྱུང་གནས་ཉིད་
དུ་ལེགས་པར་འཁྱིལ་འདི་འཇིག་རྟེན་ཁམས་སུ་གནས་གྱུར་ཅིག ༡༩ །དེ་ལྟར་ཐམས་ཅད་མཁྱེན་པ་ཆེན་པོ་ཉི་མའི་གཉེན་གྱི་བཀའ་ལུང་སྤྱི་དང་བྱེ་བྲག་གི་དགོངས་དོན་རྣམ་པར་འགྲེལ་པའི་བསྟན་བཅོས་གངས་ཅན་པའི་སྐད་དུ་འགྱུར་རོ་འཚལ་གྱི་ཆོས་སྦྱིན་རྒྱུན་མི་འཆད་པའི་ངོ་
མཚར་འཕྲུལ་གྱི་ཕྱི་མོ་རྫོགས་ལྡན་བསྐལ་པའི་བསོད་ནམས་ཀྱི་སྤྲིན་ཕུང་རྒྱས་པར་དཀྲིགས་པའི་ཚུལ་ལས་ཉེ་བར་བརྩམས་པའི་གཏམ་ངོ་མཚར་ཆུ་གཏེར་འཕེལ་བའི་ཟླ་བ་གསར་པ་ཞེས་བྱ་བ་འདི་ནི་བོད་ཆེན་པོར་གྲགས་པའི་མཛིན་མའི་དཀྱིལ་འཁོར་རྣམ་པར་ཡངས་བ། མཚུངས་

213-1-498b

པ་མེད་པའི་སྟོབས་དང་དགེ་བ་བཅུ་དང་རྗེས་སུ་མཐུན་པའི་བཀའ་ཁྲིམས་ཀྱི་འཁོར་ལོས་སྒྱུར་བ་ལ་བསྙེངས་པ་དང་བག་ཚ་བ་མི་མངའ་བའི་སྡེ་དགེ་ས་སྐྱོང་བླ་མ་ཆེན་པོ་ཀུན་དགའ་ཕྲིན་ལས་རྒྱ་མཚོའི་སྡེ་ཞེས་བྱ་བའི་བཀའ་ལུང་ཡིད་བཞིན་གྱི་ནོར་བུ་རིན་པོ་ཆེ་ལྟ་བུ། ཕྱོགས་ཀྱི་ནོར་འཛིན་
སྐྱོང་བ་མང་པོའི་གཙུག་ན་ངལ་བསོར་སྤྱོད་པ་སྙམ་བགྱིད་པ་དེ་ཉིད་མགོ་བོར་བཅིངས་ཏེ་བསྐུལ་བར་བརྟེན། ཛམྦུ་རྐང་འཐུང་གི་རྒྱལ་མཚན་དམ་པས་མངོན་པར་སྤུད་པའི་གླིང་གི་རྒྱལ་པོ་འདིའི་ཁོངས་སུ། སྟོན་པ་བླ་ན་མེད་པ་ཡང་དག་པར་རྫོགས་པའི་སངས་རྒྱས་བཅོམ་ལྡན་
འདས་ཀྱི་བསྟན་པ་རིན་པོ་ཆེ་ཡུན་དུ་གནས་པའི་བྱ་བ་རྨད་དུ་བྱུང་བ། འཆད་པ་དང་རྩོད་པ་དང་རྩོམ་པའི་ཕྲིན་ལས་གཞལ་དུ་མ་མཆིས་པའི་སྣང་བ་ཆེན་པོས། ཕྱོགས་ནས་ཕྱོགས་དང་། ཁོར་ཡུག་ནས་ཁོར་ཡུག་ཏུ་དར་བར་བྱེད་པ་ལ་མཚུངས་ཟླ་འགའ་ཡང་ཡོད་པ་མ་ཡིན་པའི་ཐུགས་རྗེ་
ཆེན་པོ་དང་ལྡན་པ་ནི་དཔལ་ས་སྐྱ་པ་ཆེན་པོ་ཡབ་སྲས་བརྒྱུད་པ་དང་བཅས་པ་རྣམས་ཏེ། གང་དེའི་ལུང་དང་མངོན་པ་ར་རྟོགས་པའི་ཆོས་ཀྱི་རྒྱལ་སྲིད་ཆེན་པོ་བདག་གིར་མཛད་པ་ལ་འཇིགས་པ་མེད་པའི་མཁྱེན་རབ་ཀྱི་དཔལ་ནི་རྒྱལ་བ་ཉིད་ལས་དམིགས་སུ་མ་མཆིས་པའི་བསྟན་པ་འཛིན་པའི་
སྐྱེས་བུ་ཆེན་པོ། རྒྱ་མཚོ་བློ་འཛིན་ནམ་རྗེ་བཙུན་དམ་པ་ཀུན་དགའ་བཟང་པོ་ཞེས་ས་གསུམ་གྱི་ཁོངས་སུ་སྤོབས་པ་རབ་ཏུ་དགེ་བའི་གྲགས་པ་དང་རྣམ་པར་དཀའ་བའི་ཕྲིན་ལས་ཅིག་ཅར་དུ་འདྲེན་ནས་དར་ཞིང་རྒྱས་པར་གྱུར་པ་གང་ཡིན་པ་སྟེ། དེའི་ཞབས་སྟགས་མི་འཇིགས་བཞི་དང་
ལྡན་པའི་རྟགས་སུ་སེང་གེ་ཆེན་པོ་བརྒྱད་ཀྱིས་རྣམ་པར་བསྒྱིངས་པ་གང་ལ་ཞབས་ཀྱི་པདྨ་རྣམ་པར་བཀོད་དེ། དེ་དག་གིས་ལེགས་པར་བཞག་པའི་བཀའ་སྲོལ་གྱི་བདུད་རྩིའི་རྒྱུན་ཆེན་པོ། སྲིད་པའི་ཟུག་རྔུ་མཐའ་དག་འཕྲོག་པར་བྱེད་པའི་རང་བཞིན་ཅན་གྱི་གསང་མཛོད་མ་
ལུས་པ་ཡོངས་སུ་བཟུང་ནས། མཐའ་མེད་པའི་འགྲོ་བ་རྒྱ་མཚོའི་རྒྱུད་ལ་ཐམས་ཅད་མཁྱེན་པའི་བྱང་ཆུབ་ཀྱི་འཚོ་བ་བརྟན་པར་བྱེད་པའི་བསྟན་འཛིན་གྱི་སྐྱེས་བུ་ཚད་མར་གྱུར་པ་བདག་ཅག་གི་སྐལ་བས་ཐོབ་པ་རྣམས་ནི་འདི་ལྟ་སྟེ། འཇམ་པའི་དབྱངས་བསོད་ནམས་བཟང་

213-1-499a

པོ་པ་དང་། རྡོ་རྗེ་འཆང་བཀྲ་ཤིས་ལྷུན་གྲུབ་པ་དང་། རྒྱ་ཆེན་ཆོས་ཀྱི་སྤྱན་ལྡན་ཚུལ་ཁྲིམས་ལྷུན་གྱིས་གྲུབ་པ་དང་། རྡོ་རྗེ་འཛིན་དབང་ནམ་མཁའ་བསམ་འགྲུབ་པ་དང་། ཐམས་ཅད་མཁྱེན་པ་ཆེན་པོ་དཔལ་ལྡན་ཆོས་སྐྱོང་བ་དང་། མཁས་བཙུན་
ཆེན་པོ་མཁན་ཆེན་སངས་རྒྱས་དཔལ་བཟང་པོ་དང་། གཞན་ཡང་མདོ་སྔགས་བསྟན་པའི་སྣང་བྱེད་ཆེན་པོ་ཀུན་དགའ་ལྷུན་གྲུབ་པ་དང་། གནས་ལྔ་རིག་པར་སྨྲ་བའི་དབང་ཕྱུག་འཆི་བ་མེད་པ་ཐུབ་བསྟན་རབ་ཏུ་གསལ་བ་ཞེས་བྱ་བ་ལ་སོགས་པ་སའི་སྟེང་ན་ཡོངས་
སུ་གྲགས་པའི་བསྟན་འཛིན་གྱི་སྐྱེས་བུ་མང་པོ་དག་གི་ཞབས་རྡུལ་རྙོག་པ་མེད་པ་གཙུག་ཏུ་གུས་པར་བསྟེན་ཅིང་ལེགས་པར་གསུངས་པ་བདུད་རྩིའི་རྒྱ་མཚོ་ཆེན་པོ་ལྟ་བུ་ལས། རྩ་མཆོག་གི་རྩེ་མོར་ཆགས་པའི་ཟིལ་པ་ཙམ་རེ་འཐུངས་པས་སྐལ་པ་མི་དམན་པར་གྱུར་པའི་སློབ་
མའི་ཐ་ཆུངས། བསྟན་པའི་རྗེས་སུ་ཞུགས་པའི་མིང་ནི་བནྡེ་ཚུལ་ཁྲིམས་རིན་ཆེན་ཞེས་འབོད་ཅིང་། འབྱུང་དུ་རུང་བའི་ཡོན་ཏན་ལ་སྨོན་ལམ་དུ་བྱེད་པའི་ཐ་སྙད་ནི་ངག་གི་དབང་པོ་འཇིགས་བྲལ་ཕྱོགས་ལས་རྣམ་པར་རྒྱལ་བའི་ལྷ། དབྱངས་ཅན་སྙེམས་པའི་ལང་ཚོའི་
སྡེ་ཞེས་བཏགས་པའི་སྙོམ་ལས་པ་དེས། དངོས་གཞི་ཆོས་ཚན་རྣམས་ཀྱི་བཞུགས་བྱང་དང་གོ་རིམས་ཀྱི་ཕྲེང་བ་རྣམས་ནི་ཀུན་མཁྱེན་བུ་སྟོན་རིན་པོ་ཆེའི་དཀར་ཆག་ཉིད་གཙོ་བོར་བཟུང་ནས། དཀྱུས་དང་བསྟུན་པའི་དབྲི་བསྣན་ལ་སོགས་པའང་གང་རིགས་བགྱིས་
ཤིང་། རྒྱུད་འགྲེལ་གྱི་བཞུགས་ཚུལ་ལ་སོགས་པ་ཅུང་ཟད་རེ་ནི་ངོར་ཆེན་རྡོ་རྗེ་འཆང་ལ་སོགས་པའི་དཀར་ཆག་དང་ཡང་ལེགས་པར་བསྟུན་ནོ། །ས་དཔྱད་གཞན་བདུན་པོ་རྣམས་ནི་ཁམས་གསུམ་ཆོས་ཀྱི་རྒྱལ་པོ་མཁན་ཆེན་དཔལ་ལྡན་ཆོས་སྐྱོང་བཀྲ་ཤིས་གྲགས་པའི་རྒྱལ་མཚན་
དཔལ་བཟང་པོ་བའི་བཀའི་བཀོད་པ་དང་། ཐོ་གསལ་ཅི་རིགས་པར་ཕེབས་པ་རྣམས་ཡིད་ལ་ངེས་པར་བྱས་ཏེ། བཀའ་དང་བསྟན་བཅོས་རྣམས་ལས་བྱུང་བའི་ལུང་དོན་གཙོ་བོར་གཟུང་། བློ་དང་ལྡན་པ་དགའ་བར་བྱེད་པའི་ལུས་དང་། སྲོག་དང་། རྒྱན་གྱི་ཚོགས་རྣམས་

213-1-499b

ནི་སྙན་དངགས་པའི་ལུགས་ཀྱི་རྗེས་སུ་འབྲངས་ཏེ་ཅུང་ཟད་སྤྲོས་པའི་ཚུལ་གྱིས་གསར་བསྐྲུན་གྱི་ཁུལ་དུ། རབ་བྱུང་བཅུ་གཉིས་པའི་ནང་གསེས་ཀྱི་གནམ་ལོའི་རྒྱལ་པོ། གཙུག་ལག་སྤོར་ཐང་གི་དགོངས་པས་དབང་ཐང་དང་བསྟུན་པའི་ཐ་སྙད་དུ་ཆུ་མོ་ཕག་ཅས་འབོད་པ། བསྐལ་པ་བཟང་
པོའི་རྣམ་འདྲེན་བཞི་པ་ཤཱཀྱའི་རྒྱལ་པོས་ཚེས་གཅིག་ནས་བཅོ་ལྔའི་བར་དུ་ཆོ་འཕྲུལ་བསྟན་པའི་ཟླ་དུས་ལ་བབ་པའི་དཀར་ཕྱོགས་ཀྱི་གང་བ་གསུམ་པ། རེས་གཟའ་བརྡ་སྤྱོད་རིག་པ་སྨྲ་བའི་བློ་ལྡན་ལྷའི་བླ་མ་ཞེས་བྱ་བ། རྒྱུ་སྐར་རྒྱལ་གྱི་ལྷ་མོས་དོན་ཐམས་ཅད་འགྲུབ་པའི་དགའ་སྟོན་གསར་པ་ 
ལ་གཡར་འདྲེན་བགྱིད་པའི་ཉིན་མོ་ནས་འདྲི་བའི་མགོ་བརྩམས་སོ། །དེ་ནས་བཟུང་སྟེ་ཐུན་མཚམས་ཀུན་དུ་འབད་པས་འདྲི་བའི་ཟོལ་དུ་བགྱིས་ཀྱང་། རང་ཉིད་འབྱུང་ཚོགས་ཀྱི་ལུས་ལ་ཕྱི་དང་ནང་གི་ཀེག་རྩིས་རྩུབ་མོའི་སྟེང་དུ་སོན་པར་བཅས། བར་སྐབས་རྣམས་སུ་ལུས་ཀྱི་ཚོར་བ་བདེ་སྡུག་
སྤེལ་མར་བྱུང་བས་ཅུང་ཟད་འགྱང་བར་གྱུར་ཀྱང་། ནམ་ཞིག་ཡོངས་སུ་གྲུབ་པར་བགྱིས་པའི་དུས་ནི། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་བཅོམ་ལྡན་འདས་ཐུབ་པའི་དབང་པོ་རྣམ་བྱུང་ས་འབྲུག་གི་ལོ་ལ་འཇིག་རྟེན་གསུམ་པོ་བཀྲ་ཤིས་པའི་ལྟས་ཀྱིས་
རྒྱས་པར་བཀང་སྟེ་སྐུ་བལྟམས་པ་ནས་བརྩམས་ཏེ་བགྲང་གཞི་སུམ་སྟོང་དང་དགུ་བརྒྱ་དགུ་བཅུ་རྩ་ལྔ་བརྒལ་ལོ། །དཔལ་ས་སྐྱ་པ་ཀུན་དགའ་སྙིང་པོ་པ་དེ་ཉིད་འཕགས་པ་སྤྱན་རས་གཟིགས་དབང་ཕྱུག་ཁ་སརྤ་ཎི་བར་སྲིད་ཀྱི་རྣམ་པས་ལྷུམས་སུ་ཞུགས་ཤིང་ཆུ་ཕོ་སྤྲེའུའི་ལོ་ལ་སྐུ་བལྟམས་པ་ནས་ལོ་དྲུག་བརྒྱ་དང་ལྔར་
ཕྱིན་ཏོ། །མི་འཕྲོགས་པའི་མཁྱེན་རབ་དང་ཐུགས་རྗེའི་དབང་ཕྱུག་ངོར་ཆེན་རྡོ་རྗེ་འཆང་ཀུན་དགའ་བཟང་པོ་པ་ཉིད་རྔ་ཆེན་བྱ་བའི་ལོ་ལ་བལྟམས་ནས་བགྲང་གཞི་སུམ་བརྒྱ་དང་དྲུག་བཅུ་རྩ་གཅིག་གོ། །ཤིང་སྦྲུལ་གྱི་ལོ་ལ་སྐྱེ་བ་ནས་སྐྱེ་བར་རྗེ་བཙུན་འཇམ་པའི་རྡོ་རྗེས་བྱིན་གྱིས་བརླབས་པས། སྐྱེ་བ་འདི་ཉིད་དུ་ 
གཞུང་ལུགས་འབུམ་ཕྲག་མང་པོའི་ཕ་རོལ་ཏུ་སོན་ཅིང་སྨྲ་བའི་དབང་ཕྱུག་ཆེན་པོ་གྲུབ་པ་མཁན་ཆེན་ཚུལ་ཁྲིམས་ལྷུན་གྲུབ་བཀྲ་ཤིས་གྲགས་པའི་རྒྱལ་མཚན་དཔལ་བཟང་པོ་པ་དེ་ཉིད། རྗེ་བཙུན་ཨེ་ཝཾ་པ་ཆེན་པོའི་ཞབས་སྟེགས་དམ་པའི་ཆོས་ཀྱིས་མཐོ་བར་བྱས་པ་གང་ལ་རྩིབས་སྟོང་འཁོར་ལོའི་

213-1-500a

གཟུགས་ཀྱིས་ཉེ་བར་སྤུད་པའི་ཞབས་ཟུང་རྣམ་པར་བཀོད་དེ་འཆད་རྩོད་རྩོམ་པའི་ཕྲིན་ལས་ཀྱི་སྣང་བ་དཀར་པོས་ཕྱོགས་ཀྱི་དཀྱིལ་འཁོར་རྫོགས་པར་དཀྲིགས་པ་ནས་བརྩམས་ཏེ་བགྲང་
གཞི་བཅུ་དགུ་སྔོན་དུ་བརྒལ་ལོ། །དོན་གྲུབ་ཅེས་བྱ་བའི་ལོ་ལ་སྡོམ་བརྩོན་སྐྱེ་དགུའི་བདག་པོ་ཀུན་དགའ་ཕྲིན་ལས་རྒྱ་མཚོའི་སྡེ་ཞེས་ཡོངས་སུ་གྲགས་པ་འདི་ཉིད། བསོད་ནམས་དང་སྟོབས་ཀྱི་དབང་
ཕྱུག་ཏུ་གྱུར་པ་དཔལ་སྡེ་དགེ་གོང་མའི་བསྟན་སྲིད་ཟུང་གི་འབྱོར་པས་མངོན་པར་མཐོ་བའི་གདན་སའི་ཁྲི་དམ་པ་ལ། ཞབས་མཐིལ་བནྡྷུ་ཛཱི་བ་ཀའི་ཁ་དོག་ཅན་དག་མི་འགྱུར་རྡོ་རྗེའི་ཁམས་ཀྱི་རང་བཞིན་དུ་རྟག་
པར་བཀོད་ནས། རྒྱལ་བའི་བསྟན་པ་དང་འགྲོ་བའི་བདེ་སྐྱིད་ཀྱི་ཉི་མ་དང་པོ་ཤར་བ་ནས་བརྩམས་ཏེ་བགྲང་གཞི་ལྔ་ཕྲག་གཅིག་སྔོན་དུ་བརྒལ་བའི་གསར་ཚེས་ཀྱི་གནམ་ལོ། ལེགས་པར་སྦྱར་
བའི་སྐད་དུ་རཀྟཱཀྵི་ཞེས་པ། བོད་སྐད་དུ་བསྒྱུར་ན་མིག་དམར་དུ་འགྱུར་བ། མ་ཧཱ་ཙི་ནའི་མི་བདག་གི་མདུན་ས་ཆེན་པོར་གྱ་ཙིར་བརྗོད་པ། དབང་ཐང་དང་བསྟུན་པའི་མིང་དུ་ཤིང་བྱིར་གྲགས་པའི་འབྱུང་

213-1-500b

བ་སུམ་ལྡན། སེ་ཞིག་གི་ལོ། དུས་འཁོར་བའི་སྟོན་ར་བ་རགས་པ་གྲོ་བཞིན་གྱིས་ཉ་བ། ཡར་ངོ་སྔོན་དུ་འགྲོ་བ་སེང་གེའི་ཁྱིམ། ཧོར་ལུགས་ཀྱི་བདུན་པ་ཁྱིའི་ཟླ་བ། དམར་པོའི་ཕྱོགས་ཀྱི་བཟང་པོ་གསུམ་པ། དུས་
འཁོར་པའི་ལུགས་ཀྱི་དབྱངས་ཨཱུ། གསལ་བྱེད་བྷཱུ། འདོད་ཡོན་གཟུགས་སོ། །དབྱངས་འཆར་བའི་ལུགས་ཀྱི་དབྱངས་ཨཱི། གསལ་བྱེད་ཌྷ། འདོད་ཡོན་རོའོ། །གཉིས་ཀ་མཐུན་པའི་འབྱུང་བ་ཆུ། དར་གུང་གཞོན་
པ། རྟེན་འབྲེལ་སྐྱེ་བ། ཉི་མ་འབྲུག །སྤར་ཁ་དྭ། སྨེ་བ་དྲུག་དཀར་རོ། །ལྷའི་བླ་མ་རྒྱལ་སར་ཕེབས་པའི་དགའ་སྟོན་གྱི་ཐོག་མར་འཆི་བ་མེད་པའི་དྲང་སྲོང་ཆེན་པོ་ཨ་གསྟྱའི་བདེན་ཚིག་གིས་གྲུབ་པའི་ནུས་པ་ངོམ་པའི་སླད་དུ།
རྒྱ་མཚོ་དང་། ཆུ་ཀླུང་དང་། ཆུ་ཕྲན་དང་། འབབ་ཆུ་དང་། ལུ་མ་མཐའ་དག་ཡན་ལག་བརྒྱད་དང་ལྡན་པའི་བདུད་རྩིའི་རྒྱུན་དུ་བསྒྱུར་བའི་མཆོད་ཡོན་དུ་སྟོབ་པ་དང་ཆབ་ཅིག །སྐྱེ་འགྲོ་ཐམས་ཅད་ཀྱི་བྲོ་ནད་གཞོམ་པ་ལ་
རིངས་པར་ཆས་པའི་དུས་ཚེས་དགེ་བའི་ཉིན་མོ། ཀུན་མཁྱེན་ཆོས་ཀྱི་རྒྱལ་པོ་བུ་རམ་ཤིང་པའི་ལུགས་བཟང་གི་ཉིན་མོར་བྱེད་པའི་དཀྱིལ་འཁོར་ཡོངས་སུ་འཆར་བའི་ལྗོངས་དང་ཡུལ་དང་ཡུལ་གྲུ་ཆེན་པོ་རྣམས་ཀྱི་ནང་

213-1-501a

ནས་འཛམ་གླིང་བྱང་ཕྱོགས་ཀྱི་འཛིན་མའི་ཆའོ། །དེ་ལས་ཀྱང་བོད་ཆེན་པོར་གྲགས་པའི་སའི་ཐིག་ལེ། མཁས་པ་དང་གྲུབ་པའི་གོས་མཐོན་པོ་ལ་གང་དག་བཞུགས་པའི་
བསྟན་པ་འཛིན་པའི་སྐྱེས་བུ་དམ་པ་རྣམས་ཀྱི་ཞབས་ཀྱི་འཁོར་ལོས་ལེགས་པར་བཅགས་ཤིང་། སྡེ་སྣོད་གསུམ་གྱི་བཤད་པ་དང་སྒྲུབ་པའི་འཁོར་ལོས་དུས་ཚིགས་འདའ་བར་བྱེད་པའི་གདན་ས་ཆེན་
པོ་དཔལ་ལྷུན་གྲུབ་སྟེང་གི་གནྡྷོ་ལ་བསམ་འགྲུབ་མཐོང་གྲོལ་ཞེས་བྱ་བ་སྟེ། དེ་དང་ཟུང་འབྲལ་དུ་ཡོད་པའི་རྒྱལ་ཁབ་ཆེན་པོ་མི་མཐུན་པའི་ཕྱོགས་ཐམས་ཅད་ལས་རྣམ་པར་རྒྱལ་བ་ཞེས་ཡོངས་
སུ་གྲགས་པ་དེ་ཉིད་ཡོད་དེ། དེའི་ནང་གསེས་སུ་གྱུར་པའི་བསྟི་གནས་དམ་པ་ཕྱོགས་ཀྱི་བདག་པོ་མིག་སྟོང་དང་ལྡན་པས་ལེགས་པར་བསྲུངས་པའི་ཕྱོགས་ག་ལ་བ་ཞིག་སྟེ། དེའི་བག་མ་གཉིས་པ་ཉིད་
དུ་ལེགས་པར་གྲུབ་པར་བགྱིས་པའི་དགེ་ལེགས་ཀྱི་སྣང་བ་འཇིག་རྟེན་གྱི་ཁམས་ཐམས་ཅད་དུ་ཆེས་ཤིན་ཏུ་གསལ་བར་གྱུར་ཅིག །སརྦ་མངྒ་ལཾ་བྷ་ཝནྟུ།།      །།

213-1-501b

༄། །སྡེབ་སྦྱོར་མི་མཉམ་པའི་བྲྀཏྟ་ལས་ཁ་སྒོ་སྤྱིས་ཉེ་བར་སྤུད་པའོ། །
༄༅༅། །ཛ མྦཱ དྲུ མེ ན ལིངྒ སྱ ས དྡྭཱི པེ དྷ རྨ ས རྦ ཛྙ པྲ སཱ ད བྷཱ སྐྲི ཏཱ ཎཱཾ ཀིཾ བི ཥྞུ སྠཱ ནེ ན ཏུ ལྱཱ ནྟ །
འཛམ་ [ཁྱད་འཕགས་ཕུལ་དུ་བྱུང་བ།] བུ་རྐང་འཐུང་གིས་མཚན་པའི། །གླིང་གི་དམ་པར་ཀུན་མཁྱེན་ཆོས། །སྣང་བྱས་རྣམས་ཀྱི་བཀའ་དྲིན་མཐའ། །ཁྱབ་འཇུག་གནས་ཀྱིས་གཞལ་དུ་ཅི།

213-1-502a

ཆོས་འདུལ་ཁྲིམས་ཀྱི་རྩ་བ་བརྟན། །གཞན་ཕན་སྤྱོད་པའི་ཡལ་འདབ་རྫོགས། །རིམ་གཉིས་ཟུང་འཇུག་འབྲས་བུས་དུད། །དངོས་གྲུབ་ལེགས་བརྙེས་གང་དག་བྱོན། །བཟོ་
དང་གསོ་བའི་གོམ་ [ཡན་ལག་གསུམ་པའི་གཟུགས་ཅན།] སྟབས་བདེ། །སྒྲ་ཚད་རིག་པའི་མཆེ་བ་རྣོ། །མདོ་རྒྱུད་གདམས་པའི་ཁུར་ཆེན་འདེགས། །རིག་སྨྲའི་ཁྱུ་མཆོག་ཇི་སྙེད་དང་། །རྣམ་པ་ཐམས་ཅད་ [མ་བསྡུས་པའི་གཟུགས་ཅན།] 
མཁྱེན་པའི་བཀའ། །འཇིག་རྟེན་སྣང་བྱེད་བླ་ན་མེད། །ཡང་དག་མཁས་པའི་ཕྲིན་ལས་གསུམ། །དབང་འབྱོར་གང་དག་བྱོན་པ་རྣམས། །མཁྱེན་པས་འབྱོར་ཡང་ [ཡོན་ཏན་རང་བཞིན་བརྗོད་པ།] རྨོངས་པས་དབུལ། །
བརྩེ་བས་འཁྱུད་ཀྱང་ཆགས་པས་བཏང་། །ནུས་ལྡན་གྱུར་ཀྱང་གཞན་དག་ལ། །འཚེ་མེད་གྲུབ་དབང་བརྒྱད་ཅུ་བཞི། །དེ་དག་ཀུན་དང་ཕྱོགས་ [གཞི་གཅིག་གི་ཆོས་དུ་མ་འགལ་བ།] བཅུ་ཡི། །འགྲོ་ལ་གཟིགས་པ་སྒྲིབ་མེད་
སྤྱན། དཀྱུས་རིང་སྤྲོས་པའི་རྫོགས་སངས་རྒྱས། །སྲས་དང་སློབ་མར་བཅས་མང་བལྟ། །[རབ་རྟོག །] སོ སོའི་མདུན་ན་སྤྲུལ་པའི་ [ཡོན་ཏན་གྱི་རང་བཞིན་བརྗོད་པ།] ལུས། །གྲངས་མེད་བཏུད་ཀྱང་ཡོན་ཏན་ཆ། །{བགྲང་}བར་

213-1-502b

མ་ནུས་ཡན་ལག་ལྔ། །དུབ་པས་ས་ལ་ངལ་བསོ་བཞིན། །རང་སེམས་སྒྱུ་མ་བྱེད་པོ་གང་། །སྐད་ཅིག་རྣམ་པའི་སྟང་སྟབས་ཀྱིས། །རྣམ་རྟོག་བག་ཆགས་བརྟན་མིན་པའི། །སྣང་སྟོང་མཆོད་པའི་མིག་འཕྲུལ་ངོམ། །མཆོད་ཡོན་ཞབས་བསིལ་མེ་ཏོག་སྤོས། །
མར་མེ་དྲི་ཆབ་ཞལ་ཟས་དང་། །སྒྲ་སྙན་མ་རྣམས་རང་རྟགས་ [བསྡུས་ཤིང་མ་བསྡུས་པའི་གཟུགས་ཅན།] རྫས། །བསྣམས་ཤིང་སྒྱུ་མའི་རྩེ་འཇོས་མཆོད། །བདག་ལུས་ལོངས་སྤྱོད་དུས་གསུམ་དང་། །འབྲེལ་པའི་དགེ་རྩ་ཇི་སྙེད་དག །ས་གཞི་ [རྫས་རང་བཞིན་བརྗོད་པ།] རི་གླིང་ཉི་ཟླ་དང་། །ལྷ་
མིའི་དཔལ་འབྱོར་ཚང་པར་སྦྲུལ། །ཤེས་རབ་འཁོར་ལོའི་འཁྲུལ་འཁོར་གྱིས། །འཁོར་གསུམ་མངོན་པར་ཞེན་པའི་གཟེབས། །ཡོངས་སུ་ [འབྱོར་བ་རྒྱ་ཆེ་བ།] དྲལ་ཏེ་མཆོད་འོས་ཀུན། །དགྱེས་པར་སྐྱེད་པའི་ཡོན་དུ་འབུལ། །དལ་འབྱོར་རྟན་མཆོག་བསམ་འཕེལ་
ནོར། །གཏི་མུག་ལག་པ་དབང་མོ་ཆེས། །[ཡན་ལག་གཉིས་པའི་གཟུགས་ཅན།] སྡིག་ལྟུང་འདམ་དུ་བསྐྱུར་བྱས་པ། །སྟོབས་བཞི་ཚང་ལྡན་ཆབ་ཀྱིས་འཁྲུད། །འཕགས་དང་སོ་སོ་སྐྱེ་ཚོགས་ཀྱིས། །ལེགས་བྱས་ཟླ་འོད་སྤྲོས་པའི་རྗེས། །[བསྡུས་པའི་གཟུགས་ཅན།] སེམས་ཀྱི་ཀཱ་
ཤི་མཛེས་དགའ་མོ། །ཡི་རང་གྲོགས་དང་འཁྱུད་པ་ཐོབ། །ཕྱོགས་བཅུར་བཞུགས་པའི་ཆོས་སྟོན་ཆེ། །ཀུན་ཀྱང་འགྲོ་ལ་སྨན་སླད་དུ། །ཐོག་མཐའ་ [ལྡན་པའི་གཟུགས་ཅན།] བར་དགེའི་ཆོས་ཀྱི་སྒྲ། །འབྱིན་པར་དག་གི་གླིང་བུས་བསྐུལ། །རྟག་པར་འཛིན་རྣམས་གདུལ་
བའི་ཕྱིར། །ཆོས་དབྱིངས་བས་མཐའ་འཚོལ་བཞེད་པའི། །[ཡན་ལག་གཅིག་པའི་གཟུགས།] སངས་རྒྱས་འགྲོ་བ་མགོན་མེད་ངོར། །མྱ་ངན་མི་འདའ་བཞུགས་པར་གསོལ། །དེ་ལྟར་བགྱིས་པའི་དགེ་བས་བདག །ཡིད་བཞིན་ནོར་བུ་དཔག་ [བྱ་བའི་རང་བཞིན་བརྗོད་པ།] བསམ་
ཤིག །གཏེར་བཞིན་གདུལ་བྱའི་བསམ་པ་ཀུན། །རྫོགས་བྱེད་བྱང་ཆུབ་ཆེན་པོར་བསྔོ། [ཤིས་པ་བརྗོད་པ་ལས་ཆ་ཤས་ཅན་གྱི་གཟུགས།] གལ་ཏེ་སྔོན་བསགས་ལས་ཤུགས་ཀྱིས། །དབང་ [མང་བའི་དཔེ།] བྱས་རེ་ཞིག་བྱང་ཆུབ་མཆོག །སྟེར་མིན་དེ་སྲིད་དལ་འབྱོར་གྱི། །འདོད་

213-1-503a

དགུའི་ལྗོན་པ་མཆོག་གྱུར་ཅིག །སེམས་ཀྱི་གླང་པོ་འདོད་ལྷ་ཡི། །གཡོ་སྒྱུའི་འཕྲུལ་ལ་མ་ཆགས་པར། །ཆོས་འདུལ་པདྨའི་སྐྱེད་ཚལ་དུ། །བག་ཡོད་ར་བར་ཆུད་གྱུར་ཅིག །ཐམས་ཅད་མཁྱེན་པའི་རྒྱུ་ཡི་གཙོ། །སྙིང་རྗེ་ཤིན་
ཏུ་མཉེན་ལྡན་གྱིས། །འགྲོ་ལ་ལན་བརྒྱར་དཀྲིས་པ་བཞིན། །[ལྡན་པའི་གཟུགས་ཅན།] བྱང་ཆུབ་སེམས་མཆོག་འབྱང་བར་ཤོག །སྔགས་སྤྱོད་གསེར་གྱི་འཁོར་ལོ་ཡིས། །ཅིར་སྣང་ལྷན་སྐྱེས་ཡེ་ཤེས་ཀྱི། །འཁོར་དུ་བསྡུས་ནས་ [རབ་རྟོག །] རྣམ་བཞིའི་སྐུ། །ཟུང་འཇུག་
རྒྱལ་ས་ཟིན་པར་ཤོག །དེ་བརྙེས་ནས་ནི་སྐུ་གསུང་ཐུགས། །སྒྱུ་འཕྲུལ་བཀོད་པ་དཔག་ཡས་ཀྱིས། །ཕྱོགས་བཅུའི་གདུལ་བྱ་མ་ལུས་ [བསྡུས་དང་མ་བསྡུས་བསྲེས་པའི་གཟུགས་ཅན།] པའི། །ཆོས་རྔ་ཆེན་པོར་བདག་གྱུར་ཅིག །དེ་སྐད་སྨོན་བདག་གསུང་རྡོ་རྗེ། །མངོན་དུ་གྱུར་མིན་བདེན་
ཚིག་མཚོན། །གྲུབ་པ་མིན་ [ཆ་ཤས་ཅན་གྱི་གཟུགས།] ཡང་ལྷག་བསམ་མཐུས། །གང་སྨྲས་དོན་མེད་མ་གྱུར་ཅིག། །ཉི་བཞིན་སྟོན་པས་འཇིག་རྟེན་བརྒྱན། །དེ་ཡི་འོད་བཞིན་ཆོས་རབ་གསལ། །འདབ་བརྒྱ་པས་བཞིན་ [རྒྱུ་མ་ཚང་པའི་ཁྱད་པར་བརྗོད་པ།] དཔལ་འཐུངས་པའི། །བཀྲ་
ཤིས་ཀུན་གྱིས་དགེ་གྱུར་ཅིག །ཅེས་བླ་མ་རྡོ་རྗེ་གདན་པ་ཆེན་པོས་མཛད་པའི་གྲུབ་བརྙེས་བརྒྱད་ཅུ་རྩ་བཞིའི་བསྟོད་པའི་ [ངག་དོན་གྱི་དཔེ།] ཁ་འགེགས་སམ། འདི་ཁོ་ནས་ལོགས་སུ་བསྟོད་ཀྱང་རུང་བ་ལ། ཡན་ལག་བདུན་པ་གསོལ་བ་འདེབས་པ་དང་བཅས་པའི་ཚིགས་སུ་བཅད་པ་
ཚོགས་ཟུང་རྒྱ་མཚོ་འཕེལ་བའི་ཟླ་འོད་ཅེས་བྱ་བ་འདིའང་། །རྗེ་བཙུན་ནམ་མཁའ་དཔལ་བཟང་པའི་བཀས་བསྐུལ་ལྟར་རྣམ་གྲངས་དགེ་བའི་རྟེན་འབྲེལ་དུ་བཙུན་པ་ཚུལ་ཁྲིམས་རིན་ཆེན་ཞེས་བོད་པས་ལྷུན་གྲུབ་སྟེང་གི་ཆོས་གྲྭར་བྲིས་པ་དགེ་ལེགས་འཕེལ་བར་གྱུར་ཅིག །
སླར་ཡང་དཔལ་ལྡན་སྡེ་དགེ་ཁྲི་ཆེན་པ། །འཇིག་རྟེན་ཀུན་དུ་དགའ་སྟེར་དམ་པ་དེའི། །ཕྲིན་ལས་རྒྱ་མཚོའི་གོས་ཅན་མཛེས་ཕྱིར་དུ། །ངོ་མཚར་ཡི་གེར་འཁྲུངས་པའི་པར་དུ་བསྒྲུབས། །སརྦ་མངྒ་ལ་བྷ་ཝ་ཏུ།།

213-1-503b