62-1-1a



62-1-1b

༄༅༅། །རྒྱ་གར་སྐད་དུ། བཛྲ་དྷཱ་ཏུ་མ་ཧཱ་མཎྜ་ལོ་པི་ཀ་སརྦ་བཛྲོ་དཱ་ཡ་ནཱ་མ། བོད་སྐད་དུ། རྡོ་རྗེ་དབྱིངས་ཀྱི་དཀྱིལ་འཁོར་ཆེན་པོའི་ཆོ་ག་རྡོ་རྗེ་ཐམས་ཅད་འབྱུང་བ་ཞེས་བྱ་བ། བཅོམ་
ལྡན་འདས་འཇམ་དཔལ་གཞོན་ནུར་གྱུར་པ་ལ་ཕྱག་འཚལ་ལོ། །དཔལ་རྡོ་རྗེ་སེམས་དཔའ་ལ་ཕྱག་འཚལ་ལོ། །ཁྱབ་བདག་རྡོ་རྗེ་སེམས་དཔའ་ལ། །ཀུན་ནས་དང་བས་ཕྱག་འཚལ་ཏེ། །རྡོ་རྗེ་
ཀུན་འབྱུང་དགེ་བ་ཡི། །དཀྱིལ་འཁོར་ཆོ་ག་བཤད་པར་བྱ། །དེ་ལ་འཕགས་པ་དེ་ཁོ་ན་ཉིད་བསྡུས་པའི་རྒྱུད་ཆེན་པོའི་ཆོ་གས་དམ་ཚིག་ལ་སོགས་པ་ཐོབ། རྣལ་འབྱོར་པའི་དོན་དུ་དཀྱིལ་འཁོར་
གྱི་ཆོ་ག་བསྡུ་བར་བྱའོ། །དང་པོར་རེ་ཞིག་བདག་མེད་པ་ལ་ལྷག་པར་མོས་པས་ནང་གི་བདག་ཉིད་ཅན་གྱི་ཁྲུས་བྱས་ལ། ལྐོག་མའི་ཕྱོགས་སུ་ཡི་གེ་ཧྲཱིཿལས་པདྨ་འདབ་མ་བརྒྱད་པ་བསམས་པའི་
ལྕེའི་པདྨའི་འདབ་མར་ཧཱུཾ་ལས་རྡོ་རྗེ་རྩེ་ལྔ་པ་དཀར་པོ་བསྐྱེད་ལ། བཛྲ་ཛི་ཧྭཱ་ཞེས་བྱ་བ་འདིས་ལྕེ་བྱིན་གྱིས་བརླབ་པར་བྱའོ། །ལག་པ་གཉིས་སུ་ཡང་ཨ་ལས་ཟླ་བའི་དཀྱིལ་འཁོར་རེ་རེ་བསམས་ཏེ། 

62-1-2a

དེ་གཉིས་ཀྱི་སྟེང་དུ་ཧཱུཾ་གཉིས་ལས་རྡོ་རྗེ་རྩེ་ལྔ་པ་དཀར་པོར་བསམས་ཤིང་། ལག་པའི་སོར་མོ་རྣམས་ཀྱང་རྡོ་རྗེའི་རྩེ་མོར་བསམས་ལ། བགེགས་བསལ་བ་ལ་སོགས་པ་བྱའོ། །དེ་ལ་ཡང་ཡི་གེ་ཧཱུཾ་
ལས་རྡོ་རྗེ་མེ་ལྟར་འབར་བར་བདག་ཉིད་བསམས་ལ། ཨོཾ་གྲྀཧྞ་བཛྲ་ས་མ་ཡ་ཧཱུྃ་བཾ་ཞེས་བརྗོད་ལ། ཁྲོ་བོ་ཏི་རཱིནྟི་རིའི་ཕྱག་རྒྱ་བཅིང་བར་བྱ་སྟེ། རྡོ་རྗེ་བསྡམས་པ་ནང་བཅིང་ནས། །ཡིད་ཀྱིས་ཁྲོས་ནས་དགབ་བྱ་བའི། །
རྡོ་རྗེ་མཐེ་བོང་དམ་པོ་སྟེ། །ཁྲོ་བོ་ཏི་རཱིནྟི་རིར་བཤད། །དེ་ནས་རྡོ་རྗེ་སྐྱིལ་མོ་ཀྲུང་ཕྱེད་དུ་འདུག་ལ། རྡོ་རྗེ་ཏི་རཱིནྟི་རིར་བཅིང་སྟེ། ཨོཾ་བཛྲ་ཛྭ་ལ་ཨ་ན་ལཱརྐ་ཧཱུྃ། ཨ་བྷི་ཥིཉྩ་མཱཾ། ཞེས་བྱ་བ་དང་། རྡོ་རྗེ་བསྡམས་པ་ནང་དུ་
བཅིངས་པའི་མཐེ་བོང་གཉིས་གཞིབས་ཏེ་བསྒྲེང་བ་སོར་མོའི་སྟེང་ནས་དགབ་པའི་ཚུལ་དུ་གཞག་པ་འདི་ནི་ཏི་རཱིནྟི་རིའི་ཕྱག་རྒྱ་སྟེ། འདིས་སྤྱི་བོ་ནས་བརྩམས་ནས། ཕྱོགས་བཞིར་རྡོ་རྗེ་ཕྲེང་བའི་དབང་བསྐུར་བ་བླངས་ལ། 
ཨོཾ་ཊུཾ་ཞེས་བྱ་བའི་ཡི་གེ་གཉིས་ཀྱི་གོ་ཆས་གོ་བགོས་ལ། ཨོཾ་བཛྲ་ཛྭ་ལ་ཨ་ན་ལཱརྐ་ཧཱུྃ། ཞེས་བརྗོད་ཅིང་གཡོན་པའི་ཁུ་ཚུར་སྙིང་གར་བཞག་ནས། གཡས་པས་རྡོ་རྗེ་ཁུ་ཚུར་གསོར་ཞིང་། བགེགས་ཐམས་ཅད་ལ་བསྣུན་

62-1-2b

པར་བྱའོ། །དེ་ནས་རྡོ་རྗེ་མེའི་ཕྱག་རྒྱ་དང་བཅས་པས་བགེགས་སྲེག་པ་ལ་སོགས་པ་བྱ་སྟེ། ཨོཾ་བཛྲ་ཛྭ་ལ་ཨ་ན་ལ་ཧ་ན་ད་ཧ་པ་ཙ་མ་ཐ་བྷཉྫ་ར་ཎ་ཧཱུཾ་ཕཊ་ཅེས་བརྗོད་པར་བྱ་སྟེ། རྡོ་རྗེ་བསྡམས་པ་ནང་དུ་བཅིངས་ལ། སོར་མོ་རྣམས་ནང་དུ་འབར་བ་ལྟ་བུར་བྱས་ཏེ། མཐེ་བོང་རྡོ་རྗེ་སྒྲེང་བ་འདི་ནི། རྡོ་རྗེ་མེའི་
ཕྱག་རྒྱའོ། །དེའི་རྗེས་ལ་བཛྲ་ཎེ་ཊི་བནྡྷ་སརྦ་བིགྷྣཱཾ་ཞེས་བྱ་བའི་ཕྱག་རྒྱ་དང་ལྡན་པས་བགེགས་ཐམས་ཅད་བཅིང་བར་བྱའོ། །རྡོ་རྗེ་བསྡམས་པ་བཅིངས་ལ་མཐེ་བོང་གཉིས་བརྐྱང་སྟེ། བསྙམས་ལ་བཞག་པ་ནི་རྡོ་རྗེ་སྤྱན་གྱི་ཕྱག་རྒྱའོ། །རྡོ་རྗེ་བསྡམས་པ་བརྐྱང་ལ་ས་ལ་བཞག་སྟེ། ཨོཾ་བཛྲ་ཌྀ་ཌྷོ་མེ་བྷ་
ཝ་རཀྵ་སརྦཱཾ་སྭཱ་ཧཱ་ཞེས་བྱ་བས་འོག་ཅིང་བར་བྱའོ། །རྡོ་རྗེ་འཇིགས་བྱེད་སྤྱན་གྱི་ཕྱག་རྒྱ། ཨོཾ་ཧུ་ལུ་ཧུ་ལུ་ཧཱུྃ་ཕཊ་ཅེས་བྱ་བ་དང་བཅས་པས་སྟེང་བཅིང་བར་བྱའོ། །རྡོ་རྗེ་ཁུ་ཚུར་གཉིས་བཅིངས་ལ། །མགལ་མེའི་འཁོར་ལོ་བཞིན་དུ་བསྐོར་ཏེ། མགོ་བོའི་སྟེང་དུ་མཛུབ་མོ་ལྕགས་ཀྱུའི་ཚུལ་དུ་གཞག་
པ་ནི་རྡོ་རྗེ་འཇིགས་བྱེད་ཅན་གྱི་ཕྱག་རྒྱའོ། །རྡོ་རྗེ་གནོད་སྦྱིན་གྱི་ཕྱག་རྒྱ། ཨོཾ་བཛྲ་ཡཀྵ་ཧཱུཾ་ཞེས་བྱ་བ་དང་བཅས་པས་དེའི་འོག་ཏུ་ཡང་དེ་ཉིད་དུ་སྟེང་བཅིང་བར་བྱའོ། །རྡོ་རྗེ་ཐལ་མོའི་མཐེ་བོང་གཉིས་བརྐྱང་ལ་མཛུབ་མོ་གཉིས་མཆེ་བ་ལྟ་བུར་བྱས་པ་ནི་རྡོ་རྗེ་གནོད་སྦྱིན་གྱི་ཕྱག་རྒྱའོ། །རྡོ་རྗེ་གཙུག་
ཏོར་གྱི་ཕྱག་རྒྱ་དང་བཅས་པས་ཤར་ཕྱོགས་བཅིང་བར་བྱ་སྟེ། ཨོཾ་དྲུཾ་བནྡྷ་ཧཾ་ཞེས་བྱ་བའམ། དྲུཾ་ཞེས་བྱ་བ་ནི་སྔགས་སོ། །རྡོ་རྗེ་ཁུ་ཚུར་གཉིས་ཀྱི་མཐེའུ་ཆུང་ལུ་གུ་རྒྱུད་དུ་སྦྲེལ་ལ། མཛུབ་མོ་གཉིས་རྩེ་མོར་སྦྱར་ཏེ། བཟློག་ནས་སྤྱི་བོར་གཞག་པ་འདི་ནི་རྡོ་རྗེ་གཙུག་ཏོར་གྱི་ཕྱག་རྒྱའོ། །ཡང་
རྡོ་རྗེ་ཞགས་པས་དེ་ཉིད་བཅིང་བར་བྱ་སྟེ། ཨོཾ་ཧཱུཾ་བཛྲ་པཱ་ཤ་ཧྲཱིཿ རྡོ་རྗེ་ཁུ་ཚུར་གཉིས་ཀྱི་མཁྲིག་མ་མདུད་པར་བྱས་པ་ནི་རྡོ་རྗེ་ཞགས་པའི་ཕྱག་རྒྱའོ། །རྡོ་རྗེ་བ་དན་གྱིས་ནུབ་ཕྱོགས་བཅིང་བར་བྱ་སྟེ། ཨོཾ་བཛྲ་པ་ཏཾ་ཀེ་པ་ཏཾ་ཀེ་ནི་ར་ཏེ། རྡོ་རྗེ་བསྡམས་པ་ལས་མཐེ་བོང་གཉིས་སེམས་དཔའི་སྐྱིལ་མོ་ཀྲུང་དུ་བྱས་པ་
ལ། མཛུབ་མོ་གཉིས་མཉམ་པར་གཤིབས་ཏེ། ཕྱེ་ལ་མཐེའུ་ཆུང་གཉིས་བ་དན་ལྟར་བྱ་བ་ནི་རྡོ་རྗེ་བ་དན་གྱི་ཕྱག་རྒྱའོ། །ཕྱོགས་དང་མཚམས་དང་སྟེང་དང་འོག་གི་བགེགས་རྣམས་ཚར་བཅད་པར་བྱས་ནས། རྡོ་རྗེ་དུས་ཀྱི་བྱང་ཕྱོགས་བཅིང་བར་བྱ་སྟེ། ཧྲི་བཛྲ་ཀཱ་ལི་རུ་ཊ་མ་ཊ། རྡོ་རྗེ་གནོད་སྦྱིན་

62-1-3a

གྱི་ཕྱག་རྒྱ་ཉིད་ཁར་བརྟན་པར་བྱས་པ་ནི་རྡོ་རྗེ་དུས་ཀྱི་ཕྱག་རྒྱའོ། །རྡོ་རྗེ་རྩེ་མོས་ལྷོ་ཕྱོགས་བཅིང་བར་བྱ་སྟེ། ཨོཾ་བཛྲ་ཤི་ཁ་ར་རུཊ་མཊ། རྡོ་རྗེ་ཁུ་ཚུར་གཉིས་ཀྱིས་རི་བོ་འདེགས་པའི་ཚུལ་དུ་བྱ་བ་ནི་རྡོ་རྗེ་རྩེ་མོའི་ཕྱག་རྒྱའོ། །རྡོ་རྗེ་ལས་ཀྱི་དཀྱིལ་འཁོར་བཅིང་བར་བྱས་ལ་ར་
བ་བྱའོ། །ཧཱུཾ་བཛྲ་ཀརྨ། ཡང་རྡོ་རྗེ་ཧཱུྃ་མཛད་ཀྱིས་ནང་དུ་ར་བ་བྱས་སྟེ། རྡོ་རྗེ་ཁུ་ཚུར་གཉིས་བཅིངས་ལ། མཁྲིག་མ་གཉིས་བསྣོལ་ཏེ། མཐེའུ་ཆུང་གཉིས་ཀྱི་ལྕགས་ཀྱུ་སྦྲེལ་ལ། ཁམས་གསུམ་རྣམ་པར་རྒྱལ་བ་ཞེས་བྱ་བ་མཛུབ་མོ་གཉིས་སྡིགས་མཛུབ་ཏུ་བསྒྲེང་བ་ནི་རྡོ་རྗེ་ཧཱུྃ་མཛད་ཀྱི་ཕྱག་རྒྱའོ། །འདི་
ཉིད་ལས་མཛུབ་མོ་དང་གུང་མོ་གཉིས་རྡོ་རྗེ་བྱས་པ་ནི་རྡོ་རྗེ་ལས་ཀྱི་ཕྱག་རྒྱའོ། །རྡོ་རྗེ་བསྡམས་པ་དང་བཛྲ་བནྡྷ་བཾ་ཞེས་བྱ་བ་འདིས་རྡོ་རྗེའི་དྲ་བ་བྱའོ། །དེ་ནས་རྡོ་རྗེ་འཁོར་ལོའི་ཕྱག་རྒྱ་དང་། ཨོཾ་བཛྲ་ཙཀྲ་ཧཱུྃ་ཞེས་བྱ་བས་རྡོ་རྗེ་དབྱིངས་ཀྱི་དཀྱིལ་འཁོར་ཆེན་པོའི་མདུན་དུ་སྤྲུལ་པར་བྱ་སྟེ། རྡོ་
རྗེ་ཁུ་ཚུར་གཉིས་བཅིངས་ནས། །མཛུབ་མོ་མཐེའུ་ཆུང་རྡོ་རྗེ་མདུད། །རྡོ་རྗེ་འཁོར་ལོ་ཞེས་གྲགས་ཏེ། །དཀྱིལ་འཁོར་ཐམས་ཅད་སྒྲུབ་བྱེད་ཡིན། །འདིས་ཕྱོགས་ཐམས་ཅད་དུ་གཡས་ཕྱོགས་ནས་བསྐོར་བས། དཀྱིལ་འཁོར་ཐམས་ཅད་སྤྲུལ་པར་བྱའོ། །འདི་ཉིད་ཁར་གཞག་ལ་ལྟ་
བཞིན་དུ། རྡོ་རྗེ་འཁོར་ལོའི་སྔགས་ལན་བརྒྱ་རྩ་བརྒྱད་བཟླས་ལ་དཀྱིལ་འཁོར་ཐམས་ཅད་དུ་ཞུགས་པར་འགྱུར་རོ། །དེ་ནས་དཀྱིལ་འཁོར་བློས་མངོན་སུམ་ལྟ་བུར་དམིགས་ལ་མེ་ཏོག་ལ་སོགས་པས་ཡང་དག་པར་མཆོད་དེ། ཕྱོགས་ཐམས་ཅད་ནས་དཀྱིལ་འཁོར་ལྔ་པ་ལ་འདིས་
ཕྱག་བྱའོ། །ཨོཾ་སརྦ་ཏ་ཐཱ་ག་ཏ་ཀཱ་ཡ་ཝཱཀ་ཙིཏྟ་པྲ་ཎ་མེ་ན་བཛྲ་བནྡྷ་ནཾ་ཀ་རོ་མཱི། དེ་ནས་ཕྱག་བཞི་བྱ་སྟེ། འདི་ལྟར་ཤར་ཕྱོགས་ནས་རྡོ་རྗེ་ཐལ་མོ་བརྐྱང་ལ་ལུས་ཐམས་ཅད་ཕབ་སྟེ། ཨོཾ་སརྦ་ཏ་ཐཱ་ག་ཏ་པུ་ཛོ་པསྠ་ནཱ་ཡ་ཨཱཏྨ་ནཱཾ་ནིརྱཱ་ཏ་ཡཱ་མི་སརྦ་ཏ་ཐཱ་ག་ཏ་བཛྲ་སཏྭ་ཨ་དྷི་ཏིཥྛ་སྭ་མཱཾ་ཞེས་བྱ་བ་འདིས་
ཕྱག་བྱའོ། །དེ་ནས་ལྷོ་ཕྱོགས་ནས་དེ་བཞིན་དུ་གནས་པ་ལས། རྡོ་རྗེ་ཐལ་མོ་སྙིང་གར་སྦྱར་ཏེ་དཔྲལ་བ་ས་ལ་རེག་པར་བྱས་ལ། ཨོཾ་སརྦ་ཏ་ཐཱ་ག་ཏ་པཱུ་ཛ་ཨ་བྷི་ཥེ་ཀ་ཡ་ཨཱཏྨ་ནཱཾ་ནིརྱཱ་ཏ་ཡཱ་མི་སརྦ་ཏ་ཐཱ་ག་ཏ་བཛྲ་རཏྣ་ཨ་བྷི་ཥིཉྩ་མཱཾ་ཞེས་བྱ་བ་འདིས་ཕྱག་བྱའོ། །དེ་ནས་ནུབ་ཕྱོགས་ནས་ཇི་སྐད་བཤད་

62-1-3b

པའི་རྡོ་རྗེ་ཐལ་མོ་སྤྱི་བོར་བཞག་སྟེ། ཁ་ས་ལ་རེག་པ་དང་། ཨོཾ་སརྦ་ཏ་ཐཱ་ག་ཏ་པཱུ་ཛ་པྲ་བརྟ་ན་ཡ་ཨཱཏྨ་ནཱཾ་ནིརྱཱ་ཏ་ཡཱ་མི་སརྦ་ཏ་ཐཱ་ག་ཏ་བཛྲ་དྷརྨ་པྲ་བརྟ་ཡཱ་མཱཾ་ཞེས་བྱ་བ་འདིས་ཕྱག་བྱའོ། །དེ་ནས་བྱང་ཕྱོགས་ནས་དེ་བཞིན་དུ་གནས་པ་ལས། རྡོ་རྗེ་ཐལ་མོ་སྤྱི་བོ་ནས་ཕབ་སྟེ། སྙིང་གར་བཞག་
ལ་སྤྱི་བོ་ས་ལ་རེག་པར་ཕྱག་བྱ་སྟེ། ཨོཾ་སརྦ་ཏ་ཐཱ་ག་ཏ་པཱུ་ཛ་ཀརྨ་ཎེ་ཨཱཏྨ་ནཱཾ་ནིརྱཱ་ཏ་ཡཱ་མི་སརྦ་ཏ་ཐཱ་ག་ཏ་བཛྲ་ཀརྨ་ཀུ་རུ་མཱཾ་ཞེས་བྱ་བ་འདིས་ཕྱག་བྱའོ། །དེ་ནས་པུས་མོའི་ལྷ་ང་གཉིས་ས་ལ་བཙུགས་ཏེ་རྡོ་རྗེ་ཐལ་མོ་སྙིང་གར་བཞག་ནས། སྡིག་པ་ཐམས་ཅད་བཤགས་པར་བྱ་སྟེ། 
ཕྱོགས་བཅུའི་སངས་རྒྱས་དང་བྱང་ཆུབ་སེམས་དཔའ་རྣམས་དང་། དེ་བཞིན་གཤེགས་པ་དང་། རྡོ་རྗེ་དང་། རིན་པོ་ཆེ་དང་། པདྨ་དང་། ལས་ཀྱི་རིགས་སུ་བཞུགས་པ་ཐམས་ཅད་དང་། སྙིང་པོ་དང་། ཕྱག་རྒྱ་དང་། གསང་སྔགས་དང་། རིག་སྔགས་ཀྱི་ལྷ་ཐམས་ཅད་བདག་ལ་
དགོངས་སུ་གསོལ་ལོ། །བདག་རྡོ་རྗེ་མིང་འདི་ཞེས་བྱ་བ་ཕྱོགས་བཅུའི་སངས་རྒྱས་དང་བྱང་ཆུབ་སེམས་དཔའ་ཐམས་ཅད་ཀྱི་སྤྱན་སྔ་དང་། དེ་བཞིན་གཤེགས་པ་དང་། རྡོ་རྗེ་དང་། རིན་པོ་ཆེ་དང་། པདྨ་དང་ལས་ཀྱི་རིགས་སུ་བཞུགས་པ་ཐམས་ཅད་དང་། སྙིང་པོ་དང་ཕྱག་རྒྱ་དང་
གསང་སྔགས་དང་རིག་སྔགས་ཀྱི་ལྷ་ཐམས་ཅད་ཀྱི་སྤྱན་སྔར། སྡིག་པ་ཐམས་ཅད་བླ་ན་མེད་པའི་སོ་སོར་བཤགས་པས་སོ་སོར་བཤགས་པར་བགྱིའོ། །ཕྱོགས་བཅུ་ན་འདས་པ་དང་། མ་འོངས་པ་དང་། ད་ལྟར་བྱུང་བའི་སངས་རྒྱས་དང་། བྱང་ཆུབ་སེམས་དཔའ་རྣམས་དང་། 
རང་སངས་རྒྱས་དང་འཕགས་པའི་ཉན་ཐོས་ཡང་དག་པར་སོང་བ་དང་། ཡང་དག་པར་ཞུགས་པ་རྣམས་དང་། སེམས་ཅན་ཐམས་ཅད་ཀྱི་ཚོགས་ཀྱི་བསོད་ནམས་ཐམས་ཅད་ལ་རྒྱ་ཆེར་རྗེས་སུ་ཡི་རང་བར་བགྱིའོ། །ཕྱོགས་བཅུའི་སངས་རྒྱས་བཅོམ་ལྡན་འདས་ཆོས་ཀྱི་འཁོར་ལོ་
བསྐོར་བར་མི་མཛད་པ་དེ་དག་ཐམས་ཅད་ལ། ཆོས་ཀྱི་འཁོར་ལོ་བསྐོར་བར་བྱ་བའི་ཕྱིར་བསྐུལ་བར་བགྱིའོ། །ཕྱོགས་བཅུའི་སངས་རྒྱས་བཅོམ་ལྡན་འདས་ཡོངས་སུ་མྱ་ངན་ལས་འདའ་བར་བཞེད་པ་གང་དག་ཡིན་པ་དེ་དག་ཐམས་ཅད་ལ་མྱ་ངན་ལས་མི་འདའ་བར་གསོལ་བར་འཚལ་ལོ། །

62-1-4a

དེ་ནས་མེ་ཏོག་གི་ཕྱག་རྒྱ་བཅིངས་ལ། འདི་སྐད་ཅེས་བརྗོད་པར་བྱ་སྟེ། གང་འཇིག་རྟེན་གྱི་ཁམས་འདིའམ། གང་ཡང་ཕྱོགས་བཅུའི་འཇིག་རྟེན་གྱི་ཁམས་ཐམས་ཅད་ན། ལྷ་དང་མི་རྣམས་ཀྱི་མེ་ཏོག་གི་བྱེ་བྲག་ཡིད་ལས་བྱུང་བའམ། ཆུ་ལས་སྐྱེས་པའམ། ཐང་
ལས་སྐྱེས་པ་གང་དག་ཡོད་པ་དེ་རྣམས་འདི་ལྟ་སྟེ། མ་ལུས་ཤིང་ལུས་པ་མེད་པའི་དེ་བཞིན་གཤེགས་པ་ཐམས་ཅད་ལ་མཆོད་པའི་ལས་བྱ་བའི་ཕྱིར། ཕྱོགས་བཅུའི་སངས་རྒྱས་དང་བྱང་ཆུབ་སེམས་དཔའ་རིགས་ལྔ་དང་བཅས་པར་བཞུགས་པ་ཐམས་ཅད་དང་། སྙིང་པོ་དང་། ཕྱག་རྒྱ་དང་། 
གསང་སྔགས་དང་། རིག་སྔགས་ཀྱི་ལྷའི་ཁྱད་པར་ཐམས་ཅད་ལ་དབུལ་བར་བགྱིའོ། །ཨོཾ་སརྦ་ཏ་ཐཱ་ག་ཏ་པུཥྤ་པཱུ་ཛ་མེ་གྷ་ས་མུ་དྲ་སྥ་ར་ཎ་ས་མ་ཡེ་ཧཱུྃ། བདུག་པའི་ཕྱག་རྒྱ་བཅིངས་ལ་འདི་སྐད་ཅེས་བརྗོད་པར་བྱ་སྟེ། གང་འཇིག་རྟེན་གྱི་ཁམས་འདིའམ། གང་ཡང་ཕྱོགས་བཅུའི་
འཇིག་རྟེན་གྱི་ཁམས་ཐམས་ཅད་ན། ལྷ་དང་མི་རྣམས་ཀྱི་བདུག་པའི་བྱེ་བྲག་ལྷན་ཅིག་སྐྱེས་པའམ། ཡང་དག་པར་སྦྱར་བའམ། ཡོངས་སུ་གྱུར་པ་ཅན་གང་དག་ཡོད་པ་དེ་རྣམས་འདི་ལྟ་སྟེ། མ་ལུས་ཤིང་ལུས་པ་མེད་པའི་དེ་བཞིན་གཤེགས་པ་ཐམས་ཅད་ལ་མཆོད་པའི་ལས་
བྱ་བའི་ཕྱིར། ཕྱོགས་བཅུའི་སངས་རྒྱས་དང་བྱང་ཆུབ་སེམས་དཔའ་རིགས་ལྔ་དང་བཅས་པར་བཞུགས་པ་ཐམས་ཅད་དང་། སྙིང་པོ་དང་ཕྱག་རྒྱ་དང་། གསང་སྔགས་དང་རིག་སྔགས་ཀྱི་ལྷའི་ཁྱད་པར་ཐམས་ཅད་ལ་དབུལ་བར་བགྱིའོ། །ཨོཾ་སརྦ་ཏ་ཐཱ་ག་ཏ་དྷཱུ་པ་པཱུ་ཛ་
མེ་གྷ་ས་མུ་དྲ་སྥ་ར་ཎ་ས་མ་ཡེ་ཧཱུྃ། མར་མེའི་ཕྱག་རྒྱ་བཅིངས་ལ་འདི་སྐད་ཅེས་བརྗོད་པར་བྱ་སྟེ། གང་འཇིག་རྟེན་གྱི་ཁམས་འདིའམ། གང་ཡང་ཕྱོགས་བཅུའི་འཇིག་རྟེན་གྱི་ཁམས་ཐམས་ཅད་ན་ལྷ་དང་མི་རྣམས་ཀྱི་སྣང་བའི་བྱེ་བྲག་ཡིད་ལས་བྱུང་བའམ། རིན་པོ་ཆེའི་འོད་དམ། 
མར་མེའི་སྣང་བ་ལ་སོགས་པ་གང་དག་ཡོད་པ་དེ་རྣམས་འདི་ལྟ་སྟེ། མ་ལུས་ཤིང་ལུས་པ་མེད་པའི་དེ་བཞིན་གཤེགས་པ་ཐམས་ཅད་ལ་མཆོད་པའི་ལས་བྱ་བའི་ཕྱིར་ཕྱོགས་བཅུའི་སངས་རྒྱས་དང་བྱང་ཆུབ་སེམས་དཔའ་རིགས་ལྔ་དང་བཅས་པར་བཞུགས་པ་ཐམས་ཅད་དང་། 

62-1-4b

སྙིང་པོ་དང་ཕྱག་རྒྱ་དང་གསང་སྔགས་དང་རིག་སྔགས་ཀྱི་ལྷའི་ཁྱད་པར་ཐམས་ཅད་ལ་དབུལ་བར་བགྱིའོ། །ཨོཾ་སརྦ་ཏ་ཐཱ་ག་ཏ་ཨཱ་ལོ་ཀེ་པཱུ་ཛ་མེ་གྷ་ས་མུ་དྲ་སྥ་ར་ཎ་ས་མ་ཡེ་ཧཱུཾ། དྲིའི་ཕྱག་རྒྱ་བཅིངས་ལ་འདི་སྐད་ཅེས་བརྗོད་པར་བྱ་སྟེ། གང་འཇིག་རྟེན་གྱི་ཁམས་འདིའམ། 
གང་ཡང་ཕྱོགས་བཅུའི་འཇིག་རྟེན་གྱི་ཁམས་ཐམས་ཅད་ན། ལྷ་དང་མི་རྣམས་ཀྱི་དྲིའི་བྱེ་བྲག་ལྷན་ཅིག་སྐྱེས་པའམ། ཡང་དག་པར་སྦྱར་བའམ། ཡོངས་སུ་གྱུར་པ་ཅན་གང་དག་ཡོད་པ་དེ་རྣམས་འདི་ལྟ་སྟེ། མ་ལུས་ཤིང་ལུས་པ་མེད་པའི་དེ་བཞིན་གཤེགས་པ་ཐམས་ཅད་ལ་
མཆོད་པའི་ལས་བྱ་བའི་ཕྱིར། ཕྱོགས་བཅུའི་སངས་རྒྱས་དང་བྱང་ཆུབ་སེམས་དཔའ་རིགས་ལྔ་དང་བཅས་པར་བཞུགས་པ་ཐམས་ཅད་དང་། སྙིང་པོ་དང་། ཕྱག་རྒྱ་དང་གསང་སྔགས་དང་། རིག་སྔགས་ཀྱི་ལྷའི་ཁྱད་པར་ཐམས་ཅད་ལ་དབུལ་བར་བགྱིའོ། །ཨོཾ་སརྦ་ཏ་ཐཱ་
ག་ཏ་གནྡྷེ་པཱུ་ཛ་མེ་གྷ་ས་མུ་དྲ་སྥ་ར་ཎ་ས་མ་ཡེ་ཧཱུྃ། ཐལ་མོ་ཁོང་སྟོང་དུ་སྦྱར་བ་བཅིངས་ལ་འདི་སྐད་ཅེས་བརྗོད་པར་བྱ་སྟེ། གང་འཇིག་རྟེན་གྱི་ཁམས་འདིའམ། གང་ཡང་ཕྱོགས་བཅུའི་འཇིག་རྟེན་གྱི་ཁམས་ཐམས་ཅད་ན། རིན་པོ་ཆེའི་རི་བོའམ། རྒྱ་མཚོའི་རིན་པོ་ཆེའི་ཚོགས་གང་དག་
ཡོད་པ་དེ་དག་ཐམས་ཅད་ཀྱང་། འདི་ལྟ་སྟེ། མ་ལུས་ཤིང་ལུས་པ་མེད་པའི་དེ་བཞིན་གཤེགས་པ་ཐམས་ཅད་ལ་མཆོད་པའི་ལས་བྱ་བའི་ཕྱིར། ཕྱོགས་བཅུའི་སངས་རྒྱས་དང་བྱང་ཆུབ་སེམས་དཔའ་རིགས་ལྔ་དང་བཅས་པར་བཞུགས་པ་ཐམས་ཅད་དང་། སྙིང་པོ་དང་ཕྱག་རྒྱ་
དང་གསང་སྔགས་དང་། རིག་སྔགས་ཀྱི་ལྷའི་ཁྱད་པར་ཐམས་ཅད་ལ་དབུལ་བར་བགྱིའོ། །ཨོཾ་སརྦ་ཏ་ཐཱ་ག་ཏ་བོ་དྷྱཾ་ག་ཨཱ་ལཾ་ཀ་རཏྣ་པཱུ་ཛ་མེ་གྷ་ས་མུ་དྲ་སྥ་ར་ཎ་ས་མ་ཡེ་ཧཱུཾ། དེ་ནས་བཞད་པའི་ཕྱག་རྒྱ་བཅིངས་ལ། འདི་སྐད་ཅེས་བརྗོད་པར་བྱ་སྟེ། གང་འཇིག་རྟེན་གྱི་ཁམས་
འདིའམ། གང་ཡང་ཕྱོགས་བཅུའི་འཇིག་རྟེན་གྱི་ཁམས་ཐམས་ཅད་ན། ལྷ་དང་མི་རྣམས་ཀྱི་དགོད་པ་དང་། སྒེག་པ་དང་། དགའ་བ་དང་། རྩེ་འཇོའི་བདེ་བའི་བྱེ་བྲག་གང་དག་ཡོད་པ་དེ་རྣམས་འདི་ལྟ་སྟེ། མ་ལུས་ཤིང་ལུས་པ་མེད་པའི་དེ་བཞིན་གཤེགས་པ་ཐམས་

62-1-5a

ཅད་ལ་མཆོད་པའི་ལས་བྱ་བའི་ཕྱིར། ཕྱོགས་བཅུའི་སངས་རྒྱས་དང་བྱང་ཆུབ་སེམས་དཔའ་རིགས་ལྔ་དང་བཅས་པར་བཞུགས་པ་ཐམས་ཅད་དང་། སྙིང་པོ་དང་ཕྱག་རྒྱ་དང་། གསང་སྔགས་དང་། རིག་སྔགས་ཀྱི་ལྷའི་ཁྱད་པར་ཐམས་ཅད་ལ་དབུལ་
བར་བགྱིའོ། །ཨོཾ་སརྦ་ཏ་ཐཱ་ག་ཏ་ཧ་སྱ་ལ་སྱ་ར་ཏི་ཀྲཱི་ཌ་སཽ་ཁྱ་ཨ་ནུཏྟ་ར་པཱུ་ཛ་མེ་གྷ་ས་མུ་དྲ་སྥ་ར་ཎ་ས་མ་ཡེ་ཧཱུྃ། དེ་ནས་བཞད་པའི་ཕྱག་རྒྱ་དེ་ཉིད་རྡོ་རྗེ་ཐལ་མོ་བསྐོར་བ་འདི་སྤྱི་བོར་གཞག་ལ། ཡང་ཐལ་མོ་ཁང་སྟོང་དུ་སྦྱར་བ་བཅིངས་ནས་འདི་སྐད་ཅེས་བརྗོད་པར་བྱ་སྟེ། གང་
འཇིག་རྟེན་གྱི་ཁམས་འདིའམ། གང་ཡང་ཕྱོགས་བཅུའི་འཇིག་རྟེན་གྱི་ཁམས་ཐམས་ཅད་ན། དཔག་བསམ་གྱི་ཤིང་ངམ། གོས་ཀྱི་ཤིང་གང་དག་ཡོད་པ་དེ་རྣམས་འདི་ལྟ་སྟེ། མ་ལུས་ཤིང་ལུས་པ་མེད་པའི་དེ་བཞིན་གཤེགས་པ་ཐམས་ཅད་ལ་མཆོད་པའི་ལས་བྱ་
བའི་ཕྱིར། ཕྱོགས་བཅུའི་སངས་རྒྱས་དང་བྱང་ཆུབ་སེམས་དཔའ་རིགས་ལྔ་དང་བཅས་པར་བཞུགས་པ་ཐམས་ཅད་དང་། སྙིང་པོ་དང་ཕྱག་རྒྱ་དང་གསང་སྔགས་དང་། རིག་སྔགས་ཀྱི་ལྷའི་ཁྱད་པར་ཐམས་ཅད་ལ་དབུལ་བར་བགྱིའོ། །ཨོཾ་སརྦ་ཏ་ཐཱ་ག་ཏ་ཨ་
ནུཏྟ་ར་བོ་དྷི་ཨ་ལཾ་ཀ་ར་བསྟྲ་པཱུ་ཛ་མེ་གྷ་ས་མུ་དྲ་སྥ་ར་ཎ་ས་མ་ཡེ་ཧཱུྃ། དེ་ནས་ཏིང་ངེ་འཛིན་གྱི་ཕྱག་རྒྱ་བཅིངས་ཏེ་སེམས་ཅན་ཐམས་ཅད་ཀྱི་ཚངས་པ་ཆེན་པོའི་གནས་བཞི་ཐོབ་པར་གྱུར་ཅིག ཅེས་བརྗོད་ལ་དེ་འབུལ་ཏེ། ཨོཾ་སརྦ་ཏ་ཐཱ་ག་ཏ་ཙ་ཏུར་མ་ཧཱ་བྲ་ཧྨ་བི་ཧཱ་ར་པཱུ་ཛ་མེ་གྷ་ས་མུ་
དྲ་སྥ་ར་ཎ་ས་མ་ཡེ་ཧཱུྃ། དེ་ནས་བཅོམ་ལྡན་འདས་རྡོ་རྗེ་སེམས་པའི་ལས་ཀྱི་ཕྱག་རྒྱ་བཅིངས་ལ། སེམས་ཅན་ཐམས་ཅད་ཀྱི་འཁོར་བའི་སྡུག་བསྔལ་དྲན་པར་བྱས་ནས། སྙིང་རྗེའི་དབང་གིས་སེམས་ཅན་ཐམས་ཅད་བསྒྲལ་བའི་ཕྱིར་བྱང་ཆུབ་ཀྱི་སེམས་བསྐྱེད་དེ། མ་བསྒལ་བ་རྣམས་
བསྒྲལ་བར་བྱ་བའི་ཕྱིར་དང་། མ་གྲོལ་བ་རྣམས་དགྲོལ་བར་བྱ་བའི་ཕྱིར་དང་། དབུགས་མ་ཕྱིན་པ་རྣམས་དབུགས་དབྱུང་བར་བྱ་བའི་ཕྱིར་དང་། ཡོངས་སུ་མྱ་ངན་ལས་མ་འདས་པ་རྣམས་ཡོངས་སུ་མྱ་ངན་ལས་འདའ་བར་བྱ་བའི་ཕྱིར་དང་། སེམས་ཅན་གྱི་ཁམས་མ་ལུས་པ་འཁོར་བའི་

62-1-5b

རྒྱ་མཚོ་ལས་ཡང་དག་པར་བསྒྲལ་བར་བྱ་བའི་ཕྱིར་བྱང་ཆུབ་ཏུ་སེམས་བསྐྱེད་པར་བགྱིའོ། །ཨོཾ་སརྦ་ཏ་ཐཱ་ག་ཏ་བཛྲ་བོ་དྷི་ཙིཏྟ་པཱུ་ཛ་མེ་གྷ་ས་མུ་དྲ་སྥ་ར་ཎ་ས་མ་ཡེ་ཧཱུཾ། སྒེག་མོའི་ཕྱག་རྒྱ་བཅིངས་ལ་འདི་སྐད་ཅེས་བརྗོད་པར་བྱ་སྟེ། སེམས་ཅན་ཐམས་ཅད་ཡོ་བྱད་ཐམས་ཅད་ཀྱིས་ཡང་
དག་པར་འབྱོར་ཅིང་ཕུན་སུམ་ཚོགས་པ་ཐམས་ཅད་འདོད་པ་ཙམ་ལ་རག་ལུས་པར་གྱུར་ཅིག ཨོཾ་སརྦ་ཏ་ཐཱ་ག་ཏ་མ་ཧཱ་བཛྲོད་བྷ་བ་དཱ་ན་པཱ་ར་མི་ཏཱ་པཱུ་ཛ་མེ་གྷ་ས་མུ་དྲ་སྥ་ར་ཎ་ས་མ་ཡེ་ཧཱུཾ། རྡོ་རྗེ་ཕྲེང་བ་མའི་ཕྱག་རྒྱ་བཅིངས་ལ། འདི་སྐད་ཅེས་བརྗོད་པར་བྱ་སྟེ། སེམས་ཅན་ཐམས་
ཅད་མི་དགེ་བའི་ལུས་དང་ངག་དང་ཡིད་ཀྱི་ལས་ཀྱི་མཐའ་ཐམས་ཅད་དང་ཡང་དག་པར་བྲལ་བར་གྱུར་ཅིག དགེ་བ་བཅུའི་ལུས་དང་ངག་དང་ཡིད་ཀྱི་ལས་ཀྱི་མཐའ་ཐམས་ཅད་དང་ཡང་དག་པར་ལྡན་པར་གྱུར་ཅིག ཨོཾ་སརྦ་ཏ་ཐཱ་ག་ཏཱ་ནུཏྟ་ར་མ་ཧཱ་བོ་དྷི་ཧཱ་ར་ཤཱི་ལ་པཱ་ར་མི་ཏཱ་པཱུ་ཛ་མེ་གྷ་ས་
མུ་དྲ་སྥ་ཎ་ས་མ་ཡེ་ཧཱུཾ། རྡོ་རྗེ་གླུ་མཁན་མའི་ཕྱག་རྒྱ་བཅིངས་ལ་འདི་སྐད་ཅེས་བརྗོད་པར་བྱ་སྟེ། སེམས་ཅན་ཐམས་ཅད་མཚན་དང་དཔེ་བྱད་ཐམས་ཅད་ཀྱིས་ལུས་ལ་ཡང་དག་པར་བརྒྱན་པར་བྱས་པ་དང་། རྟག་ཏུ་ཕན་ཚུན་འཇིགས་པ་མེད་པ་དང་། ཞེ་འགྲས་པ་མེད་པར་ཞུགས་
ཤིང་། མིག་དང་ཡིད་མངོན་པར་དགའ་བ་དང་། ཆོས་ཟབ་མོ་ལ་བཟོད་པ་དང་ལྡན་པར་གྱུར་ཅིག ཨོཾ་སརྦ་ཏ་ཐཱ་ག་ཏ་ཨ་ནུཏྟ་ར་མ་ཧཱ་དྷརྨ་ཨ་བ་བོ་དྷི་ཀྵནྟི་པཱ་ར་མི་ཏ་པཱུ་ཛ་མེ་གྷ་ས་མུ་དྲ་སྥ་ར་ཎ་ས་མ་ཡེ་ཧཱུཾ། རྡོ་རྗེ་གར་མཁན་མའི་ཕྱག་རྒྱ་བཅིངས་ལ། འདི་སྐད་ཅེས་བརྗོད་པར་བྱ་སྟེ། 
སེམས་ཅན་ཐམས་ཅད་བྱང་ཆུབ་སེམས་དཔའི་སྤྱོད་པ་ལ་མངོན་པར་བརྩོན་པ་དང་ལྡན་པ་དང་། སངས་རྒྱས་ཉིད་དུ་ཡོངས་སུ་གཞོལ་ཞིང་། འཁོར་བ་ཡོངས་སུ་མི་སྤོང་བའི་བརྩོན་འགྲུས་དང་ལྡན་པར་གྱུར་ཅིག ཨོཾ་སརྦ་ཏ་ཐཱ་ག་ཏ་སན་སཱ་ར་ཨ་པ་རི་ཏྱཾ་ཀཱ་ནུཏྟ་ར་མ་ཧཱ་བཱིརྱ་པཱ་ར་མི་
ཏ་པཱུ་ཛ་མེ་གྷ་ས་མུ་དྲ་སྥ་ར་ཎ་ས་མ་ཡེ་ཧཱུཾ། མེ་ཏོག་གི་ཕྱག་རྒྱ་བཅིངས་ལ་འདི་སྐད་ཅེས་བརྗོད་པར་བྱ་སྟེ། སེམས་ཅན་ཐམས་ཅད་ཉོན་མོངས་པ་དང་ཉེ་བའི་ཉོན་མོངས་པ་རྣམས་དང་བྲལ་བར་གྱུར་ཅིག བསམ་གཏན་དང་རྣམ་པར་ཐར་པ་དང་། ཏིང་ངེ་འཛིན་དང་སྙོམས་པར་

62-1-6a

འཇུག་པ་དང་། མངོན་པར་ཤེས་པ་རྣམས་དང་། རིགས་པ་ཐམས་ཅད་དབང་དུ་གྱུར་པ་ཕུན་སུམ་ཚོགས་པར་གྱུར་ཅིག ཨོཾ་སརྦ་ཏ་ཐཱ་ག་ཏཱ་ནུཏྟ་ར་སཽ་ཀྵ་བི་ཧ་ར་དྷྱ་ན་པཱུ་ར་མི་ཏཱ་པཱུ་ཛ་མེ་གྷ་ས་མུ་དྲ་སྥ་ར་ཎ་ས་མ་ཡེ་ཧཱུྃ། བདུག་སྤོས་ཀྱི་ཕྱག་རྒྱ་བཅིངས་
ལ། འདི་སྐད་ཅེས་བརྗོད་པར་བྱ་སྟེ། སེམས་ཅན་ཐམས་ཅད་འཇིག་རྟེན་དང་འཇིག་རྟེན་ལས་འདས་པའི་ཤེས་རབ་དང་། ཡེ་ཤེས་རྣམས་དང་ཡང་དག་པར་ལྡན་པར་གྱུར་ཅིག སོ་སོ་ཡང་དག་པར་རིག་པ་བཞི་ཐོབ་སྟེ། བཟོ་དང་བསྟན་བཅོས་ཐམས་ཅད་ཤེས་ཤིང་
སྒྱུ་རྩལ་དང་ལྡན་ལ། གསང་བའི་ཆོ་ག་ཤེས་པ་དང་། དེ་ཁོ་ན་ཉིད་མཐོང་སྟེ་ཉོན་མོངས་པ་དང་། ཉེ་བའི་ཉོན་མོངས་པ་དང་། ཤེས་བྱའི་སྒྲིབ་པ་ཐམས་ཅད་ཡང་དག་པར་གཅོད་པའི་ཡེ་ཤེས་ཐོབ་པར་གྱུར་ཅིག ཨོཾ་སརྦ་ཏ་ཐཱ་ག་ཏཱ་ནུཏྟ་ར་ཀླེ་ཤ་ཙྪེ་ད་སརྦ་དྷརྨཱཿ ས་མནྟ་ཛྙཱ་ན་མ་ཧཱ་པྲཛྙཱ་པཱ་
ར་མི་ཏ་པཱུ་ཛ་མེ་གྷ་ས་མུ་དྲ་སྥ་ར་ཎ་ས་མ་ཡེ་ཧཱུྃ། ལུས་ཀྱིས་བསྙེན་བཀུར་བྱ་བའི་ཕྱིར། བདག་ཉིད་ཕྱོགས་བཅུའི་འཇིག་རྟེན་གྱི་ཁམས་མ་ལུས་པའི་དེ་བཞིན་གཤེགས་པ་ཐམས་ཅད་ཀྱི་ཞབས་དྲུང་དུ་ཕྱིན་པར་ལྷག་པར་མོས་པར་བྱས་ལ། ཨོཾ་སརྦ་ཏ་ཐཱ་ག་ཏ་ཀཱ་ཡ་ནིརྱཱ་ཏ་ན་པཱུ་ཛ་མེ་གྷ་
ས་མུ་དྲ་སྥ་ར་ཎ་ས་མ་ཡེ་ཧཱུྃ། ཐམས་ཅད་དུ་ལྕེ་བརྒྱ་སྟོང་ཕྲག་སྙེད་ཀྱི་སྒོ་ནས་མཉམ་མེད་མི་གཡོ་ཞེས་བྱ་བ་ལ་སོགས་པའི་བསྟོད་པས་མཆོད་པར་ལྷག་པར་མོས་པར་བྱས་ལ། ཨོཾ་སརྦ་ཏ་ཐཱ་ག་ཏ་ཝཱཀ་ནིརྱཱ་ཏ་ན་པཱུ་ཛ་མེ་གྷ་ས་མུ་དྲ་སྥ་ར་ཎ་ས་མ་ཡེ་ཧཱུཾ། བྱང་ཆུབ་སེམས་དཔའ་
ཐམས་ཅད་དང་བསམ་པ་གཅིག་པའི་སྦྱོར་བས། ཆོས་ཐམས་ཅད་མཉམ་པ་ཉིད་ལ་ལྷག་པར་མོས་པར་བྱས་ལ། ཨོཾ་སརྦ་ཏ་ཐཱ་ག་ཏ་ཙིཏྟ་ནིརྱཱ་ཏ་ན་པཱུ་ཛ་མེ་གྷ་ས་མུ་དྲ་སྥ་ར་ཎ་ས་མ་ཡེ་ཧཱུྃ། ཆོས་ཐམས་ཅད་ནི་དངོས་པོ་མེད་པའི་ངོ་བོ་ཉིད་དང་། སྟོང་པ་ཉིད་དང་། མཚན་
མ་མེད་པ་དང་། སྨོན་པ་མེད་པའི་རྣམ་པར་ལྷག་པར་མོས་པར་བྱས་ལ། ཨོཾ་སརྦ་ཏ་ཐཱ་ག་ཏ་གུ་ཧྱ་པཱུ་ཛ་མེ་གྷ་ས་མུ་དྲ་སྥ་ར་ཎ་ས་མ་ཡེ་ཧཱུྃ། ཞེས་བརྗོད་པར་བྱའོ། །དེ་ལྟར་མཆོད་པ་རྣམ་པ་ཉི་ཤུས་དེ་བཞིན་གཤེགས་པ་ཐམས་ཅད་ལ་ཡང་དག་པར་མཆོད་ལ། 

62-1-6b

བདག་ཉིད་དབུལ་བར་བྱ་སྟེ། སངས་རྒྱས་དང་བྱང་ཆུབ་སེམས་དཔའ་ཐམས་ཅད་ལ་བདག་ཉིད་འབུལ་གྱིས། བདག་དུས་ཐམས་ཅད་དང་། རྣམ་པ་ཐམས་ཅད་དུ་སོ་སོར་བཞེས་སུ་གསོལ། ཐུགས་རྗེ་ཆེན་པོ་དང་ལྡན་པའི་མགོན་པོ་ཁྱེད་རྣམས་ཀྱིས་དམ་ཚིག་
ཆེན་པོའི་དངོས་གྲུབ་བདག་ལ་སྩལ་དུ་གསོལ་ཞེས་བརྗོད་ལ། དགེ་བའི་རྩ་བ་དེ་ཡང་སེམས་ཅན་ཐམས་ཅད་དང་ཐུན་མོང་དུ་བྱས་ཏེ། དགེ་བའི་རྩ་བ་འདི་དག་གིས་བདག་དང་སེམས་ཅན་ཐམས་ཅད་འཇིག་རྟེན་དང་འཇིག་རྟེན་ལས་འདས་པའི་རྒུད་པ་ཐམས་ཅད་དང་བྲལ་བར་
གྱུར་ཅིག འཇིག་རྟེན་དང་འཇིག་རྟེན་ལས་འདས་པའི་ཕུན་སུམ་ཚོགས་པ་ཐམས་ཅད་དང་ཡང་དག་པར་ལྡན་པའི་བདེ་བ་ཉིད་དང་ཡིད་བདེ་བ་ཉིད་ཀྱིས་མིའི་མཆོག་སངས་རྒྱས་སུ་ཚེ་འདི་ཉིད་ལ་གྱུར་ཅིག བདག་གི་དགེ་བའི་ལས་རྣམས་འདི་དག་གིས། །འཇིག་རྟེན་དུ་ནི་
མྱུར་དུ་སངས་རྒྱས་ཤོག །འགྲོ་ལ་ཕན་ཕྱིར་ཆོས་རྣམས་སྟོན་བགྱིད་ཅིང་། །སེམས་ཅན་སྡུག་བསྔལ་མང་པོས་གཟིར་ལས་སྒྲོལ། །ཞེས་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་ཡོངས་སུ་བསྔོས་ལ། སྡོམ་པ་གཟུང་བར་བྱ་སྟེ། ཇི་ལྟར་དུས་གསུམ་མགོན་པོ་
རྣམས། །བྱང་ཆུབ་ཏུ་ནི་ངེས་མཛད་པའི། །བྱང་ཆུབ་སེམས་ནི་བླ་མེད་པ། །དམ་པ་བདག་གིས་བསྐྱེད་པར་བགྱི། །སངས་རྒྱས་རྣལ་འབྱོར་སྡོམ་པ་ལ། །ཚུལ་ཁྲིམས་ཀྱི་ནི་བསླབ་པ་དང་། །དགེ་བའི་ཆོས་ནི་སྡུད་པ་དང་། །སེམས་ཅན་དོན་བྱེད་ཚུལ་ཁྲིམས་གསུམ། །
བདག་གིས་བརྟན་པོར་གཟུང་བར་བགྱི། །སངས་རྒྱས་ཆོས་དང་དགེ་འདུན་ཏེ། །བླ་ན་མེད་པའི་དཀོན་མཆོག་གསུམ། །དེང་ནས་བརྩམས་ཏེ་གཟུང་བར་བགྱི། །ནམ་དུ་ཡང་ནི་མི་སྤོང་ངོ་། །རྡོ་རྗེ་རིགས་མཆོག་ཆེན་པོ་ཡི། །རྡོ་རྗེ་དྲིལ་བུ་ཕྱག་རྒྱ་ཡང་། །ཡང་དག་ཉིད་དུ་
གཟུང་བར་བགྱི། །སློབ་དཔོན་དག་ཀྱང་གཟུང་བར་བགྱི། །རིན་ཆེན་རིགས་མཆོག་ཆེན་པོ་ཡི། །དམ་ཚིག་ཡིད་དུ་འོང་བ་ལ། །ཉིན་རེ་བཞིན་ནི་དུས་དྲུག་ཏུ། །སྦྱིན་པ་རྣམ་བཞི་རྟག་ཏུ་སྦྱིན། །བྱང་ཆུབ་ཆེན་པོ་ལས་བྱུང་བའི། །པདྨའི་རིགས་ཆེན་དག་པ་ལ། །ཕྱི་དང་གསང་བ་ཐེག་

62-1-7a

པ་གསུམ། །དམ་པའི་ཆོས་ནི་གཟུང་བར་བགྱི། །ལས་ཀྱི་རིགས་མཆོག་ཆེན་པོ་ལ། །སྡོམ་པ་ཐམས་ཅད་ལྡན་པར་ནི། །ཡང་དག་ཉིད་དུ་གཟུང་བར་བགྱི། །མཆོད་པའི་ལས་ཀྱང་ཅི་ནུས་བགྱི། །བྱང་ཆུབ་སེམས་ནི་བླ་མེད་པ། །དམ་པ་བདག་གིས་བསྐྱེད་
བགྱིས་ནས། །སེམས་ཅན་ཀུན་གྱི་དོན་གྱི་ཕྱིར། །བདག་གིས་སྡོམ་པ་མ་ལུས་གཟུང་། །མ་གྲོལ་བ་ནི་དགྲོལ་བར་བགྱི། །མ་བསྒྲལ་བ་ནི་བསྒྲལ་བར་བགྱི། །དབུགས་མ་དབྱུང་བ་དབུགས་དབྱུང་ཞིང་། །སེམས་ཅན་མྱ་ངན་འདས་ལ་དགོད། །ཅེས་བརྗོད་དོ། །དེ་ནས་གཟུགས་
བརྙན་ལ་སོགས་པའི་སྦྱོར་བས། ཕྱག་རྒྱ་བཅིང་བ་སྔོན་དུ་འགྲོ་བ་དང་། ཆོ་ག་ཐམས་ཅད་རྗེས་སུ་སྤྱད་པར་བྱ་སྟེ། ཐལ་མོ་དམ་དུ་བསྡམས་པ་ལས། །སོར་མོ་ཐམས་ཅད་བསྣོལ་བ་ནི། །རྡོ་རྗེ་ཐལ་མོར་བཀའ་སྩལ་ཏེ། །རབ་ཏུ་བསྡམ་ཕྱིར་རྡོ་རྗེ་བསྡམས། །བཛྲ་ཨཉྫ་ལི་ཞེས་བྱ་བ་ནི་རྡོ་རྗེ་ཐལ་
མོའི་སྔགས་སོ། །བཛྲ་བནྡྷ་ཞེས་བྱ་བ་ནི་རྡོ་རྗེ་བསྡམས་པ་སྟེ། བཛྲ་བནྡྷ་ཏྲཊ་ཅེས་བརྗོད་ཅིང་སྙིང་གར་ལན་གསུམ་དྲལ་བར་བྱའོ། །བཛྲ་ཨཱ་བེ་ཤ་ཨཿཞེས་བྱ་བས་རྡོ་རྗེ་དབབ་པའི་དམ་ཚིག་གི་ཕྱག་རྒྱ་བཅིངས་ལ། ཨཿཞེས་བྱ་བས་བདག་ཉིད་ལ་དབབ་པར་བྱའོ། །བབས་པ་དེ་ཡང་འདིས་
བརྟན་པར་བྱའོ། །ཏིཥྛ་བཛྲ་དྲྀ་ཌྷོ་མེ་བྷ་བ། ཤཱ་ཤྭ་ཏོ་མེ་བྷ་བ། ཧྲྀ་ད་ཡ་མེ། ཨ་དྷི་ཏིཥྛ་སརྦ་སིདྡྷི་མྨེ་པྲ་ཡཙྪ་ཧཱུཾ། ཧ་ཧ་ཧ་ཧ་ཧོ། བཛྲ་མུཥྚི་ཞེས་བྱ་བ་དང་། དམ་ཚིག་གི་རྡོ་རྗེ་ཁུ་ཚུར་བཅིངས་ལ་འདི་སྐད་ཅེས་བརྗོད་པར་བྱའོ། །ཨོཾ་བཛྲ་མུཥྚི་བཾ། དེའི་རྗེས་ལ། ཨོཾ་སརྦ་པཱ་པཾ་ཨཱ་ཀཪྵ་ཎ་
བི་ཤོ་དྷ་ན་བཛྲ་ས་མ་ཡ་ཧཱུཾ་ཕཊ། ཅེས་བྱ་བ་དང་ཕྱག་རྒྱ་དང་བཅས་པས་ངན་འགྲོ་ཐམས་ཅད་དགུག་པར་བྱའོ། །རྡོ་རྗེ་ཕྱག་རྒྱ་གཉིས་ནང་དུ། །མཛུབ་མོ་གཉིས་ནི་བཅིངས་ནས་སུ། །ལེགས་པར་གྱེན་དུ་འཕངས་པ་ནི། །ལྟུང་བ་སློང་བའི་དམ་པའོ། །ཨོཾ་བཛྲ་པཱ་ཎི་བི་སྥོ་ཊ་ཡ། སརྦ་
ཨ་པ་ཡ། བནྡྷ་ནི་པྲཱ་མོ་ཀྵ་ཡ། སརྦ་ཨ་པ་ཡ། ག་ཏེ་བྷྱཿ སརྦ་སཏྭཱཾ། སརྦ་ཏ་ཐཱ་ག་ཏ་བཛྲ་ས་མ་ཡ་ཏྲ་ཊྲ། ཅེས་བརྗོད་ཅིང་སྡིག་པ་དྲལ་བའི་ཕྱག་རྒྱ་བཅིངས་ལ། སྡིག་པ་ཐམས་ཅད་དྲལ་བར་བྱའོ། །རྡོ་རྗེ་བཅིངས་པ་བསྡམ་བྱས་ཏེ། །གུང་མོ་གཉིས་ཀ་སྦྱར་ནས་ནི། །

62-1-7b

ཐ་མ་བཞི་ཡི་རྩེ་མོ་སྦྱར། །སྡིག་པ་འཇོམས་པར་གྲགས་པ་ཡིན། །དེ་ནས་རྣམ་པར་སྣང་མཛད་ལ་སོགས་པའི་དམ་ཚིག་གི་ཕྱག་རྒྱ་བཅིངས་ལ། དེ་རྣམས་ཀྱི་སྔགས་ལན་བདུན་བདུན་བརྗོད་དེ། འདིས་རང་གི་སྙིང་གར་དགྲོལ་བར་བྱའོ། །ཨོཾ་བཛྲ་མུཿ དེ་ལྟར་བྱས་པས་ཕྱག་རྒྱ་
ཐམས་ཅད་དབང་དུ་བྱས་པར་འགྱུར་བ་དང་། འདི་བྱས་པས་རྣལ་འབྱོར་པ་བསྐལ་པ་གསུམ་གྱིས་ངེས་པར་འབྱུང་བའི་བྱང་ཆུབ་སེམས་དཔའ་དང་འདྲ་བར་འགྱུར་རོ། །དེ་ནས་རང་གི་སྙིང་གར་གནས་པའི་རྡོ་རྗེའི་དབུས་སུ་རང་གི་ལྷའི་སྙིང་པོ་དམ་ཚིག་གིས་བྲིས་ལ། ཆོས་ཐམས་
ཅད་བདག་མེད་པར་བསྒོམ་པར་བྱའོ། །དེ་ཉིད་དབྱངས་ཀྱི་ཡི་གེ་བཅུ་དྲུག་དང་བཅས་པ། ཟླ་བའི་དཀྱིལ་འཁོར་གྱི་རྣམ་པར་ཡོངས་སུ་གྱུར་པར་བསམས་ལ། ཡང་དེའི་སྟེང་དུ་དེ་ཉིད་དང་། ཡི་གེ་ཀ་ལ་སོགས་པ་སྐར་མའི་རྣམ་པ་ལྟ་བུ་ཡོངས་སུ་གྱུར་པ་ལས། ཟླ་བའི་
དཀྱིལ་འཁོར་ཆེན་པོའི་གཟུགས་ཅན་གཉིས་པ་ཉིད་དུ་བསམ་མོ། །དེ་ལས་བྱུང་བ་གང་ཡིན་པ་དེ་ལ་ནི། ཡང་དེའི་སྙིང་པོ་དང་བཅས་པ་ལས་རྡོ་རྗེ་རྩེ་ལྔ་པ་འོད་ཟེར་གྱི་ཕྲེང་བ་དང་བཅས་པར་བསམ་མོ། །གཞན་དག་གི་ནི་རྡོ་རྗེ་ལས་བྱུང་བའི་རང་གི་ཕྱག་རྒྱའོ། །དེ་ནས་རང་
གི་ཕྱག་རྒྱའི་དབུས་སུ་རང་གི་སྙིང་པོ་བཀོད་ལ། རང་གི་ཕྱག་རྒྱའི་ང་རྒྱལ་དུ་བསྒོམ་པར་བྱ་སྟེ། ཎྜ྅ཧཾ་ཞེས་བྱ་བ་ནས། བཛྲོ྅ཧཾ་ཞེས་བྱ་བའི་བར་དུའོ། །རང་གི་སྙིང་པོ་ཡང་བཟླས་ཤིང་། །དེ་བཞིན་གཤེགས་པ་ཐམས་ཅད་ཀྱི་སྐུ་དང་གསུང་དང་ཐུགས་རྡོ་རྗེའི་དབྱིངས་རང་གི་
ཕྱག་རྒྱ་ལ་ཞུགས་པར་བསམ་མོ། །དེ་ནས་བཛྲ་དྷཱ་ཏུ་ཞེས་ཟློས་ཤིང་ཕྱག་རྒྱའི་གཟུགས་དེ་སེམས་དཔར་བྱིན་གྱིས་རློབ་པའི་སྦྱོར་བས། རྡོ་རྗེ་སེམས་དཔར་བསྒོམས་ལ། སྙེམས་པ་དང་བཅས་པས་རྡོ་རྗེ་གསོར་ཞིང་། བཛྲ་སཏྭ་ཧཾ་ཞེས་བརྗོད་པར་བྱའོ། །དེ་ནས་རང་གི་
སྔགས་ཀྱིས་རང་གི་ལྷའི་སྐུ་དེ་ཉིད་དུ་བསམས་ལ། འདི་སྐད་ཅེས་བརྗོད་དོ། །མ་ཧཱ་ས་མ་ཡ་སཏྭ་ཧཾ། རང་གི་དམ་ཚིག་གི་ཕྱག་རྒྱ་བཅིངས་ལ། འདི་སྐད་ཅེས་བརྗོད་པར་བྱ་སྟེ། ས་མ་ཡོ྅ཧཾ། དེ་ཉིད་ཀྱིས་སྙིང་ག་དང་། དཔྲལ་བ་དང་། ལྐོག་མ་དང་། སྤྱི་བོ་རྣམས་བྱིན་གྱིས་

62-1-8a

བརླབ་པར་བྱའོ། །ས་མ་ཡ་སཏྭ་ཨ་དྷི་ཏིཥྛ་སྭ་མཾ། དེ་ནས་རང་གི་ལྷའི་ཕྱག་རྒྱ་ཆེན་པོ་བཅིངས་ལ། རང་རང་གི་སྙིང་པོ་དང་། སྔགས་ཀྱང་བཟླས་པར་བྱའོ། །ཡང་རང་གི་སྙིང་གའི་ཟླ་བར་རྡོ་རྗེ་གླུའི་ལས་ཀྱི་ཕྱག་རྒྱས་རྡོ་རྗེ་དབྱིངས་ཀྱི་དཀྱིལ་འཁོར་ཆེན་པོ་སྤྲུལ་ལ་
ས་མ་ཡ་སྟྭཾ་ཞེས་བརྗོད་དེ། རྡོ་རྗེ་སེམས་མའི་ཕྱག་རྒྱ་བཅིངས་ལ། དེ་ཉིད་གུང་མོ་གཉིས་ཀྱིས་ཕྲེང་བ་བླང་སྟེ། ས་མ་ཡ་ཧཱུྃ་ཞེས་བྱ་བ་འདིས། རང་གི་སྙིང་གར་གནས་པའི་དཀྱིལ་འཁོར་དུ་འཇུག་པར་བྱ་ཞིང་། ཕྲེང་བ་དེ་ཡང་པྲ་ཏཱིཙྪ་བཛྲ་ཧོ་ཞེས་བྱ་བ་འདིས་རང་གི་སྤྱི་བོར་དོར་
བར་བྱའོ། །དེ་ནས་ཕྲེང་བ་དེ་ཨོཾ་པྲ་ཏི་གྲྀཧྞ་སྭ་མི་མཾ་སཏྭ་མ་ཧཱ་བ་ལ་ཞེས་བྱ་བ་འདིས་རང་གི་མགོ་ལ་བཅིང་བར་བྱའོ། །དེ་ནས་ཨོཾ་བཛྲ་སཏྭ་ས་ཡན་ཏེ་ཧ་ཙཀྵཱུད་གྷ་ཊ་ཏད་པ་ར། ཨུད་གྷ་ཊ་ཡ་ཏི་སརྦ་ཨཀྵོ། བཛྲ་ཙཀྵུར་ནུཏྟ་ར་ཧེ་བཛྲ་པཱ་ཤྱ་ཞེས་བྱ་བ་འདིས་གདོང་གཡོགས་དགྲོལ་
བར་བྱའོ། །དེ་ནས་རྡོ་རྗེ་ལྕགས་ཀྱུ་ནས་བརྩམས་ཏེ། བཅོམ་ལྡན་འདས་རྣམ་པར་སྣང་མཛད་ཀྱི་བར་དུ། རང་གི་ལུས་ལ་གནས་པའི་དཀྱིལ་འཁོར་བལྟ་བར་བྱའོ། །ཡང་རྡོ་རྗེ་སེམས་དཔའི་ཕྱག་རྒྱ་བཅིངས་ལ། ཏིཥྛ་བཛྲ་ཞེས་ཟློས་ཞིང་སྙིང་གར་དགྲོལ་བར་བྱའོ། །
དེ་ནས་རྡོ་རྗེས་བྱིན་གྱིས་བརླབས་པའི་བུམ་པ་ལས་རྡོ་རྗེ་ཁུ་ཚུར་གྱིས་ཆུ་བླངས་ལ། བཛྲ་ཨ་བྷི་ཥིཉྩ་ཞེས་བྱ་བ་འདིས་ཆུས་དབང་བསྐུར་བ་བླང་བར་བྱའོ། །དེ་ནས་སངས་རྒྱས་ལྔའི་ཅོད་པན་དང་དར་དཔྱངས་ཀྱིས་དབང་བསྐུར་བ་རྡོ་རྗེ་དབྱིངས་ཀྱི་དབང་ཕྱུག་མ་ལ་སོགས་པས་བླང་བར་
བྱ་སྟེ། རྡོ་རྗེ་ཐལ་མོ་ལས་བྱུང་བ། །མཐེ་བོང་གཉིས་ནི་བསྣོལ་བྱས་ལ། །མཛུབ་མོའི་རྩེ་མོ་བཀུག་ནས་ནི། །གུང་མོ་བསྙམས་པའི་ཚིགས་སུ་སྦྱར། །རྡོ་རྗེ་དབྱིངས་ཀྱི་དབང་མོར་བཤད། །ཅེས་བྱ་བ་འདི་དང་། ཨོཾ་བཛྲ་དྷཱ་ཏྭཱི་ཤྭ་རི་ཧཱུྃ་བཛྲི་ཎཱི་ཨ་བྷི་ཥིཉྩ་མཱཾ་ཞེས་བྱ་བས་སྤྱི་བོར་རྣམ་པར་
སྣང་མཛད་སྐུ་མདོག་དཀར་པོ་བྱང་ཆུབ་མཆོག་གི་ཕྱག་རྒྱས་བཞུགས་པར་བསམ་པར་བྱའོ། །དེ་ཉིད་ལས་དབུ་མ་རྡོ་རྗེར་བྱས་པ་འདི་དང་། ཨོཾ་བཛྲ་བཛྲི་ཎི་ཧཱུཾ་ཞེས་བྱ་བ་འདིས། དཔྲལ་བའི་སྟེང་དུ་མི་བསྐྱོད་པ་སྐུ་མདོག་སྔོན་པོ་ས་གནོན་གྱི་ཕྱག་རྒྱས་བཞུགས་པར་བྱའོ། །

62-1-8b

གུང་མོ་གཉིས་བཀུག་སྟེ་རིན་པོ་ཆེ་འདྲ་བར་བྱས་པ་འདི་དང་། ཨོཾ་རཏྣ་བཛྲི་ཎི་ཧཱུྃ་ཞེས་བྱ་བས་རྣ་བ་གཡས་པའི་སྟེང་དུ་རིན་ཆེན་འབྱུང་ལྡན་སྐུ་མདོག་སེར་པོ་མཆོག་སྦྱིན་པའི་ཕྱག་རྒྱ་ཅན་བསམ་མོ། །གུང་མོ་དང་སྲིན་ལག་དང་མཐེའུ་ཆུང་པདྨ་འདྲ་བར་བྱས་པ་འདི་དང་། ཨོཾ་དྷརྨ་བཛྲི་ཎི་ཧཱུྃ་
ཞེས་བྱ་བ་འདིས། ལྟག་པར་འོད་དཔག་ཏུ་མེད་པ་སྐུ་མདོག་དམར་པོ་ཏིང་ངེ་འཛིན་མཆོག་གི་ཕྱག་རྒྱ་ཅན་བསམ་མོ། །སོར་མོ་བརྐྱང་བ་འདི་དང་། ཨོཾ་ཀརྨ་བཛྲི་ཎི་ཧཱུྃ་ཨ་བྷི་ཥིཉྩ་མཱཾ་ཞེས་བྱ་བ་འདིས། རྣ་བ་གཡོན་པའི་སྟེང་དུ་དོན་ཡོད་གྲུབ་པ་སྐུ་མདོག་ལྗང་གུ་མི་འཇིགས་པ་སྦྱིན་པའི་ཕྱག་
རྒྱས་བཞུགས་པར་བསམ་པར་བྱའོ། །འདི་ཐམས་ཅད་ཀྱང་རྡོ་རྗེ་དབྱིངས་ཀྱི་དབང་ཕྱུག་མའི་ཕྱག་རྒྱ་ལས་བྱུང་བ་ཡིན་ནོ། །དེའི་རྗེས་ལ་ཨོཾ་ཊུཾ་ཞེས་བྱ་བ་དང་། རྡོ་རྗེ་ཁུ་ཚུར་གཉིས་ཀྱིས་སྙིང་གར་མདུད་པ་བཅིང་བའི་ཚུལ་གྱིས་གོ་བགོ་བར་བྱ་ཞིང་། དེ་བཞིན་དུ་མགྲིན་པ་དང་། ལྟག་
པ་དང་། སྙིང་ག་དང་། ནུ་མའི་བར་དང་། ཡང་སྙིང་ག་དང་། མགྲིན་པ་དང་། རྒྱབ་དང་དཔྲལ་བའི་སྟེང་དུ་མདུད་ལ། དར་དཔྱངས་བཅིང་བའི་ཚུལ་དུ་བྱས་ཏེ། སྒེག་པ་དང་བཅས་པས་ཐ་མ་ལ་སོགས་པ་ནས་བཀྲོལ་ཏེ། མཐར་མཉམ་པའི་ཐལ་མོ་དང་། བཛྲ་ཏུཥྱ་ཧོ་ཞེས་བྱ་བས་མཉེས་པར་
བྱའོ། །དེ་ནས། སངས་རྒྱས་རྣམས་ཀྱི་རྡོ་རྗེའི་དབང་། །དེ་རིང་ཁྱོད་ལ་བསྐུར་བར་བྱ། །སངས་རྒྱས་ཀུན་དུ་རབ་བསྒྲུབ་ཕྱིར། །རྡོ་རྗེ་འདི་ནི་ཁྱོད་ཀྱིས་ལོང་། །ཨོཾ་བཛྲ་ཨ་དྷི་པ་ཏི་ཏྭཾ་ཨ་བྷི་ཥིཉྩཱ་མི་ཏིཥྛ་བཛྲ་ས་མ་ཡ་སྟྭཾ་ཞེས་བྱ་བ་འདིས་རང་གི་རྡོ་རྗེའི་དབང་བསྐུར་བ་བླང་བར་བྱའོ། །རང་གི་རྡོ་
རྗེ་ཞེས་བྱ་བ་ནི་དེ་བཞིན་གཤེགས་པའི་རྡོ་རྗེ་ནི་སོར་བཅུ་གཉིས་པ་རྩེ་མོ་ལྔ་པ་གསེར་ལ་སོགས་པ་ལས་བྱས་པའོ། །རྡོ་རྗེ་འཆང་ཆེན་པོའི་རྡོ་རྗེ་ནི་ཚད་ངེས་པ་མེད་དེ། རྩེ་མོ་ལྔ་པ་ཅུང་ཟད་གྱེས་པ་འོད་ཟེར་དང་བཅས་པ། ཆ་གསུམ་པའི་ཆང་ཟུང་ཅན། པདྨ་རཱ་ག་ལ་སོགས་པ་ལས་བྱའོ། །
རྡོ་རྗེ་རྒྱལ་པོ་ལ་སོགས་པའི་ཡང་དེ་ཉིད་ཡིན་ནོ། །རྡོ་རྗེ་གནོད་སྦྱིན་དང་རྡོ་རྗེ་ཧཱུྃ་མཛད་ཀྱི་ནི་གནམ་ལྕགས་ཤིན་ཏུ་སྦྱངས་པ་ལས་བྱས་པ། སོར་བཅུ་གཉིས་པའི་ཚད་ལ་རྩེ་མོ་ལྔ་པོ་རྣོ་བ། རྡོ་རྗེ་དེ་ཡང་ཆང་ཟུང་ཆ་གསུམ་པ་དང་ལྡན་པ་ཡིན་ནོ། །རྡོ་རྗེ་མིང་གི་དབང་བསྐུར་བ་ཡང་། རྡོ་རྗེ་

62-1-9a

དེ་རང་གི་མགོ་བོར་གཞག་ལ། ཨོཾ་བཛྲ་སཏྭ་ཏྭཾ་ཨ་བྷི་ཥིཉྩཱ་མི་བཛྲ་ནཱ་མ་ཨ་བྷི་ཥེ་ཀ་ཏ། ཀྱེ་རྡོ་རྗེ་ཆེ་གེ་མོ་ཞེས་བྱ་བ་འདིས་བླང་བར་བྱ་སྟེ། རང་གི་མིང་གང་ཡིན་པ་དེ་ལ་ཀྱེ་ཞེས་བྱ་བ་དང་སྦྱར་བར་བྱའོ། །དེ་ནས། འདི་དེ་སངས་རྒྱས་ཐམས་ཅད་དེ་། །ཕྱག་ན་རྡོ་རྗེའི་
ལག་ན་འདུག །ཁྱོད་ཀྱིས་ཀྱང་ནི་རྟག་ཏུ་བཅིང་། །ཕྱག་ན་རྡོ་རྗེའི་བརྟུལ་ཞུགས་བརྟན། །ཨོཾ་སརྦ་ཏ་ཐཱ་ག་ཏ་སིདྡྷི་བཛྲ་ས་མ་ཡ་ཏིཥྛ། ཨེ་ཥ་ཏྭཾ། དྷ་ར་ཡཱ་མི་བཛྲ་སཏྭ་ཧི་ཧི་ཧི་ཧི་ཧཱུཾ་ཞེས་བྱ་བ་འདིས། རྡོ་རྗེའི་བརྟུལ་ཞུགས་བླང་བར་བྱའོ། །དེ་ལྟར་བདག་བྱིན་གྱིས་བརླབ་པ་ལ་
སོགས་པ་བྱས་ནས་བསྒྲུབ་པར་བྱའོ། །དེ་ལ་དང་པོར་རེ་ཞིག་རང་གི་སྙིང་གར་ཟླ་བའི་དཀྱིལ་འཁོར་དེ་གཅིག་ཏུ་གྱུར་པར་བསམ་མོ། །དེ་ནས་རང་གི་ལུས་ལ་ས་མ་ཡ་ཨ་ཞེས་ཟློས་ཤིང་། ལྷ་ཐམས་ཅད་ཀྱི་གནས་སུ་ཟླ་བའི་དཀྱིལ་འཁོར་བསྐྱེད་ལ། རང་གི་གནས་ན་
གནས་པའི་ཟླ་བའི་དཀྱིལ་འཁོར་གྱི་སྟེང་དུ་ཡང་རྡོ་རྗེ་སེམས་དཔའི་ཕྱག་རྒྱ་ཆེན་པོ་བཅིངས་ཏེ། སྔགས་དེ་ཉིད་ཀྱིས་མདུན་གྱི་ནམ་མཁའི་ཕྱོགས་སུ་ཟླ་བའི་དཀྱིལ་འཁོར་དེའི་སྟེང་དུ། བཛྲ་སཏྭ་ཨ་ཞེས་བྱ་བ་འདིས་རྡོ་རྗེའི་བདག་ཉིད་དུ་དབབ་པར་བྱས་ནས། བཛྲོ྅ཧཾ་ཞེས་བྱ་བ་འདིས་
དེའི་ང་རྒྱལ་ཡང་བསྒོམས་ལ། བཛྲ་སཏྭཱ་ཧཾ་ཞེས་བྱ་བས་དེ་ཉིད་རྡོ་རྗེ་སེམས་དཔའ་སྐུ་མདོག་དཀར་པོར་བསམ་མོ། །དེ་ལ་དེ་ཉིད་དུ་རྡོ་རྗེ་ལྕགས་ཀྱུ་ལ་སོགས་པས། དགུག་པ་དང་། གཞུག་པ་དང་། བཅིང་བ་དང་། དབང་དུ་བྱས་ལ། བཅོམ་ལྡན་འདས་རྡོ་རྗེ་སེམས་དཔའ་རང་གི་དམ་ཚིག་
གི་ཕྱག་རྒྱ་དང་། བཛྲ་སཏྭ་དྲྀ་ཤྱ་ཞེས་བྱ་བ་འདིས་བལྟ་བར་བྱའོ། །ཡང་དམ་ཚིག་གི་ཕྱག་རྒྱ་དེ་ཉིད་དང་། ཛཿཧཱུྃ་བཾ་ཧོཿཞེས་བརྗོད་པས། རང་གི་སྙིང་གའི་ཟླ་བར། དགུག་པ་དང་། གཞུག་པ་དང་། བཅིང་བ་དང་དབང་དུ་བྱའོ། །ས་མ་ཡ་སྟྭཾ་ཞེས་བརྗོད་པས། རྒྱབ་ཏུ་
ཟླ་བ་གྲུབ་ནས་ནི། །ས་མ་ཡ་སྟྭཾ་ཨ་ཧཾ་ཞེས་བརྗོད་པས། དེར་བདག་སེམས་དཔའི་ལུས་སུ་བསྒོམ། །བཛྲ་སཏྭ་ཞེས་བྱ་བའི་སྙིང་པོ་དང་། ཨོཾ་བཛྲ་སཏྭ་ཧཱུྃ་ཞེས་བྱ་བའི་སྔགས་ཀྱང་བརྗོད་པར་བྱའོ། །དེ་བཞིན་དུ་རྡོ་རྗེ་རྒྱལ་པོ་ལ་སོགས་པའི་ཕྱག་རྒྱ་ཆེན་པོ་བཅིངས་ལ། དེ་

62-1-9b

ཕྱག་རྒྱའི་གཟུགས་ཀྱིས་བདག་ཉིད་དུ་སྙིང་པོ་འདིས་དབབ་པར་བྱའོ། །བཛྲ་རཱ་ཛ་ཨ། བཛྲ་རཱ་ག་ཨ། བཛྲ་སཱ་དྷུ་ཨ། བཛྲ་རཏྣ་ཨ། བཛྲ་ཏེ་ཛ་ཨ། བཛྲ་ཀེ་ཏུ་ཨ། བཛྲ་ཧཱ་སྱ་ཨ། བཛྲ་དྷརྨ་ཨ། བཛྲ་ཏཱིཀྵྞ་ཨ། བཛྲ་ཧེ་ཏུ་ཨ། བཛྲ་བྷཱ་ཥ་ཨ། བཛྲ་ཀརྨ་ཨ། བཛྲ་རཀྵ་ཨ། བཛྲ་ཡཀྵ་
ཨ། བཛྲ་སནྡྷི་ཨ། བཛྲ་ལཱ་སྱ་ཨ། བཛྲ་མཱ་ལེ་ཨ། བཛྲ་གཱི་ཏི་ཨ། བཛྲ་ནཱིརྟི་ཨ། བཛྲ་དྷཱུ་པེ་ཨ། བཛྲ་པུཥྤེ་ཨ། བཛྲ་ཨཱ་ལོ་ཀེ་ཨ། བཛྲ་གནྡྷེ་ཨ། བཛྲ་ཨཾ་ཀུ་ཤ་ཨ། བཛྲ་པཱ་ཤ་ཨ། བཛྲ་སྥོ་ཊ་ཨ། བཛྲ་ཨཱ་བེ་ཤ་ཨ། དེ་ནས་དེ་རྣམས་ཀྱི་ཕྱག་རྒྱའི་ང་རྒྱལ་བསྒོམ་པར་བྱ་སྟེ། ཨཾ་ཀུ་ཤོ་ཧཾ། 
ཤ་རོ་ཧཾ། ཏུཥྚི་ར་ཧཾ། རཏྣ་མ་ཧཾ། བཛྲ་སསཱུརྱོ་ཧཾ། ཀེ་ཏུ་ར་ཧཾ། སྨི་ཏ་མ་ཧཾ། པདྨོ་ཧཾ། ཁཌ་གོ་ཧཾ། ཙཀྲ་མ་ཧཾ། ཛི་ཧྭཱ་ཧཾ། ཀརྨ་བཛྲོ་ཧཾ། བ་ར་མོ་ཧཾ། དཾཥྚོ་ཧཾ། མུཥྚི་ར་ཧཾ། བཛྲ་དྭ་ཡ་མ་ཧཾ། རཏྣ་མཱ་ལ་ཧཾ། བཱི་ན་ཧཾ། བཛྲ་ནྲི་ཏྱ་ཀ་ར་པ་ལླ་བོ་ཧཾ། དྷཱུ་པོ་ཧཾ། པུཤྤོ་ཧཾ། དཱི་པོ་ཧཾ། གྷནྡྷོ་ཧཾ། ཨཾ་ཀུ་ཤོ་
ཧཾ། པཱ་ཤོ་ཧཾ། སྥོ་ཊོ་ཧཾ། གྷཎྚོ་ཧཾ། ཕྱག་རྒྱའི་གཟུངས་དེ་ཡང་རང་རང་གི་ལྷའི་སྐུར་བསྒོམ་པར་བྱ་སྟེ། བཛྲ་རཱ་ཛོ་ཧཾ། བཛྲ་རཱ་གོ་ཧཾ། བཛྲ་སཱ་དྷུ་ར་ཧཾ། བཛྲ་གརྦྷོ་ཧཾ། བཛྲ་པྲ་བྷོ་ཧཾ། བཛྲ་ཡཥྚི་ར་ཧཾ། བཛྲ་པྲཱི་ཏི་ར་ཧཾ། བཛྲ་ཎེ་ཏྲོ་ཧཾ། བཛྲ་བུདྡྷི་ར་ཧཾ། བཛྲ་མཎྜོ་ཧཾ། བཛྲ་བཱ་ཙོ་ཧཾ། བཛྲ་
བི་ཤྭ་ཧཾ། བཛྲ་བཱི་རྱོ་ཧཾ། བཛྲ་ཙཎྜོ་ཧཾ། བཛྲ་མུཥྚི་ར་ཧཾ། བཛྲ་ལཱ་སྱེ་ཧཾ། བཛྲ་མཱ་ལེ་ཧཾ། བཛྲ་གཱི་ཏི་ཧཾ། བཛྲ་ནཱིརྟི་ཧཾ། བཛྲ་དྷཱུ་པོ་ཧཾ། བཛྲ་པུཤྤོ་ཧཾ། བཛྲ་དཱི་པོ་ཧཾ། བཛྲ་གནྡྷོ་ཧཾ། བཛྲ་ཨཾ་ཀུ་ཤོ་ཧཾ། བཛྲ་པཱ་ཤཱོ་ཧཾ། བཛྲ་སྥོ་ཊོ་ཧཾ། བཛྲ་གྷཎྜོ་ཧཾ། དེ་ནས་རྡོ་རྗེ་ལྕགས་ཀྱུ་ལ་སོགས་པའི་ལས་
ཀྱི་ཕྱག་རྒྱ་དང་། སྙིང་པོ་འདི་རྣམས་ཀྱིས་འདི་ཉིད་དུ་དགུག་པ་དང་། གཞུག་པ་དང་། བཅིང་བ་དང་དབང་དུ་བྱ་བའོ། །བཛྲ་ཨཾ་ཀུ་ཤ་ཛཿ བཛྲ་པཱ་ཤ་ཧཱུཾ། བཛྲ་སྥོ་ཊ་བཾ། བཛྲ་གཎྜེ་ཨ། དེ་ནས་རང་རང་གི་དམ་ཚིག་གི་ཕྱག་རྒྱ་བཅིངས་ལ། སྙིང་པོ་འདི་རྣམས་ཀྱིས་བལྟ་བར་བྱ་
སྟེ། བཛྲ་རཱ་ཛེ་དྲྀ་ཤྱ། བཛྲ་རཱ་ག་དྲྀ་ཤྱ། བཛྲ་སཏྭ་དྲྀ་ཤྱ། བཛྲ་རཏྣ་དྲྀ་ཤྱ། བཛྲ་ཏེ་ཛ་དྲྀ་ཤྱ། བཛྲ་ཀེ་ཏུ་དྲྀ་ཤྱ། བཛྲ་ཧཱ་ས་དྲྀ་ཤྱ། བཛྲ་དྷརྨ་དྲྀ་ཤྱ། བཛྲ་ཏཱིཀྵྞ་དྲྀ་ཤྱ། བཛྲ་ཧེ་ཏུ་དྲྀ་ཤྱ། བཛྲ་བྷཱ་ཥ་དྲྀ་ཤྱ། བཛྲ་ཀརྨ་དྲྀ་ཤྱ། བཛྲ་རཀྵ་དྲྀ་ཤྱ། བཛྲ་ཡཀྵ་དྲྀ་ཤྱ། བཛྲ་སནྡྷི་དྲྀ་ཤྱ། 

62-1-10a

བཛྲ་ལཱ་སེ་དྲྀ་ཤྱ། བཛྲ་མཱ་ལེ་དྲྀ་ཤྱ། བཛྲ་གཱི་ཏི་དྲྀ་ཤྱ། བཛྲ་པྀ་ཏི་དྲྀ་ཤྱ། བཛྲ་དྷཱུ་པེ་དྲྀ་ཤྱ། བཛྲ་པུཥྤེ་དྲྀ་ཤྱ། བཛྲ་ཨཱ་ལོ་ཀེ་དྲྀ་ཤྱ། བཛྲ་གནྡྷེ་དྲྀ་ཤྱ། བཛྲ་ཨཾ་ཀུ་ཤ་དྲྀ་ཤྱ། བཛྲ་པཱ་ཤ་དྲྀ་ཤྱ། བཛྲ་སྥོ་ཊ་དྲྀ་ཤྱ། བཛྲ་ཨཱ་བེ་ཤ་དྲྀ་ཤྱ། དེ་ནས་རང་གི་དམ་ཚིག་གི་ཕྱག་
རྒྱ་དེ་རྣམས་ཉིད་དང་། ཛཿཧཱུཾ་བཾ་ཧོཿ། ཞེས་བརྗོད་ལ། གནས་ཇི་ལྟ་བར་དགུག་པ་དང་། གཞུག་པ་དང་། བཅིང་བ་དང་། དབང་དུ་བྱ་བའོ། །ས་མ་ཡ་སྟྭཾ་ཞེས་བརྗོད་པས། རྒྱབ་ཏུ་ཟླ་བ་གྲུབ་ནས་ནི། །ས་མ་ཡ་སྟྭཾ་ཨ་ཧཾ་ཞེས་བརྗོད་དོ། །དེར་བདག་སེམས་དཔའི་ལུས་སུ་བསྒོམ། །
དེ་ལ་སྙིང་གའི་གཡས་སུ་ནི་རྡོ་རྗེ་རྒྱལ་པོ་གསེར་གྱི་མདོག་ཅན། གཡོན་ཕྱོགས་སུ་ནི་ཆགས་པ་སྐུ་མདོག་དམར་པོ། སྙིང་གའི་རྒྱབ་ཏུ་ནི་ལེགས་པ་སྐུ་མདོག་ལྗང་གུ། དཔྲལ་བར་ནི་རིན་ཆེན་སྐུ་མདོག་སེར་པོ། མགོ་བོའི་རྒྱབ་ཏུ་རྡོ་རྗེ་གཟི་བརྗིད་ཉི་མའི་མདོག་ཅན། ཕྲག་པ་གཉིས་སུ་
ནི་རྡོ་རྗེ་དཔལ་ནམ་མཁའི་མདོག་ཅན། སོའི་ཕྲེང་བ་གཉིས་སུ་ནི་བཞད་པ་དུང་དང་པདྨའི་རྩ་བ་ལྟར་དཀར་བ། ལྐོག་མར་ནི་ཆོས་དཀར་དམར། ནུ་མ་གཉིས་ཀྱི་བར་དུ་ནི་རྣོན་པོ་ནམ་མཁའ་ལྟར་སྔོ་བསངས། ལྟེ་བར་ནི་རྡོ་རྗེ་རྒྱུ་གསེར་གྱི་མདོག་ཅན། ལྕེ་ལ་ནི་སྨྲ་བ་ཟངས་ཀྱི་མདོག་ཅན། 
སྤྱི་བོར་ནི་རྡོ་རྗེ་ལས་སྣ་ཚོགས་པའི་མདོག་ཅན། ནམ་ཚོང་དུ་རྡོ་རྗེ་སྲུང་བ་གསེར་གྱི་མདོག་ཅན། ཁར་ནི་རྡོ་རྗེ་གནོད་སྦྱིན་ནག་པོ། དཀུ་གཉིས་སུ་ནི་ཁུ་ཚུར་སེར་པོ། རྡོ་རྗེ་སེམས་དཔའི་གཡོན་ཕྱོགས་སུ་ནི་སྒེག་མོ་དཀར་བ། རྡོ་རྗེ་རིན་ཆེན་གྱི་གཡོན་ཕྱོགས་སུ་ནི་ཕྲེང་བ་མ་སེར་པོ། རྡོ་རྗེ་ཆོས་
ཀྱི་གཡོན་ཕྱོགས་སུ་ནི་གླུ་མཁན་མ་དཀར་དམར། རྡོ་རྗེ་སྣ་ཚོགས་ཀྱི་གཡོན་ལོགས་སུ་ནི་གར་མཁན་མ་ལྗང་གུ། སྒྲུབ་པ་པོའི་གསང་བའི་གནས་ཀྱི་ཕྱོགས་སུ་ནི་བདུག་པ་མ་སྐུ་མདོག་དཀར་མོ། །མགོ་བོར་ནི་མེ་ཏོག་མ་སེར་མོ། །མིག་གཉིས་སུ་ནི་མར་མེ་མ་དམར་སྐྱ། ནུ་མ་དང་བྲང་དང་སྙིང་གར་ནི་བྱུག་པ་མ་
ལྗང་གུ། ལག་པ་གཡས་སུ་ནི་ལྕགས་ཀྱུ་མ་དཀར་པོ། ལག་པ་གཡོན་པར་ནི་ཞགས་པ་མ་སེར་པོ། བྱིན་པ་གཡས་པར་ནི་ལྕགས་སྒྲོག་མ་དམར་སྐྱ། བྱིན་པ་གཡོན་པར་ནི་དྲིལ་བུ་མ་ལྗང་གུའོ། །དེ་ནས་འདི་རྣམས་ཀྱི་སྙིང་པོ་དང་སྔགས་ནི་འདི་ཡིན་ཏེ། བཛྲ་

62-1-10b

རཱ་ཛ། ཨོཾ་བཛྲ་རཱ་ཛ་ཛ། བཛྲ་རཱ་ག །ཨོཾ་བཛྲ་རཱ་ག་ཧོ། བཛྲ་སཱ་དྷཱ། ཨོཾ་བཛྲ་སཱ་དྷུ་ས། བཛྲ་རཏྣ། ཨོཾ་བཛྲ་རཏྣ་ཨོཾ། བཛྲ་ཏེ་ཛ། ཨོཾ་བཛྲ་ཏེ་ཛ་ཨ། བཛྲ་ཀེ་ཏུ་ཨོཾ་བཛྲ་ཀེ་ཏུ་ཏྲཾ། བཛྲ་ཧཱ་སྱ། ཨོཾ་བཛྲ་ཧཱ་སྱ་ཧ། བཛྲ་དྷརྨ། ཨོཾ་བཛྲ་དྷརྨ་ཧྲིཿ། བཛྲ་ཏཱིཀྵྞ། ཨོཾ་བཛྲ་ཏཱིཀྵྞ་དྷཾ། བཛྲ་
ཧེ་ཏུ། ཨོཾ་བཛྲ་ཧེ་ཏུ་མཾ། བཛྲ་བྷཱ་ཥ། ཨོཾ་བཛྲ་བྷཱ་ཥ་རཾ། བཛྲ་ཀརྨ། ཨོཾ་བཛྲ་ཀརྨ་ཀཾ། བཛྲ་རཀྵ། ཨོཾ་བཛྲ་རཀྵ་ཧཾ། བཛྲ་ཡཀྵ། ཨོཾ་བཛྲ་ཡཀྵ་ཧཱུཾ། བཛྲ་སནྡྷི། ཨོཾ་བཛྲ་སནྡྷི་བཾ། བཛྲ་ལཱ་སྱེ། ཨོཾ་བཛྲ་ལཱ་སྱེ་ཧཱུཾ། བཛྲ་མཱ་ལེ། ཨོཾ་བཛྲ་མཱ་ལེ་ཏྲཱཾ། བཛྲ་གཱི་ཏི། ཨོཾ་བཛྲ་གཱི་ཏི་
ཧྲཱིཿ། བཛྲ་ནྲི་ཏི། ཨོཾ་བཛྲ་ནཱིརྟི་ཨ། བཛྲ་དྷཱུ་པེ། ཨོཾ་བཛྲ་དྷཱུ་པེ་ཧཱུཾ། བཛྲ་པུཥྤེ། ཨོཾ་བཛྲ་པུཥྤེ་ཏྲཱཾ། བཛྲ་ཨཱ་ལོ་ཀེ། ཨོཾ་བཛྲ་ཨཱ་ལོ་ཀེ་ཧྲཱིཿ། བཛྲ་གནྡྷེ། ཨོཾ་བཛྲ་གནྡྷེ་ཨཱ། བཛྲ་ཨཾ་ཀུ་ཤ ཨོཾ་བཛྲ་ཨཾ་ཀུ་ཤ་ཛཿ། བཛྲ་པཱ་ཤ ཨོཾ་བཛྲ་པཱ་ཤ་ཧཱུཾ། བཛྲ་སྥོ་ཊ། ཨོཾ་བཛྲ་སྥོ་ཊ་བཾ། 
བཛྲ་ཨཱ་བེ་ཤ ཨོཾ་བཛྲ་ཨཱ་བེ་ཤ་ཨ། དེ་ནས་རང་གི་ལུས་དང་རྡོ་རྗེ་སེམས་དཔའ་ལ་སོགས་པའི་སྐུ་ལ། རྡོ་རྗེ་བསྡུ་བའི་ཕྱག་རྒྱ་བཅིངས་ཏེ། ཛཿཧཱུྃ་བཾ་ཧོཿ། ཞེས་བརྗོད་དེ། ཡིད་ཀྱིས་ལེགས་པར་སྦྱོར་བ་ཡིས། །སངས་རྒྱས་ཐམས་ཅད་གཞུག་པར་བྱ། །དེ་ནས་སྦྱོར་བ་འདིས་
དེ་རྣམས་རང་གི་དམ་ཚིག་དང་། ཆོས་དང་། ལས་དང་། ཕྱག་རྒྱ་ཆེན་པོས་རྒྱས་གདབ་པར་བྱའོ། །རྡོ་རྗེ་དབྱིངས་ཀྱི་དམ་ཚིག་གི་ཕྱག་རྒྱ་བཅིངས་ལ། བཛྲ་དྷཱ་ཏུ་དྲྀ་ཤྱ། ཛཿཧཱུཾ་བཾ་ཧོཿ། ས་མ་ཡ་སྟྭཾ། ས་མ་ཡ་སྟྭཾ། ཨ་ཧཾ་ཞེས་བརྗོད་དོ། །དེ་ནས་བཛྲ་དྷཱ་ཏུ་ཞེས་ལན་གསུམ་བརྗོད་ལ། ཨོཾ་སརྦ་ཏ་ཐཱ་ 
ག་ཏ་མ་ཧཱ་ཡོ་གཱི་ཤྭ་ར་ཧཱུཾ་ཞེས་བྱ་བ་བཅོམ་ལྡན་འདས་རྣམ་པར་སྣང་མཛད་ཀྱི་སྔགས་ལན་གསུམ་དུ་བརྗོད་པར་བྱའོ། །དེ་བཞིན་དུ་མི་བསྐྱོད་པ་དང་། རིན་ཆེན་འབྱུང་ལྡན་དང་། འོད་དཔག་ཏུ་མེད་པ་དང་། དོན་ཡོད་གྲུབ་པའི་ཕྱག་རྒྱ་བཅིངས་ལ། འདི་སྐད་བརྗོད་དེ། བཛྲ་དྷཱ་ཏུ་དྲྀ་
ཤྱ་ཛཿཧཱུཾ་བཾ་ཧོཿ། ས་མ་ཡ་སྟྭཾ། ས་མ་ཡ་སྟྭཾ། ཨ་ཧཾ་ཞེས་བྱ་བ་དང་། བཛྲ་དྷཱ་ཏུ་ཞེས་བྱ་བའི་སྤྱིའི་སྙིང་པོ་ལན་གསུམ་གསུམ་བརྗོད་པར་བྱ་ཞིང་། ཨོཾ་བཛྲ་སཏྭ་ཧཱུཾ་ཞེས་བྱ་བ་མི་བསྐྱོད་པའི་སྙིང་པོ་དང་། ཨོཾ་བཛྲ་རཏྣ་ཏྲཱཾ་ཞེས་བྱ་བ་རིན་ཆེན་འབྱུང་ལྡན་གྱི་སྙིང་པོ་དང་། ཨོཾ་བཛྲ་

62-1-11a

དྷརྨ་ཧྲཱིཿཞེས་བྱ་བ་འོད་དཔག་ཏུ་མེད་པའི་སྙིང་པོ་དང་། ཨོཾ་བཛྲ་ཀརྨ་ཀཾ་ཞེས་བྱ་བ་དོན་ཡོད་གྲུབ་པའི་སྙིང་པོ་ཡང་ལན་གསུམ་བརྗོད་པར་བྱའོ། །དེ་ནས་ཆོས་དང་ལས་དང་ཕྱག་རྒྱ་ཆེན་པོ་ལ་སྦྱར་བར་བྱའོ། །དེའི་རྗེས་ལ་སཏྭ་བཛྲི་ཨ་དྷི་ཏིཥྛ་སྭ་མཱཾ། 
ཞེས་བྱ་བས་སྙིང་ག་དང་། མཛོད་སྤུ་དང་། ལྐོག་མ་དང་། སྤྱི་བོ་བྱིན་གྱིས་བརླབས་ལ། རྡོ་རྗེ་སེམས་དཔའ་ལ་སོགས་པའི་ཐུགས་ཀའི་ཟླ་བ་ལ། རྡོ་རྗེ་རྩེ་ལྔ་པའི་གཟུགས་སུ་བསམ་པར་བྱའོ། །རཏྣ་བཛྲི་ཨ་དྷི་ཏིཥྛ་སྭ་མཱཾ་ཞེས་བྱ་བས། རྡོ་རྗེ་རིན་ཆེན་མ་ནི་དབང་བསྐུར་བའི་གནས་སུ་
རིན་པོ་ཆེའི་རྣམ་པར་རོ། །དྷརྨ་བཛྲ་ཨ་དྷི་ཏིཥྛ་སྭ་མཱཾ་ཞེས་བྱ་བས་རྡོ་རྗེ་ཆོས་མ་ལྐོག་མའི་ཕྱོགས་སུ་རྡོ་རྗེ་པདྨའོ། །ཀརྨ་བཛྲི་ཨ་དྷི་ཏིཥྛ་སྭ་མཱཾ་ཞེས་བྱ་བས་རྡོ་རྗེ་ལས་མ་སྤྱི་བོར་སྣ་ཚོགས་རྡོ་རྗེའི་ཕྱག་རྒྱ་དང་ལྡན་པར་བསྐྱེད་པར་བྱའོ། །དེ་བཞིན་གཤེགས་པའི་ཟློས་པ་པོས་ནི། མངོན་པར་བྱང་ཆུབ་
པ་ལྔའི་རིམ་པས་དེ་བཞིན་གཤེགས་པའི་ཕྱག་རྒྱ་ཆེན་པོ་བསྐྱེད་ནས། ཆོ་ག་ཐམས་ཅད་རྗེས་སུ་སྤྱད་པར་བྱའོ། །དེ་ནས་རྡོ་རྗེ་དབྱིངས་ཀྱི་དབང་ཕྱུག་མའི་ཕྱག་རྒྱ་བཅིངས་ལ། སྙིང་ག་དང་། མཛོད་སྤུ་དང་། ལྐོག་མ་དང་། སྤྱི་བོར་བྱིན་གྱིས་བརླབ་བོ། །དེ་ནས་དམ་ཚིག་གི་ཕྱག་རྒྱ་
རྣམས་འབྱུང་སྟེ། དམ་ཚིག་ཕྱག་རྒྱ་ཐམས་ཅད་ནི། །རྡོ་རྗེ་བསྡམས་ལས་བྱུང་བས་ན། །དེ་དག་བསྡམས་པ་རྡོ་རྗེ་ཡི། །བསྡམས་པ་བླ་མེད་བཤད་པར་བྱ། །རྡོ་རྗེ་བསྡམས་པ་དམ་བྱས་ལ། །གུང་མོ་མྱུ་གུ་ལྟར་བསྙམས་བསྒྲེང་། །གུང་མོ་ནང་དུ་གཞིབས་པ་ནི། །སངས་རྒྱས་
གཉིས་པ་ཡིན་པར་བཤད། །གུང་མོ་རིན་ཆེན་འདྲ་བ་དང་། །གུང་མོ་པདྨོ་འདྲ་བར་དགུག །སངས་རྒྱས་ལྔ་པའི་ཕྱག་རྒྱ་ནི། །དེ་བཞིན་མཛུབ་མོ་བཀུག་པའོ། །དེ་ནས་དེ་བཞིན་གཤེགས་པ་ཡི། །རིགས་ཀྱི་དམ་ཚིག་འཛིན་པ་ཡིས། །ཕྱག་རྒྱ་བསྡམས་དང་དངོས་གྲུབ་དང་། །
ལས་རྣམས་ཡང་དག་བཤད་པར་བྱ། །ཟླ་བ་ལྟ་བུའི་ལག་གཉིས་ཀྱིས། །གུང་མོ་བཏང་བར་གྱུར་པ་ཡི། །མཐེ་བོང་མཐེའུ་ཆུང་སོ་སོར་བསྒྲེང་། །སེམས་དཔའི་རྡོ་རྗེ་བསྒྲེང་རྡོ་རྗེ། །མཛུབ་མོ་ལྕགས་ཀྱུ་མཛུབ་མོ་སྦྱར། །ལེགས་སོ་སྦྱིན་པ་འདྲ་བ་ནི། །རྡོ་རྗེ་སེམས་དཔའ་

62-1-11b

བཞི་པོ་ཡི། །ཕྱག་རྒྱ་མང་པོའི་དངོས་གྲུབ་འདི། །མཐེ་བོང་གཞིབས་ཏེ་མཛུབ་གཉིས་བཅག །རྩེ་སྤྲད་རྡོ་རྗེ་རིན་ཆེན་ཡིན། །དེ་ཉིད་གུང་མོ་སྲིན་ལག་དང་། །མཐེའུ་ཆུང་རྣམས་ནི་བསྣོལ་བརྐྱང་པའོ། །དེ་ལས་སྲིན་ལག་མཐེའུ་ཆུང་གཉིས། །མཉམ་པར་གཞིབས་པ་རྒྱལ་མཚན་ནོ། །
དེ་ཉིད་ལས་ནི་བསྐོར་ནས་ཀྱང་། །ཁ་ཡི་ཕྱོགས་སུ་གཞག་པའོ། །མཐེ་བོང་གཉིས་ཀ་མཉམ་པར་གཞིབས། །མཛུབ་མོ་གཉིས་ཀ་བཀུག་པ་དང་། །གུང་མོ་བསྒྲེང་བའི་རྩེ་མོ་དགུག །དེ་ཉིད་རྡོ་རྗེ་རལ་གྲིའོ། །དེ་ནས་སྲིན་ལག་མཐེའུ་ཆུང་གཞིབས། །འཁོར་ལོ་ཡིན་པར་
བཤད་པ་ཡིན། །བསྡམས་པ་མཐེ་བོང་གཉིས་བཀྲོལ་བ། །བཀན་ཏེ་ཁ་ཕྱོགས་བཞག་པའོ། །མཐེ་བོང་མཐེའུ་ཆུང་རྩེ་སྤྲད་བསྐྱེད། །ལས་ཀྱི་རྡོ་རྗེ་ཡིན་པར་བཤད། །དེ་ལས་མཛུབ་མོ་གཉིས་གཞིབས་ལ། །སྙིང་གར་བཀན་ཏེ་བཞག་པའོ། །མཛུབ་མོ་རྩེ་མོ་གཉིས་བཀུག་
ལ། །མཐེའུ་ཆུང་བརྐྱང་བ་མཆེ་བའོ། །མཐེའུ་གཉིས་པར་མཐེ་བོང་གཉིས། །མཛུབ་མོ་གཉིས་ཀྱིས་བཙིར་བའོ། །སྙིང་གར་མཐེ་བོང་མཉམ་ལ་བཞག །རབ་ཏུ་བརྐྱང་བ་ཕྲེང་བའོ། །ཐལ་མོ་སྦྱར་རྩེ་ཁ་ནས་དབྱུང་། །གར་ལ་ཐལ་སྦྱར་སྤྱི་བོར་གཞག །རྡོ་རྗེ་བཅིངས་པ་ཐུར་
དུ་བླུགས། །ཐལ་མོ་སྦྱར་བ་གྱེན་དུ་གཏོར། །མཐེ་བོང་མཉམ་སྟེ་རབ་ཏུ་བསྡམས། །རབ་ཏུ་བརྐྱང་ནས་བྱུག་པའོ། །མཛུབ་མོ་གཅིག་པོ་བཀུག་པ་དང་། །མཐེ་བོང་གཉིས་ནི་མདུད་པ་བོར། །མཐེ་བོང་མཛུབ་མོ་གདུ་བུར་བཅིངས། །རྡོ་རྗེ་བཅིང་བ་མཛུབ་མོར་བསྡམས། །
ཞེས་བྱ་བ་ཡིན་ཏེ། སེམས་དཔའ་རྣམས་ཀྱི་དམ་ཚིག་གི་ཕྱག་རྒྱ་ལ་ཡང་། རང་གི་སྙིང་གར་ཡི་གེ་ཧཱུཾ་ལས་རྡོ་རྗེ་རྩེ་ལྔ་པ་བསྐྱེད་ལ་སྦྱར་བར་བྱའོ། །དེ་ནས་དེ་བཞིན་གཤེགས་པ་ལ་སོགས་པའི་ལྗགས་ལ། ཆོས་ཀྱི་ཕྱག་རྒྱ་དགོད་པར་བྱ་སྟེ། བཛྲ་ཛྙཱ་ན་ཞེས་བྱ་བ་ནི་སངས་རྒྱས་
རྣམས་ཀྱི་ཡིན་ནོ། །ས་མ་ཡ་སྟྭཾ། ཨཱ་ན་ཡ་སྭ། ཨ་ཧོ་སུ་ཁ། སཱ་དྷུ་སཱ་དྷུ། སུ་མ་ཧཱད་ཏྲཾ། རཱུ་པོ་དྱོ་ཏ། ཨརྠ་པྲ་པ་ཏི། ཧ་ཧ་ཧཱུཾ་ཧེ། སརྦ་ཀཱ་རི། དུཿཁ་ཙྪེ་ད། བུདྡྷ་བོ་དྷི། པྲ་ཏི་ཤཔྡ། སུ་བ་ཤི་སྟྭཾ། ནིར་བྷ་ཡ་སྟྭཾ། ཤ་ཏྲུཾ་བཀྵ། སརྦ་སིདྡྷི། མ་ཧཱ་ར་ཏི། རུ་པ་ཤོ་བྷེ། ཤྲོ་ཏྲ་སཽ། 

62-1-12a

ཁྱེ། སརྦ་པཱུ་ཛེ། པྲ་ཧཱ་ད་ནི་ཕ་ལ་གཱ་མི། སུ་ཏེ་ཛཱ་གྲི། སུ་གན་དྷཱཾ་གི། ཨ་ཡ་ཧི་ཛཿ། ཨ་ཡ་ཧི་ཧཱུྃ་ཧཱུྃ། ཧེ་སྥོ་ཊ་བཾ། གྷཎྚ་ཨ་ཨ། ཞེས་བྱ་བ་ཐམས་ཅད་ནི། ཆོས་ཀྱི་ཕྱག་རྒྱ་ཡིན་ཏེ། སྔ་མ་བཞིན་དུ་ལྕེ་ལ་རྡོ་རྗེ་བསམས་ལ་སྦྱར་བར་བྱའོ། །དེ་ནས་ལས་
ཀྱི་ཕྱག་རྒྱ་བཅིང་བ་འབྱུང་སྟེ། རྡོ་རྗེ་ཁུ་ཚུར་དམ་བཅིངས་ཏེ། མཉམ་པར་གཞག་པ་གཉིས་སུ་བྱ། །རྡོ་རྗེ་ཕྱག་རྒྱ་གཉིས་བཅིངས་ཏེ། །དེ་ནས་བཅིངས་པ་རབ་ཏུ་བཤད། །གཡོན་པ་རྡོ་རྗེ་མཛུབ་མོ་ནི། །གཡས་པའི་ནང་དུ་བསྒྲེང་བར་བྱ། །བྱང་ཆུབ་མཆོག་གི་ཕྱག་རྒྱ་ཆེ། །
སངས་རྒྱས་བྱང་ཆུབ་སྦྱིན་བྱེད་པའོ། །མི་གཡོ་བ་ཡི་ས་རེག་པ། །རིན་ཆེན་གྱི་ནི་མཆོག་སྦྱིན་པའོ། །ཚེ་དཔག་མེད་པའི་ཏིང་འཛིན་མཆོག །གདོན་མི་ཟ་བའི་མི་འཇིགས་སྦྱིན། །དེ་ནས་ལས་ཀྱི་ཕྱག་རྒྱ་རྣམས། །མདོར་བསྡུས་རབ་ཏུ་བཤད་པར་བྱ། །རྡོ་རྗེ་སེམས་
སོགས་སེམས་དཔའ་རྣམས། །རྡོ་རྗེ་ལས་རྣམས་བྱེད་པ་སྟེ། །བསྒྱིངས་བཅས་བསོར་བ་གཉིས་ཀ་ཡིས། །ལྕགས་ཀྱུ་འཛིན་ལྟར་གནས་པ་དང་། །མདའ་འཕངས་པ་ཡི་ཚུལ་དང་ནི། །ལེགས་སོ་ཞེས་པ་སྙིང་གར་གཞག །དབང་བསྐུར་བ་ནི་རྡོ་རྗེ་གཉིས། །
སྙིང་གར་ཉི་མ་བརྟན་པར་བྱ། །གཡོན་པ་ལ་ནི་གྲུ་མོ་གཟུགས །དེ་བཞིན་ཁ་ཕྱོགས་བསྐོར་བར་བྱ། །གཡས་པ་ཡིས་ནི་གཡོན་པར་དབྱེ། །སྙིང་གར་གཡོན་པ་རལ་གྲི་མདུང་། །མགལ་མེ་འཁོར་ལོ་བསྐོར་བ་དང་། །རྡོ་རྗེ་སྙིང་ག་ཁ་ནས་དབྱུང་། །རྡོ་རྗེ་གར་བསྐོར་
བཀྲོལ་བ་ཡིས། །ཐལ་མོ་འགྲམ་པ་སྤྱི་བོར་གཞག །གོ་ཆ་མཐེའུ་ཆུང་ཕྱེ་བ་དང་། །ཁུ་ཚུར་གཉིས་ནི་མནན་པའོ། །རྡོ་རྗེ་བསྒྱིངས་པའི་ཚུལ་གྱིས་སུ། །བསམ་པ་གཡོས་པས་འདུད་པར་བྱ། །ཕྲེང་བ་བཅིངས་དང་ཁ་ནས་དབྱུང་། །རྡོ་རྗེ་གར་ནི་བསྐོར་བ་
ཡིས། །རྡོ་རྗེ་ཁུ་ཚུར་གཉིས་ཀྱིས་ནི། །གདུག་པ་ལ་སོགས་དེ་བཞིན་སྦྱིན། །སངས་རྒྱས་ཀུན་ལ་མཆོད་པ་ཡི། །ཕྱག་རྒྱའི་མཆོད་པ་བྱེད་པའོ། །མཛུབ་མོ་ལྕགས་ཀྱུ་བཅིངས་པ་ནི། །མཐེའུ་ཆུང་ལས་ཏེ་ལྕགས་ཀྱུ་ཆེ། །མཁྲིག་མ་མདུད་ལ་མཛུབ་གཉིས་མདུད། །རྒྱབ་

62-1-12b

གཉིས་ཀྱང་ནི་བསྙམས་ཏེ་མནན། །དེ་ནས་ཕྱག་རྒྱ་ཆེན་པོ་བཅིང་བ་འབྱུང་སྟེ། ཇི་སྐད་དུ་བཤད་པའི་བྱང་ཆུབ་མཆོག་ནི། རྣམ་པར་སྣང་མཛད་ཀྱིའོ། །ཏིང་ངེ་འཛིན་ཕྱོགས་བཅིངས་ལ། ལག་པ་གཡས་པ་ས་ལ་རེག་པའི་ཚུལ་དུ་བྱས་པ་ནི། མི་བསྐྱོད་པའིའོ། །
དེ་ཉིད་ཀྱི་ལག་པ་གཡས་པ་མཆོག་སྦྱིན་པའི་ཚུལ་དུ་བྱ་བ་ནི། རིན་ཆེན་འབྱུང་ལྡན་གྱིའོ། །ཏིང་ངེ་འཛིན་མཆོག་གི་ཕྱག་རྒྱ་ནི། འོད་དཔག་ཏུ་མེད་པའིའོ། །དེ་ཉིད་ལས་ལག་པ་གཡས་མི་འཇིགས་པ་སྦྱིན་པའི་ཚུལ་དུ་བཞག་པ་ནི། དོན་ཡོད་པར་གྲུབ་པའིའོ། །གཡོན་
པའི་རྡོ་རྗེ་ཁུ་ཚུར་གྱིས་དྲིལ་བུ་དང་བཅས་པ་བསྙེན་པའི་ཚུལ་དུ་དཀུར་བརྟེན་ལ། ལག་པ་གཡས་པས་རྡོ་རྗེ་བསོར་ཏེ། རང་གི་སྙིང་གར་བསྟོད་པའི་ཚུལ་དུ་འཛིན་པ་ནི། རྡོ་རྗེ་སེམས་དཔའི་འོ། །རྡོ་རྗེ་ལྕགས་ཀྱུའི་དེ་བཞིན་གཤེགས་པ་ཐམས་ཅད་དགུག་པའི་ཚུལ་དུ་གནས་པ་
ནི་རྡོ་རྗེ་རྒྱལ་པོའིའོ། །རྡོ་རྗེ་མདས་དེ་བཞིན་གཤེགས་པ་ཐམས་ཅད་འབིགས་པའི་ཚུལ་དུ་བྱེད་པ་ནི། རྡོ་རྗེ་ཆགས་པའིའོ། །རྡོ་རྗེ་ཁུ་ཚུར་དང་བཅས་པའི་ལག་པ་གཉིས་ལེགས་སོ་ཞེས་པའི་ཚུལ་གྱིས་དེ་བཞིན་གཤེགས་པ་ཐམས་ཅད་མཉེས་པར་བྱེད་པ་ནི། རྡོ་རྗེ་ལེགས་པའིའོ། །
གཡས་པའི་རྡོ་རྗེ་ཁུ་ཚུར་གྱིས་རིན་པོ་ཆེ་རང་གི་དབང་བསྐུར་བའི་གནས་སུ་འཇོག་ཅིང་། གཡོན་པའི་དྲིལ་བུ་དང་བཅས་པ་དཀུར་བརྟེན་པ་ནི་རྡོ་རྗེ་སྙིང་པོའིའོ། །རྡོ་རྗེ་ཉི་མའི་དཀྱིལ་འཁོར་གྱི་འོད་ཀྱིས་དེ་བཞིན་གཤེགས་པ་ཐམས་ཅད་སྣང་བར་བྱེད་པ་ནི། རྡོ་རྗེ་ཉི་མའིའོ། །
ཡིད་བཞིན་གྱི་ནོར་བུ་རྒྱལ་མཚན་གྱིས་སྦྱིན་པའི་ཕ་རོལ་ཏུ་ཕྱིན་པ་ལ་ངེས་པར་སྦྱོར་བར་བྱེད་པ་ནི་རྡོ་རྗེ་རྒྱལ་མཚན་གྱིའོ། །རྡོ་རྗེ་འཛུམ་པས་རབ་ཏུ་དགའ་བར་བྱེད་པ་ནི། རྡོ་རྗེ་བཞད་པའིའོ། །གཡོན་པ་བསྙེམས་པ་དང་བཅས་པས་པདྨའི་སྡོང་བུ་འཛིན་ཅིང་། ཕྱག་གཡས་པས་རང་
གི་སྙིང་གར་པདྨ་འབྱེད་པ་ནི་རྡོ་རྗེ་ཅན་གྱིའོ། །གཡོན་པའི་རྡོ་རྗེ་ཁུ་ཚུར་གྱིས་ཐུགས་ཀར་ཤེས་རབ་ཀྱི་ཕ་རོལ་ཏུ་ཕྱིན་པའི་གླེགས་བམ་བསྣམས་ཤིང་། ཕྱག་གཡས་པས་རྡོ་རྗེ་རལ་གྲི་བསྣམས་ཏེ། འདེབས་པའི་ཚུལ་དུ་འཇོག་པ་ནི་རྡོ་རྗེ་བློའིའོ། །ཕྱག་གཡས་པའི་གུང་མོ་

62-1-13a

ལ་འཁོར་ལོ་རྩིབས་བརྒྱད་པ་བསྐོར་བའི་ཚུལ་དུ་འཇོག་པ་ནི། རྡོ་རྗེ་རྒྱུའིའོ། །རྡོ་རྗེ་ལྗགས་ཀྱིས་སྨྲ་བའི་ཚུལ་དུ་མཛད་པ་ནི། རྡོ་རྗེ་སྨྲ་བའིའོ། །གཡོན་པ་དཀུར་བརྟེན་པས་སྣ་ཚོགས་རྡོ་རྗེ་དང་བཅས་པའི་དྲིལ་བུ་བསྣམས་ཤིང་ཕྱག་གཡས་པས་སྣ་
ཚོགས་རྡོ་རྗེ་ཐུགས་ཀར་བསྟོད་པའི་ཚུལ་གྱིས་འཛིན་པ་ནི། རྡོ་རྗེ་སྣ་ཚོགས་ཀྱིའོ། །རྡོ་རྗེ་གོ་ཆ་འཛིན་པ་ནི་རྡོ་རྗེ་སྲུང་བའིའོ། །རྡོ་རྗེ་མཆེ་བའི་མཚོན་ཆ་རང་གི་ཞལ་དུ་བཞག་པས་བསྡིགས་པའི་ཚུལ་དུ་མཛད་པ་ནི། རྡོ་རྗེ་གནོད་སྦྱིན་གྱིའོ། །དམ་ཚིག་གི་རྡོ་རྗེ་ཁུ་
ཚུར་གྱིས་བཟུང་བའི་རྡོ་རྗེ་རྩེ་ལྔ་པ་དམ་ཚིག་རྡོ་རྗེ་ཁུ་ཚུར་གིས་བཙིར་བ་ནི། རྡོ་རྗེ་ཁུ་ཚུར་གྱིའོ། །རྡོ་རྗེ་བསྙེམས་པའི་ཚུལ་གཉིས་ཀྱིས་རྡོ་རྗེ་གཉིས་འཛིན་པ་རྡོ་རྗེ་སྒེག་མོའིའོ། །རིན་པོ་ཆེའི་ཕྲེང་བ་འཛིན་པ་ནི་ཕྲེང་བ་མའིའོ། །པི་ཝང་བརྡེབས་པ་ལྟར་བྱེད་པ་ནི་པི་ཝང་མའིའོ། །ཕྱག་
གཉིས་ཀྱིས་རྡོ་རྗེ་རྩེ་གསུམ་བསྣམས་ཏེ་གར་མཛད་པ་ནི་གར་མཁན་མའིའོ། །ཕྱག་ན་སྤོས་སྣོད་བསྣམས་པ་ནི་བདུག་པ་མའིའོ། །ཕྱག་ན་མེ་ཏོག་གི་ཟ་མ་ཏོག་བསྣམས་པ་ནི་མེ་ཏོག་མའིའོ། །ཕྱག་ན་མར་མེའི་སྡོང་བུ་བསྣམས་པ་ནི་མར་མེ་མའིའོ། །ཕྱག་ན་དྲིའི་དུང་
ཕོར་བསྣམས་པ་ནི་བྱུག་པ་མའིའོ། །ཕྱག་ན་ལྕགས་ཀྱུ་དང་ཞགས་པ་དང་། ལྕགས་སྒྲོག་དང་། དྲིལ་བུ་བསྣམས་པ་ནི། རྡོ་རྗེ་ལྕགས་ཀྱུ་ལ་སོགས་པ་རྣམས་ཀྱིའོ། །དེ་ལྟར་ཕྱག་རྒྱ་བཞིས་རྒྱས་བཏབ་ནས་དངོས་གྲུབ་ཐམས་ཅད་སྩོལ་བར་འགྱུར་རོ། །ཕྱག་རྒྱ་
ཆེན་པོའི་སྦྱོར་བ་ཐམས་ཅད་ལ་ཡང་རང་གི་སྙིང་གར་སེམས་དཔའི་རྡོ་རྗེ་བསྒོམ་པར་བྱའོ། །བདག་ཉིད་ཆེན་པོ་གང་གང་གི། །ཕྱག་རྒྱ་གང་དང་གང་བཅིངས་པ། །བཟླས་པའི་སྙིང་པོའི་དོན་དུ་ནི། །དེར་ནི་བདག་ཉིད་བསྒོམ་པར་བྱ། །དམ་ཚིག་གི་ཕྱག་རྒྱ་ཐམས་
ཅད་ལ། དེ་བཞིན་གཤེགས་པའི་ཕྱག་རྒྱ་ལ་ནི་ས་མ་ཡ་སྟྭཾ་ཞེས་བརྗོད་པར་བྱའོ། །དེ་བཞིན་གཤེགས་པའི་རིགས་ཀྱི་ཕྱག་རྒྱ་བཅིངས་པ་ལ་ནི། སུ་ར་ཏ་སྟྭཾ་ཞེས་བརྗོད་པར་བྱའོ། །དེའི་རྗེས་ལ་ཡི་གེ་བརྒྱ་པ་ལན་གསུམ་བཟླས་པས་བརྟན་པར་བྱས་ནས། དབང་

62-1-13b

བསྐུར་བ་ཐམས་ཅད་དང་། རྡོ་རྗེ་བརྟུལ་ཞུགས་ཀྱང་དེ་བཞིན་དུ་བླངས་ལ། བཛྲ་སཏྭ་སུ་སཾ་གྲ་ཧཱ་ཏ། བཛྲ་རཏྣ་མ་ནུཏྟ་རཾ། བཛྲ་དྷརྨཱ་ཀཱ་ཡ་མེ། བཛྲ་ཀརྨ་ཀ་རོད་བྷ་བེ། ཞེས་བྱ་བ་རྡོ་རྗེ་གླུར་བླངས་ཤིང་། རེ་རེ་ཞིང་རྡོ་རྗེའི་གར་བྱས་ལ། རྡོ་རྗེ་སྒེག་མོ་ལ་སོགས་པས་མཆོད་
པ་བརྒྱད་ཀྱིས་ལས་ཀྱི་ཕྱག་རྒྱས་ཡང་དག་པར་མཆོད་དེ། ལག་པ་གཡོན་པས་རྡོ་རྗེ་དྲིལ་བུ་བླངས་ལ། གཡས་པས་རྡོ་རྗེ་བསོར་ཞིང་། རྡོ་རྗེའི་ཚིག་ཏུ་འདི་སྐད་བརྗོད་པར་བྱའོ། །ཊཀྐི་ཧཱུཾ་ཛཿཡང་རྡོ་རྗེ་རང་གི་སྙིང་གར་བསྟོད་པའི་ཚུལ་གྱིས་འཇོག་ཅིང་། ཊཀྐི་ཛ་ཧོ་ཞེས་
བརྗོད་པར་བྱའོ། །དེ་ལྟར་བྱས་པས་ནི་ལུས་དང་ངག་དང་སེམས་རྡོ་རྗེ་སེམས་དཔའ་དང་འདྲ་བར་འགྱུར་རོ། །ཡི་གེ་ཧཱུཾ་གི་རྡོ་རྗེ་དེ་རྡོ་རྗེ་སེམས་དཔར་བསམས་ལ། དེ་ཁོ་ན་ཉིད་ཀྱིས་གཟུང་བར་བྱའོ། །ཐོག་མཐའ་མེད་པའི་སེམས་དཔའ་ནི། །རྡོ་རྗེ་སེམས་དཔའ་
དགའ་བ་ཆེ། །ཀུན་དུ་བཟང་པོ་ཀུན་བདག་ཉིད། །རྡོ་རྗེ་བསྙེམས་ཚུལ་བདག་པོའི་བདག །བཅོམ་ལྡན་འདས་དཔལ་མཆོག་དང་པོའི་སྐྱེས་བུའོ་ཞེས་བྱ་བ་ནི་དེ་ཁོ་ན་ཉིད་དོ། །ཆོས་ཀྱི་དྲིལ་བུ་དཀྲོལ་བར་བྱ་སྟེ། བཅོམ་ལྡན་འདས་དེ་བཞིན་གཤེགས་པ་སྲིད་པའི་བདག་པོ་
དམ་པ་ཀུན་གྱི་མཆོག །དབང་ཕྱུག་གི་དམ་པ་དེ་ཉིད་ཆོས་ཀྱི་མཆོག་གི་བཀའ་ཡང་དག་པར་སྩོལ་བར་མཛད་པ་ནི། སྲིད་པ་ངོ་བོ་ཉིད་ཀྱིས་དག །ངོ་བོ་ཉིད་ཀྱིས་སྲིད་བྲལ་བྱས། །རང་བཞིན་དག་པའི་སེམས་དཔའ་མཆོག །སྲིད་པའི་མཆོག་ནི་གྲུབ་པར་བྱེད། །དྷརྨཱ་
ཨ་ཞེས་བྱ་བ་ནི། །དྲིལ་བུའི་ས་བོན་ནོ། །དམ་ཚིག་གི་ཕྱག་རྒྱ་ཆེན་པོར་བྱིན་གྱིས་བརླབ་པར་བྱ་སྟེ། སྲིད་པའི་བདེ་བ་ཤིན་ཏུ་ཆུང་། །སྡུག་བསྔལ་ཆེན་པོ་དག་བྱའི་ཕྱིར། །ཤིན་ཏུ་བདེ་བ་དམ་པའི་ཐབས། །དམ་ཚིག་འདི་ནི་རྟག་ཏུ་བསྐྱེད། །འདོད་པའི་ལོངས་སྤྱོད་
ཐམས་ཅད་ནི། །ཅི་འདོད་པར་ནི་བརྟེན་བཞིན་དུ། །རང་གི་ལྷ་ཡི་སྦྱོར་བ་ཡིས། །བདག་དང་གཞན་ལ་མཆོད་པར་བྱ། །དེ་བཞིན་གཤེགས་པ་ཐམས་ཅད་ཀྱི་བླ་ན་མེད་པའི་མཆོག་ཏུ་གསང་བའི་ཐེག་པ་ཆེན་པོའི་དམ་ཚིག་གི་སྦྱོར་བ་ནི། བཅོམ་ལྡན་འདས་

62-1-14a

ཀྱི་དམ་ཚིག་གོ། །དེ་ཅིའི་ཕྱིར་ཞེ་ན། འདི་ལྟར། དེ་བཞིན་གཤེགས་པ་ཐམས་ཅད་ཀྱིས། །འདའ་བ་རུ་ནི་མི་མཛད་པས། །ཕྱག་རྒྱའི་དམ་ཚིག་ཅེས་སུ་བསྒྲགས། །ཡིད་ཀྱི་གཟུགས་ནི་བརྟན་ཕྱིར་རོ། །དེ་ནས་དྲིལ་བུ་དཀྲོལ་ཞིང་དམ་ཚིག་གསུམ་གྱི་གླུའི་
མཆོད་པ་བྱ་བ་ནི་འདི་ཡིན་ཏེ། ཨོཾ་ནམ་མཁའ་ལས་བྱུང་མཚན་ལྡན་ཕྱིར། །ཐོག་མ་ཐ་མ་མེད་པའི་མཆོག །སེམས་དཔའ་རྡོ་རྗེ་ཆེ་རང་བཞིན། །རྡོ་རྗེ་སེམས་དཔའ་དེང་གྲུབ་མཛོད། །ཀུན་མཆོག་དངོས་གྲུབ་ཆེན་པོ་སྟེ། །དབང་ཕྱུག་ཆེན་པོ་ལྷག་པའི་ལྷ། །རྡོ་རྗེ་
འཛིན་པ་ཀུན་གྱི་རྒྱལ། །མི་འགྱུར་མཆོག་ཏུ་བདག་གྲུབ་མཛོད། །ཉེས་པ་མི་མངའ་རྟག་པ་ཁྱོད། །འདོད་ཆགས་ཀུན་གྱི་རྗེས་ཆགས་པ། །འདོད་ཆགས་ཆེན་པོ་དགའ་བ་ཆེ། །བཅོམ་ལྡན་དེ་ཉིད་ཀྱིས་གྲུབ་མཛོད། །ཤིན་ཏུ་དག་པ་ཀུན་གྱི་མཆོག །གདོད་ནས་གྲོལ་བ་
དེ་བཞིན་གཤེགས། །ཀུན་དུ་བཟང་པོ་ཀུན་བདག་ཉིད། །བྱང་ཆུབ་སེམས་དཔའ་བདག་གྲུབ་མཛོད། །དངོས་གྲུབ་ཆེན་པོ་ཀུན་གྱི་མཆོག །དབང་ཕྱུག་ཆེན་པོ་རྒྱ་མཆོག་གིས། །གྲུབ་པའི་རྡོ་རྗེ་ཆེར་བསྟོད་ལ། །རྡོ་རྗེ་བསྙེམས་བདག་བདག་མཛོད་ཅིག །དེ་ལྟར་བདག་
ཉིད་རྫོགས་པར་བྱས་ནས། ཕྱག་རྒྱ་ཆེན་པོས་ནམ་མཁའི་ཕྱོགས་སུ་གནས་ལ། ཨོཾ་ཨ་ཀཱ་རོ་མུ་ཁཾ་སརྦ་དྷརྨཱ་ཎཱཾ། ཨཱདྱ་ནུཏྤནྣ་ཏྭཱཏ་ཅེས་བརྗོད་ལ་དེའི་དོན་ལ་ལྷག་པར་མོས་པས་འཇིག་རྟེན་གྱི་ཁམས་མཐའ་དག་སྟོང་པ་ཉིད་དུ་བསྒོམ་པར་བྱའོ། །དེ་ནས་ཡི་གེ་ཧཱུཾ་ལས་བྱུང་བའི་རྡོ་རྗེ་
རླུང་གི་དཀྱིལ་འཁོར་ནས་བརྩམས་ཏེ། རྒྱ་མཚོ་ཆེན་པོའི་བར་དུ་བསམས་ལ། དེའི་དབུས་སུ་ཧཱུཾ་སུཾ་ཧཱུཾ་ཞེས་བྱ་བ་ལས། རིའི་རྒྱལ་པོ་རི་རབ་རིན་པོ་ཆེ་སྣ་བཞིའི་རང་བཞིན་ཅན་ཟུར་བཞི་པ། རིན་པོ་ཆེ་ཐམས་ཅད་ཀྱིས་རྣམ་པར་བརྒྱན་པ་བསྐྱེད་ལ། ཨོཾ་བཛྲ་དྲྀ་ཌྷོ་ཞེས་བྱ་བ་ལ་
སོགས་པ་དང་། རྡོ་རྗེ་བསྡམས་པས་སྔ་མ་བཞི་དུ་བྱིན་གྱིས་བརླབ་པར་བྱའོ། །དེའི་སྟེང་དུ་རྡོ་རྗེ་རྒྱུའི་ལས་ཀྱི་ཕྱག་རྒྱས་ཁང་པ་བརྩེགས་པ། རྩེ་མོ་རྡོ་རྗེ་དང་ནོར་བུ་རིན་པོ་ཆེ་ལས་བྱས་པ་སྤྲུལ་ལ། རྣམ་པར་སྣང་མཛད་ཀྱི་གནས་སུ་ཨ་སིཾ་ཨ་ཞེས་བྱ་བས་སེང་གེའི་གདན། 

62-1-14b

མི་བསྐྱོད་པའི་གནས་སུ་ཧཱུཾ་གཾ་ཧཱུཾ་ཞེས་བྱ་བས་གླང་པོ་ཆེའི་གདན། རིན་ཆེན་འབྱུང་ལྡན་གྱི་གནས་སུ་ཏྲ་པཱ་ཏྲ་ཞེས་བྱ་བས་རྟའི་གདན། འོག་དཔག་ཏུ་མེད་པའི་གནས་སུ། ཧྲཱིཿམཾ་ཧྲཱི་ཞེས་བྱ་བས་རྨ་བྱའི་གདན། དོན་ཡོད་པར་གྲུབ་པའི་གནས་སུ། ཨ་གཾ་ཨ་ཞེས་བྱ་བ་ལས་
ནམ་མཁའ་ལྡིང་གི་གདན་བསམ་པར་བྱའོ། །སེངགེའི་གདན་ལ་སོགས་པ་ལ་ཡང་ཡི་གེ་ཨ་ལས་ཟླ་བའི་དཀྱིལ་འཁོར་བསྐྱེད་ནས། དབུས་སུ་སེམས་དཔའི་སྐྱིལ་མོ་ཀྲུང་གིས་འདུག་སྟེ། བསམ་གཏན་དང་གཟུགས་མེད་པའི་སྙོམས་པར་འཇུག་པ་མངོན་དུ་བྱས་པའི་
ཡིད་ཀྱི་རང་བཞིན་གྱི་ལུས་ཀྱིས། འོག་མིན་དུ་བསྐལ་པ་གྲངས་མེད་པ་གསུམ་ལས་ངེས་པར་འབྱུང་བའི་བྱང་ཆུབ་སེམས་དཔའ་སེམས་དཔའ་ཆེན་པོ་དོན་ཐམས་ཅད་གྲུབ་པའི་གཟུགས་སུ་བདག་ཉིད་བསྐྱེད་པར་བསམས་ལ། དེ་བཞིན་གཤེགས་པ་ཐམས་ཅད་ཀྱིས་སངས་རྒྱས་
ཀྱི་ཞིང་འདི་ཐམས་ཅད་ཏིལ་གྱི་གང་བུ་བཞིན་དུ་ཡོངས་སུ་གང་བར་བསམ་པར་བྱའོ། །དེ་ནས་དེ་བཞིན་གཤེགས་པ་ཐམས་ཅད་ཀྱི་གཟུགས་ཀྱི་སྐུ་ཉིད་དང་ཆོས་ཉིད་དྲན་པར་བྱའོ། །དེ་ནས་ཐེག་པ་ཆེན་པོ་ངེས་པར་འབྱུང་བའི་ཆོས་སོ། །དེའི་རྗེས་ལ་ཐེག་པ་ཆེན་པོའི་བྱང་ཆུབ་
སེམས་དཔའི་དགེ་འདུན་རྗེས་སུ་དྲན་པར་བྱའོ། །དེ་ནས་འཇིག་རྟེན་གྱི་ཁམས་ཐམས་ཅད་ཀྱིས་བསྡུས་པའི་སེམས་ཅན་ཐམས་ཅད་དང་། འགྲོ་བ་ཐམས་ཅད་ལ་ལྷག་པར་བྱམས་པ་བསྐྱེད་པར་བྱ་བ་དང་། ངན་འགྲོ་ལ་སོགས་པའི་སྡུག་བསྔལ་གྱིས་གདུང་བ་ཐམས་ཅད་ལ་
སྙིང་རྗེ་བ་དང་། འཕགས་པ་ཐམས་ཅད་ལ་དགའ་བ་དང་། འཇིག་རྟེན་གྱི་ཆོས་ཐམས་ཅད་ལ་བཏང་སྙོམས་སུ་བྱ་བ་དང་། ཆོས་ཐམས་ཅད་ལ་ཡང་དངོས་པོ་མེད་པའི་ངོ་བོ་ཉིད་དང་། སྒྱུ་མ་དང་མཚུངས་པ་ཉིད་དང་། མིག་ཡོར་དང་མཚུངས་པ་ཉིད་དུ་ལྷག་པར་མོས་པར་
བྱས་ལ། བྱང་ཆུབ་ཏུ་སེམས་བསྐྱེད་པ་དང་། ཤེས་རབ་ཀྱི་ཕ་རོལ་ཏུ་ཕྱིན་པ་དང་། ཐབས་ལ་མཁས་པའི་སྤྱོད་པ་དང་། རིགས་ལྔ་དང་རྡོ་རྗེ་དྲིལ་བུ་དང་། ཕྱག་རྒྱ་དང་སློབ་དཔོན་ཉིད་དང་། བྱམས་པ་དང་། མི་འཇིགས་པ་དང་། ཟང་ཟིང་དང་། ཆོས་ཀྱི་སྦྱིན་

62-1-15a

པ་དང་། སྔགས་ཀྱི་ཚུལ་ཐམས་ཅད་སྟོན་པ་དང་། ཐེག་པ་གསུམ་གྱིས་ངེས་པར་འབྱུང་བ་དང་། གསང་སྔགས་ཀྱི་སྒོའི་སྤྱོད་པ་རྣམས་མངོན་དུ་བྱས་ལ། སེམས་ཅན་ཐམས་ཅད་ལ་ཕན་པ་དང་། བདེ་བ་བསྒྲུབ་པར་བྱ་བའི་ཕྱིར། སངས་རྒྱས་སུ་
འགྱུར་བར་བྱའོ་ཞེས་བསམས་ནས། མི་གཡོ་བའི་ཏིང་ངེ་འཛིན་ལ་སྙོམས་པར་འཇུག་པར་བྱའོ། །དེ་ནས་རིམ་པ་འདིས་མངོན་པར་བྱང་ཆུབ་པ་སྔོན་དུ་བྱའོ། །དེ་ནི་འདི་ཡིན་ཏེ། རྡོ་རྗེ་སྐྱིལ་མོ་ཀྲུང་བཅས་ལ། དེའི་སྟེང་དུ་རྡོ་རྗེ་བསྡམས་པ་བཀན་ཏེ་བཞག་ལ། རང་གི་
སྙིང་གར་སེམས་དཔའི་རྡོ་རྗེ་རྣམ་པར་བསམས་ནས། འདི་ལྟར་བསྒོམ་པར་བྱ་སྟེ། དེ་ནས་དེ་བཞིན་གཤེགས་པ་ཐམས་ཅད་ཀྱིས་སངས་རྒྱས་ཀྱི་ཞིང་འདིར་དཔེར་ན་ཏིལ་གྱི་གང་བུ་བཞིན་དུ་ཡོངས་སུ་གང་བར་གྱུར་ཏོ། །དེ་ནས་དེ་བཞིན་གཤེགས་པ་ཐམས་ཅད་
འདུས་ཏེ། བྱང་ཆུབ་སེམས་དཔའ་སེམས་དཔའ་ཆེན་པོ་དོན་ཐམས་ཅད་གྲུབ་པ་ཞེས་བྱ་བ། བྱང་ཆུབ་ཀྱི་སྙིང་པོར་འདུག་པ་གང་ན་བ་དེར་གཤེགས་ཏེ། བྱང་ཆུབ་སེམས་དཔའ་དེ་ལ་ཆེད་དུ་རྫོགས་ལོངས་སྤྱོད་པའི་སྐུ་བསྟན་ནས། འདི་སྐད་ཅེས་བཀའ་སྩལ་ཏོ། །
རིགས་ཀྱི་བུ་ཁྱོད་ཀྱིས་གང་གི་ཕྱིར་དེ་བཞིན་གཤེགས་པ་ཐམས་ཅད་ཀྱི་དེ་ཁོ་ན་ཉིད་མངོན་པར་མ་རྟོགས་པར། དཀའ་བ་སྤྱོད་པ་ཐམས་ཅད་ལ་སྤྲོ་བ་བསྐྱེད་ཅིང་ཇི་ལྟར་བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་བྱང་ཆུབ་པར་བྱ་སྙམ། དེ་ནས་
བྱང་ཆུབ་སེམས་དཔའ་སེམས་དཔའ་ཆེན་པོ་དོན་ཐམས་ཅད་གྲུབ་པ་དེ་ཞིན་གཤེགས་པ་ཐམས་ཅད་ཀྱིས་བསྐུལ་བས། མི་གཡོ་བའི་ཏིང་ངེ་འཛིན་ལས་བཞེངས་ཏེ། དེ་བཞིན་གཤེགས་པ་ཐམས་ཅད་ལ་ཕྱག་བྱས་ནས། འདི་སྐད་ཅེས་གསོལ་ཏོ། །
བཅོམ་ལྡན་འདས་དེ་བཞིན་གཤེགས་པ་རྣམས་དེ་ཁོ་ན་ཉིད་ཇི་ལྟ་བུ་ལགས། ཇི་ལྟར་ན་བསྒྲུབ་པར་བགྱི། བཀའ་སྩལ་དུ་གསོལ། དེ་སྐད་ཅེས་གསོལ་པ་དང་། དེ་བཞིན་གཤེགས་པ་དེ་དག་ཐམས་ཅད་ཀྱིས་གསུང་གཅིག་ཏུ་འདི་སྐད་ཅེས་བཀའ་སྩལ་ཏོ། །རིགས་

62-1-15b

ཀྱི་བུ་རང་གི་སེམས་ལ་སོ་སོར་རྟོག་ཅིང་མཉམ་པར་ཞོག་ལ་རང་བཞིན་གྱིས་གྲུབ་པའི་སྔགས་འདི་ཅི་དགའ་བར་ཟློས་ཤིང་འགྲུབ་པར་གྱིས་ཤིག །ཨོཾ་ཙིཏྟཱ་པྲ་ཏི་བྱ་དྷཾ་ཀ་རོ་མི། དེ་ནས་བྱང་ཆུབ་སེམས་དཔའ་དེས་དེ་བཞིན་གཤེགས་པ་ཐམས་ཅད་ལ་འདི་སྐད་ཅེས་
གསོལ་ཏོ། །བཅོམ་ལྡན་འདས་དེ་བཞིན་གཤེགས་པ་རྣམས་བདག་གི་སྙིང་ག་ནས་ཟླ་བའི་དཀྱིལ་འཁོར་ལྟ་བུར་གདའ་བ་བདག་གིས་རྟོགས་སོ། །དེ་བཞིན་གཤེགས་པ་རྣམས་ཀྱིས་བཀའ་སྩལ་པ། རིགས་ཀྱི་བུ་སེམས་དེ་ནི་རང་བཞིན་གྱིས་འོད་གསལ་བས་
ན། དེ་ནི་ཇི་ལྟ་བུ་སྦྱངས་པ་དེ་ལྟ་བུར་འགྱུར་ཏེ། དཔེར་ན་རས་དཀར་པོ་ཚོན་གྱིས་བསྒྱུར་བ་བཞིན་ནོ། །དེ་ནས་དེ་བཞིན་གཤེགས་པ་ཐམས་ཅད་ཀྱིས་རང་བཞིན་གྱི་འོད་གསལ་བའི་སེམས་ཤེས་པ་རྒྱས་པར་བྱ་བའི་ཕྱིར། ཨོཾ་བོ་དྷི་ཙིཏྟོཏྤ་དཱ་ཡཱ་མི་ཞེས་བྱ་བ་རང་
བཞིན་གྱིས་གྲུབ་པའི་སྔགས་འདིས་ཀྱང་བྱང་ཆུབ་སེམས་དཔའ་དེ་བྱང་ཆུབ་ཏུ་སེམས་བསྐྱེད་པར་གྱུར་ཏོ། །དེ་ནས་བྱང་ཆུབ་སེམས་དཔས་ཀྱང་དེ་བཞིན་གཤེགས་པ་ཐམས་ཅད་ཀྱི་བཀས་བྱང་ཆུབ་ཀྱི་སེམས་བསྐྱེད་ནས། འདི་སྐད་ཅེས་གསོལ་ཏོ། །ཟླ་བའི་དཀྱིལ་འཁོར་
ལྟ་བུར་མཐོང་བ་གང་ལགས་པ་དེ་ནི་ཟླ་བའི་དཀྱིལ་འཁོར་ཉིད་དུ་མཐོང་ངོ་། །དེ་ནས་དེ་བཞིན་གཤེགས་པ་ཐམས་ཅད་ཀྱིས་བཀའ་སྩལ་པ། དེ་བཞིན་གཤེགས་པ་ཐམས་ཅད་ཀྱི་སྙིང་པོ་སེམས་བསྐྱེད་པ་ཀུན་དུ་བཟང་པོ་ཁྱོད་ཀྱིས་མངོན་སུམ་དུ་གྱུར་གྱིས། དེ་ལེགས་པར་སྒྲུབས་
ཤིག །དེ་བཞིན་གཤེགས་པ་ཐམས་ཅད་ཀྱི་སེམས་བསྐྱེད་པ་ཀུན་དུ་བཟང་པོ་དེ་བརྟན་པར་བྱ་བའི་ཕྱིར། སྔགས་འདིས་རང་གི་སྙིང་གའི་ཟླ་བའི་དཀྱིལ་འཁོར་ལ་རྡོ་རྗེ་དབྱིངས་སུ་སོམས་ཤིག །ཨོཾ་ཏིཥྛ་བཛྲ། བྱང་ཆུབ་སེམས་དཔས་ཡང་གསོལ་པ། བཅོམ་ལྡན་འདས་དེ་བཞིན་གཤེགས་པ་རྣམས། 
ཟླ་བའི་དཀྱིལ་འཁོར་གྱི་སྟེང་ན་རྡོ་རྗེར་བདག་གིས་མཐོང་ངོ་། །དེ་བཞིན་གཤེགས་པ་ཐམས་ཅད་ཀྱིས་བཀའ་སྩལ་པ། དེ་བཞིན་གཤེགས་པ་ཐམས་ཅད་ཀྱི་ཀུན་དུ་བཟང་པོའི་སེམས་རྡོ་རྗེ་འདི་སྔགས་འདིས་བརྟན་པར་གྱིས་ཤིག །ཨོཾ་བཛྲ་ཨཱཏྨ་ཀོ྅ཧཾ། དེ་ནས་ནམ་མཁའི་དབྱིངས་

62-1-16a

ཐམས་ཅད་དུ་མཉམ་པར་འཇུག་པའི་དེ་བཞིན་གཤེགས་པ་ཐམས་ཅད་ཀྱི་སྐུ་དང་། གསུང་དང་ཐུགས་རྡོ་རྗེའི་དབྱིངས་ཇི་སྙེད་པ་དེ་དག་ཐམས་ཅད་དེ་བཞིན་གཤེགས་པ་ཐམས་ཅད་ཀྱིས་བྱིན་གྱིས་བརླབས་ཀྱི། སེམས་དཔའི་རྡོ་རྗེ་དེར་ཞུགས་སོ། །དེ་ནས་དེ་
བཞིན་གཤེགས་པ་དེ་དག་ཐམས་ཅད་ཀྱིས་བཅོམ་ལྡན་འདས་བྱང་ཆུབ་སེམས་དཔའ་ཆེན་པོ་དོན་ཐམས་ཅད་གྲུབ་པ་དེ་ལ། རྡོ་རྗེའི་དབྱིངས་རྡོ་རྗེའི་དབྱིངས་ཞེས་བྱ་བའི་རྡོ་རྗེ་མིང་གི་དབང་གིས་དབང་བསྐུར་རོ། །དེ་ནས་བྱང་ཆུབ་སེམས་དཔའ་ཆེན་པོ་རྡོ་རྗེ་དབྱིངས་ཀྱིས། དེ་བཞིན་
གཤེགས་པ་དེ་དག་ཐམས་ཅད་ལ་འདི་སྐད་ཅེས་གསོལ་ཏོ། །བཅོམ་ལྡན་འདས་དེ་བཞིན་གཤེགས་པ་རྣམས་དེ་བཞིན་གཤེགས་པ་ཐམས་ཅད་ཀྱི་སྐུ་ནི་བདག་ལེགས་པར་མཐོང་ལགས་སོ། །དེ་ནས་དེ་བཞིན་གཤེགས་པ་ཐམས་ཅད་ཀྱིས་བཀའ་སྩལ་པ། སེམས་དཔའ་ཆེན་པོ་དེ་ལྟ་བས་ན་
སེམས་དཔའི་རྡོ་རྗེ་དེ་རྣམ་པའི་མཆོག་ཐམས་ཅད་དང་ལྡན་པའི་སངས་རྒྱས་ཀྱི་སྐུར་བདག་ཉིད་རང་བཞིན་གྱིས་གྲུབ་པའི་སྔགས་འདི་དག་ཅི་དགར་ཟློས་ལ་སོམས་ཤིག །ཨོཾ་ཡ་ཐཱ་སརྦ་ཏ་ཐཱ་ག་ཏ་སྠཱ་ཨ་ཧཾ། དེ་ལྟར་བསྒོམས་པའི་རྗེས་ཐོགས་ལ་རྣམ་པར་སྣང་མཛད་དུ་གྱུར་
པར་བསམ་པར་བྱའོ། །སེམས་སོ་སོར་རྟོགས་པ་དང་། བྱང་ཆུབ་ཀྱི་སེམས་བསྐྱེད་པ་ལ་སོགས་པའི་དུས་སུ་མི་བསྐྱོད་པ་དང་། རིན་ཆེན་འབྱུང་ལྡན་དང་། འོད་དཔག་ཏུ་མེད་པ་དང་། དོན་ཡོད་པར་གྲུབ་པ་དང་། རྣམ་པར་སྣང་མཛད་ཀྱི་ཕྱག་རྒྱ་ཆེན་པོ་བཅིང་བར་བྱའོ། །དེ་
ནས་དེ་བཞིན་གཤེགས་པ་ཐམས་ཅད་ལ་ཕྱག་བྱས་ཏེ། འདི་སྐད་ཅེས་གསོལ་ཏོ། །བཅོམ་ལྡན་འདས་དེ་བཞིན་གཤེགས་པ་ཐམས་ཅད་ཀྱིས་བདག་ལ་བྱིན་གྱིས་རློབས་ལ། མངོན་པར་བྱང་ཆུབ་པ་འདི་བརྟན་པར་མཛོད་ཅིག །དེ་ནས་དེ་བཞིན་གཤེགས་པ་ཐམས་ཅད་ལུས་
ཀྱི་ནང་དུ་ཞུགས་པར་གྱུར་པ་དང་། སྙིང་ག་དང་། སྨིན་མཚམས་དང་། ལྐོག་མ་དང་། སྤྱི་བོར་རྡོ་རྗེ་སེམས་དཔའ་ལ་སོགས་པས་བྱིན་གྱིས་བརླབ་པར་བྱའོ། །སྐད་ཅིག་མ་དེ་ཉིད་ཀྱི་ཚེ་ན་དེ་བཞིན་གཤེགས་པ་ཐམས་ཅད་ཀྱིས་མཉམ་པ་ཉིད་ཀྱི་ཡེ་ཤེས་མངོན་པར་རྫོགས་

62-1-16b

པར་སངས་རྒྱས་སོ། །དེ་བཞིན་གཤེགས་པ་ཐམས་ཅད་ཀྱི་རྡོ་རྗེ་མཉམ་པ་ཉིད་ཀྱི་ཡེ་ཤེས་གསང་བའི་དམ་ཚིག་ཏུ་ཞུགས་སོ། །ཡང་དེ་བཞིན་གཤེགས་པ་ཐམས་ཅད་ཀྱི་དབང་བསྐུར་བའི་ཏིང་ངེ་འཛིན་རྟོག་པའི་རིན་པོ་ཆེའི་དབང་བསྐུར་བ་ཐོབ་བོ། །དེ་བཞིན་གཤེགས་པ་
ཐམས་ཅད་ཀྱི་ཆོས་མཉམ་པ་ཉིད་ཡེ་ཤེས་རྟོག་པ་རང་བཞིན་གྱིས་དག་གོ། །དེ་བཞིན་གཤེགས་པ་ཐམས་ཅད་ཀྱི་ལམ་མཉམ་པ་ཉིད་ཀྱི་རང་བཞིན་གྱིས་འོད་གསལ་བའི་ཡེ་ཤེས་ཀྱི་འབྱུང་གནས་སུ་གྱུར་པའི་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་
སངས་རྒྱས་སུ་གྱུར་པར་བདག་ཉིད་བསམ་པར་བྱའོ། །དེ་ནས་དེ་བཞིན་གཤེགས་པ་ཐམས་ཅད་ཀྱིས། ཨོཾ་བཛྲ་རཏྣ་ཨ་བྷི་ཥིཉྩ་ཞེས་བྱ་བས་རྡོ་རྗེ་རིན་པོ་ཆེའི་ཅོད་པན་དང་། དར་དཔྱངས་ཀྱིས་དབང་བསྐུར་བས་དབང་བསྐུར་བ་དང་། ཀུན་དུ་སྤྱན་རས་གཟིགས་དབང་པོའི་
ཆོས་ཀྱི་ཡེ་ཤེ་ནི་བསྐྱེད་དེ་བཞིན་གཤེགས་པ་ཐམས་ཅད་ཀྱི་ཕྲིན་ལས་ལ་རབ་ཏུ་བཞག་ནས་བབས་ཏེ། སྔར་བསྐྱེད་པའི་རིའི་རྒྱལ་པོ་རི་རབ་ཀྱི་རྩེ་མོ་ན་གནས་པའི་ཁང་པ་བརྩེགས་པ། རྩེ་མོ་རྡོ་རྗེ་དང་ནོར་བུ་དང་། རིན་པོ་ཆེ་ལས་བྱས་པའི་དབུས་ན། དེ་བཞིན་གཤེགས་པ་
ཐམས་ཅད་ཀྱི་བསོད་ནམས་ལས་ངེས་པར་བྱུང་བའི་སེང་གེའི་གདན་ལ། དེ་བཞིན་གཤེགས་པ་ཐམས་ཅད་ཉིད་དུ་བྱིན་གྱིས་བརླབས་ཏེ། ཞལ་བཞི་པའི་ཚུལ་དུ་བཞག་པར་གྱུར་པར་བསམ་པར་བྱ་ཞིང་། མི་བསྐྱོད་པ་ལ་སོགས་པའི་དེ་བཞིན་གཤེགས་པ་རྣམས་ཀྱང་། ཕྱོགས་
བཞིར་རེ་རེ་ཞིང་དེ་བཞིན་གཤེགས་པ་ཐམས་ཅད་དུ་བྱིན་གྱིས་བརླབས་ལ་བཞུགས་པར་བསམ་པར་བྱའོ། །དེ་ལྟར་ན་འདི་ནི་དང་པོའི་སྦྱོར་བ་ཞེས་བྱ་བའི་ཏིང་ངེ་འཛིན་དོ།།      །།དེའི་རྗེས་ལ་རྡོ་རྗེ་དབྱིངས་ཀྱི་དབང་ཕྱུག་མས་གནས་བཞིར་བྱིན་གྱིས་བརླབས་ལ། བྱང་
ཆུབ་མཆོག་གི་ཕྱག་རྒྱ་བཅིངས་ཏེ། ཐུགས་ཀ་ན་གནས་པའི་རྡོ་རྗེ་སེམས་དཔའ་བཛྲ་སཏྭ་ཞེས་བྱ་བས་བསྐུལ་བར་བྱའོ། །དེ་ནས་དེ་བཞིན་གཤེགས་པ་ཐམས་ཅད་ཀྱི་ཐུགས་ཀ་ནས་ཟླ་བའི་དཀྱིལ་འཁོར་དུ་དེ་བྱུང་བས། འཇིག་རྟེན་གྱི་ཁམས་ཐམས་ཅད་ཀྱི་སེམས་

62-1-17a

ཅན་ཐམས་ཅད་བདག་མེད་པར་རྟོགས་པར་བྱ་སྟེ། ཟླ་བའི་དཀྱིལ་འཁོར་གྱི་རྣམ་པར་སེམས་རྩ་གཅིག་པ་ཉིད་དུ་གྱུར་ནས་ལྷར་ལོག་སྟེ། ལྷ་ཐམས་ཅད་ཀྱི་གནས་སུ་ཟླ་བའི་དཀྱིལ་འཁོར་ཉིད་དུ་གྱུར་ནས་གནས་པར་བསམ་པར་བྱའོ། །དེ་ནས་དེ་
རྣམས་ལས་ཡེ་ཤེས་ཀྱི་འོད་ཟེར་བྱུང་ནས། རང་གི་ཐུགས་ཀར་གནས་པའི་རྡོ་རྗེར་ཞུགས་ཏེ། དེ་བཞིན་གཤེགས་པ་ཐམས་ཅད་ཀྱི་བྱིན་གྱི་རླབས་ཀྱིས་གཅིག་ཏུ་འདྲེས་པར་གྱུར་ནས། ནམ་མཁའི་ཁམས་རབ་འབྱམས་ཙམ་གྱི་ཚད་དང་མཉམ་པའི་ཚད་ཙམ་གྱི་རྡོ་
རྗེ་རྩེ་ལྔ་པའི་གཟུགས་ཆེན་པོར་གྱུར་ནས། ཡང་སྔར་གྱི་ཐུགས་ཀར་གནས་པའི་ཐུགས་ཀའི་རྡོ་རྗེའི་ཚད་ཙམ་ཉིད་དུ་གྱུར་ཏོ། །དེ་ལས་བྱུང་ནས་རང་གི་ཕྱག་གཉིས་སུ་གནས་པར་བསམ་པར་བྱའོ། །དེ་ལས་ཀྱང་ཡང་རྡོ་རྗེ་ལྟ་བུའི་འོད་ཟེར་གཟུགས་སྣ་ཚོགས་པ་དང་། ཁ་དོག་
སྣ་ཚོགས་པ་བྱུང་སྟེ། ནམ་མཁའི་ཁམས་ཐམས་ཅད་ཁྱབ་པར་བྱས་ནས། དེ་རྣམས་ལས་ཡང་རྡོ་རྗེ་སེམས་དཔའ་ལ་སོགས་པའི་གཟུགས་ཀྱི་སེམས་ཅན་གྱི་ཁམས་ཐམས་ཅད་དང་། དེ་བཞིན་གཤེགས་པ་ཐམས་ཅད་ཀྱི་མཉམ་པ་ཉིད་ཀྱི་ཡེ་ཤེས་མངོན་པར་རྫོགས་པའི་
བྱང་ཆུབ་པ་ལ་སོགས་པ་ལ། ངེས་པར་སྦྱར་ནས་སླར་ཡང་བསྡུ་བའི་སྦྱོར་བས་སེམས་དཔའི་སྐུ་གཅིག་ཏུ་གྱུར་ནས། རང་གི་ཐུགས་ཀར་གནས་པའི་རྡོ་རྗེར་ཞུགས་ཏེ། དེར་གནས་ནས་ཆེད་དུ་བརྗོད་པ་འདི་ཆེད་དུ་བརྗོད་པར་བསམ་པར་བྱའོ། །ཨེ་མའོ་བདག་ནི་རང་བྱུང་བའི། །ཀུན་
དུ་བཟང་པོའི་སེམས་དཔའ་བརྟན། །དེ་ནི་བརྟན་ཕྱིར་ལུས་མིན་ཡང་། །སེམས་དཔའི་ལུས་སུ་གྱུར་པ་ཡིན། །དེ་ནས་ཐུགས་ཀ་ནས་བྱུང་ནས་མི་བསྐྱོད་པའི་སྤྱན་སྔར་འདུག་སྟེ། བཀའ་ནོད་ཅིང་བཞུགས་པར་བསམ་པར་བྱའོ། །དེ་ནས་དེ་བཞིན་གཤེགས་པ་ཐམས་ཅད་ཀྱི་
རིགས་ཀྱི་འཁོར་ལོས་སྒྱུར་བ་ཉིད་དུ་སངས་རྒྱས་ལྔའི་དབུ་རྒྱན་དང་། ཅོད་པན་གྱི་དབང་གིས་དབང་བསྐུར་ནས། སེམས་ཅན་གྱི་ཁམས་མ་ལུས་ཤིང་ལུས་པ་མེད་པ་རྣམས་ཀྱིས་བླ་ན་མེད་པའི་ཚུལ་ཁྲིམས་ནས། དེ་བཞིན་གཤེགས་པ་ཐམས་ཅད་ཀྱི་མཉམ་པ་ཉིད་ཀྱི་ཡེ་ཤེས་

62-1-17b

མངོན་པར་བྱང་ཆུབ་པའི་བར་དུ་རྫོགས་པར་བྱ་བའི་ཕྱིར། དེ་རྫོགས་པར་བྱེད་པའི་དང་པོའི་རྡོ་རྗེ་དང་། དང་པོའི་རྡོ་རྗེས་མཚན་པའི་དྲིལ་བུ་དང་བཅས་པར་ཀུན་དུ་བཟང་པོའི་ལག་ཏུ་བྱིན་ནོ། །དེ་ནས་མིང་གི་དབང་བསྐུར་བ་ལ་སོགས་པ་བྱིན་ནོ། །དེའི་རྗེས་ལ་ཕྱག་ན་རྡོ་རྗེའི་ང་
རྒྱལ་གྱིས་ཆེད་དུ་བརྗོད་པ་ཆེད་དུ་བརྗོད་དོ། །སངས་རྒྱས་ཀུན་གྱི་གྲུབ་པ་ཡི། །རྡོ་རྗེ་བླ་ན་མེད་པ་འདི། །བདག་སྟེ་བདག་གི་ལག་ཏུ་བྱིན། །རྡོ་རྗེ་ལ་ནི་རྡོ་རྗེ་གནས། །དེ་བཞིན་དུ་རྡོ་རྗེ་ཁུ་ཚུར་གྱི་མཐར་ཐུག་པའི་བར་དུ་བསྐྱེད་པ་དང་། སྤྲོ་བ་དང་། བསྡུ་བ་དང་། གནས་པ་དང་། བརྟན་
པར་གྱུར་པ་དང་། རྣམ་པར་སྣང་མཛད་ཀྱི་ཐུགས་ཀ་ན་གནས་པའི་རྡོ་རྗེའི་དབུས་སུ་འདུག་སྟེ། ཆེད་དུ་བརྗོད་པ་ཆེད་དུ་བརྗོད་པ་དང་། དབང་བསྐུར་བའི་རྗེས་ཐོགས་ལ། ཆེད་དུ་བརྗོད་པར་བལྟ་བར་བྱའོ། །རྡོ་རྗེ་རྒྱལ་པོ་ལ་སོགས་པ་ཆེད་དུ་བརྗོད་པ་ནི་འདི་ཡིན་
ཏེ། ཨེ་མའོ་རྡོ་རྗེ་ལས་བྱུང་བའི། །ལྕགས་ཀྱུ་ངེས་པའི་རྒྱལ་པོ་བདག །གང་ཕྱིར་ཀུན་དུ་སངས་རྒྱས་ཁྱབ། །གྲུབ་ཕྱིར་ཀུན་ནས་སྤྱན་འདྲེན་ནོ། །སངས་རྒྱས་ཀུན་གྱི་རྡོ་རྗེ་ཡི། །ཡེ་ཤེས་བླ་ན་མེད་པ་འདི། །སངས་རྒྱས་ཀུན་གྱི་དོན་བསྒྲུབ་ཕྱིར། །ཀུན་ནས་སྤྱན་དྲངས་
དམ་པའོ། །ཨེ་མའོ་བདག་ནི་རང་བཞིན་བདག །རང་བྱུང་བ་དག་དགྱེས་བྱེད་ན། །འདོད་ཆགས་བྲལ་རྣམས་དག་བྱའི་ཕྱིར། །འདོད་ཆགས་ཀྱིས་ནི་འདུལ་བར་བྱེད། །སངས་རྒྱས་ཀུན་གྱི་འདོད་ཆགས་ཀྱིས། །ཡེ་ཤེས་འདི་ནི་དྲི་མ་མེད། །འདོད་ཆགས་ཀྱིས་ནི་ཆགས་བྲལ་
བཅོམ། །བདེ་བ་ཐམས་ཅད་སྦྱིན་པར་བྱེད། །ཨེ་མའོ་ཐམས་ཅད་མཁྱེན་ཀུན་གྱིས། །ལེགས་བྱིན་ནང་ན་བདག་མཆོག་པས། །རྣམ་རྟོག་བྲལ་བ་དེ་དག་གིས། །ངེས་པར་དགྱེས་པ་བསྐྱེད་པ་ཡིན། །སངས་རྒྱས་ཀུན་གྱིས་ལེགས་བྱིན་པའི། །འདི་ནི་རབ་ཏུ་འཇུག་
བྱེད་པས། །རྡོ་རྗེ་ཐམས་ཅད་དགྱེས་པར་བྱེད། ལྷ་རྫས་དགྱེས་པ་སྦྲེལ་བའོ། །ཨེ་མའོ་ཆགས་མེད་རྒྱལ་བ་ཡང་། །ཁམས་གསུམ་དབང་པོས་དགོངས་པས་ན། །རྡོ་རྗེ་རིན་ཆེན་དམ་པ་ཡི། །དབང་གི་མཆོག་ནི་བདག་ཡིན་ནོ། །སངས་རྒྱས་ཀུན་གྱི་སེམས་

62-1-18a

དཔའི་དབྱིངས། །དབང་བསྐུར་དེ་ནི་བདག་ཡིན་ཏེ། །བདག་གི་ལག་ཏུ་བྱིན་པས་ན། །རིན་ཆེན་ལ་ནི་རིན་ཆེན་བཞག །ཨེ་མའོ་སེམས་ཅན་ཁམས་ཀུན་དུ། །སྣང་བྱེད་གཟི་བརྗིད་དཔེ་མེད་བདག །གང་ཕྱིར་སངས་རྒྱས་དག་པ་ཡི། །འདྲེན་པ་
རྣམས་ཀྱང་སྦྱོང་བར་བྱེད། །སངས་རྒྱས་ཀུན་གྱི་སྣང་བ་འདི། །མི་ཤེས་མུན་ནག་འཇོམས་མཛད་པ། །ཤིན་ཏུ་ཕྲ་རྡུལ་ཇི་སྙེད་པའི། །ཉི་མའི་འོད་པས་ཤིན་ཏུ་ལྷག །ཨེ་མའོ་དོན་ཀུན་གྲུབ་པ་དང་། །དགོངས་པ་ཐམས་ཅད་རྫོགས་པ་ཡི། །དོན་རྣམས་ཐམས་ཅད་
རྫོགས་བྱེད་པའི། །དྲི་མེད་པར་ནི་བདག་ཡིན་ནོ། །སངས་རྒྱས་ཀུན་གྱི་དགོངས་པ་ཀུན། །ཡོངས་སུ་རྫོགས་པར་བྱེད་པ་ཡི། །ཡིད་བཞིན་ནོར་བུའི་རྒྱལ་མཚན་འདི། །སྦྱིན་པའི་ཕ་རོལ་ཕྱིན་པའི་ཚུལ། །རྟག་ཏུ་མཉམ་པར་གཞག་རྣམས་ཀྱིས། །སངས་རྒྱས་དོན་
ལ་རབ་སྦྱོར་ཕྱིར། །ཨེ་མའོ་བདག་ནི་ཀུན་མཆོག་གི། །བཞད་ཆེན་རྨད་དུ་བྱུང་བ་ཡིན། །འདི་དེ་སངས་རྒྱས་ཐམས་ཅད་ཀྱིས། །རྨད་བྱུང་བསྐྱེད་པ་སྟོན་པ་པོ། །དགྱེས་ཆེན་བསྐྱེད་པའི་ཡེ་ཤེས་ཏེ། །གཙུག་ལག་གཞན་གྱིས་ཤེས་མི་ནུས། །ཨེ་མའོ་རང་བྱུང་
གདོད་ནས་དག །དམ་པའི་དོན་ནི་བདག་ཡིན་ཏེ། །གང་ཕྱིར་གཟིངས་འདྲའི་ཆོས་རྣམས་ལ། །རྣམ་པར་དག་པར་དམིགས་པར་གྱུར། །སངས་རྒྱས་ཀུན་གྱི་འདོད་ཆགས་ཀྱི། །དེ་ཡི་ཁོ་ན་རྟོག་པ་འདི། །བདག་སྟེ་བདག་གི་ལག་ཏུ་བྱིན། །ཆོས་ལ་ཆོས་ནི་གནས་པར་
འགྱུར། །ཨེ་མའོ་སངས་རྒྱས་ཐམས་ཅད་ཀྱི། །འཇམ་དབྱངས་བདག་ནི་ཡིན་པར་དགོངས། །གང་ཕྱིར་ཤེས་རབ་གཟུགས་མེད་ཀྱང་། །དབྱངས་ཉིད་དུ་ནི་དམིགས་པ་ཡིན། །འདི་ནི་སངས་རྒྱས་ཐམས་ཅད་ཀྱི། །ཤེས་རབ་ཕ་རོལ་ཕྱིན་པའི་ཚུལ། །དགྲ་
རྣམས་ཐམས་ཅད་ཚར་གཅོད་ཅིང་། །སྡིག་པ་ཐམས་ཅད་འཇོམས་པའི་མཆོག །རྡོ་རྗེ་དམ་པ་ཆོས་ཅན་གྱིས། །ཨེ་མའོ་རྡོ་རྗེ་འཁོར་ལོ་བདག །གང་ཕྱིར་སེམས་བསྐྱེད་ཙམ་གྱིས་ཀྱང་། །ཆོས་ཀྱི་འཁོར་ལོ་བསྐོར་བར་འགྱུར། །འདི་ནི་སངས་རྒྱས་ཐམས་ཅད་ཀྱི། །

62-1-18b

ཆོས་རྣམས་ཐམས་ཅད་རྣམ་པར་སྦྱོང་། །ཕྱིར་མི་ལྡོག་པའི་འཁོར་ལོ་ཡང་། །བྱང་ཆུབ་སྙིང་པོ་ཡིན་པར་དགོངས། །ཨེ་མའོ་རང་བྱུང་རྣམས་ཀྱིས་གསང་། །ལྡེམ་པོ་དག་ཏུ་བདག་དགོངས་ཏེ། །གང་ཕྱིར་དམ་པའི་ཆོས་འཆད་པ། །ཚིག་གི་སྤྲོས་ལས་རྣམ་པར་བྲལ། །
འདི་ནི་སངས་རྒྱས་ཐམས་ཅད་ཀྱི། །རྡོ་རྗེ་བཟླས་པར་བརྗོད་པ་ཡིན། །དེ་བཞིན་གཤེགས་པ་ཐམས་ཅད་ཀྱི། །སྔགས་འདི་མྱུར་དུ་གྲུབ་པར་འགྱུར། །ཨེ་མའོ་སངས་རྒྱས་རྣམས་ཀྱིས་ངེས། །ཕྲིན་ལས་མང་པོ་ཀུན་བདག་ཡིན། །སངས་རྒྱས་དོན་ཀུན་ལྷུན་གྲུབ་ཕྱིར། །རྡོ་རྗེ་
ལས་ནི་འཇུག་པར་འགྱུར། །འདི་ནི་སངས་རྒྱས་ཐམས་ཅད་ཀྱི། །ལས་རྣམས་ཐམས་ཅད་བྱེད་པའི་མཆོག །བདག་སྟེ་བདག་གི་ལག་ཏུ་བྱིན། །ལས་རྣམས་ཀུན་ནི་བྱེད་དུ་བཅུག །ཨེ་མའོ་བརྩོན་འགྲུས་གོ་ཆ་ནི། །བརྟན་པའི་བདག་ཉིད་རབ་བརྟན་བདག །དེ་ནི་བརྟན་
ཕྱིར་ལུས་མིན་ཡང་། །རྡོ་རྗེའི་ལུས་སུ་བྱེད་པའི་མཆོག །འདི་ནི་སངས་རྒྱས་ཐམས་ཅད་ཀྱི། །བྱམས་པའི་གོ་ཆ་དམ་པ་སྟེ། །བརྩོན་འགྲུས་བརྟན་པས་སྲུང་བ་ཆེ། །གྲོགས་པོ་ཆེན་པོར་བརྗོད་པ་ཡིན། །ཨེ་མའོ་བདག་ནི་སངས་རྒྱས་རྣམས། །ཐུགས་རྗེ་ཅན་གྱི་
ཐབས་ཆེན་ཏེ། །ཞི་ཡང་སེམས་ཅན་དོན་དུ་ནི། །མ་རུངས་པར་ནི་སྟོན་པར་འགྱུར། །འདི་ནི་སངས་རྒྱས་ཐམས་ཅད་ཀྱི། །མ་རུངས་ཐམས་ཅད་འདུལ་བའི་མཆོག །ཀུན་གྱི་མཆོག་ནི་འདུལ་བྱེད་པ། །རྡོ་རྗེ་མཆེ་བའི་མཚོན་རྣོ་སྟེ། །ཐབས་དང་སྙིང་རྗེའི་བདག་ཉིད་དོ། །ཨེ་
མའོ་རབ་ཏུ་བརྟན་བཅིངས་པའི། །དམ་ཚིག་བདག་སྟེ་བསྟན་པ་དག །བསམ་པ་ཐམས་ཅད་རབ་འགྲུབ་ཕྱིར། །གྲོལ་བ་རྣམས་ཀྱང་བཅིང་བར་བྱེད། །འདི་དེ་སངས་རྒྱས་ཐམས་ཅད་ཀྱི། །ཕྱག་རྒྱ་བཅིང་བ་ཆེ་ཞིང་བརྟན། །སངས་རྒྱས་ཀུན་དུ་མྱུར་འགྲུབ་ཕྱིར། །དམ་ཚིག་ཤིན་ཏུ་
འདའ་བར་དཀའ །དེ་ནས་མི་བསྐྱོད་པའི་ང་རྒྱལ་གྱིས་རྡོ་རྗེ་སེམས་མ་བསྐྱེད་པར་བྱའོ། །རིན་ཆེན་འབྱུང་ལྡན་གྱི་ང་རྒྱལ་གྱིས་རིན་ཆེན་སེམས་མ་བསྐྱེད་པར་བྱའོ། །འོད་དཔག་ཏུ་མེད་པའི་ང་རྒྱལ་གྱིས་ཆོས་ཀྱི་སེམས་མ་བསྐྱེད་པར་བྱའོ། །དོན་ཡོད་པར་གྲུབ་པའི་ང་རྒྱལ་གྱིས་

62-1-19a

ལས་ཀྱི་སེམས་མ་བསྐྱེད་པར་བྱའོ། །འདི་རྣམས་ཀྱི་ཆེད་དུ་བརྗོད་པ་ནི། འདི་ཡིན་ཏེ། ཨེ་མའོ་སངས་རྒྱས་ཐམས་ཅད་ཀྱི། །སེམས་དཔའི་རྡོ་རྗེ་བརྟན་པའི་བདག །གང་ཕྱིར་བརྟན་པས་ལུས་མེད་ཀྱང་། །རྡོ་རྗེའི་ལུས་སུ་གྱུར་པ་ཡིན། །ཨེ་མའོ་སངས་
རྒྱས་ཐམས་ཅད་ཀྱི། །རྡོ་རྗེ་རིན་ཆེན་བདག་ཉིད་གྲགས། །གང་ཕྱིར་སངས་རྒྱས་ཐམས་ཅད་ཀྱི། །དབང་གི་ཚུལ་ནི་བརྟན་པོ་ཡིན། །ཨེ་མའོ་སངས་རྒྱས་ཐམས་ཅད་ཀྱི། །ཆོས་ཀྱི་རྡོ་རྗེ་གཙང་མ་བདག །གང་ཕྱིར་རང་བཞིན་རྣམ་དག་པས། །འདོད་ཆགས་ཡིན་ཡང་དྲི་མ་མེད། །
ཨེ་མའོ་སངས་རྒྱས་ཐམས་ཅད་ཀྱི། །ལས་ཀྱི་རྡོ་རྗེ་མང་པོ་བདག །གང་ཕྱིར་གཅིག་ཀྱང་སེམས་ཅན་ཁམས། །མ་ལུས་པར་ནི་ལས་ཟད་བྱེད། །ཡང་རྣམ་པར་སྣང་མཛད་ཀྱི་ང་རྒྱལ་གྱིས། སྒེག་མོ་ལ་སོགས་པ་བཞི་བསྐྱེད་དེ། འདི་རྣམས་ཀྱི་ཆེད་དུ་བརྗོད་པ་ནི་འདི་ཡིན་ཏེ། 
ཨེ་མའོ་རང་བྱུང་རྣམས་ཀྱི་ནི། །མཆོད་པ་བདག་འདྲ་གཞན་མེད་དེ། །གང་ཕྱིར་འདོད་པ་དགའ་མཆོད་པས། །མཆོད་པ་ཐམས་ཅད་བྱས་པར་འགྱུར། །ཨེ་མའོ་རིན་ཆེན་མཆོད་པ་བཞེས། །བདག་དང་འདྲ་བ་གྲགས་པ་མེད། །གང་ཕྱིར་ཁམས་གསུམ་རྒྱལ་མཆོག་
ཀྱང་། །རབ་ཏུ་མཆོད་པ་བྱེད་པར་འགྱུར། །ཨེ་མའོ་བདག་ནི་ཀུན་གཟིགས་པའི། །གླུ་མཆོག་ཚུལ་གྱི་མཆོད་པ་ཡིན། །གང་ཕྱིར་སྒྲ་བརྙན་འདྲ་བ་ཡི། །མཆོད་པ་རྣམས་ཀྱིས་མཉེས་པར་བྱེད། །ཨེ་མའོ་མཆོག་ཀུན་དོན་མཛད་པའི། །མཆོད་པ་རྒྱ་ཆེར་བདག་ཡིན་ཏེ། །
གང་ཕྱིར་རྡོ་རྗེ་གར་ཆོ་གས། །སངས་རྒྱས་མཆོད་པ་རབ་ཏུ་བྱེད། །ཡང་མི་བསྐྱོད་པ་ལ་སོགས་པའི་ང་རྒྱལ་གྱིས། རྡོ་རྗེ་བདུག་པ་མོ་ལ་སོགས་པ་བཞི་བསྐྱེད་དེ། འདི་རྣམས་ཀྱི་ཆེད་དུ་བརྗོད་པ་ནི་འདི་ཡིན་ཏེ། ཨེ་མའོ་བདག་ནི་མཆོད་པ་ཆེ། །རབ་ཏུ་ཚིམ་ལྡན་དགེ་བ་ཡིན། །གང་
ཕྱིར་སེམས་ཅན་དབང་ལྡན་པས། །མྱུར་དུ་བྱང་ཆུབ་ཐོབ་པར་འགྱུར། །ཨེ་མའོ་མེ་ཏོག་མཆོད་པའི་བདག །ཐམས་ཅད་ཀྱིས་ནི་རྒྱན་བྱེད་དེ། །གང་ཕྱིར་མཆོད་ནས་དེ་བཞིན་གཤེགས། །རིན་ཆེན་ཉིད་དུ་མྱུར་དུ་འགྲུབ། །ཨེ་མའོ་མཆོད་པའི་མར་མེ་ནི། །རྒྱ་ཆེན་དགེ་

62-1-19b

བ་བདག་ཡིན་ཏེ། །གང་ཕྱིར་གནས་བཅས་མྱུར་དུ་ནི། །སངས་རྒྱས་ཀུན་གྱི་སྤྱན་ཡང་ཐོབ། །ཨེ་མའོ་དྲི་ཡི་རང་བཞིན་གྱི། །མཆོད་པའི་ལྷ་རྫས་ཡིད་འོང་བ། །དེ་བཞིན་གཤེགས་པ་རྣམས་ཀྱི་དྲི། །ལུས་རྣམས་ཀུན་ལ་འབྱིན་པར་འགྱུར། །དེ་ནས་རྣམ་པར་སྣང་མཛད་
ཀྱི་ང་རྒྱལ་གྱིས། རྡོ་རྗེ་ལྕགས་ཀྱུ་ལ་སོགས་པ་བཞི་བསྐྱེད་དེ། འདི་རྣམས་ཀྱི་ཆེད་དུ་བརྗོད་པ་ནི། ཨེ་མའོ་སངས་རྒྱས་ཐམས་ཅད་ཀྱི། །ཡང་དག་སྤྱན་འདྲེན་བརྟན་པའི་བདག །གང་ཕྱིར་བདག་གིས་སྤྱན་དྲངས་པས། །དཀྱིལ་འཁོར་ཀུན་ལ་བརྟན་པར་འགྱུར། །
ཨེ་མའོ་སངས་རྒྱས་ཐམས་ཅད་ཀྱི། །རྡོ་རྗེ་ཞགས་པ་དམ་པོའི་བདག །རྡུལ་ཕྲན་ཞུགས་པ་ཐམས་ཅད་ཀྱང་། །བདག་གིས་སླར་ཡང་དྲང་བར་བྱ། །ཨེ་མའོ་སངས་རྒྱས་ཐམས་ཅད་ཀྱི། །རྡོ་རྗེ་ལྕགས་སྒྲོག་དམ་པོའི་བདག །བཅིངས་པ་ཀུན་ལས་གྲོལ་བ་རྣམས། །སེམས་
ཅན་དོན་ཀུན་བཅིང་བར་འདོད། །ཨེ་མའོ་སངས་རྒྱས་ཐམས་ཅད་ཀྱི། །རྡོ་རྗེ་དབབ་པ་བརྟན་པའི་བདག །ཀུན་གྱི་བདག་ཏུ་གྱུར་ནས་ཀྱང་། །བྲན་དུ་ཡང་ནི་གྱུར་པ་ཡིན། །ཞེས་བྱ་བ་ཡིན་ནོ། །འདི་ཙམ་གྱིས་དཀྱིལ་འཁོར་རྒྱལ་མཆོག་གི་ཏིང་ངེ་འཛིན་བསྟན་པ་ཡིན་ནོ།།      །།
དེ་ནས་བདག་ཉིད་རྣམ་པར་སྣང་མཛད་དང་ཐ་མི་དད་པར་བསམས་ལ་སྡུ་བར་བྱའོ། །དེ་ནས་བསྡུ་བས་བྱིན་པའི་དེ་བཞིན་གཤེགས་པ་བྱང་ཆུབ་སེམས་དཔའི་དཀྱིལ་འཁོར་དང་བཅས་པ་ཐམས་ཅད། ཨོཾ་སརྦ་ཏ་ཐཱ་ག་ཏ་པཱ་ད་བནྡྷ་ནཾ་ཀ་རོ་མི་ཞེས་བརྗོད་ཅིང་། ཨེ་མའོ་ཀུན་དུ་བཟང་
པོ་ཡི། །བྱང་ཆུབ་སེམས་དཔའི་སྤྱོད་པ་མཆོག །དེ་བཞིན་གཤེགས་པའི་འཁོར་ལོ་ཡི། །དབུས་ན་དེ་བཞིན་གཤེགས་པ་མཛེས། །ཞེས་ཆེད་དུ་བརྗོད་པ་ཆེད་དུ་བརྗོད་པར་བསམ་པར་བྱའོ། །དེ་ནས་རྣམ་པར་སྣང་མཛད་ཀྱི་ཐུགས་ཀར་ཞུགས་ཏེ་སླར་བྱུང་ནས། རྡོ་རྗེ་
སེམས་མ་ལ་སོགས་པ་དང་གཅིག་ཏུ་གྱུར་ཏེ། ཡང་ཆེད་དུ་བརྗོད་པ་ཆེད་དུ་བརྗོད་པ་མཛད་དེ། ཨེ་མའོ་སངས་རྒྱས་ཐམས་ཅད་ཀྱི། །རྒྱ་ཆེན་གདོད་ནས་སྐྱེ་བ་མེད། །རྡུལ་ཕྲན་ཐམས་ཅད་ཇི་སྙེད་ཀྱི། །སངས་རྒྱས་རྣམས་ནི་གཅིག་ཏུ་གྱུར། །དེ་ནས་དཔལ་རྡོ་རྗེ་སེམས་དཔའི་

62-1-20a

གནས་ན་གནས་པའི་རྣལ་འབྱོར་པས། དེ་བཞིན་གཤེགས་པ་ཐམས་ཅད་ལས་ཕྲེང་བའི་དབང་བསྐུར་བ་ལ་སོགས་པ་བླངས་ནས། རྡོ་རྗེ་ལྕགས་ཀྱུ་ལ་སོགས་པས་དགུག་པ་དང་། གཞུག་པ་དང་། བཅིང་བ་དང་། དབང་དུ་བྱས་ལ། རྣམ་པར་སྣང་
མཛད་ལ་སོགས་པའི་ཕྱག་རྒྱ་བཞིས་རྒྱས་བཏབས་ནས། སངས་རྒྱས་ཐམས་ཅད་གཅིག་ཏུ་བསྡུས་པ་དང་། རིགས་ཐམས་ཅད་ལ་རྒྱས་གདབ་པ་དང་། བྱང་ཆུབ་ཏུ་སེམས་བསྐྱེད་པ་དང་། དེ་བཞིན་གཤེགས་པ་ཐམས་ཅད་སྤྱན་དྲང་བ་དང་། རྗེས་སུ་མཉེས་པར་བྱ་
བ་དང་། དགྱེས་པ་དང་། དབང་བསྐུར་བ་དང་། འོད་ཀྱིས་སྣང་བར་བྱ་བ་དང་། སྦྱིན་པའི་ཕ་རོལ་ཏུ་ཕྱིན་པ་ལ་ངེས་པར་སྦྱོར་བ་དང་། འཛུམ་པ་རྨད་དུ་བྱུང་བ་ལ་ངེས་པར་སྦྱར་བ་དང་། ཤིན་ཏུ་རྣམ་པར་དག་པའི་ཏིང་ངེ་འཛིན་རྫོགས་པར་བྱ་བ་དང་། ཉོན་མོངས་པ་དང་ཉེ་
བའི་ཉོན་མོངས་པ་གཅོད་པ་དང་། དཀྱིལ་འཁོར་ཆེན་པོར་འཇུག་པ་དང་། སྤྲོས་པ་མེད་པའི་ཆོས་ལ་ངེས་པར་སྦྱོར་བ་དང་། མཆོད་པ་མ་ལུས་ཤིང་ལུས་པ་མེད་པས་དེ་བཞིན་གཤེགས་པ་ལ་མཆོད་པ་དང་། ཐེག་པ་གཞན་ལ་འདོད་པ་དང་། སེམས་ཅན་ཉོན་མོངས་པ་ལ་
སོགས་པའི་འཇིགས་པ་རྣམས་ལས་བསྲུང་བ་དང་། སྲུང་བ་ཐམས་ཅད་ལས་ཡོངས་སུ་བསྐྱབ་པ་དང་། སྐུ་དང་གསུང་དང་ཐུགས་གཅིག་ཏུ་བྱས་པ་ཉིད་ཀྱི་བཅིང་བ་ཉིད་ཀྱི་ཁུ་ཚུར་དང་། དེ་བཞིན་གཤེགས་པ་ཐམས་ཅད་བསྐྱེད་པ་དང་། སྦྱིན་པ་དང་། ཚུལ་ཁྲིམས་དང་། བཟོད་
པ་དང་། བརྩོན་འགྲུས་དང་། བསམ་གཏན་དང་། ཤེས་རབ་དང་། སྨོན་ལམ་དང་། ཐབས་རྫོགས་པར་བྱ་བ་དང་། རྡོ་རྗེ་ལྕགས་ཀྱུས་སེམས་ཅན་ཐམས་ཅད་ཐར་པ་ཆེན་པོའི་གྲོང་ཁྱེར་དུ་དགུག་པ་དང་། ཕ་རོལ་ཏུ་ཕྱིན་པ་བཅུའི་སྤྱོད་པ་ལ་གཞུག་པ་དང་། ཐེག་པ་
གཞན་འདོད་པ་ལ་སེམས་དྲལ་བ་དང་། རང་བཞིན་གྱིས་འོད་གསལ་ཞིང་སྐྱེ་བ་མེད་པར་དབབ་པ་དང་། དམ་པའི་ཆོས་ཀྱི་གྲོང་ཁྱེར་བསྐྱང་པ་ཉིད་ལ་སྦྱར་བར་བྱའོ། །འདི་ནི་ལས་ཀྱི་རྒྱལ་མཆོག་ཅེས་བྱ་བའི་ཏིང་ངེ་འཛིན་ཡིན་ནོ།།      །།དེ་ནས་རྡོ་རྗེ་གནོད་སྦྱིན་

62-1-20b

ཡོངས་སུ་བཟླས་བའི་སྤོས་ཆུས། མཆོད་པའི་ཡན་ལག་རྣམས་པ་བསངས་ལ། རྡོ་རྗེ་མེའི་ཕྱག་རྒྱ་དང་བཅས་པས་ཡོངས་སུ་བཟླས་ལ། བཛྲ་པུཥྤེ་ཧཱུཾ་ཞེས་བྱ་བ་དང་། མེ་ཏོག་གི་ཕྱག་རྒྱས་མེ་ཏོག །བཛྲ་གནྡྷེ་ཧཱུཾ་ཞེས་བྱ་བ་དང་། དྲིའི་ཕྱག་རྒྱས་དྲི། བཛྲ་དྷཱུ་པེ་ཧཱུཾ་ཞེས་བྱ་བ་དང་། 
བདུག་པའི་ཕྱག་རྒྱས་བདུག་པ་དང་། ཨ་ཀཱ་རོ་མུ་ཁཾ་སརྦ་དྷརྨཱ་ཎཱཾ། ཨཱ་དྱ་ནུཏྤནྣ་ཏྭཱཏ་ཅེས་བྱ་བ་དང་། རལ་གྲིའི་ཕྱག་རྒྱས་ནི་བཤོས་ཏེ། རྡོ་རྗེ་བསྡམས་པ་ལས་རལ་གྲིས་འདེབས་པའི་ཚུལ་དུ་བྱེད་པ་ནི་རལ་གྲིའི་ཕྱག་རྒྱའོ། །བཛྲ་ཨཱ་ལོ་ཀེ་ཞེས་བྱ་བ་དང་། མར་མེའི་ཕྱག་རྒྱ་ནི་མར་
མེའོ། །ཨོཾ་བཛྲ་སཏྭ་ཧཱུཾ་ཞེས་བྱ་བ་དང་། ཏིལ་དང་། ནས་དང་། ཀུ་ཤ་དང་། འབྲས་ཡོས་དང་། མེ་ཏོག་དཀར་པོ་དྲི་ཞིམ་པ་དང་། ཙནྡན་དཀར་པོའི་ཆུ་དུང་ལ་སོགས་པའི་སྣོད་དུ་བླུགས་ལ། རྡོ་རྗེ་ཐལ་མོ་ཁ་ཕྱེ་བའི་མཚན་ཉིད་ཅན་གྱིས་མཆོད་ཡོན་གྱི་ཕྱག་རྒྱ་དང་ལན་གསུམ་
མམ་བདུན་ནམ། ཉི་ཤུ་རྩ་གཅིག་ཡོངས་སུ་བཟླས་ལ་གཞག་པར་བྱའོ། །དེ་ནས་ཇི་ལྟ་བ་བཞིན་དུ་སྒོ་དབྱེ་བ་བྱས་ལ། དཔལ་རྡོ་རྗེ་སེམས་དཔའི་ཕྱག་རྒྱ་ཆེན་པོ་བཅིངས་ཏེ། ཨོཾ་བཛྲ་སཏྭ་ཧཱུཾ་ཞེས་བཟླས་ལ། རྡོ་རྗེ་སེམས་དཔའ་སྦྱོར་བདག་ཉིད། །ལག་ངར་གཉིས་ནི་རྡོ་རྗེ་བཙིར། །རྡོ་རྗེ་
སེ་གོལ་བརྡབས་པ་ཡིས། །སངས་རྒྱས་ཐམས་ཅད་བསྡུ་བར་བྱ། །གཡོན་པའི་སེ་གོལ་བརྡབས་པ་དང་། །གཡས་པ་ཡིས་ནི་གྲུབ་པར་འགྱུར། །གཡས་པ་ཐལ་མོ་ཞེས་བྱ་སྟེ། །འདུས་པ་ཡང་ནི་གཉི་ག་ཡིན། །ཞེས་བྱ་བ་ནི་རྡོ་རྗེ་བསྡུ་བའི་ཕྱག་རྒྱའི་མཚན་ཉིད་དོ། །
ཨོཾ་བཛྲ་ས་མཱ་ཛ། ཛཿཧཱུཾ་བཾ་ཧོཿ ཞེས་བྱ་བ་ནི་རྡོ་རྗེ་བསྡུ་བའི་ཕྱག་རྒྱའི་སྙིང་པོའོ། །འདི་ནི་བཀའ་ཙམ་གྱིས་བསྒྲགས་པས། །འཁོར་ལོའི་ཚོགས་ནི་འཁོར་བཅས་པའི། །སངས་རྒྱས་ཐམས་ཅད་གཤེགས་འགྱུར་ན། །གཞན་ལྟ་སྨོས་ཀྱང་ཅི་ཞིག་དགོས། །དེ་ནས་རྡོ་རྗེ་སེམས་དཔའ་
ཡི། །ཕྱག་རྒྱ་ཆེན་པོ་སྒོམ་བྱེད་ཅིང་། །མིང་བརྒྱ་རྩ་བརྒྱད་དམ་པ་ནི། །ལན་ཅིག་རབ་ཏུ་བརྗོད་པར་བགྱི། །དེ་ནས་སྒོ་རྣམས་ཐམས་ཅད་དུ། །ལྕགས་ཀྱུ་ལ་སོགས་ལས་བགྱིས་ནས། །ལས་ཆེན་མཆོག་གི་ཕྱག་རྒྱ་ཡིས། །དམ་ཚིག་རྣམས་ནི་གཞག་པར་བགྱི། །དམ་

62-1-21a

ཚིག་མཆོག་གི་ཕྱག་རྒྱ་དང་། །སེམས་དཔའི་རྡོ་རྗེ་ལ་སོགས་པས། །དེ་ལྟར་སེམས་དཔའ་ཆེན་པོ་བསྒྲུབ། །ཛཿཧཱུཾ་བཾ་ཧོཿཞེས་བྱར་བརྗོད། །འདི་སྐད་ཅེས་སྟོན་ཏེ། རྡོ་རྗེ་གནོད་སྦྱིན་གྱིས་བགེགས་བསྐྲད་པ་དང་། སྲུང་བ་ཡང་བྱས་ལ། 
རྡོ་རྗེ་ཁུ་ཚུར་གྱིས་སྒོ་ཡང་བཅད་དེ། རྡོ་རྗེ་སེམས་དཔས་མཆོད་ཡོན་ཕུལ་ལ། རྡོ་རྗེ་དབྱིངས་ལ་སོགས་པའི་དམ་ཚིག་གི་ཕྱག་རྒྱ་བཅིངས་ཏེ། བཛྲ་དྷཱ་ཏུ་དྲྀ་ཤྱ་ཞེས་བྱ་བ་ལ་སོགས་པས་ཐམས་ཅད་བལྟ་བར་བྱས་ལ། ཛཿཧཱུཾ་བཾ་ཧོཿ ས་མ་ཡ་སྟྭཾ་ས་མ་ཡ་ཧོ་ཨ་ཧཾ་ཞེས་
བྱ་བ་དང་། དཔལ་རྣམ་པར་སྣང་མཛད་ལ་སོགས་པའི་སྙིང་པོ་དང་། སྔགས་ལན་གསུམ་བརྗོད་ལ་ཆོས་དང་ལས་དང་ཕྱག་རྒྱ་ཆེན་པོ་རྣམས་ཀྱིས་ཀྱང་། དེ་རྣམས་ལ་རྒྱས་བཏབ་སྟེ། དབང་བསྐུར་བའི་ཕྱག་རྒྱ་རྣམས་ཀྱིས་སངས་རྒྱས་ལ་སོགས་པས་དབང་བསྐུར་ལ། 
མཆོད་ཡོན་ཕུལ་ནས་མཆོད་པར་བྱ་སྟེ། ཨོཾ་སརྦ་ཏ་ཐཱ་ག་ཏ་པུཥྤ་པཱུ་ཛ་མེ་གྷ་ས་མུ་དྲ་སྥ་ར་ཎ་ས་མ་ཡེ་ཧཱུཾ་ཞེས་བྱ་བ་དང་། མེ་ཏོག་གིས་སོ། །ཨོཾ་སརྦ་ཏ་ཐཱ་ག་ཏ་གནྡྷ་པཱུ་ཛ་མེ་གྷ་ས་མུ་དྲ་སྥ་ར་ཎ་ས་མ་ཡེ་ཧཱུཾ་ཞེས་བྱ་བ་དང་དྲིས་སོ། །ཨོཾ་སརྦ་ཏ་ཐཱ་ག་ཏ་དྷཱུ་པ་པཱུ་ཛ་མེ་གྷ་ས་མུ་དྲ་སྥ་ར་ཎ་ས་མ་
ཡེ་ཧཱུཾ་ཞེས་བྱ་བ་དང་བདུག་པས་སོ། །ཨོཾ་ཨ་ཀཱ་རོ་མུ་ཁཾ་སརྦ་དྷརྨཱ་ཎཱཾ་ཨཱ་དྱ་ནུཏྤནྣ་ཏྭཱཏ་ཅེས་བྱ་བ་དང་བཤོས་ཀྱིས་སོ། །ཨོཾ་སརྦ་ཏ་ཐཱ་ག་ཏ་དཱི་པ་པཱུ་ཛ་མེ་གྷ་ས་མུ་དྲ་སྥ་ར་ཎ་ས་མ་ཡེ་ཧཱུཾ་ཞེས་བྱ་བ་དང་མར་མེས་མཆོད་པ་བྱ་ཞིང་། སྒེག་མོ་ལ་སོགས་པ་མཆོད་པ་བརྒྱད་ཀྱིས་ཡང་
དག་པར་མཆོད་ལ། ཨོཾ་སརྦ་ཏ་ཐཱ་ག་ཏ་ཨཱཏྨ་ནཾ་ནིརྱཱ་ཏ་ན་པཱུ་ཛ་སྥ་ར་ཎ་ཀརྨ་བཛྲི་ཧཱུཾ་ཨཿ ཨོཾ་སརྦ་ཏ་ཐཱ་ག་ཏ་སརྦ་ཨཱཏྨ་ནཾ་ནིརྱཱ་ཏ་ན་པཱུ་ཛ་སྥ་ར་ཎ་ཀརྨ་གྲྀ་ཛཿ ཨོཾ་སརྦ་ཏ་ཐཱ་ག་ཏ་སརྦ་ཨཱཏྨ་ནཾ་ནིརྱཱ་ཏ་ན་ཨ་ནུ་རཱ་ག་ཎ་པཱུ་ཛ་སྥ་ར་ཎ་ཀརྨ་བཱ་ཎེ་ཧཱུཾ་ཧོཿ ཨོཾ་སརྦ་ཏ་ཐཱ་ག་ཏ་ཨཱཏྨ་ནཾ་ནིརྱཱ་ཏ་ན་སཱ་དྷུ་ཀ་ར་པཱུ་ཛ་སྥ་
ར་ཎ་ཀརྨ་ཏུཥྚི་ཨཿ ཨོཾ་ན་མཿསརྦ་ཏ་ཐཱ་ག་ཏ་ཀཱ་ཡ་ཨ་བྷི་ཥེ་ཀེ་རཏྣེ་བྷྱོ་བཛྲ་མ་ཎི་ཨོཾ། ཨོཾ་སརྦ་ཏ་ཐཱ་ག་ཏ་སཱུ་རྱེ་བྷྱོ་བཛྲ་ཏེ་ཛ་ནི་ཛཱ་ལ་ཧྲཱིཿ  ཨོཾ་ན་མཿསརྦ་ཏ་ཐཱ་ག་ཏ་ཨཱ་ཤ་པ་རི་པཱུ་ར་ཎ་ཙིཧྣ་མ་ཎི་དྷྭ་ཛཱ་གྲེ་བྷྱོ་བཛྲ་དྷྭ་ཛ་གྲེ་ཏྲཱཾ། ཨོཾ་ན་མཿསརྦ་ཏ་ཐཱ་ག་ཏ་མ་ཧཱ་པྲཱི་ཏི་པྲ་མོདྱ་ཀཱ་རེ་བྷྱོ་བཛྲ་ཧཱ་སྱ་ཧཱཿ ཨོཾ་

62-1-21b

སརྦ་ཏ་ཐཱ་ག་ཏ་ཨ་ནུ་ག་ཏ་བཛྲ་དྷརྨ་ཏ་ས་མཱ་ཏི་བྷི་སྟུ་ནོ་མི་མ་ཧཱ་དྷརྨ་གྲྀ་ཧྲཱིཿ ཨོཾ་སརྦ་ཏ་ཐཱ་ག་ཏ་པྲཛྙཱ་པཱ་ར་མི་ཏཱ་ནིར་ཧ་རཻ་ཏུ་ནོ་མི་མ་ཧཱ་གྷོ་ཥ་ནུ་གེ་དྷཾ། ཨོཾ་སརྦ་ཏ་ཐཱ་ག་ཏ་ཙཀྲ་ཨཀྵ་པ་རི་བཱ་ར་ཏ་དི་སརྦ་སཱུ་ཏྲཱན་ཏ་ན་ཡཻ་སྟུ་ནོ་མི་སརྦ་མཎྜ་ལེ་ཧཱུཾ། ཨོཾ་སརྦ་ཏ་ཐཱ་ག་ཏ་སནྡྷ་བྷཱ་ཥ་བུདྡྷ་སཾ་གཱི་ཏི་པིརྒེ་ཡཾ་སྟུ་ནོ་
མི་བཛྲ་བཱརྩེ་བཱཾ། ཨོཾ་སརྦ་ཏ་ཐཱ་ག་ཏ་དྷཱུ་པ་པཱུ་ཛ་མེ་གྷ་ས་སྥ་ར་ཎ་པཱུ་ཛ་ཀརྨེ་ཀ་ར་ཀ་ར། ཨོཾ་སརྦ་ཏ་ཐཱ་ག་ཏ་པུཥྤ་པྲ་ས་ར་སྥ་ར་ཎ་པཱུ་ཛ་ཀརྨེ་ཀི་རི་ཀི་རི། ཨོཾ་སརྦ་ཏ་ཐཱ་ག་ཏ་ཨཱ་ལོ་ཀ་ཛྭ་ལ་སྥ་ར་ཎ་པཱུ་ཛ་ཀརྨེ་ཀ་ར་ཀ་ར། ཨོཾ་སརྦ་ཏ་ཐཱ་ག་ཏ་གནྡྷ་ས་མུ་དྲ་སྥ་ར་ཎ་པཱུ་ཛ་ཀརྨེ་ཀུ་རུ་ཀུ་རུ་ཞེས་བྱ་བས་
སེམས་དཔའ་བཅུ་དྲུག་དང་འདྲ་བའི་རིག་མ་ལས་ཀྱི་ཕྱག་རྒྱ་དང་ལྡན་པ་རྣམས་ཀྱིས་མཆོད་པར་བྱའོ། །དེའི་ཕྱག་རྒྱ་ནི་འདི་རྣམས་ཡིན་ཏེ། རྡོ་རྗེ་བསྡམས་པ་དཀུར་བཞག་སྟེ། །བཙིར་བ་གཉིས་སུ་བྱས་པ་ཡིས། །རྡོ་རྗེ་ཁུ་ཚུར་གཉིས་ཀྱིས་ནི། །བསྒྱིངས་བཅས་
བསོར་བ་གཉིས་ཀ་ཡིས། །ལྕགས་ཀྱུ་འཛིན་ལྟར་གནས་པ་དང་། །མདའ་འཕངས་པ་ཡི་ཚུལ་དང་ནི། །ལེགས་སོ་ཞེས་པ་སྙིང་གར་བཞག །དབང་བསྐུར་བ་ནི་རྡོ་རྗེ་གཉིས། །སྙིང་གར་ཉི་མ་བསྟན་པར་བྱ། །གཡོན་པ་ལ་ནི་གྲུ་མོ་གཟུགས །དེ་བཞིན་ཁ་
ཕྱོགས་བསྐོར་བར་བྱ། །གཡས་པ་ཡིས་ནི་གཡོན་པར་དབྱེ། །སྙིང་གར་གཡོན་པ་རལ་གྲི་འདུད། །མགལ་མེ་འཁོར་ལོ་བསྐོར་བ་དང་། །རྡོ་རྗེ་གཉིས་ཀ་ཁ་ནས་དབྱུང་། །རྡོ་རྗེ་གར་བསྐོར་བཀྲོལ་བ་ཡི། །ཐལ་མོ་འགྲོམ་པ་སྤྱི་བོར་གཞག །གོ་ཆ་མཐེའུ་ཆུང་ཕྱེ་བ་
དང་། །ཁུ་ཚུར་གཉིས་ནི་མནན་པའོ། །དེ་ནས་ཕྱག་བཞི་བྱས་ལ། དཔལ་རྡོ་རྗེ་སེམས་དཔའི་ཕྱག་རྒྱ་ཆེན་པོས་གནས་ཏེ། ཨོཾ་བཛྲ་ཨཱཏྨ་ཀོ྅ཧཾ་ཞེས་བྱ་བ་འདིས། དེ་བཞིན་གཤེགས་པ་ཐམས་ཅད་ཀྱི་སྐུ་དང་གསུང་དང་ཐུགས་རྡོ་རྗེར་བདག་ཉིད་བསྒོམ་མོ། །
དེ་ནས་ཨོཾ་སྭ་བྷཱ་བ་ཤུདྡྷོ྅ཧཾ་ཞེས་བྱ་བས་རང་བཞིན་གྱིས་དག་པར་མོས་པར་བྱས་ལ། ཨོཾ་སརྦ་ས་མ་ཡོ྅ཧཾ་ཞེས་བྱ་བས་བདག་མེད་པའི་མཉམ་པ་ཉིད་ཀྱིས་རྣམ་པར་སྣང་མཛད་ལ་སོགས་པའི་ལྷ་ཐམས་ཅད་ཀྱི་ངོ་བོ་ཉིད་དུ་བསམ་པར་བྱའོ། །དེ་ནས་དཔལ་རྡོ་རྗེ་སེམས་དཔའི་ཡི་གེ་

62-1-22a

བརྒྱ་པ་རྡོ་རྗེའི་ཚིག་གམ་ཡིད་ཀྱིས་བཟླས་ལ། ཐམས་ཅད་བདག་ཡིན་ནོ་ཞེས་བསྒོམས་ལ། ལྷ་ཐམས་ཅད་ཀྱི་ཞལ་ནས་སྔགས་ཀྱི་སྒྲ་འབྱུང་བར་བསམ་ཞིང་། བཟླས་པ་ལ་བརྩོན་པར་བྱས་ན་དེ་ལྟ་བུས་ནི་ཐམས་ཅད་ཀྱིས་བཟླས་པར་འགྱུར་རོ། །ཇི་སྲིད་སྐྱོ་བར་
མ་གྱུར་པ་དེ་སྲིད་ཀྱི་བར་དུ་བསྒོམས་ལ་སྐྱོ་བར་གྱུར་ན་ཡང་མཚན་བརྒྱ་རྩ་བརྒྱད་ཀྱིས་བསྟོད་ལ། མཆོད་ཡོན་ཕུལ་ཏེ་མཆོད་ལ་ཕྱག་བཞི་བྱས་ནས། ཕྱག་རྒྱ་གང་དང་གང་ནས་བྱུང་བ་དེ་དང་དེ་ཉིད་ལས་བཀྲོལ་ལ། རྡོ་རྗེ་སེམས་མ་ལ་སོགས་པའི་ཕྱག་རྒྱས་བཛྲ་མུཿཞེས་བྱ་བ་
དང་། དགྲོལ་བར་བྱའོ། །དཔལ་རྡོ་རྗེ་སེམས་དཔའ་ལ་སོགས་པའི་གནས་ཀྱི་ངེས་པ་ནི་བཤད་ཟིན་ཏོ། །མི་བསྐྱོད་པ་ལ་སོགས་པའི་གནས་ནི། རྡོ་རྗེ་སེམས་དཔའ་དང་། རྡོ་རྗེ་རིན་ཆེན་དང་། རྡོ་རྗེ་ཆོས་དང་། རྡོ་རྗེ་ལས་ཀྱི་གནས་ཉིད་ཡིན་ནོ། །རྣམ་པར་སྣང་མཛད་ཀྱི་གནས་
ནི་སྤྱི་གཙུག་ཡིན་ནོ། །དེ་ནས་རྡོ་རྗེ་རིན་ཆེན་གྱི་དམ་ཚིག་གི་ཕྱག་རྒྱ་སྙིང་ག་ནས་བྱུང་བ། རང་གི་དབང་བསྐུར་བའི་གནས་སུ་གནས་པ་དང་། ཨོཾ་བཛྲ་རཏྣ་ཨ་བྷི་ཥིཉྩ་ཞེས་བྱ་བས་ཕྱག་རྒྱ་ཐམས་ཅད་དབང་བསྐུར་བར་བྱའོ། །དེའི་རྗེས་ལ་སརྦ་མུ་ཏྲཾ་མཻ་ཏྲི་ཀུ་རུ་བ་ར་ཀ་བ་ཙེ་ན་བཾ་ཞེས་བྱ་
བ་དང་། མཛུབ་མོ་གཉིས་ཀྱིས་སྔ་མ་བཞིན་དུ་གོ་ཆ་བགོས་ལ། ཐ་མར་མཉམ་པའི་ཐལ་མོས་སྔ་མ་བཞིན་དུ་མཉེས་པར་བྱས་ལ། རྡོ་རྗེ་སེམས་དཔའ་དང་ཡི་གེ་བརྒྱ་པ་བཟླས་ནས། མངོན་པར་འདོད་པའི་དངོས་གྲུབ་ཀྱི་ཕྱིར། དགེ་བའི་རྩ་བ་ཡོངས་སུ་བསྔོ་སྟེ། བདག་གི་ཆོ་ག་
མ་ཚང་བ་གང་དག་བགྱིས་པ་དེ་བཟོད་པར་མཛོད་ཅིག་ཅེས་གསོལ་བ་བཏབ་ལ། མཆོད་ཡོན་ཕུལ་ནས། ཨོཾ་ཀྲྀ་ཏོ་བ་སརྦྦ་སཏྭཱ་རྠ་སིདྡྷེ་མ་དཏྟཱ་ཡ་ཐཱ་ནུ་ག་གཙྪ་ཏྭཱཾ་བུདྡྷཱ་བི་ཥ་ཡཾ། པུ་ན་ར་ག་མ་ན་ཡཙྪ་ཞེས་བྱ་བས་སངས་རྒྱས་དང་བྱང་ཆུབ་སེམས་དཔའ་རྣམས་གཤེགས་པའི་ཕྱིར་
བསྐུལ་བར་བྱ་ཞིང་། ཨོཾ་བཛྲ་སཏྭ་མུཿཞེས་བྱ་བའི་སྙིང་པོ་འདིས། རྡོ་རྗེ་སེམས་མའི་ཕྱག་རྒྱ་གྱེན་དུ་དགྲོལ་བར་བྱའོ། །དེ་ལྟར་ན་ཐམས་ཅད་ཀྱང་གཤེགས་སུ་གསོལ་བར་འགྱུར་རོ། །ཇི་ལྟ་བ་བཞིན་དུ་སྤྲུལ་པའི་འཁོར་ལོའི་ཚོགས་དང་བཅས་པ་རྣམས་ནི། དེ་

62-1-22b

བཞིན་དུ་ཡིད་ཀྱིས་ལེགས་པའི་སྦྱོར་བས་རང་གི་ལུས་ལ་བཅུག་ལ། རྡོ་རྗེ་སྲུང་བ་དང་། རྡོ་རྗེ་གནོད་སྦྱིན་དང་། རྡོ་རྗེ་ཁུ་ཚུར་དང་། རྡོ་རྗེ་ལས་ཀྱི་ཕྱག་རྒྱ་རྣམས་ཀྱིས་བདག་ཉིད་བསྲུང་བ་བྱས་ནས་ལངས་ཏེ། དཀྱིལ་འཁོར་གྱི་ལས་དང་། གླེགས་
བམ་བཀླག་པ་ལ་སོགས་པ་བྱའོ། །དེ་ལྟར་ཉིན་རེ་ཞིང་ཐུན་བཞིར་ཟླ་བ་གཅིག་གམ། ཟླ་བ་དྲུག་གམ། ལོ་གཅིག་གམ། དུས་ཇི་སྲིད་ཀྱི་ལྷ་རྣམས་ལས་གནང་བ་ཐོབ་པར་གྱུར་པ་དེ་སྲིད་ཀྱི་བར་དུ་བྱའོ། །ཡང་ན་སྔ་མ་བཞིན་དུ་རྣལ་འབྱོར་
ཆེན་པོ་དང་། མཆོད་པ་ལ་སོགས་པ་བྱས་ལ། དེ་ཉིད་ཀྱིས་ནི་རྡོ་རྗེ་གཟུང་། །ཆོས་ཀྱི་དྲིལ་བུ་དཀྲོལ་བར་བྱ། །དམ་ཚིག་གི་ནི་ཕྱག་རྒྱ་ཆེར། །བྱིན་གྱིས་བརླབས་ནས་སྙིང་པོ་བཟླ། །དེ་ནས་བཛྲ་ཨཱཏྨ་ཀོ་ལ་སོགས་པའི་སྙིང་པོ་གསུམ་བཟླས་ལ། དེའི་དོན་གསུམ་པོ་རྣམ་
པར་བསྒོམས་ནས། ཕྱག་རྒྱ་བཞིའི་དཀྱིལ་འཁོར་ལ་སོགས་པའི་སྔགས་ལྔ་པོས་རང་གི་སྙིང་གར། རྡོ་རྗེ་དབྱིངས་ཀྱི་དཀྱིལ་འཁོར་སྤྲུལ་ལ། སྔར་བཤད་པའི་སྙིང་པོས་དཔལ་རྣམ་པར་སྣང་མཛད་ལ་སོགས་པའི་གནས་ཇི་ལྟ་བ་བཞིན་དུ་བཀོད་དེ། ནམ་མཁའ་དང་མཉམ་
པའི་སྦྱོར་བས་ཞུགས་ལ། བཛྲ་ཨཱཏྨ་ཀོ་ལ་སོགས་པའི་སྔགས་ཀྱིས་དེ་རྣམས་དང་གཅིག་ཏུ་གྱུར་པར་བྱས་ལ། བཛྲ་དྷཱ་ཏུ་ར་ཧཾ་སྭ་ཡཾ་ཞེས་བྱ་བས། རྡོ་རྗེ་དབྱིངས་ཀྱི་དཀྱིལ་འཁོར་ཆེན་པོར་བདག་ཉིད་ངེས་པར་བྱས་ཏེ། ཐམས་ཅད་ཀྱང་བདག་ཉིད་ཁོ་ན་ཡིན་ནོ་ཞེས་
བསྒོམས་ལ། དཔལ་རྡོ་རྗེ་སེམས་དཔའི་སྙིང་པོའམ། སྔགས་ཟློས་ཤིང་ལྷ་ཐམས་ཅད་ཀྱི་ཞལ་ནས་ཀྱང་སྔགས་ཀྱི་སྒྲ་འབྱུང་བར་ཡང་བསམ་པར་བྱའོ། །ཕྱོགས་དེ་ལྟ་བུ་ལ་སོགས་པས་ཀྱང་རྣམ་པར་སྣང་མཛད་ལ་སོགས་པ་འགྲུབ་པར་འགྱུར་རོ། །ངལ་
ཞིང་དུབ་ན་མཚན་བརྒྱ་རྩ་བརྒྱད་ཀྱིས་བསྟོད་པ་དང་། མཆོད་པ་དང་། ཕྱག་བཞི་བྱས་ལ། ཐུན་བཞིའི་ཐ་མར་ཡང་མཚན་བརྒྱ་རྩ་བརྒྱད་ཀྱི་བསྟོད་པ་སྔོན་དུ་འགྲོ་བའི་མཆོད་པ་བྱས་ལ་གཤེགས་སུ་གསོལ་བར་བྱའོ། །འཇིག་རྟེན་དང་འཇིག་རྟེན་ལས་འདས་པའི་གསང་

62-1-23a

སྔགས་རྣམས་ནི། རྣལ་འབྱོར་ཆེན་པོས་བསྒྲུབ་པར་བྱ་བ་ཡིན་པས། དཀྱིལ་འཁོར་བསྒོམ་པར་མི་ནུས་པ་གང་ཡིན་པ་དེས་ནི་རྣལ་འབྱོར་ཆེན་པོ་བྱས་ལ། ཐམས་ཅད་ཀྱི་སྔགས་རེ་རེ་ཞིང་བཟླས་བརྗོད་འབུམ་འབུམ་བྱས་ལ། བཛྲོ་ཏིཥྛ་ཞེས་ལན་འབུམ་
བཟླས་ལ་རྡོ་རྗེ་སློང་བའི་ཕྱག་རྒྱ་བཅིངས་ནས། མཚན་ཐོག་ཐག་བཟླས་བརྗོད་བྱས་ན་འགྲུབ་པར་གྱུར་རོ། །དེ་ནས་བརྩམས་ཏེ་དེས་བུམ་པ་ལ་སོགས་པ་དེ་ནམ་མཁའ་ལ་འཇོག་པར་ནུས་པར་འགྱུར་རོ། །རྡོ་རྗེ་མཛུབ་སོར་གཉིས་ལེགས་པར། །རབ་མཉམ་
གཞག་པས་བསྙམས་ནས་ནི། །ཤི་བ་ཐམས་ཅད་སློང་བ་སྟེ། །རྡོ་རྗེ་སློང་བ་ཞེས་བྱའོ། །བཛྲ་ཨཱ་བེ་ཤ་ཨ་ཞེས་བྱ་བ་ཡང་བཟླས་བརྗོད་འབུམ་བྱས་ལ། རྡོ་རྗེ་དྲིལ་བུ་མར་ལ་བྱུགས་ཏེ། སྲེག་བླུགས་སྟོང་གིས་མངོན་པར་སྦྱངས་ལ། རྡོ་རྗེ་འབེབས་པའི་ཕྱག་རྒྱས་
བཟུང་ལ་མཚན་ཐོག་ཐག་བཟླས་བརྗོད་བྱས་ན་དེ་གྲུབ་པར་འགྱུར་ལ་ལག་ན་ཐོགས་པ་ཐམས་ཅད་འབེབས་པར་འགྱུར་རོ། །སྔོན་དུ་བསྙེན་པའི་ཆོ་གའོ།།      །།དེ་ལྟར་སྔོན་དུ་བསྙེན་པ་བྱས་ནས། གཙུག་ལག་ཁང་ངམ། ཀུན་དགའ་ར་བའམ། 
ཡུལ་ལམ། གྲོང་ཁྱེར་གྱི་ཤར་རམ། བྱང་གི་ཕྱོགས་ཀྱི་ཆར་རམ། རང་ཡིད་དང་མཐུན་པ་དེར་དཀྱིལ་འཁོར་བྲི་བར་བྱའོ། །དེར་ཤིན་ཏུ་མཉམ་ཞིང་སྣུམ་ལ་ཤར་དུ་གཞོལ་བ། ཚད་དང་ལྡན་ཞིང་ཚ་སྒོ་ཅན་མ་ཡིན་པའི་སའི་ཆར་རྒྱལ་པོས་ནི་ཁྲུ་བརྒྱ་འམ་ལྔ་
བཅུའོ། །བློན་པོ་དང་བློན་པོ་ཆེན་པོས་ནི་ཁྲུ་ལྔ་བཅུའམ་ཉི་ཤུ་རྩ་ལྔའོ། །ཚོང་དཔོན་ནམ་དེད་དཔོན་གྱིས་ནི་ཁྲུ་ཉི་ཤུའམ་དེའི་ཕྱེད་དོ། །སྒྲུབ་པ་པོས་ནི་ཁྲུ་བཅུ་གཉིས་སམ་དྲུག་པ་བྱའོ། །དེ་ལ་དང་པོ་ཁོ་ནར་མངོན་པར་འདོད་པའི་དཀྱིལ་འཁོར་གྱི་སའི་དབུས་སུ། མི་རུས་ཀྱི་ཕྱེ་
མ་ཁྲག་དང་དུག་དང་བཅས་པ་དང་། མངོན་སྤྱོད་ཀྱི་སྦྱིན་སྲེག་གྱི་ཆོ་གས་དཀྱིལ་འཁོར་གྱི་བགེགས་བཟློག་ལ། བདག་དང་སློབ་མ་དང་ས་བདག་ལ་སོགས་པ་ཞི་བར་བྱེད་པའི་ཞི་བའི་སྦྱིན་སྲེག་བྱའོ། །དེ་ནས་ས་སྦྱང་དུ་གཞུག་པར་བྱ་སྟེ། འདོམ་གང་ཙམ་ལ་ལྐོག་མའམ་ལྟེ་བའམ་

62-1-23b

པུས་མོ་ནུབ་པ་ཙམ་དུ་འོག་ཏུ་བརྐོས་ལ། སྤོས་ཆུ་དྲི་ཞིམ་པོས་སྦྲུས་པའི་སས་བཀང་ལ། རྡོ་རྗེ་རྩེ་མོ་ཡོངས་སུ་བཟླས་པའི་སྤོས་ཆུས་ཆག་ཆག་བཏབ་སྟེ། འཐས་པར་བཅགས་ལ་ཤིན་ཏུ་མཉམ་པར་བྱས་པ། ཁང་པ་བརྩེགས་པའི་ནང་དུ་ཆུད་པ། རྟ་བབས་བཞིས་མཛེས་
པར་བྱས་པ། སྒོ་བཞི་དང་སྐར་ཁུང་གིས་ཡོངས་སུ་བསྐོར་བ། ཐ་མར་དྲིལ་བུ་ལེགས་པར་བཏགས་པ་དང་བཅས་པའི་རྒྱལ་མཚན་དང་། བླ་རེའི་མཆོད་པ་སྣ་ཚོགས་བྲེས་པ། སངས་རྒྱས་རིན་པོ་ཆེ་ལ་སོགས་པའི་རས་རིས་དང་སྐུ་གཟུགས་ཀྱིས་ཉེ་བར་བརྒྱན་པ། གྲྭ་བཞིར་
སྤོས་སྣོད་གཞག་པ། མེ་ཏོག་དང་མར་མེ་དང་གོས་ལ་སོགས་པས་ཉེ་བར་མཛེས་པར་བྱས་ལ་དྲིས་བྱུགས་ཏེ། རྡོ་རྗེ་གནོད་སྦྱིན་ཡོངས་སུ་བཟླས་པའི་སྤོས་ཆུས་ཡོངས་སུ་བསངས་ལ། རྡོ་རྗེ་སེམས་དཔའི་ཡི་གེ་བརྒྱ་པ་ལན་བདུན་བཟླས་པར་བྱའོ། །ས་སྦྱང་བ་དང་ཡོངས་
སུ་གཟུང་བའི་ཆོ་གའོ།།      །།དེ་ནས་བདག་ཉིད་ཁྲུས་བྱས་ཤིང་ལུས་དྲིས་བྱུགས་ལ། ཇི་སྙེད་པའི་གོས་དང་རྒྱན་གདགས་ཤིང་། ཤིན་ཏུ་དམར་བའི་གོས་བགོས་ལ། མེ་ཏོག་གི་ཕྲེང་བ་གདགས་ཤིང་གདོང་དྲི་ཞིམ་པར་བྱས་ལ། ཡར་གྱི་ངོའི་ཚེས་བརྒྱད་
ནས་བརྩམས་ཏེ། ཚེས་བཅུའམ། ཚེས་བཅུ་གསུམ་མམ་བཅུ་བཞི་ནས་བརྩམས་ཏེ། བཅོ་ལྔའི་བར་དུ་དཀྱིལ་འཁོར་གྱི་ལས་བྱའོ། །གཉུག་མར་གནས་པའི་སའི་ཆར་ནི་ཕྱག་དར་དང་། སྐྱང་ནུལ་བྱས་ལ། དེ་བཞིན་དུ་ལག་པས་རེག་པར་བྱས་ནས། རྡོ་རྗེ་སེམས་
དཔའ་བཟླ་བར་བྱའོ། །དེ་ནས་ཆོ་ག་ཐམས་ཅད་སྤྱད་པར་བྱའོ། །ཡང་ན་ཚེས་བཅོ་ལྔའི་སྔ་དྲོ་ནས་བརྩམས་ཏེ་བྱའོ། །དཀྱིལ་འཁོར་དུ་འཇུག་པའི་ཞག་ནི། སློབ་དཔོན་སློབ་མ་དང་བཅས་པས་སྨྱུང་བར་གནས་པར་བྱའོ། །དེ་ལ་རེ་ཞིག་དཀྱིལ་འཁོར་
གྱི་སའི་དབུས་སུ་འདུག་ལ། བདག་བསྲུང་བ་དང་། བགེགས་གཞོམ་པ་ལ་སོགས་པ་བྱའོ། །དེ་ནས་རྡོ་རྗེའི་ཁོར་ལོས་དཀྱིལ་འཁོར་སྤྲུལ་ལ། ཕྱག་འཚལ་བ་ལ་སོགས་པ་སྔོན་དུ་འགྲོ་བ་དང་སྡོམ་པ་བཟུང་ལ། རྣལ་འབྱོར་ཆེན་པོ་དང་ཁང་པ་བརྩེགས་

62-1-24a

པ་དང་། གདན་ལ་སོགས་པ་བསྐྱེད་ལ། སེམས་དཔའི་སྐྱིལ་མོ་ཀྲུང་གིས་འདུག་སྟེ། བདག་ཉིད་སྤྲོ་བ་བསྐྱེད་པར་བྱའོ། །དེང་དུས་བདག་ཚེ་འབྲས་བུ་ཡོད། །བདག་གི་གསོན་པའང་འབྲས་བུར་བཅས། །ལྷ་དང་དམ་ཚིག་གིས་མཉམ་
པར། །གྱུར་པར་བདག་ནི་སོམ་ཉི་མེད། །བྱང་ཆུབ་སེམས་དང་སེམས་གཅིག་ལས། །མི་ལྡོག་པར་ནི་བདག་གྱུར་ཏེ། །དེ་བཞིན་གཤེགས་པའི་རིགས་སུ་ནི། །དེང་བདག་སྐྱེ་བར་ཐེ་ཚོམ་མེད། །དེང་བདག་ཉི་མ་དམ་པ་སྟེ། །བདག་གི་མཆོད་སྦྱིན་བླ་ན་མེད། །སངས་
རྒྱས་ཐམས་ཅད་སྤྱན་འདྲེན་པས། །དེང་བདག་འདུས་པ་མཆོག་ཡིན་ནོ། །དེ་ནས་ཡན་ལག་ཐམས་ཅད་ཀྱིས་ཕྱག་བྱས་ཏེ། སྤོས་སྣོད་ལག་ཏུ་ཐོགས་ཏེ། སངས་རྒྱས་ཐམས་ཅད་སྤྱན་དྲང་བར་བྱའོ། །མ་ལུས་ཕྱོགས་ན་བཞུགས་པ་ཡི། །སངས་རྒྱས་ཐམས་ཅད་
དགོངས་སུ་གསོལ། བདག་མིང་འདི་ཞེས་བགྱི་བ་ཡིས། །རྡོ་རྗེ་ཅན་གྱི་དཀྱིལ་འཁོར་བྲི། །དེང་འདིར་སངས་རྒྱས་ཀུན་གཤེགས་ཏེ། །དངོས་གྲུབ་འདི་ནི་སྩལ་དུ་གསོལ། །ཞེས་བརྗོད་ལ། དང་པོའི་སྦྱོར་བ་དང་། དཀྱིལ་འཁོར་རྒྱལ་མཆོག་དང་ལས་ཀྱི་རྒྱལ་པོའི་
མཆོག་རྣམ་པར་བསྒོམས་ནས། ཡང་སྒོ་དབྱེ་བ་སྔོན་དུ་འགྲོ་བས། རྡོ་རྗེ་སེམས་དཔའི་གནས་སུ་དཔལ་རྡོ་རྗེ་སེམས་དཔའི་ཕྱག་རྒྱ་ཆེན་པོས་གནས་པའི་བར་དུ་བྱས་ནས། དེའི་སྔགས་ཟློས་པ་ལ་བརྩོན་པའི་རྣལ་འབྱོར་པ་ལ། སྒྲུབ་པའི་གྲོགས་མཆོག་དེ་བཞིན་གཤེགས་
པའི་ང་རྒྱལ་དང་ལྡན་པས་དཀྱིལ་འཁོར་བྲི་བའི་ཕྱིར། མཚན་བརྒྱ་རྩ་བརྒྱད་པས་གསོལ་བ་གདབ་པར་བྱའོ། །དེ་ནས་ལངས་ལ་དེ་བཞིན་གཤེགས་པ་ཐམས་ཅད་ཀྱི་ཞབས་ལ་ཕྱག་བྱས་ལ། དེ་བཞིན་གཤེགས་པ་ཐམས་ཅད་ཀྱིས་ནམ་མཁའི་ཁམས་གང་བར་མངོན་
སུམ་དུ་བསམས་ལ། བདག་ནི་རང་ཉིད་རྡོ་རྗེ་ཅན། །རྡོ་རྗེ་སེམས་དཔའ་བདག་རང་ཉིད། །བདག་ནི་སངས་རྒྱས་རྒྱལ་པོ་ཆེ། །སྟོབས་ཆེན་རྡོ་རྗེ་ཅན་བདག་ཡིན། །བདག་ནི་རྣལ་འབྱོར་དབང་ཕྱུག་རྒྱལ། །ཕྱག་ན་རྡོ་རྗེ་བརྟན་བདག་ཡིན། །བདག་པོ་རྡོ་རྗེ་ཆེན་པོ་བདག །

62-1-24b

བྱིན་གྱིས་བརླབས་པ་མི་འདོར་རོ། །དེ་ནས་བཛྲ་དྲྀཥྚི་མ་ཊ་ཞེས་བྱ་བ་མིག་གཉིས་སུ་བཀོད་ལ། ཡི་གེ་ཨ་ལས་རྐང་མཐིལ་གཉིས་སུ་སྣ་ཚོགས་རྡོ་རྗེ་བསྐྱེད་ལ། རང་གི་དམ་ཚིག་གི་ཕྱག་རྒྱ་བཅིངས་ཏེ། བཛྲ་སཏྭ་ཨུཏྟིཥྛཱ་ཞེས་བྱ་བས་དཀྱིལ་འཁོར་དེ་ནམ་མཁའི་སྟེང་དུ་བཏེག་གོ། །
དེ་ནས་རང་གི་དམ་ཚིག་གི་ཕྱག་རྒྱ་དེས་བདག་ཉིད་ལན་ཅིག་བྱིན་གྱིས་བརླབས་ལ། ཡང་ཕྱག་རྒྱ་ཆེན་པོ་བཅིངས་ཏེ། ཕྱག་རྒྱ་ལ་གནས་དེ་བཞིན་ལངས། །ཀུན་དུ་རྣམ་པར་བལྟས་ནས་ནི། །རྡོ་རྗེ་སེམས་དཔའ་ཞེས་བརྗོད་ནས། །བསྒྱིངས་པའི་ཚུལ་གྱིས་ཡོངས་
སུ་བསྐོར། །རྡོ་རྗེའི་ལྟ་བས་ཕྱོགས་དང་མཚམས་དང་། དཀྱིལ་འཁོར་བཅིང་བ་དང་། ར་བ་དང་དྲ་བ་བྱས་ནས། རྐང་མཐིལ་ནས་ཡོངས་སུ་གཟུང་སྟེ། ས་གཞི་ནས་རི་རབ་ཀྱི་རྩེ་མོའི་བར་དུ། རྡོ་རྗེའི་རང་བཞིན་དུ་བྱས་ལ། ཡང་བགེགས་གཞོམ་པ་ལ་སོགས་པ་
བྱས་ནས། སྔགས་དང་ཕྱག་རྒྱ་འདི་དང་ལྡན་པས། གསང་བའི་དཀྱིལ་འཁོར་དགུག་པར་བྱའོ། །ཨོཾ་བཛྲ་སརྦ་མཎྜ་ལ་ཧཱུཾ་ཛཿ རྡོ་རྗེ་ཁུ་ཚུར་གཉིས་མཛུབ་མོ་དང་། མཐེ་བོང་རྡོ་རྗེར་བྱ་བ་ནི། དཀྱིལ་འཁོར་ཐམས་ཅད་དགུག་པ་ཡིན་ནོ། །རྡོ་རྗེ་འཁོར་ལོའི་ཕྱག་རྒྱ་དང་། 
མ་ཧཱ་བཛྲ་ཙཀྲ་ཨ་དྷི་ཏིཥྛ་སིདྡྷྱ་ཧཱུཾ་ཞེས་བྱ་བ་འདིས་ཡང་ཀྱིལ་འཁོར་བྱིན་གྱིས་བརླབ་པར་བྱའོ། །རྡོ་རྗེ་རྒྱུའི་ལས་ཀྱི་ཕྱག་རྒྱ་ཉིད་འདིའི་ཕྱག་རྒྱ་ཡིན་ནོ། །དེ་ནས་སེང་ལྡེང་ལས་བྱས་པའི་རྡོ་རྗེའི་ཕུར་བུ། དབུས་དང་གྲྭ་བཞིར་རྡོ་རྗེས་བརྡུང་བར་བྱ་སྟེ། ཨོཾ་བཛྲ་ཀི་ལ་ཡ་
སརྦ་བིགྷྣཾ་བནྡྷ་ཧཱུཾ་ཞེས་བྱ་བའི་སྙིང་པོ་བརྒྱ་རྩ་བརྒྱད་བཟླས་ལ། གཡོན་པའི་རྡོ་རྗེ་ཁུ་ཚུར་གྱིས་བཟུང་སྟེ། རྡོ་རྗེ་རྩེ་ལྔ་པ་བླངས་ལ། ཧཱུཾ་ཟློས་ཤིང་དེ་དང་དཀྱིལ་འཁོར་གྱི་གྲྭ་བཞི་དང་དཀྱིལ་འཁོར་གྱི་ལྟེ་བར་ཕུར་བུ་ལྔ་བསྐྱེད་ལ། ལག་པ་གཡས་པ་རྡོ་རྗེ་རྩེ་གསུམ་པར་བྱས་པས་
བརྡུང་ཞིང་འདི་སྐད་ཅེས་བཟླས་པར་བྱའོ། །ཨོཾ་གྷ་གྷ་གྷཱ་ཏ་ཡ་གྷཱ་ཏ་ཡ་སརྦ་དུཥྚཱན་ཕཊ། ཀི་ལ་ཡ་ཀི་ལ་ཡ་སརྦ་པཱ་པཾ་ཕཊཿབཛྲ་ཀི་ལ་ཡ། བཛྲ་དྷ་རོད་ཨཱ་ཛྙཱ་པ་ཡ་ཏི་སྭཱ་ཧཱ། དེ་ནས་རྡོ་རྗེ་གནོད་སྦྱིན་ཡོངས་སུ་བཟླས་པའི་བསང་ཆུའི་བུམ་པ་དཀྱིལ་འཁོར་གྱི་སྒོར་བཞག་ལ། 

62-1-25a

རྡོ་རྗེ་ཁུ་ཚུར་གྱི་ལས་ཀྱི་ཕྱག་རྒྱས་བསྲུང་བ་ཐམས་ཅད་བརྟན་པར་བྱས་ལ། རྡོ་རྗེ་གོ་ཆས་གོ་བསྐོན་པར་བྱ་སྟེ། དེ་ཡང་བཅིང་བའི་ཆོ་གའི་སྦྱོར་བ་ལ། །རྡོ་རྗེ་ཁུ་ཚུར་རབ་ཏུ་བརྟན། །རྡོ་རྗེ་གོ་ཆས་གོ་བསྐོན་པས། །དཀྱིལ་འཁོར་ཀུན་ནས་བསྲུང་བར་བྱ། །ཞེས་
གསུངས་པ་ཡིན་ནོ། །ཡང་དཀྱིལ་འཁོར་གྱི་དབུས་སུ་འདུག་ལ། དཀྱིལ་འཁོར་ཡོངས་སུ་བརྟག་སྟེ། དཀྱིལ་འཁོར་གྱི་གནས་དྲིས་ཉེ་བར་བྱུགས་ལ། དེ་བཞིན་གཤེགས་པ་ལྔའི་གནས་སུ་ཙནྡན་དང་གུར་གུམ་ལ་སོགས་པའི་ལྡེ་གུས་དཀྱིལ་འཁོར་གྲུ་བཞི་པར་བྱས་ལ། ལྷག་
མ་རྣམས་ནི་ཟླུམ་པོར་བྱ་ཞིང་རང་རང་གི་སྔགས་ཀྱང་ལན་བདུན་བདུན་དུ་བཟླ་བར་བྱའོ། །དེ་ནས་ནམ་མཁའི་ཕྱོགས་ནས་དེ་བཞིན་གཤེགས་པ་ལ་སོགས་པ་དགུག་པ་དང་། གཞུག་པ་དང་། བཅིང་བ་དང་མཉེས་པ་ལ་སོགས་པ་བྱས་ལ་རང་གི་སྙིང་གར་བཅུག་སྟེ། མཆོད་པ་ལྔ་
པོས་ལེགས་པར་མཆོད་དོ། །དེ་ནས་དབང་བསྐུར་བའི་བུམ་པ་འབྲུ་ལ་སོགས་པ་ཐམས་ཅད་དང་ལྡན་པར་ཆུ་ཉུང་ཟད་ཅིག་བླུགས་ལ། རྡོ་རྗེ་སེམས་དཔའ་ལ་སོགས་པ་བཟླས་པའི་མཆོད་ཡོན་ཕུལ་ཏེ། སྤོས་ཆུ་དང་མེ་ཏོག་ཀྱང་བཅུག་ལ་སྤོས་ཀྱིས་བདུགས་ཏེ། ཆོ་ག་
བཞིན་དུ་ལྷག་པར་གནས་པར་བྱའོ། །ཉིན་ཞག་གཉིས་པ་ལ་ཐུན་གསུམ་དུ་ཡང་དག་པར་བཟླས་པར་བྱ་ཞིང་། དེས་དབང་བསྐུར་བར་བྱའོ། །ཡང་དཀྱིལ་འཁོར་དུ་བཟླས་ལ། འོག་ནས་བཤད་པའི་དེའི་མཚན་ཉིད་བདག་ཉིད་ཆེན་པོས་ཤེས་པར་བྱས་ལ། རྡོ་རྗེ་སེམས་དཔའི་
སྤྱན་སྔར་གཞག་པར་བྱའོ། །དེ་ནས་རྡོ་རྗེ་གནོད་སྦྱིན་དང་། རྡོ་རྗེ་སེམས་དཔའ་དང་། སངས་རྒྱས་སྤྱན་ལ་རེ་རེ་ཞིང་མར་ལ་སོགས་པའི་སྲེག་བླུགས་དབུལ་བར་བྱའོ། །ལྷག་པར་གནས་པའི་སྦྱིན་སྲེག་གི་ཆོ་གའོ།།      །།དེ་ནས་ཕྱི་རོལ་དུ་གཏོར་མ་བྱིན་ལ། ཉེ་རེག་
བྱས་ནས། མཚན་བརྒྱ་རྩ་བརྒྱད་པས་བསྟོད་དེ། མེ་ཏོག་ལ་སོགས་པ་དང་སྒེག་མོ་ལ་སོགས་པས་དེ་བཞིན་གཤེགས་པ་ལ་མཆོད་ལ། ཕྱག་བྱས་ནས་སློབ་མ་ལྷག་པར་གནས་པར་བྱའོ། །དེ་ལ་རེ་ཞིག་དང་པོར་ཁྲུས་ལེགས་པར་བྱའོ། །གོས་གཙང་མ་བགོ་ཞིང་། 

62-1-25b

ལག་ན་མེ་ཏོག་ཐོགས་པའི་སློབ་མས་སློབ་དཔོན་ལ་ཕྱག་བྱས་ལ། འདི་སྐད་སྨྲར་གཞུག་གོ། །དགའ་ཆེན་ཁྱོད་བདག་སྟོན་པ་བས། །སློབ་དཔོན་ཁྱོད་ནི་དགོངས་སུ་གསོལ། །བྱང་ཆུབ་སེམས་དཔའི་ཚུལ་བསྟན་པ། །མགོན་པོ་ཆེན་པོ་བདག་འཚལ་ལོ། །དམ་ཚིག་དེ་ཉིད་
སྩལ་དུ་གསོལ། །བྱང་ཆུབ་སེམས་ཀྱང་བདག་ལ་སྩོལ། །སངས་རྒྱས་ཆོས་དང་དགེ་འདུན་ཏེ། །སྐྱབས་གསུམ་དག་ནི་བདག་ལ་སྩོལ། །ཐར་པ་ཆེན་པོའི་གྲོང་མཆོག་ཏུ། །མགོན་པོ་བདག་ནི་འཇུག་པར་འཚལ། །དེ་ནས་སྡིག་པ་བཤགས་པ་ལ་སོགས་པ་བྱེད་དུ་གཞུག་སྟེ། 
རྟོག་པ་རྣམས་ནི་ལེགས་པར་བསྡུས་ནས་ནི། །ཤིན་ཏུ་བསམ་པ་བཟང་པོར་ལྡན་པས་ཉོན། །བརྗོད་བས་བློ་ལ་རྡོ་རྗེ་སེམས་སོགས་པའི། །བདེ་བར་གཤེགས་པ་རྣམས་ཀྱིས་བྱིན་མི་རློབ། །དབང་མེད་བདག་གིས་མི་དགེ་བགྱིས་པ་དང་། །རྗེས་སུ་ཡི་རང་ཡང་ན་བགྱིད་
སྩལ་གང་། །དེ་དག་ཐམས་ཅད་བྱང་ཆུབ་མཆོག་གི་ནི། །སྤྱན་སྔར་མ་ལུས་ད་ལྟར་སོ་སོར་བཤགས། །བདེ་གཤེགས་སྲས་ཀྱི་ཚོགས་གཉིས་ཟབ་པ་དང་། །རྒྱ་ཆེས་འགྲོ་བ་མ་ལུས་པ་ཡི་དོན། །སྒྲུབ་པར་བྱེད་དང་དེ་ལས་གཞན་ལ་ཡང་། །རྟག་ཏུ་བདག་ནི་རྗེས་སུ་ཡི་རང་ངོ་། །
ཐུགས་རྗེས་ཁྱབ་པའི་ཐུགས་དང་ལྡན་གྱུར་ཅིང་། །བློ་གྲོས་སྡིག་བྲལ་གཏི་མུག་ཚོགས་ཀུན་བཅོམ། །མ་ལུས་རིགས་ཀྱི་པདྨའི་ནང་ཞུགས་པ། །བདེ་བར་གཤེགས་པ་རྣམས་ལ་སྐྱབས་སུ་མཆི། །བློ་མཆོག་རྣམས་ཀྱི་ཀུན་དགའ་ར་བ་སྟེ། །དམན་པས་འཇིགས་པ་རྣམས་ཀྱི་
རྒྱལ་བྱེད་ཚལ། །སྲིད་པའི་འབྱོར་པ་ཟིལ་གྱིས་གནོན་པའི་མཆོག །གསུང་མཆོག་ཆོས་ལ་བདག་ནི་སྐྱབས་སུ་མཆི། །འདོད་ཆགས་ལ་སོགས་སྦྲུལ་གྱི་དུག་བཅོམ་ཞིང་། །བློ་གྲོས་རྣམས་རྒྱལ་ཐུགས་རྗེ་ཆེར་ལྡན་པའི། །བརྟུལ་ཞུགས་བཟང་པོའི་ཚོགས་ལ་སྐྱབས་
མཆི་ཞིང་། །སྲིད་དང་བྲལ་བ་རྣམས་ལ་བདག་ཕྱག་འཚལ། །རྒྱུ་ཡི་རྗེས་ལ་བདག་པོའི་ཡུལ་བདག་ཉིད། །འབྲས་བུའི་སྟོབས་ཀྱིས་དགྲ་ལས་རྒྱལ་གྱུར་པ། །སྙིང་རྗེའི་རྩ་བ་ཟུག་ཅིང་ཡང་དག་རྟོགས། །མཉམ་མེད་བྱང་ཆུབ་རྣམ་པར་གཟུང་བར་བགྱི། །སེམས་ཅན་

62-1-26a

རྣམས་ནི་ཡོངས་སུ་སྨིན་པའམ། །ཡང་ན་ཡོངས་སུ་བསྐྱབ་པར་བྱ་ཕྱིར་རམ། །རང་གི་སེམས་ནི་དག་པར་བྱ་བའི་ཕྱིར། །འདི་དག་ཐམས་ཅད་རྩྭ་སོགས་བཞིན་དུ་བཏང་། །དེ་བཞིན་ཚུལ་ཁྲིམས་བཟོད་དང་བརྩོན་འགྲུས་དང་། །བསམ་གཏན་ཤེས་
རབ་བླ་ན་མེད་པ་ནི། །བདག་དང་གཞན་རྣམས་དག་པར་བྱ་བའི་ཕྱིར། །སྐད་ཅིག་རེ་རེ་ཞིང་ཡང་བསྒོམ་པར་བགྱི། །བདེ་བར་གཤེགས་པའི་སྔགས་ལ་མཁས་པ་ཡིས། །ཆོས་རྒྱལ་རྟག་ཏུ་ལྷུན་གྱིས་གྲུབ་པ་ནི། །འགྲོ་བ་འདི་ཡིས་ཐོབ་པར་བྱ་བའི་ཕྱིར། །ཁྱད་འཕགས་
གནས་ལ་བདག་ནི་གནས་པར་བགྱི། །ཞེས་ལན་གསུམ་བརྗོད་དོ། །བདག་གིས་དེ་སྐད་ཅེས་བརྗོད་པའི་དགེ་བའི་རྩ་བ་འདིས། བདག་གིས་བདོག་པ་ཐམས་ཅད་ཡོངས་སུ་གཏང་བར་བགྱིའོ། །བདག་གིས་སེམས་ཅན་ཐམས་ཅད་ལ་མཉམ་པའི་སེམས་བསྐྱེད་པར་
བགྱིའོ། །བདག་གིས་སེམས་ཅན་ཐམས་ཅད་ཐེག་པ་ཐམས་ཅད་དང་། ཐབས་ཀྱི་བྱེ་བྲག་ཐམས་ཅད་ཀྱིས་བཏུལ་ནས། མི་གནས་པའི་མྱ་ངན་ལས་འདས་པའི་དབྱིངས་ལ་རབ་ཏུ་གཞག་པར་བགྱིའོ། །བདག་གིས་སེམས་ཅན་ཐམས་ཅད་ཡོངས་སུ་མྱ་ངན་ལས་འདས་པར་
གྱུར་ཀྱང་། སེམས་ཅན་འགའ་ཡང་ཡོངས་སུ་མྱ་ངན་ལས་འདའ་བ་མེད་དོ་ཞེས་སེམས་བསྐྱེད་པར་བགྱིའོ། །བདག་གིས་ཆོས་ཐམས་ཅད་སྐྱེ་བ་མེད་པ་ཉིད་དུ་རྗེས་སུ་རྟོགས་པར་བགྱིའོ། །བདག་གིས་མ་ཡེངས་པའི་སེམས་དང་། ཐམས་ཅད་མཁྱེན་པའི་ཡེ་ཤེས་ཀྱི་
སེམས་ཀྱིས་ཕ་རོལ་ཏུ་ཕྱིན་པ་དྲུག་ལ་བསླབ་པར་བགྱིའོ། །བདག་གིས་ཐེག་པ་གཅིག་གི་ཚུལ་དུ་གནས་པར་ཡང་རྟོགས་པར་བགྱིའོ། །བདག་གིས་བྱང་ཆུབ་ཀྱི་ཕྱོགས་ཀྱི་ཆོས་སུམ་ཅུ་རྩ་བདུན་ལ་གནས་པར་སོ་སོར་རྟོགས་པར་བྱ་བའི་ཕྱིར་བསླབ་པར་བགྱིའོ། །
བདག་གིས་སྟོབས་བཅུ་དང་མི་འཇིགས་པ་དང་། སོ་སོ་ཡང་དག་པར་རིག་པ་དང་། སངས་རྒྱས་ཀྱི་ཆོས་མ་འདྲེས་པ་རྣམས་སོ་སོར་རྟོགས་པར་བྱ་བའི་ཕྱིར་མངོན་པར་བརྩོན་པར་བགྱིའོ། །དེ་བཞིན་དུ་བདག་གིས་སངས་རྒྱས་ཀྱི་ཆོས་ཚད་མེད་པ་མ་ལུས་པའི་

62-1-26b

བར་ལ་མངོན་པར་གནས་པར་བྱ་བའི་ཕྱིར་མངོན་པར་བསྒྲུབ་པར་བགྱིའོ། །འདི་ཉིད་ནི་བྱང་ཆུབ་སེམས་དཔའ་ཆེན་པོ་རྣམས་ཀྱི་བྱང་ཆུབ་ཆེན་པོར་སེམས་བསྐྱེད་པར་རྡོ་རྗེ་ལྟ་བུ་ཡིན་ཏེ། དེ་བཞིན་གཤེགས་པ་ཐམས་ཅད་ཀྱི་ཡབ་དང་། དེ་བཞིན་གཤེགས་པ་ཐམས་ཅད་ཀྱི་
བཀའ་བཞིན་བྱེད་པ་དང་། དེ་བཞིན་གཤེགས་པ་ཐམས་ཅད་ཀྱི་སྲས་ཀྱི་ཐུ་བོ་སྟེ་འདི་ཉིད་ནི་བཅོམ་ལྡན་འདས་ཀུན་དུ་བཟང་པོའོ། །དེའི་དགེ་བའི་རྩ་བ་རྣམས་ཀྱིས་ཇི་ལྟ་བ་བཞིན་དུ་ཡང་དག་པར་རྫོགས་པར་བྱས་པའི་སྟོབས་ཀྱིས་བདག་སེམས་བསྐྱེད་པ་འདི་ལ་གནས་པས་ཀུན་
དུ་བཟང་པོའི་སྤྱོད་པ་ཞེས་བྱ་བ་སྒོ་མཐའ་ཡས་པ་ལ་གནས་པ་མཐའ་མེད་པར་གྱུར་པ་རྫོགས་པར་བྱས་ནས། གདུལ་བྱའི་འགྲོ་བའི་ཚོགས་མ་ལུས་པ་རྣམས་ལ་སྤྱོད་པའི་རབ་ཏུ་དབྱེ་བའི་སྒོ་མང་པོ་བསྟན་པས་ཡང་དག་པར་མགུ་བར་བྱ་བ་དང་། ཡང་དག་པར་དགའ་བར་
བྱ་བ་དང་། ཡང་དག་པར་གཟེངས་བསྟོད་པ་ལ་ངེས་པར་སྦྱར་བར་བགྱིའོ། །དེ་ནས་ས་མ་ཡ་ཨ་ཞེས་བཟླས་པས་སློབ་མའི་སྙིང་གར་ཟླ་བའི་དཀྱིལ་འཁོར་བསྐྱེད་ལ། དེའི་སྟེང་དུ་རྡོ་རྗེ་རྩེ་ལྔ་པ་དེ་བཞག་ལ། སུ་ར་ཏ་ས་མ་ཡ་སྟྭཾ་ཨ་ཧོ། བཛྲ་སིདྡྷྱ་ཡ་ཐཱ་སུ་ཁཾ་ཞེས་བྱ་བའི་སྙིང་པོ་ཡང་སྙིང་
གར་བཟླས་ལ། སྤྱི་བོར་སྤོས་ཆུས་བརླན་པའི་ལག་པ་བཞག་སྟེ། རྡོ་རྗེ་སེམས་དཔའ་བཟླས་ཤིང་། རྡོ་རྗེ་བསམ་པར་བྱའོ། །དཔྲལ་བར་ཡི་གེ་ཏྲཾ་ལས་རིན་པོ་ཆེ། ལྐོག་མར་ཡི་གེ་ཧྲཾ་ལས་པདྨ། སྤྱི་བོར་ཀཾ་ལས་སྣ་ཚོགས་རྡོ་རྗེ་བསམས་ལ། བཛྲ་སཏྭ་བཛྲ་རཏྣ། བཛྲ་དྷརྨ། 
བཛྲ་ཀརྨ་ཞེས་ཟློས་ཤིང་། རང་གི་སྙིང་ག་ལ་སོགས་པ་བྱིན་གྱིས་བརླབ་པར་བྱའོ། །དེ་ནས་རྡོ་རྗེ་དྲིས་དེ་རྣམས་ཀྱི་ལག་པར་དྲི་སྦྱིན་པར་བྱ་སྟེ། མེ་ཏོག་གིས་མེ་ཏོག་གོ། །བདུག་པས་བདུག་སྤོས་དབུལ་ལོ། །མར་མེས་མར་མེའི་སྣང་བ་བྱའོ། །དེ་ནས་ཨུ་དུ་མྺཱ་ར་དང་ཨ་ཤྭདྠ་ལ་
སོགས་པའི་སོ་ཤིང་སོར་བཅུ་གཉིས་པ་རྩེ་མོར་མེ་ཏོག་བཅིངས་པ། རྡོ་རྗེ་བཞད་པ་བཟླས་ལ་སྦྱིན་པར་བྱའོ། །དེས་ཀྱང་ཤར་རམ་བྱང་དུ་བལྟས་ཏེ་རྩེ་མོ་ཉིད་ནས་བཅའ་བར་བྱའོ། །དེ་ནས་ཀུ་ཤ་སར་པ་ལ་རྡོ་རྗེ་རྣོན་པོ་དང་། རྡོ་རྗེ་སེམས་དཔའ་ཡོངས་སུ་བཟླས་པ་བྱིན་ནས། 

62-1-27a

འདིས་ནི་གདན་དུ་གདིང་ཞིང་། འདིས་ནི་སྔགས་སུ་གྱིས་ལ་ཉོལ་ཅིག་ཅེས་བསྒོའོ། །དེ་ནས་དཔུང་པ་གཡོན་པར་ནི། །རྡོ་རྗེ་སྲུང་བ་བཟླས་པ་ཡི། །སྲུང་སྐུད་མདུད་པ་གསུམ་ལྡན་པའི། །བདག་ཉིད་ཀྱིས་ནི་ལེགས་པར་བཅིང་། །དེ་ནས་ཟབ་ཅིང་རྒྱ་ཆེ་བའི་ཆོས་
ཅི་ནུས་པར་བསྟན་པས། ཐམས་ཅད་ལ་གཟེངས་བསྟོད་པ་བྱས་ནས། བཞིན་བཟངས་དག་ལོངས་ཤིག །ནང་པར་དཀྱིལ་འཁོར་ཆེན་པོ་མཐོང་བར་འགྱུར་རོ་ཞེས་བསྒོ་བ་ལྷག་པར་གནས་པའི་ཆོ་གའོ།།      །།དེ་ནས་ཉི་མ་ཤར་ཀར་དཀྱིལ་འཁོར་དེ་དེ་བཞིན་དུ་སྟེང་
དུ་ནམ་མཁའ་ལ་བཞག་ལ་ཐིག་གདབ་པར་བྱའོ། །དེ་ལ་དང་པོར་རེ་ཞིག་ཚོན་རྩི་སྔོན་པོ་དང་། སེར་པོ་དང་། དམར་པོ་དང་། ལྗང་གུ་དང་། དཀར་པོ་དྲི་ཞིམ་པོས་བསྒོས་པས་སྲད་བུ་སོ་སོར་བསྒྱུར་ལ། གོ་རིམས་འདི་ཉིད་ཀྱིས་བཞག་ནས། དེ་ལ་ཧཱུཾ་ཏྲཱཾ་ཧྲཱིཿཨ་ཨོཾ་
ཞེས་བྱ་བས་རང་རང་གི་ས་བོན་ལས་མི་བསྐྱོད་པ་ལ་སོགས་པ་སྲད་བུ་ལ་བཀོད་དེ། དཱིཔྟ་དྲྀཥྚི་ཨཾ་ཀུ་ཤ་ཛཿཞེས་བྱ་བ་མིག་གཉིས་སུ་བཀོད་ལ། རབ་ཏུ་གཡོ་ཞིང་འབར་བའི་མིག །མིག་གི་རྫི་མ་འདྲེན་པ་ནི། །ཞེས་བྱ་བའི་འབར་བའི་ལྟ་བས། མི་བསྐྱོད་པ་ལ་སོགས་པ་
ལ་བསྐུལ་ཞིང་། བཅོམ་ལྡན་དས་དཀྱིལ་འཁོར་ཆེན་པོའི་ཐིག་གདབ་པར་བྱ་བའི་ཕྱིར། རྡོ་རྗེའི་ཐིག་བདག་ལ་སྩོལ་ཅིག །ཅེས་བྱ་བས་ཀྱང་བསྐུལ་བར་བྱའོ། །དེ་ནས་རང་གི་ས་བོན་གྱི་འོད་ཀྱིས་བསྐུལ་བའི་མི་བསྐྱོད་པ་ལ་སོགས་པས་བཏབ་པའི་སྲད་བུ་འབར་བའི་
ལྕགས་ཀྱུས་བཀུག་སྟེ། རང་གི་ལག་ན་གནས་པ་ལ། སྲད་བུ་དེས་གང་བར་བྱས་ལ། ཨ་ནྱོ་ནྱ་ཨ་ནུ་ག་ཏ་སརྦ་དྷརྨཱཿ སྥ་ར་སྥ་ར་ཨ་ནུ་པྲ་བིཥྚ་སརྦ་དྷརྨཱཿཨ་ཏྱན་ཏ། ཨ་ནུ་པྲ་བིཥྚ། སརྦ་དྷརྨཱཿཨོཾ་བཛྲ་སཏྭ་ཧཱུཾ་ཞེས་ཟློས་ཤིང་བསྒྲིལ་བར་བྱའོ། །བསྒྲིལ་ནས་མིག་གཡས་
དང་གཡོན་གཉིས་སུ་མ་དང་ཊ་ལས་ཉི་མ་དང་ཟླ་བ་བསྐྱེད་ལ། བཛྲ་དྲྀཥྚ་མ་ཊ་ཞེས་བྱ་བས་བརྟན་པར་བྱས་ལ། སྲད་བུ་དེ་དྲིས་བྱུགས་པའི་གསེར་ལ་སོགས་པའི་སྣོད་དུ་ལེགས་པར་བཞག་ལ། དྲི་དང་མེ་ཏོག་དང་བདུག་སྤོས་ལ་སོགས་པས་མཆོད་ལ། ཨོཾ་བཛྲ་ས་མ་ཡ་སཱུ་ཏྲཾ་མཱ་

62-1-27b

ཏི་ཀྲ་མ་ཧཱུཾ་ཞེས་བྱ་བ་རྡོ་རྗེ་བསྡམས་པས་བཟུང་སྟེ། ལན་བརྒྱ་རྩ་བརྒྱད་བཟླས་པར་བྱའོ། །དེ་ནས་སེམས་དཔའ་བཅུ་དྲུག་བཟླས་པའི་དྲིས། དཀྱིལ་འཁོར་གྱི་ས་གཞི་ཡང་བྱུགས་ལ། ཕྱི་རོལ་ཀུན་དུ་མེ་ཏོག་གིས་མཛེས་པར་བྱས་ནས། བར་སྣང་ལ་བཞུགས་པའི་རིགས་
ཐམས་ཅད་ལ་མཆོད་ཡོན་ཕུལ་ཏེ། མེ་ཏོག་ལ་སོགས་པ་དང་། སྒེག་མོ་ལ་སོགས་པས་ཐམས་ཅད་མཆོད་ལ། ཕྱག་བྱས་ཏེ། མིག་གཡས་དང་གཡོན་དུ་ཡི་གེ་ཛ་སེར་པོ་བཀོད་ལ། ཉི་མ་དང་ཟླ་བ་སེར་པོར་སྣང་བ་བསྐྱེད་དེ། གླུ་དང་རོལ་མོ་ལ་སོགས་པ་དང་བཅས་
པས་དཀྱིལ་འཁོར་བརྟག་པར་བྱའོ། །དེ་ལ་རེ་ཞིག་སྔར་སྔགས་བཟླས་པའི་སྲད་བུ་དྲི་ཞིམ་པ་ཐ་མ་དཀར་པོ་དང་ལྡན་པ། ཡིད་ཀྱིས་བཛྲ་དྷཱ་ཏུ་ཞེས་བྱ་བའི་རྡོ་རྗེའི་ཚིག་གིས་བཟླས་ལ་རྣམ་པར་སྣང་མཛད་དུ་གྱུར་པར་བྱས་ནས། སྒྲུབ་པ་པོའི་གྲོགས་མཆོག་བཛྲ་ཀརྨ་ཞེས་
བརྗོད་དེ་རང་གི་སྙིང་ག་ནས་རྡོ་རྗེ་ལས་ཀྱི་གཟུགས་སུ་སྤྲུལ་པར་བྱའོ། །དེ་ནས་བཛྲ་སཏྭ་ཞེས་བརྗོད་དེ། རྡོ་རྗེ་སེམས་དཔར་བདག་ཉིད་བསམས་ལ་སྲད་བུ་དེ་གཡོན་པའི་རྡོ་རྗེ་ཁུ་ཚུར་གྱིས་བཟུང་ལ། ཛ་ཞེས་བྱ་བས་སྒྲུབ་པའི་གྲོགས་མཆོག་རྡོ་རྗེ་ལས་ཀྱི་གཟུགས་ཅན་
གྱི་ལག་ཏུ་སྲད་བུ་དེ་བཏང་ལ། ཕྱོགས་ཐམས་ཅད་དུ་མཉམ་པ་ཉིད་དུ་བསྒོམ་ཞིང་། ཤར་ཕྱོགས་སུ་བལྟས་ཏེ། རྡོ་རྗེ་སྲད་བུས་གདབ་པར་བྱའོ། །ཡང་སློབ་དཔོན་ལྷོར་འདུག་ལ་བྱང་དུ་བལྟས་ཏེ། གཉིས་པ་གདབ་པར་བྱའོ། །དེ་ནས་མེའི་ཕྱོགས་ཀྱི་ཆར་
གནས་པ་ལ། བྱང་དུ་བལྟས་ཏེ་ཕྱིའི་དཀྱིལ་འཁོར་གྱི་ཤར་དུ་ཐིག་གདབ་པོ། །རླུང་གི་ཕྱོགས་སུ་གནས་ཏེ། ལྷོ་ཕྱོགས་སུ་བལྟས་ལ་ནུབ་ཀྱི་ཐིག་གདབ་པོ། །དེ་ཉིད་དུ་འདུག་སྟེ་བྱང་གི་ཐིག་གདབ་པོ། །ཡང་མེའི་ཕྱོགས་སུ་འདུག་སྟེ་ལྷོ་ཕྱོགས་ཀྱི་ཐིག་གདབ་པར་
བྱའོ། །ཁ་ཁྱེར་གྱི་ཐིག་ཀྱང་གདབ་པར་བྱའོ། །ཡང་མེའི་མཚམས་སུ་གནས་ཏེ་རླུང་གི་མཚམས་ཀྱི་བར་གྱི་ཐིག་གདབ་པ་དང་། ཡང་བདེན་བྲལ་གྱི་མཚམས་སུ་གནས་ཏེ་དབང་ལྡན་གྱི་མཚམས་ཀྱི་བར་དུ་ཐིག་གདབ་པར་བྱ་ཞིང་། སློབ་དཔོན་དང་སྒྲུབ་པའི་

62-1-28a

གྲོགས་མཆོག་བསྐོར་ཕྱོགས་སུ་འགྲོ་བར་བྱའོ། །དེ་ལ་རེ་ཞིག་སྲད་བུའི་སྔགས་ནི། ཨོཾ་བཛྲ་ས་མ་ཡ་སཱུ་ཏྲཾ་མཱ་ཏི་ཀྲ་མ་ཧཱུཾ་ཞེས་བྱ་བ་དང་། ཛ་ཛ་ཛ་ཞེས་བྱ་བ་གསུམ་གྱིས་སྒྲུབ་པའི་གྲོགས་མཆོག་གིས་དྲང་བར་བྱའོ། །དེ་ལ་སྒོ་ནི་ཆ་བརྒྱད་པའོ། །སྒོ་ཁྱུད་
ནི་སྒོའི་ཚད་ཀྱི་ཕྱེད་དོ། །ཁ་ཁྱེར་ཕྱིའི་ཐམས་ཅད་དང་ནང་གི་ཀུན་ནི་སྒོའི་ཕྱེད་དོ། །ཚོན་སྣ་ལྔའི་ས་ནི་ཁ་ཁྱེར་གྱི་ཕྱེད་ཀྱི་ཚད་དུ་བྱའོ། །རྟ་བབས་ནི་སྒོའི་སུམ་འགྱུར་དུ་བྱའོ། །ནང་གི་དཀྱིལ་འཁོར་ནི་ཕྱིའི་དཀྱིལ་འཁོར་གྱི་ཕྱེད་ལ་ཟུར་བཞི་པ་སྒོ་བཞི་པ་ཁ་ཁྱེར་གྱིས་ཡོངས་སུ་བསྐོར་བ། ཀ་
བ་བརྒྱད་དང་ལྡན་པར་ཐིག་བཏབ་ལ། སེང་ལྡེང་གི་ཕུར་བུ་འོག་རྡོ་རྗེ་རྩེ་གཅིག་པ་ལྟ་བུ་ལ། སྟེང་རྡོ་རྗེ་རྩེ་ལྔ་པའི་དབྱིབས་ཅན་གྱི་ཕུར་བུ་ལ། རྡོ་རྗེ་ཕུར་བུའི་སྔགས་བཟླས་ལ། རྡོ་རྗེ་ཐོ་བས་བརྡུངས་ཏེ་སྔ་མ་བཞིན་དུ་བཏབ་ལ། དེ་ལ་བརྟོད་པའི་སྲད་བུས་ནང་གི་དཀྱིལ་འཁོར་
དང་། ཕྱིའི་རྡོ་རྗེའི་ཕྲེང་བ་དབང་ལྡན་གྱི་ཕྱོགས་ནས་བརྩམས་ཏེ་གཡས་ནས་བསྐོར་བའི་རིམ་གྱིས་གདབ་པར་བྱའོ། །དཀྱིལ་འཁོར་གྱི་ཚད་ཀྱི་ཉིས་འགྱུར་ལ། མཐའ་སྐོར་ཁྲུ་དྲུག་པར་བྱ་བ་ནི་ཚད་ཆུང་ངུ་ཡིན་ཏེ། གཞན་དག་ཏུ་ནི་ཇི་ཙམ་འཚམ་པར་བྱའོ། །ད་ནི་ལུང་ལས་གསུངས་
པའི་ཐིག་གི་མཚན་ཉིད་བརྗོད་པར་བྱ་སྟེ། སར་པ་ལས་ནི་བཀལ་ནས་ཀྱང་། །ཚད་དང་ལྡན་པ་མཛེས་པ་ཡི། །ཐིག་གིས་མཁས་པ་ཅི་ནུས་ཀྱིས། །དཀྱིལ་འཁོར་གྱི་ནི་ཐིག་གདབ་པོ། །གྲུ་བཞིར་བགྱི་ཞིང་སྒོ་བཞི་དང་། །རྟ་བབས་བཞིས་ནི་མཛེས་བགྱིས་ལ། །ཐིག་བཞི་
དང་ནི་ལྡན་གྱུར་པ། །དར་དང་མེ་ཏོག་ཕྲེང་བས་བརྒྱན། །གྲྭ་ཡི་ཕྱོགས་ནི་ཐམས་ཅད་དུ། །སྒོ་ཁྱུད་ཀྱི་ནི་ནང་རྣམས་སུ། །རྡོ་རྗེ་རིན་ཆེན་སྤྲས་པར་ནི། །དཀྱིལ་འཁོར་ཕྱི་རོལ་ཐིག་གདབ་པོ། །དེ་ཡི་རིམ་པའི་ནང་ཞུགས་ལ། །འཁོར་ལོ་འདྲ་བར་རྡོ་རྗེ་ཡི། །ཐིག་གིས་ཡོངས་སུ་བསྐོར་
བྱ་ཞིང་། །ཀ་བ་བརྒྱད་ཀྱིས་མཛེས་བགྱིས་པར། །ཕྱོགས་ཀུན་མཉམ་པ་ཉིད་དམིགས་ལ། །ཤེས་རབ་ཅན་གྱིས་ཐིག་གདབ་པོ། །ཤར་དང་ནུབ་དང་བྱང་དང་ལྷོར། །ཐིག་བཞི་བཏབ་པས་དཀྱིལ་འཁོར་བརྒྱད། །ནང་དང་ཕྱི་རོལ་གྱི་ཁ་ཁྱེར་དང་། དྲ་བ་དང་དྲ་བ་ཕྱེད་པ་དང་། 

62-1-28b

རྔ་ཡབ་དང་ཟླ་བ་དང་ཉི་མའི་དཀྱིལ་འཁོར་ཡང་བྲི་བ་དང་། དཀྱིལ་འཁོར་གྱི་གྲྭའི་མཚམས་ཐམས་ཅད་དུ། རླུང་གིས་བསྐྱོད་པའི་དྲིལ་བུ་བཏགས་པའི་བ་དན་སྣ་ཚོགས་བཏགས་པ་དང་། དེའི་སྒོ་རྣམས་ཀྱི་ནི་ཁྱུད་ཀྱི་མཚམས་རྣམས་སུ། ཟླ་བ་ཕྱེད་པ་ལ་གནས་པའི་རྡོ་
རྗེ་རིན་པོ་ཆེས་མཛེས་པར་བྲི་བར་བྱའོ། །གལ་ཏེ་བགེགས་བྱུང་བ་བཟློག་པར་འདོད་ན། ཕུར་བུའི་སྔགས་ལེན་འབུམ་བཟླས་པའི་ཕུར་བུ་དཀྱིལ་འཁོར་གྱི་ལྟེ་བར་ལན་བརྒྱ་རྩ་བརྒྱད་བཟླས་ཏེ་གདབ་པར་བརྟན་པ་དང་། དབྱིབས་འདྲ་བའི་ཕུར་བུས་བགེགས་ཐམས་ཅད་ལ་
གདབ་པར་བྱའོ། །དེ་ཡང་ཇི་སྐད་དུ་བཤད་པའི་དཀྱིལ་འཁོར་གྱི་ལྟེ་བ་ལ་བཏགས་ནས། ཤར་ནས་བསྐོར་ཕྱོགས་སུ་ཟླུམ་པོར་བསྐོར་བའི་འོད་ཀྱི་དཀྱིལ་འཁོར་ཐིག་བཏབ་པ་དེའི་ཕྱི་རོལ་ཏུ་ཁོར་ཡུག་ཆེན་པོ། དེ་བཞིན་དུ་ཟླུམ་པོར་ཐིག་བཏབ་ལ། འོད་ཀྱི་དཀྱིལ་འཁོར་དེར་
གྲོག་མཁར་གྱི་ས་ལ་སོགས་པ་ལས་བགེགས་ཀྱི་གཟུགས་བརྙན་བྱས་ལ། བརྒྱ་བྱིན་གྱི་གཟུགས་བརྙན་ཤར་ཕྱོགས་ན་གནས་པ་ལ། ཡི་གེ་ཨི་ལས་བརྒྱ་བྱིན་མདོག་སེར་པོའོ། །མེ་ལ་སོགས་པའི་གཟུགས་བརྙན་ལ་ཡང་དེ་བཞིན་ཏེ། རཾ་ལས་མེ་ལྷ་དམར་པོ། ཨོཾ་ཧཾ་
ལས་གཤིན་རྗེ་མདོག་ནག་པོ། ཀཾ་ལས་སྲིན་པོ་ནག་པོ། པཾ་ལས་ཆུ་ལྷ་དཀར་པོ། ཡཾ་ལས་རླུང་ལྷ་དུད་ཀ །ཕཊ་ལས་ལུས་ངན་པོ་སེར་པོ། སུམྦྷ་ཞེས་བྱ་བ་ལས་དབང་ལྡན་དཀར་པོ་བསྐྱེད་ལ། རྡོ་རྗེ་ལྕགས་ཀྱུ་ལ་སོགས་པས་བཀུག་ཏེ་བཅུག་ལ་བཅིངས་ཏེ་དབང་དུ་བྱས་
ནས་ཕུར་བུས་གདབ་པོ། །ཤིན་ཏུ་ཡང་ན་རིང་དུ་བགེགས་མེད་པར་བྱེད་འདོད་པས་སས་དགབ་པར་བྱའོ། །དེ་ལྟ་ན་ཡང་གལ་ཏེ་བགེགས་བྱེད་ན། རྡོ་རྗེ་ཧཱུཾ་མཛད་ཀྱི་སྦྱོར་བ་བྱས་ལ་འདོད་པའི་རྒྱལ་པོས་བཀུག་ནས། ལྕགས་ཀྱུ་ལ་སོགས་པས་ཀྱང་དགུག་པ་ལ་སོགས་པ་བྱས་ཏེ། 
རྡོ་རྗེ་ཧཱུཾ་མཛད་ཀྱི་ཕྱག་རྒྱ་བཅིངས་ཏེ། རྐང་པ་གཡོན་པས་བགེགས་ཀྱི་གཟུགས་བརྙན་མནན་ཏེ། ཧཱུཾ་བཾ་ཧཱུཾ་ཞེས་བྱ་བ་ལ་སོགས་པས་སྤེལ་བའི་ཚུལ་གྱིས། གཡོན་པ་བརྐྱང་བའི་གནས་པས་འདུག་ལ། བགེགས་བྱེད་པའི་སྤྲིན་ལ་སོགས་པ་ལ་མངོན་པར་བལྟས་ཏེ། ཕྱག་

62-1-29a

རྒྱ་འཕངས་ཏེ་བསྟན་ལ་ནམ་མཁའི་ཁམས་ཐམས་ཅད་དུ་སྤྲོས་པས་འོད་ཟེར་འབར་བ་ཀུན་དུ་འཁྲུག་པའི་རྡོ་རྗེ་ཧཱུཾ་མཛད་ཀྱིས། རྐང་པ་བཏེག་ཅིང་བསྣུན་པས། སྤྲིན་ལ་སོགས་པ་ཐལ་བར་བྱས་པར་བསམ་པར་བྱ་སྟེ། དེ་ལྟ་བུས་ནི་བཅོམ་པ་ཉིད་དུ་
འགྱུར་རོ། །ཡང་ན་སྟོང་པ་ཉིད་ཀྱི་ཏིང་ངེ་འཛིན་མངོན་དུ་བྱས་ལ། དེའི་འོག་ཏུ་ཨ་ལས་རྣམ་པར་སྣང་མཛད་དུ་གྱུར་ནས། རྒྱུད་ལས་བཤད་པའི་རྣམ་པར་སྣང་མཛད་ཀྱི་སྐུར་ངེས་པར་བྱས་ལ་ཧཾ་ལས་འཕགས་པ་མི་གཡོ་བ་ཡིད་ཀྱིས་ཐུགས་ཀ་ནས་ཕྱུང་སྟེ། བཛྲ་ཧཾ་བནྡྷ་ཞེས་ཡིད་
ལ་བརྗོད་ལ། ཕྱིའི་དཀྱིལ་འཁོར་གྱི་ཕྱི་རིམ་དུ་རླུང་གི་ཕྱོགས་སུ་དྲིའི་ཐིག་ལེ་བདུན་བྱས་ཏེ། ཐིག་ལེ་རེ་རེ་ཞིང་ཡང་རེ་རེའི་ནང་དུ་ཆུད་པར་བྱས་ལ། དབུས་མ་དང་ཐ་མ་ཡང་ཐིག་ལེ་བདུན་དང་ལྡན་པར་བྱས་ཏེ། ཐིག་ལེ་བདུན་པོ་དེ་དག་ཀྱང་རླུང་ལྷ་བདུན་པོ་རི་དྭགས་ལ་ཞོན་པ་
མདོག་ནག་པོ། འཕགས་པ་མི་གཡོ་བས་ཞགས་པས་བཀུག་ནས་བཅིངས་པར་གྱུར་པར་བསམས་ལ། དེ་རྣམས་ཀྱི་དབུས་མ་གཅིག་ནི་གཙོ་བོ་ཡིན་ལ། ལྷག་མ་ཐིག་ལེ་དྲུག་པོ་ནི་དེ་བསྐོར་ཏེ་ཀུན་ནས་གནས་པར་བསམ་མོ། །དེ་ནས་ཁམ་ཕོར་ཨ་ལས་རི་རབ་ཏུ་བསམས་ལ། དེའི་
སྟེང་དུ་ཨ་ཉིད་ལས་དབང་ཆེན་གྱི་དཀྱིལ་འཁོར་ཐམས་ཅད་དུ་རྡོ་རྗེས་གཡོགས་པ། དབུས་སུ་ཡང་རྡོ་རྗེ་རྩེ་ལྔ་པ་ཡི་གེ་ཧཱུཾ་གི་ས་བོན་ལས་བྱུང་བ་མཚམས་རྣམས་སུ་མདུང་རྩེ་གསུམ་པ་རྣམ་པར་བསམས་ལ། དེ་བཞིན་དུ་བཛྲ་ཧཾ་བནྡྷ་ཞེས་བརྗོད་དེ། ཁམ་ཕོར་དེས་ཇི་སྐད་དུ་བཤད་པའི་
ཐིག་ལེ་བདུན་དགབ་པར་བྱའོ། །དེ་ནས་ཁམ་ཕོར་དང་རི་རབ་ཀྱི་སྟེང་དུ་ཨོཾ་ལས་བཅོམ་ལྡན་འདས་རྣམ་པར་སྣང་མཛད་བསམས་ཏེ། འཕགས་པ་མི་གཡོ་བ་དང་། བཅོམ་ལྡན་འདས་ཀྱི་སྤྱན་སྔར་གཡོན་བརྐྱང་བས་རི་རབ་མནན་ནས། རལ་གྲི་དང་ཞགས་པས་རླུང་རྣམས་ལ་
སྡིགས་མཛུབ་མཛད་པར་བསམས་ཏེ། དེ་ལྟ་བུས་ནི་རླུང་རྣམས་ཐམས་ཅད་བཅིང་བ་བྱས་པར་འགྱུར་རོ། །དེ་ལ་ཆུ་ལ་སོགས་པའི་བགེགས་བཟློག་པར་བཤད་པར་བྱ་སྟེ། ཧཾ་ལས་རླུང་དང་མེའི་དཀྱིལ་འཁོར་ལ་གནས་པའི་འཕགས་པ་མི་གཡོ་བར་བདག་ཉིད་

62-1-29b

བསྐྱེད་ལ། གྲོག་མཁར་གྱི་ས་འམ། བ་གླང་གི་ལྕི་བ་ས་ལ་མ་ལྷུང་བས་བགེགས་ཀྱི་གཟུགས་བརྙན་བྱས་ནས། བཾ་ལས་རལ་གྲི། རཾ་ལས་མེའི་སྙིང་པོ་བསྐྱེད་ལ། ཀི་ལས་ཞགས་པ་དང་། ལྕགས་ཀྱུ་བསྐྱེད་དེ། ལག་པ་གཡོན་པས་བཟུང་། ལག་པ་གཡས་
པས་ལྕགས་ཀྱུ་དང་ཞགས་པས་དྲངས་ནས། བགེགས་ཀྱི་གཟུགས་བརྙན་གྱི་ནང་དུ་བཅུག་སྟེ། གཡོན་བརྐྱང་བའི་གནས་པས་གནས་ལ། རྐང་པ་གཡོན་པས་སྤྱི་བོ་ནས་བཙིར་ལ། འདི་སྐད་ཅེས་བརྗོད་དོ། །ན་མཿས་མནྟ་བཛྲཱ་ཎཱཾ། ཙཎྜ་མ་ཧཱ་རོ་ཥ་ཎ་སྥོ་ཊ་ཡ་ཧཱུཾ། 
ཏྲ་ཀ་ཧཾ་མཾ་ཞེས་བརྗོད་ནས་གཟུགས་བརྙན་དེ་རལ་གྲིས་གཏུབ་པར་བྱའོ། །དུག་དང་སྐེ་ཚེ་དང་ལན་ཚྭ་ལ་སོགས་པས་གཟུགས་བརྙན་བསྐུས་ལ་མེས་གདུང་བར་བྱའོ། །མེ་ཡིས་གདུངས་པས་དེ་ཉིད་ཀྱང་། །གདུངས་པར་འགྱུར་བར་ཐེ་ཚོམ་མེད། །ཚངས་པའམ་བརྒྱ་བྱིན་
ཡིན་ན་ཡང་། །དེ་ཡི་མོད་ལ་མྱུར་དུ་འཚིག །ཅེས་བཅོམ་ལྡན་འདས་རྣམ་པར་སྣང་མཛད་ཀྱིས་གསུངས་སོ། །ལས་འདི་དག་ཀྱང་འཕགས་པ་མི་གཡོ་བའི་རྣལ་འབྱོར་གྱིས་དེའི་གསང་སྔགས་ཁྲི་བཟླས་པའི་སྔོན་དུ་བསྙེན་པ་བྱས་ནས་དེའི་འོག་ཏུ་ལས་བྱའོ། །ཡང་
ཨོཾ་ཨཱཿཧཱུཾ་ཞེས་བྱ་བ་འདིས་འཕགས་པ་འཇམ་དཔལ་གཤིན་རྗེ་གཤེད་སྐུ་མདོག་ནག་པོ་ཞལ་བཞི་པ། ཕྱག་བཞི་པ། ཞབས་དྲུག་པ། ཕྱག་གཡས་གཉིས་ན་རལ་གྲི་དང་དགྲ་སྟ་བསྣམས་པ། ཕྱག་གཡོན་གཉིས་ན་ཞགས་པ་གཏུན་ཤིང་བསྣམས་པ། ལྷོ་ཕྱོགས་
སུ་གཟིགས་པ། ཁྲོ་བོའི་ཚོགས་རྣམས་ཀྱིས་ནམ་མཁའི་ཁམས་ཀུན་དུ་གང་བར་མཛད་པ་རྣམ་པར་བསམས་ལ། མདུང་ཐུང་གི་ཕྱག་རྒྱ་བཅིངས་ལ། སྤྲིན་ལ་སོགས་པ་བཟློག་པའི་བསམ་པས། ཚམ་ངམ་དང་བཅས་པས་རབ་ཏུ་སྦྱར་བར་བྱའོ། །རྡོ་རྗེ་བསྡམས་པ་
ནང་དུ་བཅིངས་ལ། མཛུབ་མོ་གཉིས་སྦྱར་བ་ནི་མདུང་ཐུང་གི་ཕྱག་རྒྱའོ། །དེ་ལྟར་ན་ཡང་གལ་ཏེ་བགེགས་རྣམས་ཞི་བར་མ་གྱུར་ན། ཁམ་ཕོར་སོ་མ་བཏང་བ་གཉིས་ཀྱི་ནང་དུ་ཁྲག་དང་དུར་ཁྲོད་ཀྱི་སོལ་བ་དང་། དུག་དང་། སྐེ་ཚེ་དང་། ད་དུ་རའི་ལོ་མའི་ཁུ་བས་སྔགས་

62-1-30a

བྲིས་ལ། ཡུངས་ཀར་ལ་བརྒྱ་རྩ་བརྒྱད་བཟླས་བརྗོད་བྱས་ནས། ཁམ་ཕོར་ཁ་སྦྱར་ཏེ། དེའི་ནང་དུ་བཞག་ལ། མེའི་བགེགས་ལ་སོགས་པ་བསམས་ལ། སྲེག་བླུགས་བརྒྱའམ་སྲེག་བླུགས་བདུན་སྦྱིན་སྲེག་བྱའོ། །དེ་ནས་དེ་དག་འཇིག་
པའམ། འཆི་བའམ། མི་མ་ཡིན་པས་གཟུང་བར་འགྱུར་རོ། །ཡང་ན་རྡོ་རྗེ་ཧཱུཾ་མཛད་ཀྱི་སྦྱོར་བས་ཡི་གེ་ཧཱུཾ་བཟླས་བརྗོད་འབུམ་བྱས་ལ། མི་རུས་ཀྱི་རྒྱུ་ལས་བྱས་པའི་ཕུར་བུ་སོར་བཞི་པའི་ཚད་ཙམ་ལ། ལན་བརྒྱ་རྩ་བརྒྱད་བཟླས་ལ། དེ་བཞིན་དུ་རྡོ་རྗེ་ལྕགས་ཀྱུ་ལ་
སོགས་པས་བཀུག་ཅིང་བཅུག་སྟེ་བཅིངས་ནས། གཟུགས་བརྙན་ལ་ཕུར་བུས་གདབ་བོ་དེ་ནས་མེའི་ཚ་བ་ཞི་བར་བཤད་པར་བྱ་སྟེ། མེའི་སྟེང་དུ་བཾ་ལས་ཆུའི་དཀྱིལ་འཁོར། དེའི་སྟེང་དུ་པདྨའི་དབུས་སུ་གནས་པའི་འཁོར་རོ། །དེའི་སྟེང་དུ་བཾ་གཉིས་ནས་བཅོམ་ལྡན་འདས་
རྣམ་པར་སྣང་མཛད་དུང་དང་ཀུནྡ་ལྟར་དཀར་བར་བཞུགས་ཏེ། མཚོ་ཆེན་པོ་མ་དྲོས་པ་འདྲ་བའི་རྒྱ་མཚོ་ཆེན་པོ་བཞི་ལས། ཆུ་བོ་བཞི་འབབ་པ་ལྟ་བུའི་ཆར་གྱི་རྒྱུན་བབས་པས་ཕྱོགས་བཅུར་འགེངས་པར་གྱུར་པར་བསམ་པར་བྱའོ། །རྡོ་རྗེ་ཅན་དང་རྡོ་རྗེ་མེ་ལྟར་འབར་བས་ཁམ་ཕོར་གྱི་
རི་རབ་དང་། ཕུར་བུ་ཡང་དག་པར་བསྲུངས་ལ། རྡོ་རྗེ་གནོད་སྦྱིན་དང་། རྡོ་རྗེ་འཇིགས་བྱེད་ཅན་དག་གིས། དེ་རྣམས་ཀྱི་ནམ་མཁའ་བཅིང་བར་བྱས་ལ། རྡོ་རྗེ་བཅིངས་པས་དྲ་བ་བྱའོ། །ཡང་ན་མངོན་སྤྱོད་ཀྱི་སྦྱིན་སྲེག་གིས་བགེགས་བཟློག་པར་བྱའོ། །དེ་ནས་དཀྱིལ་འཁོར་
གྱི་དབུས་ན་གནས་པའི་ཕུར་བུ་ཧཱུཾ་བཞིས་བཏོན་ལ། འོག་ནས་བཤད་པའི་ཚོན་སྣ་ལྔས་ཕུར་བུའི་བུ་ག་བཀང་ལ། མཉམ་པོར་གཞག་གོ། །དེ་ནས་ཧི་ཞེས་བྱ་བས་མིག་གཡས་པ་དང་། གཡོན་པར་ཉི་མ་དང་ཟླ་བ་བསྐྱེད་ལ། ཁྲོ་བོའི་ལྟ་བས་ཀུན་དུ་བལྟས་ལ། སྒོ་རྣམས་བྱའོ། །དེ་ནས་
ཚོན་རྩི་བྱིན་གྱིས་བརླབ་པར་བྱ་སྟེ། ཨོཾ་བཛྲ་ཙི་ཏྲ་ས་མ་ཡ་ཧཱུཾ་ཞེས་བྱ་བ་འདིས་ཕྱག་རྒྱ་དང་ལྡན་པས་ཚོན་རྩི་ཐམས་ཅད་ལ་ལན་བདུན་གྱི་བར་དུ་མངོན་པར་བཟླས་ན། རྡོ་རྗེའི་རང་བཞིན་དུ་འགྱུར་རོ་ཞེས་བཅོམ་ལྡན་འདས་རྡོ་རྗེ་འཆང་ཆེན་པོས་གསུངས་སོ། །དེ་ལ་ཕྱག་རྒྱ་ནི་འདི་ཡིན་ཏེ། རྡོ་རྗེའི་

62-1-30b

ཕྱག་རྒྱ་གཉིས་ལས་ནི། །མཛུབ་མོ་རྩེ་མོ་མཉམ་སྦྱར་བ། །བྱས་ནས་ཚོན་རྩི་ཐམས་ཅད་ནི། །འབར་བའི་ལྟ་བས་དགུག་པར་བྱ། །ཧི་ཞེས་བྱ་བ་དང་། རྡོ་རྗེ་ཉི་མའི་ཁྲོ་བོའི་དམ་ཚིག་གི་ཕྱག་རྒྱ་དང་། གཡོན་པའི་རྡོ་རྗེ་ཁུ་ཚུར་གྱི་མཐའ་སྦྱར་བར་བྱའོ། །ཨོཾ་བཛྲ་ཙི་ཏྲ་ས་མ་
ཡ་ཧཱུཾ་ཞེས་ཟློས་ཤིང་དབང་ལྡན་ཕྱོགས་ནས་བརྩམས་ཏེ། གཡས་ནས་བསྐོར་བས་གཡོན་པའི་རྡོ་རྗེ་ཁུ་ཚུར་གྱིས་ཚོན་རྩི་དགྱེ་བར་བྱ་སྟེ། ཕྱིས་ཅི་བདེར་བྱའོ། །དེའི་རིམ་པ་ནི་འདི་ཡིན་ཏེ། སྔོན་པོ་དང་སེར་པོ་དང་དམར་པོ་དང་ལྗང་གུ་དང་དཀར་བའི་རིམ་པ་འདིས་ཅི་བདེར་དགྱེའོ། །
ཁྲུ་དྲུག་པར་བྱ་བ་ནི་ཚོན་རྩིའི་རི་མོ་ཆུང་ཚད་ཡིན་ཏེ། དེ་ཕན་ཆད་ཁྲུ་བསྐྱེད་པས་རྐང་པ་ཡང་བསྐྱེད་པར་བྱའོ། །དེ་ཡང་རྡོ་རྗེ་རྩེ་མོའི་རྒྱུད་ལས། སྔོན་པོ་རྡོ་རྗེ་རྩེ་རང་བཞིན། །གཉིས་པ་གསེར་ལ་དམིགས་པ་སྟེ། །པདྨ་རཱ་གའི་རང་བཞིན་གཞན། །དེ་བཞིན་གཞན་དག་མར་གཏ་འདྲ། །
དཀར་པོ་ནང་དུ་ཤེས་བྱ་སྟེ། །འདི་ནི་ཚོན་གྱི་རིམ་པར་བཤད། །ཅེས་བཅོམ་ལྡན་འདས་རྡོ་རྗེ་འཆང་ཆེན་པོས་གསུངས་སོ། །ཤར་ཕྱོགས་སུ་ནི་སྔོན་པོ་ཆེ། །ལྷོར་ནི་སེར་པོ་དང་ལྡན་པ། །ནུབ་ཀྱི་ཕྱོགས་ནི་དམར་པོ་སྟེ། །བྱང་ནི་ལྗང་གུར་ཡང་དག་ལྡན། །དབུས་ཀྱི་ས་ཡི་ཆ་ཉིད་ནི། །ཤེལ་
ལྟར་སྣང་བ་བླ་ན་མེད། །རྟག་ཏུ་རྡོ་རྗེ་དྲིལ་འཆང་ཞིང་། །རབ་མཉམ་གཞག་སྟེ་དེ་ཡིས་བྲི། །རྡོ་རྗེ་ཀ་བའི་ནང་ལོགས་སུ། །ཟླ་བའི་དཀྱིལ་འཁོར་ལྔས་བརྒྱན་ལ། །དབུས་ཀྱི་དཀྱིལ་འཁོར་དབུས་སུ་ནི། །སངས་རྒྱས་ཀྱི་ནི་གཟུགས་གཞག་ཅིང་། །སངས་རྒྱས་ཀྱི་ནི་ཕྱོགས་
ཀུན་གྱི། །དཀྱིལ་འཁོར་རྣམས་ཀྱི་དབུས་རྣམས་སུ། །རིམ་བཞིན་དུ་ནི་དམ་ཚིག་མཆོག །བཞི་པོ་ལེགས་པར་གཞག་པར་བྱ། །དཀྱིལ་འཁོར་བཞི་པོ་དེ་དག་ཏུ། །རྡོ་རྗེ་གོམ་པས་སོང་ནས་ནི། །མི་གཡོ་བ་ལ་སོགས་པ་ཡི། །སངས་རྒྱས་བཞི་པོ་ཐམས་ཅད་གཞག །མི་གཡོ་
བ་ཡི་དཀྱིལ་འཁོར་དུ། །རྡོ་རྗེ་འཛིན་སོགས་མཉམ་པར་གཞག །རིན་ཆེན་འབྱུང་ལྡན་དཀྱིལ་འཁོར་དུ། །རྡོ་རྗེ་སྙིང་སོགས་རྫོགས་པར་གཞག །ཚེ་དཔག་མེད་པའི་དཀྱིལ་འཁོར་དུ། །རྡོ་རྗེ་སྤྱན་སོགས་རྫོགས་པར་བཞག །གདོན་མི་ཟ་བའི་དཀྱིལ་འཁོར་དུ། །རྡོ་རྗེ་

62-1-31a

རྒྱ་གྲམ་ལ་སོགས་གཞག །འཁོར་ལོ་ཡི་ནི་གྲྭ་རྣམས་སུ། །རྡོ་རྗེ་ལྷ་མོ་རྣམས་ཀྱང་གཞག །དཀྱིལ་འཁོར་ཕྱི་རོལ་གྲྭ་རྣམས་སུ། །སངས་རྒྱས་མཆོད་པ་རྣམས་ཀྱང་གཞག །སྒོ་རྣམས་ཀུན་གྱི་ནང་དུ་ནི། །སྒོ་སྲུང་བཞི་ཡང་གཞག་པར་བྱ། །དཀྱིལ་འཁོར་
ཕྱི་རིམ་ཕྱོགས་སུ་ནི། །སེམས་དཔའ་ཆེན་པོ་རྣམས་ཀྱང་གཞག །དེ་ལ་རྡོ་རྗེ་ཤུགས་ཀྱི་སྙིང་པོ་ནི་འདི་ཡིན་ཏེ། ཨོཾ་བཛྲ་བེ་གཱ་ཀྲ་མ་ཧཱུཾ། དེ་ལ་འདིའི་ཕྱག་རྒྱ་ནི་འདི་ཡིན་ཏེ། ཡིད་ཀྱིས་རི་མོ་བཏེག་ནས་ནི། །རྡོ་རྗེ་སྲད་བུའམ་གཞན་ཡང་རུང་། །ཕྱིར་བྱུང་ནང་དུ་ཞུགས་ཀྱང་རུང་། །དམ་
ཚིག་ཉམས་པ་དེ་མི་འགྱུར། །དེ་ལ་བཅོམ་ལྡན་འདས་རྣམ་པར་རྡོ་རྗེ་སྣང་མཛད་ནི། སྐུ་མདོག་དཀར་པོ་སེངགེའི་གདན་ལ་རྡོ་རྗེའི་སྐྱིལ་མོ་ཀྲུང་གིས་བཞུགས་པ། བྱང་ཆུབ་མཆོག་གི་ཕྱག་རྒྱས་རྡོ་རྗེ་རྩེ་ལྔ་པ་བསྣམས་པ། ཉི་མའི་དཀྱིལ་འཁོར་གྱི་འོད་མངའ་བ། དར་ལའི་
སྟོད་གཡོགས་དང་། སྨད་གཡོགས་མནབས་པ། རིན་པོ་ཆེའི་ཅོད་པན་དང་། དར་དཔྱངས་ཀྱི་དབང་བསྐུར་བ་དང་ལྡན་པ། ཞལ་བཞི་པ་ཞལ་དང་པོ་ཤར་དུ་གཙིགས་པའོ། །དེ་བཞིན་དུ་མི་བསྐྱོད་པ་ལ་སོགས་ཡང་དེ་བཞིན་ཏེ། སྐུ་མདོག་ཀྱང་སྔོན་པོ་དང་། སེར་པོ་དང་། 
དམར་པོ་དང་། ལྗང་གུ་དང་། གླང་པོ་ཆེ་ལ་སོགས་པའི་གདན་ལ་རྡོ་རྗེ་སྐྱིལ་མོ་ཀྲུང་གིས་བཞུགས་པ། རྡོ་རྗེ་རྩེ་ལྔ་པ་དང་། རྡོ་རྗེ་རིན་པོ་ཆེ་དང་། རྡོ་རྗེ་པདྨ་དང་། སྣ་ཚོགས་རྡོ་རྗེ་ལ་སོགས་པ་བསྣམས་པའོ། །ཉི་མའི་དཀྱིལ་འཁོར་གྱི་འོད་མངའ་བ། རིན་པོ་ཆེའི་ཅོད་པན་དང་། 
དར་དཔྱངས་ཀྱི་དབང་བསྐུར་བ་དང་ལྡན་པ། ཞལ་གཅིག་པ་རྣམ་པར་སྣང་མཛད་ལ་མངོན་སུམ་དུ་ཕྱོགས་པ་རྣམས་རང་རང་གི་ཕྱག་རྒྱ་ཆེན་པོ་དང་བཛྲ་དྷཱ་ཏུ་ཞེས་བྱ་བ་དེ་བཞིན་གཤེགས་པ་ལྔའི་སྙིང་པོ་ཟློས་ཤིང་བཞུགས་སུ་གསོལ་ལ། བྲིས་པ་ལྟར་བར་སྣང་ལ་མངོན་དུ་
བཞུགས་པ་རྣམས་ཀྱང་དེ་བཞིན་དུ་ཕབ་སྟེ་གཅིག་ཏུ་བྱའོ། །དེ་བཞིན་དུ་བཅོམ་ལྡན་འདས་རྣམ་པར་སྣང་མཛད་ཀྱི་སྤྱན་སྔར། སཏྭ་བཛྲི་ཞེས་བྱ་བས་རྡོ་རྗེ་སེམས་མ་སྐུ་མདོག་སྔོན་མོ། །རྡོ་རྗེ་རྩེ་ལྔ་པ་དམར་པོ་བཀོད་ལ། བཛྲ་ཨཱ་བེ་ཤ་ཨ་ཞེས་བྱ་བས་དབབ་པར་བྱའོ། །

62-1-31b

གཡས་སུ་རཏྣ་བཛྲི་ཞེས་བྱ་བས་རིན་ཆེན་སེམས་མ་སྐུ་མདོག་སེར་མོ། ཡིད་བཞིན་གྱི་ནོར་བུ་རིན་པོ་ཆེ་རྩེ་མོ་རྡོ་རྗེ་རྩེ་ལྔ་པས་མཚན་པའོ། །རྒྱབ་ཏུ་དྷརྨ་བཛྲི་ཞེས་བྱ་བས་རྡོ་རྗེ་ཆོས་མ་སྐུ་མདོག་དམར་མོ། པདྨ་དཀར་དམར་འདབ་མ་བཅུ་དྲུག་པ་ལ་འདབ་མ་བརྒྱད་ཐུར་དུ་གྱེས་པ། 
འདབ་མ་བརྒྱད་གྱེན་དུ་བལྟས་པ། ཁ་མ་བྱེ་བའི་ནང་ན་རྡོ་རྗེ་རྩེ་ལྔ་པ་ཆུད་པའོ། །གཡོན་དུ་ཀརྨ་བཛྲི་ཞེས་བྱ་བས། རྡོ་རྗེ་ལས་མ་སྐུ་མདོག་ལྗང་གུ། སྣ་ཚོགས་རྡོ་རྗེ་རྩེ་མོ་བཅུ་གཉིས་པ། ཁ་དོག་ལྔ་པའོ། །རྡོ་རྗེ་སེམས་དཔའ་ལ་སོགས་པ་ནས་བསྐལ་པ་བཟང་པོའི་
མཐར་ཐུག་པའི་བར་ནི། ཕྱག་རྒྱ་ཆེན་པོས་རང་རང་གི་མཚན་མ་རྡོ་རྗེ་ལ་སོགས་པ་བསྣམས་པ། རབ་ཏུ་དགྱེས་པས་སྤྱན་གདངས་པ། སེམས་དཔའི་སྐྱིལ་མོ་ཀྲུང་གིས་བཞུགས་པ་ཡིན་ནོ། །རྣམ་པར་སྣང་མཛད་ནི་དེ་བཞིན་ཉིད་ཀྱི་ངོ་བོ་ཉིད་ཡིན་ལ། འདི་དག་ཐམས་ཅད་
ཀྱང་ཆོས་ཀྱི་དབྱིངས་ལ་དམིགས་པའི་ཡེ་ཤེས་ཀྱི་ངོ་བོ་ཉིད་ཡིན་པའི་ཕྱིར། རྣམ་པར་སྣང་མཛད་ལ་མངོན་པར་ཕྱོགས་པར་བྱའོ། །མི་བསྐྱོད་པའི་མདུན་དུ་ནི་རྡོ་རྗེ་སེམས་དཔའ་འོ། །གཡས་སུ་ནི་རྡོ་རྗེ་རྒྱལ་པོའོ། །གཡོན་དུ་ནི་རྡོ་རྗེ་ཆགས་པའོ། །རྒྱབ་ཏུ་ནི་རྡོ་རྗེ་
ལེགས་པའོ། །རིན་ཆེན་འབྱུང་ལྡན་གྱི་མདུན་དུ་ནི་རྡོ་རྗེ་རིན་ཆེན་ལ་སོགས་པ་ཡང་དེ་བཞིན་དུ་ཤེས་པར་བྱའོ། །ལྷག་མ་ནི་ཤེས་པ་ཁོ་ནར་ཟད་དོ། །ཕྱིའི་དཀྱིལ་འཁོར་གྱི་ཁྱམས་ལ་བྱམས་པ་ལ་སོགས་པ། བསྐལ་པ་བཟང་པོའི་བྱང་ཆུབ་སེམས་དཔའ་བཞིས་
སྟོང་དུ་མ་ཚང་བ། ཤར་ཕྱོགས་ལ་སོགས་པའི་ཕྱོགས་སུ་ཆ་མཉམ་པོ་གོ་རིམས་བཞིན་དུ་བྲི་བར་བྱའོ། །དེ་ལ་ཤར་ཕྱོགས་པ་རྣམས་ནི་རྡོ་རྗེ་རྩེ་ལྔ་པ་བསྣམས་པའོ། །ལྷོ་ཕྱོགས་པ་རྣམས་ནི་རྡོ་རྗེ་རིན་པོ་ཆེ་བསྣམས་པའོ། །ནུབ་ཕྱོགས་པ་རྣམས་ནི་རྡོ་རྗེ་པདྨ་བསྣམས་
པའོ། །བྱང་ཕྱོགས་པ་རྣམས་ནི་སྣ་ཚོགས་རྡོ་རྗེ་བསྣམས་པའོ། །དེ་ནས་འདི་རྣམས་ཀྱི་དགོད་པའི་རིམ་པ་དང་། མཚན་ནི་འདི་དག་ཡིན་ཏེ། ཨོཾ་སརྦ་སཾ་སྐཱ་ར་པ་རི་ཤུདྡྷ་དྷརྨ་ཏེ་ག་ག་ན་ས་མུངྒ་ཏེ་མ་ཧཱ་ན་ཡ་པ་རི་ཝཱ་རེ་སྭཱ་ཧཱ། ཞེས་བྱ་བ་འདི་ནི་རིག་པའོ། །དེ་ལ་དེ་རྣམས་ཀྱི་

62-1-32a

མཚན་ནི། བྱམས་པ། སེང་གེ། རབ་གསལ། ཐུབ་པ། མེ་ཏོག །མེ་ཏོག་གཉིས་པ། སྤྱན་ལེགས། དེད་དཔོན། ལག་ཆེན། སྟོབས་ཆེན། རྒྱུ་ཀར་རྒྱལ་པོ། རྩི་སྨན། སྙན་པ། ཏོག །འོད་ཆེན་པོ། གྲོལ་བའི་ཕུང་པོ། རྣམ་པར་སྣང་མཛད། 
ཉི་མའི་སྙིང་པོ། ཟླ་འོད་འཕྲོ། འོད་བཟང་། མྱ་ངན་མེད། སྐར་རྒྱལ། རབ་གསལ། ཕྲེང་ཐོགས། ཡོན་ཏན་འོད། དོན་གཟིགས། མར་མེ། མཐུ་ལྡན། སྨན་པ། དེས་པ། མཛོད་སྤུ། བསྟན་ལྡན། ལྷའི་དཔལ། གདུལ་དཀའ། ཡོན་ཏན་རྒྱལ་མཚན། སྒྲ་གཅན། ཚོགས་
ཅན། ཚངས་པའི་དབྱངས། ཚིག་བརྟན། མི་འགྱིང་པ། འོད་མཛད། ལྷུན་ཆེན། རྡོ་རྗེ་སྡོམ་པ་ཅན། མི་བསྙེངས་པ། རིན་ཆེན། པདྨའི་སྤྱན། སྟོབས་སྡེ། མེ་ཏོག་འོད་ཟེར། ཡེ་ཤེས་དགྱེས། གཟི་ཆེན། ཚངས་པ། འོད་དཔག་མེད། ཀླུ་སྦྱིན། བརྟན་པར་གཤེགས། 
དོན་ཡོད་མཐོང་། བརྩོན་འགྲུས་སྦྱིན། བཟང་སྐྱོང་། དགའ་བོ། །འཆི་མེད། སེང་གེའི་རྒྱལ་མཚན། རྒྱལ་བ། ཆོས། མཆོག་ཏུ་དགའ་བའི་རྒྱལ་པོ། ཁ་ལོ་སྒྱུར། དགྱེས་པར་གཤེགས། ཆུ་ལྷ། ཡོན་ཏན་ལག །སྤོས་ཀྱི་གླང་པོ། རྣམ་པར་གཟིགས། འབྲུག་སྒྲ། 
ལེགས་སེམས། ཡིད་ཟངས། དྲི་མེད། ཟླ་བ་གྲགས་ཆེན། གཙུག་ན་ནོར་བུ། དྲག་ཤུལ་ཅན། སེང་གེ་སྟབས། ལྗོན་པ། རྣམ་པར་རྒྱལ་བ་ཅན། ཤེས་རབ་བརྩེགས། ལེགས་གནས། བློ་གྲོས། ཡན་ལག་སྐྱེས། བློ་མཐའ་ཡས། གཟུགས་བཟང་། མཁྱེན་ལྡན། འོད་
ཟེར། བརྟུལ་ཞུགས་བརྟན། བཀྲ་ཤིས། བདེན་པའི་ཏོག །པདྨ། སྲེད་མེད་ཀྱི་བུ། ལག་བཟངས། ཡེ་ཤེས་བྱུང་གནས། ཡོན་ཏན་འོད་འཕྲོ། ཚངས་པས་བྱིན། རིན་ཆེན་འབྱུང་གནས། ལྷའི་མེ་ཏོག །དོན་ལེགས་སེམས་དཔའ། ཆོས་ཀྱི་དབང་ཕྱུག །བློ་གྲོས་གྲགས་པ། སྤོབས་
པ་བརྩེགས་པ། རྡོ་རྗེ་རྒྱལ་མཚན། ཕན་པར་བཞེད་པ། རྣམ་པར་རོལ་ལྡན། མུན་པ་དང་བྲལ་བ། སྒྲ་གཅན་ལྷ། རི་བོའི་རྒྱལ་མཚན། ཚོགས་ཅན་འོད། རིན་ཆེན་སྙིང་པོ། ཤིན་ཏུ་མཐོར་གཤེགས། སྐར་རྒྱལ། རུ་རིངས། ཡོན་ཏན་གྲགས། ཉི་ཟླ། ཉི་མའི་འོད། སྐར་མཁན། སེང་

62-1-32b

གེའི་ཏོག །དུས་མཁྱེན་རྒྱལ་པོ། དཔལ་གྱི་སྙིང་པོ། སྲིད་མཐའ་གཟིགས་པ། གློག་གི་འོད། གསེར་གྱི་འོད། སེང་གེས་བྱིན་པ། གཞན་གྱིས་མི་ཐུབ་པའི་རྒྱལ་མཚན། མཆོག་དགའ་གྲགས་པ། བརྩོན་འགྲུས་བརྟན་པ། གྲགས་པ་རྫོགས་པ། བསྙེངས་པ་དང་བྲལ་བ། མཆོད་འོས་ལྷ། 
སྒྲོན་མ་ཆེན་པོ། འཇིག་རྟེན་འོད། སྤོས་དྲི་ཞིམ་པ། ཡོན་ཏན་མཆོག་འཛིན། མུན་པ་དང་རྣམ་པར་བྲལ་བ། སེང་གེའི་འགྲམ་པ། རིན་ཆེན་གྲགས་པ། སྐྱོན་རབ་ཞི་བ། བདུད་རྩི་འཆང་བ། མིའི་ཟླ་བ། ཤིན་ཏུ་གཟིགས་པ། རབ་ཏུ་བརྒྱན་པ། ནོར་བུའི་འོད། རི་བོ་བརྩེགས་པའི་ཏོག །
ཆོས་ཀྱི་འབྱུང་གནས། ཚེ་སྦྱིན། རིན་ཆེན་འབྱུང་གནས། སྐྱེ་དབང་མཚུངས་པ། སྟོབས་ཀྱིས་གཤེགས་པ། བློ་གནས། གདུགས་མཛེས་པ། གཙོ་བོ་ཤིན་ཏུ་འཕགས་དཔལ། སེང་གེའི་སྒྲ། རྣམ་རོལ་ལྡན་པ། ཀླུའི་འོད། མེ་ཏོག་རི་བོ། ཀླུ་དགའ། སྤོས་ཀྱི་
དབང་ཕྱུག །ཤིན་ཏུ་གྲགས་པ། སྟོབས་ཀྱི་ལྷ། ཡོན་ཏན་ཕྲེང་ལྡན། ཀླུའི་ལག་པ། མིག་བརྒྱན་པ། ལེགས་པར་སྦྱང་བའི་བློ། ཟིལ་གནོན་ཡེ་ཤེས། མཐའ་ཡས་པའི་སྤྱན། བདེན་པར་གསུང་། ཉི་མའི་འོད། ངེས་པའི་བློ། མཐའ་ཡས་གཟུགས། རྣམ་པར་
སྣང་མཛད། རིན་ཆེན་ཏོག །ཐེ་ཚོམ་རྣམ་པར་སྤངས་པ། འཇིག་རྟེན་འདས་པ། དོན་ཡོད། རྣམ་པར་གནོན་པ། རྟོག་པར་མཛད་པ། མེ་ཏོག་རྒྱལ་མཚན། རི་དབང་རྒྱལ་པོ། གཟི་བརྗིད་ཆེན་པོ། དོན་མཛད་གཟིགས་པ། གྲགས་པ་མཐའ་ཡས། རིན་ཆེན་ལྷ། དོན་
གནས་མཁྱེན་པ། བློ་རྫོགས་པ། མྱ་ངན་མེད་པ། དྲི་མ་དང་བྲལ་བ། ཚངས་ལྷ། སའི་དབང་ཕྱུག །མེ་ཏོག་སྤྱན། རྣམ་པར་འབྱེས་པའི་སྐུ། ཆོས་ཀྱི་འོད། ཀུན་གཟིགས། ཡོན་ཏན། འོད་གསལ། ཟླ་བའི་ཞལ། རིན་ཆེན་འོད། རིན་ཆེན་ཏོག །གྲགས་པའི་བླ་མ། འོད་
བྱེད། གཟི་བརྗིད་དཔག་མེད། དུས་མཁྱེན། སེང་གེའི་སྐུ། མཁས་བློ། རྒྱལ་བར་དཀའ། ཡོན་ཏན་ཕུང་པོ། ཟླ་བའི་ཏོག །མཐུ་ཐོབ། མཐུ་སྩལ་མཐའ་ཡས། ཟླ་བ། དྲི་མེད། དོན་ཐམས་ཅད་གཟིགས་པ། དཔའ་བོ། འབྱོར་ལྡན། བསོད་ནམས། སྒྲོན་མ། ཡོན་ཏན་

62-1-33a

འོད་འཕྲོ། བློ་ཡངས། ལེགས་སྐྱེས། ནོར་ལྷ། ཡིད་གཉིས་སྤོང་། འཛིན་པ་དཔག་མེད། མཆོག་སྲེད། ཆོམ་མེད། མི་གནས་པ། དེར་གནས། ཚོགས་ཅན་གཙོ་བོ། འགྲོ་བའི་འོད་ཟེར། ཕལ་ཆེན་རྒྱལ་བ། གཟི་བརྗིད་མཐའ་ཡས། དོན་གྱི་བློ་
གྲོས། སྨན་པའི་རྒྱལ་པོ། ཐ་བ་སྤངས་པ། རིམས་ནད་མེད་པ། ལེགས་སྦྱིན། གྲགས་སྦྱིན། མེ་ཏོག་བྱིན། སྐྱེས་བུས་བྱིན། རྡོ་རྗེ་སྡེ། ཕལ་ཆེན་སྦྱིན། ཞི་བའི་བློ་གྲོས། སྤོས་ཀྱི་གླང་པོ། སྲེད་མེད་ཀྱི་བུ། ངེས་པ། མི་ཚུགས་པ། ཉི་ཟླ། གློག་གི་ཏོག །མཆོད་པ་
ཞེས་བྱ་བ་སྟེ། ཉིས་བརྒྱ་ལྔ་བཅུར་གཅིག་གིས་མ་ཚང་བ་ནི་ཤར་ཕྱོགས་ཀྱི་ཁྱམས་ཀྱི་ནང་དུ་བྲི་བར་བྱའོ། །དཔལ་སྦས། ཡེ་ཤེས་ཉི་མ། དོན་གྲུབ། ལྷུན་པོ་བརྩེགས། དགྲ་འདུལ། པདྨ། དགྲ་བཅོམ་གྲགས་པ། ཡེ་ཤེས་འགྲོས། ཉོན་མོངས་བྲལ། འདམ་བུ། 
སྤོས་བཟངས། ཡུལ་འཁོར་རངས། ལྷ་གྲགས། སྲིད་མཐའ་གཟིགས། ཟླ་བ། སྒྲ་གཅན། རིན་ཆེན་ཟླ་བ། སེང་གེའི་རྒྱལ་མཚན། བསམ་གཏན་དགྱེས། རྫོགས་ལྡན། རྣམ་པར་རོལ་པ། ཡོན་ཏན་རིན་ཆེན། དགྲ་བཅོམ་གྲགས་པ། པདྨའི་ངོས། མཛོད་སྤུ་ལྡན། 
སྤོབས་པ་གྲགས། རྡོ་རྗེ་ནོར་བུ། ཚེ་དཔག་མེད། ནོར་བུ་བཀོད། དབང་ཆེན། ཡོན་ཏན་འབྱུང་གནས། ལྷུན་པོ་གྲགས། འོད་ཟེར་བཅུ་པ། མ་སྨད་པ། གླང་པོའི་འགྲོས། ཡིད་འཐད། རིན་ཆེན་ཟླ་བ། ཞི་བ། རབ་གསལ་རྒྱལ་པོ། ཁ་ལོ་སྒྱུར། དགའ་བའི་དབང་
ཕྱུག །གཙུག་ན་རིན་པོ་ཆེ། བསྙེངས་བྲལ། རིན་ཆེན་སྙིང་པོ། ཟླ་ཞལ། དྲི་མ་མེད་པར་གྲགས་པ། ཞི་བའི་གཟི་བརྗིད། དགའ་བའི་ཏོག །སྒྲ་གཅན་ལྷ། ན་ཚོད་བཟང་པོ། ལྷ་དགའ། རིན་ཆེན་ཕུང་པོ། མཛེས་པར་གཤེགས། སེང་གེའི་ཕྱོགས་པ། ཤིན་ཏུ་
མཐོར་གཤེགས། སྐྱེ་བའི་དབང་པོ། བློ་གྲོས་བཟང་པོ། འཇིག་རྟེན་འོད། རིན་ཆེན་གཟི་བརྗིད། སྐལ་ལྡན། ཤིང་རྟ། ཀུན་དུ་རྒྱལ་བ། དགའ་བ་བཀོད་པ། སྟེགས་མཛད་པ། སྤོས་ཀྱི་གླང་པོ། བློ་གྲོས་འོད་འཕྲོ། རི་བོའི་རྒྱལ་མཚན། རིན་ཆེན་སྤོས་བཟངས། 

62-1-33b

ཆོས་བརྟན། གཟི་བརྗིད་དྲག་ཤུལ་ཅན། ཆོས་ཀྱི་ནོར་བུ། བཟང་པོས་བྱིན་པ། བདེ་གཤེགས་ཟླ་བ། ཚངས་པའི་དབྱངས། སེང་གེའི་ཟླ་བ། ཚུངས་པ་མེད་པའི་དཔལ། ལེགས་པར་སྐྱེས་པ། ཐུབ་པ་མེད་པའི་ཚོགས། གྲགས་པའི་བཤེས་གཉེན། བདེན་པ། དཀའ་
ཐུབ་ཆེན་པོ། ལྷུན་པོའི་འོད་ཟེར། ཡོན་ཏན་བརྩེགས་པ། མཆོད་པ་གྲགས་པ། ཆོས་གྲགས། སྦྱིན་པའི་འོད། གློག་འབྱིན། བདེན་པར་གསུང་བ། འཚོ་བྱེད། ན་ཚོད་བཟང་པོ། ལེགས་པའི་ཚོགས་ཅན། རྣམ་པར་ངེས་པའི་བློ་གྲོས། སྲིད་མཐའ་ནོར་བུའི་སྤོས། 
རྒྱལ་བས་དགྱེས་པ། སེང་གེའི་འོད་ཟེར། རྣམ་པར་སྣང་མཛད། གྲགས་པ་མཆོག །ཐུགས་རབ་ཏུ་གཞུངས་པ། ནོར་བུའི་ཟླ་བ། དྲག་ཤུལ་འོད་ཟེར། བརྟུལ་ཞུགས་ཐུབ་མེད། འགྲོ་བས་མཆོད་པ། ནོར་བུའི་ཚོགས། འཇིག་རྟེན་བླ་མ། གླང་ཆེན་སེང་གེ། ཟླ་བ། རིན་ཆེན་
འོད་ཟེར། སྒྲ་གཅན་སྦེད་པ། ཡོན་ཏན་རྒྱ་མཚོ། འོད་ཟེར་ལྡན་པ། རབ་ཏུ་ཞི་བའི་སྟོབས། འཇིག་རྟེན་བཟང་པོ། མྱ་ངན་མེད་པ། ཤུགས་བཅུ་པ། སྟོབས་ལ་དགྱེས་པ། མཐུ་དཔལ། མཐུ་ཐོབ་པ། མཐུ་ཆེན་པོ། ཡོན་ཏན་སྙིང་པོ། བདེན་པར་སྤྱོད་པ། དགེ་མཆོག་
རྒྱལ་པོ། སྐར་རྒྱལ། འོད་ཟེར་ཆེན་པོ། གློག་གི་འོད། ཡོན་ཏན་རྒྱ་ཆེན་རིན་པོ་ཆེ། དཔལ་འོད། བདུད་འདུལ་བར་མཛད་པ། གོ་ཆ་བགོས་པ། སེང་གེའི་ཕྱག །མེ་ཏོག་བཟང་པོ། རིན་ཆེན་མཐོན་པོ། རྒྱ་མཚོ། ས་འཛིན། དོན་གྱི་བློ་མངའ་བ། ཡོན་ཏན་བསགས་པ། ཡོན་ཏན་
ཚོགས། རིན་ཆེན་མེ། འཇིག་རྟེན་འདས་པ། འཇིག་རྟེན་ཟླ་བ། དབྱངས་སྙན་པ། ཚངས་པའི་ཏོག །ཚོགས་ཅན་གཙོ་བོ། སེང་གེའི་སྟབས། དྲག་ཤུལ་གྱིས་བྱིན་པ། ཆོས་ཀྱི་དབང་ཕྱུག །གཟི་བརྗིད་འོད། འོད་ཟེར་ཆེན་པོ། རིན་ཆེན་སྙིང་པོ། རིན་ཆེན་གྲགས་པ། ཚོགས་
ཅན་གསལ་བ། གྲགས་པ་མཐའ་ཡས། འོད་ཟེར་དོན་ཡོད། ལྷའི་དྲང་སྲོང་། སྐྱེ་བའི་དབང་པོ། དགེ་འདུན་བརྟན། ཕྱོགས་བཟངས། ཏོག །ཡུལ་འཁོར་མེ་ཏོག །ཆོས་ཀྱི་བློ་གྲོས། རླུང་གི་ཤུགས་ལྟར་གཤེགས་པ། ལེགས་བསམ་གྲགས་པ། སྣང་ལྡན། ལྷ་ཚོགས། 

62-1-34a

ཡོན་ཏན་སྲུང་། དོན་གྱི་བློ་གྲོས། སྙེངས་མེད། གྲོགས་བརྟན། འོད་གནས། མཚུངས་མེད། ནོར་བུའི་ཞབས། ཐར་པའི་གཟི་བརྗིད། ངོས་བཟངས། བློ་བཟངས། ཀུན་དུ་གཟི་བརྗིད། ཡེ་ཤེས་མཆོག །ཚངས་པར་གནས། བདེན་པ་གསུང་བ། བློ་
བཟངས། སྟོབས་བྱིན། སེང་གེ་སྟབས། མེ་ཏོག །ཡེ་ཤེས་འབྱུང་གནས། མེ་ཏོག་བྱིན། ཡོན་ཏན་སྙིང་པོ། རིན་ཆེན་གྲགས་པ། གྲགས་པ་རྨད་དུ་བྱུང་བ། མི་མཚུངས་པ། བསྙེངས་མེད། ཉི་མའི་འོད། ཚངས་པར་གཤེགས་པ། ལྷའི་མཐུ་རྩལ། ཡེ་ཤེས་དགྱེས། ལྷ་
བདེན། ནོར་བུའི་སྙིང་པོ། ཡེ་ཤེས་དཔལ། བཅིངས་མེད། བརྟུལ་ཞུགས་བརྟན། ལྷའི་གཟི་བརྗིད། ཚངས་པ་ཐུབ། དལ་གྱིས་བཞུད། བརྟུལ་ཞུགས། དཀའ་ཐུབ། འོད་ཟེར་ཕུང་པོ། གཟི་བརྗིད་ཆེན་པོ། ཙམ་པ་ཀ །དགའ་མཛད། ཚོགས་ཅན་བཟང་པོ། དབང་
པོའི་རྒྱལ་མཚན། དགྱེས་པ་ཆེན་པོ། སྣ་མའི་མེ་ཏོག་འོད། ཚོགས་ཅན་འོད། བསྐྲུན་པར་མཛད། མདངས་འགྲོ། དོན་ལེགས་ངེས། ཁྱུ་མཆོག །ལག་བཟངས། འོད་ཟེར་ཆེན་པོ། བསམ་པས་བྱིན། བསོད་ནམས་འོད། རིན་ཆེན་དབྱངས། རྡོ་རྗེའི་སྡེ། འབྱོར་ལྡན། 
སེང་གེའི་སྟོབས། དྲི་མ་མེད་པའི་སྤྱན། འོད་སྲུངས། བློ་གསལ། ཡེ་ཤེས་བློ་གྲོས། གཟི་བརྗིད་དྲག་ཤུལ་ཅན། འོད་ཟེར་ཆེན་པོ། ཉི་མའི་འོད། དྲི་མ་མེད་པའི་འོད། གཟི་བརྗིད་རྣམ་པར་འབྱེས་པ། ཁེངས་མེད། སྦྲང་རྩིའི་ཞལ། ཟླ་འོད་གློག་སྦྱིན། རབ་ཏུ་ཞི་བར་
གཤེགས། མི་འཁྲུགས་པ། དགྲ་བཅོམ་གྲགས་པ། ཆོས་ཀྱི་ཡོན་ཏན། ཞིང་བཟང་པོ། བཀོད་པའི་རྒྱལ་པོ། མངོན་པར་འཕགས་པ། སྦྱིན་སྲེག་འོད་འཕྲོ། པདྨའི་དཔལ། རིན་པོ་ཆེའི་བཀོད་པ། ཤིན་ཏུ་བཟང་པོ། རིན་པོ་ཆེའི་མཆོག །ཐུགས་ཤིན་ཏུ་གཞུངས་པ། 
འོད་དཔག་མེད། རྒྱ་མཚོས་བྱིན། ཚངས་པའི་ཏོག །ཟླ་བའི་གདུགས། འོད་འཕྲོ་བ། དྲི་མེད་རྒྱལ་པོ། འདི་རྣམས་ནི་ལྷོ་ཕྱོགས་ཀྱི་ཁྱམས་ཀྱི་ནང་དུ་བྲི་བར་བྱའོ། །ཡེ་ཤེས་གྲགས་པ། ཀུན་ལས་རྒྱལ་བ། ཡོན་ཏན་འོད། སྒྲ་རྣམ་པར་གྲགས་པ། ཟླ་བ་རྒྱས་པ། 

62-1-34b

པདྨའི་འོད་ཟེར། བརྟུལ་ཞུགས་བཟང་པོ། སྒྲོན་མ་རྒྱལ་པོ། གློག་གི་ཏོག །འོད་ཟེར་རྒྱལ་པོ། སྐར་མཁན། གྲགས་པ་རྫོགས་ལྡན། པདྨའི་སྙིང་པོ། རྒྱལ་སྤྱན་མཛེས། རྙོག་པ་མེད་པའི་དོན། དྲག་ཤུལ་སྡེ། བསོད་ནམས་གཟི་བརྗིད། མཐུ་རྩལ་ཅན། ཐོགས་མེད་བློ། 
སྒྲ་གཅན་ལྷ། ཡེ་ཤེས་ཕུང་པོ། ཁ་ལོ་སྒྱུར་བ། སྐྱེ་དབང་མཚུངས་པ། མེ་ཏོག་ཏོག །སྒྲ་གཅན་འཛིན། རྩི་སྨན་ཆེན་པོ། རྒྱུ་སྐར་རྒྱལ་པོ། སྨན་པའི་རྒྱལ་པོ། བསོད་ནམས་གླང་པོ། གཅོད་པར་མཛད་པ། རྣམ་པར་གྲགས་པའི་རྒྱལ་པོ། ཉི་མའི་འོད་ཟེར། ཆོས་ཀྱི་མཛོད། 
བློ་གྲོས་བཟང་པོ། ཡོན་ཏན་དབང་མཚུངས། རྡོ་རྗེའི་སྡེ། ཤེས་རབ་བརྩེགས། ལེགས་པར་གནས། བློ་སྦྱངས། ཚངས་པའི་དབྱངས། ཡོན་ཏན་མཆོག །འབྲུག་སྒྲ་དབྱངས། མངོན་པར་ཤེས་པའི་ཏོག །ཏོག་གི་འོད། མི་འདྲེན་དགེ་བ། ཚངས་པ། སྐྱེས་མཆོག་སྤྱན་སྡུག །
ཀླུས་བྱིན། བདེན་པའི་ཏོག །བརྒྱན་པ། ཞུམ་པ་མེད་དབྱངས། རིན་ཆེན་འོད། དབྱངས་བྱིན། སེང་གེ་འོད་ཟེར་སྣ་ཚོགས། ཡེ་ཤེས་དཔའ་བོ། །པདྨའི་ཕུང་པོ། མེ་ཏོག་རྒྱས་པ། མཐུ་རྩལ་སྟབས། བསོད་ནམས་ཕུང་པོ། གཟུགས་མཆོག །སྐར་མཁན། 
ཟླ་བའི་སྒྲོན་མ། གཟི་བརྗིད་ཕུང་པོ། བྱང་ཆུབ་རྒྱལ་པོ། མི་ཟད་པ། མངོན་པར་རྟོགས་པའི་སྤྱན། ཡན་ལག་བརྒྱད་པ། ཡུལ་འཁོར་ཤེས་རབ། མཆོག །གཟི་བརྗིད་ཚིམ་མཛད། ཤེས་རབ་བྱིན། འཇམ་དབྱངས། ཆགས་པ་མེད་མཛད། གཙོ་བོས་བྱིན། གཙོ་བོ། ཡེ་
ཤེས་མཐུ་ཙལ། འོད་འཕྲོ་ཅན། དབང་པོ། ཤུགས་འཆང་། སྐར་རྒྱལ། འོད་བཟང་པོ། གྲགས་པས་བྱིན་པ། གཟུགས་བཟང་པོ། རྒྱལ་པོ། དོན་གྲུབ་པ། སེང་གེའི་སྡེ། ནོར་ལྷའི་བུ། གྲགས་པ། རྒྱལ་བ། བརྒྱ་བྱིན་སྙིང་པོ། བསོད་ནམས་འོད་ཟེར། འོད་ཟེར་
བཟང་པོ། སྨྲང་འདོན། སྒྲོན་མའི་རྒྱལ་པོ། ཡེ་ཤེས་བརྩེགས། ལྷ་མཆོག །སའི་བདག་པོ། རྣམ་པར་གྲོལ་བ་བརྙེས་པ། གཙུག་གི་གསེར། སྒྲ་གཅན་བཟང་པོ། ཐུབ་དཀའ། ཐུབ་གསལ། ཟླ་བའི་འོད་ཟེར། གསེར་གྱི་འོད། ལེགས་བྱིན། ལྷའི་ཡོན་ཏན་

62-1-35a

དབང་པོ། ཆོས་ཀྱི་གདུགས། བསོད་ནམས་ལགས། ཆགས་པ་མེད་པ། ཡེ་ཤེས་གྱ་ནོམ། བློ་གྲོས་ཞིབ་མོ། གཟི་བྱིན་ཐམས་ཅད་པ། རྩི་སྨིན་རྣམ་པར་གྲོལ་བའི་ཏོག །འོད་ཀྱི་མཛོད། ཡེ་ཤེས་རྒྱལ་པོ། འཇིགས་མཛད། ཆུ་བོའི་སྤོང་བ། 
ཐོགས་མེད་གྲགས་པ། བདེན་པའི་ཕུང་པོ། དབྱངས་སྙན་པ། རི་དབང་མཚུངས། ཆོས་བརྩེགས། ཐར་པའི་གཟི་བྱིན། ལེགས་མཛད། རབ་ཏུ་ཞི་བའི་སྐུ། ཡིད་དུ་འོང་བའི་གསུང་། བློ་སྦྱངས། ཆུ་ལྷ། འགྲོ་བས་མཆོད། སེང་གེའི་ལེགས། ཆོས་ཀྱི་མཐུ་སྩལ། སྐལ་
པ་བཟང་པོ། མི་འཁྲུགས་པའི་མདོག །གཟི་བརྗིད་རྒྱལ་པོ། རྟོག་མཛད་སྤྱན་ལེགས། དོན་ལ་གནས་པའི་བློ་མངའ་བ། སྣང་བའི་འོད་ཟེར། སྤོས་ཀྱི་གཟི་བརྗིད། ཀུན་དུ་དགའ་བར་མཛད་པ། དོན་ཡོད་པར་གཤེགས་པ། ཁྲོ་བ་བཅོམ་པ། གཟུགས་མཆོག །
ལེགས་གཤེགས། རབ་ཏུ་སྦྱིན་པར་གྲགས་པ། འོད་བཟངས། ལྷའི་ཉི་མ། ཤེས་རབ་བྱིན། མཉམ་པར་བཞག་པའི་བདག་ཉིད། གཟི་མདངས། རྒྱལ་རིགས། སྐལ་ལྡན་ཤིང་རྟ། གསེར་མཆོག །རྣམ་པར་གྲོལ་བའི་གཙུག །ཆོས་ལྡན། སྤོས་གནས། དྲེགས་པ་
སྤངས། ཡེ་ཤེས་ཀྱི་མཛོད། ཚངས་པར་གཤེགས། ཙན་དན་མྱ་ངན་མེད་པ། སེང་གེའི་འོད་ཟེར། ཡུལ་འཁོར་ཏོག །པདྨའི་སྙིང་པོ། གཟི་བརྗིད་མཐའ་ཡས། ལྷའི་འོད་ཟེར། ཤེས་རབ་མེ་ཏོག །མཁས་པ། ཡེ་ཤེས་འབྱོར་ལྡན། ཚངས་པ་དབྱིག །ཕྱག་ན་རིན་ཆེན་
དབང་ལྡན་རྫོགས་པར་གསུང་བ། མཆོག་གསུང་། མཆོད་འོས། སྐར་རྒྱལ་ཉི་མ། འདམ་ལས་རྒལ་བ། ཡེ་ཤེས་བརྙེས། གྲུབ་པ། རྨ་བྱ། མཆོད་སྦྱིན། ཕན་པར་བཞེད་པ། ཡེ་ཤེས་ལྡན་པ། གྲགས་པ་འོད་ཟེར་གྱི་དྲ་བ། རྣམ་པར་བཅོམ་པ། བཻ་ཌཱུརྱའི་སྙིང་པོ། མེ་ཏོག་ལྷའི་
རྒྱལ་པོ། ཟླ་བ་དྲན་པའི་འོད། དགེ་བའི་འོད། ཡོན་ཏན་མཆོག་མ། ཀུན་འོད་རིན་པོ་ཆེའི་དཔལ། སྐྱེས་བུ་ཟླ་བ། སྒྲ་གཅན། བདུད་རྩིའི་འོད། འཇིག་རྟེན་མཆོག །སྐར་མའི་འོད། ཞི་བའི་སྟབས། ཡེ་ཤེས་རྒྱ་མཚོ། རིའི་དབང་པོ། རབ་ཏུ་ཞི་བ། ཡོན་

62-1-35b

ཏན་མཐའ་སྟོབས། ལྷའི་དབང་པོ། དབྱངས་སྙན་པ། ངོས་བཟང་། དོན་ལ་གནས་པ། ཡོན་ཏན་གཟི་བརྗིད་དཔལ། མཁྱེན་ལྡན་ཟླ་མེད། ང་རོ་དཔག་མེད། འོད་བཟངས། ཤིན་ཏུ་ཐུགས་གཞུངས་པ། དོན་དགོངས་གཏི་མུག་བྲལ། དབྱངས་ཀྱི་ཡན་
ལགས་ཁྱད་འཕགས། མཆོག་ཏུ་མཛེས་པར་གཤེགས་པ། ཞི་བའི་དོན། སྐྱོན་མེད་བློ། དབྱངས་དགེ་བ། པདྨའི་མཛོད། འོད་ཟེར་བཟང་པོ། སྤོབས་པའི་མདོག །སྟེགས་བཟང་པོ། ཚོགས་ཀྱི་དབང་པོ། བསྙེངས་པ་དང་བྲལ་བ། ཡེ་ཤེས་བཞེད་པ། སྤོབས་པའི་
སྤྱན། བློའི་མཆོག །ཟླ་བ། རིན་ཆེན་ཟླ་འོད། བསྙེངས་པ་མེད་པ། གཟི་བརྗིད་ཆེན་པོ། ཚངས་པའི་དབྱངས། དབྱངས་བཟང་པོ། ཤེས་རབ་ཆེན་པོའི་སྟེགས། བློ་གྲོས་ཟླ་མེད། རྡོ་རྗེ་མཁྲེགས་པ། བྱང་ཆུབ་བློ་གྲོས། ལྗོན་ཤིང་དབང་པོ། གདངས་སྙན་པ། བསོད་ནམས་སྟོབས། 
མཐུའི་དཔལ། འཕགས་པ་དགྱེས་པ། མཐུ་སྟོབས། སྐར་མ་ལ་དགྱེས་པ། སྤྲིན་གྱི་རྔ་སྒྲ། འདི་རྣམས་ནི་ནུབ་ཕྱོགས་ཀྱི་ཁྱམས་ཀྱི་ནང་དུ་བྲི་བར་བྱའོ། །སྤྱན་སྡུག་པའི་ཞལ། ཡེ་ཤེས་བཟང་ལྡན། འབྱོར་པར་ལྡན་པ། ཡོན་ཏན་ཕུང་པོ། གསལ་བ། 
ཆོས་ཀྱི་རྒྱལ་མཚན། ཡེ་ཤེས་ང་རོ། ནམ་མཁའ། མཆོད་སྦྱིན་ང་རོ། ཤེས་རབ་རྣམ་དགོད་ང་རོ། ཡོན་ཏན་འོད་ཟེར་གཟི་བརྗིད། དྲང་སྲོང་དབང་པོ། བློ་དང་ལྡན་པ། སྤོབས་པའི་ཚོགས། མཆོད་སྦྱིན། བཟང་པོ། ཟླ་བའི་ཞལ། ཤིན་ཏུ་གཟིགས་པ། རྡུལ་
དང་བྲལ་བ། ཡོན་ཏན་ཚོགས། ཏོག་དང་ལྡན་པ། བསོད་ནམས་རྒྱལ་མཚན། ཡུལ་འཁོར་སྤོབས་པ། རིན་ཆེན་རབ་སྦྱིན། ཟླ་བ་དགྱེས་པ། སེང་གེའི་སྟོབས། དབང་སྒྱུར་རྒྱལ་པོ། བདུད་རྩི་གསལ་བ། བསམ་གཏན་སྙོམས་པ། འཁྲུགས་པ་མེད་པ། དྲི་མ་
རབ་ཞི། ཕྱོགས་མ་བསླད་པ། མཛེས་པ་ཞལ་བཟངས། ཤུགས་གནས། ཡེ་ཤེས་ལྡན་པ། གསུངས་པའི་དབང་པོ། གཟི་བརྗིད་ཆེན་པོ། བློ་གྲོས་ཟབ་མོ། བདུད་རྩི། ཆོས་ཀྱི་སྟོབས། མཆོད་པར་ལྡན། མེ་ཏོག་འོད། ཁམས་གསུམ་མཆོད་གནས། སྒྲ་གཅན་ཉི་མའི་

62-1-36a

སྙིང་པོ། ལྷའི་མཆོད་པ། ཐར་པའི་རྒྱལ་མཚན། དགེ་བའི་གཙུག །བདུད་རྩི་འོད། རྡོ་རྗེ་བརྟན་པ། རིན་ཆེན་ཕུང་པོ། མཛེས་པར་གཤེགས་པ། ཉི་མ་ལྟར་གཤེགས་པ། དགའ་བའི་འོད། ཡོན་ཏན་གཙུག །དཔལ་རྫོགས། སེང་གེའི་སྟབས། གྱེན་
དུ་འཕགས་པ། མེ་ཏོག་བྱིན། འོད་འགྱེད། པདྨ། ཡེ་ཤེས་དགྱེས། བཀོད་པ་མཛེས། གཏི་མུག་མེད་པར་གནས་པ། རྨ་མེད་པ། ཏོག་གི་རྒྱལ་མཚན། བདེ་བར་དགོངས། གཏི་མུག་མེད་པའི་རྒྱལ་པོ། ཆོག་མཁྱེན། དག་པའི་རྒྱ་མཚོ། རིན་ཆེན་མངའ། མི་མངའ་བ། སྐྱེ་བོ་
དགའ་བར་མཛད་པ། རྨ་བྱའི་ང་རོ། མ་ཞུམ་པ། སྲིད་པའི་སྲེད་པ། དྲི་མ་སྤངས་པ། སྤྱོད་པའི་སྟེགས། ལྷ་མང་པོས་སྙན་པར་གྲགས་པ། རིན་པོ་ཆེའི་སྟབས། ཕྱག་ན་པདྨ་བསྣམས་པ། དཔལ། དགྲ་ལས་རྒྱལ་བ། འབྱོར་ལྡན་གྲགས་པ། ཡུལ་འཁོར་བཟང་པོ། མེ་ཏོག་འོད། 
སེང་གེའི་ང་རོ། ཟླ་བ་ལྟར་ཤར་བ། འཇོམས་པའི་མཆོག །མི་གཡོ་བ། ཕན་པ་དང་ལྡན་པར་གཤེགས་པ། བསོད་ནམས་སྒྲོན་མའི་རྒྱལ་པོ། དབྱངས་ཀྱིས་བསྐུལ་བ། གཽ་ཏ་མ། མདངས་སྟོབས། བློ་གནས་པའི་རང་བཞིན། ཟླ་བ་བཟང་པོ། བྱང་ཆུབ་ཡན་ལག་མེ་
ཏོག །བཀྲ་ཤིས་ལེགས་དོན། ཡེ་ཤེས་གཟི་བརྗིད། སྟོབས། དགེ་བའི་སྒྲོལ་མ། མཐུ་སྩལ་བརྟན་པོ། ལྷ་སྒྲ། རབ་ཏུ་ཞི་བ། ཉི་མའི་ཞལ། ཐར་པའི་བརྟུལ་ཞུགས། ཚུལ་ཁྲིམས་འོད། བརྟུལ་ཞུགས་གནས། རྡུལ་མེད་སྙིང་པོ་འཕགས། མིག་སྨན། འཕེལ་བར་མཛད་
པ། སྤོས་ཀྱི་འོད། དུས་མཁྱེན་འོད། དྲན་པའི་དབང་པོ། ཐོགས་པ་མེད་པའི་རྒྱལ་མཚན། བྱང་ཆུབ་མཆོག་བགྲོད། སྤྱོད་པ་གསལ། རིན་ཆེན་དགྱེས། ཆོས་ཀྱི་དབང་ཕྱུག །ལྷ་ཐམས་ཅད་པ། བཤེས་གཉེན་ཆེན་པོ། བཤེས་གཉེན་བཟང་པོ། རབ་ཏུ་ཞི་བའི་སྟབས། 
བདུད་རྩིའི་བདག་པོ། ལྷུན་པོའི་འོད། འཕགས་པས་བསྟོད་པ། སྣང་ལྡན། གཟི་བརྗིད་འབར་བ། སྣང་བ་གཟིགས། ལེགས་སྤྱད་རྣམ་པར་སྨིན། ལེགས་དགྱེས། མྱ་ངན་བྲལ། རིན་ཆེན་འོད། སྤྱོད་པ་དང་ལྡན་པ། བསོད་ནམས་སྟོབས། ཡོན་ཏན་རྒྱ་མཚོ། རྨད་དུ་བྱུང་

62-1-36b

བ། ང་རྒྱལ་སྤོང་། བདུད་བརླབ་པར་མཛད་པ། བག་ཆགས་ལས་རྒལ་བའི་སྟོབས། མི་ཕྱེད་པའི་བློ་མངའ་བ། རྒྱ་མཚོ། དག་པར་མཛད་པ། ཚོགས་ཅན་གྲོལ་བའི་རྒྱལ་པོ། དགའ་བའི་འོད། བྱང་ཆུབ་རྒྱལ་མཚན། ཡེ་ཤེས་རིན་ཆེན། ཤིན་ཏུ་བསིལ་བ། 
ཚངས་པ་རྒྱལ་བ། ཡེ་ཤེས་དགྱེས། རྫུ་འཕྲུལ་ཏོག །སྐྱེ་དབང་མཚུངས་པ། སའི་དབང་ཕྱུག །ཉི་མ་དགྱེས། སྒྲ་གཅན་ཟླ་བ། མེ་ཏོག་འོད། སྨན་པའི་བདག་པོ། མདངས་མངའ། བསོད་ནམས་དགྱེས། དགའ་བའི་སྟོབས། དབྱངས་སྙན་པ། ཆོས་ཀྱི་
དབང་ཕྱུག །ཚངས་པའི་དབྱངས། སྤྱོད་པ་བཟང་པོ། འཁྲུལ་པ་མེད་པའི་བློ། དབྱངས་ཆེན་པོ། སྙན་པར་གྲགས་པ། ཏོག་ལྡན། གཟི་བརྗིད། རྣམ་པར་གྲགས་པ། འགྲོ་བའི་དབང་ཕྱུག །ལྗོན་པ། གཏི་མུག་རབ་ཟད། དཔག་ཏུ་མེད་པ། ཟླ་བ་བཟང་པོ། སྤོབས་
པ་མཐའ་ཡས་ཏོག །བརྟུལ་ཞུགས་བསྟར་བ། མཆོད་པའི་གནས། མྱ་ངན་རྒལ། དགེ་བ་དགྱེས་པ། འགྲོ་བའི་བློ་གྲོས། དགྱེས་པར་གཤེགས་པ། ཞབས་མཛེས། ཨུཏྤལ། དུལ་གནས་མེ་ཏོག །སྤོབས་པ་མཐའ་ཡས། འོད་ཟེར། དྲང་སྲོང་གསལ་བ། ཡོན་
ཏན་བརྩོན་འགྲུས། སྙིང་པོ། ལྷའི་བདག་པོ། རིན་ཆེན་མཐོན་པོ། གསལ་བ། སྐལ་ལྡན་ཤིང་རྟ་ཅན། བསོད་ནམས་བློ་གྲོས། སྦྱིན་སྲེག་འོད་འཕྲོ། ཡོན་ཏན་མཐའ་ཡས། གཟི་བརྗིད་ཕུང་པོ། སེང་གེའི་སྟབས། མི་གཡོ་བ། རབ་གསལ། འོད་སྤྱོད་པ། 
གླུ་དབྱངས། འཁོར་ལོ་འཛིན་པ། དབྱིག་གི་མཆོག །འཇིག་རྟེན་དགའ་བ། དགའ་བ་མཐའ་ཡས་གྲགས་པ། སྤྲིན་གྱི་ཏོག །ཤེས་རབ་འགྲོས། སྤོས་བཟངས། ནམ་མཁའི་དབྱིངས། ལྷའི་རྒྱལ་པོ། ནོར་བུ་གསལ་བ། ནོར་བཟངས། སྒྲོན་མ། རིན་
ཆེན་ང་རོ་དབྱངས། སྐྱེ་དབང་རྒྱལ་པོ། སྒྲ་གཅན་སྦེད་པ། དགེ་བ་མཛད། སེང་གེའི་བློ་གྲོས། རིན་ཆེན་གྲགས་པ། དོན་མཛད་པ། མཛད་མཐའ་གཟིགས་པ། སྲིད་པའི་མེ་ཏོག །མཛོད་སྤུ་ལྡན་པ། སྤོབས་པ་མཚུངས་མེད། རྒྱལ་པོ། ཡེ་ཤེས་རྣམ་འབྱེད་ང་རོ། 

62-1-37a

སེང་གེའི་མཆེ་བ། མཛེས་པར་གཤེགས་པ། བསོད་ནམས་སྒྲོན་མ། བཀྲ་ཤིས་ལྡན་པ། ཡུལ་འཁོར་མྱ་ངན་མེད་པ། བློ་གྲོས་སེམས་དཔའ། བློ་དང་ལྡན་པ། ཆོས་ཀྱི་སྒྲོན་མ། སྤྱན། ཤིན་ཏུ་གཟིགས་པ། ཤུགས་ཀྱིས་འདོར་བ། སྟོབས་ཆེན། 
ཤེས་རབ་མེ་ཏོག །བརྟན་པའི་དབྱངས། བདེ་དང་ལྡན་པ། དོན་གསུང་བ། དགྱེས་པ་གསལ་བ། སེང་གེའི་ཞལ། གཙུག་ཕུད་སྣང་བར་མཛད་པ། འདི་རྣམས་ནི་བྱང་ཕྱོགས་ཀྱི་ཁྱམས་ཀྱི་ནང་དུ་བྲི་བར་བྱའོ། །ཡང་ན་བྱམས་པ་དང་། མཐོང་བ་དོན་ཡོད་དང་། 
ངན་སོང་ཀུན་འདྲེན་དང་། མྱ་ངན་དང་མུན་པ་ཐམས་ཅད་ངེས་པར་འཇོམས་པའི་བློ་གྲོས། སྤོས་ཀྱི་གླང་པོ། དཔའ་བར་འགྲོ་བ། ནམ་མཁའི་མཛོད། ཡེ་ཤེས་ཏོག །འོད་དཔག་ཏུ་མེད་པ། ཟླ་བའི་འོད། བཟང་སྐྱོང་། དྲ་བ་ཅན་གྱི་འོད། རྡོ་རྗེ་སྙིང་པོ། བློ་གྲོས་མི་ཟད་པ། སྤོབས་
པ་བརྩེགས་པ། ཀུན་དུ་བཟང་པོ་ཞེས་བྱ་བ། བཅུ་དྲུག་པོ་ཇི་ལྟར་མངོན་པར་དགའ་བའི་སྐུ་མདོག་དང་། རྒྱན་དང་ལྡན་པ། རིན་པོ་ཆེའི་ཅོད་པན་དང་། དར་དཔྱངས་ཀྱི་དབང་བསྐུར་བ་དང་ལྡན་པ་དགོད་པར་བྱའོ། །ཕྱོགས་བཞིར་ཡང་རྟ་བབས་བཞི་དང་ཀ་བ་བརྒྱད། ཁྲུ་དྲུག་གམ་བདུན་
གྱི་ཚད་ཙམ་རིན་པོ་ཆེ་ལ་སོགས་པའི་རྒྱུ་ལས་བྱས་པ། མེ་ཏོག་གི་ཕྲེང་བ་དང་། དྲིལ་བུ་དང་དར་ལ་སོགས་པས་བརྒྱན་པ། རྡོ་རྗེ་སེམས་དཔའ་མངོན་པར་བཟླས་པར་བྱའོ། །དཀྱིལ་འཁོར་གྱི་ཕྱི་རོལ་གྱི་ཤར་ལ་སོགས་པའི་ཕྱོགས་ཀྱི་ཆར། འཕགས་པ་ཤེས་རབ་ཀྱི་ཕ་རོལ་ཏུ་ཕྱིན་པ་དང་། 
སྡོང་པོས་བརྒྱན་པ་དང་། དེ་བཞིན་གཤེགས་པའི་གསང་བ་བསམ་གྱིས་མི་ཁྱབ་པ་དང་། གསེར་འོད་དམ་པ་ཀློག་ཏུ་གཞུག་གོ། །ཆོས་སྨྲ་བ་དེ་དག་ཀྱང་སངས་རྒྱས་ལྟར་ཅི་ནུས་པས་མཆོད་པར་བྱའོ། །དེ་ལྟ་བུས་ནི་བགེགས་ཐམས་ཅད་ཉེ་བར་ཞི་བ་དང་། དཀྱིལ་འཁོར་གྲུབ་པར་འགྱུར་རོ། །ཕྱོགས་
མཚམས་བརྒྱད་དུ་སྤོས་སྣོད་བརྒྱད་ལས་ག་པུར་དང་། ཨ་ག་རུ་དང་། ཏུ་རུསྐ་དང་ཙནྡན་ལ་སོགས་པ་རྒྱུན་མི་འཆད་པར་གཏུལ་བར་བྱའོ། །དེ་ལྟར་དཀྱིལ་འཁོར་ལེགས་པར་བཀོད་ནས། ཕྱི་རོལ་ཉེ་འཁོར་ཀུན་དུ་དྲིས་ཉེ་བར་བྱུགས་ལ། མེ་ཏོག་གི་སིལ་མ་བཀྲམ་ནས། དགོངས་ཀའི་དུས་སུ། 

62-1-37b

རྡོ་རྗེ་སེམས་དཔའི་དམ་ཚིག་གི་ཕྱག་རྒྱས་མེ་ཏོག་གི་ཕྲེང་བ་བླངས་ལ། རྡོ་རྗེ་ཤུགས་ཀྱིས་དཀྱིལ་འཁོར་དུ་འཇུག་པར་བྱ་ཞིང་། ཨོཾ་བཛྲ་སཏྭ་ཧཱུཾ། ཞེས་ཀྱང་བརྗོད་པར་བྱའོ། །ཡང་དཀྱིལ་འཁོར་ཐམས་ཅད་ཀྱི་ལྷག་པ་དང་། མ་ཚང་བའི་ཉེས་པ་ཞི་བར་བྱ་བའི་ཕྱིར་བལྟས་ལ། 
རྡོ་རྗེ་དྲིལ་བུ་དཀྲོལ་ཞིང་དཀྱིལ་འཁོར་ལན་བདུན་བསྐོར་བ་བྱས་ནས། བཅོམ་ལྡན་འདས་རྡོ་རྗེ་སེམས་དཔའ་ལ། ཕྲེང་བ་ཕུལ་ཏེ། རྡོ་རྗེ་གར་བྱས་ནས་བླངས་ལ་རང་གི་མགོ་ལ་བཅིང་བར་བྱའོ། །ཨོཾ་བཛྲ་སཏྭ་ཧཱུཾ་ཞེས་ཀྱང་རྒྱུན་མི་འཆད་པ་ཁོ་ནར་བཟླ་བར་བྱའོ། །དེ་ཡང་། རྡོ་རྗེ་
དྲིལ་བུ་རབ་བསྐྱལ་བས། །སངས་རྒྱས་མ་ཚང་ཡོངས་སུ་བསྐོར། །ལྷག་པ་གང་ཡིན་འདོར་མཛད་པས། །འགྲུབ་འགྱུར་སྨད་པར་མི་བྱའོ། །ཞེས་གསུངས་པ་ཡིན་ནོ། །དེའི་རྗེས་ལ་ཡི་གེ་ཧཱུཾ་ལས་བདག་ཉིད་རྡོ་རྗེ་ཧཱུཾ་མཛད་དུ་བསམ་པར་བྱའོ། །དེ་ནས་དབུས་སུ་འདུག་ནས་
ནི། །རྡོ་རྗེ་སློབ་དཔོན་མཉམ་གཞག་པས། །རྡོ་རྗེ་སྒོ་ནི་རྣམ་བཞིའོ། །ཡིད་ཀྱིས་སུ་ནི་དབྱེ་བར་བྱ། །ཨོཾ་བཛྲོ་གྷ་ཊཱ་ས་མ་ཡ། བྲཱ་བེ་ཤ་ཧཱུཾ། རྡོ་རྗེ་མཛུབ་མོ་ཡང་དག་སྦྱར། །སྦྱར་བ་བཀན་ཏེ་བསྡམས་ནས་སུ། །རབ་ཏུ་ཁྲོས་ནས་དབྱེ་བ་ནི། །སྒོ་དབྱེ་བ་ཡི་མཆོག་ཡིན་ནོ། །དེ་ནས་རིན་
པོ་ཆེའམ། ས་ལས་བྱས་པའི་བུམ་པ། རྩ་བ་མི་གནག་པ་གསུས་པ་ཆེ་བ་མགྲིན་པ་རིང་བ། མཆུ་འཕྱང་བ། བྱི་རུ་དང་། གསེར་དང་། དུང་དང་། མུ་ཏིག་དང་། པདྨ་རཱ་ག་སྟེ་རིན་པོ་ཆེ་ཐམས་ཅད་དང་། བྲྀ་ཧ་ཏི་དང་། ཀཎྜ་ཀ་རི་དང་། ཧ་ས་དང་། དཎྜོཏ་པ་ལ་དང་། ཤྭེ་ཏ་ཨ་པ་
ར་ཛི་ཏ་སྟེ་སྨན་ཐམས་ཅད་དང་། འབྲས་དང་། ནས་དང་། གྲོ་དང་། ཏིལ་དང་། མ་ཤ་སྟེ། འབྲུ་ཐམས་ཅད་དང་། སྤོས་ཆུ་དྲི་ཞིམ་པ་དང་། མེ་ཏོག་དཀར་པོ་དྲི་ཞིམ་པས་ཡོངས་སུ་བཀང་ལ། དྲིས་ཀུན་དུ་བྱུགས་པའི་མེ་ཏོག་གི་ཕྲེང་བ་བཏགས་ལ། མགུལ་པ་རས་དཀར་པོ་
བཟང་པོས་བཅིངས་པ། འདབ་མ་དང་འབྲས་བུ་དྲི་ཞིམ་པས་ཁ་བརྒྱན་པ། སྔར་བསྙེན་པ་བྱས་པས་མཆོད་ཡོན་ཕུལ་ལ། རྡོ་རྗེ་བསྡམས་པ་ལ་སེམས་མ་རྡོ་རྗེ་མས་ཡོངས་སུ་གཟུང་བའི་རྡོ་རྗེ་མེ་ཏོག་གི་ལྕུག་མ་ལས། ཨོཾ་བཛྲ་སཏྭ་ཧཱུཾ། ཞེས་ལན་བརྒྱ་རྩ་བརྒྱད་བཟླས་ནས། 

62-1-38a

བཛྲོད་ཀ་ཧཱུཾ་ཞེས་བྱ་བ་ཡང་བཟླས་བརྗོད་སྟོང་རྩ་བརྒྱད་བྱས་ལ། བཅོམ་ལྡན་འདས་རྡོ་རྗེ་སེམས་དཔའི་སྤྱན་སྔར་གཞག་གོ། །གཉིས་པ་ལ་ཡང་རྡོ་རྗེ་སེམས་དཔའི་སྔགས་བརྒྱ་རྩ་བརྒྱད་བཟླས་ཏེ། འཇུག་པའི་སྒོར་མངོན་པར་ཕྱོགས་པར་བྱ་ཞིང་། ཆུ་དེས་བདག་ཉིད་དབང་བསྐུར་
བར་བྱའོ། །འཇུག་པའི་དུས་སུ་སློབ་མ་བྱང་ཆུབ་སེམས་མའི་ཕྱག་རྒྱ་བཅིངས་པའམ། འཆིང་དུ་གཞུག་གོ། །དཔལ་རྣམ་པར་སྣང་མཛད་ལ་སོགས་པའི་བུམ་པ་ལ་ཡང་། སོ་སོ་རང་རང་གི་མཚན་མས་མཚན་ལ། དེ་རྣམས་ཀྱི་རང་རང་གི་སྔགས་བརྒྱ་རྩ་བརྒྱད་ཡོངས་སུ་བཟླས་ལ། དཀྱིལ་འཁོར་གྱི་ཕྱི་རོལ་གྱི་
མཚམས་སུ་གཞག་པར་བྱའོ། །དེ་རྣམས་ཀྱི་ཡང་ཕྱི་རོལ་དུ་ནི་བུམ་པ་གང་བའོ། །མ་རྙེད་པར་གྱུར་ན་བཅུ་ལས་ཉུང་བར་མི་བྱའོ་ཞེས་གསུངས་པས། དཔལ་རྡོ་རྗེ་སེམས་དཔའ་དང་། དེ་བཞིན་གཤེགས་པ་ལྔའི་བུམ་པ་དང་། བུམ་པ་གང་བ་ཡང་དབུལ་བར་བྱ་སྟེ། རྡོ་རྗེ་སེམས་
དཔའ་དང་། རིན་པོ་ཆེ་དང་། ཆོས་དང་། ལས་ཀྱི་རྡོ་རྗེས་མཚན་ལ། རང་གི་རིགས་ཀྱི་སྔགས་བརྒྱ་རྩ་བརྒྱད་མངོན་པར་བཟླས་པའི་བུམ་པ་བཞི་དང་། བུམ་པ་གང་བ་བཞི་དབུལ་བར་བྱའོ། །དེ་ནས་དཀྱིལ་འཁོར་གྱི་ལྷ་ཐམས་ཅད་མངོན་སུམ་ལྟ་བུར་བསམས་ལ། མེ་ཏོག་
ལ་སོགས་པས་ཡང་དག་པར་མཆོད་དེ། ཕྱག་བཞི་ལ་སོགས་པ་སྔོན་དུ་འགྲོ་བས། སྡོམ་པ་གཟུང་ལ། རྡོ་རྗེ་སེམས་མ་ཇི་ལྟ་བ་བཞིན་དུ་བཅིངས་ལ་འཇུག་པར་བྱའོ། །དེ་ནས་རྡོ་རྗེའི་ཆུ་ཇི་ལྟ་བར་ཐུངས་ལ། བདག་ཉིད་ལ་དབབ་པར་བྱ་སྟེ། གཡོན་པའི་ཁྲོ་བོའི་ཁུ་ཚུར་
གྱིས་ལག་པ་གཡས་པའི་སེམས་མ་རྡོ་རྗེ་མའི་གུང་མོ་ཡང་དང་ཡང་དུ་དྲལ་ཞིང་། ཨ་ཞེས་བྱ་བས་ཇི་ལྟ་བ་བཞིན་དུ་བརྟན་པར་བྱས་ལ། དབབ་པ་ནས། དེ་ཉིད་ཀྱིས་ནི་རྡོ་རྗེ་གཟུང་། །ཆོས་ཀྱི་དྲིལ་བུ་དཀྲོལ་བར་བྱ། །དམ་ཚིག་གི་ནི་ཕྱག་རྒྱ་ཆེར། །བྱིན་གྱིས་བརླབས་
ནས་སྙིང་པོ་བཟླ། །ཞེས་བྱ་བའི་བར་གྱི་ཆོ་ག་སྔར་བཤད་པ་རྣམས་བྱས་ལ། འོག་ནས་བཤད་པའི་ཚིགས་སུ་བཅད་པ་ལྔས་རྗེས་སུ་གནང་བ་དང་། གཟེངས་བསྟོད་པ་དང་། ལུང་བསྟན་པ་དང་། དཔལ་རྡོ་རྗེ་སེམས་དཔའི་སྔགས་ཀྱང་བླང་བར་བྱའོ། །དེ་ནས་

62-1-38b

བདག་ལ་བྱིན་གྱིས་བརླབ་པ་ལ་སོགས་པ་བྱས་ནས། བདག་རབ་ཏུ་དགའ་བའི་རྡོ་རྗེ་ཞེས་བྱ་བ་ལ་སོགས་པ་མིང་གང་ཡང་རུང་བ་བརྗོད་ལ། རྣམ་པར་སྣང་མཛད་ཀྱི་ཕྱག་རྒྱ་ཆེན་པོ་བཅིངས་ཏེ། དེའི་གནས་སུ་བཛྲ་དྷཱ་ཏུ་ཨ་ཞེས་པས། དེ་བཞིན་གཤེགས་པའི་རྡོ་རྗེའི་བདག་ཉིད་དུ་ཕབ་ལ། བཛྲ་
ཧཾ་ཞེས་བརྗོད་དོ། །དེ་ནས་བཛྲ་དྷཱ་ཏུ་ར་ཧཾ་བྱས་པས་རྡོ་རྗེ་དབྱིངས་སུ་བསྒོམ་པར་བྱའོ། །དེ་བཞིན་དུ་རྡོ་རྗེ་འབེབས་པའི་བར་གྱིས་ཕྱག་རྒྱ་ཆེན་པོ་བཅིངས་ལ། དེའི་གནས་སུ་བཛྲ་ཨཱ་བེ་ཤ་ཨཿཞེས་བྱ་བས། རྡོ་རྗེ་དྲིལ་བུ་བདག་ཉིད་ལ་ཕབ་སྟེ། བཛྲ་གྷཎྜོ྅ཧཾ། དེ་ནས་བཛྲ་ཨཱ་བེ་ཤཱ་ཧཾ་ཞེས་བྱ་བས་དྲིལ་བུ་
དེར་བསྒོམ་པར་བྱ་སྟེ། དེ་ལྟར་ན་རྡོ་རྗེས་བསྒྲུབ་པར་འགྱུར་རོ། །རྡོ་རྗེ་སློབ་དཔོན་སེམས་དཔའ་ཡི། །རྡོ་རྗེ་ལྕགས་ཀྱུ་བཅིངས་ནས་ནི། །སེ་གོལ་མང་པོ་བརྡབས་བགྱིས་ལ། །སངས་རྒྱས་ཐམས་ཅད་བསྡུ་བར་བགྱི། །ཨོཾ་བཛྲ་ས་མ་ཡ་ཛ་ཛཿཧཱུཾ་བཾ་ཧོཿཞེས་བརྗོད་དོ། །དེ་ནས་རྡོ་རྗེ་སེམས་དཔའ་
ཡི། །ཕྱག་རྒྱ་ཆེན་པོ་སྒོམ་བྱེད་ཅིང་། །མཚན་བརྒྱ་རྩ་བརྒྱད་དམ་པ་ནི། །ལན་ཅིག་རབ་ཏུ་བརྗོད་པར་བགྱི། དེ་བཞིན་དུ་རྡོ་རྗེ་ལྕགས་ཀྱུ་ལ་སོགས་པས། དགུག་པ་དང་གཞུག་པ་དང་། བཅིང་བ་དང་། དབང་དུ་བྱས་ལ། རྡོ་རྗེ་གནོད་སྦྱིན་གྱིས་བགེགས་ཐམས་ཅད་བསྐྲད་པ་དང་། ར་བ་དང་དྲ་
བ་བྱས་ཏེ། དམ་ཚིག་གི་རྡོ་རྗེ་ཁུ་ཚུར་གྱིས་དཀྱིལ་འཁོར་གྱི་སྒོ་བཅད་ལ། ཡི་གེ་གཉིས་ཀྱིས་གོ་ཆའི་སྲུང་བས་ཐམས་ཅད་ཡང་དག་པར་བསྲུངས་ནས། མཆོད་ཡོན་ཕུལ་ལ་སྔོན་དུ་འགྲོ་བའི་དམ་ཚིག་གི་ཕྱག་རྒྱ་རྣམས་ཀྱིས་བལྟ་བ་བྱས་ལ། ཛཿཧཱུཾ་བཾ་ཧོཿས་མ་ཡ་སྟྭཾ་ས་མ་ཡ་སྟྭཾ། ཨ་ཧཾ་ཞེས་བརྗོད་
པར་བྱ་ཞིང་། རང་རང་གི་སྙིང་པོ་དང་། སྔགས་ཀྱིས་ཀྱང་མཐར་ཡང་དག་པར་བསྐུལ་ལ། ཆོས་དང་ལས་ཀྱི་ཕྱག་རྒྱ་ཆེན་པོ་རྣམས་ཀྱིས་ཀྱང་ཕྱག་རྒྱས་བཏབ་སྟེ། དེ་བཞིན་གཤེགས་པ་ལ་སོགས་པ་ནས། བསྐལ་པ་བཟང་པོའི་མཐར་ཐུག་པའི་བར་དུ་དབང་བསྐུར་བའི་ཕྱག་རྒྱ་
རྣམས་ཀྱིས་ཀྱང་དབང་བསྐུར་བར་བྱའོ། །དེ་ལ་རྡོ་རྗེ་སེམས་མ་ལ་སོགས་པའི་རང་གི་སྙིང་པོ་ཉིད་ཆོས་ཀྱི་ཕྱག་རྒྱ་ཡིན་ནོ། །རྡོ་རྗེ་དང་། རིན་པོ་ཆེ་དང་། ཆོས་དང་ལས་མ་རྣམས་ཀྱི་ཕྱག་རྒྱ་དང་། ཕྱག་རྒྱ་ཆེན་པོ་ནི་རྡོ་རྗེ་ལ་སོགས་པའི་ནང་དུ་ཚུད་པའི་བུད་མེད་ཀྱི་གཟུགས་འཛིན་

62-1-39a

པ་དང་། ཡང་ན་དེ་རྣམས་རྡོ་རྗེ་སེམས་དཔའ་ལ་སོགས་པའི་གཟུགས་ཅན་ནོ། །གཡོན་པའི་དེ་བཞིན་གཤེགས་པའི་ཁུ་ཚུར་བཀན་ལ། ལག་པ་གཡས་པའི་མཐེ་བོང་དང་མཛུབ་མོ་གཉིས་ཀྱི་མཐེའུ་ཆུང་ནས་བརྩམས་ནས་ཕྱེ་ལ། ཐལ་མོ་ཁོང་སྟོང་དུ་བྱས་པ་
འདི་ནི། བྱམས་པ་ལ་སོགས་པའི་དམ་ཚིག་གི་ཕྱག་རྒྱ་སྟེ། འདི་རྣམས་ཀྱི་རིག་པ་ནི་སྔར་བཤད་པ་ཡིན་ནོ། །རིག་པ་དེ་དག་ཉིད་དེ་རྣམས་ཀྱི་ལྗགས་ལ་བཀོད་པ་འདི་ནི་དེ་རྣམས་ཀྱི་ཆོས་ཀྱི་ཕྱག་རྒྱའོ། །ཡི་གེ་ཨ་ལས་རང་གི་ཐུགས་ཀར་སྣ་ཚོགས་རྡོ་རྗེ་བསྐྱེད་ལ། བྲིས་པ་དང་དེའི་རྗེས་
སུ་མཐུན་པར། དེ་རྣམས་ཕྱག་རྒྱ་ཆེན་པོར་བཅིང་བ་ནི། དེ་རྣམས་ཀྱི་ལས་ཀྱི་ཕྱག་རྒྱར་འགྱུར་རོ། །རང་གི་སྙིང་གར་རྡོ་རྗེ་རྩེ་ལྔ་པར་བསམས་ལ། བྲིས་པ་དང་རྗེས་སུ་མཐུན་པ་ཁོ་ནར་དེ་རྣམས་ཀྱི་ཕྱག་རྒྱ་ཆེན་པོ་བཅིང་བར་བྱའོ། །རིག་པ་དེ་ཉིད་ཀྱང་སྤྱིའི་ཡིན་ནོ། །དེ་ནས་མཆོད་ཡོན་ཕུལ་ནས་མཆོད་པར་བྱ་སྟེ། 
རས་ཟུང་འབུམ་མམ། ཟུང་ཁྲིའམ། ཟུང་སྟོང་ངམ། ཟུང་བརྒྱའམ། ཟུར་རེ་རེའམ། ཐམས་ཅད་ལ་སྤྱིར་ཟུང་གཅིག་དབུལ་བའམ། བླ་རེ་རྣམ་པ་སྣ་ཚོགས་པ་དང་། གྲྭ་བཞིར་བ་དན་རྣམ་པ་སྣ་ཚོགས་གདགས་པ་དང་། གདུགས་དང་རྒྱལ་མཚན་དང་བ་དན་རྣམས་
ཀྱང་ཡི་གེ་ཨོཾ་དང་རྡོ་རྗེ་སེམས་དཔའ་ལན་བདུན་བཟླས་ལ་དབུལ་བར་བྱའོ། །མེ་ཏོག་གི་ཤིང་བརྒྱའམ། བཞིའམ་མེ་ཏོག་ཐམས་ཅད་ཀྱང་སྔ་མ་བཞིན་དུ་མངོན་པར་བཟླས་ལ། ཨོཾ་བཛྲ་སྥ་ར་ཎ་ཁཾ་ཞེས་བྱ་བས་དབུལ་བར་བྱའོ། །དྲི་ལ་རིག་པ་བཟླས་པའི་དྲིས་བྱུགས་
ལ། དྲི་ཞིམ་པའི་དྲི་བཟང་པོ་ཐམས་ཅད་དང་། བདུག་སྤོས་ཀྱི་རིག་པ་བཟླས་པའི། ག་པུར་ཨ་ཀ་རུ་དང་ཏུ་རུ་སྐ་དང་། ཙནྡན་ལ་སོགས་པ་ལེགས་པར་སྦྱར་བའི་བདུག་པ་གཏུལ་བའི་སྤོས་སྣོད་འབུམ་མམ། ཁྲིའམ། སྟོང་ངམ། བརྒྱ་དབུལ་བར་བྱ་སྟེ། བཅུ་ལས་
ཉུང་བ་ནི་མི་བྱའོ། །མར་མེའི་སྣོད་འབུམ་མམ། ཁྲིའམ་སྟོང་ངམ་བརྒྱ་འམ་བཅུའམ་བཞི་ལ་སྔ་མ་བཞིན་དུ་མར་མེའི་སྔགས་བཟླས་པ་དང་། སྭསྟི་ཀ་ལ་སོགས་པའི་ལྷ་བཤོས་ཀྱི་ཁ་ཟས་བཟའ་བ་དང་། བཅའ་བ་རྣམ་པ་སྣ་ཚོགས་པས་གང་བའི་སྣོད་འབུམ་མམ། 

62-1-39b

ཁྲིའམ། སྟོང་ངམ། བརྒྱའམ། བཅུ་ལ་ཨ་ཀཱ་རོ་མུ་ཁཾ་ཞེས་བྱ་བ་ལ་སོགས་པ་སྔ་མ་བཞིན་དུ་བཟླས་ཏེ། ལྷ་ཐམས་ཅད་ལ་དབུལ་བར་བྱའོ། །རོལ་མོའི་ཆ་བྱད་སྟོང་ཕྲག་བཅུ་སྙེད་ལ་ཡི་གེ་ཧཱུཾ་དང་རྡོ་རྗེ་ཁུ་ཚུར་གཉིས་ཀྱི་ལག་པའི་སོར་མོ་རྣམས་ཀྱིས་རོལ་མོ་བརྡུངས་པ་ལྟ་བུའི་
ཕྱག་རྒྱ་རྣམས་ཀྱིས། རོལ་མོ་བཅུ་པོ་འདི་ལྟ་སྟེ། པི་ཝཾ་དང་། གླིང་བུ་དང་། རྔ་དང་། ཅང་ཏེའུ་དང་། ཆ་ལང་དང་། རྔ་བོ་ཆེ་དང་། རྫ་རྔ་དང་། རྔ་རིངས་དང་། གུཉྫ་དང་། ཏི་མི་ལི་དང་། བརྡུང་བའི་ཚུལ་དུ་བྱེད་པས་དབུལ་བར་བྱའོ། །ཕྱི་རོལ་དུ་གར་མཁན་དང་། རོལ་མོ་
དང་། ཅོད་པན་དང་། གདུ་བུ་དང་། རྣ་རྒྱན་ལ་སོགས་པའི་མཆོད་པ་རྣམས་ཀྱང་། ཨོཾ་དང་ཧཱུཾ་མངོན་པར་བཟླས་ལ་དབུལ་བར་བྱའོ། །དེ་བཞིན་དུ་དར་དཔྱངས་དཔྱང་བར་བྱ་བ་དང་། མེ་ཏོག་གི་ཕྲེང་བ་དང་། རྔ་ཡབ་ཀྱིས་བརྒྱན་ཅིང་། དྲ་བ་དང་དྲ་བ་ཕྱེད་པས་སྤྲས་པ། 
ཟླ་བ་ཕྱེད་པས་ཉེ་བར་མཛེས་པར་བྱས་པ། རྟ་དང་གླང་པོ་ཆེ་དང་། བ་ལང་གི་ཁྱུ་ཤིན་ཏུ་བཏགས་པ་རྣམས་ཀྱང་དབུལ་བར་བྱའོ། །རྟ་བབས་ཡིད་འོང་བའི་དྲིལ་བུ་ལ་སོགས་པ་དང་བཅས་པ་ཡང་དབུལ་བར་བྱའོ། །དེ་ནས་སྒེག་མོ་ལ་སོགས་པས་ཀྱང་ཡང་དག་པར་མཆོད་ལ། 
དངོས་གྲུབ་ཐམས་ཅད་གྲུབ་པའི་ཕྱིར། སེམས་ཅན་ཐམས་ཅད་ཀྱི་དོན་མཛོད་ཅིག་ཅེས་དེ་བཞིན་གཤེགས་པ་ཐམས་ཅད་ལ་གསོལ་བ་གདབ་པར་བྱའོ། །དེ་ནས་སྒྲུབ་པའི་གྲོགས་མཆོག་དཀྱིལ་འཁོར་དུ་བཞག་ལ། ཕྱི་རོལ་དུ་གཏོར་མ་སྦྱིན་པར་བྱ་སྟེ། འབྲས་ཡོས་བཅས་
ཤིང་ཏིལ་དང་བཅས། །འབྲས་ཆན་མེ་ཏོག་ཆུ་དང་བཅས། །སྲན་ཆེན་བཅས་ཤིང་མང་དུ་བྱ། །སྣུམ་ཁུར་ལ་སོགས་བཟའ་བ་རྣམས། །ཞེས་བྱ་བའི་གཏོར་མ་ལ། ཨ་ཀཱ་རོ་ཞེས་བྱ་བ་ལ་སོགས་པ་བཟླས་ནས། ཤར་ཕྱོགས་ནས་བརྩམས་ནས། གཏོར་མ་གསུམ་གསུམ་གཏོར་
བར་བྱ་ཞིང་། དྲི་དང་སྤོས་དང་། མེ་ཏོག་དང་། མཆོད་ཡོན་རྣམས་ཀྱང་ཐོག་མ་དང་མཐའ་མར་དབུལ་བར་བྱའོ། །དེ་ལ་དང་པོར་རེ་ཞིག་མཎྜལ་རྣམས་བྱེད་དུ་གཞུག་པར་བྱའོ། །དེ་ནས་སྤྱན་དྲང་ངོ་། །དེ་ནས་དམ་ཚིག་བསྟན་ལ། མཆོད་ཡོན་ཡང་ཕུལ་ཏེ། དྲི་ལ་སོགས་

62-1-40a

པས་ལེགས་པར་མཆོད་ལ་གཏོར་མ་ཕུལ་ཏེ། དེ་ནས་གཤེགས་སུ་གསོལ་བར་བྱའོ། །དེ་ལ་སྔགས་དང་ཕྱག་རྒྱ་ནི་འདི་རྣམས་ཡིན་ཏེ། ཤར་ཕྱོགས་སུ་ཁ་བལྟས་ཏེ། རྐང་པ་གཡས་པ་བརྐྱང་བའི་ཚུལ་གྱིས་འདུག་ནས། ལག་པ་གཡོན་པའི་རྡོ་རྗེའི་ཕྱག་རྒྱ་
བསྟན་ལ། གཡས་པ་རྡོ་རྗེའི་ཕྱག་རྒྱ་སྟ་ཟུར་ཕྱོགས་སུ་བཞག་སྟེ་གཡས་པའི་མཛུབ་མོའི་ལྕགས་ཀྱུས་སྤྱན་དྲང་བ་ནི། བརྒྱ་བྱིན་སྤྱན་དྲང་བའི་ཕྱག་རྒྱའོ། །དེ་མཛུབ་མོ་ལྕགས་ཀྱུ་ལྟར་མ་བྱས་པ་ནི་བརྒྱ་བྱིན་གྱི་དམ་ཚིག་གི་ཕྱག་རྒྱའོ། །རྐང་པ་གཡོན་བརྐྱང་བའི་ཚུལ་གྱིས་འདུག་ལ། 
སྤྱན་དྲང་བའི་ཕྱག་རྒྱ་ལས་མཛུབ་མོ་གཉིས་བརྐྱང་པ་ནི་སླར་བཏང་བའི་ཕྱག་རྒྱའོ། །དེ་ནས་དེའི་སྔགས་ནི། ན་མོ་བཛྲ་སྱ་ཙ་དི་ཤི་དི་ཤི་བཛྲ་པཱ་ཎི་རཀྵ་རཀྵ་སྭཱ་ཧཱ། མེའི་ཕྱོགས་སུ་བལྟས་ནས། ལག་པ་གཡས་པའི་མཛུབ་མོ་ཟླུམ་པོར་བཀུག་སྟེ། གུང་མོའི་ཚིགས་
གསུམ་པར་བཙུགས་ལ། མཐེ་བོང་ལག་མཐིལ་དུ་བཞག་པ་འདི་ནི། མེ་ལྷ་སྤྱན་དྲང་བའི་ཕྱག་རྒྱའོ། །སྤྱན་དྲང་བའི་ཕྱག་རྒྱ་ལས་མཐེ་བོང་གི་ངོས་ལ། མཛུབ་མོ་བཙུགས་པ་ནི། མེ་ལྷའི་དམ་ཚིག་གི་ཕྱག་རྒྱའོ། །ཕྱག་རྒྱ་དེ་ཉིད་ལས་མཛུབ་མོ་མཐེ་བོང་ངོས་ལ་བཙུགས་
ཏེ། ཕྱིར་དྲག་ཏུ་བརྐྱང་བ་ནི་སླར་བཏང་བའི་ཕྱག་རྒྱའོ། །འདིའི་སྔགས་ནི་ཨགྣི་ཨེ་ཧྱེ་ཧི་ཀ་པ་ལི་ཨ་ཀ་པ་ལི་། ཛྭ་ལ་ཛྭ་ལ་ད་ཧ་ཤི་ཁི་ཏོད་རཱ་པཱཀྵ་སྭཱ་ཧཱ། གཤིན་རྗེའི་ཕྱོགས་སུ་བལྟས་ནས་སྙིམ་པ་མདུན་དུ་བཞག་སྟེ། སོར་མོ་ཕན་ཚུན་བསྣོལ་བ་ལ་ཁུ་ཚུར་བཅིངས་ནས་སྲིན་
ལག་གཉིས་བསྒྲེངས་ཏེ་གཤིབས་ལ་གཡབས་ཏེ། དེ་ནང་དུ་བཞག་པ་ནི། གཤིན་རྗེ་སྤྱན་འདྲེན་པའི་ཕྱག་རྒྱའོ། །སྲིན་ལག་གཉིས་ཡང་ཕྱི་རོལ་དུ་དེ་བཞིན་དུ་གཤིབས་ཏེ། བསྒྲེངས་ལ་སྙིང་གར་གཞག་པ་ནི་དམ་ཚིག་གི་ཕྱག་རྒྱའོ། །དེ་ཉིད་ལས་སྲིན་ལག་སྦྱར་བ་ནི་སླར་
བཏང་བའི་ཕྱག་རྒྱའོ། །སྔགས་ནི་ཡ་མ་ཡེ་སྭཱ་ཧཱ། བདེན་བྲལ་གྱི་ཕྱོགས་སུ་བལྟས་ཏེ། རྐང་པ་མཉམ་པར་འདུག་ལ། ལག་པ་གཡས་པའི་ཁུ་ཚུར་བཅངས་པ་ལས། མཛུབ་མོ་དང་གུང་མོ་རལ་གྲི་འདྲ་བར་གཤིབས་ཏེ། བསྒྲེང་ལ་བཞག །ལག་པ་གཡོན་པ་ཡང་

62-1-40b

དེ་ལྟར་བྱས་ཏེ། སྟ་ཟུར་ལོགས་སུ་བཞག་ལ། གཡོན་པའི་མཛུབ་མོ་བཀུག་སྟེ། གཡབ་པ་ནི་བདེན་བྲལ་སྤྱན་དྲངས་པའི་ཕྱག་རྒྱའོ། །ཕྱག་རྒྱ་དེ་ཉིད་ལས་གཡོན་པ་སྟ་ཟུར་ལོགས་སུ་རལ་གྲི་འདྲ་བར་བཞག་པ་ནི། བདེན་བྲལ་གྱི་དམ་ཚིག་གི་ཕྱག་རྒྱའོ། །སྤྱན་དྲངས་
པའི་ཕྱག་རྒྱ་ལས་མཛུབ་མོ་བརྐྱང་བ་ནི། སླར་བཏང་བའི་ཕྱག་རྒྱའོ། །སྔགས་ནི་སརྦ་བྷཱུ་ཏ་བྷ་ཡཾ་ཀ་ར་ཀུ་རུ་ཀུ་རུ་སྭཱ་ཧཱ། ཆུ་ལྷའི་ཕྱོགས་སུ་རྐང་པ་མཉམ་པར་འདུག་ལ། ལག་པ་གཡས་པ་ཁུ་ཚུར་བཅིངས་ནས། མཐེ་བོང་དང་མཛུབ་མོ་གཉིས་གཅིག་ཏུ་སྦྱར་ཏེ། 
ཞགས་མིག་ལྟར་བྱས་ལ་གཡོན་པའི་ཁུ་ཚུར་ཡང་དེ་ལྟར་བྱས་ཏེ། སྙིང་གར་བཞག་སྟེ། གཡས་པའི་མཛུབ་མོའི་ལྕགས་ཀྱུས་གཡབ་པ་ནི། ཆུ་ལྷ་སྤྱན་དྲང་བའི་ཕྱག་རྒྱའོ། །ཕྱག་རྒྱ་དེ་ཉིད་པས་གཡོན་པའི་མཛུབ་མོ་ཁུ་ཚུར་གྱི་ཚུལ་དུ་བཞག་པ་ལས། ཞགས་
མིག་ལྟར་བྱས་པ་ནི་ཆུ་ལྷའི་དམ་ཚིག་གི་ཕྱག་རྒྱའོ། །གཡོན་པའི་ཕྱག་རྒྱ་ལས། མཛུབ་མོ་བརྐྱང་བ་ནི་སླར་བཏང་བའི་ཕྱག་རྒྱའོ། །སྔགས་ནི་ཏྲི་ཏྲི་པུ་ཤ །ཏྲི་ཏྲི་ཤི་གི་ཏོ་ལི་བི་རུ་པཱཀྵ་སྭཱ་ཧཱ། རླུང་ལྷའི་ཕྱོགས་སུ་བལྟས་ཏེ་འདུག་ལ། ལག་པ་གཡོན་པ་ཁུ་ཚུར་
བཅངས་ཏེ། གུང་མོ་བསྒྲེང་བའི་ཚིགས་དང་པོར། མཛུབ་མོ་བཀུག་པའི་ཐོར་ཏོ་བཙུགས་ལ། ལག་པ་གཡས་བརྐྱང་དེ་བཞིན་དུ་བྱ་སྟེ། སྟ་ཟུར་ལོགས་སུ་བཞག་ཅིང་། མཐེ་བོང་བསྐུལ་བ་ནི། རླུང་ལྷ་སྤྱན་དྲང་བའི་ཕྱག་རྒྱའོ། །དེ་ཉིད་ལས་མཐེ་བོང་སྔ་མ་བཞིན་དུ་
གཞག་པ་ནི་རླུང་ལྷའི་དམ་ཚིག་གི་ཕྱག་རྒྱའོ། །སྤྱན་དྲང་བའི་དམ་ཚིག་གི་ཕྱག་རྒྱ་ལས་མཐེ་བོང་བརྐྱང་བ་ནི། སླར་བཏང་བའི་ཕྱག་རྒྱའོ། །སྔགས་ནི། ཨོཾ་སཱ་སཾ་ཁཱ་ཁཱ་ཁུ་ཁ་སྭཱ་ཧཱ། ཀུ་བེ་ར་ལ་མངོན་དུ་བལྟས་ཏེ། འདུག་ནས། ལག་པ་གཉིས་ཐལ་མོ་སྦྱར་ལ། རྡོ་རྗེ་
བཅིང་བ་ནང་དུ་བཟློག་སྟེ། མཐེའུ་ཆུང་གཉིས་གཤིབས་ལ་བརྐྱང་། དེའི་རྒྱབ་ཏུ་སྲིན་ལག་གཉིས་སོ་སོར་བཞག་ནས། གུང་མོ་གཉིས་རྡོ་རྗེ་ལྟར་བཀུག་སྟེ། གཡབས་པ་ནི་ཀུ་བེ་ར་སྤྱན་དྲང་བའི་ཕྱག་རྒྱའོ། །ཕྱག་རྒྱ་དེ་ཉིད་ལས་གུང་མོ་གཉིས་ནང་དུ་རྡོ་རྗེ་བཅིངས་

62-1-41a

པའི་ཚུལ་དུ་བཞག་པ་དེ་ནི། ཀུ་བེ་རའི་དམ་ཚིག་གི་ཕྱག་རྒྱའོ། །སྤྱན་དྲང་བའི་ཕྱག་རྒྱ་ལས། གུང་མོ་གཉིས་བརྐྱང་བ་ནི། སླར་བཏང་བའི་ཕྱག་རྒྱའོ། །སྔགས་ནི། ཨོཾ་ཀུ་བེ་རཱ་ཡ་སྭཱ་ཧཱ། དབང་ལྡན་གྱི་ཕྱོགས་སུ་བལྟས་ཏེ་འདུག་ལ། ལག་པ་གཅིག་ཏུ་
སྦྱར་ཏེ། ཐལ་མོ་སྦྱར་བ་བྱས་ལ། སྲིན་ལག་དང་མཐེའུ་ཆུང་ནང་དུ་བཀུག་སྟེ། བསྣོལ་བ་གུང་མོ་གཉིས་གཤིབས་ཏེ། བསྒྲེང་བའི་རྒྱབ་ལོགས་སུ་མཛུབ་མོ་གཉིས་རྡོ་རྗེ་འདྲ་བར་བྱ། མཐེ་བོང་གཉིས་བར་དུ་གཤིབས་ཏེ་བཞག་ལ། དེ་ཉིད་ལས་མཛུབ་མོ་གཉིས་ཕན་
ཚུན་རྩེ་མོ་སྤྲད་ནས་ནང་དུ་གཡབ་པ་ནི། དབང་ལྡན་གྱི་སྤྱན་དྲང་བའི་ཕྱག་རྒྱའོ། །དེ་ཉིད་ལས་སྔ་མ་བཞིན་དུ་མཛུབ་མོ་རྡོ་རྗེའི་ཚུལ་དུ་བཞག་པ་ནི། དབང་ལྡན་གྱི་དམ་ཚིག་གི་ཕྱག་རྒྱའོ། །སྤྱན་དྲང་བའི་ཕྱག་རྒྱ་ལས་མཛུབ་མོ་བརྐྱང་བ་ནི་སླར་བཏང་བའི་ཕྱག་རྒྱའོ། །
སྔགས་ནི། ཨོཾ་ཛུམ་ཛུམ་ཤི་བ་སྭཱ་ཧཱ། སྟེང་གི་ཕྱོགས་སུ་བལྟས་ཏེ་འདུག་ལ། གཡོན་བརྐྱང་པའི་གནས་པས་འདུག་ལ་ཐལ་མོ་ཁོང་སྟོང་དུ་སྦྱར་ཏེ་བཞག་ལ་སྟེང་དུ་བལྟས་ཏེ་མཛུབ་མོ་གཉིས་ཀྱི་ལྕགས་ཀྱུས་ནི། ཚངས་པ་ལ་སོགས་པ་སྤྱན་དྲང་བར་བྱའོ། །དེ་ཉིད་ལས་
མཛུབ་མོ་གཉིས་སྔ་མ་ལྟར་བཞག་པ་ནི། དམ་ཚིག་གི་ཕྱག་རྒྱའོ། །སྤྱན་དྲང་བའི་ཕྱག་རྒྱ་ལས་མཛུབ་མོ་གཉིས་བརྐྱང་བ་ནི། སླར་བཏང་བའི་ཕྱག་རྒྱའོ། །སྔགས་ནི་འདི་ཡིན་ཏེ། ཨོཾ་ཨུརྦྷཾ་བྲཧྨ་ནེ་སྭཱ་ཧཱ། སཱུརྱ་ཡ་གྲ་ཧ་ཨ་དྷི་པ་ཏ་ཡེ་སྭཱ་ཧཱ། ཙནྡྲ་ཡ་ནཀྵ་ཏྲ་ཡ་ཨ་དྷི་པ་ཏ་ཡེ་
སྭཱ་ཧཱ། རྐང་པ་གཉིས་མཉམ་པར་གནས་པས་འདུག་ལ། ལག་པ་གཉིས་གཅིག་ཏུ་སྦྱར་ཏེ་སོར་མོ་རྣམས་བར་མཚམས་མེད་པར་རྩེ་མོ་ཕན་ཚུན་སྦྱར་ཏེ། མཐེ་བོང་ཟླུམ་པོར་བྱས་ལ། འོག་གི་ཕྱོགས་སུ་བལྟས་ཏེ། སའི་ལྷ་མོ་ལ་སོགས་པ་མཛུབ་མོའི་ལྕགས་ཀྱུས་སྤྱན་
དྲངས་པ་ནི། འོག་གི་སའི་ལྷ་མོ་སྤྱན་དྲང་བའི་ཕྱག་རྒྱའོ། །སྤྱན་དྲང་བའི་ཕྱག་རྒྱ་ལས། སྔ་མ་བཞིན་དུ་མཛུབ་མོ་བཞག་པ་ནི། དམ་ཚིག་གི་ཕྱག་རྒྱའོ། །མཛུབ་མོ་གཉིས་བཏང་བ་ནི་སླར་བཏང་བའི་ཕྱག་རྒྱའོ། །སྔགས་ནི། ཨ་དྷི་པྲི་ཐཱི་དེ་བྱ་སྭཱ་ཧཱ། ཨ་སུ་རེ་བྷྱཿསྭཱ་ཧཱ། ནཱ་གེ་

62-1-41b

བྷྱཿསྭཱཧཱ། དེ་ནས་རང་གི་སྔགས་དེ་ཉིད་ཀྱིས་ཐམས་ཅད་ལ་འཐོར་འཐུང་ཕུལ་ལ། བདག་དང་སློབ་མའི་ཚོགས་སུ་བཅས་པ་ལ། བགེགས་མེད་པར་མཛོད་ཅིག །ལས་ཀྱི་དངོས་གྲུབ་ཀྱང་བདག་ལ་སྩོལ་ཅིག་ཅེས་བརྗོད་ལ་ཐམས་ཅད་སླར་གཏང་ངོ་། །ཡང་ན་དཔུང་བཟངས་
ཀྱིས་ཞུས་པ་ལས་བྱུང་བའི་ཚིགས་སུ་བཅད་པ་རྣམས་ཀྱིས་གཏོར་མ་དབུལ་བར་བྱ་སྟེ། ལྷ་དང་ལྷ་མིན་གནོད་སྦྱིན་ལྟོ་འཕྱེ་གྲུལ། །ནམ་མཁའ་ལྡིང་དང་འདབ་བཟངས་ལུས་སྲུལ་པོ། །དྲི་ཟ་སྲིན་པོ་གདོན་གྱི་རིགས་རྣམས་དང་། །གང་དག་ས་ལ་གནས་པའི་རྫུ་འཕྲུལ་ཅན། །
བུ་སྨད་ཚོགས་བཅས་གཡོག་འཁོར་བཅས་རྣམས་ལ། །བདག་གི་པུས་མོ་ས་ལ་བཙུགས་ནས་སུ། །ཐལ་མོ་སྦྱར་ཏེ་ཁྱོད་ལ་གསོལ་འདེབས་ཀྱིས། །གསན་ནས་ཕན་གདགས་ཕྱིར་ནི་འདིར་སྤྱོན་ཅིག །འབྱུང་པོ་གང་དག་རི་རབ་སྟེང་གནས་དང་། །དགའ་བའི་ཚལ་
དང་ལྷ་ཡི་གནས་རྣམས་དང་། །ཤར་ནུབ་རི་དང་ཉི་ཟླའི་ཁྱིམ་རྣམས་དང་། །རི་བོ་ཀུན་ལ་གང་དག་གནས་པ་དང་། །ཆུ་བོ་ཀུན་དང་ཆུ་བོའི་མདོ་རྣམས་དང་། །རིན་ཆེན་གནས་ན་ལྷག་པར་གནས་པ་དང་། །མཚོ་དང་རྫིང་དང་ལྡེང་ཀའི་ཆུ་ངོགས་དང་། །གཡའ་ཆུ་སིལ་མ་
ཅན་ན་གང་གནས་དང་། །གྲོང་དང་ཕྱུགས་ལྷས་གྲོང་ཁྱེར་སྟོང་པ་དང་། །ཁང་སྟོང་དག་དང་ལྷ་ཡི་ཁང་པ་དང་། །གཙུག་ལག་ཁང་ངམ་གྲོང་ཁྱེར་གནས་དག་གམ། །དཀའ་ཐུབ་གནས་དང་གླང་ཆེན་བྲེས་དང་ནི། །རྒྱལ་པོའི་དཀོར་ཁང་དག་ན་གང་གནས་དང་། །ལམ་
སྲང་བཞི་མདོ་དག་དང་སུམ་མདོ་དང་། །གང་དག་ལམ་ཆེན་དང་ནི་ཤིང་གཅིག་དྲུང་། །དུར་ཁྲོད་ཆེན་པོ་ནགས་ཚལ་ཆེན་པོའམ། །སེང་གེ་དྲེད་དང་གཅན་གཟན་གནས་དག་དང་། །འབྲོག་ཆེན་འཇིགས་སུ་རུང་བར་གང་གནས་དང་། །གང་དག་གླིང་མཆོག་དག་ན་གནས་
པ་དང་། །ལྷུན་པོ་དུར་ཁྲོད་དག་ན་གནས་པ་རྣམས། །རབ་ཏུ་དགྱེས་ཏེ་མགུ་བར་གྱུར་ནས་སུ། །མེ་ཏོག་ཕྲེང་དང་དྲི་དང་བདུག་པ་དང་། །བསྟོད་དང་གཏོར་མ་མར་མེ་གུས་འབུལ་བས། །འདི་དག་བཞེས་ཏེ་བཏུང་ཞིང་བསྣམས་ནས་སུ། །ལས་འདི་རྣམས་ཀྱི་

62-1-42a

འབྲས་བུ་མཆིས་པར་མཛོད། །དེ་ལྟར་གདོན་ལ་མཆོད་པ་བྱས་ནས་ནི། །དེ་ནས་ཕྱོགས་སྐྱོང་རྣམས་ལ་གཏོར་མ་སྦྱིན། །ཤར་ཕྱོགས་རྡོ་རྗེ་ཅན་དེ་ལྷ་ཚོགས་བཅས། །གཏོར་མ་ཕུལ་བ་འདི་དག་བཞེས་སུ་གསོལ། །མེ་དང་གཤིན་རྗེ་བདེན་བྲལ་སྲིན་པོའི་
བདག །ཆུ་བདག་རླུང་བདག་ནོར་གྱི་བདག་པོ་སྟེ། །དབང་ལྡན་ལྷ་དེ་འབྱུང་པོའི་བདག་པོ་དང་། །སྟེང་གི་ཉི་ཟླ་ཚངས་པ་ཆེན་པོ་དང་། །ལྷ་རྣམས་དང་ནི་ས་ཡི་ཀླུ་རྣམས་དང་། །རི་ཡི་ལྷ་དང་གནོད་སྦྱིན་ཚོགས་རྣམས་ལ། །ས་ས་སོ་སོར་གཏོར་མ་ཕུལ་བ་རྣམས། །རབ་ཏུ་དགྱེས་
པ་ཡིས་ནི་བཞེས་ནས་ཀྱང་། །རང་རང་ཕྱོགས་སུ་ལེགས་པར་བཞུགས་ནས་སུ། །རང་གི་བུ་སྨད་མཛའ་བཤེས་གཉེན་འདུན་དང་། །ནང་མི་དམག་དང་དཔུང་བཅས་ཐབས་ཅིག་ཏུ། །མེ་ཏོག་དྲི་དང་བྱུག་པ་གཏོར་མར་བཅས། །འདི་རྣམས་བཏུང་ཞིང་ལེགས་པར་གསོལ་ནས་
ཀྱང་། །བདག་གི་ལས་འདི་འབྲས་བུ་མཆིས་པར་མཛོད། །དེ་ནས་ཉེ་རེག་བྱས་ལ། དཔལ་རྡོ་རྗེ་སེམས་དཔས་ཞི་བའི་སྦྱིན་སྲེག་གི་ཆོ་གས། སྦྱིན་སྲེག་བརྒྱ་རྩ་བརྒྱད་དབུལ་ལོ། །དཔལ་རྣམ་པར་སྣང་མཛད་ལ་སོགས་པའི་སྙིང་པོས་ནི། སྲེག་བླུགས་བདུན་བདུན་དབུལ་ལོ། །དེ་ནས་ཀྱང་དེ་
བཞིན་གཤེགས་པ་ཐམས་ཅད་ལ་ཕྱག་བྱས་ལ། བདག་མིང་འདི་ཞེས་བགྱི་བ་ཡིས། །རྡོ་རྗེ་སློབ་དཔོན་དཀའ་ཐུབ་ཆེས། །སེམས་ཅན་ཀུན་ལ་ཕན་པའི་ཕྱིར། །སློབ་མ་རྣམས་ནི་གཞུག་པར་བགྱིད། །བཅོམ་ལྡན་འདས་དཀྱིལ་འཁོར་ཆེན་པོ་འདིར་ཞུགས་པ་ལ། སྣོད་དུ་
གྱུར་པ་དང་། མ་གྱུར་པ་བརྟག་མི་འཚལ་ལོ། །དེ་ཅིའི་ཕྱིར་ཞེ་ན། སེམས་ཅན་ཁ་ཅིག་ནི། སྡིག་པ་ཆེན་པོ་བགྱིས་པ་ཡང་མཆིས་ཏེ། དེ་དག་གིས་རྡོ་རྗེ་དབྱིངས་ཀྱི་དཀྱིལ་འཁོར་ཆེན་པོ་འདིར་ཞུགས་ཏེ་མཐོང་ན་ངན་སོང་ཐམས་ཅད་དང་བྲལ་བར་འགྱུར་རོ། །བཅོམ་
ལྡན་འདས་ནོར་དང་བཟའ་བ་དང་། བཏུང་བ་དང་། འདོད་པའི་ཡོན་ཏན་ཐམས་ཅད་ལ་སོགས་པ་དང་དམ་ཚིག་ལ་མི་དགའ་བ་དང་། སྔར་བཤད་པ་ལ་སོགས་པ་མི་ནུས་པའི་སེམས་ཅན་ཡང་མཆིས་ཏེ། དེ་དག་ཀྱང་འདིར་ཇི་ལྟར་འཚལ་བ་བཞིན་དུ་བགྱིད་ཅིང་ཞུགས་

62-1-42b

པ་རྣམས་ཀྱིས་བསམ་ལ་ཐམས་ཅད་རྫོགས་པར་འགྱུར་རོ། །བཅོམ་ལྡན་འདས་སེམས་ཅན་ཁ་ཅིག་ནི་གར་དང་གླུ་དང་གད་མོ་དང་། རྩེད་མོ་དང་། ཁ་ཟས་སྤྱོད་པ་ལ་དགའ་བ་རྣམས་དེ་བཞིན་གཤེགས་པ་ཐམས་ཅད་ཀྱི་ཐེག་པ་ཆེན་པོ་མངོན་པར་རྟོགས་པའི་ཆོས་ཉིད་ཁོང་དུ་
མ་ཆུད་པས། ལྷ་གཞན་གྱི་རིག་སྔགས་དང་། དཀྱིལ་འཁོར་དུ་འཇུག་གི། དེ་བཞིན་གཤེགས་པ་ཐམས་ཅད་ཀྱི་དཀྱིལ་འཁོར་རེ་བ་ཐམས་ཅད་ཡང་དག་པར་རྫོགས་པར་གྱུར་པ། བླ་ན་མེད་པའི་དགའ་བ་དང་། མགུ་བ་དང་། རངས་པ་རྣམས་འབྱུང་བ་དེར་ནི། བསླབས་པའི་
ཚིག་གིས་འཇིགས་ཤིང་སྐྲག་ནས་མི་འཇུག་པ་དག་ཀྱང་མཆིས་ཏེ། དེ་དག་ངན་སོང་གི་དཀྱིལ་འཁོར་གྱི་ལམ་དུ་འཇུག་པར་ཁ་བལྟས་ཤིང་། གནས་པ་རྣམས་ཀྱང་དགའ་བ་དང་མགུ་བའི་དམ་པ་ཐམས་ཅད་འགྲུབ་ཅིང་། བདེ་བ་དང་ཡིད་བདེ་བ་མྱང་བ་བགྱིས་པ་དང་། ངན་སོང་གི་
རྒྱུད་ཐམས་ཅད་འཇུག་པར་ཁ་བལྟས་པའི་ལམ་ལས་བཟློག་པར་བགྱི་བའི་སླད་དུ། རྡོ་རྗེ་དབྱིངས་ཀྱི་དཀྱིལ་འཁོར་ཆེན་པོ་འདིར་འཇུག་ཏུ་རུང་ངོ་། །བཅོམ་ལྡན་འདས་ཆོས་ཅན་གྱི་སེམས་ཅན། དེ་བཞིན་གཤེགས་པ་ཐམས་ཅད་ཀྱི་ཚུལ་ཁྲིམས་ཀྱི་ཕུང་པོ་དང་། ཏིང་ངེ་འཛིན་དང་། 
ཤེས་རབ་དམ་པ་གྲུབ་པའི་ཐབས་ཀྱིས། སངས་རྒྱས་རྣམས་ཀྱི་བྱང་ཆུབ་ཚོལ་བ་ན། བསམ་གཏན་དང་། རྣམ་པར་ཐར་པ་དང་། ས་རྣམས་ཀྱང་འབད་ཅིང་ཉོན་མོངས་པ་དག་ཀྱང་མཆིས་ཏེ། དེ་དག་ཀྱང་རྡོ་རྗེ་དབྱིངས་ཀྱི་དཀྱིལ་འཁོར་ཆེན་པོ་འདིར་ཞུགས་མ་ཐག་ཏུ། དེ་བཞིན་
གཤེགས་པ་ཐམས་ཅད་དཀྱིལ་འཁོར་རེ་བ་ཐམས་ཅད་ཡང་དག་པར་རྫོགས་པར་གྱུར་པ། བླ་ན་མེད་པ་ཐམས་ཅད་དུ་འགྲུབ་པར་དཀའ་བ་ཡང་མ་ལགས་ན། དངོས་གྲུབ་གཞན་ལྟ་སྨོས་ཀྱང་ཅི་འཚལ་ཞེས་ཞུ་བར་བྱའོ། །དེ་ནས་སློབ་མ་གཞུག་པར་བྱ་སྟེ། དེ་ལ་བསླབ་པའི་
གཞི་ལྔ་ཡོངས་སུ་གཟུང་བའི་དགེ་བསྙེན་ནམ། དགེ་སྦྱོང་ངམ། དགེ་སློང་གི་སྡོམ་པ་ཡོངས་སུ་བླངས་པ། སློབ་དཔོན་དུ་དབང་བསྐུར་བར་འོས་པ། སློབ་དཔོན་གྱི་ཞབས་གཉིས་ལ་ཕྱག་བྱས་ཏེ། འདི་སྐད་ཅེས་བརྗོད་པར་བྱའོ། །དགའ་ཆེན་ཁྱོད་བདག་སྟོན་པ་

62-1-43a

བས། །སློབ་དཔོན་ཁྱོད་ནི་དགོངས་སུ་གསོལ། །བྱང་ཆུབ་སེམས་དཔའི་ཚུལ་བརྟན་པ། །མགོན་པོ་ཆེན་པོ་བདག་འཚལ་ལོ། །དམ་ཚིག་དེ་ཉིད་བདག་ལ་སྩོལ། །སྡོམ་པ་རྣམས་ཀྱང་བདག་ལ་སྩོལ། །དེ་ནས་རྡོ་རྗེ་སློབ་དཔོན་གྱིས། རྡོ་རྗེ་སྲུང་བ་ཡོངས་སུ་
བཟླས་ལ། སྟོད་གཡོགས་དང་སྨད་གཡོགས་བསྐོན་ཞིང་། རྡོ་རྗེ་གནོད་སྦྱིན་དང་། རྡོ་རྗེ་ལྕགས་ཀྱུ་ལ་སོགས་པའི་སྒོ་སྲུང་བཞིས། བཟླས་པའི་གདོང་གཡོགས་བཅིངས་ལ། ཕྱག་བཞི་བྱེད་དུ་གཞུག་པར་བྱའོ། །ཡང་ལག་ན་མེ་ཏོག་ཐོགས་པའི་སློབ་མས། སློབ་དཔོན་ལ་
ཕྱག་བྱས་ལ། ལག་ན་མེ་ཏོག་ཐོགས་པ་དེ་ཉིད་དང་། བཤགས་པ་དང་། རྗེས་སུ་ཡི་རང་བ་དང་། བསྐུལ་བ་དང་། གསོལ་བ་ཡང་བྱས་ལ། འདི་སྐད་ཅེས་བརྗོད་པར་བྱའོ། །གཙོ་བོ་བདག་ལ་སྡོམ་པ་སྩོལ། །ཐུབ་པའི་ཉི་མ་མ་ལུས་པའི། །སངས་རྒྱས་རྣམས་ནི་བདག་
ལ་དགོངས། །བདག་མིང་འདི་ཞེས་བྱ་བ་ནི། །སློབ་དཔོན་དབང་དུ་གནས་པ་ལ། །སངས་རྒྱས་རོལ་མོ་ལས་བྱུང་བ། །མི་ལྡོག་པ་ཡི་ཁོར་ལོས་འབྱོར། །ཐར་པའི་རང་བཞིན་གྲོང་ཁྱེར་ཆེར། །གསང་བ་ཆེན་པོར་འཇུག་པར་བགྱི། །གསང་བ་ཆེན་པོར་བསྡུས་པ་ནི། །
སློབ་དཔོན་ཆེན་པོ་བདག་འཇུག་མཛད། །མི་ལྡོག་པ་ཡི་དབང་བསྐུར་བ། །སྐལ་བ་ཆེན་པོ་བདག་ལ་སྩོལ། །མཚན་རྣམས་ཀྱིས་ནི་རྒྱས་བཏབ་ཅིང་། །དཔེ་བྱད་རྣམས་དང་ཡང་དག་ལྡན། །སངས་རྒྱས་ཀུན་གྱི་ཡིད་འོང་བ། །སློབ་དཔོན་ཆེན་པོ་བདག་ལ་སྩོལ། །དབང་
བསྐུར་ཆེན་པོ་རྨད་བྱུང་བ། །སེམས་ཅན་ཀུན་གྱི་དོན་བགྱིད་ཕྱིར། །བདག་ནི་རྟག་ཏུ་སློབ་དཔོན་གྱུར། །སློབ་དཔོན་ཆེན་པོ་བདག་ལ་སྩོལ། །དེ་ནས་སློབ་དཔོན་གྱིས་རིགས་ཐམས་ཅད་ལ་གསོལ་བ་གདབ་པར་བྱ་སྟེ། ཆེ་གེ་ཞེས་བྱ་འདི་ཉིད་ནི། །བྱང་ཆུབ་སེམས་ནི་
ཡོངས་འཛིན་ཞིང་། །དམ་ཚིག་སྡོམ་དང་གསང་བ་ཡི། །འཁོར་ལོ་འདིར་ཡང་འཇུག་པར་འཚལ། །དེ་ནས་ཡང་སློབ་དཔོན་གྱིས་འདི་སྐད་ཅེས་བརྗོད་པར་བྱ་སྟེ། གསང་བ་ཆེན་པོའི་རིགས་དག་པའི། །གསང་བ་ཡོངས་སུ་འཛིན་པར་ནི། །བདག་ཉིད་ཆེན་པོ་ཁྱོད་འདོད་

62-1-43b

དམ། །དེས་ཀྱང་འཚལ་ཞེས་བརྗོད་པར་བྱ། །ཡང་སློབ་དཔོན་གྱིས་འདི་སྐད་ཅེས་བརྗོད་པར་བྱ་སྟེ། སངས་རྒྱས་ཆོས་དང་དགེ་འདུན་ཏེ། །དཀོན་མཆོག་གསུམ་ལ་སྐྱབས་སུ་སོང་། །འདི་ནི་སངས་རྒྱས་རིགས་དག་པའི། །དམ་ཚིག་བརྟན་པར་གྱུར་པའོ། །རྡོ་རྗེ་དྲིལ་བུའི་ཕྱག་
རྒྱ་དག །བློ་ཆེན་ཁྱོད་ཀྱིས་གཟུང་བར་བགྱི། །བྱང་ཆུབ་སེམས་གང་དེ་རྡོ་རྗེ། །ཤེས་རབ་དྲིལ་བུ་ཞེས་བརྗོད་དོ། །སློབ་དཔོན་དག་ཀྱང་གཟུང་བར་བྱ། །བླ་མ་སངས་རྒྱས་ཀུན་དང་མཉམ། །འདི་ནི་རྡོ་རྗེ་རིགས་དག་པའི། །སྡོམ་པ་དམ་ཚིག་ཡིན་པར་གསུངས། །རིན་ཆེན་རིགས་
མཆོག་ཆེན་པོ་ལ། །ཉིན་དང་མཚན་མོ་ལན་གསུམ་དུ། །ཟང་ཟིང་མི་འཇིགས་ཆོས་དང་བྱམས། །སྦྱིན་པ་རྣམ་བཞི་རྟག་ཏུ་སྦྱིན། །འདི་ནི་རིན་ཆེན་རིགས་དག་པའི། །དམ་ཚིག་སྡོམ་པ་ཡིན་པར་གསུངས། །ཕྱི་དང་གསང་བ་ཐེག་པ་གསུམ། །དམ་ཆོས་ཁྱོད་ཀྱིས་གཟུང་
བར་བྱ། །འདི་ནི་པདྨའི་རིགས་དག་པའི། །དམ་པའི་སྡོམ་པ་ཡིན་པར་གསུངས། །ལས་ཀྱི་རིགས་མཆོག་ཆེན་པོ་ལ། །སྡོམ་པ་ཐམས་ཅད་ལྡན་པར་ནི། །ཡང་དག་ཉིད་དུ་གཟུང་བར་གྱིས། །མཆོད་པའི་ལས་ཀྱང་ཅི་ནུས་བྱ། །གཞན་ཡང་བཅུ་བཞི་འདི་དག་ནི། །ཕས་ཕམ་
པར་ནི་རབ་ཏུ་བཤད། །སྤང་ཞིང་དོར་བར་མི་བྱའོ། །རྩ་བའི་ལྟུང་བར་ཤེས་པར་བྱ། །ཉིན་དང་མཚན་མོ་ལན་གསུམ་དུ། །ཉིན་རེ་བཞིན་ནི་བཀླག་པར་བྱ། །གང་ཚེ་ཉམས་ན་རྣལ་འབྱོར་པ། །ཁ་ན་མ་ཐོ་སྦོམ་པོར་འགྱུར། །ཁྱོད་ཀྱིས་སྲོག་ཆགས་གསད་མི། །མ་བྱིན་པར་
ནི་བླང་མི་བྱ། །འདོད་པ་ལོག་པར་མི་སྤྱད་ཅིང་། །བརྫུན་དུ་སྨྲ་བར་མི་བྱའོ། །ཕུང་ཁྲོལ་ཀུན་གྱི་རྩ་བ་ཡི། །ཆང་ནི་རྣམ་པར་སྤང་བར་བྱ། །སེམས་ཅན་གདུལ་ཕྱིར་མ་གཏོགས་པ། །བྱ་བ་མ་ཡིན་ཐམས་ཅད་སྤང་། །དམ་པ་ཉེ་བར་བསྟེན་བྱ་ཞིང་། །རྣལ་འབྱོར་པ་རྣམས་བསྙེན་
བཀུར་བྱ། །ལུས་ཀྱི་ལས་ནི་རྣམ་གསུམ་དང་། །ངག་གི་རྣམ་པ་བཞི་རྣམས་དང་། །ཡིད་ཀྱི་རྣམ་པ་གསུམ་དག་ནི། །ཅི་ནུས་པར་ནི་རྗེས་སུ་སྐྱོང་། །ཐེག་པ་དམན་པ་འདོད་མི་བྱ། །སེམས་ཅན་དོན་ལ་རྒྱབ་མི་ཕྱོགས། །འཁོར་བ་དག་ཀྱང་ཡོངས་མི་སྤང་། །རྟག་ཏུ་མྱ་ངན་

62-1-44a

འདས་མི་ཆགས། །ལྷ་དང་ལྷ་མིན་གསང་བ་ལ། །ཁྱོད་ཀྱིས་བརྙས་པར་མི་བྱ་ཞིང་། །ཕྱག་རྒྱ་བཞོན་པ་མཚོན་ཆ་དང་། །མཚན་མ་འགོམ་པར་མི་བྱའོ། །འདི་དག་དམ་ཚིག་ཡིན་པར་བཤད། །ཁྱོད་ཀྱིས་རྟག་ཏུ་བསྲུང་བར་བྱ། །དེས་ཀྱང་འདི་སྐད་
བརྗོད་པར་བྱ་སྟེ། སློབ་དཔོན་འདིར་ནི་བདག་ལ་གསོན། །གཙོ་བོས་ཇི་ལྟར་བཀའ་སྩལ་པ། །དེ་ལྟར་བདག་ནི་བགྱིད་པར་འཚལ། །ཇི་ལྟར་དུས་གསུམ་མགོན་པོ་རྣམས། །བྱང་ཆུབ་ཏུ་ནི་ངེས་མཛད་པ། །ཞེས་བྱ་བ་ལ་སོགས་པ་ནས། སེམས་ཅན་མྱ་ངན་འདས་ལ་
དགོད། །ཅེས་བྱ་བའི་བར་དུ་བརྗོད་པར་བྱའོ། །གང་ཞིག་སྡོམ་པ་འཛིན་པར་མི་བྱེད་པ་དེ་ལ། དེང་ཁྱོད་ཅེས་བྱ་བ་ལ་སོགས་པ་ཡང་བརྗོད་པར་མི་བྱ་སྟེ། སློབ་དཔོན་དུ་རྗེས་སུ་གནང་བ་དང་། དབང་བསྐུར་བ་ཡང་མི་བྱའོ། །འཇུག་པ་ཙམ་ཅིག་བྱེད་དུ་གཞུག་གོ། །དེ་ནས་ཨོཾ་
སརྦ་ཡོ་ག་ཙིཏྟ་ཨུཏྤཱ་ད་ཡཱ་མི་ཞེས་བྱ་བ་འདིས། བྱང་ཆུབ་སེམས་ནི་བླ་མེད་པ། །དམ་པ་བདག་གིས་བསྐྱེད་ནས་སུ། །དེ་ཡི་སྙིང་གར་སྙིང་པོ་ནི། །རྡོ་རྗེ་རབ་ཏུ་གཞག་པར་བྱ། །སུ་ར་ཏེ་ས་མ་ཡ་སྟཾ་ཧོ་བཛྲ་སིད་དྷྱ་ཡ་ཐཱ་སུ་ཁཾ། དེ་ནས་རྡོ་རྗེ་སེམས་དཔར་བྱིན་གྱིས་བརླབས་ལ། དྲི་དང་མེ་ཏོག་
ལ་སོགས་པས་མཆོད་དེ། མེ་ཏོག་གི་ཕྲེང་བ་གདགས་ཤིང་། གདོང་དྲི་ཞིམ་པར་བྱས་ལ། ཡོན་གྱི་མཆོག་བླངས་ལ། དེས་ཕྱི་རོལ་ན་གནས་པའི་བུམ་པའི་ཆུས་དབང་བསྐུར་ལ། ས་མ་ཡ་སྟྭཾ་ཞེས་བྱ་བ་འདིས། རྡོ་རྗེ་སེམས་མའི་ཕྱག་རྒྱ་འཆིང་དུ་གཞུག་གོ། །དེ་ནས་གུང་མོ་གཉིས་ཀྱིས་མེ་ཏོག་གི་ཕྲེང་བ་
འཛིན་དུ་བཅུག་ལ། ས་མ་ཡ་ཧཱུཾ་ཞེས་བྱ་བ་འདིས་གཞུག་པར་བྱའོ། །རྡོ་རྗེ་ལྕགས་ཀྱུ་ལ་སོགས་པས་ཀྱང་། རང་རང་གི་སྒོ་ནས་བཛྲ་ཨཾ་ཀུ་ཤ་ཛཿ། བཛྲ་པཱ་ཤ་ཧཱུཾ། བཛྲ་སྥོ་ཊ་བཾ། བཛྲ་ཨཱ་བེ་ཤ་ཨཿ། ཞེས་བྱ་བས་དགུག་པ་དང་། གཞུག་པ་དང་། བཅིང་བ་དང་། དབང་དུ་བྱའོ། །དེ་ནས་ཡང་
ཤར་ཕྱོགས་ཀྱི་སྒོ་ནས། དེ་བཞིན་དུ་བཅུག་ལ། འདི་སྐད་ཅེས་བརྗོད་པར་བྱ་སྟེ། དེང་ཁྱོད་དེ་བཞིན་གཤེགས་པ་ཐམས་ཅད་ཀྱི་རིགས་སུ་ཞུགས་ཀྱིས། ངས་ཁྱོད་ལ་ཡེ་ཤེས་གང་གིས་དེ་བཞིན་གཤེགས་པ་ཐམས་ཅད་འགྲུབ་པ་ཡང་ཐོབ་ན། དངོས་གྲུབ་གཞན་ལྟ་སྨོས་ཀྱང་ཅི་

62-1-44b

དགོས་ཏེ། དེ་ལྟ་བུའི་རྡོ་རྗེ་ཡེ་ཤེས་བསྐྱེད་པར་བྱ་ཡིས། ཁྱོད་ཀྱིས་དཀྱིལ་འཁོར་ཆེན་པོ་མ་མཐོང་བ་རྣམས་ལ་སྨྲ་བར་མ་བྱེད་ཅིག །ཁྱོད་དམ་ཚིག་ཉམས་པར་གྱུར་ཏ་རེ། དེ་ནས་སློབ་དཔོན་རང་ཉིད་ཀྱིས་སེམས་མ་རྡོ་རྗེ་མའི་ཕྱག་རྒྱ་ཁ་ཐུར་དུ་བསྟན་པ་དང་། གྱེན་དུ་བསྟན་པ་བཅིངས་
ལ་རྡོ་རྗེ་སློབ་མའི་སྤྱི་བོར་བཞག་ལ། འདི་སྐད་ཅེས་བརྗོད་པར་བྱའོ། །འདི་ནི་ཁྱོད་ཀྱི་རྡོ་རྗེའི་དམ་ཚིག་ཡིན་གྱིས། གལ་ཏེ་འགའ་ཞིག་ལ་སྨྲས་ན་ཀླད་པ་འགས་པར་འགྱུར་རོ། །དེ་ནས་དམ་ཚིག་གི་ཕྱག་རྒྱ་དེ་ཉིད་དང་། མནའི་སྙིང་པོ་འདི་ལན་ཅིག་བཟླས་པའི་ཆུ་རྡོ་རྗེ་སློབ་མ་འཐུང་
དུ་བཅུག་ལ། འདི་སྐད་ཅེས་བརྗོད་པར་བྱའོ། །དེ་ལ་དམ་ཚིག་གི་སྙིང་པོ་ནི་འདི་ཡིན་ཏེ། རྡོ་རྗེ་སེམས་དཔའ་དེང་ཁྱོད་ཀྱི། །སྙིང་ལ་ཡང་དག་ཞུགས་པར་མཛད། །གལ་ཏེ་ཚུལ་འདི་སྨྲས་ན་ནི། །དེ་མ་ཐག་ཏུ་དྲལ་ཏེ་གཤེགས། །ཨོཾ་བཛྲ་ཨུ་ད་ཀ་ཋ་ཞེས་བྱའོ། །དེ་ནས་སློབ་མ་ལ་
འདི་སྐད་ཅེས་བརྗོད་པར་བྱ་སྟེ། དེང་ནས་བརྩམས་ཏེ་ཁྱོད་ཀྱི་ཕྱག་ན་རྡོ་རྗེ་ང་ཡིན་གྱིས། ངས་འདི་བྱོས་ཤིག་ཅེས་བསྒོ་བ་གང་ཡིན་པ་དེ་བྱ་དགོས་སོ། །ཁྱོད་ཀྱིས་ང་ལ་བརྙས་པར་མ་བྱེད་ཅིག །མི་བདེ་བ་མ་སྤངས་པར་ཁྱོད་དུས་བྱས་ནས་དམྱལ་བར་ལྟུང་བར་གྱུར་ཏ་རེ། དེ་ནས་ཡི་གེ་
ཨ་ཞེས་བྱ་བས་བདག་ཉིད་རྡོ་རྗེ་སེམས་དཔའ་སྐུ་མདོག་དཀར་པོར་བསམ་པར་བྱའོ། །དེའི་རྗེས་ལ་རང་གི་སྙིང་གར་ཡི་གེ་ཨ་རྡོ་རྗེའི་འོད་ཟེར་གྱི་ཕྲེང་བ་དང་ལྡན་པ་བསམ་པར་བྱའོ། །ཡི་གེ་ཧཱུཾ་གིས་ཀྱང་སློབ་མ་རྡོ་རྗེ་སེམས་དཔའ་རྡུལ་དང་བྲལ་ཞིང་ཤིན་ཏུ་དང་བར་བསམས་ལ། 
སྙིང་ག་དང་དཔྲལ་བ་དང་ལྕེ་དང་སྤྱི་བོར། ཧཱུཾ་ཏྲཱཾ་ཧྲཱིཿཀཾ་ཞེས་བྱ་བ་ལས་རྡོ་རྗེ་དང་རིན་པོ་ཆེ་དང་པདྨ་དང་སྣ་ཚོགས་རྡོ་རྗེས་མཚན་པར་བྱས་ལ། སྒོ་དབྱེ་བའི་ཕྱག་རྒྱས་རང་གི་སྙིང་ག་དང་། སློབ་མའི་སྙིང་གར་དབྱེ་བར་བྱའོ། །དེ་ནས་རང་གི་སྙིང་གར་གནས་པའི་རྡོ་རྗེ་ཨ་ཞེས་བྱ་བས་ཕྱུང་
ལ། སློབ་མའི་སྙིང་གར་གནས་པའི་རྡོ་རྗེའི་དབུས་སུ་བློས་བཅུག་སྟེ། ལས་ཐམས་ཅད་གང་བར་གྱུར་པར་བསམས་ལ། འདི་སྐད་ཅེས་བརྗོད་པར་བྱའོ། །དེ་བཞིན་གཤེགས་པ་ཐམས་ཅད་ཀྱིས་བྱིན་གྱིས་རློབས་ལ་རྡོ་རྗེ་སེམས་དཔའ་བདག་ལ་དབབ་པར་གྱུར་ཅིག །

62-1-45a

ཅེས་སྨྲོས་ཤིག །དེ་ནས་སློབ་དཔོན་གྱིས་མྱུར་དུ་རྡོ་རྗེ་སེམས་མའི་ཕྱག་རྒྱ་བཅིངས་ལ། དེའི་སྙིང་གར་གཞག་སྟེ། འདི་སྐད་ཅེས་བརྗོད་དུ་གཞུག་གོ། །འདི་ནི་རྡོ་རྗེ་དམ་ཚིག་སྟེ། །རྡོ་རྗེ་སེམས་དཔའ་ཡིན་པར་གྲགས། །རྡོ་རྗེ་ཡེ་ཤེས་བླ་མེད་ནི། །དེ་རིང་
ཉིད་དུ་འབབ་པར་ཤོག །བཛྲ་ཨཱ་ཝེ་ཤ་ཨཿཞེས་བྱ་བ་བཅུ་ནས་ལན་བརྒྱའི་བར་དུ་བརྗོད་ན་ངེས་པར་འབབ་པར་འགྱུར་རོ། །དེ་ནས་གལ་ཏེ་འབབ་པར་མ་གྱུར་ན་དེའི་ཚེ་ཁྲོ་བོའི་ཁུ་ཚུར་བཅིངས་ལ། རྡོ་རྗེ་སེམས་མའི་ཕྱག་རྒྱ་དྲལ་བར་བྱ་ཞིང་། བཛྲ་སཏྭ་ཨཱ་ཨཱ་ཨཱ་ཨཱཿཞེས་བྱ་བ་
འདི་ཡང་བརྗོད་ལ། བཅོམ་ལྡན་འདས་རྡོ་རྗེ་སེམས་དཔའ་འོད་ཟེར་དམར་པོ་འབབ་པས་ཀུན་དུ་ཁྱབ་པས་ཀུན་དུ་གང་བར་བསམས་ལ། ལན་བརྒྱའི་བར་དུ་བཟླ་བར་བྱའོ། །དེ་ལྟ་བུས་ཀྱང་གལ་ཏེ་འབབ་པར་མ་གྱུར་ན། དེའི་ཚེ་རྡོ་རྗེ་འབེབས་པའི་དམ་ཚིག་གི་ཕྱག་རྒྱ་དྲིལ་བུ་དང་བཅས་པ་
བཅིངས་ལ། རྐང་པ་གཡོན་པས་དེའི་རྐང་པ་གཡས་པ་མནན་ལ། ནམ་མཁའི་ཕྱོགས་སུ་རྡོ་རྗེ་སེམས་དཔའི་སྟེང་ན་དཔལ་རྣམ་པར་སྣང་མཛད་དེ་ལ་དབབ་པར་བྱ་བའི་ཕྱིར་བྲིས་པས། ཡི་གེ་ཧཱུཾ་གི་འོད་ཟེར་གྱི་ཚོགས་ཀྱིས་འབེབས་པར་མཛད་པ་དང་། འོག་ནས་ཀྱང་རྡོ་རྗེ་རླུང་གི་དཀྱིལ་
འཁོར་དང་། ཡི་གེ་ཧཱུཾ་གིས་བཏེག་པར་བསམ་པ་དང་། དེ་བཞིན་དུ་མི་བསྐྱོད་པ་ལ་སོགས་པ་ཤར་ཕྱོགས་ལ་སོགས་པར་བཞུགས་པས། ཧཱུཾ་ཏྲཱཾ་ཧྲཱིཿཨ་ཞེས་བྱ་བའི་རང་རང་གི་ས་བོན་གྱི་འོད་ཟེར་གྱི་ཚོགས་ཡང་དག་པར་འབེབས་པར་མཛད་པར་བསམས་ལ། བཛྲ་སཏྭ་ཨཱ་ཨཱ་
ཨཱ་ཨཱཿཞེས་བྱ་བ་ཡང་དེ་བཞིན་དུ་བཟླ་བར་བྱའོ། །གལ་ཏེ་སྡིག་པ་ཤིན་ཏུ་ཆེ་བས་དེ་ལྟ་བུས་ཀྱང་འབབ་པར་མ་གྱུར་ན། དེའི་ཚེ་སྡིག་པ་དྲལ་བའི་ཕྱག་རྒྱས་ཡང་དང་ཡང་དུ་སྡིག་པ་དྲལ་ལ། ཡམ་ཤིང་དམར་པོ་རྣམས་ཀྱི་མེ། །རབ་འབར་རྡོ་རྗེ་ཁྲོ་བོ་ཡི། མཉམ་པར་གཞག་
པས་སྙོམས་ཞུགས་ལ། །ཏིལ་སྲེག་པས་ནི་སྡིག་བསྲེགས་ཤིང་། །ཨོཾ་སརྦ་པཱ་པཾ་ད་ཧ་ན་བཛྲཱ་ཡ་སྭཱ་ཧཱ། ཞེས་བྱ་བ་དང་། ལག་པ་གཡས་པའི་མཐིལ་དུ་ཏིལ་ནག་པོ་ལས་སྡིག་པའི་གཟུགས་བརྙན་བྱས་ལ། ཧཱུཾ་དབུས་སུ་བསམ་པའི་མཛུབ་མོ་དང་མཐེ་བོས་སྦྱིན་སྲེག་བྱའོ། །དེ་

62-1-45b

ནས་སྦྱིན་སྲེག་གི་ཐབ་ཁུང་ལས་བྱུང་བའི་འབར་བའི་ཕྲེང་བ་ཀུན་དུ་འཁྲུགས་པའི་རྡོ་རྗེ་དེའི་ལུས་ལ་འབབ་པས། སྡིག་པ་རྣམས་བསྲེགས་པར་གྱུར་པར་བསམས་ན་ངེས་པར་འབབ་པར་འགྱུར་རོ། །ཡང་དེ་ལྟ་བུས་ཀྱང་འབབ་པར་མ་གྱུར་ན། དེ་ལ་དབང་བསྐུར་བར་མི་བྱའོ། །བབས་
ན་སྐད་ཅིག་མ་དེ་ཉིད་ལ་མངོན་པར་ཤེས་པ་ལྔ་ལ་སོགས་པ་རྟོགས་པར་འགྱུར་རོ། །དེ་ནས་བབས་པར་ཤེས་ནས། སློབ་དཔོན་གྱིས་ཀྱེ་རྡོ་རྗེ་སེམས་དཔའ། ཀྱེ་རྡོ་རྗེ་རིན་ཆེན། ཀྱེ་རྡོ་རྗེ་ཆོས། ཀྱེ་རྡོ་རྗེ་ལས་ཞེས་བྱ་བས། རྡོ་རྗེ་སེམས་དཔའི་དམ་ཚིག་གི་ཕྱག་རྒྱ་འཆིང་དུ་
གཞུག་གོ། །ཡང་ནྲིཏྱ་བཛྲ་ཞེས་བྱ་བས་སེམས་དཔའི་གར་བྱའོ། །གལ་ཏེ་བབས་ན་དཔལ་རྡོ་རྗེ་སེམས་དཔའི་ཕྱག་རྒྱ་འཆིང་དུ་བཅུག་ལ། དེའི་ཚེ་སློབ་དཔོན་གྱིས་རྡོ་རྗེ་ཁུ་ཚུར་གྱི་ཕྱག་རྒྱ་ཉེ་བར་བསྟན་པར་བྱའོ། །དེ་བཞིན་དུ་རྡོ་རྗེ་བཞད་པའི་ཕྱག་རྒྱ་འཆིང་དུ་བཅུག་ལ། དེའི་
ཚེ་རྡོ་རྗེ་ཆོས་ཀྱི་ཕྱག་རྒྱ་ཉེ་བར་བསྟན་པའི་བར་དུའོ། །དེ་ལྟ་བུས་ནི་དཔལ་རྡོ་རྗེ་སེམས་དཔའ་ལ་སོགས་པ་ཐམས་ཅད་དགོངས་པ་མཛད་པར་འགྱུར་རོ། །དེ་ནས་འདིས་མངོན་པར་འདོད་པ་ཐམས་ཅད་བྲི་བར་བྱ་སྟེ། བབས་པ་དེའི་ལྕེ་ལ་རྡོ་རྗེ་བསམས་ལ། བྲུ་ཧི་བཛྲ་ཞེས་བརྗོད་པར་བྱ་སྟེ། 
དེ་ནས་ཐམས་ཅད་སྨྲ་བར་འགྱུར་རོ། །དེ་ནས་པྲ་ཏཱིཙྪ་བཛྲ་ཧོཿཞེས་བྱ་བས་ཕྲེང་བ་དེ་དཀྱིལ་འཁོར་ཆེན་པོར་དོར་བར་བྱའོ། །དེ་ནས་གང་དུ་ཕྲེང་བ་དེ་བབས་པར་གྱུར་པ་དེ་འདི་ལ་འགྲུབ་པར་འགྱུར་རོ། །དེ་ནས་ཨོཾ་པྲ་ཏི་གྲྀཧྞ་ཏྭཾ་ཨི་མཾ་སཏྭ་མ་ཧཱ་བ་ལ་ཞེས་བྱ་བས་ཕྲེང་བ་དེ་དེའི་མགོ་ལ་བཅིང་བར་
བྱའོ། །དེ་ནས། ཨོཾ་རྡོ་རྗེ་སེམས་དཔའ་དེང་ཁྱོད་ཀྱི། །མིག་འབྱེད་པར་ནི་བརྩོན་པར་མཛད། །མིག་ནི་ཐམས་ཅད་འབྱེད་མཛད་དེ། །རྡོ་རྗེའི་མིག་ནི་བླ་ན་མེད། །ཧེ་བཛྲ་པཱ་ཤྱ་ཞེས་བྱ་བ་འདིས་གདོང་གཡོགས་དགྲོལ་བར་བྱའོ། །དེ་ནས་རྡོ་རྗེ་ལྕགས་ཀྱུ་ནས་བརྩམས་ཏེ། བཅོམ་
ལྡན་འདས་རྣམ་པར་སྣང་མཛད་ཀྱི་བར་དུ་དཀྱིལ་འཁོར་ཆེན་པོ་བསྟན་པར་བྱའོ། །དེ་ནས་ཏིཥྛ་བཛྲ་ཞེས་བྱ་བ་ལ་སོགས་པས། དབབ་པའི་ཕྱག་རྒྱ་སློབ་མའི་སྙིང་གར་དགྲོལ་དུ་གཞུག་པར་བྱའོ། །དེ་ནས་ཕྱི་རོལ་གྱི་ཕྱག་རྒྱའི་དཀྱིལ་འཁོར་གྱི་ནང་ངམ། ཕྱི་རོལ་དུ་ཤར་ཕྱོགས་ཀྱི་སྒོ་ལ་

62-1-46a

མངོན་པར་ཕྱོགས་པར་ཟླ་བའི་དཀྱིལ་འཁོར་བྲིས་ལ། རྡོ་རྗེ་སེམས་མ་ལ་སོགས་པའི་ཕྱག་རྒྱ་བཞི་དང་། རང་གི་དམ་ཚིག་གི་ཕྱག་རྒྱས་སློབ་མ་དཔལ་རྡོ་རྗེ་སེམས་དཔའ་ལ་སོགས་པའི་གཟུགས་སུ་བསམས་ལ། རང་གི་ཕྱག་རྒྱ་ཆེན་པོས་ཟླ་
བའི་དཀྱིལ་འཁོར་ལ་བཞག་སྟེ། དབང་བསྐུར་བ་ལ་མཆོད་ཡོན་བསྟབས་ནས་དྲི་དང་མེ་ཏོག་ལ་སོགས་པས་མཆོད་དེ། གདུགས་དང་རྒྱལ་མཚན་དང་། བ་དན་ལ་སོགས་པ་དང་། དུང་དང་རོལ་མོ་ལ་སོགས་པའི་སྒྲ་རྣམས་ཀྱིས་མཆོད་པར་བྱའོ། །དེ་ནས་བཀྲ་ཤིས་
ཀྱི་ཚིགས་སུ་བཅད་པ་ལ་སོགས་པས་མངོན་པར་དགའ་བར་བྱ་ཞིང་། དང་པོར་རེ་ཞིག་ཆུའི་དབང་བསྐུར་རོ། །དེ་ནས་ནི་ཕྱག་རྒྱའི་དབང་བསྐུར་བ་དང་། ཅོད་པན་དང་། དར་དཔྱངས་དང་། རྡོ་རྗེ་དང་། བདག་པོ་དང་མིང་གི་དབང་བསྐུར་ནས། 
ཡང་མེ་ཏོག་ལ་སོགས་པ་དང་། སྒེག་མོ་ལ་སོགས་པ་མཆོད་པ་བརྒྱད་ཀྱིས་ཡང་དག་པར་མཆོད་ནས། སློབ་མས་རྡོ་རྗེ་ཐལ་མོ་བསྐོར་བས་སློབ་དཔོན་ལ་ཕྱག་བྱས་ལ་ཡོན་གྱི་མཆོག་ཕུལ་ཏེ། མེ་ཏོག་ལ་སོགས་པའི་དབང་བསྐུར་བ་བླང་བར་བྱའོ། །སློབ་དཔོན་གྱིས་
དབང་བསྐུར་བ་ལ་ཇི་སྐད་བསྟན་པའི་གནས་སུ་དཔལ་རྡོ་རྗེ་སེམས་དཔའི་ཕྱག་རྒྱ་ཆེན་པོས་བཞག་ལ། དེའི་ལུས་ལ་དམ་ཚིག་གི་ཕྱག་རྒྱ་རྣམས་ཀྱིས་རྡོ་རྗེ་སེམས་དཔའ་ལ་སོགས་པ་བཀོད་དེ། སྤྱི་བོར་དཔལ་རྡོ་རྗེ་སེམས་དཔའི་སྐུ་གཟུགས་བཞག་ལ། ཨོཾ་མ་ཧཱ་སུ་ཁ་བཛྲ་སཏྭ་ཛཿཧཱུཾ་བཾ་
ཧོཿསུ་ར་ཏ་སྟྭཾ་ཞེས་བྱ་བའི་སྔགས་འདི་ལན་བརྒྱ་རྩ་བརྒྱད་བཟླས་ཤིང་ཆུས་དབང་བསྐུར་བ་སྦྱིན་པར་བྱའོ། །དེ་ནས་ཆོ་ག་ཐམས་ཅད་རྗེས་སུ་སྤྱད་ལ། སློབ་མ་ལ་མཚན་བརྒྱ་རྩ་བརྒྱད་པས་བསྟོད་དེ། ཚིགས་སུ་བཅད་པ་ལྔས་རྗེས་སུ་གནང་བ་སྦྱིན་ཞིང་། གཟེངས་བསྟོད་པ་དང་ལུང་བསྟན་
པས་སློབ་མ་ཐམས་ཅད་ལ་ལུང་སྟན་པར་བྱའོ། །དེ་ནས་གསང་བའི་དབང་བསྐུར་བ་བཤད་པར་སྟེ། སློབ་དཔོན་དུ་དབང་བསྐུར་བར་འོས་པ་བཅུག་ལ། དཀྱིལ་འཁོར་དང་ལྷ་ཐམས་ཅད་ཀྱི་དེ་ཁོ་ན་ཉིད་ཐམས་ཅད་དང་། སློབ་དཔོན་གྱིས་ལས་ཐམས་ཅད་སློབ་པར་བྱ་སྟེ། འདི་ཙམ་གྱིས་ནི་

62-1-46b

གསང་བའི་དབང་བསྐུར་བར་གྱུར་པ་ཡིན་ཏེ། མདོར་བསྡུས་པའི་རིམ་པའོ། །དེ་ནས་རིམ་པ་བར་མ་བརྗོད་པར་བྱ་སྟེ། རྩ་བའི་དཀྱིལ་འཁོར་ལས་ཁྲུ་གཉིས་ཙམ་ཡོངས་སུ་དོར་བས། དབུས་མའི་དཀྱིལ་འཁོར་གྱི་ཕྱེད་ཚད་ཀྱི་གྲུ་བཞི་པ་སྒོ་ནུབ་ཏུ་བལྟས་པ་འཇུག་པའི་སྒོ་ལ་མངོན་
པར་ཕྱོགས་པའི་དཀྱིལ་ཁོར་ཚོན་སྣ་ལྔས་བྲིས་ལ། དེའི་དབུས་སུ་པདྨ་འདབ་མ་བརྒྱད་པ་བྲིས་ཤིང་། དེའི་དབུས་སུ་རྡོ་རྗེ་རྩེ་ལྔ་པ་ཁ་དོག་དམར་པོ་འོད་ཟེར་དམར་པོ་འཕྲོ་བ་བྲི་བར་བྱའོ། །དེ་ནས་དཀྱིལ་འཁོར་དེ་མེ་ཏོག་ལ་སོགས་པས་ཡང་དག་པར་མཆོད་ལ། སེང་གེའི་ཁྲིའམ་
ཁྲིའུ་ཟླ་བའི་དཀྱིལ་འཁོར་དར་གྱིས་བཀབ་ལ། རྡོ་རྗེ་གནོད་སྦྱིན་ཡོངས་སུ་བཟླས་ཏེ། སློབ་མ་སྔ་མ་བཞིན་དུ་རྡོ་རྗེ་སེམས་དཔར་བྱིན་གྱིས་བརླབས་ལ། རྡོ་རྗེ་སེམས་དཔའི་ཕྱག་རྒྱ་ཆེན་པོས་དེར་བཞག་ནས་སེང་གེའི་ཁྲིའི་སྟེང་དུ་བླ་རེ་བྲེ་བ་དང་། གཡས་ལོགས་སུ་དར་དང་མེ་
ཏོག་གི་ཕྲེང་བས་བརྒྱན་པར་བྱའོ། །གདུགས་དཀར་པོ་རིན་པོ་ཆེའི་ཏོག་ཅན་ལ་ཡི་གེ་ཧཱུཾ་བཟླས་པ་དང་། གོས་སྣ་ཚོགས་དང་། རྒྱལ་མཚན་དང་བ་དན་སྣ་ཚོགས་ལ། ནམ་མཁའི་མཛོད་ཡོངས་སུ་བཟླས་ཏེ། གཡོན་ལོགས་སུ་བཞག་ལ། མཆོད་ཡོན་བྱིན་ནས་མེ་ཏོག་ལ་སོགས་
པ་དང་། སྒེག་མོ་ལ་སོགས་པས་ཡང་དག་པར་མཆོད་ཅིང་། དུང་དང་། རྔ་བོ་ཆེ་དང་། རྔ་རིངས་དང་། ཟངས་དུང་ལ་སོགས་པའི་རོལ་མོའི་ཕྱག་རྒྱས་བྱིན་གྱི་བརླབས་པ་དང་། ཕྱི་རོལ་དུ་གླུ་དང་གར་ལ་སོགས་པས་མཆོད་པར་བྱའོ། །ཡོན་གྱི་མཆོག་ཀྱང་བླངས་ལ། རྡོ་རྗེ་
སེམས་དཔའི་སྐུ་གཟུགས་དེའི་མགོ་བོར་བཞག་སྟེ་བཀྲ་ཤིས་གདོན་པར་བྱའོ། །ཕུན་སུམ་ཚོགས་པ་མངའ་བ་གསེར་གྱི་རི་བོ་འདྲ། །འཇིག་རྟེན་གསུམ་གྱི་མགོན་པོ་དྲི་མ་གསུམ་སྤངས་པའི། །སངས་རྒྱས་པདྨ་རྒྱས་པའི་འདབ་འདྲའི་སྤྱན་མངའ་བ། །བཀྲ་ཤིས་
དེས་ནི་སྐྱེ་དགུ་ཞི་བྱེད་དང་པོའོ། །དེ་ཡིས་ཉེ་བར་བསྟན་པའི་མཆོག་རབ་མི་གཡོ་བ། །འཇིག་རྟེན་གསུམ་ན་གྲགས་ཤིང་ལྷ་དང་མིས་མཆོད་པ། །ཆོས་ཀྱི་དམ་པ་སྐྱེ་དགུ་རྣམས་ལ་ཞི་བྱེད་པ། །དེ་ནི་འཇིག་རྟེན་དགེ་ཞིང་བཀྲ་ཤིས་གཉིས་པའོ། །དགེ་འདུན་དམ་པའི་ཆོས་ལྡན་

62-1-47a

ཐོས་པའི་བཀྲ་ཤིས་ཕྱུག །མི་དང་ལྷ་དང་ལྷ་མ་ཡིན་གྱིས་མཆོད་པའི་གནས། །ཚོགས་ཀྱི་མཆོག་རབ་ངོ་ཚ་ཤེས་དང་དཔལ་གྱི་གཞི། །དེ་ནི་འཇིག་རྟེན་དགེ་བའི་བཀྲ་ཤིས་གསུམ་པའོ། །སེམས་ཅན་ཀུན་ལ་ཕན་ཞིང་བྱང་ཆུབ་མངའ་བ་པོ། །དོན་
རྣམས་ཐམས་ཅད་འགྲུབ་པར་བརྟུལ་བ་ཡོངས་ལྡན་པ། །ཚོགས་ཀྱི་ལས་དགྱེས་ཐུབ་པའི་བཀྲ་ཤིས་གང་བྱུང་བ། །བཀྲ་ཤིས་དེས་ནི་སྐྱེ་དགུ་རྣམས་ལ་ཞི་བྱེད་ཤོག །འགྲོ་ལ་ཕན་ཕྱིར་དེ་བཞིན་གཤེགས་པ་དགའ་ལྡན་ལྷའི། །གཞལ་མེད་ཁང་གི་སྙིང་པོ་ནས་ནི་འདིར་གཤེགས་
ཏེ། །དབང་བཅས་ལྷས་བསྐོར་བ་ཡི་བཀྲ་ཤིས་གང་བྱུང་བའི། །བཀྲ་ཤིས་དེས་ནི་སྐྱེ་དགུ་རྣམས་ལ་ཞི་བྱེད་ཤོག །ལོ་མ་མེ་ཏོག་འོད་འབར་ཉམས་དགའ་ལུམྦིའི་ཚལ། །ལྷ་མང་དག་གིས་བསྟན་པར་མགོ་བོ་བལྟམས་པ་ན། །སྲིད་པ་མཐར་ཕྱིན་པ་ཡི་བཀྲ་ཤིས་གང་བྱུང་བའི། །
བཀྲ་ཤིས་དེས་ནི་སྐྱེ་དགུ་རྣམས་ལ་ཞི་བྱེད་ཤོག །གྲོང་ཁྱེར་སེར་སྐྱའི་གནས་ནས་རྒྱལ་པོའི་ཕོ་བྲང་དུ། །ལྷུམས་ནས་བལྟམས་པ་སྟོན་པ་བདེ་གཤེགས་ཟས་གཙང་སྲས། །མྱུར་བསྐྲུན་བདུད་རྩིའི་ཆུས་གཏོར་བ་ཡི་བཀྲ་ཤིས་གང་། །བཀྲ་ཤིས་དེས་ནི་སྐྱེ་དགུ་རྣམས་ལ་ཞི་བྱེད་ཤོག །གྲོང་
ཁྱེར་དམ་པ་སེར་སྐྱའི་གནས་ཞེས་བྱ་བ་ནི། །རྨད་དུ་གྲགས་པ་ཆེན་པོ་ལྷ་ཡིས་མངོན་བསྟོད་པ། །བསམ་ཡས་དགེ་བསྒྲུབས་བསོད་ནམས་ཕུང་པོའི་བཀྲ་ཤིས་གང་། །བཀྲ་ཤིས་དེས་ནི་སྐྱེ་དགུ་རྣམས་ལ་ཞི་བྱེད་ཤོག །དགྱེས་ཤིང་ནམ་ཕྱེད་གྲོང་ཁྱེར་མཆོག་ནས་མངོན་བྱུང་སྟེ། །དཀའ་ཐུབ་
ཚལ་དུ་མངོན་པར་གཤེགས་ཤིང་ཚངས་ལ་སོགས། །ལྷ་ཡི་ཚོགས་ཀྱིས་ཡོངས་སུ་བསྐོར་བའི་བཀྲ་ཤིས་གང་། །བཀྲ་ཤིས་དེས་ནི་སྐྱེ་དགུ་རྣམས་ལ་ཞི་བྱེད་ཤོག །རབ་ཏུ་འོད་འབར་གསེར་དང་འདྲ་བའི་སྐུ་མངའ་ཞིང་། །བཻ་ཌཱུརྱ་ལྟར་སྔོན་པའི་རྩྭ་བཏིང་སྟེང་བཞུགས་ཏེ། །སྐྱིལ་མོ་ཀྲུང་བཅས་མི་
གཡོ་མཆོག་གི་བཀྲ་ཤིས་གང་། །བཀྲ་ཤིས་དེས་ནི་སྐྱེ་དགུ་རྣམས་ལ་ཞི་བྱེད་ཤོག །ཆུ་བོའི་འགྲམ་ན་རྩྭ་ཥའི་ཕྲེང་གིས་ཡོངས་བསྐོར་བ། །ཤིན་ཏུ་རྨད་བྱུང་བ་ཡི་སྲེད་པ་སེལ་མཛད་པ། །ཀླུ་ཡི་རྒྱལ་པོས་ཕྱག་བྱས་པ་ཡི་བཀྲ་ཤིས་གང་། །བཀྲ་ཤིས་དེས་ནི་སྐྱེ་དགུ་རྣམས་ལ་ཞི་བྱེད་

62-1-47b

ཤོག །ཤིང་རྒྱལ་དྲུང་གཤེགས་བྱམས་པའི་སྟོབས་ཀྱིས་བདུད་ཀྱི་ཕྱོགས། །མང་པོ་བཏུལ་ཚེ་ས་སྟེང་དང་ནི་ནམ་མཁའ་ལ། །བཅོམ་ལྡན་བཀྲ་ཤིས་རྣམ་པ་སྣ་ཚོགས་གང་བྱུང་བ། །བཀྲ་ཤིས་དེས་ནི་སྐྱེ་དགུ་རྣམས་ལ་ཞི་བྱེད་ཤོག །སྡུག་བསྔལ་མཐའ་དག་གཞིག་ཕྱིར་རྡོ་རྗེའི་གདན་བཞུགས་
ཏེ། །ནམ་གྱི་ཐོ་རངས་བདུད་བཞི་པོ་དག་རྣམས་བཏུལ་བ། །སྟོན་པ་བདེ་བར་གཤེགས་པའི་བཀྲ་ཤིས་གང་ཡིན་པ། །བཀྲ་ཤིས་དེས་ནི་སྐྱེ་དགུ་རྣམས་ལ་ཞི་བྱེད་ཤོག །གྲོང་ཁྱེར་བཱ་རཱ་ཎ་སཱིར་དྲང་སྲོང་མཆོག་བཞུགས་ནས། །ཆོས་ཀྱི་འཁོར་ལོ་ཕྱོགས་བསྟན་པ་ཡི་བཀྲ་ཤིས་གང་། །
ལྷ་ཡུལ་དང་འདིར་ཤིན་ཏུ་རྨད་དུ་བྱུང་གྱུར་པ། །བཀྲ་ཤིས་དེས་ནི་སྐྱེ་དགུ་རྣམས་ལ་ཞི་བྱེད་ཤོག །བཀྲ་ཤིས་གང་ཞིག་ཕན་བྱེད་དམ་པ་དག་བྱེད་པ། །བསོད་ནམས་བྱ་བྱེད་འཕགས་པའི་སྐྱེ་བོས་མངོན་བསྟོད་པ། །བཅོམ་ལྡན་ཤཱཀྱ་ཐུབ་པའི་སེང་གེས་གང་གསུངས་པ། །བཀྲ་ཤིས་
དེས་ནི་སྐྱེ་དགུ་རྣམས་ལ་ཞི་བྱེད་ཤོག །མུ་སྟེགས་བྱེད་པ་ཀུན་གྱི་ང་རྒྱལ་གཞོམ་པར་བྱེད་པ་དང་། །འགྲོ་ལ་བདེ་བ་སྐྱེད་ཕྱིར་ཆོ་འཕྲུལ་དམ་པ་དག །ཉེ་བར་སྟོན་པ་རྒྱལ་བའི་བཀྲ་ཤིས་གང་ཡིན་པ། །བཀྲ་ཤིས་དེས་ནི་སྐྱེ་དགུ་རྣམས་ལ་ཞི་བྱེད་ཤོག །འགྲོ་ལ་ཕན་ཕྱིར་མཐོ་རིས་ནས་
ནི་འདིར་གཤེགས་ཏེ། །ཚངས་པ་ལ་སོགས་ལྷ་ཚོགས་ལག་ན་རྔ་ཡབ་གདུགས། །སྣ་ཚོགས་ཐོགས་པས་ཡོངས་སུ་བསྐོར་བའི་བཀྲ་ཤིས་གང་། །བཀྲ་ཤིས་དེས་ནི་སྐྱེ་དགུ་རྣམས་ལ་ཞི་བྱེད་ཤོག །དེ་བཞིན་གཤེགས་པ་ཞི་བ་མཆོག་ཏུ་ཉེར་གཤེགས་པ། །མནྡཱ་ར་ཡི་མེ་ཏོག་མང་པོས་མངོན་
མཆོད་པ། ལྷ་ཚོགས་རྣམས་ཀྱིས་མངོན་པར་བསྟོད་པའི་བཀྲ་ཤིས་གང་། །བཀྲ་ཤིས་དེས་ནི་སྐྱེ་དགུ་རྣམས་ལ་ཞི་བྱེད་ཤོག །ལྷ་དབང་ཀླུ་དང་མི་ཡི་དབང་པོས་ཕྱག་བྱས་པ། །མཁའ་ལྡིང་གནོད་སྦྱིན་དྲི་ཟའི་དབང་པོས་མཆོད་གྱུར་པ། །དེ་བཞིན་གཤེགས་པ་སྟོབས་བཅུ་ལྡན་པའི་
བཀྲ་ཤིས་གང་། །བཀྲ་ཤིས་དེས་ནི་སྐྱེ་དགུ་རྣམས་ལ་ཞི་བྱེད་ཤོག །མཚན་བརྒྱ་རྩ་བརྒྱད་པས་ཀྱང་བསྟོད་ལ། དང་པོ་ནི་བུམ་པ་གང་བས་སོ། །དེ་ནས་རྡོ་རྗེ་ལྕགས་ཀྱུ་ལ་སོགས་པའི་སྙིང་པོ་ཟློས་ཤིང་དེའི་བུམ་པས་སོ། །དེའི་རྗེས་ལ་རྣམ་པར་རྒྱལ་བའི་བུམ་པ་ལས་རྡོ་རྗེ་ཁུ་ཚུར་གྱིས་

62-1-48a

ཆུ་བླངས་ལ། དེས་དབང་བསྐུར་ཞིང་འཐུང་དུ་ཡང་གཞུག་པ་དང་། བུམ་པ་ལྷག་མ་རྣམས་ཀྱིས་ཀྱང་ཆུའི་དབང་བསྐུར་བས་དབང་བསྐུར་རོ། །དེ་ལ་སྦྱོར་བ་ནི་འདི་ཡིན་ཏེ། ཨོཾ་བཛྲ་ཨཾ་ཀུ་ཤ་ཨོཾ་བཛྲ་སཏྭ་ཨ་བྷི་ཥིཉྩ་ཞེས་བྱ་བ་ནས། ཨོཾ་བཛྲ་སཏྭ་ཨ་བྷི་ཥིཉྩ་ཞེས་བྱ་བའི་
བར་དང་། ཨོཾ་མ་ཧཱ་སུ་ཁ་ཞེས་བྱ་བ་ལ་སོགས་པ་སྔ་མ་བཞིན་དུ་བཟླས་པར་བྱའོ། །ལྷག་མ་རྣམས་ནི་སྔ་མ་དང་འདྲ་བ་ཡིན་ཏེ། རིམ་པ་བར་མའོ། །དེ་ནས་དབང་བསྐུར་བའི་རིམ་པ་རྒྱས་པར་བརྗོད་པར་བྱ་སྟེ། དེ་བཞིན་དུ་ཐམས་ཅད་བྱས་ལ། སྒེག་མོ་ལ་སོགས་པའི་མཆོད་པ་བརྒྱད་
ཀྱིས་ཀྱང་ཡང་དག་པར་མཆོད་པར་བྱའོ། །དེ་ནས་རིན་པོ་ཆེའི་མིག་ཐུར་རམ། གསེར་ལ་སོགས་པའི་ཐུར་མ་ཐོགས་ལ་མདུན་དུ་འདུག་སྟེ་ཚིག་འདི་སྐད་དུ་གསལ་བར་བརྗོད་པར་བྱ་སྟེ། ཇི་ལྟར་མིག་མཁན་རྒྱལ་པོ་ཡིས། །འཇིག་རྟེན་ལིང་ཏོག་བསལ་བ་ལྟར། །བུ་ཁྱོད་ཀྱིས་ནི་
མི་ཤེས་པའི། །རབ་རིབ་རྒྱལ་བ་རྣམས་ཀྱིས་བསལ། །དེ་ལ་འདིའི་སྙིང་པོ་ནི། ཨོཾ་བཛྲ་ཎེ་ཏྲ་ཨ་པ་ཧ་ར་པ་ཊ་ལཾ་ཧྲཱིཿཞེས་བྱ་བ་ཡིན་ནོ། །དེ་ལ་མེ་ལོང་བླངས་ལ་ཆོས་ཀྱི་མཚན་ཉིད་བསྟན་པར་བྱའོ། །ཆོས་རྣམས་གཟུགས་བརྙན་ལྟ་བུ་སྟེ། །དག་ཅིང་གསལ་ལ་རྙོག་པ་མེད། །
གཟུང་དུ་མེད་ཅིང་བརྗོད་དུ་མེད། །རྒྱུ་དང་ལས་ལས་ཀུན་དུ་འབྱུང་། །ངོ་བོ་ཉིད་མེད་གནས་མེད་པར། །དེ་ལྟར་ཆོས་འདི་ཤེས་པར་གྱིས། །སེམས་ཅན་དོན་ནི་མཉམ་མེད་བྱོས། །འོན་ཀྱང་སངས་རྒྱས་སྲས་སུ་སྐྱེ། །དེ་ནས་དྲིལ་བུ་བླངས་ལ་དཀྲོལ་ཏེ། ཆོས་རྣམས་ནམ་མཁའི་མཚན་ཉིད་དེ། །
ནམ་མཁའ་ལ་ཡང་མཚན་ཉིད་མེད། །ནམ་མཁའ་དང་མཉམ་སྦྱོར་བ་ཡིས། །ཀུན་མཆོག་མཉམ་པ་ཉིད་དུ་གསལ། །ཞེས་བྱ་བས་དྲིལ་བུ་སྦྱིན་ནོ། །ཨ་ཞེས་བྱ་བ་ནི་དྲིལ་བུ་སྦྱིན་པའི་སྙིང་པོ་ཡིན་ནོ། །དེ་ནས་དེ་བཞིན་གཤེགས་པ་ཐམས་ཅད་མཉེས་པར་གྱིས་ཤིག་ཅེས་བརྗོད་དེ། 
ཧོ་ཞེས་བྱ་བས་གཞུ་བྱིན་ལ། ཕྱོགས་བཞིར་མདའ་བཞི་དང་། སྟེང་དུ་གཅིག་དང་འོག་ཏུ་གཅིག་འཕེན་དུ་གཞུག་པར་བྱའོ། །ཡང་མེ་ལོང་བླངས་ལ་འདི་སྐད་ཅེས་བརྗོད་བྱའོ། །རྡོ་རྗེ་སེམས་དཔའ་མེ་ལོང་བཞིན། །དག་ཅིང་གསལ་ལ་རྙོག་པ་མེད། །སངས་རྒྱས་ཀུན་

62-1-48b

བདག་རང་ཉིད་ནི། །བུ་ཁྱོད་ཀྱི་ནི་སྙིང་ལ་ཞུགས། །གང་འདི་དེ་བཞིན་གཤེགས་པ་ཐམས་ཅད་ཀྱི་བདག་པོ་བྱང་ཆུབ་ཀྱི་སེམས་ནི་འདི་ཡིན་པར་ཤེས་པར་གྱིས་ཤིག་ཅེས་བརྗོད་པར་བྱའོ། །དེ་ལ་མེ་ལོང་འདི་འཛིན་དུ་གཞུག་པའི་སྔགས་སོ། །ཨ་བཛྲ་སཏྭ་ཞེས་བྱའོ། །དེ་ནས་རྐང་པ་གཉིས་
ཀྱི་བར་དུ་ཆོས་ཀྱི་འཁོར་ལོ་བཞག་ལ། ལག་པ་གཡས་པར་དུང་བྱིན་ལ་འདི་སྐད་ཅེས་བརྗོད་པར་བྱ་སྟེ། དེང་ནས་བརྩམས་ཏེ་སེམས་བསྐྱེད་པ། །ཙམ་གྱིས་ཆོས་ཀྱི་འཁོར་ལོ་བསྐོར། །དེ་རིང་ཕན་ཆད་འཇིག་རྟེན་ལ། །སྐྱོབ་པ་རྣམས་ཀྱིས་འཁོར་ལོ་བསྐོར། །ཆོས་ཀྱི་དུང་ནི་
བླ་མེད་པས། །ཀུན་དུ་མ་ལུས་གང་བར་གྱིས། །སོམ་ཉི་ཡིད་གཉིས་མི་བྱ་ཞིང་། །དོགས་པ་མེད་པའི་སེམས་ཀྱིས་སུ། །གསང་སྔགས་སྤྱད་པའི་ཚུལ་གྱི་མཆོག །འཇིག་རྟེན་འདི་ལ་རབ་ཏུ་སྒྲོགས། །དེ་ལྟར་བྱས་ན་སངས་རྒྱས་ལ། །ཕན་ཐོགས་དྲིན་དུ་གཟོ་ཞེས་བྱ། །རྡོ་རྗེ་
འཛིན་པ་དེ་ཀུན་ཀྱང་། །ཀུན་དུ་ཁྱོད་ལ་སྲུང་བར་བྱེད། །ཅེས་བྱ་བ་རྡོ་རྗེ་འཁོར་ལོ་དང་། རྡོ་རྗེ་སྨྲ་བའི་ཆོས་ཀྱི་ཡི་གེ་དང་བཅས་པ་སྦྱིན་པར་བྱའོ། །ཡང་། འཇིག་རྟེན་ཀུན་ལས་ཁྱད་པར་དུ། །སེམས་ཅན་ཀུན་ལ་ཕན་པའི་ཕྱིར། །ཇི་ལྟར་སྣ་ཚོགས་འདུལ་གྱུར་པ། །ཆོས་ཀྱི་
འཁོར་ལོ་རབ་ཏུ་བསྐོར། །དེ་བཞིན་དུ་རྡོ་རྗེ་དང་། འཁོར་ལོ་དང་། པདྨ་དང་། ནོར་བུའི་འཁོར་ལོ་རབ་ཏུ་བསྐོར་ཞེས་ཚིགས་སུ་བཅད་པ་ལྔས་རྗེས་སུ་གནང་བ་སྦྱིན་ནོ། །དེ་ནས་དངོས་པོ་ཐམས་ཅད་ཀྱི་རང་གི་ངོ་བོའི་བདག་ཉིད་ཅན་གྱི་གཟེངས་བསྟོད་ནས། ཀུན་སངས་རྒྱས་སུ་བདག་བསྒྲུབ་
པའོ། །རྡོ་རྗེ་མིང་དབང་བསྐུར་བས་ཀྱང་། །དེ་བཞིན་གཤེགས་པར་ལུང་བསྟན་ཉིད། །ཨོཾ་འདི་ནི་ངས་ཁྱོད་ལུང་བསྟན་ཡིན། །རྡོ་རྗེ་སེམས་དཔའ་དེ་བཞིན་གཤེགས། །སྲིད་པ་ཀུན་དུ་བསྒྲུབ་པའི་ཕྱིར། །སྲིད་པའི་ངན་འགྲོ་རྣམས་ལས་བཏོན། །ཀྱེ་རྡོ་རྗེ་ཆེ་གེ་མོ་ཞེས་བྱ་བའི་དེ་
བཞིན་གཤེགས་པ་སིདྡྷ་ས་མ་ཡ་སྟྭཾ་བྷཱུར་བྷུ་ཝ་སྭཿདེ་ལ་གཟེངས་བསྟོད་པ་ནི་འདི་ཡིན་ཏེ། དེ་བཞིན་གཤེགས་པའི་ཁུ་ཚུར་གཉིས་བཅིང་སྟེ། གཡོན་པས་ཆོས་གོས་འཛིན་པའི་ཚུལ་དུ་བྱས་ལ། གཡས་པ་མཆོག་སྦྱིན་པའི་ཚུལ་དུ་བྱའོ། །དེ་ནས་སློབ་མ་རྣམས་ལ་འདི་སྐད་ཅེས་བརྗོད་པར་

62-1-49a

བྱ་སྟེ། གང་ལ་གཟེངས་བསྟོད་པར་བྱས་པ་འདི་དག་ཕྱག་རྒྱ་ཆེན་པོ་མཆོག་ཏུ་གསང་བའི་ཆོ་གས་ལུང་བསྟན་པར་བྱས་པ་དེ་ལ་རྡོ་རྗེ་སེམས་དཔའ་ལ་སོགས་པ་དེ་བཞིན་གཤེགས་པ་ཐམས་ཅད་དང་། རྡོ་རྗེ་འཛིན་པ་ཐམས་ཅད་དང་། བྱང་ཆུབ་སེམས་དཔའི་
འཁོར་གྱི་དཀྱིལ་འཁོར་དང་བཅས་པའི་དེ་བཞིན་གཤེགས་པ་ཐམས་ཅད་རང་གི་དམ་ཚིག་གི་སློབ་དཔོན་དང་མགྲིན་གཅིག་ཏུ་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་ལུང་སྟོན་པར་མཛད་དོ། །དེ་ལྟར་གཟེངས་བསྟོད་པ་དང་། ཕྱག་རྒྱ་ཆེན་པོའི་མཆོག་ཏུ་གསང་བ་དམ་པའི་
དངོས་གྲུབ་བྱིན་གྱིས་བརླབ་པ་དང་སྔགས་ཀྱི་སྟོབས་ཡིན་ནོ་ཞེས་དད་པར་བྱའོ། །དབུགས་དབྱུང་བ་ལྷག་མ་ནི་དཔལ་མཆོག་དང་པོ་ལས་ཤེས་པར་བྱའོ། །དེ་ནས་ཐམས་ཅད་ལ་དཀྱིལ་ཁོར་གྱི་གསང་བའི་ཡེ་ཤེས་ཐམས་ཅད་བསླབ་པ་ཉིད་དུ་བྱ་སྟེ། འདོད་ཆགས་བྲལ་བ་
ལྟ་བུ་ཡི། །ཁམས་གསུམ་ན་ནི་སྡིག་མེད་དེ། །དེ་བས་འདོད་ལ་ཆགས་བྲལ་བར། །ཁྱོད་ཀྱིས་ནམ་ཡང་མ་བྱེད་ཅིག །མ་ཧཱ་ས་མ་ཡ་ཧ་ན་ཕཊ་ཅེས་བྱ་བའི་དམ་ཚིག་ཆེན་པོའི་སྔགས་འདི་ཡང་བརྗོད་པར་བྱའོ། །དེ་ནས་རང་གི་ལྷའི་སྔགས་བྱིན་ལ། ཕྱག་རྒྱ་བཞིའི་ཡེ་ཤེས་
བསླབ་པར་བྱའོ། །དེ་ནས་ཁྱོད་ཀྱིས་གཞན་ཕྱག་རྒྱ་ལ་མི་མཁས་པ་གང་ལ་ཡང་ཕྱག་རྒྱ་གཅིག་ཀྱང་སྟོན་པར་མ་བྱེད་ཅིག །དེ་ཅིའི་ཕྱིར་ཞེ་ན། འདི་ལྟར་སེམས་ཅན་དེ་རྣམས་ཀྱིས་དཀྱིལ་འཁོར་མ་མཐོང་བར་སེམས་དཔའི་ཕྱག་རྒྱ་འཆིང་བ་ལ་སྦྱོར་བར་བྱེད་ཀྱང་། དེ་
རྣམས་ཀྱིས་དངོས་གྲུབ་ཇི་ལྟ་བ་བཞིན་དུ་ཐོབ་པར་མ་གྱུར་པ་དང་། དེ་ནས་དེ་སོམ་ཉི་ཟ་བར་གྱུར་པས། ཡ་ང་བ་མ་སྤངས་པས་མྱུར་བ་ཉིད་དུ་དུས་བྱས་ནས། སེམས་ཅན་དམྱལ་བ་ཆེན་པོ་མནར་མེད་པར་ལྟུང་བར་འགྱུར་ལ། རྒྱུ་དེས་ཁྱོད་ཀྱང་ངན་འགྲོར་འགྲོ་བར་འགྱུར་རོ་ཞེས་བརྗོད་
པར་བྱའོ། །དེ་ནས་སྒེག་མོ་ལ་སོགས་པའི་མཆོད་པ་བརྒྱད་དང་། མེ་ཏོག་ལ་སོགས་པས་དེ་བཞིན་གཤེགས་པ་ཐམས་ཅད་ལ་ཡང་དག་པར་མཆོད་ལ། སློབ་མ་རྣམས་ལ་དེ་བཞིན་གཤེགས་པ་ཐམས་ཅད་ལ་ཅི་ནུས་པར་མཆོད་ཅིག་ཅེས་བསྒོ་སྟེ། དེ་བཞིན་གཤེགས་པ་

62-1-49b

ཐམས་ཅད་ལ་གསོལ་བ་གདབ་ཅིང་བདུག་སྤོས་ལ་སོགས་པ་ཅི་འདོད་པར་མཆོད་པ་བྱེད་དུ་བཅུག་ལ། ཇི་ལྟ་བ་བཞིན་དུ་ཞུགས་པ་རྣམས་ལ་འབྱོར་པ་ཅི་ཡོད་པའི་བཟའ་བ་དང་བཏུང་བ་ལ་སོགས་པ་ཐམས་ཅད་དང་། དཀྱིལ་འཁོར་ཆེན་པོར་ཕུལ་བའི་ཡོ་བྱད་ཐམས་ཅད་ཀྱིས་
ཚིམ་པར་བྱས་ལ། འདི་དེ་སངས་རྒྱས་ཐམས་ཅད་དེ། །ཞེས་བྱ་བ་ལ་སོགས་པས་དངོས་གྲུབ་ཀྱི་རྡོ་རྗེའི་བརྟུལ་ཞུགས་སྦྱིན་པར་བྱའོ། །དེ་ནས་ཡང་ཐམས་ཅད་ལ་སུ་ལ་ཡང་སྨྲ་བར་མ་བྱེད་ཅིག་ཅེས་བསྒོ་ལ་མནའི་སྙིང་པོ་བརྗོད་པར་བྱའོ། །དེ་ནས་ཞུགས་པ་
རྣམས་སླར་བཏང་ལ། ཡང་མཚན་བརྒྱ་རྩ་བརྒྱད་པས་བསྟོད་ལ། སྒེག་མོ་ལ་སོགས་པས་ཡང་དག་པར་མཆོད་ལ་ཕྱག་བྱ་སྟེ། མཆོད་ཡོན་ཕུལ་ནས་དགེ་བའི་རྩ་བ་མངོན་པར་འདོད་པའི་དངོས་གྲུབ་ཀྱི་དོན་དུ་བསྔོས་ལ། ཕྱག་རྒྱ་དགྲོལ་བར་བྱས་ནས། སེམས་མ་རྡོ་རྗེ་མ་
བཅིངས་ཏེ། དཀྱིལ་འཁོར་ལན་གསུམ་མམ། ལན་བདུན་བསྐོར་བ་བྱས་ལ། སྔ་མ་བཞིན་དུ་གཤེགས་སུ་གསོལ་བ་ལ་སོགས་པ་བྱས་ནས། ཨ་ཀཱ་རོ་མུ་ཁཾ་ཞེས་བྱ་བ་ལ་སོགས་པས་དཀྱིལ་འཁོར་ཕྱོགས་ལ། དམན་མ་ལ་སོགས་པ་ཆུ་བོར་དོར་བར་བྱའོ། །དེ་ནས་ཧཱུཾ་བཞིས་
ཕུར་བུ་ཐམས་ཅད་བཏོན་ལ། ཨོཾ་རུ་རུ་སྥུ་རུ་ཛྭ་ལ་ཏིཥྛ་སིདྡྷ་ལོ་ཙ་ནི་སརྦ་ཨརྠ་སྭ་དྷ་ནེ་སྭཱ་ཧཱ། ཞེས་བརྒྱ་རྩ་བརྒྱད་བཟླས་པའི་འོ་མས་ཕུར་བུ་དང་གཟུགས་བརྙན་ཐམས་ཅད་བཀྲུས་ལ་བུ་གུ་ཡང་དགང་བར་བྱའོ། །དེ་ནས་འཇུག་པའི་སྒོ་ལ་མངོན་པར་ཕྱོགས་པའི་ལས་ཐམས་ཅད་
པའི་ཐབ་ཁུང་བྱས། བདག་དང་སློབ་མ་དང་། ས་བདག་དང་སེམས་ཅན་ཐམས་ཅད་ལ་དམིགས་ཏེ། ཞི་བའི་སྦྱིན་སྲེག་བྱའོ། །དེ་ནས་སློབ་མའི་གཙོ་བོ་གཡོན་ལོགས་སུ་བཞག་སྟེ། རྡོ་རྗེ་སེམས་དཔའི་སྔགས་ཀྱིས་མར་གྱི་སྦྱིན་སྲེག་བརྒྱ་རྩ་བརྒྱད་བྱའོ། །དེ་ནས་
སངས་རྒྱས་སྤྱན་གྱིས་བརྒྱ་རྩ་བརྒྱད་བྱའོ། །དེ་ནས་ཕྱག་རྒྱ་དེ་ཉིད་བཅིངས་ལ་མར་དང་ཞོ་དང་འདྲེས་པའི་ཏིལ་གྱིས་སྦྱིན་སྲེག་བརྒྱ་བྱའོ། །དེ་ནས་རྡོ་རྗེ་གནོད་སྦྱིན་བཟླས་པའི་ཆུས་སྤྱི་བོར་གཏོར་ནས་དེ་ཉིད་བཟླས་པའི་སྲུང་སྐུད་མཁྲིག་མ་གཡོན་པར་བཅིང་བར་བྱའོ། །དེ་ནས་དེའི་སྙིང་

62-1-50a

ཁར་ལག་པས་གཏུགས་ཏེ་སྤྱན་གྱི་སྔགས་ལན་བརྒྱ་བཟླ་བར་བྱའོ། །གཞན་དག་ལ་ནི་ཇི་སྐད་དུ་བཤད་པའི་སྦྱིན་སྲེག་ལན་བདུན་བདུན་བྱའོ། །དེ་ནས་བསང་གཏོར་དང་སྲུང་སྐུད་བཅིང་བ་དང་སྙིང་གར་གཏུགས་པ་དག་ཀྱང་བྱའོ། །རྡོ་རྗེ་སེམས་སོགས་སེམས་དཔའ་
མཆོག །དངོས་གྲུབ་ཐམས་ཅད་སྩོལ་མཛད་པ། །རྡོ་རྗེ་ཐམས་ཅད་འབྱུང་བྱས་ལས། །བདག་གིས་དགེ་བ་གང་བསགས་པ། །དེས་ནི་འཇིག་རྟེན་མ་ལུས་པ། །ཀུན་དགའ་སྙིང་པོ་རིག་པ་མཆོག །སེམས་ཅན་ཀུན་གྱི་གཉེན་གཅིག་པོ། །གཙོ་ཆེན་རྡོ་རྗེ་འཛིན་གྱུར་ཅིག །
དཔལ་དེ་བཞིན་གཤེགས་པ་ཐམས་ཅད་ཀྱི་དེ་ཁོ་ན་ཉིད་བསྡུས་པ། ཐེག་པ་ཆེན་པོ་མངོན་པར་རྟོགས་པའི་རྒྱུད་ཆེན་པོ་ལས་བཏུས་པ། རྡོ་རྗེ་དབྱིངས་ཀྱི་དཀྱིལ་འཁོར་ཆེན་པོའི་ཆོ་ག །རྡོ་རྗེ་ཐམས་ཅད་འབྱུང་བ་ཞེས་བྱ་བ། རྡོ་རྗེ་སློབ་དཔོན་ཆེན་པོ་ཀུན་དགའ་སྙིང་པོའི་ཞལ་སྔ་
ནས་ཀྱིས་མཛད་པ་རྫོགས་སོ།།      །།རྒྱ་གར་གྱི་མཁན་པོ་ཨཱ་ཙཱརྱ་བུདྡྷ་ཤྲཱི་ཤཱནྟི་དང་། ཞུ་ཆེན་གྱི་ལོ་ཙཱ་བ་དགེ་སློང་རིན་ཆེན་བཟང་པོས་བསྒྱུར་ཅིང་ཞུས་ཏེ་གཏན་ལ་ཕབ་པའོ།    །༄༅༅། །རྒྱ་གར་སྐད་དུ། བཛྲ་སཏྭ་ཨུ་ད་ཡ་ནཱ་མ་ཧཱ་དྷ་ནོ་པ་ཡི་ཀ །བོད་སྐད་
དུ། རྡོ་རྗེ་སེམས་དཔའ་འབྱུང་བ་ཞེས་བྱ་བའི་སྒྲུབ་པའི་ཐབས། བཅོམ་ལྡན་འདས་འཇམ་པའི་རྡོ་རྗེ་ལ་ཕྱག་འཚལ་ལོ། །དཔལ་རྡོ་རྗེ་སེམས་དཔའ་ལ་ཕྱག་འཚལ་ལོ། །རྡོ་རྗེ་སེམས་དཔའ་འགྲོ་བའི་མགོན། །ཡང་དང་ཡང་དུ་ཕྱག་བྱས་ནས། །རྡོ་རྗེ་སེམས་འབྱུང་དགེ་
བ་ཡི། །སྒྲུབ་པའི་ཐབས་ནི་བཤད་པར་བྱ། །དེ་ལ་དེ་ཁོ་ན་ཉིད་བསྡུས་པའི་རྒྱུད་ཆེན་པོའི་ཆོ་གས། རྡོ་རྗེ་དབྱིངས་ཀྱི་དཀྱིལ་འཁོར་དུ་དམ་ཚིག་ལ་སོགས་པ་ཐོབ་པ་ཅན་གྱི་རྣལ་འབྱོར་པའི་ཕྱིར། འཕགས་པ་རྡོ་རྗེ་སེམས་དཔའ་མཉེས་པར་བྱེད་པའི་ཆོ་ག་བསྡུ་བར་
བྱའོ། །དང་པོར་རེ་ཞིག་བདག་མེད་པ་ལ་ལྷག་པར་མོས་པས་ནང་གི་ཁྲུས་བྱས་ནས། ལྐོག་མའི་ཕྱོགས་སུ་ཡི་གེ་ཧྲཱིཿལས་པདྨ་འདབ་མ་བརྒྱད་པ་དང་། ལྕེའི་པདྨའི་འདབ་མ་ལ་ཡི་གེ་ཧཱུཾ་ལས་རྡོ་རྗེ་རྩེ་ལྔ་པ་བསྐྱེད་ལ། བཛྲ་ཛི་ཧྭཱ་ཞེས་བྱ་བ་འདིས་གྱིས་བརླབ་པར་

62-1-50b

བྱའོ། །ལག་པ་དག་ལ་ཡི་གེ་ཨ་དག་ལས་ཟླ་བའི་དཀྱིལ་བོར་གཉིས་དང་། དེའི་སྟེང་དུ་ཡི་གེ་ཧཱུཾ་དག་ལས་རྡོ་རྗེ་རྩེ་ལྔ་པ་གཉིས་དང་། ལག་པའི་སོར་མོ་དག་རྩེ་མོར་བསམས་ནས། བགེགས་བསལ་བ་ལ་སོགས་པ་བྱའོ། །དེ་ལ་ཡི་གེ་ཧཱུཾ་ལས་རྡོ་རྗེ་མེ་ལྟར་འབར་
བདག་ཉིད་སྤྲུལ་ལ། ཨོཾ་གྲྀཧྞ་བཛྲ་ས་མ་ཡ་ཧཱུཾ་བཾ་ཞེས་བྱ་བ་བརྗོད་ནས། ཁྲོ་བོ་ཏི་རཱིནྟི་རིའི་ཕྱག་རྒྱ་བཅིང་བར་བྱ་སྟེ། རྡོ་རྗེ་བསྡམས་པ་བཅིངས་ནས་ནི། །ཡིད་ཀྱིས་ཁྲོས་ནས་དགབ་བྱ་བའི། །རྡོ་རྗེ་མཐེ་བོང་དམ་པོ་སྟེ། །ཁྲོ་བོ་ཏི་རཱིནྟི་རིར་བཤད། །དེ་ནས་རྡོ་རྗེ་སྐྱིལ་མོ་ཀྲུང་
ཕྱེད་དུ་འདུག་ལ། རྡོ་རྗེ་ཏི་རཱིནྟི་རི་བཅིང་བར་བྱ་སྟེ། ཨོཾ་བཛྲ་ཛྭ་ལ་ཨ་ན་ལཱརྐ་ཧཱུཾ་ཨ་བྷི་ཥིཉྩ་མཱཾ་ཞེས་བྱ་བས་རྡོ་རྗེ་ཕྲེང་བའི་དབང་བསྐུར་བ་བླང་བར་བྱའོ། །རྡོ་རྗེ་བསྡམས་པ་ནང་དུ་བཅིང་བའི་མཐེ་བོང་གཉིས་གཤིབས་ཏེ་བསྒྲེང་པས་བླང་བར་བྱའོ། །རྡོ་རྗེ་བསྡམས་པ་སྟེང་ནས་
དགབ་པའི་ཚུལ་དུ་བཞག་པ་ནི་རྡོ་རྗེ་ཏི་རཱིནྟི་རིའི་ཕྱག་རྒྱའོ། །ཨོཾ་ཊུཾ་ཞེས་བྱ་བའི་ཡི་གེ་གཉིས་ཀྱི་གོ་ཆ་འདིས་གོ་བགོས་ནས། ཨོཾ་བཛྲ་ཛྭ་ལ་ཨ་ན་ལཱརྐ་ཧཱུཾ་ཞེས་བྱ་བ་བརྗོད་ཅིང་། གཡོན་པའི་རྡོ་རྗེ་ཁུ་ཚུར་སྙིང་གར་བཞག་ནས། གཡས་པའི་རྡོ་རྗེ་ཁུ་ཚུར་བསོར་ཞིང་བགེགས་ཐམས་
ཅད་ལ་བསྣུན་པར་བྱའོ། །དེ་ནས་རྡོ་རྗེ་མེའི་ཕྱག་རྒྱ་དང་བཅས་པས་བགེགས་བསྲེག་པ་ལ་སོགས་པ་ནི། ཧཱུཾ་བཛྲ་ཨ་ན་ལ་ཧ་ན་ད་ཧ་པ་ཙ་མ་ཐ་བྷ་ཉྫ་ར་ཎ་ཧཱུཾ་ཕཊ་ཅེས་བརྗོད་ཅིང་བྱའོ། །དེ་ནས་རྡོ་རྗེ་བསྡམས་པ་ནང་དུ་བཅིངས་ལ། སོར་མོ་འབར་བའི་སྙིང་པོ་ཅན་མཐེ་བོང་རྡོ་
རྗེར་བསྒྲེངས་པ་འདི་ནི་རྡོ་རྗེ་མེའི་དམ་ཚིག་གི་ཕྱག་རྒྱའོ། །དེའི་རྗེས་ལ་བཛྲ་ནཻ་ཏྲི་བནྡྷ་སརྦྦ་བིགྷྣཱཾ་ཞེས་བྱ་བ་ཕྱག་རྒྱ་དང་ལྡན་པས་བགེགས་ཐམས་ཅད་བཅིང་བར་བྱའོ། །རྡོ་རྗེ་བསྡམས་པ་བཅིངས་ལ་མཐེ་བོང་གཉིས་བརྐྱང་སྟེ། མཉམ་ལ་གཞག་པ་ནི་རྡོ་རྗེ་སྤྱན་གྱི་ཕྱག་རྒྱའོ། །
རྡོ་རྗེ་བསྡམས་པ་བརྐྱང་བ་ས་ལ་བཞག་སྟེ། ཨོཾ་བཛྲ་དྲྀ་ཌྷོ་མེ་བྷ་ཝ་རཀྵ་སརྦཾ་སྭཱ་ཧཱ་ཞེས་བྱ་བ་དང་བཅས་པས་འོག་བཅིང་བར་བྱའོ། །རྡོ་རྗེ་འཇིགས་བྱེད་སྤྱན་གྱི་ཕྱག་རྒྱ་དང་། ཨོཾ་ཧུ་ལུ་ཧུ་ལུ་ཧཱུཾ་ཕཊ་ཅེས་བྱ་བ་དང་བཅས་པ་ས་སྟེང་བཅིང་བར་བྱའོ། །རྡོ་རྗེ་ཁུ་ཚུར་གཉིས་བཅིངས་

62-1-51a

ལ་མགལ་མེའི་འཁོར་ལོ་བཞིན་དུ་བསྐོར་ཏེ། མགོ་བོའི་སྟེང་དུ་མཛུབ་མོ་ལྕགས་ཀྱུའི་ཚུལ་དུ་བཞག་པ་ནི། རྡོ་རྗེ་འཇིགས་བྱེད་སྤྱན་གྱི་ཕྱག་རྒྱའོ། །རྡོ་རྗེ་གནོད་སྦྱིན་གྱི་ཕྱག་རྒྱ་ཨོཾ་བཛྲ་ཡཀྵ་ཧཱུཾ་ཞེས་བྱ་བ་དང་བཅས་པས་དེའི་འོག་ཏུ་ཡང་དེ་ཉིད་བཅིང་བར་
བྱའོ། །རྡོ་རྗེ་ཐལ་མོའི་མཐེ་བོང་གཉིས་བརྐྱང་ལ་མཛུབ་མོ་གཉིས་མཆེ་བ་ལྟ་བུར་བྱས་པ་ནི་རྡོ་རྗེ་གནོད་སྦྱིན་གྱི་ཕྱག་རྒྱའོ། །རྡོ་རྗེ་གཙུག་ཏོར་གྱི་ཕྱག་རྒྱས་ཨོཾ་དྲུཾ་བནྡྷ་ཧཾ་ཞེས་བྱ་བའམ། ཧཱུཾ་ཞེས་བྱ་བ་དང་བཅས་པས་ཤར་ཕྱོགས་བཅིང་བར་བྱའོ། །རྡོ་རྗེ་ཁུ་ཚུར་གཉིས་ཀྱི་
མཐེའུ་ཆུང་ལུ་གུ་རྒྱུད་དུ་སྦྲེལ་ལ། མཛུབ་མོ་གཉིས་ཀྱི་རྩེ་མོ་སྦྱར་ཏེ་བཟློག་ནས་སྤྱི་བོར་བཞག་སྟེ་རྡོ་རྗེ་གཙུག་ཏོར་གྱི་ཕྱག་རྒྱའོ། །རྡོ་རྗེ་ཞགས་པ་དང་ཨོཾ་ཧཱུཾ་བཛྲ་པཱ་ཤ་ཧྲཱིཿཞེས་བྱ་བས་དེ་ཉིད་བཅིང་བར་བྱའོ། །རྡོ་རྗེ་ཁུ་ཚུར་གཉིས་ཀྱི་མཁྲིག་མ་གཉིས་མདུད་པ་བྱས་པ་ནི་རྡོ་རྗེ་
ཞགས་པའི་ཕྱག་རྒྱའོ། །རྡོ་རྗེ་བ་དན་དང་ཨོཾ་བཛྲ་པཱ་ཏཾ་ཀེ་པཱ་ཏཾ་ཀེ་ནི་ར་ཏྲ་ཊ་ཞེས་བྱ་བས་ནུབ་བཅིང་བར་བྱའོ། །རྡོ་རྗེ་བསྡམས་པ་ལས་མཐེ་བོང་སེམས་དཔའི་སྐྱིལ་མོ་ཀྲུང་དུ་བྱས་ཏེ། མཛུབ་མོ་གཉིས་མཉམ་པོར་གཤིབས་ཏེ་ཕྱེ་ལ། མཐེའུ་ཆུང་གཉིས་བ་དན་ལྟར་བྱ་བ་ནི་རྡོ་རྗེ་བ་དན་
གྱི་ཕྱག་རྒྱའོ། །རྡོ་རྗེ་ནག་མོ་དང་ཧྲཱིཿབཛྲ་ཀཱ་ལི་རུ་ཊ་མ་ཊ་ཞེས་བྱ་བས་བྱང་བཅིང་བར་བྱའོ། །རྡོ་རྗེ་གནོད་སྦྱིན་གྱི་ཕྱག་རྒྱ་སྙིང་གར་བསྟན་པར་བྱས་པ་ནི་རྡོ་རྗེ་ནག་མོའིའོ། །རྡོ་རྗེ་རྩེ་མོ་དང་ཨོཾ་བཛྲ་ཤི་ཁ་རི་རུ་ཊ་མ་ཊ་ཞེས་བྱ་བས་ལྷོ་བཅིང་བར་བྱའོ། །རྡོ་རྗེ་ཁུ་ཚུར་གཉིས་ཀྱིས་རི་བོ་འདེགས་པའི་
ཚུལ་དུ་བྱའོ། །རྡོ་རྗེ་ལས་དང་ཧཱུཾ་བཛྲ་ཀརྨྨ་ཞེས་བྱ་བས་དཀྱིལ་འཁོར་བཅིང་བར་བྱས་ལ་ར་བ་བྱའོ། །ཡང་ནང་དུ་རྡོ་རྗེ་ཧཱུཾ་མཛད་དང་ཧཱུཾ་ཞེས་བྱ་བས་ར་བ་བྱ་སྟེ། རྡོ་རྗེ་ཁུ་ཚུར་གཉིས་བཅིངས་ལ་མཁྲིག་མ་བསྣོལ་ཏེ་མཐེའུ་ཆུང་ལུ་གུ་རྒྱུད་དུ་སྦྲེལ་ལ། ཁམས་གསུམ་རྣམ་པར་རྒྱལ་བ་ཞེས་བྱ་
བ་མཛུབ་མོ་གཉིས་སྡིགས་མཛུབ་ཏུ་བྱས་པའོ། །རྡོ་རྗེ་ཧཱུཾ་མཛད་དེ་ཉིད་ལས་མཛུབ་མོ་དང་གུང་མོ་གཉིས་རྡོ་རྗེར་བྱས་པ་ནི་རྡོ་རྗེ་ལས་ཀྱིའོ། །རྡོ་རྗེ་བསྡམས་པ་དང་བཛྲ་བནྡྷ་བཾ་ཞེས་བྱ་བ་ནི་རྡོ་རྗེ་དྲ་བ་བྱའོ། །དེ་ནས་རྡོ་རྗེ་གནོད་སྦྱིན་ཡོངས་སུ་བཟླས་པའི་དྲིའི་ཆུའི་སྣོད་ལས་ལྷའི་ཁང་པའི་

62-1-51b

སྒོར་བསང་གཏོར་བྱ་ཞིང་། གཞན་ཡང་རྡོ་རྗེ་རྩེ་མོས་ཡོངས་སུ་བཟླས་པའི་དྲི་ཆུ་དང་། རྡོ་རྗེ་མེའི་ཕྱག་རྒྱ་དང་བཅས་པ་བཟླས་པས་མཆོད་པའི་ཡན་ལག་ཐམས་ཅད་བསང་གཏོར་བྱའོ། །ཨོཾ་བཛྲ་པུཥྤེ་ཧཱུཾ་ཞེས་བྱ་བ་དང་མེ་ཏོག་གི་ཕྱག་རྒྱས་མེ་ཏོག་གོ། །ཨོཾ་བཛྲ་གནྡྷེ་ཧཱུཾ་ཞེས་བྱ་བ་དང་། 
དྲིའི་ཕྱག་རྒྱས་དྲིའོ། །ཨོཾ་བཛྲ་དྷཱུ་པེ་ཧཱུཾ་ཞེས་བྱ་བ་དང་བདུག་པའི་ཕྱག་རྒྱས་བདུག་སྤོས་སོ། །ཨ་ཀཱ་རོ་མུ་ཁཾ་སརྦ་དྷརྨྨཱ་ཎཱཾ། ཨཱདྱ་ནུཏྤནྣ་ཏྭཱཏ་ཅེས་བྱ་བས་རལ་གྲིའི་ཕྱག་རྒྱས་ནི་ལྷ་བཤོས་དང་གཏོར་མའོ། །རྡོ་རྗེ་བསྡམས་པ་ལས་རལ་གྲི་འདེབས་པའི་ཚུལ་དུ་བྱ་བ་ནི་རལ་གྲིའི་
ཕྱག་རྒྱའོ། །ཨོཾ་བཛྲ་ཨཱ་ལོ་ཀེ་ཧཱུཾ་ཞེས་བྱ་བ་དང་། མར་མེའི་ཕྱག་རྒྱས་མར་མེའོ། །ཏིལ་དང་སོ་བ་དང་ཀུ་ཤ་དང་། མེ་ཏོག་དཀར་པོ་དྲི་ཞིམ་པ་དང་། འབྲས་ཡོས་དང་། ཙནྡན་དང་། ཆུ་དག་དུང་ཆོས་ལ་སོགས་པའི་ནང་དུ་བཅུག་པ་ལ་རྡོ་རྗེ་སྙིམ་པའི་མེ་ཏོག་ཁ་ཕྱེ་བའི་མཆོད་ཡོན་
གྱི་ཕྱག་རྒྱ་དང་། ཨོཾ་ཛྲ་སཏྭ་ཧཱུཾ་ཞེས་བྱ་བ་ལན་གསུམ་མམ་བདུན་ནམ་ཉི་ཤུ་རྩ་གཅིག་ཡོངས་སུ་བཟླས་པ། དེ་དག་ཐམས་ཅད་གཞག་པར་བྱའོ། །རྡོ་རྗེ་འཁོར་ལོའི་ཕྱག་རྒྱ་དང་། ཨོཾ་བཛྲ་ཙཀྲ་ཧཱུཾ་ཞེས་བྱ་བས་རྡོ་རྗེ་དབྱིངས་ཀྱི་དཀྱིལ་འཁོར་ཆེན་པོའི་མདུན་དུ་སྤྲུལ་པར་
བྱ་སྟེ། རྡོ་རྗེ་ཁུ་ཚུར་གཉིས་བཅིངས་ནས། །མཛུབ་མོ་མཐེའུ་ཆུང་རྡོ་རྗེ་མདུད། །རྡོ་རྗེ་འཁོར་ལོ་ཞེས་གྲགས་ཏེ། །དཀྱིལ་འཁོར་ཐམས་ཅད་སྒྲུབ་བྱེད་ཡིན། །འདིས་ཕྱོགས་ཐམས་ཅད་དུ་གཡས་སུ་བསྐོར་བས་དཀྱིལ་འཁོར་ཐམས་ཅད་སྤྲུལ་པར་འགྱུར་རོ། །འདི་ཉིད་ཁར་བཞག་
ལ་བལྟ་བཞིན་དུ། རྡོ་རྗེ་འཁོར་ལོའི་སྔགས་བརྒྱ་རྩ་བརྒྱད་བཟླས་ན་དཀྱིལ་འཁོར་ཐམས་ཅད་དུ་ཞུགས་པར་འགྱུར་རོ། །དེ་ནས་དཀྱིལ་འཁོར་བློས་མངོན་སུམ་ལྟ་བུར་དམིགས་ནས། མེ་ཏོག་ལ་སོགས་པས་ཡང་དག་པར་མཆོད་དེ། ཕྱོགས་ཐམས་ཅད་ནས་དཀྱིལ་འཁོར་
ལྔ་པ་དང་། ཨོཾ་སརྦ་ཏ་ཐཱ་ག་ཏ་ཀཱ་ཡ་ཝཱཀ་ཙིཏྟ་པྲ་ཎ་མི་ན་བཛྲ་བནྡ་ནཱཾ་ཀ་རོ་མི་ཞེས་བྱ་བ་འདིས་ཕྱག་བྱའོ། །དེ་ནས་ཕྱག་བཞི་བྱ་སྟེ། འདི་ལྟར་ཤར་ཕྱོགས་ནས་རྡོ་རྗེ་ཐལ་མོ་སྤྱི་བོར་བརྐྱང་ལ་ལུས་ཐམས་ཅད་ས་ལ་ཕབ་སྟེ། ཨོཾ་སརྦ་ཏ་ཐཱ་ག་ཏ་པཱུ་ཛོ་པསྠཱ་ནཱ་ཡ་ཨཱཏྨ་ནཱཾ་ནིརྱཱ་ཏ་

62-1-52a

ཡཱ་མི་སརྦ་ཏ་ཐཱ་ག་ཏ་བཛྲ་སཏྭ་ཨ་དྷི་ཏིཥྛ་སྭ་མཱཾ་ཞེས་བྱ་བ་འདིས་ཕྱག་བྱའོ། །དེ་ནས་ལྷོ་ཕྱོགས་ནས་དེ་བཞིན་དུ་གནས་པ་ལས་རྡོ་རྗེ་ཐལ་མོ་སྙིང་གར་སྦྱར་ཏེ། དཔྲལ་བ་ས་ལ་རེག་པར་བྱས་ལ། ཨོཾ་སརྦ་ཏ་ཐཱ་ག་ཏ་པཱུ་ཛ་ཨ་བྷི་ཥེ་ཀ་ཡ་ཨཱཏྨ་ནཱཾ་ནིརྱཱ་ཏ་ཡཱ་མི་སརྦ་ཏ་ཐཱ་
ག་ཏ་བཛྲ་རཏྣ་ཨ་བྷི་ཥིཉྩ་མཱཾ་ཞེས་བྱ་བ་འདིས་ཕྱག་བྱའོ། །དེ་ནས་ནུབ་ཕྱོགས་ནས་དེ་བཞིན་དུ་གནས་པ་ལས་རྡོ་རྗེ་ཐལ་མོ་སྤྱི་བོར་བཞག་སྟེ། ཁ་ས་ལ་རེག་པ་དང་། ཨོཾ་སརྦ་ཏ་ཐཱ་ག་ཏ་པཱུ་ཛ་པྲ་བརྟ་ནཱ་ཡ་ཨཏྨ་ནཱཾ་ནིརྱཱ་ཏ་ཡཱ་མི་སརྦ་ཏ་ཐཱ་ག་ཏ་བཛྲ་དྷརྨྨ་པྲ་བརྟ་ཡ་མཱཾ་ཞེས་བྱ་བ་འདིས་ཕྱག་བྱའོ། །
དེ་ནས་བྱང་ཕྱོགས་ནས་དེ་བཞིན་དུ་གནས་པ་ལས་རྡོ་རྗེ་ཐལ་མོ་སྤྱི་བོ་ནས་ཕབ་ཏེ་སྙིང་གར་སྦྱར་ལ་སྤྱི་བོ་ས་ལ་རེག་པར་བྱས་ཏེ། ཨོཾ་སརྦྦ་ཏ་ཐཱ་ག་ཏ་པཱུ་ཛ་ཀརྨྨ་ཎེ་ཨཱཏྨ་ནཱཾ་ནིརྱཱ་ཏ་ཡཱ་མི་སརྦ་ཏ་ཐཱ་ག་ཏ་བཛྲ་ཀརྨྨ་ཀུ་རུ་མཱཾ་ཞེས་བྱ་བ་འདིས་ཕྱག་བྱའོ། །དེ་ནས་པུས་མོ་གཉིས་ཀྱི་ལྷ་ང་ས་ལ་
བཙུགས་ཏེ། རྡོ་རྗེ་ཐལ་མོ་སྙིང་གར་སྦྱར་ནས་སྡིག་པ་ཐམས་ཅད་བཤགས་པར་བྱ་སྟེ། ཕྱོགས་བཅུའི་སངས་རྒྱས་དང་བྱང་ཆུབ་སེམས་དཔའ་ཐམས་ཅད་དང་། དེ་བཞིན་གཤེགས་པ་དང་། རྡོ་རྗེ་དང་། རིན་པོ་ཆེ་དང་། པདྨ་དང་། ལས་ཀྱི་རིགས་སུ་བཞུགས་པ་ཐམས་
ཅད་དང་། སྙིང་པོ་དང་། ཕྱག་རྒྱ་དང་། གསང་སྔགས་དང་། རིག་སྔགས་ཀྱི་ལྷ་ཐམས་ཅད་བདག་ལ་དགོངས་སུ་གསོལ། བདག་རྡོ་རྗེ་ཆེ་གེ་མོ་ཞེས་བགྱི་བ་ཕྱོགས་བཅུའི་སངས་རྒྱས་དང་བྱང་ཆུབ་སེམས་དཔའ་ཐམས་ཅད་དང་། དེ་བཞིན་གཤེགས་པ་དང་། རྡོ་རྗེ་
དང་། རིན་པོ་ཆེ་དང་། པདྨ་དང་། ལས་ཀྱི་རིགས་སུ་བཞུགས་པ་ཐམས་ཅད་དང་། སྙིང་པོ་དང་། ཕྱག་རྒྱ་དང་། གསང་སྔགས་དང་། རིག་སྔགས་ཀྱི་ལྷ་ཐམས་ཅད་ཀྱི་སྤྱན་སྔར་སྡིག་པ་ཐམས་ཅད་སོ་སོར་བཤགས་པར་བགྱིའོ། །ཕྱོགས་བཅུ་ན་འདས་པ་
དང་། མ་བྱོན་པ་དང་། ད་ལྟར་བཞུགས་པའི་སངས་རྒྱས་དང་། བྱང་ཆུབ་སེམས་དཔའ་ཐམས་ཅད་དང་། རང་སངས་རྒྱས་དང་། འཕགས་པ་ཉན་ཐོས་ཡང་དག་པར་སོང་བ་དང་། ཡང་དག་པར་ཞུགས་པ་རྣམས་དང་། སེམས་ཅན་གྱི་ཚོགས་ཐམས་ཅད་ཀྱི་

62-1-52b

བསོད་ནམས་ཐམས་ཅད་ལ་རྒྱ་ཆེར་རྗེས་སུ་ཡི་རང་བར་བགྱིའོ། །ཕྱོགས་བཅུའི་སངས་རྒྱས་བཅོམ་ལྡན་འདས་ཆོས་ཀྱི་འཁོར་ལོ་བསྐོར་བར་མི་མཛད་པ་ཐམས་ཅད་ལ། ཆོས་ཀྱི་འཁོར་ལོ་བསྐོར་བར་བྱ་བའི་ཕྱིར་བསྐུལ་བར་བགྱིའོ། །ཕྱོགས་བཅུའི་སངས་རྒྱས་བཅོམ་
ལྡན་འདས་ཡོངས་སུ་མྱ་ངན་ལས་འདའ་བར་བཞེད་པ་ཐམས་ཅད་ལ། ཡོངས་སུ་མྱ་ངན་ལས་མི་འདའ་བར་གསོལ་བར་འཚལ་ལོ། །དེ་ནས་མེ་ཏོག་གི་ཕྱག་རྒྱ་བཅིངས་ལ་འདི་སྐད་ཅེས་བརྗོད་པར་བྱ་སྟེ། གང་ཡང་འཇིག་རྟེན་གྱི་ཁམས་འདིའམ། གང་ཡང་ཕྱོགས་བཅུའི་
འཇིག་རྟེན་གྱི་ཁམས་ཐམས་ཅད་ན། ལྷ་དང་མི་རྣམས་ཀྱི་མེ་ཏོག་གི་བྱེ་བྲག་ཡིད་ལས་བྱུང་བའམ། ཆུ་ལས་སྐྱེས་པའམ། ཐང་ལས་སྐྱེས་པ་གང་དག་ཡོད་པ་དེ་རྣམས་འདི་ལྟ་སྟེ། མ་ལུས་ཤིང་ལུས་པ་མེད་པའི་དེ་བཞིན་གཤེགས་པ་ཐམས་ཅད་ལ་མཆོད་པའི་ལས་བྱ་
བའི་ཕྱིར། ཕྱོགས་བཅུའི་སངས་རྒྱས་དང་། བྱང་ཆུབ་སེམས་དཔའ་རིགས་ལྔ་དང་བཅས་པར་བཞུགས་པ་ཐམས་ཅད་དང་། ཕྱག་རྒྱ་དང་། གསང་སྔགས་དང་། རིག་སྔགས་ཀྱི་ལྷའི་ཁྱད་པར་ཐམས་ཅད་ལ་དབུལ་བར་བགྱིའོ། །ཨོཾ་སརྦྦ་ཏ་ཐཱ་ག་ཏ་པུཥྤེ་པཱུ་ཛ་མེ་གྷ་ས་མུ་དྲ་སྥ་ར་ཎ་
ས་མ་ཡེ་ཧཱུཾ། བདུག་པའི་ཕྱག་རྒྱ་བཅིངས་ལ། གང་ཡང་འཇིག་རྟེན་གྱི་ཁམས་འདིའམ། གང་ཡང་ཕྱོགས་བཅུའི་འཇིག་རྟེན་གྱི་ཁམས་ཐམས་ཅད་ན། ལྷ་དང་མི་རྣམས་ཀྱི་བདུག་པའི་བྱེ་བྲག་ལྷན་ཅིག་སྐྱེས་པའམ། ཡང་དག་པར་སྦྱར་བའམ། ཡོངས་སུ་གྱུར་པ་གང་དག་
ཡོད་པ་དེ་རྣམས་འདི་ལྟ་སྟེ། མ་ལུས་ཤིང་ལུས་པ་མེད་པའི་དེ་བཞིན་གཤེགས་པ་ཐམས་ཅད་ལ་མཆོད་པའི་ལས་བྱ་བའི་ཕྱིར། ཕྱོགས་བཅུའི་སངས་རྒྱས་དང་བྱང་ཆུབ་སེམས་དཔའ་རིགས་ལྔ་དང་བཅས་པར་བཞུགས་པ་ཐམས་ཅད་དང་ཕྱག་རྒྱ་དང་གསང་སྔགས་དང་རིག་སྔགས་ཀྱི་ལྷའི་ཁྱད་པར་
ཐམས་ཅད་ལ་དབུལ་བར་བགྱི། ཨོཾ་སརྦྦ་ཏ་ཐཱ་ག་ཏ་དྷཱུ་པེ་པཱུ་ཛ་མེ་གྷ་ས་མུ་དྲ་སྥ་ར་ཎ་ས་མ་ཡེ་ཧཱུཾ། མར་མེའི་ཕྱག་རྒྱ་བཅིངས་ལ། གང་ཡང་འཇིག་རྟེན་ཁམས་འདིའམ། གང་ཡང་ཕྱོགས་བཅུའི་འཇིག་རྟེན་གྱི་ཁམས་ཐམས་ཅད་ན། ལྷ་དང་མི་རྣམས་ཀྱི་སྣང་བའི་བྱེ་

62-1-53a

བྲག་ཡིད་ལས་བྱུང་བའམ། རིན་པོ་ཆེའི་འོད་དམ། མར་མེའི་སྣང་བ་ལ་སོགས་པ་གང་དག་ཡོད་པ་དེ་རྣམས། འདི་ལྟ་སྟེ་མ་ལུས་ཤིང་ལུས་པ་མེད་པའི་དེ་བཞིན་གཤེགས་པ་ཐམས་ཅད་ལ་མཆོད་པའི་ལས་བྱ་བའི་ཕྱིར། ཕྱོགས་བཅུའི་སངས་རྒྱས་དང་བྱང་
ཆུབ་སེམས་དཔའ་རིགས་ལྔ་དང་བཅས་པར་བཞུགས་པ་ཐམས་ཅད་དང་། ཕྱག་རྒྱ་དང་། གསང་སྔགས་དང་། རིག་སྔགས་ཀྱི་ལྷའི་ཁྱད་པར་ཐམས་ཅད་ལ་དབུལ་བར་གྱིའོ། །ཨོཾ་སརྦྦ་ཏ་ཐཱ་ག་ཏ་ཨཱ་ལོ་ཀེ་པཱུ་ཛ་མེ་གྷ་ས་མུ་དྲ་སྥ་ར་ཎ་ས་མ་ཡེ་ཧཱུཾ། དྲིའི་ཕྱག་རྒྱ་
བཅིངས་ལ། གང་ཡང་འཇིག་རྟེན་གྱི་ཁམས་འདིའམ། གང་ཡང་ཕྱོགས་བཅུའི་འཇིག་རྟེན་གྱི་ཁམས་ཐམས་ཅད་ན། ལྷ་དང་མི་རྣམས་ཀྱི་དྲིའི་བྱེ་བྲག་ལྷན་ཅིག་སྐྱེས་པའམ། ཡང་དག་པར་སྦྱར་བའམ། ཡོངས་སུ་གྱུར་པ་ཅན་གང་དག་ཡོད་པ་དེ་རྣམས་འདི་ལྟ་སྟེ། མ་
ལུས་ཤིང་ལུས་པ་མེད་པའི་དེ་བཞིན་གཤེགས་པ་ཐམས་ཅད་ལ་མཆོད་པའི་ལས་བྱ་བའི་ཕྱིར། ཕྱོགས་བཅུའི་སངས་རྒྱས་དང་བྱང་ཆུབ་སེམས་དཔའ་རིགས་ལྔ་དང་བཅས་པར་བཞུགས་པ་ཐམས་ཅད་དང་། ཕྱག་རྒྱ་དང་གསང་སྔགས་དང་། རིག་སྔགས་ཀྱི་ལྷའི་ཁྱད་
པར་ཅན་ཐམས་ཅད་ལ་དབུལ་བར་བགྱིའོ། །ཨོཾ་སརྦྦ་ཏ་ཐཱ་ག་ཏ་གནྡྷེ་པཱུ་ཛ་མེ་གྷ་ས་མུ་དྲ་སྥ་ར་ཎ་ས་མ་ཡེ་ཧཱུཾ། ཞེས་བརྗོད་པར་བྱའོ། །ཐལ་མོ་ཁོང་སྟོང་དུ་སྦྱར་བ་བཅིངས་ལ། གང་ཡང་འཇིག་རྟེན་གྱི་ཁམས་འདིའམ། གང་ཡང་ཕྱོགས་བཅུའི་འཇིག་རྟེན་གྱི་ཁམས་
ཐམས་ཅད་ན། རིན་པོ་ཆེའི་རི་བོའམ། རྒྱ་མཚོའི་རིན་པོ་ཆེ་གང་དག་ཡོད་པ་དེ་རྣམས་འདི་ལྟ་སྟེ། མ་ལུས་ཤིང་ལུས་པ་མེད་པའི་དེ་བཞིན་གཤེགས་པ་ཐམས་ཅད་ལ་མཆོད་པའི་ལས་བྱ་བའི་ཕྱིར། ཕྱོགས་བཅུའི་སངས་རྒྱས་དང་། བྱང་ཆུབ་སེམས་དཔའ་རིགས་
ལྔ་དང་བཅས་པར་བཞུགས་པ་ཐམས་ཅད་དང་། ཕྱག་རྒྱ་དང་། གསང་སྔགས་དང་། རིག་སྔགས་ཀྱི་ལྷའི་ཁྱད་པར་ཐམས་ཅད་ལ་དབུལ་བར་བགྱིའོ། །ཨོཾ་སརྦ་ཏ་ཐཱ་ག་ཏ་བོ་དྷྱཾ་ག་རཏྣ་ཨཱ་ལཾ་ཀ་ར་པཱུ་ཛ་མེ་གྷ་ས་མུ་དྲ་སྥ་ར་ཎ་ས་མ་ཡེ་ཧཱུཾ། བཞད་པའི་ཕྱག་རྒྱ་བཅིངས་ལ། གང་

62-1-53b

ཡང་འཇིག་རྟེན་གྱི་ཁམས་འདིའམ། གང་ཡང་ཕྱོགས་བཅུའི་འཇིག་རྟེན་གྱི་ཁམས་ཐམས་ཅད་ན། ལྷ་དང་མི་རྣམས་ཀྱི་དགོད་པ་དང་། སྒེག་པ་དང་། དགའ་བ་དང་། རྩེད་འཇོའི་བདེ་བའི་བྱེ་བྲག་གང་དག་ཡོད་པ་དེ་རྣམས། འདི་ལྟ་སྟེ་མ་ལུས་ཤིང་ལུས་པ་མེད་པའི་དེ་བཞིན་
གཤེགས་པ་ཐམས་ཅད་ལ་མཆོད་པའི་ལས་བྱ་བའི་ཕྱིར། ཕྱོགས་བཅུའི་སངས་རྒྱས་དང་། བྱང་ཆུབ་སེམས་དཔའ་རིགས་ལྔ་དང་བཅས་པར་བཞུགས་པ་ཐམས་ཅད་དང་། ཕྱག་རྒྱ་དང་། གསང་སྔགས་དང་། རིག་སྔགས་ཀྱི་ལྷའི་ཁྱད་པར་ཅན་ཐམས་ཅད་ལ་དབུལ་
བར་བགྱིའོ། །ཨོཾ་སརྦ་ཏ་ཐཱ་ག་ཏོ་ཧཱ་སྱ་ལཱ་སྱ་རཱ་ཏི་ཀྲཱི་ཌ་སཽ་ཁྱ་ཨ་ནུཏྟ་ར་པཱུ་ཛ་མེ་གྷ་ས་མུ་དྲ་སྥ་ར་ཎ་ས་མ་ཡེ་ཧཱུཾ། བཞད་པའི་ཕྱག་རྒྱ་དེ་ཉིད་རྡོ་རྗེ་ཐལ་མོ་བསྐོར་བ་འདི་སྤྱི་བོར་བཞག་ལ། ཡང་ཐལ་མོ་ཁོང་སྟོང་དུ་སྦྱར་བ་བཅིངས་ནས་འདི་སྐད་ཅེས་བརྗོད་པར་བྱ་སྟེ། གང་ཡང་འཇིག་
རྟེན་གྱི་ཁམས་འདིའམ། གང་ཡང་ཕྱོགས་བཅུའི་འཇིག་རྟེན་གྱི་ཁམས་ཐམས་ཅད་ན། དཔག་བསམ་གྱི་ཤིང་ངམ། གོས་ཀྱི་ཤིང་གང་དག་ཡོད་པ་དེ་རྣམས། འདི་ལྟ་སྟེ་མ་ལུས་ཤིང་ལུས་པ་མེད་པའི་དེ་བཞིན་གཤེགས་པ་ཐམས་ཅད་ལ་མཆོད་པའི་ལས་བྱ་བའི་
ཕྱིར་ཕྱོགས་བཅུའི་སངས་རྒྱས་དང་། བྱང་ཆུབ་སེམས་དཔའ་རིགས་ལྔ་དང་བཅས་པར་བཞུགས་པ་ཐམས་ཅད་དང་། ཕྱག་རྒྱ་དང་། གསང་སྔགས་དང་། རིག་སྔགས་ཀྱི་ལྷའི་ཁྱད་པར་ཅན་ཐམས་ཅད་ལ་དབུལ་བར་བགྱིའོ། །ཨོཾ་སརྦྦ་ཏ་ཐཱ་ག་ཏ་ཨ་ནུཏྟ་ར་བོ་དྷི་ཨཱ་ལཾ་ཀ་ར་
ཝསྟྲ་པཱུ་ཛ་མེ་གྷ་ས་མུ་དྲ་སྥ་ར་ཎ་ས་མ་ཡེ་ཧཱུཾ། བཅོམ་ལྡན་འདས་རྡོ་རྗེ་སེམས་དཔའི་ལས་ཀྱི་ཕྱག་རྒྱ་བཅིངས་ལ། སེམས་ཅན་ཐམས་ཅད་ཀྱི་འཁོར་བའི་སྡུག་བསྔལ་རྗེས་སུ་དྲན་པར་བྱས་ནས། སྙིང་རྗེའི་དབང་གིས་སེམས་ཅན་ཐམས་ཅད་བསྒྲལ་བའི་ཕྱིར། བྱང་ཆུབ་ཏུ་
སེམས་བསྐྱེད་པར་བྱའོ། །ཨོཾ་སརྦ་ཏ་ཐཱ་ག་ཏ་བཛྲ་བོ་དྷི་ཙིཏྟ་པཱུ་ཛ་མེ་གྷ་ས་མུ་དྲ་སྥ་ར་ཎ་ས་མ་ཡེ་ཧཱུཾ། ཞེས་བརྗོད་པར་བྱའོ། །སྒེག་མོའི་ཕྱག་རྒྱ་བཅིངས་ལ། སེམས་ཅན་ཐམས་ཅད་ཡོ་བྱད་ཐམས་ཅད་ཀྱིས་ཡང་དག་པར་འབྱོར་ཅིང་། ཕུན་སུམ་ཚོགས་པ་ཐམས་ཅད་འདོད་པ་

62-1-54a

ཙམ་གྱིས་རག་ལུས་པར་གྱུར་ཅིག །ཨོཾ་སརྦ་ཏ་ཐཱ་ག་ཏ་མ་ཧཱ་བཛྲོད་བྷ་བ་དཱ་ན་པཱ་ར་མི་ཏ་པཱུ་ཛ་མེ་གྷ་ས་མུ་དྲ་སྥ་ར་ཎ་ས་མ་ཡེ་ཧཱུཾ། ཞེས་བརྗོད་པར་བྱའོ། །རྡོ་རྗེ་ཕྲེང་བ་མའི་ཕྱག་རྒྱ་བཅིངས་ལ། སེམས་ཅན་ཐམས་ཅད་མི་དགེ་བའི་ལུས་དང་ངག་དང་ཡིད་ཀྱི་
ལས་ཀྱི་མཐའ་ཐམས་ཅད་དང་ཡང་དག་པར་བྲལ་བར་གྱུར་ཅིག །དགེ་བའི་ལུས་དང་ངག་དང་ཡིད་ཀྱི་ལས་ཀྱི་མཐའ་ཐམས་ཅད་དང་ཡང་དག་པར་ལྡན་པར་གྱུར་ཅིག །ཨོཾ་སརྦ་ཏ་ཐཱ་ག་ཏ་ཨ་ནུཏྟ་ར་མ་ཧཱ་བོ་དྷྱ་ཧཱ་ར་ཤཱི་ལ་པཱ་ར་མི་ཏ་པཱུ་ཛ་མེ་གྷ་ས་མུ་དྲ་སྥ་ར་ཎ་ས་མ་ཡེ་ཧཱུཾ། ཞེས་བརྗོད་
པར་བྱའོ། །གླུ་མའི་ཕྱག་རྒྱ་བཅིངས་ལ། སེམས་ཅན་ཐམས་ཅད་མཚན་དང་དཔེ་བྱད་ཀྱིས་ལུས་ལ་ཡང་དག་པར་བརྒྱན་པར་བྱས་པ་དང་། རྟག་ཏུ་ཕན་ཚུན་འཇིགས་པ་མེད་པ་དང་། ཞེ་འགྲས་པ་མེད་པར་བཞུགས་ཤིང་མིག་དང་ཡིད་མངོན་པར་དགའ་བ་དང་། ཆོས་
ཟབ་མོ་ལ་བཟོད་པ་དང་ལྡན་པར་གྱུར་ཅིག །ཨོཾ་སརྦ་ཏ་ཐཱ་ག་ཏ་ཨ་ནུཏྟ་ར་མ་ཧཱ་དྷརྨྨ་ཨ་བ་བོ་དྷི་ཀྵཱནྟི་པཱ་ར་མི་ཏ་པཱུ་ཛ་མེ་གྷ་ས་མུ་དྲ་སྥ་ར་ཎ་ས་མ་ཡེ་ཧཱུཾ། ཞེས་བརྗོད་པར་བྱའོ། །གར་མའི་ཕྱག་རྒྱ་བཅིངས་ལ། སེམས་ཅན་ཐམས་ཅད་བྱང་ཆུབ་སེམས་དཔའི་སྤྱོད་པ་ལ་མངོན་པར་
བརྩོན་པ་དང་ལྡན་པ་དང་། སངས་རྒྱས་ཉིད་དུ་ཡོངས་སུ་གཞོལ་ཞིང་འཁོར་བ་ཡོངས་སུ་མི་སྤོང་བའི་བརྩོན་འགྲུས་དང་ལྡན་པར་གྱུར་ཅིག །ཨོཾ་སརྦྦ་ཏ་ཐཱ་ག་ཏ་ས་ན་སཱ་ར་ཨ་པ་རི་ཏྱཾ་ག་ཨ་ནུཏྟ་ར་མ་ཧཱ་བཱིརྱ་པཱ་ར་མི་ཏ་པཱུ་ཛ་མེ་གྷ་ས་མུ་དྲ་སྥ་ར་ཎ་ས་མ་ཡེ་ཧཱུཾ། ཞེས་བརྗོད་པར་
བྱའོ། །མེ་ཏོག་གི་ཕྱག་རྒྱ་བཅིངས་ལ། སེམས་ཅན་ཐམས་ཅད་ཉོན་མོངས་པ་དང་། ཉེ་བའི་ཉོན་མོངས་པ་རྣམས་དང་བྲལ་བར་གྱུར་ཅིག །བསམ་གཏན་དང་རྣམ་པར་ཐར་པ་དང་། ཏིང་ངེ་འཛིན་དང་། སྙོམས་པར་འཇུག་པ་དང་། མངོན་པར་ཤེས་པ་རྣམས་དང་། རིག་
པ་ཐམས་ཅད་དབང་དུ་གྱུར་པ་ཕུན་སུམ་ཚོགས་པར་གྱུར་ཅིག །ཨོཾ་སརྦ་ཏ་ཐཱ་ག་ཏ་ཨ་ནུཏྟ་ར་མ་ཧཱ་སཽ་ཁྱ་བི་ཧཱ་ར་དྷྱཱ་ན་པཱ་ར་མི་ཏ་པཱུ་ཛ་མེ་གྷ་ས་མུ་དྲ་སྥ་ར་ཎ་ས་མ་ཡེ་ཧཱུཾ། ཞེས་བརྗོད་པར་བྱའོ། །བདུག་སྤོས་ཀྱི་ཕྱག་རྒྱ་བཅིངས་ལ། སེམས་ཅན་ཐམས་ཅད་འཇིག་རྟེན་དང་འཇིག་རྟེན་

62-1-54b

ལས་འདས་པའི་ཤེས་རབ་དང་། མངོན་པར་ཤེས་པ་རྣམས་དང་ཡང་དག་པར་ལྡན་པར་གྱུར་ཅིག །སོ་སོ་ཡང་དག་པར་རིག་པ་བཞི་ཐོབ་སྟེ། བཟོ་དང་བསྟན་བཅོས་ཐམས་ཅད་ཤེས་ཤིང་། སྒྱུ་རྩལ་དང་ལྡན་ལ་གསང་བའི་ཆོ་ག་ཤེས་པ་དང་དེ་ཁོ་ན་ཉིད་མཐོང་སྟེ། ཉོན་
མོངས་པ་དང་ཤེས་བྱའི་སྒྲིབ་པ་ཐམས་ཅད་དང་ཡང་དག་པར་གཅོད་པའི་ཡེ་ཤེས་ཐོབ་པར་གྱུར་ཅིག །ཨོཾ་སརྦ་ཏ་ཐཱ་ག་ཏ་ཨ་ནུཏྟ་ར་ཀླེ་ཤ་ཙྪེ་ད་སརྦ་དྷརྨྨ་ས་མནྟ་ཛྙཱ་ན་མ་ཧཱ་པྲཛྙཱ་པཱ་ར་མི་ཏ་པཱུ་ཛ་མེ་གྷ་ས་མུ་དྲ་སྥ་ར་ཎ་ས་མ་ཡེ་ཧཱུཾ། ཞེས་བརྗོད་པར་བྱའོ། །ལུས་ཀྱིས་བསྙེན་བསྐུར་བྱ་བའི་ཕྱིར། 
བདག་ཉིད་ཕྱོགས་བཅུའི་འཇིག་རྟེན་གྱི་ཁམས་མ་ལུས་པའི་དེ་བཞིན་གཤེགས་པ་ཐམས་ཅད་ཀྱི་ཞབས་དྲུང་དུ་ཕྱིན་པར་ལྷག་པར་མོས་པར་བྱས་ལ། ཨོཾ་སརྦ་ཏ་ཐཱ་ག་ཏ་ཀཱ་ཡ་ནིརྱཱ་ཏ་ན་པཱུ་ཛ་མེ་གྷ་ས་མུ་དྲ་སྥ་ར་ཎ་ས་མ་ཡེ་ཧཱུཾ། ཐམས་ཅད་དུ་ལྕེ་བརྒྱ་སྟོང་ཕྲག་སྙེད་ཀྱི་སྒོ་ནས། མཉམ་
ཉིད་མི་གཡོ་ཞེས་བྱ་བ་ལ་སོགས་པའི་བསྟོད་པའི་མཆོད་པས་ལྷག་པར་མོས་པར་བྱས་ལ། ཨོཾ་སརྦ་ཏ་ཐཱ་ག་ཏ་ཝཱཀ་ནིརྱཱ་ཏ་ན་པཱུ་ཛ་མེ་གྷ་ས་མུ་དྲ་སྥ་ར་ཎ་ས་མ་ཡེ་ཧཱུཾ། བྱང་ཆུབ་སེམས་དཔའ་ཐམས་ཅད་དང་བསམ་པ་གཅིག་པའི་སྦྱོར་བས་ཆོས་ཐམས་ཅད་མཉམ་པ་ཉིད་ལ་ལྷག་པར་མོས་
པར་བྱས་ལ། ཨོཾ་སརྦ་ཏ་ཐཱ་ག་ཏ་ཙིཏྟ་ནིརྱཱ་ཏ་ན་པཱུ་ཛ་མེ་གྷ་ས་མུ་དྲ་སྥ་ར་ཎ་ས་མ་ཡེ་ཧཱུཾ། ཆོས་ཐམས་ཅད་དངོས་པོ་མེད་པའི་ངོ་བོ་ཉིད་དང་། སྟོང་པ་ཉིད་ངང་། མཚན་མ་མེད་པ་དང་། སྨོན་པ་མེད་པའི་རྣམ་པར་ལྷག་པར་མོས་པར་བྱས་ལ། ཨོཾ་སརྦ་ཏ་ཐཱ་ག་ཏ་གུ་ཧྱ་པཱུ་ཛ་
མེ་གྷ་ས་མུ་དྲ་སྥ་ར་ཎ་ས་མ་ཡེ་ཧཱུ། ཞེས་བརྗོད་པར་བྱའོ། །དེ་ལྟར་མཆོད་པ་རྣམ་པ་ཉི་ཤུས་དེ་བཞིན་གཤེགས་པ་ཐམས་ཅད་ལ་ཡང་དག་པར་མཆོད་ལ། བདག་ཉིད་དབུལ་བར་བྱ་སྟེ། སངས་རྒྱས་དང་བྱང་ཆུབ་སེམས་དཔའ་ཐམས་ཅད་ལ་བདག་ཉིད་དབུལ་གྱིས། བདག་
དུས་ཐམས་ཅད་དང་རྣམ་པ་ཐམས་ཅད་དུ་སོ་སོར་བཞེས་སུ་གསོལ། ཐུགས་རྗེ་ཆེན་པོ་དང་ལྡན་པའི་མགོན་པོ་ཁྱེད་རྣམས་ཀྱིས། དམ་ཚིག་ཆེན་པོའི་དངོས་གྲུབ་བདག་ལ་སྩལ་དུ་གསོལ། ཞེས་བརྗོད་ལ། དགེ་བའི་རྩ་བ་དེ་ཡང་སེམས་ཅན་ཐམས་ཅད་དང་ཐུན་མོང་དུ་བྱས་

62-1-55a

ཏེ། དགེ་བའི་རྩ་བ་འདི་དག་གིས་བདག་དང་སེམས་ཅན་ཐམས་ཅད་འཇིག་རྟེན་དང་། འཇིག་རྟེན་ལས་འདས་པའི་རྒུད་པ་ཐམས་ཅད་དང་ཡང་དག་པར་བྲལ་བར་གྱུར་ཅིག །འཇིག་རྟེན་དང་འཇིག་རྟེན་ལས་འདས་པའི་ཕུན་སུམ་ཚོགས་པ་ཐམས་ཅད་དང་
ཡང་དག་པར་ལྡན་པའི་བདེ་བ་ཉིད་དང་། ཡིད་བདེ་བ་ཉིད་ཀྱིས་མིའི་མཆོག་སངས་རྒྱས་སུ་ཚེ་འདི་ཉིད་ལ་གྱུར་ཅིག །བདག་གི་དགེ་བའི་ལས་རྣམས་འདི་དག་གིས། །འཇིག་རྟེན་དུ་ནི་མྱུར་དུ་སངས་རྒྱས་ཤོག །འགྲོ་ལ་ཕན་ཕྱིར་ཆོས་རྣམས་སྟོན་བགྱིད་ཅིང་། །སེམས་ཅན་
སྡུག་བསྔལ་མང་པོས་གཟིར་ལས་སྒྲོལ། །བདེ་བར་གཤེགས་པ་སྔགས་ལ་མཁས་པ་ཡི། །ཆོས་རྒྱལ་རྟག་ཏུ་ལྷུན་གྱིས་གྲུབ་པ་ནི། །འགྲོ་བའི་ཚོགས་ཀྱིས་ཐོབ་པར་བྱ་བའི་ཕྱིར། །དེ་འདིར་བདག་ནི་མཁའ་འདྲར་གནས་པར་བགྱི། །ཞེས་བླ་ན་མེད་པ་ཡང་དག་པར་རྫོགས་
པའི་བྱང་ཆུབ་ཏུ་ཡོངས་སུ་བསྔོས་ལ་སྡོམ་པ་གཟུང་བར་བྱའོ། །ཇི་ལྟར་དུས་གསུམ་མགོན་པོ་རྣམས། །བྱང་ཆུབ་ཏུ་ནི་ངེས་མཛད་པ། །བྱང་ཆུབ་སེམས་ནི་བླ་མེད་པ། །དམ་པ་བདག་གིས་བསྐྱེད་པར་བགྱི། །སངས་རྒྱས་རྣལ་འབྱོར་སྡོམ་པ་ལ། །སྡོམ་པ་ཡི་ནི་ཚུལ་ཁྲིམས་དང་། །
དགེ་བའི་ཆོས་ནི་སྡུད་པ་དང་། །སེམས་ཅན་དོན་བྱེད་ཚུལ་ཁྲིམས་གསུམ། །བདག་གིས་བརྟན་པོར་གཟུང་བར་བགྱི། །སངས་རྒྱས་ཆོས་དང་དགེ་འདུན་ཏེ། །བླ་ན་མེད་པའི་དཀོན་མཆོག་གསུམ། །དེང་ནས་བརྩམས་ཏེ་གཟུང་བར་བགྱི། །རྡོ་རྗེ་རིག་མཆོག་ཆེན་པོ་ཡི། །རྡོ་རྗེ་དྲིལ་བུ་ཕྱག་
རྒྱ་ཡང་། །ཡང་དག་ཉིད་དུ་གཟུང་བར་བགྱི། །སློབ་དཔོན་དག་ཀྱང་གཟུང་བར་བགྱི། །རིན་ཆེན་རིག་མཆོག་ཆེན་པོ་ཡི། །དམ་ཚིག་ཡིད་དུ་འོང་བ་ལ། །ཉིན་རེ་བཞིན་དུ་དུས་དྲུག་ཏུ། །སྦྱིན་པ་རྣམ་བཞི་རབ་ཏུ་སྦྱིན། །བྱང་ཆུབ་ཆེན་པོ་ལས་བྱུང་བའི། །པདྨའི་རིགས་ཆེན་དག་པ་ལ། །
ཕྱི་དང་གསང་བ་ཐེག་པ་གསུམ། །དམ་པའི་ཆོས་ནི་གཟུང་བར་བགྱི། །ལས་ཀྱི་རིགས་མཆོག་ཆེན་པོ་ལ། །སྡོམ་པ་ཐམས་ཅད་ལྡན་པར་ནི། །ཡང་དག་ཉིད་དུ་གཟུང་བར་བགྱི། །མཆོད་པའི་ལས་ཀྱང་ཅི་ནུས་བགྱི། །བྱང་ཆུབ་སེམས་ནི་བླ་མེད་པ། །དམ་པ་བདག་གིས་

62-1-55b

བསྐྱེད་བགྱིས་ནས། །སེམས་ཅན་ཀུན་གྱི་དོན་གྱི་ཕྱིར། །བདག་གིས་སྡོམ་པ་མ་ལུས་གཟུང་། །མ་གྲོལ་བ་ནི་དགྲོལ་བར་བགྱི། །མ་རྒལ་བ་ནི་བསྒྲལ་བར་བགྱི། །དབུགས་མ་ཕྱིན་པ་དབུགས་དབྱུང་ཞིང་། །སེམས་ཅན་མྱ་ངན་འདས་ལ་དགོད། །དེ་ནས་གཟུགས་བརྙན་ལ་
སོགས་པའི་སྦྱོར་བས་ཕྱག་རྒྱ་བཅིང་བ་ནི། ཇི་སྲིད་འཚོའི་བར་དུ་འདའ་བར་མི་མཛད་དོ་ཞེས་ངེས་པ་བསྐྱེད་ནས་ལས་སྟོན་པར་བྱེད་པའི་སྔགས་ཀྱི་ལས་གང་ཡིན་པ་སྟེ་ངེས་པ་ཉིད་དུ་སྒྲུབ་པར་བྱེད་དོ། །ཕྱག་རྒྱ་དང་སྔགས་ཐམས་ཅད་བརྗོད་པར་འདོད་པའི་སེམས་དང་ལྡན་
པས། མངོན་སུམ་དང་འདྲ་བར་རང་གི་ཕྱག་རྒྱ་དང་། ལྷའི་ང་རྒྱལ་འཆང་བས་ཕྱག་རྒྱ་ཐམས་ཅད་བཅིང་བ་དང་། ཆོ་ག་ཐམས་ཅད་ནན་ཏན་དུ་བྱའོ། །ཨ་ནྱོ་ནྱ་ཨ་ནུ་ག་ཏཱཿསརྦྦ་དྷརྨྨཱཿཞེས་བྱ་བས་ཐལ་མོ་ཁ་སྦྱོར་བཅིང་བར་བྱའོ། །སྥ་ར་སྥ་ར་ཨ་ནུ་ག་ཏ་སརྦྦ་དྷརྨྨཱཿབཛྲ་ཨཉྫ་ལི་ཞེས་བྱ་
བས་རྡོ་རྗེ་ཐལ་མོ་བཅིང་བར་བྱའོ། །ཨ་ཏྱནྟ་ཨ་ནུ་པྲ་བིཥྚཱཿསརྦྦ་དྷརྨྨཱཿབཛྲ་བནྡྷ་ཞེས་བརྗོད་དེ་རྡོ་རྗེ་བསྡམས་པ་བཅིང་བར་བྱའོ། །བཛྲ་བནྡྷ་ཏྲཊ་ཞེས་བྱ་བས། རྡོ་རྗེ་བསྡམས་པ་སྙིང་གར་དྲལ་བར་བྱའོ། །བཛྲ་ཨཱ་བེ་ཤ་ཞེས་བྱ་བས་རྡོ་རྗེ་དབབ་པའི་དམ་ཚིག་གི་ཕྱག་རྒྱ་བཅིངས་ནས། 
ཡི་གེ་ཨཿས་བདག་ཉིད་ལ་དབབ་པར་བྱའོ། །དེ་ཡང་ཏིཥྛ་བཛྲ་དྲྀ་ཌྷོ་མེ་བྷ་ཝ་ཤཱ་ཤྭ་ཏོ་མེ་བྷ་བ། ཧྲྀ་ད་ཡཾ་མེ། ཨ་དྷི་ཏིཥྛ་སརྦ་སིདྡྷི་མྨེ་པྲ་ཡཙྪ་ཧཱུཾ་ཧ་ཧ་ཧ་ཧ་ཧོཿཞེས་བྱ་བ་འདིས་བརྟན་པར་བྱའོ། །བཛྲ་མུཥྚི་ཞེས་བྱ་བས་རྡོ་རྗེ་ཁུ་ཚུར་གྱི་དམ་ཚིག་གི་ཕྱག་རྒྱ་བཅིངས་ལ། ཨོཾ་བཛྲ་མུཥྚི་བཾ་ཞེས་
བརྗོད་པར་བྱའོ། །དེ་ནས་རང་གི་སྙིང་གར་ཚུད་པའི་རྡོ་རྗེའི་ལྟེ་བར་བཛྲ་སཏྭ་ཞེས་བྱ་བ་རྣམ་པར་བསམས་ལ། དེ་ཉིད་ཡིད་ཀྱིས་བརྗོད་ཅིང་ཆོས་ཐམས་ཅད་བདག་མེད་པར་བསྒོམ་པར་བྱའོ། །དེ་ནས་སྙིང་པོ་དེ་ཉིད་དང་དབྱངས་ཀྱི་ཡི་གེ་བཅུ་དྲུག་དང་བཅས་པ་ལས། རང་གི་སེམས་
ཟླ་བའི་དཀྱིལ་འཁོར་གྱི་རྣམ་པ་དང་། དེའི་སྟེང་དུ་སྙིང་པོ་དེ་ཉིད་དང་ཡི་གེ་ཀ་ལ་སོགས་པ་སྐར་མའི་རྣམ་པ་ལྟ་བུ་ཡོངས་སུ་གྱུར་པ་ལས་ཟླ་བའི་དཀྱིལ་འཁོར་གཉིས་པ་དང་། ཡང་དེའི་སྙིང་པོ་དང་བཅས་པ་ཡོངས་སུ་གྱུར་པ་ལས་དང་པོའི་རྡོ་རྗེ་དང་། དེའི་དབུས་སུ་སྙིང་པོ་རྣམ་

62-1-56a

པར་བསམས་ལ། བཛྲོ་ཧཾ་ཞེས་བསྒོམ་པར་བྱའོ། །རྡོ་རྗེ་དེ་ལས་དེ་བཞིན་གཤེགས་པའི་རིགས་སུ་སྤྲུལ་ལ། དེས་སེམས་ཅན་གྱི་དོན་བྱས་ནས་བསྡུ་བའི་སྦྱོར་བས་དེ་ལ་གཞུག་པར་བྱའོ། །དེ་ནས་བཛྲ་སཏྭ་ཧཾ་ཞེས་བརྗོད་ཅིང་། སེམས་དཔར་བྱིན་གྱིས་
བརླབ་པའི་སྦྱོར་བས། བདག་ཉིད་རྡོ་རྗེ་སེམས་དཔར་ལྷག་པར་མོས་པར་བྱས་ནས། བསྙེམས་པ་དང་བཅས་པས་རྡོ་རྗེ་བསོར་ཞིང་ཡང་བཛྲ་སཏྭ་ཧཾ་ཞེས་བརྗོད་པར་བྱའོ། །དེ་ཡང་ཐོག་མ་དང་ཐ་མ་མེད་པ་ཆོས་ཀྱི་དབྱིངས་ཀྱི་རྒྱུ་མཐུན་པར་རྣམ་པར་བསྒོམས་ལ། མ་ཧཱ་ས་མ་ཡ་སཏྭ་ཧཾ་
ཞེས་བརྗོད་པར་བྱའོ། །དེ་ལ་སེམས་དཔར་བྱིན་གྱིས་བརླབ་པའི་སྦྱོར་བ་ནི། ཀུན་བདག་སེམས་དཔའ་བདག་ཉིད་གྲགས། །བདག་ཉིད་ཀྱང་ནི་བདག་ལ་གནས། །ཞེས་བྱིན་གྱིས་བརླབས་ནས། བཛྲ་སཏྭ་ཧཾ་ཞེས་བྱ་བའི་ང་རྒྱལ་དུ་བསྒོམས་ནས། གྲུབ་པར་འགྱུར་རོ་ཞེས་བྱ་བ་
འདི། བཅོམ་ལྡན་འདས་རྡོ་རྗེ་འཆང་གིས་གསུངས་སོ། །དེ་ནས་རྡོ་རྗེ་སེམས་དཔའི་དམ་ཚིག་གི་ཕྱག་རྒྱ་བཅིངས་ནས། ས་མ་ཡ་ཧཾ་ཞེས་བརྗོད་པར་བྱའོ། །དེ་ཉིད་དང་ས་མ་ཡ་སཏྭ་ཨ་དྷི་ཏིཥྛ་སྭ་མཱཾ་ཞེས་བྱ་བས་སྙིང་ག་དང་། མཛོད་སྤུ་དང་། ལྐོག་མ་དང་། སྤྱི་བོ་བྱིན་གྱིས་
བརླབ་པར་བྱའོ། །དེ་ནས་རྡོ་རྗེ་སེམས་དཔའི་ཕྱག་རྒྱ་ཆེན་པོ་བཅིངས་ནས། བཛྲ་སཏྭ་ཨཿཞེས་བརྗོད་དེ། མདུན་གྱི་ནམ་མཁའི་ཕྱོགས་སུ་ཕྱག་རྒྱ་དང་། བཛྲ་ཨཾ་ཀུ་ཤ་ཛཿ། བཛྲ་པཱ་ཤ་ཧཱུཾ། བཛྲ་སྥོ་ཊ་བཾ། བཛྲ་ཨཱ་བེ་ཤ་ཨཿ། ཞེས་བྱ་བའི་སྙིང་པོ་དེ་རྣམས་ཀྱིས། དགུག་པ་
དང་། གཞུག་པ་དང་། བཅིང་བ་དང་། དབང་དུ་བྱའོ། །དེ་ནས་དེ་དག་གི་ལས་ཀྱི་ཕྱག་རྒྱ་ནི། མཛུབ་མོ་ལྕགས་ཀྱུ་བཅིང་བ་ནི། །མཐེའུ་ཆུང་ལས་ཏེ་ལྕགས་ཀྱུ་ཆེ། །མཁྲིག་མ་མདུད་པ་མཛུབ་གཉིས་གདུབ། །རྒྱབ་གཉིས་ཀྱང་ནི་མཉམ་དུ་མནན། །ཞེས་བྱ་བ་ཡིན་ནོ། །དེ་
ནས་བཛྲ་དྲྀཥྚི་ཞེས་བྱ་བ་མིག་གཉིས་སུ་བཀོད་ལ། བཅོམ་ལྡན་འདས་ཀྱི་དམ་ཚིག་གི་ཕྱག་རྒྱ་བཅིངས་ནས། བཛྲ་སཏྭ་དྲྀ་ཤྱ་ཞེས་བརྗོད་དེ། ཡེ་ཤེས་སེམས་དཔའ་དེ་མཐོང་ནས། །རང་གི་ལུས་ལ་རབ་ཏུ་བསྒོམས། །ཛཿཧཱུྃ་བཾ་ཧོཿཞེས་བརྗོད་དེ། །བཀུག་ཅིང་བཅུག་ལ་བཅིང་

62-1-56b

བ་དང་། །དབང་དུ་བྱས་ལ་བསྒྲུབ་པར་བྱ། །ས་མ་ཡ་སྟྭཾ་ཞེས་བརྗོད་པས། །རྒྱབ་ཏུ་ཟླ་བ་བསྒྲུབས་ནས་ནི། །ས་མ་ཡ་སྟྭཾ་ཧཾ་བརྗོད། །བཅོམ་ལྡན་འདས་བཅུག་ནས་ས་མ་ཡ་སྟྭཾ་ཨ་ཧཾ་བཛྲ་སཏྭ་ཞེས་བྱ་བ་ལན་གསུམ་བརྗོད་ཅིང་། བདག་ཉིད་དང་གཅིག་ཏུ་གྱུར་པར་བསམ་པར་བྱ་སྟེ། 
བཞད་པ་དང་བཅས་པ་ཟླ་བའི་མདོག་དང་། ཟླ་བའི་འོད་ཅན་སངས་རྒྱས་ལྔའི་ཅོད་པན་ཅན། རྡོ་རྗེ་དྲིལ་བུ་བསྣམས་པ། སེམས་དཔའི་སྐྱིལ་མོ་ཀྲུང་གིས་བཞུགས་པ། རབ་ཏུ་དགྱེས་པས་སྤྱན་གདངས་པ། ཕྱག་རྒྱ་ཆེན་པོའི་ཚུལ་དུ་བཞུགས་པའོ། །དེ་ནས་ཆོས་
དང་ལས་དང་ཕྱག་རྒྱ་ཆེན་པོས་རྒྱས་བཏབ་པ་བསྡུ་བའི་ཕྱག་རྒྱ་བཅིངས་ནས་ཛཿཧཱུྃ་བཾ་ཧོཿཞེས་བརྗོད་དེ། ཡིད་ཀྱི་ལེགས་པའི་སྦྱོར་བས་རང་གི་ལུས་ལ། དེ་བཞིན་གཤེགས་པ་ཐམས་ཅད་རབ་ཏུ་བཅུག་ཅིང་། དམ་ཚིག་གི་ཕྱག་རྒྱ་དག་གིས་རབ་ཏུ་བསྒྲུབས་ལ། ཆོས་དང་ལས་དང་
ཕྱག་རྒྱ་ཆེན་པོ་དག་གིས་རྒྱས་གདབ་པར་བྱའོ། །སྦྱོར་བ་འདིས་རྣམ་པར་སྣང་མཛད་ལ་སོགས་པའི་རང་གི་དམ་ཚིག་གི་ཕྱག་རྒྱ་བཅིངས་ནས། བཛྲ་དྷཱ་ཏུ་དྲྀ་ཤྱ་ཛཿཧཱུྃ་བཾ་ཧོཿས་མ་ཡ་སྟྭཾ་ས་མ་ཡ་སྟྭཾ་ཨ་ཧཾ་ཞེས་བརྗོད་དོ། །སྤྱིའི་སྙིང་པོ་རྣམ་པར་སྣང་མཛད་ལ་སོགས་པ་དེ་བཞིན་
གཤེགས་པ་ཐམས་ཅད་ཀྱི་སྤྱིའི་སྙིང་པོ་བཛྲ་དྷཱ་ཏུ་ཞེས་བྱ་བ་དང་། རང་གིས་ལན་གསུམ་གྱི་བར་དུ་བརྗོད་པར་བྱའོ། །ཨོཾ་སརྦྦ་ཏ་ཐཱ་ག་ཏ་མཧཱ་ཡོ་གཱི་ཤྭ་རི་ཧཱུྃ་ཞེས་བྱ་བ་ནི་རྣམ་པར་སྣང་མཛད་ཀྱི་རང་གི་སྔགས་སོ། །ཨོཾ་བཛྲ་སཏྭ་ཧཱུྃ་ཞེས་བྱ་བ་ནི་མི་བསྐྱོད་པའིའོ། །ཨོཾ་བཛྲ་རཏྣ་ཧཱུྃ་ཞེས་བྱ་བ་ནི་
རིན་ཆེན་འབྱུང་ལྡན་གྱིའོ། །ཨོཾ་བཛྲ་དྷརྨ་ཧཱུྃ་ཞེས་བྱ་བ་ནི་འོད་དཔག་ཏུ་མེད་པའིའོ། །ཨོཾ་བཛྲ་ཀརྨྨ་ཧཱུྃ་ཞེས་བྱ་བ་ནི་དོན་ཡོད་གྲུབ་པའིའོ། །དེ་ནས་རྣམ་པར་སྣང་མཛད་ལ་སོགས་པའི་དམ་ཚིག་གི་ཕྱག་རྒྱ་ལ་སོགས་པ་དང་སྔགས་བརྗོད་པར་བྱ་སྟེ། ཐལ་མོ་དམ་དུ་བསྡམས་པ་ལས། །
སོར་མོ་ཐམས་ཅད་བསྣོལ་བ་ནི། །རྡོ་རྗེ་ཐལ་མོ་བཀའ་སྩལ་ཏེ། །རབ་ཏུ་བསྡམས་ཕྱིར་རྡོ་རྗེ་བསྡམས། །དམ་ཚིག་ཕྱག་རྒྱ་ཐམས་ཅད་ནི། །རྡོ་རྗེ་བསྡམས་ལས་བྱུང་བས་ན། །དེ་དག་བསྡམས་པ་རྡོ་རྗེ་ཡི། །བསྡམས་པ་བླ་མེད་བཤད་པར་བྱ། །རྡོ་རྗེ་བསྡམས་པ་དམ་བྱས་ལ། །

62-1-57a

གུང་མོ་མྱུ་གུ་ལྟར་མཉམ་བསྒྲེང་། །གུང་མོ་ནང་དུ་གཤིབས་པ་ནི། །སངས་རྒྱས་གཉིས་པ་ཡིན་པར་བཤད། །གུང་མོ་རིན་ཆེན་འདྲ་བ་དང་། །གུང་མོ་པདྨ་འདྲ་བར་དགུག །སངས་རྒྱས་ལྔ་པའི་ཕྱག་རྒྱ་ནི། །དེ་བཞིན་མཛུབ་མོ་བཀུག་པའོ། །ཟླ་བ་
ལྟ་བུ་ལག་གཉིས་ཀྱིས། །གུང་མོ་བཏང་བར་གྱུར་པ་དང་། །མཐེ་བོང་མཐེའུ་ཆུང་སོ་སོར་བསྒྲེངས། །སེམས་དཔའི་རྡོ་རྗེ་བསྒྲེང་རྡོ་རྗེ། །དམ་ཚིག་གི་ཕྱག་རྒྱ་ཐམས་ཅད་ཀྱང་། རང་གི་སྙིང་གར་རྡོ་རྗེ་རྣམ་པར་བསམས་ལ་སྦྱར་བར་བྱའོ། །དེ་ནས་རང་གི་ལྕེ་ལ་སྔ་མ་
བཞིན་དུ་རྡོ་རྗེའི་རྣམ་པར་བསམས་ནས། དེ་བཞིན་གཤེགས་པ་ཐམས་ཅད་ཀྱི་ལྗགས་ལ། བཛྲ་ཛྙཱ་ན་ཞེས་བྱ་བ་དང་། རང་གི་ལྕེ་ལ་ས་མ་ཡ་སྟྭཾ་ཞེས་བྱ་བའི་ཆོས་ཀྱི་ཕྱག་རྒྱ་བསམ་པར་བྱའོ། །ཡི་གེ་ཨཿལས་རང་གི་སྙིང་གར་སྣ་ཚོགས་རྡོ་རྗེ་བསམས་ལ། ལས་ཀྱི་ཕྱག་རྒྱ་
བཅིངས་ན། ལས་ཀྱི་ཕྱག་རྒྱ་བཅིང་བར་འགྱུར་རོ། །རྡོ་རྗེ་ཁུ་ཚུར་གཉིས་བཅིངས་ཏེ། །མཉམ་པར་གཞག་པས་གཉིས་སུ་བྱ། །རྡོ་རྗེ་ཕྱག་རྒྱ་གཉིས་བཅིངས་ཏེ། །དེ་ནས་བཅིང་བ་རབ་ཏུ་བཤད། །གཡོན་པའི་རྡོ་རྗེ་མཛུབ་མོ་ནི། །གཡས་པའི་ནང་དུ་
བསྒྲེང་བར་བྱ། །ཕྱག་རྒྱ་བྱང་ཆུབ་མཆོག་ཡིན་ཏེ། །སངས་རྒྱས་བྱང་ཆུབ་སྦྱིན་བྱེད་པའོ། །རྣམ་པར་སྣང་མཛད་ཀྱིའོ། །གཡོན་པའི་རྡོ་རྗེ་ཁུ་ཚུར་ཆོས་གོས་ཀྱི་མཐའ་མ་འཛིན་པའི་སྦྱོར་བས་ཉིད་ཀྱི་ཐུགས་ཀར་འཇོག་ཅིང་། གཡས་པས་ས་གནོན་པའི་
སྦྱོར་བ་འདི་ནི་མི་བསྐྱོད་པའིའོ། །དེ་ཉིད་ལས་ཕྱག་གཡས་པ་མཆོག་སྦྱིན་པའི་ཚུལ་དུ་འཇོག་པ་འདི་ནི་རིན་ཆེན་འབྱུང་ལྡན་གྱིའོ། །ཏིང་ངེ་འཛིན་མཆོག་ནི་འོད་དཔག་ཏུ་མེད་པའིའོ། །མི་བསྐྱོད་པའི་ཕྱག་རྒྱ་ཉིད་ལས། ཕྱག་གཡས་པ་མི་འཇིགས་པ་སྦྱིན་པའི་
ཚུལ་དུ་འཇོག་པ་འདི་ནི། དོན་ཡོད་གྲུབ་པའིའོ། །བསྒྱིངས་བཅས་གསོར་བ་གཉིས་ཀ་ཡིས། །ཞེས་བྱ་བ་ནི་རྡོ་རྗེ་སེམས་དཔའིའོ། །རང་གི་སྙིང་གར་སེམས་དཔའི་རྡོ་རྗེ་རྣམ་པར་བསམས་ལ། ཕྱག་རྒྱ་ཆེན་པོ་བཅིང་བར་བྱའོ། །ཇི་སྐད་དུ་བཤད་པའི་བྱང་

62-1-57b

ཆུབ་སེམས་མཆོག་ནི་རྣམ་པར་སྣང་མཛད་ཀྱི་ཕྱག་རྒྱ་ཆེན་པོའོ། །མི་བསྐྱོད་པའི་ནི་ཕྱག་གཡོན་པ་བརླ་ལ་བཀན་ཏེ། ཏིང་ངེ་འཛིན་གྱི་སྦྱོར་བ་དང་། གཡས་པས་ས་གནོན་པར་བྱེད་པའོ། །རིན་ཆེན་འབྱུང་ལྡན་གྱི་ནི་དེ་ཉིད་ལས་ཕྱག་གཡས་པ་མཆོག་སྦྱིན་ལ་
མངོན་དུ་ཕྱོགས་པའོ། །འོད་དཔག་ཏུ་མེད་པའི་ནི་ཏིང་ངེ་འཛིན་ནོ། །མི་བསྐྱོད་པའི་ཕྱག་རྒྱ་དེ་ཉིད་ལས་ཕྱག་གཡས་པ་མི་འཇིགས་པ་སྦྱིན་པའི་ཚུལ་དུ་འཛིན་པ་འདི་ནི་དོན་ཡོད་གྲུབ་པའི་ཕྱག་རྒྱ་ཆེན་པོའོ། །རྣམ་པར་སྣང་མཛད་དང་མི་བསྐྱོད་པ་དག་ནི་དེ་བཞིན་
གཤེགས་པའི་རྡོ་རྗེ་བསྣམས་པའོ། །ལྷག་མ་རྣམས་ནི་རྡོ་རྗེ་རིན་པོ་ཆེ་དང་། རྡོ་རྗེ་པདྨ་དང་། སྣ་ཚོགས་རྡོ་རྗེ་བསྣམས་པའོ། །རྡོ་རྗེ་སེམས་དཔའ་ནི་གཡོན་པའི་རྡོ་རྗེ་ཁུ་ཚུར་རྡོ་རྗེ་དྲིལ་བུ་དང་བཅས་པས་བསྒྱིངས་པ། ཕྱག་གཡས་པས་དང་པོའི་རྡོ་རྗེ་བསོར་
ཞིང་རང་གི་སྙིང་གར་བསྟོད་པའི་ཚུལ་གྱིས་བསྣམས་པའོ། །དེ་ནས་དེ་བཞིན་དུ་སེམས་མ་རྡོ་རྗེ་མ་ལ་སོགས་པ་བཅིངས་ནས། བདག་ཉིད་ཀྱི་གནས་བཞིར་བྱིན་གྱིས་བརླབ་པར་བྱ་སྟེ། རང་གི་སྙིང་གར་སཏྭ་བཛྲི་ཨ་དྷི་ཏིཥྛ་སྭ་མཱཾ་ཞེས་བྱ་བ་དང་། རིན་ཆེན་རྡོ་རྗེ་མ་བཅིངས་
ལ། དཔྲལ་བའི་ཕྱོགས་སུ་རཏྣ་བཛྲི་ཨ་དྷི་ཏིཥྛ་སྭ་མཱཾ་ཞེས་བྱ་བ་དང་། ཆོས་ཀྱི་རྡོ་རྗེ་མ་བཅིངས་ལ་ལྐོག་མའི་ཕྱོགས་སུ་དྷརྨྨ་བཛྲི་ཨ་དྷི་ཏིཥྛ་སྭ་མཱཾ་ཞེས་བྱ་བ་དང་། ལས་ཀྱི་རྡོ་རྗེ་མ་བཅིངས་ལ་སྤྱི་བོར་ཀརྨྨ་བཛྲི་ཨ་དྷི་ཏིཥྛ་སྭ་མཱཾ་ཞེས་བྱ་བས་བྱིན་གྱིས་བརླབ་པར་བྱའོ། །དེ་ནས་
ཨོཾ་བཛྲ་སཏྭ་ས་མ་ཡ། མ་ནུ་པཱ་ལ་ཡ། བཛྲ་སཏྭ་ཏྭེ་ནོ་པ། ཏིཥྛ་དྲྀ་ཌྷོ་མེ་བྷ་བ། སུ་ཏོ་ཥྱོ་མེ་བྷ་བ། ཨ་ནུ་རཀྟོ་མེ་བྷ་བ། སུ་པོ་ཥྱོ་མེ་བྷ་བ། སརྦྦ་སིདྡྷི་མྨེ་པྲ་ཡཙྪ་སརྦ་ཀརྨྨ་སུ་ཙ་མེ། ཙིཏྟཾ་ཤྲེ་ཡཿཀུ་རུ་ཧཱུཾ། ཧ་ཧ་ཧ་ཧ་ཧོཿ བྷ་ག་བཱན་སརྦ་ཏ་ཐཱ་ག་ཏ་བཛྲ་མཱ་མེ་མུ་ཉྩ་བཛྲཱི་བྷ་བ་མ་ཧཱ་
ས་མ་ཡ་སཏྭ་ཨཿཞེས་པའི་ཡི་གེ་བརྒྱ་པ་འདི་ལན་གསུམ་བཟླས་པས་བརྟན་པར་བྱས་ལ། ཕྱག་འཚལ་བའི་ཐལ་མོས་བཅོམ་ལྡན་འདས་ལ་ཕྱག་འཚལ་བར་བྱའོ། །དེ་ནས་དབང་བསྐུར་བ་བླང་བར་བྱ་སྟེ། རྡོ་རྗེ་དབྱིངས་ཀྱི་དབང་ཕྱུག་མ་བཅིངས་ལ། སྤྱི་གཙུག་ཏུ་ཡི་གེ་

62-1-58a

ཨཱ་ལས་རྣམ་པར་སྣང་མཛད་སྐུ་མདོག་དཀར་པོ་བྱང་ཆུབ་མཆོག་གི་ཕྱག་རྒྱས་བཞུགས་པ་བསྐྱེད་ལ། ཨོཾ་བཛྲ་དྷཱ་ཏྭཱི་ཤྭ་རི་ཧཱུྃ་བཛྲི་ཎི་ཧཱུྃ་ཨ་བྷི་ཥིཉྩ་མཱཾ་ཞེས་བྱ་བ་དང་། མི་བསྐྱོད་པའི་ཕྱག་རྒྱ་བཅིངས་ལ། དཔྲལ་བའི་དབུས་སུ་ཡི་གེ་ཧཱུྃ་ལས་མི་བསྐྱོད་པ་སྐུ་
མདོག་སྔོན་པོ་ས་གནོན་པའི་ཕྱག་རྒྱས་བཞུགས་པ་དང་། ཨོཾ་བཛྲ་བཛྲི་ཎི་ཧཱུྃ་ཨ་བྷི་ཥིཉྩ་མཱཾ་ཞེས་བྱ་བ་དང་། རིན་ཆེན་འབྱུང་ལྡན་གྱི་ཕྱག་རྒྱ་བཅིངས་ལ། རྣ་བ་གཡས་པའི་སྟེང་དུ་ཡི་གེ་ཏྲཱཾ་ལས་རིན་ཆེན་འབྱུང་ལྡན་གསེར་བཙོ་མའི་མདོག་ཅན། མཆོག་སྦྱིན་པའི་ཕྱག་རྒྱས་
བཞུགས་པ་དང་། ཨོཾ་རཏྣ་བཛྲི་ཎི་ཧཱུྃ་ཨ་བྷི་ཥིཉྩ་མཱཾ་ཞེས་བྱེ་བ་དང་། འོད་དཔག་ཏུ་མེད་པའི་ཕྱག་རྒྱ་བཅིངས་ལ། མགོ་བོའི་རྒྱབ་ཏུ་ཡི་གེ་ཧྲཱིཿལས་འོད་དཔག་ཏུ་མེད་པ་སྐུ་མདོག་དམར་པོ་ཏིང་ངེ་འཛིན་མཆོག་གི་ཕྱག་རྒྱས་བཞུགས་པ་དང་། ཨོཾ་དྷརྨྨ་བཛྲི་ཎི་ཧཱུྃ་ཨ་བྷི་ཥིཉྩ་མཱཾ་
ཞེས་བྱ་བ་དང་། དོན་ཡོད་གྲུབ་པའི་ཕྱག་རྒྱ་བཅིངས་ལ། རྣ་བ་གཡོན་པའི་སྟེང་དུ་ཡི་གེ་ཨ་ལས་དོན་ཡོད་གྲུབ་པ་སྐུ་མདོག་ལྗང་གུ་མི་འཇིགས་པ་སྦྱིན་པའི་ཕྱག་རྒྱས་བཞུགས་པ་བསྐྱེད། ཨོཾ་ཀརྨྨ་བཛྲི་ཎི་ཧཱུྃ་ཨ་བྷི་ཥིཉྩ་མཱཾ་ཞེས་བྱ་བ་བརྗོད་པར་བྱའོ། །རྡོ་རྗེ་ཐལ་མོ་བཅིངས་པ་
ལས། །མཐེ་བོ་གཉིས་ནི་བསྣོལ་བྱས་ལ། །མཛུབ་མོའི་རྩེ་མོ་བཀུག་ནས་ནི། །གུང་མོ་མཉམ་པའི་ཚིགས་སུ་སྦྱར། །རྡོ་རྗེ་དབྱིངས་ཀྱི་དབང་མོར་བཤད། །དེ་ཉིད་ལས་དབུས་མ་རྡོ་རྗེར་བྱས་པ་དང་། གུང་མོ་གཉིས་བཀུག་སྟེ་རིན་པོ་ཆེ་འདྲ་བར་བྱས་པ་དང་། གུང་མོ་དང་
སྲིན་ལག་དང་མཐེའུ་ཆུང་པདྨ་འདྲ་བར་བྱས་པ་དང་། སོར་མོ་བརྐྱང་བའོ། །དེའི་རྗེས་ལ་ཨོཾ་ཊུཾ་ཞེས་བྱ་བ་ཕྱག་རྒྱ་དང་བཅས་པ་འདིས་གོ་ཆ་བཅིང་བར་བྱ་བ་ནི། རྡོ་རྗེ་ཁུ་ཚུར་གཉིས་སྙིང་གར་མདུད་པ་བཅིང་བའི་ཚུལ་དུ་བྱ་ཞིང་། དེ་བཞིན་དུ་མགྲིན་པ་དང་ལྟག་པ་དང་། ཡང་སྙིང་ག་དང་
ནུ་མའི་བར་དང་ཡང་སྙིང་ག་དང་མགྲིན་པ་དང་རྒྱབ་དང་། དཔྲལ་བའི་ཕྱོགས་སུ་མདུད་པ་བཅིང་བའི་ཚུལ་དུ་བྱས་ལ། མགོ་བོ་ལ་ཕྲེང་བ་བཅིང་བའི་ཚུལ་དུ་བྱས་ཏེ། སྒེག་པ་དང་བཅས་པས་མཐའ་མ་ལ་སོགས་པའི་སོར་མོ་ཐམས་ཅད་བཀྲོལ་ཏེ། མཐར་མཉམ་པའི་ཐལ་མོ་དང་བཛྲ་ཏུ་ཥྱེ་ཧོཿཞེས་བྱ་

62-1-58b

བས་མཉེས་པར་བྱའོ། །དེ་ནས་ལག་པ་གཡས་པས་དང་པོའི་རྡོ་རྗེ་དང་ལག་པ་གཡོན་པས་དང་པོའི་རྡོ་རྗེ་དང་བཅས་པའི་དྲིལ་བུ་བླངས་ཏེ། སངས་རྒྱས་རྣམས་ཀྱི་རྡོ་རྗེའི་དབང་། །དེ་རིང་ཁྱོད་ལ་བསྐུར་བར་བྱ། །སངས་རྒྱས་ཀུན་དུ་རབ་གྲུབ་ཕྱིར། །རྡོ་རྗེ་འདི་
ནི་ཁྱོད་ཀྱིས་ལོང་། །ཨོཾ་བཛྲ་ཨ་དྷི་པ་ཏི་ཏྭཾ་ཨ་བྷི་ཥིཉྩ་མི་ཏིཥྛ་བཛྲ་ས་མ་ཡ་སྟྭཾ་ཞེས་བྱ་བ་འདིས་རྡོ་རྗེའི་དབང་བསྐུར་བ་དང་། བདག་པོའི་དབང་བསྐུར་བ་བླང་བར་བྱའོ། །དེ་ནས་རྡོ་རྗེ་དང་དྲིལ་བུ་རང་གི་མགོར་བཞག་ལ། ཨོཾ་བཛྲ་སཏྭ་ཏྭཾ་ཨ་བྷི་ཥིཉྩ་མི་བཛྲ་ནཱ་མ་ཨ་བྷི་ཥེ་ཀ་
ཏ་ཀྱེ་རྡོ་རྗེ་ཀུན་དུ་བཟང་པོ་ཞེས་བྱ་བས་མིང་གི་དབང་བསྐུར་བ་བླངས་ལ། འདི་དེ་སངས་རྒྱས་ཐམས་ཅད་དེ། །རྡོ་རྗེ་སེམས་དཔའི་ལག་ན་འདུག །ཁྱོད་ཀྱིས་ཀྱང་ནི་རྟག་ཏུ་བཅང་། །ཕྱག་ན་རྡོ་རྗེའི་བརྟུལ་ཞུགས་བརྟན། །ཨོཾ་སརྦ་ཏ་ཐཱ་ག་ཏ་སིདྡྷི་བཛྲ་ས་མ་ཡ་ཏིཥྛ་ཨེ་ཥ་
ཏྭཾ་དྷ་ར་ཡ་མཱི་བཛྲ་སཏྭ་ཧི་ཧི་ཧི་ཧི་ཧཱུཾ་ཞེས་བྱ་བ་འདིས་དངོས་གྲུབ་ཀྱི་རྡོ་རྗེའི་བརྟུལ་ཞུགས་བླང་བར་བྱའོ། །དེ་ནས་སྒེག་མོ་ལ་སོགས་པའི་གསང་བའི་མཆོད་པ་བཞིས་བདག་ཉིད་ལ་ཡང་དག་པར་མཆོད་ནས། བཅོམ་ལྡན་འདས་ཀྱི་ཕྱག་རྒྱ་ཆེན་པོ་བཅིངས་ལ། ཡི་གེ་
ཧཱུཾ་ལས་གྲུབ་པའི་རྡོ་རྗེ་དེ་ཁོ་ན་ཉིད་ཀྱིས་གཟུང་བར་བྱ་སྟེ། ཐོག་མཐའ་མེད་པའི་སེམས་དཔའ་ནི། །རྡོ་རྗེ་སེམས་དཔའ་དགའ་བ་ཆེ། །ཀུན་དུ་བཟང་པོ་ཀུན་བདག་ཉིད། །རྡོ་རྗེ་བསྙེམས་ཚུལ་བདག་པོའི་བདག །བཅོམ་ལྡན་འདས་དཔལ་མཆོག་དང་པོའི་སྐྱེས་བུའོ་ཞེས་བྱ་བ་ནི་
དེ་ཁོ་ན་ཉིད་དོ། །ཡི་གེ་ཨ་ལས་བྱུང་བའི་དྲིལ་བུ་ཆོས་ཀྱིས་དཀྲོལ་བར་བྱ་སྟེ། བཅོམ་ལྡན་འདས་དེ་བཞིན་གཤེགས་པ་སྲིད་པའི་བདག་པོ། དམ་པ་ཀུན་གྱི་མཆོག །དབང་ཕྱུག་གི་དམ་པ་དེ་ཉིད་ཀྱིས་ཆོས་ཀྱི་མཆོག་གི་བཀའ་ཡང་དག་པར་གསུངས་པ་དེ་ནི། སྲིད་པ་ངོ་
བོ་ཉིད་ཀྱིས་དག །ངོ་བོ་ཉིད་ཀྱིས་སྲིད་བྲལ་བྱས། །རང་བཞིན་དག་པའི་སེམས་དཔའ་མཆོག །སྲིད་པའི་མཆོག་ནི་མཛད་པ་ཡིན། །མཆོག་ཏུ་གསང་བའི་ཆོས་ཉིད་འབེབས་པ་ནི་དྲིལ་བུའོ། །དེ་བས་ན་དེ་བཞིན་གཤེགས་པ་ཐམས་ཅད་ལ་མཆོད་པ་བྱས་ནས་སམ། ལྷ་རྣམས་

62-1-59a

དགྱེས་པར་བྱས་ནས་དཀྲོལ་ན། ཆོས་ཐམས་ཅད་དེ་ཁོ་ན་ཉིད་རབ་ཏུ་རྟོགས་པ་འབེབས་པས་སྒྲིབ་པ་ཐམས་ཅད་རྣམ་པར་དག་པར་བྱེད་ཅིང་། རྡོ་རྗེ་ཐམས་ཅད་འབེབས་པ་དང་། འཕེལ་བར་བྱེད་པ་དང་། དབང་དུ་བྱེད་པ་དང་། སེམས་དང་བསྒྲུབ་པར་བྱེད་དེ། 
དེ་ནས་སྲིད་པ་རྣམ་པར་དག་པའི་ཐབས་ཀྱི་མཆོད་པས་ཐམས་ཅད་ཀྱི་གསང་བ་ཆེན་པོ་རྟག་ཏུ་བསྟེན་པར་བྱ་བ་ཡིན་ནོ། །དེ་ལ་ཁྱོད་ཀྱི། སྲིད་པའི་བདེ་བ་ཤིན་ཏུ་ཆུང་། །སྡུག་བསྔལ་ཆེན་པོ་དག་པའི་ཕྱིར། །ཤིན་ཏུ་བདེ་བ་དམ་པའི་ཐབས། །དམ་ཚིག་འདི་ནི་རྟག་ཏུ་བསྐྱེད། །འདོད་
པའི་ལོངས་སྤྱོད་ཐམས་ཅད་ནི། །ཅི་འདོད་པར་ནི་བསྟེན་བཞིན་དུ། །རང་གི་ལྷ་ཡི་སྦྱོར་བ་ཡིས། །བདག་དང་གཞན་ལ་མཆོད་པར་བྱ། །དེ་ལྟར་ན་དེ་བཞིན་གཤེགས་པ་ཐམས་ཅད་ཀྱི་བླ་ན་མེད་པའི་མཆོག་ཏུ་གསང་བ་ཞེས་བྱ་བའི་ཐེག་པ་ཆེན་པོའི་དམ་ཚིག་གི་སྦྱོར་བ་
ནི་བཅོམ་ལྡན་འདས་ཀྱི་དམ་ཚིག་གོ། །དེ་ཅིའི་ཕྱིར་ཞེ་ན། འདི་ལྟར། བཅོམ་ལྡན་འདས་རྡོ་རྗེ་འཆང་གིས། དེ་བཞིན་གཤེགས་པ་ཐམས་ཅད་ཀྱིས། །འདའ་བ་རུ་ནི་མི་མཛད་པས། །ཕྱག་རྒྱའི་དམ་ཚིག་ཅེས་སུ་བསྒྲགས། །ཡིད་ཀྱི་གཟུགས་ནི་བསྟན་ཕྱིར་རོ། །ཞེས་བྱ་བ་
དང་། མཆོག་ཏུ་གསང་བ་ཞེས་བྱ་བ་གསུངས་སོ། །དེ་ལ་བཅོམ་ལྡན་འདས་རྡོ་རྗེ་སེམས་དཔས། ཇི་སྲིད་འཁོར་བའི་གནས་སུ་ནི། །མཁས་མཆོག་འདུག་པར་གྱུར་པའི་ཚེ། །དེ་སྲིད་མཚུངས་མེད་སེམས་ཅན་དོན། །མྱ་ངན་མི་འདའ་བྱེད་པར་ནུས། །གསང་བ་དང་
བཅས་དམ་ཚིག་ཐབས། །བསོད་ནམས་བྱིན་རླབས་སྒྲུབ་བྱེད་ཅིང་། །རྟག་ཏུ་དངོས་གྲུབ་ཀུན་དབང་ཕྱུག །རྟག་ཏུ་འགྲོ་བའི་དོན་བྱེད་དོ། །དམ་ཚིག་འདི་ཡིས་ངེས་པར་ནི། །ཅི་བདེ་བར་ནི་མཆོག་སྒྲུབ་བྱེད། །སེམས་ཅན་སྐལ་ངན་སྤྱོད་ངན་པས། །ཐམས་ཅད་དུ་ནི་
འགྲུབ་མི་འགྱུར། །དམ་ཚིག་དབང་ཕྱུག་ཀུན་གྱི་བདག །རྡོ་རྗེ་འཛིན་པ་ཀུན་གྱི་རྒྱལ། །དམ་པའི་དབང་ཕྱུག་ཀུན་མཆོག་ཏུ། །འདོད་ཆགས་ཆེན་པོས་གྲུབ་པར་བྱེད། །ལས་ཀྱི་ཚོགས་རྣམས་འགྲུབ་པ་ཡིས། །དངོས་གྲུབ་མ་ལུས་འགྲུབ་པར་འགྱུར། །རང་

62-1-59b

གཞན་ཕྱག་རྒྱའི་རྣལ་འབྱོར་དག །བསྒྲུབ་པར་བྱ་བ་ཐམས་ཅད་ནི། །དོན་ཡོད་པར་ནི་མཆོག་འགྲུབ་ཅན། །ཐམས་ཅད་རྣལ་འབྱོར་འགྲུབ་བྱེད་ཡིན། །དམ་ཚིག་སྡུག་བསྔལ་ཀུན་སེལ་ཞིང་། །དཔལ་ལྡན་འདའ་བར་དཀའ་བ་ཡིན། །ཞེས་མཆོག་ཏུ་གསང་བ་འདི་གསུངས་
སོ། །དེའི་རྗེས་ལ་ཨོཾ་བཛྲ་སཏྭ་ཧཱུཾ་ཞེས་བྱ་བ་རང་གི་སྙིང་གར་གནས་པའི་རྡོ་རྗེའི་དབུས་སུ་བཀོད་ལ་རྡོ་རྗེའི་ཚིག་གིས་བརྗོད་དོ། །ཕྱག་རྒྱ་ཆེན་པོ་བཅིངས་ནས་ཡིད་ཀྱིས་ནམ་མཁའི་ཕྱོགས་སུ་གནས་ཏེ། ཨ་ཀཱ་རོ་མུ་ཁཾ་སརྦྦ་དྷརྨྨཱ་ཎཱཾ། ཨཱདྱ་ནུཏྤནྣ་ཏྭཱཏ་ཅེས་བྱ་བ་ཡིད་ཀྱིས་
བརྗོད་ལ། སངས་རྒྱས་ཀྱི་ཞིང་ཐམས་ཅད་ནམ་མཁའ་ལྟ་བུར་བསམ་པར་བྱའོ། །དེ་ནས་ནམ་མཁའི་ཕྱོགས་དེར་ཡི་གེ་ཡཾ་ལས་རླུང་གི་དཀྱིལ་འཁོར་དང་། དེའི་སྟེང་དུ་བཾ་ལས་ཆུ་དང་། དེའི་སྟེང་དུ་ལཾ་ལས་གསེར་དང་། དེའི་སྟེང་དུ་བཾ་ལས་རྒྱ་མཚོ་ཆེན་པོ་
དང་། རྒྱ་མཚོ་ཆེན་པོའི་དབུས་སུ་ཧཱུཾ་སུཾ་ཧཱུཾ་ཞེས་བྱ་བ་ལས་རི་རབ་ཆེན་པོ་སྣ་བཞིའི་རང་བཞིན་ཅན། ཟུར་བཞི་པ་རིན་པོ་ཆེ་ཐམས་ཅད་ཀྱིས་ཉེ་བར་སྤྲས་པ་བསྐྱེད་ལ། ཨོཾ་བཛྲ་དྲྀ་ཌྷོ་མེ་བྷ་བ་རཀྵ་སརྦྦཾ་སྭཱ་ཧཱ། ཞེས་བྱ་བས་སྔ་མ་བཞིན་དུ་བྱིན་གྱིས་བརླབ་པར་བྱའོ། །དེའི་སྟེང་
དུ་སྔར་བཤད་པའི་རྡོ་རྗེ་འཁོར་ལོས་གཞལ་ཡས་ཁང་དུ་སྤྲུལ་ལ། དེའི་དབུས་སུ་ཡི་གེ་ཨ་ལས་སེང་གེའི་གདན། དེའི་སྟེང་དུ་ཡི་གེ་ཧྲཱིཿལས་པདྨ་རྣམ་པར་བསམས་ནས། ནམ་མཁའི་ཕྱོགས་ནས་བབས་ནས་སེངགེའི་གདན་ལ་ཡིད་ཀྱིས་ནུབ་ཏུ་མངོན་པར་ཕྱོགས་
པར་འདུག་པར་བྱའོ། །མདུན་དུ་ཡི་གེ་ཨ་ལས་བྱུང་བའི་ཟླ་བའི་དཀྱིལ་འཁོར་གྱིས་གནོན་པའི་སེང་གེའི་གདན་དེ་བཞིན་དུ་བསམས་ལ། བཛྲ་དྷཱ་ཏུ་ཞེས་བརྗོད་དེ། བྱང་ཆུབ་མཆོག་བཅིངས་ནས་བདག་ཉིད་རྣམ་པར་སྣང་མཛད་དུ་བསྐྱེད་ལ། བཛྲ་སཏྭ་ཞེས་བྱ་བ་བརྗོད་
ཅིང་རང་གི་སྙིང་ག་ལས་རྡོ་རྗེ་སེམས་དཔའ་སྤྲུལ་ལ་མདུན་ན་གནས་པའི་སེངགེའི་གདན་ལ་གཞག་པར་བྱའོ། །བཛྲ་སཏྭ་ཞེས་བརྗོད་ཅིང་རྡོ་རྗེ་སེམས་དཔའི་ཕྱག་རྒྱ་ཆེན་པོ་བཅིངས་ལ། བདག་ཉིད་རྡོ་རྗེ་སེམས་དཔར་རྣམ་པར་བསམས་ལ། ཡི་གེ་ཧཱུཾ་ལས་བདག་

62-1-60a

ཉིད་རྡོ་རྗེ་ཧཱུཾ་མཛད་དུ་སྤྲུལ་ཏེ། རྡོ་རྗེ་ལ་སོགས་པའི་སྒོ་བཞི་ཨོཾ་བཛྲ་ཨུཏྒ་ཊ་ཡ་ས་མ་ཡ་པྲ་བེ་ཤ་ཡ་ཧཱུཾ་ཞེས་བྱ་བ་དང་ཡིད་ཀྱིས་དབྱེ་བར་བྱའོ། །ཕྱག་རྒྱ་ནི། རྡོ་རྗེ་མཛུབ་མོ་ཡང་དག་སྦྱོར། །སྦྱར་ལ་བཀན་ཏེ་བསྡམས་ནས་སུ། །རབ་ཏུ་
ཁྲོས་ནས་དབྱེ་བ་ནི། །སྒོ་དབྱེ་བ་ཡི་མཆོག་ཡིན་ནོ། །ཞེས་བྱ་བ་འདི་ཡིན་ནོ། །དེ་ནས་ས་མནྟ་བྷ་ཌ་བཛྲོ་ཧཾ་ཞེས་བྱ་བ་རང་གི་མིང་བརྗོད་ཅིང་བདག་ཉིད་རྡོ་རྗེ་སེམས་དཔར་རྣམ་པར་བསམས་ནས། རྡོ་རྗེ་སློབ་དཔོན་སེམས་དཔའ་ཡི། །རྡོ་རྗེ་ལྕགས་ཀྱུ་བཅིངས་ནས་ནི། །སེ་
གོལ་མང་པོ་བརྡབ་བྱས་ལ། །སངས་རྒྱས་ཐམས་ཅད་བསྡུ་བར་བྱ། །ཨོཾ་བཛྲ་སཏྭ་ས་མཱ་ཡ་ཛཿཛཿཧཱུཾ་བཾ་ཧོཿཞེས་བརྗོད་བཞིན་དུའོ། །དེ་ནས་རྡོ་རྗེ་སེམས་དཔའ་ཡི། །ཕྱག་རྒྱ་ཆེན་པོ་སྒོམ་བྱེད་ཅིང་། །མཚན་བརྒྱ་རྩ་བརྒྱད་དམ་པ་འདི། །ལན་གཅིག་རབ་ཏུ་བརྗོད་པར་བགྱི། །རྡོ་རྗེ་སེམས་
དཔའ་སེམས་དཔའ་ཆེ། །རྡོ་རྗེ་དེ་བཞིན་གཤེགས་པ་ཀུན། །ཀུན་བཟང་རྡོ་རྗེ་ཆེན་པོ་སྟེ། །ཕྱག་འཚལ་ཕྱག་ན་རྡོ་རྗེ་ལའོ། །རྡོ་རྗེ་རྒྱལ་པོ་སངས་རྒྱས་མཆོག །རྡོ་རྗེ་ལྕགས་ཀྱུ་དེ་བཞིན་གཤེགས། །དོན་ཡོད་རྒྱལ་པོ་རྡོ་རྗེ་མཆོག །ཕྱག་འཚལ་རྡོ་རྗེ་འགུགས་ཁྱོད་ལའོ། །
རྡོ་རྗེ་ཆགས་པ་བདེ་ཆེན་པོ། །རྡོ་རྗེ་མདའ་ནི་དབང་བྱེད་པའོ། །བདུད་ཀྱི་འདོད་པ་རྡོ་རྗེ་ཆེ། །ཕྱག་འཚལ་རྡོ་རྗེ་གཞུ་ཁྱོད་ལའོ། །རྡོ་རྗེ་ལེགས་པ་སེམས་དཔའ་མཆོག རྡོ་རྗེ་མགུ་བ་དགའ་བ་ཆེ། །རབ་དགྱེས་རྒྱལ་པོའི་རྡོ་རྗེ་མཆོག །ཕྱག་འཚལ་རྡོ་རྗེ་དགྱེས་ཁྱོད་
ལའོ། །རྡོ་རྗེ་རིན་ཆེན་རྡོ་རྗེ་དོན། །རྡོ་རྗེ་ནམ་མཁའ་ནོར་བུ་ཆེ། །ནམ་མཁའི་སྙིང་པོ་རྡོ་རྗེ་ཕྱུག །ཕྱག་འཚལ་རྡོ་རྗེ་སྙིང་ཁྱོད་ལའོ། །རྡོ་རྗེ་གཟི་བརྗིད་ཆེར་འབར་བ། །རྡོ་རྗེ་ཉི་མ་རྒྱལ་བའི་འོད། །རྡོ་རྗེ་འོད་ཟེར་གཟི་བརྗིད་ཆེ། །ཕྱག་འཚལ་རྡོ་རྗེ་འོད་ཁྱོད་ལའོ། །རྡོ་རྗེ་
དཔལ་རབ་སེམས་ཅན་དོན། །རྡོ་རྗེ་རྒྱལ་མཚན་རབ་དགའ་བྱེད། །རྡོ་རྗེ་ཆེན་པོ་རིན་ཆེན་དཔལ། །ཕྱག་འཚལ་རྡོ་རྗེ་དཔལ་ཁྱོད་ལའོ། །རྡོ་རྗེ་བཞད་མོ་བཞད་པ་ཆེ། །རྡོ་རྗེ་འཛུམ་པ་ངོ་མཚར་ཆེ། །དགའ་ཞིང་རབ་དགའི་རྡོ་རྗེ་སྟོན། །ཕྱག་འཚལ་རྡོ་རྗེ་དགའ་བ་ལའོ། །

62-1-60b

རྡོ་རྗེ་ཆོས་རབ་དེ་ཉིད་དོན། །རྡོ་རྗེ་པདྨོ་རབ་དགའ་བྱེད། །འཇིག་རྟེན་དབང་རབ་རྡོ་རྗེ་སྤྱན། །ཕྱག་འཚལ་རྡོ་རྗེ་སྤྱན་ཁྱོད་ལའོ། །རྡོ་རྗེ་རྣོན་པོ་ཐེག་པ་ཆེ། །རྡོ་རྗེ་རལ་གྲི་མཚོན་ཆེན་པོ། །འཇམ་དཔལ་རྡོ་རྗེ་རབ་ཏུ་ཟབ། །ཕྱག་འཚལ་རྡོ་རྗེ་བློ་ཁྱོད་ལའོ། །རྡོ་རྗེ་རྒྱུད་ཀྱི་
སྙིང་པོ་ཆེ། །རྡོ་རྗེ་འཁོར་ལོ་ཚུལ་ཆེན་པོ། །རབ་བསྐོར་རྡོ་རྗེ་ལས་བྱུང་བ། །ཕྱག་འཚལ་རྡོ་རྗེ་སྙིང་པོ་ལའོ། །རྡོ་རྗེ་སྲུང་བ་རང་རིག་མཆོག །རྡོ་རྗེ་བཟླས་པ་རབ་བསྒྲུབ་སྦྱིན། །མི་གསུངས་རྡོ་རྗེ་མཆོག་སྒྲུབ་པ། །ཕྱག་འཚལ་རྡོ་རྗེ་གསུངས་ཁྱོད་ལའོ། །རྡོ་རྗེ་ལས་
རབ་རྡོ་རྗེ་བཀའ། །ལས་ཀྱི་རྡོ་རྗེ་ཀུན་རབ་སྒྲོལ། །རྡོ་རྗེ་ངེས་པ་རྒྱ་ཆེ་བ། །ཕྱག་འཚལ་རྡོ་རྗེ་ཀུན་ཁྱོད་ལའོ། །རྡོ་རྗེ་སྲུང་བ་བརྟན་པ་ཆེ། །རྡོ་རྗེ་གོ་ཆ་རབ་ཏུ་སྲ། །བརྩོན་འགྲུས་མཆོག་ནི་ཐུབ་པར་བཀའ། །ཕྱག་འཚལ་རྡོ་རྗེ་བརྩོན་འགྲུས་ལའོ། །རྡོ་རྗེ་གནོད་
སྦྱིན་ཐབས་པོ་ཆེ། །རྡོ་རྗེ་མཆེ་བ་གཙིགས་པ་ཆེ། །བདུད་འཇོམས་རྡོ་རྗེ་མི་བཟད་པ། །ཕྱག་འཚལ་རྡོ་རྗེ་དྲག་པོ་ལའོ། །རྡོ་རྗེ་མཚམས་སྦྱོར་རབ་བཏུད་ཉིད། །རྡོ་རྗེ་འཆིང་བ་རབ་གྲོལ་བྱེད། །རྡོ་རྗེ་ཁུ་ཚུར་དམ་ཚིག་མཆོག །ཕྱག་འཚལ་རྡོ་རྗེ་ཁུ་ཚུར་
ལའོ། །སུ་ཞིག་མི་རྣམས་འཆང་བ་ནི། །ཞི་བ་བརྒྱ་པོ་རྩ་བརྒྱད་འདིས། །རྡོ་རྗེ་མིང་དབང་བསྐུར་ལ་སོགས། །མཆོག་རྣམས་ཀུན་གྱིས་དེ་དབང་བསྐུར། །གང་ཞིག་ཡོན་ཏན་མིང་རྣམས་ཀྱིས། །རྡོ་རྗེ་འཆང་བ་ཆེན་པོ་ལ། །རྟག་ཏུ་དབྱངས་ཀྱིས་བསྟོད་པ་ནི། །
དེ་ཡང་རྡོ་རྗེ་འཆང་འདྲར་འགྱུར། །དེ་ནས་རྡོ་རྗེ་ལྕགས་ཀྱུ་ལ་སོགས་པས་སྔ་མ་བཞིན་དུ་བཅོམ་ལྡན་འདས་རྡོ་རྗེ་སེམས་དཔའ་དགུག་པ་དང་། གཞུག་པ་དང་། བཅིང་བ་དང་། དབང་དུ་བྱས་ལ། རྡོ་རྗེ་གནོད་སྦྱིན་གྱི་ཕྱག་རྒྱས་བགེགས་བསལ་བ་བྱས་ནས། 
དེ་ཉིད་ཀྱིས་རྡོ་རྗེའི་ར་བ་དང་དྲ་བ་བྱས་ཏེ། རྡོ་རྗེ་ཁུ་ཚུར་གྱི་དམ་ཚིག་གི་ཕྱག་རྒྱས་སྒོ་བཅད་ཅིང་། རྡོ་རྗེ་གནོད་སྦྱིན་གྱི་དམ་ཚིག་གི་ཕྱག་རྒྱས་བསྲུང་བ་ཐམས་ཅད་ཡང་དག་པར་བསྲུངས་ནས་བཅོམ་ལྡན་འདས་ལ་ཕྱག་བྱའོ། །ཨོཾ་བཛྲ་སཏྭ་ཧཱུཾ་ཞེས་བྱ་བས་མཆོད་ཡོན་

62-1-61a

ཕུལ་ལ། སྔ་མ་བཞིན་དུ་རང་གི་དམ་ཚིག་གི་ཕྱག་རྒྱས་རབ་ཏུ་བསྒྲུབས་ཏེ། ཆོས་དང་ལས་དང་ཕྱག་རྒྱ་ཆེན་པོ་དག་གིས་རྒྱས་བཏབ་ནས་དབང་བསྐུར་ལ་ཕྱག་བྱ་སྟེ། བཟླས་པར་བྱ་བ་བརྗོད་ཅིང་ཡང་མཆོད་ཡོན་ཕུལ་ལ་མེ་ཏོག་ལ་སོགས་པ་མཆོད་པའི་
ཡོ་བྱད་ལྔས་ཡང་དག་པར་མཆོད་ནས། ཨོཾ་རྡོ་རྗེ་སེམས་དཔའ་བསྡུས་པས་ན། །རྡོ་རྗེ་རིན་ཆེན་བླ་ན་མེད། །རྡོ་རྗེ་ཆོས་ནི་གླུ་བླངས་པས། །རྡོ་རྗེ་ལས་ནི་བྱེད་པར་འགྱུར། །ཞེས་རྡོ་རྗེའི་གླུ་བླངས་ཤིང་རེ་རེ་ཞིང་རྡོ་རྗེའི་གར་བྱས་ལ། སྒེག་མོ་ལ་སོགས་པ་རྣམ་པ་
བརྒྱད་ཀྱི་ལས་ཀྱི་ཕྱག་རྒྱ་དང་། བཛྲ་ལཱ་སྱ། བཛྲ་མཱ་ལེ། བཛྲ་གཱི་ཏི། བཛྲ་གྲི་རྟྱ། བཛྲ་དྷཱུ་པེ། བཛྲ་པུཥྤེ། བཛྲ་ཨཱ་ལོ་ཀེ། བཛྲ་གནྡྷེ་ཞེས་བྱ་བའི་སྙིང་པོ་དག་གིས་ཡང་དག་པར་མཆོད་པར་བྱའོ། །དེ་ལ་རྡོ་རྗེ་ཁུ་ཚུར་གཉིས་ལས་བྱུང་བའི་ལས་ཀྱི་ཕྱག་རྒྱ་ནི། རྡོ་རྗེ་
བསྒྱིངས་པའི་ཚུལ་གྱིས་སུ། །བསམ་པ་གཡོ་བས་འདུད་པར་བྱ། །ཕྲེང་བ་བཅིང་དང་ཁ་ནས་དབྱུང་། །གར་ལས་ཐལ་སྦྱར་སྤྱི་བོར་གཞག །འོག་ཏུ་ལྡུག་དང་གྱེན་དུ་འཐོར། །མཐེ་བོ་གཤིབས་ཏེ་བསྒྲེང་བ་ཉིད། །དྲིས་བྱུག་པ་ཡི་ཚུལ་དུ་ནི། །མཆོད་པའི་ཕྱག་རྒྱར་
རབ་ཏུ་བརྟག །སློབ་དཔོན་གྱིས་དབང་བསྐུར་བ་ཐོབ་པ་གང་ཡིན་པ་དེས་ནི་རྣལ་འབྱོར་ཆེན་པོ་བྱས་ལ། ཆོ་ག་ཐམས་ཅད་རྗེས་སུ་སྤྱད་དེ། མཆོད་པ་བརྒྱད་དང་། ལས་ཀྱི་དཀྱིལ་འཁོར་ལས་གསུངས་པའི་ཕྱག་རྒྱའི་མཆོད་པ་བཅུ་དྲུག་གིས་ཀྱང་མཆོད་པར་བྱའོ། །བདག་ཉིད་
ཆེན་པོ་གང་གང་གིས། །ཕྱག་རྒྱ་གང་དང་གང་བཅིངས་པ། །བཟླས་པའི་སྙིང་པོའི་དོན་དུ་ནི། །བདག་ཉིད་ཆེན་པོ་དེ་བསྒོམ་བྱ། །ཞེས་བྱ་བ་ནི། ཕྱག་རྒྱ་ཐམས་ཅད་ཀྱི་དམ་ཚིག་གོ། །དེ་ནས་ཆོས་ཉིད་ཀྱི་ངེས་པ་ནི། །ཕྱག་རྒྱ་ཆེན་པོ་བསྒོམས་ནས་ཀྱང་། །དངོས་གྲུབ་
ཐམས་ཅད་བསྒྲུབ་པར་བྱ། །འདི་ནི་དེ་བཞིན་གཤེགས་རིགས་ཀྱི། །ཆོས་ཉིད་དངོས་གྲུབ་དམ་པ་སྩོལ། །ཞེས་བྱ་བའོ། །དེའི་རྗེས་ལ་ཡི་གེ་ཨོཾ་ལས་རིན་པོ་ཆེ་སྣ་བདུན་དང་དཔག་བསམ་གྱི་ཤིང་དང་། ཁ་ཟས་རོ་བརྒྱ་པའི་བཀོད་པ་སྤྲུལ་ནས། ཨོཾ་སརྦྦ་བིད་པཱུ་ར་པཱུ་ར་སུ་ར་སུ་ར་ཨ་བརྟ་

62-1-61b

ཡ་ཨ་བརྟ་ཡ་ཧོ། ཞེས་བྱ་བ་བརྗོད་ཅིང་དེ་དག་གིས་ཡང་དག་པར་མཆོད་པར་བྱའོ། །ཕྱག་བཞི་བྱས་ནས་བཅོམ་ལྡན་འདས་ཀྱི་ཕྱག་རྒྱ་ཆེན་པོ་བཅིངས་ཏེ། ཨོཾ་བཛྲ་ཨཱཏྨ་ཀོ྅ཧཾ་ཞེས་བྱ་བས་བདག་ཉིད་རྡོ་རྗེའི་བདག་ཉིད་ཅན་དང་། ཨོཾ་སྭཱ་བྷཱ་བ་ཤུདྡྷོ྅ཧཾ་ཞེས་བྱ་བས་ཆོས་ཐམས་ཅད་བདག་
མེད་པ་ཉིད་དང་། སརྦྦ་ས་མོ྅ཧཾ་ཞེས་བྱ་བ་བརྗོད་དོ། །བདག་མེད་པའི་མཉམ་པ་ཉིད་ཀྱིས་མདུན་ན་བཞུགས་པའི་བཅོམ་ལྡན་འདས་རྡོ་རྗེ་སེམས་དཔར་གྱུར་པ་དང་། སེམས་ཅན་ཐམས་ཅད་རྡོ་རྗེ་སེམས་དཔར་གྱུར་པ་དང་བཅས་པར་དེ་ཉིད་གཅིག་ཏུ་གྱུར་པར་བསམ་པར་
བྱའོ། །དེ་ནས་གལ་ཏེ་བཟླས་པ་བྱེད་པར་འདོད་ན། བཟླས་པའི་དོན་དུ་རང་གི་སྙིང་གར་ཆུད་པའི་ཟླ་བའི་དབུས་སུ་བཛྲ་སཏྭ་ཞེས་བྱ་བའི་མིང་བྲིས་ནས། ཨོཾ་བཛྲ་སཏྭ་ཧཱུྃ་ཞེས་བྱ་བ་རྡོ་རྗེའི་ཚིག་གམ་ཡིད་ཀྱིས་བརྗོད་ཅིང་ཐམས་ཅད་གཅིག་ཏུ་རྡོ་རྗེའི་རང་བཞིན་གཟུགས་
བརྙན་ལྟ་བུའམ། ཚིག་ཐམས་ཅད་ལ་སོ་སོའི་བདག་ཉིད་དུ་དམིགས་པར་བྱ་སྟེ། གཡོན་པའི་རྡོ་རྗེ་ཁུ་ཚུར་གྱིས་རྡོ་རྗེ་བཟུང་ཞིང་། ལག་པ་གཡས་པས་ཕྲེང་བ་སྙིང་གར་ཡང་དག་པར་བཟུང་སྟེ། རང་གི་སྙིང་གའི་ཟླ་བའམ། ལྷའི་ཐུགས་ཀའི་ཟླ་བ་ལ་བཟླས་
པའི་དོན་དུ་མུ་ཏིག་གི་ཕྲེང་བ་ལྟ་བུ་དུས་མཐའི་མེ་དང་འདྲ་བའི་འོད་ཟེར་ཅན་བཀོད་ལ། བརྒྱ་རྩ་བརྒྱད་དམ་སྟོང་རྩ་བརྒྱད་དུ་བཟླས་པར་བྱའོ། །དེ་ནས་གལ་ཏེ་སྦྱིན་སྲེག་བྱེད་པར་འདོད་ན། བརྒྱ་རྩ་བརྒྱད་ཀྱི་བར་དུ་བཟླས་པ་བྱས་ནས། སྦྱིན་སྲེག་གི་ཆོ་གས་སྦྱིན་སྲེག་
བྱའོ། །གལ་ཏེ་ཕྱག་རྒྱས་སྐྱོའམ་རང་ཉིད་སྟོང་པར་འདོད་ན། ཡི་གེ་བརྒྱ་པ་ཡང་ནས་ཡང་དུ་བཟླས་པར་བྱའོ། །དེ་དེ་ལྟར་ཇི་སྲིད་སྐྱོ་བར་མ་གྱུར་པ་དེ་སྲིད་ཀྱི་བར་དུ་བསྒོམ་པ་དང་བཟླས་པ་བྱའོ། །སྐྱོ་བར་གྱུར་ན་ཡང་མཚན་བརྒྱ་རྩ་བརྒྱད་པས་བསྟོད་པ་དང་། 
མཆོད་པ་དང་། ཕྱག་བཞི་བྱས་ནས་མངོན་པར་འདོད་པའི་དངོས་གྲུབ་ཀྱི་ཕྱིར། དགེ་བའི་རྩ་བ་ཡོངས་སུ་བསྔོ་བར་བྱའོ། །བཛྲ་སཏྭ་ཞེས་བྱ་བ་བརྗོད་ཅིང་ཕྱག་རྒྱ་བཅིང་བ་དགྲོལ་བར་བྱས་ནས་མཆོད་ཡོན་ཕུལ་ཏེ། ཨོཾ་ཁྱེད་ཀྱིས་འགྲོ་བའི་དོན་ཀུན་

62-1-62a

མཛད། །རྗེས་སུ་མཐུན་པའི་དངོས་གྲུབ་སྩོལ། །སངས་རྒྱས་ཡུལ་དུ་གཤེགས་ནས་ནི། །སླར་ཡང་འབྱོན་པར་མཛད་དུ་གསོལ། །ཞེས་བསྐུལ་ནས། བཛྲ་སཏྭ་མུཿཞེས་བརྗོད་དེ། འདི་ལྟར་སེམས་དཔའ་རྡོ་རྗེ་མ་གྱེན་དུ་བཀྲོལ་ན་བཅོམ་
ལྡན་འདས་གཤེགས་སུ་གསོལ་བར་འགྱུར་རོ། །ཇི་ལྟར་སྤྲུལ་པའི་བཅོམ་ལྡན་འདས་དམ་ཚིག་གི་ཕྱག་རྒྱ་དང་། ཛཿཧཱུཾ་བཾ་ཧོཿཞེས་བརྗོད་ཅིང་རང་གི་ལུས་ལ་བཅུག་ནས། རྡོ་རྗེ་སྲུང་བ་དང་། རྡོ་རྗེ་གནོད་སྦྱིན་དང་། རྡོ་རྗེ་ཁུ་ཚུར་དང་། རྡོ་རྗེ་ལས་ཀྱི་ཕྱག་རྒྱ་དག་
གིས་བདག་ཉིད་བསྲུང་བ་བྱས་ལ། རྡོ་རྗེ་སེམས་དཔའ་དང་། ཡི་གེ་བརྒྱ་པ་བརྗོད་དེ་ལྡང་བར་བྱའོ། །དེ་ལྟར་ཉིན་རེ་ཞིང་ཐུན་བཞིར་བྱའོ། །རྡོ་རྗེ་སེམས་དཔའ་འབྱུང་བྱས་ལ། །དགེ་བ་བདག་གིས་གང་བསགས་པ། །དེ་ཡིད་ཀུན་དགའ་སྙིང་པོ་ནི། །རིགས་མཆོག་རྡོ་རྗེ་འཆང་
གྱུར་ཅིག །བཅོམ་ལྡན་འདས་རྡོ་རྗེ་སེམས་དཔའི་རྡོ་རྗེ་སེམས་དཔའ་འབྱུང་བ་ཞེས་བྱ་བའི་སྒྲུབ་ཐབས་སློབ་དཔོན་ཆེན་པོ་ཀུན་དགའ་སྙིང་པོའི་ཞལ་སྔ་ནས་མཛད་པ་རྫོགས་སོ།།      །།འདི་གཞུང་ཚད་ནི་བརྒྱ་ཕྲག་གཉིས་དང་། རྐང་པ་གཅིག་དང་བཅས་པ་ཡིན་
ནོ། །རྒྱ་གར་གྱི་མཁན་པོ་སུ་བུདྡྷ་ཤྲཱི་ཤཱནྟི་དང་། བོད་ཀྱི་ལོ་ཙཱ་བ་རྨ་དགེ་བའི་བློ་གྲོས་ཀྱིས་བསྒྱུར་བའོ།    །༄༅༅། །རྒྱ་གར་སྐད་དུ། བཛྲ་སཏྭ་སཱ་དྷ་ནོ་པ་ཡི་ཀ །བོད་སྐད་དུ། རྡོ་རྗེ་སེམས་དཔའི་སྒྲུབ་ཐབས། བཅོམ་ལྡན་འདས་
འཇམ་པའི་རྡོ་རྗེ་ལ་ཕྱག་འཚལ་ལོ། །དཔལ་རྡོ་རྗེ་སེམས་དཔའ་ལ་ཕྱག་འཚལ་ལོ། །རྡོ་རྗེ་སེམས་དཔའ་འགྲོ་བའི་མགོན། །ཡང་དང་ཡང་དུ་ཕྱག་བྱས་ནས། །རྡོ་རྗེ་སེམས་དཔའ་སྩོལ་མཛད་པའི། །སྒྲུབ་པའི་ཐབས་ནི་བཤད་པར་བྱ། །དེ་ལ་རྡོ་རྗེ་དབྱིངས་ཀྱི་དཀྱིལ་
འཁོར་དུ་ཞུགས་པའི་རྣལ་འབྱོར་པས། དེར་བསྲུང་བའི་དམ་ཚིག་ཡོངས་སུ་བསྲུངས་ལ། སེམས་དག་པ་དང་ལྡན་པས་ཁྲུས་བྱས་ཀྱང་རུང་། མ་བྱས་ཀྱང་རུང་། ཡིད་དང་རྗེས་སུ་མཐུན་པའི་གནས་སུ་ཡོད་ན་དྲི་ལ་སོགས་པའི་དཀྱིལ་འཁོར་བྱས་ཤིང་། མེ་ཏོག་གིས་

62-1-62b

གཏོར་ལ། རས་རིས་ལ་སོགས་པའི་རྣམ་པ་ཅན་གྱི་བཅོམ་ལྡན་འདས་རྡོ་རྗེ་སེམས་དཔའི་སྐུ་བཞུགས་ཏེ། ཨོཾ་སརྦ་ཏ་ཐཱ་ག་ཏ་ཀཱ་ཡ་ཝཱཀ་ཙིཏྟ་པྲ་ཎ་མེ་ན་བཛྲ་བནྡ་ནཱཾ་ཀ་རོ་མི། ཞེས་བརྗོད་ཅིང་ཡན་ལག་ལྔས་ཕྱག་བྱའོ། །དེ་ནས་ཕྱག་བཞི་བྱས་ལ། པུས་མོ་གཉིས་ས་ལ་
བཙུགས་ཏེ། སྙིང་གར་རྡོ་རྗེ་ཐལ་མོ་ཡང་དག་པར་སྦྱར་ནས། དབང་མེད་བདག་གིས་མི་དགེ་བགྱིས་པ་དང་། །བགྱིད་སྩལ་རྗེས་སུ་ཡི་རང་གང་ཡིན་པ། །དེ་དག་ཐམས་ཅད་བྱང་ཆུབ་མཆོག་ཅན་གྱི། །སྤྱན་སྔར་མ་ལུས་ད་ལྟར་སོ་སོར་བཤགས། །བདེ་བར་
གཤེགས་པའི་སྲས་ཀྱི་ཚོགས་གཉིས་པོ། །ཟབ་པ་དང་ནི་རྒྱ་ཆེན་འགྲོ་ཀུན་གྱི། །དོན་ནི་སྒྲུབ་པར་བྱེད་པ་དེ་དག་ལ། །གཞན་པ་ལ་ཡང་བདག་ནི་རྗེས་ཡི་རང་། །ཐུགས་རྗེས་ཐུགས་ལྡན་བློ་གྲོས་སྡིག་བྲལ་བའི། །གཏི་མུག་བཅོམ་པའི་སྐུ་ནི་ཕུན་སུམ་ཚོགས། །མ་
ལུས་རིགས་ཀྱི་པདྨའི་ནང་བཞུགས་པ། །བདེ་བར་གཤེགས་པ་རྣམས་ལ་སྐྱབས་སུ་མཆི། །བློ་མཆོག་རྣམས་ཀྱི་ཀུན་དགའ་ར་བ་དང་། །དམན་པ་འཇིགས་བྱེད་ཉིད་ཀྱི་རྒྱལ་བྱེད་ཚལ། །སྲིད་པའི་འབྱོར་པ་ཟིལ་གྱིས་གནོན་པའི་མཆོག །གསུང་མཆོག་ཆོས་ལའང་བདག་ནི་
སྐྱབས་སུ་མཆི། །སྲིད་པའི་འཆིང་བ་དག་དང་རྣམ་བྲལ་བ། །འདོད་ཆགས་ལ་སོགས་སྦྲུལ་གྱི་དུག་བཅོམ་ཞིང་། །བློ་གྲོས་རྣམ་རྒྱལ་ཐུགས་རྗེར་ལྡན་པ་ཡི། །བརྟུལ་ཞུགས་བཟང་པོའི་ཚོགས་ལ་སྐྱབས་སུ་མཆི། །རྒྱུ་ཡི་རྗེས་ལ་བདག་པོའི་ཡུལ་བདག་ཉིད། །འབྲས་
བུའི་སྟོབས་ཀྱིས་དགྲ་ལས་རྒྱལ་གྱུར་པའི། །སོ་སོར་རྟོགས་ནས་སྙིང་རྗེའི་རྩ་བ་ཅན། །མཉམ་མེད་སེམས་ནི་བྱང་ཆུབ་སེམས་བསྐྱེད་བགྱི། །སེམས་ཅན་རྣམས་ནི་ཡོངས་སུ་སྨིན་པའམ། །ཡང་ན་ཡོངས་སུ་བསྐྱབ་པར་བྱ་ཕྱིར་རམ། །རང་གི་སེམས་ནི་དག་པར་བྱ་
ཕྱིར་རམ། །འདི་ཀུན་ཐམས་ཅད་རྩྭ་སོགས་བཞིན་དུ་གཏང་། །དེ་བཞིན་ཚུལ་ཁྲིམས་བཟོད་པ་བརྩོན་འགྲུས་དང་། །བསམ་གཏན་ཤེས་རབ་བླ་ན་མེད་པ་འདི། །བདག་དང་གཞན་རྣམས་དག་པར་བྱ་བའི་ཕྱིར། །སྐད་ཅིག་རེ་རེར་ཞིང་ཡང་བསྒོམ་པར་བགྱི། །

62-1-63a

བདེ་བར་གཤེགས་པའི་སྔགས་ལ་མཁས་པ་ཡིས། །ཆོས་རྒྱལ་རྟགས་ཏུ་ལྷུན་གྱིས་གྲུབ་པ་ནི། །འགྲོ་བའི་ཚོགས་ཀྱིས་ཐོབ་པར་བྱ་བའི་ཕྱིར། །འདིར་ནི་བདག་གིས་མཁའ་འདྲར་གནས་པར་བགྱི། །ཞེས་བརྗོད་པར་བྱའོ། །དེ་ནས་ང་རྒྱལ་གྱིས་འདུག་
སྟེ། ལག་པ་བསྐོར་ཞིང་། སརྦ་བི་ཤུདྡྷཿསརྦྦ་དྷརྨྨཿསྭ་བྷཱ་ཝ་ཤུདྡྷོ྅ཧཾ། ཞེས་བྱ་བ་དོར་ལ་མོས་ཤིང་བརྗོད་དོ། །དེའི་འོག་ཏུ་སེམས་ཅན་ཐམས་ཅད་ལ་ཕན་པའི་ཕྱིར། བཛྲ་སཏྭ་བྷ་བ་ཡང་ཞེས་བྱ་བ་མངོན་དུ་བྱས་ནས། གཟུགས་བརྙན་གྱི་སྦྱོར་བས་ཕྱག་རྒྱ་བཅིང་བར་
བྱའོ། །དེ་ལ་ཐལ་མོ་དམ་དུ་བསྡམས་པ་ལས། སོར་མོ་ཐམས་ཅད་བསྣོལ་བ་ནི། །རྡོ་རྗེ་ཐལ་མོ་བཀའ་སྩལ་པ། །རབ་ཏུ་བསྡམས་ཕྱིར་རྡོ་རྗེ་བསྡམས། །བཛྲ་ཨཉྫ་ལི་ཞེས་བྱ་བ་ནི་རྡོ་རྗེ་ཐལ་མོའི་སྔགས་སོ། །བཛྲ་བནྡྷ་ཞེས་བྱ་བ་ནི་རྡོ་རྗེ་བསྡམས་པ་ཡིན་ཏེ། བཛྲ་བནྡྷ་
ཏྲཊ་ཅེས་ལན་གསུམ་བརྗོད་ཅིང་། རྡོ་རྗེ་སྡམས་པ་སྙིང་གར་དྲལ་བར་བྱའོ། །ཨོཾ་བཛྲ་ཨཱ་བེ་ཤ་ཞེས་བྱ་བས་རྡོ་རྗེ་དབབ་པའི་དམ་ཚིག་གི་ཕྱག་རྒྱ་བཅིངས་ལ། ཡི་གེ་ཨཿས་བདག་ཉིད་ལ་དབབ་པར་བྱའོ། །རྡོ་རྗེ་འབེབས་པའི་དམ་ཚིག་གི་ཕྱག་རྒྱ་ནི། རྡོ་རྗེ་བཅིངས་
པ་མཛུབ་གཉིས་བསྡམས། །ཞེས་བྱའོ། །དེ་ནས་དབབ་པ་སྟེ། ཏིཥྛ་བཛྲ་དྲྀ་ཌྷོ་མེ་བྷ་ཝ་ཤཱ་ཤྭ་ཏོ་མེ་བྷ་བ། ཧྲྀ་ད་ཡཾ་མེ་ཨ་དྷི་ཏིཥྛ་སརྦ་སིདྡྷི་མྨེ་པྲ་ཡཙྪ་ཧཱུཾ་ཧ་ཧ་ཧ་ཧ་ཧོཿཞེས་བྱ་བ་འདིས་བརྟན་པར་བྱའོ། །སྙིང་གར་ཟླ་བ་དང་རྡོ་རྗེ་བརྟན་པར་བྱས་ནས། བཛྲ་མུཥྚི་ཞེས་པས་
དམ་ཚིག་རྡོ་རྗེ་ཁུ་ཚུར་བཅིངས་ལ། ཨོཾ་བཛྲ་མུཥྚི་བཾ་ཞེས་བྱ་བས་ཕྱག་རྒྱའི་དེ་ཁོ་ན་ཉིད་དང་ལྡན་པར་བསམ་མོ། །དེས་ན་དམ་ཚིག་གི་ཕྱག་རྒྱ་མིན་པ་གསུམ་པོ་ལ། སུ་ར་ཏ་སྟྭཾ་ཞེས་བརྗོད་དོ། །རྡོ་རྗེ་དེ་ལ་བཛྲ་སཏྭ་ཞེས་བྱ་བ་བཀོད་ལ། དེ་ཉིད་ཡིད་ཀྱིས་བརྗོད་དེ། 
བདག་ནི་ནམ་མཁའ་དང་མཚུངས་པའོ་ཞེས་བསམ་པར་བྱའོ། །དེ་ནས་ཟླ་བའི་དཀྱིལ་འཁོར་གྱི་རྣམ་པ་དེའི་སྟེང་དུ། དེ་ཉིད་ལས་ཡང་ཟླ་བའི་དཀྱིལ་འཁོར་གཉིས་པ་དེ་བཛྲ་སཏྭ་ཞེས་བྱ་བ་དང་བཅས་པ་ལས་རྡོ་རྗེ་རྩེ་ལྔ་པའི་འོད་ཟེར་གྱིས་ཁྱབ་པའི་སྙིང་པོ་དང་བཅས་པ་

62-1-63b

ལ། དེའི་སྟེང་དུ་ང་རྒྱལ་དུ་བསྒོམ་པར་བྱ་ཞིང་། རྡོ་རྗེ་དེ་ལ་དེ་བཞིན་གཤེགས་པ་ཐམས་ཅད་ཀྱི་ཕྲ་རབ་བཞུགས་པར་བསམ་པར་བྱའོ། །དེ་ནས། ཀུན་བདག་སེམས་དཔའ་བདག་ཉིད་གྲགས། །བདག་ཉིད་ཀྱང་ནི་བདག་ལ་གནས། །ཞེས་བྱ་བས་བྱིན་གྱིས་བརླབས་
ནས། རྡོ་རྗེ་དེ་བཛྲ་སཏྭ་ཨ་ཧཾ་ཞེས་བརྗོད་ཅིང་། རྡོ་རྗེ་སེམས་དཔར་ངེས་པར་བསྐྱེད་ལ། སྒེག་པ་དང་བཅས་པས་རྡོ་རྗེ་བསོར་ཏེ། བཛྲ་སཏྭ་ཧཱུྃ་ཞེས་བརྗོད་པར་བྱའོ། །དེ་ནས་མ་ཧཱ་ས་མ་ཡ་སཏྭ་ཧཾ་ཞེས་བྱ་བ་དང་། ཡང་རྡོ་རྗེ་སེམས་དཔའི་དམ་ཚིག་གི་ཕྱག་རྒྱ་
བཅིངས་ནས་ས་མ་ཡོ་ཧཾ་ཞེས་བརྗོད་དོ། །དེ་ནས་དེ་ཉིད་དང་ས་མ་ཡ་སཏྭ་ཨ་དྷི་ཏིཥྛ་སྭ་མཱཾ་ཞེས་བྱ་བས་སྙིང་ག་དང་། མཛོད་སྤུ་དང་། ལྐོག་མ་དང་། སྤྱི་བོ་དག་ཏུ་བྱིན་གྱིས་བརླབ་པོ། །དེ་ནས་བཅོམ་ལྡན་འདས་ཀྱི་ཕྱག་རྒྱ་བཅིངས་ནས། བཛྲ་སཏྭ་ཨོཾ་བཛྲ་སཏྭ་ཧཱུྃ་ཞེས་
བརྗོད་ལ། སྐུ་གསུང་ཐུགས་ཀྱི་རྡོ་རྗེ་ཡིས། །རྡོ་རྗེ་སེམས་དཔའ་བདག་ཉིད་གྲགས། །དེ་ནས་ཕྱག་རྒྱ་བཅིངས་བྱས་ནས་སམ་ཡ་ཨཿཞེས་བརྗོད་དེ། མདུན་དུ་ཟླ་བའི་དཀྱིལ་འཁོར་སྤྲུལ་ལ། དེའི་སྟེང་དུ་བཛྲ་སཏྭ་ཨཿཞེས་བྱ་བ་འདིས་རྡོ་རྗེའི་བདག་ཉིད་དབབ་
པར་བྱའོ། །དེ་ནས་བཛྲོ་ཧཾ་ཞེས་བྱ་བའི་ང་རྒྱལ་བསྐྱེད་ལ། དེ་ཉིད་བཛྲ་སཏྭ་ཧཾ་ཞེས་བརྗོད་དེ། རྡོ་རྗེ་སེམས་དཔར་བསྒོམ་པར་བྱའོ། །དེ་ཉིད་དུ་རྡོ་རྗེ་ལྕགས་ཀྱུ་ལ་སོགས་པའི་སྙིང་པོ། བཛྲ་ཨཾ་ཀུ་ཤ་ཛཿབཛྲ་པཱ་ཤ་ཧཱུྃ། བཛྲ་སྥོ་ཊ་བཾ། བཛྲ་ཨཱ་བེ་ཤ་ཨཿཞེས་བྱ་བ་
ཕྱག་རྒྱ་དང་བཅས་པས་དགུག་པ་དང་། གཞུག་པ་དང་། བཅིང་བ་དང་། དབང་དུ་བྱའོ། །དེ་ནས་དེ་དག་གི་ཕྱག་རྒྱ་རྡོ་རྗེ་ཁུ་ཚུར་ལས་བྱུང་བ། མཛུབ་མོ་ལྕགས་ཀྱུ་བཅིང་བ་ནི། །མཐེའུ་ཆུང་ལས་ཏེ་ལྕགས་ཀྱུ་ཆེ། །དེ་ནི་རྡོ་རྗེ་ལྕགས་ཀྱུའོ། །མཁྲིག་མ་
མདུད་པ་ཞགས་པའོ། །མཛུབ་གཉིས་མདུད་པ་ལྕགས་སྒྲོག་གོ། །རྒྱབ་གཉིས་ཀྱང་ནི་མཉམ་སྟེ་མནན། །དེ་ནི་རྡོ་རྗེ་འབེབས་པའོ། །དེ་ནས་དམ་ཚིག་གི་ཕྱག་རྒྱ་བཅིངས་ལ་བཛྲ་སཏྭ་དྲྀ་ཤྱ་ཞེས་བྱ་བ་བརྗོད་དེ་བལྟས་ལ། ཡེ་ཤེས་སེམས་དཔའ་དེ་མཐོང་ནས། །

62-1-64a

རང་གི་ལུས་ལ་རྣམ་ཤེས་བསྒོམས། །རྡོ་རྗེ་སེམས་དཔའི་དམ་ཚིག་གི་ཕྱག་རྒྱ་དེ་ཉིད་དང་། ཛཿཧཱུྃ་བཾ་ཧོཿཞེས་བྱ་བ་འདིས་དགུག་ཅིང་གཞུག་ལ་བཅིང་བ་དང་། དབང་དུ་བྱས་ཏེ་བསྒྲུབ་པར་བྱ། དེ་ཉིད་དང་ས་མ་ཡ་སྟྭཾ་ཞེས་བརྗོད་པས། རྒྱབ་ཏུ་ཟླ་བ་གྲུབ་
ནས་ནི། །ས་མ་ཡ་སྟྭཾ་ཨ་ཧཾ་བརྗོད། །དེར་བདག་སེམས་དཔའི་ལུས་སུ་བསྒོམ། །བཛྲ་སཏྭ་ཨོཾ་བཛྲ་སཏྭ་ཧཱུྃ། ཞེས་བརྗོད་དོ། །བཞད་པ་དང་བཅས་སྐུ་མདོག་དཀར། །ཟླ་བའི་གདན་དང་ཟླ་བའི་འོད། །སངས་རྒྱས་ལྔ་ཡི་ཅོད་པན་ཅན། །སེམས་དཔའི་སྐྱིལ་མོ་ཀྲུང་གིས་
བཞུགས། །རབ་ཏུ་དགྱེས་པས་སྤྱན་གདངས་པ། །མགོན་པོ་རྡོ་རྗེ་དྲིལ་བུ་བསྣམས། །ཕྱག་རྒྱ་ཆེན་པོ་རྣམ་པར་བཞུགས། །བཛྲ་དྲྀཥྚི་མ་ཊ་ཞེས་བྱ་བ་མིག་ལ་བཀོད་དེ། ཡང་སེམས་མ་རྡོ་རྗེ་ལ་སོགས་པས། སྙིང་ག་དང་། མཛོད་སྤུ་དང་། ལྐོག་མ་དང་། སྤྱི་
བོར་བྱིན་གྱིས་བརླབ་པར་བྱ་སྟེ། སཏྭ་བཛྲི་ཨ་དྷི་ཏིཥྛ་མཱཾ་ཞེས་བྱ་བ་དང་། སེམས་མ་རྡོ་རྗེ་མས་སྙིང་གར། རཏྣ་བཛྲི་ཨ་དྷི་ཏིཥྛ་མཱཾ་ཞེས་པ་དང་། རིན་ཆེན་རྡོ་རྗེ་མས་དཔྲལ་བར། དྷརྨ་བཛྲི་ཨ་དྷི་ཏིཥྛ་མཱཾ་ཞེས་བྱ་བ་དང་ཆོས་ཀྱི་རྡོ་རྗེ་མས་ལྐོག་མ་དང་། ཀརྨ་བཛྲི་ཨ་དྷི་ཏིཥྛ་མཱཾ་ཞེས་བྱ་བ་
དང་། ལས་ཀྱི་རྡོ་རྗེ་མས་སྤྱི་བོར་རོ། །སེམས་མ་རྡོ་རྗེ་མ་ནི་རྡོ་རྗེ་བསྡམས་པ་ལས་གུང་མོ་མྱུ་གུ་ལྟར་སྙོམས་ཏེ་བསྒྲེང་བའོ། །རིན་ཆེན་རྡོ་རྗེ་མའི་དེ་ཉིད་ལས་གུང་མོ་རིན་པོ་ཆེ་ལྟ་བུར་བཀུག་པའོ། །ཆོས་ཀྱི་རྡོ་རྗེ་མའི་དེ་ཉིད་ལས་གུང་མོ་དང་སྲིན་ལག་པདྨ་ལྟ་བུར་བཀུག་པའོ། །ལས་
ཀྱི་རྡོ་རྗེ་མ་ནི་དེ་ཉིད་ལས་མཛུབ་མོ་དགུག་པའོ། །དེ་དག་གིས་རང་གི་སྙིང་ག་དང་། མཛོད་སྤུ་དང་། ལྐོག་མ་དང་། སྤྱི་བོ་དག་ཏུ་རྡོ་རྗེ་དང་། རིན་པོ་ཆེ་དང་། པདྨ་དང་། སྣ་ཚོགས་རྡོ་རྗེ་བསྐྱེད་པར་བྱའོ། །ཡི་གེ་ཧཱུྃ་ལས་སྙིང་གར་རྡོ་རྗེ་རྩེ་ལྔ་པ་བསྐྱེད་ལ། ས་མ་ཡ་སྟྭཾ་ཞེས་བརྗོད་
དེ་དམ་ཚིག་གི་ཕྱག་རྒྱ་ཐམས་ཅད་ལ་རབ་ཏུ་སྦྱོར་ཞིང་། ཕྱག་རྒྱ་ཆེན་པོ་ལ་སོགས་པའི་ཕྱག་རྒྱ་ཐམས་ཅད་བཅིང་བར་བྱའོ། །བསྡུ་བའི་ཕྱག་རྒྱ་བཅིངས་ལ། ཛཿཧཱུྃ་བཾ་ཧོཿཞེས་བརྗོད་དོ། །ཡིད་ཀྱི་ལེགས་པའི་སྦྱོར་བས་རང་གི་ལུས་ལ་སངས་རྒྱས་ཐམས་ཅད་བཅུག་ལ། ཨོཾ་

62-1-64b

བཛྲ་སཏྭ་ས་མ་ཡ། མ་ནུ་པཱ་ལ་ཡ། བཛྲ་སཏྭ་ཏྭེ་ནོ་པ། ཏིཥྛ་དྲྀ་ཌྷོ་མེ་བྷ་བ། སུ་ཏོ་ཥྱོ་མེ་བྷ་བ། ཨ་ནུ་རཀྟོ་མེ་བྷ་བ། སུ་པོ་ཥྱོ་མེ་བྷ་བ། སརྦ་སིདྡྷི་མྨེ་པྲ་ཡཙྪ། སརྦ་ཀརྨ་སུ་ཙ་མེ། ཙིཏྟཾ་ཤྲེ་ཡཿཀུ་རུ་ཧཱུྃ། ཧ་ཧ་ཧ་ཧ་ཧོཿབྷ་ག་བཱ་ན་སརྦྦ་ཏ་ཐཱ་ག་ཏ་བཛྲ་མཱ་མེ་མུཉྩ་བཛྲཱི་བྷ་བ་མ་ཧཱ་ས་མ་ཡ་སཏྭ་
ཨཿཞེས་བྱ་བའི་ཡི་གེ་བརྒྱ་པ་འདིས་བརྟན་པར་བྱས་ནས། བདག་ཉིད་ལ་དབང་བསྐུར་བར་བྱ་སྟེ། རྡོ་རྗེ་ཐལ་མོ་བཅིངས་པ་ལས། །མཐེ་བོ་གཉིས་ནི་བསྣོལ་བྱས་ལ། །མཛུབ་མོ་རྩེ་མོ་བཀུག་ནས་ནི། །གུང་མོ་སྙོམས་པའི་ཚིགས་སུ་སྦྱར། །རྡོ་རྗེ་དབྱིངས་ཀྱི་དབང་མོར་བཤད། །
ཅེས་བྱ་བ་འདི་དང་། ཨོཾ་བཛྲ་དྷཱ་ཏྭཱི་ཤྭ་རི་ཧཱུྃ་བཛྲི་ཎི་ཨ་བྷི་ཥིཉྩ་མཱཾ་ཞེས་བརྗོད་པས། སྤྱི་གཙུག་ཏུ་རྣམ་པར་སྣང་མཛད་སྐུ་མདོག་དཀར་པོ་ཉི་མའི་འོད་ཅན། བྱང་ཆུབ་མཆོག་གི་ཕྱག་རྒྱས་བཞུགས་པར་བསམ་པར་བྱའོ། །དེ་ཉིད་ལས། གུང་མོ་གཉིས་ནི་རྡོ་རྗེར་བྱས། །ཞེས་བྱ་བ་འདི་
དང་། ཨོཾ་བཛྲ་བཛྲི་ཎི་ཧཱུྃ་ཨ་བྷི་ཥིཉྩ་མཱཾ་ཞེས་བྱ་བས། དཔྲལ་བའི་སྟེང་དུ་མི་བསྐྱོད་པ་སྐུ་མདོག་སྔོན་པོ་ཉི་མའི་འོད་ཅན་ས་གནོན་གྱི་ཕྱག་རྒྱས་བཞུགས་པར་བསམ་པར་བྱའོ། །དེ་ཉིད་ལས། གུང་མོ་གཉིས་ནི་ནོར་བུར་བྱ། །ཞེས་བྱ་བ་འདི་དང་ཨོཾ་རཏྣ་བཛྲི་ཎི་ཧཱུྃ་ཨ་བྷི་ཥིཉྩ་མཱཾ་ཞེས་བྱ་
བས་རྣ་བ་གཡས་པའི་སྟེང་དུ་རིན་ཆེན་འབྱུང་ལྡན་གསེར་བཙོ་མའི་མདོག་ཅན་ཉི་མའི་འོད་དང་ལྡན་པ། མཆོག་སྦྱིན་པའི་ཕྱག་རྒྱས་བཞུགས་པར་བསམ་པར་བྱའོ། །དེ་ཉིད་ལས་གུང་མོ་དང་སྲིན་ལག་དང་མཐེའུ་ཆུང་པདྨ་ལྟར་བྱས་པ་འདི་དང་། ཨོཾ་དྷརྨྨ་བཛྲི་ཎི་ཧཱུྃ་
ཨ་བྷི་ཥིཉྩ་མཱཾ་ཞེས་བྱ་བས། མགོ་བོའི་རྒྱབ་ཏུ་འོད་དཔག་ཏུ་མེད་པ་སྐུ་མདོག་དམར་པོ་ཉི་མའི་འོད་ཅན་ཏིང་ངེ་འཛིན་གྱི་ཕྱག་རྒྱས་བཞུགས་པར་བསམ་པར་བྱའོ། །དེ་ཉིད་ལས་ལག་པའི་སོར་མོ་བརྐྱང་བ་འདི་དང་། ཨོཾ་ཀརྨ་བཛྲི་ཎི་ཧཱུྃ་ཨ་བྷི་ཥིཉྩ་མཱཾ་ཞེས་བྱ་བ་འདིས་
རྣ་བ་གཡོན་པའི་སྟེང་དུ། དོན་ཡོད་གྲུབ་པ་སྐུ་མདོག་ལྗང་གུ་ཉི་མའི་འོད་ཅན་མི་འཇིགས་པའི་ཕྱག་རྒྱས་བཞུགས་པར་བསམ་པར་བྱའོ། །དེ་ཉིད་ལས་ཞེས་བྱ་བ་ནི་ཐམས་ཅད་རྡོ་རྗེ་དབྱིངས་ཀྱི་དབང་ཕྱུག་མའི་ཕྱག་རྒྱ་ཡིན་ནོ། །ཨོཾ་ཊུཾ་ཞེས་བྱ་བ་དང་། རྡོ་རྗེ་

62-1-65a

ཁུ་ཚུར་གཉིས་ཀྱིས་བསྐོར་ཞིང་སྙིང་གར་མདུད་པ་བཅིང་བའི་ཚུལ་དུ་བྱས་ལ། དེ་བཞིན་དུ་མགྲིན་པ་དང་། ལྟག་པ་དང་། སྙིང་ག་དང་། ནུ་མའི་བར་དང་། ཡང་སྙིང་ག་དང་། མགྲིན་པ་དང་། རྒྱབ་དང་། དཔྲལ་བར་གོ་ཆ་བགོ་བར་བྱའོ། །
དེ་ནས་ཕྲེང་བ་བཅིང་བ་དང་། དར་དཔྱངས་པའི་ཚུལ་དུ་བྱས་ནས། སོར་མོ་ཐམས་ཅད་ཐ་མ་ལ་སོགས་པ་ནས་བཀྲོལ་ཏེ། མཐར་མཉམ་པའི་ཐལ་མོ་དང་། བཛྲ་ཏུ་ཥྱ་ཧོཿཞེས་བྱ་བ་འདིས་དགྱེས་པར་བྱའོ། །ལྕེ་ལ་ཡི་གེ་ཧཱུཾ་ལས་རྡོ་རྗེ་རྩེ་ལྔ་པ་དཀར་པོ་རྣམ་པར་
བསྒོམས་ལ། ས་མ་ཡ་སྟྭཾ་ཞེས་བྱ་བའི་ཆོས་ཀྱི་ཡི་གེ་བསམ་པར་བྱའོ། །སྙིང་གར་ཡི་གེ་ཨཿལས་སྣ་ཚོགས་རྡོ་རྗེ་བསྐྱེད་ལ། ལས་ཀྱི་ཕྱག་རྒྱ་བཅིང་བར་བྱ་སྟེ། རྡོ་རྗེ་ཁུ་ཚུར་གཉིས་བཅིངས་ནས། །བསྒྱིངས་བཅས་གཉི་ག་བསོར་བའོ། །ཞེས་བྱ་བ་ནི་བཅོམ་
ལྡན་འདས་ཀྱི་ལས་ཀྱི་ཕྱག་རྒྱའོ། །ཨོཾ་རྡོ་རྗེ་སེམས་དཔའ་བསྡུས་པས་ན། །རྡོ་རྗེ་རིན་ཆེན་བླ་ན་མེད། །རྡོ་རྗེ་ཆོས་ནི་གླུར་བླངས་པས། །རྡོ་རྗེ་ལས་ནི་བྱེད་པར་འགྱུར། །ཞེས་བརྗོད་ཅིང་རེ་རེ་ཞིང་རྡོ་རྗེའི་གར་བྱས་ལ། རྡོ་རྗེ་སྒེག་མོ་ལ་སོགས་པ་གསང་བའི་མཆོད་པ་བརྒྱད་
ཀྱིས་བདག་ཉིད་ལ་མཆོད་པར་བྱའོ། །དེ་ནས་བསྒྱིངས་པ་དང་བཅས་པས་རྡོ་རྗེ་བསོར་ཞིང་། རང་གི་སྙིང་གར་རྡོ་རྗེ་བསྟོད་པའི་ཚུལ་གྱིས་གཟུང་སྟེ། རང་གི་སྙིང་པོ་དང་སྔགས་བརྗོད་པ་འདི་ནི་བཅོམ་ལྡན་འདས་ཀྱི་ཕྱག་རྒྱ་ཆེན་པོའོ། །དེ་ལྟར་བདག་ཉིད་བསྐྱེད་ནས་ཡིད་ཀྱིས་
བར་སྣང་ལ་འདུག་སྟེ། ཁམས་གསུམ་མ་ལུས་པ་ནམ་མཁའ་ལྟ་བུར་བསམ་པར་བྱའོ། །དེ་ནས་ནམ་མཁའི་ཕྱོགས་དེར་ཡི་གེ་ཡཾ་ལས་རླུང་གི་དཀྱིལ་འཁོར་དང་། དེའི་སྟེང་དུ་བཾ་ལས་ཆུའི་དཀྱིལ་འཁོར། དེའི་སྟེང་དུ་ལ་ལས་གསེར་གྱི་དཀྱིལ་འཁོར་དང་། ཡང་དེའི་སྟེང་དུ་ཡི་
གེ་བཾ་ལས་རྒྱ་མཚོ་ཆེན་པོ་དང་། དེ་ནས་ཧཱུཾ་སུཾ་ཧཱུཾ་ཞེས་བྱ་བ་ལས་རི་རབ་ཟུར་བཞི་པ། རིན་པོ་ཆེ་སྣ་བཞིའི་རང་བཞིན་ཅན་རིན་པོ་ཆེ་རྣམ་པ་སྣ་ཚོགས་པས་བརྒྱན་པ། གསེར་གྱི་རི་བོ་ལ་སོགས་པས་ཡོངས་སུ་བསྐོར་བ་བསྐྱེད་ལ། རྡོ་རྗེ་བསྡམས་པ་ཁ་སྦུབ་པ་ས་ལ་རེག་པ་དང་། 

62-1-65b

ཨོཾ་བཛྲ་དྲྀ་ཌྷོ་མེ་བྷ་བ་རཀྵ་སརྦཱཾ་སྭཱ་ཧཱ། ཞེས་བྱ་བ་འདིས་རྡོ་རྗེ་དང་འདྲ་བར་བྱིན་གྱིས་བརླབ་པར་བྱའོ། །ཡི་གེ་ཧཱུྃ་ལས་རྩེ་མོ་རྡོ་རྗེ་དང་རིན་པོ་ཆེས་སྤྲས་པའི་གཞལ་ཡས་ཁང་བསྐྱེད་ལ། དེའི་དབུས་སུ་ཨོཾ་སི་ཨཿཞེས་བྱ་བ་ལས་སེང་གེའི་གདན་ལ་ཨ་ལས་བྱུང་བའི་ཟླ་བའི་དཀྱིལ་འཁོར་
གྱི་རྣམ་པ་བསྐྱེད་ཅིང་། ནམ་མཁའི་ཕྱོགས་ནས་བབས་ཏེ། དེ་ཉིད་དུ་འདུག་ལ་མདུན་དུ་གདན་གཉིས་པ་དེ་བཞིན་དུ་བསམ་པར་བྱའོ། །གདན་དེ་ལ་བཛྲ་སཏྭ་ཞེས་བྱ་བ་འདིས་བཅོམ་ལྡན་འདས་སྤྲུལ་ལ། ཨོཾ་བཛྲ་ས་མཱ་ཡ་ཛཿཛཿཧཱུྃ་བཾ་ཧོཿཞེས་བརྗོད་དོ། །བསྡུ་བའི་ཕྱག་རྒྱས་སྤྱན་
དྲང་བར་བྱའོ། །ལག་ངར་རྡོ་རྗེ་བཅིངས་ནས་ནི། །རྡོ་རྗེ་སེ་གོལ་བརྡབ་བྱས་ནས། །སངས་རྒྱས་ཐམས་ཅད་ཡང་དག་བསྡུ། །གཞན་དག་ཇི་ལྟར་འཇུག་མི་འགྱུར། །གཡོན་པའི་སེ་གོལ་བརྡབས་པ་དང་། །གཡས་པ་ཡིས་ནི་འགྲུབ་པར་འགྱུར། །གཡས་པ་ཐལ་མོ་ཞེས་
བྱ་སྟེ། །འདུས་པ་ཡང་ནི་གཉིས་ཀ་ཡིན། །ཞེས་བྱ་བ་འདི་བསྡུ་བའི་ཕྱག་རྒྱའི་མཚན་ཉིད་དོ། །དེ་ནས་རྡོ་རྗེ་སེམས་དཔའ་ཡི། །ཕྱག་རྒྱ་ཆེན་པོ་སྒོམ་བྱེད་ཅིང་། །མིང་བརྒྱ་རྩ་བརྒྱད་དམ་པ་ནི། །ལན་ཅིག་རབ་ཏུ་བརྗོད་པར་བགྱི། །སུ་ཞིག་མིང་རྣམས་འཆང་བ་ནི། །ཞི་བའི་རྒྱལ་
པོ་རྩ་བརྒྱད་འདིས། །རྡོ་རྗེ་མིང་དབང་བསྐུར་ལ་སོགས། །མཆོག་རྣམས་ཀུན་གྱིས་དེ་དབང་བསྐུར། །གང་ཞིག་ཡོན་ཏན་མིང་རྣམས་ཀྱིས། །རྡོ་རྗེ་འཆང་བ་ཆེན་པོ་ལ། །རྟག་ཏུ་དབྱངས་ཀྱིས་བསྟོད་པ་ནི། །དེ་ཡང་རྡོ་རྗེ་འཆང་འདྲར་འགྱུར། །དེ་ནས་སྤྲུལ་པ་དེ་ལ། བཅོམ་
ལྡན་འདས་ཀྱི་རང་གི་དམ་ཚིག་གི་ཕྱག་རྒྱ་དང་། བཛྲ་སཏྭ་དྲི་ཤྱས་བལྟ་བར་བྱས་ལ། ཛཿཧཱུྃ་བཾ་ཧོཿཞེས་བྱ་བ་དང་། སྔར་བཤད་པའི་རྡོ་རྗེ་ལྕགས་ཀྱུ་ལ་སོགས་པས། དགུག་པ་དང་། གཞུག་པ་དང་། བཅིང་བ་དང་། དབང་དུ་བྱས་ཏེ་བསྒྲུབས་ནས། ས་མ་ཡ་སྟྭཾ། ས་མ་
ཡ་སྟྭཾ་ཨ་ཧཾ། བཛྲ་སཏྭ། ཨོཾ་བཛྲ་སཏྭ་ཧཱུྃ། ཞེས་བྱ་བ་ཡང་བརྗོད་པར་བྱའོ། །དེ་ལ་ཟླ་བ་ལྟ་བུའི་ལག་གཉིས་ཀྱིས། །གུང་མོ་བཏང་བར་གྱུར་པ་དང་། །མཐེ་བོང་མཐེའུ་ཆུང་མཛུབ་མོ་བསྒྲེང་། །སེམས་དཔའི་རྡོ་རྗེ་བསྒྲེང་རྡོ་རྗེ། །ཞེས་བྱ་བ་འདི་ཡིན་ནོ། །དེ་ནས་ཆོས་

62-1-66a

དང་ལས་དང་ཕྱག་རྒྱ་ཆེན་པོས་བཅོམ་ལྡན་འདས་ལ་རྒྱས་བཏབ་ལ་དབང་བསྐུར་ཏེ། ཚོགས་པ་ཡོད་ན་བཟླ་བར་བྱ་བ་བརྗོད་ཅིང་། མཆོད་པའི་ཡོ་བྱད་ལྔ་པོ་དག་གིས་ཡང་དག་པར་མཆོད་ལ། གར་ལས་བྱུང་བའི་སྒེག་མོ་ལ་སོགས་པའི་ལས་ཀྱི་ཕྱག་རྒྱ་བརྒྱད་དང་། 
བཛྲ་ལཱ་སྱེ། བཛྲ་མཱ་ལེ་། བཛྲ་གཱི་ཏི། བཛྲ་ནྲིརྟྱ། བཛྲ་དྷཱུ་པེ། བཛྲ་པུཥྤེ། བཛྲ་ཨཱ་ལོ་ཀེ། བཛྲ་གནྡྷེ། ཞེས་བྱ་བའི་སྙིང་པོ་དེ་དག་གིས་མཆོད་པར་བྱའོ། །སྒེག་མོའི་ཕྱག་རྒྱ་ནི་རྡོ་རྗེ་ཁུ་ཚུར་གཉིས་བཅིངས་ནས། རྡོ་རྗེ་བསྒྱིངས་པའི་ཚུལ་གྱིས་སུ། །བསམ་པ་གཡོས་
པས་འདུད་པར་བྱ། །ཕྲེང་བ་མ་ཡི་ཕྱག་རྒྱ་ནི། །ཕྲེང་བ་འཆིང་བའི་ཚུལ་དུའོ། །གླུ་མའི་ཕྱག་རྒྱ་ནི་ཚིག་ཀུན་ནས་སློང་བའི་ཚུལ་གྱིས་ཁ་ནས་འབྱིན་པའོ། །གར་མཁན་མའི་ཕྱག་རྒྱ་ནི། གར་བྱས་རྡོ་རྗེ་ཐལ་སྦྱར་སྤྱི་བོར་གཞག །བདུག་སྤོས་ཀྱི་ཕྱག་རྒྱ་ནི། བདུག་
སྤོས་འབུལ་བའི་ཚུལ་དུ་འོག་ཏུ་ལྡུག་པའོ། །མེ་ཏོག་གི་ཕྱག་རྒྱ་ནི། མེ་ཏོག་འབུལ་བའི་ཚུལ་གྱིས་གྱེན་དུ་འཐོར་བའོ། །མར་མེའི་ཕྱག་རྒྱ་ནི། མཐེ་བོང་གཉིས་གཤིབས་ཏེ་བསྒྲེང་བའོ། །དྲིའི་ཕྱག་རྒྱ་ནི། རང་གི་སྙིང་གར་རབ་ཏུ་བརྐྱང་སྟེ་བྱུག་པའོ། །བདག་ཉིད་
ཆེན་པོ་གང་གང་གིས། །ཕྱག་རྒྱ་གང་དང་གང་བཅིངས་པས། །བཟླས་པའི་སྙིང་པོ་དེར་བདག་ནི། །བདག་ཉིད་ཆེན་པོ་བསྒོམ་པར་བྱ། །ཞེས་བྱ་བ་འདི་ཕྱག་རྒྱ་ཐམས་ཅད་ཀྱི་དམ་ཚིག་གོ། །དེའི་རྗེས་ལ་ཡི་གེ་ཨོཾ་ལས་གདུགས་དང་། རྒྱལ་མཚན་དང་། བ་དན་དག་
དང་། རྣ་ཆ་དང་། དཔུང་རྒྱན་དང་། ཅོད་པན་དང་། གོས་དང་། རྒྱན་དང་། ཁ་ཟས་རོ་བརྒྱ་པ་དང་། རིན་པོ་ཆེ་སྣ་བདུན་ལས་བྱས་པའི་ཚོགས་སྤྲུལ་ཏེ་དེ་དག་གིས་བཅོམ་ལྡན་འདས་ལ་ཡང་དག་པར་མཆོད་ལ་ཕྱག་བགྱིའོ། །འདི་ལྟར་ཤར་ཕྱོགས་ནས་རྡོ་རྗེ་ཐལ་མོ་
སྤྱི་བོར་བརྐྱང་ལ་ལུས་ཐམས་ཅད་དང་། ཨོཾ་སརྦ་ཏ་ཐཱ་ག་ཏ་པུ་ཛོ་བ་སྠ་ནཱ་ཡ། ཨཱཏྨ་ནཱཾ་ནིརྱཱ་ཏ་ཡཱ་མི་སརྦ་ཏ་ཐཱ་ག་ཏ་བཛྲ་སཏྭ་ཨ་དྷི་ཏིཥྛ་སྭ་མཱཾ་ཞེས་བྱ་བ་འདིས་ཕྱག་བྱའོ། །དེ་ནས་ལྷོ་ཕྱོགས་ནས་དེ་བཞིན་དུ་གནས་པ་ལས་རྡོ་རྗེ་ཐལ་མོ་སྙིང་གར་སྦྱར་ཏེ། དཔྲལ་བ་ས་ལ་

62-1-66b

རེག་པར་བྱས་ནས། ཨོཾ་སརྦ་ཏ་ཐཱ་ག་ཏ་པཱུ་ཛ་ཨ་བྷི་ཥེ་ཀ་ཡ་ཨཱཏྨ་ནཱཾ་ནིརྱཱ་ཏ་ཡཱ་མི་སརྦ་ཏ་ཐཱ་ག་ཏ་བཛྲ་རཏྣ་ཨ་བྷི་ཥིཉྩ་མཱཾ་ཞེས་བྱ་བ་འདིས་ཕྱག་བྱའོ། །དེ་ནས་ནུབ་ཕྱོགས་སུ་དེ་བཞིན་དུ་གནས་པ་ལས་རྡོ་རྗེ་ཐལ་མོ་སྤྱི་བོར་བཅིངས་ཏེ། ཁ་ས་ལ་རེག་པར་བྱས་ཏེ། ཨོཾ་སརྦ་ཏ་ཐཱ་ག་ཏ་
པཱུ་ཛ་པྲ་བརྟ་ནཱ་ཡ་ཨཱཏྨ་ནཱཾ་ནིརྱཱ་ཏ་ཡཱ་མི་སརྦ་ཏ་ཐཱ་ག་ཏ་བཛྲ་དྷརྨྨ་པྲ་རྟ་ཡ་མཱཾ། ཞེས་བྱ་བ་འདིས་ཕྱག་བྱའོ། །དེ་ནས་བྱང་ཕྱོགས་སུ་དེ་བཞིན་དུ་གནས་པ་ལས། རྡོ་རྗེ་ཐལ་མོ་སྤྱི་བོ་ནས་ཕབ་སྟེ་སྙིང་གར་སྦྱར་ལ། སྤྱི་བོ་ས་ལ་རེག་པར་བྱས་ཏེ། ཨོཾ་སརྦ་ཏ་ཐཱ་ག་ཏ་པཱུ་ཛ་ཀརྨྨ་ཎེ་
ཨཱཏྨ་ནཱཾ་ནིརྱཱ་ཏ་ཡཱ་མི་སརྦ་ཏ་ཐཱ་ག་ཏ་བཛྲ་ཀརྨྨ་ཀུ་རུ་མཱཾ། ཞེས་བྱ་བ་འདིས་ཕྱག་བྱའོ། །དེ་ནས་ཕྱག་རྒྱ་ཆེན་པོ་བཅིངས་ལ། བཛྲ་སཏྭ་ཧཾ་ཞེས་ང་རྒྱལ་བསྐྱེད་དེ། དེ་ནས་བཅོམ་ལྡན་འདས་ཀྱི་ཐུགས་ཀའི་ཟླ་བའམ། རང་གི་སྙིང་གའི་ཟླ་བ་ལ་བཛྲ་སཏྭ་ཧཾ་ཞེས་བྱ་བའམ། ཨོཾ་
བཛྲ་སཏྭ་ཧཱུྃ་ཞེས་བྱ་བ་མུ་ཏིག་གི་ཕྲེང་བ་ལྟ་བུ་རྣམ་པར་བཀོད་ལ། ཇི་སྲིད་སྐྱོ་བར་མ་གྱུར་གྱི་བར་དུ་བཟླས་པ་དང་བསྒོམ་པ་བྱས་ཏེ། ཕྱག་རྒྱ་ཆེན་པོའམ། དམ་ཚིག་གི་ཕྱག་རྒྱའམ། ཆོས་ཀྱི་ཕྱག་རྒྱའམ། ལས་ཀྱི་ཕྱག་རྒྱ་བསྡུ་བར་བྱའོ། །གལ་ཏེ་ཕྱག་རྒྱས་སྐྱོ་བར་གྱུར་ཏམ། 
རང་ཉིད་སྟོང་པར་འདོད་ན་ཡི་གེ་བརྒྱ་པས་བརྟན་པར་བྱའོ། །གཤེགས་སུ་གསོལ་བའི་ཚེ་ཡང་། མཚན་བརྒྱ་རྩ་བརྒྱད་ཀྱིས་བསྟོད་པ་དང་། མཆོད་པ་དང་། ཕྱག་བཞི་བྱས་ནས། མངོན་པར་འདོད་པའི་དངོས་གྲུབ་ཀྱི་ཕྱིར་དགེ་བའི་རྩ་བ་ཡོངས་སུ་བསྔོས་ལ། བཅོམ་ལྡན་
འདས་བདག་གིས་ཆོ་ག་མ་ཚང་བ་གང་ལགས་པ་དེ་བཟོད་པར་མཛོད་ཅིག་ཅེས་གསོལ་ནས། ཕྱག་རྒྱ་ཐམས་ཅད་ལ་དབང་བསྐུར་བ་དང་རྡོ་རྗེ་བྱ་བའི་བསམ་པས་བཛྲ་སཏྭ་བཛྲ་སཏྭ་ཞེས་བྱ་བ་ཡང་མང་དུ་བཟླས་ཏེ། བཅོམ་ལྡན་འདས་དམ་ཚིག་གི་གཙོ་བོ། ཨོཾ་ཁྱེད་ཀྱིས་སེམས་ཅན་
དོན་ཀུན་མཛད། །རྗེས་སུ་མཐུན་པའི་དངོས་གྲུབ་སྩོལ། །སངས་རྒྱས་ཡུལ་དུ་གཤེགས་ནས་ནི། །སླར་ཡང་འབྱོན་པར་མཛད་དུ་གསོལ། །ཞེས་བསྐུལ་ནས་བཛྲ་སཏྭ་བཛྲ་མུཿཞེས་བརྗོད་དེ། འདི་ལྟར་སེམས་མ་རྡོ་རྗེ་གྱེན་དུ་བཀྲོལ་ན་གཤེགས་སུ་གསོལ་བར་འགྱུར་རོ། །

62-1-67a

ཇི་ལྟར་སྤྲུལ་པའི་བཅོམ་ལྡན་འདས་དེ་བཞིན་དུ་ཡིད་ཀྱིས་ལེགས་པར་སྦྱོར་བས་རང་གི་ལུས་ལ་བཅུག་ནས། ཡི་གེ་བརྒྱ་པ་དང་བཛྲ་སཏྭ་ཞེས་བརྗོད་དེ་ལྡང་བར་བྱའོ། །དེ་ལྟར་ཐུན་བཞི་དག་ཏུ་བྱའོ། །སྒྲུབ་པའི་ཐབས་ནི་བྱས་པ་ཡི། །བདག་གིས་དགེ་བ་གང་
བསགས་པ། །དེ་ཡིས་ཀུན་དགའ་སྙིང་པོ་ནི། །ཀུན་མཆོག་རྡོ་རྗེ་འཆང་གྱུར་ཅིག །སློབ་དཔོན་ཀུན་དགའ་སྙིང་པོས་མཛད་པའི་དཔལ་རྡོ་རྗེ་སེམས་དཔའི་སྒྲུབ་ཐབས་རྫོགས་སོ།།      །།རྒྱ་གར་གྱི་མཁན་པོ་སུ་བུདྡྷ་ཤྲཱི་ཤཱནྟི་དང་། ལོ་ཙཱ་བ་དགེ་སློང་དགེ་བའི་བློ་གྲོས་ཀྱིས་བསྒྱུར་ཅིང་
ཞུས་ཏེ་གཏན་ལ་ཕབ་པའོ།    །༄༅༅། །རྒྱ་གར་སྐད་དུ། ཤྲཱི་ཏྲཻ་ལོཀྱ་བི་ཛ་ཡ་མཎྜ་ལོ་པ་ཡི་ཀ་ཨཱརྱ་ཏཏྟྭ་སཾ་གྲ་ཧ་ཏནྟྲོ་དྡི་དྷི་ཏ། བོད་སྐད་དུ། དཔལ་ཁམས་གསུམ་རྣམ་པར་རྒྱལ་བའི་དཀྱིལ་འཁོར་གྱི་ཆོ་ག་འཕགས་པ་དེ་ཁོ་ན་ཉིད་བསྡུས་པའི་རྒྱུད་ལས་བཏུས་
པ། མགོན་པོ་འཇམ་པའི་དབྱངས་ལ་ཕྱག་འཚལ་ལོ། །བཅོམ་ལྡན་འདས་རྡོ་རྗེ་སེམས་དཔའ་ལ་ཕྱག་འཚལ་ལོ། །ཁྱབ་བདག་གདུལ་དཀའ་འདུལ་བ་པོ། །རྡོ་རྗེ་ཧཱུྃ་མཛད་ཕྱག་འཚལ་ཏེ། །འཇིག་རྟེན་གསུམ་རྒྱལ་འབྱུང་བ་ཡི། །དཀྱིལ་འཁོར་ཆོ་ག་བཤད་པར་བྱ། །དེ་ལ་རེ་ཞིག་
སློབ་དཔོན་གསང་བའི་དཀྱིལ་འཁོར་དུ་ཞུགས་ཤིང་དབང་ཐོབ་པ་རིགས་པའི་སྡོམ་པ་ཡོངས་སུ་བཟུང་བ། གསང་བའི་ཆོ་ག་ཐམས་ཅད་ཀྱི་བྱ་བ་ཤེས་པ། དཔའ་བ་བརྟན་པ། སྤྲོ་བ། ཆེ་བ། མཁས་པ། དུལ་བ། འདུལ་བའི་ཀུན་དུ་སྦྱོར་བ་ལ་གནས་པ། དད་པ་དང་ལྡན་པ། ཆོས་
ཟབ་མོ་ལ་ལྷག་པར་མོས་པ། སེམས་ཅན་ཐམས་ཅད་ཡོངས་སུ་སྐྱོབ་པའི་བློ་ཅན། ལུས་དང་སྲོག་ལ་ལྟོས་པ་མེད་པ། གྲོགས་ཀྱི་དཀྱིལ་འཁོར་མཐོང་བ། དད་པས་བྱང་ཆུབ་ཏུ་སེམས་བསྐྱེད་པ། གསང་བའི་ཚུལ་གྱིས་ཆོ་གའི་བྱ་བ་ཤེས་པ། གཙང་ཞིང་གཙང་མར་སྤྱོད་པ། 
གསང་བའི་ཆོ་གའི་བྱ་བ་ལ་མཁས་པ། སྙིང་སྟོབས་དང་ལྡན་པ། བློ་བརྟན་པ་དང་ལྷན་ཅིག་གམ། ཡང་ན་གྲོགས་བཟང་མེད་པ་རི་བོའམ། ནགས་སམ། ཆུ་འགྲམ་མམ། སྐྱེད་མོས་ཚལ་ལམ། གཙུག་ལག་ཁང་ལ་སོགས་པའི་ཡིད་དང་རྗེས་སུ་མཐུན་པའི་གནས་སུ་སྔོན་དུ་བསྙེན་

62-1-67b

པ་བྱའོ། །དེ་ལ་དང་པོར་རེ་ཞིག་རིམ་པ་འདིས་རྣམ་པར་རྟོག་པ་ལ་སྤྱོད་པའི་ཁྲུས་བརྩམ་པར་བྱའོ། །ཁྲོ་བོ་ཏི་རཱིནྟི་རིའི་ཕྱག་རྒྱ་བཅིངས་ལ། སྙིང་གར་བཞག་སྟེ། ཨོཾ་དྷུ་པེ་དྷུ་པེ་པི་ཀཱ་ཡ་དྷུ་པི་པྲ་ཛྭ་ལ་ནི་སྭཱ་ཧཱ། ཞེས་ཟློས་ཤིང་བདག་ཉིད་འབར་བར་བྱའོ། །ཨོཾ་ཾཊུཾ་ཞེས་བྱ་བས་གོ་
བགོས་ལ་རྡོ་རྗེ་གནོད་སྦྱིན་གྱི་མཆེ་བའི་ཕྱག་རྒྱ་བཅིངས་ཏེ། བགེགས་ཐམས་ཅད་བཟའ་བར་བྱའོ། །ཡང་དེ་ཉིད་དང་ཨ་ཞེས་བྱ་བ་ཟློས་ཤིང་བདུད་རྩི་ཐབ་སྦྱོར་གྱིས་ཡང་ཨོཾ་བྷུ་ར་ཛྭ་ལ་ཧཱུྃ་སྭཱ་ཧཱ། ཞེས་ཟློས་ཤིང་སྤྱི་བོར་ཆུ་ཁྱོར་བ་གསུམ་བླུགས་པར་བྱའོ། །རིག་པ་འདི་ཉིད་
ཀྱིས་ས་གཙང་མ་བླངས་ལ་ཆ་གསུམ་དུ་བྱས་ཏེ། ཆ་གཅིག་གིས་རྐེད་པ་མན་ཆད་བཀྲུ། གཉིས་པས་ལུས་ཐམས་ཅད་བཀྲུའོ། །གསུམ་པས་ལག་པ་བཀྲུས་ལ་ཉེ་རེག་བྱས་ཏེ། རང་གི་སྔགས་དང་ཕྱག་རྒྱས་སྤྱི་བོར་ཆུ་བླུགས་ལ། བདག་ཉིད་རྡོ་རྗེ་ཧཱུྃ་མཛད་དུ་བྱིན་གྱིས་བརླབས་ཏེ། ཆུ་
ལས་ལངས་ནས་རྡོ་རྗེ་སེམས་དཔའ་ཟློས་ཤིང་ཆུའི་བསྲུང་བ་བསལ་ལ། ཧཱུཾ་བཞི་རྡོ་རྗེའི་ཚིག་གིས་ཡིད་ལ་ཟློས་ཤིང་ལྷའི་ཁང་པའམ། རི་བོ་ལ་སོགས་པའི་གནས་སུའང་ཁྲུས་དང་ཉེ་རེག་བྱས་ཏེ། རྡོ་རྗེ་རྩེ་མོ་མངོན་པར་བཟླས་པའི་ཆུས་གོས་ལ་སོགས་པ་ལ་བསང་གཏོར་བྱས་ལ། 
གནས་ཁང་ལ་སོགས་པར་ཆུ་དེ་ཉིད་ཀྱིས་ལྷའི་ཁང་པའི་ནང་ཀུན་དུ་བགེགས་བསལ་བར་བྱས་ནས་སྟན་བདེ་བ་ལ་སོགས་པར་ཇི་ལྟར་བདེ་བར་འདུག་སྟེ། རྡོ་རྗེ་བསྡམས་པ་ནང་དུ་བཅིངས་ལ། མཛུབ་མོ་གཉིས་གཤིབས་ཏེ་རྩེ་མོར་བྱས་ནས། མཐེ་བོང་གཉིས་གྱེན་དུ་བལྟས་པར་གཤིབས་ཏེ། 
སྐྱིལ་མོ་ཀྲུང་གི་སྟེང་དུ་བཞག་ལ། ཨོཾ་སརྦ་བི་ཤུདྡྷེ་དྷརྨ་ཏཱ་བཛྲ་སིདྡྷི་ཧཱུྃ་ཞེས་ལན་གསུམ་བཟླས་པར་བྱའོ། །དེ་ནས་ལྐོག་མའི་ཕྱོགས་སུ་ཧྲཱི་ལས་པདྨ་འདབ་མ་བརྒྱད་པ་བསམས་པའི་ལྕེའི་པདྨའི་འདབ་མར་ཧཱུྃ་ལས་རྡོ་རྗེ་རྩེ་ལྔ་པ་དཀར་པོ་བསམས་ལ། བཛྲ་ཛི་ཏྭ་ཞེས་བྱ་བའི་རིག་པ་
འདིས་བྱིན་གྱིས་བརླབ་པར་བྱའོ། །ལག་པ་གཉིས་སུ་ཡང་ཨ་ལས་ཟླ་བའི་དཀྱིལ་འཁོར་གཉིས་བསམས་ལ། དེ་གཉིས་ཀྱི་སྟེང་དུ་ཧཱུྃ་གཉིས་ལ་རྡོ་རྗེ་བསམ་ཞིང་ལག་པའི་སོར་མོ་ཡང་རྡོ་རྗེ་རྩེ་མོར་བསྐྱེད་ལ། འོག་ནས་བཤད་པའི་རིམ་པས་བགེགས་གཞོམ་པ་ལ་སོགས་པ་བྱས་

62-1-68a

ནས་རྡོ་རྗེ་འཁོར་ལོའི་ཕྱག་རྒྱ་བཅིངས་ལ། ཨོཾ་བཛྲ་ཙཀྲ་ཧཱུྃ་ཞེས་བརྗོད་པར་བྱའོ། །དེ་ལ་ཕྱག་རྒྱ་ནི་འདི་ཡིན་ཏེ། རྡོ་རྗེ་ཁུ་ཚུར་གཉིས་བཅིངས་ནས། །མཛུབ་མོ་མཐེའུ་ཆུང་རྡོ་རྗེ་མདུད། །རྡོ་རྗེ་འཁོར་ལོ་ཞེས་གྲགས་ཏེ། །དཀྱིལ་འཁོར་ཐམས་ཅད་སྒྲུབ་
བྱེད་ཡིན། །རིགས་ཐམས་ཅད་ཀྱི་འཁོར་ལོ་བསྐོར་བ་འདིས་ཕྱོགས་ཐམས་ཅད་དུ་གཡས་ནས་བསྐོར་ལ་ཁར་བཞག་ནས་ལྟ་བཞིན་དུ་སྔགས་ལན་བརྒྱ་རྩ་བརྒྱད་དུ་བཟླས་ན། རིགས་ཐམས་ཅད་ཀྱི་དཀྱིལ་འཁོར་དུ་ཞུགས་པར་འགྱུར་རོ། །དེ་ནས་དཀྱིལ་འཁོར་བློས་མངོན་སུམ་
ལྟ་བུར་དམིགས་ལ་མེ་ཏོག་ལ་སོགས་པས་ལྷ་ཐམས་ཅད་ཡང་དག་པར་མཆོད་དེ་ཕྱོགས་ཐམས་ཅད་ནས་དཀྱིལ་འཁོར་ལྔ་པ་དང་འདིས་ཕྱག་བྱའོ། །ཨོཾ་སརྦ་ཏ་ཐཱ་ག་ཏ་ཀཱ་ཡ་ཝཱཀ་ཙིཏྟ་པྲ་ཎ་མེ་ན་བཛྲ་བནྡ་ནཾ་ཀ་རོ་མི། དེ་ནས་ཕྱག་བཞི་བྱ་སྟེ། འདི་ལྟར་རྡོ་རྗེ་ཐལ་མོ་བརྐྱང་ལ་སྔགས་
འདི་དང་ལུས་ཐམས་ཅད་ཀྱིས་ཕྱག་བྱའོ། །ཨོཾ་སརྦ་ཏ་ཐཱ་ག་ཏ་པུ་ཛོ་པ་སྠ་ནཱ་ཡ་ཨཱཏྨ་ནཱཾ་ནིརྱཱ་ཏ་ཡཱ་མི་སརྦ་ཏ་ཐཱ་ག་ཏ་བཛྲ་སཏྭ་ཨ་དྷི་ཏིཥྛ་སྭ་མཱཾ། དེ་ནས་དེ་བཞིན་དུ་གནས་པ་ལས་རྡོ་རྗེ་ཐལ་མོ་སྙིང་གར་སྦྱར་ལ། འདིས་དཔྲལ་བས་ཕྱག་བྱའོ། །ཨོཾ་སརྦ་ཏ་ཐཱ་ག་ཏ་པཱུ་ཛ་ཨ་བྷི་ཥེ་ཀ་
ཨཱཏྨ་ནཱཾ་ནིརྱཱ་ཏ་ཡཱ་མི་སརྦ་ཏ་ཐཱ་ག་ཏ་བཛྲ་རཏྣ་ཨ་བྷི་ཥིཉྩ་མཱཾ། དེ་ནས་དེ་བཞིན་དུ་གནས་པ་ལ་རྡོ་རྗེ་ཐལ་མོ་སྤྱི་བོར་བཞག་སྟེ་འདི་དང་ཁས་ཕྱག་བྱའོ། །ཨོཾ་སརྦ་ཏ་ཐཱ་ག་ཏ་པཱུ་ཛ་པྲ་བརྟ་ནཱ་ཡ་ཨཱཏྨ་ནཱཾ་ནིརྱཱ་ཏ་ཡཱ་མི་སརྦ་ཏ་ཐཱ་ག་ཏ་བཛྲ་དྷརྨྨ་པྲ་བརྟ་ཡ་མཱཾ། དེ་ནས་དེ་བཞིན་དུ་གནས་པ་ལས་
རྡོ་རྗེ་ཐལ་མོ་སྤྱི་བོ་ནས་ཕབ་སྟེ་སྙིང་གར་སྦྱར་ལ་བྱང་ཕྱོགས་སུ་སྤྱི་བོ་ས་ལ་རེག་པར་བྱས་ནས་འདིས་ཕྱག་བྱའོ། །ཨོཾ་སརྦ་ཏ་ཐཱ་ག་ཏ་པཱུ་ཛ་ཀརྨྨ་ཎེ་ཨཱཏྨ་ནཱཾ་ནིརྱཱ་ཏ་ཡཱ་མི་སརྦ་ཏ་ཐཱ་ག་ཏ་བཛྲ་ཀརྨྨ་ཀུ་རུ་མཱཾ། ཕྱག་འཚལ་བའི་ཕྱག་རྒྱ་བཅིངས་ནས་སྡིག་པ་ཐམས་ཅད་བཤགས་པར་
བགྱིའོ། །ཕྱོགས་བཅུའི་སངས་རྒྱས་དང་བྱང་ཆུབ་སེམས་དཔའ་དང་། དེ་བཞིན་གཤེགས་པ་དང་། རྡོ་རྗེ་དང་། རིན་པོ་ཆེ་དང་། པདྨ་དང་། ལས་ཀྱི་རིགས་སུ་བཞུགས་པ་ཐམས་ཅད་དང་། སྙིང་པོ་དང་། ཕྱག་རྒྱ་དང་། གསང་སྔགས་དང་། རིག་སྔགས་ཀྱི་ལྷ་ཐམས་ཅད་

62-1-68b

བདག་ལ་དགོངས་སུ་གསོལ། བདག་མིང་འདི་ཞེས་བགྱི་བ་ཕྱོགས་བཅུའི་སངས་རྒྱས་དང་། བྱང་ཆུབ་སེམས་དཔའ་ཐམས་ཅད་དང་། དེ་བཞིན་གཤེགས་པ་དང་། རྡོ་རྗེ་དང་། རིན་པོ་ཆེ་དང་། པདྨ་དང་། ལས་ཀྱི་རིགས་སུ་བཞུགས་པ་ཐམས་ཅད་དང་། སྙིང་པོ་དང་ཕྱག་རྒྱ་དང་། 
གསང་སྔགས་དང་རིག་སྔགས་ཀྱི་ལྷ་ཐམས་ཅད་ཀྱི་སྤྱན་སྔར་སྡིག་པ་ཐམས་ཅད་བླ་ན་མེད་པས་སོ་སོར་བཤགས་པར་བགྱིའོ། །ཕྱོགས་བཅུ་ན་འདས་པ་དང་། མ་འོངས་པ་དང་། ད་ལྟར་བྱུང་བའི་སངས་རྒྱས་དང་བྱང་ཆུབ་སེམས་དཔའ་རྣམས་དང་། རང་སངས་རྒྱས་དང་། 
འཕགས་པ་ཉན་ཐོས་ཡང་དག་པར་སོང་བ་དང་། ཡང་དག་པར་ཞུགས་པ་རྣམས་དང་། སེམས་ཅན་གྱི་ཚོགས་ཐམས་ཅད་ཀྱི་བསོད་ནམས་ཐམས་ཅད་ལ་རྒྱ་ཆེར་རྗེས་སུ་ཡི་རང་བར་བགྱིའོ། །ཕྱོགས་བཅུའི་སངས་རྒྱས་བཅོམ་ལྡན་འདས་ཆོས་ཀྱི་འཁོར་ལོ་བསྐོར་བར་མི་
མཛད་པ་ཐམས་ཅད་ལ་ཆོས་ཀྱི་འཁོར་ལོ་བསྐོར་བར་བྱ་བའི་ཕྱིར་བསྐུལ་བར་བགྱིའོ། །ཕྱོགས་བཅུའི་སངས་རྒྱས་བཅོམ་ལྡན་འདས་ཡོངས་སུ་མྱ་ངན་ལས་འདའ་བར་བཞེད་པ་གང་ཡིན་པ་དེ་ཐམས་ཅད་ལ་མྱ་ངན་ལས་མི་འདའ་བར་གསོལ་བར་འཚལ་ལོ། །དེ་ནས་མེ་ཏོག་གི་
ཕྱག་རྒྱ་བཅིངས་ལ་འདི་སྐད་ཅེས་བརྗོད་པར་བྱ་སྟེ། གང་ཡང་འཇིག་རྟེན་ཁམས་འདིའམ། གང་ཡང་ཕྱོགས་བཅུའི་འཇིག་རྟེན་གྱི་ཁམས་ཐམས་ཅད་ན་ལྷ་དང་མི་རྣམས་ཀྱི་མེ་ཏོག་གི་བྱེ་བྲག་ཡིད་ལས་བྱུང་བའམ། ཆུ་ལས་སྐྱེས་པའམ། ཐང་ལས་སྐྱེས་པ་གང་དག་
ཡོད་པ་དེ་རྣམས་འདི་ལྟ་སྟེ། མ་ལུས་ཤིང་ལུས་པ་མེད་པའི་དེ་བཞིན་གཤེགས་པ་ཐམས་ཅད་ལ་མཆོད་པའི་ལས་བྱ་བའི་ཕྱིར། ཕྱོགས་བཅུའི་སངས་རྒྱས་དང་བྱང་ཆུབ་སེམས་དཔའ་རིགས་ལྔ་དང་བཅས་པར་བཞུགས་པ་ཐམས་ཅད་དང་། སྙིང་པོ་དང་། ཕྱག་རྒྱ་དང་། 
གསང་སྔགས་དང་། རིག་སྔགས་ཀྱི་ལྷ་ཐམས་ཅད་ལ་དབུལ་བར་བགྱིའོ། །ཨོཾ་སརྦ་ཏ་ཐཱ་ག་ཏ་པུཥྤེ་པཱུ་ཛ་མེ་གྷ་ས་མུ་དྲ་སྥ་ར་ཎ་ས་མ་ཡེ་ཧཱུཾ། བདུག་པའི་ཕྱག་རྒྱ་བཅིངས་ཏེ་འདི་སྐད་ཅེས་བརྗོད་པར་བྱ་སྟེ། གང་ཡང་འཇིག་རྟེན་གྱི་ཁམས་འདིའམ། གང་ཡང་ཕྱོགས་

62-1-69a

བཅུའི་འཇིག་རྟེན་གྱི་ཁམས་ཐམས་ཅད་ན་ལྷ་དང་མི་རྣམས་ཀྱི་བདུག་པའི་བྱེ་བྲག་ལྷན་ཅིག་སྐྱེས་པའམ། ཡང་དག་པར་སྦྱར་བའམ། ཡོངས་སུ་གྱུར་པ་ཅན་གང་དག་ཡོད་པ་དེ་རྣམས་འདི་ལྟ་སྟེ། མ་ལུས་ཤིང་ལུས་པ་མེད་པའི་དེ་བཞིན་གཤེགས་པ་
ཐམས་ཅད་ལ་མཆོད་པའི་ལས་བྱ་བའི་ཕྱིར་ཕྱོགས་བཅུའི་སངས་རྒྱས་དང་། བྱང་ཆུབ་སེམས་དཔའ་ཞེས་བྱ་བ་ལ་སོགས་པ་སྔ་མ་བཞིན་ནོ། །ཨོཾ་སརྦ་ཏ་ཐཱ་ག་ཏ་དྷཱུ་པེ་པཱུ་ཛ་མེ་གྷ་ས་མུ་དྲ་སྥ་ཎ་ས་མ་ཡེ་ཧཱུཾ། མར་མེའི་ཕྱག་རྒྱ་བཅིངས་ལ་འདི་སྐད་ཅེས་བརྗོད་པར་བྱ་སྟེ། གང་ཡང་འཇིག་
རྟེན་གྱི་ཁམས་འདིའམ། གང་ཡང་ཕྱོགས་བཅུའི་འཇིག་རྟེན་གྱི་ཁམས་ཐམས་ཅད་ན་ལྷ་དང་མི་རྣམས་ཀྱི་སྣང་བའི་བྱེ་བྲག་ཡིད་ལས་བྱུང་བའམ། རིན་པོ་ཆེའི་འོད་དམ། མར་མེའི་སྣང་བ་ལ་སོགས་པ་གང་དག་ཡོད་པ་དེ་རྣམས་འདི་ལྟ་སྟེ། མ་ལུས་ཤིང་ལུས་པ་མེད་པའི་
དེ་བཞིན་གཤེགས་པ་ཐམས་ཅད་ལ་མཆོད་པའི་ལས་བྱ་བའི་ཕྱིར་ཕྱོགས་བཅུའི་སངས་རྒྱས་དང་བྱང་ཆུབ་སེམས་དཔའ་ཞེས་བྱ་བ་ལ་སོགས་པ་སྔ་མ་བཞིན་ནོ། །ཨོཾ་སརྦ་ཏ་ཐཱ་ག་ཏ་ཨཱ་ལོ་ཀེ་པཱུ་ཛ་མེ་གྷ་ས་མུ་དྲ་སྥ་ཎ་ས་མ་ཡེ་ཧཱུཾ། དྲིའི་ཕྱག་རྒྱ་བཅིངས་ལ། འདི་སྐད་ཅེས་བརྗོད་པར་བྱ་སྟེ། 
གང་ཡང་འཇིག་རྟེན་གྱི་ཁམས་འདིའམ། གང་ཡང་ཕྱོགས་བཅུའི་འཇིག་རྟེན་གྱི་ཁམས་ཐམས་ཅད་ན་ལྷ་དང་མི་རྣམས་ཀྱི་དྲིའི་བྱེ་བྲག་ལྷན་ཅིག་སྐྱེས་པའམ། ཡང་དག་པར་སྦྱར་བའམ། ཡོངས་སུ་གྱུར་པ་ཅན་གང་དག་ཡོད་པ་དེ་རྣམས་འདི་ལྟ་སྟེ། ཞེས་བྱ་བ་ལ་སོགས་
པའོ། །ཨོཾ་སརྦ་ཏ་ཐཱ་ག་ཏ་གནྡྷེ་པཱུ་ཛ་མེ་གྷ་ས་མུ་དྲ་སྥ་ར་ཎ་ས་ཡེ་ཧཱུཾ། ཕྱག་འཚལ་བའི་ཐལ་མོ་སྤྱི་བོར་བཞག་ལ་འདི་སྐད་ཅེས་བརྗོད་པར་བྱ་སྟེ། གང་ཡང་འཇིག་རྟེན་གྱི་ཁམས་འདིའམ། གང་ཡང་ཕྱོགས་བཅུའི་འཇིག་རྟེན་གྱི་ཁམས་ཐམས་ཅད་ན་ལྷ་དང་མི་རྣམས་ཀྱི་རིན་པོ་
ཆེའི་རི་བོའམ། རྒྱ་མཚོ་ཆེན་པོའི་ཚོགས་གང་དག་ཡོད་པ་དེ་ཐམས་ཅད་ཅེས་བྱ་བ་ལ་སོགས་པའོ། །ཨོཾ་སརྦ་ཏ་ཐཱ་ག་ཏ་བོ་དྷྱཾ་ག་རཏྣ་ཨཱ་ལཾ་ཀ་ར་པཱུ་ཛ་མེ་གྷ་ས་མུ་དྲ་སྥ་ཎ་ས་མ་ཡེ་ཧཱུཾ། དེ་ནས་བཞད་པའི་ཕྱག་རྒྱ་བཅིངས་ལ། འདི་སྐད་ཅེས་བརྗོད་པར་བྱ་སྟེ། གང་ཡང་འཇིག་རྟེན་གྱི་

62-1-69b

ཁམས་འདིའམ། གང་ཡང་ཕྱོགས་བཅུའི་འཇིག་རྟེན་གྱི་ཁམས་ཐམས་ཅད་ན་ལྷ་དང་མི་རྣམས་ཀྱི་དགོད་པ་དང་། སྒེག་པ་དང་། དགའ་བ་དང་། རྩེད་འཇོའི་བདེ་བའི་བྱེ་བྲག་གང་དག་ཡོད་པ་དེ་དག་འདི་ལྟ་སྟེ་ཞེས་བྱ་བ་ལ་སོགས་པའོ། །ཨོཾ་སརྦ་ཏ་ཐཱ་ག་ཏ་ཧ་སྱ་ལཱ་སྱ་རཱ་ཏི་ཀྲཱི་ཌ་སཽ་ཁྱ་
ཨ་ནུཏྟ་ར་པཱུ་ཛ་མེ་གྷ་ས་མུ་དྲ་སྥ་ར་ཎ་ས་མ་ཡེ་ཧཱུཾ། བཞད་པའི་ཕྱག་རྒྱ་དེ་ཉིད་རྡོ་རྗེ་ཐལ་མོ་བསྐོར་བ་སྤྱི་བོར་བཞག་ལ། ཡང་ཐལ་མོ་ཁོང་སྟོང་དུ་སྦྱར་བ་བཅིངས་ནས་འདི་སྐད་ཅེས་བརྗོད་པར་བྱ་སྟེ། གང་ཡང་འཇིག་རྟེན་གྱི་ཁམས་འདིའམ། གང་ཡང་ཕྱོགས་བཅུའི་འཇིག་
རྟེན་གྱི་ཁམས་ཐམས་ཅད་ན། དཔག་བསམ་གྱི་ཤིང་ངམ་གོས་ཀྱི་ཤིང་གང་དག་ཡོད་པ་དེ་ཐམས་ཅད་འདི་ལྟ་སྟེ་ཞེས་བྱ་བ་ལ་སོགས་པའོ། །ཨོཾ་སརྦ་ཏ་ཐཱ་ག་ཏ་ཨ་ནུཏྟ་ར་བོ་དྷི་ཨཱ་ལཾ་ཀ་ར་ཝསྟྲ་པཱུ་ཛ་མེ་གྷ་ས་མུ་དྲ་སྥ་ཎ་ས་མ་ཡེ་ཧཱུཾ། དེ་ནས་བཅོམ་ལྡན་འདས་རྡོ་རྗེ་སེམས་དཔའི་
ལས་ཀྱི་ཕྱག་རྒྱ་བཅིངས་ལ། སེམས་ཅན་ཐམས་ཅད་ཀྱི་འཁོར་བའི་སྡུག་བསྔལ་རྗེས་སུ་དྲན་པར་བྱས་ནས། སྙིང་རྗེའི་དབང་གིས་སེམས་ཅན་ཐམས་ཅད་བསྒྲལ་བར་བྱ་བའི་ཕྱིར་བྱང་ཆུབ་ཀྱི་སེམས་བསྐྱེད་དེ། མ་བསྒལ་བ་རྣམས་བསྒྲལ་བར་བྱ་བའི་ཕྱིར་དང་། མ་གྲོལ་བ་རྣམས་
དགྲོལ་བར་བྱ་བའི་ཕྱིར་དང་། དབུགས་མ་ཕྱུང་བ་རྣམས་དབུགས་དབྱུང་བར་བྱ་བའི་ཕྱིར་དང་། ཡོངས་སུ་མྱ་ངན་ལས་མ་འདས་པ་རྣམས་ཡོངས་སུ་མྱ་ངན་ལ་འདའ་བར་བྱ་བའི་ཕྱིར་དང་། སེམས་ཅན་གྱི་ཁམས་མ་ལུས་པ་འཁོར་བའི་རྒྱ་མཚོ་ལས་ཡང་དག་པར་བསྒྲལ་བར་
བྱ་བའི་ཕྱིར་བྱང་ཆུབ་ཏུ་སེམས་བསྐྱེད་པར་བགྱིའོ། །ཨོཾ་སརྦ་ཏ་ཐཱ་ག་ཏ་བཛྲ་བོ་དྷི་ཙིཏྟ་པཱུ་ཛ་མེ་གྷ་ས་མུ་དྲ་སྥ་ཎ་ས་མ་ཡེ་ཧཱུཾ། སྒེག་མོའི་ཕྱག་རྒྱ་བཅིངས་ལ་འདི་སྐད་ཅེས་བརྗོད་པར་བྱ་སྟེ། སེམས་ཅན་ཐམས་ཅད་ཡོ་བྱད་ཐམས་ཅད་ཀྱིས་ཡང་དག་པར་འབྱོར་ཅིང་། ཕུན་
སུམ་ཚོགས་པ་ཐམས་ཅད་འདོད་པ་ཙམ་ལ་རག་ལུས་པར་གྱུར་ཅིག །ཨོཾ་སརྦ་ཏ་ཐཱ་ག་ཏ་མ་ཧཱ་བཛྲོད་བྷ་བ་དཱ་ན་པཱ་ར་མི་ཏ་པཱུ་ཛ་མེ་གྷ་ས་མུ་དྲ་སྥ་ར་ཎ་ས་མ་ཡེ་ཧཱུཾ། རྡོ་རྗེ་ཕྲེང་བ་མའི་ཕྱག་རྒྱ་བཅིངས་ལ་འདི་སྐད་ཅེས་བརྗོད་པར་བྱ་སྟེ། སེམས་ཅན་ཐམས་ཅད་ཀྱི་མི་དགེ་བའི་ལུས་

62-1-70a

དང་ངག་དང་ཡིད་ཀྱི་ལས་ཀྱི་མཐའ་ཐམས་ཅད་དང་ཡང་དག་པར་བྲལ་བར་གྱུར་ཅིག །དགེ་བའི་ལུས་དང་ངག་དང་ཡིད་ཀྱི་ལས་ཀྱི་མཐའ་ཐམས་ཅད་དང་ཡང་དག་པར་ལྡན་པར་གྱུར་ཅིག །ཨོཾ་སརྦ་ཏ་ཐཱ་ག་ཏ་ཨ་ནུཏྟ་ར་མ་ཧཱ་བོ་བྷྱ་ཧཱ་ར་ཤཱི་ལ་པཱ་ར་མི་ཏ་པཱུ་ཛ་མེ་གྷ་ས་
མུ་དྲ་སྥ་ར་ཎ་ས་མ་ཡེ་ཧཱུཾ། རྡོ་རྗེ་གླུ་མཁན་མའི་ཕྱག་རྒྱ་བཅིངས་ལ་འདི་སྐད་ཅེས་བརྗོད་པར་བྱ་སྟེ། སེམས་ཅན་ཐམས་ཅད་མཚན་དང་དཔེ་བྱད་ཐམས་ཅད་ཀྱིས་ཡང་དག་པར་བརྒྱན་པར་བྱས་པ་དང་། རྟག་ཏུ་ཕན་ཚུན་འཇིགས་པ་མེད་པ་དང་། ཞེ་འགྲས་པ་མེད་པར་ཞུགས་
ཤིང་མིག་དང་ཡིད་མངོན་པར་དགའ་བ་དང་། ཆོས་ཟབ་མོ་ལ་བཟོད་པ་ཐོབ་པ་དང་ལྡན་པར་གྱུར་ཅིག །ཨོཾ་སརྦ་ཏ་ཐཱ་ག་ཏ་ཨ་ནུཏྟ་ར་མ་ཧཱ་དྷརྨྨ་ཨ་བ་བོ་དྷི་ཀྵཱནྟི་པཱ་ར་མི་ཏ་པཱུ་ཛ་མེ་གྷ་ས་མུ་དྲ་སྥ་ར་ཎ་ས་མ་ཡེ་ཧཱུཾ། གར་མཁན་མའི་ཕྱག་རྒྱ་བཅིངས་ལ་འདི་སྐད་ཅེས་བརྗོད་པར་བྱ་སྟེ། སེམས་
ཅན་ཐམས་ཅད་བྱང་ཆུབ་སེམས་དཔའི་སྤྱོད་པ་ལ་མངོན་པར་བརྩོན་པ་དང་ལྡན་པ་དང་། སངས་རྒྱས་ཉིད་དུ་ཡོངས་སུ་གཞོལ་ཞིང་འཁོར་བ་ཡོངས་སུ་སྤོང་བའི་བརྩོན་འགྲུས་དང་ལྡན་པར་གྱུར་ཅིག །ཨོཾ་སརྦ་ཏ་ཐཱ་ག་ཏ་སན་སཱ་རཱ་པ་རི་ཏྱཾ་ཀ་ཨ་ནུཏྟ་ར་མ་ཧཱ་བཱིརྱ་པཱ་ར་མི་ཏ་པཱུ་ཛ་མེ་གྷ་ས་མུ་
དྲ་སྥ་ར་ཎ་ས་མ་ཡེ་ཧཱུཾ། དེ་ནས་མེ་ཏོག་གི་ཕྱག་རྒྱ་བཅིངས་ལ་འདི་སྐད་ཅེས་བརྗོད་པར་བྱ་སྟེ། སེམས་ཅན་ཐམས་ཅད་ཉོན་མོངས་པ་དང་ཉེ་བའི་ཉོན་མོངས་པ་རྣམས་དང་བྲལ་བར་གྱུར་ཅིག །བསམ་གཏན་དང་། རྣམ་པར་ཐར་པ་དང་། ཏིང་ངེ་འཛིན་དང་། སྙོམས་པར་འཇུག་པ་དང་། 
མངོན་པར་ཤེས་པ་རྣམས་དང་། རིག་པ་ཐམས་ཅད་དབང་དུ་གྱུར་པ་ཕུན་སུམ་ཚོགས་པར་གྱུར་ཅིག །ཨོཾ་སརྦ་ཏ་ཐཱ་ག་ཏ་ཨ་ནུཏྟ་ར་མ་ཧཱ་སཽ་ཁྱ་བི་ཧཱ་ར་དྷྱཱ་ན་པཱ་ར་མི་ཏ་པཱུ་ཛ་མེ་གྷ་ས་མུ་དྲ་སྥ་ར་ཎ་ས་མ་ཡེ་ཧཱུཾ། བདུག་སྤོས་ཀྱི་ཕྱག་རྒྱ་བཅིངས་ལ་འདི་སྐད་ཅེས་བརྗོད་པར་བྱ་སྟེ། སེམས་ཅན་
ཐམས་ཅད་འཇིག་རྟེན་དང་འཇིག་རྟེན་ལས་འདས་པའི་ཤེས་རབ་དང་ཡེ་ཤེས་རྣམས་དང་ཡང་དག་པར་ལྡན་པར་གྱུར་ཅིག །སོ་སོ་ཡང་དག་པར་རིག་པ་བཞི་ཐོབ་སྟེ། བཟོ་དང་བསྟན་བཅོས་ཐམས་ཅད་ཤེས་ཤིང་སྒྱུ་རྩལ་དང་ལྡན་ལ་གསང་བའི་ཆོ་ག་ཤེས་པ་དང་། དེ་ཁོ་ན་ཉིད་མཐོང་སྟེ། 

62-1-70b

ཉོན་མོངས་པ་དང་ཤེས་བྱའི་སྒྲིབ་པ་ཐམས་ཅད་ཡང་དག་པར་གཅོད་པའི་ཡེ་ཤེས་ཐོབ་པར་གྱུར་ཅིག །ཨོཾ་སརྦ་ཏ་ཐཱ་ག་ཏ་ཨ་ནུཏྟ་ར་ཀླེ་ཤཙྪེ་ད་སརྦ་དྷརྨྨ་ས་མནྟ་ཛྙཱ་ན་མ་ཧཱ་པྲཛྙཱ་པཱ་ར་མི་ཏ་པཱུ་ཛ་མེ་གྷ་ས་མུ་དྲ་སྥ་ར་ཎ་ས་མ་ཡེ་ཧཱུྃ། ལུས་ཀྱིས་བསྙེན་བཀུར་བྱ་བའི་ཕྱིར་བདག་ཉིད་ཕྱོགས་བཅུའི་འཇིག་
རྟེན་གྱི་ཁམས་མ་ལུས་པའི་དེ་བཞིན་གཤེགས་པ་ཐམས་ཅད་ཀྱི་ཞབས་དྲུང་དུ་ཕྱིན་པར་ལྷག་པར་མོས་པ་བྱས་ལ། ཨོཾ་སརྦ་ཏ་ཐཱ་ག་ཏ་ཀཱ་ཡ་ནིརྱཱ་ཏ་ན་པཱུ་ཛ་མེ་གྷ་ས་མུ་དྲ་སྥ་ར་ཎ་ས་མ་ཡེ་ཧཱུྃ། རྡོ་རྗེ་ཐལ་མོ་བསྐོར་བ་ཤིས་པ་རྗོད་པར་བྱེད་པའི་ཚུལ་དུ་བཅིངས་ལ་ཐམས་ཅད་དུ་ལྕེ་བརྒྱ་སྟོང་
ཕྲག་སྙེད་ཀྱི་སྒོ་ནས་མཉམ་ཉིད་མི་གཡོ་ཞེས་བྱ་བ་ལ་སོགས་པའི་བསྟོད་པའི་མཆོད་པས་ལྷག་པར་མོས་པར་བྱས་ལ་འདི་སྐད་ཅེས་བརྗོད་པར་བྱ་སྟེ། ཨོཾ་སརྦ་ཏ་ཐཱ་ག་ཏ་ཝཱཀ་ནིརྱཱ་ཏ་ན་པཱུ་ཛ་མེ་གྷ་ས་མུ་དྲ་སྥ་ར་ཎ་ས་མ་ཡེ་ཧཱུྃ། བྱང་ཆུབ་སེམས་དཔའ་ཐམས་ཅད་དང་བསམ་པ་གཅིག་པའི་
སྦྱོར་བས་ཆོས་ཐམས་ཅད་མཉམ་པ་ཉིད་ལ་ལྷག་པར་མོས་པར་བྱས་ལ། ཨོཾ་སརྦ་ཏ་ཐཱ་ག་ཏ་ཙིཏྟ་ནིརྱཱ་ཏ་ན་པཱུ་ཛ་མེ་གྷ་ས་མུ་དྲ་སྥ་ར་ཎ་ས་མ་ཡེ་ཧཱུྃ། ཆོས་ཐམས་ཅད་ནི་དངོས་པོ་མེད་པའི་ངོ་བོ་ཉིད་དང་། སྟོང་པ་ཉིད་དང་། མཚན་མ་མེད་པ་དང་། སྨོན་པ་མེད་པའི་རྣམ་པས་ལྷག་
པར་མོས་པར་བྱས་ལ་འདི་སྐད་ཅེས་བརྗོད་པར་བྱ་སྟེ། ཨོཾ་སརྦ་ཏ་ཐཱ་ག་ཏ་གུ་ཧྱ་པཱུ་ཛ་མེ་གྷ་ས་མུ་དྲ་སྥ་ར་ཎ་ས་མ་ཡེ་ཧཱུྃ། དེ་ལྟར་དེ་བཞིན་གཤེགས་པ་ཐམས་ཅད་ཡང་དག་པར་མཆོད་ནས་བདག་ཉིད་དབུལ་བར་བྱའོ། །སངས་རྒྱས་དང་བྱང་ཆུབ་སེམས་དཔའ་ཐམས་ཅད་ལ་བདག་
ཉིད་འབུལ་གྱིས། བདག་དུས་ཐམས་ཅད་དང་རྣམ་པ་ཐམས་ཅད་དུ་སོ་སོར་བཞེས་སུ་གསོལ། ཐུགས་རྗེ་ཆེན་པོ་དང་ལྡན་པའི་མགོན་པོ་ཁྱེད་རྣམས་ཀྱིས། དམ་ཚིག་ཆེན་པོའི་དངོས་གྲུབ་བདག་ལ་སྩལ་དུ་གསོལ། ཞེས་བརྗོད་ལ། དགེ་བའི་རྩ་བ་དེ་ཡང་སེམས་ཅན་
ཐམས་ཅད་དང་ཐུན་མོང་དུ་བྱས་ཏེ། དགེ་བའི་རྩ་བ་འདི་བདག་དང་སེམས་ཅན་ཐམས་ཅད་འཇིག་རྟེན་དང་འཇིག་རྟེན་ལས་འདས་པའི་རྒུད་པ་ཐམས་ཅད་བྲལ་བར་གྱུར་ཅིག །འཇིག་རྟེན་དང་འཇིག་རྟེན་ལས་འདས་པའི་ཕུན་སུམ་ཚོགས་པ་ཐམས་ཅད་དང་ཡང་དག་པར་ལྡན་པའི་

62-1-71a

བདེ་བ་ཉིད་དང་། ཡིད་བདེ་བ་ཉིད་ཀྱིས་མིའི་མཆོག་སངས་རྒྱས་ཉིད་དུ་ཚེ་འདི་ཉིད་ལ་གྱུར་ཅིག །བདག་ནི་དགེ་བའི་ལས་རྣམས་འདི་དག་གིས། །འཇིག་རྟེན་དུ་ནི་མྱུར་དུ་སངས་རྒྱས་ཤོག །འགྲོ་ལ་ཕན་ཕྱིར་ཆོས་རྣམས་སྟོན་བགྱིད་ཅིང་། །སེམས་ཅན་སྡུག་བསྔལ་
མང་པོས་གཟིར་ལས་དགྲོལ། །ཞེས་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་ཡོངས་སུ་བསྔོས་ལ། སྡོམ་པ་གཟུང་བར་བགྱིའོ། །ཇི་ལྟར་དུས་གསུམ་མགོན་པོ་རྣམས། །བྱང་ཆུབ་ཏུ་ནི་ངེས་མཛད་པའི། །བྱང་ཆུབ་སེམས་ནི་བླ་མེད་པས། །དམ་པ་བདག་གིས་བསྐྱེད་
པར་བགྱི། །སངས་རྒྱས་རྣལ་འབྱོར་སྡོམ་པ་ལ། །ཚུལ་ཁྲིམས་ཀྱི་ནི་བསླབ་པ་དང་། །དགེ་བའི་ཆོས་ནི་སྡུད་པ་དང་། །སེམས་ཅན་དོན་བྱེད་ཚུལ་ཁྲིམས་གསུམ། །བདག་གིས་བརྟན་པོར་གཟུང་བར་བགྱི། །སངས་རྒྱས་ཆོས་དང་དགེ་འདུན་ཏེ། །བླ་ན་མེད་པའི་དཀོན་
མཆོག་གསུམ། །དེང་ནས་བརྩམས་ཏེ་གཟུང་བར་བགྱི། །ནམ་དུ་ཡང་ནི་མི་སྤང་ངོ་། །རྡོ་རྗེ་རིགས་མཆོག་ཆེན་པོ་ལ། །རྡོ་རྗེ་དྲིལ་བུ་ཕྱག་རྒྱ་ཡང་། །ཡང་དག་ཉིད་དུ་གཟུང་བར་བགྱི། །སློབ་དཔོན་དག་ཀྱང་གཟུང་བར་བགྱི། །རིན་ཆེན་རིགས་མཆོག་ཆེན་པོ་ཡི། །དམ་ཚིག་
ཡིད་དུ་འོང་བ་ལ། །ཉིན་རེ་བཞིན་དུ་དུས་དྲུག་ཏུ། །སྦྱིན་པ་རྣམ་བཞི་རྟག་ཏུ་སྦྱིན། །བྱང་ཆུབ་ཆེན་པོ་ལས་བྱུང་བ། །པདྨའི་རིགས་མཆོག་དམ་པ་ལ། །ཕྱི་ནང་གསང་བའི་ཐེག་པ་གསུམ། །དམ་པའི་ཆོས་ནི་གཟུང་བར་བགྱི། །ལས་ཀྱི་རིགས་མཆོག་ཆེན་པོ་ལ། །སྡོམ་པ་ཐམས་
ཅད་ལྡན་པར་ནི། །ཡང་དག་ཉིད་དུ་གཟུང་བར་བགྱི། །མཆོད་པའི་ལས་ཀྱང་ཅི་ནུས་བགྱི། །བྱང་ཆུབ་སེམས་ནི་བླ་མེད་པས། །དམ་པ་བདག་གིས་བསྐྱེད་བགྱི་ཞིང་། །སེམས་ཅན་ཀུན་གྱི་དོན་གྱི་ཕྱིར། །བདག་གི་སྡོམ་པ་མ་ལུས་གཟུང་། །མ་གྲོལ་བ་ནི་དགྲོལ་བར་བགྱི། །མ་
རྒལ་བ་ནི་བསྒྲལ་བར་བགྱི། །དབུགས་མ་ཕྱུང་བ་དབུགས་དབྱུང་ཞིང་། །སེམས་ཅན་མྱ་ངན་འདས་ལ་དགོད། །ཅེས་བརྗོད་དོ། །དེ་ནས་དེ་བཞིན་གཤེགས་པ་དང་། ལྷ་མོ་རྣམས་ཀྱི་སྐུ་བདག་ཉིད་ལ་གཟུགས་བརྙན་དུ་སྣང་བས་རྒྱལ་པོའི་བཀའ་ལྟར་འདའ་བར་དཀའ་ཞིང་གཞིག་མི་ནུས་

62-1-71b

པས་ཕྱག་རྒྱ་བཅིང་བ་དང་། སྔགས་བརྗོད་པ་ཐམས་ཅད་ལ་རྒྱལ་བ་ཐམས་ཅད་ཀྱིས་ཀྱང་རྡོ་རྗེ་ལྟར་འདའ་བར་མི་མཛད་པའི་ལྷའི་ང་རྒྱལ་མངོན་དུ་བསྐྱེད་ཅིང་ཕྱག་རྒྱ་བཅིང་བར་བགྱིའོ། །དེ་ལ་ཕྱག་རྒྱ་བཅིང་བ་ནི་འདི་ཡིན་ཏེ་ཐལ་མོ་སྦྱར་བར་བྱེད་པ་ན། འདི་སྐད་ཅེས་བརྗོད་པར་བྱའོ། །
ཨ་ནྱོ་ནྱ་ཨ་ནུ་ག་ཏ་སརྦ་དྷརྨཱཿསོར་མོ་ཕན་ཚུན་བཙིར་བ་ན། སྥ་ར་སྥ་ར་ཨ་ནུ་པྲ་བིཥྚ་སརྦ་དྷརྨཱཿབཛྲ་ཨཉྫ་ལི། རབ་ཏུ་བསྡམས་ཕྱིར་རྡོ་རྗེ་བསྡམས། །ཨ་ཏྱན་ཏ་ཨ་ནུ་པྲ་བིཥྚ་སརྦ་དྷརྨ་བཛྲ་བནྡྷ། ཞེས་བྱ་བ་འདིས་ལྷ་རྣམས་རེག་པ་དང་། ཕན་ཚུན་རྗེས་སུ་ཞུགས་པ་དང་། གཅིག་ཏུ་གྱུར་
པར་མོས་པས་སྤྱོད་པའི་ངེས་པར་འབྱེད་པའི་སའི་ཆའི་རང་བཞིན་དུ་ལྷག་པར་མོས་པར་བྱའོ། །དེ་ནས་བཛྲ་བནྡྷ་ཏྲཊ་ཞེས་ཟློས་ཤིང་སྙིང་གར་རྡོ་རྗེ་བཅིང་བ་དྲལ་བར་བྱའོ། །དེ་བཞིན་གཤེགས་པ་ཐམས་ཅད་ཀྱང་བགེགས་རྣམས་གཞོམ་པའི་ཕྱིར་ཁྲོས་པར་གྱུར་ཅིག །
ཧཱུཾ་ཊཀྐི་སྥོ་ཊ་ཡ་མ་ཧཱ་བཱི་ར་ག་ཙཀྲ་བཛྲ་དྷ་ར་སརྱ་ན་བཱ་ཞེས་བྱ་བས་དམ་པའི་ཆོས་ཀྱི་འཁོར་ལོའི་ཕྱག་རྒྱ་དྲལ་བར་བྱའོ། །རྡོ་རྗེ་བསྡམས་ལས་མཐེ་བོང་དང་། །མཐེའུ་ཆུང་གཉིས་ནི་སྙོམས་ཏེ་བསྒྲེང་། །དབུས་མ་གསུམ་བསྒྲེང་ཁ་ཕྱེ་ལ། །འཁོར་ལོ་དམ་ཆོས་འཁོར་ལོ་ཡིན། །དེ་ནས་ལྔ་པོ་
བསྡུས་པ་བཅིངས་ལ་འདི་སྐད་ཅེས་བརྗོད་དོ། །ཨོཾ་མ་ཧཱ་སུ་ཁ་བཛྲ་ས་དྷཱ་ཡ་སརྦ་སཏྭ་བྷྱོ་ཛཿཧཱུཾ་བཾ་ཧོཿ རྡོ་རྗེ་བསྡམས་པ་བཅིངས་ནས་སུ། །མཛུབ་མོ་མཐེ་བོའི་སྐྱེ་གནས་སུ། །གཡས་པའི་མཐེ་བོའི་མཚན་མ་ནི། །བཅུག་ལ་བསྐྱོད་དེ་བཙིར་བར་བྱ། །ཞེས་བྱ་བ་འདི་ནི་ལྔ་པོ་བསྡུས་
པའོ། །ཨོཾ་བཛྲ་ཨཱ་བེ་ཤ་ཞེས་བྱ་བས་རྡོ་རྗེ་དབབ་པའི་ཕྱག་རྒྱ་བཅིངས་ལ་ཨ་ཞེས་བྱ་བས་བདག་ཉིད་ལ་དབབ་པར་བྱའོ། །རྡོ་རྗེ་ཁུ་ཚུར་གྱི་རྩེ་མོ་གཉིས་སྦྱར་བ་ནི་རྡོ་རྗེ་དབབ་པའོ། །དབབ་པ་དེ་ཡང་འདིས་བརྟན་པར་བྱའོ། །ཏིཥྛ་བཛྲ་དྲྀ་ཌྷོ་མེ་བྷ་བ་ཤཱ་ཤྭ་ཏོ་མེ་བྷ་བ། ཧྲྀ་ད་ཡ་མེ་ཨ་དྷི་ཏིཥྛ་སརྦ་
སིདྡྷིཾ་མེ་པྲ་ཡཙྪ་སརྦ་ཀརྨ་སུ་ཙ་མེ་ཙིཏྟཾ་ཤྲེ་ཡཿཀུ་རུ་ཧཱུཾ་ཧ་ཧ་ཧ་ཧ་ཧོཿ། དེ་ནས་བཛྲ་མུཥྚི་ཞེས་བྱ་བས་རྡོ་རྗེ་ཁུ་ཚུར་གྱི་ཕྱག་རྒྱ་བཅིངས་ལ། ཨོཾ་བཛྲ་མུཥྚི་བཾ་ཞེས་བརྗོད་པར་བྱའོ། །རྡོ་རྗེ་བསྡམས་པའི་མཛུབ་མོ་གཉིས་ཀྱི་བར་དུ་མཐེ་བོང་རྩེ་མོ་བཅུག་ལ་མཛུབ་མོ་གཉིས་ཀྱིས་བཙིར་བ་ནི་རྡོ་རྗེ་ཁུ་

62-1-72a

ཚུར་གྱི་མཚན་ཉིད་དོ། །དེ་དག་སྡིག་པ་དྲལ་བའི་ཕྱག་རྒྱས་སྡིག་པ་ཇི་ལྟ་བ་བཞིན་དུ་ཡང་དག་པར་དྲལ་བར་བྱའོ། །དེ་ནས་དཔལ་རྣམ་པར་སྣང་མཛད་ལ་སོགས་པའི་དམ་ཚིག་གི་ཕྱག་རྒྱ་བཅིངས་ལ། དེའི་སྔགས་ལན་གསུམ་བརྗོད་ཅིང་ཨོཾ་བཛྲ་མུཿཞེས་པས་རང་གི་སྙིང་
གར་དགྲོལ་བར་བྱའོ། །དེ་ནས་རང་གི་སྙིང་གར་གནས་པའི་སེམས་དཔའི་རྡོ་རྗེ་ལ་ཡི་གེ་ཧཱུཾ་ཡིད་ཀྱིས་མངོན་པར་བྲིས་ལ་དེ་ཉིད་ཡིད་ལ་ཟློས་ཤིང་བདག་མེད་པར་བསྒོམ་པར་བྱའོ། །དེ་ཉིད་ལས་སྟོང་གསུམ་པའི་སངས་རྒྱས་ཀྱི་ཞིང་གི་ཚད་ཙམ་གྱི་ཟླ་བའི་དཀྱིལ་འཁོར་དེའི་སྟེང་དུ་དེ་ཉིད་ལས་ཟླ་བའི་
དཀྱིལ་འཁོར་གཉིས་པ། ཡང་དེ་ཧཱུྃ་དང་བཅས་པ་ལས་རྡོ་རྗེ་རྩེ་ལྔ་པ་འབར་བ་ལས། དེའི་དབུས་སུ་ཡང་ཡི་གེ་ཧཱུྃ་བཀོད་ལ་དེ་ཉིད་ཟློས་ཤིང་། སེམས་དཔའ་ཇི་ལྟ་བའི་ཕྱག་རྒྱ་དེ་བཞིན་ཏེ་བདག་ཀྱང་དེ་བཞིན་ནོ་ཞེས་རྡོ་རྗེའི་ང་རྒྱལ་སྒོམ་ཞིང་རྡོ་རྗེ་དེ་ལས་དེའི་རིགས་ཐམས་ཅད་སྤྲོས་ལ། དེས་
གདུག་པ་ཐམས་ཅད་བཏུལ་ནས། དེ་ཐམས་ཅད་རྡོ་རྗེ་དེར་བཅུག་ལ། སེམས་དཔར་གྲགས་པ་ཀུན་གྱི་བདག །བདག་ཉིད་བདག་ལ་ཡང་དག་གནས། །དེ་བས་ན་བཛྲ་ཧཾ་ཞེས་ཟླས་ཤིང་། རྡོ་རྗེ་དེ་རྡོ་རྗེ་སེམས་དཔའ་བསྙེམས་པ་དང་བཅས་པས་རྡོ་རྗེ་བསོར་ཞིང་བཛྲ་སཏྭ་ཧཾ་ཞེས་བརྗོད་པར་བྱའོ། །
ཡང་ཡི་གེ་ཧཱུྃ་ཟློས་ཤིང་དེ་ཉིད་རྡོ་རྗེ་ཧཱུྃ་མཛད་དུ་ལྷག་པར་མོས་ལ། མ་ཧཱ་ས་ཡ་སཏྭ་ཧཾ་ཞེས་བརྗོད་པར་བྱའོ། །འདི་ནི་ཐོག་མ་དང་ཐ་མ་མེད་པའི་སེམས་སྒོམ་པའོ། །དེ་ནས་ཁམས་གསུམ་རྣམ་པར་རྒྱལ་བའི་ཕྱག་རྒྱ་བཅིངས་ལ་འདི་སྐད་ཅེས་བརྗོད་པར་བྱའོ། །ས་མ་ཡ་ཧཾ། འདི་ཡང་སྐུར་
བསྒོམ་པ་སྟེ། ཡང་ཁམས་གསུམ་རྣམ་པར་རྒྱལ་བའི་ཕྱག་རྒྱ་དེ་ཉིད་ཀྱིས་སྙིང་ག་དང་། དཔྲལ་བ་དང་། ལྐོག་མ་དང་། སྤྱི་བོ་བྱིན་གྱིས་བརླབས་ལ། ས་མ་ཡ་སྟྭཾ་ཨ་དྷི་ཏིཥྛ་སྭ་མཱཾ་ཞེས་བརྗོད་པར་བྱའོ། །དེ་ནས་ཕྱག་རྒྱ་ཆེན་པོ་བཅིང་བར་བྱའོ། །དེ་ནས་མ་ཡ་ཨ་ཞེས་བརྗོད་དེ་མདུན་དུ་ཟླ་
བའི་དཀྱིལ་འཁོར་སྤྲུལ་ལ། ཧཱུྃ་ཨ་ཞེས་བྱ་བ་འདིས་དེའི་སྟེང་དུ་རྡོ་རྗེ་འབར་བ་བདག་ཉིད་དབབ་པར་བྱའོ། །དེ་ནས་བཛྲོ་ཞེས་རྡོ་རྗེའི་ང་རྒྱལ་དུ་རྣམ་པར་བསྒོམས་ལ། རྡོ་རྗེ་དེ་ཉིད་བཛྲ་ཧཱུྃ་ཀ་རོ་ཧཾ། ཞེས་ཟློས་ཤིང་རྡོ་རྗེ་ཧཱུྃ་མཛད་དུ་བསྒོམས་པར་བྱའོ། །དེ་ནས་དེ་ཉིད་དུ་བཅོམ་ལྡན་འདས་ཁྲོ་བོ་

62-1-72b

རྡོ་རྗེ་ལྕགས་ཀྱུ་ལ་སོགས་པ་དགུག་པ་དང་། གཞུག་པ་དང་། བཅིང་བ་དང་། དབང་དུ་བྱས་ནས་ཁམས་གསུམ་རྣམ་པར་རྒྱལ་བའི་ཕྱག་རྒྱ་བཅིངས་ལ། ཨོཾ་སུམྦྷ་ནི་སུམྦྷ་ཧཱུྃ། གྲྀཧྞ་གྲྀཧྞ་ཧཱུཾ། གྲྀཧྞཱ་པ་ཡ་གྲྀཧྞཱ་པ་ཡ་ཧཱུཾ། ཨཱ་ན་ཡ་ཧོ། བྷ་ག་བཱན་བཛྲ་ཧཱུཾ་ཕཊ། དྲྀ་ཤྱ་ཞེས་པས་བལྟ་བར་བྱའོ། །
ཡེ་ཤེས་སེམས་དཔའ་དེ་མཐོང་ནས། །རང་གི་ལུས་ལ་རབ་ཏུ་བསྒོམ། །དགུག་ཅིང་བཅུག་ལ་བཅིང་བ་དང་། །དབང་དུ་བྱས་ཏེ་བསྒྲུབ་པར་བྱ། །ཛཿཧཱུྃ་བཾ་ཧོཿཞེས་ཟླས་ཤིང་ཁམས་གསུམ་རྣམ་པར་རྒྱལ་བའི་ཕྱག་རྒྱ་བཅིངས་ལ། དེ་ཉིད་དང་ས་མ་ཡ་སྟྭཾ་ཧྲཱི་ཞེས་བརྗོད་ཅིང་། རྒྱབ་ཏུ་ཟླ་བའི་
དཀྱིལ་འཁོར་བསྐྱེད་ལ། དེ་ཉིད་དང་ས་མ་ཡ་སྟྭཾ་ཨ་ཧཾ་ཞེས་བརྗོད་དེ། དེར་བདག་ཉིད་དཔལ་རྡོ་རྗེ་ཧཱུྃ་མཛད་དུ་བསྒོམ་པར་བྱའོ། །གཡོན་བརྐྱང་བ་ཡིས་ལེག་པར་བཞུགས། །འབར་བའི་ཕྲེང་བ་འཁྲུགས་པའི་འོད། །ཤིན་དུ་གདུལ་དཀའ་དྲག་པོའི་ལུས། །གཡོན་པའི་ཞབས་ཀྱིས་ཡང་
དག་མནན། །གཡས་པ་ཡིས་ནི་ཨུ་མ་ཡི། །ནུ་མ་རྒྱས་པ་གནོན་པར་བསམ། །སྤྱན་འབར་འཇིགས་སུ་རུང་བ་སྟེ། །ཨུཏྤལ་སྔོན་པོ་ཆེན་པོའི་མདོག །རྡོ་རྗེ་ཧཱུྃ་མཛད་བསྡུས་པ་ཡིན། །ཞལ་གདངས་མཆེ་བ་ཅུང་ཟད་གཙིགས། །ཁྲོ་བཅས་ཞལ་ནི་བཞད་པ་ཡིན། །ཞལ་བཞི་པ་ལ་
ཕྱག་བརྒྱད་པ། །ཕྱག་གཉིས་ཀྱིས་ནི་ཐུགས་ཀ་རུ། །ཁམས་གསུམ་རྣམ་རྒྱལ་ཕྱག་རྒྱ་ཡིས། །རྡོ་རྗེ་དྲིལ་བུ་བསྡམས་པར་མཛད། །ཕྱག་གཉིས་ན་ནི་མདའ་གཞུ་བསྣམས། །གཉིས་ན་རལ་གྲི་ལྕགས་ཀྱུ་བསྣམས། །གཉིས་ན་རྡོ་རྗེ་ཞགས་པ་བསྣམས། །སངས་རྒྱས་ཆུན་འཕྱང་
ཕྲེང་བ་ཅན། །དེ་བཞིན་གཤེགས་པ་རིན་ཆེན་ཕྲེང་། །པདྨ་རྡོ་རྗེ་དར་དཔྱངས་ཀྱི། །དབང་བསྐུར་དང་ལྡན་སྣ་ཚོགས་པའི། །རྒྱན་རྣམས་ཀུན་གྱིས་རབ་བརྒྱན་པའོ། །ཡང་ན་ཀྲོ་དྷ་དྲྀཥྚི་ཧྲཱིཿཞེས་བྱ་བ་མིག་ཏུ་བཀོད་ལ། ཞལ་གཅིག་པ་ཁམས་གསུམ་རྣམ་པར་རྒྱལ་བའི་ཕྱག་རྒྱ་དང་ལྡན་པར་
བྱའོ། །སྔ་མ་བཞིན་དུ་ལྕེ་ལ་རྡོ་རྗེ་ཧཱུྃ་དང་བཅས་པར་བསམ་པར་བྱའོ། །དེ་ནས་བཅོམ་ལྡན་འདས་ཀྱི་ལས་ཀྱི་ཕྱག་རྒྱ་དང་། ཕྱག་རྒྱ་ཆེན་པོ་ཡང་ཇི་ལྟ་བ་བཞིན་དུ་བཅིང་བར་བྱའོ། །དེའི་རྗེས་ལ་བསྡུ་བའི་ཕྱག་རྒྱ་བཅིངས་ལ། ཛཿཧཱུྃ་བཾ་ཧོཿཞེས་བརྗོད་དོ། །ཡིད་ཀྱི་ལེགས་པའི་སྦྱོར་བས་

62-1-73a

རང་གི་ལུས་ལ་སངས་རྒྱས་ཐམས་ཅད་གཞུག་པར་བྱ་སྟེ། བཛྲ་དྷཱ་ཏུ་དྲྀ་ཤྱ་ཛཿཧཱུཾ་བཾ་ཧོཿས་མ་ཡ་སྟྭཾ་ས་མ་ཡ་སྟྭཾ་ཨ་ཧཾ་ཞེས་བྱ་བ་དང་། རང་གི་སྔགས་ཀྱང་ལེན་གསུམ་བརྗོད་ལ། དམ་ཚིག་གི་ཕྱག་རྒྱ་བསྒྲུབ་པར་བྱའོ། །ཨོཾ་སརྦ་ཏ་ཐཱ་ག་ཏ་མཧཱ་ཡོ་གཱི་ཤྭ་ར་ཧཱུྃ། ཞེས་བྱ་བ་ནི་
བཅོམ་ལྡན་འདས་རྣམ་པར་སྣང་མཛད་ཀྱི་སྔགས་སོ། །ཨོཾ་བཛྲ་སཏྭ་ཧཱུྃ་ཞེས་བྱ་བ་ནི་མི་བསྐྱོད་པའི་སྔགས་སོ། །ཨོཾ་བཛྲ་རཏྣ་ཧཱུྃ་ཞེས་བྱ་བ་ནི་རིན་ཆེན་འབྱུང་ལྡན་གྱི་སྔགས་སོ། །ཨོཾ་བཛྲ་དྷརྨ་ཧཱུྃ་ཞེས་བྱ་བ་ནི་སྣང་བ་མཐའ་ཡས་ཀྱི་སྔགས་སོ། །ཨོཾ་བཛྲ་ཀརྨ་ཧཱུྃ་ཞེས་བྱ་བ་ནི་དོན་ཡོད་གྲུབ་པའི་སྔགས་
སོ། །དེ་ནས་དེ་རྣམས་ཀྱི་དམ་ཚིག་གི་ཕྱག་རྒྱ་བཤད་དེ། རྡོ་རྗེ་བསྡམས་པ་ལས་བྱུང་བའི་སེམས་མ་རྡོ་རྗེ་མ་བསྟན་པར་བྱས་ལ། གུང་མོ་གཉིས་བསྒྲེངས་ཏེ་མྱུ་གུ་ལྟར་མཉམ་པར་བསྒྲེང་བ་ནི་རྣམ་པར་སྣང་མཛད་ཀྱིའོ། །གུང་མོ་ནང་དུ་གཤིབས་པ་ནི་མི་བསྐྱོད་པའིའོ། །གུང་མོ་དང་ཐེ་བོང་
གཉིས་རིན་པོ་ཆེ་ལྟར་བྱས་པ་ནི་རིན་ཆེན་བྱུང་ལྡན་གྱིའོ། །གུང་མོ་པདྨ་འདྲ་བར་བྱས་པ་ནི་འོད་དཔག་ཏུ་མེད་པའིའོ། །དེ་བཞིན་དུ་མཛུབ་མོ་བཀུག་པ་ནི། དོན་ཡོད་གྲུབ་པའི་དམ་ཚིག་གི་ཕྱག་རྒྱའོ། །མི་བསྐྱོད་པ་ལ་སོགས་པའི་ཕྱག་རྒྱ་བཞི་པོ་འདི་དག་ནི་རྣམ་པར་སྣང་མཛད་ཀྱི་ཕྱག་རྒྱ་
ལས་བྱུང་བ་ཡིན་ནོ། །དེ་ནས་བཛྲ་ཛྙཱ་ན་ཞེས་བྱ་བ་དེ་བཞིན་གཤེགས་པ་ཐམས་ཅད་ཀྱི་ལྗགས་ལ་བསམ་པར་བྱའོ། །དེ་ནས་དེ་བཞིན་གཤེགས་པ་ཐམས་ཅད་ཀྱི་ལས་ཀྱི་ཕྱག་རྒྱ་བཅིང་བར་བྱའོ། །དེ་ལ་འདི་ནི་རྡོ་རྗེ་ཁུ་ཚུར་ལས་བྱུང་བ་སྟེ། གཡོན་པའི་རྡོ་རྗེ་མཛུབ་མོ་ནི། །གཡས་
པའི་ནང་དུ་བསྒྲེང་བར་བྱ། །བྱང་ཆུབ་མཆོག་གི་ཕྱག་རྒྱ་ཆེ། །སངས་རྒྱས་བྱང་ཆུབ་སྦྱིན་བྱེད་པའོ། །རྣམ་པར་སྣང་མཛད་ཀྱིའོ། །གཡོན་པའི་ཁུ་ཚུར་གྱིས་ཆོས་གོས་ཀྱི་མཐའ་མ་འཛིན་པའི་ཚུལ་དུ་སྙིང་གར་བཞག་ལ། གཡས་པའི་སོར་མོ་བརྐྱང་བས་ས་ལ་རེག་པའི་ཚུལ་དུ་
བྱ་བ་ནི་མི་བསྐྱོད་པའིའོ། །འདི་ཉིད་ལག་པ་གཡས་པ་མཆོག་སྦྱིན་པ་ནི་རིན་ཆེན་འབྱུང་ལྡན་གྱིའོ། །རྡོ་རྗེ་ཁུ་ཚུར་གཉིས་ཀྱི་ལག་པ་གཉིས་ཀྱི་སོར་མོ་བརྐྱང་ལ་ལྷུང་བཟེད་འཛིན་པའི་ཚུལ་དུ་པང་པར་བཞག་པ་འདི་ནི་ཏིང་ངེ་འཛིན་མཆོག་ཅེས་བྱ་སྟེ། འོད་དཔག་ཏུ་མེད་པའིའོ། །མི་བསྐྱོད་

62-1-73b

པའི་ཕྱག་རྒྱ་ལས་ལག་པ་གཡས་པ་མི་འཇིགས་པའི་ཚུལ་དུ་བྱས་ནས་བཞག་པ་ནི་དོན་ཡོད་གྲུབ་པའིའོ། །དེ་ནས་རང་གི་སྙིང་གར་རྡོ་རྗེ་བསམས་ལ། དེ་བཞིན་གཤེགས་པ་ཐམས་ཅད་ཀྱི་ཕྱག་རྒྱ་ཆེན་པོ་བཅིང་བར་བྱའོ། །ཇི་སྐད་དུ་བཤད་པའི་བྱང་ཆུབ་མཆོག་གི་ཕྱག་རྒྱ་ནི་རྣམ་
པར་སྣང་མཛད་ཀྱིའོ། །ཏིང་འཛིན་མཆོག་གི་ཕྱག་རྒྱ་བཅིངས་ལ། ལག་པ་གཡས་པ་ས་ལ་རེག་པ་ནི་མི་བསྐྱོད་པའིའོ། །དེ་ལས་ཕྱག་གཡས་པ་མཆོག་སྦྱིན་པ་ནི་རིན་ཆེན་འབྱུང་ལྡན་གྱིའོ། །ཏིང་ངེ་འཛིན་མཆོག་ནི་འོད་དཔག་ཏུ་མེད་པའིའོ། །མི་བསྐྱོད་པའི་ཕྱག་རྒྱ་ལས་
ཕྱག་གཡས་པ་མི་འཇིགས་པ་སྦྱིན་པའི་ཚུལ་དུ་བྱ་བ་ནི་དོན་ཡོད་གྲུབ་པའི་ཕྱག་རྒྱ་ཆེན་པོ་སྟེ། འདི་དག་ནི་ཕྱག་མཚན་དང་བཅས་པ་ཡིན་ནོ། །དེ་ནས་ཁམས་གསུམ་རྣམ་པར་རྒྱལ་བའི་ཕྱག་རྒྱ་དང་། ཧཱུྃ་བཞིས་སྙིང་ག་དང་། དཔྲལ་བ་དང་། ལྐོག་མ་དང་། སྤྱི་བོར་བདག་ཉིད་བྱིན་གྱིས་
བརླབ་པར་བྱའོ། །དེ་ནས་སྙིང་གར་རྡོ་རྗེ་སེམས་མའི་ཕྱག་རྒྱས་དཔྲལ་བར་རྡོ་རྗེ་རིན་ཆེན་མས། ལྐོག་མར་རྡོ་རྗེ་ཆོས་མས། སྤྱི་བོར་རྡོ་རྗེ་ལས་མས་བྱིན་གྱིས་བརླབས་ལ། ཨོཾ་བཛྲ་སཏྭ་ས་མ་ཡ་མ་ནུ་པཱ་ལ་ཡ། བཛྲ་སཏྭ་ཏྭེ་ནོ་པ། ཏིཥྛ་དྲྀ་ཌྷོ་མེ་བྷ་བ། སུ་ཏོ་ཥྱོ་མེ་བྷ་བ། ཨ་ནུ་རཀྟོ་མེ་བྷ་
བ། སུ་པོ་ཥྱོ་མེ་བྷ་བ། སརྦ་སིདྡྷི་མྨེ་པྲ་ཡ་ཙྪཿསརྦ་ཀརྨ་སུ་ཙ་མེ། ཙིཏྟཾ་ཤྲེ་ཡཿཀུ་རུ་ཧཱུྃ། ཧ་ཧ་ཧ་ཧ་ཧོཿབྷ་ག་བཱན་སརྦ་ཏ་ཐཱ་ག་ཏ་བཛྲ་མཱ་མེ་མུཉྩ་བཛྲི་བྷ་བ་མ་ཧཱ་ས་མ་ཡ་སཏྭ་ཨཱཿཞེས་བྱ་བ་ཡི་གེ་བརྒྱ་པ་ལན་གསུམ་བཟླས་པས་བརྟན་པར་བྱས་ནས་སྲུང་བ་ཆེན་པོ་བྱ་བའི་ཕྱིར། ཨོཾ་བཛྲ་ཨུཥྚི་ཥ་
ཧཱུྃ་ཕཊ། ཅེས་བྱ་བའི་རིག་པ་འདིས་ཕྱག་རྒྱ་དང་བཅས་པ་གཙུག་ཏོར་དུ་དགོད་པར་བྱའོ། །རྡོ་རྗེ་བཅིང་བ་དམ་བཅིངས་ཏེ། །མཐེ་བོང་ནང་དུ་སྦྱར་ནས་ནི། །མཛུབ་མོ་བཀུག་སྟེ་གཉི་གས་དགབ། །སེམས་དཔའི་གཙུག་ཏོར་ཞེས་བྱའོ། །ཞེས་བྱ་བ་ནི་འདིའི་ཕྱག་རྒྱའོ། །ཡང་
གཙུག་ཏོར་གྱི་སྟེང་དུ་སྔགས་འདིའི་ཕྱག་རྒྱ་དང་ལྡན་པས་གཟི་བརྗིད་ཕུང་པོ་འབར་བའི་འཁོར་ལོའི་ཕྱག་རྒྱ་གཞག་པར་བྱའོ། །ཨོཾ་ན་མཿསརྦ་ཏ་ཐཱ་ག་ཏ་ཨུཥྞཱི་ཥ་ཏེ་ཛོ་ར་ཤི་ཨ་ན་པ་ལི་ཀི་ནཱ་མུརྡྷ་ཧཱུྃ། ཛ་ལ་ཏ་ཀ་བི་བྷ་ཀ་དྷ་ར་བི་དྷ་ར་ཚིནྡྷ་བིནྡྷ་ཧཱུྃ་ཕཊ། རྡོ་རྗེ་བཅིང་བ་བྱས་ནས་ནི། །མཐེ་བོང་

62-1-74a

གུང་མོ་མཐེའུ་བསྒྲེང་། །གཟི་བརྗིད་ཕུང་པོ་ཞེས་བྱ་སྟེ། །དངོས་གྲུབ་མྱུར་དུ་སྦྱིན་བྱེད་པའོ། །དེ་ནས་རྡོ་རྗེ་དབྱིངས་ཀྱི་དབང་ཕྱུག་མ་བཅིངས་ལ། སྤྱི་གཙུག་ཏུ་ཨ་ལས་རྣམ་པར་སྣང་མཛད་བསྐྱེད་ལ་འདི་སྐད་ཅེས་བརྗོད་པར་བྱའོ། །ཨོཾ་བཛྲ་དྷཱ་ཏྭཱི་ཤྭ་རི་ཧཱུྃ་བཛྲི་ཎི་ཨ་བྷི་ཥིཉྩ་
མཱཾ། མི་བསྐྱོད་པའི་ཕྱག་རྒྱ་བཅིངས་ལ། ཡི་གེ་ཧཱུྃ་ལས་དཔལ་བའི་སྟེང་དུ་མི་བསྐྱོད་པ་སྟེ། ཨོཾ་བཛྲ་བཛྲི་ཎི་ཧཱུྃ་ཨ་བྷི་ཥིཉྩ་མཱཾ། རིན་ཆེན་འབྱུང་ལྡན་གྱི་ཕྱག་རྒྱ་བཅིངས་ལ། ཡི་གེ་ཏྲཱཾ་ལས་རྣ་བ་གཡས་པའི་སྟེང་དུ་རིན་ཆེན་འབྱུང་ལྡན་ནོ། །ཨོཾ་རཏྣ་བཛྲི་ཎི་ཧཱུྃ་ཨ་བྷི་ཥིཉྩ་མཱཾ། འོད་དཔག་ཏུ་མེད་པའི་ཕྱག་
རྒྱ་བཅིངས་ལ། ཡི་གེ་ཧྲཱིཿལས་རྒྱབ་ཏུ་ནི་འོད་དཔག་ཏུ་མེད་པའོ། །ཨོཾ་དྷརྨ་བཛྲི་ཎི་ཧཱུྃ་ཨ་བྷི་ཥིཉྩ་མཱཾ། དོན་ཡོད་གྲུབ་པའི་ཕྱག་རྒྱ་བཅིངས་ལ། རྣ་བ་གཡོན་པའི་སྟེང་དུ་ཡི་གེ་ཨ་ལས་དོན་ཡོད་གྲུབ་པ་བསྐྱེད་ལ་འདི་སྐད་ཅེས་བརྗོད་དོ། །ཨོཾ་ཀརྨ་བཛྲི་ཎི་ཧཱུྃ་ཨ་བྷི་ཥིཉྩ་མཱཾ། རྡོ་རྗེ་ཐལ་མོ་བཅིངས་
ལ། མཐེ་བོ་གཉིས་ནི་བསྣོལ་བྱས་ལ། །མཛུབ་མོ་རྩེ་མོ་བཀུག་པས་ནི། །གུང་མོ་སྙམ་པའི་ཚིགས་སུ་སྦྱར། །རྡོ་རྗེ་དབྱིངས་ཀྱི་དབང་མོར་བཤད། །དེ་ཉིད་གུང་མོ་རྡོ་རྗེར་བྱ། །གུང་མོ་གཉིས་ནི་ནོར་བུར་བྱ། །པདྨོར་སྲིན་ལག་མཐེའུ་ཆུང་གུང་། །ལག་པ་སོར་མོ་རབ་ཏུ་བརྐྱང་། །ཞེས་
བྱའོ། །ཨོཾ་བཛྲ་ཛྭ་ལ་ཨ་ན་ལཱརྐ་ཧཱུཾ་ཨ་བྷི་ཥིཉྩ་མཱཾ་ཞེས་བརྗོད་ལ། རྡོ་རྗེ་ཏི་རཱིནྟི་རིའི་ཕྱག་རྒྱས་རྡོ་རྗེ་མེ་ལྟར་འབར་བའི་དབང་བསྐུར་བ་བླང་བར་བྱའོ། །རྡོ་རྗེ་བསྡམས་པ་ནང་བཅིངས་ནས། །ཡིད་ཀྱིས་ཁྲོས་ནས་དགབ་བྱ་བ། །རྡོ་རྗེ་མཐེ་བོ་དམ་པོ་སྟེ། །ཁྲོ་བོ་ཏི་རཱིནྟི་རིར་བཤད། །འདིས་སྤྱི་བོ་
ནས་བརྩམས་ཏེ་ཕྱོགས་བཞི་རྡོ་རྗེ་ཕྲེང་བ་བཅིང་བའི་ཚུལ་དུ་བྱས་ལ། དཔྲལ་བར་གཞག་རྒོ། །ཨོཾ་ཊུཾ་ཞེས་བྱ་བ་ནི་ཕྱག་རྒྱ་དང་ལྡན་པས་གོ་ཆ་བཅིང་བར་བྱའོ། །རྡོ་རྗེ་ཁུ་ཚུར་གཉིས་ཀྱིས་སྙིང་གར་འདུདཔའི་ཚུལ་དུ་བྱ་བ་དང་། དེ་བཞིན་དུ་མགྲིན་པ་དང་། ལྟག་པ་དང་ཡང་སྙིང་ག་དང་། 
ནུ་མའི་བར་དང་སླར་ཡང་སྙིང་ག་དང་། མགྲིན་པ་དང་། རྟག་པ་དང་དཔྲལ་བའི་སྟེང་དུ་མདུད་པའི་ཚུལ་དུ་བྱས་ལ། མགོ་བོར་ཕྲེང་བ་བཅིང་བའི་ཚུལ་དུ་བྱས་ལ། མཐའ་མ་ལ་སོགས་པ་ནས་དགྲོལ་བའི་ཚུལ་གྱིས་དར་དཔྱངས་བྱ་བའི་ཐབས་སུ་བྱས་ལ། དེ་མཉམ་པའི་ཐལ་

62-1-74b

མོ་བཛྲ་ཏུ་ཥྱ་ཧོཿཞེས་བྱ་བས་མཉེས་པར་བྱའོ། །དེ་ནས་རྡོ་རྗེ་ཐལ་མོ་བསྐོར་ལ་བཅོམ་ལྡན་འདས་རྡོ་རྗེ་ཧཱུྃ་མཛད་ལ་ཕྱག་བྱས་ནས། ཡི་གེ་ཧཱུྃ་ལས་བསྐྱེད་པའི་རྡོ་རྗེ་གཟུང་བར་བྱའོ། །སངས་རྒྱས་ཀུན་གྱི་རྡོ་རྗེའི་དབང་། །དེང་འདིར་ཁྱོད་ལ་བསྐུར་བར་བྱ། །སངས་རྒྱས་ཀུན་དུ་རབ་བསྒྲུབ་ཕྱིར། །
རྡོ་རྗེ་འདི་ནི་ཁྱོད་ཀྱིས་ལོང་། །ཨོཾ་བཛྲ་ཨ་དྷི་པ་ཏི་ཏྭཾ་ཨ་བྷི་ཥིཉྩ་མི་ཏིཥྛ་བཛྲ་ས་མ་ཡ་སྟྭཾ། ཨོཾ་བཛྲ་པཱ་ཎི་བཛྲ་ཀརྨ་ཀ་རོདྡྷ་བ་ཞེས་བྱ་བ་འདིས། རྡོ་རྗེ་སྤྱི་བོར་བཞག་ལ་མིང་གི་དབང་བསྐུར་བ་བླང་བར་བྱའོ། །ཨོཾ་བཛྲ་ཀྲོ་དྷ་ཏྭཾ་ཨ་བྷི་ཥིཉྩཱ་མི་བཛྲ་ནཱ་མ་ཨ་བྷི་ཥེ་ཀ་ཏ། ཀྱེ་ཧཱུྃ་མཛད་རྡོ་རྗེ་ཞེས་བྱ་
བ་ལ་སོགས་པས་སོ། །དེ་ནས་སྒེག་མོ་ལ་སོགས་པའི་གསང་བའི་མཆོད་པ་བཞིས་བདག་ཉིད་ཇི་ལྟ་བ་བཞིན་དུ་ཡང་དག་པར་མཆོད་ལ་ཡང་བཅོམ་ལྡན་འདས་ཀྱི་ཕྱག་རྒྱ་ཆེན་པོ་བཅིངས་ལ་དེ་ཁོ་ན་ཉིད་ཀྱི་རྡོ་རྗེ་གཟུང་བར་བྱའོ། །རྡོ་རྗེ་སེམས་དཔའ་བཏུལ་བས་ན། །ཁྲོ་བོ་རྟག་ཏུ་
ཆགས་ལས་བྱུང་། །རྡོ་རྗེ་མེ་ལྟར་འབར་བ་ནི། །བདག་ནི་རབ་ཏུ་འཇིགས་བྱེད་པའོ། །ཞེས་བྱ་བ་ནི་དེ་ཁོ་ན་ཉིད་དོ། །ཨ་ལས་བྱུང་བའི་ཆོས་ཀྱི་དྲིལ་བུ་དཀྲོལ་བར་བྱའོ། །ཐམས་ཅད་ནམ་མཁའི་མཚན་ཉིད་དེ། །ནམ་མཁའ་ལ་ཡང་མཚན་ཉིད་མེད། །ནམ་མཁའ་དང་མཉམ་རྣལ་
འབྱོར་པས། །ཐམས་ཅད་མྱུར་བ་ཉིད་དུ་འགྲུབ། །ཅེས་བྱ་བ་ནི་ཆོས་སོ། །དམ་ཚིག་གི་ཕྱག་རྒྱ་ཆེན་པོར་བྱིན་གྱིས་བརླབ་པར་བྱ་སྟེ། ཐམས་ཅད་ནམ་མཁར་སྦྱོར་བ་ཡིས། །ཐམས་ཅད་ནམ་མཁའ་ཞེས་སྨྲ་ཞིང་། །རྡོ་རྗེ་ཕྱག་རྒྱས་རྒྱས་བཏབ་ལ། །ཁམས་གསུམ་པ་ནི་བཟའ་
བར་བྱ། །ཞེས་པ་ནི་དམ་ཚིག་གོ། །དེ་ནས་འདིས་རྡོ་རྗེ་བརྟུལ་ཞུགས་བླང་བར་བྱ་སྟེ། འདི་དེ་སངས་རྒྱས་ཐམས་ཅད་དེ། །ཕྱག་ན་རྡོ་རྗེའི་ལག་ན་འདུག །ཁྱོད་ཀྱིས་ཀྱང་ནི་རྟག་ཏུ་བཅང་། །ཕྱག་ན་རྡོ་རྗེའི་བརྟུལ་ཞུགས་བརྟན། །ཨོཾ་སརྦ་ཏ་ཐཱ་ག་ཏ་སིདྡྷི་བཛྲ་ས་མ་ཡ་ཏིཥྛ་ཨེ་ཥ་ཏྭཾ་དྷ་ར་ཡ་
མི་བཛྲ་སཏྭ་ཧི་ཧི་ཧི་ཧི་ཧཱུྃ། གལ་ཏེ་རྣལ་འབྱོར་ཆེན་པོ་བྱེད་འདོད་ན། སྔ་མ་བཞིན་དུ་དམ་ཚིག་སེམས་དཔར་བྱིན་གྱིས་བརླབས་པ་དང་། ཕྱག་རྒྱ་ཆེན་པོ་བཅིངས་པའི་བར་གྱི་ཆོ་གའི་རྗེས་སུ་སྤྱད་ལ། རང་གི་ལུས་ལ་ཡིད་ཀྱིས་ནམ་མཁའ་དང་མཉམ་པའི་སྦྱོར་བས་སྙིང་གར་སྟོང་གསུམ་པའི་ཆ་

62-1-75a

དང་མཉམ་པའི་སངས་རྒྱས་ཀྱི་ཞིང་གི་ཚད་ཙམ་གྱི་ཟླ་བའི་དཀྱིལ་འཁོར་དེའི་སྟེང་དུ་ཁམས་གསུམ་རྣམ་པར་རྒྱལ་བའི་ཕྱག་རྒྱ་བཞི་པའི་དཀྱིལ་འཁོར་ལས་གསུངས་པའི་སྙིང་པོ་ལྔས་ཁམས་གསུམ་རྣམ་པར་རྒྱལ་བའི་དཀྱིལ་འཁོར་ཆེན་པོ་ཇི་ལྟ་བ་བཞིན་དུ་སྤྲུལ་ལ། 
བདག་ཉིད་རྡོ་རྗེ་ཧཱུྃ་མཛད་དུ་བསམས་ཏེ། ཁྲོ་བོ་ཏི་རཱིནྟི་རིའི་ཕྱག་རྒྱ་ཇི་ལྟ་བ་བཞིན་དུ་བཅིངས་ནས། དེ་ཉིད་ཀྱིས་མེ་ཏོག་གི་ཕྲེང་བ་བཟུང་ལ། འཇུག་པའི་སྔགས་ཟློས་ཤིང་རང་གི་སྙིང་གར་གནས་པའི་དཀྱིལ་འཁོར་དེར་འཇུག་པར་བྱའོ། །དེ་ནས་མེ་ཏོག་དོར་བའི་སྔགས་ཀྱིས་རང་གི་
སྤྱི་བོར་མེ་ཏོག་གི་ཕྲེང་བ་དོར་ལ། ཕྲེང་བའི་དབང་བསྐུར་བའི་སྔགས་ཀྱིས་རང་གི་མགོ་ལ་བཅིངས་ནས་གདོང་གཡོགས་དགྲོལ་བའི་སྔགས་ཀྱིས་གདོང་གཡོགས་བཀྲོལ་ལ། རྡོ་རྗེ་ལྕགས་ཀྱུ་ནས་བརྩམས་ཏེ་རང་གི་སྙིང་གའི་དཀྱིལ་འཁོར་བལྟས་ལ། ཏིཥྛ་བཛྲ་ཞེས་བྱ་བ་ལ་སོགས་པའི་
འཇུག་པའི་ཕྱག་རྒྱ་སྙིང་གར་བཀྲོལ་ལ་ཆུའི་དབང་བསྐུར་བ་དེའི་སྙིང་པོ་ཡིད་ཀྱིས་བླངས་ནས། སངས་རྒྱས་ལྔའི་ཅོད་པན་གྱིས་དབང་བསྐུར་བའི་ཕྱག་རྒྱས་བདག་ཉིད་དབང་བསྐུར་ལ། རྡོ་རྗེ་ཕྲེང་བའི་དབང་བསྐུར་བའི་ཕྱག་རྒྱས་དབང་བསྐུར་བར་བྱའོ། །དེ་ནས་རྡོ་རྗེ་དང་བདག་པོ་དང་
མིང་གི་དབང་བསྐུར་བ་བླངས་ཏེ། རྡོ་རྗེ་བརྟུལ་ཞུགས་བཟུང་ནས་དཀྱིལ་འཁོར་དེ་རང་གི་སྙིང་གའི་ཟླ་བར་ཐིམ་པར་བསམ་པར་བྱའོ། །དེ་ནས་ས་མ་ཡ་ཨ་ཞེས་ཟློས་ཤིང་རང་གི་ལུས་ལ་ལྷ་ཐམས་ཅད་ཀྱི་གནས་སུ་ཟླ་བའི་དཀྱིལ་འཁོར་བསྐྱེད་ལ་ཕྱག་རྒྱ་ཆེན་པོ་བཅིངས་ཏེ། མདུན་གྱི་
ནམ་མཁའི་ཕྱོགས་སུ་ཡང་དེ་བཞིན་དུ་ཟླ་བའི་དཀྱིལ་འཁོར་དེའི་སྟེང་དུ། ཨོཾ་སུམྦྷ་ནི་སུམྦྷ་ཧཱུཾ། གྲྀཧྞ་གྲྀཧྞ་ཧཱུྃ། གྲྀཧྞ་པ་ཡ་གྲྀཧྞ་པ་ཡ་ཧཱུྃ། ཨཱ་ན་ཡ་ཧོ། བྷ་ག་བཱན་བཛྲ་ཧཱུྃ་ཕཊ་ཨཱཿཞེས་བྱ་བས་དེ་བཞིན་དུ་འབར་བའི་རྡོ་རྗེ་བདག་ཉིད་དབབ་པར་བྱས་ཏེ། རྡོ་རྗེའི་ང་རྒྱལ་རྣམ་པར་
བསྒོམས་ནས། རྡོ་རྗེ་ཧཱུཾ་མཛད་དུ་བསྒོམ་པ་ཡང་བྱས་ནས། དགུག་པ་དང་། གཞུག་པ་དང་། བཅིང་བ་དང་། དབང་དུ་བྱ་བ་དང་། བལྟ་བ་བྱས་ནས་རང་གི་ལུས་ལ་བཅུག་ལ་འོད་ཀྱི་དཀྱིལ་འཁོར་བསྐྱེད་དེ། ས་མ་ཡ་སྟྭཾ་ཧྲཱིཿས་མ་ཡ་སྟྭཾ་ཨ་ཧཾ་ཞེས་བྱ་བ་དང་། ཧཱུཾ་བཞི་ཡང་བརྗོད་ལ། རྡོ་རྗེ་

62-1-75b

ཧཱུཾ་མཛད་བསྒྲུབ་པར་བྱའོ། །དེ་བཞིན་དུ་ཁྲོ་བོ་རྡོ་རྗེ་འབེབས་པའི་ཕྱག་རྒྱ་ཆེན་པོ་བཅིངས་ལ། ཨོཾ་བཛྲ་ཨཱ་བེ་ཤ་མ་ཧཱ་ཀྲོ་དྷ་ཨཱ་བེ་ཤ་ཡ་སརྦ་ས་མ་ཡཾ་ཧཱུྃ་ཨཿཞེས་བྱ་བ་འདིས་མདུན་དུ་རྡོ་རྗེ་དྲིལ་བུའི་གཟུགས་སུ་བདག་ཉིད་དབབ་པར་བྱས་ནས། བཛྲ་གྷཎྜོ་ཧཾ་ཞེས་བྱ་བས་དྲིལ་བུའི་ང་རྒྱལ་
བསྒོམ་པར་བྱའོ། །དེ་ནས་ཡང་བཛྲ་ཨཱ་བེ་ཤ་མ་ཧཱ་ཀྲོ་དྷོ་ཧཾ། ཞེས་བྱ་བས་ཁྲོ་བོ་རྡོ་རྗེའི་འབེབས་པའི་ང་རྒྱལ་བྱས་ལ། དེ་ཉིད་རྡོ་རྗེ་ལྕགས་ཀྱུ་ལ་སོགས་པས་དགུག་པ་དང་། གཞུག་པ་དང་། བཅིང་བ་དང་། དབང་དུ་བྱས་ནས་ཁྲོ་བོ་ཆེན་པོ་རྡོ་རྗེ་འབེབས་པའི་ཕྱག་རྒྱ་
བཅིངས་ལ། འདི་སྐད་ཅེས་བརྗོད་དོ། །བཛྲ་ཨཱ་བེ་ཤ་མ་ཧཱ་ཀྲོ་དྷ་ཨཱ་བེ་ཤ་ཡ་སརྦ་ས་མ་ཡཾ་ཧཱུྃ་ཨ་དྲྀ་ཤྱ། ཡང་དམ་ཚིག་གི་ཕྱག་རྒྱ་དེ་ཉིད་དང་། ཛཿཧཱུཾ་བཾ་ཧོཿཞེས་བརྗོད་དོ། །རྡོ་རྗེ་བེབས་པ་རང་གི་གནས་སུ་དགུག་པ་དང་། གཞུག་པ་དང་། བཅིང་བ་དང་། དབང་དུ་
བྱས་ལ། ས་མ་ཡ་སྟྭཾ་ཧྲི་ཞེས་ཟློས་ཤིང་རྒྱབ་ཏུ་འབར་བའི་ཕྲེང་བ་འཁྲུགས་པའི་འོད་ཀྱི་དཀྱིལ་འཁོར་བསྐྱེད་ལ། ས་མ་ཡ་སྟྭཾ་ཞེས་བྱ་བ་དང་། དེའི་སྔགས་ཀྱང་ཟློས་ཤིང་དེར་བདག་ཉིད་ཁྲོ་བོ་རྡོ་རྗེ་འབེབས་པར་བསྒོམ་པར་བྱའོ། །དེ་བཞིན་དུ་རྡོ་རྗེ་སེམས་དཔའ་དང་ཆོས་དང་ལས་དང་
ཕྱག་རྒྱ་ཆེན་པོ་རྣམས་ཀྱིས་རྒྱས་གདབ་བོ། །དེ་ནས་སྔ་མ་བཞིན་དུ་ལྷ་རྣམས་ཀྱི་སྐུ་དང་། རང་གི་ལུས་ལ་ཡིད་ཀྱིས་ལེགས་པའི་སྦྱོར་བ་དེ་བཞིན་གཤེགས་པ་ཐམས་ཅད་བཅུག་ལ། ཕྱག་རྒྱ་བཞིས་རྒྱས་གདབ་པར་བྱའོ། །དེའི་རྗེས་ལ་ཁམས་གསུམ་རྣམ་པར་རྒྱལ་བའི་ཕྱག་རྒྱས་སྔ་མ་
བཞིན་དུ་བདག་ཉིད་བྱིན་གྱིས་བརླབས་ལ་ཡི་གེ་བརྒྱ་པས་བརྟན་པར་བྱའོ། །དེ་ནས་རྡོ་རྗེ་སེམས་དཔའི་གཙུག་ཏོར་དང་གཟི་བརྗིད་ཕུང་པོའི་གཙུག་ཏོར་ཡང་བཀོད་ལ། ཡི་གེ་བརྒྱ་པ་ཡང་བཟླས་ནས་རྡོ་རྗེ་བརྟུལ་ཞུགས་ཀྱི་བར་གྱི་ཆོ་ག་རྗེས་སུ་སྤྱད་པར་བྱའོ། །དེ་ནས་གནས་ཀྱི་ངེས་པ་བཤད་པར་བྱ་སྟེ། 
སྒྲུབ་པ་པོའི་མདུན་གྱི་སྙིང་གའི་ཟླ་བར་རྡོ་རྗེ་ཧཱུྃ་མཛད་དང་ཁྲོ་བོ་རྡོ་རྗེ་སེམས་དཔའ། གཡས་ལོགས་སུ་ཁྲོ་བོའི་རྒྱལ་པོ། གཡོན་ལོགས་སུ་ཆགས་པ། རྒྱབ་ཏུ་ལེགས་པ། དཔྲལ་བར་རིན་ཆེན་ཧཱུྃ་མཛད་དང་། ཁྲོ་བོ་ཁྲོ་གཉེར་ཅན། རྒྱབ་ཏུ་ཉི་མ། ཕྲག་པ་དག་ཏུ་རྒྱལ་མཚན། སོའི་

62-1-76a

ཕྲེང་བ་གཉིས་ལ་བཞད་པ། ལྐོག་མར་ཆོས་ཀྱི་ཧཱུྃ་མཛད་དང་ཁྲོ་བོ་རྡོ་རྗེ་ཆོས། ནུ་མ་གཉིས་ཀྱི་བར་དུ་རྣོན་པོ། ལྟེ་བར་རྒྱུ། ལྕེ་ལ་སྨྲ་བ། སྤྱི་བོར་ལས་ཀྱི་ཧཱུྃ་མཛད་དང་། ཁྲོ་བོ་རྡོ་རྗེ་ལས། ནམ་ཚོད་དུ་རྡོ་རྗེ་སྲུང་བ། ཁར་རྡོ་རྗེ་གནོད་སྦྱིན། དཀུར་ཁྲོ་བོ་རྡོ་རྗེ་ཁུ་ཚུར། ཁྲོ་བོ་རྡོ་རྗེ་
སེམས་དཔའ་དང་། རིན་ཆེན་དང་། ཆོས་དང་། ལས་ཀྱི་གཡོན་ལོགས་སུ་སྒེག་མོ་དང་། ཕྲེང་བ་མ་དང་། གླུ་མ་དང་། གར་མ་བཞུགས་སོ། །ཡང་སྔགས་པའི་གསང་བའི་གནས་ཀྱི་ཕྱོགས་སུ་བདུག་སྤོས་མ། མགོ་བོར་མེ་ཏོག་མ། མིག་གཉིས་སུ་མར་མེ་མ། ནུ་མ་
དང་བྲང་དང་། སྙིང་གར་བྱུག་པ་མ། ལག་པ་གཡས་སུ་རྡོ་རྗེ་ལྕགས་ཀྱུ། གཡོན་དུ་ཞགས་པ། བྱིན་པ་གཡས་སུ་ལྕགས་སྒྲོག །བྱིན་པ་གཡོན་དུ་འབེབས་པའོ། །དེ་བཞིན་གཤེགས་པ་རྣམས་ནི་ཡན་ལག་གི་ཆ་ཐམས་ཅད་དུ་བཞུགས་སོ། །དེ་ནས་ཕྱག་བཞི་བྱས་ལ། 
ཨོཾ་བཛྲ་ཨཱཏྨ་ཀོ྅ཧཾ། ཨོཾ་སྭ་བྷཱ་བ་ཤུདྡྷོ྅ཧཾ། ཨོཾ་སརྦ་ས་མོ྅ཧཾ། ཞེས་བྱ་བའི་སྙིང་པོ་གསུམ་ཟློས་ཤིང་རྡོ་རྗེའི་བདག་ཉིད་ཅན་དང་། རང་བཞིན་ཅན་གྱི་དག་པ་དང་། བདག་མེད་པའི་མཉམ་པ་ཉིད་ཀྱི་ལྷ་ཐམས་ཅད་དང་མཉམ་པར་བདག་ཉིད་བསྒོམ་པར་བྱའོ། །ཡང་ན་རྡོ་རྗེ་ཧཱུྃ་མཛད་
ཀྱི་ཕྱག་རྒྱ་ཆེན་པོ་ཇི་ལྟ་བ་བཞིན་དུ་བཅིངས་ལ་འོག་ནས་བཤད་པའི་ཚུལ་དུ་ལྷ་ཆེན་པོའི་ཆུང་མ་དང་བཅས་པ་བཀུག་སྟེ། རྐང་པ་གཉིས་ཇི་ལྟ་བ་བཞིན་མནན་ལ་རང་གི་སྙིང་གར་གནས་པའི་རྡོ་རྗེ་དབུས་སུ་བཟླས་པར་བྱ་བའི་སྔགས་ཡིད་ཀྱིས་བྲིས་ནས། དེ་བཞིན་གཤེགས་པ་ཐམས་
ཅད་འདུས་པའི་དབུས་ན་གནས་ཤིང་བཟླས་པའི་དོན་ཡིད་ལ་སེམས་བཞིན་དུ་རྡོ་རྗེའི་ཚིག་གམ། ཁྲོ་བོའི་ཚིག་གིས་ཟློས་ཤིང་། འདོད་ཆགས་ཉིད་ལས་ཡང་དག་བྱུང་། །ཁྲོ་བོ་བདག་ཅེས་བསྒོམ་པར་བྱ། །སྙིང་པོ་ཕྱག་རྒྱ་སྔགས་རིག་པ། །མྱུར་དུ་འགྲུབ་པར་བྱེད་པ་ཡིན། །ཞེས་བྱ་
བའི་ཏིང་ངེ་འཛིན་འདི་བསྒོམ་པར་བྱའོ། །ཡང་ན་རང་གི་སྙིང་གར་གནས་པའི་ཟླ་བ་ལ་སྔར་བཤད་པའི་རྡོ་རྗེ་འཁོར་ལོས་ཁམས་གསུམ་རྣམ་པར་རྒྱལ་བའི་དཀྱིལ་འཁོར་ཆེན་པོ་སྤྲུལ་ལ། ཨོཾ་བཛྲ་ཛྭ་ལཱགྣི་པྲ་ཏི་བ་ཏ་ཨཱ་ཀཪྵ་ཡ་སརྦ་ཏ་ཐཱ་ག་ཏ་མ་ཧཱ་བཛྲ་ས་མ་ཡེ་ཧཱུཾ་ཛཿཞེས་བྱ་བ་ནས་ཨོཾ་

62-1-76b

བཛྲ་ཨཱ་བེ་ཤ་མ་ཧཱ་ཀྲོ་དྷ་ཨཱ་བེ་ཤ་ཡ་སརྦ་ས་མ་ཡཾ་ཧཱུྃ་ཨཿཞེས་བྱ་བའི་བར་གྱི་སྔགས་ཀྱིས་དཔལ་རྣམ་པར་སྣང་མཛད་ལ་སོགས་པ་ནས་རྡོ་རྗེ་འབེབས་པའི་བར་དུ་སེང་གེའི་གདན་ལ་སོགས་པ་ལ་བཞུགས་པ་དང་། ནམ་མཁའ་དང་མཉམ་པའི་སྦྱོར་བས་དེ་རྣམས་དང་བདག་ཉིད་ལྷན་ཅིག་ཏུ་གྱུར་
པར་རྣམ་པར་བསམས་ལ། བཛྲ་ཨཱཏྨ་ཀོ་ལ་སོགས་པའི་སྙིང་པོ་གསུམ་ཟློས་ཤིང་། དེའི་དོན་གསུམ་བསྒོམས་ལ་ཁམས་གསུམ་རྣམ་པར་རྒྱལ་བའི་དཀྱིལ་འཁོར་ནི་བདག་ཡིན་ནོ་ཞེས་ང་རྒྱལ་བསྐྱེད་པར་བྱའོ། །དེ་ནས་དེ་བཞིན་དུ་སྔགས་ཟློས་ཤིང་བསྒོམ་པར་བྱའོ། །ལྷ་ཐམས་
ཅད་ཀྱི་ཞལ་ནས་ཀྱང་སྔགས་ཀྱི་སྒྲ་མངོན་པར་སྒྲོགས་པར་མཛད་པར་ལྷག་པར་བསམ་པར་བྱ་སྟེ། དེ་ལྟ་བུས་ནི་བཟླས་པ་ཐམས་ཅད་བཟླས་པར་འགྱུར་རོ། །དེ་ནས་བཟླས་པའི་དོན་ནི་ཨོཾ་ཞེས་བྱ་བ་ནི་དེ་བཞིན་གཤེགས་པ་ཐམས་ཅད་དོ། །སུམྦྷ་ཞེས་བྱ་བ་ནི་བོད་པའོ། །ནི་སུམྦྷ་
ནི་ཞེས་བྱ་བ་ནི་དེ་རྣམས་རྗེས་སུ་ཐུལ་ཅིག་པའོ། །ཧཱུཾ་ཞེས་པ་ནི་དེས་སོད་ཅིག་པའོ། །ཕཊ་ཅེས་བྱ་བ་ནི་ངན་འགྲོའི་འགྲོ་བ་འཕོ་བར་བྱའོ། །ལྷག་མ་ནི་གོ་བར་ཟད་དོ། །ཧཱུྃ་བཞི་པ་ནི་ལན་བཞི་བརྗོད་པར་སྟོན་པའི་རང་བཞིན་ནོ། །དེ་ཡང་ཨོཾ་ནི་དེ་བཞིན་གཤེགས་པའོ། །སུམྦྷ་ནི་
སུམྦྷ་ཞེས་བྱ་བ་ནི་དེ་བཞིན་གཤེགས་པས་རྗེས་སུ་ཐུལ་ཅིག་ཅེས་གསུངས་པའོ། །འདིས་ནི་འདི་སྐད་སྟོན་ཏེ། བཅོམ་ལྡན་དས་ནི་དེ་བཞིན་གཤེགས་པ་རྣམས་ཀྱང་འདུལ་བར་མཛད་ན་ལྷ་ལ་སོགས་པ་ལྟ་སྨོས་ཀྱང་ཅི་དགོས། འདུལ་བའི་སྡུག་བསྔལ་འཇིག་པ་སྟེ། །སྲིད་པའི་
སྡུག་བསྔལ་གཅོད་པ་ཡིན། །ཧཱུྃ་ཞེས་བྱ་བ་གསོད་པའི་མཆོག །གདུག་པ་སྐྲག་པ་གསོད་པ་ཡིན། །ཞེས་པ་དང་། ཉོན་མོངས་གདུག་པ་ལྟུང་བྱེད་ཅིང་། །ཞི་བས་འགུགས་པ་ཡིན་པར་བཤད། །ཕཊ་ཅེས་བྱ་བ་ལྟུང་བའི་སྒྲ། །ངན་འགྲོའི་འགྲོ་བ་ལྟུང་བའོ། །ཡང་ན་ཏིང་ངེ་འཛིན་
གསུམ་བསྒོམ་པར་བྱ་སྟེ། དངོས་གྲུབ་ཀྱི་རྡོ་རྗེ་བརྟུལ་ཞུགས་ཀྱི་མཐར་ཐུག་པའི་ཆོ་ག་རྣམས་རྗེས་སུ་སྤྱད་ལ། རྣལ་འབྱོར་ཆེན་པོ་དང་ལྡན་པའམ། རྣལ་འབྱོར་གཅིག་དང་ལྡན་པའི་ཕྱག་རྒྱ་ཆེན་པོ་བཅིངས་ལ། བློས་ནམ་མཁའི་ཕྱོགས་སུ་གནས་ཏེ། སྟོང་གསུམ་པའི་

62-1-77a

སངས་རྒྱས་ཀྱི་ཞིང་ཐམས་ཅད་ཡི་གེ་ཨའི་དོན་བསྒོམ་པས། ནམ་མཁའ་དང་མཉམ་པར་བསམས་ལ། ནམ་མཁའི་ཕྱོགས་དེར་ཡི་གེ་ཡཾ་ལས་རླུང་གི་དཀྱིལ་འཁོར། དེའི་སྟེང་དུ་ཡི་གེ་བཾ་ལས་ཆུའི་དཀྱིལ་འཁོར། དེའི་སྟེང་དུ་ཡི་གེ་ལཾ་ལས་གསེར་གྱི་དཀྱིལ་
འཁོར། དེའི་སྟེང་དུ་ཡི་གེ་བཾ་ལས་རྒྱ་མཚོ་ཆེན་པོ། ཆུ་དང་གསེར་གྱི་དཀྱིལ་འཁོར་དེར། །ཧཱུཾ་སུཾ་ཧཱུཾ་ཞེས་བྱ་བ་ལས་རིའི་རྒྱལ་པོ་རི་རབ་ཟུར་བཞི་པ་རིན་པོ་ཆེ་སྣ་བཞིའི་རང་བཞིན་ཅན། རིན་པོ་ཆེ་ཐམས་ཅད་ཀྱིས་བརྒྱན་པར་བསམས་ལ། ཨོཾ་བཛྲ་དྲྀ་ཌྷོ་མེ་བྷ་བ། རཀྵ་སརྦཾ་
སྭཱ་ཧཱ། ཞེས་ཟློས་ཤིང་རྡོ་རྗེ་བསྡམས་པ་ས་གཞི་ལ་རེག་པས་རྡོ་རྗེའི་རང་བཞིན་དུ་བྱིན་གྱིས་བརླབ་པར་བྱའོ། །དེ་ནས་སྔར་བཤད་པའི་རྡོ་རྗེ་འཁོར་ལོས་གཞལ་ཡས་ཁང་སྤྲུལ་ལ། བགེགས་གཞོམ་པ་ལ་སོགས་པ་ནས། རྣམ་པར་སྣང་མཛད་ཀྱི་གནས་སུ་ཨ་སིཾ་ཞེས་བྱ་བ་ལས་
སེང་གེའི་གདན་མི་བསྐྱོད་པའི་གནས་སུ་ཧཱུྃ་གཾ་ཧཱུྃ་ཞེས་བྱ་བ་ལས་གླང་པོ་ཆེའི་གདན། རིན་ཆེན་འབྱུང་ལྡན་གྱི་གནས་སུ་ཏྲཱ་བཾ་ཏྲཱ་ཞེས་བྱ་བ་ལས་རྟའི་གདན། འོད་དཔག་ཏུ་མེད་པའི་གནས་སུ་ཧྲཱིཿམཾ་ཧྲཱིཿཞེས་བྱ་བ་རྨ་བྱའི་གདན། དོན་ཡོད་གྲུབ་པའི་གནས་སུ་ཨཿམཾ་ཨཱཿཞེས་བྱ་
བ་ལས་ནམ་མཁའ་ལྡིང་གི་གདན་ལ་ཨ་ལས་བྱུང་བའི་ཟླ་བའི་དཀྱིལ་འཁོར་གྱིས་མནན་པ་རྣམ་པར་བསམས་ནས་སེམས་དཔའི་སྐྱིལ་མོ་ཀྲུང་བཅས་ཏེ་འདུག་ལ། དེ་བཞིན་གཤེགས་པ་ཐམས་ཅད་ཀྱི་གཟུགས་ཀྱི་སྐུ་ཉིད་དང་། ཆོས་ཉིད་དང་། ཐེག་པ་ཆེན་པོས་ངེས་པར་འབྱུང་
བའི་ཆོས་དང་། ཕྱིར་མི་ལྡོག་པའི་བྱང་ཆུབ་སེམས་དཔས་ཡང་དག་པར་བསྡུས་པའི་དགེ་འདུན་རྗེས་སུ་དྲན་པར་བྱའོ། །དེ་ནས་འཇིག་རྟེན་གྱི་ཁམས་ཐམས་ཅད་འགྲོ་བ་ཐམས་ཅད་ཀྱིས་བསྡུས་པའི་སེམས་ཅན་ཐམས་ཅད་ལ་ལྷག་པར་བྱམས་པ་བསྐྱེད་པར་བྱ་བ་དང་། ངན་འགྲོ་ལ་
སོགས་པའི་སྡུག་བསྔལ་གྱིས་བསྡུས་པ་ཐམས་ཅད་ལ་སྙིང་རྗེ་བ་དང་། འཕགས་པ་ཐམས་ཅད་ལ་དགའ་བ་དང་། འཇིག་རྟེན་གྱི་ཆོས་ཐམས་ཅད་ཡང་བཏང་སྙོམས་སུ་བྱ་བ་དང་། ཆོས་ཐམས་ཅད་ཀྱང་དངོས་པོ་མེད་པའི་ངོ་བོ་ཉིད་དང་། སྒྱུ་མ་དང་མཚུངས་པ་ཉིད་དང་། 

62-1-77b

མིག་ཡོར་དུ་མཚུངས་པ་ཉིད་དུ་ལྷག་པར་མོས་པར་བྱ་བ་དང་། བྱང་ཆུབ་ཀྱི་སེམས་དང་། ཤེས་རབ་ཀྱི་ཕ་རོལ་ཏུ་ཕྱིན་པ་དང་། ཐབས་ལ་མཁས་པའི་སྤྱོད་པ་དང་། རིགས་ལྔ་དང་། རྡོ་རྗེ་དང་། དྲིལ་བུ་དང་ཕྱག་རྒྱ་དང་། སློབ་དཔོན་ཉིད་དང་། བྱམས་པ་དང་། མི་འཇིགས་
པ་དང་། ཟང་ཟིང་དང་ཆོས་ཀྱི་སྦྱིན་པ་མངོན་དུ་བྱ་བ་དང་། གསང་སྔགས་ཀྱི་སྒོའི་སྤྱོད་པ་རྣམས་དང་བཅས་པའི་ཆོས་ཐམས་ཅད་ཀྱི་ཚུལ་ཐམས་ཅད་སྟོན་པ་དང་། བསླབ་པ་དང་། སྡོམ་པ་ཐམས་ཅད་ནན་ཏན་དུ་བྱས་ཤིང་ཆོ་གས་ཡོངས་སུ་རྫོགས་པ་དང་། སེམས་ཅན་རྣམས་
བསྐྱབ་པ་དང་། དེ་བཞིན་གཤེགས་པ་རྣམས་མཆོད་ཅིང་བསྙེན་བཀུར་བྱ་བ་ཡང་མངོན་དུ་བྱས་ནས་བདག་ཉིད་ཅོད་པན་གྱི་དབང་བསྐུར་བའི་བྱང་ཆུབ་སེམས་དཔའ་སེམས་དཔའ་ཆེན་པོ་དོན་ཐམས་ཅད་གྲུབ་པར་ལྷག་པར་མོས་པས་འོག་མིན་དུ་མངོན་པར་བྱང་ཆུབ་པ་
མངོན་དུ་བྱས་ནས་མི་བསྐྱོད་པ་ལ་སོགས་པས་ཡོངས་སུ་བསྐོར་ཏེ། རིའི་རྒྱལ་པོ་རི་རབ་ཀྱི་རྩེ་མོ་ན་གནས་པའི་རྡོ་རྗེ་དང་། ནོར་བུ་དང་རིན་པོ་ཆེ་ལས་བྱས་བའི་ཁང་པ་བརྩེགས་པ་ན་དེ་བཞིན་གཤེགས་པ་ཐམས་ཅད་ཀྱི་བསོད་ནམས་ལས་ངེས་པར་འབྱུང་བའི་སེང་གེའི་གདན་ལ་ཞལ་
ཐམས་ཅད་པས་བཞུགས་པར་བསམས་ལ། རྡོ་རྗེ་དབྱིངས་ཀྱི་དབང་ཕྱུག་མས་བདག་ཉིད་བྱིན་གྱིས་བརླབས་ནས་བྱང་ཆུབ་མཆོག་གི་ཕྱག་རྒྱ་བཅིངས་ཏེ། བཛྲ་སཏྭ་ཞེས་ཟློས་ཤིང་ཟླ་བའི་དཀྱིལ་འཁོར་རྣམས་རང་གི་སྙིང་ག་ནས་ཕྱུང་ལ་ལྷ་ཐམས་ཅད་ཀྱི་གནས་སུ་ཇི་ལྟ་བ་
བཞིན་དུ་ཡང་དག་པར་བཞག་ནས། རྡོ་རྗེ་སེམས་དཔའ་ཉིད་བདག་བྱིན་གྱིས་བརླབ་པའི་བར་དུ་བྱས་ནས་ཆེད་དུ་བརྗོད་པ་འདིས་ཆེད་དུ་བརྗོད་པར་བྱའོ། །འདི་དེ་སངས་རྒྱས་ཐམས་ཅད་ཀྱིས། །གྲུབ་པའི་རྡོ་རྗེ་བླ་ན་མེད། །བདག་དེ་བདག་གི་ལག་ཏུ་བྱིན། །རྡོ་རྗེ་ལ་ནི་རྡོ་རྗེ་
གནས། །དང་པོ་སྦྱོར་བའི་ཏིང་འཛིན་ནོ། །དེ་ནས་དེ་བཞིན་གཤེགས་པ་ཐམས་ཅད་ཀྱི་ཁམས་གསུམ་ལས་རྣམ་པར་རྒྱལ་བར་བྱ་བའི་ཕྱིར། རྡོ་རྗེ་སེམས་དཔའ་རྡོ་རྗེ་ཆེ། །ཞེས་བྱ་བ་ནས་བརྩམས་ཏེ། རང་གི་རིགས་ནི་བསྐྱེད་པར་མཛོད། །ཅེས་བྱ་བའི་བར་གྱི་མཚན་བརྒྱ་རྩ་བརྒྱད་

62-1-78a

པས་བདག་ཉིད་ལ་གསོལ་བ་གདབ་པར་བསམ་པར་བྱའོ། །དེ་ནས་རྡོ་རྗེ་བདག་ཉིད་ཀྱི་སྙིང་གར་བཞག་སྟེ། དེ་བཞིན་གཤེགས་པ་ཐམས་ཅད་ལ་བོས་ནས་འདི་སྐད་ཅེས་གསོལ་ཏོ། །བཅོམ་ལྡན་འདས་དེ་བཞིན་གཤེགས་པ་མ་འཚལ་ཏོ། །དེ་བཞིན་
གཤེགས་པ་ཐམས་ཅད་ཀྱིས་བཀའ་སྩལ་པ། ཅིའི་ཕྱིར་རྡོ་རྗེ་འཛིན་པས་སྨྲས་པ། བཅོམ་ལྡན་འདས་དབང་ཕྱུག་ཆེན་པོ་ལ་སོགས་པ་མ་རུངས་པའི་སེམས་ཅན་དག་ཀྱང་མཆིས་ཏེ། དེ་བཞིན་གཤེགས་པ་ཁྱེད་རྣམས་ཀྱིས་ཀྱང་ཞི་བས་འདུལ་བར་མི་སྤྱོད་པ་དེ་དག་ལ་བདག་གིས་
ཇི་ལྟར་བསྒྲུབ་པར་བགྱི། དེ་ནས་བདག་ཉིད་བཅོམ་ལྡན་འདས་རྣམ་པར་སྣང་མཛད་དང་ཐ་མི་དད་པ་ལྷག་པར་མོས་པར་བྱས་ལ། དེ་བཞིན་གཤེགས་པ་ཐམས་ཅད་རང་གི་སྙིང་གར་ཞུགས་པར་བསམ་པར་བྱའོ། །དེ་ནས་བྱང་ཆུབ་མཆོག་གི་ཕྱག་རྒྱ་བཅིངས་ནས་ཧཱུྃ་ཞེས་བྱ་བས་རྡོ་རྗེ་
སེམས་དཔའ་བསྐུལ་བར་བྱའོ། །དེ་ནས་ཕྱག་ན་རྡོ་རྗེའི་ཐུགས་ཀའི་རྡོ་རྗེ་ལ་ཀུན་དུ་འབར་བའི་སྙིང་པོ་ཁྲོ་གཉེར་ཅན་སྨིན་མ་བཙུམས་ཤིང་དཔྲལ་བ་གཉེར་བ། མཆེ་བ་ལྷག་གེ་ཕྱུང་ཞིང་སོ་གཙིགས་པ། རྡོ་རྗེ་དང་ལྕགས་ཀྱུ་དང་། རལ་གྲི་དང་། ཞགས་པ་ལ་སོགས་པའི་རྡོ་རྗེའི་མེ་ལྕེ་འབར་
བའི་མཚོན་ཆ་ལག་ན་ཐོགས་པ་རྣམ་པ་དུ་མའི་ཁ་དོག་དང་། རྒྱན་སྣ་ཚོགས་ཀྱི་ཆ་ལུགས་འཛིན་པའི་ཕྱག་ན་རྡོ་རྗེའི་སྐུར་གྱུར་ནས་སྐུ་ལས་བྱུང་སྟེ། འཇིག་རྟེན་གྱི་ཁམས་ཐམས་ཅད་དུ་ཤིན་ཏུ་མ་རུངས་པ་ཐམས་ཅད་འདུལ་བར་བྱས་ནས། བཅོམ་ལྡན་འདས་རྣམ་པར་སྣང་མཛད་ཀྱི་
ཕྱོགས་ཀུན་དུ་རྡོ་རྗེ་དབྱིངས་ཀྱི་དཀྱིལ་འཁོར་ཆེན་པོའི་ཚུལ་དུ་ཟླ་བའི་དཀྱིལ་འཁོར་ལ་འདུག་སྟེ་ཆེད་དུ་བརྗོད་པ་འདི་ཆེད་དུ་བརྗོད་དོ། །ཀྱེ་མ་ཐམས་ཅད་དུལ་བ་ཡིས། །ཐབས་ཆེན་ལྡན་པ་བདག་ཡིན་ཏེ། །གང་ཕྱིར་སེམས་ཅན་གདུལ་ཐབས་ཕྱིར། །དྲི་མ་མེད་པའི་ཁྲོ་བོར་གྱུར། ། 
ཡང་བདག་ཉིད་བཅོམ་ལྡན་འདས་རྣམ་པར་སྣང་མཛད་དང་ཐ་མི་དད་པར་ལྷག་པར་མོས་ལ། བྱང་ཆུབ་མཆོག་གི་ཕྱག་རྒྱ་བཅིངས་ཏེ། ཨོཾ་སུམྦྷ་ནི་སུམྦྷ་ཧཱུྃ། གྲྀཧྞ་གྲྀཧྞ་ཧཱུྃ། གྲྀཧྞ་པ་ཡ་གྲྀཧྞ་པ་ཡ་ཧཱུྃ། ཨཱ་ན་ཡ་ཧོ། བྷ་ག་བཱན་བཛྲ་ཧཱུྃ་ཕཊ། ཅེས་ཟློས་ཤིང་དེ་བཞིན་གཤེགས་

62-1-78b

པ་ཐམས་ཅད་ཀྱི་ཐུགས་ཀ་ནས་ཕྱག་ན་རྡོ་རྗེའི་གཟུགས་སུ་གྱུར་ཏེ་བྱུང་ནས། འཇིག་རྟེན་གྱི་ཁམས་རབ་འབྱམས་རྒྱ་མཚོའི་སྤྲིན་ཐམས་ཅད་ན་དེ་བཞིན་གཤེགས་པ་བྱང་ཆུབ་སེམས་དཔའི་འཁོར་གྱི་དཀྱིལ་འཁོར་དང་བཅས་པ་ཐམས་ཅད་ཀྱིས་བྱིན་གྱིས་བརླབས་ཏེ་སྤྱན་དྲངས་ནས། རྡོ་
རྗེ་དམ་ཚིག་གི་དཀྱིལ་འཁོར་ཆེན་པོར་བཅུག་སྟེ། དམ་ཚིག་བཅིངས་ནས་ཡང་གཅིག་ཏུ་འདུས་ཏེ། རྡོ་རྗེ་ཁྲོ་བོ་ཆེན་པོའི་ལུས་སུ་གྱུར་ནས་བཅོམ་ལྡན་འདས་རྣམ་པར་སྣང་མཛད་ཀྱི་ཐུགས་ཀར་འདུག་སྟེ་ཆེད་དུ་བརྗོད་པ་འདི་ཆེད་དུ་བརྗོད་དོ། །ཨེ་མའོ་བྱང་ཆུབ་སེམས་འདི་ནི། །
ཀུན་དུ་གཟུང་ཞིང་སྡིག་མེད་དེ། །གང་ཕྱིར་སེམས་ཅན་འདུལ་དོན་དུ། །ཁྲོ་བོ་ཡང་ནི་ཡིད་འོང་འགྱུར། །དེ་ནས་བཅོམ་ལྡན་འདས་ཀྱི་ཐུགས་ཀ་ནས་བྱུང་སྟེ། དེ་བཞིན་གཤེགས་པ་ཐམས་ཅད་ཀྱི་སྤྱན་སྔར་ཟླ་བའི་དཀྱིལ་འཁོར་ལ་གནས་ཏེ་བཀའ་ནོད་ཅིང་འདུག་གོ། །བཅོམ་ལྡན་
འདས་དེ་བཞིན་གཤེགས་པ་ཐམས་ཅད་བདག་ནི་ཁྲོ་བོའི་དབང་དུ་བགྱིས་ལ་ཚར་བཅད་པར་འོས་པ་རྣམས་ཚར་བཅད་པར་བགྱི་ན། བཅོམ་ལྡན་འདས་དེ་ལ་ཇི་ལྟར་འགྲུབ་པར་བགྱི་བ་བཀའ་སྩལ་དུ་གསོལ། དེ་ནས་ཧཱུྃ་ཊཀྐི་ཛཿཞེས་བྱ་བའི་རྣམ་པར་སྣང་མཛད་ཀྱི་བཀས་ཁྲོ་བོའི་འཁོར་
ལོ་ཐམས་ཅད་ཀྱང་རང་གི་སྙིང་ག་ནས་ཕྱུང་སྟེ། གནས་ཇི་ལྟ་བ་བཞིན་དུ་བཞག་ལ། ཧཱུྃ་ཊཀྐི་ཛཿཞེས་བྱ་བ་འདིས་ཕྱག་རྒྱ་དང་ལྡན་པས་ལྷ་ཆེན་པོ་ལ་སོགས་པ་འཇིག་རྟེན་གསུམ་པོ་ཐམས་ཅད་དགུག་པར་བྱའོ། །ཕྱག་རྒྱ་ནི་འདི་ཡིན་ཏེ། མཐེའུ་ཆུང་གཉིས་ལྕགས་ཀྱུར་བཅིང་། །
རྡོ་རྗེ་གཉིས་ཀ་བླ་འོག་ཏུ། །དམ་ཚིག་ལྕགས་ཀྱུའི་ཕྱག་རྒྱ་འདིས། །སྐད་ཅིག་གིས་ནི་ཐམས་ཅད་འགུགས། །ཨོཾ་ནི་སུམྦྷ་བཛྲ་ཧཱུྃ་ཕཊ། ཅེས་བྱ་བའི་དེ་བཞིན་གཤེགས་པའི་བཀས་ཁམས་གསུམ་རྣམ་པར་རྒྱལ་བ་བཅིངས་ལ། ཧཱུྃ་ཞེས་བྱ་བས་ཐམས་ཅད་ཀུན་དུ་བརྒྱལ་ཞིང་
ཁ་སྦུབ་ཏུ་འགྱེལ་ལ་ལྷ་ཆེན་པོ་ནི་ཤི་བར་བསམ་པར་བྱའོ། །ལྷ་ཆེན་པོ་གྲགས་པ་ཁྱབ་འཇུག་ལ་སོགས་པ་ནི། ཨོཾ་བཛྲོ་ཏིཥྛ་ཞེས་བྱ་བའི་ཕྱག་རྒྱ་དང་བཅས་པས་གསུམ་ལ་སྐྱབས་སུ་འགྲོ་བ་ལ་བཞག་སྟེ་བླང་ངོ་། །རྡོ་རྗེ་མཛུབ་མོ་གཉིས་ལེགས་པར། །རབ་མཉམ་བཞག་

62-1-79a

སྙོམས་ན་ནི། །ཤི་བ་ཐམས་ཅད་སློང་བ་སྟེ། །རྡོ་རྗེ་སློང་བ་ཞེས་བྱའོ། །གསོས་ན་འདི་ཡང་སྐྱེས་བུ་དམ་པར་འགྱུར་རོ། །ཞེས་བྱ་བའི་རྣམ་པར་སྣང་མཛད་ཀྱི་བཀས་བཛྲ་ཨཱ་ཡུ་ཞེས་བྱ་བའི་སྙིང་པོ་དང་བཅས་པས་ལྷ་ཆེན་པོ་གསོ་བར་བྱའོ། །རྡོ་རྗེ་མཛུབ་མོ་གཉིས་
ལེགས་པར། །རྡོ་རྗེ་བཅིང་བ་བཅིངས་ནས་སུ། །བསྒྱུར་ཏེ་གཙུག་ཏུ་གཞག་པ་ནི། །ཚེ་དང་ནད་མེད་འཕེལ་བའོ། །ཨོཾ་པཱ་ད་ཨཱ་ཀཪྵ་ཎ་བཛྲ་ཧཱུྃ་ཞེས་བྱ་བས་རྐང་པའི་མཐིལ་ནས་ཁྲོ་བོ་རྐང་པས་འགུགས་པའི་ཀུན་དུ་འབར་བའི་རྡོ་རྗེའི་སྙིང་པོའི་ཁྲོ་གཉེར་བྱས་པས་མཆེ་བ་རྣམ་པར་
གཙིགས་པ། གདོན་ཆེན་པོ་ཕྱུང་ནས་བཀའ་ནོད་ཅིང་འདུག་པར་བསམ་པར་བྱའོ། །ཨོཾ་པཱ་ད་ཨཱ་ཀཪྵ་ཡ་སརྦ་བཛྲ་དྷ་ར་ཨ་ནུ་ར་ཙ་ཀདྡྷ་བཛྲ་ཧཱུྃ་ཛཿཞེས་བྱ་བ་འདི་ཕྱག་རྒྱ་དང་བཅས་པས་ལྷ་ཆེན་པོ་ཆུང་མ་དང་བཅས་པ་བཀུག་སྟེ་སྔགས་པའི་རང་གི་རྐང་པའི་དྲུང་དུ་གཞག་གོ། །རྡོ་རྗེ་བཅིངས་
པ་དམ་བྱས་ཏེ། །མཐེ་བོ་སྙོམས་པའི་ནང་དུ་གཞུག །མཛུབ་མོ་དང་པོར་བཀུག་ནས་སུ། །གཅུས་པ་ཞབས་སུ་བཀུག་པའོ། །ཨོཾ་བཛྲ་མ་ཧཱ་ཀྲོ་དྷ་ཞེས་ཟློས་ཤིང་ཁམས་གསུམ་རྣམ་པར་རྒྱལ་བའི་ཕྱག་རྒྱ་བཅིངས་ལ། རྐང་པ་གཡོན་པས་ལྷ་ཆེན་པོ་མནན་ལ། གཡས་པས་ཨུ་མའི་ནུ་མའི་
བར་སྟེང་ནས་བཙིར་བ། ཨོཾ་བཛྲ་ཨཱ་བེ་ཤ་ཧ་ན་པ་ཊ་ཏ་ཊ་ཞེས་བྱ་བ་ལྷ་ཆེན་པོ་འབབ་པའི་ཕྱག་རྒྱ་དང་བཅས་པས་དབབ་པར་བྱའོ། །རྡོ་རྗེ་ཕྱག་རྒྱ་གཉིས་བཅིངས་ཏེ། །གཅིག་ལ་གཅིག་ནི་གདབ་པ་ནི། །སེམས་ཅན་གང་གི་ལུས་ལ་ཡང་། །བབས་ནས་དེ་ཡང་རྡོབ་པར་བྱེད། །ཨོཾ་བུདྡྷ་མཻ་ཏྲི་
བཛྲ་རཀྵ་ཧཾ། ཞེས་བྱ་བ་འདིས་ཕྱག་རྒྱ་དང་བཅས་པས་བབས་པའི་སྡུག་བསྔལ་བསལ་བར་བྱའོ། །རྡོ་རྗེ་ཕྱག་རྒྱ་གཉིས་བཅིངས་ཏེ། །བདག་གམ་ཕ་རོལ་གོ་ཆར་བྱ། །མཛུབ་མོ་གཉིས་ཀྱིས་བཅིངས་བྱས་ནས། །རྟག་པ་ཉིད་དུ་སྲུང་བར་འགྱུར། །དེ་ནས་ལྷ་ཆེན་པོའི་ལུས་ལས་ཆེད་དུ་
བརྗོད་པ་འབྱུང་བར་མོས་པར་བྱའོ། །ཨེ་མའོ་སངས་རྒྱས་ཐམས་ཅད་ཀྱི། །སངས་རྒྱས་ཡེ་ཤེས་བླ་ན་མེད། །ཡི་གེའི་ཚིག་གིས་མནན་ནས་སུ། །མྱ་ངན་ལས་ནི་འདས་པར་གཞག །ཡང་ཐམས་ཅད་གསུམ་ལ་སྐྱབས་སུ་འགྲོ་བ་དང་། བསླབ་པ་དང་། དམ་ཚིག་དང་སྡོམ་པ་དང་། བྱང་

62-1-79b

ཆུབ་ཀྱི་སེམས་ཉིད་བཀོད་ནས། འཇུག་པའི་དམ་ཚིག་ཆེན་པོའི་ཕྱག་རྒྱ་བཅིང་བ་བྱས་ནས་འདིས་འཆིང་དུ་གཞུག་གོ། །ཨོཾ་བཛྲ་ས་མ་ཡ་གྲྀཧྞ་བནྡྷ་ས་མ་ཡ་མ་ནུ་སྨ་ར་སརྦ་ཏ་ཐཱ་ག་ཏ་ས་མ་ཡ་སྟྭཾ། དྲྀ་ཌྷོ་མེ་བྷ་བ་ཨ་ཧྱ་རོ་མེ་བྷ་བ་ཨ་པྲ་ཏི་ཧ་རྱོ་མེ་བྷ་བ། སརྦ་ཀརྨ་སུ་ཙ་མེ་ཙིཏྟཾ་ཤྲེ་ཡཿཀུ་རུ་ཧ་ཧ་ཧ་ཧ་ཧོཿ
དེ་བཞིན་དུ་འདིས་ཁྲོ་བོ་ཏི་རཱིནྟི་རིའི་ཕྱག་རྒྱ་བཅིངས་ལ། ལག་པ་གཉིས་སུ་དབབ་པར་བྱའོ། །ཨོཾ་ས་མ་ཡ་པྲ་བེ་ཤ་མི། དེ་ནས་དཀྱིལ་འཁོར་ཆེན་པོ་ཐམས་ཅད་གོ་རིམས་ཇི་ལྟ་བ་བཞིན་དུ་བསྟན་ཏེ། ཨོཾ་བཛྲ་རཏྣ་ཨ་བྷི་ཥིཉྩ་ཞེས་བྱ་བ་འདིའི་འོག་ནས་བཤད་པའི་རྡོ་རྗེ་རིན་ཆེན་གྱི་དམ་
ཚིག་གི་ཕྱག་རྒྱ་དང་ལྡན་པས་ལྷ་ཆེན་པོ་ལ་སོགས་པ་ལ་དབང་བསྐུར་བར་བྱའོ། །དེ་ནས་འདིས་ཁམས་གསུམ་རྣམ་པར་རྒྱལ་བ་ལ་སོགས་པས་རྡོ་རྗེའི་མཚན་མ་ལག་ཏུ་སྦྱིན་ནོ། །ཨོཾ་བཛྲ་ཨ་བྷི་ཥིཉྩ་སརྦ་ཏ་ཐཱ་ག་ཏ་བཛྲ་དྷ་ར་ཏྲེ་བཛྲ་པཱ་ཎི་ཧི་ཧ་ཧ་ཧ་ཧ། དེའི་རྗེས་ལ་མིང་གི་དབང་བསྐུར་
བ་སྦྱིན་པར་བྱའོ། །དེ་ནས་མིང་རྣམས་བཤད་པར་བྱ་སྟེ། འདི་ལྟ་སྟེ་དབང་ཕྱུག་ཆེན་པོ་ནི་རིག་པའི་རྒྱལ་པོའི་ཁྲོ་བོའོ། །ཁྱབ་འཇུག་ནི་རིག་པའི་རྒྱལ་པོའི་སྒྱུ་མའོ། །གཞོན་ནུ་ཀཱརྟི་ཀ་ནི་རིག་པའི་རྒྱལ་པོའི་དྲིལ་བུའོ། །ཚངས་པ་ནི་རིག་པའི་རྒྱལ་པོའི་ཐུབ་པའོ། །དབང་པོ་ནི་
རིག་པའི་རྒྱལ་པོའི་མཚོན་ཆ་ཞེས་བྱའོ། །བར་སྣང་ལ་སྤྱོད་པ་རྣམས་ལ་ཉི་མ་ནི་ཁྲོ་བོ་རྡོ་རྗེ་འཁྱིལ་པའོ། །ཟླ་བ་ནི་ཁྲོ་བོ་རྡོ་རྗེ་འོད་དོ། །སྤེན་པ་ནི་ཁྲོ་བོ་རྡོ་རྗེ་དབྱུག་པའོ། །མིག་དམར་ནི་ཁྲོ་བོ་རྡོ་རྗེ་གསེར་སྨུག་ཅེས་བྱའོ། །ནམ་མཁའ་ལ་སྤྱོད་པ་རྣམས་ལ་སྟོབས་བཟང་ནི་ཚོགས་ཀྱི་བདག་པོ་
རྡོ་རྗེ་གླང་པོའི་སྣའོ། །སྦྲང་རྩི་བྱེད་པ་ནི་ཚོགས་ཀྱི་བདག་པོ་རྡོ་རྗེ་ཕྲེང་བའོ། །རྒྱལ་བ་ནི་ཚོགས་ཀྱི་བདག་པོ་རྡོ་རྗེ་དབང་པོའོ། །རྒྱལ་བར་བྱེད་པ་ནི་ཚོགས་ཀྱི་བདག་པོ་རྣམ་པར་རྒྱལ་བ་ཞེས་བྱའོ། །ས་བླ་བ་རྣམས་ལ་ནོར་སྦྱིན་ནི་ཕོ་ཉ་རྡོ་རྗེ་ཐོབ་པའོ། །རླུང་ལྷ་ནི་ཕོ་ཉ་རྡོ་རྗེ་རླུང་ངོ་། །མེ་ལྷ་ནི་ཕོ་ཉ་རྡོ་རྗེ་མེའོ། །ལུས་ངན་ནི
ཕོ་ཉ་རྡོ་རྗེ་འཇིགས་པ་ཞེས་བྱའོ། །ས་འོག་ན་གནས་པ་རྣམས་ལ་ཕག་ནི་བྲན་རྡོ་རྗེ་ལྕགས་ཀྱུའོ། །གཤིན་རྗེ་ནི་བྲན་རྡོ་རྗེ་དུས་སོ། །ཚོགས་ཀྱི་བདག་པོ་ནི་བྲན་རྡོ་རྗེ་བགེགས་ཀྱི་གཙོ་བོའོ། །ཆུ་ལྷ་ནི་བྲན་ཀླུའི་རྡོ་རྗེ་ཞེས་བྱའོ། །ཨུ་མ་ནི་རྡོ་རྗེའི་རྒྱལ་མོ་ཁྲོ་མོ་རྡོ་རྗེ་མེའོ། །རུག་མ་ནི་རྡོ་རྗེ་རྒྱལ་མོའི་

62-1-80a

རྡོ་རྗེ་གསེར་རོ། །དྲུག་ལྡན་མ་ནི་རྡོ་རྗེ་རྒྱལ་མོ་རྡོ་རྗེ་གཞོན་ནུ་མའོ། །ཚངས་མ་ནི་རྡོ་རྗེ་རྒྱལ་མོ་རྡོ་རྗེ་ཞི་བ་མའོ། །དབང་མོ་ནི་རྡོ་རྗེ་རྒྱལ་མོའི་རྡོ་རྗེ་ཁུ་ཚུར་ཞེས་བྱའོ། །བར་སྣང་ལ་སྤྱོད་པའི་བུད་མེད་རྣམས་ལ་མི་འམ་ཅི་ནི་ཁྲོ་བོ་རྡོ་རྗེ་མི་འཆི་མའོ། །རྡོ་རྗེ་རོ་ཧི་མ་ནི་ཁྲོ་
བོ་རྡོ་རྗེ་མདངས་སོ། །དབྱུག་འཛིན་མ་ནི་ཁྲོ་བོ་རྡོ་རྗེ་དབྱུག་མཆོག་མའོ། །སྐྱེ་བ་འཕྲོག་མ་ནི་ཁྲོ་བོ་རྡོ་རྗེ་རྐེད་འཆི་མ་ཞེས་བྱའོ། །ནམ་མཁའ་ལ་སྤྱོད་པ་རྣམས་ལ་གསོད་མ་ནི་གཙོ་མོ་རྡོ་རྗེ་འཛུམ་མའོ། །ཟ་བ་མ་ནི་གཙོ་མོ་རྡོ་རྗེ་ཟ་བ་མའོ། །མགོ་བ་མ་ནི་གཙོ་མོ་རྡོ་རྗེ་མགོ་བ་མའོ། །
དགའ་བ་མ་ནི་གཙོ་མོ་རྡོ་རྗེ་དབང་མོ་ཞེས་བྱའོ། །ས་ལ་སྤྱོད་པ་རྣམས་ལ་ཞིབ་མོ་ནི་ཕོ་ཉ་མོའོ། །རླུང་མོ་ནི་ཕོ་ཉ་རྡོ་རྗེ་མགྱོགས་མའོ། །མེ་མོ་ནི་ཕོ་ཉ་མོ་རྡོ་རྗེ་འབར་མའོ། །ལུས་ངན་མོ་ནི་ཕོ་ཉ་མོ་རྡོ་རྗེ་འཁྱོར་མའོ། །ས་འོག་ན་གནས་པའི་མ་མོ་རྣམས་ལ། ཕག་མོ་ནི་བྲན་མོ་རྡོ་རྗེ་ཅན་མའོ། །
ཙ་མུཎྜཱི་ནི་བྲན་མོ་རྡོ་རྗེ་དུས་མའོ། །སྣ་ཅན་མ་ནི་རྡོ་རྗེ་རུལ་པ་མའོ། །ཆུ་ལྷ་མ་ནི་རྡོ་རྗེ་ཆུ་སྲིན་མ་ཞེས་བྱའོ། །དེ་ནས། རྡོ་རྗེ་འདི་ནི་རྡོ་རྗེ་ཆེ། །སངས་རྒྱས་ཀུན་གྱིས་བྱིན་གྱིས་བརླབས། །དམ་ཚིག་འདི་ལས་འདས་ན་ནི། །རིགས་རྣམས་མྱུར་དུ་ཐལ་བར་བྱེད། །ཨོཾ་ཧ་ན་ས་མ་ཡ་ཧཱུྃ་ཕཊ། ཅེས་
བྱ་བ་དང་། ཕྱག་རྒྱ་དང་བཅས་པ་འདིས་ལྷ་ཆེན་པོ་ལ་སོགས་པ་མ་མོའི་ཚོགས་དང་བཅས་པ་རྣམས་དམ་ཚིག་འཛིན་དུ་གཞུག་གོ། །སེམས་དཔའ་རྡོ་རྗེ་དམ་བྱ་སྟེ། །མཐེ་བོང་གཉིས་ནི་བར་གནན་ཅིང་། །མཐེ་ཆུང་རྡོ་རྗེ་རྩེ་མོར་ནི། །རྣོན་པོ་དམ་ཚིག་འཛིན་པའོ། །ཨོཾ་བ་ལི་ཏ་བ་ལི་ཏ་བཛྲ་ཨཱ་ཀཪྵ་ཡ་ཧཱུྃ་ཛཿ
ཞེས་བྱ་བ་ཕྱག་རྒྱ་དང་བཅས་པས་ལྷ་ཆེན་པོ་ལ་སོགས་པའི་རྒྱལ་པོ་རྣམས་བཀའ་བསྒོ་བ་ལ་སྦྱར་བར་བྱའོ། །དེ་ལ་ཕྱག་རྒྱ་ནི་འདི་ཡིན་ཏེ། རྡོ་རྗེའི་ཕྱག་རྒྱ་གཉིས་བཅིངས་ཏེ། །མཛུབ་མོ་ལྕགས་ཀྱུར་བཅིངས་ནས་ནི། །གཅུ་ཞིང་ཕྱིར་ཡང་གཅུ་བར་བྱ། །ལྷ་རྣམས་དགུག་པ་དམ་པ་ཡིན། །
ཧཱུཾ་བཛྲ་ཨ་ཀྲི་པ་ཏ་ཡ་ས་མ་ཡ་ཧཱུཾ་ཞེས་བྱ་བས་ནི་ཁྲོ་བོ་རྣམས་སོ། །འདིའི་ཕྱག་རྒྱ་ནི། རྡོ་རྗེ་བཅིང་བ་དམ་བྱས་ཏེ། །མཛུབ་མོ་བཀུག་ནས་རབ་ཏུ་མནན། །མཐེ་བོང་གཉིས་ཀ་མཚམས་སྦྱར་ནས། །གུང་མོ་གཉིས་ཀ་རབ་ཏུ་མནན། །ཨོཾ་བཛྲ་མ་ལ་ཨ་ཀྲ་བཾ་ཞེས་བྱ་བ་ཕྱག་རྒྱ་དང་བཅས་པ་ནི་ཚོགས་

62-1-80b

རྣམས་སོ། །ཕྱག་རྒྱ་ནི་འདི་ཡིན་ཏེ། རྡོ་རྗེ་ཕྱག་རྒྱ་གཉིས་ཀ་ཡི། །མཐེའུ་ཆུང་སོར་མོ་བཅིངས་ནས་ནི། །མཛུབ་མོ་སོར་མོ་རྒྱབ་ནས་མདུད། །བཟློག་སྟེ་མགོ་བོར་གཞག་པར་བྱ། །ཨོཾ་བཛྲ་བྷནྡྷ་ཧཾ་ཞེས་བྱ་བ་ཕྱག་རྒྱ་དང་བཅས་པས་ནི་ཕོ་ཉ་རྣམས་སོ། །ཕྱག་རྒྱ་ནི་འདི་ཡིན་ཏེ། རྡོ་རྗེ་
བསྲུང་བ་དམ་བཅིངས་ཏེ། །རྡོ་རྗེ་བསྡམས་པ་དེས་མནན་པ། །འདི་ནི་ས་ཡི་དམ་ཚིག་སྟེ། །སེམས་ཅན་ཐམས་ཅད་བསྲུང་བའོ། །ཨོཾ་བཛྲ་པཱ་ལཱ་གྷཉྩ་བྷཉྩ་ཧཱུྃ་ཕཊ། ཅེས་བྱ་བ་ནི་བྲན་རྣམས་སོ། །འདིའི་ཕྱག་རྒྱ་ནི། རྡོ་རྗེ་ཕྱག་རྒྱ་གཉིས་བཅིངས་ཏེ། །གཡོན་པའི་རྡོ་རྗེ་མཛུབ་མོས་མནན། །
གཅུ་ཞིང་སླར་གཅུ་བྱས་ནས་ནི། །མཐེའུ་ཆུང་གཉིས་ནི་བརྡབ་པར་བྱ། །ཨོཾ་ཧེ་རུ་ཀ་བཛྲ་ས་མ་ཡེ་ཧཱུྃ་ཕཊ། སརྦ་དུཥྚ་ས་མ་ཡ་མུཛྫ་པྲ་བྷཉྩ་ཀ་ཧཱུྃ་ཕཊ། འདི་ནི་དབུ་མ་ལ་སོགས་པའི་མ་མོའི་ཚོགས་རྣམས་སོ། །འདིའི་ཕྱག་རྒྱ་ནི། རྡོ་རྗེ་བཅིང་བ་སྦྲེལ་བ་ནི། །མཛུབ་མོ་གཉིས་ནི་
དམ་པོར་བྱ། །མཐེ་བོང་གུང་མོ་རྩེ་མོ་གཉིས། །རྡོ་རྗེ་ཕྱག་རྒྱ་བཅིངས་ནས་ཀྱང་། །ཡོངས་སུ་བཟློག་སྟེ་དཔྲལ་བར་གཞག །མཐེ་བོ་ཁར་ནི་གཞག་པར་བྱ། །ཨོཾ་སུམྦྷ་ནི་སུམྦྷ་ཧཱུྃ་ཕཊ། ཅེས་བྱ་བ་དེ་བཞིན་གཤེགས་པའི་བཀའ་དང་། ཨོཾ་བཛྲ་ས་མ་ཡ་ཨཱ་ཀཪྵ་ཡ་སརྦ་དུཥྚ་མཎྜ་ལཾ་
བཛྲ་དྷ་ར་སཏྱཾ་མཱ་ཏི་ཀྲ་མ་ཧཱུྃ་ཕཊ། ཅེས་བྱ་བ་འདི་ཕྱག་རྒྱ་དང་བཅས་པས་མ་རུངས་པའི་དཀྱིལ་འཁོར་དགུག་པར་བྱའོ། །རྡོ་རྗེ་ལྕགས་ཀྱུ་གཉིས་བཅིངས་ཏེ། །སྙིང་གར་ཡོངས་སུ་བསྐོར་བར་བྱ། །མཛུབ་གཉིས་ལྕགས་ཀྱུ་ཕྱི་རོལ་གྱི། །དཀྱིལ་ཁོར་དགུག་པའི་མཆོག་
ཡིན་ནོ། །ཡང་ཨོཾ་སུམྦྷ་ནི་སུམྦྷ་ཧཱུཾ་ཕཊ། ཅེས་བྱ་བའི་རྣམ་པར་སྣང་མཛད་ཀྱི་བཀའ་དང་། ཨོཾ་དུཥྚ་བཛྲ་ཀྲོ་དྷ་ཧ་ན་ད་ཧ་པ་ཙ་བི་དྷཱནྶ་ཡ་བི་ཀི་ར་སརྦ་དུཥྚཾཱ་ས་མ་ཡ་མུ་དྲ་ན་མཎྜ་ལ་བྷཉྫ་བྷཉྫ་མརྡ་མརྡ་ཁ་དྷ་ཁ་དྷ་བ་ར་མནྟྲཾ་བཛྲ་ཧཱུཾ་ཕཊ། ཅེས་བྱ་བ་ནི་ཕྱག་རྒྱ་དང་བཅས་པས་མ་རུངས་པའི་
དཀྱིལ་འཁོར་རྣམ་པར་གཞིག་པར་བྱའོ། །རྡོ་རྗེ་ཁྲོ་བོ་མཛུབ་ལེགས་པར། །སེན་མོ་སྤྲད་དེ་དཀྲིས་ནས་ཀྱང་། །རྩེ་མོ་གཉིས་ནི་དམ་སྦྱར་བ། །ཕྱག་རྒྱ་འདི་ནི་མ་རུངས་འཇོམས། །ཨོཾ་ནི་སུམྦྷ་ཧ་ན་ད་ཧ་པ་ཙ་གྲྀཧྞ་བྷནྡྷ་ཧཱུྃ་ཕཊ། ཅེས་བྱ་བ་དེ་བཞིན་གཤེགས་པའི་བཀའ་དང་། 
62-1-81a

ཨོཾ་མ་ཧཱ་བཛྲ་ཀྲཱུ་ར་ཀྲོ་དྷ་པ་ཏ་ཡེ་སརྦ་དུཥྚཾཱ་མཎྜ་ལཾ་བི་ནཱ་ཤ་ཡ། སརྦ་དུཥྚ་ས་མ་ཡཾ་བ་ཀི་ར་བི་དྷྭ་ཪྶ་ཡ་སྥོ་ཊ་ཡ། བྷཉྫ་སརྦ་དུཥྚཾཱ་ས་མ་ཡ་མུ་དྲ་བནྡྷ། གྲྀཧྞ་ཧ་ན་ད་ཧ་པ་ཙ་སརྦ་དུཥྚཾཱ་ས་མ་ཡ་སཏྭཱཾ་བཛྲ་ས་མ་ཡ་ཧཱུཾ་ཕཊ་ཅེས་བྱ་བ་དང་ཁྲོ་བོ་ཆེན་པོ་གདུག་པ་ཕྱག་དང་ཞལ་སྟོང་མངའ་བས་མ་
རུངས་པ་ཐམས་ཅད་བཅོམ་ནས་རྒྱ་མཚོ་ཆེན་པོར་ལྟུང་བར་བྱས་པར་བསམ་མོ། །དེ་ནས་འདིའི་ཕྱག་རྒྱ་བཤད་དེ། གཡོན་པའི་རྡོ་རྗེ་མཛུབ་མོ་ལ། །གཡས་པའི་མཛུབ་མོ་བཀུག་པས་གཟུང་། །རབ་ཏུ་ཁྲོས་ནས་དྲག་གཏོགས་ནས། །རི་རབ་ཀྱང་ནི་ལྷུང་བར་བྱེད། །ཨོཾ་ཧ་ན་ཧ་ན་བཛྲ་
ཧཱུཾ་ཕཊ། ཅེས་བྱ་བའི་དེ་བཞིན་གཤེགས་པའི་བཀའ་དང་། ཨོཾ་བཛྲ་ཨཱ་ཀཪྵ་ཡ་ཤཱི་གྷྲཾ་སརྦ་དུཥྚཾཱ་ད་ཧ་ན་བཛྲ་དྷ་ར་སཏྱེ་ན་ཧཱུཾ་ཛཿཞེས་བྱ་བའི་ཕྱག་རྒྱ་དང་བཅས་པས་ཕྲ་མེན་ལ་སོགས་པ་གདོན་མ་རུངས་པ་ཐམས་ཅད་དགུག་པར་བྱའོ། །ཕྱག་རྒྱ་ནི་འདི་ཡིན་ཏེ། གཡོན་པའི་རྡོ་རྗེ་མཛུབ་མོ་ལ། །
གཡས་པའི་མཛུབ་མོ་ལྕགས་ཀྱུས་གཟུང་། །རབ་ཏུ་ཁྲོས་ཤིང་དགུག་པ་ཡིས། །གདོན་རྣམས་ཐམས་ཅད་དབང་དུ་བྱེད། །ཨོཾ་བཛྲ་པྲ་ཏི་གྲྀཧྣ་ཧྲྀ་ད་ཡ་ཨཱ་ཀཪྵ་ཨཱདྱ་ཡན་སཏྭ་ཨརྡྷེན་མྲི་ཡ་ཏེ་ཏ་སྱ་ཧྲྀ་ད་ཡཾ་ནིཥྛ་མ་ཏུ་ས་མ་ཡ་ཧཱུྃ་ཛ་ཞེས་བྱ་བ་དང་། ཕྱག་རྒྱ་འདིས་འཆི་བར་གྱུར་པ་དེ་རྣམས་
ཀྱི་མཚན་མོ་སྙིང་ཆུང་བ་ལ་ཕྲ་མན་མ་གདོན་རྣམས་ལ་སྦྱིན་ནོ། །དེ་རྣམས་དགའ་སྟེ་ཐམས་ཅད་མཁྱེན་པའི་ཡེ་ཤེས་གྲུབ་པར་བྱེད་དོ། །ཕྱག་རྒྱ་དེ་ནི་འདི་ཡིན་ཏེ། རྡོ་རྗེ་བཅིང་བ་བྱས་ནས་ནི། །ལག་ངར་སྙིང་གར་ཤིན་ཏུ་བསྡམས། །རྡོ་རྗེ་མཛུབ་མོ་རང་མཆན་ཁུང་། །བྲུད་པ་ཡི་ནི་
སྙིང་སྦྱིན་ནོ། །ཨོཾ་ཧཱུཾ་ཕཊ་ཅེས་བྱ་བ་དེ་བཞིན་གཤེགས་པའི་བཀའ་དང་། ཨོཾ་བཛྲ་ས་མ་ཡ་ཨ་ན་ཡ་སརྦ་དུཥྚ་ཛྭ་རཱ་དི་ན་ཨཱ་ཀཪྵ་ཡ་ཧཱུཾ་ཕཊ། ཅེས་ཟློས་ཤིང་ཕྱག་རྒྱ་དང་བཅས་པས་རིམས་ལ་སོགས་པ་དགུག་པར་བྱའོ། །ཕྱག་རྒྱ་ནི་འདི་ཡིན་ཏེ། མཛུབ་མོ་གཉིས་ཀྱི་རྩེ་མོ་ནི། །མཐེ་བོང་
གཉི་གའི་དྲུང་དུ་ནི། །ཡིད་ཀྱིས་ཁྲོས་ནས་བཙིར་བར་བྱ། །རིམས་ལ་སོགས་པར་དགུག་པར་བྱ་། །ཨོཾ་བཛྲ་ཀརྨ་བི་ཤོ་དྷ་ཡ་སརྦ་ཨཱ་བ་ར་ཎ་ནི་བུདྡྷ་སཏྱེ་ན་ས་མ་ཡ་ཧཱུཾ་ཞེས་བྱ་བ་འདིས་ཕྱག་རྒྱ་དང་བཅས་པས་རང་ངམ་གཞན་གྱི་རིམས་ལ་སོགས་པའི་ནད་བསལ་བར་བྱའོ། །དེ་ལ་ཕྱག་

62-1-81b

རྒྱ་ནི་འདི་ཡིན་ཏེ། རྡོ་རྗེ་ཐལ་མོ་དམ་སྦྱར་ཏེ། །གུང་མོ་གཉིས་ཀ་བཀུག་ནས་སུ། །མཐེ་བོ་རབ་ཏུ་མཉམ་སྦྱར་བས། །མནན་པ་དེ་ནི་སྡིག་འཕྲོག་པའོ། །ཨོཾ་ཀྵ་པ་ཡ་བཛྲ་སྭཱ་ཧཱ། ཞེས་བྱ་བ་དེ་བཞིན་གཤེགས་པའི་བཀའ་དང་། ཨོཾ་སརྦ་ཨ་པ་ཡ་ཨཱ་ཀཪྵ་ཎ་བི་ཤྭ་དྷ་ན་བཛྲ་ས་མ་ཡ་
ཧཱུཾ་ཕཊ་ཅེས་བྱ་བ་འདིས་ཕྱག་རྒྱ་དང་བཅས་པས་ངན་སོང་གསུམ་པོ་དགུག་པར་བྱའོ། །ཕྱག་རྒྱ་ནི་འདི་ཡིན་ཏེ། རྡོ་རྗེ་ཕྱག་རྒྱ་གཉིས་ནང་དུ། །མཛུབ་མོ་གཉིས་ནི་བཅིངས་ནས་ཀྱང་། །ལེགས་པར་གྱེན་དུ་འཕངས་པ་ནི། །ལྟུང་བ་སློང་བའི་དམ་པའོ། །ཨོཾ་བཛྲ་པཱ་ཎི་
བི་སྥོ་ཊ་ཡ་སརྦ་ཨཱ་པ་ཡ་བནྡྷ་ནཱ་ནི་པྲ་མོ་ཀྵ་ཡ་སརྦ་ཨཱ་པ་ཡ་ག་ཏི་བྷྱཿསརྦ་སཏྭ་ན་སརྦ་ཏ་ཐཱ་ག་ཏ་བཛྲ་ས་མ་ཡ་ཏྲཊ་ཅེས་བྱ་བ་འདིས་ངན་འགྲོའི་འགྲོ་བ་ཐམས་ཅད་རྣམ་པར་སྦྱངས་ལ། བཅོམ་ལྡན་འདས་རྣམ་པར་སྣང་མཛད་ཀྱི་ཞབས་དྲུང་དུ་སྐྱེས་པར་བསམ་པར་བྱའོ། །དེ་ནས་འདིའི་
ཕྱག་རྒྱ་བཤད་དེ། རྡོ་རྗེ་བཅིང་བ་དམ་བཅིངས་ཏེ། །གུང་མོ་གཉི་ག་ངོས་སྦྱར་ནས། །ཐ་མ་བཞི་ཡང་རྩེ་ཕྲད་པ། །སྐད་ཅིག་དུ་ནི་སྡིག་དྲལ་ལོ། །རྡོ་རྗེ་ཁྲོ་བོའི་དཀྱིལ་འཁོར་གྱི་རྒྱལ་པོའི་མཆོག་ཅེས་བྱ་བའི་ཏིང་ངེ་འཛིན་ཏོ། དེ་ནས་བསྡུ་བ་བྱས་ལ་སངས་རྒྱས་ཐམས་ཅད་ཀྱིས་བདག་
ཉིད་ཇི་ལྟ་བ་བཞིན་དུ་དབང་བསྐུར་བར་བྱའོ། །ཡང་དགུག་པ་དང་གཞུག་པ་དང་། བཅིང་བ་དང་། དབང་དུ་བྱས་ལ། ཇི་ལྟར་ཡོངས་སུ་བསྒོམ་པའི་དཀྱིལ་འཁོར་གྱི་གནས་སུ་ལྷ་ཐམས་ཅད་ཕྱག་རྒྱ་བཞིས་རྒྱས་གདབ་པར་བྱས་ནས་ཕྱག་རྒྱ་ཆེན་པོས་རང་གི་ལས་མཛད་པ་ལ་སྦྱར་བར་
བྱའོ། །རྡོ་རྗེ་ཁྲོ་བོ་ལས་ཀྱི་མཆོག །ཅེས་བྱ་བའི་ཏིང་ངེས་འཛིན་ཏོ། །དང་པོར་སྦྱོར་བ་དང་དཀྱིལ་འཁོར་གྱི་རྒྱལ་པོ་མཆོག་དང་ལས་ཀྱི་རྒྱལ་པོའི་མཆོག་གི་ཏིང་ངེ་འཛིན་ལ་མཉམ་པར་གཞག་པས་སྙོམས་པར་འཇུག་པར་བྱའོ་ཞེས་གསུངས་པས་ཏིང་ངེ་འཛིན་གསུམ་པོ་འདི་དག་ནི་ངེས
པར་བསྒོམ་པར་བྱའོ། །ཡང་བསྡུ་བ་བྱས་ལ་མཚན་བརྒྱ་རྩ་བརྒྱད་པས་ཇི་ལྟ་བ་བཞིན་དུ་བསྟོད་པར་བྱའོ། །དེ་ནས་ལྕགས་ཀྱུ་ལ་སོགས་པས་ལས་བྱས་ལ་མཆོད་ཡོན་ཕུལ་ནས་ཐམས་ཅད་རང་གི་ཕྱག་རྒྱ་བཞིས་རྒྱས་བཏབ་ལ། དབང་བསྐུར་ལ་མེ་ཏོག་ལ་སོགས་པ་དམ་པ་བརྒྱད་                                                                                                                                                                                                                                                                                               

62-1-82a

དམ་མཆོད་པ་བཅུ་དྲུག་གིས་ཡང་དག་པར་མཆོད་ལ། ཕྱག་བཞི་བྱས་ནས་ཕྱག་རྒྱ་ཆེན་པོ་ཇི་ལྟ་བ་བཞིན་དུ་བཅིངས་ནས་རྡོ་རྗེ་བདག་ཉིད་ཅན་དང་རང་བཞིན་གྱིས་དག་པ་དང་། བདག་མེད་པའི་མཉམ་པ་ཉིད་ཀྱིས་སེམས་དཔའ་ཐམས་ཅད་དང་བདག་ཉིད་རྣམ་པ་
བསྒོམས་ནས། ཁྲོ་བོའི་ཚིག་གམ་རྡོ་རྗེའི་ཚིག་གམ། ཡིད་ཉིད་ཀྱིས་ཧཱུཾ་བཞི་ཟློས་ཤིང་ཆོས་བདག་མེད་པའི་མཉམ་པ་ཉིད་ཀྱིས་ཡེ་ཤེས་ཀྱི་དབང་དུ་བྱས་ལ། ཇི་སྲིད་སོ་སོར་སྣང་བའི་སྦྱོར་བས་ཁྲོ་བོའི་འཁོར་ལོར་གཏོགས་པ་ཐམས་ཅད་བསྒོམས་པར་བྱའོ། །ལྷ་ཐམས་
ཅད་ཀྱི་ཞལ་ནས་ཀྱང་ཧཱུཾ་བཞིའི་སྒྲ་བྱུང་བར་ལྷག་པར་མོས་པར་བྱའོ། །བསྒོམ་པ་ཉེ་བར་སྡུད་པའི་དུས་སུ་ཡང་དེ་བཞིན་དུ་ཡིད་ཀྱིས་ལེགས་པར་སྦྱོར་བས་རང་གི་ལུས་ལ་གཞུག་པར་བྱ་ཞིང་བདག་ཉིད་དེ་བཞིན་གཤེགས་པ་ཐམས་ཅད་འདུས་པའི་དབུས་ན་གཞུགས་
བའམ། རྡོ་རྗེ་ཧཱུཾ་མཛད་གཅིག་པོར་བསྒོམ་པར་བྱ་བའམ། མདུན་དུ་དེ་བཞིན་གཤེགས་པ་ཐམས་ཅད་འདུས་པའི་དབུས་ན་གནས་པའི་བཅོམ་ལྡན་འདས་རྡོ་རྗེ་ཧཱུཾ་མཛད་བསྒོམ་པར་བྱའོ། །སྦྱོར་བ་འདིས་ནི། སངས་རྒྱས་བཀའ་ཡི་འགྲོ་ཀུན་དོན། །དངོས་གྲུབ་ཀུན་
གྱི་ཆོ་ག་ཡིས། །ཕྱག་རྒྱ་ཆེན་པོ་བསྒོམས་ན་ནི། །ཚེ་འདི་ཉིད་ལ་འཚང་རྒྱའོ། །གལ་ཏེ་གང་གི་ཚེ་ཕྱག་རྒྱར་སྦྱིན་གྱི་བརླབས་པ་ལྷོད་པར་གྱུར་ཏམ་བདག་ཉིད་གཏོང་བར་འདོད་པར་གྱུར་ན་དའི་ཚེ་ཡི་གེ་བརྒྱ་པས་བརྟན་པར་བྱའོ། །བསྒོམ་པས་དུབ་པར་གྱུར་ན་མཚན་བརྒྱ་
རྩ་བརྒྱད་ཀྱིས་བསྟོད་པ་དང་། མཆོད་པ་རྣམ་པ་བརྒྱད་དང་ཕྱག་བཞི་བྱའོ། །དེ་ལྟར་ཇི་སྲིད་སྐྱོ་བར་མ་གྱུར་པ་དེ་སྲིད་ཀྱི་བར་དུ་བསྒོམ་པར་བྱའོ། །སྐྱོ་བར་གྱུར་ན་མཚན་རྩ་བརྒྱད་ཀྱིས་བསྟོད་པ་དང་མཆོད་པ་ཐམས་ཅད་དང་། ཕྱག་བཞི་བྱས་ནས། ཨོཾ་བཛྲ་སཏྭ་ཧཱུྃ་ཛཿ
ཞེས་བྱ་བ་ཕྱག་རྒྱ་དང་ལྡན་པས་ལྷ་ཆེན་པོ་གསོ་བར་བྱའོ། །དེ་ཡང་འདི་ཡིན་ཏེ། གསང་བའི་ལྕགས་ཀྱུ་བསྡམས་བྱས་ཏེ། །ཐ་མ་མཉམ་དུ་བརྐྱང་ནས་ནི། །ཤི་བའི་མགོ་བོར་བཞག་ན་ནི། །སྲོག་ནི་ཕྱིར་ཡང་ཐོབ་པར་འགྱུར། །རྡོ་རྗེ་བསྡམས་པ་ནང་དུ་གཞིབས་ནས་

62-1-82b

མཛུབ་མོ་གཉིས་ལྕགས་ཀྱུར་བྱ་བ་ནི་གསང་བའི་ལྕགས་ཀྱུའོ། །དེ་ནས་ཨོཾ་བཛྲ་མུཿཞེས་བྱ་འདི་ཕྱག་རྒྱ་དང་ལྡན་པས་ལྷ་ཆེན་པོ་ཆུང་མ་དང་བཅས་པ་རྐང་པའི་འོག་ནས་གཏང་བར་བྱའོ། །དེ་ནི་འདི་ཡིན་ཏེ། རྡོ་རྗེ་ཁྲོ་བོ་མཛུབ་ལེགས་པར། །ཟུར་སྤྲད་བསྡམས་ཏེ་གཞག་པ་ནི། །
རྡོ་རྗེ་དེ་དག་བསྒྱུར་བྱས་ཤིང་། །འོག་ནས་ཡང་དག་འབྱིན་པར་བྱེད། །བཛྲོ་ཏྟིཥྛ་ཞེས་བྱ་བས་ཀྱང་སླར་དབང་བསྐུར་བར་བྱའོ། །ཨོཾ་ཙནྡྲོ་ཏྟ་རེ་ས་མནྟ་བྷ་དྲ་ཀིར་ནི་མ་ཧཱ་བཛྲཱ་ནི་ཧཱུཾ་ཞེས་བྱ་བ་ནི་ཕྱག་རྒྱ་དང་བཅས་པ་བྱ་སྟེ། དེ་ནི་འདི་ཡིན་ཏེ། རྡོ་རྗེ་བཅིང་བ་དམ་བྱས་ཏེ། །མཐེ་བོང་མཐེའུ་
ཆུང་མཉམ་པར་ནི། །མཉམ་ནས་ལེགས་པར་བརྐྱང་བ་ནི། །ཟླ་བའི་རི་མོ་ཞེས་ཀྱང་གྲགས། །ལྷ་མོ་ཨུ་མ་ཡང་སྔར་བཤད་པའི་རྡོ་རྗེ་རིན་ཆེན་གྱི་དབང་བསྐུར་བས་དབང་བསྐུར་ལ། ལྷ་ཆེན་པོ་གསང་བའི་མཆོད་པ་བཞིས་ལེགས་པར་མཆོད་དེ། མངོན་པར་འདོད་པའི་དངོས་གྲུབ་
ཀྱི་ཕྱིར་དགེ་བའི་རྩ་བ་བསྔོས་ནས་མཆོད་ཡོན་ཕུལ་ལ། ཕྱག་རྒྱ་དེ་དགྲོལ་བར་བྱས་ནས་བཅོམ་ལྡན་འདས་དེ་བཞིན་གཤེགས་པ་ཐམས་ཅད་དང་བཅས་པ་ལ་བཟོད་པར་གསོལ་བར་བྱའོ། །བཅོམ་ལྡན་འདས་བདག་སོ་སོའི་སྐྱེ་བོར་གྱུར་པས་ཆོ་ག་ལྷག་ཆད་དུ་གྱུར་པ་གང་ཅི་བགྱིས་པ་
དེ་ཐམས་ཅད་བདག་ལ་བཟོད་པར་མཛོད་ཅིག་ཅེས་བཟོད་པ་གསོལ་བར་བྱའོ། །དེ་ནས་གཤེགས་སུ་གསོལ་བའི་ཕྱིར་བསྐུལ་བར་བྱ་སྟེ། ཨོཾ་ཁྱོད་ཀྱིས་འགྲོ་བའི་དོན་ཀུན་མཛད། །རྗེས་སུ་མཐུན་པའི་དངོས་གྲུབ་སྩོལ། །སངས་རྒྱས་ཡུལ་དུ་གཤེགས་སུ་གསོལ། །སླར་ཡང་
གཤེགས་པར་མཛད་དུ་གསོལ། །ཞེས་པ་དང་ཁྲོ་བོ་ཏི་རཱིནྟ་རིའི་ཧཱུྃ་བཞིས་མུཿཞེས་བྱ་བའི་མཐའ་དང་ལྡན་པ་གྱེན་དུ་དགྲོལ་ལོ། །དེ་ལྟ་བུས་ནི་ཐམས་ཅད་གཤེགས་སུ་གསོལ་བར་འགྱུར་རོ། །ཇི་ལྟར་སྤྲུལ་པའི་རིགས་ཀྱི་དཀྱིལ་འཁོར་དང་བཅས་པ་ཐམས་ཅད་ཀྱང་དེ་བཞིན་དུ་ཡིད་
ཀྱིས་ལེགས་པར་སྦྱོར་བས། རང་གི་ལུས་ལ་བཅུག་ལ་ཡི་གེ་བརྒྱ་པས་བརྟན་པར་བྱ་སྟེ། རྡོ་རྗེ་སེམས་དཔའ་ལན་ཅིག་བཟླས་ཤིང་། རྡོ་རྗེ་གོ་ཆ་དང་། རྡོ་རྗེ་གནོད་སྦྱིན་དང་། རྡོ་རྗེ་སེམས་པའི་གཙུག་ཏོར་དང་། རྡོ་རྗེ་ཁུ་ཚུར་གྱི་བདག་ཉིད་སྲུང་བ་བྱས་ནས། རང་གི་ལྷའི་

62-1-83a

ང་རྒྱལ་དང་ལྡན་པ་ཉིད་ཀྱིས་ལྡང་བར་བྱའོ། །དེ་ལྟར་ཉིན་རེ་བཞིན་ཐུན་བཞིར་ཟླ་བ་གཅིག་གམ་ཟླ་བ་དྲུག་གམ། ལོ་གཅིག་གམ། དུས་ཇི་སྲིད་ཀྱི་ལྷ་རྣམས་ཀྱི་རྗེས་སུ་གནང་བ་སྩལ་བ་དེ་སྲིད་ཀྱི་བར་དུ་བསྒོམ་པར་བྱའོ། །མི་ནུས་པས་ནི་རྣལ་འབྱོར་ཆེན་
པོ་ཉིན་རེ་བཞིན་ལན་ཅིག་བསྒོམས་ལ་སྔགས་ཐམས་ཅད་ཀྱི་བཟླས་བརྗོད་འབུམ་བྱའོ། །སྔོན་དུ་བསྙེན་པའི་ཆོ་གའོ།    །དེའི་རྗེས་ལ་དཀྱིལ་འཁོར་བྲི་བར་བྱ་སྟེ། ཉིན་རེའམ་ནི་ཟླ་བ་རེ། །ལོ་ནི་རེ་རེ་ཉིད་དག་ཏུ། །ཡར་གྱི་ངོ་ལ་ཆོ་ག་བཞིན། །བསྒྲུབ་བྱ་ཇི་ལྟར་མངོན་འདོད་བྲི། །དེ་
ལ་རྒྱལ་པོ་ནི་ཁྲུ་བརྒྱའམ་ལྔ་བཅུ་པའོ། །བློན་པོའམ་བློན་པོ་ཆེན་པོ་ནི་ཁྲུ་ལྔ་བཅུ་པའམ་ཉི་ཤུ་རྩ་ལྔ་པའོ། །ཚོང་དཔོན་ནམ་དེད་དཔོན་གྱི་ནི་ཁྲུ་ཉི་ཤུ་རྩ་ལྔའམ་དེའི་ཕྱེད་དོ། །སྒྲུབ་པ་པོ་ཁྲུ་བཅུ་གཉིས་སམ། ཁྲུ་དྲུག་གམ་ཇི་ཙམ་ནུས་པ་ལ་བྱའོ། །དེ་ལ་དང་པོ་རེ་ཞིག་ཡོ་བྱད་
ཐམས་ཅད་དང་ལྡན་པས། མངོན་པར་འདོད་པའི་དཀྱིལ་འཁོར་གྱི་སའི་དབུས་སུ། མི་རུས་ཀྱི་ཕྱེ་མས་དཀྱིལ་འཁོར་གྱི་བགེགས་བསལ་ནས། བདག་དང་སློབ་མ་ལ་སོགས་པ་ཞི་བར་བྱེད་པའི་སྦྱིན་སྲེག་བྱའོ། །དེ་ནས་སྦྱང་བར་བྱ་སྟེ། ཟབས་སུ་འདོམ་གང་ཙམ་ལ་ཁྲུ་
གང་ཙམ་བརྐོས་ལ། དྲི་ཞིམ་པོས་བྲན་པའི་སས་བཀང་ནས། རྡོ་རྗེ་རྩེ་མོ་མངོན་པར་བཟླས་པའི་ཆུས་ཆག་ཆག་བཏབ་ལ་ལེགས་པར་བཅགས་ཏེ། ཤིན་ཏུ་མཉམ་པར་བྱས་ལ་སྒོ་བཞི་དང་སྐར་ཁུང་གིས་ཡོངས་སུ་བསྐོར་བ་རྟ་བབས་བཞིས་མཛེས་པར་བྱས་པའི་ཁང་པ་
བརྩེགས་པའི་ནང་དུ་ཆུད་པར་བྱས་ལ་མཐའ་མར་ལེགས་པར་བྲིས་ཤིང་དྲིལ་བུ་བཏགས་པའི་རྒྱལ་མཚན་དམ་པ་དང་། བླ་རེ་མཆོག་བྲེས་པ། སངས་རྒྱས་རིན་པོ་ཆེ་ལ་སོགས་པའི་རས་རིས་ཀྱིས་མཛེས་པར་བྱས་ལ། བའི་ལྕི་བས་ལེགས་པར་སྦྱངས་ལ། དྲིས་བྱུགས་ནས་མཚམས་
བཞིར་སྤོད་སྣོད་བཞི་དང་མེ་ཏོག་དང་མར་མེ་ལ་སོགས་པས་ཉེ་བར་མཛེས་པར་བྱས་ལ། ས་ལ་ལག་པས་རེག་པར་བྱ་སྟེ། ཧཱུྃ་བཞི་དང་ཡི་གེ་བརྒྱ་པ་ལན་བདུན་ཡོངས་སུ་བཟླས་པར་བྱའོ།    །དེ་ནས་བདག་ཉིད་ཁྲུས་བྱས་ཤིང་དྲིས་བྱུགས་ལ་གོས་དང་སྟོད་གཡོགས་སྔོན་པོ་བགོས་

62-1-83b

ཤིང་སེམས་དཔའི་གཙུག་ཏོར་དང་། མེ་ཏོག་གི་ཕྲེང་བ་བཏགས་པ་ཁ་དྲི་ཞིམ་པར་བྱ་བ་དང་། གདུ་བུ་དང་། རྣ་ཆ་ལ་སོགས་པས་བརྒྱན་པར་བྱས་ལ། ཟླ་བའི་ཉ་ནས་ཕྱི་མའི་ཉའི་བར་དུ་དཀྱིལ་འཁོར་གྱི་ལས་བྱ་བའམ། ཡར་གྱི་ངོའི་ཚེས་གཅིག་ནས་བརྩམ་པའམ། དེ་
བཞིན་དུ་ཚེས་བརྒྱད་དམ་དགུ་འམ་བཅུ་འམ་བཅུ་གསུམ་མམ། བཅུ་བཞི་ལ་བརྩམས་ནས་ཉའི་བར་བྱ་བའམ་། སྔ་དྲོའི་དུས་ནས་བརྩམས་ཏེ་བྱའོ། །གལ་ཏེ་ནུས་པར་གྱུར་ན་ནི་སྨྱུང་བར་བྱའོ། །འོན་ཏེ་མ་ནུས་ན་དེའི་ཚེ་རྡོ་རྗེ་ཆོས་ཡོངས་སུ་བཟླས་པའི་སྤོས་ཆུས་བསངས་པའི་
དཀར་གསུམ་བཟའ་བར་བྱ་སྟེ། སྤྱན་འདྲེན་པའི་ཞག་སྨྱུང་བར་གནས་པའམ། ཆོས་དང་ལྡན་པའི་ཟས་ལ་བརྟེན་པར་བྱའོ་ཞེས་བཅོམ་ལྡན་འདས་རྡོ་རྗེ་འཛིན་པས་གསུངས་སོ། །དེ་ལ་རེ་ཞིག་དཀྱིལ་འཁོར་གྱི་སའི་དབུས་སུ་འདུག་ལ། བགེགས་གཞོམ་པ་ལ་སོགས་
པ་ཇི་ལྟ་བ་བཞིན་དུ་བྱའོ། །དེ་ནས་རྡོ་རྗེ་འཁོར་ལོའི་ཕྱག་རྒྱས་དེ་བཞིན་དུ་དཀྱིལ་འཁོར་སྤྲུལ་ལ། ཕྱག་བྱ་བ་ལ་སོགས་པ་སྔོན་དུ་འགྲོ་བས་སྡོམ་པ་བཟུང་ནས་ལྷའི་རྣལ་འབྱོར་དང་ཁང་པ་བརྩེགས་པ་དང་། གདན་རྣམས་བསྐྱེད་ལ་དཀྱིལ་འཁོར་གྱི་སའི་དབུས་སུ་སེམས་
དཔའི་སྐྱིལ་མོ་ཀྲུང་གིས་འདུག་ལ། བདག་ཉིད་སྤྲོ་བ་བསྐྱེད་པར་བྱའོ། །དེང་དུ་བདག་ཚེ་འབྲས་བུ་ཡོད། །བདག་གི་གསོན་པའང་འབྲས་བུར་བཅས། །ལྷ་དང་དམ་ཚིག་གིས་མཉམ་པར། །གྱུར་པར་བདག་ཉིད་སོམ་ཉི་མེད། །བྱང་ཆུབ་སེམས་དང་སེམས་གཅིག་ལས། །
མི་ལྡོག་པར་ནི་བདག་གྱུར་ཏེ། །དེ་བཞིན་གཤེགས་པའི་རིགས་སུ་ནི། །དེང་བདག་སྐྱེ་བར་ཐེ་ཚོམ་མེད། །དེང་བདག་ཉི་མ་དམ་པ་སྟེ། །བདག་གི་མཆོད་སྦྱིན་བླ་ན་མེད། །སངས་རྒྱས་ཐམས་ཅད་སྤྱན་འདྲེན་པས། །དེང་བདག་འདུས་པའི་མཆོག་ཡིན་ནོ། །དེ་ནས་ཡན་ལག་
ཐམས་ཅད་ཀྱིས་ཕྱག་བྱས་ལ་སྤོས་སྣོད་ལག་ཏུ་ཐོགས་ཏེ། སངས་རྒྱས་ཐམས་ཅད་སྤྱན་དྲང་བར་བྱའོ། །མ་ལུས་ཕྱོགས་ན་བཞུགས་པ་ཡི། །སངས་རྒྱས་ཐམས་ཅད་དགོངས་སུ་གསོལ། །བདག་མིང་འདི་ཞེས་བགྱི་བ་ཡིས། །རྡོ་རྗེ་ཅན་གྱི་དཀྱིལ་འཁོར་བྲི། །དེང་འདིར་

62-1-84a

སངས་རྒྱས་ཀུན་གཤེགས་ཏེ། །དངོས་གྲུབ་འདི་ནི་སྩལ་དུ་གསོལ། །དེའི་རྗེས་ལ་སྔར་བཤད་པའི་རིམ་པས་དེ་བཞིན་དུ་ཏིང་ངེ་འཛིན་གསུམ་བསྒོམ་པར་བྱའོ། །དེ་ནས། དེ་ཉིད་ཀྱིས་ནི་རྡོ་རྗེ་གཟུང་། །ཆོས་ཀྱི་དྲིལ་བུ་དཀྲོལ་བར་བྱ། །དམ་ཚིག་གི་ནི་ཕྱག་
རྒྱ་ཆེར། །བྱིན་གྱིས་བརླབས་ནས་སྙིང་པོ་བཟླ། །དེ་ལྟར་དམ་ཚིག་གསུམ་མཆོག་ཏུ་ཐོབ་པའི་སློབ་དཔོན་གྱིས་རང་གི་ཕྱག་རྒྱས། འཁོར་བོ་ཀུན་གྱི་ཆོ་ག་ནི། །རྡོ་རྗེ་དྲིལ་བུ་འཛིན་པས་བྱ། །དཀྱིལ་འཁོར་ཐམས་ཅད་སྒྲུབ་བྱེད་པའི། །རྟོག་པ་ཀུན་ལ་ཡང་དག་འཇུག །
དམ་ཚིག་ཆེ་གསུམ་ཞེས་བྱ་བ། །རྒྱ་འདི་གསང་སྔགས་སྒྲུབ་བྱེད་ཡིན། །དངོས་གྲུབ་ཀུན་གྱི་ཆོ་ག་ལ། །རྡོ་རྗེ་དྲིལ་བུ་རབ་སྒྲུབ་ཡིན། །ཆོ་ག་ལྷག་གམ་མ་ཚང་ཡང་། །འགྲུབ་འགྱུར་སྨད་པར་མི་བྱའོ། །བཅོམ་ལྡན་འདས་ལ་ཡང་གསོལ་བ་གདབ་པར་བྱ་སྟེ། བཅོམ་ལྡན་
འདས་སེམས་ཅན་གྱི་ཁམས་མ་ལུས་པ་ལུས་པ་མེད་པའི་སྐྱབས་དང་། ཕན་པ་དང་། བདེ་བ་ཐམས་ཅད་མྱོང་བར་བགྱི་བ་ནས། དེ་བཞིན་གཤེགས་པ་ཐམས་ཅད་ཀྱི་དེ་ཁོ་ན་ཉིད་ཀྱི་གྲུབ་པ་དམ་པའི་འབྲས་བུ་ཐོབ་པར་བགྱི་བའི་བར་དུ་སྩོལ་ཅིག་པར་བདག་ལ་བཅོམ་
ལྡན་འདས་དེ་བཞིན་གཤེགས་པ་ཐམས་ཅད་ཀྱིས་གྲུབ་པའི་རྡོ་རྗེ་སྩལ་ཏེ། དེ་བཞིན་གཤེགས་པ་ཐམས་ཅད་ཀྱིས་བཀའ་སྩལ་ན། མི་འདི་རྣམས་ཇི་ལྟར་བགྱི་བ་དེ་བཞིན་གཤེགས་པ་ཐམས་ཅད་ཀྱིས་བཀའ་སྩོལ་ཅིག །དེ་ནས་དེ་བཞིན་གཤེགས་པ་ཐམས་ཅད་ཡང་གཅིག་
ཏུ་འདུས་ནས་འདི་སྐད་ཅེས་བཀའ་སྩལ་ཏོ། །ཨོཾ་བཛྲ་པཱ་ཎི་མ་ཧཱ་མ་ད་ལཾ། པྲ་བེ་ཤ་ཡ་སརྦཾ་དུཥྚཾཱ་རོ་ཏྲན་ནི་བ་ར་ཡ་བ་བེ་བྱ། པྲ་མོ་ཀྵ་ཡ་དུར་དྲྀཥྚ་པརྱ་བནྡྷ་བི་ཤོ་དྷ་ཡ་ནཱ་ཤ་ཡ། བི་ནཱ་ཤ་ཡ་ཧ་ཧ་ཧ་ཧ་ཧཱུྃ། དེ་ལྟར་རྗེས་སུ་གནང་བ་ཐོབ་པ་དང་། ཁམས་གསུམ་རྣམ་པར་རྒྱལ་བའི་
ཕྱག་རྒྱས་དཀྱིལ་འཁོར་སྟེང་དུ་ནམ་མཁའ་ལ་བཞག་ནས། དེ་ཉིད་ཀྱི་བདག་ཉིད་བྱིན་གྱིས་བརླབས་ཏེ། ཕྱག་རྒྱ་དེ་ཉིད་རང་གི་སྙིང་གར་བཞག་ལ་དེའི་ང་རྒྱལ་དང་ལྡན་པས་ཁྲོ་བོའི་ལྟ་བས་བལྟ་ཞིང་དབང་ལྡན་ནས་བརྩམས་ཏེ། བགེགས་ཐམས་ཅད་བསྐྲད་པ་ལ་བརྩོན་པར་བྱའོ། །ཡི་གེ་ཨ་

62-1-84b

ལས་རང་གི་རྐང་མཐིལ་གཉིས་སུ་སྣ་ཚོགས་རྡོ་རྗེ་བཀོད་ལ། རང་གི་རྐང་མཐིལ་གྱིས་ཡོངས་སུ་བཟུང་ནས། རླུང་གི་དཀྱིལ་འཁོར་ནས་བརྩམས་ཏེ་རི་རབ་ཀྱི་སྟེང་གི་བར་དུ་དཀྱིལ་འཁོར་གྱི་གནས་དེ་རྡོ་རྗེའི་རང་བཞིན་དུ་གྱུར་པར་མོས་པས་ཧཱུྃ་བཞི་ཟློས་ཤིང་། གཡས་ནས་
བསྐོར་བས་འགྲོ་བར་བྱའོ། །དེ་ནས་ཁྲོ་བོའི་ལྟ་བས་དཀྱིལ་འཁོར་བཅིང་བ་དང་། ར་བ་དང་། རྡོ་རྗེ་དྲ་བ་བྱའོ། །ཡང་ཧཱུྃ་ཞེས་ཟློས་ཤིང་རྡོ་རྗེ་ཧཱུྃ་མཛད་ཀྱི་གཟུགས་ཉིད་ཀྱིས་དེ་བཞིན་གཤེགས་པ་ཐམས་ཅད་ཀྱི་ཐུགས་ཀ་ནས་བྱུང་སྟེ། འཇིག་རྟེན་གྱི་ཁམས་ཐམས་ཅད་
རྡོ་རྗེ་སེམས་དཔའི་ཁྲོ་བོ་ལ་སོགས་པ་རྡོ་རྗེ་འབར་བ་འཇིགས་སུ་རུང་བ་ཀུན་དུ་འཁྲུགས་པ། ཧཱུྃ་ཞེས་བྱ་བའི་དགྲ་འཇིགས་སུ་རུང་བས་ལྐོག་མའི་ཕྱོགས་ཀུན་དུ་གང་བ་དང་། ཁྲོ་བོའི་སྐུ་མཆོག་གིས་མི་གཡོ་བ་རྡོ་རྗེ་འབེབས་པའི་ཚུལ་གྱིས་ནམ་མཁའ་ནས་བབས་ཏེ། གར་
ལས་བྱུང་བའི་མེ་ཏོག་གི་ཐལ་མོས་དེ་བཞིན་གཤེགས་པ་ཐམས་ཅད་ཡང་དག་པར་མཆོད་ལ། དཀྱིལ་འཁོར་གྱི་ལྟེ་བར་གཡོན་བརྐྱང་པས་འདུག་སྟེ། བསྐལ་པའི་མེ་དཔུང་ལྟར་འབར་བའི་ཁྲོ་བོའི་ཚོགས་འབྱིན་པས་བདུད་ཐམས་ཅད་ཀུན་དུ་སྐྲག་པར་བྱའོ། །དེ་ནས་
དགའ་བས་ཡོངས་སུ་བསྐོར་བའི་ཚུལ་གྱིས་ཤར་ཕྱོགས་སུ་འགྲོ་བར་བྱའོ། །དེ་ནས་དེས་གཡོན་བརྐྱང་བའི་གནས་པ་ཉིད་ཀྱིས་འདུག་ལ། བགེགས་ཐམས་ཅད་བསྐྲད་པར་བྱའོ། །དེ་ནས་གནས་དེ་ནས་ལྷོ་ཕྱོགས་སུ་སོང་ལ་གཡས་བརྐྱང་བའི་གནས་པས་དེ་བཞིན་དུ་བགེགས་
རྣམས་རྗེས་སུ་བསྐྲད་པར་བྱའོ། །དེ་ནས་གནས་དེ་ནས་གཡས་བརྐྱང་བ་དང་། གཡོན་བརྐྱང་བ་དག་གིས་ནུབ་ཕྱོགས་སུ་སོང་ལ། ཟླུམ་པོའི་འདུག་སྟངས་བཅས་ནས་དེ་བཞིན་དུ་བགེགས་རྣམས་བསྐྲད་པར་བྱའོ། །དེ་ནས་གནས་དེ་ནས་ནམ་མཁའི་ཁམས་མ་ལུས་པར་ཁྱབ་པར་
གཏོགས་པའི་འཇིག་རྟེན་གྱི་ཁམས་རྣམས་གཡོ་བར་བྱེད་པའི་རྡོ་རྗེའི་འགྲོས་ཀྱིས་བྱང་ཕྱོགས་སུ་འགྲོ་བར་བྱའོ། །དེ་ནས་གཡས་བརྐྱང་བ་དང་མཐུན་པའི་རྐང་སྟབས་དང་། ཟླུམ་པོའི་འདུག་སྟངས་དང་། ས་གའི་འདུག་སྟངས་རྣམས་ཀྱིས་བགེགས་རྣམས་ངེས་པར་བསྐྲད་

62-1-85a

པར་བྱས་ནས། རྡོ་རྗེའི་འགྲོས་ཀྱིས་ཤར་ཕྱོགས་སུ་འགྲོ་བར་བྱའོ། །དེ་ལྟར་ན་སྟང་སྟབས་བཞིས་བགེགས་ཐམས་ཅད་གཞོམ་པར་བྱའོ། །ཡང་རྡོ་རྗེའི་འགྲོས་ཀྱིས་དཀྱིལ་འཁོར་གྱི་ལྟེ་བ་བསྐོར་བར་བྱས་ལ། ཤར་ཕྱོགས་སུ་མངོན་པར་བལྟས་ཏེ། 
མཆོད་ནས་དཀྱིལ་འཁོར་གྱི་ལྟེ་བ་ཕུར་བུའི་འགྲོས་སུ་འགྲོ་བར་བྱའོ། །དེ་བཞིན་དུ་གཞན་གྱིས་མི་ཐུབ་པ་ཞེས་བྱ་བའི་ཁྲོ་བོའི་ཕུར་བུས་དཀྱིལ་འཁོར་གྱི་གནས་སུ་ཕུར་བུས་གདབ་པར་བྱའོ། །སྟང་སྟབས་བྱེད་པའི་དུས་འདིར་ཁྲོ་བོའི་ཚིག་གིས་ཧཱུྃ་ཞེས་བྱ་བའི་སྒྲ་རྒྱུན་མི་འཆད་
པར་གདོན་པར་བྱའོ། །དེ་ནས་རྡོ་རྗེའི་འདུག་སྟངས་ཕྱེད་ཀྱིས་འདུག་ལ། ཨོཾ་བཛྲ་ཛྭ་ལ་ཨ་ན་ལཱརྐ་ཧཱུྃ་ཞེས་ཟློས་ཤིང་གཡོན་པའི་རྡོ་རྗེ་ཁུ་ཚུར་སྙིང་གར་བཞག་ནས། གཡས་པས་རྡོ་རྗེ་བསོར་ཞིང་བགེགས་རྣམས་ལ་བསྣུན་པར་བྱའོ། །ཡང་རྡོ་རྗེ་མེའི་ཕྱག་རྒྱ་དང་བཅས་པས་ཀྱང་བགེགས་
རྣམས་བསྲེག་པ་ལ་སོགས་པ་བྱ་སྟེ། ཧཱུྃ་བཛྲ་ཨ་ན་ལ་ཧ་ན་ད་ཧ་པ་ཙ་མ་ཐ་བྷཉྫ་ར་ཎ་ཧཱུྃ་ཕཊ་རྡོ་རྗེ་བསྡམས་པ་ནང་དུ་བཅིངས་ལ། སོར་མོ་རྣམས་ནང་དུ་འབར་བ་ལྟར་བྱས་ལ་མཐེ་བོ་རྡོ་རྗེ་ལྟར་བསྒྲེང་བ་ནི་རྡོ་རྗེ་མེའི་ཕྱག་རྒྱའོ། །ཨོཾ་བཛྲ་ནཻ་ཏྲི་བནྡྷ་སརྦ་བིགྷྣཱན་ཞེས་བྱ་བ་ཕྱག་རྒྱ་དང་ལྡན་པས་བགེགས་
རྣམས་བཅིང་བར་བྱའོ། །རྡོ་རྗེ་བསྡམས་པ་ལས་མཐེ་བོང་གཉིས་བརྐྱང་སྟེ་སྙོམས་ལ་བཞག་པ་ནི་རྡོ་རྗེ་སྤྱན་དང་ལྡན་པའི་ཕྱག་རྒྱའོ། །རྡོ་རྗེ་བསྡམས་པ་བརྐྱང་ལ་བཞག་སྟེ། ཨོཾ་བཛྲ་དྲྀ་ཌྷོ་མེ་བྷ་བ་རཀྵ་སརྦཾ་སྭཱ་ཧཱ། ཞེས་བྱ་བ་དང་འོག་བཅིང་བར་བྱའོ། །རྡོ་རྗེ་གནོད་སྦྱིན་གྱི་ཕྱག་རྒྱ་དང་སྔགས། 
ཨོཾ་བཛྲ་ཡཀྵ་ཧཱུྃ་ཞེས་བྱ་བ་ཕྱག་རྒྱ་དང་བཅས་པས་ནམ་མཁའ་བཅིང་བར་བྱའོ། །རྡོ་རྗེ་ཐལ་མོ་མཐེ་བོང་གཉིས་བརྐྱང་ལ་མཛུབ་མོ་གཉིས་མཆེ་བ་ལྟ་བུར་བྱ་བ་ནི་རྡོ་རྗེ་གནོད་སྦྱིན་གྱི་ཕྱག་རྒྱའོ། །ཡང་རྡོ་རྗེ་འཇིགས་བྱེད་ཀྱི་སྤྱན་གྱིས་རྡོ་རྗེ་གནོད་སྦྱིན་གྱི་སྟེང་དུ་ནམ་མཁའ་བཅིང་བར་བྱའོ། །
ཨོཾ་ཧུ་ལུ་ཧུ་ལུ་ཧཱུྃ་ཕཊ། རྡོ་རྗེ་ཁུ་ཚུར་གཉིས་བཅིངས་ལ། མགལ་མེའི་འཁོར་ལོ་བཞིན་དུ་བསྐོར་ཏེ། མགོ་བོའི་སྟེང་དུ་མཛུབ་མོ་གཉིས་ལྕགས་ཀྱུའི་ཚུལ་དུ་གཞག་པ་ནི་རྡོ་རྗེ་འཇིགས་བྱེད་ཀྱི་སྤྱན་གྱི་ཕྱག་རྒྱའོ། །རྡོ་རྗེ་གཙུག་ཏོར་གྱི་ཕྱག་རྒྱ་དང་བཅས་པས་ཤར་ཕྱོགས་བཅིང་བར་

62-1-85b

བྱ་སྟེ། ཨོཾ་ཧཱུྃ་ཞེས་བྱ་བའི་སྔགས་སོ། །རྡོ་རྗེ་ཁུ་ཚུར་གཉིས་བཅིངས་ལ། མཐེའུ་ཆུང་གཉིས་ལུ་གུ་རྒྱུད་དུ་སྦྲེལ། མཛུབ་མོ་གཉིས་རྩེ་མོ་སྦྱར་ལ་བཟློག་སྟེ་སྤྱི་བོར་གཞག་པ་འདི་ནི་རྡོ་རྗེ་གཙུག་ཏོར་གྱི་ཕྱག་རྒྱའོ། །ཡང་རྡོ་རྗེ་ཞགས་པས་དེ་ཉིད་བཅིང་བར་བྱ་སྟེ། ཧཱུྃ་བཛྲ་པཱ་ཤ་ཧྲཱིཿརྡོ་རྗེ་
ཁུ་ཚུར་གཉིས་ཀྱི་མཁྲིག་མ་མདུད་པ་བྱས་པ་ནི་རྡོ་རྗེ་ཞགས་པའོ། །རྡོ་རྗེ་བ་དན་གྱིས་ནུབ་ཕྱོགས་བཅིང་བར་བྱ་སྟེ། ཨོཾ་བཛྲ་པཱ་ཏང་ཀི་པཱ་ཏང་ཀི་ནི་རཊ་རྡོ་རྗེ་བསྡམས་པའི་མཐེ་བོང་གཉིས་སེམས་དཔའི་སྐྱིལ་མོ་ཀྲུང་དུ་བྱས་ལ། མཛུབ་མོ་གཉིས་མཉམ་ནས་སྲིན་ལག་ཕྱེ་སྟེ། མཐེའུ་ཆུང་
གཉིས་བ་དན་གྱི་རྩེ་མོ་ལྟར་བྱས་པ་ནི་བ་དན་གྱི་ཕྱག་རྒྱའོ། །དེ་ནས་རྡོ་རྗེ་ནག་མོས་བྱང་ཕྱོགས་བཅིང་བར་བྱ་སྟེ། ཨོཾ་ཧྲཱིཿབཛྲ་ཀཱ་ལི་རུ་ཊ་མ་ཊ་རྡོ་རྗེ་གནོད་སྦྱིན་གྱི་ཕྱག་རྒྱ་ཉིད་སྙིང་གར་བཞག་ལ་བརྟན་པར་བྱས་པ་ནི་རྡོ་རྗེ་ནག་མོའིའོ། །རྡོ་རྗེ་རྩེ་མོས་ལྷོ་ཕྱོགས་བཅིང་བར་བྱ་སྟེ། ཨོཾ་བཛྲ་ཤི་ཥ་
ར་རུ་ཊ་མ་ཊ་རྡོ་རྗེ་ཁུ་ཚུར་གཉིས་ཀྱིས་རི་བོ་འདེགས་པའི་ཚུལ་དུ་བྱ་བ་ནི་རྡོ་རྗེ་རྩེ་མོའི་ཕྱག་རྒྱའོ། །རྡོ་རྗེ་ལས་ཀྱི་དཀྱིལ་འཁོར་བཅིང་བར་བྱའོ། །ཧཱུྃ་བཛྲ་ཀརྨ་ཡཾ་ཧཱུྃ་ཞེས་བྱ་བ་རྡོ་རྗེ་ཧཱུྃ་མཛད་ཀྱི་རབ་བྱས་ནས་རྡོ་རྗེ་བསྡམས་པས་རྡོ་རྗེ་དྲ་བ་བྱའོ། །སྔགས་ནི་བཛྲ་བྷནྡྷ་བཾ། དེའི་རྗེས་ལ་སྒོ་དབྱེ་
བའི་ཕྱག་རྒྱས་སྒོ་ཕྱེ་ལ། རྡོ་རྗེའི་རྒྱུའི་རང་བཞིན་ཅན་གྱི་གསང་བའི་དཀྱིལ་འཁོར་ཞལ་བཞི་པ། ཕྱག་བཞི་པ་བཛྲ་མཎྜལ་ཧཱུྃ་ཛཿཞེས་བྱ་བའི་ཕྱག་རྒྱ་དང་བཅས་པས་དགུག་པར་བྱའོ། །རྡོ་རྗེ་ཁུ་ཚུར་གཉིས་ཀྱི་མཛུབ་མོ་དང་མཐེ་བོང་རྡོ་རྗེར་བྱ་བ་ནི་དཀྱིལ་འཁོར་ཐམས་ཅད་འགུགས་
པའོ། །རྡོ་རྗེ་འཁོར་ལོའི་ཕྱག་རྒྱ། ཨོཾ་མ་ཧཱ་བཛྲ་ཙཀྲ་ཨ་དྷི་ཏིཥྛ་སིདྡྷ་ཧཱུྃ་ཞེས་བྱ་བ་དང་བཅས་པས་དགུག་པ་ནི་དཀྱིལ་འཁོར་དེས་བྱིན་གྱིས་བརླབ་པར་བྱའོ། །རྡོ་རྗེ་ཁུ་ཚུར་གཉིས་འཁོར་ལོ་བསྐོར་བའི་ཚལ་གྱིས་བསྐོར་བ་ནི་འདིའི་ཕྱག་རྒྱའོ། །དེ་ནས་སེང་ལྡེང་གི་རྡོ་རྗེ་ཕུར་
བུ་ཡི་གེ་ཧཱུྃ་ལས་མཐའ་ཡས་དང་རྣམ་པར་རྒྱལ་བ་དང་། སྤྲིན་སྒྲ་དང་། གསུས་པོ་ཆེ་ཞེས་བྱ། སྟོད་ཁྲོ་བོའི་གཟུགས་ལ་སྨད་རྡོ་རྗེ་རྩེ་གཅིག་པའི་རྣམ་པར་བསམས་ལ་ཙནྡན་དམར་པོའི་བྱུག་པས་བྱུགས་ཤིང་། སྲད་བུ་དམར་པོས་བཅིང་བར་བྱས་ལ། ཨོཾ་ཀྲོ་དྷ་ཡ་ས་ཧི་ཊ་ཊ་ཊ་ཊ་

62-1-86a

ཏྲི་ཏ་མ་ཊ་ཞེས་བྱ་བ་བརྒྱ་རྩ་བརྒྱད་ཟློས་ཤིང་གཡོན་པའི་རྡོ་རྗེ་ཁུ་ཚུར་གྱིས་བཟུང་ལ། དཀྱིལ་འཁོར་གྱི་གྲྭ་བཞིར་རྡོ་རྗེས་བརྡུང་བར་བྱ་བའམ། གཡོན་པའི་རྡོ་རྗེ་ཁུ་ཚུར་གྱིས་རྡོ་རྗེ་རྩེ་ལྔ་པ་བླངས་ལ། ལག་པ་གཡས་པ་རྡོ་རྗེ་རྩེ་གསུམ་པ་ལྟ་བུར་བྱས་
པས་དབང་ལྡན་གྱི་ཕྱོགས་ནས་བརྩམས་ཏེ། དཀྱིལ་འཁོར་གྱི་གྲྭ་བཞིར་ཇི་སྐད་དུ་བཤད་པའི་ཕུར་བུ་བཞི་སྔགས་འདིས་སྐྱེད་ཅིང་བརྡུང་བར་བྱའོ། །ཨོཾ་གྷ་གྷ་གྷཱ་ཏ་ཡ་གྷཱ་ཏ་ཡ་སརྦ་དུཥྚཾཱ་ཕཊ། ཀཱི་ལ་ཡ་ཀཱི་ལ་ཡ་སརྦ་པཱ་པཾ་ཕཊ། བཛྲ་ཀཱི་ལ་ཡ་བཛྲ་དྷ་རོ་ཨཱ་ཛྙཱ་པ་ཡ་ཏི་
སྭཱ་ཧཱ། ཡང་ན་ཨོཾ་བཛྲ་ཀཱི་ལི་ཀཱི་ལཱ་ཡ་སརྦ་བིགྷྣཱ་ཧཱུྃ་ཕཊ། ཅེས་བྱ་བ་ཕུར་བུ་བཞི་ལ་ཡོངས་སུ་བཟླས་ལ་འདི་ཉིད་ཟློས་ཤིང་གཡོན་པའི་རྡོ་རྗེ་ཁུ་ཚུར་གྱིས་བཟུང་ལ་གཡས་པའི་འབར་བའི་རྡོ་རྗེས་བརྡུང་ཞིང་དཀྱིལ་འཁོར་གྱི་གྲྭ་བཞིར་གདབ་པར་བྱའོ། །དེ་ནས་རྡོ་རྗེ་གནོད་སྦྱིན་གྱིས་
བགེགས་བསལ་བ་དང་། ར་བ་དང་དྲ་བ་ཡང་བྱས་ལ། དམ་ཚིག་གི་རྡོ་རྗེ་ཁུ་ཚུར་གྱིས་སྒོ་བཅད་དེ། རྡོ་རྗེ་གོ་ཆའི་ཕྱག་རྒྱ་ཨོཾ་དྲུཾ་ཞེས་བྱ་བའི་སྔགས་དང་བཅས་པས་ལྷ་རྣམས་དང་བསྲུང་བ་ཐམས་ཅད་ཡང་དག་པར་བསྲུངས་ནས། རྡོ་རྗེ་གནོད་སྦྱིན་བཟླས་པའི་བུམ་པས་བསང་
གཏོར་བྱ་བའི་ཕྱིར་དཀྱིལ་འཁོར་གྱི་ཁང་པའི་སྒོར་བཞག་ལ་རྡོ་རྗེ་གནོད་སྦྱིན་ཟློས་ཤིང་བདག་ཉིད་དམ། གྲོགས་དང་བཅས་པས་དཀྱིལ་འཁོར་གྱི་ཤར་ནས་བརྩམས་ཏེ་བྱུག་པར་བྱའོ། །དེ་ནས་སློབ་དཔོན་གྱིས་བདག་པོ་ལྔའི་གནས་སུ་ཙནྡན་དང་གུར་གུམ་ལ་སོགས་པས་དཀྱིལ་
འཁོར་གྲུ་བཞི་པ་བྱ། ལྷ་ལྷག་མ་རྣམས་ཀྱི་གནས་སུ་ནི་དཀྱིལ་འཁོར་ཟླུམ་པོར་བྱ་ཞིང་རང་རང་གི་སྔགས་ལན་བདུན་བདུན་བཟླས་པར་བྱའོ། །དེ་ནས་དཀྱིལ་འཁོར་གྱི་དབུས་སུ་འདུག་ལ་ཡིད་ཀྱིས་དཀྱིལ་འཁོར་ཐམས་ཅད་ཡོངས་སུ་བརྟག་པར་བྱས་ནས་ནམ་མཁའི་ཕྱོགས་ནས་དེ་བཞིན་
གཤེགས་པ་ལ་སོགས་པ་དགུག་པ་དང་། གཞུག་པ་དང་། བཅིང་བ་དང་། དབང་དུ་བྱས་ལ་གུར་གུམ་ལ་སོགས་པའི་ཐིག་ལེ་དེ་རྣམས་སུ་རྣམ་པར་སྣང་མཛད་ལ་སོགས་པའི་རང་རང་གི་སྔགས་ཀྱིས་བཞུགས་སུ་གསོལ་ལ་མཆོད་པ་རྣམ་པ་ལྔས་ཡང་དག་པར་མཆོད་པར་བྱའོ། །

62-1-86b

དེ་ནས་ཕྱི་རོལ་དུ་གཏོར་མ་བྱིན་ལ་ཉེ་རེག་བྱས་ནས། མཆོད་ཡོན་ལ་མཆོད་ཡོན་གྱི་ཕྱག་རྒྱ་དང་། ཡི་གེ་ཧཱུྃ་བརྒྱ་རྩ་བརྒྱད་བཟླས་ནས། འདི་སྐད་དུ་བཤད་པའི་མཚན་ཉིད་དང་ལྡན་པའི་བུམ་པར་སྤོས་ཆུ་ཅུང་ཟད་བླུགས་ལ། ཧཱུྃ་ལས་རྡོ་རྗེ་གནོད་སྦྱིན་བསྐྱེད་དེ། རང་གི་ཕྱག་རྒྱ་བཞིས་
རྒྱས་བཏབ་ལ་དབང་བསྐུར་བའི་ཕྱག་རྒྱས་དབང་བསྐུར་ནས། མཆོད་ཡོན་ཕུལ་ནས་མཆོད་པ་རྣམ་པ་ལྔ་དང་། སྒེག་མོ་ལ་སོགས་པའི་ཕྱག་རྒྱ་རྣམས་ཀྱིས་ཀྱང་ཡང་དག་པར་མཆོད་ནས། རྡོ་རྗེ་གནོད་སྦྱིན་གྱི་ཕྱག་རྒྱས་ཡོངས་སུ་བཟུང་བའི་རྡོ་རྗེ་དང་མེ་ཏོག་གི་ལྕུག་མ་ལས་ཨོཾ་བཛྲ་ཡཀྵ་
ཧཱུྃ་ཞེས་བརྒྱ་རྩ་བརྒྱད་བཟླས་ནས་མེ་ཏོག་གིས་སིལ་མར་གཏོར་ནས་སྤོས་ཀྱང་གཏུལ་བར་བྱའོ། །དེ་བཞིན་དུ་རྡོ་རྗེ་མེ་དང་རྡོ་རྗེ་ཧཱུྃ་མཛད་གཉིས་ཡོངས་སུ་བཟླས་པའི་བདུག་སྤོས་དབུལ་བར་བྱ་ཞིང་། དཀྱིལ་ཁོར་གྱི་ཞག་ནི་ཐུན་གསུམ་དུ་བཟླའོ། །དེ་ནས་རྡོ་རྗེ་ཧཱུཾ་མཛད་ཀྱི་སྤྱན་སྔར་
གཞག་པར་བྱའོ། །བུམ་པ་ལྷག་པར་གནས་པའི་ཆོ་གའོ།    །དེ་ནས་རྡོ་རྗེ་གནོད་སྦྱིན་དང་། རྡོ་རྗེ་མེ་དང་། རྡོ་རྗེ་ཧཱུྃ་མཛད་དང་། མཱ་མ་ཀཱི་ལ་རེ་རེ་ཞིང་མར་ལ་སོགས་པའི་རྫས་ལས་བརྒྱ་རྩ་བརྒྱད་དབུལ་བར་བྱའོ། །ལྷག་པར་གནས་པའི་སྦྱིན་སྲེག་གི་ཆོ་གའོ།    །དེ་ནས་བཅོམ་ལྡན་འདས་
འཁོར་དང་བཅས་པ་ལ་མཚན་བརྒྱ་རྩ་བརྒྱད་པས་བསྟོད་དེ། སྒེག་མོ་ལ་སོགས་པའི་མཆོད་པ་བརྒྱད་དང་། མེ་ཏོག་ལ་སོགས་པས་ཀྱང་ཡང་དག་པར་མཆོད་ལ་ཕྱག་བྱས་ནས་མཆོད་ཡོན་ཕུལ་ལ། སློབ་མ་ལྷག་པར་གནས་པར་བྱའོ། །དེ་ལ་རེ་ཞིག་དང་པོར་ལེགས་པར་ཁྲུས་
བྱས་ལ། གོས་གཙང་མ་བགོས་ཤིང་ལག་པར་མེ་ཏོག་ཐོགས་པའི་སློབ་མས། སློབ་དཔོན་ལ་ཕྱག་བྱས་ལ་འདི་སྐད་ཅེས་བརྗོད་དུ་གཞུག་གོ། །དགའ་ཆེན་ཁྱོད་བདག་སྟོན་པ་བས། །སློབ་དཔོན་ཁྱོད་ནི་དགོངས་སུ་གསོལ། །བྱང་ཆུབ་ཆེན་པོས་ཚུལ་བརྟན་པ། །མགོན་པོ་ཆེན་
པོ་བདག་འཚལ་ལོ། །དམ་ཚིག་དེ་ཉིད་སྩལ་དུ་གསོལ། །བྱང་ཆུབ་སེམས་ཀྱང་སྩལ་དུ་གསོལ། །སངས་རྒྱས་ཆོས་དང་དགེ་འདུན་ཏེ། །སྐྱབས་གསུམ་དག་ཀྱང་སྩལ་དུ་གསོལ། །ཐར་པ་ཆེན་པོས་གྲོང་མཆོག་ཏུ། །མགོན་པོ་བདག་ནི་འཇུག་པར་བགྱི་། །དེ་ནས་སློབ་

62-1-87a

དཔོན་གྱིས་སློབ་མའི་སྙིང་གར་ཧཱུྃ་ལས་རྡོ་རྗེ་བསྐྱེད་ལ། ཁུ་ཚུར་གཡས་པས་རྡོ་རྗེ་བཟུང་སྟེ། སྙིང་པོ་དེའི་སྙིང་གར་གཞག་པར་བྱའོ། །སུ་ར་ཏ་ས་མ་ཡ་སྟྭཾ་ཧོ་སིདྡྷི་བཛྲ་ཡ་ཐཱ་སུ་ཁཾ་ཞེས་བྱ་བ་བརྗོད་ནས་དེ་ནས་སྡིག་པ་བཤགས་པ་ལ་སོགས་པ་བྱེད་དུ་གཞུག་
པར་བྱ་སྟེ། རྟོག་པ་མ་ལུས་ལེགས་པར་བསྡུས་ནས་ནི། །ཤིན་ཏུ་བསམ་པ་བཟང་པོ་ལྡན་པས་གསོན། །བརྗོད་ངས་བློ་ལ་རྡོ་རྗེ་སེམས་སོགས་པའི། །བདེ་བར་གཤེགས་པ་རྣམས་ཀྱིས་བྱིན་མི་རློབ། །དབང་མེད་བདག་གིས་མི་དགེ་བགྱིས་པ་དང་། །རྗེས་སུ་ཡི་རང་ཡང་
ན་བགྱིད་སྩལ་གང་། །དེ་དག་ཐམས་ཅད་བྱང་ཆུབ་མཆོག་གི་ནི། །སྤྱན་སྔར་མ་ལུས་སོ་སོར་བཤགས་པར་བགྱི། །བདེ་གཤེགས་སྲས་ཀྱི་ཚོགས་གཉིས་ཟབ་པ་དང་། །རྒྱ་ཆེན་འགྲོ་བ་མ་ལུས་པ་ཡི་དོན། །སྒྲུབ་པར་བྱེད་དང་དེ་ལས་གཞན་པ་ལའང་། །རྟག་ཏུ་བདག་ནི་རྗེས་
སུ་ཡི་རང་ངོ་། །ཐུགས་རྗེས་ཁྱབ་པའི་ཐུགས་དང་ལྡན་གྱུར་ཅིང་། །བློ་གྲོས་སྡིག་བྲལ་གཏི་མུག་ཚོགས་ཀུན་བཅོམ། །མ་ལུས་རིགས་ཀྱི་པདྨའི་ནང་བཞུགས་པ། །བདེ་བར་གཤེགས་པ་རྣམས་ལ་སྐྱབས་སུ་མཆི། །བློ་མཆོག་རྣམས་ཀྱི་ཀུན་དགའ་ར་བ་སྟེ། །དམན་པའི་
འཇིགས་པ་ཉིད་ཀྱི་རྒྱལ་བྱེད་ཚལ། །སྲིད་པའི་འབྱོར་པ་ཟིལ་གྱིས་གནོན་པའི་མཆོག །གསུང་མཆོག་ཆོས་ལ་བདག་ནི་སྐྱབས་སུ་མཆི། །འདོད་ཆགས་ལ་སོགས་སྦྲུལ་གྱི་དུག་བཅོམ་ཞིང་། །བློ་གྲོས་རྣམ་རྒྱལ་ཐུགས་རྗེ་ཆེར་ལྡན་པའི། །བརྟུལ་ཞུགས་བཟང་པོའི་ཚོགས་ལ་
སྐྱབས་སུ་མཆི། །སྲིད་དང་བྲལ་བ་རྣམས་ལ་བདག་ཕྱག་འཚལ། །རྒྱུ་ཡི་རྗེས་ལ་བདག་པོའི་ཡུལ་བདག་ཉིད། །འབྲས་བུའི་སྟོབས་ཀྱིས་དགྲ་ལས་རྒྱལ་གྱུར་པ། །སྙིང་རྗེའི་རྩ་བ་ཟུག་ཅིང་ཡང་དག་རྟོགས། །མཉམ་མེད་བྱང་ཆུབ་རྣམ་གསུམ་གཟུང་བར་བགྱི། །
སེམས་ཅན་རྣམས་ནི་ཡོངས་སུ་སྨིན་པའམ། །ཡང་ན་ཡོངས་སུ་བསྐྱབ་པར་བྱ་ཕྱིར་རམ། །རང་གི་སེམས་ནི་དག་པར་བྱ་བའི་ཕྱིར། །འདི་དག་ཐམས་ཅད་རྩྭ་སོགས་བཞིན་དུ་བཏང་། །དེ་བཞིན་ཚུལ་ཁྲིམས་བཟོད་དང་བརྩོན་འགྲུས་དང་། །བསམ་གཏན་ཤེས་རབ་བླ་ན་

62-1-87b

མེད་པ་ནི། །བདག་དང་གཞན་རྣམས་དག་པར་བྱ་བའི་ཕྱིར། །སྐད་ཅིག་རེ་རེ་ཞིང་ཡང་བསྒོམ་པར་བགྱི། །བདེ་བར་གཤེགས་པའི་སྔགས་ལ་མཁས་པ་ཡི། །ཆོས་རྒྱལ་རྟག་ཏུ་ལྷུན་གྱིས་གྲུབ་པ་ནི། །འགྲོ་བ་འདི་ཡིས་ཐོབ་པར་བྱ་བའི་ཕྱིར། །ཁྱད་འཕགས་གནས་ལ་བདག་
ནི་གནས་པར་བགྱི། །ཞེས་བྱ་བ་ལན་གསུམ་བརྗོད་དོ། །བདག་ནི་དེ་སྐད་ཅེས་བརྗོད་པའི་དགེ་བའི་རྩ་བ་འདིས། བདག་གིས་ལོག་པའི་བསམ་པ་ཐམས་ཅད་ཡོངས་སུ་གཏང་བར་བགྱིའོ། །བདག་གིས་སེམས་ཅན་ཐམས་ཅད་ལ་སྙོམས་པའི་སེམས་བསྐྱེད་པར་བགྱིའོ། །
བདག་གིས་སེམས་ཅན་ཐམས་ཅད་ཐེག་པ་ཐམས་ཅད་དང་། ཐབས་ཀྱི་བྱེ་བྲག་ཐམས་ཅད་ཀྱིས་བཏུལ་ནས། མི་གནས་པའི་མྱ་ངན་ལས་འདས་པའི་དབྱིངས་ལ་རབ་ཏུ་གཞག་པར་བགྱིའོ། །བདག་གིས་སེམས་ཅན་ཐམས་ཅད་ཡོངས་སུ་མྱ་ངན་ལས་འདས་པར་གྱུར་ཀྱང་། 
སེམས་ཅན་འགའ་ཡང་ཡོངས་སུ་མྱ་ངན་ལས་འདས་པ་མེད་དོ་ཞེས་སེམས་བསྐྱེད་པར་བགྱིའོ། །བདག་གིས་ཆོས་ཐམས་ཅད་སྐྱེ་བ་མེད་པ་ཉིད་དུ་རྗེས་སུ་རྟོགས་པར་བགྱིའོ། །བདག་གིས་མ་ཡེངས་པའི་སེམས་དང་ཐམས་ཅད་མཁྱེན་པའི་ཡེ་ཤེས་ཀྱི་སེམས་ཀྱིས་ཕ་རོལ་ཏུ་ཕྱིན་
པ་དྲུག་ལ་བསླབ་པར་བགྱིའོ། །བདག་གིས་ཐེག་པ་གཅིག་གི་ཚུལ་དུ་གནས་པར་ཡང་རྟོགས་པར་བགྱིའོ། །བདག་གིས་བྱང་ཆུབ་ཀྱི་ཕྱོགས་ཀྱི་ཆོས་སུམ་ཅུ་རྩ་བདུན་ལ་གནས་པའི་སོ་སོར་རྟོགས་པར་བྱ་བའི་ཕྱིར་བསླབ་པར་བགྱིའོ། །བདག་ནི་སྟོབས་བཅུ་དང་། མི་འཇིགས་པ་བཞི་དང་། 
སོ་སོ་ཡང་དག་པར་རིག་པ་དང་། སངས་རྒྱས་ཀྱི་ཆོས་མ་འདྲེས་པ་རྣམས་སོ་སོར་རྟོགས་པར་བྱ་བའི་ཕྱིར་མངོན་པར་བརྩོན་པར་བགྱིའོ། །དེ་བཞིན་དུ་བདག་གིས་སངས་རྒྱས་ཀྱི་ཆོས་ཚད་མེད་པ་མ་ལུས་པའི་བར་ལ་མངོན་པར་གནས་པར་བྱ་བའི་ཕྱིར་མངོན་པར་བསྒྲུབ་པར་བགྱིའོ། །
འདི་ཉིད་ནི་བྱང་ཆུབ་སེམས་དཔའ་རྣམས་ཀྱིས་བྱང་ཆུབ་ཆེན་པོར་སེམས་བསྐྱེད་པ་རྡོ་རྗེ་ལྟ་བུ་ཡིན་ཏེ། དེ་བཞིན་གཤེགས་པ་ཐམས་ཅད་ཀྱི་ཡབ་དང་། དེ་བཞིན་གཤེགས་པ་ཐམས་ཅད་ཀྱི་བཀའ་བཞིན་བྱེད་པ་དང་། དེ་བཞིན་གཤེགས་པ་ཐམས་ཅད་ཀྱི་སྲས་ཀྱི་ཐུ་བོ་

62-1-88a

སྟེ། འདི་ཉིད་ནི་བཅོམ་ལྡན་འདས་དཔལ་ཀུན་དུ་བཟང་པོའོ། །དེའི་དགེ་བའི་རྩ་བ་རྣམས་ཀྱིས་ཇི་ལྟ་བ་བཞིན་དུ་ཡང་དག་པར་རྫོགས་པར་བྱས་པའི་སྟོབས་ཀྱིས་བདག་སེམས་བསྐྱེད་པ་འདི་ལ་གནས་པས་ཀུན་དུ་བཟང་པོའི་སྤྱོད་པ་ཞེས་བྱ་བ་སྒོ་མཐའ་ཡས་པ་ལ་
གནས་པ་མཐའ་མེད་པར་གྱུར་པ་རྫོགས་པར་བྱས་ནས་གདུལ་བྱའི་འགྲོ་བའི་ཚོགས་མ་ལུས་པ་རྣམས་ལ་སྤྱོད་པའི་རབ་ཏུ་དབྱེ་བའི་སྒོ་མང་པོ་བསྟན་པས་ཡང་དག་པར་མགུ་བར་བྱ་བ་དང་། ཡང་དག་པར་དགའ་བར་བྱ་བ་དང་། ཡང་དག་པར་གཟེངས་བསྟོད་པ་ལ་
ངེས་པར་སྦྱར་བར་བགྱིའོ། །སྡོམ་པ་དོན་དུ་གཉེར་བ་ལ་བསླབ་པའི་གཞི་ལྔ་འཛིན་དུ་གཞུག་གོ། །དེ་ནས་སློབ་མའི་ལག་ཏུ་རྡོ་རྗེ་དྲིས་དྲི། མེ་ཏོག་གིས་མེ་ཏོག་སྦྱིན་ཞིང་བདུག་པས་ཀྱང་སློབ་མ་ཡང་དག་པར་བདུགས་ལ། མར་མེ་མས་མར་མེས་སྣང་བར་བྱའོ། །དེ་ནས་ཨུ་དུམ་
བཱ་རའམ་ཨ་ཤྭདྠའི་སོ་ཤིང་སྤོས་དང་། མེ་ཏོག་ལ་སོགས་པ་དང་ལྡན་པ་ལ་ཁྲོ་བོ་རྡོ་རྗེ་བཞད་པ་བཟླས་པ་དང་། ཀུ་ཤ་སར་པ་མ་ཉམས་པ་ལ་ཁྲོ་བོ་རྡོ་རྗེ་རྣོན་པོ་བཟླས་ལ་དེ་ལ་སྦྱིན་པར་བྱའོ། །དེ་ནས་ཁྲོ་བོ་རྡོ་རྗེ་སྲུང་བ་བཟླས་པའི་སྲུང་སྐུད་མདུད་པ་གསུམ་དང་ལྡན་པ། དེའི་
དཔུང་པ་གཡོན་པར་བདག་ཉིད་ཀྱིས་བཅིང་བར་བྱ་ཞིང་། རྡོ་རྗེ་སེམས་དཔའི་གཙུག་ཏོར་གྱིས་ཡང་དག་པར་བསྲུང་བ་དང་། བྱམས་པའི་གོ་ཆ་བསྐོན་ལ་འདི་སྐད་ཅེས་བརྗོད་པར་བྱ་སྟེ། བཞིན་བཟངས་ལོངས་ལ་དེ་བཞིན་གཤེགས་པ་ཐམས་ཅད་ལ་ཕྱག་བྱོས་ཤིག །ནང་པར་
དཀྱིལ་འཁོར་ཆེན་པོ་མཐོང་བར་འགྱུར་རོ།    །དེ་ནས་ཉི་མ་འཆར་ཀའི་དུས་སུ་ལྷ་ཐམས་ཅད་དེ་བཞིན་དུ་བར་སྣང་ལ་བཞག་སྟེ། དཀྱིལ་འཁོར་གྱི་གནས་སྤོས་ཆུས་བྱུགས་ལ་མེ་ཏོག་ལ་སོགས་པས་ཀྱང་མཛེས་པར་བྱས་ནས། ཚོན་སྔོན་པོ་དང་། སེར་པོ་དང་། དམར་པོ་དང་། 
ལྗང་གུ་དང་། དཀར་པོ་དྲི་ཞིམ་པོས་བསྒོས་པས་སྲད་བུ་སོ་སོར་ཁ་བསྒྱུར་ལ་གོ་རིམས་འདི་ཉིད་ཀྱིས་བཞག་ནས་ཧཱུཾ་ཏྲཱཾ་ཧྲཱིཿཨ་ཨཱ་ཞེས་བྱ་བ་རང་གི་ས་བོན་འདི་ལས་བྱུང་བའི་ཐིག་གི་འོད་ཟེར་གྱིས་མི་བསྐྱོད་པ་ལ་སོགས་པ་རང་རང་གི་ཕྱོགས་ན་བཞུགས་པར་ཡང་དག་པར་བཏང་

62-1-88b

བ་དང་། འབར་བའི་ལྕགས་ཀྱུས་དྲངས་ཏེ་རང་གི་ལག་ན་གནས་པའི་སྲད་བུ་ལེགས་པར་དགང་བར་བྱ་ཞིང་། ཨོཾ་ཨ་ནྱོ་ནྱ་ཨ་ནུ་ག་ཏ་སརྦ་དྷརྨཱཿསྥ་ར་སྥ་ར་ཨ་ནུ་པྲ་བིཥྚ་སརྦ་དྷརྨཱཿཨ་ཏྱནྟ་ཨ་ནུ་པྲ་བིཥྚ་སརྦ་དྷརྨཱ་ཧཱུྃ་ཞེས་ཟློས་ཤིང་བསྒྲིལ་བར་བྱའོ། །དེ་ནས་སྲད་བུ་དེ་ཙནྡན་བཟང་
པོ་ལ་སོགས་པས་བྱུགས་པའི་གསེར་གྱི་སྣོད་ལ་སོགས་པར་བཞག་ལ། མེ་ཏོག་གིས་མཆོད་དེ་རྡོ་རྗེ་བསྡམས་པས་བཟུང་ལ་ཐིག་གདབ་པའི་སྔགས་ལན་བརྒྱ་རྩ་བརྒྱད་བཟླས་པར་བྱའོ། །དེ་ནས་རྡོ་རྗེ་ཧཱུྃ་མཛད་ལ་སོགས་པ་བདག་པོ་རྣམས་ཀྱི་སྔགས་ཀྱང་བརྒྱ་རྩ་བརྒྱད་བཟླ་བར་
བྱའོ། །དེ་ནས་ཡང་དེ་བཞིན་གཤེགས་པ་ཐམས་ཅད་ལ་མཆོད་ལ་ཕྱག་བྱས་ནས་ལངས་ཏེ་ཡིད་ཀྱིས་རྣམ་པར་སྣང་མཛད་དུ་གྱུར་ནས། ཕྱག་ན་རྡོ་རྗེའི་ཐུགས་ཀ་ནས་རྡོ་རྗེའི་གྲོགས་མཆོག་ཧཱུཾ་ཞེས་བྱ་བ་འདིས་ཁྲོ་བོའི་རྡོ་རྗེ་ལས་ཀྱི་གཟུགས་སུ་དབྱུང་བར་བྱའོ། །ཡང་དེ་ཉིད་
རྡོ་རྗེ་ཧཱུྃ་མཛད་དུ་གྱུར་པ་ལ་མིག་གཡས་དང་གཡོན་གཉིས་སུ་ཡི་གེ་ཛ་ལས་ཟླ་བ་དང་ཉི་མ་སེར་པོ་སྣང་བ་བསྐྱེད་ལ། ཛ་ཞེས་བྱ་བས་སྒྲུབ་པའི་གྲོགས་མཆོག་གི་ལག་དུ་སྲད་བུ་དེ་བཏང་ལ། སྲད་བུ་དང་པོ་གཡོན་པའི་རྡོ་རྗེ་ཁུ་ཚུར་གྱིས་བཟུང་ལ་ཕྱིས་ནི་ཅི་བདེར་བྱ་ཞིང་ཕྱོགས་
ཐམས་ཅད་མཉམ་པ་ཉིད་དུ་བསམ་མོ། །ཕྱོགས་ཀུན་མཉམ་པ་ཉིད་དམིགས་ལ། །མཁས་པས་དཀྱིལ་འཁོར་ཐིག་གདབ་སྟེ། །ཤར་དང་ནུབ་དང་བྱང་དང་ལྷོར། །ཐིག་བཞི་བཏབ་པས་དཀྱིལ་འཁོར་བརྒྱད། །ཨོཾ་བཛྲ་སཱུ་ཏྲ་མཱ་ཏི་ཀྲ་མ་ཧཱུྃ་ཞེས་བྱ་བ་འདི་དང་། སངས་རྒྱས་
ཀྱི་ཞིང་ཐམས་ཅད་ན་བཞུགས་པའི་དེ་བཞིན་གཤེགས་པ་རྣམས་སེམས་ཅན་གྱི་དོན་གྱི་ཕྱིར་འདིར་གཤེགས་སུ་གསོལ་ཞེས་བསྐུལ་བར་བྱའོ། །གྲྭ་བཞིར་བྱ་ཞིང་སྒོ་བཞིར་གདོད། །རྟ་བབས་བཞིས་ཀྱང་རབ་ཏུ་བརྒྱན། །སྲད་བུ་བཞི་དང་ལྡན་པ་སྟེ། །དར་དང་ཕྲེང་
བས་ཤིན་ཏུ་བརྒྱན། །ཟླ་བ་ཕྱེད་པར་རབ་གནས་པའི། །ཁྱམས་ཀྱིས་ཡོངས་སུ་བསྐོར་བ་དང་། །དྲ་བ་དྲ་ཕྱེད་དག་གིས་སྤྲས། །སྒོ་རྣམས་དང་ནི་རྒྱན་ཆ་ཅན། །རླུང་གིས་བསྐྱོད་པ་སྣ་ཚོགས་མཆོག །བ་དན་དྲིལ་བུ་སྒྲ་སྒྲོགས་པ། །ཁྱམས་ནི་མེད་པར་གྱུར་པའི་སྒོ། །མེ་ཏོག་

62-1-89a

ཆུན་འཕྱང་རྒྱན་གྱིས་བསྐོར། །དཀྱིལ་འཁོར་ཀུན་གྱི་གྲྭ་རྣམས་དང་། །སྒོ་ཁྱུད་ཀྱི་ནི་མཚམས་རྣམས་སུ། །རྡོ་རྗེ་རིན་ཆེན་བརྒྱན་པར་ནི། །དཀྱིལ་ཁོར་ཕྱི་རིམ་སྲད་བུ་བྲེ། །ཤེས་རབ་ཅན་གྱིས་དེ་ནང་དུ། །རྡོ་རྗེ་རིན་ཆེན་གྱིས་བརྒྱན་ཏེ། །གྲུ་བཞི་
པ་ལ་སྒོ་བཞི་པ། །ཀ་བ་བརྒྱད་དང་རྟ་བབས་བཅས། །རྡོ་རྗེ་ཀ་བའི་ནང་ལོགས་སུ། །དཀྱིལ་འཁོར་ལྔ་ཡིས་བརྒྱན་པ་སྟེ། །དེ་ལྟར་དཀྱིལ་འཁོར་སྲད་བུ་བྲེ། །སྲད་བུ་བྲེས་པ་ཚོན་གྱིས་དགང་། །ལྷག་མ་ནི་ཕྱིའི་དཀྱིལ་འཁོར་ཡིན་པར་བལྟའོ། །གལ་ཏེ་བགེགས་ཟློག་
པར་བྱེད་འདོད་པར་གྱུར་ན་སེང་ལྡེང་གི་ཕུར་བུ་སྟོད་རྡོ་རྗེ་རྩེ་ལྔ་པའི་རྣམ་པ་ལ། སྨད་རྡོ་རྗེ་རྩེ་གཅིག་པ་ལྟ་བུ་ལ་སྔ་མ་བཞིན་དུ་རྡོ་རྗེ་ཕུར་བུའི་སྔགས་བཟླས་ཏེ་དཀྱིལ་འཁོར་གྱི་ལྟེ་བར་རྡོ་རྗེ་བརྡུང་བར་བྱའོ། །ཡང་དཀྱིལ་འཁོར་གྱི་ལྟེ་བའི་དབུས་སུ་སྔར་བསྟན་པའི་ཕུར་བུ་
དང་འདྲ་བའི་ཕུར་བུ་གཞན་དག་ལ་ཕུར་བུའི་སྔགས་ལན་བརྒྱ་རྩ་བརྒྱད་བཟླས་པས་གོ་རིམས་འདི་བཞིན་དུ་བགེགས་ཐམས་ཅད་ལ་ཕུར་བུས་གདབ་པར་བྱའོ། །ཇི་སྐད་དུ་བཤད་པའི་དཀྱིལ་འཁོར་གྱི་ལྟེ་བ་ལ་བཏགས་པའི་སྲད་བུས་བསྐོར་ཕྱོགས་སུ། ཕྱིའི་དཀྱིལ་འཁོར་
ཟླུམ་པོ་དང་། འོད་ཀྱི་དཀྱིལ་འཁོར་ཐིག་གདབ་པའི་ཡང་ཕྱི་རོལ་དུ། དེ་བཞིན་དུ་འཁོར་ཡུག་ཆེན་པོར་ཟླུམ་པོར་ཐིག་ལེགས་པར་གདབ་པར་བྱའོ། །འོད་ཀྱི་དཀྱིལ་འཁོར་དེར་གྲོག་མཁར་གྱི་ས་ལ་སོགས་པས་བགེགས་ཀྱི་གཟུགས་བརྙན་བྱས་ནས་བརྒྱ་བྱིན་གྱི་གཟུགས་
བརྙན་རང་གི་ཕྱོགས་ན་གནས་པ་ལ་ཨི་ལས་བརྒྱ་བྱིན་སེར་པོ། མེ་ལ་སོགས་པའི་གཟུགས་བརྙན་ལའང་དེ་བཞིན་ཏེ། རཾ་ལས་མེ་ལྷ་དམར་པོའོ། །ཨོཾ་ཧཾ་ལས་གཤིན་རྗེ་ནག་པོའོ། །ཀྲཾ་ལས་སྲིན་པོ་ནག་པོ། བམ་ལས་ཆུ་ལྷ་དཀར་པོ། ཡང་ལས་རླུང་ལྷ་དུང་ཀ །ཕཊ་ལས་
ལུས་ངན་པོ་སེར་པོ། སུམྦྷ་ལས་དབང་ལྡན་དཀར་པོ་བསྐྱེད་ལ་འདོད་པའི་རྒྱལ་པོས་བཀུག་སྟེ། རྡོ་རྗེ་ལྕགས་ཀྱུ་ལ་སོགས་པས་དགུག་པ་དང་། གཞུག་པ་དང་། བཅིང་བ་དང་། དབང་དུ་བྱས་ནས་ཕུར་བུས་གདབ་བོ། །ཤིན་ཏུ་ཡུན་རིང་དུ་བགེགས་མེད་པར་བྱེད་འདོད་ནས་ས་

62-1-89b

དགབ་པར་བྱའོ། །དེ་ལྟར་ན་ཡང་གལ་ཏེ་བགེགས་བྱེད་ན་རྡོ་རྗེ་ཧཱུྃ་མཛད་ཀྱི་སྦྱོར་བ་བྱས་ལ་འདོད་པའི་རྒྱལ་པོས་བཀུག་ནས་རྡོ་རྗེ་ལྕགས་ཀྱུ་ལ་སོགས་པས་ཀྱང་དགུག་པ་ལ་སོགས་པ་བྱས་ལ། རྡོ་རྗེ་ཧཱུྃ་མཛད་ཀྱི་ཕྱག་རྒྱ་བཅིངས་ཏེ། རྐང་པ་གཡོན་པས་བགེགས་ཀྱི་གཟུགས་བརྙན་
མནན་ཏེ། ཧཱུྃ་བཾ་ཧཱུྃ་ཞེས་བྱ་བ་ལ་སོགས་པ་སྤེལ་བའི་ཚུལ་གྱིས་ཟློས་ཤིང་གཡོན་བརྐྱང་བའི་གནས་པས་གནས་ན། དེ་ལྟ་བུས་བགེགས་བཅོམ་པར་འགྱུར་རོ། །ཡང་ན་སྟོང་པ་ཉིད་ཀྱི་ཏིང་ངེ་འཛིན་སྔོན་དུ་བྱ་བའི་རྗེས་ཐོགས་ལ། ཨ་ལས་རྣམ་པར་སྣང་མཛད་དུ་གྱུར་ནས། རྒྱུད་
ལས་གསུངས་པའི་རྣམ་པར་སྣང་མཛད་ཀྱི་སྐུར་ངེས་པར་བསམས་ལ། རང་གི་སྙིང་ག་ནས་ཧཾ་ལས་འཕགས་པ་མི་གཡོ་བ་ཡིད་ཀྱིས་ཕྱུང་སྟེ། བཛྲ་ཧཾ་བནྡྷ་ཞེས་ཡིད་ལ་ཟློས་ཤིང་། ཕྱིའི་དཀྱིལ་འཁོར་གྱི་ཕྱི་རོལ་དུ་རླུང་གི་མཚམས་སུ་དྲིས་ཐིག་ལེ་བདུན་བྱས་ཏེ། ཐིག་ལེ་རེ་རེ་ཞིང་
ཡང་ནང་དུ་ཆུད་པར་བྱས་ལ། དབུས་མ་དང་ཐིག་ལེ་བདུན་དང་ལྡན་པར་བྱའོ། །ཐིག་ལེ་བདུན་པོ་དེ་དག་ཀྱང་རླུང་ལྷ་བདུན་པོ་མདོག་ནག་པོ་རི་དྭགས་ལ་ཞོན་པར་བསམས་ལ། འཕགས་པ་མི་གཡོ་བས་བཀུག་ནས་ཞགས་པས་བཅིངས་པར་གྱུར་པར་བསམ་མོ། །དེ་རྣམས་ཀྱི་དབུས་
མ་གཅིག་ནི་གཙོ་བོ་ཡིན་ལ། ལྷག་མ་རླུང་ལྷ་དྲུག་ནི་དེའི་འཁོར་དུ་ཀུན་ནས་གནས་པ་ཡིན་ནོ། །དེ་ནས་ཁམ་ཕོར་ཨ་ལས་རི་རབ་ཏུ་བསམས་ལ། དེའི་སྟེང་དུ་ཨ་ཉིད་ལས་དབང་ཆེན་གྱི་དཀྱིལ་འཁོར་ཐམས་ཅད་དུ་རྡོ་རྗེས་གཡོགས་ལ། དབུས་སུ་ཡི་གེ་ཧཱུྃ་གི་ས་བོན་ལས་
བྱུང་བའི་རྡོ་རྗེ་རྩེ་ལྔ་པ་མཚམས་རྣམས་སུ་མདུང་རྩེ་རྣམ་པར་བསམས་ལ། དེ་བཞིན་དུ་བཛྲ་ཧཾ་བནྡྷ་ཞེས་ཟློས་ཤིང་ཁམ་ཕོར་དེས་ཇི་སྐད་བཤད་པའི་ཡི་གེ་ཡཾ་བདུན་པོ་དགབ་པར་བྱའོ། །དེ་ནས་ཁམ་ཕོར་དང་རི་རབ་ཀྱི་སྟེང་དུ་ཡི་གེ་ཨོཾ་ལས་སྔར་བཤད་པའི་བཅོམ་ལྡན་འདས་རྣམ་
པར་སྣང་མཛད་བསམས་ལ། འཕགས་པ་མི་གཡོ་བ་ཡང་བཅོམ་ལྡན་འདས་ཀྱི་སྤྱན་སྔར་གཡོན་བརྐྱང་བའི་གནས་པས་རི་རབ་བཟུང་ནས་རལ་གྲི་དང་ཞགས་པས་རླུང་ལྷ་རྣམས་ལ་བསྡིགས་པ་མཛད་པར་བསམ་པར་བྱ་སྟེ། དེ་ལྟ་བུས་ནི་རླུང་ལྷ་ཐམས་ཅད་བཅིང་བར་

62-1-90a

བྱས་པར་འགྱུར་རོ། །དེ་ནས་ཆུ་ལ་སོགས་པའི་བགེགས་བཟློག་པ་བཤད་པར་བྱ་སྟེ། ཡི་གེ་ཧཱུྃ་ལས་འཕགས་པ་མི་གཡོ་བ་རླུང་དང་མེའི་དཀྱིལ་འཁོར་ལ་གནས་པར་བདག་ཉིད་བསྐྱེད་ལ། གྲོག་མཁར་གྱི་སའམ། བའི་ལྕི་བ་ས་ལ་མ་ལྷུང་བ་ལས་
བགེགས་ཀྱི་གཟུགས་བརྙན་བྱས་ནས། ཡི་གེ་ཁཾ་ལས་རལ་གྲི་དང་། རཾ་ལས་ནང་ན་མེ་ཡོད་པར་བསྐྱེད་ཅིང་། ཀྵཾ་ལས་ཞགས་པ་དང་། ལྕགས་ཀྱུ་བསྐྱེད་དེ། དེ་ལག་པ་གཡོན་པས་བཟུང་ལ། ལག་པ་གཡས་པས་རལ་གྲི་དང་། ཞགས་པས་དྲངས་ནས་བགེགས་ཀྱི་
གཟུགས་བརྙན་གྱི་ནང་དུ་བཅུག་སྟེ། གཡོན་བརྐྱང་བའི་གནས་པས་གནས་ལ། རྐང་པ་གཡོན་པས་སྤྱི་བོ་ནས་བཙིར་ནས། ན་མཿ ས་མནྟ་བཛྲཱ་ཎཱཾ་ཙཎྜ་མ་ཧཱ་རོ་ཥ་ན་སྥོ་ཊ་ཡ་ཧཱུྃ་ཊ་ག་ཧཾ་མཾ་ཞེས་ཟློས་ཤིང་གཟུགས་བརྙན་དེ་རལ་གྲིས་གཏུབ་པར་བྱ་བའམ། དུག་དང་སྐེ་ཚེ་དང་
ལན་ཚྭ་ལ་སོགས་པས་གཟུགས་བརྙན་ལ་བསྐུས་ལ་མེ་ཡིས་གདུང་བར་བྱའོ། །མེ་ཡིས་གདུངས་པས་དེ་ཉིད་ཀྱང་། །ཞི་བར་འགྱུར་བར་ཐེ་ཚོམ་མེད། །ཚངས་པའམ་བརྒྱ་བྱིན་ཡིན་ན་ཡང་། །དེའི་མོད་ལ་མྱུར་དུ་ཚིག །ཅེས་བཅོམ་ལྡན་འདས་རྣམ་པར་སྣང་མཛད་ཀྱིས་གསུངས་སོ། །
ལས་འདི་ཡང་འཕགས་པ་མི་གཡོ་བའི་རྣལ་འབྱོར་གྱིས་གསང་སྔགས་འདི་ཁྲི་བཟླས་པའི་སྔོན་དུ་བསྙེན་པ་བྱས་ནས་དེའི་འོག་ཏུ་ལས་བརྩམ་པར་བྱའོ། །ཡང་ན་ཨོཾ་ཨཱཿཧཱུྃ་ཞེས་བྱ་བ་འདིས་འཕགས་པ་འཇམ་དཔལ་གཤིན་རྗེ་གཤེད་སྐུ་མདོག་ནག་པོ་ཞལ་བཞི་པ་ཕྱག་བཞི་
པ་ཞབས་དྲུག་པ། ཕྱག་གཡས་གཉིས་ན་རལ་གྲི་དང་དགྲ་སྟ་བསྣམས་པ། ཕྱག་གཡོན་གཉིས་ན་ཞགས་པ་དང་གཏུན་ཤིང་བསྣམས་པ། ལྷོ་ཕྱོགས་སུ་ཁྲོ་བོའི་ཚོགས་རྣམས་ཀྱིས་ནམ་མཁའི་གཏོས་ཀུན་དུ་གང་བར་མཛད་པ་བསམས་ལ། མདུང་ཐུང་གི་ཕྱག་རྒྱ་
བཅིངས་ཏེ། སྤྲིན་ལ་སོགས་པ་བཟློག་པའི་བསམ་པས་ཚམ་རྔམ་དང་བཅས་པས་རབ་ཏུ་སྦྱར་བར་བྱའོ། །རྡོ་རྗེ་བསྡམས་པ་ནང་དུ་བཅིངས་ལ། མཛུབ་མོ་གཉིས་ནང་སྦྱར་བ་ནི་མདུང་ཐུང་གི་ཕྱག་རྒྱའོ། །དེ་ལྟར་ན་ཡང་གལ་ཏེ་བགེགས་རྣམས་ཞི་བར་མ་གྱུར་ན། ཁམ་ཕོར་སོ་

62-1-90b

མ་བཏང་བ་གཉིས་ཀྱི་ནང་དུ་ཁྲག་དང་དུར་ཁྲོད་ཀྱི་སོལ་བ་དང་། དུག་དང་། སྐེ་ཚེ་དང་། ད་དུ་རའི་ལོ་མའི་ཁུ་བས་གསང་སྔགས་བྲིས་ལ། ཡུངས་ཀར་ལ་ལན་བརྒྱ་རྩ་བརྒྱད་བཟླས་བརྗོད་བྱས་ལ། ཁམ་ཕོར་ཁ་སྦྱར་ཏེ་དེའི་ནང་དུ་བཞག་ལ། མིའི་བགེགས་ལ་སོགས་པ་
བསམས་ཏེ། སྲེག་བླུགས་བརྒྱའམ་སྲེག་བླུགས་བདུན་སྦྱིན་སྲེག་བྱའོ། །དེ་ནས་དེ་དག་འཇིགས་པའམ། འཆི་བའམ། མི་མ་ཡིན་པས་གཟུང་བར་འགྱུར་རོ། །ཡང་ན་རྡོ་རྗེ་ཧཱུྃ་མཛད་ཀྱི་སྦྱོར་བས་ཡི་གེ་ཧཱུྃ་བཟླས་བརྗོད་འབུམ་བྱས་ལ། མི་རུས་ཀྱི་རྒྱུ་ལས་བྱས་པའི་ཕུར་བུ་སོར་བཞི་
པའི་ཚད་ཙམ་ལ་ལན་བརྒྱ་རྩ་བརྒྱད་བཟླས་ནས་དེ་བཞིན་དུ་རྡོ་རྗེ་ལྕགས་ཀྱུ་ལ་སོགས་པས་དགུག་པ་དང་། གཞུག་པ་དང་། བཅིང་བ་བྱས་ནས་གཟུགས་བརྙན་ཕུར་བུས་གདབ་པར་བྱའོ། །དེ་ནས་མེའི་ཚ་བ་ཞི་བ་བཤད་པར་བྱ་སྟེ། མེའི་སྟེང་དུ་ཡི་གེ་བཾ་ལས་ཆུའི་དཀྱིལ་
འཁོར། དེའི་སྟེང་དུ་པདྨའི་དབུས་ན་གནས་པའི་འཁོར་ལོ་དེའི་སྟེང་དུ་ཡི་གེ་བཾ་དེ་ཉིད་ལས་བཅོམ་ལྡན་འདས་རྣམ་པར་སྣང་མཛད་དུང་དང་ཀུན་ད་ལྟར་དཀར་བ་སྟེང་ན་བཞུགས་ཏེ། མཚོ་ཆེན་པོ་མ་དྲོས་པ་འདྲ་བའི་རྒྱ་མཚོ་ཆེན་པོ་བཞི་ལས་ཆུ་བོ་ཆེན་པོ་བཞི་འབབ་པ་ལྟ་བུའི་ཆར་གྱི་
རྒྱུན་སར་པས་ཕྱོགས་བཅུར་འགེངས་པར་འགྱུར་བར་བསམ་པར་བྱའོ་རྡོ་རྗེ་སྤྱན་ཅན་དང་རྡོ་རྗེ་མེ་ལྟར་འབར་བས་ཀྱང་ཁམ་ཕོར་གྱི་རི་རབ་དང་ཕུར་བུས་ཡང་དག་པར་བསྲུངས་ལ་རྡོ་རྗེ་གནོད་སྦྱིན་དང་རྡོ་རྗེ་འཇིགས་བྱེད་ཀྱི་སྤྱན་དག་གིས་དེ་རྣམས་ཀྱི་ནམ་མཁའ་བཅིང་བར་བྱས་ལ་རྡོ་རྗེ་བསྡམས་
པས་རྡོ་རྗེ་དྲལ་བར་བྱའོ། །ཡང་ན་མངོན་སྤྱོད་ཀྱི་སྦྱིན་སྲེག་གིས་བགེགས་རྣམས་བཟློག་པར་བྱའོ། །དེ་ནས་དཀྱིལ་འཁོར་གྱི་དབུས་ན་གནས་པའི་ཕུར་བུ་ཧཱུྃ་བཞིས་བཏོན་ལ། རང་གི་ལག་ན་གནས་པའི་རྡོ་རྗེ་བཅུག་སྟེ་འོག་ནས་བཤད་པའི་ཚོན་སྣ་ལྔས་ཕུར་བུའི་བུ་ག་བཀང་ལ་མཉམ་
པོར་བྱས་ནས་ཐིག་སྐུད་ཚོན་དཀར་པོ་དྲི་ཞིམ་པར་སྦངས་པ་གདབ་པར་བྱའོ། །དེ་ལྟར་ཐིག་ལེགས་པར་བཏབ་ནས་ཧི་ཞེས་བྱ་བ་ལས་མིག་གཡས་པ་དང་གཡོན་པར་ཉི་མ་དང་ཟླ་བ་བསྐྱེད་ལ་ཁྲོ་བོའི་ལྟ་བས་ཀུན་དུ་བལྟས་ལ་སྒོ་རྣམས་དབྱེའོ། །དེ་ནས་ཚོན་རྩི་བྱིན་གྱིས་བརླབ་པར་

62-1-91a

བྱ་སྟེ། ཨོཾ་བཛྲ་ཙི་ཏྭ་ས་མ་ཡེ་ཧཱུཾ། ཞེས་བྱ་བ་འདིས་ཕྱག་རྒྱ་དང་ལྡན་པས་ཚོན་རྩི་ཐམས་ཅད་ལ་ལན་བདུན་བཟླས་ན་རྡོ་རྗེའི་དབང་བཞིན་དུ་འགྱུར་རོ་ཞེས་བཅོམ་ལྡན་འདས་རྡོ་རྗེ་འཆང་ཆེན་པོས་གསུངས་སོ། །ཕྱག་རྒྱ་ནི་འདི་ཡིན་ཏེ། རྡོ་རྗེའི་ཕྱག་རྒྱ་གཉིས་ལས་ནི། །
མཛུབ་མོའི་རྩེ་མོ་མཉམ་སྦྱར་བ། །བྱས་ནས་ཚོན་རྩི་ཐམས་ཅད་ནི། །འབར་བའི་ལྟ་བས་དགུག་པར་བྱའོ། །ཧི་ཞེས་བྱ་བ་དང་རྡོ་རྗེ་ཉི་མའི་དམ་ཚིག་གི་ཕྱག་རྒྱ་མཐར་སྤར་བར་བྱའོ། །དེ་ལ་འབར་བའི་ལྟ་བ་ནི་འདི་ཡིན་ཏེ། །རབ་ཏུ་འབར་བ་མིག་བསྐུལ་ཞིང་། །མིག་གི་རྫི་མ་འགུགས་
བྱེད་པ། །ལྟ་བ་གཟི་ཅན་ཡིན་པར་བཤད། །འགྲོ་བ་ཐམས་ཅད་འགུགས་བྱེད་པའོ། །དཱིཔྟི་དྲྀཥྚ་ཨཾ་ཀུ་ཤ་ཛཿཞེས་བྱ་བ་འདི་ཡང་མིག་ཏུ་དགོད་དོ། །ཨོཾ་བཛྲ་ཙི་ཏྲ་ས་མ་ཡ་ཧཱུྃ་ཞེས་ཟློས་ཤིང་གཡོན་པའི་རྡོ་རྗེ་ཁུ་ཚུར་གྱིས་དབང་ལྡན་གྱི་ཕྱོགས་ནས་བརྩམས་ཏེ་གཡས་ནས་བསྐོར་བས་
ཚོན་རྩི་དགྱེ་བར་བྱ་སྟེ། ཕྱིས་ཅི་བདེ་བར་བྱའོ། །དེ་ལ་རིམ་པ་ནི་འདི་ཡིན་ཏེ། སྔོན་པོ་དང་། སེར་པོ་དང་། དམར་པོ་དང་། ལྗང་གུ་དང་། དཀར་པོའོ། །དེ་ཡང་། སྔོན་པོ་རྡོ་རྗེ་རྩེ་རང་བཞིན། །གཉིས་པ་གསེར་ལ་དམིགས་པ་སྟེ། །པདྨ་རཱ་གའི་རང་བཞིན་གཞན། །དེ་བཞིན་
གཞན་དག་མརྒད་འདྲ། །དཀར་པོ་ནང་དུ་ཤེས་བྱ་སྟེ། །འདི་ནི་ཚོན་གྱི་རིམ་པར་བཤད། །ཅེས་བཅོམ་ལྡན་འདས་རྡོ་རྗེ་འཆང་ཆེན་པོས་གསུངས་སོ། །ཤར་ཕྱོགས་སུ་ནི་སྔོན་པོ་སྟེ། །ལྷོར་ནི་སེར་པོ་དང་ལྡན་པ། །ནུབ་ཀྱི་ཆ་ནི་དམར་པོ་སྟེ། །བྱང་ནི་ལྗང་གུ་ཡང་དག་ལྡན། །
དབུས་ཀྱི་ས་ཡི་ཆ་ཉིད་ནི། །ཤེལ་ལྟར་སྣང་བ་བླ་ན་མེད། །རྟག་ཏུ་རྡོ་རྗེ་དྲིལ་འཆང་ཞིང་། །རབ་མཉམ་གཞག་པས་བྲི་བར་བྱའོ། །ཡང་ན་སྔ་མ་བཞིན་དུ་རྡོ་རྗེ་ལྕགས་ཀྱུ་ལ་སོགས་པས་ལས་བྱས་ནས། གསེར་རམ་དངུལ་ལས་བྱས་པའམ། །ས་ཡང་རུང་སྟེ་ལེགས་བྲིས་པའི། །ཕ་
གུ་གྲུ་བཞིར་བྱས་པ་ལ། །སངས་རྒྱས་གཟུགས་ནི་གཞག་པར་བྱ། །ཨོཾ་བཛྲ་ཛྭ་ལ་ཨགྣི་པྲ་དཱིཔྟ་ཨཱ་ཀཪྵ་ཡ་སརྦ་ཐཱ་ག་ཏ་མ་ཧཱ་བཛྲ་ས་མ་ཡ་ཧཱུྃ་ཛཿ སངས་རྒྱས་སྤྱན་སྔར་རྡོ་རྗེ་ནི། །འབར་བས་བསྐོར་བ་གཞག་པར་བྱ། །དེ་བཞིན་རིན་ཆེན་འོད་བསྐོར་བ། །པདྨོ་རྡོ་རྗེ་ཀུན་དེ་བཞིན། །

62-1-91b

སྙིང་པོ་ནི་འདིས་བྱའོ། །ཨོཾ་བཛྲ་སཏྭ་བཛྲི་ཛྭ་ལ་མཱ་ལ་ཧཱུྃ་ཕཊ། ཨོཾ་རཏྣ་བཛྲི་ཛྭ་ལ་མཱ་ལ་ཧཱུྃ་ཏྲཱཾ། ཨོཾ་དྷརྨ་བཛྲི་ཛྭ་ལ་མཱ་ལ་ཧཱུྃ་ཧྲཱི། ཨོཾ་ཀརྨ་བཛྲི་ཛྭ་ལ་མཱ་ལ་ཧཱུྃ་ཨཱཿ རྡོ་རྗེ་ཤུགས་ཀྱིས་བརྒལ་ནས་ནི། །སངས་རྒྱས་སྤྱན་སྔར་དེ་བཞིན་དུ། །མཁས་པས་ཆོ་ག་བཞིན་བྲི་བ། །རྡོ་རྗེ་ཧཱུྃ་མཛད་དཀྱིལ་
འཁོར་རོ། །དེ་ལ་རྡོ་རྗེ་ཤུགས་ཀྱི་སྙིང་པོ་ནི་འདི་ཡིན་ནོ། །ཨོཾ་བཛྲ་བེ་གཱ་ཀྲ་མ་ཧཱུྃ། དེ་ནས་འདི་ཡི་ཕྱག་རྒྱ་བཤད། །ཡིད་ཀྱིས་རི་མོ་བཏེག་ནས་ནི། །རྡོ་རྗེ་སྲད་བུའམ་གཞན་ཡང་རུང་། །ཕྱིར་བྱུང་ནང་དུ་ཞུགས་ཀྱང་ནི། །དམ་ཚིག་འགལ་བར་དེ་མི་འགྱུར། །དེ་ཡི་དབུས་སུ་སེམས་
དཔའ་ཆེ། །ཕྱག་ན་རྡོ་རྗེ་བྲི་བ་ནི། །ཨུཏྤལ་ཆེ་སྔོ་མཚེར་བའི་མདོག །རྡོ་རྗེ་ཧཱུྃ་མཛད་བསྡུས་པ་ནི། །ཁྲོ་དང་བཅས་པས་འཛུམ་པའི་ཞལ། །གཡོན་བརྐྱང་ཚུལ་དུ་གནས་པ་སྟེ། །འབར་བའི་ཕྲེང་བས་འཁྲིགས་པའི་འོད། །གཡོན་པའི་ཞབས་ཀྱི་མཐིལ་གྱིས་ནི། །དབང་ཕྱུག་
ཆེན་པོ་མནན་པར་བྱ། །གཡས་པའི་ཞབས་ཀྱིས་ཨུ་མ་ཡི། །ནུ་མའི་སྟེང་དུ་གནོན་པ་བྲི། །འདི་ཡི་སྙིང་པོ་འདི་ཡིན་ནོ། །ཧཱུྃ་ཨོཾ་ནི་སུམྦྷ་བཛྲ་བི་དྱོཏྟ་མ་ཧཱུྃ་ཕཊཿཅེས་བྱ་བ་དང་། ཨོཾ་བཛྲ་ཤཱུ་ལ་ཞེས་བྱ་བའི་སྙིང་པོ་གཉིས་ནི་ལྷ་ཆེན་པོའིའོ། །ཨོཾ་ཀྲོ་དྷ་བཛྲ་ཨགྣི་ཛྲཱ་ལ་ཡ་ཏྲི་ཤཱུ་
ལཾ་བྷིནྡ་བཛྲ་ཧྲྀ་ད་ཡཾ་བཛྲེ་ཎ་ཧཱུྃ་ཕཊ། ཅེས་པ་ནི་ཨུ་མའིའོ། །དེ་ཡི་ཕྱོགས་ནི་ཐམས་ཅད་དུ། །རྡོ་རྗེ་ཁྲོ་བོ་གཞག་པ་ནི། །ཁྲོས་པ་མཆེ་བ་འབྱུང་བ་སྟེ། །འབར་བའི་ཕྲེང་བས་འཁྲིགས་པའི་འོད། །དེ་ནས་དེ་དག་གི་སྙིང་པོ་ནི་འདི་ཡིན་ནོ། །ཨོཾ་བཛྲ་སཏྭ་ཀྲོ་དྷ་ཧཱུྃ་ཕཊ། 
ཨོཾ་བཛྲ་ཀྲོ་དྷ་ཨཱ་ཀཪྵ་ཡ་ཧཱུྃ་ཕཊ། ཨོཾ་བཛྲ་ཀརྨ་ཀྲོ་དྷ་རཱ་གཱ་ཡ་ཧཱུྃ་ཕཊ། ཨོཾ་བཛྲ་ཏུཥྚི་ཀྲོ་དྷ་སཱ་དྷུ་སཱ་དྷུ་ཧཱུྃ་ཕཊ། རྡོ་རྗེ་ཤུགས་ཀྱིས་བརྒལ་ནས་ནི། །དཀྱིལ་འཁོར་དམ་པ་གཉིས་པར་ཡང་། །དེར་ནི་རྡོ་རྗེ་དབང་བསྐུར་བ། །རྡོ་རྗེ་ཁྲོ་བོས་བསྐོར་བ་བྲི། །དེ་ནས་དེ་རྣམས་ཀྱི་
སྙིང་པོ་ནི་འདི་ཡིན་ནོ། །ཏྲཱཾ་ཨོཾ་བཛྲ་བི་ཤུདྡྷེ་ཀྲོ་དྷ་ཧ་ར་ཧ་ར་ཧཱུྃ་ཕཊ། ཨོཾ་བཛྲ་སཱུརྱ་མ་ཧཱ་ཛྭ་ལ་མ་ལ་ཀྲོ་དྷ་ཛྭ་ལ་ཡ་སརྦན་ཧཱུྃ་ཕཊ། ཨོཾ་བཛྲ་ཀྲོ་དྷ་ཀེ་ཏུ་དེ་ཧི་ཧཱུྃ་ཕཊ། ཨོཾ་བཛྲ་ཨཱཏྟས་ཏ་ཀྲོ་དྷ་ཧ་ཧ་ཧ་ཧ་ཧཱུྃ་ཕཊ། རྡོ་རྗེ་ཤུགས་ཀྱིས་བརྒལ་ནས་ནི། །དཀྱིལ་འཁོར་དམ་པ་གསུམ་པ་

62-1-92a

ཡང་། །རྡོ་རྗེའི་སྡེ་ནི་བྲི་བར་བྱ། །ཁྲོ་བོ་བདག་ཉིད་ཆེན་པོས་བསྐོར། །དེ་ནས་དེ་རྣམས་ཀྱི་སྙིང་པོ་བཤད་དོ། །ཧྲཱིཿཨོཾ་བཛྲ་དྷརྨ་ཀྲོ་དྷ་བི་ནཱ་ཤ་ཡ་བི་ཤོ་དྷ་ཡ་ཧཱུྃ་ཕཊ། ཨོཾ་བཛྲ་ཏཱིཀྵྞ་ཀྲོ་དྷ་ཙྪིནྡ་ཙྪིནྡ་ཧཱུྃ་ཕཊ། ཨོཾ་བཛྲ་ཀེ་ཏུ་ཀྲོ་དྷ་པྲ་བེ་ཤ་ཡ་མཎྜ་ལེ་སརྦན་ཧཱུྃ་
ཕཊ། ཨོཾ་བཛྲ་ཀྲོ་དྷ་བྷཱ་ཥ་བ་ད་བ་ད་ཧཱུྃ་ཕཊ། རྡོ་རྗེ་ཤུགས་ཀྱིས་བརྒལ་ནས་ནི། །དཀྱིལ་འཁོར་དམ་པ་བཞི་པར་ཡང་། །རྡོ་རྗེ་དབབ་པ་བྲི་བ་ནི། །རྡོ་རྗེ་ཁྲོ་བོའི་ཚོགས་ཀྱིས་བསྐོར། །དེ་ནས་དེ་རྣམས་ཀྱི་སྙིང་པོ་བཤད་དོ། །ཨཿཨོཾ་བཛྲ་ཀརྨ་ཧཱུྃ་ཕཊ། ཨོཾ་བཛྲ་ཀ་པ་ཙ་
ཀྲོ་དྷ་རཀྵ་ཧཱུྃ་ཕཊ། ཨོཾ་བཛྲ་ཡཀྵ་ཀྲོ་དྷ་ཁཱ་ད་ཁཱ་ད་ཧཱུྃ་ཕཊ། ཨོཾ་བཛྲ་ཀྲོ་དྷ་མུཥྚི་སཱ་དྷ་ཡ་ས་མ་ཡ་ཧཱུྃ་ཕཊ། དཀྱིལ་འཁོར་གྱི་ནི་གྲྭ་རྣམས་སུ། །རྡོ་རྗེ་དབྱིངས་ཀྱི་ཚུལ་བཞིན་དུ། །ཇི་ལྟར་གོ་རིམས་བཞིན་དུ་ནི། །གསང་བའི་མཆོད་པ་ཀུན་བྲིའོ། །དེ་ནས་དེ་རྣམས་ཀྱི་སྙིང་པོ་ནི་འདི་ཡིན་ནོ། །
ཨོཾ་བཛྲ་ལཱ་སྱ་རཱ་ག་ཡེ་ཧཱུྃ་ཕཊ། ཨོཾ་བཛྲ་མཱ་ལེ་ཨ་བྷི་ཥིཉྩ་ཧཱུྃ་ཕཊ། ཨོཾ་བཛྲ་གཱི་ཏེ་ག་ཏ་ཧཱུྃ་ཕཊ། ཨོཾ་བཛྲ་ནྲྀ་ཏྱེ་བ་ཤཾ་ཀུ་རུ་ཧཱུྃ་ཕཊ། རྡོ་རྗེ་ཤུགས་ཀྱིས་བརྒལ་ནས་ནི། །དཀྱིལ་འཁོར་དམ་པའི་ཕྱི་རོལ་དུ། །དེ་ཡི་གྲྭ་རྣམས་ཉིད་དུ་ནི། །མཆོད་པའི་ལྷ་མོ་བཞི་རྣམས་བཞག །དེ་ནས་དེ་
རྣམས་ཀྱི་སྙིང་པོ་ནི་འདི་ཡིན་ནོ། །ཨོཾ་བཛྲ་དྷཱུ་པེ་པཱུ་ཛ་སྥ་ར་ཎ་ས་མ་ཡེ་ཧཱུྃ་ཕཊ། ཨོཾ་པུཥྤེ་པཱུ་ཛ་སྥ་ར་ཎ་ས་མ་ཡེ་ཧཱུྃ་ཕཊ། ཨོཾ་བཛྲ་ཨཱ་ལོ་ཀེ་པཱུ་ཛ་སྥ་ར་ཎ་ས་མ་ཡེ་ཧཱུྃ་ཕཊ། ཨོཾ་བཛྲ་གནྡྷེ་པཱུ་ཛ་སྥ་ར་ཎ་ས་མ་ཡེ་ཧཱུཾ་ཕཊ། སྒོ་རྣམས་ཀུན་གྱི་དབུས་སུ་ནི། །ལྕགས་ཀྱུ་ལ་སོགས་གཞག་པར་བྱ། །དཀྱིལ་འཁོར་
ཕྱི་རོལ་གནས་རྣམས་སུ། །ཕྱིའི་རྡོ་རྗེའི་རིགས་རྣམས་སོ། །དེ་ནས་དེ་དག་གི་སྙིང་པོ་བཤད་དེ། ཨོཾ་བཛྲ་ཨྃ་ཀུ་ཤ་མ་ཧཱ་ཀྲོ་དྷ་ཨཱ་ཀཪྵ་ཡ་སརྦ་ས་མ་ཡ་ན་ཧཱུྃ་ཛཿ། ཨོཾ་བཛྲ་མ་ཧཱ་ཀྲོ་དྷ་པྲ་བེ་ཤ་ཡ་སརྦ་ས་མ་ཡ་ན་ཧཱུྃ་ཧཱུྃ་ཨོཾ་བཛྲ་སྥོ་ཊ་མ་ཧཱ་ཀྲོ་དྷ་བནྡྷ་བནྡྷ་སརྦ་ས་མ་ཡ་ན་ཧཱུྃ་བཾ། ཨོཾ་བཛྲ་ཨཱ་བེ་ཤ་
ཡ་མ་ཧཱ་ཀྲོ་དྷ་ཨཱ་བེ་ཤ་ཡ་སརྦ་ས་མ་ཡ་ན་ཧཱུྃ་ཧོཿ། ཕྱིའི་དཀྱིལ་འཁོར་གྱི་ཁྱམས་ལ། ཤར་ཕྱོགས་སུ་བྱམས་པ་དང་། མཐོང་བ་དོན་ཡོད་དང་། ངན་སོང་ཐམས་ཅད་སྦྱོང་བ་དང་། མྱ་ངན་དང་མུན་པ་ཐམས་ཅད་ངེས་པར་འཇོམས་པའི་བློ་གྲོས་རྡོ་རྗེ་རྩེ་ལྔ་པ་བསྣམས་པར་བྲིའོ། །

62-1-92b

ལྷོ་ཕྱོགས་སུ་སྤོས་ཀྱི་གླང་པོ་དང་། དཔའ་བར་འགྲོ་བ་དང་། ནམ་མཁའ་མཛོད་དང་། ཡེ་ཤེས་ཏོག་རིན་པོ་ཆེ་བསྣམས་པར་བྲིའོ། །ནུབ་ཕྱོགས་སུ་འོད་དཔག་ཏུ་མེད་པ་དང་། ཟླ་བའི་འོད་དང་། བཟང་སྐྱོང་དང་། དྲ་བ་ཅན་གྱི་འོད་པདྨ་བསྣམས་པར་བྲིའོ། །བྱང་གི་ཆར་རྡོ་རྗེ་
སྙིང་པོ་དང་། བློ་གྲོས་མི་ཟད་པ་དང་། སྤོབས་པ་བརྩེགས་པ་དང་། ཀུན་དུ་བཟང་པོ་སྣ་ཚོགས་རྡོ་རྗེ་བསྣམས་པར་བྲིའོ། །ཡང་ན་འཁོར་བ་འཇིག་དང་། གསེར་ཐུབ་དང་། འོད་སྲུངས་དང་། ཤཱཀྱ་ཐུབ་པ་ཞེས་བྱ་བའི་དེ་བཞིན་གཤེགས་པ་བཞི་པོ་མ་གཏོགས་པ། བྱམས་པ་ལ་
སོགས་པ་བསྐལ་པ་བཟང་པོའི་བྱང་ཆུབ་སེམས་དཔའ་བཞིས་སྟོང་དུ་མ་ཚང་བར་ཤར་ཕྱོགས་ནས་བརྩམས་ཏེ་ཁྱམས་ལའོ། །ཨོཾ་སརྦ་སཾ་སྐཱ་ར་པ་རི་ཤུདྡྷ་དྷརྨ་ཏེ་མཧཱ་ན་ཡ་པ་རི་བཱ་རེ་སྭཱཧཱ། ཞེས་བྱ་བའི་རིག་པ་འདིས་རྡོ་རྗེ་དབྱིངས་ཀྱི་དཀྱིལ་འཁོར་བྲི་བར་བྱའོ། །ཡང་ཕྱིའི་དཀྱིལ་
འཁོར་གྱི་ཁྱམས་ལ་ཤར་ཕྱོགས་སུ་སྒྱུ་མའི་རྡོ་རྗེ། རྡོ་རྗེ་དྲིལ་བུ། ཐུབ་པའི་རྡོ་རྗེ། རྡོ་རྗེ་མཚོན་ཆ་ཆུང་མ་དང་བཅས་པ། ལྷོར་བདུད་རྩི་འཁྱིལ་པ། རྡོ་རྗེ་འོད། རྡོ་རྗེ་དབྱིག་པ། རྡོ་རྗེ་གསེར་སྨུག་ཆུང་མ་དང་བཅས་པའོ། །ནུབ་ཏུ་རྡོ་རྗེ་གླང་པོ་སྣ། རྡོ་རྗེ་ཕྲེང་བ། རྡོ་རྗེ་དབང་། རྡོ་རྗེ་
རྣམ་པར་རྒྱལ་བ། རྡོ་རྗེ་གཏུན་ཤིང་། རྡོ་རྗེ་རླུང་། རྡོ་རྗེ་མེ། རྡོ་རྗེ་འཇིགས་པ་ཆུང་མ་དང་བཅས་པར་རོ། །བྱང་ཕྱོགས་སུ་ནི་རྡོ་རྗེ་ལྕགས་ཀྱུ། རྡོ་རྗེ་དུས། རྡོ་རྗེ་བགེགས་ཀྱི་གཙོ་བོ། རྡོ་རྗེ་ཆུ་ཀླུང་ཆུང་མ་དང་བཅས་པ་བྲི་བར་བྱའོ། །ཁྱབ་འཇུག་ལ་སོགས་པ་འདི་དག་ཐམས་ཅད་
འཇིག་རྟེན་ལས་འདས་པའི་ལྷ་རྣམས་ཀྱི་སྐུའི་ཕྱེད་ཀྱི་ཚད་ཙམ་དུ་ཐམས་ཅད་ཁྱམས་ལ་བརྟེན་པར་བྱའོ་ཞེས་རྡོ་རྗེ་རྩེ་མོ་ལས་གསུངས་པ་ཡིན་ནོ། །དེ་ནས་རྡོ་རྗེ་གསེར་ལ་སོགས་པ་འདི་རྣམས་ཀྱི་སྙིང་པོ་དང་རིག་པ་རྣམས་བཤད་དོ། །ཨོཾ་བཛྲ་ཙཀྲ་ཧཱུཾ། ཨོཾ་བཛྲ་ཧེ་མེ་ཚིནྡྷ་ཙཀྲེ་ན་
བཛྲི་ཎི་ཧཱུྃ་ཕཊ། ཨོཾ་བཛྲ་གྷཎྜ་ཀེ་ཧཱུྃ། ཨོཾ་བཛྲི་ནི་ཀཽ་མ་རཱི་ཤཱི་གྷྲཾ་ཨཱ་བེ་ཤ་ཡ་གནྡྷ་ཤཔྡེ་ན། བཛྲ་པཱ་ཎི་པཱི་ཡེ་བཛྲ་ས་མ་ཡེ་མ་ནུ་སྨ་ར་ར་ཎ་ཧཱུྃ་ཕཊ། ཨོཾ་བཛྲ་དནྟ་ཏིཥྛ་ཧཱུྃ། ཨོཾ་བཛྲ་ཤཱནྟི་ཛ་པ་ཛྲ་པ་ཨཀྵ་མ་ལ་ཡ་སརྦ་ན་མཱ་ར་ཡ་ཤཱནྟ་ཏིཥྛ་ཧཱུྃ་ཕཊ། ཨོཾ་བཛྲ་ཨ་ཡུ་དྷ་ཧཱུྃ་ཕཊ། ཨོཾ་བཛྲ་མུཥྚི་ཧ་ན་ཧ་ན་

62-1-93a

བཛྲེ་ཎ་བྷིནྡ་བྷིནྡ་པི་ཌ་ཡ་སརྦ་དུཥྚཾཱ་ཧྲྀ་ད་ཡ་ནི་ཨོཾ་སུམྦྷ་ཧཱུྃ་ཕཊ། ཨོཾ་སུམྦྷ་ནི་སུམྦྷ་ཧཱུྃ་ཕཊ། ཨོཾ་ཛྭ་ལི་ཧ་དཱིཔྟ་བཛྲ་ཧཱུྃ་ཕཊ། ཨོཾ་ཨ་མྲྀ་ཏེ་སརྦ་དུཥྚཾཱ་གྲྀཧྣ་བནྡྷ་ནེ་ཧ་ན་པ་ཙ་བི་དྷནྶ་ཡ་བི་ནཱ་ཤ་ཡ་ཚིནྡ་བྷིནྡ་བྷསྨི་ཀུ་རུ་མུརྟ་ན་ཧ་ད་ཡ། བཛྲེ་ཎ་ཡེ་ཀེ་ཙིཏ་མ་མ་ཨ་མུ་ག་སྱ་
བི་གྷྣ་བི་ནཱ་ཡ་ཀ་སྟྭཾ་ད་མ་ཡ་དཱིཔྟ་ཀྲོ་དྷ་བཛྲི་ཎི་ཧཱུྃ་ཕཊ། ཨོཾ་བཛྲ་སོ་མྱ་ཧཱུྃ། ཨོཾ་བཛྲ་ཀནྟི་མཱ་ར་ཡ་སོ་མྱ་རཱུ་པེ་པྲ་དཱིཔྟ་རཱ་གེ་ན་ཤཱི་གྷྲཾ་སྥོ་ཊ་ཡ་ཧྲྀ་ད་ཡཾ། བཛྲ་དྷ་ར་སཏྱེ་ན་མ་ཧཱ་བཛྲྱོད་ན་ཀ་ར་ལེ་ཤི་ཏ་རཤྨི་བཛྲི་ཎི་ཧཱུྃ་ཕཊ། ཨོཾ་བཛྲ་དཎྜ་ཧཱུྃ་ཕཊ། ཨོཾ་བཛྲ་དཎྜ་ཨགྣི་ཏ་ཡ་ཧཱུྃ་ཕཊ། ཨོཾ་བཛྲ་བི་
ཀྲྀ་ཏ་ཧཱུྃ་ཕཊ། ཨོཾ་བཛྲ་མེ་ཁ་ལེ་ཁ་ཎི་ཁ་ཎ་ཤཔྡེ་ན་བི་ཤ་ཀུ་རུ་ཏྲིཥྚ་མཱ་ར་ཡ་བི་ཤ་ནི་ཧཱུྃ་ཕཊ། ཨོཾ་བཛྲ་མ་དེ་ཧཱུཾ་ཕཊ། ཨོཾ་བཛྲ་བི་ལ་ཡེ་ཧཱུྃ། ཚིནྡ་ཨ་སི་ན་བྷིནྡ་བཛྲེ་ཎ་མཱ་ར་ཡ་ཨུནྨ་ད་ཡ་བི་བ་པི་བ་ཧཱུྃ་ཕཊ། ཨོཾ་བཛྲ་མཱ་ཡ་ཧཱུྃ། ཨོཾ་བཛྲ་ཨཱ་ཤ་ན་ནི་བྷཀྵ་ཡ་སརྦ་དུཥྚཱན་བཛྲ་ད་ཤ་ནི་ཤཀྟི་
དར་ཎི་མ་ནུ་འ་མཱཾ་ས་ཨཱ་ཧ་རེ་ན། ན་ར་རུ་དྷི་ར་བ་ས་པྲི་ཡ་མཛྫ་ས་མུ་ལེ་བ་ཎ་བི་ལིཔྟ་ག་ཏེ་ཨ་ན་ཡ་སརྦ་དྷ་ན་དྷ་ནྱ་ཧི་ར་ཎྱ་སུ་བརྞ་ཨ་ཏྲི་ཎི་སཾ་ཏྲ་མ་ཡ་བ་ར་ཏེ་བཀྵི་ནི་ཧཱུྃ་ཕཊ། ཨོཾ་བཛྲ་མ་དྷ་ཧཱུྃ། ཨོཾ་བཛྲ་བ་ཤི་ནི་ཨ་ན་ཡ་བྷསྨིཾ་ཀུ་རུ་སརྦ་པུ་རུ་ཥ་དྷ་སི་ཀུ་རུ་ཏྲུཾ་དྷ་མ་བྲ་སཱ་ད་ཡ་བྱ་བ་ཧ་ར་བྷྱོ། 
བྷཱུ་ཏ་བ་ར་བི་ཛ་ཡ་ཀ་རི་བཛྲ་པ་ཏི་ཀ་ར་ཎི་ཧཱུྃ་ཕཊ། ཨོཾ་བཛྲ་མ་སི་ཧཱུྃ། ཨོཾ་བཛྲ་བ་སི་ནི་ཨ་ན་ཡ་སརྦ་བསྟྲཾ། ཨཎྞ་བ་ན་དི་ཏྱུ་པ་ཀ་ར་ཎཱ་ཎི་ཤཱི་གྷྲཾ་བ་ཤཱི་ཀུརྦི་དམྨེ་པྲ་ཡཙྪ་ཨ་བི་ཤ་ས་ཏྱཾ་ཀ་ཐ་ཡ། བཛྲ་ཀོ་ཤ་དྷ་རི་ཎི་ཧཱུྃ་ཕཊ། ཨོཾ་མུ་ས་ལ་ཧཱུྃ་ཕཊ། ཨོཾ་བཛྲ་དྷུ་ཏི་ཨ་ན་ཡ་སརྦཾ་མཎྜ་ལཾ་པྲ་
བེ་ཤ་ཡ། ཨཱ་བེ་ཤ་ཡ། བནྡྷ་ཡ་བནྡྷ་ཡ། སརྦ་ཀརྨ་ཎི་མེ་ཀུ་རུ་ཤཱི་གྷྲཾ་ཤཱི་གྷྲཾ། ལ་གྷུ་ལ་གྷུ་ཏྲཱ་ས་ཡ་མཱ་ར་ཡ། ན་རཱ་བེ་ཎ་བཛྲ་ཁ་ཊྭཱཾ་ག་དྷ་རི་ཎི་ཧཱུྃ་ཕཊ། ཨོཾ་བཛྲ་པ་ཏ་ཧཱུྃ་ཕཊ། ཨོཾ་བཛྲ་བི་ག་བཛྲི་ནི་གྷུ་གྷུ་གྷུ་གྷུ་ཤཔྡེ་ན་མཱ་ར་ཡ། བི་ག་རི་བི་དྷནྶ་ཡ་བཛྲ་པ་ཏ་དྷ་རི་ཎི་ཧཱུྃ་ཕཊ། ཨོཾ་བཛྲ་
ཛྭ་ལ་ནི་ཧཱུཾ། ཨོཾ་བཛྲ་ཛྭ་ལ་ཡ་སརྦཾ་བཛྲ་ཛྭ་ལ་ཡ་ད་ཧ་ད་ཧ་བྷསྨིཾ་ཀུ་རུ་ཧཱུྃ་ཕཊ། ཨོཾ་བཛྲ་གྲ་ཧ་ཧཱུྃ། ཨོཾ་བཛྲ་བ་ཀྟེ་པྲ་བཀྟ་དཾཥྚྲ་ཀ་ར་ཡ་བྷི་ཥ་ཎ་ན་བཀྟེ་ཤཱི་གྷྲཾ་གྲྀཧྞ་ཨཱ་བེ་ཤ་ཡ། བྷཀྵ་ཡ་རུ་དྷི་ར་ཎ་པི་བ་མ་ཧཱ་ཡཀྵ་ཎི་བཛྲ་པཱ་ཤ་དྷ་རི་ཎི་ཧཱུྃ་ཕཊ། ཨོཾ་བཛྲ་དཾཥྚྲ་ཧཱུྃ། ཨོཾ་བཛྲ་མུ་ཁ་ཨ་ན་ཡ་

62-1-93b

བཛྲ་དཾཥྚྲེ་བ་ཡ་ཎ་ཀེ་པཱ་ཏཱ་ལ་ནི་བ་སི་ནི་ཁ་ཁ། ཁཱ་ཧི་ཁཱ་ཧི། སརྦ་མུ་ཁེ། པྲ་བེ་ཤ་ཡ། སྥོ་ཊ་ཡ། མརྨ་ཎཱི་སརྦ་དུཥྚཱན་བཛྲི་ཎི་སིདྡྷ་ཨ་དྷ་རི་ཎི་ཧཱུྃ་ཧཱུྃ་ཕཊ། ཨོཾ་བཛྲ་མ་ར་ཎ་ཧཱུྃ། ཨོཾ་བཛྲ་ཀཱ་ལི་མ་ཧཱ་པྲེ་ཏ་རཱུ་པི་ནི་མ་ནུ་ཥ། མཱཾ་ས་རུ་དྷི་ར་པྲི་ཡེ་ཨེ་ཧྱེ་ཧི་གྲྀཧྞ་གྲྀཧྞ་བྷཀྵ་ཡ་བཛྲ་ཌཱ་ཀི་ནི་
བཛྲ་ཤཾ་ཀ་ལེ་སརྦ་དེ་བ་ག་ཎ་མ་ཏྲ་བྷཱུ་ཏེ་ཧ་ར་ཧ་ར་པྲཱ་ཎཱན་ཨ་མུ་ཀ་སྱ་ཀ་པཱ་ལ་ཨ་ལཾ་ཀྲྀ་ཏ་སརྦ་ཀཱ་ཡེ་ཀིཉྩི་ར་ཡ་སི། བཛྲ་ཁ་ཊྭཱཾ། དྷ་རི་ཎི་པྲེ་ཏ་མ་ཎུ་ཥ། ཤ་རཱི་རེ་ཤཱི་གྷྲཾ། ཨཱ་བེ་ཤ་ཡ། པྲ་བེ་ཤ་ཡ། བནྡྷ་ཡ་བ་ཤི་ཀུ་རུ་མཱ་ར་ཡ་བཛྲ་རཀྵ་སི་ཧཱུྃ་ཧཱུྃ་ཧཱུྃ་ཧཱུྃ་ཕཊ། ཨོཾ་བཛྲ་བིགྷྣཱཾ་ཧཱུྃ། ཨོཾ་བཛྲ་བྷཱུ་
ཏ་ནེ་མ་ནུ་ཥ་མཱནྶ་བ་ས་རུ་དྷི་ར་མུ་ཏྲ་པུ་རི་ཤླེ་ཥྨ་ཤི་གྷན། ཀ་རེ་ཏོ་གརྦྷ་ཧཱ་རི་ཎཱ་ཡ་ཧི་ཤཱི་གྷྲཾ་ཨི་དཾ་ཨ་མུ་ཀ་སྱ་ཀུ་རུ་བཛྲ་ཤོ་དྷ་ནི་ཀ་ད་རི་ནི་སརྦ་ཀརྨ་ཎི་མེ། ཀུ་རུ་ཀུ་རུ་ཧཱུྃ་ཕཊ། ཨོཾ་བཛྲ་ཧ་ར་ཎ་ཧཱུྃ་ཕཊ། ཨོཾ་བཛྲ་མ་ཀ་རེ་གྲ་ས་ཤཱི་གྷྲཾ། པྲ་བེ་ཤ་ཡ། པཱ་ཏཱ་ལཾ་བྷཀྟ་ཡ་བཛྲ་མ་ཀ་ར་
དྷ་ར་ནི་ཧཱུྃ་ཕཊ། མེའི་མཚམས་ནས་བརྩམས་ཏེ། བསྐོར་ཕྱོགས་སུ་བྷི་མ་དང་། དཔལ་མོ་དང་། དབང་ལྡན་མ་དང་། དཀའ་ཐུབ་བཟློག་མ་ཡང་འདིས་བྲི་བར་བྱའོ། །ཨོཾ་སརྦ་ག་མི་ནི་སརྦ་བྷཀྵེ་སཱ་དྷ་ཡ་གུ་ཧྱ་བཛྲ་ཎི་ཧཱུྃ་ཕཊ། བཅོམ་ལྡན་འདས་རྣམ་པར་སྣང་མཛད་ཟླ་
བའི་མདོག་ཅན་ཞལ་བཞི་པ། རྡོ་རྗེ་སྐྱིལ་མོ་ཀྲུང་དང་། ཕྱག་གཉིས་བྱང་ཆུབ་མཆོག་གི་ཕྱག་རྒྱ་ཅན། བཅོམ་ལྡན་འདས་རྡོ་རྗེ་ཧཱུྃ་མཛད་སྔོན་པོ་ཇི་སྐད་བཤད་པའི་ཕྱག་རྒྱས་རྡོ་རྗེ་དང་དྲིལ་བུ་བསྣམས་པ། ཁྲོ་བོ་རྡོ་རྗེ་སེམས་དཔའ་ཡང་སྐུ་མདོག་སྔོན་པོ། རྒྱལ་པོ་གསེར་གྱི་མདོག་
ཅན། ཆགས་པ་དམར་པོ། ལེགས་པ་མརྒད་ཀྱི་མདོག་ཅན། རིན་ཆེན་ཧཱུྃ་མཛད་དང་། རྡོ་རྗེ་རིན་ཆེན་གསེར་གྱི་མདོག་ཅན། ཉི་མ་མདོག་དམར་པོ། རྒྱལ་མཚན་ནམ་མཁའི་མདོག་ཅན་བཞད་པ་དཀར་སེར། ཆོས་ཀྱི་ཧཱུྃ་མཛད་དང་། རྡོ་རྗེ་ཆོས་ཀྱང་སྐུ་མདོག་དཀར་
དམར། རྣོན་པོ་ནམ་མཁའི་མདོག་ཅན། རྒྱུ་གསེར་གྱི་མདོག་ཅན། སྨྲ་བ་ཟངས་ཀྱི་མདོག་ཅན། ལས་ཀྱི་ཧཱུྃ་མཛད་དང་། ཁྲོ་བོ་རྡོ་རྗེ་ལས་སྣ་ཚོགས་པའི་མདོག་ཅན། སྲུང་བ་གསེར་གྱི་མདོག་ཅན་གནོད་སྦྱིན་ནག་པོ། ཁུ་ཚུར་སེར་པོ། ཁྲོ་བོ་སྒེག་མོ་སྔོན་མོ། ཁྲོ་མོ་ཁུ་

62-1-94a

ཚུར་གཉིས་ཀྱིས་རྡོ་རྗེ་གཉིས་བསྣམས་ཏེ། རྡོ་རྗེ་བསྙེམས་པའི་ཚུལ་གྱིས་ཆུང་ཟད་འདུད་པ། ཆ་ལང་བརྡུང་བ་ལ་སོགས་པའི་ལྷ་མོ་བཞིས་བསྐོར་བ། ཕྲེང་བ་མ་སེར་མོ་ཁུ་ཚུར་གཉིས་ཀྱིས་རྡོ་རྗེ་ཕྲེང་བ་འཛིན་པ། མན་ཏ་ལི་ཀ་བརྡུང་བའི་ལྷ་མོ་བཞིས་བསྐོར་
བ། གླུ་མ་མདོག་དམར་གྱི་པི་ཝང་ལེན་པ་ལ་བརྩོན་པས་གནས་པའི་ལྷ་མོ་བཞིས་བསྐོར་བ། གར་མ་སྣ་ཚོགས་པའི་མདོག་ཅན། ཕྱག་གཉིས་ཀྱིས་རྡོ་རྗེ་རྩེ་གསུམ་པ་བསྣམས་ཏེ་གར་བྱེད་པ་ལ་བརྩོན་པ། མུ་ཀུན་ད་ཐོགས་པ་གནས་པའི་ལྷ་མོ་བཞིས་བསྐོར་ཏེ་གནས་པའོ། །བདུག་
པ་མ་མདོག་སྔོ་བ་གཡོན་པའི་ཁྲོ་བོ་ཁུ་ཚུར་སྡིགས་མཛུབ་བསྒྲེང་བ། གཡས་པའི་རྡོ་རྗེ་ཁུ་ཚུར་གྱིས་སྤོས་ཁང་བསྣམས་པ། རུ་དུང་འབུད་པ་ལ་བརྩོན་པའི་ལྷ་མོ་བཞིས་བསྐོར་བ། མེ་ཏོག་མ་སེར་བ། ཕྱག་གཡོན་པ་མེ་ཏོག་གི་སྣོད་ཐོགས་ནས། གཡས་ཀྱིས་མེ་ཏོག་གི་
ཆར་འབེབས་པ། པ་ཊ་ཧ་ཐོགས་པའི་ལྷ་མོ་བཞིས་བསྐོར་ཏེ་བཞུགས་པ། མར་མེ་མ་མདོག་དཀར་དམར། གཡོན་པའི་ཁུ་ཚུར་སྡིགས་མཛུབ། གཡས་པའི་རྡོ་རྗེ་ཁུ་ཚུར་གྱིས་མར་མེའི་སྡོང་བུ་བསྣམས་པ། ཏི་མི་ལ་བདུག་པ་ལ་བརྩོན་པའི་ལྷ་མོ་བཞིས་བསྐོར་བ། 
བྱུག་པ་མ་སྣ་ཚོགས་པའི་མདོག་ཅན། ཕྱག་གཡོན་པས་དྲིས་གང་བའི་དུང་ཆོས་བསྣམས་པ། གཡས་པས་དྲི་འཐོར་བ་དྷ་ཀ་བརྡུང་བ་ལ་བརྩོན་པའི་ལྷ་མོ་བཞིས་བསྐོར་བ། ལྕགས་ཀྱུ་སྔོན་པོ་ཞགས་པ་སེར་པོ། ལྕགས་སྒྲོག་དཀར་དམར། དྲིལ་བུ་སྣ་ཚོགས་པའི་མདོག་
ཅན། བསྐལ་པ་བཟང་པོའི་མཐར་ཐུག་པ་འདི་དག་ཐམས་ཅད་ཀྱང་གང་ལ་ཁྱད་པར་གྱི་བདག་མེད་པ་དེར་ནི་གཡོན་བརྐྱང་བའི་གནས་པས་བཞུགས་པ། ཐུགས་ཀར་ཁྲོ་བོའི་སྡིགས་མཛུབ་བསྒྲེང་བ་ལ་བརྩོན་པ། གཡས་པ་རྡོ་རྗེ་ཁུ་ཚུར་གིས་རང་གི་མཚན་མ་བསྣམས་ཏེ་
ཚམ་ངམ་གི་ཚུལ་གིས་བཞུགས་པའོ། །གཞན་ཡང་དྲག་པོ་ལ་སོགས་པ་ཕྱི་རོལ་གྱི་རྡོ་རྗེའི་རིགས་ཡང་དག་པར་བྲི་བར་བྱའོ། །དེ་ལ་དྲག་པོ་ནི་མདོག་དཀར་པོ་ལག་པ་བཞི་པ། གཡས་ཀྱི་ལག་པ་གཅིག་གིས་ཨུ་མ་ལ་འཁྱུད་པ། གཉིས་པ་རྡོ་རྗེ་རྩེ་གསུམ་པ་དང་བཅས་པས་

62-1-94b

མཆོག་སྦྱིན་པ། གཡོན་པ་གཅིག་གིས་མདུང་རྩེ་གསུམ་པ། གཉིས་ཁ་ཊྭཱཾ་ག་འཛིན་པ་ཁྱུ་མཆོག་ལ་ཞོན་པ། སྦྲུལ་གྱི་མཆོད་ཕྱིར་ཐོགས་པ་ཡོད་པ། རིན་པོ་ཆེའི་ཅོད་པན་ཟླ་བ་ཕྱེད་པས་བརྒྱན་པ། མགྲིན་པ་སྔོ་བར་བྲི་བར་བྱ་སྟེ། པ་ཤུ་པ་ཏི་ནཱི་ལ་ཀཎྵ་ཨུ་མ་བྲི་ཡ་ཞེས་སྨོས་
པའི་ཕྱིར་རོ། །ཁྱབ་འཇུག་མདོག་ནག་པོ་ལག་པ་བཞི་པ། གཡས་པ་གཉིས་ན་དབྱིག་པ་དང་རྡོ་རྗེ་ཐོགས་པ། གཡོན་གཉིས་ན་དུང་དང་འཁོར་ལོ་ཐོགས་པ། ནམ་མཁའ་ལྡིང་ལ་ཞོན་པའོ། །རྡོ་རྗེ་སེར་མོ་ནི་གསེར་གྱི་མདོག་ཅན། ལག་པ་ན་མཚོན་ཆ་དང་། སྟན་ཁྱབ་
འཇུག་དང་འདྲའོ། །རྡོ་རྗེ་དྲིལ་བུ་ནི་མདོག་དམར་པོ་གདོང་དྲུག་པ། ལག་པ་གཡས་གཉིས་ན་མདུང་ཐུང་དང་རྡོ་རྗེ་ཐོགས་པ། གཡོན་གཉིས་ན་ཁྱིམ་བྱ་དང་དྲིལ་བུ་ཐོགས་པ། རྨ་བྱ་ལ་ཞོན་པའོ། །རྡོ་རྗེ་གཞོན་ནུ་མ་ནི་རྡོ་རྗེ་དྲིལ་བུ་དཀྲོལ་བར་ཤེས་པར་བྱའོ། །ཐུབ་པའི་རྡོ་རྗེ་ནི་གསེར་
གྱི་མདོག་ཅན། གདོང་བཞི་པ་ལག་པ་བཞི་པ། གཡས་གཉིས་ན་རྡོ་རྗེ་དང་བགྲང་ཕྲེང་ཐོགས་པ། གཡོན་གཉིས་ན་དབྱུག་པ་དང་སྤྱི་བླུགས་ཐོགས་པ། ངང་པ་ལ་ཞོན་པའོ། །རྡོ་རྗེ་ཞི་བ་མ་ནི་ཚངས་པ་དང་འདྲ་བར་ཤེས་པར་བྱའོ། །རྡོ་རྗེ་མཚོན་ཆ་ནི་མདོག་སེར་བ་ལག་པ་གཡོན་ན་རང་གི་
རྡོ་རྗེ་ཐོགས་པ། གཡས་ན་འཇིག་རྟེན་ལས་འདས་པའི་རྡོ་རྗེ་ཐོགས་པ། གླང་པོ་ཆེ་དཀར་པོ་ལ་ཞོན་པ། རྡོ་རྗེ་ཁུ་ཚུར་ནི་རྡོ་རྗེ་མཚོན་ཆ་དང་འདྲ་བར་ཤེས་པར་བྱའོ། །ཁྲོ་བོ་རྡོ་རྗེ་འཁྱིལ་པ་ནི་མདོག་དམར་པོ། ལག་པ་གཡས་ཀྱིས་པདྨ་དང་བཅས་པའི་རྡོ་རྗེ་ཐོགས་པ། གཡོན་ན་
པདྨ་དང་བཅས་པའི་ཉི་མའི་དཀྱིལ་འཁོར་བསྣམས་པ། རྟས་དྲངས་པའི་ཤིང་རྟ་ལ་ཞོན་པའོ། །རྡོ་རྗེ་མི་འཆི་བ་ནི་ཁྲོ་བོ་རྡོ་རྗེ་འཁྱིལ་པ་དང་འདྲ་བ་ཉིད་དོ། །ཁྲོ་བོ་རྡོ་རྗེ་འོད་ནི་མདོག་དཀར་པོ། ལག་པ་གཡས་ན་རྡོ་རྗེ་ཐོགས་པ། གཡོན་པདྨ་དང་བཅས་པའི་ཟླ་བ་ཐོགས་པ། 
ངང་པ་ལ་ཞོན་པའོ། །རྡོ་རྗེ་མདངས་ནི་ཁྲོ་བོ་རྡོ་རྗེ་འོད་དང་འདྲ་བའོ། །ཁྲོ་བོ་རྡོ་རྗེ་དབྱིག་པ་ནི་མདོག་སྔོན་པོ། གཡས་ན་རྡོ་རྗེ་ཐོགས་པ། གཡོན་ན་དབྱིག་པ་ཐོགས་པ། རུས་སྦལ་ལ་ཞོན་པའོ། །དབྱུག་མཆོག་མ་ནི་ཁྲོ་བོ་རྡོ་རྗེ་དབྱུག་པ་དང་འདྲའོ། །ཁྲོ་བོ་རྡོ་རྗེ་སེར་སྨུག་ནི། 

62-1-95a

མདོག་དམར་པོ་ལག་པ་གཡས་ན་རྡོ་རྗེ་ཐོགས་པ། གཡོན་ན་མི་མགོ་ཐོགས་ནས་ཟ་ཞིང་གནས་པ། རྡོ་རྗེ་རྐེད་འཆིངས་མ་ནི་ཁྲོ་བོ་རྡོ་རྗེ་སེར་སྨུག་དང་འདྲའོ། །རྡོ་རྗེ་གླང་པོའི་སྣ་ནི་ཚོགས་ཀྱི་བདག་པོ་སྟེ། མདོག་དཀར་པོ་ལག་པ་གཡས་ན་རྡོ་རྗེ་ཐོགས་པ། 
གཡོན་ན་གཤོལ་ཐོགས་ཏེ་གནས་པ་གླང་པོ་ཆེ་ལ་ཞོན་པ། རྡོ་རྗེ་འཇུ་མ་ནི་གླང་སྣ་དང་འདྲ་བ་ལས་ཁྱད་པར་ནི་འདི་ཡོད་དེ། འདི་ལྟར་ལག་པ་གཡོན་ན་ཁ་ཊྭཱཾ་ག་ཐོགས་པའོ། །ཚོགས་ཀྱི་བདག་པོ་ཁྲོ་བོ་རྡོ་རྗེ་ཕྲེང་བ་ནི་མདོག་ལྗང་གུ། ལག་པ་གཡས་ན་རྡོ་རྗེ་ཐོགས་པ། གཡོན་
མེ་ཏོག་གི་ཕྲེང་བ་འཛིན་པ། ཁུ་བྱུག་ལ་ཞོན་པའོ། །རྡོ་རྗེ་ཟབ་མོ་ནི་རྡོ་རྗེ་ཕྲེང་བ་དང་འདྲ་བ་ལས། དེ་ལས་ཁྱད་པར་ནི་འདི་ཡོད་དོ། །འདི་ལྟར་ལག་པ་གཡོན་ན་མདུང་རྩེ་ཡོད་པའོ། །རྡོ་རྗེ་དབང་ནི་མདོག་སེར་པོ་ལག་པ་གཡས་ན་རྡོ་རྗེ་ཐོགས་པ། གཡོན་ན་ཆུ་སྲིན་གྱི་རྒྱལ་
མཚན་འཛིན་པ་ཕག་ལ་ཞོན་པའོ། །རྡོ་རྗེ་རྟ་མགོ་མ་ནི་རྡོ་རྗེ་དབང་དང་འདྲ་བ་ལས། ཁྱད་པར་ནི་འདི་ཡོད་དེ་འདི་ལྟར་ཁ་དོག་དམར་བ་ཡིན་ནོ། །ཚོགས་ཀྱི་བདག་པོ་ནི་རྣམ་པར་རྒྱལ་བ་ནི་མདོག་དམར་པོ། ལག་པ་གཡས་ན་རྡོ་རྗེ་ཐོགས་པ། གཡོན་ན་རལ་གྲི་ཐོགས་པ་ཙན་དུ་
ཀ་ལ་ཞོན་པའོ། །རྡོ་རྗེ་དགའ་མོ་ནི་རྣམ་པར་རྒྱལ་བ་དང་འདྲའོ། །ཕོ་ཉ་རྡོ་རྗེ་ཐོ་བ་ནི་མདོག་སེར་པོ་ལག་པ་གཡས་ན་རྡོ་རྗེ་ཐོགས་པ། གཡོན་ན་གཏུན་ཐོགས་པ། མེ་ཏོག་ཅན་གྱི་དྲི་ལ་ཞོན་པའོ། །རྡོ་རྗེ་ཕོ་ཉ་མོ་ནི་རྡོ་རྗེ་ཐོ་བ་དང་འདྲ་བ་ལས་ཁྱད་པར་ནི་འདི་ཡོད་དེ། འདི་ལྟར་ལག་པ་
གཡོན་ན་ཁ་ཊྭཱཾ་ག་ཐོགས་པའོ། །ཕོ་ཉ་མོ་རྡོ་རྗེ་རླུང་ནི་མདོག་སྔོན་པོ། ལག་པ་གཡས་ན་རྡོ་རྗེ་ཐོགས་པ། གཡོན་ན་བ་དན་ཐོགས་པ་རི་དྭགས་ལ་ཞོན་པའོ། །ཕོ་ཉ་རྡོ་རྗེ་མ་ནི་མདོག་དམར་པོ་ལག་པ་གཡས་གཉིས་ན་རྡོ་རྗེ་དང་དགང་གཟར་ཐོགས་པ། གཡོན་གཉིས་ན་དབྱུག་པ་དང་
སྤྱི་བླུགས་ཐོགས་པ། འོད་ཟེར་གྱེན་དུ་འབར་བ་འབར་བའི་རྩེ་གསུམ་པ། རྭ་སྐྱེས་ལ་ཞོན་པ། རྡོ་རྗེ་འབར་བ་མོ་ནི་ཕོ་ཉ་རྡོ་རྗེ་འབར་བ་དང་འདྲའོ། །མགྱོགས་མ་རྡོ་རྗེ་མ་ནི་ཕོ་ཉ་རྡོ་རྗེ་རླུང་དང་འདྲའོ། །ཕོ་ཉ་རྡོ་རྗེ་འཇིགས་པ་ནི་མདོག་སྔོན་པོ། ལག་པ་གཡས་ན་རྡོ་རྗེ་གཡོན་ན་དབྱིག་པ་

62-1-95b

ཐོགས་པ་མི་རོ་ལ་ཞོན་པའོ། །ཕོ་ཉ་མོ་རྡོ་རྗེ་འཁྱོར་མ་ནི་རྡོ་རྗེ་འཇིགས་པ་དང་འདྲ་བ་ལས། ཁྱད་པར་ནི་ལག་པ་གཡོན་ན་ཞགས་པ་ཐོགས་པའོ། །བྲན་མོ་རྡོ་རྗེ་ལྕགས་ཀྱུ་ནི། མདོག་སྔོན་པོ། ལག་པ་གཡས་པ་རྡོ་རྗེ་ཐོགས་པ། གཡོན་ན་ལྕགས་ཀྱུ་ཐོགས་པ་ཀླུའི་རྒྱལ་པོ་
ཤེ་ཤ་ལ་ཞོན་པའོ། །བྲན་མོ་རྡོ་རྗེ་ཁ་ནི་མདོག་སྔོན་མོ། །ཕག་གི་མགོ་ཅན་ལག་པ་གཡས་ན་རྡོ་རྗེ། གཡོན་ན་རལ་གྲི་ཐོགས་པ་མི་ལ་ཞོན་པའོ། །བྲན་མོ་རྡོ་རྗེ་དུས་ནི་མདོག་ནག་པོ་ལག་པ་གཡས་ན་རྡོ་རྗེ། གཡོན་གཤིན་རྗེའི་དབྱུག་པ་ཐོགས་པ། མ་ཧེ་ལ་ཞོན་
པའོ། །བྲན་མོ་རྡོ་རྗེ་དུས་མ་ནི་མདོག་ནག་མོ། ལག་པ་གཡས་ན་རྡོ་རྗེ་གཡོན་ན་ཁ་ཊྭཱཾ་ག་ཐོགས་པ་རོ་ལངས་ལ་ཞོན་པའོ། །བྲན་རྡོ་རྗེ་བགེགས་ཀྱི་གཙོ་བོ་ནི་མདོག་དཀར་པོ་གླང་པོའི་མདོག་ཅན། ལག་པ་གཡས་གཉིས་ན་རྡོ་རྗེ་དང་དགྲ་སྟ་ཐོགས་པ། གཡོན་གཉིས་
ན་མདུང་རྩེ་གསུམ་པ་དང་སོ་ཐོགས་པ། ལུག་ཐུག་ལ་ཞོན་པའོ། །ཕོ་ཉ་མོ་རྡུལ་མ་ནི་མདོག་སྔོན་མོ། ལག་པ་གཡས་ན་རྡོ་རྗེ་ཐོགས་པ། གཡོན་ན་སེན་མ་ཛ་ཀ་ནི་ཀ་ཐོགས་པ། བྱི་བ་ལ་ཞོན་པའོ། །བྲན་རྡོ་རྗེ་གླུ་མ་ནི་མདོག་དཀར་པོ་ལག་པ་གཡས་ན་རྡོ་རྗེ་ཐོགས་པ། གཡོན་ན་
རྡོ་རྗེ་ཞགས་པ་ཐོགས་པ། གདེངས་ཀ་བརྒྱད་ཡོད་པ། ཆུ་སྲིན་ལ་ཞོན་པའོ། །བྲན་མོ་ཆུ་སྲིན་མ་ནི་མདོག་དཀར་པོ། ལག་པ་གཡས་ན་རྡོ་རྗེ་ཐོགས་པ། གཡོན་ན་རྡོ་རྗེས་མཚན་པའི་ཆུ་སྲིན་ཐོགས་པ། ཆུ་སྲིན་ལ་ཞོན་པའོ། །འཇིགས་མ་མདོག་ལྗང་གུ་ལག་པ་གཡས་ན་རྡོ་རྗེ་
ཐོགས་པ། གཡོན་ན་རལ་གྲི་དང་ཕུབ་ཐོགས་པའོ། །དཔལ་མོ་མདོག་སེར་མོ་ལག་པ་གཡས་ན་རྡོ་རྗེ། གཡོན་ན་པདྨ་ཐོགས་པའོ། །དབྱངས་ཅན་མ་མདོག་དམར་མོ། །ལག་པ་གཡས་ན་རྡོ་རྗེ། གཡོན་ན་པི་ཝང་ཐོགས་པའོ། །དཀའ་ཐུབ་བཟློག་པ་མདོག་ལྗང་གུ། ལག་
པ་གཡས་གཉིས་ན་རྡོ་རྗེ་དང་འཁོར་ལོ་ཐོགས་པ། གཡོན་གཉིས་ན་པ་ཏི་ས་དང་རལ་གྲི་ཐོགས་པ་མ་མོ་ཐམས་ཅད་དང་། དྲག་པོ་ལ་སོགས་པ་ནས་ཆུ་ལྷའི་མཐར་ཐུག་པ་རྣམས་ཀྱི་ལག་པ་གཡས་ན་རྡོ་རྗེ་ཐོགས་པ་གང་ཡིན་པ་དེ་རྩེ་གསུམ་པ་ཡིན་པ་ཤེས་པར་བྱའོ། །འཇིག་རྟེན་

62-1-96a

དང་འཇིག་རྟེན་ལས་འདས་པའི་ལྷ་རྣམས་ནི་བཅོམ་ལྡན་འདས་རྣམ་པར་སྣང་མཛད་ལ་མངོན་སུམ་དུ་ཕྱོགས་པར་བྲིའོ། །དེ་ནས་དགོངས་ཀའི་དུས་ལ་བབས་པ་ན། རྡོ་རྗེ་ཏི་རཱིནྟི་རིའི་ཕྱག་རྒྱས་མེ་ཏོག་གི་ཕྲེང་བ་བླངས་ལ། ཡི་གེ་ཧཱུྃ་བཞི་ཟློས་ཤིང་དཀྱིལ་འཁོར་དུ་འཇུག་
པར་བྱས་ལ། དཀྱིལ་འཁོར་ཐམས་ཅད་ཀྱི་ལྷག་པ་དང་། མ་ཚང་བ་ཉེ་བར་ཞི་བའི་ཕྱིར་བལྟས་ལ། རྡོ་རྗེ་དྲིལ་བུ་དཀྲོལ་ཞིང་རྡོ་རྗེ་ཤུགས་ཀྱིས་དཀྱིལ་འཁོར་ལན་བདུན་བསྐོར་བ་བྱས་ནས་བཅོམ་ལྡན་འདས་ལ་ཕྲེང་བ་འདི་ཕུལ་ཏེ། རྡོ་རྗེའི་གར་བྱས་ལ་བླངས་ལ་ཡི་གེ་ཧཱུྃ་བཞིས་
རང་གི་མགོ་ལ་བཅིང་བར་བྱའོ། །དེ་ཡང་། རྡོ་རྗེ་དྲིལ་བུ་རབ་བསྐུལ་བས། །མཁས་པས་མ་ཚང་ཡོངས་སུ་བསྐང་། །ལྷག་པ་གང་ཡིན་འདོར་མཛད་པ། །འགྲུབ་འགྱུར་སྨད་པར་མི་བྱའོ། །ཞེས་གསུངས་པ་ཡིན་ནོ། །དེ་ནས་དབུས་སུ་འདུག་ནས་ནི། །རྡོ་རྗེ་སློབ་དཔོན་མཉམ་
གཞག་པས། །རྡོ་རྗེ་སྒོ་ནི་རྣམ་བཞི་པོ། །ཡིད་ཀྱིས་སུ་ནི་དབྱེ་བར་བྱ། །ཨོཾ་བཛྲོད་གྷ་ཊ་ཡ་ས་མ་ཡ་པྲ་བེ་ཤ་ཧཱུྃ། འདིའི་ཕྱག་རྒྱ་ནི། རྡོ་རྗེ་མཛུབ་མོ་ཡང་དག་པར། །སྦྱར་ལ་བཀན་ཏེ་བསྡམས་ནས་སུ། །རབ་ཏུ་ཁྲོས་ནས་དབྱེ་བ་ནི། །སྒོ་འབྱེད་པ་ཡི་མཆོག་ཡིན་ནོ། །དེ་ནས་
རྡོ་རྗེ་ལྕགས་ཀྱུ་ལ་སོགས་པས་བྱའོ། །དེ་ནས་རིན་པོ་ཆེ་སྣ་བདུན་ནམ། ས་ལས་བྱས་པའི་བུམ་པ་རྩ་བ་མི་གནག་པ། གསུས་པ་ཆེ་བ། མགྲིན་པ་རིང་བ། མཆུ་འཕྱང་བ། ཆུ་བཟང་པོ་དང་། རིན་པོ་ཆེ་དང་། སྨན་དང་། འབྲུ་ཐམས་ཅད་ཀྱིས་ཡོངས་སུ་དགང་ཞིང་། འབྲས་
བུ་དང་བཅས་ཤིང་ལོ་མ་དང་བཅས་པའི་ལྡུམ་བུས་ཁ་བརྒྱན་པ། མགྲིན་པ་རས་དཀར་པོས་བཅིངས་ནས་སྲུང་བ་བྱས་ལ་ཕྱི་རོལ་ཀུན་དུ་དྲི་ཞིམ་པོས་བྱུགས་ཏེ། སྟེང་དུ་རྡོ་རྗེས་མཚན་པའི་མེ་ཏོག་གི་ཕྲེང་བ་དང་། རྡོ་རྗེ་ཆེན་པོས་བྱིན་གྱིས་བརླབ་པར་བྱ་ཞིང་། ཁྲོ་བོ་ཏི་རཱིནྟི་རིས་ཡོངས་
སུ་བཟུང་བའི་རྡོ་རྗེ་དང་། མེ་ཏོག་གི་ལྕུག་མ་ལས། ཨོཾ་བཛྲོད་ཀ་ཧཱུཾ། ཞེས་བྱ་བ་འདིས་ལན་སྟོང་རྩ་བརྒྱད་བཟླས་པ་དང་། ཧཱུྃ་བཞི་པ་ལན་བརྒྱ་རྩ་བརྒྱད་མངོན་པར་བཟླས་པ་བྱས་ནས་བཅོམ་ལྡན་འདས་རྡོ་རྗེ་ཧཱུྃ་མཛད་ཀྱི་སྤྱན་སྔར་ལེགས་པར་གཞག་གོ། །བུམ་པ་གཉིས་པ་

62-1-96b

ལ་ཧཱུཾ་བཞི་ལན་བརྒྱ་རྩ་བརྒྱད་བཟླས་ནས། འཇུག་པའི་སྒོར་མངོན་པར་ཕྱོགས་པར་གཞག་གོ། །ཆུ་དེས་བདག་ཉིད་དང་སློབ་མ་དབང་བསྐུར་བར་བྱ་བའམ། འཇུག་པའི་ཕྱག་རྒྱ་བཅིང་བར་བྱའོ། །བྱི་རུ་དང་ནི་ས་ལེ་སྦྲམ། །དུང་དང་མུ་ཏིག་ནོར་བུ་དང་། །རིན་ཆེན་ཀུན་ཞེས་བྱ་བ་
ལ། །ལྔ་པོ་འདི་དག་ཤེས་པར་བྱ། །སིང་ཧ་བྱཱ་གྷྲི་ཀི་རི་ཀརྞི། ཧ་ས་ས་ཧ་དེ་བ་སྟེ། །སྨན་རྣམས་ཀུན་ཞེས་བྱ་བ་ལ། །ལྔ་པོ་འདི་དག་ཤེས་པར་བྱ། །འབྲས་ཀྱི་སོ་བ་མོན་སྲན་གྲེའུ། །ནས་དང་གྲོ་དང་ཏིལ་དག་སྟེ། །འབྲུ་རྣམས་ཀུན་ཞེས་བྱ་བ་ལ། །ལྔ་པོ་འདི་དག་ཤེས་པར་
བྱ། །དེའི་རྗེས་ལ་ཕྱག་བཞི་ལ་སོགས་པ་སྔོན་དུ་འགྲོ་བས། སྡོམ་པ་གཟུང་བར་བྱས་ནས་རས་སྔོན་པོ་ལ་རྡོ་རྗེ་གནོད་སྦྱིན་ཡོངས་སུ་བཟླས་ཏེ། སེམས་དཔའི་གཙུག་ཏོར་གྱི་གཙུག་ཏོར་བཅིང་བ་དང་། གདོང་གཡོགས་བྱས་ལ། རྡོ་རྗེ་གོ་ཆས་སྟོད་གཡོགས་དང་། གཙུག་
ཏོར་ལ་བརྩེགས་པ་བགོས་ནས། སློབ་དཔོན་ཁྲོ་བོ་ཏི་རཱིནྟི་རིས་མེ་ཏོག་གི་ཕྲེང་བ་སྔོན་པོ་བཟུང་ལ། ཨོཾ་བཛྲ་ས་མ་ཡ་པྲ་བེ་ཤ་མི་ཞེས་ཟློས་ཤིང་ཞུགས་ལ། བཅོམ་ལྡན་འདས་དབང་ཕྱུག་ཆེན་པོ་ལ་སོགས་པ་མ་རུངས་པའི་སེམས་ཅན་དག་ཀྱང་མཆིས་ཏེ། ཞེས་བྱ་བ་ལ་སོགས་
པ་དེ་བཞིན་གཤེགས་པ་ཐམས་ཅད་ལ་གསོལ་བ་གདབ་པར་བྱའོ། །དེ་ནས་རྡོ་རྗེའི་ཆུ་ཐུངས་ལ་བདག་ཉིད་ལ་དབབ་པར་བྱས་ནས། མེ་ཏོག་དེ་དཀྱིལ་འཁོར་ཆེན་པོར་དོར་ལ་རང་གི་མགོ་ལ་བཅིངས་ནས་གདོང་གཡོགས་བཀྲོལ་ཏེ། དཀྱིལ་འཁོར་ཇི་ལྟ་བ་བཞིན་དུ་བལྟས་ནས། 
ཏིཥྛ་བཛྲ་ཞེས་བྱ་བ་ལ་སོགས་པས་འཇུག་པའི་ཕྱག་རྒྱ་དགྲོལ་བར་བྱས་ལ། ཆུའི་དབང་བསྐུར་བ་དང་། སངས་རྒྱས་ལྔའི་ཅོད་པན་དང་། དར་དཔྱངས་དང་། རྡོ་རྗེ་ཕྲེང་བ་དང་། རྡོ་རྗེའི་བདག་པོ་དང་། རྡོ་རྗེ་མིང་གི་དབང་བསྐུར་བས་ཡང་བཅོམ་ལྡན་འདས་ལ་ཕྱག་བྱས་
ཏེ། བཅོམ་ལྡན་འདས་ལས་དེ་བླངས་ནས། དེ་ཁོ་ན་ཉིད་དང་། ཆོས་དང་དམ་ཚིག་དང་། རྡོ་རྗེ་བརྟུལ་ཞུགས་ཀྱང་བླངས་ནས་མེ་ཏོག་ལ་སོགས་པ་དང་། སྒེག་མོ་ལ་སོགས་པས་བདག་ཉིད་ཡང་དག་པར་མཆོད་དེ་ཚིགས་སུ་བཅད་པ་རྣམ་པ་ལྔས་རྗེས་སུ་གནང་བ་དང་། ཧཱུྃ་བཞི་པ་དང་

62-1-97a

གཟེངས་བསྟོད་པ་དང་། ལུང་བསྟན་པ་ཡང་བླངས་ལ། ཡང་བདག་ལ་བྱིན་གྱིས་བརླབ་པ་ལ་སོགས་པ་བྱས་ནས་ཇི་ལྟར་མངོན་པར་འདོད་པ་བཞིན་དུ་བཟླས་པ་བྱས་ནས་བདག་གི་ཧཱུྃ་མཛད་རྡོ་རྗེའོ་ཞེས་རང་གི་མིང་ནས་བརྗོད་པ་བྱས་ལ། རྣམ་པར་སྣང་མཛད་ཀྱི་ཕྱག་རྒྱ་
ཆེན་པོ་བཅིངས་ཏེ། དེའི་སྔགས་ཨ་ཞེས་བྱ་བའི་མཐའ་དང་བཅས་པ་རྣམ་པར་སྣང་མཛད་ཀྱི་གནས་སུ་དེ་བཞིན་གཤེགས་པའི་རྡོ་རྗེའི་བདག་ཉིད་དབབ་པར་བྱའོ། །བཛྲ་ཧཾ་ཞེས་རྡོ་རྗེའི་ང་རྒྱལ་དུ་རྣམ་པར་བསྒོམས་ལ། རྡོ་རྗེ་དེ་བཛྲ་དྷ་ཏུ་ར་ཧཾ་ཞེས་བྱ་བས་རྣམ་པར་སྣང་མཛད་དུ་བསྒོམ་པར་
བྱའོ། །དེ་བཞིན་དུ་རྡོ་རྗེ་འབེབས་པའི་བར་གྱི་ཕྱག་རྒྱ་ཆེན་པོ་བཅིངས་ལ། བྱང་ཕྱོགས་ཀྱི་སྒོར། དེའི་སྔགས་ཨ་ཞེས་བྱ་བའི་མཐའ་དང་བཅས་པས་རྡོ་རྗེ་དྲིལ་བུར་བདག་ཉིད་དབབ་པར་བྱས་ལ། བཛྲ་གྷཎྜེ་ཧོ་ཞེས་ང་རྒྱལ་བསྐྱེད་ནས། དེ་བཛྲ་ཨཱ་བེ་ཤ་ཀྲོ་དྷ་ཧཾ་ཞེས་ཁྲོ་བོ་རྡོ་རྗེ་འབེབས་པ་བསྒོམ་
པར་བྱ་སྟེ། དེ་ལྟར་ན་རྡོ་རྗེ་བསྒྲུབ་པར་འགྱུར་རོ། །རྡོ་རྗེ་སློབ་དཔོན་སེམས་དཔའ་ནི། །རྡོ་རྗེ་ལྕགས་ཀྱུ་བཅིངས་ནས་ནི། །སེ་གོལ་མང་པོ་བརྡབ་བགྱིས་ལ། །སངས་རྒྱས་ཐམས་ཅད་བསྡུ་བར་བགྱི། །ཨོཾ་བཛྲ་ས་མ་ཡ་ཛཿཛཿཧཱུཾ་བཾ་ཧོཿཞེས་ལན་ཉི་ཤུ་རྩ་གཅིག་བཟླ་བར་བྱའོ། །དེ་ནས་རྡོ་རྗེ་ཁྲོ་
བོ་ཡི། །ཕྱག་རྒྱ་ཆེན་པོ་སྒོམ་བྱེད་ཅིང་། །མཚན་བརྒྱ་རྩ་བརྒྱད་དམ་པ་ནི། །ལན་ཅིག་རབ་ཏུ་བརྗོད་པར་བགྱིའོ། །དེ་ནས་རྡོ་རྗེ་ལྕགས་ཀྱུ་ལ་སོགས་པས་རང་རང་གི་སྒོ་ནས་དགུག་པ་དང་། གཞུག་པ་དང་། བཅིང་བ་དང་། དབང་དུ་བྱས་ལ། ཧཱུྃ་བཞི་པས་མཆོད་ཡོན་ཕུལ་ལ། དཔལ་རྣམ་པར་སྣང་མཛད་ལ་སོགས་པ་
བཟླས་ནས་བསྐལ་པ་བཟང་པོའི་མཐར་ཐུག་པའི་བར་དུ་དམ་ཚིག་གི་ཕྱག་རྒྱ་བསྒྲུབ་པར་བྱ་སྟེ། རང་གི་སྔགས་བརྗོད་ལ། དྲྀ་ཤྱ་ཛཿཧཱུྃ་བཾ་ཧོཿ ས་མ་ཡ་སྟྭཾ། ཨཱ་ཧ་ཞེས་བརྗོད་དོ། །དེ་ནས་རང་གི་སྔགས་དང་སྙིང་པོ་བརྗོད་པར་བྱ་སྟེ། དེ་ལྟར་ན་འགྲུབ་པར་འགྱུར་རོ། །དེ་ནས་
དམ་ཚི་གི་ཕྱག་རྒྱ་རྣམས་བཤད་དེ། རྡོ་རྗེ་གཉིས་ལས་བྱུང་བ་ནི། །དམ་ཚིག་མཆོག་ཏུ་གྲགས་པ་ཡིན། །དེ་དག་བཅིང་བ་བཤད་བྱ་བ། །ཁྲོ་བོ་བཅིང་བ་བླ་ན་མེད། །ལག་ངར་རྡོ་རྗེར་བྱས་ནས་སུ། །མཐེའུ་ཆུང་ལྕགས་ཀྱུར་བཅིང་བར་བྱ། །མཛུབ་མོ་གཉིས་ཀྱིས་བསྡིགས་པ་ནི། །འཇིག་

62-1-97b

རྟེན་གསུམ་ལས་རྒྱལ་ཞེས་བྱ། །དེ་བཞིན་མཛུབ་མོ་ངོས་སྦྱར་ཏེ། །ནོར་བུ་འདྲ་བར་རབ་ཏུ་དགུག །གུང་མོ་མཉམ་བསྒྲེང་པདྨར་བྱ། །གུང་མོ་མཛུབ་མོ་གཉིས་ཀས་བསྡིགས། །མཛུབ་མོ་གཉིས་ཀ་རྡོ་རྗེར་བྱ། །གཡས་པ་ལྕགས་ཀྱུ་དགུག་པར་བྱ། །དེ་ཉིད་ཧཱུྃ་ཞེས་བྱ་བར་
འདུད། །ལེགས་པ་སྦྱིན་པ་དེ་བཞིན་ཏེ། །མཛུབ་གཉིས་དཔྲལ་བའི་གཉེར་མར་གཞག །སྙིང་གར་མཛུབ་མོས་ཉི་མར་བསྐོར། །ལག་པ་བརྐྱང་སྟེ་སྤྱི་བོར་གཞག །མཛུབ་མོ་ཁ་ནས་དགོད་ལྟར་བྱས། །མཛུབ་མོའི་སེན་མོ་སྦྱར་བར་བྱ། །གཡས་པས་རལ་གྲི་བཅིངས་པའོ། །གུང་
མཛུབ་མཉམ་བསྒྲེང་འཁོར་ལོ་ཡི། །ཁ་ཡི་ནང་ནས་དབྱུང་བ་དང་། །མཛུབ་མོ་གུང་མོར་རྡོ་རྗེར་བྱ། །མཛུབ་མོ་ཡིས་ནི་མགུལ་པར་བསྐོར། །མཛུབ་མོ་གཉིས་ནི་མཆེ་བ་ཆེ། །མཛུབ་མོ་གཉིས་ནི་རྡོ་རྗེར་བཅིངས། །སྒེག་མོ་ལ་སོགས་པའི་ནི་རྡོ་རྗེ་དབྱིངས་ལ་སོགས་པ་ཉིད་ལ་ཧཱུྃ་ཞེས་བྱ་
བས་རྡོ་རྗེ་བསྡམས་པ་དེ་ཇི་ལྟ་བ་བཞིན་དུ་བཅིངས་སོ། །སྙིང་གར་མཐེ་བོ་བསྙམས་ལ་གཞག །རབ་ཏུ་བརྐྱང་བ་ཕྲེང་བའོ། །ཐལ་མོ་སྦྱར་ཏེ་ཁ་ནས་བྱུང་། །གར་ལས་ཐལ་སྦྱར་སྤྱི་བོར་གཞག །རྡོ་རྗེ་བཅིངས་པ་ཐུར་དུ་བླུགས། །རང་གི་ཐལ་སྦྱར་གྱེན་དུ་གཏོར། །མཐེ་བོང་མཉམ་
སྟེ་རབ་ཏུ་བསྡམས། །རབ་ཏུ་བརྐྱང་སྟེ་བྱུག་པའོ། །མཛུབ་མོ་གཅིག་པོ་དགུག་པའོ། །མཐེ་བོ་གཉིས་ནི་མདུད་པ་དོར། །མཐེ་བོ་མཛུབ་མོ་གདུ་བུར་བཅིང་། །རྡོ་རྗེ་ཁུ་ཚུར་མཛུབ་མོ་བསྡམས། །ཐུགས་ཀར་ཡི་གེ་ཧཱུྃ་ལས་རྡོ་རྗེ་རྩེ་ལྔ་པ་རྣམ་པར་བསམས་ལ། ཡི་གེ་ཧཱུྃ་ཉིད་
ཟློས་ཤིང་ཕྱག་རྒྱ་ཐམས་ཅད་བཅིང་བར་བྱའོ། །དེ་ནས་ཕྱག་རྒྱའི་ངེས་པ་བཤད་དེ། རྡོ་རྗེ་ཧཱུྃ་མཛད་ཀྱི་ཕྱག་རྒྱ་དང་། རྣམ་པར་སྣང་མཛད་དང་། རྡོ་རྗེ་ཧཱུྃ་མཛད་དང་། རིན་ཆེན་ཧཱུྃ་མཛད་དང་། ཆོས་ཀྱི་ཧཱུྃ་མཛད་དང་། ལས་ཀྱི་ཧཱུྃ་མཛད་ཀྱི་གནས་ཉིད་དོ། །དེ་ནས་རིན་ཆེན་ཧཱུྃ་མཛད་
ལ་སོགས་པའི་སྔགས་བཤད་དེ། ཨོཾ་བཛྲ་བྷྲྀ་ཀུ་ཊི་ཀྲོ་དྷ་ན་ཡ་སརྦ་རཏྣ་མ་ཧྲཱིཿཕཊ། ཨོཾ་བཛྲ་དྲྀཥྚཱི་ཀྲོ་དྷ་དྲི་ཤུ་མཱ་ར་ཡ་ཧཱུྃ་ཕཊ། ཨོཾ་བཛྲ་བི་ཤྭ་ཀྲོ་དྷ་ཀུ་རུ་སརྦ་བི་ཤྭ་རཱུ་པ་ཏྲ་ཡ་ས་ད་ཡ་ཧཱུྃ་ཕཊ། འདིའི་ཕྱག་རྒྱ་ནི་སེམས་མ་རྡོ་རྗེ་མ་ནས་བརྩམས་ཏེ་བལྟ་བར་བྱའོ། །དེ་ཡང་། རིག་པ་དམ་པ་ཐམས་

62-1-98a

ཅད་ཀྱི། །འཇིག་རྟེན་གསུམ་ལས་རྒྱལ་ཞེས་བཤད། །ཅེས་བཤད་པ་ཡིན་ནོ། །རྡོ་རྗེ་དེ་དང་ཧཱུྃ་མཛད་ཀྱིས་ཕྱག་རྒྱའི་ཚོགས་བསྡུས་པ་ནི། འདིར་བཅོམ་ལྡན་འདས་རྡོ་རྗེ་ཧཱུྃ་མཛད་ཡིན་པར་བཤད་ཀྱི། རྡོ་རྗེ་ཧཱུྃ་མཛད་གཞན་དུ་གྱུར་པ་ནི་མི་རིགས་ཏེ། རྒྱུད་
ཐམས་ཅད་ལས་ཁམས་གསུམ་རྣམ་པར་རྒྱལ་བ་ཉིད་རྡོ་རྗེ་ཧཱུྃ་མཛད་ཡིན་པར་བསྟན་ཏོ། །དེའི་རྗེས་ལ་དེ་བཞིན་དུ་ལྗགས་ལ་རྡོ་རྗེ་བཀོད་དེ། གོ་རིམས་ཇི་ལྟ་བ་བཞིན་དུ་སངས་རྒྱས་དང་རྡོ་རྗེ་འཛིན་པ་ལ་སོགས་པའི་ཆོས་ཀྱི་ཡི་གེ་དགོད་པར་བྱའོ། །དེ་ནི་འདི་ཡིན་ཏེ། ཧཱུྃ་ནི་རྡོ་རྗེ་སེམས་དཔའ་
འོ། །ཏྲཱཾ་ནི་རིན་ཆེན་སེམས་མའི་འོ། །ཧྲཱིཿནི་ཆོས་ཀྱི་སེམས་མའི་འོ། །ཨ་ནི་ལས་ཀྱི་སེམས་མའི་འོ། །ཧཱུྃ་བཛྲ་སཏྭ་བཛྲི། ཏྲཱཾ་རཏྣ་བཛྲི་ཧྲཱིཿ། དྷརྨཱ་བཛྲི། ཨ་ཀརྨ་བཛྲི་ཧཱུྃ་ཧེ་ཏྲཾ་ཏཾ། ཧི་ཧི་དེ་ཧ་དྷིཀ །དྷི་ཧཱུྃ། གྲཾ་ཀྲི། བཾ་དྲི་ཨཿཞེས་བྱ་བ་ནི་རྡོ་རྗེ་སེམས་དཔའ་ལ་སོགས་པའི་འོ། །མ་ཧཱ་ར་ཧེ་ཧཱུྃ། རཱུ་པ་ཤྭོ་
བྷེ་ཧཱུྃ། ཤྲོ་ཏྲ་སཽ་ཁྱེ་ཧཱུྃ། སརྦ་པཱུ་ཛེ་ཧཱུྃ། པྲ་ཧླ་ད་ནི་ཧཱུྃ། ཕ་ལ་ག་མེ་ཧཱུྃ། སུ་ཏི་ཛཱ་ཏྲི་ཧཱུྃ། སུ་གནྡྷ་ཀི་ཧཱུྃ། ཨ་ཡ་ཧི་ཛ་ཧཱུྃ། ཨ་ཧི་ཧཱུྃ་ཧཱུྃ་ཧཱུྃ་ཧེ་སྥོ་ཊ་བཾ་ཧཱུྃ། གྷཎྜ་ཨ་ཨ་ཧཱུྃ་ཞེས་བྱ་བ་ནི་རྡོ་རྗེ་སྒེག་མོ་ལ་སོགས་པ་ནས། རྡོ་རྗེ་འབེབས་པའི་བར་གྱི་ཡིན་ནོ། །དེའི་རྗེས་ལ་ཡི་གེ་ཨ་ལས་ཐུགས་ཀར་སྣ་ཚོགས་
རྡོ་རྗེ་བསྐྱེད་ལ་ལས་ཀྱི་ཕྱག་རྒྱ་བཅིང་བར་བྱའོ། །དེ་ནི་འདི་ཡིན་ཏེ། ཁྲོ་བོའི་ཁུ་ཚུར་གཉིས་བྱས་ལ། །གཡོན་པའི་རྡོ་རྗེ་མཛུབ་མོ་ནི། །གཡས་པའི་ནང་དུ་བསྒྲེང་བར་བྱ། །བྱང་ཆུབ་མཆོག་གི་ཕྱག་རྒྱ་འདི། །སངས་རྒྱས་བྱང་ཆུབ་སྦྱིན་བྱེད་པའོ། །བསྒྱིང་བཅས་བསོར་བས་གཉིས་ཀ་
ཡིས། །ཞེས་པ་ནི་རིན་ཆེན་ཧཱུྃ་མཛད་དང་། རྡོ་རྗེ་སེམས་དཔའ་དང་། སེམས་མ་རྡོ་རྗེ་མའིའོ། །ལྕགས་ཀྱུ་འཛིན་ལྟར་གནས་པ་དང་། །མདའ་འཕང་བ་ཡི་ཚུལ་དང་ནི། །ལེགས་སོ་ཞེས་པ་སྙིང་གར་བཤད། །དབང་བསྐུར་བ་ནི་རྡོ་རྗེ་གཉིས། །ཞེས་བྱ་བ་ནི་རིན་ཆེན་ཧཱུྃ་མཛད་དང་། 
ཁྲོ་བོ་རྡོ་རྗེ་ཁྲོ་གཉེར་ཅན་དང་། རིན་ཆེན་སེམས་མའིའོ། །སྙིང་གར་ཉི་མ་བརྟན་པར་བྱ། །གཡོན་པ་ལ་ནི་གྲུ་མོ་གཟུགས། །དེ་བཞིན་ཁ་ཕྱོགས་བསྐོར་བར་བྱ། །གཡས་པ་ཡི་ནི་གཡོན་པ་དབྱེ། །ཞེས་བྱ་བ་ནི་ཆོས་ཀྱི་ཧཱུྃ་མཛད་དང་། རྡོ་རྗེ་ཆོས་དང་། ཆོས་ཀྱི་སེམས་མའོ། །

62-1-98b

སྙིང་གར་གཡོན་པ་རལ་གྲི་མདུང་། །མགལ་མེའི་འཁོར་ལོ་བསྐོར་བ་དང་། །རྡོ་རྗེ་གཉིས་ཀ་ཁ་ནས་དབྱུང་། །རྡོ་རྗེ་གར་བསྐོར་དགྲོལ་བ་ཡིས། །ཐལ་མོ་འགྲམ་པ་སྤྱི་བོར་གཞག །ཅེས་བྱ་བ་ནི་ལས་ཀྱི་ཧཱུྃ་མཛད་དང་། རྡོ་རྗེ་ལས་དང་། ལས་ཀྱི་སེམས་མའོ། །གོ་ཆ་མཐེ་
ཆུང་མཆེ་བ་མཆོག །ཁུ་ཚུར་གཉིས་ནི་མནན་པའོ། །རྡོ་རྗེ་བསྒྱིངས་པའི་ཚུལ་གྱིས་སུ། །བསམ་པ་གཡོས་པས་སྡུད་པར་བྱའོ། །ཕྲེང་བ་བཅིངས་པ་ཁ་ནས་དབྱུང་། །གར་ལས་ཐལ་སྦྱར་སྤྱི་བོར་བཞག །ཐུར་དུ་བླུགས་དང་གྱེན་དུ་གཏོར། །མཐེ་བོང་མཉམ་
སྟེ་རབ་ཏུ་བསྡམས། །རབ་ཏུ་བརྐྱང་ནས་བྱུག་པ་ནི། །མཆོད་པའི་ཕྱག་རྒྱ་རབ་ཏུ་བསྟན། །མཛུབ་མོ་ལྕགས་ཀྱུ་བཅིང་བ་ནི། །མཐེ་ཆུང་ལས་ཏེ་ལྕགས་ཀྱུ་ཆེ། །མཆོད་པའི་མདུད་པ་མཛུབ་གཉིས་གདུབ། །རྒྱབ་གཉིས་ཀྱང་ནི་མཉམ་སྟེ་མནན། །སྒོ་སྲུང་གི་ནི་ཕྱག་རྒྱ་
ཀུན། །ལས་ཀྱི་ཕྱག་རྒྱ་གར་ལས་བྱུང་། །དེ་ནས་རྣམ་པར་སྣང་མཛད་ལ་སོགས་པའི་ཕྱག་རྒྱ་ཆེན་པོ་ནི་ཇི་ལྟར་བྲིས་པའི་རྗེས་སུ་འབྲངས་ཏེ་བཅིང་བར་བྱའོ། །དེ་ནས་རྡོ་རྗེ་སེམས་དཔའ་དང་། རིན་ཆེན་དང་། ཆོས་དང་། ལས་ཀྱི་ཁྲོ་བོ་རྣམས་ཀྱི་ཕྱག་རྒྱ་ཆེན་པོ་གང་ཡིན་པ་དེ་ནི་
སེམས་མ་རྡོ་རྗེ་དང་། རིན་ཆེན་མ་དང་། ཆོས་མ་དང་། རྡོ་རྗེ་ལས་མ་ཡང་ཡིན་པ་ལས་འདི་རྣམས་ནི་རྡོ་རྗེའི་ནང་དུ་ཆུད་པའི་ལྷ་མོའི་གཟུགས་འཛིན་མ་ཡིན། བདག་ཉིད་ཆེན་པོ་གང་གང་གིས། །ཕྱག་རྒྱ་གང་དང་གང་བཅིངས་པ། །བཟླས་པའི་སྙིང་པོའི་དོན་དུ་ནི། །དེར་
ནི་བདག་ཉིད་བསྒོམ་པར་བྱ། །ཞེས་བྱ་བའི་ཕྱག་རྒྱ་ཐམས་ཅད་ཀྱི་དམ་ཚིག་གོ། །གཡོན་པའི་དེ་བཞིན་གཤེགས་པའི་ཁུ་ཚུར་བཀན་ལ། ལག་པ་གཡས་པའི་མཛུབ་མོ་དང་། མཐེ་བོ་གཉིས་ཀྱི་མཐེའུ་ཆུང་ནས་བརྩམས་ཏེ། ཕྱེ་ནས་ཐལ་མོ་ཁང་སྟོང་དུ་བྱ་བ་འདི་ནི་
བྱམས་པ་ལ་སོགས་པའི་དམ་ཚིག་གི་ཕྱག་རྒྱ་སྟེ། འདི་རྣམས་ཀྱི་རིག་པ་ཡང་སྔར་བཤད་པ་ཡིན་ནོ། །རིག་པ་དེ་ཉིད་དེ་རྣམས་ཀྱི་ལྗགས་ལ་བཀོད་པ་འདི་ནི་དེ་རྣམས་ཀྱི་ཆོས་ཀྱི་ཕྱག་རྒྱའོ། །ཡི་གེ་ཨ་ལས་རང་གི་སྙིང་གར་སྣ་ཚོགས་རྡོ་རྗེ་བསྐྱེད་ལ་བྲིས་པ་དང་། རྗེས་སུ་མཐུན་

62-1-99a

པར་དེ་རྣམས་ཀྱི་ཕྱག་རྒྱ་ཆེན་པོ་བཅིང་བ་ནི་ལས་ཀྱི་ཕྱག་རྒྱར་འགྱུར་རོ། །རང་གི་སྙིང་གར་རྡོ་རྗེ་རྩེ་ལྔ་པ་བསམས་ལ་བྲིས་པ་དང་རྗེས་སུ་མཐུན་པ་ཁོ་ནར་དེ་རྣམས་ཀྱི་ཕྱག་རྒྱ་ཆེན་པོ་བཅིང་བར་བྱའོ། །རིག་པ་དེ་ཉིད་ཀྱང་སྤྱི་ཡིན་ནོ། །མཐེ་བོས་
མཐེའུ་ཆུང་བཅིངས་ནས་ནི། །གཡོན་པ་སོར་མོ་དབུས་མ་གསུམ། །རྩེ་གསུམ་པ་ཡི་དབུས་མ་རྩེ། །རྡོ་རྗེ་ཕྱག་རྒྱར་བཟུང་བ་སྟེ། །རྡོ་རྗེ་རིག་པ་དམ་པ་སྟེ། །རྡོ་རྗེ་མཐུ་ཞེས་བྱ་བའོ། །དེ་ནས་རབ་ཏུ་བཤད་པ་ནི། །རྡོ་རྗེ་སྒྱུ་མ་ལ་སོགས་བཏགས། །རྡོ་རྗེ་བཅིང་བ་དམ་བཅས་
ཏེ། །གཡོན་པ་རྡོ་རྗེ་བཅིང་བར་བྱ། །རྡོ་རྗེ་ཁུ་ཚུར་ཞེས་བཤད་དེ། །རྡོ་རྗེ་རིགས་ནི་ཀུན་གྱི་འདིའོ། །རྡོ་རྗེ་དེ་ནི་གཉིས་བྱས་ཏེ། །མཚན་མ་ཀུན་ནི་ངེས་གཞག་གོ། །རྡོ་རྗེ་རིགས་ནི་ཐམས་ཅད་ཀྱི། །ཕྱག་རྒྱ་རྣམས་ཀྱང་འབྱུང་བ་དེ། །མདུན་དུ་བརྐྱང་སྟེ་བཞག་པ་དང་། །
མཛུབ་མོ་མཐེབ་བསྟན་བཅས་པ་དང་། །ཨོཾ་ཞེས་བྱ་བ་སྤྱི་བོར་སྦྱར། །རྡོ་རྗེ་སྟེང་དུ་བཞག་པའོ། །རིག་པའི་རྒྱལ་པོའི་ཕྱག་རྒྱ་ཆེན་པོའི་ཚོགས་རྣམས་སོ། །རབ་ཏུ་བརྐྱང་ནས་ལག་གནས་པ། །ལག་པའི་རྒྱབ་ཏུ་དེ་བཞིན་ཏེ། །ཁུ་ཚུར་བརྐྱང་ལ་ལག་ངར་བསྐུམ། །ཁ་
ཕྱོགས་སུ་ནི་བསྐོར་བར་བྱ། །རྡོ་རྗེ་ཁྲོ་བོའི་ཕྱག་རྒྱའི་ཚོགས་སོ། །གཡོན་པའི་མཐེ་བོའི་སྟེང་དུ་གཞག །ཕྲེང་བ་བཅིངས་པའི་ཐབས་སུ་སྦྱར། །ནོར་སྦྱིན་པར་ནི་གཡས་པ་སྟེ། །རལ་གྲི་ཕྱག་རྒྱ་ཁུ་ཚུར་གཅིག །ཚོགས་ཀྱི་བདག་པོ་ཆེན་པོའི་ཕྱག་རྒྱའི་ཚོགས་སོ། །གཡས་
པ་མདུན་དུ་མདུང་རིང་འཛིན། །ལག་པ་བརྐྱང་པའང་དེ་བཞིན་ཏེ། །གཡས་པ་འོད་ནི་འབར་བ་བསྟན། །རྡོ་རྗེ་ཁུ་ཚུར་བསྐྱོད་པའོ། །ཕོ་ཉའི་ཕྱག་རྒྱ་ཆེན་པོའི་ཚོགས་སོ། །བསྒྱིངས་བཅས་མཛུབ་མོ་ཁར་མཆེ་བ། །དབྱུག་པ་བསྣུན་ཅིང་མནན་པ་དང་། །དཔུང་པ་
བསྐུམ་ཞིང་བཅར་བ་དང་། །གཡས་པ་གཡོན་གྱི་འདྲེན་པའོ། །བྲན་གྱི་ཕྱག་རྒྱ་ཆེན་པོའི་ཚོགས་སོ། །དེ་ནས་ཨུ་མ་ལ་སོགས་པའི་མ་མོ་རྣམས་ཀྱི་ཕྱག་རྒྱ་བཤད་པར་བྱ་སྟེ། གཡོན་པ་རྡོ་རྗེ་མཛུབ་བཅིངས་པས། །རྩེ་གསུམ་མཚན་མ་མནན་པར་བྱ། །འདི་

62-1-99b

བཅིངས་པས་ནི་ཡང་དག་པར། །རིག་པ་དམ་པ་རང་འགྲུབ་འགྱུར། །རྡོ་རྗེ་རིགས་ནི་ཐམས་ཅད་ཀྱི། །གཡོན་པ་རྡོ་རྗེ་གཙོ་བོར་འདུས། །དམ་ཚིག་གོ་ན་ཇི་བཞིན་པར། །ཕྱག་རྒྱ་བཅིང་བར་བཤད་པར་བྱ། །ཐམས་ཅད་འཁོར་ལོ་སོར་རྩེ་གསུམ། །དྲིལ་བུའི་ཕྱག་རྒྱ་དེ་བཞིན་
ནོ། །དེ་བཞིན་ཨོཾ་གྱི་ཕྱག་རྒྱ་དང་། །སེང་གེའི་རྣམ་པར་ཡོངས་སུ་བཟུང་། །རིག་པའི་རྒྱལ་པོའི་ཕྱག་རྒྱ་རྣམས་སོ། །འབར་བ་ཀུན་དུ་འཛིན་པ་དང་། །འདི་ནི་ཡང་དག་འདུས་པ་ཉིད། །དབྱིག་པའི་ཁུ་ཚུར་འཛིན་པ་དང་། །ཁ་འགྲམ་ཕྱག་རྒྱ་བསྐོར་བའོ། །ཁྲོ་བོའི་
དམ་ཚིག་རྣམས་སོ། །བཏུད་པའི་ཕྱག་རྒྱ་དང་ཕྲད་པ། །རྡོ་རྗེས་མནན་ནས་བཏུད་པ་སྟེ། །སྤྱི་བོར་གཞག་པ་ཚོགས་ཀྱི་སྟེ། །དཀྱིལ་འཁོར་གྱི་ནི་བསྲུང་བའོ། །ཚོགས་རྣམས་ཀྱི་ནི་དམ་ཚིག་གོ། །ལག་པ་བསྐུམ་པ་ཁར་བཞག་སྟེ། །རྒྱབ་ཏུ་ཡང་ནི་བསྐོར་བར་བྱ། །
འབར་དང་མེ་སྟག་སྟོང་པ་སྟེ། །དེ་ནས་ཁར་ཡང་གནས་པར་བྱ། །ཕོ་ཉ་མོའི་དམ་ཚིག་རྣམས་སོ། །མཐའ་མ་གཉིས་ནི་ཁར་བཅུག་དང་། །གཅོད་ཅིང་རབ་ཏུ་གནོན་པའོ། །དཔུང་པ་བསྣོལ་བས་བསྣོལ་བ་དང་། །མྱུར་དུ་ཕྱོགས་པའང་དེ་བཞིན་ནོ། །བྲན་མོ་རྣམས་ཀྱི་
དམ་ཚིག་གོ། །དེ་ནས་ལྷ་ཆེན་པོ་ལ་སོགས་པའི་ལྕེ་ལ་དེའི་སྔགས་དགོད་པ་འདི་ནི་དེ་རྣམས་ཀྱི་ཆོས་ཀྱི་ཕྱག་རྒྱའོ། །ཡི་གེ་ཨ་ལས་རང་གི་སྙིང་གར་སྣ་ཚོགས་རྡོ་རྗེ་དེ་བཞིན་དུ་བསྐྱེད་ལ། དེ་རྣམས་ཀྱི་ཕྱག་རྒྱ་ཆེན་པོ་བཅིང་བ་ནི། ལས་ཀྱི་ཕྱག་རྒྱར་འགྱུར་རོ། །རང་གི་སྙིང་གར་
རྡོ་རྗེ་རྩེ་ལྔ་པ་བསྒོམས་ལ། ཕྱག་རྒྱ་ཆེན་པོ་བྲིས་པ་དང་རྗེས་སུ་མཐུན་པར་བྱའོ། །དེ་ནས་བཅོམ་ལྡན་འདས་རྣམ་པར་སྣང་མཛད་དང་། བསྐལ་པ་བཟང་པོ་རྣམས་དང་། ཕྱི་རོལ་གྱི་རྡོ་རྗེའི་རིགས་རྣམས་ནི་རྡོ་རྗེ་རིན་ཆེན་གྱི་དབང་བསྐུར་བས་དབང་བསྐུར་བར་བྱའོ། །དཔལ་ཧཱུྃ་མཛད་
ལ་སོགས་པ་ནི་སངས་རྒྱས་ལྔའི་ཅོད་པན་དང་། རྡོ་རྗེ་ཕྲེང་བ་དང་། དར་དཔྱངས་ཀྱི་དབང་བསྐུར་བས་དབང་བསྐུར་བར་བྱའོ། །དེ་ནས་མཆོད་ཡོན་ཕུལ་ལ་མཆོད་པ་བྱ་སྟེ། དེ་ལ་རེ་ཞིག་རིན་པོ་ཆེ་ལ་སོགས་པའི་རྒྱུ་ལས་བྱས་པའི་བུམ་པ་སྔར་བཤད་པའི་མཚན་ཉིད་དང་ལྡན་པ། 

62-1-100a

རྡོ་རྗེ་ལ་སོགས་པ་རང་རང་གི་མཚན་མ་ཅན་ལ་རྣམ་པར་སྣང་མཛད་ལ་སོགས་པའི་རང་གི་སྔགས་བརྒྱ་རྩ་བརྒྱད་བཟླས་པ་དང་བུམ་པ་གང་བ་རྣམས་ཕྱིའི་དཀྱིལ་འཁོར་གྱི་ཕྱི་རོལ་དུ་དབུལ་བར་བྱའོ། །རས་ཟུང་འབུམ་མམ། ཁྲི་འམ། བརྒྱ་འམ། སྟོང་ངམ། རེ་རེ་ཞིང་
ངམ། ཐམས་ཅད་ལ་སྤྱིར་ཟུང་གཅིག་དབུལ་བའམ། བླ་རེ་རྣམ་པ་སྣ་ཚོགས་པ་དང་། གྲྭ་བཞིར་བ་དན་སྣ་ཚོགས་བཏགས་པ་དང་། གདུགས་དང་། རྒྱལ་མཚན་དང་། བ་དན་རྣམས་ཀྱང་ཨོཾ་དང་རྡོ་རྗེ་ཧཱུྃ་མཛད་ཡོངས་སུ་བཟླས་ཤིང་བཛྲ་སྥ་ར་ཎ་ཁཾ་ཞེས་བྱ་བ་འདིས་ལྷ་ཐམས་
ཅད་ལ་དབུལ་བར་བྱའོ། །མེ་ཏོག་གི་ཤིང་བརྒྱའམ། སྟོང་ངམ། བཞིའམ། ཤིང་དང་མེ་ཏོག་ཐམས་ཅད་ཀྱང་རྡོ་རྗེ་མེའི་ཕྱག་རྒྱ་དང་བཅས་པ་དང་། ཨོཾ་བཛྲ་པུཥྤེ་ཧཱུྃ་ཞེས་བྱ་བ་མེ་ཏོག་གི་ཕྱག་རྒྱ་དང་བཅས་པས་མེ་ཏོག་ལ་མངོན་པར་བཟླས་པ་དང་། བྱུག་པ་ནི་དྲི་ཞིམ་ཞིང་
དྲི་བཟང་པོས་བསྒོས་པའི་དྲི་བཟང་པོ་ཐམས་ཅད་ལ་དབུལ་བར་བྱའོ། །རྡོ་རྗེ་མེ་དང་། ཨོཾ་བཛྲ་གནྡྷེ་ཞེས་བྱ་བ་འདིའི་ཕྱག་རྒྱ་དང་བཅས་པ་དང་། ག་བུར་དང་། ཨ་ག་རུ་དང་། ཏུ་རུ་སྐ་དང་། ཙནྡན་ལ་སོགས་པ་ལེགས་པར་སྦྱར་བ་ལ། རྡོ་རྗེ་མེ་དང་། ཨོཾ་བཛྲ་དྷཱུ་པེ་ཧཱུྃ་ཞེས་བྱ་བ་
འདིས་བདུག་སྤོས་ཀྱི་ཕྱག་རྒྱ་དང་ལྡན་པས། སྤོས་སྣོད་འབུམ་མམ། ཁྲིའམ། སྟོང་ངམ། བརྒྱ་འམ། ཅི་འབྱོར་པ་རྣམས་དང་། མར་མེ་འབུམ་མམ། ཁྲིའམ་སྟོང་ངམ། བརྒྱའམ། དེ་བཞིན་དུ་མར་མེའི་སྣོད་ཆེན་པོ་སྡོང་བུ་འབར་བ་དང་བཅས་པ་སྟོང་ངམ། བརྒྱའམ། 
བཅུ་འམ་གཅིག་ལ་རྡོ་རྗེ་མེ་དང་ཨོཾ་བཛྲ་ཨཱ་ལོ་ཀེ། ཞེས་བྱ་བ་འདི་མར་མེའི་ཕྱག་རྒྱ་དང་ལྡན་པས་ཡོངས་སུ་བཟླས་ལ། བཛྲ་སྥ་ར་ཎ་ཁཾ་ཞེས་ཟློས་ཤིང་དབུལ་བར་བྱའོ། །སྭེ་བྷི་ཀ་ལ་སོགས་པ་ལྷ་བཤོས་ཀྱི་ཞལ་ཟས་འབུམ་མམ། ཁྲིའམ་སྟོང་ངམ། བརྒྱའམ། གྲངས་བཅུ་སྙེད་
དང་། བཟའ་བ་དང་། བཅའ་བ་རྣམ་པ་སྣ་ཚོགས་པ་ལ་དེ་བཞིན་དུ་རྡོ་རྗེ་མེ་ཡོངས་སུ་བཟླས་ལ། ཨ་ཀཱ་རོ་མུ་ཁཾ་སརྦ་དྷརྨཱ་ཎཱཾ་ཨཱདྱ་ནུཏྤན་ཏྭཱཏ་ཅེས་ཟློས་ཤིང་དབུལ་བར་བྱའོ། །རོལ་མོའི་ཆ་བྱད་བཅུ་པོའམ། སྟོང་ཕྲག་བརྒྱ་འམ་སྟོང་ངམ། རོལ་མོའི་ཆ་བྱད་བཅུ་པོ་ཧཱུྃ་ཞེས་བྱ་བ་

62-1-100b

དང་། རོལ་མོའི་ཕྱག་རྒྱ་རྡོ་རྗེ་ཁུ་ཚུར་གཉིས་ཀྱི་སོར་མོ་རྣམས་ཀྱིས་དེའི་ཚུལ་དུ་བྱེད་པས་དབུལ་བར་བྱའོ། །རོལ་མོའི་ཆ་བྱད་བཅུ་པོ་ནི་པི་ཝང་གླིང་བུ་དང་། མུ་ར་ཛ་དང་། མུ་ཀུན་ད་དང་། ཀ་ན་སམ་དང་། མ་རཱི་དང་། མྲྀ་ཏང་ག་དང་། པ་ཊ་ཧ་དང་། ཀུཉྫ་དང་། ཏི་མི་ལི་བརྡུང་བའི་
ཚུལ་དུ་བྱེད་པའོ། །ཕྱི་རོལ་དུ་གར་དང་རོལ་མོ་བྱ་བ་དང་། ཅོད་པན་དང་གདུ་བུ་དང་། རྣ་རྒྱན་ལ་སོགས་པའི་མཆོད་པ་རྣམས་ཀྱང་། ཨོཾ་ཞེས་བྱ་བ་མངོན་པར་བཟླས་ཏེ་དབུལ་བར་བྱའོ། །དེ་བཞིན་དུ་དར་དཔྱངས་པར་བྱ་བ་དང་། མེ་ཏོག་ཆུན་འཕྱང་གི་རྣམ་པར་
བརྒྱན་པ་དང་། དྲ་བ་དང་དྲ་བ་ཕྱེད་པ་དང་ཟླ་བ་ཕྱེད་པས་ཉེ་བར་མཛེས་པར་བྱས་པ་དང་། རྟ་དང་གླང་པོ་ཆེ་དང་། བ་ལང་གི་ཁྱུ་ཤིན་ཏུ་བཏགས་པ་རྣམས་ཀྱང་དབུལ་བར་བྱའོ། །རྟ་བབས་ཡིད་དུ་འོང་བ་དྲིལ་བུ་ལ་སོགས་པ་བཏགས་པ་ཡང་བཛྲ་སྥ་ར་ཎ་ཁཾ་ཞེས་བྱ་བ་འདིས་འབུལ་
ལོ། །ཨོཾ་བཛྲ་སཏྭ་སུ་སཾ་གྲ་ཧ་ཏ། བཛྲ་རཏྣ་མ་ནུཏྟ་རཾ། བཛྲ་དྷརྨ་ག་ཡ་ནེ། བཛྲ་ཀརྨ་ཀ་རོདྦྷ་བེ། ཞེས་ཟློས་ཤིང་གར་བྱས་ལ། རྡོ་རྗེ་སྒེག་མོ་ལ་སོགས་པ་མཆོད་པ་རྣམ་པ་བརྒྱད་ཁྲོ་བོའི་ཁུ་ཚུར་གཉིས་མ་གཏོགས་པའི་ལས་ཀྱི་ཕྱག་རྒྱ་རྣམས་ཀྱིས་དཀྱིལ་འཁོར་ཐམས་ཅད་
མཆོད་པར་བྱའོ། །རྡོ་རྗེ་ཁུ་ཚུར་གཉིས་བཅིངས་ལ། མཛུབ་མོ་གཉིས་བརྐྱང་བ་ནི་ཁྲོ་བོའི་ཁུ་ཚུར་གཉིས་སུ་འགྱུར་རོ། །ཡང་རྡོ་རྗེ་རིགས་ཀྱི་ལས་ཀྱི་དཀྱིལ་འཁོར་ལས་གསུངས་པའི་ལས་ཀྱི་ཕྱག་རྒྱ་བཅུ་དྲུག་གིས་ཡང་དག་པར་མཆོད་ལ། ཁྲོ་བོའི་རིགས་ཐམས་ཅད་
ལ་དངོས་གྲུབ་ཐམས་ཅད་འགྲུབ་པའི་ཕྱིར། སེམས་ཅན་ཐམས་ཅད་ཀྱི་དོན་མཛོད་ཅིག་ཅེས་གསོལ་བ་གདབ་པར་བྱའོ། །དེ་ནས་སྒྲུབ་པའི་གྲོགས་མཆོག་དཀྱིལ་འཁོར་དུ་བཞག་ལ། ཕྱི་རོལ་དུ་གཏོར་མ་སྦྱིན་པར་བྱ་སྟེ། འབྲས་ཡོས་བྱ་ཞིང་ཏིལ་དང་བཅས། །འབྲས་
ཆེན་མེ་ཏོག་ཆུ་དང་བཅས། །སྲན་ཆན་བཅས་ཤིང་མང་དུ་བྱ། །སྣུམ་ཁུར་ལ་སོགས་བཟའ་བ་རྣམས། །ཞེས་བྱ་བའི་གཏོར་མ་ལ་ཨ་ཀཱ་རོ་ཞེས་བྱ་བ་ལ་སོགས་པ་བཟླས་ནས། ཤར་ཕྱོགས་ནས་བརྩམས་ཏེ་གསུམ་གསུམ་གཏོར་བར་བྱ་ཞིང་དྲི་དང་མེ་ཏོག་དང་། 

62-1-101a

བདུག་པ་དང་། མར་མེ་དང་། མཆོད་ཡོན་རྣམས་ཀྱང་ཐོག་མ་དང་ཐ་མར་འབུལ་ལོ། །དེ་ལ་དང་པོར་རེ་ཞིག་མཎྜལ་རྣམས་བྱེད་དུ་གཞུག་པར་བྱའོ། །དེ་ནས་ནི་སྤྱན་དྲང་ངོ་། །དེ་ནས་དམ་ཚིག་བསྟན་ལ་མཆོད་ཡོན་ཕུལ་ཏེ། དྲི་ལ་སོགས་པས་ལེགས་
པར་མཆོད་ལ་གཏོར་མ་ཕུལ་ཏེ་དེ་ནས་གཤེགས་སུ་གསོལ་བར་བྱའོ། །དེ་ནས་སྔགས་དང་ཕྱག་རྒྱ་ནི་འདི་རྣམས་ཡིན་ཏེ། ཤར་ཕྱོགས་སུ་ཁ་བལྟས་ཏེ། རྐང་པ་གཡས་པ་བརྐྱང་བའི་ཚུལ་གྱིས་འདུག་ནས། ལག་པ་གཡོན་པ་རྡོ་རྗེའི་ཕྱག་རྒྱ་བསྟན་ལ། གཡས་
པའི་རྡོ་རྗེ་ཕྱག་རྒྱ་སྟ་ཟུར་ཕྱོགས་སུ་བཞག་སྟེ། གཡས་པའི་མཛུབ་མོ་ལྕགས་ཀྱུ་ལྟར་སྤྱན་དྲངས་པ་ནི་བརྒྱ་བྱིན་གྱི་སྤྱན་དྲངས་པའི་ཕྱག་རྒྱའོ། །དེ་ལ་མཛུབ་མོ་ལྕགས་ཀྱུར་མ་བྱས་པ་ནི་བརྒྱ་བྱིན་གྱི་དམ་ཚིག་གི་ཕྱག་རྒྱའོ། །རྐང་པ་གཡོན་བརྐྱང་བའི་ཚུལ་གྱིས་འདུག་ལ། 
སྤྱན་དྲངས་པའི་ཕྱག་རྒྱ་ལས་མཛུབ་མོ་བརྐྱང་བ་ནི་སླར་བཏང་བའི་ཕྱག་རྒྱའོ། །དེ་ནས་འདིའི་སྔགས་ན་མོ་བཛྲ་སྱ་ཙ་དི་ཤི་དི་ཤི་བཛྲ་པ་ཎེ་རཀྵ་རཀྵ་སྭཱ་ཧཱ། མེའི་ཕྱོགས་སུ་བལྟས་ནས་ལག་པ་གཡས་པའི་མཛུབ་མོ་ཟླུམ་པོར་བཀུག་སྟེ། གུང་མོའི་ཚིགས་གསུམ་པར་བཙུགས་
ལ། མཐེ་བོ་ལག་མཐིལ་དུ་བཞག་པ་ནི་མེ་ལྷ་སྤྱན་དྲངས་པའི་ཕྱག་རྒྱའོ། །སྤྱན་དྲངས་པའི་ཕྱག་རྒྱ་ལས་མཐེ་བོ་ངོས་ལ་མཛུབ་མོ་བཙུགས་པ་ནི་མེ་ལྷའི་དམ་ཚིག་གི་ཕྱག་རྒྱའོ། །ཕྱག་རྒྱ་དེ་ཉིད་ལས་མཛུབ་མོ་མཐེ་བོའི་ངོས་ལ་བཙུགས་ཏེ་ཕྱིར་དྲག་ཏུ་བརྐྱང་བ་ནི་སླར་བཏང་
བའི་ཕྱག་རྒྱའོ། །དེའི་སྔགས་ནི་ཨགྣ་ཡེ་ཧཱུཾ་ཨེ་ཧྱ་ཀཱ་བ་ལི་ཛྭ་ལ་ཛྭ་ལ་དཱ་ཧ་ཤི་ཁི་ཏོ་ལི་པི་རཱུ་པཀྵ་སྭཱ་ཧཱ། གཤིན་རྗེའི་ཕྱོགས་སུ་བལྟས་ནས་སྙིམ་པ་མདུན་དུ་བཞག་སྟེ། སོར་མོ་ཕན་ཚུན་བསྣོལ་ལ་ཁུ་ཚུར་བཅངས་ནས་སྲིན་ལག་གཉིས་བསྒྲེངས་ཏེ། གཤིབས་ལ་གཡབ་སྟེ་
ནང་དུ་བཞག་པ་ནི་གཤིན་རྗེ་སྤྱན་དྲངས་པའི་ཕྱག་རྒྱའོ། །སྲིན་ལག་གཉིས་ཀ་ཡང་ཕྱི་རོལ་ཏུ་དེ་བཞིན་དུ་གཤིབས་ཏེ་བསྒྲེང་བ་སྙིང་གར་བཞག་པ་ནི་དམ་ཚིག་གི་ཕྱག་རྒྱའོ། །དེ་ཉིད་ལས་སྲིན་ལག་སྦྱར་བ་ནི་སླར་བཏང་བའི་ཕྱག་རྒྱའོ། །སྔགས་ནི་ཡ་མཱ་ཡ་སྭཱ་ཧཱ། བདེན་

62-1-101b

བྲལ་གྱི་ཕྱོགས་སུ་རྐང་པ་མཉམ་པས་འདུག་ལ། ལག་པ་གཡས་པའི་ཁུ་ཚུར་བཅངས་པ་ལས་མཛུབ་མོ་དང་གུང་མོ་རལ་གྲི་འདྲ་བར་གཤིབས་ཏེ་བསྒྲེང་ལ་བཞག །ལག་པ་གཡོན་པ་དེ་ལྟར་བྱས་ཏེ། སྟ་ཟུར་ཕྱོགས་སུ་བཞག་ལ། གཡོན་པའི་མཛུབ་མོ་བཀུག་སྟེ་གཡབ་
པ་ནི་བདེན་བྲལ་སྤྱན་དྲངས་པའི་ཕྱག་རྒྱའོ། །ཕྱག་རྒྱ་དེ་ཉིད་ལས་ལག་པ་གཡོན་པ་སྟ་ཟུར་ཕྱོགས་སུ་རལ་གྲི་འདྲ་བར་བཞག་པ་ནི་བདེན་བྲལ་གྱི་དམ་ཚིག་གི་ཕྱག་རྒྱའོ། །སྤྱན་དྲངས་པའི་ཕྱག་རྒྱ་ལས་མཛུབ་མོ་བརྐྱང་བ་ནི་སླར་བཏང་བའི་ཕྱག་རྒྱའོ། །སྔགས་ནི་སརྦ་བྷུ་ཏ་བ་ཡཾ་ཀ་
ར་ཀུ་རུ་ཀུ་རུ་སྭཱ་ཧཱ། ཆུ་ལྷའི་ཕྱོགས་སུ་རྐང་པ་མཉམ་པས་འདུག་ལ། ལག་པ་གཡས་པ་ཁུ་ཚུར་བཅངས་ལ། མཐེ་བོ་དང་མཛུབ་མོ་གཅིག་ཏུ་སྦྱར་ཏེ། ཞགས་མིག་ལྟར་བྱས་ལ་གཡོན་པའི་ཁུ་ཚུར་ཡང་དེ་ལྟར་བྱས་ཏེ། སྙིང་གར་བཞག་ལ་གཡོན་པའི་མཛུབ་མོ་ལྕགས་ཀྱུར་
བྱས་པ་ནི་ཆུ་ལྷ་སྤྱན་དྲངས་པའི་ཕྱག་རྒྱའོ། །ཕྱག་རྒྱ་དེ་ཉིད་ལས་གཡོན་པའི་མཛུབ་མོ་ཁུ་ཚུར་གྱི་ཚུལ་དུ་བཞག་པ་ལས་ཞགས་མིག་ལྟར་བྱས་པ་ནི་ཆུ་ལྷའི་དམ་ཚིག་གི་ཕྱག་རྒྱའོ། །གཡོན་པའི་ཕྱག་རྒྱ་ལས་མཛུབ་མོ་བརྐྱང་བ་ནི་སླར་བཏང་བའི་ཕྱག་རྒྱའོ། །སྔགས་ནི་ཨོཾ་ཏྲཱིང་ཏཱི་
བུ་ཏྲ་ཏྲཱི་ཏྲཱི་ཤི་ཁི་ཏི། ལི་པི་རཱུ་པཀྵ་སྭཱ་ཧཱ། རླུང་ལྷའི་ཕྱོགས་སུ་བལྟས་ཏེ་འདུག་ལ། ལག་པ་གཡོན་པ་ཁུ་ཚུར་བཅངས་ཏེ་གུང་མོ་བསྒྲེང་བའི་ཚིགས་དང་པོར་མཛུབ་མོ་བཀུག་པའི་ཐོར་ཏོ་བཙུགས་ལ། ལག་པ་གཡས་པ་ཡང་དེ་བཞིན་དུ་བྱས་ཏེ། སྟ་ཟུར་ལོགས་སུ་
བཞག་ཅིང་མཐེ་བོང་བསྐུལ་བ་ནི་རླུང་ལྷ་སྤྱན་དྲངས་པའི་ཕྱག་རྒྱའོ། །དེ་ཉིད་ལས་མཐེ་བོང་སྔ་མ་བཞིན་དུ་བཞག་པ་ནི་རླུང་ལྷའི་དམ་ཚིག་གི་ཕྱག་རྒྱའོ། །སྤྱན་དྲངས་པའི་ཕྱག་རྒྱ་ལས་མཐེ་བོ་བརྐྱང་བ་ནི་སླར་བཏང་བའི་ཕྱག་རྒྱའོ། །སྔགས་ནི་ཨོཾ་སྭ་ས་ཁ་ཁ་མུ་ཁ་སྭཱ་ཧཱ། 
ཀུ་བེ་ར་ལ་མངོན་དུ་བལྟས་ཏེ་འདུག་ནས་ལག་པ་གཉིས་ཐལ་མོ་སྦྱར་ལ་རྡོ་རྗེ་བཅིང་བ་ནང་དུ་བཟློག་སྟེ། མཐེའུ་ཆུང་གཉིས་གཤིབས་ལ་བརྐྱང་དེའི་རྒྱབ་ཏུ་སྲིན་ལག་གཉིས་སོ་སོར་གནས་ནས། གུང་མོ་གཉིས་རྡོ་རྗེ་ལྟར་བཀུག་སྟེ་གཡབ་པ་ནི་ཀུ་བེ་ར་སྤྱན་དྲངས་པའི་ཕྱག་རྒྱའོ། །

62-1-102a

ཕྱག་རྒྱ་དེ་ཉིད་ལས་གུང་མོ་གཉིས་ནང་དུ་རྡོ་རྗེ་བཅིང་བའི་ཚུལ་དུ་བཞག་པ་ནི་ཀུ་བེ་རའི་དམ་ཚིག་གི་ཕྱག་རྒྱའོ། །སྤྱན་དྲངས་པའི་ཕྱག་རྒྱ་ལས་གུང་མོ་གཉིས་བརྐྱང་པ་ནི་སླར་བཏང་བའི་ཕྱག་རྒྱའོ། །སྔགས་ནི་ཨོཾ་ཀུ་བེ་རཱ་ཡ་སྭཱ་ཧཱ། དབང་ལྡན་གྱི་ཕྱོགས་སུ་
བལྟས་ཏེ་འདུག་ལ་ལག་པ་གཅིག་ཏུ་ཐལ་མོ་སྦྱར་བ་བྱས་ལ། སྲིན་ལག་དང་མཐེའུ་ཆུང་ནང་དུ་བཀུག་སྟེ་བསྣོལ་ལ། གུང་མོ་གཉིས་གཤིབས་ཏེ་བསྒྲེང་བའི་རྒྱབ་ལོགས་སུ་མཛུབ་མོ་གཉིས་རྡོ་རྗེ་འདྲ་བ་བྱ། མཐེ་བོ་གཉིས་རབ་ཏུ་གཤིབས་ཏེ་བཞག་ལ། དེ་གཉིས་
ལས་མཛུབ་མོ་གཉིས་ཕན་ཚུན་རྩེ་སྤྲད་ནས་ནང་དུ་གཡབ་པ་ནི་དབང་ལྡན་སྤྱན་དྲངས་པའི་ཕྱག་རྒྱའོ། །དེ་ཉིད་ལས་སྔ་མ་ལྟར་མཛུབ་མོ་རྡོ་རྗེའི་ཚུལ་དུ་བཞག་པ་ནི་དབང་ལྡན་གྱི་དམ་ཚིག་གི་ཕྱག་རྒྱའོ། །སྤྱན་དྲངས་པའི་ཕྱག་རྒྱ་ལས་མཛུབ་མོ་བརྐྱང་བ་ནི་སླར་བཏང་བའི་
ཕྱག་རྒྱའོ། །སྔགས་ནི་ཛྲུཾ་ཛྲུཾ་ཤི་བ་ཛྲུཾ་སྭཱ་ཧཱ། གཡོན་པ་བརྐྱང་བའི་གནས་པས་འདུག་ལ། ལག་པ་ཐལ་མོ་ཁོང་སྟོང་དུ་སྦྱར་ཏེ་བཞག་ལ། སྟེང་དུ་བལྟས་ཏེ་མཛུབ་མོ་གཉིས་ཀྱི་ལྕགས་ཀྱུས་ནི། ཚངས་པ་ལ་སོགས་པ་སྤྱན་དྲང་བར་བྱའོ། །དེ་ཉིད་ལས་མཛུབ་མོ་གཉིས་སྔ་
མ་ལྟར་བཞག་པ་ནི་དམ་ཚིག་གི་ཕྱག་རྒྱའོ། །སྤྱན་དྲངས་པའི་ཕྱག་རྒྱ་ལས་མཛུབ་མོ་གཉིས་བརྐྱང་བ་ནི་སླར་བཏང་བའི་ཕྱག་རྒྱའོ། །སྔགས་ནི་འདི་ཡིན་ཏེ། ཨུརྔྷཾ་བྲཧྨ་ཎེ་སྭཱ་ཧཱ། སཱུརྱ་གྲ་ཧ་ཨ་དྷི་པ་ཏ་ཡེ་སྭཱ་ཧཱ། ཙནྡྲ་ཡ་ནཀྵ་ཏྲ་ཨ་དྷི་པ་ཏ་ཡེ་སྭཱ་ཧཱ། རྐང་པ་མཉམ་པར་གནས་
པས་འདུག་ལ། ལག་པ་གཉིས་གཅིག་ཏུ་སྦྱར་ཏེ། སོར་མོ་རྣམས་མཚམས་མེད་པར་རྩེ་མོ་ཕན་ཚུན་སྦྱར། མཐེ་བོ་ཟླུམ་པོར་བྱས་ལ། འོག་ཏུ་བལྟས་ཏེ་སའི་ལྷ་ལ་སོགས་པ་མཛུབ་མོ་ལྕགས་ཀྱུས་སྤྱན་དྲང་བ་ནི་འོག་གི་ལྷ་སྤྱན་དྲངས་པའི་ཕྱག་རྒྱའོ། །སྤྱན་
དྲངས་པའི་ཕྱག་རྒྱ་ལས་སྔ་མ་བཞིན་དུ་མཛུབ་མོ་བཞག་པ་ནི་དམ་ཚིག་གི་ཕྱག་རྒྱའོ། །མཛུབ་མོ་གཉིས་བཏང་བ་ནི་སླར་བཏང་བའི་ཕྱག་རྒྱའོ། །སྔགས་ནི་ཨ་དྷོ་པྲི་ཐི་བྷྱཿསྭཱ་ཧཱ་ཨ་སུ་རེ་བྷྱཿསྭཱ་ཧཱ། ན་གེ་བྷྱཿསྭཱ་ཧཱ། དེ་ནས་རང་གི་སྔགས་དེ་ཉིད་ཀྱིས་ཐམས་ཅད་ལ་

62-1-102b

འཐོར་འཐུང་ཕུལ་བ་བདག་དང་སློབ་མའི་ཚོགས་སུ་བཅས་པ་ལ་བགེགས་མེད་པར་མཛོད་ཅིག །ལས་ཀྱི་དངོས་གྲུབ་ཀྱང་བདག་ལ་སྩོལ་ཅིག །ཅེས་བརྗོད་ལ་ཐམས་ཅད་སླར་བཏང་ངོ་། །ཡང་ན་དཔུང་བཟངས་ཀྱིས་ཞུས་པ་ལས་འབྱུང་བའི་ཚིགས་སུ་བཅད་པ་
རྣམས་ཀྱིས་གཏོར་མ་དབུལ་བར་བྱ་སྟེ། ལྷ་དང་ལྷ་མིན་གནོད་སྦྱིན་ལྟོ་འཕྱེ་གྲུལ། །ནམ་མཁའ་ལྡིང་དང་འདབ་བཟངས་ལུས་སྲུལ་པོ། །དྲི་ཟ་སྲིན་པོ་གདོན་གྱི་རིགས་རྣམས་དང་། །གང་དག་ས་ལ་གནས་པའི་རྫུ་འཕྲུལ་ཅན། །བུ་སྨད་ཚོགས་བཅས་གཡོག་འཁོར་
དང་བཅས་ལ། །བདག་གིས་པུས་མོ་ས་ལ་བཙུགས་ནས་སུ། །ཐལ་མོ་སྦྱར་ནས་ཁྱེད་ལ་གསོལ་འདེབས་ཀྱིས། །གསན་ནས་ཕན་གདགས་སླད་དུ་འདིར་བྱོན་ཅིག །འབྱུང་པོ་གང་དག་རི་རབ་སྟེང་གནས་དང་། །དགའ་བའི་ཚལ་དང་ལྷ་ཡི་གནས་རྣམས་དང་། །ཤར་ནུབ་རི་དང་
ཉི་ཟླའི་ཁྱིམ་རྣམས་དང་། །རི་བོ་ཀུན་ལ་གང་དག་གནས་པ་དང་། །ཆུ་བོ་ཀུན་དང་ཆུ་བོའི་མདོ་རྣམས་དང་། །རིན་ཆེན་གནས་ན་ལྷག་པར་གནས་པ་དང་། །མཚོ་དང་རྫིང་བུ་ལྟེང་ཀ་ཆུ་ངོགས་དང་། །གཡའ་ཆུ་སིལ་མ་ཅན་ན་གང་གནས་དང་། །གྲོང་དང་ཕྱུགས་ལྷས་གྲོང་
ཁྱེར་སྟོང་པ་དང་། །ཁང་སྟོང་དང་ནི་ལྷ་ཡི་ཁང་པ་དང་། །གཙུག་ལག་ཁང་ངམ་གྲོང་ཁྱེར་གནས་དག་གམ། །དཀའ་ཐུབ་གནས་དང་གླང་ཆེན་བྲེས་དང་ནི། །རྒྱལ་པོའི་དཀོར་ཁང་དག་ན་གང་གནས་དང་། །ལམ་སྲང་བཞི་མདོ་དག་དང་སུམ་མདོ་དང་། །གང་དག་ལམ་ཆེན་དང་ནི་
ཤིང་གཅིག་དང་། །དུར་ཁྲོད་ཆེན་པོའམ་ནགས་ཚལ་ཆེན་པོའམ། །སེང་གེ་དྲེད་དང་གཅན་གཟན་གནས་དག་དང་། །འབྲོག་ཆེན་འཇིགས་སུ་རུང་བར་གང་གནས་དང་། །གང་དག་གླིང་མཆོག་དག་ན་གནས་པ་དང་། །ལྷུན་པོ་དུར་ཁྲོད་དག་ན་གནས་པ་རྣམས། །རབ་ཏུ་དགྱེས་
ཤིང་མགུ་བར་གྱུར་ནས་སུ། །ཕྲེང་བ་མེ་ཏོག་དྲི་དང་བྱུག་པ་རྣམས། །བསྟོད་དང་གཏོར་མ་མར་མེ་གུས་འབུལ་བས། །འདི་དག་བཞེས་ཏེ་བཏུང་ཞིང་བསྣམས་ནས་སུ། །ལས་འདི་རྣམས་ཀྱི་འབྲས་བུ་མཆིས་པར་མཛོད། །དེ་ལྟར་གདོན་ལ་མཆོད་པ་བྱས་ནས་ནི། །དེ་ནས་

62-1-103a

ཕྱོགས་སྐྱོང་རྣམས་ལ་གཏོར་མ་སྦྱིན། །ཤར་ཕྱོགས་རྡོ་རྗེ་ཅན་དེ་ལྷ་ཚོགས་བཅས། །གཏོར་མ་ཕུལ་བ་འདི་དག་བཞེས་སུ་གསོལ། །མེ་དང་གཤིན་རྗེ་བདེན་བྲལ་སྲིན་པོའི་བདག །ཆུ་བདག་རླུང་བདག་ནོར་གྱི་བདག་པོ་སྟེ། །དབང་ལྡན་ལྷ་སྟེ་འབྱུང་པོའི་
བདག་པོ་དང་། །སྟེང་གི་ཉི་ཟླ་ཚངས་པ་ཆེན་པོ་དང་། །ལྷ་རྣམས་ཀུན་དང་ས་ཡི་ཀླུ་རྣམས་དང་། །རི་ཡི་ལྷ་དང་གནོད་སྦྱིན་ཚོགས་རྣམས་ལ། །སོ་སོ་སོ་སོར་གཏོར་མ་ཕུལ་བ་རྣམས། །རབ་ཏུ་དགྱེས་པ་ཡིས་ནི་བཞེས་ནས་ཀྱང་། །རང་རང་ཕྱོགས་སུ་ལེགས་པར་བཞུགས་ནས་
སུ། །རང་གི་བུ་སྨད་མཛའ་བཤེས་གཉེན་འདུན་དང་། །ནང་མི་དམག་དང་དཔུང་དང་ཐབས་ཅིག་ཏུ། །མེ་ཏོག་དྲི་དང་བྱུག་པ་གཏོར་མར་བཅས། །འདི་རྣམས་བཏུང་ཞིང་ལེགས་པར་གསོལ་ནས་ཀྱང་། །བདག་གི་ལས་འདི་འབྲས་བུ་མཆིས་པར་མཛོད། །དེ་ལ་འདི་ནི་ཕྱི་དང་
ནང་དུ་བཅས་པའི་གཏོར་མ་སྦྱིན་པའི་སྔགས་སོ། །ཨ་ཀཱ་རོ་མུ་ཁཾ་སརྦ་དྷརྨཱ་ཎཱཾ་ཨཱ་དྱ་ནུཏྤན་ན་ཏྭཱཏ།    དེ་ནས་ཉེ་རེག་བྱས་ལ་ཤར་ཕྱོགས་ཀྱི་སྒོ་ལ་མངོན་པར་བལྟས་ཏེ། གནས་པའི་ལས་ཐམས་ཅད་པའི་ཐབ་ཁུང་གི་དབུས་སུ་དཔལ་ཁམས་གསུམ་རྣམ་པར་རྒྱལ་བའི་དཀྱིལ་
འཁོར་གྱི་ལྷ་ཐམས་ཅད་ཀྱི་སྔགས་ཟློས་ཤིང་མེ་ཏོག་གིས་བཞུགས་སུ་གསོལ་ལ། སྦྱིན་སྲེག་གི་ཆོ་གས་དཔལ་རྡོ་རྗེ་ཧཱུྃ་མཛད་ཀྱི་སྔགས་ཀྱིས་བའི་མར་ལས་སྦྱིན་བླུགས་བརྒྱ་རྩ་བརྒྱད་དབུལ་ལོ། །དཔལ་རྣམ་པར་སྣང་མཛད་ལ་སོགས་པའི་སྔགས་ཀྱིས་ཀྱང་ཁྲོ་བོ་རྡོ་རྗེ་འབེབས་
པའི་མཐར་ཐུགས་པའི་བར་ཡང་སྲེག་བླུགས་བདུན་བདུན་དབུལ་ལོ། །དེ་ནས་རྣམ་པར་སྣང་མཛད་ལ་སོགས་པ་མེ་ཐབ་ལས་མེ་ཏོག་གིས་སྤྱན་དྲངས་ཏེ་རྣམ་པར་སྣང་མཛད་ལ་སོགས་པའི་སྔགས་ཀྱིས་བྲིས་པའི་དཀྱིལ་འཁོར་དུ་རང་རང་གི་གནས་སུ་བཞུགས་སུ་གསོལ་བར་
བྱའོ། །དེ་ནས་དེ་བཞིན་གཤེགས་པ་ཐམས་ཅད་ལ་ཕྱག་བྱས་ལ། བདག་མིང་འདི་ཞེས་བགྱི་བ་ཡིས། །རྡོ་རྗེ་སློབ་དཔོན་དཀའ་ཐུབ་ཆེས། །སེམས་ཅན་ཀུན་ལ་ཕན་པའི་ཕྱིར། །སློབ་མ་རྣམས་ནི་གཞུག་པར་བགྱི། །དེ་ལ་བཅོམ་ལྡན་འདས་ཀྱི་དཀྱིལ་འཁོར་ཆེན་པོ་འདིར་

62-1-103b

ཞུགས་པ་ལ་སྣོད་དུ་གྱུར་པ་དང་། མ་གྱུར་པ་བརྟག་མི་འཚལ་ལོ། །དེ་ཅིའི་ཕྱིར་ཞེ་ན། སེམས་ཅན་ཁ་ཅིག་ནི་སྡིག་པ་ཆེན་པོ་བགྱིད་པ་ཡང་མཆིས་ཏེ། དེ་དག་གིས་རྡོ་རྗེ་ཧཱུྃ་མཛད་ཀྱི་དཀྱིལ་འཁོར་ཆེན་པོ་འདིར་ཞུགས་ཏེ་མཐོང་ན་ངན་སོང་ཐམས་ཅད་དང་བྲལ་བར་འགྱུར་
རོ། །བཅོམ་ལྡན་འདས་ནོར་དང་བཟའ་བ་དང་། བཏུང་བ་དང་། འདོད་པའི་ཡོན་ཏན་ཐམས་ཅད་ལ་སོགས་པ་དང་། དམ་ཚིག་ལ་མི་དགའ་བ་དང་། སྔར་སྤྱད་པ་ལ་སོགས་མི་ནུས་པའི་སེམས་ཅན་དག་ཀྱང་མཆིས་ཏེ། དེ་དག་ཀྱང་འདིར་ཇི་ལྟར་འཚལ་བ་བཞིན་དུ་
བགྱིད་ཅིང་ཞུགས་པ་རྣམས་ཀྱི་བསམ་པ་ཐམས་ཅད་རྫོགས་པར་འགྱུར་རོ། །བཅོམ་ལྡན་འདས་སེམས་ཅན་ཁ་ཅིག་ནི་གར་དང་། གླུ་དང་གད་མོ་དང་། རྩེད་མོ་དང་། ཁ་ཟས་དང་། སྤྱོད་པ་ལ་དགའ་བ་རྣམས་དང་དེ་བཞིན་གཤེགས་པ་ཐམས་ཅད་ཀྱི་ཐེག་པ་ཆེན་པོ་
མངོན་པར་རྟོགས་པའི་ཆོས་ཉིད་ཁོང་དུ་ཆུད་པས་ལྷ་གཞན་གྱི་རིགས་དང་དཀྱིལ་འཁོར་དུ་འཇུག་གིས། དེ་བཞིན་གཤེགས་པ་ཐམས་ཅད་ཀྱི་དཀྱིལ་འཁོར་རེ་བ་ཐམས་ཅད་ཡང་དག་པར་གྱུར་པ་བླ་ན་མེད་པའི་དགའ་བ་དང་། མགུ་བ་དང་། རངས་པར་འགྱུར་བ་དེར་ནི་བསླབ་པའི་
ཚིག་གིས་འཇིགས་ཤིང་སྐྲག་ནས་མི་འཇུག་པ་དག་ཀྱང་མཆིས་ཏེ། དེ་དག་ངན་སོང་གི་དཀྱིལ་འཁོར་གྱི་ལམ་དུ་འཇུག་པར་ཁ་བལྟས་ཤིང་གནས་པ་རྣམས་ཀྱང་དགའ་བ་དང་། མགུ་བའི་དམ་པ་འགྲུབ་ཅིང་། བདེ་བ་དང་། ཡིད་བདེ་བ་མྱོང་བར་བགྱི་བ་དང་། ངན་
སོང་གི་རྒྱུད་ཐམས་ཅད་དུ་ཁ་བལྟས་པའི་ལམ་ལས་བཟློག་པར་བགྱི་བའི་སླད་དུ། རྡོ་རྗེ་ཧཱུྃ་མཛད་ཀྱི་དཀྱིལ་འཁོར་ཆེན་པོར་འཇུག་ཏུ་རུང་ངོ་། །བཅོམ་ལྡན་འདས་ཆོས་ཅན་གྱི་སེམས་ཅན་དེ་བཞིན་གཤེགས་པ་ཐམས་ཅད་ཀྱི་ཚུལ་ཁྲིམས་དང་། ཏིང་ངེ་འཛིན་དང་། ཤེས་
རབ་དམ་པ་འགྲུབ་པའི་ཐབས་ཀྱིས་འབད་ཅིང་། ཉོན་མོངས་པ་དག་ཀྱང་མཆིས་ཏེ། དེ་དག་ཀྱང་རྡོ་རྗེ་ཧཱུྃ་མཛད་ཀྱི་དཀྱིལ་འཁོར་འདིར་ཞུགས་མ་ཐག་ཏུ། དེ་བཞིན་གཤེགས་པ་ཐམས་ཅད་ཀྱང་འགྲུབ་པར་དཀའ་བ་མ་ལགས་ན། དངོས་གྲུབ་གཞན་ལྟ་སྨོས་ཀྱང་ཅི་འཚལ་ཞེས་ཞུ་བར་

62-1-104a

བྱའོ། །དེ་ནས་སློབ་མ་གཞུག་པར་བྱ་སྟེ་དེ་ལ་བསླབ་པའི་གཞི་ལྔ་ཡོངས་སུ་གཟུང་བའི་དགེ་བསྙེན་ནམ། དགེ་སྦྱོང་ངམ་དགེ་སློང་གི་སྡོམ་པ་ཡོངས་སུ་བླངས་ལ། སློབ་དཔོན་དུ་དབང་བསྐུར་བར་འོས་པས་སློབ་དཔོན་གྱི་ཞབས་གཉིས་ལ་ཕྱག་བྱས་
ཏེ། འདི་སྐད་ཅེས་བརྗོད་པར་བྱ་སྟེ། དགའ་ཆེན་ཁྱོད་བདག་སྟོན་པ་བས། །སློབ་དཔོན་ཁྱོད་ནི་དགོངས་སུ་གསོལ། །བྱང་ཆུབ་སེམས་དཔའི་ཚུལ་བསྟན་པ། །མགོན་པོ་ཆེན་པོ་བདག་འཚལ་ལོ། །དམ་ཚིག་དེ་ཉིད་སྩལ་དུ་གསོལ། །སྡོམ་པ་རྣམས་ཀྱང་སྩལ་དུ་གསོལ། །
དེ་ནས་སློབ་མ་ལ་རྡོ་རྗེ་སྲུང་བ་ཡོངས་སུ་བཟླས་པའི་རས་སྔོན་པོའི་སྟོད་གཡོགས་དང་སྨད་གཡོགས་བསྐོན་ཞིང་། རྡོ་རྗེ་ལྕགས་ཀྱུ་ལ་སོགས་པའི་སྒོ་སྲུང་བཞི་བཟླས་པའི་གདོང་གཡོགས་བཅིངས་ལ། ཕྱག་བཞི་བྱེད་དུ་གཞུག་པར་བྱའོ། །ཡང་ལག་ན་མེ་ཏོག་ཐོགས་པའི་སློབ་
མས། སློབ་དཔོན་ལ་ཕྱག་བྱས་ལ། ལག་ན་མེ་ཏོག་ཐོགས་པ་ཉིད་དང་། བཤགས་པ་དང་། རྗེས་སུ་ཡི་རང་བ་དང་། བསྐུལ་བ་དང་། གསོལ་བ་ཡང་བྱས་ནས། འདི་སྐད་ཅེས་བརྗོད་པར་བྱའོ། །གཙོ་བོ་བདག་ལ་སྡོམ་པ་སྩོལ། །ཐུབ་པའི་ཉི་མ་མ་ལུས་པ། །སངས་
རྒྱས་བདག་ལ་དགོངས་སུ་གསོལ། །བདག་མིང་འདི་ཞེས་བགྱི་བ་ནི། །སློབ་དཔོན་དབང་དུ་གནས་པ་ལ། །སངས་རྒྱས་རོལ་མོ་ལས་བྱུང་བའི། །མི་ལྡོག་འཁོར་ལོའི་འབྱོར་པར་ལྡན། །ཐར་པ་ཆེན་པོའི་གྲོང་ཁྱེར་མཆོག །གསང་བ་ཆེན་པོར་འཇུག་པར་བགྱི། །གསང་
བའི་རིགས་མཐོ་ཐམས་ཅད་དུ། །སློབ་དཔོན་ཆེན་པོ་བདག་འཇུག་མཛོད། །མི་ལྡོག་པ་ཡི་དབང་བསྐུར་བ། །སྐལ་བ་ཆེན་པོ་བདག་ལ་སྩོལ། །མཚན་རྣམས་ཀུན་གྱིས་རྒྱས་བཏབ་ཅིང་། །དཔེ་བྱད་རྣམས་དང་ཡང་དག་ལྡན། །སངས་རྒྱས་ཀུན་ནི་ཡིད་འོད་བ། །སློབ་དཔོན་
ཆེན་པོ་བདག་ལ་སྩོལ། །དབང་བསྐུར་བ་ནི་རྨད་བྱུང་ཆེ། །སེམས་ཅན་ཀུན་གྱི་དོན་བགྱིད་ཕྱིར། །བདག་ནི་རྟག་ཏུ་སློབ་དཔོན་གྱུར། །སློབ་དཔོན་ཆེན་པོ་བདག་ལ་སྩོལ། །དེ་ནས་སློབ་དཔོན་གྱིས་རིགས་ཐམས་ཅད་ལ་གསོལ་བ་གདབ་པར་བྱ་སྟེ། ཆེ་གེ་ཞེས་བྱ་འདི་ཉིད་ནི། །བྱང་ཆུབ་

62-1-104b

སེམས་ནི་ཡོངས་འཛིན་ཅིང་། །དམ་ཚིག་སྡོམ་དང་གསང་བ་ཡི། །འཁོར་ལོ་འདིར་ཡང་འཇུག་པར་འཚལ། །དེ་ནས་སློབ་དཔོན་གྱིས་འདི་སྐད་ཅེས་བརྗོད་པར་བྱ་སྟེ། གསང་བ་ཆེན་པོའི་རིགས་དག་པ། །གསང་བ་ཡོངས་སུ་འཛིན་པར་ནི། །བདག་ཉིད་ཆེན་པོ་ཁྱོད་འདོད་
དམ། །དེས་ཀྱང་འཚལ་ཞེས་བརྗོད་པར་བྱ། །སངས་རྒྱས་ཆོས་དང་དགེ་འདུན་ཏེ། །དཀོན་མཆོག་གསུམ་ལ་སྐྱབས་སུ་སོང་། །འདི་ནི་སངས་རྒྱས་རིགས་དག་པའི། །དམ་ཚིག་བརྟན་པར་གྱུར་པའོ། །རྡོ་རྗེ་དྲིལ་བུ་ཕྱག་རྒྱ་ཡང་། །བློ་ཆེན་ཁྱོད་ཀྱིས་གཟུང་བར་གྱིས། །
བྱང་ཆུབ་སེམས་གང་དེ་རྡོ་རྗེ། །ཤེས་རབ་དྲིལ་བུ་ཞེས་བཤད་དོ། །སློབ་དཔོན་དག་ཀྱང་གཟུང་བར་བྱ། །བླ་མ་སངས་རྒྱས་ཀུན་དང་མཉམ། །འདི་ནི་རྡོ་རྗེ་རིགས་དག་པའི། །སྡོམ་པ་དམ་ཚིག་ཡིན་པར་གསུངས། །རིན་ཆེན་རིགས་མཆོག་ཆེན་པོ་དང་། །ཉིན་དང་
མཚན་མོ་ལན་གསུམ་དུ། །ཟང་ཟིང་མི་འཇིགས་ཆོས་དང་བྱམས། །སྦྱིན་པ་རྣམ་བཞི་རབ་ཏུ་སྦྱིན། ཕྱི་ནང་གསང་བའི་ཐེག་པ་གསུམ། །དམ་པའི་ཆོས་ཀྱང་གཟུང་བར་བྱ། །འདི་ནི་པདྨའི་རིགས་དག་པའོ། །དམ་ཚིག་སྡོམ་པ་ཡིན་པར་གསུངས། །ལས་ཀྱི་རིགས་
མཆོག་ཆེན་པོ་ལ། །སྡོམ་པ་ཐམས་ཅད་ལྡན་པར་ནི། །ཡང་དག་ཉིད་དུ་གཟུང་བར་བགྱི། །མཆོད་པའི་ལས་ཀྱང་ཅི་ནུས་བྱ། །དེ་ལས་གཞན་པ་བཅུ་བཞི་འདི། །ཕས་ཕམ་པར་ནི་རབ་ཏུ་བཤད། །སྤང་ཞིང་དོར་བར་མི་བྱ་སྟེ། །རྩ་བའི་ལྟུང་བ་ཞེས་བཤད་དོ། །ཉིན་དང་
མཚན་མོ་ལན་གསུམ་དུ། །ཉིན་རེ་ཞིང་ནི་བཟླ་བར་བྱ། །གང་ཚེ་ཉམས་གྱུར་རྣལ་འབྱོར་པ། །ཁ་ན་མ་ཐོ་སྦོམ་པོར་འགྱུར། །ཁྱོད་ཀྱིས་སྲོག་ཆགས་གསད་མི་བྱ། །མ་བྱིན་པར་ཡང་མི་བླང་ངོ་། །འདོད་པ་ལོག་པར་མི་སྤྱད་ཅིང་། །བརྫུན་དུ་སྨྲ་བར་མི་བྱའོ། །ཕུང་ཁྲོལ་ཀུན་གྱི་རྩ་
བ་ཡི། །ཆང་ནི་རྣམ་པར་སྤང་བར་བྱ། །སེམས་ཅན་འདུལ་ཕྱིར་མ་གཏོགས་པ། །བྱ་བ་མ་ཡིན་ཐམས་ཅད་སྤང་། །དམ་པ་ཉེ་བར་བསྟེན་བྱ་ཞིང་། རྣལ་འབྱོར་པ་རྣམས་བསྙེན་བཀུར་བྱ། །ལུས་ཀྱི་ལས་ནི་རྣམ་གསུམ་དང་། །ངག་གི་རྣམ་པ་བཞི་རྣམས་དང་། །ཡིད་ཀྱི་རྣམ་པ་

62-1-105a

གསུམ་དག་ནི། །ཅི་ནུས་པར་ནི་རྗེས་སུ་སྐྱོང་། །ཐེག་པ་དམན་ལ་འདོད་མི་བྱ། །སེམས་ཅན་དོན་ལ་རྒྱབ་ཕྱོགས་མིན། །འཁོར་བ་དག་ཀྱང་ཡོངས་མི་སྤངས། །རྟག་ཏུ་མྱ་ངན་འདས་མི་ཆགས། །ལྷ་དང་ལྷ་མིན་གསང་བ་ལ། །ཁྱོད་ཀྱིས་བརྙས་པར་
མི་བྱ་ཞིང་། །ཕྱག་རྒྱ་བཞོན་པ་མཚོན་ཆ་དང་། །མཚན་མ་འགོམ་པར་མི་བྱའོ། །འདི་དག་དམ་ཚིག་ཡིན་པར་བཤད། །ཁྱོད་ཀྱིས་རྟག་ཏུ་བསྲུང་བར་བྱ། །དེས་ཀྱང་འདི་སྐད་བརྗོད་བྱ་སྟེ། །སློབ་དཔོན་འདིར་ནི་བདག་ལ་གསོན། །གཙོ་བོས་ཇི་ལྟར་བཀའ་སྩལ་པ། །དེ་ལྟར་
བདག་ནི་བགྱིད་པར་འཚལ། །ཇི་ལྟར་དུས་གསུམ་མགོན་པོ་རྣམས། །བྱང་ཆུབ་ཏུ་ནི་ངེས་མཛད་པ། །ཞེས་བྱ་བ་ལ་སོགས་པ་ནས། སེམས་ཅན་མྱ་ངན་འདས་ལ་དགོད། །ཅེས་བྱ་བའི་བར་དུ་བརྗོད་པར་བྱའོ། །གང་ཞིག་སྡོམ་པ་འཛིན་པར་མི་བྱེད་པ་དེ་ལ། དེང་ཁྱོད་
ཅེས་བྱ་བ་ལ་སོགས་པ་བརྗོད་པར་མི་བྱ་སྟེ། སློབ་དཔོན་གྱིས་རྗེས་སུ་གནང་བ་དང་། དབང་བསྐུར་བར་ཡང་མི་བྱ་ཞིང་། འཇུག་པ་ཙམ་ཞིག་བྱེད་དུ་གཞུག་གོ། །དེ་ནས་ཨོཾ་སརྦ་ཡོ་ག་ཙིཏྟ་ཨུཏྤཱ་ད་ཡཱ་མི་ཞེས་བྱ་བ་འདིས། བྱང་ཆུབ་སེམས་ནི་བླ་མེད་པས། །དམ་པ་དག་ནི་བསྐྱེད་ནས་སུ། །
དེ་ཡི་སྙིང་གར་སྙིང་པོས་ནི། །རྡོ་རྗེ་རབ་ཏུ་གཞག་པར་བྱ། །སུ་ར་ཏེ་ས་མ་ཡ་སྟྭཾ་ཧོཿབཛྲ་སིདྡྷྱ་ཡ་ཐཱ་སུ་ཁཾ། དེ་ནས་རྡོ་རྗེ་སེམས་དཔར་བྱིན་གྱིས་བརླབས་ལ། དྲི་དང་མེ་ཏོག་ལ་སོགས་པས་མཆོད་དེ། མེ་ཏོག་གི་ཕྲེང་བ་གདགས་ཤིང་གདོང་དྲི་ཞིམ་པར་བྱས་ལ། ཡོན་གྱི་མཆོག་
བླངས་ལ། ཕྱི་རོལ་ན་གནས་པའི་བུམ་པའི་ཆུས་དབང་བསྐུར་ལ། ཨོཾ་གྲྀཧྣ་བཛྲ་ས་མ་ཡ་ཧཱུྃ་ཞེས་བྱ་བ་འདིས་ཁྲོ་བོ་ཏི་རཱིནྟི་རིའི་ཕྱག་རྒྱ་རང་ཉིད་ཀྱིས་བཅིངས་ལ། སློབ་མ་རྣམས་འཆིང་དུ་གཞུག་གོ། །རྡོ་རྗེ་བསྡམས་པ་ནང་བཅིངས་ནས། །ཡིད་ཀྱིས་ཁྲོས་པ་དགབ་བྱ་ཞིང་། །རྡོ་རྗེ་
མཐེ་བོ་དམ་པ་སྟེ། །ཁྲོ་བོ་ཏི་རཱིནྟི་རིར་བཤད། །དེ་ནས་དེ་ཉིད་མཐེ་བོ་གཉིས་ཀྱིས་མེ་ཏོག་གི་ཕྲེང་བ་འཛིན་དུ་བཅུག་ལ། ཨོཾ་བཛྲ་ས་མ་ཡ་པྲ་བེ་ཤ་ཡ་མི་ཞེས་བྱ་བའི་སྙིང་པོ་འདིས་གཞུག་པར་བྱའོ། །ཤར་ཕྱོགས་ཀྱི་སྒོ་ནས་རྡོ་རྗེ་ལྕགས་ཀྱུས་དགུག་པར་བྱ་ཞིང་། ལྷོ་ཕྱོགས་

62-1-105b

ནས་ཞགས་པས་གཞུག་པར་བྱའོ། །ནུབ་ཕྱོགས་ནས་ལྕགས་སྒྲོག་གིས་བསྡམ་པར་བྱའོ། །བྱང་ཕྱོགས་ནས་རྡོ་རྗེ་འབེབས་པས་དབབ་པར་བྱའོ། །དེ་ནས་ཡང་ཤར་ཕྱོགས་ཀྱི་སྒོ་ནས་དེ་བཞིན་དུ་བཅུག་ལ་འདི་སྐད་ཅེས་བརྗོད་པར་བྱ་སྟེ། དེང་ཁྱོད་དེ་བཞིན་གཤེགས་པ་
ཐམས་ཅད་ཀྱི་རིགས་སུ་ཞུགས་ཀྱིས། ངས་ཁྱོད་ལ་ཡེ་ཤེས་གང་གིས་དེ་བཞིན་གཤེགས་པ་ཐམས་ཅད་འགྲུབ་པ་ཡང་ཐོབ་ན་དངོས་གྲུབ་གཞན་ལྟ་སྨོས་ཀྱང་ཅི་དགོས་ཏེ། དེ་ལྟ་བུའི་ཡེ་ཤེས་བསྐྱེད་པར་བྱ་ཡིས། ཁྱོད་ཀྱིས་དཀྱིལ་འཁོར་ཆེན་པོ་མ་མཐོང་བ་རྣམས་
ལ་སྨྲ་བར་མ་བྱེད་ཅིག །ཁྱོད་དམ་ཚིག་ཉམས་པར་གྱུར་ཏ་རེ། དེ་ནས་སློབ་དཔོན་རང་ཉིད་ཀྱིས་ཁྲོ་བོ་ཏི་རཱིནྟི་རིའི་ཕྱག་རྒྱ་ཁ་ཐུར་དུ་བསྟན་པ་དང་གྱེན་དུ་བསྟན་པ་བཅིངས་ལ། སློབ་མའི་སྤྱི་བོར་བཞག་ལ་འདི་སྐད་ཅེས་བརྗོད་པར་བྱའོ། །འདི་ནི་ཁྱོད་ཀྱི་རྡོ་རྗེའི་དམ་ཚིག་ཡིན་གྱིས། 
གལ་ཏེ་འགའ་ཞིག་ལ་སྨྲས་ན་ཀླད་པ་འགས་པར་འགྱུར་རོ། །དེ་ནས་དམ་ཚིག་གི་ཕྱག་རྒྱ་དེ་ཉིད་དང་། མནའི་སྙིང་པོ་འདི་ལན་ཅིག་བརྗོད་པའི་ཆུ་རྡོ་རྗེ་སློབ་མ་དེ་ཉིད་འཐུང་དུ་བཅུག་ལ་འདི་སྐད་ཅེས་བརྗོད་པར་བྱའོ། །དེ་ལ་མནའི་སྙིང་པོ་ནི་འདི་ཡིན་ཏེ། རྡོ་རྗེ་སེམས་དཔའ་
དེང་ཁྱོད་ཀྱི། །སྙིང་ལ་ཡང་དག་ཞུགས་པར་མཛད། །གལ་ཏེ་ཚུལ་འདི་སྨྲས་ན་ནི། །དེ་མ་ཐག་ཏུ་དྲལ་ཏེ་གཤེགས། །ཨོཾ་བཛྲ་ཨུ་ད་ཀ་ཋ། དེ་ནས་སློབ་མ་ལ་འདི་སྐད་ཅེས་བརྗོད་པར་བྱ་སྟེ། དེང་ནས་བརྩམས་ཏེ་ཁྱོད་ཀྱི་ཕྱག་ན་རྡོ་རྗེ་ང་ཡིན་གྱིས། ངས་འདི་བྱོས་ཤིག་
ཅེས་བསྒོ་བ་གང་ཡིན་པ་དེ་བྱ་དགོས་སོ། །ཁྱོད་ཀྱིས་ང་ལ་བརྙས་པར་མ་བྱེད་ཅིག །མི་བདེ་བ་མ་སྤངས་པས་ཁྱོད་དུས་བྱས་ནས་དམྱལ་བར་ལྟུང་བར་གྱུར་ཏ་རེ། དེའི་རྗེས་ལ་ཡི་གེ་ཨ་རྡོ་རྗེ་འོད་ཟེར་གྱི་ཕྲེང་བ་དང་ལྡན་པ་རང་གི་སྙིང་གར་བསམ་པར་བྱའོ། །དེ་ནས་སློབ་མའི་སྙིང་
ག་དང་དཔྲལ་བ་དང་། ལྐོག་མ་དང་སྤྱི་བོ་རྣམས་སུ་ཟླ་བའི་དཀྱིལ་འཁོར་ལ་གནས་པའི་ཧཱུྃ་ཏྲཱཾ་ཧྲཱིཿཨ་འདི་དག་ལས་རྡོ་རྗེ་རྩེ་ལྔ་པ་འབར་བ་དང་། རིན་པོ་ཆེ་དང་། པདྨ་དང་། སྣ་ཚོགས་རྡོ་རྗེ་གོ་རིམས་ཇི་ལྟ་བ་བཞིན་དུ་བསམ་པར་བྱའོ། །དེ་ནས་སྒོ་དབྱེ་བའི་ཕྱག་རྒྱས་

62-1-106a

རང་དང་སློབ་མའི་སྙིང་གར་དབྱེ་བར་བྱས་ནས་རང་གི་སྙིང་ག་ལས་ཡི་གེ་ཨ་ཕྱུང་ནས། སློབ་མའི་སྙིང་ག་ལ་གནས་པའི་རྡོ་རྗེའི་དབུས་སུ་བློས་བཅུག་སྟེ། ལུས་ཐམས་ཅད་ཀུན་དུ་གང་བར་གྱུར་པར་བསམས་ལ་འདི་སྐད་ཅེས་བརྗོད་པར་བྱའོ། །དེ་བཞིན་
གཤེགས་པ་ཐམས་ཅད་ཀྱིས་བྱིན་གྱིས་རློབས་ལ་རྡོ་རྗེ་སེམས་དཔའ་བདག་ལ་དབབ་པར་གྱུར་ཅིག་ཅེས་སྨྲོས་ཤིག །དེ་ནས་རྡོ་རྗེ་སློབ་དཔོན་གྱིས་མྱུར་དུ་ཁྲོ་བོ་ཏི་རཱིནྟི་རིའི་ཕྱག་རྒྱ་བཅིངས་ལ་འདི་སྐད་ཅེས་བརྗོད་དུ་གཞུག་གོ། །འདི་ནི་རྡོ་རྗེའི་དམ་ཚིག་སྟེ། །རྡོ་རྗེ་སེམས་དཔའ་
ཡིན་པར་གྲགས། །རྡོ་རྗེ་ཡེ་ཤེས་བླ་མེད་འདི། །དེ་རིང་ཉིད་དུ་དབབ་པར་ཤོག །ཨོཾ་བཛྲ་ཨཱ་བེ་ཤ་ཞེས་བཅུའམ། ཉི་ཤུའམ། སུམ་ཅུའམ། བཞི་བཅུའམ། ལྔ་བཅུའམ། དྲུག་ཅུའམ། བདུན་ཅུའམ། བརྒྱད་ཅུའམ། དགུ་བཅུའམ། བརྒྱ་བཟླས་ནས་བཅོམ་ལྡན་
འདས་རྡོ་རྗེ་ཧཱུྃ་མཛད་སྐུ་མདོག་དཀར་པོ་འོད་ཟེར་དམར་པོ་ཀུན་དུ་འཁྲུགས་པས་ཡོངས་སུ་གང་བར་བསམས་ན་ངེས་པར་དབབ་པར་འགྱུར་རོ། །ཡང་གལ་ཏེ་བབས་པར་མ་གྱུར་ན་དེའི་ཚེ་རྡོ་རྗེ་འབེབས་པའི་དམ་ཚིག་གི་ཕྱག་རྒྱ་དྲིལ་བུ་དང་བཅས་པ་བཅིངས་ལ། རྐང་པ་གཡོན་པས་དེའི་
རྐང་པ་གཡས་པ་མནན་ནས་དེ་ཉིད་ལ་དབབ་པར་བྱ་བའི་ཕྱིར། སྟེང་གི་ནམ་མཁའི་ཕྱོགས་སུ་རྣམ་པར་སྣང་མཛད་རྡོ་རྗེ་ཧཱུྃ་མཛད་ཀྱི་སྟེང་ན་ཁྲོས་པས་ཡི་གེ་ཧཱུྃ་གི་འོད་ཟེར་གྱི་ཚོགས་ཀྱིས་མནན་པར་མཛད་པ་དང་། འོག་ནས་ཀྱང་རྡོ་རྗེ་རླུང་གི་དཀྱིལ་འཁོར་ཡི་གེ་ཧཱུྃ་གིས་འདེགས་པར་གྱུར་ལ། 
དེ་བཞིན་དུ་མི་བསྐྱོད་པ་ལ་སོགས་པ་ཤར་ཕྱོགས་ལ་སོགས་པར་བཞུགས་པས། ཧཱུཾ་ཏྲཱཾ་ཧྲཱིཿཨ། ཞེས་བྱ་བའི་རང་རང་གི་ས་བོན་གྱི་འོད་ཀྱི་ཚོགས་ཡང་དག་པར་འབེབས་པར་མཛད་པར་བསམ་ཞིང་ཧཱུྃ་བཛྲ་ཨཱ་བེ་ཤ་ཨ་ཞེས་ལན་བརྒྱ་ཟློས་ཤིང་དེ་དབབ་པར་བྱའོ། །གལ་ཏེ་སྡིག་པ་ཤིན་ཏུ་ཆེ་བས་
བབས་པར་མ་གྱུར་ན་སྡིག་པ་དྲལ་བའི་ཕྱག་རྒྱས་སྡིག་པ་དྲལ་བར་བྱའོ། །དེ་ནས། ཡམ་ཤིང་དམར་པོ་རྣམས་ཀྱི་མེ། །རལ་པར་རྡོ་རྗེ་ཁྲོ་བོ་ཡི། །མཉམ་པར་གཞག་པས་སྙོམས་ཞུགས་ལ། །ཏིལ་བསྲེགས་པས་ནི་སྡིག་བསྲེགས་ཤིས། །ཨོཾ་སརྦ་པཱ་པཾ་ད་ཧ་ན་བཛྲཱ་ཡ་སྭཱ་ཧཱ། ཞེས་

62-1-106b

བྱ་བ་དང་ལག་པ་གཡས་པའི་སྟེང་དུ་ཏིལ་ནག་པོ་ལས་སྡིག་པའི་གཟུགས་བརྙན་བྱས་ལ། ཧཱུྃ་དབུས་སུ་བསམ་པའི་མཛུབ་མོ་དང་མཐེ་བོས་སྦྱིན་སྲེག་བྱའོ། །དེ་ནས་སྦྱིན་སྲེག་གི་ཐབ་ཁུང་ལས་བྱུང་བའི་འབར་བའི་ཕྲེང་བ་ཀུན་དུ་འཁྲུགས་པའི་རྡོ་རྗེའི་ལུས་ལ་འབར་བས་སྡིག་པ་རྣམས་བསྲེག་
པར་གྱུར་པར་བསམ་པར་བྱའོ། །དེ་ནས་ཡང་རྡོ་རྗེ་འབེབས་པའི་ཕྱག་རྒྱ་དེ་བཞིན་དུ་བཅིངས་ལ་དབབ་པ་བྱས་ན་ངེས་པར་འབབ་པར་འགྱུར་རོ། །དེ་ལྟ་བུས་ཀྱང་འབབ་པར་མ་གྱུར་པ་གང་ཡིན་པ་དེ་ལ་དབང་བསྐུར་བར་མི་བྱའོ། །བབས་ནས་སྐད་ཅིག་མ་དེ་ཉིད་ལ་མངོན་པར་
ཤེས་པ་ལྔ་ལ་སོགས་པ་རྫོགས་པར་འགྱུར་རོ། །དེ་ནས་བབས་པར་ཤེས་པ་དང་། ཨོཾ་རྡོ་རྗེ་སེམས་དཔའ་བསྡུས་པས་ན། །ཞེས་བྱ་བ་ལ་སོགས་པས་གླུ་ལངས་ལ། ཁྲོ་བོའི་ཁུ་ཚུར་གིས་དེ་བཞིན་དུ་སེམས་མ་རྡོ་རྗེ་མའི་ཕྱག་རྒྱ་དྲལ་བར་བྱའོ། །གལ་ཏེ་བབས་ནས་རྡོ་རྗེ་
སེམས་དཔས་ཁྲོ་བོའི་ཁུ་ཚུར་བཅིངས་ནས་དེའི་ཚེ་སློབ་དཔོན་གྱིས་རྡོ་རྗེ་ཁུ་ཚུར་གྱི་ཁྲོ་བོའི་ཁུ་ཚུར་བཅིང་བར་བྱའོ། །དེ་བཞིན་དུ་གལ་ཏེ་རྡོ་རྗེ་བཞད་པའི་ཁྲོ་བོའི་ཁུ་ཚུར་བཅིངས་ནས་དེའི་ཚེ་རྡོ་རྗེ་ཆོས་ཀྱི་ཁྲོ་བོའི་ཁུ་ཚུར་གྱི་ཕྱག་རྒྱ་བཅིང་བར་བྱ་སྟེ། དེ་ལྟ་བུས་ནི་བྱིན་གྱིས་བརླབ་
པར་འགྱུར་རོ། །དེ་ནས་དེའི་ལྕེ་ལ་རྡོ་རྗེ་བསམས་ལ་སྨྲོས་ཤིག །རྡོ་རྗེ་ཞེས་བརྗོད་པར་བྱའོ། །དེ་ནས་ནི་ཐམས་ཅད་སྨྲ་བར་འགྱུར་རོ། །དེ་ནས་པྲ་ཏཱིཙྪ་བཛྲ་ཧོཿ། ཞེས་བྱ་བས་ཕྲེང་བ་དེ་དཀྱིལ་འཁོར་ཆེན་པོར་དོར་བར་བྱའོ། །དེ་ནས་གང་དུ་བབས་པར་གྱུར་པ་དེ་ཉིད་ལ་འབབ་
པར་འགྱུར་རོ། །དེ་ནས་ཨོཾ་པྲ་ཏི་གྲྀཧྞ་སྟྭཾ་ཧི་མཱཾ་སཏྭ་མཧཱ་བ་ལ་ཞེས་བྱ་བས་ཕྲེང་བ་དེ་དེའི་མགོ་ལ་བཅིང་བར་བྱའོ། །དེ་ནས། ཨོཾ་རྡོ་རྗེ་སེམས་དཔའ་དེང་ཁྱོད་ཀྱི། །མིག་འབྱེད་པར་ནི་བརྩོན་པར་མཛད། །མིག་ནི་ཐམས་ཅད་འབྱེད་མཛད་དེ། །རྡོ་རྗེའི་མིག་ནི་བླ་ན་མེད། །ཧེ་བཛྲ་པཱ་
ཤྱ་ཞེས་བྱ་བ་འདིས་གདོང་གཡོགས་དགྲོལ་བར་བྱའོ། །དེ་ནས་རྡོ་རྗེ་ལྕགས་ཀྱུ་ནས་བརྩམས་ཏེ། བཅོམ་ལྡན་འདས་རྣམ་པར་སྣང་མཛད་ཀྱི་བར་དུ་དཀྱིལ་འཁོར་ཆེན་པོ་བསྟན་པར་བྱའོ། །དེ་ནས་ཏིཥྛ་བཛྲ་ཞེས་བྱ་བ་ལ་སོགས་པས་སློབ་མའི་སྙིང་གར་དབབ་པའི་

62-1-107a

ཕྱག་རྒྱ་དགྲོལ་དུ་གཞུག་པར་བྱའོ། །དེ་ནས་ཕྱིའི་དཀྱིལ་འཁོར་གྱི་ནང་ངམ་ཕྱི་རོལ་དུ་ཟླ་བའི་དཀྱིལ་འཁོར་ཤར་སྒོ་ལ་མངོན་པར་ཕྱོགས་པར་བྲིས་ལ་དེར་སློབ་མ་བཞག་སྟེ། དཔལ་རྡོ་རྗེ་ཧཱུྃ་མཛད་ཀྱི་ཕྱག་རྒྱ་དང་། དཔལ་རྡོ་རྗེ་སེམས་དཔའ་ལ་སོགས་པས་
ཕྱག་རྒྱ་ཆེན་པོར་བྱིན་གྱིས་བརླབས་ལ་དབང་བསྐུར་བར་བྱ་བ་ནི། མཆོད་ཡོན་བསྟབ་ནས། དྲི་དང་མེ་ཏོག་ལ་སོགས་པས་མཆོད་དེ། གདུགས་དང་རྒྱལ་མཚན་དང་བ་དན་ལ་སོགས་པ་དང་། དུང་དང་རོལ་མོ་ལ་སོགས་པའི་སྒྲ་རྣམས་ཀྱིས་མཆོད་པར་བྱའོ། །དེ་ནས་བཀྲ་
ཤིས་ཀྱི་ཚིགས་སུ་བཅད་པས་མངོན་པར་དགའ་བར་བྱ་ཞིང་། དང་པོར་རེ་ཞིག་ཆུའི་དབང་བསྐུར་རོ། །དེ་ནས་ནི་ཕྱག་རྒྱའི་དབང་བསྐུར་བ་དང་། ཅོད་པན་དང་། དར་དཔྱངས་དང་། རྡོ་རྗེ་དང་བདག་པོ་དང་། མིང་གི་དབང་བསྐུར་བས་དབང་བསྐུར་ནས་ཡང་མེ་ཏོག་ལ་སོགས་པ་དང་སྒེག་
མོ་ལ་སོགས་པ་མཆོད་པ་བརྒྱད་ཀྱིས་ཡང་དག་པར་མཆོད་པར་བྱའོ། །སློབ་མས་ཀྱང་ཐལ་མོ་བསྐོར་ཏེ། སློབ་དཔོན་ལ་ཕྱག་བྱས་ལ་ཡོན་གྱི་མཆོག་ཕུལ་ཏེ་མེ་ཏོག་ལ་སོགས་པའི་དབང་བསྐུར་བ་ཡང་བླང་བར་བྱའོ། །སློབ་དཔོན་གྱིས་དབང་བསྐུར་བ་ནི་ཇི་སྐད་དུ་བསྟན་པའི་
གནས་སུ་རྡོ་རྗེ་ཧཱུྃ་མཛད་ཀྱི་ཕྱག་རྒྱ་ཆེན་པོ་བཞག་ལ། དེའི་ལུས་ལ་དཔལ་རྡོ་རྗེ་ཧཱུྃ་མཛད་ལ་སོགས་པ་དམ་ཚིག་གི་ཕྱག་རྒྱས་བཀོད་དེ། ཨོཾ་བཛྲ་ཨ་དྷི་པ་ཏི་ཏྭཾ་ཨ་བྷི་ཥིཉྩ་མི་དྲྀ་ཌྷོ་མེ་བྷ་བ་ཛཿཧཱུྃ་བཾ་ཧོཿཧཱུྃ་ཕཊ་ཅེས་བྱ་བ་འདིས་ཡང་རྣམ་པར་རྒྱལ་བའི་བུམ་པ་ལ་སྟོང་རྩ་བརྒྱད་
བཟླས་པར་བྱའོ། །དེ་ནས་འདི་ཉིད་ཟློས་ཤིང་རྣམ་པར་རྒྱལ་བའི་བུམ་པ་ལས་རྡོ་རྗེ་ཁུ་ཚུར་གྱིས་ཆུ་བླངས་ལ། ཨོཾ་བཛྲ་ཨ་བྷི་ཥིཉྩ་ཞེས་བྱ་བ་ཟློས་ཤིང་ཆུའི་དབང་བསྐུར་བ་སྦྱིན་པར་བྱའོ། །འདི་སྐད་ཀྱང་བརྗོད་པར་བྱ་སྟེ། འདི་ནི་ཁྱོད་ཀྱི་དམྱལ་བའི་ཆུ། །དམ་
ཚིག་འདས་ན་སྲེག་པར་བྱེད། །དམ་ཚིག་བསྲུངས་ན་དངོས་གྲུབ་སྟེར། །རྡོ་རྗེ་བདུད་རྩིའི་ཆུས་འགྲུབ་བོ། །རྡོ་རྗེ་དྲིལ་བུའི་ཕྱག་རྒྱ་རྣམས། །གལ་ཏེ་དཀྱིལ་འཁོར་མ་མཐོང་སྨྲས། །སྐྱེ་བོ་འདུས་པའི་ནང་གནས་ན། །དད་པ་མེད་པས་བགད་པར་འགྱུར། །དེ་ནས་ཆོ་ག་ཐམས་

62-1-107b

ཅད་རྗེས་སུ་སྤྱད་ལ། སློབ་མ་ལ་མཚན་བརྒྱ་རྩ་བརྒྱད་པས་བསྟོད་དེ། ཚིགས་སུ་བཅད་པ་ལྔས་རྗེས་སུ་གནང་བ་བྱིན་ནས་གཟེངས་བསྟོད་པ་དང་། ལུང་བསྟན་པས་སློབ་མ་ཐམས་ཅད་ལ་ལུང་བསྟན་པར་བྱའོ། །དེ་ནས་གསང་བའི་དབང་བསྐུར་བ་བཤད་པར་བྱ་སྟེ། 
སློབ་དཔོན་དུ་དབང་བསྐུར་བར་འོས་པ་བཅུག་ནས་དཀྱིལ་འཁོར་དང་ལྷ་རྣམས་ཀྱི་དེ་ཁོ་ན་ཉིད་ཐམས་ཅད་དང་། སློབ་དཔོན་གྱི་ལས་ཐམས་ཅད་བསླབ་པར་བྱའོ། །འདི་ཙམ་གྱིས་ནི་གསང་བའི་དབང་བསྐུར་བས་དབང་བསྐུར་བར་འགྱུར་བ་ཡིན་ནོ། །ཡང་ན་རྩ་བའི་དཀྱིལ་འཁོར་
ལས་ཁྲུ་གཉིས་ཙམ་ཡོངས་སུ་དོར་བར་དབུས་མའི་དཀྱིལ་འཁོར་གྱི་ཕྱེད་ཀྱི་ཚད་ཙམ་གྱི་ཁྲུ་བཞི་པ་ལ་འཇུག་པའི་སྒོ་ལ་མངོན་པར་ཕྱོགས། སྒོ་ནུབ་ཏུ་བལྟས་པའི་དཀྱིལ་འཁོར་ཚོན་སྣ་ལྔས་བྲིས་པ་དེའི་དབུས་སུ་པདྨ་འདབ་མ་བརྒྱད་པ་བྲིས་ནས། དེའི་སྟེང་དུ་རྡོ་རྗེ་རྩེ་ལྔ་པ་འབར་
བ་ལེགས་པར་བྲིས་ནས་རྩ་བའི་དཀྱིལ་འཁོར་བཞིན་དུ་དཀྱིལ་འཁོར་དེ་མཆོད་ལ་གླང་པོ་ཆེའི་གདན་ལ་ཟླ་བའི་དཀྱིལ་འཁོར་དར་གྱིས་བཀབ་པ་ལ། རྡོ་རྗེ་གནོད་སྦྱིན་ཡོངས་སུ་བཟླས་ལ་དེའི་དབུས་སུ་བཞག་ལ། དབང་བསྐུར་བར་འོས་པ་དེ་ཡང་དེ་བཞིན་དུ་བྱིན་གྱིས་བརླབས་
ནས། གདན་གྱི་སྟེང་ན་གཡོན་བརྐྱང་བའི་གནས་པས་དབང་ཕྱུག་ཆེན་པོའི་སྟེང་དུ་ཇི་ལྟ་བ་བཞིན་དུ་བཞག་ནས། གླང་པོ་ཆེའི་སྟེང་དུ་བླ་རེས་བྲེས་པ་དང་། གཡས་ལོགས་སུ་རྡོ་རྗེ་ཧཱུྃ་མཛད་བཟླས་པའི་དར་དང་མེ་ཏོག་གི་ཆུན་འཕྱང་དང་། རིན་པོ་ཆེའི་ཏོག་ཅན་གྱི་གདུགས་ཀྱིས་
བརྒྱན་པ་དང་། གཡོན་ལོགས་སུ་ཡི་གེ་ཨོཾ་བཟླས་པའི་གོས་སྣ་ཚོགས་དང་། རྒྱལ་མཚན་དང་བ་དན་སྣ་ཚོགས་བསྒྲེང་བ་བཞག་སྟེ། མཆོད་ཡོན་བྱིན་ནས་མེ་ཏོག་ལ་སོགས་པས་ཡང་དག་པར་མཆོད་དེ། དུང་དང་རྔ་བོ་ཆེ་དང་། རྔ་རིངས་དང་། ཟངས་དུང་ལ་སོགས་པ་རོལ་
མོའི་ཕྱག་རྒྱས་བྱིན་གྱིས་བརླབས་པ་དང་། ཕྱི་རོལ་དུ་གར་དང་གླུ་དང་རོལ་མོ་ལ་སོགས་པས་ཡང་དག་པར་མཆོད་ལ། ཡོན་གྱི་མཆོག་བླངས་ནས་བཀྲ་ཤིས་ཀྱི་ཚིགས་སུ་བཅད་པ་དང་། མཚན་བརྒྱ་རྩ་བརྒྱད་པའི་བསྟོད་པས་བསྟོད་ལ། དང་པོར་ནི་བུམ་པ་གང་བས་སོ། །དེ་

62-1-108a

ནས་རྡོ་རྗེ་ལྕགས་ཀྱུ་ལ་སོགས་པའི་སྔགས་ཟློས་ཤིང་དེའི་བུམ་པས་སོ། །དེའི་རྗེས་ལ་རྣམ་པར་རྒྱལ་བའི་བུམ་པ་ལས་རྡོ་རྗེ་ཁུ་ཚུར་གྱིས་ཆུ་བླངས་ལ་དེས་དབང་བསྐུར་ཞིང་འཐུང་དུ་ཡང་བཅུག་ནས། བུམ་པས་ཡང་དབང་བསྐུར་བ་ནི་ཆུའི་དབང་བསྐུར་བ་ཉིད་དོ། །
དེ་ལ་སྦྱོར་བ་ནི་འདི་ཡིན་ཏེ། ཨོཾ་བཛྲ་ཨཾ་ཀུ་ཤ་མ་ཧཱ་ཀྲོ་དྷ་ཨཱ་ཀཪྵ་ཡ་སརྦ་ས་མ་ཡ་ཧཱུྃ་ཛཿབཛྲ་ཨ་བྷི་ཥིཉྩ་ཞེས་བྱ་བ་ནས་དེ་བཞིན་དུ། ཨོཾ་བཛྲ་ཛྭ་ལ་ཨགྣི་པྲཱ་དཱིཔྟི་ཨཱ་ཀཪྵ་ཡ་སརྦ་ཏ་ཐཱ་ག་ཏཾ་མ་ཧཱ་བཛྲ་ས་མ་ཡ་ཧཱུྃ་ཛཿབཛྲ་ཨ་བྷི་ཥིཉྩ་ཞེས་བྱ་བའི་བར་ནི་རྣམ་པར་རྒྱལ་བའི་བུམ་པའི་
དབང་བསྐུར་བ་སྟེ། སྦྱོར་བ་ལྷག་མ་ནི་སྔར་བཤད་པ་ཉིད་ཡིན་ནོ། །དེ་ནས་ཕྱག་རྒྱ་དང་། ཅོད་པན་དང་། དར་དཔྱངས་དང་། རྡོ་རྗེ་དང་བདག་པོ་དང་། མིང་གི་དབང་བསྐུར་བ་བྱིན་ལ། དེ་ཁོ་ན་ཉིད་དང་། ཆོས་དང་དམ་ཚིག་ཀྱང་བྱིན་ནས་མེ་ཏོག་དང་སྒེག་མོ་ལ་སོགས་
པས་ཡང་དག་པར་མཆོད་དེ། རིན་པོ་ཆེའི་མིག་ཐུར་རམ། གསེར་ལ་སོགས་པའི་ཐུར་མ་ཐོགས་ལ། མདུན་དུ་འདུག་ནས་ཚིག་འདི་སྐད་དུ་གསལ་བར་བརྗོད་པར་བྱ་སྟེ། དེ་ཇི་ལྟར་མིག་མཁན་རྒྱལ་པོ་ཡིས། །འཇིག་རྟེན་ལིང་ཏོག་བསལ་བ་ལྟར། །
བུ་ཁྱོད་ཀྱིས་ནི་ཡེ་ཤེས་པའི། །རབ་རིབ་རྒྱལ་བ་རྣམས་ཀྱིས་བསལ། །དེ་ལ་འདིའི་སྙིང་པོ་ནི། ཨོཾ་བཛྲ་ནཻ་ཏྲ་ཨ་པ་ཧ་ར་པ་ཊ་ལཾ་ཧྲཱིཿཞེས་བྱ་བ་ཡིན་ནོ། །དེ་ནས་མེ་ལོང་བླངས་ལ་ཆོས་ཀྱི་མཚན་ཉིད་བསྟན་པར་བྱའོ། །ཆོས་རྣམས་གཟུགས་བརྙན་ལྟ་བུ་སྟེ། །དག་ཅིང་
གསལ་ལ་རྙོག་པ་མེད། །གཟུང་དུ་མེད་ཅིང་བརྗོད་དུ་མེད། །རྒྱུ་དང་ལས་ལ་ཀུན་དུ་འབྱུང་། །ངོ་བོ་ཉིད་མེད་གནས་མེད་པར། །དེ་ལྟར་ཆོས་འདི་ཤེས་ནས་སུ། །སེམས་ཅན་དོན་ནི་མཉམ་མེད་བྱོས། །འོན་ཀྱང་སངས་རྒྱས་སྲས་སུ་སྐྱེ། །དེ་ནས་ཨ་ལས་བྱུང་བའི་
ཆོས་ཀྱི་དྲིལ་བུ་དཀྲོལ་དུ་གཞུག་པར་བྱའོ། །ཆོས་རྣམས་ནམ་མཁའི་མཚན་ཉིད་དེ། །ནམ་མཁའ་ལ་ཡང་མཚན་ཉིད་མེད། །ནམ་མཁའ་དང་མཉམ་སྦྱོར་བ་ཡིས། །ཀུན་མཆོག་མཉམ་པ་ཉིད་དུ་གསལ། །དེ་ནས་དེ་བཞིན་གཤེགས་པ་ཐམས་ཅད་མཉེས་པར་བྱོས་

62-1-108b

ཤིག་ཅེས་བརྗོད་དེ། གཞུ་བྱིན་ལ་ཕྱོགས་བཞིར་མདའ་བཞི་དང་། སྟེང་དུ་གཅིག་འོག་ཏུ་གཅིག་འཕེན་དུ་གཞུག་པར་བྱའོ། །ཧོ་ཞེས་བྱ་བ་ནི་མདའ་སྦྱིན་པའི་སྙིང་པོའོ། །ཡང་མེ་ལོང་བླངས་ལ་འདི་སྐད་ཅེས་བརྗོད་པར་བྱ་སྟེ། རྡོ་རྗེ་སེམས་དཔའ་མེ་ལོང་བཞིན། །དག་
ཅིང་གསལ་ལ་རྙོག་པ་མེད། །སངས་རྒྱས་ཀུན་བདག་རང་ཉིད་ནི། །བུ་ཁྱོད་ཀྱི་ནི་སྙིང་ལ་ཞུགས། །འདི་སྐད་ཅེས་ཀྱང་བརྗོད་པར་བྱའོ། །གང་འདི་དེ་བཞིན་གཤེགས་པ་ཐམས་ཅད་ཀྱི་བདག་པོ་བྱང་ཆུབ་ཀྱི་སེམས་ནི་འདི་ཡིན་པར་ཤེས་པར་གྱིས་ཤིག །དེ་ལ་མེ་ལོང་
གི་སྔགས་ནི་ཨོཾ་བཛྲ་སཏྭ་ཞེས་བྱའོ། །དེ་ནས་རྐང་པ་གཉིས་ཀྱི་བར་དུ་ཆོས་ཀྱི་འཁོར་ལོ་བཞག་ལ་ལག་པ་གཡས་སུ་དུང་བྱིན་ལ་འདི་སྐད་ཅེས་བརྗོད་པར་བྱ་སྟེ། དེང་ནས་བརྩམས་ཏེ་སེམས་བསྐྱེད་པ། །ཙམ་གྱིས་ཆོས་ཀྱི་འཁོར་ལོ་བསྐོར། །དི་རིང་ཕན་ཆད་
འཇིག་རྟེན་ལ། །སྐྱོབ་པ་རྣམས་ཀྱིས་འཁོར་ལོ་བསྐོར། །ཆོས་ཀྱི་དུང་ནི་བླ་མེད་པས། །ཀུན་དུ་མ་ལུས་གང་བར་གྱིས། །སོམ་ཉི་ཡིད་གཉིས་མི་བྱ་ཞིང་། །དོགས་པ་མེད་པའི་སེམས་ཀྱིས་སུ། །གསང་སྔགས་སྤྱོད་པའི་ཚུལ་གྱི་མཆོག །འཇིག་རྟེན་འདི་ལ་
རབ་ཏུ་སྒྲོགས། །དེ་ལྟར་བྱས་ན་སངས་རྒྱས་ལ། །ཕན་འདོགས་དྲིན་དུ་གཟོ་ཞེས་བྱ། །རྡོ་རྗེ་འཛིན་པ་དེ་ཀུན་ཡང་། །ཀུན་དུ་ཁྱོད་ལ་སྲུང་བར་བྱེད། །ཅེས་བྱ་བས་རྡོ་རྗེ་འཁོར་ལོ་དང་རྡོ་རྗེ་སྨྲ་བའི་ཆོས་ཀྱི་ཡི་གེ་དང་བཅས་པ་སྦྱིན་པར་བྱའོ། །ཡང་། འཇིག་རྟེན་ཀུན་
ལ་ཐམས་ཅད་དུ། །སེམས་ཅན་ཀུན་ལ་ཕན་པའི་ཕྱིར། །ཇི་ལྟར་སྣ་ཚོགས་འདུལ་འགྱུར་བར། །ཆོས་ཀྱི་འཁོར་ལོ་རབ་ཏུ་བསྐོར། །དེ་བཞིན་དུ་རྡོ་རྗེ་དང་། པདྨ་དང་ནོར་བུའི་འཁོར་ལོ་རབ་ཏུ་བསྐོར་ཞེས་ཚིགས་སུ་བཅད་པ་ལྔས་རྗེས་སུ་གནང་བ་ཡང་སྦྱིན་པར་བྱའོ། །
དེ་ནས་ཐམས་ཅད་གཟེངས་བསྟོད་པས། །ཀུན་དུ་སངས་རྒྱས་བདག་བསྒོམ་པའོ། །རྡོ་རྗེ་མིང་དབང་བསྐུར་བས་ཀྱང་། །དེ་བཞིན་གཤེགས་པར་ལུང་བསྟན་ཉིད། །ཨོཾ་འདི་ནི་ངས་ཁྱོད་ལུང་བསྟན་ཡིན། །རྡོ་རྗེ་སེམས་དཔའ་དེ་བཞིན་གཤེགས། །སྲིད་པ་ཤིན་ཏུ་གྲུབ་

62-1-109a

པའི་ཕྱིར། །སྲིད་པའི་ངན་འགྲོ་རྣམས་ལས་བཏོན། །ཀྱེ་རྡོ་རྗེ་ཆེ་གེ་མོ་ཞེས་བྱ་བའི་དེ་བཞིན་གཤེགས་པ། སིདྡྷི་ས་མ་ཡ་སྟྭཾ་བྷུ་ར་བྷུ་བ་སྭཿདེ་ལ་གཟེངས་བསྟོད་པ་ནི་འདི་ཡིན་ཏེ། དེ་བཞིན་གཤེགས་པའི་ཁུ་ཚུར་གཉིས་བཅིངས་ཏེ། གཡོན་པས་ཆོས་གོས་
འཛིན་པའི་ཚུལ་དུ་བྱས་ལ། གཡས་པས་མཆོག་སྦྱིན་པའི་ཚུལ་དུ་བྱའོ། །དེ་ནས་སློབ་མ་རྣམས་དབུགས་དབྱུང་བ་བྱས་ལ། ཐམས་ཅད་ལ་གསང་བའི་ཡེ་ཤེས་བསླབ་པར་བྱའོ། །འདོད་ཆགས་བྲལ་བ་ལྟ་བུ་ཡི། །ཁམས་གསུམ་ན་ནི་སྡིག་མེད་དེ། །དེ་བས་འདོད་ལ་ཆགས་བྲལ་
བར། །ཁྱེད་ཀྱིས་ནམ་ཡང་མ་བྱེད་ཅིག །མ་ཧཱ་ས་མ་ཡ་ཧ་ན་ཕཊ། དེ་ནས་སྔགས་བྱིན་ལ་རང་གི་ལྷའི་ཕྱག་རྒྱ་བཞིའི་ཡེ་ཤེས་བསླབ་པར་བྱའོ། །ཆོ་ག་འདི་སྐད་ཅེས་བརྗོད་པར་བྱ་སྟེ། ཁྱོད་ཀྱིས་གཞན་ཕྱག་རྒྱ་མི་མཁས་པ་གང་ལ་ཡང་ཕྱག་རྒྱ་གཅིག་ཙམ་ཡང་སྟོན་པར་མ་བྱེད་ཅིག །དེ་ཅིའི་
ཕྱིར་ཞེ་ན། འདི་ལྟར་སེམས་ཅན་དེ་རྣམས་ཀྱིས་དཀྱིལ་འཁོར་མ་མཐོང་བར་སེམས་དཔའི་ཕྱག་རྒྱ་བཅིང་བ་ལ་སྦྱོར་བར་བྱེད་ཀྱང་། དེ་རྣམས་ཀྱིས་དངོས་གྲུབ་ཇི་ལྟ་བ་བཞིན་དུ་ཐོབ་པར་མི་འགྱུར་བ་དང་དེ་ནས་ད་སོམ་ཉི་ཟ་བར་གྱུར་པས་ཡ་ང་བ་མ་སྤངས་པར་མྱུར་བ་ཉིད་དུ་དུས་བྱས་ནས་
སེམས་ཅན་དམྱལ་བ་ཆེན་པོ་མནར་མེད་པར་ལྟུང་བར་འགྱུར་ལ། རྒྱུ་དེས་ཁྱོད་ཀྱང་ངན་འགྲོར་འགྲོ་བར་འགྱུར་རོ། །དེ་ནས་སྒེག་མོ་ལ་སོགས་པའི་མཆོད་པ་བརྒྱད་དང་མེ་ཏོག་ལ་སོགས་པས་དེ་བཞིན་གཤེགས་པ་ཐམས་ཅད་ལ་ཡང་དག་པར་མཆོད་ལ་ཐམས་ཅད་ལ་ཅི་ནུས་
པར་མཆོད་དོ་ཞེས་དེ་བཞིན་གཤེགས་པ་ཐམས་ཅད་ལ་གསོལ་བ་བཏབ་ནས་བདུག་སྤོས་ལ་སོགས་པས་ཅི་འདོད་པར་མཆོད་པ་བྱེད་དུ་བཅུག་ལ། ཇི་ལྟ་བ་བཞིན་དུ་ཞུགས་པ་རྣམས་ལ་འབྱོར་པ་ཅི་ཡོད་པའི་བཟའ་བ་དང་བཏུང་བ་ལ་སོགས་པ་ཐམས་ཅད་དང་། དཀྱིལ་འཁོར་ཆེན་
པོར་ཕུལ་བའི་ཡོ་བྱད་ཐམས་ཅད་ཀྱིས་ཚིམ་པར་བྱས་ནས། འདི་དེ་སངས་རྒྱས་ཐམས་ཅད་དེ། །ཞེས་བྱ་བ་ལ་སོགས་པས་དངོས་གྲུབ་ཀྱི་རྡོ་རྗེ་བརྟུལ་ཞུགས་སྦྱིན་པར་བྱའོ། །དེ་ནས་ཡང་ཐམས་ཅད་སུ་ལ་ཡང་སྨྲ་བར་མ་བྱེད་ཅིག །ཅེས་བསྒོ་ལ་མནའི་སྙིང་པོ་བརྗོད་པར་བྱའོ། །

62-1-109b

དེ་ནས་ཞུགས་པ་རྣམས་སླར་བཏང་ནས། ཡང་དེ་བཞིན་གཤེགས་པ་ཐམས་ཅད་ལ་མཚན་བརྒྱ་རྩ་བརྒྱད་པས་བསྟོད་དེ། སྒེག་མོ་ལ་སོགས་པས་ཡང་དག་པར་མཆོད་ལ་ཕྱག་བྱས་ནས་ལྷ་ཆེན་པོ་ཆུང་མ་དང་བཅས་པ་སྔ་མ་བཞིན་དུ་བླངས་ལ་མཆོད་ནས། བཅོམ་ལྡན་འདས་འཁོར་
དང་བཅས་པ་ལ་མཆོད་ཡོན་ཕུལ་ཏེ། དགེ་བའི་རྩ་བ་རྣམས་མངོན་པར་འདོད་པའི་དངོས་གྲུབ་ཀྱི་དོན་དུ་བསྔོས་ལ། རྣམ་པར་སྣང་མཛད་ལ་སོགས་པའི་དམ་ཚིག་གི་ཕྱག་རྒྱ་བཅིངས་ཏེ་བཛྲ་མུཿཞེས་བྱ་བ་འདིས་ཕྱག་རྒྱ་གང་དང་གང་ནས་བྱུང་བའི་གནས་དེ་དང་དེ་ཉིད་ནས་དགྲོལ་
བར་བྱའོ། །དེ་ནས་ཨོཾ་བཛྲ་རཏྣ་ཨ་བྷི་ཥིཉྩ་སརྦ་མུ་དྲ་མུ་བཾ་ཞེས་བྱ་བ་འདིས་སྙིང་ག་ནས་བྱུང་བ་རྡོ་རྗེ་རིན་ཆེན་གྱི་ཕྱག་རྒྱ་རང་གི་དབང་བསྐུར་བའི་གནས་སུ་གནས་པས་དབང་བསྐུར་ལ། མཛུབ་མོ་གཉིས་ཀྱིས་ཕྲེང་བ་བཅིང་བར་བྱས་ནས་དེ་བཞིན་དུ་གོ་ཆ་བགོ་བར་བྱའོ། །དེ་ལ་
རྡོ་རྗེ་རིན་ཆེན་འདིས་རྡོ་རྗེ་རིན་ཆེན་གྱི་ཕྱག་རྒྱ་མཐེ་བོང་སྙོམས་མཛུབ་མོ་གཉིས་ཀྱི་རྩེ་མོར་སྦྱར་ནས་གོ་ཆའི་མཐར་ཕྲེང་བ་བཅིང་བར་བྱས་ལ་བཛྲ་ཏུ་ཥྱ་ཧོ་ཞེས་བྱ་བ་འདི་དང་མཉམ་པའི་ཐལ་མོས་མཉེས་པར་བྱའོ། །ཡང་ཕྱག་བྱས་ལ་བདག་གིས་ཆོ་ག་མ་ཚང་བར་བགྱིས་པ་གང་
ལགས་པ་དེ་ཐམས་ཅད་བདག་ལ་བཟོད་པར་མཛོད་ཅིག །ཅེས་དེ་བཞིན་གཤེགས་པ་ཐམས་ཅད་ལ་གསོལ་བ་བཏབ་ནས་ཁྲོ་བོ་ཏི་རཱིནྟི་རིའི་ཕྱག་རྒྱ་བཅིངས་ཏེ། ཡི་གེ་ཧཱུྃ་བཞི་ཟློས་བཞིན་དུ་དཀྱིལ་འཁོར་ལ་བསྐོར་བ་ལན་གསུམ་བྱས་ནས་གཤེགས་སུ་གསོལ་བའི་ཕྱིར། 
ཡང་དག་པར་བསྐུལ་བར་བྱའོ། །ཨོཾ་ཀྲྀ་ཏྭ་བ་སརྦ་སཏྭ་ཨརྠ་སིདྡྷྱི་ཡཱ་ཐ་ནུ་ག །གཙྪ་དྷརྨ་བུདྡྷ་བི་ཤྭ་ཡཾ། པུ་ན་རཱ་ག་མ་ན་ཡ་དུ་མའི་མཐའ་དང་བཅས་པའི་ཧཱུྃ་བཞི་ཟློས་ཤིང་ཁྲོ་བོ་ཏི་རཱིནྟི་རིའི་ཕྱག་རྒྱ་གྱེན་དུ་དགྲོལ་བར་བྱའོ། །དེ་ལྟ་བུས་ནི་ཐམས་ཅད་གཤེགས་སུ་
གསོལ་བར་འགྱུར་རོ། །ཇི་ལྟ་བ་བཞིན་དུ་སྤྲུལ་པའི་འཁོར་ལོའི་ཚོགས་འཁོར་དང་བཅས་པ་ནི་ཡིད་ཀྱི་ལེགས་པའི་སྦྱོར་བས་རང་གི་ལུས་ལ་བཅུག་ལ་ཡི་གེ་བརྒྱ་པ་དང་། རྡོ་རྗེ་སེམས་དཔའ་ཡོངས་སུ་བཟླས་ནས་རྡོ་རྗེ་སྲུང་བ་དང་། རྡོ་རྗེ་གནོད་སྦྱིན་དང་། རྡོ་རྗེ་ཁུ་

62-1-110a

ཚུར་གྱིས་བདག་ཉིད་བསྲུང་བར་བྱའོ། །དེ་ནས་ཨ་ཀཱ་རོ་མུ་ཁཾ་སརྦ་དྷརྨཱ་ཎཱཾ་ཨཱ་དྱ་ནུཏྤནྣ་ཏྭཱ་ཏ་ཅེས་ཟློས་ཤིང་དཀྱིལ་འཁོར་ཕྱིས་ལ་དམན་པ་ལ་སོགས་པ་ཆུ་བོར་དོར་བར་བྱའོ། །དེ་ནས་ཧཱུྃ་བཞིས་ཕུར་བུ་བཏོན་ལ་ཨོཾ་རུ་རུ་སྥུ་རུ་ཛྭ་ལ་ཏིཥྛ་སིདྡྷ་ལོ་ཙ་ནི་སརྦ་ཨརྠ་སཱ་དྷ་ནི་
སྭཱ་ཧཱ་ཞེས་བྱ་བ་ལན་བརྒྱ་རྩ་བརྒྱད་བཟླས་པའི་འོ་མས་ཕུར་བུ་དང་། གཟུགས་བརྙན་ཐམས་ཅད་བཀྲུ་བར་བྱ་ཞིང་ཁུང་བུ་ཡང་དགང་བར་བྱའོ། །དཀྱིལ་འཁོར་ཆོ་ག་བྱས་པ་ལས། །བདག་གིས་དགེ་བ་གང་བསགས་དེ། །ཀུན་དགའ་སྙིང་པོ་དྲག་པོ་མཆོག །འཇིག་རྟེན་ཀུན་མཁྱེན་
ཉིད་གྱུར་ཅིག །དཔལ་ཁམས་གསུམ་རྣམ་པར་རྒྱལ་བའི་དཀྱིལ་འཁོར་གྱི་ཆོ་ག་འཕགས་པ་དེ་ཁོ་ན་ཉིད་བསྡུས་པ་ལས་བཏུས་པ། སློབ་དཔོན་ཀུན་དགའ་སྙིང་པོའི་ཞལ་སྔ་ནས་ཀྱིས་མཛད་པ་རྫོགས་སོ།།      །།འདིའི་གཞུང་ཚད་ནི་ཤློ་ཀ་སྟོང་ཉིས་བརྒྱ་ཉི་ཤུ་རྩ་ལྔ་ཡོད་དོ། །རྡོ་རྗེ་
ཡེ་ཤེས་མངོན་འདོད་པའི། །སེམས་ཅན་ཀུན་ལ་ཕན་ཕྱིར་དང་། །བླ་མེད་འབྲས་བུ་ཐོབ་བྱའི་ཕྱིར། །རིན་ཆེན་བཟང་པོས་བསྒྱུར་བ་ཡིན།    །༄། །དཔལ་མཆོག་དང་པོའི་དཀྱིལ་འཁོར་གྱི་ཆོ་ག་བཞུགས།  ༄༅༅། །དཔལ་མཆོག་དང་པོའི་དཀྱིལ་
འཁོར་གྱི་ཆོ་ག་ཞེས་བྱ་བ། དཔལ་རྡོ་རྗེ་སེམས་དཔའ་ལ་ཕྱག་འཚལ་ལོ། །སྔོན་དུ་བསྙེན་པ་བྱས་ནས། ཉིན་རེའམ། ཟླ་རེའམ། ལོ་རེ་ཞིང་རྣལ་འབྱོར་ཆེན་པོ་ཉིད་ཀྱིས་དཀྱིལ་འཁོར་ཆེན་པོ་བྲི་བར་བྱའོ། །དེ་ལ་དང་པོ་ཁོ་ནར་ཡོ་བྱད་ཐམས་ཅད་དང་ཡང་དག་པར་ལྡན་
པས། མངོན་པར་འདོད་པའི་སའི་དབུས་སུ་མི་རུས་ཀྱི་ཕྱེ་མའི་སྦྱིན་སྲེག་དང་མངོན་སྤྱོད་ཀྱི་སྦྱིན་སྲེག་གི་ཆོ་གས་དཀྱིལ་འཁོར་གྱི་བགེགས་བཟློག་ལ། བདག་དང་སློབ་མའི་བགེགས་ཞི་བར་བྱེད་པའི་སྦྱིན་སྲེག་བྱའོ། །དེ་ནས་རྡོ་རྗེ་གནོད་སྦྱིན་གྱིས་སེམས་ཅན་གདུག་
པ་ཅན་རྣམས་བསྐྲད་ལ་གནས་བསྲུང་བར་བྱ་སྟེ། ཡང་དེ་ཉིད་ཀྱི་སྔགས་ལན་བདུན་བཟླས་པའི་ཉུངས་ཀར་དང་ཆུ་དང་ཐལ་བ་རྣམས་ཀྱིས་གཏོར་ལ། སའི་ཕྱོགས་དེར་ཁྲུ་གང་ཙམ་མམ། འདོམ་གང་ཙམ་བརྐོས་ལ། སྟེང་འོག་བཟློག་ལ། སྐྲ་དང་རུས་པ་དང་། ཞོག་

62-1-110b

མ་དང་། ཐལ་བ་ལ་སོགས་པ་བསལ་ཏེ། དག་ཅིང་དྲི་ཞིམ་པའི་སས་བཀང་ལ། རྡོ་རྗེ་རྩེ་མོ་ཡོངས་སུ་བཟླས་པའི་སྤོས་ཆུས་སྦང་ཞིང་འཐས་པར་བཅག་པར་བྱའོ། །ཤིན་ཏུ་མཉམ་པའི་སྒོ་བཞི་པའི་ཁང་པ་བརྩེགས་པའི་ནང་དུ་ཆུད་པར་རྟ་བབས་བཞིས་མཛེས་
པར་བྱས་པ། སྒོ་བཞི་སྒོ་གླེགས་བཟང་པོས་བསྐོར་བའི་གནས་སུ། སློབ་མ་ཤིན་ཏུ་མཁས་པས་ཤར་ཕྱོགས་ནས་བརྩམས་ཏེ། རྡོ་རྗེ་གནོད་སྦྱིན་གྱི་སྔགས་བཟླས་པའི་བའི་རྣམ་ལྔས་ལེགས་པར་བྱུག་ཅིང་དེ་ཉིད་ཡོངས་སུ་བཟླས་པའི་སྤོས་ཆུས་བསང་གཏོར་བྱ་བ་དང་། དེ་ཉིད་
ཡོངས་སུ་བཟླས་པའི་རིན་པོ་ཆེ་དང་། འབྲུ་དང་སྨན་ཐམས་ཅད་དེའི་དབུས་སུ་གཞག་པར་བྱ་སྟེ། ས་ཡོངས་སུ་སྦྱང་བའི་ཆོ་གའོ།    །དེ་ལས་ཡོངས་སུ་སྦྱངས་ཤིང་འཐས་པར་བཅགས་ཟིན་པ་རྡོ་རྗེ་གནོད་སྦྱིན་གྱིས་བགེགས་བསལ་ལ། ཉུངས་ཀར་དང་། ཆུ་དང་
ཐལ་བ་རྣམས་ལ་རྡོ་རྗེ་གནོད་སྦྱིན་གྱི་སྔགས་ལན་བདུན་བཟླས་པས་མངོན་པར་གཏོར་བར་བྱའོ། །དེ་ནས་ཡང་སློབ་མ་ཤིན་ཏུ་མཁས་པས་རྡོ་རྗེ་གནོད་སྦྱིན་གྱི་སྔགས་ལན་བདུན་བཟླས་པའི་བའི་རྣམ་ལྔས་ལེགས་པར་བྱུག་ཅིང་། སྤོས་ཆུས་ཀྱང་ཕྱོགས་དེར་བསང་གཏོར་བྱའོ། །
དེ་ནས་རིན་པོ་ཆེ་དང་། འབྲུ་སྨན་ཐམས་ཅད་ལ་བཟླས་བརྗོད་ལན་བདུན་བྱས་པས་དེའི་དབུས་སུ་གཞུག་པར་བྱ་སྟེ། འདི་ཡིས་འདིར་ས་སྦྱང་བའི་ཆོ་གའོ། །དེ་ནས་ཡང་སློབ་མ་ཤིན་ཏུ་མཁས་པས་སའི་ཤར་ཕྱོགས་ནས་བརྩམས་ཏེ། རྡོ་རྗེ་གནོད་སྦྱིན་གྱི་སྔགས་ཡོངས་
སུ་བཟླས་པའི་དྲིས་ལེགས་པར་བྱུག་པར་བྱའོ། །དེ་ནས་ལུགས་མ་དང་། འབུར་དུ་བརྐོས་པ་དང་། རིས་སུ་བྲིས་པའི་སངས་རྒྱས་དང་བྱང་ཆུབ་སེམས་དཔའ་རྣམས་དང་། དབང་ཕྱུག་ཆེ་སོགས་ཕྱག་རྒྱ་ཡིས། །གྲུབ་པའི་རྡོ་རྗེ་ཆེར་བསྟོད་པས། །རིགས་པའི་ཚོགས་
རྣམས་ཀྱིས་བརྒྱན་ཅིང་། །ཐ་མར་མཚོན་གྱི་ར་བས་ཉེ་བར་མཛེས་པར་བྱ་བ་དང་། རྒྱལ་མཚན་གྱི་དམ་པ་དང་། བླ་རེའི་མཆོག་དྲིལ་བུ་བཏགས་པ་བྲེ་བ་དང་། མེ་ཏོག་དང་མར་མེ་དང་། མེ་ཏོག་གི་ཆུན་འཕྱང་དང་། དྲ་བ་དང་དྲ་བ་ཕྱེད་པ་དང་། ཟླ་བ་ཕྱེད་པ་དང་། 

62-1-111a

ཟླ་བ་རྡོ་རྗེ་དང་། རིན་པོ་ཆེ་དང་། བ་དན་དང་ཕྲེང་བ་རྣམས་དང་། སྒོ་བཞི་དང་མཚམས་བཞིར་སྤོས་ཁང་བཞག་པ་དང་། རོལ་མོ་དང་། གླུ་དང་། གར་རྣམས་ཀྱིས་ཡང་དག་པར་མཆོད་ནས། ས་ལ་ལག་པ་བཞག་སྟེ། ཧཱུྃ་དང་ཡི་གེ་བརྒྱ་པ་ལན་བདུན་
བཟླས་བརྗོད་བྱའོ། །ས་ཡོངས་སུ་གཟུང་བའི་ཆོ་གའོ།    །དེ་ནས་དཀྱིལ་འཁོར་གྱི་སའི་དབུས་སུ་འདུག་ལ། བགེགས་གཞོམ་པ་ལ་སོགས་པ་ཇི་ལྟ་བ་བཞིན་དུ་བྱས་ཏེ། དང་པོའི་རྡོ་རྗེས་དཀྱིལ་འཁོར་གྱི་ཡུལ་ལ་ཕྱག་བྱ་བ་ལ་སོགས་པ་སྔོན་དུ་འགྲོ་བས་སྡོམ་པ་བཟུང་
ནས་ལྷའི་རྣལ་འབྱོར་དང་། གཞལ་ཡས་ཁང་དང་། གདན་རྣམས་བསྐྱེད་དེ། དབུས་སུ་སེམས་དཔའི་སྐྱིལ་མོ་ཀྲུང་གིས་འདུག་ལ། འདི་ལྟར་བདག་ཉིད་སྤྲོ་བ་བསྐྱེད་པར་བྱ་སྟེ། དེང་དུ་བདག་ཚེ་འབྲས་བུ་ཡོད། །བདག་གི་གསོན་པ་འབྲས་བུར་བཅས། །ལྷ་དང་དམ་
ཚིག་གིས་མཉམ་པར། །གྱུར་པར་བདག་ནི་སོམ་ཉི་མེད། །བྱང་ཆུབ་སེམས་དང་སེམས་གཅིག་ལས། །མི་ལྡོག་པར་ནི་བདག་འགྱུར་ཏེ། །དེ་བཞིན་གཤེགས་པའི་རིགས་སུ་ནི། །དེང་བདག་སྐྱེ་བར་ཐེ་ཚོམ་མེད། །དེང་བདག་ཉི་མ་དམ་པ་སྟེ། །བདག་གི་མཆོད་སྦྱིན་བླ་
ན་མེད། །སངས་རྒྱས་ཐམས་ཅད་སྤྱན་འདྲེན་པས། །དེང་བདག་འདུས་པའི་མཆོག་ཡིན་ནོ། །དེ་ནས་ལུས་ཐམས་ཅད་ཀྱིས་ཕྱག་བྱས་ལ། བདུག་སྤོས་ཕུལ་ཏེ་སངས་རྒྱས་ཐམས་ཅད་ལ་གསོལ་བ་གདབ་པར་བྱའོ། །མ་ལུས་ཕྱོགས་ན་བཞུགས་པ་ཡི། །སངས་རྒྱས་ཐམས་ཅད་
དགོངས་སུ་གསོལ། །བདག་མིང་འདི་ཞེས་བགྱི་བ་ཡིས། །རྡོ་རྗེ་ཅན་གྱི་དཀྱིལ་འཁོར་བྲི། །དེང་འདིར་སངས་རྒྱས་ཀུན་གཤེགས་ཏེ། །དངོས་གྲུབ་འདི་ནི་སྩལ་དུ་གསོལ། །ཞེས་བརྗོད་དེ་ཡན་ལག་ཐམས་ཅད་ཀྱིས་ཕྱག་བྱས་ཏེ། དང་པོའི་སྦྱོར་བ་དང་། དཀྱིལ་འཁོར་གྱི་
ཕྱོགས་དང་ལས་ཀྱི་མཆོག་ཅེས་བྱ་བའི་ཏིང་ངེ་འཛིན་བསྒོམས་ལ། སྔ་མ་བཞིན་དུ་ཆོ་ག་ཐམས་ཅད་རྗེས་སུ་སྤྱད་དེ། ཧཱུྃ་ཟློས་པ་ལ་བརྩོན་ཞིང་ཕྱག་རྒྱ་ཆེན་པོ་བསྒོམ་པར་བྱའོ། །དེ་ནས་དཀྱིལ་འཁོར་བྲི་བར་བྱ་བའི་ཕྱིར། བདག་ཉིད་ལ་དེ་བཞིན་གཤེགས་པ་ཐམས་ཅད་

62-1-111b

ཀྱིས་གསོལ་བ་བཏབ་པར་གྱུར་པར་བསམས་ཏེ། བཅོམ་ལྡན་ཁྱོད་ལ་གསོལ་བ་ནི། །འདོད་ཆགས་ཆེན་པོ་བདེ་བ་ཆེ། །སྙིང་པོ་འདི་ནི་རྟག་པ་ཉིད། །བདེ་ཆེན་མྱུར་དུ་བསྒྲུབ་པར་མཛོད། །ཅེས་བྱ་བས་གསོལ་བ་བཏབ་པར་བསམ་མོ། །དེ་ནས་དེ་ལས་ལངས་ཏེ། དེ་བཞིན་གཤེགས་
པ་ཐམས་ཅད་ཀྱི་ཞབས་ལ་ཕྱག་འཚལ་ཏེ། དེ་བཞིན་གཤེགས་པ་ཐམས་ཅད་ཀྱིས་ནམ་མཁའ་ཀུན་དུ་གང་བར་བསམས་ལ། བདག་ནི་རང་ཉིད་རྡོ་རྗེ་ཅན། །རྡོ་རྗེ་སེམས་དཔའ་བདག་རང་ཉིད། །བདག་ནི་སངས་རྒྱས་རྒྱལ་པོ་ཆེ། །སྟོབས་ཆེན་རྡོ་རྗེ་ཅན་བདག་ཉིད། །རྣལ་
འབྱོར་དབང་ཕྱུག་རྒྱལ་པོ་བདག །ཕྱག་ན་རྡོ་རྗེ་བསྟན་བདག་སྟེ། །བདག་པོ་རྡོ་རྗེ་ཆེན་པོ་བདག །བྱིན་གྱིས་བརླབས་པ་མི་འདོར་རོ། །ཧཱུྃ་ཞེས་བརྗོད་པར་བྱའོ། །མཆོག་ཏུ་དམ་ཚིག་གསུམ་ཐོབ་པའི། །སློབ་དཔོན་རང་གི་ཕྱག་རྒྱ་ཡིས། །རྡོ་རྗེ་དྲིལ་བུ་འཆང་བྱ་ཞིང་། །འཁོར་
ལོའི་ཆོ་ག་ཐམས་ཅད་བྱ། །རྟོག་པ་ཀུན་ལ་སྙོམས་འཇུག་པས། །དཀྱིལ་འཁོར་ཐམས་ཅད་བསྒྲུབ་པར་བྱ། །དམ་ཚིག་ཆེ་གསུམ་ཅེས་བྱ་བའི། །རྒྱ་འདི་གསང་སྔགས་སྒྲུབ་བྱེད་པའོ། །དངོས་གྲུབ་ཀུན་གྱི་ཆོ་ག་ལ། །རྡོ་རྗེ་དྲིལ་བུ་རབ་བསྐུལ་བས། །ཆོ་ག་ལྷག་གམ་མ་
ཚང་ན། །འགྲུབ་པར་འགྱུར་ཏེ་སྨད་མི་བྱ། །དེ་ནས་དཀྱིལ་འཁོར་ཐམས་ཅད་མངོན་དུ་བྱས་ལ། དང་པོའི་རྡོ་རྗེ་ཧཱུྃ་བཛྲ་ཨུ་ཏིཥྛ་མ་ཧཱ་མཎྜལ་ཨུ་ཐ་པ་ལ་ཞེས་བརྗོད་དོ། །བར་སྣང་གི་ཕྱོགས་སུ་དཀྱིལ་འཁོར་བཞག་ལ། བདག་ཉིད་བདག་པོའི་རྡོ་རྗེ་དེ་ཉིད་ཧཱུྃ་གིས་བྱིན་གྱིས་བརླབས་ལ། 
ཡང་ཕྱག་རྒྱ་ཆེན་པོ་བསམས་ཏེ། ཨོཾ་བཛྲ་ཏིཥྛ་མ་ཊ་ཞེས་བྱ་བ་མིག་གཉིས་སུ་བཀོད་དེ། དེ་བཞིན་དུ་ལངས་ལ་ཕྱག་རྒྱས་གནས་པས་ཐམས་ཅད་དུ་བལྟས་ཏེ། བསྙེམས་པས་ཧཱུྃ་འདོན་ཞིང་སོང་ལ་རྐང་པ་གཉིས་ཀྱི་འོག་ཏུ་ཨ་ལས་སྣ་ཚོགས་རྡོ་རྗེ་བསམས་ཏེ། རྐང་པ་ནས་བརྩམས་
ནས་ནམ་མཁའི་ཁམས་མ་ལུས་པ་དང་མཉམ་པར་གནས་པའི་སའི་ཆ་རྡོ་རྗེར་གྱུར་པར་ལྷག་པར་མོས་པར་བྱས་ལ། རྡོ་རྗེའི་ལྟ་བས་ཀྱང་གཡོན་པར་བགེགས་བསལ་ཏེ། བསྐོར་ཕྱོགས་དང་སྟེང་ཕྱོགས་དང་ནམ་མཁའི་ཕྱོགས་ཐམས་ཅད་དུ་དཀྱིལ་འཁོར་མཚམས་བཅད་

62-1-112a

པ་དང་། ར་བ་དང་དྲ་བ་དག་བྱའོ། །དེ་ནས་སྒོ་དབྱེ་བའི་ཕྱག་རྒྱས་སྒོ་ཕྱེ་ལ། རྡོ་རྗེ་རྒྱུའི་ངོ་བོ་ཞལ་བཞི་པ། ཕྱག་བཞི་པའི་གསང་བའི་གཟུགས་ཅན་གྱིས་དཀྱིལ་འཁོར་ཕྱག་རྒྱ་དང་། སྔགས་འདི་དང་ལྡན་པས་དགུག་པར་བྱའོ། །ཨོཾ་མ་ཧཱ་བཛྲ་མཎྜ་ལ་ཧཱུྃ་ཛཿ
རྡོ་རྗེ་ཁུ་ཚུར་གཉིས་ལས་མཐེ་བོང་དང་མཛུབ་མོ་རྡོ་རྗེར་བྱ་བ་ནི་དཀྱིལ་འཁོར་ཐམས་ཅད་དགུག་པར་བྱེད་པ་རྡོ་རྗེ་འཁོར་ལོ་ཞེས་བྱ་བའི་ཕྱག་རྒྱའོ། །ཨོཾ་བཛྲ་ཙཀྲ་ཨ་དྷི་ཏིཥྛ་སིདྡྷཾ་ཧཱུཾ། ཞེས་བྱ་བའི་ཕྱག་རྒྱ་འདི་དང་ལྡན་པས་དཀྱིལ་འཁོར་ཡང་བྱིན་གྱིས་བརླབ་པར་བྱའོ། །རྡོ་རྗེ་ཁུ་ཚུར་
གཉིས་འཁོར་ལོ་བསྐོར་བའི་ཚུལ་དུ་མགལ་མེ་བསྐོར་བ་ལྟར་བྱ་བ་ནི་འདིའི་ཕྱག་རྒྱའོ། །དེ་ནས་སེང་ལྡེང་གི་རྡོ་རྗེ་ཕུར་བུ་མཐའ་ཡས་དང་རྣམ་པར་རྒྱལ་བ་དང་། སྤྲིན་སྒྲ་དང་གསུས་པོ་ཆེ་རྒྱལ་བ་ཞེས་བྱ་བ་དང་། རིམ་པ་བཞིན་དུ་སྟེང་གི་འཁོར་ལོས་སྒྱུར་བ་དང་། རྡོ་རྗེ་ཧཱུཾ་མཛད་
དང་། འཕགས་པ་འཇམ་དཔལ་དང་། གཤིན་རྗེ་གཤེད་དང་། རྡོ་རྗེ་ཆེན་པོ་དང་། རྟ་མགྲིན་ལྟ་བུ་ལ་འོག་རྡོ་རྗེ་རྩེ་གཅིག་པ་ལྟ་བུར་བསྐྱེད་ལ་ཙནྡན་དམར་པོ་བྱུག་ཅིང་། སྲད་བུ་དམར་པོ་དང་། མེ་ཏོག་གི་ཕྲེང་བ་དམར་པོས་བཅིངས་ལ། ཨོཾ་ཀོ་ཏ་ཡ་ཏྲི་ཡ་ཏ་མ། 
ཙི་ཏ་ཏྲ་ཏི་ཏ་མ་ཊ་ཞེས་བྱ་བ་བརྒྱ་རྩ་བརྒྱད་བཟླས་བརྗོད་བྱས་ཏེ། དེ་གཡོན་པའི་རྡོ་རྗེ་ཁུ་ཚུར་གྱིས་བཟུང་ལ། ཕྱིའི་དཀྱིལ་འཁོར་གྱི་གྲྭ་བཞིར་དབང་ལྡན་གྱི་ཕྱོགས་ནས་བརྩམས་ཏེ། རྡོ་རྗེ་ཐལ་མོས་བརྡུང་བར་བྱའོ། །དེ་ནས་རྡོ་རྗེ་གནོད་སྦྱིན་གྱིས་བགེགས་བསལ་ལ། སྲུང་
བ་བྱས་ཏེ་དེ་བཞིན་དུ་རྡོ་རྗེ་ཁུ་ཚུར་གྱིས་སྒོ་བཅད་ལ་རྡོ་རྗེ་གནོད་སྦྱིན་གྱི་སྲུང་བས་ཡང་དག་པར་བསྲུངས་ཏེ། རྡོ་རྗེ་གནོད་སྦྱིན་ཡོངས་སུ་བཟླས་པའི་བུམ་པ་དཀྱིལ་འཁོར་གྱི་སྒོར་བསང་གཏོར་བྱ་བའི་ཕྱིར་གཞག་པར་བྱའོ། །དེ་ནས་སྤོས་ཆུ་ལ་རྡོ་རྗེ་གནོད་སྦྱིན་གྱི་བཟླས་པ་
དེ་ཉིད་འདོན་ཅིང་། སྤོས་ཆུས་དཀྱིལ་འཁོར་གྱི་ས་གཞི་བྱུག་པར་བྱའོ། །དེ་ནས་ལྷ་ཐམས་ཅད་ཀྱི་གནས་སུ་དྲིའི་དཀྱིལ་འཁོར་བྱས་ལ། ལག་པས་བྲན་ལ་ཧཱུྃ་ལན་བདུན་དེ་དག་ལ་བཟླས་ལ། དེ་རྣམས་སུ་དཔལ་རྡོ་རྗེ་སེམས་དཔའ་ལ་སོགས་པ་ནམ་མཁའི་

62-1-112b

ཕྱོགས་ནས་ཕབ་སྟེ། ཧཱུྃ་ཉིད་ཀྱིས་བཅུག་ལ་མཆོད་པ་རྣམ་པ་ལྔས་མཆོད་དོ། །དེ་ནས་ཕྱི་རོལ་དུ་གཏོར་མ་བྱིན་ལ། རྣམ་པར་རྒྱལ་བའི་བུམ་པ་ཇི་སྐད་དུ་བཤད་པའི་མཚན་ཉིད་རྣམས་དང་ལྡན་པ་སྨན་དང་འབྲུ་དང་རིན་པོ་ཆེ་ལ་སོགས་པ་ཡང་དག་པར་ལྡན་པར་བྱས་ལ། ཆུ་
ཉུང་ཟད་བླུགས་ཏེ་རྡོ་རྗེ་གནོད་སྦྱིན་དང་། རྡོ་རྗེ་མེ་ལྟར་རབ་ཏུ་འབར་བ་དང་། རྡོ་རྗེ་སེམས་དཔའ་ལ་རེ་རེ་ཞིང་ཡང་ལན་བརྒྱ་རྩ་བརྒྱད་བཟླས་པའི། མཆོད་ཡོན་བུམ་པའི་སྟེང་དུ་བཞག་ལ། རང་གི་དམ་ཚིག་གི་ཕྱག་རྒྱས་བཟུང་བའི་རྡོ་རྗེ་དང་། མེ་ཏོག་གི་ཡལ་ག་
ཕྲེང་བ་རེ་རེ་ཞིང་ཡང་ཉི་མ་གཉིས་པ་ལ་དེ་དུས་གསུམ་དུ་བཟླས་བརྗོད་བྱའོ།    །དེ་ལྟར་བུམ་པའི་བསྙེན་པ་བྱས་ནས་རྡོ་རྗེ་གནོད་སྦྱིན་དང་། རྡོ་རྗེ་སེམས་དཔའ་དང་། སངས་རྒྱས་སྤྱན་གྱི་མར་ལ་སོགས་པའི་སྦྱིན་སྲེག་རེ་རེ་ཞིང་བརྒྱ་རྩ་བརྒྱད་བྱས་ཏེ་འདི་ནི་ལག་པར་གནས་པའི་
སྦྱིན་སྲེག་གི་ཆོ་གའོ།    །དེ་ནས་བཅོམ་ལྡན་འདས་ལ་མཚན་བརྒྱ་རྩ་བརྒྱད་ཀྱིས་ཡང་དག་པར་བསྟོད་ལ། མཆོད་པ་བཅུ་གཉིས་ཀྱིས་འཁོར་དང་བཅས་པ་ཡང་དག་པར་ལེགས་པར་མཆོད་ལ་སྔ་མ་བཞིན་དུ་ཕྱག་བྱས་ནས་མཆོད་ཡོན་ཕུལ་ཏེ། སློབ་མ་ལྷག་པར་གནས་
པའི་ཆོ་ག་བྱའོ། །དེ་ལ་དང་པོར་ལག་ན་མེ་ཏོག་ཐོགས་པའི་སློབ་མས་སློབ་དཔོན་ལ་ཕྱག་བྱས་ལ་འདི་སྐད་ཅེས་བརྗོད་པར་བྱ་སྟེ། དགའ་ཆེན་ཁྱོད་བདག་སྟོན་པ་བས། །སློབ་དཔོན་ཁྱོད་ནི་དགོངས་སུ་གསོལ། །བྱང་ཆུབ་སེམས་དཔའི་ཚུལ་བསྟན་པ། །མགོན་པོ་ཆེན་པོ་
བདག་འཚལ་ལོ། །དམ་ཚིག་དེ་ཉིད་སྩལ་དུ་གསོལ། །བྱང་ཆུབ་སེམས་ཀྱང་སྩལ་དུ་གསོལ། །སངས་རྒྱས་ཆོས་དང་དགེ་འདུན་ཏེ། །སྐྱབས་གསུམ་དག་ནི་བདག་ལ་སྩོལ། །ཟླ་བའི་དཀྱིལ་འཁོར་བསྐྱེད་ལ། དེའི་སྟེང་དུ་ཧཱུྃ་ལས་རྡོ་རྗེ་རྩེ་ལྔ་པ་བསམས་ལ། ལག་པ་
གཡས་པས་རྡོ་རྗེ་བླངས་ཏེ། སུ་ར་ཏ་ས་མ་ཡ་སྟྭཾ་ཧོ་བཛྲ་སིདྡྷི་ཡ་ཐཱ་སུ་ཁཾ། ཞེས་བྱ་བའི་སྙིང་པོས་དེའི་སྙིང་གར་རྡོ་རྗེ་གཞག་པར་བྱའོ། །དེ་ནས་སྡིག་པ་བཤགས་པ་ལ་སོགས་པ་བྱེད་དུ་གཞུག་པར་བྱ་སྟེ། རྟོག་པ་མ་ལུས་ལེགས་པར་བསྡུས་ནས་ནི། །ཤིན་ཏུ་བསམ་པ་བཟང་

62-1-113a

པོར་ལྡན་པས་ཉོན། །བརྗེད་ངས་བློ་ལ་རྡོ་རྗེ་སེམས་སྩོགས་པའི། །བདེ་བར་གཤེགས་པ་རྣམས་ཀྱིས་བྱིན་མི་རློབ། །དབང་མེད་བདག་གིས་མི་དགེ་བགྱིས་པ་དང་། །རྗེས་སུ་ཡི་རང་ཡང་ན་བགྱིད་སྩལ་གང་། །དེ་དག་ཐམས་ཅད་བྱང་ཆུབ་མཆོག་གི་ནི། །སྤྱན་
སྔར་མ་ལུས་དེ་དག་སོ་སོར་བཤགས། །བདེ་གཤེགས་རྣམས་ཀྱི་ཚོགས་གཉིས་བསགས་པ་དང་། །སྲས་རྣམས་ཀྱིས་ནི་ཟབ་ཅིང་མཐའ་མེད་པའི། །འགྲོ་བ་མ་ལུས་དོན་རྣམས་གྲུབ་མཛད་དང་། །དེ་ལས་གཞན་པའང་བདག་ནི་ཡི་རང་གི། །ཐུགས་རྗེས་གདུང་བའི་
ཐབས་དང་ལྡན་གྱུར་ཅིག །བློ་གྲོས་སྡིག་མེད་གཏི་མུག་ཚོགས་ཀུན་བཅོམ། །མ་ལུས་རིགས་ཀྱི་པདྨའི་ནང་བཞུགས་པ། །བདེ་བར་གཤེགས་པ་རྣམས་ལ་སྐྱབས་སུ་མཆི། །རབ་མཆོག་བློ་ཡི་ཀུན་དགའ་ར་བ་སྟེ། །དམན་པ་འཇིགས་པར་བྱེད་པས་འཁོར་ལོའི་ཚུལ། །སྲིད་
པའི་འབྱོར་པ་ཟིལ་གྱིས་གནོན་པའི་ཕུལ། །གསུང་མཆོག་ཆོས་ཀྱི་མཆོག་ལ་སྐྱབས་སུ་མཆི། །འདོད་ཆགས་ལ་སོགས་དུག་གི་སྦྲུལ་བཅོམ་ཞིང་། །བློ་གྲོས་རྣམ་རྒྱས་ཐུགས་རྗེ་ཆེན་པོའི་ཡིད། །བརྟུལ་ཞུགས་དབང་པོའི་ཚོགས་ལ་སྐྱབས་གསོལ་ཞིང་། །སྲིད་དང་
བྲལ་བ་རྣམས་ལ་བདག་ཕྱག་འཚལ། །རྒྱུ་ཡི་རྗེས་ཐོགས་བདག་པོའི་ཡུལ་ཉིད་ལ། །འབྲས་བུའི་ནུས་པས་དགྲ་ཡི་ཚོགས་ལས་རྒྱལ། །སོ་སོར་རིག་དང་སྙིང་རྗེའི་རྩ་བ་མཆོག །བྱང་ཆུབ་ཡང་དག་རིག་པ་བདག་གིས་གཟུང་། །སེམས་ཅན་རྣམས་ནི་ཡོངས་སུ་སྨིན་ཕྱིར་
དང་། །བསྐྱབ་པའི་ཕྱིར་རམ་ཡང་ན་བདག་གི་སེམས། །ཡང་དག་ཉིད་དུ་དག་པར་བྱ་བའི་ཕྱིར། །ཐམས་ཅད་རྩྭ་མཆོག་ཉིད་དུ་ལྟོས་པ་མེད་པར་སྦྱིན། །དེ་བཞིན་ཚུལ་ཁྲིམས་བཟོད་དང་བརྩོན་འགྲུས་དང་། །བསམ་གཏན་དང་ནི་ཤེས་རབ་བླ་མེད་པ། །བདག་དང་གཞན་རྣམས་
དག་པར་བྱ་ཕྱིར་འདི། །སྐད་ཅིག་རེ་རེ་ཞིང་ཡང་བསྒོམ་པར་བགྱི། །བདེ་གཤེགས་སྔགས་ལ་རྒྱ་ཆེར་མཁས་པ་དང་། །ཆོས་རྒྱལ་རྟག་ཏུ་ལྷུན་གྱིས་གྲུབ་པ་ནི། །འགྲོ་འདི་རྣམས་ཀྱིས་ཐོབ་པར་བྱ་བའི་ཕྱིར། །འདི་ན་མཁའ་བཞིན་དུ་ནི་གནས་པར་བགྱིད། །ཅེས་

62-1-113b

ལན་གསུམ་བརྗོད་དོ། །བདག་གི་དགེ་བའི་རྩ་བ་ཡང་དག་པར་བསྡུས་པ་འདི། བདག་གིས་ཐམས་ཅད་ཡོངས་སུ་གཏང་བར་བགྱིའོ། །བདག་གིས་སེམས་ཅན་ཐམས་ཅད་ལ་མཉམ་པའི་སེམས་བསྐྱེད་པར་བགྱིའོ། །བདག་གིས་སེམས་ཅན་ཐམས་ཅད་ལ་ཐེག་པ་ཐམས་
ཅད་དང་ཐབས་ཀྱི་བྱེ་བྲག་ཐམས་ཅད་ཀྱིས་བཏུལ་ནས། མི་གནས་པའི་མྱ་ངན་ལས་འདས་པའི་དབྱིངས་ལ་རབ་ཏུ་གཞག་པར་བྱའོ། །བདག་གིས་སེམས་ཅན་ཐམས་ཅད་ཡོངས་སུ་མྱ་ངན་ལས་འདས་པར་གྱུར་ཀྱང་། སེམས་ཅན་འགའ་ཡང་མྱ་ངན་འདས་པར་གྱུར་པ་མེད་དོ། །
ཞེས་སེམས་བསྐྱེད་པར་བགྱིའོ། །བདག་གིས་ཆོས་ཐམས་ཅད་ལ་སྐྱེ་བ་མེད་པ་ཉིད་དུ་རྗེས་སུ་རྟོགས་པར་བགྱིའོ། །བདག་གིས་མ་ཡེངས་པའི་སེམས་དང་ཐམས་ཅད་མཁྱེན་པའི་ཡེ་ཤེས་ཀྱི་སེམས་ཀྱི་ཕ་རོལ་ཏུ་ཕྱིན་པ་དྲུག་ལ་བསླབ་པར་བགྱིའོ། །བདག་གིས་ཐེག་པ་གཅིག་
གི་ཚུལ་དུ་གནས་པར་ཡང་རྟོགས་པར་བགྱིའོ། །བདག་གིས་བྱང་ཆུབ་ཀྱི་ཕྱོགས་ཀྱི་ཆོས་སུམ་ཅུ་རྩ་བདུན་ལ་གནས་པ་སོ་སོར་རྟོག་པའི་ཕྱིར་བསླབ་པར་བགྱིའོ། །བདག་གིས་སྟོབས་བཅུ་དང་། མི་འཇིགས་པ་དང་། སོ་སོ་ཡང་དག་པར་རིག་པ་བཞི་དང་། སངས་རྒྱས་ཀྱི་ཆོས་
མ་འདྲེས་པ་རྣམས་སོ་སོར་རྟོགས་པར་བྱ་བའི་ཕྱིར་མངོན་པར་བརྩོན་པར་བགྱིའོ། །དེ་བཞིན་དུ་བདག་གིས་སངས་རྒྱས་ཀྱི་ཆོས་ཚད་མེད་པ་མ་ལུས་པ་ལ་མངོན་པར་གནས་ཤིང་བསྒྲུབ་པར་བགྱིའོ། །འདི་ནི་བྱང་ཆུབ་སེམས་དཔའ་རྣམས་ཀྱིས་རྡོ་རྗེ་ལྟ་བུར་བྱང་ཆུབ་ཆེན་པོར་སེམས་བསྐྱེད་
པ་ཡིན་ཏེ། དེ་བཞིན་གཤེགས་པ་ཐམས་ཅད་ཀྱི་ཡབ་དང་། དེ་བཞིན་གཤེགས་པ་ཐམས་ཅད་ཀྱི་བཀའ་བཞིན་བྱེད་པ་དང་། དེ་བཞིན་གཤེགས་པ་ཐམས་ཅད་ཀྱི་སྲས་ཀྱི་ཐུ་བོ་སྟེ། འདི་ཉིད་ཀྱིས་བཅོམ་ལྡན་འདས་ཀུན་དུ་བཟང་པོའོ། །དེ་ཇི་ལྟ་བ་བཞིན་དུ་ཡང་དག་པར་བྱས་པའི་
དགེ་བའི་སྟོབས་ཀྱིས་བདག་སེམས་བསྐྱེད་པ་འདི་ལ་གནས་པས་བདེ་བ་མཐའ་ཡས་པ་ལ་གནས་པའི་ཀུན་དུ་བཟང་པོའི་སྤྱོད་པ་ཞེས་བྱ་བ་རྫོགས་པ་ལ་གདུལ་བར་བྱ་བའི་སྐྱེ་བོའི་ཚོགས་མ་ལུས་པ་ལ་བདེ་བའི་དབང་ཕྱུག་གི་རབ་ཏུ་དབྱེ་བ་མང་པོ་ཡང་དག་པར་བསྟན་པས་སྨིན་

62-1-114a

པར་བྱ་ཞིང་། རབ་ཏུ་དགའ་བའི་གཟེངས་བསྟོད་པ་ལ་ངེས་པར་སྦྱར་བར་བྱའོ། །དེ་ནས་དཔལ་ཆེན་མོས་སློབ་མའི་ལག་ཏུ་དྲི་ཕྱིན་པ་དང་། རབ་ཏུ་དག་པས་མེ་ཏོག །རབ་ཏུ་དགའ་བས་བདུག་སྤོས། སྤྱན་གྱིས་མར་མེ་སྦྱིན་ཞིང་བཛྲ་ཧ་ས་ཞེས་བྱ་བ་
མངོན་པར་བཟླས་ཤིང་། ཕྱག་རྒྱ་མཆོག་གིས་བསྲུང་བ་བྱས་པའི་ཨ་ཤྭཏྠ་ལས་བྱས་པ་དྲིས་བསྒོས་ཤིང་མེ་ཏོག་གིས་བཅིངས་པའི་སོ་ཤིང་དང་། བཛྲ་ཏཱིཀྵྞ་ཞེས་བྱ་བ་བཟླས་པའི་ཀུ་ཤ་གསར་པ་སློབ་མ་ལ་སྦྱིན་པར་བྱའོ། །དེ་ནས་དཔུང་པ་གཡོན་པར་མདུད་པ་གསུམ་དང་
ལྡན་པའི་སྲུང་སྐུད་ལ་ཨོཾ་བཛྲ་རཀྵ་ཧཾ་ཞེས་བྱ་བའི་སྔགས་འདི་བཟླས་ལ་བདག་ཉིད་ཀྱིས་ཡང་དག་པར་བཅིང་བར་བྱའོ། །དེ་ནས་ཨོཾ་བུདྡྷ་མཻ་ཏྲི་བཛྲ་རཀྵ་ཧཾ་ཞེས་བྱ་བ་མདུད་པ་དང་ལྡན་པའི་སྔགས་བྱམས་པའི་གོ་ཆས་གོ་བསྐོན་པར་བྱའོ། །དེ་ལ་ཕྱག་རྒྱ་ནི་འདི་ཡིན་ཏེ། རྡོ་རྗེ་ཁུ་ཚུར་
གཉིས་བཅིངས་ལ། །མཛུབ་མོ་གཉིས་ཀྱི་མདུད་པ་དང་། །བདག་གམ་གཞན་ལ་གོ་བསྐོན་ན། །བདག་པོ་ཡི་ནི་བསྲུང་བར་འགྱུར། །ཡང་ཨོཾ་བཛྲ་སཏྭ་ཨུཥྞཱི་ཥ་ཧཱུྃ་ཕཊ། ཞེས་བྱ་བ་སློབ་མའི་སྤྱི་གཙུག་ཏུ་དགོད་དོ། །དེ་ནས་འདིའི་ཕྱག་རྒྱ་བཤད་དེ། རྡོ་རྗེ་བསྡམས་པ་དམ་བྱས་ལ། །
མཐེ་བོ་བསྙམས་པ་བཅུག་ནས་སུ། །མཛུབ་མོ་རྩ་མོ་བཀབ་པས་ནི། །སེམས་དཔའི་གཙུག་ཏོར་ཞེས་བྱར་གྲགས། །དེ་ནས་སློབ་མ་ལ་འདི་སྐད་ཅེས་བརྗོད་པར་བྱ་སྟེ། བཞིན་བཟངས་དག་ལོངས་ལ་དེ་བཞིན་གཤེགས་པ་རྣམས་ལ་ཕྱག་གྱིས་ཤིག །ནང་པར་སེམས་དཔའ་
ཆེན་པོའི་གྲོང་ཁྱེར་མཐོང་བར་འགྱུར་རོ། །སློབ་མ་ལྷག་པར་གནས་པའི་ཆོ་གའོ།    །དེ་ནས་མཆོད་པ་བྱས་ལ་བདུག་སྤོས་གཏུལ་ཏེ། བཅོམ་ལྡན་འདས་འཁོར་དང་བཅས་པ་ཉེ་བར་སྙན་གསན་དབབ་པ་སྤྱན་དྲངས་ལ་བྱའོ། །རྡོ་རྗེ་སེམས་དཔའ་བཅོམ་ལྡན་འདས། །རིག་
སྔགས་རྒྱལ་ལ་ཕྱག་འཚལ་ལོ། །བདག་ནི་བརྩེ་བར་གྱུར་ནས་སུ། །སློབ་མ་རྣམས་ལ་བརྩེ་བ་དང་། །ཁྱེད་རྣམས་ལ་ཡང་མཆོད་པའི་ཕྱིར། །སང་ནི་དཀྱིལ་འཁོར་འདྲི་བར་འཚལ། །བཅོམ་ལྡན་བདག་ནི་གུས་པ་ལ། །དེ་བས་གནང་བ་མཛད་པར་རིགས། །སངས་རྒྱས་

62-1-114b

འཇིག་རྟེན་མགོན་བརྩེ་བས། །བྱང་ཆུབ་སེམས་དཔའི་དགྲ་བཅོམ་དང་། །གསང་སྔགས་ལྷ་གཞན་གང་ལགས་དང་། །འཇིག་རྟེན་སྐྱོང་བའི་ལྷ་རྣམས་དང་། །གང་ཡང་འབྱུང་པོ་མཐུ་ཆེན་དང་། །གང་སུ་ལྷ་ཡི་སྤྱན་མངའ་བའི། །སེམས་ཅན་བསྟན་ལ་དགའ་བ་རྣམས། །བདག་
ལ་དགོངས་པར་མཛད་དུ་གསོལ། །བདག་མིང་འདི་ཞེས་བགྱི་བ་ཡིས། །སང་ནི་དཀྱིལ་འཁོར་བཟང་པོའི་མིང་། །འདི་ཞེས་བགྱི་བ་ཅི་ནུས་ཀྱིས། །ཆོ་ག་བཞིན་དུ་འདྲི་ལགས་ན། །བདག་དང་སློབ་མར་བཅས་པ་ལ། །ཐུགས་ནི་བརྩེ་བར་དགོངས་ནས་སུ། །ཚོགས་པ་ཐམས་ཅད་
དཀྱིལ་འཁོར་དུ། །བྱིན་གྱིས་བརླབ་པ་མཛད་དུ་གསོལ། །ཞེས་ལན་གསུམ་བརྗོད་དོ། །ལྷ་ལྷག་པར་གནས་པའི་ཆོ་གའོ།    །དེ་ནས་བཅོམ་ལྡན་འདས་ལ་ཕྱག་བྱས་ལ། མཚན་བརྒྱ་རྩ་བརྒྱད་པས་བསྟོད་དེ། མཆོད་ཡོན་ཕུལ་བ་སྔོན་དུ་འགྲོ་བས་ཡང་དག་པར་མཆོད་ལ་ཕྱག་
བྱས་ཏེ། སློབ་མ་རྣམས་ལ་ཟབ་ཅིང་རྒྱ་ཆེ་བའི་ཆོས་བཤད་པ་བྱས་ནས། སློབ་མའི་ཚོགས་དང་བཅས་པ་སློབ་དཔོན་གྱི་དཀྱིལ་འཁོར་གྱི་སའི་མཐའ་ལོགས་སུ་ཉལ་བར་བྱའོ། །དེ་ནས་སྐྱ་རེངས་ཤར་བའི་དུས་སུ་ཁྲུས་བྱ་བ་སྔོན་དུ་འགྲོ་བས་ལྷའི་རྣལ་འབྱོར་བྱས་ལ། ཉི་མ་ཤར་བའི་
དུས་སུ་དཀྱིལ་འཁོར་བྲི་བ་བརྩམ་པར་བྱས་ཏེ། དེ་བཞིན་དུ་དང་པོའི་རྡོ་རྗེར་བསྐྱེད་ནས། དང་པོ་ཁོ་ནར་སྲད་བུ་ཚོན་དམར་པོ་དང་། ལྗང་གུ་དང་། སྔོན་པོ་དང་། སེར་པོ་དང་། དཀར་པོ་དྲི་ཞིམ་པོས་སོ་སོར་བཙོ་བར་བྱའོ། །དེ་ནས་རིམ་པ་དེ་ཉིད་ཀྱིས་བཞག་ལ། ཧྲཱིཿཨོཾ་ཧཱུྃ་ཏྲཱཾ་
ཨ་ཞེས་བྱ་བའི་ས་བོན་གྱི་ཡི་གེ་རྣམས་ལས་དེ་བཞིན་གཤེགས་པ་འོད་དཔག་མེད་དང་། དོན་ཡོད་གྲུབ་པ་དང་། མི་བསྐྱོད་པ་དང་། རིན་ཆེན་འབྱུང་ལྡན་དང་། རྣམ་པར་སྣང་མཛད་སྲད་བུ་ལ་རྣམ་པར་བསམས་ལ། དེ་བཞིན་གཤེགས་པ་འོད་དཔག་མེད་ལ་སོགས་པ་རང་རང་གི་ཕྱོགས་ན་
བཞུགས་པ་རང་གི་ས་བོན་གྱི་འོད་ཟེར་སྲད་བུ་རང་རང་གི་ཐུགས་ཀ་ལས་ཡང་དག་པར་གཏོང་བར་བསམ་པར་བྱའོ། །དེ་ནས་དེ་རྣམས་འབར་བའི་ལྟ་བ་དང་། ཛ་ཧྲི་ཞེས་བྱ་བ་མིག་གཉིས་སུ་བཀོད་ལ། འབར་བའི་ལྟ་བ་དང་། ལྕགས་ཀྱུས་བཀུག་ནས་རང་གི་ལག་པ་གཉིས་སུ་

62-1-115a

བཞག་ལ། རང་གི་ལག་པར་བཞག་པ་དེ་རྣམས་ཀྱི་ཕྱི་རོལ་གྱི་སྲད་བུ་ལ་ཀུན་དུ་གང་བར་བསམས་ལ་བསྒྲིལ་བར་བྱ་སྟེ། ཨ་ནྱོ་ནྱ་ཨ་ནུ་ག་ཏ་སརྦ་དྷརྨཱ་སྥ་ར་སྥ་ར་ཨ་ནུ་པྲ་བིཥྚ་སརྦ་དྷརྨཱ་ཧཱུྃ། ཨ་ཏྱན་ཏ་ཨ་ནུ་པྲ་བིཥྚ་སརྦ་དྷརྨཱ་ཧཱུྃ། ཞེས་བརྗོད་པར་བྱའོ། །དེ་ནས་དྲི་
བཟང་པོས་བྱུགས་པའི་གསེར་ལ་སོགས་པའི་སྣོད་དུ་བཞག་ལ། མེ་ཏོག་གིས་གཏོར་ཏེ་ཡང་དག་པར་མཆོད་ལ། ཨོཾ་བཛྲ་ས་མ་ཡ་སཱུ་ཏྲ་མཱ་ཏི་ཀྲ་མ་ཧཱུྃ། ཞེས་བྱ་བ་ཟློས་ཤིང་རྡོ་རྗེ་ཁུ་ཚུར་གྱིས་བཟུང་ལ། བཟླས་བརྗོད་བརྒྱ་རྩ་བརྒྱད་བྱའོ། །དེ་ནས་དཀྱིལ་འཁོར་གྱིས་དྲི་ཞིམ་པོས་
བྱུག་ལ། མེ་ཏོག་གི་སིལ་མ་གཏོར་ཏེ། ནམ་མཁའ་ལ་བཞུགས་པའི་བཅོམ་ལྡན་འདས་མེ་ཏོག་ལ་སོགས་པ་དང་། གླུ་དང་རོལ་མོ་ལ་སོགས་པས་ཡང་དག་པར་མཆོད་ལ། མིག་གཡས་གཡོན་དུ་ཛ་གཉིས་ལས་ཉི་མ་དང་ཟླ་བ་ཁ་དོག་སེར་པོ་བསྐྱེད་དེ། ཡིད་ལ་ཧཱུྃ་འདོན་ཅིང་རྣམ་
པར་སྣང་མཛད་དུ་བསྒྱུར་ནས། བཛྲ་ཀརྨ་ཞེས་བརྗོད་དེ། རང་གི་སྙིང་ག་ལས་སྒྲུབ་པའི་གྲོགས་མཆོག་རྡོ་རྗེ་ལས་ཀྱི་གཟུགས་སུ་དྲངས་ལ་ཕྱུང་སྟེ། ཧཱུྃ་ཞེས་བྱ་བ་འདོན་ཅིང་ཡང་རྡོ་རྗེ་འཛིན་པ་ཆེན་པོར་བདག་ཉིད་བསམས་ལ་དྲི་ཞིམ་པོ་དང་། ཡུངས་ཀར་དང་ལྡན་པའི་ཚོན་དཀར་
པོ་དང་ལྷན་ཅིག་བསྒོས་ཏེ། སྲད་བུ་དེ་དང་པོའི་རྡོ་རྗེ་ཁུ་ཚུར་གྱིས་བཟུང་ལ། ཕྱི་ནས་ཅི་བདེར་བྱ་བ་དང་། རིམ་པ་འདིས་ཐིག་གདབ་པར་བྱའོ། །དེ་ལ་དང་པོ་ཁོ་ནར་དེ་བཞིན་གཤེགས་པ་ཐམས་ཅད་ལ་ཕྱག་བྱ་སྟེ། ཡི་གེ་ཛས་སྒྲུབ་པའི་གྲོགས་མཆོག་རྡོ་རྗེ་ལས་ཀྱི་གཟུགས་
ཅན་གྱི་ལག་ཏུ་གཏད་ལ། ཕྱོགས་ཐམས་ཅད་མཉམ་པ་ཉིད་དུ་དམིགས་ནས་སློབ་དཔོན་ནུབ་ཏུ་གནས་ནས་ཤར་དུ་བལྟས་ཏེ། ཚངས་པའི་ཐིག་གདབ་པར་བྱའོ། །ཡང་ལྷོ་ཕྱོགས་སུ་གནས་ནས། བྱང་ཕྱོགས་སུ་བལྟས་ཏེ། ཚངས་པའི་ཐིག་གཉིས་པ་གདབ་པར་བྱའོ། །དེ་ནས་
ཤར་ལྷོའི་མཚམས་སུ་གནས་ནས་བྱང་དུ་བལྟས་ཏེ། ཕྱིའི་དཀྱིལ་འཁོར་གྱི་ཤར་ཕྱོགས་ཀྱི་ལོགས་ཐིག་གདབ་པར་བྱའོ། །དེ་ནས་ནུབ་བྱང་མཚམས་སུ་གནས་ནས་ལྷོ་ཕྱོགས་སུ་ཁ་བལྟས་ཏེ། ནུབ་ཕྱོགས་ཀྱི་ལོགས་ཐིག་གདབ་པར་བྱའོ། །དེ་བཞིན་དུ་གནས་ནས་ཤར་དུ་ཁ་

62-1-115b

བལྟས་ཏེ་བྱང་ཕྱོགས་ཀྱི་ལོགས་ཐིག་གདབ་པར་བྱའོ། །ཡང་ཤར་ལྷོ་མཚམས་ཀྱི་ཆ་ལ་འདུག་ནས། ནུབ་ཕྱོགས་སུ་བལྟས་ཏེ་ལྷོ་ཕྱོགས་ཀྱི་ལོགས་ཐིག་གདབ་པར་བྱའོ། །དེ་བཞིན་དུ་ཁྱམས་ཀྱི་ཐིག་དང་། ལྷའི་སྣམ་བུའི་ཐིག་གདབ་པར་ཤེས་པར་བྱའོ། །ཐམས་ཅད་དུ་སློབ་
དཔོན་དང་སྒྲུབ་པའི་གྲོགས་མཆོག་ནི་གཡས་སུ་བསྐོར་བའི་ཚུལ་གྱིས་འགྲོ་བར་ཤེས་པར་བྱའོ། །དེ་ནས་ཤར་ལྷོའི་མཚམས་སུ་གནས་ནས། ནུབ་བྱང་མཚམས་ཀྱི་བར་དུ་སྲད་བུ་བརྐྱང་སྟེ་ཐིག་གདབ་པ་དང་། ཡང་ལྷོ་ནུབ་མཚམས་སུ་འདུག་ལ་བྱང་ཤར་མཚམས་སུ་སྲད་བུ་
བརྐྱང་སྟེ་ཐིག་གདབ་པར་ཤེས་པར་བྱའོ། །དེ་ནས་སྒོ་དང་སྒོ་ཁྱུད་གདབ་སྟེ། དེ་ལ་ཐིག་གི་སྔགས་ནི་འདི་ཡིན་ཏེ། ཨོཾ་བཛྲ་སུ་ཏྲ་ས་མ་ཡ་སཱུ་ཏྲ་མཱ་ཏི་ཀྲ་མ་ཧཱུྃ་ཞེས་བྱའོ། །ཛ་ཛ་ཛ་ཞེས་བྱ་བའི་ཛ་གསུམ་དང་། སྒྲུབ་པའི་གྲོགས་མཆོག་གིས་སྲད་བུ་དྲང་བར་བྱའོ། །དེ་
ལ་སྒོ་ཐམས་ཅད་དང་སྒོ་ཁྱུད་ནི་བརྒྱད་ཆར་བྱའོ། །སྒོ་འགྲམ་དང་། ཁ་ཁྱེར་དང་ལྷའི་སྣམ་བུ་ནི་སྒོའི་ཕྱེད་ཀྱི་ཚད་དོ། །ཚོན་སྣ་ལྔའི་ས་ནི་ཁ་ཁྱེར་གྱི་ཕྱེད་ཀྱི་ཚད་དོ། །རྟ་བབས་ནི་སྒོའི་སུམ་འགྱུར་དུ་བྱའོ། །ཕྱིའི་དཀྱིལ་འཁོར་གྱི་ཕྱེད་ནི་ནང་གི་དཀྱིལ་
འཁོར་ཏེ། ཟུར་བཞི་པ། སྒོ་བཞི་པ། ཀ་བ་བརྒྱད་དང་། རྟ་བབས་མེད་པར་ལེགས་པར་ཐིག་གདབ་ལ། དཀྱིལ་འཁོར་གྱི་དབུས་སུ་སེང་ལྡེང་གི་ཕུར་བུ་འོག་རྡོ་རྗེ་རྩེ་གཅིག་པ་ལྟ་བུ་ལ། སྟེང་རྡོ་རྗེ་རྩེ་ལྔ་ལྟ་བུར་བྱས་ཏེ། ཧཱུྃ་ལས་བསྐྱེད་ལ། ཨོཾ་བཛྲ་ཀཱི་ལི་ཀཱི་ལི་ཡ་
སརྦ་བིགྷྣཱན་བཾ་ཧཱུཾ་ཕཊ། ཅེས་བརྒྱ་རྩ་བརྒྱད་བཟླས་ཏེ་རྡོ་རྗེས་བརྡུང་བར་བྱའོ། །དེ་ལ་བཏགས་པའི་སྲད་བུས་ནང་གི་དཀྱིལ་འཁོར་གྱི་ཕྱི་རོལ་གྱི་རྡོ་རྗེ་ཕྲེང་བའི་ཐིག་གདབ་པར་བྱའོ། །དེ་ལ་དཀྱིལ་འཁོར་བརྒྱད་འདྲ་བའི་ཀ་བ་བརྒྱད་ཀྱི་ཐིག་ཆ་མཉམ་པར་ཐིག་གདབ་པར་བྱ་སྟེ། ཤར་
ཕྱོགས་ཀྱི་ཕྱིའི་ཀ་བའི་ཐིག་ནི། ལྷོ་ཕྱོགས་ཀྱི་ཆར་འདུག་ལ་བྱང་དུ་བལྟས་ཏེ་ཐིག་གདབ་པར་བྱའོ། །ནུབ་ཕྱོགས་ཀྱི་ཆའི་ཀ་བའི་ཐིག་ནི་བྱང་ཕྱོགས་ཀྱི་ཆར་གནས་ལ་ལྷོ་ཕྱོགས་སུ་བལྟས་ཏེ་གདབ་བོ། །བྱང་ཕྱོགས་ཀྱི་ཆའི་ཀ་བའི་ཐིག་ནི་ནུབ་ཕྱོགས་སུ་འདུག་ལ་ཤར་

62-1-116a

གྱི་ཕྱོགས་སུ་བལྟས་ཏེ་གདབ་པར་བྱ་སྟེ། ལྷོ་ཕྱོགས་ཀྱི་ཆའི་ཀ་བའི་ཐིག་ནི་ཤར་ཕྱོགས་ཀྱི་ཆར་འདུག་ལ་ནུབ་ཏུ་བལྟས་ཏེ་གདབ་བོ། །ད་ནི་ལུང་ལས་གསུངས་པའི་ཐིག་གདབ་པའི་ཆོ་ག་བཤད་པར་བྱ་སྟེ། དེ་ནས་ཐིག་ནི་གདབ་བྱ་བ། །སྲད་
བུ་ཉིས་འགྱུར་དག་གིས་ཏེ། །ནམ་མཁའ་ཐམས་ཅད་ཆར་འགྱུར་བས། །ཚད་མེད་པ་ནི་ཚད་ཡིན་ནོ། །བཟང་པོ་སངས་རྒྱས་ཀུན་གྱི་གནས། །ཕྱོགས་རྣམས་ཐམས་ཅད་མཉམ་པ་ཉིད། །ཤར་དང་ནུབ་དང་བྱང་དང་ལྷོར། །ཐིག་བཞི་བཏབ་པས་དཀྱིལ་འཁོར་
བརྒྱད། །ཟུར་བཞི་པ་ལ་སྒོ་བཞི་པ། །ཁྱམས་རྣམས་ཀྱིས་ནི་ལེགས་པར་བསྐོར། །རྟ་བབས་བཞི་དང་ཡང་དག་ལྡན། །འོད་ཟེར་འབར་བས་འཁྲིགས་པ་ཡི། །དཀྱིལ་འཁོར་ཀུན་གྱི་གྲྭ་རྣམས་དང་། །སྒོ་དང་སྒོ་ཁྱུད་མཚམས་རྣམས་སུ། །ཟླ་བ་ཕྱེད་ལ་རབ་གནས་
པའི། །རྡོ་རྗེ་རིན་ཆེན་རྣམས་ཀྱིས་སྤྲས། །མི་མཉམ་མེད་པས་ཟུར་བཞི་སྟེ། །དྲན་དང་དབང་པོ་སྒོ་བཞིའོ། །བསམ་གཏན་རྣམས་ནི་རྟ་བབས་བཞི། །ཏིང་འཛིན་ཁ་ཁྱེར་ཤེས་པར་བྱ། །ཁ་ཁྱེར་ལ་བརྟེན་རྡོ་རྗེའི་བདག །གཟུགས་རྣམས་ལྷ་མོས་མཆོད་པ་ཡིན། །རྒྱན་རྣམས་ཀུན་
གྱིས་དགྲམ་པ་ཡང་། །བསམ་པ་ཐམས་ཅད་རྫོགས་བྱེད་པའོ། །གདུལ་བྱ་སྤྱོད་པ་སྣ་ཚོགས་མཆོག །དར་འཕན་དྲིལ་བུ་སྒྲོགས་པ་ཡིན། །མེ་ལོང་ཡེ་ཤེས་རྟགས་མེ་ལོང་། །བྱང་ཆུབ་ཡན་ལག་མེ་ཏོག་ཕྲེང་། །དྲ་བ་དྲ་ཕྱེད་རིན་ཆེན་མཆོག །ཉི་མ་ཟླ་བ་ཡང་དག་ལྡན། །ཀུན་གྲུབ་
མི་ཟད་བདེ་བ་སྟེ། །བདེ་བ་ཆེན་པོ་ཞེས་གྲགས་པའོ། །ཕྱིའི་དཀྱིལ་འཁོར་རོ། །དེ་ཡི་ནང་གི་དཀྱིལ་འཁོར་ནི། །དཀྱིལ་འཁོར་བརྒྱད་པ་དག་དང་མཚུངས། །རྡོ་རྗེའི་ཐིག་ནི་ཡོངས་བཏབ་པས། །རྡོ་རྗེ་འཁོར་ལོ་ཞེས་བྱར་གྲགས། །བྱང་ཆུབ་སེམས་ནི་ཐེག་པ་ཆེ། །རྡོ་རྗེའི་
ཐིག་ནི་རབ་བསྐོར་བས། །རྡོ་རྗེའི་ཐིག་ནི་ཡོངས་བཏབ་ལ། །རྡོ་རྗེ་འཁོར་ལོ་ཡང་དག་བྲི། །ཡང་དག་བྲིས་ཏེ་ཀུན་གྱི་མཆོག །ཐར་པ་ཆེན་པོའི་རང་བཞིན་འགྲོ། །ཐོག་མ་མེད་ཅིང་མཆོག་ཉིད་པས། །ཕྱོགས་རྣམས་ཐམས་ཅད་མཉམ་པ་ཡིན། །ཨོཾ་སུམྦྷ་ནི་སུམྦྷ་ཧཱུྃ། གྲྀཧྞ་གྲྀཧྞ་

62-1-116b

ཧཱུྃ། གྲྀཧྞཱ་པ་ཡ་གྲྀཧྞཱ་པ་ཡ་ཧཱུྃ། ཨཱ་ན་ཡ་ཧོ། བྷ་ག་བཱན་བཛྲ་རཱ་ཛ་ཧཱུྃ་ཕཊ་ཅེས་བརྗོད་ལ། དཀྱིལ་འཁོར་ལྟེ་བ་ལ་གནས་པའི་ཕུར་བུ་ཕྱུང་ལ། འོག་ནས་བཤད་པའི་ཚོན་སྣ་ལྔས་ཕུར་བུའི་ཁ་བཀང་སྟེ་མཉམ་པར་བྱའོ། །དེ་ནས་མིག་གཉིས་སུ་ཧྲཱིཿལས་ཟླ་བ་དང་ཉི་མ་བསྐྱེད་
ལ། ཁྲོ་བོའི་ལྟ་བས་ཀུན་དུ་བལྟས་ཏེ་སྒོ་རྣམས་དབྱེའོ། །དེ་ནས་ཚོན་སྦྱངས་པ་བཤད་པར་བྱ་སྟེ། ཨོཾ་ཙི་ཏྲ་ས་མ་ཡེ་ཧཱུྃ་ཞེས་བྱ་བས། ཕྱག་རྒྱ་འདི་དང་ལྡན་པས་ཚོན་ཐམས་ཅད་ལ་ལན་བདུན་བཟླས་ན། རྡོ་རྗེའི་རང་བཞིན་དུ་འགྱུར་རོ་ཞེས་བཅོམ་ལྡན་འདས་རྡོ་རྗེ་འཆང་ཆེན་པོས་གསུངས་སོ། །
དེ་ལ་ཕྱག་རྒྱ་ནི་འདི་ཡིན་ཏེ། རྡོ་རྗེའི་ཕྱག་རྒྱ་གཉིས་ལས་ནི། །མཛུབ་མོའི་རྩེ་མོ་མཉམ་སྦྱར་བས། །བྱས་ལ་ཚོན་རྩི་ཐམས་ཅད་ནི། །འབར་བའི་ལྟ་བས་དགུག་པར་བྱ། །ཧྲཱིཿཞེས་བྱ་བའི་མཐར་ཁྲོ་བོ་ཏི་རཱིནྟི་རིའི་ཕྱག་རྒྱ་བཅིངས་ལ་སྦྲེལ་བར་བྱའོ། །དེ་ལ་ཚོན་རྩི་དཀར་པོ་ལ་ནི། 
དེ་བཞིན་གཤེགས་པ་དཀར་པོའི་ཕྲ་རབ་རྣམས་གཞུག་པར་བྱའོ། །སེར་པོ་ལ་ནི་སེར་པོའོ། །སྔོན་པོ་ལ་ནི་སྔོན་པོའོ། །ལྗང་གུ་ལ་ནི་ལྗང་གུའོ། །དམར་པོ་ལ་ནི་དམར་པོ་བཅུག་ནས། ཇི་སྐད་དུ་བཤད་པའི་འབར་བའི་ལྟ་བས། མངོན་པར་སྦྱངས་པའི་དུས་སུ་ཡང་དང་པོའི་རྡོ་རྗེའི་
ཐོག་མར་ཚོན་དགྱེ་བ་བརྩམ་པར་བྱའོ། །ཚོན་ཐམས་ཅད་དབང་ལྡན་གྱི་ཕྱོགས་ནས་བརྩམས་ཏེ་བསྐོར་ཕྱོགས་སུ་ཧཱུྃ་ཟློས་ཤིང་དགྱེ་ལ། དེའི་འོག་ཏུ་ཇི་ལྟར་དགའ་བས་ཚོན་དགྱེ་བར་བྱའོ། །དེ་ལ་ཚོན་དགྱེ་བའི་རིམ་པ་ནི་འདི་ཡིན་ཏེ། དམར་པོ་དང་། ལྗང་གུ་དང་། སྔོན་པོ་དང་། སེར་
པོ་སྟེ། དཀར་པོ་ནི་ཐམས་ཅད་ཀྱི་ནང་རོལ་དུའོ། །དེ་ལྟར་དཀྱིལ་འཁོར་བྲིས་ནས། དཀྱིལ་འཁོར་གྱི་ལྟེ་བར་སྣ་ཚོགས་པདྨའི་གདན་ལ། དཔལ་རྡོ་རྗེ་སེམས་དཔའ་མཚན་ཉིད་སྔར་བཤད་པ་ལྟ་བུའི་ལུགས་མ་ལ་སོགས་པའི་གཟུགས་བཀོད་ལ་ཧཱུྃ་གིས་ཀྱང་བར་སྣང་གི་ཕྱོགས་
ནས་སྤྱན་དྲངས་ནས། གཟུགས་དང་གཅིག་ཏུ་བསྲེ་བར་བྱའོ། །དེ་བཞིན་དུ་ཐམས་ཅད་ལའང་ཤེས་པར་བྱའོ། །གང་གི་ཕྱིར་ལྷ་ཐམས་ཅད་ཀྱི་ཡང་དགོད་པའི་སྙིང་པོ་ནི་ཧཱུྃ་འདི་ཉིད་དོ། །དེ་ལ་དེའི་མདུན་དུ་རྡོ་རྗེ་ཡིད་ལས་བྱུང་བ་སྐུ་མདོག་དམར་སྐྱ། དེ་བཞིན་གཤེགས་པ་ལྔའི་ཅོད་པན་ 

62-1-117a

ཅན། གཡོན་པའི་རྡོ་རྗེ་ཁུ་ཚུར་གྱིས་མེ་ཏོག་ཅན་གྱི་གཞུ་བསྣམས་པ། ཕྱག་གཡས་པ་རྡོ་རྗེ་རྩེ་གཅིག་པའི་མདེའུ་ཅན་གྱི་མདའ་གསོར་བ་ལ་བརྩོན་པའོ། །དེའི་གཡས་ལོགས་སུ་རྡོ་རྗེ་ཀཱི་ལི་ཀཱི་ལི་སྐུ་མདོག་རྡོ་རྗེ་ཡིད་ལས་བྱུང་བ་དང་མཐུན་པས། རྡོ་རྗེ་ཁུ་ཚུར་
བཅིངས་པའི་ཕྱག་གཉིས་ཀྱིས་རང་གི་ཐུགས་ཀའི་ཕྱོགས་སུ་དང་པོའི་རྡོ་རྗེ་རྩེ་ལྔ་པ་མདོག་དམར་པོ་བསྣམས་ནས་འཁྱུད་པའི་ཚུལ་དུ་བཞུགས་པའོ། །དེའི་རྒྱབ་ཏུ་རྡོ་རྗེ་དྲན་པ་སྐུ་མདོག་དམར་སྐྱ། ཕྱག་གཡས་ན་ཆུ་སྲིན་གྱི་རྒྱལ་མཚན་བསྣམས་པ་ཕྱག་གཡོན་གྱི་བ་དན་ལ་
བསྙེམས་པ་དང་བཅས་པས་བཞུགས་པའོ། །དེའི་གཡོན་ལོགས་སུ་རྡོ་རྗེ་བསྙེམས་པ་དང་བཅས་པའི་གསེར་བཙོ་མ་ལྟ་བུའི་མདོག་ཅན། རྡོ་རྗེ་ཁུ་ཚུར་གྱིས་རྡོ་རྗེ་རྩེ་ལྔ་པ་གཉིས་བསྣམས་ཏེ། དཀུ་གཉིས་སུ་བསྙེམས་པ་དང་བཅས་པ་དབུ་གཡོན་དུ་ཅུང་ཟད་འདུད་ལ་སྒེག་པ་
དང་བཅས་པའོ། །ནང་གི་དཀྱིལ་འཁོར་གྱི་དེ་ཉིད་ཀྱི་ཤར་ལྷོའི་མཚམས་སུ་རབ་ཏུ་དགའ་བ་སྐུ་མདོག་རྡོ་རྗེ་ཡིད་ལས་བྱུང་བ་དང་མཐུན་པའོ། །ལྷོ་ནུབ་མཚམས་སུ་རབ་ཏུ་དགའ་བ་སྐུ་མདོག་ཀཱི་ལི་ཀཱི་ལི་དང་མཐུན་པའོ། །ནུབ་བྱང་མཚམས་སུ་སྤྱན་མ་སྐུ་མདོག་རྡོ་རྗེ་དྲན་
པ་དང་མཐུན་པའོ། །བྱང་ཤར་མཚམས་སུ་དཔལ་ཆེན་མོ་རྡོ་རྗེ་བསྙེམས་པ་དང་མཐུན་པའོ། །དེ་དག་ཀྱང་གོ་རིམས་ཇི་ལྟ་བ་བཞིན་དུ། མེ་ཏོག་གི་ཟ་མ་ཏོག་དང་། སྤོས་ཁང་དང་། མར་མེའི་སྡོང་བུ་དང་། དྲིའི་དུང་ཆོས་རང་གི་སྤྱི་བོའི་ཕྱོགས་སུ་ཐལ་མོ་ཁ་ཕྱེ་བས་འཛིན་
པའོ། །རྡོ་རྗེ་ཕྲེང་བའི་ཕྱི་རོལ་གྱི་ནང་དུ་ཤར་ཕྱོགས་སུ་བཅོམ་ལྡན་འདས་མི་བསྐྱོད་པ་སྐུ་མདོག་དཀར་པོ་རྩེ་ལྔ་པ་བསྣམས་པ་ས་གནོན་གྱི་ཕྱག་རྒྱས་བཞུགས་པའོ། །དེའི་གཡས་ཕྱོགས་སུ་ཕྱག་ན་རྡོ་རྗེ་དང་དྲིལ་བུ་བསྣམས་ཤིང་གཡོན་བསྙེམས་པ་དང་བཅས་པའོ། །གཡོན་
དུ་འཇམ་དཔལ་གཞོན་ནུར་གྱུར་པ་ནམ་མཁའི་མདོག་ཅན། གཞོན་ནུའི་ཆ་ལུགས་འཆང་བ། འཛུམ་པ་དང་བཅས་པ་ཕྱག་བཞི་རལ་གྲི་བཞི་དེ་བཞིན་གཤེགས་པ་རྣམས་ལ་འདེབས་པའོ། །རྡོ་རྗེ་ཕྲེང་བའི་ནང་གི་ལྷོ་ཕྱོགས་སུ་རིན་ཆེན་འབྱུང་ལྡན་བཻ་ཌཱུརྱ་སྔོ་

62-1-117b

བསངས་ལྟ་བུའི་མདོག་ཅན། རྡོ་རྗེ་རིན་པོ་ཆེ་མཆོག་སྦྱིན་པའི་ཕྱག་གིས་བསྣམས་པའོ། །དེའི་གཡས་ལོགས་སུ་བྱང་ཆུབ་སེམས་དཔའ་ནམ་མཁའི་སྙིང་པོ་སྐུ་མདོག་མརྒད་ལྟ་བུ་རང་གི་མགོ་ལ་དབང་བསྐུར་བའི་ཕྲེང་བ་རང་ཉིད་ཀྱིས་འཆིང་བ་ཞལ་རྣམ་པར་བཞད་པའོ། །གཡོན་
ལོགས་སུ་ནམ་མཁའ་མཛོད་སྐུ་མདོག་སྣ་ཚོགས་པ། ཕྱག་ན་རྡོ་རྗེ་དང་། སྣ་ཚོགས་དྲིལ་བུ་བསྣམས་ནས་རྡོ་རྗེ་བསྙེམས་པ་འགྱིང་ནས་བཞུགས་པ་ཞལ་རྣམ་པར་བཞད་པར་མཛད་པའོ། །རྡོ་རྗེ་ཕྲེང་བའི་ནང་གི་ནུབ་ཕྱོགས་སུ་འོད་དཔག་ཏུ་མེད་པ་གསེར་བཙོ་མ་ལྟ་བུའི་མདོག་ཅན་
པདྨ་བསྣམས་པ་ཆོས་ཀྱི་འཁོར་ལོའི་ཕྱག་རྒྱས་ཆོས་སྟོན་པར་མཛད་པའོ། །དེའི་གཡས་ལོགས་སུ་འཇིག་རྟེན་དབང་ཕྱུག་སྐུ་མདོག་དམར་སྐྱ། གཡོན་བསྙེམས་པས་པདྨའི་སྡོང་བུ་འཛིན་པ་ཕྱག་གཡས་པས་རང་གི་ཐུགས་ཀར་པདྨ་ཁ་འབྱེད་པར་མཛད་པའོ། །གཡོན་
ལོགས་སུ་སེམས་བསྐྱེད་མ་ཐག་ཏུ་ཆོས་ཀྱི་འཁོར་ལོ་བསྐོར་བ་གསེར་གྱི་མདོག་ཅན། ཕྱག་གཡོན་པ་གདན་ལ་བརྟེན་པ། ཕྱག་གཡས་པའི་གུང་མོའི་རྩེ་མོར་རྡོ་རྗེ་འཁོར་ལོ་རྩིབས་བརྒྱད་པ་རང་གི་ཐུགས་ཀའི་ཕྱོགས་སུ་བསྐོར་བའི་ཚུལ་དུ་བསྣམས་པ་ཞལ་རྣམ་པར་བཞད་
པས་བཞུགས་པའོ། །རྡོ་རྗེ་ཕྲེང་བའི་ནང་གི་བྱང་ཕྱོགས་སུ་དོན་ཡོད་གྲུབ་པ་སྐུ་མདོག་སྣ་ཚོགས་པ་མི་འཇིགས་པ་སྦྱིན་པའི་ཕྱག་རྒྱས་སྣ་ཚོགས་རྡོ་རྗེ་བསྣམས་པའོ། །དེའི་གཡས་ལོགས་སུ་རྡོ་རྗེ་ཁུ་ཚུར་གསེར་གྱི་མདོག་ཅན་དམ་ཚིག་གི་ཁུ་ཚུར་གྱིས་རྡོ་རྗེ་རྩེ་ལྔ་པ་
བསྣམས་ནས་ཞལ་རྣམ་པར་བཞད་ནས་བཞུགས་པའོ། །དེའི་གཡས་ལོགས་སུ་རྡོ་རྗེ་གནོད་སྦྱིན་སྐུ་མདོག་སྔོན་པོ་རྡོ་རྗེ་མཆེ་བ་རྣམ་པར་གཙིགས་པ་འབར་བའི་ཕྲེང་བ་ཀུན་དུ་འཁྲིགས་པའི་འོད་མངའ་བ་འཇིགས་པར་མཛད་པ། ཧ་ཧ་ཞེས་གསལ་བར་བཞད་པའི་ཞལ་གྱིས་
བཞུགས་ཤིང་། རྡོ་རྗེ་ཁུ་ཚུར་གཉིས་ཀྱིས་རྡོ་རྗེ་མཆེ་བའི་མཚོན་ཆ་བསྣམས་ནས་ཞལ་གྱི་གྲྭ་གཉིས་སུ་འཇོག་པར་བཞུགས་པའོ། །ཕྱིའི་དཀྱིལ་འཁོར་གྱི་ལྷའི་སྣམ་བུ་ལ་ཤར་ལྷོ་མཚམས་ཀྱི་ཕྱོགས་སུ་རྡོ་རྗེ་སྒེག་མོ་རྡོ་རྗེ་ཡིད་ལས་བྱུང་བའི་མདོག་ཅན། རྡོ་རྗེ་ཁུ་ཚུར་གཉིས་

62-1-118a

ཀྱིས་རྡོ་རྗེ་རྩེ་ལྔ་པ་གཉིས་བསྣམས་ནས་གཉིས་ཀ་བསྙེམས་པར་བྱས་ཏེ་དབུ་གཡོན་དུ་འདུད་པས་ཕྱག་འཚལ་བའོ། །ལྷོ་ནུབ་མཚམས་སུ་རྡོ་རྗེ་བཞད་པ་རྡོ་རྗེ་ཀཱི་ལི་ཀཱི་ལི་དང་མདོག་འདྲ་བ་ཕྱག་གཡས་ན་སོའི་ཕྲེང་བ་གཉིས་དང་ལྡན་པའི་རྡོ་རྗེ་གཉིས་བསྣམས་ནས་བཞད་
པའི་ཚུལ་དུ་མཛད་པ་གཡོན་གྱི་གདན་ལ་བརྟེན་ཏེ་བཞུགས་པའོ། །ནུབ་བྱང་དུ་རྡོ་རྗེ་གླུ་མ་ཆེན་མོ་སྐུ་མདོག་རྡོ་རྗེ་དྲན་པ་དང་མཐུན་པ། རྡོ་རྗེ་པི་ཝང་བརྡུང་བ་ལ་བརྩོན་པར་མཛད་པའོ། །བྱང་ཤར་མཚམས་སུ་རྡོ་རྗེ་གར་མ་རྡོ་རྗེ་བསྙེམས་པ་དང་མཐུན་པ་ཕྱག་གཉིས་ཀྱིས་རྩེ་གསུམ་པ་བསྣམས་ཏེ་
གར་མཛད་པའོ། །ནང་དང་ཕྱི་རོལ་དུ་བཅས་པའི་ཤར་གྱི་སྒོ་གཉིས་སུ་རྡོ་རྗེ་གཟུགས་སྐུ་མདོག་རྡོ་རྗེ་ཡིད་ལས་བྱུང་བ་དང་མཐུན་པ། ཕྱག་ན་མེ་ལོང་བསྣམས་པའོ། །ལྷོ་ཕྱོགས་ཀྱི་སྒོ་གཉིས་སུ་རྡོ་རྗེ་སྒྲ་སྐུ་མདོག་ཀཱི་ལི་ཀཱི་ལ་དང་མཐུན་པ། བྱང་ཕྱོགས་ཀྱི་སྒོ་གཉིས་སུ་རྡོ་རྗེ་རོ་སྐུ་
མདོག་རྡོ་རྗེ་བསྙེམས་པ་དང་མཐུན་པ། ཕྱག་ན་རོའི་སྣོད་བསྣམས་པའོ། །དེའི་ཕྱིར་འདི་དག་ནི་རྡོ་རྗེ་ལྕགས་ཀྱུ་ལ་སོགས་པ་ཉིད་ཡིན་པར་འདོད་དེ། མེ་ལོང་དང་། པི་ཝང་དང་། དྲིའི་སྣོད་དང་། རོའི་སྣོད་ནི་གཟུགས་ལ་སོགས་པའི་ཕྱག་མཚན་ཡིན་ལ། རྡོ་རྗེ་ལྕགས་ཀྱུ་ལ་སོགས་པའི་ཕྱག་
མཚན་ནོ་ཞེས་རྩ་བའི་རྒྱུད་ལས་གསུངས་པ་ཡིན་པས་སོ། །ཕྱིའི་དཀྱིལ་འཁོར་གྱི་ཤར་གྱི་ཁྱམས་ཀྱི་ནང་དུ། འདོད་པའི་ཁམས་ཀྱི་དབང་ཕྱུག་དང་། ཚངས་པ་དང་། ལྷ་ཆེན་པོ་དང་། ཁྱབ་འཇུག་དང་། བརྒྱ་བྱིན་ཆུང་མ་དང་བཅས་པ་བྲིའོ། །ལྷོར་ཉི་མ་དང་། ཟླ་བ་དང་། སྤེན་པ་
དང་། མིག་དམར་རོ། །ནུབ་ཏུ་སྟོབས་ཀྱི་ལྷ། དཔྱིད་ཀྱི་ལྷ། རྒྱལ་བ། རྒྱལ་བ་ནོར་སྦྱིན། རླུང་ལྷ། མེ་ལྷ། ལུས་ངན་པོ་རྣམས་བྲིའོ། །བྱང་དུ་འཕགས་པ་དང་། གཤིན་རྗེ་ཚོགས་ཀྱི་བདག་པོ་དང་། ཆུ་ལྷ་ལ་སོགས་པ་རྣམས་སྔར་བཤད་པའི་རིམ་གྱིས་ཆུ་ལྷའི་མཐར་ཐུག་
བར་དུ་ཆུང་མ་དང་བཅས་པར་འཕགས་པ་དེ་ཁོ་ན་ཉིད་བསྡུས་པ་ལས་གསུངས་པའི་ཕྱག་རྒྱ་ཆེན་པོས་བྲི་བར་བྱའོ། །དེ་ལ་དཔལ་རྡོ་རྗེ་སེམས་དཔའ་ལ་སོགས་པ་ནས་རྡོ་རྗེ་གཟུགས་ཀྱི་བར་དུ་ནི་སེམས་དཔའི་སྐྱིལ་མོ་ཀྲུང་གིས་བཞུགས་པའོ། །རྡོ་རྗེ་སེམས་དཔའ་ནི་ཤར་

62-1-118b

ཕྱོགས་སུ་གཟིགས་ནས་བཞུགས་པའོ། །ལྷག་མ་རྣམས་ནི་རང་གི་བདག་པོ་ལ་གཟིགས་པར་བྲི་བར་བྱའོ། །དེ་ལྟར་དཀྱིལ་འཁོར་ཆེན་པོ་བྲིས་ནས་ཕྱི་དྲོའི་དུས་སུ་མཚམས་ལ་བབས་པ་ན། དཔལ་རྡོ་རྗེ་ཧཱུྃ་མཛད་ཀྱི་སྦྱོར་བ་བྱས་ལ་ཁྲོ་བོ་ཏི་རཱིནྟི་རི་བཅིངས་ཏེ། བཛྲ་དང་ཧཱུྃ་བཞི་ཟློས་
ཤིང་དཀྱིལ་འཁོར་ཆེན་པོར་འཇུག་པར་བྱའོ། །དེ་ནས་བསྐོར་བ་ལན་བདུན་བྱས་ལ་ལྷག་པ་དང་མ་ཚང་བ་རྣམས་ཀྱི་ཉེས་པ་ཞི་བར་བྱ་བའི་ཕྱིར། རྡོ་རྗེ་དྲིལ་བུ་དཀྲོལ་ལ་དཀྱིལ་འཁོར་ལ་བལྟ་བར་བྱའོ། །དེ་ནས་མེ་ཏོག་གི་ཕྲེང་བ་བཅོམ་ལྡན་འདས་ལ་ཕུལ་ལ། གར་བྱ་
བའི་ཚུལ་གྱིས་བླངས་ཏེ། ཕྲེང་བས་དབང་བསྐུར་བའི་སྔགས་ཀྱིས་རང་གི་མགོ་ལ་བཅིངས་ནས་སྒོ་དབྱེ་བ་ཇི་ལྟ་བ་བཞིན་བྱའོ། །དེ་ནས་དཔལ་རྡོ་རྗེ་སེམས་དཔའི་རྣལ་འབྱོར་བྱས་ལ། སུ་ར་ཏ་བཛྲོ་ཧཾ་ཞེས་བྱ་བ་ལ་སོགས་པ་དང་། གཞན་ཡང་རང་གི་མིང་བརྗོད་ཅིང་
བཅོམ་ལྡན་འདས་རྡོ་རྗེ་སེམས་དཔའི་ཕྱག་རྒྱ་ཆེན་པོ་བཅིངས་ཏེ། ཧཱུྃ་ཨ་ཞེས་བྱ་བ་དང་། དཔལ་རྡོ་རྗེ་སེམས་དཔའི་དཀྱིལ་འཁོར་གྱི་ལྟེ་བར་རང་གི་རྡོ་རྗེའི་གཟུགས་སུ་བསམ་པར་བྱའོ། །དེ་ནས་ཧཱུྃ་བཛྲ་ཧཾ་ཞེས་རྡོ་རྗེའི་ང་རྒྱལ་དུ་རྣམ་པར་བསམས་ལ་ཧཱུྃ་བཛྲ་སཏྭ་ཧཱུྃ་ཞེས་བྱ་བས། རྡོ་རྗེ་
དེ་རྡོ་རྗེ་སེམས་དཔའི་ཕྱག་རྒྱ་ཆེན་པོའི་ངོ་བོ་ཉིད་དུ་བདག་ཉིད་བསམ་པར་བྱའོ། །དེ་བཞིན་དུ་རྡོ་རྗེ་རོའི་བར་གྱི་ཕྱག་རྒྱ་ཆེན་པོ་བཅིངས་ལ་ཧཱུྃ་ཨ་ཞེས་བྱ་བ་དང་། རྡོ་རྗེའི་གཟུགས་སུ་རོའི་སྣོད་བསམ་མོ། །དེ་ནས་ཧཱུྃ་བཛྲ་ར་ས་བྷ་ཛ་ནོ་ཧཾ་ཞེས་བྱ་བ་དང་། ཕྱག་རྒྱའི་ང་རྒྱལ་དུ་བསམས་ལ། 
ཧཱུྃ་བཛྲ་ར་ས་རོ་ཧཾ་ཞེས་བྱ་བས་ཕྱག་རྒྱའི་གཟུགས་དེ་རྡོ་རྗེ་རོའི་ཕྱག་རྒྱ་ཆེན་པོའི་ངོ་བོ་ཉིད་དུ་བདག་ཉིད་བསམ་པར་བྱའོ། །དེ་ནས་རྡོ་རྗེ་བསྡུ་བ་དང་མཚན་བརྒྱ་རྩ་བརྒྱད་ཀྱིས་བསྟོད་པ་དེ་བཞིན་བྱས་ལ། རྡོ་རྗེ་ཅན་གྱི་སྤྱན་སྔར་རྡོ་རྗེ་སེམས་དཔའི་སྐྱིལ་མོ་ཀྲུང་གིས་འདུག་ལ། ཡོངས་སུ་བརྟགས་
པའི་དཀྱིལ་འཁོར་དེར་གསང་བའི་ལྕགས་ཀྱུས་བཅོམ་ལྡན་འདས་འཁོར་དང་བཅས་པ་སྤྱན་དྲངས་ལ། དེ་བཞིན་དུ་རྡོ་རྗེ་གནོད་སྦྱིན་གྱིས་བགེགས་བསྐྲད་པ་ལ་སོགས་པ་བྱས་ཏེ། རྡོ་རྗེ་ཁུ་ཚུར་གྱིས་སྒོ་བཅད་ལ། རྡོ་རྗེ་གནོད་སྦྱིན་གྱིས་སྲུང་བས་ཐམས་ཅད་ཡང་དག་པར་བསྲུངས་

62-1-119a

ཏེ། དེ་བཞིན་དུ་མཆོད་ཡོན་ཕུལ་ནས་དང་པོའི་རྡོ་རྗེ་བསྒྲུབ་པར་བྱའོ། །དེ་ནས་དེ་བཞིན་དུ་ལྷ་ཐམས་ཅད་ཀྱི་ལྗགས་ལ་ཧཱུྃ་བསམས་ནས། དཔལ་རྡོ་རྗེ་སེམས་དཔའ་ལ་སོགས་པ་ནས། ཆུ་ལྷའི་མཐར་ཐུག་པའི་བར་དུ་ལས་ཀྱི་ཕྱག་རྒྱ་དང་། ཕྱག་རྒྱ་ཆེན་པོ་ཉེ་བར་
བསྟན་ནས་དབང་བསྐུར་བའི་ཕྱག་རྒྱ་རྣམས་ཀྱིས་དེ་རྣམས་དབང་བསྐུར་ལ་མཆོད་ཡོན་ཕུལ་ཏེ། བུམ་པ་གང་བ་ལ་སོགས་པས་བཅོམ་ལྡན་འདས་འཁོར་དང་བཅས་པ་མཆོད་པར་བྱའོ། །དྲིལ་བུ་མཆོག་བརྟག་རྒྱལ་མཚན་དག །གྲྭ་རྣམས་སུ་ནི་གཞག་པར་བྱ། །ཕྱི་ཡི་མཚམས་ཀྱི་
གནས་སུ་ནི། །བུམ་པ་ཡལ་གར་བཅས་པས་མཛེས། །ཕྱག་ན་རྡོ་རྗེའི་སྤྱན་སྔར་ཡང་། །བུམ་པ་སྤོས་ཆུས་གང་བ་གཞག །གང་ཞིག་རྡོ་རྗེར་བཅས་པ་ལ། །ནགས་ཀྱི་ལྕུག་མས་བཟླས་བརྗོད་བྱ། །འདི་སྐད་སྟོན་པར་འགྱུར་ཏེ། རྩ་བ་ནག་པོར་རི་མེད་པ། ལྟོ་བ་ཆེ་བ། མགྲིན་
པ་མཐོ་བ། མཆུ་འཕྱང་བ། བྱུ་རུ་དང་། གསེར་དང་དངུལ་དང་། དུང་དང་། མུ་ཏིག་དང་། པདྨ་རཱ་ག་སྟེ། རིན་པོ་ཆེ་ཐམས་ཅད་དང་། བྲྀ་ཧ་ཏི་དང་། ཀཎྜ་ཀ་རི་དང་། ཧ་ས་དང་། དཎྜ་ཨུཏྤ་ལ་དང་། ཨ་པ་ར་ཛི་ཏ་དཀར་པོ་སྟེ་སྨན་ཐམས་ཅད་དང་། འབྲས་སཱ་ལུ་དང་། ནས་དང་། གྲོ་དང་ཏིལ་
དང་མ་ཤ་སྟེ་འབྲུ་ཐམས་ཅད་དང་། ཙནྡན་དཀར་པོ་ལ་སོགས་པ་དང་ལྡན་པའི་ཆུ་དང་། མེ་ཏོག་དཀར་པོ་དང་། དྲི་ཤིན་ཏུ་ཞིམ་པ་རྣམས་ཀྱིས་ཡོངས་སུ་བཀང་ལ། ཕྱི་རོལ་ཀུན་དུ་དྲི་ཞིམ་པོས་བྱུགས་ཏེ། མེ་ཏོག་གི་ཕྲེང་བ་བཏགས་ལ། རང་གི་ལྷའི་ཕྱག་རྒྱས་མཚན་པ་དང་། 
མགུལ་པར་རས་ཙམ་པ་དཀར་པོས་དཀྲིས་ལ། འབྲས་བུ་དང་ལོ་མ་བཟང་པོ་དང་ལྡན་པའི་ཡལ་གས་ཁ་བརྒྱན་པ། དང་པོའི་རྡོ་རྗེས་ཡོངས་སུ་བཟུང་བའི་མེ་ཏོག་གི་ལྕུག་མ་ལ་བརྒྱ་རྩ་བརྒྱད་ཀྱི་བར་དུ་བཟླས་ཤིང་ཧཱུྃ་ཡང་བཟླས་ལ། ཕྱི་རོལ་ཀུན་དུ་ལྷ་རེ་རེ་ཞིང་དབུལ་བར་བྱ་སྟེ། དེ་ལ་
དང་པོར་དཔལ་རྡོ་རྗེ་སེམས་དཔའི་མདུན་དུ་གཅིག་དབུལ་བར་བྱའོ། །ཡང་བུམ་པ་གཅིག་འཇུག་པའི་སྒོར་མངོན་དུ་ཕྱོགས་པར་གཞག་གོ། །དེ་ལྟར་བུམ་པ་ཕུལ་ནས་བུམ་པ་གང་བ་ཡང་སོ་སོར་དབུལ་བར་བྱའོ། །དེ་ལྟར་འབྱོར་པར་མ་གྱུར་ན་བཅོམ་ལྡན་འདས་ལ་བུམ་པ་གཅིག །

62-1-119b

ལྷག་མ་རྣམས་ལ་བུམ་པ་བཅུ་དང་། བུམ་པ་གང་བ་ཡང་དབུལ་བར་བྱ་སྟེ། བཅུ་ལས་ནི་ཉུང་བར་མི་བྱའོ་ཞེས་གསུངས་པའི་ཕྱིར་རོ། །དེ་ལྟར་བུམ་པ་རྣམས་དང་། བུམ་པ་གང་བ་ཡང་ཕུལ་ནས། རས་ཟུང་འབུམ་མམ། ཁྲིའམ། སྟོང་ཕྲག་གཅིག་གམ། ལྷ་རེ་རེ་ཞིང་དེར་རྡོ་རྗེ་
རིན་པོ་ཆེ་དང་ཧཱུྃ་གཉིས་བཟླས་ལ་དབུལ་བ་དང་། བླ་རེ་རྒྱལ་མཚན་དང་། བ་དན་སྣ་ཚོགས་པ་རྣམས་ཀྱང་བཅོམ་ལྡན་འདས་འཁོར་དང་བཅས་པ་རྣམས་ལ་དབུལ་བར་བྱའོ། །མེ་ཏོག་གི་ཤིང་བརྒྱའམ། བཞི་འམ། མེ་ཏོག་ཐམས་ཅད་སྔར་བཤད་པའི་མེ་ཏོག་གི་རིག་སྔགས་ཀྱིས་དབུལ་བ་
དང་། དྲི་ཐམས་ཅད་ཀྱང་དྲིའི་རིག་སྔགས་ཀྱིས་དབུལ་བ་དང་། ག་བུར་དང་། ཨ་ག་རུ་དང་། ཏུ་རུ་སྐ་དང་། ཙནྡན་ལ་སོགས་པ་བདུག་པ་རྣམས་ནི་བདུག་པའི་རིགས་སོ། །ཁ་ཟས་རོ་བརྒྱ་ལ་སོགས་པ་ནི་ཨ་ཀཱ་རོ་ཞེས་བྱ་བ་ལ་སོགས་པས་སོ། །མར་མེ་ལ་སོགས་པ་ནི་མར་མེའི་
རིག་སྔགས་མངོན་པར་བཟླས་ལ། བཛྲ་སྥ་ར་ཎ་ཁཾ་ཞེས་བརྗོད་ལ་བཅོམ་ལྡན་འདས་འཁོར་དང་བཅས་པ་ལ་དབུལ་བར་བྱའོ། །མ་འབྱོར་ན་བཅུ་ལས་ཉུང་བར་མི་བྱའོ། །མར་མེའི་སྡོང་བུ་དང་བཅས་པའི་སྣོད་ཆེན་པོ་སྟོང་གཞག་པར་བྱ་སྟེ། ཐ་ན་མར་མེའི་སྣོད་ཆེན་པོ་བཞི་
མར་མེའི་རིག་སྔགས་ཉིད་བཟླས་ལ་དབུལ་བར་བྱའོ། །རོལ་མོ་བརྒྱ་སྟོང་ངམ་རོལ་མོ་སིལ་སྙན་ཧཱུྃ་གིས་རོལ་མོའི་ཕྱག་རྒྱ་དང་ལྡན་པས་བཟླས་ལ་དབུལ་ཏེ། རྡོ་རྗེ་ཁུ་ཚུར་གཉིས་ཀྱི་ལག་པའི་སོར་མོ་རྣམས་ཀྱིས་རོལ་མོ་བརྡུང་བ་རྣམ་པ་བཅུ་པོ་འདི་ལྟ་སྟེ། པི་ཝང་དང་། གླིང་བུ་
དང་། རྔ་དང་། མུ་ཀུནྡ་དང་། ཆ་ལང་དང་། རྔ་བོ་ཆེ་དང་། རྫ་རྔ་དང་། རྔ་རིངས་དང་། ཀུན་ཛ་དང་། ཏི་མི་ལི་བརྡུང་བའི་ཚུལ་དུ་བྱེད་པའོ། །ཕྱི་རོལ་གྱི་གར་ལ་སོགས་པ་ཡང་ཧཱུྃ་ཉིད་ཀྱིས་དབུལ་བར་བྱའོ། །དར་དཔྱངས་འཕྱང་བ་དང་། མེ་ཏོག་གི་ཆུན་པོ་དང་། རྔ་ཡབ་
ཀྱིས་རྣམ་པར་བརྒྱན་པ་དང་། དྲ་བ་དང་། དྲ་བ་ཕྱེད་པས་སྤྲས་པ་དང་། ཟླ་བ་ཕྱེད་པ་དང་བཅས་པས་ཉེ་བར་མཛེས་པར་བྱས་པ་དང་། རྟ་དང་། གླང་པོ་ཆེ་དང་། བ་གླང་གི་ཁྱུ་མཆོག་ཤིན་ཏུ་བརྟགས་པ་རྣམས་ཀྱང་དབུལ་བར་བྱའོ། །རྟ་བབས་ཡིད་དུ་འོང་བ་དྲིལ་བུ་ལ་སོགས་པ་དང་

62-1-120a

བཅས་པ་ཡང་དབུལ་བར་བྱའོ། །དེ་ནས་རྡོ་རྗེ་མཚོན་ཆ་མ་ལ་སོགས་པ་ལས་ཀྱི་ཕྱག་རྒྱ་རྣམ་པ་བཅུ་གཉིས་འོག་ནས་བཤད་པའི་མཚན་ཉིད་དང་ལྡན་པས་བཅོམ་ལྡན་འདས་འཁོར་དང་བཅས་པ་ཡང་དག་པར་མཆོད་ལ། ཨོཾ་གྱིས་རིན་པོ་ཆེ་སྣ་བདུན་དང་། 
དཔག་བསམ་གྱི་ཤིང་དང་། ཁ་ཟས་རོ་བརྒྱ་དང་གླུ་དང་གར་ལ་སོགས་པའི་སྤྲིན་རྣམས་སྤྲུལ་ལ། དཔྲལ་བའི་ཕྱོགས་སུ་ཐལ་མོ་ཁོང་སྟོང་དུ་སྦྱར་ལ། ཨོཾ་སརྦ་བིད་པཱུ་ར་ཨ་བརྟ་ཡ་ཨ་བརྟ་ཡ་ཧོ། ཞེས་བྱ་བས་དེ་རྣམས་དབུལ་བར་བྱའོ། །དེ་ནས་ཨོཾ་ཨ་ཀཱ་རོ་མུ་ཁཾ་སརྦ་དྷརྨཱ་ཎཱཾ། ཨཱདྱ་
ནུཏྤནྣ་ཏྭཱཏ། ཅེས་པས་མངོན་པར་བཟླས་ལ། འདི་ཉིད་བརྗོད་ཅིང་ཕྱི་རོལ་དུ་གཏོར་མ་སྦྱིན་པར་བྱའོ། །དེ་ནས་རྡོ་རྗེ་མེ་ལྟར་རབ་ཏུ་འབར་བ་དང་། རྡོ་རྗེ་གནོད་སྦྱིན་དང་། རྡོ་རྗེ་སྤྱན་ལ་སོགས་པས་སྦྱིན་སྲེག་བྱས་ལ་དཔལ་རྡོ་རྗེ་སེམས་དཔའི་དཀྱིལ་འཁོར་གྱི་ཚུལ་གྱིས་ཐབ་ཀྱི་དབུས་
སུ་མེ་ཏོག་གིས་བཞུགས་སུ་གསོལ་ལོ། །ཧཱུྃ་ཟློས་ཤིང་མར་ལ་སོགས་པའི་རྫས་ལ་སྦྱིན་སྲེག་བརྒྱ་རྩ་བརྒྱད་དབུལ་བར་བྱའོ། །དེ་ནས་རྡོ་རྗེ་ཡིད་ལས་བྱུང་བ་ལ་སོགས་པ་ནས། རྡོ་རྗེ་རོའི་བར། ཨ་ཧཱུྃ་ཟློས་ཤིང་རེ་རེ་ལ་སྦྱིན་སྲེག་བདུན་བདུན་དབུལ་བར་བྱའོ། །དེ་ནས་ཕྱག་འཚལ་བ་ལ་སོགས་
པ་སྔོན་དུ་འགྲོ་བས་སྡོམ་པ་བཟུང་ལ། ཨོཾ་སརྦ་ཡོ་ག་ཙིཏྟ་ཨུཏྤཱ་ད་ཡཱ་མི་ཞེས་བྱ་བས་བྱང་ཆུབ་ཆེན་པོའི་སེམས་བསྐྱེད་ལ། གཡས་པའི་རྡོ་རྗེ་ཁུ་ཚུར་གྱིས་དང་པོའི་རྡོ་རྗེ་བླངས་ནས། རང་གི་སྙིང་གར་ལེགས་པར་བཞག་སྟེ། ཧཱུྃ་ཞེས་བྱ་བས་རྡོ་རྗེ་བསྐྱེད་ལ། འདི་སྐད་ཅེས་བརྗོད་
པར་བྱ་སྟེ། སུ་ར་ཏ་ས་མ་ཡ་སྟྭཾ་ཧོ། བཛྲ་སིདྡྷ་ཡ་ཐཱ་སུ་ཁཾ། དེ་ནས་སྒོར་བཞག་པའི་བུམ་པའི་ཆུས་བདག་ཉིད་ལ་དབང་བསྐུར་ལ། རས་དམར་པོའི་གོས་ཟུང་གོན་ཞིང་མེ་ཏོག་ཕྲེང་བ་བཏགས་པ་དང་། གདོང་དྲི་ཞིམ་པོས་བྱུགས་ལ། ཇི་སྐད་དུ་བཤད་པའི་གར་ལས་བྱུང་བའི་རྡོ་རྗེ་ཐལ་མོ་
བཅིངས་ནས་དེ་དང་མེ་ཏོག་བླངས་ཏེ། དེ་སྙིང་གའི་ཕྱོགས་སུ་བསྐོར་ནས་བཞག་ལ། བཛྲ་བཛྲ་ཧཱུྃ་ཞེས་བྱ་བས་ཟློས་ཤིང་སློབ་དཔོན་འཇུག་པར་བྱའོ། །ཤར་ཕྱོགས་ཀྱི་སྒོར་བཛྲ་ཨཾ་ཀུ་ཤ་ཛཿཞེས་བརྗོད་ལ་རྡོ་རྗེ་ལྕགས་ཀྱུས་བདག་ཉིད་དགུག་པར་བྱའོ། །ཡང་ལྷོ་ཕྱོགས་ཀྱི་

62-1-120b

སྒོར་དཀྱིལ་འཁོར་ཆེན་པོ་དེར་དེ་བཞིན་དུ་འཇུག་པར་བྱ་སྟེ། བཛྲ་པཱ་ཤ་ཧཱུྃ་ཞེས་བརྗོད་ལ། རྡོ་རྗེ་བསྡམས་པ་ལས་ཞགས་པས་བདག་ཉིད་གཞུག་པར་བྱའོ། །དེ་ནས་ནུབ་ཕྱོགས་ཀྱི་སྒོར་དེ་བཞིན་དུ་བདག་ཉིད་ཞུགས་ལ། བཛྲ་སྥོ་ཊ་བཾ་ཞེས་བྱ་བས་རྡོ་རྗེ་ལྕགས་སྒྲོག་བཅིངས་ཏེ་བདག་ཉིད་
བཅིང་བར་བྱའོ། །ཡང་བྱང་ཕྱོགས་ཀྱི་སྒོར་ཞུགས་ལ་བཛྲ་ཨཱ་བེ་ཤ་ཨཿཞེས་བྱ་བས་བདག་ཉིད་དབང་དུ་བྱའོ། །ཡང་ཤར་ཕྱོགས་ཀྱི་སྒོར་ཞུགས་ལ། མ་ཧཱ་ར་ཏ་སུ་ཌི་ཌྷ་སུ་ཏོ་ཥྱ་སུ་སོ་ཥྱོ་བཛྲ་སཏྭ་ཨ་དྷྱ་སིདྡྷྱ་མཾ་ཞེས་བརྗོད་དེ། རྡོ་རྗེ་གར་ལས་བྱུང་བའི་བཅོམ་ལྡན་འདས་ཀྱི་ཕྱག་རྒྱ་ཆེན་པོ་
བཅིངས་ལ་ཕྱག་བྱའོ། །དེ་སྐད་ཞུགས་ནས་མགོན་ལ་ཕྱག་བྱས་ཏེ། གཡོན་པའི་རྡོ་རྗེ་མིག་དང་ནི། །གཡོན་བསྙེམས་འཛུམ་པའི་མཆོག་གི་ནི། །རོལ་པའི་མིག་ནི་བཙུམ་པར་བྱ། །ཞེས་གསུངས་པའི་ཕྱིར་རོ། །ཨོཾ་པ་ར་མ་སུ་ཁཾ་ཨ་ཤ་ཡ། སུ་ལ་ལི་ཏ་བི་ལ་སྱ་ན་མི་ཏ་ཏ་མི་ཏོ་ཏ། བྷ་ག་བཱན་
ཏམ་ཛཿཧཱུྃ་བཾ་ཧོཿཧི་ཧི་ཧི་ཧི་ཧི་ཧི་པྲ་ཏཱིཙྪ་ཀུ་སུ་མ་ཨཉྩ་ལི་ནཱ་ཐ་ཞེས་བྱ་བ་ནི་ཕྱག་འཚལ་བའི་རིག་སྔགས་སོ། །ཡང་གཞུག་པའི་ཕྱག་རྒྱ་བཅིངས་ལ། དཀྱིལ་འཁོར་ལ་ལན་གསུམ་བསྐོར་བ་བྱའོ། །དེ་ནས་ཡང་མདུན་དུ་འདུག་ལ་དེ་ཁོ་ན་ཉིད་འདི་ལན་ཅིག་བརྗོད་པར་བྱ་སྟེ། འདོད་ཆགས་ཆེན་
པོ་བདེ་བ་ཆེ། །རྡོ་རྗེ་ཆོས་ནི་ནོར་ཆེ་ཞིང་། །ཡེ་ཤེས་ཆེན་པོ་ལས་ཆེ་བ། །རྡོ་རྗེ་སེམས་དཔའ་དེང་བདག་འགྲུབ། །ཛ་ཧཱུྃ་བཾ་ཧོཿཔྲ་སིདྡྷ་མཾ། དེ་ནས་རྡོ་རྗེ་ཆུ་འཐུངས་ལ། །ཨས་བདག་ཉིད་ལ་དབབ་པར་བྱས་ཏེ། ཨ། ཡང་གཡོན་པའི་རྡོ་རྗེ་ཁུ་ཚུར་གྱིས་རྡོ་རྗེ་སེམས་མ་བདག་
ཉིད་ལ་དབབ་པར་བྱ་སྟེ། ཨོཾ་ཨ་ཞེས་བྱ་བ་ལན་བརྒྱ་རྩ་བརྒྱད་བཟླས་ལ། བཅོམ་ལྡན་འདས་རྡོ་རྗེ་སེམས་དཔས་བདག་ཉིད་ཀུན་དུ་གང་བར་བསམ་མོ། །དེ་ནས་ཧཱུྃ་གིས་མེ་ཏོག་གི་ཕྲེང་བ་དོར་ལ། དེ་སླར་བླངས་ཏེ་རང་གི་མགོ་ལ་དེ་ཉིད་བཅིང་བར་བྱའོ། །དེ་ནས་དེ་ཉིད་ཀྱི་གདོང་གཡོགས་
བཀྲོལ་ལ། དེ་ཉིད་ཟློས་ཤིང་རྡོ་རྗེ་སེམས་དཔའ་ནས་བརྩམས་ཏེ། རྡོ་རྗེ་གཟུགས་ཀྱི་བར་གྱིས་དཀྱིལ་འཁོར་བལྟ་བར་བྱའོ། །ཏིཥྛ་བཛྲ་ཞེས་བྱ་བ་ལ་སོགས་པ་གཞུག་པའི་ཕྱག་རྒྱ་སྙིང་གར་དགྲོལ་བར་བྱའོ། །དེ་ནས་བཅོམ་ལྡན་འདས་ཀྱི་ཕྱག་རྒྱ་ཆེན་པོ་བཅིང་བར་བྱའོ། །བཅོམ་

62-1-121a

ལྡན་འདས་ལ་རྡོ་རྗེའི་ལྟ་བས་བལྟ་ཞིང་། ཇི་སྲིད་བཅོམ་ལྡན་འདས་ཀྱི་མཐོང་བ་སྣང་ནས་དངོས་གྲུབ་ཐམས་ཅད་སྩོལ་བ་དེ་སྲིད་ཀྱི་བར་དུ་བཟླས་པར་བྱའོ། །དེ་ནས་རྡོ་རྗེ་ཐལ་མོ་བསྐོར་ལ་འདུག །ཤིས་པ་བརྗོད་པའི་ཚུལ་གྱིས་བདག་ཉིད་སྙིང་གར་བཞག་ལ། 
མཚན་བརྒྱ་རྩ་བརྒྱད་ལ་སོགས་པའི་བསྟོད་པ་བྱས་ལ། འདོད་ཆགས་རྡོ་རྗེ་ལ་སོགས་པ། གསང་བའི་མཆོད་པ་བཞིས་བཅོམ་ལྡན་འདས་ཡང་དག་པར་མཆོད་དེ། གླུ་དང་རོལ་མོ་ལ་སོགས་པས་ཀྱང་མཆོད་ལ། ཡང་བཅོམ་ལྡན་འདས་ཀྱི་ཕྱག་རྒྱ་ཆེན་པོ་བཅིངས་ཏེ། བཅོམ་ལྡན་
འདས་ལ་རྡོ་རྗེའི་ལྟ་བས་བལྟས་ནས་རྡོ་རྗེ་ཐལ་མོས་བསྐོར་བས་བཅོམ་ལྡན་འདས་ལ་ཕྱག་བྱའོ། །ཕྱག་བྱས་ནས་ཀྱང་། མེ་ཏོག་ལ་སོགས་པའི་དབང་བསྐུར་བ་བླང་བར་བྱ་སྟེ། དེ་ཡང་དང་པོ་ཁོ་ནར་དང་པོ་རྡོ་རྗེས་བཟུང་བའི་མེ་ཏོག་གི་ཡལ་ག་ལས་རྣམ་པར་རྒྱལ་བའི་བུམ་པ་ལ་
སྔགས་འདི་བཟླས་བརྗོད་ཉི་ཤུ་རྩ་གཅིག་བྱ་སྟེ། ཨོཾ་མ་ཧཱ་སུ་ཁ་བཛྲ་ཨ་མོ་གྷ་ས་མ་ཡོ་ད་ཀ་སིདྡྷ་ཨ་བྷི་ཥིཉྩ། སརྦ་སུ་ཁ་སོ་མ་ན་སྱ་ནི་ཨ་ནི་ཨ་ད་ད་ཀུ་རུ་ཀུ་རུ་ཛཿཧཱུྃ་བཾ་ཧོཿདེ་ནས་རྡོ་རྗེ་སེམས་དཔར་བདག་ཉིད་བྱིན་གྱིས་བརླབས་ལ། དམ་ཚིག་གི་ཕྱག་རྒྱས་རང་གི་རྣལ་འབྱོར་ཆེན་པོ་
ལས་བཤད་པའི་གནས་རྣམས་སུ་ལྷ་ཐམས་ཅད་དགོད་པར་བྱ་སྟེ། ཕྱི་རོལ་གྱི་དཀྱིལ་འཁོར་གྱི་ནང་དུ་སྣ་ཚོགས་པདྨའི་སྟེང་དུ་ཕྱག་རྒྱ་ཆེན་པོས་འདུག་ལ། མེ་ཏོག་ལ་སོགས་པས་བདག་ཉིད་ཡང་དག་པར་མཆོད་དེ། མཆོད་ཡོན་བླངས་ནས་དཔལ་རྡོ་རྗེ་སེམས་དཔའི་སྐུ་གཟུགས་
རང་གི་མགོ་ལ་བཞག་སྟེ། མཚན་བརྒྱ་རྩ་བརྒྱད་པས་བསྟོད་ལ། རྡོ་རྗེ་ཁུ་ཚུར་གྱིས་རྣམ་པར་རྒྱལ་བའི་བུམ་པ་བླངས་ལ། ཨོཾ་བཛྲ་ཨ་བྷི་ཥིཉྩ་ཧཱུྃ་ཞེས་བརྗོད་དེ། དེས་བདག་ཉིད་དབང་བསྐུར་བར་བྱ་ཞིང་ཆུ་དེ་བཏུང་བར་བྱའོ། །ཨོཾ་མ་ཧཱ་སུ་ཁ་བཛྲ་སཏྭ་ཛཿཧཱུྃ་བཾ་ཧོཿསུ་ར་ཏ་སྟྭཾ་ཞེས་བྱ་
བས། ཐོག་མར་རྡོ་རྗེ་རང་གི་མགོ་ལ་བཅིངས་ཏེ། བཟླས་བརྗོད་བརྒྱ་རྩ་བརྒྱད་བྱའོ། །དེ་ནས་སྔར་བཤད་པའི་ཕྱག་རྣམས་ནི་དབང་བསྐུར་ཐམས་ཅད་ཡང་དག་པར་བླངས་ཏེ། ལུགས་མ་འམ། བརྐོས་མ་འམ། བྲིས་པ་འམ། བྱས་པའི་སངས་རྒྱས་ཀྱི་ཕྲེང་བ་ལ་སོགས་པ་དང་ལྡན་

62-1-121b

པའི་ཅོད་པན་རྡོ་རྗེ་རིན་པོ་ཆེའི་སྔགས་དང་། ཕྲེང་བའི་དབང་བསྐུར་བའི་སྔགས་བཟླས་པས་བདག་ཉིད་ལ་དབང་བསྐུར་བར་བྱའོ། །དེ་ནས་རྡོ་རྗེ་དང་། བདག་པོ་དང་། མིང་གི་དབང་བསྐུར་བླངས་ལ། དངོས་གྲུབ་ཀྱི་བརྟུལ་ཞུགས་བླང་བར་བྱའོ། །དེ་ནས་མེ་ཏོག་ལ་སོགས་པ་
དང་། ཕྱག་རྒྱའི་མཆོད་པ་བཅུ་གཉིས་ཀྱིས་བདག་ཉིད་མཆོད་པར་བྱའོ། །དེ་ནས་དེ་ཁོ་ན་ཉིད་ཀྱིས་བཟུང་ལ། ཆོས་ཀྱི་དྲིལ་བུ་དཀྲོལ་བར་བྱ་ཞིང་། དམ་ཚིག་གི་ཕྱག་རྒྱ་ཆེན་པོར་བྱིན་གྱིས་བརླབས་ལ། ཧཱུྃ་ཞེས་བྱ་བ་བརྗོད་པར་བྱའོ། །དེ་ནས་བཅོམ་ལྡན་འདས་ལ་ཕྱག་བྱས་ལ་སྔགས་བཟུང་སྟེ། 
ཚིགས་སུ་བཅད་པ་ལྔས་རྗེས་སུ་གནང་བ་དང་། གཟེངས་བསྟོད་པ་དང་། ལུང་བསྟན་པ་བླང་བར་བྱའོ། །བདག་ལ་བྱིན་གྱིས་བརླབ་པར་བྱ་སྟེ། ཇི་ལྟར་འདོད་པའི་ཆོ་གས་བཅོམ་ལྡན་འདས་རབ་ཏུ་བསྒྲུབས་ལ་ཕྱིར་དབྱུང་བར་བྱའོ། །སློབ་དཔོན་གྱི་ལས་ཀྱི་ཆོ་ག་རྒྱས་པ་རྫོགས་སོ།།      །།
དེ་ནས་སྔར་བཤད་པའི་ཆོ་ག་ཉིད་ཀྱིས་སློབ་མ་གཞུག་པར་བྱ་སྟེ། སློབ་དཔོན་གྱིས་ལྔ་པོ་བཅས་པ་འདི་ཉིད་བཅིངས་ལ། སླར་ཡང་གཞུག་སྟེ། ཆོ་ག་ཐམས་ཅད་རྗེས་སུ་སྤྱད་ནས། བཅོམ་ལྡན་འདས་ལ་ཕྱག་བྱས་ནས། འདི་སྐད་ཅེས་བརྗོད་པར་བྱ་སྟེ། ཁྱོད་སྔོན་ཁྱིམ་ལ་དགའ་
བ་ཡིས། །སྲིད་པའི་དགེ་བ་དག་པའི་ཕྱིར། །འདོད་པ་ཀུན་གྱི་དངོས་གྲུབ་ཅེས། །འགྲོ་བ་ཀུན་ཀྱང་གྲུབ་པར་གྱིས། །དེ་ནས་བཅོམ་ལྡན་འདས་ལ་མཆོད་པ་ཐམས་ཅད་ཡང་དག་པར་མཆོད་དེ། སློབ་མ་གཞུག་པར་བྱའོ། །དེ་ལ་བསླབ་པའི་གཞི་ལྔ་བླངས་པའམ། དགེ་སློང་
ངམ། དགེ་སློང་གི་བསླབ་པ་ཡོངས་སུ་བཟུང་བས་སྡོམ་པ་བཟུང་ལ། དེས་སློབ་དཔོན་ལ་ཕྱག་བྱས་ནས་འདི་སྐད་ཅེས་བརྗོད་པར་བྱ་སྟེ། དགའ་ཆེན་ཁྱོད་བདག་སྟོན་པ་བས། །སློབ་དཔོན་ཁྱོད་ནི་དགོངས་སུ་གསོལ། །བྱང་ཆུབ་སེམས་ནི་ཚུལ་བསྟན་པ། །མགོན་པོ་ཆེན་
པོ་བདག་འཚལ་ལོ། །དམ་ཚིག་དེ་ཉིད་བདག་ལ་གསོལ། །སྡོམ་པ་རྣམས་ཀྱང་སྩལ་དུ་གསོལ། །དེ་ནས་རྡོ་རྗེ་གནོད་སྦྱིན་ཡོངས་སུ་བཟླས་པའི་རས་དམར་པོ་བཟང་པོ་གཅིག་གིས་སྨད་གཡོགས་བྱ། གཅིག་གིས་སྟོད་གཡོགས་བྱས་ལ། ཡང་རྡོ་རྗེ་ལྕགས་ཀྱུ་དང་། ཞགས་པ་

62-1-122a

དང་། ལྕགས་སྒྲོག་དང་། རྡོ་རྗེ་འབེབས་པའི་གདོང་གཡོགས་ལ་ཡོངས་སུ་བཟླས་ལ་དེས་སློབ་མ་གདོང་གཡོགས་པ་དང་། མེ་ཏོག་གི་ཕྲེང་བ་གདགས་ཤིང་། གདོང་དྲི་ཞིམ་པོས་བྱུགས་ལ། ཕྱག་བཞི་བྱེད་དུ་གཞུག་གོ། །ཡང་ལག་ན་མེ་ཏོག་ཐོགས་པ་ཉིད་ཀྱིས་
སྡིག་པ་བཤགས་པ་དང་། རྗེས་སུ་ཡི་རང་བ་བསྐུལ་བ་དང་། གསོལ་བ་གདབ་པ་བྱས་ནས། སློབ་མས་འདི་སྐད་བརྗོད་པར་བྱ་སྟེ། ཐུབ་པ་ཉི་མ་མ་ལུས་པ། །སངས་རྒྱས་རྣམས་ནི་བདག་ལ་དགོངས། །བདག་མིང་འདི་ཞེས་བྱ་བ་ཡིས། །སློབ་དཔོན་དཔང་དུ་གནས་པ་ལ། །སངས་
རྒྱས་རོལ་མོ་ལས་བྱུང་བ། །མི་ལྡོག་པ་ཡི་འཁོར་ལོ་སྦྱོར། །ཐར་པ་ཆེན་པོའི་གྲོང་ཁྱེར་ཆེ། །གསང་བ་ཆེན་པོར་འཇུག་པར་བགྱི། །གསང་བ་ཐམས་ཅད་བསྡུས་པ་ནི། །སློབ་དཔོན་ཆེན་པོ་བདག་འཇུག་མཛོད། །མི་ལྡོག་པ་ཡི་དབང་བསྐུར་བ། །སྐལ་བ་ཆེན་པོ་བདག་ལ་
སྩོལ། །མཚན་རྣམས་ཀུན་གྱིས་རྒྱབ་བཏབ་ཅིང་། །དཔེ་བྱད་རྣམས་དང་ཡང་དག་ལྡན། །སངས་རྒྱས་སྐུ་ནི་ཡིད་འོང་བ། །སློབ་དཔོན་ཆེན་པོ་བདག་ལ་སྩོལ། །དབང་བསྐུར་ཆེན་པོ་རྨད་བྱུང་བ། །སེམས་ཅན་ཀུན་གྱི་དོན་གྱི་ཕྱིར། །བདག་ནི་རྟག་ཏུ་སློབ་དཔོན་འགྱུར། །
སློབ་དཔོན་ཆེན་པོ་བདག་ལ་སྩོལ། །དེ་ནས་སློབ་དཔོན་གྱིས་དཀྱིལ་འཁོར་གྱི་ལྷ་ཐམས་ཅད་ལ་གསོལ་བ་གདབ་པར་བྱ་སྟེ། ཆེ་གེ་ཞེས་པ་འདི་ཉིད་ནི། །བྱང་ཆུབ་སེམས་ནི་ཡོངས་འཛིན་པ། །དམ་ཚིག་མཆོག་དང་གསང་བ་འདི། །འཁོར་ལོ་འདི་ནི་འཇུག་པར་འཚལ། །དེ་ནས་སློབ་དཔོན་
གྱིས་འདི་སྐད་བརྗོད་པར་བྱ་སྟེ། བདག་ཉིད་ཆེན་པོ་ཁྱོད། གསང་བ་ཆེན་པོའི་རིགས་དག་པ། །ཤིན་ཏུ་སྦས་པ་ཡོངས་སུ་འཛིན་པར་འདོད་དམ་ཞེས་དྲི་བར་བྱའོ། །དེས་ཀྱང་བདག་འཚལ་ཞེས་བརྗོད་པར་བྱའོ། །དེ་ནས་ཡང་སློབ་དཔོན་གྱིས་འདི་སྐད་ཅེས་བརྗོད་པར་བྱའོ། །སངས་
རྒྱས་ཆོས་དང་དགེ་འདུན་ཏེ། །དཀོན་མཆོག་གསུམ་ལ་སྐྱབས་སུ་སོང་། །འདི་ནི་སངས་རྒྱས་རིགས་དག་པའི། །དམ་ཚིག་བརྟན་པར་གྱུར་པའོ། །རྡོ་རྗེ་དྲིལ་བུ་ཕྱག་རྒྱ་ཡང་། །བློ་ཆེན་ཁྱོད་ཀྱིས་གཟུང་བར་གྱིས། །བྱང་ཆུབ་སེམས་གང་དེ་རྡོ་རྗེ། །ཤེས་རབ་དྲིལ་བུ་ཞེས་

62-1-122b

གྲགས་སོ། །སློབ་དཔོན་ཁྱོད་ཀྱིས་གཟུང་བར་བྱ། །བླ་མ་སངས་རྒྱས་ཀུན་དང་མཉམ། །འདི་ནི་རྡོ་རྗེ་རིགས་དག་པའི། །སྡོམ་པ་དམ་ཚིག་ཡིན་པར་གྲགས། །རིན་ཆེན་རིགས་མཆོག་ཆེན་པོ་ལ། །ཉིན་དང་མཚན་མོ་ལན་གསུམ་དུ། །ཟང་ཟིང་མི་འཇིགས་ཆོས་དང་
བྱམས། །སྦྱིན་པ་རྣམ་བཞི་རྟག་ཏུ་སྦྱིན། །ཕྱི་ནང་གསང་བའི་ཐེག་པ་གསུམ། །དམ་ཆོས་ཁྱོད་ཀྱིས་གཟུང་བར་བྱ། །འདི་ནི་པདྨའི་རིགས་དག་པའི། །དམ་ཚིག་སྡོམ་པ་ཡིན་པར་གསུངས། །ལས་ཀྱི་རིགས་མཆོག་ཆེན་པོ་ལ། །སྡོམ་པ་ཐམས་ཅད་ལྡན་པར་ནི། །ཡང་དག་
ཉིད་དུ་གཟུང་བར་བགྱི། །མཆོད་པའི་ལས་ཀྱང་ཅི་ནུས་བྱ། །གཞན་ཡང་བཅུ་བཞི་འདི་དག་ནི། །ཕས་ཕམ་པར་ནི་ཡང་དག་བཤད། །སྤང་ཞིང་དོར་བར་མི་བྱ་སྟེ། །རྩ་བའི་ལྟུང་བར་ཤེས་པར་བྱ། །ཉིན་དང་མཚན་མོ་ལན་གསུམ་དུ། །ཉིན་རེ་ཞིང་ནི་བཟླས་པར་བྱ། །གང་
ཚེ་ཉམས་ན་རྣལ་འབྱོར་པ། །ཁ་ན་མ་ཐོ་ཆེན་པོར་འགྱུར། །ཁྱོད་ཀྱིས་སྲོག་ཆགས་གསད་མི་བྱ། །མ་བྱིན་པར་ཡང་མི་བླང་ངོ་། །འདོད་ལ་ལོག་པར་མ་སྤྱད་ཅིག །བརྫུན་དུ་སྨྲ་བར་མི་བྱའོ། །ཕུང་ཁྲོལ་ཀུན་གྱི་རྩ་བ་ནི། །ཆང་ནི་རབ་ཏུ་སྤང་བར་བྱ། །སེམས་ཅན་འདུལ་
ཕྱིར་མ་གཏོགས་པ། །བྱ་བ་མ་ཡིན་ཐམས་ཅད་སྤངས། །དམ་པ་ཉེ་བར་བརྟེན་བྱ་ཞིང་། རྣལ་འབྱོར་པ་རྣམས་བསྙེན་བཀུར་བྱ། །ལུས་ཀྱི་ལས་ནི་རྣམ་གསུམ་དང་། །ངག་གི་རྣམ་པ་བཞི་དག་དང་། །ཡིད་ཀྱི་རྣམ་པ་གསུམ་དག་ནི། །ཅི་ནུས་པར་ནི་རྗེས་སུ་སྐྱོང་། །ཐེག་པ་དམན་པ་
འདོན་མི་བྱ། །སེམས་ཅན་དོན་ལ་རྒྱབ་ཕྱོགས་མིན། །འཁོར་བ་དག་ཀྱང་ཡོངས་མི་སྤོང་། །རྟག་ཏུ་མྱ་ངན་འདས་མི་ཆགས། །ལྷ་དང་ལྷ་མིན་གསང་བ་པ། །ཁྱོད་ཀྱིས་བརྙས་པར་མི་བྱ་ཞིང་། །ཕྱག་རྒྱ་བཞོན་པ་མཚོན་ཆ་དང་། །མཚན་མ་འགོང་བར་མི་བྱའོ། །འདི་དག་དམ་
ཚིག་ཡིན་པར་བཤད། །ཁྱོད་ཀྱིས་རྟག་ཏུ་བསྲུང་བར་བྱ། །དེས་ཀྱང་འདི་སྐད་བརྗོད་པར་བྱའོ། །སློབ་དཔོན་འདི་ནི་བདག་ལ་གསོན། །གཙོ་བོས་ཇི་སྐད་བཀའ་སྩལ་པ། །དེ་ལྟར་བདག་ནི་བགྱིད་པར་འཚལ། །ཇི་ལྟར་དུས་གསུམ་མགོན་པོ་རྣམས། །ཞེས་པ་ནས་བརྩམས་ཏེ། 

62-1-123a

སེམས་ཅན་མྱ་ངན་འདས་ལ་དགོད། །ཅེས་བྱ་བའི་བར་དུ་བརྗོད་པར་བྱའོ། །དེ་ནས་དེ་ལ་ཨོཾ་སརྦ་ཡོ་ག་ཙིཏྟ་ཨུཏྤ་ད་ཡཱ་མི། ཞེས་བྱ་བས་བྱང་ཆུབ་སེམས་བསྐྱེད་དུ་བཅུག་ལ། དེའི་སྙིང་གར་དེ་བཞིན་དུ། རྡོ་རྗེ་བསྐྱེད་ནས། རྡོ་རྗེ་སེམས་དཔར་བྱིན་གྱིས་བརླབ་པ་འདི་སྐད་ཅེས་
བརྗོད་པར་བྱའོ། །དེང་ཁྱོད་ལ་བཅོམ་ལྡན་འདས་ཀྱིས་བྱིན་གྱིས་བརླབ་པར་འགྱུར་གྱིས། དེང་ཁྱོད་ཀྱིས་དེ་བཞིན་གཤེགས་པ་ཐམས་ཅད་ཀྱི་གསང་བའི་དཀྱིལ་འཁོར་མ་མཐོང་བ་རྣམས་ལ་སྨྲ་བར་མ་བྱེད་ཅིག །དད་པ་མེད་པ་རྣམས་ལ་སྨྲ་བར་ཡང་མ་ཡིན་ནོ། །དེ་ནས་ལྔ་པོ་བསྡུས་པའི་ཕྱག་རྒྱ་
བཅིངས་ལ། འདི་སྐད་ཅེས་བརྗོད་པར་བྱའོ། །འདི་ནི་དམ་ཚིག་རྩ་བ་སྟེ། །སངས་རྒྱས་ཐམས་ཅད་རབ་བསྒྲུབས་པས། །གལ་ཏེ་དཀྱིལ་འཁོར་མ་མཐོང་སྨྲས། །རིགས་རྣམས་ཐམས་ཅད་དེ་བརླག་འགྱུར། །ཨོཾ་མ་ཧཱ་སུ་ཁ་ཧ་ན་ས་མ་ཡ་ཨ་ཏི་ཀྲི་མི་ཎཾ་སུ་ར་སྟྭཾ། དེ་ནས་ཡོན་གྱི་
མཆོག་བླངས་ལ། སྒོར་བཞག་པའི་བུམ་པའི་ཆུས་དབང་བསྐུར་ནས། དང་པོ་རང་ཉིད་གཞུག་པའི་ཆོ་གས་གཞུག་པར་བྱའོ། །ཞུགས་ནས་འདི་སྐད་ཅེས་བརྗོད་པར་བྱ་སྟེ། མ་ཧཱ་ར་དྷི་སུ་ཏྲ་དྷི། སུ་ཏོ་ཥྱ། སུ་སུ་ཁོ། བཛྲ་སཏྭ་ཨདྷྱ་སིདྡྷྱ་མཱཾ། ཞེས་སྨྲོས་ཤིག་ཅེས་བསྒོའོ། །དེ་ནས་ཡང་
འདི་སྐད་ཅེས་བརྗོད་པར་སྟེ། དེང་ཁྱོད་དེ་བཞིན་གཤེགས་པ་ཐམས་ཅད་ཀྱི་རིགས་སུ་ཞུགས་ཀྱིས། ངས་ཁྱོད་ལ་ཡེ་ཤེས་གང་གིས་དེ་བཞིན་གཤེགས་པ་ཐམས་ཅད་དུ་འགྲུབ་པ་ཡང་ཐོབ་ན། དངོས་གྲུབ་གཞན་ལྟ་སྨོས་ཀྱང་ཅི་དགོས་ཏེ། དེ་ལྟ་བུའི་ཡེ་ཤེས་བསྐྱེད་པར་བྱ་ཡིས། ཁྱོད་ཀྱིས་
དཀྱིལ་འཁོར་ཆེན་པོ་མ་མཐོང་བ་རྣམས་ལ་མ་སྨྲ་ཞིག །ཁྱོད་དམ་ཚིག་ཉམས་པར་གྱུར་ཏ་རེ། དེ་ནས་རྡོ་རྗེ་སློབ་དཔོན་རང་ཉིད་ཀྱིས་སེམས་མ་རྡོ་རྗེ་མའི་ཕྱག་རྒྱ་ཁ་ཐུར་དུ་བསྟན་པ་དང་། གྱེན་དུ་བསྟན་པ་བཅིངས་ལ། རྡོ་རྗེ་སློབ་མའི་སྤྱི་བོར་བཞག་སྟེ། འདི་སྐད་ཅེས་བརྗོད་པར་བྱ་
སྟེ། འདི་ནི་ཁྱོད་ཀྱི་རྡོ་རྗེའི་དམ་ཚིག་ཡིན་གྱི་གལ་ཏེ་འགའ་ཞིག་ལ་སྨྲས་ན་ཀླད་པ་འགས་པར་འགྱུར་རོ། །དེ་ནས་དམ་ཚིག་གི་ཕྱག་རྒྱ་དེ་ཉིད་དང་མནའི་སྙིང་པོ་ཆུ་ལ་ཡོངས་སུ་བཟླས་ལ། སློབ་མ་དེ་འཐུང་དུ་གཞུག་གོ། །དེ་ལ་མནའི་སྙིང་པོ་འདི་ཡིན་ཏེ། རྡོ་རྗེ་སེམས་དཔའ་ཉིད་

62-1-123b

ཁྱོད་ཀྱི། །དེ་ནི་སྙིང་ལ་ཡང་དག་ཞུགས། །གལ་ཏེ་ཚུལ་འདི་སྨྲས་ན་ནི། །དེ་མ་ཐག་ཏུ་དྲལ་ཏེ་གཤེགས། །བཛྲོད་ཀ་ཋ། དེ་ནས་སློབ་མ་ལ་འདི་སྐད་བསྒོ་ཤིག །དེང་ཕྱིན་ཆད་ཁྱོད་ཀྱི་ཕྱག་ན་རྡོ་རྗེ་ཡང་ང་ཡིན་གྱིས། ངས་འདི་བྱོས་ཤིག་ཅེས་བསྒོ་བ་གང་ཡིན་པ་དེ་ཁྱོད་ཀྱིས་
བྱ་དགོས་སོ། །ཁྱོད་ཀྱིས་ང་ལ་བརྙས་པར་མ་བྱེད་ཅིག །མི་བདེ་བ་མ་སྤངས་པར་ཁྱོད་དུས་བྱས་ནས་དམྱལ་བར་ལྟུང་བར་གྱུར་ཏ་རེ་ཞེས་སྨྲས་ལ། དེ་ནས་འདི་སྐད་ཅེས་བརྗོད་པར་བྱ་སྟེ། དེ་བཞིན་གཤེགས་པ་ཐམས་ཅད་ཀྱིས་བྱིན་གྱིས་རློབས་ལ། རྡོ་རྗེ་སེམས་དཔའ་བདག་
ལ་འབབ་པར་གྱུར་ཅིག །ཅེས་བརྗོད་དུ་གཞུག་གོ། །དེ་ནས་སློབ་དཔོན་གྱིས་མྱུར་དུ་སེམས་དཔའི་རྡོ་རྗེ་ཕྱག་རྒྱ་བཅིངས་ལ། དེའི་སྙིང་གར་གཞག་སྟེ། འདི་སྐད་ཅེས་བརྗོད་དུ་གཞུག་གོ། །འདི་ནི་རྡོ་རྗེའི་དམ་ཚིག་སྟེ། །རྡོ་རྗེ་སེམས་དཔའ་ཡིན་པར་གྲགས། །རྡོ་རྗེ་ཡེ་ཤེས་བླ་མེད་
འདི། །དེ་རིང་ཉིད་དུ་འབབ་པར་ཤོག །དེ་ནས་བཛྲ་ཨཱ་བེ་ཤ་ཨཿཞེས་བྱ་བ་འདི་ལན་བརྒྱ་ཟློས་སུ་གཞུག་གོ། །ཡང་གཡོན་པའི་ཁྲོ་བོའི་ཁུ་ཚུར་བཅིངས་ལ། སེམས་དཔའ་རྡོ་རྗེའི་ཕྱག་རྒྱ་ཕྱེ་སྟེ། ཧཱུྃ་ཨཿཨཿཨ་ཞེས་བྱ་བ་ལན་བརྒྱ་ཟློས་སུ་གཞུག་གོ། །སྦྱོར་བ་གཉིས་ཀ་ཡང་འོད་
ཟེར་དམར་པོ་འབར་བའི་འོད་ཀྱིས་ཀུན་ནས་འཁྲིགས་པའི་རྡོ་རྗེ་སེམས་དཔའ་ཀུན་དུ་གང་བར་བསམས་ན་ངེས་པར་འབབ་པར་འགྱུར་རོ། །ལྷའི་ཡེ་ཤེས་ཀྱང་འདི་ལས་སྐྱེ་བར་འགྱུར་རོ། །དེ་ནས་མེ་ཏོག་གི་ཕྲེང་བས་དབང་བསྐུར་བ་དང་། གདོང་གཡོགས་དགྲོལ་ཞིང་དཀྱིལ་
འཁོར་བསྟན་པ་དང་། འཇུག་པའི་ཕྱག་རྒྱས་དགྲོལ་བ་དང་། སློབ་དཔོན་གྱི་ལས་ཀྱི་ཆོ་གར་བསྟན་པའི་སྦྱོར་བས་བྱེད་དུ་གཞུག་གོ། །དེ་ནས་དེ་བཞིན་དུ་པདྨ་བྲིས་ལ། སློབ་མ་དེ་རྡོ་རྗེ་སེམས་དཔར་བྱིན་གྱིས་བརླབས་ཏེ། པདྨ་དེ་ལ་རྡོ་རྗེ་སེམས་དཔའི་ཕྱག་རྒྱ་ཆེན་པོས་ཉེ་བར་བཞག་ལ། 
ཡོན་གྱི་མཆོག་བླངས་ཏེ། མཆོད་ཡོན་བྱིན་ལ་མེ་ཏོག་ལ་སོགས་པས་ཡང་དག་པར་མཆོད་དེ། རྣམ་པར་རྒྱལ་བའི་བུམ་པ་ལས་རྡོ་རྗེ་ཁུ་ཚུར་གྱིས་ཆུ་བླངས་ཏེ། སློབ་དཔོན་གྱི་ཆོ་གས་དབང་བསྐུར་ཞིང་ཆུ་དེ་འཐུང་དུ་བཅུག་སྟེ་འདི་སྐད་ཅེས་བརྗོད་དོ། །འདི་ནི་སེམས་ཅན་དམྱལ་བའི་

62-1-124a

ཆུ། །དམ་ཚིག་འདས་ན་སྲེག་པར་བྱེད། །དམ་ཚིག་བསྲུངས་ན་དངོས་གྲུབ་ནི། །རྡོ་རྗེ་བདུད་རྩིའི་ཆུ་འདིས་འགྲུབ། །རྡོ་རྗེ་དྲིལ་བུའི་ཕྱག་རྒྱ་རྣམས། །གལ་ཏེ་དཀྱིལ་འཁོར་མ་མཐོང་སྨྲས། །སྐྱེ་བོ་འདུས་པའི་ནང་གནས་ཤིང་། །དད་པ་མེད་པས་བགད་པར་འགྱུར། །
དེ་ནས་ཕྱག་རྒྱའི་དབང་བསྐུར་བ་དང་། ཅོད་པན་གྱི་དབང་བསྐུར་བ་དང་། རྡོ་རྗེ་དང་བདག་པོ་དང་། མིང་གི་དབང་བསྐུར་བ་དང་། རང་གི་དངོས་གྲུབ་ཀྱི་རྡོ་རྗེ་བརྟུལ་ཞུགས་དང་། ཆོས་དང་དེ་ཁོ་ན་ཉིད་ཀྱི་དམ་ཚིག་རྣམས་སྦྱིན་པར་བྱའོ། །དེ་ནས་མེ་ཏོག་ལ་སོགས་པ་དང་རྡོ་རྗེ་མཚོན་ཆ་
ལ་སོགས་པས་དེ་ཡང་དག་པར་མཆོད་ལ། དེ་ལ་སྙིང་པོ་བྱིན་ཏེ། དང་པོར་མནའ་འདོར་དུ་བཅུག་ལ་ལྷའི་ཕྱག་རྒྱ་བཞི་བསླབ་པར་བྱའོ། །དེ་ནས་གསང་བའི་དབང་བསྐུར་བ་བཤད་དེ། སློབ་དཔོན་དུ་དབང་བསྐུར་བར་འོས་པ་བཅུག་ལ། སློབ་དཔོན་གྱི་ལས་ཀྱི་ཆོ་ག་ཐམས་ཅད་དང་། 
དཀྱིལ་འཁོར་དང་། ལྷའི་དེ་ཁོ་ན་ཉིད་བསྟན་པར་བྱའོ། །འདི་དག་གིས་ནི་དབང་བསྐུར་བར་གྱུར་པ་ཡིན་ནོ། །དེ་ནས་དབང་བསྐུར་བའི་ཆོ་ག་རྒྱས་པར་བཤད་པར་བྱ་སྟེ། རྩ་བའི་དཀྱིལ་འཁོར་ལས་རབ་ཏུ་ཁྲུ་དོ་ད་རི་ལ་དབང་བསྐུར་བའི་དཀྱིལ་འཁོར་ཤར་ཕྱོགས་ཀྱི་སྒོར་བལྟས་པས། ནང་གི་
དཀྱིལ་འཁོར་གྱི་ཚད་ཙམ་ཟུར་བཞི་པ་སྒོ་ནུབ་ཏུ་བལྟས་ལ། ཚོན་གྱི་ཕྱེ་མ་སྣ་ལྔས་བྲི་བར་བྱ་སྟེ། དཀྱིལ་འཁོར་དེའི་དབུས་སུ་པདྨ་འདབ་མ་བརྒྱད་པ། དེའི་སྟེང་དུ་དང་པོའི་རྡོ་རྗེ་ཁ་དོག་དམར་པོ་བྲི་བར་བྱའོ། །དེ་ནས་དཀྱིལ་འཁོར་དེ་མེ་ཏོག་ལ་སོགས་པས་ཡང་དག་པར་མཆོད་ལ། སྣ་
ཚོགས་པདྨ་དང་། རས་ཀྱིས་གཡོགས་པའི་སེང་གེའི་གདན་ནམ། སྟན་ནང་ཚངས་ཅན་རྡོ་རྗེ་རྩེ་མོ་མངོན་པར་བཟླས་པ་དེར་བཞག་སྟེ། དེ་ཡང་དབང་བསྐུར་བར་བྱ་སྟེ། དཔལ་རྡོ་རྗེ་སེམས་དཔར་བྱིན་གྱིས་བརླབས་ཏེ། དེའི་ལུས་ལ་ལྷ་ཐམས་ཅད་ཀྱི་གནས་སུ་སྔ་མ་བཞིན་དུ་པདྨའི་གདན་བསམས་ནས། གདན་
དེ་རྣམས་ལ་དང་པོའི་རྡོ་རྗེ་སྙིང་པོ་དང་བཅས་པས་དཔལ་རྡོ་རྗེ་སེམས་དཔའ་ལ་སོགས་པ་བསྐྱེད་དེ། གདན་དེ་ལ་དཔལ་རྡོ་རྗེ་སེམས་དཔའི་ཕྱག་རྒྱ་ཆེན་པོར་འདུག་ནས། དང་པོའི་རྡོ་རྗེ་དེ་ཉིད་དང་། རྡོ་རྗེ་སེམས་དཔའ་ལ་སོགས་པས་སྙིང་ག་དང་། སྨིན་མཚམས་དང་། ལྐོག་མ་དང་། སྤྱི་བོ་རྣམས་སུ་བྱིན་གྱིས་

62-1-124b

བརླབ་པ་དང་། སེང་གེའི་གདན་གྱི་སྟེང་དུ་བླ་རེ་བྲེ་ཞིང་། གཡས་ལོགས་སུ་དར་དང་། མེ་ཏོག་ཆུན་པོས་བརྒྱན་པའི་གདུགས་དཀར་པོ་རིན་པོ་ཆེའི་ཏོག་ཅན་ལ་ཧཱུྃ་བཟླས་པ་བཞག་པ་དང་། གཡོན་གྱི་ཕྱོགས་ཀྱི་ཆར་དར་སྣ་ཚོགས་ཀྱི་རྒྱལ་མཚན་དང་། བ་དན་ལ་ནམ་མཁའ་མཛོད་ཀྱི་སྔགས་བཟླས་
པ་བཞག་ལ་མཆོད་ཡོན་ཕུལ་ཏེ། མེ་ཏོག་ལ་སོགས་པས་ཡང་དག་པར་མཆོད་ནས། དུང་དང་། རྔ་རིངས་དང་། རྔ་བོ་ཆེ་དང་། རུ་དུང་ལ་སོགས་པའི་རོལ་མོ་རྣམས་རོལ་མོའི་ཕྱག་རྒྱས་བྱིན་གྱི་རླབས་ཀྱི་བསླབ་པའི་སྒྲ་དང་། ཕྱི་རོལ་དུ་གླུ་དང་གར་རྣམས་བྱ་བ་དང་། རྡོ་རྗེ་མཚོན་ཆ་ལ་སོགས་པས་
མཆོད་དེ། དེ་ནས་ཡོན་གྱི་མཆོག་བླངས་ལ། དཔལ་རྡོ་རྗེ་སེམས་དཔའི་སྐུ་གཟུགས་དེའི་སྤྱི་བོར་བཞག་ལ། བཀྲ་ཤིས་ཀྱི་ཚིགས་སུ་བཅད་པ་གདོན་པར་བྱའོ། །དེ་ལ་བཀྲ་ཤིས་ཀྱི་ཚིགས་སུ་བཅད་པ་ནི་འདི་ཡིན་ཏེ། ཕུན་སུམ་ཚོགས་པ་མངའ་བ་གསེར་གྱི་རི་བོ་འདྲ། །འཇིག་རྟེན་གསུམ་གྱི་
མགོན་པོ་དྲི་མ་གསུམ་སྤངས་པ། །སངས་རྒྱས་པདྨ་རྒྱས་པ་འདྲ་བའི་སྤྱན་མངའ་བ། །བཀྲ་ཤིས་དེས་ནི་སྐྱེ་དགུ་ཞི་བྱེད་དང་པོའོ། །དེ་ཡི་ཉེ་བར་བསྟན་པའི་མཆོག་རབ་མི་གཡོ་བ། །འཇིག་རྟེན་གསུམ་ན་གྲགས་ཤིང་ལྷ་དང་མིས་མཆོད་པ། །ཆོས་ཀྱི་དམ་པ་སྐྱེ་དགུ་རྣམས་ལ་ཞི་བྱེད་པ། །
འདི་ནི་འཇིག་རྟེན་དགེ་བའི་བཀྲ་ཤིས་གཉིས་པའོ། །དགེ་འདུན་དམ་པ་ཆོས་ལྡན་ཐོབ་པའི་བཀྲ་ཤིས་ཕྱུག །མི་དང་ལྷ་དང་ལྷ་མ་ཡིན་གྱིས་མཆོད་པའི་གནས། །ཚོགས་ཀྱི་མཆོག་རབ་ངོ་ཚ་ཤེས་དང་དཔལ་གྱི་ཞིང་། །དེ་ནི་འཇིག་རྟེན་དགེ་བའི་བཀྲ་ཤིས་གསུམ་པའོ། །སེམས་ཅན་ཀུན་ལ་ཕན་ཕྱིར་
བྱང་ཆུབ་མངའ་བའོ། །དོན་རྣམས་ཐམས་ཅད་འགྲུབ་པར་བརྟུལ་བ་ཡོངས་ལྡན་པ། །ཚོགས་ཀྱི་ལས་དགྱེས་ཐུབ་པའི་བཀྲ་ཤིས་གང་བྱུང་བ། །བཀྲ་ཤིས་དེས་ནི་སྐྱེ་དགུ་རྣམས་ལ་ཞི་བྱེད་ཤོག །འགྲོ་ལ་ཕན་ཕྱིར་དེ་བཞིན་གཤེགས་པ་དགའ་ལྡན་ལྷའི། །གཞལ་མེད་ཁང་གི་སྙིང་པོ་ནས་ནི་འདིར་
གཤེགས་ཏེ། །དབང་བཅས་ལྷས་བསྐོར་བ་ཡི་བཀྲ་ཤིས་གང་བྱུང་བ། །བཀྲ་ཤིས་དེས་ནི་སྐྱེ་དགུ་རྣམས་ལ་ཞི་བྱེད་ཤོག །ལོ་མ་མེ་ཏོག་འོད་འབར་ལུམྦིའི་ཚལ། །ལྷ་མོ་དག་གིས་བརྟེན་པར་མགོན་པོ་བལྟམས་པ་ན། །སྲིད་པ་མཐར་ཕྱིན་པ་ཡི་བཀྲ་ཤིས་གང་བྱུང་བ། །བཀྲ་ཤིས་དེས་ནི་

62-1-125a

སྐྱེ་དགུ་རྣམས་ལ་ཞི་བྱེད་ཤོག །གྲོང་ཁྱེར་སེར་སྐྱའི་གནས་ནས་རྒྱལ་པོའི་ཕོ་བྲང་དུ། །ལྷུམས་ན་བལྟམས་པ་སྟོན་པ་བདེ་གཤེགས་ཟས་གཙང་སྲས། །མྱུར་བསྐྲུན་བདུད་རྩིའི་ཆུས་གཏོར་བ་ཡི་བཀྲ་ཤིས་གང་། །བཀྲ་ཤིས་དེས་ནི་སྐྱེ་དགུ་རྣམས་ལ་ཞི་བྱེད་ཤོག །གྲོང་ཁྱེར་དམ་པ་
སེར་སྐྱའི་གནས་ཞེས་བྱ་བར་ནི། །རྨད་དུ་གྲགས་པ་ཆེ་བ་ལྷ་ཡིས་མངོན་བསྟོད་པ། །བསམ་ཡས་དགེ་བསྒྲུབས་བསོད་ནམས་ཕུང་པོའི་བཀྲ་ཤིས་གང་། །བཀྲ་ཤིས་དེས་ནི་སྐྱེ་དགུ་རྣམས་ལ་ཞི་བྱེད་ཤོག །དགྱེས་ཤིང་ནམ་ཕྱེད་གྲོང་ཁྱེར་མཆོག་ནས་མངོན་བྱུང་སྟེ། །དཀའ་ཐུབ་ཚལ་དུ་མངོན་པར་
གཤེགས་ཤིང་ཚངས་ལ་སོགས། །ལྷ་ཡི་ཚོགས་ཀྱིས་ཡོངས་སུ་བསྐོར་བའི་བཀྲ་ཤིས་གང་། །བཀྲ་ཤིས་དེས་ནི་སྐྱེ་དགུ་རྣམས་ལ་ཞི་བྱེད་ཤོག །བཻ་ཌཱུརྱ་ལྟར་སྔོ་བའི་རྩྭ་བཏིང་སྟེང་བཞུགས་ཏེ། །སྐྱིལ་མོ་ཀྲུང་བཅས་མི་གཡོ་མཆོག་གི་བཀྲ་ཤིས་གང་། །བཀྲ་ཤིས་དེས་ནི་སྐྱེ་དགུ་རྣམས་ལ་
ཞི་བྱེད་ཤོག །ཆུ་བོའི་འགྲམ་ན་རྩྭ་ཤའི་ཕྲེང་གིས་ཡོངས་བསྐོར་བ། །ཤིན་ཏུ་རྨད་དུ་བྱུང་བ་སྲིད་པ་སེལ་མཛད་པ། །ཀླུ་ཡི་རྒྱལ་པོས་ཕྱག་བྱས་པ་ཡི་བཀྲ་ཤིས་གང་། །བཀྲ་ཤིས་དེས་ནི་སྐྱེ་དགུ་རྣམས་ལ་ཞི་བྱེད་ཤོག །ཤིང་རྒྱལ་དྲུང་གཤེགས་བྱམས་པའི་སྟོབས་ཀྱིས་བདུད་ཀྱི་ཕྱོགས། །
མང་པོ་བཏུལ་ཚེ་ས་སྟེང་དང་ནི་ནམ་མཁའ་ལ། །བཅོམ་ལྡན་བཀྲ་ཤིས་རྣམ་པ་སྣ་ཚོགས་གང་བྱུང་བ། །བཀྲ་ཤིས་དེས་ནི་སྐྱེ་དགུ་རྣམས་ལ་ཞི་བྱེད་ཤོག །སྡུག་བསྔལ་མཐའ་དག་གཞིག་ཕྱིར་རྡོ་རྗེ་གདན་བཞུགས་ཏེ། །ནམ་གྱི་ཐོ་རངས་བདུད་བཞི་པོ་དག་རྣམས་འདུལ་བ། །སྟོན་པ་བདེ་བར་
གཤེགས་པའི་བཀྲ་ཤིས་གང་བྱུང་བ། །བཀྲ་ཤིས་དེས་ནི་སྐྱེ་དགུ་རྣམས་ལ་ཞི་བྱེད་ཤོག །གྲོང་ཁྱེར་བཱ་རཱ་ཎ་སཱིར་གྲོང་ཁྱེར་མཆོག་ཞུགས་ནས། །ཆོས་ཀྱི་འཁོར་ལོ་མཆོག་བསྐོར་བ་ཡི་བཀྲ་ཤིས་གང་། །ལྷ་ཡུལ་དང་འདིར་ཤིན་ཏུ་རྨད་དུ་བྱུང་འགྱུར་བ། །བཀྲ་ཤིས་དེས་ནི་སྐྱེ་དགུ་རྣམས་ལ་ཞི་བྱེད་
ཤོག །བཀྲ་ཤིས་གང་ཞིག་ཕན་བྱེད་དམ་པ་དག་བྱེད་པས། །བསོད་ནམས་བྱ་བྱེད་འཕགས་པའི་སྐྱེ་བོས་མངོན་བསྟོད་པ། །བཅོམ་ལྡན་ཤཱཀྱ་ཐུབ་པ་སེང་གེས་ཀུན་གསུངས་པ། །བཀྲ་ཤིས་དེས་ནི་སྐྱེ་དགུ་རྣམས་ལ་ཞི་བྱེད་ཤོག །མུ་སྟེགས་བྱེད་པ་ཀུན་གྱི་ང་རྒྱལ་གཞོམ་པ་དང་། །འགྲོ་

62-1-125b

ལ་བདེ་བ་བསྐྱེད་པའི་ཆོ་འཕྲུལ་དམ་པ་དག །ཉེ་བར་སྟོན་པ་རྒྱལ་བའི་བཀྲ་ཤིས་གང་བྱུང་བ། །བཀྲ་ཤིས་དེས་ནི་སྐྱེ་དགུ་རྣམས་ལ་ཞི་བྱེད་ཤོག །འགྲོ་ལ་ཕན་ཕྱིར་མཐོ་རིས་གནས་ནས་འདིར་གཤེགས་ཏེ། །ཚངས་པ་ལ་སོགས་ལྷ་ཚོགས་ལག་ན་རྔ་ཡབ་གདུགས། །སྣ་ཚོགས་ཐོགས་
པས་ཡོངས་སུ་བསྐོར་བའི་བཀྲ་ཤིས་གང་། །བཀྲ་ཤིས་དེས་ནི་སྐྱེ་དགུ་རྣམས་ལ་ཞི་བྱེད་ཤོག །དེ་བཞིན་གཤེགས་པ་ཞི་བ་མཆོག་ཏུ་ཉེར་གཤེགས་པ། །མནྡཱ་ར་བའི་མེ་ཏོག་མང་པོས་མངོན་མཆོད་པ། །ལྷ་མཆོག་རྣམས་ཀྱིས་མངོན་པར་བསྟོད་པའི་བཀྲ་ཤིས་གང་། །བཀྲ་ཤིས་
དེས་ནི་སྐྱེ་དགུ་རྣམས་ལ་ཞི་བྱེད་ཤོག །ལྷ་དབང་ཀླུ་དང་མི་ཡི་དབང་པོས་ཕྱག་བྱས་པ། །ནམ་མཁའི་གནོད་སྦྱིན་དྲི་ཟའི་དབང་པོས་མཆོད་གྱུར་པ། །དེ་བཞིན་གཤེགས་པ་སྟོབས་བཅུ་ལྡན་པའི་བཀྲ་ཤིས་གང་། །བཀྲ་ཤིས་དེས་ནི་སྐྱེ་དགུ་རྣམས་ལ་ཞི་བྱེད་ཤོག །དེ་ནས་མཚན་བརྒྱ་རྩ་
བརྒྱད་པས་ཡང་དག་པར་བསྟོད་ལ། དང་པོར་བུམ་པ་གང་བ་དང་། རྡོ་རྗེ་གཟུགས་ལ་སོགས་པ་དེ་དག་དང་། དེ་ནས་བུམ་པ་དེ་རྣམས་ཀྱིས་སོ། །དེའི་འོག་ཏུ་རྣམ་པར་རྒྱལ་བའི་བུམ་པ་ལས་ཆུ་བླངས་ལ། དེ་བཞིན་དུ་དབང་བསྐུར་བར་བྱ་ཞིང་གཟུང་དུ་ཡང་གཞུག་གོ། །དེ་ནས་ཕྱག་རྒྱའི་
དབང་བསྐུར་བ་དང་། ཅོད་པན་དང་། དར་དཔྱངས་ཀྱི་དབང་བསྐུར་བ་དང་། རྡོ་རྗེ་དང་། བདག་པོ་དང་། མིང་གི་དབང་བསྐུར་བ་ཡང་བྱིན་ལ། དངོས་གྲུབ་ཀྱི་རྡོ་རྗེ་བརྟུལ་ཞུགས་ཡང་སྦྱིན་པར་བྱའོ། །དེ་ནས་མེ་ཏོག་ལ་སོགས་པ་དང་། རྡོ་རྗེ་མཚོན་ཆ་ལ་སོགས་པའི་མཆོད་པའི་ཕྱག་
རྒྱ་རྣམ་པ་བཅུ་གཉིས་དུམ་བུ་གཉིས་པའི་རྩ་བའི་དཀྱིལ་འཁོར་དུ་བཤད་པ་རྣམས་ཀྱིས་ཡང་དག་པར་མཆོད་ལ། ཆོས་དང་དེ་ཁོ་ན་ཉིད་ཀྱི་དམ་ཚིག་རྣམས་སྦྱིན་པར་བྱའོ། །དེ་བཞིན་གཤེགས་པའི་རིགས་ཀྱི་དཀྱིལ་འཁོར་དུ་ཡང་མཆོད་པ་བཅུ་གཉིས་པོ་དེ་ཉིད་དེ་བཞིན་གཤེགས་པའི་ཁུ་
ཚུར་གཉིས་ལས་བྱུང་བའོ། །རྡོ་རྗེ་རིགས་ལས་ཁྲོ་བོའི་ཁུ་ཚུར་གཉིས་ལས་བྱུང་བའོ། །པདྨའི་རིགས་ལས་པདྨའི་ཁུ་ཚུར་གཉིས་ལས་བྱུང་བའོ། །རིན་པོ་ཆེའི་རིགས་ལས་ནི་རིན་པོ་ཆེའི་ཁུ་ཚུར་གཉིས་ལས་བྱུང་བ་གཟུང་བར་བྱའོ། །རྡོ་རྗེ་སེམས་དཔའི་དཀྱིལ་འཁོར་ལ་ནི་ཁ་དོག་སྣ་ཚོགས་པའོ། །

62-1-126a

དེ་བཞིན་གཤེགས་པའི་དཀྱིལ་འཁོར་ལ་ནི་དཀར་པོའོ། །རྡོ་རྗེ་དཀྱིལ་འཁོར་ལ་ནི་སྔོན་པོའོ། །པདྨའི་དཀྱིལ་འཁོར་ལ་ནི་དམར་པོའོ། །རིན་པོ་ཆེའི་དཀྱིལ་འཁོར་ལ་ནི་སེར་པོར་ཤེས་པར་བྱའོ། །དེ་ནས་སྔ་མ་བཞིན་དུ་ཆོ་ག་རྣམས་བཞིན་རྗེས་སུ་སྤྱད་ལ། ཡི་གེ་གྲྭས་བྱིན་གྱིས་བརླབས་
པའི་རིན་པོ་ཆེའི་ཐུར་མའམ། གསེར་གྱི་ཐུར་མ་བླངས་ལ། སློབ་མའི་མིག་གཉིས་སུ་པྲ་བཀོད་དེ། ཐུར་མ་དེས་དེའི་མིག་ཏུ་བྱུགས་ལ་འདི་སྐད་ཅེས་བརྗོད་པར་བྱའོ། །ཇི་ལྟར་མིག་མཁན་རྒྱལ་པོ་ཡིས། །འཇིག་རྟེན་རབ་རིབ་བསལ་བ་ལྟར། །བུ་ཁྱོད་ཀྱིས་ནི་མི་ཤེས་པའི། །རབ་རིབ་རྒྱལ་བ་རྣམས་
ཀྱིས་བསལ། །ཨོཾ་བཛྲ་ནཻ་ཏྲ་ཨ་པ་ཧ་ར་པ་ཊ་ལཾ་ཧྲཱིཿ། དེ་ནས་མེ་ལོང་ལ་སོགས་ལ་ཆོས་ཀྱི་མཚན་ཉིད་བསྟན་པར་བྱ་སྟེ། ཆོས་རྣམས་གཟུགས་བརྙན་ལྟ་བུ་སྟེ། །དག་ཅིང་གསལ་ལ་རྙོག་པ་མེད། །གཟུང་དུ་མེད་ཅིང་བརྗོད་དུ་མེད། །རྒྱུ་དང་ལས་ལས་བྱུང་བ་སྟེ། །ངོ་བོ་ཉིད་མེད་གནས་མེད་པར། །
དེ་ལྟར་ཆོས་ཉིད་ཤེས་ནས་སུ། །སེམས་ཅན་དོན་ནི་བླ་མེད་བྱོས། །འོན་ཀྱང་སངས་རྒྱས་སྲས་སུ་སྐྱེ། །དེ་ནས་ཡི་གེ་ཧོས་མདའ་དང་བཅས་པའི་གཞུ་བྱིན་ལ། དེ་བཞིན་གཤེགས་པ་ཐམས་ཅད་རྗེས་སུ་མཉེས་པར་གྱིས་ཤིག་ཅེས་བརྗོད་ལ། ཕྱོགས་བཞིར་མདའ་བཞི་ཕན་དུ་གཞུག །སྟེང་དུ་
ཡང་འཕེན་དུ་གཞུག་ལ། ཨོཾ་བཛྲ་རཱ་ག་ཧོཿཞེས་ཀྱང་སྨྲར་གཞུག་པར་བྱའོ། །དེ་ནས་ཨ་བཛྲ་སཏྭ། ཞེས་པས་མེ་ལོང་བསྟན་ལ། འདི་སྐད་ཅེས་བརྗོད་པར་བྱ་སྟེ། རྡོ་རྗེ་སེམས་དཔའ་མེ་ལོང་བཞིན། །དག་ཅིང་གསལ་ལ་རྙོག་པ་མེད། །སངས་རྒྱས་ཀུན་བདག་རང་ཉིད་ནི། །བུ་ཁྱོད་ཀྱི་ནི་སྙིང་ལ་
ཞུགས། །དེ་བཞིན་གཤེགས་པ་ཀུན་བདག་གང་། །བྱང་ཆུབ་སེམས་འདིར་ཤེས་པར་གྱིས། །དེ་ནས་བཛྲ་ཧེ་ཏུ་མཾ། ཞེས་བྱ་བས་ཆོས་ཀྱི་འཁོར་ལོ་རྐང་པ་གཉིས་སུ་དགོད་པ་དང་། བཛྲ་བྷ་ཥ་རཾ་ཞེས་བྱ་བ་དང་། དུང་ལག་པ་གཡས་པར་བྱིན་ལ་འདི་སྐད་ཅེས་བརྗོད་པར་བྱ་སྟེ། དེ་རིང་ཕན་
ཆད་འཇིག་རྟེན་ལ། །སྐྱོབ་པ་རྣམས་ནི་འཁོར་ལོ་བསྐོར། །ཆོས་ཀྱི་དུང་ནི་བླ་མེད་པས། །ཀུན་དུ་མ་ལུས་གང་བར་གྱིས། །སོམ་ཉི་ཡིད་གཉིས་མི་བྱ་ཞིང་། །དོགས་པ་མེད་པའི་སེམས་ཀྱིས་སུ། །གསང་སྔགས་སྤྱོད་པའི་ཚུལ་གྱི་མཆོག །འཇིག་ཆེན་འདི་ལ་རབ་ཏུ་སྒྲོགས། །དེ་ལྟར་བྱས་ན་སངས་

62-1-126b

རྒྱས་ལ། །ཕན་འདོགས་དྲིན་དུ་གཟོ་ཞེས་བྱ། །རྡོ་རྗེ་འཛིན་པ་དེ་ཀུན་ཀྱང་། །ཀུན་དུ་ཁྱོད་ལ་སྲུང་བར་བྱེད། །མདོར་ན་འཇིག་རྟེན་ཐམས་ཅད་དུ། །སེམས་ཅན་ཀུན་ལ་ཕན་པའི་ཕྱིར། །ཇི་ལྟར་འདུལ་བ་སྣ་ཚོགས་པ། །ཆོས་ཀྱི་འཁོར་ལོ་རབ་ཏུ་བསྐོར། །མདོར་ན་འཇིག་རྟེན་ཐམས་ཅད་དུ། །སེམས་
ཅན་ཀུན་ལ་ཕན་པའི་ཕྱིར། །ཇི་ལྟར་འདུལ་བ་སྣ་ཚོགས་པའི། །རྡོ་རྗེའི་འཁོར་ལོ་རབ་ཏུ་བསྐོར། །མདོར་ན་འཇིག་རྟེན་ཐམས་ཅད་དུ། །སེམས་ཅན་ཀུན་ལ་ཕན་པའི་ཕྱིར། །ཇི་ལྟར་འདུལ་བ་སྣ་ཚོགས་པའི། །ཁྲོ་བོའི་འཁོར་ལོ་རབ་ཏུ་བསྐོར། །མདོར་ན་འཇིག་རྟེན་ཐམས་ཅད་དུ། །སེམས་ཅན་
ཀུན་ལ་ཕན་པའི་ཕྱིར། །ཇི་ལྟར་འདུལ་བ་སྣ་ཚོགས་པའི། །པདྨའི་འཁོར་ལོ་རབ་ཏུ་བསྐོར། །མདོར་ན་འཇིག་རྟེན་ཐམས་ཅད་དུ། །སེམས་ཅན་ཀུན་ལ་ཕན་པའི་ཕྱིར། །ཇི་ལྟར་འདུལ་བ་སྣ་ཚོགས་པའི། །ནོར་བུའི་འཁོར་ལོ་རབ་ཏུ་བསྐོར། །ཞེས་བྱ་བ་ནས་དེ་བཞིན་གཤེགས་པ་དང་། རྡོ་རྗེ་
སེམས་དཔའ་དང་། རྡོ་རྗེ་ཧཱུྃ་མཛད་དང་། འཇིག་རྟེན་དབང་ཕྱུག་དང་། ནམ་མཁའི་སྙིང་པོའི་ང་རྒྱལ་དང་། ཚིགས་སུ་བཅད་པ་འདི་རྣམས་ཀྱིས་རྗེས་སུ་གནང་བ་བྱིན་ལ། རང་གི་ལྷའི་སྙིང་པོ་སྦྱིན་པར་བྱའོ། །དེ་ནས་ཕྱག་རྒྱ་བཞིའི་ཡེ་ཤེས་བསླབ་པར་བྱའོ། །གཟེངས་
བསྟོད་པའི་ཕྱག་རྒྱ་བཅིངས་ལ། སློབ་མ་ཐམས་ཅད་ལ་དབང་བསྐུར་བར་བྱའོ། །ཨོཾ་འདི་ནི་ངས་ཁྱོད་ལུང་བསྟན་པ། །རྡོ་རྗེ་སེམས་དཔའ་དེ་བཞིན་གཤེགས། །སྲིད་པ་གསུམ་དུ་གྲུབ་པའི་ཕྱར། །སྲིད་པའི་ངན་འགྲོ་དག་ལས་བཏོན། །ཀྱེ་རྡོ་རྗེ་ཆེ་གེ་མོ་ཞེས་བྱ་བའི་དེ་བཞིན་གཤེགས་
པ་སིདྡྷི་ས་མ་སྟྭཾ་བྷུར་བྷུ་བ་སྭཿདེ་ལ་གཟེངས་བསྟོད་པ་ནི་འདི་ཡིན་ཏེ། དེ་བཞིན་གཤེགས་པའི་ཁུ་ཚུར་གཉིས་བཅིངས་ལ། གཡོན་པ་ཆོས་གོས་ཀྱི་མཐར་འཛིན་པའི་ཚུལ་དང་གཡས་པ་མི་འཇིགས་པའི་ཚུལ་བྱས་ལ། ཆོ་ག་ལྷག་མ་རྣམས་ནི་དུམ་བུ་གཉིས་པ་ལས་ཤེས་པར་བྱའོ། །རྗེས་
སུ་བསྒྲུབ་པ་དང་། རྗེས་སུ་བསྒྲུབ་པའི་ཡང་དེ་བཞིན་དུ་ཤེས་པར་བྱའོ། །དེ་ནས་སྦྱིན་སྲེག་བྱ་སྟེ། སློབ་མ་བསང་གཏོར་བྱས་ལ། གཡོན་ལོགས་སུ་བཞག་སྟེ། དེའི་གཡས་པའི་མཐེ་བོང་ལག་པ་གཡས་པ་གཡོན་པས་བཟུང་ནས། ཧཱུྃ་གིས་མར་གྱི་སྦྱིན་སྲེག་ལན་བདུན་བྱས་ལ། བླུགས་གཟར་

62-1-127a

གྱིས་སློབ་མ་ལ་བསྐོར་བ་བྱ་སྟེ། དེ་ཉིད་ཀྱིས་དགང་བླུགས་གསུམ་དབུལ་བར་བྱའོ། །དེ་ནས་སངས་རྒྱས་སྤྱན་གྱི་དེ་བཞིན་དུ་སྦྱིན་སྲེག་བྱའོ། །དེ་ནས་སློབ་མའི་ལག་པར་རྡོ་རྗེ་གནོད་སྦྱིན་བཟླས་པའི་གདུ་བུ་བཏགས་ལ། དེ་ཉིད་བཟླས་པའི་ཆུས་བསང་གཏོར་བྱའོ། །ཨོཾ་རུ་རུ་སྦུ་
རུ་ཛྭ་ལ་ཏིཥྛ་སིདྡྷ་ལོ་ཙ་ནི་སརྦ་ཨརྠ་སཱ་དྷ་ནི་སྭཱ་ཧཱ། ཞེས་བྱ་བ་སངས་རྒྱས་སྤྱན་གྱི་སྔགས་དང་། སྙིང་གར་བྱུགས་ཏེ་སློབ་མ་གཏང་བར་བྱ་བ་ནི། སློབ་མའི་ཐུན་མོང་གི་ཆོ་གའོ། །གང་ཞིག་སློབ་དཔོན་གྱི་དབང་བསྐུར་བ་ལ་ནི་དེ་ལ་དམིགས་ཏེ། མར་གྱི་སྲེག་བླུགས་བརྒྱ་ཧཱུྃ་ཞེས་བྱ་བ་དང་སྦྱིན་སྲེག་བྱའོ། །
དེ་ནས་སངས་རྒྱས་སྤྱན་གྱི་ཡང་སྦྲང་རྩི་དང་། མར་དང་ཞོ་དང་བསྲེས་པའི་ཏིལ་གྱིས་སྦྱིན་སྲེག་བརྒྱ་རྩ་བརྒྱད་སངས་རྒྱས་སྤྱན་གྱི་སྔགས་ཉིད་ཀྱིས་དབུལ་ལོ། །དེ་ནས་དེ་བཞིན་དུ་གདུ་བུ་བཏགས་ལ་བསང་གཏོར་བྱས་ཏེ། སྙིང་གར་བྱུགས་ནས་ཡང་སྔ་མ་བཞིན་དུ་ཐབ་ཀྱི་ནང་དུ་དཀྱིལ་འཁོར་བསམས་ལ། 
དཀྱིལ་འཁོར་པའི་ལྷ་རྣམས་ལ་སྦྱིན་སྲེག་ཕུལ་ནས། ཡང་དཀྱིལ་འཁོར་ལ་བཞུགས་པའི་བཅོམ་ལྡན་འདས་ལ་མཚན་བརྒྱ་རྩ་བརྒྱད་པས་བསྟོད་ནས། མཆོད་པ་ཐམས་ཅད་ཀྱིས་ཡང་དག་པར་མཆོད་དེ། ཕྱི་རོལ་དུ་གཏོར་མ་བྱིན་ལ་ཉེ་རེག་བྱ་སྟེ། ཕྱག་རྒྱ་དགྲོལ་བ་ལ་སོགས་པ་སྔར་བཤད་པའི་ཆོ་ག་
རྣམས་རྗེས་སུ་སྤྱད་ནས། བཅོམ་ལྡན་འདས་འཁོར་དང་བཅས་པ་གཤེགས་སུ་གསོལ་བར་བྱའོ། །དེ་ནས་དེ་བཞིན་དུ་རང་གི་ལུས་ལ་སྤྲུལ་པའི་དཀྱིལ་འཁོར་བཅུག་ལ། ཤེས་རབ་ཀྱི་ཕ་རོལ་ཏུ་ཕྱིན་པ་མཐའ་ཡས་པ་ཉིད་པས། དེ་བཞིན་གཤེགས་པ་མཐའ་ཡས་པ་ཉིད་དོ། །ཤེས་
རབ་ཀྱི་ཕ་རོལ་ཏུ་ཕྱིན་པ་མུ་མེད་པ་ཉིད་པས། རྡོ་རྗེ་ཐམས་ཅད་མུ་མེད་པ་ཉིད་དོ། །ཤེས་རབ་ཀྱི་ཕ་རོལ་ཏུ་ཕྱིན་པ་དུམ་ཉིད་པས། ཆོས་ཐམས་ཅད་དུ་མ་ཉིད་དོ། །ཤེས་རབ་ཀྱི་ཕ་རོལ་ཏུ་ཕྱིན་པ་མཐར་ཐུག་པ་ཉིད་པས། ལས་ཐམས་ཅད་མཐར་ཐུག་པ་མེད་པ་ཉིད་དོ། །སེམས་ཅན་
ཆེན་པོ་ལེགས་སོ་ལེགས། །བདེ་བ་ཆེན་པོ་ལེགས་སོ་ལེགས། །ཐེག་པ་ཆེན་པོ་ལེགས་སོ་ལེགས། །བློ་གྲོས་ཆེན་པོ་ལེགས་སོ་ལེགས། །ཆོ་ག་འདི་ནི་ལེགས་པར་སྨྲས།།      །།༄༅༅། །རྒྱ་གར་སྐད་དུ། པྲ་ཏིཥྛ་བི་དྷིཿ། བོད་སྐད་དུ། སྤྱན་དབྱེ་བའི་

62-1-127b

ཆོ་ག །བཅོམ་ལྡན་འདས་འཇམ་དཔལ་གཞོན་ནུར་གྱུར་པ་ལ་ཕྱག་འཚལ་ལོ། །ཉེས་པ་ཀུན་དང་རྣམ་བྲལ་ཞིང་། །སེམས་ཅན་ཀུན་ལ་ཕན་བཞེད་པས། །རྟག་ཏུ་དངོས་པོ་ཀུན་བདག་འགྱུར། །རྡོ་རྗེ་སེམས་དཔའ་ཕྱག་འཚལ་ལོ། །སློབ་དཔོན་རྡོ་རྗེ་འཆང་ཆེན་པོར་དབང་བསྐུར་བས། རྡོ་རྗེ་
འཛིན་པ་ཆེན་པོར་དབང་བསྐུར་བ། མཚན་ཉིད་ཐམས་ཅད་དང་ལྡན་པས། རིགས་ལྔའི་ལྷ་རྣམས་རབ་ཏུ་གནས་པར་བྱའོ། །དེ་ལ་སློབ་དཔོན་གྱི་ཡོན་ཏན་འདི་དག་ཡིན་ཏེ། བརྟན་ཞིང་དུལ་ལ་བློ་གྲོས་ལྡན། །བཟོད་ལྡན་དྲང་ལ་གཡོ་སྒྱུ་མེད། །སྔགས་དང་རྒྱུད་ཀྱི་སྦྱོར་བ་ཤེས། །དཀྱིལ་
འཁོར་འདྲི་བའི་ལས་ལ་མཁས། །དེ་ཉིད་བཅུ་ནི་ཡོངས་ཤེས་པ། །འདི་ནི་སློབ་དཔོན་ཡིན་ཞེས་བྱ། །དེ་ཡིས་བསྟན་པའི་གསང་སྔགས་རྣམས། །འགྲུབ་འགྱུར་འདི་ནི་ཐེ་ཚོམ་མེད། །དཀྱིལ་འཁོར་དང་ནི་ཏིང་འཛིན་མཆོག །ཕྱག་རྒྱ་སྟང་སྟབས་གདན་དང་ནི། །བཟླས་བརྗོད་སྦྱིན་སྲེག་དེ་
བཞིན་མཆོད། །ལས་ཀྱི་སྦྱོར་བ་ཉེར་བསྡུ་བ། །དེ་ལྟར་དེ་ཉིད་བཅུ་ཤེས་ཤིང་། །དམན་པའི་སེམས་ནི་དོར་བའོ། །དེ་ལ་དང་པོར་ལེགས་པར་ཁྲུས་བྱས་ལ། གོས་གཙང་མ་བགོས་ཏེ། གཙུག་ཏོར་བཅིངས་ཤིང་བཅས་ལ་རྒྱན་ཐམས་ཅད་ཀྱིས་བརྒྱན་པར་བྱས་པའམ། ཡང་ན་ཆ་ལུགས་ཇི་
ལྟ་བས་ལྷའི་ཁང་པར་ཞུགས་ལ། ཡོ་བྱད་ཐམས་ཅད་བསོགས་ཏེ། ཚེས་གྲངས་དང་རྒྱུ་སྐར་བཟང་པོ་དང་ལྡན་པའི་དུས་ཤེས་པར་བྱས་ཤིང་། དཔལ་དང་རྒྱལ་བ་འཕེལ་བར་བྱེད་པའི་གདུགས་དང་། རྒྱལ་མཚན་དང་བ་དན་ལ་སོགས་པས་གནས་བརྒྱན་པར་བྱས་ཤིང་སྦྱིན་བདག་དང་
འཚམ་པའི་དཀྱིལ་འཁོར་ལ་སོགས་པ་ཡང་བརྟག་པར་བྱའོ། །དེ་ནས་བའི་རྣམ་ལྔ་དང་། སྤོས་ཆབ་ལ་རྡོ་རྗེ་གནོད་སྦྱིན་བཟླས་པས་གནས་ཉེ་བར་བྱུག་པར་བྱའོ། །དེ་ནས་རྡོ་རྗེ་གནོད་སྦྱིན་གྱི་སྔགས་ནི་འདི་ཡིན་ཏེ། ཨོཾ་བཛྲ་ཡཀྵ་ཧཱུྃ་དེའི་འོག་ཏུ་དྲི་དང་སྦྱར་བའི་ཆུས་བྱུགས་ལ། ནང་པར་
གྱི་དུས་སུ་རང་གི་རིགས་ཀྱི་ལྷའི་འཁོར་ལོས་སྒྱུར་བའི་སྦྱོར་བའམ། རྣལ་འབྱོར་ཆེན་པོ་བྱའོ། །ཆོ་ག་ཉམས་པ་མི་བྱ་སྟེ། །རབ་གནས་རྟག་ཏུ་སྨད་པ་དང་། །ཚེ་འདིར་སྡུག་བསྔལ་ཆེན་པོ་དང་། །འཇིག་རྟེན་གཞན་དུའང་འཇིགས་ཆེན་འབྱུང་། །དེ་ལ་དངོས་གྲུབ་འདོད་པ་ཡིས། །བདག་

62-1-128a

ཉིད་ཀྱིས་ནི་ཅི་ནུས་དང་། །དེ་བཞིན་ཆོ་གར་གསུངས་ཚུལ་དང་། །ཀུན་ནས་རབ་ཏུ་འབད་དེ་བྱ། །དེ་ལ་དང་པོར་རྡོ་རྗེ་གནོད་སྦྱིན་གྱིས་བགེགས་གཞོམ་པ་ལ་སོགས་དང་། གཞལ་ཡས་ཁང་དང་། གདན་ལ་སོགས་པ་ཇི་ལྟ་བ་བཞིན་དུ་བྱས་ལ། འདི་ལྟར་ཡིད་དུ་འོང་
བའི་གནས་སུ་ཁྲུས་སའི་སྟེགས་བུ་བརྩིག་པར་བྱ་བ་ནི། ཟུར་བཞི་པ་ལ་གྲུ་བཞི་པ། །དཀྱིལ་འཁོར་གྱིས་ནི་ཉེར་མཛེས་པ། །ཁྲུ་གང་ཙམ་གྱི་ཚད་དུ་བྱའོ། །མེད་ན་ལེགས་པར་བྲི་བར་བྱ། །དེར་ཕྱོགས་དང་མཚམས་སུ་མཚན་མ་ལ་སོགས་བྲིས་པའི་བུམ་པ་བརྒྱད་གཞག་པར་བྱ་
སྟེ། རྡོ་རྗེ་ལྕགས་ཀྱུ་དང་། མེ་ཏོག་ལ་སོགས་པ་ཕྱོགས་དང་མཚམས་སུ་གཞག་པར་བྱ་ཞིང་། དབུས་སུ་རྣམ་པར་རྒྱལ་བའི་བུམ་པ་རིགས་ལྔའི་མཚན་མས་མཚན་པ་བཞག་ལ། དེ་དག་གི་ནང་དུ། འབྲུ་ལྔ་དང་། སྨན་ལྔ་དང་། རིན་པོ་ཆེ་ལྔ་བཅུག་ལ། དྲི་དང་སྦྱར་བའི་ཆུས་
བཀང་ལ། རས་ཟུང་གཅིག་གིས་མགུལ་པ་བཅིངས་ལ། འདབ་མ་དྲི་ཞིམ་པོས་ཁ་བརྒྱན་པར་བྱ་བ་དང་། སྟེང་དུ་བླ་རེ་བྲེ་བ་དང་། གོས་དང་དྲིལ་བུ་དཔྱངས་པས་བསྐོར་བའི་སྟེགས་བུར་མཁས་པས་ལྷ་རྣམས་ཁྲུས་གསོལ་བར་བྱའོ། །དེ་ནས་དམ་ཚིག་སེམས་དཔའ་བསམས་ལ། 
ཡེ་ཤེས་སེམས་དཔའ་རྡོ་རྗེ་ལྕགས་ཀྱུ་ལ་སོགས་པའི་སྔགས་དང་ཕྱག་རྒྱ་ལ་སོགས་པ་དང་ལྡན་པས་དགུག་པ་ལ་སོགས་པ་བྱའོ། །དེ་ནས་ཨོཾ་ཨཱཿཧཱུྃ་ཞེས་བྱ་བའི་ཡི་གེ་གསུམ་མམ། ལྷ་དེའི་ས་བོན་གྱི་ཡི་གེ་རྣམ་པར་དགོད་ཅིང་བསམ་པར་བྱའོ། །དེ་ནས་མཆོད་ཡོན་དང་ཞབས་བསིལ་ལ་
སོགས་པ་ཕུལ་ལ། སརྦ་པཱ་པཾ་ད་ཧ་ན་བཛྲཱ་ཡ་སྭཱ་ཧཱ། ཞེས་བྱ་བ་ལ་སོགས་པ་བྱ་སྟེ། ཡུངས་ཀར་དང་མེ་ཏོག་གིས། སེམས་ཅན་ཀུན་ལ་ཕན་བདེའི་ཕྱིར། །སྦྱར་བ་ལ་སོགས་རྣམས་བྱ་ཞིང་། །རྒྱལ་འགྱུར་བཀྲ་ཤིས་ཚིགས་བཅད་བརྗོད། །ཡང་དང་ཡང་དུ་བསྟོད་བྱ་ཞིང་། །རོལ་མོའི་
སྒྲ་ནི་སྣ་ཚོགས་དང་། །ངོ་མཚར་ཅ་ཅོ་རྣམས་ཀྱང་བྱ། །ལས་ཀུན་བྱེད་ན་རིགས་སྙིང་དང་། །རང་གིས་རིགས་བདག་གསང་སྔགས་ནི། །ཡོངས་བཟླས་སྔར་བཤད་བུམ་པས་ནི། །མཁས་པས་ལྷ་རྣམས་ཁྲུས་གསོལ་ལོ། །དེ་ནས་གཙང་མའི་མི་རྣམས་ནི། །ལས་ཀུན་བྱེད་པའི་གསང་

62-1-128b

སྔགས་ཀྱིས། །བཟླས་བྱས་སྟན་ནི་བཟང་པོ་ལ། །རིགས་པ་རང་གནས་བཞུགས་སུ་གསོལ། །དེ་ནས་རིགས་ཀྱི་བདག་པོའི་སྔགས་དང་། དེ་བཞིན་དུ་རིགས་ཀྱི་རིག་པ་ཡོངས་སུ་བཟླས་ཏེ་བཞུགས་སུ་གསོལ་ནས། སྔགས་པས་ཀྱང་རང་གི་གསང་སྔགས་དང་། བསྐྱེད་པའི་རིམ་པས་དེ་རང་
གི་གནས་སུ་སྤྲུལ་ནས་སྒོ་དབྱེ་བ་བྱ་སྟེ་རྡོ་རྗེ་བསྡུ་བ་བྱའོ། །ཨོཾ་བཛྲ་ས་མཱ་ཡ་ཛཿཛཿཧཱུྃ་བཾ་ཧོཿདེ་ནས་བགེགས་བསལ་ལ་མཆོད་ཡོན་དབུལ་ལོ། །དེ་ནས་མཚན་བརྒྱ་རྩ་བརྒྱད་པས་བསྟོད་ལ། ཕྱག་རྒྱ་བསྟན་ནས། གསང་སྔགས་རྣམས་མངོན་པར་བཟླས་པར་བྱ་སྟེ། ཨོཾ་བཛྲ་སཏྭ་ཧཱུྃ། 
རིགས་ཀྱི་བདག་པོའི་སྙིང་པོའོ། །ཨོཾ་བྷ་ག་ཝ་ཏི་རུ་རུ་སྥུ་རུ་ཛྭ་ལ་ཏིཥྛ་སིདྡྷ་ལོ་ཙ་ནེ་སརྦ་ཨརྠ་སཱ་དྷ་ནེ་སྭཱ་ཧཱ་ཞེས་པའོ། །རིགས་ཀྱི་ཡུམ་གྱི་སྔགས་སོ། །ཨ་ཛི་ན་ཛིཀ་སྭཱ་ཧཱ། ཞེས་བྱ་བ་ནི་རིགས་ཀྱི་སྙིང་པོའོ། །དེ་བཞིན་དུ། ཨོཾ་ཤཾ་ཀ་རི་ཤཱནྟིཾ་ཀ་རི་གྷུ་ཊ་ནི། གྷ་ཊ་ལ་གྷ་ཊ་ཡ་གྷུ་ཊ་ནི་སྭཱ་ཧཱ། 
ཨོཾ་བཛྲ་དྷྲིཀ་སྭཱ་ཧཱ། ཨོཾ་ཀ་ཊེ་བི་ཀ་ཊེ་ནི་ཀ་ཊེ་སྭཱ་ཧཱ། ཀ་ཊཾ་ཀ་ཊེ་ཀ་རོ་ཊེ་བཱིརྱེ་སྭཱ་ཧཱ། ཨོཾ་ཨཱ་རོ་ལྀ་ཀ་སྭཱ་ཧཱ། ཨོཾ་རཏྣ་དྷྲིཀ་སྭཱ་ཧཱ། ཨོཾ་ཏཱ་རེ་ཏུ་རེ་ཏུཏྟཱ་རེ་སྭཱ་ཧཱ། ཨོཾ་པྲཛྙཱ་དྷྲིཀ་སྭཱ་ཧཱ། ཞེས་བྱ་བ་ནི་རིགས་སོ་སོའི་རིག་པ་དང་སྙིང་པོའོ། །དེ་ནས་ཅོད་པན་དང་དར་དཔྱངས་བཅིངས་པ་དང་། གོ་
བསྐོན་པ་ལ་སོགས་པ་བྱས་ལ། མེ་ཏོག་ལ་སོགས་པ་བརྒྱད་ཀྱིས་ཡང་དག་པར་མཆོད་ལ་ཡོངས་སུ་བཟླས་ཏེ། གུས་པར་བྱས་ལ་མཆོད་ཡོན་ཕུལ་ཏེ། ལྷག་པར་གནས་པར་བྱའོ། །དེ་ནས་ཕྱི་རོལ་གཏོར་མ་བྱིན་ལ་སྦྱིན་སྲེག་བྱ་སྟེ། དང་པོར་བགེགས་གཞོམ་པར་བྱ་བའི་ཕྱིར། རྡོ་རྗེ་
མེས་སྦྱིན་སྲེག་བྱའོ། །ཚིམ་པར་བྱ་བའི་ཕྱིར་ནི་རང་གི་སྔགས་ཀྱིས་སོ། །དགོད་པར་བྱ་བའི་ཕྱིར་ནི་རིགས་ཀྱི་རིགས་པས་སོ། །འབྱོར་པར་བྱ་བའི་དོན་དུ་ནི་རིགས་ཀྱི་བདག་པོའི་སྙིང་པོས་སོ། །དེ་ལྟར་སྦྱིན་སྲེག་བྱས་ནས། ལྷག་པར་གནས་པར་བྱ་བ་ནི། །འདི་ཞེས་བྱ་བ་བཅོམ་ལྡན་
འདས། །རིག་སྔགས་རྒྱལ་ལ་ཕྱག་འཚལ་ལོ། །སློབ་མ་རྣམས་ལ་བརྩེ་བ་དང་། །ཁྱེད་རྣམས་ལ་ཡང་མཆོད་པའི་ཕྱིར། །ཐུགས་རྗེའི་བདག་ཉིད་ཅན་རབ་གནས། །མགོན་པོ་བདག་ཉིད་བགྱི་བར་འཚལ། །བཅོམ་ལྡན་བདག་ནི་གུས་པ་ལགས། །དེ་བས་གནང་བར་མཛད་པར་རིགས། །

62-1-129a

བདག་མིང་རྡོ་རྗེ་ཞེས་བྱ་བས། །རིག་པའི་རྒྱལ་པོ་འདི་ཞེས་བྱའི། །ཡོ་བྱད་ཅི་འབྱོར་པ་ཡིས་ནི། །ནང་པར་རབ་གནས་བགྱིད་པར་འཚལ། །བདག་དང་སློབ་མར་བཅས་པ་ལ། །ཐུགས་བརྩེ་བར་ནི་ཉེར་གནས་ཏེ། །ཚོགས་པ་ཐམས་ཅད་རབ་གནས་ལ། །བྱིན་
གྱིས་བརླབ་པར་མཛད་དུ་གསོལ། །ཞེས་བྱའོ། །དེ་ནས་པཱུ་ཛ་སྣ་ཚོགས་ཀྱིས་མཆོད་ལ་མངོན་པར་འདོད་པའི་དངོས་གྲུབ་ཀྱི་ཕྱིར་གསོལ་བ་གདབ་པར་བྱ་སྟེ། རང་གི་དགེ་བའི་རྩ་བ་བསྔོས་ལ། གཤེགས་སུ་གསོལ་བར་བྱ་བའི་ཕྱིར་འདིས་བསྐུལ་བར་བྱའོ། །ཨོཾ་ཁྱེད་ཀྱིས་སེམས་
ཅན་དོན་ཀུན་མཛད། །རྗེས་སུ་གྲུབ་བཞིན་སྩལ་ལགས་ཀྱིས། །སངས་རྒྱས་ཡུལ་དུ་གཤེགས་སུ་གསོལ། །སླར་ཡང་གཤེགས་པར་མཛད་དུ་གསོལ། །བདག་ཉིད་བསྲུང་བའི་ཕྱིར་ཡི་གེ་བརྒྱ་པ་བཟླས་པར་བྱའོ། །དེ་ལ་ཡི་གེ་བརྒྱ་པ་ནི་འདི་ཡིན་ཏེ། ཨོཾ་བཛྲ་སཏྭ་ས་མ་ཡ། མ་ནུ་
པཱ་ལ་ཡ། བཛྲ་སཏྭ་ཏྭེ་ནོ་པ། ཏིཥྛ་དྲྀ་ཌྷོ་མེ་བྷ་བ། སུ་ཏོ་ཥྱ་མེ་བྷ་བ། ཨ་ནུ་རཀྟོ་མེ་བྷ་བ། སུ་པོ་ཥྱོ་མེ་བྷ་བ། སརྦ་སིདྡྷི་མྨེ་པྲ་ཡཙྪ་སརྦ་ཀརྨ་སུ་ཙ་མེ་ཙིཏྟཾ་ཤྲེ་ཡཿཀུ་རུ་ཧཱུཾ། ཧ་ཧ་ཧ་ཧ་ཧོཿབྷ་ག་བཱན་སརྦ་ཏ་ཐཱ་ག་ཏ་བཛྲ་མཱ་མེ་མུཉྩ་བཛྲཱི་བྷ་བ་མ་ཧཱ་ས་མ་ཡ་སཏྭ་ཨཿ། དེ་ནས་དེ་ཉིད་དུ་ཀུ་ཤ་བཏིང་
ལ་ཉལ་བར་བྱའོ། །དེ་ནས་ནང་པར་མལ་ནས་ལངས་ལ་དེ་བཞིན་དུ་བའི་རྣམ་ལྔ་དང་། སྤོས་ཆུས་གནས་ཀུན་བྱུགས་ལ། ལྷའི་རྣལ་འབྱོར་བྱས་ལ། བགེགས་ལ་སོགས་པ་བསྐྲད་པར་བྱའོ། །དེ་ནས་གཞལ་ཡས་ཁང་དང་གདན་ལ་སོགས་པ་བསམས་ལ། དེའི་འོག་ཏུ་ཟངས་མའི་སྣོད་ལ་
སོགས་པར་མཆོད་ཡོན་ལ་སོགས་པ་བཤམས་ལ། སྔགས་ཀྱིས་གདབ་པར་བྱའོ། །དེ་ནས་ལྷ་རྣམས་དགུག་པ་དང་། གཞུག་པ་དང་། བཅིང་བ་དང་། དབང་དུ་བྱས་ལ། བསྒྲུབ་པར་བྱའོ། །མཛུབ་མོ་ལྕགས་ཀྱུ་བཅིངས་ནས་ནི། །མཐེའུ་ཆུང་ལས་ཏེ་ལྕགས་ཀྱུ་ཆེ། །མཁྲིག་
མར་མདུད་པ་མཛུབ་གཉིས་འདུད། །རྒྱབ་གཉིས་ཀྱང་ནི་བསྙམས་ཏེ་མནན། །ཛཿཧཱུྃ་བཾ་ཧོཿཞེས་བརྗོད་དོ། །སྤྱན་དྲངས་ལ་མཆོད་ཡོན་དང་ཞབས་བསིལ་ལ་སོགས་པ་དབུལ་ཏེ། སྔར་བཤད་པའི་སྔགས་ཀྱིས་སྦྱང་བ་བྱས་ལ། དེའི་སྔགས་ནི། ཨོཾ་སརྦ་ཏ་ཐཱ་ག་ཏ་ཀཱ་ཡ་བི་

62-1-129b

ཤོ་དྷ་ནེ་སྭཱ་ཧཱ། དབང་བསྐུར་བའི་ཆོ་གས་ཁྲུས་གསོལ་བར་བྱ་སྟེ། ཇི་ལྟར་བལྟམས་པ་ཙམ་གྱིས་ནི། །ལྷ་རྣམས་ཀུན་གྱིས་ཁྲུས་གསོལ་བ། །དེ་བཞིན་བདག་གིས་ལྷ་ཡི་ཆུས། །དག་པར་ཁྲུས་ནི་གསོལ་བར་བགྱི། །ཨོཾ་སརྦ་ཏ་ཐཱ་ག་ཏ་ཨ་བྷི་ཥེ་ཀ་ཏ་ས་མ་ཡ་ཤྲི་ཡེ་ཧཱུྃ་སྭཱ་ཧཱ། དེ་ནས་ན་བཟའ་
དབུལ་བར་བྱ་སྟེ། ཨོཾ་བཛྲ་བཱ་ས་སེ་སྭཱ་ཧཱ། ཨོཾ་བཛྲ་གནྡྷེ་སྭཱ་ཧཱ། ཨོཾ་བཛྲ་ཨ་བྷ་ར་ནི་བི་བྷུ་ཥ་ནི་སྭཱ་ཧཱ། ཨོཾ་བཛྲ་པུཥྤེ་ཧཱུྃ། ཨོཾ་བཛྲ་དྷཱུ་པེ་ཧཱུྃ། ཨོཾ་བཛྲ་གནྡྷེ་ཧཱུྃ། ཨོཾ་བཛྲ་ནཻ་བི་དྱེ་ཧཱུྃ། དེའི་འོག་ཏུ་དབང་བསྐུར་བར་བྱ་སྟེ། མཐེ་བོང་གཉིས་ནི་བསྣོལ་བྱས་ལ། །མཛུབ་མོ་རྩེ་མོ་དགུག་པས་ནི། །གུང་མོ་
བསྙམས་པའི་ཚིགས་སུ་སྦྱར། །རྡོ་རྗེ་དབྱིངས་ཀྱི་དབང་མོར་བཤད། །ཨོཾ་བྷྲཱུཾ་ཁཾ་ཞེས་བྱ་བ་དང་། ཨ་བྷི་ཥིཉྩ་ཞེས་བྱ་བ་དང་། དེ་བཞིན་དུ། ཨོཾ་བཛྲ་སཏྭ་ཧཱུྃ། ཨོཾ་བཛྲ་རཏྣ་ཏྲཱཾ། ཨོཾ་བཛྲ་དྷརྨ་ཧྲཱིཿ། ཨོཾ་བཛྲ་ཀརྨ་ཨ་ཞེས་བྱ་བ་དང་། ཐམས་ཅད་ལ་ཨ་བྷི་ཥིཉྩ་མཱཾ་ཞེས་བྱ་བས་རྡོ་རྗེ་བསྡམས་པའི་
མཐེ་བོང་གཉིས་བསྙམས་ཏེ་བསྒྲེང་བ་ནི་རྡོ་རྗེ་སེམས་མའིའོ། །དེ་ལས་སྲིན་ལག་རིན་པོ་ཆེ་འདྲ་བར་བྱས་པ་ནི་རྡོ་རྗེ་རིན་ཆེན་མའིའོ། །དེ་ཉིད་ལས་གུང་མོ་གཉིས་པདྨ་འདྲ་བར་བྱས་པ་ནི་རྡོ་རྗེ་ཆོས་མའིའོ། །ཐལ་མོ་སྦྱར་བ་བཅིངས་ལ་གུང་མོ་དང་མཛུབ་མོ་དང་མཐེ་བོང་སྦྱར་བ་ནི་རྡོ་རྗེ་ལས་
མའིའོ། །དེ་ནས་ཨོཾ་ཾཊུཾ་ཞེས་བྱ་བ་དང་། རྡོ་རྗེ་ཁུ་ཚུར་སོ་སོར་བཅིངས་ཏེ། མཛུབ་མོ་གཉིས་བཀུག་ལ་གོ་ཆ་བྱ་སྟེ། སྙིང་གར་མདུད་པ་ལྟར་བྱ་སྟེ། ཡང་མགྲིན་པ་དང་། རྒྱབ་དང་། དཔྲལ་བའི་སྟེང་དུ་མདུད་པ་ལྟར་བྱ་སྟེ། དེ་ནས་ཕྲེང་བ་བཅིང་བའི་ཚུལ་གྱིས་མདུད་པ་བྱ་བ་དང་དར་
དཔྱངས་བཅིང་བ་ཡང་ངོས་གཉིས་སུ་ཐ་མ་ལ་སོགས་པ་ནས་སོར་མོ་ཐམས་ཅད་བཀྲོལ་བ་དེ་ནས་མཉམ་པའི་ཐལ་མོས་མཉེས་པར་བྱ་སྟེ། དེ་ནས་སྒེག་མོ་ལ་སོགས་པས་ཡང་དག་པར་མཆོད་པར་བྱའོ། །དེ་ནས་སྔགས་འདིས་མིག་སྨན་གྱི་ཐུར་མས་བྱུག་སྟེ། ཨོཾ་བཛྲ་ཙཀྵུ་ཙཀྵུ་ས་མནྟ་
ཙཀྵུ་བི་ཤོ་དྷ་ནི་སྭཱ་ཧཱ། དེ་ནས་སྔགས་འདིས་བཤོས་དབུལ་ཏེ། ཨོཾ་དཱི་པྱ་ཨིནྣ་ས་མཱ་དྷི་དྷྱ་ན་སརྦ་པྲི་ཎ་ནེ་སྭཱ་ཧཱ། དེ་ནས་ལྷ་བཤོས་དང་། མེ་ལོང་དང་། བཤོས་གཞན་དག་ལ་སོགས་པས་ཀྱང་མཆོད་པར་བྱ་སྟེ། དེ་ལྟར་བྱས་ན་དེ་འོག་ཏུ་ཡང་སློབ་མ་གཞུག་པར་བྱ་སྟེ། ཁྱོད་ཀྱིས་

62-1-130a

ང་ལ་གསོལ་བཏབ་པའི། །སྐུ་གཟུགས་དག་ནི་ཁྱད་པར་དུ། །ཇི་ལྟར་གསུངས་བཞིན་རབ་གནས་པར། །དེ་ནི་ངེས་བྱས་བྱེད་དུ་བཅུག །ཁྱོད་ཀྱི་དེ་ནི་ཀུན་རྫོགས་པས། །ཅི་བདེ་བར་ནི་ཤེས་པར་གྱིས། །ཞེས་བསྒོའོ། །དེ་ནས་རིམ་པ་འདིས་སྦྱིན་སྲེག་བྱའོ། །ཐབ་
དང་དགང་གཟར་བླུགས་གཟར་རྫས། །ཤིང་དང་སྒྲུབ་པ་པོ་དང་ནི། །རྫས་བསང་དགོད་དང་མེ་སྦྱང་དང་། །བསང་གཏོར་དང་ནི་སྦར་བ་དང་། །ཀུ་ཤ་དགྲམ་དང་གནས་ཁང་དང་། །མེ་བསྐྱེད་སྤྱན་དྲང་ལ་སོགས་དང་། །སྲུང་སྐུད་བཅིངས་དང་མཆོད་ཡོན་དང་། །ཞབས་བསིལ་
བསྒྲུབ་དང་དབང་བསྐུར་དང་། །དམ་ཚིག་བསྒོ་དང་མཆོད་ཡོན་མཆོད། །བསང་གཏོར་འཐོར་འཐུང་སྲེག་བླུགས་དང་། །མེ་བརྟག་བསང་དང་དགང་བླུགས་དང་། །ཀུན་བསྲེགས་བསང་གཏོར་གསོལ་བ་དང་། །ཐབ་དང་མེ་ལྷ་དགོད་པ་དང་། །བསྡུ་དང་བསྟོད་དང་དགུག་
པ་དང་། །སྔོན་བཞིན་ཕྱག་རྒྱ་དབང་བསྐུར་དང་། །མཆོད་དང་མཆོད་ཡོན་འཐོར་འཐུང་བསང་། །དགང་བླུགས་ཅིག་ཤོས་ལས་བསྐུལ་དང་། །ལྷ་རྣམས་གཟི་བྱིན་བསྐྱེད་པ་དང་། །མེ་ལྷ་དགང་བླུགས་མཆོད་བསང་དང་། །འཐོར་འཐུང་མཆོད་པ་གཤེགས་གསོལ་ལོ། །སྤྱན་
དབྱེ་བའི་ཆོ་ག་སློབ་དཔོན་ཀུན་དགའ་སྙིང་པོས་མཛད་པ་རྫོགས་སོ།།      །།༄༅༅། །རྒྱ་གར་སྐད་དུ། པྲ་ཏིཥྛ་བི་དྷིཿ། བོད་སྐད་དུ། སྤྱན་དབྱེ་བའི་ཆོ་ག །འཇམ་དཔལ་གཞོན་ནུར་གྱུར་པ་ལ་ཕྱག་འཚལ་ལོ། །ཤེས་བྱའི་དཀྱིལ་འཁོར་མ་ལུས་པ། །སྐད་ཅིག་
གིས་ནི་ཁྱབ་མཛད་པ། །ཐུགས་རྗེ་ཆེར་ལྡན་འགྲོ་བའི་སྐྱབས། །འཇམ་པའི་དབྱངས་ལ་ཕྱག་འཚལ་ལོ། །སློབ་དཔོན་མཚན་ཉིད་ལྡན་པ་དང་། །བསྟན་བཅོས་ཀུན་ལ་འཇིགས་མེད་པས། །ལྷ་ཡི་གཟུགས་ལ་དམིགས་པ་དང་། །རས་རིས་ལ་སོགས་བཟླས་ཤིང་བསྒོམ། །བློ་དང་
ལྡན་པ་གང་ཞིག་ནི། །བསོད་ནམས་གཞན་ནི་བྱེད་འདོད་ལ། །དེ་ནི་རྣལ་འབྱོར་རྒྱུད་རྣམས་ཀྱི། །རྗེས་སུ་མཐུན་པར་འདི་བརྗོད་བྱ། །དང་པོར་ཁྲུས་བྱས་ལུས་དྲིས་བྱུགས། །གཙང་ཞིང་དག་པའི་གོས་གྱོན་ཏེ། །རྒྱུ་སྐར་བཟང་པོ་ལྡན་པ་ལ། །མཆོད་པའི་ཡོ་བྱད་འབྱོར་པར་བྱ། །

62-1-130b

གདུགས་དང་རྒྱལ་མཚན་ལ་སོགས་དང་། །བླ་རེ་མཆོག་ནི་བྲེ་བྱ་ཞིང་། །བཀྲ་ཤིས་རྣམས་ཀྱིས་བརྒྱན་པ་ཡི། །བུམ་པ་གང་བ་གཞག་པར་བྱ། །པི་ཝང་གླིང་བུ་རྫ་རྔ་སོགས། །གླུ་གར་དགའ་སྟོན་ཆེར་བྱ་ཞིང་། །ཙནྡན་ཨ་གར་ནག་པོས་བྱུགས། །མེ་ཏོག་སིལ་མ་བཀྲམ་པར་
བྱ། །གནས་ནི་ཉམས་དགའ་འདུ་འཛི་མེད། །ཉེས་པ་ཐམས་ཅད་རྣམ་སྤངས་པའི། །བ་ཡི་ལྔ་དང་ཙནྡན་གྱིས། །བྱུག་ཅིང་བདུད་རྩི་འཁྱིལ་པས་བསྲུང་། །མ་སྤྱད་པ་ཡི་རས་རྙེད་པ། །སྤོས་ཀྱི་ཆུ་ཡིས་བཀྲུས་ནས་ནི། །རང་གི་ལྷ་སྦྱོར་བདག་ཉིད་དུ། །དེར་ནི་དེ་རབ་གནས་པར་བྱ། །སྔར་ནི་ཆོ་ག་
རྒྱས་བྱས་ལ། །སྤྱན་དྲངས་མཆོད་པ་ལ་སོགས་བྱ། །བརྩོན་པར་བྱས་ནས་དེ་འོག་ཏུ། །མཚན་རྣམས་རྫོགས་པར་ཅི་བདེར་ནི། །ལེགས་པར་བྲི་བའམ་བཟོ་བོ་ནི། །ཉེ་བར་འོང་བ་འདྲི་རུ་གཞུག །མཁས་པས་གཤིན་རྗེ་གཤེད་དམ་ནི། །བདུད་རྩི་འཁྱིལ་པས་བསྲུང་བར་བྱ། །རི་
མོའམ་སྐུ་གཟུགས་གང་ཡང་རུང་། །འདི་འདྲས་ཡང་དག་རྫོགས་པར་བྱ། །གནས་དེ་ཉིད་དུ་སྔར་བཤད་པའི། །ཁྲུས་ས་དག་ནི་རབ་བཤད་དེ། །ཟུར་བཞི་པ་ལ་ཁྲུ་བཞི་པ། །བཀྲ་ཤིས་ཤིན་ཏུ་མཛེས་པ་དག །དཔངས་སུ་ཁྲུ་ནི་གཉིས་ཡོད་པ། །ཡིད་འོང་ཟུར་རྡུལ་ཉེས་འབུལ་བྱ། །དེ་
སྟེང་བསྟན་པའི་རྟེན་བཞག་པ། །མཁས་པས་ལྷ་ཡི་ཁྲུས་གསོལ་ཏེ། །སེམས་ཅན་ཀུན་ལ་ཕན་བདེ་བའི། །སྦྱངས་པ་ལ་སོགས་དེར་བྱའོ། །བཀྲ་ཤིས་རྒྱས་པར་གྱུར་པ་དང་། །ཡང་དང་ཡང་དུ་བསྟོད་བྱ་ཞིང་། །རོལ་མོའི་སྒྲ་ནི་སྣ་ཚོགས་དང་། །ཅ་ཅོའི་སྒྲ་ནི་གདོན་པར་
བྱ། །རྒྱལ་བའི་དབང་བསྐུར་ཚུལ་དུ་ནི། གདུགས་དཀར་པོ་ཡང་གཟུགས་པར་བྱ། །བྲིས་གཟུགས་གླེགས་བམ་འཇིམ་གཟུགས་སོགས། །ལྷ་ལ་ཆོ་ག་ཤེས་པ་ཡིས། །མེ་ལོང་ལ་ནི་གཟུགས་བརྙན་བཀྲུ། །ལུགས་མ་སྐུ་གཟུགས་ཉིད་ལའོ། །གསང་སྔགས་གང་ཞིག་
ཁྲུས་དང་དབང་བསྐུར་བའི་ཕྱིར། ཛི་ན་ཛིཀ་ལ་སོགས་པ་རིགས་ཀྱི་བདག་པོའི་སྙིང་པོའོ། །དེ་རྣམ་པར་སྣང་མཛད་ལ་སོགས་པའི་སྙིང་པོ་དེ་མེ་ཏོག་གི་ཕྲེང་བས་བརྒྱན་པའི་ཏིལ་ལ་སོགས་པ་ལས་ཀུན་རིག་གི་སྙིང་པོ་རིག་པ་དང་། རས་རིས་བདག་པོའི་གསང་སྔགས་

62-1-131a

བཟླས། །བུམ་པ་མཚན་ཉིད་དང་ལྡན་པ་ས། །འབྲུ་སྨན་རིན་ཆེན་ལྔ་རྣམས་དང་། །ཙནྡན་དག་གི་ཆུས་བཀང་སྟེ། །མགུལ་པ་གོས་བཟང་དག་གིས་བཅིངས། །ལོ་མ་བཟང་པོས་ཁ་དགབ་བྱ། །རིག་སྙིང་རིགས་ཀྱི་བདག་པོ་དང་། །རིགས་ཀྱི་ལས་
ཀུན་བྱེད་པར་བཟླས། །སྐུ་ཡི་སྤྱི་གཙུག་དབུ་དང་ནི། །ཕྱག་དང་ཐུགས་ཀར་བྱུག་པར་བྱ། །དེ་ནས་པུས་མོ་བཙུགས་ནས་ནི། །བདུག་སྤོས་རྣམས་ཀྱིས་བདུགས་ནས་ནི། །མགོན་པོ་གཤེགས་ཤིང་བསྐུལ་བའི་ཕྱིར། །ཚིག་ནི་འདི་སྐད་བརྗོད་པར་བྱ། །འདི་ཞེས་བྱ་བ་བཅོམ་
ལྡན་འདས། །རིག་སྔགས་རྒྱལ་ལ་ཕྱག་འཚལ་ལོ། །བདག་ལ་བརྩེ་བར་གྱུར་ནས་ནི། །སློབ་མ་རྣམས་ལ་བརྩེ་བ་དང་། །ཁྱེད་རྣམས་ལ་ཡང་མཆོད་པའི་ཕྱིར། །ཐུགས་རྗེའི་བདག་ཉིད་རབ་གནས་པ། །མགོན་པོ་བདག་ནི་བགྱིད་པར་འཚལ། །བཅོམ་ལྡན་བདག་ནི་གུས་པ་ལ། །
དེ་བས་གནང་བར་མཛད་པར་རིགས། །སངས་རྒྱས་མགོན་པོ་བརྩེར་ལྡན་དང་། །བྱང་ཆུབ་སེམས་དཔའ་དགྲ་བཅོམ་དང་། །གང་ཡང་གསང་བའི་ལྷ་རྣམས་དང་། །འཇིག་རྟེན་སྐྱོང་བའི་ལྷ་རྣམས་དང་། །གང་ཡང་འབྱུང་པོ་མཐུ་ཆེན་དང་། །གང་ཡང་ལྷ་ཡི་སྤྱན་མངའ་བའི། །
སེམ་ཅན་བསྟན་ལ་དགའ་བ་རྣམས། །བདག་ལ་དགོངས་པར་མཛད་དུ་གསོལ། །བདག་མིང་འདི་ཞེས་བྱ་བ་ནི། །ཡོ་བྱད་ཅི་འབྱོར་པ་ཡིས་ནི། །སྤྱན་དབྱེ་བར་ནི་འཚལ་ལགས་ན། །བདག་དང་སློབ་མར་བཅས་པ་ལ། །ཐུགས་ནི་བརྩེ་བར་མཛད་དུ་གསོལ། །ཚོགས་
པ་ཐམས་ཅད་སྤྱན་འབྱེད་པས། །བྱིན་གྱིས་བརླབ་པར་མཛད་དུ་གསོལ། །རས་རིས་ལ་སོགས་སྙིང་གར་ནི། །ཟླ་བའི་དཀྱིལ་འཁོར་བསྒོམ་པར་བྱ། །རང་གི་ས་བོན་ལས་བྱུང་མཚན། །ཆོས་ཚུལ་གསང་སྔགས་དགོད་ཅིང་བསྒོམ། །སྔགས་དང་ཕྱག་མཚན་གྱུར་
པ་དང་། །སྤྲོ་ཞིང་བསྡུ་བ་བྱས་པ་ལ། །ལྷ་ཡི་སྐུ་ནི་ཇི་བཞིན་པར། །དེ་ལས་སྐྱེས་པར་མཁས་པས་བསམ། །རྒྱུད་ལས་ཇི་སྐད་གསུངས་པ་བཞིན། །རང་གི་ཕྱག་རྒྱ་སྐུ་ལ་སོགས། །བྱིན་བརླབ་གོ་རིམས་བཞིན་དུ་བྱ། །དེ་མདུན་ཡེ་ཤེས་སེམས་དཔའ་ནི། །སྔ་མ་བཞིན་

62-1-131b

ཡང་ལེགས་བསྒྲུབས་ན། །རྡོ་རྗེ་ལྕགས་ཀྱུ་ལ་སོགས་པས། །དེ་དག་དགུག་གཞུག་བཅིང་བ་དང་། །དབང་བྱ་རང་གི་ཕྱག་རྒྱ་རྣམས། །སྒྲུབ་ཐབས་ལས་བྱུང་རིམ་པས་བྱ། །བདུད་རྩི་འཁྱིལ་པས་བསྲུང་བ་དང་། །བགེགས་བསལ་ལ་སོགས་ཆོ་ག་བྱ། །གདན་འབུལ་
ལ་སོགས་བྱས་ནས་ཀྱང་། །དམ་ཚིག་ཕྱག་རྒྱ་བསྟན་པར་བྱ། །མདུན་དུ་ཡེ་ཤེས་སེམས་དཔའ་ནི། །སྐུ་ཡི་ལུས་ལ་བཅུག་ནས་ནི། །རང་གི་རྣལ་འབྱོར་དང་ལྡན་པས། །དེ་ནས་མགོན་པོ་འདུས་པ་བྱ། །རྡོ་རྗེ་དྲིལ་བུའི་སྒྲ་དབྱངས་དང་། །ཡིད་འོང་གླུ་ཡིས་བསྟོད་པར་བྱ། །
སྔ་མ་བཞིན་དུ་མཆོད་ཡོན་སོགས། །དབུལ་ཞིང་བགེགས་བསལ་ལ་སོགས་བྱ། །གཟུགས་བརྙན་གྱི་ནི་སྐུ་གཟུགས་ལ། །ཕྱོགས་རྣམས་ཀུན་ནས་ལྷག་པའི་ཚོགས། །མགོན་པོ་ཛཿཧཱུྃ་བཾ་ཧོཿ། ཞེས་བརྗོད་ཅིང་དགུག་པར་བྱ། རང་གི་ཕྱག་རྒྱ་བྱིན་བརླབ་ཅིང་། །ཡི་གེ་བརྒྱ་པས་
བརྟན་པར་བྱ། །རྡོ་རྗེ་སེམས་མ་ལ་སོགས་པས། །ཆོ་ག་ཤེས་པར་བྱིན་གྱིས་བརླབ། །སྔ་མ་བཞིན་དུ་གསོལ་བ་ཡང་། །དེ་ལ་དང་པོར་གསོལ་བཏབ་ནས། །དེ་ཡི་ཕྱག་རྒྱ་གོ་རིམས་བཞིན། །དབང་བསྐུར་བ་ནི་བསྟན་པར་བྱ། །ལཱ་སྱ་ལ་སོགས་རྣམས་ཀྱིས་མཆོད། །དྲི་སོགས་
ཀྱིས་ཀྱང་མཆོད་པར་བྱ། །གོས་དང་རྒྱན་དང་སོ་རྩི་དང་། །གདུ་བུ་གཙུག་ཏོར་མེ་ལོང་དང་། །གི་ཝང་དང་ནི་ལི་ཁྲི་སོགས། །ལྷ་བཤོས་རྣམས་ཀྱིས་རིམ་བཞིན་མཆོད། །དེ་ནས་ཆོ་ག་ལྡན་པ་ཡིས། །ཡིད་ཀྱི་མཆོད་པས་ཡང་དག་མཆོད། །དེ་ཡི་སྔགས་མང་བཟླས་ནས་ནི། །ཕྱི་
རོལ་དུ་ནི་གཏོར་མ་སྦྱིན། །ཞོ་དང་འབྲས་ཆང་ཡམ་ཤིང་དང་། །ཏིལ་འབྲས་མར་དང་བསྲེས་པའི་ས། །བགེགས་རྣམས་ཉེ་བར་ཞི་བའི་ཕྱིར། །དང་པོར་བདུད་རྩི་ཐབ་སྦྱོར་མཆོད། །རང་གི་སྔགས་རྣམས་གང་ཡིན་པས། །མཁས་པས་ལྷ་རྣམས་ཚིམ་པར་བྱ། །བྱེད་པ་པོར་འགྱུར་
རིག་སྙིང་དང་། །རིགས་ཀྱི་རིག་པས་ཞི་ཕྱིར་དང་། །རིགས་ཀྱི་བདག་པོས་བྱིན་རློབ་ཕྱིར། །སྲེག་རླུགས་བརྒྱ་དག་སོ་སོར་བྱ། །དེ་ནས་ཁྲུས་བྱ་ལུས་གཙང་མའི། །སློབ་མ་བདུད་རྩི་འཁྱིལ་པ་ཡིས། །བཟླས་པའི་ཆུ་ཡིས་བསང་གཏོར་བྱ། །གཡོན་གྱི་ཕྱོགས་སུ་གཞས་པར་

62-1-132a

བྱ། །དེ་ཡི་ལག་པ་གཡོན་པ་ཡིས། །ལག་གཡས་མཐེ་བོང་བཟུང་ནས་ནི། །དེ་ནས་མར་གྱིས་བཀང་བ་ཡི། །དགང་གཟར་གྱིས་ནི་བསྐོར་བར་བྱ། །རང་གི་ལྷ་ཡི་སྔགས་ཀྱིས་ནི། །དགང་བླུགས་བརྒྱ་ནི་དབུལ་བར་བྱ། །ཞོ་དང་ཏིལ་དང་བསྲེས་པ་ཡིས། །
དེ་བཞིན་དགང་བླུགས་བརྒྱ་བྱས་ན། །སྡིག་པ་རྣམས་ནི་འཇིག་པར་འགྱུར། །ཚེ་འཕེལ་ཕྱིར་ནི་དཱུར་བ་དང་། །ཁྱིམ་རྒྱས་ཕྱིར་ནི་འབྲས་ཀྱིས་བྱ། །ཞོ་དང་འབྲས་ཀྱི་སྦྱིན་སྲེག་དབུལ། །ཁྲོ་བོ་བདུད་རྩི་ཐབ་སྦྱོར་གྱིས། །བཟླས་པའི་སྲུང་སྐུད་ལག་པར་གདགས། །གསང་མཐར་ཞི་བའི་
རིག་པ་ཡིས། །དེ་ཡི་སྙིང་གར་བྱུག་པར་བྱ། །སློབ་མ་གུས་ཤིང་མགོ་བཏུད་ནས། །ཤེས་ནས་བླ་མས་ཡོན་བླང་ངོ་། །སློབ་མས་ཀྱང་ནི་གུས་པ་ཡིས། །བླ་མ་འབད་དེ་མཉེས་བྱས་ཏེ། །སློབ་དཔོན་ཡོངས་སུ་མཉེས་པ་ཡིས། །ལས་རྣམས་འགྲུབ་པར་རབ་ཏུ་འབྱུང་། །དེ་ནས་
བླ་མ་བདག་ཉིད་ཀྱིས། །མེ་ལ་ཇི་སྐད་གསུངས་བཞིན་བྱ། །མཆོད་ཅིང་བསྐོར་བ་བྱས་ནས་ནི། །ལྷ་རྣམས་ལ་ནི་ཕྱག་བྱས་ནས། །རང་གནས་སོང་ནས་སློབ་མ་ཡིས། །དགེ་འདུན་རྣམས་ལ་མཆོད་ཡོན་འབུལ། །དེ་ནས་བླ་མ་ལྷ་དང་ནི། །སྐུ་ཡི་གཟུགས་བརྙན་བརྟན་པོར་བྱ། །རྡོ་རྗེ་
ཁུ་ཚུར་གཉིས་བཅིངས་ནས། །གོ་ཆ་གྱོན་པའི་ཚུལ་དུ་བྱ། །དེ་ཉིད་རྡོ་རྗེ་བསྐོར་ཚུལ་གྱིས། །སྟེང་དང་འོག་གི་བར་གྱི་ཆའི། །ལུས་ལ་ལན་གསུམ་དཀྲི་བྱ་ཞིང་། །བདུད་རྩི་འཁྱིལ་པ་བཟླས་པར་བྱ། །དར་དཔྱངས་བཅིང་བའི་ཚུལ་ལས་ནི། །རྣམ་པར་བསྒྱིངས་པར་མཐའ་ནས་
དགྲོལ། །དར་དཔྱངས་ཐ་མ་བཅིངས་ནས་ནི། །རྟིང་པ་བསམས་པས་བསྟན་པར་བྱ། །དེ་ཡི་ཉིན་པར་ཅི་ནུས་པར། །དགའ་སྟོན་རྣམས་ནི་ཅི་ནུས་བྱ། །གླུ་དང་གར་དང་རོལ་མོ་དང་། །རྣམ་པར་གནས་པས་གནས་པར་བྱ། །ཨོཾ་བཛྲ་རཏྣ་ཏྲཱཾ། ཞེས་ཡོ་བྱད་ལྷག་མའི་སྔགས་རྣམས་
དང་། །ཕྱག་རྒྱ་དང་རིགས་རྗེས་མཐུན་པར། །བློ་ལྡན་རྒྱུད་ལ་མཁས་པ་ཡི། །སློབ་དཔོན་གྱིས་ནི་སྦྱང་བར་བྱ། །གང་ཞིག་རྒྱུད་འདི་མ་བསྒོམས་པས། །དེ་ཉིད་ཀུན་རྫོབ་འདོད་མིན་ཏེ། །དེ་ལ་རྗེས་སུ་བརྩེ་བའི་ཕྱིར། །ཆོ་ག་སྔ་མ་རྗེས་སུ་སྦྱར། །ལྷག་པར་གནས་པ་

62-1-132b

ཐམས་ཅད་ནི། །ཕྱི་དྲོའི་དུས་སུ་བྱ་བར་བཤད། །ཐུགས་རྗེའི་བདག་ཉིད་ནང་པར་ནི། །སྤྱན་དབྱེ་བ་ནི་བྱའོ་ཟེར། །འདི་ནི་ཁྱད་པར་འདི་ཉིད་དེ། །གཤེགས་གསོལ་བཅས་ཀུན་སྔར་བཤད་དོ། །ནད་པར་ཡང་ནི་སྔར་བཤད་པའི། །བྱ་བ་དེ་ཉིད་ཐམས་ཅད་བྱ། །ཆོ་ག་དེ་ལྟར་བསྟན་པ
རྣམས། །བྱས་ནས་ལྷ་ནི་ལེགས་བཞག་པའི། །དཀྱིལ་འཁོར་ཆེན་པོ་བཀོད་པ་ནི། །རྒྱུད་རྣམས་རྒྱལ་བས་འདི་གསུངས་སོ། །འདི་ཉིད་འཚོལ་བར་བྱེད་པ་ལ། །རྟག་ཏུ་བདག་གི་བླ་མས་བཤད། །ཐུགས་རྗེ་ཆེན་པོ་རྒྱུད་ཀུན་དུ། །ཆོ་ག་འདི་དེ་བསྟན་པ་ནི། །སློབ་མས་གོ་
བར་བྱ་ཕྱིར་གྱིས། །རབ་གནས་ཡི་གེ་ཡོངས་མ་ཡིན། །རང་གི་ལུས་སམ་རས་རིས་སོགས། །སྤྱན་དྲངས་ཆོ་ག་ལ་སོགས་འདིས། །སངས་རྒྱས་དེ་ཡི་རིགས་སོགས་དང་། །མངག་གཞུག་ལ་སོགས་གཤེགས་མི་གསོལ། །སྲིད་པའི་མཐར་ཐུག་བར་དུ་ནི། །དེ་
ཉིད་རབ་ཏུ་གནས་པར་བྱ། །བསོད་ནམས་འདིས་ནི་འགྲོ་ཀུན་ཡང་། །ཡང་དག་བྱང་ཆུབ་གནས་པར་ཤོག །བདག་དང་འགྲོ་བའི་བསམ་པ་རྣམས། །རྫོགས་བྱེད་འཇམ་དབྱངས་ཉིད་གྱུར་ཅིག །སྤྱན་དབྱེ་བའི་ཆོ་ག་སློབ་དཔོན་པྲཛྙཱ་བ་ལི་ཏས་མཛད་པ་རྫོགས་སོ།།      །།
རྒྱ་གར་གྱི་མཁན་པོ་དྷརྨ་ཤྲཱི་བྷ་དྲ་དང་། ཞུ་ཆེན་གྱི་ལོ་ཙཱ་བ་བནྡེ་རིན་ཆེན་བཟང་པོས་བསྒྱུར་ཅིང་ཞུས་ཏེ་གཏན་ལ་ཕབ་པའོ།    །༄༅༅། །རྒྱ་གར་སྐད་དུ། པྲ་ཏིཥྛ་བི་དྷིཿ། བོད་སྐད་དུ། རབ་ཏུ་གནས་པའི་ཆོ་ག །བཅོམ་ལྡན་འདས་འཇམ་དཔལ་གཞོན་
ནུར་གྱུར་པ་ལ་ཕྱག་འཚལ་ལོ། །ཉེས་པ་ཀུན་དང་རྣམ་བྲལ་ཞིང་། །སེམས་ཅན་ཀུན་ལ་ཕན་བཞེད་པ། །རྟག་ཏུ་དངོས་པོ་ཀུན་རྟག་འགྱུར། །རྡོ་རྗེ་སེམས་ལ་ཕྱག་འཚལ་ནས། །ཇི་ལྟར་སྐུ་གཟུགས་ལ་སོགས་ཀྱི། །རབ་གནས་རྒྱས་པར་བཤད་པར་བྱ། །རྡོར་འཛིན་
ཆེན་པོར་དབང་བསྐུར་བའི། །སློབ་དཔོན་མཚན་ཉིད་ཀུན་ལྡན་པས། །རིགས་ལྔའི་རབ་གནས་བྱའོ་ཞེས། །རྡོ་རྗེ་འཛིན་པས་གསུངས་པས་ན། །དེ་ལ་སློབ་དཔོན་མཚན་ཉིད་ནི། །བརྟན་ཞིང་དུལ་ལ་བློ་གྲོས་ལྡན། །བཟོད་ལྡན་དྲང་ལ་གཡོ་སྒྱུ་མེད། །སྔགས་དང་རྒྱུད་ཀྱི་སྦྱོར་

62-1-133a

བ་ཤེས། །དཀྱིལ་འཁོར་འདྲི་བའི་ལས་ལ་མཁས། །དེ་ཉིད་བཅུ་ནི་ཡོངས་སུ་ཤེས། །དེ་དག་དང་ལྡན་སློབ་དཔོན་ཏེ། །དེ་ལ་དེ་ཉིད་བཅུ་པོ་ནི། །དཀྱིལ་འཁོར་དང་ནི་ཏིང་འཛིན་མཆོག །ཕྱག་རྒྱ་སྟང་སྟབས་དག་དང་ནི། །བཟླས་བརྗོད་སྦྱིན་སྲེག་དེ་ཉིད་མཆོད། །
ལས་དང་སྦྱོར་བ་ཉེར་བསྡུ་བ། །དེ་ཉིད་བཅུ་ཞེས་ཡོངས་སུ་གྲགས། །དེ་ལ་དང་པོར་རེ་ཞིག་སྔགས་པ་བློ་དང་ལྡན་པ་རྣམས་ཀྱིས། ཚེས་གྲངས་དང་། སྐར་མ་དང་། གཟའ་དང་ཉི་མ་བཟང་པོ་ཡོངས་སུ་ཤེས་པར་བྱས་ལ། གདུགས་དང་། རྒྱལ་མཚན་དང་། བ་དན་ལ་
སོགས་པས་གནས་བརྒྱན་པར་བྱ་ཞིང་། བའི་རྣམ་ལྔ་ལ་སོགས་པ་ལ། རྡོ་རྗེ་གནོད་སྦྱིན་ཡོངས་སུ་བཟླས་པས། གནས་དང་དཀྱིལ་འཁོར་ཉེ་བར་བྱུག་པར་བྱའོ། །ཨོཾ་བཛྲ་ཡཀྵ་ཧཱུྃ། དེའི་འོག་ཏུ་རང་ཉིད་ཆུ་དང་དྲི་ལ་སོགས་པས་ཁྲུས་ལེགས་པར་བྱས་ལ། རྒྱན་བཏགས་
ཏེ་ཆོ་ག་ཐམས་ཅད་ཡོངས་སུ་སྤྱད་པར་བྱ་བ་སྟེ། དེ་ལ་དང་པོར་རྡོ་རྗེ་གནོད་སྦྱིན་གྱིས་བགེགས་གཞོམ་པ་ལ་སོགས་པ་དང་གཞལ་ཡས་ཁང་དང་གདན་ལ་སོགས་པ་ཇི་ལྟ་བ་བཞིན་དུ་བྱས་ལ། འདི་ལྟར་ཡིད་ལ་འཐད་པའི་ཁྲུས་སའི་སྟེགས་བུ་བརྩིག་པར་བྱ་བ་ནི། ཟུར་བཞི་པ་ལ་གྲུ་
བཞི་པའམ། །ཁྲུ་གང་ཙམ་གྱི་ཚད་ཙམ་ནི། །མེད་ན་ལེགས་པར་བྲི་བར་བྱ། །དེ་ལྟར་ཕྱོགས་དང་མཚམས་སུ་མཚན་མ་བྲིས་པའི་བུམ་པ་བརྒྱད་གཞག་པར་བྱ་སྟེ། རྡོ་རྗེ་ལྕགས་ཀྱུ་དང་། རྡོ་རྗེ་མེ་ཏོག་ལ་སོགས་པ་བྲིས་ལ། ཕྱོགས་དང་མཚམས་སུ་གཞག་པར་བྱ་ཞིང་། དབུས་སུ་
ནི་རྣམ་པར་རྒྱལ་བའི་བུམ་པ་རིགས་ལྔའི་མཚན་མས་མཚན་པ་བཞག་ལ། དེ་དག་གི་ནང་དུ་འབྲུ་ལྔ་དང་། སྨན་དང་རིན་པོ་ཆེ་བཅུག་ལ། །དྲི་དང་སྦྱར་བའི་ཆུས་བཀང་སྟེ། །གོས་ཀྱིས་མགུལ་པ་དཀྲི་བ་དང་། །འདབ་མ་དྲི་ཞིམ་པོས་ཁ་བརྒྱན་པ་དང་། གདུགས་དང་། རྒྱལ་མཚན་
དང་། བ་དན་ལ་སོགས་པས་མཚན་པར་བྱའོ། །དེའི་རྗེས་ལ་གོས་དང་དྲིལ་བུ་སོགས་པས་བསྐོར་བའི་ཁྲུས་ཀྱི་ཁང་པར་རྡོ་རྗེ་སློབ་དཔོན་གྱིས་ལྷ་རྣམས་ཁྲུས་གསོལ་བར་བྱ་སྟེ། ལུགས་མ་ལས་གཞན་པ་རི་མོ་དང་གླེགས་བམ་ལ་སོགས་པ་ལ་ནི་མེ་ལོང་ངམ། དེ་བཞིན་

62-1-133b

གཤེགས་པའི་སྐུ་གདུང་ལ་སོགས་པ་ལ། དེའི་ནང་དུ་ཏིང་ངེ་འཛིན་གྱིས་བཀུག་པ་ལ་བཀྲུ་བར་བྱའོ། །དེ་ནས་དམ་ཚིག་སེམས་དཔའ་ལ། ཡེ་ཤེས་སེམས་དཔའ་རྡོ་རྗེ་ལྕགས་ཀྱུ་ལ་སོགས་པའི་སྔགས་དང་ཕྱག་རྒྱས་དགུག་པ་ལ་སོགས་པ་བྱའོ། །དེ་ནས་ཨོཾ་ཨཱཿ
ཧཱུྃ་ཞེས་བྱ་བའི་ཡི་གེ་གསུམ་མམ། ལྷ་དེའི་ས་བོན་གྱི་ཡི་གེ་རྣམ་པར་དགོད་ཅིང་བསམ་པར་བྱའོ། །དེ་ནས་མཆོད་ཡོན་དང་ཞབས་བསིལ་ལ་སོགས་པ་ཕུལ་ལ། སརྦ་པཱ་པཾ་ད་ཧ་ན་བཛྲཱ་ཡ་སྭཱ་ཧཱ། ཞེས་བྱ་བས་འདིར་སྦྱང་བ་ལ་སོགས་པ་བྱ་སྟེ། དེའི་རྗེས་ལ་ཀུན་རྫོབ་ཀྱི་ལྷ་དེ་
དང་པོར་དར་རམ་རས་དཀར་པོ་གཙང་མ་ལ་ག་པུར་གྱིས་བསྒོས་པ་བླང་བར་བྱའོ། །དེ་ནས་དེ་བཀྲུ་བའི་འདག་ཆལ་དང་། ཡོ་བྱད་རྣམས་ནི་འདི་དག་སྟེ། །སུག་པ་དང་ནི་སྲན་ཕྱེ་དང་། །ཀུ་ཤ་བ་ཡི་རྣམ་ལྔ་དང་། །དེ་ལྟར་སོ་ཕག་ལ་སོགས་པས། །ཁྲུས་ནི་བྱ་བར་གསུངས་པ་སྟེ། །
ཡུངས་ཀར་དང་ནི་མེ་དག་གིས། །སེམས་ཅན་ཀུན་ལ་ཕན་བདེ་བའོ། །སྦྱང་བ་ལ་སོགས་རྣམས་བྱ་ཞིང་། །རྒྱལ་འགྱུར་བཀྲ་ཤིས་ཚིགས་བཅད་གདོན། །ཡང་དང་ཡང་དུ་བསྟོད་བྱ་ཞིང་། །རོལ་མོའི་སྒྲ་ནི་སྣ་ཚོགས་དང་། །ངོ་མཚར་གྱུར་པའི་རོལ་མོའང་བྱ། །ལས་ཀུན་བྱེད་
དང་རིགས་སྙིང་དང་། །རང་གི་རིགས་བདག་གསང་སྔགས་ནི། །ཡོངས་བཟླས་སྔར་བཤད་བུམ་པའི་ཆུས། །མཁས་པས་ལྷ་རྣམས་ཁྲུས་གསོལ་ལོ། །དེ་ནས་གཙང་བ་མི་ཡིས་ནི། །ལས་ཀུན་བྱེད་པའི་གསང་སྔགས་ཀྱིས། །བཟླས་བྱས་སྟན་ནི་བཟང་པོ་ལ། །
རིགས་པ་རང་གནས་བཞུགས་སུ་གསོལ། །དེ་ནས་རིགས་ཀྱི་བདག་པོའི་གསང་སྔགས་དང་། དེ་བཞིན་དུ་རིགས་ཀྱི་རིག་པ་ཡོངས་སུ་བཟླས་ནས་བཞུགས་སུ་གསོལ་ནས། སྔགས་པས་ཡང་རང་གི་གསང་སྔགས་དང་། བསྐྱེད་པའི་རིམ་པས་དེ་རང་གི་གནས་སུ་
སྤྲུལ་ལ་སྒོ་དབྱེ་བ་བྱས་ཏེ། རྡོ་རྗེ་བསྡུ་བ་བྱའོ། །ཨོཾ་བཛྲ་ས་མཱ་ཡ་ཛཿཛཿཛཿདེ་ནས་མཚན་བརྒྱ་རྩ་བརྒྱད་པས་བསྟོད་ལ། ཕྱག་རྒྱ་བསྟན་ནས། གསང་སྔགས་མངོན་པར་བྱ་སྟེ། ཨོཾ་བཛྲ་སཏྭ་ཧཱུྃ། རིགས་ཀྱི་བདག་པོའི་སྙིང་པོའོ། །ཨོཾ་བྷ་ག་ཝ་ཏི་རུ་རུ་སྥུ་རུ་ཛྭ་ལ་

62-1-134a

ཏིཥྛ་སིདྡྷ་ལོ་ཙ་ནི་སརྦ་ཨརྠ་སཱ་དྷ་ནེ་སྭཱ་ཧཱ། ཞེས་བྱ་བ་ནི་རིགས་ཀྱི་ཡུམ་གྱི་རིག་པའོ། །ཨོཾ་ཛི་ན་ཛིཀ་སྭཱ་ཧཱ། ཞེས་པ་ནི་རིགས་ཀྱི་སྙིང་པོའོ། །དེ་བཞིན་དུ། ཨོཾ་ཤཾ་ཀ་རེ་ཤཱནྟིཾ་ཀ་རེ་གྷུ་ཊ་གྷུ་ཊི་ནི་གྷཱ་ཊ་ཡ་གྷཱ་ཊ་ཡ་གྷུ་ཊི་ནི་སྭཱ་ཧཱ། ཨོཾ་བཛྲ་དྷྀཀ་སྭཱ་ཧཱ། ཨོཾ་
ཀ་ཊེ་བི་ཀ་ཊེ་ནི་ཀ་ཊེ་ཀ་ཊཾ་ཀ་ཊེ་ཀ་རོ་ཊ་བིརྱེ་སྭཱ་ཧཱ། ཨོཾ་ཨཱ་རོ་ལྀ་ཀ་སྭཱ་ཧཱ། ཨོཾ་རཏྣ་དྷྀཀ་སྭཱ་ཧཱ། ཨོཾ་ཏཱ་རེ་ཏུཏྟཱ་རེ་ཏུ་རེ་སྭཱ་ཧཱ། ཨོཾ་པྲཛྙཱ་དྷྀཀ་ཅེས་བྱ་བ་ནི། རིམ་པ་ཇི་ལྟ་བ་བཞིན་དུ་རིགས་སོ། །སོ་སོའི་རིག་པ་དང་སྙིང་པོའོ། །དེ་ནས་ཅོད་པན་དང་དར་དཔྱངས་བཅིང་བ་དང་། གོ་ཆ་
བསྐོན་པ་ལ་སོགས་པ་བྱས་ལ། མེ་ཏོག་ལ་སོགས་པ་མཆོད་པ་ཐམས་ཅད་ཀྱིས་ཡང་དག་པར་མཆོད་ལ། ཡོངས་སུ་བཟླས་པས་གུས་པས་ཕྱག་བྱས་ལ་མཆོད་ཡོན་ཕུལ་ཏེ། ལྷག་པར་གནས་པར་བྱའོ། །དེ་ནས་ཕྱིར་རོལ་དུ་གཏོར་མ་བྱིན་ལ་སྦྱིན་སྲེག་བྱ་སྟེ། དང་
པོར་བགེགས་ཞི་བར་བྱ་བའི་སྦྱིན་སྲེག་བྱའོ། །ཚིམ་པར་བྱ་བའི་ཕྱིར་ནི། རང་གི་སྔགས་ཀྱིས་སོ། །དགོངས་པར་བྱ་བའི་ཕྱིར་ནི་རིགས་ཀྱི་སྔགས་ཀྱིས་སོ། །འབྱོར་པར་བྱ་བའི་དོན་དུ་ནི་རིགས་ཀྱི་བདག་པོའི་སྙིང་པོས་བྱའོ། །དེ་ལྟར་སྦྱིན་སྲེག་བྱས་ནས། 
ལྷག་པར་གནས་པར་བྱས་ལ། དེ་ནས་མཆོད་པ་སྣ་ཚོགས་ཀྱིས་མཆོད་ལ། མངོན་པར་འདོད་པའི་དངོས་གྲུབ་ཀྱི་ཕྱིར་གསོལ་བ་གདབ་སྟེ། གཤེགས་སུ་གསོལ་བར་བྱ་བའི་ཕྱིར་འདིས་བསྐུལ་བར་བྱའོ། །ཨོཾ་ཁྱེད་ཀྱིས་འགྲོ་བའི་དོན་ཀུན་མཛད། །དངོས་གྲུབ་ཚུལ་བཞིན་
སྩལ་ལགས་ཀྱིས། །སངས་རྒྱས་ཡུལ་དུ་གཤེགས་ནས་ཀྱང་། །སླར་ཡང་གཤེགས་པར་མཛད་དུ་གསོལ། །དེ་ནས་བསྲུང་བའི་ཕྱིར་ཡི་གེ་བརྒྱ་པ་ལན་བདུན་བཟླས་པར་བྱའོ། །དེ་ནས་དེ་ཉིད་དུ་ཀུ་ཤ་བཏིང་ལ་ཉལ་བར་བྱ། དེ་ནས་མལ་ནས་ལངས་པ་དང་། བའི་རྣམ་པ་
ལྔ་དང་། སྤོས་ཆུས་ལུས་ཀུན་དང་གནས་ཀུན་བྱུགས་ལ། ལྷའི་རྣལ་འབྱོར་བྱས་ལ། བགེགས་བསྐྲད་པ་ལ་སོགས་པ་བྱའོ། །དེ་ནས་གཞལ་ཡས་ཁང་དང་། རྟེན་ལ་སོགས་པ་བསམས་ལ། དེའི་འོག་ཏུ་ཟངས་མའི་སྣོད་ལ་སོགས་པར་མཆོད་པ་ལ་སོགས་བཤམས་

62-1-134b

ཏེ་སྔགས་ཀྱིས་གདབ་པོ། །དེ་ནས་ལྷ་རྣམས་དགུག་པ་དང་། གཞུག་པ་དང་། བཅིང་བ་དང་། དབང་དུ་བྱས་ལ་བསྒྲུབ་པར་བྱའོ། །སྤྱན་དྲངས་ནས་མཆོད་པ་དང་ཞབས་བསིལ་ལ་སོགས་པ་ཕུལ་ཏེ། སྔར་བཤད་པའི་རིགས་ཀྱི་སྦྱང་བ་བྱས་ལ། དེའི་འོག་ཏུ་དཱུར་བའི་པིར་
དང་། ཏིལ་མར་གྱི་སྦྱང་བ་བྱས་ཏེ། དེའི་སྔགས་ནི་ཨོཾ་སརྦ་ཏ་ཐཱ་ག་ཏ་ཀཱ་ཡ་བི་ཤོ་དྷ་ནེ་སྭཱ་ཧཱ། དབང་བསྐུར་བའི་ཆོ་གས་ཁྲུས་ཀྱང་གསོལ་བར་བྱ་སྟེ། ཇི་ལྟར་བལྟམས་པ་ཙམ་གྱིས་ནི། །ལྷ་རྣམས་ཀྱིས་ནི་ཁྲུས་གསོལ་བ། །དེ་བཞིན་བདག་གིས་ལྷ་ཡི་ཆུས། །དད་པས་
ཁྲུས་ནི་གསོལ་བར་བྱ། །ཨོཾ་སརྦ་ཏ་ཐཱ་ག་ཏ་ཨ་བྷི་ཥེ་ཀ་ཏ་ས་མ་ཡ་ཤྲི་ཡེ་ཧཱུྃ། དེ་ནས་ན་བཟའ་དབུལ་བར་བྱ་སྟེ། ཨོཾ་བཛྲ་བྷ་ཥ་ནེ་སྭཱ་ཧཱ། དེ་ནས་རྒྱན་ལ་སོགས་པ་ཐམས་ཅད་རང་རང་གི་སྔགས། ཨོཾ་བཛྲ་མུ་ཀུ་ཊ་སྭཱ་ཧཱ། ཞེས་པ་ལ་སོགས་པས་དབུལ་བར་བྱའོ། །དེའི་འོག་ཏུ་
དབང་བསྐུར་བར་བྱ་སྟེ། མཐེ་བོང་གཉིས་ནི་བསྣོལ་བྱས་ལ། །མཛུབ་མོ་རྩེ་མོ་བཀུག་ནས་ནི། །གུང་མོ་བསྙམས་པའི་ཚིགས་སུ་སྦྱར། །རྡོ་རྗེ་དབྱིངས་ཀྱི་དབང་མོར་བཤད། །ཨོཾ་བྷུ་ཁཾ་ཞེས་བྱ་བ་དང་། ཨ་བྷི་ཥིཉྩ་སྭ་མཱཾ་ཞེས་པ་དང་། དེ་བཞིན་དུ་ཨོཾ་བཛྲ་སཏྭ་ཧཱུྃ། བཛྲ་རཏྣ་
ཏྲཱཾ། བཛྲ་དྷརྨ་ཧྲཱིཿ། བཛྲ་ཀརྨ་ཨཿ། ཞེས་བྱ་བ་ཐམས་ཅད་ལ་ཨ་བྷི་ཥིཉྩ་སྭ་མཱཾ་ཞེས་བྱས་ལ། སོ་སོའི་ཕྱག་རྒྱ་དང་ལྡན་པས་གནས་ཇི་ལྟ་བ་བཞིན་དུ་དབང་བསྐུར་རོ། །དེ་ནས་ཨོཾ་ཧཱུྃ། ཞེས་བྱ་བ་ཕྱག་རྒྱ་དང་བཅས་པས་གནས་ཇི་ལྟ་བ་བཞིན་དུ་བསྲུང་བ་དང་། དར་དཔྱངས་དང་
ཅོད་པན་གྱི་དབང་བསྐུར་བ་ལ་གནས་པར་བྱའོ། །དེ་ནས་མཉམ་པའི་ཐལ་མོས་མཉེས་པར་བྱ་སྟེ། ཨོཾ་བཛྲ་ཏུ་ཥྱེ་ཧོ། དེ་ནས་སྒེག་མོ་ལ་སོགས་པས་མཆོད་པར་བྱའོ། །དེའི་རྗེས་སུ་སྔགས་འདིས་གསེར་རམ་རིན་པོ་ཆེའི་ཐུར་མ་ལ་མིག་སྨན་བསྐུས་ལ་མིག་དབྱེ་བར་བྱའོ། །
ཨོཾ་ཙཀྵུ་ས་མནྟ་ཙཀྵུ་བི་ཤོ་དྷ་ནེ་སྭཱ་ཧཱ། དེ་ནས་བཤོས་ལ་ནི། ཨོཾ་དི་བྱ་ཨིནྣི་ས་མཱ་དྷི་དྷྱཱ་ནཱཾ་ཎ་ནཻ་སྭཱ་ཧཱ། ཞེས་པའོ། །དེ་ནས་མེ་ལོང་དང་། འཁོར་ལོ་དང་། རིན་པོ་ཆེ་བདུན་དང་། རལ་གྲི་དང་། གདན་དང་། ཞལ་ཟས་དང་། སྣ་ཚོགས་པ་ལ་མཆོད་པའི་སྔགས་ཀྱིས་

62-1-135a

མངོན་པར་མཆོད་དེ། གོང་དུ་གསུངས་པའི་བུམ་པ་རྣམས་བུ་མོ་མཛེས་པ་གཞོན་ནུ་མ་བརྒྱད་དམ་གཅིག་གིས་མཆོད་པར་བྱའོ། །དེ་ནས་ལ་ལར་སློབ་མ་དག་གནས་པ་ན་ཡོངས་སུ་གཟུང་བའི་ཆོ་གས། སློབ་མ་བསྙེན་པ་རིམ་པ་བཞིན་དུ་དབང་
བསྐུར་ལ། མཆོད་པ་གྱིས་ཞེས་བྱའོ། །དེའི་རྗེས་ལ་ཡང་སྲེག་བླུགས་འབུམ་དུ་ཚང་བའམ། ཡང་ན་བརྒྱ་རྩ་བརྒྱད་དུ་བྱའོ། །དེ་ལ་དཀྱིལ་འཁོར་གྱི་ལྷ་ལ་ནི་དཀྱིལ་འཁོར་བྲི་བར་བྱའོ། །གཅིག་ལ་སོགས་པ་རྣམས་ལ་ནི་སངས་རྒྱས་ཐམས་ཅད་པའི་ཡུམ་གྱི་དཀྱིལ་
འཁོར་བྲིས་ལ་བྱའོ། །དེ་བཞིན་དུ་གཙུག་ལག་ཁང་དང་། སྐུ་གདུང་དང་གླེགས་བམ་ཐམས་ཅད་ལ་ཡང་སངས་རྒྱས་ཐམས་ཅད་པའི་ཡུམ་གྱི་དཀྱིལ་འཁོར་བྱ་བ་སྟེ། དེ་ཡང་མཆོག་ཏུ་གསང་བའི་རྒྱུད་ལས་བཅོམ་ལྡན་འདས་ཀྱིས། དཀྱིལ་འཁོར་ལ་ནི་དཀྱིལ་
འཁོར་ཏེ། །དེ་ཡི་བསྡུས་པ་དེ་ཉིད་དོ། །གཞན་དུ་རབ་གནས་ཐམས་ཅད་ལ། །སངས་རྒྱས་ཀུན་ཡུམ་དཀྱིལ་འཁོར་བྲི། །ཞེས་གསུངས་པའི་ཕྱིར་ཏེ། དེ་ལ་སངས་རྒྱས་ཀུན་གྱི་ཡུམ་གྱི་དཀྱིལ་འཁོར་ནི། རིགས་ལྔའི་ལྷ་མོ་དང་། རིགས་ལྔའི་བདེ་བར་གཤེགས་
པ་ལྔ་དང་། སྒོ་བ་དང་ཕྱོགས་སྐྱོང་དུ་བཅས་པའོ། །གཙུག་ལག་ཁང་ལ་ནི་སངས་རྒྱས་དང་བྱང་ཆུབ་སེམས་དཔའ་དང་ཉན་ཐོས་དང་རང་སངས་རྒྱས་དང་ཐམས་ཅད་ཀྱི་བཞུགས་གནས་ཏིང་ངེ་འཛིན་སྣ་ཚོགས་ཀྱི་གཞལ་ཡས་ཁང་ཆོས་ཀྱི་དབྱིངས་ལྟར་ཡངས་པར་ཏིང་
ངེ་འཛིན་དང་སྔགས་འདིས་བསྐྱེད་དོ། །ཨོཾ་ཧཱུྃ་ཧྲཱིཿསུ་པྲ་ཏིཥྛ་བཛྲེ་སྭཱ་ཧཱ། ཨོཾ་ཧཱུྃ་ཧྲཱིཿབྷྲཱུཾ་ཁཾ་བཛྲཱི་བྷ་བ་དྲྀ་ཌྷ་ཏིཥྛ་བྷྲཱུཾ་ཁཾ་ཞེས་བྱའོ། །དེ་ནས་སངས་རྒྱས་དང་བྱང་ཆུབ་སེམས་དཔའི་གནས་དེ་ལ་བུམ་པ་ལྔའམ། བཅུ་དྲུག་ལ་སོགས་པའི་ནང་སྤོས་ཆུས་ཡོངས་སུ་གང་
བ་དག་ལ་མངོན་པར་བསྔགས་པས་བསང་གཏོར་བྱའོ། །དེའི་སྔགས་ནི། ཨོཾ་བཛྲོད་ཀ་སརྦ་ཤུདྡྷེ་བི་ཤུདྡྷེ་སྭཱ་ཧཱ། དེའི་རྗེས་ལ་གོང་མའི་སྔགས་དང་ཏིང་ངེ་འཛིན་གྱིས་བཅོམ་ལྡན་འདས་རྣམ་པར་སྣང་མཛད་ཀྱི་ངོ་བོ། སངས་རྒྱས་དང་བྱང་ཆུབ་སེམས་དཔའ་ཐམས་ཅད་ཀྱི་

62-1-135b

དབྱིངས་སུ་གྱུར་པ་ཁང་པ་བརྩེགས་པ་ཆེན་པོ་འོག་མིན་ནས་བཀུག་སྟེ། ངོ་བོ་ཉིད་གཅིག་པར་རབ་ཏུ་གནས་པར་བྱའོ། །དེ་ནས་ཡང་མཆོད་པའི་ཚོགས་བྱས་ལ། གཙུག་ལག་ཁང་གི་སྲུང་མ་པཉྩི་ཀའམ། ནག་པོ་ཆེན་པོ་ལ་སོགས་པ་དགུག་པའམ། གཞུག་
པ་དང་། བཅིང་བ་དང་། དབང་དུ་བྱས་ནས། རྡོ་རྗེ་ཧཱུྃ་མཛད་ཀྱི་སྦྱོར་བ་དང་ལྡན་པས་ལུང་བསྒོ་བར་བྱ་སྟེ། ཇི་སྲིད་གཙུག་ལག་ཁང་གནས་པ་དེ་སྲིད་ཀྱི་བར་དུ་ཁྱོད་ཀྱིས་སྲུངས་ཤིག །འཕགས་པའི་དགེ་འདུན་གྱི་བཀའ་ཡང་ཁྱོད་ཀྱིས་སྒྲུབས་ཤིག་ཅེས་
བསྒོས་ལ། མཆོད་པར་བྱ་བ་དང་། གཟུགས་བརྙན་གཞག་པར་བྱའོ། །དེ་བཞིན་དུ་འཕགས་པའི་མཆོད་རྟེན་ལ་རབ་ཏུ་གནས་པ་ཡང་། མཆོད་པ་ལེགས་པར་བྱ་ཞིང་བཀྲུས་ལ་ཡི་གེ་བྷྲཱུཾ་ལས་རྣམ་པར་སྣང་མཛད་དང་། རྡོ་རྗེ་དབྱིངས་ཀྱི་དབང་ཕྱུག་མ་
ཡོངས་སུ་གྱུར་པ་ལས་མཆོད་རྟེན་གྱི་གཟུགས་སུ་བསྐྱེད་ཅིང་། དེ་ཉིད་སངས་རྒྱས་ཐམས་ཅད་ཀྱི་སྐུར་བསམ་པར་བྱ་སྟེ། ཁྲུས་དང་བཀྲ་ཤིས་དང་བྱིན་གྱིས་བརླབ་པ་དང་། སྔགས་ལ་སོགས་པ་ཆོ་ག་ཐམས་ཅད་ནི་གོང་དུ་གསུངས་པ་དང་མཐུན་པར་བྱ་
བ་ཉིད་དོ། །དམ་པའི་ཆོས་ཀྱི་གླེགས་བམ་རབ་ཏུ་གནས་པར་བྱ་བ་ནི། ལྷག་པར་གནས་པ་ལ་སོགས་པ་སྔ་མ་བཞིན་དུ་བྱས་ལ། ཤེས་རབ་ཀྱི་ཕ་རོལ་ཏུ་ཕྱིན་པ་ནི་ཡི་གེའི་རྣམ་པར་ཡོངས་སུ་གྱུར་ནས། ཀུན་རྫོབ་དང་དོན་དམ་པ་སྟོན་པར་བྱེད་པར་བསམས་ལ། 
ཨོཾ་པྲཛྙཱ་སྲུ་ཏཾ་སྨྲྀ་ཏི་མ་ཏི་བི་ཛ་ཡེ་སྭ་ཧཱ། ཞེས་པ་དང་མདོ་སྡེ་ལ་ནི། ཨོཾ་སཱུ་ཏྲ་སེ་ན་དྷརྨ་དྷཱ་ཏུ་གརྦྷེ་སྭཱ་ཧཱ། ཞེས་པས་དེ་བཞིན་གཤེགས་པའི་གསུང་གི་ཡན་ལག་རྒྱ་མཚོའི་སྒྲ་ཐམས་ཅད་བཀུག་སྟེ་ཡི་གེ་རྣམས་ལ་བསྟིམས་ནས། དེ་ཉིད་ཀྱིས་སེམས་ཅན་རྣམས་ལ་ཆོས་
སྟོན་པར་རབ་ཏུ་གནས་པར་བྱའོ། །གསང་སྔགས་ཀྱི་རྒྱུད་ལ་ནི། རྡོ་རྗེ་ཆོས་ཡི་གེའི་གཟུགས་སུ་གྱུར་པས་སྔགས་ཀྱི་གཟུགས་ཀྱི་སྐུས་འཁོར་བ་ན་འགྲོ་བ་མ་ལུས་པའི་དོན་མཛད་པ་དང་། བྱིན་གྱིས་བརླབ་པ་དང་། དེ་བཞིན་གཤེགས་པ་ཐམས་ཅད་དང་། རྡོ་རྗེ་

62-1-136a

འཆང་ཐམས་ཅད་ཀྱིས་ཀྱང་དེ་བཞིན་དུ་བྱིན་གྱིས་བརླབ་པར་བསམས་ཏེ། ཨོཾ་ཧཱུྃ་ཧྲཱིཿསརྦ་བུདྡྷ་དྷཱ་ཏུ་ཏ། ཞེས་པས་རབ་ཏུ་གནས་པར་བྱའོ། །ཁྲུས་ལ་སོགས་པ་ནི་སྔ་མ་བཞིན་ཏེ། གཙུག་ལག་ཁང་དང་། མཆོད་རྟེན་དང་། རས་རིས་དང་། གླེགས་བམ་
ལ་སོགས་པ་ནི། མེ་ལོང་ཉིད་ལ་བཀྲུའོ། །མཆོད་པ་དང་གཏོར་མའི་ཆོ་ག་ལ་སོགས་པ་ནི་སྔར་གསུངས་པ་ལས་ཤེས་པར་བྱའོ། །རྡོ་རྗེ་ལ་ནི་ཡོངས་སུ་དག་པར་ཁྲུས་ལ་སོགས་པ་བྱས་ལ། ལྟེ་བ་ལ་གནས་པའི་ཧཱུྃ་ལས། དེ་བཞིན་གཤེགས་པའི་རྡོ་རྗེ་བསྐྱེད་དེ། ཏིང་ངེ་འཛིན་
གྱིས་དུས་གསུམ་གྱི་དེ་བཞིན་གཤེགས་པ་ཐམས་ཅད་ཀྱི་ཐུགས་ཡེ་ཤེས་ཀྱི་རྡོ་རྗེ་ཐམས་ཅད་བཀུག་པ་དེ་རྣམས་ནམ་མཁའི་དཀྱིལ་དུ་པདྨ་དམར་པོ་འདབ་མ་བརྒྱད་པ་ལ་གསེར་གྱི་རྡོ་རྗེ་ཆེན་པོ་འོད་སྣ་ཚོགས་དང་ལྡན་པ་བསམས་ལ། དེ་ཉིད་རྡོ་རྗེ་ལྕགས་ཀྱུ་ལ་སོགས་པས་བཀུག་པ་
ལ་སོགས་པ་བྱས་ལ། ངོ་བོ་ཉིད་གཅིག་པར་བསམས་ནས། ཨོཾ་སརྦ་ཏ་ཐཱ་ག་ཏ་ཛྙཱ་ན་བཛྲ་ཧཱུྃ། ཞེས་པས་བྱིན་གྱིས་བརླབས་ལ་རབ་ཏུ་གནས་པར་བྱ་ཞིང་། དེའི་ལྟེ་བ་ལ་རྡོ་རྗེ་སེམས་དཔའ་བསམ་པར་བྱའོ། །དྲིལ་བུ་རབ་ཏུ་གནས་པར་བྱ་བ་ནི། དྲིལ་བུ་དེ་ཨ་དཀར་པོ་ལས་
དུས་གསུམ་གྱི་སངས་རྒྱས་ཐམས་ཅད་ཀྱི་གསུང་ཆོས་ཀྱི་སྒྲ་ཆེན་པོར་བསྐྱེད་ལ། ཁྲུས་གསོལ་བ་བྱས་ནས། ཏིང་ངེ་འཛིན་གྱིས་མདུན་གྱི་ནམ་མཁའི་བར་སྣང་ལ། པདྨ་འདབ་མ་བརྒྱད་པའི་སྟེང་དུ་དེ་བཞིན་གཤེགས་པ་ཐམས་ཅད་ཀྱི་ལྗགས་པདྨ་ཆེན་པོ་ལས། གསུང་གི་
སྒྲ་རྒྱ་མཚོ་ཇི་སྙེད་པས་འགྲོ་བ་མ་ལུས་པ་ལ། དམ་པའི་ཆོས་སྟོན་པ་དང་། དུས་གསུམ་གྱི་དེ་བཞིན་གཤེགས་པ་ཐམས་ཅད་མཉེས་པར་བྱེད་པའི་རིན་པོ་ཆེ་དབྱིག་གི་དྲིལ་བུ་རྡོ་རྗེ་དང་། པདྨ་མཉམ་པར་འདུས་པ་ལས་བྱུང་བའི་གཟུགས་ཁ་དོག་དམར་པོ་
འོད་སྣ་ཚོགས་དང་ལྡན་པ་བསམས་ཏེ། དེ་ཉིད་ལྕགས་ཀྱུ་ལ་སོགས་པས་དགུག་པ་ལ་སོགས་པ་བྱས་ནས་ངོ་བོ་ཉིད་གཅིག་པ་ལས། ཨོཾ་སརྦ་ཏ་ཐཱ་ག་ཏ་བཛྲ་ཛྭི་ཧྭ་ཨ། ཞེས་པས་བྱིན་གྱིས་བརླབ་ཅིང་། དེའི་ནང་དུ་ཨ་ལས་རྡོ་རྗེ་བསྲུང་བ་ཁ་དོག་དམར་པོ་

62-1-136b

བསམ་པར་བྱའོ། །ཕྲེང་བ་རབ་ཏུ་གནས་པར་བྱ་བ་ནི། རྡོ་རྗེ་ལ་སོགས་པར་རིགས་ཇི་ལྟ་བུའི་རིམ་པ་ལས་ཤེས་པར་བྱ་ཞིང་། དེ་ཉིད་ཀྱང་བཀྲུ་བ་ལ་སོགས་པ་བྱས་ནས་བཅོམ་ལྡན་འདས་རྡོ་རྗེ་སེམས་དཔར་ཕྲེང་བའི་མདོ་འཛིན་བསམས་ལ། རང་གི་ལྷའི་
སྙིང་པོ་གང་ཡིན་པ་དང་། ཆོས་ཀྱི་གཟུངས་ཆེན་པོའི་སྙིང་པོ། ཨོཾ་མ་ཧཱ་པདྨེ་དྷ་ར་ཎི་ཞེས་བྱ་བའི་སྙིང་པོར་བསྐྱེད་དེ། དེ་ནས་ཏིང་ངེ་འཛིན་གྱིས་བཅོམ་ལྡན་འདས་རྡོ་རྗེ་སེམས་དཔའ་ཉིད་མདུན་གྱི་ནམ་མཁར་བསམས་ལ། དེ་ཉིད་ལས་བསྲུང་བའི་སྙིང་པོ་ནི། རང་གི་
ལྷའི་སྙིང་པོའོ། །དེ་ལས་རང་གི་འདོད་པའི་ལྷར་བསམས་ནས། དེ་ཉིད་ཀྱི་བསྲུང་བའི་སྔགས་ཀྱི་ཡིག་འབྲུ་རྣམས་འོད་ཟེར་དང་བཅས་པ་བྱུང་བ་ལས། དགུག་པ་ལ་སོགས་པ་བྱས་ནས། སྙིང་པོ་དང་ཡི་གེ་འབྲུ་རྣམས་ཕྲེང་བ་གཞན་ལ་བསྟིམ། རང་གི་ལྷ་
ཉིད་ཆོས་ཀྱི་གཟུངས་ཆེན་པོར་འགྱུར་བ་ལས། མདོ་འཛིན་ལ་རབ་ཏུ་གནས་པར་བྱས་ལ། དེ་བཞིན་གཤེགས་པ་ཐམས་ཅད་ཀྱི་མི་བརྗེད་པའི་གཟུངས་སུ་གྱུར་ཅིག་ཅེས་བརྗོད་ལ། ཨོཾ་སརྦ་ཏ་ཐཱ་ག་ཏ་མ་ཧཱ་དྷརྨཱ་ཨ་མྲྀ་ཏེ་སུ་པྲ་ཏིཥྛ་བཛྲེ་ཧཱུྃ། ཞེས་པས་རབ་ཏུ་གནས་པར་
བྱའོ། །རྡོ་རྗེ་ལ་སོགས་པ་ལ་ནི་མཆོད་པ་དང་། བཀྲ་ཤིས་ལ་སོགས་པ་ནི་སྔ་མ་ཇི་ལྟ་བ་བཞིན་དུ་བྱ་ཞིང་། སྐུ་གཟུགས་ལ་སོགས་པ་ཐམས་ཅད་ལ་ནི། རབ་ཏུ་གནས་པ་མེད་པར་ནི་ཞག་འགའ་ཡང་གཞག་པར་མི་བྱ་སྟེ། དེ་ཡང་བཅོམ་ལྡན་འདས་ཀྱིས། གང་
དུ་སྐུ་གཟུགས་ཟིན་ནས་ནི། །ཡུན་རིངས་གནས་ཀྱང་མ་མཆོད་ན། །ཇི་སྲིད་རབ་ཏུ་མ་གནས་པར། །དེ་ལས་མི་ཤིས་སྐྱེ་བར་འགྱུར། །ཞེས་གསུངས་པའི་ཕྱིར་རོ། །དེ་བས་ན་མཁས་པ་རྣམས་ཀྱིས་སེམས་ཅན་རྣམས་ཀྱིས་བསོད་ནམས་ཐོབ་པར་བྱ་བའི་ཕྱིར་མྱུར་དུ་
རབ་ཏུ་གནས་པར་བྱ་བ་ཉིད་དོ། །དེ་ཡི་ཡོ་བྱད་འདི་དག་སྟེ། །གང་དུ་རྫས་ནི་ཉམས་པ་ལས། །རྡོ་རྗེ་སློབ་དཔོན་ཉམས་གྱུར་པས། །དེ་བས་རྫས་ལ་རབ་ཏུ་འབད། །དར་དང་རྣ་ཆ་གདུ་བུ་དང་། །སོར་གདུབ་རྣམས་ནི་གསེར་ལས་བྱས། །དེ་ཉིད་ཀྱི་ནི་གནས་ཀྱི་ཕྱིར། །

62-1-137a

ནང་ཚངས་ཅན་སྟན་ཁྲི་དང་བཅས། །དེ་བཞིན་རྒྱབ་རྟེན་དག་དང་ནི། །གོས་བཟང་པོས་ནི་དགབ་པར་བྱ། །སྐུ་གཟུགས་ལ་སོགས་དང་པོར་ནི། །གདན་ནི་ཤིན་ཏུ་ཡིད་འོང་བ། །མངོན་སུམ་བྱའམ་བསམས་ནས་ནི། །དེ་སྟེང་བཞུགས་སུ་གསོལ་
བར་བྱ། །སྟེང་དུ་བླ་རེ་བྲེ་བྱ་ཞིང་། །སྣ་ཚོགས་གོས་ལ་སོགས་པས་བརྒྱན། །ས་གཞི་ལྷག་པར་གནས་བྱ་བར། །སྲད་བུ་ཐོད་ལེ་ཀོར་དང་བཅས། །དཀྱིལ་འཁོར་བྲི་བར་བྱ་བའི་ཕྱིར། །དཀར་དང་སེར་དང་དམར་དང་ལྗང་། །དེ་བཞིན་ནག་པོ་ལྔ་དང་ཡང་། །འདིར་
ནི་ཚོན་ནི་བསྡུ་བར་གསུངས། །དེ་ལ་སྣོད་ནི་གང་བ་བརྒྱད། །བཞིའམ་གང་ཡང་ཡིད་ཀྱིས་བརྟག །འབྲས་དཀར་གྱིས་ནི་བཀང་བ་ལ། །དབྱིག་དག་དང་ནི་བཅས་པར་བྱ། །བསང་གཏོར་མཆོད་ཡོན་སྣོད་ཉིད་དག །ཟངས་མ་ལས་བྱས་བུམ་པ་དང་། །སོ་ཤིང་
སོ་ཕག་དྲི་ཞིམ་དང་། །པིར་ནི་དྲི་མ་སྦྱོང་བྱེད་པ། །བ་གཅིན་ལྕི་བ་འོ་མ་དང་། །ཞོ་དང་མར་སར་ཀུ་ཤའི་ཆུན། །བ་ཡི་རྣམ་ལྔ་མཉམ་བསགས་ལ། །སྣོད་གཅིག་གི་ནི་ནང་དུ་གཞུག །ལྗང་དང་དམར་དང་དེ་བཞིན་སེར། །དཀར་དང་ནག་པོ་གཉིས་དག་སྟེ། །སྲད་བུ་ལྔ་
ནི་བསྒྲིལ་བར་བྱ། །མདའ་བཞི་དག་དང་ཡང་དག་ལྡན། །ཏིལ་མར་དྲི་བཟངས་ཏིལ་མར་ཉིད། །སྐུ་གཟུགས་སྐུ་དང་མར་མེ་དག །བྱ་བའི་ཕྱིར་ནི་དབུལ་བྱ་ཞིང་། །མེ་ལོང་ཤིན་ཏུ་དྲི་མེད་བསགས། །སྐུ་གཟུགས་ལྷག་པར་གནས་པ་ལ། །རས་སེར་བཟང་
པོ་ཁ་ཚར་བཅས། །དྲི་མེད་རྣམ་པར་དག་པ་དང་། །ཨ་གར་ནག་པོས་ལེགས་བདུགས་པ། །སེར་དང་དམར་དང་ནག་དང་སྔོ། །དཀར་དང་མཁའ་འདྲ་སྔོ་བསངས་དང་། །དེ་བཞིན་དཀར་པོའི་བ་དན་རྣམས། །ཕྱོགས་མཚམས་བརྒྱད་དུ་གཟུགས་པར་བྱ། །
དཀྱིལ་འཁོར་ལྷ་ཡི་གྲངས་ལས་ནི། །བུམ་པ་ལྷག་པར་གནས་བྱ་འམ། །བཅུ་འམ་བརྒྱད་དམ་ལྔ་རྣམས་ནི། །འབྱོར་དང་འཚམ་པར་བསག་པར་བྱ། །གོས་བཟང་སྣ་ཚོགས་མདོག་ཅན་གྱིས། །བུམ་པའི་མགུལ་པ་དཀྲི་བར་བྱ། །གསེར་རམ་ཡང་ན་དངུལ་དག་

62-1-137b

ནི། །དཀྱིལ་འཁོར་ཕྱོགས་སུ་གཞག་པར་བྱ། །བྲྀ་ཧད་ཀཎྜ་ཀ་རི་དང་། །ཀ་རི་ཀ་ནི་ཧ་ས་མཆོག །དཎྜ་ཨུཏྤལ་དཀར་པོ་སྟེ། །སྨན་རྣམས་ལྔ་པོ་བསགས་ནས་ནི། །བཏགས་ཏེ་མཉམ་པར་སྦྱར་བ་ཡི། །སྨན་རྣམས་ཀུན་དང་ལྡན་པ་ལ། །དེ་བཞིན་གཤེགས་
སྔགས་བཟླས་ནས་ནི། །བུམ་པ་རྣམས་སུའང་གཞུག་པར་བྱ། །རྡོ་རྗེ་མཐོན་ཀ་བཻ་ཌཱུརྱ། །པདྨ་རཱ་ག་རྡོ་རྗེ་སྟེ། །འདི་དག་རིན་ཆེན་མཆོག་གྱུར་ཡིན། །མེད་ན་ཐ་མལ་པ་ཡིས་བྱ། །ཨ་མུ་བིལ་བ་སེའུ་སྟར་ག་དང་། །གླ་གོར་ཞོ་ཤ་ཛཱ་ཏི་དང་། །དེ་ལ་སོགས་པ་གཞན་
རྣམས་ནི། །སྣ་ཚོགས་སྨན་ནི་དབུལ་བར་བྱ། །འབྲས་ཡོས་བཟང་པོ་དག་དང་ནི། །ཡུངས་ཀར་བཟང་པོ་སོ་སོར་དབུལ། །ཞོ་མར་འོ་མ་སྦྲང་རྩི་དང་། །འོ་མ་ཅན་ཤིང་ཤིང་ལ་སོགས། །མེ་ཏོག་ལེ་བརྒན་རྩི་དག་དང་། །བག་ཟན་ལས་བྱས་སྣུམ་ཁུར་མཆོག །སྤྱན་འབྱེད་
ཀྱི་ནི་ཡོ་བྱད་དེ། །དེ་དག་སོ་སོར་དབུལ་བར་བྱ། །དེ་བཞིན་ཁྲུས་སའི་སྟེགས་བུར་ནི། །རིན་ཆེན་ལས་བྱས་ཁྲུས་གཞོང་དང་། །སོ་ཤིང་སོ་ཕག་ཕྱེ་མ་དང་། །ཕག་ཟེ་དཱུར་བའི་པིར་དག་དང་། །བ་ཡི་རྣམས་ལྔ་ཆ་མཉམ་དང་། །སྐྱུ་རུ་ལ་སོགས་འདག་ཆལ་ཆུ། །སྦྲང་རྩི་
དང་སྦྱར་མངར་གསུམ་ཆུ། །དྲི་དང་འོ་མའི་ཆུ་རྣམས་ནི། །བུམ་པ་རེ་རེ་དག་ཏུ་བྱ། །ཞལ་ལོང་སྐུ་ཕྱིས་རས་ཡུག་དང་། །གུ་གུལ་ལ་སོགས་སྤོས་རྣམས་དང་། །སེང་ལྡེང་ཕུར་བུ་སྔགས་གོས་དང་། །ཚོན་སྐུད་ལྔ་དང་འདབ་བཞི་དང་། །ཚོན་སྣ་ལྔ་ཡི་ཕྱེ་མ་དང་། །སྦྲང་
ཆུ་སུག་པ་སྤོས་ཆུ་དང་། །ཏིལ་མར་དང་ནི་སྲན་ཕྱེ་དང་། །འབྲས་ཆེན་ཆང་བུ་གཉིས་དག་དང་། །ལྷ་ཡི་གྲངས་དང་རབ་སྦྱར་བའི། །གུར་གུམ་གྱིས་བྲིས་ལྷ་ཡི་མཚན། །བྲིས་ལ་བུམ་པ་གཞག་པར་བྱ། །གསེར་ལས་བྱས་པའི་སྤུ་གྲི་དང་། །དེ་བཞིན་སོ་མངས་སྨད་ཚེར་
དང་། །ཤེལ་སྒོང་དྲིས་བསྒོས་རྣ་ཆ་དང་། །གསེར་ལས་བྱས་པའི་ཐུར་མ་དང་། །གསེར་གྱི་འཁོར་ལོ་དར་དཔྱངས་དང་། །གདུགས་དང་རྔ་མ་མཆོད་པའི་ཚོགས། །སེང་གེའི་ཁྲི་དང་ཀུ་ཤ་དང་། །དེ་བཞིན་ཡོ་བྱད་ལྡན་པ་ཡིས། །རབ་ཏུ་གནས་བྱས་ཤིས་པར་འགྱུར། །རྡོ་རྗེ་

62-1-138a

སློབ་དཔོན་གང་ཞིག་ལ། །མཚན་མི་ཤེས་པའི་ལྷ་རྣམས་ནི། །རབ་ཏུ་གནས་པར་བྱེད་པ་ནི། །ཐེ་ཚོམ་གྱུར་པས་གཞག་བྱ་མིན། །དེ་བཞིན་གཤེགས་ཀུན་སངས་རྒྱས་ཀྱི། །ཐུགས་ཀྱི་ངོ་བོ་རྡོ་རྗེ་སེམས། །ཡིན་པས་གསལ་བར་མི་འགྱུར་བས། །རྡོ་རྗེ་སེམས་
དཔའ་རབ་གནས་བྱའོ། །དེ་བཞིན་གཤེགས་ཀུན་རབ་གནས་པའི། །ཆོ་ག་དྲི་མེད་བྱས་པ་ལས། །བསོད་ནམས་ཅུང་ཟད་གང་ཐོབ་དེས། །འགྲོ་བའི་ཉེས་ཀུན་དག་གྱུར་ཅིག །རབ་ཏུ་གནས་པའི་ཆོ་ག་སློབ་དཔོན་ཆེན་པོ་ཀུན་དགའ་སྙིང་པོས་མཛད་པ་རྫོགས་སོ།།      །།
རྒྱ་གར་གྱི་མཁན་པོ་ཤྲདྡྷཱ་ཀ་ར་ཝརྨ་དང་། ལོ་ཙཱ་བ་ཆེན་པོ་དགེ་སློང་རིན་ཆེན་བཟང་པོས་བསྒྱུར་ཅིང་ཞུས་ཏེ་གཏན་ལ་ཕབ་པ།    །༄༅༅། །རྒྱ་གར་སྐད་དུ། ཀཱ་རུ་ཎོ་ད་ཡ་ནཱ་མ་བྷཱ་བ་ཛ་བ་བི་དྷིཿ། བོད་སྐད་དུ། ཐུགས་རྗེ་འབྱུང་བ་ཞེས་བྱ་བ་བསྒོམ་པ་དང་བཟླས་པའི་
ཆོ་ག །བཅོམ་ལྡན་འདས་དཔལ་རྣམ་པར་སྣང་མཛད་ལ་ཕྱག་འཚལ་ལོ། །བཅོམ་ལྡན་བསྒོམ་དང་བཟླས་པའི་ལམ་ནི་རྡོ་རྗེ་སློབ་དཔོན་དག་གིས་རབ་མཛད་པའི། །བསྟན་བཅོས་ཤིན་ཏུ་ཟབ་དང་བཅས་ཕྱིར་ཐུབ་པའི་གསུང་བཞིན་དེ་ཉིད་མི་རྟོགས་ཏེ། །རང་བློའི་རྣམ་པར་རོལ་པས་
མི་གསལ་དཔེ་དང་ཐེག་པ་གཞན་རྣམས་དང་ནི་གཅིག་བྱེད་པ། །སློབ་མའི་ཚོགས་གཉིས་དག་གིས་བྱིན་བརླབས་ཐེག་པ་ལ་ནི་ཆེན་པོར་འཛིན་མི་བྱེད། །ཆོས་རྣམས་ཡང་དག་སྟོན་ཅིང་ཆོ་ག་མ་ལུས་འཆད་པ་འགལ་མེད་ལ། །སེར་སྣས་བྱང་ཆུབ་འཇིག་ཅིང་མ་བཤད་ཡུལ་ནི་ཡེ་ཤེས་
དག་ལས་ཉམས་འགྱུར་ཕྱིར། །སྙིང་རྗེས་བྱམས་ཆོས་སློབ་དཔོན་ཡེ་ཤེས་རྡོ་རྗེ་གཞན་ཡང་པད་དཀར་ཞེས་བྱ་བས། །བྱིས་པ་ལེགས་རྟོགས་ཚིག་གིས་སྐུ་དང་ཕྱག་རྒྱ་སྔགས་རྣམས་ཆོ་ག་བཞིན་བཤད་བྱ། །དེ་ལ་དང་པོར་དེ་བཞིན་གཤེགས་པ་ཐམས་ཅད་ཀྱི་དེ་ཁོ་ན་ཉིད་
བསྡུས་པ་ལ་སོགས་པའི་དཀྱིལ་འཁོར་ཆེན་པོ་དང་། གཟུངས་ཀྱི་དཀྱིལ་འཁོར་དང་ཆོས་ཀྱི་དཀྱིལ་འཁོར་དང་། ལས་ཀྱི་དཀྱིལ་འཁོར་རྣམས་སུ་དབང་བསྐུར་བ་ཐོབ་པ། དཔལ་རྣམ་པར་སྣང་མཛད་ཀྱི་གསང་སྔགས་གཟུང་བ་དང་། རིག་པའི་དབང་བསྐུར་བ་དང་། མཉན་པའི་དབང་

62-1-138b

བསྐུར་བ་དང་། རྗེས་སུ་གནང་བའི་དབང་བསྐུར་བ་དང་། སློབ་དཔོན་གྱི་དབང་བསྐུར་བ་དང་། ལུང་བསྟན་པའི་དབང་བསྐུར་བ་ཐོབ་ཅིང་། བསྒོམ་པ་དང་ཟློས་པར་འདོད་པས། དང་པོ་ཁོ་ནར་ཡིད་དུ་འོང་བའི་གནས་སྒྲའི་ཚེར་མ་ལ་སོགས་པ་དང་བྲལ་བར་སྟན་ཤིན་ཏུ་
འཇམ་པོ་ལ་འདུག་སྟེ། ཁ་ཤར་རམ་ནུབ་ཏུ་ལྟ་བའམ། ཇི་ལྟར་དགའ་བར་བལྟས་ཏེ། རྡོ་རྗེའི་སྐྱིལ་མོ་ཀྲུང་དང་། སྐྱིལ་མོ་ཀྲུང་ཕྱེད་པ་དང་། སེམས་དཔའི་སྐྱིལ་མོ་ཀྲུང་དང་། བཀྲ་ཤིས་ཀྱི་འདུག་སྟངས་དང་། བཟང་པོའི་འདུག་སྟངས་ཀྱིས་ཐལ་མོ་མཉམ་
པར་སྦྱར་བའི་ཟླ་བ་ཕྱེད་པས་ཀུན་དུ་བཟང་པོ་ཞེས་བྱ་བའི་སྟན་དེ་གང་ཡང་རུང་བས་འབད་པ་མེད་པར་ལག་པ་གཉིས་རྡོ་རྗེའི་བཅིང་བ་བྱས་ལ་ལུས་དྲང་པོར་བསྲང་སྟེ། མགྲིན་པ་བསྟོད་ལ་སོས་སོ་མནན་པ་སྤུ་རྩེ་ཙམ་གྱིས་སོའི་ཐད་ཀར་ལྕེ་རྡོ་རྗེ་ལྟར་མི་གཡོ་བར་བཞག་
ལ། ནགས་ཀྱི་རི་དྭགས་བག་ཕེབས་ནས་ཉལ་བ་ལྟར་མིག་ཅུང་ཟད་བཙུམས་ཏེ། མིག་གཉིས་སྣའི་རྩེ་མོར་གཏད་པར་བྱའོ། །དེ་ནས་རིམ་པ་འདིས་གནས་བསྲུང་བར་བྱ་སྟེ། རང་གི་ལུས་རང་གི་ལྷའི་སྐུར་བསམས་ལ། ལག་པ་གཉིས་སུ་ཡི་གེ་ཧཱུྃ་གཉིས་ལས་རྡོ་རྗེ་གཉིས་
རྣམ་པར་བསམས་ཏེ། སོར་མོ་ལྔའི་ཚིགས་རྩེ་མོའི་རྣམ་པར་བསྒོམ་པར་བྱའོ། །དེ་རྣམས་ཀྱི་དབུས་སུ་དེ་བཞིན་གཤེགས་པ་ལྔའི་ས་བོན་གྱི་ཡི་གེ་རྣམ་པར་དགོད་པར་བྱ་སྟེ། དེ་ལ་གུང་མོ་ལ་ནི་ཡི་གེ་ཨོཾ། མཛུབ་མོ་ལ་ནི་ཧཱུྃ། སྲིན་ལག་ལ་ཏྲཱཾ། མཐེའུ་
ཆུང་ལ་ཧྲཱིཿ། མཐེ་བོ་ལ་ནི་ཡི་གེ་ཨའོ། །ལག་པ་གཡོན་པ་ལ་ཡང་དེ་བཞིན་དུ་དགོད་དོ། །དེ་ནས་ལག་པ་གཡས་པར་གནས་པ་རྣམས་ནི་རྣམ་པར་སྣང་མཛད་ལ་སོགས་པ་དེ་བཞིན་གཤེགས་པའི་སྐུར་བསམ་པར་བྱས་ལ། ལག་པ་གཡོན་པ་ལ་གནས་པ་རྣམས་ཀྱང་
རྡོ་རྗེ་དབྱིངས་ཀྱི་དབང་ཕྱུག་མ་ལ་སོགས་པའི་སྐུར་བསམས་ནས། ཕན་ཚུན་ཐབས་དང་ཤེས་རབ་དག་དང་བཅས་པའི་མངོན་པར་འདོད་པས་མངོན་དུ་ཕྱོགས་པའི་ཐལ་མོ་མཉམ་པར་བྱས་ལ། ཨ་ནྱོ་ནྱ་ཨ་ནུ་ག་ཏཱ་སརྦ་དྷརྨཱཿཞེས་བརྗོད་དོ། །དེ་ནས་སོར་མོ་དེ་རྣམས་

62-1-139a

ཤིན་ཏུ་ཡང་བཅེར་ཏེ། ལྷ་མོ་རྣམས་ཀྱི་ཐུགས་ཀར་ཞུགས་པར་གྱུར་པ་རྣམ་པར་བསམས་ལ། ཨཏྱནྟ་ཨ་ནུ་པྲ་བིཥྚ་སརྦ་དྷརྨཱཿཞེས་བརྗོད་དོ། །དེའི་འོག་ཏུ་རྡོ་རྗེ་བསྡམས་པ་བཅིངས་ལ། སངས་རྒྱས་ཐམས་ཅད་ཀྱི་ཡོན་ཏན་ཡང་དག་པར་བསྐྱེད་པ། 
བསོད་ནམས་དང་ཡེ་ཤེས་ཀྱི་ཚོགས་དཔག་ཏུ་མེད་པ་བསགས་པར་བསམས་ལ། བཛྲ་བནྡྷ་ཧཱུྃ་ཞེས་བརྗོད་པར་བྱའོ། །དེ་ནས་སྙིང་གར་བཛྲ་བནྡྷ་ཏྲཊ་ཅེས་ལན་གསུམ་བརྗོད་ལ་དགྲོལ་ལོ། །དེ་ནས་རང་གི་ལུས་ལ་དེ་བཞིན་གཤེགས་པ་ཐམས་ཅད་ཀྱི་ཕྱག་རྒྱའི་ཚོགས་ཞུགས་པར་
གྱུར་པར་བསམས་ལ། བཛྲ་ཨཱ་བེ་ཤ་ཨཿ། ཞེས་ལན་གསུམ་བརྗོད་དོ། །རྡོ་རྗེ་བསྡམས་པ་བཅིངས་ཏེ་སྲིན་ལག་དང་མཐེའུ་ཆུང་གི་རྩ་བའི་བར་དུ་མཐེ་བོ་གཉིས་བཅུག་ལ་སྙིང་གར་བསྐྱེད་པ་ནི་རྡོ་རྗེ་དབབ་པའི་ཕྱག་རྒྱའོ། །དེ་ནས་རྡོ་རྗེ་བསྡམས་པ་བཅིངས་ལ་ཕྱེ་སྟེ་ཁ་
ཐུར་དུ་བསྟན་ཏེ་ས་ལ་གཞག་ལ། ཨོཾ་བཛྲི་བྷ་བ་ཧཱུྃ་ཞེས་ཀྱང་བརྗོད་དོ། །དེ་ནས་རྡོ་རྗེ་བསྡམས་པ་ལས་བྱུང་བའི་ཡི་གེ་ཧཱུྃ་གི་ཚོགས་མེ་ལྕེ་ཤིན་ཏུ་འཕྲོ་བའི་ཚོགས་རྣམས་ཀྱིས་ས་གཞིའི་གཏན་པ་ལ་ཐུག་གི་བར་དུ་མ་ལུས་པའི་ས་ལ་སོགས་པའི་རྡུལ་ཕྲ་རབ་དེ་དག་དང་། སེམས་
ཅན་དེ་རྣམས་རྡོ་རྗེ་འབར་བའི་གཟུགས་ཅན་ལྟ་བུར་བསམ་པར་བྱའོ། །དེ་ནས་ནམ་མཁའི་ཕྱོགས་སུ་ཡི་གེ་ཧཱུྃ་རྣམ་པར་འཕྲོ་བ་དང་བཅས་པར་བསམས་ལ་དེ་ཉིད་ཡོངས་སུ་གྱུར་པ་ལས། ལྟེ་བ་ཡན་ཆད་རྡོ་རྗེ་ཧཱུྃ་མཛད་ལྟ་བུ་ལ། དེ་མན་ཆད་རྩེ་གཅིག་པ་ལྟ་བུས་
བགེགས་རྣམས་ཀུན་དུ་འབིགས་པར་བསམས་ལ་ཀུན་ནས་ཀྱང་འཇིག་པའི་དུས་ཀྱི་མེ་འབར་བ་ལྟ་བུས་ཁེབས་པར་གྱུར་པའི་གནས་ཀྱི་ས་ལ་ཞུགས་པར་གྱུར་པར་བསམས་ནས། ཨོཾ་བཛྲ་ཀཱི་ལི་ཀཱི་ལ་ཡ། སརྦ་བིགྷྣཱ་བནྡྷ་ཧཱུྃ་ཕཊ་ཅེས་ཀྱང་བརྗོད་ལ། རྡོ་རྗེ་འབར་བ་རྣམས་
ཀྱིས་གདུག་པ་རྣམས་རབ་ཏུ་ཚིག་པར་གྱུར་ཅིང་འབྱེར་བར་གྱུར་པར་བསམ་མོ། །དེའི་སྟེང་དུ་ཡི་གེ་ཨོཾ་ལས་རབ་ཏུ་གྲགས་པའི་ཉི་མ་སྟོང་བས་ལྷག་པའི་འོད་དང་ལྡན་ཞིང་། འཇིག་རྟེན་གྱི་ཁམས་དཔག་ཏུ་མེད་པ་ཁྱབ་པར་བྱེད་པའི་ཉི་མའི་དཀྱིལ་འཁོར་ཆེན་པོ་བསམ་པར་

62-1-139b

བྱའོ། །དེ་ནས་དེ་བཞིན་གཤེགས་པ་ཐམས་ཅད་ཀྱི་དཀྱིལ་འཁོར་དུ་ཞུགས་ལ། དེ་བཞིན་གཤེགས་པ་ཐམས་ཅད་ཀྱི་དམ་ཚིག་བླང་བར་བྱ་སྟེ། རང་གི་ལུས་ཡི་གེ་མཾ་དམར་པོ་ཙམ་དུ་བསམས་ལ། དེ་ཉིད་འཁོར་ལོ་རྩིབས་བཅུ་དྲུག་པར་བསམས་ཏེ། སྟེང་གི་རྩིབས་གཉིས་
ནི་མགོ་བོ། དེའི་ངོས་གཉིས་ཀྱི་རྩིབས་གཉིས་ནི་དཔུང་པ། ཡང་ངོས་གཉིས་ཀྱི་རྩིབས་གཉིས་ལྟེ་བ་དང་བཅས་པ་ནི་སྙིང་ག་དང་རྩིབ་ལོགས་གཉིས་སོ། །ཡང་ངོས་གཉིས་ཀྱི་རྩིབས་གཉིས་ནི་བརླ་དང་བྱིན་པ་གཉིས་སོ། །རྩིབས་ལྷག་མ་གཉིས་ནི་མཚན་ཏེ་རྡོ་རྗེ་ཞེས་བྱ་བ་
བསྐྱེད་པར་བྱའོ། །དེ་ལྟར་བཅོམ་ལྡན་འདས་རྡོ་རྗེ་འཁོར་ལོའི་སྐུ་མདོག་དམར་པོ་ཐུགས་ཀའི་ཟླ་བའི་དབུས་ན་གནས་པའི་འཁོར་ལོའི་ནང་དུ་ཆུད་པའི་ཆོས་ཀྱི་ཕྱག་རྒྱའི་སྙིང་པོ་ལ་སྣ་ཚོགས་རྡོ་རྗེའི་སྟེང་དུ་ཡི་གེ་མཾ་དམར་པོ་ཤིན་ཏུ་འཕྲོ་བས་ཕྱོགས་བཅུའི་འཇིག་རྟེན་གྱི་ཁམས་
ཀུན་དུ་འགེངས་ཤིང་ཕྱོགས་བཅུའི་འཇིག་རྟེན་གྱི་ཁམས་དཔག་ཏུ་མེད་པའི་དེ་བཞིན་གཤེགས་པའི་དཀྱིལ་འཁོར་གྱི་སྤྲིན་གྱི་རྒྱ་མཚོ་རྣམས་དང་། སེམས་ཅན་ཐམས་ཅད་ཀྱི་དཀྱིལ་འཁོར་དེ་རྣམས་སུ་ཞུགས་པར་གྱུར་ཅིང་དེ་བཞིན་གཤེགས་པ་ཐམས་ཅད་ཀྱིས་དབང་
བསྐུར་བས་དབང་བསྐུར་བར་གྱུར་ལ། བདག་ཉིད་ཀྱང་དེ་བཞིན་གཤེགས་པའི་དཀྱིལ་འཁོར་དེ་རྣམས་ཉིད་སླར་བྱོན་པས་དབང་བསྐུར་བར་གྱུར་ནས་རང་གི་ལུས་ལ་ཞུགས་ནས་བྱིན་གྱིས་བརླབས་པར་གྱུར་པར་བསམས་ལ། རྡོ་རྗེ་འཁོར་ལོའི་དམ་ཚིག་གི་ཕྱག་རྒྱ་བཅིང་བར་
བྱ་ཞིང་། སྔགས་ཀྱང་བརྗོད་པར་བྱ་སྟེ། ཨོཾ་བཛྲ་ཙཀྲ་ཧཱུྃ། རྡོ་རྗེ་ཁུ་ཚུར་གཉིས་བཅིངས་ལ། མཛུབ་མོ་དང་མཐེའུ་ཆུང་གཉིས་ལྕགས་སྒྲོག་བཅིང་བའི་ཚུལ་དུ་མདུད་ནས་དེའི་དབུས་སུ་མཾ་གྱིས་མཚན་པའི་འཁོར་ལོ་བསམས་ཏེ། སྙིང་གའི་ཐད་ཀར་འཁོར་ལོ་བཞིན་དུ་
ཡོངས་སུ་བསྐོར་ནས་ཁའི་སྟེང་དུ་བཞག་ལ། སྔར་གྱི་སྔགས་བརྗོད་པར་བྱ་སྟེ། དེས་ནི་དམ་ཚིག་ཉམས་པ་རྣམས་ཀྱང་དེ་བཞིན་གཤེགས་པ་ཐམས་ཅད་ཀྱི་དམ་ཚིག་ཐོབ་པར་འགྱུར་རོ། །དམ་ཚིག་ཆེན་པོ་ཉམས་པས་ནི་སྟོང་རྩ་བརྒྱད་བཟླས་པར་བྱའོ། །འབྲིང་ལ་

62-1-140a

ནི་བརྒྱ་རྩ་བརྒྱད་དོ། །ཕྲ་མོ་ལ་ནི་ཉི་ཤུ་རྩ་གཅིག་བཟླས་པར་བྱའོ། །དེ་ནས་སྦྱོར་བ་གཉིས་པོ་འདིས་སྡིག་པ་དྲལ་བར་བྱ་སྟེ། ལྟེ་བའི་ཕྱོགས་སུ་ཉི་མའི་དཀྱིལ་འཁོར་གྱི་སྟེང་དུ་ཡི་གེ་ཧཱུྃ་འོད་ཟེར་དང་བཅས་པ་བསམ་པ་དང་། སྙིང་གར་ཡི་གེ་ཀ་ཁ་
དོག་ནག་པོ་སྒྲིབ་པ་གསུམ་གྱི་བག་ཆགས་ཀྱི་ས་བོན་བསམས་ནས། ཡི་གེ་ཧཱུྃ་གི་སྒྲ་དང་གྱེན་དུ་འཕྲོ་བའི་འོད་ཟེར་རྣམས་ཀྱིས་འབྱིན་པར་གྱུར་པ་དང་། ཡི་གེ་ཧཱུྃ་ཡང་སྟེང་དུ་སོང་ནས་རང་གི་འོད་ཟེར་གྱི་ཚོགས་ཀྱིས་ཡི་གེ་ཀ་ཕྱི་རོལ་དུ་ཕྱུང་ལ། གང་གི་ཚེ་འདི་སྙིང་གའི་
ཕྱོགས་སུ་ཀུན་དུ་གནས་པ་དེའི་ཚེ་ཡི་གེ་ཀ་སྣའི་རྩེ་མོར་བྱུང་སྟེ། མི་དགེ་བ་མ་ལུས་པའི་གཟུགས་ཤ་ཟའི་ལུས་ཅན་གདོང་རྣམ་པར་འགྱུར་བ་ཤ་མེད་པ་སྐྲ་གྱེན་དུ་བརྫེས་པ། ལག་པ་གནམ་དུ་བརྐྱང་བ་གཅེར་བུ་བ་མདོག་གནག་པ་འཇིགས་པས་ཁྱབ་ཅིང་རབ་ཏུ་འདར་བའི་
གཟུགས་ཅན་བརྒྱལ་བར་གྱུར་པར་བསམ་པར་བྱའོ། །ཡི་གེ་ཧཱུཾ་ཡང་རང་གི་འོད་ཟེར་གྱི་ཚོགས་ཀྱིས་རྡོ་རྗེར་གྱུར་ནས་འབར་བ་རྣོན་པོའི་ཚོགས་དེ་ཉིད་ལས་རང་གི་གཟུགས་སུ་ཡོངས་སུ་གྱུར་ཏེ། རྡོ་རྗེ་གནོད་སྦྱིན་གྱི་གཟུགས་ཅན་ཞལ་མཆེ་བ་རྣམ་པར་གཙིགས་པ། འབར་བའི་ཚོགས་
ཀྱིས་རྣམ་པར་དཀྲིགས་པ་དེ་བཞིན་གཤེགས་པ་ཐམས་ཅད་ཀྱི་རྣམ་པར་དག་པའི་བསོད་ནམས་ཀྱི་ཚོགས་ཀྱིས་ཡོངས་སུ་འབར་བར་གྱུར་པའི་འབར་བའི་མེའི་ངོ་བོ་ཉིད་དུ་ཡོངས་སུ་བསམ་པར་བྱའོ། །དེའི་ནང་ན་ཡོད་པའི་རྡོ་རྗེའི་ལྟེ་བའི་དབུས་སུ་རྡོ་རྗེ་གནོད་སྦྱིན་དང་འདྲ་བ་
གཡོན་བརྐྱང་བའི་གནས་པས་བཞུགས་པ་དང་། སྣ་རྩེའི་གནས་སུ་གནས་པའི་རྡོ་རྗེ་ཕྲ་མོ་འབར་བར་གྱུར་ཅིང་མེ་འབར་བའི་ནང་དུ་ཆུད་པའི་ལྕགས་ཀྱི་གོང་བུ་ལྟ་བུ། བཅོམ་ལྡན་འདས་དེ་ཉིད་ཀྱི་ཆོས་ཀྱི་རྒྱུ་མཐུན་པ་ལས་བྱུང་བ། ཞལ་རྣམ་པར་གདངས་ཤིང་། སྣ་
ཁུང་དང་། མཁུར་ཚོས་རྣམ་པར་འགྱུར་བ། གཡོན་པའི་ཁྲོ་བོའི་ཁུ་ཚུར་གྱིས་སྡིགས་མཛུབ་བྱེད་ཅིང་། གཡས་པའི་དཔུང་པ་བཏེག་ནས་ཁྲོ་བོའི་ཁུ་ཚུར་གྱིས་རྡོ་རྗེ་འབར་བ་འཛིན་པ། ཁྲོ་གཉེར་བསྙེར་བའི་ཁྲོ་བོའི་ཁུ་ཚུར་གྱིས་རྣམ་པར་བརྒྱན་པ། བཛྲ་མུཿ ཞེས་བྱ་

62-1-140b

བས་ཕྱུང་ལ། ཁམས་གསུམ་འབར་བར་བྱས་པས། སྡིག་པའི་ལུས་སྐད་ཅིག་གིས་འཇིགས་ཤིང་རབ་ཏུ་འདར་བ་དང་། བྱེར་བར་གྱུར་ནས། རྒྱ་མཚོ་ཆེན་པོར་ལྷུང་བར་གྱུར་ལ་ཀུན་དུ་འབར་བའི་རྡོ་རྗེ་དེས་ངེས་པར་བསྲེགས་ནས་རྡོ་རྗེ་དེས་སླར་བླངས་ཏེ། 
རང་གི་སྙིང་གའི་རྡོ་རྗེའི་ནང་དུ་ཆུད་པར་བསམ་མོ། །དེ་ནས་དམ་ཚིག་གི་ཕྱག་རྒྱ་བཅིངས་ལ། སྔགས་བརྗོད་པར་བྱ་སྟེ། དེ་ལ་ཕྱག་རྒྱ་ནི་འདི་ཡིན་ནོ། །རྡོ་རྗེ་བསྡམས་པ་དེ་དམ་དུ་བཅིངས་ལ། མཐེའུ་ཆུང་གཉིས་རྣམ་པར་ཕྱེ་སྟེ། སོ་སོར་བཞག་ནས་མཛུབ་མོ་
གཉིས་ཀྱང་གདུ་བུ་ལྟ་བུར་བྱས་ཏེ། མཐེ་བོ་གཉིས་བསྐུམ་ནས་རང་གི་ཁ་འགྲམ་གྱི་གནས་གཉིས་སུ་ཇི་ལྟ་བ་བཞིན་དུ་བཞག་ལ། ཁ་དང་། སྣ་ཁུང་དང་། མཁུར་བ་དང་། མིག་རྣམ་པར་གདངས་ཤིང་། ཕྱག་རྒྱ་འདི་བཅིངས་ལ། ལན་གསུམ་ནས་བདུན་གྱི་
བར་དུ་སྔགས་ཧཱུྃ་བཛྲ་ཡཀྵ་ཁཱ་ད་ཡ། སརྦ་པཱ་པཾ་ནི་མེ་ཧཱུྃ་ཞེས་བརྗོད་པར་བྱའོ། །དེ་ནས་ཡི་གེ་ཧཱུྃ་བཞི་རྡོ་རྗེའི་ནང་དུ་ཆུད་པར་བསམས་ལ་ནམ་མཁའི་ཁམས་མ་ལུས་པར་ཁྱབ་པའི་དུས་མཐའི་མེ་མང་པོ་འབར་བའི་ཚོགས་རྣམས་ལས་རྡོ་རྗེ་ཧཱུྃ་མཛད་ཀྱི་གཟུགས་སུ་བདག་
ཉིད་བསམས་ལ་ཁམས་གསུམ་རྣམ་པར་རྒྱལ་བའི་ཕྱག་རྒྱའམ། རྡོ་རྗེ་ཏི་རིནྟི་རིའི་ཕྱག་རྒྱས་བྱིན་གྱིས་བརླབས་ལ། སྡིག་པ་ཐམས་ཅད་དགུག་པའི་སྔགས་དང་ཕྱག་རྒྱ་དང་བཅས་པས་ངན་འགྲོའི་འགྲོ་བར་གཏོགས་པའི་སེམས་ཅན་སྣོད་དང་བཅས་པར་བཀུག་ལ་
སྡིག་པ་དྲལ་བའི་ཕྱག་རྒྱ་སྔགས་དང་བཅས་པས་སྒྲིབ་པ་ཐམས་ཅིད་དང་བྲལ་བར་བྱ་སྟེ། ཨོཾ་སརྦ་པཱ་པཾ་ཨཱ་ཀཪྵ་ཎ་བི་ཤོ་དྷ་བཛྲ་ས་མ་ཡ་ཧཱུྃ་ཕཊ་ཅེས་བྱ་བ་ནི་སྔགས་སོ། །རྡོ་རྗེ་ཁུ་ཚུར་གཉིས་བཅིངས་ལ་མཛུབ་མོ་གཉིས་བསྒྲེངས་ཏེ་མཉམ་པོར་བྱས་ནས་འོག་ནས་འདྲེན་པའི་
ཚུལ་གྱིས་སྟེང་དུ་བཏེག་ལ། མཛུབ་མོ་དེ་གཉིས་མདུད་པའི་ཚུལ་དུ་བཅིང་བར་བྱ་སྟེ། ཕྱག་རྒྱ་འདི་སྔར་བཤད་པའི་སྔགས་དང་བཅས་པ་ནི་དགུག་པའོ། །རྡོ་རྗེ་བསྡམས་པ་བཅིངས་ལ་གུང་མོ་གཉིས་སྦྱར་ཏེ། གཡས་དང་གཡོན་གྱི་མཐེ་བོ་དང་། མཐེའུ་ཆུང་གཉིས་ཀྱི་ཐུར་དུ་

62-1-141a

བལྟས་པར་སྦྱར་བར་བྱའོ། །འདི་ཡང་སྙིང་གར་བཅིངས་ནས་གུང་མོ་སྦྱར་བ་སྔགས་ཀྱི་མཐར་དགྲོལ་བར་བྱ་སྟེ། དེ་རྣམས་ཀྱིས་སྒྲིབ་པ་རྣམས་ཟད་པར་བསམས་ལ། སེམས་ཅན་དེ་རྣམས་ཀྱང་སྒྲིབ་པ་དང་བྲལ་ནས་དེ་བཞིན་གཤེགས་པའི་ཞབས་དྲུང་དུ་སྐྱེས་པར་གྱུར་
ཅིང་སྣོད་ཀྱི་འཇིག་རྟེན་དེ་ཡང་རྒྱ་མཚོར་ལྷུང་བར་གྱུར་པར་བསམ་པར་བྱའོ། །དེ་ལ་སྔགས་ནི་འདི་ཡིན་ཏེ། ཨོཾ་བཛྲ་པཱ་ཎི་བི་སྥོ་ཊ་ཡ། སརྦ་པཱ་པ་བནྡྷ་ནཱ་ནི། པྲ་མོ་ཀྵ་ཡ། སརྦ་པ་ཡ་ག་ཏེ་བྷྱཿསརྦ་སཏྭ་ན། སརྦ་ཏ་ཐཱ་ག་ཏ་བཛྲ་ས་མ་ཡ་ཏྲཊ། དེ་ནས་ཕྱག་རྒྱ་འདི་མགོ་བོར་བཞག་ལ་སྔགས་བརྗོད་
པར་བྱ་སྟེ། ཁྱད་པར་ནི་མཾ་ཞེས་བྱ་བའོ། །འདིས་ནི་རང་གི་ལས་ཀྱི་སྒྲིབ་པ་རྣམས་ཀྱང་ངེས་པར་བཟློག་པར་འགྱུར་རོ། །དེས་ན་འདོད་པའི་རྒྱལ་པོ་སྙིང་གར་བསམས་ལ། འདོད་ཆགས་དང་བྲལ་བར་གཞིག་པར་བྱ་སྟེ། རྡོ་རྗེ་བསྡམས་པ་བཅིངས་ལ་མཐེ་བོ་དང་མཐེའུ་ཆུང་སྦྱར་ཏེ། ཁ་
གྱེན་དུ་བལྟས་པར་བྱས་ལ། ལྷག་མ་རྣམས་རྣམ་པར་ཕྱེ་སྟེ། འཁོར་ལོ་ལྟ་བུར་བྱ་བ་ནི་འཁོར་ལོ་རྩིབས་བརྒྱད་པ་ལྟ་བུའི་ཕྱག་རྒྱ་སྟེ། སྔགས་ཀྱི་མཐར་སྙིང་གར་དགྲོལ་བར་བྱའོ། །ཧཱུྃ་ཊཀྐི་སྥོ་ཊ་ཡ་མ་ཧཱ་བི་རཱ་ག་བཛྲ། བཛྲ་དྷ་ར་ས་ཏྱེ་ནཱ་ཐ། དེ་ནས་རབ་ཏུ་དགའ་བའི་རྡོ་རྗེ་བཅིངས་ལ། 
སྔགས་བརྗོད་པར་བྱ་སྟེ། ཨོཾ་མ་ཧཱ་དུཿཁ་བཛྲ་སཏྭ་སཱ་ད་ཡ། སརྦ་སཏྭེ་བྷྱོ་མ་ཧྱ་ན་ཙ་ཛཿཧཱུྃ་བཾ་ཧོཿ། རྡོ་རྗེ་བསྡམས་པ་དམ་བཅིངས་ཏེ། །གཡོན་པའི་མཐེབ་མཛུབ་མངལ་དུ་ནི། །གཡས་པ་ཡི་ནི་མཐེ་བོའི་མཚན། །བཅུག་ལ་བསྐྱེད་ཅིང་བཙིར་བར་བྱ། །དེ་ནས་རྡོ་རྗེ་ཧཱུྃ་མཛད་ཀྱི་སྦྱོར་
བ་དང་། གནས་པ་ཉིད་ཀྱི་མཛུབ་མོའི་ཚིགས་དང་པོ་ལ། ཨོཾ་ལས་ཉི་མའི་དཀྱིལ་འཁོར་བསྐྱེད་ལ། དེའི་སྟེང་དུ་ཧཱུྃ་ལས་འཇིག་རྟེན་གྱི་ཁམས་དཔག་ཏུ་མེད་པ་ཁྱབ་པར་བྱེད་པ་འོད་ཟེར་རྣོན་པོ་འབར་བའི་ཚོགས་ཀྱིས་ཀུན་ནས་དཀྲིགས་པའི་རྡོ་རྗེ་ཆེན་པོའི་གཟུགས་ཀུན་དུ་བསྐོར་བས་
མ་རུངས་པ་ཐམས་ཅད་དང་། བགེགས་ཐམས་ཅད་དེར་བྱེར་བར་གྱུར་ཏེ། ཕྱོགས་བཅུར་སོང་བར་གྱུར་པར་བསམས་ལ། དེ་ནས་རྡོ་རྗེ་ཆེན་པོ་དེ་ཉིད་ཤིན་ཏུ་འབར་བར་གྱུར་པར་བསམ་ཞིང་། དེ་ཉིད་ཀྱི་ཡན་ལག་དང་། ཉིང་ལག་རྣམས་ཀྱང་ཤིན་ཏུ་རྣོ་ཞིང་འབར་བར་གྱུར་པ་རྡོ་རྗེ་

62-1-141b

མེ་ལྟ་བུ་ཕྲ་བའི་ཚད་ཅན་གྱིས་ཕྱོགས་བཅུའི་འཇིག་རྟེན་གྱི་ཁམས་བསམ་གྱིས་མི་ཁྱབ་པར་གྱུར་ཅིང་། རྡོ་རྗེ་ཐམས་ཅད་ཀྱི་ནང་ན་ཡོད་པའི་ཡི་གེ་ཧཱུྃ་གི་སྒྲ་ལས་ཉེ་བར་གྱུར་པའི་ཅ་ཅོའི་ཚོགས་ཆེན་པོས་བར་མཚམས་མེད་པའི་རྡོ་རྗེའི་ཚོགས་ཕན་ཚུན་འདྲེས་པར་གྱུར་པ་དང་། རྡོ་རྗེ་འབར་
བའི་རླབས་ལྟ་བུས་འགྲོ་བ་ཐམས་ཅད་ཁྱབ་པར་བྱེད་པའི་རྡོ་རྗེ་ཆེན་པོའི་རྒྱ་མཚོ་བསམ་པར་བྱའོ། །དེས་ཀྱང་གདུག་པ་ཐམས་ཅད་སྔ་མ་བཞིན་དུ་འབྱེར་བར་གྱུར་ཅིང་སེམས་ཅན་གཞན་རྣམས་ཡོངས་སུ་སྦྱངས་ཏེ། ཉོན་མོངས་པ་རྣམས་ཀྱི་ལུས་ཐལ་བར་བྱས་ནས་དེ་བཞིན་
གཤེགས་པའི་བསོད་ནམས་དང་ཡེ་ཤེས་ཀྱི་ཚོགས་ཀྱི་ངོ་བོ་ཉིད་ཀྱི་སྐུ་ཐོབ་པར་བསམས་ལ། དེ་ཉིད་བསྡུས་ནས་བསྒྲུབ་པ་ལས་རང་ཇི་ཙམ་འདོད་པའི་མཐར་ཐུག་པའི་རྡོ་རྗེ་ཆེན་པོའི་དྲ་བ་བསམ་པར་བྱའོ། །དེའི་འོག་ཏུ་ཡང་རང་གི་མཛུབ་མོ་གཡོན་པའི་རྩེ་མོར་ཨ་ལས་ཟླ་བའི་
དཀྱིལ་འཁོར་དེའི་སྟེང་དུ་ཧཱུྃ་ལས་ཞི་བའི་རྡོ་རྗེ་དྲི་མ་མེད་པའི་ཡེ་ཤེས་ཀྱི་རང་བཞིན་རྣམ་པར་བསམས་ལ་སྔ་མ་བཞིན་དུ་སྤྲོས་ཏེ། རྡོ་རྗེ་ཤིན་ཏུ་ཕྲ་བ་ལས་བསྒྲུབ་པ་རྡོ་རྗེ་དྲ་བའི་ནང་དང་འདབས་འབྱོར་པར་ཞི་བའི་རྡོ་རྗེའི་དྲ་བ་བསམ་པར་བྱའོ། །དེ་ཉིད་ཀྱི་སྟེང་དུ་བཾ་འོད་ཟེར་དང་
བཅས་པའི་གཟུགས་ཅན་རྣམ་པར་བསམས་ལ། ཨོཾ་བཛྲ་མུཥྚི་བཾ་ཞེས་བརྗོད་དེ་རྒྱ་མཚོར་བྱིན་གྱིས་བརླབ་པར་བྱའོ། །དེ་ནས་བཛྲ་དྲྀ་ཌྷ་ཏིཥྛ་ཞེས་བྱ་བ་འདིས་བརྟན་པར་བྱ་སྟེ། སྲུང་བ་ཆེན་པོ་འདི་ནི་རྟག་ཏུ་བྱས་ན་གལ་ཏེ་སངས་རྒྱས་ཐམས་ཅད་བདུད་ཉིད་དུ་མཛད་
ཀྱང་གཞིག་པར་མི་སྤྱོད་ན་གདུག་པ་གཞན་རྣམས་ཀྱིས་ལྟ་སྨོས་ཀྱང་ཅི་དགོས། དེ་ནས་རྣམ་པར་སྣང་མཛད་འདི་ནི་ང་ལ་དད་པས་སེམས་ཅན་ཐམས་ཅད་ཀྱི་དོན་དུ་བསྒོམ་པ་དང་བཟླས་པ་ལ་རབ་ཏུ་འཇུག་པ་ཡིན་ནོ་ཞེས་ཤིན་ཏུ་དགྱེས་པར་གྱུར་ནས་རང་བྱིན་གྱིས་
བརླབ་པའི་ཕྱིར་མདུན་དུ་བྱོན་པར་བསམས་ལ། རྡོ་རྗེ་ཕྲ་མོར་གྱུར་ཏེ་རང་གི་ལུས་ལ་ཞུགས་ནས་རིམ་པ་ཇི་ལྟ་བ་བཞིན་དུ་དབང་དུ་བྱས་ཤིང་ཞུགས་པར་གྱུར་པས་སྡིག་པ་ཐམས་ཅད་འཇོམས་ཤིང་བདག་ཉིད་བསྲུང་བར་གྱུར་པར་སྔགས་དང་ཕྱག་རྒྱའི་སྦྱོར་བ་འདིས་

62-1-142a

བསམ་པར་བྱ་སྟེ། རྡོ་རྗེ་ཐལ་མོ་སྦྱར་ལ། རང་གི་ཡི་གེ་ངོ་བོ་ཉིད་རང་གི་ས་བོན་ལག་པ་གཉིས་ཀྱི་མཐིལ་དུ་ཧཱུྃ་ཧོཿཧྲཱིཿཞེས་བྱ་བ་དམར་པོ་དང་། རང་གི་ས་བོན་དམར་པོ་ཉིད་དང་། རང་གི་ལུས་དམར་པོའི་སེ་གོལ་གཏོགས་པ་ལས་བྱུང་བའི་ཚོགས་
དམར་པོ་རྣམས་ཀྱིས། ཨོཾ་བཛྲ་དྷཱ་ཏུ་ཛཿཧཱུྃ་བཾ་ཧོཿ། བ་ཤཾ་ཀུ་རུ་མ་མེ་ཡ་ཨཱཿཞེས་བརྗོད་ལ། རྡོ་རྗེ་ཐལ་མོ་ཡང་དལ་བུས་བརྡབས་ནས་བསམ་མོ། །དེ་ནས་རྡོ་རྗེ་བསྡམས་པ་བྱས་ལ། དེའི་ལག་མཐིལ་གཉིས་སུ་ཧོ་ཨ་ཧོ་ཞེས་བྱ་བ་རྣམ་པར་བཀོད་དེ། ཐལ་མོ་དལ་བུས་
བརྡབས་ལ། དེའི་འོད་ཀྱི་ཚོགས་ཀྱིས་ལུས་ཐམས་ཅད་ཁྱབ་པར་གྱུར་ཅིང་བརྒྱལ་ཞིང་མྱོས་པར་གྱུར་ལ། ལུས་ཐམས་ཅད་ཀྱི་གཤིས་ཀྱི་མཚན་ཞིག་ནས་རིམ་གྱིས་བྱུང་བར་གྱུར་ཅིང་ཡེ་ཤེས་ཕུལ་དུ་བྱུང་བས་འགྲོ་བ་མ་ལུས་པའི་ངོ་བོ་ཉིད་མངོན་སུམ་དུ་གྱུར་ནས་
ཡོངས་སུ་དག་པའི་རྣམ་པར་སྣང་མཛད་ཆེན་པོའི་སྐུ་ཡོངས་སུ་རྫོགས་པའི་ཡེ་ཤེས་བབས་པར་གྱུར་པར་རིམ་གྱིས་བསམས་ཏེ། ཨོཾ་བཛྲ་དྷཱ་ཏུ་ཛཿཧཱུྃ་བཾ་ཧོཿ ཨ་བཛྲ་ཨཱ་བེ་ཤ་ཨཿ། ཞེས་ཀྱང་བརྗོད་ཅིང་བསྒོམ་པར་བྱའོ། །དེ་ནས་རྡོ་རྗེ་བསྡམས་པ་ཉིད་ལས་མཛུབ་མོ་གཉིས་
བསྒྲེངས་ཏེ། ལག་མཐིལ་གཉིས་ཀྱང་བརྡབ་པ་བྱས་ནས་ཧཱུྃ་ཕཊ་ཅེས་བྱ་བ་རྣམ་པར་བཀོད་ལ་སྒྲིབ་པ་ལྷག་མ་རྣམས་ཟད་པར་གྱུར་པར་བསྒོམ་ཞིང་། ཨོཾ་བཛྲ་དྷཱ་ཏུ་ཛཿཧཱུྃ་བཾ་ཧོཿཕཊ་བཛྲ་ཧ་ན་ཧཱུྃ་ཕཊ་ཨ་ཞེས་ཀྱང་བརྗོད་ལ་བསྒོམ་པར་བྱའོ། །དེ་ནས་རྡོ་རྗེ་བསྡམས་པ་བཀྲོལ་ལ། རཀྵ་
ཧཾ་རཀྵ་ཞེས་བྱ་བ་རྣམ་པར་བཀོད་པས་ཡོངས་སུ་དག་པའི་ལུས་དེ་ཉིད་བསྲུངས་པར་གྱུར་པར་བསམས་ལ། ཨོཾ་བཛྲ་དྷཱ་ཏུ་ཛཿཧཱུྃ་བཾ་ཧོཿརཀྵ་ཧཾ་རཀྵ་ཨ་ཞེས་བརྗོད་དོ། །དེ་ནས་འདི་ནི་བདག་དང་མཉམ་པའོ་ཞེས་དེ་ཉིད་དུ་བྱིན་གྱིས་བརླབ་པར་མཛད་པར་བསམ་པར་བྱའོ། །དེ་ནས་
བྱིན་གྱིས་བརླབས་པ་དེའི་མཐུས་དེ་བཞིན་གཤེགས་པའི་འོད་ཟེར་དཔག་ཏུ་མེད་པའི་དབང་བསྐུར་བས་བདག་ཉིད་དབང་བསྐུར་བར་ཤེས་ནས་སེམས་ཅན་ཐམས་ཅད་མགྲོན་དུ་བོས་ཏེ་སངས་རྒྱས་ཀྱི་ཡེ་ཤེས་མངོན་དུ་ཕྱོགས་པར་བྱེད་པས་རྡོ་རྗེའི་དབང་པོའི་གནས་སུ་

62-1-142b

འགྲོའོ། །དེ་ཡང་རྡོ་རྗེ་དབྱིངས་ཀྱི་དཀྱིལ་འཁོར་ཆེན་པོ་མཐོང་ནས་སྦྱོར་བ་འདིས་ཕྱག་རྣམ་པ་བཞི་བྱ་སྟེ། རང་གི་སྙིང་ག་དང་། དཔྲལ་བ་དང་། ལྕེ་དང་སྤྱི་གཙུག་ཏུ་ཡི་གེ་ཨ་ལས་ཟླ་བའི་དཀྱིལ་འཁོར་བསྐྱེད་དེ། དེ་རྣམས་ལ་ཡང་རྡོ་རྗེ་དང་། རིན་པོ་ཆེ་དང་། པདྨ་དང་སྣ་
ཚོགས་རྡོ་རྗེ་ཧཱུཾ་ཏྲཱཾ་ཧྲཱིཿཨ་ཞེས་བྱ་བ་ལས་བསྐྱེད་ལ། ཤར་ཕྱོགས་སུ་ལུས་ཐམས་ཅད་ཕབ་སྟེ། རྡོ་རྗེ་ཐལ་མོ་སྦྱར་ན་སྙིང་གར་གནས་པའི་རྡོ་རྗེས་ཕྱག་བྱ་སྟེ། ཨོཾ་སརྦ་ཏ་ཐཱ་ག་ཏ་པཱུ་ཛོ་པསྠཱ་ནཱ་ཡ། ཨཱཏྨ་ནཱཾ་ནིརྱཱ་ཏ་ཡཱ་མི། སརྦ་ཏ་ཐཱ་ག་ཏ་བཛྲ་སཏྭ་ཨ་དྷི་ཏིཥྛ་སྭ་མཱཾ། དེ་ནས་མི་བསྐྱོད་
པ་ལ་རྗེས་སུ་གནང་བ་ཐོབ་ནས་རང་གི་རིགས་ལུས་ལ་བཅུག་སྟེ། བདག་ཉིད་ཀྱང་མི་བསྐྱོད་པའི་སྐུ་ལ་ཞུགས་ནས་དེ་ཡང་བླངས་ཏེ་རང་གི་སྙིང་གའི་རྡོ་རྗེ་ལ་ཞུགས་ཤིང་ཡི་གེ་ཧཱུྃ་དེ་ཉིད་ལ་ཐིམ་པར་གྱུར་པར་བསམ་མོ། །རྡོ་རྗེ་སེམས་དཔའ་སྤྲོས་པས་ཀྱང་བྱིན་གྱིས་བརླབས་
པའི་འབྲས་བུར་གྱུར་པས་སེམས་ཅན་ཐམས་ཅད་རྡོ་རྗེ་སེམས་དཔའི་སྐུ་ཐོབ་པར་བསམས་ལ། བསྡུ་བ་དང་། གནས་པ་དང་། བརྟན་པར་གྱུར་ཅིང་སྔར་སྤྲོས་པས་རྡོ་རྗེ་སེམས་དཔའི་སྐུར་བསྐྱེད་པར་བྱའོ། །དེ་ནས་ལྷོ་ཕྱོགས་སུ་སོང་ནས་རྡོ་རྗེ་ཐལ་མོ་སྙིང་གར་སྦྱར་
ལ། དཔྲལ་བར་གནས་པའི་རིན་པོ་ཆེས་ཕྱག་བྱ་སྟེ། ཨོཾ་སརྦ་ཏ་ཐཱ་ག་ཏ་པཱུ་ཛ་ཨ་བྷི་ཥེ་ཀཱ་ཡ། ཨཱཏྨ་ནཱཾ་ནིརྱཱ་ཏ་ཡཱ་མི། སརྦ་ཏ་ཐཱ་ག་ཏ་བཛྲ་རཏྣ་ཨ་བྷི་ཥིཉྩ་མཱཾ། དེ་བཞིན་དུ་གནང་བ་སྔོན་དུ་འགྲོ་བས་རིན་པོ་ཆེའི་རིགས་ཐམས་ཅད་དཔྲལ་བར་གནས་པའི་རིན་པོ་ཆེ་ལ་ཞུགས་ཤིང་། ཡི་
གེ་ཏྲཱཾ་སྤྲོས་པས་ཀྱང་སྔར་རྡོ་རྗེ་སེམས་དཔའི་སྐུ་བསྐྱེད་པ་རྣམས་ལ་དེ་བཞིན་གཤེགས་པ་ཐམས་ཅད་ཀྱི་རིན་པོ་ཆེའི་དབང་བསྐུར་བས། བསྡུ་བ་དང་། གནས་པ་དང་། བརྟན་པར་གྱུར་པར་བྱའོ། །དེ་ནས་ནུབ་ཕྱོགས་སུ་སོང་སྟེ། རྡོ་རྗེ་ཐལ་མོ་སྤྱི་བོར་སྦྱར་ལ་སྙིང་གར་
གནས་པའི་པདྨས་ཆོས་ཀྱི་རིགས་ལ་ཕྱག་བྱ་སྟེ། ཨོཾ་སརྦ་ཏ་ཐཱ་ག་ཏ་པཱུ་ཛ་པྲ་བརྟ་ནཱ་ཡ། ཨཱཏྨ་ནཱཾ་ནིརྱཱ་ཏ་ཡཱ་མི། སརྦ་ཏ་ཐཱ་ག་ཏཱ་བཛྲ་དྷརྨ་པྲ་བརྟ་ཡ་མཱཾ། དེ་བཞིན་དུ་གནང་བ་སྔོན་དུ་འགྲོ་བས་ཆོས་ཀྱི་རིགས་ཐམས་ཅད་ལ་ཞུགས་ཤིང་སྤྲོས་པས་སྔར་རྡོ་རྗེ་སེམས་དཔའི་

62-1-143a

སྐུ་བྱུང་བ་རྣམས་ལ་དབང་བསྐུར་ནས། འདི་སྤྲོས་པས་ཀྱང་རང་བཞིན་གྱིས་རྣམ་པར་དག་པའི་ཆོས་ཀྱི་འཁོར་ལོ་རབ་ཏུ་བསྐོར་བའི་ངོ་བོ་ཉིད་དུ་བྱས་ལ་རང་གི་ཁ་ལ་གནས་པའི་ཡི་གེ་ཧྲཱིཿལ་བསྡུ་བ་དང་། གནས་པ་དང་། བརྟན་པར་གྱུར་པར་བྱའོ། །དེ་ནས་
བྱང་ཕྱོགས་སུ་སོང་སྟེ། ཐལ་མོ་སྙིང་གར་སྦྱར་ལ་སྤྱི་གཙུག་ན་གནས་པའི་སྣ་ཚོགས་རྡོ་རྗེས་ཕྱག་བྱ་སྟེ། ཨོཾ་སརྦ་ཏ་ཐཱ་ག་ཏ་པཱུ་ཛ་ཀརྨ་ཎེ་ཨཱཏྨ་ནཱ་ནིརྱཱ་ཏ་ཡཱ་མི། སརྦ་ཏ་ཐཱ་ག་ཏ་བཛྲ་ཀརྨ་ཀུ་རུ་མཱཾ། དེ་བཞིན་དུ་རིགས་ཐམས་ཅད་ལ་ཞུགས་པ་དང་། སྤྲོས་པས་ཀྱང་རྡོ་རྗེ་
སེམས་དཔའི་སྐུ་ཐོབ་ཅིང་དབང་བསྐུར་བ་དང་། ཆོས་ཀྱི་འཁོར་ལོ་རབ་ཏུ་བསྐོར་བའི་རང་བཞིན་ཅན་རྣམས་ལ་ཕྱི་དང་གསང་བའི་མཆོད་པ་སྤྲོ་ཞིང་སྤྱི་གཙུག་ན་གནས་པའི་སྣ་ཚོགས་རྡོ་རྗེ་ལ་བསྡུ་བ་དང་གནས་པ་དང་། བརྟན་པར་གྱུར་པར་བྱའོ། །དེ་ལྟར་རིགས་བཞིའི་
ངོ་བོ་ཉིད་དུ་གྱུར་ནས་རྣམ་པར་སྣང་མཛད་ཀྱི་ཐུགས་ཀར་དཔལ་བེའུ་ལྟ་བུར་ཞུགས་ཏེ། རྡོ་རྗེ་ཕྲ་མོའི་གཟུགས་ཀྱིས་དེ་ཉིད་སྐུ་དང་། གསུང་དང་ཐུགས་རྡོ་རྗེ་དང་དབྱེར་མེད་པར་གྱུར་ཏེ། སེང་གེའི་གདན་གྱི་སྟེང་དུ་འདུག་པར་བྱའོ། །དེ་ནས་ཡིད་དུ་འོང་བའི་ཕན་ཡོན་ལ་སོགས་
པའི་སྒོ་ནས་བྱམས་པ་ལ་སོགས་པའི་ཚངས་པའི་གནས་པ་བཞི་མངོན་དུ་བྱ་སྟེ། ཨོཾ་སརྦ་ཏ་ཐཱ་ག་ཏ། ཤན་སི་ཏཱ་སརྦ་སིདྡྷ་ཡ། སཾ་པད་དྱན་ཏ་མ། སརྦ་ཏ་ཐཱ་ག་ཏ་ཨ་དྷི་ཏིཥྛ་ན་ཏ། ཞེས་བྱ་བ་འདི་ནི་བདེ་བ་བསྐྱེད་པའི་མཚན་ཉིད་ཅན་བྱམས་པ་བསྟན་པ་ཡིན་ནོ། །སྭ་བྷཱ་ཝ་ཤུདྡྷཿ
སརྦ་དྷརྨཱཿསྭ་བྷཱ་བ་ཤུདྡྷོ྅ཧཾ་ཞེས་བྱ་བ་འདིས་ཀྱང་སྟོང་པ་ཉིད་ཀྱི་ངོ་བོ་ཉིད་ལ་དམིགས་པ་ལས་བྱུང་བའི་མགུ་བ་སྟེ། དགའ་བ་སྟོན་པ་ཡིན་ནོ། །ངོ་བོ་ཉིད་དག་པར་སེམས་ཅན་རྣམས་ཀྱིས་མི་ཤེས་པ་ལ་དེ་མ་ཤེས་པས་མི་འདོད་པའི་སྡུག་བསྔལ་ངེས་པར་ཞུགས་པར་གྱུར་པ་དེ་དང་
བྲལ་བར་འདོད་པ་ནི་སྙིང་རྗེ་སྟེ། འདི་ནི་སྙིང་རྗེའི་སེམས་སྐྱེ་བར་སྟོན་ཏོ། །དེ་ནས་དེ་བསྒྲལ་བར་བྱའོ་ཞེས་པ་འདིས་ཀྱང་ཁྱད་པར་ཅན་གྱི་དུས་ལ་སྡོད་པས་གནས་ཤིང་ནུས་པ་ཐོབ་ཅིང་བར་དུ་བཏང་སྙོམས་སུ་བྱེད་པ་སྟོན་ཏོ། །དེ་ནས་སངས་རྒྱས་ཀྱི་ཡེ་ཤེས་མངོན་སུམ་དུ་བྱེད་པས་དེ་བཞིན་

62-1-143b

གཤེགས་པའི་ཡེ་ཤེས་ཀྱིས་བྱིན་གྱིས་བརླབས་པའི་འཇིག་རྟེན་པའི་བསམ་གཏན་རྣམས་མངོན་སུམ་དུ་བྱས་ཏེ་རྣམ་པར་སྣང་མཛད་ཀྱི་བྱང་ཆུབ་ཆེན་པོའི་ཡེ་ཤེས་མཆོག་རིམ་པ་འདིས་མངོན་སུམ་དུ་བྱའོ། །དེ་ལ་དང་པོ་ཁོ་ནར་ཕྱོགས་བཅུའི་འཇིག་རྟེན་གྱི་ཁམས་མཐའ་ཡས་པ་རྣམས་སུ་རིན་
ཆེན་སེམས་མས་བསྐྱེད་པའི་ཟད་པར་ས་བསྒོམ་པར་བྱའོ། །དེ་ནས་སའི་རྡུལ་དེ་ཉིད་མེའི་ཕྲ་རབ་ཀྱིས་བཤིགས་ནས་རྡོ་རྗེ་སེམས་མས་རབ་ཏུ་བསྒྲུབས་པའི་ཟད་པར་མེ་བསྒོམ་པར་བྱའོ། །མེའི་ཕྲ་རབ་དེ་ཉིད་ཆུའི་རྡུལ་ཕྲ་རབ་ཀྱིས་ཁྱེར་ནས་ཆོས་ཀྱི་སེམས་མས་བསྒྲུབས་པའི་ཟད་
པར་ཆུ་བསྒོམ་པར་བྱའོ། །ཆུའི་རྡུལ་ཕྲ་རབ་དེ་ཉིད་ཀྱང་རླུང་གི་རྡུལ་ཕྲ་རབ་རྣམས་ཀྱིས་རབ་ཏུ་བསྐམས་ཏེ། ལས་ཀྱི་སེམས་མས་རབ་ཏུ་བསྒྲུབས་པའི་ཟད་པར་རླུང་དུ་བསྒོམ་པར་བྱའོ། །རླུང་གི་རྡུལ་ཕྲ་རབ་དེ་ཉིད་ནམ་མཁའི་ཕྲ་རབ་རྣམས་ཀྱི་ནང་དུ་ཐིམ་ནས་འགྲོ་བ་ཐམས་ཅད་
ནམ་མཁའ་ཙམ་དུ་རྣམ་པར་བསྒོམས་ལ་ཟད་པར་ནམ་མཁའ་ལ་འཇུག་པ་དེ་ཉིད་ནི་རྣམ་པར་སྣང་མཛད་ཀྱིས་བྱིན་གྱིས་བརླབ་པའི་ངོ་བོའོ། །ནམ་མཁའ་དེ་ཉིད་ཀྱི་ཕྲ་རབ་རྣམ་པར་ཤེས་པའི་ཕྲ་རབ་ཏུ་མི་སྣང་བར་བྱས་ཤིང་མི་བསྐྱོད་པར་བྱིན་གྱིས་བརླབས་པའི་རྣམ་ཤེས་མཐའ་
ཡས་སྐྱེ་མཆེད་བསྒོམ་པར་བྱའོ། །རྣམ་པར་ཤེས་པ་ཉིད་ཀྱང་རྣམ་པར་མི་རྟོག་པའི་ཡེ་ཤེས་ཀྱིས་མི་སྣང་བར་བྱས་ནས། འོད་དཔག་ཏུ་མེད་པ་དང་། རིན་ཆེན་འབྱུང་ལྡན་གྱིས་བྱིན་གྱིས་བརླབས་པར་རབ་ཏུ་བསྒྲུབས་པའི་ཅི་ཡང་མེད་པའི་སྐྱེ་མཆེད་རྣམ་པར་བསྒོམ་
པར་བྱའོ། །ཐམས་ཅད་ཁྱབ་པའི་ཕྱིར་མཉམ་པ་ཉིད་ཀྱི་ཡེ་ཤེས་དེ་ཡང་དོན་ཡོད་པར་གྲུབ་པའི་ངོ་བོ་ཉིད་བསྐྱེད་པ་ཡིན་ནོ། །དེ་ནས་བག་ཆགས་ལ་གོམས་པའི་དབང་གིས་འདུ་ཤེས་ཆུང་ངུ་ཐོབ་ཅིང་སླར་ཡང་དེ་ཁོ་ན་ཉིད་ལ་བཅུག་ནས་སྟོང་པ་ཉིད་ཆེན་པོ་རྣམ་པར་བསྒོམ་མོ། །དེ་
རྣམ་པར་བསྒོམ་པ་ལ་ནི། བསོད་ནམས་ཀྱི་ཚོགས་ཤིན་ཏུ་ཡང་མེད་པས་ཉན་ཐོས་ཀྱི་ཡུལ་ལ་འཇུག་པའམ། ཅི་ཡང་མེད་པར་རྟོག་པའམ། མི་གཡོ་བའི་ཏིང་ངེ་འཛིན་ཐོབ་ནས་དེ་ཡང་འཁོར་བའི་བདེ་བའི་ཆ་ཙམ་ཡང་མེད་པར་ཐལ་བར་འགྱུར་བ་སྟེ། གཉི་ག་ཡང་མཛེས་

62-1-144a

པ་མ་ཡིན་པར་འགྲོ་བའི་དོན་དུ་བདག་ཉིད་བྱང་ཆུབ་ཀྱི་སྙིང་པོ་ལ་འདུག་སྟེ། དེར་དེ་བཞིན་གཤེགས་པ་ཐམས་ཅད་ཉེ་བར་ལྷགས་ནས་ལོངས་སྤྱོད་རྫོགས་པའི་སྐུ་བསྟན་ཏེ། སེ་གོལ་གཏོགས་པས་སློང་བར་མཛད་པར་བསམས་ཏེ། རིགས་ཀྱི་བུ་ཇི་ལྟར་ན་
ཁྱེད་དེ་བཞིན་གཤེགས་པ་ཐམས་ཅད་ཀྱི་དེ་ཁོ་ན་ཉིད་མངོན་པར་མ་རྟོགས་པར་ཤིན་ཏུ་དཀའ་བ་ལ་སྤྱོད་པས། བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་མངོན་པར་རྫོགས་པར་འཚང་རྒྱ་བར་འགྱུར་ཞེས་བྱ་བའི་ཚིག་འདི་གསུངས་པར་གྱུར་པར་བསམ་མོ། །དེ་ནས་
སེམས་ཅན་ཐམས་ཅད་དེ་བཞིན་གཤེགས་པ་ཐམས་ཅད་ཀྱིས་ཡོངས་སུ་གང་བར་བསམས་ལ། དེའི་གྲངས་དང་མཉམ་པའི་ལུས་སྤྲོས་ལ་མཆོག་ཏུ་གུས་པས་རང་ཉིད་ཀྱིས་ཕྱག་རྒྱ་བཞིས་དེ་བཞིན་གཤེགས་པའི་ཕྱག་རྒྱ་བཞིའི་ཕྱག་བྱས་ཏེ། ཨོཾ་སརྦ་ཏ་ཐཱ་ག་ཏ་
ཀཱ་ཡ་ཝཱཀ་ཙིཏྟ། བཛྲ་བནྡ་ནཱཾ་ཀ་རོ་མི་ཞེས་བརྗོད་པར་བྱའོ། །དེ་ནས་འདུག་ལ་གསོལ་བ་གདབ་པར་བྱ་སྟེ། བཅོམ་ལྡན་འདས་དེ་བཞིན་གཤེགས་པ་ཐམས་ཅད་ཀྱི་དེ་ཁོ་ན་ཉིད་མ་འཚལ་ན། བཅོམ་ལྡན་འདས་དེ་ཁོ་ན་ཉིད་དེ་དཀའ་སྩལ་དུ་གསོལ། གང་གིས་རྣམ་པར་
སྣང་མཛད་ཆེན་པོའི་ཡེ་ཤེས་ཀུན་དུ་བསྒྲུབས་ནས་སེམས་ཅན་ཐམས་ཅད་སངས་རྒྱས་ཀྱི་ཡེ་ཤེས་བསྐྱེད་པར་བྱའོ་ཞེས་བརྗོད་པར་བྱའོ། །དེ་ནས་དེ་བཞིན་གཤེགས་པ་ཐམས་ཅད་ཀྱི་གསུང་སྔོན་དུ་འགྲོ་བ་འདི་ནས་བཟུང་སྟེ། མངོན་པར་བྱང་ཆུབ་པ་རྣམ་པ་ལྔ་རིམ་པ་
འདིས་ཡང་དག་པར་བསྐྱེད་པར་བྱའོ། །དང་པོ་ཁོ་ནར་རང་གི་ལུས་དང་། འཁོར་བར་འཇུག་པའི་དངོས་པོ་རྣམས་ཡི་གེ་ཤཾ་གིས་སྟོང་པར་བྱས་ལ་ཡང་དག་པའི་མཐའི་ཏིང་ངེ་འཛིན་ལ་དུས་ཅུང་ཟད་ཅིག་འཇུག་པར་བྱའོ། །དེ་ནས་རང་ཡེ་ཤེས་ཙམ་ལ་ཉི་མའི་དཀྱིལ་
འཁོར་རྣམ་པར་དག་པ་ལྟ་བུའི་ཐིག་ལེ་ཙམ་དཔག་ཏུ་མེད་པའི་སྙིང་རྗེའི་སྣང་བའི་རྒྱུད་ཡོངས་སུ་འགྱུར་བཞིན་པ་ལས་ཡི་གེ་ཨའི་ངོ་བོ་ཉིད་དུ་བསམས་ལ་ས་བོན་གྱི་ཡི་གེ་དེ་ཉིད་དེ་བཞིན་གཤེགས་པ་ཐམས་ཅད་ཀྱི་ཡོན་ཏན་གྱི་རང་བཞིན་གྱིས་བྱིན་གྱིས་བརླབས་པའི་

62-1-144b

མཐུས། དེ་ཉིད་བྱང་ཆུབ་ཀྱི་སེམས་རྡོ་རྗེ་དང་། ལྷའི་སྐུ་དང་རིགས་རྣམས་དང་། དཀྱིལ་འཁོར་དང་། འགྲོ་བ་དང་། སེམས་ཅན་དང་། དུས་གསུམ་དང་། སྲིད་པ་གསུམ་དང་མཆོག་གསུམ་དང་། འཇིག་རྟེན་གསུམ་གྱི་མཆོག་དང་། ཁམས་གསུམ་དང་། འཁོར་བ་
དང་། མྱ་ངན་ལས་འདས་པ་ཉིད་དང་། འདོད་ཆགས་དང་ཐར་པ་ཡང་དེ་ཉིད་དོ། །དེ་ཉིད་ཡོངས་སུ་གྱུར་པ་ལས་སེམས་སོ་སོར་རྟོག་པའི་རྣམ་པར་བསྒོམ་པར་བྱ་སྟེ། ཉི་མའི་ཆ་གྱེན་ཁར་གནས་པ། རྣོ་བ་ཡེ་ཤེས་ཀྱི་ངོ་བོ་ཉིད། རྣམ་པར་དག་པའི་ཡེ་ཤེས་ཀྱི་རང་བཞིན་
ཐིག་ལེ་དེའི་གདན་དུ་གྱུར་པ། ཉི་མ་སྟོང་པས་ལྷག་པའི་འོད་ཀྱིས་སྣང་བའི་ལུས་ཅན་ཏེ་དེས་གཉི་ག་ཡང་པདྨའི་སྡོང་བུའི་སྣལ་མ་བཀས་པ་ཙམ་གྱི་རི་མོ་དཀར་པོས་གྱེན་དུ་ཕུག་པའི་གནས་སྐབས་ནི་སྐྱེ་བ་མེད་པ་ཉིད་དུ་སྟོན་པའི་གནས་སྐབས་ཏེ་མཐའ་མེད་པ་
ཉིད་དུ་བལྟའོ། །ཐབས་དང་ཤེས་རབ་དེ་གཉིས་ནི་མ་སྐྱེས་པ་ཉིད་དུ་སྟོན་ཅིང་གནས་པར་བཤད་ལ། ཡེ་ཤེས་ཀྱི་མཚན་ཉིད་ཅན་གྱི་དབུས་ཀྱི་ཕྲ་བའི་སྐུ་ནི་ཡེ་ཤེས་ཙམ་གྱི་ངོ་བོ་ཉིད་དེ། ཉོན་མོངས་པ་དང་། ཉེ་བའི་ཉོན་མོངས་པ་དང་། ཤེས་བྱའི་སྒྲིབ་པ་ལ་སོགས་པ་
བག་ཆགས་ཐམས་ཅད་དང་བྲལ་བས་བདེ་བར་གནས་པ། མྱ་ངན་ལས་འདས་པའི་མཆོག་གི་བདེ་བ་ཆེན་པོའི་རང་བཞིན་རྣམ་པར་སྣང་མཛད་ཆེན་པོའོ། །ཐིག་ལེ་ཡང་དེ་ཉིད་ཀྱི་འོད་ཀྱི་དཀྱིལ་འཁོར་རོ། །རི་མོ་དེ་ཉིད་ཀྱིས་ཚངས་པའི་རི་མོ་བཞིན་དུ་སྐུའི་དབུས་ཕུག་ཅིང་རྡོ་རྗེའི་
སྐྱིལ་མོ་ཀྲུང་གིས་བཞུགས་པར་མཉམ་པར་འཇོག་པར་བསྒོམ་པར་བྱའོ། །འདི་ནི་སེམས་སོ་སོར་རྟོག་པ་སྐུ་གསུམ་གྱི་ངོ་བོ་ཉིད་དང་། དེ་ཁོ་ན་ཉིད་གསང་ཞིང་སྦ་བའི་རང་བཞིན་ཏེ། རང་སེམས་དེ་བཞིན་གཤེགས་པའི་རིགས་སུ་བསྐྱེད་པ་ལ་སོ་སོར་རྟོག་པ་ནི་རབ་ཏུ་ཆུད་
ཅིང་འཇུག་པའོ། །སེམས་ཅན་ཐམས་ཅད་ཀྱི་སྲིད་པ་བར་མར་སྐྱེ་བ་བཞིན་ཏེ། དོན་འདི་ཉིད་སྔགས་ཀྱིས་གསུངས་པ་ཡིན་པས་དེ་ཉིད་ཀྱིས་འདིར་བྱིན་གྱིས་བརླབ་པར་བྱ་སྟེ། ཨོཾ་ཙིཏྟ་པྲ་ཏི་བྱ་དྷཾ་ཀ་རོ་མི་ཞེས་བརྗོད་པར་བྱའོ། །དེ་ནས་དེ་བཞིན་གཤེགས་པའི་གསུང་སྔོན་དུ་
62-1-145a

འགྲོ་བར་བྱང་ཆུབ་ཀྱི་སེམས་སྟོང་པ་ཉིད་བཅུ་དྲུག་གི་ངོ་བོ་ཉིད་དང་། དེས་བྱིན་གྱིས་བརླབས་པའི་རྡོ་རྗེ་སེམས་དཔའ་ལ་སོགས་པའི་ངོ་བོ་ཉིད་བསྒོམ་པར་བྱའོ། །དེ་ལ་མན་ངག་ནི་འདི་ཡིན་ཏེ། ཨ་ཨཱ། ཨི་ཨཱི། ཨུ་ཨཱུ། རྀ་རཱྀ། ལྀ་ལཱྀ། ཨཱེ་ཨཻ། ཨོཾ་ཨཽ། ཨཾ་
ཨཿཞེས་བྱ་བའི་ཡི་གེ་བཅུ་དྲུག་པོའི་ས་བོན་གྱི་ཡི་གེ་རྣམས་ཀྱིས་སེམས་སོ་སོར་རྟོག་པ་ཡོངས་སུ་བསྐོར་ལ་ཤར་ལ་སོགས་པ་ཕྱོགས་བརྒྱད་ཀྱི་ཕྱོགས་རེ་རེ་ཞིང་ཡི་གེ་གཉིས་གཉིས་ཀྱི་ཕྲེང་བ་ཀུན་ནས་ཟླུམ་པའི་ཚུལ་གྱིས་བཞག་ནས་དེ་ནས་དེ་ཉིད་ཡོངས་སུ་གྱུར་པ་ལས་ཉི་མའི་ཆ་ལྟ་
བུ་སྔ་མ་བཞིན་དུ་ཡེ་ཤེས་ཀྱི་ཐིག་ལེའི་གཟུགས་ཅན་ཤེས་རབ་དང་། སྙིང་རྗེའི་རྒྱུ་མཐུན་པ་ལས་བྱུང་བ་ལ་སྔ་མ་བཞིན་དུ་དེའི་ནང་དུ་ཆུད་པའི་རྡོ་རྗེ་སེམས་དཔའ་ལ་སོགས་པའི་གཟུགས་སུ་བྱུང་བར་གྱུར་པར་བསམས་ལ། སེམས་སོ་སོར་རྟོག་པའི་རྣམ་པར་སྣང་མཛད་ཀྱི་
ཐུགས་ཀའི་ནང་ན་ཡོད་པའི་རི་མོའི་རྒྱབ་ཀྱི་ཆ་ལ་རྒྱབ་དང་ཉེ་བར་ཡི་གེ་ཨ་གནས་པར་བསམས་ལ། དེ་ཉིད་ཀྱི་ཐད་ཀར་ཉི་མའི་ཆ་ལྟ་བུར་ཡོངས་སུ་གྱུར་པར་རྣམ་པར་བསམས་ཏེ། དེའི་འོད་ཀྱིས་རེག་པ་ཉིད་ཀྱིས་བདག་ཉིད་ཀྱི་གཟུགས་རྡོ་རྗེ་སེམས་དཔའི་གཟུགས་སུ་
ཡོངས་སུ་གྱུར་པར་བསམས་ཏེ། མདུན་ན་གནས་པའི་ཉི་མའི་ཆ་ལ་གནས་པའི་རྡོ་རྗེ་སེམས་དཔའ་བཀུག་ནས་རང་གི་ལུས་ལ་བཅུག་སྟེ། གཅིག་ཏུ་བྱས་ནས་བཅིང་བ་དང་དབང་དུ་བྱས་ཏེ། ཡིད་ཀྱིས་ཛཿཧཱུྃ་བཾ་ཧོཿཞེས་བྱ་བས་གཞག་པར་བྱའོ། །མདུན་ན་གནས་པའི་ཉི་མའི་
ཆ་ཡང་དེའི་རྒྱབ་ཉིད་དུ་འོངས་ནས་ཉི་མའི་དཀྱིལ་འཁོར་གྱི་ཕྱོགས་གཅིག་ཏུ་གྱུར་པར་བསམ་མོ། །སེམས་སོ་སོར་རྟོག་པའི་ཆ་ལ་ཡི་གེ་ཨའི་ཆ་སྟེང་དུ་བལྟས་པས་ལྷག་པར་གྱུར་པའི་འོད་ཀྱི་དཀྱིལ་འཁོར་གྱི་གཟུགས་ཀྱིས་རྡོ་རྗེ་སེམས་དཔའི་སྐུ་ཅུང་ཟད་རྒྱས་པར་
གྱུར་པར་བསམ་མོ། །དེ་ནས་ཡི་གེ་ཨ་རྡོ་རྗེ་སེམས་དཔའི་ཐུགས་ཀར་གནས་པ་ཉི་མའི་ཆ་དང་ཉེ་བར་གནས་པ་ཉིད་དུ་བསམས་ལ་ཡོངས་སུ་གྱུར་པ་ལས་ཐད་ཀའི་ཆ་གཞན་སྔ་མ་དང་ལྷན་ཅིག་ཐ་མི་དད་པར་གྱུར་པས་དུས་གཅིག་ཏུ་རང་གི་གཟུགས་རྡོ་རྗེ་རྒྱལ་པོའི་གཟུགས་

62-1-145b

སུ་གྱུར་པར་བསམས་ལ། ཕྱི་རོལ་ན་གནས་པའི་ཉི་མའི་ཆ་ལ་བཞུགས་པའི་རྡོ་རྗེ་རྒྱལ་པོ་བཀུག་ལ་རང་གི་ལུས་ལ་བཅུག་སྟེ། བཅིངས་ནས་དབང་དུ་བྱས་པས་ལུས་ཅུང་ཟད་ཀྱིས་རྒྱས་པས་གྱུར་པར་བསམས་ལ། བདག་ཉིད་ཀྱང་ཨཱ་ཉིད་ཀྱི་འོད་ཀྱིས་དཀྱིལ་འཁོར་གྱི་
ཆ་ལས་ཆ་གཞན་བསམས་ནས་རྒྱས་པར་གྱུར་པར་བསམ་མོ། །དེ་ལྟར་རིམ་གྱིས་ཆ་བརྒྱད་པོ་ཐུགས་ཀའི་རི་མོའི་རྒྱབ་ཀྱི་ཆ་དང་། མདུན་གྱི་ཆ་ལ་ཆ་བརྒྱད་པོ་ཉིད་བསམས་ལ། ཆ་གསུམ་པ་ནས་བརྩམས་ཏེ། ཨི་ལ་སོགས་པའི་ཡི་གེ་རྣམས་རིམ་གྱིས་རྡོ་རྗེ་ཆགས་པ་ལ་
སོགས་པའི་གཟུགས་སུ་གྱུར་པ་ལ་མདུན་ན་གནས་པའི་རྡོ་རྗེ་ཆགས་པ་ལ་སོགས་པ་དགུག་པ་ལ་སོགས་པ་བྱ་ཞིང་རྗེས་སུ་འགྲོ་བའི་ཉི་མའི་ཆ་རྣམས་ཀྱིས་ཉི་མའི་དཀྱིལ་འཁོར་གྱི་ཡན་ལག་རྫོགས་པར་བསྐྱེད་ལ་ཨི་ལ་སོགས་པ་ཉིད་ཀྱི་འོད་ཀྱིས་དཀྱིལ་འཁོར་ལ་
སོགས་པའི་ཆ་རྒྱས་པར་བྱས་ཏེ། ཨི་ལ་སོགས་པ་ཉིད་ཀྱིས་རང་གི་སྙིང་གའི་ཆ་རྫོགས་པར་བསྐྱེད་དེ། རྡོ་རྗེ་ཁུ་ཚུར་གྱི་མཐར་ཐུག་པའི་བར་གྱིས་རང་གི་ལུས་རྒྱས་པར་བྱའོ། །དེས་ཀྱང་གདན་དང་། ཐུགས་ཀ་དང་། རྒྱབ་ཏུ་ཉི་མའི་དཀྱིལ་འཁོར་ཡོངས་སུ་གང་
བར་བསམ་པར་བྱའོ། །ཡང་སྙིང་གར་ཡི་གེ་ཨ་ལ་སྔར་བཤད་པའི་ཉི་མའི་དཀྱིལ་འཁོར་གྱི་སྟེང་དུ་གཉིས་པ་བསྐྱེད་ལ་དེ་གཉིས་ཡང་གཅིག་ཏུ་བྱའོ། །གདན་དང་འོད་ཀྱི་དཀྱིལ་འཁོར་ཡང་དེ་ཉིད་ཀྱིས་བྱིན་གྱིས་བརླབས་པ་བྱས་ལ། རང་གི་ལུས་དེ་བཞིན་
གཤེགས་པའི་ཡོན་ཏན་གྱིས་ཡོངས་སུ་གང་ཞིང་། སྔོན་མ་བྱུང་བའི་བྱང་ཆུབ་ཀྱི་སེམས་ཀྱི་ངོ་བོ་ཉིད་འགྲོ་བ་མ་ལུས་པའི་མི་ཤེས་པ་འཇིག་ཅིང་། དགའ་བར་བྱེད་པ་རི་མོས་ཕུག་པའི་སྐྱེས་བུ་ཆེན་པོའི་སྐུར་བྱང་ཆུབ་ཀྱི་སེམས་བསྒོམས་ལ། འདི་སྐད་དུ་བོ་དྷི་ཙིཏྟཾ་
ཨུཏྤཱ་ད་ཡཱ་མི། ཞེས་ལན་གསུམ་བརྗོད་ལ་བྱིན་གྱིས་བརླབ་པར་བྱའོ། །སྙིང་གའི་ཉི་མའི་དཀྱིལ་འཁོར་གྱི་སྟེང་དུ་ཡི་གེ་ཨ་ཆོས་ཀྱི་རི་མོས་ཕུག་པ་ཡེ་ཤེས་ཀྱི་འོད་ཟེར་རྣོན་པོའི་ཚོགས་འཕྲོ་བ་སྔོན་དུ་འགྲོ་བའི་སྣང་བའི་ཚོགས་ཀྱི་རྡུལ་ཕྲ་རབ་ཀྱི་ངོ་བོ་མི་གཡོ་བའི་ཏིང་

62-1-146a

ངེ་འཛིན་གྱི་མཐུས་བརྟན་པར་གྱུར་པ་ནམ་མཁའི་ཁམས་མ་ལུས་པར་ཀུན་དུ་ཁྱབ་པའི་ཚད་དང་ལྡན་པའི་རྡོ་རྗེ་ཆེན་པོའི་གཟུགས་ས་བོན་གྱི་ཡི་གེས་མཚན་པ་འཇིག་རྟེན་གྱི་ཁམས་དཔག་ཏུ་མེད་པའི་རྡུལ་ཕྲ་རབ་ཀྱི་གྲངས་དང་མཉམ་པའི་ཉི་མའི་དཀྱིལ་འཁོར་
བས་ལྷག་པའི་འོད་དང་ལྡན་པའི་སྔར་བྱུང་བའི་ཉི་མའི་དཀྱིལ་འཁོར་གྱི་སྟེང་དུ་དེ་བཞིན་གཤེགས་པ་ཐམས་ཅད་ཀྱི་དམ་ཚིག་གི་ཕྱག་རྒྱའི་ངོ་བོ་ཉིད་བསམས་ལ། ཨོཾ་ཏིཥྛ་བཛྲ་ཞེས་ལན་གསུམ་བརྗོད་ལ་བྱིན་གྱིས་བརླབ་པར་བྱ་ཞིང་། དེ་དག་ཀྱང་དེ་བཞིན་གཤེགས་པའི་གསུང་
སྔོན་དུ་འགྲོ་བར་བྱ་སྟེ་འོག་མ་རྣམས་ལ་ཡང་དེ་བཞིན་ནོ། །དེ་ནས་དེ་ཉིད་ཀྱི་གཟུགས་བརྙན་དུ་གྱུར་པའི་ཕྱིར་ཆོས་ཀྱི་རི་མོས་ཕུག་པ་ཉིད་ཀུན་དུ་བཟང་པོའི་དཔྲལ་བའི་ཕྱོགས་སུ་ཡི་གེ་ཨ་ཉི་མ་འཆར་ཀའི་འོད་དང་ལྡན་པས་ནམ་མཁའི་ཕྱོགས་ཐམས་ཅད་ཀུན་དུ་གང་
བར་གྱུར་པར་ཀུན་དུ་བསམས་ལ། དེའི་འོད་ཀྱིས་རེག་མ་ཐག་ཏུ་ནམ་མཁའ་མ་ལུས་པའི་ཁོངས་སུ་གཏོགས་པའི་དེ་བཞིན་གཤེགས་པ་ཐམས་ཅད་ཀྱི་སྐུ་དང་། གསུང་དང་། ཐུགས་ཀྱི་རྡོ་རྗེའི་དབྱིངས་ཕྱག་རྒྱ་རྣམ་པ་བཞིའི་ངོ་བོ་ཉིད་དེ་བཞིན་གཤེགས་པའི་ས་བོན་
གྱི་ཡི་གེས་བྱིན་གྱིས་བརླབས་པའི་མཐུ་ལས་རྡོ་རྗེ་ཆེན་པོ་དེའི་ལྟེ་བའི་དབུས་སུ་ཞུགས་པར་གྱུར་པར་བསམས་ལ། འོད་ཀྱི་ཚོགས་དེ་རྣམས་ལས་ཀྱང་ཕྱི་རོལ་ཏུ་རྩེ་ལྔ་པའི་རྡོ་རྗེ་ཆེན་པོ་རྣམ་པར་བསམ་མོ། །དེས་ཀྱང་དེ་བཞིན་གཤེགས་པ་དཔག་ཏུ་མེད་པའི་ཕྱག་རྒྱའི་
གཟུགས་ཀྱིས་དཔག་ཏུ་མེད་པའི་དེ་བཞིན་གཤེགས་པའི་རང་བཞིན་ཉིད་དུ་བཅོམ་ལྡན་འདས་དམ་ཚིག་སེམས་དཔའི་མཆོག་རྡོ་རྗེ་སེམས་དཔའ་ཞི་བ་རྒྱན་མེད་པ། ཏིང་ངེ་འཛིན་ལ་སྙོམས་པར་ཞུགས་པ། ཡེ་ཤེས་རྡོ་རྗེའི་ངོ་བོ་ཉིད་ལ་སྣ་རྩེར་རྡོ་རྗེ་ཕྲ་མོ་ཡོད་
པ། རལ་པ་དང་ཐོར་ཚུགས་དཀར་པོ་འཆང་བ། བདེ་བ་ཆེན་པོའི་ངོ་བོ་ཉིད་རྣམ་པར་སྣང་མཛད་ཆེན་པོ་ཆོས་ཀྱི་ཕྱག་རྒྱའི་རང་བཞིན་དུ་ཡང་དག་པར་བྱུང་བར་བསམ་མོ། །འདིའི་ཐུགས་ཀར་ཡང་ཡི་གེ་ཨ་དཔྲལ་བ་དང་། ལྐོག་མར་ཡང་ཡི་གེ་ཨཱཿདང་པོ་རི་

62-1-146b

མོས་ཕུག་པ་བསམས་ལ། ཨོཾ་བཛྲ་ཨཱཏྨ་ཀོ྅ཧཾ། ཞེས་ལན་གསུམ་བརྗོད་པར་བྱའོ། །དེ་ནས་དེ་ཉིད་ཀྱི་སྤྱི་གཙུག་ཏུ་ཡི་གེ་ཨ་ཆོས་ཀྱི་རི་མོ་དེ་ཉིད་ཀྱིས་ཕུག་པར་བསམས་ལ། རང་གི་ལུས་ཀྱི་ཡན་ལག་དང་ཉིང་ལག་རྣམས་ལས་འོད་ཟེར་རྣམ་པར་འཕྲོ་བར་
བསམ་མོ། །དེ་ནས་སྤྱི་གཙུག་ནས་འོད་ཟེར་དཀར་པོ། སྙིང་གའི་ཕྱོགས་ནས་ནག་པོ། ཁ་ནས་དམར་པོ། དཔྲལ་བ་ནས་སེར་པོ། ལུས་ཀྱི་འོག་དང་། ལུས་ཀྱི་ཕན་ཚུན་གྱི་བ་སྤུའི་བུ་ག་ལ་སོགས་པ་ལས་ལྗང་གུ་བྱུང་སྟེ། འཇིག་རྟེན་གྱི་ཁམས་དཔག་ཏུ་
མེད་པ་རྣམས་སུ་ཁ་དོག་དང་སྤྱོད་ལམ་སྣ་ཚོགས་པའི་རྣམ་པར་སྣང་མཛད་དང་། རྡོ་རྗེ་ཧཱུཾ་མཛད་དང་། འགྲོ་བ་འདུལ་བ་དང་། རིན་ཆེན་འབྱུང་ལྡན་དང་། མཚོན་ཆ་མཆོག་དང་། དཔལ་མཆོག་དང་པོ་དང་། བདེ་བ་ཆེན་པོ་ལ་སོགས་པའི་སྐུ་དཔག་ཏུ་མེད་པ་བྱུང་
ནས་ཞི་བ་དང་དྲག་པོ་ལ་སོགས་པའི་བསམ་པ་སྣ་ཚོགས་པས་ཕྱེ་བ་རྣམས་ཀྱི་དོན་མཛད་ནས་སླར་ཡང་གཅིག་ཏུ་གྱུར་ཏེ། འདུས་ནས་རྣམ་པར་སྣང་མཛད་ཆེན་པོའི་ཕྱག་རྒྱ་ཆེན་པོའི་སྐུར་གྱུར་ནས་འོད་ཟེར་གྱི་རང་བཞིན་གྱི་ཚོགས་ཀྱི་ཕྱི་རོལ་དུ་གནས་ཏེ། ཉི་མའི་དཀྱིལ་
འཁོར་གྱི་དབུས་དང་། ཞི་བའི་སེམས་དཔའི་ཐུགས་ཀ་དང་། ལས་ཀྱི་ཕྱག་རྒྱ་དང་། དེ་ལྟར་ཕྱག་རྒྱ་བཞི་ཕྱག་རྒྱའི་གཟུགས་ཀྱིས་སམ། རང་གི་གཟུགས་ཀྱིས་སྐུལ་བྱེད་མའི་གཟུངས་ཟློས་པ་བཞིན་དུ་བསྒོམ་པར་བྱའོ། །ཕྱི་རོལ་གྱི་ལྷའི་སྐུ་ཐུགས་ཀར་ཟླ་བ་ལས་
ཨ། ལྐོག་མར་ཨོཾ་དེ་ཉིད་ཀྱི་དཔྲལ་བར་ཨཱཿ། དེ་ཉིད་ཀྱི་གཙུག་ཏུ་ཡི་གེ་ཨ་སྟེ། དེ་དག་ཐམས་ཅད་ངེས་པར་འབིགས་ཤིང་ནམ་མཁའ་ལ་རྗེས་སུ་རྒྱུ་བའི་ཆོས་ཀྱི་རི་མོ་བསམ་པར་བྱ་ཞིང་། ཕྱག་རྒྱ་བཞི་པོ་འདི་ཉིད་དང་། ཡི་གེ་ཨ་བཞི་པོ་ཕུག་ནས། འོག་ཏུ་ཡང་ལྟེ་
བའི་བར་དུ་སོང་ནས་གཉིས་སུ་གྱུར་ཏེ། བྱིན་པ་གཉིས་ཀྱི་དབུས་ནས་སོང་ནས་མཐེ་བོའི་རྩེ་མོ་ནས་བྱུང་སྟེ། ཡང་གཅིག་ཏུ་གྱུར་ནས་འོག་ཏུ་མཐའ་མེད་པར་སོང་བར་བསམ་མོ། །དེ་ནས་རང་གི་ལུས་དང་། ཡིད་སོ་སོར་རྟོག་པ་ལ་སོགས་པའི་ཡོན་ཏན་ཐོབ་པའི་དུས་ནས་

62-1-147a

བརྩམས་ཏེ། སེམས་ཅན་ཐམས་ཅད་ཀྱང་རང་གི་ལུས་བསྐྱེད་པའི་དུས་སུ་རྣམ་པར་སྣང་མཛད་ཀྱི་སྐུར་གྱུར་པར་བསམ་མོ། །དེ་ཡང་ཡི་གེ་ཛཿའི་ལྕགས་ཀྱུས་དྲངས་ལ་རང་གི་ལུས་ལ་བཅུག་སྟེ། བྱིན་གྱིས་བརླབས་ནས་ཡོངས་སུ་མཉེས་པར་བྱ་ཞིང་། ཛཿཧཱུྃ་བཾ་ཧོཿ
ཞེས་བྱ་བ་འདི་དང་། ཨོཾ་ཡ་དཱ་སརྦ་ཏ་ཐཱ་ག་ཏ་སྠཱ་ཐ་ཨ་ཞེས་བྱ་བས་བྱིན་གྱིས་བརླབ་པོ། །དེ་ནས་བྱིན་གྱིས་བརླབ་པར་གསལ་བར་བྱ་སྟེ། བཅོམ་ལྡན་འདས་དེ་བཞིན་གཤེགས་པ་ཐམས་ཅད་ཀྱིས་བདག་བྱིན་གྱིས་བརླབ་ཏུ་གསོལ། མངོན་པར་བྱང་ཆུབ་པ་འདི་ཡང་བརྟན་
པར་མཛོད་ཅིག་ཅེས་བྱའོ། །དེ་ནས་རང་གི་ལུས་དང་འདྲ་བར་བསྐྱེད་པའི་མི་བསྐྱོད་པ་ལ་སོགས་པ་སངས་རྒྱས་བཞིས་རྡོ་རྗེ་དབྱིངས་ཞེས་རྡོ་རྗེ་མིང་གི་དབང་བསྐུར་བར་གྱུར་པར་བསམ་མོ། །དེ་ནས་དེ་རྣམས་རང་གི་ལུས་ལ་རྗེས་སུ་ཞུགས་ཏེ། མི་བསྐྱོད་པ་དང་། རིན་
ཆེན་འབྱུང་ལྡན་དང་། འོད་དཔག་ཏུ་མེད་པ་དང་། དོན་ཡོད་པར་གྲུབ་པས་ཕྱག་རྒྱ་ཆེན་པོ་དང་། དམ་ཚིག་དང་། ཆོས་དང་། ལས་ཀྱི་ཕྱག་རྒྱས་བྱིན་གྱིས་བརླབས་ནས་གྲངས་ཇི་ལྟ་བ་བཞིན་དུ་བཞུགས་པར་བསམ་མོ། །དེ་ནས་རང་གི་ལུས་དེ་དང་འདྲ་བར་མདུན་དུ་ཡི་
གེ་ཨ་ལས་ཟླ་བའི་དཀྱིལ་འཁོར་བསམས་ཏེ། དེར་རང་གི་ལུས་དང་འདྲ་བར་རྣམ་པར་སྣང་མཛད་བསྐྱེད་ལ་རྡོ་རྗེ་དབྱིངས་ཀྱི་དབང་ཕྱུག་མའི་ཕྱག་རྒྱས་བསྐུལ་བར་བྱའོ། །རྡོ་རྗེ་ཐལ་མོ་དམ་དུ་བསྡམས་ནས་གུང་མོ་གཉིས་མཉམ་པོར་སྦྱར་ཏེ། མཛུབ་མོ་གཉིས་རྩེ་
སྤྲད་ནས་བུམ་པ་ལྟ་བུར་བྱས་ལ། གུང་མོ་གཉིས་ཀྱི་ཚིགས་དབུ་མ་ལ་སྦྱར་ལ་བཞག །མཐེ་བོ་གཉིས་སྐྱིལ་མོ་ཀྲུང་ལྟ་བུར་བྱས་པ་ལས་གཡོན་པ་ཅུང་ཟད་ཕབ་སྟེ། དེའི་སྟེང་དུ་གཡས་པའི་མཐེ་བོ་གདན་ལྟ་བུར་བཞག་ལ། མཆོད་རྟེན་ལྟ་བུར་རྣམ་པར་གསལ་བ་ནི་རྡོ་རྗེ་དབྱིངས་
ཀྱི་དབང་ཕྱུག་མའི་ཕྱག་རྒྱ་སྟེ། དེ་ཉེ་བར་བསྟན་ནས་ས་མ་ཡ་སྟྭཾ་ཞེས་བསྐུལ་བར་བྱའོ། །ཡང་འདི་ཉིད་བཅིངས་ལ་བཛྲ་ཛྙཱ་ན་ས་མ་ཡ་ཧོ་སུ་ར་ཏ་སྟྭཾ་ཞེས་པས་ཀྱང་བསྐུལ་བར་བྱའོ། །དེ་ནས་སྔར་བཤད་པའི་རིམ་གྱིས། རྡོ་རྗེ་བསྡམས་པ་བཅིངས་ལ་སྙིང་གར་དགྲོལ་ཞིང་། ཨོཾ་བཛྲ་

62-1-147b

བནྡྷ་ཏྲཊ་ཅེས་བྱ་བ་སྔགས་ལན་གསུམ་བརྗོད་པར་བྱའོ། །དེ་ལྟར་དཀྱིལ་འཁོར་ཐམས་ཅད་ཀྱི་ཕྱག་རྒྱ་གཞུག་པའི་ཕྱིར་རང་གི་ལུས་ཡང་དག་པར་སྦྱངས་ལ་རིམ་པ་འདིས་བཅོམ་ལྡན་འདས་དགུག་པ་དང་གཞུག་པར་བྱའོ། །རྡོ་རྗེ་བསྡམས་པ་བཅིངས་ལ་མཐེ་
བོ་སྒེག་པ་ཚུལ་དུ་ནང་དུ་བཅུག་ནས་བསྐྱོད་ལ། བཛྲ་ཨཾ་ཀུ་ཤ་ཛཿཞེས་ལན་གསུམ་བརྗོད་པ་འདིས་སྤྱན་དྲངས་ནས། སྙིང་ག་དང་ཉེ་བར་ཞུགས་པར་བསམ་མོ། །སྲིན་ལག་དང་མཐེའུ་ཆུང་གཉིས་ཀྱི་རྩ་བའི་བར་དུ་མཐེ་བོ་གཉིས་བཅུག་ལ་ཅུང་ཟད་བསྐྱོད་ནས་
བཛྲ་པཱ་ཤ་ཧཱུྃ། ཞེས་ལེན་གསུམ་བརྗོད་པ་འདིས་རང་གི་ལུས་ཐམས་ཅད་དུ་ཞུགས་ནས་བྱིན་གྱིས་བརླབས་ཏེ་ཅིག་ཏུ་གྱུར་ནས་ཞུགས་པར་བསམ་མོ། །ཡང་དག་པར་འདྲེས་ནས་བཛྲ་སྥོ་ཊ་བཾ་ཞེས་བརྗོད་པ་འདི་དང་། རྡོ་རྗེ་བསྡམས་པ་ཉིད་ཀྱིས་བརྟན་པར་གྱུར་
ནས་ཞུགས་པར་བསམ་མོ། །མཐེ་བོ་གཉིས་ཀྱི་རྒྱབ་ཏུ་རང་རང་གི་མཛུབ་མོ་གཉིས་ཇི་ལྟ་བ་བཞིན་དུ་བཞག་སྟེ། བཛྲ་གྷཎྜེ་ཧོཿ། ཞེས་བརྗོད་པ་འདིས་ཡོངས་སུ་མཉེས་པར་བསམ་མོ། །དེ་ནས་ལན་གསུམ་མམ་བདུན་ཡི་གེ་བརྒྱ་པ་བཟླས་པས་བརྟན་པར་བྱ་སྟེ། 
ཨོཾ་བཛྲ་དྷཱ་ཏུ་ས་མ་ཡ་མ་ནུ་པཱ་ལ་ཡ། བཛྲ་དྷཱ་ཏུ་ཏྭེ་ནོ་པ། ཏིཥྛ་དྲྀ་ཌྷོ་མེ་བྷ་བ། སུ་ཏོ་ཥྱོ་མེ་བྷ་བ། ཨ་ནུ་རཀྟོ་མེ་བྷ་བ། སུ་པོ་ཥྱོ་མེ་བྷ་བ། སརྦ་སིདྡྷི་མྨེ་པྲ་ཡཙྪ། སརྦ་ཀརྨ་སུ་ཙ་མེ། ཙིཏྟཾ་ཤྲི་ཡཾ། ཀུ་རུ་ཧཱུྃ་ཧ་ཧ་ཧ་ཧ་ཧོཿབྷ་ག་བཱན་སརྦ་ཏ་ཐཱ་ག་ཏ། བཛྲ་མཱ་མེ་མུཉྩ་བཛྲཱི་བྷ་བ་མ་ཧཱ་
ས་མ་ཡ་སཏྭ་ཨཿ དེ་ནས་རིམ་པ་འདིས་བྱིན་གྱིས་བརླབ་པར་བྱ་སྟེ། སྙིང་གར་རྡོ་རྗེ་ལ་ཡི་གེ་ཧཱུྃ་ངམ་མི་བསྐྱོད་པའི་སྐུ་ཤིན་ཏུ་དང་བ་ཧཱུྃ་གིས་མཚན་པ་དང་། དཔྲལ་བ་དང་། ལྕེ་དང་། སྤྱི་གཙུག་ཏུ་རིན་པོ་ཆེ་དང་། པདྨ་དང་། སྣ་ཚོགས་རྡོ་རྗེ་རྣམ་གྲངས་ཇི་ལྟ་བ་བཞིན་
དུ་ཏྲཱཾ་ཧྲཱིཿཨ་ཞེས་བྱ་བ་འདི་དག་ལས་རིན་ཆེན་འབྱུང་ལྡན་དང་། འོད་དཔག་ཏུ་མེད་པ་དང་། དོན་ཡོད་པར་གྲུབ་པ་ཡི་གེ་དེ་དག་ཉིད་ཀྱིས་མཚན་པའམ། ཡི་གེ་འབའ་ཞིག་བསྒོམ་པར་བྱའོ། །དེ་ནས་གཟུངས་ཀྱི་དཀྱིལ་འཁོར་གྱི་མི་བསྐྱོད་པའི་གནས་ཀྱི་ཕྱག་རྒྱ་དེ། སྙིང་

62-1-148a

གར་བཅིངས་ལ་ཡི་གེ་ཧཱུྃ་ལས་བྱུང་བ་བཅོམ་ལྡན་འདས་ཡུམ་རྒྱན་ཐམས་ཅད་ཡོངས་སུ་རྫོགས་པ། སངས་རྒྱས་ལྔའི་ཅོད་པན་དང་ལྡན་པ། སྐུ་མདོག་གསལ་བ་ཡེ་ཤེས་ཀྱི་ཕ་རོལ་ཏུ་ཕྱིན་པའི་ངོ་བོ་ཉིད་མཆོག་ཏུ་དགྱེས་པས་རང་གི་སྙིང་གར་ཞུགས་
ནས་མི་བསྐྱོད་པ་ལ་ཡང་དག་པར་འཁྱུད་ནས་ཞུགས་ནས། དེ་དང་བཅས་པར་གཅིག་ཏུ་གྱུར་ནས་ས་བོན་གྱི་ཡི་གེ་ལ་ཐིམ་པར་གྱུར་ཅིང་། དཔག་ཏུ་མེད་པའི་བསོད་ནམས་དང་ཡེ་ཤེས་ཀྱི་ཚོགས་ཀྱི་ངོ་བོ་ཉིད་དཔལ་བེའུ་ལྟ་བུས་གནས་ཤིང་རྣམ་པར་འཕྲོ་བར་བསམས་
ལ། ཨོཾ་བཛྲ་བཛྲི་ཎི་ཛཿཧཱུྃ་བཾ་ཧོཿ། བཛྲ་ཛྙཱ་ན་ཨ་དྷི་ཏིཥྛ་སྭ་མཱཾ་ཧཱུྃ་ཞེས་བརྗོད་དོ། །དེ་ནས་རིན་ཆེན་འབྱུང་ལྡན་གྱི་ཕྱག་རྒྱ་དཔྲལ་བར་བཅིངས་ལ་དེ་ཉིད་དུ་བཅོམ་ལྡན་འདས་ཡུམ་ཡི་གེ་ཏྲཱཾ་ལས་བྱུང་བ། སྐུ་མདོག་སེར་མོ་དཔྲལ་བའི་རིན་པོ་ཆེ་ལ་ཞུགས་ནས་བཅོམ་ལྡན་འདས་
དང་བཅས་པར་ས་བོན་གྱི་ཡི་གེ་ལ་ཐིམ་པར་གྱུར་པ་ནས་ལྕགས་ཀྱུའི་གཟུགས་ཀྱི་མདོག་དཀར་པོ། གཡས་སུ་འཁྱིལ་བ་དེ་བཞིན་གཤེགས་པའི་ཡོན་ཏན་གྱི་ཚོགས་ཡང་དག་པར་འགུགས་པ་ལ་བརྩོན་པ། མཛོད་སྤུ་ལྟ་བུར་གནས་པར་གྱུར་པར་བསམས་ལ། ཨོཾ་རཏྣ་
བཛྲི་ཎི་ཛཿཧཱུྃ་བཾ་ཧོཿ། བཛྲ་ཛྙཱ་ན་ཨ་དྷི་ཏིཥྛ་སྭ་མཱཾ་ཏྲཱཾ་ཞེས་བརྗོད་དོ། །དེ་ནས་འོད་དཔག་ཏུ་མེད་པའི་ཕྱག་རྒྱ་ཁར་བཞག་ལ། ཕྱག་རྒྱ་བཅིང་བ་དེ་ལས་བཅོམ་ལྡན་འདས་ཡུམ་སྐུ་མདོག་དམར་མོ་ཁར་ཞུགས་ནས་བཅོམ་ལྡན་འདས་དང་བཅས་པར་ས་བོན་གྱི་ཡི་གེ་ལ་
ཐིམ་པར་གྱུར་ནས། དེ་བཞིན་གཤེགས་པ་ཐམས་ཅད་ཀྱི་ཆོས་ཀྱི་རྒྱུ་མཐུན་པ་ལས་བྱུང་བར་གྱུར་པར་ལྕེའི་གཟུགས་ཟླ་བ་ཁམ་པ་ལྟ་བུས་གནས་པར་བསམས་ལ། ཨོཾ་དྷརྨ་བཛྲི་ཎི་ཛཿཧཱུྃ་བཾ་ཧོཿ། བཛྲ་ཛྙཱ་ན་ཨ་དྷི་ཏིཥྛ་སྭ་མཱཾ་ཧྲཱིཿཞེས་བརྗོད་དོ། །དེ་ནས་དོན་ཡོད་པར་གྲུབ་
པའི་ཕྱག་རྒྱ་བཅིངས་ལ་སྤྱི་བོར་བཞག་སྟེ། བཅོམ་ལྡན་འདས་ལ་ཡུམ་ཞུགས་ནས། རྗེ་བཙུན་དང་བཅས་པར་ཐིམ་པར་གྱུར་ཏེ། སྤྱི་གཙུག་ན་གནས་པའི་རྡོ་རྗེའི་ས་བོན་གྱི་ཡི་གེའི་ནང་དུ་ཞུགས་ནས་སྤྱི་གཙུག་བལྟར་མི་མཐོང་བ་ལྟ་བུར་གནས་པར་གྱུར་པར་

62-1-148b

བསམས་ལ། ཨོཾ་སརྦ་བཛྲི་ནི་ཛཿཧཱུྃ་བཾ་ཧོཿ། བཛྲ་ཛྙཱ་ན་ཨ་བྷི་ཏིཥྛ་སྭ་མཱཾ་ཨ་ཞེས་བརྗོད་དོ། །དེ་ནས་རྡོ་རྗེ་དབྱིངས་ཀྱི་དབང་ཕྱུག་མའི་ཕྱག་རྒྱ་སྙིང་གར་བཅིངས་ལ། ཕྱག་རྒྱ་བཅིངས་པ་དེ་ཉིད་ལས་བསོད་ནམས་དང་ཡེ་ཤེས་ཀྱི་ཚོགས་དཔག་ཏུ་མེད་པས་བྱིན་གྱིས་བརླབས་
པའི་ཆོས་ཉིད་རྣམ་པར་དག་པའི་ངོ་བོ་ཉིད་སངས་རྒྱས་ལྔའི་ཅོད་པན་ཅན་མདངས་རྣམ་པར་འཕྲོ་བ་ཕྱུང་ལ། རང་གི་ལུས་ཀྱི་ཡན་ལག་དང་ཉིང་ལག་ཐམས་ཅད་དང་། བ་སྤུའི་བུ་ག་ཐམས་ཅད་དང་། མཚན་དང་དཔེ་བྱད་ཐམས་ཅད་ལ་ཞུགས་ནས་ཆོས་ཀྱི་འཁོར་ལོ་ལྟ་བུར་
གྱུར་ཏེ། ལུས་ཐམས་ཅད་དང་། ཕྱག་རྒྱ་རྣམ་པ་བཞི་དང་། ཁོང་སྟོང་དུ་གནས་པ་རྣམས་ཡེ་ཤེས་ཀྱི་ངོ་བོ་ཉིད་དུ་བྱིན་གྱིས་བརླབས་ནས། འོད་ཀྱི་དཀྱིལ་འཁོར་དུ་གྱུར་ཏེ། བསོད་ནམས་དང་ཡེ་ཤེས་རྣམ་པར་དག་པའི་འོད་ཟེར་གྱིས་འགྲོ་བ་གནང་བར་བྱས་ནས་
གནས་པར་བསམས་ལ། ཨོཾ་བཛྲ་དྷཱ་ཏྭཱི་ཤྭ་རི་ཧཱུྃ་བཛྲི་ཎི་ཛཿཧཱུྃ་བཾ་ཧོཿ། ཨ་དྷི་ཏིཥྛ་སྭ་མཱཾ་ཨ་ཞེས་བརྗོད་དོ། །དེ་ནས་ཨོཾ་ཧཱུཾ་ཏྲཱཾ་ཧྲཱིཿཨ་ཞེས་བྱ་བ་འདི་དག་ཕྱོགས་བཞི་དང་། སྟེང་སྟེ་གནས་ལྔར་རྟག་པ་ལ་སོགས་པ་དཀར་པོ་དང་། ནག་པོ་དང་། སེར་པོ་དང་། དམར་པོ་དང་། 
ལྗང་གུ་ལ་བྱང་ཆུབ་མཆོག་དང་། ས་གནོན་དང་། མཆོག་སྦྱིན་དང་། ཏིང་ངེ་འཛིན་མཆོག་དང་། མི་འཇིགས་པ་སྦྱིན་པའི་ཕྱག་རྒྱས་བཞུགས་པར་བསྐྱེད་ལ་དེ་དག་ཉིད་ཐུགས་ཀར་གནས་པར་ཤིན་ཏུ་གསལ་བར་གྱུར་པར་བསམ་མོ། །དེ་ནས་ཕྱག་རྒྱ་དེ་དག་ཉིད་དང་། 
རིམ་པ་འདིས་དབང་བསྐུར་བར་བྱ་སྟེ། རྡོ་རྗེ་དབྱིངས་ཀྱི་དབང་ཕྱུག་མ་བཅིངས་ལ་དབུ་རྒྱན་གྱི་སྟེང་གི་ཕྱོགས་རྟག་པའི་གནས་སུ་ཕྱག་རྒྱ་དེ་བཅིངས་པ་ལས། བཅོམ་ལྡན་འདས་རང་གི་ས་བོན་གྱིས་མཚན་པ་བྱུང་བར་བསམས་ནས་དེའི་ཕྱག་རྒྱ་ཡི་གེ་བཾ་ལས་
བུམ་པ་བསམས་ཏེ། བུམ་པའི་དབུས་སུ་ཡི་གེ་ཨ་རྣམ་པར་བསྒོམས་ལ་བདུད་རྩི་འབབ་པར་གྱུར་པ་དང་། བདག་ཉིད་ཀྱི་སྙིང་གར་ཡི་གེ་ཨ་བསམས་ལ་བདུད་རྩིས་དབང་བསྐུར་བར་གྱུར་པར་བསམ་མོ། །དེ་ནས་རང་གི་ལུས་ཀྱི་རྡུལ་ཕྲ་རབ་ལ་བསོད་ནམས་དང་ཡེ་

62-1-149a

ཤེས་ཀྱི་ཚོགས་ཀྱི་བདུད་རྩི་ཞུགས་པར་གྱུར་པར་བསམས་ལ། ཨོཾ་བཛྲ་དྷཱ་ཏྭཱི་ཤྭ་རི་ཛཿཧཱུྃ་བཾ་ཧོཿ། ཨ་བྷི་ཥིཉྩ་སྭ་མཱཾ་ཨ་ཞེས་བྱ་བའི་སྔགས་བརྗོད་པས། རྟག་པ་དེའང་ལུས་ལ་ཞུགས་པར་བསམ་པར་བྱའོ། །དེ་ཡོངས་སུ་གྱུར་ནས་ཡི་གེ་ཧཱུྃ་ལས་
མི་བསྐྱོད་པར་གྱུར་ཏེ། མི་བསྐྱོད་པའི་ཕྱག་རྒྱ་ལག་པས་བཅིངས་ལ་དཔྲལ་བའི་སྟེང་དུ་རྣམ་པར་སྣང་མཛད་ཀྱི་འོག་ཏུ་མི་བསྐྱོད་པའི་གནས་སུ་བཞག་ལ་སྔ་མ་བཞིན་དུ་དབང་བསྐུར་བར་བྱ་སྟེ། ཨོཾ་བཛྲ་བཛྲི་ཎི་ཛཿཧཱུྃ་བཾ་ཧོཿ། ཨ་བྷི་ཥིཉྩ་མཱཾ་ཧཱུཾ་ཞེས་པའི་སྔགས་འདི་
ཡང་བརྗོད་པར་བྱའོ། །དེ་བཞིན་དུ་ཐམས་ཅད་ལ་ཡང་སྦྱར་ཏེ། རིན་ཆེན་འབྱུང་ལྡན་ལ་སོགས་པའི་སྐུར་གྱུར་ནས་དེའི་ཡི་གེས་མཚན་ཅིང་ཕྱག་རྒྱ་ལག་པས་བཅིངས་ལ་དེ་ལས་བྱུང་བའི་ལྷ་མོ་རྣམས་ཀྱིས་རང་གི་ས་བོན་གྱི་བདུད་རྩིས་དབང་བསྐུར་བར་བླང་
བར་བྱ་ཞིང་། དེ་རྣམས་ཀྱང་སངས་རྒྱས་རྣམས་ཀྱི་ཐུགས་ཀར་ཞུགས་པར་བསམ་མོ། །རིན་ཆེན་འབྱུང་ལྡན་གྱི་ཕྱག་རྒྱ་བཅིངས་ལ། རྣ་བ་གཡས་པའི་སྟེང་དུ་བཞག་སྟེ། ཨོཾ་བཛྲ་རཏྣ་བཛྲ་ཎི་ཛཿཧཱུྃ་བཾ་ཧོཿ། ཨ་བྷི་ཥིཉྩ་སྭ་མཱཾ་ཏྲཱཾ་ཞེས་བརྗོད་པར་བྱའོ། །འོད་
དཔག་ཏུ་མེད་པའི་ཕྱག་རྒྱ་བཅིངས་ལ། མགོ་བོའི་རྒྱབ་ཏུ་བཞག་སྟེ། ཨོཾ་བཛྲ་དྷརྨ་བཛྲ་ཎི་ཛཿཧཱུྃ་བཾ་ཧོཿ། ཨ་བྷི་ཥིཉྩ་སྭ་མཱཾ་ཧྲཱིཿ། ཞེས་བྱ་བའི་སྔགས་བརྗོད་པར་བྱའོ། །དོན་ཡོད་པར་གྲུབ་པའི་ཕྱག་རྒྱ་རྣ་བ་གཡོན་པའི་སྟེང་དུ་བཞག་ལ། ཨོཾ་བཛྲ་ཀརྨ་བཛྲི་ཎི་ཛཿཧཱུྃ་
བཾ་ཧོཿ། ཨ་བྷི་ཥིཉྩ་སྭ་མཱཾ་ཨ་ཞེས་བརྗོད་པར་བྱའོ། །དེ་ནས་དེ་རྣམས་ཀྱི་ཕྱག་རྒྱའི་མཚན་ཉིད་བཤད་པར་བྱ་སྟེ། རྡོ་རྗེ་དབྱིངས་ཀྱི་དབང་ཕྱུག་མ་ནི་སྔར་བཤད་པ་ཉིད་དོ། །གཞན་དག་གི་བརྗོད་པར་བྱ་སྟེ། རྡོ་རྗེའི་ཐལ་མོ་བཅིངས་ལ་གུང་མོ་གཉིས་ལྟོ་སྦྱར་
ལ་བཅིངས་པ་ནི་མི་བསྐྱོད་པའི་གསང་བའི་ཕྱག་རྒྱའོ། །དེ་ཉིད་ལས་གུང་མོ་གཉིས་རིན་པོ་ཆེ་ལྟ་བུར་བཀུག་པ་ནི་རིན་ཆེན་འབྱུང་ལྡན་གྱི་གསང་བའི་ཕྱག་རྒྱའོ། །དེ་ཉིད་ལས་གུང་མོ་དང་སྲིན་ལག་མཐེའུ་ཆུང་པདྨའི་འདབ་མ་འདྲ་བར་བཀུག་ནས་བཞག་པ་ནི་འོད་

62-1-149b

དཔག་ཏུ་མེད་པའི་གསང་བའི་ཕྱག་རྒྱའོ། །དེ་ཉིད་ལས་མཛུབ་མོ་གཉིས་གདུ་བུར་བྱས་ཏེ་འདབ་མ་ལྟ་བུར་གུང་མོའི་དྲུང་དུ་བཞག་པ་ནི་དོན་ཡོད་པར་གྲུབ་པའི་གསང་བའི་ཕྱག་རྒྱ་སྟེ། གཟུངས་ཀྱི་དཀྱིལ་འཁོར་གྱི་སྔགས་དང་ཕྱག་རྒྱ་རྣམས་ནི་ཤིན་ཏུ་ཡང་བྱིན་གྱིས་
རློབ་པར་བྱེད་པས་སྔགས་དང་ཕྱག་རྒྱ་དེ་དག་ཉིད་བྱིན་གྱིས་བརླབ་པ་དང་། དབང་བསྐུར་བདག་ལ་བསྟན་པ་ཡིན་ནོ། །དཀྱིལ་འཁོར་ཆེན་པོ་སྔགས་དང་ཕྱག་རྒྱ་ཡང་ཕྱིས་བྱ་བ་ལ་ཉེས་པ་མེད་དེ། དེར་ཡང་སྔགས་དང་ཕྱག་རྒྱ་དག་གི་མན་ངག་མེད་པས་ཡིད་མགུ་
བར་མ་གྱུར་པ་ལས་མན་ངག་ཇི་ལྟ་བ་བཞིན་དུ་བསྟན་པར་བྱ་སྟེ། རྡོ་རྗེ་བསྡམས་པ་བཅིངས་ལ་གུང་མོ་གཉིས་ནང་དུ་བཅུག་ནས་ལག་པའི་མཐིལ་དུ་ཐད་ཀར་བཞག་སྟེ། མཐེ་བོ་དང་མཐེའུ་ཆུང་གཉིས་ཀྱི་རྩེ་མོ་ཕྱོགས་བཞིར་བལྟ་བ་བཞིན་དུ་སྦྱར་བ་སེམས་དཔའི་
རྡོ་རྗེ་ཞེས་བྱ་བ་རྡོ་རྗེ་སེམས་དཔའི་ཕྱག་རྒྱའོ། །འདི་བསྟན་པར་བྱས་ནས་གུང་མོ་གཉིས་གྱེན་དུ་བསྒྲེངས་ལ། རྩེ་མོའི་ཚུལ་དུ་བཞག་པ་ནི་རྟག་པའི་ཕྱག་རྒྱ་སྟེ། ཨོཾ་བཛྲ་དྷཱ་ཏུ་ཛཿཧཱུྃ་བཾ་ཧོཿ། བཛྲ་ཛྙཱ་ན་ཨ་དྷི་ཏིཥྛ་སྭ་མཱཾ་ཨོཾ་ཞེས་བརྗོད་དོ། །དེ་ཉིད་ལས་ཚིགས་དབུས་མ་བཅག་སྟེ་
སོར་མོ་ནང་དུ་བཀུག་ལ་གཡས་པའི་མཛུབ་མོ་གཡོན་པའི་ངོས་སུ་བཞག །གཡོན་པས་གཡས་པའི་སྲིན་ལག་གི་ངོས་སུ་བཞག་པ་ནི་མི་བསྐྱོད་པའི་ཕྱག་རྒྱའོ། །ཨོཾ་བཛྲ་དྷཱ་ཏུ་ཛཿཧཱུྃ་བཾ་ཧོཿ། བཛྲ་ཛྙཱ་ན་ཨ་དྷི་ཏིཥྛ་སྭ་མཱཾ་ཧཱུྃ་ཞེས་ཀྱང་བརྗོད་པར་བྱའོ། །དེ་ཉིད་ལས་གུང་མོ་གཉིས་
བསྒྲེངས་ལ་རིན་པོ་ཆེ་ལྟ་བུར་བཀུག་ནས་བཞག་པ་ནི་རིན་ཆེན་འབྱུང་ལྡན་གྱི་ཕྱག་རྒྱ་སྟེ། ཨོཾ་བཛྲ་དྷཱ་ཏུ་ཛཿཧཱུྃ་བཾ་ཧོཿབཛྲ་ཛྙཱ་ན་ཨ་དྷི་ཏིཥྛ་སྭ་མཱཾ་ཏྲཱཾ་ཞེས་བརྗོད་དོ། །ཕྱག་རྒྱ་དེ་ཉིད་ལས་གུང་མོ་གཉིས་པདྨའི་འདབ་མ་ལྟར་བཀུག་པ་ནི་འོད་དཔག་ཏུ་མེད་པའི་ཕྱག་རྒྱ་སྟེ། ཨོཾ་བཛྲ་
དྷཱ་ཏུ་ཛཿཧཱུྃ་བཾ་ཧོཿབཛྲ་ཛྙཱ་ན་ཨ་དྷི་ཏིཥྛ་སྭ་མཱཾ་ཧྲཱིཿཞེས་བརྗོད་དོ། །ཕྱག་རྒྱ་དེ་ཉིད་ལས་གུང་མོ་གཉིས་ལག་པའི་མཐིལ་དུ་བཞག་ལ། མཛུབ་མོ་གཉིས་བཀུག་སྟེ་རང་གི་གུང་མོ་གཉིས་ཀྱི་ངོས་ལ་ཇི་ལྟ་བ་བཞིན་དུ་བཞག་པ་ནི་དོན་ཡོད་པར་གྲུབ་པའི་ཕྱག་རྒྱ་སྟེ། ཨོཾ་བཛྲ་དྷཱ་

62-1-150a

ཏུ་ཛཿཧཱུྃ་བཾ་ཧོཿ། བཛྲ་ཛྙཱ་ན་ཨ་དྷི་ཏིཥྛ་སྭ་མཱཾ་ཨ་ཞེས་བརྗོད་པར་བྱ་སྟེ། སྔགས་འདི་དག་དང་བཅས་པས་དང་པོ་བྱིན་གྱིས་བརླབ་པར་བྱས་ལ། དེའི་འོག་ཏུ་གཟུངས་ཀྱི་དཀྱིལ་འཁོར་གྱིས་བྱིན་གྱིས་བརླབ་པ་དང་དབང་བསྐུར་བ་དག་བྱའོ། །དཀྱིལ་འཁོར་
ཆེན་པོ་ལས་གསུངས་པ་ནི་མ་བྱས་ཀྱང་ཉེས་པར་མི་འགྱུར་རོ། །བྱས་སུ་ཟིན་ཀྱང་དེར་ཤིན་ཏུ་བྱིན་གྱིས་རློབ་པར་འགྱུར་རོ། །གཟུངས་ཀྱི་དཀྱིལ་འཁོར་ལས་གསུངས་པ་རྣམས་ཀྱང་ངེས་པར་བྱ་བ་ཡིན་པས་དབང་བསྐུར་བ་ལ་ཨ་བྷི་ཥིཉྩ་མཱཾ། ཞེས་བྱ་བའི་ཁྱད་པར་
འདིས་བྱའོ། །དཀྱིལ་འཁོར་ཆེན་པོ་ལས་གསུངས་པའི་རྡོ་རྗེ་སེམས་དཔའ་ལ་སོགས་པ་སེམས་དཔའ་རྣམས་ཀྱི་སྔགས་ཐུགས་ཀ་ལ་སོགས་པར་བཀོད་པས་བྱིན་གྱིས་བརླབ་པ་དང་། དབང་བསྐུར་བ་ནི་རྒྱུད་ལས་གསུངས་པའི་རིམ་པས་བྱ་སྟེ། སྙིང་ག་རྩིབ་
ལོགས་རྒྱབ་སྦྱོར་དང་། །དེ་བཞིན་དཔྲལ་བ་ལ་སོགས་དང་། །ཁ་དང་རྣ་བ་ལྟག་པ་དང་། །སྤྱི་བོ་དཔྲལ་བ་ཁ་རྐེད་བཞག །ཅེས་བྱ་བ་དང་། སྙིང་ག་དཔྲལ་བ་ཁ་སྤྱི་གཙུག །མདོམས་དང་མིག་དང་བྲང་དང་ནི། །བརླ་གཉིས་དང་ནི་པུས་མོ་གཉིས། །བྱིན་པ་གཉིས་
དང་རྐང་གཉིས་སོ། །ཞེས་བྱ་བའོ། །དེ་ལ་ལྐོག་མའི་ཕྱོགས་སུ་ཡི་གེ་རཾ་ལས་དུང་བསམས་ལ། རྣམ་པར་དག་པའི་ཡེ་ཤེས་ཀྱི་འོད་ཟེར་གྱི་རང་བཞིན་ཅན་དེའི་ཁའི་ཆ་ལས་བྱུང་བའི་ལྕེ་ཧྲཱིཿལས་བྱུང་བ་བྱིན་གྱིས་བརླབ་པར་བྱས་ལ། ཨོཾ་པདྨ་ས་ར་སྭ་ཏི་སད་ཏྱ་མ་བརྨ་
ཏ་ཡ་ཤོ་དྷ་ཡ་ཧཱུྃ་ཧྲཱིཿཞེས་བརྗོད་ལ་ལྕེ་དེའི་དབུས་སུ་ཡི་གེ་ཧཱུྃ་ལས་རྡོ་རྗེ་ལྕེའི་ཁམས་ཀྱི་གཟུགས་ཅན་ཆུར་གནས་པ་དེའི་ཆང་ཟུངས་ཀྱི་དབུས་སུ་ཡི་གེ་ཧྲཱིཿལས་པདྨ་དེ་ཉིད་ཀྱི་ཡེ་ཤེས་ཀྱི་ལྟེ་བའི་ནང་དུ་འོད་དཔག་མེད་ཏིང་ངེ་འཛིན་ལ་སྙོམས་པར་ཞུགས་པའི་ཡེ་ཤེས་ཀྱི་སྐུ་
དེའི་ཐུགས་ཀར་ཡི་གེ་ཧྲཱིཿཐམས་ཅད་དུ་ཁྱབ་པར་བྱེད་པའོ། །རྡོ་རྗེའི་རྩེ་མོ་དབུས་མ་ལ་ཡི་གེ་རཾ། རྡོ་རྗེ་མདུན་དུ། ཨོཾ་གྷྱཿཨཿསཿཞེས་བྱ་བའི་ཕྲེང་བ་དཀར་པོ། རྡོ་རྗེའི་གཡས་སུ་ཏྲཾ་རཾ་ཀྲཾ་ནཱཿཞེས་བྱ་བ་སེར་པོ། རྡོ་རྗེའི་རྒྱབ་ཏུ་ཁཾ་ཤཾ་ཧཱུཾ་ཧི་ཞེས་བྱ་བ་དམར་པོ། རྡོ་རྗེའི་

62-1-150b

གཡོན་དུ་ཤོ་རོ་སི་སཾ་ཞེས་བྱ་བ་ལྗང་གུ་སྟེ་ཕྱོགས་བཞི་ནས་རྡོ་རྗེ་བསྐོར་ནས་གནས་པ་དང་། ལྕེའི་རྩེ་མོ་ལ་ཡི་གེ་ཧོ་མདོག་དམར་པོ་མེ་ཏོག་བན་བྷུ་ཀ་ལྟ་བུ་དང་། དེ་དང་འདྲ་བའི་འོད་ཟེར་རྣམས་ཀྱིས་ཚིག་སྨྲ་བའི་དུས་སུ་ཕྱི་བཞིན་རྣམ་པར་འཕྲོ་བའི་རང་གི་ས་བོན་
ཡི་གེ་ཨཱཿབསམ་པར་བྱའོ། །དེ་ནས་ཧཱུྃ་བཞི་བཅུ་ལས་སྟེང་དང་། འོག་གི་དབྱེ་བས་སོ་སོར་ཉི་ཤུ་སྟེ། རྡོ་རྗེ་བཞི་བཅུ་བསྒོམ་པར་བྱའོ། །དེ་ནས་ཧཱུྃ་ཧ་ཧཱུྃ་ཞེས་བྱ་བ་རྡོ་རྗེ་བཞད་པར་བྱིན་གྱིས་རློབ་པར་བྱེད་པར་བསམས་ལ། མཚན་ཐམས་ཅད་དང་ལྡན་པའི་སོའི་ཕྲེང་བ་
བསྒོམ་པར་བྱ་ཞིང་། སོ་གསལ་བས་རྣམ་པར་སྤྲས་པའི་ཁ་ལ་མདུན་སོ་གཉིས་སུ་ཡི་གེ་ཧོ་གཉིས། འོག་ཏུ་ཡང་གཉིས་པོ་ཉིད་འོད་ཟེར་དམར་པོའི་ཚོགས་ཀྱི་བཀོད་པས་རྣམ་པར་འཕྲོ་བ་བསམ་མོ། །མིག་གཡས་སུ་ཧཱུྃ་མ་ཧཱུྃ་ལས་རྡོ་རྗེ་ཉི་མ་རྡོ་རྗེ་ཕྲེང་དུ་གནས་
པའི་ཆང་ཟུངས་ཀྱི་དབུས་སུ་རྣམ་པར་འཕྲོ་བ་རྣོན་པོས་དཀྲིགས་པའི་ཉི་མའི་དཀྱིལ་འཁོར་བསམ་པར་བྱའོ། །མིག་གཡོན་པར་ཧཱུྃ་ཊ་ཧཱུྃ་ཞེས་བྱ་བ་འདི་ལས་རྡོ་རྗེ་ཕྲེང་དུ་གནས་པའི་དབུས་སུ་འོད་ཟེར་དཀར་པོ་རྣམ་པར་དཀྲིགས་པའི་ཟླ་བའི་དཀྱིལ་འཁོར་ཆེན་པོ་
བསྒོམ་པར་བྱའོ། །དེ་གཉིས་ཀྱི་བར་དུ་ཡི་གེ་ཧོ་རྒྱ་སྐྱེགས་ཀྱི་མེ་ཏོག་ལྟ་བུ་འོད་ཟེར་སྟོང་ཕྲག་གིས་ཁྱབ་པ་མཐོང་བ་རྣམས་ཀྱང་དེ་ལྟ་བུའི་རྣམ་པར་དཀྲུགས་ཤིང་གཟིངས་པ་དེ་ཉིད་རང་གི་ལུས་ལ་ཞུགས་པས་ཞི་བ་ཐོབ་པར་བསམ་མོ། །ཧཱུྃ་ཞེས་བྱ་བ་འདིས་བསམས་
ལ། གཙུག་ཏོར་བསྐྱེད་པར་བྱའོ། །དེའི་དབུས་སུ་ཡི་གེ་བྷྲཱུཾ་དུས་མཐའི་མེ་སྦར་བ་ལྟར་སྣང་བའི་འོད་ཀྱིས་འགྲོ་བ་མ་ལུས་པར་བཀང་བར་བསམ་མོ། །དེ་ནས་ཀཾ་ཧཾ་ཀཾ་ཞེས་བྱ་བས་དབུ་རྒྱན་གྱི་རྩེ་མོའི་མཐའ་ནས་བརྩམས་ཏེ། འོད་ཟེར་ལྗང་གུ་རྣམ་པར་འཕྲོ་
བས་བརྒྱན་པའི་སྣ་ཚོགས་རྡོ་རྗེའི་ཚོགས་ཀྱི་གོ་ཆ་ཆེན་པོ་བཀང་བའི་མཐར་ཐུག་གི་བར་དུ་བསྒོམས་ལ། རྡོ་རྗེ་བསྲུང་བའི་ཕྱག་རྒྱ་བཅིངས་ནས་སྔགས་བརྗོད་ནས་བྱིན་གྱིས་བརླབ་པར་བྱ་སྟེ། རྡོ་རྗེ་ཁུ་ཚུར་གཉིས་བཅིངས་ལ་སྙིང་ག་དང་། དཔྲལ་བ་གཉིས་སུ་གོ་

62-1-151a

ཆའི་ཚུལ་དུ་བཞག་ལ། ཧཾ་བཛྲ་རཀྵ་ཛཿཧཱུྃ་བཾ་ཧོཿ། ནིར་བྷ་ཡ་སྟྭཾ་ཞེས་བརྗོད་པར་བྱའོ། །ཆོ་གའི་འོག་ཏུ་རྐང་པའི་མཐར་ཐུག་པར་རབ་ཏུ་འཕྱང་བ། རིན་པོ་ཆེ་དམ་པའི་སྐུད་པས་བརྒྱུས་པའི་དེ་བཞིན་གཤེགས་པ་དང་། རྡོ་རྗེ་དང་། རིན་པོ་ཆེ་དང་། པདྨ་
དང་། སྣ་ཚོགས་རྡོ་རྗེའི་ཕྲེང་བ་གསེར་གྱིས་རྣམ་པར་སྤྲས་པ་ལྔ་ས་བོན་འདི་རྣམས་ལས་བསྒོམ་པར་བྱ་སྟེ། ཨོཾ་བཾ་ཧཱུྃ་བཾ་ཏྲཱཾ་བཾ་ཧྲཱིཿབཾ་ཨ་བཾ་ཞེས་བྱ་བ་ལས་དེ་བཞིན་གཤེགས་པའི་ཕྲེང་བ་དང་། རྡོ་རྗེའི་ཕྲེང་བ་དང་། རིན་པོ་ཆེའི་ཕྲེང་བ་དང་། པདྨའི་ཕྲེང་བ་དང་། ལས་
ཀྱི་ཕྲེང་བ་སྟེ། མཐར་རིམ་པ་ཇི་ལྟ་བ་བཞིན་དུ་ཨ་བྷི་ཥིཉྩ་མཱཾ་ཞེས་ཐུན་མོང་དུ་བརྗོད་པར་བྱའོ། །དེ་ནས་ཕྱག་རྒྱ་བཞི་རང་གི་ལུས་ལ་བསམས་ལ། ང་རྒྱལ་བསྐྱེད་པར་བྱ་སྟེ། མ་ཧཱ་ས་མ་ཡ་སཏྭ་ཧཾ། བྷ་ག་ཝཱན་བཛྲ་དྷཱ་ཏུ་ཞེས་བརྗོད་པར་བྱའོ། །གདན་དུ་ཡི་
གེ་ཧྲཱིཿལས་པདྨ། ཨ་ལས་ཟླ་བའི་དཀྱིལ་འཁོར་དང་འོད་ཀྱི་དཀྱིལ་འཁོར་བསམ་མོ། །དེ་ནས་རང་གི་སེང་གེའི་གདན། ཨ་སི་ཨ་ཞེས་བྱ་བ་འདིས་བྱིན་གྱིས་བརླབས་ལ། ཕྱོགས་རྣམས་སུ་ཧཱུྃ་ག་ཧཱུྃ། ཏྲ་བ་ཏྲཿཧྲཱིཿམཿཧྲཱིཿཨ་ག་ཨ་ཞེས་བྱ་བ་འདི་དག་ལས་གྲངས་ཇི་
ལྟ་བ་བཞིན་དུ། གླང་པོ་དང་། རྟ་དང་། རྨ་བྱ་དང་། ནམ་མཁའ་ལྡིང་གི་གདན་བསྐྱེད་པར་བྱའོ། །དེ་ནས་མཚམས་རྣམས་ཀྱི་ཕྱི་རོལ་གྱི་དཀྱིལ་འཁོར་གྱི་གྲྭ་དང་། སྒོ་རྣམས་སུ་ཡི་གེ་ཧྲཱིཿལས་པདྨ་བསྐྱེད་ལ། དེ་རྣམས་ཀྱི་སྟེང་དུ་ཨ་ལས་ཟླ་བའི་དཀྱིལ་
འཁོར་བསམས་ནས། དེའི་འོག་ཏུ་དཀྱིལ་འཁོར་དབུས་མའི་ཕྱོགས་རྣམས་སུ་རྡོ་རྗེ་སེམས་མ་ལ་སོགས་པ། ཧཱུྃ་ཏྲཱཾ་ཧྲཱིཿཨ་ཞེས་བྱ་བ་འདི་དག་ལས་བསྐྱེད་པར་བྱའོ། །མཚམས་རྣམས་སུ་ལྷ་མོ་སྒེག་མོ་ལ་སོགས་པ་ཧོ་ར་ཊ་གཱི་ཀྲིཏ་ཅེས་བྱ་བ་ལས་བསྐྱེད་པར་
བྱའོ། །ཕྱིའི་དཀྱིལ་འཁོར་གྱི་མཚམས་རྣམས་སུ་རྡོ་རྗེ་བདུག་པ་མ་ལ་སོགས་པ་ཨཿཏྲཿདྷཱིཿབཿཞེས་བྱ་བ་འདི་དག་ལས་བསྐྱེད་པར་བྱའོ། །རྡོ་རྗེ་སྒོ་རྣམས་སུ་རྡོ་རྗེ་ལྕགས་ཀྱུ་ལ་སོགས་པ་ཛཿཧཱུྃ་བཾ་ཧོཿཞེས་བྱ་བ་འདི་དག་ལས་བསྐྱེད་ལ་སྔར་བཤད་པའི་ཟླ་བའི་དཀྱིལ་

62-1-151b

འཁོར་ཉིད་ཀྱི་སྟེང་དུ་བསམ་པར་བྱ་སྟེ། འདི་དག་ཀྱང་སེམས་སོ་སོར་རྟོག་པ་ལ་སོགས་པའི་རིམ་གྱིས་མངོན་པར་བྱང་ཆུབ་པ་ལྔས་རང་གི་སྐུའི་ཚུལ་ཐོབ་པ། ཕྱག་རྒྱ་བཞིའི་དཀྱིལ་འཁོར་གྱི་ཚུལ་གྱིས་བཞུགས་པར་བསམ་པར་བྱ་བའམ། ཡི་གེ་ཤིན་ཏུ་གསལ་ཞིང་
འོད་ཀྱི་ཚོགས་འཕྲོ་བ་འདུས་པར་གྱུར་པ་ལས་ལྷའི་སྐུ་བསམ་པར་བྱའོ། །ཡང་ན་རང་གི་ལུས་ལས་ཕྱུང་སྟེ་སྔར་བཤད་པའི་སྔགས་ཀྱིས་ཐུགས་ཀར་མཚན་ནས་གཞག་པར་བྱའོ། །དེ་ནས་དེ་ལྟར་ཕྱག་རྒྱ་བཞིའི་དཀྱིལ་འཁོར་བསྐྱེད་ལ་ཕྱོགས་བཞིར་སངས་རྒྱས་
བཞི་པོ་འཁོར་གྱི་ཚོགས་དང་བཅས་པ་རང་གི་ལུས་ལ་བཅུག་སྟེ་དེ་ཕྱུང་ནས། རྡོ་རྗེ་སེམས་མ་ལ་སོགས་པ་བཞུགས་ཏེ་བྱིན་གྱིས་བརླབས་ནས་བཞུགས་པར་བསམ་མོ། །བྱམས་པ་ལ་སོགས་པ་འཁོར་གྱི་ཚོགས་རྣམས་ཀྱང་ཕྱོགས་བཞིར་ཕྱི་རོལ་གྱི་སྣམ་བུ་ལ་
བསམ་པར་བྱ་སྟེ། དེ་རྣམས་ཀྱང་མིང་གི་ཡི་གེ་དང་པོ་ལས་བྱུང་བའོ། །དེ་ལ་འདི་དག་ནི་བྱམས་པ་ལ་སོགས་པ་སྟེ། འདི་ལྟ་སྟེ། བྱམས་པ་དང་། མཐོང་བ་དོན་ཡོད་དང་། ངན་སོང་ཀུན་འདྲེན་དང་། མྱ་ངན་དང་མུན་པ་ཐམས་ཅད་ངེས་པར་འཇོམས་པའི་
བློ་གྲོས་དང་། སྤོས་ཀྱི་གླང་པོ་དང་། དཔའ་བར་འགྲོ་བ་དང་། ནམ་མཁའ་མཛོད་དང་། ཡེ་ཤེས་ཏོག་དང་། འོད་དཔག་ཏུ་མེད་པ་དང་། ཟླ་བའི་འོད་དང་། བཟང་སྐྱོང་དང་། དྲ་བ་ཅན་གྱི་འོད་དང་། སྙིང་རྗེ་ཆེན་པོ་དང་། བློ་གྲོས་མི་ཟད་པ་དང་། སྤོབས་པ་བརྩེགས་
པ་དང་། ཀུན་དུ་བཟང་པོ་དང་། དེ་དག་ལ་སོགས་པ་དཀྱིལ་འཁོར་གྱི་ལྷ་རྣམས་ཀྱིས་བདག་ཉིད་མཆོད་པར་གྱུར་པར་བསམ་མོ། །དེ་ནས་ཡི་གེ་ཤཾ་གིས་འགྲོ་བ་ཐམས་ཅད་སྟོང་པར་བྱས་ནས་རྡོ་རྗེ་རླུང་གི་དཀྱིལ་འཁོར་ནས་བརྩམས་ཏེ། དེ་བཞིན་གཤེགས་པའི་ཡོན་
ཏན་གྱི་ཚོགས་བསྐྱེད་པའི་ངོ་བོ་ཉིད་དུ་རིམ་པ་འདིས་བསྐྱེད་ལ། འགྲོ་བ་རྣམས་བྱིན་གྱིས་བརླབ་པར་བྱ་སྟེ། ཧཱུྃ་ཡཾ་ཧཱུྃ་ཞེས་བྱ་བ་རྡོ་རྗེ་རླུང་གི་དཀྱིལ་འཁོར་གྱིའོ། །ཧཱུྃ་བཾ་ཧཱུྃ་ཞེས་བྱ་བ་ནི་དེ་ཉིད་ཀྱི་སྟེང་དུ་ཆུའི་དཀྱིལ་འཁོར་གྱིའོ། །ཧཱུྃ་རཾ་ཧཱུྃ་ཞེས་བྱ་བ་ནི་དེ་ཉིད་ཀྱི་སྟེང་དུ་མེའི་

62-1-152a

དཀྱིལ་འཁོར་གྱིའོ། །དེའི་སྟེང་དུ་ཡི་གེ་ཁཾ་ལས་རྣམ་པར་སྣང་མཛད་བསམས་ལ། དེ་ཉིད་ཀྱི་སྐུའི་ཡན་ལག་དང་ཉིང་ལག་གི་བ་སྤུའི་བུ་ག་རྣམས་ལས་བྱུང་བའི་ཆར་གྱི་རྒྱུན་སྒོམ་པོ་དཔག་ཏུ་མེད་པ་འབེབས་པ་གཏོང་བས་སྣོད་ཀྱི་འཇིག་རྟེན་མ་ལུས་
པར་ཆུས་ཡོངས་སུ་གང་བར་བྱས་ཏེ། བཅོམ་ལྡན་འདས་ཀྱང་དེ་ཉིད་དུ་ཐིམ་པར་གྱུར་པར་བསམས་ནས། མེ་དང་ཆུའི་དཀྱིལ་འཁོར་དག་གི་བར་དུ་ཧཱུྃ་ལཾ་ཧཱུྃ་ཞེས་བྱ་བ་བཀོད་ལ། དེ་བསྐལ་བ་སྔོན་དུ་འགྲོ་བས། འདུས་པའི་ཏིང་ངེ་འཛིན་བརྟན་པར་གྱུར་
པའི་མཐུས། སའི་དཀྱིལ་འཁོར་དཔག་ཏུ་མེད་པར་བསམ་པར་བྱའོ། །དེའི་སྟེང་དུ་ཡི་གེ་ཁཾ་ལས་ཕྱོགས་བཅུའི་འཇིག་རྟེན་གྱི་ཁམས་མ་ལུས་པ་ཁྱབ་པའི་གཞལ་ཡས་ཁང་ཆེན་པོ་རྣམ་པར་བསམ་པར་བྱའོ། །དེའི་དབུས་སུ་སེང་གེའི་གདན་ཆེན་པོ་ལ་
སོགས་པ་ཕྱག་རྒྱ་བཞིའི་དཀྱིལ་འཁོར་གྱི་ལྷ་རྣམས་ཀྱི་གྲངས་དང་མཉམ་པར་སྔར་བཤད་པའི་ས་བོན་གྱི་ཡི་གེ་ལས་བསྐྱེད་པར་བྱའོ། །དེ་ནས་འཇིག་རྟེན་གྱི་ཁམས་དཔག་ཏུ་མེད་པ་ལས་ཡང་དག་པར་འདུས་པར་གྱུར་པའི་སངས་རྒྱས་དང་བྱང་ཆུབ་སེམས་དཔའ་
རྣམས་དང་། ལྷ་དང་། ཀླུ་དང་། གནོད་སྦྱིན་དང་། དྲི་ཟ་དང་། ལྷ་མ་ཡིན་དང་། ནམ་མཁའ་ལྡིང་དང་། མི་འམ་ཅི་དང་། ལྟོ་འཕྱེ་ཆེན་པོ་ལ་སོགས་པའི་སེམས་ཅན་གྱི་ཚོགས་རྣམས་ཀྱིས་ཡོངས་སུ་བསྐོར་ཅིང་མཆོད་པར་གྱུར་པ་དང་། བསྟོད་པར་གྱུར་
ཅིང་གདུགས་དང་། རྒྱལ་མཚན་དང་། བ་དན་ལ་སོགས་པ་རྣམས་དང་། གླུ་དང་། གར་དང་། རོལ་མོ་ལ་སོགས་པ་རྣམས་ཀྱིས་དཀྱིལ་འཁོར་པ་ཐམས་ཅད་ཀྱི་བདག་པོར་གྱུར་པ་རྗེས་སུ་ཐོབ་ཅིང་འགྲོ་བའི་དོན་ལ་དེ་འཇུག་པར་གྱུར་པར་བདག་ཉིད་
བསམ་མོ། །དེར་ཞུགས་ནས་འདུག་སྟེ་གནས་ཇི་ལྟ་བ་བཞིན་དུ་མདུན་དུ་གཞལ་ཡས་ཁང་ཆེན་པོ་བསམས་ཏེ། སྔར་བཤད་པའི་ས་བོན་ཉིད་ལས་སྟན་དང་། ཕྱག་རྒྱ་བཞིའི་དཀྱིལ་འཁོར་གྱི་ལྷའི་སྐུ་བསྐྱེད་ལ། རིམ་པ་འདིས་ལྷ་རྣམས་སྤྱན་དྲང་བར་བྱ་སྟེ། 

62-1-152b

རྡོ་རྗེ་སེ་གོལ་གྱི་ཕྱག་རྒྱ་བཅིངས་ལ། རང་གི་སྙིང་ག་ལས་ཡི་གེ་ཧོ་དང་། ཨཱཿབཛྲ་དྷཱ་ཏུ་ཧོཿཛཿཞེས་བྱ་བ་འདི་དག་ལས་རིམ་པ་ཇི་ལྟ་བ་བཞིན་དུ་སྟེང་གི་ཕྱོགས་སུ་སོང་བར་གྱུར་པར་བསམས་ལ། བཅོམ་ལྡན་འདས་རྣམ་པར་སྣང་མཛད་ཀྱི་ཐུགས་ཀར་རྗེས་སུ་ཞུགས་
པར་བསམ་པར་བྱའོ། །དེ་ལ་ཡི་གེ་ཧོཿཞུགས་ནས་ཡོངས་སུ་མཉེས་པར་བྱེད་དོ། །ཡི་གེ་ཨཿཡིས་དེས་རྫོགས་པར་བྱེད་པ་བྱིན་གྱིས་རློབ་པ་དང་། གཟི་བྱིན་བསྐྱེད་པ་དང་། ཐུགས་སུ་ཆུད་པར་བྱ་བ་དག་བྱེད་དོ། །བཛྲ་དྷཱ་ཏུ་ཞེས་བྱ་བའི་སྒྲས་ནི་རིགས་བཞིའི་ངོ་
བོ་ཉིད་དུ་བྱིན་གྱིས་རློབ་པར་བྱེད་དོ། །ཡི་གེ་ཧོཿཡིས་ནི་ཡང་ཡོངས་སུ་མཉེས་པར་བྱེད་དོ། །ཡི་གེ་ཛཿནི་དེ་ཉིད་ཀྱི་སྙིང་པོའི་ཡི་གེ་ཨཿབཅིངས་ནས་འགུགས་པར་བྱེད་དོ། །རྡོ་རྗེ་བསྡུ་བའི་ཕྱག་རྒྱ་བཅིངས་ལ། བཅོམ་ལྡན་འདས་བསྡུ་བ་སྐུ་མདོག་དཀར་པོ་འོད་ཟེར་
གྱི་ཚོགས་ཀྱིས་ཁམས་གསུམ་མ་ལུས་པར་འགེངས་པ་དེ་ལས་བྱུང་བ་རང་གི་རྣམ་པ་ལྟ་བུའི་ལྷའི་གཟུགས་རྣམ་པར་བསམས་ལ་རང་ཉིད་ཀྱང་ཡི་གེ་ཛཿལས་བྱུང་བའི་རྡོ་རྗེ་ལྕགས་ཀྱུ་ཕྱག་ན་བསྣམས་པ་བཅོམ་ལྡན་འདས་ཀྱི་ཐུགས་ཀར་ཞུགས་ལ། གཞན་རྣམས་
ནི་ལྷ་གཞན་གྱི་ཐུགས་ཀ་དང་། འཇིག་རྟེན་པ་རྣམས་ལ་ཞུགས་པས་བཅོམ་ལྡན་འདས་འགྲོ་བ་ཐམས་ཅད་ཀྱི་དཀྱིལ་འཁོར་གྱིས་ཡོངས་སུ་བསྐོར་བར་སྤྱན་འདྲེན་པར་བསམ་མོ། །བཅོམ་ལྡན་འདས་བྱོན་པ་ནམ་མཁའི་ངོས་ལ་འོད་ཟེར་གྱི་ཚོགས་འབྱིན་པར་
མཛད་པས་སེམས་ཅན་ཐམས་ཅད་སངས་རྒྱས་ཉིད་ལ་སོགས་པ་དངོས་གྲུབ་ཀྱི་མཆོག་ཐོབ་པར་མཛད་ཅིང་། ཞལ་རབ་ཏུ་འཛུམ་པ་དང་། ཉིད་ཀྱི་དཀྱིལ་འཁོར་ལ་མངོན་པར་ཕྱོགས་ཏེ་བྱོན་ནས་དཀྱིལ་འཁོར་གྱི་སྟེང་དུ་བསམ་མོ། །དེ་ནས་ཡིད་ཀྱིས་རང་གི་ཕྱག་
རྒྱ་བཞི་བཞག་ནས། ཡང་བཅོམ་ལྡན་འདས་ལ་རྡོ་རྗེ་འཆང་གིས་གླུ་དང་མཚན་བརྒྱ་རྩ་བརྒྱད་ཀྱི་བསྟོད་པར་བྱ་སྟེ། རྡོ་རྗེ་དབྱིངས་ཀྱི་སེམས་དཔའ་ཆེ། །སེམས་ཅན་དོན་མཆོག་བདག་ཉིད་དེ། །ཤཱཀྱའི་རྒྱལ་པོ་ཡེ་ཤེས་ཆེ། །རྡོ་རྗེ་བདག་ཉིད་ཁྱོད་ཕྱག་འཚལ། །

62-1-153a

སེམས་དཔའ་འབྱུང་བ་དེ་ཉིད་དོན། །སེམས་ཅན་རྒྱུ་སྟེ་ཚུལ་ཆེན་པོ། །སེམས་ཅན་དོན་ཆེན་དགོངས་པའི་དོན། །སེམས་དཔའི་སེམས་དཔའ་ཁྱོད་ཕྱག་འཚལ། །སངས་རྒྱས་ཆོས་ཏེ་ཆོས་ཆེན་པོ། །ཆོས་ཀྱི་འཁོར་ལོ་རབ་བསྐོར་བ། །སྨྲ་བ་
ཆེན་པོའི་རང་རིགས་མཆོག །སེམས་དཔའ་ཆེན་པོ་ཁྱོད་ཕྱག་འཚལ། །ལས་ཆེན་བསྲུང་བ་ཆེན་པོ་སྟེ། །ལས་རྣམས་ཐམས་ཅད་རབ་བསྒྲུབ་པ། །ཉིད་ཆེན་སེམས་ཅན་སྤྱོད་པ་མཆོག །སེམས་དཔའ་རྒྱུ་ཁྱོད་ཕྱག་འཚལ་ལོ། །ཕ་རོལ་ཕྱིན་པ་ཀུན་བརྙེས་
པ། །ཀུན་མཁྱེན་ཡེ་ཤེས་མཁྱེན་པ་པོ། །ཤེས་རབ་ཆེན་པོ་ཁྱོད་ཕྱག་འཚལ། །ཐུགས་རྗེ་ཆེན་པོ་མཆོག་གི་མཆོག །ཐུགས་རྗེ་ཐུགས་རྗེའི་བདག་ཉིད་དེ། །ཐམས་ཅད་གཏོང་བ་བྱམས་པ་ཆེ། །ཀུན་མཛད་ཁྱེད་ལ་ཕྱག་འཚལ་ལོ། །ཤཱཀྱ་སེང་གེ་ཤཱཀྱ་ཆེ། །
ཤཱཀྱའི་ཐུབ་པ་ཤཱཀྱ་ཆེ། །འདུལ་བ་ཆེན་པོ་ཁྱབ་པ་པོ། །འགྲོ་དོན་འདུལ་མཆོག་ཁྱོད་ཕྱག་འཚལ། །ཆོས་ཀྱི་དབྱིངས་དང་མཉམ་བརྙེས་པ། །ཆོས་དབྱིངས་དེ་བཞིན་གཤེགས་པ་སྟེ། །རྡོ་རྗེ་མགོན་པོ་མགོན་ཆེན་པོ། །སེམས་ཅན་ཚོགས་ནི་ཁྱོད་
ཕྱག་འཚལ། །འོད་ཆེན་སྣང་བ་ཆེན་པོ་སྟེ། །བརྩོན་འགྲུས་ཆེན་པོ་སྟོབས་ཆེན་པོ། །དཔའ་བོ་ཆེན་པོ་རབ་དཔའ་མཆོག །བདེ་སྤྱོད་དཔའ་བ་ཁྱོད་ཕྱག་འཚལ། །ཚངས་པ་རང་བྱུང་བཅོམ་ལྡན་འདས། །ཤཱཀྱ་དཔའ་བོ་ཐུབ་པ་ཆེ། །ཀུན་བདག་
ཐུབ་པ་དག་པ་ཡི། །ཆོས་རྒྱལ་ཁྱོད་ལ་ཕྱག་འཚལ་ལོ། །ནམ་མཁའི་སྐུ་སྟེ་སྐུ་ཡི་མཆོག །སྐུ་གསུམ་སྐུ་མིན་སྟོན་པ་པོ། །ཀུན་གྱི་སྐུ་དེ་སྐུ་ཆེ་བ། །རྡོ་རྗེའི་སྐུ་ཁྱོད་ཕྱག་འཚལ་ལོ། །གསུང་མིན་གསུང་སྟེ་གསུང་གི་མཆོག །གསུང་གསུམ་
གསུང་མིན་སྟོན་པ་པོ། །གསུང་ཀུན་ཤིན་ཏུ་གསུང་ཆེ་བ། །རྡོ་རྗེའི་གསུང་ཁྱོད་ཕྱག་འཚལ་ལོ། །སེམས་མིན་སེམས་ཏེ་སེམས་ཀྱི་མཆོག །སེམས་གསུམ་སེམས་མིན་སྟོན་པ་པོ། །ཀུན་གྱི་སེམས་ཏེ་སེམས་ཆེ་བ། །རྡོ་རྗེའི་སེམས་ཁྱོད་ཕྱག་འཚལ་

62-1-153b

ལོ། །རྡོ་རྗེ་མ་ཡིན་རྡོ་རྗེའི་མཆོག །རྡོ་རྗེ་གསུམ་པ་རྡོ་རྗེ་སྦྱོང་། །རྡོ་རྗེ་ཐམས་ཅད་རྡོ་རྗེ་ཆེ། །རྡོ་རྗེ་རྡོ་རྗེ་ཁྱོད་ཕྱག་འཚལ། །ཀུན་ཁྱབ་སྲིད་པའི་རྩེ་མོ་མཆོག །བདེ་གཤེགས་བདག་པོ་རྒྱལ་བ་ནི། །ཁམས་གསུམ་པ་ཡི་རྒྱལ་པོ་ཆེ། །སྣང་མཛད་ཁྱོད་ལ་ཕྱག་
འཚལ་ལོ། །མཚན་བརྒྱ་རྩ་བརྒྱད་འདི་དག་ནི། །གང་གིས་ལན་ཅིག་ཉན་བྱེད་དམ། །ཀློག་གམ་ཡང་ན་བསྒོམ་ཡང་རུང་། །ཀུན་གྱིས་སངས་རྒྱས་ཉིད་ཐོབ་འགྱུར། །དེ་ནས་རིམ་པ་འདི་ཕབ་སྟེ། །གཟུགས་བརྙན་ལ་གཞུག་པ་དང་། བཅིང་བ་དང་། མཉེས་པར་
བྱས་ནས་བཞུགས་སུ་གསོལ་ལོ། །རྡོ་རྗེ་ཁུ་ཚུར་བཅིངས་ལ་ལག་པ་གཡས་པ་མཛུབ་མོ་ལྕགས་ཀྱུར་བྱས་ཏེ། ཁ་ཕྱིར་བལྟས་པར་བཞག་ལ། གཡོན་པའི་མཐེའུ་ཆུང་བཀུག་སྟེ་གཡས་པའི་མཛུབ་མོའི་དྲུང་དུ་བཞག་ལ་དགུག་པར་བྱ་ཞིང་དེ་ཡང་ལྷ་རྣམས་སྤྱན་འདྲེན་པའི་
ཚུལ་གྱིས་གཞག་པ་ནི་རྡོ་རྗེ་ལྕགས་ཀྱུའི་ཕྱག་རྒྱ་སྟེ། འདིའི་སྔགས་ནི་བཛྲ་ཨཾ་ཀུ་ཤ་ཛཿཞེས་བྱ་བ་སྟེ་འདིས་བཀུག་ནས། རང་གི་སྐུའི་གཟུགས་བརྙན་གྱི་མདུན་དུ་ཐུགས་ཀ་དང་ཉེ་བར་བཞུགས་པར་བསམ་མོ། །རྡོ་རྗེ་ཁུ་ཚུར་གཉིས་གཤིབས་ལ་རྒྱབ་སྦྱར་ཏེ། མཐེའུ་ཆུང་
གཉིས་ལྕགས་སྒྲོག་ལྟར་མདུད་ལ་མཛུབ་མོའི་རྩེ་མོ་སྦྱར་ནས་ཞགས་པ་དང་འདྲ་བར་བཞག་པ་ནི་རྡོ་རྗེ་ཞགས་པའི་ཕྱག་རྒྱ་སྟེ། འདིའི་སྔགས་ནི་ཨོཾ་བཛྲ་པཱ་ཤ་ཧཱུྃ་ཞེས་བྱ་བ་སྟེ། འདིས་རང་གི་སྐུའི་གཟུགས་བརྙན་ཇི་ལྟ་བ་བཞིན་དུ་རྗེས་སུ་མཐུན་པ་རྣམས་ལ་ཡང་དག་
པར་ཞུགས་པར་གྱུར་པར་བསམ་མོ། །རྡོ་རྗེ་ཁུ་ཚུར་གཉིས་པོ་ཉིད་ཀྱི་མཛུབ་མོ་གཉིས་དང་མཐེའུ་ཆུང་གཉིས་ལྕགས་སྒྲོག་བཅིངས་པའི་ཚུལ་དུ་བཅིང་བ་ནི་རྡོ་རྗེ་ལྕགས་སྒྲོག་གི་ཕྱག་རྒྱ་སྟེ། འདིའི་སྔགས་ནི་ཨོཾ་བཛྲ་སྥོ་ཊ་བཾ་ཞེས་བྱ་བ་སྟེ། འདིས་བྱིན་གྱིས་
བརླབས་པར་གྱུར་པར་བསམ་མོ། །དེ་ཉིད་ལས་ལག་པའི་རྒྱབ་གཉིས་དྲིལ་བུ་བཞིན་དུ་སྤྱོད་པ་ནི་རྡོ་རྗེ་དྲིལ་བུའི་ཕྱག་རྒྱ་སྟེ། འདིའི་སྔགས་ནི་ཨོཾ་བཛྲ་གྷཎྜེ་ཧོཿཞེས་བྱ་བ་སྟེ། འདིས་དངོས་སུ་བརྙེས་པར་གྱུར་པར་བསམ་མོ། །དེ་ནས་དམ་ཚིག་གི་ཕྱག་རྒྱས་དམ་

62-1-154a

ཚིག་ལས་མི་འདའ་བར་བྱ་བའི་ཕྱིར་བྱིན་གྱིས་བརླབས་ལ། དེའི་འོག་ཏུ་རང་གི་ལས་ལ་སྦྱར་བར་བྱ་སྟེ། བྱིན་གྱིས་རློབ་པར་མ་བྱས་པར་ལས་རྣམས་འཕེལ་བར་སྦྱར་བ་ནི་ནམ་མཁའི་མེ་ཏོག་དང་འདྲ་བས་ན། དང་པོར་དམ་ཚིག་གི་ཕྱག་
རྒྱ་ཉིད་བསྟན་པར་བྱའོ། །ལྷ་དང་ལྷ་མོ་འདི་དག་ཐམས་ཅད་ཀྱི་རང་གི་དམ་ཚིག་གི་ཕྱག་རྒྱ་ནི་ཐུགས་ཀར་རང་རང་གི་ས་བོན་གྱི་ཡི་གེ་རྣམས་བསམས་ལ། སྔགས་དང་བཅས་པ་བརྗོད་པར་བྱའོ། །དེ་ལ་འདི་དག་ནི་དམ་ཚིག་གི་ཕྱག་རྒྱ་དང་། ས་བོན་
གྱི་ཡི་གེ་སྟེ། ཐམས་ཅད་ཀྱི་ཐུགས་ཀར་ཟླ་བའི་དཀྱིལ་འཁོར་བསམ་མོ། །དེ་ལ་རྣམ་པར་སྣང་མཛད་ཀྱི་ཐུགས་ཀར་ནི་རྡོ་རྗེ་མཆོད་རྟེན་བྱིན་གྱིས་བརླབས་ལ། དེའི་ནང་དུ་ཆོས་ཀྱི་ཕྱག་རྒྱ་ནི་ཏིང་ངེ་འཛིན་གྱི་སེམས་དཔའི་ངོ་བོ་ཉིད་དོ། །དེའི་ནང་དུ་སྣ་ཚོགས་
རྡོ་རྗེ་ཆང་ཟུངས་ཀྱི་དབུས་སུ་ཡི་གེ་ཨཱཿརྣམ་པར་འཚེར་ཞིང་འོད་ཟེར་དཀར་པོས་བཅོམ་ལྡན་འདས་ཉེ་བར་གསལ་བས་སྣང་བར་བྱས་པར་བསམ་མོ། །དེ་ལྟར་ལྷའི་ཁྱད་པར་ཐམས་ཅད་དུའང་ཕྱག་རྒྱ་བཞི་དང་སྦྱར་བར་ཁོང་དུ་ཆུད་པར་བྱ་བའམ། གཟུགས་ཅན་
ཉིད་དུ་བསམ་པར་བྱའོ། །དམ་ཚིག་གི་ཕྱག་རྒྱ་བཅིང་བའི་དུས་སུ་ནི་དམ་ཚིག་གི་ཕྱག་རྒྱ་ལ་ཡིད་ཀྱིས་དམིགས་པར་བྱའོ། །ལས་ཀྱི་ཕྱག་རྒྱ་བསྟན་པའི་དུས་སུ་ནི་ལས་ཀྱི་ཕྱག་རྒྱ་རྣམས་ཀྱིས་ཏེ་འདི་ནི་ཁྱད་པར་ཡིན་ནོ། །རྡོ་རྗེ་སྒེག་མོ་ནི་རྡོ་རྗེ་དང་ཡི་གེ་ཧོའོ། །
རྡོ་རྗེ་ཕྲེང་བ་མ་ནི་རྡོ་རྗེའི་ཕྲེང་བ་དང་ཡི་གེ་རཾ་མོ། །རྡོ་རྗེ་གླུ་མའི་ནི་པདྨ་དང་ཡི་གེ་གིའོ། །རྡོ་རྗེ་གར་མཁན་མའི་ནི་སྣ་ཚོགས་རྡོ་རྗེ་དང་། ཡི་གེ་ཀྲིམ་མོ། །རྡོ་རྗེ་བདུག་པ་མའི་རྡོ་རྗེ་དང་ཡི་གེ་ཨཱཿའོ། །རྡོ་རྗེ་མེ་ཏོག་མའི་ནི་རིན་པོ་ཆེ་དང་ཏྲའོ། །རྡོ་རྗེ་མར་མེ་མའི་ནི་
པདྨ་དང་ཡི་གེ་དྷིའོ། །རྡོ་རྗེ་བྱུག་པ་མའི་ནི་སྣ་ཚོགས་རྡོ་རྗེ་དང་ཡི་གེ་བཾ་མོ། །རྡོ་རྗེ་ལྕགས་ཀྱུ་མའི་ནི་རྡོ་རྗེ་ལྕགས་ཀྱུ་དང་ཡི་གེ་ཛཿའོ། །རྡོ་རྗེ་ཞགས་པ་མའི་ནི་རྡོ་རྗེ་ཞགས་པ་དང་ཡི་གེ་ཧཱུྃ་ངོ་། །རྡོ་རྗེ་ལྕགས་སྒྲོག་གི་ནི་རྡོ་རྗེ་ལྕགས་སྒྲོག་དང་ཡི་གེ་བཾ་མོ། །རྡོ་རྗེ་དྲིལ་བུའི་ནི་

62-1-154b

རྡོ་རྗེ་དྲིལ་བུ་དང་ཡི་གེ་ཧོཿའོ། །རྡོ་རྗེ་སེམས་མའི་ཕྱག་རྒྱ་བཞིའི་ངོ་བོ་ནི་ལྷ་མོ་སྒེག་མོའི་གཟུགས་ཅན་ལ་ཐུགས་ཀར་རྡོ་རྗེ་དང་ཡི་གེ་ཧཱུྃ་ངོ་། །རྡོ་རྗེ་རིན་ཆེན་མ་ནི་ཕྲེང་བ་མའི་གཟུགས་ཅན་ཏེ་ཐུགས་ཀར་རིན་པོ་ཆེ་དང་ཡི་གེ་ཏྲཱཾ་ངོ་། །རྡོ་རྗེ་ཆོས་མ་ནི་གླུ་མཁན་མའི་
གཟུགས་ཅན་ཏེ། ཐུགས་ཀར་པདྨ་དང་ཡི་གེ་ཧྲཱིཿའོ། །རྡོ་རྗེ་ལས་མའི་ནི་གར་མཁན་མའི་གཟུགས་ཅན་ཏེ། ཐུགས་ཀར་སྣ་ཚོགས་རྡོ་རྗེ་དང་ཡི་གེ་ཨ་སྟེ། ཕྱག་རྒྱ་དེ་རྣམས་ཀྱང་ཟླ་བའི་དཀྱིལ་འཁོར་གྱི་སྟེང་དུ་སྣ་ཚོགས་རྡོ་རྗེའི་ནང་དུ་ཆུད་པའི་ས་བོན་གྱི་ཡི་གེ་བསམ་
པར་ཤེས་པར་བྱའོ། །དེ་ལྟར་སོ་སོར་བསམས་ལ་རིམ་པ་འདིས་དམ་ཚིག་གི་ཕྱག་རྒྱ་བསྟན་པར་བྱའོ། །རྣམ་པར་སྣང་མཛད་ཀྱི་དམ་ཚིག་གི་ཕྱག་རྒྱ་སྔར་བཤད་པའི་དམ་ཚིག་རྡོ་རྗེ་དབྱིངས་ཀྱི་དབང་ཕྱུག་མའི་ཕྱག་རྒྱ་བཅིངས་ལ། ཨོཾ་བཛྲ་དྷཱ་ཏུ་ཛཿཧཱུྃ་
བཾ་ཧོཿབཛྲ་ཛྙཱ་ན་ཞེས་བརྗོད་པར་བྱའོ། །སེམས་མ་རྡོ་རྗེ་ལ་སོགས་པ་ནི་དཀྱིལ་འཁོར་ཆེན་པོའི་ཚུལ་གྱིས་གནས་པ་མེད་པས་དམ་ཚིག་གི་ཕྱག་རྒྱ་དང་ལས་ཀྱི་ཕྱག་རྒྱ་དག་མེད་དེ། དེའི་བདག་པོའི་ཕྱག་རྒྱ་ཉིད་བཅིངས་ལ་སྔགས་བརྗོད་པར་བྱ་སྟེ། མི་བསྐྱོད་པའི་
ཕྱག་རྒྱ་བཅིངས་པའམ་སྔར་བཤད་པའི་གཟུངས་ཀྱི་དཀྱིལ་འཁོར་གྱི་སེམས་མ་རྡོ་རྗེའི་ཕྱག་རྒྱ་བཅིངས་ལ། ཧཱུྃ་སཏྭ་བཛྲ་ཛཿཧཱུྃ་བཾ་ཧོཿབཛྲ་ཛྙཱ་ན་ཞེས་བརྗོད་པར་བྱའོ། །རིན་ཆེན་འབྱུང་ལྡན་གྱི་ཕྱག་རྒྱའམ། རིན་ཆེན་སེམས་མའི་ཕྱག་རྒྱ་བཅིངས་ལ། ཏྲ་རཏྣ་བཛྲི་
ཛཿཧཱུྃ་བཾ་ཧོཿབཛྲ་ཛྙཱ་ན་ཞེས་བརྗོད་པར་བྱའོ། །འོད་དཔག་ཏུ་མེད་པའམ་ཆོས་ཀྱི་སེམས་མའི་ཕྱག་རྒྱ་བཅིངས་ལ། ཧྲཱིཿདྷརྨ་བཛྲི་ཛཿཧཱུྃ་བཾ་ཧོཿབཛྲ་ཛྙཱ་ན་ཞེས་བརྗོད་པར་བྱའོ། །དོན་ཡོད་པར་གྲུབ་པའམ་ལས་ཀྱི་སེམས་མའི་ཕྱག་རྒྱ་བཅིངས་ལ། ཨ་ཀརྨ་བཛྲི་ཛཿཧཱུྃ་བཾ་
ཧོཿབཛྲ་ཛྙཱ་ན་ཞེས་བརྗོད་པར་བྱའོ། །རྡོ་རྗེ་བསྡམས་པ་བཅིངས་ལ་མཐེ་བོ་མཉམ་པར་བྱས་ཏེ། སྙིང་གར་བཞག་པ་ནི་རྡོ་རྗེ་སྒེག་མོའི་ཕྱག་རྒྱ་སྟེ་འདིའི་སྔགས་ནི་ཧོཿབཛྲ་ལཱ་སེ་ཛཿཧཱུྃ་བཾ་ཧོཿམོ་ཧ་ར་ཏི་ཞེས་བྱའོ། །རྡོ་རྗེ་བསྡམས་པ་བཅིངས་ལ་དཔྲལ་བའི་

62-1-155a

ཕྱོགས་སུ་བཞག་ལ་ཕྱེ་སྟེ། མེ་ཏོག་གི་ཕྲེང་བ་འཆིང་བ་ལྟར་བྱེད་ཅིང་རང་གི་མགོ་བོའི་རྒྱབ་ཏུ་མདུད་པ་བོར་བ་ནི་རྡོ་རྗེ་ཕྲེང་བ་མའི་ཕྱག་རྒྱ་སྟེ། འདིའི་སྔགས་ནི་རཏྣ་བཛྲ་མ་ལེ་ཛཿཧཱུྃ་བཾ་ཧོཿརཱུ་པ་ཤོ་པེ་ཞེས་བྱའོ། །རྡོ་རྗེ་བསྡམས་པ་བཅིངས་
ལ། སོར་མོ་ཐམས་ཅད་གྱེན་དུ་བལྟས་པར་བྱས་ཏེ། ཕན་ཚུན་བལྟས་པར་བསྒྲེངས་པ་ནི་རྡོ་རྗེ་གླུ་མཁན་མའི་ཕྱག་རྒྱ་སྟེ། འདིའི་སྔགས་ནི་གཱཿབཛྲ་གཱི་ཏི་ཛཿཧཱུྃ་བཾ་ཧོཿཤྲོ་ཏ་སཽ་ཁྱ་ཞེས་བྱ་བའོ། །དེ་ནས་རྩིབ་ལོགས་གཉིས་མཉམ་ཞིང་རྐེད་པ་དང་མགྲིན་པ་བདེ་བླག་ཏུ་
གནས་ཏེ། རྡོ་རྗེ་བསྡམས་པ་བཅིངས་ལ་དེ་ནས་དལ་བ་ཉིད་དུ་རྡོ་རྗེ་བསྡམས་པ་སྙིང་གར་དཀྲོལ་བ་ལག་པ་གང་དང་གང་དུ་འགྲོ་བ་དེ་དང་དེར་སྨིན་མ་འདེགས་ཤིང་རོལ་པ་དང་བཅས་པའི་ལྟ་བས་བལྟས་ལ། དང་པོར་གཡོན་ལོགས་སུ་རྡོ་རྗེ་བསྡམས་པ་དགྲོལ་
ལ་ལག་པ་གཡས་པ་མཐེའུ་ཆུང་ལ་སོགས་པའི་སོར་མོ་ལག་པ་གཡོན་པའི་སྟེང་དུ་ལག་པའི་མཐིལ་ལ་མངོན་པར་ཕྱོགས་པར་བཀུག་ནས། ལག་པ་གཡོན་པའི་རྒྱབ་ཏུ་དྲངས་ལ། ལག་པ་གཡོན་པའི་སོར་མོ་ཉིད་ཀྱང་མཐེའུ་ཆུང་ལ་སོགས་པ་ནས་ལག་པའི་
མཐིལ་དུ་བསྐུམ་སྟེ་ལག་པ་གཡས་པའི་རྒྱབ་ཀྱི་ཆ་ཉིད་ལ་ལག་པ་གཡོན་པའི་རྒྱབ་སྤྲད་ལ་གཡོན་ལོགས་སུ་བལྟ་བ་དང་བཅས་པར་མགོ་ཅུང་ཟད་བཏུད་ལ་ཁུ་ཚུར་གཉིས་ཅུང་ཟད་མངོན་དུ་ཕྱོགས་པ་ལས་མཛུབ་མོ་དང་མཐེའུ་ཆུང་ལེགས་པར་མངོན་དུ་ཕྱོགས་པ་བཞག་
ལ། འོག་ཏུ་ཕྱོགས་པའི་ལག་པ་གཡོན་པའི་ཁུ་ཚུར་གྱི་མཛུབ་མོ་ལ་སོགས་པ་དང་། སྟེང་ན་གནས་པའི་ལག་པ་གཡས་པའི་མཐེའུ་ཆུང་ལ་སོགས་པ་ནས་རིམ་གྱིས་སོར་མོ་རྣམས་དགྲོལ་བར་བྱས་ལ་ལག་པ་གཉིས་བལྟ་བ་དང་བཅས་པར་བསྐོར་ལ་རིམ་གྱིས་
སྙིང་གའི་ཕྱོགས་སུ་བསྡུས་ཏེ་པདྨ་ལྟ་བུར་བཞག་ལ་པདྨ་བསྐོར་བར་བྱའོ། །དེ་ནས་དེ་ཉིད་དགྲོལ་ལ་གཡས་པར་བྱ་བ་གཡོན་གྱིས་བྱས་ལ། གཡོན་པར་བྱ་བ་གཡས་ཀྱིས་བྱས་ནས། ཁུ་ཚུར་གཉིས་གཡས་ལོགས་སུ་དྲངས་ཏེ། དེ་བཞིན་དུ་དགྲོལ་ལ་སྙིང་གའི་

62-1-155b

ཕྱོགས་སུ་པདྨ་བྱས་ལ། དེ་ནས་དེ་ཉིད་གྱེན་དུ་བཏེག་ལ་མཐོང་བའི་སྤྱོད་ཡུལ་གྱི་བར་དུ་མིག་གིས་བལྟས་ལ། ལྟ་བས་ཕྱག་བྱེད་ཅིང་སྤྱི་གཙུག་གི་ཕྱོགས་སུ་གཞག་པར་བྱ་བ་ནི་རྡོ་རྗེ་གར་མཁན་གྱི་ཕྱག་རྒྱ་སྟེ། འདིའི་སྔགས་ནི་ཀྲིཾ་བཛྲ་ནྲི་ཏྱ་ཛཿཧཱུྃ་བཾ་ཧོཿསརྦ་པཱུ་ཛེ་ཞེས་
བྱ་བའོ། །རྡོ་རྗེ་བསྡམས་པ་བཅིངས་ལ་བདུག་སྤོས་ཀྱི་རྒྱུན་འབྱུང་བ་ལྟར་བྱ་བ་ནི་རྡོ་རྗེ་བདུག་པ་མའི་ཕྱག་རྒྱ་སྟེ། འདིའི་སྔགས་ནི་ཨཱཿབཛྲ་དྷཱུ་པེ་ཛཿཧཱུྃ་བཾ་ཧོཿཔྲ་ཧཱ་ལ་དཱ་ནི་ཞེས་བྱའོ། །རྡོ་རྗེ་བསྡམས་པ་བཅིངས་ལ་ཐལ་མོས་མེ་ཏོག་འཐོར་བའི་ཚུལ་དུ་བྱས་ལ་གྱེན་
དུ་དགྲོལ་བ་ནི་རྡོ་རྗེ་མེ་ཏོག་མའི་ཕྱག་རྒྱ་སྟེ། འདིའི་སྔགས་ནི་ཏྲཿབཛྲ་པུཥྤེ་ཛཿཧཱུྃ་བཾ་ཧོཿཕ་ལ་ག་མེ་ཞེས་བྱ་བའོ། །རྡོ་རྗེ་བསྡམས་པ་བཅིངས་ལ་མཐེ་བོ་གཉིས་གཤིབས་ཏེ་བསྒྲེངས་ལ་མཉམ་པོར་བྱས་ནས་གྱེན་དུ་བལྟས་པར་མར་མེའི་རྩེ་ལྟར་བཞག་པ་ནི་རྡོ་རྗེ་མར་མེའི་
ཕྱག་རྒྱ་སྟེ། འདིའི་སྔགས་ནི་དཱིཿབཛྲ་ཨཱ་ལོ་ཀེ་ཛཿཧཱུྃ་བཾ་ཧོཿསུ་དེ་ཛཱ་གྲི་ཞེས་བྱའོ། །རྡོ་རྗེ་བསྡམས་པ་བཅིངས་ལ་མདུན་དུ་སྙིང་གར་བཀྲོལ་ལ་བྱུག་པའི་ཚུལ་དུ་བྱ་བ་ནི་རྡོ་རྗེ་དྲིའི་ཕྱག་རྒྱ་སྟེ། འདིའི་སྔགས་ནི་བཾ་བཛྲ་གནྡྷེ་ཛཿཧཱུྃ་བཾ་ཧོཿསུ་གནྡྷཾ་གི་ཞེས་བྱ་བའོ། །རྡོ་རྗེ་བསྡམས་
པ་བཅིངས་ལ་གཡས་པའི་མཛུབ་མོ་ལྕགས་ཀྱུར་བྱས་ཏེ་འགུགས་པའི་ཚུལ་དུ་སྤྱོད་པ་ནི་རྡོ་རྗེ་ལྕགས་ཀྱུའི་ཕྱག་རྒྱ་སྟེ། འདི་ཉིད་ཀྱི་སྔགས་ནི་ཛཿབཛྲ་ཨཾ་ཀུ་ཤ་ཛཿཧཱུྃ་བཾ་ཧོཿཨཱ་ཡ་ཧི་ཛཿཞེས་བྱ་བའོ། །རྡོ་རྗེ་བསྡམས་པ་བཅིངས་ལ་མཐེ་བོ་གཉིས་མདུད་པར་བྱ་བ་ནི་རྡོ་རྗེ་
ཞགས་པའི་ཕྱག་རྒྱ་སྟེ། འདི་ཉིད་ཀྱི་སྔགས་ནི་ཧཱུྃ་བཛྲ་པཱ་ཤ་ཛཿཧཱུྃ་བཾ་ཧོཿཨཱ་ཡ་ཧི་ཧཱུྃ་ཧཱུྃ་ཞེས་བྱ་བའོ། །རྡོ་རྗེ་བསྡམས་པ་བཅིངས་ལ་རང་གི་མཐེ་བོ་དང་། མཛུབ་མོ་གཉིས་རྩེ་སྦྱར་ཏེ་གོ་ཆའི་གདུ་བུ་བཞིན་དུ་བྱས་ལ་སྦྱར་བ་ནི་རྡོ་རྗེ་ལྕགས་སྒྲོག་གི་ཕྱག་རྒྱ་སྟེ། འདིའི་
སྔགས་ནི་བཾ་བཛྲ་སྥོ་ཊ་ཛཿཧཱུྃ་བཾ་ཧོཿཧེ་སྥོ་ཊ་བཾ་ཞེས་བྱ་བའོ། །རྡོ་རྗེ་བསྡམས་པ་བཅིངས་ལ་མཐེ་བོ་གཉིས་ནང་དུ་བཅུག་སྟེ། མཛུབ་མོ་གཉིས་ཟླུམ་པོར་བཀུག་ལ་ཇི་ལྟ་བ་བཞིན་དུ་བཙིར་ཏེ་བཀྲོལ་བའི་བསམ་པས་གཞག་པ་ནི་རྡོ་རྗེ་དྲིལ་བུའི་ཕྱག་རྒྱ་སྟེ། འདིའི་

62-1-156a

སྔགས་ནི་ཧོཿབཛྲ་གྷཎྜ་ཛཿཧཱུྃ་བཾ་ཧོཿགྷཎྜ་ཨ་ཨ་ཞེས་བྱ་བའོ། །དེ་ལྟར་དམ་ཚིག་གི་ཕྱག་རྒྱ་སྔགས་དང་བཅས་པས་བྱིན་གྱིས་བརླབས་ལ་ལས་ཀྱི་ཕྱག་རྒྱ་སྔར་བཤད་པའི་གསང་སྔགས་དང་བཅས་པ་ཉིད་ཀྱིས་ཕྱག་རྒྱ་བཞིའི་དཀྱིལ་འཁོར་པའི་ལྷ་རྣམས་ལ་ངེས་པར་
སྦྱར་བའོ། །དེ་ལ་ལས་ནི་འདི་དག་ཡིན་ཏེ། བཅོམ་ལྡན་འདས་ནི་བྱང་ཆུབ་མཆོག་གི་ཕྱག་རྒྱས་སེམས་ཅན་ཐམས་ཅད་ཀྱི་དེ་བཞིན་གཤེགས་པ་ཐམས་ཅད་ཀྱི་སྐུ་དང་གསུང་དང་ཐུགས་རྡོ་རྗེ་འགྲོ་བ་བྱིན་གྱིས་བརླབས་ནས། སེམས་ཅན་ཐམས་ཅད་ཀྱི་སྐྱབས་
མཛད་པ་རྣམ་པར་དག་པ་ཉིད་མཛད་པར་བསམ་པར་བྱའོ། །རྡོ་རྗེ་སེམས་མ་ནི་རྡོ་རྗེའི་ནང་དུ་ཆུད་པ་སྐུ་མདོག་དཀར་བ་དེ་བཞིན་གཤེགས་པ་ལྔའི་ཅོད་པན་ཅན། རྒྱན་ཐམས་ཅད་ཀྱིས་རྣམ་པར་བརྒྱན་པ། བཅོམ་ལྡན་འདས་མི་བསྐྱོད་པའི་རྡོ་རྗེ་རིགས་བྱིན་གྱིས་
བརླབ་པར་མཛད་པ་གནས་ཤིང་ས་གནོན་གྱི་ཕྱག་རྒྱས་བཞུགས་པར་བསམ་པར་བྱའོ། །རིན་ཆེན་སེམས་མ་ནི་རིན་པོ་ཆེའི་ནང་དུ་ཆུད་པ་སྐུ་མདོག་སེར་བ། དེ་བཞིན་གཤེགས་པ་ལྔའི་ཅོད་པན་དང་ལྡན་པ། རྒྱན་ཐམས་ཅད་ཀྱིས་རྣམ་པར་བརྒྱན་པ། མཚན་དང་དཔེ་
བྱད་ཐམས་ཅད་ཀྱང་ཐུན་མོང་སྟེ་ཁྱད་པར་བརྗོད་པར་བྱའོ། །བཅོམ་ལྡན་འདས་ནི་རྒྱན་ཐམས་ཅད་ཀྱིས་བརྒྱན་པ། བཅོམ་ལྡན་འདས་ཀྱི་དམ་ཚིག་གི་ཕྱག་རྒྱ་བདག་ལ་བྱིན་གྱིས་རློབ་པར་བཞེད་པ། མཆོག་སྦྱིན་གྱི་ཕྱག་རྒྱས་བཞུགས་པར་བསམ་མོ། །ཆོས་ཀྱི་སེམས་
མ་ནི་པདྨའི་ནང་དུ་ཆུད་པ། སྐུ་མདོག་དམར་བ། བཅོམ་ལྡན་འདས་ཀྱི་ཆོས་ཀྱི་ཕྱག་རྒྱས་བྱིན་གྱིས་བརླབ་པ་དང་། ཆོས་ཀྱི་རིགས་ཀྱི་དབང་བསྐུར་བར་བྱེད་པའི་ཏིང་ངེ་འཛིན་མཆོག་གི་ཕྱག་རྒྱས་བཞུགས་པར་བྱའོ། །ལས་ཀྱི་སེམས་མ་ནི་སྣ་ཚོགས་རྡོ་རྗེའི་ནང་དུ་ཆུད་
པ་བཅོམ་ལྡན་འདས་ཀྱི་ལས་ཀྱི་ཕྱག་རྒྱས་བྱིན་གྱིས་རློབ་པར་བྱེད་པ་དང་། ལས་ཀྱི་རིགས་ཀྱི་དབང་བསྐུར་བ་སྩོལ་བ་མི་འཇིགས་པ་སྦྱིན་པའི་ཕྱག་རྒྱས་བཞུགས་པར་བསམ་པར་བྱའོ། །རྡོ་རྗེ་སྒེག་མོ་ནི་སྐུ་མདོག་དཀར་མོ་བཅོམ་ལྡན་འདས་ལ་སྒེག་པ་ལ་སོགས་པས་དགའ་

62-1-156b

བའི་མཆོད་པ་བྱེད་པ། གཡོན་ཕྱོགས་སུ་ཅུང་ཟད་འདུད་པར་བྱེད་ཅིང་མངོན་པར་འདོད་པ་དང་བཅས་པས་ལྟ་བར་བྱེད་པར་བསམ་མོ། །རྡོ་རྗེ་ཕྲེང་བ་མ་ནི་མདོག་སེར་མོ་རྡོ་རྗེས་མཚན་པའི་མེ་ཏོག་གི་ཕྲེང་བ་ཕྱག་གི་པདྨ་གཉིས་ཀྱིས་བསྣམས་པ། བཅོམ་ལྡན་འདས་
རིན་པོ་ཆེའི་དབང་བསྐུར་བ་སྟོན་པ་བསམ་པར་བྱའོ། །རྡོ་རྗེ་གླུ་མཁན་མ་ནི་སྐུ་མདོག་དམར་མོ་རྡོ་རྗེས་མཚན་པའི་པི་ཝང་ཐོགས་ཏེ་དེ་བཞིན་གཤེགས་པ་ཐམས་ཅད་ཀྱི་ཆོས་ཀྱི་ཕུང་པོ་སྟོན་པར་བྱེད་པ་སྟེ། ཇི་ལྟར་པདྨ་རབ་དམར་བ། །ཞེས་བྱ་བ་ལ་སོགས་
པ་དེ་ཁོ་ན་ཉིད་སྟོན་པའི་ཚིག་གི་དེ་ཁོ་ན་ཉིད་སྟོན་པར་བསམ་པར་བྱའོ། །རྡོ་རྗེ་གར་མཁན་མ་ནི་སྐུ་མདོག་ལྗང་གུ་མེ་ཏོག་གི་ཐལ་མོ་ལ་སོགས་པའི་གར་ཐབས་ཀྱིས་དགའ་བའི་ཡིད་འཕྲོག་པའི་ཡན་ལག་བསྐྱོད་པ་དང་རྗེས་སུ་འབྲེལ་བ་ཡན་ལག་ཅན་དམ་ཚིག་
ཅན་དང་། རྗེས་སུ་མཚོན་པ་དང་། སེམས་དཔའི་ཚུལ་གྱིས་སྒེག་པའི་ཆགས་པའི་ཉམས་དང་ལྡན་པས་དེ་བཞིན་གཤེགས་པའི་གར་གྱི་འཁོར་ལོས་འཇིག་རྟེན་གྱི་ཁམས་དཔག་ཏུ་མེད་པར་གར་མཛད་པ། དེ་བཞིན་གཤེགས་པ་མ་ལུས་པ་བྱང་ཆུབ་
སེམས་དཔའི་འཁོར་གྱི་དཀྱིལ་འཁོར་དང་བཅས་པ་ལ་རབ་ཏུ་འཇུག་ཅིང་སྒེག་པ་ལ་སོགས་པའི་མཆོད་པའང་བྱེད་པར་བསམ་པར་བྱའོ། །ལྷ་མོ་བདུག་པ་མ་ནི་ཨུཏྤལ་སྔོན་པོའི་འདབ་མ་ལྟ་བུའི་མདོག་ཅན་བདུག་སྤོས་ཀྱི་སྤྲིན་རབ་ཏུ་འཛིན་ཅིང་འཇིག་རྟེན་
གྱི་ཁམས་ཐམས་ཅད་ཀྱི་སངས་རྒྱས་དང་བྱང་ཆུབ་སེམས་དཔའ་རྣམས་ཀྱི་ཐུགས་ཀྱི་དེ་བཞིན་གཤེགས་པ་ཐམས་ཅད་ཀྱི་ཡེ་ཤེས་བསྐུལ་བར་བྱ་བར་བསམ་པར་བྱའོ། །རྡོ་རྗེ་མེ་ཏོག་མ་ནི་སྐུ་མདོག་སེར་མོ། །དེ་བཞིན་གཤེགས་པ་ཐམས་ཅད་ཀྱི་ཡོན་ཏན་
གྱི་མེ་ཏོག་གིས་སངས་རྒྱས་དང་བྱང་ཆུབ་སེམས་དཔའ་ཐམས་ཅད་ལ་ཀུན་དུ་འཐོར་བར་བྱེད་པར་བསམ་པར་བྱའོ། །རྡོ་རྗེ་མར་མེ་མ་ནི་སྐུ་མདོག་དམར་མོ་ཕྱག་ན་མར་མེ་ཐོགས་ཏེ། དེ་ཉིད་ནས་འཇིག་རྟེན་གྱི་ཁམས་དཔག་ཏུ་མེད་པར་ཉི་མ་དང་ཟླ་བའི་དཀྱིལ་

62-1-157a

འཁོར་དང་། ཡིད་བཞིན་གྱི་ནོར་བུའི་འོད་ལ་སོགས་པ་སངས་རྒྱས་ཀྱི་ཡེ་ཤེས་ཀྱི་ངོ་བོ་ཉིད་ཀྱིས་སངས་རྒྱས་དང་བྱང་ཆུབ་སེམས་དཔའ་དང་བཅས་པ་དང་། ཉན་ཐོས་དང་། རང་རྒྱལ་བ་དང་། ལྷ་དང་། ཀླུ་ཐམས་ཅད་དང་། དེ་ལས་གཞན་པ་སྣོད་ཀྱི་
འཇིག་རྟེན་དག་ཀྱང་ཤིན་ཏུ་གསལ་བར་གྱུར་པར་བསམ་པར་བྱའོ། །རྡོ་རྗེ་དྲི་ནི་མདོག་ལྗང་གུ་དེ་བཞིན་གཤེགས་པ་ཐམས་ཅད་ཀྱི་ཚུལ་ཁྲིམས་དང་། ཏིང་ངེ་འཛིན་དང་། ཤེས་རབ་དང་། རྣམ་པར་གྲོལ་བའི་ཡེ་ཤེས་མཐོང་བ་དེ་བཞིན་གཤེགས་པ་རྣམས་ཀྱི་དྲི་ཆེན་
པོ་སེམས་ཅན་ཐམས་ཅད་ལ་བྱུག་པར་བྱེད་པར་བསམ་པར་བྱའོ། །རྡོ་རྗེ་ལྕགས་ཀྱུ་ནི་སྐུ་མདོག་དཀར་པོ། དེ་བཞིན་གཤེགས་པ་ཐམས་ཅད་སྤྱན་འདྲེན་པར་བྱེད་པ། སེམས་ཅན་ཐམས་ཅད་མུ་སྟེགས་ཀྱི་ལམ་ལས་བཟློག་སྟེ། དེ་བཞིན་གཤེགས་
པའི་ཡེ་ཤེས་ལ་མངོན་པར་ཕྱོགས་པར་སེམས་འདྲེན་པར་བྱེད་པར་བསམ་པར་བྱའོ། །རྡོ་རྗེ་ཞགས་པ་ནི་སྐུ་མདོག་སེར་པོ་ཞགས་པས་དེ་བཞིན་གཤེགས་པ་ཐམས་ཅད་ཀྱི་དཀྱིལ་འཁོར་དུ་བཞུགས་ཏེ། སེམས་ཅན་ཐམས་ཅད་ཀྱང་སངས་རྒྱས་ཀྱི་ལམ་ལ་འཛུད་
པར་བསམ་པར་བྱའོ། །རྡོ་རྗེ་ལྕགས་སྒྲོག་ནི་སྐུ་མདོག་དམར་བ་རྡོ་རྗེ་ལྕགས་སྒྲོག་གིས་དེ་བཞིན་གཤེགས་པ་ཐམས་ཅད་བྱིན་གྱིས་རློབ་པར་བྱེད་པ་དང་། སེམས་ཅན་ཐམས་ཅད་སངས་རྒྱས་ཀྱི་ལམ་ལ་འཇོག་པར་བྱེད་པར་བསམ་པར་བྱའོ། །རྡོ་རྗེ་དྲིལ་བུ་ནི་སྐུ་
མདོག་ལྗང་གུ་སྙིང་རྗེ་དང་ཤེས་རབ་ཀྱི་རང་བཞིན་གྱི་རྡོ་རྗེ་དྲིལ་བུས་དེ་བཞིན་གཤེགས་པ་ཐམས་ཅད་ཡོངས་སུ་མཉེས་པར་བྱེད་པ་དང་། སེམས་ཅན་རྣམས་ཀྱང་སངས་རྒྱས་ཀྱི་ལམ་ལ་གནས་པར་བྱེད་པར་བསམ་པར་བྱའོ། །དེ་དག་གི་ལས་ཀྱི་ཕྱག་རྒྱ་ནི་འདི་དག་
ཡིན་ཏེ། རྡོ་རྗེ་ཁུ་ཚུར་གཉིས་བཅིངས་ལ་གཡོན་པའི་མཛུབ་མོ་བསྒྲེངས་ལ་གཡས་པའི་ཁུ་ཚུར་གྱི་ནང་དུ་བཅུག་པ་འདི་ནི་བྱང་ཆུབ་མཆོག་གི་ཕྱག་རྒྱ་ཞེས་བྱ་སྟེ། འདི་ནི་བཅོམ་ལྡན་འདས་ཀྱི་ཕྲིན་ལས་ཀྱི་ངོ་བོ་ཉིད་དོ། །རང་གི་སྙིང་གར་སྣ་ཚོགས་རྡོ་རྗེ་དང་། 

62-1-157b

བཅོམ་ལྡན་འདས་ཀྱི་ཐུགས་ཀར་ཡང་སྣ་ཚོགས་རྡོ་རྗེ་བསམས་ལ། ལྕེའི་དབུས་སུ་ཡི་གེ་ཧཱུྃ་ལས་རྡོ་རྗེ་རྩེ་ལྔ་པ་བསྒོམས་ཏེ། ལས་ཀྱི་ཕྱག་རྒྱ་བསྟན་པར་བྱ་ཞིང་། སྔར་བསྟན་པའི་སྔགས་བརྗོད་པར་བྱ་སྟེ། དེ་བཞིན་དུ་ལས་ཀྱི་ཕྱག་རྒྱ་ཐམས་ཅད་ལ་ཡང་ཤེས་པར་
བྱའོ། །རྡོ་རྗེ་སེམས་མ་ལ་སོགས་པ་རྣམས་ཀྱིས་གཟུངས་ཀྱི་དཀྱིལ་འཁོར་དུ་དམ་ཚིག་གི་ཕྱག་རྒྱ་མེད་ཅིང་ལས་ཀྱི་ཕྱག་རྒྱ་ཡང་བསྟན་པ་མེད་པས། མི་བསྐྱོད་པ་ལ་སོགས་པའི་དམ་ཚིག་གི་ཕྱག་རྒྱ་དང་། དེ་བཞིན་དུ་ལས་ཀྱི་ཕྱག་རྒྱ་དེ་དག་ཀྱང་དེ་དང་ཐ་མི་དད་པར་
ཡིན་པར་ཤེས་པར་བྱའོ། །རྡོ་རྗེ་ཁུ་ཚུར་གཉིས་བཅིངས་ལ་གཡོན་པའི་རྡོ་རྗེ་ཁུ་ཚུར་བརླ་གཡོན་པའི་རྩ་བར་བཞག་ལ། གཡས་པ་པུས་མོ་གཡས་པའི་སྟེང་དུ་བརྐྱང་ནས་ལག་པ་ཐུར་དུ་བལྟས་པས་ས་ལ་རེག་པ་ལྟ་བུར་བཞག་པ་ནི་ས་གནོན་གྱི་ཕྱག་རྒྱའོ། །
ཕྱག་རྒྱ་འདི་ཉིད་བཅིངས་ལ། ལག་པ་གཡས་པ་གན་རྒྱལ་དུ་བྱས་ཏེ། ལག་པ་གཡས་པ་ལ་གནས་པའི་ཡིད་བཞིན་གྱི་ནོར་བུའི་ཆར་འབེབས་པས་མཆོག་སྩོལ་བའི་ཚུལ་དུ་བཞག་པ་ནི་མཆོག་སྦྱིན་གྱི་ཕྱག་རྒྱའོ། །རྡོ་རྗེ་ཁུ་ཚུར་གཉིས་པང་པར་བཞག་སྟེ་སྙོམས་
པར་ཞུགས་པ་བཞིན་དུ་གནས་པ་ནི་ཏིང་ངེ་འཛིན་མཆོག་གི་ཕྱག་རྒྱའོ། །རྡོ་རྗེ་ཁུ་ཚུར་གཉིས་བཅིངས་ལ་གཡོན་པ་གཡོན་ལོགས་སུ་སྔ་མ་བཞིན་དུ་བཞག་ནས། གཡས་པ་བ་དན་གྱི་ལག་པའི་ཚུལ་དུ་བཞག་ལ་མི་འཇིགས་སྦྱིན་པ་ལྟར་བདག་དང་ཉེ་བར་འཇུག་
པ་ནི་མི་འཇིགས་པ་སྦྱིན་པའི་ཕྱག་རྒྱ་སྟེ། འདི་དག་ནི་རིམ་པ་ཇི་ལྟ་བ་བཞིན་དུ་རྡོ་རྗེ་སེམས་མ་ལ་སོགས་པའི་ཕྱག་རྒྱའོ། །རྡོ་རྗེ་ཁུ་ཚུར་གཉིས་བཅིངས་ལ། བརླ་གཉིས་སུ་བཞག་སྟེ་གཡོན་ཕྱོགས་སུ་བཏུད་ལ་སྣ་ཚོགས་རྡོ་རྗེ་ལ་སོགས་པ་རྣམས་ཀྱང་སྔར་
བཤད་པ་བཞིན་དུ་བསམ་པར་བྱའོ། །དེ་བཞིན་དུ་འོག་མ་རྣམས་ལ་ཡང་མགོ་ལ་ཕྲེང་བ་འཆིང་བའི་ཚུལ་དུ་ལས་ཀྱི་ཕྱག་རྒྱ་སྔ་མ་བཞིན་དུ་ཤེས་པར་བྱ་སྟེ། དེ་རྣམས་ཀྱི་དམ་ཚིག་གི་ཕྱག་རྒྱ་ནི་རྡོ་རྗེ་བསྡམས་པ་ལས་བྱུང་བ་ཡིན་ལ། འདི་དག་ནི་རྡོ་རྗེ་ཁུ་

62-1-158a

ཚུར་ལས་བྱུང་བ་ཡིན་པས་ན་ཁྱད་པར་ནི་དེ་དག་ཡོད་དོ། །དེ་ནས་རིམ་པ་འདིས་རྡོ་རྗེ་བདུག་པ་མ་ལ་སོགས་པ་ཕྱི་རོལ་གྱི་མཆོད་པ་རྣམས་ཀྱིས་ཡང་དག་པར་མཆོད་ཅིང་དཀྱིལ་འཁོར་གསང་བའི་མཆོད་པ་རྣམས་ཀྱིས་ཀྱང་མཆོད་པར་བྱ་སྟེ། 
སྙིང་གར་སྣ་ཚོགས་རྡོ་རྗེ་བསམས་ལ་དེའི་འོག་ཏུ་རྡོ་རྗེ་བདུག་པ་མ་ལ་སོགས་པའི་ས་བོན་གྱི་ཡི་གེ་བསམས་ལ། དེ་སྤྲོས་པ་ལས་བདག་ཉིད་རྡོ་རྗེ་བདུག་པ་མ་ལ་སོགས་པའི་གཟུགས་སུ་ཡོངས་སུ་གྱུར་པར་བསམས་ནས་ལག་པས་ལས་ཀྱི་ཕྱག་རྒྱ་བཅིངས་ཏེ། དེའི་
དུས་སུ་དེ་ཉིད་ཀྱི་སྔགས་འདོན་ཅིང་འཁོར་བ་ཐམས་ཅད་དུ་སྤྲོས་ནས་རྡོ་རྗེ་བདུག་པ་མ་ལ་སོགས་པའི་གཟུགས་ཀྱིས་སྔར་བཤད་པའི་ལས་རྣམས་བྱས་ནས་མཆོད་པར་བྱའོ། །དེ་ན་ཡང་དག་པར་བསྡུས་ནས་བཅོམ་ལྡན་འདས་ཀྱིས་དཀྱིལ་འཁོར་གྱི་ནང་ན་གནས་
པའི་རྡོ་རྗེ་བདུག་པ་མ་ལ་སོགས་པ་ལ་གཞུག་ཅིང་བཅིང་བ་དང་། དབང་དུ་བྱས་ཏེ་གཞག་པར་བྱའོ། །དེ་བཞིན་དུ་རྡོ་རྗེ་གར་མཁན་མའི་བར་ཐམས་ཅད་ཀྱིས་མཆོད་པར་བྱས་ཏེ། རང་གི་ས་བོན་གྱི་ཡི་གེ་ཡོངས་སུ་གྱུར་པའི་སྔོན་དུ་སོང་བ་ལས་རང་གི་
ལྷའི་གཟུགས་སུ་གྱུར་ཏེ་སྔ་མ་བཞིན་དུ་གནས་སོ། །དེ་ནས་བསྟོད་པས་མཆོད་པར་བྱ་སྟེ། རྡོ་རྗེ་སེམས་དཔའ་བསྡུས་པ་ན། །རྡོ་རྗེ་རིན་ཆེན་བླ་ན་མེད། །རྡོ་རྗེ་ཆོས་ནི་གླུ་བླངས་པ། །རྡོ་རྗེ་ལས་ཀུན་བྱེད་པའོ། །ཞེས་བྱ་བའི་རྐང་པ་རེ་རེ་དང་གསང་བའི་མཆོད་པའི་དུས་
སུ་སྒེག་མོ་ལ་སོགས་པ་དང་རིམ་པ་ཇི་ལྟ་བ་བཞིན་དུ་རྐང་པ་བཞི་དང་གླུ་བླངས་པར་ཤེས་པར་བྱའོ། །གཟུགས་སོགས་འདོད་པའི་བདེ་བ་དམ་པའི་ཐུགས། །བཅོམ་ལྡན་ཁྱོད་ནི་དགའ་བར་བསྡུས་པ་སྟེ། །བདག་ལ་དེང་ནི་དགའ་བདེ་ཀུན་མཛོད་ཅིག །དམ་པའི་
བདག་ཉིད་ཆོ་ག་བཞིན་མྱུར་འགྲུབ། །དེ་ནས་བསྒོམ་པ་འདི་དག་བྱས་ནས། དེ་བཞིན་གཤེགས་པ་ཐམས་ཅད་ཀྱིས་བྱིན་གྱིས་རློབ་པར་མཛད་པ། བསོད་ནམས་ཀྱི་ཚོགས་དཔག་ཏུ་མེད་པ་ལ་རབ་ཏུ་འཇུག་པའི་གླུ་ཆེན་པོ་དེ་བཞིན་གཤེགས་པ་ཐམས་ཅད་བྱིན་གྱིས་

62-1-158b

བརླབས་པ་གླུ་ལེན་ཅིང་བསྟོད་པས་མཆོད་པར་བྱའོ། །རྡོ་རྗེ་སྒེག་མོ་ལ་སོགས་པའང་རང་གི་ས་བོན་ལས་སྤྲོ་བར་བྱ་སྟེ། དེ་བཞིན་གཤེགས་པ་ཐམས་ཅད་ཀྱིས་རིག་པའི་ལྷ་མོ་རྣམས་ཀྱི་རང་རང་གི་ང་རྒྱལ་དང་ལྡན་པས་རང་དང་རྗེས་སུ་མཐུན་པའི་མཆོད་པ་ལ་བརྩོན་
པས་འགྲོ་བ་མ་ལུས་པར་བཀང་ལ་གླུ་བླང་བར་བྱའོ། །ཇི་སྐད་དུ། དེ་ནས་དེ་ཉིད་དམ་པ་ཡིས། །ཐར་པ་ཐམས་ཅད་རྨོངས་པ་ཡི། །རྡོ་རྗེ་སེམས་དཔའི་བདག་ཉིད་ལ། །གླུ་འདི་ཡིས་ནི་བསྐུལ་བར་བྱ། །རྗེས་སུ་ཆགས་པའི་རྣམ་མང་དགའ་བའི་པདྨོ་ཡི། །རྣམ་པར་
དག་པའི་མཆོད་པས་གསལ་བར་རྗེས་སུ་མཆོད་བྱས་པ། །མཆོག་ཏུ་རྟག་པའི་རྣལ་འབྱོར་བདེ་བས་བདེ་བ་གྲུབ་པར་མཛོད། །ཀྱེ་མའོ་མཆོག་ཏུ་བདེ་བ་དམ་ཚིག་ངོ་བོ་ཉིད། །མཆོག་ཏུ་བདེ་བའི་ཤིན་ཏུ་རྣལ་འབྱོར་སྐལ་བཟང་མཆོག་དགྱེས་པ། །རང་གི་དམ་ཚིག་སྐྱོན་
མེད་རྟག་ལ་རོལ་ཅིག་རོལ་ཅིག་ཧོ། །ཀྱེ་མའོ་མཆོག་ཏུ་གསང་བའི་བདག་པོ་རང་གི་དམ་ཚིག་ཡིན་པའི་ཕྱིར། །རབ་ཏུ་གསང་བའི་ལྷ་མོ་མཆོག་རྣམས་སོ། །འགྲོ་བའི་རྒྱུད་ནི་རྣམ་པ་སྣ་ཚོགས་གདུལ་བར་གསལ་བར་མཁྱེན། །དམ་ཚིག་ཐམས་ཅད་དངོས་པོ་
བརྟན་གཡོ་ཀུན་གྱི་ངོ་བོར་གྱུར། །རྒྱལ་བ་ཀུན་གྱི་བདག་ཉིད་རྣལ་འབྱོར་བདེ་བ་མཁའ་འགྲོ་སྒྱུ་མ་ཧོ། །ཀྱེ་མ་དམ་པ་རྟག་པའི་དངོས་གྲུབ་ཆེན་པོ་རབ་ཏུ་བསྒྲུབས་ལ་སྟོན། །ཛཿཧཱུྃ་བཾ་ཧོཿཀྱེ་མའོ་བདེ་མཆོག་བདེ་བ་དྲོངས། །རྣམ་པར་སྤྲུལ་ཧཱུྃ་རྣམ་པར་མཛོད། །ཨ་ལ་
ལ་ཧོ། དེ་བཞིན་གཤེགས་པ་ཐམས་ཅད་ཀྱི། །མཁའ་འགྲོ་སྒྱུ་མ་སྣ་ཚོགས་ཀྱིས། །སློབ་མ་གཞུག་ཏུ་གསོལ། གླུ་ཡི་རྒྱལ་པོ་འདི་དག་གིས། །རྡོ་རྗེ་སེམས་དཔའ་དཔལ་ལ་བསྟོད། །ཀུན་གྱི་སྒྱུ་མ་བདེ་བའི་མཆོག །མ་ལུས་ལུས་པ་མེད་པ་འགྲུབ། །གླུ་འདི་
དག་ནི་ལེན་པ་ན། །དཀྱིལ་འཁོར་དག་ནི་ཐམས་ཅད་དུ། །སངས་རྒྱས་ཐམས་ཅད་རྣམ་འཕྲུལ་པ། །མ་ལུས་ལུས་པ་མེད་པ་འགྲུབ། །རབ་ཏུ་དགའ་བའི་བདག་ལ་ཕྱག་འཚལ་ལོ། །དེ་བཞིན་གཤེགས་པའི་དམ་པ་འགྲུབ་པར་མཛོད། །ཨོཾ་ཧཱུྃ། དམ་ཚིག་

62-1-159a

དམ་པ་འགྲུབ་པར་མཛད་དུ་གསོལ། །མཆོད་པ་ཆེན་པོ་ཐམས་ཅད་འགྲུབ་པར་མཛོད། །ཨོཾ་ཧཱུྃ། མཆོད་པ་ཆེན་པོ་ཐམས་ཅད་འགྲུབ་པར་མཛོད། །གླུ་ཡི་ཕྱག་རྒྱ་འདི་ནི་དཔལ། །རྡོ་རྗེ་སེམས་དཔའ་ལ་གནས་ཏེ། །མཆོད་པ་མ་ལུས་ལུས་
མེད་པའི། །རབ་འབྱམས་ལས་ལ་སྦྱར་དུ་རུང་། །གང་དག་འགྲུབ་པར་མ་གྱུར་དང་། །མཆོད་པ་དག་ཀྱང་མི་འབྱོར་པ། །ཕྱག་རྒྱ་འདི་ཡིས་མཆོད་བྱས་པ། །མཆོད་པ་ཐམས་ཅད་མྱུར་དུ་འགྲུབ། །དེ་ནས་དཀྱིལ་འཁོར་འདི་དག་ཐམས་ཅད་རང་རང་གི་སྙིང་གའི་
དམ་ཚིག་གི་ཕྱག་རྒྱ་ལ་གཞུག་པར་བྱའོ། །དེ་ནས་རྡོ་རྗེ་དབྱིངས་ཀྱི་དབང་ཕྱུག་མའི་ཕྱག་རྒྱ་བཅིངས་ལ། ཨཱཿབཛྲ་དྷཱ་ཏུ་ཛཿཧཱུྃ་བཾ་ཧོཿབཛྲ་ཛྙཱན་ཞེས་བྱ་བ་བརྒྱ་རྩ་བརྒྱད་བརྗོད་པར་བྱའོ། །དེ་ནས་རིམ་པ་འདིས་གྲུབ་པའི་དཀྱིལ་འཁོར་ཕྱུང་ལ་གཞག་པར་བྱ་སྟེ། རྣམ་
པར་སྣང་མཛད་ཀྱི་སྤྱི་གཙུག་ནས་ཕྱུང་སྟེ་སྔ་མ་བཞིན་དུ་བཞག་ལ། སྔགས་བརྗོད་ནས་དེའི་མཐར་ཌི་ཌྷ་བཛྲ་ཏིཥྛ་ཞེས་བརྗོད་ལ་བརྟན་པར་བྱའོ། །ཨོཾ་བཛྲ་མུཥྚི་བཾ་ཞེས་བྱ་བ་ཕྱག་རྒྱ་དང་བཅས་པས་ཀྱང་བྱིན་གྱིས་བརླབ་པར་བྱའོ། །ཕྱག་རྒྱ་ཡང་རྡོ་རྗེ་དྲིལ་བུ་དང་
འདྲ་བར་ཐད་ཀར་བཙིར་བར་ཤེས་པར་བྱའོ། །དེ་ལྟར་དཀྱིལ་འཁོར་བཞག་ནས་དབང་བསྐུར་བར་འདོད་ན། དུང་གི་ནང་དུ་སྤོས་ཀྱི་ཆུ་སྔར་བཤད་པའི་གསང་སྔགས་བརྒྱ་རྩ་བརྒྱད་བཟླས་པ་བཞག་ལ་རྡོ་རྗེ་དབྱིངས་ཀྱི་དབང་ཕྱུག་མ་དཀྱིལ་འཁོར་དུ་འཇུག་
པར་བྱའོ། །དེར་སྤོས་ཆུས་ཕྱག་རྒྱ་བཞིའི་ལྷ་རྣམས་ཀྱིས་བྱིན་གྱིས་བརླབ་པའི་དབང་བསྐུར་བ་ཡང་བླང་བར་བྱ་ཞིང་བཅོམ་ལྡན་འདས་འཁོར་དང་བཅས་པའི། ཡང་དག་པར་རྫོགས་པའི་སངས་རྒྱས་ཀྱི་འོད་ཟེར་པདྨའི་དྲ་བ་སྟོང་ཕྲག་གིས་དབང་བསྐུར་བར་
གྱུར་ཅིང་བྱིན་གྱིས་བརླབ་པ་བདག་ཉིད་བསམ་པར་བྱའོ། །དེ་ནས་རྒྱུད་ཕྱི་མའི་རིམ་པས་དཀྱིལ་འཁོར་གྱི་སྒོའི་ཕྱོགས་གཅིག་ཏུ་འདུག་ལ་བསྒོམ་པར་བྱ་བའམ། རྡོ་རྗེ་བཟླས་པས་བཟླས་བརྗོད་བྱའོ། །དེ་ནས་བསྒོམ་པ་ཡང་དག་པར་བསྡུས་ལ་བཅོམ་

62-1-159b

ལྡན་འདས་རྣམ་པར་སྣང་མཛད་ཀྱི་ཕྱག་རྒྱ་ཆེན་པོ་དེ་ཉིད་དུ་གཞུག་པར་བྱའོ། །ལྷ་གཞན་རྣམས་ནི་རང་གི་དཀྱིལ་འཁོར་གྱི་ལྷའི་ནང་ཉིད་དུ་གཞུག་ལ། དེ་ལྟར་གཉིས་སུ་མེད་པའི་སྦྱོར་བ་ཐ་མི་དད་པར་གྱུར་ནས་རང་གི་ལུས་བྱིན་གྱིས་རློབ་པར་བྱེད་པའི་དེ་བཞིན་
གཤེགས་པ་རྣམས་བྱིན་གྱིས་རློབ་པར་མཛད་པའི་ཕྱིར་དང་། གཟི་བྱིན་སྲུང་བར་མཛད་པའི་ཕྱིར་དང་། གཟི་བྱིན་བསྐྱེད་པར་བྱ་བའི་ཕྱིར་དང་། བསྐུལ་བར་བྱ་བའི་ཕྱིར་དང་། རང་གི་ལུས་ཉིད་ཀྱིས་མཆོག་ཏུ་དགའ་བའི་བདེ་བ་བསྐྱེད་པར་བྱ་བའི་ཕྱིར་
ཡང་དག་པར་བསྒོམ་པར་བྱ་སྟེ། བཾ་ཨཾ་ཨཱཿཨོཾ་ཧཱུྃ། ཞེས་བྱ་བ་འདི་ཁ་སྦྱར་གྱི་སྦྱོར་བས་བདག་དང་དཀྱིལ་འཁོར་བསྒོམ་པར་བྱའོ། །རྒྱུད་ཕྱི་མ་ལས་གསུངས་པའི་སངས་རྒྱས་ཉིད་དུ་བསྒྲུབ་པ་བཤད་པར་བྱ་སྟེ། ཕྱོགས་བཅུའི་འཇིག་རྟེན་གྱི་
ཁམས་དཔག་ཏུ་མེད་པའི་སའི་རྡུལ་ཕྲ་རབ་ཀྱི་ཚུལ་ནམ་མཁའ་དང་རྣམ་པར་ཤེས་པ་ལ་སོགས་པར་བསྒོམ་པ་རྣམས་ཀྱི་སྣང་བའི་ངོ་བོ་ཉིད་དུ་བསམས་ལ། རང་གི་ས་བོན་གྱི་ཡི་གེ་སྤྲོས་པ་ལས་ཕྱག་རྒྱའི་ལྷའི་སྐུ་རང་གི་ལྷའི་གཟུགས་བྱིན་གྱིས་བརླབས་ནས། 
ཡང་རང་གི་ལུས་ཀྱི་ཕྱག་རྒྱ་ཆེན་པོ་ལ་བཅུག་ལ། དེའི་བདེ་བའི་རེག་པ་ཉམས་སུ་མྱོང་བའི་རང་གི་ས་བོན་གྱི་ཡི་གེ་སྙིང་གར་བཞག་ལ་བྱིན་གྱིས་བརླབ་པར་བྱའོ། །དེ་ལྟར་ཇི་སྲིད་ལན་གཉིས་ལན་གསུམ་གྱི་བར་དུ་བྱས་ན་འདི་དག་ཐམས་ཅད་བརྟན་པར་འགྱུར་ཏེ། 
བག་ཆགས་ཙམ་དུ་ཡང་འགྲོ་བ་གཞན་ཡིན་པར་བསམ་པར་མི་བྱའོ། །དེ་ལྟར་བརླབས་ན་རིམ་གྱིས་ཏིང་ངེ་འཛིན་དང་། གཟུངས་དང་། སོ་སོ་ཡང་དག་པར་རིག་པ་དང་། རྣམ་པར་ཐར་པ་དང་། ས་དང་། ཡེ་ཤེས་རིམ་གྱིས་འབྱུང་བ་ལ་རྩོམ་པར་འགྱུར་རོ། །དེ་ལ་རོ་
མྱོང་བར་གྱུར་ནས་རིམ་གྱིས་སངས་རྒྱས་ཉིད་ཐོབ་པར་འགྱུར་རོ། །གལ་ཏེ་དེ་ལྟར་མི་འདོད་ན་དེའི་ཚེ་སྙིང་གར་ཟླ་བའི་ཆ་ས་བོན་གྱི་ཡི་གེ་ལས་བསྐྱེད་ལ་དེ་ཉིད་བརྟན་པར་བྱའོ། །དེ་ནས་བྱང་ཆུབ་ཀྱི་སེམས་རྡོ་རྗེ་དང་། ཆོས་ཀྱི་ཕྱག་རྒྱ་དང་། ལས་ཀྱི་ཕྱག་རྒྱ་རྣམས་སྔ་མ་སྔ་མ་

62-1-160a

བརྟན་པར་བྱས་ལ་རིམ་གྱིས་བསྒྲུབ་པར་བྱའོ། །གལ་ཏེ་རྡོ་རྗེ་ཕྲ་མོ་བསྒོམས་པས་སེམས་ཉིད་བརྟན་པར་བྱ་བར་བསྒྲུབ་པར་འདོད་ན། དེའི་ཚེ་དཔལ་རྡོ་རྗེ་འབྱུང་བའི་རིམ་པའི་མན་ངག་གིས་རྡོ་རྗེ་ཕྲ་མོ་བསྐྱེད་པ་བསླབས་ལ་བསྒོམ་པར་བྱ་སྟེ། གཞན་དུ་ན་མིག་
ལ་སོགས་པའི་དབང་པོ་རྣམས་རྣམ་པར་གཡེང་བར་འགྱུར་བ་བྱིན་གྱིས་བརླབ་པར་མི་འགྱུར་ཞིང་དངོས་གྲུབ་འགྲུབ་པར་ཡང་མི་འགྱུར་རོ། །དེ་ལྟར་ཇི་སྲིད་དུ་རིམ་པ་འདི་ཉིད་ཀྱིས་བསྒོམས་ན་མཚམས་མེད་པ་ལྔ་བྱེད་པའམ། དམ་པའི་ཆོས་སྤོང་བ་རྣམས་ཀྱང་ལོ་གཅིག་
གིས་སངས་རྒྱས་སུ་འགྲུབ་པར་འགྱུར་རོ། །གཞན་དུ་ན་རྡོ་རྗེ་སློབ་དཔོན་སྨོད་པ་རྣམས་ནི་མ་ཡིན་ནོ། །གལ་ཏེ་དེ་ཁོ་ན་ཉིད་གསང་བའི་དེ་ཁོ་ན་ཉིད་སྦས་པའི་རིམ་གྱིས་མྱུར་དུ་སངས་རྒྱས་ཉིད་ཐོབ་པར་འདོད་ན། དེའི་ཚེ་དཔལ་རྡོ་རྗེ་འབྱུང་བ་ཉིད་ལན་མང་དུ་མཉམ་པར་བྱས་ལ། 
དེ་ཉིད་ཀྱི་ཚིག་འདི་དག་ལེགས་པར་རྟོགས་ནས། དེ་ཉིད་ཀྱི་རིམ་པ་ཉིད་ཀྱིས་སེམས་སོ་སོར་རྟོག་པ་ལ་སོགས་པའི་རིམ་པས་བདག་ཉིད་བསྐྱེད་ལ་དེ་ལས་བཤད་པའི་བསྒོམ་པ་ཉིད་ཀྱིས་སངས་རྒྱས་ཉིད་བསྒོམ་པར་བྱ་ཞིང་། དེ་ལས་བཤད་པའི་སངས་རྒྱས་ཀྱི་ས་དང་། སངས་
རྒྱས་ཀྱི་ཕ་རོལ་ཏུ་ཕྱིན་པ་དང་། བཅུ་གཉིས་པ་རྡོ་རྗེ་འཛིན་པའི་ས་བསྐྱེད་པར་བྱ་བའི་ཕྱིར་བསྒོམ་པའི་རིམ་པ་དེ་ཡང་འདི་ཉིད་དུ་ཤེས་པར་བྱ་སྟེ། དང་པོ་ཁོ་ནར་རང་གི་ལྷའི་རྣལ་འབྱོར་ཡང་དག་པར་རྫོགས་པར་གྱུར་པ་རྗེས་སུ་དྲན་ལ། འདོད་པའི་རྒྱལ་པོའི་དམ་ཚིག་
གི་ཕྱག་རྒྱ་ལག་པས་བཅིངས་ནས། ཊཀྐི་ཧཱུྃ་ཛཿཞེས་བརྗོད་ལ། བཅོམ་ལྡན་འདས་སྤྲོས་ནས་སྲིད་པ་གསུམ་པོ་མ་ལུས་པར་འབར་བ་ཀུན་དུ་བཀང་སྟེ། བདག་ཉིད་ཀྱིས་གཟུགས་ཀྱི་དཀྱིལ་འཁོར་པ་ཐམས་ཅད་དུ་འཇུག་པའི་འཇིག་རྟེན་གྱི་ཁམས་སུ་ཡང་དག་པར་འཕྲོ་བར་
གྱུར་ཅིང་། ལག་པ་བཞི་ལས་ལག་པའི་དཀྱིལ་འཁོར་གྱིས་འདོད་ཆགས་ཀྱི་མདའ་རྣ་བའི་མཐར་ཐུག་གི་བར་དུ་འདྲེན་ཅིང་འཛིན་པ་དང་། ལག་པ་གཞན་གྱིས་རྡོ་རྗེ་འབར་བ་དང་། རྡོ་རྗེ་ལྕགས་ཀྱུའི་དྲིལ་བུ་འཛིན་ཅིང་སྨིན་མ་འདེགས་པར་བྱེད་པ་དང་། དཔྲལ་

62-1-160b

བའི་དབྱེས་བསྙེར་བས་རྣམ་པར་འཕྲོ་ཞིང་ཐུགས་རྗེས་གནོད་མཛེས་ལྟ་བུར་གཡོན་བརྐྱང་བའི་གནས་པར་བྱེད་པ་དང་། ཕུན་སུམ་ཚོགས་པ་དང་། རྗེས་སུ་མཐུན་པའི་སྤྱོད་པ་རྣམས་ཀྱིས་དྲག་པོའི་ཉམས་ཕྱི་རོལ་ཏུ་གསལ་བར་བྱེད་ཅིང་སངས་རྒྱས་དང་བྱང་ཆུབ་སེམས་
དཔའ་རྣམས་ཀྱི་འཁོར་གྱི་དཀྱིལ་འཁོར་དཔག་ཏུ་མེད་པ་རྣམས་སུ་ཕྱོགས་བཅུར་ཡང་སོང་སྟེ། བསྐལ་པ་གྲངས་མེད་པ་གསུམ་མམ། བདུན་གྱི་བར་གྱིས་གང་ཕ་རོལ་ཏུ་ཕྱིན་པ་བཅུ་དང་། ས་བཅུ་ཡོངས་སུ་ཐོབ་པར་སྦྱང་བར་བྱས་ཏེ། སངས་རྒྱས་ཀྱི་རྡོ་རྗེ་
འཛིན་པའི་ས་རྣམས་སུ་དེ་རྣམས་ཀྱི་སེམས་འདོད་ཆགས་ཀྱི་མདས་རབ་ཏུ་བསྣུན་ལ་རྡོ་རྗེ་ལྕགས་ཀྱུས་དྲངས་ནས། རྡོ་རྗེ་དྲིལ་བུས་མཉེས་པར་བྱས་ཏེ། སྤྱན་དྲངས་ནས་མདུན་དུ་ཡང་དག་པར་བཞག་སྟེ། བརྟན་པར་བྱས་ནས་གནས་པར་གྱུར་པར་བསམ་པར་
བྱའོ། །དེ་ཡང་འདོད་པའི་རྒྱལ་པོའི་གཟུགས་ཀྱི་རང་གི་སྙིང་གར་ཞུགས་པར་བསམ་པར་བྱའོ། །དེ་ནས་རིམ་གྱི་ཕ་རོལ་ཏུ་ཕྱིན་པ་དང་། ས་ནས་བརྩམས་ཏེ། གྲངས་ཇི་ལྟ་བ་བཞིན་དུ་འོག་ནས་བཤད་པའི་ས་བོན་རྣམས་ལས་ས་དང་ཕ་རོལ་ཏུ་ཕྱིན་པ་རྣམས་
བསྐྱེད་ལ། རང་གི་ཕྱག་རྒྱ་བཞི་ལ་གཞུག་པར་བྱ་ཞིང་ཐིམ་པར་གྱུར་པར་བསམ་པར་བྱ་སྟེ། དེ་ལ་དང་པོ་ཁོ་ནར་ཕ་རོལ་ཏུ་ཕྱིན་པ་དང་པོ་གཅིག་ཏུ་གཞུག་པར་བྱའོ། །དེའི་འོག་ཏུ་ས་དང་པོ་དེའི་འོག་ཏུ་ཕ་རོལ་ཏུ་ཕྱིན་པ་གཉིས་པ། དེའི་འོག་ཏུ་ས་གཉིས་པ་སྟེ། དེ་
བཞིན་དུ་བཞུགས་པའི་རིམ་པ་ཐམས་ཅད་ལ་ཡང་ཤེས་པར་བྱའོ། །དེ་ལ་ཕ་རོལ་ཏུ་ཕྱིན་པ་རྣམས་ནི་རྡོ་རྗེ་ཕྲེང་བ་མའི་གཟུགས་ཀྱིས་ཞུགས་པར་བསམ་པར་བྱའོ། །ས་རྣམས་ཀྱང་རྡོ་རྗེ་སྒེག་མོའི་གཟུགས་ཀྱིས་གཞུག་པར་བྱའོ་ཞེས་མན་ངག་ལས་བཤད་དོ། །དེ་ནས་དེ་
རྣམས་བཅུག་ལ་ཐམས་ཅད་ཀྱི་འོག་ཏུ་རྡོ་རྗེ་འཛིན་པའི་སྒེག་མོ་ལ་སོགས་པའི་རིམ་གྱིས་རྡོ་རྗེ་དབྱིངས་ཀྱི་དབང་ཕྱུག་མའི་བར་དུ་སྟེ། དེ་དག་ཀྱང་སངས་རྒྱས་ལྔའི་དབུ་རྒྱན་ལ་གནས་པས་དབང་བསྐུར་བ་བྱས་ལ་སྔ་མ་བཞིན་དུ་བྱིན་གྱིས་བརླབས་ནས་བཞུགས་པར་

62-1-161a

བསམ་པར་བྱའོ། །དེ་ནས་རྡོ་རྗེ་རིན་ཆེན་གྱི་ཕྱག་རྒྱ་སྙིང་ག་ནས་བྱུང་བས་བདག་ཉིད་དབང་བསྐུར་བར་བྱས་ལ་སྙིང་པོ་འདིས་བརྟན་པར་བྱ་སྟེ། ཨོཾ་བཛྲ་རཏྣ་ཨ་བྷི་ཥིཉྩ་སརྦ་མུ་དྲཾ་མི་ཏྲི་ཌྷཱི་ཀུ་རུ་བ་ར་ཀ་བ་ཙེ་ན་བཾ། ཞེས་བྱའོ། །ཉིན་རེ་ཞིང་ཡང་སྦྱོར་བ་
འདིས་བསྒོས་པར་གྱུར་ན། དེ་བཞིན་གཤེགས་པ་ཐམས་ཅད་རང་ཉིད་བྱོན་ནས་འཁོར་བ་ཐམས་ཅད་ཀྱི་བསོད་ནམས་དང་ཡེ་ཤེས་ལ་དབང་བྱེད་པའི་ངོ་བོ་ཉིད་དེ་བཞིན་གཤེགས་པ་ཐམས་ཅད་ཀྱིས་དབང་བསྐུར་བར་གྱུར་པ་ནི་རྒྱུན་མི་འཆད་པ་དང་མི་འཇིགས་
པའི་མན་ངག་གོ། །དེ་ནས་དེ་རྣམས་ཀྱི་ས་བོན་གྱི་ཡི་གེ་རྣམས་ནི་འདི་དག་ཡིན་ཏེ། དཾ་ཤཾ་ཀྵཾ་བཾ་དྷཾ་པྲཿཨོཾ་ཧྲཾ་ཨི་ཨེཾ་ཨཾ་ནི་ཕ་རོལ་ཏུ་ཕྱིན་པ་རྣམས་ཀྱིའོ། །ཐཾ་བྷྲཱུཾ་བྷྲཾ་བྷྲཿབྷྲོ་བྷྲ་བྷྲི་བྷྲཱུ་བྷྲིཿབྷྲུཾ་བྷྲུཾ། ཞེས་བྱ་བ་ནི་ཀུན་དུ་བཟང་པོའི་མཐར་ཐུག་པའི་ས་རྣམས་ཀྱིའོ། །ཧཱུྃ་ཏྲཱཾ་ཧྲཱིཿཨཾ་
ཨཱཾ། ཞེས་པ་ནི་རྡོ་རྗེ་སེམས་མ་ནས་རྡོ་རྗེ་དབྱིངས་ཀྱི་དབང་ཕྱུག་མའི་མཐར་ཐུག་པའི་བར་གྱི་སྟེ། དེ་དག་ཐམས་ཅད་ཀྱི་ས་བཅུ་གཉིས་པ་རྡོ་རྗེ་འཛིན་པའི་ས་ཉིད་ཤེས་པར་བྱ་སྟེ། གང་སངས་རྒྱས་ཐམས་ཅད་དང་མཉམ་པར་སྦྱོར་བའི་རྒྱུད་ལས་ཀྱང་། སེམས་དཔའ་
སངས་རྒྱས་ཀུན་གྱི་དངོས། །རྡོ་རྗེ་སེམས་དཔའ་བདེ་བའི་མཆོག །གསང་བ་མཆོག་གི་དགྱེས་པ་ན། །ཐམས་ཅད་བདག་ཉིད་རྟག་ཏུ་བཞུགས། །ཞེས་བྱ་བ་ལ་སོགས་པ་གསུངས་པའི་ཕྱིར་རོ། །ལྷའི་ཁང་པ་ནས་ལངས་པ་ན་ཡང་། ཕུང་པོ་ལྔ་རྣམས་ལ་དེ་བཞིན་
གཤེགས་པ་རྣམས་བྱིན་གྱིས་བརླབས་ལ་ལྡང་བར་བྱའོ། །ལངས་ནས་ཀྱང་གཡོན་པ་རྡོ་རྗེ་ཁུ་ཚུར་གོས་ཀྱིས་གཡོགས་ལ། བསྒོམ་པའམ་བཟླས་པ་བྱ་ཞིང་འཇིག་རྟེན་གྱི་ཐ་སྙད་ཐམས་ཅད་ཀྱང་མཉམ་པར་མ་བཞག་པའི་སྦྱོར་བས་སྤྱོད་ལམ་རྣམ་བཞིར་བྱ་སྟེ། 
ཇི་སྐད་དུ་དཔལ་མཆོག་དང་པོའི་རྒྱུད་ལས་ཀྱང་། འགྲེང་ངམ་ཡང་ན་འདུག་ཀྱང་རུང་། །འཆག་གམ་ཇི་ལྟར་གནས་པ་དང་། །དགོད་དམ་རབ་ཏུ་སྨྲ་བའམ། །གང་དང་གང་ཡིན་ཇི་ལྟ་བར། །དང་པོ་རྡོ་རྗེ་ཁུ་ཚུར་བཅིང་། །གཡོན་པའི་ལག་པ་གཡོགས་ནས་ནི། །

62-1-161b

མཉམ་པར་མ་བཞག་སྦྱོར་བ་ཡིས། །སྙིང་པོ་དོན་དུ་བཟླས་པ་བྱ། །ཆོ་ག་འདི་ནི་འདོད་པ་བཞིའི་སྦྱོར་བ་ལ་སོགས་པས་བྱ་སྟེ། ཁྱད་པར་གྱི་ཡེ་ཤེས་ཕུལ་དུ་བྱུང་བས་ཐོབ་པས་ནི་ལན་ཅིག་མངོན་པར་འདུས་བྱས་ནས་བསྒོམ་པ་རྒྱུན་མི་འཆད་པའི་སེམས་ཀྱིས་བྱ་བ་ལ་ཉེས་པ་མེད་དོ། །ཐུགས་
རྗེ་འབྱུང་བ་ཞེས་བྱ་བ་བསྒོམ་པ་དང་བཟླས་པའི་ཆོ་ག་སློབ་དཔོན་ཆེན་པོ་ཡེ་ཤེས་རྡོ་རྗེའི་ཞལ་སྔ་ནས་མཛད་པ་རྫོགས་སོ།།      །།རྒྱ་གར་གྱི་མཁན་པོ་ཤྲཱདྡྷཱ་ཀ་ར་བརྨ་དང་། ཞུ་ཆེན་གྱི་ལོ་ཙཱ་བ་དགེ་སློང་རིན་ཆེན་བཟང་པོས་བཅོས་ཤིང་བསྒྱུར་ཏེ་གཏན་ལ་ཕབ་པ།།      །། 
༄༅༅། །རྒྱ་གར་སྐད་དུ། ཧོ་མ་བི་དྷིཿ། བོད་སྐད་དུ། སྦྱིན་སྲེག་གི་ཆོ་ག །འཇམ་དཔལ་གཞོན་ནུར་གྱུར་པ་ལ་ཕྱག་འཚལ་ལོ། །དཔལ་ལྡན་གང་ཞིག་དྲན་པ་ཡིས། །དངོས་གྲུབ་མི་འཇིགས་ཐོབ་གྱུར་པ། །རྡོ་རྗེ་ཅན་ལ་གུས་བཏུད་ནས། །སྦྱིན་སྲེག་ཆོ་ག་གསལ་
བར་བཤད། །གང་དག་ཏུ་ནི་རང་ཉིད་ཀྱིས། །ལས་ཀྱི་ཆོ་ག་རྣམས་མེད་པ། །དེར་ནི་སྤྱི་རྒྱུད་ལས་གསུངས་པའི། །ཆོ་ག་མཁས་པས་བསྟན་པར་བྱ། །དེ་ལ་ཞི་བ་ལ་ནི་ས་གཞི་དཀར་པོ་ལ་རྒྱར་ཁྲུ་གང་ཙམ་ལ། ཟབས་སུ་སོར་བཅུ་གཉིས་པའི་ཐབས་ཁུང་ཟླུམ་པོ་བརྐོས་
ལ། དེའི་དབུས་སུ་པདྨའི་སྟེང་དུ་རྡོ་རྗེ་རྩེ་ལྔ་པ་སོར་བརྒྱད་པར་བྱ། ཐབ་ཁུང་གི་སྟེང་དུ་སོར་བཞི་བར་དུ་དོར་ལ། དཔངས་དང་རྒྱར་སོར་བཞིའི་ཁ་ཁྱེར་ཀུན་ནས་བྱས་ལ། མཚམས་རྣམས་སུ་རྡོ་རྗེ་རྩེ་གསུམ་པས་མཚན་པ་དང་། ཐབ་ཁུང་གི་ས་གཞི་དེ་བ་ལང་གི་
ལྕི་བ་དང་། ས་དཀར་པོས་བྱུགས་ལ། ཡང་དེ་ཉིད་དྲི་དཀར་པོས་བསྐུ་ཞིང་དུས་གསུམ་དུ་དྲི་ཞིམ་པོའི་མེ་ཏོག་དཀར་པོས་གཏོར་བར་བྱའོ། །རྒྱས་པ་ལ་ནི་ས་གཞི་སེར་པོ་ལ་ཁྲུ་དོ་པ། ཟབས་སུ་དེའི་ཕྱེད་པ་རིན་པོ་ཆེ་ཟུར་བརྒྱད་པ་ལྟ་བུའམ། ཟུར་བཞི་པ་སྟེ། 
དེ་ཟབས་སུ་ཁྲུ་གང་བརྐོས་པ་ལ། འཁོར་ལོ་རྩིབས་བརྒྱད་པའི་ལྟེ་བར་རྡོ་རྗེ་རིན་པོ་ཆེ་ཟུར་དྲུག་པ། སྟེང་དུ་སོར་བརྒྱད་པ་ཙམ་གྱི་ཁ་ཁྱེར་དབྱིབས་མཉམ་པར་བྱས་ལ། ས་སེར་པོ་དང་དྲི་སེར་པོས་ཐབ་ཁུང་གི་ས་གཞི་དེ་ཉེ་བར་བྱུགས་ལ། མེ་ཏོག་སྣ་

62-1-162a

ཚོགས་དགྲམ་པར་བྱའོ། །མངོན་སྤྱོད་ལ་ནི་རྩུབ་པ་དང་། །ཚ་སྒོ་ཅན་དང་གས་པ་དང་། །གནག་ཅིང་སྔོ་བའི་ས་གཞི་ལ་སོར་ཉི་ཤུ་པ། ཟབས་སུ་སོར་བཅུ་པ། གྲུ་གསུམ་མགོ་བྱང་དུ་བལྟས་པ། ཐབ་ཁུང་གི་དབུས་སུ་རྩེ་གསུམ་པའི་སྟེང་དུ། 
ཁྲོ་བོའི་རྡོ་རྗེ་སོར་བརྒྱད་པས་མཚན་པ། དེའི་སྟེང་དུ་སོར་གསུམ་དོར་བར་ཆུར་དང་དཔངས་སོར་གསུམ་པའི་ཁ་ཁྱེར་ཁ་ཕྱིར་བལྟས་པས་བསྐོར་བ། ས་ནག་པོ་དང་། རོ་བསྲེགས་པའི་ཐལ་བ་དང་། བུང་བུ་དང་རྔ་མོ་ལ་སོགས་པའི་རྟུག་པས་ཇི་ལྟ་བ་བཞིན་དུ་བྱུགས་
ཏེ། དྲི་ངན་པ་དང་མེ་ཏོག་སྔོན་པོ་དང་དམར་པོ་དང་འབྲུའམ་ཕུབ་མས་གཏོར་བར་བྱའོ། །དབང་ལ་ནི་ས་གཞི་དམར་པོ་ལ། ཐབ་ཀྱི་དབྱིབས་བྷ་ག་ལྟ་བུའམ་རླུང་གི་དཀྱིལ་འཁོར་ལྟ་བུའམ། ཨ་ཤྭཏྠའི་ལོ་མ་ལྟ་བུའི་དབུས་སུ་རྡོ་རྗེ་པདྨས་མཚན་པའོ། །དགུག་པ་
ལ་ནི་རྡོ་རྗེ་རྩེ་གཅིག་པ་ལྟ་བུ་དབུས་ཀྱི་ཆ་ལ་རྡོ་རྗེ་ལྕགས་ཀྱུས་མཚན་པ། ཁ་ཁྱེར་ཡང་དེ་དང་འདྲ་བས་བསྐོར་བ། ས་དང་དྲི་དམར་པོས་བྱུགས་པ། དྲི་དང་མེ་ཏོག་གིས་ཉེ་བར་མཛེས་པར་བྱས་ཏེ། འདི་ཉིད་ཀྱི་བརྐོ་བ་དང་ཁ་ཁྱེར་ལ་སོགས་པའི་ཚད་ཀྱང་ཞི་བའི་ཐབ་
ཁུང་དང་འདྲ་བར་ཤེས་པར་བྱའོ། །ལས་ཐམས་ཅད་པའི་ཐབ་ཁུང་ཡང་དེ་བཞིན་ཏེ། འོན་ཀྱང་ཁ་ཁྱེར་ནི་པདྨ་ཁ་བྱེ་བ་ལྟ་བུ་ལ་རྡོ་རྗེའི་ཕྲེང་བས་བསྐོར་བའོ། །རྡོ་རྗེ་དང་པདྨ་དང་རིན་པོ་ཆེ་དང་། རྡོ་རྗེ་སྣ་ཚོགས་རྡོ་རྗེའི་དབུས་སུ་ཆུད་པའི་འཁོར་ལོའི་ཕྱག་རྒྱས་མཚན་
པར་བྱའོ། །དཀྱིལ་འཁོར་རམ་ལྷའི་ཁང་པའི་ཤར་ཕྱོགས་སུ་ནི་ཞི་བའི་ཐབ་ཁུང་དང་དབང་གི་ཐབ་ཁུང་། ལྷོར་ནི་མངོན་སྤྱོད། བྱང་དུ་ནི་རྒྱས་པ། ནུབ་དུ་ནི་དགུག་པའི་ཐབ་ཁུང་ལས་དང་རྗེས་སུ་མཐུན་པར་ཐབ་བརྐོ་བའམ། ཚོན་གྱིས་བྲི་བར་བྱའོ། །ཐབ་ཀྱི་དབང་དུ་
བྱས་པའོ།    །དགང་གཟར་ནི་གསེར་རམ་ཟངས་ཀྱི་རྒྱུ་ལས་བྱས་པའམ། ནིམ་པའམ་མཆོད་སྦྱིན་གྱི་ཤིང་ལས་པདྨའི་འདབ་མའི་དབྱིབས་ལྟ་བུ། དེའི་ཡུ་བ་སྐྱེས་པ་ཚད་དང་ལྡན་པའི་མཐེ་བོའི་སོར་ཉི་ཤུ་རྩ་བཞི་རྡོ་རྗེ་ལ་སོགས་པའི་ཁུ་ཚུར་གྱིས་གཟུང་དུ་རུང་བའམ། 

62-1-162b

དེའི་སྟེང་དུ་སོར་བཞི་པ། ཟུར་བཞི་པ་ཁའི་ཟབས་སུ་སོར་གཉིས་ཀྱི་དམའ་བར་བརྐོས་ལ་རྡོ་རྗེ་རྩེ་ལྔ་པས་མཚན་པ། ཁུ་བཅུད་འཛག་པའི་བུ་ག་སོར་གཅིག་ཙམ་རྩེ་མོ་ལ་རྡོ་རྗེ་རྩེ་གསུམ་སོར་བཞིས་མཚན་པ། ཡུ་བའི་ཞབས་སུ་རྡོ་རྗེ་དང་རིན་པོ་ཆེ་སོར་དྲུག་པར་བྱའོ། །བླུགས་
གཟར་ཁྲུ་གང་ཙམ་ལ་རྩེ་མོ་པདྨའི་འདབ་མ་ལྟ་བུ་རྒྱར་སོར་གཉིས་ཟབས་སུ་དེའི་ཕྱེད་བརྐོས་པ་ལ། རྡོ་རྗེ་རྩེ་ལྔ་པས་དེའི་དབུས་སུ་མཚན་པ། ཡུ་བའི་འོག་རྡོ་རྗེ་དང་རིན་པོ་ཆེས་བྱའོ། །ཡང་ན་སོར་མོ་ལྔས་ལེགས་པར་བཅེར་བས་ཀྱང་དགང་གཟར་བྱ་ཞིང་། སོར་
མོ་གསུམ་བཅེར་བས་བླུགས་གཟར་བྱའོ། །དགང་གཟར་གྱི་དབང་དུ་བྱས་པའོ།    །ཡམ་ཤིང་ནི་པ་ལཱ་ཤ་དང་། ཨུ་དུམ་བཱ་ར་དང་། ཨ་མྲ་དང་། ཀ་དམ་པ་དང་། ཀསྨརྫྱ་དང་། ཨ་ཤྭཏྠ་དང་། པླཀྵ་དང་། ཤ་མི་དང་། ནྱ་གྲོ་དྷ་ལ་སོགས་པ་ཤིང་འོ་མ་ཅན་ལས་
གྲུབ་པ་འདབ་མ་དང་བཅས་པ་རླན་དང་བཅས་པ་མཉམ་པོར་བཅད་པ། རྩེ་མོའི་ཆ་ལས་བྱུང་བ་མཐོ་གང་ཙམ་ལ་རྩེ་མོ་གཉིས་སྦྲང་རྩི་དང་། འོ་མ་དང་མར་ལ་སྦགས་པ། དྲི་དཀར་པོའི་ཆུ་ལས་སྦངས་པ། རྩེ་མོ་ལོ་མ་གཉིས་དང་བཅས་པ་རྩེ་གཅིག་པས་དབུལ་བར་བྱའོ། །
སྙིང་པོ་དང་འདབ་མ་མེད་པ་དང་། རུལ་པ་དང་ཁོང་སྟོང་དང་། ཤུན་པགས་མེད་པ་དང་། ཐུང་ངུ་དང་། ཡོན་པོ་དང་། རྩེ་མོ་གཉིས་སུ་གས་པ་དང་། ཕྲ་བ་དང་། སྦོམ་པ་དང་། རིང་པོ་དང་། འབུས་ཟོས་པ་དང་། སྲོག་ཆགས་དང་བཅས་པ་ནི་སྤང་བར་བྱའོ། །ཞི་བ་ལ་ནི་
ནས་དང་། འོ་མ་དང་། ཞོ་དང་། འབྲས་ཡོས་དང་། ཏིལ་དང་། དཱུར་བ་དང་། ཀུ་ཤ་སྔོན་པོ་དང་། བིལ་བའི་ལོ་མ་དང་། ཙནྡན་དང་། པྲི་ཡང་ཀུའི་མེ་ཏོག་དང་། འབྲས་སཱ་ལུའི་ཆན་དང་། མེ་ཏོག་དཀར་པོ་དང་། ནཱ་ག་གེ་སར་དང་། ཐང་ཆུའི་དྲི་ཞིམ་པོ་དང་། 
སྤང་སྤོས་དང་། སྦྲང་རྩི་དང་མར་རྣམས་ལས་ཇི་སྙེད་པ་སྦྱིན་སྲེག་ལ་དབུལ་བར་བྱའོ། །རྒྱས་པ་ལ་ནི་ཡམ་ཤིང་དེ་ཉིད་ལས་དབུས་ཀྱི་ཆ་ལས་བྱུང་བའི་ཆང་པ་གང་གི་ཚད་ལས་དཔངས་སུ་ཁྲུ་གང་ཙམ་ལ། ཞོ་དང་འོ་མ་དང་མར་ལ་སྦགས་པ་སྤོས་ཆུ་སེར་པོས་སྦངས་ལ། མངར་

62-1-163a

གསུམ་ལ་སྦགས་པ་དང་། ཟས་མཆོག་གི་གོང་བུ་དང་། ཞོ་དང་སྦྲང་རྩི་དང་། མར་དང་ལྡན་པ་དང་། ཏིལ་ནག་པོ་དང་། འབྲས་ཆེན་ཞོ་དང་མར་དུ་བཅས་པ་དང་། ཤ་ཏ་པུཥྤ་དང་། བིལ་བའི་འབྲས་བུ་དང་། འབྲས་སཱ་ལུ་དང་། པདྨ་དང་། ནཱ་ག་གེ་
སར་དང་། ཀར་ནི་ཀ་ར་དང་། འབྲུ་རྣམས་དབུལ་བར་བྱའོ། །མངོན་སྤྱོད་ལ་ནི་ནིམ་པ་དང་། སེང་ལྡང་དང་། ཀོ་བི་ད་ར་དང་། བི་ལོ་ཏ་ཀ་དང་། མ་ད་ན་རྣམས་ཀྱིའམ། གཞན་ཡང་ཁ་བ་དང་ཚེར་མ་ཅན་དང་། ཚ་བའི་ཤིང་རྣམས་ཀྱིའམ། རོ་བསྲེགས་པའི་
མགལ་དུམ་ལ་རྩ་བའི་ཆ་ལས་བྱུང་བ་གས་པ་སོར་བཅུ་པ་རྩེ་མོ་གཉིས་དུག་དང་། ཁྲག་དང་ཉུངས་མར་ལ་སྦགས་ཤིང་རྩེ་མོ་རྣོ་བའི་ཡམ་ཤིང་དང་། ཡུངས་ཀར་དང་། ཡུངས་མར་དང་ཁྲག་དང་ལན་ཚྭ་དང་། སྐེ་ཚེ་དང་ནིམ་པའི་ལོ་མ་དང་རོ་བསྲེགས་པའི་ཐལ་བ་དང་། རྐང་
རྗེས་ཀྱི་ས་དང་། བོང་བུ་དང་། རྔ་མོ་ལ་སོགས་པའི་རྟུག་པ་དང་། སྐྲ་བརྡུངས་པ་དང་། ཁྱིམ་བྱའི་སྒོ་ང་དང་། བྱ་རོག་ལ་སོགས་པའི་གཤོག་པ་དང་། བཤང་གཅི་དང་། ཚེར་མ་དང་། རུས་ཕྱེ་དང་། གླང་པོ་ཆེའི་ཤ་ལ་སོགས་པའི་ཇི་སྙེད་པ་དང་། རྫས་རེ་རེ་ལ་
ཁྲག་དང་དུག་ལས་བཏགས་ཤིང་སྦགས་པའི་རྫས་སམ་ཐལ་བ་དང་། སོལ་བ་དང་། ཕུབ་མ་ལ་སོགས་པ་ལས་དགྲ་བོའི་གཟུགས་བརྙན་བྱས་ལ། དུག་ལ་སོགས་པ་བསྐུས་ཏེ་བཅད་ཅིང་སྦྱིན་སྲེག་བྱའོ། །དབང་དུ་བྱ་བ་ལ་ནི་ཙམ་པ་ཀ་དང་། ཨ་ཤྭ་ཀ་དང་། བ་ཀུ་
ལ་དང་། པྲི་ཡང་ཀུ་དང་། ལ་ཀུ་ཙ་ལ་སོགས་པ་ནགས་ཀྱི་ལྕུག་མའི་ཡམ་ཤིང་སོར་ལྔ་པ་འདབ་མ་དང་བཅས་པའམ། སྐྱུར་ཞིང་དམར་བ་དང་། མེ་ཏོག་དང་འབྲས་བུ་གཞན་དང་། གཞན་དག་གམ། རང་གི་རྟོག་པ་ལས་བཤད་པའི་རྫས་རྣམས་དབུལ་བར་བྱའོ། །
དགུག་པ་དང་ཡང་དེ་དག་ཉིད་དམ། ཚེར་མ་ལྕགས་ཀྱུ་ལྟ་བུ་ཡོད་པའི་སྦྱིན་སྲེག་བྱའོ། །པ་ལཱ་ཤ་དང་། པླཀྵ་དང་། ཨུ་དུམ་བཱ་ར་དང་། སེང་ལྡེང་དང་། ཨརྐ་དང་། མེ་ད་དང་། བེ་ཏང་ཀ་ཏ་དང་། ཨ་མྲ་དང་། ཤ་མི་དང་། ཀས་མརྒ་དང་། ཨ་པ་མརྒ་

62-1-163b

དང་། ཨ་ཤྭཏྠ་ལས་བྱུང་བ་གསར་ཞིང་རྩེ་མོ་མ་གས་པ། དྲང་པོ་མཐོ་གང་ཙམ་ལ་སྤོས་ཆུས་བྲན་པ། སེན་མོ་གཉིས་བཏགས་པའི་ཡམ་ཤིང་ལས་ཐམས་ཅད་པ་ལ་དབུལ་བར་བྱའོ། །གང་ཡང་ཞི་བ་དང་རྒྱས་པའི་སྲེག་རྫས་རྣམས་དང་། གང་ཡང་བདག་ཉིད་ཀྱིས་
ཟས་དེ་དག་ཐམས་ཅད་ཉིན་རེ་ཞིང་སྭཱ་ཧཱ་དང་བཅས་པར་རང་གི་ལྷ་ལ་རྟག་ཏུ་དབུལ་བ་དང་། མར་གྱིས་སྦགས་པའི་གུ་གུལ་ལམ། སཱ་ལའི་ཐང་ཆུས་ཡང་རང་གི་གསང་སྔགས་ཀྱི་དབྱེ་བས་སྦྱིན་སྲེག་བྱའོ། །དྲི་དང་མེ་ཏོག་ལ་སོགས་པའི་མཆོད་པའི་རྫས་རྣམས་ཀྱང་
ལས་དང་རྗེས་སུ་མཐུན་པར་རང་གིས་གསང་སྔགས་ཇི་ལྟ་བ་བཞིན་དུ་བཟླས་བརྗོད་བྱའོ། །སྲེག་རྫས་ཀྱི་དབང་དུ་བྱས་པའོ།    །ཞི་བ་ལ་ནི་མཆོད་སྦྱིན་གྱི་ཤིང་རྣམས་ཀྱི་བུད་ཤིང་སྲོག་ཆགས་མེད་པ། ཐབ་ཁུང་ལས་ཅུང་ཟད་ཀྱིས་དམའ་བའམ། དགོན་པའི་བ་ལང་
གི་ལྕི་བས་བྱའོ། །རྒྱས་པ་ལ་ནི་དགོན་པའི་བ་ལང་གི་ལྕི་བ་མ་གཏོགས་པ་ཇི་སྐད་དུ་བཤད་པའི་བུད་ཤིང་འབྲས་བུ་དང་བཅས་པའོ། །མངོན་སྤྱོད་ལ་ནི་ཚ་བ་དང་། ཚེར་མ་ཅན་དང་། དྲི་ངན་པའི་ཤིང་རྣམས་སམ། དུར་ཁྲོད་པའམ། བོང་བུའམ་རྔ་མོའི་རྟུག་པ་ལ་
སོགས་པའམ། ཤིང་ཤིན་ཏུ་སྐམ་པས་བྱའོ། །དབང་དུ་བྱ་བ་ནི་ནིམ་པ་དང་ཤིང་སྐྱུར་པོ་དང་། གཞན་ཡང་མེ་ཏོག་དང་བཅས་པར་བྱའོ། །དགུག་པ་ལ་ཚེར་མ་དང་བཅས་པས་སོ། །ལས་ཐམས་ཅད་པའི་བུད་ཤིང་ནི་ལས་དང་རྗེས་སུ་མཐུན་པས་བྱའོ། །བུད་
ཤིང་གི་དབང་དུ་བྱས་པའོ།    །དེ་ནས་སྒྲུབ་པ་པོ་ཁྲུས་བྱས་ཤིང་ལུས་དྲི་ཞིམ་པོས་བསྒོས་པ། བྱམས་པ་དང་སྙིང་རྗེ་དང་ལྡན་པ་གོས་དཀར་པོ་གྱོན་ཏེ་ལས་དང་རྗེས་སུ་མཐུན་པར་འདོད་པའི་ལྷའི་རྣལ་འབྱོར་ནས་བསྲུང་བའི་ཆོ་ག་བྱས་ཤིང་བཟླས་པ་དང་། མི་སྨྲ་བས་
འཇམ་ཞིང་ཤིན་ཏུ་བདེ་བའི་སྟན་ལ་པདྨའི་འདུག་སྟངས་ཀྱིས་འདུག་པ། ནང་པར་ཁ་ཤར་དུ་བལྟས་ཏེ་བློས་བསྒྲུབ་པར་བྱ་བ་ལ་དམིགས་ནས་ཡར་གྱི་ངོའི་ཚེས་གཅིག་ནས་བརྩམས་ཏེ་ཞི་བའི་ཡིད་ཀྱིས་ཞི་བར་བྱའོ། །དེ་བཞིན་དུ་རྒྱས་པ་ལ་རྒྱན་དང་ཕྲེང་བ་སེར་པོ་དང་། 

62-1-164a

གོས་སྣ་ཚོགས་དང་བཟང་པོའི་འདུག་སྟངས་ཀྱིས་འདུག་སྟེ། དགའ་བའི་ཡིད་ཀྱིས་བྱང་དུ་བལྟས་ནས། སྔ་དྲོ་ཟླ་བ་ཉ་ནས་བརྩམས་ཏེ་རྒྱས་པ་བྱའོ། །ཁྲོས་ཤིང་གོས་སྔོན་པོའམ་ཁྲག་གམ་ཆུས་གཤེར་བའི་གོས་བགོས་ཏེ། སྟན་སྲབ་ལ་ལྷོ་
ཕྱོགས་སུ་ཁ་བལྟས་ཏེ། འདུག་པའམ། བསྒྲུབ་པར་བྱ་བའི་གཟུགས་བརྙན་གྱི་བྲང་ལ་མནན་ཅིང་། སྟན་མེད་པར་རྐང་པ་གཡོན་པས་མནན་ཏེ། སོས་སོ་བཅའ་ཞིང་མིག་མི་གཡོ་བ་དང་། གཉེར་མ་བསྡུས་པས་ཟླ་བ་མར་གྱི་ངོའི་མི་ཟད་པའི་ཉིན་ཞག་གང་
ཡང་རུང་བ་ལ། ཁྲོ་བ་ཉིད་ཚད་མར་བྱ་སྟེ། ཉི་མ་ཕྱེད་དམ། ནམ་ཕྱེད་ན་མངོན་སྤྱོད་བྱའོ། །དམར་ཞིང་རྒྱན་དམར་པོ་ལ་སོགས་པ་དང་། ནུབ་ཕྱོགས་སུ་ཁ་བལྟས་ཤིང་སྟན་མཐོན་པོ་ལ་རྡོ་རྗེའི་སྐྱིལ་མོ་ཀྲུང་གིས་འདུག་སྟེ། དབང་གི་ལས་བྱའོ། །དགུག་པ་ལ་
ཡང་དེ་དང་འདྲ་སྟེ། འོན་ཀྱང་ཁ་སྟེང་དུ་ལྟ་བའི་ལྷའི་སྦྱོར་བའམ། ནུབ་ཏུ་བྱའོ། །སྒྲུབ་པ་པོའི་དབང་དུ་བྱས་པའོ།    །ཞི་བ་ལ་ནི་གསེར་རམ་དངུལ་ལམ་རྡོའམ། ཟངས་སམ་ཤིང་ངམ་ས་ལས་བྱས་པའམ། དུང་ཕོར་དང་ཉ་ཕྱིས་སམ་ལོ་མ་ལས་བྱས་པའི་མཆོད་ཡོན་གྱི་སྣོད་
ལ་ནས་དང་བཅས་པའི་འོ་མ་དྲི་དཀར་པོ་ལ་སོགས་པ་དང་། ཆུ་བཅུག་པ་སྤོས་ཀྱིས་བདུགས་ཏེ། རང་གི་ལྷའི་སྔགས་ཀྱི་མཐར་སྭཱ་ཧཱ་དང་བཅས་པ་དང་བཟླས་བརྗོད་བྱའོ། །དེ་བཞིན་དུ་རྒྱས་པ་ལ་ནི་དྲི་ལ་སོགས་པ་སེར་པོ་དང་ཆུ་དང་ཏིལ་དང་བཅས་པའི་ཞོ་ལ་མཐར་ཨོཾ་
དང་བཅས་པས་བཟླས་བརྗོད་བྱའོ། །མངོན་སྤྱོད་ལ་ནི་གནག་ཅིང་དྲི་མི་ཞིམ་པའི་དྲི་ལ་སོགས་པ་དང་། ཆུ་དང་ཁྲག་དང་བཅས་པ་དང་། ཀོ་ཏྲ་པ་དང་བའི་གཅིན་ལས་མཐར་ཕཊ་དང་བཅས་པས་བཟླས་བརྗོད་བྱའོ། །དབང་ལ་ནི་དྲི་དམར་པོ་ལ་སོགས་པ་དང་ཆུ་བཅུག་
པ་ལ་མཐའ་མར་ཧོ་དང་བཅས་པའོ། །དེ་བཞིན་དུ་དགུག་པ་ལ་ནི་མཐའ་མར་ཡི་གེ་ཛཿདང་བཅས་པའི་རང་གི་སྔགས་ཀྱི་མཐའ་མར་སྭཱ་ཧཱ་དང་བཅས་པ་དང་། དེ་ཉིད་ཀྱིས་སྔགས་ཀྱི་བཟླས་བརྗོད་ལན་བདུན་དུ་བྱའོ། །ཐམས་ཅད་དུ་ཡང་དྲི་དང་མེ་ཏོག་དང་། ཏིལ་དང་

62-1-164b

ཀུ་ཤ་དང་། འབྲས་ཡོས་དང་། ཆུ་རྣམས་ལས་ཇི་སྙེད་པ་ལས་ཀྱི་རྗེས་སུ་མཐུན་པར་གཞུག་པར་བྱའོ། །མཆོད་ཡོན་གྱི་དབང་དུ་བྱས་པའོ།    །དེ་ནས་ཞི་བ་དང་རྒྱས་པ་དང་དབང་དུ་བྱས་པའི་ལས་རྣམས་ལ། རྡོ་རྗེ་རྩེ་མོ་དང་རྡོ་རྗེ་གནོད་སྦྱིན་དག་ཡོངས་སུ་བཟླས་
ལ། ལས་ཐམས་ཅད་པའི་ཆུའི་སྣོད་དང་། མཆོད་ཡོན་གྱི་སྣོད་རང་གི་གཡོན་ཕྱོགས་སུ་བཞག་ལ། དེ་དག་ཉིད་ལེགས་པར་བཟླས་པའི་ཆུ་ལག་པ་གཡས་པས་བླངས་པས་བསངས་ལ། ཡམ་ཤིང་དང་བུད་ཤིང་ལ་སོགས་པ་སྲེག་རྫས་རྣམས་ནི་རང་གི་གཡས་སུ་
གཞག་པར་བྱའོ། །བསད་པ་དང་བསྐྲད་པ་དང་དགུག་པ་ལ་སོགས་པའི་ལས་རྣམས་ལ་ནི་བསང་གཏོར་དང་གཞག་པའི་གོ་བཟློག་སྟེ་བྱའོ། །ཨོཾ་བཛྲ་ཡཀྵ་ཧཱུྃ། རྡོ་རྗེ་གནོད་སྦྱིན་གྱི་སྔགས་ཏེ། འདིའི་ཕྱག་རྒྱ་ནི་རྡོ་རྗེ་ཁུ་ཚུར་གཉིས་བཅིངས་ཏེ། མཐེའུ་ཆུང་གཉིས་
ཆེ་བར་བྱ་སྟེ། ཁའི་ཐད་དཀར་གཞག་པའོ། །ཨོཾ་བཛྲ་ཤི་ཁ་རེ་རུ་ཊ་མ་ཊ། རྡོ་རྗེ་རྩེ་མོའི་སྔགས་ཏེ། འདིའི་ཕྱག་རྒྱ་ནི་རྡོ་རྗེ་ཁུ་ཚུར་གཉིས་རི་བོ་འདེགས་པའི་ཚུལ་དུ་བྱའོ། །རྫས་བཞག་པའི་ཚུལ་དུ་བྱས་པའོ།    །ཞི་བ་ལ་ནི་ཤིང་འོ་མ་ཅན་དང་། དགོན་པ་ལས་བྱུང་
བའི་མེའམ། རྒྱུན་བཞག་པའི་མེས་བྱའོ། །རྒྱས་པ་ལ་ནི་རྒྱལ་པོའམ་རྒྱལ་རིགས་ཀྱི་ཁྱིམ་ནས་བྱུང་བའམ། གཙུབ་ཤིང་གི་མེའམ། ནགས་ཚིག་པའི་མེས་བྱའོ། །དྲག་པོ་ལ་ནི་དུར་ཁྲོད་པའམ། རྡོ་ལས་བྱུང་བའམ་གདོལ་པའི་ཁྱིམ་ལས་བྱུང་བས་བྱའོ། །དབང་ལ་རྗེའུ་
རིགས་སམ་སྨད་འཚོང་གི་ཁྱིམ་ནས་བྱུང་བས་བྱའོ། །དགུག་པ་ལ་ནི་གར་མཁན་ནམ་རོལ་མོ་མཁན་ནམ་ལམ་ཀའི་མེས་བྱའོ། །དེ་ནས་རྡོ་རྗེ་གནོད་སྦྱིན་གྱི་སྔགས་དང་ཕྱག་རྒྱས་མེ་རྣམ་པར་སྦྱངས་ཏེ། དེ་བཟླས་པའི་ཆུ་དང་ཀུ་ཤ་བླངས་ནས། བསྐོར་ཞིང་ལན་གསུམ་བསང་གཏོར་
བྱས་པའི་ཐབ་དུ་གཙང་ཞིང་ཤིན་ཏུ་སྐམ་པའི་རྩ་བ་དང་བཅས་པའི་ཤིང་བཅུག་ལ། རླུང་ཡབ་ཀྱི་རླུང་གིས་སྦར་བར་བྱའོ། །ཨོཾ་ཛྭ་ལ་ཛྭ་ལ་ཧཱུྃ། མེ་སྦར་བའི་སྔགས་སོ། །དེ་ནས་རིགས་ཀྱི་སྙིང་པོ་ལན་བདུན་བཟླས་པའི་མར་གྱིས་སྦར་བར་བྱའོ། །ཨོཾ་བཛྲ་སཏྭ་

62-1-165a

ཨཱ་ཞེས་བྱ་བ་འདི་བཟླས་པའི་ཀུ་ཤ་གསར་པ་སྔོ་ལྗང་མ་གས་ཤིང་འདབ་མ་མ་གྲུགས་པ། ཧ་ཅང་མི་རིང་བ་ཁ་ཁྱེར་ལ་ཁ་ཤར་དུ་བལྟས་པ་དང་། ཁ་ལྷོར་བལྟས་པ་དང་། ནུབ་ཏུ་བལྟས་པ་དང་། ཁ་བྱང་དུ་བལྟས་པས་གཞག་གོ། །དེ་ནས་ཐབ་ཁུང་
ཀུ་ཤའི་རྩེ་མོ་ཤར་དུ་བལྟས་པས་གཡོག་གོ། །དེ་ནས་རང་གི་ལྷའི་ཆོས་ཀྱི་ཡི་གེ་ལས་ཐབ་ཁུང་བསྐྱེད་ལ། དེའི་དབུས་སུ་ཡི་གེ་རཾ་གྲུ་གསུམ་དང་བཅས་པའི་སྟེང་དུ་ཨོཾ་ལས་བྱུང་བའི་པདྨ་ལ་གནས་པའི་ཡི་གེ་རཾ་ལས་བྱུང་བའི་མེ་ལྷ་ལས་ཀྱི་རྗེས་སུ་མཐུན་པའི་གོས་
དང་རྒྱན་དང་གདན་དང་ལྡན་ཞིང་འབར་བའི་ཕྲེང་བ་ཅན་གསུས་ཁྱིམ་ཆེ་བ་རྡོ་རྗེ་རྩེ་གསུམ་དང་ཕྲེང་བ་དང་དབྱུག་པ་དང་། གུནྡྷེ་འཛིན་པའི་རྡོ་རྗེ་བསམས་ལ། ཁྲོ་བོ་ཁམས་གསུམ་རྣམ་པར་རྒྱལ་བའི་ང་རྒྱལ་དང་ལྡན་པས་མཛུབ་མོ་དང་། མཐེའུ་ཆུང་ལྕགས་ཀྱུར་བཅིངས་
ཏེ། རྡོ་རྗེ་ཁུ་ཚུར་བླ་འོག་ཏུ་བྱས་པའི་འདོད་པའི་རྒྱལ་པོའི་ཕྱག་རྒྱ་འདི་དང་། ཧཱུྃ་ཊཀྐི་ཛཿཞེས་བྱ་བའི་སྔགས་དང་བཅས་པ་དང་། ཕྱི་རྡོ་རྗེ་ལྕགས་ཀྱུ་ལ་སོགས་པའི་སྔགས་དང་ཕྱག་རྒྱས་ཐབ་ན་གནས་པའི་རང་གི་གཟུགས་ལ་དགུག་པ་དང་། གཞུག་པ་དང་བཅིང་
བ་དང་དབང་དུ་བྱས་ལ་རྡོ་རྗེ་གནོད་སྦྱིན་གྱིས་བགེགས་བསལ་བ་དང་། བསྲུང་བ་བྱས་ཏེ། རྡོ་རྗེ་ཁུ་ཚུར་གཉིས་ངེས་པར་བཙིར་བའི་རྡོ་རྗེ་ཁུ་ཚུར་གྱི་ཕྱག་རྒྱ་དང་། ཨོཾ་བཛྲ་སནྡྷི་བཾ་ཞེས་བྱ་བའི་སྔགས་དང་བཅས་པ་དང་། ཕྱོགས་དང་དཀྱིལ་འཁོར་བཅིངས་པ་ལ་སོགས་
པ་བྱས་ཏེ། རྡོ་རྗེ་ཐལ་མོ་ཁ་ཕྱེ་བ་དང་། མེ་རང་གི་སྔགས་ཀྱིས་གདན་བསྟབས་ལ། གཡས་པའི་ཁུ་ཚུར་གྱི་སོར་མོ་ཐམས་ཅད་བཀུག་ལ། མཐེ་བོང་དང་མཛུབ་མོ་རྩེ་སྦྱར་བས་མེ་ཏོག་བླངས་ཏེ། ཞབས་བསིལ་དབུལ་ཞིང་སོར་མོ་རྣམས་བརྐྱང་བ་ནི་ཞབས་བསིལ་
བའི་ཕྱག་རྒྱ་སྟེ། སྔགས་ནི་ཨོཾ་པྲ་བ་ར་སཏྐཱ་ར་པྲ་ཏཱིཙྪ་སྭཱ་ཧཱ་ཞེས་བྱའོ། །དེ་ནས་ཕྱི་རོལ་གྱི་རྡོ་རྗེ་རིགས་ཀྱི་རྡོ་རྗེ་ཁུ་ཚུར་གཉིས་བཅིངས་ལ། གཡས་པ་འབར་བ་ལྟར་བསྟན་པ་ནི་དམ་ཚིག་གི་ཕྱག་རྒྱ་བཅིངས་ལ། ཨོཾ་བཛྲ་ཨ་ན་ལ་མ་ཧཱ་བྷཱ་ཏ་ཛྭ་ལ་ཡ་སརྦ་བྷསྨི་ཀུ་རུ་

62-1-165b

སརྦ་དུཥྚཱཾ་ཧཱུྃ་ཕཊ་དྲྀ་ཤྱ་ཛཿཧཱུྃ་བཾ་ཧོཿས་མ་ཡ་སྟྭཾ་ཨ་ཧཾ་ཞེས་བརྗོད་ལ། མཐར་ཡང་མེའི་དྲུང་དུ་སྔགས་འདི་ལན་གསུམ་དུ་བརྗོད་དོ། །ཡང་ལྕེ་ལ་རྡོ་རྗེ་དཀར་པོ་རྣམ་པར་བསམས་ལ། ཨོཾ་ཛྭ་ལ་ཛྭ་ལ་ཧཱུྃ་ཕཊ། ཅེས་བྱ་བའི་མེའི་ཆོས་ཀྱི་ཕྱག་རྒྱ་དགོད་དོ། །དེ་ནས་སྙིང་གར་ཡི་གེ་ཨ་
ལས་བྱུང་བའི་སྣ་ཚོགས་རྡོ་རྗེ་བསམས་ལ། གར་ལས་བྱུང་བའི་ཕྱག་རྒྱ་ཆེན་པོ་ཉིད་མེའི་ལས་ཀྱི་ཕྱག་རྒྱའོ། །ཕྱག་རྒྱ་ཆེན་པོ་ཡི་གེ་ཧཱུྃ་ལས་སྙིང་གའི་ཟླ་བ་ལ་རྡོ་རྗེ་རྣམ་པར་བསམས་ཏེ། སྔར་བཤད་པའི་རྡོ་རྗེ་ལ་སོགས་པའི་བདག་ཉིད་ཅན་གྱི་ཕྱག་རྒྱ་ཆེན་པོའོ། །
ཨོཾ་བཛྲ་རཏྣ་ཨ་བྷི་ཥིཉྩ་ཞེས་བྱ་བའི་སྔགས་ཀྱིས་དབང་བསྐུར་རོ། །འདིའི་ཕྱག་རྒྱ་ནི་རྡོ་རྗེ་བསྡམས་པ་ཉིད་ལས་མཐེ་བོ་མཉམ་སྟེ་བསྒྲེངས་ལ། མཛུབ་མོ་དང་རྩེ་སྦྱར་ནས་རྡོ་རྗེ་རིན་པོ་ཆེ་ལྟར་བྱས་པའོ། །རྡོ་རྗེ་འདི་ནི་རྡོ་རྗེ་ཆེ། །སངས་རྒྱས་ཀུན་གྱིས་བྱིན་བརླབས་པ། །
དམ་ཚིག་འདས་ན་མྱུར་དུ་ནི། །རིགས་ཀྱང་ཐལ་བར་བྱེད་པར་འགྱུར། །ཨོཾ་ཧ་ན་ས་མ་ཡ་ཧཱུྃ་ཕཊ། ཅེས་བརྗོད་པས་དམ་ཚིག་ལ་གཞག་པར་བྱའོ། །འདིའི་ཕྱག་རྒྱ་ནི་རྡོ་རྗེ་སེམས་མ་བསྟན་པར་བྱས་ལ། མཛུབ་མོ་གཉིས་བཀུག་སྟེ་གུང་མོ་དང་སྦྱར། མཐེ་བོང་
གཉིས་དང་མཐེ་ཆུང་གཉིས་གཤིབས་ཏེ། རྡོ་རྗེའི་རྩེ་མོ་རྣོན་པོ་ལྟར་བྱ་བ་ནི་དམ་ཚིག་འཛིན་པའི་ཕྱག་རྒྱའོ། །དེ་ནས་རྡོ་རྗེ་བསྲུང་བ་བསྟན་པར་བྱས་ལ། རྡོ་རྗེ་བཅིང་བ་ཡང་བསྡམ་པར་བྱའོ་ཞེས་བྱ་བའི་ཕྱག་རྒྱ་དང་། ཨོཾ་བཛྲ་བནྡྷ་ཧཾ་ཞེས་བྱ་བའི་སྔགས་དང་བཅས་
པས་བདག་གིས་མངོན་པར་འདོད་པའི་བྱ་བ་འདི་མཛོད་ཅིག་ཅེས་རང་གི་བསྒོ་བ་ངེས་པར་སྦྱར་བར་བྱའོ། །དེ་ནས་མཆོད་ཡོན་ཕུལ་ལ། ལས་དང་རྗེས་སུ་མཐུན་པའི་དྲི་ལ་སོགས་པའི་མཆོད་པ་དང་། སྒེག་མོ་ལ་སོགས་པ་གསང་བའི་མཆོད་པ་རྣམས་ཀྱིས་ཡང་དག་
པར་མཆོད་ལ། རྡོ་རྗེ་གནོད་སྦྱིན་གྱིས་ལན་གསུམ་བསངས་ཏེ། གཡས་པའི་ཁུ་ཚུར་གྱི་མཐེ་བོས་རང་གི་མཛུབ་མོའི་རྩེ་མོ་མནན་ལ་བརྐྱང་བ་དབྱེ་སྟེ། ཕྱག་རྒྱ་འདི་དང་མེ་ལྷའི་སྔགས་ཀྱིས་ལས་ཐམས་ཅད་པ་བཟླས་པའི་ཆུ་དང་ལག་པར་འཐོར་འཐུང་ལན་

62-1-166a

གསུམ་བྱིན་ཏེ། དེའི་ལྕེ་དང་དགང་གཟར་དང་། བླུགས་གཟར་གྱི་ཁ་ལ་རང་གི་ཡི་དམ་གྱི་ལྷའི་ས་བོན་རྣམ་པར་བཀོད་དེ། པུས་མོ་གཉིས་ཀྱི་བར་དུ་ལག་པ་བཞག་ནས་དང་པོར་བླུགས་གཟར་གྱིས་མར་གྱི་དགང་བླུགས་གསུམ། ཞི་བ་དང་དབང་
དང་རྒྱས་པ་དང་དགུག་པའི་ལས་རྣམས་ལ་ནི་ཞལ་ཅུང་ཟད་གདངས་པར་དབུལ་བར་བྱའོ། །དྲག་པོ་ལ་ནི་ཤིན་ཏུ་ཞལ་གདངས་པར་དུག་དང་བཅས་པའི་ཡུངས་མར་དང་། ཨོཾ་བཛྲ་ཨ་ན་ལ་མ་ཧཱ་བྷཱུ་ཏ་ཛྭ་ལ་ཡ། སརྦཾ་བྷསྨི་ཀུ་རུ་སརྦཾ་དུཥྚཱཾ་ཧཱུྃ་ཕཊ། ཅེས་བྱ་བའི་མེའི་སྔགས་
ཀྱིས་སམ། ཨོཾ་ཨགྣ་ཡེ་ཧ་བྱ་ཀ་བྱ་བཧྣཱ་ཡེ། དི་བྱ་དི་བྱ་ཏི་པ་མེ་སྭཱ་ཧཱ། ཞེས་བྱ་བའི་སྔགས་ཀྱིས་དབུལ་བར་བྱའོ། །དེ་ནས་བགེགས་མེད་པ་དང་། བགེགས་དང་བཅས་པའི་མེ་འབར་བའི་མཚན་མ་ལ་བརྟག་པར་བྱ་སྟེ། འཇའ་དང་འདྲ་ཞིང་མདོག་སྡུག་དང་། །བྱི་རུ་བཅག་
པ་ལྟ་བུ་དང་། །གཡས་སུ་འཁྱིལ་ཞིང་ཤིན་ཏུ་སྣུམ། །ཨིནྡྲ་གོ་བའི་མདོག་འདྲ་དང་། །ལེ་བརྒན་རྩི་དང་བཻ་ཌཱུརྱའི། མདོག་འདྲའི་དབྱིབས་ནི་བླུགས་གཟར་དང་། །རྩེ་གསུམ་རྡོ་རྗེ་པདྨ་དུང་། །ཉ་དང་དཔལ་བེའུ་རྔ་ཡབ་དང་། །རྒྱལ་མཚན་གདུགས་སོགས་བུམ་པ་དང་། །གཡུང་དྲུང་ལྟ་
བུར་འབྱུང་བ་དང་། །གླིང་བུ་རྫ་རྔ་ལྟར་ཟབ་དང་། །དྲི་ཞིམ་ཡིད་དུ་འོང་བ་དང་། །གསེར་དང་དངུལ་འདྲ་དྲི་མ་མེད། །ཉི་མ་འབར་འདྲ་དྲི་མེད་པའོ། །ཞི་ལ་ཁ་དོག་དཀར་པོར་སྣང་། །རྒྱས་པ་ལ་ནི་གསེར་འདྲ་ཞིང་། །རྗེས་སུ་ཆགས་ལ་དམར་པོར་སྣང་། །མངོན་སྤྱོད་ལ་ནི་སྔོ་
དང་གནག །སྒྲུབ་པ་པོས་ནི་མདོར་བསྡུས་ན། །གཞན་ཡང་རྩེ་གཅིག་མཆོག་ཡིན་ཏེ། །རྩེ་གཉིས་པ་ནི་འབྲིང་དུ་བཤད། །རྩེ་གསུམ་ཐ་མར་ཤེས་པར་བྱའོ། །དུ་བ་མང་ཞིང་རྣམ་པར་འཕྲོ་དང་བཅས། །འབར་བར་དཀའ་ཞིང་ཅུང་ཟད་ལྡང་བ་དང་། །མེ་ལྕེ་རྣམ་པར་ཆད་
ཅིང་གཟི་བརྗིད་མེད། །རྩུབ་ཅིང་གནག་པ་བ་ལང་ཤ་ཡི་མདོག །མདུང་དང་ཞིབ་མ་ལྟ་བུ་ཉིད་དང་ནི། །དེ་བཞིན་བ་ལང་མགོ་བོ་ལྟ་བུ་དང་། །མི་རེའི་དྲི་དང་དྲི་མི་ཞིམ་པ་དང་། །བུང་བུའི་དྲི་དང་དེ་བཞིན་དྲི་ངན་དང་། །སྦྱིན་སྲེག་བྱེད་པས་འབར་བས་གདུངས་པ་དང་། །

62-1-166b

མེ་ལྕེ་རྣམ་པར་དགོད་ཅིང་གཡོ་བ་རྣམས། །དེ་ལྟར་བགེགས་དང་བཅས་པར་ཤེས་ནས་ནི། །སྔ་མ་བཞིན་དུ་བསང་གཏོར་བྱས་པས་ཞི། །རྡོ་རྗེ་གནོད་སྦྱིན་གྱི་སྔགས་དང་ཕྱག་རྒྱས་རྣམ་པར་སྦྱངས་ལ་བསྲུང་བར་བྱ། དེ་ཉིད་ཀྱི་མཐའ་མར་གྱི་སྲེག་བླུགས་བདུན་དབུལ་བར་
བྱའོ། །ཡང་རང་གི་གསང་སྔགས་ཀྱིས་བསངས་ལ། དགང་གཟར་དང་། དགང་བླུགས་གསུམ་མམ་བདུན་ནམ་གཅིག་མེ་ལྷའི་རང་གི་སྔགས་ཀྱིས་ཕུལ་ལ་བླུགས་གཟར་ལ་སོགས་པས་མར་གྱི་སྲེག་བླུགས་གསུམ་མམ་བདུན་དབུལ་བར་བྱའོ། །འདིར་རིམ་པ་ནི། 
འབར་བའི་མེ་ལ་ཡམ་ཤིང་སྟེ། །དེ་ནས་མར་དང་དེ་འོག་ཏིལ། །དེ་ནས་འབྲས་ཆན་ལ་སོགས་པ། །ཆོ་ག་འདི་ནི་མདོར་བསྡུས་པའོ། །དེ་ལ་ཞུ་བའི་རྫས་ཐམས་ཅད་ནི་ཞལ་དུའོ། །ཡམ་ཤིང་དང་ནི་མི་རུས་ཀྱི་ཕྱེ་མ་ལ་སོགས་པ་ནི་འོད་ཀྱི་དཀྱིལ་འཁོར་དུའོ། །ཞོ་དང་
འབྲས་ཆན་དང་བཟའ་བ་དང་། ཏིལ་ལ་སོགས་པ་ནི་ཕྱག་ཏུའོ། །དྲི་ནི་ཐུགས་ཀར་རོ། །མེ་ཏོག་ནི་དབུ་ལའོ། །བདུག་སྤོས་ནི་འོད་འཕྲོ་བ་ལའོ། །ཞབས་བསིལ་ནི་ཞབས་ལའོ། །མར་མེ་དང་མཆོད་ཡོན་ནི་མདུན་དུ་དབུལ་བར་བྱ་སྟེ། མཆོད་ཡོན་གྱི་ཆུ་ནི་སྣོད་དུ་
བླུགས་པར་བྱའོ། །དེ་ནས་འཐོར་འཐུང་དང་། བསང་གཏོར་བྱས་ལ་མེའི་ཐབ་ཁུང་དུ་འབར་བའི་རྣམ་པར་བསམ། རང་གི་གཟུགས་སུ་མེའི་ཕྱོགས་སུ་གཞག་པར་བྱའོ། །མེའི་དབང་དུ་བྱས་པའོ།    །དེ་ནས་སྦྱིན་སྲེག་གི་ཡོ་བྱད་རྣམས། རྡོ་རྗེའི་རྩེ་མོས་སྔ་མ་
བཞིན་དུ་བསངས་ལ། ཞི་བ་ལ་ནི་མེའི་དབུས་སུ་བཅོམ་ལྡན་འདས་རྣམ་པར་སྣང་མཛད་བྱང་ཆུབ་མཆོག་གི་ཕྱག་རྒྱ་བཅིངས་པ། ཞི་ཞིང་ན་བཟའ་དཀར་པོ་བསྣམས་ཤིང་རྒྱན་གྱིས་བརྒྱན་པའོ། །པདྨ་དཀར་པོ་ལ་བཞུགས་པའོ། །བཛྲ་དྷཱ་ཏུ་སྭཱ་ཧཱ། ཞེས་བྱ་བ་འདིས་
བསམ་པར་བྱའོ། །དེ་བཞིན་དུ་རྒྱས་པ་ལ་ནི་བཅོམ་ལྡན་འདས་རིན་ཆེན་འབྱུང་ལྡན་སྐུ་མདོག་སེར་པོ། ན་བཟའ་དང་རྒྱན་སེར་པོ་མངའ་བ་དང་པདྨ་སེར་པོའི་གདན་ལ་བཞུགས་པ། དགྱེས་ཤིང་ཐུགས་རངས་པས་མཆོག་སྩོལ་བ། བཛྲ་རཏྣ་དྷཱ་ཏུ་ཨོཾ་ཞེས་བསམ་པར་བྱའོ། །

62-1-167a

དེ་བཞིན་དུ་མངོན་སྤྱོད་ལ་ནི་རྡོ་རྗེ་གནོད་སྦྱིན་སྐུ་མདོག་གནག་ཅིང་རྒྱན་དང་ན་བཟའ་ནག་པོ་མངའ་བ། ཁྲོས་པས་པདྨ་སྔོན་པོ་ལ་བཞུགས་པ། ཡི་གེ་ཧཱུྃ་ལས་བསམ་པར་བྱའོ། །དབང་དུ་བྱ་བ་ལ་ནི་རྡོ་རྗེ་ཆགས་པ་ཐམས་ཅད་དམར་པོ་ཡི་གེ་ཧོ་ལས་བསམ་
པར་བྱའོ། །དེ་བཞིན་དུ་དགུག་པ་ལ་ནི་རྡོ་རྗེ་རྒྱལ་པོའི་ཡི་གེ་ཛཿལས་བསམ་པར་བྱའོ། །ཡང་ན་ཐམས་ཅད་དུ་རང་གི་ལྷག་པའི་ལྷ་ཉིད་ཇི་ལྟ་བ་བཞིན་དུ་བསམ་པར་བྱའོ། །དེ་ནས་ཕྱི་རོལ་གྱི་བསྡུ་བ་དང་། མཚན་བརྒྱ་རྩ་བརྒྱད་ཀྱིས་ཡང་དག་པར་བསྟོད་ལ། ཐབ་ལ་
གནས་པའི་གཟུགས་ལ་རྡོ་རྗེ་ལྕགས་ཀྱུ་ལ་སོགས་པ་དང་། བགེགས་བསལ་ཞིང་བསྲུང་བ་དང་། ཕྱོགས་བཅིང་བ་ལ་སོགས་པ་བྱས་ལ། མཆོད་ཡོན་དང་ཞབས་བསིལ་ཕུལ་ཏེ་ཕྱག་རྒྱ་བཞིས་རྒྱས་བཏབ་པ་དང་། དབང་བསྐུར་བ་དག་ཇི་ལྟ་བ་བཞིན་
དུ་རང་གི་རྒྱུད་ལས་གསུངས་པའི་ཆོ་གས་བྱའོ། །དེ་ནས་ཞི་བ་ལ་ནི་བཛྲ་གནྡྷེ་ཞེས་བྱ་བ་དང་། དྲི་ཞིམ་པོ་དཀར་པོ་དང་། བཛྲ་པུཥྤེ་ཞེས་བྱ་བ་དང་། དཀར་ཞིང་དྲི་ཞིམ་པའི་མེ་ཏོག་དང་། བཛྲ་དྷཱུ་པེ་ཞེས་བྱ་བ་དང་། སྙིང་པོ་དཀར་པོའི་བདུག་སྤོས་དང་། བཛྲ་དཱི་པེ་ཞེས་བྱ་བ་དང་། 
བའི་མར་གྱི་མར་མེ་དང་། ཨ་ཀཱ་རོ་མུ་ཁཾ་སརྦ་དྷརྨཱ་ཎཱཾ། ཨཱདྱ་ནུཏྤནྣ་ཏྭཱཏ་ཅེས་བྱ་བ་དང་། ཁ་ཟས་དཀར་གསུམ་མངོན་པར་བསྔགས་པ་དང་། མཐར་རང་གི་སྔགས་ཀྱིས་ཀྱང་མཆོད་པར་བྱའོ། །རྒྱས་པ་ལ་སོགས་པ་ཡང་དེ་དག་ཉིད་ལས་ཇི་ལྟ་བ་བཞིན་དུ་རྗེས་སུ་མཐུན་པའི་
ཁ་དོག་དང་ལྡན་པའི་མཆོད་པ་རྣམ་པ་ལྔས་མཆོད་པར་བྱའོ། །དྲག་པོ་ལ་གནག་ཅིང་དྲི་མི་ཞིམ་པའི་དྲི་དང་། བིལ་བ་དང་ཨརྐ་དང་། རྒྱ་སྐྱེགས་ལ་སོགས་པའི་མེ་ཏོག་དང་། སརྫ་ར་ས་ལ་སོགས་པའི་སྤོས་དང་། མི་དང་ཉ་ལ་སོགས་པའི་ཞག་གི་མར་མེ་དང་། ཁ་བ་དང་
ཚ་བ་ལ་སོགས་པའི་ཡིད་དུ་མི་འོང་བའི་བྱེ་བྲག་ཅན་རྣམས་དབུལ་བར་བྱའོ། །དེ་ནས་སྒེག་མོ་ལ་སོགས་པའི་མཆོད་པ་རྣམ་པ་བརྒྱད་ཀྱིས་ཡང་དག་པར་མཆོད་ལ། མཆོད་ཡོན་དང་འཐོར་འཐུང་དང་བསང་གཏོར་དག་བྱས་ལ། ལྕེ་ལ་ཡི་གེ་ཧཱུྃ་རྣམ་པར་བཀོད་དེ། རང་གི་

62-1-167b

སྔགས་ཀྱིས་དགང་བླུགས་སྔ་མ་བཞིན་དུ་ཕུལ་ཏེ། རྫས་ཐམས་ཅད་ལས་རེ་རེ་ཞིང་སྦྱིན་སྲེག་ལན་གསུམ་དབུལ་བར་བྱའོ། །ཞི་བ་ལ་ནི་དགང་གཟར་དང་བླུགས་གཟར་བྱང་ཆུབ་མཆོག་གིས་གཟུང་ངོ་། །རྒྱས་པ་ལ་ནི་རིན་པོ་ཆེའི་ཁུ་ཚུར་གྱིས་སོ། །མངོན་སྤྱོད་ལ་ནི་གཡོན་
པའི་ཁྲོ་བོའི་ཁུ་ཚུར་གྱིས་སོ། །དབང་དུ་བྱ་བ་དང་དགུག་པ་ལ་ནི་པདྨའི་ཁུ་ཚུར་གྱིས་སོ། །གཞན་དག་ལ་ནི་རྡོ་རྗེ་ཁུ་ཚུར་གྱིས་སོ། །ཞི་བ་ལ་ནི་རང་གི་སྔགས་ཀྱི་མཐར་ཆེ་གེ་མོ་ཤཱནྟིཾ་ཀུ་རུ་སྭཱ་ཧཱ། ཞེས་བྱ་བའི་སྔགས་བཟླས་སོ། །དེ་བཞིན་དུ་རྒྱས་པ་ལ་མཐའ་མར་ཨོཾ་དང་
སྦྱར་རོ། །མངོན་སྤྱོད་ལ་ནི་མཐའ་མར་ཕཊ་དོ། །དབང་དུ་བྱ་བའི་མཐའ་མར་ཡི་གེ་ཧོཿའོ། །དགུག་པ་ལ་ནི་མཐའ་མར་ཡི་གེ་ཛཿསྟེ། བསྐུལ་བའི་ཚིག་དང་ལྡན་པར་བརྗོད་ལ། སྦྱིན་སྲེག་བརྒྱའམ་སྟོང་ངམ་དཔག་ཏུ་མེད་པ་བྱའོ། །ཐམས་ཅད་དུའམ། དེ་བཞིན་དུ་
ཞི་བའི་ཐབ་ལ་ནི་ཏིལ་གྱིས་སྦྱིན་སྲེག་དང་ཞི་བའི་སྔགས་ཨོཾ་སརྦ་པཱ་པཾ་ད་ཧ་ན་སྭཱ་ཧཱ། ཞེས་བྱའོ། །དེ་བཞིན་དུ་རྒྱས་པའི་ཆོ་ག་ལ་ནི་འབྲས་ཀྱི་སྦྱིན་སྲེག་དང་། རྒྱས་པའི་སྔགས་ཨོཾ་བཛྲ་པུཥྚ་ཡེ་སྭཱ་ཧཱ། ཞེས་བྱའོ། །དེ་བཞིན་དུ་ལས་ཐམས་ཅད་པའི་ཐབ་ཁུང་དུ་བཅོམ་ལྡན་འདས་
འོད་དཔག་ཏུ་མེད་པ་བསམས་ལ། ཚེ་འཕེལ་བར་བྱ་བའི་ཕྱིར། དཱུར་བའི་མྱུ་གུ་མར་ལ་སྦགས་པའི་སྦྱིན་སྲེག་སྔགས་འདིས་བྱ་སྟེ། ཨོཾ་བཛྲ་ཨཱ་ཡུ་ཥེ་སྭཱ་ཧཱ། དེ་ཉིད་དུ་བཅོམ་ལྡན་འདས་དོན་ཡོད་གྲུབ་པ་དེ་བཞིན་དུ་བསམས་ལ། བསྲུང་བ་བྱ་བའི་ཕྱིར་ཏིལ་མར་ལས་བཏགས་པ་
ཀུ་ཤའི་མྱུ་གུའི་སྦྱིན་སྲེག་སྔགས་འདིས་བྱ་སྟེ། ཨོཾ་ཨ་པྲ་ཏི་ཧ་ཏ་བཛྲཱ་ཡ་སྭཱ་ཧཱ། ཞེས་བྱ་བ་བརྗོད་ལ་སྦྱིན་སྲེག་བརྒྱ་འམ་སྟོང་ངམ་དཔག་ཏུ་མེད་པ་བྱ་སྟེ། འདི་ལྟར་ཐམས་ཅད་དུ་ཡང་རང་གི་བསྐུལ་བའི་ཚིག་ཇི་ལྟ་བ་དང་། རང་དང་གཞན་གྱི་རྟོག་པའི་ཆོ་ག་ཇི་ལྟ་བས་སྦྱིན་སྲེག་བྱས་ལ། 
མཐར་ཨོཾ་སརྦ་ཏ་ཐཱ་ག་ཏ་མུཥྚི་བཾ། ཞེས་བྱ་བ་དང་། རིགས་ཀྱི་སྙིང་པོ་ལན་གསུམ་མམ། བདུན་ནམ། ཉི་ཤུ་རྩ་གཅིག་གི་བར་དུ་མར་གྱི་སྦྱིན་སྲེག་གིས་གཟི་བྱིན་བསྐྱེད་པར་བྱའོ། །དེ་ནས་ཐ་མར་རིགས་ཀྱི་བདག་པོ་བཟླས་པའི་དགང་བླུགས་དང་མཆོད་ཡོན་དབུལ་བར་བྱའོ། །དེ་

62-1-168a

ལ་ཨོཾ་ཞེས་བྱ་བ་ནི་དེ་བཞིན་གཤེགས་པའི་རིགས་ཀྱི་སྙིང་པོའོ། །ཡང་ཧཱུྃ་ཧྲཱིཿཏྲཱཾ་ཨ་ཞེས་བྱ་བ་ནི་ལྷག་མ་རྣམས་ཀྱིའོ། །དེ་ནས་བསང་གཏོར་དང་འཐོར་འཐུང་ལན་གསུམ་ཕུལ་ལ། མཚན་བརྒྱ་རྩ་བརྒྱད་ཀྱིས་ཡང་དག་པར་བསྟོད་དེ། མཆོད་པ་ཐམས་ཅད་ཀྱིས་
སྔ་མ་བཞིན་དུ་ཡང་དག་པར་ལེགས་པར་མཆོད་ནས་མཆོད་ཡོན་ཕུལ་ཏེ། ཡང་དག་པར་བཟླས་ལ་ཡི་གེ་བརྒྱ་པ་བརྗོད་ནས། ཨོཾ་ཁྱེད་ཀྱིས་འགྲོ་བའི་དོན་ཀུན་མཛད། །ཅེས་བྱ་བ་ལ་སོགས་པས་བསྐུལ་ལ། རིགས་ཀྱི་དམ་ཚིག་གི་ཕྱག་རྒྱ་བཅིངས་ཏེ། གྱེན་དུ་བཀྲོལ་ཏེ་རང་གི་
སྔགས་ཐ་མ་ཡི་གེ་མུཿདང་བཅས་པར་བརྗོད་པར་བྱའོ། །ལྷའི་དབང་དུ་བྱས་པའོ། །དེ་ནས་མེ་ལྷ་ཐབ་ཏུ་བསམས་ལ་ཡང་ལེགས་པར་མཆོད་ཅིང་བསང་གཏོར་དང་འཐོར་འཐུང་བྱ་སྟེ། སྦྱིན་སྲེག་གི་ཡོ་བྱད་ལྷག་མ་རྣམས་ཕུལ་ལ་ཐ་མར་དགང་བླུགས་དང་འཐོར་འཐུང་ཇི་
ལྟ་བ་བཞིན་དུ་ཕུལ་ཏེ། བསངས་ལ་མཆོད་ཅིང་མཆོད་ཡོན་ཕུལ་ནས་མངོན་པར་འདོད་པའི་དངོས་གྲུབ་གསོལ་བ་བཏབ་ལ། བཛྲ་སཏྭ་ཞེས་སྔ་མ་བཞིན་དུ་ཟློས་ཤིང་ཕྱག་རྒྱ་དགྲོལ་བ་ལ་སོགས་པ་བྱས་ནས། སྔ་མ་བཞིན་དུ་གཤེགས་སུ་གསོལ་ཏེ། ཨོཾ་ཧཱུྃ་མུཿཞེས་བརྗོད་ལ། 
ཁྲོ་བོ་ཏི་རཱིནྟི་རིའི་ཕྱག་རྒྱ་བཅིངས་ཏེ། གྱེན་དུ་བཀྲོལ་ལ་གཤེགས་སུ་གསོལ་ལོ། །དེ་ལྟར་ཉིན་རེ་ཞིང་རྟག་ཏུ་ཐུན་གསུམ་མམ། ཐུན་བཞིར་བྱ་བའམ། ཇི་སྲིད་རང་དང་གཞན་ཞི་བ་ལ་སོགས་པར་གྱུར་གྱི་བར་དུ་བྱའོ། །འདིར་གསུངས་པ། ན་བའི་དོན་དུ་ཞི་བ་བྱ། །འབྱོར་པའི་
དོན་དུ་རྒྱས་པ་བྱ། །གདུག་པ་ཀུན་ལ་གསོད་པ་སྟེ། །དབང་ལ་སོགས་པ་ཕན་ཕྱིར་རོ། །ཐབ་དང་དགང་གཟར་བླུགས་གཟར་རྫས། །ཤིང་དང་བསྒྲུབ་པའི་རྫས་རྣམས་དང་། །རྫས་བསང་དགོད་དང་མེ་སྦྱངས་དང་། །བསང་གཏོར་དང་ནི་སྤར་བ་དང་། །ཀུ་ཤ་དགྲམ་དང་
གནས་པདྨ། །མེ་བསྐྱེད་སྤྱན་དྲངས་ལ་སོགས་དང་། །བསྲུང་བསྐྲད་བཅིངས་དང་མཆོད་ཡོན་དང་། །ཞབས་བསིལ་བསྒྲུབ་པ་དབང་བསྐུར་དང་། །དམ་ཚིག་བསྒོ་དང་མཆོད་ཡོན་མཆོད། །བསང་གཏོར་འཐོར་འཐུང་སྲེག་བླུགས་དང་། །མེ་བརྟགས་བསང་དང་དགང་

62-1-168b

བླུགས་དང་། །ཀུན་བསྲེགས་བསང་དང་བཟོད་གསོལ་དང་། །ཐབ་དང་མེ་ལྷ་དགོད་པ་དང་། །བསྡུ་དང་བསྟོད་དང་དགུག་པ་དང་། །བགེགས་བསལ་བསྲུང་དང་ཕྱོགས་བཅིངས་དང་། །སྔོན་བཞིན་ཕྱག་རྒྱས་དབང་བསྐུར་ལ། །མཆོད་དང་མཆོད་ཡོན་འཐོར་འཐུང་བསང་། །
དགང་བླུགས་ཅིག་ཤོས་ལས་བསྒྲུབ་དང་། །ལྷ་རྣམས་གཟི་བྱིན་བསྐྱེད་པ་དང་། །མེ་ལྷ་དགང་བླུགས་མཆོད་ཡོན་བཅས། །བསང་གཏོར་འཐོར་འཐུང་མཆོད་པ་དང་། །གཤེགས་སུ་གསོལ་བར་བྱ་བའོ། །བསྡུས་པའི་ཚིགས་སུ་བཅད་པའོ། །སྦྱིན་སྲེག་ཆོ་ག་རྫོགས་
པ་དང་། །མདོར་བསྡུས་པ་ཡི་རིམ་ལྡན་པ། །རབ་འབྱོར་བསྐྱངས་ཀྱིས་འདི་ཉིད་ནི། །རྣལ་འབྱོར་རྒྱུད་ལ་དྲིས་པ་ཡིན། །སྦྱིན་སྲེག་གི་ཆོ་ག་སློབ་དཔོན་རབ་འབྱོར་བསྐྱངས་ཀྱིས་མཛད་པ་རྫོགས་སོ།།      །།རྒྱ་གར་གྱི་མཁན་པོ་ཤྲདྡྷཱ་ཀ་ར་ཝརྨ་དང་། ཞུ་ཆེན་གྱི་
ལོ་ཙཱ་བ་དགེ་སློང་རིན་ཆེན་བཟང་པོས་བསྒྱུར་ཅིང་ཞུས་ཏེ་གཏན་ལ་ཕབ་པའོ།    །༄༅༅། །རྒྱ་གར་སྐད་དུ། ཤྲཱི་མཱ་ནུ་ད་ར་ནཱ་མ་མཎྜ་ལ་ནོ་པི་ཀ །བོད་སྐད་དུ། དཔལ་ལྡན་རྒྱ་ཆེ་བ་ཞེས་བྱ་བའི་དཀྱིལ་འཁོར་གྱི་ཆོ་ག །དཔལ་རྡོ་རྗེ་ཆོས་ལ་ཕྱག་འཚལ་ལོ། །གྲུ་
བཞི་རྡོ་རྗེ་འཆང་ཆེ་ནས། །གསང་སྔགས་ལྔ་ཡིས་བསྡུས་པ་ཡིས། །རྡོ་རྗེ་ཐེག་པ་ཐོ་བ་བྱེད་པས། །ཐེག་པ་དེ་ལ་བདག་ཕྱག་འཚལ། །བརྒྱ་རྩ་བཅུ་ཡི་རྣམ་པ་ཡིས། །ཏིང་ངེ་འཛིན་གྱིས་ཡོངས་བསྐོར་ཞིང་། །དེ་བཞིན་གཤེགས་དང་རྡོ་རྗེ་ཆེ། །རིན་ཆེན་པདྨ་སོགས་
ཀྱིས་བརྒྱན། །ས་མཆོག་བཅུ་གསུམ་པ་ཉིད་དུ། །སངས་རྒྱས་ཐམས་ཅད་ཀྱིས་བསྟན་པ། །གཉིས་སུ་མེད་པའི་མཚན་ཉིད་ཅན། །དེ་ལ་བདག་ནི་སྤྱི་བོས་འདུད། །བདེ་གཤེགས་ཀུན་ལ་ཕྱག་འཚལ་ཏེ། །རྡོ་རྗེ་སློབ་དཔོན་སློབ་མ་ཡི། །དངོས་གྲུབ་ཀུན་བྱེད་རབ་
བསྔགས་པ། །དཀྱིལ་འཁོར་ཆོ་ག་བཤད་པར་བྱ། །དེ་ལ་དང་པོ་རྡོ་རྗེ་འཆང་ཆེན་པོ་སློབ་དཔོན་སངས་རྒྱས་ཀྱི་ཆ་ལུགས་འཛིན་པར་གྱུར་པས་བསམ་གཏན་དང་རྗེས་སུ་མཐུན་པར་རི་ཕུག་གམ་ཆུ་བོའམ་རྫིང་བུ་ལ་སོགས་པའི་གནས་སུ་གནས་ནས། གྲོགས་བཟང་པོ་

62-1-169a

དང་ལྡན་པས་སྔོན་དུ་བསྙེན་པ་བྱས་ཏེ། ཀུན་དུ་བཟང་པོའི་སྦྱིན་སྲེག་གི་ཆོ་གའི་ཚུལ་གྱིས་བགེགས་ཐམས་ཅད་གཞོམ་པར་བྱ་བ་དང་། ཕྱོགས་ཐམས་ཅད་བཅིངས་ནས་དཀྱིལ་འཁོར་གྱི་སའི་ནམ་མཁའ་བཅིང་བར་བྱས་ལ། ཕྱོགས་བཅུ་ན་
མཐར་ཐུག་པ་མེད་པའི་དེ་བཞིན་གཤེགས་པ་རྣམས་ལ་དམིགས་ལ་མཆོད་པ་ཉི་ཤུ་བྱ་ཞིང་སྡོམ་པ་གཟུང་བ་བྱས་ལ། རྡོ་རྗེ་ལྟ་བུའི་སྒྲུབ་ཐབས་ཀྱི་ཆོ་གས་བདག་ཉིད་བསྒྲུབ་པར་བྱས་ལ། རང་གི་སྙིང་གར་རྡོ་རྗེ་པདྨ་བསམས་ལ། རྡོ་རྗེ་དབྱིངས་ཀྱི་དཀྱིལ་འཁོར་ཆེན་པོ་
ནམ་མཁའ་དང་མཉམ་པར་སྦྱོར་བས་རྡོ་རྗེ་ལ་བཞུགས་ཏེ་གཅིག་ཏུ་གྱུར་པ་རང་རྒྱལ་བསྐྱེད་པར་བྱའོ། །བཛྲ་དྷཱ་ཏུ་ར་ཧཾ་ས་ཧཾ་ཞེས་བརྗོད་པ་ཇི་སྲིད་མངོན་དུ་མཐོང་བར་གྱུར་པ་དེ་སྲིད་དུ་བསྒོམ་པར་བྱའོ། །དེ་ལྟར་རྡོ་རྗེ་དབྱིངས་ཀྱི་དཀྱིལ་འཁོར་ཆེན་པོ་གྲུབ་པར་གྱུར་པའི་
ཕྱག་རྒྱ་ནི་འདི་རྣམས་ཀྱིས་བྱ་སྟེ། ཨོཾ་སརྦ་ཏ་ཐཱ་ག་ཏ་མུཥྚི་ཧཾ། ཨོཾ་བཛྲ་སཏྭ་མུཥྚི་ཨ། ཨོཾ་བཛྲ་རཏྣ་མུཥྚི་ཏྲཱཾ། ཨོཾ་བཛྲ་དྷརྨ་མུཥྚི་ཁཾ། ཨོཾ་བཛྲ་ཀརྨ་མུཥྚི་ཧཾ། བསྒོམ་པར་མི་ནུས་པ་ནི་རྣམ་པར་སྣང་མཛད་ལ་སོགས་པ་ཚིག་ཙམ་གྱིས་དམིགས་པ་ལ་ལྷ་སུམ་ཅུ་རྩ་བདུན་གྱི་སྙིང་
པོ་རེ་རེ་ཞིང་འབུམ་བཟླས་ཏེ། དེ་ལྟ་བུས་ཀྱང་དཀྱིལ་འཁོར་ཆེན་པོ་འགྲུབ་པར་འགྱུར་རོ། །དེ་ནས་གཟུངས་ཀྱི་དཀྱིལ་འཁོར་ཆེན་པོ་སྒྲུབ་པས་ནི་གསང་བའི་ཕྱག་རྒྱ་བཅིངས་ནས་གཟུངས་ཀྱི་དཀྱིལ་འཁོར་དུ་འགྱུར་རོ། །དེ་རྣམས་ཀྱི་ཕྱག་རྒྱ་ནི་འདི་ཡིན་ཏེ། སྙིང་པོ་དང་སྔགས་
དང་ཕྱག་རྒྱ་དང་སྔགས་དང་རིག་པར་བཤད་པ་དཀྱིལ་འཁོར་དང་བཅས་པར་གཟུགས་བརྙན་གྱི་དཀྱིལ་འཁོར་གྱི་ཕྱག་རྒྱ་དེའི་ནང་ན་ཆུད་པར་བསམས་ལ། སོ་སོའི་རིག་སྔགས་འབུམ་མམ་ཁྲི་བཟླ་བའམ། ཇི་སྲིད་གཟུངས་ཀྱི་དཀྱིལ་འཁོར་གྲུབ་པ་དེ་སྲིད་དུ་བསྒོམ་པར་
བྱའོ། །དེ་ལ་དེ་རྣམས་ཀྱི་ཕྱག་རྒྱ་ནི་འདི་ཡིན་ཏེ། རྡོ་རྗེ་བཅིང་བ་དམ་བཅས་ཏེ། །གུང་མོ་མྱུ་གུ་བཞིན་དུ་གཤིབ། །མཐེའུ་ཆུང་དང་མཛུབ་མོ་བསྒྲེངས། །དམ་ཚིག་མཆོག་གི་དམ་ཚིག་གོ། །དེ་ལྟར་གཟུངས་ཀྱི་དཀྱིལ་འཁོར་བསྒྲུབས་ནས། ཡེ་ཤེས་ཀྱི་དཀྱིལ་འཁོར་བསྒྲུབ་

62-1-169b

པར་བྱ་སྟེ། རྡོ་རྗེ་ཕྲ་མོའི་སྦྱོར་བ་ཡིས། །ཤིན་ཏུ་མཉམ་གཞག་བསྒོམས་ནས་ནི། །དཀྱིལ་འཁོར་རྡོ་རྗེ་ཕྲ་མོ་དང་། །ཏིང་ངེ་འཛིན་ནི་དབང་བསྒྱུར་བའོ། །དེ་ནས་ལས་ཀྱི་དཀྱིལ་འཁོར་བསྒྲུབ་པར་བྱ་སྟེ། རྡོ་རྗེ་ཁུ་ཚུར་གཉིས་བཅིངས་ནས། །དེ་ཡིས་རྡོ་རྗེ་བརྟན་པར་བཟུང་། །
མཐེ་བོང་མཐེའུ་ཆུང་བཅིངས་པ་ནི། །རྡོ་རྗེ་ལས་མཆོག་དཀྱིལ་འཁོར་རོ། །དེ་ལྟར་བྱས་ནས་དཀྱིལ་འཁོར་བྲི་བར་བྱ་སྟེ། དེ་ལ་རྒྱལ་པོས་ནི་ཁྲུ་བརྒྱའམ་ཁྲུ་ལྔ་བཅུ་པ་བྱའོ། །བློན་པོའམ་བློན་པོ་ཆེན་པོས་ནི་ཁྲུ་ལྔ་བཅུ་པའམ་ཉི་ཤུ་རྩ་ལྔ་པའོ། །ཚོང་དཔོན་ནམ་དེད་དཔོན་གྱིས་ནི་ཁྲུ་ཉི་ཤུ་རྩ་ལྔ་
པའམ་དེའི་ཕྱེད་དོ། །སྒྲུབ་པ་པོས་ནི་ཁྲུ་བཅུ་གཉིས་པའམ་ཁྲུ་དྲུག་པའོ། །དེ་ལས་ཆུང་བར་ནི་མི་བྱའོ། །དེ་ནས་ས་གཞི་ཡོངས་སུ་གཟུང་བར་བྱ་སྟེ། གཙུག་ལག་ཁང་དང་གྲོང་རྡལ་དང་། །ཀུན་དགའ་གྲོང་ངམ་གྲོང་ཁྱེར་ནི། །གང་ཞིག་ཤར་དང་བྱང་དུ་ལྟ། །ལྷོ་དང་ནུབ་ཏུ་མ་
ཡིན་ནོ། །ཤིས་ཤིང་སྔོན་ནི་ཡོངས་བརྟེན་པའི། །ས་ནི་མཁས་པས་བགྲོད་པར་བྱ། །ཡང་ན་ཡིད་ནི་དགའ་གྱུར་པ། །གང་ཡིན་དེར་ནི་བརྩམ་པར་བྱ། །དེར་ས་གཞིའི་དབུས་སུ་ཡི་གེ་ཧཾ་གིས་ཞི་བའི་སྦྱིན་སྲེག་བྱའོ། །དེ་ནས་ས་གཞི་ཡོངས་སུ་གཟུང་བར་བྱ་སྟེ། རྡོ་དང་བོང་བ་ཤིང་
རུལ་པ་ལ་སོགས་པ་བསལ་བར་བྱས་ནས། ཆུའི་དྲི་ཞིམ་པོས་ཡོངས་སུ་དགང་ངོ་། །དེ་ནས་ལེགས་པར་བཅགས་ཏེ་ཤར་དང་བྱང་དུ་གཞོལ་བ། ཁང་པ་བརྩེགས་མའི་ནང་དུ་ཆུད་པ། ཕྱོགས་བཞི་ནས་རྟ་བབས་ཀྱི་ཕྱི་རོལ་དུ་ཤིང་གི་དྲལ་སྒོས་བསྐོར་ཅིང་ཤིང་དྲལ་སྒོ་བཞིས་ཉེ་བར་
མཛེས་པར་བྱས་པས་དཀྱིལ་འཁོར་གྱི་ས་གཞི་ལྷག་པར་མཛེས་པར་བྱས་པར་གྱུར་ཏེ། ས་ཡོངས་སུ་གཟུང་བའི་ཆོ་གའོ། །དེར་སའི་དབུས་སུ་སེམས་དཔའི་སྐྱིལ་མོ་ཀྲུང་གི་གནས་པས་འདུག་ལ། བསམ་གཏན་བཞིའི་རིམ་བཞིན་དམིགས་ནས་འོག་མིན་གྱི་གནས་སུ་འདུག་སྟེ། 
མི་གཡོ་བའི་ཏིང་ངེ་འཛིན་ལ་དམིགས་ཏེ། ཏིང་ངེ་འཛིན་དེ་ལས་ལངས་ནས། སེམས་སོ་སོར་རྟོག་པ་ལ་སོགས་པའི་རིམ་གྱིས་རྣམ་པར་སངས་རྒྱས་ནས་རིའི་རྒྱལ་པོ་རི་རབ་ཀྱི་སྟེང་དུ་རྡོ་རྗེ་རྩེ་མོ་ཁང་པ་བརྩེགས་པ་ནས་རྣམ་པར་སྣང་མཛད་ལ་སོགས་པའི་དེ་བཞིན་གཤེགས་པ་ལྔ་

62-1-170a

རྣམས་བསྒོམ་པར་བྱ་སྟེ། འདི་ནི་དང་པོར་སྦྱོར་བའི་ཏིང་ངེ་འཛིན་ནོ། །དེ་ནས་རྣམ་པར་སྣང་མཛད་དུ་བདག་ཉིད་བསྒོམས་ལ་རྡོ་རྗེ་སེམས་དཔའ་ལ་སོགས་པ་བསྐྱེད་དེ་རྡོ་རྗེ་བསྡུ་བ་བྱས་ནས་རང་གི་སྙིང་གར་གནས་པའི་རྡོ་རྗེ་སེམས་དཔའ་ལ་མཚན་བརྒྱ་
རྩ་བརྒྱད་ཀྱིས་བསྟོད་པར་བསྒོམ་པ་ནི། དཀྱིལ་འཁོར་གྱི་རྒྱལ་པོའི་ཏིང་ངེ་འཛིན་ཏོ། །དེ་ནས་རིའི་རྒྱལ་པོ་རི་རབ་ཀྱི་སྟེང་ནས་བབས་ཏེ་དཀྱིལ་འཁོར་ས་གཞིའི་དབུས་སུ་ལས་རྒྱལ་མཆོག་གི་ཏིང་ངེ་འཛིན་བསྒོམ་པར་བྱ་སྟེ། བསྐྱེད་པའི་རིམ་པས་འདུག་ནས་རྣམ་
པར་སྣང་མཛད་ལ་སོགས་པའི་གནས་སུ་རྡོ་རྗེ་སེམས་དཔའ་བསྒོམས་ལ། དེའི་སྔགས་དང་ཕྱག་རྒྱ་ལན་ཅིག་བྱིན་གྱིས་བརླབ་པ་བྱས་ལ། དེ་ཉིད་ཀྱི་ཕྱག་རྒྱས་དཀྱིལ་འཁོར་དེའི་སྟེང་དུ་ནམ་མཁའ་ལ་བསྒོམ་མོ། །ཀུན་དུ་རྣམ་པར་བལྟས་ནས་ནི། །རྡོ་རྗེ་སེམས་དཔའ་
ཞེས་བརྗོད་ནས། །བསྒྱིངས་པའི་ཚུལ་གྱིས་ཡོངས་སུ་བསྐོར། །དེ་ནས། སེམས་དཔའ་ཆེན་པོ་བཅུ་དྲུག་གི། །སྔགས་ཀྱིས་བཏབ་པའི་ཐིག་སྐུད་ནི། །སར་པ་ལས་ནི་བཀལ་ནས་ནི། །ཚད་དང་མཐུན་པར་མཛེས་པ་ཡིས། །ཐིག་གི་མཁས་པས་ཅི་ནུས་ཀྱིས། །དཀྱིལ་
འཁོར་གྱི་ནི་ཐིག་གདབ་བོ། །དེ་ནས་ཐིག་གི་ཕྱག་རྒྱ་དང་སྔགས་ནི་འདི་ཡིན་ཏེ། རྡོ་རྗེ་ཕྱག་རྒྱས་ཐིག་བཟུང་ནས། །དང་པོར་དཀྱིལ་འཁོར་ཐིག་གདབ་བོ། །ཕྱི་ནས་ཐིག་བཟུང་བྱ་བ་ནི། །ཇི་ལྟ་བས་ནི་ཐིག་གདབ་བོ། །སྔགས་ནི། ཨོཾ་བཛྲ་ས་མ་ཡ་སཱུ་ཏྲ་མ་ཏི་ཀྲ་མ་ཧཱུྃ། 
དེ་ནས་ཤར་དུ་མངོན་པར་ཕྱོགས་ལ་ཐིག་བརྐྱང་ལ་སློབ་མ་ནུབ་ཏུ་ལྟ་བས་ཐིག་བྲི་བ་དང་། སློབ་དཔོན་ལྷོ་ཕྱོགས་སུ་མངོན་པར་ཕྱོགས་ནས་བརྐྱང་ལ། སློབ་མ་བྱང་ཕྱོགས་སུ་མངོན་པར་ཕྱོགས་ལ་བྲེ་བར་བྱའོ། །དེ་ཡང་། ཕྱོགས་ཀུན་མཉམ་པར་བྱས་ནས་ནི། །མཁས་
པས་དཀྱིལ་འཁོར་ཐིག་གདབ་སྟེ། །ཤར་དང་ནུབ་དང་བྱང་དང་ལྷོ། །ཕྱོགས་བཞིའི་ཐིག་གི་དཀྱིལ་འཁོར་བརྒྱད། །ཅེས་ལུང་ལས་གསུངས་པའོ། །དེ་བཞིན་དུ་ནང་གི་དཀྱིལ་འཁོར་ལ་ནི་ཆ་བརྒྱད་དུ་བརྟག་གོ། །དེ་ནས་ཆོ་ག་འདི་ཡིས་ནི། །ཀུན་ནས་ཟུར་བཞི་ལེགས་

62-1-170b

པར་བྱས། །ཕྱོགས་བཞིར་ཡོངས་སུ་བསྐོར་ནས་ནི། །སྔགས་ཤེས་པས་ནི་གནས་བྱ་བ། །དབུས་ཀྱི་གནས་ནི་སྤངས་ནས་སུ། །མེ་ཡི་ཕྱོགས་སུ་གནས་ནས་ནི། །སྔགས་པས་སྔགས་ཕྱོགས་ཤེས་པ་ཡིས། །སྔ་མ་བཞིན་དུ་སྲད་བུ་བྲེ། །དེ་ནས་ཆོ་ག་ཤེས་པ་ཡིས། །
དབང་ལྡན་ཕྱོགས་སུ་ལེགས་པར་བྱ། །དེར་ནི་ནུབ་ཏུ་མངོན་ཕྱོགས་ནས། །བྱང་ཕྱོགས་སུ་ནི་བྲི་བར་བྱ། །དེ་ནས་དེ་ནི་དབང་ལྡན་མཆོག །ཡང་ནི་རླུང་གི་ཕྱོགས་སུ་གནས། །ལྷོ་ཡི་ཕྱོགས་སུ་མངོན་ཕྱོགས་པས། །ནུབ་ཀྱི་ཕྱོགས་སུ་བྲེ་བར་བྱ། །གནས་དེ་ཡོངས་སུ་སྤངས་
ནས་ནི། །བདེན་བྲལ་གྱི་ནི་ཕྱོགས་སོང་ནི། །དེ་ནས་ཇི་སྲིད་ནུབ་ཕྱོགས་ཀྱི། །སྤྱོད་ཡུལ་བར་དུ་བྲེ་བར་བྱ། །ཞེས་འཁོར་ལོ་མཆོག་ལ་སོགས་པས་བསྲུང་བ་ཡིན་ནོ། །གྲུ་བཞིར་བགྱི་ཞིང་སྒོ་བཞི་དང་། །རྟ་བབས་བཞིས་ནི་མཛེས་བགྱིས་ལ། །ཐིག་བཞི་དང་ནི་
ལྡན་གྱུར་པ། །དར་དང་མེ་ཏོག་ཕྲེང་བས་བརྒྱན། །གྲུ་བཞི་ཕྱོགས་ནི་ཐམས་ཅད་དང་། །སྒོ་ཁྱུད་ཀྱི་ནི་ནང་རྣམས་སུ། །རྡོ་རྗེ་རིན་ཆེན་སྤྲས་པར་ནི། །དཀྱིལ་འཁོར་ཕྱི་རིམ་ཐིག་གདབ་བོ། །དཀྱིལ་འཁོར་ཕྱི་རིམ་གྱི་ནང་དུ། །བྱང་ཆུབ་སེམས་དཔའ་ཐམས་ཅད་དང་། །
ལྡན་པར་འཁོར་ལོ་བྲེ་བར་བྱའོ། །འཁོར་ལོ་དེའི་ནང་དུ་རྡོ་རྗེའི་ཐིག་གིས་ཡོངས་སུ་བསྐོར་བར་བྱའོ། །སྒོ་ནི། ཟུར་བཞི་པ་ལ་སྒོ་བཞི་སྟེ། །སྒོ་ནི་འཁོར་ལོའི་བརྒྱད་ཆ་ལ། །དེ་བཞིན་གཤེགས་པ་ཐམས་ཅད་ཀྱིས། །རྟེན་ཅིང་འབྲེལ་པ་བསྔགས་པ་ཡིན། །ནོར་བུ་ཆེན་པོའི་
རིན་པོ་ཆེས་སོ་སོར་སྤྲས་པའི་དྲིལ་བུ་ཁ་དོག་སྣ་ཚོགས་པས་བཏགས་པའི་རླུང་གིས་བསྐྱོད་པ་དར་དང་། འཕན་དང་། མེ་ཏོག་དང་ཕྲེང་བ་དང་དྲ་བ་དང་། དྲ་བ་ཕྱེད་པ་དང་། ཟླ་བས་ཉེ་བར་མཛེས་པར་བྱས་པའི་ཁྱམས་ཀྱིས་བསྐོར་བའི་དཀྱིལ་འཁོར་ཀུན་དུ་བྲེས་
པ་ལ། དེའི་རིམ་པའི་ནང་དུ་ཞུགས་ལ་འཁོར་ལོ་འདྲ་བའི་ཐིག་གིས་ཡོངས་སུ་བསྐོར་བར་བྱའོ། །ཀ་བ་བརྒྱད་ཀྱིས་མཛེས་བྱས་པ། །རྡོ་རྗེ་ཀ་བའི་ནང་ལོགས་སུ། །ཟླ་བའི་དཀྱིལ་འཁོར་ལྔས་བརྒྱན་ལ། །དབུས་ཀྱི་དཀྱིལ་འཁོར་དབུས་སུ་ནི། །སངས་རྒྱས་ཀྱི་ནི་

62-1-171a

གཟུགས་བཞག་ཅིང་། །སངས་རྒྱས་ཀུན་གྱི་ཕྱོགས་ཀུན་གྱི། །དཀྱིལ་འཁོར་རྣམས་ཀྱི་དབུས་རྣམས་སུ། །རིམ་བཞིན་དུ་ནི་དམ་ཚིག་མཆོག །བཞི་པོ་ལེགས་པར་གཞག་པར་བྱ། །དཀྱིལ་འཁོར་བཞི་པོ་དེ་དག་ཏུ། །རྡོ་རྗེ་གོམ་པས་སོང་ནས་སུ། །མི་
གཡོ་བ་ཡི་དཀྱིལ་འཁོར་དུ། །རྡོ་རྗེ་འཛིན་སོགས་བཅས་པར་གཞག །རིན་ཆེན་འབྱུང་ལྡན་དཀྱིལ་འཁོར་དུ། །རྡོ་རྗེ་སྙིང་སོགས་རྫོགས་པར་གཞག །ཚེ་དཔག་མེད་པའི་དཀྱིལ་འཁོར་དུ། །རྡོ་རྗེ་སྤྱན་སོགས་རྫོགས་པར་གཞག །གདོན་མི་ཟ་བའི་དཀྱིལ་འཁོར་དུ། །རྡོ་རྗེ་
རྒྱ་གྲམ་ལ་སོགས་གཞག །འཁོར་ལོ་ཡི་ནི་ནང་ལོགས་སུ། །རྡོ་རྗེ་ལྷ་མོ་རྣམས་ཀྱང་གཞག །དཀྱིལ་འཁོར་ཕྱི་ཡི་གྲྭ་རྣམས་སུ། །སངས་རྒྱས་མཆོད་པ་རྣམས་ཀྱང་གཞག །སྒོ་རྣམས་ཀུན་གྱི་ནང་དུ་ནི། །སྒོ་སྲུང་བཞི་ཡང་གཞག་པར་བྱ། །དཀྱིལ་འཁོར་ཕྱི་རིམ་
ཕྱོགས་སུ་ནི། །སེམས་དཔའ་ཆེན་པོ་རྣམས་ཀྱང་གཞག །འཇུག་གམ་ཕྱི་རོལ་འབྱུང་བ་ན། །རི་མོའམ་རྡོ་རྗེ་སྲད་བུ་དག །ཡིད་ཀྱིས་བརྡེག་པ་བྱས་ན་ནི། །དེ་ནི་དམ་ཚིག་ཉམས་མི་འགྱུར། །ཨོཾ་བཛྲ་བེ་གཱ་ཀྲ་མ་ཧཱུྃ། དེ་ལ་རྒྱལ་པོའི་ནི་རིན་པོ་ཆེ་ལྔའི་ཕྱེ་མས་དཀྱིལ་འཁོར་བྲིའོ། །
བློན་པོ་ཆེན་པོ་དང་མདུན་བློན་གྱིས་ནི་རིན་པོ་ཆེའི་ཕྱེ་མ་དང་བསྲེས་པའམ། འབྲས་སཱ་ལུའི་ཕྱེ་མས་སོ། །དེད་དཔོན་ལ་སོགས་པ་ནི་འབྲས་བཏགས་པའི་ཕྱེ་མས་སོ། །སྒྲུབ་པ་པོས་ནི་འབྲས་ཀྱི་ཕྱེ་མ་ཉིད་བསྔགས་པ་ཡིན་ནོ། །གུར་གུམ་ལ་སོགས་པའི་ཕྱེ་མ་དྲི་ཞིམ་པོའི་ཁུ་བས་
སམ་ཚོན་ལྔས་བཙོའོ། །དེ་ནས་དང་པོར་ནི་སྔོན་པོ་དགྱེའོ། །དེ་ནས་ནི་གསེར་དང་པདྨ་རཱ་ག་དང་མ་རྒད་དང་མུ་ཏིག་དགྱེ་སྟེ། དེ་ཡང་། སྔོན་པོ་ཐོག་མར་གཏང་བར་བྱ། །དེ་ནས་སེར་པོ་གཏང་བར་བྱ། །དེ་ཡི་འོག་ཏུ་དམར་པོ་སྟེ། །དེ་ཡི་འོག་ཏུ་ལྗང་གུ་གཏང་། །ཀུན་གྱི་ནང་རོལ་
དཀར་པོ་སྟེ། །ཚོན་གྱི་ཆོ་ག་དེ་ལྟར་བཤད། །ཡང་ན། ཡུང་བ་དང་རྒྱ་སྐྱེགས་དང་། རམས་མཆོག་སྟེ། ཚོན་ནི་བཞི་པོས་བཙོ་བར་བྱ། །ལྔ་ལ་དཀར་པོའི་རང་བཞིན་སྟེ། །མཉམ་པས་ཀུན་དུ་འགྲུབ་པར་འགྱུར། །དེ་ལ་ཚོན་བཟླས་པའི་ཕྱག་རྒྱ་དང་སྔགས་ནི་འདི་ཡིན་ཏེ། རྡོ་རྗེ་

62-1-171b

ཁུ་ཚུར་གཉིས་ལས་ནི། །མཛུབ་མོ་གཉིས་ནི་ལེགས་སྦྱར་བ། །བྱས་ནས་ཚོན་རྩི་ཐམས་ཅད་ནི། །འབར་བའི་ལྟ་བས་དགུག་པར་བྱ། །ཨོཾ་བཛྲ་ཙི་ཏྲ་ས་མ་ཡ་ཧཱུྃ། ཚོན་ལ་ཡང་སེམས་དཔའ་ཆེན་པོ་བཅུ་དྲུག་གཞག་པར་བྱའོ། །ཀུན་དུ་བཟང་པོའི་སྦྱིན་སྲེག་གི་སྐབས་སུ་འཇུག་
པའི་ཆོ་ག་དམ་ཚིག་མཆོག་གི་ཕྱག་རྒྱ་ནས་བརྩམས་ཏེ། སེམས་དཔའི་རྡོ་རྗེ་ལྕགས་ཀྱུའི་ནང་དུ་བཤད་པས་འདིར་མ་སྨྲས་སོ། །དེ་ཡི་སངས་རྒྱས་ཐམས་ཅད་ནི། །རྡོ་རྗེ་སེམས་དཔའ་ལ་སོགས་པས། །དཀྱིལ་འཁོར་ཐམས་ཅད་གང་བ་རྣམས། །དཀྱིལ་འཁོར་རྣམས་སུ་
འདུས་པར་འགྱུར། །དེ་ནས་རྡོ་རྗེ་སེམས་དཔའ་ཡི། །ཕྱག་རྒྱ་ཆེན་པོ་སྒོམ་བྱེད་ཅིང་། །མིང་བརྒྱ་རྩ་བརྒྱད་དམ་པ་ཡི། །ཅུང་ཟད་རབ་ཏུ་བརྗོད་པར་བགྱི། །དེ་ནས་འདུས་པ་དགྱེས་པ་ནས། །དེ་བཞིན་གཤེགས་རྣམས་བརྟན་པར་འགྱུར། །རྡོ་རྗེ་སེམས་དཔའ་རབ་འགྲུབ་པ། །
གྲུབ་པ་ཉིད་དུ་ཉེ་བར་གནས། །དེ་ནས་ཕྱག་རྒྱ་དང་སྔགས་འདིས་སྒོ་དབྱེ་བར་བྱ་སྟེ། རྡོ་རྗེ་ཁུ་ཚུར་གཉིས་ལས་ནི། །མཛུབ་གཉིས་དམ་སྦྱར་གན་རྐྱལ་གཞག །ཤིན་ཏུ་ཁྲོས་པས་རྣམ་དབྱེ་བ། །སྒོ་དབྱེ་བ་ཡི་མཆོག་ཡིན་ནོ། །དེ་ནས་རྡོ་རྗེ་སློབ་དཔོན་ནི། །མཉམ་བཞག་དབུས་
སུ་གནས་གྱུར་པ། །ཡིད་ཀྱིས་དབྱེ་བར་བྱ་བ་ཉིད། །རྡོ་རྗེའི་སྒོ་ནི་བཞི་པའོ། །དེ་ལ་སྒོ་དབྱེ་བའི་སྔགས་ནི་འདི་ཡིན་ཏེ། ཨོཾ་བཛྲ་ཨུདྒྷ་ཊ་ཡ་ས་མ་ཡ་པྲ་བེ་ཤ་ཡ་ཧཱུྃ། དེ་ནས་སྒོ་རྣམས་ཐམས་ཅད་དུ། །ལྕགས་ཀྱུ་ལ་སོགས་པ་བགྱིས་ནས། །ལས་ཆེན་མཆོག་གི་ཕྱག་རྒྱ་ཡིས། །
དམ་ཚིག་རྣམས་ནི་གཞག་པར་བགྱི། །རྡོ་རྗེ་ལྟ་བུར་བསྒྲུབ་པའི་ཆོ་གས་རྣམ་པར་སྣང་མཛད་ལ་སོགས་པ། ཕྱག་རྒྱ་ཆེན་པོ་ལེགས་པར་བསྒྲུབས་ནས་ལས་ཀྱི་ཕྱག་རྒྱ་གཞག་པར་བྱ་སྟེ། དམ་ཚིག་མཆོག་གི་ཕྱག་རྒྱས་དང་། །སེམས་དཔའ་རྡོ་རྗེ་ལ་སོགས་པ་དེ་ལྟར་
སེམས་དཔའ་ཆེན་པོ་སྒྲུབ་པ་ཛཿཧཱུྃ་བཾ་ཧོཿ། ཞེས་བརྗོད་ཅིང་། དེ་ནས་སངས་རྒྱས་ལ་སོགས་པ། །སེམས་དཔའ་ཆེན་པོ་ཀུན་བསྡུ་བ། །སྤྱན་དྲངས་ནས་ནི་རབ་ཏུ་གཞུག །བཅིངས་ནས་དེ་ཡི་དབང་དུ་འགྱུར། །དེ་ནས་མཆོད་པ་བྱ་སྟེ། གལ་ཏེ་རྒྱལ་པོ་ནོར་ཆེ་བ་ཡིན་ན་

62-1-172a

དེས་རིན་པོ་ཆེ་སྣ་བདུན་གྱི་རྒྱུ་ལས་བྱུང་བའི་བུམ་པ་བརྒྱའམ། ཉི་ཤུའམ་རྩ་ལྔའམ། བཅུ་དྲུག་གམ། བརྒྱད་དམ། ལྔའམ། ཐ་ན་རིན་པོ་ཆེ་ལས་བྱས་པའི་བུམ་པ་གཅིག་བྱས་ལ། ལྷག་མ་དག་ནི་ཟངས་དང་ས་དག་ལས་བྱའོ། །བློན་པོ་ལ་སོགས་པ་
རྣམས་ཀྱིས་ནི་ལོངས་སྤྱོད་དང་རྗེས་སུ་འཚམ་པར་བྱའོ། །དེ་ལ་བུམ་པའི་མཚན་ཉིད་ནི་མཆུ་འཕྱང་བ་མགྲིན་པ་རིང་བ་ལྟོ་བ་ཆེ་བ་མགྲིན་པ་རས་ཀྱིས་དཀྲིས་པ་ཁ་འབྲས་བུས་བཀང་བ། རིན་པོ་ཆེ་དང་སྨན་དང་། འབྲུ་དང་། སྤོས་ཆུས་ཡོངས་སུ་གང་བ་བྱས་ནས་གསང་སྔགས་
ཀྱི་བསྙེན་པ་བྱའོ། །དེ་ལ་གསང་སྔགས་ནི་འདི་ཡིན་ཏེ། ཨོཾ་བཛྲོད་ཀ་ཧཱུྃ། རྣམ་པར་རྒྱལ་བའི་བུམ་པ་ནི་རྡོ་རྗེ་བྱིན་གྱིས་བརླབ་པའི་མེ་ཏོག་གི་ཡལ་གས་བཟླས་བརྗོད་སྟོང་བྱས་ལ། བདག་པོའི་གནས་སུ་གཞག་གོ། །བུམ་པ་གཞན་རྣམས་ནི་བཟླས་བརྗོད་བརྒྱ་བྱས་ལ། 
སྒོ་དང་མཚམས་ལ་སོགས་པ་བརྒྱད་དུ་གཞག་པར་བྱའོ། །གདུགས་དང་རྒྱལ་མཚན་དང་བ་དན་དག་ནི་འབུམ་ཙམ་བྱ་སྟེ། སྟོང་ལས་ཉུང་བར་མི་བྱའོ། །སྤོས་ལ་སོགས་པ་ཕྱིའི་མཆོད་པ་རྣམས་ལ་ནི་སྔར་རང་གིས་མངོན་པར་གདབ་པར་བྱའོ། །མར་མེའི་སྡོང་བུ་དང་སྤོས་ཁང་དང་། 
མལ་སྟན་ལ་སོགས་པ་ནི་འབུམ་ལས་ལྷག་པར་འབུལ་ཏེ། སྟོང་ལས་ཉུང་བར་མི་བྱའོ། །བློན་པོ་ལ་སོགས་པས་ནི་འབྱོར་པ་དང་རྗེས་སུ་མཐུན་པར་འབུལ་བར་བྱའོ། །རྟ་དང་གླང་པོ་དང་བ་ལང་གི་ཚོགས་ཤིན་ཏུ་བརྟགས་པ་རྣམས་ཀྱང་འབུལ་བར་བྱའོ། །རྟ་བབས་དྲིལ་བུ་
ལ་སོགས་པ་དང་ལྡན་པ་ཇི་སྙེད་པ་ལས་ཀྱང་བྱའོ། །དེ་ནས་བདག་ཉིད་ཆེན་པོ་རྣམས། །གསང་བའི་མཆོད་པས་མཉེས་བགྱིས་ལ། །སེམས་ཅན་དོན་ཀུན་འགྲུབ་པའི་ཕྱིར། །ཐམས་ཅད་མཛོད་ཅེས་གསོལ་བ་གདབ། །གསོལ་བ་བཏབ་ནས་ཕྱི་རོལ་ཏུ། །རྡོ་རྗེ་རྩེ་མོའི་
རྒྱུད་ཀྱི་སྔགས་ཀྱིས་ཕྱི་རོལ་ཏུ་གཏོར་མ་བྱིན་ལ། ཉེ་རེག་བྱས་ལ་ནང་དུ་ཞུགས་ཏེ་ཆོ་ག་ལྷག་པ་དང་མ་ཚང་བ་རྣམས་ཉེ་བར་ཞི་བར་བྱ་བའི་ཕྱིར་ཞི་བའི་སྦྱིན་སྲེག་བྱས་ནས། ཕྱག་རྒྱ་དང་ཕྱག་རྒྱའི་ལན་དང་སློབ་མ་དང་ལྷན་ཅིག་ཏུ་དཀྱིལ་འཁོར་བསྟན་པར་བྱའོ། །ཕྱག་རྒྱ་ནི་

62-1-172b

འདི་ཡིན་ཏེ། གང་གི་ཚེ་རྡོ་རྗེ་སེམས་དཔའ་སྟོན་པ་ན། སློབ་མས་ཀྱང་རྡོ་རྗེ་ཁུ་ཚུར་ཉེ་བར་བསྟན་པར་བྱའོ། །གལ་ཏེ་རྒྱལ་པོ་སྟོན་པ་ན། རྡོ་རྗེ་གནོད་སྦྱིན་ཉེ་བར་བསྟན་པར་བྱའོ། །གང་གིས་རྡོ་རྗེ་ཆགས་པ་སྟོན་པ་ན་རྡོ་རྗེ་བསྲུང་བ་ཉེ་བར་བསྟན་པར་བྱའོ། །རྡོ་རྗེ་གནོད་སྦྱིན་
སྟོན་པ་ན་རྡོ་རྗེ་ལས་ཉེ་བར་བསྟན་པར་བྱའོ། །ཕྱག་རྒྱ་རང་གི་གནས་སུ་བཀྲོལ་ལ་ཐལ་མོ་མཉམ་པས་མཉེས་པར་བྱའོ། །གང་གི་ཚེ་རྡོ་རྗེ་སྨྲ་བ་སྟོན་པ་ན་རྡོ་རྗེ་རིན་ཆེན་ཉེ་བར་བསྟན་པར་བྱའོ། །གང་གི་ཚེ་རྡོ་རྗེ་འཁོར་ལོ་སྟོན་པ་ན་རྡོ་རྗེ་གཟི་བརྗིད་ཉེ་བར་བསྟན་པར་
བྱའོ། །གང་གི་ཚེ་རྡོ་རྗེ་རྣོན་པོ་སྟོན་པ་ན་རྡོ་རྗེ་རྒྱལ་མཚན་ཉེ་བར་བསྟན་པར་བྱའོ། །གང་གི་ཚེ་རྡོ་རྗེ་ཆོས་སྟོན་པ་ན་རྡོ་རྗེ་བཞད་པ་ཉེ་བར་བསྟན་པར་བྱ་སྟེ། ཕྱག་རྒྱ་བཀྲོལ་ཞིང་རང་བཞིན་གྱི་གནས་སུ་ཐལ་མོ་ངེས་པར་བཅིངས་ཏེ། དེ་ལྟར་བྱས་པས་ནི་དཀྱིལ་འཁོར་དུ་རྡོ་རྗེ་
འཛིན་པ་ལ་སོགས་པ་བྱིན་གྱིས་རློབ་པར་མཛད་པར་འགྱུར་རོ། །དཀྱིལ་འཁོར་ཐམས་ཅད་དུ་རྡོ་རྗེ་སློབ་དཔོན་གྱི་ལས་ཡིན་ནོ། །དཀྱིལ་འཁོར་གྱི་ལས་ནི་ཟླ་བ་ཉ་ནས་བརྩམས་ནས་ཕྱི་མའི་ཟླ་བ་ཉའི་བར་རམ། ཚེས་གཅིག་ནས་བརྩམས་ནས་ཟླ་བ་ཉའི་བར་རམ་བཅུ་
གཉིས་ནས་བརྩམས་ནས་ཉའི་བར་རམ་ཕྱག་རྒྱ་གཅིག་པའི་དཀྱིལ་འཁོར་ནི་ཉིན་མཚན་གཅིག་གིས་བྱའོ། །དེ་ནས་སློབ་དཔོན་མཚན་ཉིད་དང་ལྡན་པ་ཡོངས་སུ་བཟུང་ནས་ལྷག་པར་གནས་པར་བྱ་སྟེ་གཞུག་པར་བྱའོ། །ཕྱག་ན་རྡོ་རྗེས་བྱིན་བརླབས་ཤིང་། །དེ་བཞིན་དད་པས་
བསྒྲུབ་པ་དང་། །བྱང་ཆུབ་སེམས་དང་འགྲོ་དོན་གྱིས། །བྱང་ཆུབ་སེམས་དཔར་འགྱུར་བས་ན། །དག་པའི་ཆོས་ཀྱི་རྗེས་འཇུག་པ། །ཐེག་པ་ཆེ་ལ་ལྷག་མོས་པས། །ཐམས་ཅད་དུ་ནི་ཀུན་འགྲུབ་འགྱུར། །ཞེས་བྱ་བས་རྡོ་རྗེ་སློབ་དཔོན་མཚན་ཉིད་དང་ལྡན་པས་སློབ་མ་ཡོངས་སུ་
གཟུང་ཞིང་སྣོད་དུ་རུང་བར་བྱའོ། །དེ་ནས་སློབ་དཔོན་གྱིས་རིགས་ཀྱི་བུ་སྨྲོས་ཤིག་ཅེས་བརྗོད་པར་བྱའོ། །སློབ་མས་ཀྱང་། བྱང་ཆུབ་སེམས་ནི་བླ་མེད་པས། །རྡོ་རྗེ་སློབ་དཔོན་བདག་ལ་སྩོལ། །སངས་རྒྱས་རྣལ་འབྱོར་སྡོམ་པ་ལ། །ཚུལ་ཁྲིམས་ཀྱི་ནི་བསླབ་པ་དང་། །

62-1-173a

དགེ་བའི་ཆོས་ནི་སྡུད་པ་དང་། །སེམས་ཅན་དོན་བྱེད་ཚུལ་ཁྲིམས་གསུམ། །སངས་རྒྱས་ཀུན་ནི་བརྟུལ་ཞུགས་ཆེ། །སངས་རྒྱས་ཆོས་དང་དགེ་འདུན་དང་། །དཀོན་མཆོག་གསུམ་ཡང་བདག་ལ་སྩོལ། །རྡོ་རྗེ་དྲིལ་བུ་ཕྱག་རྒྱ་དང་། །སློབ་དཔོན་དག་ཀྱང་བདག་
འཚལ་ལོ། །རྡོ་རྗེ་རིགས་མཆོག་ཆེན་པོ་ཡི། །སློབ་དཔོན་དུ་ཡང་བདག་འགྱུར་གྱི། །རིན་ཆེན་རིགས་མཆོག་ཆེན་པོ་ཡི། །སྡོམ་པ་དག་ཀྱང་བདག་ལ་སྩོལ། །པདྨའི་རིགས་མཆོག་དག་པ་ཡང་། །སྡོམ་པ་བདག་ལ་སྩལ་དུ་གསོལ། །དེ་བཞིན་ལས་ཀྱི་རིགས་ཆེན་ལ། །སེམས་
ཅན་ཀུན་གྱི་དོན་གྱི་ཕྱིར། །མགོན་པོས་བདག་ལ་སྡོམ་པ་སྩོལ། །ཞེས་བརྗོད་པར་བྱ་སྟེ། དེ་ལྟར་ཡོངས་སུ་བཟུང་ནས་ལྷག་པར་གནས་པར་བྱ་སྟེ། སྙིང་ག་དང་སྤྱི་བོར་དེ་བཞིན་དུ་བསམས་ལ། ཁུ་ཚུར་གཡས་པས་རྡོ་རྗེ་བཟུང་ནས་སྙིང་གར་བཞག་ན་ལྷག་པར་གནས་
པར་བྱས་པར་འགྱུར་རོ། །དེ་ནས་སྡོམ་པ་སྦྱིན་པར་བྱ་སྟེ། སངས་རྒྱས་དང་བྱང་ཆུབ་སེམས་དཔའ་ཐམས་ཅད་བདག་ལ་དགོངས་སུ་གསོལ། བདག་མིང་འདི་ཞེས་བྱ་བ་དུས་འདི་ནས་བཟུང་སྟེ། བྱང་ཆུབ་སྙིང་པོ་ལ་མཆིས་ཀྱི་བར་དུ། ཇི་ལྟར་དུས་གསུམ་མགོན་པོ་རྣམས། །
བྱང་ཆུབ་ཏུ་ནི་ངེས་བྱས་པའི། །བྱང་ཆུབ་སེམས་ནི་བླ་མེད་པས། །དམ་པ་བདག་གིས་བསྐྱེད་པར་བགྱི། །སངས་རྒྱས་རྣལ་འབྱོར་སྡོམ་པ་ལ། །ཚུལ་ཁྲིམས་ཀྱི་ནི་བསླབ་པ་དང་། །དགེ་བའི་ཆོས་ནི་སྡུད་པ་དང་། །སེམས་ཅན་དོན་བྱེད་ཚུལ་ཁྲིམས་གསུམ། །དེ་བཞིན་
བརྟན་པར་གཟུང་བར་བགྱི། །སངས་རྒྱས་ཆོས་དང་དགེ་འདུན་ཏེ། །བླ་ན་མེད་པའི་དཀོན་མཆོག་གསུམ། །དེང་ནས་བརྩམས་ཏེ་གཟུང་བར་བགྱི། །ནམ་དུ་ཡང་ནི་མི་སྤོང་ངོ་། །རྡོ་རྗེ་རིགས་མཆོག་ཆེན་པོ་ལ། །རྡོ་རྗེ་དྲིལ་བུ་ཕྱག་རྒྱ་ཡང་། །ཡང་དག་ཉིད་དུ་གཟུང་བར་
བགྱི། །སློབ་དཔོན་དག་ཀྱང་གཟུང་བར་བགྱི། །རིན་ཆེན་རིགས་མཆོག་ཆེན་པོ་ཡི། །དམ་ཚིག་ཡིད་དུ་འོང་བ་ལ། །ཉིན་རེ་བཞིན་དུ་དུས་དྲུག་ཏུ། །སྦྱིན་པ་རྣམ་བཞི་རབ་ཏུ་སྦྱིན། །བྱང་ཆུབ་ཆེན་པོ་ལས་བྱུང་བ། །པདྨའི་རིགས་མཆོག་དག་པ་ལ། །ཕྱི་ནང་གསང་བ་

62-1-173b

ཐེག་པ་གསུམ། །དམ་པའི་ཆོས་ནི་གཟུང་བར་བགྱི། །ལས་ཀྱི་རིགས་མཆོག་དག་པ་ལ། །སྡོམ་པ་ཐམས་ཅད་ལྡན་པར་ནི། །ཡང་དག་ཉིད་དུ་གཟུང་བར་བགྱི། །མཆོད་པའི་ལས་ཀྱང་ཅི་ནུས་བགྱི། །བྱང་ཆུབ་སེམས་ནི་བླ་མེད་པ། །དམ་པ་བདག་གིས་བསྐྱེད་པར་
བགྱི། །སེམས་ཅན་ཀུན་གྱི་དོན་གྱི་ཕྱིར། །བདག་གིས་སྡོམ་པ་མ་ལུས་གཟུང་། །མ་བསྒལ་བ་རྣམས་བསྒྲལ་བར་བགྱི། །མ་གྲོལ་བ་ནི་བདག་གིས་དགྲོལ། །དབུགས་མ་ཕྱིན་པ་དབུགས་དབྱུང་ཞིང་། །སེམས་ཅན་མྱ་ངན་འདས་ལ་དགོད། །དེ་ལྟར་སྡོམ་པ་འཛིན་
ནུས་པ་དེ་ལ་ནི་དཀྱིལ་འཁོར་དུ་གཞུག་པར་བགྱིའོ། །དཀྱིལ་འཁོར་འདྲི་བ་ལ་གལ་ཏེ་བགེགས་བྱུང་བར་གྱུར་ན། དེའི་ཚེ་རྡོ་རྗེ་གནོད་སྦྱིན་གྱི་སྔགས་འབུམ་བཟླས་པའི་ཕུར་བུས་བགེགས་ཐམས་ཅད་ལ་གདབ་པར་བྱ་སྟེ། དཀྱིལ་འཁོར་གྱི་སའི་དབུས་སུ་ཕུར་བུས་གདབ་བོ། །
ཕྱིའི་དཀྱིལ་འཁོར་གྱི་རྒྱབ་ཏུ་ལྕགས་རིའི་ཐིག་གདབ། དེའི་རྒྱབ་ཏུ་འོད་ཀྱི་དཀྱིལ་འཁོར་གྱི་རྒྱབ་ཀྱི་ཕྱི་རོལ་ཏུ་ལྷའི་དབང་པོ་བརྒྱ་བྱིན་ལ་སོགས་པའི་བགེགས་རྡོ་རྗ་ལྕགས་ཀྱུ་ལ་སོགས་པས་བཀུག་ལ་བཅིངས་ཏེ་ཕུར་བུས་གདབ། ཤར་ལྷོའི་མཚམས་སུ་ནི་མེའི་བགེགས་
སོ། །ལྷོར་ནི་ཡི་དྭགས་ཀྱི་བགེགས་སོ། །ལྷོ་ནུབ་ཏུ་ནི་སྲིན་པོ་ལ་སོགས་པའི་བགེགས་སོ། །ནུབ་ཏུ་ནི་ཀླུ་ལ་སོགས་པའི་བགེགས་སོ། །ནུབ་བྱང་ཏུ་ནི་རླུང་གི་བགེགས་སོ། །བྱང་དུ་ནི་གནོད་སྦྱིན་ལ་སོགས་པའི་བགེགས་སོ། །བྱང་ཤར་དུ་ནི་འབྱུང་པོའི་བགེགས་སོ། །
གསང་སྔགས་འདི་ཕུར་བུས་གདབ་བོ། །ཨོཾ་བཛྲ་ཀཱི་ལི་སརྦ་བིགྷྣཱཾ་བནྡྷ་ཧཱུྃ་ཕཊ། རྡོ་རྗེ་སྤྱན་དང་རྡོ་རྗེ་མེ་ལྟར་རབ་ཏུ་ཕུར་བུས་བསྲུང་བར་བྱའོ། །རྡོ་རྗེ་གནོད་སྦྱིན་གྱིས་སྟེང་དུ་ནམ་མཁའ་བཅིང་ངོ་། །རྡོ་རྗེ་འཇིགས་བྱེད་རྡོ་རྗེ་སྤྱན་དང་རྡོ་རྗེ་བསྡམས་པའི་སྟེང་དུ་རྡོ་རྗེ་དྲ་བ་བྱས་
ཏེ། དེ་ཡང་། སེམས་ཅན་འཚེ་བར་བྱེད་པ་དང་། །སྡིག་པ་མེད་ཀྱིས་ཁྱེད་མ་འཇིགས། །རིག་སྔགས་ལས་བྱུང་དགེ་བ་སྦྱིན། །བགེགས་ནི་རང་གི་སེམས་ལས་བྱུང་། །ཞེས་གསུངས་པས་སོ། །དཀྱིལ་འཁོར་གྱི་བྱ་བ་ཐམས་ཅད་རྫོགས་པ་ནས་ལྷ་རྣམས་ཇི་ལྟ་

62-1-174a

བ་བཞིན་དུ་གཤེགས་སུ་གསོལ། ཕུར་བུ་བཏོན་ནས་འོ་མས་བཀྲུས་ཏེ། སེམས་ཅན་ཐམས་ཅད་ལ་དམིགས་ནས་ཞི་བའི་སྦྱིན་སྲེག་བྱའོ། །ཤར་ཕྱོགས་ཀྱི་སྒོར་ཁ་ཁྱེར་གྱི་ཕྱི་རོལ་རྡོ་རྗེ་ལྟ་བུའི་ཁ་ཁྱེར་ལ་བྱང་དུ་མངོན་པར་བལྟས་ནས། ཏིལ་
བསྲེགས་ནས་སྡིག་པ་བསྲེག་པར་བྱའོ། །དེ་བཞིན་དུ་ལྷོ་སྒོར་རིན་པོ་ཆེ་འདྲ་བའི་ཁ་ཁྱེར་ལ་ཤར་དུ་མངོན་པར་བལྟས་ནས་རྒྱས་པར་འདོད་པས་འབྲས་ཀྱི་སྦྱིན་སྲེག་བྱའོ། །དེ་བཞིན་དུ་ནུབ་སྒོར་ཟླ་བ་ཁམ་པ་ལྟ་བུའི་ཁ་ཁྱེར་ལ་བྱང་དུ་མངོན་པར་བལྟས་ནས་ཚེ་
འཕེལ་བར་འདོད་པས་དཱུར་བའི་མྱུ་གུ་མར་ལ་སྦགས་པའི་སྦྱིན་སྲེག་བྱའོ། །དེ་བཞིན་དུ་བྱང་ཕྱོགས་ཀྱི་སྒོར་གོ་ཆ་འདྲ་བའི་ཁ་ཁྱེར་ལ་ལྷོ་ཕྱོགས་སུ་མངོན་པར་བལྟས་ནས་བསྲུང་བའི་ཕྱིར། ཀུ་ཤའི་མྱུ་གུ་ཏིལ་མར་གྱིས་བྱུགས་པའི་སྦྱིན་སྲེག་བྱའོ། །ཡང་ན་
དེ་བཞིན་དུ་ཤར་སྒོར་ཁ་ཁྱེར་ཀུན་ནས་ཟླུམ་པོའི་རྣམ་པ་ལ་ཏིལ་ལ་སོགས་པའི་སྦྱིན་སྲེག་བྱའོ། །ཐབ་ཁུང་གི་ཕྱི་རོལ་དུ་ཤར་ནས་བྱང་དུ་བལྟ་བ་དང་། བྱང་ནས་ཤར་དུ་བལྟ་བ་དང་། ལྷོ་ནས་ཤར་དུ་བལྟ་བ་དང་། ནུབ་ནས་ལྷོར་བལྟ་བ་དང་། ཀུ་ཤ་བཀྲམ་ལ་སྦྱིན་སྲེག་བྱའོ། །
དེ་ཡང་དཀྱིལ་འཁོར་དེ་དག་དེ་ཉིད་ནི། །སུ་ཞིག་གིས་ནི་བརྟག་པར་ནུས། །རང་གི་ལྷ་ཡི་སྦྱོར་བ་ཡིས། །དཀྱིལ་འཁོར་བརྟག་པ་གྲུབ་པར་འགྱུར། །ཞེས་བཅོམ་ལྡན་འདས་རྡོ་རྗེ་འཆང་ཆེན་པོས་གསུངས་སོ། །སློབ་དཔོན་གྱིས་རབ་ཏུ་བཅུག་ནས་དཀྱིལ་འཁོར་གྱི་སློབ་
དཔོན་གྱི་ལས་རྣམས་བསླབ་པར་བྱ་སྟེ། དེ་ཉིད་ནི་རྡོ་རྗེ་སློབ་དཔོན་དུ་དབང་བསྐུར་བའི་གནས་གསང་བ་སྟེ། གསང་བ་ནི་འདི་ཉིད་དོ་ཞེས་བཅོམ་ལྡན་འདས་རྡོ་རྗེ་འཆང་ཆེན་པོས་གསུངས་སོ། །དེ་ནས་རྡོ་རྗེ་སློབ་མའི་ཚོགས་རབ་ཏུ་བཅུག་ལ། རྡོ་རྗེའི་ཆུ་ལ་འབུམ་བཟླས་པས་
དབང་བསྐུར་ལ། རྡོ་རྗེ་སློབ་དཔོན་ཉིད་ཐོབ་པར་འགྱུར་ཏེ། འདི་ཡང་རྡོ་རྗེ་སློབ་དཔོན་དབང་བསྐུར་བའི་སྔགས་སོ། །ཨོཾ་བཛྲོད་ཀ་ཧཱུྃ་འདིས་དབང་བསྐུར་ན་དཀྱིལ་འཁོར་ཐམས་ཅད་བྲི་ཞིང་བདག་ཉིད་དབང་བསྐུར་བས་དབང་བསྐུར་རོ། །གཞན་གྱིས་ནི་མ་ཡིན་ནོ། །དེ་བཞིན་

62-1-174b

གཤེགས་པའི་རིགས་ལ་སོགས་པའི་སློབ་དཔོན་གཞན་ནི། རྡོ་རྗེ་སློབ་དཔོན་གྱི་དཀྱིལ་འཁོར་དུ་གཞུག་ཅིང་དབང་བསྐུར་བར་བྱའོ། །རྡོ་རྗེ་དབྱིངས་ཀྱི་དཀྱིལ་འཁོར་དུ་རྡོ་རྗེ་སློབ་དཔོན་གྱི་ལས་དང་། སློབ་མ་གཞུག་པ་ལ་སོགས་པའི་ཆོ་ག་རྒྱས་པར་ནི་དེ་ཉིད་ལས་འབྱུང་བས་
འདིར་མ་སྨྲས་སོ། །དེ་ལྟ་མོད་ཀྱི་ཁྱད་པར་ཅུང་ཟད་ཅིག་བཤད་པར་བྱ་སྟེ། རྡོ་རྗེ་སློབ་དཔོན་གྱིས་སློབ་མ་ལས་ཡོན་བླང་བར་བྱ་སྟེ། སློབ་མས་ཀྱང་གུས་པས་མཆོད་ཡོན་སྔོན་དུ་འགྲོ་བས་ཡོན་དབུལ་བར་བྱའོ། །རྡོ་རྗེ་སེམས་དཔའ་ལྷག་པར་མོས་པས་ཡོན་གྱི་མཆོག་
རྣམས་དབུལ་བར་བྱའོ། །གང་ལ་ཡོངས་སུ་བཏང་དགའ་གང་། །དེ་ནི་མཆོག་ཏུ་བཤད་པ་ཡིན། །དེ་ལ་གལ་ཏེ་མཆོག་འདོད་ལ། །དེ་ཡང་ངན་པའི་ཡོན་འབུལ་ན། །ཀུན་གྱི་སློབ་དཔོན་བརྙས་པས་ན། །དེ་ནི་རྟག་ཏུ་སྡུག་བསྔལ་ཐོབ། །རྣམ་པར་སྣང་མཛད་ལ་སོགས་པ་དེ་
བཞིན་གཤེགས་པ་ཐམས་ཅད་དུ་ལྷག་པར་མོས་པས་ནི། བུ་མོ་ཤིན་ཏུ་བརྒྱན་པའམ། །དེ་བཞིན་ཆུང་མ་སྡུག་པ་དག །ཕུལ་ནས་རིན་གྱིས་སླུ་བ་ནི། །སངས་རྒྱས་བྱང་ཆུབ་མཆོག་གི་ཡོན། །ཕྱག་ན་རྡོ་རྗེའི་ནི་རིན་ཆེན་རྒྱན་ཐམས་ཅད་ཀྱི་མཆོག་དང་ལྡན་པ་ཕུལ་ནས་སླར་རིན་
གྱིས་སླུ་བར་བྱའོ། །འཇིག་རྟེན་དབང་ཕྱུག་གིས་ནི་ཤིན་ཏུ་དཀར་བའི་རས་ཟུང་ངམ་མུ་ཏིག་གི་ཕྲེང་བ་བཟང་པོའོ། །ནམ་མཁའི་སྙིང་པོའི་རྟ་དང་གླང་པོ་དཀར་པོའམ་ཤིང་རྟ་ནོར་བུ་རིན་པོ་ཆེ་ལ་སོགས་པས་བརྒྱན་པའོ། །རྡོ་རྗེ་སྣ་ཚོགས་ཀྱི་ནི་ཡོན་ཐམས་ཅད་བླངས་ལ་
ཆོ་ག་འདིས་དབང་བསྐུར་བར་བྱའོ། །དེ་ལ་རྒྱལ་པོ་ནི་རིན་པོ་ཆེ་ལས་བྱས་པའི་དབུ་རྒྱན་ནོ། །ལྷག་མ་རྣམས་ནི་ལུགས་མའམ་བཅོས་མ་བྱས་པའོ། །རྡོ་རྗེ་སེམས་དཔའི་ནི་སངས་རྒྱས་ཐམས་ཅད་ཀྱི་སྐུའི་རིན་པོ་ཆེ་དང་། དར་དཔྱངས་དང་དབང་བསྐུར་བའི་དབུ་རྒྱན་ནོ། །
ཕྱག་ན་རྡོ་རྗེའི་ནི་རྡོ་རྗེས་དབང་བསྐུར་བའི་ནོར་བུའི་དབུ་རྒྱན་ནོ། །འཇིག་རྟེན་དབང་ཕྱུག་གི་ནི་འོད་དཔག་ཏུ་མེད་པའི་ནོར་བུའི་དབུ་རྒྱན་ནོ། །ནམ་མཁའི་སྙིང་པོའི་ནི་རྡོ་རྗེ་རིན་ཆེན་གྱི་མྱུ་གུ་དང་ལྡན་པའི་དབུ་རྒྱན་ནོ། །དེ་བཞིན་གཤེགས་པ་ཐམས་ཅད་ཀྱིས་རྡོ་རྗེ་རིན་པོ་

62-1-175a

ཆེས་ཁམས་གསུམ་གྱི་རྒྱལ་པོར་དབང་བསྐུར་བའི་ནོར་བུའི་དབུ་རྒྱན་ཏེ། དབུ་རྒྱན་གྱི་གསང་སྔགས་སྔར་བཟླས་བརྗོད་འབུམ་བྱས་ལ་དབང་བསྐུར་བའི་དུས་སུ་དབུ་རྒྱན་རང་གི་གསང་སྔགས་ཀྱིས་ལན་བརྒྱ་བཟླས་བརྗོད་བྱའོ། །དེ་ནས་དར་དཔྱངས་མ་ལ་
བཅིངས་ནས་རང་གི་རྡོ་རྗེ་ལག་པར་བཞག་ལ། ཇི་ལྟ་བ་བཞིན་དུ་དབང་བསྐུར་བར་བྱ་སྟེ། དཀྱིལ་འཁོར་ཐམས་ཅད་ཀྱི་དབང་བསྐུར་བའི་ཆོ་ག་རྒྱས་པའོ། །དེ་ནས་ཁྱོད་དོན་འབྱུང་བའི་དངོས་གྲུབ་ཀྱི་ཡེ་ཤེས་དང་ཞེས་བྱ་བ་ལ་སོགས་པ་བརྗོད་དོ། །དེ་ནས་དེ་གང་མངོན་པར་
འདོད་པ་དེ་ལ་སྦྱིན་པར་བྱའོ། །ཡང་ན་ཕྱག་རྒྱ་ཆེན་པོ་བསྒྲུབ་པར་འདོད་ན་དེ་ལ་རྡོ་རྗེ་ལྟ་བུའི་ཐབས་ཀྱི་སྒྲུབ་པའི་ཚུལ་གྱིས་རང་ལ་སྒྲུབ་པའི་ཐབས་ཉེ་བར་བསྟན་པར་བྱའོ། །དེ་ནས་རང་གི་གནས་སུ་ཕྱག་རྒྱ་བཀྲོལ་ལ་དབང་བསྐུར་བ་དང་ཆོ་ག་བཅིངས་པ་དང་། མཉེས་པར་
བྱ་བ་ལ་སོགས་པ་བྱས་ནས་དམ་ཚིག་གི་ཕྱག་རྒྱ་བཅིངས་ལ་གྱེན་དུ་བཀྲོལ་ལ། སེམས་ཅན་ལོག་པར་ལྟ་བ་དང་། སྡིག་པའི་ལས་བྱེད་པ་དང་། བརྩོན་འགྲུས་ཆུང་བ་དང་། སྦྱོར་བ་མེད་པ་དང་། རི་མོ་མི་ཤེས་པ་དེ་དག་གི་ཕྱིར་ཀུན་དུ་བཟང་པོའི་སྦྱིན་སྲེག་གི་ཆོ་
གའི་ཚུལ་གྱི་རྡོ་རྗེ་སེམས་དཔའི་དཀྱིལ་འཁོར་ཁྲུ་བཅུ་པའི་ཕྱེད་ཀྱི་ཕྱག་རྒྱ་བཞི་པའི་དཀྱིལ་འཁོར་བྲིའོ། །ཡོ་བྱད་ཐམས་ཅད་དང་མི་ལྡན་པ་རྣམས་དང་། དམ་ཚིག་འདོད་པ་རྣམས་ལ་ནི་ཕྱག་རྒྱ་གཅིག་པའི་དཀྱིལ་འཁོར་བྲི་བར་བྱའོ། །དེ་བཞིན་དུ་ཁམས་གསུམ་
རྣམ་པར་རྒྱལ་བ་ལ་སོགས་པའི་དཀྱིལ་འཁོར་ཐམས་ཅད་ལ་དཀྱིལ་འཁོར་ཐམས་ཅད་ཀྱི་ཆོ་གའི་རྗེས་སུ་འབྲངས་པ་དང་། རང་གི་རྟོག་པའི་ཆོ་གས་བྲི་བར་བྱའོ། །དཀྱིལ་འཁོར་ཆོ་ག་བསྡུས་པ་ལས། །བསོད་ནམས་བདག་གིས་བསགས་པ་དེ། །དེས་ནི་སེམས་
ཅན་མ་ལུས་པ། །རྡོ་རྗེ་སེམས་དཔའ་མཆོག་འགྲུབ་ཤོག །དཔལ་ལྡན་རྒྱ་ཆེ་བ་ཞེས་བྱ་བའི་དཀྱིལ་འཁོར་གྱི་ཆོ་ག་རྫོགས་སོ།།      །།༄༅༅། །རྒྱ་གར་སྐད་དུ། ས་མནྟ་བྷ་དྲ་ནཱ་མ་ཧོ་མ་ལོ་བི་ཀ །བོད་སྐད་དུ། ཀུན་དུ་བཟང་པོ་ཞེས་བྱ་བའི་སྦྱིན་

62-1-175b

སྲེག་གི་ཆོ་ག །བཅོམ་ལྡན་འདས་ངག་གི་དབང་ཕྱུག་ལ་ཕྱག་འཚལ་ལོ། །བྱང་ཆུབ་སེམས་བརྟན་ལས་བྱུང་བ། །རྡོ་རྗེ་ཧཱུཾ་མཛད་ཕྱག་འཚལ་ཏེ། །དངོས་གྲུབ་ཐམས་ཅད་ཀུན་བསྡུས་པ། །སྦྱིན་སྲེག་དེ་ཉིད་བདག་གིས་བཤད། །དེ་ཉིད་རིགས་པས་སྦྱིན་སྲེག་ལ། །
དགོས་པ་དང་པོ་ཀུན་བྱས་ཏེ། །གྲོགས་བཟང་བྱ་བ་ངེས་པ་དང་། །ཕྱི་ནས་སྦྱིན་སྲེག་རབ་ཏུ་བྱ། །གཙུག་ལག་ཁང་དང་གྲོང་རྡལ་དང་། །ཀུན་དགའ་གྲོང་ངམ་གྲོང་ཁྱེར་ནི། །ཤར་དང་བྱང་དུ་བལྟ་བ་སྟེ། །ལྷོ་དང་ནུབ་ཏུ་མ་ཡིན་ནོ། །ཤིས་ཤིང་སྔོན་ནི་སྟོན་པ་ཡི། །
ས་ནི་མཁས་པས་བགྲོད་པར་བྱ། །ཡང་ན་ཡིད་ནི་དགའ་འགྱུར་བ། །གང་ཡིན་དེར་ནི་བརྩམ་པར་བྱ། །དཀྱིལ་འཁོར་གནས་ནི་སྦྱངས་ནས་སུ། །དཀྱིལ་འཁོར་མཆོག་ནི་བྲི་བྱ་སྟེ། །ཟུར་བཞི་པ་ལ་སྒོ་བཞི་པ། །རྟ་བབས་བཞིས་ནི་མཛེས་བྱས་ལ། །ཐིག་བཞི་དང་ནི་ཡང་
དག་ལྡན། །དར་དང་མེ་ཏོག་ཕྲེང་བས་བརྒྱན། །གྲྭ་ཡི་ཕྱོགས་ནི་ཐམས་ཅད་དང་། །སྒོ་ཁྱུད་ཀྱི་ནི་མཚམས་རྣམས་སུ། །རྡོ་རྗེ་རིན་ཆེན་སྤྲས་པར་ནི། །དཀྱིལ་འཁོར་ཕྱི་རིམ་ཐིག་གདབ་བོ། །དེ་ཡི་རིམ་པའི་ནང་ཞུགས་ལ། །སྦྱིན་སྲེག་ཐབ་ནི་བྲི་བར་བྱ། །ཀུན་ནས་ཟུར་
ནི་བཞི་པ་ལ། །ཁྲུ་གཉིས་པར་ནི་ཡོངས་སུ་བསྒྲགས། །ཟབས་སུ་ཁྲུ་གང་ཙམ་ལ་ནི། །ཁ་ཁྱེར་བཞི་ནི་བསྐོར་བའོ། །དབུས་སུ་གཙུག་ཏོར་དགོད་བྱ་ཞིང་། །དེ་ཡི་ཤར་དུ་ལྷུང་བཟེད་དོ། །ལྷོ་ཕྱོགས་ན་ནི་རིན་ཆེན་ཏེ། །ནུབ་ཀྱི་ཕྱོགས་སུ་པདྨ་བྲི། །བྱང་དུ་རྡོ་རྗེ་ཧཱུྃ་མཛད་ནི། །
གདུག་པ་ཐམས་ཅད་ཟློག་པའོ། །མཚམས་ཀྱི་ཆ་ནི་ཐམས་ཅད་དུ། །གསང་བའི་མཆོད་པ་བསྟན་པ་དགོད། །དེ་ལྟར་ཐབ་ཁུང་ངེས་བྱས་ནས། །ཁ་ཁྱེར་ལ་ནི་འཇུག་པར་བྱ། །དང་པོ་ལ་ནི་སེམས་དཔའ་ཆེ། །བཅུ་དྲུག་ཉིད་དུ་བསྒྲགས་པ་ཡིན། །དེ་ཡི་རྒྱར་ནི་གོར་བརྒྱད་ལ། །
དཔངས་སུ་སོར་ནི་བཞི་པའོ། །ཁ་ཁྱེར་གཉིས་པར་གྱུར་པ་དག །དེ་ཡང་རྒྱར་ནི་སོར་བརྒྱད་དེ། །དཔངས་སུ་སོར་ནི་བརྒྱད་པར་བཤད། །དེ་དགོངས་བདག་གིས་བཤད་པར་བྱ། །ཤར་ཕྱོགས་ནས་བརྩམས་རིམ་བཞིན་དུ། །པདྨ་ནགས་ཀྱི་མཇུག་མ་དང་། །བགྲང་ཕྲེང་རིལ་

62-1-176a

བ་སྤྱི་བླུགས་དང་། །ཨ་ཛེ་ན་ཡི་ཕྱག་རྒྱ་ནི་། །ཏྲི་ཤཱུ་ལ་དང་ཟླ་བ་ཕྱེད། །རལ་པ་མིག་དང་རྒྱལ་མཚན་ཆེ། །མཛེས་ཤིང་བདེ་བའི་ཕྱག་རྒྱ་ཆེ། །ལྷོ་ཡི་ཕྱོགས་སུ་གཞག་པར་བྱ། །དུང་དང་འཁོར་ལོ་བེ་ཅོན་དང་། །རལ་གྲི་དང་ནི་དེ་བཞིན་ཕུབ། །ཕག་དང་
སེང་གེ་གཤིབས་པ་ནི། །ནུབ་ཀྱི་ཕྱོགས་སུ་བྲི་བར་བྱ། །མདུང་དང་དྲིལ་བུ་བ་དན་དང་། །རྨ་བྱ་དེ་བཞིན་ར་སྐྱེས་དང་། །ཁྱིམ་བྱ་ལང་ཚོས་མྱོས་པ་ནི། །བྱང་གི་ཕྱོགས་སུ་བྲི་བར་བྱ། །ཁ་ཁྱེར་གསུམ་པར་གྱུར་པ་དག །དེ་ཡང་རྒྱར་ནི་སོར་བརྒྱད་པ། །དཔངས་སུ་སོར་ནི་བཅུ་དྲུག་
པ། །སྒོ་གླེགས་དང་ནི་གཏན་པར་བཅས། །དེ་ཡི་ཕྱོགས་བཞིར་རྟ་བབས་དང་། །བཅས་པའི་སྒོ་རྣམས་བྱ་བ་དང་། །དྲ་བ་དྲ་ཕྱེད་མེ་ལོང་བཅས། །བ་དན་ལ་སོགས་རྣམས་ཀྱིས་བསྐོར། །ཁ་ཁྱེར་བཞི་པར་བཤད་པ་ནི། །ཁོར་ཡུག་ལྟ་བུར་ཡང་དག་གནས། །རྒྱ་རུ་
སོར་ནི་བཅུ་གཉིས་པ། །དཔངས་སུ་སོར་ནི་དྲུག་པའོ། །དེ་ཡང་རྡོ་རྗེ་ཕྲེང་བས་བརྒྱན། །འབར་བའི་ཕྲེང་བ་འོད་འཁྲུགས་པ། །འདི་ནི་བསྲུང་བའི་མཆོག་ཡིན་ཞེས། །རྡོ་རྗེ་ཅན་གྱིས་སྔོན་གསུངས་སོ། །སྡིག་ཀུན་འཕྲོག་ཅིང་བསོད་ནམས་དང་། །དག་བྱེད་དངོས་གྲུབ་
ཐམས་ཅད་སྟེར། །བཀྲ་ཤིས་པ་ཉིད་ཡིན་བཤད་པ། །འདི་ནི་ཐབ་ཁུང་ཡིན་པར་བསྒྲགས། །གང་ཡང་བརྒྱ་རྩ་བཅུ་པ་ཡིས། །ཐབ་ཁུང་བཟང་པོ་བཤད་པ་རྣམས། །སྤྱི་ཡི་ཐབ་ཁུང་གང་ཡིན་པ། །བྱེ་བྲག་ཅན་བཞིན་གནས་པ་ཡིན། །ཐབ་ཁུང་གི་མཚན་ཉིད་དོ། །དགང་
གཟར་དང་བླུགས་གཟར་གྱི་མཚན་ཉིད་ནི་འདི་ཡིན་ཏེ། དགང་གཟར་གྱི་ཡུ་བ་ནི་རྒྱལ་པོའི་ལག་པའི་ཚད་ཀྱིས་སོར་བཅུ་དྲུག་ཀུན་ནས་སོར་བཞི་པ། དགང་གཟར་གྱི་ཟབས་སུ་སོར་གཉིས་པ། སྟེང་དུ་སོར་བཞི་པ། དབུས་སུ་རྡོ་རྗེ་རྩེ་ལྔས་མཚན་པ། ཡུ་བའི་འོག་ཏུ་རྡོ་རྗེ་དང་རིན་
པོ་ཆེས་མཚན་པ་ནི་དགང་གཟར་གྱི་མཚན་ཉིད་དོ། །བླུགས་གཟར་གྱི་མཚན་ཉིད་ནི་ཁྲུ་གང་ཙམ་ལ་སྟེང་དུ་པདྨའི་འདབ་མ་འདྲ་བ་སོར་གཉིས་པ་ལ། དབུས་རྡོ་རྗེ་རྩེ་ལྔ་པས་མཚན་པ་ནི་བླུགས་གཟར་གྱི་མཚན་ཉིད་དོ། །ཁྲུས་དང་ཉེ་རེག་ལ་འབད་ནས། །རྟག་ཏུ་སྦྱིན་སྲེག་ཁང་པར་

62-1-176b

འཇུག །དེ་ནས་བགེགས་རྣམས་ཉེར་ཞིའི་ཕྱིར། །ཁྲོ་བོའི་རྒྱལ་པོ་རྗེས་དྲན་བྱ། །དེ་ལ་ཁྲོ་བོའི་རྒྱལ་པོ་ནི་འདི་ཡིན་ཏེ། ཁྲོ་བོ་ཏི་རཱིནྟི་རིའི་ཕྱག་རྒྱ་བཅིངས་ལ། ཧཱུྃ་བཛྲ་ཨ་ན་ལ་ཧ་ན་ད་ཧ་པ་ཙ་མ་ཐ་བྷཉྫ་ར་ཎ་ཧཱུྃ་ཕཊ། ཁྲོ་བོ་ཏི་རཱིནྟི་རིའི་ཕྱག་རྒྱ་ནི་འདི་ཡིན་ཏེ། རྡོ་རྗེ་བཅིང་
བ་ནང་དུ་བཅིངས་ལ། མཐེ་བོང་གཉིས་པོ་མཉམ་པས། སོར་མོའི་རྩེ་མོ་ཐམས་ཅད་བཙིར་བར་བྱ་སྟེ། འདིས་ནི་བདུད་ལ་སོགས་པ་བགེགས་ཐམས་ཅད་བཅོམ་པར་འགྱུར་རོ། །དེ་ནས་གོ་ཆ་འདིས་ཕྱོགས་བཅིང་བར་བྱ་སྟེ། རྡོ་རྗེ་གཙུག་ཏོར་དང་། རྡོ་རྗེ་ཞགས་
པས་ཤར་ཕྱོགས་བཅིང་ངོ་། །རྡོ་རྗེ་ཁུ་ཚུར་གཉིས་བཅིངས་ནས། མཐེའུ་ཆུང་གཅིག་ལ་གཅིག་སྦྲེལ་ཏེ། མཛུབ་མོ་གཉིས་རྩེ་སྦྱར་ནས་རྩེ་མོ་བཟློག་སྟེ། སྤྱི་གཙུག་ཏུ་གཞག་པ་ནི་གཙུག་ཏོར་གྱི་ཕྱག་རྒྱ་སྟེ། སྔགས་ལ་ཨོཾ་ཧཱུྃ་བནྡྷ་ཧཱུྃ། ཞེས་ཀྱང་སྨྲོས། རྡོ་རྗེ་གཙུག་
ཏོར་ཉིད་ཟླུམ་པོར་བྱས་པ་ནི་རྡོ་རྗེ་ཞགས་པའི་ཕྱག་རྒྱ་སྟེ་སྔགས་ལ་ཧྲཱིཿབཛྲ་པཱ་ཤ་ཧཱུཾ། དེ་ནས་རྡོ་རྗེ་བ་དན་གྱིས་ནུབ་ཕྱོགས་བཅིང་བར་བྱ་སྟེ། རྡོ་རྗེ་བསྡམས་པ་བཅིངས་ལ་མཐེ་བོ་གཉིས་སེམས་དཔའི་སྐྱིལ་མོ་ཀྲུང་དུ་བྱ། མཛུབ་མོ་གཉིས་དང་མཐེའུ་ཆུང་གཉིས་བརྐྱང་པ་འདི་ནི་
རྡོ་རྗེ་བ་དན་གྱི་ཕྱག་རྒྱ་སྟེ་སྔགས་ལ་ཨོཾ་བཛྲ་པ་ཏངྐི་པ་ཏངྐི་ནི་ར་ཊ། དེ་ནས་རྡོ་རྗེ་ནག་པོས་བྱང་དང་འོག་དང་སྟེང་དང་མཚམས་རྣམས་བཅིངས་ཏེ། རྡོ་རྗེ་ཐལ་མོ་སྦྱར་བ་བཅིངས་ལ་མཐེ་བོ་བརྐྱང་སྟེ། མཛུབ་མོ་གཉིས་མཆེ་བ་འདྲ་བར་བྱས་པ་ནི་རྡོ་རྗེ་ནག་པོའི་ཕྱག་རྒྱ་སྟེ། སྔགས་
ལ་ཧྲཱིཿབཛྲ་ཀཱ་ལི་རུ་ཊ་མ་ཊ། དེ་ནས་རྡོ་རྗེ་རྩེ་མོས་ལྷོ་ཕྱོགས་བཅིངས་ཏེ། རྡོ་རྗེ་ཁུ་ཚུར་གཉིས་བཅིངས་ལ། རྩེ་མོ་ལྟར་སྟེང་དུ་གཞག་པ་ནི་རྡོ་རྗེ་རྩེ་མོའི་ཕྱག་རྒྱ་སྟེ། སྔགས་ལ་ཨོཾ་བཛྲ་ཤི་ཥ་རེ་རུ་ཊ་མ་ཊ། དེ་ནས་རྡོ་རྗེ་སྤྱན་གྱི་སྔགས་དང་ཕྱག་རྒྱ་དང་རྡོ་རྗེ་མེ་ལྟར་རབ་ཏུ་འབར་
བས་བགེགས་བཅིང་བར་བྱ་སྟེ། རྡོ་རྗེ་བསྡམས་པ་བྱས་ལ། མཐེ་བོ་གཉིས་བརྐྱང་སྟེ་མཉམ་པོར་གཞག་པ་ནི། རྡོ་རྗེ་སྤྱན་གྱི་ཕྱག་རྒྱ་སྟེ། སྔགས་ལ་ཨོཾ་བཛྲ་ནཻ་ཏྲི་བནྡྷ་སརྦྦ་བིགྷྣཱཾ་རྡོ་རྗེ་བསྡམས་པ་བཅིངས་ལ་མཐེ་བོ་གཉིས་བརྐྱང་པ་ནི་རྡོ་རྗེ་ཏི་རཱིནྟི་རིའི་ཕྱག་རྒྱ་སྟེ། འདིས་

62-1-177a

སྤྱི་བོ་ནས་བརྩམས་ཏེ་བདག་ཉིད་དབང་བསྐུར་བ་བྱས་ལ་དར་དཔྱངས་པའི་ཚུལ་དུ་བཀྲོལ་ནས་མཉམ་པའི་ཐལ་མོས་མཉེས་པར་བྱའོ། །རྡོ་རྗེ་ཁུ་ཚུར་གཉིས་བཅིངས་ལ། །རྡོ་རྗེ་ཁུ་ཚུར་གཡོན་པ་སྙིང་གར་གཞག །རྡོ་རྗེ་ཁུ་ཚུར་གཡས་པ་བསོར་བའི་
ཚུལ་དུ་གཞག་པ་ནི་རྡོ་རྗེ་མེ་ལྟར་རབ་ཏུ་འབར་བའི་ཕྱག་རྒྱ་སྟེ། བཅོམ་ལྡན་འདས་རྡོ་རྗེ་མེ་ལྟར་རབ་ཏུ་འབར་བས་བདུད་ལ་སོགས་པའི་བགེགས་ཐམས་ཅད་བསྲེགས་པ་དང་འཚེད་པ་དང་ཐལ་བར་བྱེད་པ་ལ་སོགས་པ་ལ་ཁྱབ་པར་བྱས་ཏེ། སྔགས་ལ་ཨོཾ་བཛྲ་ཛྭཱ་ལ་ཨ་ན་ལཱརྐ་ཧཱུྃ། 
རྡོ་རྗེ་ལས་ཀྱི་ཕྱག་རྒྱ་བཅིངས་ལ། གཡས་ནས་བསྐོར་བས་ཕྱོགས་བཅིངས་ཤིང་། དཀྱིལ་འཁོར་བཅིང་བ་བྱས་ནས་རྡོ་རྗེ་ཧཱུྃ་མཛད་ཀྱི་སྟེང་དུ་རྡོ་རྗེ་ར་བ་བྱས་ན་དཀྱིལ་འཁོར་བཅིང་བ་བྱས་པར་འགྱུར་རོ། །དེ་ནས་ས་གཞི་བཅིང་བར་བྱ་སྟེ། རྡོ་རྗེ་བསྡམས་པ་ཁ་ཐུར་དུ་བསྟན་
དེ་ས་ལ་བཞག་ནས་སའི་གཞི་རྣམས་རྡོ་རྗེའི་རང་བཞིན་དུ་འགྱུར་ཏེ། རང་བཞིན་ངན་པ་རྣམས་ཀྱིས་འཇུག་པར་དཀའ་བར་འགྱུར་རོ། །སྔགས་ནི་ཨོཾ་བཛྲ་དྲྀ་ཌྷོ་མེ་བྷཱ་བ་རཀྵ་སརྦྦཾ་སྭཱ་ཧཱ། ཞེས་པ་འདིས་ས་བཅིང་བར་བྱའོ། །དེ་ནས་རྡོ་རྗེ་གནོད་སྦྱིན་གྱི་ཕྱག་རྒྱས་ནམ་མཁའ་
བཅིང་བར་བྱ་སྟེ། རྡོ་རྗེ་གནོད་སྦྱིན་གྱི་ཕྱག་རྒྱ་ནི་རྡོ་རྗེ་ནག་མོའི་ཕྱག་རྒྱ་ཉིད་དོ། །སྔགས་ནི་ཨོཾ་བཛྲ་ཡཀྵ་ཧཱུྃ། དེ་ནས་རྡོ་རྗེ་འཇིགས་བྱེད་ཀྱི་མིག་གི་ཕྱག་རྒྱས་སྟེང་བཅིང་བར་བྱ་སྟེ། རྡོ་རྗེ་ཁུ་ཚུར་གཉིས་བཅིངས་ལ་མགལ་མེ་བསྐོར་བའི་ཚུལ་དུ་བསྐོར་ཏེ་མགོ་བོའི་
སྟེང་དུ་མཛུབ་མོ་ལྕགས་ཀྱུ་འདྲ་བར་གཞག་པ་ནི་རྡོ་རྗེ་འཇིགས་བྱེད་ཀྱི་སྤྱན་གྱི་ཕྱག་རྒྱའོ། །སྔགས་ནི་ཨོཾ་ཧུ་ལུ་ཧུ་ལུ་ཧཱུྃ་ཕཊ། དེ་ནས་རྡོ་རྗེ་བསྡམས་པས་རྡོ་རྗེའི་དྲ་བ་བྱ་སྟེ། རྡོ་རྗེ་བསྡམས་པ་ནི་རྡོ་རྗེ་བསྡམས་པའི་ཕྱག་རྒྱའོ། །སྔགས་ནི་ཨོཾ་བཛྲ་བནྡྷ། དེ་ནས་དོགས་
པ་མེད་པར་གྱུར་པར་བྱས་ནས་མཆོད་པ་བྱ་སྟེ། རྡོ་རྗེ་ཐལ་མོ་བརྐྱང་ནས་ལུས་ཐམས་ཅད་ཀྱིས་ཕྱག་བྱའོ། །ཨོཾ་སརྦྦ་ཏ་ཐཱ་ག་ཏ་པཱུ་ཛ་པསྠ་ནཱ་ཡ། ཨཏྨ་ནཱཾ་ནིརྱཱ་ཏ་ཡཱ་མི། སརྦ་ཏ་ཐཱ་ག་ཏ་བཛྲ་སཏྭ་ཨ་དྷི་ཏིཥྛ་སྭ་མཱཾ། དེ་ནས་དེ་བཞིན་དུ་གནས་ལ་རྡོ་རྗེ་ཐལ་མོ་སྙིང་གར་གཞག་

62-1-177b

སྟེ་དཔྲལ་བས་ཕྱག་བྱ་སྟེ། ཨོཾ་སརྦ་ཏ་ཐཱ་ག་ཏ་པཱུ་ཛ་ཨ་བྷི་ཥེ་ཀཱ་ཡ་ཨཱཏྨ་ནཱཾ་ནིརྱཱ་ཏ་ཡཱ་མི། སརྦ་ཏ་ཐཱ་ག་ཏ་བཛྲ་རཏྣ་ཨ་བྷི་ཥིཉྩ་མཱཾ། དེ་ནས་རྡོ་རྗེ་ཐལ་མོ་སྤྱི་བོར་བཞག་ལ་ཁས་ཕྱག་བྱའོ། །ཨོཾ་སརྦ་ཏ་ཐཱ་ག་ཏ་པཱུ་ཛ་པྲ་བརྟ་ན་ཡ་ཨཱཏྨ་ནཱཾ་ནིརྱཱ་ཏ་ཡཱ་མི། སརྦ་ཏ་ཐཱ་ག་ཏ་བཛྲ་དྷརྨྨ་པྲ་བརྟ་
ཡ་མཱཾ། དེ་ནས་དེ་བཞིན་དུ་རྡོ་རྗེ་ཐལ་མོ་སྤྱི་བོ་ནས་ཕབ་སྟེ། སྙིང་གར་བཞག་ནས་མགོས་ཕྱག་བྱ་སྟེ། ཨོཾ་སརྦ་ཏ་ཐཱ་ག་ཏ་པཱུ་ཛ་ཀརྨྨ་ཎི་ཨཱཏྨ་ནཱཾ་ནིརྱཱ་ཏ་ཡཱ་མི། སརྦྦ་ཏ་ཐཱ་ག་ཏ་བཛྲ་ཀརྨྨ་ཀུ་རུ་མཱཾ། དེས་ནི་མཆོད་པ་བྱེ་བ་བྱས་པར་འགྱུར་རོ། །ལག་པ་གཉིས་རྡོ་རྗེ་བསྡམས་པ་བཅིངས་
ལ། པུས་མོ་གཉིས་ས་ལ་བཙུགས་ཏེ། སྤྱི་བོ་ས་ལ་གཏུགས་པ་ནི་ཕྱག་བྱ་བའི་ཕྱག་རྒྱ་སྟེ། སྔགས་ནི་ཨོཾ་སརྦ་ཏ་ཐཱ་ག་ཏ་ཀཱ་ཡ་བཱཀ་ཙིཏྟ་པཱ་ད་བནྡྷ་ནཾ་ཀ་རོ་མི་ཞེས་བྱའོ། །བདུག་སྤོས་ཀྱི་ཕྱག་རྒྱ་བཅིངས་ལ། ལྷའི་བདུག་པའི་མཆོད་པ་རྣམས་དྲན་བཞིན་དུ་སྔགས་འདི་བརྗོད་དོ། །
ཨོཾ་སརྦ་ཏ་ཐཱ་ག་ཏ་དྷཱུ་པེ་པཱུ་ཛ་མེ་གྷ་ས་མུ་དྲ་སྥ་ར་ཎ་ས་མ་ཡེ་ཧཱུྃ། དེ་ནས་མེ་ཏོག་གི་ཕྱག་རྒྱ་བཅིངས་ལ། ཐང་ལས་སྐྱེས་པ་དང་ཆུ་ལས་སྐྱེས་པའི་མེ་ཏོག་གི་སྤྲིན་རྣམས་སྤྲོས་ཏེ། ཨོཾ་སརྦྦ་ཏ་ཐཱ་ག་ཏ་པུཥྤེ་པཱུ་ཛ་མེ་གྷ་ས་མུ་དྲ་སྥ་ར་ཎ་ས་མ་ཡེ་ཧཱུྃ། དེ་ནས་མར་མེའི་ཕྱག་རྒྱ་བཅིངས་ལ། ཉི་
མའི་སྣང་བ་དབུལ་བར་བྱ་སྟེ། ཨོཾ་སརྦྦ་ཏ་ཐཱ་ག་ཏ་ཨཱ་ལོ་ཀེ་པཱུ་ཛ་མེ་གྷ་ས་མུ་དྲ་སྥ་ར་ཎ་ས་མ་ཡེ་ཧཱུྃ། བྱུག་པའི་ཕྱག་རྒྱ་བཅིངས་ལ། ལྷ་ལ་སོགས་པའི་སྤོས་ཀྱི་སྤྲིན་རྣམས་དབུལ་བར་བྱ་སྟེ། ཨོཾ་སརྦ་ཏ་ཐཱ་ག་ཏ་གནྡྷེ་པཱུ་ཛ་མེ་གྷ་ས་མུ་དྲ་སྥ་ར་ཎ་ས་མ་ཡེ་ཧཱུྃ། དེ་ནས་རིན་པོ་ཆེའི་བྱེ་
བྲག་ལ་སོགས་པ་རྣམས་དབུལ་ཏེ། ཨོཾ་སརྦྦ་ཏ་ཐཱ་ག་ཏ་བོ་དྷྱཾ་ག་རཏྣ་ལཾ་ཀཱ་ར་པཱུ་ཛ་མེ་གྷ་ས་མུ་དྲ་སྥ་ར་ཎ་ས་མ་ཡེ་ཧཱུྃ། དེ་ནས་རྩེད་མོའི་བདེ་བ་ཐམས་ཅད་དབུལ་ཏེ། ཨོཾ་སརྦ་ཏ་ཐཱ་ག་ཏ་ཧཱ་སྱ་ལཱ་སྱ་ཀྲྀ་ཌ་ར་ཏི་སཽ་ཁྱ་ཨ་ནུཏྟ་ར་པཱུ་ཛ་མེ་གྷ་ས་མུ་དྲ་སྥ་ར་ཎ་ས་མ་ཡེ་ཧཱུྃ། དེ་ནས་གོས་ཀྱི་མཆོད་
པ་རྣམས་དབུལ་ཏེ། ཨོཾ་སརྦྦ་ཏ་ཐཱ་ག་ཏ་བོ་དྷྱ་ལཾ་ཀ་ར་བསྟྲ་པཱུ་ཛ་མེ་གྷ་ས་མུ་དྲ་སྥ་ར་ཎ་ས་མ་ཡེ་ཧཱུྃ། དེ་ནས་ཏིང་ངེ་འཛིན་གྱི་ཕྱག་རྒྱ་བཅིངས་ཏེ། སེམས་ཅན་ཐམས་ཅད་ཀྱི་ཚངས་པ་ཆེན་པོའི་གནས་བཞི་ཐོབ་པར་གྱུར་ཅིག་ཅེས་བརྗོད་ལ་དེ་དབུལ་ཏེ། ཨོཾ་སརྦ་ཏ་ཐཱ་ག་ཏ་ཙ་ཏུ་ར་མ་ཧཱ་

62-1-178a

བྲཧྨ་བི་ཧ་ར་པཱུ་ཛ་མེ་གྷ་ས་མུ་དྲ་སྥ་ར་ཎ་ས་མ་ཡེ་ཧཱུྃ། དེ་ནས་རྡོ་རྗེ་བསྙེམས་པའི་ཕྱག་རྒྱ་བཅིངས་ཏེ། སེམས་ཅན་ཐམས་ཅད་ཀྱང་བྱང་ཆུབ་ཀྱི་སེམས་ལ་གནས་པར་གྱུར་ཅིག་ཅེས་བརྗོད་ནས་དེ་དབུལ་ཏེ། ཨོཾ་སརྦྦ་ཏ་ཐཱ་ག་ཏ་བོ་དྷི་ཙིཏྟ་པཱུ་ཛ་མེ་གྷ་ས་མུ་དྲ་སྥ་ར་ཎ་ས་
མ་ཡེ་ཧཱུྃ། སེམས་ཅན་ཐམས་ཅད་སྦྱིན་པའི་ཕ་རོལ་ཏུ་ཕྱིན་པ་དང་ལྡན་པར་གྱུར་ཅིག་ཅེས་བརྗོད་ལ་དེ་དབུལ་ཏེ། ཨོཾ་སརྦ་ཏ་ཐཱ་ག་ཏ་བཛྲོད་བྷ་བཱ་དཱ་ན་པཱ་ར་མི་ཏཱ་པཱུ་ཛ་མེ་གྷ་ས་མུ་དྲ་སྥ་ར་ཎ་ས་མ་ཡེ་ཧཱུྃ། སྦྱིན་པའི་ཕ་རོལ་ཏུ་ཕྱིན་པའི་ཕྱག་རྒྱ་ནི་རྡོ་རྗེ་སྒེག་མོའི་ཕྱག་རྒྱའོ། །སེམས་ཅན་
ཐམས་ཅད་ཚུལ་ཁྲིམས་ཀྱི་ཕ་རོལ་ཏུ་ཕྱིན་པ་དང་ལྡན་པར་གྱུར་ཅིག་ཅེས་བརྗོད་ལ་དེ་དབུལ་ཏེ། ཨོཾ་སརྦ་ཏ་ཐཱ་ག་ཏ་མ་ཧཱ་བོ་དྷ་དྱ་ཧ་ར་ཤཱི་ལ་པཱ་ར་མི་ཏཱ་པཱུ་ཛ་མེ་གྷ་ས་མུ་དྲ་སྥ་ར་ཎ་ས་མ་ཡེ་ཧཱུྃ། ཚུལ་ཁྲིམས་ཀྱི་ཕ་རོལ་ཏུ་ཕྱིན་པའི་ཕྱག་རྒྱ་ནི་རྡོ་རྗེ་ཕྲེང་བ་མའི་ཕྱག་རྒྱའོ། །སེམས་ཅན་
ཐམས་ཅད་བཟོད་པའི་ཕ་རོལ་ཏུ་ཕྱིན་པ་དང་ལྡན་པར་གྱུར་ཅིག་ཅེས་བརྗོད་ལ་དེ་དབུལ་ཏེ། ཨོཾ་སརྦྦ་ཏ་ཐཱ་ག་ཏ་དྷརྨྨ་ཨ་བ་བོ་དྷི་ཀྵན་ཏི་པཱ་ར་མི་ཏཱ་པཱུ་ཛ་མེ་གྷ་ས་མུ་དྲ་སྥ་ར་ཎ་ས་མ་ཡེ་ཧཱུྃ། བཟོད་པའི་ཕ་རོལ་ཏུ་ཕྱིན་པའི་ཕྱག་རྒྱ་ནི་རྡོ་རྗེ་གླུ་མཁན་མའི་ཕྱག་རྒྱའོ། །སེམས་ཅན་ཐམས་ཅད་
འཁོར་བ་ཡོངས་སུ་སྤོང་བའི་བརྩོན་འགྲུས་ཀྱི་ཕ་རོལ་ཏུ་ཕྱིན་པ་དང་ལྡན་པར་གྱུར་ཅིག་ཅེས་བརྗོད་ལ་དེ་དབུལ་ཏེ། ཨོཾ་སརྦ་ཏ་ཐཱ་ག་ཏ་སན་སཱ་རཱ་པཱ་རི་ཏྱཾ་ཀ་བཱིརྱ་པཱ་ར་མི་ཏཱ་པཱུ་ཛ་མེ་གྷ་ས་མུ་དྲ་སྥ་ར་ཎ་ས་མ་ཡེ་ཧཱུྃ། བརྩོན་འགྲུས་ཀྱི་ཕ་རོལ་ཏུ་ཕྱིན་པའི་ཕྱག་རྒྱ་ནི་རྡོ་རྗེ་གར་མཁན་
མའི་ཕྱག་རྒྱའོ། །སེམས་ཅན་ཐམས་ཅད་བསམ་གཏན་བཞི་དང་ལྡན་ཞིང་སེམས་ཞི་བར་གྱུར་ཅིག་ཅེས་བརྗོད་ལ། བདག་གིས་བསམ་གཏན་སངས་རྒྱས་ཐམས་ཅད་ལ་དབུལ་ཏེ། ཨོཾ་སརྦ་ཏ་ཐཱ་ག་ཏ་སཽ་ཁྱ་བི་ཧཱ་ར་དྱ་ན་པཱ་ར་མི་ཏཱ་པཱུ་ཛ་མེ་གྷ་ས་མུ་དྲ་སྥ་ར་ཎ་ས་མ་ཡེ་ཧཱུྃ། བསམ་
གཏན་གྱི་ཕ་རོལ་ཏུ་ཕྱིན་པའི་ཕྱག་རྒྱ་ནི་རྡོ་རྗེ་མེ་ཏོག་མའི་ཕྱག་རྒྱའོ། །སེམས་ཅན་ཐམས་ཅད་ཉོན་མོངས་པ་དང་བྲལ་བའི་ཤེས་རབ་ཀྱི་ཕ་རོལ་ཏུ་ཕྱིན་པ་རྟོགས་པར་ཁོང་དུ་ཆུད་པ་དང་ལྡན་པར་གྱུར་ཅིག་ཅེས་བརྗོད་ལ། སངས་རྒྱས་ཐམས་ཅད་ལ་མཆོད་པའི་ཕྱིར་དེ་དྲན་པར་བྱ་སྟེ། 

62-1-178b

ཨོཾ་སརྦ་ཏ་ཐཱ་ག་ཏ་ཀླེ་ཤ་ཙྪེ་ད་ས་མནྟ་པྲཛྙཱ་པཱ་ར་མི་ཏཱ་པཱུ་ཛ་མེ་གྷ་ས་མུ་དྲ་སྥ་ར་ཎ་ས་མ་ཡེ་ཧཱུྃ། ཤེས་རབ་ཀྱི་ཕ་རོལ་ཏུ་ཕྱིན་པའི་ཕྱག་རྒྱ་ནི་རྡོ་རྗེ་བདུག་པ་མའི་ཕྱག་རྒྱའོ། །བདག་ཉིད་འཇིག་རྟེན་གྱི་ཁམས་ཐམས་ཅད་ཀྱི་ཚད་དང་མཉམ་པར་བསམས་ལ་བཏུད་པར་བྱ་སྟེ། ཨོཾ་སརྦ་ཏ་ཐཱ་ག་
ཏ་ཀཱ་ཡ་ནིརྱཱ་ཏ་ན་པཱུ་ཛ་མེ་གྷ་ས་མུ་དྲ་སྥ་ར་ཎ་ས་མ་ཡེ་ཧཱུྃ། འཇིག་རྟེན་གྱི་ཁམས་ཐམས་ཅད་ཀྱི་ཚད་དང་མཉམ་པའི་ལྕེ་བསམས་ལ་བསྟོད་པས་མཆོད་པ་བྱ་སྟེ། ཨོཾ་སརྦ་ཏ་ཐཱ་ག་ཏ་བཱཀ་པྲ་བརྟ་ན་པཱུ་ཛ་མེ་གྷ་ས་མུ་དྲ་སྥ་ར་ཎ་ས་མ་ཡེ་ཧཱུྃ། བསོད་ནམས་དེ་རྣམས་བསྡུས་ལ་སེམས་
ཅན་ཐམས་ཅད་ལ་ཉེ་བར་བསྔོ་བར་བྱ་སྟེ། ཨོཾ་སརྦྦ་ཏ་ཐཱ་ག་ཏ་ཙིཏྟ་ནིརྱཱ་ཏ་ན་པཱུ་ཛ་མེ་གྷ་ས་མུ་དྲ་སྥ་ར་ཎ་ས་མ་ཡེ་ཧཱུྃ། མཆོད་པ་ཉི་ཤུ་རྫོགས་སོ། །དེ་ལྟར་མཆོད་པ་བྱས་ནས་དམ་ཚིག་དང་སྡོམ་པ་བླང་བར་བྱ་སྟེ། སངས་རྒྱས་དང་བྱང་ཆུབ་སེམས་དཔའ་ཐམས་ཅད་བདག་
ལ་དགོངས་སུ་གསོལ། བདག་མིང་འདི་ཞེས་བགྱི་བ་དུས་འདི་ནས་བཟུང་སྟེ། བྱང་ཆུབ་ཀྱི་སྙིང་པོ་ལ་མཆིས་ཀྱི་བར་དུ། ཇི་ལྟར་དུས་གསུམ་མགོན་པོ་རྣམས། །བྱང་ཆུབ་ཏུ་ནི་ངེས་བྱས་པའི། །བྱང་ཆུབ་སེམས་ནི་བླ་མེད་པ། །དམ་པ་བདག་གིས་བསྐྱེད་པར་
བགྱི། །སངས་རྒྱས་རྣལ་འབྱོར་སྡོམ་པ་ལ། །ཚུལ་ཁྲིམས་ཀྱི་ནི་བསླབ་པ་དང་། །དགེ་བའི་ཆོས་ནི་བསྡུ་བ་དང་། །སེམས་ཅན་དོན་བྱེད་ཚུལ་ཁྲིམས་གསུམ། །དེ་བཞིན་བརྟན་པར་གཟུང་བར་བགྱི། །སངས་རྒྱས་ཆོས་དང་དགེ་འདུན་ཏེ། །བླ་ན་མེད་པའི་དཀོན་
མཆོག་གསུམ། །དེང་ནས་བརྩམས་ཏེ་གཟུང་བར་བགྱི། །ནམ་དུ་ཡང་ནི་མི་སྤོང་ངོ་། །རྡོ་རྗེ་རིགས་མཆོག་ཆེན་པོ་ལ། །རྡོ་རྗེ་དྲིལ་བུ་ཕྱག་རྒྱ་ཡང་། །ཡང་དག་ཉིད་དུ་གཟུང་བར་བགྱི། །སློབ་དཔོན་དག་ཀྱང་གཟུང་བར་བགྱི། །རིན་ཆེན་རིགས་མཆོག་ཆེན་པོ་ཡི། །དམ་
ཚིག་ཡིད་དུ་འོང་བ་ལ། །ཉིན་རེ་ཞིང་ནི་དུས་དྲུག་ཏུ། །སྦྱིན་པ་རྣམ་བཞི་རབ་ཏུ་སྦྱིན། །བྱང་ཆུབ་ཆེན་པོ་ལས་བྱུང་བ། །པདྨའི་རིགས་མཆོག་དམ་པ་ལ། །ཕྱི་ནང་གསང་བ་ཐེག་པ་གསུམ། །དམ་པའི་ཆོས་ནི་གཟུང་བར་བགྱི། །ལས་ཀྱི་རིགས་མཆོག་

62-1-179a

ཆེན་པོ་ལ། །སྡོམ་པ་ཐམས་ཅད་ལྡན་པ་ནི། །ཡང་དག་ཉིད་དུ་གཟུང་བར་བགྱི། །མཆོད་པའི་ལས་ཀྱང་ཅི་ནུས་བགྱི། །བྱང་ཆུབ་སེམས་ནི་བླ་མེད་པ། །དམ་པ་བདག་གིས་བསྐྱེད་ནས་ནི། །སེམས་ཅན་རྣམས་ཀྱི་དོན་གྱི་ཕྱིར། །བདག་གིས་སྡོམ་པ་
མ་ལུས་གཟུང་། །མ་བརྒལ་བ་རྣམས་བསྒྲལ་བར་བགྱི། །མ་གྲོལ་བ་རྣམས་དགྲོལ་བར་བགྱི། །དབུགས་མ་ཕྱིན་པ་དབུགས་དབྱུང་ཞིང་། །སེམས་ཅན་མྱ་ངན་འདས་གཞག་བགྱི། །སྡོམ་པའི་ཆོ་གའོ། །དེ་ནས་རྡོ་རྗེ་སློབ་དཔོན་གྱིས། དམ་ཚིག་མཆོག་གི་ཕྱག་རྒྱ་
ནི། །ཆོ་ག་བཞིན་བཅིངས་ཞུགས་ནས་ཀྱང་། །སྥོ་ཊའི་ཕྱག་རྒྱས་དབབ་པར་བགྱི། །དེ་ལ་དམ་ཚིག་མཆོག་གི་ཕྱག་རྒྱ་ནི་འདི་ཡིན་ཏེ། ཟླ་བ་ལྟ་བུའི་ལག་གཉིས་ཀྱི། །གུང་མོ་བཏང་བར་གྱུར་པ་ཡི། །མཐེ་བོ་མཐེའུ་ཆུང་སོ་སོར་བསྒྲེང་། །སེམས་དཔའི་རྡོ་རྗེ་རྡོ་རྗེ་བསྒྲེང་། །ཤར་
ཕྱོགས་ཀྱི་སྒོར་རྡོ་རྗེ་ལྕགས་ཀྱུའི་ཕྱག་རྒྱ་བཅིངས་ལ། གསང་སྔགས་འདི་བརྗོད་པར་བྱའོ། །བཛྲ་ཨཾ་ཀུ་ཤ་ཛཿ། ལྷོ་ཕྱོགས་ཀྱི་སྒོར་རྡོ་རྗེ་ཞགས་པས་བསྐུལ་བར་བྱ་སྟེ། བཛྲ་པཱ་ཤ་ཧཱུྃ། ནུབ་ཕྱོགས་ཀྱི་སྒོར་རྡོ་རྗེ་ལྕགས་སྒྲོག་རྗེས་སུ་དྲན་པར་བྱ་སྟེ། བཛྲ་སྥོ་ཊ་བཾ། བྱང་
ཕྱོགས་ཀྱི་སྒོར་རྡོ་རྗེ་དྲིལ་བུ་བརྗོད་པར་བྱ་སྟེ། བཛྲ་ཨཱ་བེ་ཤ་ཨཿ། རྡོ་རྗེ་འབེབས་པ་རྗེས་སུ་དྲན་པས་བསྐོར་བ་ལན་གསུམ་བྱའོ། །ཨོཾ་བཛྲ་བེ་གཱ་ཀྲ་མ་ཧཱུྃ། རྡོ་རྗེ་སེམས་མའི་སྙིང་པོ་ནི། ས་མ་ཡ་སྟྭཾ་ཨོཾ་ས་མ་ཡ་ཧཱུྃ། སྙིང་པོ་འདིས་སྦྱིན་སྲེག་གི་ཁང་པར་རྟག་ཏུ་འཇུག་པར་བྱའོ། །
ཨོཾ་ས་མ་ཡ་པྲ་བེ་ཤ་ཡ་མི་ཧཱུྃ། ཨོཾ་པདྨ་སྥོ་ཊ་ཨ་དྷི་ཏིཥྛ་སྭ་བ་ཨ། གསང་སྔགས་འདི་དང་། རྡོ་རྗེ་སེམས་མའི་ཕྱག་རྒྱ་བཅིང་བ་སྦྱར་བ་བྱས་ལ་ཡེ་ཤེས་བསྐྱེད་པར་བྱའོ། །ཨ་ཞེས་བྱ་བ་ལན་བརྒྱ་བཟླས་ན་བབ་པར་འགྱུར་རོ། །ཐེག་པ་ཆེན་པོ་མངོན་པར་རྟོགས་པ་ཡང་ཅི་འདོད་
པར་བཟླས་པར་བྱའོ། །གསོལ་བ་བཏབ་ལ། ཕྱག་རྒྱ་དེ་སྙིང་གར་བཅིངས་ནས། སྙིང་པོ་འདིས་དགྲོལ་བར་བྱའོ། །ཨོཾ་ཏིཥྛ་བཛྲ་དྲྀ་ཌྷོ་མེ་བྷ་བ། སུ་ཏོ་ཥྱོ་མེ་བྷ་བ། ཤཱ་ཤྭ་ཏོ་མེ་བྷ་བ། ཨ་ནུ་རཀྟོ་མེ་བྷ་བ། སུ་པོ་ཥྱོ་མེ་བྷ་བ། ཧྲྀ་ད་ཡ་མེ་ཨ་དྷི་ཏིཥྛ་སརྦ་སིདྡྷི་མྨེ་པྲ་ཡཙྪ། 

62-1-179b

སརྦ་ཀརྨྨ་སུ་ཙ་མེ་ཙིཏྟཾ་ཤྲེ་ཡཿཀུ་རུ་ཧཱུྃ་ཧ་ཧ་ཧ་ཧ་ཧོཿ། དེ་ནས་ཕྲེང་བ་དེ་ཐབ་ཁུང་དུ་སྙིང་པོ་འདིས་དོར་བར་བྱའོ། །ཨོཾ་པྲ་ཏཱིཙྪ་བཛྲ་ཧོཿདེ་ནས་ཕྲེང་བ་དེ་རང་གི་མགོ་ལ་སྙིང་པོ་འདིས་བཅིང་བར་བྱའོ། །པྲ་ཏཱི་གྲྀཧྞ་སྭཱ་མི་མཾ་སཏྭ་མཧཱ་བ་ལ། དེ་ནས་སྙིང་པོ་འདིས་རང་གི་གདོང་གཡོགས་དགྲོལ་
བར་བྱའོ། །ཨོཾ་བཛྲ་སཏྭ་སྭ་ཡཾ་ཏེ་དྷྱ། ཙཀྵུ་ཨུདྡྷ་ཊ་ན་ཏ་དྷ་བ་ར། ཨུདྡྷ་ཊ་ཡ་ཏེ་སརྦྦ་ཀྵོ་བཛྲ་ཙཀྵུ་ར་ཨ་ནུཏྟ་ར་མ་ཧེ་བཛྲ་པཱ་ཤྱ་དེ་ནས་རྡོ་རྗེས་བྱིན་གྱིས་བརླབས་པའི་བུམ་པའི་སྤོས་ཆུ་དང་། སྙིང་པོ་འདིས་བདག་ཉིད་དབང་བསྐུར་བར་བྱའོ། །ཨོཾ་བཛྲ་ཨ་བྷི་ཥིཉྩ། དེ་ནས་རྡོ་རྗེ་དབྱིངས་
ཀྱི་དབང་ཕྱུག་མ་ལ་སོགས་པའི་སངས་རྒྱས་ཀྱི་ཕྱག་རྒྱ་རྣམས་ཀྱིས་བདག་ཉིད་དབང་བསྐུར་བར་བྱའོ། །དེ་ལ་དེ་རྣམས་ཀྱི་ཕྱག་རྒྱ་ནི་འདི་ཡིན་ཏེ། མཐེ་བོ་གཉིས་ནི་བསྣོལ་ནས་ནི། །མཛུབ་མོ་རྩེ་མོ་བཀུག་ནས་ནི། །གུང་མོ་མཉམ་པའི་ཚིགས་སུ་སྦྱར། །རྡོ་རྗེ་དབྱིངས་ཀྱི་དབང་
མོར་བཤད། །དེ་ཉིད་གུང་མོ་རྡོ་རྗེར་བྱ། །གུང་མོ་གཉིས་ནི་ནོར་བུར་བྱ། །པདྨོ་སྲིན་ལག་མཐེའུ་ཆུང་གུང་། །ལག་པའི་སོར་མོ་རབ་ཏུ་བརྐྱང་། །དེ་ལ་དེ་རྣམས་ཀྱི་རིག་པ་ནི་འདི་ཡིན་ཏེ། ཨོཾ་བཛྲ་དྷཱ་ཏི་ཤྭ་རི་ཧཱུྃ། ཨོཾ་བཛྲ་བཛྲི་ནི་ཧཱུྃ། ཨོཾ་རཏྣ་བཛྲི་ནི་ཧཱུྃ། ཨོཾ་དྷརྨྨ་བཛྲི་ནི་
ཧཱུྃ། ཨོཾ་ཀརྨ་བཛྲི་ནི་ཧཱུྃ། དེ་ནས་རང་གི་རྡོ་རྗེ་ལག་ཏུ་བཞག་ནས། འདི་སྐད་ཅེས་བརྗོད་པར་བྱའོ། །སངས་རྒྱས་རྣམས་ཀྱི་རྡོ་རྗེའི་དབང་། །དེ་རིང་ཁྱོད་ནི་བསྐུར་བར་འགྱུར། །སངས་རྒྱས་ཀུན་དུ་རབ་བསྒྲུབ་ཕྱིར། །རྡོ་རྗེ་འདི་ནི་ཁྱོད་ཀྱིས་ལོང་། །ཨོཾ་བཛྲ་ཨ་དྷི་པ་ཏི་ཏྭཾ། ཨ་བྷི་
ཥིཉྩ་མི་ཏིཥྛ་བཛྲ་ས་མ་ཡ་སྟྭཾ། དེ་ནས་སྙིང་པོ་འདིས་རྡོ་རྗེ་མིང་གི་དབང་བསྐུར་བས་དབང་བསྐུར་རོ། །ཨོཾ་བཛྲ་སཏྭ་ཏྭཾ་མ་ཧཱ་ཨ་བྷི་ཥིཉྩ་མཱཾ་བཛྲ་ན་མ་ཨ་བྷི་ཥེ་ཀ་ཏ་ཧེ་བཛྲ་ནཱ་མ། དེ་ནས་དེ་བཞིན་གཤེགས་པ་ཐམས་ཅད་ཀྱི་དངོས་གྲུབ་རྡོ་རྗེའི་བརྟུལ་ཞུགས་བླང་བར་བྱའོ། །འདི་ནི་
སངས་རྒྱས་ཐམས་ཅད་དེ། །རྡོ་རྗེ་སེམས་དཔའི་ལག་ན་འདུག །ཁྱོད་ཀྱིས་ཀྱང་ནི་རྟག་ཏུ་བཅང་། །ཕྱག་ན་རྡོ་རྗེའི་བརྟུལ་ཞུགས་བརྟན། །ཨོཾ་སརྦ་ཏ་ཐཱ་ག་ཏ་སིདྡྷི་བཛྲ་ས་མ་ཡ་ཏིཥྛ་ཨེ་ཥ་ཏྭཾ་དྷ་ར་ཡཱ་མི། བཛྲ་སཏྭ་ཧི་ཧི་ཧི་ཧི་ཧཱུྃ། བདག་ལ་བྱི་གྱིས་བརླབ་ལ་སོགས། །ཇི་

62-1-180a

ལྟ་བར་ནི་བཀའ་ནོད་དོ། །དེ་ལྟར་བགྱིས་ནས་བདག་མིང་བརྗོད། །དེ་ནས་རྡོ་རྗེ་བསྒྲུབ་པར་བགྱི། །ཞེས་གང་གསུངས་པ་དེ་སླར་ཡང་བཤད་པ་དེ་དག་ཡིན་ནོ། །རྡོ་རྗེ་སློབ་དཔོན་སེམས་དཔའ་ཡི། །རྡོ་རྗེ་ལྕགས་ཀྱུ་བཅིངས་ནས་ནི། །སེ་གོལ་མང་པོ་བརྡབ་
བགྱིས་ལ། །སངས་རྒྱས་ཐམས་ཅད་བསྡུ་བར་བགྱི། །ཛཿཧཱུྃ་བཾ་ཧོཿ། སྙིང་པོ་འདི་ལན་ཉི་ཤུ་རྩ་གཅིག་བཟླས་ན། དེས་སངས་རྒྱས་ཐམས་ཅད་སྲས་དང་བཅས་པ་དང་། འཁོར་གྱི་དཀྱིལ་འཁོར་དང་བཅས་པ་གཤེགས་པར་འགྱུར་ན། གཞན་རྣམས་ལྟ་སྨོས་ཀྱང་ཅི་དགོས། 
དེ་ནས་རྡོ་རྗེ་སེམས་དཔའ་ཡི། །ཕྱག་རྒྱ་ཆེན་པོ་སྒོམ་བྱེད་ཅིང་། །མིང་བརྒྱ་རྩ་བརྒྱད་དམ་པ་ནི། །ལན་ཅིག་རབ་ཏུ་བརྗོད་པར་བགྱི། །དེ་ནས་སྒོ་རྣམས་ཐམས་ཅད་དུ། །ལྕགས་ཀྱུ་ལ་སོགས་ལས་བགྱིས་ནས། །ལས་ཆེན་མཆོག་གི་ཕྱག་རྒྱ་ཡིན། །དམ་ཚིག་རྣམས་ནི་
གཞུག་པར་བགྱི། །དམ་ཚིག་མཆོག་གི་ཕྱག་རྒྱ་དང་། །སེམས་དཔའ་རྡོ་རྗེ་ལ་སོགས་པས། །དེ་ལྟར་སེམས་དཔའ་ཆེན་པོ་བསྒྲུབ། །ཛཿཧཱུཾ་བཾ་ཧོཿ། ཞེས་བརྗོད་ཅིང་། དེ་ནས་སངས་རྒྱས་ལ་སོགས་པ། །སེམས་དཔའ་ཆེན་པོ་ཀུན་བསྡུ་བར། །སྤྱན་དྲངས་ནས་ནི་རབ་ཏུ་
བཅུག །བཅིངས་ནས་དེ་ཡི་དབང་དུ་འགྱུར། །དེ་ནས་བདག་ཉིད་ཆེན་པོ་རྣམས། །གསང་བའི་མཆོད་པས་མཉེས་བགྱིས་ལ། །ཐམས་ཅད་དོན་ཀུན་འགྲུབ་པའི་ཕྱིར། །ཐམས་ཅད་མཛོད་ཅེས་གསོལ་བ་བགྱི། །དེ་ནས་སྦྱིན་སྲེག་གི་ཡོ་བྱད་ཐམས་ཅད་རྡོ་རྗེའི་རྩེ་མོའི་
སྔགས་ཀྱིས་བསངས་ལ་གཡས་ཕྱོགས་སུ་གཞག་གོ། །མཆོད་ཡོན་གྱི་སྣོད་ནི་གཡོན་དུ་བཞག་ནས། རྣམ་པར་སྣང་མཛད་ལ་སོགས་པ་དེ་བཞིན་གཤེགས་པ་ཐམས་ཅད་ཀྱིས་ཡེ་ཤེས་ཀྱི་ངོ་བོ་ཉིད་ཀྱི་གསང་སྔགས་ནི་འདིས་དགང་བླུགས་གསུམ་དབུལ་ལོ། །ཨོཾ་བཛྲ་
ཛྭ་ལ་ཨགྷེ། པྲ་དཱིཔྟ་ཨཱ་ཀཪྵ་ཡ་སརྦྦ་ཏ་ཐཱ་ག་ཏ་མ་ཧཱ་ས་མ་ཡ་བཛྲ་ཧཱུྃ་ཛཿདེ་ནས་ཞི་བའི་སྦྱིན་སྲེག་བྱ་སྟེ། བཅོམ་ལྡན་འདས་རྣམ་པར་སྣང་མཛད་ཐབ་ཀྱི་དབུས་སུ་ཇི་ལྟ་བ་བཞིན་དུ་བསྒོམས་ལ། བྱང་ཆུབ་མཆོག་གི་ཕྱག་རྒྱ་བཅིངས་ནས། ཏིལ་གྱི་སྲེག་བླུགས་

62-1-180b

དབུལ་ལོ། །ཡམ་ཤིང་དམར་པོ་རྣམས་ཀྱི་མེ། །རབ་སྦར་རྡོ་རྗེ་ཁྲོ་བོ་ཡི། །མཉམ་པར་གཞག་པར་སྙོམས་ཞུགས་པར། །ཏིལ་བསྲེགས་པས་ནི་སྡིག་བསྲེགས་ཤིང་། །གསང་སྔགས་ནི་འདིས་བྱ་སྟེ། ཨོཾ་སརྦྦ་པཱ་པཾ་ད་ཧ་ན་བཛྲཱ་ཡ་སྭཱ་ཧཱ། ཁྱིམ་རྒྱས་པར་འདོད་པས་
བཅོམ་ལྡན་འདས་རིན་ཆེན་འབྱུང་ལྡན་ཐབ་ཀྱི་དབུས་སུ་བསྒོམས་ལ། མར་གྱི་དགང་བླུགས་གསུམ་དབུལ་ལོ། །ཡམ་ཤིང་དེ་དག་ཉིད་ཀྱིས་ནི། །མེ་ནི་རབ་ཏུ་སྦར་ནས་ཀྱང་། །རྟག་ཏུ་འབྲས་ནི་སྲེག་བྱས་ན། །གདོན་མི་ཟ་བར་ཁྱིམ་རྒྱས་འགྱུར། །གསང་
སྔགས་ནི་འདིས་བྱ་སྟེ། ཨོཾ་བཛྲ་པུཥྚཱ་ཡེ་སྭཱ་ཧཱ། དེ་ནས་ཚེ་རིང་བར་འདོད་པས། བཅོམ་ལྡན་འདས་ཚེ་དཔག་ཏུ་མེད་པ་ཐབ་ཀྱི་དབུས་སུ་བསམས་ལ། མར་གྱི་དགང་བླུགས་གསུམ་དབུལ་ལོ། །ཡམ་ཤིང་དམར་པོ་རྣམས་ཀྱིས་ཀྱང་། །མཁས་པས་རྟག་ཏུ་མེ་སྦར་
ཏེ། །དཱུར་བའི་མྱུ་གུ་མར་བཅས་པས། །སྦྱིན་སྲེག་བྱས་ན་ཚེ་འཕེལ་འགྱུར། །གསང་སྔགས་ནི་འདིས་བྱ་སྟེ། ཨོཾ་བཛྲ་ཨཱ་ཡུ་ཥེ་སྭཱ་ཧཱ། དེ་ནས་བདག་གམ་གཞན་རྣམས་བསྲུང་བར་འདོད་པས། བཅོམ་ལྡན་འདས་དོན་ཡོད་གྲུབ་པ་ཐབ་ཀྱི་དབུས་སུ་བསྒོམས་ལ། 
ཏིལ་མར་གྱི་དགངས་བླུགས་གསུམ་དབུལ་ལོ། །ཡམ་ཤིང་དེ་དག་ཉིད་ཀྱིས་ནི། །མེ་ནི་རབ་ཏུ་སྦར་བྱས་ལ། །ཀུ་ཤའི་ཡལ་ག་འབྲུ་མར་གྱིས། །སྦྱིན་སྲེག་བྱས་ན་ངེས་པར་བསྲུང་། །གསང་སྔགས་ནི་འདིས་བྱ་སྟེ། ཨོཾ་ཨ་པྲ་ཏི་ཧ་ཏ་བཛྲཱ་ཡ་སྭཱ་ཧཱ། དེ་ནས་རང་གི་
ལྷ་ཐབ་ཀྱི་དབུས་སུ་བསམས་ལ་ཏིལ་དང་འབྲས་དང་མར་དང་དཱུར་བ་དང་ཏིལ་མར་དང་། ཀུ་ཤའི་མྱུ་གུ་ལ་སོགས་པ་དབུལ་བ་དང་། དགང་བླུགས་དང་པོ་དང་རྫོགས་ཁར་དབུལ་བར་བྱའོ། །ཞི་བ་ཕལ་ཆེར་སྲོད་ལ་བྱའོ། །རྒྱས་པ་སྔ་དྲོ་བྱ་བ་ཡིན། །མངོན་སྤྱོད་ཉི་མ་གུང་ལ་སྟེ། །
སྒྲུབ་པ་པོས་ནི་མདོར་བསྡུས་པའོ། །ཞི་ལ་ཁ་དོག་དཀར་པོ་སྟེ། །རྒྱས་ལ་སེར་པོར་སྣང་བ་ཡིན། །རྗེས་སུ་ཆགས་ལ་ཁ་དོག་དམར། །མངོན་སྤྱོད་ལ་ནི་སྔོ་དང་གནག །དེའི་དངོས་གྲུབ་ཀྱི་མཚན་མ་ནི་འདི་དག་ཡིན་ཏེ། རྡོ་རྗེ་ལྕགས་ཀྱུ་མདའ་དགུ་དང་། །རིན་ཆེན་ཉི་མ་རྒྱལ་

62-1-181a

མཚན་འཛུམ། །པདྨ་རལ་གྲི་འཁོར་ལོ་གཟུང་། །ལས་དང་གོ་ཆ་འཇིགས་བྱེད་བཅང་། །ཞེས་བྱ་བ་ལ་སོགས་པ་དང་། །དཱུར་བ་དང་དྲིའི་མཚན་མར་གྱུར་པ་རྣམས་ཏེ་དེ་རྣམ་པར་མཐོང་ནས། དགང་བླུགས་ཕུལ་ལ་སྦྱིན་སྲེག་བྱའོ། །སྦྱིན་སྲེག་གི་ལྷ་རྣམས་ཚིམ་པར་
བྱས་ནས་བྱ་བ་ཐམས་ཅད་འགྲུབ་པར་འགྱུར་རོ་ཞེས་བཅོམ་ལྡན་འདས་རྡོ་རྗེ་འཆང་ཆེན་པོས་གསུངས་སོ། །དེ་བས་ན་ནུས་པ་མེད་པས་ཀྱང་ཅི་ནུས་པས་སྦྱིན་སྲེག་བྱའོ། །ནུས་པ་མེད་པའི་ཕྱིར་བརྗོད་པར་བྱ་སྟེ། རང་གི་ཁང་པའི་བྱང་ཤར་གྱི་ཕྱོགས་སུ་ཐབ་ཁུང་ཟུར་བཞིའམ། ཟླུམ་
པོར་ཁྲུ་གང་ཙམ་ལ་ཟབས་སུ་མཐོ་གང་ཙམ་བརྐོས་ཏེ་ཐབ་ཀྱི་དབུས་སུ་རྡོ་རྗེ་རྩེ་ལྔ་པ་སོར་བརྒྱད་པའི་ཚད་ལ་དཔངས་སུ་སོར་བཞི་པ་བཞག་ཐབ་ཀྱི་ངོས་ལ་དཔངས་སུ་སོར་བཞི་པའི་གྲྭ་བཞིར་རྡོ་རྗེས་མཚན་པར་བྱའོ། །དེ་ལ་ཕྱག་རྒྱ་མདོར་བསྡུས་པ་ནི་འདི་ཡིན་ཏེ། ཐལ་མོ་
དམ་དུ་སྦྱར་བ་ལས། །སོར་མོ་ཐམས་ཅད་བསྣོལ་བ་ནི། །དེ་བཞིན་གཤེགས་པ་ཐམས་ཅད་ཀྱི། །རྡོ་རྗེ་ཐལ་མོའི་ཕྱག་རྒྱའོ། །རྡོ་རྗེ་འཆང་ཆེན་པོ་ལ་སོགས་པའི་ཕྱག་རྒྱ་ཡང་དམ་ཚིག་གི་ཕྱག་རྒྱའི་རིམ་པ་རྣམས་ཉེ་བར་བསྟན་ཏེ། རྡོ་རྗེ་བཅིང་བས་ཕྱག་རྒྱ་ཐམས་ཅད་བཅིང་ངོ་། །
རྡོ་རྗེ་ཐལ་མོའི་ཕྱག་རྒྱ་དེ་ཉིད་བཅིངས་ནས། རབ་ཏུ་བསྡམས་པ་ནི་རྡོ་རྗེ་བསྡམས་པ་སྟེ་སྙིང་གར་དགྲོལ་ལོ། །བཛྲ་བྷནྡྷ་ཏྲཊ། དེ་ནས་ཕྱག་རྒྱ་ཐམས་ཅད་བཅིངས་ལ་རང་ལ་བྱིན་གྱིས་བརླབ་པ་ནས་ཇི་སྲིད་རྡོ་རྗེ་རྗེས་སུ་དྲན་པ་དང་དགུག་པ་ལ་སོགས་པ་བསྒྲུབ་པའི་བྱེ་བྲག་རྣམས་རང་གི་
ལུས་དང་ངག་ཡིད་རྡོ་རྗེ་ལ་དགུག་པ་དང་། གཞུག་པ་དང་། བཅིང་བ་དང་། དབང་དུ་བྱས་པར་འགྱུར་རོ། །དེ་ནས་རྡོ་རྗེ་འབེབས་པའི་ཕྱག་རྒྱ་བཅིངས་ལ་སྙིང་པོ་འདི་བརྗོད་པར་བྱའོ། །ཨ་རྡོ་རྗེ་ཁུ་ཚུར་གྱིས་མཛུབ་མོ་སྦྱར་བ་ནི་རྡོ་རྗེ་འབེབས་པའི་དམ་ཚིག་གི་ཕྱག་རྒྱའོ། །
དེ་ནས་ཞུགས་ནས་རང་ལ་བྱིན་གྱིས་བརླབ་པ་ནས་ཇི་སྲིད་སྒྲུབ་པའི་ཁྱད་པར་གྱིས་མཛའ་བོ་ཉིད་དུ་གནས་པར་འགྱུར་རོ། །དེ་ནས་དམ་ཚིག་ཆེན་པོའི་སེམས་དཔའ་རྗེས་སུ་དྲན་ལ། སྙིང་པོ་འདི་བརྗོད་པར་བྱའོ། །ས་མ་ཡ་སཏྭ་ཧཾ། འདིས་ནི་རྡོ་རྗེ་རྒྱལ་པོ་ལ་སོགས་པའི་རྡོ་རྗེའི་

62-1-181b

ཕྱག་རྒྱས་དམ་ཚིག་ཆེན་པོའི་སེམས་དཔའ་དང་གཅིག་ཏུ་གྱུར་པ་ཉིད་དུ་འགྱུར་རོ། །ཕྱག་རྒྱ་ཐམས་ཅད་ཀྱི་ཆོ་ག་རྒྱས་པའོ། །དེ་ནས་ཐུན་མོང་གི་སྒྲུབ་པའི་ཆོ་ག་རྒྱས་པ་ནི་འདི་ཡིན་ཏེ། བཅོམ་ལྡན་འདས་དམ་ཚིག་སེམས་དཔའ་ཆེན་པོ་དེ་ཉིད་རང་གི་ལུས་ལ་བརྟེན་ཅིང་ཟླ་བའི་
དཀྱིལ་འཁོར་ཐམས་ཅད་ལ་བཞུགས་ཤིང་། རྡོ་རྗེ་རྒྱལ་པོ་ལ་སོགས་པའི་སྐུ་བདག་ཉིད་དུ་སྙིང་པོ་འདིས་བསྒོམ་པར་བྱའོ། །ས་མ་ཡ་ཧཾ། དེ་ནས་རང་གི་ཕྱག་རྒྱའི་སེམས་དཔར་བདག་ཉིད་རྣམ་པར་བསམས་ལ་སྔགས་འདིས་དེར་བྱིན་གྱིས་བརླབ་པར་བྱའོ། །ས་མ་ཡ་
སཏྭ་ཨ་དྷི་ཏིཥྛ་སྭ་མཱཾ། དེ་ནས་རང་གི་ལྷ་སྔ་མ་བཞིན་དུ་ཐབ་ཀྱི་དབུས་སུ་བསམས་ལ་སྦྱིན་སྲེག་ཇི་ལྟ་བ་བཞིན་དུ་བྱ་སྟེ། མཆོད་ནས་སྙིང་པོ་འདིས་གཤེགས་སུ་གསོལ་ལོ། །བཛྲ་མུཿདེ་ནས་རང་གི་སྙིང་ག་ལས་བྱུང་བའི་རྡོ་རྗེ་རིན་ཆེན་གྱི་ཕྱག་རྒྱ་རང་གི་དབང་བསྐུར་བའི་
གནས་ན་གནས་པས་དབང་བསྐུར་ལ་མཛུབ་མོ་གཉིས་ཀྱི་ཕྲེང་བ་བཅིངས་ཤིང་དེ་བཞིན་དུ་སྙིང་པོ་འདིས་བཅིང་བར་བྱའོ། །ཨོཾ་བཛྲ་རཏྣ་ཨ་བྷི་ཥིཉྩ་སརྦྦ་མུ་དྲ་མཻ་ཏྲི་ཌྷི་ཀུ་རུ་བ་ར་ཀ་པ་ཙེ་ན་བཾ། རིན་ཆེན་སེམས་མའི་ཕྱག་རྒྱ་ནི་འདི་ཡིན་ཏེ། རིན་ཆེན་རྡོ་རྗེ་ལས་མཐེ་བོ་མཉམ་སྟེ་
མཛུབ་མོ་བཀུག་པ་དང་རྩེ་སྦྱར་བའོ། །དེ་ནས་ཡང་གོ་ཆའི་མཐར་ཕྲེང་བ་བཅིང་བ་དེ་བཀྲོལ་ལ་སྙིང་པོ་འདི་དང་མཉམ་པའི་ཐལ་མོས་མཉེས་པར་བྱའོ། །བཛྲ་ཏུ་ཥྱ་ཧོཿ། གོ་ཆ་འདིས་ཕྱག་རྒྱ་དགྲོལ་བ་དང་། དབང་བསྐུར་བ་བཅིང་ཞིང་མཉེས་པར་བྱ་བའམ། རྡོ་རྗེ་སེམས་
དཔས་ཀྱང་རྡོ་རྗེ་ཉིད་དུ་ཉེ་བར་དགྲོལ་བར་འགྱུར་རོ། །དེ་ནས་གསང་བའི་མཆོད་པ་བརྗོད་ལ། གསང་བའི་མཆོད་པ་བཞི་བྱའོ། །རྡོ་རྗེ་འགྱིང་བའི་ཚུལ་གྱིས་སུ། །བསམ་པ་གཡོས་པས་གདུང་བར་བྱ། །ཕྲེང་བ་བཅིང་དང་ཁ་ནས་བྱུང་། །རྡོ་རྗེ་གར་ནི་བསྐོར་བ་ཡིན། །
རྡོ་རྗེ་ཁུ་ཚུར་སྦྱོར་བ་ཡིས། །སྤོས་ལ་སོགས་པ་དེ་བཞིན་དབུལ། །ཐུར་དུ་བླུགས་དང་གྱེན་དུ་གཏོར། །བསྐོར་དང་དེ་བཞིན་བྱུག་པའོ། །བཛྲ་ལཱ་སྱེ། བཛྲ་མཱ་ལེ། བཛྲ་གཱི་ཏི། བཛྲ་ནྀ་ཏྱེ། བཛྲ་དྷཱུ་པེ། བཛྲ་པུཥྤེ། བཛྲ་ཨཱ་ལོ་ཀེ། བཛྲ་གནྡྷེ། རྡོ་རྗེ་བསྟོད་པའི་གླུ་ནི་འདི་

62-1-182a

ཡིན་ཏེ། ཨོཾ་བཛྲ་སཏྭ་སཾ་གྲ་ཧཾ་། བཛྲ་རཏྣ་ནུཏྟ་རཾ། བཛྲ་དྷརྨྨ་གཱ་ཡ་ནི། བཛྲ་ཀརྨྨ་ཀ་རོཏྦྷ་བེ། རྡོ་རྗེ་བསྟོད་པའི་གླུ་འདི་དང་གླུ་བླངས་ལ། ལག་པའི་རྩེ་མོས་གར་བྱས་ནས། །མཆོད་པ་ཐམས་ཅད་བྱའོ། །རབ་དང་འབད་པས་ཁྲུས་བྱས་ཏེ། །རྟག་ཏུ་སྦྱིན་
སྲེག་ཁང་པར་ཞུགས། །ཞེས་ཇི་སྐད་དུ་བཤད་པ་དེ་མ་སྨྲས་སོ་ཞེ་ན། དེ་བརྗོད་པར་བྱ་སྟེ། རྣམ་རྟོག་ཁྲུས་ཀྱི་སྦྱོར་བ་འདི། །རྡོ་རྗེ་སློབ་དཔོན་གྱིས་བཤད་པ། །དེ་ནི་རྣམ་རྟོག་ཙམ་ཡིན་པས། །དེ་ལ་བློ་ནི་འཇུག་མི་བྱ། །དེ་བས་སྔགས་དང་ཕྱག་རྒྱ་ཡིས། །ལེགས་བྱས་
ཁྲུས་ནི་བཤད་པར་བྱ། །རྣམ་རྟོག་ལ་ནི་སྤྱོད་བཞིན་དུ། །གང་གི་བགེགས་ནི་མི་འཇུག་པའོ། །ཞེས་བཅོམ་ལྡན་འདས་རྡོ་རྗེ་འཆང་ཆེན་པོས་གསུངས་སོ། །ཁྲོ་བོ་ཏི་རཱིནྟི་རིའི་ཕྱག་རྒྱ་བཅིངས་ལ་སྙིང་གར་བཞག་སྟེ། ལུས་འབར་བའི་གསང་སྔགས་བཟླའོ། །ཨོཾ་ཀུ་པི་ཀུའི་
ཀཱ་ཡ་ཀུ་པི་པྲ་ཛྭ་ལ་ནི་སྭཱ་ཧཱ། དེ་ནས་ཆོ་ག་འདི་དང་། དང་པོའི་ཡི་གེའི་གོ་ཆས་གོ་བགོ་སྟེ་རྡོ་རྗེ་ཁུ་ཚུར་གཉིས་བཅིངས་ཏེ། སྙིང་གར་མཛུབ་མོ་གཉིས་ཀྱིས་མདུད་པ་བྱས་ལ་རྒྱབ་ཏུ་དྲངས་ཏེ་མདུད་པ་བྱ་སླར་ཡང་སྙིང་གར་དྲངས་ཏེ་མདུད་པ་བྱ། དེ་བཞིན་དུ་ལྐོག་
མའི་སྟེང་དུ་མདུད་པ་བྱ་བ་དང་། དཔྲལ་བར་མདུད་པ་བྱ་བ་དང་ལྟག་པར་མདུད་པ་བྱས་ནས། རྣ་བ་གཉིས་ཀྱི་གོང་དུ་མཐའ་ནས་དགྲོལ་བས་དར་དཔྱངས་བྱ་སྟེ། མཉམ་པའི་ཐལ་མོས་མཉེས་པར་བྱའོ། །དེ་ལ་གསང་སྔགས་ནི་འདི་ཡིན་ཏེ། ཨོཾ་ཊུཾ་རྡོ་རྗེ་གནོད་སྦྱིན་
གྱིས་གདུག་པ་ཐམས་ཅད་བཟའ་བར་བྱ་ཞིང་། མཆེ་བའི་ཕྱག་རྒྱ་བཅིངས་ལ། གསང་སྔགས་བརྗོད་པར་བྱའོ། །ཧཱུྃ་དེ་ནས་བདུད་རྩི་ཐབ་སྦྱོར་གྱི་གསང་སྔགས་བརྗོད་དེ། ཨ་བདུད་རྩི་ཐབ་སྦྱོར་གྱི་ཕྱག་རྒྱ་ནི་རྡོ་རྗེ་མཆེ་བའི་ཕྱག་རྒྱའོ། །དེ་ནས་གསང་སྔགས་འདིས་ཆུ་
སྙིམ་པ་གསུམ་གྱེན་དུ་གཏོར་བར་བྱའོ། །ཨོཾ་བྷུར་ཛྭ་ལ་ཧཱུྃ་སྭཱ་ཧཱ། རིག་སྔགས་འདིས་ཆ་གསུམ་དུ་བྱ་སྟེ། གཅིག་གིས་ནི་དགེ་བའི་གཙང་སྦྲ་བྱའོ། །གཉིས་པས་ལུས་ཀྱི་གཙང་སྦྲ་བྱའོ། །གསུམ་པས་ནི་ཁྲུས་དང་ཉེ་རེག་བྱ་ཞིང་། རང་གི་མགོར་རང་གི་གསང་སྔགས་དང་ཕྱག་

62-1-182b

རྒྱས་ཆུ་གཏོར་ན། རང་གི་རྣམ་པར་རྟོག་པ་ལས་སྐྱེས་པའི་བགེགས་མི་འབྱུང་སྟེ། སེམས་ཅན་འཚེ་བའམ་སྡིག་པ་དག་ཁྱེད་ལ་མེད་ཀྱི་མ་འཇིགས་ཤིག །རིག་པ་ལས་བྱུང་དགེ་བ་བཞིན། །བགེགས་ནི་རང་གི་སེམས་ལས་བྱུང་། །ཁྲུས་བྱས་ནས་ནི་སྦྱིན་སྲེག་གི། །ཆོ་ག་ཐམས་
ཅད་སྤྱད་པར་བྱའོ། །དེ་ནས་དམ་ཚིག་གི་ཕྱག་རྒྱ་བཅིངས་ཏེ། སྙིང་པོ་འདིས་གྱེན་དུ་དགྲོལ་ལོ། །ཨོཾ་ཁྱེད་ཀྱིས་འགྲོ་བའི་དོན་ཀུན་མཛད། །དངོས་གྲུབ་ཇི་བཞིན་གསོལ་ལགས་ཀྱིས། །སངས་རྒྱས་ཡུལ་དུ་གཤེགས་སུ་གསོལ། །བཛྲ་སཏྭ་མུཿ། དེ་ནས་ཐོག་མ་དང་ཐ་མ་མེད་པའི་
བྱང་ཆུབ་ཀྱི་སེམས་ཆེན་པོ་རྗེས་སུ་དྲན་ལ། ཅི་བདེ་བར་གནས་པར་བྱའོ། །རྡོ་རྗེ་སེམས་དཔའི་མིང་ཙམ་ཞིག །ལན་ཅིག་ཡོངས་སུ་གཟུང་བས་ཀྱང་། །འདི་ནི་བསྲུང་བ་དམ་པ་སྟེ། །མི་ཟད་རྟག་པའི་དངོས་གྲུབ་སྟེར། །མཁས་པ་དང་བའི་རྒྱལ་པོས་རྟོགས་པར་བྱ་བའི་
ཕྱིར། །འདིར་ནི་སྦྱིན་སྲེག་ཆོ་ག་བྲིས་པས་དགེ་བ་གང་བསགས་པ། །དེས་ནི་སྲིད་གསུམ་ཚེར་མ་འབྱིན་ཅིང་ཞི་བཞི་རྟོག་ལྡན་པ། །རྒྱལ་བ་ལྔ་ཡི་ཅོད་པན་འཛིན་དང་འགྲོ་བ་རྗེས་སུ་མཉམ་པར་ཤོག །ཀུན་དུ་བཟང་པོ་ཞེས་བྱ་བའི་སྦྱིན་སྲེག་གི་ཆོ་ག་རྫོགས་སོ།།      །།
༄། །རབ་ཏུ་གནས་པའི་ཆོ་ག་རབ་གནས་ཀྱི་རྒྱལ་པོ་བཞུགས། ༄༅༅། །བཅོམ་ལྡན་འདས་དཔལ་རྡོ་རྗེ་སེམས་དཔའ་ལ་ཕྱག་འཚལ་ལོ། །དཔལ་ལྡན་རྡོ་རྗེ་སེམས་དཔའ་ལ། །ཀུན་ནས་དང་བས་ཕྱག་འཚལ་ཏེ། །རྒྱུད་རྣམས་ཐམས་ཅད་ལས་བསྡུས་ཏེ། །
རབ་གནས་ཆོ་ག་བཤད་པར་བྱ། །དེ་ལ་དང་པོར་རེ་ཞིག་རྣལ་འབྱོར་པ་དཀྱིལ་འཁོར་དུ་ཞུགས་ཤིང་དབང་ཐོབ་པ། རིག་པའི་སྡོམ་པ་གཟུང་བ། གསང་བའི་མཆོད་པའི་བྱ་བ་ཤེས་པ། དཔའ་ལ་བརྟན་པ་སྤྲོ་བ་ཆེ་བ། དུལ་བ་ཕྲིན་ལས་རྣམ་པ་བཞིའི་སྤྱོད་པ་དང་ལྡན་པ། 
གསང་བའི་ཡེ་ཤེས་བསླབས་པ། ཕྱག་རྒྱ་བཞི་བསྒོམ་པར་མོས་པའི་རྣལ་འབྱོར་པ་དང་། སྒྲུབ་པའི་གྲོགས་པོ་བྱང་ཆུབ་ཏུ་སེམས་བསྐྱེད་པ། གསང་བའི་ཆོ་གའི་བྱ་བ་ཤེས་པ། གཙང་མ། གསང་བའི་བྱ་བ་ལ་མཁས་པ། བློ་དང་ལྡན་པ་དང་། སྙིང་སྟོབས་དང་

62-1-183a

ལྡན་པའི་རྣལ་འབྱོར་པས། གྲོང་ཁྱེར་རམ་གྲོང་རྡལ་ལམ། ནགས་ཚལ་ལམ། ལྗོངས་སམ། ཀུན་དགའ་ར་བའམ། གཙུག་ལག་ཁང་དུ་ལུགས་སུ་བླུགས་པའམ། འབུར་དུ་བརྐོས་པའམ། རི་མོར་བྲིས་པ་ཞི་བའམ། དབང་ངམ་རྒྱས་པའམ། 
མངོན་སྤྱོད་ལ་སོགས་པའི་སྐུ་རབ་ཏུ་གནས་པ་བྱེད་པར་འདོད་ན། དཀྱིལ་འཁོར་གྱི་ས་གཞིའི་ཉེ་འཁོར་དུ་དྲིས་ཉེ་བར་བྱུགས་ནས་དཀོན་མཆོག་གསུམ་དང་། རབ་ཏུ་གནས་པར་བྱེད་པའི་ལྷ་དང་། རྡོ་རྗེ་སློབ་དཔོན་ལ་དམིགས་ཏེ། མཎྜལ་ལྔ་བྱས་ནས་མཆོད་པ་ལྔ་བཤམས་ནས་
སྟོད་གཡོགས་དང་སྨད་གཡོགས་བགོས་ནས་ཅོད་པན་དང་རྒྱན་བཏགས་ཏེ། ཕྲེང་བ་དང་དག་བྱེད་དང་ལྡན་པས། སྐར་མ་རྒྱལ་དང་གཟའ་ཕུར་བུའི་ཉིན་པར་ཁྲུས་བྱས་ཤིང་ཟས་དཀར་གསུམ་ཟོས་པ། གདུགས་དང་རྒྱལ་མཚན་དང་བ་དན་དང་དྲིལ་བུ་རྣམས་བྲིས་ཏེ། གུ་གུལ་
གྱི་དུད་པས་བདུགས་པ་དང་། ཡུངས་ཀར་གྱིས་བགེགས་བཟློག་ནས་བསྙེན་པ་དང་། དེ་ལ་རེ་ཞིག་རྣམ་པར་རྟོག་པ་ཤས་ཆུང་ན། སྟོང་པ་ཉིད་ཀྱིས་ཁྲུས་བྱ་བ། ལྕེ་བྱིན་གྱིས་བརླབ་པ་དང་། ལག་པ་བྱིན་གྱིས་བརླབ་པ་དང་། ཁྲོ་བོ་བཞིའི་ལུས་བསྐྱེད་པ་དང་། ཁྲོ་བོ་
གསུམ་གྱིས་བགེགས་བསལ་བ་དང་། ཁྲོ་བོ་དྲུག་གིས་ཕྱོགས་བཅིང་བ་དང་། ཁྲོ་བོ་གསུམ་གྱིས་རབ་དང་དྲ་བ་བྱས་ལ། མཆོད་པ་བྱིན་གྱིས་བརླབས་ནས། རྡོ་རྗེ་འཁོར་ལོས་དཀྱིལ་འཁོར་སྤྲུལ་ལ། མཆོད་པ་དང་ཕྱག་བཙལ་བ་དང་། སྡིག་པ་བཤགས་པ་དང་། རྗེས་
སུ་ཡི་རང་བ་དང་། ཆོས་ཀྱི་འཁོར་ལོ་བསྐོར་བར་བསྐུལ་བ་དང་། མྱ་ངན་ལས་མི་འདའ་བར་གསོལ་བ་གདབ་པ་དང་། མཆོད་པའི་སྤྲིན་དང་ལུས་དབུལ་བ་དང་། དགེ་བའི་རྩ་བ་བསྔོ་བ་དང་། བྱང་ཆུབ་ཏུ་སེམས་བསྐྱེད་པ་དང་། སྡོམ་པ་གཟུང་བ་དང་། གཟུགས་
བརྙན་གྱི་ལྷར་བསྐྱེད་ནས་མཉམ་པའི་ཐལ་མོ་དང་། རྡོ་རྗེ་ཐལ་མོ་དང་། རྡོ་རྗེ་བསྡམས་པ་དང་། བསྡམས་པ་དྲལ་བ་དང་། ཡེ་ཤེས་དབབ་པ་དང་། དབབ་པ་ཉེ་བར་བསྡུ་བ་དང་། ངན་སོང་དགུག་ཅིང་སྡིག་པ་དྲལ་བ་དང་། དཀྱིལ་འཁོར་སྙིང་གར་བསྡུ་བ་དང་། 

62-1-183b

མངོན་པར་བྱང་ཆུབ་ལྔས་ལྷར་བསྐྱེད་ལ། བྱིན་གྱིས་བརླབ་པ་དང་། ཏིང་ངེ་འཛིན་གྱི་བསྒོམ་པ་དང་། སྙིང་གར་དབང་བསྐུར་བ་དང་། ཕྲིན་ལས་ཀྱི་རྡོ་རྗེའི་བརྟུལ་ཞུགས་བླང་བ་དང་། རྣལ་འབྱོར་ཆེན་པོ་བསྐྱེད་པ་དང་། རྗེས་སུ་རྣལ་འབྱོར་དེ་བཞིན་གཤེགས་པའི་ཁམས་གཞུག་པ་
དང་། བྱིན་གྱིས་བརླབ་པ་དང་། དབང་བསྐུར་བ་དང་། མཆོད་པ་དང་བསྟོད་པ་བྱས་ལ། བདག་ཉིད་ཐབས་ཀྱི་འཁོར་ལོ་རྫོགས་པར་བྱས་ལ། ཡེ་ཤེས་ཀྱིས་སྦྱོང་བ་སྟོང་པ་ཉིད་བསྒོམས་པ་དང་། རྡོ་རྗེའི་ས་སྦྱང་བ་འབྱུང་བ་རིམ་བརྩེགས་གཞལ་ཡས་ཁང་གདན་དང་བཅས་པ་བསྐྱེད་
པ་དང་། འཆི་བའི་སྲིད་པ་རི་རབ་ཀྱི་རྩེ་མོར་ལུས་གཞག་པ་དང་། སྲིད་པ་བར་མདོ་བསམ་གཏན་གཟུགས་མེད་པ་བསྒོམ་པ་དང་། སྐྱེ་བའི་རྣལ་འབྱོར་བྱང་ཆུབ་སེམས་དཔའ་དོན་གྲུབ་ཏུ་བསྐྱེད་པ་དང་། མི་གཡོ་བའི་ཏིང་ངེ་འཛིན་ལས་བསླངས་ནས་དང་པོའི་སྦྱོར་བ་དང་། 
དཀྱིལ་འཁོར་རྒྱལ་པོ་མཆོག་དང་། ལས་རྒྱལ་མཆོག་བསྒོམས་ལ། ཡེ་ཤེས་སེམས་དཔའ་ཞུགས་པའི་ལས་བརྒྱད་ཀྱི་ཡེ་ཤེས་སེམས་དཔའ་བཅུག་ལ། རྒྱས་བཏབ་ནས་དབང་བསྐུར་བ་དང་། མཆོད་པ་ཐམས་ཅད་ཀྱིས་མཆོད་ལ། ཇི་ལྟ་བ་བཞིན་དུ་བསྒོམ་པར་བྱའོ། །དེ་ལྟར་
མཚན་མ་མ་ཐོབ་ཀྱི་བར་དུ་བསྒོམ་པའམ། གཙོ་བོ་ལ་འབུམ་དང་། འཁོར་རྣམས་ལ་ཁྲི་ཁྲི་བཟླས་པ་དབུལ་བ་དང་། རྒྱུད་ཕྱི་མའི་ཕྱི་མ་བཞིན་དུ། ཟླ་བ་བཞིའམ་ཟླ་བ་དྲུག་ཏུ་བསྙེན་པ་བྱའོ། །དེ་ལྟར་བསྙེན་པ་བྱས་ནས་སྦྱང་བའམ། མ་སྦྱངས་པའི་གནས་སའི་ཆོ་ག་ཇི་ལྟ་བ་
བཞིན་དུ་བྱས་ཏེ། ལྷག་པར་གནས་པར་བྱའོ། །དེ་ལ་མཆོད་པ་བཤམ་པ་དང་། རྫས་བསགས་ལ་རྒྱན་ཐམས་ཅད་ཀྱིས་བརྒྱན་ལ་གདོང་དྲི་ཞིམ་པར་བྱས་ལ། མེ་ཏོག་གི་ཕྲེང་བ་བཏགས་ཏེ། རྒྱུ་སྐར་རྒྱལ་གྱི་ཞག་དང་གཟའ་ཕུར་བུ་ལ་སྲུང་བའི་འཁོར་ལོ་རྟེན་དང་བཅས་པ་དང་། 
ཚོགས་སོགས་པའི་དམིགས་པའི་ཡུལ་དང་བཅས་པ་དང་། ཚོགས་ཀྱི་ལམ་དངོས་སེམས་བསྐྱེད་པ་དང་བཅས་པ་དང་། རྡོ་རྗེ་དབབ་པ་ཆོ་ག་བཞིན་དུ་བྱ་བ་དང་། ཕྱག་རྒྱ་ཆེན་པོ་ཆོ་ག་བཞིན་དུ་བཅིང་བ་དང་། མདུན་དུ་སེམས་དཔའ་ཆོ་ག་བཞིན་དུ་བསྐྱེད་དེ་བདག་ཉིད་རྫོགས་

62-1-184a

པར་བྱས་ནས། འབྱུང་བ་རི་རབ་དང་བཅས་པ་བསྐྱེད་པའི་སྟེང་དུ་སའི་ལྷ་མོ་སྤྱན་དྲངས་ལ། ཆོ་ག་བཞིན་དུ་དེ་ནས་དཔང་དུ་གསོལ་ཏེ་ཇི་ལྟར་བཞིན་དུ་སྤྲོ་བ་བསྐྱེད་པར་བྱའོ། །དེ་ནས་བསམ་གཏན་དང་གཟུགས་མེད་ཀྱི་ཏིང་ངེ་འཛིན་མངོན་སུམ་དུ་བྱས་ནས། 
འོག་མིན་དུ་དོན་གྲུབ་ཀྱི་གཟུགས་སུ་སྐྱེས་པར་བསམས་ལ། ཕྱོགས་བཅུའི་སངས་རྒྱས་ཐམས་ཅད་སྤྱན་དྲང་བར་བྱའོ། །དེ་ནས་དང་པོར་སྦྱོར་བ་དང་། དཀྱིལ་འཁོར་རྒྱལ་མཆོག་དང་། ལས་རྒྱལ་མཆོག་བསྒོམས་ལ། བསོད་ནམས་ཀྱི་ཚོགས་སོགས་པའི་ཆོ་ག་ཇི་ལྟ་བ་
བཞིན་དུ་བྱས་ནས། སྒྲུབ་པའི་གྲོགས་ཀྱིས་མཚན་བརྒྱ་རྩ་བརྒྱད་པས་གསོལ་བ་བཏབ་ལ། བདག་ཉིད་འཁོར་ལོས་སྒྱུར་བའི་ཆེད་དུ་བརྗོད་པར་བྱ་སྟེ། དཀྱིལ་འཁོར་ནམ་མཁའ་ལ་ཁྲོ་བོའི་བསྟོད་པ་དང་། བགེགས་ལ་བཀའ་བསྒོ་བ་བྱས་ནས། རྡོ་རྗེའི་ལྟ་བས་ར་བ་དང་། 
དྲ་བ་བྱས་ནས། སྟང་སྟབས་ཀྱིས་བགེགས་བསལ་བ་དང་། སྔགས་དང་ཕྱག་རྒྱས་སྲུང་བའི་འཁོར་ལོ་བྱས་ལ། གསང་བའི་དཀྱིལ་འཁོར་བཀུག་ནས། དེའི་ཡན་ལག་ཕུར་བུ་ཇི་ལྟ་བ་བཞིན་དུ་བཏབ་ནས། རྡོ་རྗེ་གནོད་སྦྱིན་གྱིས་བགེགས་བསལ་ལ་དྲིའི་ཐིག་ལེ་དང་མེ་ཏོག་ཚོམ་
བུ་བཀོད་ལ། ལྷ་ལྷག་པར་གནས་པར་བྱའོ། །དེ་ནས་བུམ་པ་ལྷག་པར་གནས་པ་དང་། སྦྱིན་སྲེག་ལྷག་པར་གནས་པ་དང་། གཏོར་མ་ལྷག་པར་གནས་པ་ཇི་ལྟ་བ་བཞིན་དུ་བྱའོ། །དེ་ནས་ཤིང་བུ་གྲུ་གསུམ་གྱི་ནང་དུ་ཁམ་ཕོར་བཞག་ནས། དེར་མེ་བླུགས་ལ་ཟུར་གསུམ་དུ་བག་ཟན་
གྱིས་ཀོང་བུ་གསུམ་བྱས་ཏེ། དེར་མེ་མར་བཏང་ནས་བག་ཟན་གྱི་ཆང་པ་གསུམ་བྱས་ནས། རྡོ་རྗེ་གཙུག་ཏོར་གྱི་སྔགས་སམ། རྡོ་རྗེ་གནོད་སྦྱིན་གྱི་སྔགས་ཀྱིས་ཡུངས་ཀར་གྱིས་བགེགས་བཟློག་པར་བྱའོ། །སྐུ་གཟུགས་སམ་གླེགས་བམ་ལ་སོགས་པ་རབ་གནས་གང་བྱེད་པ་
དེ་རས་ཀྱིས་གཡོགས་ལ། ཧཱུྃ་བྷྲཱུཾ་ཧྲཱིཿགསུམ་གྱིས་བསྲུངས་ནས་གཞག་པར་བྱའོ། །དེ་ནས་སྙན་གསན་དབབ་པར་བྱ་སྟེ། ཇི་ལྟར་སངས་རྒྱས་ཐམས་ཅད་ཀྱིས། །དགའ་ལྡན་དུ་ནི་བཞུགས་པ་ན། །ལྷ་མོ་སྒྱུ་འཕྲུལ་ལྷུམས་ཞུགས་ལྟར། །དེ་བཞིན་གཟུགས་བརྙན་འདིར་

62-1-184b

བཞུགས་ཤིག །འདི་རུ་མགོན་པོ་བརྟན་བཞུགས་ནས། །བྱང་ཆུབ་སེམས་ནི་བསྐྱེད་པ་དང་། །ཆེ་གེ་མོ་ཡི་དོན་སླད་དུ། །བདག་ནི་འབྱོར་པ་ཉིད་ཀྱིས་ནི། །ཅི་འབྱོར་པ་ཡིས་མཆོད་པ་རྣམས། །མེ་ཏོག་ལ་སོགས་འདི་བཞེས་ཤིག །བདག་དང་སློབ་མར་བཅས་པ་ལ། །རྗེས་
སུ་བརྩེ་བར་དགོངས་སུ་གསོལ། །ཀུན་གྱིས་འདི་ལ་བྱིན་བརླབ་ཅིང་། །དེ་ཉིད་དུ་ནི་བཞུགས་པར་རིགས། །དེ་ནས་ཉི་མ་ཤར་བ་ན་དཀྱིལ་འཁོར་གྱི་ཐིག་བཏབ་ལ། ཚོན་དགྱེ་ཞིང་ལྷ་དགོད་པའི་དཀྱིལ་འཁོར་གྱི་ཆོ་ག་ལས་བཤད་པ་བཞིན་བྱས་ལ། རྫས་བསགས་ནས་དཀྱིལ་འཁོར་གྱི་
མཐར་བཀྲམ་སྟེ། ལྷག་པ་དང་མ་ཚང་བ་བསྐང་ལ། བུམ་པ་གཞུག་པར་བྱའོ། །དཀྱིལ་འཁོར་གྱི་བྱང་ཕྱོགས་སུ་ཁྲུས་ཀྱི་ཁང་པ་ཡིད་དུ་འོང་བ། ཤེལ་གྱི་ས་གཞི་ལ་རིན་པོ་ཆེའི་ཀ་བས་བརྒྱན་པ། མུ་ཏིག་དང་རིན་པོ་ཆེས་སྤྲས་པ་བརྩིགས་པའམ་བྲིས་ལ། རབ་ཏུ་གནས་པ་བྱེད་པར་
འདོད་པས། ཐོག་མར་ཁྲུས་ཀྱི་ཁང་པ་དེར་ལྷ་སྤྱན་དྲངས་ལ། ཁྲིའི་སྟེང་དུ་གཞག་པའམ། རས་རིས་པུསྟི་ལ་སོགས་པ་ཡིན་ན་མདུན་དུ་བཞག་ལ། མེ་ལོང་བསྟན་ལ་བུམ་པ་རྣམས་ཀྱིས་སྐུ་ཁྲུས་གསོལ་བ་བསྟོད་དབྱངས་དང་བཅས་པ་བྱ་སྟེ། དེ་ལ་བསྟོད་དབྱངས་ནི། ཇི་ལྟར་
བལྟམས་པ་ཙམ་གྱིས་ནི། །ལྷ་ཡི་ཆུ་ནི་དག་པ་ཡིས། །དེ་བཞིན་གཤེགས་ཀུན་ཁྲུས་གསོལ་ལྟར། །དེ་བཞིན་བདག་གིས་སྐུ་ཁྲུས་གསོལ། །ཨོཾ་སརྦ་ཏ་ཐཱ་ག་ཏ་ཨ་བྷི་ཥེ་ཀ་ཏ་ས་མ་ཡ་ཤྲི་ཡེ་ཧཱུྃ། དེ་ནས། རྣམ་པ་ཀུན་གྱི་མཆོག་དང་ལྡན་པའི། ལྷ་ཡི་སྐུ་ལ་གནས་གསུམ་དུ། ཡི་གེ་ཨོཾ་ཨཱཿཧཱུྃ་
གསུམ་གྱིས་བྱིན་གྱིས་བརླབས་ལ། གསེར་དངུལ་ལམ་ཟངས་ལས་བྱས་པ་བུམ་པ་ལྟོ་བ་ཡངས་པ་མགྲིན་པ་རིང་བ་མཆུ་འཕྱང་བ། སྨན་དང་འབྲུ་དང་རིན་པོ་ཆེ་ལྔ་དང་ལྡན་པ། རས་སར་པས་མགུལ་པ་བཅིངས་པ། ལྡུ་བཅས་ལྕུག་མས་ཁ་བརྒྱན་ལ། སྔར་བསྙེན་པ་བྱས་པའི་དྲིའི་
ཆུས་གང་བ་སློབ་དཔོན་གྱིས་ཡོངས་སུ་བཟུང་ནས། མེ་ལོང་དྲིའི་ཐིག་ལེ་ལྔ་དང་། ཏིལ་མར་ཐིགས་པ་ལྔ་དང་། མེ་ཏོག་གི་ཚོམ་བུ་ལྔ་དང་། འདག་ཆལ་དང་བཅས་པའི་པིར་གྱིས་སྦྱངས་ལ། བཀྲ་ཤིས་ཀྱི་ཚིགས་སུ་བཅད་པ་དང་། རྫ་རྔ་ལ་སོགས་པ་རོལ་མོའི་སྒྲ་དང་བཅས་

62-1-185a

པས་སྐུ་ཁྲུས་གསོལ་བར་བྱའོ། །དེ་ལ་ཏིལ་མར་གྱི་སྔགས་ནི། ཨོཾ་སརྦྦཱ་ཏ་ཐཱ་ག་ཏ་ཀཱ་ཡ་བི་ཤོ་དྷ་ན་ཡེ་སྭཱ་ཧཱ། དྲིའི་སྔགས་ནི། གནྡྷ་མ་ལ་ཡ་སྭཱ་ཧཱ། དཱུར་བའི་པིར་གྱི་སྔགས་ནི། ཨོཾ་མ་ལཱ་སཾ་ཤོ་དྷ་ནེ་སྭཱ་ཧཱ། དེ་ནས་སྐུ་ཁྲུས་གསོལ་བའི་བསྟོད་དབྱངས་ནི། 
གཟུགས་ཀྱི་ཕུང་པོ་རྣམ་དག་པ། །ཉོན་མོངས་གཏི་མུག་སྦྱོང་བྱེད་པ། །མེ་ལོང་ལྟ་བུའི་ཡེ་ཤེས་ཀྱིས། །དཔལ་ལྡན་སྐུ་ཡི་ཁྲུས་གསོལ་ལོ། །ཚོར་བའི་ཕུང་པོ་རྣམ་དག་པ། །ཉོན་མོངས་ང་རྒྱལ་སྦྱོང་བྱེད་པའི། །མཉམ་པ་ཉིད་ཀྱི་ཡེ་ཤེས་ཀྱིས། །དཔལ་ལྡན་ཡོན་ཏན་དབང་
བསྐུར་རོ། །འདུ་ཤེས་ཕུང་པོ་རྣམ་དག་པ། །ཉོན་མོངས་འདོད་ཆགས་སྦྱོང་བྱེད་པའི། །སོ་སོར་རྟོག་པའི་ཡེ་ཤེས་ཀྱིས། །དཔལ་ལྡན་གསུང་གི་དབང་བསྐུར་རོ། །འདུ་བྱེད་ཕུང་པོ་རྣམ་དག་པ། །ཉོན་མོངས་ཕྲག་དོག་སྦྱོང་བྱེད་པ། །བྱ་བ་ནན་ཏན་ཡེ་ཤེས་ཀྱིས། །
དཔལ་ལྡན་ཕྲིན་ལས་དབང་བསྐུར་རོ། །རྣམ་ཤེས་ཕུང་པོ་རྣམ་དག་པ། །ཉོན་མོངས་ཞེ་སྡང་སྦྱོང་བྱེད་པའི། །ཆོས་ཀྱི་དབྱིངས་ཀྱི་ཡེ་ཤེས་ཀྱིས། །དཔལ་ལྡན་ཐུགས་ཀྱི་དབང་བསྐུར་རོ། །ཇི་ལྟར་དམ་པ་ཏོག་དཀར་དགའ་ལྡན་ནས། །ལྷ་མཛེས་ལྷུམས་ནས་བལྟམས་ལ་ཁྲུས་
གསོལ་ལྟར། །སྐུ་གདུང་རིང་བསྲེལ་དྲི་མ་མེད་པར་བཅས། །སྤྲུལ་སྐུ་ཡིད་འོང་རྣམས་ལ་ཁྲུས་གསོལ་ལོ། །ཞེས་བྱ་བ་དང་། ཨོཾ་སརྦ་ཏ་ཐཱ་ག་ཏ་སུ་ན་སུ་པྲ་ཏིཥྛ་སྭཱ་ཧཱ། ཞེས་བྱ་བས་སྲན་ཕྱེ་དང་། བག་ཕྱེའི་ཆལ་དང་། ཡུང་བ་དང་། འབྲས་ཡོས་དང་། ཏིལ་མར་དང་། 
སྦྲང་རྩི་དང་། འོ་མ་དང་། གནྡྷ་བྷ་དྲ་དང་བཅས་པ་སྐུ་གཟུགས་ཉིད་དམ། མེ་ལོང་གི་སྟེང་དུ་བཏབ་ལ། ཙནྡ་དང་ག་བུར་གྱི་དྲིའི་ཐིག་ལེ་བྱས་ལ། མེ་ཏོག་དང་བཅས་པ་ལ་ཀུ་ཤའི་པིར་གྱིས་བཀྲུ་བར་བྱའོ། །དེ་ལྟར་སྐུ་ལ་སོགས་པ་ལན་གསུམ་མམ་ལྔ་ལྔར་བཀྲུས་ནས། 
གོས་གཙང་མའི་དྲིས་བསྒོས་པས་སྐུ་ཕྱིས་ཏེ། དེ་བཞིན་གཤེགས་པའི་སྐུ་གཟུགས་རྣམས་ལ་ནི། བླ་གོས་དང་སྣམ་སྦྱར་གསོལ་བར་བྱའོ། །བྱང་ཆུབ་སེམས་དཔའ་རྣམས་ལ་གོས་སྣ་ཚོགས་པ་དང་། ཁྲོ་བོ་རྣམས་ལ་ནི་གོས་སྔོན་པོ་དང་། དམར་པོ་དབུལ་ཞིང་བཀྲ་ཤིས་ཀྱི་ཚིགས་

62-1-185b

སུ་བཅད་པ་གདོན་པར་བྱའོ། །དེ་ལ་སྣམ་སྦྱར་གསོལ་བའི་སྔགས་ནི། ཨོཾ་དཱི་བ་པྲ་བ་ཡེ་སྭཱ་ཧཱ། དེ་ལ་དྲི་དབུལ་བའི་སྔགས་ནི། ཨོཾ་བཛྲ་གནྡྷེ་སྭཱ་ཧཱ། དེ་ལ་བྱང་ཆུབ་སེམས་དཔའ་ལ་སོགས་པ་ལ་རྒྱན་དབུལ་བའི་སྔགས་ནི། ཨོཾ་ཨཱ་བ་ར་ཎ་བི་གྷུ་ཥ་ནེ་སྭཱ་ཧཱ། དེ་ནས་དཀྱིལ་འཁོར་ཆེན་
པོ་སྤྱན་དྲངས་ལ་གཙུག་ལག་ཁང་ཡིན་ན་མདུན་ནམ་ཕྱོགས་སུ་མ་ཡོ་ཞིང་དྲང་བར་སྐུ་གཟུགས་མཛེས་པར་བཀོད་ལ། དཀྱིལ་འཁོར་གྱི་ལྷ་རྣམས་གཙོ་བོ་དང་བཅས་པ་མདུན་དེར་བསྟན་ལ་དཀྱིལ་འཁོར་བསྒྲུབས་ནས་བདག་དང་གཙོ་བོ་དང་ཐ་མི་དད་པར་བསྒོམས་ལ་པཱུ་ཛ་བྱའོ། །དེ་
ལྟར་བདག་ཉིད་ཀྱི་དཀྱིལ་འཁོར། པཱུ་ཛ་རྫོགས་པའི་རྗེས་ལ་རབ་གནས་ཀྱི་ལྷ་ལ་པཱུ་ཛ་ལྔ་ཕུལ་ནས་དམ་ཚིག་སེམས་དཔའ་ཡི་གེ་ཧཱུྃ་གིས་བསལ་བར་བྱས་ལ། ཡེ་ཤེས་སེམས་དཔའ་སྤྱན་དྲངས་ཏེ་རྒྱུད་ལས་འབྱུང་བའི་ཕྱག་རྒྱ་བཞིས་རྒྱས་བཏབ་ལ་དབང་བསྐུར་ནས་དངོས་སུ་འབྱོར་པའི་པཱུ་ཛ་
ལྔ་དང་། ཡིད་ཀྱིས་སྤྲུལ་པ་བརྒྱད་དང་། རིག་མ་བཅུ་དྲུག་གིས་མཆོད་པར་བྱའོ། །དེ་ལ་མེ་ཏོག་དབུལ་བའི་ཚིགས་སུ་བཅད་པ་ནི། ཆུ་དང་ཐང་ལས་སྐྱེས་པ་ཡི། །མེ་ཏོག་དམ་པ་མཆོག་འདི་དག །མཆོག་ཏུ་དད་པས་འབུལ་ལགས་ན། །ཁྱོད་ཀྱིས་ཅི་བདེར་བཞེས་སུ་གསོལ། །
ཨོཾ་བཛྲ་པུཥྤེ་ཨཱ་ཧཱུྃ། ལྷན་ཅིག་སྐྱེས་དང་སྦྱར་བྱུང་བའི། །ལྷ་རྫས་དམ་པའི་བདུག་པ་འདི། །མཆོག་ཏུ་དད་པས་འབུལ་ལགས་ན། །ཁྱེད་ཀྱིས་ཅི་བདེར་བཞེས་སུ་གསོལ། །ཨོཾ་བཛྲ་དྷཱུ་པེ་ཨཱཿཧཱུྃ། ལྷན་ཅིག་སྐྱེས་དང་སྦྱར་བྱུང་བའི། །ལྷ་དང་མི་ཡི་དྲི་མཆོག་འདི། །
མཆོག་ཏུ་དང་བས་འབུལ་ལགས་ན། །ཅི་བདེར་བར་ནི་བཞེས་སུ་གསོལ། །ཨོཾ་བཛྲ་གནྡྷེ་ཨཱཿཧཱུྃ། བཟའ་དང་བཅའ་བ་ཕུན་ཚོགས་པའི། །ཁ་དོག་དྲི་དང་རོ་ལྡན་པའི། །ཐམས་ཅད་འབྱོར་པའི་ཞལ་ཟས་འདི། །བདག་གིས་འབུལ་གྱིས་བཞེས་སུ་གསོལ། །ཨོཾ་བཛྲ་ནཻ་བི་དྱེ་ཨཱཿཧཱུྃ། 
སྒེག་མོ་ལ་སོགས་པའི་ཚིགས་སུ་བཅད་པ་ནི། རྡོ་རྗེ་སེམས་དཔའ་བསྡུས་པ་ན། །རྡོ་རྗེ་རིན་ཆེན་བླ་ན་མེད། །རྡོ་རྗེ་ཆོས་ཀྱི་གླུ་བླངས་པས། །རྡོ་རྗེ་ལས་རྣམས་བྱེད་པར་ཤོག །ཅེས་བརྗོད་ཅིང་། བཛྲ་སཏྭ་སུ་སཾ་གྲ་ཧ་ཏ། ཅེས་པ་ལ་སོགས་པ་གླུ་བླང་བར་བྱའོ། །རྡོ་རྗེ་
62-1-186a

དབྱངས་ཀྱི་ལས་ཀྱི་དཀྱིལ་འཁོར་ནས་བྱུང་བའི་རིག་མ་བཅུ་དྲུག་གི་ཕྱག་རྒྱ་དང་བཅས་པས་ཀྱང་མཆོད་པར་བྱའོ། །དེ་ནས་གཟུགས་རིན་ཆེན་སྣ་བདུན་དང་། དཔག་བསམ་གྱི་ཤིང་དང་། བུམ་པ་བཟང་པོ་དང་། འདོད་འཇོའི་བ་དང་། བཀྲ་ཤིས་ཀྱི་རྫས་བརྒྱད་
དང་། སྒྲ་རོལ་མོ་ཆ་བྱད་བཅུ་དང་། དྲིའི་སྣོད་བརྒྱའམ་སྟོང་ངམ། རོའི་སྣོད་བརྒྱའམ་སྟོང་ངམ། རེག་བྱ་རས་ཟུང་བརྒྱའམ་སྟོང་ངམ། ཐ་མ་ཡང་སྤྱིར་ཟུང་གཅིག་དབུལ་ལོ། །དེ་ལྟར་འདོད་པའི་ཡོན་ཏན་ཐམས་ཅད་ཀྱིས་མཆོད་ལ། སྦྱིན་སྲེག་དང་གཏོར་མ་བྱས་ལ། ཉིན་མོ་
ཉལ་ནས། ཕྱི་དེ་ནང་པར་ཉི་མ་ཤར་ཀར་སྤྱན་དབྱེ་བར་བྱ་སྟེ། ཇི་ལྟར་མིག་མཁན་རྒྱལ་པོ་ཡིས། །འཇིག་རྟེན་ལིང་ཏོག་བསལ་བ་ལྟར། །དེ་བཞིན་རྒྱལ་བ་རྣམས་ཀྱི་སྤྱན། །སེམས་ཅན་དོན་དུ་དབྱེ་བར་བགྱི། །ཨོཾ་ཙཀྵུ་ཙཀྵུ་ས་མནྟ་ཙཀྵུ་བི་ཤོ་དྷ་ནི་སྭཱ་ཧཱ། ཞེས་བྱ་བས་
གསེར་ལ་སོགས་པའི་ཐུར་མས་སྤྱན་དབྱེ་བར་བྱའོ། །དེ་ནས་སྙན་དབྱེ་བར་བྱ་སྟེ། གསེར་ལ་སོགས་པའི་རྣ་འབྲུ་ཐོགས་ལ། འགྲོ་རྣམས་ཐོས་པས་ཕོངས་གྱུར་པ། །རྒྱལ་བས་ཆོས་ཀྱི་རྔ་བརྡུངས་ལྟར། །དེ་བཞིན་སེམས་ཅན་དོན་གྱི་ཕྱིར། །རྒྱལ་བའི་སྙན་ནི་དབྱེ་བར་བགྱི། །ཨོཾ་
དཱི་བྱ་ཀརྞ་ཡེ་སྭཱ་ཧཱ། དེ་ནས་ཤངས་དབྱེ་བར་བྱ་སྟེ། གསེར་ལ་སོགས་པའི་སྨང་ཚེར་ཐོགས་ཏེ། ཟག་བཅས་ཕུང་པོ་དྲི་སྤངས་པའི། །འགྲོ་བའི་སེམས་ཅན་དོན་བགྱིད་ཕྱིར། །རྣམ་པར་དག་པ་དྲི་བརྙེས་ལྟར། །རྒྱལ་བའི་ཤངས་ནི་དབྱེ་བར་བྱ། །དཱི་བྱ་གྷ་ཎ་ཡེ་སྭཱ་ཧཱ། དེ་ནས་ཐུར་
མ་ཐོགས་ལ་ཞལ་དབྱེ་བར་བྱ་སྟེ། འགྲོ་བ་ཐམས་ཅད་ཚིམ་མཛད་ལྟར། །རོ་མཆོག་བརྒྱ་ལྡན་ཞལ་ཟས་དམ་པ་འདི། །དབུལ་ཞིང་ཞི་བའི་ཞལ་ནི་དབྱེ་བར་བྱ། །ཨོཾ་དི་བྱ་མོ་ཁ་ཡེ་སྭཱ་ཧཱ། དེ་ནས་སྤུ་གྲི་ཐོགས་ལ། རབ་ཏུ་བྱུང་བའི་གཟུགས་ཡིན་ན། །སྐྲ་བཞར་བ་ལྟར་བྱས་ཏེ། 
ཇི་ལྟར་རང་བྱུང་མཆོད་རྟེན་དྲུང་། །སྟོན་པས་ཁྱིམ་པའི་རྟགས་སྤངས་ལྟར། །འགྲོ་བ་སེམས་ཅན་དོན་གྱི་ཕྱིར། །ཁྱིམ་པའི་རྟགས་རྣམས་སྤང་བར་བྱ། །སྣམ་སྦྱར་དང་། ཤམ་ཐབས་དང་། བླ་གོས་གསོལ་ནས། ཇི་ལྟར་སྨན་པའི་རྒྱལ་པོ་འཚོ་བྱེད་ཀྱིས། །རྒྱལ་བའི་སྐུ་

62-1-186b

ལ་ན་བཟའ་གསོལ་བ་ལྟར། །དེ་བཞིན་འགྲོ་བ་རྣམས་ལ་ཕན་བྱའི་ཕྱིར། །ངོ་ཚ་ཁྲེལ་ཡོད་གོས་མཆོག་གསོལ་བར་བགྱི། །ཨོཾ་དི་བྱ་བསྟྲ་ཎ་ཡེ་སྭཱ་ཧཱ། ཆུ་ཚགས་དང་། ལྷུང་བཟེད་ཐོགས་ལ། ཨོཾ་ཨི་མུ་ཡུ་ག་ས་པ་རི་ཀ་ར་ཡེ་སྭཱ་ཧཱ། དེ་ནས་ཐུགས་ཀར་རྡོ་རྗེ་བཟུང་ལ། མཚན་
དང་དཔེ་བྱད་ལ་སོགས་བསྐྱེད་པའི་ཕྱིར། །དུང་དང་དཔལ་བེའུ་གཡུང་དྲུང་འཁྱིལ་བ་དང་། །བཀྲ་ཤིས་རྫས་བརྒྱད་དག་གིས་རྣམ་བརྒྱན་པ། །རྒྱལ་བའི་ཐུགས་ལ་རྣམ་པར་བརྒྱན་པར་ཤོག །ཨོཾ་དྭ་ཏྲིཾ་ཤ་ད་མ་ཧཱ་པུ་རུ་ཥ་ལ་ཀྵ་ཎི་ཤི་ཏི་ཨ་ནུ་བྱ་ཉྩ་ནཱ་ཡ་སྭཱ་ཧཱ། པོ་ཏི་དང་གླེགས་བམ་
ཡིན་ན་ཡི་གེ་ཨཱཿཧྲཱིཿལས་རྡོ་རྗེ་ཆོས་སམ་སྣང་བ་མཐའ་ཡས་ཀྱི་སྐུར་བསྐྱེད་པའམ། ཡང་ན་ཡི་གེ་བྷྲཱུཾ་ལས་ཡུམ་ཤེས་རབ་ཀྱི་ཕ་རོལ་ཏུ་ཕྱིན་མ་ཞལ་གཅིག་ཕྱག་གཉིས་པའམ། ཞལ་གཅིག་ཕྱག་བཞི་མ། ཕྱག་དང་པོ་གཉིས་ཆོས་ཀྱི་འཁོར་ལོ་བསྐོར་བའི་ཕྱག་རྒྱ་འཛིན་པ། 
གཡས་ཀྱི་གཉིས་པ་ན་བགྲང་ཕྲེང་། གཡོན་གྱི་གཉིས་པ་ན་པདྨའི་སྟེང་ན་ཤེས་རབ་ཀྱི་ཕ་རོལ་ཏུ་ཕྱིན་པའི་གླེགས་བམ་བསྣམས་པ་བསྐྱེད་ལ། ཡེ་ཤེས་སེམས་དཔའ་བཅུག་ནས་རྒྱས་བཏབ་སྟེ། དབང་བསྐུར་ནས་མཆོད་པ་ཐམས་ཅད་ཀྱིས་མཆོད་ལ། བྱང་ཆུབ་
ཀྱི་ཡན་ལག་བདུན་གྱིས་ན་བཟའ་གསོལ་ཏེ། རྒྱ་རིམ་པ་བདུན་གྱིས་གདབ་སྟེ་ཡིག་འབྲུའི་རང་བཞིན་དུ་ཞུ་བར་བསམ་མོ། །དེ་ལ་ན་བཟའ་དབུལ་བའི་སྔགས་ནི། དི་བྱ་བསྟྲ་ཡེ་སྭཱ་ཧཱ། ན་བཟའི་སྟེང་དུ་མདུད་པ་བཏབ་ལ། སྤྲ་ཚིལ་ལས་སིན་དྷུ་རའི་རྒྱས་བཏབ་ལ། ཨོཾ་
བཛྲ་མུ་དྲ་བནྡྷ་ཡ་ཨ་དྷི་ཏིཥྛ་སྭཱ་ཧཱ། ཞེས་བརྗོད་དོ། །ན་བཟའ་དབུལ་བའི་ཚིགས་སུ་བཅད་པ་ནི། བྱང་ཆུབ་ཡན་ལག་རྣམ་དག་པའི། །དམ་ཆོས་གསུང་གི་འོད་ཟེར་གྱིས། །ན་བཟའ་དྲི་མ་མེད་པ་འདི། །དམ་པའི་ཆོས་ལ་དབུལ་བར་བྱ། །ཞེས་བརྗོད་དེ། མཆོད་རྟེན་ཡིན་
ན། རིགས་རྣམ་པ་ལྔའི་སྤྲུལ་པའི་སྐུར་བསྐྱེད་ལ། ཡེ་ཤེས་སེམས་དཔའ་བཅུག་ནས། རྒྱས་བཏབ་ཅིང་དབང་བསྐུར་ནས། མཆོད་པ་ཐམས་ཅད་ཀྱིས་མཆོད་ལ། མཐར་མཆོད་རྟེན་གྱི་ཚུལ་དུ་བཞུགས་པ་ལ། ཨོཾ་ཨཱ་ར་ཛེ་བི་ར་ཛེ་སྭཱ་ཧཱ། ཞེས་བྱ་བས་ས་དཀར་གསོལ་ལོ། །ཨོཾ་ཧ་

62-1-187a

ར་མ་ཡེ་སྭཱ་ཧཱ། ཞེས་བྱ་བས་བྲེ་གཟུགས་པར་བྱའོ། །ཙཀྲ་བ་ར་ཙ་ཏ་ནཱ་ཡེ་སྭཱ་ཧཱ། ཞེས་པས་འཁོར་ལོ་གཟུགས་པ་དང་། ཨོཾ་ཙྪ་ཏྲི་ཡེ་སྭཱ་ཧཱ། ཞེས་གདུགས་གཟུགས་པ་དང་། ཨོཾ་ཀུཾ་བྷི་ར་དྷྭ་ཛ་ཡེ་སྭཱ་ཧཱ། ཞེས་པས་ཆུ་སྲིན་གྱི་རྒྱལ་མཚན་གཟུགས་པ་དང་། ཨོཾ་
པ་ཏཾ་ཀ་ཡེ་སྭཱ་ཧཱ། ཞེས་པས་བ་དན་གཟུགས་པ་དང་། ཨོཾ་པ་ཊ་ལཾ་བྷ་ཡེ་སྭཱ་ཧཱ། ཞེས་བྱ་བས་དར་དཔྱངས་བཅིངས་པ་དང་། ཨོཾ་པུཥྤེ་མཱ་ལ་ཡེ་སྭཱ་ཧཱ། ཞེས་བྱ་བས་མེ་ཏོག་གི་ཕྲེང་བ་གདགས་པ་དང་། ཨོཾ་ཙཱ་མ་ར་ཡ་སྭཱ་ཧཱ། ཞེས་པས་རྔ་ཡབ་ཀྱིས་གཡབ་པར་བྱའོ། །བྱང་ཆུབ་
སེམས་དཔའི་ཆ་ལུགས་ཡིན་ན་སོ་མངས་དང་། ཁབ་དང་། སྙུང་བུ་དང་། གྲི་དང་། ཆུ་གྲི་རྣམས་ཕུལ་ལ། འགྲོ་བ་སེམས་ཅན་ཀུན་ལ་ཕན་པའི་ཕྱིར། །རིག་པའི་གནས་ལྔ་དག་ལ་བསླབ་བྱ་ཞེས། །ཇི་ལྟར་ཐུགས་དམ་རྒྱ་ཆེ་བཞེས་པ་བཞིན། །འཁོར་བའི་ཡོ་བྱད་རྣམས་ནི་དབུལ་བར་
བྱ། །ཨོཾ་ཨ་པ་ཡུ་ཀ་ས་པ་རི་ཀ་ར་ཡེ་སྭཱ་ཧཱ། དེ་ནས་དེ་བཞིན་གཤེགས་པའམ། བྱང་ཆུབ་སེམས་དཔའ་ཐུན་མོང་དུ་རིན་པོ་ཆེ་སྣ་བདུན་དང་། བཀྲ་ཤིས་ཀྱི་རྫས་བརྒྱད་དང་། འཇིག་རྟེན་པ་ལ་བཀྲ་ཤིས་པའི་བིལ་བ་དང་། སྟརྒ་དང་། ཞོ་དང་། རས་ཡུག་དཀར་པོ་དང་། གདུགས་
གསེར་གྱི་ཡུ་བ་ཅན་རྣམས་དབུལ་བར་བྱ་སྟེ། དང་པོར་ལས་ཐམས་ཅད་པའི་ཆུས་བསངས་ལ་དྲིའི་ཐིག་ལེ་དང་། མེ་ཏོག་གི་ཚོམ་བུ་བཀོད་ནས། ཇི་ལྟར་མི་དབང་འཁོར་ལོས་སྒྱུར་བ་ཡིས། །རིན་ཆེན་སྣ་བདུན་ཚོགས་དང་བཅས་པ་ལྟར། །རྒྱལ་བ་རྣམས་དང་བྱང་ཆུབ་སེམས་དཔའ་
ལ། །རིན་ཆེན་སྣ་བདུན་ཚོགས་ནི་དབུལ་བར་བྱ། །ལྷ་ཡི་དབང་པོ་ལྷ་མིན་གཡུལ་རྒྱལ་ནས། །བཀྲ་ཤིས་ལྷ་མོ་བརྒྱད་ཀྱིས་མཆོད་པར་བགྱིས། །རྒྱལ་བ་རྣམས་དང་བྱང་ཆུབ་སེམས་དཔའ་རྣམས། །བཀྲ་ཤིས་རྫས་བརྒྱད་དག་གིས་མཆོད་པར་བགྱི། །འཇིག་རྟེན་ཁྱིམ་བདག་
རྣམས་ཀྱིས་དཔལ་རྙེད་ན། །བིལ་བ་སྟརྒ་བུམ་པ་བཟང་དང་བཅས། །མདུན་དུ་བདར་ནས་བཀྲ་ཤིས་བྱེད་པ་ལྟར། །རྒྱལ་བ་སྲས་དང་བཅས་ལ་དབུལ་བར་བགྱི། །དེ་ནས་འབྱོར་པ་ཡོད་ན་སྦྱིན་སྲེག་བྱའོ། །མེད་ན་སྒྱེད་པུ་དཀར་པོ་གསུམ་བཙུགས་ལ། །ས་ལས་བྱས་པའི་

62-1-187b

སྣོད་གཙང་མར། དཀར་གསུམ་དང་། མངར་གསུམ་གྱི་གཞི་ལ་སྨན་སྣ་ཚོགས་བཏབ་སྟེ། སྦྱིན་སྲེག་གི་མེའམ། རིག་པའི་མེ་ལ་ཡི་གེ་བརྒྱ་པ་ཟློས་ཤིང་བསྐོལ་བར་བྱའོ། །དེ་ནས་ཙཱ་རུ་དབུལ་བར་བྱའོ། །དེ་ནས་དཀྱིལ་འཁོར་གྱི་ལྷ་གཤེགས་སུ་གསོལ་བ་ནི། རྫོགས་
སངས་རྒྱས་དང་དེ་ཡི་སྲས། །ཚངས་སོགས་ལྷ་ཡི་ཚོགས་རྣམས་དང་། །གང་དག་ཆོ་ག་མ་ཚང་བ། །དེ་དག་བཟོད་པ་མཛད་པར་རིགས། །ཀུན་དུ་ཞི་དང་རྒྱས་དང་ནི། །ཡོན་བདག་ཚེ་ལ་རབ་མཛད་ནས། །སངས་རྒྱས་ཡུལ་དུ་གཤེགས་ནས་ཀྱང་། །སླར་ཡང་བྱོན་པར་
མཛད་དུ་གསོལ། །ས་དང་ཆུ་དང་མེ་རླུང་གིས། །ཇི་སྲིད་བསྐལ་པར་འཇིག་བར་དུ། །ལྷ་རྣམས་ཀུན་གྱི་སྐུ་གཟུགས་ལ། །དེ་སྲིད་བཅོམ་ལྡན་བསྲུང་བར་མརྗོད། །ཐུགས་བཟང་དགྱེས་པར་གྱུར་པ་ཡིས། །སློབ་དཔོན་སློབ་མར་བཅས་པ་ཡི། །བུ་དང་ཚ་བོ་བསྲུང་མཛད་
ནས། །རང་གནས་དགེ་བར་གཤེགས་སུ་གསོལ། །དེ་ནས་དམ་ཚིག་སེམས་དཔའ་རང་ལ་བསྡུའོ། །དེ་ནས་ཡོན་བདག་དང་སློབ་དཔོན་གཉིས་ཀས་སྐུའི་གདན་ཁྲི་ནས་བཟུང་ནས་མེ་ཏོག་གི་ཕྲེང་བ་ཕུལ་ཏེ། ཇི་སྲིད་མེ་དང་ཆུ་དང་ནི། །རླུང་གིས་བསྐལ་པ་འཇིག་བར་དུ། །
སེམས་ཅན་ཀུན་གྱི་དོན་གྱི་ཕྱིར། །བཅོམ་ལྡན་ཁྱོད་ནི་བཞུགས་པར་མཛད། །དེ་ནས་ཕྱོགས་སྐྱོང་ངམ། མ་ཧཱ་ཀཱ་ལ་དང་། ཡུལ་གྱི་བགེགས་ལ་གཏོར་མ་བྱིན་ལ། འགྲོ་བ་སེམས་ཅན་དོན་སླད་དུ། །བདེ་གཤེགས་རྣམས་ནི་བཞུགས་ཀྱི་བར། །བདག་དང་གཞན་གྱི་
དོན་གྱི་ཕྱིར། །སྤྲུལ་པའི་གཟུགས་བརྙན་བསྲུང་བར་མཛོད། །ཅེས་བྱ་བ་དང་། བཅོམ་ལྡན་འདས་ཕྱག་ན་རྡོ་རྗེ་ལ་ཡང་མཆོད་པ་ཕུལ་ལ། བདེ་བར་གཤེགས་པའི་སྤྲུལ་པའི་སྐུ། བསྲུང་བར་ཞལ་གྱིས་བཞེས་པས་ཇི་སྲིད་བཅོམ་ལྡན་བཞུགས་ཀྱི་བར་དུ་སྲུང་བར་མཛད་དུ་གསོལ། 
ཞེས་བརྗོད་པ་དང་། རབ་ཏུ་བསྲུང་བའི་གནས་བརྟན་དང་། །ཁྱིམ་པའི་གཙོ་བོ་རྣམས་ལ་ཡང་། སྙིགས་མ་ལྔའི་དུས་ཀྱི་སྤྲུལ་པའི་སྐུ་ནི་འདི་ཡིན་གྱིས། འདི་ཁྱོད་ཀྱིས་མ་ཉམས་པར་སྲུངས་ཞེས་བརྗོད་པར་བྱས་ལ། ལུགས་མའམ། རས་རིས་སམ། པུསྟི་ཡིན་ན། ན་

62-1-188a

བཟའ་བཟང་པོས་དྲངས་ལ། ཤིང་རྟ་ལ་བསྐྱོན་ནས་དྲིའི་ཐིག་ལེ་བྱས་ཏེ། འགྲོ་བ་རྣམས་དད་པར་བྱ་བའི་ཕྱིར་གྲོང་ཁྱེར་རྣམས་བསྐོར་བར་བྱའོ། །ཡོན་གྱི་བདག་པོ་རྣམས་ཀྱང་གླུ་དང་། གར་དང་། རྒྱན་གདགས་པ་དང་། བཀྲ་ཤིས་པ་རྣམས་
བྱའོ། །དེ་ལ་རབ་གནས་ཀྱི་དུས་ནི། དཔྱིད་ཟླ་ར་བའམ་འབྲིང་པོའམ། །ཞེས་པ་ནས། སྐྱེ་དང་སྐྱེ་བ་འགྲུབ་པར་འགྱུར། །ཞེས་པའི་བར་དེ། རྒྱུད་དང་མཐུན་ནོ། །གསང་སྔགས་རྡོ་རྗེ་ཐེག་པ་ལ། །བསྟན་པའི་སྙིང་པོ་མ་ནུས་པས། །རྣལ་འབྱོར་སོ་སོའི་མོས་པ་ཡིས། །
འཛམ་གླིང་འདི་རུ་སྤྲུལ་པའི་སྐུ། །ཇི་ལྟར་འདོད་བཞིན་གཤེགས་པའི་སྐུ། །ལུགས་སྐུ་ལ་སོགས་གཟུགས་བརྙན་ལ། །རབ་ཏུ་གནས་པའི་ཆོ་ག་ནི། །བྱས་པས་སྤྲུལ་སྐུ་ཐོབ་པར་ཤོག །རྣལ་འབྱོར་གྱི་རྒྱུད་ཀྱི་རབ་ཏུ་གནས་པའི་ཆོ་ག །རབ་གནས་ཀྱི་རྒྱལ་པོ་
ཞེས་བྱ་བ་རྫོགས་སོ།།      །།༄༅༅། །རྒྱ་གར་སྐད་དུ། བཛྲ་དྷཱ་ཏུ་མ་ཧཱ་མཎྜ་ལ་ལོ་པི་ཀ་སརྦ་བཛྲོད་ཡ་ནཱ་མ་པིཎྜཱ་རྠ། བོད་སྐད་དུ། རྡོ་རྗེ་དབྱིངས་ཀྱི་དཀྱིལ་འཁོར་ཆེན་པོའི་ཆོ་ག་རྡོ་རྗེ་ཐམས་ཅད་འབྱུང་བ་ཞེས་བྱ་བའི་དོན་བསྡུས་པ། དཔལ་རྡོ་རྗེ་སེམས་
དཔའ་ལ་ཕྱག་འཚལ་ལོ། །རང་གི་ལུས་ངག་ཡིད་དག་རྣམ་དག་པས། །བདུད་ཀྱི་འཚེ་བ་གོ་སྐབས་མེད་མཛད་ཅིང་། །བསོད་ནམས་ཚོགས་དང་དེ་བཞིན་ཡེ་ཤེས་ཏེ། །དེ་གཉིས་རབ་རྫོགས་རྒྱུ་དངོས་འགྲོ་ཕན་མཛད། །སྐྱེ་བ་གཅིག་གིས་ཐོགས་དང་སྲིད་མཐའ་བ། །ལེགས་
འགྲོ་དེ་ནས་རང་གི་སེམས་རྟོགས་པ། །སྔོན་འགྲོ་མངོན་པར་བྱང་ཆུབ་རིམ་བཟང་པོས། །ཆོས་རྒྱལ་ཉིད་བརྙེས་བྱམས་པ་ལ་སོགས་ཕྱིར། །དཀྱིལ་འཁོར་སྤྲུལ་མཛད་ཕྱོགས་བཅུའི་དཀྱིལ་འཁོར་པ། །རང་གི་རྣམ་པར་ཐར་པས་ཡང་དག་པར། །འགྲོ་བ་
གདུལ་ཕྱིར་བསྡུས་ཤིང་ལས་ལ་བཞག །རྣམ་པར་ཁྱབ་པ་བསྡུས་པས་རྣམ་འཕྲུལ་བསྟན། །དེ་ནས་འཛམ་བུའི་རྒྱལ་མཚན་མི་རྣམས་ལ། །ཕན་ཕྱིར་ཇི་བཞིན་ཆོ་ག་བཟང་པོ་ཡིས། །ཚོན་གྱི་དཀྱིལ་འཁོར་སྐྱོན་མེད་སྟོན་མཛད་པ། །བདག་དང་གཞན་དོན་

62-1-188b

ཕུན་སུམ་གནས་བརྙེས་པ། །དཔལ་ལྡན་རྡོ་རྗེ་སེམས་དཔའ་རྣམ་འདྲེན་པ། །རྣལ་འབྱོར་རྒྱུད་ཀྱི་དབང་ཕྱུག་བདག་ཕྱག་འཚལ། །འདི་ནི་གོ་རིམས་ངེས་པ་ཙམ། །གཙོ་བོར་བྱ་ལ་གཞོལ་བ་ཡིས། །དཀྱིལ་འཁོར་ཆོ་ག་མཆོག་འདི་ཡི། །དོན་བསྡུས་བདག་ཉིད་དྲན་
ཕྱིར་བྲི། །གང་དུ་རྣམ་པར་རྨོངས་པའི་གནས། །དེར་ནི་ཚིག་དོན་འགའ་ཞིག་བརྗོད། །གཞན་དུ་བློ་གྲོས་ངན་པ་རྣམས། །སྒྲ་ཙམ་ལ་ཡང་ལོག་པར་རྟོགས། །དེང་སང་སྔགས་ཀྱི་ཐེག་པ་མཆོག །ཡི་གེའི་དོན་གྱིས་རྣམ་དཀྲུགས་ཤིང་། །བླ་མ་གཅིག་ནས་
གཅིག་འོངས་པའི། །མན་ངག་རིམ་ལ་གུས་དང་བྲལ། །དེ་ཕྱིར་བླ་མའི་མན་ངག་གིས། །འདི་ཡི་སྙིང་པོ་ཅུང་ཟད་བྲི། །འདིར་སློབ་དཔོན་གྱི་ཞལ་སྔ་ནས། རྣལ་འབྱོར་གྱི་རྒྱུད་ཀྱི་ལུགས་ཀྱིས་སློབ་མ་དབང་བསྐུར་ཏེ། ཚེ་འདི་ཉིད་ལ་དགའ་བ་དང་བདེ་བའི་མཆོག་གི་
མཐར་ཐུག་པ་འཐོབ་པ་ལ་སོགས་པའི་དགོས་པ་གཟིགས་ནས། དཀྱིལ་འཁོར་ཆོ་ག་རྒྱས་པ་བསྡུ་བ་བཞེད་པས། ཕྱག་འཚལ་དངོས་པོ་ཐམས་ཅད་ཀྱིས། །ཞེས་བྱ་བ་ལ་སོགས་པ་རྒྱ་ཆེར་སྨོས་པ་མཛད་དོ། །དེ་ལ་འདིར་ཅིའི་ཕྱིར་ཕྱག་བཙལ་ཞེ་ན། བདག་ཉིད་དམ་པའི་
སྤྱད་པ་ཅན་དུ་བསྟན་པའི་ཕྱིར་དང་། འདིའི་བསྒྲུབ་པར་བྱ་བ་དཔལ་རྡོ་རྗེ་སེམས་དཔའ་ལ་དང་བ་ནི་ལེགས་པ་ཐམས་ཅད་ཐོབ་པའི་གྱུ་ཡིན་པས་གཞན་དེ་ལ་དང་བ་བསྐྱེད་པའི་ཕྱིར་དང་། བགེགས་ཞི་བར་བྱ་བའི་ཡང་ཕྱིར་རོ། །དེ་ལ་ཕྱག་བཙལ་བ་ནི་འདུད་པ་སྟེ་སྐད་ཀྱི་
བྱིངས་ལས་དེ་སྐད་དུ་བསྟན་པས་སོ། །རབ་ཀྱི་སྒྲ་ནི་མཆོག་ཏུ་གྱུར་པ་སྟེ་དེ་ཡང་ལུས་དང་ངག་དང་ཡིད་ཐམས་ཅད་ཀྱིས་གུས་པ་ཉེ་བར་གནས་པས་སོ། །དེའི་ཕྱིར་དངོས་པོ་ཐམས་ཅད་ཀྱིས་ཞེས་པ་སྟེ། ལུས་ངག་ཡིད་ཐམས་ཅད་ཀྱིས་སོ། །གཞན་དག་འདིར་རིགས་སྤྱི་དང་ཁྱད་
པར་གྱི་ཕྱག་འཚལ་བ་ལྔ་ནི་དངོས་པོ་ཐམས་ཅད་ཀྱིས་ཞེས་ཟེར་ན། འདི་སློབ་དཔོན་གྱིས་དེ་ཁོ་ན་ལྟར་མཛད་ཅེས་གྲུབ་པར་མི་ནུས་པས་བཏགས་པ་ཙམ་དུ་ཟད་དོ། །སུ་ཞིག་ལ་ཕྱག་འཚལ་ཞེ་ན། རྡོར་སེམས་ཁྱབ་བདག་ཆེན་པོ་ལ། །ཞེས་པ་སྟེ། རྡོ་རྗེ་ཟབ་མོའི་ཆ་བརྗོད་པ་སྟེ། འདིར་

62-1-189a

བསྐལ་པ་གྲངས་མེད་པ་དེ་སྙེད་དུ་སྤྲོས་པའི་ཚོགས་བོར་ཏེ་ཤིན་ཏུ་བརྟན་པ་དང་། འཕེལ་འགྲིབ་མེད་པར་བྱས་པའི་རྣམ་པར་མི་རྟོག་པའི་ཡེ་ཤེས་ནི་རྡོ་རྗེ་སྟེ། དང་པོའི་བྱེ་བྲག་མ་ལུས་པ་འགེགས་པས་ནོར་བུ་རིན་པོ་ཆེ་རྡོ་རྗེ་དང་འདྲ་བའི་ཕྱིར་རོ། །དེ་ལྟར་ན། 
བསྐལ་པ་དུ་མར་རབ་གོམས་བྱས་པ་ཡི། །རྒྱུ་དང་རིགས་པའི་ཚུལ་དང་ས་ལ་མཁས། །གང་གིས་འདུས་བྱས་གྲོང་ཁྱེར་རྣམ་འཇིག་པ། །ཡེ་ཤེས་རྡོ་རྗེ་བརྟན་དེ་འཕགས་བདག་སྩོལ། །ཞེས་གསུངས་སོ། །དེ་ཡང་གློ་བུར་བའི་དྲི་མ་རྣམས་བསལ་བ་ཁོ་ནར་ཟད་ཀྱི། རང་གི་ངོ་བོ་
ཉིད་ཐོག་མ་ནས་རྡོ་རྗེ་ལྟ་བུ་མི་ཕྱེད་པས་ན། རབ་ཏུ་བརྟན་ཞིང་དུས་གསུམ་མི་འགྱུར་བར་གནས་པས་སེམས་དཔའ་སྟེ། སེམས་དཔའ་སྔོན་དང་ཐ་མ་མེད། །རྡོ་རྗེ་སེམས་དཔའ་དེ་བཞིན་གཤེགས། །འདི་ནི་རང་འབྱུང་བཅོམ་ལྡན་འདས། །གཅིག་པུ་རབ་ཏུ་ཆེ་བའི་ལྷ། །ཞེས་
གསུངས་པ་ལྟ་བུའོ། །དེ་ལྟར་ཐོག་མ་དང་ཐ་མ་མེད་པའི་ཕྱིར། །འདི་ནི་སེམས་ཅན་གྱི་གནས་སྐབས་ན་ཡང་བརྟན་པ། སེམས་ཅན་ཀུན་གྱི་སེམས་གང་ཡིན། །རྡོ་རྗེ་ཞེས་ནི་བཤད་པ་སྟེ། །བརྟན་པའི་ཕྱིར་ན་དཔའ་ཞེས་བརྗོད། །ཅེས་གསུངས་ཤིང་། དེ་ཉིད་ཤིན་ཏུ་རྣམ་པར་
དག་པའི་ངོ་བོ་སངས་རྒྱས་ཀྱི་ས་ལ་ཡང་དེ་ལས་ལྷག་པར་མ་གྱུར་པས་ན། རྣམ་པ་ཀུན་མཁྱེན་ཡེ་ཤེས་ནི། །དེ་འདིར་རྡོ་རྗེ་སེམས་དཔའ་སྟེ། །བརྟན་པའི་ཕྱིར་ན་དཔའ་ཞེས་བྱ། །ཞེས་གསུངས་སོ། །དེ་ལྟར་ན་འདི་ནི་ཆོས་ཀྱི་སྐུའི་ངོ་བོ་ཅན་ཏེ། བསྒྲིབས་པ་དང་མ་
བསྒྲིབས་པའི་དུས་དག་ཏུ་ཡང་རང་གི་བདག་ཉིད་ལ་འབྲི་བ་དང་། འཕེལ་བ་སྤངས་པར་མི་འགྱུར་བ་ནི། དེ་བཞིན་གཤེགས་པ་རྣམས་བྱུང་ཡང་རུང་མ་བྱུང་ཡང་རུང་སྟེ། ཆོས་རྣམས་ཀྱི་དེ་བཞིན་ཉིད་དེ། དེ་བཞིན་དུ་གནས་པའོ་ཞེས་གསུངས་པ་བཞིན་ནོ། །དེ་ལྟར་ཆོས་ཀྱི་སྐུའི་
དབང་ལས་གཟུགས་ཀྱི་སྐུ་དཔེ་མེད་པ་འབྱུང་བ་ནི་རྒྱ་ཆེ་བ་སྟེ། ཇི་སྐད་དུ། རྒྱལ་བས་ཆོས་ཉིད་ལུས་མེད་རབ་ཞི་བ། །གཉིས་མེད་རང་བཞིན་མེད་པར་ཐུགས་ཆུད་ནས། །གཟུགས་སྐུ་བཟང་པོ་མཚན་གྱིས་བརྒྱན་པ་ཡིས། །འགྲོ་བ་མ་ལུས་བཀང་ཞིང་སྟོན་པར་མཛད། །ཅེས་

62-1-189b

གསུངས་པས་སོ། །དེ་ལྟར་དེ་ལྟ་བུར་ཐམས་ཅད་དུ་ཁྱབ་པ་ནི་ཁྱབ་བདག་སྟེ། བརྟན་པ་དང་གཡོ་བ་ཐམས་ཅད་དུ་སྣང་བ་སྟོན་པས་ཤིན་ཏུ་རྒྱ་ཆེར་གྱུར་ཏོ། །དེ་ལྟར་ཟབ་པ་དང་རྒྱ་ཆེ་བ་འདི་ནི་ཇི་སྐད་དུ། མཚན་ཡང་དག་པར་བརྗོད་པ་ལས། མི་འགྱུར་ཀུན་འགྲོ་ཁྱབ་པ་པོ། །
ཞེས་གསུངས་པས་གསལ་པོར་མཛད་དོ། །དེ་ལྟ་བུ་ནི་བྱང་ཆུབ་སེམས་དཔའ་ས་བཅུ་པའི་བཀོད་པས་ཀྱང་བསྐྲུན་དུ་མེད་པས་ན་ཆེན་པོའི་སྒྲ་ཡིས་བསྟན་པ་སྟེ། རང་བཞིན་དང་། ལས་དང་། རྒྱུ་དག་ཆེ་བས་ན་འདི་ཆེན་པོ་ཡང་ཡིན་ལ་ཁྱབ་བདག་ཀྱང་ཡིན་པས་ན་ཆེན་པོས་
ཁྱབ་བདག་གོ། །དེ་ལྟར་ཟབ་པ་དང་རྒྱ་ཆེ་བའི་བཅོམ་ལྡན་འདས་རྡོ་རྗེ་འཆང་ཆེན་པོ་ལ་ཕྱག་འཚལ་ནས་ང་འདིར་ཅི་ཞིག་བྱེད་ཅེ་ན། དཀྱིལ་འཁོར་ཆོ་ག་བཤད་བྱ་སྟེ། །རྡོ་རྗེ་ཐམས་ཅད་འབྱུང་དགེ་བ། །ཞེས་བྱ་བ་སྨོས་ཏེ། འདི་ནི་འདིར་རྟོགས་པ་དང་ལྡན་པ་དག་འཇུག་པའི་
ཡན་ལག་ཏུ་གྱུར་པ་དགོས་པ་དང་ཐབས་ཕུལ་དུ་བྱུང་བ་དག་བསྟན་ཏེ། རེ་ཞིག་དང་པོ་ཉིད་དུ་འདི་ལ་བརྗོད་པར་བྱ་བ་ཁྱད་པར་ཅན་མེད་དེ། སྨྱོན་པའི་ཚིག་ལས་དུར་ཁྲོད་དང་རི་རྩེ་ཉམས་མི་དགའ་བར་ཡུལ་གྱི་བཟང་མོ་དང་ཕྲད་པ་མེད་པ་ལྟ་བུའོ་སྙམ་དུ་སེམས་པ་དགག་པའི་ཕྱིར། 
དཀྱིལ་འཁོར་ཆོ་ག་བཤད་བྱ་སྟེ། །ཞེས་བྱ་བ་སྨོས་ཏེ། འདི་ན་སྔགས་ཀྱི་ཐེག་པ་འདི་ལས་དཀྱིལ་འཁོར་ནི་རབ་ཏུ་གྲགས་པས་ཁྱབ་པའི་དངོས་པོའི་སྟོབས་གོམས་ཤིང་སྐྱེས་བུའི་འདོད་པ་ཙམ་གྱིས་མ་ཕྱེ་བ་ཡིན་ལ། དེ་དང་མཐུན་པའི་བརྗོད་པ་དཀྱིལ་འཁོར་གྱི་ཆོ་ག་བཤད་པར་བྱའོ། །
ཞེས་དམ་བཅའ་བ་ནི་སྙིང་ལ་བབས་པས་ན་སྨྱོན་པའི་ཚིག་ལས་འཕགས་པས་ན་འདི་ལ་བརྗོད་པར་བྱ་བ་ཡོད་དམ་ཞེས་རྟོག་པར་འགྱུར་གྱི་འདི་ནི་མི་འཚམ་པའི་དག་གོ་ཞེས་ལྡོག་པའི་ཡན་ལག་མ་ཡིན་པའི་ཕྱིར་རོ། །འདིར་བརྗོད་པར་བྱ་བ་དེ་ཡང་གང་ཞིག་ཡིན། དཀྱིལ་
འཁོར་ནི་འདི་ན་རབ་ཏུ་མང་སྟེ་འདི་ལས་ཕྱི་རོལ་དུ་གྱུར་པའི་དཀྱིལ་འཁོར་ཡང་ཡོད་ལ། དེ་ནི་སྔགས་ཀྱི་རྒྱུད་ལས་བཀག་སྟེ། ཁ་ཅིག་གཞན་གྱི་རིགས་ཀྱི་དཀྱིལ་འཁོར་དུ་འཇུག་པས། ངན་སོང་གི་དཀྱིལ་འཁོར་དུ་འཇུག་པ་དེ་དག་ཅེས་བྱ་བ་ལ་སོགས་པ་གསུངས་

62-1-190a

པས་སོ། །ཡང་འདི་ན་བྱ་བའི་རྒྱུད་ལས་རབ་ཏུ་སྡུག་བསྔལ་བའི་དཀའ་ཐུབ་བརྟན་པར་བྱ་བའི་དཀྱིལ་འཁོར་ཡོད་ལ། དེ་ཡང་འདོད་པར་བྱ་བ་མ་ཡིན་ཏེ་རྣམ་པར་གཡེང་བས་ནང་གི་རྣལ་འབྱོར་དང་འགལ་ཞིང་གཅིག་ཏུ་སྡུག་བསྔལ་བས་ན་མི་འདོད་
ལ། དེ་ཡང་དཔལ་མཆོག་དང་པོ་ལས་བཀག་སྟེ། དཀའ་ཐུབ་སྤྱད་པ་མི་བཟོད་པས། །སེམས་གཡེངས་གྱུར་ནས་མ་གྲུབ་པོ། །ཞེས་བྱ་བ་ལ་སོགས་པ་རྒྱ་ཆེར་བསྟན་པས་སོ། །དེ་བཞིན་དུ་འདི་ན་ཁ་ཅིག་དེ་བཞིན་གཤེགས་པའི་དགོངས་ཏེ་གསུངས་པ་ཁོང་དུ་མ་ཆུད་
པས་བུད་མེད་བསྟེན་པ་ལ་སོགས་པ་སྒྲ་ཇི་བཞིན་པར་འཛིན་ཅིང་བུད་མེད་བསྟེན་པའི་དཀྱིལ་འཁོར་དག་ཡོད་ལ། དེ་ཡང་འདོད་པ་མ་ཡིན་ཏེ། རྡོ་རྗེ་རྩེ་མོ་ལ་སོགས་པའི་རྒྱུད་ལས་རིང་དུ་སྤང་བའི་ཕྱིར་རོ། །དེ་ནས་འདི་ལ་བརྗོད་པར་བྱ་བ་ཡོད་ཀྱང་བརྗོད་པར་བྱ་བ་ཁྱད་པར་
ཅན་མ་ཡིན་ནམ་ཞེས་བཟློག་པ་སྲིད་པས་ན་དེ་དགག་པའི་ཕྱིར། རྡོ་རྗེ་ཐམས་ཅད་འབྱུང་ཞེས་བྱ་བ་སྨོས་ཏེ། རྡོ་རྗེ་དབྱིངས་ནས་ཇི་སྲིད་རྡོ་རྗེ་འབེབས་པའི་བར་དུ་ལྷ་སུམ་ཅུ་རྩ་བདུན་སྙེད་ནི་ཐམས་ཅད་རྡོ་རྗེའི་མིང་གི་མཚན་པས་ན་རྡོ་རྗེ་སྟེ། དེ་རྣམས་མ་ལུས་པ་བརྗོད་པ་ནི་ཐམས་
ཅད་དེ། འདི་ཐམས་ཅད་ཀྱང་ཡིན་ལ་རྡོ་རྗེ་ཡང་ཡིན་པས་ན་ཐམས་ཅད་རྡོ་རྗེའོ། །དེ་རྣམས་ཀྱི་འབྱུང་བ་ནི་ཇི་ལྟར་བསྐྱེད་པ་དང་བྱིན་གྱིས་བརླབ་པ་དང་། མཆོད་པ་དང་། བཟླས་བརྗོད་བྱ་བའི་ཐབས་ཀྱིས་རིམ་པ་ཕྱིན་ཅི་མ་ལོག་པར་འབྱུང་བར་བྱེད་སྟོན་པར་བྱེད་ལ་གསལ་བར་
བྱེད་ཅེས་པའི་བར་དུ་སྟེ། དེས་ནི་ཐེ་ཚོམ་ལས་བཟློག་པའི་རྒྱུར་གྱུར་པའི་དཀྱིལ་འཁོར་ཐམས་ཅད་གསལ་བས། ཐུན་མོང་མ་ཡིན་པའི་དཀྱིལ་འཁོར་ངེས་པར་གཟུང་བས་འཇུག་ཏུ་རུང་བར་བྱས་སོ། །དེ་ལྟར་བསྟན་པས་བརྗོད་པར་བྱ་བ་ཡོད་དུ་ཟིན་ཀྱང་བརྗོད་པར་བྱ་བ་བསྟན་
པའི་གཞུང་འདི་ལ་དོན་བྱེད་པ་ཁྱད་པར་ཅན་ཅི་ཡང་མེད་པས་འདི་མི་རྩོམ་སྟེ། བཅོམ་ལྡན་འདས་རྡོ་རྗེ་སེམས་དཔའ་ཉིད་ཀྱིས་རྩ་བའི་རྒྱུད་ལས་དཀྱིལ་འཁོར་གྱི་ཆོ་ག་བཤད་ཟིན་ལ། གདུལ་བྱ་ཆེན་པོ་དག་གིས་ནི་རི་རབ་ཀྱི་རྩེ་མོར་དཀྱིལ་འཁོར་སྤྲུལ་པ་མཐོང་ཟིན་པས་ན་དེའི་ཆོ་

62-1-190b

ག་མི་དགོས་སོ་ཞེ་ན། དེའི་ཕྱིར་སྔར་བཤད་བྱ་སྟེ། ཞེས་བྱ་བ་སྨོས་ཏེ། གདུལ་བྱ་ཆེན་པོ་དག་ལ་མ་ཡིན་ཡང་། །ཕྱིས་འབྱུང་བའི་སྐྱེ་བོ་ཕལ་ལ་དཀྱིལ་འཁོར་གྱི་ཆོ་ག་དགོས་ཤིང་། དེ་ཡང་བཅོམ་ལྡན་འདས་རྡོ་རྗེ་འཆང་གིས་ནི་ཟུར་ཙམ་ཞིག་བསྟན་པས་ན་བློ་གྲོས་ཆུང་ངུའི་སྐྱེ་བོ་དག་གིས་ག་
ལ་རྟོགས། དེ་བས་ན་དེ་ནི་མ་བཤད་པ་དང་འདྲ་སྟེ། དོན་བྱ་བ་ལ་མཐུ་ཆེ་བ་མ་ཡིན་པས་སོ། །སློབ་དཔོན་གྱི་ཞལ་སྔ་ནས་འདིར་དེ་གསལ་ཞིང་རྫོགས་པར་རྣམ་པར་ཕྱེ་བས་ཐེ་ཚོམ་མེད་པར་བྱ་སྟེ། དེས་ན་དཀྱིལ་འཁོར་གྱི་ཆོ་ག་བདེ་བླག་ཏུ་རྟོགས་པར་བྱས་པ་ནི་འདི་རྩོམ་མི་དགོས་པ་སྟེ། 
འདི་བྱ་རོག་གི་སོ་བརྟག་པའི་བསྟན་བཅོས་ལྟ་བུ་མ་ཡིན་ནོ། །ཁ་ཅིག་འདི་ལ་འབྲེལ་པ་མེད་པར་ཐེ་ཚོམ་ཟ་བས་བརྗོད་བྱ་དེ་འདིས་བརྗོད་པར་བྱེད་དམ་ཅི་མ་ཡིན་ཞེས་རྟོག་པ་སྲིད་ན་འདི་མ་འབྲེལ་བ་ཡོད་དོ། །གང་ཞིག་གང་མེད་ན་མི་འབྱུང་ལ་གང་ཡོད་ན་འབྱུང་བ་དེ་ནི་རྒྱུ་དང་འབྲས་བུར་
འཁྲུལ་པ་མེད་ཅིང་འདི་ལས་གཞན་གྱི་ཇི་ལྟར་ཡང་རྡོ་རྗེ་ཐམས་ཅད་བསྟན་པ་འབྱུང་བ་གསལ་པོར་རྟོག་པ་མི་འབྱུང་ལ། འདི་ལས་ནི་ངེས་པར་དེ་འབྱུང་བས་འདི་དག་ཐབས་དང་། དེ་ལས་བྱུང་བར་ངེས་པས་དེ་ཉིད་ལས་བྱུང་བའི་འབྲེལ་པའོ། །དེ་ན་འཇོག་པོའི་གཙུག་གི་ནོར་བུ་
བླང་བའི་ཡོན་ཏན་གྱི་སྙན་དངགས་ལྟར་འདི་ནུས་པ་མེད་པའི་ངོ་བོ་མ་ཡིན་ནོ། །དེའི་མཚན་ཉིད་ཁོང་དུ་ཆུད་པས་ཀྱང་ཅི་ཞིག་བྱ། མ་བག་མར་བླང་བའི་རིམ་པའི་མན་ངག་ལ་བརྗོད་པར་བྱ་བ་དང་དགོས་པ་དང་འབྲེལ་བ་ཡོད་ཀྱང་དེ་འདོད་པར་བྱ་བ་མ་ཡིན་ནོ་ཞེ་ན། དེ་བསལ་བའི་ཕྱིར་
དགེ་བའི་ཞེས་བྱ་བ་སྨོས་ཏེ། འདིར་དེ་དག་གི་མཚན་ཉིད་བདེ་བླག་ཏུ་རྟོགས་ནས་འཇུག་པར་བྱེད་པ་ནི་ཐུན་མོང་དང་ཁྱད་པར་གྱི་དངོས་གྲུབ་རྣམས་ཐོབ་པས་དགེ་ཞིང་དོན་ཡོད་པར་འགྱུར་ཏེ་དེ་མི་འཆད་པར་འགྱུར་བ་ལས། རྡོ་རྗེ་སེམས་སོགས་སེམས་དཔའ་མཆོག །དངོས་གྲུབ་ཐམས་ཅད་སྦྱིན་
མཛད་པ། །ཞེས་གསུངས་སོ། །དེ་བས་ན་འདི་ན་འདི་མངོན་པར་མཐོ་བ་དང་ལེགས་པ་ཐམས་ཅད་འབྱུང་བས་ན་དགོས་པའི་དགོས་པ་གྲུབ་བོ། །དེ་ལྟར་དོན་མཐའ་དག་ལ་ཐེ་ཚོམ་བསྐྱེད་པ་ནི་འཇུག་པའི་ཡན་ལག་སྟེ། འདི་ལ་མཁས་པའི་རང་བཞིན་ཅན་དོན་མེད་པར་ཐེ་ཚོམ་

62-1-191a

བསྐྱེད་པ་ནི་ཟློག་པར་བྱེད་དེ། དུག་ཏུ་ཐེ་ཚོམ་ཟ་བ་ལ་ནི་ལོངས་སྤྱོད་པ་ལས་ལྡོག་ལ། ཞིང་པ་ལ་སོགས་པ་དོན་ཡོད་པར་ཐེ་ཚོམ་ཟ་བ་ནི་འཇུག་པར་བྱེད་དེ། དངོས་པོའི་སྟོབས་ཀྱིས་ཞུགས་པ་འདི་དེ་ཁོ་ན་ལྟར་བྱ་བ་བྱས་པར་འགྱུར་གྱི་མི་བྱ་བ་བྱས་པར་ཡང་མི་
འགྱུར་རོ། །དེ་ལྟར་འདི་ལ་རྟོག་པ་དང་ལྡན་པ་དག་འཇུག་པའི་ཡན་ལག་ཏུ་གྱུར་པའི་བརྗོད་པར་བྱ་བ་དང་། དགོས་པ་དང་། ཐབས་དང་། དགོས་པའི་དགོས་པ་དག་བརྗོད་ཅིང་མཐར་ཐུག་པའི་གོ་འཕང་བསྒྲུབ་པར་བྱ་བ་དགོས་པའི་དགོས་པར་རྟོག་པ་ཡང་ཟུར་གྱིས་བསྟན་ནས། 
ད་ནི་འདིར། དཀྱིལ་འཁོར་ཆོ་ག་བཤད་བྱ་སྟེ། །ཞེས་བྱ་བ་ལས་གླེངས་ཏེ་དཀྱིལ་འཁོར་ནི་ཇི་ལྟ་བུ། དེ་ཇི་སྙེད་ཅིག་ཅིའི་ཕྱིར་དེ་སྐད་ཅེས་བྱ་ཞེས་བྱ་བ་བསམ་པ་དང་། ཆོ་ག་ནི་ཇི་ལྟ་བུ་ཆོ་གའི་སྒྲ་གང་དོན་གང་ཞེས་པ་འདིར་བརྗོད་དེ། གཞུང་འདིའི་བརྗོད་པར་བྱ་བ་ནི་འདི་ཙམ་དུ་
ཟད་དོ། །དེ་ལ་འདིའི་དཀྱིལ་འཁོར་ཞེས་བྱ་བ་ནི་རྣམ་པར་མི་རྟོག་པའི་རང་བཞིན་ཆོས་ཀྱི་དབྱིངས་ཏེ་དེ་ནི་སྙིང་པོར་གྱུར་པས་སོ། །དེ་ལྟར་ནི། ཡན་ལག་ཀུན་ལས་རྣམ་གྲོལ་ཞིང་། །དབྱངས་དང་ཡི་གེ་རྣམ་བྲལ་བ། །འདྲེན་དང་ཚོགས་ལས་ཡང་དག་འདས། །འདི་ནི་དཀྱིལ་
འཁོར་སྙིང་པོ་མཆོག །ཅེས་གསུངས་སོ། །དེ་བཞིན་དུ་ཆོས་ཀྱི་དབྱིངས་དེ་ཇི་ལྟ་བར་རྟོག་པ་རྣམ་པར་མི་རྟོག་པའི་ཡེ་ཤེས་ཀྱང་དཀྱིལ་འཁོར་ཏེ། འདི་ལྟ་བུ་ཡང་བཅོམ་ལྡན་འདས་ཀྱིས་གསུངས་ཏེ། སངས་རྒྱས་ཀུན་གྱིས་བྱང་ཆུབ་སེམས། །བླ་ན་མེད་པ་རྟོགས་གྱུར་པ། །
རྒྱལ་བས་གསུངས་པའི་ཡེ་ཤེས་གང་། །དེ་ནི་དཀྱིལ་འཁོར་སྙིང་པོར་གསུངས། །ཞེས་སོ། །དེ་བཞིན་དུ་སྔོན་གྱི་སྨོན་ལམ་དང་ཚོགས་ཀྱི་མཐུས་ཡུལ་དང་དུས་དང་དེར་དེ་བཞིན་གཤེགས་པ་རྣམས་ཀྱིས་གཟུགས་ཀྱི་སྐུའི་བཀོད་པ་དཔེ་མེད་པ་སྣང་བ་ཡང་དཀྱིལ་འཁོར་ཏེ། སངས་
རྒྱས་དང་བྱང་ཆུབ་སེམས་དཔའ་འཁོར་གྱི་དཀྱིལ་འཁོར་ཐམས་ཅད་བྱ་བ་གསུངས་པས་སོ། །དེ་ཉིད་ནི་སྤྲུལ་པའི་དཀྱིལ་འཁོར་ཞེས་བྱ་སྟེ། གདུལ་བྱའི་ངོར་ངེས་པ་མེད་པར་སྣ་ཚོགས་པའི་སྤྲུལ་པའི་ཕྱིར་རོ། །འདི་ལ་རྣམ་པར་སྨིན་པའང་མེད་པ་མ་ཡིན་ཏེ། ཡུན་རིང་དུ་ཤིན་ཏུ་གོམས་

62-1-191b

པར་བྱས་པ་ལས་བྱུང་བའི་ཕྱིར་ཏེ། རང་གི་མི་མཐུན་པའི་ཕྱོགས་དེ་དང་དེ་རྣམ་པར་སྤངས་པས་བརྙེས་པའོ། །འོན་ཀྱང་འདི་ནི་རྟོག་པའི་ལམ་དུ་གྱུར་པ་བཀོད་ལ། སྣ་ཚོགས་པར་སྣང་བ་ནི་མོས་པས་སྤྲུལ་པའི་དཀྱིལ་འཁོར་གཅིག་ཀྱང་སྣ་ཚོགས་པར་བརྗོད་དོ། །དེ་ལྟར་
དཀྱིལ་འཁོར་དེ་དག་ནི་འབྲས་བུའི་ངོ་བོར་གྲུབ་པས་འབྲས་བུའི་དཀྱིལ་འཁོར་ཞེས་རྣལ་འབྱོར་གྱི་རྒྱུད་ཀྱི་ལུགས་ཀྱིས་བསྣན་ཏོ། །དེ་བཞིན་དུ་རྣལ་འབྱོར་པའི་སེམས་དང་སེམས་ལས་བྱུང་བ་ཐ་མལ་པའི་རྣམ་པར་རྟོག་པ་ལས་གྲོལ་བ་ཏིང་ངེ་འཛིན་གྱི་ཁྱད་པར་ཅན་འདི་ལྟ་སྟེ། དེ་བཞིན་
གཤེགས་པ་རྣམས་ཀྱི་གཟུགས་ཀྱི་སྐུ་དང་རབ་ཏུ་འདྲ་བར་བསྒོམ་པའི་དཀྱིལ་འཁོར་འདི་ནི་ཇི་ལྟ་བར་སྤྲུལ་པའི་དཀྱིལ་འཁོར་ཞེས་བྱ་སྟེ། རྣམ་པ་འདྲ་བར་མོས་པའི་ཕྱིར་དང་། དེའི་འབྲས་བུ་ལ་རྒྱུ་དེ་ཇི་ལྟ་བར་སྦྱོར་བའི་ཕྱིར་རོ། །གང་དུ་སྤྲུལ་པའི་དཀྱིལ་འཁོར་དེ་རྗེས་སུ་
དྲན་པའི་རྟེན་གྱུར་པ་དང་རྣམ་པ་འདྲ་བའང་རུང་སྟེ། རྡུལ་ཚོན་དང་བྲིས་སྐུར་བྱས་པ་ལ་སོགས་པ་ཡང་ཇི་ལྟ་བར་སྤྲུལ་པའི་དཀྱིལ་འཁོར་ཞེས་བྱའོ། །དེ་བཞིན་དུ་རྣལ་འབྱོར་པ་རྣམས་ཀྱིས་ཐ་མལ་པའི་གནས་སྐབས་ཀྱི་ཆོས་ཀྱི་དབྱིངས་དག་པ་མ་ཡིན་པ་དང་། བདག་མེད་
པ་གཉིས་ལ་གཞོལ་བའི་ཤེས་རབ་དང་ཏིང་ངེ་འཛིན་ཡང་དཀྱིལ་འཁོར་ཞེས་བྱ་སྟེ། འབྲས་བུ་ཉེ་བར་བརྟགས་པ་ལས་གནོད་པ་མེད་པས་སོ། །དེ་ལྟར་དེ་དག་ནི་རྣམ་པར་མི་རྟོག་པའི་འབྲས་བུའི་དཀྱིལ་འཁོར་ཐོབ་པའི་ཐབས་ཀྱི་དངོས་པོའི་ཕྱིར་ན་དཀྱིལ་འཁོར་ཏེ། ཇི་
སྐད་དུ་དཀྱིལ་ནི་སྙིང་པོའོ། །འཁོར་ནི་ལེན་པའོ་ཞེས་རྣམ་པར་སྣང་མཛད་མངོན་པར་བྱང་ཆུབ་པའི་རྒྱུད་ལས་གསུངས་པ་བཞིན་ནོ། །དེ་ལྟར་དེ་དག་ནི་རྒྱུད་བསྡུས་པའི་དཀྱིལ་འཁོར་དུ་བརྗོད་དོ། །དེ་ལྟར་བྱས་ན་དཀྱིལ་འཁོར་ཞེས་བྱ་བ་ནི་སངས་རྒྱས་ཀྱི་ས་དང་། དེའི་
རྒྱུ་རིགས་དང་ལམ་གྱི་བདག་ཉིད་འདི་ཙམ་ཞིག་ལ་བྱའོ། །དེའི་རྣམ་པར་དབྱེ་བ་ཡང་ཇི་ལྟར་བསྟན་པའི་ཕྱོགས་ལས་རྣམ་པ་བདུན་ཏེ། རྒྱས་པར་དབྱེ་བ་ལ་ནི་ཚད་མེད་དོ། །དེའི་མིང་གི་དོན་ཀྱང་སྙིང་པོ་འཛིན་པར་བྱེད་པ་ཞེས་བྱེ་བྲག་མེད་པར་བྱས་ཏེ། ཡང་བྱེ་བྲག་ཏུ་

62-1-192a

ན་འབྲས་བུ་ནི་དེའི་རང་བཞིན་འཛིན་པས་སྙིང་པོ་ཉིད་འཛིན་པ་ཞེས་བྱ་བའམ། སྙིང་པོ་ཡང་ཡིན་ལ་འཛིན་པ་ཡང་ཡིན་པས་སྙིང་པོ་འཛིན་པ་ཞེས་བསྡུའོ། །རྒྱུ་ནི་སྙིང་པོའི་ཕྱིར་འཛིན་པའམ། སྙིང་པོ་ལ་ལེན་པ་ཞེས་བསྡུའོ། །དེ་ལྟར་ན་འདིར་འབྲས་བུའི་
དཀྱིལ་འཁོར་ནི་ཐབས་ལས་བྱུང་བ་ཡིན་ལ། རྒྱུའི་བདག་ཉིད་ཀྱི་དཀྱིལ་འཁོར་ནི་དེ་ཐོབ་པའི་ཐབས་ཕུལ་དུ་བྱུང་བ་ཡིན་པས་འདི་དག་ཐབས་དང་ཐབས་ལས་བྱུང་བའི་འབྲེལ་བ་ཁྱད་པར་ཅན་དང་བཅས་པ་སྟེ། འབྲས་བུས་ཀྱང་འགྲོ་བ་མཐའ་དག་ལ་ཇི་སྲིད་ནམ་མཁའ་ལ་གནས་པ་
དེ་སྲིད་དུ་ཕན་པ་དང་བདེ་བ་སྒྲུབ་པས་འདིའི་འབྲས་བུའི་འབྲས་བུ་སྟེ། རྒྱུ་ཡི་རྗེས་ལ་བདག་པོའི་ཡུལ་བདག་ཉིད། །འབྲས་བུའི་སྟོབས་ཀྱིས་དགྲ་ལས་རྣམ་པར་རྒྱལ། །ཞེས་པ་དང་། གཞན་དོན་ཕུན་ཚོགས་སངས་རྒྱས་ཀྱི། །འབྲས་བུའི་གཙོ་བོར་འདོད་པ་སྟེ། །སངས་རྒྱས་ཉིད་
སོགས་དེ་ལས་གཞན། །དེ་ཡི་དོན་གྱི་འབྲས་བུར་འདོད། །ཅེས་གསུངས་པས་སོ། །དེ་ལྟ་བས་ན་གཞུང་འདིའི་བརྗོད་པར་བྱ་བ་དཀྱིལ་འཁོར་ཡིན་ལ། དཀྱིལ་འཁོར་དེ་ཡང་རྒྱུ་དང་འབྲས་བུས་སེམས་ཅན་གྱི་ཁམས་མ་ལུས་ཤིང་ལུས་པ་མེད་པའི་དོན་དུ་འགྱུར་བས་འདི་དོན་ཆེན་པོར་
ཉེ་བར་གནས་པའི་ཕྱིར་འབད་པས་བཤད་པར་རིགས་སོ་ཞེས་བྱ་བ་ནི་ལམ་དང་འབྲས་བུའི་གོ་རིམས་སོ། །དེ་ཁོང་དུ་ཆུད་པར་བྱེད་པའི་རིམ་པའི་གཞུང་ནི་འདིར་ཆོ་ག་ཞེས་བྱ་སྟེ། ཉེ་བར་ཁྲིད་པས་ན་ཐབས་ཡིན་ལ། ཐབས་འདི་ཡང་དེ་ལ་ཡོད་པས་ན་ཐབས་ཅན་ཏེ། དཀྱིལ་འཁོར་གྱི་དོན་
མཐའ་དག་ཁོང་དུ་ཆུད་པར་བྱེད་པ་ལ་བློ་འཁྲིད་པའི་ཐབས་ཟབ་མོ་དང་བཅས་པ་ཞེས་བྱ་བའི་དོན་ཏོ། །འོན་ཀྱང་འདིར་དཀྱིལ་འཁོར་མཐའ་དག་མ་བསྟན་པས་ན་གཙོ་བོར་ནི་རྡུལ་ཚོན་གྱི་དཀྱིལ་འཁོར་གྱི་ཆོ་ག་གཟུང་ལ་གཞན་དག་གི་ཆོ་ག་ཡང་ཤུགས་ལས་གོ་བར་བྱའོ། །ད་ནི་སློབ་
དཔོན་གྱི་ཞལ་སྔ་ནས་དཀྱིལ་འཁོར་གྱི་ཆོ་ག་བསྡུ་བར་བྱ་བ་ལ་སུ་ཞིག་སྣོད་དུ་གྱུར་པ་ཡིན་པ་དེ་བསྟན་པའི་ཕྱིར། དེ་ལ་དམ་ཚིག་ལ་སོགས་པ་ཐོབ་པའི་རྣལ་འབྱོར་པའི་ཕྱིར། འཕགས་པ་དེ་ཁོ་ན་ཉིད་བསྡུས་པའི་རྒྱུད་ཆེན་པོའི་ཆོ་གས་དཀྱིལ་འཁོར་གྱི་ཆོ་ག་ཀུན་ལས་བཏུ་བར་བྱའོ་

62-1-192b

ཞེས་སྨོས་ཏེ། གཞན་དུ་ན་ཆོ་ག་མི་འགྲུབ་ཅེས་དགོངས་ལ། ཁོ་བོ་ཆོ་ག་ཀུན་ལས་བཏུས་པ་ཙམ་པ་ཡང་དོན་མེད་ཅེས་དགོངས་པའོ། །འདིར་དམ་ཚིག་ལ་སོགས་པ་ཞེས་བྱ་བའི་སྒྲས་ནི་དབང་བསྐུར་བར་བསྡུའོ། །འདི་ན་དམ་ཚིག་ལ་སོགས་པ་ཐོབ་པ་དེ་དག་ཉིད་ཀྱིས་དངོས་གྲུབ་ཀྱི་
ཕྱིར་བསྙེན་པ་བྱེད་པ་ཡང་རུང་། སློབ་མ་མངོན་པར་དབང་བསྐུར་བའི་ཕྱིར་བསྙེན་པའང་རུང་སྟེ། བསྙེན་པའི་དཀྱིལ་འཁོར་བསྒོམ་པའི་ཆོ་ག་ནི་ཇི་ལྟ་བུ་སློབ་མ་དབང་བསྐུར་བའི་ཆོ་ག་ནི་ཇི་ལྟ་བུ་ཞེས་རྟོག་པ་ལ། དང་པོ་བསྙེན་པའི་ཆོ་ག་གསུངས་པས་དེའི་གོ་རིམས་བརྗོད་དེ། འདི་
ན་ཐོག་མ་མེད་པའི་དུས་ནས་བྱས་པའི་ལུས་དང་ངག་དང་ཡིད་ཀྱི་སྤྱོད་པ་ཕྱག་རྒྱ་དང་གསང་སྔགས་དང་ཏིང་ངེ་འཛིན་སྒྲུབ་པ་ལ་བར་དུ་གཅོད་པའི་སྒྲིབ་པ་བསལ་བའི་ཕྱིར། དང་པོར་རེ་ཞིག་བདག་མེད་པ་ལ་ལྷག་པར་མོས་པས་ནང་བདག་ཉིད་ཅན་གྱི་ཁྲུས་བྱས་ལ་ཞེས་བྱ་བ་ལ་སོགས་པས་
ལུས་ངག་ཡིད་གསུམ་རྣམ་པར་དག་པར་བྱའོ། །འཇིག་རྟེན་འདི་ནི་སེམས་ཀྱིས་ཁྲིད། །ཅེས་བྱ་བ་ལ་སོགས་པའི་ཐེག་པ་ཆེན་པོ་འདིར་སེམས་གཙོ་བོར་གྱུར་པས་དེ་སྦྱང་བ་སྔར་བསྟན་ཅིང་། ངག་གི་ཉེས་པ་ནི་སྒྲུབ་སླ་བས་ལུས་ཅན་རྣམས་ལ་རབ་ཏུ་མང་བའི་ཕྱིར་དང་། འདིར་བཟླས་བརྗོད་
ལས་གཙོ་བོར་དངོས་གྲུབ་ཀྱི་མཚན་མ་འདོད་པའི་དབང་དུ་བྱས་པའི་ཕྱིར་དེའི་འོག་ཏུ་ངག་སྦྱང་བར་བསྟན་ཏོ། །མཚན་ཉིད་དེ་གཉིས་ལས་བཟློག་པ་ནི་ལུས་ཡིན་པས་ཐམས་ཅད་ཀྱི་མཇུག་ཏུའོ། །ལུས་དང་ངག་དང་ཡིད་རྣམ་པར་དག་པའི་སྒྲུབ་པ་པོ་ལ་བདུད་ཀྱིས་གླགས་སུ་གྱུར་པ་
སྤང་བའི་ཕྱིར་བསྲུང་བའི་བྱ་བ་ནི། དེ་ནས་ཡི་གེ་ཧཱུྃ་ལས་རྡོ་རྗེ་འབར་བ་ཉི་མའི་མེ་ལྟ་བུར་བདག་ཉིད་སྤྲུལ་ཏེ་ཞེས་བྱ་བ་ལ་སོགས་པ་ཇི་སྲིད་བཛྲ་བནྡྷ་བཾ་ཞེས་པའོ་ཞེས་བྱ་བའི་བར་དུ་སྨོས་པའོ། །སྐབས་འདི་ལ་བསམ་པར་བྱ་བ་འགའ་ཡོད་དེ། ཅིས་ན་བསྲུང་བའི་ཆོ་ག་གཞན་སྟོན་
པར་བྱེད། རྩ་བའི་རྒྱུད་ཉིད་ལས་ནི། རྡོ་རྗེ་སེམས་དཔའི་མཚན་ཙམ་ཞིག །དྲན་ནམ་ཉན་པར་བྱེད་ཀྱང་རུང་། །ཞེས་བྱ་བ་ལ་སོགས་པས་རིགས་སོ་སོའི་བསྲུང་བ་མ་ཡིན་ནམ། དེ་ལྟ་བུ་རང་གི་ཆོ་ག་ངེས་པ་བོར་ན་གཞན་སྟོན་འདི་ནི་མི་འཚམ་མོ་ཞེ་ན། བདེན་མོད་ཀྱིས་འོན་ཀྱང་

62-1-193a

ཉེས་པ་མེད་དེ། འདི་ན་གང་ཟག་གཉིས་ཏེ་རང་གི་བྱ་བ་ཙམ་སེམས་ཤིང་མཆོག་ཏུ་མཉམ་པར་གཞག་པ་ནང་གི་བདག་ཉིད་ལ་ལྷག་པར་གཞོལ་བའི་རྣལ་འབྱོར་པ་དང་། དེ་ལས་གཞན་པ་དཀྱིལ་འཁོར་ཆེན་པོ་སྤྲོས་པ་ལ་ཞུགས་པས་སློབ་མའི་དོན་བྱེད་པའོ། །དེ་
ལ་དང་པོའི་དབང་དུ་བྱས་ནས་ནི་རྩ་བའི་རྒྱུད་ལས་ནང་གི་བྱེད་པའི་བསྲུང་བ་ཚེགས་མེད་པ་བསྟན་ཏེ། དེ་ནི་ཆེས་གདམས་པས་དེ་ཙམ་གྱིས་བསྲུང་བར་འགྱུར་ལ། འདི་ནི་གཙོ་ཆེར་དཀྱིལ་འཁོར་ཆེན་པོའི་སྤྲོས་པ་ལ་ཞུགས་པའི་རྡོ་རྗེ་སློབ་དཔོན་གྱི་ནང་དུ་བྱས་པས་ནང་དང་ཕྱི་རོལ་གྱི་
བགེགས་ལྡང་བ་རབ་ཏུ་མེད་པའི་ཕྱིར། སྔགས་དང་ཕྱག་རྒྱ་མཆོག་ཏུ་མི་ཟད་པ་དྲག་ཅིང་རྣོ་བ་དག་གིས་བསྲུང་བ་ཆེན་པོ་བྱ་དགོས་པས་ཉེས་པ་མེད་དོ། །ཡང་ན་བསྲུང་བ་འདི་ལྟ་བ་ཡང་ཡོད་ཅེས་རྣམ་གྲངས་ལ་མཁས་པར་བྱ་བའི་ཕྱིར་ཏེ། རང་གི་རྒྱུད་ཀྱིས་བསྲུང་བ་ཡང་
སུན་མི་འབྱིན་པས་སོ། །གཞན་དག་ན་རེ་བདག་བསྲུང་བ་བསྒོམ་པ་འདིའི་ནང་དུ་མངོན་པར་སངས་མ་རྒྱས་ཀྱི་བར་དུ་འགྲོ་བར་མི་བྱའོ་ཞེས་དམ་བཅས་པ་ལ་གནས་པའི་བསྲུང་བ་ནི་དང་པོ་སྟེ་འདིའོ། །ཕྱིས་ཐུན་མཚམས་དག་ལ་ནི་ནང་གི་བསྲུང་བ་ཙམ་ཞེས་ཟེར་ན་འདི་ནི་མ་
ཡིན་ཏེ། བསྲུང་བའི་དཀྱིལ་འཁོར་རབ་ཏུ་རྒྱ་ཆེ་བར་གྱུར་པས་འགྲོ་བ་བགེགས་མ་ཡིན་པའི་ཕྱིར་རོ། །འདིར་སུ་ཡི་བསྲུང་བ་ཇི་ལྟར་བསྲུང་དགོས་པ་གང་ཞིག་མཐོང་ཞེ་ན། རྡོ་རྗེ་འབར་བ་ཉི་མའི་མེ་ལྟ་བུར་བདག་ཉིད་སྤྲུལ་ཏེ་ཞེས་བྱ་བ་ནི་བསྲུང་བ་པོ་སྟེ། ཉི་མའི་མེ་ནི་མེས་འཇིག་
པའི་དུས་ཀྱི་ཉི་མ་བདུན་ཤར་བས་ཐམས་ཅད་མེའི་ཕུང་པོར་འབར་བར་གྱུར་པ་སྟེ་དེ་དང་འདྲ་བའོ། །ཚིག་ཕྱི་མ་འདི་ཁོ་ནས་རྡོ་རྗེ་འབར་བ་ཞེས་བྱ་བ་འདི་བསྟན་ཏེ། རྡོ་རྗེའི་རང་བཞིན་འོད་འབར་བ། །ཞེས་བྱ་བའི་དོན་ཏོ། །འདིའི་མཚན་ཉིད་ནི་འཕགས་པ་ངན་སོང་ཐམས་ཅད་སྦྱོང་
བའི་རྒྱུད་ལས་གསུངས་སོ། །ཁྱད་པར་དུ་ན་ཡི་གེ་ཧཱུྃ་ལས་བྱུང་བ་དང་དབང་བསྐུར་ཞིང་ཆོ་ག་བྱས་ལ། རང་གི་སྔགས་ཟློས་པས་བགེགས་གཞོམ་མོ། །དེ་ལ་དབང་བསྐུར་བ་ནི་ཁྲོ་བོ་ཏི་རཱིནྟི་རིའི་ཞེས་བྱ་བ་རྡོ་རྗེ་འབར་བ་ཉི་མའི་མེ་ལྟ་བུ་ཉིད་དེ་དེ་ཉིད་ཀྱི་ཕྱག་རྒྱས་འདི་ལ་དབང་

62-1-193b

བསྐུར་བར་བྱའོ། །དེ་ནས་དེ་ལ་རྡོ་རྗེ་ཕྱེད་མའི་འདུག་སྟངས་ཀྱིས་འདུག་སྟེ། རྡོ་རྗེ་ཏི་རཱིནྟི་རིའི་བཅིངས་ལ་རྡོ་རྗེ་ཕྲེང་བའི་དབང་བསྐུར་བ་བླང་ངོ་ཞེས་བྱ་བ་ནི་རྡོ་རྗེ་ཕྱེད་མའི་འདུག་སྟངས་ཏེ་རྡོ་རྗེ་སྐྱིལ་མོ་ཀྲུང་ཕྱེད་མར་འདུག་ལའོ། །རྡོ་རྗེ་ཕྲེང་བའི་དབང་བསྐུར་བ་ནི་རྒྱུད་ཕྱི་མ་ལས་
རིགས་སོ་སོའི་དབང་བསྐུར་བ་བསྟན་པ་ལས། རྡོ་རྗེ་རིགས་ལ་རྡོ་རྗེ་ཕྲེང་བ་མགོ་ལ་བཅིངས་པས་དབང་བསྐུར་བར་གསུངས་པས་ན་འདིར་ཡང་དེ་བཞིན་ཏེ། ཁྲོ་བོ་འདི་ནི་རྡོ་རྗེའི་རིགས་སུ་བྱུང་བས་སོ། །གཞན་དག་ཁྲོ་བོ་ཏི་རཱིནྟི་རི་ཞེས་བྱ་བ་རྡོ་རྗེ་འབར་བ་ལས་གཞན་དུ་འདོད་
པ་དེ་མི་འཐད་དེ། ཨོཾ་བཛྲ་ཛྭཱ་ལ་ཨ་ན་ལཱརྐ་ཧཱུྃ་ཨ་བྷི་ཥིཉྩ་མཱཾ་ཞེས་བྱ་བའི་སྔགས་འདིས་བྱིན་གྱིས་བརླབས་པའི་ཏི་རཱིནྟི་རིའི་ཕྱག་རྒྱས་དབང་བསྐུར་བ་ན་ཕྱག་རྒྱ་དང་སྔགས་ཐ་དད་པ་ཕན་ཚུན་གྱི་བྱིན་གྱིས་རློབ་པར་མི་འགྱུར་བའི་ཉེས་པ་ཡོད་པ་དང་། འཕགས་པ་ངན་སོང་
ཐམས་ཅད་ཡོངས་སུ་སྦྱོང་བར་ཡང་ཁྲོ་བོ་ཉི་མའི་མེའི་དཀྱིལ་འཁོར་དུ་འཇུག་པ་ན་ཁྲོ་བོ་ཏི་རཱིནྟི་རི་བཅིང་ཞེས་འདི་ཉིད་བསྟན་པ་དང་། དེ་བཞིན་དུ་དཀྱིལ་འཁོར་གང་དུ་གང་ཞིག་གཙོ་བོར་གྱུར་པ་དེའི་ཕྱག་རྒྱས་འཇུག་པར་བསྟན་པའོ། །དེ་ལ་གོ་ཆ་བྱ་བ་ནི་ཨོཾ་ཊུཾ་ཞེས་བྱ་བའི་
ཡི་གེ་གཉིས་ཀྱིས་གོ་ཆས་གོ་ཆ་བྱས་ལ་ཞེས་བྱ་བ་ནི་འཆད་པར་བྱས་ལ། དེའི་རྗེས་ལ་ཨོཾ་ཊུཾ་ཞེས་བྱ་བ་དང་། རྡོ་རྗེ་ཁུ་ཚུར་གཉིས་སྙིང་གར་མདུད་པ་བཅིང་བའི་ཚུལ་གྱིས་གོ་ཆ་བགོ་བར་བྱ་ཞིང་། དེ་བཞིན་དུ་མགྲིན་པ་དང་། ལྟག་པ་དང་། སྙིང་ག་དང་། ནུ་མའི་བར་
དང་། ཡང་སྙིང་ག་དང་། མགྲིན་པ་དང་། རྒྱབ་དང་། དཔྲལ་བའི་སྟེང་དུ་མདུད་པ་དར་དཔྱངས་བཅིང་བའི་ཚུལ་དུ་བྱའོ། །སྒེག་པ་དང་བཅས་པས་ཐ་མ་ནས་ཙམ་ལ་བཀྲོལ་ཏེ། མཐར་མཉམ་པའི་ཐལ་མོ་དང་། བཛྲ་ཏུ་ཥྱ་ཧོཿཞེས་བཤད་ལ་གོ་ཆ་བགོ་བ་འདི་ནི་
རྒྱས་པར་བྱ་བ་རྣལ་འབྱོར་གྱི་རྒྱུད་གཞན་ལས་ཀྱང་གསུངས་ཏེ། རྡོ་རྗེ་སེམས་དཔའ་དཔལ་སྦྱོར་བས། །ཇི་ལྟའི་ཚུལ་བཞིན་བྱེད་པ་ཡིས། །རྡོ་རྗེ་ཁུ་ཚུར་གཉིས་བཅིངས་ནས། །གོ་ཆ་བགོ་བའི་ཚུལ་དུ་བྱ། །སྤྱི་བོ་དང་ནི་དཔྲལ་བར་གཉིས། །གློ་གཉིས་དང་ནི་རྒྱབ་ཏུ་

62-1-194a

གཉིས། །རྡོ་རྗེ་ཕྲེང་བས་བཅིངས་པ་དང་། །སངས་རྒྱས་གཙུག་གི་ནོར་བུ་དང་། །དར་བཅིང་ཐབས་སུ་བཅིངས་ནས་ནི། །འགྱིང་དང་བཅས་པ་མཐའ་ནས་དགྲོལ། །དར་དཔྱངས་པ་ཡི་ཐབས་བྱས་ན། །ཐལ་མོ་བརྡབ་པས་བརྟན་པར་བྱ། །འདི་ཡིས་
བསྲུང་བ་བྱས་ནས་ནི། །རྡོ་རྗེ་སེམས་དཔའ་དཔལ་དང་འདྲ། །མི་ཆོད་པ་དང་མི་ཕྱེད་པའི། །རྡོ་རྗེའི་སྐུ་ནི་རབ་ཏུ་འགྲུབ། །རིམས་དང་དུག་དང་དབྱིག་དུག་ནད། །མཁའ་འགྲོས་གཙེས་དང་གདོན་རྣམས་དང་། །ཡན་ལག་མ་རུང་བྱེད་པ་ཀུན། །འདི་ཡིས་བསྲུང་ན་ཡོང་མི་ཚུགས། །
དཔལ་རྡོ་རྗེ་ཞེས་བྱ་བའི་ཕྱག་རྒྱའོ། །ཞེས་སོ། །ཡང་དེ་ཉིད་ལ། དབུ་རྒྱན་བཅིང་བས་བཅིངས་པ་ནི། །འགྱིང་ཞིང་མཐའ་ནས་དགྲོལ་བར་བྱ། །དར་གྱི་མཐའ་མ་འཕྱང་བ་ལྟར། །བྱས་ཏེ་ཐལ་མོ་བརྡབ་པར་བྱ། །ཞེས་སོ། །དེ་ལྟར་རྣལ་འབྱོར་ཁྱད་པར་ཅན་དབང་བསྐུར་ཞིང་ཆོ་ག་དགོས་
པ་དེས་བསྲུང་བ་བྱའོ། །ཇི་ལྟར་བསྲུང་བ་བྱ་ཞེ་ན། བྱ་བའི་རྒྱུད་ལས་ཁྱད་པར་དུ་གྱུར་པས་བསྲུང་སྟེ། དེར་ནི་མཚན་མ་ལ་མངོན་པར་དགའ་བས་བསྲུང་བ་ཐམས་ཅད་རྫས་ལ་བརྟེན་པ་སྟེ། ལས་ཀུན་བྱེད་པའི་གསང་སྔགས་སམ། །ཡང་ན་བགེགས་ཀྱི་དགྲས་ཀྱང་རུང་། །ངེས་པར་ཡུངས་ཀར་
ལ་སོགས་པས། །དང་པོར་ཀུན་དུ་བསལ་བར་བྱ། །ཞེས་གསུངས་སོ། །འདིར་ནི་ནང་གི་རྣལ་འབྱོར་གྱི་མཐུའི་དབང་ལས་བྱུང་བའི་སྔགས་དང་ཕྱག་རྒྱ་ཙམ་གྱིས་འགྲུབ་པས་རྫས་དེ་ལྟ་བུ་ལ་མི་ལྟོས་ཏེ། དེས་ན་ཁྲོ་བོའི་སྔགས་དང་ཕྱག་རྒྱས་ཐོག་མར་བགེགས་རབ་ཏུ་དྲག་པོ་དག་ལ་
བསྣུན་ཏེ། དེ་ཡང་རང་གི་ལག་གི་རྡོ་རྗེས་བརྒྱབ་ཅིང་བསད་པའོ། །བགེགས་བར་མ་རྣམས་ནི་བསྲེག་པ་སྟེ། རྡོ་རྗེ་ལས་མེའི་འོད་འཕྲོས་པས་ཚིག་ཅིང་གདུངས་ཏེ་བྱེར་བར་འགྱུར་བའི་ཕྱིར་རོ། །བགེགས་རབ་ཏུ་ཕྲ་མོ་མཐུ་ཤིན་ཏུ་ཆུང་བ་རྣམས་ནི་དེ་ཙམ་དུ་ཚར་བཅད་པ་ལ་མ་ལྟོས་པས་ན་
བཅིང་བ་ཙམ་ཞིག་བྱ་བ་སྟེ། དེ་ཡང་རང་གི་ལག་གི་རྡོ་རྗེའི་འོད་འཕྲོས་པས་དེ་དག་བཅིང་བ་ལྔས་བཅིངས་པར་བསམ་མོ། །དེ་ལྟར་བགེགས་བསྐྲད་པར་བྱས་ནས། ད་ནི་ཕྱོགས་བཅིང་བ་ལ་སོགས་པ་བྱ་བའི་ཕྱིར། རྡོ་རྗེ་བཅིང་བ་ཞེས་པ་ལ་སོགས་པ་སྨོས་ཏེ། འདིར་མདོར་བསྡུ་ན་རྡོ་རྗེ་

62-1-194b

མེ་ལ་སོགས་པ་ནས་རྡོ་རྗེ་ཧཱུྃ་མཛད་ཀྱི་བར་དུ་སྔགས་དང་ཕྱག་རྒྱ་ཐ་དད་པ་ཐམས་ཅད་ཀྱང་རྡོ་རྗེ་འབར་བ་ཉི་མའི་མེ་ལྟ་བུ་ཁོ་ནའི་རྣལ་འབྱོར་ལ་གནས་པས་བྱའི་གཞན་གྱིས་མ་ཡིན་ཏེ་དེ་ནི་བསྲུང་བའི་ཕྱིར་ལྷག་པར་གནས་པ་དང་དང་པོར་བསྐྱེད་པས་སོ། །དེ་ནས་ལྷ་འདི་དག་གི་རང་རང་གི་རྣམ་པར་
ཐར་པ་བསྡུས་པ་ནི་བཅོམ་ལྡན་འདས་འདི་ཁོ་ནའོ་ཞེས་དམིགས་པར་ཡང་བྱའོ། །གཞན་དུ་ན་འདི་དག་རེ་རེ་ལ་ཡང་བསྐྱེད་པ་དང་དབང་བསྐུར་བ་དང་གོ་ཆ་བགོ་བའི་བྱ་བས་མཐའ་མེད་པའི་སྤྲོས་པ་འབྱུང་བར་འགྱུར་རོ། །དེ་ལ་ཐོག་མར་ནི་འོག་བཅིངས་ཏེ། བསྲུང་བ་འདི་ནི་ཕལ་ཆེར་དཀྱིལ་
འཁོར་དུ་རྡུལ་ཚོན་གྱི་བྱ་བ་དང་ཡང་འབྲེལ་ལ། ས་ལས་བགེགས་འབྱུང་བ་མང་བས་ན་འདི་ལྟར་ལྷ་མ་ཡིན་མ་རུངས་པ་དང་། ཀླུ་མ་རུངས་པ་དང་། ས་བདག་མ་རུངས་པ་དང་། ཐ་ན་རྐང་གིས་འགྲོ་བའི་སྲིན་བུ་དག་ཀྱང་འོག་ནས་ལྡང་བས་གནོད་པ་སྐྱེད་པ་དེའི་ཕྱིར་དེ་བསྲུང་བ་
སྟེ། འོག་ནས་ས་འགས་གཡོ་བར་བྱེད། །ཅེས་གསུངས་པ་ལྟ་བུའོ། །སྟེང་གི་བསྲུང་བ་གཉིས་ནི་ལྷའི་གདོན་མཐུ་ཆེན་པོ་དག་སྟེང་ནས་འབྱུང་བའི་ཕྱིར་ཏེ། སྟེང་ནས་མཐུ་ཆེན་ལྷ་རྣམས་སོ། །ཞེས་གསུངས་པ་ལྟ་བུ་སྟེ། ཕྱོགས་དེ་ན་བདུད་སྡིག་ཅན་གྱི་དཔུང་གནས་པས་
སོ། །དེ་བཞིན་དུ་ཤར་ཕྱོགས་ཀྱང་ལན་གཉིས་སུ་བཅིང་སྟེ། དྲི་ཟ་རྣམས་དང་ལྷ་རྣམས་ཕྱོགས་དེ་ནས་ཀྱང་དབང་བྱེད་པས་སོ། །དེ་ནས་ནུབ་བཅིང་བ་ནི་སྤྲིན་དང་སེར་བ་དང་ཆར་དག་ཆེས་དཀྱིལ་འཁོར་དང་མི་འཕྲོད་ལ་དེ་དག་ཀླུ་རྣམས་ཀྱིས་བྱེད་པ་ཡིན་ལ། ཀླུ་རྣམས་ནི་
ཕལ་ཆེར་འཛམ་བུའི་གླིང་འདིའི་ནུབ་ཕྱོགས་ཀྱི་རྒྱ་མཚོ་ཀླུའི་གྲོང་ཁྱེར་ལོངས་སྤྱོད་ལྡན་ན་གནས་པས་སོ། །ད་ནི་སློབ་དཔོན་གྱི་ཞལ་སྔ་ནས་ཕྱོགས་བཅིང་བའི་ཆོ་ག་དེ་དག་ཁོ་ནས་མཚམས་ཀྱང་བཅིང་ངོ་ཞེས་བསྟན་པའི་ཕྱིར། ཕྱོགས་དང་མཚམས་དང་འོག་དང་སྟེང་གི་བགེགས་
ཚར་བཅད་པ་བྱས་ལ་ཞེས་སྨོས་ཏེ། ཤར་ཕྱོགས་བཅིང་བས་ཤར་ལྷོ་བཅིངས་ལ། ནུབ་ཕྱོགས་བཅིང་བས་ནུབ་བྱང་བཅིངས་ཏེ། དེ་བཞིན་དུ་ལྷོ་བཅིང་བས་ལྷོ་ནུབ་བཅིང་ཞིང་། བྱང་བཅིང་བས་བྱང་ཤར་བཅིང་ཞེས་འོག་ཏུ་ཡང་སྦྱར་ཏེ། དང་པོ་དང་མེ་ལྷ་དག་ལྷའི་རིགས་སུ་

62-1-195a

འདྲ་བ་དང་། གཤིན་རྗེ་དང་སྲིན་པོ་དག །ལས་དང་ལོངས་སྤྱོད་འདྲ་ཞིང་སྤྱི་དང་བྱེ་བྲག་ཏུ་གནས་པ་ཙམ་གྱི་ཕྱིར་དང་། ཀླུ་དང་རླུང་ལྷ་དག་ལས་མཐུན་པ་ལ་གནས་ཏེ་ཀླུ་རྣམས་ཀྱིས་སེར་བུ་དང་ཡུལ་ངན་པ་དང་བ་མོ་དག་བྱེད་པ་ལྟར་རླུང་ལྷ་ཡང་དེ་བཞིན་པའི་
ཕྱིར་དང་། གནོད་སྦྱིན་དང་འབྱུང་པོ་དག་རིགས་གཅིག་པ་དང་ལས་དང་ལོངས་སྤྱོད་དག་འདྲ་བའི་ཕྱིར་ཞེས་བྱ་བ་རྒྱུ་མཚན་ཏེ། དེ་དག་ཐམས་ཅད་བགེགས་སུ་གཅིག་པ་ཁོ་ནས་རྩ་བའི་རྒྱུད་ལས་བསྲུང་བ་རེ་རེ་ཞིག་རིགས་རེ་རེ་ལ་བསྟན་པར་ཟད་དོ། །དེ་བཞིན་དུ་གཏོར་མ་འདོད་པ་
ལ་སོགས་པའི་ཕྱིར་གནོད་སྦྱིན་དག་བར་དུ་གཅོད་པ་ལ་བརྩོན་པས་དེ་མ་ཐག་ཏུ་བྱང་བཅིང་བས་བཅིངས་པ་སྟེ། ཐམས་ཅད་ཀྱི་མཇུག་ཏུ་ལྷོ་བཅིངས་པ་ནི་གཤིན་རྗེ་རྣམས་ཆོས་ཀྱི་རྒྱལ་པོ་གཤིན་རྗེའི་ལུང་གིས་འཇུག་ལ། རྡོ་རྗེ་སློབ་དཔོན་ལྷག་པའི་བསམ་པ་ཕུན་སུམ་ཚོགས་
པས་འགྲོ་བ་ཡོངས་སུ་སྐྱོབ་པ་ལ་བར་དུ་གཅོད་པ་ལ་མི་བརྩོན་པས། འདི་དག་གི་གནོད་པ་ཤིན་ཏུ་ཉེ་བ་མ་ཡིན་པས་ན་ཐ་མར་བསྲུང་བའོ། །རྡོ་རྗེ་ལས་ཀྱི་དཀྱིལ་འཁོར་བསྲུང་བ་བྱས་ལ་རབ་སྦྱིན་ནོ་ཞེས་བྱ་བ་ལ། དེ་ལ་དཀྱིལ་འཁོར་བཅིང་བ་ནི་ཇི་ལྟར་བྱ་བའི་རྒྱུད་ལས། 
ཙནྡན་དམར་པོས་བྱུག་པ་ཡི། །སེང་ལྡེང་ཕུར་བུ་མཛུབ་གང་ལ། །རྣོན་པོར་བྱས་པ་བཞི་དག་ལ། །སྐུད་པ་དམར་པོ་དག་གིས་དཀྲིས། །རྡོ་རྗེ་ཕུར་བུ་བརྒྱར་བསྔགས་ཏེ། །གནས་སམ་ཁྱིམ་དག་ཏུ་ཡང་རུང་། །ཁུ་ཚུར་གྱིས་ནི་ཕྱོགས་བཞིར་གདབ། །ལས་ཀུན་བྱེད་པའི་
རིག་སྔགས་ཀྱིས། །ཚོན་སྣ་ལྔ་ཡི་སྲད་བུ་ལ། །ལན་བརྒྱར་བསྔགས་ནས་དང་པོར་དེར། །ཕུར་བུ་རྣམས་ལ་བྲི་བར་བྱ། །ཕུར་བུ་རྡོ་རྗེ་འདྲ་བའམ། །ཡང་ན་རྩེ་གཅིག་སྦོམ་པོ་ལ། །རྡོ་རྗེ་ཕུར་བུ་ལན་བརྒྱ་རུ། །མངོན་པར་བསྔགས་པ་བྱས་པ་དག །ལྷ་ཡི་གནས་ཀྱི་
ཕྱི་རོལ་གྱི། །གྲྭ་བཞིར་ཀུན་དུ་གདབ་པར་བྱ། །ཡང་ན་དཀྱིལ་འཁོར་ཕྱི་རོལ་དུ། །བཏབ་ནས་ལས་རྣམས་རབ་ཏུ་བྱ། །རྡོ་རྗེ་ཕུར་བུའི་ཆོ་ག་འདི། །ལས་ཀུན་བྱེད་པར་ཤེས་པར་བྱ། །སྒྲུབ་ཚེ་འདི་ལ་བགེགས་མེད་ཅིང་། །སྒྲུབ་པ་པོ་ཡིས་དངོས་གྲུབ་འཐོབ། །

62-1-195b

ཅེས་གསུངས་ལ། དཀྱིལ་འཁོར་གྱི་ནི་འགྲམ་ལོགས་བཞིར། །སེང་ལྡེང་ཕུར་བུ་བཞི་བཙུགས་ཏེ། །ཚོན་སྐུད་ཁ་དོག་སྣ་ལྔ་ལས། །འཁོར་བར་དམ་དུ་བྲི་བར་བྱ། །ཞེས་གསུངས་ཏེ། འདི་ཉིད་དཀྱིལ་འཁོར་བཅིང་བ་དང་། །འཁོར་ཡུག་བཅིང་བ་ཞེས་
བྱའོ། །རྣལ་འབྱོར་གྱི་རྒྱུད་འདིར་ནི་དེ་ལྟ་བུའི་ཕྱི་རོལ་གྱི་བྱ་བ་ལ་མི་ལྟོས་ཀྱིས། རྡོ་རྗེ་ལས་ཀྱི་སྔགས་དང་ཕྱག་རྒྱ་ཉིད་ཀྱིས་དེ་དང་འདྲ་བར་བགེགས་ཀྱིས་འཇུག་པར་དཀའ་བའི་དཀྱིལ་འཁོར་བཅིང་བ་བྱས་པར་འགྱུར་རོ། །རབ་སྦྱིན་པར་ཡང་བྱ་བའི་རྒྱུད་དུ་ནི། རྡོ་རྗེ་ར་
བས་སྔགས་པ་ཡིས། །ལྕགས་ཀྱི་ཕྱེ་མས་རབ་ཏུ་བྱ། །ཞེས་པ་དང་། དེ་ནས་ཆོ་ག་འདི་དག་བྱ། །སོ་སོའི་ཕྱོགས་ཀྱི་རི་མོའི་མཐའ། །རྡོ་རྗེ་རྩེ་གསུམ་བྱ་བར་གསུངས། །དབུས་ཀྱི་ངོས་རྣམས་དག་ཏུ་ཡང་། །རྡོ་རྗེ་བསྒྲེང་བའི་ཕྲེང་བ་བྱ། །རྡོ་རྗེ་ར་བའི་གསང་
སྔགས་ཀྱིས། །གོ་ཆ་དེ་ནི་བྱ་བར་བསྟན། །དེ་ཡི་དབུས་སུ་བཞུགས་ནས་སུ། །རྫས་རྣམས་རབ་ཏུ་བསྒྲུབ་པར་བྱ། །ཞེས་གསུངས་ཏེ། འདིར་ནི་དེ་ཡང་སྔ་མ་བཞིན་དུ་རྡོ་རྗེ་ལས་ཀྱི་སྔགས་དང་ཕྱག་རྒྱ་ཉིད་ཀྱིས་འགྲུབ་པོ། །འདིའི་ཕྱག་རྒྱ་ནི་འོག་ནས་འཆད་པས་
འདིར་མ་སྨོས་སོ། །སླར་ཡང་ནང་གི་ར་བ་སྟེ། །ཞེས་བྱ་བ་ཡང་ལྕགས་ཀྱི་ཕྱེ་མས་སྔ་མ་བཞིན་བྱ་བའི་རྒྱུད་དུའོ། །འདིར་ནི་རྡོ་རྗེ་ཧཱུྃ་མཛད་ཀྱི། །སྔགས་དང་ཕྱག་རྒྱ་ཉིད་ཀྱིས་སོ། །འོ་ན་ར་བ་དང་ནང་གི་ར་བ་ལ་བྱེ་བྲག་ཅི་ཡོད་ཅེ་ན། ར་བ་ནི་ཀུན་ནས་གྲུ་བཞི་ལྷམ་པ་སྟོང་གསུམ་
གྱི་སྟོང་ཆེན་པོའི་ཚད་དང་མཉམ་པ་གྱུར་པ་ཡིན་ལ། ནང་གི་ར་བ་ནི་ཀུན་ནས་ཟླུམ་པོ་བཅོམ་པ་དང་ལྡན་པའི་འཇིག་རྟེན་གྱི་ཁམས་འདིའི་ཚད་དུ་གྱུར་པའོ། །རི་མོ་ལ་ཡང་ར་བ་ནི་ཐིག་གྲུ་བཞིར་བཏབ་པ་ཇི་སྲིད་མ་ལུས་པར་བསྐོར་ལ། ནང་གི་ར་བ་ནི་ཟླུམ་པོར་དཀྱིལ་འཁོར་
ཁོ་ན་བསྐོར་བའོ། །འོ་ན་སློབ་དཔོན་རབ་འབྱོར་བསྐྱངས་ཀྱི་ཞལ་སྔ་ནས་རྡོ་རྗེའི་ར་བ་ཡང་གྲྭ་བཞིར་མཛད་པ་ཇི་ལྟ་བུ་ཞེ་ན། གང་དུ་དེ་གྲུ་བཞིར་བྱས་པ་དེར་ནི་བཅོམ་པ་དང་ལྡན་པའི་འཇིག་རྟེན་གྱི་ཁམས་འདིའི་སྙིང་པོ་རི་རབ་ཀྱི་རྩེ་མོ་རྣལ་འབྱོར་གྱི་རྒྱུད་ཀྱི་གནས་ཆེན་པོ་

62-1-196a

གཙོ་བོར་མཛད་པ་དགོངས་པར་མཛད་དོ། །དེ་ནས་བཅོམ་ལྡན་འདས་ཀྱིས་བཅོམ་པ་དང་འཇིག་རྟེན་གྱི་ཁམས་འདིར་མངོན་པར་བྱང་ཆུབ་པ་ཆེན་པོ་བརྙེས་ནས། མི་མཇེད་ཀྱི་འཇིག་རྟེན་གྱི་ཁམས་འདིར་མཛད་པ་རྒྱས་པས་འདུལ་བའི་ཞིང་དུ་མཛད་པ་ལྟར་
སྔགས་པའི་དབང་ཕྱུག་གིས་ཀྱང་དེ་དེ་བཞིན་དུ་སྤྱད་པའི་ཕྱིར་ར་བ་དང་ནང་གི་ར་བ་གཉིས་ཀྱི་ཞིང་བྱིན་གྱིས་བརླབ་པའོ། །རྡོ་རྗེའི་དྲ་བ་སྦྱིན་ནོ་ཞེས་བྱ་བ་ལ། དེ་ཡང་བྱ་བའི་རྒྱུད་ལས་ནི། རྡོ་རྗེའི་དྲ་བ་གསང་སྔགས་ཀྱིས། །ལན་བརྒྱར་བསྔགས་པའི་ཕྱེ་མ་ལས། །རྡོ་རྗེའི་ཕྲེང་
བས་འཁོར་ཡུག་ཏུ། །བྲིས་ན་རྡོ་རྗེའི་དྲ་བར་འགྱུར། །ཞེས་པ་དང་། ཆོ་ག་འདི་ཡི་ཕྱི་ནང་དུ། །རྡོ་རྗེ་ལྟ་བུའི་དྲ་བ་དང་། །རྡོ་རྗེ་དྲ་བའི་གསང་སྔགས་ཀྱིས། །ཤིན་ཏུ་ཐུབ་པར་དཀའ་བར་འགྱུར། །ཞེས་གསུངས་ཏེ། ཕྱི་ནང་ཞེས་བྱ་བ་ནི་ཕྱིའི་དྲ་བ་ཕྱིའི་རྡོ་རྗེ་ར་བའི་ཕྱི་
རོལ་ཁོ་ན་ཡིན། ནང་གི་དྲ་བ་ནི་ཐིག་ཟླུམ་པོས་བསྐོར་བའི་མེའི་འོད་ཀྱི་ཕྲེང་བའི་ནང་དུའོ་ཞེས་བྱ་བ་བླ་མའི་ལུང་ངོ་། །དེ་ལྟ་བུར་ཡང་རྣལ་འབྱོར་གྱི་རྒྱུད་འདིར་ནི་སྔགས་དང་ཕྱག་རྒྱས་འགྲུབ་པས་ཕྱི་རོལ་གྱི་བྱ་བ་ལ་མི་ལྟོས་སོ། །རྡོ་རྗེ་བཅིང་བ་ནི་རྡོ་རྗེ་ལྕགས་སྒྲོག་སྟེ། ཕྱག་རྒྱ་ཡང་དེའི་
ལས་ཀྱི་ཕྱག་རྒྱ་འོག་ནས་སྟོན་ཏོ། །གཞན་དག་ནི་ཡེ་ཤེས་དབབ་པའི་དུས་ཀྱི་རྡོ་རྗེ་བཅིང་བར་འདོད། དེ་ལ་དྲ་བ་ནི་ར་བ་དང་འཚམ་པར་སྟེང་གཡོགས་ཀྱི་རྡོ་རྗེ་གཟེབ་བྲིའོ། །དེ་ལྟར་ན། བསྐྲད་པ་དང་ནི་འོག་བཅིང་དང་། །སྟེང་ཡང་བཅིང་ཞིང་འཁོར་ཡུག་ཏུ། །མཚམས་
བཅད་ཕྱོགས་ཀྱང་བཅིང་བྱ་ཞིང་། །རྡོ་རྗེ་ར་བ་དྲ་བ་བྱ། །རྒྱུད་དང་སློབ་དཔོན་ལུང་དག་གིས། །བདག་དང་རྫས་དང་ལྷ་ཡང་བསྲུང་། །གསང་སྔགས་དག་གིས་ཕྱི་ནང་དུ། །བགེགས་རྣམས་ཐམས་ཅད་བཟློག་པར་བྱ། །ཞེས་བྱ་བའི་རྒྱུད་ལས་གསུངས་པ་འདིར་ནང་གི་བྱ་བ་
ཙམ་གྱིས་བསྒྲུབས་པའོ། །རྡོ་རྗེ་རྩེ་མོ་ལས། སྲུང་བའི་ཆོ་ག་བྱས་པ་ལ། །བགེགས་ནི་མེད་ཀྱི་མ་འཇིགས་ཤིག །ཅེས་གསུངས་པས་བསྲུང་བ་ལས་མི་འཇིགས་པ་རྙེད་ཅིང་དེ་ལས་བགེགས་མེད་པར་གྱུར་པ་ལས་གྲུབ་པ་ནི་འདིའི་དགོས་པ་སྟེ། གཞན་དུ་ན་རྩ་བའི་རྒྱུད་ལས། 

62-1-196b

འཇིགས་ལས་ལྷག་པའི་བགེགས་གཞན་མེད། །ཅེས་གསུངས་པའི་བགེགས་ལྡང་བའི་ཕྱིར་རོ། །དེ་ལྟར་ལུས་དང་ངག་དང་ཡིད་རྣམ་པར་དག་པ་བསྲུང་བ་ཆེན་པོས་བསྲུང་བ་དེ་ཚེ་འདི་ཉིད་ལ་མངོན་པར་བྱང་ཆུབ་པར་བྱ་བའི་ཕྱིར་བསོད་ནམས་ཀྱི་ཚོགས་བསགས་པ་ལ་འཇུག་
དགོས་ཤིང་། དེ་ཡང་ཡུལ་ཁྱད་པར་ཅན་ལ་བརྟེན་པས་འགྲུབ་པའི་ཕྱིར། དེ་ནས་རྡོ་རྗེ་འཁོར་ལོའི་ཕྱག་རྒྱས་རྡོ་རྗེ་དབྱིངས་ཀྱི་དཀྱིལ་འཁོར་ཆེན་པོ་མདུན་ཉིད་དུ་འགྲུབ་པར་བྱའོ་ཞེས་བྱ་བ་ལ་སོགས་པ་གསུངས་ཏེ། འདིའི་སྔགས་དང་ཕྱག་རྒྱ་ལན་ཅིག་གཡས་ནས་བསྐོར་བས་ཁང་པ་
བརྩེགས་མ་དང་བཅས་པ་ལྷ་རྣམས་འགྲུབ་པས་ན་འདིས་ཕྱོགས་ཐམས་ཅད་དུ་གཡས་ནས་བསྐོར་བས་དཀྱིལ་འཁོར་ཐམས་ཅད་སྤྲུལ་པར་འགྱུར་རོ་ཞེས་གསུངས་སོ། །གཞན་དག་ནི་ལྷ་ཇི་སྙེད་པའི་གྲངས་ཀྱི་ཕྱིར་འགྱེད་པར་གཡས་ནས་བསྐོར་བས་ལྷ་རྣམས་འབའ་ཞིག་ནམ་
མཁའ་ལ་བསམ་གྱི། ཁང་པ་བརྩེགས་མ་མེད་ཅེས་ཟེར་རོ། །དེ་ལྟར་དཀྱིལ་འཁོར་སྤྲུལ་པར་ཞུགས་ནས། ད་ནི་ཚོགས་བསགས་པའི་བྱ་བ་ལ་འཇུག་པར་བསྟན་པ་དེ་ནས་དཀྱིལ་འཁོར་བློས་མངོན་སུམ་དང་འདྲ་བར་དམིགས་ལ་མེ་ཏོག་ལ་སོགས་པས་ཡང་དག་པར་མཆོད་དེ་
ཞེས་བྱ་བ་ལ་སོགས་པ་རྒྱ་ཆེར་སྨོས་སོ། །འདིར་བསམ་པར་བྱ་བ་འགའ་ཞིག་ཡོད་དེ་ཁ་ཅིག་ན་རེ་གང་དུ་ཡང་དང་པོར་ཕྱག་འཚལ་བ་དང་། དེ་ནས་མཆོད་པ་དང་། སྡིག་པ་བཤགས་པ་དང་། རྗེས་སུ་ཡི་རང་བ་དང་། བསྐུལ་བ་དང་། གསོལ་བ་གདབ་པའི་མཐར་
ཡོངས་སུ་བསྔོ་བ་བྱས་པ་ཡིན་ལ། འོག་ནས་སློབ་མ་འཇུག་པ་ལ་ཡང་རིམ་པ་དེ་ལྟར་བྱས་པས་འདིར་ཡང་གོ་རིམས་དེ་ཉིད་བླང་ངོ་ཞེས་ཟེར་རོ། །དེ་བཞིན་དུ་འཆད་པར་གྱུར་པ་ལས་དེ་ལྟར་མཆོད་པ་རྣམ་པ་ཉི་ཤུས་དེ་བཞིན་གཤེགས་པ་ཐམས་ཅད་ཡང་དག་པར་མཆོད་ལ་ཞེས་
བྱ་བ་འདིར་མཆོད་པ་བཅོ་བརྒྱད་ལས་མ་སྨོས་པས་མཆོད་པ་གཉིས་གཞན་ནས་འདིར་དྲང་ངོ་ཞེས་ཟེར་རོ། །དེ་ལ་དང་པོ་ལ་བརྗོད་པ་བདེན་མོད་ཀྱི་འོན་ཀྱང་འདི་ལ་ཡང་གནོད་པ་མེད། འདིར་དང་པོ་མཆོད་པ་དང་ཕྱག་བཙལ་བ་བྱ་སྟེ། དེ་ནས་སྡིག་པ་བཤགས་པ་

62-1-197a

ནས་གསོལ་བ་གདབ་པའི་བར་དུ་བྱས་ལ། ཡང་མཆོད་པ་བཅོ་བརྒྱད་བྱས་ནས་བདག་དབུལ་བ་དང་ཡོངས་སུ་བསྔོ་བ་དང་། སྡོམ་པ་གཟུང་བ་བསྟན་པ་འདི་ལ་ཉེས་པ་མེད་པ་ནི་རྒྱུད་དང་མདོ་སྡེ་དང་དེ་དང་དེར་བྱང་ཆུབ་སེམས་དཔའ་ལ་སོགས་པས་དང་པོ་
མཆོད་པ་བཀོད་པས་མཆོད་ལ། དེ་ནས་ཕྱག་བཙལ་བར་སྣང་ལ་ཁ་ཅིག་ཏུ་རིམ་པ་གཞན་དུ་ཡང་སྣང་བ་འདི་ལ་ངེས་པར་གཅིག་བསྒྲུབ་པའི་ངེས་པ་མེད་པས་གོང་དུ་གང་བསྟན་པ་ཉིད་ཚད་མར་བྱའོ། །གང་དུ་ཡང་ལུང་མཐོང་བ་དང་འགལ་བར་བྱ་བ་ནི་སྔགས་ཀྱི་ལམ་འདིར་
མེད་ཀྱི་ལུང་གི་ལུང་གཞན་རྣམ་པར་ཕྱེ་བ་ནི་མ་གཏོགས་སོ། །འདོད་པ་གཉིས་པ་ལ་ཡང་བརྗོད་པ་ནི་འདིར་མཆོད་པ་གཉིས་གང་དག་དྲང་ཞེ་ན། འོག་ནས་ལས་ཀྱི་རྒྱལ་པོ་མཆོག་གི་སྐབས་ནས་ཡོན་ཆབ་དང་བཤོས་དབུལ་བ་འབྱུང་བས་འདིར་དྲང་བར་རིགས་ཏེ། ཡོན་
ཆབ་ནི་མཆོད་པ་གཞན་གྱི་སྔོན་དུ་བྱེད་པའི་ཕྱིར་རིགས་ལ་འདོད་པའི་ཡོན་ཏན་ལྔ་ལས་རོ་ཡང་འདིར་སྨོས་ཏེ་དེས་ན་གཉིས་འདིར་དྲང་ངོ་ཞེས་ཟེར་རོ། །དེ་ནི་མ་ཡིན་ཏེ་ཡོན་ཆབ་ནི་གང་དུ་ལྷ་སྤྱན་དྲང་བ་དེར་དབུལ་བ་ཡིན་ཏེ། འདི་སྐད་དུ་དེ་ནས་སྤོབས་པའི་བློ་གྲོས་གཡོག་འཁོར་དང་
བཅས་པས་བཅོམ་ལྡན་འདས་བསུ་ནས། ཡོན་ཆབ་དང་ཞབས་བསིལ་དབུལ་བས་བཅོམ་ལྡན་འདས་ཀྱི་ཞབས་ལ་མགོ་བོས་ཕྱག་འཚལ་ནས་ཞེས་གསུངས་པ་ལྟ་བུའོ། །འདིར་ནི་ལྷ་རྣམས་སྤྲུལ་པ་ཙམ་ལས་སྤྱན་དྲང་བ་མེད་པ་མི་འཐད་དེ། འདིར་སྤྲུལ་ཞེས་བྱ་བ་ཡང་
ཇི་ལྟར་ཐམས་ཅད་དུ་ཁྱབ་པ་ཆོས་ཀྱི་སྐུ་ལས་སྔགས་དང་ཕྱག་རྒྱའི་དབྱེ་བས་གཟུགས་ཀྱི་སྐུར་སྣང་བ་ཤར་བ་ཙམ་ལ་བྱ་ལ། དེ་ཡང་ཐ་སྙད་ཀྱི་བདེན་པར་བྱོན་པ་ལས་འདས་པའོ། །དེ་བཞིན་དུ་བྱ་བའི་རྒྱུད་ལས་ནི་ལྷ་བཤོས་དབུལ་བ་གསང་སྔགས་ཀྱི་ཁ་ཟས་ཡིན་པར་འདོད་
པས་ན་ཞེས་བྱ་བ་ལ་སོགས་པས་རྣམ་པར་རྟོག་པ་དྲག་པོས་ལྷ་བཤོས་དབུལ་བ་ལ་རྣམ་པ་སྟོང་དུ་ནན་ཏན་བྱེད་པ་ཡིན་ལ། རྣལ་འབྱོར་གྱི་རྒྱུད་འདིར་ནི་སངས་རྒྱས་དང་བྱང་ཆུབ་སེམས་དཔའ་ཟས་ཀྱི་ལྟོས་པ་དང་བྲལ་བ་རྣམས་ལ་ངེས་པར་དབུལ་བའི་ཚེགས་ཀྱིས་ཅི་ཞིག་བྱའི། 

62-1-197b

གང་དུ་རང་གི་རྣལ་འབྱོར་འཕེལ་བ་དང་། སེམས་ཅན་རྣམས་རྗེས་སུ་བསྲུང་བ་དེ་ཙམ་གཙོ་བོར་གྱུར་པས་ན་ངེས་པར་འདིར་ལྷ་བཤོས་དབུལ་བའི་ལུང་མེད་དོ། །ལས་ཀྱི་རྒྱལ་པོ་མཆོག་ལ་སོགས་པར་ནི་ལྷ་རྣམས་སྤྱན་དྲངས་པས་འཇིག་རྟེན་གྱི་ལུགས་མི་བོར་བར་བྱ་བས་འཇུག་པའི་
ཕྱིར་དེ་དག་སྨོས་པས་ཉེས་པ་མེད་དོ། །གཞན་དག་འདིར་ཚད་མེད་པ་བཞི་དང་། བྱང་ཆུབ་ཀྱི་སེམས་བསྐྱེད་པའི་མཆོད་པ་བསྣན་ཏེ་ཉི་ཤུའོ་ཞེས་ཟེར་ན་དེ་དག་ཡང་ལན་གཉིས་སྨོས་པ་ལ་དགོས་པ་མེད་དོ། །གཞན་ཡང་ཨེ་ཝཾ་གྱི་སྒྲ་བྱུང་བར་གྱུར་པ་ལ་སྦྱར་ནས་བདག་དབུལ་བ་
དང་། བྱང་ཆུབ་ཏུ་སེམས་བསྐྱེད་པ་ལ་མཆོད་པ་གཉིས་སུ་བརྗོད་དེ། དེ་ལྟ་ན་མཆོད་གནས་བདག་དབུལ་ཞེས་བར་དུ་གཅོད་པའི་ཚིག་མི་འཐད་པར་འགྱུར་རོ། །ཡང་གཞན་དག་ནི་གོས་དང་རྒྱན་དག་རེ་རེ་ལ་ཤེས་རབ་དང་ཡེ་ཤེས་དག་རེ་རེར་བགྲང་ན་དེ་དག་གི་སྔགས་མ་སྨོས་པ་
དང་། ཤེས་རབ་ཀྱི་ཕ་རོལ་ཏུ་ཕྱིན་པ་ཙམ་དུ་མཛད་པ་དང་། དཔག་བསམ་གྱི་ཤིང་དང་གོས་ཀྱི་ཤིང་དག་སྨོས་པ་ན་དཔག་བསམ་གྱི་ཤིང་ལས་གོས་ཀྱང་འབྱུང་བས་དེ་རྒྱན་གྱི་རྒྱུར་སྨྲ་བ་དེ་དག་གི་དེ་མ་ངེས་པས་སོ། །འོ་ན་ཅི་ཞེ་ན། ཇི་ལྟར་སྦྱར་བའི་མཆོད་པ་བཅོ་བརྒྱད་པོ་ནི་
རྣལ་འབྱོར་གི་རྒྱུད་དུ་ཐུན་མོང་དུ་གྲགས་པ་རྫས་ལ་བརྟེན་པ་མ་ཡིན་གྱི། ནང་གི་བྱེད་པ་ལ་རག་ལས་པའི་མཆོད་པ་སྟེ། ཀུ་རུ་ཀུལླེ་ལས་བྱུང་བ་ལས་ཀྱང་མཆོད་པ་བཅོ་བརྒྱད་ཀྱིས་མཆོད་ལ་ཞེས་གསུངས་སོ། །ཡང་རྣལ་འབྱོར་གྱི་རྒྱུད་ཀྱི་ཆོ་ག་ཁ་ཅིག་དུ་དེ་དག་གི་སྟེང་དུ་མེ་ཏོག་
ལ་སོགས་པ་བཞི་དངོས་སུ་ཡོད་པ་དང་། ཕྱག་འཚལ་བ་བཞི་ལ་མཆོད་པ་གཅིག་ཏུ་བྱས་པ་ཁོ་ན་ལ་མཆོད་པ་ཉི་ཤུ་ཞེས་འདོད་དེ། དེས་ན་འདིར་ཡང་དང་པོ་ཉིད་དུ་དེ་ནས་བློས་དཀྱིལ་འཁོར་མངོན་སུམ་ལྟ་བུར་དམིགས་ལ། མེ་ཏོག་ལ་སོགས་པས་ཡང་དག་པར་མཆོད་དོ། །
ཞེས་བྱ་བ་ནི་ཕྱི་རོལ་གྱི་མཆོད་པ་གཅིག་སྟེ་མེ་ཏོག་ལ་སོགས་པས་ནི་ཚེགས་མེད་པས་ལྷ་སྤྱན་དྲངས་པའམ། ཅིག་ཤོས་ལ་ཡང་འདོད་ལ་ཡོན་ཆབ་དང་ལྷ་བཤོས་དག་ནི་དེ་ལྟ་མ་ཡིན་པས་འདིར་ནན་གྱིས་མི་བརྗོད་དོ། །དེ་ནས་རིགས་བཞིའི་ཕྱག་འཚལ་བ་ནི་བསྙེན་བཀུར་གྱི་

62-1-198a

མཆོད་པ་དང་དབང་བསྐུར་བའི་མཆོད་པ་དང་འཇུག་པའི་མཆོད་པ་དང་ལས་ཀྱི་མཆོད་པ་བཞིའི་ངོ་བོ་སྟེ། དེ་དག་ཕྱག་འཚལ་བས་བསྡུས་པས་གཅིག་གོ། །དེ་ལྟར་འདིར་མཆོད་པ་དེ་ཉིད་ཁོ་ན་ནས་བསྣན་པས་མཆོད་པ་ཉི་ཤུ་སྟེ། གཞན་དུ་ན་མཆོད་པ་
བཅོ་བརྒྱད་ལས་མེད་པར་དེ་ལྟར་མཆོད་པ་ཉི་ཤུ་ཞེས་སྟོན་ན་ནི་སློབ་དཔོན་གྱི་ཞལ་སྔ་ནས་སྨད་དུ་འཁྲུལ་བར་འགྱུར་ཏེ། བླ་མའི་ལུང་ལ་སློབ་མ་ལྟོས་པར་བྱ་བའི་ཕྱིར་རོ་ཞེ་ན་ཡང་དེ་ལྟ་ན་མཐའ་མེད་པའི་གཞུང་ཕྱིན་ཅི་ལོག་དགོས་ཤིང་། འདི་ལྟ་བུའི་བྱ་བ་ཕལ་པ་ཐམས་
ཅད་ལ་ཕན་པ་ལྟ་ཞོག་གི། དོན་ཟབ་མོའི་ཡུལ་ལ་མི་སྨྲ་བ་ལ་ཐུག་པར་འགྱུར་རོ། །སྡོམ་པ་གཟུང་བ་མེད་ན་མཆོད་པ་ལ་སོགས་པ་ཙམ་གྱིས་དངོས་གྲུབ་ཐོབ་པར་མི་ནུས་པས་ན་སྡོམ་པ་གཟུང་བར་བྱའོ་ཞེས་གསུངས་ཏེ། འདིར་བྱང་ཆུབ་ཀྱི་སེམས་ནི་རྣམ་པ་གཉིས་ཏེ། 
སྨོན་པ་དང་འཇུག་པའོ། །དེ་དག་གཉིས་ཀ་བསྐྱེད་པར་བྱ་བ་ཡིན་པས་དང་པོ་སྨོན་པའི་ངོ་བོར་བསྐྱེད་པར་བགྱི་ཞེས་བྱ་བ་ལ་སོགས་པའོ། །འཇུག་པའི་བྱང་ཆུབ་ཀྱི་སེམས་ནི་བྱང་ཆུབ་སེམས་དཔའི་སྡོམ་པ་ཡིན་པས། དེ་ཡང་འདི་གསང་སྔགས་ཀྱི་སྒོ་ནས་སྤྱད་པ་སྤྱོད་པའི་
བྱང་ཆུབ་སེམས་དཔའི་སྡོམ་པ་ཁྱད་པར་ཅན་ཏེ། དེ་བླང་བ་ནི་དང་པོ་ཐུན་མོང་བ་ཕ་རོལ་ཏུ་ཕྱིན་པའི་སྡོམ་པ་དང་པོ་བྱ་བར་རིགས་པས་ན་དེ་གཟུང་བའི་ཕྱིར། ཚུལ་ཁྲིམས་བསླབ་པ་རྣམ་པ་གསུམ། །ཞེས་བྱ་བ་ལ་སོགས་པའོ། །དེ་ནས་ཐུན་མོང་མ་ཡིན་པ་བྱང་ཆུབ་
སེམས་དཔའི་སྡོམ་པ་བླང་བ་ནི། སངས་རྒྱས་ཆོས་དང་དགེ་འདུན་ཏེ། །ཞེས་བྱ་བ་ལ་སོགས་པའོ། །དེས་འདི་སྐད་བསྟན་ཏེ། གལ་ཏེ་ལྷ་རྣམས་ཀྱིས་མྱུར་དུ་བྱིན་གྱིས་རློབ་པར་འདོད་ན་དང་པོ་སྨོན་པ་བྱང་ཆུབ་ཀྱི་སེམས་བརྟན་པོར་བྱ་ཞིང་། དེ་ནས་ཐུན་མོང་གི་བྱང་ཆུབ་
སེམས་དཔའི་སྡོམ་པ་གཟུང་ངོ་། །དེ་ནས་ཐུན་མོང་མ་ཡིན་པའི་བྱང་ཆུབ་སེམས་དཔའི་སྡོམ་པ་རིག་འཛིན་གྱི་སྡོམ་པར་བརྗོད་པ་བླང་ངོ་ཞེས་བྱ་བའི་དོན་ཏོ། །དེ་ནས་འོག་ཉིད་ནས། སེམས་ཅན་ཀུན་གྱི་དོན་གྱི་རྒྱུར། །བླ་ན་མེད་པའི་བྱང་ཆུབ་སེམས། །དམ་པ་བསྐྱེད་པ་

62-1-198b

བྱས་ནས་ནི། །སྡོམ་པ་མ་ལུས་བཟུང་བ་ཡིས། །མ་རྒལ་བ་ནི་བསྒྲལ་བའི་ཕྱིར། །ཞེས་བྱ་བ་ལ་སོགས་པ་སླར་ཡང་སྨོན་པའི་སེམས་ནི་བརྟན་པོར་བྱས་ཏེ། བྱང་ཆུབ་སེམས་དཔའི་ལེགས་པ་ཐམས་ཅད་ཀྱི་རྟེན་གྱི་གཙོ་བོ་ནི་སྨོན་པའི་སེམས་དེ་ཁོ་ན་ཡིན་པས། དེ་ཡང་དང་
ཡང་དུ་བརྟན་པར་བྱ་བ་ནི་ཆེས་རིགས་པར་འགྱུར་རོ། །དེ་ལ་ཐུན་མོང་གི་སྡོམ་པ་ནི་བྱང་ཆུབ་སེམས་དཔའི་སའི་ཚུལ་ཁྲིམས་ཀྱི་ལེའུ་ལས་གསལ་ལོ། །ཐུན་མོང་མ་ཡིན་པ་ནི་འདི་ལྟ་སྟེ། དེ་བཞིན་གཤེགས་པའི་རིགས་ལ་དཀོན་མཆོག་གསུམ་བཟུང་བ་རྣམ་པ་གཅིག་
དང་། རྡོ་རྗེའི་རིགས་ལ་རྡོ་རྗེ་དང་། དྲིལ་བུའི་ཕྱག་རྒྱ་བཟུང་བ་དང་། སློབ་དཔོན་བཟུང་བ་སྟེ་གསུམ་དང་། རིན་པོ་ཆེའི་རིགས་ལ་ཟང་ཟིང་དང་། ཆོས་དང་། མི་འཇིགས་པ་དང་། བྱམས་པ་སྦྱིན་པ་སྟེ་བཞི་དང་། པདྨའི་རིགས་ལ་ཕྱི་རོལ་གྱི་ཆོས་ཞེས་བྱ་བ་
རིག་བྱེད་ལ་སོགས་པ་དང་། གསང་བའི་ཐེག་པ་སྟེ་ཉན་ཐོས་དང་། རང་སངས་རྒྱས་དང་། ཐེག་པ་ཆེན་པོ་སྟེ་དེ་ལྟར་གསུམ་དང་ཕྱི་རོལ་གྱི་དང་བཞིའི་ལས་ཀྱི་རིགས་ལ་ནི་སྡོམ་པ་ཐམས་ཅད་དང་ལྡན་པར་བྱ་བ་དང་། མཆོད་པའི་ལས་བྱ་བ་སྟེ་གཉིས་སོ། །དེ་ལྟར་
གཅིག་དང་གསུམ་དང་བཞི་དང་བཞི་དང་གཉིས་ལ་བཅུ་བཞི་ཡིན་པས་ན། འོག་ནས་ཀྱང་འདི་དག་སློབ་མ་ལ་སྦྱིན་ལ་བདག་ཉིད་ཀྱང་འདི་དག་གཟུང་བའོ། །ད་ནི་སྐབས་འདིར་ཅུང་ཟད་བརྗོད་པ་ཡང་ཡོད་དེ། ཐེག་པ་ཆེན་པོ་མཐར་ཐུག་པའི་དོན་དུ་དཀོན་མཆོག་
གཅིག་ཁོ་ནར་འདོད་དེ། ལམ་དང་ལམ་སྒོམ་པ་པོ་གཅིག་པའི་རྒྱུད་ཡིན་པ་དང་། བསྟན་པ་དང་སྟོན་པ་པོ་ཡང་རྒྱུད་གཅིག་པ་དང་། དོན་དམ་པ་ཡང་དེ་བཞིན་གཤེགས་པ་ལས་ཐ་དད་པ་མ་ཡིན་ཏེ། དེ་བཞིན་ཉིད་དང་སངས་རྒྱས་དང་། །ཕན་ཚུན་བརྟན་པ་
རྟེན་མེད་ཅིང་། །རྣམ་གྲངས་ཁས་མི་ལེན་པ་དང་། །ཞེས་གསུངས་པའི་ཕྱིར་ཏེ། དེས་ན་སངས་རྒྱས་དཀོན་མཆོག་ཉིད་ཆོས་དཀོན་མཆོག་གོ། །སེམས་དཔའ་ཆེན་པོ་རྡོ་རྗེ་སེམས་དཔའ་ལ་སོགས་པ་ཡང་བཅོམ་ལྡན་འདས་ཉིད་ཀྱིས་སྤྲུལ་པ་བཀོད་པ་ཡིན་པས་དགེ་

62-1-199a

འདུན་དཀོན་མཆོག་ཀྱང་སངས་རྒྱས་དཀོན་མཆོག་ཉིད་དོ། །དེ་དག་ཀུན་རྫོབ་ལ་ཡང་དེ་དག་མཚན་ཉིད་གཅིག་པའི་ཕྱིར། འཕགས་པ་ཡོངས་སུ་མྱ་ངན་ལས་འདས་པ་ཆེན་པོའི་མདོ་ལས་སངས་རྒྱས་དཀོན་མཆོག་འབའ་ཞིག་ལ་སྐྱབས་སུ་འགྲོ་བར་བྱ་བ་རྒྱས་པར་
ངེས་པར་གསུངས་ཏེ། དེ་ལྟར་རྒྱུ་མཚན་གཅིག་པའི་རྟེན་གཟུང་བས་སྡོམ་པ་དེ་གཅིག་གོ། །པདྨའི་རིགས་ལ་ཁ་ཅིག་ཕྱི་ཞེས་བྱ་བ་ནི་ཉན་ཐོས་དང་རང་སངས་རྒྱས་དང་། ཕ་རོལ་ཏུ་ཕྱིན་པའི་ཐེག་པ་ཆེན་པོ་ཡིན་ལ། གསང་བའི་ཐེག་པ་ནི་གསུམ་སྟེ། བྱ་བ་དང་སྤྱོད་པ་དང་
རྣལ་འབྱོར་གྱི་ཐེག་པའོ་ཞེས་ཟེར་ཏེ། དེ་ནི་མི་རིགས་ཏེ་དེ་དག་ཕྱི་རོལ་པར་བཞག་པ་ནམ་ཡང་མི་འཐད་དེ། ཆོས་འདི་པ་ཞེས་གསལ་པོར་གྲུབ་སྟེ། སྐྱབས་འདྲ་བ་དང་བདག་མེད་པར་འདྲ་བའི་ལྟ་བ་ཅན་དང་། མི་རྟག་པར་ལྟ་བ་དང་མྱ་ངན་ལས་འདས་པར་ཞི་བར་འདོད་པ་
དང་འདུས་བྱས་སྡུག་བསྔལ་བར་འདོད་པ་ཅི་ཙམ་གྱིས་ཕྱི་ནང་དུ་བརྗོད་པས་སོ། །དེས་ན་འོག་ནས་ཀྱང་ཚུལ་ཐམས་ཅད་བསྟན་པའི་ཐེག་པ་གསུམ་གྱི་ངེས་པར་འབྱུང་བ་སྔགས་ཀྱི་སྤྱོད་པའི་སྒོ་ཡང་མངོན་དུ་བྱས་ལ་ཞེས་སྨོས་ཏེ། ཐེག་པ་གསུམ་གྱི་རབ་ཀྱི་མཐར་ཐུག་པ་སྔགས་ཀྱི་ཐེག་
པ་སྟེ། དེ་ནི་ཐེག་པ་ཆེན་པོ་ཉིད་དུ་འདུས་ཞེས་དགོངས་པའོ། །དེའི་ཕྱིར་དང་པོར་བསྟན་པར་གཟུང་ངོ་། །ལས་ཀྱི་རིགས་ལ་ཡང་སྡོམ་པ་ཐམས་ཅད་ལྡན་པ་ཞེས་བྱ་བ་ལ་ལར་འདུལ་བའི་དབང་གིས་མུ་སྟེགས་ཀྱི་སྡོམ་པ་དང་དཀའ་ཐུབ་དང་བརྟུལ་ཞུགས་དྲག་པོ་ཡང་བསྟེན་པར་བྱ་བ་སྟེ། ཇི་ལྟར་འཕགས་
པ་དཀོན་མཆོག་སྒྲོན་མའི་མདོ་ལས་རྒྱ་ཆེར་བསྟན་པ་ལྟ་བུའོ། །དེ་བཞིན་དུ་སེམས་ཅན་དག་གང་གིས་འདུལ་བ་དང་། སངས་རྒྱས་རྣམས་གང་གིས་མཉེས་པ་འདི་ཙམ་ལ་ལས་ཀྱི་རིགས་ཀྱི་སྡོམ་པ་བརྗོད་དོ། །རིགས་གཞན་གྱི་སྡོམ་པ་ནི་གོ་བར་སླ་བས་རྣམ་པར་མ་ཕྱེའོ། །ད་ནི་དེ་ལྟར་
མཆོད་པ་ལ་སོགས་སྔོན་དུ་འགྲོ་བས་བྱང་ཆུབ་ཀྱི་སེམས་རྣམ་པ་གཉིས་བསྐྱེད་པ་བྱས་པ་དེ་ལ་བྱ་བ་གཞན་བསྟན་པའི་ཕྱིར་ཡེ་ཤེས་དབབ་པ་བསྟན་ཏེ། ཅིའི་ཕྱིར་ཞེ་ན། བྱང་ཆུབ་ཀྱི་སེམས་ནི་རྣམ་པ་གཉིས་ཏེ། ཀུན་རྫོབ་དང་དོན་དམ་པའོ། །དེ་ལ་སྔར་བསྟན་པ་གཉིས་པ་ཀུན་རྫོབ་པ་སྟེ། 

62-1-199b

བསོད་ནམས་ཀྱི་ཚོགས་ཙམ་མོ། །དེ་ལས་གོང་དུ་དོན་དམ་པའི་བྱང་ཆུབ་ཀྱི་སེམས་ཡེ་ཤེས་ཀྱི་ཚོགས་ཀྱི་རང་བཞིན་ཏེ། དེ་མ་བསྐྱེད་ན་ཆོས་ཀྱི་སྐུ་འགྲུབ་པར་མི་རུང་བས་དེ་བསྐྱེད་པར་རིགས་སོ། །དོན་དམ་པའི་བྱང་ཆུབ་ཀྱི་སེམས་དེ་ཡང་སྔར་དཀྱིལ་འཁོར་ཆེན་པོར་འཇུག་པ་བཟླ་
མའི་དྲིན་གྱིས་བཏང་སྟེ། རང་གི་ལས་ཀྱི་མཐུན་རྐྱེན་ལྷ་རྣམས་ཀྱིས་མཛད་པས་ལན་འགའ་ཉམས་སུ་མྱོང་བའོ། །ད་འདིར་བླ་མ་ལ་མི་ལྟོས་པས་རང་གིས་དབབ་པར་བྱའོ། །འདིར་ཡེ་ཤེས་དེ་ཇི་ལྟར་དབབ་དགོས་པ་ནི་གང་དབབ་པའི་རྣམ་པར་དབྱེ་བ་ཇི་ལྟ་བུ་འདིའི་སྒྲ་དོན་ཇི་
ལྟར་བསྟན་ཞེ་ན། དེ་དག་ཅུང་ཟད་བརྗོད་དེ། དེ་ནས་གཟུགས་བརྙན་ལ་སོགས་པའི་རབ་ཏུ་སྦྱོར་བས་ཕྱག་རྒྱ་བཅིང་བ་སྔོན་དུ་འགྲོ་བའི་ཆོ་ག་ཐམས་ཅད་རྗེས་སུ་བསྒྲུབ་བོ་ཞེས་བྱ་བ་ལ་སོགས་པ་ནི་འདི་ཇི་ལྟར་དབབ་པའི་ཐབས་ཏེ། ཇི་ལྟར་སོ་སོར་རྟོག་པའི་ཤེས་རབ་ལས་
རྣམ་པར་མི་རྟོག་པའི་ཡེ་ཤེས་འབྱུང་བས་ན་འདིར་དང་པོ་གཅིག་དང་དུ་མ་ཉིད་བྲལ་བའི་ཕྱིར་རྒྱུ་བ་དང་། མི་རྒྱུ་བ་སྒྱུ་མ་དང་རྨི་ལམ་དང་ཆུའི་ཟླ་བ་ལྟར་མོས་པར་བྱས་ལ། རྡོ་རྗེ་ཐལ་མོ་དམ་པོར་བསྡམས་ནས་ལག་པ་གཡས་གཡོན་དག་འཁོར་བ་དང་མྱ་ངན་ལས་འདས་པར་
གྱུར་ཅིང་གང་དུ་དེ་གཉིས་ལ་མངོན་པར་ཞེན་པ་དམ་པོས་གནས་པ་དེ་ད་ལྟ་མི་གནས་པའི་མྱ་ངན་ལས་འདས་པ་ཐོབ་པས། དེ་དག་དྲལ་ཏེ་གཉི་ག་ལ་ཆགས་པ་བཅད་ཅེས་ཤེས་པ་དང་། དེ་ནས་བཛྲ་ཨཱ་བེ་ཤ་ཨཿཞེས་པས་རྡོ་རྗེ་ལྟ་བུའི་རྣམ་པར་མི་རྟོག་པའི་ཡེ་ཤེས་ཐོབ་པ་སྟེ། 
སྐད་ཅིག་ཐང་ཅིག་ཡུད་ཙམ་ཞིག་ལས་མི་གནས་པ་དག་ཅིང་ཇི་ཙམ་སྲིད་པའི་གྲོང་ཁྱེར་འདི་རབ་ཏུ་གསལ་བར་ལན་ཅིག་སྒྱུ་མ་ལྟར་ཉམས་སུ་མྱོང་བ་དེ་སྲིད་དུ་བརྟན་པར་བྱ་བའི་ཕྱིར་བརྟན་པར་བྱ་བའི་ཆོ་ག་བཤད་དོ། །ཐབས་དེ་ལྟར་ཕབ་པའི་དགོས་པ་ནི་ཐམས་ཅད་སྒྱུ་མ་ལྟར་ཤེས་
པས་བྱ་བ་ཐམས་ཅད་ལ་དངོས་པོར་མངོན་པར་ཞེན་པ་བོར་བས་རབ་ཏུ་མཐུ་དང་ལྡན་པར་གྱུར་ཏོ། །དངོས་པོར་དམིགས་པ་མེད་པ་ལས་བྱུང་བ་འབྲས་བུ་ཆེན་པོ་སྟེ། རྒྱས་པའི་རྒྱུ་ལས་བྱུང་བའི་ཕྱིར། །ས་བོན་དྲུང་པོའི་མྱུག་སོགས་བཞིན། །ཞེས་དབུ་མའི་གཙུག་

62-1-200a

ལག་ལས་བཤད་པ་བཞིན་ནོ། །དེ་ལ་དབབ་པའི་རྣམ་པར་དབྱེ་བ་གང་ཞེ་ན། དེ་ནི་སེམས་དཔའ་དབབ་པ་དང་། རྡོ་རྗེ་དབབ་པ་དང་། ཡེ་ཤེས་དབབ་པ་དང་། དབབ་པ་ཐ་མལ་པའོ། །ཇི་ལྟ་ཞེ་ན། དང་པོ་དཀྱིལ་འཁོར་དུ་སློབ་དཔོན་བདག་
ཉིད་འཇུག་པ་ན་སེམས་དཔའ་ཆེན་པོ་གང་རུང་ཞིག་བདག་ཉིད་ཁོ་ན་ལ་དབབ་པ་བྱས་ལ་དགེ་བ་དང་མི་དགེ་བ་ལ་ཤེས་པར་བྱའོ། །འདི་ཡང་རྩ་བའི་རྒྱུད་ཉིད་ལས་གསལ་པོར་གསུངས་སོ། །དེ་ལ་རྡོ་རྗེ་དབབ་པ་གང་ཞེ་ན། དཀྱིལ་འཁོར་ཆེན་པོར་སློབ་མ་འཇུག་པ་ན་
སློབ་མ་སྣོད་དུ་གྱུར་པ་དང་མ་གྱུར་པ་བརྟག་པ་དང་། བྱ་བ་དག་ངོས་པར་ཤེས་པར་བྱ་བའི་ཕྱིར་སློབ་དཔོན་གྱི་སྙིང་གའི་རྡོ་རྗེ་ལས་སློབ་མའི་སྙིང་གར་དབབ་པའི་ཆོ་ག་སྟེ་འོག་ནས་རྒྱས་པར་བསྟན་ཏོ། །ཡེ་ཤེས་དབབ་པ་ནི་གནས་སྐབས་འདི་ཉིད་དུ་ཇི་ལྟར་བསྟན་པའོ། །དེ་དག་ལས་
གཞན་པའི་དབབ་པ་ཐ་མལ་པ་ནི་རྣལ་འབྱོར་དང་བྱ་བའི་རྒྱུད་དེ་དང་དེ་དག་ཏུ་མེ་ལོང་དང་མཐེ་བོང་དང་རལ་གྲི་ལ་སོགས་པ་ལ་དབབ་པའི་ཆོ་ག་བསྟན་པ་སྟེ། དེ་དག་ཀྱང་ཕལ་ཆེར་འབྲས་བུ་མཚུངས་པ་ནི་འོག་ནས་རྒྱུད་ཀྱི་ཚིག་མདོར་སྨོས་པ་ལས། བབས་ན་དེའི་སྐད་ཅིག་ཁོ་ན་ལ་
མངོན་པར་ཤེས་པ་ལྔ་ལ་སོགས་པ་འགྲུབ་པར་འགྱུར་རོ་ཞེས་སྨོས་པ་སྟེ། སོགས་པ་ཞེས་བྱ་བ་ནི་དམན་པ་ཕལ་གྱི་བྱ་བ་ཐ་མལ་ཙམ་དང་། མཆོག་རྣམ་པར་མི་རྟོག་པའི་ཡེ་ཤེས་དག་བསྡུ་སྟེ། བབས་པའི་ཡོན་ཏན་རྒྱ་ཆེར་ནི་རྒྱུད་ལས་ཁོང་དུ་ཆུད་པར་བྱའོ། །གཞན་དག་ནི་འདིར་
རྟོག་གེ་དག་ལ་ཡེ་ཤེས་འཇུག །ཅེས་བྱ་བའི་ལུགས་ཀྱིས་ཀུན་རྫོབ་ཤེས་པ་སྐྱེའི་རྣམ་པར་མི་རྟོག་པའི་ཡེ་ཤེས་ནི་མ་ཡིན་ནོ་ཞེ་ན། དེ་ནི་མ་ཡིན་ཏེ་རྣམ་པར་མི་རྟོག་པའི་ཡེ་ཤེས་ཞེས་གསུངས་པ་མ་ངེས་པ་དང་འདི་ལས་རྣམ་པར་མི་རྟོག་པ་མི་སྐྱེ་བའི་མངོན་པར་ཤེས་པ་ལྔ་སྐྱེ་བའི་རྒྱུ་
མཚན་ཡང་མེད་དོ། །འོན་ཀྱང་རྣམ་པར་མི་རྟོག་པའི་ཡེ་ཤེས་སྐྱེ་བ་ནི་དཀའ་ལ་གཞན་རྙེད་སླ་བའོ། །དེ་ལ་ཡེ་ཤེས་དབབ་པ་ཞེས་བྱ་བའི་མིང་གི་དོན་ནི་རང་གི་སྙིང་གར་གནས་པའི་རྡོ་རྗེ་སེམས་དཔའ་ཡེ་ཤེས་སེམས་དཔའ་དེ་ལ་ཕྱོགས་བཅུའི་དེ་བཞིན་གཤེགས་པ་རྣམས་ཀྱི་

62-1-200b

ཡེ་ཤེས་ཀྱི་རྡོ་རྗེ་རྣམས་དབབ་པ་སྟེ། དྲིལ་བུའི་དུས་ཁོ་ནར་བདག་དང་དེ་བཞིན་གཤེགས་པ་རྣམས་ཀྱི་ཐུགས་ཀ་ཕྱེ་ནས་དེ་དག་ཞུགས་པར་གྱུར་པར་མོས་པས་འདི་འགྲུབ་བོ། །གང་ཡང་དང་པོ་དཀྱིལ་འཁོར་དུ་བླ་མས་ཡེ་ཤེས་དབབ་པའི་བྱ་བ་མ་བྱས་པ་དེས་ནི་དེ་ཉམས་སུ་མྱོང་བ་དེས་
ན་ནམ་ཡང་དབབ་པར་མི་ནུས་པར་ཤེས་པར་བྱའོ། །དེ་ལྟར་བསོད་ནམས་ཀྱི་ཚོགས་བསགས་ཤིང་རྣམ་པར་མི་རྟོག་པའི་ཡེ་ཤེས་ཐོབ་པ་དེས། ད་ནི་གཞན་གྱི་དོན་བྱ་བར་འོས་པས་ངན་འགྲོའི་སེམས་ཅན་རྣམས་ཐར་བར་བྱ་བའི་སྦྱོར་བ་བརྟན་པ་བཛྲ་མུཥྚི་ཞེས་བྱ་བ་ལ་སོགས་པ་སྟེ། 
འདིར་དོན་ནི་ཇི་ལྟར་བཅོམ་ལྡན་འདས་ཁམས་གསུམ་རྣམ་པར་རྒྱལ་བས་ངན་འགྲོའི་འགྲོ་བ་རྣམས་རང་དབང་མེད་པར་བཀུག་སྟེ་ཐར་བར་བྱས་པ་ལྟར། རྣལ་འབྱོར་པ་རྡོ་རྗེ་ཁུ་ཚུར་གྱི་ཕྱག་རྒྱས་ཁམས་གསུམ་རྣམ་པར་རྒྱལ་བའི་ཕྱག་རྒྱར་བཏབ་པར་གྱུར་པ་དེས་ཀྱང་ངན་སོང་བ་རྣམས་
དང་པོར་བཀུག་ལ་དེ་ནས་སྡིག་པ་དྲལ་བ་ཐར་བར་བྱ་སྟེ། འདིར་སེམས་ཅན་སོ་སོའི་སྙིང་ལ་སྡིག་པའི་གཟུགས་ཤ་ཟ་ལྟར་མི་སྡུག་ཅིང་སྐྲ་གྲོལ་བ་གཅེར་བུ་མཆེ་བ་གཙིགས་པ་མིའུ་ཐུང་དག་གནས་པ་དྲལ་བའི་ཕྱག་རྒྱས་ཕྱིར་འཐོན་ཏེ། དེ་ལ་རྡོ་རྗེ་ཁུ་ཚུར་གྱིས་བསྣུན་པས་མེད་པར་
གྱུར་པར་བསམས་ཏེ། སེམས་ཅན་དེ་དག་ཀྱང་ངན་འགྲོའི་ལུས་ལས་འཕོས་ཏེ་ལྷའི་འཇིག་རྟེན་དུ་གྱུར་པར་བསམ་ཞིང་། དེ་དག་གི་ངན་འགྲོའི་ལུས་ཀྱང་བ་ཚའི་རྒྱ་མཚོར་བོར་བར་གྱུར་པར་བསམ་པ་ནི་རྣལ་འབྱོར་པའི་མཐུའི་བྱེད་པས་སོ། །འདིར་ནི་ཁམས་གསུམ་རྣམ་པར་
རྒྱལ་བའི་དུམ་བུ་ལས་གསལ་པོར་རྟོགས་པར་བྱ་སྟེ་ཆོ་གའི་ཁྱད་པར་འདི་དག་གིས་རྣལ་འབྱོར་པའི་གནས་དེ་རི་རབ་ཀྱི་རྩེ་མོར་གྱུར་པར་མོས་པར་བྱའོ། །གཞན་དག་ནི་དེ་ནི་མངོན་པར་བྱང་ཆུབ་པ་བརྙེས་ཀྱི་གནས་ཏེ། ད་ལྟ་ནི་མིའི་ཡུལ་དུ་གྱུར་པས་སོ་ཞེས་ཟེར་ཏེ། དེ་ནི་མ་ཡིན་ཏེ། 
ཕྱག་རྒྱ་གཅིག་པ་ལ་སོགས་པ་ལ་མངོན་པར་བྱང་ཆུབ་པའི་ངེས་པ་མེད་ཀྱིས་རྣལ་འབྱོར་ཆེན་པོ་ཙམ་ལས་མི་བྱེད་ཀྱང་རི་རབ་ཀྱི་རྩེ་མོར་གྱུར་པ་ནི་མི་དོར་རོ། །དེ་ལྟར་བདག་དང་གཞན་ལ་ཕན་པ་སྤྱད་ནས་ད་ནི་རང་གི་ལྷ་དྲན་པ་དང་། སྔར་གྱི་དཀྱིལ་འཁོར་སྤྲུལ་པ་བྱས་པ་དེ་དགྲོལ་

62-1-201a

བའི་ཕྱིར། དེ་ནས་རྣམ་པར་སྣང་མཛད་ལ་སོགས་པའི་དམ་ཚིག་གི་ཕྱག་རྒྱ་བཅིངས་ལ། དེའི་སྔགས་ལན་གསུམ་བརྗོད་དེ་ཞེས་བྱ་བ་ལ་སོགས་པ་སྨོས་ཏེ། རྣམ་པར་སྣང་མཛད་ནས་རྡོ་རྗེ་འབེབས་པའི་བར་དུ་རང་གི་ལྷག་པའི་ལྷ་གང་ཡིན་པ་དེ་ཁོ་ནའི་དམ་
ཚིག་གི་ཕྱག་རྒྱ་བཅིངས་པས་དེ་ཁོ་ནའི་སྔགས་ལན་གསུམ་བརྗོད་དེ། འདི་ཅིའི་ཕྱིར་ཞེ་ན། དང་པོ་ཁྲོ་བོ་རྡོ་རྗེ་འབར་བ་ཉི་མའི་མེ་ལྟ་བུར་བདག་བསྐྱེད་པ་ནས་ད་ལྟ་ངན་འགྲོ་བ་ཐར་བར་བྱ་བའི་བར་དུ་ཁྲོ་བོའི་རྣལ་འབྱོར་ལ་གནས་པས་བྱ་བ་མང་ཞིག་བྱས་པས། རང་གི་ལྷའི་
རྣལ་འབྱོར་རྗེས་སུ་དྲན་པ་ཡུན་རིང་དུ་བོར་བས་ལྷ་སྤང་བ་དང་འདྲ་བར་གྱུར་པས་དེ་དྲན་པར་བྱ་བའི་ཕྱིར་རོ། །གཞན་དག་རྣམ་པར་སྣང་མཛད་ལ་སོགས་པའི་ལྷ་མ་ལུས་པའི་སྔགས་དང་ཕྱག་རྒྱས་བྱའོ་ཞེས་ཟེར་བ་ནི་མི་འཐད་དེ། དེ་ལྟར་ན་དེ་རྣམས་ཀྱིས་ཞེས་མང་པོའི་
ཚིག་ཏུ་སྟོན་པའི་རིགས་ལ། དེ་ལྟར་བྱས་ན་ཡང་དགོས་པ་ཆེན་པོ་མ་དམིགས་པས་དེ་སྤང་ངོ་། །འདིས་རང་རང་གི་སྙིང་གར་དགྲོལ་ཏེ། ཨོཾ་བཛྲ་མུཿཞེས་བྱའོ་ཞེས་བྱ་བ་ནི་ཕྱག་རྒྱའི་ཚོགས་ཇི་ལྟར་བཅིངས་པ་རྣམས་རང་གི་སྙིང་གའི་ནམ་མཁའ་ལ་དགྲོལ་བ་སྟེ། 
གཟུགས་ཀྱི་སྐུའི་ངོ་བོར་རྡོ་རྗེ་རྒྱུའི་སྔགས་དང་ཕྱག་རྒྱས་རང་དབང་མེད་པར་བཅིངས་པ་ལས་བཀྲོལ་ལ་སླར་ཆོས་ཀྱི་སྐུའི་ངང་དུ་བཞུད་པར་བྱ་བའོ། །ཇི་ལྟར་ནམ་མཁའ་ལ་གློག་སྣང་བ་དེ་ཉིད་དུ་ཐིམ་པར་གྱུར་པའི་དཔེས་འདིར་དེ་ལྟར་ནམ་མཁའ་ལས་ལྷའི་སྐུར་སྣང་བ་རྣམས་
སླར་དེ་ཉིད་དུ་བསྟིམ་པ་སྟེ་འདིས་ནི་འོག་ནས་ཏིཥྛ་བཛྲ་ཞེས་བྱ་བ་ལ་སོགས་པའི་དོན་ཡང་བརྗོད་པར་ཤེས་པར་བྱའོ། །འདི་ལ་དགོས་པ་ཅི་ཡོད་ཅེ་ན། དེའི་ཕྱིར་དེ་ལྟར་ཕྱག་རྒྱ་ཐམས་ཅད་མ་སྤངས་པར་འགྱུར་རོ་ཞེས་བྱ་བ་སྨོས་ཏེ། རང་གི་ལྷ་དྲན་པ་དང་ཕྱག་རྒྱ་དགྲོལ་བ་དེ་
ལྟར་ན་ཕྱག་རྒྱ་ཐམས་ཅད་དེ་ལྷག་པའི་ལྷ་དང་དཀྱིལ་འཁོར་ཐམས་ཅད་དོ། །མ་སྤངས་པར་གྱུར་པ་ནི་རྗེས་སུ་དྲན་པའི་སྒོ་ནས་དེ་མ་བཏང་བ་དང་། ལྷ་རྣམས་སླར་གཤེགས་སུ་གསོལ་བ་ཡང་གུས་པའི་ངོ་བོ་སྟེ། ལྷ་ལ་བརྙས་པ་སྤངས་པས་ན་ལྷ་རྣམས་ཀྱི་སྤྱི་དང་ཁྱད་པར་དུ་བཅས་

62-1-201b

པ་བས་སྤང་ཞིང་བརྙས་པར་མ་བྱས་པར་འགྱུར་རོ། །དེ་ལྟར་ན་རང་གི་ལྷ་དྲན་པ་ནི་ཕྱག་རྒྱ་བཀྲོལ་ནས་བྱ་བའི་རིགས་ཤེ་ན། མ་ཡིན་ཏེ། དཀྱིལ་འཁོར་པའི་ཁོང་ན་རང་གི་ལྷ་མངོན་སུམ་དུ་བཞུགས་པ་ཁོ་ན་ལ་དྲན་པ་གསལ་པོས་དྲན་པར་བྱ་བར་རིགས་ཤིང་ཕྱག་རྒྱ་བཀྲོལ་བའི་
རྗེས་ལ་ནི་དྲན་པའི་ཡུལ་གསལ་པོ་མེད་པའི་ཕྱིར་དང་། རང་གི་ལྷའི་ཕྱག་རྒྱའི་རྣལ་འབྱོར་ཆེན་པོ་བྱིན་གྱིས་བརླབ་པ་ཡང་འཇུག་པས་དེ་དྲན་པ་ངང་གིས་ཀྱང་འབྱུང་བས་དེ་ཉིད་ཆེས་འཚམ་པའོ། །དེ་ནས་ད་ནི་ཆོ་ག་ཇི་སྙེད་སྔར་སྤྱད་པ་ཐམས་ཅད་ཀྱང་ཕན་ཡོན་བསྡུས་ཏེ་བསྟན་
པའི་ཕྱིར། འདིས་བྱས་པས་རྣལ་འབྱོར་པ་བསྐལ་པ་གྲངས་མེད་པ་གསུམ་གྱིས་ངེས་པར་འབྱུང་བའི་བྱང་ཆུབ་སེམས་དཔའ་དང་འདྲ་བར་འགྱུར་རོ་ཞེས་བྱ་བ་སྟེ་ས་བཅུ་པའི་དབང་ཕྱུག་དང་འདྲའོ་ཞེས་བྱ་བའི་དོན་ཏོ། །ཇི་ལྟར་ཞེ་ན། འདི་ན་སྐྱེས་བུ་ཆེན་པོ་སློབ་པ་ཐེག་པ་ཆེན་
པོ་ལ་གཉིས་ཏེ། བྱང་ཆུབ་སེམས་དཔའ་དང་རྡོ་རྗེ་འཆང་ངོ་། །མི་སློབ་པ་ཡང་གཉིས་ཏེ། རྡོ་རྗེ་འཆང་ཆེན་པོ་དང་དེ་བཞིན་གཤེགས་པའོ། །དེ་འདིར་བྱང་ཆུབ་སེམས་དཔའ་ཆེན་པོ་བསྐལ་པ་གྲངས་མེད་པ་དང་པོས་འཇིག་རྟེན་ཆོས་ཀྱི་མཆོག་ཐོབ་ཅིང་། བསྐལ་
པ་གྲངས་མེད་པ་གཉིས་པས་ས་བརྒྱད་པ་མི་གཡོ་བ་ཐོབ་པས་ན། དེར་ཤིན་ཏུ་མཚན་མ་མེད་པའི་དབྱིངས་ནས་སངས་རྒྱས་ཐམས་ཅད་ཀྱིས་བསླང་སྟེ། ཡིད་ཀྱི་ལུས་ཐོབ་པས་སེམས་ཅན་གྱི་དོན་མཐའ་ཡས་པ་ཅིག་ཅར་སྒྲུབ་པས་བསྐལ་པ་གྲངས་མེད་པ་གསུམ་པ་ལས་ངེས་
པར་བྱུང་ནས་ས་བཅུ་པའི་དབང་ཕྱུག་ཆེན་པོར་འོག་མིན་དུ་འདིའི་རྣམ་པར་སྨིན་པའི་ལུས་འགྲུབ་པ་སྟེ། འདི་བསྐལ་པ་གྲངས་མེད་པ་གསུམ་གྱིས་ངེས་པར་འབྱུང་བའི་བྱང་ཆུབ་སེམས་དཔའ་སྟེ། གནས་སྐབས་དེ་སྙེད་སློབ་པ་བྱང་ཆུབ་སེམས་དཔའོ། །དེ་ལ་དེ་
དང་འདྲ་བ་ནི་རྡོ་རྗེ་འཆང་སྟེ། སྔགས་ཀྱི་ལམ་དག་གིས་བྱས་པ་སྟེ། ཚེ་འདི་ཉིད་ལ་དེ་དང་འདྲ་བ་ནི་ནང་གི་བདག་ཉིད་ཀྱི་ཁྲུས་བྱས་པས་བདག་མེད་པ་གཉིས་མཐོང་བས་མཐོང་བའི་ལམ་སྟེ། དེ་ནས་ངག་དག་པ་ནས་བཟུང་སྟེ་སྡོམ་པ་གཟུང་བའི་མཐར་ཐུག་པ་ནི་ལྷག་མ་དྲུག་གོ། །

62-1-202a

དེ་ནས་ཡེ་ཤེས་དབབ་པ་ནི་ས་བརྒྱད་པ་ནི་ཡེ་ཤེས་ཙམ་གྱི་སའོ། །དེའི་འོག་ཏུ་ངན་འགྲོ་སྦྱང་ཞིང་ཕྱག་རྒྱ་དགྲོལ་བ་ནི་ས་བརྒྱད་པ་ལས་ལངས་ཏེ་ས་དགུ་པ་དང་ས་བཅུ་པའི་ངོ་བོ་སྟེ། འདི་དག་གི་འཇིག་རྟེན་པའི་ས་བསྐལ་པ་གྲངས་མེད་པ་གཅིག་གིས་བགྲོད་པར་བྱ་བ་ནི་དང་པོ་
དབང་བསྐུར་ཞིང་བླ་མའི་ལྷའི་ལུས་སུ་བྱས་པ་ཁོ་ནའོ། །འདི་ཙམ་གྱིས་རྡོ་རྗེ་འཆང་སློབ་པ་ཞེས་བྱའོ། །དེ་ནས་ས་བཅུ་པའི་དབང་ཕྱུག་དེ་ཉིད་སྐྱེ་བ་གཅིག་གིས་ཐོགས་པའི་ངོ་བོ་དགའ་ལྡན་དུ་བྱོན་པ་ནི་རྣལ་འབྱོར་ཆེན་པོར་བྱིན་གྱིས་བརླབ་པའོ། །དེ་ཉིད་སྲིད་པ་ཐ་མར་གྱུར་པ་ནི་རྣལ་འབྱོར་
ཆེན་པོ་རྫོགས་པར་བྱ་བ་སྟེ། དེའི་འོག་ཏུ་རྡོ་རྗེ་ལྟ་བུའི་ཏིང་ངེ་འཛིན་བར་ཆད་མེད་པའི་ལམ་དེ་ནི་མངོན་པར་བྱང་ཆུབ་པ་ལྔའི་བདག་ཉིད་དོ། །དེ་ནས་དེའི་འོག་ཏུ་ནི་རྡོ་རྗེ་འཆང་ཆེན་པོ་སྟེ། སྔགས་ཀྱི་ལམ་གྱི་མངོན་པར་བྱང་ཆུབ་པ་ནི་སློབ་པའོ། །གང་ཡང་འཛམ་བུའི་གླིང་འདིར་ཉན་
ཐོས་རྣམས་དང་ཐུན་མོང་པའི་སྤྲུལ་པའི་སྐུ་བྱང་ཆུབ་པ་ནི་དེ་བཞིན་གཤེགས་པ་སྟེ་མི་སློབ་པའོ། །དེ་ལྟར་ལམ་དང་འབྲས་བུ་མཐའ་དག་ཐ་དད་པར་བྱས་པ་འདི་ནི་སྐྱེ་བོ་ལམ་ཐ་དད་པ་ལ་དགའ་བའི་ངོར་བྱས་པ་ཁོ་ན་སྟེ། མཚན་ཉིད་མ་ཡིན་ནོ། །དེ་ཉིད་ཀྱི་ཕྱིར་ཁ་ཅིག་ཏུ་མངོན་པར་
བྱང་ཆུབ་པ་ལྔ་ཉིད་ལ་མཐོང་བའི་ལམ་ལ་སོགས་པ་སྦྱར་བ་བསྟན་པར་ཟད་དོ། །དེ་ལྟར་དོན་དག་བརྗོད་ནས་ད་ནི་བར་ཆད་མེད་པའི་ལམ་གྱི་སྟེགས་སུ་གྱུར་པ་རྣལ་འབྱོར་ཆེན་པོའི་ཆོ་ག་བརྗོད་དེ། དེ་ལ་རྣལ་འབྱོར་ཆེན་པོ་ཡང་ལྷག་པར་གནས་པ་དང་། དེ་རྫོགས་པར་བྱ་བས་
གཉིས་ཏེ། དང་པོ་བདག་ཉིད་ལྷག་པའི་ལྷའི་རྣལ་འབྱོར་དུ་ལྷག་པར་གནས་པར་བྱའོ། །གཉིས་པ་ནི་དེ་ཉིད་བསྟན་པར་བྱེད་པའི་ཡན་ལག་ཡོངས་སུ་རྫོགས་པར་བྱེད་པ་སྟེ། འདི་རྣལ་འབྱོར་ཡང་ཡིན་ལ། ཆེན་པོ་ཡང་ཡིན་པས་རྣལ་འབྱོར་ཆེན་པོའམ། འདི་རྣལ་འབྱོར་རྣམས་
ཀྱི་ནང་ན་ཆེ་བས་ན་རྣལ་འབྱོར་ཆེན་པོ་སྟེ་མཆོག་ཏུ་རྒྱས་པའི་རྒྱུ་ལས་བྱུང་བ་དང་། བདག་ཉིད་ཆེན་པོའི་གཟུགས་འཛིན་པ་དང་། ཤིན་ཏུ་བྱིན་གྱིས་བརླབ་པ་དང་། འབྲས་བུ་ཆེན་པོས་བསྐྱེད་པས་ན་འདི་ནི་ཆེན་པོའོ། །ཐབས་དང་ཤེས་རབ་ཟུང་དུ་འཇུག་པའམ། ཚུལ་བཞིན་ཡིད་ལ་

62-1-202b

བྱེད་པར་སྦྱོར་བས་ན་རྣལ་འབྱོར་རོ། །དེ་ཙམ་ཞིག་སྦྱོར་བ་བརྗོད་ནས་ད་ནི་ལྷག་པར་གནས་པ་ལ་སོགས་པའི་གོ་རིམས་བརྗོད་དེ། དང་པོ་ཉིད་དུ་བདག་མེད་པ་བསྒོམ་ཞིང་ཟླ་བ་ཟུང་དེ་དང་དེ་ལས་རང་གི་མཚན་མ་དང་སྙིང་པོ་དང་། དེ་ལ་ང་རྒྱལ་བྱ་ཞིང་སྤྲུལ་པ་བསྡུ་བ་ལ་སོགས་པའི་སྦྱོར་
བས་ལྷའི་ལུས་སུ་གྱུར་པ་དང་། དེ་ལ་དམ་ཚིག་དང་ཕྱག་རྒྱ་ཆེན་པོས་བྱིན་གྱིས་བརླབ་ཅིང་། དཀྱིལ་འཁོར་སྤྲུལ་པ་ཞུགས་ལ་དབང་བསྐུར་བ་བླངས་ཏེ། རྡོ་རྗེའི་བརྟུལ་ཞུགས་བླངས་པ་འདི་ཙམ་ཞིག་ལ་རང་ལྷག་པར་གནས་པའི་རིམ་པ་ཡིས་རྣལ་འབྱོར་ཆེན་པོ་ལ་སྦྱོར་བའོ། །
དེ་ན་དེ་ལ་རང་གི་སྙིང་ལ་སོན་པའི་རྡོ་རྗེའི་དབུས་སུ་རང་གི་ལྷའི་སྙིང་པོ་ས་མཱ་ཡ་བྲིས་ལ་ཞེས་བྱ་བ་ལ། དེ་ནས་ནི་ཕྱག་རྒྱ་བཏང་ནས་སོ། །རང་གི་ཞེས་བྱ་བ་ནི་ཁྲོ་བོའི་ལུས་ཀྱི་སྟེ། གཞན་དག་ནི་ལུས་ཐ་མལ་པ་ཞེས་ཟེར་ལ། གཞན་དག་ནི་དང་པོ་བླ་མས་རྡོ་རྗེ་དབབ་པའི་དུས་སུ་བསྐྱེད་
པའི་རྣལ་འབྱོར་གྱིས་ཟེར་ཏེ། བསྲུང་བ་ལྡན་པས་ལྷའི་ལུས་བསྒོམ་པ་རིགས་ལ། ལྷའི་ལུས་གྲུབ་ནས་དེ་ཉིད་ཀྱིས་བསྲུང་བར་གསུངས་པས་ཕྱོགས་དང་པོ་བླང་ངོ་། །རང་གི་སྙིང་ལ་སོན་པའི་རྡོ་རྗེ་ནི་སྙིང་སྟེ། སྙིང་གི་ནང་དུ་སོན་པ་ཞེས་བྱ་བ་དང་པོར་བླ་མས་རྡོ་རྗེ་དབབ་པའི་དུས་སུ་
བྱིན་པས་བླ་མའི་ཐུགས་ལས་འཐོན་ཏེ་འདིར་སོན་པའོ། །རྡོ་རྗེ་ནི་རྡོ་རྗེ་འཆང་ཆེན་པོའི་རྡོ་རྗེའོ། །དེའི་དབུས་ནི་ལྟེ་བའི་ནང་དུའོ། །རང་གི་ལྷའི་སྙིང་པོ་ནི་བཛྲ་སཏྭ་ཞེས་བྱ་བ་ལ་སོགས་པ་སྟེ། དོན་འདི་ནི་གཞན་ལས་སྙིང་ནི་སྔགས་ཀྱི་གནས་ཡིན་པར་ཤེས་ན་དངོས་གྲུབ་ཐོབ་པར་
འགྱུར་ཞེས་བྱ་བ་དང་། རྩ་བའི་རྒྱུད་ལས་ཀྱང་། ཏིང་འཛིན་བསྒྲུབ་པའི་སྙིང་ལ་གནས། །དེ་བས་སྙིང་པོ་ཞེས་བྱའོ། །ཞེས་གསུངས་ཏེ། འདིར་ཏིང་ངེ་འཛིན་ཡང་རྣལ་འབྱོར་ཆེན་པོའོ། །གཞན་དག་ནི་འདིར་རང་གི་སྙིང་རྟོགས་པ་ཞེས་ཟེར་ཏེ། སྐད་ཀྱི་བྱིངས་ལས་ག་ཏའི་སྒྲ་
རྟོགས་པར་འདྲེས་པས་སོ། །རྟོགས་པ་དེ་ཡང་རྡོ་རྗེ་སྟེ་རྡོ་རྗེ་སེམས་དཔའ་ཞི་བ་མདོག་དཀར་པོ་རྡོ་རྗེ་དང་དྲིལ་བུ་འཆང་བའོ། །དེའི་དབུས་ནི་དེའི་ཐུགས་ཀའི་ཟླ་བ་ལ་སྟེ། དེ་ལྟར་བྱས་ན། རྡོ་རྗེ་སེམས་དཔའ་མེ་ལོང་བཞིན། །དག་ཅིང་གསལ་ལ་རྙོག་པ་མེད། །སངས་རྒྱས་ཀུན་བདག་

62-1-203a

རང་ཉིད་ནི། །བུ་ཁྱོད་ཀྱི་ནི་སྙིང་ལ་གནས། །ཞེས་བྱ་བ་ལ་སོགས་པ་ཡང་འཚམ་ལ། འདིའི་མཐུས་ཀྱང་གང་འདོད་པའི་ལྷའི་ལུས་སུ་འགྱུར་རོ། །དེ་བཞིན་དུ་རིན་པོ་ཆེ་ལ་སོགས་པ་ཡང་རང་རང་གི་སེམས་དཔའ་ཆེན་པོའོ། །ཞེས་ཟེར་ཏེ། གང་དུ་གནོད་པ་
མེད་པ་དེར་ནི་གཞུང་གཞན་དུ་དྲང་བ་ལ་དགོས་པ་མེད་པས་ཤིན་ཏུ་འཚམ་པ་ཡིན་ནོ། །ས་མ་ཡ་བྲིས་ལ་ཞེས་པ་ནི་འདིར་ས་མ་ཡའི་སྒྲ་ནི་དོན་དུ་མ་ལ་འཇུག་པར་མཐོང་སྟེ། དོན་དུ་མ་བསྡུས་པ་ལས། ས་མ་ཡ་མཉམ་ཇི་བཞིན་སྤྱོད། །གྲུབ་པའི་མཐའ་དང་ཕུན་སུམ་ཚོགས། །
ཁྲིམས་བྱ་གཞན་ཡང་རྒྱས་པར་བསྟན། །བརྡ་དང་དུས་དང་སྐད་རྣམས་སོ། །ཞེས་བསྟན་པ་ལྟ་བུའོ། །དེ་ལས་འདིར་གང་ཞིག་ངེས་པར་གཟུང་བར་རིགས་ཤེ་ན། ཁ་ཅིག་ནི་ཕུན་སུམ་ཚོགས་པ་ལ་བསྔགས་པ་བྱེད་དོ། །ལྷའི་སྙིང་པོ་ཁ་དོག་དང་དབྱིབས་ཕུན་སུམ་ཚོགས་
པ་བཻ་ཌཱུརྱ་བཞུ་བས་བྲིས་པ་ལྟར་ཟླ་བ་ལ་བྲི་ཞེས་ཟེར་རོ། །ཡང་གཞན་དག་ནི་འདི་ལྟར་མཉམ་པ་ལ་བསྔགས་པ་བྱེད་དེ། མ་ཆད་མ་ལྷག་ལ་ཡི་གེ་མཉམ་པར་བྲིའོ་ཞེས་སོ། །ཁ་ཅིག་ནི་འདིར་ཁྲིམས་སུ་བྱ་བར་འདོད་དེ་ཏིང་ངེ་འཛིན་འདི་ལྟ་བུ་སྒྲུབ་པ་ན་སྙིང་པོ་སྙིང་ལ་བསྒོམ་
པ་ནི་ངེས་པར་འདའ་བར་བྱ་བ་མ་ཡིན་པས་དམ་ཚིག་སྟེ། རྒྱུ་ཡི་ཡུལ་ལས་མི་འདའ་བས། །དམ་ཚིག་ཅེས་ནི་མངོན་པར་བརྗོད། །ཅེས་བཤད་པས་ཏིང་ངེ་འཛིན་འགྲུབ་པའི་རྒྱུའི་སྤྱོད་ཡུལ་ལས་མི་འདའ་བར་བྱ་བའི་ཕྱིར་འདི་ཡིད་ཀྱིས་བྲིས་ལ་བསྒོམ་པ་སྟེ། དེས་ན་ས་
མ་ཡ་ནི་རྟོགས་པར་ཡང་དྲངས་ལ་ཁྲིམས་སུ་བྱ་བར་ཡང་དྲང་སྟེ། རྟོགས་པས་བྲིའམ་དམ་ཚིག་གིས་བྲི་ཞེས་ཟེར་རོ། །ཐམས་ཅད་ཀྱང་དོན་དང་མ་འབྲེལ་པ་མ་ཡིན་མོད་ཀྱི། སྤྱོད་པ་ཇི་ལྟ་བར་དྲངས་ན་ཐམས་ཅད་འདུ་བས་དེ་ཉིད་བསྔགས་སོ། །དེ་ཉིད་རང་གི་ལྷའི་གཟུགས་
སུ་རྣམ་པར་བསམས་ཏེ་ཞེས་བྱ་བ་ནི་ཇི་ལྟར་སྙིང་གའི་ཕྱག་རྒྱའི་ལུས་སུ་གྱུར་པ་ལྟར་དེའི་རྟེན་བདག་ཀྱང་ལྷའི་ལུས་སུ་གྱུར་པ་ནི་བྱ་བ་དང་བྱེད་པ་པོ་ཐ་མི་དད་པས་བརྟགས་པས་སོ། །སྙིང་གར་སོན་པའི་དཀྱིལ་འཁོར་དུ་ཡིད་ཀྱིས་འཇུག་གོ་ཞེས་བྱ་བ་ནི་ལུས་བཀོད་པ་གཉིས་

62-1-203b

པ་སྟེ། ཇི་ལྟར་བྱང་ཆུབ་སེམས་དཔའ་སྤྱན་རས་གཟིགས་དབང་ཕྱུག་རང་གི་སྤུའི་བུ་ག་ན་གནས་པའི་དྲང་སྲོང་དག་ལ་ཆོས་སྟོན་པར་བྱེད་པའི་ལུས་བཀོད་པ་བསྟན་པ་བཞིན་ནོ། །ཕྲེང་བ་དེ་ཡང་རང་གི་སྤྱི་བོར་ཞེས་བྱ་བ་ནི་དཀྱིལ་འཁོར་གཉིས་ཀའི་ནང་ན་ཡོད་པས་ན་ཞེས་དགོས་པ་
སྙིང་གའི་ཐད་ཀ་ཕྱི་རོལ་ཏུ་བསྒོམ་པ་སྔར་ཚོགས་བསགས་པའི་ཡུལ་ལྟ་བུ་དགབ་པའི་ཕྱིར་རོ། །སེམས་མ་རྡོ་རྗེ་མ་བཅིངས་པ་ཡང་ཏིཥྛ་བཛྲ་ཞེས་བརྗོད་པ་འདིས་སྙིང་གར་དགྲོལ་ལོ་ཞེས་བྱ་བ་འདི་ནི་རྩ་བའི་རྒྱུད་ལས་སློབ་དཔོན་དཀྱིལ་འཁོར་དུ་འཇུག་པ་ན་འདིའི་ཕྱག་རྒྱ་ཕྱེད་མའི་
གུང་མོ་གཡས་པའི་ཆང་པས་ཡང་དང་ཡང་དྲངས་པས་བདག་ཉིད་ལ་སེམས་དཔའ་དབབ་པ་བྱ་བ་གསུངས་པས་འདིར་ཡང་དེ་བཞིན་ནོ་ཞེས་རྟོག་པ་སྲིད་པས་ན་དེ་དགག་པ་འདིར་ནི་དབབ་པ་མ་ཡིན་གྱི་ཕྱག་རྒྱ་དེ་རང་གི་སྙིང་གའི་སེམས་མའི་རྡོ་རྗེ་མའི་རང་བཞིན་དུ་སླར་བརྟན་པར་
བཀོད་དེ་གཞག་ཅེས་པའི་དོན་ཏོ། །གཞན་དག་ནི་འདིར་དཀྱིལ་འཁོར་སླར་སྔོན་བཞིན་བསྟིམས་པ་ཡིན་ལ། འོག་ནས་སྙིང་གའི་ཟླ་བར་དཀྱིལ་འཁོར་དེ་གཅིག་ཏུ་གྱུར་པར་བསམ་མོ་ཞེས་བྱ་བ་ནི་སླར་དཀྱིལ་འཁོར་གཅིག་ཏུ་རྟེན་ཟླ་བ་གཅིག་ལ་བརྟེན་པས་གཅིག་ཏུ་རྫོགས་
པར་བསྐྱེད་ཅེས་ཟེར་ན། འདིར་དེ་སླར་བཏང་བ་ལ་དགོས་པ་མེད་པ་དང་། དབང་བསྐུར་བ་ཡང་དཀྱིལ་འཁོར་གྱི་སྤྱན་སྔར་བླང་བར་བྱ་བ་དང་། འོག་ནས་ཀྱང་དཀྱིལ་འཁོར་བསྐྱེད་པའི་རྒྱུ་མེད་ལ། གཅིག་ཏུ་བསྡུས་པའི་སྒྲས་བསྟན་པས་དེ་རབ་ཏུ་སྨད་པར་རིག་པར་བྱའོ། །
རྡོ་རྗེའི་ཁུ་ཚུར་ནི་རྡོ་རྗེ་མཚན་མའི་ཁུ་ཚུར་རོ། །དར་དཔྱངས་ནི་དར་དཀར་པོའི་སྲིད་དུ་ཁྲུ་ཉི་ཤུ་རྩ་ལྔ་ལ་ཞེང་དུ་ཁྲུ་གང་བ་སྟེ། དེས་དབུ་རྒྱན་གྱི་རྩ་རུ་ཐོད་དུ་ཡང་དང་ཡང་བཅིངས་ལ་རྣ་ལྟག་གཉིས་སོར་བཞི་བཞི་པ་སྟེང་དུ་མཐོ་བར་དྲངས་ནས་ལྷག་མ་འཕྱང་བས་བྱིན་པར་སླེབ་
པར་བྱ་བའི་ཕྱིར་དར་དཔྱངས་ཀྱི་དབང་བླང་བའོ། །དེ་དག་རིགས་ལྔའི་དབུ་རྒྱན་ནི་དངོས་སུ་ཡང་བླངས་ལ་མེད་པས་ཇི་ལྟར་བསྟན་པའི་ཏིང་ངེ་འཛིན་གྱིས་སོ། །ཆུའི་དབང་བསྐུར་བ་ནི་རྡོ་རྗེ་དྲིལ་བུ་དང་། མིང་དང་བཅས་པ་དངོས་པོ་ཁོ་ནར་རོ། །ཡང་སྔགས་པ་རབ་ཏུ་བྱུང་བས་ནི་དབུ་

62-1-204a

རྒྱན་དང་དར་དཔྱངས་དངོས་སུ་མི་བླང་སྟེ། རབ་ཏུ་བྱུང་བའི་རྟགས་ཡང་དག་པར་ལེན་ཏོ། །ཁྱིམ་པའི་རྟགས་སྤང་ངོ་ཞེས་སྨྲས་པ་དང་འགལ་བར་སྤྱོད་པས་སོ། །ཨོཾ་བཛྲ་ཨ་དྷི་པ་ཏི་ཏྭཾ་ཨ་བྷི་ཥིཉྩ་མི་ཏིཥྛ་བཛྲ་ས་མ་ཡ་སྟྭཾ་ཞེས་བྱ་བ་ནི་དྲིལ་བུའི་དབང་བསྐུར་བ་
སྟེ། འདི་དེ་སངས་རྒྱས་ཐམས་ཅད་ཀྱིས། །ཤེས་རབ་སྒྲ་ཡི་རྗེས་འགྲོར་བཤད། །ཁྱོད་ཀྱིས་ཀྱང་ནི་རྟག་ཏུ་བཅང་། །བྱང་ཆུབ་མཆོག་ཏུ་རྒྱལ་བ་བཞེད། །ཅེས་ཚིགས་སུ་བཅད་པ་སྔོན་དུ་བརྗོད་པས་སོ། །དེ་བཞིན་དུ་རྡོ་རྗེའི་དབང་བསྐུར་བ་ལ་ཡང་ཚིགས་སུ་བཅད་པའི་མཐར་
འོག་ནས་རྡོ་རྗེ་བརྟུལ་ཞུགས་ཀྱི་སྔགས་སྦྱར་ཏེ། གང་ཞིག་ཏུ་ནི་ལས་ཡོད་ལ། །ལས་ཀྱི་ཆོ་ག་མེད་གྱུར་པ། །དེར་ནི་སྤྱི་རྒྱུད་ལས་གྲགས་པའི། །ཆོ་ག་མཁས་པས་ཤེས་པར་བྱ། །ཞེས་གསུངས་པས་སོ། །འོ་ན་དྲིལ་བུའི་དབང་བསྐུར་བར་འདི་ཇི་ལྟར་ཤེས་ཤེ་ན། གཞན་དུ་
སྔགས་འདི་དྲིལ་བུ་ལ་སྦྱར་བར་མཐོང་བ་དང་། དང་པོའི་སྒྲ་ཡང་དྲིལ་བུ་སྟེ། །དེ་ནི་ཤེས་རབ་ཀྱི་ཕ་རོལ་ཏུ་ཕྱིན་པ་ཡིན་ལ་དེ་ཡང་བདག་པོ་སྟེ། སངས་རྒྱས་དང་བྱང་ཆུབ་སེམས་དཔའ་ཐམས་ཅད་ཀྱི་གཙོ་བོ་དང་། བདག་པོ་དང་བྱེད་པ་པོ་དང་ཕ་ལྟ་བུ་དང་མ་ལྟ་བུའི་ཕྱིར་རོ། །
གཞན་ཡང་རྡོ་རྗེ་འབའ་ཞིག་གི་དབང་བསྐུར་གྱི་དྲིལ་བུས་མ་ཡིན་པར་མེད་པས་སློབ་དཔོན་གྱིས་གཉིས་ཀ་བསྡུས་ཏེ་བསྟན་ཏོ། །དེ་ལྟར་ན་དེ་ནི་རང་ལ་ལྷའི་རྣལ་འབྱོར་ཆེན་པོར་ལྷག་པར་གནས་པས་རང་ལྷག་པར་གནས་པའི་རྣལ་འབྱོར་ཆེན་པོ་ཞེས་བྱའོ། །ལྷ་གནས་ཤིང་རྟའི་
ཡན་ལག་དང་། །མཐུ་དང་དབྱིབས་ན་གནས་པའོ། །ཞེས་བསྟན་པས་རང་ལ་ཞེན་པའམ་རང་རྒྱས་པར་བྱ་བའི་ཆོ་ག་ལ་རང་ལྷག་པར་གནས་པའོ་ཞེས་བྱ་བ་ནི་གཞན་གྱི་ལུགས་ཏེ་དེ་ལ་ཡང་སྐྱོན་བརྗོད་པར་མི་བྱའོ། །ད་ནི་འདིར་རང་ལྷག་པར་གནས་པར་བྱ་བ་འདི་ཉིད་ལེགས་
པར་རྫོགས་ཤིང་ཡན་ལག་ཚང་བ་དང་། ཆེས་མཐུ་དང་ལྡན་པར་བྱ་བའི་ཕྱིར། བདག་ཉིད་རྫོགས་པར་བྱ་བ་བསྟན་པས། དེའི་གོ་རིམས་བསྡུས་པ་དྲན་པར་བྱ་སྟེ། དེ་ལ་དེ་ལྟར་རང་ལྷག་པར་གནས་པ་ལ་སོགས་པ་བྱས་ནས་བསྒྲུབ་པར་བྱའོ་ཞེས་བྱ་བ་ནི་གོ་རིམས་

62-1-204b

མཚམས་སྦྱར་བའོ། །རང་ལྷག་པར་གནས་པ་ནི་རང་གི་ལྷའི་རྣལ་འབྱོར་ཆེན་པོར་གྲུབ་པ་ཙམ་ཡིན་ལ། སོགས་པ་སྨོས་པ་ནི་དམ་ཚིག་གི་ཕྱག་རྒྱ་དང་ཕྱག་རྒྱ་ཆེན་པོས་བྱིན་གྱིས་བརླབ་པ་ནས་རྡོ་རྗེ་བརྟུལ་ཞུགས་ཀྱི་བར་དུ་བསྡུས་ཏེ་དེའི་ཡན་ལག་རྣམས་གཟུང་ངོ་། །བྱས་པ་ནི་ལེགས་པར་
རྫོགས་པར་བྱས་ཏེ་ཞེས་པའི་དོན་ཏོ། །བསྒྲུབ་པར་བྱའོ་ཞེས་པ་ནི་ཁ་ཅིག་ཕྱག་རྒྱ་བཞི་དང་ཕྱག་རྒྱ་གཅིག་པའི་རྣལ་འབྱོར་ལ་ཡང་རྫོགས་པར་བྱ་བ་དང་། མངོན་པར་བྱང་ཆུབ་པ་དང་དཀྱིལ་འཁོར་རྒྱལ་པོ་མཆོག་དག་བྱའོ་ཞེས་རྟོག་པ་སྲིད་པས་དེ་དགག་སྟེ། ཕྱག་རྒྱ་བསྡུས་པ་
དག་བསྒོམ་པ་ནི་བདག་ཉིད་རྫོགས་པ་ལུས་ལ་དཀྱིལ་འཁོར་པ་མི་དགོས་ཀྱི། རང་ལྷག་པར་གནས་པ་ཡན་ལག་དང་བཅས་པ་བྱས་ལ་བསྒྲུབ་པ་སྟེ་བཟླས་བརྗོད་ལ་སོགས་པ་བྱའོ་ཞེས་པ་སྟེ། འོག་ནས་ཀྱང་ཡང་ན་སྔོན་བཞིན་དུ་རྣལ་འབྱོར་ཆེན་པོ་དང་མཆོད་པ་ལ་སོགས་པ་བྱས་ལ་
ཞེས་པ་དང་། འཇིག་རྟེན་དང་འཇིག་རྟེན་ལས་འདས་པའི་སྔགས་ཐམས་ཅད་ནི་རྣལ་འབྱོར་ཆེན་པོས་བསྒྲུབ་པར་བྱ་བ་ཡིན་པས། གང་ཡང་དཀྱིལ་འཁོར་བསྒོམ་པར་མི་ནུས་པས་དེས་ནི་རྣལ་འབྱོར་ཆེན་པོ་བྱས་ལ་ཞེས་བྱེ་བྲག་ཏུ་རྟོགས་པར་མཛད་དོ། །ད་ནི་འདིར་དཀྱིལ་འཁོར་
སྒོམ་ཡང་རུང་། མི་སྒོམ་ཡང་རུང་སྟེ། སྔར་རྡོ་རྗེ་རྒྱུའི་སྔགས་དང་ཕྱག་རྒྱ་རང་གི་སྙིང་གར་དཀྱིལ་འཁོར་སྤྲུལ་པ་དེ་སླར་བསྡུའོ་ཞེས་བསྟན་པའི་ཕྱིར་དེ་ལ་དང་པོར་རང་གི་སྙིང་གའི་ཟླ་བ་ལ་དཀྱིལ་འཁོར་དེ་གཅིག་པ་ཅན་དུ་གྱུར་པར་བསམ་མོ་ཞེས་བྱ་བ་སྨོས་ཏེ། དེ་ལ་ཞེས་བྱ་བ་ནི་
ཚོགས་དགོད་པ་ལ་འཇུག་པའི་ཚིག་གི་ཕྲད་དང་། དང་པོ་རྩོམ་པའི་ཚིག་གི་རྒྱན་ཏེ་བདུན་པའོ། །དང་པོར་ནི་བདག་ཉིད་རྫོགས་པར་བྱ་བའི་དང་པོར་རོ། །རེ་ཞིག་ནི་རིམ་གྱིས་ཞེས་པ་སྟེ། དང་པོ་འདི་བྱས་ལ་དེ་ལས་གཞན་ནོ་ཞེས་པའི་དོན་ཏོ། །རང་གི་སྙིང་གའི་ཟླ་བ་ལ་ཞེས་པ་ནི་
སྔར་རྡོ་རྗེ་རྒྱུའི་བྱེད་པས་དཀྱིལ་འཁོར་སྤྲུལ་པ་ནི་ལྷ་རྣམས་གྲུབ་པ་དང་དུས་གཅིག་ཁོ་ནར་དེ་དག་གི་གདན་ཟླ་བའི་དཀྱིལ་འཁོར་ཆེན་པོ་གཅིག་གྲུབ་པར་གྱུར་པ་དེ་ལ་ལྷ་རྣམས་ཐིམ་པར་གྱུར་ཅིང་ཟླ་བའི་དཀྱིལ་འཁོར་དེ་ཡང་རང་གི་སེམས་དཔའི་རྡོ་རྗེའི་ལྟེ་བར་གནས་པའི་ཟླ་བ་ལ་ཐིམ་

62-1-205a

པ་སྟེ་དེ་ནི་དཀྱིལ་འཁོར་དེ་གཅིག་པ་ཅན་དུ་གྱུར་པར་བསམ་མོ་ཞེས་བྱ་བའི་དོན་ཏོ། །དཀྱིལ་འཁོར་དུ་འཇུག་པ་དང་དབང་བསྐུར་ཞིང་བྱིན་གྱིས་བརླབས་པ་ཟིན་པས་ད་ནི་བྱ་བ་རྫོགས་པའི་ཕྱིར་སླར་གཤེགས་སུ་གསོལ་བར་རིགས་པས་ན་འདིར་ཆོ་ག་དེ་
བསྟན་ཏོ། །དེ་ནས་རང་གི་ལུས་ལ་ས་མ་ཡ་ཨ་ཞེས་ཟློས་ཤིང་ཞེས་བྱ་བ་ལ་སོགས་པས་ནི་དང་པོར་གདན་བསྒོམ་ཞིང་དེ་ནས་རང་གི་ཕྱག་རྒྱ་དབབ་པའི་རིམ་པས་ང་རྒྱལ་ཡང་བྱས་ལ་གཟུགས་བསྒོམ་ཞིང་ཡེ་ཤེས་སེམས་དཔའ་བསྲེ་བ་དང་བལྟ་བ་དང་ནང་དུ་བྱ་བ་དང་ཟླ་བའི་དཀྱིལ་
འཁོར་བསྒོམ་ཞིང་ཡང་ང་རྒྱལ་བྱ་བ་དང་། སྙིང་པོ་དང་སྔགས་ཀྱང་བརྗོད་ཅིང་སངས་རྒྱས་ཐམས་ཅད་བསྡུས་ཏེ། ཕྱག་རྒྱ་གསུམ་གྱིས་བཏབ་ལ། རིགས་ཀྱི་ཡུམ་བཞིས་བྱིན་གྱིས་བརླབ་ཅིང་། རྡོ་རྗེ་དབྱིངས་ཀྱི་དབང་ཕྱུག་མས་བྱིན་གྱིས་བརླབས་ལ་ཡི་གེ་བརྒྱ་པས་བརྟན་
པར་བྱ་སྟེ། དབང་བསྐུར་བ་ལྔ་དང་བརྟུལ་ཞུགས་བླངས་ལ། གླུ་དང་གར་དང་བཅས་པའི་མཆོད་པ་བྱ་སྟེ། རྡོ་རྗེ་དང་དྲིལ་བུ་བྱིན་གྱིས་བརླབས་ལ་དམ་ཚིག་གསུམ་གཟུང་སྟེ། དམ་ཚིག་གསུམ་གྱི་གླུའི་མཆོད་པ་བྱ་སྟེ། དེ་ལྟར་རྣམ་པ་ཉི་ཤུ་རྩ་གསུམ་པོ་འདི་ཙམ་ཁོ་ན་བདག་
ཉིད་རྫོགས་པར་བྱ་བའི་ཆོ་ག་སྐྱོན་མེད་པའི་གོ་རིམས་རྣལ་མའོ། །དེ་བཞིན་གཤེགས་པའི་ཟློས་པ་པོ་ཡང་རྣམ་པ་ལྔས་མངོན་པར་བྱང་ཆུབ་པའི་རིམ་པས་དེ་བཞིན་གཤེགས་པའི་ཕྱག་རྒྱ་ཆེན་པོ་བསྒྲུབས་ལ། ཆོ་ག་ཐམས་ཅད་རྗེས་སུ་བསྒྲུབ་པོ་ཞེས་བྱ་བ་ནི། གང་གིས་ལྷག་པའི་ལྷ་
རིགས་ལྔ་སངས་རྒྱས་ལས་འབའ་ཞིག་ཡིན་པས་དེར་བསྐྱེད་པར་འདོད་ན་དང་པོ་རང་ལྷག་པར་གནས་པའི་དུས་སུ་རྣམ་པ་ལྔ་བསྒོམ་པར་བྱང་ཆུབ་པ་བསྒོམས་པས་རྒྱལ་བའི་སྐུར་བསྒྲུབས་ལ། དེ་བཞིན་གཤེགས་པ་ཐམས་ཅད་ལུས་ལ་བཅུག་སྟེ། སེམས་མ་རྡོ་རྗེ་མ་ལ་སོགས་པས་
གནས་བཞིར་བྱིན་གྱིས་བརླབ་ཅིང་རིན་པོ་ཆེའི་དབུ་རྒྱན་དང་དར་དཔྱངས་ཀྱིས་དབང་བསྐུར་ལ། རྡོ་རྗེ་དབྱིངས་ཀྱི་དབང་ཕྱུག་མས་གནས་བཞིར་བྱིན་གྱིས་བརླབ་ཅིང་དེ་ནས་ལུས་ལ་དཀྱིལ་འཁོར་བསྒོམ་པ་ནས་བརྩམས་ཏེ། དམ་ཚིག་གསུམ་གྱི་གླུའི་མཆོད་པའི་བར་དུ་བྱའོ་ཞེས་པའི་དོན་ཏོ། །

62-1-205b

ཕྱོགས་འདི་ལ་ནི་བདག་ལྷག་པར་གནས་པ་དང་རྫོགས་པར་བྱ་བ་བདག་མེད་ཀྱིས་མངོན་པར་བྱང་ཆུབ་པ་དེ་རྫོགས་པར་བྱ་བ་ཞེས་ཡན་ལག་གཉིས་ཏེ། དེ་མ་ཐག་ཏུ་དཀྱིལ་འཁོར་རྒྱལ་མཆོག་བསྒོམས་པས་མངོན་པར་བྱང་ཆུབ་པ་ཞེས་བྱ་བས་གནས་གསུམ་པ་ཡང་མེད་དོ། །གཞན་
དག་ནི་འདིར་ཆོ་གའི་ཡན་ལག་ཕལ་ཆེར་རྫོགས་ནས་དེ་བཞིན་གཤེགས་པའི་ཟློས་པ་པོ་དམ་ཚིག་སེམས་དཔར་བསྐྱེད་པར་བསྟན་པ་དང་། བདག་ཉིད་རྫོགས་པར་བྱ་བའི་ལུས་ལ་དགོད་པའི་ལྷ་དེ་བཞིན་གཤེགས་པའི་རིགས་ཉི་ཚེ་ལས་དེ་བཞིན་གཤེགས་པ་རྣམས་མ་བསྟན་ཏེ། དེ་
བཞིན་གཤེགས་པའི་ཟློས་པ་པོས་རང་ལྷག་པར་གནས་པ་དང་བདག་ཉིད་རྫོགས་པར་བྱ་བ་གཉིས་ཀ་སྤངས་ཏེ། མངོན་པར་བྱང་ཆུབ་པ་ལྔའི་འོག་ཏུ་བལྟ་བ་དང་དེ་བཞིན་གཤེགས་པ་ཐམས་ཅད་ལུས་ལ་གཞུག་པ་ལ་སོགས་པ་ལྔ་དང་། ཡི་གེ་བརྒྱ་པས་བརྟན་པར་བྱ་བ་ལ་སོགས་པ་
བྱས་ལ་དཀྱིལ་འཁོར་རྒྱལ་པོ་མཆོག་བསྒོམ་མོ་ཞེས་ཟེར་རོ། །དེ་ནི་མི་འཐད་དེ་དེ་ལ་ཡང་ཕྱག་རྒྱའི་ང་རྒྱལ་བསྒོམ་པ་ལ་སོགས་པ་ཆོ་གའི་ཡན་ལག་ཁས་བླང་བར་བྱ་བ་རྒྱུད་ལས་གསུངས་པ་ངེས་པ་དག་དོར་བར་མི་བྱ་ལ། སེམས་དཔའ་ལ་སོགས་པ་ལུས་ལ་དགོད་པ་ཡང་ཉེས་པ་མ་མཐོང་
བས་སོ། །དེ་ལྟར་དོན་བསྡུས་ཏེ་བསྟན་ནས། ཚིག་གི་དོན་འབའ་ཞིག་བརྗོད་དེ། ནམ་མཁའི་ཕྱོགས་སུ་མདུན་ཉིད་དུ་ཟླ་བའི་དཀྱིལ་འཁོར་ཏེ་ཞེས་པ་ནི་ལྷ་རེ་རེ་ལ་ཟླ་བའི་དཀྱིལ་འཁོར་རེ་རེ་སྟེ་དེ་ཉིད་སྔགས་ཀྱི་ཞེས་སྨྲས་པས་སོ། །དེའི་སྟེང་དུ་རྡོ་རྗེའི་བདག་ཉིད་དབབ་སྟེ་ཞེས་པ་ནི་སྙིང་
པོ་བརྗོད་པས་ཕྱག་རྒྱ་རྡོ་རྗེ་ལྕགས་ཀྱུ་མདའ་དགུ་དང་ཞེས་བྱ་བ་ལ་སོགས་པ་དེར་བབས་པ་སྟེ། འོག་མིན་ན་སྤྲུལ་པའི་དཀྱིལ་འཁོར་གནས་པའི་རང་གི་སེམས་དཔའི་ཐུགས་ཀ་ནས་འདིར་ཕབ་པས་སོ། །གཞན་དག་ནི་ནམ་མཁའི་ངོས་དེ་ཉིད་ལས་འཐོན་ཏེ་ཕབ་པ་ནི་དེ་དག་ཆོས་ཀྱི་
སྐུས་ཁྱབ་པའི་ཕྱིར་གང་ན་ཡང་བཞུགས་པ་ཇི་ལྟར་རྒྱུད་ལས་རྣམ་པར་སྣང་མཛད་ཆེན་པོའི་གླེང་གཞི་སྨོས་པ་ལྟ་བུ་ཡིན་ལ། དེ་དག་གི་སྤྲུལ་པ་བྱིན་གྱིས་བརླབ་པ་ཡང་གང་དུ་གདུལ་བྱ་རྙེད་པ་དེར་འབྱུང་བའི་ཕྱིར་ཞེས་ཟེར་རོ། །གཞན་དག་ནི་རང་ལྷག་པར་གནས་པའི་དུས་སུ་དཀྱིལ་

62-1-206a

འཁོར་སྤྲུལ་པ་རྒྱ་ཆེན་པོ་གཞལ་ཡས་ཁང་དང་བཅས་པ་བདག་ཉིད་རྫོགས་པར་བྱེད་པ་ནི་སྙིང་གར་ཟླ་བ་གཅིག་ལ་བརྟན་པར་གྱུར་པས་ན་གཅིག་པ་ཅན་ཏེ། དཔུང་གཅིག་དང་ནགས་གཅིག་ཅེས་པ་བཞིན་ནོ། །དེས་ན་དེའི་ཐུགས་ཀ་ནས་དབབ་ཅེས་ཟེར་ན། དེ་ལྟ་
ན་དཀྱིལ་འཁོར་དེ་སླར་བཏང་བ་ནམ་ཡང་མ་བསྟན་པས་མི་འཐད་ལ། སྔ་མ་ལ་ཡང་བསྒྲུབ་པ་མི་དམིགས་པས་ལུགས་དང་པོ་གཟུང་ངོ་། །དེ་ཉིད་རྡོ་རྗེ་སེམས་དཔའ་དཀར་པོ་ཞེས་བྱ་བ་ནི་སྙིང་པོ་ལས་རྡོ་རྗེར་གྱུར་ཅིང་དེ་ལ་ཡང་རྡོ་རྗེ་ཕབ་ལ། རྡོ་རྗེ་དེ་ཡང་འོད་ཟེར་མང་པོ་འཕྲོས་
པས་འགྲོ་བ་སྦྱངས་ཏེ་སླར་འདུས་པ་ལས་གཟུགས་འགྲུབ་པར་བྱའོ། །རྡོ་རྗེ་ལྕགས་ཀྱུ་ལ་སོགས་པས་ཞེས་བྱ་བ་ནི་འོག་ནས་བཛྲ་ཨཾ་ཀུ་ཤ་ཛཿཞེས་པ་ལ་སོགས་པ་དང་། ལས་ཀྱི་ཕྱག་རྒྱ་བྱ་བར་བསྟན་པའོ། །དེ་ལ་རྡོ་རྗེ་རྒྱལ་པོ་གསེར་མདོག་སྙིང་གའི་གཡས་ངོས་སུའོ་ཞེས་
བྱ་བ་ལ་སོགས་པའོ། །འདིར་རྡོ་རྗེའི་རིགས་ནི་སེམས་ཀྱི་ངོ་བོར་རྒྱུད་ལས་གྲགས་ལ། སེམས་དེ་ནི་སྙིང་ལ་གནས་ཞེས་གྲགས་པའི་ངོ་བོར་བྱས་ནས་རྡོ་རྗེའི་རིགས་ཀྱི་སེམས་དཔའ་བཞི་སྙིང་གར་བཀོད་དེ། རིན་པོ་ཆེས་དབང་བསྐུར་བའི་གནས་ནི་དཔྲལ་བའི་གནས་ཡིན་པས་དེར་རིན་པོ་
ཆེའོ། །སེམས་རྟོག་པ་ལས་བརྩམས་ནས་ནི། །ཉི་མའི་དཀྱིལ་འཁོར་བསྒོམ་པར་བྱ། །ཞེས་བྱ་བའི་ལུགས་ཀྱིས་ལྷག་པར་ཉི་མའི་དཀྱིལ་འཁོར་བསྒོམ་པར་འབྱུང་བས་དེར་ཉི་མའོ། །ཕྲག་ཁར་རྒྱལ་མཚན་གྱི་ཡུ་བ་བརྟེན་པའི་ཚུལ་གྱིས་དེར་རྒྱལ་མཚན་ནོ། །གཉིས་ཀྱི་ཚིག་
ཅན་ནི་གང་ཡང་རུང་བའི་དོན་ཏོ། །བཞད་པ་ནི་སོ་སྣང་བས་དེར་རོ། །པདྨའི་རིགས་ནི་ངག་གི་རིགས་ཡིན་ལ། ངག་དེ་ཡང་ལྟེ་བ་དང་བྲང་དང་མགྲིན་པ་དང་ལྕེ་ལས་བྱུང་བ་ནི་ཕྱིར་ཞིང་ལྕེ་རུ་ཕྱིན་པ་དང་ཞེས་བྱ་བ་ལ་སོགས་པའི་ལུགས་ཀྱིས་ཏེ། དེ་བས་ན་དེ་དག་ནི་ངག་གི་གནས་དག་
ཏུའོ། །ཆོས་ཐམས་ཅད་རྟེན་ཅིང་འབྲེལ་པ་ཙམ་དུ་སྟོན་པ་དང་། སངས་རྒྱས་མ་ལུས་པའི་ཕྲིན་ལས་མཛད་པའི་རྟགས་སུ་སྤྱི་བོར་རྩེ་མོ་བཅུ་གཉིས་པའི་སྣ་ཚོགས་རྡོ་རྗེ་ཁ་ཅིག་ལ་བསྒོམ་པར་རྣལ་འབྱོར་གྱི་རྒྱུད་ལ་ལ་ལས་གསུངས་པས། དེ་ཉིད་ནི་སེམས་དཔའ་རྡོ་རྗེ་རྒྱལ་པོར་ཤེས་

62-1-206b

པར་འགྱུར་བའི་ཕྱིར་དེའི་སྤྱི་བོར་རོ། །ཡན་ལག་ཐམས་ཅད་དང་བཅས་པར་བསྲུང་བས་ན་དེ་ཡན་ལག་དག་ལས་དེ་རྐང་ལག་ལའོ་གཉིས་ཀྱི་ཚིག་ཅན་ནི་སྔོན་བཞིན་ནོ། །གནོད་སྦྱིན་ལྟར་འཇིགས་པའི་མཆེ་བ་ནི་ཁ་ན་སྣང་བས་དེ་ཁར་རོ། །སྒེག་པའི་ཁུ་ཚུར་འཆང་བས་འགྱིང་བ་ནི་
ཁུ་ཚུར་སྟོན་པས་དཀུ་གཡས་པར་རོ། །གསང་བའི་མཆོད་པ་བཞི་ནི་སེམས་དཔའ་ཆེན་པོ་དང་འདྲ་བར་རང་རང་གི་དེ་བཞིན་གཤེགས་པ་བདག་གིར་མཛད་པས་དེ་དག་གི་དྲུང་དུའོ། །ཤིན་ཏུ་སྐྱིད་དེ་བར་བསྐྱེད་པའི་འཇིག་རྟེན་དག་བདུག་སྤོས་ཀྱི་དྲི་མདོམས་ཀྱི་ཕྱོགས་ཀྱི་འཛག་སྒོ་
དག་ཀྱང་དྲི་ཞིམ་པོས་བདུགས་ཏེ་ལོངས་སྤྱོད་པའི་ལུས་ཀྱི་དེ་མདོམས་སུ་སྟེ་མཚན་རྟགས་སུའོ། །ཁ་ཅིག་ཏུ་བདུག་སྤོས་མདུན་དུའོ་ཞེས་པ་དང་། འོད་ཀྱི་དཀྱིལ་འཁོར་ལའོ་ཞེས་བསྟན་པ་ནི་ལུས་ལ་དགོད་པའི་དབང་དུ་མ་བྱས་པའོ། །ལུས་ཅན་རྣམས་ལ་མཛེས་པར་བྱ་བའི་ཕྱིར་མེ་
ཏོག་ཕྲེང་རྒྱན་དང་། རྣ་རྒྱན་ལ་སོགས་པས་མགོ་བརྒྱན་པར་བྱེད་པས་ཕྲེང་བའི་གནས་མགོ་སྟེ་སྤྱི་བོའི་གཙུག་གོ། །མར་མེ་ནི་མིག་གི་ཡུལ་སྣང་བར་བྱེད་པས་མིག་ལ་ཕན་པ་སྟེ། ཇི་སྐད་དུ་མིག་གི་དབང་པོ་དང་ཡུལ་དང་ཡིད་ལ་བྱེད་པ་ལས་མིག་གི་རྣམ་པར་ཤེས་པའོ་ཞེས་པ་
སྟེ། དེས་ན་དེ་མིག་ལའོ། །རབ་ཏུ་དྲི་ཞིམ་པ་དང་བསིལ་བར་བྱ་བའི་ཕྱིར་སྐྱིད་དེ་བདག་སྙིང་གར་ཙནྡན་གྱི་ལྡེ་གུ་ལ་སོགས་པ་ཉུག་པས་དྲིའི་གནས་ནི་དེའོ། །འབྱུང་བ་དང་འཇུག་པ་ནི་སྒོ་བཞི་ནས་བྱེད་ཅིང་དེ་ལ་རག་ལས་ལ་བརླ་གཉིས་དང་བྱིན་པ་གཉིས་ཏེ་རྐང་པ་དག་གིས་
ཀྱང་འགྲོ་བ་དང་འོང་བ་ལ་དབང་བྱེད་པས་འདི་དག་སྒོ་དང་ཆོས་མཐུན་པས་དེ་དག་ཏུ་སྒོ་སྐྱོང་དག་བཞག་ལ། གོ་རིམས་མི་ཉམས་པར་བྱ་བའི་ཕྱིར་ནི་གཡས་ནས་དང་སྟེང་ནས་སོ། །འདིར་མངོན་པར་ཡིད་ཆེས་པའི་རྒྱུ་མཚན་འཚམ་པའི་གནས་སུ་འདི་དག་སྦྱར་གྱི་གང་དུ་
བཀོད་ཀྱང་དངོས་གྲུབ་དུ་བྱེད་དོ། །འོན་ཀྱང་འཚམ་པར་བསྟན་པ་འཇུག་པའི་རྒྱུ་ཡིན་ཏེ། དེ་དང་དེ་ལ་གོམས་པས་མཐོང་གི་གཞན་མ་ཡིན་པ་དང་། འཚམ་པ་དེ་ཉིད་དངོས་གྲུབ་ཀྱི་གྱུར་བསྔགས་ཏེ་བསྐྱེད་པར་རུང་བས་ནའོ། །འདིར་སངས་རྒྱས་ལྔ་ནི་དབུ་རྒྱན་དུ་བཞུགས་

62-1-207a

པ་དང་། སེམས་མ་རྡོ་རྗེ་མ་ལ་སོགས་པ་ཡང་གནས་བཞིར་བྱིན་གྱིས་བརླབས་ནས་བཞུགས་པས་འདི་དག་ལ་དགོད་པ་ཕྱེ་སྟེ་མ་བསྟན་ཏོ། །ཁ་ཅིག་ན་རེ་ལུས་ལ་ལྷ་འདི་དག་བཀོད་པ་ནི་རྣལ་འབྱོར་རྒྱ་ཆེན་པོ་ཡིན་པས། རྣལ་འབྱོར་ཆེན་པོ་ནི་འདི་ལྟ་སྟེ། 
རང་ལྷག་པར་གནས་པ་ནི་མ་ཡིན་ནོ་ཞེས་ཟེར་རོ། །དེ་ནི་ཡང་དག་མ་ཡིན་ཏེ་གལ་ཏེ་རང་ལྷག་པར་གནས་པ་མ་བྱས་ན་ལྷའི་ལུས་སུ་མ་གྱུར་པས་ལུས་ལ་ལྷ་དེ་དག་དགོད་པའི་གནས་རང་དུ་ཡང་མི་འགྱུར་བ་དང་། འདི་རང་ལྷག་པར་གནས་པའི་ཡན་ལག་ཙམ་དུ་རབ་ཏུ་གསལ་བའི་ཕྱིར་
དང་། ཕྱག་རྒྱ་གཅིག་པ་ལ་སོགས་པའི་རྣལ་འབྱོར་ལ་རྣལ་འབྱོར་ཆེན་པོ་ཙམ་བྱ་བར་སྟོན་པ་ན་དཀྱིལ་འཁོར་མི་སྒོམ་པར་ལུས་ལ་དཀྱིལ་འཁོར་དགོད་པ་མི་རིགས་ཤིང་ལུས་ལྷར་བྱ་བའི་ཆོ་ག་མེད་པར་དེ་ལྟ་བུ་དེ་ལ་ཡང་འགྱུར་བས་ལྷ་དེ་ལྟ་བུ་དེ་སྤང་ངོ་། །དེ་ལྟར་ཕྱག་རྒྱ་བཞིས་
རྒྱས་བཏབ་ནས་དངོས་གྲུབ་ཐམས་ཅད་རབ་ཏུ་སྦྱིན་པར་བྱེད་དོ་ཞེས་བྱ་བ་ལ། དེ་བཞིན་གཤེགས་པ་ལ་སོགས་པ་དེ་དག་ནི་སྐུ་གསུང་ཐུགས་ཕྲིན་ལས་དང་བཅས་པ་སྟེ། དེ་ལ་དམ་ཚིག་དང་ཆོས་དང་ཕྱག་རྒྱ་ཆེན་པོ་དག་ནི་ཐུགས་དང་གསུང་དང་སྐུའི་ངོ་བོ་ཉིད་ཡིན་ལ། ལས་ཀྱི་
ཕྱག་རྒྱ་ནི་ཕྲིན་ལས་ཏེ། དེ་ཡང་ཐུགས་ནི་བདག་གི་དོན་ཡིན་ལ། སྐུ་ལ་སོགས་པ་གཞན་གྱི་དོན་ཏེ་བདག་དང་གཞན་གྱི་དོན་ཕུན་སུམ་ཚོགས་པའི་རང་བཞིན་ལ་གཞག་པ་ནི་ཇི་ལྟ་བའི་གནས་སྐབས་ཐོབ་པས་དངོས་གྲུབ་སྦྱིན་པར་འགྱུར་ཏེ། དེས་ན་རྣལ་འབྱོར་པའི་རྒྱུད་མ་
ལུས་པར་ཕྱག་རྒྱ་བཞི་བསྡུས་པ་དང་རྒྱས་པར་བསྟན་པའོ། །ཨོཾ་བཛྲ་སཏྭ་སུ་སཾ་གྲ་ཧ་ཏ་ཞེས་བྱ་བ་ནས་དམ་ཚིག་གསུམ་གྱི་གླུའི་མཆོད་པ་རྫོགས་པའི་བར་འདིས་ནི་བདག་ཉིད་བརྟན་པར་བྱ་ཞིང་གཟེངས་བསྟོད་པ་སྟེ། དེ་ཡང་དང་པོ་བདག་ཉིད་ཐམས་ཅད་དུ་ཡོངས་སུ་རྫོགས་པའི་དམ་
ཚིག་སེམས་དཔར་གྲུབ་པས་དེའི་ལས་ཀྱི་འབྲས་བུ་བདག་ཉིད་ལ་བདག་ཉིད་མཆོད་པ་གླུ་དང་གར་སྔོན་དུ་བྱ་སྟེ། མཆོད་པ་བརྒྱད་ཀྱིས་མཆོད་ནས་ཊཀྐི་ཧཱུྃ་ཛཿཞེས་པས་རྡོ་རྗེ་དང་དྲིལ་བུ་ལས་ལྷའི་གཟུགས་དཔག་ཏུ་མེད་པ་འཕྲོས་པས་སྲིད་པ་གསུམ་དུ་གཏོགས་པའི་སེམས་ཅན་མ་ལུས་

62-1-207b

པ་རྣམ་པར་སྦྱང་ཞིང་། ཡང་ཊཀྐི་ཛཿཧོ་ཞེས་པས་རྡོ་རྗེ་དང་དྲིལ་བུ་ལས་དཔག་ཏུ་མེད་པའི་ལྷ་རྣམས་འཕྲོས་པས་སངས་རྒྱས་དང་བྱང་ཆུབ་སེམས་དཔའ་ཐམས་ཅད་དགྱེས་པའི་མཆོད་པའི་སྤྲིན་རབ་འབྱམས་སྤྲུལ་པར་བལྟའོ། །དེ་ལྟར་དེ་དག་གིས་སྲིད་པ་ཐ་མ་པའི་བར་དུ་ཡོངས་
སུ་རྫོགས་པས་ན་དེ་ལྟར་བྱས་པ་ལུས་དང་ངག་དང་ཡིད་རྡོ་རྗེ་སེམས་དཔར་འགྱུར་རོ་ཞེས་པ་སྟེ། ཇི་ལྟར་ས་བཅུ་པའི་བྱང་ཆུབ་སེམས་དཔའ་ལ་སངས་རྒྱས་སུ་བརྗོད་པ་ལྟར་འདི་ཡང་རྡོ་རྗེ་སེམས་དཔར་བརྗོད་དོ། །ད་ནི་བཤད་པ་དང་མ་བཤད་པའི་རྡོ་རྗེ་དྲིལ་བུ་གཟུང་བ་ཐམས་ཅད་
ཀྱང་ས་བོན་ལས་བསྐྱེད་པར་བསྟན་པའི་ཕྱིར་དེ་དག་གི་ས་བོན་དང་བཅས་པར་རྡོ་རྗེ་དྲིལ་བུ་དང་ཕྱག་རྒྱ་གཟུང་བ་བསྟན་པ་ནི་ཡི་གེ་ཧཱུྃ་ལས་རྡོ་རྗེ་སྟེ་ཞེས་བྱ་བ་ལ་སོགས་པའོ། །བཅོམ་ལྡན་འདས་སྐྱེས་བུ་དམ་པ་དང་པོ་ཞེས་བྱ་བ་ནི་དཔལ་རྡོ་རྗེ་སེམས་དཔའ་སྟེ། དེ་ཉིད་རྡོ་རྗེ་འདིའོ་
ཞེས་པའི་དོན་ཏོ། །དྲིལ་བུ་ཆོས་ཀྱིས་གསིལ་བར་བྱ། །ཞེས་བྱ་བ་ལ། ཆོས་ནི་བསྟན་པའི་ཆོས་ཁྱད་པར་ཅན་ཏེ། སྲིད་པ་ངོ་བོ་ཉིད་ཀྱིས་དག །ཅེས་བྱ་བ་ལ་སོགས་པ་སྟེ་ཆོས་དེ་བརྗོད་པས་གསིལ་ཞེས་བྱ་བའི་དོན་ཏོ། །འདི་ལྟར་དེ་ནི་ཞེས་པ་ནི་དྲིལ་བུའོ། །བཅོམ་ལྡན་འདས་སྲིད་པ་
མཆོག་གི་བདག་པོ་ཞེས་པ་ནི་སྲིད་པ་གཉིས་མཆོག་སྟེ་མྱ་ངན་ལས་འདས་པའོ། །དེའི་བདག་པོ་ནི་དེ་ལ་དབང་བྱེད་པ་རྣམ་པར་མི་རྟོག་པའི་ཡེ་ཤེས། ཤེས་རབ་ཀྱི་ཕ་རོལ་ཏུ་ཕྱིན་པ་སྟེ། དེ་ཉིད་བཅོམ་ལྡན་འདས་ཏེ་ཡེ་ཤེས་ཀྱི་སྐུའོ། །ཡང་དག་མ་མཐོང་འཇིག་རྟེན་དང་། །མྱ་
ངན་འདས་པར་རློམ་སེམས་བྱེད། །ཡང་དག་མཐོང་བར་འཇིག་རྟེན་དང་། །མྱ་ངན་འདས་པར་རློམ་སེམས་མེད། །ཅེས་པ་དང་། སྲིད་པ་དང་ནི་མྱ་ངན་འདས། །འདི་ཉིད་ཡོད་པ་མ་ཡིན་ཏེ། །སྲིད་པ་ཡོངས་སུ་ཤེས་པ་ནི། །མྱ་ངན་འདས་པ་ཞེས་བཤད་དོ། །ཞེས་པའི་
ཚུལ་གྱིས་སྲིད་པ་ཉིད་མཆོག་ཏུ་གྲུབ་སྟེ། མི་གནས་པའི་མྱ་ངན་ལས་འདས་པར་ད་ལྟ་ཉིད་དུ་ཤེས་རབ་ཀྱི་ཕ་རོལ་ཏུ་ཕྱིན་པའི་མཐུས་གནས་པ་ནི། མཐོང་བའི་ཆོས་ལ་མྱ་ངན་འདས། །བྱ་བྱས་པ་ཡང་དེ་ཉིད་དོ། །ཞེས་གསུངས་པ་ལྟ་བུའོ། །དྲིལ་བུའི་སྒྲ་ཉིད་དེ། སྲིད་པ་ངོ་བོ་ཉིད་ཀྱིས་

62-1-208a

དག །ཅེས་བྱ་བ་ལ་སོགས་པར་མོས་པ་དང་། རྣལ་འབྱོར་པ་ཡང་ཚིག་དེ་བརྗོད་ཅིང་དེའི་དོན་ལ་གཞོལ་བས་ན་ཐམས་ཅད་ཀྱི་མཆོག་དབང་ཕྱུག་དམ་པ་མཆོག་གི་ཆོས་ཤེས་པར་བྱེད་པ་ཞེས་དྲིལ་བུའི་བདག་ཉིད་ཆེན་པོ་བསྟན་ཏོ། །དྷརྨ་ཨ་ཞེས་པ་དང་ཧཱུྃ་གི་ཡི་གེ་རྡོ་
རྗེའི་ས་བོན་གཉིས་འདིར་ཁ་དོག་དཀར་པོ་སྟེ། སྟོང་པ་ཉིད་ལས་ཡིག་འབྲུ་དང་དེ་ལས་དེ་དག་སྟེ་ཡེ་ཤེས་ཀྱི་རང་བཞིན་དུ་གྲུབ་པར་བྱ་བའོ། །དམ་ཚིག་གི་ཕྱག་རྒྱ་ཆེན་པོར་ལྷག་པར་གནས་པར་བྱའོ་ཞེས་བྱ་བ་དང་པོ་དཀྱིལ་འཁོར་དུ་འཇུག་པ་ན། འདོད་ཆགས་བྲལ་བ་ལྟ་བུའི་
སྡིག །ཅེས་པ་ནས་མ་ཧཱ་ས་མ་ཡ་ཧ་ན་ཧཱུྃ་ཕཊ་ཅེས་པའི་བར་གྱིས་གསང་བའི་ཡེ་ཤེས་ཀྱི་དམ་ཚིག་གཉེར་གཏད་པ་ནི་དམ་ཚིག་སྟེ། དམ་ཚིག་དེའི་ཕྱག་རྒྱ་ཆེན་པོ་འདོད་ཆགས་ཆེན་པོ་ལ་གནས་པའི་རང་བཞིན་འཁོར་ལོས་སྒྱུར་བ་ཆས་པ་ལྟ་བུ་ལྷག་པར་གནས་པར་བྱའི། ཉན་ཐོས་
ལྟར་ལུས་སུན་འབྱིན་ཅིང་མྱུར་དུ་ཞི་བའི་དབྱིངས་སུ་འཇུག་པར་མི་བྱའོ། །འོ་ན་དེ་ལྟ་ན་སྲིད་པའི་བདེ་བ་ལ་ལྷག་པར་ཆགས་པས་གནས་པར་བྱ་བའམ་དེ་ལྟ་ན་ཡང་འཁོར་བ་གཅིག་པུ་བགྲོད་པར་སེམས་ཞེས་པའི་ལྟུང་བར་འགྱུར་རོ་ཞེ་ན། དེའི་ཕྱིར། སྲིད་པའི་བདེ་བ་ཤིན་ཏུ་ཆུང་། །
ཞེས་བྱ་བ་ལ་སོགས་པ་སྨོས་ཏེ། སྲིད་པ་ལ་ནི་ཆགས་པར་རུང་བའི་བདེ་བ་མེད་དེ་ཡུན་ཐུང་བ་དང་གནོད་པ་དང་འབྲེལ་བ་དང་། རང་བཞིན་གྱིས་དམན་པས་སོ། །སྲིད་པར་སྐྲག་ནས་མྱུར་དུ་མྱ་ངན་ལས་འདའ་བར་མི་རིགས་ཏེ། བསམ་གྱིས་མི་ཁྱབ་པ་འཇིག་རྟེན་ལས་འདས་
པའི་འབྱོར་པ་ལས་ཉམས་པར་འགྱུར་བས་སོ། །དེའི་ཕྱིར་སྡུག་བསྔལ་ཆེན་པོ་དག་པའི་ཕྱིར། ཤིན་ཏུ་བདེ་བ་དམ་པའི་ཐབས། །ཞེས་བྱ་བ་ལ་སོགས་པ་རྒྱས་པར་སྨོས་པ་ཏེ། མངོན་པར་ཞེན་པ་མཐའ་དག་དང་བྲལ་བ་སྒྱུ་མ་ལྟ་བུའི་ཏིང་ངེ་འཛིན་ལ་གནས་པའི་ལྷའི་ལུས་ལ་མཆོད་
པས་འདོད་པའི་ཡོན་ཏན་ལྔས་ཚིམ་པར་བྱེད་ཅིང་བདག་དང་གཞན་ལ་ཕན་འདོགས་པས་དགའ་བ་དང་བདེ་བའི་མཆོག་གི་རོ་མྱོང་བ་དང་མི་འབྲལ་བར་ལམ་བདེ་བས་བླ་ན་མེད་པའི་བྱང་ཆུབ་བསྒྲུབ་ཀྱི། སེམས་ཅན་ཡལ་བར་བོར་ཏེ་རང་འབའ་ཞིག་ཞི་བར་འགྲོ་བར་མི་བྱ་བ་འདི་ནི་

62-1-208b

བྱང་ཆུབ་ཀྱི་སེམས་དང་བྱང་ཆུབ་སེམས་དཔའི་སྤྱོད་པ་མི་གཏོང་བའི་རྒྱུ་དམ་ཚིག་གི་རྩ་བ་ཡིན་པས་འདི་ཉིད་དམ་ཚིག་ཆེན་པོའོ། །དེས་ཀྱང་ཐེག་པ་དམན་པ་དང་། སྲིད་པ་ཆགས་པ་ངན་པ་འཇོམས་པས་ན་ཧ་ན་སྟེ། དམ་ཚིག་ཆེན་པོ་ཉིད་ཀྱིས་འཇོམས་པ་ཞེས་བྱའོ། །ཧཱུྃ་ཕཊ་
ཅེས་པ་ནི་དེ་བྱིན་གྱིས་བརླབ་ཅིང་དེ་ལ་བརྟན་པར་བྱ་བའི་སྔགས་སོ། །ཐབས་དེ་ནི་ཆེས་འཐད་པ་དེ། སྙིགས་མ་ལྔ་དང་ལྡན་པའི་སེམས་ཅན་མ་རུངས་པ་དག་ཁ་ཅིག་སྲིད་པ་ཁོ་ན་ལ་དམ་པོར་ཞེན་པས་དེ་ལས་དབྲལ་བའི་ཕྱིར་ནི་སྒྱུ་མ་ལྟ་བུའི་འདོད་པའི་ཡོན་ཏན་ལྔ་དཔེ་མེད་པར་
བདེ་བ་རྒྱས་ཤིང་ཡུན་རིང་བ་ལ་ལོངས་སྤྱོད་པར་བསྟན་ལ། ཁ་ཅིག་སྲིད་པ་མེ་འབར་བ་ལྟར་ཤེས་ཤིང་ཐོག་མ་མེད་པའི་སྡུག་བསྔལ་བརྒྱུད་མ་དྲན་པས་སྐྲག་སྟེ་སེམས་ཅན་འདོར་བ་ལ་ཞུགས་པ་དག་ལ་ཡང་། དེང་ཕན་ཆད་ཅི་བདེར་སྤྱད་པས་འཁོར་བ་ལས་ཐར་པས་སྔོན་ལྟ་བུའི་
སྡུག་བསྔལ་ཡང་སྤྱད་མི་དགོས་ལ། སེམས་ཅན་ཡང་བཏང་མི་དགོས་ཞེས་བསྟན་པས་ཐེག་པ་དམན་པ་ལས་ངེས་པར་བཟློག་སྟེ། གཞན་དུ་ན་ཁ་ཅིག་ནི་འཁོར་བ་ལས་འབྲལ་བར་མི་ནུས་ལ། ཁ་ཅིག་ནི་མྱུར་དུ་མྱ་ངན་ལས་འདའ་བས་ཐེག་པ་ཆེན་པོའི་རིགས་ཟད་པར་འགྱུར་རོ། །
བདེན་པ་གཉིས་རྣམ་པར་ངེས་པའི་ལམ་སྦྱིན་པ་ལ་སོགས་པས་བརྒྱན་པ། ཤིན་ཏུ་ངེས་ཤིང་སླུ་བ་མེད་པ་ཕ་རོལ་ཏུ་ཕྱིན་པའི་ལམ་དེ་ཡང་དུས་ཀྱིས་གནོད་པ་བྱས་པའི་སྐྱེ་བོ་འདི་དག་ཤིན་ཏུ་འཕྲོད་པ་མ་ཡིན་ཏེ། དེ་ལས་འདོད་པ་ལྔ་བསྟེན་པ་ལ་སོགས་པ་ནི་ལན་འགའ་སྣང་ཞིང་དེ་
དགག་པ་དང་བརྟུལ་ཞུགས་དང་སྡོམ་པ་དག་ནི་ཡང་དང་ཡང་སྨོས་པས་ཅུང་ཟད་ཡིད་སྐྲག་པར་འགྱུར་བས་འཇུག་པར་དཀའོ། །དེའི་ཕྱིར་མཆོག་ཏུ་ཐུགས་རྗེ་ཆེ་བའི་དེ་བཞིན་གཤེགས་པས་རྩོད་པའི་དུས་འདིར་འདུལ་བའི་སྣོད་དང་འཚམ་པར་གསང་སྔགས་ཀྱི་ཐེག་པ་
བསྟན་ཅིང་། དམ་ཚིག་འདི་ལྟ་བུར་བཅའ་བར་མཛད་ལ། བྱ་བའི་རྒྱུད་དག་ཏུ་ཡང་། སྔགས་ཀྱི་ཐག་པ་སྐྱེད་ཆེན་གྱི། །ཐེག་པ་ལ་ནི་མ་མོས་པ། །དེ་དག་བསྟན་འདིར་སྐལ་བ་མེད། །དེ་དག་ནམ་ཡང་མི་གཟུང་ངོ་། །ཞེས་བྱ་བའི་ཚིག་གིས་དབུགས་དབྱུང་བ་མཛད་དོ། །

62-1-209a

འདིར་ཐབས་ཁྱད་པར་ཅན་གྱི་སྲིད་པར་གནས་པའི་རྒྱུ་ནི་ལམ་འདིར་ལྷའི་གཟུགས་སུ་བདག་ཉིད་བསྒོམ་པ་ཡིན་པས་ན། གང་ཕྱིར་དམ་ཚིག་ཕྱག་རྒྱར་བཤད། །ཡིད་ཀྱི་ལུས་ནི་བརྟན་པ་ཉིད། །ཅེས་སྨོས་ཏེ། ཡིད་ཀྱིས་བསྒོམ་པའི་ལུས་ནི་ཡིད་ཀྱི་
ལུས་ཏེ། བརྟན་པ་ནི་སྔགས་དང་ཕྱག་རྒྱ་དུ་མས་བྱིན་གྱིས་བརླབས་པ་དང་། སྙིང་པོ་བྱང་ཆུབ་ཀྱི་བར་དུ་ཡང་དེར་གནང་བ་མ་བཏང་བས་སོ། །དེ་ལྟ་བུའི་ཕྱག་རྒྱ་སྟེ། ཕྱག་རྒྱ་ཆེན་པོར་ལྷའི་རྣལ་འབྱོར་ཕྱག་རྒྱ་བཞིས་སྔོན་བཞིན་རྒྱས་བཏབ་པའོ། །དེ་ལྟ་བུ་དེ་ནི་ཐེག་པ་མཆོག་
ལས་མི་ཉམས་པར་འདོད་པ་དག་གིས་འདའ་བར་བྱ་བ་མ་ཡིན་པས་དེ་ཉིད་དམ་ཚིག་གོ། །དེ་ལྟར་ན་གང་གི་ཕྱིར་དེ་རྒྱུ་མཚན་འདི་དག་གིས་ཞེས་པའོ། །དེ་ལྟར་སྙིང་རྗེ་ཆེན་པོ་མཚོན་པའི་རྡོ་རྗེ་དང་། ཤེས་རབ་ཀྱི་ཕ་རོལ་ཏུ་ཕྱིན་པའི་དྲན་པའི་ཡན་ལག་དྲིལ་བུ་དང་། ཐབས་དང་
ཤེས་རབ་དང་ལྡན་པས་འཁོར་བ་ཇི་སྲིད་དུ་ཇི་ལྟར་དགའ་བར་གནས་པའི་དམ་ཚིག་གི་ཕྱག་རྒྱ་བསྒོམ་པ་འདི་ནི་རྣལ་འབྱོར་ཆེན་པོ་བསྒྲུབ་པ་བརྟན་ཞིང་དོན་ཡོད་པར་བྱའོ། །དེ་ནས་དྲིལ་བུ་གསིལ་ཞིང་དམ་ཚིག་གསུམ་གྱི་གླུ་ཉེ་བར་སྦྱར་ཏེ་དེ་ནི་འདིའོ། །ཨོཾ་ནམ་མཁའ་ལས་བྱུང་
མཚན་ལྡན་ཕྱིར། །ཞེས་བྱ་བ་ལ་སོགས་པ་ལ། འདིར་དམ་ཚིག་གསུམ་ནི་དེ་ཁོ་ནའི་དམ་ཚིག་དང་ཆོས་ཀྱི་དམ་ཚིག་དང་དམ་ཚིག་གི་ཕྱག་རྒྱའི་དམ་ཚིག་གོ། །དེ་ལ་དེ་ཁོ་ནའི་དམ་ཚིག་དེ་ཡང་རྣམ་པ་གསུམ་སྟེ། རང་བཞིན་གྱི་དེ་ཁོ་ན་དང་། དབང་འབྱོར་པའི་དེ་ཁོ་ན་དང་རྣམ་
པར་དག་པའི་དེ་ཁོ་ནའོ། །དེ་དག་ལས་དང་པོར་རང་བཞིན་གྱི་དེ་ཁོ་ནའི་དབང་དུ་བྱས་ནས་ནི། ཨོཾ་ནམ་མཁའ་ལས་བྱུང་ཞེས་བྱ་བ་ལ་སོགས་པའོ། །དབང་འབྱོར་པའི་དེ་ཁོ་ནའི་དབང་དུ་བྱས་ཏེ་ནི། ཀུན་མཆོག་ཅེས་བྱ་བ་ལ་སོགས་པའོ། །རྣམ་པར་དག་པའི་དེ་ཁོ་ནའི་
དབང་དུ་བྱས་ཏེ་ཡང་ཉེས་པ་མི་མངའ་ཞེས་བྱ་བ་ལ་སོགས་པའོ། །ཆོས་ཀྱི་དམ་ཚིག་གི་དབང་དུ་བྱས་ཏེ་ནི། ཤིན་ཏུ་དག་པ་ཞེས་བྱ་བ་ལ་སོགས་པའོ། །དམ་ཚིག་གི་ཕྱག་རྒྱའི་དམ་ཚིག་གི་དབང་དུ་བྱས་ཏེ་ནི། ཀུན་མཆོག་ཅེས་བྱ་བ་ལ་སོགས་པའོ། །དེ་ལྟར་གླུ་དེ་ལྟ་བུ་ནི་བདག་

62-1-209b

འཁོར་བ་ཇི་སྲིད་དུ་གནས་པ་ལ་དེ་བཞིན་གཤེགས་པ་ཁྱེད་ཀྱིས་གྲོགས་མཛད་པར་རིགས་ཏེ་བདག་ནི་སྣོད་དུ་གྱུར་པ་ལགས་སོ་ཞེས་གསོལ་བ་གདབ་བོ། །ཁ་ཅིག་ནི་འདིར་དམ་ཚིག་སྟེ་ལྷའི་རྣལ་འབྱོར་གཟུང་ནས་དེའི་རྗེས་སུ་གླུ་འདི་སྦྱར་བས་ན་དམ་ཚིག་དང་འབྲེལ་པའི་གླུ་ཞེས་ཟེར་
ཏེ། དེ་ལྟ་ན་གསུམ་ཞེས་བྱ་བ་མ་བརྗེད་པར་འགྱུར་རོ། །གཞན་དང་རྡོ་རྗེ་དང་དྲིལ་བུ་དང་ཕྱག་རྒྱ་སྟེ། དེ་གསུམ་ནི་དམ་ཚིག་གསུམ་ཡིན་ལ་དེ་གསུམ་བཟུང་ནས་གླུ་འདི་སྦྱར་བས་ན་དམ་ཚིག་གསུམ་དང་འབྲེལ་པའི་གླུ་ཞེས་ཟེར་ཏེ། དེ་ལྟ་ན་ཤུགས་ཀྱིས་གོ་བས་འབྲེལ་
བ་བསྟན་པའི་ཚིག་གི་དོན་མེད་དོ། །དེ་བཞིན་དུ་གཞན་དག་སྐུ་གསུང་ཐུགས་ཞེས་ཟེར་བ་ཡང་སྒྲུབ་པ་མེད་པས་གསལ་ཏོ། །དེ་ལྟར་བདག་ཉིད་བསྒྲུབས་ནས་ཕྱག་རྒྱ་ཆེན་པོས་ནམ་མཁའི་ཕྱོགས་སུ་འདུག་སྟེ་ཞེས་བྱ་བ་ལ་སོགས་པས་རྣམ་པ་དེ་སྙེད་ཀྱི་རིམ་གྱིས་སྲིད་པ་ཐ་
མ་པ་ལྟར་བྱང་ཆུབ་ཆེན་པོ་ལ་མཆོག་ཏུ་ཉེ་བར་བྱས་ལ། ད་ནི་བར་ཆད་མེད་པའི་ལམ་གྱི་ངོ་བོ་ལྔ་མངོན་པར་བྱང་ཆུབ་པར་བསྒོམ་པར་སྟོན་ཏེ། འདི་ཉིད་རྒྱུའི་མཐར་ཐུག་པའོ། །དེ་ལ་ནམ་མཁའི་ངོས་ནི་རི་རབ་ཀྱི་སྟེང་གི་ནམ་མཁའི་ཕྱོགས་ཏེ། དང་པོ་བསྲུང་བ་བསྒོམ་
པས་ན་དེར་མོས་པ་ཙམ་གྱིས་གནས་པས་སོ། །རླུང་གི་དཀྱིལ་འཁོར་ནི་སྟོང་གསུམ་གྱི་སྟོང་ཆེན་པོ་དང་སྟོང་སྤྱི་ཕུད་འདིའོ། །དེ་ལ་དང་པོ་ལ་གྲུ་བཞི་ལ། གཉིས་པོ་ནི་ཟླུམ་པོ་སྟེ། དེ་ནས་བཾ་ལས་ཆུའི་དཀྱིལ་འཁོར་ཏེ་དེའི་སྟེང་དུ་ལཾ་ལས་སའི་དཀྱིལ་འཁོར་རོ། །ཡང་དེའི་
སྟེང་དུ་བཾ་ལས་སྟེང་གི་རྒྱ་མཚོ་སྟེ། དེའི་དབུས་སུ་རི་རབ་བོ། །ཁོངས་སུ་འདུ་བ་ཐམས་ཅད་ནི་ཡིད་ཙམ་གྱིས་མོས་པར་བྱའོ། །སྔོན་བཞིན་དུ་ཞེས་བྱ་བ་ནི་བསྲུང་བ་བསྒོམ་པའི་ཆོ་ག་ལས་འོག་བཅིང་བའི་སྔགས་སྔོན་བཞིན་ཏེ། ཨོཾ་བཛྲ་དྲྀ་ཌྷོ་མེ་བྷ་བ་རཀྵ་སརྦཾ་སྭཱ་ཧཱ། ཞེས་བྱ་
བའོ། །རྡོ་རྗེ་བཅིངས་པས་བྱིན་གྱིས་བརླབ་བོ་ཞེས་བྱ་བ་ནི་སྔར་རྡོ་རྗེ་བཅིངས་པ་བརྐྱང་སྟེ་ས་ལ་གཞག་པས་འོག་བཅིང་བར་བྱའོ་ཞེས་བསྟན་པས་འདིར་ཡང་ངོ་། །འདིར་ཞིང་ཡོངས་སུ་སྦྱོང་བ་ཡིན་ལ། བསྲུང་བ་རྣམས་ནི་སྔར་རང་གི་ཡེ་ཤེས་ཀྱི་རྣམ་པར་འཕྲུལ་པས་བཀོད་པ་རྣམ་པ་

62-1-210a

དག་པས་སྒྱུ་མ་ལྟ་བུར་འགྲུབ་པས་འདི་སྟོང་པ་ཉིད་དུ་བྱིན་གྱིས་བརླབ་ཏུ་མེད་པས་དེ་ཡང་བསྒོམ་མི་དགོས་སོ། །འོན་ཀྱང་གནས་ཀྱི་གཞི་རི་རབ་དེ་གསར་དུ་རྣམ་པར་སྤྲུལ་པར་བྱས་པ་དང་། དེ་ལ་ཡང་ཐགས་བཟངས་རིས་ལ་སོགས་པའི་གནོད་པ་ཆེན་པོ་
ཡོད་པར་བཤད་པས། རྟོག་པ་བླང་ཐབས་པ་འབྱུང་བ་སྲིད་པ་དགག་པར་འོག་བཅིང་བ་འབའ་ཞིག་ཀྱང་བྱའོ། །དབུས་སུ་སེམས་དཔའི་སྐྱིལ་མོ་ཀྲུང་གིས་འདུག་སྟེ་ཞེས་བྱ་བ་ལ། འདིར་དཀྱིལ་འཁོར་ཆེན་པོར་བསྒོམས་ན་ངེས་པར་མངོན་པར་བྱང་ཆུབ་པ་ལྔ་བསྒོམ་པར་སྔར་
རྡོ་རྗེ་སེམས་དཔའ་ལ་སོགས་པ་བསྐྱེད་དམ། དེ་བཞིན་གཤེགས་པའི་དམ་ཚིག་སེམས་དཔར་བསྐྱེད་ཀྱང་རུང་སྟེ་འདིར་རྣམ་པར་སྣང་མཛད་ཀྱི་གནས་སུ་འདུག་ལ་རྣམ་པར་སྣང་མཛད་དུ་གྱུར་པར་བྱའོ་ཞེས་པའི་དོན་ཏོ། །བསམ་གཏན་དང་གཟུགས་མེད་པའི་སྙོམས་པར་འཇུག་པ་
མངོན་དུ་བྱ་བ་ནི་ཁམས་གསུམ་ཆར་ལ་འདོད་ཆགས་དང་བྲལ་བ་བྱས་ལ། དེ་ནས་མངོན་པར་བྱང་ཆུབ་པ་བསྟན་པའི་ཕྱིར་རོ། །འདིར་ཐོད་རྒལ་གྱི་སྙོམས་པར་འཇུག་པ་དང་། དེའི་འོག་ཏུ་ཡང་བསམ་གཏན་བཞི་པའི་ཆུང་ངུའི་ཆུང་ངུ་ལ་སྙོམས་པར་འཇུག་ཅིང་། དེ་ནས་ཡིད་ཀྱི་
ལུས་ཀྱིས་འོག་མིན་གྱི་ཁང་པར་བསྐལ་པ་གྲངས་མེད་པ་གསུམ་གྱིས་ངེས་པར་འབྱུང་བའི་བྱང་ཆུབ་སེམས་དཔའ་དོན་ཐམས་ཅད་གྲུབ་པའི་གཟུགས་སུ་བདག་ཉིད་བསྐྱེད་པར་བསམས་ཏེ། སྔར་ངན་སོང་བ་ཐར་པར་བྱས་པའི་དུས་དང་། འདི་གཉི་གར་ཡང་བསྐལ་པ་གྲངས་མེད་
པ་གསུམ་གྱིས་ངེས་པར་བྱུང་བ་སྨོས་པ་ནི་གཉི་ག་ཡང་ས་བཅུ་པའི་དབང་ཕྱུག་ཏུ་འདྲ་བས་ན་སྟེ། འོན་ཀྱང་དེར་ནི་ཐ་མལ་པ་ཡིན་ལ། འདིར་སྐྱེ་བ་གཅིག་གིས་ཐོགས་པ་དང་། སྲིད་པ་ཐ་མ་པ་ལྟ་བུ་དང་། བྱང་ཆུབ་ཀྱི་སྙིང་པོ་ལ་འཁོད་པ་དག་ནི་ས་བཅུ་པའི་མཆོག་ཏུ་གྱུར་
པར་རིག་པར་བྱའོ། །ད་ནི་འདིར་སྔ་མ་དང་ཕྱི་མ་དག་གི་གོ་རིམས་དྲན་པར་བྱ་སྟེ། དང་པོ་གནས་ངེས་པར་བྱ་སྟེ། དེ་ནས་ཞིང་ཡོངས་སུ་སྦྱངས་ལ། གནས་བསྲུང་བ་དང་རྟེན་གྱི་དཀྱིལ་འཁོར་དང་གདན་བསྒོམས་ཏེ། དབུས་སུ་བདག་ཉིད་འདུག་ནས་ཁམས་གོང་མ་གཉིས་ཀྱི་ཏིང་ངེ་

62-1-210b

འཛིན་བསྐྱེད་དེ། འོག་མིན་དུ་གནས་པས་སངས་རྒྱས་ཐམས་ཅད་ཀྱི་སྤྱན་སྔར་རིགས་ལྔའི་དམ་ཚིག་ལ་ཞུགས་ཏེ། ཏིང་ངེ་འཛིན་མཁའ་ཁྱབ་ལ་སྙོམས་པར་ཞུགས་ལ། དེ་བཞིན་གཤེགས་པ་ལྔའི་ལུང་ལ་བརྟེན་ནས་མངོན་པར་བྱང་ཆུབ་པ་ལྔ་བསྐྱེད་དེ། དེ་བྱིན་གྱིས་བརླབ་
པའི་སངས་རྒྱས་ཐམས་ཅད་ལུས་ལ་བཅུག་ཅིང་། སེམས་མ་རྡོ་རྗེ་མ་ལ་སོགས་པས་གནས་བཞིར་བྱིན་གྱིས་བརླབས་ཏེ། རིགས་ལྔ་གོ་འཕང་ལ་གནས་པས་དབང་བསྐུར་བ་མནོས་ཏེ། རྡོ་རྗེ་དབྱིངས་ཀྱི་དབང་ཕྱུག་མས་ཀྱང་གནས་བཞིར་བྱིན་གྱིས་བརླབས་ལ། དེ་བཞིན་གཤེགས་པ་
བཞིས་བསྐོར་ཏེ་རི་རབ་ཀྱི་རྩེ་མོར་བཞུགས་པར་བྱའོ་ཞེས་བྱའོ། །དེ་ལ་འདིར་ཁ་ཅིག་ན་རེ་དཀོན་མཆོག་གསུམ་དྲན་པའི་སྔོན་དུ་དེ་བཞིན་གཤེགས་པ་ཐམས་ཅད་ཀྱིས་ཀྱང་སངས་རྒྱས་ཀྱི་ཞིང་འདི་ཏིལ་གྱི་གང་བུ་བཞིན་དུ་ཡོངས་སུ་གང་ངོ་ཞེས་བྱ་བ་འདི་ལ་དོན་མེད་པས་ངག་ལྷག་
པར་བརྗོད་དོ། །ཡང་གལ་ཏེ་དང་པོ་ནས་དེ་བཞིན་གཤེགས་པ་དེ་དག་བྱོན་ནས་སེམས་དཔའ་ཆེན་པོ་འདི་ཡང་མི་གཡོ་བའི་ཏིང་ངེ་འཛིན་ལ་འཇུག་པ་ལས་བཟློག་ནས་མངོན་པར་བྱང་ཆུབ་པ་སྟོན་པར་མཛད་ཀྱི་ཡལ་བར་མི་འདོར་རོ་ཞེས་བྱ་བ་དང་། རིགས་ལྔའི་དམ་ཚིག་ལ་འཇུག་པ་འདི་
ལ་དགོས་པ་མེད་དེ་སྔར་དམ་ཚིག་བཟུང་ཟིན་པས་འདིར་དེ་དྲན་པ་ལ་དགོས་པ་ཁྱད་པར་ཅན་མེད་དོ་ཞེས་ཟེར་ལ། གཞན་ཡང་མངོན་པར་བྱང་ཆུབ་པ་ལྔའི་དུས་སུ་དང་པོ་ནི་མཐོང་བའི་ལམ་ཡིན་ལ། གཉིས་པ་ནི་བསྒོམ་པའི་ལམ་སྟེ། གསུམ་པ་དང་བཞི་པ་ནི་བར་ཆད་མེད་པའི་ལམ་
ལ། ལྔ་པ་ནི་མཐར་ཕྱིན་པའི་ལམ་ཡིན་པ་ལས། སློབ་དཔོན་གྱིས་རྣམ་པར་དབྱེ་བ་མེད་པ་ཁོ་ནར་སྨོས་པས་འདིར་གཟུང་བར་བྱ་བ་མེད་པས་སྐབས་འདིར་ལེགས་པར་མ་བསྟན་ཏོ་ཞེས་ཟེར་རོ། །དེ་ནི་དམ་པ་མ་ཡིན་ཏེ་དང་པོ་དེ་བཞིན་གཤེགས་པ་འདུས་པ་ཁོ་ནའི་སྤྱན་སྔར་
རིགས་ལྔའི་དམ་ཚིག་བརྟན་པོར་དམ་བཅས་པས་དེ་བཞིན་གཤེགས་པ་དེ་དག་གིས་མངོན་པར་བྱང་ཆུབ་པའི་མན་ངག་བསྟན་པའི་བསྐལ་པ་བར་དུ་བྱེད་པ་སྟེ། གདུལ་བྱ་འབྱུང་བར་འགྱུར་བ་དག་ཀྱང་དམ་ཚིག་ལ་ལྷག་པར་ནན་ཏན་བྱེད་པ་ལྟ་ན་བླ་མས་མན་ངག་བསྟན་གྱི་གཞན་དུ་མ་

62-1-211a

ཡིན་ནོ་ཞེས་ཀྱང་བསྟན་པའི་ཕྱིར་རོ། །དེ་བཞིན་གཤེགས་པ་དེ་དག་ནི་ཕྱོགས་བཅུའི་འཇིག་རྟེན་གྱི་ཁམས་ནས་བྱོན་ཏེ། སེམས་དཔའ་ཆེན་པོ་དེ་ཁོ་ན་ལ་ལུང་འབོགས་པའི་ཕྱིར་འདུས་ཀྱང་དུས་ལ་གཟིགས་པས་ད་དུང་མངོན་པར་བྱང་ཆུབ་པར་མི་སྟོན་ཏེ། མི་
གཡོ་བའི་ཏིང་ངེ་འཛིན་གྱིས་བྱང་ཆུབ་མངོན་པར་རྫོགས་པར་འཚང་རྒྱ་བར་བྱ་བར་མི་ནུས་པ་དང་། དེའི་འོག་ཏུ་གདོད་ལམ་སྦྱིན་པ་ནི་ཏིང་ངེ་འཛིན་དེ་ལ་དམ་པར་ལྟ་བ་དག་བཟློག་པར་འགྱུར་གྱི་གཞན་དུ་ན་མངོན་པར་བྱང་ཆུབ་པའི་ལམ་གྱིས་རྫོགས་པར་འཚང་རྒྱ་བ་ལྟར་མི་གཡོ་
བའི་ཏིང་ངེ་འཛིན་གྱིས་ཀྱང་འཚང་རྒྱ་བར་ནུས་པས་མཐུ་འདྲའོ་ཞེས་དེ་ལ་མངོན་པར་ཞེན་པ་མི་ལྡོག་པར་འགྱུར་བས་སོ། །དེས་ན་དེ་ལ་ཉེས་པ་མི་བརྗོད་དོ། །རིགས་ལྔའི་དམ་ཚིག་ལ་འཇུག་པ་ཡང་དོན་ཆེ་སྟེ། སྔར་བརྗོད་པ་ལྟར་བསྟན་པར་འགྱུར་བའི་རྒྱུ་དང་སྣོད་དུ་གཟིགས་པ་དང་། 
གདུལ་བྱ་འབྱུང་བར་འགྱུར་བ་ལ་ཡང་ཕན་པར་འགྱུར་བ་དང་རང་བཞིན་གྱིས་ཀྱང་བློ་ཆེན་པོ་ཅན་དག་དོན་ཆེན་པོ་བསྒྲུབ་པར་ཉེ་བར་གནས་པ་ན་དེ་སྒྲུབ་པའི་རྒྱུ་དམ་བཅས་པ་ལྷག་པར་བརྟན་པ་དང་། མི་ཕྱེད་པར་དམ་བཅའ་སྟེ། དགོས་པ་སྒྲུབ་པ་ལ་མཁས་རྣམས་སྲན་ཐུབ་པས་
དཀའ་བ་རྣམས་ཀྱང་དཀའ་བ་མེད་པར་རྒྱལ། །ཞེས་བརྗོད་པ་ལྟ་བུའོ། །མངོན་པར་བྱང་ཆུབ་པ་རྣམ་པ་ལྔའི་རྣམ་པར་བསྟན་པ་ནི་སློབ་དཔོན་གྱི་ཞལ་སྔ་ནས་རྩ་བའི་རྒྱུད་ཀྱི་བཤད་པ་དེ་ཁོ་ན་སྣང་བའི་ནང་དུ་རེ་རེ་ནས་ཡེ་ཤེས་ལྔའི་དབང་དུ་བྱས་ཏེ་བསྟན་པས། དེ་ཉིད་ཀྱི་དོན་གོ་བས་འདིར་ཡང་
རྒྱུད་ཀྱི་ཚིག་རིམ་པ་མ་བསྟན་པས་འདི་ལ་ཡང་ཉེས་པ་མེད་དོ། །གང་དག་མངོན་པར་བྱང་ཆུབ་པ་དང་པོ་ནི་འཇིག་རྟེན་ལས་འདས་པ་དོན་དམ་པ་བྱང་ཆུབ་ཀྱི་སེམས་མཐོང་བས་མཐོང་བའི་ལམ་སྟེ། ཟླ་བའི་དཀྱིལ་འཁོར་དུ་ཡང་སྣང་ལ། ངེས་འབྱེད་ཡན་ལག་དང་མཐོང་བའི། །ལམ་
དང་བསྒོམ་པའི་ལམ་ཉིད་ལ། །ཡང་དང་ཡང་དུ་སེམས་པ་དང་། །འཇལ་དང་ངེས་རྟོག་བསྒོམ་པའི་ལམ། །ཞེས་བྱ་བའི་ལུས་ཀྱིས་བསྒོམ་པའི་ལམ་ནི་མཚན་ཉིད་མེད་ཀྱི་ལམ་སྔ་མ་ཉིད་གོམས་པར་བྱེད་པས་ན་ཟླ་བའི་དཀྱིལ་འཁོར་སྔ་མ་ཉིད་ཆེར་འཕེལ་བ་སྟེ་སྔ་མ་ནི་ཚེས་གཅིག་པའི་རྣམ་

62-1-211b

པ་ལྟ་བུ་ལ་འདི་ཉ་གང་བ་ལྟ་བུའོ། །དེ་ནས་བསྒོམ་པའི་ལམ་དེ་ཉིད་རབ་ཏུ་བསྟན་ཏེ་སྐད་ཅིག་ཁོ་ནས་སྒྲིབ་པ་གཉིས་ཕྲ་བའི་ཕྲ་བ་ཡན་ཆད་སེལ་བས་སངས་རྒྱས་ཀྱི་སའི་སྒྲིབ་པ་འཇོམས་པ་རྡོ་རྗེ་ལྟ་བུའི་ཏིང་ངེ་འཛིན་གྱི་ངོ་བོ་དང་པོ་ནི་རྡོ་རྗེ་བསྒོམ་པ་ཡིན་ལ། དེའི་མཐར་ཐུག་ལ་ནི་རྡོ་རྗེའི་ང་རྒྱལ་བྱ་
བ་སྟེ། འདི་རྣམ་པ་ཐམས་ཅད་དང་བྲལ་བའི་ཆོས་ཀྱི་སྐུ་བརྙེས་ནས། དེའི་མཐུ་ལས་གཟུགས་ཀྱི་སྐུ་འབྱུང་བ་མངོན་པར་བྱང་ཆུབ་པ་ཐ་མ་སྟེ། ཇི་ལྟར་འཕགས་པ་འཇིག་རྟེན་ལས་འདས་པའི་ལེའུ་ལས། རྒྱལ་བ་ཆོས་ཉིད་ལུས་མེད་རབ་ཞི་བ། །གཉིས་མེད་རང་བཞིན་མེད་པ་
ཐུགས་ཆུད་ནས། །གཟུགས་སྐུ་བཟང་པོ་མཚན་གྱིས་བརྒྱན་པ་ཡིས། །འགྲོ་བ་མ་ལུས་བཀང་ཞིང་སྟོན་པར་མཛད། །ཅེས་གསུངས་པ་ལྟ་བུའོ། །དེས་ན་དང་པོ་ཟླ་བ་ཚེས་གཅིག་པ་ནས་བཟུང་བའི་བར་འདི་ནི་འཇིག་རྟེན་ལས་འདས་པའི་ལམ་མོ་ཞེས་ཟེར་རོ། །གཞན་དག་ནི་རྡོ་
རྗེ་རྩེ་མོ་ལས་ཟླ་བའི་དཀྱིལ་འཁོར་ཆེན་པོ་གཉིས་པ་ཞེས་འབྱུང་བས་ཟླ་བ་གཉིས་ཀ་ཉ་གང་བའོ་ཞེས་ཟེར་རོ། །གཞན་དག་ནི་གདུལ་བྱའི་ངོར་ཟླ་བ་ལ་སོགས་པ་བསྟན་ཀྱང་། རང་བཞིན་གྱིས་མངོན་པར་བྱང་ཆུབ་པ་ལ་མཚན་མར་སྣང་བ་དེ་དག་མེད་དོ་ཞེས་ཟེར་རོ། །སློབ་དཔོན་གྱི་
ཞལ་སྔ་ནས་ནི་ཡེ་ཤེས་ལྔའི་རྒྱུར་བསྟན་པས་མངོན་པར་བྱང་ཆུབ་པ་ལྔ་བཀོད་ཅིང་མི་བསྐྱོད་པ་ལ་སོགས་པས་བྱིན་གྱིས་བརླབ་པར་བཞེད་དེ། མདོར་བསྡུས་ན་གསང་སྔགས་ཀྱི་ལམ་འདི་ནི་ཁྱད་པར་གྱི་ལམ་གྱི་བར་དུ་ཡང་བླ་མ་ལས་འཐོབ་ཀྱི་རང་གིས་མ་ཡིན་ནོ་ཞེས་ཁོང་དུ་ཆུད་པར་
བྱ་བའི་ཕྱིར་བསྒོམ་པ་དེ་ཡང་སྔར་བསྐལ་པ་གྲངས་མེད་པ་གསུམ་གྱིས་ངེས་པར་འབྱུང་བའི་བྱང་ཆུབ་སེམས་དཔའ་དང་འདྲ་བར་འགྱུར་ནས་ད་འདིར་མཐོང་བའི་ལམ་ནས་བརྩམས་ཏེ། ལམ་བསྒོམ་པ་ནི་ཆེས་འདོད་པར་བྱ་བ་མ་ཡིན་པས་ན། ཡེ་ཤེས་ལྔ་དང་སྦྱར་བ་འདི་ཉིད་
མཆོག་གོ། །གང་ཡང་རྒྱུད་དང་མདོ་སྡེ་དེ་དག་དེ་དག་ལས་མངོན་པར་བྱང་ཆུབ་པའི་ལམ་མི་འདྲ་བ་རྣམ་པ་མང་པོ་བསྟན་པ་དེ་དག་ཐམས་ཅད་ཀྱང་གདུལ་བྱའི་བསམ་པའི་བྱེ་བྲག་ལ་བརྟེན་པ་ཁོ་ན་སྟེ་རང་གི་མཚན་ཉིད་པའི་མངོན་པར་བྱང་ཆུབ་པ་ནི་འཕགས་པ་ཤེས་རབ་ཀྱི་ཕ་རོལ་

62-1-212a

ཏུ་ཕྱིན་པ་ལས་བསྟན་པ་ཁོ་ནར་ཟད་པས་ཐམས་ཅད་དུ་དེ་ཉིད་བསྔགས་ཏེ། དེ་བས་ན་བཅོམ་ལྡན་འདས་ནི་ཐབས་ཀྱི་རིམ་པ་མཐའ་ཡས་པ་ཞིག་གིས་གདུལ་བྱ་དག་ཤེས་རབ་ཀྱི་ཕ་རོལ་ཏུ་ཕྱིན་པའི་སྒོ་ལ་མངོན་པར་གཞག་པར་མཛད་པའོ། །འདི་ལ་རྒྱུ་ཇི་
ལྟར་བསྒོམས་པའི་འབྲས་བུ་ཐ་དད་པས་ལམ་ཐ་དད་པ་ལས་འབྲས་བུ་ཐ་དད་པར་འགྱུར་ཞེས་ཀྱང་མི་བརྗོད་པས་རྣམ་པ་ཐམས་ཅད་མཁྱེན་པའི་ཡེ་ཤེས་མངོན་དུ་འགྱུར་བའི་སྐད་ཅིག་གཅིག་ལ་རང་དང་སྤྱིའི་མཚན་ཉིད་ཀྱིས་བསྡུས་པའི་ཆོས་ཐམས་ཅད་མཁྱེན་པས་རྒྱུ་ལ་ལ་སྤྱད་ལ། 
ལ་ལ་མ་བསླབས་ཞེས་བརྗོད་པར་ཡང་མི་ནུས་པས་སོ། །ཞར་ལ་འོངས་པས་ཆོག་གི་རྣལ་མ་དཔྱད་དེ་དང་པོ་དཀོན་མཆོག་གསུམ་དྲན་པ་ནི་དེ་བཞིན་གཤེགས་པའི་རིགས་ཀྱི་དམ་ཚིག་གོ། །དེ་ནས་བྱམས་པ་དང་སྙིང་རྗེ་དང་། འོག་ནས་སེམས་ཅན་ཐམས་ཅད་ལ་ཕན་པ་
དང་བདེ་བའི་མཆོག་གྲུབ་པའི་ཕྱིར་ཞེས་པ་དང་། དགའ་བ་དང་བཏང་སྙོམས་ནི་སྡོམ་པ་ཐམས་ཅད་ཅེས་པ་དང་། མཆོད་པའི་ལས་ཞེས་བྱ་བས་ལས་ཀྱི་རིགས་སོ། །རིགས་ལྷག་མ་རྣམས་ཀྱི་དམ་ཚིག་ནི་གསལ་ལོ། །ཚུལ་ཐམས་ཅད་ཉེ་བར་བསྟན་པ་ནི་ཕྱི་རོལ་པའི་ལུང་
ཡང་བསྡུས་ཏེ་ཐམས་ཅད་དུ་གཏོགས་པ་དང་། རང་གི་ལུགས་ཀྱིས་ཀྱང་དེ་དཔྱད་པ་དང་ལྡན་པས་སོ། །སྔགས་ཀྱི་སྤྱོད་པའི་སྒོ་ནི་ཐེག་པ་ཆེན་པོ་ཉིད་ཀྱི་ཁྱད་པར་ཏེ། དེ་སྔོན་དུ་བྱ་བ་ནི་སྔར་དམ་བཅས་པ་དེ་བདག་གིས་མཐར་དབྱུང་ངོ་ཞེས་སོ། །མཁའ་ཁྱབ་ཀྱི་ཏིང་ངེ་འཛིན་ལ་
སྙོམས་པར་ཞུགས་སོ་ཞེས་བྱ་བ་ལ་ཏིང་ངེ་འཛིན་འདིའི་ངོ་བོ་ཅི་ཞིག་ཡིན། ཅིའི་ཕྱིར་འདི་ལ་སྙོམས་པར་འཇུག །འདི་ཉིད་ཁོ་ནའི་འབྲས་བུ་ནི་ཅི་ཞེ་ན། དེ་དག་བརྗོད་པར་བྱ་སྟེ། ཏིང་ངེ་འཛིན་གང་གིས་ཤིན་ཏུ་སྟོང་པ་ཉིད་ལ་ཞུགས་ནས་སྣང་བའི་ཕྲེང་བ་མ་ལུས་པ་གསལ་ཏེ། 
ཇི་སྲིད་ནམ་མཁའི་མཐས་ཀླས་པ་ཤིན་ཏུ་སྟོང་པ་སྐྱེས་བུ་མིག་བཙུམས་པའི་མིག་གི་ལམ་དུ་གཟུགས་ཐམས་ཅད་ཆད་ཅིང་མི་འཇུག་པ་ལྟ་བུ་ནི་འདིའི་ངོ་བོ་སྟེ། གཡོ་བ་མེད་ལ་དྲན་པ་དང་ཡིད་བདེ་བ་ཐམས་ཅད་ཆད་པས་རྣམ་པར་ཐར་པའི་སྒོ་སྟོང་པ་ཉིད་ཐབས་མཁས་པ་དང་

62-1-212b

བྲལ་བའོ། །གང་དག་འདི་རྣལ་འབྱོར་སྤྱོད་པ་རྣམ་པ་མེད་པའི་གྲུབ་པའི་མཐའོ་ཞེས་ཟེར་བ་ནི་མི་འདོད་དེ། དེ་དག་ནི་རྣམ་པ་མི་འདོད་ཀྱིས་ཀྱང་འཕགས་པ་སོ་སོ་རང་རིག་པ་རང་བཞིན་གྱིས་འོད་གསལ་བ་མཐའ་ཡས་པར་ཁྱབ་པ་མཁས་པས་ནི་འདི་དང་མཐུན་པ་མ་ཡིན་ནོ། །
འདི་ལ་ཅིའི་ཕྱིར་སྙོམས་པར་འཇུག་ཅེ་ན། ཕ་རོལ་ཏུ་ཕྱིན་པའི་ཐེག་པར་ནི་རྣམ་པ་ཐམས་ཅད་ཀྱི་མཆོག་དང་ལྡན་པའི་སྟོང་པ་ཉིད་མ་རྟོགས་ན་ཉི་ཚེའི་སྟོང་པ་དང་། ཆད་པར་བྱེད་པའི་རྣམ་པ་སུན་འབྱིན་པའི་སྟོང་པས་མངོན་པར་འཚང་མི་རྒྱའོ་ཞེས་བསྟན་པའི་ཕྱིར་ལ་འདིར་ནི་གཙོ་བོར་
བླ་མའི་དྲིན་གྱིས་མ་བསྐྱངས་ན་རང་གི་ཤེས་པའི་མཐུས་ནི་ལམ་ཁྱད་པར་ཅན་མི་རྟོགས་སོ་ཞེས་བླ་མ་ལ་གུས་པར་བྱ་བའི་ཕྱིར་རོ། །འོ་ན་བཅོམ་ལྡན་འདས་ཀྱིས་ཀྱང་། ཉེར་འགྲོ་དང་ནི་སངས་རྒྱས་ཏེ། །ང་ལ་སློབ་དཔོན་སུ་ཡང་མེད། །ཅེས་གསུངས་ཤིང་རང་བྱུང་གི་ཡེ་ཤེས་
ཞེས་པ་བྱ་བའང་གསུངས་ལ། རང་སངས་རྒྱས་ཀྱང་རང་གི་ཤེས་པས་འབྲས་བུ་ཐོབ་ན། སྔགས་ཀྱི་ལམ་འདིར་ཅིས་ན་བླ་མ་ལ་རག་ལས་པ་གཙོར་བྱེད་ཅེ་ན། ལམ་འདིར་ནི་ཤིན་ཏུ་མཚན་མ་དང་བཅས་པའི་བྱ་བ་དང་། ཤིན་ཏུ་སྦྱང་བར་དཀའ་བའི་བྱ་བ་བུད་མེད་
བསྟེན་པ་ལ་སོགས་པ་ཡང་དང་ཡང་བསྟན་ཏེ། དེ་དག་བསྟན་པ་མེད་པར་ནི་ཐེག་པ་ཆེན་པོ་འདི་ལ་འདུན་པ་ཆེས་ཉུང་བར་འགྱུར་ཞིང་། དེ་དག་ཀྱང་དེ་ཁོ་ན་ལྟར་སྒྲ་ཇི་བཞིན་དུ་སྤྱད་པར་བྱ་བ་མ་ཡིན་པས་ན་དང་པོ་འདི་ལ་གཞུག་ཅིང་ཞུགས་ནས་སྒྲ་ཇི་བཞིན་པའི་ལམ་
གྱིས་ཡོངས་སུ་ཉམས་པ་དགག་པའི་ཕྱིར། ཆེས་ཐབས་དམ་པ་སྟོན་པའི་བླ་མ་ལ་རག་ལས་པར་རིགས་ཏེ་དགེ་སློང་གི་དངོས་པོ་རྙེད་ནས་གནས་བཞིར་བསྒྲགས་པ་ལྟ་བུའོ། །ཏིང་ངེ་འཛིན་འདིའི་འབྲས་བུ་ནི་དམ་པར་གྱུར་པ་ཅི་ཡང་མེད་དོ། །དངོས་པོའི་སྟོབས་ཀྱིས་མ་
ཞུགས་པའི་ཕྱིར་རོ། །དེ་ཡང་དངོས་པོ་ནི་རྣམ་པ་ཐམས་ཅད་དང་ལྡན་པ་དང་། རྣམ་པ་ཐམས་ཅད་ཀྱི་མཆོག་དང་ལྡན་པའི་སྟོང་པ་ཉིད་དུ་རྣམ་པར་གནས་ལ། དེའི་བློ་ནི་རྣམ་པ་ཐམས་ཅད་དང་བྲལ་བའི་སྟོང་པ་ཉིད་ལ་ཞུགས་པས་སོ། །ལྷག་མ་རྣམས་ཀྱི་ཚིག་གི་དོན་

62-1-213a

ནི་གོ་སླའོ། །གཞན་གྱི་དོན་དུ་དཀྱིལ་འཁོར་སྤྲུལ་པའི་དང་པོར་ཆོ་ག་དེ་སྙེད་ཀྱིས་བདག་ཉིད་ཡང་དག་པར་རྫོགས་པའི་སངས་རྒྱས་སུ་གྲུབ་པར་བྱ་བའི་རྣལ་འབྱོར་རབ་ཏུ་རྒྱས་པ་འདི་ཡིན་པས་ན་དང་པོའི་རྣལ་འབྱོར་ཞེས་བྱ་བའི་ཏིང་ངེ་འཛིན་ཏོ་ཞེས་བྱ་བ་སྨོས་ཏེ། 
དེ་ཙམ་གྱིས་བདག་གི་དོན་ཕུན་སུམ་ཚོགས་པར་འགྲུབ་པར་ཁོང་དུ་ཆུད་པར་བྱའོ། །ད་ནི་བདག་གི་དོན་ཇི་ལྟ་བར་གྲུབ་ནས་དཔེ་མེད་པའི་འཁོར་དང་གནས་ཀྱི་ལོངས་སྤྱོད་བཀོད་པ་བསྟན་པ་སྔོན་དུ་འགྲོ་བས་ཕ་རོལ་ཏུ་ཕྱིན་པའི་བྱང་ཆུབ་སེམས་དཔའ་སྟོང་པ་ཉིད་ལ་མཆོག་ཏུ་གཞོལ་
བ་རྣམས་དང་། ཉན་ཐོས་དང་རང་སངས་རྒྱས་སྲིད་པས་སྐྱོ་ཞིང་ཡིད་བྱུང་བ་རྣམས་དང་། མུ་སྟེགས་བྱེད་ཕྱུགས་ལྟ་བུ་ལ་མངོན་པ་ལ་གནས་པ་དག་དང་། ཁ་ཅིག་ལྷ་དང་མིའི་འབྱོར་པ་ལ་ལྷག་པར་ཆགས་ནས་སྲིད་པ་ལ་གྱེན་དུ་འབྱུང་བར་མི་རྩོལ་བ་དག་ལ་ལྷ་དང་མི་ལས་ཡང་དག་
པར་འདས་པའི་རྒྱལ་སྲིད་ཀྱི་དབང་ཕྱུག་བྱིན་གྱིས་བརླབས་པས། དེ་དག་གིས་བདེ་བ་ཆེན་པོ་འདོད་པའི་ཡོན་ཏན་ལྔ་འདོད་ཆགས་དང་བྲལ་བ་དག་ཀྱང་ཡིད་འཕྲོག་པར་བྱེད་པ་འདིར་མངོན་པར་དགའ་བཞིན་དུ་འཇུག་པར་བྱ་བའི་ཕྱིར་བཙུན་མོ་དང་། བློན་པོ་དང་། སྲས་དང་། གཡོག་མོ་
དང་། རྩེ་དགོད་དང་བཅས་པའི་ནང་གི་ལོངས་སྤྱོད་དང་། དཔེ་མེད་པའི་གནས་དང་རྒྱན་བཀོད་པའི་དཀྱིལ་འཁོར་སྤྲུལ་པ་བསྟན་ཏེ། འདིར་བཅོམ་ལྡན་འདས་རྣམ་པར་སྣང་མཛད་ནི་ཆོས་ཀྱི་རྒྱལ་པོའོ། །དེ་བཞིན་གཤེགས་པ་མི་བསྐྱོད་པ་ལ་སོགས་པ་ནི་བློན་པོ་ཆེན་པོ་ལྟ་བུའོ། །རྡོ་རྗེ་
སེམས་མ་ལ་སོགས་པ་བཞི་ནི་བཙུན་མོ་དམ་པ་ལྟ་བུའོ། །རྡོ་རྗེ་སེམས་དཔའ་ལ་སོགས་པ་བཞི་ནི་སྲས་རྒྱལ་ཚབ་ལ་སོགས་པའོ། །རྡོ་རྗེ་སྒེག་མོ་ལ་སོགས་པ་ནི་བློན་པོའི་ཆུང་མ་སྟེ་རྒྱལ་པོའི་འབངས་མ་དམ་པ་རྣམས་སོ། །རྡོ་རྗེ་མེ་ཏོག་ས་ལ་སོགས་པ་ནི་གཡོག་མོ་དམ་པ་རྣམས་
སོ། །རྡོ་རྗེ་ལྕགས་ཀྱུ་མ་ལ་སོགས་པ་ནི་རྩེ་དགོད་པ་རྣམས་སོ། །གཞན་ཡང་ཕྱི་རོལ་གྱི་འཁོར་སའི་སྣམ་བུ་ལ་མཐའ་ཡས་པར་མཆོད་པས་ལག་པ་སྦྲེལ་ཅིང་གླུ་ལེན་ལ། རྡོ་རྗེའི་གར་བྱེད་པའི་ལྷ་མོ་བུད་མེད་རིན་པོ་ཆེ་ཟིལ་གྱིས་གནོན་པ་རྣམས་ཀྱིས་སྐད་ཅིག་ཀྱང་འབྲལ་མི་ནུས་པར་དགའ་

62-1-213b

བར་བྱེད་ལ་ཡིད་འཕྲོག་པའི་ལྷ་མོ་དང་། རིན་པོ་ཆེའི་གདུགས་དང་། བ་དན་དང་། ལྷའི་གོས་དང་། ལྡ་ལྡི་མཆོག་དང་། བླ་རེ་དང་། རྔ་ཡབ་དཀར་པོ་ནོར་བུ་དང་གསེར་གྱི་ཡུ་བ་ཅན་དང་མེ་ལོང་དང་མུ་ཏིག་གི་དོ་ཤལ་དང་དོ་ཤལ་ཕྱེད་པ་དང་མུ་ཏིག་དམར་པོའི་ཤམ་བུ་དང་དཔེ་མེད་
པར་དྲི་ཞིམ་པའི་བདུག་པ་དང་དྲི་དང་ལྷའི་ལས་འདས་པའི་བདུད་རྩིའི་བྱེ་བྲག་སྣ་ཚོགས་པའི་བཟའ་བ་དང་བཏུང་བ་དང་བཅའ་བ་དང་མྱང་བ་དང་བལྡག་པ་དང་། གཞིབ་པ་ཐམས་ཅད་ཁ་དོག་དང་དྲི་དང་རོ་དང་རེག་པ་ཕུན་སུམ་ཚོགས་པས་གང་བ། ལྷའི་ཚོགས་དེ་དག་ཀྱང་ཕན་ཚུན་
ཕྱག་རྒྱ་དང་ཕྱག་རྒྱའི་ལན་གྱིས་དགྱེས་ཤིང་འཛུམ་པ་ཟག་པ་མེད་པའི་བདེ་བ་དཔེ་མེད་པ་ཉམས་སུ་མྱོང་བས་བཞུགས་པ་སྟེ། དེ་ནི་འདི་ལྟར་བཅོམ་ལྡན་འདས་དང་པོ་གསང་སྔགས་ཀྱི་ལམ་དུ་སེམས་བསྐྱེད་པ་ནས་བརྩམས་ཏེ་ཡུན་རིང་ཞིག་ཏུ་དཀྱིལ་འཁོར་ཆེན་པོར་སྣང་བ་
ལྟ་བུའི་མཆོད་པ་བྱས་ཤིང་ཏིང་ངེ་འཛིན་དེ་ལྟ་བུ་ཡང་ཡུན་ཤིན་ཏུ་རིང་བར་གོམས་པར་བྱས་པས། དེའི་འབྲས་བུ་གྲུབ་པ་ལ་ལོངས་སྤྱོད་པའི་ཕྱིར་རོ། །རྣམ་པ་འདི་ལྟ་བུའི་དཀྱིལ་འཁོར་སྤྲུལ་པས་ནི་བྱང་ཆུབ་སེམས་དཔའ་ཆེན་པོ་བྱམས་པ་ལ་སོགས་པ་ཡང་ལམ་བདེ་
བ་འདིར་མོས་པར་བྱས་ལ་འདོད་པའི་ལྷའི་རྒྱལ་པོ་ཡང་བྱང་ཆུབ་ཏུ་སེམས་བསྐྱེད་ཅིང་འཛམ་བུའི་གླིང་དུ་རྒྱལ་པོ་ཀ་པི་ནི་ཡང་དགྲ་བཅོམ་པའི་འབྲས་བུ་ལ་བཀོད་ཅེས་གྲགས་པས། དོན་ཆེན་པོ་འདི་ལྟ་བུའི་ཕྱིར་ཡང་འདི་བསྟན་ཏོ། །དེ་ལ་འདིར་གོ་རིམས་ཀྱི་དོན་ནི་དང་པོའི་རྣལ་
འབྱོར་བྱས་མ་ཐག་ཏུ་ལྷ་རྣམས་ཀྱི་གནས་སུ་གདན་ཟླ་བ་བསམས་ལ། དེའི་འོག་ཏུ་མཚན་མ་སྤྲོས་ཏེ་དེ་ཡོངས་སུ་གྱུར་པ་ལས་སེམས་དཔའ་ཆེན་པོ་དེ་དང་དེ་ལ་སོགས་པའི་གཟུགས་སུ་གྱུར་པས་ཐུགས་ཀ་ནས་ཆེད་དུ་བརྗོད་པ་སྨྲ་ཞིང་། དེའི་འོག་ཏུ་དབང་བསྐུར་བའི་མཐར་
ཡང་ཆེད་དུ་བརྗོད་པ་སྨྲ་བར་བལྟ་སྟེ། དེ་ནི་གོ་རིམས་སོ། །དེ་ལ་དེ་ནས་རྡོ་རྗེ་དབྱིངས་ཀྱི་དབང་ཕྱུག་མས་གནས་བཞིར་བདག་ཉིད་ལ་བྱིན་གྱིས་བརླབས་ལ་ཞེས་བྱ་བ་ནི་སྔར་དང་པོའི་རྣལ་འབྱོར་གྱི་མཐར་བྱ་བ་སྟེ། འདིར་བསྟེན་པ་ནི་དང་པོ་རྣལ་འབྱོར་བྱས་མ་ཐག་ཏུ་

62-1-214a

དཀྱིལ་འཁོར་སྤྲོ་བ་ཡང་འཇུག་པར་བྱའོ་ཞེས་བར་མ་ཆད་པར་བསྟན་པའི་ཕྱིར་རོ། །རང་གི་སྙིང་གར་སོན་པའི་རྡོ་རྗེ་སེམས་དཔའ་ནི། སྙིང་གའི་གནས་སུ་བླ་མས་རྡོ་རྗེ་ཕབ་པ་སྟེ། བརྗོད་པ་གཉིས་སྔོན་བཞིན་ནོ། །དེ་བཞིན་གཤེགས་པ་ཐམས་ཅད་
ནི་རྣམ་པར་སྣང་མཛད་ཉིད་དོ། །དེ་ཉིད་ལ་སྔར་དེ་བཞིན་གཤེགས་པ་ཞུགས་པས་སོ། །གཞན་དག་ནི་རང་གི་རིགས་ཀྱི་གདན་རང་རང་གི་དེ་བཞིན་གཤེགས་པའི་ཐུགས་ཀ་ནས་སྤྲོས་པ་ཐམས་ཅད་ཀྱི་སྒྲས་སངས་རྒྱས་ལྔ་གཟུང་ཞེས་ཟེར་རོ། །དེ་ནས་དེ་དག་ལ་བྱམས་
པ་ལ་སོགས་པས་ནི་སེམས་དཔའ་ཆེན་པོ་རེ་རེ་ཐམས་ཅད་ཀྱི་བདག་ཉིད་དུ་བསྟན་པའི་ཕྱིར་ཕན་ཚུན་བསྡུས་པའི་རྒྱུར་སྦྱོར་བའོ། །ཚད་ཆེན་པོའི་རྡོ་རྗེ་བསྒོམ་པ་ནི་ཡང་དག་པར་ན་དེ་བཞིན་གཤེགས་པ་རྣམ་པར་སྣང་མཛད་ཆེན་པོའི་མཐུའི་འཕྲུལ་པ་སེམས་དཔའ་རྡོ་རྗེ་སྣང་བས་
འདི་ཆོས་ཀྱི་སྐུ་ལས་བྱུང་བར་བསྟན་པའོ། །ཡང་ཐུགས་ཀར་སོན་པའི་རྡོ་རྗེའི་ཚད་ཉིད་དུ་གྱུར་ཞེས་པ་ནི་རང་གི་ལུས་འབྱུང་བ་དང་འཚམ་པའི་རྒྱུར་བྱིན་གྱིས་བརླབ་པ་དང་། གཟུགས་ཀྱི་ལུས་ནི་ནམ་མཁའི་གཏོས་ཐམས་ཅད་ཁྱབ་པར་དམིགས་པར་མི་ནུས་པས་སོ། །རང་གི་
ལག་ཏུ་གནས་པར་བསམ་པ་ནི་འདི་དག་བཅོམ་ལྡན་འདས་འདིའི་ཕྱག་ལྟར་གནས་ཏེ་སྐྱེས་བུའི་ལག་པ་གཡས་པ་ལྟར་དགོས་པ་ཐམས་ཅད་བྱེད་པར་བསྟན་པའི་ཕྱིར་རོ། །ཐུགས་ཀར་གྱུར་པའི་རྡོ་རྗེ་ལ་ཞུགས་པ་ནི་དེ་ནི་ཕྱི་རོལ་གྱི་ལུས་མ་ཡིན་ཏེ་དེ་བཞིན་གཤེས་པའི་
ཐུགས་ཉིད་དོ་ཞེས་བསྟན་པའོ། །ཆོ་ག་འདི་དག་གིས་ཀྱང་དཀྱིལ་འཁོར་གྱི་ལྷ་ཇི་སྙེད་པ་ནི་རང་གི་ཡེ་ཤེས་ཀྱི་རྣམ་པར་འཕྲུལ་པའོ་ཞེས་བསྟན་པས་རྒྱུད་གཞན་དུ་འཛིན་པའི་རྟོག་པ་བཀག་པའོ། །སངས་རྒྱས་ལྔའི་དབུ་རྒྱན་གྱིས་དབང་བསྐུར་བས་ཀྱང་མངོན་པར་དབང་བསྐུར་ཏེ་ཞེས་
བྱ་བ་ལ་འདི་དག་ནི་རིགས་ལྔའི་དེ་བཞིན་གཤེགས་པའི་རིགས་སུ་བྱུང་བ་ཡིན་ལ། རིགས་རེ་རེ་ཡང་རིགས་ལྔ་ལྔ་དང་མཚུངས་པར་ལྡན་པས་ན་རིགས་ལྔའི་བདག་པོས་དབུ་བརྒྱན་པར་བྱའོ། །གང་དུ་དེ་བཞིན་གཤེགས་པ་རྣམས་ལ་རིན་པོ་ཆེའི་དབུ་རྒྱན་གྱིས་དབང་བསྐུར་བ་དེར་ནི། དེ་

62-1-214b

དག་ལ་ཁམས་གསུམ་པའི་ཆོས་ཀྱི་རྒྱལ་པོར་དབང་བསྐུར་བའི་ཚུལ་བའི་རྟགས་ཀྱིས་མཚན་པ་ཡིན་ལ། དེ་བཞིན་དུ་བྱང་ཆུབ་སེམས་དཔའ་བྱམས་པ་ལ་སོགས་པ་ལ་རིན་པོ་ཆེའི་དབུ་རྒྱན་གྱིས་དབང་བསྐུར་བ་ཡང་། དེ་དག་ནི་ཐམས་ཅད་ཀྱང་སྐྱེ་བ་གཅིག་གིས་ཐོགས་པ་ཁོ་ན་ཡིན་ལ། 
སྐྱེ་བ་གཅིག་གིས་ཐོགས་པ་དག་ལ་ནི་ངེས་པར་དེ་བཞིན་གཤེགས་པའི་དབུ་རྒྱན་ཉིད་གནང་བས་དེ་ཉིད་རིགས་ཏེ། ཇི་ལྟར་བཅོམ་ལྡན་འདས་ཤཱཀྱ་ཐུབ་པས་དགའ་ལྡན་དུ་ཉིད་ཀྱི་དབུ་རྒྱན་ཕུད་ནས་བྱང་ཆུབ་སེམས་དཔའ་སེམས་དཔའ་ཆེན་པོ་བྱམས་པའི་མགོ་ལ་གཞག་གོ་ཞེས་
གསུངས་པ་ལྟ་བུའོ། །བླ་ན་མེད་པའི་ཚུལ་ཁྲིམས་ལ་སོགས་ཏེ་དེ་བཞིན་གཤེགས་པ་ཐམས་ཅད་ཀྱི་མཉམ་པ་ཉིད་ཀྱི་ཡེ་ཤེས་ཀྱི་བར་དུ་མངོན་པར་རྫོགས་པར་བྱང་ཆུབ་པར་སྒྲུབ་པར་བྱེད་པ་དང་པོའི་རྡོ་རྗེ་དང་། དང་པོའི་རྡོ་རྗེས་མཚན་པའི་དྲིལ་བུ་ཞེས་བྱ་བ་ལ་སོགས་པ་ལ་
བླ་ན་མེད་པའི་ཚུལ་ཁྲིམས་ལ་སོགས་པ་ནི་ཚུལ་ཁྲིམས་ཀྱི་ཕུང་པོ་དང་། ཏིང་ངེ་འཛིན་གྱི་ཕུང་པོ་དང་། ཤེས་རབ་ཀྱི་ཕུང་པོ་དང་། རྣམ་པར་གྲོལ་བའི་ཕུང་པོ་དང་། རྣམ་པར་གྲོལ་བའི་ཡེ་ཤེས་གཟིགས་པའི་ཕུང་པོ་ཞེས་བྱ་བ་མི་སློབ་པའི་ཕུང་པོ་ལྔ་སྟེ། དེ་དག་དགྲ་བཅོམ་
པ་ལ་སོགས་པ་ཡང་ཡོད་པས་དེ་གསལ་བའི་ཕྱིར་བླ་ན་མེད་པ་སྨོས་ཏེ། སངས་རྒྱས་ཀྱི་སས་བསྡུས་པ་ཞེས་བྱ་བའི་དོན་ཏོ། །དེ་བཞིན་དུ་སངས་རྒྱས་ཀྱི་སའི་ཆོས་ཐམས་ཅད་བསྡུ་བར་དེ་བཞིན་གཤེགས་པ་ཐམས་ཅད་ཀྱི་མཉམ་པ་ཉིད་ཀྱི་ཡེ་ཤེས་ཀྱི་བར་དུ་མངོན་པར་རྫོགས་
པར་བྱང་ཆུབ་པ་ཞེས་སོ། །དེ་སྒྲུབ་པར་བྱེད་པ་ནི་དབང་བསྐུར་བ་སྟེ། དེ་ཡང་དང་པོའི་རྡོ་རྗེ་སྟེ་དེ་བཞིན་གཤེགས་པའི་རྡོ་རྗེ་དང་དེས་མཚན་པའི་དྲིལ་བུ་ལ་སོགས་པས་དབང་བསྐུར་བའོ། །ཕྱོགས་འདིས་ནི་སེམས་དཔའ་ཆེན་པོ་དག་ལ་མོས་པའི་གང་ཟག་དགའ་བར་བྱས་པ་ཡང་
བལྟ་སྟེ། དེ་དག་དེ་བཞིན་གཤེགས་པ་ཉིད་དུ་བསྒྲུབ་པས་སོ། །མ་ལུས་ཤིང་ལུས་པ་མེད་པའི་སེམས་ཅན་གྱི་ཁམས་རྣམས་འགྲུབ་པའི་ཕྱིར་དང་། ཀུན་དུ་བཟང་པོའི་ཕྱིར་སྦྱིན་ཞེས་གཉིས་ཀ་བཞི་པའི་མཐའ་བསྟན་པ་ནི། དབང་བསྐུར་བ་དེ་དག་གིས་སེམས་དཔའ་

62-1-215a

ཆེན་པོ་དེའི་བདག་དང་གཞན་གྱི་དོན་འགྲུབ་པར་བསྟན་པའོ། །མིང་གི་དབང་བསྐུར་བ་ལ་སོགས་པ་ཞེས་བྱ་བ་ལ་སོགས་པ་སྨོས་པས་ནི་རྗེས་སུ་གནང་བ་དང་ལུང་བསྟན་པ་དག་ཏུ་བསྡུའོ། །གཞན་དག་ནི་འདི་ལ་ལུང་བསྟན་པ་མི་འདོད་དེ་རྗེས་སུ་གནང་བ་ཙམ་
ཞེས་ཟེར་རོ། །ལུང་བསྟན་པ་ཁས་བླང་བ་ལ་ཉེས་པ་མེད་དེ་ཐ་དད་པ་མེད་ཀྱང་སེམས་ཅན་གྱི་དོན་དུ་ཐ་དད་པར་བསྟན་ནས་ནམ་ཞིག་ན་དེ་ཡང་རྫོགས་པར་བྱང་ཆུབ་པའི་དཀྱིལ་འཁོར་གྱི་བདག་པོར་འགྱུར་ཞེས་ཐབས་མཁས་པའི་དཀྱིལ་འཁོར་གྱིས་ཏེ་འདི་ལེགས་སོ། །གཞན་དག་
དང་པོ་ཆུའི་དབང་བསྐུར་བ་འདིར་སོགས་པའི་སྒྲ་སྨོས་པས་བསྡུས་ཞེས་ཟེར་རོ། །དེ་ནི་མི་འདོད་དེ་ཐ་མར་བསྟན་པས་དང་པོར་བྱ་བ་བསྡུ་བ་ནི་ཧ་ཅང་ཁྱབ་ཆེས་པའི་ཕྱིར་དང་། ཆུའི་དབང་བསྐུར་བ་ནི་ཤུགས་ཀྱིས་རྟོགས་ཏེ་གང་དུ་ཡང་བུམ་པ་མེད་པར་དབང་བསྐུར་བ་མི་འཚམ་
ལ། བུམ་པ་ཡང་ཆུས་མ་བཀང་བའི་སྟོང་པས་མིན་ཞེས་འཇིག་རྟེན་གྱི་ལུགས་ཉིད་ལ་ལྟོས་པས་སོ། །ཆོ་ག་དེ་དག་ནི་སེམས་དཔའ་ལྷག་མ་རྣམས་ལ་ཡང་བལྟའོ་ཞེས་བསྟན་པའི་ཕྱིར་ནི། དེ་ལྟར་སྐྱེས་པ་དང་ཞེས་བྱ་བ་ལ་སོགས་པ་སྨོས་ཏེ། བསྐྱེད་པ་ནི་ཟླ་བ་དང་རྡོ་རྗེ་ཆེན་པོ་དང་། 
རྡོ་རྗེ་ཆུང་ངུ་དང་། སེམས་དཔའི་ལུས་རྣམས་སོ། །སྤྲོ་བ་ནི་དེ་དག་ལས་འོད་ཟེར་རྣམས་སོ། །བསྡུ་བ་ནི་སླར་དེ་དག་ཉིད་ལའོ། །དེས་ན། སྤྲོ་བའི་གནས་དང་བསྡུ་བའི་གནས། །ཞེས་སྦྱར་ཏེ་རྡོ་རྗེ་རྣམ་པ་གཉིས་པོ་དག་ནི་སྤྲོ་བ་དང་བསྡུ་བ་
གཉིས་ཀའི་གནས་སོ། །སེམས་དཔའི་ལུས་ནི་བསྡུ་བའི་གནས་སོ། །དེ་དག་བརྟན་པར་བསྒོམ་པ་ནི་སེམས་མི་གཡེང་བར་བྱ་བ་སྟེ། དེ་དག་ནི་རྡོ་རྗེ་ཁུ་ཚུར་གྱི་བར་དུ་བལྟའོ་ཞེས་སྦྱར་རོ། །སེམས་མ་རྡོ་རྗེ་མ་ལ་སོགས་པ་ནི་ལུགས་གཞན་ཡིན་པས་དེ་ནས་མི་བསྐྱོད་པའི་ང་
རྒྱལ་གྱིས་སེམས་མ་རྡོ་རྗེ་མ་བསྒྲུབ་པོ་ཞེས་བྱ་བ་ལ་སོགས་པ་སྟེ། བདག་ཉིད་དབུས་ན་གནས་པའི་འདུ་ཤེས་གཏད་པས་དབུས་སུ་བཅོམ་ལྡན་འདས་རྣམ་པར་སྣང་མཛད་བཞུགས་པ་ལ་མཆོད་པའི་ཕྱིར་ཏིང་ངེ་འཛིན་འདི་ལྟ་བུ་བྱ་བ་སྟེ། ཇི་ལྟར་དང་པོ་རྒྱུད་ཀྱི་སེམས་དཔའ་

62-1-215b

འབྱུང་བའི་བཤད་པའི་རྗེས་སུ་འབྲང་ཞེས་པའི་དོན་ཏོ། །འདི་ནི་དཀྱིལ་འཁོར་རྣམས་ཀྱི་རྒྱལ་པོ་ཡིན་པས་དཀྱིལ་འཁོར་རྒྱལ་པོ་སྟེ། འདིར་དབང་བསྐུར་ན་རིགས་ལྷག་མ་རྣམས་དང་རང་གི་གཟུགས་ཀྱི་དཀྱིལ་འཁོར་ལ་སོགས་པ་ཡང་དབང་བསྐུར་བར་གྱུར་པས་
སོ། །དེ་ཉིད་ཀྱི་ཕྱིར་ན་མཆོག་སྟེ་དམ་པ་ཞེས་བྱ་བའི་དོན་ཏོ། །དེ་སྐད་ཅེས་བྱ་བའི་ཏིང་ངེ་འཛིན་དེ་བཤད་པ་ནི་ལོངས་སྤྱོད་རྫོགས་པའི་སྐུ་ལ་མོས་པར་བྱ་བའི་ཕྱིར་རོ། །འདིར་དཀྱིལ་འཁོར་དང་ལྷའི་དེ་ཁོ་ན་ཉིད་ལེགས་པར་ཁོང་དུ་ཆུད་པས་དཀྱིལ་འཁོར་འདི་ལྟ་བུ་བསྒོམས་
ན་འབྲས་བུ་རབ་ཏུ་མཐུ་ཅན་དུ་འགྱུར་བར་རིག་པར་བྱ་སྟེ། དེ་དག་ཀྱང་རྒྱུད་ཀྱི་འགྲེལ་པར་རྒྱ་ཆེར་བསྟན་པས་དེ་ཁོང་དུ་ཆུད་པར་བྱའོ། །དེ་ལྟར་གཞན་གྱི་དོན་བྱེད་པ་དང་ཤིན་ཏུ་འཚམ་པའི་དཀྱིལ་འཁོར་ཆེན་པོའི་ཏིང་ངེ་འཛིན་བཀོད་པ་བསྟན་ནས། ད་ནི་འདིར་གཞན་གྱི་
དོན་ལ་ཇི་ལྟར་འཇུག་པ་གཞན་གྱི་དོན་གྱི་ཕྲིན་ལས་ལ་དཀྱིལ་འཁོར་པ་རྣམས་གཞག་པ་བསྟན་པའི་ཕྱིར། དེ་ནས་རྣམ་པར་སྣང་མཛད་དང་བདག་ཉིད་ལྷན་ཅིག་དབྱེར་མེད་པར་རྣམ་པར་བསམས་ལ་བསྡུ་བར་བྱའོ་ཞེས་བྱ་བ་ལ་སོགས་པ་སྨོས་ཏེ། འགའ་ཞིག་རྡོ་རྗེ་སེམས་
དཔའ་ལ་སོགས་པའི་རྣལ་འབྱོར་པ་ཡིན་ན་དེས་མངོན་པར་བྱང་ཆུབ་པ་བསྟན་ཏེ། དཀྱིལ་འཁོར་སྤྲུལ་ནས་སླར་དེའི་རྣལ་འབྱོར་གྱིས་ཐ་དད་པར་གནས་པ་སྲིད་ཅིང་དེ་བཞིན་གཤེགས་པའི་རྣལ་འབྱོར་ཅན་ཡང་ཐ་དད་པར་གནས་པས་ན་འདིར་ལྷན་ཅིག་ཐ་མི་དད་པ་སྨོས་ཏེ། དེ་ལ་
འཇུག་ཅེས་པའི་དོན་ཏོ། །བསྡུ་བར་བྱའོ་ཞེས་བྱ་བ་ནི་འོག་ནས་བསྟན་པའི་སྔགས་དང་ཕྱག་རྒྱས་སོ། །དེ་བཞིན་གཤེགས་པ་རྣམས་ནི་ཐུགས་དམ་གྱི་དབང་གིས་ངེས་པར་འཁོར་དང་བཅས་པ་བྱོན་པས་ན། དེ་ནས་འདུས་ཏེ་བྱོན་པའི་དེ་བཞིན་གཤེགས་པ་བྱང་ཆུབ་སེམས་
དཔའི་འཁོར་གྱི་དཀྱིལ་འཁོར་དང་ཐམས་ཅད་ཅེས་སྨོས་ཏེ། དེ་དག་ཀྱང་རྣལ་འབྱོར་པ་དཀྱིལ་འཁོར་གྱི་བདག་པོར་གྱུར་པ་ལ་ཕྱག་འཚལ་ཞིང་བསྟོད་པ་ནི་ཨོཾ་ཞེས་བྱ་བ་ལ་སོགས་པ་སྟེ། དེ་བཞིན་གཤེགས་པ་ཐམས་ཅད་ནི་རྣམ་པར་སྣང་མཛད་ཁྱོད་ཉིད་དེ་བཞིན་གཤེགས་

62-1-216a

པ་ཐམས་ཅད་དོ་ཞེས་པའོ། །ཨེ་མ་ཞེས་བྱ་བ་ལ་སོགས་པ་ནི་བསྟོད་པ་སྟེ། ཨེ་ནི་སྤྲོ་བར་སྟོན་པའོ། །གང་ལ་ཡིད་སྤྲོ་ཞེ་ན་ཀུན་དུ་བཟང་པོའི་སྟེ། དཀྱིལ་འཁོར་ཆེན་པོའི་བདག་པོ་རྣལ་འབྱོར་པ་ཀུན་དུ་བཟང་པོའི་བྱང་ཆུབ་སེམས་དཔའི་བྱ་བ་
མཆོག་སྟེ། འདི་བྱང་ཆུབ་སེམས་དཔའ་ཡིན་དུ་ཟིན་ཀྱང་བྱ་བ་མཆོག་སྟེ་སངས་རྒྱས་ཀྱི་བྱ་བ་རྣམས་ད་ལྟ་ཉིད་དུ་བྱེད་པ་ནི་དེ་དང་དེ་བཞིན་གཤེགས་པ་རྣམས་ཀྱི་རིགས་མི་འཆད་པར་བྱེད་པའོ། །དེས་ན། གང་ཞིག་དེ་བཞིན་གཤེགས་འཁོར་ལོའི། །དབུས་ན་དེ་བཞིན་གཤེགས་
པ་མཛེས། །ཞེས་པ་སྟེ། ཁྱོད་མི་བསྐྱོད་པ་ལ་སོགས་པ་བཞིའི་དབུས་ན་དེ་བཞིན་གཤེགས་པ་རྣམ་པར་སྣང་མཛད་དུ་གྱུར་ཅིང་མཛེས་ལ་གསལ་ལོ་ཞེས་བསྟོད་པའོ། །དེ་ལྟར་ན་གསང་སྔགས་ཀྱི་ལམ་འདིར་ནི་དེ་བཞིན་གཤེགས་པའི་མཛད་པ་ལ་རྗེས་སུ་སློབ་ལ། ཕ་རོལ་ཏུ་ཕྱིན་
པའི་ལམ་དུ་ནི་བྱང་ཆུབ་སེམས་དཔའ་ས་ཆེན་པོ་ལ་རབ་ཏུ་བཞུགས་པ་དག་གི་རྗེས་སུ་སློབ་ཅིང་། ཉན་ཐོས་རྣམས་ནི་དགྲ་བཅོམ་པ་དག་གི་རྗེས་སུ་སློབ་ལ། འཇིག་རྟེན་པ་རྣམས་ནི་ཁྱབ་འཇུག་ལ་སོགས་པ་དག་གི་རྗེས་སུ་སློབ་པས་གོང་ནས་གོང་དུ་ཁྱད་ཆེས་འཕགས་པའོ། །དེ་
ནས་རྣམ་པར་སྣང་མཛད་ཀྱི་ཐུགས་ལ་ཞུགས་ཏེ་ཞེས་བྱ་བ་ནི་ཁྱོད་དེ་ཙམ་དུ་བྱ་བ་དོན་ཆེན་པོ་ལ་གནས་པ་ལ་ངེད་ཀྱང་ཕན་འདོགས་པས་ཁྱོད་ཀྱི་ཡིད་བྱིན་གྱིས་བརླབ་བོ་ཞེས་པས་བཞུགས་པའོ། །དེ་བཞིན་དུ་ཁྱོད་འབའ་ཞིག་མ་ཡིན་གྱི་ཁྱོད་ཀྱི་འཁོར་དཀྱིལ་འཁོར་དུ་ལྷག་པར་གནས་པར་
བྱས་པ་འདི་དག་ཀྱང་ངེད་ཀྱིས་བྱིན་གྱིས་བརླབ་བོ་ཞེས་ནས་ངེས་པར་འཐོན་ནས་སེམས་མ་རྡོ་རྗེ་ལ་སོགས་པ་རྣམས་དང་གཅིག་ཏུ་གྱུར་ཏེ་ཞེས་སྨོས་སོ། །དེ་དག་ཀྱང་ཅིག་ཅར་རམ་རིམ་གྱིས་རང་རང་གི་གཟུགས་ཀྱིས་རང་རང་གི་ལྷ་རྣམས་ལ་ཐིམ་ནས་སླར་ཡང་ཆེད་དུ་རྗོད་པར་བྱེད་པ་ནི། 
ཨེ་མ་ཞེས་བྱ་བ་ལ་སོགས་པ་སྟེ། ཨེ་མ་ཞེས་པ་ནི་སྔོན་བཞིན་ནོ། །སངས་རྒྱས་ཐམས་ཅད་ཀྱི་ཞེས་པ་ནི་རྣམ་པར་སྣང་མཛད་ལ་སོགས་པའོ། །རྒྱ་ཆེན་ནི་གཟུགས་ཀྱི་སྐུ་སྟེ་གདོད་ནས་སྐྱེ་བ་མེད་པ་ནི་ཆོས་ཀྱི་སྐུའོ། །དེ་ལྟར་ན་རྒྱ་ཆེ་བས་ནི་ཐམས་ཅད་དུ་ཁྱབ་པར་ནུས་ལ། 

62-1-216b

གདོད་མ་ནས་མ་སྐྱེས་པ་ནི་ངོ་བོ་ཉིད་མེད་པའི་ཕྱིར་ཕན་ཚུན་ཐོགས་པ་དང་ཐ་དད་པར་ཞེན་པ་དང་བྲལ་བས་སངས་རྒྱས་གཅིག་ཉིད་ཐམས་ཅད་ཀྱི་ངོ་བོ་ཡིན་ཏེ། ཐོགས་པ་མེད་པའི་སྐུ་ཅན་ཞེས་པའི་དོན་ཏོ། །དེས་ན་རྡུལ་ཕྲན་བགྲང་བ་གང་ཡིན་པའི་སངས་རྒྱས་ཐམས་ཅད་
གཅིག་ཏུ་བྱའོ་ཞེས་པ་ནི་འཐད་པའོ། །དེ་ལྟར་རྣལ་འབྱོར་གྱི་དབང་ཕྱུག་སེམས་དཔའ་ཆེན་པོ་ཀུན་དུ་བཟང་པོ་དེ་སངས་རྒྱས་ཐམས་ཅད་ཀྱིས་བསྟོད་ཅིང་བསྔགས་ལ་བཀུར་བར་བྱས་པས་ལྷག་པར་མོས་པར་བསྟན་པར་བྱས་ནས་དཔེ་མེད་པའི་ཐབས་མཁས་པས་ཡང་སླར་ཐ་དད་
པའི་ལུས་ལ་གནས་པས་ལུས་ཀྱི་བྱ་བ་ལ་འཇུག་པའི་ཕྱིར། དེ་ནས་དཔལ་རྡོ་རྗེ་སེམས་དཔའི་གནས་ན་གནས་པའི་རྣལ་འབྱོར་པས་ཞེས་བྱ་བ་སྨོས་པ་སྟེ། འདིར་གང་ཞིག་གང་གིས་ཟློས་པ་པོ་ཡིན་ཡང་རུང་སྟེ། དཔལ་རྡོ་རྗེ་སེམས་དཔའ་དང་ཐ་མི་དད་པར་བྱ་བའི་ཕྱིར་རྣམ་
པར་སྣང་མཛད་ཀྱི་ཐུགས་ཀ་ནས་འཐོན་ལ་དེའི་གནས་སུ་བསྡད་ཅེས་པའོ། །དེར་གནས་ནས་ཅི་ཞིག་བྱེད་ཅེ་ན། དེའི་ཕྱིར་ཕྲེང་བའི་དབང་ལ་སོགས་པ་བླངས་ལ་ཞེས་སྨོས་ཏེ། དཀྱིལ་འཁོར་དུ་ཞུགས་ལ་མིག་ཕྱེ་སྟེ། ཕྲེང་བ་དོར་ལ་དེ་བླངས་ཏེ་སྤྱི་བོར་གདགས་པས་དབང་
བསྐུར་ནས་དབང་ལྷག་མ་ལྔ་དང་རྡོ་རྗེ་བརྟུལ་ཞུགས་བླང་བ་སྔོན་བཞིན་བྱ་ཞེས་བྱ་བའི་དོན་ཏོ། །ཅི་དེ་ཙམ་དུ་ཟད་དམ་ཞེ་ན། དེའི་ཕྱིར་རྡོ་རྗེ་ལྕགས་ཀྱུ་ལ་སོགས་པས་དགུག་པ་དང་བཅིང་བ་དང་དབང་དུ་བྱས་ལ་རྣམ་པར་སྣང་མཛད་ལ་སོགས་པ་ཕྱག་རྒྱ་བཞིས་རྒྱས་གདབ་པ་བྱ་སྟེ་
ཞེས་བྱ་བ་སྨོས་ཏེ། སྔ་མ་ནི་ཕྱོགས་བཅུའི་སངས་རྒྱས་འཁོར་དང་བཅས་པ་རྣམས་བསྡུ་བས་སྤྱིར་བྱ་བ་ཡིན་ལ། འདིར་དགུག་པ་ལ་སོགས་པ་ནི་རང་གི་དཀྱིལ་འཁོར་པ་ཉི་ཚེ་ལ་ཆོ་ག་ཐུན་མོང་མ་ཡིན་པའོ། །འོ་ན་བྱེ་བྲག་ནི་སྤྱིར་འདུས་པས་སྔ་མའི་སངས་རྒྱས་དང་བྱང་ཆུབ་སེམས་
དཔའ་ཐམས་ཅད་བསྡུས་པའི་ཁོངས་སུ་རང་གི་དཀྱིལ་འཁོར་པ་ཡང་འདུས་པ་མ་ཡིན་ནམ། དེ་བཞིན་དུ་རིགས་པ་སྔ་མས་ལྷ་ཐམས་ཅད་བདག་ཉིད་གཅིག་མོད་ཅེ་ན། རང་བཞིན་ལ་ནི་ལྷ་གཅིག་ཁོ་ནའི་བྱ་བས་ལྷ་ཐམས་ཅད་ཀྱི་བྱ་བར་འགྱུར་བས་ན་ཕྱག་རྒྱ་གཅིག་པའི་དཀྱིལ་འཁོར་

62-1-217a

བསྟན་པའོ། །འོན་ཀྱང་དཀྱིལ་འཁོར་ཆེན་པོའི་རྣལ་འབྱོར་འདི་ལྟ་བུ་ནི་ཤིན་ཏུ་སྤྲོ་བ་ལ་དགའ་བའི་གང་ཟག་གི་ངོར་བྱས་ཤིང་ཡང་དང་ཡང་དུ་ཏིང་ངེ་འཛིན་གྱི་རྣམ་པར་འཕྲུལ་པ་བསྟན་པས་རྣལ་འབྱོར་སེམས་སྦྱངས་པ་ནི་འདི་ལ་ཡང་ཉེས་པས་འདིར་དོགས་པ་བསྐྱེད་
པར་མི་བྱའོ། །དེ་ལ་རྡོ་རྗེ་ལྕགས་ཀྱུ་ལ་སོགས་པའི་བྱ་བ་དང་ཕྱག་རྒྱ་བཞིས་རྒྱས་གདབ་པ་ནི་སྔ་ཕྱིར་ཞིབ་ཏུ་དཔྱད་པས་འདིར་བདག་གིས་ཀྱང་བརྗོད་མི་དགོས་སོ། །དེ་ལྟར་ལས་བྱེད་པ་པོ་རྣམས་ཀྱི་ཚུལ་རྒྱས་པར་བསྟན་ནས། ད་ནི་ཇི་ལྟ་བ་ལ་གཞག་པ་བསྟན་པའི་ཕྱིར། སངས་རྒྱས་
ཐམས་ཅད་གཅིག་ཏུ་བསྡུ་བ་དང་། །ཞེས་བྱ་བ་ལ་སོགས་པ་སྨོས་ཏེ། དེ་ལ་རྣམ་པར་སྣང་མཛད་ནི་དང་པོ་མངོན་པར་རྫོགས་པར་བྱང་ཆུབ་མ་ཐག་ཏུ་ལུས་ལ་དེ་བཞིན་གཤེགས་པ་ཐམས་ཅད་བཅུག་པས་རྡོ་རྗེའི་དབྱིངས་སུ་གྱུར་པས་དེ་སངས་རྒྱས་ཐམས་ཅད་གཅིག་ཏུ་བསྡུས་པའོ། །
མི་བསྐྱོད་པ་ལ་སོགས་པ་ཡང་སྔར་སངས་རྒྱས་ཐམས་ཅད་དུ་མོས་པས་ཕྱོགས་བཞིར་བཞུགས་ཞེས་བྱ་བའི་ཚུལ་གྱིས་སངས་རྒྱས་གཅིག་ཏུ་བསྡུས་པ་སྟེ། མདོར་བསྡུ་ན་ཕྱོགས་བཅུའི་འཇིག་རྟེན་གྱི་ཁམས་རབ་འབྱམས་ཐམས་ཅད་དུ་གང་ན་མངོན་པར་བྱང་ཆུབ་པ་ལྔའི་རིམ་པས་ལོངས་
སྤྱོད་རྫོགས་པའི་སྐུས་འདུལ་བ་དེ་དང་དེར་དེ་བཞིན་གཤེགས་པ་འདི་ལྔ་གཤེགས་ཏེ། ལྔ་མངོན་པར་བྱང་ཆུབ་པ་བསྟན་ནས་དེའི་རྗེས་སུ་འགྲོ་བའི་རིས་མང་པོ་འཇུག་པར་མཛད་ཅེས་པའི་དོན་ཏོ། །རིགས་ཐམས་ཅད་རྒྱས་གདབ་པ་དང་ཞེས་བྱ་བ་ལ་རིགས་ནི་དེ་བཞིན་གཤེགས་པའི་རིགས་
ཏེ། རྡོ་རྗེ་སེམས་དཔའ་ལ་སོགས་པའོ། །འདི་ཐམས་ཅད་ཀྱང་ཡིན་ལ་རིགས་ཀྱང་ཡིན་པས་ན་རིགས་ཐམས་ཅད་དོ། །དེ་དག་ལ་རྒྱས་གདབ་པ་ནི་སེམས་མ་རྡོ་རྗེ་མ་ལ་སོགས་པས་དཔྲལ་བའི་སྟེང་ལ་སོགས་པར་རྒྱས་བཏབ་པས་སྔར་བསྟན་པ་ལྟར་རིགས་ལྔའི་དབུ་རྒྱན་གྲུབ་པར་
བྱ་བ་སྟེ། ཇི་སྐད་དུ་རྣལ་འབྱོར་གྱི་རྒྱུད་ཁ་ཅིག་ལས། རྒྱུ་ལ་འབྲས་བུས་རྒྱས་བཏབ་ཅིང་། །འབྲས་བུ་ལ་ཡང་རྒྱུས་རྒྱས་བཏབ། །གཞན་དུ་བསྐལ་པ་བྱེ་བར་ཡང་། །དངོས་གྲུབ་འབྱུང་བར་མི་འགྱུར་རོ། །ཞེས་གསུངས་པས་འདིར་རྒྱུ་སྟེ། དེ་བཞིན་གཤེགས་པའི་རིགས་རྣམས་ལ་

62-1-217b

འབྲས་བུ་དེ་བཞིན་གཤེགས་པ་རྣམས་ཀྱིས་རྒྱས་གདབ་བོ། །དེ་ཡང་བུའི་རྒྱན་མས་འདོགས་པ་ལྟར་རིགས་ཀྱི་ཡུམ་རྣམས་ཀྱིས་རྒྱས་འདེབས་པའི་བྱེད་པ་པོར་བྱའོ། །དེ་ནི་ཆོས་ཀྱི་རྒྱལ་པོའི་སྲས་སུ་བྱིན་གྱིས་བརླབས་པས་སེམས་དཔའ་རྣམས་ལྷག་པར་མཐུ་དང་ལྡན་པར་
འགྱུར་རོ། །དེ་བཞིན་དུ་འབྲས་བུའི་ངོ་བོ་དེ་བཞིན་གཤེགས་པ་རྣམས་ལ་ཡང་རྒྱུ་སྟེ། རིན་ཆེན་རྡོ་རྗེ་མ་རིན་པོ་ཆེའི་དབུ་རྒྱན་དུ་གནས་པར་བྱས་ནས་འཁོར་རྣམས་ལ་ལྷག་པར་སྐྱོང་བའི་མཚན་མས་རྒྱལ་པོར་རུང་བར་མཚན་པའོ། །དེ་ལྟར་ན་ཕྱོགས་བཅུའི་འཇིག་རྟེན་གྱི་
ཁམས་རྣམས་སུ་སེམས་མ་རྡོ་རྗེ་མ་ལ་སོགས་པ་འཕྲོས་ཏེ་གང་ན་རྣལ་འབྱོར་པ་རིགས་དེ་དང་དེ་ལ་རྒྱས་གདབ་པར་འོས་པ་དེ་དག་ལ་རྒྱས་བཏབ་པར་བསམ་མོ། །བྱང་ཆུབ་ཏུ་སེམས་བསྐྱེད་པ་དང་། །ཞེས་བྱ་བ་ལ་སོགས་པ་ནི་རྡོ་རྗེ་སེམས་མ་ལ་སོགས་པའིའོ། །དམ་པའི་ཆོས་ཀྱི་
གྲོང་ཁྱེར་བསྐྱང་བ་ཞེས་བྱ་བ་ནི་བྱང་ཆུབ་སེམས་དཔའ་བྱམས་པ་ལ་སོགས་པའི་དབང་དུ་བྱས་པ་སྟེ། དེ་དག་ནི་གང་ན་དཀྱིལ་འཁོར་ཆེན་པོ་ཡོད་པ་དེར་སྔོན་གྱི་སྨོན་ལམ་དང་དཀྱིལ་འཁོར་དེའི་བདག་པོའི་མཐུ་དང་སྔོན་གྱི་དམ་ཚིག་གིས་ངེས་པར་འདུ་བ་ཡིན་པས། དེ་དག་ལ་
དམིགས་ཀྱིས་བཀར་བའི་སྤྱན་དྲང་བ་མེད་ཀྱང་འདུས་པར་ལྷག་པར་མོས་པར་བྱའོ། །དེ་ལ་འདིར་དོན་ནི་རྣལ་འབྱོར་པའི་བསྡུ་བའི་རྣལ་འབྱོར་གྱིས་བསྡུས་ཏེ། བསྡུས་པས་བྱོན་པའི་ལྷ་རྣམས་ཀྱིས་ཕྱག་འཚལ་བ་དང་བསྟོད་པ་བྱས་ནས་སྙིང་གར་ཞུགས་ཤིང་སླར་ཕྱི་རོལ་དུ་ལྷ་
རྣམས་ལ་ཐིམ་སྟེ་ཆེད་དུ་བརྗོད་ནས། དེའི་འོག་ཏུ་རང་གི་ལྷག་པའི་ལྷའི་ལུས་ཐ་དད་པ་ལ་བརྟེན་ཅིང་དཀྱིལ་འཁོར་དུ་འཇུག་པ་དང་དབང་བསྐུར་བ་བྱས་ལ། རྡོ་རྗེ་བརྟུལ་ཞུགས་བཟུང་ནས་ལྷ་རྣམས་དགུག་པ་དང་གཞུག་པ་དང་བཅིང་བ་དང་དབང་དུ་བྱ་སྟེ། ཕྱག་རྒྱ་བཞིས་
རྒྱས་བཏབ་ལ་དེའི་འོག་ཏུ་འདི་ལྟར་མོས་པ་བྱའོ། །ཅི་ཙམ་ནམ་མཁའི་མཐས་ཀླས་པ་འདི་ནི་དཀྱིལ་འཁོར་ཆེན་པོ་འདིའི་ལྷ་རྣམས་ཀྱིས་གདུལ་བར་བྱ་བ་ནི་ཚད་མེད་པ་ཞིག་ཡོད་པས་བདག་གིས་སེམས་ཅན་ཐམས་ཅད་ལ་ཕན་པ་དང་བདེ་བ་བསྒྲུབ་པའི་ཕྱིར་དཀྱིལ་འཁོར་

62-1-218a

ཆེན་པོ་བསྒྲུབས་པ་ནི་ཕྱོགས་བཅུའི་འགྲོ་བའི་དོན་ལ་སྤྲོ་བར་བྱའོ་ཞེས་སོ། །དེ་ནས་དང་པོ་དེ་བཞིན་གཤེགས་པ་ལྔ་སྤྲོས་ཏེ་དེ་དག་གིས་ཕྱོགས་བཅུ་རབ་འབྱམས་མཐའ་མེད་པར་མཛད་པ་ལ་གནས་པར་བསམ་མོ། །རིམ་པ་འདི་ཐམས་ཅད་ཀྱང་སྤྲོས་ཏེ། 
མཇུག་ཏུ་བྱང་ཆུབ་སེམས་དཔའ་བྱམས་པ་ལ་སོགས་པ་ལ་ཡང་། ཁྱེད་ཀྱང་ཕྱོགས་བཅུ་གང་ན་གདུལ་བྱ་ཆེན་པོའི་ཕྱིར་དཀྱིལ་འཁོར་བཀོད་པ་དེར་བཞུད་ལ་དཀྱིལ་འཁོར་གྱི་ཁང་པ་སེམས་དཔའ་ཆེན་པོས་གང་བར་མཛོད་ཅིག་ཅེས་བསྐུལ་བའི་ཡིད་ཀྱིས་དེ་དག་བཏང་བས། 
ཕྱོགས་བཅུ་རབ་འབྱམས་མཐའ་མེད་པའི་དཀྱིལ་འཁོར་གྱི་ཕོ་བྲང་དུ་དེ་དག་གཤེགས་ཏེ། དཀྱིལ་འཁོར་རེ་རེ་ན་ཡང་སེམས་དཔའ་ཆེན་པོ་སྟོང་དུ་བཞིས་མ་ཚང་བ་རྣམས་འཁོད་ཅིང་དཀྱིལ་འཁོར་ཆེན་པོ་ཡོངས་སུ་བསྐྱང་བ་ལྟར་བསྐོར་ཏེ་གནས་པར་མོས་པར་བྱའོ། །འདིས་ནི་རང་
གི་ལྷའི་ཚོགས་ཇི་སྙེད་པ་སྟེང་འོག་དང་ཐད་ཀར་ཕྱོགས་དང་མཚམས་ཀྱི་འཇིག་རྟེན་གྱི་ཁམས་ཐམས་ཅད་དུ་སེམས་ཅན་ཆེན་པོ་དག་གི་དོན་ལ་གཤེགས་པར་ལྷག་པར་མོས་པར་བསྟན་པའོ། །གཞན་དག་ནི་དེ་བཞིན་གཤེགས་པ་ཐམས་ཅད་དགྱེས་པར་སྒྲུབ་པ་ཞེས་བྱ་བ་ཐུན་མོང་གི་
དམ་ཚིག་སེམས་དཔའ་རྣམས་ཀྱི་འཇུག་པ་མོས་པ་ལྟར་དམ་པའི་ཆོས་ཀྱི་གྲོང་ཁྱེར་བསྐྱང་བ་ཞེས་བྱ་བ་འདི་ཡང་ཐུན་མོང་གི་ཚིག་ཡིན་པས་ན་ལྕགས་ཀྱུ་ལ་སོགས་པའོ་ཞེས་ཟེར་ཏེ། དེ་ནི་མི་འཐད་དེ་གལ་ཏེ་བྱང་ཆུབ་སེམས་དཔའ་བྱམས་པ་ལ་སོགས་པ་འདིར་བསྒོམ་པའི་དཀྱིལ་འཁོར་
ལ་མེད་ན་ཕྱིས་རྡུལ་ཚོན་ཡང་བྲི་བར་མི་རིགས་ཏེ། འདི་ཇི་ལྟར་ཕྱིས་རྡུལ་ཚོན་དུ་བྲི་བའི་རིགས་པས་སོ། །གཞན་དག་ནི་ཇི་ལྟར་བསྐལ་པ་བཟང་པོ་པ་རྣམས་འདིར་བསྒོམ་པ་བཞིན་དུ་དཔེ་མེད་པའི་སེམས་དཔའ་དང་། དག་པའི་སེམས་དཔའ་དག་ཀྱང་བསྒོམ་ཞིང་སྤྲོ་སྟེ། དེ་
དག་ཀྱང་དམ་པའི་ཆོས་ཀྱི་གྲོང་ཁྱེར་བསྐྱང་བས་སོ་ཞེས་ཟེར་རོ། །ཡང་གཞན་དག་ནི་ལྷ་དང་ལྷ་མ་ཡིན་དང་ཀླུ་དང་དྲི་ཟ་ལ་སོགས་པའི་འཁོར་བསྟན་པ་འདི་ལ་དད་པ་མི་ཕྱེད་པ་རྣམས་ཀྱང་འདིར་བསྒོམ་པར་བྱ་སྟེ། དེ་དག་ཀྱང་སྔོན་གྱི་དམ་ཚིག་གིས་འདུ་བར་བྱེད་ལ། 

62-1-218b

ཁ་ཅིག་དེ་དག་གིས་འདུལ་བ་དག་ཀྱང་ཡོད་པས་སོ་ཞེས་ཟེར་ཏེ། འདི་ལྟ་བུ་ནི་ངེས་པར་བསྒྲུབ་པ་ཡང་མི་བྱ་ལ། འགའ་ཞིག་དེ་ལྟར་ལྷག་པར་མོས་པར་བྱེད་ན་ཡང་སུན་དབྱུང་དུ་ཅི་ཞིག་ཡོད་དེ་རང་གིས་འདུན་པ་ཇི་ལྟ་བར་འཇུག་པ་ལ་ཉེས་པ་མེད་དོ། །སེམས་ཅན་ཐམས་ཅད་གསང་
སྔགས་ཀྱི་ལམ་དུ་འཇུག་ཅིང་ཡོངས་སུ་སྨིན་པར་བྱེད་པ་ནི་འདིར་ལས་ཏེ། ལས་རྣམས་ཀྱི་རྒྱལ་པོ་ལྟར་གཙོ་བོར་གྱུར་པས་ན་ལས་ཀྱི་རྒྱལ་པོའོ། །དེ་ཉིད་ཀྱི་ཕྱིར་འཇིག་རྟེན་པ་དང་ཉན་ཐོས་དང་རང་སངས་རྒྱས་ཀྱི་ལས་དང་ཕ་རོལ་ཏུ་ཕྱིན་པའི་ཐེག་པ་པའི་ལས་མཆོག་ཏུ་གྱུར་པས་ན་
མཆོག་སྟེ། ཐམས་ཅད་དུ་ཁྱབ་པ་དང་ཐེག་པ་ཆེན་པོར་འདྲེན་པ་དང་། སངས་རྒྱས་ཀྱི་ཕྲིན་ལས་སུ་གྱུར་པ་དང་། དཔེ་མེད་པའི་ཐབས་མཁས་པ་ལས་བྱུང་བའི་ཕྱིར་ན་མཆོག་ཅེས་བྱའོ། །དེ་སྐད་ཅེས་བྱ་བའི་ཏིང་ངེ་འཛིན་སེམས་རྩེ་གཅིག་པའི་མཚན་ཉིད་ཀྱི་ལས་ཞེས་པའི་དོན་
ཏོ། །དེ་ལྟར་ལུས་དང་ངག་དང་ཡིད་གསུམ་རྣམ་པར་དག་པས་བསྲུང་བ་བྱས་ཏེ་ཚོགས་རྣམ་པ་གཉིས་བསགས་ཤིང་གཞན་གྱི་དོན་བྱས་ནས་བདག་ལྷག་པར་གནས་པ་དང་བདག་ཉིད་རྫོགས་པར་བྱ་སྟེ། ལྔ་མངོན་པར་བྱང་ཆུབ་པ་སྔོན་དུ་འགྲོ་བས་དཀྱིལ་འཁོར་སྤྲུལ་ཏེ། ཡང་
དཀྱིལ་འཁོར་པ་ཐམས་ཅད་ཕྱོགས་བཅུའི་འཇིག་རྟེན་དུ་ཕྲིན་ལས་ལ་བཀོད་པར་གྱུར་ཅེས་འདས་པ་ཐམས་ཅད་ཀྱི་ཆོ་གའི་གོ་རིམས་ཀྱིས་དང་པོའི་རྣལ་འབྱོར་དང་། དཀྱིལ་འཁོར་རྒྱལ་པོ་མཆོག་དང་། ལས་ཀྱི་རྒྱལ་པོ་མཆོག་རྣམས་རྫོགས་པར་གྱུར་པའོ། །དེ་ནི་ཕྱོགས་
བཅུར་རང་རང་གི་ཕྲིན་ལས་ལ་གཤེགས་པའི་སངས་རྒྱས་དང་བྱང་ཆུབ་སེམས་དཔའ་ཐམས་ཅད་སླར་བསྡུ་བའི་རྣམ་པར་འཕྲུལ་པ་སྟེ། བཟླས་བརྗོད་བྱས་པས་མཚན་མ་ཐོབ་པར་བྱ་བ་དེ་སྟོན་ཏེ། དེ་ལྟར་ན་ལས་ཀྱི་རྒྱལ་པོ་མཆོག་གི་མཐར་ཐུག་པ་ནི་སྔོ་དུ་བསྙེན་པའི་ཆོ་ག་
ལས་སྔོན་དུ་བྱ་བ་ཞེས་བྱ་ལ། ད་འདི་དག་གི་སྔོན་དུ་བསྙེན་པ་དངོས་ཏེ། འདིར་ནི་བཟླས་བརྗོད་ཀྱི་བསྙེན་པ་གཙོ་བོར་གྱུར་ལ། བཟླས་བརྗོད་དེ་ཡང་ད་འདིར་ཤིན་ཏུ་སྐབས་སུ་གྱུར་པ་སྟོན་པས་སོ། །དེ་ལ་དང་པོ་ནི་ལྷ་རྣམས་སྤྱན་དྲང་བ་དང་མཆོད་པའི་ཕྱིར་མཆོད་པ་བྱིན་

62-1-219a

གྱིས་བརླབ་ཅིང་། དེ་ནས་སྒོ་དབྱེ་ཞིང་བསྡུ་བ་དང་དཔལ་རྡོ་རྗེ་སེམས་དཔའི་རྣལ་འབྱོར་དུ་གནས་པས་བསྟོད་པ་དང་། དགུག་པ་དང་། གཞུག་པ་དང་། བཅིང་བ་དང་། དབང་དུ་བྱ་བ་དང་། བགེགས་བསྐྲད་ཅིང་བསྲུང་བ་བྱས་ལ་སྒོ་བཅད་པ་དང་། མཆོད་
ཡོན་ཕུལ་ནས་བལྟ་ཞིང་བྱིན་གྱིས་བརླབས་ཏེ་སྙིང་པོ་དང་སྔགས་བརྗོད་ལ་ཕྱག་རྒྱ་གསུམ་གྱིས་ཀྱང་རྒྱས་བཏབ་སྟེ་དབང་བསྐུར་ལ་མཆོད་པ་རྣམས་ཀྱིས་མཆོད་ཅིང་ཕྱག་འཚལ་ཏེ། རྡོ་རྗེ་དང་དག་པ་དང་མཉམ་པར་བསྒོམས་ནས་ཡི་གེ་བརྒྱ་པ་བརྗོད་ཅིང་ཐམས་ཅད་བདག་ཏུ་
མོས་པས་ལྷ་ཐམས་ཅད་བཟླས་པའི་གནས་སྐབས་ལ་གཞག་སྟེ། བཟླས་པ་ལ་ཡིད་སྐྱོ་ན་བསྟོད་པ་དང་མཆོད་པ་བྱས་ཏེ་ཕྱག་བྱས་ལ་ཕྱག་རྒྱ་དགྲོལ་བ་དང་དབང་བསྐུར་བ་བྱ་སྟེ། བསྲུང་བའི་ཐལ་མོ་བརྡབས་པའི་བར་དུ་བྱས་ལ་ཡི་གེ་བརྒྱ་པ་བརྗོད་དེ། དགེ་བ་ཡོངས་སུ་
བསྔོ་བ་དང་བཟོད་པར་གསོལ་བ་དང་། མཆོད་ཡོན་དང་བཅས་པས་གཤེགས་སུ་གསོལ་བར་བྱ་ཞིང་ཇི་ལྟ་བར་སྤྲུལ་པའི་དཀྱིལ་འཁོར་བསྡུས་ལ་བསྲུང་བ་བྱས་ཏེ་མཉམ་པར་མ་བཞག་པའི་བྱ་བ་རྣམས་བྱ་བ་འདི་ནི་དཀྱིལ་འཁོར་ཆེན་པོའི་རྣལ་འབྱོར་གྱིས་སྔོན་དུ་བསྙེན་པ་སྟེ་དེའི་
དུས་ཀྱི་ཚད་ཀྱང་གང་ཟག་གི་དབྱེ་བས་རྣམ་པ་གསུམ་དུ་བསྟན་ཅིང་མཐར་ཐུག་པའི་དུས་ལྷས་གནང་བ་ཡིན་པར་བསྟན་ལ། གང་ཡང་རུང་སྟེ་བྱ་བ་གཞན་སྤངས་པས་སྔ་དྲོ་དང་ཉི་མ་གུང་དང་ཕྱི་འཕྲེད་དང་ནམ་ཕྱེད་དང་དུས་མཚམས་བཞིར་བྱའོ་ཞེས་ངེས་པར་བྱས་པའོ། །དེ་
བཞིན་དུ་གང་དག་ཕྱག་རྒྱ་བཞིའི་རྣལ་འབྱོར་ལ་མོས་པ་དེའི་དབང་དུ་བྱས་ཏེ་ཡང་ན་སྔོན་བཞིན་དུ་ཞེས་བྱ་བ་ལ་སོགས་པའོ། །གང་དག་ཕྱག་རྒྱ་གཅིག་པའི་རྣལ་འབྱོར་ལ་དགའ་བ་དག་གི་ཕྱིར་ནི་འཇིག་རྟེན་དང་འཇིག་རྟེན་ལས་འདས་པའི་སྔགས་ཐམས་ཅད་ནི་ཞེས་བྱ་བ་ལ་སོགས་
པ་སྨོས་པའོ། །དཀྱིལ་འཁོར་གྱི་སློབ་དཔོན་གང་ཡང་རུང་སྟེ། མངོན་སུམ་གྱི་མཐུ་ཅུང་ཟད་ཐོབ་ན་བདག་དང་གཞན་སྔགས་ཀྱི་ལམ་ལ་ཡིད་ཆེས་པར་འགྱུར་ཞིང་ལྷག་པར་སློབ་མ་དཀྱིལ་འཁོར་དུ་འཇུག་པ་དག་ཆེས་བླ་མ་ལ་དད་ཅིང་གུས་ལ་ཕྱིར་མི་ལྡོག་པའི་རྒྱུའི་ཕྱིར་

62-1-219b

ན་བཏེག་པ་དང་དབབ་པའི་ཆོ་ག་ངེས་པར་བསྟན་ཏེ། འདི་ནི་རྣལ་འབྱོར་གསུམ་ཆར་གྱི་སློབ་དཔོན་གྱིས་སྔོན་དུ་བསྒྲུབ་སྟེ། གཞན་དུ་ན་བྱིན་གྱིས་རླབས་གང་ཡང་མེད་པའི་དཀྱིལ་འཁོར་གྱི་བླ་མས་ནི་སེམས་ཅན་མགུ་བར་བྱེད་མི་ནུས་པས་སོ། །གང་དུ་ཡང་སྔར་བསྙེན་པས་མཐུ་ཅན་དུ་མ་
བྱས་པར་དཀྱིལ་འཁོར་དུ་གཞན་དབང་མི་བསྐུར་རོ་ཞེས་དགོངས་པས་ན་སྔོན་དུ་བསྙེན་པའི་ཆོ་གའོ་ཞེས་གཞུང་ཉེ་བར་བསྡུ་བ་བསྟན་ཏོ། །དེ་ལྟ་ཡིན་ན་ཅིས་ན་སྔར་བསྡུ་བ་དང་སྤྱན་དྲང་བ་ལ་སོགས་པ་དག་ལ་ཅིས་ན་སྒོ་དབྱེ་བ་ལ་སོགས་པ་དང་། མཆོད་པ་རྒྱས་པ་འདི་ལྟ་བུ་དང་སྒོ་
བཅད་པ་ལ་སོགས་པ་ཅིས་ན་མི་བྱ་ཞེ་ན། རྣམ་པར་སྤྲོས་པ་རྒྱས་པ་འདི་ལྟ་བུ་ལྷ་ལ་དམིགས་པ་དེ་སྙེད་དུ་བྱས་ནས་ཤིན་ཏུ་གཡེང་བར་འགྱུར་བ་དང་། བྱ་བའི་རྒྱུད་ལ་ཞུགས་པའི་གང་ཟག་ལྟར་བགེགས་ལ་སོགས་པའི་རྟོག་པ་ཤིན་ཏུ་མང་དུ་འབྱུང་ཞིང་དེ་ཉིད་ཀྱིས་གླགས་སུ་
འགྱུར་སྲིད་དེ། འཇིགས་ལས་ལྷག་པའི་བགེགས་གཞན་མེད། །ཅེས་བསྟན་པས་སོ། །གཞན་ཡང་ཐམས་ཅད་དུ་འདི་ལྟ་བུའི་བྱ་བ་རྫས་དང་ཡིད་ལ་བྱེད་པས་ནུས་པའང་རབ་ཏུ་དཀའ་བས་ན་སྔར་སྔོན་དུ་བྱ་བའི་ཡན་ལག་རྣམ་པ་གསུམ་གྱི་དུས་སུ་ནི་མདོར་བསྡུས་པའི་ཆོ་ག་ཙམ་གྱིས། 
བྱས་ལ་འདིར་ནི་མཐར་ཐུག་པ་དངོས་གཞིའི་རྣལ་འབྱོར་ཡིན་པས་ཆོ་ག་ཐམས་ཅད་རྫོགས་པར་བྱའོ། །འདིར་གང་དག་ལས་ཀྱི་རྒྱལ་པོ་མཆོག་དང་བསྙེན་པའི་ཆོ་ག་དངོས་གཞི་སྤྱད་པ་གཉིས་ཀ་གཅིག་ཁོ་ནར་བྱས་ཏེ་ལས་ཀྱི་རྒྱལ་པོ་མཆོག་ཅེས་བརྗོད་ཅིང་སྔར་ལས་ཀྱི་རྒྱལ་པོ་
མཆོག་ཅེས་བསྡུས་པའི་གཞུང་ནི་མདོར་བསྟན་པ་ཡིན་ལ། དེ་ནས་རྡོ་རྗེ་གནོད་སྦྱིན་ཡོངས་སུ་བཟླས་པ་ཞེས་བྱ་བ་ལ་སོགས་པ་ནི་རྒྱས་པར་བསྟན་པའོ་ཞེས་ཟེར་བ་དེ་དག་ནི་རྣལ་འབྱོར་གྱི་རྒྱུད་ཀྱི་ལུགས་ལ་ཁ་ཕྱིར་བསྟན་པ་སྟེ་ཐམས་ཅད་དུ་ཡང་སྔར་བྱ་བ་གསུམ་བྱས་ནས་བསྙེན་པའི་
དངོས་གཞི་སྤྱད་པ་ཁོ་ནར་འདོད་པས་སོ། །དེ་ལ་རྡོ་རྗེ་བསྡུ་བས་དཀྱིལ་འཁོར་བ་ཁང་པ་བརྩེགས་མའི་ཉེ་འཁོར་དུ་བྱོན་པ་ནི་སྤྱན་དྲང་བ་དང་པོའོ། །དེ་ནས་ཡང་། དེ་ནས་སྒོ་རྣམས་ཐམས་ཅད་དུ། །ལྕགས་ཀྱུ་སོགས་ཀྱི་ལས་བགྱིས་ཏེ། །ཞེས་བྱ་བ་ལ་སོགས་པས་

62-1-220a

ནི་ནང་དུ་སྤྱན་དྲང་བ་སྟེ་གཉིས་པའོ། །ལྟ་བ་ལ་སོགས་པས་ནི་གཉིས་སུ་མེད་པར་བྱ་བ་སྟེ། ལུས་ཀྱི་ནང་དུ་སྤྱན་དྲང་བས་ན་ཆོ་ག་གསུམ་པའོ། །ཐམས་ཅད་དུ་ཡང་མཚན་ཉིད་བཞི་བཞི་དང་ལྡན་པའི་ཕྱིར་ཛཿཧཱུྃ་བཾ་ཧོཿ། ཞེས་གནས་གསུམ་ཆར་དུ་
སྦྱར་རོ། །གང་དུ་རྟོག་པ་ཁྱད་པར་ཅན་ཡོད་པ་དེར་ནི་ལྷན་ཅིག་གི་རྣལ་འབྱོར་གྱིས་ནི་ཐམས་ཅད་ཀྱི་རྣལ་འབྱོར་བྱས་པར་འགྱུར་བས་ན། དང་པོར་དེ་བཞིན་གཤེགས་པ་ལ་སོགས་པའི་སྐུ་གསུང་ཐུགས་གང་ཡིན་པ་བདག་གི་ལུས་ངག་ཡིད་དོ་ཞེས་སྨོས་ཤིང་། དེ་ཡང་
གདོད་མ་ནས་མ་སྐྱེས་ཤིང་གང་མ་སྐྱེས་པ་དེ་ལ་དྲི་མ་མི་དམིགས་པས་གདོད་མ་ནས་དག་པ་དང་། དེ་ལྟར་མ་སྐྱེས་ཤིང་དྲི་མ་མེད་པ་ཅིའི་ཕྱིར་ཞེས་སེམས་དཔའ་སྲིད་པ་ལ་གང་ཟག་དང་ཆོས་ལ་བདག་མེད་པའི་ཕྱིར་རོ་ཞེས་སྨོས་པ་འདི་ལྟ་སྟེ་དེས་ནི་ལྷ་རྣམས་ཀྱི་སྐུ་གསུང་
ཐུགས་དང་བདག་གི་ལུས་དང་ངག་དང་ཡིད་མཉམ་པར་ཡང་ཡིད་ཆེས་པའི་རྒྱུར་བསྟན་ཏེ། དེ་དག་བདག་མེད་པར་འདྲ་ཞིང་བདག་དང་བྲལ་བའི་ཆོས་ཉིད་དབྱེར་མེད་པས་སོ། །ཁ་ཅིག་བཟླས་བརྗོད་ཀྱི་རྣལ་འབྱོར་ལ་ནི་བསྒོམ་པ་མི་དགོས་ཏེ། ངག་གཙོ་བའི་ཕྱིར་རོ་
ཞེས་རྟོག་པ་སྲིད་པས་ཇི་སྲིད་སྐྱོ་བ་མ་སྐྱེས་ཀྱི་བར་དུ་བསྒོམ་པར་བྱའོ་ཞེས་བྱ་བ་སྨོས་ཏེ། བསམ་གཏན་གྱི་ནི་ལམ་འདི་ཡིས། །གསང་སྔགས་ཚིག་རྣམས་བསམས་ན་ནི། །འབྲས་བུ་རྫོགས་པར་ཐོབ་འགྱུར་གྱིས། །འདོན་པ་ཉི་ཚེ་དེ་ལྟར་མིན། །ཞེས་བྱ་བའི་ལུགས་
ཀྱིས་བསྒོམ་པ་དང་བཅས་པར་ཁོ་ནར་བཟླས་ཀྱི་གཞན་དུ་ན། བཟླས་བརྗོད་དང་ནི་དཀའ་ཐུབ་ཀུན། །དུས་ནི་རིང་པོར་བྱས་གྱུར་ཀྱང་། །སེམས་གཞན་གཡེང་བར་བྱས་པ་ནི། །དེ་ཉིད་མཁྱེན་པས་དོན་མེད་གསུངས། །ཞེས་པའི་གནས་སྐབས་སུ་འགྱུར་རོ། །དེ་ལ་དེའི་
སྒོམ་པ་ཇི་ལྟ་བུ་ཞེ་ན། ལྷ་ཐམས་ཅད་བཟླས་བརྗོད་ལ་གནས་པར་དམིགས་པ་དང་། རང་གི་སྙིང་གར་སེམས་དཔའི་རྡོ་རྗེའི་དབུས་སུ་ཟླ་བ་ལ་ལྷག་པའི་ལྷའི་སྔགས་ཡིད་ཀྱིས་བྲིས་པ་ལ་དམིགས་པ་ནི་སྐབས་སུ་ཞར་ལ་དྲན་པར་བྱ་བའི་སྒོམ་པའོ། །དེ་དག་ལས་གཞན་པ། 

62-1-220b

རྣལ་འབྱོར་མེད་པའི་གསང་སྔགས་འདི། །དེ་ལྟར་འབྲས་བུ་སྟེར་མི་འགྱུར། །གསང་སྔགས་ཚིག་ནི་གསང་སྔགས་ཏེ། །དེ་ཕྱིར་རྣལ་འབྱོར་མེད་མི་བྱ། །ཞེས་བྱ་བ་འདིར་འདོད་པ་སྟེ། གསང་སྔགས་ཀྱི་ཚིག་གི་དོན་ལ་དམིགས་ཏེ་བཟླས་ཞེས་པའོ། །དེ་ལ་སྔར་བསྟན་པའི་
ཚུལ་གྱིས་བཛྲ་ནི་ཐབས་ཁྱད་པར་ཅན་ལ་སཏྭ་ནི་ཤེས་རབ་ཕུལ་དུ་བྱུང་བའོ་ཞེས་བྱ་བ་དང་དེ་ནི་དོན་ལ་འཇུག་པ་རྩོམ་པ་ནི་ཕྱག་འཚལ་བ་སྟེ། དེ་ལྟར་ཐབས་དང་ཤེས་རབ་དབྱེར་མེད་པ་བསྡུས་པ་རྣམས་ཐར་པའི་སྒོ་བཞིས་མཚན་པ་ནི་ཧཱུྃ་གི་ཡི་གེའོ། །དེ་ལྟར་བྱུང་བའི་ངག་གི་
སྤྱོད་ཡུལ་འདི་དག་ཉིད་དཔལ་རྡོ་རྗེ་སེམས་དཔའོ་ཞེས་དམིགས་པ་འདི་ཉིད་འདིའི་སྒོམ་པའོ། །མདོར་བསྡུས་ན་ལྷའི་དེ་ཁོ་ནའམ་ཕྲིན་ལས་སམ་མཚན་མའམ་མཚན་གྱི་རྗེས་སུ་འབྲང་ཡང་རུང་བས་དེའི་རྣམ་པར་ཐར་པ་ལ་དམིགས་ཏེ། རྣམ་པར་ཐར་པ་ཁྱད་པར་ཅན་གྱི་ལྷ་དེ་ནི་སྔགས་
འདིའོ་ཞེས་རྣམ་པར་གཡེང་བ་དང་བྲལ་བར་བཟླས་སོ། །དེ་ནས་འདིར་ཤིན་ཏུ་ཡིད་ནང་དུ་ཕྱོགས་པས་ནང་གི་རྣལ་འབྱོར་ལ་གནས་པ་ཁོ་ན་གཙོ་བོར་བྱའི། གཞན་དུ་ན་བྱ་བའི་རྒྱུད་ཀྱི་རྗེས་སུ་འབྲང་བའི་རྣལ་འབྱོར་པ་ལྟར་མི་བཟད་པའི་བརྟུལ་ཞུགས་འཛིན་པ་དང་ཡང་བྲལ་ལ། 
ནང་གི་རྣལ་འབྱོར་ཡང་མེད་ན་ཤིན་ཏུ་མ་རུངས་པའི་གནས་སྐབས་ལ་གནས་པར་འགྱུར་རོ། །གཞན་ཡང་འདིས་ནི་སློབ་མའི་ཕྱིར་སྔོན་དུ་བསྙེན་པ་བྱེད་པ་མ་ཡིན་གྱི་འགའ་ཞིག་རང་གི་དངོས་གྲུབ་ཀྱི་ཕྱིར་རྡོ་རྗེ་ཕྲ་མོའི་ཏིང་ངེ་འཛིན་ལ་སོགས་པ་བསྒོམ་ན་ཡང་དེས་སྔར་སྤྱད་པ་རྣམས་བྱས་
ལ། ཕྱི་ནས་འདིར་བསྒོམ་པ་ལ་འཇུག་གོ་ཞེས་ཀྱང་ཟུར་གྱིས་བསྟན་པར་རིག་པར་བྱའོ། །ཚིག་གི་དོན་རྣམས་ནི་གོ་སླ་བས་མ་བཀྲོལ་ལོ། །ཡང་ན་སྔོན་བཞིན་དུ་རྣལ་འབྱོར་ཆེན་པོ་བྱས་ལ་ཞེས་བྱ་བ་ལ་སོགས་པ་ལ་ཕྱག་རྒྱ་བཞིའི་དཀྱིལ་འཁོར་བསྒོམ་པས་ནི་དང་པོ་ལུས་དང་
ངག་དང་ཡིད་རྣམ་པར་དག་པར་བྱ་བ་ནས་ཐ་མ་ཕྱག་རྒྱ་གཟུང་བའི་བར་དུ་བྱ་སྟེ། དམ་ཚིག་གསུམ་གྱི་གླུ་བླང་བ་བྱས་ལ། དེ་ནས་མངོན་པར་བྱང་ཆུབ་པའི་རིམ་པ་དཀྱིལ་འཁོར་རྒྱལ་པོ་མཆོག་དང་ལས་ཀྱི་རྒྱལ་པོ་མཆོག་མི་བསམས་པར་རྡོ་རྗེའི་བདག་ཉིད་བསྒོམ་པ་ལ་སོགས་པ་བྱས་ཏེ། 

62-1-221a

རང་གི་སྙིང་གར་ཕྱག་རྒྱ་བཞིའི་དཀྱིལ་འཁོར་གྱི་སྔགས་དག་གིས་སྤྲུལ་ཏེ། སྒོ་སྲུང་བའི་སྔགས་ཇི་སྐད་སྔར་བསྟན་པ་རྣམས་ཀྱིས་ཕྱག་རྒྱ་བཞིའི་ལྷ་རྣམས་དགུག་པ་དང་གཞུག་པ་ལ་སོགས་པ་བྱས་ལ། བདག་དང་དཀྱིལ་འཁོར་ཐ་དད་པ་མེད་པའི་ཕྱིར། ནམ་མཁའ་
དང་མཉམ་པ་ཉིད་ཀྱི་རྣལ་འབྱོར་གྱིས་ཞུགས་ལ་དེ་རྣམས་དང་ལྷན་ཅིག་ཏུ་རྡོ་རྗེའི་བདག་ཉིད་ལ་སོགས་པ་བསྒོམ་པར་བྱ་སྟེ། རྣལ་འབྱོར་རྫོགས་པར་བྱས་ལ་གཤེགས་སུ་གསོལ་བའི་བར་དུ་བྱའོ། །གཞན་དག་འདིར་སྔར་བསྟན་པའི་སྙིང་པོ་རྣམས་ཀྱིས་ཞེས་བྱ་བ་ལ་སོགས་
པས་རྡོ་རྗེ་རྒྱུའི་སྔགས་དང་ཕྱག་རྒྱས་དཀྱིལ་འཁོར་ཆེན་པོ་སྤྲུལ་ཏེ་ཕྱག་རྒྱ་བཞིའི་དཀྱིལ་འཁོར་ལ་ནམ་མཁའ་དང་མཉམ་པས་སྦྱོར་བ་བསྟིམ་ཞེས་ཟེར་ན། དེ་ལྟ་ན་འདི་ལ་དགུག་པ་ལ་སོགས་པ་མེད་པར་འགྱུར་བས་སྤང་ངོ་། །ཕྱག་རྒྱ་གཅིག་པའི་རྣལ་འབྱོར་ལ་ནི་རྣལ་འབྱོར་
ཆེན་པོ་ཙམ་ཁོ་ན་བྱའི། དེ་ཁོ་ན་གསུམ་བསྒོམ་པ་ལ་སོགས་པ་མེད་དེ། འོན་ཀྱང་དེའི་རྗེས་ལ་འདས་པ་དང་སླར་གཤེགས་པ་དང་བསྲུང་བ་དེ་གཉི་ག་ལ་འདོད་དོ། །བུམ་པ་ལ་སོགས་པ་སྨོས་པས་ནི་འགྲོ་བ་སེམས་ཡོད་པ་ལྟ་སྨོས་ཀྱང་ཅི་དགོས་ཞེས་བྱ་བའི་དོན་ཏོ། །མར་
གྱིས་སྦགས་པའི་སྲེག་བླུགས་སྟོང་གིས་རྡོ་རྗེ་དྲིལ་བུ་མངོན་པར་སྦྱངས་ལ་ཞེས་བྱ་བ་ནི་ཞི་བའི་སྲེག་བྱ་བ་གང་ཅི་གསུངས་པ་ཐམས་ཅད་མར་གྱིས་སྦགས་པ་ཁོ་ནར་བྱས་ལ་ཆོ་ག་སྔ་མས་བསྐྱེད་པའི་རྡོ་རྗེ་དྲིལ་བུ་ཐབ་ཁུང་གི་མཁར་བཞག་པ་ལ་དམིགས་ཏེ། དེ་དག་གི་ཉེས་པ་སྦྱངས་
པ་དང་གཟི་བྱིན་བསྐྱེད་པའི་ཕྱིར། སྲེག་བླུགས་སྟོང་བྱས་ན་དེ་ཉིད་ཐོགས་པས་སློབ་མ་ལ་དབབ་པའི་བྱ་བ་ཚེགས་མེད་པར་འགྲུབ་ཅེས་དགོངས་པའོ། །དཀྱིལ་འཁོར་ཆེན་པོའམ་ཕྱག་རྒྱ་བཞི། །ཡང་ན་ཕྱག་རྒྱ་གཅིག་པའང་རུང་། །བསྒོམ་ལ་གཞོལ་བ་དམིགས་པ་བརྟན། །
གྲངས་འབུམ་ལ་སོགས་བཟླས་པ་ཡིས། །མཚན་མ་ཐོབ་ན་དབབ་པའམ། །བཏེག་པའི་ཆོ་ག་འགྲུབ་པ་སྟེ། །དེ་ནས་དཔལ་ལྡན་སློབ་དཔོན་ནི། །རྙེད་དང་བཀུར་སྟི་རིང་དུ་སྤངས། །ནང་གི་སྙིང་རྗེ་ཁོ་ན་ཡིས། །སློབ་མའི་ཕྱིར་ནི་དཀྱིལ་འཁོར་བྲི། །གཞན་དུ་སྔར་

62-1-221b

བསྙེན་མེད་པ་དང་། །ནུས་པ་ཅུང་ཟད་མ་ཐོབ་ཅིང་། །རྙེད་དང་བཀུར་སྟིའི་ཕྱིར་དུ་ནི། །དཀྱིལ་འཁོར་བྲི་བའི་བླ་མ་ནི། །མྱུར་དུ་མནར་མེད་འདོང་བ་དང་། །ཚེ་འདི་ལ་ཡང་རབ་སྡུག་བསྔལ། །སློབ་མ་རྣམས་ཀྱང་བརླག་པ་དང་། །ཡུལ་འཁོར་གཉེན་དང་རྒྱལ་པོའང་
ཕུང་། །དེ་ཕྱིར་སྔོན་དུ་བྱ་བ་འདི། །དཀྱིལ་འཁོར་ལས་ལ་ངེས་པར་སྦྱར།    །དེ་ལྟར་མཐའ་ཡས་པའི་སེམས་ཅན་གྱི་ཁམས་རྣམས་ལ་ཕན་པ་དང་བདེ་བ་བྱེད་པའི་དཀྱིལ་འཁོར་ཆེན་པོ་སྤྲོ་ཞིང་བསྡུ་བ་དང་དེའི་བཟླས་བརྗོད་ལ་སོགས་པའི་བར་དུ་བསྟན་ནས་ད་ནི་ཤིན་ཏུ་སྐལ་བ་དང་
ལྡན་པའི་སེམས་ཅན་ཆེན་པོ་ཁ་ཅིག་ཡོངས་སུ་བསྡུ་བ་དང་། མཆོག་ཏུ་དོན་ཆེ་བ་ལ་དགོས་པའི་དཀྱིལ་འཁོར་ཆེན་པོར་སློབ་མ་དབང་བསྐུར་བའི་ཆོ་ག་སྟོན་པར་བཞེད་ནས། དེ་ལྟར་སྔོན་དུ་བསྙེན་པ་བྱས་ལ་དཀྱིལ་འཁོར་བྲིའོ། །ཞེས་བྱ་བ་ལ་སོགས་པ་ཇི་སྲིད་གཞུང་ཡོངས་སུ་
རྫོགས་ཀྱི་བར་དུ་གསུངས་པ་སྟེ། འདིར་དཀྱིལ་འཁོར་གྱི་ཆོ་ག་འདིའི་སྔོན་དུ་བྱ་བ་དེ་སྙེད་ནི་ཐུན་མོང་མ་ཡིན་པའི་ཆོ་ག་ཡིན་པས་འདིར་བདག་གིས་ཅུང་ཟད་བརྗོད་ཟིན་ལ་སློབ་མ་དབང་བསྐུར་བ་ལ་སོགས་པའི་ཆོ་ག་ནི་རྒྱུད་སྤྱིའི་མཚན་ཉིད་བྱ་བར་གྱུར་པས་གཞུང་གཞན་རབ་ཏུ་མང་བ་
དང་། ཚིག་གི་དོན་ཡང་གོ་སླ་བས་བརྗོད་དུ་མེད་དེ། གོ་རིམས་བསྡུས་པ་ཙམ་ཞིག་གིས་དྲན་པ་ལ་བཟུང་བདེ་བར་བྱའོ། །དེ་ལ་འདིར་དང་པོ་ཁོ་ནར་རྡུལ་ཚོན་གྱི་དཀྱིལ་འཁོར་ནི་ས་ལ་བྲི་བར་རིགས་པས་སྦྱང་ཞིང་ཡོངས་སུ་གཟུང་བ་བྱ་ཞིང་། དེ་ནས་ཉེས་པ་དང་བྲལ་བའི་
ས་ལ་ལྷ་རྣམས་བྱིན་གྱིས་བརླབ་ཏུ་རུང་བས་དེར་ལྷ་རྣམས་སྟ་གོན་ལ་གནས་པར་བྱའོ། །དེ་ནས་ལྷ་རྣམས་ཀྱིས་བྱིན་གྱིས་བརླབས་པའི་བུམ་པས་དབང་བསྐུར་དགོས་པས་བུམ་པ་སྟ་གོན་ལ་གནས་པར་བྱའོ། །བུམ་པས་དབང་བསྐུར་བའི་གནས་ནི་སློབ་མ་ཡིན་པས། དེའི་
འོག་ཏུ་སློབ་མ་སྟ་གོན་ལ་གནས་པར་བྱའོ། །སློབ་མ་སྣོད་དུ་རུང་བར་བྱས་པ་དེ་དཀྱིལ་འཁོར་དུ་གཞུག་ཅིང་མངོན་པར་དབང་བསྐུར་བར་བྱ་བའི་ཕྱིར་དཀྱིལ་འཁོར་གྱི་ཐིག་གི་ཆོ་ག་བསྟན་ཏོ། །དཀྱིལ་འཁོར་ཐིག་འདེབས་པའམ་རྡུལ་ཚོན་འགྱེད་པ་ན་བགེགས་འབྱུང་བ་སྲིད་

62-1-222a

པས་བགེགས་བསལ་བར་བྱ་བ་བསྟན་ཏོ། །དེ་ལྟར་ཐིག་བཏབ་ཅིང་བགེགས་དང་བྲལ་ནས་རྡུལ་ཚོན་བྲི་བར་རིགས་པས་དེ་བསྟན་ཏོ། །དཀྱིལ་འཁོར་ལྷག་པར་བགེགས་མེད་ཅིང་མཐུ་དང་ལྡན་པར་བྱ་བའི་ཕྱིར་ནི་ཁོར་ཡུག་ཏུ་རྒྱན་དགོད་པ་དང་ཆོས་བསྒྲགས་
པ་དང་བདུག་པ་དབུལ་བ་ལ་སོགས་པ་བྱའོ། །དེ་ནས་དཀྱིལ་འཁོར་གྱི་ལས་རྣམས་བྱ་བའི་ཕྱིར་སློབ་དཔོན་དཀྱིལ་འཁོར་དུ་འཇུག་ཅིང་། དེའི་འོག་ཏུ་བུམ་པ་བཅུག་སྟེ་མཆོད་པ་དང་ཕྱག་རྒྱ་ལ་སོགས་པ་ཇི་སྲིད་ལུང་བསྟན་པའི་བར་དུ་བྱས་ལ། དེ་ནས་དཀྱིལ་འཁོར་ཆེན་
པོ་བྱིན་གྱིས་བརླབ་པའི་ཆོ་ག་རྒྱས་པར་བྱས་པས་ལྷ་རྣམས་གཞུག་པར་བྱ་སྟེ། མཆོད་ཅིང་གསོལ་བ་བཏབ་ནས་གཏོར་མ་བྱིན་ཏེ་འཇུག་པའི་སྦྱིན་སྲེག་བྱས་ལ་དཀྱིལ་འཁོར་ལ་སློབ་མ་གཞུག་པར་བསྒྲགས་ཏེ་ཐམས་ཅད་སྣོད་དུ་གྱུར་པར་བལྟ་བ་ནས་ཇི་སྲིད་འཇུག་པའི་
ཕྱག་རྒྱ་དགྲོལ་བའི་བར་དུ་སློབ་མ་གཞུག་པའི་ཆོ་ག་རྒྱ་ཆེར་བྱས་ལ། དེ་ནས་མདོར་བསྡུས་པའམ། བར་མའམ། རྒྱས་པའི་ཆོ་ག་གང་རིགས་པས་མངོན་པར་དབང་བསྐུར་བ་རྫོགས་པར་བྱས་ལ། གསང་བའི་ཡེ་ཤེས་སྦྱིན་ཞིང་སྔགས་དང་རྣལ་འབྱོར་བསླབ་པ་དང་
གསང་བར་བསྒོ་བར་བྱ་བ་དང་། མཆོད་པ་དང་སླར་གནང་བའི་ཆོ་ག་བྱ་སྟེ། བརྟུལ་ཞུགས་བྱིན་ལ་མནའ་བསྒགས་ལ་སློབ་མ་རྣམས་སླར་བཏང་ངོ་། །དེ་ནས་སློབ་དཔོན་དང་སྒྲུབ་པའི་གྲོགས་མཆོག་གི་བྱ་བ་བསྟོད་པ་དང་ཕྱག་བྱ་བ་ནས་ཇི་སྲིད་བསྲུང་བའི་སྲད་བུ་
བཅིངས་པ་དང་སྙིང་གར་བྱུགས་པའི་བསྲུང་བའི་བར་དུ་བྱ་སྟེ། འདི་ཙམ་ཁོ་ནས་འདིའི་གོ་རིམས་ཆེ་ལོང་བསྡུས་པའོ། །དེ་དག་རེ་རེ་ཡང་ཆོ་གའི་ཡན་ལག་དུ་མས་བརྒྱན་པ་ནི་གོ་སླ་བས་རྣམ་པར་སྤྲོས་པའི་གོ་རིམས་ཀྱིས་ཅི་ཞིག་བྱ། ད་ནི་འདི་ཙམ་ཞིག་བསམ་པར་བྱ་སྟེ། 
དེ་ལྟ་བུའི་དཀྱིལ་འཁོར་གྱི་ཆོ་ག་དེ་དུས་ཇི་སྲིད་ཅིག་གི་དབང་དུ་བྱས་རྒྱུད་གཞན་ཁ་ཅིག་ལས་སའི་ལྷ་ཞེས་བྱ་བ་སྟ་གོན་ལ་གནས་པའི་ཆོ་ག་བསྟན་པ་ཅིས་ན་འདིར་མ་སྨོས། འདིར་བསྟན་པའི་དབང་བསྐུར་བའི་ཆོ་ག་གསུམ་གྱི་བྱེ་བྲག་ཇི་ཙམ་ཞིག་ཏུ་ངེས། ཆོ་ག་མ་ཚང་བ་ཇི་ལྟར་

62-1-222b

རྫོགས་པར་བྱ་ཞེས་བྱ་བ་རྣམས་སོ། །དེ་ལ་དུས་ཀྱི་དབང་དུ་བྱས་ཏེ་དེ་ནི་ཡར་ངོའི་ཚེས་བརྒྱད་ནས་བརྩམས་ཏེ་བཅུའི་བར་དང་། བཅུ་གསུམ་ནས་བརྩམས་ཏེ་བཅོ་ལྔའི་བར་ཏེ། དེས་ན་ཞག་གསུམ་དུའོ། །དེ་ལྟར་ཡང་རྣལ་འབྱོར་གྱི་རྒྱུད་གཞན་ལས། དང་པོས་གཞི་ཡོངས་
སུ་གཟུང་། །གཉིས་པ་སྟ་གོན་གནས་པ་སྟེ། །གསུམ་པ་ལ་ནི་འཇུག་པའོ། །ཞེས་གསུངས་པས་སོ། །གལ་ཏེ་བརྟད་པའི་བྱ་བ་བྱུང་ངམ་ས་སྦྱང་བ་མི་དགོས་ན་ཞག་གཉིས་སུ་བྱ་བའི་ཕྱིར་བཅུ་བཞི་ནས་བརྩམས་ཏེ་ཇི་སྲིད་བཅོ་ལྔའི་བར་དུའམ་ཞེས་སོ། །གལ་ཏེ་ཤིན་ཏུ་
བརྟད་པའམ། བྲིས་སྐུའི་དཀྱིལ་འཁོར་དུའམ། ཡིད་ཀྱི་དཀྱིལ་འཁོར་དུའམ། སློབ་མ་ཤིན་ཏུ་རྣམ་པར་དག་པའི་རྒྱུད་ཅན་ཞིག་ན་ཞག་གཅིག་ཏུ་བྱ་བའི་ཕྱིར་ཟླ་བ་ཉ་ལ་སྔ་དྲོ་ནས་བརྩམ་པར་བྱ་བ་ཡང་རུང་ཞེས་སྨོས་སོ། །ཁ་ཅིག་ན་རེ་གཞུང་ལ་ལས་དེ་ནས་སྔ་དྲོ་ཞི་བ་
ལ་སློབ་མ་དཀྱིལ་འཁོར་དུ་འཇུག་ཁར་རྒྱས་པའི་སྦྱིན་སྲེག་བྱ་ཞེས་བསྟན་པས། བརྟད་པ་མེད་ཅིང་ནུས་ན་དུས་ཞག་བཞི་ལ་སོགས་པ་ནས་ཇི་སྲིད་ལོའི་བར་དུ་ཡང་དཀྱིལ་འཁོར་དུ་མཆོད་པ་དང་བཟླས་པ་བྱས་ཏེ་མཇུག་ཏུ་དབང་བསྐུར་རོ་ཞེས་ཟེར་རོ། །གཞན་དག་ནི་ཇི་སྲིད་
ཞག་བདུན་གྱི་ནང་དུ་རྫོགས་པར་བྱ་སྟེ། གཞན་དུ་ན་བར་ཆད་འགྱུར་བ་སྲིད་པ་དང་། ཧ་ཅང་དུས་ཡུན་རིང་པོར་བྱས་ན་ཐུག་པ་མེད་པའི་དུས་སུ་འགྱུར་བའི་ཕྱིར་ཞེས་ཟེར་ཏེ། ཕྱོགས་ཕྱི་མ་འདི་བསྔགས་སོ། །སའི་ལྷ་སྟ་གོན་ལ་གནས་པ་ནི་རྣལ་འབྱོར་གྱི་རྒྱུད་ཀྱི་རྩ་བའི་
རྒྱུད་འདི་ཉིད་དང་གཞན་ཁ་ཅིག་ལས་ཀྱང་མ་སྨོས་པས་ངེས་པར་བྱ་བའི་ངེས་པ་མེད་ཅིང་། རྒྱུད་འགའ་ཞིག་ལས་བསྟན་པའི་ཆོ་ག་ཐམས་ཅད་དུ་སྦྱར་བའི་ངེས་པ་མེད་ཅིང་ཧ་ཅང་ཐལ་བར་འགྱུར་བས་སོ། །གང་དག་ཆོ་ག་རྒྱས་པ་ལ་དགའ་བས་དེ་ལ་ཞེས་འདུན་པ་ཡོད་ན་ཡང་
སློབ་དཔོན་གྱི་ཞལ་སྔ་ནས་དེ་དགག་པ་མཛད་པ་དང་། གང་དུ་ལས་ནི་ཡོངས་གྱུར་ལ། །ལས་ཀྱི་ཆོ་ག་རྣམས་མེད་པ། །དེ་ནི་སྤྱིར་རྒྱུད་ལས་གྲགས་པའི། །ཆོ་ག་མཁས་པས་ཤེས་པར་བྱ། །ཞེས་བཤད་པའི་དབང་དུ་བྱས་ཏེ། འདིར་ཡང་སྟ་གོན་ལ་གནས་པའི་ཐོག་མ་ཁོ་

62-1-223a

ནར་དེ་བྱ་བར་ངེས་པ་མེད་ཅེས་བརྗོད་དོ། །དེ་བཞིན་དུ་སྔོན་དུ་བསྙེན་པ་བྱེད་པའི་དུས་ཀྱི་དང་པོར་སློབ་མ་ལ་དྲི་བ་སྔོན་དུ་འགྲོ་བས་བསྲུང་བ་དང་། ས་སྦྱོང་བ་ན་སའི་ལྷ་ལ་མཆོད་པ་དང་བརྐོ་བའི་ཕྱོགས་དང་གང་ཡང་བཟླས་བརྗོད་པའི་བགྲང་ཕྲེང་གི་བྱ་བ་ལ་སོགས་
པ་འདིར་མ་སྨོས་པའི་ཆོ་ག་གཞུང་གཞན་ལས་སྣང་བ་ཐམས་ཅད་དེ་བཞིན་དུ་ཅི་དགའ་བར་བསྟན་ཏེ། མེད་དུ་མི་རུང་བའི་ཆོ་ག་མིན་པ་དང་། ཡོད་ཀྱང་ཉེས་པ་མེད་པའི་ཆོ་ག་ཡིན་པ་སྟེ། གཙུག་ཕུད་གཞག་པའི་བྱ་བ་ལྟ་བུའོ། །དེ་བཞིན་དུ་དབང་བསྐུར་བའི་ཆོ་ག་རྣམ་པ་
གསུམ་གྱི་བྱེ་བྲག་ནི་མདོར་བསྡུས་པའི་ཆོ་ག་ལ་ནི་དབང་བསྐུར་བའི་གནས་དཀྱིལ་འཁོར་ཙམ་དུ་ཟད་ལ། གསང་བའི་དབང་བསྐུར་བ་དང་དབུགས་དབྱུང་བ་མ་སྨོས་ཏེ། ཆོ་ག་ཉུང་ཟད་འདི་ཁྱད་པར་གྱི་སྡོམ་པ་མི་འཛིན་གྱི། ཐུན་མོང་གི་སྡོམ་པ་ལ་གནས་པ་རྣམས་དབང་བསྐུར་
ཞེས་དགོངས་པའོ། །རིམ་པ་བར་མ་ལ་དབང་བསྐུར་བའི་གནས་ཀྱི་དཀྱིལ་འཁོར་དང་བཅས་པར་གསང་བའི་དབང་གིས་དབང་བསྐུར་ཏེ། ལུང་བསྟན་པའི་བར་དུ་བྱ་བའོ། །དེ་ལ་གསང་བའི་དབང་ཞེས་བྱ་བ་ནི་ཐུན་མོང་གི་སྡོམ་པ་ཙམ་ལས་མི་འཛིན་པའི་གང་ཟག་ལ་གསང་
བ་ཡིན་པས་ན་གསང་བའི་དབང་སྟེ། དེ་ལ་དེ་བསྟན་པ་ལ་དགོས་པ་མེད་པས་སོ། །གཞན་དག་འདི་སྒྲུབ་པ་པོ་ལ་གསང་ཞེས་འདོད་པ་ནི་མི་འཐད་དེ། སྒྲུབ་པ་པོ་ནི་ངེས་པར་ལྷ་དང་དཀྱིལ་འཁོར་གྱི་དེ་ཁོ་ན་ཤེས་ནས་སྒྲུབ་པ་ལ་འཇུག་པར་རིགས་ཀྱི་གཞན་དུ་ན་མོས་
པ་མི་ཕྱེད་པར་མི་འགྱུར་བས་སོ། །བར་མ་འདི་ལ་ཡང་དབུགས་དབྱུང་བ་མེད་དོ། །རིམ་པ་རྒྱས་པར་འགྱུར་བ་ལ་ནི་གང་ཞིག་ཚེ་འདི་ཉིད་ལ་དངོས་གྲུབ་མཆོག་སྒྲུབ་པར་འདོད་ཅིང་དེའི་སྐལ་བ་ཅན་སོ་ཤིང་དོར་བ་དང་། མེ་ཏོག་ལྷུང་བ་དང་། ཡེ་ཤེས་དབབ་པས་ཁོང་དུ་ཆུད་པ་
ལ་དབང་བསྐུར་བའི་ཆོ་ག་ཐམས་ཅད་རྒྱས་པར་བྱ་ཞིང་། འདི་ནི་དབུགས་ཀྱང་དབྱུང་སྟེ། གསང་སྔགས་ཀྱི་ལམ་འདི་ནི་བསྒོམ་པས་རྣམ་པར་དག་པ་ཡིན་གྱི། ཐོས་པ་དང་ཤེས་པས་མ་ཡིན་ནོ། །དེ་ནས་དང་པོ་ཐུན་མོང་གི་སྡོམ་པ་ལ་གནས་ཏེ། རྒྱུད་ལ་སོགས་པ་མཉན་

62-1-223b

པའི་སྐལ་བ་ཅན་དུ་བྱས་པ་དང་། བསོད་ནམས་འདོད་པ་ཙམ་གྱིས་དབང་བསྐུར་བ་ལེན་པའོ། །གཉིས་པ་ནི་སློབ་དཔོན་གྱི་དམ་ཚིག་ལ་གནས་ཏེ་འགྲོ་བ་རྣམས་ལ་དབང་བསྐུར་བ་དང་དཀྱིལ་འཁོར་དུ་འཇུག་པར་འདོད་པ་དང་། གསུམ་པ་ནི་སྒྲུབ་པ་པོའི་དམ་ཚིག་ལ་
གནས་ཏེ། ཚེ་འདི་ཉིད་ལ་མངོན་པར་མཐོ་བ་ལ་མི་ཉམས་ཤིང་ཆེས་ཁྱད་པར་དུ་འགྲོ་བར་འདོད་པའོ། །རིམ་པ་གསུམ་པོ་འདིས་ན་སྡོམ་པ་གསུམ་པོ་མི་འཛིན་པ་དེ་ནི་དབང་གང་ཡང་བསྐུར་བའི་སྐལ་བ་མེད་ཀྱི་དཀྱིལ་འཁོར་དུ་འཇུག་པ་ཙམ་ཞིག་བྱ་ཞེས་བྱ་བ་འདི་ལེགས་
པར་གནས་སོ། །རྒྱུད་གཞན་ལ་ལྟོས་པས་འདིར་མ་བསྟན་པའི་ཆོ་ག་མ་ཚང་བ་གང་ཞིག་རྫོགས་པར་བྱ་ཞེ་ན། ལྷག་མ་དབུགས་དབྱུང་བའི་ཆོ་ག་ནི་དཔལ་མཆོག་དང་པོར་བལྟའོ་ཞེས་བྱ་བ་སྟེ། དཔལ་མཆོག་དང་པོ་ནི་མིང་གཞན་རྟོག་པ་ཐམས་ཅད་ཀྱི་རྒྱལ་པོ་
ཞེས་བྱ་བ་སྟེ་དེ་ལས་ནི་དབུགས་དབྱུང་བ་འདི་སྐད་ཅེས་གསུངས་སོ། །མཆོག་གསང་དཀྱིལ་འཁོར་དམ་པ་ནི། །མཐོང་བ་དང་ནི་ཞུགས་གྱུར་པས། །སྡིག་པ་ཀུན་ལས་ངེས་གྲོལ་བར། །ཁྱེད་རྣམས་དེ་ཉིད་ལེགས་པར་གནས། །བདེ་ཆེན་ཐེག་པ་འདི་ལ་ནི། །སླར་ཁྱེད་འཆི་བ་
ཡོད་མིན་པས། །མི་ཚུགས་པ་དང་མི་སོད་དེ། །ཅིས་ཀྱང་མི་འཇིགས་དགའ་བར་གྱིས། །སྲིད་པ་ཤིན་ཏུ་དག་པའི་ཕྱིར། །སྲིད་པའི་སྡུག་བསྔལ་ལས་ཁྱེད་འདས། །སྲིད་པ་ཤིན་ཏུ་གྲུབ་པའི་ཕྱིར། །སྟོན་པའི་མཆོག་ཏུ་གྱུར་པ་ཡིན། །དམ་ཚིག་སྡོམ་པ་གྲུབ་པ་འདི། །
རྟག་ཏུ་ཁྱོད་ཀྱིས་བསྲུང་བར་བྱ། །སངས་རྒྱས་ཀུན་གྱིས་མཐུན་པར་གསུངས། །དམ་པ་རྟག་པའི་བཀའ་ཡིན་ནོ། །གང་ཞིག་བསྐྱེད་པ་ཙམ་གྱིས་ནི། །སངས་རྒྱས་ཉིད་དུ་དོགས་མེད་པའི། །བྱང་ཆུབ་སེམས་ནི་གཏང་མི་བྱ། །ཕྱག་རྒྱ་རྡོ་རྗེ་གང་ཡིན་པའོ། །དམ་པའི་ཆོས་
ནི་མི་སྤང་ཞིང་། །ནམ་ཡང་དོར་བར་མི་བྱའོ། །མི་ཤེས་པའམ་རྨོངས་པ་ཡིས། །ཚུལ་ཆེན་བསྟན་པར་མི་བྱའོ། །བདག་ཉིད་ཡོངས་སུ་སྤངས་ནས་སུ། །དཀའ་ཐུབ་ཀྱིས་ནི་མ་གདུངས་ཤིག །ཅི་བདེ་བར་ནི་བདེ་བར་གཟུང་། །འདི་ནི་མ་བྱོན་རྫོགས་སངས་རྒྱས། །

62-1-224a

རྡོ་རྗེ་དྲིལ་བུའི་ཕྱག་རྒྱ་རྣམས། །ནམ་ཡང་ཡོངས་སུ་མི་དོར་ཞིང་། །སློབ་དཔོན་སྨད་པར་མི་བྱ་སྟེ། །འདི་ནི་སངས་རྒྱས་ཀུན་དང་འདྲ། །སློབ་མ་སློབ་དཔོན་སངས་རྒྱས་ནི། །ཀུན་དང་མཚུངས་ལ་གང་སྨོད་པ། །རྟག་ཏུ་སྡུག་བསྔལ་ཐོབ་འགྱུར་ཏེ། །
རིམས་དང་དུག་དང་དབྱིག་དུག་ནད། །མཁའ་འགྲོ་རྣམས་ཀྱིས་གཙེས་པ་དང་། །གདོན་དང་ལོག་འདྲེན་གཏུམ་པོ་ཡིས། །བསད་ནས་སེམས་ཅན་དམྱལ་བར་ལྟུང་། །དེ་བས་ནན་ཏན་ཐམས་ཅད་ཀྱིས། །རྡོ་རྗེ་སློབ་དཔོན་བློ་གྲོས་ཆེ། །དགེ་བ་རབ་དུ་མི་སྤྱོམས་
པ། །ནམ་ཡང་སྨད་པར་མི་བྱའོ། །བླ་མ་ལ་ནི་གུས་བཅས་ཡོན། །རྗེས་མཐུན་ཁྱོད་ཀྱིས་དབུལ་བར་བྱ། །དེས་ནི་རིམས་སོགས་གནོད་པ་རྣམས། །ཕྱིར་ཞིང་འབྱུང་བར་མི་འགྱུར་རོ། །རྟག་ཏུ་རང་གི་དམ་ཚིག་བསྲུངས། །རྟག་ཏུ་དེ་བཞིན་གཤེགས་པ་མཆོད། །
རྟག་ཏུ་བླ་མ་ལ་ཡང་དབུལ། །འདི་ནི་སངས་རྒྱས་ཀུན་དང་འདྲ། །དེ་ཕུལ་སངས་རྒྱས་ཐམས་ཅད་ལ། །རྟག་ཏུ་ཕུལ་བ་ཉིད་དུ་འགྱུར། །དེ་ཕུལ་བསོད་ནམས་ཚོགས་ཡིན་ཏེ། །ཚོགས་ལས་དངོས་གྲུབ་མཆོག་ཏུ་འགྱུར། །གང་ཕྱིར་འདི་ནི་ལེགས་གནས་པར། །དེང་ཁྱེད་
སྐྱེ་བ་འབྲས་བུར་བཅས། །དམ་ཚིག་ལྷ་རྣམས་ཀུན་མཉམ་པར། །དེང་ཁྱོད་གྱུར་པར་ཐེ་ཚོམ་མེད། །སངས་རྒྱས་རྡོ་རྗེ་འཛིན་བཅས་པ། །ཀུན་གྱིས་དེང་ཁྱོད་དབང་བསྐུར་བ། །ཁམས་གསུམ་གྱི་ནི་རྒྱལ་པོ་ཆེ། །རྒྱལ་བའི་བདག་པོར་བསྟན་པ་ཡིན། །དེང་ནི་བདུད་
ལས་རྣམ་རྒྱལ་ཏེ། །གྲོང་ཁྱེར་མཆོག་ཏུ་རབ་ཏུ་ཞུགས། །ཁྱེད་རྣམས་ཀྱིས་ནི་སངས་རྒྱས་མཆོད། །དེ་ཉིད་ཐོབ་པར་ཐེ་ཚོམ་མེད། །དེ་ལྟར་ཡིད་ནི་རབ་དང་རྡོ་རྗེ་ཉིད་དུ་གྱིས། །རང་གི་དམ་ཚིག་མི་ཟད་བདེ་བསྐྱེད་བསྟེན་པར་བྱོས། །དེ་རིང་འགྲོ་བ་ལ་བདེ་རྡོ་རྗེ་སེམས་
དཔའ་དང་། །རབ་ཏུ་མཉམ་ཞིང་རྟག་པ་ཉིད་དུ་རྟོགས་པར་འགྱུར། །ཞེས་སོ། །དེ་ལྟར་ན་ནི་ཇི་ལྟར་ནུས་པས་དམ་ཚིག་ཐམས་ཅད་ཕན་ཚུན་ལྡན་པར་བསྲུང་བར་བྱ་བ་ཡིན་ཡང་། ཁྱད་པར་དུ་དབུགས་དབྱུང་བ་དང་ལྷན་ཅིག་བསྟན་པའི་དམ་ཚིག་འདི་དག་ནི་སྒྲུབ་པ་པོའི་དབང་

62-1-224b

དུ་བྱས་པའོ། །གཞན་དག་ནི་དབུགས་དབྱུང་བ་སློབ་དཔོན་དུ་དབང་བསྐུར་བ་ལ་ཡང་སྦྱིན་ཞིང་། སྨོས་པ་དང་མ་སྨོས་པའི་རྩ་བའི་ལྟུང་བ་དག་ལས་མ་སྨོས་པ་ནི་སྒྲུབ་པ་པོའི་དམ་ཚིག་སྟེ་སྨོས་པ་རྣམས་ནི་སློབ་དཔོན་གྱི་སའོ་ཞེས་ཟེར་རོ། །སྒྲུབ་པ་པོ་ནི་དེ་དག་མི་བསྲུང་བ་མ་ཡིན་
མོད་ཀྱི། སློབ་དཔོན་གྱིས་ཀྱང་གཉི་ག་ལ་དགག་པ་མི་སྦྱར་རོ། །དེ་ཅིའི་ཕྱིར་ཞེ་ན། བརྟན་པར་འགྱུར་བའི་ཕྱིར་རོ། །སྒྲུབ་པ་པོ་ཚད་མེད་པའི་དངོས་གྲུབ་མཐོང་བའི་ཚེ་ལ་ཐོབ་པར་འདོད་པའི་ལྷ་ལ་སོགས་ཀྱང་དེ་བསྲུང་ཞེས་བྱའོ། །ཡང་འདིར་གཞན་དག་ནི་ཆོ་ག་འདིའི་
མཐར། དེ་ནས་བསངས་ཏེ་སློབ་མ་ཡི། །སྙིང་གར་ཉེ་བར་གཏུགས་ནས་ནི། །ཀུན་བྱེད་རིགས་ཀྱི་རིག་པ་བཟླས། །སྲུང་སྐུད་ལག་པ་གཡས་པར་གདགས། །དེ་ནས་བླ་མ་བདག་ཉིད་ཀྱིས། །དེ་ཡི་སྤྱི་བོར་གདུགས་ཀྱང་གཟུང་། །ཐལ་མོ་སྦྱར་བར་བྱས་ནས་ནི། །དཀྱིལ་འཁོར་
ལེགས་པར་བསྐོར་དུ་གཞུག །གདུགས་དང་བཅས་པའི་སྒོ་ཕྱོགས་སུ། །སྤྱི་བོ་འདུད་དེ་ཕྱག་འཚལ་གཞུག །སློབ་མ་འདི་ནི་ཕུལ་བ་ལགས། །གསང་སྔགས་རྒྱུད་ནི་འཛིན་པར་འགྱུར། །བླ་མས་དེ་སྐད་སྨྲས་ནས་སུ། །གདུགས་བཞག་ནས་ནི་བླ་མ་དེ། །ལག་པས་ལེགས་པར་
བསླང་བར་བྱ། །ད་ནི་དཀྱིལ་འཁོར་སློབ་དཔོན་འགྱུར། །གསང་སྔགས་རྒྱུད་ཀྱང་འཛིན་པར་འགྱུར། །སངས་རྒྱས་བྱང་ཆུབ་སེམས་དཔའ་དང་། །ལྷ་རྣམས་ཀུན་གྱིས་བཀུར་བར་འགྱུར། །སེམས་ཅན་རྣམས་ལ་བརྩེ་བའི་ཕྱིར། །ཁྱོད་ཀྱིས་དཀྱིལ་འཁོར་ཆོ་ག་བཞིན། །
ནན་ཏན་བསྐྱེད་དེ་བྲི་བར་བྱ། །སྒྲུབ་པ་པོ་ཡང་རྒྱུད་ལ་སྦྱོར། །ཞེས་བྱ་བའི་རྒྱུད་ཐམས་ཅད་ཀྱི་དཀྱིལ་འཁོར་གྱི་ཆོ་ག་གསང་བ་སྤྱིའི་རྒྱུད་ཅེས་བྱ་བ་ལས་གསུངས་པས་ཀྱང་འདིར་ཆོ་ག་མ་རྫོགས་པ་རྫོགས་པར་བྱའོ་ཞེས་ཟེར་རོ། །གང་ཞིག་དཀྱིལ་འཁོར་ཆེན་པོར་བྱང་ཆུབ་ཏུ་སེམས་
བསྐྱེད་ནས། དེ་སླར་གཏོང་ཞིང་ཉན་ཐོས་དང་རང་སངས་རྒྱས་སུ་འདུན་པས་མྱུར་དུ་འདོད་ཆགས་དང་བྲལ་བར་བྱེད་ན། བྱང་ཆུབ་ཀྱི་སེམས་བཏང་བ་དང་བླ་མ་བསླུས་པའི་ཕྱིར་སྡིག་པ་མཐའ་མེད་པས་ན། འདོད་ཆགས་བྲལ་བ་ལྟ་བུའི་སྡིག །ཅེས་བྱ་བ་ལ་སོགས་པ་སྨོས་ཏེ། 

62-1-225a

ཐབས་ལ་མཁས་པའི་མདོ་ལས་བྱང་ཆུབ་ཀྱི་སེམས་བཏང་ན་རྩ་བའི་ལྟུང་བར་བསྟན་པ་དང་། གཞན་ལས་ཀྱང་། མི་གང་བྱང་ཆུབ་སེམས་བཏང་ཡང་། །དེ་དག་ཐར་པར་མཛད་པ་ནི། །ལས་ཚུལ་བསམ་གྱིས་མི་ཁྱབ་ཕྱིར། །ཐམས་ཅད་མཁྱེན་པ་ཁོ་ནས་
མཁྱེན། །ཞེས་བཤད་དོ། །དེའི་ཕྱིར་གསང་སྔགས་ཀྱི་ལམ་འདིར་བྱང་ཆུབ་ཀྱི་སེམས་མི་གཏང་བར་བྱ་བ་བསྒྲུབ་པར་བྱ་བའི་གཙོ་བོ་སྟེ་སྔར་རྒྱས་པར་བརྗོད་པ་བཞིན་ནོ། །ཡང་དག་པར་ཚིམ་པར་བྱ་བ་ནི་སྒྲུབ་པ་པོ་མ་ཡིན་གྱི་སློབ་མ་གང་དག་ཟས་ལ་སྲེད་པས་དེར་འདུས་པ་ལ་སོགས་
པའོ། །ཧཱུྃ་བཞི་པ་ནི་ཨོཾ་སུམྦྷ་ནི་སུམྦྷ་ཧཱུྃ་ཞེས་པ་ལ་སོགས་པའི་སྔགས་སོ། །གཟུགས་བརྙན་ནི་དབང་པོ་ལ་སོགས་པའིའོ། །སྦྱིན་སྲེག་མང་ཞིང་སྨོས་པ་ནི་དེའི་ཆོ་ག་སློབ་དཔོན་གྱི་ཞལ་སྔ་ནས་དང་གཞན་གྱིས་ཀྱང་གཞན་དུ་ཞིབ་ཏུ་དཔྱད་པས་ཆོག་གོ། །སྙིང་གར་བྱུག་པ་ནི་
བསྲུང་བའི་དོན་ཏོ། །གཞན་དག་ནི་སློབ་མ་དང་བཅུག་པར་བྱ་བའི་ཕྱིར་རོ་ཞེས་ཟེར་རོ། །དེ་ལྟར་དོན་མཐའ་དག་ཡོངས་སུ་རྫོགས་པར་བྱས་ནས། ད་ནི་རྡོ་རྗེ་སེམས་ཞེས་བྱ་བ་ལ་སོགས་པས་དགེ་བ་བསྔོ་བ་མཛད་པ་སྟེ། དངོས་གྲུབ་ཐམས་ཅད་ནི་འཇིག་རྟེན་དང་དེ་ལས་འདས་
པའོ། །རིགས་པའི་མཆོག་ནི་ཐམས་ཅད་མཁྱེན་པའི་ཡེ་ཤེས་ཏེ་དེ་ཉིད་ནི། སེམས་ཅན་ཀུན་གྱི་གཉེན་གཅིག་པོ། །ཅིའི་ཕྱིར་ཞེ་ན། གཞན་ལ་དེ་ཙམ་དུ་ཕན་པ་དང་བདེ་བ་བྱ་བར་སེམས་པ་མེད་པས་མ་དང་ཕ་ལས་ཀྱང་ལྷག་པའོ། །དེར་ཀུན་དགའ་སྙིང་པོ་བདག་གྱུར་ཅིག་
ཅེས་སྦྱར་རོ། །དེ་བཞིན་དུ་སེམས་ཅན་མ་ལུས་པ་ཡང་ཁྱབ་བདག་རྡོ་རྗེ་འཆང་ཆེན་དུ་གྱུར་ཅིག་ཅེས་བྱ་བའི་དོན་ཏོ། །དཀྱིལ་འཁོར་ཆོ་ག་རྒྱ་ཆེན་འདི། །གོ་རིམས་ལོག་པར་སྨྲ་བ་དག །བསལ་ཕྱིར་གོ་རིམས་ཇི་བཞིན་བརྗོད། །དེ་བཞིན་ཚིག་དོན་ཉུང་ཟད་བྲིས། །འདི་
ལས་སྐྱེས་པའི་དགེ་བ་ཡིས། །འགྲོ་བ་སངས་རྒྱས་གནས་འགྲོ་ཤོག །འཕགས་པ་དེ་ཁོ་ན་ཉིད་བསྡུས་པའི་དཀྱིལ་འཁོར་གྱི་ཆོ་ག་རྡོ་རྗེ་འབྱུང་བ་ཞེས་བྱ་བའི་བསྡུས་པའི་དོན་ཨཱ་ཙཱརྱ་མུ་ནཱི་ན་དྲ་བྷ་དྲས་མཛད་པ་རྫོགས་སོ།།      །།ཨཱ་ཙཱརྱ་མུ་ནཱི་ན་དྲ་བྷ་དྲ་དང་། བོད་ཀྱི་

62-1-225b

ལོ་ཙཱ་བ་དགེ་སློང་ཆོས་ཀྱི་ཤེས་རབ་ཀྱིས་བསྐྱུར་ཅིང་ཞུས་ཏེ་གཏན་ལ་ཕབ་པའོ།    །༄༅༅། །རྒྱ་གར་སྐད་དུ། བཛྲ་དྷཱ་ཏུ་མཎྜ་ལཱརྠ་བྷ་བ་ན་པཎྜཱིརྠཾ། བོད་སྐད་དུ། རྡོ་རྗེ་དབྱིངས་ཀྱི་དཀྱིལ་འཁོར་གྱི་དོན་བསྒོམ་པའི་དོན་བསྡུས་པ། འཇམ་དཔལ་རྡོ་རྗེ་སེམས་དཔའ་ལ་ཕྱག་
འཚལ་ལོ། །དང་པོར་བདག་མེད་པ་ལ་མོས་པ་དང་། ལྐོག་མ་སྦྱང་བ་དང་། ལག་པ་སྦྱང་བ་དང་། བགེགས་བསྐྲད་པ་དང་། གནས་བསྲུང་བ་དང་། དཀྱིལ་འཁོར་སྤྲུལ་པ་དང་། མེ་ཏོག་ལ་སོགས་པས་མཆོད་པ་དང་། ཕྱག་འཚལ་བ་དང་། སྡིག་པ་བཤགས་པ་དང་། 
བསོད་ནམས་ལ་རྗེས་སུ་ཡི་རང་བ་དང་། གསོལ་བ་གདབ་པ་དང་། བསྐུལ་བ་དང་། མཆོད་པ་ཉི་ཤུ་དང་། བདག་ཉིད་དབུལ་བ་དང་། བསྔོ་བ་དང་། སྨོན་ལམ་གདབ་པ་དང་། བྱང་ཆུབ་ཏུ་སེམས་བསྐྱེད་པ་དང་། སྡོམ་པ་ཉི་ཤུ་བླང་བ་དང་། བྱང་ཆུབ་ཏུ་སེམས་
བསྐྱེད་པ་ཕུལ་དུ་བྱུང་བ་དང་། རང་བཞིན་གྱི་དཀྱིལ་འཁོར་དང་། སྤྲུལ་པའི་དཀྱིལ་འཁོར་དང་། བསྒོམ་པའི་དཀྱིལ་འཁོར་རྣམས་ཀྱིས་གཟུགས་བརྙན་བསྒོམ་པ་དང་། ཕྱག་རྒྱ་བཅིང་བ་སྔོན་དུ་འགྲོ་བའི་ཆོ་ག་བསྒྲུབ་པ་མདོར་བསྟན་པ་དང་། རྡོ་རྗེ་ཐལ་མོའི་མཚན་
ཉིད་དང་དེ་དག་བྱིན་གྱིས་བརླབ་པའི་སྔགས་དང་། རྡོ་རྗེ་དབབ་པ་བསྐྱེད་པ་དང་། རྡོ་རྗེ་བརྟན་པར་བྱ་བ་དང་། ངན་སོང་ཐམས་ཅད་དགུག་པ་དང་། སྡིག་པ་ཐམས་ཅད་དྲལ་བ་དང་། ཕྱག་རྒྱ་དགྲོལ་བ་དང་། དེ་ཉིད་ཕུལ་དུ་དབྱུང་བ་དང་། རང་གི་སྙིང་གའི་རྡོ་རྗེ་ལ་སྙིང་པོ་
དགོད་པ་དང་། ཟླ་བ་གཉིས་བསྒོམ་པ་དང་། རྡོ་རྗེ་བསྒོམ་པ་དང་། གཞན་བསྒྲུབ་པ་ལ་ཕྱག་རྒྱ་གཞན་བསྒོམ་པ་དང་། སྙིང་པོ་དགོད་པ་དང་། ཕྱག་རྒྱའི་ང་རྒྱལ་དང་སྔར་བཤད་པའི་དཀྱིལ་འཁོར་དུ་གཞུག་པ་དང་། རྡོ་རྗེ་སེམས་དཔའ་བསྐྱེད་པ་དང་། དམ་ཚིག་
སེམས་དཔའི་ང་རྒྱལ་དང་། དམ་ཚིག་གི་ཕྱག་རྒྱས་དེའི་ང་རྒྱལ་དང་། དེ་ཉིད་ཀྱིས་གཞན་བཞིར་བྱིན་གྱིས་བརླབ་པ་དང་། ཕྱག་རྒྱ་ཆེན་པོའི་སྙིང་པོ་དང་། སྔགས་བཟླས་པ་དང་། རང་གི་སྙིང་གར་དཀྱིལ་འཁོར་བསམས་པ་དང་། ཕྲེང་བ་བླངས་ཏེ་དོར་བ་དང་། 

62-1-226a

དཀྱིལ་འཁོར་དུ་འཇུག་པ་དང་། ཕྲེང་བ་བླང་སྟེ་སྤྱི་བོར་བཀྲོལ་ཅིང་བཅིང་བ་དང་། གདོང་གཡོགས་དགྲོལ་བ་དང་། དཀྱིལ་འཁོར་བསྟན་པ་དང་། མཐོང་བ་དེ་བརྟན་པར་བྱ་བ་དང་། དབང་བསྐུར་ལྔ་དང་། དཀྱིལ་འཁོར་རེ་རེ་ཞིང་དག་པ་
བྱིན་གྱིས་བརླབ་པ་དང་། དཀྱིལ་འཁོར་རེ་རེའི་བདག་ལ་བྱིན་གྱིས་བརླབ་པ་ལ་སོགས་པ་ལྔ་བརྒྱ་དགུ་བཅུ་རྩ་གཉིས་ཀྱི་རྣལ་འབྱོར་སྒྲུབ་པ་དང་། སྙིང་གའི་དཀྱིལ་འཁོར་གཅིག་ཏུ་གྱུར་པ་དང་། རང་གི་ལུས་ལ་ཟླ་བ་མང་པོ་དགོད་པ་དང་། དེ་ནས་ནམ་མཁའ་ལ་ཟླ་བའི་
དཀྱིལ་འཁོར་དགོད་པ་དང་། སྙིང་པོ་དགོད་པ་དང་། རྡོ་རྗེ་ལ་སོགས་པའི་ཕྱག་མཚན་དགོད་པ་དང་། དེའི་ང་རྒྱལ་དང་། དཀྱིལ་འཁོར་བསྐྱེད་པ་དང་། ཡེ་ཤེས་སེམས་དཔའ་དགུག་པ་དང་། བལྟ་བ་དང་། དགུག་པ་ལ་སོགས་པས་རང་གི་ལུས་ལ་གཞུག་པ་དང་། 
ཁ་དོག་དང་དབྱིབས་ལ་སོགས་པའི་དབྱེ་བ་དང་། སྙིང་པོ་དང་སྔགས་དག་གིས་བརྟན་པར་བྱ་བ་དང་། དེ་བཞིན་གཤེགས་པ་ཐམས་ཅད་གཞུག་པ་དང་། རྡོ་རྗེ་དབྱིངས་སྔོན་དུ་འགྲོ་བའི་རིགས་ལྔའི་སྔགས་ཀྱིས་བྱིན་གྱིས་བརླབ་པ་དང་། གནས་བཞི་པོར་རྡོ་རྗེ་ལ་
སོགས་པ་དགོད་པ་དང་། ཕྱག་རྒྱ་བཞིས་རྒྱས་གདབ་པ་དང་། ཕྱག་རྒྱ་ཐམས་ཅད་སྤྱིའི་སྔགས་ཀྱིས་བཅིང་བ་དང་ཡི་གེ་བརྒྱ་པས་བརྟན་པར་བྱ་བ་དང་། ཡང་དབང་བསྐུར་བླང་བ་དང་། དགའ་བའི་གླུ་དང་གར་དང་ལཱ་སྱེ་ལ་སོགས་པའི་མཆོད་པ་དང་། རྡོ་རྗེ་དྲིལ་བུ་
བླང་བའི་དེ་ཁོ་ན་ཉིད་དང་སྔགས་བརྗོད་པས་དེ་དག་བརྟན་པར་བྱ་བ་དང་། ཚིག་གསུམ་གྱི་གླུ་བླང་བ་དང་། རང་བཞིན་མེད་པའི་སྔགས་ཀྱིས་བདག་མེད་པར་བསྒོམ་པ་དང་། སྣོད་ཀྱི་འཇིག་རྟེན་རྣམ་པར་དག་པ་དང་། སྤྱིའི་གདན་དང་། ཁྱད་པར་གྱི་གདན་དང་། 
དོན་ཐམས་ཅད་གྲུབ་པས་བསམ་གཏན་དང་གཟུགས་མེད་པ་བསྒོམ་པ་དང་། མི་གཡོ་བ་ལ་འཇུག་པ་དང་། དེ་བཞིན་གཤེགས་པས་བཞེངས་པ་དང་། དེ་རྣམས་མཐོང་བ་དང་། དེ་ལ་ཕྱག་བྱ་བ་དང་། དེ་རྣམས་ཀྱི་གདམས་ངག་དང་མངོན་པར་བྱང་ཆུབ་པ་ལྔ་

62-1-226b

ནི་སེམས་སོ་སོར་རྟོག་པ་མི་བསྐྱོད་པའི་ངོ་བོ་དང་བྱང་ཆུབ་ཏུ་སེམས་བསྐྱེད་པ་སྦྱིན་པའི་ཕ་རོལ་ཏུ་ཕྱིན་པ་རིན་ཆེན་འབྱུང་ལྡན་དང་། རྡོ་རྗེ་བསྐྱོད་པ་ནི་འོད་དཔག་ཏུ་མེད་པ་སྟེ། ཤེས་རབ་ཀྱི་ཕ་རོལ་ཏུ་ཕྱིན་པ་དང་། དེ་བཞིན་གཤེགས་པ་ཐམས་ཅད་ཀྱི་སྐུ་ལ་སོགས་པའི་
རྡུལ་ཕྲ་རབ་ཞུགས་པ་ནི་བརྩོན་འགྲུས་ཀྱི་ཕ་རོལ་ཏུ་ཕྱིན་པ་སྟེ་དོན་ཡོད་གྲུབ་པའོ། །གཟུགས་རྫོགས་པ་ནི་དེ་བཞིན་གཤེགས་པ་ཐམས་ཅད་ཀྱི་རང་བཞིན་ཏེ། རྣམ་པར་སྣང་མཛད་ཀྱི་རང་བཞིན་ནོ། །རྡོ་རྗེ་རིན་ཆེན་གྱི་དབང་བསྐུར་བ་དང་རྗེས་སུ་གནང་བ་སྦྱིན་པ་དང་། 
རི་རབ་ཀྱི་རྩེ་མོར་གཞལ་ཡས་ཁང་བསྐྱེད་པ་དང་། དེ་བཞིན་གཤེགས་པ་བཞིས་ཡོངས་སུ་བསྐོར་བ་སྟེ་སྦྱོར་བ་དང་པོའི་ཏིང་ངེ་འཛིན་ཏོ། །ནང་གི་བདག་ཉིད་ཁྲུས་ནི་ལུས་དྲན་པ་ཉེ་བར་གཞག་པའོ། །ལྐོག་མ་དང་ལྕེ་བྱིན་གྱིས་བརླབ་པ་ནི་ཚོར་བ་དྲན་པ་ཉེ་བར་གཞག་པའོ། །ལག་
པ་བྱིན་གྱིས་བརླབ་པ་ནི་སེམས་དྲན་པ་ཉེ་བར་གཞག་པའོ། །བགེགས་བསྐྲད་པ་ནི་ཆོས་དྲན་པ་ཉེ་བར་གཞག་པའོ། །བགེགས་འཇོམས་པ་ནི་སེམས་ཀྱི་རྫུ་འཕྲུལ་གྱི་རྐང་པའོ། །བགེགས་བཅིངས་པ་ནི་དཔྱོད་པའི་རྫུ་འཕྲུལ་གྱི་རྐང་པའོ། །སྟེང་བཅིངས་པ་ནི་མི་དགེ་བའི་
ཆོས་སྐྱེས་པ་སྤང་བའོ། །ཡང་ཤར་ལ་སོགས་པ་བཅིངས་པ་ནི་མི་དགེ་བའི་ཆོས་མ་སྐྱེས་པ་མི་སྐྱེད་པའོ། །དཀྱིལ་འཁོར་སྤྲུལ་པ་དང་དཀྱིལ་འཁོར་ལྔས་ཕྱག་བཙལ་བ་ནི་དགེ་བའི་ཆོས་མ་སྐྱེས་པ་བསྐྱེད་པའོ། །སྡིག་པ་བཤགས་པ་ནས་བརྩམས་ཏེ། མཆོད་པ་ཉི་ཤུ་དང་
སྡོམ་པ་བླང་བ་ནི་དགེ་བའི་ཆོས་སྐྱེས་པ་བསྲུང་བ་ཚོགས་ཀྱི་ལམ་མོ། །དེ་ནས་གཟུགས་བརྙན་ལ་སོགས་པའི་སྦྱོར་བ་ནས་བརྩམས་ཏེ། རྣལ་འབྱོར་ཆེན་པོའི་བར་དུ་སྦྱོར་བའི་ལམ་ཡིན་ཏེ། རྡོ་རྗེ་ཐལ་མོ་དང་རྡོ་རྗེ་བསྡམས་པ་དང་། རྡོ་རྗེ་དབབ་པ་དང་། བརྟན་པར་
བྱ་བ་དང་། སྡིག་པ་དྲལ་བ་དང་། ངན་འགྲོ་སྦྱོང་བ་ནི་དད་པའི་དབང་པོའོ། །བདག་མེད་པ་བསྒོམ་པ་ནི་བརྩོན་འགྲུས་ཀྱི་དབང་པོའོ། །ཟླ་བ་གཉིས་བསྐྱེད་པ་ནི་དྲན་པའི་དབང་པོའོ། །ཡེ་ཤེས་སེམས་དཔའ་གཞུག་པ་ལ་སོགས་པ་ནི་ཤེས་རབ་ཀྱི་དབང་པོའོ། །སྙིང་

62-1-227a

གར་དཀྱིལ་འཁོར་དགོད་པ་ནི་དད་པའི་སྟོབས་སོ། །དེ་ལ་འཇུག་པ་ནི་བརྩོན་འགྲུས་ཀྱི་སྟོབས་སོ། །ཕྲེང་བའི་དབང་ནི་དྲན་པའི་སྟོབས་སོ། །དམ་ཚིག་གསུམ་གྱི་གླུ་ནི་ཏིང་ངེ་འཛིན་གྱི་སྟོབས་སོ། །ཡང་སྟོང་པ་ཉིད་བསྒོམ་པ་ནི་ཤེས་རབ་ཀྱི་སྟོབས་ཏེ་སྦྱོར་
བའི་ལམ་མོ། །འོག་མིན་ལ་ཡིད་ཀྱི་རང་བཞིན་གྱི་ལུས་གནས་པ་ནི་ཏིང་ངེ་འཛིན་བྱང་ཆུབ་ཀྱི་ཡན་ལག་གོ། །རི་རབ་ལ་སོགས་པ་བསྒོམ་པ་ནི་བརྩོན་འགྲུས་ལ་སོགས་པ་བྱང་ཆུབ་ཀྱི་ཡན་ལག་གོ། །གདན་བསྒོམ་པ་ནི་དགའ་བ་བྱང་ཆུབ་ཀྱི་ཡན་ལག་གོ། །དེ་བཞིན་
གཤེགས་པ་ཐམས་ཅད་གཤེགས་པ་ནི་ཤིན་ཏུ་སྦྱངས་པ་བྱང་ཆུབ་ཀྱི་ཡན་ལག་གོ། །དེ་རྣམས་མཐོང་བ་ནི་ཆོས་རྣམ་པར་འབྱེད་པ་བྱང་ཆུབ་ཀྱི་ཡན་ལག་གོ། །དེ་རྣམས་ཀྱི་གདམས་ངག་ནི་དྲན་པ་ཡང་དག་བྱང་ཆུབ་ཀྱི་ཡན་ལག་གོ། །དེ་དག་བདག་ངག་གི་མི་གཡོ་བའི་
ཏིང་ངེ་འཛིན་སྤོང་བ་ནི། བཏང་སྙོམས་ཡང་དག་བྱང་ཆུབ་ཀྱི་ཡན་ལག་གོ། །དེ་ནི་མཐོང་བའི་ལམ་སྟེ་ས་དང་པོའོ། །སེམས་སོ་སོར་རྟོག་པ་ནི་ཡང་དག་པའི་ལྟ་བ་སྟེ་ས་གཉིས་པའོ། །སེམས་བསྐྱེད་པ་ནི་ཡང་དག་པའི་རྟོག་པ་སྟེ་ས་གསུམ་པའོ། །རྡོ་རྗེའི་
བདག་ཉིད་བསྒོམ་པ་ནི་ཡང་དག་པའི་ངག་སྟེ་ས་བཞི་པའོ། །དེ་བཞིན་གཤེགས་པ་ཐམས་ཅད་གཞུག་པ་ནི་ཡང་དག་པའི་འཚོ་བ་སྟེ་ས་ལྔ་པའོ། །གཟུགས་གྲུབ་པ་ནི་ཡང་དག་པའི་རྩོལ་བ་སྟེ་ས་དྲུག་པའོ། །བྱིན་གྱིས་བརླབ་པ་ནི་ཡང་དག་པའི་ལས་ཀྱི་མཐའ་སྟེ་
ས་བདུན་པའོ། །དབང་བསྐུར་བ་དང་དབྱངས་བཅིངས་པ་ནི་ཡང་དག་པའི་དྲན་པ་སྟེ་ས་བརྒྱད་པའོ། །ཡི་གེ་བརྒྱ་པས་བརྟན་པར་བྱ་བ་ནི་ཡང་དག་པའི་ཏིང་ངེ་འཛིན་ཏེ་ས་དགུ་པའོ། །རྗེས་སུ་གནང་བ་ལྔ་ཐོབ་པ་ནི་ས་བཅུ་པ་སྟེ་བསྒོམ་པའི་ལམ་མོ། །དེ་ནི་དང་པོའི་
སྦྱོར་བའི་ཏིང་ངེ་འཛིན་ནོ། །དཀྱིལ་འཁོར་རྒྱལ་པོ་མཆོག་ནི་རྡོ་རྗེ་ལྟ་བུའི་ཏིང་ངེ་འཛིན་སྔོན་དུ་འགྲོ་བས་རྒྱུ་དང་འབྲས་བུ་ཉེ་བར་བཏགས་པས་བཤད་དོ། །ལས་རྒྱལ་པོ་མཆོག་ནི་སེམས་ཅན་གྱི་ལས་གཙོ་བོ་ཡིན་པས། སངས་རྒྱས་ཀྱི་ས་བཅུ་གཅིག་པ་ཀུན་དུ་འོད་ཅེས་བྱའོ། །

62-1-227b

ལམ་གྱི་རིམ་པའོ། །རྡོ་རྗེ་དབྱིངས་ཀྱི་དཀྱིལ་འཁོར་གྱི་དོན་བསྒོམ་པའི་དོན་བསྡུས་པ་རྫོགས་སོ།།      །།རྒྱ་གར་གྱི་མཁན་པོ་ཀུ་མཱ་ར་ཀ་ལ་ཤའི་ཞལ་སྔ་ནས་བསྒྱུར་ཅིང་ཞུས་པའོ།    །༄༅༅། །རྒྱ་གར་སྐད་དུ། ཀྲི་ཡ་སཾ་གྲ་ཧ་ནཱ་མ། བོད་སྐད་དུ། བྱ་བ་
བསྡུས་པ་ཞེས་བྱ་བ། དཔལ་རྡོ་རྗེ་སེམས་དཔའ་ལ་ཕྱག་འཚལ་ལོ། །འགྲོ་མགོན་རྡོ་རྗེ་སེམས་བཏུད་ནས། །སློབ་མ་དམ་པས་བསྐུལ་དབང་ལས། །གཞུང་ཆེན་དམ་པའི་མན་ངག་ལས། །འདི་ནི་བདག་གིས་བརྩམ་པར་བྱ། །བསྙེན་པ་ལ་སོགས་ས་སྦྱང་བ་ནི་ཡོངས་སུ་གཟུང་
བ་དང་། །རྩིག་རྨང་ཡང་དག་གཞན་དང་ཤིང་གི་ལས་རྣམས་དང་། །ལྷ་ནི་རབ་ཏུ་གནས་དང་དེ་བཞིན་གཎྜཱི་དང་། །རྒྱལ་མཚན་གཟུགས་དང་དེ་བཞིན་བྱ་བའི་ལྷ་རྣམས་ལ། །བླ་མ་སློབ་མ་བརྟག་པ་དང་། །བླ་མ་གསོལ་བཏབ་དེ་ནས་ནི། །བླ་མས་སྔགས་དང་བསྙེན་པ་བྱ། །དེ་ནས་
ས་ནི་ཡོངས་སུ་བརྟག །དེ་ལ་གཙུག་ལག་ཁང་ལ་སོགས་པ་བཞེངས་པར་འདོད་པའི་སྦྱིན་བདག་གིས་དང་པོ་སློབ་དཔོན་ཡོངས་སུ་བརྟག་པར་བྱ་སྟེ། གང་ཞིག་སེམས་ཅན་རྣམས་ལ་སྙིང་རྗེ་བྲལ་བ་དང་། གཞན་གྱི་ཚུལ་འབྱེད་པ་དང་། སེམས་ཅན་རྣམས་ལ་ཞེ་སྡང་དང་། 
ངན་ཤེས་ཀྱི་ཁེངས་པ་དང་། ཤིན་ཏུ་ཆགས་པ་དང་། ཤིན་ཏུ་མྱོས་ཤིང་བག་མེད་པ་དང་། བདག་ལ་བསྟོད་པ་དང་། གཞན་གྱི་སྐྱོན་བརྗོད་པའི་སློབ་དཔོན་དེ་ཡོངས་སུ་སྤང་བར་བྱའོ། །བླ་མས་ཀྱང་རྣམ་པ་དེ་ལྟ་བུའི་སློབ་མ་ཡོངས་སུ་སྤང་བར་བྱའོ། །གང་ཡང་དད་དང་ཤེས་རབ་
སྙིང་རྗེ་ལྡན་པ་དང་། །ཁྲོ་མེད་བརྩོན་འགྲུས་ལྡན་ཞིང་སེམས་ཅན་སླུ་བ་ཡང་། །རྣམ་པ་དེ་བཞིན་རིགས་པར་བླ་མས་ཡོངས་སུ་བརྟག །དེ་ལའང་སློབ་མའི་རྗེས་སུ་མཐུན་པར་བླ་མས་བསྒྲུབ། །གང་ཡང་དད་པ་དང་ཤེས་རབ་དང་བརྩེ་བ་དང་ལྡན་པ་དང་། ལུང་དུ་སྟོན་པ་དང་། སྙན་
དངགས་དང་སྡེབ་སྦྱོར་གྱི་བཀོད་པ་དང་། རྩིས་ཀྱི་བསྟན་བཅོས་རབ་ཏུ་རིག་པ་གཏམ་བརྗོད་པ་ལ་རབ་ཏུ་མཁས་པ་སྣ་ཚོགས་པའི་རི་མོ་དང་། སྣ་ཚོགས་པའི་ཡུལ་སྐད་དང་། རིན་པོ་ཆེ་དང་གསེར་དང་སྐྱེས་པ་དང་བུད་མེད་དང་། གླང་པོ་ཆེ་དང་རྟ་རྣམས་ཀྱི་མཚན་ཉིད་ཡང་དག་པར་

62-1-228a

རིག་པ་དང་། སྤོས་སྦྱོར་དང་གླུ་དང་རོལ་མོ་དང་སྣ་ཚོགས་པའི་མཚོན་ཆ་དང་། སྨན་དང་མིག་འཕྲུལ་དང་། ཁམས་སྨྲ་བ་དང་ཚད་ཀྱི་བསྟན་བཅོས་ཤེས་པ་དང་། གླུ་ལ་སོགས་པ་ལ་མཁས་པ་དང་། སེན་མོ་བྲེག་པ་ལ་སོགས་པའི་བཟོ་རིག་པ་དང་། འདོད་
པའི་བསྟན་བཅོས་དང་། ཤེས་རབ་དང་ནུས་པར་ལྡན་པ། མཁས་ཤིང་སྨྲ་བའི་སྤོབས་པ་ཅན་སྒྲུབ་པ་དང་ལྡན་པ་རྟག་ཏུ་སྤྲོ་ཞིང་ཉོན་མོངས་པ་བཟོད་པ། བླ་མ་དང་རྣལ་འབྱོར་མ་དང་དམ་ཚིག་དང་དཀོན་མཆོག་གསུམ་ལ་སོགས་པ་རྣམས་ལ་གུས་པ་དང་ལྡན་པ། ཕ་རོལ་ཏུ་ཕྱིན་
པ་བཅུ་ལ་ཆགས་ཤིང་འཇིགས་པ་དང་། སྐྱུག་བྲོ་བ་དང་། འཚེར་ངོ་དང་བྲལ་བའོ། །རབ་ཏུ་གནས་པའི་དཀྱིལ་འཁོར་འདྲི་བ་དང་། ལས་སྣ་ཚོགས་བསྐྱང་བ་ལ་མཁས་པ། བླ་མའི་བཀའ་མཆོག་ཏུ་ཡོངས་སུ་བསྐྱང་བ་དེ་བླ་མའི་བཀའ་དང་བདེ་གཤེགས་བཀའ་ལས་
འདས་པ་དང་། །སྤུན་ལ་ཁྲོ་དང་ཉེས་པ་སྒྲོགས་པ་དང་། །སེམས་ཅན་བྱམས་པ་སྤངས་དང་བྱང་ཆུབ་སེམས་སྤངས་དང་། །དམ་ཆོས་སྨོད་དང་གསང་སྒྲོགས་ཕུང་པོ་ཉོན་མོངས་དང་། །ཐེག་ཆེན་ཐེ་ཚོམ་ཟ་དང་སྡུག་ལ་བྱམས་པ་དང་། །བདེ་སྡུག་ཆོས་ལ་རྟོག་ཅིང་དད་ཅན་སེམས་
སུན་འབྱིན། །དམ་ཆོས་རྙེད་པ་མི་རྟེན་བུད་མེད་ཀུན་སྨོད་པ། །རྩ་བའི་ལྟུང་བྲལ་དེ་ནི་སློབ་དཔོན་བཟང་པོ་ཡིན། །རྣམ་པ་དེ་ལྟ་བུའི་ཡོན་ཏན་ཀུན་གྱིས་བརྒྱན་ཅིང་སྐྱོན་ཐམས་ཅད་དང་བྲལ་བས་དཀྱིལ་འཁོར་འདྲི་བ་ན་དང་པོར་རྣལ་འབྱོར་པས་དགེ་བའི་ཉི་མ་དང་སྐར་མ་ལ་སོགས་
པ་ལ་ཁང་པར་ཞུགས་ཏེ་མདུན་དུ་མཎྜལ་བྱས་ལ། ཇི་ལྟར་ནུས་པའི་ཡོན་ཕུལ་ནས་སྙིམ་པ་ཐལ་མོ་སྦྱར་ཏེ་གསོལ་བ་གདབ་པར་བྱའོ། །སློབ་དཔོན་དགོངས་སུ་གསོལ། བདག་དགེ་བསྙེན་ཆེ་གེ་མོ་ཞེས་བགྱི་བ་གཙུག་ལག་ཁང་ལ་སོགས་པ་བཞེངས་པར་འདོད་པས་དེའི་ཕྱིར་བདེ་བར་
གཤེགས་པའི་གསུང་རབ་མཐའ་དག་རྟོགས་པ་ཁྱོད་ཀྱིས་བདག་ལ་གནང་བར་མཛོད་ཅིག་ཅེས་པ་འདིས་སློབ་དཔོན་ལ་སྦྱིན་བདག་གིས་ལན་གསུམ་དུ་གསོལ་བ་གདབ་པར་བྱའོ། །དེ་ནས་བརྩམས་ནས་སློབ་དཔོན་གྱིས་ཚོགས་བསགས་པའི་ཁྱེད་དུ་སྔོན་དུ་བསྙེན་པ་བྱའོ། །དེ་སྐད་

62-1-228b

དུ་ཡང་། སྔོན་དུ་བསྙེན་པ་ཚོགས་བསགས་དང་། །བགེགས་རྣམས་རྣམ་པར་གཞོམ་པར་བྱ། །ཐམས་ཅད་མཁྱེན་པའི་ལམ་ཤེས་ནི། །བསྙེན་པ་མེད་པས་འགྲུབ་མི་འགྱུར། །ཞེས་སོ། །དེ་ནས་འཁོར་ལོའི་གཙོ་བོའི་སྔགས་འབུམ་བཟླས་པ་བྱའོ། །ཡང་ན་རང་གི་ཡི་དམ་
ལྷའི་སྔགས་ལན་འབུམ་བཟླས་སོ། །དཀྱིལ་འཁོར་པ་རྣམས་ཀྱི་སོ་སོའི་ཁྲི་བཟླས་པ་བྱའོ། །དེ་ལ་དགེ་བའི་ཉི་མ་དང་གཟའ་ལ་སོགས་པ་ལ་མཆོད་པ་སྔོན་དུ་འགྲོ་བས་ས་ཡོངས་སུ་བརྟག་པར་བྱའོ། །གལ་ཏེ་མི་འདོད་པའི་ཤིང་ལ་སོགས་པ་དང་ལྡན་པའི་ས་གཞི་ནི་དེ་འདིར་
ཡོངས་སུ་སྤང་བར་བྱའོ། །དེ་ནས་ཡང་ས་གཞི་གང་ཞིག་གི་ཤར་ལ་སོགས་པའི་ཕྱོགས་རྣམས་སུ་རིམ་པས་ཨ་ཤྭཏྠ་དང་ཨརྫུ་ན་དང་། པླཀྵ་དང་། པ་ལཱ་ཤ་དང་། ནྱ་གྲོ་དྷ་དང་། ཤ་མ་ལཱི་དང་། བ་ཀུ་ལ་དང་། ཨུ་དུམྦཱ་ར་དང་། ཚེར་མ་ཅན་གྱི་ཤིང་རྣམས་ནི་བུ་དང་བུད་མེད་
དང་། ནོར་རྣམས་རྣམ་པར་བྲལ་བ་དང་། དགྲའི་འཇིགས་པ་དང་། ཡོ་བྱད་ཉམས་པ་དང་། འཁོར་ཡོངས་སུ་ཉམས་པ་དང་། སོ་བ་ལ་སོགས་པའི་འབྲུ་རྣམ་པར་ཉམས་པ་སྟེར་བར་འགྱུར་བ་དེ་རྣམས་སྤང་ངོ་ཞེས་ཏེ། དེ་སྐད་དུ་ཡང་། དབང་པོར་ནྱ་གྲོ་དྷ་དགོད་ཨུ་
དུམྦཱ་ར་དེ་བཞིན་དུ། །གཤིན་རྗེར་དགོད་ཅིང་ཨ་ཤྭཏྠ་ནི་ནུབ་ཏུ་དགོད། །པླཀྵ་བྱང་ཕྱོགས་ཤིན་ཏུ་དགེ་མཐར་བྱ། །འདི་ནི་ཟློས་པས་ལོག་པར་ཡང་ནི་གནས་པར་འགྱུར། །ཞེས་སོ། །ཡང་ས་གཞི་གང་ཞིག་དབྱུག་པ་དང་། ཤིང་རྟ་ཐཱ་ཀ་ཌ་དང་། འཁྲབ་བློ་དང་། 
ལྟོ་འགྲོ་དང་། རུས་སྦལ་དང་། གཞུ་དང་མགོ་ཆེ་བ་དང་། རྔ་མུརྫ་དང་། ཟུར་གསུམ་། རླུང་ཡབ་ཀྱི་རྣམ་པ་དང་། ཀྱོག་པོ་དང་། འོད་དང་མི་མཉམ་པར་འབབ་པ་དེ་རྣམས་ནི་ངེས་པར་ཕྱུགས་དང་། ནོར་དང་འབྲུ་ཟད་པ་དང་། མིག་ནད་དང་། བཅིང་བས་འཚིར་བ་
དང་། ཆོམ་རྐུན་དང་མེའི་འཇིགས་པའི་ཕྱིར་དང་། བུད་མེད་ཉམས་པ་དང་། མིའི་བདག་པོའི་འཇིགས་པ་དང་། ལོངས་སྤྱོད་ཉམས་པ་དང་དབུལ་པོ་དང་། མྱ་ངན་དང་། ཉེས་པ་སྟེར་བར་འགྱུར་བ་རྣམས་སོ། །གང་ཡང་མེ་དང་གཤིན་རྗེ་དང་། སྲིན་པོ་དང་། ཆུ་

62-1-229a

དང་། རླུང་གི་ཕྱོགས་རྣམས་སུ་བོ་བའི་ཉེས་པས་ལྟུང་བ་དང་། ནད་དང་དབུལ་བ་དང་། དགྲ་ཡིས་འཇོམས་པར་འགྱུར་བའི་སའི་རང་བཞིན་རྣམས་སོ། །ཡང་ས་གང་ཁྱི་དང་ཅེ་སྤྱང་དང་རྔ་མོ་རྣམས་སྣོད་བཅོམ་པའི་དགྲ་དང་མི་དགེ་བ་སྟེར་བར་
འགྱུར་བ་རྣམས་དང་། ཞག་དང་མར་ཁུ་དང་། ཚྭ་སྣ་དང་། བྱའི་དྲི་མ་དང་། མི་འདོད་པའི་འབྲས་བུ་སྟེར་བའི་ས་གཞི་རྣམས་དང་། གནོད་སྦྱིན་གྱི་གནས་དང་། དུར་ཁྲོད་དང་། ལྟོས་འགྲོའི་ཚང་ནག་པོའི་ས་རྣམས་སྤང་བར་བྱའོ། །གང་དུ་ཀླུའི་མཚོ་དང་། 
ལྷ་མ་ཡིན་ལ་སོགས་པའི་གནས་དང་། ལྷའི་གནས་རྣམས་ཡོད་པའི་ས་གཞི་དེ་ཡང་མི་དགེ་བའོ། །གང་ཡང་ཕྱོགས་དང་ཕྱོགས་མཚམས་གང་དང་གང་ལ་ཡང་ཚེར་མའི་ཤིང་དང་། འཁྲི་ཤིང་དང་། ཚང་ཚིང་དང་། ཤིང་ཀླུ་སྐམ་ཡོད་པའི་ས་གཞི་དེ་ཡང་མི་ཤིས་པའོ་
ཞེས་སོ། །དེ་ནས་དགེ་བའི་མཚན་ཉིད་རྣམས་ནི་ས་གཞི་གང་ཞིག་དགའ་བ་དང་། སྟན་བཟང་པོ་དང་། ཡངས་པ་དང་། ཟླུམ་པོ་དང་། གྲུ་བཞི་རྣམས་སོ། །དེ་རྣམས་ནི་བྱ་བའི་དོན་དང་། དངོས་གྲུབ་རབ་ཏུ་སྟེར་བ་དང་། བློ་གྲོས་འཕེལ་བ་དང་། ནོར་དང་འབྲུ་རྣམས་འཕེལ་
བར་འགྱུར་རོ། །ཡང་གང་ལ་ཤར་དང་། བྱང་དང་། དབང་ལྡན་གྱི་ཕྱོགས་རྣམས་གཞོལ་བར་གྱུར་པ་དེ་ནས་དཔལ་དང་བདེ་བར་བྱེད་པར་འགྱུར་རོ། །གང་ལ་ཡང་རོ་ལྡན་བྱང་ཕྱོགས་ཀྱི་ཆ་ལ་རྫིང་བུ་མཆོག་ལ་མེ་ཏོག་དཀར་པོ་དང་དམར་པོ་དང་། པདྨའི་ཚོགས་ཀྱིས་བརྒྱན་པ། 
ཨུཏྤལ་སྔོན་པོ་ཤིན་ཏུ་མང་པོ་དང་ཀུ་མུ་ཏ་དང་། དྲི་བཟངས་ལ་སོགས་པའི་མེ་ཏོག་རྣམས་ཀྱིས་འཁྲིགས་པ། ཁྱད་པར་དུ་འཕགས་པ་སྣ་ཚོགས་པའི་བྱའི་ཚོགས་ཀྱིས་གང་བ། ཉ་དང་རུས་སྦལ་ལ་སོགས་པས་ཡོངས་སུ་གང་བ། རྟག་ཏུ་རྩྭ་སྔོན་པོ་ལྡན་པའོ་ཞེས་སོ། །ཤར་ཕྱོགས་
ཀྱི་ཆ་ལ་ཨ་མྲ་དང་། ཛམྠུ་དང་། ཀ་དམ་པའི་ལྗོན་ཤིང་ཡོད་པའོ། །དེ་ལ་དེ་བཞིན་དུ་བར་དུ་ཛཱ་བ་བནྡུ་ཀཱ་མ་ལ་སོགས་པའི་མེ་ཏོག་ཤིང་ཇི་སྙེད་པ་ཞེས་སོ། །དེ་བཞིན་དུ་ལྷོ་ཕྱོགས་སུ་སྐྱེས་བུ་ནཱ་ག་དང་། ནཱ་ག་གེ་སར་དང་། བི་ར་དཱ་ཏ་དང་། ཙམ་པ་ཀ་དང་། ཨ་ཤོ་ཀ་དང་། 

62-1-229b

ཁྱད་པར་དུ་བ་ཀུ་ལའི་ཤིང་ཡོད་པའོ། །དེའི་བར་དུ་ཛཱ་ཏི་དང་། ཀུ་མུ་ཏ་དང་། སྣ་མ་དང་། དྲི་བཟང་པོའི་ཤིང་རྣམས་སོ། །མེ་ཏོག་དཀར་པོའི་ཤིང་ཇི་སྙེད་པ་རྣམས་རབ་ཏུ་ཤིས་སོ། །དེ་བཞིན་དུ་ནུབ་ཕྱོགས་སུ་ཨ་ཤྭཏྠ་དང་། ཨུ་དུམྦཱ་ར་དང་། བ་ཀུ་ལ་དང་། པ་ན་སའི་ཤིང་
རྣམས་ཡོད་པ་འོ་མ་ཅན་གྱི་ཤིང་ཇི་སྙེད་པ་དེ་རྣམས་ཐམས་ཅད་ནུབ་ཀྱི་ཕྱོགས་སུ་རབ་ཏུ་ཤིས་སོ། །དེའི་བར་དུ་མེ་ཏོག་ནག་པོའི་ཤིང་རྣམས་ཤིས་སོ། །གཞན་ཡང་སྤྱིར་པི་ཝང་དང་། གླིང་བུ་དང་། ཁྱུ་མཆོག་དང་། རྔའི་སྒྲ་དང་ལྡན་པ་ནི་ཕུན་སུམ་ཚོགས་པར་བྱེད་པའི་ས་གཞིའོ། །
བྱེ་བྲག་ཏུ་རིགས་དང་མཐུན་པ་སྣ་ཚོགས་པས་གང་བ་གཟུང་ངོ་། །འདི་ལྟ་སྟེ། ཁ་དོག་དཀར་པོ་དང་ཞོ་དང་འོ་མ་དང་། མར་ལ་སོགས་པ་དྲི་ཞིམ་པོ་དང་། རོ་མངར་བ་རྣམས་ནི་བྲམ་ཟེ་རྣམས་ཀྱི་འོས་སོ། །ཁ་དོག་དམར་བ་དང་སྣ་མའི་མེ་ཏོག་དང་། པདྨ་དང་། ཨུཏྤལ་དང་། 
ཙམ་པ་ཀ་དང་། ནཱ་ག་གེ་སར་ལ་སོགས་པའི་དྲི་རྣམས་དང་། རོ་བསྐ་བ་ནི་རྒྱལ་རིགས་རྣམས་ཀྱི་འོ། །ཁ་དོག་སེར་པོ་དང་ཆང་དང་གླང་པོའི་ཆང་གི་དྲི་རྣམས་དང་རོ་སྐྱུར་བ་ནི་རྗེའུ་རིགས་རྣམས་ཀྱིའོ། །ཁ་དོག་ནག་པོ་དང་དྲི་མེད་པ་དང་རོ་ཚ་བ་དང་། ཁ་བ་ནི་དམངས་རིགས་རྣམས་
ཀྱིའོ། །ས་ཁྲུ་གང་ཚད་ཙམ་བརྐོས་ནས་དེ་ཡིས་དེ་བཞིན་དུ་དགང་བར་བྱ་སྟེ། དམའ་བ་དང་ལྷག་པ་དང་མཉམ་པ་གང་དུ་གནས་པ་དེའི་དམན་པ་དང་མཆོག་དང་བར་མ་རྣམས་སོ། །ཡང་ན་ཁྲུ་དོའི་ཚད་གྲུ་བཞིར་དོང་བརྐོས་ཏེ་དེའི་དབུས་སུ་མཎྜལ་བྱས་ནས་ཤར་གྱི་ཕྱོགས་སུ་མེ་ཏོག་
དཀར་པོ་གཞག་པར་བྱའོ། །དེ་བཞིན་དུ་ནུབ་དང་བྱང་དང་གཤིན་རྗེའི་ཕྱོགས་སུ་དམར་པོ་དང་སྔོན་པོ་དང་སེར་པོའི་མེ་ཏོག་རྣམས་གཞག་པར་བྱ་སྟེ། གང་མ་སྐམས་པ་དེ་ནི་དེའི་འོས་སུ་འགྱུར་རོ། །དེ་ལ་དེ་བཞིན་དུ་དོང་དེའི་ཤར་ལ་སོགས་པའི་ཕྱོགས་སུ་བུམ་པ་སོ་མ་བཏང་བའི་སྟེང་དུ་
སོ་བཏང་བའི་ཁམ་ཕོར་རྣམས་སུ་དཀར་པོ་ལ་སོགས་པའི་རིམ་པས་བའི་མར་གྱིས་མར་མེ་རབ་ཏུ་སྦར་ནས་ཡོངས་སུ་བརྟག་པར་བྱའོ། །དེ་ལ་དཀར་པོ་ལ་སོགས་པའི་རིམ་པས་གང་རབ་ཏུ་འབར་བ་དེའི་ས་དེ་བྲམ་ཟེ་ལ་སོགས་པ་རྣམས་ཀྱི་འོས་སོ། །དེ་བཞིན་དུ་དམར་པོ་དང་སེར་པོ་

62-1-230a

དང་ནག་པོ་རྣམས་གོ་རིམས་ཇི་ལྟ་བ་བཞིན་དུ་རྒྱལ་རིགས་དང་རྗེའུ་རིགས་དང་དམངས་རིགས་ཀྱི་དེའི་ས་གཞིར་འགྱུར་རོ། །དེ་བཞིན་དུ་ཀུ་ཤ་དང་ཤ་ར་དང་ཨུ་ཤི་ར་དང་དཱུར་བ་རྣམས་གང་མང་བའི་ས་ནི་གོ་རིམས་བཞིན་དུ་བྲམ་ཟེ་ལ་སོགས་པ་རྣམས་ཀྱི་འོས་སོ། །ཁ་ཅིག་གི་འདོད་
པས་བྱང་ན་གཙང་པོ་ཆེན་པོ་འབབ་པའི་འགྲམ་དུའོ་ཞེས་སོ། །ཁ་ཅིག་གི་འདོད་པས་ལྷོ་ཕྱོགས་ན་འབབ་པའི་འགྲམ་དུ་གྲོང་ཁྱེར་ལ་སོགས་པའི་གཞིའོ་ཞེས་སོ་དེ་བཞིན་དུ་ཇི་སྐད་བཤད་པའི་མཚན་ཉིད་དང་ལྡན་པའི་ས་གཞིར་མ་གྱུར་ན་ཇི་ལྟར་རྙེད་པའི་ས་གཞི་རྣམ་པར་སྦྱངས་པས་རང་གི་
རིགས་བསྒྲུབ་པར་བྱས་ནས་ཡོངས་སུ་གཟུང་བར་བྱའོ། །གང་དུ་གཙུག་ལག་ཁང་ལ་སོགས་པ་བཞེངས་པར་འདོད་པའི་ས་ལ། དེ་བཞིན་དུ་ས་གཞི་བའི་ལྕི་བ་ལས་བ་ལང་གི་ཀོ་བའི་ཚད་ཙམ་དུ་གྲྭ་བཞི་པའི་མཎྜལ་བྱས་ཏེ་དང་པོའི་ཐུན་ལ་མཆོད་པ་སྔོན་དུ་འགྲོ་བས་ཏིང་ངེ་འཛིན་གྱི་
རྣལ་འབྱོར་དང་ལྡན་པས་སློབ་དཔོན་མཉམ་པར་གཞག་སྟེ། དེར་དཀོན་མཆོག་གསུམ་ལ་མཆོད་པ་བྱས་ནས། ཕྱོགས་བཅུ་ན་བཞུགས་པའི་འཇིག་རྟེན་སྐྱོང་བ་ལ་སོགས་པ་རྣམས་ལ་དཔུང་པ་བཟང་པོའི་ཚིགས་སུ་བཅད་པས་མཉེས་པར་བྱས་ཏེ། པུས་མོ་གཡས་པའི་ལྷ་ང་ས་
ལ་བཙུགས་ཏེ་ཐལ་མོ་སྦྱར་ནས་ལྷ་ལ་སོགས་པ་རྣམས་ལ་གཞི་ཇི་སྙེད་པ་འདི་སྩལ་དུ་གསོལ་ཞེས་ཚིགས་སུ་བཅད་པ་འདིས་ཞུ་བར་བྱའོ། །ཁམས་གསུམ་ས་གཞི་གང་རྣམས་ལ། །ཆེན་པོའི་ཆེན་པོ་གནས་གྱུར་པ། །ལྷ་དང་ཀླུ་དང་དྲི་ཟ་དང་། །གནོད་སྦྱིན་ལྷ་མ་ཡིན་ལ་
སོགས། །སེམས་ཅན་ཀུན་གྱི་དོན་བསྒྲུབ་ཕྱིར། །ཁྱེད་རྣམས་བདག་ལ་གནང་བར་མཛོད། །ས་གཞི་བཟང་པོའི་ཆ་འདི་རུ། །ཕུན་ཚོགས་གཙུག་ལག་ཁང་གྱུར་པ། །གྲགས་པའི་གཞི་རུ་གྱུར་པ་དང་། །ལུས་ཅན་ཀུན་གྱི་འཚོ་ཕྱིར་དང་། །ཐོས་བསམ་ལ་སོགས་
སྤེལ་བ་དང་། །དམ་པའི་ཆོས་ནི་རབ་བསྒྲུབ་ཕྱིར། །མཆོད་རྟེན་ལ་སོགས་བཤད་པ་རྣམས། །གང་དང་གང་གིས་ཡིད་འདོད་ལ། །འདི་ཡི་ཉེས་ལེགས་རྣམ་དག་ཕྱིར། །བདག་ནི་ཆེ་གེ་མོ་ཞེས་བགྱི། །སྙན་པའི་གྲགས་པ་བསྐྱེད་པར་བྱ། །ཁྱེད་རྣམས་ཀོ་ལོང་མི་འགྱུར་

62-1-230b

ན། །བདག་ལ་རྨི་ལམ་ལ་སོགས་བརྟག །དགེ་བའི་ས་གཞི་བདག་ལ་སྩོལ། །ཞེས་པ་འདི་ལན་གསུམ་བརྗོད་པར་བྱའོ། །དེ་ནས་ལངས་ནས་བྱང་ཕྱོགས་སུ་ཕྱིན་ནས་སློབ་དཔོན་ལྷོར་ཞལ་མངོན་པར་ཕྱོགས་ཏེ། མདུན་དུ་སའི་རང་བཞིན་གྱི་སྣོད་དུ་ཟླ་བ་ཕྱེད་པའི་རྣམ་པའི་ཐབ་
ཁུང་ཡོངས་སུ་བརྟག་པར་བྱའོ། །ས་ནག་པོ་དང་། ཐལ་བ་ལ་སོགས་པ་ཇི་ལྟར་རྙེད་པའི་ཁུ་བས་ཉེ་བར་བྱུགས་ཏེ། དུར་ཁྲོད་ཀྱི་སོལ་བའི་ཕྱེ་མའི་རྡུལ་ཚོན་གདབ་སྟེ་མེ་ཏོག་སྔོན་པོ་གཅལ་དུ་དགྲམ་པར་བྱའོ། །འཇིག་རྟེན་གསུམ་ལས་རྣམ་པར་རྒྱལ་བའི་ང་རྒྱལ་བྱས་ནས་
མདུན་དུ་ལྷོ་ཕྱོགས་ཀྱི་ཆ་ལ་མེ་ཏོག་སྔོན་པོའི་ཚོགས་འཕངས་ཏེ་མཆོད་ཡོན་གྱི་དུང་གི་སྣོད་གཞག་པར་བྱའོ། །གཡོན་དུ་ཡུངས་ཀར་དང་། ཚ་བའི་མར་ཁུ་དང་། ཁྲག་དང་དུག་དང་། ཚྭ་དང་། སྐྱེ་ཚེ་དང་། རོ་བསྲེགས་པའི་ཐལ་བ་དང་། རས་བལ་གྱི་སྙིང་པོ་དང་། ཁར་བའི་
ཕྱེ་མ་དང་། རྒྱ་སྐྱེགས་དང་། མིའི་རུས་པའི་ཕྱེ་མ་དང་། ནིམ་པའི་ལོ་མ་ལ་སོགས་པ་རྣམས་དང་། ཞག་དང་སྨྱོ་བྱེད་ཀྱི་ལོ་མའི་ཁུ་བ་བསྲེས་ཏེ་ནིམ་པ་དང་། ཡོངས་འདུ་ས་བརྟོལ་དང་། བྷ་ལཱ་ཏ་ཀ་དང་། མྱོས་བྱེད་ཀྱི་ཤིང་དང་། ཚེར་མ་དང་། ཁ་བའི་ཤིང་གི་རྩ་བའི་ཆ་ལས་
སྐྱེས་པ་རྣམས་བཞག་སྟེ་དུག་དང་། ཁྲག་དང་། མར་ཁུ་བསྲེས་ལ་རྩེ་གཉིས་བཅུག་པའི་ཡམ་ཤིང་ངོ་། །མར་དང་ཏིལ་དང་། ནས་དང་ཀུ་ཤ་དང་མེ་ཏོག་དང་། སྤོས་མས་ཀྱང་ངོ་། །དེ་ནས་མྱོས་བྱེད་དང་། ནིམ་པ་དང་། ཡོངས་འདུ་ས་བརྟོལ་དང་། བྷ་ལཱ་ཏ་ཀ་དང་། 
ཁ་བ་དང་། ཚེར་མ་ཅན་གྱི་ཤིང་སྐམ་པོ་ལ་ལྕགས་དང་། འཁར་བ་དང་། རྡོ་དང་། དུར་ཁྲོད་དང་། གཏུམ་པོའི་ཁྱིམ་ནས་བྱུང་བའི་མེ་ལ་མེ་རབ་ཏུ་སྦར་བར་བྱའོ། །དེ་ལ་ཡང་མེ་འབར་བའི་དབུས་སུ་ཧཱུྃ་སྔོན་པོ་ལས་ཡང་དག་པར་བྱུང་བ་ཁ་དོག་སྔོན་པོ་གོས་སྔོན་པོ་ཅན་རྒྱན་
གྱིས་བརྒྱན་པ་ཁྲོ་ཞིང་འཇིགས་སུ་རུང་བའི་གཟུགས་ཅན་ཞལ་མཆེ་བ་གཙིགས་པ་སྐྲ་དམར་སེར་གྱེན་དུ་འཁྱིལ་བ་མིག་གཅིག་འཛུམ་ཞིང་ལྟ་བའི་སྤྱན་གསུམ་དང་བཞིན་ཁྲོ་གཉེར་དང་ལྡན་པའོ། །ཕྱག་གཡས་ན་རལ་གྲི་དང་དབྱུག་པ་འཛིན་པ། གཡོན་ན་ཞགས་པ་དང་
62-1-231a

སྤྱི་བླུགས་འཛིན་པ། དེ་ལྟ་བུར་གྱུར་པའི་མེའི་ཁྲོ་བོ་བསྒོམ་པར་བྱའོ། །དེ་དང་མཚུངས་པའི་ཡེ་ཤེས་ཀྱི་མེ་ལྷ་སྤྱན་དྲངས་ལ་མཆོད་ཡོན་ཕུལ་ནས་མཆོད་པ་བྱས་ལ་དམ་ཚིག་གི་མེ་གཞུག་པར་བྱའོ། །དེའི་རྗེས་སུ་ཨོཾ་ཀཱི་ལི་ཀཱི་ལ་བཛྲ་སརྦ་བིཾ་གྷྣཱཾ་ཀཱི་ལ་ཡ་ཧཱུྃ་
ཕཊ། འདིས་བགེགས་ཐམས་ཅད་ལ་ཕུར་བུས་གདབ་པར་བྱའོ། །ཨོཾ་ཨ་མྲྀ་ཏ་ཀུཎྜ་ལི། ཁ་ཁ། ཁཱ་ཧི་ཁཱ་ཧི། ཏིཥྛ་ཏིཥྛ། བནྡྷ་བནྡྷ། ཧ་ན་ཧ་ན། ད་ཧ་ད་ཧ། གརྫྫ་གརྫྫ། བི་སྥོ་ཊ་ཡ་བི་སྥོ་ཊ་ཡ། སརྦ་བིགྷྣཱཾ་བི་ནཱ་ཡ་ཀཱ་ནཱཾ། མ་ཧཱ་ག་ཎ་པ་ཏི་ཛཱི་བི་ཏཱནྟ་ཀ་རཱ་ཡ་ཧཱུྃ་ཧཱུྃ་ཕཊ། འདིས་
བགེགས་ཐམས་ཅད་གསད་པར་བྱའོ། །ཨོཾ་བཛྲ་ཡཀྵ་སརྦ་པཱ་པཾ་ཁཱ་ད་ཡ་ཧཱུྃ་ཕཊ། འདིས་སྡིག་པ་ཐམས་ཅད་བཟའ་བར་བྱའོ། །དེ་ནས་མེ་ལ་མར་གྱི་དགང་བླུགས་གསུམ་དབུལ་ལོ། །ལག་པ་པུས་མོའི་ཕྱི་ངོས་སུ་བྱས་པས་སོ། །ཨོཾ་ཀྲོ་དྷ་ཨགྣ་ཡེ་ཛ་ཧི་ཀྲོ་དྷ་ཡ་ཧཱུྃ་ཕཊ། སྔགས་འདིས་
སྲེག་རྫས་ཐམས་ཅད་སྦྱིན་པར་བྱའོ། །དེ་ནས་མེ་ལ་ཞལ་བསིལ་ཕུལ་ནས་དེའི་སྙིང་གར་བགེགས་མཐར་བྱེད་བལྟས་ཏེ། ཡེ་ཤེས་སེམས་དཔའ་སྤྱན་དྲངས་ལ་མཆོད་ཡོན་ལ་སོགས་པ་ཕུལ་ལ། དམ་ཚིག་སེམས་དཔའ་ནང་དུ་བསྒོམ་པར་བྱའོ། །དེ་ནས་ཨོཾ་ཨཱཿབིགྷྣཱཾནྟ་ཀྲྀཏ་སརྦ་
པཱ་པཾ་ད་ཧ་ན་ཧཱུྃ། སྔགས་འདིས་སྔོན་བཞིན་དུ་སྲེག་རྫས་སྦྱིན་པར་བྱའོ། །དགང་བླུགས་གང་བར་ཕུལ་ནས་གཤེགས་སུ་གསོལ་ལོ། །ལྷག་མ་རྣམས་ནི་སྔོན་མ་བཞིན་དུ་སྦྱིན་པར་བྱའོ། །དེ་ནས་ཞལ་བསིལ་ལ་སོགས་པ་ཕུལ་ནས། བཟོད་པར་གསོལ་ཞིང་གཤེགས་སུ་གསོལ་ལོ། །
དེ་ནས་ལངས་ནས་ས་ཕྱོགས་གཙང་སར་མགོ་ལྷོར་ཕྱོགས་ཏེ་ཉལ་བར་བྱའོ། །དེ་ལ་རང་གི་ཁ་ལ་ལག་པ་གཡོན་པས་དགབ་པར་བྱ་སྟེ། སྔགས་འདི་ལན་གསུམ་མམ་བདུན་ནམ་ཉི་ཤུ་རྩ་གཅིག་བཟླས་སོ། །ཨོཾ་མུ་ཙི་ལི་སྭཱ་ཧཱ། ཨོཾ་མོ་ཧ་ནི་སྭཱ་ཧཱ། ཨོཾ་དཾ་ཏཱ་ལི་སྭཱ་ཧཱ། རྨི་ལམ་བཟང་
ངན་གྱི་མཚན་མ་བརྟག་པར་བྱའོ། །རྨི་ལམ་ན་མི་དགེ་བའི་མཚན་མ་བྱུང་བ་དེ་འདིར་འཆད་པར་འགྱུར་བའི་ཆོ་གས་སྟོང་ཕྲག་ཉི་ཤུའི་སྦྱིན་སྲེག་གིས་གྲོལ་བར་འགྱུར་རོ། །ཐམས་ཅད་ལ་འབུམ་ཕྲག་གཅིག་སྟེ་མདོར་བསྡུས་ནས་བཤད་དོ། །དེ་ནས་བགེགས་མེད་པའི་ས་གཞི་ལ་སྔ་

62-1-231b

བར་ལངས་ཏེ་དམ་ཚིག་ལ་རང་གི་ཡི་དམ་ལྷའི་རྣལ་འབྱོར་དང་ལྡན་པའི་སློབ་དཔོན་གྱིས་ཉེ་བར་སྤྱད་པ་ལྔ་དང་གཏོར་མ་དང་མཆོད་པ་ལ་སོགས་པ་བྱས་ནས། དེ་ནས་གྲོ་གའམ་དར་བཟང་པོ་ལ་རྩིབས་བརྒྱད་པའི་འཁོར་ལོ་བྲི་བར་བྱའོ། །ལྟེ་བ་ལ་མཾ་གི་ཡི་གེ་བྲིའོ། །མཾ་ཡིག་གི་དབུས་
སུ་ཨོཾ་མཱ་རཱི་ཙྱཻ་ཨཱསྨིན་བྷཱུ་བྷཱ་གེ་སརྦ་དུཥྚ་བིགྷྣཱཾ་བི་ནཱ་ཡ་ཀཱ་ནཱ་མ་བ་ཀྭ་ཥ་མ་ཀུ་རུ་སྭཱ་ཧཱ། ནང་གི་མུ་ཁྱུད་ལ། ཨོཾ་མཱ་རཱི་ཙྱཻ་བཏྟཱ་ལི་བ་དཱ་ལི་བ་རཱ་ལི་བཱ་རཱ་ཧ་མུ་ཁི་སརྦ་དུཥྚ་པྲ་དུཥྚ་ནཱཾ་མུ་ཁཾ་བནྡྷ་བནྡྷ་ཙཀྵུར་སྱ་བྷཱུ་བྷཱ་གཱ་སྱ་ཤཱནྟིཾ་ཀུ་རུ་སྭཱ་ཧཱ། ཤར་གྱི་རྩིབས་ལ། ཨོཾ་ཨརྐྐ་མ་སི་ཨ་སྱ་བྷཱུ་ད་གཱ་
སྱ་རཀྵཾ་ཀུ་རུ་སྭཱ་ཧཱ། ལྷོའི་རྩིབས་ལ། ཨོཾ་མརྐྐ་མ་སི་ཨ་སྱ་བྷཱུ་བྷཱ་གཱ་སྱ་རཀྵཾ་ཀུ་རུ་སྭཱ་ཧཱ། ནུབ་ཀྱི་རྩིབས་ལ། ཨོཾ་ཏེ་ཛོ་མ་སི་ཨ་སྱ་བྷཱུ་བྷཱ་གཱ་སྱ་རཀྵཾ་ཀུ་རུ་སྭཱ་ཧཱ། བྱང་གི་རྩིབས་ལ། ཨོཾ་ནེ་ར་མ་སི་ཨ་སྱ་བྷཱུ་བྷཱ་གཱ་སྱ་རཀྵཾ་ཀུ་རུ་སྭཱ་ཧཱ། དབང་ལྡན་གྱི་རྩིབས་ལ། ཨོཾ་ཙི་བཱ་ར་མ་སི་ཨ་སྱ་བྷཱུ་བྷཱ་
གཱ་སྱ་རཀྵཾ་ཀུ་རུ་སྭཱ་ཧཱ། རླུང་གི་རྩིབས་ལ། ཨོཾ་བྷ་ན་མ་སི་ཨ་སྱ་བྷཱུ་བྷཱ་གཱ་སྱ་རཀྵཾ་ཀུ་རུ་སྭཱ་ཧཱ། བདེན་བྲལ་གྱི་རྩིབས་ལ། ཨོཾ་གུལྨ་མ་སི་ཨ་སྱ་བྷཱུ་བྷཱ་གཱ་སྱ་རཀྵཾ་ཀུ་རུ་སྭཱ་ཧཱ། མེའི་རྩིབས་ལ། ཨོཾ་ཨུ་ད་ཡ་མ་སི་ཨ་སྱ་བྷཱུ་བྷཱ་གཱ་སྱ་རཀྵཾ་ཀུ་རུ་ཤཱནྟིཾ་ཀུ་རུ་པུཥྚིཾ་ཀུ་རུ་བ་ཤཾ་ཀུ་རུ་སྭཱ་ཧཱ། ཕྱིའི་
མུ་ཁྱུད་ལ། ཨོཾ་མཱ་རཱི་ཙྱཻ་བཏྟཱ་ལེ། བ་དཱ་ལེ། བ་རཱ་ལེ། བ་རཱ་ཧཱ་མུ་ཁི་ཨསྨིན་བྷཱུ་བྷཱ་གཱ་སྱ་སརྦ་དུཥྚ་བིགྷྣཱཾ་མུ་ཁཉྩ་ཀྵུ་བནྡྷ་བནྡྷ། ཨ་སྱ་བྷཱུ་བྷཱ་གཱ་སྱ་ཤཱནྟིཾ་པུཥྚིཾ་རཀྵཾ་ཀུ་རུ་སྭཱ་ཧཱ། སྔགས་འདིས་ཡང་སྤྲ་ཚིལ་གྱི་རས་ཀྱིས་དྲིལ་ནས་སྨྱུག་མ་ཤིན་ཏུ་རིང་མོའི་རྩེ་མོའམ་རྒྱལ་མཚན་གྱི་རྩེ་མོར་
གཞག་པར་བྱ་སྟེ་གདན་དང་བཅས་པའོ། །དེ་ནས་ས་གཞི་ལས་བགེགས་དང་ལོག་འདྲེན་ཐམས་ཅད་ཤིན་ཏུ་རིང་དུ་འབྲོས་པར་འགྱུར་ཏེ་སླར་བཟློག་པར་ལྟ་ག་ལ་འགྱུར། ས་ཕྱོགས་འདི་ནི་ངེས་པར་གཙུག་ལག་ཁང་ལ་སོགས་པར་དངོས་གྲུབ་ཏུ་འགྱུར་རོ་ཞེས་སོ། །ས་
བསྲུང་བའི་ཕྱིར་མེ་འབར་བའི་དབུས་སུ་བཾ་ཡིག་ལས་ཆུའི་དཀྱིལ་འཁོར་རོ། །དེའི་སྟེང་དུ་རཾ་ཡིག་ལས་བྱུང་བའི་བདུད་རྩིའི་འོད་ཟེར་གྱི་ཕྲེང་བ་ལ་རལ་པ་དང་ཅོད་པན་བཅིངས་ཤིང་སྤྱན་གསུམ་པ་མཆོད་ཕྱིར་ཐོགས་དཀར་པོ་དང་གོས་ལ་སོགས་པས་རྣམ་པར་བརྒྱན་པ། ཕྱག་

62-1-232a

གཡས་པས་མི་འཇིགས་པ་དང་བགྲང་ཕྲེང་བསྣམས་པ། གཡོན་པ་ན་དབྱུག་པ་དང་སྤྱི་བླུགས་འཛིན་པ། ཞི་བའི་མེ་ལྷ་དཀར་པོ་རྣམ་པར་བསྒོམས་ལ། ཡེ་ཤེས་ཀྱི་མེ་སྤྱན་དྲང་བར་བྱའོ། །ནྱ་གྲོ་དྷ་དང་། བྱང་ཆུབ་ཀྱི་ཤིང་དང་། ཤ་ལའི་
བཟའ་བ་དང་། འབྲས་ཡོས་དང་། ནས་དང་ཞོ་དང་། འོ་མ་དང་། ཙནྡན་དང་། མེ་ཏོག་དང་། ཀུ་ཤའི་རྩེ་མོ་དང་། དཱུར་བའི་རྩེ་མོས་སྔོན་བཞིན་དུ་ཉུག་པར་བྱའོ། །ཨོཾ་བཱ་ཀཱགྣ་ཡེ་སྭཱ་ཧཱ། སྔགས་འདིས་དམར་གསུམ་དང་བསྲེས་པའི་ཏིལ་གྱིས་སྦྱིན་སྲེག་སྟོང་ཕྲག་གཅིག་
བྱའོ། །པཎྜི་ཏ་ཆེན་པོ་རིགས་ཀྱི་སྦྱིན་པ་ཞེས་བྱ་བས་མཛད་པའི་བྱ་བ་བསྡུས་པ་ལས་རབ་ཏུ་བྱེད་པ་དང་པོའོ།།      །།ལྷ་ཡི་རྣལ་འབྱོར་ལྡན་གྱུར་པས། །ས་ནི་མཆོད་པའི་ཆོ་ག་ཡིས། །ལྷ་ནི་སྟེང་དུ་བཏེག་བྱས་ནས། །དེ་ནས་ས་ནི་སྦྱང་བར་བྱ། །དེ་ལ་སློབ་དཔོན་
གྱིས་རང་གི་ཡི་དམ་ལྷའི་རྣལ་འབྱོར་དང་ལྡན་པས་ཉི་མ་ནུབ་པའི་དུས་སུ་གཞོན་ནུ་མ་ཅིག་ཁ་ཤར་དུ་ཕྱོགས་ཏེ་མཆོད་ཅིང་བསྟོད་ནས། ཀྱེ་བཅོམ་ལྡན་འདས་མ་དགེ་བ་དང་མི་དགེ་བ་གསུངས་ཤིག་ཅེས་བྱའོ། །ཨ་ཀ་པ་ཏ་ཙ་ས་ཧ་བ་ཛ་རྣམས་ལས་ཚིག་གི་དང་པོ་ལ་སྨྲ་བ་
དེ་བརྫུན་པར་སྨྲ་བར་མི་འགྱུར་བར་རྗེས་སུ་དཔག་པར་བྱའོ། །དེ་ལ་ས་གཞི་རེའུ་མིག་དགུར་བྱས་ལ་ཇི་ལྟར་དེའི་ལན་ཨ་ཡིག་དང་པོར་གྱུར་ན་དེའི་ངེས་པས་ཤར་ཕྱོགས་སུ་རྐང་པས་ལྷག་པའི་ཁྲུ་གང་གི་འོག་ན་བྲམ་ཟེ་རྣམས་ཀྱི་རུས་པའོ། །དེ་མ་བཏོན་པའི་ཉེས་པ་ནི་རིགས་
དང་ཆུང་མ་འཆི་བ་དང་མེའི་འཇིགས་པའོ། །ཚིག་གི་ལན་ལ་ཀ་དང་པོར་གྱུར་ན་མེར་རྒྱལ་རིགས་ཀྱི་རུས་པའི་སེལ་ཏེ། རྐང་པ་གཉིས་ཀྱི་ལྷག་པའི་ཁྲུ་གང་གི་འོག་ཏུའོ། །གལ་ཏེ་དེ་མ་བཏོན་ན་དེས་ནད་སྣ་ཚོགས་དང་། མེའི་འཇིགས་པ་དང་། ནོར་ཉམས་པ་དང་། 
རྒྱལ་པོས་འཚིར་བ་སྟེར་བར་བྱེད་པར་འགྱུར་རོ། །ཚིག་གི་ལན་ལ་པ་དང་པོར་གྱུར་ན་ལྷོ་ཕྱོགས་ན་རྐང་པས་དམན་པའི་ཁྲུ་དོའི་འོག་ན་རྗེའུ་རིགས་ཀྱི་རུས་པའོ། །དེ་མ་བཏོན་ན་ཕྱི་དང་ནང་གི་ཚ་བ་དང་ནོར་ཉམས་པར་འགྱུར་རོ། །ཚིག་གི་ལན་ལ་ཏ་དང་པོར་གྱུར་ན་སྲིན་པོའི་

62-1-232b

ཕྱོགས་ན་དམངས་རིགས་ཀྱི་རུས་པ་སྟེ་ཁྲུ་དོའི་འོག་ནའོ། །གལ་ཏེ་དེ་མ་བཏོན་ན་དེས་སྣ་ཚོགས་པའི་ནད་དང་། འཚིར་བ་དང་སྲེག་པའི་འཇིགས་པ་དང་། ཁྱིམ་བདག་འཆི་བར་འགྱུར་རོ། །ཚིག་གི་ལན་ལ་ཙ་དང་པོར་གྱུར་ན་ཆུ་བདག་གི་ཕྱོགས་ན་བྲམ་ཟེའི་རུས་པ་སྟེ་རྐང་པས་
ལྷག་པའི་ཁྲུ་དོའི་འོག་ནའོ། །གལ་ཏེ་དེ་མ་བཏོན་ན་ཁྱིམ་མེས་ཚིག་པར་འགྱུར་རོ། །ཚིག་གི་ལན་ལ་ས་དང་པོར་གྱུར་ན་རླུང་གི་ཕྱོགས་ན་ས་བདག་གི་རིགས་ཀྱི་རུས་པ་སྟེ་ཕྱེད་དང་བཅས་པའི་ཁྲུ་དོའི་འོག་ཏུའོ། །དེ་མ་བཏོན་ན་མྱ་ངན་དང་། བུད་མེད་ལོག་པར་སྤྱོད་པར་
འགྱུར་རོ། །ཚིག་གི་ལན་ལ་ཧ་དང་པོར་གྱུར་ན་བྱང་ཕྱོགས་ན་རྐང་པ་གསུམ་ལྷག་པའི་ཁྲུ་དོའི་འོག་ན་རྗེའུ་རིགས་ཀྱི་རུས་པའི་སེལ་ལོ། །དེ་མ་བཏོན་ན་མི་དང་མི་མོ་ཚེ་ཐུང་བར་འགྱུར་རོ། །ཚིག་གི་ལན་ལ་བ་དང་པོར་གྱུར་ན་ཁྲུ་གསུམ་གྱི་འོག་ན་དམངས་
རིགས་ཀྱི་རུས་པའོ། །ཡང་ན་ཞུམ་བུའི་རུས་པའམ་ལྕགས་སམ་སོལ་བའོ། །དེ་མ་བཏོན་པར་གྱུར་ན་རིགས་དང་ནོར་ཉམས་པར་འགྱུར་རོ། །ཚིག་གི་ལན་ལ་ཛ་དང་པོར་གྱུར་ན་དེའི་དབུས་ན་གཉིས་སྐྱེས་ཀྱི་རུས་པའོ། །དེ་མ་བཏོན་ན་རྒྱལ་པོས་འཚིར་བ་དང་དེའི་ཆད་པ་
དང་ནོར་ཟད་པའི་ཉེས་པ་རྣམས་སྐྱེ་བར་འགྱུར་རོ། །དེའི་ཕྱིར་ཐམས་ཅད་དུ་ཉེས་པ་དཔག་ཏུ་མེད་པ་བྱེད་པར་འགྱུར་བའི་ཕྱིར་རུས་པ་རྣམས་གདོན་པར་བྱའོ། །དེ་ནས་གཞོན་ནུ་མའི་མདུན་དུ་མཆོད་པ་བྱས་ནས་ཡུངས་ཀར་དང་ནིམ་པའི་ལོ་མ་ལ་སོགས་པ་ཆང་པ་གཡས་པས་
གཟུང་སྟེ་གཡས་ཕྱོགས་སུ་བསྐོར་ཞིང་ཆང་པ་གཡོན་པས་གཟུང་ཞིང་གཡོན་ཕྱོགས་སུ་བསྐོར་ནས་མེ་ལ་ལན་གསུམ་དུ་འཕང་བར་བྱའོ། །ཞལ་བསིལ་གྱི་ཆུ་ཡང་འཕང་བར་བྱ་སྟེ་སྔགས་འདི་དག་གིས་སོ། །ཨོཾ་སརྦ་པཱ་པཾ་ད་ཧ་ན་བཛྲ་སརྦ་པཱ་པཾ་ད་ཧ་སྭཱཧཱ། དེའི་རྗེས་སུ་ཨརྐའི་
བལ་གྱི་སྡོང་བུ་སྦྱར་ཏེ། ཛྱོ་ཏི་ཤ་མ་ཏིའི་མར་ཁུའམ། ཏིལ་ནག་པོའི་མར་མེ་རབ་ཏུ་སྦྱར་ཏེ་རུས་པ་ཡོངས་སུ་བརྟག་པར་བྱའོ། །དེ་ལ་ཕྱོགས་གང་དུ་མར་མེའི་རྩེ་མོ་རྒྱུག་པ་དེ་ལ་ངེས་པར་རུས་པ་ཡོད་པར་རིག་པར་བྱའོ། །ཡང་གང་དུ་རུས་པ་ཡོད་པ་དེར་མར་མེ་རྡུལ་གྱིས་ཉེ་

62-1-233a

བར་འཐིབས་པར་འགྱུར་རོ། །དེ་ནས་གཏོར་མ་དང་མཆོད་པ་ལ་སོགས་པ་བྱས་ནས་མེ་ཏོག་གིས་བརྒྱན་ཅིང་འབྲས་ཡོས་ཀྱིས་མཆོད་ནས་གདུག་པ་ཅན་གྱིས་ཉེ་བར་བསྒྱུར་བ་རབ་ཏུ་ཞི་བར་བྱ་བའི་ཕྱིར་ལངས་ནས་མེའི་ཕྱོགས་ནས་རླུང་གི་ཕྱོགས་སུ་སློབ་དཔོན་ཞལ་
མངོན་པར་ཕྱོགས་ཏེ་སེང་ལྡེང་གི་ཤིང་གིས་མེ་རབ་ཏུ་སྦར་ནས་མེ་རབ་ཏུ་འབར་བའི་དབུས་སུ་ཁྲག་དང་ཐལ་བས་བྱུགས་པའི་གོས་འཛིན་པ་ཚངས་སྐུད་དང་ལྡན་པ་རི་དྭགས་རླུང་ལ་ཞོན་པ་མགྲིན་པ་རིང་བ་མགོ་རལ་པའི་ཐོར་ཚུགས་བཅིངས་པ་མིག་གསུམ་པ་གཡོ་བའི་བདག་ཉིད་ཅན་
རཾ་ཡིག་ལས་སྐྱེས་པའི་དབྱུ་གུ་རྩེ་གསུམ་དང་། བགྲང་ཕྲེང་དང་། བ་དན་དང་། སྤྱི་བླུགས་ཀྱིས་མཚན་པའི་ལག་པ་བཞི་དང་ལྡན་པ་ནག་པོ་དང་། དམར་མོ་འདྲེས་མ་ཐལ་བའི་རྡུལ་གྱིས་ལུས་ལ་གོས་པ་དྲག་པོ་རླུང་གི་མེ་ལྷ་བསྒོམ་པར་བྱའོ། །ཡེ་ཤེས་ཀྱི་མེ་ལ་སོགས་
པའང་སྤྱན་དྲང་བར་བྱའོ། །ཡུངས་འབྲུ་ལྔ་དང་། གནྡྷ་མུ་ཏ་དང་། སྤང་སྤོས་དང་། རྨ་བྱའི་གཙུག་ཕུད་རྣམས་ཚ་བའི་མར་ཁུ་དང་བསྲེས་ཏེ་གཞན་ཏིལ་ལ་སོགས་པའི་སྲེས་རྫས་ཀྱིས་སྦྱིན་སྲེག་བྱའོ། །ཨོཾ་མ་རུ་ཏ་ཨགྣ་ཡེ་སྭཱ་ཧཱ། སྔགས་འདིས་གདུག་པ་ཅན་
སྐྲོད་པའི་སྦྱིན་སྲེག་བྱའོ། །དེའི་རྗེས་སུ་ལངས་ཏེ་ཉལ་བར་བྱའོ། །དེ་ནས་སློབ་དཔོན་དགེ་བའི་ཉི་མ་གཉིས་པ་ལ་རང་གི་ཡི་དམ་ལྷའི་རྣལ་འབྱོར་བྱས་ནས་གཙུག་ལག་ཁང་ལ་སོགས་པའི་ས་གཞི་ལ་ཞིང་སྐྱོང་ལ་སོགས་པ་རྣམས་ལ་གཏོར་མ་དང་ཉེར་སྤྱོད་ལ་སོགས་པ་ཕུལ་ནས་
ཞུ་བར་བྱའོ། །སྐྱོབ་པ་སངས་རྒྱས་ཐམས་ཅད་ཀྱི། །སྤྱོད་པའི་ཚུལ་དང་ཁྱད་པར་གྱི། །ས་དང་ཕ་རོལ་ཕྱིན་རྣམས་ལ། །ལྷ་མོ་ཁྱོད་ནི་དཔང་དུ་འགྱུར། །སྐྱོབ་པ་ཤཱཀྱ་སེང་གེ་ཡིས། །ཇི་ལྟར་བདུད་ཀྱི་དཔུང་བཅོམ་པ། །དེ་ལྟར་བདག་གིས་བདུད་ཀྱི་དཔུང་། །བཅོམ་ནས་
གཙུག་ལག་ཁང་སོགས་བགྱི། །ཞེས་པ་ལན་གསུམ་བརྗོད་པར་བྱའོ། །སའི་ལྷ་མོ་ལ་གསོལ་བ་བཏབ་ནས་ས་སྦྱང་བའི་ཕྱིར་སེལ་ཡོངས་སུ་བརྟག་པར་བྱའོ། །དེ་ལ་ཇི་ལྟར་ལུས་ཀྱི་གནས་ལ་སེལ་ཡོད་ན་སྐྱེས་བུ་རྣམས་ཀྱི་ཟུག་རྔུར་བྱེད་པ་དེ་བཞིན་དུ་ཁང་ས་གང་ཞིག་ལ་

62-1-233b

སེལ་ཡོད་ན། དེ་ལ་གནས་པའི་སྐྱེས་བུ་རྣམས་ལ་མི་འདོད་པའི་འབྲས་བུ་སྟེར་བར་འགྱུར་རོ། །ཁྱིམ་གང་ལ་སེལ་ཡོད་པ་དེར་ལྷ་དང་གཉིས་སྐྱེས་གནས་ཀྱང་མཆོད་པར་མི་འགྱུར་རོ། །བྲམ་ཟེ་དང་རྒྱལ་རིགས་དང་རྗེའུ་རིགས་དང་། དམངས་རིགས་རྣམས་ཀྱང་འདོད་པ་ཆེ་བ་
དང་། ཆོས་ལ་སྨོད་པ་དང་། སྡིག་པ་སྤྱོད་པ་དང་། བཀྲ་ཤིས་དང་། སྦྱིན་སྲེག་དང་། བཟླས་པའི་བྱ་བ་རྣམས་སྤང་བ་དང་། ཕ་དང་མ་དང་བླ་མ་ཡང་སུན་འབྱིན་པ་དང་། དབུལ་པོ་དང་། ནད་ཀྱིས་མནར་བ་དང་། སྡིག་པའི་གྲོགས་པོ་རྣམས་མང་པོར་འགྱུར་རོ། །
གཞན་ཡང་བ་ལང་གི་མགོའི་རུས་པས་ནི་ཕྱུགས་དང་ནོར་ཉམས་པར་འགྱུར་རོ། །རྟའི་མགོ་བོས་ནི་ཁྱིམ་བདག་ནོར་དང་ལྡན་ཞིང་མཚོན་ཆས་འཚོ་བར་འགྱུར་རོ། །བ་ལང་གི་རུས་པ་སྤྱི་རྣམས་ཀྱིས་སྡུག་བསྔལ་གྱི་རྣམ་པ་རྣམས་ཉེ་བར་སྐྱེད་པར་བྱེད་དོ། །མིའི་རྐེད་པའི་རུས་
པས་ནི་རིགས་ཉམས་པར་བྱེད་དོ། །མི་རུས་སྤྱི་རྣམས་ཀྱིས་ནི་བདག་པོ་ཉམས་པ་དང་། ནོར་ཉམས་པ་དང་། གསོད་པ་དང་། འཆིང་བ་དང་། བུད་མེད་འཕྱོ་བ་དང་། ཚངས་སྤྱོད་འཇོམས་པ་ལ་སོགས་པའི་ཉེས་པ་རྣམས་སུ་འགྱུར་རོ། །བུང་བུ་དང་བུང་བུའི་རུས་པ་རྣམས་
ཀྱིས་ནི་བདག་པོ་འཇིགས་པ་དང་། ཉེ་བར་སྐྲོད་པར་ཡང་འགྱུར་རོ། །ཁྱིམ་བྱའི་རུས་པས་ནི་སྡུག་བསྔལ་བར་བྱེད་དོ། །གླང་པོ་ཆེའི་རུས་པས་ནི་བུད་མེད་རྣམས་ངན་དུ་སྤྱོད་པར་འགྱུར་རོ། །ལུག་གི་རུས་པས་ནི་ནོར་མེད་པ་དང་བློ་གྲོས་དམན་པར་ཡང་འགྱུར་རོ། །མྱུར་
འགྲོའི་རུས་པས་ནི་བ་ལང་གི་རིགས་ཉམས་པར་འགྱུར་རོ། །རའི་རུས་པ་རྣམས་ཀྱིས་ཀྱང་ངོ་། །རི་དྭགས་དང་གཟིག་དང་། ཅེ་སྤྱང་གི་རུས་པ་རྣམས་ཀྱིས་ནི་ཁྱིམ་བདག་ཕ་རོལ་གྱིས་ཉེ་བར་འཚེ་བར་འགྱུར་རོ། །སྟག་གི་རུས་པས་ནི་འཚེ་བ་དང་དགྲའི་འཇིགས་པར་བཤད་
དོ། །ཕུབ་མས་ནི་འབྲུ་རྣམས་ཉམས་པར་བྱེད་དོ། །རྡུལ་གྱིས་ནི་གཞན་དུ་འཁྱམས་པར་བྱེད་དོ། །ཐལ་བ་དང་སོལ་བ་དག་གིས་ནི་སྲེག་པའི་ཉེས་པའོ། །ཕག་གི་རུས་པས་ནི་ནད་དུ་བྱེད་དོ། །ར་གན་གྱིས་ནོར་ཉམས་པར་བྱེད་དོ། །ཟངས་མས་ཀྱང་ངོ་། །རི་དྭགས་དང་བྱ་

62-1-234a

དང་སྲིན་པོའི་རུས་པ་རྣམས་ཀྱིས་འཆིའོ། །བྱི་བའི་ཐོད་པས་ནོར་དང་འབྲུ་རྣམ་པར་ཉམས་པར་བྱེད་དོ། །སྤྲེ་མོ་དང་གཡི་དག་གི་རུས་པས་གཉེན་རྣམས་དང་འཁོན་པར་བྱེད་དོ། །སྦྲུལ་གྱི་རུས་པས་སྟོབས་དང་ཕུན་སུམ་ཚོགས་པ་ཉམས་པར་འགྱུར་རོ། །ལུག་
གི་རུས་པས་ཚེ་ཐུང་བའོ། །ལྕགས་ཀྱིས་མིག་ནད་དོ། །རྡོ་ཡིས་འཇིགས་པ་དང་སེམས་གཡེང་བར་བྱེད་དོ། །རྩྭ་སྐམ་པོས་ནད་དོ། །ལོ་མ་སྐམ་པོས་གཞན་གྱི་བྲན་དུ་འགྱུར་རོ། །སྐྲ་ཡིས་སྡུག་པའོ། །མིའི་ཐོད་པས་ནི་བུ་དང་གཉེན་རྣམས་དང་བྲལ་བར་བྱེད་དོ། །ཤིང་
སྐམ་པོས་དབུལ་པོར་འགྱུར་རོ། །སོའི་རུས་པས་བཞོན་པ་ཉམས་པར་བྱེད་དོ། །ཞུམ་བུའི་བྱང་ཁོག་གིས་བུ་དང་བུད་མེད་དང་འབྲལ་བར་བྱེད་དོ། །མགྲིན་པའི་རུས་པས་འཆི་བར་བྱེད་དོ། །ལྕགས་སྒྲོག་གིས་ཆུང་མ་དང་ལྷན་ཅིག་པ་དང་འབྲལ་བར་བྱེད་དོ། །མིའི་
ཐལ་གོང་གི་རུས་པས་ནད་མང་པོ་སྟེར་བར་བྱེད་དོ། །སོག་པས་ནོར་ཉམས་པར་བྱེད་དོ། །དཔུང་པས་ཕ་རོལ་གྱིས་བརྙས་པར་བྱེད་དོ། །རྫའི་སྣོད་ཆག་པོས་བུ་དང་བྲལ་བར་བྱེད་དོ། །ཁྲའི་རྐང་པས་ནོར་དང་བུད་མེད་ཉམས་པར་བྱེད་དོ། །གྱོ་དུམ་གྱིས་སྡུག་
བསྔལ་དང་མིག་ནད་དུ་ཡང་འགྱུར་རོ། །དུད་འགྲོའི་རུས་པས་མྱ་ངན་སྟེར་རོ། །ཕྱུགས་ཀྱི་རུས་པས་ལྟོགས་པ་དང་སྐོམ་པ་སྟེར་རོ། །ཀཱ་ཤེ་རུ་ཀའི་རུས་པས་ཕག་དང་མི་དག་ཞེ་སྡང་དང་ནད་དུ་ཡང་བྱེད་དོ། །ཞ་ཉེས་ནི་རྐེད་ནད་དོ། །ལྕགས་གསུམ་གྱི་སེལ་གྱིས་
དགའ་བ་ཉམས་པར་བྱེད་དོ། །བརླའི་རུས་པས་བུད་མེད་ངན་དུ་སྤྱོད་པར་འགྱུར་རོ། །བྱིན་པའི་རུས་པས་འཆི་བ་སྟེར་རོ། །རུས་པ་ཚིག་པོས་འཆིང་བར་བྱེད་དོ། །འདྲེག་མཁན་གྱི་སྣོད་ཀྱིས་ཕ་རོལ་གྱིས་འཚེ་ཞིང་སྡུག་བསྔལ་དང་དབུལ་པོར་འགྱུར་རོ། །རྟ་རྨིག་གིས་
རིང་དུ་འཁྱམས་པ་དང་། ཉམས་པ་དང་། ཉོན་མོངས་པས་འཚེ་བར་འགྱུར་རོ། །ཚེར་མས་རིང་དུ་འཁྱམས་པའོ། །ཤལ་མ་ལིས་འཆིང་བར་བྱེད་དོ། །སོར་གདུབ་དང་རྨ་བྱ་བྲིས་པས་མྱ་ངན་དང་འདོད་པ་ཉམས་པ་རབ་ཏུ་སྟེར་རོ། །འཁར་བས་ནི་ནོར་ཉམས་པར་བྱེད་དོ། །

62-1-234b

ལྷང་ཚེར་དང་ལྷམ་གྱིས་ངན་པ་རབ་ཏུ་སྟེར་རོ། །རྩ་བའི་རུས་པས་ནོར་ཉམས་པར་བྱེད་དོ། །ཏ་ལུ་ཀའི་རུས་པས་སེམས་རྨོངས་པར་བྱེད་དོ། །ཕྲག་པ་དང་འགྲམ་པའི་རུས་པས་འཆི་བ་དང་ནོར་ཉམས་པའོ། །མ་ཧེའི་རུས་པས་བུ་མོ་སྐྱེ་བར་བྱེད་དོ། །སྤྲེའུའི་རུས་པས་དོན་ཉམས་
པའོ། །རྔ་མོའི་རུས་པ་རྣམས་ཀྱིས་སྦྱིན་བདག་འཆིའོ། །འཆད་པར་འགྱུར་བའི་དབང་ཕྱུག་དང་། གཙུག་ཏོར་འཁོར་ལོས་སྒྱུར་བ་དང་། བརྒྱ་བྱིན་དང་། རྡོ་རྗེ་འཇིགས་པ་དང་། ཕུར་བུ་དང་། རྣམ་ཐོས་སྲས་དང་། བདུད་རྩི་འོད་དང་། ཟླ་འོད་དང་། རྡོ་རྗེ་རྒྱས་པ་
དང་། བཟང་སྐྱོང་དང་། རྡོ་རྗེ་རྣོན་པོ་དང་། རྡོ་རྗེ་སྲུང་བ་དང་། རྡོ་རྗེ་རྒྱུ་རྣམས་ཀྱི་རེ་མིག་བཅུ་གསུམ་པོ་རྣམས་ལ་སེལ་གནས་ན་རིགས་མི་འཕེལ་བ་དང་བུ་མེད་པའི་ཉེས་པ་སྟེར་བར་འགྱུར་རོ། །ལྷ་མ་ཡིན་དང་རྡོ་རྗེ་ལས་དང་རྡོ་རྗེ་མེ་དང་། ཉི་འོད་འབར་བ་དང་། རྡོ་རྗེ་དྲི་དང་། 
བྱམས་པ་དང་། སྤོས་ཀྱི་གླང་པོ་དང་། ཀུན་དུ་བཟང་པོ་དང་། རྡོ་རྗེ་རིན་ཆེན་དང་། རྡོ་རྗེ་སེམས་དཔའ་རྣམས་ཀྱི་རེ་མིག་དགུ་ལ་སེལ་ཡོད་ན་བུད་མེད་འཆི་བར་འགྱུར་རོ། །ད་ནི་དགེ་བའི་མཚན་རྣམས་བཤད་པར་བྱ་སྟེ། དེ་ལ་སྦལ་པའི་རུས་པས་ཆོས་དང་ནོར་སྟེར་བར་བྱེད་
དོ། །གསེར་གྱིས་ནོར་དང་བུ་སྟེར་བར་བྱེད་དོ། །འབྲུ་ཡིས་བདེ་བ་འབབ་པར་བྱེད་དོ། །ཉ་ཕྱིས་ཀྱིས་བདེ་བ་དང་ཞི་བ་སྟེར་བར་བྱེད་དོ། །རུས་སྦལ་གྱི་རུས་པས་ནི་རིག་པ་ཐོབ་པ་དང་རྒྱས་པར་བྱེད་དོ། །དུང་གིས་འདོད་པ་དང་ཡོ་བྱད་རབ་ཏུ་སྟེར་རོ། །བ་ལང་གི་རོས་ནོར་དང་འབྲུ་
སྟེར་རོ། །མུ་ཏིག་གི་འབྲས་བུས་དཔལ་སྟེར་རོ། །བྱི་རུས་ནད་མེད་པར་བྱེད་དོ། །དངུལ་གྱིས་ཞི་བར་བྱེད་དོ། །རུས་སྦལ་དང་སྦལ་པ་གསོན་མའམ་མི་གསོན་པ་ཡང་རུང་སྟེ། དགེ་བ་རབ་ཏུ་སྟེར་རོ། །དབང་པོ་དང་མེ་དང་། གཤིན་རྗེ་དང་། མཚན་མོ་སྤྱོད་པ་དང་། ཆུ་བདག་
དང་། རླུང་གི་ཕྱོགས་རྣམས་སུ་གནས་པའི་ཁྲོན་པས་ནི་གོ་རིམས་བཞིན་དུ་མེ་ཡིས་འཇིགས་པ་དང་། དགྲ་ཡིས་འཇིགས་པ་དང་། འཐབ་མོ་དང་། བུ་འཆི་བ་དང་། བུད་མེད་གཡེམ་པ་དང་། བུད་མེད་འཆི་བར་བྱེད་དོ། །བྱང་ཕྱོགས་ན་གནས་པའི་ཁྲོན་པས་ནི་རྒྱས་

62-1-235a

པར་བྱེད་དོ། །དབང་ལྡན་ན་ཡོད་པོས་ཞི་བར་བྱེད་དོ། །གཙང་པོས་འཁོར་བའམ་ཕྱོགས་གཉིས་ན་གཙང་པོ་ཡོད་པའི་ས་དེ་དགེ་བར་བྱེད་དོ། །གཤིན་རྗེའི་ཕྱོགས་ན་གཙང་བ་ཡོད་ན་མི་དགེ་བར་བྱེད་དོ། །ལྷོ་དང་ནུབ་ན་ནགས་དང་རི་དྭགས་གནས་པས་དགེ་བར་
བྱེད་དོ། །ས་གཞི་གང་ཞིག་ཚ་བའི་དུས་ན་བསིལ་བ་གྲང་བའི་དུས་སུ་དྲོ་བ་དང་། དབྱར་གྱི་དུས་སུ་སྙོམས་པ་དེས་རིགས་བཞི་པོ་རྣམས་དགེ་བར་བྱེད་པར་འགྱུར་རོ། །དེ་བཞིན་དུ་ལེགས་པར་ཡོངས་སུ་བརྟགས་ནས་ཁང་པའི་དབུས་སུ་སའི་ལྷ་མོ་རྣམ་པར་བསྒོམས་ཏེ་མཆོད་པ་
ལ་སོགས་པ་བྱས་ནས་སླར་ཞུ་བར་བྱ་སྟེ། རྣམ་པ་ཀུན་དུ་ཁྱོད་ཕྱག་འཚལ། །ཀྱེ་ཧོ་ལྷ་མོས་རབ་ཏུ་སྩོལ། །དཀོན་མཆོག་གསུམ་གྱི་བཞུགས་གནས་ཕྱིར། །གཙུག་ལག་ཁང་ནི་བཞེངས་པར་བྱ། །ཨོཾ་ཧཱུྃ་ཛཾ་ཛཾ་སྭཱ་ཧཱ། ཞེས་པ་ནི་ས་བླང་བའི་སྔགས་སོ། །དེ་ནས་མཆོད་པ་
ལ་སོགས་པ་ཕུལ་ནས། ཡང་དག་པར་མཆོད་དེ་སའི་ལྷ་མོ་ཡིད་ཀྱིས་བཏེག་སྟེ་ནམ་མཁའ་ལ་དགོད་པར་བྱའོ། །དེ་ལ་རེ་མིག་བརྒྱད་ཅུ་རྩ་གཅིག་གི་ལྷ་རྣམས་མཆོད་པའི་ཕྱིར་ཕྱོགས་བཞིའི་ཕྱོགས་རྣམས་སུ་རྩ་བཞི་བཅུའི་རང་བཞིན་གྱི་ལྷ་མོ་བཞི་བཅུ་རྣམས་བསྒོམ་པར་བྱའོ། །
དེ་རྣམས་ལ་དང་པོར་མཆོད་པར་བྱའོ། །དེ་ལ་ཤར་ཕྱོགས་ཀྱི་ཕྱི་རོལ་ཏུ་དང་པོ་དབང་ལྡན་ནས་གོ་རིམས་ཇི་ལྟ་བ་བཞིན་དུ་རྩ་བཅུ་སྟེ། རབ་ཏུ་དགའ་བ་དང་། དྲི་མ་མེད་པ་དང་། འོད་བྱེད་པ་དང་། འོད་འཕྲོ་བ་དང་། སྦྱང་དཀའ་བ་དང་། མངོན་དུ་གྱུར་པ་དང་། རིང་དུ་གྱུར་
པ་དང་། མི་གཡོ་བ་དང་། ལེགས་པའི་བློ་གྲོས་དང་། ཆོས་ཀྱི་སྤྲིན་ཞེས་པ་རྣམས་ནི་ཞལ་ནུབ་ཏུ་མངོན་པར་ཕྱོགས་པའོ། །དེ་བཞིན་དུ་ལྷོ་ཕྱོགས་ཀྱི་ཕྱི་རོལ་དུ་དང་པོ་མེ་ནས་གོ་རིམས་ཇི་ལྟ་བ་བཞིན་དུ་རྩ་བཅུ་སྟེ། སྦྱིན་པ་དང་། ཚུལ་ཁྲིམས་དང་། བཟོད་པ་དང་། བརྩོན་
འགྲུས་དང་། བསམ་གཏན་དང་། ཤེས་རབ་དང་། ཐབས་དང་། སྨོན་ལམ་དང་། སྟོབས་དང་། ཡེ་ཤེས་ཀྱི་ཕ་རོལ་ཏུ་ཕྱིན་པའི་རང་བཞིན་རྣམས་ཞལ་བྱང་དུ་མངོན་པར་ཕྱོགས་པའོ། །དེ་བཞིན་དུ་ཡང་ནུབ་ཕྱོགས་ཀྱི་ཕྱི་རོལ་དུ་དང་པོ་བདེན་བྲལ་ནས་གོ་རིམས་ཇི་ལྟ་བ་

62-1-235b

བཞིན་དུ་རྩ་བཅུ་སྟེ། ཚེ་དང་། སེམས་དང་། ཡོ་བྱད་དང་། ལས་དང་། སྐྱེ་བ་དང་། རྫུ་འཕྲུལ་དང་། མོས་པ་དང་། སྨོན་ལམ་དང་། ཡེ་ཤེས་དང་། ཆོས་རྣམས་ལ་དབང་བའི་རང་བཞིན་ཏེ། དེ་བཞིན་དུ་ཤར་དུ་ཕྱོགས་ནས་བཞུགས་པའོ། །དེ་བཞིན་དུ་བྱང་ཕྱོགས་
ཀྱི་ཕྱི་རོལ་དུ་དང་པོ་རླུང་ནས་གོ་རིམས་ཇི་ལྟ་བ་བཞིན་དུ་རྩ་བཅུ་སྟེ། ནོར་རྒྱུན་མ་དང་། རིན་ཆེན་སྣང་མ་དང་། གཙུག་ཏོར་རྣམ་པར་རྒྱལ་མ་དང་། འོད་ཟེར་ཅན་དང་། རི་ཁྲོད་ལོ་མ་ཅན་དང་། སྒོ་མཐའ་ཡས་མ་དང་། ཛཱཾ་གུ་ལི་དང་། ཙུན་ད་དང་། ཤེས་རབ་སྤེལ་མ་
དང་། སངས་རྒྱས་ཀུན་གྱི་མཛོད་ལྡན་མ་རྣམས་ཏེ་གཟུངས་མ་བཅུའི་རང་བཞིན་རྣམས་ནི་ཞལ་ལྷོར་མངོན་པར་ཕྱོགས་པའོ། །དེ་ལ་རབ་ཏུ་དགའ་བ་ལ་ཕྱོགས་པ་བཅུ་ནི་དམར་པོ་དང་། དཀར་པོ་དང་། དམར་སྐྱ་དང་། ནག་པོ་དང་། སེར་པོ་དང་། གསེར་དང་། 
ནམ་མཁའ་དང་། སྐྱ་བོ་དང་། དཀར་པོ་དང་། སེར་པོའི་ཁ་དོག་རྣམས་སོ། །ཕྱག་གཉིས་པ་སྟེ། ཕྱག་གཡས་པ་རྣམས་ན་རྡོ་རྗེ་འཛིན་པའོ། །གཡོན་པ་རྣམས་ན་ཡིད་བཞིན་གྱི་ནོར་བུ་དང་། པདྨ་དཀར་པོ་དང་། སྣ་ཚོགས་པདྨའི་སྟེང་ན་ཉི་མ་དང་། ཨུཏྤལ་སྔོན་པོ་
དང་། མརྒད་དང་། པདྨ་ལ་གནས་པའི་ཤེས་རབ་ཀྱི་ཕ་རོལ་ཏུ་ཕྱིན་པའི་པུསྟི་དང་སྣ་ཚོགས་པདྨ་ལ་གནས་པའི་སྣ་ཚོགས་རྡོ་རྗེ་དང་། པདྨའི་སྟེང་དུ་ཟླ་བ་ལ་གནས་པའི་རྡོ་རྗེ་དམར་པོ་དང་། རལ་གྲིས་མཚན་པའི་ཨུཏྤ་ལ་དང་། ཤེས་རབ་ཀྱི་ཕ་རོལ་ཏུ་ཕྱིན་པའི་པུསྟི་
རྣམས་འཛིན་པའོ། །སྦྱིན་པ་ལ་སོགས་པ་རྣམས་ནི་དཀར་པོ་དང་། སེར་པོ་དང་། སྔོན་པོ་དང་། སེར་པོ་དང་། སྐྱ་བོ་དང་། ནག་པོ་དང་། དམར་པོ་དང་། དཀར་པོའི་ཁ་དོག་རྣམས་སོ། །ཕྱག་གཉིས་ཏེ་ཕྱག་གཡས་པ་རྣམས་ནི་ཡིད་བཞིན་གྱི་ནོར་བུ་འཛིན་པ་རྣམས་
སོ། །གཡོན་ན་འབྲས་ཀྱི་སྙེ་མ་འཛིན་པ་དང་། ཨ་ཤོ་ཀའི་ལོ་མ་དང་པདྨ་དཀར་པོ་དང་། ཨུཏྤལ་སྔོན་པོ་དང་། པདྨ་དཀར་པོ་དང་། པདྨ་ལ་གནས་པའི་ཤེས་རབ་ཀྱི་ཕ་རོལ་ཏུ་ཕྱིན་པའི་པུསྟི་དང་ཆོས་ཀྱི་འཁོར་ལོའི་ཕྱག་རྒྱ་དང་། པདྨ་སེར་པོ་ལ་གནས་པའི་རྡོ་རྗེ་དང་། 

62-1-236a

ཨུཏྤ་ལ་སྔོན་པོ་ལ་གནས་པའི་རལ་གྲི་དང་། ཤེས་རབ་ཀྱི་ཕ་རོལ་ཏུ་ཕྱིན་པའི་པུསྟི་དང་། རིན་པོ་ཆེའི་རྒྱན་གྱིས་བརྒྱན་པའི་བྱང་ཆུབ་ཀྱི་ཤིང་རྣམས་འཛིན་པའོ། །ཚེ་ལ་དབང་བ་ལ་སོགས་པ་རྣམས་ནི་དམར་པོ་དང་། དཀར་པོ་དང་། སེར་པོ་དང་། 
ལྗང་གུ་དང་། སྣ་ཚོགས་པའི་མདོག་དང་། ནག་པོ་དང་། སྐྱ་བོ་དང་། སེར་པོ་དང་། སྔོན་པོ་དང་། དཀར་པོའི་མདོག་རྣམས་སོ། །ཕྱག་གཉིས་ཏེ་གཡས་པ་རྣམས་ན་པདྨ་འཛིན་པའོ། །གཡོན་པ་ན་པདྨ་རཱ་ག་ལ་གནས་པའི་འོད་དཔག་མེད་ཀྱི་སྐུ་དང་། རྡོ་རྗེ་
དམར་པོ་དང་། ཡིད་བཞིན་གྱི་ནོར་བུའི་རྒྱལ་མཚན་དང་། སྣ་ཚོགས་རྡོ་རྗེ་དང་། ཁ་དོག་སྣ་ཚོགས་པའི་འཁྲི་ཤིང་དང་། པདྨ་ལ་གནས་པའི་ཟླ་བ་དང་ཉི་མ་དང་། པྲི་ཡང་ཀུའི་མེ་ཏོག་གི་སྙེ་མ་དང་། ཨུཏྤ་ལ་དང་། ཨུཏྤ་ལ་སྔོན་པོ་ལ་གནས་པའི་རལ་གྲི་དང་། པདྨ་ལ་
གནས་པའི་བུམ་པ་བཟང་པོ་ཕྱག་ན་བསྣམས་པའོ། །ནོར་རྒྱུན་མ་ལ་སོགས་པ་རྣམས་ནི་སེར་པོ་དང་། དམར་པོ་དང་། དཀར་པོ་དང་། སྐྱ་བོ་དང་། སྔོན་པོ་དང་། དཀར་པོ་དང་། ལྗང་གུ་དང་། དཀར་པོ་དང་། སྐྱ་བོ་དང་། སེར་པོའི་ཁ་དོག་རྣམས་སོ། །ཕྱག་གཉིས་པ་
སྟེ་ཕྱག་གཡས་པ་ན་སྣ་ཚོགས་རྡོ་རྗེ་བསྣམས་པའོ། །གཡོན་པ་རྣམས་ན་འབྲས་ཀྱི་སྙེ་མ་དང་། ཡིད་བཞིན་གྱི་ནོར་བུའི་རྒྱལ་མཚན་དང་། ནོར་བུ་ཆུ་ཤེལ་གྱི་བུམ་པ་དང་། ཁབ་དང་སྐུད་པ་དང་། རྨ་བྱའི་སྒྲོ་དང་། དུག་གི་མེ་ཏོག་གི་སྙེ་མ་དང་། གཏེར་གྱི་བུམ་པ་
ཆེན་པོ་དང་། ཕྲེང་བ་འཕྱང་བའི་སྤྱི་བླུགས་དང་། ཨུཏྤལ་སྔོན་པོ་ལ་གནས་པའི་རལ་གྲི་དང་། པདྨ་ལ་གནས་པའི་རིན་པོ་ཆེ་སྣ་ཚོགས་པའི་སྒྲོམ་འཛིན་པ་རྣམས་སོ། །ལྷ་མོ་བཞི་བཅུ་པོ་ནི་སྣ་ཚོགས་པདྨ་དང་ཟླ་བའི་དཀྱིལ་འཁོར་ལ་སེམས་དཔའི་སྐྱིལ་ཀྲུང་གིས་བཞུགས་
པའོ། །དེ་ནས་མཆོད་པའི་སྔགས་ནི། ཨོཾ་ཨཱཿཔྲ་མུ་དི་ཏཱ་ཡཻ་ན་མཿསྭཱ་ཧཱ། ཨོཾ་བི་མ་ལཱ་ཡཻ་ན་མཿསྭཱ་ཧཱ། ཨོཾ་པྲ་བྷཱ་ཀ་རཱ་ཡཻ་ན་མཿསྭཱ་ཧཱ། ཨོཾ་ཨ་རྩིཥྨ་ཏྱཻ་ན་མཿསྭཱ་ཧཱ། ཨོཾ་སུ་དུརྫ་ཡཱ་ཡཻ་ན་མཿསྭཱ་ཧཱ། ཨོཾ་ཨ་བྷི་མུ་ཁཱ་ཡཻ་ན་མཿསྭཱ་ཧཱ། ཨོཾ་དུ་རཾ་ག་མཱ་ཡཻ་ན་མཿསྭཱ་ཧཱ། ཨོཾ་ཨ་ཙ་ལཱ་ཡཻ་

62-1-236b

ན་མཿསྭཱ་ཧཱ། ཨོཾ་སཱ་དྷུ་མ་ཏྱཻ་ན་མཿསྭཱ་ཧཱ། ཨོཾ་དྷརྨ་མེ་གྷཱ་ཡཻ་ན་མཿསྭཱ་ཧཱ། ཞེས་པས་མཆོད་པར་བྱའོ། །ཨོཾ་དཱ་ན་པཱ་ར་མི་ཏཱ་ཡཻ་ན་མཿསྭཱ་ཧཱ། ཨོཾ་ཤཱི་ལ་པཱ་ར་མི་ཏཱ་ཡཻ་ན་མཿསྭཱ་ཧཱ། ཨོཾ་ཀྵཱནྟི་པཱ་ར་མི་ཏཱ་ཡཻ་ན་མཿསྭཱ་ཧཱ། ཨོཾ་བཱིརྱ་པཱ་ར་མི་ཏཱ་ཡཻ་ན་མཿསྭཱ་ཧཱ། ཨོཾ་དྷྱཱ་ན་པཱ་ར་མི་ཏཱ་ཡཻ་ན་མཿསྭཱ་ཧཱ། 
ཨོཾ་པྲཛྙཱ་པཱ་ར་མི་ཏཱ་ཡཻ་ན་མཿསྭཱ་ཧཱ། ཨོཾ་ཨུ་པ་ཡ་པཱ་ར་མི་ཏཱ་ཡཻ་ན་མཿསྭཱ་ཧཱ། ཨོཾ་བ་ལ་པཱ་ར་མི་ཏཱ་ཡཻ་ནཱ་མཿསྭཱ་ཧཱ། ཨོཾ་པྲ་ཎི་དྷཱ་པཱ་ར་མི་ཏཱ་ཡཻ་ན་མཿསྭཱ་ཧཱ། ཨོཾ་ཛྙཱ་ན་པཱ་ར་མི་ཏཱ་ཡཻ་ན་མཿསྭཱ་ཧཱ། ཨོཾ་ཨཱ་ཡུརྦ་ཤི་ཏཱ་ཡཻ་ན་མཿསྭཱ་ཧཱ། ཨོཾ་ཙིཏྟ་བ་ཤི་ཏཱ་ཡཻ་ན་མཿསྭཱ་ཧཱ། ཨོཾ་པ་རི་སྐུ་ར་བ་ཤི་ཏ་ཡཻ་ན་མཿ
སྭཱ་ཧཱ། ཨོཾ་ཀརྨ་བ་ཤི་ཏཱ་ཡཻ་ན་མཿསྭཱ་ཧཱ། ཨོཾ་ཨུ་པ་པཏྟི་བ་ཤི་ཏཱ་ཡཻ་ན་མཿསྭཱ་ཧཱ། ཨོཾ་ར་དྷི་བ་ཤི་ཏཱ་ཡཻ་ན་མཿསྭཱ་ཧཱ། ཨོཾ་ཨ་དྷི་མུཀྟི་བ་ཤི་ཏཱ་ཡཻ་ན་མཿསྭཱ་ཧཱ། ཨོཾ་པྲ་ཎི་དྷ་ན་བ་ཤི་ཏཱ་ཡཻ་ན་མཿསྭཱ་ཧཱ། ཨོཾ་ཛྙཱ་ན་བ་ཤི་ཏཱ་ཡཻ་ན་མཿསྭཱ་ཧཱ། ཨོཾ་དྷརྨ་བ་ཤི་ཏཱ་ཡཻ་ན་མཿསྭཱ་ཧཱ། ཨོཾ་བ་སུ་མ་ཏྱཻ་ན་མཿསྭཱ་ཧཱ། 
ཨོཾ་རཏྣོ་ལྐཱ་ཡཻ་ན་མཿསྭཱ་ཧཱ། ཨོཾ་ཨུཥྞི་ཥ་བི་ཛ་ཡཱ་ཡཻ་ན་མཿསྭཱ་ཧཱ། ཨོཾ་མཱ་རཱི་ཙྱཻ་ན་མཿསྭཱ་ཧཱ། ཨོཾ་པརྞ་ཤ་བ་རྱཻ་ན་མཿསྭཱ་ཧཱ། ཨོཾ་ཛཱཾ་གུ་ལྱཻ་ན་མཿསྭཱ་ཧཱ། ཨོཾ་ཨ་ནནྟ་མུ་ཁྱཻ་ན་མཿསྭཱ་ཧཱ། ཨོཾ་ཙུནྡཱ་ཡཻ་ན་མཿསྭཱ་ཧཱ། ཨོཾ་པྲཛྙཱ་བརྡྷ་ནྱཻ་ན་མཿསྭཱ་ཧཱ། ཨོཾ་སརྦ་བུདྡྷ་ཀོ་ཥ་བ་ཏྱཻ་ན་མཿསྭཱ་ཧཱ། 
དེའི་རྗེས་སུ་རེ་མིག་བརྒྱད་ཅུ་རྩ་གཅིག་གི་གནས་སུ་རྣམ་པར་སྣང་མཛད་ཆེན་པོ་ལ་སོགས་པའི་ལྷ་རྣམས་བསྒོམ་པར་བྱའོ། །རང་རང་གི་སྔགས་ཀྱིས་དཱུར་བ་དང་། ཀུན་ད་དང་། འབྲས་མ་ཉམས་པ་དང་། འབྲས་ཡོས་དང་། ཀུ་སུམ་བྷ་དང་། འབྲས་བུ་ལ་སོགས་
རྣམས་ཀྱི་མཆོད་པས་མཆོད་པར་བྱའོ། །དབུས་ཀྱི་རེ་མིག་ལ་རྣམ་པར་སྣང་མཛད་ཆེན་པོ་སྐུ་མདོག་དཀར་པོ་ཞལ་བཞི་པ་བྱང་ཆུབ་མཆོག་གི་ཕྱག་རྒྱས་བཞུགས་པའོ། །ཨོཾ་བཛྲ་དྷཱ་ཏ་བེ་ན་མཿསྭཱ་ཧཱ། དེ་ནས་གཉིས་པ་ལ་རེ་མིག་བརྒྱད་དེ། ཤར་ལ་སོགས་
པའི་ཕྱོགས་སུ་སེམས་མ་རྡོ་རྗེ་མ་དང་། རིན་ཆེན་རྡོ་རྗེ་མ་དང་། ཆོས་ཀྱི་རྡོ་རྗེ་མ་དང་། ལས་ཀྱི་རྡོ་རྗེ་མ་རྣམས་སོ། །མེ་ལ་སོགས་པའི་མཚམས་རྣམས་སུ་རྡོ་རྗེ་སྒེག་མོ་དང་། རྡོ་རྗེ་ཕྲེང་བ་མ་དང་། རྡོ་རྗེ་གླུ་མ་དང་། རྡོ་རྗེ་གར་མ་རྣམས་དཀར་པོ་དང་། སེར་པོ་དང་

62-1-237a

དམར་པོ་དང་། ཁ་དོག་སྣ་ཚོགས་པ་རྣམས་སོ། །རྡོ་རྗེ་དང་། རིན་པོ་ཆེ་དང་། པདྨ་དང་། སྣ་ཚོགས་རྡོ་རྗེ་དང་། རིན་པོ་ཆེའི་རྡོ་རྗེ་དང་། རིན་པོ་ཆེའི་ཕྲེང་བ་དང་། པི་ཝང་དང་། གར་བྱེད་པའི་ཚུལ་ལོ། །ཨོཾ་བཛྲ་བཛྲི་ཎཱི་ན་མཿསྭཱ་ཧཱ། ཨོཾ་རཏྣ་བཛྲི་ཎཱི་ན་མཿསྭཱ་ཧཱ། 
ཨོཾ་དྷརྨ་བཛྲི་ཎཱི་ན་མཿསྭཱ་ཧཱ། ཨོཾ་ཀརྨ་བཛྲི་ཎཱི་ན་མཿསྭཱ་ཧཱ། ཨོཾ་བཛྲི་ལཱ་སྱེ་ན་མཿསྭཱ་ཧཱ། ཨོཾ་བཛྲ་མཱ་ལེ་ན་མཿསྭཱ་ཧཱ། ཨོཾ་བཛྲ་གཱི་ཏྱཻ་ན་མཿསྭཱ་ཧཱ། ཨོཾ་བཛྲ་ནྲྀ་ཏྱཻ་ན་མཿསྭཱ་ཧཱ། གསུམ་པའི་རེ་མིག་བཅུ་དྲུག་པོ་རྣམས་ལ་དང་པོ་དབང་ལྡན་ནས་རེ་མིག་བཞི་ལ་རྡོ་རྗེ་སེམས་དཔའ་དང་། རྡོ་རྗེ་རྒྱལ་
པོ་དང་། རྡོ་རྗེ་ཆགས་པ་དང་། རྡོ་རྗེ་ལེགས་པ་རྣམས་སོ། །དང་པོ་མེ་ནས་རེ་མིག་བཞི་ལ་རྡོ་རྗེ་རིན་པོ་ཆེ་དང་། རྡོ་རྗེ་གཟི་བརྗིད་དང་། རྡོ་རྗེ་མེ་ཏོག་དང་། རྡོ་རྗེ་བཞད་པ་རྣམས་སོ། །དང་པོ་བདེན་བྲལ་ནས་རེ་མིག་བཞི་ལ་རྡོ་རྗེ་ཆོས་དང་། རྡོ་རྗེ་རྣོན་པོ་དང་། རྡོ་རྗེ་རྒྱུ་དང་། རྡོ་རྗེ་
གསུང་བ་རྣམས་སོ། །དང་པོ་རླུང་ནས་རེ་མིག་བཞི་ལ་རྡོ་རྗེ་ལས་དང་། རྡོ་རྗེ་སྲུང་བ་དང་། རྡོ་རྗེ་གནོད་སྦྱིན་དང་། རྡོ་རྗེ་མཚམས་རྣམས་སོ། །སེམས་དཔའི་སྐྱིལ་ཀྲུང་གིས་བཞུགས་པའོ། །ཞལ་གཅིག་པ་ཕྱག་གཉིས་པ་རྣམས་ཏེ། དཀར་པོ་དང་། སེར་པོ་དང་། དམར་པོ་
དང་། སྔོན་པོ་དང་། སེར་པོ་དང་། དམར་པོ་དང་། སྔོན་པོ་དང་། དཀར་པོ་དང་། ཅུང་ཟད་དམར་པོ་དང་། སྔོན་པོ་དང་། སེར་པོ་དང་། དམར་པོ་དང་། སྣ་ཚོགས་དང་། སེར་པོ་དང་། ནག་པོ་དང་། སེར་པོའི་ཁ་དོག་རྣམས་སོ། །རྡོ་རྗེ་དང་། ལྕགས་ཀྱུ་དང་། མདའ་
འགེངས་པ་དང་། མཛུབ་མོ་འཕེན་པའི་ཚུལ་དང་། རྡོ་རྗེ་སེར་པོ་དང་། ཉི་མ་དང་། རྒྱལ་མཚན་དང་། སོའི་ཕྲེང་བ་དང་། པདྨ་དང་། རལ་གྲི་དང་། འཁོར་ལོ་དང་། ཆོས་ཀྱི་དུང་དང་། སྣ་ཚོགས་རྡོ་རྗེ་དང་། གོ་ཆ་དང་། མཆེ་བ་དང་། རྡོ་རྗེའི་ཁུ་ཚུར་རྣམས་ཏེ་རང་རང་གི་མཚན་མ་
འཛིན་པའོ། །ཨོཾ་བཛྲ་སཏྭཱ་ཡ་ན་མཿསྭཱ་ཧཱ། ཨོཾ་བཛྲ་རཱ་ཛཱ་ཡ་ན་མཿསྭཱ་ཧཱ། ཨོཾ་བཛྲ་རཱ་གཱ་ཡ་ན་མཿསྭཱ་ཧཱ། ཨོཾ་བཛྲ་སཱ་དྷ་བེ་ན་མཿསྭཱ་ཧཱ། ཨོཾ་བཛྲ་རཏྣ་ཡ་ན་མཿསྭཱ་ཧཱ། ཨོཾ་བཛྲ་ཏེ་ཛཱ་ཡ་ན་མཿསྭཱ་ཧཱ། ཨོཾ་བཛྲ་ཀེ་ཏ་བེ་ན་མཿསྭཱ་ཧཱ། ཨོཾ་བཛྲ་ཧ་སཱ་ཡ་ན་མཿསྭཱ་ཧཱ། ཨོཾ་བཛྲ་དྷརྨཱ་ཡ་ན་མཿསྭཱ་ཧཱ། 

62-1-237b

ཨོཾ་བཛྲ་ཏཱིཀྵྞཱ་ཡ་ན་མཿསྭཱ་ཧཱ། ཨོཾ་བཛྲ་ཧེ་ཏ་བེ་ན་མཿསྭཱ་ཧཱ། ཨོཾ་བཛྲ་བྷཱ་ཥཱ་ཡ་ན་མཿསྭཱ་ཧཱ། ཨོཾ་བཛྲ་ཀརྨ་ཎཱེ་ན་མཿསྭཱ་ཧཱ། ཨོཾ་བཛྲ་རཀྵཱ་ཡ་ན་མཿསྭཱ་ཧཱ། ཨོཾ་བཛྲ་ཡཀྵཱ་ཡ་ན་མཿསྭཱ་ཧཱ། ཨོཾ་བཛྲ་སནྡྷཱ་ཡ་ན་མཿསྭཱ་ཧཱ། དེ་བཞིན་དུ་བཞི་པ་ལ་རེ་མིག་ཉི་ཤུ་རྩ་བཞི་སྟེ། དང་པོ་དབང་ལྡན་ནས་རྡོ་རྗེ་
དྲི་མ་དང་། བྱམས་པ་དང་། དོན་ཡོད་མཐོང་དང་། རྡོ་རྗེ་ལྕགས་ཀྱུ་དང་། ངན་སོང་ཀུན་འཇོམས་དང་། མྱ་ངན་དང་མུན་པ་ཐམས་ཅད་འཇོམས་པའི་བློ་གྲོས་རྣམས་སོ། །དང་པོ་མེ་ནས་རྡོ་རྗེ་བདུག་སྤོས་མ་དང་། སྤོས་ཀྱི་གླང་པོ་དང་། དཔའ་བར་འགྲོ་བ་དང་། རྡོ་རྗེ་ཞགས་
པ་དང་། ནམ་མཁའ་མཛོད་དང་། ཡེ་ཤེས་ཏོག་རྣམས་སོ། །དང་པོ་བདེན་བྲལ་ནས་རྡོ་རྗེ་མེ་ཏོག་མ་དང་། བདུད་རྩི་འོད་དང་། ཟླ་འོད་དང་། རྡོ་རྗེ་རྒྱས་པ་དང་། བཟང་སྐྱོང་དང་། དྲ་བ་ཅན་གྱི་འོད་རྣམས་སོ། །དང་པོ་རླུང་ནས་རྡོ་རྗེ་མར་མེ་མ་དང་། རྡོ་རྗེ་སྙིང་པོ་དང་། མི་ཟད་པའི་
བློ་གྲོས་དང་། རྡོ་རྗེ་འབེབས་པ་དང་། སྤོབས་པ་བརྩེགས་པ་དང་། ཀུན་དུ་བཟང་པོ་རྣམས་ཏེ། སྣ་ཚོགས་དང་། སེར་པོ་དང་། གསེར་དང་། དཀར་པོ་དང་། སྐྱ་བོ་དང་། དཀར་སྐྱ་དང་། དཀར་པོ་དང་། སྔོན་པོ་དང་། དཀར་པོ་དང་། ནག་པོ་དང་། སྐྱ་བོ་དང་། སྔོན་
པོ་དང་། སེར་པོ་དང་། དཀར་པོ་དང་། སྐྱ་བོ་དང་། དམར་པོ་དང་། དམར་པོ་དང་། དམར་པོ་དང་། ནམ་མཁའ་དང་། ནམ་མཁའ་དང་། དཀར་པོ་དང་། སྣ་ཚོགས་དང་། དམར་པོ་དང་། སེར་པོའི་ཁ་དོག་རྣམས་སོ། །རྡོའི་དུང་དང་། ཀླུ་ཤིང་གི་མེ་ཏོག་དང་། ཆུ་སྐྱེས་ཀྱི་སྤྱན་དང་། 
ལྕགས་ཀྱུ་དང་། ལྕགས་ཀྱུ་དང་། དབྱུག་པ་དང་། པོག་ཕོར་དང་། དྲིའི་དུང་དང་། རལ་གྲི་དང་། ཞགས་པ་དང་། དམ་པའི་ཆོས་དང་། གཏེར་གྱི་རྒྱལ་མཚན་དང་། མེ་ཏོག་གི་ཟ་མ་ཏོག་དང་། བུམ་པ་དང་། ཟླ་བ་དང་། རིན་པོ་ཆེའི་ལྕགས་སྒྲོག་དང་། རིན་པོ་ཆེ་དང་། དྲ་
བ་དང་། མར་མེའི་སྡོང་བུ་དང་། རྡོ་རྗེ་དང་། བུམ་པ་དང་། རྡོ་རྗེ་དང་། རྡོ་རྗེའི་དྲིལ་བུ་དང་། མཛུབ་མོ་འཕེན་པའི་ཚུལ་དང་། རིན་པོ་ཆེའི་སྙེ་མ་རྣམས་ཕྱག་རྣམས་ནའོ། །སེམས་དཔའི་སྐྱིལ་ཀྲུང་གིས་བཞུགས་པའོ། །དེ་ལ་འདིར་ཡང་མཆོད་པའི་སྔགས་ནི་གོ་རིམས་ཇི་ལྟ་བ་

62-1-238a

བཞིན་དུ། ཨོཾ་བཛྲ་དྷཱུ་པཱ་ཡཻ་ན་མཿསྭཱ་ཧཱ། ཨོཾ་བཛྲ་པུཥྤཱ་ཡཻ་ན་མཿསྭཱ་ཧཱ། ཨོཾ་བཛྲ་དཱི་པཱ་ཡཻ་ན་མཿསྭཱ་ཧཱ། ཨོཾ་བཛྲ་གནྡྷཱ་ཡཻ་ན་མཿསྭཱ་ཧཱ། ཨོཾ་བཛྲ་མཻ་ཏྲེ་ཡ་སྥ་ར་ཎཱ་ཡ་ན་མཿསྭཱ་ཧཱ། ཨོཾ་ཨ་མོ་གྷ་དཪྴི་ནེ་ན་མཿསྭཱ་ཧཱ། ཨོཾ་སརྦ་པཱ་པཾ་ཛ་ཧཱ་ཡ་ན་མཿསྭཱ་ཧཱ། ཨོཾ་སརྦ་ཤོ་ཀ་ཧ་མོ་
ནིརྒྷ་ཏཱ་ཡ་ན་མཿསྭཱ་ཧཱ། ཨོཾ་གནྡྷ་ཧསྟི་ནེ་ན་མཿསྭཱ་ཧཱ། ཨོཾ་ཤཱུ་རཾ་ག་མཱ་ཡ་ན་མཿསྭཱ་ཧཱ། ཨོཾ་ག་ག་ན་གཉྫཱ་ཡ་ན་མཿསྭཱ་ཧཱ། ཨོཾ་ཛྙཱ་ན་ཀེ་ཏ་བེ་ན་མཿསྭཱ་ཧཱ། ཨོཾ་ཨ་མཱི་ཏ་པྲ་བྷཱ་ཡ་ན་མཿསྭཱ་ཧཱ། ཨོཾ་ཙནྡྲ་པྲ་བྷཱ་ཡ་ན་མཿསྭཱ་ཧཱ། ཨོཾ་བྷ་དྲ་པཱ་ལཱ་ཡ་ན་མཿསྭཱ་ཧཱ། ཨོཾ་ཛཱ་ལ་ནཱི་པྲ་བྷཱ་ཡ་ན་མཿསྭཱ་ཧཱ། ཨོཾ་བཛྲ་
གརྦྷཱ་ཡ་ན་མཿསྭཱ་ཧཱ། ཨོཾ་ཨཀྵ་ཡ་མ་ཏ་ཡེ་ན་མཿསྭཱ་ཧཱ། ཨོཾ་པྲ་ཏི་བྷ་ན་ཀུ་ཊཱ་ཡ་ན་མཿསྭཱ་ཧཱ། ཨོཾ་ས་མནྟ་བྷ་དྲཱ་ཡ་ན་མཿསྭཱ་ཧཱ། ཨོཾ་བཛྲ་ཨཾ་ཀུ་ཤཱ་ཡ་ན་མཿསྭཱ་ཧཱ། ཨོཾ་བཛྲ་པཱ་ཤཱ་ཡ་ན་མཿསྭཱ་ཧཱ། ཨོཾ་བཛྲ་སྥོ་ཊཱ་ཡ་ན་མཿསྭཱ་ཧཱ། ཨོཾ་བཛྲ་ཨཱ་བེ་ཤཱ་ཡ་ན་མཿསྭཱ་ཧཱ། དེ་ནས་ལྔ་པ་ལ་རེ་མིག་སུམ་ཅུ་
རྩ་གཉིས་སོ། །དང་པོ་དབང་ལྡན་ནས་བརྒྱད་ནི་གོ་རིམས་བཞིན་དུ་དབང་ཕྱུག་ཆེན་པོ་དང་གཙུག་ཏོར་འཁོར་ལོས་སྒྱུར་བ་དང་། ཚངས་པ་དང་། དབང་པོ་དང་། ཉི་མ་དང་། ལག་པ་དང་། རྡོ་རྗེ་དབྱུག་པ་དང་། རྡོ་རྗེ་འབར་བའི་ཉི་མ་རྣམས་སོ། །དེ་བཞིན་དུ་དང་པོ་མེ་ནས་རེ་མིག་
བརྒྱད་ལ་མེ་དང་། རྡོ་རྗེ་ས་འོག་དང་། སྒྲ་གཅན་དང་། མིག་དམར་དང་། གཤིན་རྗེ་དང་། གཞན་གྱིས་མི་ཐུབ་པ་དང་། རྡོ་རྗེ་དུས་དང་། ལྷ་མ་ཡིན་རྣམས་སོ། །དེ་བཞིན་དུ་དང་པོ་བདེན་བྲལ་ནས་རེ་མིག་བརྒྱད་ལ་མཚན་མོ་སྤྱོད་པ་དང་། འོག་གི་ཀླུ་དང་། ས་དང་། རྡོ་རྗེ་གཙུག་ཏོར་དང་། 
ཆུ་བདག་དང་། པ་བ་སངས་དང་། ཏོག་དང་། སྤེན་པ་རྣམས་སོ། །དེ་བཞིན་དུ་དང་པོ་རླུང་ནས་རེ་མིག་བརྒྱད་ལ་རླུང་དང་། ནག་པོ་ཆེན་པོ་དང་། ཕུར་བུ་དང་། རྣམ་ཐོས་སྲས་དང་། ཟླ་བ་དང་། བདུད་རྩི་འཁྱིལ་པ་དང་། རྡོ་རྗེ་ཧཱུྃ་མཛད་དང་། རྡོ་རྗེ་འཇིགས་པ་རྣམས་ཏེ། དཀར་
པོ་དང་། སྐྱ་བོ་དང་། གསེར་དང་། སེར་པོ་དང་། དམར་པོ་དང་། གསེར་དང་། སྔོན་པོ་དང་། དུད་ཀ་དང་། དམར་པོ་དང་། ནག་པོ་དང་། སྔོན་པོ་དང་། དམར་པོ་དང་། ནག་པོ་དང་། སེར་པོ་དང་། དཀར་པོ་མ་ཡིན་པ་དང་། སེར་པོ་དང་། ནག་པོ་དང་། དཀར་པོ་

62-1-238b

དང་། སེར་པོ་དང་། དམར་པོ་དང་། དཀར་པོ་དང་། སྐྱ་བོ་དང་། སྣ་ཚོགས་དང་། དུད་ཀ་དང་། ལྗང་གུ་དང་། ནག་པོ་དང་། སེར་པོ་དང་། གསེར་དང་། དཀར་པོ་དང་། སྔོ་བསངས་དང་། སྔོན་པོ་དང་། ནག་པོའི་ཁ་དོག་རྣམས་སོ། །དེ་ནས་རྡོ་རྗེ་ཧཱུྃ་མཛད་དང་། རྡོ་རྗེ་དབྱུག་པ་དང་། 
གཞན་གྱིས་མི་ཐུབ་པ་དང་། རྡོ་རྗེ་གཙུག་ཏོར་དང་། བདུད་རྩི་འཁྱིལ་པ་དང་། མེའི་ཉི་མ་དང་། རྡོ་རྗེ་དུས་དང་། ནག་པོ་ཆེན་པོ་དང་། རྡོ་རྗེ་འཇིགས་པ་དང་། རྡོ་རྗེ་ས་འོག་དང་། གཙུག་ཏོར་འཁོར་ལོས་སྒྱུར་བ་ཇི་སྙེད་པ་མཆོད་པར་བྱའོ། །དེའི་རྗེས་སུ་ཉི་མ་ལ་སོགས་པ་རྣམས་སོ། །དེའི་
ཕྱི་ནས་བརྒྱ་བྱིན་ལ་སོགས་པ་རྣམས་སོ། །དེ་ལ་མྱུར་དུ་སྣ་ཚོགས་ཆུ་སྐྱེས་དང་ཉི་མ་ལ་འཇིགས་བྱེད་དང་། དུས་མཚན་མོ་གཡས་བརྐྱང་གི་ཞབས་ཀྱིས་མནན་པ་ཁྲོ་བོ་བསྐལ་པའི་མེ་འབར་བ་ལྟར་གསལ་བ་བཞིན་མི་སྡུག་པ་མཆེ་བ་གཙིགས་པ་འཇིགས་ཤིང་སྨིན་མ་འཁྱོག་པོ་
བསྡུས་པ་དམར་ཞིང་ཟླུམ་པའི་སྤྱན་གསུམ་མངའ་བ་ཐོད་པ་ལྔས་དབུ་ལ་བརྒྱན་པ་མགོ་བོ་རློན་པའི་ཕྲེང་བ་དང་ལྡན་པའོ། །ཕྱག་རྒྱ་དྲུག་དང་ལྡན་པ་ཀླུ་བརྒྱད་ཀྱི་རྒྱན་གྱིས་སྤྲས་པ། འཇིག་རྟེན་གསུམ་ལས་རྣམ་པར་རྒྱལ་བའི་ཕྱག་རྒྱ་དང་། རྡོ་རྗེ་དང་། རྡོ་རྗེ་དྲིལ་བུ་བསྣམས་པའི་
རྡོ་རྗེ་ཧཱུྃ་མཛད་རྣམ་པར་བསྒོམ་པར་བྱའོ། །ཨོཾ་བཛྲ་ཧཱུྃ་ཀ་རཱ་ཡ་ན་མཿསྭཱ་ཧཱ། རྡོ་རྗེ་དབྱུག་པ་ལ་སོགས་པ་རྣམས་ནི་ཉི་མའི་སྟེང་དུ་གཡས་བརྐྱང་གིས་བཞུགས་པ། ཕྱག་གཡོན་པར་སྙིང་གར་སྡིགས་མཛུབ་ཀྱིས་ཞགས་པ་འཛིན་པ། གཡས་པ་རྣམས་ན་རྡོ་རྗེ་ཐོ་བ་དང་། 
རྡོ་རྗེས་མཚན་པའི་དབྱུག་པ་དང་། པདྨ་དང་། སྣ་ཚོགས་རྡོ་རྗེ་དང་། ལྕགས་ཀྱུ་དང་། གཏུན་ཤིང་དང་། རྩེ་གསུམ་དང་། རལ་གྲི་དང་། དགྲ་སྟ་དང་། འཁོར་ལོ་རྣམས་བསྣམས་པའོ། །ལྷག་མ་རྣམས་ནི་རྡོ་རྗེ་ཧཱུྃ་མཛད་ཀྱི་རང་བཞིན་ནོ། །ཨོཾ་བཛྲ་དཎྜཱ་ཡ་ན་མཿསྭཱ་ཧཱ། 
ཨོཾ་བཛྲ་ཨ་པ་རཱ་ཛི་ཏཱ་ཡ་ན་མཿསྭཱ་ཧཱ། ཨོཾ་བཛྲོཥྞཱི་ཥཱ་ཡ་ན་མཿསྭཱ་ཧཱ། ཨོཾ་བཛྲ་ཨ་མྲྀ་ཏ་ཀུཎྜ་ལི་ནེ་ན་མཿསྭཱ་ཧཱ། ཨོཾ་ཨ་ན་ལཱ་རྐྐཱ་ཡ་ན་མཿསྭཱ་ཧཱ། ཨ་བཛྲ་ཀཱ་ལཱ་ཡ་ན་མཿསྭཱ་ཧཱ། ཨོཾ་མ་ཧཱ་ཀཱ་ལཱ་ཡ་ན་མཿསྭཱ་ཧཱ། ཨོཾ་བཛྲ་གྷོཥཱ་ཡ་ན་མཿསྭཱ་ཧཱ། ཨོཾ་པཱ་ཏཱ་ལཱ་ཡ་ན་མཿསྭཱ་ཧཱ། ཨོཾ་

62-1-239a

ཨུཥྞཱི་ཥ་ཙཀྲ་བིརྟ་ནེ་ན་མཿསྭཱ་ཧཱ། རྟ་བདུན་གྱི་ཤིང་རྟ་ལ་ཉི་མའོ། །ཕྱག་གཡས་ན་པདྨ་དང་གཡོན་ན་པདྨ་ལ་ཉི་མའི་དཀྱིལ་འཁོར་རོ། །ངང་པའི་སྟེང་དུ་ཟླ་བའོ། །གཡས་ན་རྡོ་རྗེ་དང་གཡོན་ན་པདྨ་ལ་གནས་པའི་ཟླ་བའོ། །ར་ལ་མིག་དམར་རོ། །གཡས་
ན་རྡོ་རྗེ་གཡོན་ན་མི་བཟུང་ནས་ཟ་བའོ། །པདྨ་ལ་ལག་པའོ། །མདའ་དང་གཞུ་འཛིན་པའོ། །སྦལ་པ་ལ་ཕུར་བུའོ། །བགྲང་ཕྲེང་དང་། སྤྱི་བླུགས་འཛིན་པའོ། །པདྨ་ལ་པ་བསངས་སོ། །བགྲང་ཕྲེང་དང་སྤྱི་བླུགས་འཛིན་པའོ། །རུས་སྦལ་ལ་སྤེན་པའོ། །ལག་པ་
གཡས་ན་རྡོ་རྗེ་དང་། གཡོན་ན་དབྱུག་པའོ། །སྒྲ་གཅན་སྤྲིན་གྱི་སྟེང་ན་གནས་པ་ལུས་ཕྱེད་པ་ཟླ་བ་དང་ཉི་མའི་དཀྱིལ་འཁོར་འཛིན་པའོ། །མཇུག་རིངས་ནི་ཁྲོ་བོ་པདྨ་ལ་གནས་པ་རལ་གྲི་དང་ཞགས་པ་འཛིན་པའོ། །ཨོཾ་སཱུརྱཱ་ཡ་ན་མཿསྭཱ་ཧཱ། ཨོཾ་ཤི་ཏཾ་ཤ་བཻ་ན་མཿསྭཱ་ཧཱ། ཨོཾ་རཀྟཱཾ་
ག་ཀུ་མཱ་རཱ་ཡ་ན་མཿསྭཱ་ཧཱ། ཨོཾ་བུ་དྷཱ་ཡ་ན་མཿསྭཱ་ཧཱ། ཨོཾ་བྷོ་གཱ་སྱ་དཱ་ཡ་ན་མཿསྭཱ་ཧཱ། ཨོཾ་ཨ་སུ་ར་ཨུཏྟ་མཱ་ཡ་ན་མཿསྭཱ་ཧཱ། ཨོཾ་ཀྲྀཥྞ་བརྞཱ་ཡ་ན་མཿསྭཱ་ཧཱ། ཨོཾ་ཨ་མྲྀ་ཏ་པྲི་ཡཱ་ན་མཿསྭཱ་ཧཱ། ཨོཾ་ཛྱོ་ཏི་ཀེ་ཏ་བེ་ན་མཿསྭཱ་ཧཱ། དེ་ནས་དབང་པོ་ནི་ས་སྲུང་གྱི་བུ་ལ་ཞོན་པ་གཡས་ན་རྡོ་རྗེ་དང་
གཡོན་ན་གཤོལ་ལོ། །གཤིན་རྗེ་ནི་མ་ཧེ་ལ་གནས་པ་དབྱུག་པ་དང་མདུང་འཛིན་པའོ། །ཆུ་བདག་ནི་ཆུ་སྲིན་ལ་ཞོན་པ་གདེངས་ཀ་བདུན་དང་ལྡན་པ་སྦྲུལ་དང་དུང་འཛིན་པའོ། །ལུས་ངན་པོ་ནི་མི་ལ་ཞོན་པ་ལྕགས་ཀྱུ་དང་དབྱུག་པ་འཛིན་པའོ། །མེ་ནི་ར་ལ་ཞོན་པ་དགང་གཟར་དང་སྤྱི་
བླུགས་ཐོགས་པའོ། །སྲིན་པོའི་བདག་པོ་ནི་རོ་ལ་ཞོན་པ་རལ་གྲི་དང་ཕུབ་ཐོགས་པ། རླུང་ནི་རི་དྭགས་ལ་ཞོན་པ་རླུང་གི་བ་དན་ཐོགས་པའོ། །དབང་ལྡན་ནི་ཁྱུ་མཆོག་ལ་ཞོན་པ་རྩེ་གསུམ་དང་ཐོད་པ་ཐོགས་པའོ། །ལྷ་མ་ཡིན་ནི་འབོལ་སྟན་ལ་གནས་པ་རལ་གྲི་དང་ཕུབ་ཐོགས་པ། 
ཀླུ་ནི་པདྨ་ལ་གནས་པ་ལ་ལག་པ་ཐལ་མོ་སྦྱར་བའོ། །ས་ནི་པདྨ་ལ་གནས་པ་བདུད་རྩིའི་བུམ་པ་འཛིན་པའོ། །ཚངས་པ་ནི་ངང་པ་ལ་གནས་པ་གདོང་བཞི་པ་བགྲང་ཕྲེང་དང་སྤྱི་བླུགས་འཛིན་པའོ། །ཨོཾ་ཨ་ཁཎྜ་ལཱ་ཡ་ན་མཿསྭཱ་ཧཱ། ཨོཾ་ཡ་མཱ་ཡ་ན་མཿསྭཱ་ཧཱ། ཨོཾ་བ་རུ་ཎཱ་ཡ་ན་མཿསྭཱ་ཧཱ། 

62-1-239b

ཨོཾ་ཀུ་བེ་རཱ་ཡ་ན་མཿསྭཱ་ཧཱ། ཨོཾ་ཨགྣ་ཡེ་ན་མཿསྭཱ་ཧཱ། ཨོཾ་རཱཀྵ་སཱ་དྷི་པ་ཏ་ཡེ་ན་མཿསྭཱ་ཧཱ། ཨོཾ་བཱ་ཡ་བེ་ན་མཿསྭཱ་ཧཱ། ཨོཾ་ཨཱི་ཤ་ནཱ་ཡ་ན་མཿསྭཱ་ཧཱ། ཨོཾ་ཨ་སུ་རཱ་ཡ་ན་མཿསྭཱ་ཧཱ། ཨོཾ་ནཱ་གཱ་ཡ་ན་མཿསྭཱ་ཧཱ། ཨོཾ་པྲྀ་ཐིྭ་ནེ་ན་མཿསྭཱ་ཧཱ། ཨོཾ་བྲཧྨ་ཎེ་ན་མཿསྭཱ་ཧཱ། དེའི་རྗེས་སུ་ཐང་ཤིང་དང་། ལ་གུ་
ཙ་དང་། བ་ཀུ་ལ་དང་། ཙམ་པ་ཀ་ལ་སོགས་པ་དྲི་ཞིམ་པོ་རོ་བསྐ་བའི་ཤིང་ཡམ་ཤིང་ངོ་། །རྗེའུ་རིགས་ཀྱི་མེ་ལ་འདོད་པའི་མེ་རབ་ཏུ་སྦར་ཏེ་ཉི་མ་སར་པ་འདྲ་བ་ཞལ་གཅིག་སྤྱན་གསུམ་པ་ཞགས་པ་དང་ལྕགས་ཀྱུ་དང་དབྱུག་པ་དང་། སྤྱི་བླུགས་འཛིན་པ་རལ་པའི་ཚོགས་མང་པོས་སྤྱི་བོར་ཉེ་
བར་བརྒྱན་པ། སྐྱེ་བོ་དཔག་ཏུ་མེད་པའི་བདེ་བ་ཉེ་བར་འབེབས་པར་བྱེད་པ་ཧྲཱིཿཡིག་ལས་ཡང་དག་པར་རབ་ཏུ་བྱུང་བ་ནི་འདོད་པའི་ཞེས་སོ། །ཡེ་ཤེས་ཀྱི་མེ་སྤྱན་དྲངས་ནས་མཆོད་ཡོན་ཕུལ་ནས། དམ་ཚིག་གི་མེ་ལ་བཞུགས་པར་བྱའོ། །སེང་ལྡེང་དང་། ར་བ་ད་ར་དང་། 
བེ་ཀངྐ་དང་། ཨ་ཤོ་ཀ་དང་། ཀཱསྨ་རི་དང་། པ་ལཱ་ཥ་ལ་སོགས་པའི་ཡམ་ཤིང་ངོ་། །པདྨ་དང་། ཨུཏྤ་ལ་དང་། དྲི་ཞིམ་པོའི་མེ་ཏོག་ལ་སོགས་པ་དང་། ཏིལ་ལ་སོགས་པའི་འབྲུ་རྣམས་ཀྱིས་སྦྱིན་སྲེག་བྱའོ། །སྔགས་ནི་ཨོཾ་ཀཱ་མཱ་གྣ་ཡེ་སྭཱ་ཧཱ། དེ་ནས་ཁང་པ་ཐམས་
ཅད་ཀྱི་ལྷ་རྣམས་ཡིད་ཀྱིས་ནམ་མཁའ་ལ་བཞུགས་སུ་གསོལ་ལོ། །དེ་ལ་ཡང་ལས་བྱེད་པ་ནི་རྡོ་རྗེ་གནོད་སྦྱིན་གྱི་རྣམ་པ་ལག་ན་རྡོ་རྗེས་མཚན་པའི་ཏོག་ཙེ་ཐོགས་པ་ཧཱུྃ་མཛད་རྫོགས་པའི་ཤིན་ཏུ་དཔའ་བ་བསྒོམ་པར་བྱའོ། །རྡོ་རྗེ་གནོད་སྦྱིན་གྱི་སྔགས་ཀྱིས་བྱིན་གྱིས་བརླབ་པར་
བྱའོ། །ཚིམ་པར་བྱས་ནས་ཡང་དབང་པོ་དང་ནོར་གྱི་དབང་ཕྱུག་གི་ཕྱོགས་སུ་གདོང་ཕྱོགས་ཏེ་ལག་པ་གཡོན་པས་ཕྱི་ནས་བཟུང་སྟེ་མྱ་ངན་དང་མུན་པ་ཐམས་ཅད་འཇོམས་པའི་བློ་གྲོས་ཀྱི་རེ་མིག་ཏུ་བརྐོ་སྟེ་ཁམ་བཞི་བརྐོ་བར་བྱའོ། །སྔགས་ནི་ཨོཾ་གྷཱ་ཏ་ཡ་སརྦ་པཱ་པཾ་ནཱ་ཤཱ་ཡ་ཧཱུྃ་ཧཱུྃ་
ཕཊ། དེའི་ས་གསེར་ལ་སོགས་པའི་སྣོད་དུ་བླངས་ཏེ་ཞི་བ་ལ་གཏོར་མ་དང་བཅས་ཏེ་མེའི་ཕྱོགས་ཀྱི་ཕྱི་རོལ་ཏུ་སྦྱིན་བདག་གིས་འཕང་བར་བྱའོ། །དེ་ནས་དེའི་དབུས་སུ་རྨ་ལྔ་གདོད་པར་བྱས་ཏེ་ས་དེ་ཁྱབ་པར་གཏོར་རོ། །དེ་ནས་རྨ་དྲུག་གདོད་པར་བྱའོ། །དེ་བཞིན་དུ་རྨ་བདུན་

62-1-240a

བཏོད་པ་ལ་སོགས་པ་ནས་ཕྱོགས་དང་ཕྱོགས་མཚམས་ཐམས་ཅད་དུ་ལས་བྱེད་པས་བརྐོ་བར་བྱའོ། །པུས་ནུབ་ཙམ་སྦྱང་བར་བྱའོ། །པཎྜི་ཏ་ཆེན་པོ་རིགས་ཀྱི་སྦྱིན་པ་ཞེས་བྱ་བས་མཛད་པའི་བྱ་བ་བསྡུས་པ་ལས་རབ་ཏུ་བྱེད་པ་གཉིས་པའོ།།      །།དེ་
ནས་བཏབ་ནས་ཛཱཾ་གུ་ལཱི་ལ་མཆོད་པར་བྱའོ། །ཁང་ས་ལ་ཐིག་ལེགས་པར་བཏབ་ནས་འབད་པས་ལྟོ་འཕྱེ་བརྟག་པར་བྱའོ། །པུས་ནུབ་ཙམ་དུ་སྦྱངས་པའི་ས་གཞིའི་ལྷོ་ཕྱོགས་ནས་བྱང་དུ་མངོན་པར་ཕྱོགས་ཏེ་གནས་ནས་རང་གི་ལྷག་པའི་ལྷའི་རྣལ་འབྱོར་བྱས་ཏེ། དེ་ནས་
བདག་ཉིད་དོན་ཡོད་གྲུབ་པའི་གཟུགས་སུ་རྣམ་པར་བསྒོམ་པར་བྱའོ། །གླང་རྨོ་བའི་སྐྱེས་བུ་ནི་རྡོ་རྗེ་ལས་ཀྱི་རང་བཞིན་ནོ། །ཨོཾ་བཛྲ་ཀརྨ་ཀཾ་ཞེས་པ་འདིས་བྱིན་གྱིས་བརླབ་པར་བྱའོ། །དེ་བཞིན་དུ་གླང་གཅིག་ནི་ཞང་པོ་སྟེ་རྡོ་རྗེ་གནོད་སྦྱིན་གྱི་རང་བཞིན་ནོ། །ཨོཾ་བཛྲ་ཡཀྵ་ཧཱུྃ་ཞེས་
པ་འདིས་བྱིན་གྱིས་བརླབ་པར་བྱའོ། །དེ་བཞིན་དུ་གླང་དེའི་སྲིང་མོའི་བུ་ནི་རྡོ་རྗེ་སྲུང་བའི་རང་བཞིན་ནོ། །ཨོཾ་བཛྲ་རཀྵ་ཧཱུྃ་ཞེས་པས་བྱིན་གྱིས་བརླབ་པར་བྱའོ། །དེ་བཞིན་དུ་གསེར་གྱི་གཤོལ་ནི་རྡོ་རྗེ་མཚམས་ཀྱི་རང་བཞིན་ནོ། །ཨོཾ་བཛྲ་སནྡྷི་བཾ་ཞེས་བྱ་བའི་སྔགས་
འདིས་བྱིན་གྱིས་བརླབ་པར་བྱའོ། །དེ་ནས་དབང་ལྡན་དུ་ཁ་ཕྱོགས་ཏེ་བཞུགས་ནས་མཆོད་པ་ལ་སོགས་པ་བྱས་ཏེ། ནས་བཏབ་ནས་ས་གཞི་ལ་གསེར་གྱི་གཤོལ་གྱིས་ཁྱུ་མཆོག་དེ་དག་གིས་རྨོ་བར་བྱའོ། །དེ་ནས་ནྱ་གྲོ་དྷ་དང་། ཨུ་དུམྦཱ་ར་དང་། ཙམ་པ་ཀ་ལ་སོགས་
པའི་ཤིང་སྐམ་པོས་དགེ་འདུན་གྱི་ཚང་བང་ནས་མེ་བླངས་ནས་མེ་རབ་ཏུ་སྦར་བར་བྱའོ། །སེམས་ཅན་ཐམས་ཅད་ལ་བྱམས་པ་དང་བདེ་བས་གང་བར་བྱ་བའི་སེམས་དང་ཕུན་སུམ་ཚོགས་པ་དང་། སྟོབས་དང་ནད་མེད་པ་དང་། རྒྱས་པར་བྱ་བའི་ཕྱིར་དབང་ཆེན་གྱི་
དཀྱིལ་འཁོར་གྲུ་བཞི་སེར་པོ་ལ་གནས་པའི་ན་བཟའ་སེར་པོས་བརྒྱན་ཅིང་དབྱུག་པ་དང་ཕྲེང་བ་དང་། སྤྱི་བླུགས་དང་། མཆོག་སྦྱིན་དང་ཕྱག་བཞིའོ། །སྤྱན་གསུམ་སྐུ་མདོག་སེར་པོ་ཞལ་གཅིག་པ་མཆོད་ཕྱིར་ཐོགས་དང་ལྡན་པ་རལ་པའི་ཐོར་ཚུགས་ཅན། ཧཱུྃ་ཡིག་

62-1-240b

སེར་པོ་ལས་ཡང་དག་པར་བྱུང་བའི་དབང་ཆེན་ལ་མེ་འབར་བའི་མེ་ལ་དེའི་དབུས་སུ་ཡེ་ཤེས་ཀྱི་མེ་བསམ་ཞིང་བཞུགས་པར་བྱའོ། །ཞལ་བསིལ་བ་ལ་སོགས་པ་ཕུལ་ནས་ཡང་དག་པར་མཆོད་ཅིང་བསྟོད་པར་བྱའོ། །ས་མའི་ཡམ་ཤིང་དང་རག་ཆུང་དང་། ཨ་མ་དང་། 
བིལ་བ་དང་། ཀནྠ་ཀ་ཕ་ལ་དང་། ཀརྞི་ཀ་ལ་སོགས་པའི་མེ་ཏོག་སེར་པོ་དང་། ཞོ་དང་བུ་རམ་གྱི་ཟན་དང་། ཏིལ་དང་འབྲས་ཡོས་དང་། ཀ་ར་དང་འབྲས་ལ་སོགས་པའི་རིམ་པས་སྦྱིན་སྲེག་བྱའོ། །ཨོཾ་མ་ཧེནྡྲ་ཨགྣ་ཡེ་སྭཱ་ཧཱ། ཞག་གསུམ་དང་ལྔ་དང་བདུན་
གྱིས་ནས་རྣམས་སྐྱེས་ན་མཆོག་དང་འབྲིང་དང་དམན་པའི་ས་གཞིར་ཤེས་པར་བྱའོ། །གང་སྐྱེས་པའི་ནས་སྔོན་པོའི་གནས་སྐབས་སུ་ལྷ་རྣམས་ཀྱི་ལོངས་སྤྱོད་དུ་བྱའོ། །དེའི་རྗེས་སུ་རང་གི་ལྷག་པའི་ལྷའི་རྣལ་འབྱོར་དང་ལྡན་པའི་སྔགས་པས་ཛཱཾ་གུ་ལཱིའི་མཆོད་པ་བྱས་
ནས་བརྩམ་མོ། །དེ་ནས་དབང་ལྡན་གྱི་ཕྱོགས་ཀྱི་ཆར་རྒྱར་ཁྲུ་དོ་གྲུ་བཞི་པ་དེའི་ཕྱེད་འོག་ཏུ་དོང་བརྐོ་བར་བྱའོ། །ཡང་དེའི་དབང་ལྡན་གྱི་ཕྱི་རོལ་དུ་དེའི་ཕྱེད་ཟླུམ་པོར་དོང་བྲུ་བར་བྱའོ། །དེ་གཉིས་ཀའི་ས་ལ་བ་ལང་གི་ལྕི་བས་བྱུག་པར་བྱའོ། །དེ་ལ་དོང་གྲུ་བཞི་པར་ལོ་མ་ཅན་གྱི་
ཤིང་ལོ་བཅུག་ནས་བུམ་པའི་ཆུས་དགང་བར་བྱའོ། །ཛཱཾ་ལས་སྐྱེས་པའི་རྡོ་རྗེ་ཛཱཾ་གུ་ལཱི་སེར་མོ་སེར་པོ་དང་། ནག་པོ་དང་དཀར་པོའི་རྩ་བ་དང་། གཡས་དང་གཡོན་གྱི་ཞལ་གསུམ་མོ། །གདེངས་ཀ་རྒྱས་པ་བདུན་དང་ལྡན་པའི་རིན་པོ་ཆེའི་ཅོད་པན་ཅན་ཕྱག་དྲུག་གི་གཡས་
པ་དག་ན་རྡོ་རྗེ་དང་། པདྨ་འཛིན་པ་དང་། གཡོན་པ་དག་ན་གཞུ་དང་ཞགས་པ་དང་བཅས་པའི་སྡིགས་མཛུབ་དང་། རང་གི་ཐབས་ལ་འཁྱུད་པ། གོས་སྣ་ཚོགས་དང་ཀླུའི་རྒྱན་གྱིས་བརྒྱན་པ། སྣ་ཚོགས་ཆུ་སྐྱེས་དང་ཉི་མའི་སྟན་ལ་འོད་ཀྱིས་གནས་པའོ། །ཛཱཾ་གུ་ལཱི་
བསྒོམས་ཏེ་ཡེ་ཤེས་སེམས་དཔའ་སྤྱན་དྲངས་ཏེ་མཆོད་ཡོན་ལ་སོགས་པ་ཕུལ་ནས་དེ་བཞིན་དུ་ཞུ་བར་བསམ་མོ། །མེ་ཏོག་དང་། སྤོས་དང་། མར་མེ་དང་། དྲི་དང་། ཞལ་ཟས་དང་། ཞོ་དང་། བུ་རམ་གྱི་ཟས་དང་། བདུད་རྩི་ལྔ་དང་། རིན་པོ་ཆེ་ལྔ་དང་། འབྲུ་ལྔ་དང་། དྲི་ལྔ་

62-1-241a

དང་། ནཱ་ག་གེ་སར་དང་། དངུལ་ཆུ་དང་། ནས་དང་། ཏིལ་དཀར་པོ་དང་། རག་ཆུང་གི་འབྲས་བུ་དང་། ལེ་བརྒན་རྩི་དང་། པྲི་ཡང་ཀུ་དང་། གསེར་དང་། དངུལ་གྱི་པདྨ་དང་། མཆོད་ཡོན་ལ་སོགས་པ་དབུལ་ལོ། །དེ་ནས་དེའི་ཉེ་བ་རུ་འོ་མ་དང་ཆུས་ཡོངས་
སུ་གང་བའི་ཆུ་སྣོད་རྟགས་ཀྱིས་མཚན་པ་གཞག་པར་བྱའོ། །དེ་ལ་ཡང་བཅོམ་ལྡན་འདས་མ་རྣམ་པར་བསྒོམས་ཏེ་མཆོད་པ་བྱས་ནས་ཡི་གེ་གཅིག་པའི་སྔགས་ཀྱིས་བྱིན་གྱིས་བརླབ་པར་བྱའོ། །ཨོཾ་ཨཱཿཧྲཱིཿཧཱུྃ་སྭཱ་ཧཱ། མཆོད་པའི་སྔགས་སོ། །ཇི་ལྟར་དོང་གྲུ་བཞི་
ཁེངས་པ་དང་། ཡུར་བ་བྱས་ཏེ་དེས་དོང་ཟླུམ་པོ་དགང་བར་བྱའོ། །དེ་ལ་ཉ་ལྕིབས་དང་ཉ་གསོན་པོ་བཅུག་སྟེ་ཆུ་གཡས་ཕྱོགས་སུ་འཁོར་རམ་བལྟ་བར་བྱའོ། །དེ་ནས་ཡིད་ཀྱིས་དོང་གི་ལྷ་མོ་བཏེག་སྟེ་ཆུ་སྣོད་ལ་རབ་ཏུ་གཞུག་པར་བྱའོ། །ཆུ་སྣོད་ཀྱང་ཛཱཾ་གུ་ལིའི་གནས་
སུ་གཞག་པར་བྱའོ། །དེ་དང་ཉེ་བར་སྨྱུག་མ་ཤིན་ཏུ་རིང་པོའི་སྟེང་དུ་གདུགས་དཀར་པོ་བ་དན་འཕྱང་བའོ། །དཱུར་བ་དང་། ཀུན་ད་དང་། སྣ་མའི་མེ་ཏོག་དང་བཅས་པས་མཆོད་པར་བྱའོ། །དེ་ནས་མཚན་མོའི་ཐུན་དང་པོ་ལ་རང་གི་ལྷག་པའི་ལྷའི་རྣལ་འབྱོར་དང་ལྡན་པས་སློབ་དཔོན་
རྡོ་རྗེ་སེམས་དཔའི་རྣལ་འབྱོར་དང་ལྡན་པ་ལ་བྱང་ཕྱོགས་ཀྱི་སྒྲུབ་པ་པོས་རྡོ་རྗེ་དྲིལ་བུ་བཟུང་ནས་གསོལ་བ་གདབ་པར་བྱའོ། །དེ་བཞིན་གཤེགས་པ་ཀུན་ཞི་བ། །དེ་བཞིན་གཤེགས་པ་ཀུན་གྱི་གནས། །མཚན་ཉིད་ཐམས་ཅད་ཡོངས་རྫོགས་པ། །གཙོ་བོའི་གཙུག་ལག་
ཁང་དུ་བརྟག །དེ་ནས་ཧཱུྃ་ལས་སྐྱེས་པའི་རྡོ་རྗེའི་ལྗགས་བླ་མས་བསམས་ནས་ཕྱོགས་རྣམས་ཀུན་ན་བཞུགས་པ་ཡི། སངས་རྒྱས་རྣམས་ནི་བདག་ལ་དགོངས། །འདིར་བདག་བསམ་པ་དགེ་བ་ཡིས། །ལྷ་ཁང་གཙུག་ལག་ཁང་གནས་བྱ། །སངས་རྒྱས་ལ་སོགས་ཀུན་བྱོན་
ནས། །དངོས་གྲུབ་རྣམས་ནི་བདག་ལ་སྩོལ། །ཞེས་པས་སངས་རྒྱས་ལ་སོགས་པ་རྣམས་ལ་བདག་གིས་ཞུ་བར་བྱའོ། །བགེགས་དང་བདུད་ཐམས་ཅད་ཉེ་བར་བསྐྲད་པར་བྱ་སྟེ། འཆད་པར་འགྱུར་བའི་གོ་རིམས་ཀྱི་རིམ་པས་སོ། །གོ་རིམས་ངེས་པའི་བར་དུ་ཆོ་ག་ཇི་ལྟ་

62-1-241b

བས་མཎྜལ་ཟླུམ་པོ་བྱས་ཏེ་ཉེར་སྤྱོད་ལྔའི་མཆོད་པ་རྣམས་ཀྱིས་ཡོངས་སུ་མཆོད་དེ་བུམ་པ་ལྷག་པར་གནས་པར་བྱའོ། །དེ་ལྔ་བཅུ་རྩ་གསུམ་དང་། བཅུ་གཅིག་དང་། ཡང་ན་ལྔའོ། །ལྔ་བཅུ་རྩ་གསུམ་གྱི་ཕྱོགས་ལ་དཀྱིལ་འཁོར་པ་ཐམས་ཅད་ཀྱིས་སོ་སོའི་རེ་རེའོ། །ལས་ཐམས་
ཅད་པའི་བུམ་པ་གཅིག་སྟེ་ལྔ་བཅུ་རྩ་བཞིའོ། །བཅུ་གཅིག་གི་ཕྱོགས་ལ་རྣམ་པར་སྣང་མཛད་ཆེན་པོ་དང་སེམས་མ་རྡོ་རྗེ་ལ་སོགས་པ་ལྔ་རྣམས་ཀྱི་གཅིག་གོ། །མི་བསྐྱོད་པ་ལ་སོགས་པ་ལྔ་རྣམས་ཀྱི་གཅིག་གོ། །རིན་ཆེན་འབྱུང་ལྡན་ལ་སོགས་པ་ལྔ་རྣམས་ཀྱི་གཅིག་གོ། །འོད་དཔག་
མེད་ལ་སོགས་པ་ལྔ་རྣམས་ཀྱི་གཅིག་གོ། །དོན་ཡོད་གྲུབ་པ་ལ་སོགས་པ་ལྔ་རྣམས་ཀྱི་གཅིག་གོ། །སྒེག་མོ་ལ་སོགས་པ་བཞི་པོ་རྣམས་ཀྱི་གཅིག་གོ། །བདུག་སྤོས་མ་ལ་སོགས་པ་བཞི་པོ་རྣམས་ཀྱི་གཅིག་གོ། །རྡོ་རྗེ་ལྕགས་ཀྱུ་དང་བྱམས་པ་ལ་སོགས་པ་ལྔ་པོ་རྣམས་ཀྱི་གཅིག་
གོ། །རྡོ་རྗེ་ཞགས་པ་དང་། སྤོས་ཀྱི་གླང་པོ་ལ་སོགས་པ་ལྔ་རྣམས་ཀྱི་གཅིག་གོ། །རྡོ་རྗེ་རྒྱས་པ་དང་བདུད་རྩི་འོད་ལ་སོགས་པ་ལྔ་རྣམས་ཀྱི་གཅིག་གོ། །རྡོ་རྗེ་འབེབས་པ་དང་། རྡོ་རྗེ་སྙིང་པོ་ལ་སོགས་པ་ལྔ་རྣམས་ཀྱི་གཅིག་གོ། །ལས་ཐམས་ཅད་པའི་བུམ་པ་གཅིག་དང་བཅས་
པས་བཅུ་གཉིས་སོ། །ལྔའི་ཕྱོགས་ལ་རྣམ་པར་སྣང་མཛད་ལ་སོགས་པའི་དེ་བཞིན་གཤེགས་པ་ལྔ་དང་སེམས་མ་རྡོ་རྗེ་མ་ལ་སོགས་པའི་ལྷ་མོ་བཞི་དང་དགུ་ལ་གཅིག་གོ། །སྒེག་མོ་ལ་སོགས་པའི་ལྷ་མོ་བརྒྱད་ལ་གཅིག་གོ། །རྡོ་རྗེ་སེམས་དཔའ་ལ་སོགས་པ་བྱང་ཆུབ་
སེམས་དཔའ་བཅུ་དྲུག་ལ་གཅིག་གོ། །བྱམས་པ་ལ་སོགས་པའི་བྱང་ཆུབ་སེམས་དཔའ་བཅུ་དྲུག་ལ་གཅིག་གོ། །རྡོ་རྗེ་ལྕགས་ཀྱུ་ལ་སོགས་པ་ཁྲོ་བོ་བཞི་རྣམས་ལ་གཅིག་གོ། །ལས་ཐམས་ཅད་པའི་བུམ་པ་གཅིག་དང་བཅས་ཏེ་དྲུག་གོ། །དེ་ལ་ལས་ཐམས་ཅད་པའི་
མཚན་ཉིད་ནི་ལྟོ་བ་ཟླུམ་པོ་ལ་ཆ་ལྔ་བཅུར་ཆ་གཅིག་གིས་མ་ཆོག་པའོ། །ཇི་སྲིད་མཆུའི་མཐར་ཐུག་པའི་དཔངས་སུ་ཆ་ཉི་ཤུ་རྩ་གཅིག་གོ། །དེའི་མཆུ་འོག་ཏུ་འཕྱང་བ་ལ་ཆ་གཉིས་སོ། །ཁའི་བུག་པ་ལ་ཆ་བཅུ་གསུམ་མོ། །མགྲིན་པའི་འོག་གི་བུག་པ་ལ་ཕྱེད་དང་

62-1-242a

བཅས་པའི་ཆ་ལྔའོ། །མགྲིན་པའི་དཔངས་ལ་རྐང་པས་ལྷག་པའི་སོར་བརྒྱད་དོ། །མཆུའི་འོག་གི་ཆར་འཕྲེད་ལ་རྐང་པ་དང་བཅས་པའི་ཆ་བཅུ་དྲུག་གོ། །དེ་ནས་དཀར་པོས་ཁ་བསྒྱུར་ནས་དཀར་པོར་བྱས་ལ་སྣ་ཚོགས་ཆུ་སྐྱེས་དང་ཟླ་བ་ལ་མཚན་མ་
རྣམས་བྲི་བར་བྱའོ། །རྣམ་པར་སྣང་མཛད་ཆེན་པོའི་རྡོ་རྗེ་རྩེ་ལྔ་པ་དཀར་པོའོ། །སེམས་མ་རྡོ་རྗེ་མའི་རྡོ་རྗེ་སྔོན་པོའོ། །རིན་ཆེན་རྡོ་རྗེ་མའི་རྡོ་རྗེས་མཚན་པའི་རིན་པོ་ཆེའོ། །ཆོས་ཀྱི་རྡོ་རྗེ་མའི་རྡོ་རྗེས་མཚན་པའི་པདྨའོ། །ལས་ཀྱི་རྡོ་རྗེ་མའི་སྣ་ཚོགས་རྡོ་རྗེའོ། །མི་བསྐྱོད་པའི་རྡོ་རྗེ་རྩེ་
ལྔ་པ་སྔོན་པོའོ། །རྡོ་རྗེ་སེམས་དཔའི་རྡོ་རྗེ་དཀར་པོའོ། །རྡོ་རྗེ་རྒྱལ་པོའི་རྡོ་རྗེས་མཚན་པའི་ལྕགས་ཀྱུའོ། །རྡོ་རྗེ་ཆགས་པའི་མདའ་འགེངས་པའོ། །རྡོ་རྗེ་ཆགས་པའི་རྡོ་རྗེ་དང་བཅས་པའི་ཕྱག་གཉིས་ཀྱིས་ལེགས་པར་རབ་ཏུ་སྦྱིན་པར་བྱེད་པའོ། །རིན་ཆེན་འབྱུང་ལྡན་གྱི་རྡོ་རྗེས་
མཚན་པའི་རིན་པོ་ཆེའོ། །རྡོ་རྗེ་རིན་ཆེན་གྱི་རྡོ་རྗེས་མཚན་པའི་རིན་པོ་ཆེའི་ཕྲེང་བའོ། །རྡོ་རྗེ་གཟི་བརྗིད་ཀྱི་ཉི་མའོ། །རྡོ་རྗེ་ཏོག་གི་ཡིད་བཞིན་ནོར་བུའི་རྒྱལ་མཚན་ནོ། །རྡོ་རྗེ་བཞད་པའི་རྡོ་རྗེས་མཚན་པའི་སོའི་ཕྲེང་བའོ། །འོད་དཔག་མེད་ཀྱི་རྡོ་རྗེས་མཚན་པའི་པདྨའོ། །རྡོ་རྗེ་ཆོས་
ཀྱི་ངང་པ་དང་བཅས་པའི་པདྨའོ། །རྡོ་རྗེ་རྣོན་པོའི་རལ་གྲི་དང་པུསྟིའོ། །རྡོ་རྗེ་རྒྱུའི་འཁོར་ལོ་རྩིབས་བརྒྱད་པའོ། །རྡོ་རྗེ་གསུང་བའི་ཆོས་ཀྱི་དུང་ངོ་། །དོན་ཡོད་གྲུབ་པའི་སྣ་ཚོགས་རྡོ་རྗེའོ། །རྡོ་རྗེ་ལས་ཀྱི་དེ་བཞིན་ནོ། །རྡོ་རྗེ་སྲུང་བའི་རྡོ་རྗེ་ལས་བྱས་པའི་གོ་ཆའོ། །རྡོ་རྗེ་
གནོད་སྦྱིན་གྱི་རྡོ་རྗེས་མཚན་པའི་མཆེ་བ་གཟུང་ངོ་། །རྡོ་རྗེ་མཚམས་ཀྱི་རྡོ་རྗེ་ཁུ་ཚུར་དག་གིས་གཟུང་བའི་རྡོ་རྗེ་རྩེ་ལྔ་པའོ། །རྡོ་རྗེ་སྒེག་མོའི་རྡོ་རྗེ་གཉིས་སོ། །རྡོ་རྗེ་ཕྲེང་བ་མའི་རིན་པོ་ཆེའི་ཕྲེང་བའོ། །རྡོ་རྗེ་གླུ་མའི་པི་ཝང་ངོ་། །རྡོ་རྗེ་གར་མའི་རྡོ་རྗེ་རྩེ་གསུམ་གྱིས་མཚན་པའི་ལག་
པ་གཉིས་སོ། །རྡོ་རྗེ་བདུག་སྤོས་མའི་པོག་ཕོར་རོ། །རྡོ་རྗེ་མེ་ཏོག་མའི་མེ་ཏོག་གི་སྣོད་དོ། །མར་མེ་མའི་མར་མེའི་སྡོང་པོའོ། །དྲི་མའི་དྲིའི་དུང་སེར་པོའོ། །བྱམས་པའི་ཡལ་ག་དང་བཅས་པའི་ཀླུ་ཤིང་གི་མེ་ཏོག་གོ། །དོན་ཡོད་གཟིགས་ཀྱི་སྤྱན་དང་བཅས་པའི་

62-1-242b

ཆུ་སྐྱེས་སོ། །ངན་སོང་ཀུན་འཇོམས་ཀྱི་ལྕགས་ཀྱུའོ། །མྱ་ངན་དང་མུན་པ་ཐམས་ཅད་འཇོམས་པའི་བློ་གྲོས་ཀྱི་དབྱུག་པའོ། །སྤོས་ཀྱི་གླང་པོའི་དུང་ངོ་། །དཔའ་བར་འགྲོ་བའི་རལ་གྲིའོ། །ནམ་མཁའ་མཛོད་ཀྱི་པདྨ་ལ་གནས་པའི་ཆོས་ཀྱི་མཛོད་དོ། །ཡེ་ཤེས་ཏོག་
གི་ཡིད་བཞིན་གྱི་ནོར་བུའི་རྒྱལ་མཚན་ནོ། །བདུད་རྩི་འོད་ཀྱི་བུམ་པའོ། །ཟླ་འོད་ཀྱི་ཟླ་བའོ། །བཟང་སྐྱོང་གི་འབར་བ་དང་བཅས་པའི་རིན་པོ་ཆེའོ། །དྲ་བ་ཅན་གྱི་འོད་ཀྱི་རྡོ་རྗེའི་གུར་རོ། །རྡོ་རྗེ་སྙིང་པོའི་རྡོ་རྗེ་དང་ཨུཏྤལ་སྔོན་པོའོ། །བློ་གྲོས་མི་ཟད་པའི་བུམ་པའོ། །སྤོབས་
པ་བརྩེགས་པའི་པདྨ་ལ་གནས་པའི་རིན་པོ་ཆེ་བརྩེགས་པའོ། །ཀུན་དུ་བཟང་པོའི་རིན་པོ་ཆེའི་སྙེ་མའོ། །རྡོ་རྗེ་ལྕགས་ཀྱུའི་ལྕགས་ཀྱུའོ། །རྡོ་རྗེ་ཞགས་པའི་ཞགས་པའོ། །རྡོ་རྗེ་རྒྱས་པའི་ལྕགས་སྒྲོག་གོ། །རྡོ་རྗེ་འབེབས་པའི་རྡོ་རྗེས་མཚན་པའི་དྲིལ་བུའོ། །དེའི་རྗེས་སུ་ཆུ་
འགྲམ་དུ་རིན་པོ་ཆེ་ལྔ་དང་། སྨན་ལྔ་དང་། འབྲུ་ལྔ་དང་། དྲི་ལྔ་བུམ་པའི་ནང་དུ་བྱས་ཏེ་ཡལ་ག་རྒྱས་པའི་ལོ་མས་ཁ་བརྒྱན་ཏེ་མེ་ཏོག་གི་ཕྲེང་བ་དང་བཅས་ཤིང་གོས་ཟུང་གིས་མགུལ་པ་བརྒྱན་ནས་རྒྱལ་མཚན་དང་། དར་དང་གསེར་ལས་བྱས་པའི་ཐིག་ལེ་དང་། མིག་གཉིས་
དང་། ལེ་བརྒན་རྩི་དང་། མཆོད་ཕྱིར་ཐོགས་ཀྱིས་ཉེ་བར་བརྒྱན་པར་བྱས་ལ། འབྲས་ཡོས་དང་། འབྲུ་མ་ཉམས་པ་དང་། མེ་ཏོག་དང་། པྲི་ཡང་ཀུ་དང་། གོ་ཡུ་རྣམས་ཀྱིས་ནང་བཀང་སྟེ། ཀུ་ཤ་སར་པའི་སྟན་འཁྱིལ་པ་ལ་བཞག་ནས་ལས་ཐམས་ཅད་པའི་བུམ་པའི་
སྔགས་ཀྱིས་བྱིན་གྱིས་བརླབས་ནས་དཱུར་བ་དང་། ཀུན་ད་དང་། ས་ལ་མ་ལྷུང་བའི་བའི་ལྕི་བ་དང་། རས་དཀར་པོ་རྣམས་ཀྱིས་བསྲུང་བར་བྱའོ། །དེ་ནས་སློབ་དཔོན་ཁྲུས་བྱས་ནས་མཉམ་པར་འདུག་སྟེ། མྱུར་དུ་བཾ་ཡིག་ཡོངས་སུ་གྱུར་པ་ལས་རིན་པོ་ཆེ་སྣ་ཚོགས་ཀྱི་རང་བཞིན་
གྱི་བུམ་པ་ལ་ཨ་ཡིག་ལས་སྐྱེས་པའི་ཆོས་འབྱུང་དཀར་པོ་ནང་དུ་གནས་པ་བསྒོམ་པར་བྱའོ། །དེའི་རྗེས་སུ་རང་རང་གི་ས་བོན་གྱི་མཚན་མ་ཡོངས་སུ་གྱུར་པ་ལས་རང་རང་གི་ལྷ་རྣམས་རྣམ་པར་བསམ་པར་བྱའོ། །རང་གི་སྙིང་གའི་ས་བོན་གྱི་འོད་ཟེར་གྱི་ལྕགས་ཀྱུས་ཡེ་ཤེས་

62-1-243a

སེམས་དཔའ་སྤྱན་དྲངས་ཏེ་མདུན་དུ་བལྟས་ནས་ཞབས་བསིལ་དང་ཞལ་བསིལ་ལ་སོགས་པ་དབུལ་བར་བྱའོ། །དེ་ནས་དམ་ཚིག་སེམས་དཔའ་ལ་བཅུག་སྟེ་ཆགས་པ་ཆེན་པོས་བཞུ་ནས་སླར་ཡང་བྱང་ཆུབ་སེམས་ཀྱི་གཟུགས་ཀྱིས་བདུད་རྩིར་གྱུར་པར་བསམ་པར་
བྱའོ། །མཚན་མ་ལ་དམ་ཚིག་གི་ལྷ་དང་ཡེ་ཤེས་ཀྱི་ལྷ་དག་གཅིག་ཏུ་གྱུར་པར་བསམ་མོ། །དེ་ནས་མེ་ཏོག་གི་ཕྲེང་བ་དང་བཅས་ཏེ་སྐུད་པ་ལྔ་རྡོ་རྗེ་ལ་བཅིངས་ཏེ་བུམ་པ་ས་ལ་བཞག་ནས་གཡོན་པ་དྲིལ་བུ་དང་བཅས་པའི་གཡོན་པའི་ཁུ་ཚུར་གྱིས་གཟུང་ངོ་། །ཨོཾ་སརྦ་ཏ་ཐཱ་ག་ཏ་མ་ཧཱ་ཡོ་གཱི་
ཤྭ་ར་ཧཱུཾ་ཞེས་པ་ནི་འཁོར་ལོའི་དབང་ཕྱུག་གི་སྙིང་པོའི་སྔགས་དེ་ལན་བདུན་དུ་མངོན་པར་བསྔགས་པར་བྱའོ། །ཨོཾ་བཛྲ་ཡཀྵ་ཧཱུཾ་ཞེས་པ་ནི་ལས་ཐམས་ཅད་པའི་སྔགས་ཏེ་གསུམ་དུ་མངོན་པར་བསྔགས་པར་བྱའོ། །ཡང་རྡོ་རྗེ་གནོད་སྦྱིན་གྱི་སྔགས་ཀྱིས་དེ་བཞིན་དུ་བསྔགས་ཏེ་མེ་ཏོག་
གསུམ་གཞུག་པར་བྱའོ། །སོ་སོའི་སྔགས་ནི་བརྒྱ་རྩ་བརྒྱད་བཟླས་པར་བྱའོ། །དེའི་རྗེས་སུ་རྣམ་པར་རྒྱལ་བ་ལ་སོགས་པའི་བུམ་པ་མེ་ཏོག་ལ་སོགས་པས་ཡང་དག་པར་མཆོད་ནས་ལས་ཐམས་ཅད་པའི་བུམ་པ་གཟུང་ནས་མངོན་པར་བྲན་ཏེ་གཏོར་མ་ཕུལ་ནས་ཀུན་ཁྱབ་ཅེས་
པ་ལ་སོགས་པའི་བསྟོད་པ་སྔོན་དུ་སོང་བས་དྲིལ་བུ་དཀྲོལ་བར་བྱའོ། །ཀུན་ཁྱབ་སྲིད་པའི་རྩེ་མོའི་རྩེ། །བདེ་གཤེགས་རྒྱལ་བའི་བདག་པོ་སྟེ། །ཁམས་གསུམ་པ་ཡི་རྒྱལ་པོ་ཆེ། །རྣམ་པར་སྣང་མཛད་ཕྱག་འཚལ་བསྟོད། །རྡོ་རྗེ་སེམས་དཔའ་ཁྱོད་ཕྱག་འཚལ། །རྡོ་རྗེ་རིན་ཆེན་
ཁྱོད་ཕྱག་འཚལ། །རྡོ་རྗེ་ཆོས་ཁྱོད་ཕྱག་འཚལ་བསྟོད། །རྡོ་རྗེ་ལས་ཁྱོད་ཕྱག་འཚལ་ལོ། །དེ་ནས་བུམ་པ་དེ་རྣམས་ནས་ཆུ་ཅུང་ཟད་བླངས་ཏེ་ལས་ཐམས་ཅད་པའི་བུམ་པར་བླུགས་སོ། །སློབ་དཔོན་གང་ཞིག་རྡོ་རྗེ་དབྱིངས་ལ་མི་སྤྲོ་ན་དེའི་རང་གི་ཡི་དམ་ལྷའི་སྤྲོ་བས་སྦྱང་བ་དང་
རབ་ཏུ་གནས་པའི་མཐར་ཐུག་པའི་བྱ་བ་ཐམས་ཅད་བྱེད་པ་ལ་འགལ་བ་མེད་དོ། །ད་ནི་བུམ་པ་གཞག་པའི་རིམ་པ་བརྗོད་པར་བྱ་སྟེ། དེ་ལ་དཀྱིལ་འཁོར་གྱི་ཤར་གྱི་སྒོ་ནས་བརྩམས་ནས་གཡས་སྐོར་གྱིས་རྣམ་པར་རྒྱལ་བའི་བུམ་པ་ལ་སོགས་པ་རྣམས་ནས་མི་བསྐྱོད་པའི་

62-1-243b

བུམ་པའི་མཐར་ཐུག་པར་དགོད་པར་བྱའོ། །ཤར་གྱི་སྒོ་ལ་འཁོར་ལོའི་དབང་ཕྱུག་གི་རྣམ་པར་རྒྱལ་བའི་བུམ་པ་དང་། དེའི་རྗེས་སུ་རིམ་གྱིས་རྡོ་རྗེ་ལྕགས་ཀྱུ་དང་། རྡོ་རྗེ་ཆགས་པ་དང་། རྡོ་རྗེ་ལེགས་པ་དང་། ངན་སོང་ཀུན་འཇོམས་དང་། མྱ་ངན་དང་མུན་པ་ཐམས་ཅད་
འཇོམས་པའི་བློ་གྲོས་དང་། རྡོ་རྗེ་སྒེག་མོ་དང་། སེམས་མ་རྡོ་རྗེ་མ་དང་། རྡོ་རྗེ་བདུག་སྤོས་མ་དང་། སྤོས་ཀྱི་གླང་པོ་དང་། དཔའ་བར་འགྲོ་བ་དང་། རྡོ་རྗེ་གཟི་བརྗིད་དང་། རྡོ་རྗེ་རིན་ཆེན་རྣམས་ཀྱི་བུམ་པ་བཅུ་གསུམ་མོ། །དེ་བཞིན་དུ་ལྷོའི་སྒོ་ནས་བརྩམས་ནས་རིན་
ཆེན་འབྱུང་ལྡན་དང་། རྡོ་རྗེ་ཞགས་པ་དང་། རྡོ་རྗེ་ཏོག་དང་། རྡོ་རྗེ་བཞད་པ་དང་། ནམ་མཁའ་མཛོད་དང་། ཡེ་ཤེས་ཏོག་དང་། རྡོ་རྗེ་ཕྲེང་བ་མ་དང་། རིན་ཆེན་རྡོ་རྗེ་མ་དང་། རྡོ་རྗེ་མེ་ཏོག་མ་དང་། བདུད་རྩི་འོད་དང་། ཟླ་འོད་དང་། རྡོ་རྗེ་རྣོན་པོ་དང་། རྡོ་རྗེ་ཆོས་རྣམས་ཀྱི་བུམ་
པ་བཅུ་གསུམ་མོ། །དེ་བཞིན་དུ་ནུབ་སྒོ་ནས་བརྩམས་ནས་འོད་དཔག་མེད་དང་། རྡོ་རྗེ་རྒྱས་པ་དང་། རྡོ་རྗེ་རྒྱུ་དང་། རྡོ་རྗེ་གསུང་བ་དང་། བཟང་སྐྱོང་དང་། དྲ་བ་ཅན་གྱི་འོད་དང་། རྡོ་རྗེ་གླུ་མ་དང་། ཆོས་རྡོ་རྗེ་མ་དང་། རྡོ་རྗེ་མར་མེ་མ་དང་། རྡོ་རྗེ་དྲི་མ་དང་། བློ་གྲོས་མི་ཟད་པ་དང་། 
རྡོ་རྗེ་སྲུང་བ་དང་། རྡོ་རྗེ་ལས་རྣམས་ཀྱི་བུམ་པ་བཅུ་གསུམ་མོ། །དེ་བཞིན་དུ་བྱང་སྒོ་ནས་བརྩམས་ནས་དོན་ཡོད་གྲུབ་པ་དང་། རྡོ་རྗེ་འབེབས་པ་དང་། རྡོ་རྗེ་གནོད་སྦྱིན་དང་། རྡོ་རྗེ་མཚམས་དང་། སྤོབས་པ་བརྩེགས་པ་དང་། ཀུན་དུ་བཟང་པོ་དང་། རྡོ་རྗེ་གར་མ་
དང་། ལས་ཀྱི་རྡོ་རྗེ་མ་དང་། དྲི་རྡོ་རྗེ་མ་དང་། བྱམས་པ་དང་། དོན་ཡོད་གཟིགས་དང་། རྡོ་རྗེ་རྒྱལ་པོ་དང་། རྡོ་རྗེ་སེམས་དཔའ་དང་། མི་བསྐྱོད་པ་རྣམས་ཀྱི་བུམ་པ་བཅུ་བཞི་རྣམས་སོ། །ལས་ཐམས་ཅད་པའི་བུམ་པ་ནི་དབང་ལྡན་གྱི་ཕྱི་རོལ་གྱི་ཕྱོགས་སུ་བལྟས་ནས་བུམ་པའི་
ཕྲེང་བ་རྣམས་ཀྱི་བར་དུ་གཞག་པར་བྱའོ། །དེའི་ཕྱིར་དང་པོ་ལྷག་པར་གནས་པར་བྱས་པའི་བུམ་པ་རྣམས་དཀྱིལ་འཁོར་གྱི་འཁོར་ལོ་ལ་གཡས་ཕྱོགས་སུ་བསྐོར་བ་ལན་རེ་བྱས་ནས་དཀྱིལ་འཁོར་གྱི་འཁོར་ལོའི་འཁོར་ལོ་དང་འོད་ཟེར་གྱི་ཕྲེང་བའི་སའི་ཕྱི་རོལ་དུ་བུམ་པ་རྣམས་གཞག་པར་བྱའོ། །བུམ་པ་

62-1-244a

དགོད་པའི་དུས་སུ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སོགས་པ་ཐེག་པ་ཆེན་པོའི་མདོ་རྣམས་བཀླག་པར་བྱའོ། །ག་པུར་དང་ཨ་ཀ་རུ་དང་སིཧླ་ལ་སོགས་པའི་བདུག་སྤོས་ཀྱི་སྣོད་དང་མར་མེ་ལ་སོགས་པ་རྣམས་ཀྱིས་ཀྱང་དཀྱིལ་འཁོར་ལ་མཆོད་པར་བྱའོ། །དེ་ནས་སྔ་དྲོའི་
ཐུན་ལ་སློབ་དཔོན་དྲི་བཟངས་ཀྱི་ཆུས་ཁྲུས་བྱས་ནས་ལས་ཐམས་ཅད་པའི་ཆུས་བདག་ཉིད་ལ་འཐོར་འཐུང་བྱས་ནས་སྲུང་བའི་འཁོར་ལོ་ལ་སོགས་པ་བསྒོམ་པ་དང་སྔགས་དང་ཕྱག་རྒྱ་རྣམས་ཀྱིས་ཡང་དག་པར་བསྲུང་བར་བྱའོ། །རྡོ་རྗེ་དང་དྲིལ་བུ་བཟུང་ནས་ཨོཾ་བཛྲ་ཨུདྒྷ་ཊ་ཡ་ས་མ་ཡ་པྲ་
བེ་ཤ་ཡ་ཧཱུཾ་ཞེས་པའི་སྔགས་འདི་བརྗོད་ནས་གོ་དབྱེ་བར་བྱའོ། །ཏིང་ངེ་འཛིན་གསུམ་བསྒོམ་པར་བྱས་ནས། ཡང་དཔུང་བཟངས་ཀྱི་ཚིགས་སུ་བཅད་པ་རབ་ཏུ་བྱེད་པ་དྲུག་པ་ནས་བཤད་པའི་ཆོ་གས་གཏོར་མ་ཆེན་པོ་ཕུལ་ཏེ། དེ་ལ་གནས་པའི་ལྷ་རྣམས་ཡིད་ཀྱིས་ནམ་མཁའ་ལ་བཞུགས་
སུ་གསོལ་ལོ། །འདིར་གཙུག་ལག་ཁང་ལ་སོགས་པའི་ས་གཞི་ལ་བགེགས་རྣམས་མེད་པར་བསམ་པར་བྱའོ། །དེའི་རྗེས་ལ། ཤར་དང་བྱང་དུ་རྒྱུག་པ་ཡི། །རི་མོ་བདུན་བདུན་རབ་ཏུ་སྦྱར། །རེ་མིག་སུམ་ཅུ་རྩ་དྲུག་སྟེ། །མཉམ་དུ་ཁང་པའི་ས་གཞི་ལ། །དབུས་ཀྱི་གནས་ནི་བཞི་
པོ་ལ། །དེ་ལ་སྔགས་པ་གནས་པར་བྱ། །དེ་ཕྱིར་མེ་མཚམས་རེ་མིག་སོགས། །རེ་མིག་བཅུ་གཉིས་གོ་རིམས་བཞིན། །སྤྲིན་གྱི་སྒྲ་དང་། ཁྲོ་བོ་གཟེགས་མ་དང་། ཤེས་རབ་མཐར་བྱེད་དང་། གསུས་པོ་ཆེ་དང་། འཇིག་རྟེན་གསུམ་རབ་ཏུ་སྒྲུབ་པ་དང་། པདྨ་མཐར་བྱེད་དང་། 
རྒྱལ་བ་དང་། དཔའ་བོ་རྣམ་པར་གནོན་པ་དང་། བདུད་རྩི་འཁྱིལ་པ་དང་། རྣམ་པར་རྒྱལ་བ་དང་། རྣམ་པར་རྒྱལ་བ་ཆེན་པོ་དང་། གཤིན་རྗེ་མཐར་བྱེད་རྣམས་གཡས་སྐོར་གྱིས་བཀོད་ནས་མཆོད་པར་བྱའོ། །དེ་བཞིན་དུ་དེའི་ཕྱིར་མེ་ལ་སོགས་པའི་རེ་མིག་ཉི་ཤུ་པོ་རྣམས་ལ་ཊཀྐི་
དང་། མཐར་སྤྱོད་དང་། རྡོ་རྗེ་ཞགས་པ་དང་། ཡལ་ག་ཅན་དང་། རིན་ཆེན་གཙུག་ཏོར་དང་། དབྱུག་པ་སྔོན་པོ་དང་། སྦྱང་དཀའ་བ་དང་། རྡོ་རྗེ་རྒྱས་པ་དང་། འཇིགས་བྱེད་དང་། རབ་ཏུ་གཏུམ་པོ་དང་། སྟོབས་པོ་ཆེ་དང་། གོམ་བསྐྱོད་དང་། རྡོ་རྗེ་འབེབས་པ་དང་། རྡོ་རྗེ་གད་རྒྱངས་

62-1-244b

དང་། རྡོ་རྗེ་རྣམ་འཇོམས་དང་། མི་གཡོ་བ་དང་། རྣམ་འཇོམས་དང་། རྡོ་རྗེ་ལྕགས་ཀྱུ་དང་། རྡོ་རྗེ་གནམ་ལྕགས་དང་། བལྟ་བར་མི་བཟོད་པ་རྣམས་དགོད་པར་བྱས་ནས་མཆོད་པར་བྱའོ། །དེ་ལ་སྤྲིན་གྱི་སྒྲ་དང་། གསུས་པོ་ཆེ་དང་། རྒྱལ་བ་དང་། རྣམ་པར་རྒྱལ་བ་རྣམས་དང་པོར་
མཆོད་པར་བྱའོ། །རང་རང་གི་རེ་མིག་ལ་རང་རང་གི་ཕུར་བུས་གདབ་པར་བྱའོ། །ཨོཾ་ཨཱཿམེ་གྷ་ནཱ་དཱ་ཡ་ཧཱུཾ་སྭཱ་ཧཱ། ཨོཾ་ཨཱཿམ་ཧོ་ད་རཱ་ཡ་ཧཱུཾ་སྭཱ་ཧཱ། ཨོཾ་ཨཱཿཛཱ་ཡཱ་ཡ་ཧཱུཾ་སྭཱ་ཧཱ། ཨོཾ་ཨཱཿབི་ཛ་ཡཱ་ཡ་ཧཱུཾ་སྭཱ་ཧཱ། དེ་ནས་དེ་བཞིན་དུ་མི་གཡོ་བ་ལ་སོགས་པ་ཁྲོ་བོ་ཉི་ཤུ་རྩ་བརྒྱད་པོ་རྣམས་ཀྱི་
རང་རང་གི་རེ་མིག་རྣམས་རང་རང་གི་ཕུར་བུས་གདབ་པར་བྱའོ། །ཨོཾ་ཨཱཿཨ་ཙ་ལཱ་ཡ་ཧཱུཾ་སྭཱ་ཧཱ། ཨོཾ་ཨཱཿབི་དྲཱ་བ་ཀཱ་ཡ་ཧཱུཾ་སྭཱ་ཧཱ། ཨོཾ་ཨཱཿབཛྲ་ཨཾ་ཀུ་ཤཱ་ཡ་ཧཱུཾ་སྭཱཧཱ། ཨོཾ་ཨཱཿམ་ཧཱ་བི་ཛ་ཡཱ་ཡ་ཧཱུཾ་སྭཱ་ཧཱ། ཨོཾ་ཨཱཿཡ་མཱནྟ་ཀཱ་ཡ་ཧཱུཾ་སྭཱ་ཧཱ། ཨོཾ་ཨཱཿབཛྲ་ཨཱ་ཤ་ནི་མ་ཧཱ་ཀྲོ་དྷཱ་ཡ་ཧཱུཾ་སྭཱ་ཧཱ། 
ཨོཾ་ཨཱཿདུརྣཱི་རཱི་ཀྵཱ་ཡ་ཧཱུཾ་སྭཱ་ཧཱ། ཨོཾ་ཨཱཿཊཀྐི་རཱ་ཛཱ་ཡ་ཧཱུཾ་སྭཱ་ཧཱ། ཨོཾ་ཨཱཿཨནྟ་ཙ་རཱ་ཡ་ཧཱུཾ་སྭཱ་ཧཱ། ཨོཾ་ཨཱཿབཛྲ་པཱ་ཤཱ་ཡ་ཧཱུཾ་སྭཱཧཱ། ཨོཾ་ཨཱཿཀ་ནི་ཀྲོ་དྷཱ་ཡ་ཧཱུཾ་སྭཱ་ཧཱ། ཨོཾ་ཨཱཿཔྲཛྙཱནྟ་ཀཱ་ཡ་ཧཱུཾ་སྭཱཧཱ། ཨོཾ་ཨཱཿབ་ལཱ་ལཱ་ཡ་ཧཱུཾ་སྭཱ་ཧཱ། ཨོཾ་ཨཿརཏྣ་ཤི་ཁ་རཱ་ཡ་ཧཱུཾ་སྭཱ་ཧཱ། ཨོཾ་ཨཿནཱི་ལ་དཎྜཱ་ཡ་ཧཱུཾ་སྭཱ་ཧཱ། 
ཨོཾ་ཨཱཿདུརྫ་ཡཱ་ཡ་ཧཱུཾ་སྭཱ་ཧཱ། ཨོཾ་ཨཱཿབཛྲ་སྥོ་ཊཱ་ཡ་ཧཱུཾ་སྭཱ་ཧཱ། ཨོཾ་ཨཱཿཏྲཻ་ལོཀྱ་པྲ་སཱ་དྷ་ཀཱ་ཡ་ཧཱུཾ་སྭཱ་ཧཱ། ཨོཾ་ཨཱཿཔདྨཱནྟ་ཀཱ་ཡ་ཧཱུཾ་སྭཱཧཱ། ཨོཾ་ཨཱཿབཛྲ་བྷཱི་མཱ་ཡ་ཧཱུཾ་སྭཱཧཱ། ཨོཾ་ཨཱཿབཛྲ་པྲ་ཙཎྜཱ་ཡ་ཧཱུཾ་སྭཱ་ཧཱ། ཨོཾ་ཨཱཿམ་ཧཱ་བ་ལཱ་ཡ་ཧཱུཾ་སྭཱ་ཧཱ། ཨོཾ་ཨཱཿབ་ད་ནཱི་ཀྵེ་པཱ་ཡ་ཧཱུཾ་སྭཱ་ཧཱ། ཨོཾ་ཨཱཿབཛྲ་ཨཱ་བེ་ཤཱ་ཡ་
ཧཱུཾ་སྭཱ་ཧཱ། ཨོཾ་ཨཱཿབཱི་ར་བི་ཀྲཱནྟཱ་ཡ་ཧཱུཾ་སྭཱ་ཧཱ། ཨོཾ་ཨཱཿཨ་མྲྀ་ཏ་ཀུཎྜ་ལི་ནེ་ཧཱུཾ་སྭཱ་ཧཱ། ཨོཾ་ཨཱཿབཛྲ་ཨཊྚ་ཧཱ་སཱ་ཡ་ཧཱུཾ་སྭཱ་ཧཱ། ཨོཾ་ཨཱཿབཛྲ་བི་དཱ་ར་ཎཱ་ཡ་ཧཱུཾ་སྭཱཧཱ། དེ་ནས་ཁང་པའི་དཀྱིལ་དུ་བསྡད་ནས་རཾ་ལས་སྐྱེས་པའི་ཉི་མའི་སྟེང་དུ་ཧཱུཾ་ལས་སྐྱེས་པའི་སྣ་ཚོགས་རྡོ་རྗེ་ལ་གནས་པའི་ཧཱུཾ་ཡིག་གི་འོད་ཟེར་
རབ་ཏུ་འབར་བ་རྡོ་རྗེ་རྣམ་པར་བརྐྱང་བ་མཚམས་མེད་ཅིང་དུམ་བུ་གཅིག་ཏུ་གྱུར་པ་རྡོ་རྗེའི་ར་བ་དང་། གུར་དང་མདའི་དྲ་བ་དང་། བ་དན་དང་། འོག་གི་གནས་ཀྱང་འབར་ཞིང་འབར་བ་བཟོད་པར་དཀའ་བའི་སྣ་ཚོགས་རྡོ་རྗེའི་ས་གཞིར་རྣམ་པར་བསྒོམ་མོ། །དེའི་དབུས་སུ་མྱུར་དུ་

62-1-245a

བདག་ཉིད་རྡོ་རྗེ་སེམས་དཔའི་གཟུགས་སོ། །གཞན་དུ་ཡང་བསྒྱུར་ཏེ་འཇིག་རྟེན་གསུམ་ལས་རྣམ་པར་རྒྱལ་བ་དང་། མིང་གཞན་རྡོ་རྗེ་ཧཱུཾ་མཛད་ཅེས་པ་སྣ་ཚོགས་ཆུ་སྐྱེས་དང་ཉི་མ་ལ་གནས་པའི་འཇིགས་བྱེད་དང་དུས་མཚན་མ་ཞབས་གཉིས་ལས་གཡས་བརྐྱང་བས་
མནན་པ་ཁྲོ་བོ་བསྐལ་པའི་དུས་ཀྱི་མཐའི་མེའི་འོད་ཟེར་གྱི་ཚོགས་པ་འདྲ་བ། འགྲོ་བ་མ་ལུས་པའི་བགེགས་ཀྱི་ཚོགས་རྣམས་ཟ་བར་བྱེད་པ་ལྟ་བུ་སྔོན་པོ་དང་སེར་པོ་དང་ལྗང་གུའི་རྩ་བ་དང་། གཡས་དང་གཡོན་པའི་ཞལ་གསུམ་གསལ་བར་བྱས་པ། མཆེ་བ་གཙིགས་ཤིང་
ལྗགས་བསྐྱོད་པ་ཞལ་སོ་སོའི་སྨིན་མ་འཁྱོག་པོ་བསྡུས་པ། དམར་ཞིང་ཟླུམ་པའི་སྤྱན་གསུམ་པ། ཕྱག་རྒྱ་དྲུག་དང་ལྡན་པ་དཔྲལ་བའི་སྟེང་དུ་ཐོད་པ་ལྔ་དང་མི་མགོ་རློན་པ་ཁྲག་འཛག་པའི་ཕྲེང་བ་འཕྱང་བས་རྣམ་པར་བརྒྱན་པ་དེའི་མགོ་བོའི་སྐ་རགས་དང་། སྟག་གི་པགས་
པའི་ཤམ་ཐབས་འཛིན་པ་སྐྲ་དམར་སེར་གྱེན་དུ་འབར་ཞིང་དགའ་བོ་སྔོན་པོས་དཀྲིས་པའོ། །འཇོག་པོ་ལ་སོགས་པ་ཀླུའི་རྒྱལ་པོ་རྣམས་ཀྱིས་བརྒྱན་ཅིང་རྡོ་རྗེ་དྲིལ་བུའི་མཚན་པའི་ཕྱག་གཉིས་རྡོ་རྗེ་ཁུ་ཚུར་བཅངས་ཏེ་རྒྱབ་གཉིས་སྦྱར་ཏེ་མཐེའུ་ཆུང་གཉིས་ལྕགས་སྒྲོག་བཞིན་དུ་
འཁྱུད་དེ་མཛུབ་མོ་གཉིས་བརྐྱང་བ་ནི་འཇིག་རྟེན་གསུམ་ལས་རྣམ་པར་རྒྱལ་བའི་ཕྱག་རྒྱ་རང་འོད་ཀྱི་ཤེས་རབ་ལ་འཁྱུད་པའོ། །གཡས་པའི་ཕྱག་གཉིས་ལྕགས་ཀྱུ་དང་ཞགས་པའོ། །གཡོན་པ་དག་ན་ཐོད་པ་དང་ཁ་ཊྭཱཾ་ག་འཛིན་པའོ། །ཕྱོགས་ཀྱི་ཞལ་ནས་ཧཱུཾ་གི་སྒྲ་སྒྲོགས་པ་རང་
གི་སྙིང་གའི་ཧཱུཾ་གི་ཡི་གེའི་འོད་ཟེར་འཕྲོས་པས་ཕྱོགས་ཕྱོགས་ནས་བགེགས་རྣམས་དགུག་པར་བྱའོ། །དེ་ནས་བྱང་ཕྱོགས་ཀྱི་སྒྲུབ་པ་པོ་སྤྲིན་གྱི་སྒྲ་ལ་སོགས་པའི་རྣམས་སོ་སོར་བསྒྱུར་བར་བྱས་ལ་རང་རང་གི་ཕུར་བུ་གདབ་པར་བྱའོ། །དང་པོ་མེའི་མཚམས་ལ་སོགས་པའི་ཟུར་བཞི་
ལ་ཕྱི་རོལ་དུ་འཆད་པར་འགྱུར་བའི་རང་རང་གི་སྔགས་ཀྱིས་ཕུར་བུ་གདབ་པར་བྱའོ། །དེ་ཡང་ཕུར་བུ་རིང་བའི་ཚད་ནི་སོར་བཅོ་བརྒྱད་དང་བཅུ་གཉིས་དང་བརྒྱད་རྣམས་གོ་རིམས་ཇི་ལྟ་བ་བཞིན་དུ་སོར་དྲུག་དང་བཞི་དང་ཕྱེད་ཀྱིས་ལྷག་པའི་གཉིས་ཀྱི་ཚད་ཀྱི་བསྲིང་བར་བྱའོ། །གསེར་

62-1-245b

ལས་སྐྱེས་པ་དང་སེང་ལྡེང་དག །ལས་ཐམས་ཅད་པའི་བུམ་པའི་ཆུས་བཀྲུས་པ། ལས་ཐམས་ཅད་པའི་སྔགས་ཀྱིས་བྱིན་གྱིས་བརླབ་པོ། །དེ་ནས་རི་མོ་ཉི་ཤུ་རྩ་བརྒྱད་ཀྱི་རྩེ་མོ་ལ་གོ་རིམས་བཞིན་དུ་དང་པོ་དབང་ལྡན་ནས་བརྩམས་ཏེ་མི་གཡོ་བ་དང་། རྣམ་འཇོམས་དང་། རྡོ་རྗེ་
ལྕགས་ཀྱུ་དང་། རྣམ་པར་རྒྱལ་བ་ཆེན་པོ་དང་། གཤིན་རྗེ་མཐར་བྱེད་དང་། རྡོ་རྗེ་གནམ་ལྕགས་དང་། བལྟ་བར་མི་བཟོད་པ་རྣམས་ཀྱི་སྔོན་པོ་དང་། སེར་པོ་དང་། དཀར་པོ་དང་། སྐྱ་བོ་དང་། སྔོན་པོ་དང་། སེར་པོ་དང་། དཀར་པོ་རྣམས་དོན་གྲུབ་དང་ཙནྡན་དམར་
པོས་རྣམ་པར་བྱུགས་ཏེ། མེ་ཏོག་དམར་པོ་དང་མཆོད་ཕྱིར་ཐོགས་ཀྱིས་ཉེ་བར་བརྒྱན་ཏེ། ལྟེ་འོག་མན་ཆད་རྩེ་མོ་གཅིག་པའི་རྣམ་པ་སྟེ་མི་གཡོ་བ་ལ་སོགས་པའི་ཁྲོ་བོའི་མིང་གི་རྣམ་པའོ། །དེ་བཞིན་དུ་མེའི་མཚམས་ནས་བརྩམས་ཏེ་ཊཀྐི་དང་། མཐར་སྤྱོད་པ་དང་། 
རྡོ་རྗེ་ཞགས་པ་དང་། ཁྲོ་བོ་གཟེགས་མ་དང་། ཤེས་རབ་མཐར་བྱེད་དང་། འབྲོས་པ་དང་། རིན་ཆེན་གཙུག་ཏོར་རྣམས་ཀྱི་སྔོན་པོ་དང་། སྐྱ་བོ་དང་། ནག་པོ་དང་། སྔོན་པོ་དང་། དཀར་པོ་དང་། ལྗང་གུ་དང་། སེར་པོ་རྣམས་སོ། །ལྷག་མ་སྔོན་བཞིན་དུའོ། །དེ་བཞིན་
དུ་དང་པོ་བདེན་བྲལ་ནས་བརྩམས་ཏེ་དབྱུག་པ་སྔོན་པོ་དང་། སྦྱང་དཀའ་བ་དང་། རྡོ་རྗེ་རྒྱས་པ་དང་། འཇིག་རྟེན་གསུམ་རབ་ཏུ་སྒྲུབ་པར་བྱེད་པ་དང་། པདྨ་མཐར་བྱེད་དང་། འཇིགས་བྱེད་དང་། རབ་ཏུ་གཏུམ་པོ་རྣམས་སྔོན་པོ་དང་། སེར་པོ་དང་། དམར་པོ་དང་། སྔོན་པོ་དང་། དམར་པོ་དང་། 
ལྗང་གུ་དང་། སེར་བ་རྣམས་ཀྱང་འདིར་སྔོན་བཞིན་དུའོ། །དེ་བཞིན་དུ་དང་པོ་རླུང་གི་མཚམས་ནས་བརྩམས་ཏེ། སྟོབས་པོ་ཆེ་དང་། གོམ་བསྐྱོད་དང་། རྡོ་རྗེ་འབེབས་པ་དང་། དཔའ་བོ་རྣམ་པར་གནོན་པ་དང་། བདུད་རྩི་འཁྱིལ་པ་དང་། རྡོ་རྗེ་གད་རྒྱངས་ཅན་དང་། རྡོ་རྗེ་རྣམ་འཇོམས་རྣམས་
སྔོན་པོ་དང་། སྔོ་བསངས་དང་། སྣ་ཚོགས་མདོག་དང་། དཀར་པོ་དང་། སྔོན་པོ་དང་། དཀར་པོ་དང་། ལྗང་གུ་རྣམས་སོ། །འདིར་ཡང་ལྷག་མ་རྣམས་སྔོན་བཞིན་དུའོ། །དེ་ནས་ཡང་མི་གཡོ་བ་ལ་སོགས་པ་ཁྲོ་བོ་ཉི་ཤུ་རྩ་བརྒྱད་ཧཱུཾ་ཡིག་ལས་བྱུང་བའི་རྡོ་རྗེ་ཐོ་བས་མཚན་པ་

62-1-246a

ལག་པ་གཡས་ནའོ། །ལྟེ་བའི་སྟེང་དུ་རང་གཟུགས་སོ། །འོག་རྩེ་མོ་གཅིག་པའི་ལག་པ་གཡོན་དུ་བསྒོམ་པར་བྱའོ། །ཨོཾ་བཛྲ་ཨ་ཙ་ལ་མ་ཧཱ་ཀྲོ་དྷ་ཀཱི་ལ་ཡ་སརྦ་བིགྷྣཱན་ཨཱ་ཛྙ་པ་ཡ་ཏི་བཛྲ་དྷ་རཿསརྦ་ཨཱི་ཤ་ནཱ་ནཱཾ་ཀཱ་ཡ་བཱཀྩིཏྟ་ཀཱི་ལ་ཡ་ཧཱུ་ཧཱུཾ་ཕཊ། ཅེས་བརྗོད་
ནས་སྔོན་དུ་དབང་ལྡན་གྱི་མགོ་ལ་ཕུར་བུས་གདབ་བོ། །ཕུར་བུ་མི་གཡོ་བའི་རྣམ་པར་བསམ་པར་བྱའོ། །དེ་བཞིན་དུ་ཨོཾ་བཛྲ་མུངྒ་ར་བཛྲ་ཀཱི་ལ་ཡ་ཨ་ཀོ་ཊ་ཡ་ཧཱུཾ། ཞེས་བརྗོད་ནས་བརྡུང་བར་བྱའོ། །དེ་བཞིན་དུ་ཨོཾ་བཛྲ་བི་དྭཱ་བ་ཀ་མ་ཧཱ་ཀྲོ་དྷ་ཀཱི་ལ་ཡ་སརྦ་བིགྷྣཱཾ་ཀཱ་ཡ་བཱཀྩིཏྟཾ་ཀཱི་ལ་
ཡ་ཧཱུཾ་ཕཊ། ཨོཾ་བཛྲ་ཨཾ་ཀུ་ཤ་མ་ཧཱ་ཀྲོ་དྷ་ཀཱི་ལ་ཡ་སརྦ་བིགྷྣཱནཱ་ཛྙཱ་པ་ཡ་ཏི་བཛྲ་དྷ་རཿསརྦ་ཨ་མྲྀ་ཏཾ་ཀཱ་རཱ་ཎཱཾ་ཀཱ་ཡ་བཱཀྩིཏྟཾ་ཀཱི་ལ་ཡ་ཧཱུཾ་ཕཊ། ཨོཾ་བཛྲ་བི་ཛ་ཡ་མ་ཧཱ་ཀྲོ་དྷ་ཀཱི་ལ་ཡ་སརྦ་བིགྷྣཱནཱ་ཛྙཱ་པ་ཡ་ཏི་བཛྲ་དྷ་རཿསརྦ་ཨིནྡྲ་ཎཱཾ་ཀཱ་ཡ་བཱཀ་ཙིཏྟཾ་ཀཱི་ལ་ཡ་ཧཱུཾ་ཕཊ། ཨོཾ་ཨཱཿཡ་མཱནྟ་ཀྲྀཏ་མ་ཧཱ་
ཀྲོ་དྷ་ཀཱི་ལ་ཡ་སརྦ་བིགྷྣཱནཱ་ཛྙཱ་པ་ཡ་ཏི་བཛྲ་དྷ་རཿསཱུརྱཱ་ནཱཾ་ས་པ་རི་བཱ་རཱ་ཎཱཾ་ཀཱ་ཡ་བཱ་ཀ་ཙིཏྟཾ་ཀཱི་ལ་ཡ་ཧཱུཾ་ཕཊ། ཨོཾ་བཛྲ་ཨཱ་ས་ནི་མ་ཧཱ་ཀྲོ་དྷ་ཀཱི་ལ་ཡ་སརྦ་བིགྷྣཱནཱ་ཛྙཱ་པ་ཡ་ཏི་བཛྲ་དྷ་རཿསརྦ་ཨུ་པེནྡྲཱ་ཎཱཾ་ཀཱ་ཡ་བཱཀ་ཙིཏྟཾ་ཀཱི་ལ་ཡ་ཧཱུཾ་ཕཊ། ཨོཾ་བཛྲ་དུརྣི་རཱིཀྵ་མ་ཧཱ་ཀྲོ་དྷ་ཀཱི་ལ་ཡ་སརྦ་
བིགྷྣཱནཱ་ཛྙཱ་པ་ཡ་ཏི་བཛྲ་དྷ་རཿསརྦ་ཀཱརྟི་ཀཱ་ནཱཾ་ས་པ་རི་བཱ་རཱ་ཎཱཾ་ཀཱ་ཡ་བཱཀ་ཙིཏྟཾ་ཀཱི་ལ་ཡ་ཧཱུཾ་ཕཊ། ཨོཾ་བཛྲ་མུངྒ་ར་ཨཱ་ཀོ་ཊ་ཡ་བཛྲ་ཀཱི་ལ་ཡཱ་ཛྙཱ་པ་ཡ་ཏི་བཛྲ་དྷ་རོ་ཧཱུཾ་ཕཊ། ཅེས་པའི་སྔགས་འདི་ཕུར་བུ་སོ་སོ་ལ་བརྗོད་པར་བྱའོ། །ཤར་དུའོ། །ཨོཾ་བཛྲ་ཊཀྐི་རཱ་ཛཱ་ས་པ་རི་
བཱ་རཱ་ནཱཾ་ཀཱ་ཡ་བཱཀ་ཙིཏྟཾ་ཀཱི་ལ་ཡ་ཧཱུཾ་ཕཊ། ཨོཾ་བཛྲ་ཨནྟ་ཙ་ར་མ་ཧཱ་ཀྲོ་དྷ་ཀཱི་ལ་ཡ་སརྦ་བིགྷྣཱནཱ་ཛྙཱ་པ་ཡ་ཏི་བཛྲ་དྷ་རཿསརྦ་དྷརྨ་ཀིནྣ་ར་རཱ་ཛ་ས་པ་རི་བཱ་རཱ་ཎཱཾ་ཀཱ་ཡ་བཱ་ཀ་ཙིཏྟཾ་ཀཱི་ལ་ཡ་ཧཱུཾ་ཕཊ། ཨོཾ་བཛྲ་པཱ་ཤ་མ་ཧཱ་ཀྲོ་དྷ་ཀཱི་ལ་ཡ་སརྦ་བིགྷྣཱནཱ་ཛྙཱ་པ་ཡ་ཏི་བཛྲ་དྷ་རཿསརྦ་ཨརྠ་སིདྡྷ་བིདྱཱ་དྷ་རཱཾ་
སརྦ་དུཥྚ་ས་པ་རི་བཱ་རཱ་ཎཱཾ་ཀཱ་ཡ་བཱཀ་ཙིཏྟཾ་ཀཱི་ལ་ཡ་ཧཱུཾ་ཕཊ། ཨོཾ་བཛྲ་ཀ་ཎི་མ་ཧཱ་ཀྲོ་དྷ་ཀཱི་ལ་ཡ་སརྦ་བིགྷྣཱནཱ་ཛྙཱ་པ་ཡ་ཏི་བཛྲ་དྷ་རཿསརྦ་དུཥྚ་ས་པ་རི་བཱ་རཱ་ཎཱཾ་ཀཱ་ཡ་བཱཀ་ཙིཏྟཾ་ཀཱི་ལ་ཡ་ཧཱུཾ་ཕཊ། ཨོཾ་ཨཱཿཔྲཛྙཱནྟ་ཀྲྀ་ཏ་མ་ཧཱ་ཀྲོ་དྷ་ཀཱི་ལ་ཡ་སརྦ་བིགྷྣཱནཱ་ཛྙཱ་པ་ཡ་ཏི་བཛྲ་དྷ་རཿསརྦ་དུཥྚ་པཉྩ་ཤི་

62-1-246b

ཁ་གནྡྷརྦ་རཱ་ཛ་ས་པ་རི་བཱ་རཱ་ཎཱཾ་ཡ་བཱཀ་ཙི་ཏྟཾ་ཀཱི་ལ་ཡ་བྷཱུ་ཕཊ། ཨོཾ་བཛྲ་མ་ཧཱ་བ་ལ་ཀྲོ་དྷ་ཀཱི་ལ་ཡ་སརྦ་བིགྷྣཱནཱ་ཛྙཱ་པ་ཡ་ཏི་བཛྲ་དྷ་རཿསརྦ་དུཥྚ་བྷྲྀཾ་གི་རི་ཏི་ས་པ་རི་བཱ་རཱ་ཎཱཾ་ཀཱ་ཡ་བཱཀ་ཙིཏྟཾ་ཀཱི་ལ་ཡ་ཧཱུཾ་ཕཊ། ཨོཾ་བཛྲ་རཏྣ་ཤི་ཁ་ར་མ་ཧཱ་ཀྲོ་དྷ་ཀཱི་ལ་ཡ་སརྦ་བིགྷྣཱནཱ་ཛྙཱ་པ་ཡ་ཏི་བཛྲ་དྷ་རཿསརྦ་དུཥྚ་བ་ལ་བྷ་
དྲ་ས་པ་རི་བཱ་རཱ་ཎཱཾ་ཀཱ་ཡ་བཱཀ་ཙིཏྟཾ་ཀཱི་ལ་ཡ་ཧཱུཾ་ཕཊ། ལྷོ་རུའོ། །ཨོཾ་ཨཱཿནཱི་ལ་དཎྜ་མ་ཧཱ་ཀྲོ་དྷ་ཀཱི་ལ་ཡ་སརྦ་བིགྷྣཱནཱ་ཛྙཱ་པ་ཡ་ཏི་བཛྲ་དྷ་རཿསརྦ་དུཥྚ་ནི་རྲྀ་ཏྱ་ས་པ་རི་བཱ་རཱ་ཎཱཾ་ཀཱ་ཡ་བཱཀ་ཙིཏྟཾ་ཀཱི་ལ་ཡ་ཧཱུཾ་ཕཊ། ཨོཾ་ཨཱཿདུར་ཛྫ་ཡ་མ་ཧཱ་ཀྲོ་དྷ་ཀཱི་ལ་སརྦ་བིགྷྣཱནཱ་ཛྙཱ་པ་ཡ་ཏི་བཛྲ་དྷ་རཿསརྦ་དུཥྚ་པྲྀ་ཐྭཱི་དེ་
བཱི། ས་པ་རི་བཱ་རཱ་ཎཱཾ་ཀཱ་ཡ་བཱཀ་ཙིཏྟཾ་ཀཱི་ལ་ཡ་ཧཱུཾ་ཕཊ། ཨོཾ་བཛྲ་སྥོ་ཊ་མ་ཧཱ་ཀྲོ་དྷ་ཀཱི་ལ་ཡ་སརྦ་བིགྷྣཱནཱ་ཛྙཱ་པ་ཡ་ཏི་བཛྲ་དྷ་རཿསརྦ་དུཥྚ་བེ་མ་ཙི་ཏྲ་ས་པ་རི་བཱ་རཱ་ཎཱཾ་ཀཱ་ཡ་བཱཀ་ཙིཏྟཾ་ཀཱི་ལ་ཡ་ཧཱུཾ་ཕཊ། ཨོཾ་བཛྲ་ཏྲཻ་ལོ་ཀྱ་པྲ་སཱ་དྷ་ཀ་མ་ཧཱ་ཀྲོ་དྷ་ཀཱི་ལ་ཡ་སརྦ་བིགྷྣཱནཱ་ཛྙཱ་པ་ཡ་ཏི་བཛྲ་དྷ་རཿསརྦ་དུཥྚ་ཝ་རུ་ཎ་ས་
པ་རི་བཱ་རཱ་ཎཱཾ་ཀཱ་ཡ་བཱཀ་ཙིཏྟཾ་ཀཱི་ལ་ཡ་ཧཱུཾ་ཕཊ། ཨོཾ་ཨཱཿཔདྨཱནྟ་ཀྲྀཏ་མ་ཧཱ་ཀྲོ་དྷ་ཀཱི་ལ་ཡ་སརྦ་བིགྷྣཱནཱ་ཛྙཱ་པ་ཡ་ཏི་བཛྲ་དྷ་རཿསརྦ་དུཥྚ་ནནྡི་གེ་ཤྭ་ར་ས་པ་རི་བཱ་རཱ་ཎཱཾ་ཀཱ་ཡ་བཱཀ་ཙིཏྟཾ་ཀཱི་ལ་ཡ་ཧཱུཾ་ཕཊ། ཨོཾ་བཛྲ་བྷཱི་མ་མ་ཧཱ་ཀྲོ་དྷ་ཀཱི་ལ་ཡ་སརྦ་བིགྷྣཱནཱ་ཛྙཱ་པ་ཡ་ཏི་བཛྲ་དྷ་རཿསརྦ་དུཥྚ་བ་ལི་ར་སུ་རེནྡྲ་ས་པ་རི་
བཱ་རཱ་ཎཱཾ་ཀཱ་ཡ་བཱཀ་ཙིཏྟཾ་ཀཱི་ལ་ཡ་ཧཱུཾ་ཕཊ། ཨོཾ་བཛྲ་པྲ་ཙཎྜ་མ་ཧཱ་ཀྲོ་དྷ་ཀཱི་ལ་ཡ་སརྦ་བིགྷྣཱནཱ་ཛྙཱ་པ་ཡ་ཏི་བཛྲ་དྷ་རཿསརྦ་དུཥྚ་པྲ་ཧླཱ་ད་ས་པ་རི་བཱ་རཱ་ཎཱཾ་ཀཱ་ཡ་བཱཀ་ཙིཏྟཾ་ཀཱི་ལ་ཡ་ཧཱུཾ་ཕཊ། ནུབ་ཏུའོ། །ཨོཾ་ཨཱཿམ་ཧཱ་བ་ལ་མ་ཧཱ་ཀྲོ་དྷ་ཀཱི་ལ་ཡ་སརྦ་བིགྷྣཱནཱ་ཛྙཱ་པ་ཡ་ཏི་བཛྲ་དྷ་རཿསརྦ་དུཥྚ་བཱ་ཡུ་ས་
པ་རི་བཱ་རཱ་ཎཱཾ་ཀཱ་ཡ་བཱཀ་ཙིཏྟཾ་ཀཱི་ལ་ཡ་ཧཱུཾ་ཕཊ། ཨོཾ་བཛྲ་པཱ་ད་ནཱི་ཀྵེ་པ་མ་ཧཱ་ཀྲོ་དྷ་ཀཱི་ལ་ཡ་སརྦ་བིགྷྣཱནཱ་ཛྙཱ་པ་ཡ་ཏི་བཛྲ་དྷ་རཿསརྦ་དུཥྚ་མ་ཧཱ་ཀཱ་ལ་ས་པ་རི་བཱ་རཱ་ཎཱཾ་ཀཱ་ཡ་བཱཀ་ཙིཏྟཾ་ཀཱི་ལ་ཡ་ཧཱུཾ་ཕཊ། ཨོཾ་བཛྲ་ཨཱ་བེ་ཤ་མ་ཧཱ་ཀྲོ་དྷ་ཀཱི་ལ་ཡ་སརྦ་བིགྷྣཱནཱ་ཛྙཱ་པ་ཡ་ཏི་བཛྲ་དྷ་རཿསརྦ་དུཥྚ་བི་ནཱ་ཡ་ཀ་ས་
པཱ་རི་བཱ་རཱ་ཎཱཾ་ཀཱ་ཡ་བཱཀ་ཙིཏྟཾ་ཀཱི་ལ་ཡ་ཧཱུཾ་ཕཊ ཨོཾ་ཨཱཿཔཱི་ར་བི་ཀྲཱནྟ་མ་ཧཱ་ཀྲོ་དྷ་ཀཱི་ལ་ཡ་སརྦ་བིགྷྣཱནཱ་ཛྙཱ་པ་ཡ་ཏི་བཛྲ་དྷ་རཿསརྦ་དུཥྚ་ཀུ་བེ་ར་ཡ་ས་པ་རི་བཱ་རཱ་ཎཱཾ་ཀཱ་ཡ་བཱཀ་ཙིཏྟཾ་ཀཱི་ལ་ཡ་ཧཱུཾ་ཕཊ། ཨོཾ་ཨཱཿབཛྲ་ཨ་མྲྀ་ཏ་ཀུཎྜ་ལི་མ་ཧཱ་ཀྲོ་དྷ་ཀཱི་ལ་ཡ་བིགྷྣཱནཱ་ཛྙཱ་པ་ཡ་ཏི་བཛྲ་དྷ་རཿསརྦ་དུཥྚ་ཛ་ཡ་ཀ་ར་

62-1-247a

ས་པ་རི་བཱ་རཱ་ཎཱཾ་ཀཱ་ཡ་བཱཀ་ཙིཏྟཾ་ཀཱི་ལ་ཡ་ཧཱུཾ་ཕཊ། ཨོཾ་བཛྲ་ཨཊྚ་ཧ་ས་མ་ཧཱ་ཀྲོ་དྷ་ཀཱི་ལ་ཡ་སརྦ་བིགྷྣཱནཱ་ཛྙཱ་པ་ཡ་ཏི་བཛྲ་དྷ་རཿསརྦ་དུཥྚ་མ་དྷུ་ཀ་ར་ས་པ་རི་བཱ་རཱ་ཎཱཾ་ཀཱ་ཡ་བཱཀ་ཙིཏྟཾ་ཀཱི་ལ་ཡ་ཧཱུཾ་ཕཊ། ཨོཾ་བཛྲ་བི་དཱ་ར་ཎ་མ་ཧཱ་ཀྲོ་དྷ་ཀཱི་ལ་ཡ་སརྦ་བིགྷྣཱནཱ་ཛྙཱ་པ་ཡ་ཏི་བཛྲ་དྷ་རཿསརྦ་དུཥྚ་བ་སནྟ་ས་པ་རི་བཱ་རཱ་ཎཱཾ་
ཀཱ་ཡ་བཱཀ་ཙིཏྟཾ་ཀཱི་ལ་ཡ་ཧཱུཾ་ཕཊ། བྱང་དུའོ། །དེ་བཞིན་དུ་བགེགས་ཀྱི་ཚོགས་རྣམས་ལ་ཕུར་བུས་བཏབ་པས་ལུས་ཀྱི་ངན་དུ་སྤྱོད་པ་དང་། ངག་གི་ངན་དུ་སྤྱོད་པ་དང་། ཡིད་ཀྱི་ངན་དུ་སྤྱོད་པ་རྣམས་བཅོམ་ནས་བདེ་བ་ཆེན་པོ་དང་དེ་བཞིན་རོ་གཅིག་པར་ཡང་དག་པར་གནས་ཤིང་
བགེགས་ལྷག་མ་རྣམས་རིང་དུ་འབྲོས་པར་བསམ་ཞིང་རྣམ་པ་ཐམས་ཅད་དུ་བགེགས་མེད་པའི་སའི་ཆ་ལྷག་པར་གྲོལ་ལོ་ཞེས་པ་ནི་རིམ་པ་གཅིག་གོ། །ཡང་ན། ཨོཾ་ཨཱཿཡ་མཱནྟ་ཀྲྀཏ་སརྦ་དུཥྚ་ཨུ་པིནྡྲཱཾ་ས་པ་རི་བཱ་རཱན་ཀཱི་ལ་ཡ་ཧཱུཾ་ཕཊ། ཨོཾ་ཨཱཿཊཀྐི་རཱ་ཛཱ་སརྦ་དུཥྚ་བིགྷྣཱཾ་ས་པ་རི་བཱ་རཱན་ཀཱི་
ལ་ཡ་ཧཱུཾ་ཕཊ། ཨོཾ་ཨཱཿམེ་གྷ་ནཱ་དཱ་མ་ཧཱ་ཀྲོ་དྷ་སརྦ་དུཥྚ་བིགྷྣཱཾ་ས་པ་རི་བཱ་རཱན་ཀཱི་ལ་ཡ་ཧཱུཾ་ཕཊ། ཨོཾ་ཨཱཿཔྲཛྙཱནྟ་ཀྲྀཏ་སརྦ་དུཥྚ་ཡ་མ་ནཱ་ས་པ་རི་བཱ་རཱན་ཀཱི་ལ་ཡ་ཧཱུཾ་ཕཊ། ཨོཾ་ཨཱཿནཱི་ལ་དཎྜ་སརྦ་དུཥྚ་ནཻ་རྲྀ་ཏྱ་ས་པ་རི་བཱ་རཱན་ཀཱི་ལ་ཡ་ཧཱུཾ་ཕཊ། ཨོཾ་ཨཱཿམ་ཧོ་ད་ར་མ་ཧཱ་ཀྲོ་དྷ་སརྦ་དུཥྚ་བིགྷྣཱཾ་ས་པ་རི་བཱ་
རཱན་ཀཱི་ལ་ཡ་ཧཱུཾ་ཕཊ། ཨོཾ་ཨཱཿཔདྨནྟ་ཀྲྀཏ་སརྦ་དུཥྚ་ནཱ་གྷཾ་ས་པ་རི་བཱ་རཱན་ཀཱི་ལ་ཡ་ཧཱུཾ་ཕཊ། ཨོཾ་ཨཱཿམ་ཧཱ་བཱ་ལ་སརྦ་དུཥྚ་བཱ་ཡཱུན་ས་པ་རི་བཱ་རཱན་ཀཱི་ལ་ཡ་ཧཱུཾ་ཕཊ། ཨོཾ་ཨཱཿཛ་ཡ་མ་ཧཱ་ཀྲོ་དྷ་སརྦ་དུཥྚ་བིགྷྣཱཾ་ས་པ་རི་བཱ་རཱན་ཀཱི་ལ་ཡ་ཧཱུཾ་ཕཊ། ཨོཾ་ཨཱཿབིགྷྣཱཾནྟ་ཀྲྀཏ་སརྦ་དུཥྚ་ཀུ་བེ་ར་ས་པ་རི་
བཱ་རཱན་ཀཱི་ལ་ཡ་ཧཱུཾ་ཕཊ། ཨོཾ་ཨཱཿཨ་ཙ་ལ་སརྦ་དུཥྚ་བི་ནཱ་ཡ་ཀཾ་ས་པ་རི་བཱ་རཱན་ཀཱི་ལ་ཡ་ཧཱུཾ་ཕཊ། ཨོཾ་ཨཱཿབི་ཛཱ་ཡ་མ་ཧཱ་ཀྲོ་དྷ་སརྦ་དུཥྚ་ཨཱི་ན་ས་པ་རི་བཱ་རཱན་ཀཱི་ལ་ཡ་ཧཱུཾ་ཕཊ། ཅེས་པའི་སྔགས་ཀྱིས་བརྡུང་བར་བྱའོ། །རྣམ་པར་རྒྱལ་བ་ཆེན་པོ་དང་། ཁྲོ་བོ་གཟེགས་མ་དང་། 
འཇིག་རྟེན་གསུམ་རབ་ཏུ་བསྒྲུབ་པ་དང་། དཔའ་བོ་རྣམ་པར་གནོན་པ་རྣམས་ཀྱི་གནས་ལ་གོ་རིམས་ཇི་ལྟ་བ་བཞིན་དུ་གཤིན་རྗེ་དང་། ཤེས་རབ་དང་། པདྨ་དང་། བགེགས་མཐར་བྱེད་རྣམས་ཤེས་པར་བྱའོ། །དེ་བཞིན་དུ་བལྟ་བར་མི་བཟོད་པ་དང་། ཊཀྐི་དང་། རིན་

62-1-247b

ཆེན་གཙུག་ཏོར་དང་། དབྱུག་སྔོན་དང་། སྟོབས་པོ་ཆེ་དང་། རྡོ་རྗེ་རྣམ་འཇོམས་དང་། མི་གཡོ་རྣམས་ཀྱི་གནས་རྣམས་ལ་ཊཀྐི་དང་། སྤྲིན་གྱི་སྒྲ་དང་། དབྱུག་པ་སྔོན་པོ་དང་། གསུས་པོ་ཆེ་དང་། སྟོབས་པོ་ཆེ་དང་། རྒྱལ་བ་དང་། མི་གཡོ་བ་དང་། རྣམ་པར་
རྒྱལ་བ་རྣམས་ཏེ། ཁྲོ་བོ་བརྒྱད་ཤེས་པར་བྱའོ་ཞེས་པ་ནི། ཕུར་བུ་བཅུ་གཉིས་གདབ་བོ་ཞེས་པ་ནི་རིམ་པ་གཉིས་པའོ། །ཡང་ན་གཤིན་རྗེ་མཐར་བྱེད་ལ་སོགས་པའི་གནས་གང་ལ་རྡོ་རྗེ་ལྕགས་ཀྱུ་དང་། རྡོ་རྗེ་ཞགས་པ་དང་། རྡོ་རྗེ་རྒྱས་པ་དང་། རྡོ་རྗེ་འབེབས་པ་དང་། ཁྲོ་
བོ་བཞིའི་རྣམ་པའི་ཕུར་བུས་དེ་བཞིན་དུ་གཞན་ལའོ་ཞེས་པ་ནི། རིམ་པ་གསུམ་པའོ་ཞེས་པ་ནི་ཕུར་བུའི་ཆོ་གའོ།།      །།དེ་ནས་སློབ་དཔོན་དཀྱིལ་འཁོར་གྱི་དབང་ཕྱུག་གི་རྣལ་འབྱོར་དང་ལྡན་པས་ནམ་མཁའ་ལ་དེ་བཞིན་གཤེགས་པ་ཐམས་ཅད་དམིགས་ཏེ་ཡང་དག་
པར་མཆོད་པར་བྱའོ། །གཞོན་ནུ་མ་མཉམས་པས་བྱས་པའམ་དཔའ་བོའི་རིན་གྱིས་ཉོས་པའི་སྐུད་པ་ལྔ་ལྔ་དཀར་པོ་དང་། སེར་པོ་དང་། དམར་པོ་དང་། ལྗང་གུ་དང་། ནག་པོའི་ཁ་དོག་རྣམས་སོ་སོར་ཁ་བསྒྱུར་ནས་བྷྲཱུཾ་ཨཱཾ་ཛྲཱིཾ་ཁཾ་ཧཱུཾ་ཞེས་པ་དེ་བཞིན་གཤེགས་པ་ལྔའི་ས་བོན་
རྫོགས་པས་དེ་བཞིན་དུ་བྱིན་གྱིས་བརླབ་པར་བྱའོ། །དེའི་རྗེས་སུ་ནམ་མཁའ་ལ་གནས་པའི་དེ་བཞིན་གཤེགས་པ་ལྔའི་ཐུགས་ཀ་རྣམས་ལ་བྷྲཱུཾ་ཡིག་ལ་སོགས་པའི་ས་བོན་རྫོགས་པ་ལས་ཡེ་ཤེས་ཀྱི་ཐིག་གི་འོད་ཟེར་གྱི་རང་བཞིན་རྣམས་བལྟའོ། །ཨོཾ་ཨཱཿཤ་ཤྭ་ཏཱ་བཛྲ་སཱུ་
ཏྲཾ་མེ་པྲ་ཡཙྪ་ཧཱུཾ་ཞེས་པ་འདིས་རྣམ་པར་སྣང་མཛད་ཆེན་པོ་ལ་ཞུ་བར་བྱའོ། །དེ་བཞིན་དུ་ཨོཾ་ཨཱཿརཏྣཻ་ཥ་བཛྲ་སཱུ་ཏྲཾ་མེ་པྲ་ཡཙྪ་ཧཱུཾ། ཨོཾ་ཨཱཿཨ་མྲྀ་ཏཻ་ཥ་སཱུ་ཏྲཾ་མེ་པྲ་ཡཙྪ་ཧཱུཾ། ཨོཾ་ཨཱཿཨ་མོ་གྷེ་ཥ་བཛྲ་སཱུ་ཏྲཾ་མེ་པྲ་ཡཙྪ་ཧཱུཾ། ཨོཾ་ཨཱཿཅིཏྟཻ་ཥ་བཛྲ་སཱུ་ཏྲཾ་མེ་པྲ་ཡཙྪ་ཧཱུཾ་ཞེས་པ་འདིས་ཞུ་བར་བྱའོ། །
དེ་ནས་ཛ་ཡིག་སེར་པོ་ལས་ཟླ་བ་དང་ཉི་མའི་རང་བཞིན་གྱི་མིག་གཉིས་སོ། །ཨོཾ་དཱིཔྟ་དྲྀཥྚི་ཨཾ་ཀུ་ཤ་ཛཿཞེས་བརྗོད་པས་མིག་གཉིས་རབ་ཏུ་བསྐྱོད་ནས་མིག་གི་རྫི་མ་འབར་ཞིང་ལྟ་བའི་ལྕགས་ཀྱུས་དེ་བཞིན་དུ་རྣམ་པར་སྣང་མཛད་ལ་སོགས་པ་རྣམས་བསྐུལ་ནས་གདན་དྲངས་ཏེ་སོ་སོའི་ཁ་དོག་

62-1-248a

དེ་བཞིན་དུ་གཞུག་པར་བྱའོ། །དེའི་ཕྱིར་དེ་རྣམས་མེ་ལོང་ལྟ་བུ་ལ་སོགས་པའི་ཡེ་ཤེས་ལྔའི་རང་བཞིན་ནོ། །མེ་ལོང་ལྟ་བུའི་ཡེ་ཤེས་ལ་སོགས་པ་སོ་སོར་རེ་རེ་ལ་ཡེ་ཤེས་བཞིའི་རྗེས་སུ་འབྲང་ནས་ཉི་ཤུ་རྩ་ལྔའི་དབྱེ་བ་རྣམས་སུ་འགྱུར་རོ། །དེའི་རྗེས་སུ་ལས་ཐམས་ཅད་པའི་
གཟུགས་ཀྱིས་ལས་ཀྱི་སློབ་དཔོན་གྱིས་བཟུང་ནས་ལྷན་ཅིག་ཏུ་དང་པོ་རེ་རེ་ལ་སྐུད་པ་ལྔ་ལྔའི་ཐིག་སྐུད་བསྒྲིལ་བར་བྱའོ། །དེའི་རྗེས་སུ་དེ་བཞིན་དུ་བསྒྲིལ་བའི་ལྔ་པོ་ཐིག་སྐུད་གཅིག་ཏུ་བྱའོ། །ཨོཾ་ཨ་ནྱོ་ནྱ་ནུ་ག་ཏཱཿསརྦ་དྷརྨཱཿསྥ་ར་སྥ་རཱ་ནུ་ཕྲ་བིཥྚ་སརྦ་དྷརྨཱ་ཨ་ཏྱནྟཱ་ནུ་པྲ་བིཥྚཿསརྦ་དྷརྨཱཿཨོཾ་ཨཱཿཧཱུཾ། 
ཞེས་བརྗོད་ནས་བསྒྲིལ་བར་བྱའོ། །བསྒྲིལ་བ་རབ་ཏུ་བཏབ་ནས་གསེར་ལ་སོགས་པའི་སྣོད་དུ་བཞག་ནས་དྲི་དང་མེ་ཏོག་དང་སྤོས་ལ་སོགས་པ་རྣམས་ཀྱིས་མཆོད་ནས་ལས་ཐམས་ཅད་པའི་སྔགས་ཀྱིས་བསྲུང་བར་བྱའོ། །ཨོཾ་བཛྲ་སཾ་མ་ཡ་སཱུ་ཏྲཾ་མཱ་ཏི་ཀྲ་མ་ཧཱུཾ། ཞེས་པ་འདིས་ལན་བརྒྱ་རྩ་
བརྒྱད་བཟླས་ནས་ལྷག་པར་གནས་པར་བྱའོ། །ཡང་ཨོཾ་སརྦ་སཾ་ཤོ་དྷ་ནི་ཧཱུཾ་ཕཊ། ཅེས་པའི་སྔགས་ཀྱི་བུམ་པ་ཐམས་ཅད་ཀྱི་ཆུས་ལེགས་པར་གཏོར་ཏེ་མེ་ཏོག་གཅལ་དུ་བཀྲམ་ནས་ནམ་མཁའི་མཐིལ་དུ་སོང་སྟེ་ཡི་དམ་ལྷའི་དཀྱིལ་འཁོར་ལ་དམིགས་ཏེ་མཆོད་ཡོན་སྔོན་དུ་ཕུལ་ནས་
ཡང་དག་པར་མཆོད་པར་བྱའོ། །དེ་ནས་ཕྱག་འཚལ་ཏེ། རང་དེའི་རྣལ་འབྱོར་དང་ལྡན་པས་བྱང་ཕྱོགས་ཀྱི་སྒྲུབ་པ་པོ་ལས་ཐམས་ཅད་པའི་གཟུགས་སུ་རྣམ་པར་བསམ་མོ། །རང་དང་དེའི་ཡང་གཡས་ཕྱོགས་དང་གཡོན་གྱི་མིག་དག་ལ་ཛྫ་ཡིག་ལས་སྐྱེས་པའི་འོད་ཟེར་སེར་
པོ་ལ་ཟླ་བ་དང་ཉི་མ་བསམས་ནས་ཐིག་སྐུད་གཡོན་པའི་རྡོ་རྗེ་ཁུ་ཚུར་གྱིས་བཟུང་སྟེ་ལྟེ་བར་གཟུང་བར་བྱའོ། །དེ་ལ་ཡང་བྱང་ཕྱོགས་ཀྱི་སྒྲུབ་པ་པོས་དེ་བཞིན་དུ་ཐིག་སྐུད་བཟུང་ནས། ཛྫཿཛྫཿཛྫཿཡི་གེ་གསུམ་གྱི་བྱང་ཕྱོགས་ཀྱི་སྒྲུབ་པ་པོ་ཡང་དག་པར་བསྐུལ་ནས། ཛྫཿཛྫཿཛྫཿཞེས་ཛྫཿཡིག་
གསུམ་གྱིས་བཀུག་ཅིང་དེ་བཞིན་དུ་གདོང་མངོན་པར་ཕྱོགས་ཏེ་གནས་པས་ནུབ་ཏུ་གནས་ཏེ་ཁ་ཤར་དུ་ཕྱོགས་པ་དང་། ལྷོ་ཕྱོགས་སུ་གནས་ཏེ་ཁ་བྱང་དུ་ཕྱོགས་པས་ཚངས་པའི་ཐིག་གཉིས་ལྟེ་བ་ནས་མཉམ་དུ་བར་སྣང་ལ་གདབ་པར་བྱའོ། །ལག་པ་གཡས་པ་རྡོ་རྗེ་དང་བཅས་པའི་

62-1-248b

སོར་མོ་དག་གིས་ཐིག་སྐུད་བླངས་ཏེ་སེ་གོལ་གྱི་སྒྲ་དང་བཅས་པས་གདབ་བོ། །ཐིག་གདབ་པ་ཐམས་ཅད་དུ་ཡང་ངོ་། །ཨོཾ་བཛྲ་སཱུ་ཏྲ་མཱ་ཏི་ཀྲ་མ་ཧཱུཾ་ཧཱུཾ་ཨཾ་ཏྲཱཾ་ཨཱ་ཧཱཿཞེས་བརྗོད་པར་བྱའོ། །དེའི་ཐིག་གི་སྒྲས་ནམ་མཁའི་ཁམས་ཐམས་ཅད་ཁྱབ་ཅིང་དེ་བཞིན་གཤེགས་པ་ཐམས་ཅད་ཡང་
དག་པར་བསྐུལ་བར་བྱའོ། །དེ་རྣམས་ཀྱང་བྱོན་ཏེ་ཐིག་སྐུད་ཀྱི་ནང་དུ་གཞུག་པར་བྱའོ། །འདིའི་སྒྲ་ནི་སེམས་ཅན་གྱི་དོན་དུ་འགྱུར་བའི་དུས་སོ། །དེ་འདིར་འོངས་སོ་ཞེས་པའི་བརྡའོ། །གང་གི་ཕྱིར་ཐམས་ཅད་དུ་ཡང་སློབ་དཔོན་དང་བྱང་ཕྱོགས་ཀྱི་སྒྲུབ་པ་པོ་གཡས་སྐོར་
གྱིས་འགྲོ་བར་བྱའོ། །ཕྱོགས་ཐམས་ཅད་ཀྱང་མཉམ་དུ་འགྲོ་བར་བྱའོ། །ནམ་མཁའི་ཐིག་གཉིས་བཞིན་དུ་ས་ལ་ཚངས་པའི་ཐིག་གཉིས་ཐིག་སྐུད་དང་བཅས་པའི་ལག་པ་དག་གིས་གདབ་པར་བྱའོ། །དེ་ནས་ཊཀྐིའི་ཕུར་བུའི་གནས་དང་རྡོ་རྗེ་རྣམ་འཇོམས་ཀྱི་ཕུར་བུ་དག་ལ་ཁ་
མངོན་པར་ཕྱོགས་ཏེ་ཤར་ཕྱོགས་ཀྱི་ཐིག་གདབ་པར་བྱའོ། །དེའི་རྗེས་སུ་རྡོ་རྗེ་མཐར་སྤྱོད་པའི་ཕུར་བུ་ལ་ཕྱིན་ཏེ། རྡོ་རྗེ་གད་རྒྱངས་ཀྱིས་ཕུར་བུ་དག་ལ་གདོང་མངོན་པར་ཕྱོགས་ཏེ་ཤར་གྱི་རྩ་བའི་ཐིག་གདབ་པར་བྱའོ། །དེ་ནས་ཁྲོ་བོ་སྟོབས་པོ་ཆེའི་ཕུར་བུ་ལ་ཕྱིན་ཏེ། རིན་ཆེན་
གཙུག་ཏོར་གྱི་ཕུར་བུ་དག་ལ་གདོང་མངོན་པར་ཕྱོགས་ཏེ་ནུབ་ཕྱོགས་ཀྱི་ཐིག་གདབ་པར་བྱའོ། །དེའི་རྗེས་སུ་རྐང་པ་བསྐྱོད་པའི་ཕུར་བུའི་གནས་དང་། རྡོ་རྗེ་ཡལ་གའི་ཕུར་བུ་དག་ལ་གདོང་མངོན་པར་ཕྱོགས་ཏེ་ནུབ་ཀྱི་རྩ་བའི་ཐིག་གདབ་པར་བྱའོ། །དེ་ནས་ཁྲོ་བོ་ཆེན་པོ་རྡོ་རྗེ་
རབ་ཏུ་གཏུམ་པོའི་ཕུར་བུའི་གནས་དང་། མི་གཡོ་བའི་ཕུར་བུ་དག་ལ་གདོང་མངོན་པར་ཕྱོགས་ཏེ་བྱང་ཕྱོགས་ཀྱི་ཐིག་གདབ་པར་བྱའོ། །དེའི་རྗེས་སུ་རྡོ་རྗེ་འཇིགས་བྱེད་ཀྱི་ཕུར་བུའི་གནས་དང་རྡོ་རྗེ་འཇོམས་པའི་ཕུར་བུ་དག་ལ་གདོང་མངོན་པར་ཕྱོགས་ཏེ་བྱང་གི་རྩ་བའི་ཐིག་གདབ་
པར་བྱའོ། །དེ་ནས་རྡོ་རྗེ་བལྟ་བར་མི་བཟོད་པའི་ཕུར་བུ་ལ་ཕྱིན་ཏེ་དབྱུག་པ་སྔོན་པོའི་ཕུར་བུ་དག་ལ་གདོང་ཕྱོགས་ཏེ་ལྷོ་ཕྱོགས་ཀྱི་ཐིག་གདབ་པར་བྱའོ། །དེ་ནས་རྡོ་རྗེ་གནམ་ལྕགས་ཀྱི་ཕུར་བུའི་གནས་དང་ཁྲོ་བོ་ཆེན་པོ་སྦྱང་དཀའ་བའི་ཕུར་བུ་དག་ལ་གདོང་མངོན་དུ་ཕྱོགས་ཏེ་ལྷོའི་རྩ་

62-1-249a

བའི་ཐིག་གདབ་བོ། །དེ་ནས་ཁྲོ་བོ་ཆེན་པོ་རྡོ་རྗེ་ཞགས་པའི་ཕུར་བུ་ལ་ཕྱིན་ཏེ་ཁྲོ་བོ་ཆེན་པོ་བདུད་རྩི་འཁྱིལ་པའི་ཕུར་བུ་དག་ལ་གདོང་མངོན་པར་ཕྱོགས་ཏེ་གཞོགས་ཀྱི་ཐིག་གདབ་པར་བྱའོ། །དེ་ནས་རྡོ་རྗེ་འབེབས་པའི་ཕུར་བུ་ལ་ཕྱིན་ཏེ་ཤེས་རབ་མཐར་བྱེད་ཀྱི་ཕུར་བུ་
དག་ལ་གདོང་མངོན་པར་ཕྱོགས་ཏེ་གཞོགས་ཀྱི་ཐིག་གདབ་པར་བྱའོ། །དེའི་རྗེས་སུ་པདྨ་མཐར་བྱེད་ཀྱི་ཕུར་བུའི་གནས་དང་། རྡོ་རྗེ་ལྕགས་ཀྱུའི་ཕུར་བུ་དག་ལ་གདོང་མངོན་པར་ཕྱོགས་ཏེ་གཞོགས་ཀྱི་ཐིག་གདབ་པར་བྱའོ། །དེ་ནས་གཤིན་རྗེ་མཐར་བྱེད་ཀྱི་ཕུར་བུའི་གནས་དང་རྡོ་རྗེ་རྒྱས་
པའི་ཕུར་བུ་དག་ལ་གདོང་མངོན་པར་ཕྱོགས་ཏེ་གཞོགས་ཀྱི་ཐིག་གདབ་བོ། །ཐིག་གདབ་པ་ཐམས་ཅད་ལ་སོ་སོ་ལ་གཡས་ཕྱོགས་སུ་བསྐོར་བ་རེ་རེ་བྱས་ནས་གདབ་པོ། །དེ་ནས་ཐིག་གདབ་པའི་མཐར་བདེན་བྲལ་གྱི་མཚམས་སུ་ཕྱིན་ནས་དབང་ལྡན་དུ་ཁ་ཕྱོགས་ཏེ་གཏོར་མ་དང་མཆོད་པ་སྔོན་དུ་
འགྲོ་བས། ཨོཾ་ཨཱཿཧཱུཾ་བཛྲ་མུཿཞེས་པས་ཡེ་ཤེས་ཀྱི་ཐིག་གཤེགས་སུ་གསོལ་ཏེ། ནམ་མཁའ་ལ་གནས་པའི་དེ་བཞིན་གཤེགས་པ་རྣམས་ཀྱི་ཐུགས་ཀར་རབ་ཏུ་ཞུགས་ཏེ་ཁ་དོག་ལྔའི་ཐིག་སྐུད་ཇི་ལྟ་བར་གནས་པར་བྱའོ་ཞེས་པ་ནི་ཐིག་གདབ་པའི་རིམ་པའོ།།      །།རྟགས་མེད་
དངོས་གྲུབ་མེད་དེ་ཐིག་སྐུད་ཆད་གྱུར་བླ་མ་འཆི། །ཞེས་པའི་གསུང་ལས་མཚན་མ་རྣམས་ནི་ཉེ་བར་མཚོན་པར་བྱ། །རྟགས་ནི་ཐིག་སྐུད་ཆད་དང་དུ་དང་ཐིག་སྐུད་འགོང་བ་དང་། །ལུས་ལ་རེག་དང་མིང་ནི་ཡོངས་སུ་གྲགས་ལ་སོགས་པ་རྣམས། །དེ་ལ་ཐིག་སྐུད་ཆད་ན་འདིས་སློབ་དཔོན་འཆིའོ། །
ཁྱི་དང་ཅེ་སྤྱང་དང་བྱ་རྒོད་དང་སྡིག་པའི་སྒྲ་བྱུང་ན་སྦྱིན་བདག་འཆི་བར་བཤད་དོ། །ཞུམ་བུས་ཐིད་སྐུད་འགོང་ན་དེའི་རུས་པ་ཡོད་དོ། །ཡང་ན་གླང་གིའོ། །བོང་བུས་འགོང་ན་དེའི་རུས་པའོ། །བྱི་ཡིས་འགོང་ན་དེའི་རུས་པའོ། །ར་དང་ལུག་གིས་འགོང་ན་དེ་དག་གི་རུས་པ་འམ་ཡང་ན་བ་ལང་
གི་རུས་པའོ། །རྟ་ཡིས་ནི་རྟའི་རུས་པའོ། །གླང་པོ་ཆེ་ཡིས་ནི་གླང་པོ་ཆེའི་རུས་པའོ། །ཡང་ན་རྔ་མོའི་རུས་པའོ། །རྟ་མཆོག་གིས་ནི་དེའི་རུས་པའམ་མ་ཧེའམ་ཅེ་སྤྱང་གི་རུས་པའོ། །རི་དྭགས་ཀྱིས་ནི་རི་དྭགས་ཀྱི་རུས་པའོ། །གཟིག་གིས་ནི་གཟིག་གི་རུས་པའོ། །ཕག་པས་ནི་

62-1-249b

ཕག་གི་རུས་པའོ། །སྟག་གིས་ནི་གླང་པོ་ཆེའི་རུས་པའོ། །བྱི་བས་ནི་བྱི་བའི་རུས་པའོ། །སྦྲུལ་གྱིས་ནི་སྦྲུལ་གྱི་རུས་པའོ། །རུས་སྦལ་གྱིས་ནི་རུས་སྦལ་གྱི་རུས་པའོ། །གལ་ཏེ་སློབ་དཔོན་ནམ། བཟོ་བོ་འམ། སྦྱིན་བདག་གམ། ངེས་པར་སྦྱོར་བའི་སྐྱེ་བོ་རྣམས་ཀྱི་ནང་ནས་གང་ལ་ལ་
མགོ་བོ་གཡའ་བར་འགྱུར་ན་དེ་ལ་མི་གང་གི་འོག་ན་རུས་པ་ཡོད་དོ། །སྨིན་མཚམས་ཀྱི་རེག་བྱས་ནི་ཁྲུ་གསུམ་ན་གསེར་ཡོད་དོ། །ཡང་ན་མཆིང་བུའོ། །མིག་གི་རེག་བྱས་ནི་མིག་གི་མཐར་ཐུག་པའི་འོག་ན་མུ་ཏིག་གོ། །ཁའི་རེག་བྱས་ནི་ཁྲུ་གསུམ་གྱི་འོག་ན་སྐྲའམ་ཤིང་ཡོད་དོ། །
སོའི་རེག་བྱས་ནི་ཁྲུ་གསུམ་ན་སོ་རྗེས་སུ་དཔག་པར་བྱའོ། །རྣ་བ་གཡའ་ན་རྣ་བ་མན་ཆད་ཀྱི་འོག་ཏུ་དངུལ་ལམ་གསེར་རམ་ཡང་ན་བྱི་རུར་འགྱུར་རོ། །མགྲིན་པའི་རེག་བྱས་ནི་དེའི་ཚད་ཀྱི་འོག་ན་དོ་ཤལ་ལོ། །ཡང་ན་ལྕགས་སྒྲོག་གམ། ཡང་ན་སོལ་བའམ་ལག་གདུབ་ཁྲུ་གསུམ་
གྱི་འོག་ནའོ། །འཕྲག་པའི་རེག་བྱས་དེའི་ཚད་ཀྱི་འོག་ན་དེའི་རྒྱན་ནོ། །མཆན་འོག་གི་རེག་བྱས་ནི་མཆན་འོག་གི་ཚད་མན་ཆད་ན་ལྕགས་ཀྱི་སེལ་ལོ། །དཔུང་པ་ལ་ཟུག་རྔུ་བྱུང་ན་མགྲིན་པའི་ཚད་ཀྱི་འོག་ན་དེའི་རྒྱན་ནོ། །རྣ་བ་གཡས་པའི་རེག་བྱས་ནི་རྐེད་པ་ཙམ་གྱི་འོག་ན་ཐོད་པའམ་
ཡང་ན་སའི་རང་བཞིན་གྱི་ཐོད་པའོ། །ལག་པ་གཡོན་པའི་རེག་བྱས་ནི་པུས་ནུབ་ཀྱི་འོག་ན་ཁྲིའི་རྐང་པའོ། །རྩིབ་ལོགས་གཡས་ན་མི་ཕྱེད་ཙམ་གྱི་འོག་ན་རྡུལ་ལོ། །བརླའི་རེག་བྱས་ནི་སྐེད་པ་ཙམ་གྱི་འོག་ན་ཕྱུགས་ཀྱི་རུས་པའོ། །རྒྱབ་ཀྱི་རུས་པས་ནི་རྒྱབ་ཀྱི་རུས་པ་སྟེ་དེའི་ཚད་ཀྱི
འོག་ནའོ། །རྐེད་པའི་རེག་བྱས་ནི་ཁྲུ་དོའི་འོག་ན་ལྕགས་ཀྱི་ཐུར་མར་བཤད་དོ། །རྟགས་ཀྱི་རེག་བྱས་ནི་ཁྲུ་གང་གི་ཚད་ན་ལྕགས་གསུམ་གྱི་སེལ་ལོ། །པུས་མོའི་རེག་བྱས་ནི་དེའི་རུས་པའམ་སོར་བཅུ་གཅིག་གི་འོག་ན་རྟའི་རྨིག་པའོ། །རྐང་པའི་རེག་བྱས་ནི་སོར་བཅུ་གཉིས་
ཀྱི་འོག་ན་ཤཱལ་མའམ་ཡང་ན་ཚེར་མའོ། །རྐང་པའི་མཐེའུ་ཆུང་གི་རེག་བྱས་ནི་སོར་བརྒྱད་ཀྱི་འོག་ན་འཁར་བའོ། །རྟིང་པའི་རེག་བྱས་སོར་བཅུ་གཉིས་ཀྱི་འོག་ན་ལྷང་ཚེར་རོ། །ཐིག་འདེབས་པའི་དུས་སུ་སྦྱིན་བདག་གི་རེག་བྱས་ནི་རུས་པའོ། །སྐྱེས་བུ་གཞན་གང་ཞིག་གམ་སྲོག་

62-1-250a

ཆགས་གང་ཞིག་གི་མིང་ཡོངས་སུ་གྲགས་པ་ན་དེའི་རུས་པ་སྟེ་དེ་ལ་ངེས་པར་ཡོད་དོ། །གང་ནས་བ་ལང་གློ་བུར་དུ་འོངས་ནས་གལ་ཏེ་ལྕི་བ་བཏང་ན་དེའི་འོག་ན་ངེས་པར་དེའི་ཚད་ཀྱི་གསེར་ཡོད་དོ་ཞེས་པ་ནི་ངེས་པའོ། །གལ་ཏེ་བྱིས་པ་དང་གཞོན་ནུ་མ་འགའ་ཞིག་གློ་
བུར་དུ་འོངས་ནས་དེར་ཕྱིས་བཅག་ན་དེའི་འོག་ན་ངེས་པར་དེའི་ཚད་ཀྱི་དངུལ་ལོ། །སྦལ་པའི་སྒྲ་གྲགས་ན་ཆུའི་འཇིགས་པའོ། །ནེ་ཙོ་དང་། བྱེའུ་ས་རི་ཀ་དང་། ངང་པ་དང་། ཁུ་བྱུག་དང་། རྨ་བྱ་དང་། ཤང་ཤང་ངུར་པ་དང་། ཁྱུ་མཆོག་རྣམས་ཀྱི་སྒྲ་ཡིད་དུ་འོང་བས་ནི་སྐྱེ་བོ་རྣམས་
དགེ་བར་འགྱུར་རོ། །སེང་གེ་དང་གླང་པོ་ཆེ་དང་། སྤྲིན་གྱི་སྒྲ་ཡིད་དུ་འོང་བས་ནི་རིགས་དང་། ནོར་དང་འབྲུ་དང་། དོན་ཐོབ་པ་ལ་སོགས་པར་འགྱུར་རོ། །དུང་དང་བཀྲ་ཤིས་ཀྱི་གླུ་དང་། བྱིས་པ་རྣམས་རྩེ་བར་བྱེད་ན་དོན་གྲུབ་བོ། །དུ་བ་མཐོང་ན་སེམས་སྡུག་བསྔལ་བའོ། །
ངན་པ་དང་དམན་པ་དང་། ནད་པ་དང་། ཡོངས་སུ་མནར་བའི་སྐྱེ་བོ་མཐོང་ན་ནད་ཡོད་དོ། །རྒྱལ་མཚན་དང་། གདུགས་དང་། བ་དན་དང་། དྲིལ་བུ་དང་། རྒྱན་དང་ཟས་དང་། ཞོའི་དབང་པོ་དང་། མེ་འབར་བ་དང་། འབྲས་བུ་དང་། ཉ་ཟུང་དང་། རྒྱལ་བའི་ཡན་ལག་
ལ་སོགས་པ་མཐོང་ན་དགེ་བར་འགྱུར་རོ། །མཁས་པ་དང་བྲམ་ཟེ་དང་། དགེ་སློང་དང་། ལེགས་པའི་སྐྱེ་བོ་མཐོང་ན་ཆོས་ཀྱིའོ། །ཞེས་པ་ནི་རྟགས་རྣམས་གསུངས་སོ། །དེའི་རྗེས་སུ་ཐིག་འདེབས་པ་ན་སློབ་དཔོན་གྱི་སྐྱེ་བོ་དང་ནོར་དང་། སྟོབས་འཕེལ་བར་བྱ་བའི་ཕྱིར་
ལག་པ་གཡས་པ་རྡོ་རྗེ་དང་འདོད་པ་སྦྱིན་པའི་གསེར་གྱི་ཐུར་མ་དང་བཅས་ཏེ་དབང་ལྡན་གྱི་ཕྱོགས་ནས་བརྩམས་སྟེ་གཡས་སྐོར་གྱི་ཕྱོགས་ཀྱི་ཐིག་རྣམས་བྲི་བར་བྱའོ། །དེ་བཞིན་དུ་ལག་པ་གཡོན་པ་དྲིལ་བུ་དང་བཅས་ཏེ་རྩ་བའི་ཐིག་རྣམས་བྲི་བར་བྱའོ།།      །།དེ་ནས་ཁང་པ་ལ་ཀླུ་
ཡོངས་སུ་བརྟག་པར་བྱའོ། །དེ་ལ་གཞུའི་ཁྱིམ་དུ་ཞུགས་པ་ནས་བརྩམས་ཏེ་ཉི་མ་དགུ་བཅུ་ཐམ་པ་སྟེ། ཇི་སྲིད་ཉའི་ཁྱིམ་དུ་མ་ཞུགས་བར་དུ་དེ་ལ་ལྷོ་ཕྱོགས་སུ་མགོ་བསྟན་ནུབ་ཏུ་ཁ་བསྟན་ནས་ཀླུ་ཉལ་ལོ། །དེ་ནས་ཉའི་ཁྱིམ་དུ་ཞུགས་པ་ནས་བརྩམས་ཏེ་ཇི་སྲིད་འཁྲིག་པའི་

62-1-250b

ཁྱིམ་དུ་མ་ཞུགས་བར་དུ་དེ་ལ་ནུབ་ཕྱོགས་སུ་མགོ་དང་བྱང་ཕྱོགས་སུ་ཁ་མངོན་པར་ཕྱོགས་ཏེ་ཀླུ་ཉལ་ལོ། །དེ་བཞིན་དུ་འཁྲིག་པའི་ཁྱིམ་དུ་ཞུགས་པ་ནས་བརྩམས་ཏེ་ཇི་སྲིད་བུ་མོའི་ཁྱིམ་དུ་མ་ཞུགས་བར་དུ་དེ་ལ་བྱང་དུ་མགོ་དང་ཤར་དུ་ཁ་མངོན་པར་ཕྱོགས་ཏེ་ཀླུ་ཉལ་ལོ། །དེ་བཞིན་དུ་
བུ་མོའི་ཁྱིམ་དུ་ཞུགས་པ་ནས་བརྩམས་ཏེ་ཇི་སྲིད་གཞུའི་ཁྱིམ་དུ་མ་ཞུགས་བར་དུ་དེ་ལ་ཤར་དུ་མགོ་དང་ལྷོར་ཁ་མངོན་པར་ཕྱོགས་ཏེ་ཀླུ་ཉལ་ལོ། །འདིར་བཤད་པ་ནི་ཆོས་ཀྱི་རིམ་པས་རེ་མིག་རེ་རེ་ལ་འཕོས་ཏེ་ཀླུའི་འཕོ་བར་འགྱུར་རོ། །ད་ནི་ཁང་པའི་ཀླུའི་མཆན་འོག་གི་ཆ་ལ་
བརྐོས་སྟེ། དེ་ལ་མགོ་བོ་ནས་མིག་ཏུ་མིག་ཉི་ཤུ་རྩ་བདུན་ནོ། །རྒྱབ་ཀྱི་མཐར་ཕྱེད་དང་བཅས་པའི་རེ་མིག་བཅུ་གསུམ་ཡོངས་སུ་སྤང་བ་ནི་ས་བདག་ཀླུའི་མཆན་འོག་གི་ཕྱོགས་སོ། །དེ་ལ་རེ་མིག་དགུའི་སྲིད་དང་ཞེང་དུ་དེའི་ཕྱེད་དོ། །ཡང་ན་ཤར་གྱི་མཐའ་ལས་དང་ནུབ་ཀྱི་
མཐའ་ལས་བཅུ་ཆ་ནི་མཆན་འོག་གི་སྲིད་དོ། །དེའི་ཕྱེད་ནི་ཞེང་ངོ་། །མཆན་འོག་གི་སྟེང་དུ་མགོ་བོའི་མཐར་ཐུག་པ་ལ་མཆན་འོག་གི་སྲིད་ཀྱི་སུམ་འགྱུར་རོ། །མཆན་འོག་གི་སྲིད་དང་ཞེང་དག་དང་མཉམ་པ་ནི་རྒྱབ་ཀྱི་མཐར་རོ། །དེ་བཞིན་དུ་ལྷོ་དང་བྱང་དང་ནུབ་དང་ཤར་དང་བྱང་
དང་ལྷོ་ལའོ། །ས་བདག་ཀླུའི་མགོ་བོ་ལ་བརྐོས་ན་ཕ་དང་བུ་ལ་སོགས་པ་འཆིའོ། །རྒྱབ་ཀྱི་ཕྱོགས་ལ་བརྐོས་ན་སྦྱིན་བདག་འཆིའོ། །ཡང་ན་ཡུལ་ནས་འཐོན་པར་འགྱུར་རོ། །མཇུག་མ་ལ་ནི་བ་ལང་དང་མ་ཧེ་ལ་སོགས་པ་ཉམས་པར་འགྱུར་རོ་ཞེས་སོ། །གཙུག་ལག་ཁང་གི་སའི་
ཆ་ལ་ས་བདག་ཀླུའི་མཚན་ཉིད་ཀྱི་དོང་གང་བས་བདག་ཀླུའི་མཆན་གྱི་ཆ་ལ་དང་པོ་བརྐོ་བར་བྱའོ། །ཁྲུ་བཅུ་དྲུག་གི་ཁང་མིག་ཉེ་བར་མཚོན་པར་གྱུར་པ་ལ་གཙུག་ལག་ཁང་གི་སའི་ཆ་ལ་ཉི་མ་སོ་སོ་ལ་ཅུང་ཟད་རྐང་པས་དམན་པའི་སོར་བཅུ་གསུམ་ས་བདག་ཀླུའི་འཕོ་བར་འགྱུར་རོ། །དེ་བཞིན་དུ་
ཁྲུ་བཅུ་བཞིའི་ཚད་དུ་ཁང་མིག་ཏུ་ཉེ་བར་མཚོན་པར་འགྱུར་བ་ལ། གཙུག་ལག་ཁང་གི་སའི་ཆ་ལ་ཉི་མ་སོ་སོ་ལ་ཅུང་ཟད་ལྷག་པའི་ཕྱེད་དང་བཅས་པའི་ནས་གཅིག་གིས་ལྷག་པའི་གོར་བཅུ་གཅིག་ས་བདག་ཀླུའི་འཕོ་བར་འགྱུར་རོ། །དེ་བཞིན་དུ་ཁྲུ་བཅུ་གཉིས་ཀྱི་ཚད་ཀྱི་ཁང་མིག་ཏུ་འགྱུར་བ་

62-1-251a

ལ་གཙུག་ལག་ཁང་གི་སའི་ཆ་ལ་ཉི་མ་སོ་སོ་ལ་ཅུང་ཟད་བཞི་གསུམ་གྱི་དམན་པའི་ནས་ལྷག་པའི་སོར་དགུ་ས་བདག་ཀླུའི་འཕོ་བར་འགྱུར་རོ། །དེ་བཞིན་དུ་ཡང་ཁྲུ་བཅུའི་ཚད་ཀྱི་ཁང་མིག་ཏུ་འགྱུར་བ་ལ་གཙུག་ལག་ཁང་གི་སའི་ཆ་ལ་ཉི་མ་སོ་སོ་ལ་སོར་བརྒྱད་ས་བདག་ཀླུའི་འཕོ་
བར་འགྱུར་རོ། །གཞན་ཡང་ས་མཆན་འོག་གི་མཚན་ཉིད་གསུངས་པ། ཁྲུ་བཅུ་དྲུག་གི་ཚད་ཀྱི་ཁང་མིག་གི་སའི་ཆ་ལ་ས་བདག་ཀླུའི་མགོ་བོའི་འོག་ཏུ་དེ་ལས་སོར་བཅུ་གཅིག་དང་ཁྲུ་བཅུ་བཞིའོ། །རྒྱབ་ཀྱི་མཐར་ཕྱེད་དང་བཅས་པའི་སོར་བཞི་ལྷག་པའི་ཁྲུ་བདུན་ཡོངས་སུ་སྤངས་ནས་
སྲིད་དུ་ཅུང་ཟད་ལྷག་པའི་སོར་བཅུ་དགུ་ལྷག་པའི་ཁྲུ་བཞིའི་ཚད་དོ། །ཞེང་དུ་ཕྱེད་དང་བཅས་པའི་སོར་མོ་དགུ་ལྷག་པའི་ཁྲུ་དོའི་ཚད་ནི་ས་བདག་ཀླུའི་མཆན་འོག་གི་ཆའོ། །དེ་བཞིན་དུ་ཁྲུ་བཅུ་བཞིའི་ཚད་ཀྱི་ཁང་མིག་ལ་གཙུག་ལག་ཁང་གི་ས་གཞི་ལ་ས་བདག་ཀླུའི་སྤྱི་བོ་ནས་འོག་ཏུ་
སོར་ལྔ་ལྷག་པའི་ཁྲུ་བཅུ་གསུམ་མོ། །རྒྱབ་ཀྱི་མཐར་སོར་བཅུ་དྲུག་ལྷག་པའི་ཁྲུ་དྲུག་ཡོངས་སུ་སྤངས་ཏེ་སྲིད་དུ་སོར་མོ་བཅུ་ལྷག་པའི་ཁྲུ་བཞིའི་ཚད་དང་། ཞེང་དུ་སོར་མོ་ལྔ་ལྷག་པའི་ཁྲུ་དོའི་ཚད་ནི་ས་བདག་ཀླུའི་མཆན་འོག་གོ། །དེ་བཞིན་དུ་ཁྲུ་བཅུ་གཉིས་ཀྱི་ཚད་ཀྱི་ཁང་མིག་ཏུ་འགྱུར་
བའི་གཙུག་ལག་ཁང་གི་སའི་ཆ་ལ་ས་བདག་ཀླུའི་མགོ་བོ་ནས་འོག་ཏུ་སོར་མོ་ལྔ་ལྷག་པའི་ཁྲུ་བཅུའོ། །རྒྱབ་ཀྱི་མཐར་ཐུག་པ་ལ་སོར་ལྔ་ལྷག་པའི་ཁྲུ་ལྔ་ཡོངས་སུ་སྤངས་པའི་སྲིད་དུ་སོར་མོ་བཅུ་ལྷག་པའི་ཁྲུ་གསུམ་གྱི་ཚད་དང་། ཞེང་དུ་སོར་མོ་བཅུ་བདུན་ལྷག་པའི་ཁྲུའི་ཚད་ཀྱི་ཀླུའི་
མཆན་འོག་གི་ཆའོ། །དེ་བཞིན་དུ་ཁྲུ་བཅུའི་ཚད་ཀྱི་ཁང་མིག་གི་གཙུག་ལག་ཁང་གི་སའི་ཆ་ལ་ས་བདག་ཀླུའི་མགོ་བོ་ནས་འོག་ཏུ་ཁྲུ་དགུའོ། །རྒྱབ་ཀྱི་མཐར་སོར་མོ་བཅུ་གསུམ་ལྷག་པའི་ཁྲུ་བཞི་ཡོངས་སུ་སྤངས་ཏེ། སྲིད་དུ་ཁྲུ་གསུམ་གྱི་ཚད་དང་། ཞེང་དུ་སོར་བཅུ་གཉིས་ལྷག་
པའི་ཁྲུའི་ཚད་ནི་ས་བདག་ཀླུའི་མཆན་འོག་གི་ཆའོ། །ཀླུ་དེ་ཡང་དུང་དང་། ཀུན་ད་དང་། ཟླ་བའི་ཁ་དོག་ལྟ་བུ་ལག་པ་གཡོན་པས་རང་གི་མགོའི་འོག་ནས་བརྟེན་པ་ལག་པ་གཡས་པས་རིན་པོ་ཆེ་འཛིན་ཅིང་རང་གི་རྐེད་པར་གཞག་པ། ལྟེ་བ་མན་ཆད་ལག་འགྲོའི་རྣམ་པ་ཅན། དེའི་སྟེང་དུ་

62-1-251b

མིའི་གཟུགས་ལ་གདེངས་ཀ་བདུན་དང་ལྡན་པ་སྟེ། གཙུག་ལག་ཁང་ལ་སོགས་པའི་ས་གཞི་ལ་མངོན་པར་ཁྱབ་ཅིང་ཉལ་ལོ། །ཀླུ་བརྒྱད་ཀྱི་ས་བདག་ཀླུའི་ལུས་ལ་གནས་པ་སྟེ་འོ་མའི་རོའི་ཉེ་བར་སྤྱད་པས་མཆོད་པར་བྱའོ། །དེ་ལ་མཇུག་མའི་རྩེ་མོ་ལ་རིགས་ལྡན་སྐུ་མདོག་སྔོན་པོའོ། །
གསང་གནས་ལ་སྟོབས་ཀྱི་རྒྱུ་སྔོ་བསངས་དཱུར་བའི་ཁ་དོག་གོ། །ལྟེ་བ་ལ་དུང་སྐྱོང་པདྨའི་སྡོང་པོའི་མདོག་གོ། །དཔུང་པའི་ཕྱོགས་ལ་པདྨ་ཆེན་པོ་མཆིང་བུའི་མདོག་གོ། །སྙིང་གར་ནོར་རྒྱས་སྔོ་བསངས་དཱུར་བའི་མདོག་གོ། །མགུལ་པ་ལ་འཇོག་པོ་དམར་པོའོ། །རྣ་བ་ལ་པདྨ་དཀར་
པོའོ། །སྤྱི་གཙུག་ན་ཀླུ་དགའ་བོ་སྔོན་པོའོ། །དེ་བཞིན་དུ་རྣམ་པར་སྣང་མཛད་ཀྱི་སྐུའི་ངོ་བོར་ས་བདག་བསྒོམ་པར་བྱའོ། །ཨོཾ་ཨཱཿབ་རུ་ཎཱ་ཡ་ཧཱུཾ་སྭཱ་ཧཱ། ཨོཾ་ཨཱཿཀུ་ལི་ཀཱ་ཡ་ཧཱུཾ་སྭཱ་ཧཱ། ཨོཾ་ཨཱཿཀརྐོ་ཊ་ཀཱ་ཡ་ཧཱུཾ་སྭཱ་ཧཱ། ཨོཾ་ཨཱཿཤཾ་ཁ་པཱ་ལཱ་ཡ་ཧཱུཾ་སྭཱ་ཧཱ། ཨོཾ་ཨཱཿམ་ཧཱ་པདྨཱ་ཡ་ཧཱུཾ་
སྭཱ་ཧཱ། ཨོཾ་ཨཱཿབཱ་སུ་ཀ་ཡ་ཧཱུཾ་སྭཱ་ཧཱ། ཨོཾ་ཨཱཿཏཀྵ་ཀཱ་ལ་ཧཱུཾ་སྭཱ་ཧཱ། ཨོཾ་ཨཱཿཔདྨཱ་ཡ་ཧཱུཾ་སྭཱ་ཧཱ། ཨོཾ་ཨཱཿཨ་ནནྟ་ཡ་ཧཱུཾ་སྭཱ་ཧཱ། ཞེས་པ་ནི་མཆོད་པའི་སྔགས་སོ། །དེ་ནས་ཐམས་ཅད་དུ་ས་གཞིའི་འོག་གི་ལྷ་རྣམས་དང་། སའི་ལྷ་རྣམས་སྔོན་དུ་འགྲོ་བས། ཡིད་ཀྱིས་བཏེག་ནས་ནམ་
མཁའ་ལ་དགོད་པར་བྱའོ། །དེ་ལ་ཟུག་རྔུ་དང་ཉེས་པ་ཡོངས་སུ་གཞོམ་པའི་ཕྱིར་སའི་ཆ་ལ་མཚམས་ཡང་ཡོངས་སུ་བརྟག་པར་བྱའོ། །དེ་ལ་མཚམས་ནི་རྣམ་པ་ལྔ་སྟེ། མཚམས་དང་། ཉེ་བའི་མཚམས་དང་། ལས་ཀྱི་མཚམས་དང་། ཚུལ་ལུགས་ཀྱི་མཚམས་དང་། 
ཕྱོགས་ཀྱི་མཚམས་ཞེས་སོ། །དེ་ལ་རེ་མིག་དྲུག་ཅུ་རྩ་བཞིར་བྱ་བ་དེ་བཞིན་དུ་མཚམས་ནི་བཅོ་བརྒྱད་དུ་རིག་པར་བྱ་སྟེ། དབུས་ཀྱི་མཚམས་གཉིས་དང་། དེ་དག་གི་གཞོགས་གཉིས་སུ་ཉེ་བའི་མཚམས་བཞི་དང་དེའི་ཕྱི་རོལ་དུ་ལས་ཀྱི་མཚམས་བཞི་དང་། དེའི་ཕྱི་རོལ་དུ་ལུགས་ཀྱི་
མཚམས་བཞི་དང་། དེ་བཞིན་དུ་ཐམས་ཅད་ཀྱི་ཕྱི་རོལ་དུ་ཕྱོགས་ཀྱི་མཚམས་བཞིའོ། །དབུས་ཀྱི་མཚམས་ལ་བརྐོས་ན་བུ་ལ་སོགས་པ་ཉམས་པར་འགྱུར་རོ། །ཉེ་བའི་མཚམས་ལ་ནི་ཡུལ་སྟོངས་པར་འགྱུར་རོ། །ལས་ཀྱི་མཚམས་ལ་ནི་ཕྲ་མོའི་ཉེས་པའོ། །ལུགས་

62-1-252a

ཀྱི་མཚམས་ལ་ནི་སྦྱིན་བདག་འཆིའོ། །ཕྱོགས་ཀྱི་མཚམས་ལ་ནི་ཡོ་བྱད་ཉམས་པ་དང་དབུལ་པོར་འགྱུར་རོ། །དེའི་ཕྱིར་མཚམས་རྣམས་ལ་བརྐོ་བར་མི་བྱའོ། །དེ་ལ་ཤར་ཕྱོགས་སུ་གླང་གི་ཁྱིམ་གྱི་རང་བཞིན་ལ་ཕྱོགས་དང་ལུགས་དང་ལས་ཀྱི་
མཚམས་དང་། ལུགས་ཀྱི་མཚམས་ལ་གནས་པའི་རིག་མ་གཟུགས་ཅན་མ་ཁ་དོག་དཀར་མོ་ཆོས་ཀྱི་ཕྱག་རྒྱའི་ཚུལ་དུ་བྱས་པ་པདྨ་དང་། ཟླ་བའི་སྟེང་དུ་གནས་པ་མཆོད་པ་བྱའོ། །ཨོཾ་བཛྲ་རུ་པི་ནི་ཡེ་ཨ་སྭཱ་ཧཱ། དེ་ནས་འཁྲིག་པའི་ཁྱིམ་གྱི་རང་བཞིན་ལ་ཉེ་བའི་
མཚམས་དང་དབུས་ཀྱི་མཚམས་དང་ཉེ་བའི་མཚམས་རྣམས་ཀྱིས་དབུས་ཀྱི་མཚམས་ལ་གནས་པའི་རིག་མ་འོད་བྱེད་མ་སྐུ་མདོག་དཀར་མོ་མཆོད་པར་བྱའོ། །ཨོཾ་བཛྲ་བྷཱསྐུ་རི་ཡཻ་ཨཱ་སྭཱ་ཧཱ། ལྷག་མ་ནི་སྔོན་མ་བཞིན་ནོ། །དེ་བཞིན་དུ་ཀརྐཊའི་ཁྱིམ་གྱི་རང་བཞིན་ལ་ལས་དང་
ལུགས་དང་ཕྱོགས་ཀྱི་མཚམས་ལ་གནས་པའི་རིག་མ་རྡོ་རྗེ་ཧཱུཾ་མཛད་མ་སྐུ་མདོག་སྔོན་མོ་མཆོད་པར་བྱའོ། །ཨོཾ་བཛྲ་ཧཱུཾ་ཀཱ་རི་ཡཻ་ཨི་སྭཱ་ཧཱ། ལྷག་མ་ནི་སྔོན་མ་བཞིན་ནོ། །དེ་བཞིན་དུ་ལྷོ་ཕྱོགས་སུ་སེང་གེའི་ཁྱིམ་གྱི་རང་བཞིན་ལ་ཕྱོགས་དང་ལུགས་དང་ལས་ཀྱི་མཚམས་ཀྱི་ལུགས་
ཀྱི་མཚམས་ལ་གནས་པའི་རིག་མ་རྡོ་རྗེ་སྒེག་མོ་སྐུ་མདོག་སེར་མོ་མཆོད་པར་བྱའོ། །ཨོཾ་བཛྲ་བཱི་ལཱ་ས་ནི་ཡཻ་ཨི་སྭཱ་ཧཱ། ལྷག་མ་ནི་སྔོན་མ་བཞིན་ནོ། །དེ་ནས་བུ་མོའི་ཁྱིམ་གྱི་རང་བཞིན་ལ་ཉེ་བའི་མཚམས་དང་དབུས་ཀྱི་མཚམས་དང་ཉེ་བའི་མཚམས་རྣམས་ཀྱི་དབུས་ཀྱི་
མཚམས་ལ་གནས་པའི་རིག་མ་རྡོ་རྗེ་རྨོངས་བྱེད་མ་ཞེས་པ་ཅུང་ཟད་སྐུ་མདོག་སེར་མོ་མཆོད་པར་བྱའོ། །ཨོཾ་བཛྲ་མོ་ཧ་ནི་ཡཻ་ཨུ་སྭཱ་ཧཱ། ལྷག་མ་ནི་སྔོན་མ་བཞིན་ནོ། །དེའི་རྗེས་སུ་སྲང་གི་ཁྱིམ་གྱི་རང་བཞིན་ལ་ལས་དང་ལུགས་དང་ཕྱོགས་ཀྱི་མཚམས་རྣམས་ཀྱི་ལུགས་
ཀྱི་མཚམས་ལ་གནས་པའི་རིག་མ་རྡོ་རྗེ་མཁའ་སྤྱོད་མ་ཞེས་པ་ནམ་མཁའི་མདོག་ཅན་མཆོད་པར་བྱའོ། །ཨོཾ་བཛྲ་ཁེ་ཙ་རི་ཡཻ་ཨཱུ་སྭཱ་ཧཱ། ལྷག་མ་ནི་སྔོན་མ་བཞིན་ནོ། །དེ་བཞིན་དུ་ནུབ་ཕྱོགས་སུ་སྡིག་པའི་ཁྱིམ་གྱི་རང་བཞིན་ལ་ཕྱོགས་དང་ལུགས་དང་ལས་ཀྱི་མཚམས་

62-1-252b

རྣམས་ཀྱི་ལུགས་ཀྱི་མཚམས་ལ་གནས་པའི་རིག་མ་རྡོ་རྗེ་གནམ་ལྕགས་མ་སྐུ་མདོག་དམར་མོ་མཆོད་པར་བྱའོ། །ཨོཾ་བཛྲ་ས་ནི་ཡཻ་ཨེ་སྭཱ་ཧཱ། ལྷག་མ་ནི་སྔོན་མ་བཞིན་ནོ། །དེ་ན་གཞུའི་ཁྱིམ་གྱི་རང་བཞིན་ལ་ཉེ་བའི་མཚམས་དང་དབུས་ཀྱི་མཚམས་དང་ཉེ་བའི་མཚམས་
རྣམས་ཀྱི་མཚམས་ལ་གནས་པའི་རིག་མ་རྡོ་རྗེ་རོ་མ་ཞེས་སྐུ་མདོག་དམར་མོ་མཆོད་པར་བྱའོ། །ཨོཾ་བཛྲ་ར་ས་ནཱ་ཡཻ་ཨཻ་སྭཱ་ཧཱ། ལྷག་མ་ནི་སྔོན་མ་བཞིན་དུའོ། །དེའི་རྗེས་སུ་ཆུ་སྲིན་གྱི་ཁྱིམ་གྱི་རང་བཞིན་ལ་ལས་དང་ལུགས་དང་ཕྱོགས་ཀྱི་མཚམས་རྣམས་ཀྱི་ལུགས་ཀྱི་མཚམས་
ལ་གནས་པའི་རིག་མ་རྡོ་རྗེ་སྐྲག་བྱེད་མ་ཞེས་པ་ཁ་དོག་སྔོན་མོ་མཆོད་པར་བྱའོ། །ཨོཾ་བཛྲ་ཏྲཱ་ས་ནི་ཡཻ་ཨོ་སྭཱ་ཧཱ། ལྷག་མ་ནི་སྔོན་མ་བཞིན་དུའོ། །དེ་བཞིན་དུ་བྱང་ཕྱོགས་སུ་བུམ་པའི་ཁྱིམ་གྱི་རང་བཞིན་ལ་ཕྱོགས་དང་ལུགས་དང་ལས་ཀྱི་མཚམས་རྣམས་ཀྱི་ལུགས་ཀྱི་མཚམས་
རྣམས་ལ་གནས་པའི་རིག་མ་རེག་བྱ་རྡོ་རྗེ་མ་ཞེས་པ་སྐུ་མདོག་ལྗང་གུ་མཆོད་པར་བྱའོ། །ཨོཾ་བཛྲ་སྤཪྵ་ནཱི་ཡཻ་ཨཽ་སྭཱ་ཧཱ། ལྷག་མ་ནི་སྔོན་མ་བཞིན་དུའོ། །དེ་ནས་ཉའི་ཁྱིམ་གྱི་རང་བཞིན་ལ་ཉེ་བའི་མཚམས་དང་དབུས་ཀྱི་མཚམས་དང་ཉེ་བའི་མཚམས་ཀྱི་དབུས་ཀྱི་མཚམས་
ལ་གནས་པའི་རིག་མ་སེམས་རྡོ་རྗེ་མ་ཞེས་པ་དུར་བའི་མདོག་ཅན་མཆོད་པར་བྱའོ། །ཨོཾ་བཛྲ་ཙིཏྟ་ནི་ཡཻ་ཨཾ་སྭཱ་ཧཱ། ལྷག་མ་སྔོན་མ་བཞིན་དུའོ། །དེའི་རྗེས་སུ་ལུག་གི་ཁྱིམ་གྱི་རང་བཞིན་ལ་ལས་དང་། ལུགས་དང་ཕྱོགས་ཀྱི་མཚམས་རྣམས་ཀྱི་ལུགས་ཀྱི་མཚམས་ལ་
གནས་པའི་རིག་མ་རྡོ་རྗེ་དགྱེས་མ་ཞེས་པ་དུ་བའི་མདོག་ཅན་མཆོད་པར་བྱའོ། །ཨོཾ་བཛྲ་བཱི་ཀཱི་ཤི་ནི་ཡེ་ཨཿསྭཱ་ཧཱ། ལྷག་མ་ནི་སྔོན་མ་བཞིན་དུའོ། །དེའི་རྗེས་ལ་ལས་བྱེད་པ་ཏོག་ཅེས་མཚན་པ་རྡོ་རྗེ་ལས་ཀྱི་རང་བཞིན་དུ་རྣམ་པར་བསྒོམས་ཏེ་སོ་རྩི་ལ་སོགས་པ་རྣམས་ཀྱིས་ཚིམ་
པར་བྱས་ཏེ་ལག་པ་གཡོན་པས་སྨད་ནས་བཟུང་སྟེ་ཤར་དང་བྱང་ཕྱོགས་སུ་གདོང་གཡོགས་ཏེ་དོང་གང་བ་བརྐོ་བར་བྱའོ། །དེ་ནས་ནོར་དང་སྐྱེ་བོ་དང་སྟོབས་དང་རིག་པ་རྣམས་འཕེལ་བའི་ཕྱིར་པདྨ་དང་ཉི་མའི་སྟེང་དུ་ཨེ་ཎེ་ཡ་ཤ་ར་ས་ལ་གནས་པ་ལག་པ་གཡས་པ་དག་ན་ལྕགས་

62-1-253a

ཀྱུ་དང་བགྲང་ཕྲེང་ངོ་། །གཡོན་པ་དག་ན་སྙིང་ག་ན་ཞགས་པ་དང་སྤྱི་བླུགས་འཛིན་པའོ། །ཡན་ལག་མཆོག་ལ་རལ་པའི་ཅོད་པན་བཅིངས་པ་ཡངས་པའི་སྤྱན་གསུམ་གྱིས་གདོང་བརྒྱན་པ་མཆོད་ཕྱིར་ཐོགས་དང་གོས་དམར་པོའི་རྒྱན་གྱིས་བརྒྱན་པ་
སྒེག་པ་དང་བཅས་པའི་མེ་དམར་པོ་སྤྱན་དྲངས་ཏེ་མཆོད་ཡོན་ལ་སོགས་པའི་ཕྱིའི་མཆོད་པ་རྣམས་ཀྱིས་ཡང་དག་པར་མཆོད་པར་བྱའོ། །ཛ་བ་དང་མྱ་ངན་མེད་དང་། ཨརྐ་དང་ཀོ་ཀེ་ལིའི་ཡམ་ཤིང་རྣམས་སྔོན་དུ་འགྲོ་བས་སྦྱིན་སྲེག་བྱའོ། །ཨོཾ་ལོ་ཧི་ཏཱགྣཱ་ཡེ་སྭཱ་ཧཱ། ཏིལ་ལ་སོགས་
པ་རྣམས་ཀྱིས་སྦྱིན་སྲེག་བྱའོ། །པཎྜི་ཏ་ཆེན་པོ་རིགས་ཀྱི་སྦྱིན་པ་ཞེས་བྱ་བས་མཛད་པའི་བྱ་བ་བསྡུས་པ་ལས་རབ་ཏུ་བྱེད་པ་གསུམ་པའོ།།      །།སོ་ཕག་མཚན་ཉིད་ཡང་དག་པར། །ཤེས་ནས་ཕྱོགས་བཟུང་དེ་ནས་ནི། །ཡང་དག་འཕེལ་དང་ཟད་པ་དང་། །ཁང་བཟངས་མཚན་ཉིད་ཤེས་པ་དང་། །
ལྷ་དང་ཕྱོགས་སྐྱོང་ས་ཡི་ལྷ། །ཆོ་ག་ཇི་བཞིན་ཡང་དག་མཆོད། །སོ་ཕག་བྱ་བའི་ཕྱིར་རབ་ཏུ་རྨོངས་བྱེད་ཀྱི་མེ་ལ་སྦྱིན་སྲེག་བྱའོ། །དེ་ལ་སོ་ཕག་གི་ཆ་ལྔ་ནི་སྲིད་དུའོ། །ཆ་གསུམ་ནི་ཞེང་དུའོ། །རྩིག་ཞེང་གི་ཕྱེད་ནི་སོ་ཕག་གི་སྲིད་དོ། །ཞེང་གི་སུམ་ཆ་ནི་དཔངས་སོ། །དེ་ལ་སློབ་
དཔོན་བདག་ཉིད་སྦྱིན་བདག་དང་ལྷན་ཅིག་ཏུ་སོ་ཕག་འཇོག་པའི་ས་ལ་གཏོར་མ་དང་མཆོད་པ་སྔོན་དུ་འགྲོ་བས་རང་གི་སྙིང་གར་ཟླ་བ་ལ་གནས་པའི་བྷྲཱུཾ་ཡིག་གི་འོད་ཟེར་གྱིས་རྡུལ་ཕྲ་རབ་ཚོགས་པའི་གཟུགས་སུ་སོ་ཕག་བྱ་བའི་ཕུང་པོ་རྣམ་པར་བསྒོམས་ལ་བུམ་པའི་ཆུས་གཏོར་ནས་ཉེར་སྤྱོད་ལྔས་མཆོད་དེ་
འདིས་རྣམ་པར་སྦྱང་བར་བྱའོ། །གང་གི་རང་བཞིན་དེ་བཞིན་གཤེགས། །འགྲོ་འདི་དེ་ཡི་རང་བཞིན་ཉིད། །དེ་བཞིན་གཤེགས་པའི་རང་བཞིན་ངེས། །འགྲོ་བ་འདི་ཡི་རང་བཞིན་ལ། །ལས་བྱེད་པ་ནི་རྡོ་རྗེ་བསྲུང་བའི་ངོ་བོ་ཉིད་ཀྱི་གཟུགས་སུ་བསྒོམས་ཏེ། དེའི་ལག་པའི་མཐིལ་གྱི་
ཆུ་སྐྱེས་གཡོན་དང་གཡས་སུ་ཟླ་བ་དང་ཉི་མ་བསྒོམ་སྟེ། དཀར་པོ་དང་དམར་པོའི་དྲི་དང་མེ་ཏོག་རྣམས་ཀྱིས་ཚིམ་པར་བྱས་ཏེ་ལས་བྱེད་པ་དེ་ལ་ཡོན་ཕུལ་ཏེ་དེ་ནས་སོ་ཕག་བྱའོ་ཞེས་སོ། །དེ་ནས་ཕྱོགས་བཟུང་བ་བསྲུངས་ཏེ། དེ་ནས་ལུག་ཏུ་འཕོ་བའི་ཉི་མ་རྣམ་པར་དག་པ་ལས་

62-1-253b

བཞི་མཉམ་པོར་བྱས་ཏེ་དབུས་སུ་ཆུ་བླུགས་ནས་བརྟག་ཅིང་ཕྱོགས་མཉམ་པོར་བསྒྲུབ་པར་བྱའོ། །དེ་ལ་སྲིད་དུ་སོར་བཅུ་གཉིས་པའི་དབུས་སུ་སོར་གསུམ་གྱི་འཁོར་བ་རྩེ་མོ་ཁབ་ཀྱི་རྣམ་པ་རི་མོ་དྲག་པོ་བྲིས་པའི་སེང་ལྡེང་གི་ཐུར་ཤིང་སའི་དབུས་དཀྱིལ་འཁོར་གྱི་སྟེང་དུ་
གཟུགས་སོ། །དབུས་ནས་ཐ་མའི་མཐར་ཐུག་པ་ཐུར་ཤིང་གི་སྲིད་དང་མཉམ་པའི་དཀྱིལ་འཁོར་གྱི་དབུས་སུའོ། །དེ་ལ་དང་པོ་ཉི་མ་ཤར་བའི་དུས་སུ་ནུབ་ཕྱོགས་སུ་གྲིབ་མ་གབ་པའི་སར་མཚན་མ་བྱས་པས་ནུབ་ཕྱོགས་འགྲུབ་བོ། །དེ་བཞིན་དུ་ཉི་མ་གུང་གི་དུས་སུ་བྱང་ཕྱོགས་སུ་གྲིབ་
མ་བབས་པའི་སར་མཚན་མ་བྱས་པས་བྱང་ཕྱོགས་འགྲུབ་བོ། །དེ་བཞིན་དུ་ཉི་མ་ནུབ་ཀའི་དུས་སུ་ཤར་ཕྱོགས་ཀྱི་གྲིབ་མ་བབས་པའི་སར་མཚན་མ་བྱས་པས་ཤར་ཕྱོགས་འགྲུབ་བོ། །ཤར་ནས་ནུབ་ཀྱི་བར་ལ་སོར་དགུ་བཅུ་རྩ་དྲུག་གོ། །ད་ནི་འཕེལ་བ་དང་ཟད་པ་བརྗོད་པར་བྱ་སྟེ། 
ཞེང་ནི་སྲིད་ལ་བསྒྱུར་བྱས་ཏེ། །དེ་ནས་ཉི་ཤུ་བཞི་ཡིས་བསྒྱུར། །ནོར་གྱིས་གང་ཐོབ་ལྷག་མ་ནི། །འདི་ནི་འཕེལ་བར་ངེས་པར་བསྟན། །ཚོགས་པ་ནོར་གྱིས་བསྒྱུར་བ་ལ། །རྒྱུ་སྐར་རྣམས་ཀྱིས་རབ་ཏུ་བགོ། །སྐར་མས་བགོས་པའི་ལྷག་མ་ནི། །འདི་ནི་སྐར་མར་ངེས་པར་
བསྟན། །སྐར་མ་ལ་ནི་ནོར་གྱིས་བགོ། །ལྷག་མ་གང་དེ་ཟད་པའོ། །རྣམ་པ་ཀུན་དུ་སྐར་མ་ལ། །བཞིས་བསྒྱུར་གཟའ་ཚོགས་གིས་བགོས་པའི། །ལྷག་མ་རྣམས་ནི་ཆ་ཤས་སོ། །ཚོགས་ལ་བཀྲ་ཤིས་ཀྱིས་སྤེལ་ལ། །མཁའ་རོས་ཐོབ་པའི་ལྷག་མ་ནི། །མཚོ་འགྱུར་དེ་ལ་
ཕུང་པོས་བགོ། །འཚོ་བའི་ལྷག་མར་གང་གྱུར་པ། །དེ་ནི་རྟག་ཏུ་འཆི་བའོ། །འདིའི་དོན་ནི་ཁང་མིག་གི་སྲིད་ཀྱི་ཁྲུའི་གྲངས་ལ་ཞེང་གི་ཁྲུའི་གྲངས་ཀྱིས་བསྒྱུར་པར་བྱའོ། །དེ་བཞིན་དུ་ཁྲུའི་གང་བའི་སྲིད་ཀྱི་སོར་ཀྱི་གྲངས་ལ་ཁྲུ་གང་བའི་ཞེང་གི་སོར་གྱི་གྲངས་ཀྱིས་བསྒྱུར་བར་བྱའོ། །
བསྒྱུར་བའི་ཁྲུའི་གྲངས་ལ་ཡང་ཉི་ཤུ་རྩ་བཞིས་བསྒྱུར་བས་ཐམས་ཅད་སོར་དུ་འགྱུར་རོ། །ཁྲུ་གང་བའི་སོར་མོ་རྣམས་ཀྱིས་བསྣན་པར་གྱུར་པ་ལ་བརྒྱད་བརྒྱད་ཀྱིས་བགོའོ། །དེ་ནས་གང་ཐོབ་པའི་ལྷག་མ་ནི་རྒྱལ་མཚན་ལ་སོགས་པ་འཕེལ་བ་ཞེས་བརྗོད་དེ་འཕེལ་བའོ། །དེ་བཞིན་དུ་

62-1-254a

ཚོགས་པ་བརྒྱད་ཀྱིས་བསྒྱུར་ལ་ཉི་ཤུ་རྩ་བདུན་གྱིས་བགོ་བར་བྱའོ། །དེའི་ལྷག་མ་རྣམས་ནི་སྨིན་དྲུག་ལ་སོགས་པའི་སྐར་མ་རྣམས་སུ་འགྱུར་རོ། །སྐར་མའོ། །སྨིན་དྲུག་ལ་སོགས་པའི་སྐར་མ་རྣམས་ལ་བརྒྱད་བརྒྱད་ཀྱིས་བགོས་པའི་ལྷག་མ་ནི་ཟད་པར་འགྱུར་ཏེ་ཟད་
པའོ། །སྨིན་དྲུག་ལ་སོགས་པའི་སྐར་མ་རྣམས་ལ་བཞིས་བསྒྱུར་ཏེ་དགུ་དགུས་བགོས་པའི་ལྷག་མ་རྣམས་ནི་ཉི་མ་ལ་སོགས་པའི་གཟར་འགྱུར་ཏེ་དེ་ནི་ཆ་ཤས་ཡིན་ཏེ་ཆ་ཤས་སོ། །དེ་བཞིན་དུ་བཅུ་གཉིས་ཀྱིས་བགོས་ལ་གང་ལྷག་མ་རྣམས་ལུག་ལ་སོགས་པར་འགྱུར་ཏེ་དུས་
སྦྱོར་རོ། །དེ་བཞིན་དུ་ཚོགས་ལ་བརྒྱད་ཀྱིས་བསྒྱུར་ལ་དེ་ལ་དྲུག་ཅུ་དྲུག་ཅུས་བགོས་པའི་ལྷག་མ་རྣམས་ནི་འཚོ་བར་འགྱུར་ཏེ་འཚོ་བའོ། །འཚོ་བ་ལ་ལྔ་ལྔས་བགོས་ལ་གང་ཐོབ་པའི་ལྷག་མ་ནི་ས་ལ་སོགས་པའི་བསྐལ་པར་འགྱུར་ཏེ་འཇིག་པའོ། །འདིར་ཤར་ཕྱོགས་སུ་རྒྱལ་མཚན་
ནི་འདབ་ཆགས་རྒྱལ་པོའོ། །མེར་དུ་བ་ནི་ཞུམ་བུའོ། །གཤིན་རྗེའི་ཕྱོགས་སུ་སེང་གེའོ། །བདེན་བྲལ་དུ་ཁྱིའོ། །ཆུ་བདག་ཏུ་ཁྱུ་མཆོག་ནི་ལྕེ་གཉིས་པའོ། །རླུང་དུ་བོང་བུ་ནི་བྱི་བའོ། །བྱང་དུ་གླང་པོ་ཆེའོ། །དབང་ལྡན་དུ་བྱ་རོག་ནི་ལུག་གོ། །འདི་རྣམས་ཀྱི་འདབ་ཆགས་
སྦྲུལ་དག་དང་། ཞུམ་བུ་དང་བྱི་བ་དག་དང་སེང་གེ་དང་གླང་པོ་ཆེ་དག་དང་། ལུག་དང་ཁྱི་དག་ནི་ཕན་ཚུན་དུ་མི་མཐུན་པའོ། །ཁང་མིག་གི་སྲིད་དང་ཞེང་གི་གནས་ལ་ཁྲུ་དང་སོར་གྱི་གྲངས་རྣམས་ལ་ཕན་ཚུན་མི་མཐུན་པ་མ་ཡིན་པ་དེ་བཞིན་དུ་བྱའོ།།      །།ད་ནི་ཁང་བཟངས་ཀྱི་མཚན་
ཉིད་བརྗོད་པར་བྱ་སྟེ། སྲིད་ཀྱི་ཕྱེད་དུ་གྱུར་པ་ནི་ཞེང་ངོ་། །འོན་ཀྱང་ཚད་ཅུང་ཟད་ལྷག་པར་བྱའོ། །ཁང་མིག་གི་སྲིད་ཀྱི་སུམ་ཆ་གཅིག་ནི་མ་ཐེམ་དུ་བཤད་དོ། །གདུང་གི་མཐར་ཐུག་པ་ནི་འོག་གི་ཆའོ། །དེ་བཞིན་དུ་དེ་དང་མཉམ་པ་ནི་སྟེང་གི་ཆའོ། །དོང་དགང་བའི་ཁྱད་པར་ལ་ཁ་ཅིག་ཏུ་སྐ་
རགས་གསུམ་དང་ལྡན་པའོ། །ཁ་ཅིག་ཏུ་སྐ་རགས་ལྔ་དང་ལྡན་པའོ། །ཁ་ཅིག་ཏུ་སྐ་རགས་བདུན་དང་ལྡན་པའོ། །ཁ་ཅིག་ཏུ་ཆུའི་མཐར་ཐུག་པའོ། །ཁ་ཅིག་ཏུ་རྡོ་བའི་མཐར་ཐུག་པའོ་ཞེས་པ་ནི་གྲོས་སུ་བྱའོ། །ཆུ་འགྲོ་བའི་གནས་ཀྱི་ངེས་པ་བརྗོད་པ་ནི་དེ་ལ་གང་དུ་དགེ་བ་དང་སྐྱེ་བོ་དང་

62-1-254b

ནོར་འཕེལ་བར་འདོད་པས་དེ་ལ་རླུང་གི་ཕྱོགས་སུ་རྡོ་རྗེ་འབར་བ་དང་ནག་པོ་ཆེན་པོའི་རེ་མིག་དག་ལ་བྱང་ཕྱོགས་སུ་ཆུ་འགྲོ་བར་བྱའོ། །གང་དུ་ཚེ་དང་ནད་མེད་པ་དང་བདེ་བ་འཕེལ་བར་འདོད་པས་དེ་ལ་དབང་ལྡན་གྱི་ཕྱོགས་སུ་དྲི་རྡོ་རྗེ་མ་དང་། གཙུག་ཏོར་ཅན་མའི་རེ་མིག་དག་ལ་ཆུ་འགྲོ་བར་བྱའོ། །ཉེས་
པ་མེད་པར་བྱ་བའི་ཕྱིར་རྩ་དང་སྒོ་འབུགས་པ་ཡོངས་སུ་སྤང་བར་བྱའོ། །དེ་ནས་ཁང་མིག་ཞེང་གི་ཆ་གསུམ་གྱི་ཆ་གཅིག་གམ་ཡང་ན་བཞི་ཆ་གཅིག་གི་སྟེགས་བུ་དང་། ཆུ་ལྷུང་བ་དང་། ལག་འགྲོ་དང་། མྱོས་པ་བསྲུང་བ་དང་རྩེ་མོའོ། །དེའི་ཕྱེད་ཀྱི་ཚད་ནི་རྩིག་པའོ།།      །།ད་ནི་བྱེ་བྲག་གི་
མཚན་ཉིད་བརྗོད་པར་བྱ་སྟེ། ཁང་པ་གཅིག་པ་དང་། ཁང་པ་གཉིས་པ་དང་། ཁང་པ་གསུམ་པ་དང་། ཁང་པ་བཞི་པའི་ཁང་བཟངས་ལ་གལ་ཏེ་ནུབ་ཏུ་ཁང་པ་གཅིག་པའི་ཁང་བཟང་ནི་དེས་ནོར་ཉམས་པར་འགྱུར་རོ། །དེ་བཞིན་དུ་བྱང་གི་ཁང་པ་ཁང་གཅིག་ཏུ་གྱུར་ན་སྦྱིན་བདག་མི་འཚོའོ། །
དེ་བཞིན་དུ་ཤར་གྱི་ཁང་པ་ཁང་གཅིག་ཏུ་གྱུར་ན་རིགས་རྒྱུད་མི་འཕེལ་ལོ། །དེ་ནས་ཡང་ལྷོ་ཕྱོགས་སུ་གནས་པ་བྱང་དུ་སྒོ་མངོན་པར་ཕྱོགས་པའི་ཁང་བཟངས་ཀྱི་སྐྱེ་བོ་དང་ནོར་དང་ཆ་རབ་ཏུ་སྟེར་བར་འགྱུར་རོ། །ཁང་པ་གཉིས་པའི་ཁང་བཟངས་ནི་གཤིན་རྗེའི་སློབ་མ་དང་། ཁྱིམ་གྱི་ཐབ་དང་། མཆིང་
བུ་དང་དབྱུག་པའི་མིག་དང་རླུང་གི་མིག་དང་དོན་གྲུབ་པ་རྣམས་སོ། །འཆི་བ་དང་ནོར་ཟད་པ་དང་། གཉེན་དང་མི་མཐུན་པ་དང་རྒྱལ་པོའི་ཆད་པ་དང་འཐབ་མོ་དང་དོན་ཐོབ་པར་བྱེད་པ་རྣམས་སོ། །དེ་ལ་ནུབ་དང་བྱང་ནི་གཤིན་རྗེའི་སློབ་མའོ། །ཤར་དང་ནུབ་ནི་ཁྱིམ་གྱི་ཐབ་བོ། །ལྷོ་དང་བྱང་ནི་མཆིང་བུའོ། །
ཤར་དང་བྱང་ནི་དབྱུག་པའི་མིག་གོ། །ཤར་དང་ལྷོ་ནི་རླུང་གི་མིག་གོ། །ལྷོ་དང་ནུབ་ནི་དོན་གྲུབ་པའོ། །གཤིན་རྗེ་དང་། ཆུ་བདག་དང་། བྱང་དང་ཤར་དུ་ཁང་པ་དང་མི་ལྡན་པའི་ཁང་བཟངས་ནི་གོ་རིམས་བཞིན་དུ་ཐབ་དང་ཕྱོགས་འཇོམས་པ་དང་གསེར་གྱི་ནམ་མཁའ་དང་ཞིང་བཟང་པོ་ཞེས་
བརྗོད་དོ། །དེ་ལ་ཐབ་ནི་ཡོ་བྱད་མཉམ་པར་བྱེད་དོ། །ཕྱོགས་འཇོམས་པ་ནི་བུ་འཆི་བ་དང་དགྲར་བྱེད་དོ། །གསེར་གྱི་ནམ་མཁའ་ནི་དོན་ཐམས་ཅད་ཕུན་སུམ་ཚོགས་པ་དང་བདེ་བ་རབ་ཏུ་སྟེར་རོ། །ཞིང་བཟང་བ་ནི་ཆོས་དང་ནོར་དང་བ་ལང་དང་དུད་འགྲོ་རྣམས་འཕེལ་བར་བྱེད་དོ། །ཁང་པ་གསུམ་

62-1-255a

པ་ཡིའོ། །ཁང་པ་བཞི་པའི་ཁང་བཟངས་ལ་འདོད་ལྡན་དང་། བཀྲ་ཤིས་དང་། འཕེལ་ལྡན་དང་། གཡུང་དྲུང་འཁྱིལ་བ་དང་། དོན་ཐམས་ཅད་གྲུབ་པ་ཞེས་སོ། །དེ་ལ་འདིར་འདོད་ལྡན་བརྗོད་པར་བྱའོ། །གང་ལ་ཤར་དང་བྱང་དང་ནུབ་ཀྱི་ཕྱོགས་རྣམས་སུ་ཕྱོགས་
གཅིག་ལ་རྩ་བའི་སྒོ་གཅིག་གིས་ཉེ་བར་བརྒྱན་པ། དོང་བཀང་བའི་ཕྱི་དང་ནང་དང་དབུས་ཀྱི་གནས་ལ་རྩིག་པ་གསུམ་གྱིས་ཉེ་བར་མཚན་པའོ། །སྟེང་གི་ཆ་ལ་རྩིག་པ་གཉིས་ཀྱིས་རྣམ་པར་བརྒྱན་པའམ། ཡང་ན་རྩིག་པ་གཅིག་གིས་རྣམ་པར་བརྒྱན་པའོ། །དེ་ལ་གང་རྩིག་པ་གཅིག་གིས་
རྣམ་པར་བརྒྱན་པ་དེའི་རྩིག་པའི་གནས་ལ་ཀ་བའི་ཕྲེང་བས་བརྒྱན་པའོ། །གཉིས་ཀའི་མཐར་ཐུག་པ་ནི་སྲིད་དོ། །དེ་ཡང་ཁྲུ་སུམ་ཅུ་ནས་བརྩམས་ཏེ་ཇི་སྲིད་ཁྲུ་སྟོང་གི་བར་དུའོ། །སྲིད་ཀྱི་ཆ་ལྔའི་ཆ་གཅིག་ནི་ཞེང་གི་ཚད་དོ། །ཞེང་གི་ཆ་ལྔ་ལ་གསུམ་ནི་ནང་གི་དབུས་ཀྱི་རྩིག་པ་དང་
ཀ་བ་ཡང་ངོ་། །ནང་ན་སྟེང་འོག་ཆ་གཉིས་ཀ་ལ་ཀ་བའི་ཕྲེང་བ་བྱའོ། །སྒོ་ཕྱི་མ་དང་ནང་མ་ལ་སྒོ་ཀྱོག་པོ་མི་བྱའོ། །དེ་ཡང་འདོད་ལྡན་ཐམས་ཅད་མཚུངས་པར་ལྡན་པ་ནི་ཚེ་དང་སྐྱེ་བོ་དང་ནོར་དང་བདེ་བ་དང་ཕུན་སུམ་ཚོགས་པ་རབ་ཏུ་སྟེར་བར་འགྱུར་རོ། །དེ་བཞིན་དུ་ཤར་ནུབ་གཉིས་དང་། ལྷོ་
བྱང་གཉིས་ཀྱི་མཐར་ཐུག་པའི་སྲིད་དུ་གྱུར་པ་གང་ཡིན་པ་དེ་ནི་བཀྲ་ཤིས་མ་ཞེས་པའི་ཁང་བཟངས་སོ། །སྲིད་ཀྱི་དྲུག་ཆའི་ཆ་གཅིག་གི་ཚད་ནི་ཞེང་ངོ་། །ཁང་པའི་གཞོགས་གཉིས་ནི་གནས་དེ་དག་མཉམ་པའི་ཞེང་ངོ་། །སྲིད་ནི་ཞེང་གི་ཉིས་འགྱུར་རོ། །དེ་ལ་རིང་པོ་དག་ལ་སྒོ་གཉིས་གཉིས་
སོ། །ཁང་པ་ཐུང་བ་དག་ལ་སྒོ་རེ་རེའོ། །དེ་ཡང་ཁང་བཟངས་བཀྲ་ཤིས་མ་སྟེ། དེ་ལ་གནས་པའི་སེམས་ཅན་རྣམས་ཀྱི་ནོར་དང་སྐྱེ་བོ་དང་གཉེན་དང་ཚེ་དང་དུད་འགྲོ་དང་གྲགས་པ་འཕེལ་བར་བྱེད་དོ། །གང་ལ་གཡས་གཡོན་གཞོགས་གང་ཁང་ཆུང་གཉིས་དང་ལྡན་ཞིང་སྒོ་བྱང་དུ་ལྟ་བ་ནི་ལྷོའི་
ཁང་པའོ། །ནུབ་དང་བྱང་དང་ཤར་གྱི་ཁང་པའི་གནས་ལ་ཁང་ཆུང་དང་མི་ལྡན་པར་གྱུར་པ་དེ་ནི་ནོར་དང་འབྲུ་འཕེལ་བ་སྟེ་འཕེལ་ལྡན་ཞེས་བཤད་དོ། །གང་ལ་གཞོགས་གཡོན་དུ་ཁང་ཆུང་དང་ལྡན་པའི་ཁང་པ་བཞིར་གྱུར་པ་དེ་ནི་ནོར་དང་སྐྱེ་བོ་དང་བདེ་བ་འབབ་པའི་སྟེ། གཡུང་དྲུང་འཁྱིལ་

62-1-255b

བ་ཞེས་གསུངས་སོ། །གང་ཡང་ཁང་ཆུང་བཞི་དང་བཅས་པའི་ཁང་པ་བརྒྱད་དུ་གྱུར་པ་དེ་ནི་ནོར་དང་འབྲུ་འཕེལ་ཏེ། དོན་ཐམས་ཅད་གྲུབ་པ་ཞེས་གསུངས་སོ། །ལྷ་ཁང་གི་བྱེ་བྲག་ནི་གྲུ་བཞི་པར་རེ་མིག་བརྒྱད་ཅུ་རྩ་གཅིག་བྱ་སྟེ། ཕྱི་རོལ་དུ་རེ་མིག་སུམ་ཅུ་རྩ་གཉིས་ཀྱི་དང་པོ་དང་གཉིས་
པའི་གནས་དག་གི་རྩིག་པའི་ལུས་སོ། །གནས་དང་པོའི་ཞེང་དང་མཚུངས་པ་དཔངས་སུ་སྟེ་གཉིས་པའི་རེ་མིག་ཏུའོ། །དེའི་སྟེང་དུ་གསུམ་པ་དང་བཞི་པ་དག་རྩིག་པ་བྱ་སྟེ། འོག་གི་གནས་ཀྱི་སྲིད་ཀྱི་དགུའི་ཆ་རྣམས་ལ་དྲུག་གི་ཆས་སྟེང་གི་གནས་དག་གི་ཞེས་སོ། །དེ་ནས་རེ་མིག་དགུར་
བྱས་ལ་ཕྱིའི་རེ་མིག་ཏུ་རྩིག་པ་བྱའོ། །དཔངས་སུ་གསུམ་པའི་གནས་ལ་དང་པོའི་གནས་ཀྱི་སུམ་ཆའི་ཆ་གཅིག་གིས་སོ། །དེའི་ཉིས་འགྱུར་གྱི་གནས་བཞི་པའི་དཔངས་སོ། །སྟེགས་བུ་ནི་རྩིག་པ་གཉིས་སོ། །དེ་ལ་རྩིག་རྨང་གཞན་པར་གསུངས་སོ། །ཡང་དག་པར་སྦྱང་བ་རྣམས་ལས་བཟང་
པོས་ཡོངས་སུ་བཀང་བ་རྣམས་ཡང་དག་པར་བརྡུང་ཞིང་དོང་བཀང་ལ། གསེར་དང་དངུལ་གྱི་པདྨའི་སྟེང་དུ་གསེར་དང་དངུལ་གྱི་བུམ་པ་རུས་སྦལ་གྱི་སྟེང་དུ་དགོད་དོ། །དེའི་སྟེང་དུ་གཡས་སྐོར་དུ་མེ་ལོང་ལ་སོགས་པའི་མཚམས་རྣམས་སུ་ཨིནྡྲ་ནཱི་ལ་དང་། རྡོ་རྗེ་ཕ་ལམ་དང་། མ་ར་ག་ཏ་དང་། 
པདྨ་རཱ་ག་དང་། པུཥྤ་རཱ་ག་རྣམས་དང་། བདུད་རྩི་ལྔ་དང་། དྲི་ལྔ་དང་། དངུལ་ཆུས་ནང་ཡོངས་སུ་དགང་བར་བྱའོ། །ཇི་ལྟར་འབྱོར་པས་གསེར་དང་དངུལ་དང་། ཟངས་མ་ལས་ཡོངས་སུ་བྱས་ཏེ་ཁ་དགབ་པར་བྱའོ། །ཨོཾ་བཛྲ་ཡཀྵ་ཧཱུཾ་ཞེས་པའི་སྔགས་བརྒྱ་རྩ་བརྒྱད་ཡོངས་སུ་བཟླས་པར་བྱའོ། །
སྦྲང་གི་བུམ་པ་བཞི་ཟུར་བཞིར་གཞག་པར་བྱའོ། །དེའི་སྟེང་དུ་ལེགས་པར་བྱས་པའི་སོ་ཕག་གཞག་པར་བྱའོ།།      །།དེ་ནས་ཡོངས་སུ་སྦྱང་བའི་སའི་དབུས་སུ་སློབ་དཔོན་གྱིས་ཏིང་ངེ་འཛི་གསུམ་བསྒོམས་ནས་སྔོན་དུ་ཡིད་ཀྱི་རང་བཞིན་གྱི་མཆོད་པ་རྣམས་ཀྱིས་དེ་ན་གནས་པའི་ལྷ་དང་། ཕྱོགས་སྐྱོང་
དང་། ཀླུ་དང་། སའི་ལྷ་དང་། སངས་རྒྱས་དང་བྱང་ཆུབ་སེམས་དཔའ་ཐམས་ཅད་ལ་མཆོད་ཡོན་དང་ཞབས་བསིལ་དང་ཞལ་བསིལ་གྱིས་ཡང་དག་པར་མཆོད་པར་བྱའོ། །ཕྱིའི་མེ་ཏོག་དང་སྤོས་ལ་སོགས་པ་རྣམས་ཀྱིས་ཀྱང་ཡང་དག་པར་མཆོད་ནས་ནམ་མཁའ་ལ་གཞག་པར་བྱའོ། །དེ་ནས་

62-1-256a

ཨོཾ་བྷྲཱུ་ཁཾ་ཞེས་པའི་སྔགས་ཀྱིས་སྟོང་པར་བྱས་ཏེ་སའི་ཆ་ལ་ཧཱུཾ་ལཾ་ཧཱུཾ་ཞེས་པའི་སྔགས་ཀྱིས་རྡོ་རྗེའི་རྡུལ་ཕྲ་རབ་ཀྱི་རང་བཞིན་དུ་རྣམ་པར་བསྒོམ་པར་བྱའོ། །ཨོཾ་མེ་དི་ནཱི་བཛྲ་བྷ་བ་བཛྲ་བནྡྷ་ཧཱུཾ་ཞེས་པའི་སྔགས་ཀྱི་བྱིན་གྱིས་བརླབ་པར་བྱའོ། །དེ་ནས་ལག་པ་གཡས་པར་ཟླ་བ་ལ་ཧཱུཾ་གསུམ་དང་
ཏྲཾ་ཞེས་བརྗོད་པས་ཧཱུཾ་ཡིག་གི་འོད་ཟེར་གྱིས་སོར་མོའི་རྩེ་མོ་ལས་གདེངས་ཀའི་སྒྲས་ཡེ་ཤེས་ཀྱི་སའི་ལྷ་མོ་བསྐུལ་ནས་འཐོན་ཏེ། ལག་པ་གཉིས་ཀྱིས་གསེར་གྱི་བུམ་པ་འཛིན་ཞིང་རྒྱན་ཐམས་ཅད་ཀྱིས་བརྒྱན་པའི་སའི་ལྷ་མོ་སེར་མོ་རྣམ་པར་བསྒོམས་ལ་ཞབས་བསིལ་དང་ཞལ་བསིལ་དང་མཆོད་ཡོན་
ཕུལ་ནས་མེ་ཏོག་ལ་སོགས་པས་ཡང་དག་པར་མཆོད་པར་བྱའོ། །ལྷ་མོ་ཁྱོད་ནི་ཞེས་པ་ལ་སོགས་པ་ནས། བདག་གིས་གཙུག་ལག་ཁང་བཞེངས་བྱ། །ཞེས་པའི་བར་ལན་གསུམ་བརྗོད་པར་བྱའོ། །དེ་ནས་དེའི་ནང་གི་ཕྱོགས་གཅིག་ལ་ཐིམ་པར་རྣམ་པར་བསྒོམ་པར་བྱའོ། །དེ་ནས་དེའི་ཕྱོགས་སུ་
ཡཾ་རཾ་བཾ་ལཾ་སུཾ་གྱི་ཡི་གེ་རྣམས་ལས་སྐྱེས་པའི་རླུང་དང་མེ་དང་ཆུ་དང་ས་དང་རི་རབ་ཀྱི་སྟེང་དུ་ཧཱུཾ་ཡིག་ལས་སྐྱེས་པའི་སྣ་ཚོགས་རྡོ་རྗེ་དེའི་འོད་ཟེར་གྱི་ཚོགས་ཀྱིས་རྡོ་རྗེའི་རང་བཞིན་གྱི་ས་གཞི་དང་། རྡོ་རྗེ་ར་བ་དང་། རྡོ་རྗེའི་གུར་དང་། བླ་རེ་ཡང་རྣམ་པར་བསྒོམ་པར་བྱའོ། །སྣ་ཚོགས་རྡོ་རྗེའི་
སྟེགས་བུ་ལ་བྷྲཱུཾ་ལས་སྐྱེས་པའི་འཁོར་ལོས་མཚན་པའི་རྣམ་པར་སྣང་མཛད་དེ་ཡོངས་སུ་གྱུར་པ་ལས་གཙུག་ལག་ཁང་གི་ཕྱོགས་རྣམ་པར་བསྒོམས་ནས་སོ་ཕག་བྱིན་གྱིས་བརླབ་པར་བྱའོ། །ཨོཾ་བཛྲ་ཀརྨ་ཀཾ། ཨོཾ་བཛྲ་རཀྵ་ཧཾ། ཨོཾ་བཛྲ་ཡཀྵ་ཧཱུཾ། ཨོཾ་བཛྲ་སནྡྷི་བཾ་ཞེས་པའི་སྔགས་ཀྱིས་སོ། །དེ་
ཐམས་ཅད་དུ་བ་ལང་གི་རྨིག་རྗེས་ཅན་དང་། ཡོན་པོ་དང་། ཟེགས་པོ་དང་། གྲོག་ཚངས་དང་། སྲིན་བུས་ཟོས་པ་དང་། ཆ་ཤས་ཉམས་པའི་སོ་ཕག་རྣམས་ཡོངས་སུ་སྤངས་ཏེ། ས་ཚོས་པ་དང་། བཟང་བ་དང་། མཁྲེགས་པ་དང་། ཟུར་དང་བཅས་པའི་སོ་ཕག་ཡང་དག་པར་བཟུང་
སྟེ་པདྨའི་སྟེང་དུ་གཞག་པར་བྱའོ། །བྷྲཱུཾ་ཡིག་ལས་རྡུལ་ཕྲ་རབ་ཚོགས་པའི་གཟུགས་སུ་བསྒོམས་ནས་བུམ་པའི་ཆུས་གཏོར་བར་བྱའོ། །ཉེར་སྤྱོད་ལྔ་དང་། དྲི་ལྔ་དང་། སིནྡྷུ་ར་དང་། མེ་ཏོག་དམར་པོ་དང་། པྲི་ཡང་ཀུའི་མེ་ཏོག་དང་། ཏིལ་དཀར་པོ་དང་། ཚངས་སྐུད་ལ་སོགས་པ་རྣམས་

62-1-256b

ཀྱིས་མཆོད་པར་བྱའོ། །དེ་ནས་སའི་བདག་པོ་དང་། རྩིག་པའི་ལས་བྱེད་པ་དང་། ལྟད་མོ་པའི་མི་རྣམས་ལ་ཇི་ལྟར་འབྱོར་པའི་ལག་གདུབ་དང་། སོར་གདུབ་དང་། གོས་དང་། རིན་པོ་ཆེའི་ཕྲེང་བ་དང་། གོ་ཡུ་དང་། གོལ་ལ་སོགས་པ་རྣམས་ཀྱིས་ཡང་དག་པར་ཚིམ་པར་
བྱའོ། །སྦྱིན་བདག་གི་ལག་པས་སོ་ཕག་གཏད་པར་བྱའོ། །དེ་ནས་བྱང་ཤར་དུ་ཁ་ཕྱོགས་པས་སའི་གནས་ནས་རླུང་རྒྱུ་བ་ན་དེ་བཞིན་གཤེགས་པ་དང་། ཟླ་བ་དང་ཉི་མའི་སྣང་བ་མཆོག་ལ་རྩིག་པ་ལ་སོགས་པ་གཡས་སྐོར་དུ་སོ་ཕག་རྣམས་དང་པོ་བྱང་ངམ་ཤར་ནས་བརྩམས་ཏེ་མེ་
དང་བདེན་བྲལ་དང་རླུང་དང་དབང་ལྡན་གྱི་ཟུར་རྣམས་སུ་གཞག་པར་བྱའོ། །དེ་ནས་སློབ་དཔོན་དང་བཅས་པས་རྡོ་རྗེ་བསྲུང་བའི་དམ་ཚིག་གི་ཕྱག་རྒྱ་དང་སྔགས་ཀྱི་བྱིན་གྱིས་བརླབ་པར་བྱའོ། །ཨོཾ་བཛྲ་རཀྵ་དྲྀ་ཌྷོ་མེ་བྷ་བ་རཀྵ་སརྦཾ་སྭཱ་ཧཱ། ལན་བདུན་དུའོ། །ལག་པ་གཡས་པའི་
རྡོ་རྗེས་ཨོཾ་བྷྲཱུཾ་སརྦ་ཏ་ཐཱ་ག་ཏ་སརྦ་བུདྡྷ་ལ་ཡ་མཱ་དྷི་ཏིཥྛནྟུ་སྭཱ་ཧཱ། ཞེས་པའི་སྔགས་འདི་སོ་སོའི་ཟུར་ལ་ལན་བདུན་དུ་བྱིན་གྱིས་བརླབ་པར་བྱའོ། །ཡི་གེ་བརྒྱ་པས་བརྟན་པར་བྱས་ནས། བུམ་པའི་ཆུས་གཏོར་ནས་མེ་ཏོག་ལ་སོགས་པ་རྣམས་ཀྱིས་ཡང་དག་པར་མཆོད་དེ་དྲིལ་བུ་དཀྲོལ་
བར་བྱའོ། །དེའི་དུས་སུ་དམ་པའི་ཆོས་ཀློག་པ་དང་། བཀྲ་ཤིས་ཀྱི་གླུ་དང་། རྔ་ལ་སོགས་པ་རོལ་མོའི་སྒྲས་དགའ་བར་བྱའོ། །སྦྱིན་བདག་གིས་ཡང་དག་པར་སྤྲོ་བ་དང་བཅས་པས་ཆུའི་རྒྱུན་སྦྲེང་བར་བྱའོ། །དེ་ནས་རིག་མ་ལ་སོགས་པ་མཐའ་དག་རྗེས་སུ་ཆགས་པས་སྣ་ཚོགས་
པདྨའི་སྟེང་དུ་སྒེག་པ་དང་རོལ་པའི་ཚིག་དང་སྣ་ཚོགས་པའི་གོས་དང་ཚངས་སྐུད་ཀྱིས་བརྒྱན་པ། ཤིན་ཏུ་རྣམ་པར་དག་པའི་སྤྱན་ཡངས་ཤིང་དུལ་བ་མཛེས་པས་རྣམ་པར་བརྒྱན་པར་གྱུར་པ་ཞལ་མཛེས་པ་རལ་པའི་ཐོར་ཚུགས་ལ་རིན་པོ་ཆེའི་ཅོད་པན་བཅིང་བ་ཕྱག་བཞིན་མཆོག་སྦྱིན་དང་
བགྲང་ཕྲེང་དང་། དབྱུ་གུ་གསུམ་པ་དང་སྤྱི་བླུགས་ཀྱིས་རྣམ་པར་བརྒྱན་ཞིང་ཤིན་ཏུ་མཛེས་པ་གུར་གུམ་གྱི་མདོག་ལྟ་བུ་ཞི་བའི་གཟུགས་ཅན་མཐུ་དང་ལྡན་པའི་མེས་ཚིམ་པར་བྱའོ། །དྲི་བཟང་པོའི་ཤིང་གི་ཡམ་ཤིང་དང་། དྲི་བཟངས་ཀྱི་ལྡེ་གུ་དང་། ཏིལ་ལ་སོགས་པའི་འབྲུ་རྣམས་

62-1-257a

ཀྱིས་སྦྱིན་སྲེག་བྱའོ། །སྔགས་ནི་ཨོཾ་པྲ་མོ་ཧ་ནཱགྣ་ཡེ་སྭཱ་ཧཱ། ཞེས་སོ། །པཎྜི་ཏ་ཆེན་པོ་རིགས་ཀྱི་སྦྱིན་པ་ཞེས་བྱ་བས་མཛད་པའི་བྱ་བ་བསྡུས་པ་ལས་རབ་ཏུ་བྱེད་པ་བཞི་པའོ།།      །།ཤིང་གི་ལས་ཞེས་གསུངས་པས་དེ་བརྗོད་པར་བྱ་སྟེ། ནགས་བལྟས་དེ་ནས་བློ་
ལྡན་གྱིས། །སྒོ་ནི་ཡང་དག་གདོད་པར་བྱ། །གནས་པའི་ཤིང་གི་རྩེ་མོ་ཡིས། །བདུད་རྩིའི་མེ་ལ་སྦྱིན་སྲེག་བྱ། །དེ་ལ་ཚེས་དང་གཟའ་དང་རྒྱུ་སྐར་བཟང་པོ་ལ་མཆོད་རྟེན་ནམ། གཙུག་ལག་ཁང་ལ་སོགས་པ་རྣམས་ཀྱི་སྲོག་ཤིང་དང་སྒོ་དང་ཀ་བ་ལ་སོགས་པའི་ཤིང་གི་རྩེ་མོའི་མཐར་
ཐུག་པ་རྣམས་ཀྱི་སྲིད་དང་ཞེང་དུ་གནས་པ་དག་ཐིག་འཛིན་པ་རྣམས་ཀྱིས་ལེགས་པར་གྲོས་བྱས་ཏེ། ཤིང་མཁན་གྱི་འཁོར་དང་ཚོགས་པ་རྣམས་ཀྱི་སྦྱིན་བདག་དང་སློབ་དཔོན་དང་བཅས་པས་ནགས་ཚལ་ལྟར་འགྲོ་བར་བྱའོ། །རྙེད་པ་དང་ཚལ་གྱི་ཉེ་འཁོར་དུ་དུས་བརྟགས་ཏེ་བདག་ཉིད་ལས་
ཐམས་ཅད་པའི་སྐུར་བསྒོམས་ཏེ་རྐང་པ་གཡས་པ་མདུན་དུ་བྱས་ཏེ། བྱང་ཤར་གྱི་ཕྱོགས་སུ་ཞལ་བསྟན་ནས་སློབ་དཔོན་ནགས་ཀྱི་ཕྱོགས་སུ་རབ་ཏུ་འཇུག་པར་བྱའོ། །ལོ་ཉིས་བརྒྱ་མ་ལོན་པའི་ཤིང་སར་པའི་སྡོང་པོ་རྣམས་གཟུང་བར་བྱའོ། །དེ་ནས་ཡང་གེ་སར་གཉིས་པ་དང་། མ་དྷུ་ར་
དང་། ཏིཏྟའི་སྙིང་པོ་དང་། ཤུག་པ་དང་། སེང་ལྡེང་དང་། གནྡྷ་རི་དང་། སྦྲང་གི་ཤིང་དང་། མྱ་ངན་མེད་དང་། བ་ཀུ་ལ་དང་། རྣམ་པར་རྒྱལ་བྱེད་དང་། ཙནྡན་དང་། ཙམ་པ་ཀ་དང་། ཙུ་ཏ་དང་། ཀིཾ་ཤུ་ཀ་དང་པ་ལ་ཤ་དང་། པིཙྪི་ལ་དང་། བ་ལ་ད་དང་། ཐང་ཤིང་དང་། ས་ལ་དང་། 
ཏཱ་ལ་དང་། གྲན་ཐི་ལ་ཛུ་ན་དང་། ཛམྦུ་དང་། བྷཎ་ཌི་ལ་དང་། རོ་ཧི་ཎི་ལ་སོགས་པ་དཔག་ཏུ་མེད་པའི་ཤིང་རྣམས་གང་ལ་གང་ཉེ་བར་འོས་པའི་ཤིང་དེ་རྣམས་ལེགས་པར་རྣམ་པར་བརྟགས་ནས་ཕྱི་དྲིའོ་དུས་སུ་ལས་ཐམས་ཅད་པའི་རྣལ་འབྱོར་དང་ལྡན་པའི་སློབ་དཔོན་ཡང་དག་པའི་སྤྲོ་བ་དང་
ལྡན་པས་ཤིང་མཁན་དང་བཅས་པའི་བཟོ་བོ་རྣམས་ཡང་དག་པར་བསྲུང་བར་བྱའོ། །ཉེར་སྤྱོད་ལྔས་བླ་མ་དང་སངས་རྒྱས་དང་བྱང་ཆུབ་སེམས་དཔའ་དང་། ཕྱོགས་ཀྱི་བདག་པོ་དང་། ནགས་ཚལ་དང་ཤིང་གི་ལྷ་ལ་སོགས་པ་རྣམས་ཡང་དག་པར་མཆོད་ཅིང་ཕྱོགས་ཀྱི་གཏོར་མ་ཡང་

62-1-257b

དབུལ་བར་བྱའོ། །ཤིང་མཁན་དང་བཅས་པའི་བཟོ་བོ་རྣམས་བཟའ་བ་དང་བཏུང་བའི་སྟོན་མོ་དང་། སོ་རྩི་ལ་སོགས་པ་རྣམས་ཀྱིས་ཡང་དག་པར་ཚིམ་པར་བྱའོ། །ཡི་དམ་གྱི་ལྷ་རྣམས་ཀྱང་བདག་ལ་དགོངས་སུ་གསོལ་ཞེས་པ་ལ་སོགས་པའི་ཚིགས་སུ་བཅད་པས་གསོལ་བ་
གདབ་པར་བྱའོ། །སེམས་རབ་ཏུ་དགའ་བས་ཤིང་མཁན་དང་བཅས་པའི་བཟོ་བོ་རྣམས་དང་ལྷན་ཅིག་ཡི་དམ་ལྷའི་རྣལ་འབྱོར་གྱིས་ཞི་བར་མཐུན་པས་ཉལ་བར་བྱའོ། །དེ་ནས་རྨི་ལམ་བཟང་པོ་བདེན་པའི་དབང་དུ་ངེས་ན་མཚམས་སྦྱར་བར་བྱའོ། །རྨི་ལམ་ངན་ན་ལས་ཐམས་ཅད་པའི་
བཟླས་པ་བྱའོ། །དེ་ནས་ནངས་པར་སྔ་བར་མཆོད་པ་ཐམས་ཅད་དང་ཡང་དག་པར་ལྡན་པས་སློབ་དཔོན་གྱིས་རྣམ་པར་སྣང་མཛད་ཆེན་པོའི་རྣལ་འབྱོར་ལ་ཞུགས་ཏེ། ལྷ་རྣམས་ཀྱི་གཟུགས་ཀྱི་ཤིང་གི་རྒྱལ་པོ་རྣམས་ཡང་དག་པར་མཆོད་པར་བྱའོ། །དེ་ལ་དེ་རྣམས་ཀྱང་ཤིང་གི་ལྷ་རྣམས་
དང་དེ་རྣམས་ཀྱི་ཞིང་སྐྱོང་རྣམས་སོ། །ཤུག་པ་དང་གེ་སར་གཉིས་པ་དང་ཙམ་པ་ཀ་དང་མྱ་ངན་མེད་ཀྱི་ཤིང་རྣམས་ལ་ཤིང་གི་ལྷ་གསང་བ་མ་དང་། ཞིང་སྐྱོང་ནག་པོ་ཆེན་པོའོ། །ནེ་མཱི་དང་སཱ་ལ་དང་ཐང་ཤིང་ལ་འཇིག་རྟེན་གྱི་མ་མོ་དང་། ཞིང་སྐྱོང་རི་རབ་ཆེན་པོའོ། །ཧ་རི་ཏ་དང་ཨ་རུ་
རའི་ཤིང་དང་ནྱ་གྲོ་དྷའི་ཤིང་རྣམས་ལ་ཀརྞ་མ་ཊི་ཀ་མ་དང་། ཞིང་སྐྱོང་ཤིན་ཏུ་སྟོབས་ཅན་ནོ། །ཙུ་ཏའི་ཤིང་ལ་ཨ་བི་ཀ་མ་དང་། ཞིང་སྐྱོང་སྟོབས་ཅན་ནོ། །ཏཱ་ལའི་ཤིང་ལ་ཤཾ་ཀ་རི་ཀ་དང་། ཞིང་སྐྱོང་སྐྲ་གྱེན་དུ་བརྫེས་པའོ། །ཀ་དམ་པའི་ཤིང་ལ་ཞལ་བཟང་མོ་དང་། ཞིང་སྐྱོང་དྲིལ་བུ་
ཆེན་པོའོ། །འཇམ་འབྲས་ཀྱི་ཤིང་ལ་འཇམ་འབྲས་ལ་གནས་མ་དང་། ཞིང་སྐྱོང་གཏུམ་པོའི་དྲིལ་བུའོ། །སྦྲང་གི་ཤིང་ལ་ཤེ་ཀ་དང་། ཞིང་སྐྱོང་སྐྱེས་བུའི་དབང་ཕྱུག་གོ། །གསེར་ཤིང་ལ་གཏུམ་མོ་དང་། ཞིང་སྐྱོང་བཟང་པོའོ། །ཤྲཱིཾ་གའི་ཤིང་ལ་བཀྲ་ཤིས་ཆེན་མོ་དང་། 
ཞིང་སྐྱོང་མེའི་ཞལ་ལོ། །དེ་ནས་ལས་དང་མཐུན་པར་ཤིང་གི་ལྷ་རྣམས་དང་། གང་གིས་ཞིང་སྐྱོང་གི་རྣམ་པར་བསྒོམས་ཏེ་རང་རང་གི་སྔགས་ཀྱིས་མཆོད་པར་བྱའོ། །དེ་ལ་ཨོཾ་མཾ་མ་ཧཱ་ཀཱ་ལཱ་ཡ་ན་མཿསྭཱ་ཧཱ། ཞིང་སྐྱོང་གིའོ། །ཨོཾ་གཾ་གུ་ཧྱ་ཀཱ་ཡེ་ན་མཿསྭཱ་ཧཱ། དེ་བཞིན་དུའོ། །ཨོཾ་མཾ་

62-1-258a

མ་ཧཱ་མེ་ར་བེ་ན་མཿསྭཱ་ཧཱ། ཨོཾ་ལཾ་ལོ་ཀ་མ་ཏྲི་ཀཱ་ཡཻ་ན་མཿསྭཱ་ཧཱ། ཨོཾ་ཨཾ་ཨ་ཏི་བ་ལཱ་ཡ་ན་མཿསྭཱ་ཧཱ། ཨོཾ་ཀཾ་ཀརྞ་མ་ཊི་ཀཱ་ཡཻ་ན་མཿསྭཱ་ཧཱ། ཨོཾ་བཾ་བ་ལཱ་ཡ་ན་མཿསྭཱ་ཧཱ། ཨོཾ་ཨཾ་ཨ་བི་ཀཱ་ཡཻ་ན་མཿསྭཱ་ཧཱ། ཨོཾ་ཨཱུ་ཨཱུརྡྷ་ཀོ་ཥཱ་ཡ་ན་མཿསྭཱ་ཧཱ། ཨོཾ་ཤཾ་ཤཾ་ཀ་རི་ཀཱ་ཡཻ་ན་མཿསྭཱ་ཧཱ། 
ཨོཾ་གྷཾ་མ་ཧཱ་གྷཎྜཱ་ཡ་ན་མཿསྭཱ་ཧཱ། ཨོཾ་སུཾ་སུ་མུ་ཁཱ་ཡཻ་ན་མཿསྭཱ་ཧཱ། ཨོཾ་ཙཾ་ཙཎྜ་གྷཎྜཱ་ཡ་ན་མཿསྭཱ་ཧཱ། ཨོཾ་ཀཾ་ཀ་རཉྫ་བ་སི་ནྱཻ་ན་མཿསྭཱ་ཧཱ། ཨོཾ་པུཾ་པུཾ་སེ་ཤྭ་རཱ་ཡ་ན་མཿསྭཱ་ཧཱ། ཨོཾ་ཤཾ་ཤེ་ཀཱ་ཡཻ་ན་མཿསྭཱ་ཧཱ། ཨོཾ་སུཾ་སུ་ཛ་ནེ་ཏྲཻ་ན་མཿསྭཱ་ཧཱ། ཨོཾ་ཙཾ་ཙཎྜཱ་ལྱཻ་ན་མཿསྭཱ་ཧཱ། ཨོཾ་བཾ་བིཧྣ་མུ་ཁཱ་ཡ་ན་མཿསྭཱ་ཧཱ། ཨོཾ་མཾ་
མ་ཧཱ་ལཀྵྨྱཻ་ན་མཿསྭཱ་ཧཱ། གཙུག་ལག་ཁང་གི་ཆེད་དུ་ནི། །དི་རིང་ཤིང་གཅོད་བདག་སྤྲོ་བས། །ད་ནི་ཁྱོད་རྣམས་བཟོད་མཛད་ནས། །ཤིང་གཞན་ལ་ནི་འདིར་གནས་མཛོད། །ཅེས་པའི་ཚིགས་སུ་བཅད་པ་བརྗོད་ནས་ཤིང་ལ་གནས་པའི་ལྷ་རྣམས་ལ་གསོལ་བ་གདབ་པར་བྱའོ། །དེ་ནས་མེ་ཏོག་ལ་
སོགས་པ་རྣམས་ཀྱིས་ཡང་དག་པར་མཆོད་ནས་ཤིང་གཞན་ལ་སོང་བར་བསམ་པར་བྱའོ། །དེ་ནས་བསྲུང་བའི་ཆེད་དུ་རྨ་བྱ་ཆེན་མོ་བཀླག་པར་བྱའོ། །དེའི་རྗེས་ལ་ལས་ཐམས་ཅད་པའི་གཟུགས་ཀྱི་ཤིང་མཁན་ལ་གསེར་དང་གོས་དང་སོ་རྩི་ལ་སོགས་པ་རྣམས་ཀྱིས་ཡོངས་སུ་མཉེས་པར་བྱས་ནས། 
སྟ་རེ་ལ་ཡང་སྦྲང་རྣམ་པར་བྱུགས་ཏེ། ཤིང་མཁན་དེས་ཀྱང་དགེ་བའི་སེམས་ཀྱིས་ལག་པ་གཡས་པ་བསྟོད་ནས་བྱང་ཤར་དུ་གདོང་ཕྱོགས་ཏེ་ཉི་མ་ལ་བལྟས་ནས་ཤིང་གཅད་པར་བྱའོ། །དེ་ལ་ཡང་དགེ་བ་དང་མི་དགེ་བའི་མཚན་མ་བལྟ་བར་བྱའོ། །མི་དགེ་བའི་མཚན་མ་རྣམས་ཡོངས་སུ་
སྤངས་ཤིང་དགེ་བའི་མཚན་མ་རྣམས་ཡང་དག་པར་གཟུང་བར་བྱའོ། །གང་གི་ཚེ་བྱང་ཕྱོགས་སུ་ཤིང་འགྱེལ་བ་དེའི་ཚེ་སྦྱིན་བདག་གི་ནོར་དང་འབྲུ་ལས་འགྲུབ་པར་འགྱུར་རོ། །དབང་ལྡན་གྱི་ཕྱོགས་སུ་འགྱེལ་ན་རིག་པ་དང་ཤེས་པ་དང་ལུང་དུ་འགྱུར་རོ། །གང་གི་ཚེ་དབང་པོའི་ཕྱོགས་
སུ་ཤིང་འགྱེལ་ན་དེའི་ཚེ་རྒྱལ་བ་དང་དཔལ་མོ་དང་ཕུན་སུམ་ཚོགས་པར་འགྱུར་རོ། །དེ་བཞིན་དུ་ཤིང་གཞན་ལ་མ་བསྙེས་པར་བར་དུ་གང་གི་ཚེ་འགྱེལ་བ་དེའི་ཚེ་དགེ་བ་དང་བདེ་བ་དེ་བཞིན་དུ་འགྱུར་རོ། །གང་གི་ཚེ་ཤིང་གཞན་ལ་བསྙེས་ཤིང་འགྱེལ་ན་སྦྱིན་བདག་ལ་འཇིགས་པ་ཆེན་པོར་འགྱུར་རོ། །

62-1-258b

མེ་དང་གཤིན་རྗེ་དང་། བདེན་བྲལ་དང་། ཆུ་བདག་དང་། རླུང་གི་ཕྱོགས་རྣམས་སུ་འགྱེལ་ན་མེའི་འཇིགས་པ་དང་འཆི་བ་དང་སྲིན་པོ་དང་ཆུ་དང་རླུང་གི་འཇིགས་པ་རྣམས་སུ་གྲངས་ཇི་ལྟ་བ་བཞིན་དུ་འགྱུར་རོ། །སྐད་འདར་ཞིང་རྒྱང་རིང་པོར་ལྷུང་ན་ཡང་སྦྱིན་བདག་ལ་སྡུག་བསྔལ་གྱི་མཚན་མར་འགྱུར་
རོ། །གཅོད་པའི་ཚེ་གལ་ཏེ་རྔ་མོ་དང་ཁྱི་དང་ཅེ་སྤྱང་དང་སྦྲུལ་དང་ཕག་དང་བྱ་རྒོད་དང་། བྱ་རོག་ལ་སོགས་པའི་གདུག་པ་ཅན་གྱི་བྱ་རྣམས་ལྟ་བར་བྱེད་ན་དེའི་ཚེ་ངེས་པར་གསོད་པ་དང་འཆི་བ་དཔག་ཏུ་མེད་པའི་བགེགས་རྣམས་སུ་འགྱུར་རོ། །ཤིང་ལས་གལ་ཏེ་ཁྲག་འཛག་ན་དེའི་ཚེ་སྦྱིན་བདག་
འཆི་བར་འགྱུར་རོ། །ཞོ་དང་མར་དང་སྦྲང་དང་འོ་མ་འབབ་ན་གསོད་པ་དང་འཆིང་བ་ལ་སོགས་པའི་འཇིགས་པ་རྣམས་སུ་འགྱུར་རོ། །འོན་ཀྱང་གང་གི་ཚེ་ཤིང་རྣམས་ཀྱི་རང་བཞིན་མངར་བ་དང་ཚ་བ་དང་ཁ་བ་དང་བསྐ་བ་ལ་སོགས་པའི་རོར་གྱུར་པ་དེའི་ཚེ་ཉེས་པ་མེད་དོ། །བཙོད་ཀྱི་མདོག་གིས་སྦལ་པར་
ཤེས་པར་བྱ་སྟེ་དེས་ཀྱང་ནད་དུ་འགྱུར་རོ། །དེ་བཞིན་དུ་ཁ་དོག་སྐྱ་བོས་བྱི་བར་ཤེས་པར་བྱ་སྟེ། ནད་དུ་འགྱུར་ཏེ་ཤིང་དེས་ཀྱང་ཆོམ་རྐུན་གྱི་འཇིགས་པར་འགྱུར་ཞིང་གློའི་ནད་སྐྱེ་བར་འགྱུར་རོ། །ཁ་དོག་སེར་པོས་ཤིང་གི་ནང་དུ་ཤེས་པར་བྱ་སྟེ། དེས་ཀྱང་ནོར་ཉམས་པར་འགྱུར་རོ། །
ཕུག་རོན་གྱི་ཁ་དོག་གིས་དེའི་ནང་དུ་ཁྱིམ་གྱི་ད་ཡིག་ཏུ་ཤེས་པར་བྱ་སྟེ། དེས་སྦྱིན་བདག་དབུལ་པོར་འགྱུར་རོ། །སྐྱ་རེངས་ཀྱི་མདོག་གིས་རྩངས་པར་ཤེས་པར་བྱ་སྟེ། དེས་ནད་དཔག་ཏུ་མེད་པ་སྐྱེ་བར་འགྱུར་རོ། །ཁ་དོག་ལྗང་གུས་སྦྲུལ་འབྱུང་བར་འགྱུར་ཏེ། དེས་ཀྱང་དེ་བཞིན་དུ་ནོར་
ཟད་པར་བྱེད་དོ། །རལ་གྲིའི་ཁ་དོག་གིས་ཆུར་ཤེས་པར་བྱ་སྟེ། དེས་དེ་བཞིན་དུ་ཆུས་འཇིག་པར་འགྱུར་རོ། །གདུགས་དང་། རྒྱལ་མཚན་དང་། བཀྲ་ཤིས་དང་དཔལ་གྱི་བེའུ་དང་། བུམ་པ་དང་རྔ་ཡབ་དང་། འཁོར་ལོ་དང་། ཆུ་སྐྱེས་དང་། གཡུང་དྲུང་དང་། འཇུག་བཞིན་
པའི་ལྕགས་ཀྱུ་རྣམས་ནི་དགེ་བའི་མཚན་མའོ། །དེ་ལྟ་བུ་ལ་སོགས་པ་མ་ལུས་པའི་དགེ་བ་དང་མི་དགེ་བའི་མཚན་ཉིད་རྣམས་ཡོངས་སུ་ཤེས་ནས་ཤིང་གཅད་པར་བྱའོ། །དེ་ནས་རྣམ་པར་བཅད་པའི་ཤིང་རྣམས་ཀྱང་ཡང་དག་པར་གཞལ་བར་བྱ་སྟེ། རྩ་བ་དང་དབུས་དང་། རྩེ་མོའི་ཆའི་

62-1-259a

འཛེར་པ་ཅན་རྣམས་སྤངས་ཏེ་བཅུ་ཆའི་ཆ་གཅིག་གིས་ལྷག་པའི་ཚད་དུ་ཤེས་པར་བྱའོ། །ཇི་ལྟར་ཤིང་རྣམས་ཀྱི་ནགས་ཀྱི་ལྟད་མོ་བཞིན་དུ་མཆོད་རྟེན་དང་སྐུ་གཟུགས་ལ་སོགས་པའི་དོན་དུ་རྡོ་རྣམས་ཀྱི་ཡང་རི་ལྟར་འགྲོ་བར་བྱའོ། །རྡོ་བ་ཡང་བཀྲ་ཤིས་པ་
རྣམས་གཟུང་ཞིང་བཀྲ་མི་ཤིས་པ་རྣམས་ཡོངས་སུ་སྤང་བར་བྱའོ། །དེ་ལ་རིའི་འགྲམ་དུ་གནས་ནས་ཕྱོགས་བཅུ་ན་གནས་པའི་རྡོ་རྣམས་མཐུག་པ་དང་སྲ་བ་དང་དྲི་ཞིམ་པ་དང་སྐད་སྙན་པ་དང་རེག་བྱ་བསིལ་བ་དང་ན་ཚོད་བར་མ་རྣམས་དང་། བརྟན་པ་དང་མཉེན་པ་དང་ཤིན་ཏུ་འཇམ་པ་དང་
སར་པ་རྣམས་ཏེ། དེ་གཉིས་ངེས་པར་བསྔགས་ཏེ། དཀར་བ་དང་སེར་བ་དང་ལྗང་གུ་དང་དམར་པོ་དང་རྡོ་ནག་ཀྱང་གལ་ཏེ་རི་མོ་དཀར་པོ་ཕྲ་མོ་དང་ཐིག་ལེ་རྣམས་དང་ལྡན་པར་གྱུར་ན་དེའི་ཚེ་བློ་དང་གཉེན་དང་། རུས་དང་རིགས་དང་རྒྱལ་པོའི་ཕུན་སུམ་ཚོགས་པ་དང་གཡོག་རྣམས་
དགེ་བར་འགྱུར་རོ། །སྟེང་དང་བྱང་དང་དབང་ལྡན་དང་ཤར་ཕྱོགས་སུ་གདོང་ཕྱོགས་ན་གྲངས་ཇི་ལྟ་བ་བཞིན་དུ་མཁའ་ལ་སྤྱོད་པའི་དངོས་གྲུབ་དང་སྐྱེ་བ་དང་ནོར་དང་རིགས་འཕེལ་བ་དང་། ཐར་པ་དང་མངོན་པར་འདོད་པའི་དངོས་གྲུབ་སྟེར་བའི་རྡོ་རྣམས་གཟུང་ངོ་། །ཤིན་ཏུ་
སྙི་བ་དང་བཟོད་བསྣུན་པ་མི་བཟོད་པ་དང་སྟོབས་མེད་པ་རྣམས་དང་། རྩུབ་པ་དང་མདོག་ངན་པ་དང་སྒྲ་ངན་པ་དང་རྡོ་རྒན་པ་རྣམས་དང་། དེ་གཉིས་ཡོངས་སུ་སྤངས་ཏེ། དེ་བཞིན་དུ་རྡོ་བཟང་བ་དང་། ངན་པ་ཤེས་ནས་བཀྲ་ཤིས་པའི་རྡོ་རྣམས་བའི་རྣམ་ལྔས་བྱུགས་ཏེ་དྲི་བཟངས་
ཀྱི་ཆུས་ཁྲུས་བྱས་ནས་དྲི་ལ་སོགས་པས་མཆོད་པར་བྱས་ཏེ། ཤིང་གི་སྐབས་སུ་གསུངས་པའི་ལས་ཐམས་ཅད་འདིར་ཡང་བྱའོ། །དེ་ནས་གྲོང་ཁྱེར་དུ་ཞུགས་པའི་དུས་སུ་ཤིང་རྣམས་དང་རྡོ་རྣམས་ལ་རྒྱལ་པོའམ་གྲོང་ཁྱེར་གྱི་སྐྱེ་བོ་རྣམས་གཏམ་སྨྲ་ཤིང་ཆང་གི་དགའ་བས་སྤྲོ་སེམས་རྒྱས་
པའི་སྐྱེ་བོ་རྣམས་ཀྱིས་དྲང་བར་བྱའོ། །བུམ་པ་གང་བ་དང་མར་མེ་དང་། སྣ་ཚོགས་པའི་རྔ་དང་རོལ་མོ་དང་ཅ་ཅོ་དང་སྐྱེ་བོ་རྣམས་དང་བདག་པོ་རྣམས་ཀྱིས་ཤིན་ཏུ་གུས་པ་དང་བཅས་པས་འཇུག་པར་བྱའོ། །ཡངས་ཤིང་མཉམ་པའི་ས་གཞི་ལ་འབྲས་ཕྱེའི་ཆུ་སྐྱེས་ཀྱི་དབུས་སུ་གཞག་པར་བྱའོ། །

62-1-259b

འདིར་སྒོ་ལ་སོགས་པ་གཟུགས་པ་ནི་མཆུ་ཟླ་དང་། དབོ་ཟླ་དང་། ས་གའི་ཟླ་བ་དང་། སྣྲོན་ཟླ་དང་། ཆུ་སྟོད་ཟླ་བ་དང་། སྨིན་དྲུག་ཟླ་བ་རྣམས་ལ་ཚེས་གཉིས་དང་། གསུམ་དང་། ལྔ་དང་། བདུན་དང་། བཅུ་དང་། བཅུ་གསུམ་དང་། བཅུ་བཞི་རྣམས་ལ་གཟའ་ཟླ་བ་དང་། གཟའ་ལྷག་དང་། ཕུར་བུ་དང་པ་
པ་སངས་རྣམས་ལ། སྐར་མ་སྣར་མ་ལ་ནོར་རྙེད་པའི་ཕྱིར་རོ། །མགོ་ལ་ཞི་བའི་ཕྱིར་རོ། །སྐར་མ་ལག་ལ་སྐལ་བ་བཟང་པོའི་ཕྱིར་རོ། །རྒྱལ་ལ་རྒྱལ་བ་དང་ཕྱི་ནས་སྐྱེ་བོ་རྣམས་འཕེལ་བའི་ཕྱིར་རོ། །མེ་བཞི་ལ་དངོས་གྲུབ་ཀྱི་ཆེད་དུའོ། །སྣྲོན་ལ་བདེ་བའི་ཕྱིར་རོ། །སྣྲུབས་དང་གྲོ་བཞིན་ལ་ལུང་ཡོངས་
སུ་ཤེས་པའི་ཕྱིར་རོ། །ཆུ་སྟོད་ལ་བུ་ཡོངས་སུ་འཕེལ་བའི་ཕྱིར་རོ། །ཁྲུམས་ལ་ནོར་འཕེལ་བའི་ཕྱིར་རོ། །ཞི་བའི་གཟའ་ལ་བརྟེན་ཏེ་དུས་སྦྱོར་བཟང་པོ་དང་ཐང་ཅིག་བཟང་པོ་བརྟག་པར་བྱའོ། །ད་ནི་ཤིང་ལ་སོགས་པའི་ཚད་སྦྱར་བར་བྱའོ། །དེ་ལ་གོ་རིམས་བཞིན་དུ་བྲམ་ཟེ་དང་། 
རྒྱལ་རིགས་དང་། རྗེའུ་རིགས་དང་། དམངས་རིགས་རྣམས་ཀྱི་ཕལ་ཆེ་བས་ཞི་བ་དང་རྒྱས་པ་དང་དབང་དང་རྒྱས་པ་ལ་དགེ་བ་རྣམས་ཀྱི་རྒྱལ་མཚན་དང་། སེང་གེ་དང་གླང་པོ་ཆེ་དང་བ་ལང་ཀུན་ནས་གནོན་པར་ཤེས་པར་བྱའོ། །དེ་བས་ན་ནས་དང་། སོར་མོ་དང་། ཁྲུའི་ཚད་ཀྱིས་སོ། །
དེ་ལ་རྡུལ་ཕྲ་རབ་བདུན་གྱི་རྡུལ་ཕྲན་ནོ། །རྡུལ་ཕྲན་བདུན་གྱིས་རྡུལ་ཕྲ་མོའོ། །རྡུལ་ཕྲ་མོ་བདུན་གྱིས་རི་བོང་རྡུལ་ལོ། །རི་བོང་བདུན་གྱིས་ལུག་རྡུལ་ལོ། །ལུག་རྡུལ་བདུན་གྱིས་གླང་རྡུལ་ལོ། །གླང་རྡུལ་བདུན་གྱིས་སྲོ་མའོ། །སྲོ་མ་བདུན་གྱིས་ཤིག་གོ། །ཤིག་བདུན་གྱིས་
ནས་སོ། །ནས་དྲུག་གིས་མཐེབ་ཆུང་གི་སོར་རོ། །ནས་བདུན་གྱིས་གོང་མོའི་སོར་རོ། །ནས་བརྒྱད་ཀྱིས་མཐེབ་ཆེན་གྱི་སོར་རོ། །སོར་བཅུ་གཉིས་ཀྱིས་མཐོའོ། །མཐོ་གཉིས་ལ་ཁྲུ་གང་སྟེ་ཞེས་པ་ནི་རིགས་ཀྱི་དབྱེ་བ་དང་། སོར་གྱི་དབྱེ་བའོ། །དེ་ལ་ཁང་བཟངས་རྣམས་ཀྱི་བརྒྱད་ཆ་འམ་དགུ་
ཆ་འམ་བཅུ་ཆས་སྒོའི་ཞེང་ངོ་། །དེ་ཡང་ཆ་སུམ་ཅུ་སོ་གཉིས་སོ། །དེའི་ཉིས་འགྱུར་སྲིད་དོ། །ཆ་བཅུ་གཉིས་ཀྱིས་རེ་བཞི་སྟེ་ཐེམ་པ་ཡང་ངོ་། །ཡང་ན་ཕྱེད་དང་བཅས་པའི་ཆ་བརྒྱད་ཀྱིས་སོ། །ཕྱེད་དང་བཅས་པའི་ཆ་དྲུག་གིས་དཔུང་པའོ། །ཡང་ན་ཕྱེད་དང་བཅས་པའི་ཆ་བཞིས་སོ། །

62-1-260a

དེའི་ཕྱིར་ཕྱེད་དང་བཅས་པའི་ཆ་གཉིས་ཀྱི་ཚད་ཀྱིས་ཉེ་བའི་དཔུང་པའོ། །ཡང་ན་ཕྱེད་དང་བཅས་པའི་ཆ་གཅིག་གིས་སོ། །དེའི་ཕྱི་རོལ་དུ་ཆ་ལྔའི་ལོ་མ་སྟེ་མཉམ་པར་བྱའོ། །ཐེམ་པ་དང་སྒོ་ཁྱུད་ནི་ཕྱེད་དང་བཅས་པའི་ཆ་བཅུ་བཞིས་སོ། །ཆ་ཉི་ཤུ་རྩ་གཅིག་
གི་ཡལ་གའོ། །དེའི་སྟེང་དང་འོག་ཏུ་རིམ་པ་ཇི་ལྟ་བ་བཞིན་ཕྱེད་དང་བཅས་པའི་ཆ་དྲུག་པ་ཅན་ནམ་ཆ་ལྔ་པ་ཅན་ནོ། །འདིར་ཤིང་གི་ལས་རྣམས་ལ་ཇི་ལྟར་རྗེས་སུ་མཐུན་པའོ། །རྡོ་རྗེ་དང་རིན་པོ་ཆེ་དང་པདྨ་དང་འཁོར་ལོ་དང་། ལྷ་དང་ཀླུ་དང་གནོད་སྦྱིན་དང་། རིག་འཛིན་ལ་
སོགས་པས་བརྒྱན་པའི་རྟ་བབས་ལ་སོགས་པས་ཇི་ལྟར་མཛེས་པ་བཞིན་དུ་བྱའོ། །ལྷའི་གནས་ལ་ནི་རེ་མིག་གཉིས་ཀྱི་སྒོའི་ཞེང་ངོ་། །ལྷག་མ་ནི་སྔོན་མ་བཞིན་ནོ། །ཀ་བ་རྣམས་ཀྱི་ཚོགས་པ་ཐམས་ཅད་ཟླུམ་དང་སྲིད་དུ་ལྡན་པ་མཆོག་ཏུ་མཛེས་ཤིང་སྙོམས་ལ་དབྱིབས་ལེགས་པ་ཤིན་ཏུ་
བརྟན་པའི་ཤིང་རྣམས་ལ་བྱའོ། །མ་ཡོ་ཞིང་གྲུ་བཞི་ལ་སོགས་པའི་ཡོན་ཏན་དང་ལྡན་པའོ། །དེ་ལ་ཕྱེད་དང་བཅས་པའི་ཆ་བརྒྱད་དམ་བདུན་གྱི་ཀ་བའི་ཞེང་ངོ་། །སྲིད་དུ་གནས་དང་རྗེས་སུ་མཐུན་པར་བྱའོ། །ཟླ་བའི་རི་མོའི་འོག་གི་ཕྱོགས་ཀ་བའི་སྲིད་ཀྱི་དབུས་སོ། །དེའི་སྟེང་
དུ་དྲུག་ཆ་ཡོངས་སུ་སྤངས་ནས་ཕྱེད་དང་བཅས་པའི་ཆ་གཉིས་ཀྱི་བརྒྱད་ཀྱི་ཆའོ། །དེའི་སྟེང་དུ་ཕྱེད་དང་བཅས་པའི་ཆ་གཅིག་གིས་ཆ་བཅུ་དྲུག་པའི་དོ་ཤལ་གྱི་སྣམ་བུ་སྟེ་ཡང་ན་པདྨའོ། །དེའི་སྟེང་དུ་ཆ་བརྒྱད་ཀྱི་ཀ་བར་དང་བཅས་པའི་ནོར་བུའི་ཆའོ། །དེའི་སྟེང་དུ་ཕྱེད་དང་བཅས་པའི་
ཆ་གཉིས་ཀྱིས་ཆ་བརྒྱད་པའོ། །དེའི་སྟེང་དུ་ཆ་གཅིག་གིས་དོ་ཤལ་གྱི་སྣམ་བུའོ། །ཡང་ན་ཀླུ་ཤིང་གི་མེ་ཏོག་གི་ཕྲེང་བའོ། །དེའི་སྟེང་དུ་ཆ་གཉིས་པའི་བརྒྱད་ཀྱི་ཆའི་པདྨ་གཉིས་སོ། །དེའི་སྟེང་དུ་ཆ་གསུམ་གྱིས་གྲུ་བཞིའོ། །དེའི་སྟེང་དུ་ཆ་གཅིག་གིས་བརྒྱད་ཀྱི་ཆའོ། །དེའི་
སྟེང་དུ་ཆ་ཕྱེད་ཀྱིས་ཟླུམ་པོའོ། །དེའི་སྟེང་དུ་ཆ་དྲུག་གིས་ཙི་ར་ཀའོ། །དེའི་སྟེང་དུ་ཆ་དྲུག་གིས་ཟླུམ་པོའི་རྩེ་མོའོ། །དེའི་སྟེང་དུ་ཆ་གཅིག་གིས་བརྒྱད་པའི་པདྨའོ། །དེའི་སྟེང་དུ་ལྷག་མ་རྣམས་གྲུ་བཞིའོ། །དེའི་སྟེང་དུ་ཕྱམ་འཛིན་པའི་གདུང་བཞི་བཅུ་རྩ་ལྔའི་ཆས་མཐའ་གཉིས་སུའོ། །

62-1-260b

དེའི་སྟེང་དུ་ཇི་ལྟ་བའི་ཚད་ཀྱིས་ཕྱམ་རྣམས་བསྒྲིག་པར་བྱའོ། །དེ་ལ་སྒོ་རྣམས་དང་ཀ་བ་རྣམས་ཀྱི་ཕྱིར་སྤོས་དཀར་དང་མར་ཁུས་རྣམ་པར་བྱུགས་ཏེ་ལི་ཁྲི་ལ་སོགས་པའི་རྒྱན་རྣམས་ཀྱིས་བརྒྱན་པར་བྱའོ། །སྣ་ཚོགས་པའི་གོས་ལ་སོགས་པ་འཕྱང་བ་དང་གདུགས་དང་པྲི་ཡང་ཀུ་དང་མེ་
ཏོག་དང་གུར་ཀུམ་དང་དཱུར་ཝ་དང་། ཀུནྡ་དང་བྱང་ཆུབ་ཀྱི་ཤིང་དང་མེ་ལོང་དང་མེ་ཏོག་གི་ཕྲེང་བ་དང་ཉེར་སྤྱོད་ལྔ་དང་། འབྲས་བུ་ལ་སོགས་པ་རྣམས་ཀྱང་བསྡོགས་བྱས་ཏེ། དེ་ནས་སྒོ་སོ་སོའི་ཕྱོགས་རྣམས་སུ་གཅིག་གམ་གསུམ་མམ་ལྔའམ་བདུན་ནམ་ཐམས་ཅད་ཀྱི་སྒོ་རྣམས་དང་ཀ་བ་རྣམས་
རང་རང་གི་ཕྱོགས་སུ་རྣམ་པར་གནས་པའི་ཁྲོ་བོའི་རྒྱལ་པོའི་སྔགས་རྣམས་ཀྱིས་ཡང་དག་པར་གནས་པར་བྱའོ། །དེ་ནས་སྒོ་གཅིག་པའི་ཕྱོགས་ཤར་ལ་སོགས་པའི་ཕྱོགས་རྣམས་སུ་སྒོ་བཞི་པ་རྣམས་ཀྱི་ས་བོན་ཧཱུཾ་གི་ཡི་གེའོ། །དེ་ལ་འདིའི་དོན་ནི་ཏིང་ངེ་འཛིན་གསུམ་གྱི་སྦྱོར་བ་དང་ལྡན་པའི་རྣལ་
འབྱོར་པས་ཧཱུཾ་ཡིག་ལས་སྐྱེས་པའི་སྣ་ཚོགས་ཆུ་སྐྱེས་དང་། ཉི་མའི་སྟེང་དུ་སྐུ་མདོག་དཀར་པོ་ཕྱག་གཡས་ན་ཞགས་པ་དང་ལྕགས་ཀྱུ་བསྣམས་པ། དཔལ་རྡོ་རྗེ་རྣམ་པར་རྒྱལ་བ་ཁྲོ་བོའི་རྒྱལ་པོ་ཆེན་པོ་གཡས་བརྒྱང་གིས་བཞུགས་པ་དྲི་མ་མེད་པའི་ཏིང་ངེ་འཛིན་གྱི་རང་བཞིན་ཉི་མ་ལ་གནས་པ་
བསྒོམས་ནས། ཨོཾ་ཨཱཿབཛྲ་བི་ཛཱ་ཡ་མ་ཧཱ་ཀྲོ་དྷ་རཱ་ཛ་ཧཱུཾ་ཞེས་པའི་སྔགས་ཀྱིས་ལན་བརྒྱ་རྩ་བརྒྱད་བྱིན་གྱིས་བརླབ་པར་བྱའོ། །དེ་དང་མཚུངས་པའི་ཡེ་ཤེས་སེམས་དཔའ་གདན་དྲངས་ཏེ། མཆོད་ཡོན་ལ་སོགས་པ་ཕུལ་ཏེ་ཡང་དག་པར་མཆོད་ཅིང་བསྟོད་ནས་དམ་ཚིག་སེམས་དཔའ་དང་
ལྷན་ཅིག་ཏུ་གྱུར་པར་བལྟའོ། །དེ་ཡང་ཡོངས་སུ་གྱུར་པ་ལས་ཤར་གྱི་སྒོར་རྣམ་པར་བསམ་པར་བྱའོ། །དེ་ལ་གལ་ཏེ་ཡང་ཏིང་ངེ་འཛིན་ཐམས་ཅད་ཀྱི་སྤྲོས་པ་མེད་པ་རྣམ་པར་མི་རྟོག་པ་དེས་རོ་གཅིག་པ་ཉིད་ཀྱང་བྱ་སྟེ། དབྱེར་མེད་པ་ལས་དབྱེ་བའོ། །དེ་ཇི་ལྟར་ཏིང་ངེ་འཛིན་གང་གིས་སེམས་ཅན་ཐམས་
ཅད་ཀྱི་དྲི་མ་མེད་པར་བྱེད་དེ་དྲི་མ་མེད་པའི་ཏིང་ངེ་འཛིན་ཞེས་བརྗོད་དོ། །དེ་བཞིན་དུ་ལྷོའི་སྒོར་ཧཱུཾ་ཡིག་ལས་སྐྱེས་པའི་སྣ་ཚོགས་ཆུ་སྐྱེས་དང་ཉི་མའི་དཀྱིལ་འཁོར་གྱི་སྟེང་དུ་ཞབས་གཡས་བརྐྱང་གིས་བཞུགས་པ་སྐུ་མདོག་ལྗང་གུ་ཕྱག་གཉིས་པ་རལ་གྲི་དང་པདྨས་ཕྱག་མཚན་པ་ནམ་མཁའ་མཛོད་ཀྱི་ཏིང་

62-1-261a

ངེ་འཛིན་གྱི་རང་བཞིན་ཁྲོ་བོ་གཟེགས་མ་ཞེས་པ་ཁྲོ་བོའི་རྒྱལ་པོ་བསྒོམས་ནས་ཨོཾ་ཨཱཿབཛྲ་ཀ་ནི་མ་ཧཱ་ཀྲོ་དྷ་རཱ་ཛ་ཧཱུཾ་ཞེས་པ་འདིས་བརྒྱ་རྩ་བརྒྱད་ཀྱིས་བྱིན་གྱིས་བརླབ་པར་བྱའོ། །དེ་དང་མཚུངས་པའི་ཡེ་ཤེས་སེམས་དཔའ་གདན་དྲངས་ཏེ་མཆོད་ཡོན་ལ་
སོགས་པ་ཕུལ་ཏེ་མེ་ཏོག་ལ་སོགས་པ་རྣམས་ཀྱིས་ཡང་དག་པར་མཆོད་ནས་དམ་ཚིག་སེམས་དཔའ་དང་ལྷན་ཅིག་ཏུ་གྱུར་ནས་དེ་ཡོངས་སུ་གྱུར་པ་ལས་ལྷོའི་སྒོར་རྣམ་པར་བསམ་པར་བྱའོ། །དེ་བཞིན་དུ་ནུབ་ཀྱི་སྒོར་ཧཱུཾ་ཡིག་ལས་སྐྱེས་པའི་སྣ་ཚོགས་ཆུ་སྐྱེས་དང་ཉི་མའི་སྟེང་དུ་ཞབས་
གཡས་བརྐྱང་གིས་བཞུགས་པ་སྐུ་མདོག་དམར་པོ་པདྨ་དང་ལྕགས་ཀྱུ་བསྣམས་པ་དཔའ་བར་འགྲོ་བའི་ཏིང་ངེ་འཛིན་གྱི་རང་བཞིན་འཇིག་རྟེན་གསུམ་རབ་ཏུ་བསྒྲུབ་པ་ཁྲོ་བོའི་རྒྱལ་པོ་ཆེན་པོ་རྣམ་པར་བསྒོམས་ནས། ཨོཾ་ཨཱཿཏྲཻ་ལོཀྱ་པྲ་སཱ་དྷ་ཀ་མ་ཧཱ་ཀྲོ་དྷ་རཱ་ཛ་ཧཱུཾ་ཞེས་པ་འདིས་ལན་བརྒྱ་རྩ་བརྒྱད་
ཀྱིས་བྱིན་གྱིས་བརླབ་པར་བྱའོ། །སྔོན་མ་བཞིན་དུ་བྱས་ནས་ནུབ་ཀྱི་སྒོར་རྣམ་པར་བསམ་པར་བྱའོ། །དེ་བཞིན་དུ་བྱང་གི་སྒོར་ཧཱུཾ་ཡིག་ལས་སྐྱེས་པའི་སྣ་ཚོགས་ཆུ་སྐྱེས་དང་། ཉི་མའི་སྟེང་དུ་སྡིགས་མཛུབ་དང་བཅས་པའི་ཞགས་པ་དང་སྣ་ཚོགས་རྡོ་རྗེ་ཕྱག་ན་བསྣམས་པ་སེང་གེ་རྣམ་
པར་རོལ་པའི་ཏིང་ངེ་འཛིན་གྱི་རང་བཞིན་དཔའ་བོ་རྣམ་པར་གནོན་པའི་ཁྲོ་བོའི་རྒྱལ་པོ་རྣམ་པར་བསྒོམས་ནས། ཨོཾ་ཨཱཿབཱི་ར་བི་ཀྲཱནྟ་མ་ཧཱ་ཀྲོ་དྷ་རཱ་ཛ་ཧཱུཾ་ཞེས་པ་འདིས་ལན་བརྒྱ་རྩ་བརྒྱད་ཀྱིས་བྱིན་གྱིས་བརླབས་ནས་སྔོན་མ་བཞིན་དུ་བྱང་སྒོར་རྣམ་པར་བསམ་པར་བྱའོ། །དེ་བཞིན་དུ་དབང་ལྡན་གྱི་དང་པོ་ནས་
དབང་ལྡན་གྱི་མཐར་ཐུག་པའི་སྒོ་ཉི་ཤུ་རྩ་བཞི་རྣམས་སུ་ཧཱུཾ་ལས་སྐྱེས་པའི་མི་གཡོ་བ་དང་། རྣམ་པར་འཇོམས་པ་དང་། རྡོ་རྗེ་ལྕགས་ཀྱུ་དང་། གཤིན་རྗེ་མཐར་བྱེད་དང་། གཤིན་རྗེ་གནམ་ལྕགས་དང་། བལྟ་བར་དཀའ་བ་དང་། འདོད་པའི་རྒྱལ་པོ་དང་། མཐར་སྤྱོད་པ་དང་། རྡོ་རྗེ་ཞགས་
པ་དང་། ཤེས་རབ་མཐར་བྱེད་དང་། པཱ་ལཱ་ལ་དང་། རིན་ཆེན་གཙུག་ཏོར་དང་། དབྱུག་སྔོན་ཅན་དང་། རྒྱལ་དཀའ་བ་དང་། རྡོ་རྗེ་རྒྱས་པ་དང་། པདྨ་མཐར་བྱེད་དང་། འཇིགས་བྱེད་དང་། རབ་གཏུམ་དང་། སྟོབས་པོ་ཆེ་དང་། རྐང་པ་བསྐྱོད་པ་དང་། རྡོ་རྗེ་འབེབས་པ་དང་། བདུད་

62-1-261b

རྩི་འཁྱིལ་པ་དང་། རྡོ་རྗེ་བཞད་པ་དང་། རྡོ་རྗེ་རྣམ་པར་འཇོམས་པའི་གཟུགས་རྣམས་ཕྱག་གཉིས་པ་ཕྱག་གཡོན་པ་རྣམས་ན་སྡིགས་མཛུབ་དང་བཅས་པའི་ཞགས་པ་ཕྱག་གཡས་པ་རྣམས་ན་རང་རང་གི་མཚན་མས་མཚན་པའོ། །སྔོན་པོ་དང་། སེར་པོ་དང་། དཀར་པོ་དང་། སྔོན་པོ་
དང་། སེར་པོ་དང་། དཀར་པོ་དང་། ནག་པོ་དང་། སྔོན་པོ་དང་། དཀར་པོ་དང་། ལྗང་གུ་དང་། སེར་པོ་དང་། ནག་པོ་དང་། སེར་པོ་དང་། དམར་པོ་དང་། སྐྱ་རེངས་དང་། ལྗང་གུ་དང་། སྣ་ཚོགས་དང་། ནག་པོ་དང་། དཀར་པོ་དང་། ལྗང་གུའི་ཁ་དོག་རྣམས་སོ། །གསེར་དང་དངུལ་གྱི་
བུམ་པ་ཟུང་གི་སྟེང་དུ་དགོད་པར་བྱའོ། །དེ་ལ་མི་གཡོ་བ་ནི་སེམས་ཅན་ལ་བྱིན་གྱིས་བརླབ་པ་རྡོ་རྗེའི་ཏིང་ངེ་འཛིན་གྱི་རང་བཞིན་ནོ། །ཕྱག་མཚན་ནི་རལ་གྲིའོ། །ཨོཾ་ཨཱཿཨ་ཙ་ལ་མ་ཧཱ་ཀྲོ་དྷ་རཱ་ཛ་ཧཱུཾ་རྡོ་རྗེ་རྣམ་པར་འཇོམས་པ་ནི་དམ་ཚིག་ཆེན་པོ་ལས་བྱུང་བའི་ཏིང་ངེ་འཛིན་གྱི་རང་བཞིན་ནོ། །དེའི་
ཕྱག་མཚན་ནི་རྒྱལ་མཚན་ནོ། །ཨོཾ་ཨཱཿབི་དྲཱ་བ་ཀ་མ་ཧཱ་ཀྲོ་དྷ་རཱ་ཛ་ཧཱུཾ། རྡོ་རྗེ་ལྕགས་ཀྱུ་ནི་དམ་ཚིག་གི་ལྕགས་ཀྱུའི་ཏིང་ངེ་འཛིན་གྱི་རང་བཞིན་ནོ། །དེའི་ཕྱག་མཚན་ནི་ལྕགས་ཀྱུའོ། །ཨོཾ་ཨཱཿབཛྲ་ཨཾ་ཀུ་ཤ་མ་ཧཱ་ཀྲོ་དྷ་རཱ་ཛ་ཧཱུཾ། གཤིན་རྗེ་མཐར་བྱེད་ནི་དེ་བཞིན་གཤེགས་པ་ཐམས་ཅད་ཡང་
དག་པར་མཉེས་པའི་ཏིང་ངེ་འཛིན་གྱི་རང་བཞིན་ནོ། །དེའི་ཕྱག་མཚན་ནི་སྣ་ཚོགས་རྡོ་རྗེའི་ཐོ་བའོ། །ཨོཾ་ཨཱཿཡ་མཱནྟ་ཀ་མ་ཧཱ་ཀྲོ་དྷ་རཱ་ཛ་ཧཱུཾ། རྡོ་རྗེ་གནམ་ལྕགས་ནི་རྡོ་རྗེ་ཕ་རོལ་ཏུ་ཕྱིན་པས་བྱིན་གྱིས་བརླབ་པའི་ཏིང་ངེ་འཛིན་གྱི་རང་བཞིན་ནོ། །དེའི་ཕྱག་མཚན་ནི་རྡོ་རྗེའོ། །ཨོཾ་ཨཱཿབཛྲ་ཨ་ཤ་ནི་མ་ཧཱ་
ཀྲོ་དྷ་རཱ་ཛ་ཧཱུཾ། བལྟ་བར་དཀའ་བ་ནི་འོད་ཀྱི་དཀྱིལ་འཁོར་ཐམས་ཅད་ཀྱིས་བྱིན་གྱིས་བརླབ་པའི་ཏིང་ངེ་འཛིན་གྱི་རང་བཞིན་ནོ། །དེའི་ཕྱག་མཚན་ནི་འཁོར་ལོའོ། །ཨོཾ་ཨཱཿདུར་ནཱི་རིཀྵ་མ་ཧཱ་ཀྲོ་དྷ་རཱ་ཛ་ཧཱུཾ། འདོད་པའི་རྒྱལ་པོ་ནི་དེ་བཞིན་གཤེགས་པ་ཐམས་ཅད་འགུགས་པའི་དམ་ཚིག་གི་ཏིང་ངེ་
འཛིན་གྱི་རང་བཞིན་ནོ། །དེའི་ཕྱག་མཚན་ནི་ལྕགས་ཀྱུའོ། །ཨོཾ་ཨཱཿཊཀྐི་རཱ་ཛ་མ་ཧཱ་ཀྲོ་རཱ་ཛ་ཧཱུཾ། མཐར་སྤྱོད་པ་ནི་རིན་པོ་ཆེའི་བྱིན་གྱིས་བརླབ་པ། རྡོ་རྗེའི་ཏིང་ངེ་འཛིན་གྱི་རང་བཞིན་ནོ། །དེའི་ཕྱག་མཚན་ནི་སྟ་རེའོ། །ཨོཾ་ཨཱཿཨནྟ་ཙ་ར་མ་ཧཱ་ཀྲོ་དྷ་རཱ་ཛ་ཧཱུཾ། རྡོ་རྗེ་ཞགས་པ་ནི་དམ་

62-1-262a

ཚིག་འབེབ་པའི་ཏིང་ངེ་འཛིན་གྱི་རང་བཞིན་ནོ། །དེའི་ཕྱག་མཚན་ནི་རྡོ་རྗེ་ཞགས་པའོ། །ཨོཾ་ཨཱཿབཛྲ་པཱ་ཤ་མ་ཧཱ་ཀྲོ་དྷ་རཱ་ཛ་ཧཱུཾ། ཤེས་རབ་མཐར་བྱེད་ནི་ནོར་བུ་རིན་པོ་ཆེ་རྡོ་རྗེའི་ཏིང་ངེ་འཛིན་གྱི་རང་བཞིན་ནོ། །དེའི་ཕྱག་མཚན་ནི་རྡོ་རྗེས་མཚན་པའི་དབྱུག་པའོ། །ཨོཾ་ཨཱཿ
པྲཛྙཱནྟ་ཀ་མ་ཧཱ་ཀྲོ་དྷ་རཱ་ཛ་ཧཱུཾ། པཱ་ལཱ་ལ་ནི་མཐོན་པོའི་བྱིན་གྱི་རླབས་ཀྱིས་ཏིང་ངེ་འཛིན་གྱི་རང་བཞིན་ནོ། །དེའི་ཕྱག་མཚན་ནི་ཐོ་བའོ། །ཨོཾ་ཨཱཿཔཱ་ལཱ་མ་ཧཱ་ཀྲོ་དྷ་རཱ་ཛ་ཧཱུཾ། རིན་ཆེན་གཙུག་ཏོར་ནི་དགའ་བ་ལས་བྱུང་བའི་ཏིང་ངེ་འཛིན་གྱི་རང་བཞིན་ནོ། །དེའི་ཕྱག་མཚན་ནི་ལྕགས་ཀྱུའོ། །ཨོཾ་
ཨཱཿརཏྣ་ཤི་ཁ་ར་མ་ཧཱ་ཀྲོ་དྷ་རཱ་ཛ་ཧཱུཾ། དབྱུག་པ་སྔོན་པོ་ཅན་ནི་ཡེ་ཤེས་རྡོ་རྗེའི་ཏིང་ངེ་འཛིན་གྱི་རང་བཞིན་ནོ། །དེའི་ཕྱག་མཚན་ནི་དབྱུག་པའོ། །ཨོཾ་ཨཱཿནཱི་ལ་དཎྜ་མ་ཧཱ་ཀྲོ་དྷ་རཱ་ཛ་ཧཱུཾ། རྒྱལ་དཀའ་བ་ནི་ཆོས་ཉིད་བྱིན་གྱིས་བརླབ་པའི་ཏིང་ངེ་འཛིན་གྱི་རང་བཞིན་ནོ། །དེའི་ཕྱག་མཚན་ནི་མདུང་ངོ་། །ཨོཾ་
ཨཱཿདུརྫ་ཡ་མ་ཧཱ་ཀྲོ་དྷ་རཱ་ཛ་ཧཱུཾ། རྡོ་རྗེ་རྒྱས་པ་ནི་ཡང་དག་པར་འཕྲོ་བའི་ཏིང་ངེ་འཛིན་གྱི་རང་བཞིན་ནོ། །དེའི་ཕྱག་མཚན་ནི་ལྕགས་སྒྲོག་གོ། །ཨོཾ་ཨཱཿབཛྲ་སྥོ་ཊ་མ་ཧཱ་ཀྲོ་དྷ་རཱ་ཛ་ཧཱུཾ། པདྨ་མཐར་བྱེད་ནི་ཆོས་ཀྱི་འཁོར་ལོ་རབ་ཏུ་བསྐོར་བའི་རང་བཞིན་ནོ། །དེའི་ཕྱག་མཚན་ནི་པདྨའོ། །
ཨོཾ་ཨཱཿཔདྨནྟ་ཀ་མ་ཧཱ་ཀྲོ་དྷ་རཱ་ཛ་ཧཱུཾ། འཇིགས་བྱེད་ནི་སྡུག་བསྔལ་གཅོད་པའི་ཏིང་ངེ་འཛིན་གྱི་རང་བཞིན་ནོ། །དེའི་ཕྱག་མཚན་ནི་རལ་གྲིའོ། །ཨོཾ་ཨཱཿབྷི་མ་མ་ཧཱ་ཀྲོ་དྷ་རཱ་ཛ་ཧཱུཾ། རབ་གཏུམ་ནི་ལེགས་པར་རབ་ཏུ་གནས་པའི་ཏིང་ངེ་འཛིན་གྱི་རང་བཞིན་ནོ། །དེའི་ཕྱག་མཚན་ནི་རྡོ་རྗེ་གྱེས་པའོ། །ཨོཾ་ཨཱཿཔྲ་
ཙཎྜ་མ་ཧཱ་ཀྲོ་དྷ་རཱ་ཛཱ་ཧཱུཾ། སྟོབས་པོ་ཆེ་ནི་ལས་ཀྱི་བྱིན་གྱིས་བརླབས་པའི་ཏིང་ངེ་འཛིན་གྱི་རང་བཞིན་ནོ། །དེའི་ཕྱག་མཚན་ནི་རྩེ་གསུམ་མོ། །ཨོཾ་ཨཱཿམ་ཧཱ་བ་ལ་མ་ཧཱ་ཀྲོ་དྷ་རཱ་ཛ་ཧཱུཾ། རྐང་པ་བསྐྱོད་པ་ནི་གསུང་རྡོ་རྗེའི་ཏིང་ངེ་འཛིན་གྱི་རང་བཞིན་ནོ། །དེའི་ཕྱག་མཚན་ནི་མདའ་དང་གཞུའོ། །ཨོཾ་
ཨཱཿཔཱ་ད་ནི་ཀྵེ་པ་མ་ཧཱ་ཀྲོ་དྷ་རཱ་ཛ་ཧཱུཾ། རྡོ་རྗེ་འབེབས་པ་ནི་དམ་ཚིག་འབེབས་པའི་ཏིང་ངེ་འཛིན་གྱི་རང་བཞིན་ནོ། །དེའི་ཕྱག་མཚན་ནི་རྡོ་རྗེ་དྲིལ་བུའོ། །ཨོཾ་ཨཱཿབཛྲ་ཨཱ་བེ་ཤ་མ་ཧཱ་ཀྲོ་དྷ་རཱ་ཛ་ཧཱུཾ། བདུད་རྩི་འཁྱིལ་པ་ནི་དོན་ཡོད་རྡོ་རྗེའི་ཏིང་ངེ་འཛིན་གྱི་རང་བཞིན་ནོ། །དེའི་ཕྱག་མཚན་ནི་

62-1-262b

རྡོ་རྗེའོ། །ཨོཾ་ཨཱཿཨ་མྲྀ་ཏ་ཀུཎྜ་ལི་མ་ཧཱ་ཀྲོ་དྷ་རཱ་ཛ་ཧཱུཾ། རྡོ་རྗེ་བཞད་པའི་རྡོ་རྗེ་བརྟན་པོའི་རང་བཞིན་ནོ། །དེའི་ཕྱག་མཚན་ནི་རལ་གྲིའོ། །ཨོཾ་ཨཱཿབཛྲ་ཨཊྚ་ཧ་ས་མ་ཧཱ་ཀྲོ་དྷ་རཱ་ཛ་ཧཱུཾ། རྡོ་རྗེ་རྣམ་པར་འཇོམས་པ་ནི་བདུད་ཀྱི་སྟོབས་རབ་ཏུ་འཇོམས་པའི་ཏིང་ངེ་འཛིན་གྱི་རང་བཞིན་ནོ། །དེའི་ཕྱག་
མཚན་ནི་རྡོ་རྗེ་རྩེ་ལྔ་པའོ། །ཨོཾ་ཨཱཿབཛྲ་བི་དཱ་ར་ཎ་མ་ཧཱ་ཀྲོ་དྷ་རཱ་ཛ་ཧཱུཾ། ལྷག་མ་རྣམས་སྔོན་མ་བཞིན་ནོ། །ཀ་བ་རྣམས་རིན་པོ་ཆེ་དང་བཅས་པའི་རྡོའི་སྟེང་དུ་གཟུགས་པར་བྱའོ། །དེ་ལ་ཤར་གྱི་ཕྱོགས་སུ་གསུམ་དང་ལྔ་དང་བདུན་གཞོན་ནུ་མ་རྣམས་ཀྱི་ཀ་བ་བཞི་ཟུང་དང་ལྡན་པ་ནི་ཡང་དག་
པར་སྤོང་བ་བཞི་པོ་རྣམས་སོ། །ཕ་རོལ་ཏུ་ཕྱིན་པ་དྲུག་གི་རང་བཞིན་ཀ་བ་ཟུང་དྲུག་རྣམས་སོ། །བསྡུ་བའི་དངོས་པོ་བཞི་དང་། ཚད་མེད་པའི་གནས་བཞིའི་ངོ་བོ་ཉིད་ནི་ཀ་བ་བརྒྱད་ཟུང་དང་ལྡན་པ་སྟེ། ལྷག་པར་མོས་ཤིང་རང་རང་གི་ཕྱོགས་སུ་གནས་པའི་ཁྲོ་བོའི་སྔགས་ཀྱིས་བྱིན་
གྱིས་བརླབས་ནས་ཧཱུཾ་ཡིག་གི་ས་བོན་ལས་བྱུང་བར་དགོད་པར་བྱའོ། །དེ་བཞིན་དུ་ལྷོ་ཕྱོགས་སུ་དྲན་པ་ཉེ་བར་གཞག་པ་བཞིའི་རང་བཞིན་རྣམས་དང་། བྱེད་པ་དྲུག་གི་རང་བཞིན་རྣམས་དང་། བདེན་པ་བཞི་དང་བསམ་གཏན་བཞི་པོ་རྣམས་སོ། །དེ་བཞིན་དུ་ནུབ་ཕྱོགས་སུ་རྫུ་འཕྲུལ་གྱི་རྐང་པ་
རྣམས་དང་། མངོན་པར་ཤེས་པ་དྲུག་གི་རང་བཞིན་རྣམས་དང་། མི་འཇིགས་པ་བཞི་དང་སྟོན་པ་བཞི་རྣམས་སོ། །དེ་བཞིན་དུ་བྱང་ཕྱོགས་སུ་སོ་སོ་ཡང་དག་པར་རིག་པ་བཞི་དང་། རྗེས་སུ་དྲན་པ་དྲུག་གི་རང་བཞིན་དང་འཕགས་པའི་ལམ་ཡན་ལག་བརྒྱད་ཀྱི་རང་བཞིན་རྣམས་སོ། །དེ་ནས་
སྒོ་རྣམས་དང་ཀ་བ་རྣམས་ལ་མཉམ་དུ་སོ་ཕག་གི་ཕྲེང་བ་མཉམ་པར་དེ་བཞིན་དུ་གཞག་པར་བྱའོ། །ཀ་བའི་སྟེང་དུ་གདུང་འཛིན་བཀོད་ནས་དེའི་སྟེང་དུ་གདུང་དགོད་དོ། །གདུང་གི་སྟེང་དུ་གདུང་དང་མཉམ་པའི་རྩིག་པའི་སྟེང་དུ་ཀླུའི་སྟོབས་སམ་ཡང་ན་དོ་ཤལ་གྱི་སྣམ་བུའོ། །དེའི་སྟེང་དུ་སེང་གེ་
རྣམས་ཀྱི་ཁ་ནས་བྱས་པའམ་མ་བྱས་པའོ། །དེའི་སྟེང་དུ་རྗེས་སུ་དགུག་པ་རྣམས་སོ། །དེའི་སྟེང་དུ་སོ་ཕག་རྣམས་ཀྱིས་བྱས་པའི་གཞིའོ། །དེའི་སྟེང་དུ་མགྲིན་པའོ། །གང་གི་ཚེ་སོ་ཕག་གི་རང་བཞིན་ཡིན་ན་དེའི་ཚེ་གདུང་གི་སྟེང་དུ་གསེར་གྱི་སྣམ་བུ་བྱའོ། །དེའི་སྟེང་དུ་པདྨའི་

62-1-263a

འདབ་མའོ། །དེའི་སྟེང་དུ་གཞིའོ། །དེའི་སྟེང་དུ་མགྲིན་པའོ། །ཕྱི་རོལ་དུ་འདོད་ཡོན་གྱི་སྟེགས་བུ་སྟེ་ཕྱེད་ཀྱི་ཚད་ཀྱི་ཐེམ་པའོ། །དེ་ནས་སྒོའི་གནས་དང་བར་དུ་མེའི་མཆོད་པ་གསུངས་སོ། །དེ་ལ་སྟེང་གི་ཕྱོགས་སུ་སྔོན་པོ་དང་། སེར་པོ་དང་། དམར་པོ་དང་ལྗང་
གུའི་ལུས་ལ་རི་དྭགས་ནག་པོའི་པགས་པའི་ན་བཟའ་ཅན་རྒྱན་དང་བྲལ་བ་ཐུགས་ཞི་བ་རལ་པའི་ཐོར་ཚུགས་ཅན་མཆོག་སྦྱིན་དང་། བགྲང་ཕྲེང་དང་རིལ་བ་སྤྱི་བླུགས་དང་། དབྱིག་པ་ཕྱག་ན་བསྣམས་པ་ཚངས་སྐུད་དང་བཅས་པ་གོས་སྣ་ཚོགས་ལ་འཕྱང་བ་ཆུ་སྐྱེས་ལ་གནས་པའི་
ཉི་མའི་གདན་ལ་ཉི་མའི་འོད་ཅན་དཀའ་ཐུབ་ལ་གནས་པའི་དྲང་སྲོང་ཆེན་པོའི་མེ་ལ་སྦྱིན་སྲེག་བྱའོ། །ཨོཾ་ཏ་པ་སཱགྣ་ཡེ་སྭཱ་ཧཱ། དེ་ནས་གནས་ཇི་ལྟ་བར་སོ་ཕག་མཉམ་པོ་ལ་འཛིན་བྱེད་ཀྱི་ཤིང་ལ་མཉམ་དུ་གཞག་པར་བྱའོ། །དེ་ནས་དྲ་སྒོའི་མཚན་ཉིད་བརྗོད་པར་བྱའོ། །དེ་ལ་སྒོའི་སུམ་ཆའི་ཆ་
གཅིག་གིས་དྲ་སྒོའོ། །དཀྱིལ་དུ་སྲོག་ཆགས་ཀཾ་པ་ཀ་ཌ་ཀ་ལྟ་བུའོ། །དགུའི་ཆས་མ་ཐེམ་འོག་གི་ཤིང་ངོ་། །ཉི་ཤུའི་ཆས་སྒོ་ཁྱུད་དོ། །ཉི་ཤུ་རྩ་བཞིའི་ཆས་ལོ་མའོ། །དེའི་སྟེང་དང་འོག་ཏུ་ཕྱེད་དང་བཅས་པའི་བཞི་ཆའོ། །བརྒྱད་ཀྱི་ཆས་འབེབས་སོ། །ཕྱེད་དང་བཅས་
པའི་བཞིའི་ཆས་སྟེང་གི་སྒོ་ཁྱུད་དོ། །ཉི་ཤུ་བརྒྱད་ཀྱི་ཆས་ལོ་མའོ། །དྲུག་གི་ཆས་སྟེང་དང་འོག་ཏུའོ། །ཕྱེད་དང་བཅས་པའི་བཞི་ཆས་དཔུང་པའོ། །ཕྱེད་དང་བཅས་པའི་ཆས་གཅིག་གིས་ཉེ་བའི་དཔུང་པའོ། །ཕྱེད་དང་སུམ་ཆ་ཀ་བའོ། །དེའི་སྟེང་དུ་སུམ་ཆས་འདེགས་པའི་
ཤིང་ངོ་། །ཕྱེད་དང་བཅས་པའི་ཆ་གཉིས་ཀྱིས་དཔུང་པའི་བར་དང་ཀ་བའི་བར་གྱི་ཤིང་ངོ་། །ཕྱེད་དང་བཅས་པའི་ཆ་བཞིས་ལོ་མའོ། །མ་ཐེམ་དང་བཅས་པས་ཡོངས་སུ་བརྒྱན་པ་བྱའོ། །དེའི་སྟེང་དུ་རྗེས་སུ་འདྲེན་པ་རྣམས་སོ། །རིག་འཛིན་མི་མོ་གདུང་འདེགས་པ་ལ་
སོགས་པ་སྣ་ཚོགས་པའི་རྒྱན་གྱིས་བརྒྱན་པའམ་ཇི་ལྟར་མཛེས་པ་བཞིན་དུ་བྱའོ། །དེ་ལ་དེ་ལྟ་བུའི་ཚུལ་གྱིས་དྲ་སྒོ་གསུམ་པའམ་ལྔ་པའམ་བདུན་པ་བྱའོ། །སོ་ཕག་མཉམ་པ་དང་མི་མཉམ་པ་ཉིད་དགོད་པར་བྱའོ། །དེའི་སྟེང་དུ་ཇི་ལྟར་གནས་པའི་ཤིང་ཟུག་དང་སོ་ཕག་མི་མཉམ་

62-1-263b

པར་དགོད་པར་བྱའོ། །གང་གི་ཚེ་དྲ་སྒོ་གསུམ་པ་རྣམས་ལ་ནི་དེའི་ཚེ་སྟོང་པ་ཉིད་དང་། མཚན་མ་མེད་པ་དང་། སྨོན་པ་མེད་པའི་ངོ་བོ་ཉིད་རྣམས་སོ། །གང་གི་ཚེ་ལྔ་ཡིན་པ་དེའི་ཚེ་ཤའི་སྤྱན་དང་། ལྷའི་སྤྱན་དང་། ཤེས་རབ་ཀྱི་སྤྱན་དང་། ཆོས་ཀྱི་སྤྱན་དང་། 
སངས་རྒྱས་ཀྱི་སྤྱན་གྱི་ངོ་བོ་ཉིད་རྣམས་སོ། །གང་གི་ཚེ་བདུན་ཡིན་པ་དེའི་ཚེ་བྱང་ཆུབ་ཀྱི་ཡན་ལག་བདུན་གྱི་ངོ་བོ་ཉིད་རྣམས་སོ། །དེ་ནས་མེ་ལ་སོགས་པའི་ཟུར་རྣམས་སུ་ཁང་པ་རྣམས་ལ་གདུང་གྲུ་བཞི་པར་གྱུར་པའི་ཤིང་རྣམས་ཀྱི་ནང་གི་ཟུར་གྱི་སྟེང་དུ་ནོར་འཛིན་རྣམས་ཀྱི་འོག་ཏུ་དོ་ཤལ་གཉིས་པ་
དགོད་པར་བྱ་བ་ཡང་དགའ་བ་འཁྱིལ་པའི་རིམ་པས་སོ། །དེའི་སྟེང་དུ་གདུང་རྣམས་ཀྱི་སྟེང་དུ་ཕྱི་དང་ནང་དུ་རྩིག་པ་རྣམས་དང་མཉམ་པའི་མཐར་ཕུར་བུ་གཉིས་གདབ་པར་བྱའོ། །དེ་དག་གི་དབུས་སུ་དབུས་ཀྱི་ཕུར་བུ་གདབ་པར་བྱའོ། །མཐའི་ཕུར་བུ་དང་དབུས་ཀྱི་ཕུར་བུ་དག་གི་དབུས་སུ་
ལོགས་ལ་ཕུར་བུ་གཉིས་གདབ་པར་བྱའོ། །དབུས་ཀྱི་ཕུར་བུའི་སྟེང་དུ་ཇི་ལྟར་གནས་པའི་ཀ་བ་རྣམས་དགོད་པར་བྱའོ། །ལོགས་ཀྱི་ཕུར་བུ་རྣམས་ཀྱི་སྟེང་དུ་རང་རང་གི་གནས་ལ་སྟོབས་ཀྱི་ཕུང་པོ་རྣམས་དགོད་པར་བྱའོ། །སྟོབས་ཀྱི་དཔུང་པ་རྣམས་ཀྱི་སྟེང་དུ་ཤིང་དཀར་པོ་གཉིས་
གཞག་པར་བྱའོ། །དེ་ནས་ཁང་བཟངས་ཀྱི་རྩེ་མོའི་སྟེང་དུ་གཡས་དང་གཡོན་དུ་རྩེ་མོར་ནོར་དང་སྐྱེ་བོ་རྣམ་པར་འཕེལ་བ་དང་དུག་གཞོམ་པའི་ཕྱིར་ཡང་ཀུ་རུ་ཀུལླེའི་གཟུངས་དང་། ཛཱཾ་གུ་ལིའི་གཟུངས་ཀྱང་མངོན་པར་བྲིས་ཏེ་གསེར་དང་དངུལ་ལས་བྱས་པའི་པདྨའི་སྟེང་དུ་ཡང་དག་པར་
བཞུགས་ལ། དེའི་སྟེང་དུ་དགེ་བའི་ཚེས་གྲངས་དང་ཡུད་ཙམ་ལ་སྐར་མ་མགོ་དང་མོན་གྲུ་དང་ནགས་ཀྱི་ཤིང་གི་ཡལ་ག་མ་རྙིང་བའི་དུས་སུ་ཁཾ་ཡིག་ལས་སྐྱེས་པའི་སྣ་ཚོགས་རྡོ་རྗེའི་གཟུགས་སྟེང་གི་ཤིང་ལ་རྣམ་པར་བསྒོམས་ལ། དཔལ་ལྡན་གཙུག་ཏོར་འཁོར་ལོས་སྒྱུར་བའི་
སྔགས་ལན་བརྒྱ་རྩ་བརྒྱད་ཡང་དག་པར་བཟླས་ལ་མཆོད་པ་བྱས་ནས་ཡང་དག་པར་དགོད་པར་བྱའོ། །ཕྱོགས་རྣམས་སུ་རང་རང་གི་དེ་བཞིན་གཤེགས་པའི་བུམ་པ་རྣམས་ཀྱི་ཆུས་མངོན་པར་དབང་བསྐུར་ཏེ། སྣ་ཚོགས་པའི་གདུགས་དང་གོས་དང་ལོ་མ་རྣམས་ཀྱིས་བརྒྱན་

62-1-264a

པ། སྣ་ཚོགས་པའི་རྒྱན་གྱིས་རྣམ་པར་བརྒྱན་པ། ཨཻ་རཎྜའི་ལོ་མའི་མེ་དང་ལྕགས་ཀྱིས་ཀྱང་ཡང་དག་པར་བསྲུང་བར་བྱའོ། །རྡོ་རྗེ་དང་དྲིལ་བུ་དང་བཅས་པས་རང་རང་གི་ཕྱོགས་ཀྱི་བདག་པོའི་དེ་བཞིན་གཤེགས་པའི་སྔགས་ལན་བརྒྱ་རྩ་བརྒྱད་བཟླས་ནས་ཡི་གེ་
བརྒྱ་པས་བརྟན་པར་བྱའོ། །ན་མཿས་མནྟ་བུདྡྷཱ་ནཱཾ། ཨོཾ་མ་ཧཱ་པྲ་ཏྱཾ་གི་རོཥྞཱི་ཥ་ཙཀྲ་བརྟི་སརྦ་ཡནྟྲ་མནྟྲ་བནྡྷ་ཨིནྡྲ་བུ་བ་ན་བནྡྷཾ་བྲྀཀྵ་དེ་བཾ་བནྡྷཾ་དྷ་ར་ཡ་ཨི་ཧ་བ་སི་ནཱཾ་ཡེ་ན་ཀེ་ན་ཙིཏ་བྷ་ཡཱ་དི་ཀཾ། ཙྪིནྡ་ཙྪིནྡ། བྷིནྡ་བྷིནྡ། ཙི་རི་ཙི་རི། གི་རི་གི་རི། མི་རི་མི་རི། ཧཱུཾ་ཧཱུཾ་ཕཊ་སྭཱ་ཧཱ། འདི་ནི་གཙུག་ཏོར་འཁོར་ལོས་
སྒྱུར་བའི་སྔགས་སོ། །དེ་ལ་ཀུ་རུ་ཀུལླེའི་གཟུངས་སྔགས་ནི། ན་མོ་རཏྣ་ཏྲ་ཡཱ་ཡ། ན་མཿསརྦ་བུདྡྷ་བོ་དྷི་སཏྭེ་བྷྱཿ། ན་མོ་ཨཥྚ་མ་ཧཱ་ཡ་པུཾ་ག་ལཱ་ཡ་ན་མཿསཔྟེ་བྷྱཿ། སམྱཀྶཾ་བུདྡྷེ་བྷྱཿ། ཏདྱ་ཐཱ། ཨོཾ་ཧྲཱིཿཧྲཱིཿཧྲཱིཿཿསརྦ་ནཱ་གཱ་ནཱཾ། ཨ་ནནྟ་ཀུ་ལཱ་ནཱཾ། བཱ་སུ་ཀེ་ཀུ་ལཱ་ནཱཾ། ཤཾ་ཁ་པཱ་ལ་ཀུ་ལཱ་ནཱཾ། ཀརྐོ་
ཊ་ཀུ་ལཱ་ནཱཾ། པདྨ་ཀུ་ལཱ་ནཱཾ། མ་ཧཱ་པདྨ་ཀུ་ལཱ་ནཱཾ། ཀུ་ལི་ཀ་ཀུ་ལཱ་ནཱཾ། པྲ་ལ་ཧ་ཀུ་ལཱ་ནཱཾ། པུཎྜ་རཱི་ཀ་ཀུ་ལཱ་ནཱཾ། ག་ཎ་ཀ་ཀུ་ལཱ་ནཱཾ། མེ་གྷ་ཀུ་ལཱ་ནཱཾ། ཛྭ་ལ་དྷ་ར་ཀུ་ལཱ་ནཱཾ། ཛི་མཱུ་ཏཾ་ཀུ་ལཱ་ནཱཾ། བ་སནྟ་ཀུ་ལཱ་ནཱཾ། ཨཻ་རཱ་བ་ཏི་ཀུ་ལཱ་ནཱཾ། ཀུ་མུ་ཏ་ཀུ་ལཱ་ནཱཾ། ཀཧྨཱ་ར་ཀུ་ལཱ་ནཱཾ། སཽ་གནྡྷི་ཀ་ཀུ་
ལཱ་ནཱཾ། ཧ་ན་ཧ་ན་ཤ་རེ་ན། བནྡྷ་བནྡྷ་ཙ་བེ་ན། ཏཱ་ཌ་ཡ་ཏཱ་ཌ་ཡ། ཨུཏྤ་ལེ་ན། བྷི་ཏཱ་ནཱ་མ་བྷཱ་ཡཾ་དེ་ཧི་པྲ་ལ་ཡ་ཀཱ་ལ་ཨི་པ་ཛ་ལ་དྷ་ར་མ་བ་ཏཱ་ར་ཡ། བརྵན་ཏཾ། ནཱ་གཱ་ར་ཥཱ་ཀུ་རུ་ཕུཿཀུ་རུ་ཀུ་རུ་ཕུཿཀཱ་ར་ཡ་ཀཱ་ར་ཡ་ཕུཿཨོཾ་ཀུ་རུ་ཀུལླཻ་ཧྲཱིཿཧཱུཾ་ཕཊ་སྭཱ་ཧཱ། ན་མོ་རཏྣ་ཏྲ་ཡཱ་ཡ། ཏདྱ་ཐཱ། ཨོཾ་ཨི་
ལི་མིཏྟེ། ཏེ་ལི་མིཏྟེ། ཨི་ལི་ཏི་ལི་མིཏྟེ། དུམྦེ་དུམྦེ། ལི་ཡེ་དུམྦེ་དུ་མ་ལཱ་ཏརྐྐེ་ཏརྐྐེ་ར་ཎེ། མརྨ་མརྨེ་ར་ཎེ། ཀསྨི་རེ་ཀསྨི་ར་མུཀྟེ། ཨ་གྷེ་ཨ་གྷ་ནེ། ཨ་གྷ་ནཱ་གྷ་ནེ། ཨི་ལེ་མི་ལེ་ཡེ། ཨི་ལེ་མི་ལེ་ཡེ། ཨ་ཨ་ཀ་སྱ་ཡི་ཡེ་ཤྭེ་ཏེ་ཏུཎྜེ། ཨ་ནནྟ་ཀྵེ་སྭཱ་ཧཱ། ཨོཾ་ཨ་ཥེ་ཛེ་ཏྲི་ཤཱུ་ལ་ཛི་ཧཱ་བཛྲ་
ཀཱ་ཡ། གྲ་ས་གྲ་ས། ཛྭ་ལ་ཛྭ་ལ། མ་ཧཱ་ཛྭ་ལེ། མ་ཧཱ་ཡོ་གི་ཤྭ་རི་ཧཱུཾ་ཧཱུཾ་ཕཊ་ཕཊ་སྭཱ་ཧཱ། འདི་ནི་ཛཾ་གུ་ལིའི་གཟུངས་སོ། །དེ་ནས་ཤིང་གི་འབྲས་བུ་རྣམས་ཀྱིས་དབང་བསྐུར་བར་བྱའོ། །དེ་ནས་ལྷ་རྣམས་མཉེས་པར་བྱ་བའི་ཕྱིར་སྦྱིན་སྲེག་གི་བདུད་རྩིས་མེ་ལྷ་ཡང་དག་པར་ཚིམ་

62-1-264b

པར་བྱའོ། །པདྨ་དང་ཉི་མའི་སྟེང་དུ་སྐུ་མདོག་པདྨ་དམར་པོ་ལྟ་བུ་ཕྱག་བཞིས་ཞགས་པ་དང་ལྕགས་ཀྱུ་དང་དབྱིག་པ་དང་སྤྱི་བླུགས་བསྣམས་པ། སེམས་ཅན་རྣམས་རྗེས་སུ་འཛིན་པར་བྱེད་པ་པོ་ཨརྐའི་ཤིང་གི་ཡམ་ཤིང་གི་སྔོན་མ་བཞིན་དུ་འབྲུ་ལ་སོགས་པས་སྦྱིན་སྲེག་བྱའོ། །ཨོཾ་
ཨ་མྲྀ་ཏ་ཨགྣ་ཡེ་སྭཱ་ཧཱ། རྩ་གསུམ་རྣམ་པར་དག་པ་མགོ་བོའི་ཤིང་སྟོབས་འཛིན་པའི་ཤིང་རྣམས་སོ། །རྩ་ལྔའི་རྣམ་པར་དག་པ་ཕུར་བུ་ལྔའོ། །རྩ་དཔག་ཏུ་མེད་པའི་རང་བཞིན་ནི་ཤིང་ལྷག་མ་རྣམས་སུ་རིག་པར་བྱའོ། །དེ་ལ་མགོ་བོའི་ཤིང་རྣམས་ཀྱི་སྟེང་དུ་ཁ་དོག་གི་ཤིང་རྣམས་དགོད་པར་
བྱའོ། །ཁང་བཟངས་ཀྱི་སྟེང་དུ་བླང་བའི་ཕྱེད་ལྷག་པས་ཡོན་ཏན་སུམ་འགྱུར་གྱི་ཚད་དམ་ཡོན་ཏན་བཞི་འགྱུར་གྱི་ཁང་ཐོག་གི་ཤིང་རྣམས་ཀྱི་སྲིད་དོ། །རྡོ་རྗེའི་མདའི་དྲ་བའི་རང་བཞིན་རྣམས་ནི་ཨོཾ་བཛྲ་ཤ་ར་ཛཱ་ལ་ཏྲཾ། དེ་རྣམས་ཀྱི་སྟེང་དུ་ཐོག་གི་ཤིང་རྣམས་དགོད་པར་བྱའོ། །རྩ་
བའི་གཙོ་བོའི་རང་བཞིན་ལ་ཨོཾ་བཛྲ་ཙཀྲ་ཧཱུཾ་ཞེས་པའི་སྔགས་ལན་བརྒྱ་རྩ་བརྒྱད་ཡོངས་སུ་བཟླས་པར་བྱའོ། །ཤིང་གི་ལས་རྣམས་ནི་གཞུང་མངས་པས་འཇིགས་པས་མ་བཤད་དོ་ཞེས་པ་ནི་དཔལ་པཎྜི་ཏ་ཆེན་པོ་རིགས་ཀྱི་སྦྱིན་པས་མཛད་པའི་བྱ་བ་བསྡུས་པ་པཉྫི་ཀཱ་ལས་རབ་ཏུ་བྱེད་
པ་ལྔ་པའོ།།      །།རྡོ་རྗེ་སློབ་དཔོན་རབ་ཞུགས་ནས། །འདིར་ནི་ཏིང་འཛིན་གསུམ་བསྒོམས་ཏེ། །གོ་རིམས་བཞིན་དུ་དེ་ནས་ནི། །ཐིག་གདབ་རྡུལ་ཚོན་དགྱེ་བ་དང་། །མེ་ཡི་བྱ་བ་རྣམ་པ་དང་། །སྟེགས་བུ་དགོད་བྱ་དེ་ནས་ནི། །དམ་པའི་མཚན་ཉིད་ཡོངས་རྫོགས་ནས། །སྐུ་གཟུགས་རྣམས་ནི་
གཞུག་པར་བྱ། །དེ་ལ་གཙུག་ལག་ཁང་དུ་སྐུ་གཟུགས་དང་། གཎྜཱི་ཀ་དང་། སྟེགས་བུ་དང་། སྦྱིན་སྲེག་གི་ཐབ་ལ་སོགས་པ་ཡོངས་སུ་རྫོགས་པ་ལ་སྔོན་དུ་གསུངས་པའི་རིམ་པས་སློབ་དཔོན་ལ་གསོལ་བ་བཏབ་ལ་ཉེས་པ་ཞི་བར་བྱ་བའི་སྦྱིན་སྲེག་བྱ་སྟེ། དགེ་བའི་ཚེས་གྲངས་དང་རྒྱུ་
སྐར་ཡུད་ཙམ་རྣམས་ལ་དཀྱིལ་འཁོར་བྲི་བའི་དོན་དུ་བགེགས་ཞི་བར་བྱ་བ་ལ་ཁྱིམ་དུ་ལྷའི་རྣལ་འབྱོར་བྱས་ཏེ། དད་པས་སྦྱིན་བདག་གིས་ཕུལ་བའི་གོས་དང་རྒྱན་དང་སོ་རྩི་དང་ཡོན་ཏན་ལ་སོགས་པ་ཉེར་སྤྱོད་ལྔའི་མཆོད་པ་སྔོན་དུ་འགྲོ་བས་གོས་དང་དབུ་རྒྱན་དང་། རྒྱན་གྱི་ཁྱད་པར་གྱིས་

62-1-265a

བརྒྱན་ཏེ་རྡོ་རྗེ་དང་རྡོ་རྗེ་དྲིལ་བུ་བཟུང་སྟེ། འཇིག་རྟེན་གསུམ་ལས་རྣམ་པར་རྒྱལ་བའི་ང་རྒྱལ་གྱིས་རང་གི་ཁང་པ་ནས་ཕྱིར་ཞུགས་ནས་རྡོ་རྗེའི་རྐང་སྟབས་ཀྱིས་གར་བྱས་ཏེ་ལས་རྣམས་སུ་གཏོར་མ་དབུལ་བར་བྱ་སྟེ། རང་རང་གི་གནས་ན་གནས་པའི་ལྷ་དང་ཀླུ་དང་། 
གནོད་སྦྱིན་ལ་སོགས་པ་རྣམས་ཀྱི་མཆོད་པའི་དུས་སུ་དེའི་ཕྱག་རྒྱ་རབ་ཏུ་བསྟན་ནས་རང་རང་གི་སྔགས་ཀྱིས་མཆོད་པར་བྱ་ཞིང་། སྒེག་མོ་ལ་སོགས་པ་བརྒྱད་པོ་རྣམས་ཀྱིས་ཀྱང་དཀྱིལ་འཁོར་ཆེན་པོའི་ཁང་པའི་དབང་ལྡན་གྱི་མཚམས་རྣམས་སུ་རབ་ཏུ་འཇུག་པར་བྱའོ་ཞེས་པ་ན། རྡོ་རྗེ་སློབ་དཔོན་རབ་
ཏུ་འཇུག་པའོ།།      །།དེའི་རྗེས་ལ་ཏིང་ངེ་འཛིན་གསུམ་བསྒོམ་པའི་ཆེད་དུ་ལྷའི་རྣལ་འབྱོར་གྱི་ཆོ་ག་ནི། ཨོཾ་སྭ་བྷཱ་བ་ཤུདྡྷཿསརྦ་དྷརྨཱཿསྭ་བྷཱ་བ་ཤུདྡྷོ྅ཧཾ། བདག་མེད་པ་ལ་ལྷག་པར་མོས་པས་ནང་གི་བདག་ཉིད་ཀྱི་ཁྲུས་བྱས་ནས་ཧཱུཾ་ཡིག་དང་རྡོ་རྗེ་ཡོངས་སུ་གྱུར་པ་ལས་བདག་ཉིད་རྡོ་རྗེ་
མེ་དང་ཉི་མ་འབར་བར་བསྒོམ་པར་བྱའོ། །སྐུ་མདོག་མཐིང་ནག་ཕྱག་བརྒྱད་པ་ཞལ་བཞི་པའི་རྩ་བའི་ཕྱག་གཉིས་ཀྱིས་རྡོ་རྗེ་དང་དྲིལ་བུས་ཤེས་རབ་ལ་འཁྱུད་པའི་ཚུལ་ཅན། ཕྱག་གཞན་གཉིས་ཀྱིས་རལ་གྲི་དང་སྡིགས་མཛུབ་དང་བཅས་པའི་ཞགས་པ། ཕྱག་གཉིས་ཀྱིས་འཁོར་ལོ་དང་
ཁ་ཊྭཱཾ་ག །ཕྱག་གཞན་གཉིས་ཀྱིས་མདའ་དང་གཞུ་འཛིན་པ། རྩ་བའི་ཞལ་ནག་པོ་གཡས་དཀར་པོ། གཡོན་དམར་པོ། རྒྱབ་སེར་པོ། ཞལ་སོ་སོ་ལ་སྤྱན་གསུམ་གསུམ་པ། སྦྲུལ་གྱི་རྒྱན་གྱིས་རྣམ་པར་བརྒྱན་པ། གཡོན་བརྐྱང་གིས་ཁྱབ་འཇུག་དང་། དཔལ་མོ་ཀུན་
ནས་མནན་པ། ཁྲོ་བོའི་གཟུགས་ཀྱི་རྒྱན་ཐམས་ཅད་ཀྱིས་རྣམ་པར་བརྒྱན་པ་བསྒོམ་པར་བྱའོ། །དེ་ལ་ཧྲཱིཿཡིག་ལས་མགྲིན་པར་པདྨ་འདབ་མ་བརྒྱད་པ་ལྕེའི་པད་འདབ་ལ་ཧཱུཾ་ཡིག་ལས་རྡོ་རྗེ་དཀར་པོ་རྩེ་མོ་ལྔ་པས་མཚན་པ་བསྐྱེད་ལ་འདིས་བྱིན་གྱིས་བརླབས་ན་རྡོ་རྗེའི་ལྕེའོ། །ལག་པ་
གཉིས་ལ་ཨ་ཡིག་གིས་ཟླ་བའི་དཀྱིལ་འཁོར་གཉིས་སོ། །དེ་དག་གི་སྟེང་དུ་ཧཱུཾ་ཡིག་གཉིས་ལས་རྡོ་རྗེ་རྩེ་ལྔ་པ་གཉིས་བསམ་པར་བྱའོ། །ལག་པའི་སོར་མོ་རྣམས་ཀྱང་རྩེ་མོའི་རྣམ་པས་བགེགས་རྣམས་འཇོམས་པར་བྱའོ། །ཨོཾ་བཛྲ་ཛྭ་ལཱ་ན་ལཱརྐྐ་ཧཱུཾ་བཾ། ཁྲོ་བོ་ཁྱོད་ཀྱིས་འདི་རྣམས་

62-1-265b

བཅིང་བར་བྱའོ། །ཨོཾ་གྲྀཧྣ་བཛྲ་ས་མ་ཡ་ཧཱུཾ་བཾ། རྡོ་རྗེ་བཅིངས་པའི་མཐིལ་དུ་བྱས་ནས་གཡོག་པར་བྱའོ། །ཁྲོ་བོའི་སེམས་ཀྱིས་རྡོ་རྗེ་མཐེབ་ཆེན་གྱིས་བཅད་ཅིང་ཁྲོ་བོ་ཁྱོད་ཀྱིས་འདི་རྣམས་དྲན་པར་བྱའོ། །དེ་ནས་མེ་ཏོག་ཕྲེང་བ་ལ་སོགས་པའི་དབང་འཛིན་པས་ཨོཾ་བཛྲ་ཛྭ་ལཱ་
ན་ལཱརྐ་ཧཱུཾ་ཨ་བྷི་ཥིཉྩ་ཏུ་མཱཾ། རྡོ་རྗེ་བཅིངས་པའི་མཐེབ་ཆེན་གཉིས་ཀྱི་ཚིགས་ཀྱིས་མཉེས་པས་མགོ་བོ་དང་དཔྲལ་བའི་སྟེང་དུ་རྣ་བ་གཡས་པའི་སྟེང་དང་རྒྱབ་དང་རྣ་བ་གཡོན་གྱི་སྟེང་དུ་གཟུང་བར་བྱའོ། །འདི་རྣམས་རྡོ་རྗེ་ཁྱོད་ཀྱིས་བྱའོ། །ཨོཾ་ཊུཾ་གི་གོ་ཆས་བགོ་བར་བྱའོ། །རྡོ་རྗེ་ཁུ་ཚུར་
གཉིས་ཀྱིས་སྙིང་གར་མདུད་པའི་ཚུལ་བྱའོ། །དེ་བཞིན་དུ་མགྲིན་པ་དང་རྒྱབ་དང་སླར་ཡང་སྙིང་ག་དང་ནུ་མའི་བར་དང་སླར་ཡང་སྙིང་ག་དང་མགྲིན་པ་དང་རྒྱབ་དང་དཔྲལ་བར་མདུད་པའི་ཚུལ་རྣམས་བྱས་ནས་མགོ་བོར་ཅོད་པན་གྱི་དབང་བསྐུར་སྦྱོར་བའི་མཐར་མཉམ་པ་ཉིད་ཀུན་
གཞི་དང་ལྡན་པ་རྡོ་རྗེ་དགྱེས་པ་ཞེས་སོ། །ཨོཾ་བཛྲ་ཛྭ་ལཱ་ནཱ་ལརྐཱ་ཧཱུཾ། གཡོན་པའི་རྡོ་རྗེ་ཁུ་ཚུར་སྙིང་གར་བཀོད་ནས་ལག་པ་གཡས་པས་རྡོ་རྗེ་གསོར་ཞིང་བགེགས་ཐམས་ཅད་ལ་འཕང་བར་བྱའོ། །དེ་ནས་རྡོ་རྗེ་མེ་འོད་ཀྱི་ང་རྒྱལ་གྱིས་བགེགས་སྲེག་པ་ལ་སོགས་པ་བྱའོ། །ཨོཾ་བཛྲཱ་ནཱ་ལ་
ཧ་ན་ད་ཧ་པ་ཙ་མ་ཐ་བྷཉྫ་ར་ཎ་ཧཱུཾ་ཕཊ། ནང་དུ་རྡོ་རྗེ་བཅིངས་ལ་མཐེབ་ཆེན་གྱིས་རྡོ་རྗེ་བསླངས་པ་སོར་མོ་རྣམས་འབར་བའི་སྙིང་པོའོ། །འདི་ནི་རྡོ་རྗེ་མེ་འོད་ཀྱི་དམ་ཚིག་གི་ཕྱག་རྒྱའོ། །དེའི་རྗེས་སུ་རྡོ་རྗེའི་མིག་གིས་བགེགས་ཐམས་ཅད་བཅིང་བར་བྱ་བ་ནི་རྡོ་རྗེ་བཅིངས་ནས་གཡོན་པ་དང་ཅིག་ཤོས་
རབ་ཏུ་བརྐྱང་སྟེ་མིག་གཉིས་ལ་དགོད་པར་བྱ་བ་ནི་རྡོ་རྗེ་མིག་གི་དམ་ཚིག་གི་ཕྱག་རྒྱའོ། །དེ་ནས་རྡོ་རྗེ་བསྲུང་བའི་ང་རྒྱལ་གྱིས་རྡོ་རྗེའི་རང་བཞིན་དུ་བྱིན་གྱིས་བརླབ་པར་བྱའོ། །ཨོཾ་བཛྲ་དྲྀ་ཌྷོ་མེ་བྷ་བ་རཀྵ་སརྦཾ་སྭཱ་ཧཱ། རབ་ཏུ་བརྐྱངས་པའི་རྡོ་རྗེ་བཅིངས་པས་གཞི་ལ་རབ་ཏུ་བཀོད་པ་ནི་རྡོ་རྗེ་བསྲུང་བའི་དམ་ཚིག་
གི་ཕྱག་རྒྱའོ། །དེའི་རྗེས་ལ་རྡོ་རྗེ་འཇིགས་བྱེད་ཀྱི་ང་རྒྱལ་གྱིས་སྟེང་བཅིང་བར་བྱའོ། །ཨོཾ་ཧུ་ལུ་ཧུ་ལུ་ཧཱུཾ་ཕཊ། རྡོ་རྗེ་ཁུ་ཚུར་གཉིས་བཅིངས་ནས་མགལ་མེའི་འཁོར་ལོ་བཞིན་དུ་བསྐོར་ཞིང་སྤྱི་བོར་སྡིགས་མཛུབ་ལྕགས་ཀྱུའི་རྣམ་པས་གཟུང་བར་བྱ་བ་ནི། རྡོ་རྗེ་འཇིགས་བྱེད་ཀྱི་མིག་གི་ཕྱག་རྒྱའོ། །དེ་

62-1-266a

བཞིན་དུ་སྟེང་བཅིང་བར་བྱ་ཞིང་རྡོ་རྗེ་གནོད་སྦྱིན་གྱི་ང་རྒྱལ་གྱིས། ཨོཾ་བཛྲ་ཡཀྵ་ཧཱུཾ། རྡོ་རྗེ་ཐལ་མོས་མཐེབ་ཆེན་གཉིས་རབ་ཏུ་བརྐྱང་སྟེ་སྡིགས་མཛུབ་གཉིས་མཆེ་བ་བཞིན་བྱས་པ་ནི་རྡོ་རྗེ་གནོད་སྦྱིན་གྱི་དམ་ཚིག་གི་ཕྱག་རྒྱའོ། །དེ་ནས་གཙུག་ཏོར་འཁོར་ལོས་
སྒྱུར་བའི་ང་རྒྱལ་གྱིས་ཤར་ལ་སོགས་པའི་ཕྱོགས་བཅིང་བར་བྱའོ། །ཨོཾ་དྲུཾ་བྷནྡྷ་ཧཱུཾ། ཡང་ན་དྲུཾ་ཞེས་སོ། །རྡོ་རྗེ་ཁུ་ཚུར་གཉིས་ཀྱི་མཐེའུ་ཆུང་གཉིས་ལྕགས་སྒྲོག་བཅིངས་ཏེ་སྡིགས་མཛུབ་གཉིས་ཀྱི་རྩེ་མོ་གདོང་དུ་ཡོངས་སུ་འཁོར་བ། གཙུག་ཏོར་དུ་དགོད་པ་ནི་རྡོ་རྗེ་གཙུག་ཏོར་གྱི་དམ་ཚིག་
གི་ཕྱག་རྒྱའོ། །དེའི་རྗེས་ལ་རྡོ་རྗེ་ཞགས་པའི་ང་རྒྱལ་གྱིས་བགེགས་ཐམས་ཅད་བཅིང་བར་བྱའོ། །ཨོཾ་བཛྲ་པཱ་ཤ་ཧྲཱིཿརྡོ་རྗེ་ཁུ་ཚུར་གཉིས་རབ་ཏུ་བརྐྱང་སྟེ། དཔུང་པར་མདུད་པ་བྱས་པ་ནི་རྡོ་རྗེ་ཞགས་པའི་ཕྱག་རྒྱའོ། །དེ་ནས་རྡོ་རྗེ་གནོད་སྦྱིན་གྱི་ང་རྒྱལ་གྱིས་ནུབ་ཀྱི་ཕྱོགས་བཅིང་བར་བྱའོ། །ཨོཾ་བཛྲ་
བཱ་ཏ་ཀེ་པ་ཏཾ་ཀེ་ནི་རཊ། རྡོ་རྗེ་བཅིངས་པས་མཐེབ་ཆེན་གཉིས་སྐྱིལ་ཀྲུང་བྱས་ཏེ་རྩེ་མོར་བྱས་ལ་རྩེ་མོ་མཉམ་པའི་ཁ་བྱེ་བའི་གདོང་གི་རྩེ་མོ་ནི་བ་དན་གྱི་དམ་ཚིག་གི་ཕྱག་རྒྱའོ། །ཟ་བཞིན་པའི་མཐར་རྣམ་པར་དྲལ་བའི་བ་དན་ནི་རྡོ་རྗེ་བ་དན་གྱི་དམ་ཚིག་གི་ཕྱག་རྒྱའོ། །དེ་ནས་རྡོ་རྗེ་དུས་ཅན་གྱི་ང་རྒྱལ་
གྱིས་བགེགས་རྣམས་ཟ་བར་བྱ་ཞིང་བྱང་ཕྱོགས་བཅིང་བར་བྱའོ། །ཧྲཱིཿབཛྲ་ཀཱ་ལི་རུ་ཊ་མ་ཊ། རྡོ་རྗེ་གནོད་སྦྱིན་གྱི་ཕྱག་རྒྱ་བཞིན་དུ་གདོང་དུ་བསྟན་པར་བྱ་བ་ནི་རྡོ་རྗེ་དུས་ཅན་གྱི་དམ་ཚིག་གི་ཕྱག་རྒྱའོ། །རྡོ་རྗེ་རྩེ་མོའི་ང་རྒྱལ་གྱིས་ལྷོ་ཕྱོགས་བཅིང་བར་བྱའོ། །ཨོཾ་བཛྲ་ཤི་ཁ་ར་རུ་ཊ་མ་ཊ། རྡོ་རྗེ་
ཁུ་ཚུར་གཉིས་ཀྱིས་རི་བོ་འགུགས་པའི་ཚུལ་བྱས་ནས་ལྷོ་ཕྱོགས་ཀྱི་བགེགས་རྣམས་ལ་བསྣུན་པར་བྱའོ། །རྡོ་རྗེ་རྩེ་མོའི་ཕྱག་རྒྱའོ། །དེ་ལ་རྡོ་རྗེ་ལས་ཀྱི་ང་རྒྱལ་གྱིས་རྡོ་རྗེའི་ར་བ་སྦྱིན་པར་བྱའོ། །ཧཱུཾ་བཛྲ་ཀརྨ། རྡོ་རྗེ་ཁུ་ཚུར་གཉིས་བཅིངས་ཏེ་ཕན་ཚུན་དུ་རྒྱབ་གཉིས་སྦྱར་ལ་མཐེའུ་ཆུང་གཉིས་ལྕགས་
སྒྲོག་ཏུ་བྱས་ལ་སྡིགས་མཛུབ་དང་གུང་མོ་དག་བསླང་ལ་མིང་མེད་སྦ་བར་བྱའོ། །རྡོ་རྗེ་ལས་ར་བའི་ཕྱག་རྒྱའོ། །དེའི་རྗེས་ལ་རྡོ་རྗེ་ཧཱུཾ་མཛད་ཀྱི་རྣལ་འབྱོར་གྱིས་ནང་གི་ར་བ་བྱའོ། །བཛྲ་ཧཱུཾ་ཀ་རེ་ཎ་ཧཱུཾ། རྡོ་རྗེ་ལས་ཀྱི་ཕྱག་རྒྱ་ལས་དབུས་མ་གཉིས་བསྐུམ་པ་ནི་འཇིག་རྟེན་གསུམ་ལས་རྣམ་པར་རྒྱལ་བའི་

62-1-266b

ཕྱག་རྒྱའོ། །དེ་ནས་རྡོ་རྗེ་མཚམས་ཀྱི་ང་རྒྱལ་གྱི་རྡོ་རྗེའི་གུར་སྦྱིན་པར་བྱའོ། །ཨོཾ་བཛྲ་བནྡྷ་བཾ། རྡོ་རྗེ་བཅིངས་ནས་སྟེང་དུ་འགྱིང་ཞིང་རབ་ཏུ་བརྐྱང་བ་ནི་གུར་གྱི་ཕྱག་རྒྱའོ། །སླར་ཡང་རྡོ་རྗེ་མེ་འོད་ཀྱི་ང་རྒྱལ་གྱིས་དེའི་ཕྱག་རྒྱ་དང་ལྡན་པས་མཆོད་པའི་ཡན་ལག་རྣམས་སྦྱང་བར་བྱའོ། །ཨོཾ་བཛྲཱ་ནཱ་
ལ་ཧ་ན་ད་ཧ་པ་ཙ་མ་ཐ་བྷཉྫ་ར་ཎ་ཧཱུཾ། དེ་ནས་རྡོ་རྗེ་གནོད་སྦྱིན་གྱི་ཕྱག་རྒྱས་དུང་བྱིན་གྱིས་བརླབ་པར་བྱའོ། །ཨོཾ་བཛྲ་ཡཀྵ་ཧཱུཾ། སླར་ཡང་རྡོ་རྗེ་བསྲུང་བའི་ཕྱག་རྒྱས་དུང་བྱིན་གྱིས་བརླབ་པར་བྱའོ། །ཨོཾ་བཛྲ་རཀྵ་ཨ། སླར་ཡང་རྡོ་རྗེ་རྩེ་མོའི་ཕྱག་རྒྱས་དུང་བྱིན་གྱིས་བརླབ་པར་བྱའོ། །ཨོཾ་
བཛྲ་ཤི་ཁ་རེ་རུ་ཊ་མ་ཊ་ཞེས་བྱ་བ་ནི་དུང་གསུམ་མོ། །སླར་ཡང་དུང་གསུམ་རྡོ་རྗེ་སེམས་དཔའི་དམ་ཚིག་གི་ཕྱག་རྒྱ་དང་རྣམ་པར་སྣང་མཛད་ཀྱི་དམ་ཚིག་གི་ཕྱག་རྒྱས་ཀྱང་བྱིན་གྱིས་བརླབ་པར་བྱའོ། །ཨོཾ་བཛྲ་སཏྭ་ཧཱུཾ། ཨོཾ་བཛྲ་དྷཱ་ཏུ་ཧཱུཾ། དེའི་དུང་གི་ཆུས་མཆོད་པ་ཐམས་ཅད་བསང་གཏོར་བྱའོ། །
ཨོཾ་བཛྲ་རཀྵ་ཧཱུཾ། ཞེས་པའི་སྔགས་ཀྱིས་སོ། །ཨོཾ་བཛྲ་པུཥྤེ་ཧཱུཾ། མེ་ཏོག་གོ། །ཨོཾ་བཛྲ་དྷཱུ་པེ་ཧཱུཾ། བདུག་སྤོས་སོ། །ཨོཾ་བཛྲ་ཨཱ་ལོ་ཀེ་ཧཱུཾ། མར་མེའོ། །ཨོཾ་བཛྲ་གནྡྷེ་ཧཱུཾ། དྲིའོ། །ཨོཾ་བཛྲ་ནཻ་བི་དྱེ་ཧཱུཾ། ཞལ་ཟས་སོ། །རང་རང་གི་ཕྱག་རྒྱ་དང་ལྡན་པས་བྱིན་གྱིས་བརླབ་པར་བྱའོ། །ཨོཾ་ཨ་ཀཱ་རོ་མུ་ཁཾ་
སརྦ་དྷརྨཱ་ཎཱཾ་ཨཱ་དྱ་ནུཏྤནྣ་ཏྭཱཏ་ཨོཾ་ཨཱཿཧཱུཾ། རལ་གྲིའི་ཕྱག་རྒྱས་གཏོར་མ་སྟེ། རྡོ་རྗེ་བཅིངས་ནས་རལ་གྲི་འདྲེན་པ་ནི་རལ་གྲིའི་ཚུལ་ལོ། །གཞན་མཆོད་པའི་ཡན་ལག་རྣམས་ནི་རྡོ་རྗེ་སེམས་དཔའི་ཕྱག་རྒྱས་བྱིན་གྱིས་བརླབ་པར་བྱའོ། །ཨོཾ་བཛྲ་སཏྭ་ཧཱུཾ། ཨོཾ་བཛྲཱ་ས་ནེ་ཧཱུཾ་གདན་ནོ། །འདི་ནི་སྲུང་བའི་
འཁོར་ལོའོ།།      །།དེའི་རྗེས་ལ་རྡོ་རྗེ་རྒྱུའི་ལས་ཀྱི་ཕྱག་རྒྱས་མདུན་དུ་རྡོ་རྗེ་དབྱིངས་ཀྱི་དཀྱིལ་འཁོར་ཆེན་པོ་བསྐྱེད་པར་བྱའོ། །ཨོཾ་བཛྲ་ཙཀྲ་ཧཱུཾ། རྡོ་རྗེ་ཁུ་ཚུར་གཉིས་བཅིངས་ཏེ་རྩེ་མོ་གཉིས་ཀྱི་མཐར་རྡོ་རྗེ་བཅིངས་པས་སོ། །རྡོ་རྗེ་འཁོར་ལོ་ཞེས་རྣམ་པར་གྲགས་པའི་དཀྱིལ་འཁོར་ཐམས་ཅད་
བསྒྲུབ་པའོ། །འདིས་ཕྱོགས་ཐམས་ཅད་དུ་གཡས་སུ་བསྐོར་བས་དཀྱིལ་འཁོར་ཐམས་ཅད་བསྲུང་བར་བྱའོ། །དེའི་ཕྱག་རྒྱས་གདོང་དུ་བལྟས་ནས་བརྒྱ་རྩ་བརྒྱད་བཟླས་པར་བྱའོ། །དཀྱིལ་འཁོར་ཐམས་ཅད་དུ་རབ་ཏུ་ཞུགས་པར་བྱའོ། །དེ་ནས་མངོན་སུམ་དུ་དཀྱིལ་འཁོར་བལྟས་ནས་

62-1-267a

རྡོ་རྗེ་ལྕགས་ཀྱུ་ལ་སོགས་པ་རྣམས་དགུག་པ་དང་གཞུག་པར་བྱའོ། །བཅིང་བ་དང་དབང་དུ་བྱ་བ་རྣམས་བྱས་ཏེ། མཆོད་ཡོན་ལ་སོགས་པ་དབུལ་བར་བྱའོ། །ཨོཾ་བཛྲཱཾ་ཀུ་ཤ་ཛཿ། བཛྲ་པཱ་ཤ་ཧཱུཾ། བཛྲ་སྥོ་ཊ་བཾ། ཨོཾ་བཛྲཱ་བེ་ཤ་ཧོཿ། དེ་ནས་མཆོད་ཡོན་གྱི་ཕྱག་རྒྱས་
མཆོད་ཡོན་དབུལ་བར་བྱའོ། །ཨོཾ་བཛྲ་དྷཱ་ཏུ་པྲ་བཱ་ར་སཏྐཱ་རཱརྒྷཾ་པྲ་ཏཱིཙྪ་སྭཱ་ཧཱ། ལན་གསུམ་དུའོ། །ཨོཾ་བཛྲ་དྷཱ་ཏུ་པྲ་བཱ་ར་སཏྐཱ་ར་པཱ་དྱཾ་པྲ་ཏཱིཙྪ་སྭཱ་ཧཱ། ཞབས་བསིལ་བར་བྱའོ། །ཨོཾ་བཛྲ་དྷཱ་ཏུ་པྲ་བཱ་ར་སཏྐཱ་ར་ཨཉྩ་མན་པྲ་ཏཱིཙྪ་སྭཱ་ཧཱ། ཞལ་བསིལ་ལོ། །ཨོཾ་བཛྲ་རཀྵ་ཧཱུཾ། བསང་གཏོར་བྱའོ། །དེ་ནས་དཀྱིལ་
འཁོར་ལ་མེ་ཏོག་དགོད་པར་བྱ་སྟེ། ཨོཾ་བཛྲ་དྷཱ་ཏུ་ཧཱུཾ་དབུས་སོ། །ཨོཾ་དྷཱ་ཏུ་ཧཱུཾ་ཤར་དུའོ། །ཨོཾ་བཛྲ་རཏྣ་ཏྲཱཾ་ལྷོ་རུའོ། །ཨོཾ་བཛྲ་དྷརྨ་བཛྲ་ཧྲཱིཿནུབ་ཏུའོ། །ཨོཾ་ཀརྨྨ་བཛྲ་ཨཿབྱང་དུའོ། །ཨོཾ་བཛྲ་སཏྭ་ཧཱུཾ་མི་བསྐྱོད་པའི་མདུན་དུའོ། །ཨོཾ་བཛྲ་རཱ་ཛ་ཛཿམི་བསྐྱོད་པའི་གཡས་སོ། །ཨོཾ་བཛྲ་རཱ་ག་ཧོ་མི་
བསྐྱོད་པའི་གཡོན་ནོ། །ཨོཾ་བཛྲ་སཱ་དྷུ་སཿམི་བསྐྱོད་པའི་རྒྱབ། ཨོཾ་བཛྲ་རཏྣ་ཏྲཾ། ཨོཾ་བཛྲ་ཏེ་ཛ་ཨཾ། ཨོཾ་བཛྲ་ཀེ་ཏུ་ཏྲཾ། ཨོཾ་བཛྲ་ཧཱ་ས་ཧཱུཾ། མི་བསྐྱོད་པ་བཞིན་དུ་རིན་ཆེན་འབྱུང་ལྡན་གྱི་ཡང་ངོ་། །ཨོཾ་བཛྲ་དྷརྨ་ཧྲཱིཿཨོཾ་བཛྲ་ཏཱིཀྵ་དྷཱཾ། ཨོཾ་བཛྲ་ཧེ་ཏུ་མཱཾ། ཨོཾ་བཛྲ་བྷཱ་ཥ་རཾ། སྔོན་མ་བཞིན་དུ་འོད་དཔག་མེད་ཀྱི་
ཡང་ངོ་། །ཨོཾ་བཛྲ་ཀརྨྨ་ཀཾ། ཨོཾ་བཛྲ་རཀྵ་ཧཱུཾ། ཨོཾ་བཛྲ་ཡཀྵ་ཧཱུཾ། ཨོཾ་བཛྲ་སནྡྷི་བཾ། སྔོན་མ་བཞིན་དུ་དོན་ཡོད་གྲུབ་པའིའོ་ཞེས་པ་འདིའི་སྙིང་པོ་རེ་མིག་གོ། །ཨོཾ་བཛྲ་ལཱ་སྱེ་ཧཱུཾ། ཨོཾ་བཛྲ་མཱ་ལེ་ཏྲཱཾ། ཨོཾ་བཛྲ་གཱི་ཏི་ཧྲཱིཿ ཨོཾ་བཛྲ་ནྲྀ་ཏྱེ་ཨཱཿ། ཕྱིའི་མེ་ཏོག་ལ་སོགས་པའི་དཀྱིལ་འཁོར་གྱི་མཚམས་
བཞི་ལ་ཕྱིའི་དཀྱིལ་འཁོར་གྱི་ཟུར་བཞི་རྣམས་སུ་བདུག་སྤོས་མ་ལ་སོགས་པ་རྣམས་སོ། །ཨོཾ་བཛྲ་དྷཱུ་པེ་ཧཱུཾ། ཨོཾ་བཛྲ་པུཥྤེ་ཏྲཱཾ། ཨོཾ་བཛྲ་ཨཱ་ལོ་ཀེ་ཧྲཱིཿ  ཨོཾ་བཛྲ་གནྡྷེ་ཨཿ དེ་ནས་ཤར་ལ་སོགས་པའི་སྒོའི་ལོགས་དག་ཏུ། ཨོཾ་མཻ་ཏྲི་ཡ་ཧ་ར་ཎཱ་ཡ་སྭཱ་ཧཱ། ཨོཾ་ཨ་མོ་གྷཱ་དཪྴི་ནི་ཧཱུཾ། ཨོཾ་སརྦ་པཱ་པཾ་ཛ་ཧ་
སརྦ་པཱ་པཾ་བི་ཤོ་དྷ་ནི་ཧཱུཾ། ཨོཾ་བཛྲ་ཤོ་ཀ་ཏ་མོ་ནིརྒྷ་ཏ་ན་མ་ཏི་ཧཱུཾ། ཤར་དུ། ཨོཾ་བཛྲ་གནྡྷ་ཧསྟི་ནེ་ཧཱུཾ། ཨོཾ་སཱུ་རཾ་ག་མེ་ཧཱུཾ། ཨོཾ་ག་ག་ནེ་ག་ན་ལོ་ཙ་ནེ་ཧཱུཾ། ཨོཾ་ཛྙཱ་ན་ཀེ་ཏུ་ཛྙཱ་ན་པ་ཏི་ཧཱུཾ། ལྷོ་རུའོ། །ཨོཾ་ཨ་མྲི་ཏ་བྷཻ་ཨ་མྲྀ་ཏ་བེ་ཏི་ཧཱུཾ། ཨོཾ་ཙནྡྲེ་ཙནྡྲ་སྠེ་ཙནྡྲ་བྱ་བ་ལོ་ཀ་ནི་སྭཱ་ཧཱ། ཨོཾ་བྷ་དྲ་བ་ཏི་བྷ་དྲ་པཱ་ལེ་སྭཱ་ཧཱ། ཨོཾ་

62-1-267b

ཛཱ་ལི་ནི་མ་ཧཱ་ཛཱ་ལི་ནི་ཧཱུཾ་ནུབ་ཏུའོ། །ཨོཾ་བཛྲ་གརྦྷེ་ཧཱུཾ། ཨོཾ་བཛྲ་ཡཀྵ་ཡེ་ཧཱུཾ། ཡཀྵཱ་ཡ་ཀརྨཱ་བ་ར་ཎ་བི་ཤོ་དྷ་ནི་སྭཱ་ཧཱ། ཨོཾ་པྲ་ཏི་བྷ་ཎ་ཀུ་ཊེ་སྭཱ་ཧཱ། ཨོཾ་ས་མནྟ་བྷ་དྲ་ཧཱུཾ། བྱང་དུ་ཨོཾ་བཛྲཱཾ་ཀུ་ཤ་ཛཿ ཨོཾ་བཛྲ་པཱ་ཤ་ཧཱུཾ། ཨོཾ་བཛྲ་སྥོ་ཊ་བཾ། ཨོཾ་བཛྲཱ་བེ་ཤ་ཧོཿ། ཤར་ལ་སོགས་པའི་སྒོ་རྣམས་ལ་སླར་ཡང་རྣམ་
པར་སྣང་མཛད་ཀྱི་མདུན་དུ། ཨོཾ་སཏྭ་བཛྲི་ཧཱུཾ། ལྷོ་རུ། ཨོཾ་རཏྣ་བཛྲི་ཏྭཾ། ནུབ་ཏུ། ཨོཾ་དྷརྨྨ་བཛྲི་ཧྲཱིཿ བྱང་དུ། ཨོཾ་ཀརྨ་བཛྲི་ཨཱཿཞེས་པ་ནི་མེ་ཏོག་དགོད་པའི་རིམ་པ་ཇི་ལྟ་བ་བཞིན་ནོ། །དེ་ནས་མེ་ཏོག་ལ་སོགས་པ་རྣམས་ཀྱིས་ཡང་དག་པར་མཆོད་པར་བྱ་སྟེ། ཨོཾ་ཨཱཿབཛྲ་པུཥྤེ་ཧཱུཾ། ཨོཾ་ཨཱཿབཛྲ་
དྷཱུ་པེ་ཧཱུཾ། ཨོཾ་ཨཱཿབཛྲ་ཨཱ་ལོ་ཀེ་ཧཱུཾ། ཨོཾ་ཨཱཿབཛྲ་གནྡྷེ་ཧཱུཾ། ཨོཾ་ཨཱཿབཛྲ་ནེ་བིདྱེ་ཧཱུཾ། དེ་ནས་སྒེག་མོ་ལ་སོགས་པ་བརྒྱད་ཀྱི་ཕྱག་རྒྱ་བཅིངས་ནས། ཨོཾ་སརྦ་ཏ་ཐཱ་ག་ཏ་མ་ཧཱ་བཛྲོདྦྷ་བདཱ་ན་པཱ་ར་མི་ཏ་པཱུ་ཛྱེ་ཧཱུཾ། ཨོཾ་སརྦ་ཏ་ཐཱ་ག་ཏོདྦྷ་བ་ཤཱི་ལ་པཱ་ར་མི་ཏཱ་པཱུ་ཛྱེ་ཏྲཱཾ། ཨོཾ་སརྦ་ཏ་ཐཱ་ག་ཏོདྦྷ་བཀྵཱནྟི་པཱ་ར་མི་ཏཱ་པཱུ་ཛྱེ་ཧྲཱིཿ། ཨོཾ་སརྦ་ཏ་
ཐཱ་ག་ཏོདྦྷ་བ་མ་ཧཱ་བཱིརྱ་པཱ་ར་མི་ཏ་པཱུ་ཛྱེ་ཨཿ། ཨོཾ་སརྦ་ཏ་ཐཱ་ག་ཏ་སརྦ་པཱ་པ་བི་ཤོ་དྷ་ནི། དྷ་མ་དྷ་མ། དྷཱུ་པ་ཡ་དྷཱུ་པ་ཡ། དྷྱ་ན་པཱ་ར་མི་ཏ་པཱུ་ཛྱེ་ཧཱུཾ་ཕཊ། ཨོཾ་སརྦ་ཏ་ཐཱ་ག་ཏོདྦྷ་བ་སརྦ་དུརྒ་ཏི་ཤོ་དྷ་ནི་པུཥྤ་བྱཱ་ལོ་ཀེ་ནེ་པྲཛྙཱ་པ་ར་མི་ཏཱ་པཱུ་ཛྱེ་ཧཱུཾ་ཧཱུཾ་ཕཊ། ཨོཾ་སརྦ་ཏ་ཐཱ་ག་ཏཱ་སརྦ་པཱ་པ་བི་ཤོ་དྷ་ནི་ཛྙཱ་ན་ལོ་ཀ་ཀ་རི་པྲ་ཎི་དྷི་པཱ་ར་མི་
ཏ་པཱུ་ཛྱེ་ཧྲཱིཿཧཱུཾ་ཕཊ། ཨོཾ་སརྦ་ཏ་ཐཱ་ག་ཏ་སརྦ་པཱ་པ་གནྡྷ་ནཱ་ཤ་ནི་བཛྲ་གནྡྷོ་པ་ཡ་པཱ་ར་མི་ཏ་པཱུ་ཛྱེ་ཨཱཿཧཱུཾ་ཕཊ། འདིར་དེ་ནས་གསུངས་པའི་ལས་ཀྱི་ཕྱག་རྒྱས་ཡང་དག་པར་མཆོད་དེ། དེ་ནས་དྲིལ་བུ་དཀྲོལ་བར་བྱ་སྟེ། ཆོས་མེད་གཡོ་མེད་རང་བཞིན་སྙིང་པོའི་ཆོས་ཉིད་ཅན། །བརྩེ་བའི་བདག་ཅན་འགྲོ་བའི་
སྡུག་བསྔལ་འཕྲོག་བྱེད་པ། །ཀུན་ནས་ཡོན་ཏན་དངོས་གྲུབ་ཀུན་ནི་སྩོལ་མཛད་ཅིང་། །དྲི་མེད་གཡོ་མེད་མི་མཆོག་མཚུངས་མེད་ཆོས་ཅན་ཏེ། །ནམ་མཁའ་དང་མཚུངས་དཔེ་ནི་གཅིག་ཉིད་མེད་གྱུར་ཅིང་། །ཡོན་ཏན་ཆ་ཤས་ཕྱེ་མའི་ཟེགས་མའང་མཚམས་མེད་པ། །རྟག་ཏུ་སེམས་ཅན་
ཁམས་ལ་མཆོག་གི་དངོས་གྲུབ་སྩོལ། །དཔེ་དང་བྲལ་བ་འདི་ནི་སྔགས་ཀྱི་དངོས་གྲུབ་བོ། །རྟག་ཏུ་དྲི་མེད་སྙིང་རྗེའི་ཤུགས་ཀྱིས་བཞེངས་གྱུར་ཅིང་། །སྨོན་ལམ་གྲུབ་ཅིང་འགག་མེད་བདེ་བ་ཉིད་དུ་འཇུག །འགྲོ་བའི་དོན་གྲུབ་པ་ལ་མཆོག་ཏུ་ཉེ་བར་བསྙེན། །བརྩེ་བ་ཆེན་པོས་བདག་ཉིད་

62-1-268a

རྟག་ཏུ་གསལ་བར་མཛོད། །འགག་མེད་སྙིང་རྗེའི་སྤྱོད་པ་གཡོ་མེད་རབ་འཇུག་པ། །འཇིག་རྟེན་གསུམ་དུ་མཆོག་གི་བདེ་བ་སྩོལ་མཛད་པ། །དཔག་མེད་དཔག་ཏུ་མེད་པར་ལེགས་པར་ཡོངས་རྫོགས་གྱུར། །བདེ་གཤེགས་འཇུག་པའང་ལེགས་པའི་ཆོས་ཉིད་ངོ་མཚར་ཅན། །
དམ་ཚིག་གསུམ་མཆོག་དངོས་གྲུབ་མཆོག་ཉིད་བདག་ལ་སྩོལ། །མཆོག་གི་སྦྱིན་པ་ཉིད་ནི་བརྩེར་འགྱུར་རྟག་ཏུ་བསྟེན། །མགོན་པོ་དུས་གསུམ་གཤེགས་རྣམས་སྒྲིབ་པ་མི་མངའ་བས། །འཇིག་རྟེན་གསུམ་པོ་ཀུན་ལ་དངོས་གྲུབ་མཆོག་སྩོལ་མཛད། །ཅེས་པའི་བསྟོད་པ་ཉེ་བར་
བསྡུས་ནས་བརྗོད་པར་བྱའོ། །དེ་ནས་དཀྱིལ་འཁོར་ལྔ་ཡི་ཕྱག་བྱའོ། །ཤར་གྱི་ཕྱོགས་ནས་ལུས་ཀྱི་རྡོ་རྗེའི་ཐལ་མོ་སྦྱར་བ་དང་བཅས་པས། ཨོཾ་སརྦ་ཏ་ཐཱ་ག་ཏ་ཀཱ་ཡ་བཱཀ་ཙིཏྟ་པྲ་ཎ་མྱ་ན་བཛྲ་བནྡ་ནཾ་ཀ་རོ་མི། ཨོཾ་སརྦ་ཏ་ཐཱ་ག་ཏ་པཱུ་ཛོ་པ་སྠཱ་ན་ཡཱདྨ་ནཱཾ་ནིརྱཱ་ཏ་ཡཱ་མི། ཨོཾ་སརྦ་ཏ་ཐཱ་ག་ཏ་བཛྲ་སཏྭ་ཨ་དྷི་
ཏིཥྛ་སྭ་མཱཾ། ལྷོ་ནས་རྡོ་རྗེའི་ཐལ་མོ་སྦྱར་བ་སྙིང་གར་བཟུང་སྟེ་དཔྲལ་བ་ས་ལ་རེག་པར་བྱའོ། །ཨོཾ་སརྦ་ཏ་ཐཱ་ག་ཏ་པཱུ་ཛཱ་བྷི་ཥེ་ཀ་ཡཱདྨ་ནཱཾ་ནིརྱཱ་ཏ་ཡཱ་མི། ཨོཾ་སརྦ་ཏ་ཐཱ་ག་ཏ་བཛྲ་རཏྣ་ཨ་བྷི་ཥིཉྩ་མཱཾ། ནུབ་ནས་རྡོ་རྗེའི་ཐལ་མོ་སྤྱི་བོར་སྦྱར་བ་གདོང་དུ་བཟུང་སྟེ་ས་ལ་རེག་པར་བྱའོ། །ཨོཾ་སརྦ་ཏ་ཐཱ་ག་ཏ་
ཛ་པྲ་བརྟ་ན་ཨཱཏྨ་ནཱཾ་ནིརྱཱ་ཏ་ཡཱ་མི། ཨོཾ་སརྦ་ཏ་ཐཱ་ག་ཏ་བཛྲ་དྷརྨ་པྲ་བརྟ་ཡ་མཱ བྱང་ནས་མགོ་བོས་ཕྱག་འཚལ་བའི་ཐལ་མོ་སྦྱར་བ་སྙིང་གར་བཟུང་སྟེ་ས་གཞི་ལ་རེག་པར་བྱའོ། །ཨོཾ་སརྦ་ཏ་ཐཱ་ག་ཏ་པཱུ་ཛ་ཀརྨ་ཎེ་ཨཱཏྨཱ་ཎཱཾ་ནིརྱཱ་ཏ་ཡཱ་མི། ཨོཾ་སརྦ་ཏ་ཐཱ་ག་ཏཱ་བཛྲ་ཀརྨྨ་ཀུ་རུ་སྭ་མཱཾ། དེ་ནས་པུས་མོའི་ལྷ་ང་ས་
ལ་རབ་ཏུ་བཙུགས་ཏེ། སྙིང་གར་ཐལ་མོ་སྦྱར་ནས་སྡིག་པ་རབ་ཏུ་བཤགས་པར་བྱའོ། །ཕྱོགས་བཅུའི་སངས་རྒྱས་དང་བྱང་ཆུབ་སེམས་དཔའ་ཐམས་ཅད་བདག་ལ་དགོངས་སུ་གསོལ། རྡོ་རྗེ་དང་རིན་པོ་ཆེ་དང་པདྨ་དང་ལས་ཀྱི་རིགས་ལ་བཞུགས་པའི་དེ་བཞིན་གཤེགས་པ་ཐམས་ཅད་ཀྱི་ཡང་ཕྱག་རྒྱ་
དང་གསང་སྔགས་དང་རིག་སྔགས་དང་ལྷ་རྣམས་ཐམས་ཅད་ཀྱི་བདག་མིང་འདི་ཞེས་བགྱི་བས་ཕྱོགས་བཅུའི་སངས་རྒྱས་དང་བྱང་ཆུབ་སེམས་དཔའ་རྣམས་ཀྱི་མདུན་དུ་བགྱིས་ཏེ། རྡོ་རྗེ་དང་རིན་པོ་ཆེ་དང་པདྨ་དང་ལས་ཀྱི་རིགས་ལ་བཞུགས་པའི་དེ་བཞིན་གཤེགས་པ་ཐམས་ཅད་ཀྱི་ཕྱག་རྒྱ་དང་

62-1-268b

གསང་སྔགས་དང་རིག་སྔགས་དང་ལྷ་རྣམས་ཐམས་ཅད་ཀྱི་མདུན་དུ་ཡང་སྡིག་པ་ཐམས་ཅད་བདག་གིས་སོ་སོར་བཤགས་སོ། །ཕྱོགས་བཅུ་རབ་འབྱམས་རྣམས་ཀྱི་འདས་པ་དང་མ་འོངས་པ་དང་ད་ལྟར་བྱུང་བའི་སངས་རྒྱས་དང་བྱང་ཆུབ་སེམས་དཔའ་ཐམས་ཅད་དང་རང་སངས་རྒྱས་
རྣམས་དང་འཕགས་པ་ཉན་ཐོས་རྣམས་དང་ཡང་དག་པར་སོང་བ་དང་ཡང་དག་པར་རྒྱུན་དུ་ཞུགས་པ་རྣམས་དང་། སེམས་ཅན་གྱི་ཚོགས་ཐམས་ཅད་ཀྱི་བསོད་ནམས་ཐམས་ཅད་ལ་རྗེས་སུ་ཡི་རང་ངོ་། །ཕྱོགས་བཅུའི་སངས་རྒྱས་བཅོམ་ལྡན་འདས་ཆོས་ཀྱི་འཁོར་ལོ་མི་བསྐོར་བ་ཐམས་ཅད་ལ་
ཆོས་ཀྱི་འཁོར་ལོ་བསྐོར་བར་བསྐུལ་མ་འདེབས་སོ། །ཕྱོགས་བཅུའི་སངས་རྒྱས་བཅོམ་ལྡན་འདས་ཡོངས་སུ་མྱ་ངན་ལས་འདའ་བར་བཞེད་པ་ཐམས་ཅད་ལ་ཡོངས་སུ་མྱ་ངན་ལས་མི་འདའ་བར་གསོལ་བ་འདེབས་སོ་ཞེས་པ་ནི་སྡིག་པ་བཤགས་པ་ལ་སོགས་པའོ། །དེ་ནས་མཆོད་པ་རྣམ་པ་ཉི་ཤུ་
བྱ་སྟེ། སྔགས་དང་ཕྱག་རྒྱ་དང་བཅས་པས་དེ་ནས་མེ་ཏོག་གི་དམ་ཚིག་གི་ཕྱག་རྒྱ་བཅིངས་ནས་འདི་ཉིད་བརྗོད་པར་བྱའོ། །ཨོཾ་སརྦ་ཏ་ཐཱ་ག་ཏ་པུཥྤ་པཱུ་ཛ་མེ་གྷ་ས་མུ་དྲ་སྥ་ར་ཎ་ས་མ་ཡེ་ཧཱུཾ། བདུག་སྤོས་ཀྱི་དམ་ཚིག་གི་ཕྱག་རྒྱ་བཅིངས་ནས་འདི་ཉིད་བརྗོད་པར་བྱའོ། །ཨོཾ་སརྦ་ཏ་ཐཱ་ག་ཏ་དྷཱུ་པ་པཱུ་ཛ་མེ་
གྷ་ས་མུ་དྲ་སྥ་ར་ཎ་ས་མ་ཡེ་ཧཱུཾ། སྣང་གསལ་གྱི་དམ་ཚིག་གི་ཕྱག་རྒྱ་བཅིངས་ནས་འདི་ཉིད་བརྗོད་པར་བྱའོ། །ཨོཾ་སརྦ་ཏ་ཐཱ་ག་ཏ་ཨཱ་ལོ་ཀེ་པཱུ་ཛ་མེ་གྷ་ས་མུ་དྲ་སྥ་ར་ཎ་ས་མ་ཡེ་ཧཱུཾ། དྲིའི་དམ་ཚིག་གི་ཕྱག་རྒྱ་བཅིངས་ནས་འདི་ཉིད་བརྗོད་པར་བྱའོ། །ཨོཾ་སརྦ་ཏ་ཐཱ་ག་ཏ་གནྡྷ་པུ་ཛ་མེ་གྷ་ས་མུ་དྲ་སྥ་ར་ཎ་ས་མ་ཡེ་ཧཱུཾ། 
ཕྱག་འཚལ་ཞིང་ཐལ་མོ་སྦྱར་བས་རིན་པོ་ཆེའི་རྣམ་པར་བཅིངས་ནས་འདི་ཉིད་བརྗོད་པར་བྱའོ། །ཨོཾ་སརྦ་ཏ་ཐཱ་ག་ཏ་བོ་དྷྱཾ་ག་རཏྣ་ལཾ་ཀཱ་ར་པཱུ་ཛ་མེ་གྷ་ས་མུ་དྲ་སྥ་ར་ཎ་ས་མ་ཡེ་ཧཱུཾ། བཞད་པའི་ཚུལ་བཅིངས་ནས་འདི་ཉིད་བརྗོད་པར་བྱའོ། །ཨོཾ་སརྦ་ཏ་ཐཱ་ག་ཏ་ཧ་སྱ་ལཱ་སྱ་ར་ཏི་ཀྲཱྀཌ་སོ་ཁྱཱ་ནུཏྟ་ར་པཱུ་ཛ་མེ་གྷ་ས་མུ་
དྲ་སྥ་ར་ཎ་ས་མ་ཡེ་ཧཱུཾ། གོས་རབ་ཏུ་འབུལ་བའི་ཕྱག་རྒྱ་བཅིངས་ནས་འདི་ཉིད་བརྗོད་པར་བྱའོ། །ཨོཾ་སརྦ་ཏ་ཐཱ་ག་ཏ་བོ་དྷྱཾ་ག་བསྟྲཱ་ལཾ་ཀཱ་ར་པཱུ་ཛ་མེ་གྷ་ས་མུ་དྲ་སྥ་ར་ཎ་ས་མ་ཡེ་ཧཱུཾ། རྡོ་རྗེ་སེམས་དཔའི་ལས་ཀྱི་ཕྱག་རྒྱ་བཅིངས་ནས་འདི་ཉིད་བརྗོད་པར་བྱའོ། །ཨོཾ་སརྦ་ཏ་ཐཱ་ག་ཏ་བཛྲ་པཱུ་ཛ་མེ་གྷ་ས་མུ་དྲ་སྥ་ར་

62-1-269a

ཎ་ས་མ་ཡེ་ཧཱུཾ། སྒེག་མོའི་ལས་ཀྱི་ཕྱག་རྒྱ་བཅིངས་ནས་འདི་ཉིད་བརྗོད་པར་བྱའོ། །ཨོཾ་སརྦ་ཏ་ཐཱ་ག་ཏ་བཛྲོདྦྷ་བ་དཱ་ན་པཱ་ར་མི་ཏ་པཱུ་ཛ་མེ་གྷ་ས་མུ་དྲ་སྥ་ར་ཎ་ས་མ་ཡེ་ཧཱུཾ། ཕྲེང་བའི་ལས་ཀྱི་ཕྱག་རྒྱ་འདི་ཉིད་བརྗོད་པར་བྱའོ། །ཨོཾ་སརྦ་ཏ་ཐཱ་ག་ཏ་སཾ་སཱ་རཱ་པ་རི་ཏྱཾ་གཱ་ནུཏྟ་ར་བཱིརྱཱ་པཱ་ར་མི་ཏ་བོ་དྷྱཾ་
ཧ་ར་ཤཱི་ལ་པཱ་ར་མི་ཏ་པཱུ་ཛ་མེ་གྷ་ས་མུ་དྲ་སྥ་ར་ཎ་ས་མ་ཡེ་ཧཱུཾ། གླུ་མའི་ལས་ཀྱི་ཕྱག་རྒྱས། ཨོཾ་སརྦ་ཏ་ཐཱ་ག་ཏཱ་ནུཏྟ་ར་དྷརྨ་བོ་དྷི་ཀྵཱནྟི་པཱ་ར་མི་ཏ་པཱུ་ཛ་མེ་གྷ་ས་མུ་དྲ་སྥ་ར་ཎ་ས་མ་ཡེ་ཧཱུཾ། གར་མའི་ལས་ཀྱི་ཕྱག་རྒྱས། ཨོཾ་སརྦ་ཏ་ཐཱ་ག་ཏ་སཾ་སཱ་ར་པ་རི་ཏྱཱཾ་གཱ་ནུཏྟ་ར་བཱིརྱ་པཱ་ར་མི་ཏ་པཱུ་ཛ་མེ་གྷ་ས་མུ་དྲ་སྥ་ར་ཎ་ས་མ་
ཡེ་ཧཱུཾ། བདུག་སྤོས་མའི་ལས་ཀྱི་ཕྱག་རྒྱའོ། །ཨོཾ་སརྦ་ཏ་ཐཱ་ག་ཏཱ་ནུཏྟ་ར་སཽ་ཁྱ་བི་ཧཱ་ར་དྷྱཱ་ན་པཱ་ར་མི་ཏེ་པཱུ་ཛ་མེ་གྷ་ས་མུ་དྲ་སྥ་ར་ཎ་ས་མ་ཡེ་ཧཱུཾ། མེ་ཏོག་མའི་ལས་ཀྱི་ཕྱག་རྒྱས། ཨོཾ་སརྦ་ཏ་ཐཱ་ག་ཏཱ་ནུཏྟ་ར་ཀླེ་ཤ་ཙྪེ་དཱ་ནི་མ་ཧཱ་པྲཛྙཱ་པ་ར་མི་ཏ་པཱུ་ཛ་མེ་གྷ་ས་མུ་དྲ་སྥ་ར་ཎ་ས་མ་ཡེ་ཧཱུཾ། སྣང་གསལ་མའི་
ལས་ཀྱི་ཕྱག་རྒྱས། ཨོཾ་སརྦ་ཏ་ཐཱ་ག་ཏ་མ་ཧཱ་པྲ་ཎི་དྷི་པཱ་ར་མི་ཏ་པཱུ་ཛ་མེ་གྷ་ས་མུ་དྲ་སྥ་ར་ཎ་ས་མ་ཡེ་ཧཱུཾ། དྲིའི་ལས་ཀྱི་ཕྱག་རྒྱས། ཨོཾ་སརྦ་ཏ་ཐཱ་ག་ཏ་ཨ་པཱ་ཡ་གནྡྷ་ན་ཤ་ནི་བཛྲ་གནྡྷོ་པ་ཡ་པཱ་ར་མི་ཏ་པཱུ་ཛ་མེ་གྷ་ས་མུ་དྲ་སྥ་ར་ཎ་ས་མ་ཡེ་ཧཱུཾ། སྤྱི་བོར་ཕྱག་འཚལ་བའི་ཐལ་མོ་སྦྱར་ནས་འདི་ཉིད་
བརྗོད་པར་བྱའོ། །ཨོཾ་སརྦ་ཏ་ཐཱ་ག་ཏ་ཀཱ་ཡ་ནིརྱཱ་ཏ་ན་པཱུ་ཛ་མེ་གྷ་ས་མུ་དྲ་སྥ་ར་ཎ་ས་མ་ཡེ་ཧཱུཾ། གདོང་དུ་ཐལ་མོ་སྦྱར་བ་ཅུང་ཟད་དབྱེ་བས་འདི་ཉིད་བརྗོད་པར་བྱའོ། །ཨོཾ་སརྦ་ཏ་ཐཱ་ག་ཏ་བཱཀ་ཙིཏྟ་ནཱ་པཱུ་ཛ་མེ་གྷ་ས་མུ་དྲ་སྥ་ར་ཎ་ས་མ་ཡེ་ཧཱུཾ། སྙིང་གར་ཐལ་མོ་ཡང་དག་པར་སྦྱར་བས་འདི་ཉིད་བརྗོད་པར་
བྱའོ། །ཨོཾ་སརྦ་ཏ་ཐཱ་ག་ཏ་ཙིཏྟ་ནཱིརྱཱ་ཏ་ན་པཱུ་ཛ་མེ་གྷ་ས་མུ་དྲ་སྥ་ར་ཎ་ས་མ་ཡེ་ཧཱུཾ། འཁྱུད་པའི་ཚུལ་གྱིས། ཨོཾ་སརྦ་ཏ་ཐཱ་ག་ཏ་གུ་ཧྱ་ནཱིརྱཱ་ཏ་ན་པཱུ་ཛ་མེ་གྷ་ས་མུ་དྲ་སྥ་ར་ཎ་ས་མ་ཡེ་ཧཱུཾ། དེ་བཞིན་དུ་མཆོད་པའི་རྣམ་པ་ཉི་ཤུས་དེ་བཞིན་གཤེགས་པ་ཐམས་ཅད་ཡང་དག་པར་མཆོད་ནས་བདག་ཉིད་
དབུལ་བར་བྱའོ། །སངས་རྒྱས་དང་བྱང་ཆུབ་སེམས་དཔའ་ཐམས་ཅད་ལ་བདག་ཉིད་ཕུལ་ནས་དུས་ཐམས་ཅད་རྒྱུན་དུ་བདག་ཡོངས་སུ་གཟུང་དུ་གསོལ། མགོན་པོ་བརྩེ་བ་ཆེན་པོ་རྣམས་ཀྱིས་དམ་ཚིག་ཆེན་པོ་རྣམས་ཀྱང་སྩལ་དུ་གསོལ། དེ་ནས་ཡང་དགེ་བའི་རྩ་བ་སེམས་ཅན་ཐམས་ཅད་དང་

62-1-269b

ཐུན་མོང་དུ་བྱས་ཏེ་དགེ་བའི་རྩ་བ་འདིས་སེམས་ཅན་ཐམས་ཅད་ཀྱི་འཇིག་རྟེན་དང་འཇིག་རྟེན་ལས་འདས་པའི་ཕུན་སུམ་ཚོགས་པ་མ་ཡིན་པ་ཐམས་ཅད་དང་བྲལ་ཞིང་། འཇིག་རྟེན་དང་འཇིག་རྟེན་ལས་འདས་པའི་ཕུན་སུམ་ཚོགས་པ་ཐམས་ཅད་དང་ཡང་དག་པར་ལྡན་ཞིང་དགའ་བ་དང་བཅས་
ཤིང་ཡིད་བདེ་བ་དང་བཅས་པས་མིའི་མཆོག་སངས་རྒྱས་སུ་གྱུར་ཅིག །བདག་གི་དགེ་བའི་རྩ་བ་འདི་དང་བདག་གི་དགེ་བའི་ལས་ཀྱིས་ཡུན་མི་རིང་བར་སངས་རྒྱས་ནས་འཇིག་རྟེན་རྣམས་ལ་ཆོས་སྟོན་ཅིང་འགྲོ་ལ་ཕན་པ་དང་རྟག་ཏུ་སེམས་ཅན་སྡུག་བསྔལ་མང་པོས་མནར་བ་རྣམས་བསྒྲལ་བའི་
ཕྱིར་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་ཡོངས་སུ་བསྔོ་བར་བགྱིའོ་ཞེས་བྱང་ཆུབ་ཏུ་སེམས་བསྐྱེད་ནས། ཇི་ལྟར་དུས་གསུམ་མགོན་པོ་རྣམས། །བྱང་ཆུབ་ཏུ་ནི་ངེས་མཛད་པ། །བྱང་ཆུབ་སེམས་མཆོག་བླ་ན་མེད། །དམ་པ་བདག་གིས་བསྐྱེད་པར་བགྱི། །ཚུལ་ཁྲིམས་ཀྱི་ནི
བསླབ་པ་དང་། །དགེ་བའི་ཆོས་ནི་སྡུད་པ་དང་། །སེམས་ཅན་དོན་བྱེད་ཚུལ་ཁྲིམས་གསུམ། །བདག་གིས་སོ་སོར་བརྟན་པོར་གཟུང་། །སངས་རྒྱས་ཆོས་དང་དགེ་འདུན་ཏེ། །དཀོན་མཆོག་གསུམ་མཆོག་བླ་ན་མེད། །སྡོམ་པ་སངས་རྒྱས་རྣལ་འབྱོར་འབྱུང་། །དེ་ནས་བརྩམས་ཏེ་གཟུང་བར་
བགྱི། །རྡོ་རྗེའི་རིགས་མཆོག་ཆེན་པོ་ལ། །རྡོ་རྗེ་དྲིལ་བུ་ཕྱག་རྒྱ་ཡང་། །དེ་ཉིད་སོ་སོར་གཟུང་བར་བགྱི། །སློབ་དཔོན་དག་ཀྱང་གཟུང་བར་བགྱི། །རིན་ཆེན་རིགས་མཆོག་ཆེན་པོ་ཡི། །དམ་ཚིག་ཡིད་དུ་འོང་བ་ལ། །ཉིན་རེ་བཞིན་དུ་ལན་དྲུག་ཏུ། །སྦྱིན་པ་རྣམ་བཞི་རབ་ཏུ་སྦྱིན། །བྱང་ཆུབ་
ཆེན་པོ་ལས་བྱུང་བའི། །པདྨའི་རིགས་ཅན་དག་པ་ལ། །ཕྱི་ནང་གསང་བ་ཐེག་པ་གསུམ། །དམ་ཆོས་སོ་སོར་གཟུང་བར་བགྱི། །ལས་ཀྱི་རིགས་མཆོག་ཆེན་པོ་ལ། །སྡོམ་པ་ཐམས་ཅད་ལྡན་པར་ནི། །ཀུན་ནས་སོ་སོར་གཟུང་བར་བགྱི། །མཆོད་པའི་ལས་ཀྱང་ཅི་ནུས་བགྱི། །སེམས་
ཅན་ཀུན་གྱི་དོན་གྱི་ཕྱིར། །བྱང་ཆུབ་སེམས་ནི་བླ་མེད་པ། །དམ་པ་བདག་གིས་བསྐྱེད་བགྱི་ཞིང་། །སྡོམ་པ་མ་ལུས་གཟུང་བགྱིས་ན། །མ་བསྒལ་བ་རྣམས་བསྒྲལ་བར་བགྱི། །མ་གྲོལ་བ་རྣམས་བདག་གིས་དགྲོལ། །དབུགས་མ་ཕྱིན་པ་དབུགས་དབྱུང་ཞིང་། །སེམས་ཅན་མྱ་ངན་

62-1-270a

འདས་ལ་དགོད། །ཅེས་པས་སྡོམ་པ་གཟུང་བར་བྱའོ། །འདི་ནི་ཐོག་མ་མེད་པ་ནས་ཡང་དག་པར་འགྲུབ་པའི་རྣལ་འབྱོར་རོ། །དེའི་རྗེས་ལ་གཟུགས་བརྙན་ལ་སོགས་པའི་སྦྱོར་བས་ཕྱག་རྒྱ་བཅིང་བ་སྔོན་དུ་འགྲོ་བས་ཐམས་ཅད་བྱིན་གྱིས་བརླབ་པར་བྱའོ། །པད་སྐོར་བྱས་ནས། ཨོཾ་
ཨ་ནྱོ྅ནྱ་ནུ་ག་ཏ། སརྦ་དྷརྨཱཿཐལ་མོ་ཡང་དག་པར་སྦྱར་ནས། ཨོཾ་སྥ་ར་སྥ་རཱ་ནུ་པྲ་བིཥྚཿསརྦ་དྷརྨཱཿརྡོ་རྗེ་ཐལ་མོ་སྦྱར་བས། ཨོཾ་ཨ་ཏྱནྟཱ་ནུ་པྲ་བིཥྚཿསརྦ་དྷརྨཱཿརྡོ་རྗེ་བཅིངས་ནས། ཨོཾ་བཛྲ་བནྡྷ་ཏྲཊ། ལན་གསུམ་རྡོ་རྗེ་བཅིངས་ནས་སྙིང་གར་སྤྲོ་བར་བྱའོ། །རྡོ་རྗེ་བཅིངས་པའི་གྲོལ་བའོ། །རྡོ་རྗེ་དབབ་
པའི་དམ་ཚིག་གི་ཕྱག་རྒྱ་བཅིངས་ནས་སྙིང་གར་ཨ་ཡིག་ལས་རྡོ་རྗེ་བལྟ་བར་བྱའོ། །ཨོཾ་ཏིཥྛ་བཛྲ་དྲྀ་ཌྷོ་མེ་བྷ་བ་ཤཱ་ཤོ་ཏྭ་མེ་བྷ་བ། ཧྲྀ་ད་ཡ་མེ་ཨ་དྷི་ཏིཥྛ་སརྦ་སིདྡྷི་མྨེ་པྲ་ཡཙྪ་ཧཱུཾ་ཧ་ཧ་ཧ་ཧ་ཧོཿཨོཾ་བཛྲཱ་བེ་ཤ་ཨཿ། ཨོཾ་སྥ་ར་སྥ་རཱ་ནུ་ག་ཏ་སརྦ་དྷརྨྨཱཿཨོཾ་བཛྲ་མུཥྚི་བཾ། སོ་སོ་སོ་སོར་སྙིང་གར་རྡོ་རྗེའི་ཁུ་ཚུར་
གཟུང་བར་བྱའོ། །དེའི་རྗེས་ལ་རྡོ་རྗེ་བཅིང་བས་བཅིངས་ནས་རྡོ་རྗེའི་ཕྱག་རྒྱ་གཉིས་ཀྱི་བར་དུ་བསླངས་ནས་འཕང་བར་བྱའོ། །སྐད་ཅིག་ལས་སྟེང་དུ་འགྲོ་སྟེ་མཆོག་ཏུ་འདྲེན་པའོ། །ཨོཾ་སརྦཱ་པཱ་ཡཱ་ཀཪྵ་ན་བི་ཤོ་དྷ་ནི་ས་མ་ཡ་ཧཱུཾ་ཕཊ། སྡིག་པ་ལས་འདྲེན་པའོ། །ཨོཾ་བཛྲ་པཱ་ཎི་བི་སྥོ་ཊ་ཡ་སརྦཱ་པཱ་ཡ་བནྡྷ་ན་
ནི་པྲ་མོ་ཀྵ་ཡ་སརྦཱ་པཱ་ཡ་ག་ཏི་བྷྱཿསརྦ་སཏྭ་ན་སརྦ་ཏ་ཐཱ་ག་ཏ་བཛྲ་ས་མ་ཡ་ཧཱུཾ་ཏྲཊ། ཞེས་བརྗོད་ནས་སྡིག་པ་ལན་གསུམ་དུ་དྲལ་བར་བྱའོ། །རྡོ་རྗེ་བཅིངས་ནས་བརྟན་པར་བྱས་ཏེ། གུང་མོ་ཁར་ལྡན་ཞིང་བཞི་པོ། །མཐར་བྱས་ནས་ཁའི་ནུས་པས་སྡིག་པ་སྐད་ཅིག་ལ་དྲལ་བར་བྱའོ། །རྣམ་པར་སྣང་
མཛད་ཀྱི་དམ་ཚིག་གི་ཕྱག་རྒྱ་བཅིངས་ནས་སྔགས་ལན་གསུམ་བརྗོད་པར་བྱའོ། །ཨོཾ་བཛྲ་མུཿཔཱ་པ་བི་ས་ར་ཛ་ནཱཾ། དེ་བཞིན་དུ་ཕྱག་རྒྱ་ཐམས་ཅད་ཀྱིས་འཕེན་པར་བྱེད་པར་འགྱུར་རོ། །འདིས་ཀྱང་བསྐལ་པ་གྲངས་མེད་པ་གསུམ་དུ་ངེས་པའི་བྱང་ཆུབ་སེམས་དཔའ་དང་རྣལ་འབྱོར་པ་འདྲ་བར་འགྱུར་རོ། །
དེ་ནས་རང་གི་ཐུགས་ཀར་གྱུར་པའི་རྡོ་རྗེའི་དབུས་སུ་རྡོ་རྗེ་སེམས་དཔའི་ངོ་བོ་ཡིད་ཀྱིས་གསལ་བར་བྱས་ནས་ཆོས་ཐམས་ཅད་བདག་མེད་པར་བསྒོམ་པར་བྱའོ། །དབྱངས་ཡིག་བཅུ་དྲུག་དང་བཅས་པ་འདིས་ཟླ་བའི་དཀྱིལ་འཁོར་ལའོ། །སླར་ཡང་ཀ་ཡིག་ལ་སོགས་པའི་གསལ་བྱེད་གཉིས་ལ་

62-1-270b

ཟླ་བའི་དཀྱིལ་འཁོར་ལའོ། །དེའི་སྟེང་དུ་སྙིང་གར་རྡོ་རྗེ་རྩེ་ལྔ་པ་དཀར་པོ་འོད་ཟེར་དང་བཅས་པའི་མཚན་མ་བལྟ་བར་བྱའོ། །གཞན་འདི་རྣམས་ཀྱང་རྡོ་རྗེ་ལས་བྱུང་བ་རང་རང་གི་ཕྱག་རྒྱ་དང་སྔགས་དང་མཚན་མ་དབུས་སུ་བཀོད་ནས་ཕྱག་རྒྱའི་ང་རྒྱལ་བསྒོམ་པར་བྱའོ། །རྡོ་རྗེ་
སེམས་དཔའ་རང་ཉིད་ཀྱི་ཕྱག་རྒྱ་བཅིངས་ནས་འདི་ཉིད་བརྗོད་པར་བྱའོ། །རྡོ་རྗེའི་ང་རྒྱལ་དང་འཁོར་ལོའི་ང་རྒྱལ་དང་། སྣ་ཚོགས་རྡོ་རྗེའི་ང་རྒྱལ་ལོ། །རྡོ་རྗེའི་ང་རྒྱལ་དང་། ལྕགས་ཀྱུའི་ང་རྒྱལ་དང་། མདའི་ང་རྒྱལ་དང་། མཉེས་པའི་ང་རྒྱལ་དང་། མེའི་ང་རྒྱལ་དང་། ཉི་མའི་ང་རྒྱལ་
དང་། ཏོག་གི་ང་རྒྱལ་དང་། འཛུམ་པའི་ང་རྒྱལ་དང་། པདྨའི་ང་རྒྱལ་དང་། རལ་གྲིའི་ང་རྒྱལ་དང་། འཁོར་ལོའི་ང་རྒྱལ་དང་། ལྕེའི་ང་རྒྱལ་དང་། ལས་ཀྱི་ང་རྒྱལ་དང་། མཆོག་གི་ང་རྒྱལ་དང་། མཆེ་བའི་ང་རྒྱལ་དང་། ཁུ་ཚུར་གྱི་ང་རྒྱལ་ལོ། །རྡོ་རྗེ་གཉིས་ཀྱི་ང་རྒྱལ་དང་། རིན་པོ་ཆེའི་
ཕྲེང་བའི་ང་རྒྱལ་དང་། པི་ཝང་གི་ང་རྒྱལ་དང་། གར་གྱི་ལག་པའི་འདམ་པའི་ང་རྒྱལ་དང་། བདུག་སྤོས་ཀྱི་ང་རྒྱལ་དང་། མེ་ཏོག་གི་ང་རྒྱལ་དང་། སྣང་གསལ་གྱི་ང་རྒྱལ་དང་། དྲིའི་ང་རྒྱལ་ལོ། །ལྕགས་ཀྱུའི་ང་རྒྱལ་དང་། ཞགས་པའི་ང་རྒྱལ་དང་། རྒྱས་པའི་ང་རྒྱལ་དང་། དྲིལ་བུའི་
ང་རྒྱལ་དང་། རང་རང་གི་སྙིང་པོ་བཟླས་ཤིང་དེ་བཞིན་གཤེགས་པ་ཐམས་ཅད་ཀྱི་སྐུ་གསུང་ཐུགས་རྡོ་རྗེ་དབྱིངས་སུ་རབ་ཏུ་ཞུགས་པའི་རང་རང་གི་ཕྱག་རྒྱ་བསམ་པར་བྱའོ། །དེ་ལ་ཕྱག་རྒྱ་ནི་འདིའོ། །རྡོ་རྗེ་དབྱིངས་བདག་གོ། །རྡོ་རྗེ་སེམས་དཔའ་བདག་གོ། །རིན་ཆེན་རྡོ་རྗེ་བདག་གོ། །པདྨ་
རྡོ་རྗེ་བདག་གོ། །སྣ་ཚོགས་རྡོ་རྗེ་བདག་གོ། །རྡོ་རྗེ་སེམས་དཔའ་བདག་གོ། །རྡོ་རྗེ་རྒྱལ་པོ་བདག་གོ། །རྡོ་རྗེ་ཆགས་པ་བདག་གོ། །རྡོ་རྗེ་ལེགས་པ་བདག་གོ། །རྡོ་རྗེ་སྙེམས་པ་བདག་གོ། །རྡོ་རྗེ་ཁྱབ་བདག་བདག་གོ། །རྡོ་རྗེ་མཆོད་སྡོང་བདག་གོ། །རྡོ་རྗེ་དགྱེས་པ་བདག་གོ། །རྡོ་རྗེ་སྤྱན་བདག་གོ། །
རྡོ་རྗེ་བློ་བདག་གོ། །རྡོ་རྗེའི་རྒྱན་བདག་གོ། །རྡོ་རྗེ་གསུང་བ་བདག་གོ། །རྡོ་རྗེ་ལས་བདག་གོ། །རྡོ་རྗེ་བརྩོན་འགྲུས་བདག་གོ། །རྡོ་རྗེ་གཏུམ་པོ་བདག་གོ། །རྡོ་རྗེ་ཁུ་ཚུར་བདག་གོ། །རྡོ་རྗེ་སྒེག་མོ་བདག་གོ། །རྡོ་རྗེ་ཕྲེང་མ་བདག་གོ། །རྡོ་རྗེ་གླུ་མ་བདག་གོ། །རྡོ་རྗེ་གར་མ་བདག་གོ། །རྡོ་རྗེ་བདུག་

62-1-271a

སྤོས་མ་བདག་གོ། །རྡོ་རྗེ་མེ་ཏོག་མ་བདག་གོ། །རྡོ་རྗེ་སྣང་གསལ་མ་བདག་གོ། །རྡོ་རྗེ་དྲི་མ་བདག་གོ། །རྡོ་རྗེ་ལྕགས་ཀྱུ་མ་བདག་གོ། །རྡོ་རྗེ་ཞགས་པ་མ་བདག་གོ། །རྡོ་རྗེ་རྒྱས་པ་མ་བདག་གོ། །རྡོ་རྗེ་འབེབས་པ་མ་བདག་གོ་ཞེས་གསུངས་པས་རང་གི་སྙིང་གར་རང་རང་གི་
ལྷ་རྣམས་ཀྱི་སྐུར་བསམ་པར་བྱའོ། །འདི་རྣམས་བྱས་ནས་རང་རང་གི་སྙིང་གར་རྡོ་རྗེ་དབྱིངས་ཀྱི་དཀྱིལ་འཁོར་ཡོངས་སུ་རྫོགས་པར་བསྒོམ་པར་བྱའོ། །བདག་ཉིད་རྡོ་རྗེ་སེམས་དཔའི་སྐུར་རྣམ་པར་བསྒོམ་སྟེ། རྡོ་རྗེ་སེམས་དཔའི་དམ་ཚིག་གི་ཕྱག་རྒྱ་བཅིངས་ནས་འདི་ཉིད་བརྗོད་པར་བྱའོ། །ས་མ་
ཡ་ཧོ། ས་མ་ཡ་ཧཾ། ས་མ་ཡ་སཏྭ་ཧཾ། དེའི་དེ་བཞིན་དུ་ཕྱག་རྒྱས་སྙིང་ག་དང་མཛོད་སྤུ་དང་མགྲིན་པ་དང་སྤྱི་བོ་རྣམས་སུ་བྱིན་གྱིས་བརླབ་པར་བྱའོ། །དམ་ཚིག་སེམས་དཔའ་བདག་ཉིད་ལ་བྱིན་གྱིས་བརླབ་པར་བྱའོ། །ཨོཾ་བཛྲ་སཏྭ་ཧཱུཾ། ཞེས་བརྗོད་ནས་རྡོ་རྗེ་གསོར་བར་བྱའོ། །སླར་ཡང་རང་གི་སྙིང་
གར་ཟླ་བ་ལས་རྡོ་རྗེའི་འོད་ཟེར་ཡང་དག་པར་འཕྲོ་ཞིང་རྡོ་རྗེའི་རྒྱུའི་ལས་ཀྱི་ཕྱ་རྒྱས། རྡོ་རྗེ་དབྱིངས་ཀྱི་དཀྱིལ་འཁོར་ནམ་མཁའ་ལ་སྤྲུལ་པར་བལྟ་བར་བྱའོ། །རྡོ་རྗེ་དམ་ཚིག་གི་ཕྱག་རྒྱས་དམ་ཚིག་སེམས་དཔའི་དམ་ཚིག་དག་གོ། །རྡོ་རྗེ་འབེབས་པའི་དམ་ཚིག་གི་ཕྱག་རྒྱ་བཅིངས་ནས་སྔོན་མ་བཞིན་
དུ་ཏིཥྛ་བཛྲ་ཞེས་བྱ་བ་ལ་སོགས་པ་ལན་གསུམ་དུ་བརྗོད་པར་བྱའོ། །དཀྱིལ་འཁོར་གཉིས་པོ་གཅིག་ཏུ་གྱུར་པར་བལྟའོ། །བདག་ཉིད་ནམ་མཁའ་ཤིན་ཏུ་ཕྲ་བའི་གཟུགས་སུ་བྱས་ནས་སེམས་རྡོ་རྗེ་ཅན་དུ་བཅིངས་ཏེ་མེ་ཏོག་གི་ཕྲེང་བ་བཟུང་ནས་དཀྱིལ་འཁོར་དུ་འཇུག་པར་བྱའོ། །ཡང་དག་པ་ཡི་
དཀྱིལ་འཁོར་འདིར། །བདག་གི་སློབ་མ་ཞུགས་པ་འདིའོ། །ལྷ་རྣམས་ཀྱི་ནི་རིམ་པ་ནི། །བསོད་ནམས་ཅི་འདྲ་དེ་འདྲར་ཤོག །འདི་ཡི་དངོས་གྲུབ་ཅི་འདྲར་འགྱུར། །རིགས་ནི་གང་གི་སྣོད་དུ་འགྱུར། །བསོད་ནམས་མཐུ་ཡང་ཅི་འདྲར་འགྱུར། །དེ་ལྟར་དཀྱིལ་འཁོར་འགྱུར་བར་ཤོག །
པྲ་ཏཱིཙྪ་བཛྲ་ཧོཿ། ཞེས་པས་མེ་ཏོག་དོར་རོ། །དེ་ནས་མེ་ཏོག་ཕྲེང་བའི་དབང་བླང་བར་བྱའོ། །ཨོཾ་པྲ་ཏི་གྲྀཧྞ་སྭ་མི་མཾ་སཏྭ་མ་ཧཱ་བ་ལ། མེ་ཏོག་ཕྲེང་བའི་དབང་ངོ་། །སེམས་རྡོ་རྗེ་ཅན་དུ་བཅིངས་ནས་མིག་དབྱེ་བར་བྱ་སྟེ། ཨོཾ་དེ་རིང་རྡོ་རྗེ་སེམས་དཔའ་རང་། །ཁྱོད་ཀྱི་མི་ནི་འབྱེད་པར་བརྩོན། །རྡོ་རྗེའི་མིག་ནི་བླ་མེད་པ། །རྡོ་རྗེའི་

62-1-271b

མིག་ནི་འབྱེད་པར་མཛད། །དགྱེས་པའི་རྡོ་རྗེ་ལྟོས་ཤིག་ཅེས་མིག་དབྱེ་བར་བྱའོ། །དེ་ནས་དཀྱིལ་འཁོར་བསྟན་པར་བྱ་སྟེ། རྡོ་རྗེ་ལྕགས་ཀྱུ་ནས་བརྩམས་ཏེ། བཅོམ་ལྡན་འདས་རྣམ་པར་སྣང་མཛད་ཀྱི་མཐར་ཐུག་པའོ། །དེ་ནས་སྤྱི་བོར་རྡོ་རྗེ་བཟུང་སྟེ་སེམས་དཔའ་རྡོ་རྗེ་ལ་སོགས་པ་བླངས་ནས་བུམ་
པའི་ཆུས་དབང་བསྐུར་བར་བྱའོ། །ཨོཾ་བཛྲཱ་ཨ་བྷི་ཥིཉྩ་མཱཾ། ཆུའི་དབང་ངོ་། །དེ་ནས་སངས་རྒྱས་ལྔའི་ཅོད་པན་གྱི་དབང་བླང་བར་བྱའོ། །ཨོཾ་བཛྲ་དྷཱ་ཏྭཱི་ཤྭ་རི་ཧཱུཾ། བཛྲི་ཎི་ཨ་བྷི་ཥིཉྩ་མཱཾ། གཙུག་ཏོར་དུ་རྣམ་པར་སྣང་མཛད་སྐུ་མདོག་དཀར་པོ་བྱང་ཆུབ་མཆོག་གི་ཕྱག་རྒྱས་བཞུགས་པར་བསམ་པར་བྱའོ། །རྡོ་རྗེར་
ཐལ་མོ་བཅིངས་ནས་མཐེབ་ཆེན་གཉིས་སྐྱིལ་མོ་ཀྲུང་བསྐུམ་པའི་རྩེ་མོར་མཉམ་དུ་གུང་མོ་བཟུང་ནས་ཡན་ལག་མཆོག་ལ་རྡོ་རྗེ་དབྱིངས་ཀྱི་དབང་ཕྱུག་མ་བསམ་པར་བྱའོ། །ཨོཾ་བཛྲ་བཛྲི་ཎི་ཧཱུཾ་ཨ་བྷི་ཥིཉྩ་མཱཾ། དཔྲལ་བའི་སྟེང་དུ་མི་བསྐྱོད་པ་སྐུ་མདོག་མཐིང་ག་ས་གནོན་གྱི་ཕྱག་རྒྱ་མཛད་པ། 
དེ་ལ་དེ་བཞིན་དུ་དབུས་སུ་རྡོ་རྗེའི་མཐའ་དང་རྡོ་རྗེ་མ་བསམ་པར་བྱའོ། །ཨོཾ་རཏྣ་བཛྲ་ཎི་ཧཱུཾ། ཨ་བྷི་ཥིཉྩ་མཱཾ་རྣ་བ་གཡས་པའི་སྟེང་དུ་རིན་ཆེན་འབྱུང་ལྡན་སེར་པོ་མཆོག་སྦྱིན་གྱི་ཕྱག་རྒྱ་སྟེ་གུང་མོ་དག་སྨད་པར་བྱས་ནས་རིན་ཆེན་རྡོ་རྗེ་མ་བསམ་པར་བྱའོ། །ཨོཾ་དྷརྨ་བཛྲི་ཎི་ཧཱུཾ། ཨ་བྷི་ཥིཉྩ་མཱཾ། མགོ་བོའི་རྒྱབ་
ཏུ་འོད་དཔག་མེད་སྐུ་མདོག་དམར་པོ་ཏིང་ངེ་འཛིན་གྱི་ཕྱག་རྒྱ་སྟེ། གུང་མོ་དང་མིང་མེད་ཀྱི་མཐར་པདྨ་དང་འདིས་ཆོས་ཀྱི་རྡོ་རྗེ་མ་བསམ་པར་བྱའོ། །ཨོཾ་ཀརྨྨ་བཛྲི་ཎི་ཧཱུཾ། ཨ་བྷི་ཥིཉྩ་མཱཾ། རྣ་བ་གཡོན་པའི་སྟེང་དུ་དོན་ཡོད་གྲུབ་པ་སྐུ་མདོག་ལྗང་གུ་མི་འཇིགས་པའི་ཕྱག་རྒྱ་རབ་ཏུ་བརྐྱང་བ་སོར་མོ་རྣམས་
ལས་ཀྱི་རྡོ་རྗེ་མ་བསམ་པར་བྱའོ་ཞེས་པ་ནི་དབུ་རྒྱན་གྱི་དབང་ངོ་། །དེའི་རྗེས་ལ་སྔོན་མ་བཞིན་དུ་གོ་ཆ་བྱ་སྟེ། ལག་མཐིལ་ཡང་མཉམ་དུ་བྱའོ། །དེ་ནས་རྡོ་རྗེའི་དབང་བླང་བར་བྱའོ། །སྙིང་གར་རྡོ་རྗེ་རབ་བཟུང་ནས། །སངས་རྒྱས་ཀུན་གྱི་རྡོ་རྗེ་ཡི། །དབང་གིས་དི་རིང་ཁྱོད་དབང་བསྐུར། །
འདི་ནི་སངས་རྒྱས་ཐམས་ཅད་ཉིད། །རྡོ་རྗེ་རབ་ཏུ་བསྒྲུབ་ཕྱིར་ཟུང་། །ཞེས་པ་ནི་རྡོ་རྗེའི་དབང་ངོ་། །རྡོ་རྗེ་དང་རྡོ་རྗེ་དྲིལ་བུ་འགྱིང་བ་དང་བཅས་པས་གཟུང་བར་བྱའོ། །ཨོཾ་བཛྲཱ་དྷི་ཏིཥྛ་ཨ་བྷི་ཥིཉྩ་མི་ཏིཥྛ་བཛྲ་ས་མ་ཡ་སྟྭཾ་ཞེས་པ་ནི་དྲིལ་བུའི་དབང་ངོ་། །རྡོ་རྗེ་དང་དྲིལ་བུ་མགོ་བོར་གཟུང་བར་བྱའོ། །ཨོཾ་

62-1-272a

བཛྲ་སཏྭ་ཏྭཾ་ཨ་བྷི་ཥིཉྩ་མི་བཛྲ་ནཱ་མཱ་བྷི་ཥེ་ཀ་ཏ་ཀྱེ་དཔལ་རྟག་པའི་རྡོ་རྗེའི་མིང་དེ་བཞིན་གཤེགས་པ་ས་འོག་ས་སྟེང་མཐོ་རིས་སུ་ཞེས་པ་ནི་མིང་གི་དབང་ངོ་། །དེ་ནས་རྡོ་རྗེ་བླངས་ཏེ་རྡོ་རྗེ་དྲིལ་བུ་གཟུང་བར་བྱའོ། །རྡོ་རྗེ་སེམས་དཔའི་ཕྱག་རྒྱ་ཆེན་པོ་བཅིངས་ནས། འདི་ནི་སངས་རྒྱས་
ཐམས་ཅད་ཉིད། །རྡོ་རྗེ་སེམས་དཔའི་ཕྱག་ན་གནས། །ཁྱོད་ཀྱིས་ཀྱང་ནི་རྟག་ཏུ་ཟུང་། །ཕྱག་ན་རྡོ་རྗེའི་བརྟུལ་ཞུགས་བརྟན། །ཞེས་པ་ནི་རྡོ་རྗེའི་བརྟུལ་ཞུགས་སོ། །ཨོཾ་སརྦ་ཏ་ཐཱ་ག་ཏ་སིདྡྷི་བཛྲ་ས་མ་ཡ་ཏིཥྛ་ཨེ་ཥ་སྟྭཾ་དྷཱ་ར་ཡཱ་མི་བཛྲ་སཏྭ་ཧི་ཧི་ཧི་ཧི་ཧཱུཾ། ཞེས་པ་ནི་དྲིལ་བུའི་དམ་ཚིག་གོ། །དེ་བཞིན་དུ་
རང་བྱིན་གྱིས་བརླབ་པར་བྱས་ནས་བསྒྲུབ་པར་བྱའོ། །དེ་ལ་དང་པོར་རང་གི་སྙིང་གར་ཟླ་བའི་དཀྱིལ་འཁོར་ལ་གཅིག་ཏུ་གྱུར་པར་བསམ་པར་བྱའོ། །དེ་ནས་རང་གི་ལུས་ལ་ས་མ་ཡ་ཨཿཞེས་བཟླས་ལ་ཟླ་བའི་དཀྱིལ་འཁོར་བལྟ་བར་བྱའོ། །བཛྲ་སཏྭ་ཨཿཞེས་པས་སླར་ཡང་ཟླ་བ་ལ་ཧཱུཾ་ཡིག་ལས་རྡོ་རྗེ་སྟེ་
རྡོ་རྗེའི་ང་རྒྱལ་ལོ། །དེ་ཡོངས་སུ་གྱུར་པ་ལས་བདག་ཉིད་རྡོ་རྗེ་སེམས་དཔའ་སྐུ་མདོག་དཀར་པོ་དེའི་ང་རྒྱལ་བསྒོམ་པར་བྱའོ། །རྡོ་རྗེ་སེམས་དཔའ་བདག་གོ། །རྡོ་རྗེ་སེམས་དཔའི་སྐུ་ཆེན་པོར་བལྟས་ནས་ཕྱག་རྒྱ་ཆེན་པོ་བཅིང་བར་བྱའོ། །དེ་ནས་སྐུའི་དཀྱིལ་འཁོར་བསྒོམ་པར་བྱའོ། །ཨོཾ་བཛྲ་
སཏྭ་ཧཱུཾ་ཞེས་བརྗོད་པར་བྱའོ། །གནས་ཉི་ཤུ་རྩ་བརྒྱད་དུ་ཟླ་བའི་དཀྱིལ་འཁོར་བལྟ་བར་བྱའོ། །དེ་ལ་འདི་རྣམས་ས་བོན་ནོ། །ཨོཾ་བཛྲ་སཏྭ་ཨཿ། བཛྲ་རཱ་ཛ་ཨཿ། བཛྲ་རཱ་ག་ཨཿ། བཛྲ་སཱ་དྷུ་ཨཿ། བཛྲ་རཏྣ་ཨཿ། བཛྲ་ཏེ་ཛ་ཨཿ། བཛྲ་ཀེ་ཏུ་ཨཿ། བཛྲ་ཧ་ས་ཨཿ། བཛྲ་དྷརྨ་ཨཿ། བཛྲ་ཏཱིཀྵྞ་ཨཿ། བཛྲ་
ཧེ་ཏུ་ཨཿ། བཛྲ་བྷཱ་ཥ་ཨཿ། བཛྲ་ཀརྨ་ཨཿ། བཛྲ་རཀྵ་ཨཿ། བཛྲ་ཡཀྵ་ཨཿ། བཛྲ་སནྡྷི་ཨཿ། བཛྲ་ལཱ་སྱེ་ཨཱཿ། བཛྲ་མཱ་ལེ་ཨཿ། བཛྲ་གི་ཏེ་ཨཿ། བཛྲ་ནྲྀ་ཏྱེ་ཨཿ། བཛྲ་དྷཱུཔྤེ་ཨཿ། བཛྲ་པུཥྤེ་ཨཿ། བཛྲ་ཨཱ་ལོ་ཀེ་ཨཿ། བཛྲ་གནྡྷེ་ཨཿ། བཛྲཱཾ་ཀུ་ཤ་ཨཿ། བཛྲ་པཱ་ཤ་ཨཿ། བཛྲ་སྥོ་ཊ་ཨཿ། བཛྲཱ་བེ་ཤ་
ཨཿདེའི་སྟེང་དུ་མཚན་མ་བལྟས་ནས་རྡོ་རྗེ་བདག་གོ་ཞེས་ཇི་སྲིད་དྲིལ་བུའི་ང་རྒྱལ་གྱི་མཐར་ཐུག་པ་བརྗོད་པར་བྱའོ། །ས་བོན་དང་མཚན་མ་ཡོངས་སུ་གྱུར་པ་ལས་ལྷ་རྣམས་ཀྱི་ང་རྒྱལ་བྱེད་ཅིང་བསྒོམ་པར་བྱའོ། །ས་བོན་ལས་རྡོ་རྗེ་སེམས་དཔའ་བདག་གོ་ཞེས་པ་ནས་ཇི་སྲིད་དུ་རྡོ་རྗེ་འབེབས་པ་བདག་གོ་ཞེས་

62-1-272b

པའི་བར་དུ་ང་རྒྱལ་བརྗོད་པར་བྱའོ། །དེ་ལ་འདིར་ལྷ་རྣམས་ཀྱི་གནས་སུ་རང་གི་སྙིང་གར་རྡོ་རྗེ་སེམས་དཔའ་དཀར་པོའོ། །རྡོ་རྗེ་སེམས་དཔའི་གཡས་སུ་རྡོ་རྗེ་རྒྱལ་པོ་སེར་པོའོ། །གཡོན་དུ་རྡོ་རྗེ་ཆགས་པ་དམར་པོའོ། །རྒྱབ་ཏུ་རྡོ་རྗེ་ལེགས་པ་མ་ར་ཀ་ཏའི་མདོག་གོ། །དཔྲལ་བར་རིན་ཆེན་
རྡོ་རྗེ་སེར་པོའོ། །མགོ་བོའི་རྒྱབ་ཏུ་རྡོ་རྗེ་གཟི་བརྗིད་ཉི་མའི་མདོག་ལྟ་བུའོ། །འཕགས་པ་དག་ལ་རྡོ་རྗེ་ཏོག་ནམ་མཁའི་མདོག་ལྟ་བུའོ། །སོའི་ཕྲེང་བ་རྣམས་ལ་རྡོ་རྗེ་བཞད་པ་པདྨའི་རྩ་བ་དཀར་པོ་ལྟ་བུའོ། །མགྲིན་པར་རྡོ་རྗེ་ཆོས་དཀར་དམར་རོ། །ནུ་མའི་བར་དུ་རྡོ་རྗེ་རྣོན་པོ་ནམ་མཁའི་མདོག་
ལྟ་བུའོ། །ལྟེ་བ་ལ་རྡོ་རྗེ་རྒྱུ་གསེར་གྱི་ཁ་དོག་ལྟ་བུའོ། །ལྕེ་ལ་རྡོ་རྗེ་སྨྲ་བ་ཟངས་ཀྱི་ཁ་དོག་ལྟ་བུའོ། །སྤྱི་བོར་རྡོ་རྗེ་ལས་ཁ་དོག་སྣ་ཚོགས་པའོ། །དཔུང་པ་དག་ལ་རྡོ་རྗེ་བསྲུང་བ་གསེར་གྱི་ཁ་དོག་ལྟ་བུའོ། །ཞལ་ལ་རྡོ་རྗེ་གནོད་སྦྱིན་གྱི་ནག་པོའོ། །རྐེད་པ་ལ་རྡོ་རྗེ་མཚམས་སེར་པོའོ། །རྡོ་རྗེ་
སེམས་དཔའི་གཡོན་ལོགས་སུ་སྒེག་མོ་དཀར་མོའོ། །རྡོ་རྗེ་རིན་ཆེན་གྱི་གཡོན་ལོགས་སུ་ཕྲེང་བ་མ་སེར་མོའོ། །རྡོ་རྗེ་ཆོས་ཀྱི་གཡོན་ལོགས་སུ་གླུ་མ་དམར་མོའོ། །རྡོ་རྗེ་ལས་ཀྱི་གཡོན་ལོགས་སུ་གར་མ་སྣ་ཚོགས་མདོག་གོ། །སྒྲུབ་པ་པོའི་གསང་གནས་སུ་བདུག་སྤོས་མ་དཀར་མོའོ། །སྤྱི་བོར་
མེ་ཏོག་མ་སེར་མོའོ། །སྤྱན་ལ་མར་མེ་མ་དམར་མོའོ། །ནུ་མའི་བར་དུ་དྲི་ཆབ་མ་ཁ་དོག་སྣ་ཚོགས་པའོ། །བརླ་གཡས་པ་ལ་རྡོ་རྗེ་ལྕགས་ཀྱུའོ། །བརླ་གཡོན་པ་ལ་རྡོ་རྗེ་ཞགས་པ་ནག་པོའོ། །བྱིན་པ་གཡས་པ་ལ་རྡོ་རྗེ་རྒྱས་པ་དཀར་པོའོ། །བྱིན་པ་གཡོན་པ་ལ་རྡོ་རྗེ་འབེབས་པ་སྣ་ཚོགས་
མདོག་གོ། །རང་རང་གི་ཕྱག་རྒྱ་ཆེན་པོ་བཅིངས་ནས་དེ་ལྟ་བུའི་སྐུ་རང་གི་ལུས་ལ་སྐད་ཅིག་གིས་ལྷའི་རྣམ་པ་ཉི་ཤུ་རྩ་བརྒྱད་ཀྱི་གནས་སུ་རྣམ་པར་བསྒོམ་པར་བྱའོ་ཞེས་པ་ནི་ས་བོན་དང་མཚན་མས་ལྷའི་ང་རྒྱལ་བྱའོ། །དེའི་རྗེས་ལ་སྔོན་མ་བཞིན་དུ་སྙིང་གར་གྱུར་པའི་རྡོ་རྗེ་ལས་འོད་ཟེར་ངེས་
པར་འབྱུང་སྟེ། རྡོ་རྗེ་རྒྱུའི་ལས་ཀྱི་ཕྱག་རྒྱས་ནམ་མཁའ་ལ་དཀྱིལ་འཁོར་སྤྲུལ་པར་བྱའོ། །ཨོཾ་བཛྲ་ཙཀྲ་ཧཱུཾ། རང་གི་ལུས་ལ་རྡོ་རྗེ་སེམས་དཔའ་ལ་སོགས་པའི་སྐུ་ཡང་འདུས་པའི་ཕྱག་རྒྱ་བཅིངས་ནས་འདི་ཉིད་བརྗོད་པར་བྱའོ། །ཛཿཧཱུཾ་བཾ་ཧོཿཡིད་ཀྱིས་ལེགས་པར་རབ་ཏུ་སྦྱོར་བས་

62-1-273a

སངས་རྒྱས་ཐམས་ཅད་ལ་རབ་ཏུ་གཞུག་པར་བྱའོ། །ལག་པ་དག་རྡོ་རྗེ་བཅིངས་ནས་རྡོ་རྗེའི་སེ་གོལ་གྱིས་རྣམ་པར་གྲོལ་བས་སོ། །དཔལ་རྡོ་རྗེ་སེམས་དཔའི་རྣལ་འབྱོར་གྱི་བདག་ཉིད་སངས་རྒྱས་འདུས་པར་བྱའོ། །གཡོན་པའི་ཐལ་མོའི་སྒྲ་དང་ཐལ་མོ་མཉམ་པས་
བསྒྲུབ་པར་བྱ་སྟེ། གཡས་པའི་ཐལ་མོར་གསུངས་པ་ནི་གདབ་པར་བྱ་བ་གཉིས་ཀས་ཀྱང་ངོ་ཞེས་པ་ནི་རྡོ་རྗེའི་སྒྲ་འདུས་པའི་ཕྱག་རྒྱའོ། །དེ་ནས་རྡོ་རྗེ་ལྕགས་ཀྱུ་ལ་སོགས་པ་རྣམས་ཀྱིས་དགུག་པ་དང་། གཞུག་པ་དང་། བཅིང་བ་དང་། དབང་དུ་བྱ་བ་རྣམས་བྱས་ནས་མཆོད་ཡོན་ལ་སོགས་
པ་ཕྱིའི་མཆོད་པ་རྣམས་ཀྱིས་ཡང་དག་པར་མཆོད་ནས་དམ་ཚིག་ཀྱང་བལྟ་བར་བྱའོ། །ཨོཾ་བཛྲ་དྷཱ་ཏུ་དྲྀ་ཤྱ་ཛཿཧཱུཾ་བཾ་ཧོཿ། ས་མ་ཡ་སྟྭཾ་ས་མ་ཡ་ཧཾ། ཨོཾ་བཛྲ་སཏྭ་དྲྀ་ཤྱ། ཛཿཧཱུཾ་བཾ་ཧོཿས་མ་ཡ་སྟྭཾ་ས་མ་ཡ་ཧཾ། ཨོཾ་རཏྣ་བཛྲ་དྲྀ་ཤྱ་ཛཿཧཱུཾ་བཾ་ཧོཿས་མ་ཡ་སྟྭཾ་ས་མ་ཡ་ཧཾ། ཨོཾ་དྷརྨ་བཛྲ་དྲྀ་ཤྱ་ཛཿཧཱུཾ་བཾ་ཧོཿས་མ་ཡ་སྟྭཾ་
ས་མ་ཡ་ཧཾ། ཨོཾ་ཀརྨྨ་བཛྲ་དྲྀ་ཤྱ་ཛཿཧཱུཾ་བཾ་ཧོཿས་མ་ཡ་སྟྭཾ་ས་མ་ཡ་ཧཾ། ཨོཾ་བཛྲ་སཏྭ་དྲྀ་ཤྱ་ཛཿཧཱུཾ་བཾ་ཧོཿ། ས་མ་ཡ་སྟྭཾ་ས་མ་ཡ་ཧཾ། ཨོཾ་བཛྲ་རཱ་ཛ་དྲྀ་ཤྱ་ཛཿཧཱུཾ་བཾ་ཧོཿས་མ་ཡ་སྟྭཾ་ས་མ་ཡ་ཧཾ། ཨོཾ་བཛྲ་རཱ་ག་དྲྀ་ཤྱ་ཛཿཧཱུཾ་བཾ་ཧོཿ། ས་མ་ཡ་སྟྭཾ་ས་མ་ཡ་ཧཾ། ཨོཾ་བཛྲ་སཱ་དྷུ་དྲྀ་ཤྱ་ཛཿཧཱུཾ་བཾ་ཧོཿ། ས་མ་ཡ་སྟྭཾ་ས་མ་ཡ་ཧཾ། 
ཨོཾ་བཛྲ་རཏྣ་དྲྀ་ཤྱ་ཛཿཧཱུཾ་བཾ་ཧོཿ། ས་མ་ཡ་སྟྭཾ་ས་མ་ཡ་ཧཾ། ཨོཾ་བཛྲ་ཏེ་ཛ་དྲྀ་ཤྱ་ཛཿཧཱུཾ་བཾ་ཧོཿ། ས་མ་ཡ་སྟྭཾ་ས་མ་ཡ་ཧཾ། ཨོཾ་བཛྲ་ཀེ་ཏུ་དྲྀ་ཤྱ་ཛཿཧཱུཾ་བཾ་ཧོཿས་མ་ཡ་སྟྭཾ་ས་མ་ཡ་ཧཾ། ཨོཾ་བཛྲ་ཧཱ་ས་དྲྀ་ཤྱ་ཛཿཧཱུཾ་བཾ་ཧོཿས་མ་ཡ་སྟྭཾ་ས་མ་ཡ་ཧཾ། ཨོཾ་བཛྲ་དྷརྨྨ་དྲྀ་ཤྱ་ཛཿཧཱུཾ་བཾ་ཧོཿ། ས་མ་ཡ་སྟྭཾ་ས་མ་ཡ་ཧཾ། ཨོཾ་བཛྲ་ཏཱིཀྵྞ་དྲྀ་ཤྱ་ཛཿ
ཧཱུཾ་བཾ་ཧོཿ། ས་མ་ཡ་སྟྭཾ་ས་མ་ཡ་ཧཾ། ཨོཾ་བཛྲ་ཧེ་ཏུ་དྲྀ་ཤྱ་ཛཿཧཱུཾ་བཾ་ཧོཿས་མ་ཡ་སྟྭཾ་ས་མ་ཡ་ཧཾ། ཨོཾ་བཛྲ་བྷཱ་ཥ་དྲྀ་ཤྱ་ཛཿཧཱུཾ་བཾ་ཧོཿས་མ་ཡ་སྟྭཾ་ས་མ་ཡ་ཧཾ། ཨོཾ་བཛྲ་ཀརྨྨ་དྲྀ་ཤྱ་ཛཿཧཱུཾ་བཾ་ཧོཿས་མ་ཡ་སྟྭཾ་ས་མ་ཡ་ཧཾ། ཨོཾ་བཛྲ་རཀྵ་དྲྀ་ཤ་ཛཿཧཱུཾ་བཾ་ཧོཿས་མ་ཡ་སྟྭཾ་ས་མ་ཡ་ཧཾ། ཨོཾ་བཛྲ་ཡཀྵ་དྲྀ་ཤྱ་ཛཿཧཱུཾ་བཾ་ཧོ་ས་མ་ཡ་སྟྭཾ་ས་
མ་ཡ་ཧཾ། ཨོཾ་བཛྲ་སནྡྷི་དྲྀ་ཤྱ་ཛཿཧཱུཾ་བཾ་ཧོཿ། ས་མ་ཡ་སྟྭཾ་ས་མ་ཡ་ཧཾ། ཨོཾ་བཛྲ་ལཱ་སྱེ་དྲྀ་ཤྱ་ཛཿཧཱུཾ་བཾ་ཧོཿས་མ་ཡ་སྟྭཾ་ས་མ་ཡ་ཧཾ། ཨོཾ་བཛྲ་མཱ་ལེ་དྲྀ་ཤྱ་ཛཿཧཱུཾ་བཾ་ཧོཿ། ས་མ་ཡ་སྟྭཾ་ས་མ་ཡ་ཧཾ། ཨོཾ་བཛྲ་གཱི་ཏི་དྲྀ་ཤྱ་ཛཿཧཱུཾ་བཾ་ཧོཿ། ས་མ་ཡ་སྟྭཾ་ས་མ་ཡ་ཧཾ། ཨོཾ་བཛྲ་ནྲྀ་ཏྱེ་དྲྀ་ཤྱ་ཛཿཧཱུཾ་བཾ་ཧོཿས་མ་ཡ་སྟྭཾ་ས་མ་ཡ་ཧཾ། 

62-1-273b

ཨོཾ་བཛྲ་དྷཱུ་པ་དྲྀ་ཤྱ་ཛཿཧཱུཾ་བཾ་ཧོཿས་མ་ཡ་སྟྭཾ་ས་མ་ཡ་ཧཾ། ཨོཾ་བཛྲ་པུཥྤེ་དྲྀ་ཤྱ་ཛཿཧཱུཾ་བཾ་ཧོཿ། ས་མ་ཡ་སྟྭཾ་ས་མ་ཡ་ཧཾ། ཨོཾ་བཛྲ་ཨཱ་ལོ་ཀེ་དྲྀ་ཤྱ་ཛཿཧཱུཾ་བཾ་ཧོཿས་མ་ཡ་སྟྭཾ་ས་མ་ཡ་ཧཾ། ཨོཾ་བཛྲ་གནྡྷེ་དྲྀ་ཤྱ་ཛཿཧཱུཾ་བཾ་ཧོཿས་མ་ཡ་སྟྭཾ་ས་མ་ཡ་ཧཾ། ཨོཾ་བཛྲ་སཾ་སྐཱ་ར་པཱ་རི་ཤུདྡྷ་དྷརྨྨ་ཏེ་ག་ག་ན་ས་མུངྒ་ཏེ་སྭ་བྷཱ་བ་བི་ཤུདྡྷེ་མ་ཧཱ་
ན་ཡ་པཱ་རི་བཱ་ར་དྲྀ་ཤྱ་ཛཿཧཱུཾ་བཾ་ཧོཿས་མ་ཡ་སྟྭཾ་ས་མ་ཡ་ཧཾ། ཨོཾ་བཛྲཱཾ་ཀུ་ཤ་དྲྀ་ཤྱ་ཛཿཧཱུཾ་བཾ་ཧོཿས་མ་ཡ་སྟྭཾ་ས་མ་ཡ་ཧཾ། ཨོཾ་བཛྲ་པཱ་ཤ་དྲྀ་ཤྱ་ཛཿཧཱུཾ་བཾ་ཧོཿས་མ་ཡ་སྟྭཾ་ས་མ་ཡ་ཧཾ། ཨོཾ་བཛྲ་སྥོ་ཊ་དྲྀ་ཤྱ་ཛཿཧཱུཾ་བཾ་ཧོཿས་མ་ཡ་སྟྭཾ་ས་མ་ཡ་ཧཾ། ཨོཾ་བཛྲཱ་བེ་ཤ་དྲྀ་ཤྱ་ཛཿཧཱུཾ་བཾ་ཧོཿས་མ་ཡ་སྟྭཾ་ས་མ་ཡ་ཧཾ། ཨོཾ་སརྦ་ཏ་ཐཱ་ག་ཏ་མ་ཧཱ་ཡོ་གཱི་
ཤྭ་རི་ཧཱུཾ་ཞེས་ལན་གསུམ་བརྗོད་པར་བྱའོ། །ཡང་ན་ལན་ཅིག་གོ། །ཐམས་ཅད་ཀྱིས་ཀྱང་དམ་ཚིག་གི་ཕྱག་རྒྱས་རང་གི་སྙིང་གར་ཧཱུཾ་ཡིག་གི་རྡོ་རྗེ་དཀར་པོ་རྩེ་ལྔ་པ་ཕྱག་རྒྱ་རབ་ཏུ་སྦྱོར་བས་བསྐྱེད་པར་བྱའོ། །དེ་ལ་ཕྱག་རྒྱའི་མཚན་ཉིད་འདི་རྣམས་སོ། །དམ་ཚིག་ཕྱག་རྒྱ་ཐམས་ཅད་ནི། །
རྡོ་རྗེ་བཅིང་བས་ཡང་དག་འབྱུང་། །རྡོ་རྗེ་བཅིང་བ་བླ་ན་མེད། །དེ་རྣམས་བཅིང་བར་རབ་བཤད་བྱ། །སེམས་དཔའ་རྡོ་རྗེ་བསྟན་བྱས་ནས། །གུང་མོ་བདེ་བར་སྦྱར་བ་ཡིས། །གུང་མོའི་མཐའ་མ་ཡང་དག་བསྐུམ། །སངས་རྒྱས་གཉིས་པར་བཤད་པ་ཡིན། །གུང་མོའི་མཐེ་བོར་བཤད་པ་
ཡིས། །པདྨ་བསྐུམ་པ་དབུས་མའོ། །སངས་རྒྱས་ལྔ་པ་ཕྱག་རྒྱ་ནི། །དེ་ཉིད་བཞིན་དུ་རྩེ་མོ་བསྐུམ། །དེ་ནས་གཞན་ཡང་རབ་བཤད་བྱ། །དེ་བཞིན་གཤེགས་པའི་རིགས་ཀྱི་ནི། །ལག་པ་གཉིས་ཀྱི་ཟླ་བ་ལ། །གུང་མོའི་སོར་མོ་སྤང་བྱ་སྟེ། །མཐའ་མའི་སོར་མོ་གདོང་གྱུར་པས། །
རྡོ་རྗེ་སེམས་དཔའ་རྡོ་རྗེ་བདག །རྩེ་མོའི་ལྕགས་ཀྱུས་རབ་སྦྱོར་བས། །ལེགས་པར་མཛད་པ་རབ་སྦྱིན་པ། །རྡོ་རྗེ་སེམས་དཔའ་བཞི་ཡིས་ནི། །གྲུབ་པའི་ཕྱག་རྒྱའི་ཚོགས་སུ་བཤད། །རིན་ཆེན་རྡོ་རྗེ་མཚུངས་འབྱུང་ལས། །སྡིགས་མཛུབ་གདོང་དུ་སྦྱར་བ་ལས། །དེ་ལ་དེ་བཞིན་
གུང་མོ་དང་། །མིང་མེད་མཐེའུ་ཆུང་རབ་ཏུ་བརྐྱང་། །བ་དན་གྱུར་པ་མཚུངས་པ་ལ། །མིང་མེད་མཐེའུ་ཆུང་དག་ནི་སྦྱར། །བཞད་པའི་གནས་སུ་གནས་ནས་ནི། །དེ་ཡང་དེ་བཞིན་ཡོངས་སུ་བསྐོར། །རབ་བརྐྱང་མཉམ་དུ་མཐེབ་ཆེན་གནས། །སྡིགས་མཛུབ་ཀུན་ནས་བསྐུམ་པར་བྱ། །དེ་ཉིད་རྡོ་རྗེ་

62-1-274a

མཛོད་དུ་སྟེ། །གུང་མོ་གདོང་དུ་བསྙེན་པའོ། །དེ་ཉིད་མཚུངས་པ་སྣ་ཉིད་ལ། །མཐེའུ་ཆུང་འཁོར་ལོར་ཡང་དག་ཤེས། །སོར་མོ་བཅིངས་པ་གྲོལ་གྱུར་ནས། །གདོང་དུ་ལངས་ཤིང་རབ་ཏུ་བརྐྱང་། །མཐེའུ་ཆུང་མཐེབ་ཆེན་གདོང་དག་ཏུ། །དམ་ཚིག་ལས་བཅས་སྤང་
བའོ། །དེ་ཉིད་བཞིན་དུ་རྩེ་མོ་མཚུངས། །སྙིང་གའི་གནས་སུ་རབ་ཏུ་བརྐྱང་། །རྩེ་མོ་རྩེར་བཀུག་མཆེ་བ་ཡིས། །མཐེ་ཆུང་མཚམས་ནས་གྲོལ་བའོ། །མཐེའུ་ཆུང་བར་དག་མཐེབ་ཆེན་བཙིར། །རྩེ་མོ་དག་གིས་བཀུག་པའོ། །སྙིང་གར་མཐེབ་ཆེན་མཚུངས་པ་དང་། །ཕྲེང་བ་རབ་ཏུ་
བརྐྱང་བ་དང་། །ཐལ་མོ་རྩེ་མོ་གདོང་དུ་བཟུང་། །གར་ནི་སྤྱི་བོར་ཡང་དག་སྦྱར། །རྡོ་རྗེ་བཅིངས་ནས་སྟེར་བར་བྱེད། །རང་གི་ཐལ་སྦྱར་སྤྱི་བོར་སྟེར། །སོར་མོ་རྣམས་ནི་མཉམ་དུ་བཙིར། །མཐིལ་ནི་རབ་ཏུ་བརྐྱང་བའོ། །གཡོན་པ་དེ་བཞིན་གཤེགས་པའི་ཐལ་མོ་གན་རྐྱལ་དུ་བྱས་
ནས་ལག་པ་གཡས་པ་སྡིགས་མཛུབ་དང་མཐེབ་ཆེན་དག་མཐེའུ་ཆུང་ནས་བརྩམས་ཏེ་རྣམ་པར་རྒྱལ་བའི་ཐལ་མོ་ཡང་དག་པར་སྦྱར་བར་བྱའོ། །བྱམས་པ་ལ་སོགས་པ་རྣམས་ཀྱི་དམ་ཚིག་གི་ཕྱག་རྒྱའི་མཚན་ཉིད་ནི། སྡིགས་མཛུབ་གཅིག་པ་ཡང་དག་བསྐུམ། །མཐེབ་ཆེན་གཉིས་པོ་འདུད་པ་
བཅིངས། །མཐེབ་ཆེན་རྩེ་མོ་སྐེད་པར་བཅིངས། །རྡོ་རྗེ་ཁུ་ཚུར་རྩེ་མོར་སྦྱར། །ཞེས་པ་ནི་དམ་ཚིག་གི་ཕྱག་རྒྱའི་མཚན་ཉིད་དོ། །དེའི་རྗེས་ལ་རྣམ་པར་སྣང་མཛད་ཀྱི་ཕྱག་རྒྱ་ཆེན་པོ་བཅིངས་ནས་ཤར་སྦྱང་ཞིང་དེ་བཞིན་གཤེགས་པའི་ལྗགས་རྣམས་ལ་ཆོས་ཀྱི་ཕྱག་རྒྱ་དགོད་པར་བྱའོ། །རྡོ་རྗེ་
ཡེ་ཤེས་དམ་ཚིག་ཁྱོད། །ཀུན་གཞི་ཉིད་ཀྱེ་མ་བདེ་བ་ལེགས་པའི་ལེགས་པ། ཤིན་ཏུ་ཆེན་པོ་ཉིད། གཟུགས་སྣང་བ། དོན་ཐོབ་པ། ཧ་ཧ་ཧཱུཾ་ཧཾ། ཐམས་ཅད་བྱེད་པ། སྡུག་བསྔལ་གཅོད་པ། སངས་རྒྱས་བྱང་ཆུབ། སྒྲ་སྙན། ཤིན་ཏུ་དབང་ཉིད། མི་འཇིགས་པ་ཉིད། སྒྲ་ཟབ་པ། 
ཐམས་ཅད་གྲུབ་པ། དགའ་བ་ཆེན་པོ། གཟུགས་མཛེས་པ། རྣམ་པར་བདེ་བ། ཐམས་ཅད་མཆོད་པ། རབ་ཏུ་ཚིམ་པ། འབྲས་བུའི་འགྲོ་བ། ཤིན་ཏུ་གཟི་བརྗིད་མཆོག །དྲི་བཟངས་མཆོག །ཨོཾ་སརྦ་སཾ་སྐཱ་ར་པ་རི་ཤུདྡྷ་དྷརྨྨ་ཏེ་ག་ག་ན་ས་མུངྒ་ཏེ་སྭ་བྷཱ་བ་བི་ཤུདྡྷེ་མ་ཧཱ་ན་ཡ་པ་རི་ཝཱ་རེ་

62-1-274b

སྭཱ་ཧཱ། ཨ་ཡཱ་ཧི་ཛཿ། ཨ་ཧི་ཧཱུཾ་ཧཱུཾ། ཧེ་སྥོ་ཊ་བཾ། གྷཎྜ་ཨཿཨཿཞེས་པ་ནི་ཆོས་ཀྱི་ཕྱག་རྒྱའོ། །དེ་ནས་ལས་ཀྱི་ཕྱག་རྒྱ་བཅིངས། །རང་གི་སྙིང་གར་ཨ་ཡིག་ལས། །སྣ་ཚོགས་རྡོ་རྗེ་བསམ་པར་བྱ། །རྡོ་རྗེ་ཁུ་ཚུར་ལས་བྱུང་བ། །རྡོ་རྗེ་ཁུ་ཚུར་གཉིས་བཅིངས་ཏེ། །སྙོམས་འཇུག་གཉིས་པ་
གཉིས་སུ་བྱ། །རྡོ་རྗེའི་ཕྱག་རྒྱ་གཉིས་ལས་ཀྱང་། །དེ་ལས་བཅིང་བ་རབ་བཤད་བྱ། །རྡོ་རྗེ་ཁུ་ཚུར་གྱི་མཚན་ཉིད་དོ། །ཨོཾ་བཛྲ་དྷཱ་ཏུ་ཧཱུཾ། གཡོན་དུ་རྡོ་རྗེའི་ཐལ་བཟུང་ནས། །གཡས་པ་ཡང་དག་བླང་བར་བྱ། །བྱང་ཆུབ་མཆོག་གི་ཕྱག་རྒྱ་ཡིས། །སངས་རྒྱས་བྱང་ཆུབ་རབ་སྩོལ་མཛད། །
ཨོཾ་བཛྲ་སཏྭ་ཧཱུཾ། གཡོན་པའི་ཁུ་ཚུར་སྣམ་སྦྱར་གྱི། །ཟུང་ནས་འཛིན་པ་སྙིང་གར་སྦྱོར། །གཡས་པ་ཡི་ནི་ས་གནོན་བྱ། །ཨོཾ་རཏྣ་བཛྲ་ཏྲཱཾ། དེ་བཞིན་དུ། དེ་ནི་གཡས་ཀྱིས་མཆོག་སྦྱིན་ཚུལ། །ཨོཾ་དྷརྨ་བཛྲ་ཧྲཱིཿཏིང་འཛིན་མཆོག་གོ། །ཨོཾ་ཀརྨ་བཛྲ་ཨཿགཡོན་པ་སྣམ་སྦྱར་ཁུ་ཚུར་ཏེ། །གཡས་པ་
མི་འཇིགས་སྦྱིན་པར་མཛད། །ཨོཾ་བཛྲ་སཏྭ་ཧཱུཾ། སྙིང་པོ་དང་བཅས་པས་འགུགས་པ། །ཨོཾ་བཛྲ་རཱ་ཛ་ཛཿཕྱག་གཉིས་ཀྱིས་ལྕགས་ཀྱུ་འཛིན་པས་གནས་པའོ། །ཨོཾ་བཛྲ་རཱ་ག་ཧོཿམདའ་འགེངས་པའི་སྦྱོར་བས་སོ། །ཨོཾ་བཛྲ་སཱ་དྷུ་སཿལེགས་པར་བྱེད་པ་ཐུགས་ཀར་གནས་པའོ། །ཨོཾ་བཛྲ་རཏྣ་ཨོཾ། རྡོ་
རྗེ་གཉིས་ཀྱིས་དབང་བསྐུར་བའོ། །ཨོཾ་བཛྲ་ཏེ་ཛ་ཨཿསྙིང་གར་ཉི་མ་སྟོན་པའོ། །ཨོཾ་བཛྲ་ཀེ་ཏུ་ཏྲཱཾ་གཡོན་དུ་གནས་པའི་དཔུང་པའི་དབྱུག་པ་ཡང་ངོ་། །ཨོཾ་བཛྲ་ཧཱ་ས་ཧ། དེ་བཞིན་དུ་གདོང་ཡོངས་སུ་བསྐོར་བའོ། །ཨོཾ་བཛྲ་དྷརྨ་ཧྲཱིཿགཡས་པ་དང་གཡོན་པ་རྣམ་པར་གྱེད་པའོ། །ཨོཾ་བཛྲ་ཏཱིཀྵྞཱ
དྷཾ། སྙིང་གཡོན་པས་རལ་གྲི་བསྣམས་པའོ། །ཨོཾ་བཛྲ་ཧེ་ཏུ་མཾ། མགལ་མེའི་འཁོར་ལོ་བཞིན་དུ་བསྐོར་རོ། །ཨོཾ་བཛྲ་བྷཱ་ཥ་རཾ། རྡོ་རྗེ་གཉིས་གདུང་དུ་བླང་ངོ་། །ཨོཾ་བཛྲ་ཀརྨ་ཀཾ། རྡོ་རྗེའི་གར་གྱིས་བསྐོར་ཞིང་གྲོལ་བ་གཙུག་ཏོར་དུ་གནས་པའོ། །ཨོཾ་བཛྲ་རཀྵ་ཧཾ། གོ་ཆའོ། །ཨོཾ་བཛྲ་ཡཀྵ་
ཧཱུཾ། མཐེབ་ཆུང་མཆེ་བའི་རྩེ་མོའོ། །ཨོཾ་བཛྲ་མུཥྚི་བཾ། ཁུ་ཚུར་གཉིས་པོ་ངེས་པར་བཙིར་བའོ། །ཨོཾ་བཛྲ་ལཱ་སྱེ་ཧཱུཾ། རྡོ་རྗེའི་ལྟོ་རབ་ཏུ་སྦྱོར་བས་ཉལ་བ་བཞིན་སྨད་པར་བྱའོ། །ཨོཾ་བཛྲ་མཱ་ལེ་ཏྲཱཾ། ཕྲེང་བ་འཆིང་བའོ། །ཨོཾ་བཛྲ་གཱི་ཏི་ཧྲཱིཿགདོང་འབྱེད་པའོ། །ཨོཾ་བཛྲ་ནྲྀ་ཏྱེ་ཨཿགར་གྱིས་

62-1-275a

ཡོངས་སུ་བསྐོར་བའོ། །ཨོཾ་བཛྲ་དྷཱུ་པེ་ཧཱུཾ། རྡོ་རྗེ་ཁུ་ཚུར་གྱི་རབ་ཏུ་སྦྱོར་བས་སྤོས་ཕོར་རོ། །ཨོཾ་བཛྲ་པུཥྤེ་ཏྲཱཾ། ཐལ་མོ་གན་རྐྱལ་མེ་ཏོག་གི་སྙེམ་པའོ། །ཨོཾ་བཛྲ་ལོ་ཀེ་ཧྲཱིཿམར་མེའི་སྡོང་བུ་བཅིངས་པའོ། །ཨོཾ་བཛྲ་གནྡྷེ་ཨཿདྲིའི་དུང་ཆོས་ཀྱི་ཚུལ་ལོ། །ཨོཾ་བཛྲ་མཻ་ཏྲི་ཡ་
ཎཱ་ཡ་སྭཱ་ཧཱ། རྡོ་རྗེ་ཁུ་ཚུར་གཉིས་བཅིངས་ནས། །ཕན་ཚུན་མཉམ་དུ་མཐུན་གྱུར་པ། །མཛུབ་མོ་གུང་མོ་ཀུན་ནས་བསྐུམ། །མེ་ཏོག་རྣམ་པར་གཟུང་བར་བྱ། །ཨོཾ་ཨ་མོ་གྷ་དཪྴི་ནི་ཧཱུཾ། གཡོན་པའི་ཁུ་ཚུར་སྐེད་པར་བཞག་ནས། གཡས་པའི་གུང་མོ་དང་མཛུབ་མོ་དག་མིག་གི་རྣམ་པར་
གཟུང་བར་བྱའོ། །ཨོཾ་བཛྲ་པཱ་པཾ་ཛ་ཧ་སརྦ་པཱ་པཾ་བི་ཤོ་དྷ་ནི་ཧཱུཾ། རྡོ་རྗེ་ཁུ་ཚུར་གཉིས་ཀྱི་མཛུབ་མོ་ལྕགས་ཀྱུའི་རྣམ་པར་བྱའོ། །ཨོཾ་སརྦ་ཤོ་ཀ་ཏ་མོ་ནིརྒྷཱ་ཏ་ན་མ་ཏི་ཧཱུཾ། གཡོན་པའི་སྐེད་པར་བཞག་ནས་གཡས་པ་དབྱུག་པར་བྱའོ། །ཨོཾ་གནྡྷ་ཧསྟི་ནི་ཧཱུཾ། གཡོན་པ་ལྟེ་བར་གནས་ནས་ཁུ་ཚུར་གླང་
པོ་ཆེའི་རྫིང་བུར་བྱས་གཡས་པས་གཟུང་བར་བྱའོ། །ཨོཾ་སཱུ་རཾ་ག་མེ་ཧཱུཾཿགཡོན་པ་སྐེད་པར་བཞག་ནས། གཡས་པས་རལ་གྲི་གཟུང་བར་བྱའོ། །ཨོཾ་ག་ག་ནེ་ག་ག་ན་ལོ་ཙ་ནེ་ཧཱུཾ། ཁུ་ཚུར་གཡོན་པ་སྙིང་གར་བྱས་ནས་ཁུ་ཚུར་གཡས་པ་སྤྱི་བོར་བསྐོར་བར་བྱའོ། །ཨོཾ་ཛྙཱ་ན་ཀེ་ཏུ་ཛྙཱ་ན་པྲ་ཏྲི་ཧཱུཾ། ཁུ་
ཚུར་གཉིས་ཀྱི་གཡས་ཕྱོགས་སུ་རྒྱལ་མཚན་གཟུང་བར་བྱའོ། །ཨོཾ་ཨ་མི་ཏེ་ཨ་མི་ཏོདྦྷ་ཝ་ཧཱུཾ་ལག་པ་གཉིས་ཀྱིས་བུམ་པ་བཟུང་བར་བྱའོ། །ཨོཾ་ཙནྡྲེ་ཙནྡྲ་བྱཱ་བ་ལོ་ཀི་ནི་ཧཱུཾ་སྭཱ་ཧཱ། ཁུ་ཚུར་གཡོན་པ་བརླའི་སྟེང་དུ་བཞག་ནས་ལག་པ་གཡས་པས་གཡས་ཕྱོགས་སུ་མཐེའུ་ཆུང་དང་མཐེབ་ཆེན་ཟླ་བའི་རྣམ་པར་
བྱའོ། །ཨོཾ་བྷ་དྲ་བ་ཏི་བྷ་དྲ་པཱ་ལེ་ཧཱུཾ། ལག་པ་གཉིས་ཀྱིས་པདྨའི་རྣམ་པར་རྒྱས་པར་བྱའོ། །ཨོཾ་ཛཱ་ལ་ནི་མ་ཧཱ་ཛཱ་ལ་ནི་ཡེ་ཧཱུཾ། ལག་པ་གཉིས་ཀྱིས་ནུ་མ་གཉིས་གོ་ཆར་བཟུང་བར་བྱའོ། །ཨོཾ་བཛྲ་གརྦྷེ་ཧཱུཾ། གཡོན་པས་རྐེད་པར་བཞག་ནས་གཡས་པའི་སོར་མོ་གུང་མོ་སྙིང་གར་འཕང་བར་
བྱའོ། །ཨོཾ་ཨ་ཀྵ་ཡེ་མ་ཏི་ཡཀྵ་ཀརྨཱ་བ་ར་ཎ་བི་ཤོ་དྷ་ནི་སྭཱ་ཧཱ། ཁུ་ཚུར་གཡོན་པ་སྙིང་གར་བཀོད་ནས་གཡས་པས་མཆོག་སྦྱིན་གྱི་རྣམ་པ་བྱའོ། །ཨོཾ་པྲ་ཏི་བྷཱ་ནི་པྲ་ཏི་བྷཱ་ན་ཀུ་ཊེ་ཧཱུཾ་སྭཱ་ཧཱ། གཡོན་པ་ལྟེ་བར་བཞག་ནས་ཁུ་ཚུར་གཡས་པས་ཐལ་ལྕག་འཕེན་པའོ། །ཨོཾ་ས་མནྟ་བྷ་དྲེ་

62-1-275b

ཧཱུཾ། ལག་པ་གཡོན་པ་སྐེད་པར་བཀོད་ནས་གཡས་པ་རིན་པོ་ཆེའི་ཁུ་ཚུར་རོ། །ཨོཾ་བཛྲཱཾ་ཀུ་ཤ་ཛཿམཛུབ་མོ་ལྕགས་ཀྱུ་བཅིངས་ནས་མཐེབ་ཆུང་ལྕགས་ཀྱུ་ཆེན་པོའོ། །ཨོཾ་བཛྲ་པཱ་ཤ་ཧཱུཾ། ལག་པ་མདུད་པའོ། །ཨོཾ་བཛྲ་སྥོ་ཊ་བཾ། གྲི་གུག་རྩེ་མོ་དག་གིས་སོ། །ཨོཾ་བཛྲཱ་བེ་ཤ་ཧོཿརྒྱབ་དག་
ནས་ཀྱང་བསྡམ་པར་བྱའོ་ཞེས་པའི་ལས་ཀྱི་ཕྱག་རྒྱའོ། །དེའི་རྗེས་ལ་རང་གི་སྙིང་གར་ཡེ་ཤེས་སེམས་དཔའ་རྡོ་རྗེ་བསྒོམས་ནས་རྡོ་རྗེ་དང་རྡོ་རྗེ་དྲིལ་བུ་དང་བཅས་པའི་ཕྱག་རྒྱ་ཆེན་པོས་བཅིང་བར་བྱའོ། །བཛྲ་དྷཱ་ཏུ་ར་ཧཾ། ཇི་ལྟར་གསུངས་པའི་བྱང་ཆུབ་མཆོག་གོ། །བཛྲ་སཏྭོ྅ཧཾ། ལག་པ་གཡོན་
པ་པང་དུ་བཞག་ནས་གཡས་པས་ས་གནོན་ནོ། །རཏྣ་བཛྲོ྅ཧཾ། དེ་ལྟ་བུ་ཉིད་ལ་གཡས་པས་མཆོག་སྦྱིན་ནོ། །དྷརྨྨ་བཛྲོ྅ཧཾ། ཏིང་ངེ་འཛིན་མཆོག་གོ། །ཀརྨྨ་བཛྲོ྅ཧཾ། དེ་ལྟ་བུ་ཉིད་ལ་གཡས་པས་མི་འཇིགས་པའོ། །བཛྲ་སཏྭ་ཧཾ། འགྱིང་བ་དང་བཅས་པས་རྡོ་རྗེ་འགུགས་
པའོ། །བཛྲ་རཱ་ཛོ྅ཧཾ། རྡོ་རྗེ་ལྕགས་ཀྱུས་འགུགས་པར་བྱེད་པའོ། །བཛྲ་རཱ་གོ྅ཧཾ། རྡོ་རྗེ་མདའ་ཡང་དག་པར་འཛིན་པའོ། །བཛྲ་སཱ་དྷུ་ར་ཧཾ། མཉེས་པ་དང་བཅས་པས་ལེགས་པར་བྱེད་པ་རབ་ཏུ་སྦྱོར་བས་དེ་བཞིན་གཤེགས་པ་ཐམས་ཅད་མཉེས་པར་བྱེད་པའོ། །བཛྲ་གརྦྷོ྅ཧཾ། གཡས་
ཀྱི་རྡོ་རྗེ་ཁུ་ཚུར་དབང་བསྐུར་བའི་གནས་སུ་འཛིན་པའོ། །བཛྲ་པྲ་བྷོ྅ཧཾ། རྡོ་རྗེ་ཉི་མའི་དཀྱིལ་འཁོར་གྱིས་དེ་བཞིན་གཤེགས་པ་ཐམས་ཅད་རབ་ཏུ་གསལ་བར་མཛད་པའོ། །བཛྲ་ཡཥྚི་ར་ཧཾ། ཡིད་བཞིན་གྱི་ནོར་བུའི་རྒྱལ་མཚན་གྱིས་སྦྱིན་པའི་ཕ་རོལ་ཏུ་ཕྱིན་པ་ལས་ངེས་པར་སྦྱོར་བར་བྱེད་པའོ། །
བཛྲ་པྲི་ཏི་ར་ཧཾ། རྡོ་རྗེའི་སྡིགས་མཛུབ་རབ་ཏུ་འགུགས་པར་བྱེད་པའོ། །བཛྲ་ནྲེ་ཏྲོ་ཧཾ། ལག་པ་གཡོན་པས་ལེན་ཞིང་གཡས་པས་འགྱིང་བ་དང་བཅས་པས་པདྨ་རྣམ་པར་རྒྱས་པར་བྱེད་པའོ། །བཛྲ་བུ་དྷ་ར་ཧེ། ཤེས་རབ་ཀྱི་པུསྟི་དང་བཅས་པའི་ཁུ་ཚུར་གཡོན་པ་སྙིང་གར་བྱས་ནས་གཡས་
པས་རལ་གྲི་འཛིན་པར་བྱེད་པའོ། །བཛྲ་མཎྜོ྅ཧཾ། ལག་པ་གཡས་པའི་གུང་མོའི་སོར་མོས་འཁོར་ལོ་རྩིབས་བརྒྱད་པ་སྐོར་བར་བྱེད་པའོ། །བཛྲ་པཱ་ཙོ་ཧཾ། རྡོ་རྗེའི་ལྕེ་ཡང་དག་པའི་གནས་སུ་བྱེད་པའོ། །བཛྲ་བི་ཤྭ་ཧཾ། གཡོན་པ་དཀུར་བརྟེན་ནས་གཡས་པས་སྣ་ཚོགས་རྡོ་

62-1-276a
རྗེའོ། །བཛྲ་བཱིརྱོ྅ཧཾ། རྡོ་རྗེའི་གོ་ཆ་འཛིན་པའོ། །བཛྲ་ཙཎྜ་ཧཾ། རྡོ་རྗེ་མཆེ་བའི་མཚོན་ཆས་རང་གི་ཞལ་དུ་གནས་ཤིང་འཇིགས་པར་བྱེད་པའོ། །བཛྲ་མུཥྚི་ར་ཧཾ། དམ་ཚིག་རྡོ་རྗེའི་ཁུ་ཚུར་གྱི་རྡོ་རྗེ་རྩེ་ལྔ་པ་བསྡམས་པའོ། །བཛྲ་ལཱ་སྱེ་ཧཾ། དཀུ་གཉིས་སུ་རབ་ཏུ་སྦྱོར་
བས་གཡོན་དུ་མགོ་ཅུང་ཟད་སྨད་པའོ། །བཛྲ་མཱ་ལཱ་ཧཾ། རིན་པོ་ཆེའི་ཕྲེང་བ་འཛིན་པའོ། །བཛྲ་གཱི་ཏི་ཧཾ། པི་ཝང་བདུང་བའོ། །བཛྲ་ནྲྀ་ཏྱ་ཧཾ། རྡོ་རྗེ་རྩེ་གསུམ་པས་ལག་པ་གཉིས་གར་བྱེད་པའོ། །བཛྲ་དྷཱུ་པཱ་ཧཾ། སྤོས་ཕོར་ལག་ན་བསྣམ་པའོ། །བཛྲ་པུཥྤཱ་ཧཾ། མེ་ཏོག་གི་
སྣོད་ཕྱག་ན་བསྣམས་པའོ། །བཛྲཱ་ལོ་ཀཱ་ཧཾ། མར་མེའི་སྡོང་བུ་ཕྱག་ན་བསྣམས་པའོ། །བཛྲ་གནྡྷཱ་ཧཾ། དྲིའི་དུང་ཕྱག་ན་བསྣམས་པའོ། །མཻ་ཏྲེ་ལོ྅ཧཾ། ཕྱག་གཡོན་པས་རིལ་བ་སྤྱི་བླུགས་དང་གཡས་པས་ཀླུ་ཤིང་གི་མེ་ཏོག་བཅས་པའོ། །ཨ་མོ་གྷཱ་དརྴྱ་ཧཾ། གཡོན་པ་དཀུར་
བརྟེན་ནས་གཡས་པས་པདྨའི་མིག་གོ། །སརྦ་པཱ་པཾ་ཛ་ཧོ྅ཧཾ། ལྕགས་ཀྱུ་ཕྱག་ན་བསྣམས་པའོ། །སརྦ་ཤོ་ཀ་ཏ་མོ་ནིརྒྷཱ་ཏ་ན་མ་ཏི་ར་ཧཾ། ལག་པ་གཡོན་པ་རྐེད་པར་བཞག་ནས་གཡས་པ་དབྱུག་པ་འཛིན་པའོ། །གནྡྷ་ཧསྟི་ར་ཧཾ། གཡོན་པ་རྐེད་པར་བཞག་ནས་གཡས་པ་དྲིའི་དུང་ངོ་། །
ཤུ་རཾ་ག་མོ྅ཧཾ། གཡོན་པ་རྐེད་པར་བཞག་ནས་གཡས་པས་རལ་གྲི་འཛིན་པའོ། །ག་ག་ན་གཾ་ཛོ྅ཧཾ། གཡོན་པ་རྐེད་པར་བཞག་ནས་གཡས་པས་པདྨ་ལ་གནས་པའི་དམ་པའི་ཆོས་ཀྱི་སྒྲོམ་མོ། །ཛྙཱ་ན་ཀེ་ཏུ་ར་ཧཾ། གཡོན་པ་རྐེད་པར་བཀོད་ནས་གཡས་པས་ཡིད་བཞིན་གྱི་ནོར་བུའི་རྒྱལ་
མཚན་བསྣམས་པའོ། །ཨ་མི་ཏ་པྲ་བྷོ྅ཧཾ། གཡོན་པ་རྐེད་པར་བཞག་ནས་གཡས་པས་བུམ་པ་བསྣམས་པའོ། །ཙནྡྲ་པྲ་བྷོ྅ཧཾ། གཡོན་པ་རྐེད་པར་བཞག་ནས་གཡས་པ་ན་པདྨ་དང་ཟླ་བའོ། །བྷ་དྲ་པཱ་ལོ྅ཧཾ། གཡོན་པ་རྐེད་པར་བཞག་ནས་གཡས་པས་རིན་པོ་ཆེ་བསྣམས་པའོ། །
ཛཱ་ལ་ནི་པྲ་བྷོ྅ཧཾ། ཕྱག་གཉིས་ཀྱིས་གུར་བཟུང་བའོ། །བཛྲ་གརྦྷོ྅ཧཾ། གཡོན་པ་རྐེད་པར་བཞག་པའི་ཨུཏྤ་ལའི་སྟེང་དུ་རྡོ་རྗེའོ། །གཡས་པས་ཐུགས་ཀར་རྡོ་རྗེ་འགུགས་པའོ། །ཨཀྵ་ཡ་མ་ཏི་ར་ཧཾ། ཕྱག་གཉིས་ཀྱིས་བུམ་པ་བསྣམས་པའོ། །པྲ་ཏི་བྷཱ་ན་ཀུ་ཊོ྅ཧཾ། གཡོན་པ་

62-1-276b

རྐེད་པར་བཞག་ནས་པདྨ་ལ་གནས་པའི་རིན་པོ་ཆེ་བརྩེགས་པའོ། །གཡས་པཙྪོ་ཊི་ཀའི་ཚུལ་ལོ། །ས་མནྟ་བྷ་དྲོ྅ཧཾ། གཡོན་པ་རྐེད་པར་བཞག་པ་ལ་གནས་པའི་རིན་པོ་ཆེའི་སྙེ་མའོ། །གཡས་པ་མི་འཇིགས་པའི་ཕྱག་རྒྱའོ། །བཛྲཱ་ཀུ་ཤོ྅ཧཾ། ལྕགས་ཀྱུ་འཛིན་པའོ། །བཛྲ་པཱ་
ཤོ྅ཧཾ། ཞགས་པ་བསྣམས་པའོ། །བཛྲ་སྥོ་ཊོ྅ཧཾ། རྡོ་རྗེ་རྒྱས་པའི་ཚུལ་ལོ། །བཛྲ་བེ་ཤོ྅ཧཾ། དྲིལ་བུ་རབ་ཏུ་སྦྱོར་བས་གཞུག་པའོ། །དེ་བཞིན་ཕྱག་རྒྱ་བཞི་ཡི་དགའ། །དངོས་གྲུབ་ཀུན་ནི་རབ་སྩོལ་མཛོད། །གང་གང་ཕྱག་རྒྱ་བཅིངས་གྱུར་པ། །དེ་དང་དེ་ཡི་བདག་ཉིད་ཆེ། །
སྙིང་པོའི་དོན་ནི་བཟླས་པ་དང་། །བསྒོམ་པར་གྱུར་པས་བདག་ཉིད་ཀུན། །ཞེས་སོ། །འདི་ནི་ཕྱག་རྒྱ་ཆེན་པོའོ། །དེ་ནས་དམ་ཚིག་ཉིད་བརྗོད་པས་རབ་ཏུ་དགྱེས་པ་དང་། དེ་བཞིན་གཤེགས་པའི་རིགས་ཀྱི་ཕྱག་རྒྱས་བཅིངས་ནས་དེའི་རྗེས་སུ་ཡི་གེ་བརྒྱ་པ་ལན་གསུམ་བརྗོད་ནས་
བརྟན་པར་བྱའོ། །ཨོཾ་བཛྲ་སཏྭ་ས་མ་ཡ། མ་ནུ་པཱ་ལ་ཡ། བཛྲ་སཏྭ་ཏྭེ་ནོ་པ་ཏིཥྛ་དྲྀ་ཌྷོ་མེ་བྷ་བ། སུ་པོ་ཥྱོ་མེ་བྷ་བ། སུ་ཏོ་ཥྱོ་མེ་བྷ་བ། ཨ་ནུ་རཀྟོ་མེ་བྷ་བ། སརྦ་སིདྡྷི་མྨེ་པྲ་ཡཙྪ། སརྦ་ཀརྨྨ་སུ་ཙ་མེ་ཙིཏྟཾ་ཤྲེ་ཡཿཀུ་རུ་ཧཱུཾ་ཧ་ཧ་ཧ་ཧ་ཧོཿབྷ་ག་བཱན། སརྦ་ཏ་ཐཱ་ག་ཏ་བཛྲ་མ་མེ་མུཾ་ཙ། བཛྲཱི་བྷ་བ་མ་ཧཱ་ས་མ་ཡ་
སཏྭ་ཨཿསྔོན་དུ་གསུངས་པའི་དབང་བསྐུར་བ་ཡིད་ཀྱིས་བླངས་ནས་གྲུབ་པའི་རྡོ་རྗེ་བརྟུལ་ཞུགས་ཀྱང་ངོ་། །དེ་ནས་མཆོད་ཡོན་ལ་སོགས་པ་ཕྱིའི་མཆོད་པ་རྣམས་དང་སྒེག་མོ་ལ་སོགས་པ་བརྒྱད་བྱའོ། །རྡོ་རྗེ་དང་དྲིལ་བུ་བཟུང་ནས་ལག་པ་པད་སྐོར་བྱའོ། །རྡོ་རྗེ་སེམས་དཔའ་བསྡུས་པ་ལས། །
རྡོ་རྗེ་རིན་ཆེན་བླ་ན་མེད། །རྡོ་རྗེ་ཆོས་ཀྱི་གླུ་ནི་ལེན། །རྡོ་རྗེའི་ལས་ནི་བྱེད་པར་འགྱུར། །ཨོཾ་ཨཱཿཧཱུཾ། དེ་བཞིན་དུ་རྡོ་རྗེ་གླུ་བླངས་ནས་སོ་སོའི་གར་བྱས་ཏེ་དྲིལ་བུ་དང་བཅས་པ་དཀུར་བཞག་ནས། དྷརྨྨ་ཨཿདྲིལ་བུའི་ས་བོན་ནོ། །ཨོཾ་ཊཀྐི་ཧཱུཾ་ཛཿཞེས་ལན་གསུམ་བརྗོད་ནས་རྡོ་རྗེ་གསོར་བར་
བྱའོ། །ཨོཾ་ཊཀྐི་ཛཿཧཱུཾ་བཾ་ཧོཿརང་གི་ཐུགས་ཀར་དགུག་པའོ། །ཧཱུཾ་བཛྲ་བི་ཛཾ། ཐོག་མཐའ་མེད་པའི་སེམས་དཔའ་ནི། །རྡོ་རྗེ་སེམས་དཔའ་བདེ་བ་ཆེ། །ཀུན་དུ་བཟང་པོ་ཀུན་བདག་ཉིད། །རྡོ་རྗེ་སྙིང་པོ་བདག་པོའི་བདག །དང་པོའི་མཆོག་གི་སྐྱེས་བུ་ནི། །བཅོམ་ལྡན་རྡོ་རྗེ་སེམས་

62-1-277a

དཔའ་སྟེ། །འདི་ནི་བཅོམ་ལྡན་མཆོག་སྲིད་བདག །ཀུན་མཆོག་དབང་ཕྱུག་དམ་པ་སྟེ། །ཆོས་མཆོག་བཀའ་ནི་མཚུངས་བྱེད་པ། །རང་བཞིན་དག་ཕྱིར་དེ་བཞིན་གཤེགས། །སྲིད་པའི་རང་བཞིན་ཁྱབ་བདག་བྱེད། །སེམས་ཅན་དམ་པ་རང་བཞིན་དག །
བྱ་བ་ལ་ནི་མཆོག་གི་སྲིད། །དྲིལ་བུའི་དེ་ཉིད་དོ། །དེའི་རྗེས་ལ་ཆོས་ཀྱི་དྲིལ་བུ་དཀྲོལ་བར་བྱའོ། །ཨོཾ་ནམ་མཁའ་ལས་བྱུང་མཚན་མ་ནི། །ཐོག་མ་ཐ་མ་མེད་པའི་མཆོག །རྡོ་རྗེ་ཆེན་པོའི་རང་བཞིན་སེམས། །རྡོ་རྗེ་སེམས་བདག་རབ་སྒྲུབས་མཛོད། །ཀུན་གྱི་དངོས་གྲུབ་ཆེན་པོ་སྟེ། །
དབང་ཕྱུག་ཆེན་པོ་ལྷག་པའི་ལྷ། །ཀུན་གྱི་རྡོ་རྗེ་འཛིན་རྒྱལ་པོ། །མི་འགྱུར་ཆོས་ཉིད་བདག་ལ་སྒྲུབས། །ཁྱོད་ནི་རྟག་པར་སྐྱོན་མེད་ལ། །ཀུན་ལ་ཆགས་པས་རྗེས་ཆགས་པ། །བཅོམ་ལྡན་བསྒྲུབ་བྱ་དེ་ཉིད་ཀྱིས། །ཆགས་པ་ཆེན་པོ་དགའ་ཆེན་པོ། །ཤིན་ཏུ་རྣམ་དག་ཀུན་གྱི་མཆོག །གདོད་
ནས་གྲོལ་བ་དེ་བཞིན་གཤེགས། །ཀུན་དུ་བཟང་པོ་ཀུན་བདག་ཉིད། །བྱང་ཆུབ་སེམས་དཔའ་བདག་ལ་སྒྲུབས། །ཀུན་གྱི་མཆོག་གྱུར་དངོས་གྲུབ་ཆེ། །དབང་ཕྱུག་ཆེན་པོའི་ཕྱག་རྒྱ་མཆོག །རྡོ་རྗེའི་བསྒྲུབ་བྱ་འགུགས་པ་ཆེ། །རྡོ་རྗེ་སྙིང་པོ་བདག་གི་བདག །ཞེས་པ་ནི་འཕགས་པའི་དབང་
བསྐུར་བའོ། །དེ་བཞིན་དུ་བདག་ཉིད་བསྐྱེད་ནས། ཕྱག་རྒྱ་ཆེན་པོའི་ཚུལ་གྱིས་ནམ་མཁའ་ལ་གནས་ནས་ཐམས་ཅད་སྟོང་པར་བསྒོམས་ནས། ཨ་ཀཱ་རོ་མུ་ཁཾ་སརྦ་དྷརྨྨཱ་ཎཱཾ་ཨཱ་དྱ་ནུཏྤནྣ་ཏྭཱཏ། དེའི་དོན་ལྷག་པར་གྲོལ་བའོ། །འཇིག་རྟེན་གྱི་ཁམས་མཐའ་དག་སྟོང་པ་ཉིད་དུ་ལྷག་པར་མོས་པར་
བྱའོ། །ཨོཾ་སྭ་བྷཱ་བ་ཤུདྡྷོ྅ཧཾ། དེ་ནས་ནམ་མཁའ་ལ་ཧཱུཾ་ཡིག་ལས་སྐྱེས་པའི་རྡོ་རྗེ། ཡཾ་ལས་བྱུང་བའི་རླུང་གི་དཀྱིལ་འཁོར། རཾ་ལས་བྱུང་བའི་མེའི་དཀྱིལ་འཁོར། བཾ་ལས་བྱུང་བའི་ཆུའི་དཀྱིལ་འཁོར། ལཾ་ལས་བྱུང་བའི་དབང་ཆེན་གྱི་དཀྱིལ་འཁོར་བསམ་པར་བྱའོ། །དེ་ལ་སྟེང་
དུ་བུམ་པ་ལས་ཆུ་ཆེན་པོའོ། །དེའི་དབུས་སུ་ཧཱུཾ་སུཾ་ཧཱུཾ་ལས་ཡང་དག་པར་བྱུང་བའི་རི་རབ་ཆེན་པོ་བསྐྱེད་པར་བྱའོ། །སྒོ་བཞིའི་རང་བཞིན་ཅན་རྭ་བརྒྱད་ཀྱིས་ཉེ་བར་མཛེས་པ་བསམ་པར་བྱའོ། །སྔོན་མ་བཞིན་དུ་རྡོ་རྗེའི་རང་བཞིན་དུ་ས་གཞི་ལ་སོགས་པ་བྱིན་གྱིས་བརླབ་པར་བྱའོ། །ཨོཾ་བཛྲ་རཀྵ་

62-1-277b

དྲྀ་ཌྷོ་མེ་བྷ་བ་རཀྵ་སརྦཾ་སྭཱ་ཧཱ། ཨོཾ་བཛྲ་ཀརྨྨ། ཨོཾ་བཛྲ་ཧཱུཾ་བཛྲ་བནྡྷ་བཾ། ཨོཾ་བཛྲཱ་ན་ལ་ཧ་ན་ད་ཧ་པ་ཙ་མ་ཐ་བྷཾ་ཛ་ར་ཎ་ཧཱུཾ་ཕཊ། ཅེས་པ་འདིས་དང་པོར་སྔོན་དུ་གསུངས་པའི་ཕྱག་རྒྱས་བྱིན་གྱིས་རློབ་པར་མཛད་དོ། །བཛྲ་ཙཀྲ་ཧཱུཾ། རྡོ་རྗེའི་རྒྱུའི་ལས་ཀྱི་ཕྱག་རྒྱས་རྡོ་རྗེ་དང་ནོར་བུ་དང་པདྨ་དང་རིན་
པོ་ཆེ་སྣ་ཚོགས་ཀྱི་རང་བཞིན་གྱི་རྩེ་མོར་གཞལ་ཡས་ཁང་སྤྲུལ་ན་རྣམ་པར་སྣང་མཛད་ཀྱི་གནས་སུ། ཨཱཿཤཱིཾ་ཨཱཿསེང་གེའི་གདན་ནོ། །མི་བསྐྱོད་པའི་གནས་སུ། ཧཱུཾ་གཾ་ཧཱུཾ་ལས་གླང་པོ་ཆེའི་གདན་ནོ། །ཐ་བཱ་ཏྲཿལས་རིན་ཆེན་འབྱུང་ལྡན་གྱི་གནས་སུ་རྟའི་གདན་ནོ། །འོད་དཔག་མེད་ཀྱི་གནས་
སུ། ཧྲཱིཿམཱཾ་ཧྲཱིཿལས་རྨ་བྱའི་གདན་ནོ། །དོན་ཡོད་གྲུབ་པའི་གནས་སུ། ཨཿགཾ་ཨ་ལས་བྱ་ཁྱུང་གི་གདན་ནོ། །དེའི་སྟེང་དུ་པདྨ་ལ་རྡོ་རྗེ་སེམས་དཔའ་ལ་སོགས་པ་དང་། སྒེག་མོ་ལ་སོགས་པ་དང་། རྡོ་རྗེ་ལྕགས་ཀྱུ་ལ་སོགས་པའི་གནས་རྣམས་སུ་སྣ་ཚོགས་པདྨ་བསྒོམ་པར་བྱའོ། །དེའི་སྟེང་དུ་ཟླ་བའི་དཀྱིལ་
འཁོར་ལྔ་བཅུ་རྩ་བདུན་བསྐྱེད་ནས་དབུས་སུ་སེམས་དཔའི་སྐྱིལ་ཀྲུང་གིས་བཞུགས་པ་བསམ་གཏན་གྱི་ཚུལ་གྱིས་སྙོམས་པར་ཞུགས་པ་མངོན་དུ་བྱ་སྟེ། ཡིད་ཀྱི་རང་བཞིན་གྱི་སྐུས་འོག་མི་གྱི་གནས་སུ་བསྐལ་པ་གྲངས་མེད་པ་གསུམ་དུ་ངེས་པར་འཁྲུངས་ནས། དོན་ཐམས་ཅད་གྲུབ་
པའི་བྱང་ཆུབ་སེམས་དཔའ་ཆེན་པོའི་སྐུར་བདག་ཉིད་བསམ་པར་བྱའོ། །དེ་བཞིན་གཤེགས་པ་ཐམས་ཅད་ཀྱིས་ཀྱང་འདིར་སངས་རྒྱས་ཀྱི་ཞིང་གི་ཏིལ་གྱི་གང་བུ་བཞིན་དུ་ཡོངས་སུ་གང་བ་ལ། དེ་ནས་དེ་བཞིན་གཤེགས་པ་ཐམས་ཅད་ཀྱི་སྐུ་ཆོས་ཀྱི་དབྱིངས་སུ་རྗེས་སུ་དྲན་པར་བྱའོ། །
དེ་ནས་ངེས་པ་ཆེན་པོ་ནི་ཆོས་སོ། །དེའི་རྗེས་སུ་བྱང་ཆུབ་སེམས་དཔའི་དགེ་འདུན་ནོ། །དེ་ནས་འཇིག་རྟེན་གྱི་ཁམས་ཐམས་ཅད་དུ་སེམས་ཅན་ཐམས་ཅད་ཡང་དག་པར་འཛིན་པའི་ལྷག་པའི་བྱམས་པ་དང་། ངན་སོང་ཐམས་ཅད་ལ་སོགས་པའི་སྡུག་བསྔལ་ལས་ཡང་དག་པར་འཛིན་པའི་
སྙིང་རྗེ་དང་། འཕགས་པ་ཐམས་ཅད་ལ་དགའ་བ་དང་། འཇིག་རྟེན་གྱི་ཆོས་ཐམས་ཅད་ལ་བཏང་སྙོམས་པ་དང་། ཆོས་ཐམས་ཅད་ལ་རང་བཞིན་མེད་པའི་ངོ་བོ་ཉིད་དང་། སྒྱུ་མ་ལྟ་བུ་དང་། གཟུགས་བརྙན་ལྟ་བུར་ལྷག་པར་མོས་པར་བྱའོ། །བྱང་ཆུབ་སེམས་དཔའི་ཤེས་རབ་ཀྱི་ཕ་རོལ་ཏུ་

62-1-278a

ཏུ་ཕྱིན་པའི་ཐབས་ལ་མཁས་པ་སྤྱོད་པ་ཡང་མངོན་དུ་བྱས་ཏེ་སེམས་ཅན་ལ་ཕན་པ་དང་། མཆོག་གི་བདེ་བ་བསྒྲུབ་པའི་ཕྱིར་སངས་རྒྱས་སུ་འགྱུར་བར་བྱའོ་ཞེས་བསམ་པར་བྱའོ། །མཁའ་ཁྱབ་ཀྱི་ཏིང་ངེ་འཛིན་ལ་སྙོམས་པར་ཞུགས་ནས་རིམ་པ་འདིས་མངོན་པར་རྫོགས་པར་བྱང་
ཆུབ་པ་མངོན་དུ་བྱའོ། །དེ་ནས་ངེས་པར་དེ་བཞིན་གཤེགས་པ་ཐམས་ཅད་ཀྱིས་སྙོམས་པར་འཇུག་པར་འདུས་པས་བྱང་ཆུབ་སེམས་དཔའ་སེམས་དཔའ་ཆེན་པོ་དོན་ཐམས་ཅད་གྲུབ་པ་བྱང་ཆུབ་ཀྱི་སྙིང་པོ་ལ་བཞུགས་སོ། །དེའི་བྱང་ཆུབ་སེམས་དཔའི་ལོངས་སྤྱོད་རྫོགས་པའི་སྐུར་བསྟན་ནས་
འདི་ཉིད་གསུངས་སོ། །རིགས་ཀྱི་བུ་ཁྱོད་གང་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་མངོན་པར་རྫོགས་པར་འཚང་རྒྱ་བར་འགྱུར་རོ་ཞེས་སོ། །དེ་ནས་བྱང་ཆུབ་སེམས་དཔའ་དོན་ཐམས་ཅད་གྲུབ་པ་དེ་བཞིན་གཤེགས་པ་ཐམས་ཅད་ཀྱིས་སྐུལ་བར་མཛད་པ་གསན་ནས་ཏིང་ངེ་འཛིན་ལས་
བཞེངས་ཏེ་དེ་བཞིན་གཤེགས་པ་རྣམས་ལ་ཕྱག་བཙལ་ནས་འདི་སྐད་ཅེས་གསོལ་ཏོ། །བཅོམ་ལྡན་འདས་དེ་ཁོ་ན་ཉིད་ཅི་འདྲ་བ་ཞིག་ཇི་ལྟར་བདག་གིས་རྟོགས་པར་བགྱི། བཀའ་སྩལ་དུ་གསོལ། དེ་བཞིན་གཤེགས་པ་ཐམས་ཅད་ཀྱིས་མགྲིན་གཅིག་ཏུ་འདི་ཉིད་གསུངས་སོ། །སེམས་དཔའ་
ཆེན་པོ་རང་གི་སེམས་ཉིད་རྟོགས་པར་བྱ་སྟེ་སོ་སོར་རྟོག་པའི་རང་བཞིན་སྔགས་ཀྱིས་བསྒྲུབ་པར་བྱའོ། །ཨོཾ་ཙིཏྟ་པྲ་ཏི་བྱ་དྷཾ་ཀ་རོ་ཏི། དེ་ནས་བྱང་ཆུབ་སེམས་དཔས་གསོལ་པ། བཅོམ་ལྡན་འདས་བདག་གིས་ཀུན་ཤེས་པ་ནི་རང་གི་སྙིང་གར་ཟླ་བའི་དཀྱིལ་འཁོར་གྱི་རྣམ་པ་ལྟ་བར་བྱེད་དོ། །དེ་བཞིན་
གཤེགས་པ་ཐམས་ཅད་ཀྱིས་རབ་ཏུ་བཀའ་སྩལ་པ། རིགས་ཀྱི་བུ་སེམས་ཀྱི་རང་བཞིན་འདི་ནི་འོད་གསལ་བའོ། །ཨོཾ་བོ་དྷི་ཙིཏྟ་ཨུཏྤཱ་ད་ཡཱ་མི། ཞེས་པ་འདིས་རང་བཞིན་གྲུབ་པས་བདག་གིས་བྱང་ཆུབ་ཏུ་སེམས་བསྐྱེད་པར་བྱའོ། །དེ་ནས་སླར་ཡང་བྱང་ཆུབ་སེམས་དཔས་གསོལ་པ། གང་ཟླ་
བའི་དཀྱིལ་འཁོར་གྱི་རྣམ་པ་དེ་ལ་ཟླ་བའི་དཀྱིལ་འཁོར་དེ་ཉིད་བ་ལྟ་བར་བྱེད་དོ། །དེ་བཞིན་གཤེགས་པ་ཐམས་ཅད་ཀྱིས་བཀའ་སྩལ་པ། དེ་བཞིན་གཤེགས་པ་ཐམས་ཅད་ཀྱིས་ཀུན་དུ་བཟང་པོའི་སེམས་བསྐྱེད་པ་བརྟེན་པར་བྱེད་པའི་རྒྱུའོ། །རང་གི་སྙིང་གར་ཟླ་བའི་དཀྱིལ་འཁོར་ལ་རྡོ་རྗེའི་

62-1-278b

གཟུགས་བརྙན་སེམས་པར་བྱེད་པའི་སྔགས་འདིས་སོ། །ཨོཾ་ཏིཥྛ་བཛྲ། བྱང་ཆུབ་སེམས་དཔས་གསོལ་པ། བཅོམ་ལྡན་འདས་བདག་གི་ཟླ་བའི་དཀྱིལ་འཁོར་ལ་མཐོང་བ་ནི་རྡོ་རྗེའོ། །དེ་བཞིན་གཤེགས་པ་ཐམས་ཅད་ཀྱིས་བཀའ་སྩལ་པ། ཀུན་དུ་བཟང་པོའི་ཐུགས་ཀྱི་རྡོ་རྗེ་བརྟན་པར་
མཛོད་ཅིག །ཨོཾ་བཛྲ་ཨཱཏྨ་ཀོ྅ཧཾ། དེ་ནས་ཇི་སྲིད་ནམ་མཁའི་ཁམས་སུ་ཡང་དག་པར་བརྐྱང་སྟེ། དེ་བཞིན་གཤེགས་པ་ཐམས་ཅད་ཀྱི་སྐུ་དང་གསུང་དང་ཐུགས་རྡོ་རྗེའི་དབྱིངས་རྣམས་སུ་དེ་རྣམས་དེ་བཞིན་གཤེགས་པ་ཐམས་ཅད་ཀྱི་བྱིན་གྱི་རླབས་ཀྱིས་དེ་ལ་སེམས་དཔའ་རྡོ་རྗེ་
རབ་ཏུ་གནས་སོ། །དེ་ནས་བཅོམ་ལྡན་འདས་དེ་བཞིན་གཤེགས་པ་ཐམས་ཅད་ཀྱིས་བྱང་ཆུབ་སེམས་དཔའ་ཆེན་པོ་དོན་ཐམས་ཅད་གྲུབ་པ་དེ་ལ་རྡོ་རྗེ་དབྱིངས་ཞེས་བྱ་བའི་རྡོ་རྗེའི་མིང་གི་དབང་བསྐུར་བས་དབང་བསྐུར་བར་མཛད་དོ། །དེ་ནས་རྡོ་རྗེ་དབྱིངས་དེ་ལ་བྱང་ཆུབ་སེམས་དཔས་དེ་བཞིན་
གཤེགས་པ་ཐམས་ཅད་ལ་འདི་ཉིད་གསོལ་ཏོ། །བཅོམ་ལྡན་འདས་དེ་བཞིན་གཤེགས་པ་ཐམས་ཅད་ཀྱི་སྐུའི་བདག་ཉིད་བདག་གིས་མཐོང་ངོ་། །ཐམས་ཅད་དང་བདག་མཚུངས་སོ། །དེ་བཞིན་གཤེགས་པ་ཐམས་ཅད་ཀྱིས་བཀའ་སྩལ་པ། དེའི་ཕྱིར་སེམས་དཔའ་ཆེན་པོའི་སེམས་དཔའ་རྡོ་རྗེ་རྣམ་
པ་ཀུན་གྱི་མཆོག་དང་ལྡན་པའི་སངས་རྒྱས་ཀྱི་གཟུགས་བརྙན་གྱི་བདག་ཉིད་བསྒོམ་པར་བྱ་བ་འདིས་ནི་རང་བཞིན་གྱིས་གྲུབ་པའི་སྔགས་ཀྱི་བཟླས་པར་འདོད་དོ། །ཨོཾ་ཡ་ཐཱ་སརྦ་ཏ་ཐཱ་ག་ཏསྟ་ཐཱ་ཧཾ། དེ་བཞིན་དུ་བསྒོམ་པའི་མཐའ་ལ་རྣམ་པར་སྣང་མཛད་དུ་གྱུར་པར་བསམ་པར་བྱ་སྟེ། སྐུ་མདོག་
དཀར་པོ་རྒྱན་ཐམས་ཅད་ཀྱིས་བརྒྱན་པ། བྱང་ཆུབ་མཆོག་གི་ཕྱག་རྒྱ་མཛད་པ། སེངགེའི་གདན་ལ་བཞུགས་པར་བསམ་པར་བྱའོ། །དེ་ནས་སེམས་རབ་ཏུ་རིག་པར་བྱེད་པའི་ཕྱག་རྒྱ་བཅིངས་ནས་བྱང་ཆུབ་ཏུ་སེམས་བསྐྱེད་པར་བྱའོ། །ཨོཾ་བཛྲ་དྷཱ་ཏུ་བོ་དྷི་ཙིཏྟ་ཨུཏྤཱ་ད་ཡཱ་མི། དེ་བཞིན་དུ་
གླང་པོ་ཆེ་ལ་སོགས་པའི་གདན་ལ་མི་བསྐྱོད་པ་ལ་སོགས་པ་རང་རང་གི་གདན་ལ་བཞུགས་པར་བསམ་པར་བྱའོ། །སྐུ་མདོག་ནག་པོ་དང་སེར་པོ་དང་དམར་པོ་དང་ལྗང་གུ་རྣམས་སོ། །རང་རང་གི་ཕྱག་རྒྱ་བཅིངས་ནས་སེམས་བསྐྱེད་པར་བྱའོ། །ཨོཾ་བཛྲ་སཏྭ་བོ་དྷི་ཙིཏྟ་ཨུཏྤཱ་ད་ཡཱ་མི། ཨོཾ་རཏྣ་བཛྲ་

62-1-279a

བོ་དྷི་ཙིཏྟ་ཨུཏྤཱ་ད་ཡཱ་མི། ཨོཾ་དྷརྨ་བཛྲ་བོ་དྷི་ཙིཏྟ་ཨུཏྤཱ་ད་ཡཱ་མི། ཨོཾ་བཛྲ་ཀརྨ་བོ་དྷི་ཙིཏྟ་ཨུཏྤཱ་ད་ཡཱ་མི། དེའི་རྗེས་ལ་དེ་བཞིན་གཤེགས་པ་ཐམས་ཅད་ལ་ཕྱག་འཚལ་ནས་འདི་ཉིད་བརྗོད་པར་བྱ་སྟེ། བཅོམ་ལྡན་འདས་དེ་བཞིན་གཤེགས་པ་ཐམས་ཅད་ཀྱིས་བདག་བྱིན་གྱིས་
བརླབ་ཏུ་གསོལ་ཞེས་པ་འདིས་མངོན་པར་རྫོགས་པར་བྱང་ཆུབ་པ་བརྟན་པར་བྱའོ། །དེ་ནས་དེ་བཞིན་གཤེགས་པ་ཐམས་ཅད་ཀྱི་སྐུའི་ནང་ནས་བྱུང་བས་སྙིང་ག་དང་མགྲིན་པ་དང་དཔྲལ་བ་དང་སྤྱི་གཙུག་རྣམས་སུ་སེམས་དཔའ་རྡོ་རྗེ་ཅན་ལ་སོགས་པ་རྣམས་བྱིན་གྱིས་བརླབ་པར་བྱའོ། །དེ་ལ་དེ་ཉིད་
ཀྱི་སྐད་ཅིག་ལ་དེ་བཞིན་གཤེགས་པ་ཐམས་ཅད་མཉམ་པ་ཉིད་ཀྱི་ཡེ་ཤེས་མངོན་པར་རྫོགས་པར་སངས་རྒྱས་པ་དེ་བཞིན་གཤེགས་པ་ཐམས་ཅད་ཀྱི་རྡོ་རྗེ་མཉམ་པ་ཉིད་ཡེ་ཤེས་ཀྱི་ཕྱག་རྒྱ་གསང་བ་མཉམ་པ་ཉིད་ལ་རབ་ཏུ་ཞུགས་པ། དེ་བཞིན་གཤེགས་པ་ཐམས་ཅད་ཀྱིས་དབང་བསྐུར་བས་
མཉམ་པ་ཉིད་ཁོང་དུ་ཆུད་པ་རིན་པོ་ཆེའི་དབང་བསྐུར་བ་ཐོབ་པ། དེ་བཞིན་གཤེགས་པ་ཐམས་ཅད་ཀྱི་རྡོ་རྗེའི་ཆོས་མཉམ་པ་ཉིད་རྟོག་པའི་རང་བཞིན་རྣམ་པར་དག་པ། དེ་བཞིན་གཤེགས་པ་ཐམས་ཅད་ཀྱི་རང་བཞིན་གྱིས་འོད་གསལ་བ་ཡེ་ཤེས་ཀྱི་རྣམ་པར་གྱུར་པའི་ངོ་བོ་ཉིད། དེ་བཞིན་
གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཀྱི་བདག་ཉིད་དུ་བསམ་པར་བྱའོ། །དེ་ནས་དེ་བཞིན་གཤེགས་པ་ཐམས་ཅད་ཀྱི་སེམས་དཔའ་རྡོ་རྗེ་ལ་སོགས་པ་རྣམས་ཀྱིས་གཟུང་བའི་བུམ་པའི་ཆུས་དབང་བསྐུར་བར་རྣམ་པར་བསྒོམ་སྟེ། ཨོཾ་བཛྲ་རཏྣ་ཨ་བྷི་ཥིཉྩ་ཞེས་
སོ། །དེ་ནས་སྔོན་བཞིན་དུ་རྡོ་རྗེ་རིན་པོ་ཆེ་དབུ་རྒྱན་དང་། ཅོད་པན་གྱིས་དབང་བསྐུར་བར་བལྟས་ཏེ་ཆོས་ཀྱི་དབང་ཕྱུག་གི་ཡེ་ཤེས་སུ་བསྐྱེད་པར་བྱའོ། །དེ་བཞིན་གཤེགས་པ་ཐམས་ཅད་ཕྲིན་ལས་སྣ་ཚོགས་པས་འདིར་གནས་པར་འཇུག་པས་དེ་བཞིན་གཤེགས་པ་ཐམས་ཅད་ཀྱི་བསོད་ནམས་
ལས་གྲུབ་པ་སེང་གེའི་གདན་ལ་ཞལ་བཞི་པའི་སྐུས་བཞུགས་པར་བསམ་པར་བྱའོ། །མི་བསྐྱོད་པ་ལ་སོགས་པའི་དེ་བཞིན་གཤེགས་པ་རྣམས་ཀྱང་སོ་སོའི་ཞིང་དེ་བཞིན་གཤེགས་པ་ཐམས་ཅད་ཀྱིས་བྱིན་གྱིས་བརླབ་པ་གླང་པོ་ཆེ་ལ་སོགས་པའི་གདན་རྣམས་ལ་བཞུགས་པར་བསམ་པར་བྱའོ་ཞེས་

62-1-279b

བྱ་བ་ལ་སོགས་པ་ནི་རྣལ་འབྱོར་ཞེས་བྱ་བའི་ཏིང་ངེ་འཛིན་ཏོ།།      །།དེའི་རྗེས་ལ་རྡོ་རྗེ་དབྱིངས་ཀྱི་དབང་ཕྱུག་མ་ལ་སོགས་པ་བཞིའི་གནས་རྣམས་སུ་བདག་ཉིད་ལ་བྱིན་གྱིས་བརླབས་ལ་བྱང་ཆུབ་མཆོག་གི་ཕྱག་རྒྱ་བཅིངས་ནས་སྙིང་གར་གྱུར་པའི་རྡོ་རྗེ་སེམས་དཔའ་བསྐུལ་བར་བྱའོ། །རྡོ་རྗེ་སེམས་
དཔའ་ཞེས་པས་སོ། །དེ་ནས་དེ་བཞིན་གཤེགས་པ་ཐམས་ཅད་ཀྱི་ཐུགས་ཀར་ཟླ་བའི་དཀྱིལ་འཁོར་རྣམས་སུ་གྱུར་པ་ལས་རྣམ་པར་བྱུང་བ་ཇི་སྲིད་འཇིག་རྟེན་གྱི་ཁམས་རྣམས་སུ་སེམས་ཅན་ཐམས་ཅད་ཀྱིས་བདག་མེད་པ་ཁོང་དུ་ཆུད་པར་བྱ་བའི་ཕྱིར། ཟླ་བའི་དཀྱིལ་འཁོར་གྱི་རྣམ་པ་ལ་
སེམས་རྩེ་གཅིག་ཏུ་བསྐྱེད་ནས་ལྷ་ཐམས་ཅད་ཀྱི་གནས་སུ་ཟླ་བའི་དཀྱིལ་འཁོར་རྣམས་ལ་དེ་བཞིན་དུ་གྱུར་ནས་བཞུགས་པར་བསམ་པར་བྱའོ། །དེ་ནས་དེ་རྣམས་ལས་ཡེ་ཤེས་ཀྱི་འོད་ཟེར་ལས་བྱུང་བས་སྙིང་གར་གྱུར་པའི་རྡོ་རྗེ་ལ་རབ་ཏུ་ཞུགས་ཏེ་དེའི་ལྷན་ཅིག་ཏུ་གྱུར་ནས་དེ་བཞིན་གཤེགས་
པ་ཐམས་ཅད་ཀྱི་བྱིན་གྱི་རླབས་ཀྱིས་ནམ་མཁའི་དབྱིངས་ཆེན་པོ་ཐམས་ཅད་ཡང་དག་པར་བརྐྱང་བའི་ཚད་ཀྱི་རྡོ་རྗེ་རྩེ་ལྔ་པའི་གཟུགས་སུ་གྱུར་པ་ཞེས་བརྗོད་པར་བྱའོ། །ཨོཾ་བཛྲཱ་ཨཱཏྨ་ཀོ྅ཧཾ། སླར་ཡང་སྙིང་གར་གྱུར་པའི་རྡོ་རྗེའི་ཚད་དེ་ཉིད་དུ་གྱུར་ནས་དེ་ལས་བྱུང་བས་རང་གི་ལག་མཐིལ་དུ་
གནས་པར་བསམ་པར་བྱའོ། །དེ་ལ་སླར་ཡང་རྡོ་རྗེའི་རྣམ་པའི་འོད་ཟེར་ལས་དཔག་ཏུ་མེད་པའི་སྐུ་མདོག་དང་། དཔག་ཏུ་མེད་པའི་དབྱིབས་རྣམས་རྣམ་པར་བྱུང་སྟེ། ཇི་སྲིད་ནམ་མཁའི་ཁམས་ཐམས་ཅད་དུ་ཁྱབ་པ་དེ་ལས་སླར་ཡང་རྡོ་རྗེ་སེམས་དཔའ་ལ་སོགས་པའི་སྐུས་སེམས་ཅན་
གྱི་ཁམས་ཐམས་ཅད་ལ་དེ་བཞིན་གཤེགས་པ་ཐམས་ཅད་ཀྱིས་ཀྱང་མཉམ་པ་ཉིད་ཀྱི་ཡེ་ཤེས་མངོན་པར་ཡང་དག་པར་བྱང་ཆུབ་པ་ལ་ངེས་པར་སྦྱར་ནས། སླར་ཡང་བསྡུ་བའི་སྦྱོར་བས་དཔག་ཏུ་མེད་པའི་སེམས་ཅན་གྱི་ལུས་སུ་གྱུར་ནས། རང་གི་སྙིང་གར་གྱུར་པའི་རྡོ་རྗེ་ལས་རབ་ཏུ་ཞུགས་ཏེ་
དེ་ལ་གནས་པས་ཆེད་དུ་བརྗོད་པས་ཆེད་དུ་རྗོད་པ་མཛད་དོ། །ཨཱེ་མ་ཀུན་དུ་བཟང་པོ་ང་། །སེམས་དཔའ་རང་བྱུང་ཉིད་དུ་བརྟན། །གང་ཞིག་ལུས་མེད་ཀྱང་བརྟན་ཕྱིར། །སེམས་དཔའི་ལུས་ཉིད་ལ་གཤེགས་ཤིག །དེ་ནས་ཐུགས་ཀར་བྱོན་ནས་མི་བསྐྱོད་པའི་མདུན་དུ་འདུག་ནས་བཀའི་ལམ་ཞུ་བར་

62-1-280a

བསམ་པར་བྱའོ། །དེ་ནས་དེ་བཞིན་གཤེགས་པ་ཐམས་ཅད་ཀྱི་རིགས་ཀྱི་འཁོར་ལོ་བསྐོར་བས་སངས་རྒྱས་ལྔའི་དབུ་རྒྱན་དང་ཅོད་པན་གྱི་དབང་གིས་དབང་བསྐུར་ཏེ། བླ་ན་མེད་པའི་ཚུལ་ཁྲིམས་ལ་སོགས་པ་གང་གིས་ཇི་སྲིད་དེ་བཞིན་གཤེགས་པ་ཐམས་ཅད་ཀྱི་
མཉམ་པ་ཉིད་ཀྱི་ཡེ་ཤེས་མངོན་པར་བྱང་ཆུབ་པ་བསྐྱེད་ནས་ལས་ལ་སོགས་པའི་རྡོ་རྗེ་དང་རྡོ་རྗེས་མཚན་པའི་དྲིལ་བུ་དང་བཅས་པས་མ་ལུས་ཤིང་ལུས་པ་མེད་པའི་ཁམས་སུ་བསྐྱེད་པ་ཀུན་དུ་བཟང་པོའི་ཕྱིར་མིང་གི་དབང་བསྐུར་གྱི་དབང་བསྐུར་བ་སྦྱིན་པར་བྱའོ། །དེའི་རྗེས་ལ་ཕྱག་ན་རྡོ་རྗེའི་ང་རྒྱལ་གྱི་
ཆེད་དུ་བརྗོད་པས་ཆེད་དུ་རྗོད་པར་མཛད་དོ། །འདི་ནི་སངས་རྒྱས་ཐམས་ཅད་ཀྱི། །དངོས་གྲུབ་རྡོ་རྗེ་བླ་ན་མེད། །བདག་ལ་བདག་གི་ལག་ཏུ་སྩོལ། །རྡོ་རྗེ་རྡོ་རྗེ་ལ་རབ་གནས། །དེ་བཞིན་དུ་བསྐྱེད་ཅིང་སྤྲོ་བ་དང་བསྡུ་བའི་སྦྱོར་བས་རྣམ་པར་སྣང་མཛད་ཀྱི་ཐུགས་ཀར་གྱུར་པ་དབུས་སུ་བཞུགས་པས་
ཆེད་དུ་བརྗོད་པས་ཆེད་དུ་རྗོད་པ་ལ། དབང་བསྐུར་བའི་མཐའ་ལ་རྡོ་རྗེ་སེམས་དཔའ་ནས་བརྩམས་ཏེ་ཇི་སྲིད་རྡོ་རྗེ་ཁུ་ཚུར་གྱི་མཐར་ཐུག་པ་རང་རང་གི་མཚན་མ་ལས་སྔོན་མ་བཞིན་དུ་སྤྲོ་བ་དང་བསྡུ་བའི་སྦྱོར་བས་ཆེད་དུ་བརྗོད་པ་ཆེད་དུ་རྗོད་པར་མཛད་དོ། །དེ་ལ་རྡོ་རྗེ་རྒྱལ་པོ་ལ་སོགས་པ་རྣམས་
ཀྱི་ཆེད་དུ་བརྗོད་པར་གྱུར་པ་ནི་རྡོ་རྗེ་རྒྱལ་པོ་ལྕགས་ཀྱུའི་བདག་ཉིད་ཀྱི་ང་རྒྱལ་གྱིས། ཨེ་མ་དོན་ཡོད་རྒྱལ་པོ་ང་། །རྡོ་རྗེ་ལས་བྱུང་ལྕགས་ཀྱུའོ། །གང་ཞིག་སངས་རྒྱས་ཀུན་ལ་ཁྱབ། །ཡང་དག་འགུགས་པས་བསྒྲུབ་པར་བྱ། །ཨོཾ་བཛྲ་རཱ་ཛོ྅ཧཾ། འདི་ནི་སངས་རྒྱས་ཐམས་ཅད་ཀྱིས། །རྡོ་རྗེ་ཡེ་
ཤེས་བླ་ན་མེད། །གང་ཞིག་སངས་རྒྱས་དངོས་གྲུབ་དོན། །ཡང་དག་འགུགས་བྱེད་བླ་ན་མེད། །མི་བསྐྱོད་པའི་གཡས་ཕྱོགས་སུ་ཟླ་བའི་དཀྱིལ་འཁོར་ལ་བཞུགས་པར་བསམ་པར་བྱའོ། །རྡོ་རྗེ་ཆགས་པ་མདའི་ང་རྒྱལ་གྱིས། །ཨེ་མ་རང་བཞིན་ཡང་དག་ང་། །རྗེས་སུ་ཆགས་པ་རང་
འབྱུང་ཉིད། །གང་ཞིག་དག་ཕྱིར་ཆགས་བྲལ་རྣམས། །ཆགས་པ་ཡིས་ནི་འདུལ་བར་བྱེད། །ཨོཾ་བཛྲ་རཱ་ག་སྭ་བྷཱ་བ་ཨཱཏྨ་ཀོ྅ཧཾ། འདི་ནི་སངས་རྒྱས་ཐམས་ཅད་ཀྱི། །ཆགས་པའི་ཡེ་ཤེས་དྲི་མ་མེད། །ཆགས་བྲལ་ཆགས་པ་ཡིས་བཅོམ་ནས། །ཀུན་ལ་བདེ་བ་སྟེར་བར་མཛད། །མི་བསྐྱོད་

62-1-280b

པའི་གཡོན་ཕྱོགས་སུ་ཟླ་བའི་དཀྱིལ་འཁོར་ལ་བཞུགས་པར་བསམ་པར་བྱའོ། །རྡོ་རྗེ་ལེགས་པ་དགྱེས་པའི་ང་རྒྱལ་གྱིས། །ཨེ་མ་ལེགས་པར་བྱེད་པ་འདི། །སེམས་ཅན་ཀུན་གྱི་རིག་པ་མཆོག །གང་ཞིག་བསྐལ་པར་སྨོན་པ་ཡིས། །དགྱེས་པ་ངེས་པར་བསྐྱེད་པར་འགྱུར། །ཨོཾ་བཛྲ་སཱ་བྷུ་སྭ་བྷཱ་བཱཏྨ་ཀོ྅ཧཾ། 
འདི་ནི་སངས་རྒྱས་ཐམས་ཅད་ཀྱིས། །ལེགས་པར་བྱེད་པ་རབ་ཏུ་བརྗོད། །ཐམས་ཅད་དགྱེས་མཛད་རྡོ་རྗེ་ལ། །ལྷ་ཡི་མཆོག་ཏུ་དགའ་བ་འཕེལ། །མི་བསྐྱོད་པའི་རྒྱབ་ཏུ་ཟླ་བ་ལ་བཞུགས་པར་བསམ་པར་བྱའོ། །རྡོ་རྗེ་རིན་ཆེན་ནི་རིན་པོ་ཆེའི་ང་རྒྱལ་གྱིས། ཨེ་མ་རང་ཉིད་དབང་བསྐུར་
ང་། །རྡོ་རྗེ་རིན་ཆེན་བླ་ན་མེད། །གང་ཞིག་ཟླ་བྲལ་རྒྱལ་བ་ཡང་། །ཁམས་གསུམ་བདག་པོ་ཉིད་དུ་ཤེས། །ཨོཾ་བཛྲ་གརྦྷ་སྭ་བྷཱ་བ་ཨཱཏྨ་ཀོ྅ཧཾ། འདི་ནི་སངས་རྒྱས་ཐམས་ཅད་ཀྱི། །སེམས་དཔའི་དབྱིངས་སུ་དབང་བསྐུར་བ། །བདག་ལ་བདག་གི་ལག་ཏུ་སྩལ། །རིན་ཆེན་རིན་ཆེན་
ངེས་སྦྱར་བྱ། །དེ་བཞིན་དུ་རིན་ཆེན་འབྱུང་ལྡན་གྱི་སྔོན་དུའོ། །རྡོ་རྗེ་གཟི་བརྗིད་ཉི་མའི་ང་རྒྱལ་གྱིས། །ཨེ་མ་གཟི་བརྗིད་དཔེ་མེད་ང་། །སེམས་ཅན་ཁམས་རྣམས་གསལ་བར་མཛད། །གང་ཞིག་དག་བྱེད་དག་རྣམས་ཀྱིས། །སངས་རྒྱས་སྐྱོབ་པ་རྣམས་ཀྱི་ཡང་། །ཨོཾ་བཛྲ་པྲ་བྷཱ་སྭ་བྷཱ་བ་
ཨཱཏྨ་ཀོ྅ཧཾ། འདི་ནི་སངས་རྒྱས་ཐམས་ཅད་ཀྱིས། །མི་ཤེས་འཇོམས་ཕྱིར་ཉམས་པར་བྱེད། །ཕྲ་རབ་རྡུལ་ཕྲན་གྲངས་ཀྱིས་ནི། །ཉི་མའི་འོད་པས་ཤིན་ཏུ་ལྷག །རིན་ཆེན་འབྱུང་ལྡན་གྱི་གཡས་སུའོ། །རྡོ་རྗེ་ཏོག་གི་མཆོད་སྡོང་གི་ང་རྒྱལ་གྱིས། ཨེ་མ་མཚུངས་མེད་ཏོག་གི་ང་། །
དོན་རྣམས་ཐམས་ཅད་སྒྲུབ་པར་བྱེད། །གང་ཞིག་ཀུན་གྱི་བསམ་པ་གྲུབ། །དོན་ཀུན་ཡོངས་སུ་རྫོགས་པར་བྱེད། །ཨོཾ་བཛྲ་ཡཥྚི་སྭ་བྷཱ་བཱཏྨ་ཀོ྅ཧཾ། འདི་ནི་སངས་རྒྱས་ཐམས་ཅད་ཀྱིས། །བསམ་པ་ཐམས་ཅད་ཡོངས་སུ་རྫོགས། །ཡིད་བཞིན་ནོར་བུའི་རྒྱལ་མཚན་ཞེས། །སྦྱིན་པའི་
ཕ་རོལ་ཕྱིན་པའི་ཚུལ། །རིན་ཆེན་འབྱུང་ལྡན་གྱི་གཡོན་དུའོ། །འདི་ནི་སངས་རྒྱས་ཐམས་ཅད་ཀྱིས། །ངོ་མཚར་རྨད་བྱུང་སྟོན་པར་མཛད། །དགའ་བ་ཆེར་མཛད་ཡེ་ཤེས་ཏེ། །མི་ཤེས་ཡོངས་སུ་སྤོང་བར་མཛད། །རིན་ཆེན་འབྱུང་ལྡན་གྱི་རྒྱབ་ཏུའོ། །རྡོ་རྗེ་ཆོས་ནི་པདྨའི་ང་རྒྱལ་གྱིས། །

62-1-281a

ཨེ་མ་དོན་དམ་ང་ཉིད་དོ། །གདོད་ནས་དག་ཅིང་རང་བྱུང་ང་། །གང་ཞིག་འཇིག་རྟེན་མཆོད་མིན་འདི། །རྣམ་པར་དག་པ་ལ་དམིགས་ཏེ། །ཨོཾ་བཛྲ་ནེ་ཏྲ་སྭ་བྷཱ་བོ྅ཧཾ། འདི་ནི་སངས་རྒྱས་ཐམས་ཅད་ཀྱི། །འདོད་ཆགས་དེ་ཉིད་ཁོང་དུ་ཆུད། །བདག་ལ་བདག་གི་ལག་ཏུ་
སྩལ། །ཆོས་ལ་ཆོས་ནི་རབ་ཏུ་གནས། །འོད་དཔག་མེད་ཀྱི་མདུན་དུའོ། །རྡོ་རྗེ་གནོན་པོ་རལ་གྲིའི་ང་རྒྱལ་གྱིས། ཨེ་མ་སངས་རྒྱས་ཐམས་ཅད་ཀྱི། །འཇམ་པའི་དབྱངས་སུ་ང་ཉིད་ཤེས། །གང་ཞིག་ཤེས་རབ་གཟུགས་ཅན་གྱི། །དབྱངས་ཉིད་ལ་ནི་དམིགས་པ་སྟེ། །ཨོཾ་བཛྲ་
བོ་དྷི་སྭ་བྷཱ་བོ྅ཧཾ། འདི་ནི་སངས་རྒྱས་ཐམས་ཅད་ཀྱི། །ཤེས་རབ་ཕ་རོལ་ཕྱིན་པའི་ཚུལ། །དགྲ་རྣམས་མ་ལུས་མཆོག་ཏུ་གཅོད། །སྡིག་པ་ཐམས་ཅད་འཇོམ་པའི་མཆོག །འོད་དཔག་མེད་ཀྱི་གཡས་སུའོ། །རྡོ་རྗེ་རྒྱུ་ནི་འཁོར་ལོའི་ང་རྒྱལ་གྱིས། །ཨེ་མ་འཁོར་ལོ་རྡོ་རྗེ་ཡི་རང་བཞིན། །
རྡོ་རྗེ་མཆོག་གི་ཆོས་ཅན་ང་། །གང་ཞིག་སེམས་བསྐྱེད་ཙམ་གྱིས་ནི། །ཆོས་ཀྱི་འཁོར་ལོ་སྐོར་བར་བྱེད། །ཨོཾ་བཛྲ་མཎྜ་སྭ་བྷཱ་བོ྅ཧཾ། འདི་ནི་སངས་རྒྱས་ཐམས་ཅད་ཀྱི། །ཆོས་ཀུན་རྣམ་པར་དག་པ་སྟེ། །ཕྱིར་མི་ལྡོག་པའི་འཁོར་ལོ་ང་། །བྱང་ཆུབ་སྙིང་པོ་ཞེས་བྱར་ཤེས། །
འོད་དཔག་མེད་ཀྱི་གཡོན་དུའོ། །རྡོ་རྗེ་སྨྲ་བ་ནི། ཆོས་ཀྱི་དུང་གི་ང་རྒྱལ་གྱིས། །ཨེ་མ་རང་བྱུང་གསང་བ་སྟེ། །དགོངས་པའི་སྐད་ཀྱི་བདག་ཉིད་བརྟན། །གང་ཞིག་དམ་ཆོས་སྟོན་བྱེད་པ། །ཚིག་གི་སྤྲོས་པ་རྣམ་པར་སྤངས། །ཨོཾ་བཛྲ་བཱ་ཙ་སྭ་བྷཱ་ཧཾ། འདི་ནི་སངས་རྒྱས་ཐམས་
ཅད་ཀྱི། །རྡོ་རྗེའི་བཟླས་པ་བླ་ན་མེད། །དེ་བཞིན་གཤེགས་པ་ཐམས་ཅད་ཀྱི། །གསང་སྔགས་མྱུར་དུ་སྒྲུབ་པའི་ཐབས། །འོད་དཔག་མེད་ཀྱི་རྒྱབ་ཏུའོ། །རྡོ་རྗེ་ལས་ནི། སྣ་ཚོགས་རྡོ་རྗེའི་ང་རྒྱལ་གྱིས། །ཨེ་མ་སངས་རྒྱས་དོན་ཡོད་ཀྱིས། །ཀུན་གྱི་ལས་ལ་འཇུག་པ་བདག །གང་
ཞིག་ལྷུན་གྲུབ་སངས་རྒྱས་དོན། །རྡོ་རྗེ་ལས་ནི་སྐོར་བར་བྱེད། །ཨོཾ་བཛྲ་ས་ཀརྨ་སོ་བྷཱ་བོ྅ཧཾ། འདི་ནི་སངས་རྒྱས་ཐམས་ཅད་ཀྱིས། །སྣ་ཚོགས་ལས་ནི་བྱེད་པའི་མཆོག །བདག་ལ་བདག་གི་ལག་ཏུ་སྩལ། །སྣ་ཚོགས་སྣ་ཚོགས་སྦྱོར་བར་བྱེད། །དོན་ཡོད་གྲུབ་པའི་མདུན་དུའོ། །

62-1-281b

རྡོ་རྗེ་བསྲུང་བ་ནི་གོ་ཆའི་ང་རྒྱལ་གྱིས། ཨེ་མ་བརྩོན་འགྲུས་རང་བཞིན་ཆོས། །ཤིན་ཏུ་བརྟན་པ་བརྟན་ཉིད་བརྟན། །གང་ཞིག་བརྟན་ཕྱིར་ལུས་མེད་རྣམས། །རྡོ་རྗེའི་སྐུ་རུ་བྱེད་པའི་མཆོག །ཨོཾ་བཛྲ་བཱིརྱ་སྭ་བྷཱ་བོ྅ཧཾ། འདི་ནི་སངས་རྒྱས་ཐམས་ཅད་ཀྱི། །བྱམས་པ་ཡི་ནི་གོ་ཆ་མཆོག །བརྩོན་
འགྲུས་ཆེན་པོས་བསྲུང་བར་བྱ། །གསང་སྔགས་ཆེན་པོར་རབ་ཏུ་བཤད། །དོན་ཡོད་གྲུབ་པའི་གཡས་སུའོ། །རྡོ་རྗེ་གནོད་སྦྱིན་ནི། ཨེ་མ་ཐབས་ཆེན་ང་ཉིད་དེ། །སངས་རྒྱས་རྣམས་ཀྱི་སྙིང་རྗེ་བདག །གང་ཞིག་སེམས་ཅན་དོན་དེ་ཡིས། །ཞི་བ་དྲག་པོ་ཉིད་ཀྱང་བྱ། །ཨོཾ་བཛྲ་ཙཎྜ་སྭ་བྷཱ་
བོ྅ཧཾ། འདི་ནི་གདུག་པ་ཐམས་ཅད་ཀྱི། །མཆོག་ཏུ་སྟེར་བ་རྡོ་རྗེ་ཡི། །མཆེ་བ་མཚོན་ཆ་རྣོན་པོ་སྟེ། །ཐབས་དང་སྙིང་རྗེའི་བདག་ཉིད་དོ། །དོན་ཡོད་གྲུབ་པའི་གཡོན་དུའོ། །རྡོ་རྗེ་མཚམས་ནི་ཁུ་ཚུར་གྱི་ང་རྒྱལ་གྱིས། ཨེ་མ་ཤིན་ཏུ་བརྟན་པར་བསྡམས། །དམ་ཚིག་ང་རྒྱལ་བརྟན་པ་
བདག །གང་ཞིག་ཀུན་གྱི་བསམ་དོན་སྒྲུབ། །གྲོལ་བ་རྣམས་ཀྱང་འཆིང་བར་བྱེད། །ཨོཾ་བཛྲ་མུཥྚི་སྭ་བྷཱ་བོ྅ཧཾ། འདི་ནི་སངས་རྒྱས་ཐམས་ཅད་ཀྱི། །ཕྱག་རྒྱས་འཆིང་བ་ང་ཉིད་བརྟན། །སངས་རྒྱས་ཀུན་གྱི་དོན་ལེགས་གྲུབ། །ཕྱག་རྒྱ་ཤིན་ཏུ་འདའ་དཀའ་བས། །དོན་ཡོད་གྲུབ་པའི་རྒྱབ་ཏུའོ། །
དེ་ནས་མི་བསྐྱོད་པའི་ང་རྒྱལ་གྱིས། །སེམས་མ་རྡོ་རྗེ་མ་བསྐྱེད་པར་བྱའོ། །རིན་ཆེན་འབྱུང་ལྡན་གྱི་ང་རྒྱལ་གྱིས། །རིན་ཆེན་རྡོ་རྗེ་མའོ། །འོད་དཔག་མེད་ཀྱི་ང་རྒྱལ་གྱིས། །ཆོས་ཀྱི་རྡོ་རྗེ་མའོ། །དོན་ཡོད་གྲུབ་པའི་ང་རྒྱལ་གྱིས། །ལས་ཀྱི་རྡོ་རྗེ་མ་རྣམས་ཏེ། རྣམ་པར་སྣང་མཛད་ཀྱི་མདུན་ལ་
སོགས་པའི་ཕྱོགས་བཞི་རྣམས་སུ་བཞུགས་པར་བསམ་པར་བྱའོ། །འདི་རྣམས་ཀྱི་ཆེད་དུ་བརྗོད་པར་བྱ་བ་ནི། ཨོཾ་སཏྭ་བཛྲི་སྭ་བྷཱ་བོ྅ཧཾ། ཨེ་མ་སངས་རྒྱས་ཐམས་ཅད་ཀྱི། །སེམས་མ་རྡོ་རྗེ་བདག་ཉིད་བརྟན། །གང་ཞིག་བརྟན་ཕྱིར་ལུས་མེད་ལའང་། །རྡོ་རྗེའི་སྐུ་ཉིད་བྱོན་གྱུར་པ། །ཨོཾ་རཏྣ་བཛྲཱ་
སྭ་བྷཱ་བོ྅ཧཾ། ཨེ་མ་སངས་རྒྱས་ཐམས་ཅད་ཀྱི། །རིན་ཆེན་རྡོ་རྗེ་བདག་ཉིད་ཤེས། །གང་ཞིག་ཕྱག་རྒྱ་འདི་རྣམས་ཀྱིས། །དབང་བསྐུར་བ་ཡི་ཚུལ་ཉིད་བརྟན། །ཨོཾ་དྷརྨྨ་བཛྲི་སྭ་བྷཱ་བོ྅ཧཾ། ཨེ་མ་སངས་རྒྱས་ཐམས་ཅད་ཀྱི། །ཆོས་ཀྱི་རྡོ་རྗེ་གཙང་བདག་ཉིད། །གང་ཞིག་རང་བཞིན་རྣམ་

62-1-282a

དག་པ། །འདོད་ཆགས་དང་བྲལ་དྲི་མ་མེད། །ཨོཾ་ཀརྨྨ་བཛྲི་སྭ་བྷཱ་བོ྅ཧཾ། ཨེ་མ་སངས་རྒྱས་ཐམས་ཅད་ཀྱིས། །ལས་ཀྱི་རྡོ་རྗེ་བདག་ལ་མངའ། །གང་ཞིག་གཅིག་ཀྱང་མ་ལུས་པའི། །སེམས་ཅན་ཁམས་རྣམས་ལས་ལེགས་མཛད། །རྣམ་པར་སྣང་མཛད་ཀྱི་ང་རྒྱལ་
གྱིས། སྒེག་མོ་ལ་སོགས་པ་བཞིའི་ཆེད་དུ་བརྗོད་པ་མཛད་དོ། །ཨོཾ་བཛྲ་ལཱ་སྱེ་སྭ་བྷཱ་བོ྅ཧཾ། ཨེ་མ་མཚུངས་མེད་གྱུར་པ་ཡི། །མཆོད་པའི་དགའ་བ་རང་འབྱུང་ངོ་། །གང་ཞིག་འདོད་པའི་མཆོད་པ་ཡིས། །མཆོད་པ་ཀུན་ལ་རབ་ཏུ་འཇུག །ནང་གི་དཀྱིལ་འཁོར་དུ་མེའི་མཚམས་སུ་བཞུགས་པར་བསམ་
པར་བྱའོ། །དེ་བཞིན་དུ་བདེན་བྲལ་དང་རླུང་དང་དབང་ལྡན་གྱི་མཚམས་རྣམས་སུ་རིམ་པ་ཇི་ལྟ་བ་བཞིན་དུའོ། །ཨོཾ་བཛྲ་མཱ་ལ་སྭ་བྷཱ་བོ྅ཧཾ། ཨེ་མ་བདག་དང་མཚུངས་པ་མེད། །ཤིན་ཏུ་རིན་ཆེན་མཆོད་ཅེས་གྲགས། །གང་ཞིག་ཁམས་གསུམ་རྒྱལ་པོ་མཆོག །བསྟོད་ཅིང་རབ་ཏུ་མཆོད་པར་བྱེད། །
ཨོཾ་བཛྲ་གཱི་ཏ་སྭ་བྷཱ་བོ྅ཧཾ། ཨེ་མ་གླུ་དབྱངས་རང་བཞིན་གྱིས། །མཆོད་པ་བདག་གི་ཐམས་ཅད་སྟོན། །གང་ཞིག་མཉེས་པར་བྱེད་པས་མཆོད། །སྒྲ་བརྙན་དཔེ་ཡི་རྣམ་པས་ཀྱང་། །ཨོཾ་བཛྲ་ནྲྀ་ཏྱ་སྭ་བྷཱ་བོ྅ཧཾ། ཨེ་མ་མཆོད་པ་རྒྱ་ཆེན་བདག །མཆོད་པའི་དོན་རྣམས་མ་ལུས་བྱེད། །གང་
ཞིག་སྒྲུབ་པ་རྡོ་རྗེའི་གར། །སངས་རྒྱས་མཆོད་པ་རབ་ཏུ་བརྟག །མི་བསྐྱོད་པའི་ང་རྒྱལ་གྱི་རྡོ་རྗེ་བདུག་སྤོས་མ་ལ་སོགས་པ་བཞིའི་ཆེད་དུ་བརྗོད་པས་ཆེད་དུ་རྗོད་པར་མཛད་དོ། །ཨོཾ་བཛྲ་དྷཱུ་པ་སྭ་བྷཱ་བོ྅ཧཾ། ཨེ་མ་བདག་གི་མཆོད་པ་ཆེ། །རབ་ཏུ་ཚིམ་བྱེད་མ་སྟེ་དགེ། །གང་ཞིག་སེམས་
ཅན་རབ་ཞུགས་སྦྱོར། །མྱུར་དུ་བྱང་ཆུབ་ཐོབ་པར་བྱ། །ཨོཾ་བཛྲ་པུཥྤ་སྭ་བྷཱ་བོ྅ཧཾ། ཨེ་མ་མེ་ཏོག་མཆོད་པ་དག །རྒྱན་རྣམས་ཀུན་གྱིས་བརྒྱན་པར་བྱེད། །གང་ཞིག་བདེ་གཤེགས་རིན་ཆེན་ཉིད། །མཆོད་པས་མྱུར་དུ་རབ་ཏུ་ཐོབ། །ཨོཾ་ཛྙཱ་ན་བཛྲཱ་ལོ་ཀ་སྭ་བྷཱ་བོ྅ཧཾ། ཨེ་མ་བདག་གི་
མཆོད་པ་ཆེ། །སྣང་གསལ་རང་བཞིན་དགེ་བའོ། །གང་ཞིག་སྣང་གསལ་ཅན་གྱིས་ནི། །སངས་རྒྱས་ཀུན་མཚུངས་མྱུར་དུ་ཐོབ། །ཨོཾ་བཛྲ་གནྡྷ་སྭ་བྷཱ་བོ྅ཧཾ། ཨེ་མ་དྲི་ཡི་རང་བཞིན་གྱི། །མཆོད་པས་ལྷ་མོ་བདག་ཡིད་དགའ། །གང་ཞིག་དེ་བཞིན་གཤེགས་རྣམས་དྲིས། །ཀུན་ལ་

62-1-282b

སྐུ་ལ་དབུལ་པར་བགྱི། །ཞེས་པ་བཞི་པོ་འདི་རྣམས་ཕྱིའི་དཀྱིལ་འཁོར་གྱི་མེ་ལ་སོགས་པའི་མཚམས་གཞན་རྣམས་སུ་བཞུགས་པར་བསམ་པར་བྱའོ། །དེ་ནས་རྣམ་པར་སྣང་མཛད་ཀྱི་ང་རྒྱལ་གྱིས་བྱམས་པ་ལ་སོགས་པའི་བྱང་ཆུབ་སེམས་དཔའ་བཅུ་དྲུག་བསྐྱེད་པར་བྱའོ། །ཨོཾ་
སརྦ་སཾ་སྐཱ་ར་པ་རི་ཤུདྡྷ་དྷརྨྨ་ཏེ་ག་ག་ན་ས་མུངྒ་ཏེ་སྭ་བྷཱ་བ་བི་ཤུདྡྷེ་མ་ཧཱ་ན་ཡ་པ་རི་ཝཱ་རེ་སྭཱ་ཧཱ། ཞེས་པས་བྱང་ཆུབ་སེམས་དཔའ་བཅུ་དྲུག་ཤར་ལ་སོགས་པའི་སྒོ་བཞིའི་ལོགས་གཉིས་སུ་ཕྱིའི་དཀྱིལ་འཁོར་གྱི་སྟེགས་བུ་ལ་བཞུགས་པར་བསམ་པར་བྱའོ། །དེ་ལ་འདིར་སྐུ་མདོག་ནི་གོ་རིམས་
བཞིན་དུ་ཤེས་པར་བྱ་སྟེ། སེར་པོ་དང་། སེར་པོ་དང་། དཀར་པོ་དང་། དཀར་པོ་དང་། དཀར་པོ་དང་། ལྗང་གུ་དང་། དཀར་པོ་དང་། མཐིང་ག་དང་། དཀར་པོ་དང་། དཀར་པོ་དང་། དམར་པོ་དང་། དམར་པོ་དང་། མཐིང་ག་དང་། དཀར་པོ་དང་། དམར་པོ་དང་། སྐུ་མདོག་སེར་པོ་རྣམས་སོ། །
རང་རང་གི་མཚན་མ་ལས་གཞན་རྒྱན་ཐམས་ཅད་ཀྱིས་བརྒྱན་པར་བསམ་པར་བྱའོ། །སླར་ཡང་རྣམ་པར་སྣང་མཛད་ཀྱི་ང་རྒྱལ་གྱིས་རྡོ་རྗེ་ལྕགས་ཀྱུ་ལ་སོགས་པ་བཞིའི་ཆེད་དུ་བརྗོད་པ་ནི་ཨོཾ་བཛྲཱཾ་ཀུ་ཤ་ཀྲོ་དྷ་རཱ་ཛ་སྭ་བྷཱ་བོ྅ཧཾ། ཨེ་མ་སངས་རྒྱས་ཐམས་ཅད་ཀྱིས། །ཡང་དག་འགུག་པར་བདག་ཉིད་
བརྟན། །གང་ཞིག་བདག་ནི་ཡང་དག་འགུགས། །དཀྱིལ་འཁོར་ཀུན་གྱི་སྣོད་ལའོ། །ཤར་གྱི་སྒོ་རུའོ། །ཨོཾ་བཛྲ་པཱ་ཤ་ཀྲོ་དྷ་སྭ་བྷཱ་བོ྅ཧཾ། ཨེ་མ་སངས་རྒྱས་ཐམས་ཅད་ཀྱིས། །རྡོ་རྗེ་ཞགས་པར་བདག་ཉིད་བརྟན། །གང་ཞིག་བདག་གི་ཀུན་དུ་འཇུག །སླར་ཡང་བདག་གི་རྟག་ཏུ་འཇུག །
ལྷོའི་སྒོ་རུའོ། །ཨོཾ་བཛྲ་སྥོ་ཊ་ཀྲོ་དྷ་སྭ་བྷཱ་བོ྅ཧཾ། ཨེ་མ་སངས་རྒྱས་ཐམས་ཅད་ཀྱིས། །རྡོ་རྗེ་རྒྱས་པར་བདག་ཉིད་བརྟན། །གང་ཞིག་འཆིང་བ་ཀུན་ལས་གྲོལ། །སེམས་ཅན་དོན་དུ་འཆིང་བར་བྱེད། །ནུབ་ཀྱི་སྒོ་རུའོ། །ཨོཾ་བཛྲཱ་བེ་ཤ་ཀྲོ་དྷ་སྭ་བྷཱ་བོ྅ཧཾ། ཨེ་མ་སངས་རྒྱས་ཐམས་ཅད་ཀྱིས། །
རྡོ་རྗེ་འབེབས་པས་བདག་ཉིད་བརྟན། །གང་ཞིག་འཕགས་པ་ཀུན་དེས་འགྱུར། །བྲན་དུ་གྱུར་པ་ཉིད་ཀྱང་ངོ་། །བྱང་གི་སྒོ་རུའོ། །དེ་རྣམས་ཀྱིས་ཀྱང་ཆེད་དུ་བརྗོད་པའི་མཐར་བྱང་ཆུབ་སེམས་དཔའ་ལ་སོགས་པའི་ཚོགས་རྣམས་ཀྱིས་མཐའ་ཡས་མུ་མེད་པའི་འཇིག་རྟེན་གྱི་ཁམས་

62-1-283a

རྣམས་སུ་འགྲོ་བའི་དོན་བྱ་བ་མཛད་ནས་སླར་ལོག་སྟེ་རང་རང་གི་གནས་སུ་ཟླ་བའི་སྟེང་དུ་བཞུགས་པར་རྣམ་པར་བསྒོམ་པར་བྱའོ། །དེ་ནས་རང་གི་སྙིང་གའི་ས་བོན་གྱི་འོད་ཟེར་འཕྲོས་པས་ཡེ་ཤེས་པའི་དཀྱིལ་འཁོར་རྣམས་གདན་དྲང་བར་བྱའོ། །ཨོཾ་བཛྲ་ཙཀྲ་ཧཱུཾ། ཞེས་
པའི་སྔགས་ཀྱིས་སྔོན་བཞིན་དུའོ། །དྲིལ་བུའི་སྒྲ་བྱའོ། །ཨོཾ་བཛྲ་ས་མ་ཡ་ཛཿཛཿཧཱུཾ་བཾ་ཧོཿ། ཞེས་པའི་སྔགས་ཀྱིས་སོ། །རྡོ་རྗེ་ལྕགས་ཀྱུ་ལ་སོགས་པ་རྣམས་ཀྱིས་དགུག་པ་དང་། གཞུག་པ་དང་། བཅིང་བ་དང་། མཉེས་པར་བྱའོ། །སྒོ་རྣམས་ཀྱང་དབྱེ་བར་བྱའོ། །ཨོཾ་དཱ་རོཏྦྷ་ཊ་ཡ་ས་མ་ཡཾ་པྲ་བེ་ཤ་ཧཱུཾ། 
རྡོ་རྗེ་ཁུ་ཚུར་གཉིས་བཅིངས་ལ། །མཐེའུ་ཆུང་གཉིས་ལྕགས་སྒྲོག་ལ་སྡིགས་མཛུབ་གཉིས་རབ་ཏུ་བརྐྱང་བ་ནི་སྒོ་འབྱེད་པའི་ཕྱག་རྒྱའོ། །སྔོན་བཞིན་དུ་དབང་བསྐུར་བར་བྱའོ། །སྔོན་བཞིན་དུ་ཕྱིའི་མཆོད་པ་མཆོད་ཡོན་དང་སྒེག་མོ་ལ་སོགས་པ་བརྒྱད་བྱའོ། །དྲིལ་བུ་ཡང་དཀྲོལ་བར་བྱའོ། །ཀུན་དུ་
ཁྱབ་པ་སྲིད་རྩེའི་རྩེ། །བདེ་གཤེགས་རྒྱལ་པོ་རྒྱལ་བ་སྟེ། །ཁམས་གསུམ་པ་ཡི་རྒྱལ་པོ་ཆེ། །རྣམ་པར་སྣང་མཛད་ཁྱོད་ཕྱག་འཚལ། །རྡོ་རྗེ་སེམས་དཔའ་ཁྱོད་ལ་འདུད། །རྡོ་རྗེ་རིན་ཆེན་ཁྱོད་ལ་འདུད། །རྡོ་རྗེ་ཆོས་ཉིད་ཁྱོད་ལ་འདུད། །རྡོ་རྗེ་ལས་ཉིད་ཁྱོད་ལ་འདུད། །ཅེས་བྱ་བ་འདི་ནི་དཀྱིལ་འཁོར་
རྒྱལ་མཆོག་ཅེས་བྱ་བའི་ཏིང་ངེ་འཛིན་ཏོ། །དེ་ནས་རྣམ་པར་སྣང་མཛད་དང་བཅས་པ་དབྱེར་མེད་པའི་བདག་ཉིད་དུ་བསམས་ནས་འདུས་པར་བྱའོ། །དེ་ནས་དེ་ལ་འགྲོ་བ་རྣམས་དང་མཚུངས་པས་སངས་རྒྱས་དང་བྱང་ཆུབ་སེམས་དཔའི་འཁོར་གྱི་དཀྱིལ་འཁོར་རྣམས་ལའོ་ཞེས་བརྗོད་པར་བྱའོ། །ཨེ་
མ་ཀུན་དུ་བཟང་པོ་ཡི། །བྱང་ཆུབ་སེམས་དཔའི་སྤྱོད་པ་མཆོག །གང་ཞིག་དེ་བཞིན་གཤེགས་རྡོ་རྗེའི། །དབུས་སུ་དེ་བཞིན་གཤེགས་པས་གསུངས། །ཞེས་ཆེད་དུ་བརྗོད་པས་ཆེད་དུ་རྗོད་པ་མཛད་པར་བསམ་པར་བྱའོ། །དེ་ནས་རྣམ་པར་སྣང་མཛད་ཀྱི་ཐུགས་ཀར་བྱོན་ཞིང་རབ་ཏུ་བཞུགས་
ཏེ་སེམས་དཔའི་རྡོ་རྗེ་ལ་སོགས་པ་གཅིག་ཏུ་གྱུར་ནས་སླར་ཡང་ཆེད་དུ་བརྗོད་པར་མཛད་པ། ཨེ་མ་སངས་རྒྱས་ཐམས་ཅད་ཀྱིས། །ཆེད་བརྗོད་ཆེན་པོ་ལ་སོགས་པ། །གང་ཞིག་ཀུན་གྱིས་རྗེས་འབྲང་བའོ། །སངས་རྒྱས་ཀུན་གྱི་ཕྱིར་ཉིད་བྱོན། །དེ་ནས་དཔལ་རྡོ་རྗེ་སེམས་དཔའི་གནས་སུ་

62-1-283b

གནས་པའི་རྣལ་འབྱོར་པ་མེ་ཏོག་གིས་དབང་བསྐུར་བ་ལ་སོགས་པ་ལངས་ནས་སྔོན་བཞིན་དུ་རྡོ་རྗེའི་སྒྲ་བྱས་ཏེ་རྡོ་རྗེ་ལྕགས་ཀྱུ་ལ་སོགས་པས་དགུག་པ་དང་གཞུག་པ་དང་། བཅིང་བ་དང་དབང་དུ་བྱ་བ་རྣམས་བྱས་ནས། མཆོད་ཡོན་ལ་སོགས་པ་ཕྱིའི་མཆོད་པ་རྣམས་བྱས་ནས། སྔོན་
དུ་གསུངས་པའི་ཕྱག་རྒྱ་བཞི་པོ་རྣམས་བཅིང་བར་བྱའོ། །དེ་བཞིན་དུ་ཕྱག་རྒྱ་བཞི་པོའི་རྒྱས་བཏབ་པས་རྣམ་པར་སྣང་མཛད་ལ་སོགས་པར་མཛད་ནས་སངས་རྒྱས་ཐམས་ཅད་གཅིག་ཏུ་བསྡུས་པ་ལ། རིགས་ཐམས་ཅད་ཀྱི་ཕྱག་རྒྱ་ལའོ། །བྱང་ཆུབ་ཏུ་སེམས་བསྐྱེད་པ་དང་། དེ་
བཞིན་གཤེགས་པ་ཐམས་ཅད་གདན་འདྲེན་པ་དང་། རྗེས་སུ་ཆགས་པ་དང་། མཉེས་པར་བྱ་བ་དང་། དབང་བསྐུར་བ་དང་། འོད་ཟེར་གྱིས་སྣང་བར་བྱ་བ་དང་། སྦྱིན་པའི་ཕ་རོལ་ཏུ་ཕྱིན་པ་ལ་སྦྱོར་བ་དང་། འཛུམ་པ་རྨད་དུ་བྱུང་བ་ལ་རབ་ཏུ་དགོད་པ་དང་། ཤིན་ཏུ་རྣམ་པར་དག་
པའི་ཏིང་ངེ་འཛིན་བསྐྱེད་པ་དང་། ཉོན་མོངས་པ་དང་ཉེ་བའི་ཉོན་མོངས་པ་གཅོད་པ་དང་། དཀྱིལ་འཁོར་ཆེན་པོར་རབ་ཏུ་འཇུག་པ་དང་། སྤྲོས་པ་མེད་པའི་ཆོས་ཉིད་ལ་སྦྱོར་བ་དང་། མ་ལུས་ཤིང་ལུས་པ་མེད་པའི་མཆོད་པས་དེ་བཞིན་གཤེགས་པ་ཐམས་ཅད་མཆོད་པ་དང་། རྣམ་པ་
གཞན་དུ་མི་འདོད་པའི་སེམས་ཉོན་མོངས་པ་དང་ཉེ་བའི་ཉོན་མོངས་པ་ལ་སོགས་པའི་འཇིག་པ་ལས་གཞན་རྣམས་ཀྱང་བསྲུང་བ་དང་། བསྲུང་བ་ཐམས་ཅད་ཡོངས་སུ་བསྐྱང་བ་དང་། ལུས་ངག་ཡིད་གསུམ་གཅིག་ཏུ་བྱེད་པ་ལ་དེ་བཞིན་གཤེགས་པའི་ཁུ་ཚུར་བཅིང་བར་བྱའོ། །དེ་
བཞིན་གཤེགས་པ་ཐམས་ཅད་ཀྱི་སྦྱིན་པའི་ཕ་རོལ་ཏུ་ཕྱིན་པ་བསྐྱེད་པ་དང་། དེ་བཞིན་དུ་ཚུལ་ཁྲིམས་དང་། བཟོད་པ་དང་། བརྩོན་འགྲུས་དང་། བསམ་གཏན་དང་། ཤེས་རབ་དང་། སྨོན་ལམ་དང་། ཐབས་དང་། བྱང་ཆུབ་ཀྱི་སེམས་ཀྱི་ལྕགས་ཀྱུས་ཐར་པའི་གྲོང་ཁྱེར་ཆེན་པོ་ལས་
སེམས་ཅན་ཐམས་ཅད་འདྲེན་པ་དང་། ཕ་རོལ་ཏུ་ཕྱིན་པ་བཅུའི་སྤྱོད་པ་ལ་རབ་ཏུ་འཇུག་པ་དང་། ཐེག་པ་གཞན་ལ་མི་འདོད་པའི་སེམས་རྒྱས་པ་དང་། རང་བཞིན་གྱིས་འོད་གསལ་སྐྱེ་བ་ལ་འཇུག་པ་ཆོས་ཐམས་ཅད་ཀྱི་གྲོང་ཁྱེར་ཡོངས་སུ་སྨིན་པ་ལ་སྦྱར་བར་བྱའོ་ཞེས་སོ། །དེ་

62-1-284a

བཞིན་དུ་རབ་ཏུ་བྱེད་པའི་ལས་སྤྲོ་བ་དང་བསྡུ་བ་ལ་སྦྱོར་བས་སླར་ཡང་བསྒོམ་པར་བྱའོ་ཞེས་པས་བསྒོམས་པ་དང་ཇི་སྐད་གསུངས་པའི་སྔགས་བཟླས་པར་བྱའོ། །ཨོཾ་སརྦ་ཏ་ཐཱ་ག་ཏ་མ་ཧཱ་ཡོ་གཱི་ཤྭ་རི་ཧཱུཾ། ཨོཾ་བཛྲ་སཏྭ་ཧཱུཾ། ཨོཾ་བཛྲ་རཏྣ་ཏྲཱཾ། ཨོཾ་བཛྲ་དྷརྨྨ་ཧྲཱི། ཨོཾ་བཛྲ་ཀརྨྨ་
ཨཿརྡོ་རྗེ་སེམས་དཔའི། ཨོཾ་བཛྲ་སཏྭ་ཧཱུཾ། རྡོ་རྗེ་རྒྱལ་པོའི། ཨོཾ་བཛྲ་རཱ་ཛ་ཛཿ། རྡོ་རྗེ་ཆགས་པའི། ཨོཾ་བཛྲ་རཱ་ག་ཧོ། རྡོ་རྗེ་ལེགས་པའི། ཨོཾ་བཛྲ་སཱ་དྷུ་སཿ། རྡོ་རྗེ་རིན་ཆེན་གྱི། ཨོཾ་བཛྲ་རཏྣ་ཨོཾ། རྡོ་རྗེ་གཟི་བརྗིད་ཀྱི། ཨོཾ་བཛྲ་ཏེ་ཛ་ཨཾ། རྡོ་རྗེ་ཏོག་གི། ཨོཾ་བཛྲ་ཀེ་ཏུ་ཏྲཾ། རྡོ་རྗེ་བཞད་
པའི། ཨོཾ་བཛྲ་ཧ་ས་ཧཱ། རྡོ་རྗེ་ཆོས་ཀྱི། ཨོཾ་བཛྲ་དྷརྨྨ་ཧྲཱིཿ། རྡོ་རྗེ་རྣོན་པོའི། ཨོཾ་བཛྲ་ཏཱིཀྵྞ་དྷཱཾ། རྡོ་རྗེ་རྒྱུའི། ཨོཾ་བཛྲ་ཧེ་ཏུ་མཾ། རྡོ་རྗེ་སྨྲ་བའི། ཨོཾ་བཛྲ་བྷཱ་ཥ་རཾ། རྡོ་རྗེ་ལས་ཀྱི། ཨོཾ་བཛྲ་ཀརྨྨ་ཀཾ། རྡོ་རྗེ་སྲུང་བའི། ཨོཾ་བཛྲ་རཀྵ་ཧཾ། རྡོ་རྗེ་གནོད་སྦྱིན་གྱི། ཨོཾ་བཛྲ་
ཡཀྵ་ཧཱུཾ། རྡོ་རྗེ་མཚམས་ཀྱི། ཨོཾ་བཛྲ་སནྡྷྱི་ཨཿ། རྡོ་རྗེ་སྒེག་མོའི། ཨོཾ་བཛྲ་ལཱ་སྱེ་ཧཱུཾ། རྡོ་རྗེ་ཕྲེང་བ་མའི། ཨོཾ་བཛྲ་མཱ་ལེ་ཏྲཾ། རྡོ་རྗེ་གླུ་མའི། ཨོཾ་བཛྲ་གཱི་ཏེ་ཧྲཱིཿ། རྡོ་རྗེ་གར་མའི། ཨོཾ་བཛྲ་ནྲྀ་ཏྱ་ཨཿ། རྡོ་རྗེ་བདུག་སྤོས་མའི། ཨོཾ་བཛྲ་དྷཱུ་པེ་ཧཱུཾ། རྡོ་རྗེ་མེ་ཏོག་མའི། ཨོཾ་བཛྲ་པུཥྤེ་
ཏྲཾ། རྡོ་རྗེ་སྣང་གསལ་མའི། ཨོཾ་བཛྲ་ཨཱ་ལོ་ཀེ་ཧྲཱིཿ། རྡོ་རྗེ་དྲི་མའི། ཨོཾ་གནྡྷེ་ཨཿ། ཨོཾ་སརྦ་སཾ་སྐཱ་ར་པ་རི་ཤུདྡྷ་དྷརྨྨ་ཏེ་ག་ག་ན་ས་མུངྒ་ཏེ་སྭ་བྷཱ་ཝ་བི་ཤུདྡྷེ་མ་ཧཱ་ན་ཡ་པ་རི་བཱ་རེ་སྭཱ་ཧཱ། རྡོ་རྗེ་ལྕགས་ཀྱའི། ཨོཾ་བཛྲཱཾ་ཀུ་ཤ་ཛཿ། རྡོ་རྗེ་ཞགས་པ་མའི། ཨོཾ་བཛྲ་པཱ་ཤ་ཧཱུཾ། རྡོ་རྗེ་རྒྱས་པའི། 
ཨོཾ་བཛྲ་སྥོ་ཊ་བཾ། རྡོ་རྗེ་འབེབས་པའི། ཨོཾ་བཛྲཱ་བེ་ཤ་ཧོཿ། ཞེས་པའི་སྔགས་ཀྱིས་ཀྱང་སོ་སོའི་ལན་བརྒྱ་རྩ་བརྒྱད་དམ་ཡང་ན་ལན་ཉི་ཤུ་རྩ་ལྔའམ་ལན་བདུན་ནམ་ལན་གཅིག་གམ་ཇི་ལྟར་ནུས་པ་བཞིན་བཟླས་པར་བྱའོ། །དེ་ནས་ཀྱང་ཐམས་ཅད་ཀྱི་དེ་བཞིན་ཉིད་ངའོ་ཞེས་བསྒོམ་
པར་བྱའོ། །ལྷའི་དེ་ཉིད་ཐམས་ཅད་མངོན་དུ་བྱས་ནས་སྔགས་ཀྱི་སྒྲ་ཡིས་མངོན་པར་ལེན་པ་ལ་བརྩོན་པར་བྱའོ། །དེ་ཉིད་ནི་ཐམས་ཅད་ཀྱིས་བཟླས་པར་འགྱུར་རོ། །དེ་ནས་ཀྱང་ཡེ་ཤེས་སེམས་དཔའི་ཐུགས་ཀར་རྡུལ་ཕྲ་རབ་ཀྱི་རྡོ་རྗེ་དེའི་ལྟེ་བ་ལ་ཧཱུཾ་ཡིག་གི་སྒྲའི་ངོ་བོ་ལ་སེམས་

62-1-284b

གནས་པར་བྱའོ། །ཇི་སྲིད་བསྒོམ་པས་ངལ་བར་མ་གྱུར་པ་དེ་ཉིད་དུ་བཟླས་པར་བྱའོ། །ངལ་བར་གྱུར་ན་བསྟོད་པ་བརྒྱ་རྩ་བརྒྱད་བྱས་ཏེ། མཆོད་ཡོན་ལ་སོགས་པ་ཕྱིའི་མཆོད་པ་རྣམས་དང་། སྒེག་མོ་ལ་སོགས་པ་བརྒྱད་དང་། ཕྱག་འཚལ་བ་བཞི་ཡང་བྱའོ། །དེ་ལ་བསྟོད་པ་
བརྒྱ་རྩ་བརྒྱད་པ་ནི་འདིའོ། །རྡོ་རྗེ་སེམས་དཔའ་སེམས་དཔའ་ཆེ། །རྡོ་རྗེ་སེམས་དཔའ་དེ་བཞིན་གཤེགས། །ཀུན་དུ་བཟང་པོ་རྡོ་རྗེ་མཆོག །ཕྱག་ན་རྡོ་རྗེ་ཁྱོད་ལ་འདུད། །རྡོ་རྗེ་ཆགས་པ་བློ་བཟང་མཆོག །རྡོ་རྗེ་ལྕགས་ཀྱུ་དེ་བཞིན་གཤེགས། །དོན་ཡོད་རྒྱལ་པོ་རྡོ་རྗེ་མཆོག །རྡོ་རྗེ་
འགུགས་པ་ཁྱོད་ལ་འདུད། །རྡོ་རྗེ་ཆགས་པ་བདེ་བ་ཆེ། །རྡོ་རྗེ་མདའ་ནི་དབང་དུ་བྱེད། །བདུད་ཀྱི་འདོད་པ་རྡོ་རྗེ་ཆེ། །རྡོ་རྗེ་མདའ་ཉིད་ཁྱོད་ལ་འདུད། །རྡོ་རྗེ་ལེགས་པ་ལེགས་འཛིན་པ། །རྡོ་རྗེ་དགྱེས་པ་དགའ་བ་ཆེ། །དགའ་ཞིང་མགུ་བ་རྡོ་རྗེ་མཆོག །རྡོ་རྗེ་དགྱེས་པ་ཁྱོད་ལ་འདུད། །
རྡོ་རྗེ་རིན་ཆེན་རྡོ་རྗེའི་དོན། །རྡོ་རྗེ་ནམ་མཁའ་ནོར་བུ་ཆེ། །ནམ་མཁའི་སྙིང་པོ་རྡོ་རྗེ་སོགས། །རྡོ་རྗེ་སྙིང་པོ་ཁྱོད་ལ་འདུད། །རྡོ་རྗེ་གཟི་བརྗིད་འབར་བ་ཆེ། །རྡོ་རྗེ་ཉི་མ་རྒྱལ་བའི་འོད། །རྡོ་རྗེ་འོད་ཟེར་གཟི་བརྗིད་ཆེ། །རྡོ་རྗེ་འོད་ཟེར་ཁྱོད་ལ་འདུད། །རྡོ་རྗེ་ཏོག་ནི་སེམས་ཅན་དོན། །རྡོ་རྗེ་
རྒྱལ་མཚན་ལེགས་བརྙེས་པ། །རིན་ཆེན་ཏོག་ནི་རྡོ་རྗེ་ཆེ། །རྡོ་རྗེ་ཁུ་ཚུར་ཁྱོད་ལ་འདུད། །རྡོ་རྗེ་ཞགས་པ་གད་རྒྱངས་ཆེ། །རྡོ་རྗེ་འཛུམ་ནི་རྨད་བྱུང་ཆེ། །དགའ་ཞིང་མགུ་བ་རྡོ་རྗེའི་མཆོག །རྡོ་རྗེ་དགྱེས་པ་ཁྱོད་ལ་འདུད། །རྡོ་རྗེ་ཆོས་ནི་སེམས་ཅན་དོན། །རྡོ་རྗེ་པདྨ་ལེགས་སྦྱོང་བ། །འཇིག་
རྟེན་དབང་ཕྱུག་རྡོ་རྗེ་ལེགས། །རྡོ་རྗེ་སྤྱན་ཉིད་ཁྱོད་ལ་འདུད། །རྡོ་རྗེ་རྣོན་པོ་ཐེག་པ་ཆེ། །རྡོ་རྗེ་མཛོད་ནི་མཚོན་ཆ་ཆེ། །འཇམ་པའི་དཔལ་ནི་རྡོ་རྗེ་ཟབ། །རྡོ་རྗེ་བློ་གྲོས་ཁྱོད་ལ་འདུད། །རྡོ་རྗེའི་རྒྱུ་ནི་རྒྱན་ཆེན་ཏེ། །རྡོ་རྗེ་འཁོར་ལོ་ཚུལ་ཆེན་པོ། །རྡོ་རྗེ་མཆོག་ནི་རབ་ཏུ་བསྐོར། །རྡོ་རྗེ་རྒྱན་ཉིད་ཁྱོད་
ལ་འདུད། །རྡོ་རྗེ་སྨྲ་བ་རིགས་ལེགས་མཆོག །རྡོ་རྗེ་རྒྱལ་བ་རིགས་ལེགས་བསྒྲུབ། །མི་སྨྲ་རྡོ་རྗེ་བློ་གྲོས་མཆོག །རྡོ་རྗེ་གསུང་ཉིད་ཁྱོད་ལ་འདུད། །རྡོ་རྗེ་ལས་ནི་རྡོ་རྗེ་མཆོག །རྡོ་རྗེའི་ལས་ནི་ལེགས་ལྡན་པ། །དོན་ཡོད་རྡོ་རྗེ་རྒྱ་ཆེན་པོ། །སྣ་ཚོགས་རྡོ་རྗེ་ཁྱོད་ལ་འདུད། །རྡོ་རྗེ་བསྲུང་བ་བརྩོན་འགྲུས་ཆེ། །

62-1-285a

རྡོ་རྗེའི་ཆོས་ནི་བརྟན་པ་ཆེ། །ཐུབ་པར་དཀའ་བའི་བརྩོན་འགྲུས་མཆོག །རྡོ་རྗེ་བརྩོན་འགྲུས་ཁྱོད་ལ་འདུད། །རྡོ་རྗེ་གནོད་བྱིན་ཐབས་ཆེན་པོ། །རྡོ་རྗེའི་མཆེ་བ་མཚོན་ཆ་ཆེ། །བདུད་རྣམས་འདུལ་བྱེད་རྡོ་རྗེ་མཆོག །རྡོ་རྗེ་གཏུམ་པོ་ཁྱོད་ལ་འདུད། །རྡོ་རྗེ་མཚམས་ནི་ཉེ་
བར་བསྙེན། །རྡོ་རྗེ་འཆིང་བ་རབ་སྒྲོལ་བ། །རྡོ་རྗེ་ཁུ་ཚུར་དམ་ཚིག་མཆོག །རྡོ་རྗེ་ཁུ་ཚུར་ཁྱོད་ལ་འདུད། །ཅེས་པའི་བསྟོད་པ་ཉེ་བར་བསྡུས་པས་དྲིལ་བུ་དཀྲོལ་བར་བྱའོ་ཞེས་པ་ནི་ལས་རྒྱལ་མཆོག་ཅེས་བྱ་བའི་ཏིང་ངེ་འཛིན་ཏོ། །དེ་ནས་འཆད་པར་གྱུར་པའི་རིམ་པས་གཏོར་མ་དང་
བདུད་རྩི་མྱང་བ་ཡང་བྱའོ། །ཡི་གེ་བརྒྱ་པ་ཡང་བརྗོད་པར་བྱའོ། །སྔོན་བཞིན་དུ་ཕྱིའི་མཆོད་པ་རྣམས་དང་། སྒེག་མོ་ལ་སོགས་པ་བརྒྱད་ཀྱིས་དྲིལ་བུ་དཀྲོལ་བར་བྱའོ། །ཕྱག་འཚལ་བ་བཞི་བྱས་ནས་བཟོད་པར་གསོལ་ཏོ། །མི་བསྐྱོད་པ་ལ་སོགས་པ་རྣམས་ཀྱི་རྡོ་རྗེ་སེམས་དཔའ་དང་། 
རྡོ་རྗེ་རིན་ཆེན་དང་། ཆོས་དང་རྡོ་རྗེ་ལས་རྣམས་ཀྱིས་གནས་ཉིད་ལ་གནས་པའི་རྣམ་པར་སྣང་མཛད་ཀྱི་གཙུག་ཏོར་གྱི་གནས་ལ། དེ་ལ་རྡོ་རྗེ་རིན་ཆེན་གྱི་དམ་ཚིག་གི་ཕྱག་རྒྱ་སྙིང་གར་བཞེངས་ནས་ཕྱག་རྒྱ་ཐམས་ཅད་ཀྱིས་དབང་བསྐུར་བར་བྱའོ། །ཨོཾ་བཛྲ་རཏྣཱ་བྷི་ཥིཉྩ་ཞེས་སོ། །དེའི་རྗེས་ལ་
སྔོན་མ་བཞིན་དུ་གོ་ཆ་བྱའོ། །ཨོཾ་སརྦ་མུ་དྲ་མཻ་ཏྲི་ཀུ་རུ་བ་ར་ཀ་བ་ཙེ་ན་བཾ། མཐའ་ལ་མཉམ་པ་ཉིད་ཀྱི་ཀུན་གཞི་མཉེས་པར་བྱའོ་ཞེས་པས་མངོན་པར་འདོད་པའི་དོན་བསྒྲུབས་ཏེ་ཡོངས་སུ་བསྡུ་བ་བྱ་སྟེ། གང་ཞིག་བདག་གི་ཆོ་ག་ཆད་པར་བྱས་པ་དེ་ཐམས་ཅད་བཟོད་པར་གསོལ་བར་བྱའོ། །
མཆོད་ཡོན་ཕུལ་ནས་བསྐུལ་ཞིང་གཤེགས་སུ་གསོལ་བར་བྱའོ། །གང་དང་གང་ལས་ཡང་དག་པར་བྱུང་བའི་ཕྱག་རྒྱས་དེ་བཞིན་དུ་དེ་དང་དེ་ལས་གྲོལ་བར་བྱའོ། །སེམས་དཔའ་རྡོ་རྗེ་ལ་སོགས་པའི་ཕྱག་རྒྱས་གྲོལ་བར་བྱའོ། །ཨོཾ་ཁྱེད་ཀྱིས་སེམས་ཅན་དོན་ཀུན་མཛད། །རྗེས་སུ་མཐུན་
པའི་དངོས་གྲུབ་སྩོལ། །སངས་རྒྱས་ཡུལ་དུ་གཤེགས་ནས་ཀྱང་། །སླར་ཡང་འབྱོན་པ་ཉིད་དུ་ཞུ། །ཨོཾ་བཛྲ་སཏྭ་མུཿ། ཨོཾ་བཛྲ་མུཿ། དེ་ཉིད་ཀྱིས་ཐམས་ཅད་གཤེགས་སུ་གསོལ་བར་བྱའོ། །ཇི་ལྟ་བ་བཞིན་སྤྲུལ་གྱུར་པའི། །འཁོར་བཅས་དཀྱིལ་འཁོར་འདུས་པ་རྣམས། །

62-1-285b

དེ་བཞིན་ཡིད་ཀྱིས་ལེགས་སྦྱོར་བས། །རང་གི་ལུས་ལ་རབ་ཏུ་གཞུག །རྡོ་རྗེ་གནོད་སྦྱིན་སྲུང་བ་དང་། །རྡོ་རྗེ་མཚམས་དང་བཅས་པ་ཡི། །ལས་ཀྱི་ཕྱག་རྒྱ་རྣམས་ཀྱིས་ཀྱང་། །བདག་ཉིད་ཀྱང་ནི་ཡང་དག་བསྲུང་། །ཨོཾ་བཛྲ་ཡཀྵ་ཧཱུཾ། ཨོཾ་བཛྲ་རཀྵ་ཧཱུཾ། ཨོཾ་བཛྲ་སནྡྷི་བཾ། ཨོཾ་བཛྲ་
སཏྭ་ཧཱུཾ། ས་གནོན་གྱི་ཕྱག་རྒྱ་བྱས་ནས། ཨོཾ་ཨ་ཀཱ་རོ་མུ་ཁཾ་སརྦ་དྷརྨྨཱ་ཎཱཾ་ཨཱ་དྱ་ནུཏྤནྣ་ཏྭཱཏ། ཨོཾ་ཨཱཿཧཱུཾ། ཞེས་པ་འདིས་དཀྱིལ་འཁོར་འཁོར་ལོ་གཤེགས་སུ་གསོལ་བར་བྱའོ། །དེ་ནས་བཞེངས་ཏེ་བྱ་བ་ཐམས་ཅད་བྱ་ཞིང་བྱ་བའི་རྗེས་སུ་བར་བར་ན་ལྷའི་ང་རྒྱལ་དང་ལྡན་པས་སྤྱོད་ལམ་
བྱའོ། །རྡོ་རྗེ་སེམས་དཔའ་སྦྱོར་བའི་བདག་ཉིད་ཀྱི་རྣལ་འབྱོར་ཞེས་བྱ་སྟེ་འདི་ནི་ལྷའི་རྣལ་འབྱོར་རོ། །དེ་ནས་དྲི་བཟངས་ཀྱི་ཆུས་དཀྱིལ་འཁོར་གྱི་ས་གཞི་ལ་མངོན་པར་གཏོར་ཏེ། ཨོཾ་བྷུ་ཁཾ་ཞེས་བརྗོད་ནས་ནམ་མཁར་འདེགས་པར་བྱའོ། །དེ་ནས་ཧཱུཾ་ལཾ་ཧཱུཾ་ཞེས་པ་འདིས་རྡོ་རྗེའི་རང་བཞིན་
དུ་རྣམ་པར་བསྒོམ་པར་བྱ་སྟེ། ཨོཾ་མེ་དི་ནཱི་བཛྲཱ་བྷཱ་ཝ་བནྡྷ་ཧཱུཾ་ཞེས་པ་འདིས་སོ། །ཨོཾ་ཧ་ན་ཧ་ན་བཛྲ་ཀྲོ་དྷ་ཧཱུཾ་ཕཊ། ཅེས་པ་འདིས་ཀྱང་ངོ་། །ཨོཾ་ཨཱཿཧཱུཾ། ཤོ་དྷ་རཀྵ་རཀྵ་ཧཱུཾ་ཧཱུཾ་ཕཊ་ཅེས་པ་འདིའི་སྔགས་ཀྱིས་ཀྱང་ལག་པ་བྱིན་གྱིས་བརླབ་པར་བྱའོ་ཞེས་པས་ནང་གི་བདག་ཉིད་དང་པོ་སྦྱང་བར་བྱའོ། །
དེ་ནས་སེམས་དཔའི་སྐྱིལ་ཀྲུང་གིས་བཞུགས་ནས་བདག་ཉིད་རབ་ཏུ་དགའ་བར་བྱ་སྟེ། དེ་རིང་བདག་ཚེ་འབྲས་བུར་བཅས། །བདག་ཉིད་གསོན་པའང་འབྲས་བུར་བཅས། །སངས་རྒྱས་ཀུན་གྱི་དམ་ཚིག་མཚུངས། །བདག་ནི་ཐེ་ཚོམ་མི་ཟ་བར། །ཕྱིར་མི་ལྡོག་པར་བདག་འགྱུར་ཏེ། །བྱང་
ཆུབ་སེམས་དཔར་སེམས་གཅིག་ཉིད། །བདག་ནི་ཐེ་ཚོམ་མི་ཟ་བར། །དེ་བཞིན་གཤེགས་པའི་རིགས་སུ་སྐྱེས། །བདག་ནི་མཆོག་ཏུ་དགའ་བ་ཉིད། །བདག་མཆོད་དེ་རིང་བླ་ན་མེད། །དེ་རིང་འདུས་པར་བདག་མཆོག་ཏུ། །སངས་རྒྱས་ཐམས་ཅད་མགྲོན་དུ་གཉེར། །ཡན་ལག་ཐམས་
ཅད་ཀྱིས་ཕྱག་འཚལ་ནས་ཧཱུཾ་ལས་ལྕེ་རྡོ་རྗེར་བྱས་ཏེ། སངས་རྒྱས་ཐམས་ཅད་ལ་གསོལ་བ་གདབ་པར་བྱ་སྟེ། མ་ལུས་ཕྱོགས་རྣམས་ཡང་དག་བཞུགས། །སངས་རྒྱས་རྣམས་ནི་དགོངས་སུ་གསོལ། །བདག་ནི་རྡོ་རྗེ་ཆེ་གེ་མོ། །འདིར་ནི་དཀྱིལ་འཁོར་བདག་འདྲི་བས། །སངས་

62-1-286a

རྒྱས་ཐམས་ཅད་གཤེགས་སུ་གསོལ། །བདག་ལ་འདིར་ནི་དངོས་གྲུབ་སྩོལ། །དེའི་རྗེས་ལ་ནམ་མཁའ་ལ་བཞུགས་པའི་མི་བསྐྱོད་པ་ལ་སོགས་པ་བཞི་པོ་རྣམས་ཀྱི་ཤར་ཕྱོགས་ལ་སོགས་པར་གནས་པའི་སློབ་མ་རྣམས་ཀྱིས། རང་རང་གི་འཁོར་ལོས་སྒྱུར་
བའི་རྣལ་འབྱོར་དང་ལྡན་པས་ཇི་ལྟར་འོས་པའི་རྡོ་རྗེ་དང་དྲིལ་བུ་བཟུང་ནས། སློབ་མ་གཅིག་གིས་ཀྱང་དེ་དང་དེར་སོང་ནས་གསོལ་བ་གདབ་པར་བྱའོ། །སརྦ་ཏ་ཐཱ་ག་ཏ་ཤཱནྟིཾ་སརྦ་ཏཱ་ཐཱ་ག་ཏཱ་ལ་ཡཾ། སརྦ་དྷརྨཱ་གྲ་ནཻ་རཱཏྨྱ་དེ་ཤ་མཎྜ་ལ་མུཏྟ་མཾ། སརྦ་ལཀྵ་ཎ་སཾ་པཱུརྞ་སརྦ་ལཀྵ་ཎ་པ་རཱ་ཛི་ཏཾ། ས་མནྟ་
བྷ་དྲ་ཀཱ་ཡཱ་གྲ་བྷཱ་ཥ་མཎྜ་ལ་མུཏྟཱ་མཾ། ཤཱནྟ་དྷརྨྨཱ་གྲ་སཾ་བྷཱུ་ཏཾ་ཛྙཱ་ན་ཙརྱ་བི་ཤོ་དྷ་ཀཾ། ས་མནྟ་བྷ་དྲ་བཱ་ཙཱ་གྲ་བྷཱ་ཥ་མཎྜ་ལ་མུཏྟ་མཾ། སརྦ་སཏྭ་མ་ཧཱ་ཙིཏྟཾ་ཤུདྡྷཱཾ་པྲ་ཀྲྀ་ཏི་ནིརྨ་ལཾ། ས་མནྟ་བྷ་དྲ་ཙིཏྟཱ་གྲ་གྷོ་ཥ་མཎྜ་ལ་ཤ་ར་ཐེ་ཞེས་པའི་ཚིགས་སུ་བཅད་པ་བཞི་པོ་རྣམས་ཀྱིས་དཀྱིལ་འཁོར་བྲི་བ་ནི་གསོལ་བ་
གདབ་པར་བྱའོ། །ཚིགས་སུ་བཅད་པ་གཅིག་གིས་མདོར་བསྟན་ནས། གསུམ་གྱིས་རྒྱས་པར་བཤད་པར་བྱའོ། །མཎྜ་ལཾ་དེ་ཤ་དང་བྷཱ་ཥ་དང་གྷོ་ཥ་ཞེས་པས་བཤད་དུ་གསོལ་ཞེས་པའི་དོན་ཏོ།།      །།དེ་ནས་དཀྱིལ་འཁོར་གྱི་འཁོར་ལོ་ལ་སོགས་པ་སྤྲོ་བ་ལ་སོགས་པའི་དཀྱིལ་
འཁོར་བསྒོམ་པ་སྔོན་དུ་འགྲོ་བས་རྡོ་རྗེ་ཁུ་ཚུར་གྱི་སྡིགས་མཛུབ་གཉིས་རབ་ཏུ་བརྐྱང་ནས་རྩེ་མོ་སྦྱར་ཏེ་ཁ་འོག་ཏུ་བསྟན་ནས་གཟུང་བར་བྱའོ། །ཧཱུཾ་བཛྲོ་ཏྟིཥྛ་ཞེས་བརྗོད་ནས་ནམ་མཁའ་ལ་ཡང་དག་པར་འདེགས་པར་བྱའོ། །དེའི་རྗེས་ལ་ཡོལ་བའི་ནང་དུ་འདུག་ནས་འཁོར་ལོས་སྒྱུར་བའི་
ཚུལ་དུ་བཟུང་ལ། གོས་ལ་སོགས་པས་བརྒྱན་ཏེ། རྐང་པ་མཉམ་པོར་གནས་ནས་ཡོལ་བ་བསལ་ཏེ། རིམ་པ་བཞིན་དུ་དབུ་རྒྱན་དང་། དཔྲལ་བ་དང་། ཀོ་སྐོ་དང་། མགྲིན་པ་དང་། འཕྲག་པ་དང་། ལག་པ་དང་། སྙིང་ག་དང་། ལྟེ་བ་དང་། རྐེད་པ་དང་། པུས་མོ་དང་། རྐང་པ་
རྣམས་ལ་བརྟེན་ནས། ས་རབ་ཏུ་དགའ་བ་ལ་སོགས་པའི་སྒྲིབ་པ་དང་བྲལ་བ་ཞེས་མཚོན་པ་ལ་སོགས་པའི་རྡོ་རྗེ་ཅན་གྱིས་ངེས་པར་སྤྲོས་ཏེ། དེ་ནས་སྤྱི་བོར་མེ་ཏོག་གི་སྙིམ་པས། ཨོཾ་ཕྲ་ཎ་མཱ་མི་སརྦ་ཏ་ཐཱ་ག་ཏོ་མི་ཞེས་པས་ཕྱག་བྱའོ། །དེ་ནས་སྙིང་གར་ཐལ་མོ་སྦྱར་ནས། ཨོཾ་སརྦ་ཏ་

62-1-286b

ཐཱ་ག་ཏེ་བྷྱཿ ཨཱཏྨ་ནཱཾ་ནིརྱཱ་ཏ་ཡཱ་མི་ཞེས་པས་བདག་ཉིད་དབུལ་བར་བྱའོ། །ཡ་བནྡྷཿསརྦ་ས་ཧྲཿསཏྭ་སགྲཾ་ཧེ་ཎ་སཾ་གྲ་ཧ་ནིཿཨཎྜ་ཛཱ་ལ་བཛྲར་ཡུ་ཛཱ་པ་སཾ་སྭེ་ད་ཛཱ་པཱ། ཨོཾ་པཱ་པ་དུ་ཀ་བ་རུ་པ་ཎ་བ་ཨ་རུ་བི་ནི་བེ་སཾ་ཛྙི་ཎོ་བཱ་སརྦེ་སཏྭ་མ་ཡཱ་མ་ཧཱ་མུ་དྲ་པ་དེ་པྲ་ཏིཥྛ་པ་ཡི་ཏ་བྱ། ཞེས་པའི་སྨོན་ལམ་
བཏབ་བོ། །མ་རིག་པའི་མུན་པར་ཡོངས་སུ་ལྷུང་བའི་བདུད་ཀྱིས་བྱིན་གྱིས་བརླབས་པའི་སེམས་ཅན་རྣམས་ལ་མངོན་པར་བལྟས་ཏེ་བདུད་རྣམས་བསྐྲད་པར་བྱའོ། །སྐད་ཅིག་གིས་རྡོ་རྗེ་ཧཱུཾ་མཛད་ཀྱི་སྐུ་ཁྲོ་བོའི་དབང་ལས་སྨིན་མཚམས་སུ་ཁྲོ་གཉེར་བསྡུས་ཤིང་མཆེ་བ་གཙིགས་པ་བསྙེན་པ་དང་
བཅས་པའི་ཐུགས་ལ་སོགས་པས། མ་ཀ་རེ་ཎ་སུ་རྱེ་ཀི་ཏ་ས་བྱ་ནེ་ཏྲཾ། ཊ་ཀཱ་རེ་ཎ་ཙནྟཱི་ཀྲྀ་ཏ་པ་མ་ནེ་ཏྲེཿ ཨོཾ་ཀྲོ་དྷི་དྲིཥྚི་ཧྲིཿཞེས་པ་དང་། ཧཱུཾ་གི་ཡི་གེས་མིག་གི་འབྲས་བུ་གཉིས་བསྐལ་པའི་མཐའ་མའི་མེ་བཞིན་དུ་བྱས་ནས་རྡོ་རྗེའི་ལྟ་བས་ཕྱོགས་ཐམས་ཅད་དུ་འགྲོ་བ་རྣམས་བལྟས་ནས། 
ང་རྒྱལ་ཀྱང་བསྐྱེད་པར་བྱའོ། །ཨ་ཧཾ་མེ་བ་སྭ་ཡཾ་བཛྲ་བཛྲ་པྲ་ཏྲ་མྱ་ཧཾ་སཾ་ཡཾ། ཨ་ཧཾ་བདྡྷོ་མ་ཧཱ་རཱ་ཛ་ཨ་ཧཾ། བཛྲི་མ་ཧཱ་བ་ལཱ། ཧཾ་ཡོ་གཱི་ཤྭ་རི་རཱ་ཛ་བཛྲ་པཱ་ཎི་ར་ཧཾ་དྲི་དྷཾ་ཞེས་སོ། །འགྱིང་བཅས་མཆོག་ཏུ་སྒེག་པ་ཡིས། །རྡོ་རྗེ་གསོར་བ་མཆོག་དེ་ལ། །དབང་ལྡན་ཕྱོགས་ནས་བརྩམས་ནས་
ནི། །ང་རྒྱལ་གྱིས་ནི་ཡོངས་སུ་བཅག །དེ་བཞིན་དུ་སྒྲུབ་པ་པོ་ཕྱི་མ་ཐམས་ཅད་ཀྱིས་ཀྱང་ཡོངས་སུ་བཅག་པར་བྱའོ། །འོན་ཀྱང་ཤར་ཕྱོགས་སུ་གནས་པའི་སྒྲུབ་པ་པོ་ཕྱི་མས། ཧཱུཾ་གི་ཡི་གེ་ལས་རྐང་པའི་མཐིལ་དུ་རྡོ་རྗེ་རྩེ་གཅིག་པའི་རྐང་པར་བསམས་ཏེ། རྐང་པ་གཡས་པས་
རྒྱབ་དང་མདུན་དུ་ས་གཞི་ལ་རྣམ་པར་བྱའོ། །དེ་བཞིན་དུ་རྐང་པ་གཡོན་པས་བརྐྱང་ངོ་། །ཨོཾ་ཨེ་ཤ་སུ་ཙི་ཀ་བཛྲ་པཱ་ད་བཛྲ་མ་ཧཱ་ཀྲོ་དྷ་བྷཉྫ་སརྦ་དུཥྚ་སུ་རཱ་ཎ་ཧཱུཾ་ཕཊ། ཨ་པ་ས་རནྟུ་བྷ་བནྟོ། ཡེ་ཀེ་ཙི་ཏ་དེ་བ་སུ་ར་ན་ཡཀྵ་རཱཀྵ་ས་པྲེ་ཏ་པི་ཤཱ་ཙ། ཨ་པསྨཱ་ར་ཌཱ་ཀ་ཌཱ་ཀི་ནཱི་ཨོསྟ་ར་ཀ །མ་ཧཱ་ལ་ལི་
ཀཱ། ཨ་ནུ་ཙ་ར་པ་རི་ཤ་ཏ། ག་རུ་ཌ། ཀིཾ་པུ་རུ་ཥ། མནྟྲ་སིདྡྷ། ཨ་ཏྲ་པྲྀ་ཐྭཱི་དེ་ཤེ། ཨ་མུ་ཀེ་ན་མ་ཡཱ། ཨ་མུ་ཀ་སྱ་དཱ་ན་པ་ཏེ། ར་བྷེ་སཾ་བོ་དྷ་པ་རི་པཱུ་རྞཱརྠ་སརྦ་སཏྭཱ་ནུཏྟ་ར་ཛྙཱ་ན་ལབྡྷ་ཧེ་ཏོཿ ཤྲཱི་ཨ་མུ་ཀ་མཎྜ་ལ་མ་ལེ་ཁི་ཏ་བྱཾ། ཏི་ད་དཾ་མ་ཧཱ་བཛྲ་དྷ་ར་ར་ཛྙཱ་ཤྲུ་ཏྲ་ཤཱི་གྷྲཾ་མེ་བྷ་བ་ཀྲ་མ་ཐ། ཡོ་

62-1-287a

ནཱ་པ་ཀྲ་མ་ཏི། ཏ་སྱཱ་ཧཾ་ནེ་ན་པྲ་ཛྭ་ལ་ཏེ་ན་ཧཱུཾ་ཀ་རེ་ཎ། དི་དྷེ་ན་མ་ཧཱ་ཏཱ་ཛྙཱ་ན་བཛྲེ་ཎ་མཱུརྡྷཱ་ནཱཾ། ཤ་ཏ་བི་ཀཱི་ར་མི། ཞེས་བརྗོད་པས་ཁྲོ་བོ་དཔག་ཏུ་མེད་པ་སྤྲོས་ནས་བགེགས་རྣམས་བསྐྲད་པར་བྱའོ། །དཀྱིལ་འཁོར་གྱི་ས་གཞི་ཡང་བཅུད་ཀྱི་མཐིལ་ལ་ཐུག་པར་ཧཱུཾ་ལས་
སྐྱེས་པའི་རྡོ་རྗེའི་རང་བཞིན་དུ་བྱིན་གྱིས་བརླབ་པར་བྱའོ། །དེ་བཞིན་དུ་ལྷོ་ཕྱོགས་སུ་གནས་པའི་སྒྲུབ་པ་པོ་ཕྱི་མས་རྐང་པའི་མཐིལ་དུ་ཧཱུཾ་ཡིག་ལས་རྡོ་རྗེ་རྩེ་གསུམ་པ་བསམས་ལ་ས་གཞི་ལ་ཡང་རྣམ་པར་བྱ་ཞིང་སྔགས་བརྗོད་པས་ཡོངས་སུ་བཅག་པར་བྱའོ། །སྔགས་ནི། ཨོཾ་ཏྲི་སུ་ཙི་ཀ །བཛྲ་
པཱ་ད་བཛྲ་མ་ཧཱ་ཀྲོ་དྷ་བྷཉྫ་སརྦ་དུཥྚ་སུ་རཱ་ཎ་ཧཱུཾ་ཕཊ། ཨ་པ་ས་རནྟུ་བྷ་བནྟོ། ཡེ་ཀེ་ཙི་ཏ་སྠཱ་ན་བཱ་པི་ནཿནཱ་ག་ཡཀྵ་གནྡྷརྦ་བྷཱུ་ཏི་ནི་ཌཱ་ཀི་ནཱི། སཏྭ་ཨརྠ་ཀྲི་ཡ་ཨ་རཾ་བྷེ་གཙྪ་ཏྭ་ཤྲཱི་ག་མེ་བ་ཏུ། ཤྲཱི་ཎཱནྟུ་པརྦ་བིགྷཱཽ་གྷཱཿ ཀཱ་ཡ་བཱ་ཀ་ཙིཏྟཱ་སཾ་སྠ་ཏྭ། ཨ་ཧཾ་བཛྲ་དྷ་རེ། ཤྲཱི་མཱན་ཨཱ་ཛཱ་ཙཀྲ་པྲ་ཡོ་ཛ་ཀ་
བཛྲ་ཎ་ཨ་དཱིཔྟ་པཱུ་ཥ་ཨ་སྥ་ཡ་མི་ཏྲི་ཀཱ་ཡ་ཛ་ན། ལཾ་གྷ་ཡེ་ཏ་ཡ་དི་དཾ་གཤྩི་ཏ་མེ་བི་ཤཱརྱ་ཏེ་ནཱ་ཏྲ་ཤཱ་ཤ་ཡཿཞེས་བརྗོད་ནས་ཁྲོ་བོ་དཔག་ཏུ་མེད་པ་སྤྲོས་ཏེ་བགེགས་རྣམས་བསྐྲད་པར་བྱའོ། །དཀྱིལ་འཁོར་གྱི་ས་གཞི་ཡང་བཅུད་ཀྱི་མཐིལ་ལ་ཐུག་པར་ཧཱུཾ་ལས་སྐྱེས་པའི་རྡོ་རྗེའི་རང་བཞིན་
དུ་བྱིན་གྱིས་བརླབ་པར་བྱའོ། །དེ་བཞིན་དུ་ནུབ་ཕྱོགས་སུ་གནས་པའི་སྒྲུབ་པ་པོ་ཕྱི་མས་རྐང་པའི་མཐིལ་དུ་ཧཱུཾ་ཡིག་ལས་སྐྱེས་པའི་རྡོ་རྗེ་རྩེ་ལྔ་པ་བསམས་ལ་ས་གཞི་ལ་ཡང་རྣམ་པར་བྱ་ཞིང་སྔགས་བརྗོད་པས་ཡོངས་སུ་བཅག་པར་བྱའོ། །ཨོཾ་པཉྩ་སུ་ཙི་ཀ་བཛྲ་པཱ་ད་བཛྲ་མ་ཧཱ་ཀྲོ་དྷ་བྷཾ་ཛ་
སརྦ་དུཥྚ་ཨ་སུ་རཱ་ཎ་ཧཱུཾ་ཕཊ། ཨ་པ་ས་རནྟུ་བྷ་བནྟོ། །ཡེ་ཀེ་ཙི་ཏ་དེ་བ་ཨ་སུ་ར་ནཱ་ག་ཡཀྵ་མ་ཧོ་རཱ་གརྱ་པསྨ་ར་བྷཱུ་ཏ་བྷུ་དྷི་ནྱཿ བི་ཤཱ་ཙ་གུ་ཧྱ་གནྡྷརྦ་ཀིནྣ་རཽ་སྟ་ར་ཀ་ཀ་ཊ་པཱུ་ཏ་ན་ས་ནུ་ཙ་མ་ཧ་ན་ལི་ཀ་མ་ཧ་ལ་མི་ཀ་ཙ། ཨ་ནྱེ་པི་ཡེ་ཀེ་ཙིཏ་པྲྀ་ཐི་བཱི་ཏ་ལེ། ཨ་སྨིནྣི་བ་ས་ན་ཏོ་བྷ་བནྟ། ཤྲི་
ཎཱནྟུ། ཨ་ཧ་མ་མུ་ཀ་ནཱ་མ་ཙཱརྱཿ། ཨ་མུ་ཀ་ནཱ་མ་ནཱཾ་མཎྜ་ལརྨ་ཡི་ཤྱཱ་མི། ཨ་མུ་ཀ་ཤི་ཥྱ་སྱཱ་བྷི་སཾ་བོ་དྷི་པ་རི་པཱུ་ར་ཎཱ་རྠཾ། ཨ་ཏོ་སྨཱ་ན་མཱ་མ་ཛྙཱ་ཤྲུ་ཏ་ཤཱི་གྷྲ་མེ་བྷ་པྲ་ཀྲ་མི་ཏ་བྱཾ། ཡོ་ན་པྲ་ཀྲ་མེཏྟ་སྱ་བཛྲ་པཱ་ཎིར་ཛྭ་ལི་ཏ་ཀི་ར་ཎ་བཛྲ་ཎ་མུརྡྷི་ཤ་ཏ་བི་ཀེ་རེ་ཏ། ཞེས་བརྗོད་ནས་ཁྲོ་བོ་དཔག་ཏུ་

62-1-287b

མེད་པ་སྤྲོས་ཏ་ེ་བགེགས་རྣམས་བསྐྲད་པར་བྱའོ། །དཀྱིལ་འཁོར་གྱི་ས་གཞི་ཡང་བཅུད་ཀྱི་མཐིལ་ལ་ཐུག་པར་ཧཱུཾ་ལས་སྐྱེས་པའི་རྡོ་རྗེའི་རང་བཞིན་དུ་བྱིན་གྱིས་བརླབ་པར་བྱའོ། །དེ་བཞིན་དུ་བྱང་ཕྱོགས་སུ་གནས་པའི་སྒྲུབ་པ་པོ་ཕྱི་མས་རྐང་པའི་མཐིལ་དུ་ཨཱཿཡིག་ལས་སྐྱེས་པའི་
སྣ་ཚོགས་རྡོ་རྗེ་བསམས་ལ་ས་གཞི་ལ་ཡོངས་སུ་བསྐོར་ཞིང་རྐང་པ་གཡས་པས་གཡས་ཕྱོགས་དང་མདུན་དུ་རྣམ་པར་བྱ་ཞིང་རྐང་པ་གཡོན་པས་རྒྱབ་དང་གཡོན་ཕྱོགས་སུ་རྣམ་པར་བྱས་ནས་གར་གྱི་སྦྱོར་བས་བསྐོར་བར་བྱ་སྟེ། སྔགས་བརྗོད་པས་ཡོངས་སུ་བཅག་པར་བྱའོ། །ཨོཾ་བི་
ཤྭ་བཛྲ་པཱ་ད་བཛྲ་མ་ཧཱ་ཀྲོ་དྷཱ་བྷཾ་ཛ་སརྦ་དུཥྚ་ཨ་སུ་ར་ཎ་ཧཱུཾ་ཕཊ། །ཨ་པ་ས་རནྟུ་མ་ཧཱ་བིགྷཱ་ཡེ་ཀེ་ཙི་ཏ་ཀ་ཊ་པཱུ་ཏ་ནཱ། མ་ཧཱ་སུ་ཁ་ཛྙཱ་ན་སཾ་བྷཱུ་ཏཾ་བཛྲ་པ་ཏྲ་སྭ་བྷཱ་བ་ཛཱཿ ཨ་ཧཾ་ཀ་ར་ཎཱ་བ་ལཿ ཤྲཱི་མཱན་རཀྵ་ཙཀྲ་པ་ཡོ་ཛ་ཀཿ བཛྲེ་ཎཱ་དཱི་པཱ། བ་པཱུ་ཥཱ་སྥཱ་ཡ་མི་ཀྲི་ཀཱ་ཡ་ཛཱ་ན། ལཾ་གྷ་ཡེ་ཏ་ཡ་དི་དཾ་ཀཤྩི་
ཏ་མེ་བི་ཤྲཱི་ཧྱེད་ཨ་ཏྲ་ན་ནྱ་ཐ། ཞེས་བརྗོད་ནས་ཁྲོ་བོ་དཔག་ཏུ་མེད་པ་སྤྲོས་ཏ་ེབགེགས་རྣམས་བསྐྲད་པར་བྱའོ། །དཀྱིལ་འཁོར་གྱི་ས་གཞི་ཡང་བཅུད་ཀྱི་མཐིལ་ལ་ཐུག་པར་ཧཱུཾ་ལས་སྐྱེས་པའི་སྣ་ཚོགས་རྡོ་རྗེའི་རང་བཞིན་དུ་བྱིན་གྱིས་བརླབ་པར་བྱའོ། །འདིར་ཡང་ཆགས་པའི་དུས་སུ་སྒོ་
སོ་སོར་བདག་ཉིད་ཀྱི་གཡོན་དུ་གནས་པའི་སློབ་མའི་དྲིལ་བུའི་དབུས་སུ་རྡོ་རྗེ་རབ་ཏུ་གཞུག་པར་བྱའོ། །བདག་ཉིད་ཀྱི་དྲིལ་བུ་ལ་རྡོ་རྗེ་ཡང་ངོ་། །ཨོཾ་ཁ་བཛྲ་དྷྀཀ་བཛྲ་ཧཱུཾ་ཕཊ།།      །།ད་ནི་རྐང་སྟབས་བསྒྲུབ་པ་བརྗོད་པར་བྱ་སྟེ། དེ་ལ་སློབ་དཔོན་གཙོ་བོས་རྡོ་རྗེའི་གར་སྔོན་དུ་འགྲོ་བས་ཤར་ལ་
སོགས་པའི་ཕྱོགས་སུ་རྡོ་རྗེ་ལྕགས་ཀྱུའི་ཁྲོ་བོའི་ང་རྒྱལ་གྱིས་ཧཱུཾ་ཡིག་གིས་གདངས་བརྗོད་ནས། རྡོ་རྗེ་ལྕགས་ཀྱུའི་ཕྱག་རྒྱ་དང་ལྡན་པས་བྱིན་པ་གཡོན་བསྐུམ་སྟེ་བྱིན་པ་གཡས་པ་མཐོ་ལྔའི་བར་དུ་རབ་ཏུ་བརྐྱང་སྟེ་སྔགས་ཀྱང་བརྗོད་པ་ནི་གཡས་བརྐྱང་ཞེས་བྱ་བ་ནི་གནས་སུ་འགྱུར་རོ། །
ཨོཾ་ཨཱ་ལཱི་ཊ་པཱ་ད་བཛྲ་མ་ཧཱ་ཀྲོ་དྷ་བི་གྷུརྞ་ཡ་བི་གྷུརྞ་ཡ་སརྦ་དུཥྚ་དེ་བ་དི་མཱ་རཱ་ན་ཧཱུཾ་ཕཊ། དེ་བཞིན་དུ་གཤིན་རྗེར་རྡོ་རྗེ་ཞགས་པའི་ང་རྒྱལ་གྱིས་དེའི་ཕྱག་རྒྱ་དང་ལྡན་པས་བྱིན་པ་གཡས་བསྐུམ་སྟེ་བྱིན་པ་གཡོན་མཐོ་ལྔའི་བར་དུ་རབ་ཏུ་བརྐྱང་སྟེ་ཧཱུཾ་ཡིག་གིས་གདངས་བརྗོད་ནས་རབ་

62-1-288a

ཏུ་བརྐྱང་བར་བྱ་སྟེ། གཡོན་བརྐྱང་ཞེས་བྱ་བའི་གནས་སུ་འགྱུར་རོ། །ཨོཾ་པྲ་ཏྱ་ལཱི་ཊ་པཱ་ད་བཛྲ་མ་ཧཱ་ཀྲོ་དྷ་བི་གྷུརྞ་བི་གྷུརྞ་ཡ་སརྦ་དུཥྚ་ཡ་མཱ་ཏི་མཱ་རཱན་ཧཱུཾ་ཕཊ། དེ་བཞིན་དུ་ཆུ་བདག་ཏུ་རྡོ་རྗེ་རྒྱས་པའི་ང་རྒྱལ་གྱིས་པུས་མོ་གཉིས་སོར་ཉི་ཤུ་རྩ་དྲུག་གི་བར་དུ་ཕྲེང་བ་གཤོག་
པ་ལྟར་གཉིས་པོ་ཡང་དག་པར་བཀོད་ནས་རྡོ་རྗེ་གསོར་བར་བྱའོ། །ས་གའི་རྐང་སྟབས་ཞེས་བྱ་བའི་གནས་སུ་འགྱུར་རོ། །སྔགས་ནི་ཨོཾ་བེ་ཤ་ཥ་པཱ་ད་བཛྲ་མ་ཧཱ་ཀྲོ་དྷ་བི་གྷུརྞ་ཡ་བི་གྷུརྞ་ཡ་སརྦ་དུཥྚ་ནཱ་གཱ་དི་མ་རཱན་ཧཱུཾ་ཕཊ། དེ་བཞིན་དུ་ལུས་ངན་དུ་རྡོ་རྗེ་འབེབས་པའི་ང་རྒྱལ་གྱིས་བྱིན་པ་
གཉིས་ཀུན་ནས་བཀུག་སྟེ་པུས་མོ་གཉིས་ངང་པའི་གཤོག་པ་ལྟར་སྨད་ནས་དྲིལ་བུ་དཀྲོལ་ཞིང་ཡོངས་སུ་བསྐོར་བར་བྱའོ། །ཟླུམ་པོ་ཞེས་བྱ་བའི་རྐང་སྟབས་ཀྱི་གནས་སུ་འགྱུར་རོ། །སྔགས་ནི་ཨོཾ་མཎྜ་ལ་པཱ་ད་བཛྲ་མ་ཧཱ་ཀྲོ་དྷ་བི་གྷུརྞ་ཡ་བི་གྷུརྞ་ཡ་སརྦ་དུཥྚ་ཡཀྵཱ་དི་མཱ་རཱན་ཧཱུཾ་ཕཊ། དེ་བཞིན་དུ་དབུས་
སུ་རྡོ་རྗེ་སེམས་དཔའི་ང་རྒྱལ་གྱིས་ཕྱག་རྒྱ་ཆེན་པོ་བཅིངས་ནས། རྐང་པ་གཉིས་མཐེ་བོང་དང་ལོང་བུ་སྦྱར་ནས་དྲང་པོར་བྱས་ཏེ། ལག་པ་གཉིས་སྙིང་གར་ཐལ་མོ་སྦྱར་ནས་དེ་བཞིན་གཤེགས་པ་ཐམས་ཅད་ལ་ཕྱག་བྱའོ། །མཉམ་པོའི་རྐང་སྟབས་ཞེས་བྱ་བའི་གནས་སུ་འགྱུར་རོ། །སྔགས་
ནི། ཨོཾ་ས་མ་པཱ་ད་བཛྲ་མ་ཧཱ་ཀྲོ་དྷ་བི་གྷུརྞ་ཡ་བི་གྷུརྞ་ཡ་སརྦ་དུཥྚ་ཏྲཻ་དྷཱ་ཏུ་ཀཱ་བ་སྠི་ཏི་སརྦ་མཱ་རཱན་ཧཱུཾ་ཕཊ། དེ་བཞིན་དུ་འོག་ཏུ་རྡོ་རྗེ་ས་འོག་གི་ང་རྒྱལ་གྱིས་འོག་ཏུ་བཅིང་བར་བྱ་སྟེ། རྡོ་རྗེ་བཅིང་བའི་ཕྱག་རྒྱ་དང་ལྡན་པས་རྐང་པ་གཡས་པས་གཡོན་པ་མནན་པ་ནི་རུས་སྦལ་གྱི་རྐང་སྟབས་ཞེས་བྱ་བའི་
གནས་སུ་འགྱུར་རོ། །སྔགས་ནི། ཨོཾ་ཀུརྨ་པཱ་དཱ་ཡ་བཛྲ་མ་ཧཱ་ཀྲོ་དྷ་ཀྲ་མ་ཡ་ཀྲ་མ་ཡ་སརྦ་པཱ་ཏཱ་ལ་པཱ་སི་བྱཱ་དི་མཱ་རཱ་ན་ཧཱུཾ་ཕཊ། དེ་བཞིན་དུ་སྟེང་དུ་གཙུག་ཏོར་འཁོར་ལོས་སྒྱུར་བའི་ང་རྒྱལ་གྱིས་སྤྱི་བོར་ཐལ་མོ་སྦྱར་ནས་རྐང་པ་གཡོན་སོར་བཞག་ནས་རྐང་པ་གཡས་པ་བརླ་གཡོན་པའི་སྟེང་དུ་
ཡོངས་སུ་བསྐོར་བར་བྱའོ། །རྐང་གཅིག་གི་རྐང་སྟབས་ཞེས་བྱ་བའི་གནས་སུ་འགྱུར་རོ། །ཨོཾ་ཨེ་ཀ་པཱ་ད་བཛྲ་མ་ཧཱ་ཀྲོ་དྷཱ་ཀཪྵ་ཡ་སརྦ་དུཥྚ་ཨིནྡ་རིཀྵ་ཙ་རཱ་དི་མཱ་རཱན་ཧཱུཾ་ཕཊ། གཡས་བརྐྱང་ལ་སོགས་པའི་རྐང་སྟབས་བདུན་པོ་འདི་རྣམས་སྒྲུབ་པ་པོ་ཕྱི་མ་བཞི་པོ་རྣམས་ཀྱིས་ཀྱང་བྱའོ། །དེ་ནས་

62-1-288b

རྡོ་རྗེའི་གར་སྔོན་དུ་འགྲོ་བས་དྲིལ་བུ་དཀྲོལ་ཞིང་རྡོ་རྗེ་ཡང་གསོར་བར་བྱའོ། །དབང་ལྡན་གྱི་ཕྱོགས་ནས་བརྩམས་ཏེ་དང་པོ་དང་རྩེ་མོ་ཅན་དང་ལྷོ་དང་མཚན་མོ་སྤྱོད་པ་དང་ཀླུ་དང་རླུང་དང་གནོད་སྦྱིན་དང་འོག་དང་སྟེང་གི་ཕྱོགས་རྣམས་སུ་གོ་རིམས་ཇི་ལྟ་བ་བཞིན་དུ་སོ་སོ་རང་རང་གི་ཚུལ་བཞི་བཅུ་རྩ་གཉིས་
བྱའོ། །དེ་ལ་གཡས་བརྐྱང་ལ་ཚུལ་བཅུ་གཅིག་སྟེ། སེང་གེའི་རྐང་སྟབས་དང་། སེང་གེའི་གཡས་དང་། རྡོ་རྗེ་ཐོ་བ་དང་། བུད་མེད་སྒྱུ་མ་བྱེད་པ་དང་། རྡོ་རྗེ་རྒྱས་པ་དང་། རྡོ་རྗེ་མཆེ་བ་དང་། རལ་གྲི་དང་། ལྕགས་ཀྱུ་དང་། མདུང་དང་། འུར་རྡོ་དང་། གཞུའི་ཚུལ་རྣམས་སོ། །གཡོན་
བརྐྱང་ལ་ཚུལ་བཅུ་སྟེ། རྡོ་རྗེ་འཕེན་པ་དང་། རྡོ་རྗེ་འཇིགས་བྱེད་དང་། སྟོབས་པོ་ཆེ་འགུགས་པ་དང་། རྡོ་རྗེ་བཞད་པ་དང་། རྡོ་རྗེ་ཚུལ་དང་། རྡོ་རྗེ་ཞགས་པ་དང་། དབྱུག་པ་དང་། མདུང་དང་མཚོན་རྩེ་གཅིག་པ་དང་། མདའ་འཕེན་པའི་ཚུལ་རྣམས་སོ། །ས་གའི་རྐང་སྟབས་ལ་ཚུལ་དྲུག་སྟེ། རྡོ་རྗེ་
འགུགས་པ་དང་། རྡོ་རྗེ་སྒེག་པ་དང་། མི་འཇིགས་པ་དང་། འབྲས་བུ་དང་། མཆོད་སྦྱིན་དང་། ཕྱག་འཚལ་བའི་ཚུལ་རྣམས་སོ། །ཟླུམ་པོའི་རྐང་སྟབས་ལ་ཚུལ་བདུན་ཏེ། རྡོ་རྗེ་གར་དང་། ཞལ་བཞི་བྱིན་གྱིས་བརླབ་པ་དང་། རྡོ་རྗེ་འཁྱིལ་པ་དང་། རྡོ་རྗེ་དྲིལ་བུའི་སྒྲ་དང་། འཁོར་ལོ་དང་། པདྨ་
དང་། མདའ་འདྲེན་པའི་ཚུལ་རྣམས་སོ། །མཉམ་པའི་རྐང་སྟབས་ལ་ཚུལ་ལྔ་སྟེ། རྡོ་རྗེ་རྒྱས་པ་དང་། རྡོ་རྗེ་སྟོབས་བསྐྱེད་པ་དང་། རྡོ་རྗེ་རོ་ལངས་དང་། གཏུན་ཤིང་དང་། བ་དན་རྣམས་སོ། །རུས་སྦལ་གྱི་རྐང་སྟབས་ཀྱིས་རྡོ་རྗེ་སེམས་དཔའི་མཆུའི་ཚུལ་ལོ། །རྐང་གཅིག་གི་སྟབས་ལ་
ཚུལ་གཉིས་ཏེ། སྙེམས་པ་གཉིས་དང་བུང་བའི་དྲ་བའོ། །དེ་ལ་རེ་རེ་ཞིང་སོ་སོར་རྣམ་པར་དབྱེ་བར་བྱའོ། །རྡོ་རྗེ་ཁུ་ཚུར་གཉིས་བཅིངས་ནས། མཐེའུ་གཉིས་ལྕགས་སྒྲོག་གི་རྣམ་པར་ཡང་དག་པར་སྦྱར་ཏེ། མཛུབ་མོ་གཉིས་རྩེ་མོར་བྱས་ནས་ཕྱིར་བཟློག་སྟེ་གདོང་གི་མདུན་དུ་གཟུང་བར་
བྱའོ། །ལག་པ་དང་རྐང་པ་དག་རུས་སྦལ་གྱི་ཚུལ་དུ་བྱའོ་ཞེས་པ་ནི་རྡོ་རྗེ་སེམས་དཔའི་མཆུའི་ཚུལ་ལོ། །རྡོ་རྗེ་སེམས་དཔའི་ཁྲོ་བོའི་ང་རྒྱལ་བྱའོ། །སྔགས་ནི། ཨོཾ་བཛྲ་ཏུཎྜ་ཨ་བྷི་ནཱ་ཡ་བཛྲ་མ་ཧཱ་ཀྲོ་དྷ་ཀྲ་མ་ཡ་ཀྲ་མ་ཡ་སརྦ་བི་གྷུརྞ་ཧཱུཾ་ཕཊ། བརྟན་པ་དང་གཡོ་བའི་རང་བཞིན་གྱི་དངོས་

62-1-289a

པོ་ཐམས་ཅད་ཀྱི་ནད་ཐམས་ཅད་དང་ལྷ་རྣམས་ཀྱི་དམ་ཚིག་ཐམས་ཅད་ཀྱི་དོན་ཉིད་དུ་རྡོ་རྗེ་སེམས་དཔའི་ཚུལ་ལོ། །ས་གའི་རྐང་སྟབས་ཀྱིས་མི་བསྐྱོད་པའི་ང་རྒྱལ་གྱིས་ཀླུ་བཅིངས་ཏེ། གཡས་པས་སྙིང་གར་འགུགས་པ་ནི་རྡོ་རྗེ་འགུགས་པའོ། །སྔགས་ནི། ཨོཾ་བཛྲ་
ཨཱ་ཀཪྵ་ཎཱ་བི་ནཱ་ཡ་བཛྲ་མ་ཧཱ་ཀྲོ་དྷ་ཨཱ་ཀཪྵ་ཡ་ཨཱ་ཀཪྵ་ཡ་སརྦ་ཏ་ཐཱ་ག་ཏཱ་ན་ཧཱུཾ་ཕཊ། ཕུང་པོའི་བདུད་རྣམ་པར་གཞོམ་པའི་ཕྱིར་རྡོ་རྗེ་འགུགས་པའོ། །སླར་ཡང་ས་གའི་རྐང་སྟབས་ཀྱིས་ལས་ཀྱི་ང་རྒྱལ་གྱིས། རྡོ་རྗེ་བཞིན་དུ་འགྱིངས་པ་དང་བཅས་པས་ཡོངས་སུ་བསྐོར་བར་བྱའོ། །
སྔགས་ནི། ཨོཾ་བཛྲ་བི་ལཱ་སཱ་བྷི་ན་ཡ་བཛྲ་མ་ཧཱ་ཀྲོ་དྷ་ཨཱ་བེ་ཤ་མ་ཧཱ་ཀྲོ་དྷ་སརྦ་ཏ་ཐཱ་ག་ཏ་ཧཱུཾ་ཕཊ། བདུད་ཀྱི་དགྲ་ཐམས་ཅད་རྨོངས་པར་བྱེད་པའི་ཕྱིར་རྡོ་རྗེ་སྒེག་པའོ། །རྐང་པ་གཅིག་གི་སྟབས་ཀྱིས་ཁྲོ་བོ་སྒེག་པའི་ང་རྒྱལ་གྱིས་ལག་པ་གཉིས་གར་བྱེད་ཅིང་པདྨའི་ཐལ་མོ་སྦྱར་ནས་
སོར་མོ་ཐམས་ཅད་ཀྱིས་རིགས་ངེས་པར་གྲོལ་བ་ནི་སྙེམས་པ་དང་སྒེག་པའི་ཚུལ་ལོ། །སྔགས་ནི། ཨོཾ་སརྦ་གརྦྷ་ཡ་བི་ནཱ་ཡ་བཛྲ་མ་ཧཱ་ཀྲོ་དྷ་ཀཾ་པ་ཡ་སརྦ་མཱ་རཱན་ཧཱུཾ་ཕཊ། དེ་བཞིན་གཤེགས་པ་ཐམས་ཅད་ལ་གསོལ་བ་འདེབས་པའི་ཕྱིར་སྙེམས་པ་གཉིས་སོ། །སླར་ཡང་རྐང་པ་
གཅིག་པའི་སྟབས་ཀྱིས་རྣམ་པར་སྣང་མཛད་ཆེན་པོའི་ང་རྒྱལ་གྱིས་སོར་མོ་ཐམས་ཅད་ངེས་པར་གྲོལ་བ་ལས་ལག་པ་གཉིས་ཀུན་དུ་རབ་ཏུ་བརྐྱང་སྟེ། གཡས་དང་གཡོན་དུ་བསྐོར་བར་བྱའོ། །སྔགས་ནི། ཨོཾ་བྷྲ་མ་རི་ཛཱ་ལཱ་བྷི་ན་ཡ་བཛྲ་མ་ཧཱ་ཀྲོ་དྷ་བྷཉྫ་ཡ་བྷཉྫ་ཡ་སརྦ་ཏིརྠི་ཀཱན་
ཧཱུཾ་ཕཊ། བདུད་ཐམས་ཅད་ལས་རྣམ་པར་ཐར་པའི་ཕྱིར་བུང་བའི་དྲ་བའོ། །གཡས་བརྐྱང་གི་སྟབས་ཀྱིས་གཤིན་རྗེ་གཤེད་ཀྱི་ང་རྒྱལ་གྱིས། རང་གི་ཁ་གདངས་ཤིང་ལག་པ་གཡོན་པ་གདོང་དུ་རབ་ཏུ་བརྐྱང་ནས་ལག་པ་གཡས་པ་རྒྱབ་ཀྱི་སྟེང་དུ་རབ་ཏུ་ཕྱར་བར་བྱའོ། །སྔགས་
ནི། ཨོཾ་སིཾ་ཧ་པཱ་དཱ་བི་ན་ཡ་བཛྲ་མ་ཧཱ་ཀྲོ་དྷ་སྟྭཾ་བྷ་ཡ་སྟྭཾ་བྷ་ཡ་སརྦ་མ་ཧཱ་ལ་ལ་ཀ་མ་ཧཱ་ལ་ལི་ཀཱ་དཱི་ན་ཧཱུཾ་ཕཊ། གདུག་པ་ཅན་གྱི་བདུད་ཐམས་ཅད་རི་དྭགས་བཞིན་དུ་ཟ་བའི་ཕྱིར་སེང་གེའི་རྐང་སྟབས་སོ། །སླར་ཡང་གཡས་བརྐྱང་གི་སྟབས་ཀྱིས་འདོད་པའི་རྒྱལ་པོའི་ང་རྒྱལ་གྱིས་དེ་ལྟ་བུ་ཉིད་ཀྱི་ཚུལ་

62-1-289b

གྱིས་ལྗགས་བསྐྱོད་པ་དང་བཅས་པས་རྒྱབ་ཀྱི་ཕྱོགས་ཐམས་ཅད་དུ་ཀུན་དུ་བལྟ་བར་བྱའོ། །སྔགས་ནི། ཨོཾ་སིཾ་ཧ་བཛྲ་བཱ་བྷི་ན་ཡ་བཛྲ་མ་ཧཱ་ཀྲོ་དྷ་ཏྲ་ས་ཡ་ཏྲ་ས་ཡ་སརྦ་མ་ཧཱ་ལ་ལ་ཀ་མ་ཧཱ་ལ་ལི་ཀཱ་དཱི་ན་ཧཱུཾ་ཕཊ། དེ་བཞིན་གཤེགས་པ་ཐམས་ཅད་ཀྱིས་རྡོ་རྗེ་ཡེ་ཤེས་སེམས་དཔའ་བལྟ་
བའི་ཕྱིར། སེང་གེའི་གཡལ་འཛུམ་མོ། །མཉམ་པའི་རྐང་སྟབས་ཀྱིས་རྡོ་རྗེ་རྒྱས་པའི་ང་རྒྱལ་གྱིས། སྙིང་གར་རྡོ་རྗེ་རྒྱས་པར་བཅིང་བར་བྱའོ། །སྔགས་ནི་ཨོཾ་བཛྲ་སྥོ་ཊ་བི་ན་ཡ་བཛྲ་མ་ཧཱ་ཀྲོ་དྷ་སྥོ་ཊ་ཡ་སརྦ་མཱ་རཱན་ཧཱུཾ་ཕཊ། གདུག་པ་ཅན་གྱི་བདུད་དགྲ་ཐམས་ཅད་ཀྱི་སྙིང་
བཀས་པའི་ཕྱིར་རྡོ་རྗེ་དགས་པའོ་ཞེས་པའི་ཚུལ་བརྒྱད་པོ་ནི་སློབ་དཔོན་གཙོ་བོ་ཡིན་ནོ། །མཉམ་པའི་རྐང་སྟབས་ཀྱིས། ཤེས་རབ་མཐར་བྱེད་ཀྱི་ང་རྒྱལ་གྱིས་ལག་པའི་འོག་ཏུ་རྡོ་རྗེ་ཡོངས་སུ་བསྐོར་བས་སྟེང་དུ་ཡོངས་སུ་བསྐོར་བར་བྱའོ། །སྔགས་ནི། ཨོཾ་བཛྲ་ཨུཏྤ་ལི་ཏཱ་
བྷི་ན་ཡ་མ་ཧཱ་ཀྲོ་དྷ་བནྡྷ་ཡ་བྷནྡྷ་ཡ་སརྦ་དུཥྚཱན་ཧཱུཾ་ཕཊ། འདིས་རྡོ་རྗེ་ཡེ་ཤེས་ཀྱི་སྟོབས་བསྐྱེད་པའི་ཕྱིར་རྡོ་རྗེ་སྟོབས་བསྐྱེད་པའོ། །གཡོན་བརྐྱང་གི་སྟབས་ཀྱིས་ཕྱག་ན་རྡོ་རྗེའི་ང་རྒྱལ་གྱིས་རྡོ་རྗེ་རྩེ་ལྔ་པས་འདོད་ཆགས་ཆེན་པོའི་ཆགས་པའི་མཚོན་འཕང་བར་བྱའོ། །སྔགས་ནི། ཨོཾ་
བཛྲ་ཀྵེ་པཱ་བྷི་ན་ཡ་བཛྲ་མ་ཧཱ་ཀྲོ་དྷ་ཨཀྵེ་པ་ཡ་ཨཀྵེ་པ་ཡ་སརྦ་བྷཱུ་ཏཱན་ཧཱུཾ་ཕཊ། དེ་བཞིན་གཤེགས་པ་ཐམས་ཅད་ཀྱི་ཡེ་ཤེས་རྡོ་རྗེས་བགེགས་ཐམས་ཅད་འཇོམས་པའི་ཕྱིར་རྡོ་རྗེ་འཕེན་པའོ། །ཟླུམ་པོའི་རྐང་སྟབས་ཀྱིས་རྡོ་རྗེ་གར་གྱི་ང་རྒྱལ་གྱིས་རྡོ་རྗེ་ཁུ་ཚུར་གཉིས་ཀྱི་ཇི་ལྟ་བ་བཞིན་
ལས་ལག་པ་གཡས་པ་རབ་ཏུ་བརྐྱང་སྟེ་མཆན་འོག་གཡོན་དུ་བཀོད་ནས་ལག་པ་གཡོན་སྤྱི་བོའི་སྟེང་དུ་ཡང་དག་པར་གཟུང་བར་བྱའོ། །ཡང་དེ་བཟློག་པས་སོ། །སྔགས་ནི། ཨོཾ་བཛྲ་ནརྟ་ནཱ་བྷི་ན་ཡཾ་བཛྲ་མ་ཧཱ་ཀྲོ་དྷ་པཱ་ད་ཡ་སརྦ་ན་གཱ་ན་ཧཱུཾ་ཕཊ། ལྷ་ཐམས་ཅད་རྣམ་པར་འདུལ་བའི་ཕྱིར་རྡོ་རྗེའི་
གར་རོ། །གཡོན་བརྐྱང་གི་སྟབས་ཀྱིས་རྡོ་རྗེ་འཇིགས་བྱེད་ཀྱི་ང་རྒྱལ་གྱིས་གདོང་གི་སྟེང་དང་འོག་ཏུ་ལག་པ་གཉིས་རབ་ཏུ་བརྐྱང་སྟེ། སྣ་ཕུག་རྗེས་ནས་འགྲམ་པ་དང་མིག་རྣམས་རབ་ཏུ་འཇིག་པར་བྱའོ། །སྔགས་ནི། ཨོཾ་བཛྲ་བྷཻ་ར་བྷཱི་ན་ཡ་བཛྲ་མ་ཧཱ་ཀྲོ་དྷ་ཤོ་དྷ་ཡ་ཤོ་དྷ་ཡ་སརྦ་ཏྲཻ་

62-1-290a

དྷཱ་ཏུ་ཀཱན་ཧཱུཾ་ཕཊ། ཕུང་པོའི་བདུད་གཞོམ་པའི་ཕྱིར་རྡོ་རྗེ་འཇིགས་བྱེད་དུ་འགྱུར་རོ། །མཉམ་པོའི་རྐང་སྟབས་ཀྱིས་རྡོ་རྗེ་རོ་ལངས་ཀྱི་ང་རྒྱལ་གྱིས། ལག་པ་གཉིས་ཀྱིས་རོ་བླངས་ནས་ཁར་ཟ་བའི་ཚུལ་བྱའོ། །སྔགས་ནི། ཨོཾ་བཛྲ་བིཏྟ་ལྱ་བྷི་ན་ཡ་བཛྲ་
མ་ཧཱ་ཀྲོ་དྷ་བར་ཛ་ཡ་བར་ཛ་ཡ་སརྦ་དུཥྚ་ཧཱུཾ་ཕཊ། གདུག་པ་ཅན་གྱི་བདུད་བཞི་ཟ་བའི་ཕྱིར་རྡོ་རྗེ་རོ་ལངས་སོ། །གཡས་བརྐྱང་གི་སྟབས་ཀྱིས་གཤིན་རྗེ་གཤེད་ཀྱི་ང་རྒྱལ་གྱིས་གཡོན་པའི་རྡོ་རྗེ་ཁུ་ཚུར་གྱིས་རྡོ་རྗེའི་ཕུར་བུ་བཟུང་ནས་བགེགས་ཀྱི་ཚོགས་རྣམས་ལ་བཀོད་དེ་ལགས་པ་
གཡས་པའི་ཁུ་ཚུར་གྱིས་རྡོ་རྗེ་ཐོ་བ་བཟུང་ནས་བརྡུང་བར་བྱའོ། །སྔགས་ནི། ཨོཾ་བཛྲ་མུངྒ་རཱ་བྷི་ན་ཡ་བཛྲ་མ་ཧཱ་ཀྲོ་དྷ་ཙུརྞ་ཡ་ཙུརྞ་ཡ་ཀྵན་ཏི་ཧཱུཾ་ཕཊ། སྲིད་པ་ལ་སོགས་པའི་སྡུག་བསྔལ་འཇོམས་པའི་ཕྱིར་རྡོ་རྗེ་ཐོ་བའོ། །མཉམ་པོའི་རྐང་སྟབས་ཀྱིས་མི་བསྐྱོད་པའི་ང་
རྒྱལ་གྱིས་ཤར་ལ་སོགས་པའི་ཕྱོགས་རྣམས་སུ་ས་གནོན་དང་མཆོག་སྦྱིན་དང་། བསམ་གཏན་དང་མི་འཇིགས་པའི་ཕྱག་རྒྱ་བཞིས་སྟོང་པ་ཉིད་དང་མཚན་མ་མེད་པ་དང་སྨོན་པ་མེད་པ་དང་། མངོན་པར་འདུ་མི་བྱེད་པའི་རྣམ་པར་ཐར་པ་བཞི་བསྒོམ་པར་བྱའོ། །
སྔགས་ནི། ཨོཾ་ཙ་ཏུར་མུ་ཁཱ་དྷིཥྛ་ནཱ་བྷི་ན་ཡ་བཛྲ་མ་ཧཱ་ཀྲོ་དྷ་ཨ་དྷི་ཏིཥྛ་སརྦ་བི་ཀ་ཨོཾ་ཏྲཾ་ཧྲཱིཿ ཨཿཧཱུཾ་ཨ་ཏྲཾ་ཧྲཱིཿ ཨཿཧཱུཾ་ཕཊ། ཡེ་ཤེས་བཞི་ལ་སོགས་པ་རྣམས་ལ་སེམས་ཅན་ཐམས་ཅད་ངེས་པར་སྦྱོར་བའི་ཕྱིར་ཞལ་བཞི་བྱིན་གྱིས་བརླབ་བོ། །སླར་ཡང་ཟླུམ་པོའི་
རྐང་སྟབས་ཀྱིས་གཡས་སྐོར་དུ་བསྐོར་ཞིང་བདུད་རྩི་འཁྱིལ་པའི་རྣལ་འབྱོར་དུ་ལག་པ་གཡས་པས་རྡོ་རྗེ་ཡོངས་སུ་བསྐོར་ཞིང་ས་གཞི་ལ་རྐང་པ་གཉིས་འཕང་བར་བྱའོ། །སྔགས་ནི། ཨོཾ་བཛྲ་ཨ་མྲྀ་ཏ་ཀུཎྜ་ལི་ཨ་བྷི་ན་ཡ་བཛྲ་མ་ཧཱ་ཀྲོ་དྷ་གྲྀཧྞ་བནྡྷ་ད་ཧ་པ་ཙ་བི་དྷྭཾ་ས་ཡ་བཛྲ་
ཎ་སརྦ་ན་སྥོ་ཊ་ཡ་ཧྲྀ་ད་ཡ་ཧཱུཾ་ཕཊ། ལྷའི་བུའི་བདུད་གཞོམ་པའི་ཕྱིར་རྡོ་རྗེ་འཁྱིལ་པའོ། །གཡས་བརྐྱང་གི་སྟབས་ཀྱིས་རྡོ་རྗེ་སྒེག་མོའི་ང་རྒྱལ་གྱིས་རྡོ་རྗེ་གར་སྔོན་དུ་འགྲོ་བས་ལྟོ་གཉིས་དང་བཅས་པས་རྡོ་རྗེ་སྒེག་མོའི་ཕྱག་རྒྱས་མགོ་གཡོན་དུ་སྨད་པར་བྱའོ། །སྔགས་

62-1-290b

ནི། ཨོཾ་སྟྲི་མཱ་ཡཱ་ཀ་ར་ཎ་བྷི་ན་ཡ་བཛྲ་མ་ཧཱ་ཀྲོ་དྷ་ཨཱ་ན་ཡ་ཨཱ་ན་ཡ་བི་མརྟ་ཡ་བི་མརྟ་ཡ་སརྦ་ཀྞིན་དཱིན་ནཾ་ཕཊ། སེམས་ཅན་ཐམས་ཅད་འཁོར་བའི་སྒྱུ་མ་ལ་བལྟ་བའི་ཕྱིར་བུད་མེད་སྒྱུ་མ་བྱེད་པའོ་ཞེས་པའི་ཚུལ་དགུ་པོ་ནི་ཤར་ཕྱོགས་སུ་གནས་པའི་སློབ་དཔོན་གྱིའོ། །གཡས་
བརྐྱང་གི་སྟབས་ཀྱིས་རྡོ་རྗེ་རྒྱས་པའི་ང་རྒྱལ་གྱིས་ལག་པ་གཡོན་ན་གནས་པའི་རྡོ་རྗེ་ཁྲོ་བོ་ལ་གདུག་པ་ཅན་ཐམས་ཅད་ནང་དུ་བསྒོམས་ཏེ་ལག་པ་གཡས་པའི་རྡོ་རྗེ་ཁྲོ་བོས་བསྣུན་པར་བྱའོ། །སྔགས་ནི། ཨོཾ་བཛྲ་སྥོ་ཊ་ནི་བྷི་ན་ཡ་བཛྲ་མ་ཧཱ་ཀྲོ་དྷ་ཨཱ་ཀོ་ཊ་ཡ་ཨཱ་ཀོ་ཊ་ཡ་སརྦ་བྷཱུ་
ཏཱན་ཧཱུཾ་ཕཊ། རྒྱགས་པ་དང་ང་རྒྱལ་ལ་སོགས་པའི་སྡིག་པ་གཞོམ་པའི་ཕྱིར་རྡོ་རྗེ་རྒྱས་པའོ། །གཡོན་བརྐྱང་གི་སྟབས་ཀྱིས་སྟོབས་པོ་ཆེའི་ང་རྒྱལ་གྱིས་ལག་པ་གཡོན་པ་སྙིང་གར་རྡོ་རྗེ་ཏྲི་ཤཱུ་ལར་བྱས་ཏེ་གཡས་པ་རྡོ་རྗེ་ཁུ་ཚུར་དབྱུག་པ་བཞིན་དུ་འཕང་བར་བྱའོ། །སྔགས་
ནི། ཨོཾ་མ་ཧཱ་བ་ལོ་ཏཱ་ཀཪྵ་ཎ་བི་ན་ཡ་བཛྲ་མ་ཧཱ་ཀྲོ་དྷ་མརྡ་ཡ་མརྡ་ཡ་སརྦ་བིགྷྣཱན་ཧཱུཾ་ཕཊ། ཉི་ཚེ་བའི་འདོད་ཆགས་འདུལ་བའི་ཕྱིར་སྟོབས་པོ་ཆེ་འགུགས་པའོ། །གཡས་བརྐྱང་གི་སྟབས་ཀྱིས་རྡོ་རྗེ་གནོད་སྦྱིན་གྱི་ང་རྒྱལ་གྱིས་རྡོ་རྗེ་ཁུ་ཚུར་གཉིས་བཅིངས་ནས་མཐེའུ་ཆུང་
གཉིས་མཆེ་བའི་རྣམ་པར་ཁའི་གདོང་དུ་བཀོད་ནས་གདུག་པ་ཅན་ཐམས་ཅད་ཟ་བར་བསྒོམ་པར་བྱའོ། །སྔགས་ནི། ཨོཾ་བཛྲ་དཾཥྚ་བྷི་ན་ཡ་མ་བཛྲ་མ་ཧཱ་ཀྲོ་དྷ་ཨཊྚཱཊྚ་ཧཱ་སཾ་བྷཀྵ་ཡ་ཀིན་ན་དཱིན་ཧཱུཾ་ཕཊ། འཆི་བདག་གི་བདུད་བཟའ་བའི་ཕྱིར་རྡོ་རྗེ་མཆེ་བའོ། །གཡོན་
བརྐྱང་གི་སྟབས་ཀྱིས་རྡོ་རྗེ་བཞད་པའི་ཁྲོ་བོའི་ང་རྒྱལ་གྱིས། ཨཊྚཱཊྚ་དགོད་པའི་ཚུལ་གྱིས་ཧ་ཡིག་བཞི་བརྗོད་པར་བྱའོ། །སྔགས་ནི། ཨོཾ་བཛྲཱ་ཊྚ་ཧ་ས་བྷི་ན་ཡ་བཛྲ་མ་ཧཱ་ཀྲོ་དྷ་མོ་ཧཱ་ཡ་ཧཿཧཿཧཿཧཿཧཱུཾ་སརྦ་ཀིན་ན་དཱིན་ཧཱུཾ་ཕཊ། ཤེས་རབ་ཀྱི་དེ་ཉིད་ཀྱིས་ཁམས་
གསུམ་དུ་གནས་པའི་བདུད་གདུག་པ་ཅན་ཐམས་ཅད་འབྲོས་པའི་ཕྱིར་རྡོ་རྗེ་བཞད་པའོ། །ཟླུམ་པོའི་རྐང་སྟབས་ཀྱིས་རྡོ་རྗེ་སྨྲ་བའི་ཁྲོ་བོའི་ང་རྒྱལ་གྱིས་ལག་པ་གཡོན་པ། སྙིང་གར་སྡིགས་མཛུབ་བྱས་ནས་ལག་པ་གཡས་པ་རྣ་བའི་སྟེང་དུ་དྲིལ་བུ་དཀྲོལ་བར་བྱའོ། །སྔགས་

62-1-291a

ནི། ཨོཾ་བཛྲ་གྷཎྜཱ་ར་ར་ཎི་ཏཱ་བྷི་ནཱ་ཡ་བཛྲ་མ་ཧཱ་ཀྲོ་དྷ་ཏོ་ཥ་ཡ་ཏོ་ཥ་ཡ་སརྦ་ཏ་ཐཱ་ག་ཏ་ན་ཧཱུཾ་ཕཊ། ཁྲོ་བོའི་བྱིན་གྱི་རླབས་ཀྱིས་ལྷ་མ་ཡིན་གྱི་བདུད་ལ་སོགས་པ་ཟད་པར་བྱ་བའི་ཕྱིར་རྡོ་རྗེའི་སྒྲའོ། །གཡས་བརྐྱང་གི་རྐང་སྟབས་ཀྱིས་རྣོན་པོའི་ཁྲོ་བོའི་ང་རྒྱལ་གྱིས་
ལག་པ་གཡོན་པའི་ཁུ་ཚུར་གྱིས་ཤུགས་འདྲེན་ཅིང་ལག་པ་གཡས་པའི་རྡོ་རྗེ་ཁུ་ཚུར་གྱིས་རལ་གྲི་འདྲེན་པའོ། །སྔགས་ནི། ཨོཾ་ཁ་ཌ་གཱ་བྷི་ན་ཡ་བཛྲ་མ་ཧཱ་ཀྲོ་དྷ་ཙྪེ་ད་ཡ་ཙྪེ་ད་ཡ་ཙྪིནྡ་ཙྪིནྡ་སརྦ་དུཥྚ་བིགྷྣཱཾ་བི་ནཱ་ཡ་ཀཱན་ཧཱུཾ་ཕཊ། ཉོན་མོངས་པ་དང་ཉེ་བའི་ཉོན་མོངས་པ་གཅོད་པ་ལ་
རལ་གྲི་དང་། གཡོན་བརྐྱང་གི་སྟབས་ཀྱིས་རྡོ་རྗེ་རྒྱལ་པོའི་ཁྲོ་བོའི་ང་རྒྱལ་གྱིས་ལག་པ་གཡས་པས་ཏྲི་ཤཱུ་ལའི་རྡོ་རྗེ་འཕང་བར་བྱའོ། །སྔགས་ནི། ཨོཾ་བཛྲ་བྷི་ན་ཡ་བཛྲ་མ་ཧཱ་ཀྲོ་དྷ་པྲ་མརྡ་ཡ་པྲ་མརྡ་ཡ་སརྦ་དུཥྚ་དེ་བཱ་སུ་ར་མཱ་ནུ་ཥྱ་ཎ་ཧཱུཾ་ཕཊ། བདུད་ལ་སོགས་པའི་གདུག་
པ་ཅན་ཐམས་ཅད་ལ་རྡོ་རྗེ་རྒྱལ་པོའི་སྟོབས་བསྟན་པའི་ཕྱིར་རྡོ་རྗེའི་ཚུལ་ལོ། །ཟླུམ་པོའི་རྐང་སྟབས་ཀྱིས་རྡོ་རྗེ་རྒྱུའི་ཁྲོ་བོའི་ང་རྒྱལ་གྱིས་སྙིང་གར་རྡོ་རྗེ་ཁུ་ཚུར་གཉིས་མཐེའུ་ཆུང་གཉིས་ལྕགས་སྒྲོག་ཏུ་བྱས་ཏེ་མཛུབ་མོ་གཉིས་བརྐྱང་ངོ་། །སོར་མོ་ལྷག་མ་རྣམས་ཀྱིས་མཐེབ་ཆེན་སྦ་
བར་བྱའོ། །འཁོར་ལོ་བཞིན་དུ་གྲོལ་བར་བྱའོ། །སྔགས་ནི། ཨོཾ་ཙཀྲཱ་བྷི་ན་ཡ་བཛྲ་མ་ཧཱ་ཀྲོ་དྷ་ཨཱ་ན་ཡ་ཨཱ་ན་ཡ་སརྦ་ཏ་ཐཱ་ག་ཏ་བ་ཥ་ཊ་མཎྜ་ལཱ་ན་ཧཱུཾ་ཕཊ། ཉོན་མོངས་པ་དགུ་བཅུ་རྩ་བརྒྱད་གཅོད་པའི་ཕྱིར། འཁོར་ལོའི་ཚུལ་ལོ་ཞེས་པའི་ཚུལ་བརྒྱད་པོ་ནི་ལྷོ་ཕྱོགས་ན་གནས་
པའི་སློབ་དཔོན་གྱིའོ། །མཉམ་པོའི་རྐང་སྟབས་ཀྱིས་རྡོ་རྗེ་ས་འོག་གི་ང་རྒྱལ་གྱིས་ལག་པ་གཉིས་བཅིངས་ནས་གཏུན་ཤིང་འཛིན་པའི་ཚུལ་གྱིས་བརྡུང་བར་བྱའོ། །སྔགས་ནི། ཨོཾ་མུ་ཥ་ལཱ་བྷི་ན་ཡ་བཛྲ་མ་ཧཱ་ཀྲོ་དྷ་ཀུཊྚ་ཡ་ཀུཊྚ་ཡ་སརྦ་བིགྷཱཾ་བི་ནཱ་ཡ་ཀ་དཱི་ན་ཧཱུཾ་ཕཊ། གདུག་པ་
ཐམས་ཅད་བརྡུང་བའི་ཕྱིར་གཏུན་ཤིང་གི་ཚུལ་ལོ། །སླར་ཡང་མཉམ་པོའི་རྐང་སྟབས་ཀྱིས་རྡོ་རྗེ་ཏོག་གི་ཁྲོ་བོའི་ང་རྒྱལ་གྱིས་ལག་པ་གཡས་པའི་རྡོ་རྗེ་ཁུ་ཚུར་གྱི་གུང་མོ་དང་མཛུབ་མོ་བསླང་ནས་འགྱིང་བ་དང་བཅས་པར་རབ་ཏུ་བརྐྱང་སྟེ་སྟེང་དུ་གཟུང་བར་བྱའོ། །སྔགས་ནི། 

62-1-291b

ཨོཾ་པ་ཏཱ་ཀཱ་བྷི་ན་ཡ་བཛྲ་མ་ཧཱ་ཀྲོ་དྷ་པྲེ་ཏ་ཡ་སརྦ་པྲེ་ཏ་ན་ཧཱུཾ་ཕཊ། ཕྱོགས་ཐམས་ཅད་དུ་བགེགས་རྣམས་བསྐྲད་པའི་ཕྱིར་བ་དན་གྱི་ཚུལ་ལོ། །གཡོན་བརྐྱང་གི་རྐང་སྟབས་ཀྱིས་རྡོ་རྗེ་ཞགས་པའི་ང་རྒྱལ་གྱིས་ལག་པ་གཉིས་རྒྱབ་སྦྱར་ནས་མཐེའུ་ཆུང་གཉིས་དང་མཛུབ་མོ་གཉིས་
ལྕགས་སྒྲོག་ཏུ་བྱས་ཏེ་སྙིང་གར་བཟུང་བའོ། །སྔགས་ནི། ཨོཾ་པཱ་ཤཱ་བྷི་ན་ཡ་བཛྲ་མ་ཧཱ་ཀྲོ་དྷ་བནྡྷ་བནྡྷ་སརྦ་ས་མ་ཡཱ་ན་ཧཱུཾ་ཕཊ། ལྷ་ལ་སོགས་པའི་གདུག་པ་ཅན་ཐམས་ཅད་བཅིང་བའི་ཕྱིར་ཞགས་པའི་ཚུལ་ལོ། །ཟླུམ་པོའི་རྐང་སྟབས་ཀྱིས་རྡོ་རྗེ་ཅན་གྱི་ཁྲོ་བོའི་ང་རྒྱལ་གྱིས་
ཐལ་མོ་ཡང་དག་པར་སྦྱར་ཏེ། པདྨ་བཞིན་དུ་རྣམ་པར་དབྱེ་བར་བྱའོ། །སྔགས་ནི། ཨོཾ་པདྨཱ་བྷི་ན་ཡ་བཛྲ་མ་ཧཱ་ཀྲོ་དྷ་བི་ཀཱ་ཤ་ཡ་སརྦ་སཏྭ་པུཎྱ་ཛྙཱ་ན་སཾ་བྷཱ་རཱ་པ་རི་སཱ་དྷུ་ར་ཡ་ཧཱུཾ་ཕཊ། སེམས་ཅན་ཐམས་ཅད་ཀྱི་ཆོས་ཀྱི་དབྱིངས་ཤིན་ཏུ་རྣམ་པར་དག་པའི་ཡེ་ཤེས་རྟོགས་པར་
བྱ་བའི་ཕྱིར་པདྨའི་ཚུལ་ལོ། །གཡོན་བརྐྱང་གི་རྐང་སྟབས་ཀྱིས་དབྱུག་པ་སྔོན་པོ་ཅན་གྱི་ང་རྒྱལ་གྱིས་ལག་པ་གཡས་པའི་རྡོ་རྗེ་ཁུ་ཚུར་གྱིས་དབྱུག་པ་འཕེན་ཞིང་འཛིན་པའི་ཚུལ་བྱས་ནས་མཚོན་ཆ་འཕང་བར་བྱའོ། །སྔགས་ནི། ཨོཾ་དཎྜ་བྷི་ན་ཡ་བཛྲ་མ་ཧཱ་ཀྲོ་དྷ་ཏཱ་ཌ་ཡ་ཏཱ་
ཌ་ཡ་སརྦ་ཤ་ཏྲཱུན་ཧཱུཾ་ཕཊ། འཇིག་ཚོགས་ལ་ལྟ་བ་རིའི་རྩེ་མོ་ཉི་ཤུ་མཐོ་བ་རྣམ་པར་གཞོམ་པའི་ཕྱིར་དབྱུག་པ་འཛིན་པའི་ཚུལ་ལོ། །ས་གའི་རྐང་སྟབས་ཀྱིས་རྡོ་རྗེ་སྲུང་བའི་ང་རྒྱལ་གྱིས་ལག་པ་གཡས་པ་མི་འཇིགས་པ་རབ་ཏུ་སྦྱིན་པའི་རྣམ་པར་གཟུང་བར་བྱའོ། །
སྔགས་ནི། ཨོཾ་ཨ་བྷ་ཡ་པྲ་དཱ་ནཱ་བི་ན་ཡ་བཛྲ་མ་ཧཱ་ཀྲོ་དྷ་པུཥྤེ་སརྦ་ས་ཏྭཱན་ཧཱུཾ་ཕཊ། སེམས་ཅན་གྱི་ཁམས་ཐམས་ཅད་མི་འཇིགས་པས་རབ་ཏུ་གནས་པར་བྱ་བའི་ཕྱིར་མི་འཇིགས་པ་རབ་ཏུ་སྦྱིན་པའི་ཚུལ་ལོ། །གཡས་བརྐྱང་གི་རྐང་སྟབས་ཀྱིས་རྡོ་རྗེ་ལྕགས་ཀྱུའི་ང་རྒྱལ་
གྱིས་ལག་པ་གཡས་པའི་མཛུབ་མོ་ལྕགས་ཀྱུའི་རྣམ་པའི་ཚུལ་དུ་བྱའོ། །སྔགས་ནི། ཨོཾ་ཨཾ་ཀུ་ཤ་བི་ན་ཡ་བཛྲ་མ་ཧཱ་ཀྲོ་དྷ་ཨཱ་ཀཪྵ་ཡ་ཨཱ་ཀཪྵ་ཡ་སརྦ་བུདྡྷཱ་བོ་དྷི་སཏྭཱ་ན་ཧཱུཾ་ཕཊ། བདུད་ཐམས་ཅད་ཀྱི་སྙིང་འགུགས་པའི་ཕྱིར་ལྕགས་ཀྱུའི་ཚུལ་ལོ། །ས་གའི་

62-1-292a

རྐང་སྟབས་ཀྱིས་རྡོ་རྗེ་ལེགས་པའི་ཁྲོ་བོའི་ང་རྒྱལ་གྱིས་ལག་པ་གཡས་པའི་སོར་མོ་རབ་ཏུ་བརྐྱང་སྟེ་ཅུང་ཟད་སྙིང་གར་དགུག་པར་བྱའོ། །སྔགས་ནི། ཨོཾ་ཕ་ལཱ་བྷི་ན་ཡ་བཛྲ་མ་ཧཱ་ཀྲོ་དྷ་པྲཧླཱ་ད་ཡ་སརྦ་ཏ་ཐཱ་ག་ཏཱ་ན་ཧཱུཾ་ཕཊ། བླ་ན་མེད་པའི་ཡེ་ཤེས་ཀྱི་
འབྲས་བུ་བལྟ་བའི་ཕྱིར་འབྲས་བུའི་ཚུལ་ལོ། །གཡས་བརྐྱང་གི་རྐང་སྟབས་ཀྱིས་རྡོ་རྗེ་གདུལ་དཀའི་ཁྲོ་བོའི་ང་རྒྱལ་གྱིས་རྡོ་རྗེ་ཁུ་ཚུར་གཉིས་ཀྱིས་མདུང་གི་མཚོན་ཆ་འཕེན་པའི་ཚུལ་བྱའོ། །སྔགས་ནི། ཨོཾ་ཀུན་ཏཱ་བྷི་ན་ཡ་བཛྲ་མ་ཧཱ་ཀྲོ་དྷ་མཱ་ར་ཡ་མཱ་ར་ཡ་སརྦ་དུཥྚ་
མ་རཱ་ན་ཧཱུཾ་ཕཊ། མ་རིག་པ་ལ་སོགས་པའི་ལྟ་བ་གཞོམ་པའི་ཕྱིར་མདུང་གི་ཚུལ་ལོ་ཞེས་པའི་ཚུལ་དགུ་པོ་ནི་ནུབ་ཕྱོགས་ན་གནས་པའི་སློབ་དཔོན་གྱིའོ། །གཡས་བརྐྱང་གི་རྐང་སྟབས་ཀྱིས་རྡོ་རྗེ་ཆགས་པའི་ཁྲོ་བོའི་ང་རྒྱལ་གྱིས་ལག་པ་གཡོན་པས་གཞུ་
བླངས་ཏེ་ལག་པ་གཡས་པ་རྒྱུད་བཟུང་སྟེ་ཕྱོགས་གཡོན་དུ་གཟུང་བར་བྱའོ། །སྔགས་ནི། ཨོཾ་ཙཱ་བཱ་བྷི་ན་ཡ་བཛྲ་མ་ཧཱ་གྲོ་དྷ་ཏརྫ་ཡ་ཏརྫ་ཡ་སརྦ་དུཥྚ་ཧཱུཾ་ཕཊ། ཐབས་དང་ཤེས་རབ་རྣམ་པར་དག་པ་སེམས་ཅན་གྱིས་རྟོགས་པར་བྱ་བའི་ཕྱིར་གཞུ་འཛིན་པའོ། །
ཟླུམ་པོའི་རྐང་སྟབས་ཀྱིས་རྡོ་རྗེ་མདའི་ཁྲོ་བོའི་ང་རྒྱལ་གྱིས་ལག་པ་གཡས་པའི་མཛུབ་མོ་དང་གུང་མོ་གཉིས་ཀྱིས་མདའ་འདྲེན་པའི་ཚུལ་བྱའོ། །གཡོན་གྱི་སྟེང་དུ་གཞུ་འཛིན་པས་གཡོན་དུ་བསྐོར་བར་བྱའོ། །སྔགས་ནི། ཨོཾ་ཤ་རོ་ཏ་ཀརྴཱ་ན་བྷི་ན་ཡ་བཛྲོད་མ་ཧཱ་ཀྲོ་དྷ་དེ་ཧི་
སརྦ་སཏྭཱ་ན་ཧཱུཾ་ཕཊ། བླ་ན་མེད་པའི་ཡེ་ཤེས་འགུགས་པའི་ཕྱིར་མདའ་འདྲེན་པའི་ཚུལ་ལོ། །གཡོན་བརྐྱང་གི་རྐང་སྟབས་ཀྱིས་རྡོ་རྗེ་དབང་དུ་བྱེད་པའི་ཁྲོ་བོའི་ང་རྒྱལ་གྱིས་སྔོན་བཞིན་དུ་གཞུ་བཟུང་ནས་རླུང་གི་ཤུགས་ཀྱིས་བཀུག་ནས་རླུང་བཞིན་དུ་འཕང་བར་བྱའོ། །སྔགས་
ནི། ཨོཾ་ཤ་ར་པྲ་ཀྵེ་པ་ཨ་བྷི་ན་ཡ་བཛྲ་མ་ཧཱ་ཀྲོ་དྷ་ཨ་ནུ་རཱ་ག་ཡ་ཨ་ནུ་རཱ་ག་ཡ་སརྦ་སཾ་སཱ་ར་བསྠ་ཏ་ས་ཏྭཱན་ཧཱུཾ་ཕཊ། སེམས་ཅན་འཁོར་བར་གནས་པ་ཐམས་ཅད་དབང་དུ་བྱ་བའི་ཕྱིར་མདའ་འཕེན་པའི་ཚུལ་ལོ། །གཡས་བརྐྱང་གི་རྐང་སྟབས་ཀྱིས་ཙུནྡཱིའི་རིག་སྔགས་ཀྱི་ང་

62-1-292b

རྒྱལ་གྱིས་ཁུ་ཚུར་གཡོན་པ་སྙིང་གར་བཀོད་ནས་གཡས་པའི་རྡོ་རྗེ་ཁུ་ཚུར་གྱིས་འུར་རྡོ་ཡོངས་སུ་བསྐོར་བའི་སྦྱོར་བས་རབ་ཏུ་འཕང་བར་བྱའོ། །སྔགས་ནི། ཨོཾ་བྷན་ཏི་པཱ་ལཱ་བྷི་ན་ཡ་བཛྲ་མ་ཧཱ་ཀྲོ་དྷ་བྷྲ་མ་ཡ་བྷྲ་མ་ཡ་བྷིནྡ་ཡ་བྷིནྡ་ཡ་སརྦ་དུཥྚ་པྲ་དུཥྚ་བྷིགྷྣ་བི་ན་ཡ་ཀཱ་ན་ཧཱུཾ་ཕཊ། ལྷའི་
བགེགས་ཐམས་ཅད་རབ་ཏུ་ཞི་བར་བྱ་བའི་ཕྱིར་འུར་རྡོའི་ཚུལ་ལོ། །ས་གའི་རྐང་སྟབས་ཀྱིས་རྡོ་རྗེ་སྙིང་པོའི་ཁྲོ་བོའི་ང་རྒྱལ་གྱིས་ལག་པ་གཡོན་པ་པང་དུ་གན་རྐྱལ་དུ་བྱས་ནས་ལག་པ་གཡོན་པས་མཆོད་སྦྱིན་གྱི་ཚུལ་བྱའོ། །སྔགས་ནི། ཨོཾ་བ་ར་དཱ་བྷི་ན་ཡ་བཛྲ་མ་ཧཱ་ཀྲོ་དྷ་བ་རཾ་དཱ་པ་ཡ་བ་རཾ་དཱ་
པ་ཡ་སརྦ་སིདྡྷིཾ་ཧཱུཾ་ཕཊ། སེམས་ཅན་ཐམས་ཅད་ལ་ནད་མེད་པ་ལ་སོགས་པའི་མཆོག་སྦྱིན་པ་ལ་སྦྱོར་བའི་ཕྱིར་མཆོག་སྦྱིན་གྱི་ཚུལ་ལོ། །གཡོན་བརྐྱང་གི་རྐང་སྟབས་ཀྱིས་རྡོ་རྗེ་གཟི་བརྗིད་ཀྱི་ཁྲོ་བོའི་ང་རྒྱལ་གྱིས་ལག་པ་གཡོན་པའི་རྡོ་རྗེ་ཁུ་ཚུར་གྱིས་སྡིགས་མཛུབ་སྙིང་གར་བྱས་ཏེ་
ལག་པ་གཡོན་པས་རྡོ་རྗེ་གསོར་བ་སྔོན་དུ་འགྲོ་བས་མདུང་འཕང་བར་བྱའོ། །སྔགས་ནི། ཨོཾ་ཤཀྷྱ་བྷི་ན་ཡ་བཛྲ་མ་ཧཱ་ཀྲོ་དྷ་མཱ་ར་ཡ་མཱ་ར་ཡ་སརྦ་ན་རཀ་ག་ཏི་ས་ཏྭཱན་ཧཱུཾ་ཕཊ། མ་རིག་པ་ལ་སོགས་པའི་རྟེན་ཅིང་འབྲེལ་བར་འབྱུང་བའི་ཡན་ལག་བཅུ་གཉིས་རབ་ཏུ་ཞི་བར་བྱ་བའི་
ཕྱིར་མདུང་གི་ཚུལ་ལོ། །སླར་ཡང་གཡོན་བརྐྱང་གི་རྐང་སྟབས་ཀྱིས་རྟ་མགྲིན་གྱི་ང་རྒྱལ་གྱིས་ལག་པ་གཡོན་པའི་རྡོ་རྗེ་ཁུ་ཚུར་གྱིས་ཀ་ན་ཡའི་ཐག་པ་བཟུང་ནས་ལག་པ་གཡས་པས་ཀ་ན་ཡ་སྤྱི་བོའི་སྟེང་དུ་ཡོངས་སུ་བསྐོར་ནས་རབ་ཏུ་འཕང་བར་བྱའོ། །སྔགས་ནི། ཨོཾ་
ཀ་ན་ཡཱ་བྷི་ན་ཡ་བཛྲ་མ་ཧཱ་ཀྲོ་དྷ་པྲ་མརྡ་ཡ་པྲ་མརྡ་ཡ་སརྦ་དུཥྚ་ས་ཏྭཱཾ་ཧཱུཾ་ཕཊ། ཕྱོགས་བཅུ་མ་ལུས་ཤིང་ལུས་པ་མེད་པ་ན་གནས་པའི་ལྷ་གདུག་པ་ཅན་རྣམས་བརྡུང་བའི་ཕྱིར་ཀ་ན་ཡའི་ཚུལ་ལོ། །ས་གའི་རྐང་སྟབས་ཀྱིས་རིན་ཆེན་སྐར་མདའི་ང་རྒྱལ་གྱིས་ཐལ་མོ་ཡང་དག་པར་
སྦྱར་ནས་བསྟོད་པ་བྱེད་པའི་ཕྱིར་ཕྱག་འཚལ་བའི་ཚུལ་ལོ། །སྔགས་ནི། ཨོཾ་པྲ་ཎ་མ་བྷི་ན་ཡ་བཛྲ་མ་ཧཱ་ཀྲོ་དྷ་པྲ་ཎཱ་མ་ཡ་པྲ་ཎཱ་མ་ཡ་སརྦ་ཏ་ཐཱ་ག་ཏཱ་ན་ཧཱུཾ་ཕཊ། དེ་བཞིན་གཤེགས་པ་ཐམས་ཅད་ལ་སྟོད་པར་བྱེད་པའི་ཕྱིར། ཕྱག་འཚལ་བའི་ཚུལ་ལོ་ཞེས་པའི་ཚུལ་བརྒྱད་

62-1-293a

ནི་བྱང་ཕྱོགས་ན་གནས་པའི་སློབ་དཔོན་གྱིའོ། །ད་ནི་གོ་རིམས་ཇི་ལྟ་བ་བཞིན་དུ་འཕེན་པ་དང་། ཁྲོ་བོ་རྣམས་ཀྱི་མིང་གི་སྐུ་མདོག་བརྗོད་པར་བྱའོ། །དེ་ལ་སངས་རྒྱས་ཀྱི་སྟོབས་ཞེས་བྱ་བའི་ཁྲོ་བོ་ནི་སྐུ་མདོག་དཀར་པོ་ཧཱུཾ་གི་ས་བོན་ལའོ། །འབར་བའི་ཕྲེང་བ་
ནི་སྐུ་མདོག་དམར་པོ་ཀཿཡི་གེ་ས་བོན་ལས་སོ། །རྣོན་པོ་ནི་སྐུ་མདོག་མཐིང་ག་གཿཡི་གེ་ས་བོན་ལས་སོ། །སྟོབས་པོ་ཆེའི་སྐུ་མདོག་ནག་པོ་བཿཡི་གེ་ས་བོན་ལས་སོ། །གཞན་གྱིས་མི་ཐུབ་པ་སྐུ་མདོག་དཀར་པོ་ཙྪཿཡི་གེ་ས་བོན་ལས་སོ། །ཀུན་དུ་འཇུག་པ་སྐུ་མདོག་སེར་པོ་ཛཿ
ཡི་གེ་ས་བོན་ལས་སོ། །གཤིན་རྗེ་གཤེད་སྐུ་མདོག་མཐིང་ག་ཛྙཿཡི་གེ་ས་བོན་ལས་སོ། །ཀཱི་ལི་ཀཱི་ལ་དམར་པོ་སཿཡི་གེ་ས་བོན་ལས་སོ། །མ་ཧཱ་ཀཱི་ལི་ཀི་ལ་སྐུ་མདོག་ལྗང་གུ་ཧཿཡི་གེ་ས་བོན་ལས་སོ། །གང་ཡང་འདིར་ཁྲོ་བོ་རྣམས་ཀྱི་གནས་དང་དེ་བཞིན་ཉིད་མི་མཐུན་
ཡང་སྐྱོན་མེད་དེ་རྒྱུད་གཞན་དུ་གསུངས་པའི་ཕྱིར་རོ། །གང་ཞིག་འཕེན་པའི་ཚུལ་བྱ་བ་ནི་ཕྲལ་གྱི་སྡིག་པ་རྣམས་དང་བདུད་ལ་སོགས་པ་རྣམས་ཟད་པར་བྱ་བའི་ཕྱིར་སློབ་དཔོན་གཙོ་བོས་འཕང་བར་བྱའོ། །དེ་ལ་གཡས་བརྐྱང་གི་གར་བྱས་ནས་གདོང་གཡས་སུ་མངོན་པར་ཕྱོགས་ཏེ་
གཡོན་པའི་སྡིགས་མཛུབ་སྙིང་གར་བྱས་ཏེ། གཞོགས་གཡོན་པ་ས་ལ་ལྟུང་བས་ནམ་མཁར་བལྟས་ཏེ་ལག་པ་གཡས་པ་རྡོ་རྗེ་དང་བཅས་པས་བདུད་ཐམས་ཅད་ལ་འཕང་བར་བྱའོ། །ཨོཾ་ཨཱཿབུདྡྷ་བ་ལ་བཛྲ་མ་ཧཱ་ཀྲོ་དྷ་ཨཱཀྵེ་པ་ཡ་ཨཱཀྵེ་པ་ཡ་སརྦ་མ་རཱན་ཧཱུཾ་ཕཊ། འདི་ནི་
སངས་རྒྱས་ཀྱི་སྟོབས་ཞེས་བྱ་བའི་ཀུན་དུ་སྤྱོད་པའོ། །པད་ཀོར་སྔོན་དུ་འགྲོ་བས་གར་བྱས་ཏེ་རྡོ་རྗེ་བླངས་ནས་གཡོན་པའི་སྡིགས་མཛུབ་ཀྱིས་བསྡིགས་ཤིང་ལག་པ་གཡས་པ་རྡོ་རྗེ་དང་བཅས་པས་དབྱུག་པའི་ཕྱག་རྒྱས་འཕང་བར་བྱ་ཞིང་རྐང་པ་མཉམ་དུ་གནས་ནས་འགྱིང་
བ་དང་བཅས་པའི་རྡོ་རྗེའི་རྐང་སྟབས་ཀྱིས་མཐོ་ཕྱེད་དང་གསུམ་དུ་རྐང་པ་གཡས་པ་འཕང་བར་བྱའོ། །གཡོན་པ་བརྟན་པ་བྱས་ནས་རྐང་པ་དག་ཀྱང་གཤོག་པ་བཞིན་དུ་གནས་ཏེ། དེ་ནས་པུས་མོ་གཡས་པ་བསྐུམ་སྟེ་དབྱུག་པའི་ཕྱག་རྒྱས་འཕང་བར་བྱ་སྟེ། སྡིགས་མཛུབ་

62-1-293b

གཡོན་གྱིས་བསྡིགས་ཤིང་ལྟོ་གཡོན་གྱི་ཆར་དམད་པར་བྱའོ། །མིག་གཡོན་པ་བཙུམས་ནས་གདོང་བསྐོར་ཞིང་དཀྱིལ་འཁོར་ལ་བལྟས་ཏེ་ཁྲོ་གཉེར་བསྡུ་བ་ལ་སོགས་པ་ནི་ཀུན་ནས་གཡོ་བའི་ཀུན་དུ་བསྐྱེད་པའོ། །དཀུ་གཡས་ཀྱི་ཆར་བསྡུའོ། །སྔགས་ནི། ཨོཾ་ཨཱཿཧཱུཾ་ལཾ་ཨ་ཧེ་ཨ་
ཧེ་གྲ་ས་གྲ་ས་ཀཱ་རཱ་ལ་བ་ད་ན་མ་ཧཱ་ཀྲོ་དྷ་ཤོ་དྷ་ཡ་ཤོ་དྷ་ཡ་ཧཱུཾ་གཿ། དེ་ཉིད་བཞིན་དུ་རྡོ་རྗེ་བསླངས་ནས་རྐང་པ་མཉམ་དུ་གནས་ཏེ་རྐང་པ་གཡོན་པ་ཕྱེད་དང་བཅས་པའི་མཐོ་གསུམ་དུ་རབ་ཏུ་བརྐྱང་སྟེ་གཞག་པར་བྱ་བ་ནས་རྐང་པ་དག་ཟུར་གསུམ་དུ་བྱའོ། །མདུན་དུ་ལག་པ་བརྡབ་པར་བྱས་ནས་དབྱུག་
པའི་ཕྱག་རྒྱ་བསླངས་ཏེ་འཕང་བར་བྱའོ། །སྡིགས་མཛུབ་གཡོན་པ་ནུ་མ་ལ་དགོད་པར་བྱའོ། །གདན་སྣ་ཚོགས་པ་ཞེས་པའི་ཀུན་དུ་སྤྱོད་པའོ། །དཀུ་གཡོན་གྱི་ཆར་བསྡུའོ། །སྔགས་ནི། ཨོཾ་ཨཿཧཱུཾ་ལཾ་ཨ་ཧེ་ཨ་ཧེ་གྲ་ས་གྲ་ས་ཀཱ་ར་ལ་བ་ད་ན་མ་ཧཱ་ཀྲོ་དྷ་ཏྲཱ་ཤ་ཡ་ཏྲཱ་ཤ་ཡ་སརྦ་དུཥྚ་
བིགྷྣ་མ་རཱ་ན་ཧཱུཾ་གཿ། དེ་བཞིན་དུ་རྡོ་རྗེ་བསླངས་ནས་དབྱུག་པའི་ཕྱག་རྒྱ་འཕངས་ཏེ་མིག་གཡས་པ་བཙུམས་ཏེ་གཡོན་པ་ནུ་མའི་བར་དུ་སྡིགས་མཛུབ་ལ་བལྟ་བར་བྱའོ། །གཡོན་པ་རྡོ་རྗེ་རྐང་སྟབས་བྱས་ལ་པུས་མོ་གཡས་པ་བསྐུམ་སྟེ་ཁྲོ་བོ་དང་བཅས་པའི་རྐང་པ་འཕང་བར་བྱའོ། །རྒོད་པ་
དང་བཅས་པས་གཡོན་པ་འཁོར་ལོ་བཞིན་དུ་བསྐོར་བར་བྱའོ། །སླར་ཡང་རྐང་པ་བསྐུམ་ནས་གཡོན་བརྐྱང་ཕྱེད་པར་རྒོད་ཅིང་རྐང་པ་དག་བསྟན་པས་གཤོག་པ་བཞིན་དུ་གནས་པར་བྱའོ། །ཀུན་ནས་གཡོ་མ་ཞེས་བྱ་བའི་ཀུན་དུ་སྤྱོད་པའོ། །རྡོ་རྗེ་གར་གྱི་སྦྱོར་བས་དཀུ་གཡས་
ཀྱི་ཆར་བསྡུའོ། །ཨོཾ་ཨཱཿཧཱུཾ་ལཾ་ཨ་ཧི་ཨ་ཧི་གྲ་ས་གྲ་ས་ཀཱ་ར་ལ་པ་ད་ན་མ་ཧཱ་ཀྲོ་དྷ་ཀྵོ་བྷ་ཡ་ཀྵོ་བྷ་ཡ་ཧཱུཾ་ཙཿ། དེ་བཞིན་དུ་རྡོ་རྗེ་བསླང་བར་བྱས་ཏེ་རྐང་པ་མཉམ་དུ་གནས་ནས་དབྱུག་པའི་ཕྱག་རྒྱ་འཕང་བར་བྱའོ། །ནུ་མའི་སྡིགས་མཛུབ་ལ་མིག་གཡོན་པས་བལྟ་བར་བྱའོ། །པུས་མོ་
གཡོན་པ་བསྐུམ་སྟེ་གཡས་པ་རྡོ་རྗེའི་རྐང་སྟབས་བྱས་ནས་གཡོན་དུ་འཕང་ཞིང་དེ་ཉིད་དང་བཅས་པ་གཡས་པས་བསྐོར་བར་བྱའོ། །དེ་ནས་བཞག་ནས་ལྟུང་བའི་རྐང་པ་བསྐུམ་ནས་གནས་པས་ཟུར་གསུམ་བྱས་ཏེ་གཡས་པ་གཤོག་པ་ལྟར་གནས་ཤིང་བྱས་ནས་གཡས་བརྐྱང་དུ་དགོད་པར་བྱ་

62-1-294a

བ་ནི་རྣམ་པར་རྨོངས་པ་ཞེས་བྱ་བའི་ཀུན་དུ་བསྐྱོད་པའོ། །གར་བྱས་ནས་དཀུ་གཡོན་གྱི་ཕྱོགས་སུ་བསྡུའོ། །ཨོཾ་ཨཱཿཧཱུཾ་ལཾ་ཨ་ཧི་ཨ་ཧི་གྲ་ས་གྲ་ས་ཀ་རཱ་ལ་བ་ད་ན་མ་ཧཱ་ཀྲོ་དྷ་བི་མོ་ཧ་ཡ་བི་མོ་ཧ་ཡ་སརྦ་དུཥྚ་བིགྷྣན་ཧཱུཾ་ཙྪཿ། འདི་ཉིད་ལ་རྐང་པ་གཡོན་པས་ཡོངས་སུ་
བསྐོར་ཞིང་སླར་ཡང་མདུན་དུ་ལག་པ་བརྡབ་པར་བྱའོ། །སླར་ཡང་ཁྱད་པར་ཅན་དུ་འཕང་བར་བྱ་སྟེ་མྱུར་བ་ཞེས་བྱ་བའི་ཀུན་དུ་བསྐྱོད་པའོ། །ཨོཾ་ཨཱཿཧཱུཾ་ལཾ་ཨ་ཧ་ཨ་ཧ་གྲ་ས་གྲ་ས་ཀ་རཱ་ལ་བ་ད་ན་མ་ཧཱ་ཀྲོ་དྷ་གརྫྷ་གརྫྷ་ཧཱུཾ་ཛཿ གར་བྱས་ནས་དཀུ་གཡོན་གྱི་ཕྱོགས་སུ་བསྡུ་བའོ། །རྣམ་པར་རྨོངས་པའི་
ཀུན་དུ་བསྐྱོད་པ་དེ་ཉིད་རྣམ་པར་བཟློག་ནས་ཀུན་དུ་བསྐྱོད་ཅིང་། འོན་ཀྱང་གདོང་དུ་དྲིལ་བུ་རབ་ཏུ་བརྐྱང་ནས་དཀྲོལ་བའི་རྣམ་པས་ལྕེ་ལ་བཀོད་ནས་འཁོར་ལོ་བཞིན་བསྐོར་བར་བྱའོ། །ཨོཾ་ཨཱཿཧཱུཾ་ལཾ་ཨ་ཧེ་ཨ་ཧེ་གྲ་ས་གྲ་ས་ཀ་རཱ་ལ་བ་ད་ན་མ་ཧཱ་ཀྲོ་དྷ་ཧྲིཿཥྚཱཿཧཱུཾ་ཛྙཱཿདེ་བཞིན་དུ་རྡོ་རྗེ་བསླངས་
ནས་མཐོ་གང་ཙམ་གྱི་བར་དུ་རྐང་པ་གཉིས་བྱས་ནས་ཟུར་གསུམ་དུ་བྱའོ། །པུས་མོ་གཡས་པ་ཅུང་ཟད་བསྐུམ་ནས་པུས་མོ་གཡོན་པ་དམད་པར་བྱའོ། །ནུ་མ་དང་ལྟེ་གཡོན་གྱི་ཆ་ཡང་དམད་པར་བྱའོ། །སྡིགས་མཛུབ་ནུ་མར་བྱས་ནས་དཔུང་པའི་དབྱུག་པ་འཕངས་ཤིང་རྐང་པའི་བར་དུ་
དབྱུག་པ་ལ་བལྟས་ནས་ལྟུང་ཞིང་གདོང་བསྐོར་བ་ནི། ཀི་ལི་ཀི་ལ་ཞེས་བྱ་བའི་གདོང་བསྐྱོད་པའོ། །དཀུ་གཡས་ཀྱི་ཆར་བསྡུའོ། །ཨོཾ་ཨཱཿཧཱུཾ་ལཾ་ཨ་ཧཾ་གྲ་ས་གྲ་ས་ཀ་རཱ་ལ་བ་ད་ན་མ་ཧཱ་ཀྲོ་དྷ་གྷཱ་ཏ་ཡ་གྷཱ་ཏ་ཡ་སརྦ་ཀླེ་ཤཱན་ཧཱུཾ་སཿ། ཀི་ལི་ཀི་ལིའི་ཀུན་དུ་བསྐྱོད་པ་དེ་བཞིན་དུ་ཀི་ལི་ཀི་ལ་
ཆེན་པོའི་ཡིན་ཏེ། གང་གི་ཚེ་དབྱུག་པ་གནས་པ་ལ་བལྟ་བ་ན་རང་གི་འཕྲག་པ་གཡས་ཕྱོགས་དང་རང་གི་རྒྱབ་ཏུ་ཁྱེར་བར་བྱའོ། །མིག་གཡོན་པ་བཙུམས་ནས་ཁྲོ་བས་རྐང་པ་འཕང་བར་བྱའོ། །སྔོན་མ་བཞིན་དུ་བསྡུ་བར་བྱའོ། །ཨོཾ་ཨཱཿཧཱུཾ་ལཾ་ཨ་ཧ་ཨ་ཧ་གྲ་ས་གྲ་ས་ཀ་རཱ་ལ་བ་ད་ན་མ་ཧཱ་ཀྲོ་དྷ་ཨཱ་
བེ་ཤ་ཡ་སརྦ་ཏྲཻ་དྷཱ་ཏུ་ཀ་བསྠི་ཏཱན་ས་ཏྭཱན་ཧཱུཾ་ཨཿ ཀུན་དུ་བསྐྱོད་པ་འདི་རྣམས་གོ་རིམས་ཇི་ལྟ་བ་བཞིན་དུ་དབུས་དང་ཤར་ལ་སོགས་པའི་ཕྱོགས་རྣམས་སུ་དང་། དབང་ལྡན་ལ་སོགས་པའི་མཚམས་རྣམས་སུ་བྱའོ། །སོ་སོའི་དབུས་སུ་གནས་ནས་གདན་རྣམས་བྱའོ། །དེ་ལ་རྡོ་རྗེ་སྐྱིལ་

62-1-294b

མོ་ཀྲུང་གིས་རྣམ་པར་སྣང་མཛད་ལ་སོགས་པའི་ཕྱག་རྒྱ་བཅིང་བར་བྱ་སྟེ། བྱིན་པ་གཡོན་པ་རྐང་པ་གཡས་པའི་བརླའི་དབུས་སུ་རྣམ་པར་བཀོད་ནས་དེའི་སྟེང་དུ་རྐང་པ་གཡས་པ་དགོད་པར་བྱའོ། །རྡོ་རྗེ་སྐྱིལ་མོ་ཀྲུང་ངོ་། །སྔགས་ནི། ཨོཾ་བཛྲ་བར་ཡཾ་ཀ་བཛྲ་མ་ཧཱ་ཀྲོ་དྷ་ནཱ་ཤ་ཡ་སརྦ་
བིགྷྣན་ཧཱུཾ་ཕཊ། ཨོཾ་བོ་དྷྱ་གྲི་མུ་དྲཱ་བྷི་ན་ཡ་བཛྲ་མ་ཧཱ་ཀྲོ་དྷ་སརྦ་ས་མ་དྷཱི་བ་ལཾ་པཱ་རི་པཱུ་ར་ཡ་པཱུ་ར་ཡ་ཧཱུཾ་ཕཊ། ཨོཾ་བཛྲ་སཱ་ན་བྷི་ན་ཡ་བཛྲ་མ་ཧཱ་ཀྲོ་དྷ་མརྡ་ཡ་མརྡ་ཡ་སརྦ་བིགྷྣན་ཧཱུཾ་ཕཊ། ཨོཾ་བཱ་ར་དྷ་བྷི་ན་ཡ་བཛྲ་མ་ཧཱ་ཀྲོ་དྷ་བ་རཾ་དཱ་པ་ཡ་བ་རཾ་དཱ་པ་ཡ་སརྦ་སིདྡྷཾ་ཀུ་རུ་ཧཱུཾ་ཕཊ། ཨོཾ་དྷྱ་ནཱ་བཱི་ན་ཡ་བཛྲ་
མ་ཧཱ་ཀྲོ་དྷ་སྠི་ར་ཡ་སྠི་ར་ཡ་སརྦ་ཙིཏྟཾ་སི་ཧཱུཾ་ཕཊ། ཨོཾ་ཨ་བྷི་ཡ་པྲ་དཱ་བི་ན་ཡ་བཛྲ་མ་ཧཱ་ཀྲོ་དྷ་ཤ་མ་ཡ་ཤ་མ་ཡ་ཏིརྱ་ག་མ་ནུ་ཥྱ་དྭཱི་ན་ཧཱུཾ་ཕཊ། པདྨའི་གདན་གྱི་སྒེག་མོ་ལ་སོགས་པ་བརྒྱད་ཀྱི་ཕྱག་རྒྱ་བཅིང་བར་བྱའོ། །བྱིན་པ་གཡས་པས་བྱིན་པ་གཡོན་པ་མནན་པར་བྱས་ནས་པུས་མོ་
གཉིས་དམད་པར་བྱས་པ་ནི་པདྨའི་གདན་ནོ། །ཨོཾ་པདྨཱ་ས་ན་བཛྲ་མ་ཧཱ་ཀྲོ་དྷ་བི་དྷ་མ་ཡ་བི་དྷ་མ་ཡ་སརྦ་ཤཱ་ཏྲཱུན་ཧཱུཾ་ཕཊ། ཨོཾ་བཛྲ་ལཱ་སྱཱ་བྷི་ན་ཡ་བཛྲ་མ་ཧཱ་ཀྲོ་དྷ་སརྦ་ཏ་ཐཱ་ག་ཏ་དཱ་ན་པཱ་ར་མི་ཏཱན་ནིཥྤཱ་ད་ཡ་ནིཥྤཱ་ད་ཡ་ཧཱུཾ་ཕཊ། ཨོཾ་བཛྲ་མཱ་ལཱ་བྷི་ན་ཡ་བཛྲ་མ་ཧཱ་ཀྲོ་དྷ་སརྦ་ཏ་ཐཱ་ག་ཏ་ཤཱི་ལ་པཱ་ར་མི་
ཏཱན་ནིཥྤཱ་ད་ཡ་ནིཥྤཱ་ད་ཡ་ཧཱུཾ་ཕཊ། ཨོཾ་བཛྲ་གྷི་ཏཱ་བྷཱི་ན་ཡ་བཛྲ་མ་ཧཱ་ཀྲོ་དྷ་སརྦ་ཏ་ཐཱ་ག་ཏ་ཀྵཱ་ན་ཏི་པ་ར་མི་ཏཱཾ་ནིཥྤཱ་ད་ཡ་ནིཥྤཱ་ད་ཡ་ཧཱུཾ་ཕཊ། ཨོཾ་བཛྲ་ནྲྀ་ཏྱཱ་བྷི་ན་ཡ་བཛྲ་མ་ཧཱ་ཀྲོ་དྷ་སརྦ་ཏ་ཐཱ་ག་ཏ་བཱིརྱ་པཱ་ར་མི་ཏཱན་ནིཥྤཱ་ད་ཡ་ནིཥྤཱ་ད་ཡ་ཧཱུཾ་ཕཊ། ཨོཾ་བཛྲ་དྷཱུ་པ་བྷི་ན་ཡ་བཛྲ་མ་ཧཱ་ཀྲོ་དྷ་སརྦ་ཏ་ཐཱ་ག་ཏ་དྷྱཱ་ན་
པཱ་ར་མི་ཏཱན་ནིཥྤཱ་ད་ཡ་ནིཥྤཱ་ད་ཡ་ཧཱུཾ་ཕཊ། ཨོཾ་བཛྲ་པུཥྤཱ་བྷི་ན་ཡ་བཛྲ་མ་ཧཱ་ཀྲོ་དྷ་སརྦ་ཏ་ཐཱ་ག་ཏ་པྲཛྙཱ་པཱ་ར་མི་ཏཱཾ་ནིཥྤཱ་ད་ཡ་ནིཥྤཱ་ད་ཡ་ཧཱུ་ཕཊ། ཨོཾ་བཛྲ་དཱི་པཱ་བྷི་ན་ཡ་བཛྲ་མ་ཧཱ་ཀྲོ་དྷ་སརྦ་ཏ་ཐཱ་ག་ཏ་པཱ་ནི་དྷི་པཱ་ར་མི་ཏཱ་ན་ནིཥྤཱ་ད་ཡ་ནིཥྤཱ་ད་ཡ་ཧཱུཾ་ཕཊ། ཨོཾ་བཛྲ་གྷནྡྷ་བྷི་ན་ཡ་བཛྲ་མ་ཧཱ་ཀྲོ་དྷ་སརྦ་ཏ་ཐཱ་ག་ཏ་
ཨུ་པ་ཡ་པཱ་ར་མི་ཏཱཾ་ནིཥྤཱ་ད་ཡ་ནིཥྤཱ་ད་ཡ་ཧཱུཾ་ཕཊ། སེམས་དཔའི་སྐྱིལ་ཀྲུང་གིས་རྡོ་རྗེ་སེམས་དཔའ་ལ་སོགས་པ་བཅུ་དྲུག་གི་ཕྱག་རྒྱ་བཅིང་བར་བྱའོ། །བརླ་གཡོན་པའི་དབུས་སུ་རྐང་པ་གཡས་པ་བཀོད་ནས་རྐང་པ་གཡོན་པ་དེའི་འོག་ཏུ་གཞག་པ་ནི་སེམས་དཔའི་སྐྱིལ་ཀྲུང་ངོ་། །

62-1-295a

སྔགས་ནི། ཨ་སཏྭཱ་པྲརྱཾ་ཀ་བཛྲ་མ་ཧཱ་ཀྲོ་དྷ་ཏརྫ་ཡ་ཏརྫ་ཡ་སརྦ་མ་ཧོ་ར་གཱི་དཱིན་ཧཱུཾ་ཕཊ། ཨོཾ་བཛྲ་སཏྭཱ་བྷི་ན་ཡ་བཛྲ་མ་ཧཱ་ཀྲོ་དྷ་སརྦ་ཏ་ཐཱ་ག་ཏ་བོ་དྷི་ཙིཏྟཾ་ཨུཏྤཱ་ད་ཡ་ཨུཏྤཱ་ད་ཡ་ཧཱུཾ་ཕཊ། ཨོཾ་བཛྲ་རཱ་ཛཱ་བྷི་ན་ཡ་བཛྲ་མ་ཧཱ་ཀྲོ་དྷ་སརྦ་ཏ་ཐཱ་ག་ཏ་ནཱ་ཀཪྵ་ཡ་ཨཱ་ཀཪྵ་ཡ་ཧཱུཾ་ཕཊ། ཨོཾ་
བཛྲ་རཱ་གཱ་བྷི་ན་ཡ་བཛྲ་མ་ཧཱ་ཀྲོ་དྷ་སརྦ་ཏ་ཐཱ་ག་ཏ་ནཱ་ནུ་རཱ་ག་ཡ་ཨ་ནུ་རཱ་ག་ཡ་ཧཱུཾ་ཕཊ། ཨོཾ་བཛྲ་སཱ་དྷྭ་བྷི་ན་ཡ་བཛྲ་མ་ཧཱ་ཀྲོ་དྷ་སརྦ་ཏ་ཐཱ་ག་ཏ་ན་ཏོ་ཥ་ཡ་ཏོ་ཥ་ཡ་ཧཱུཾ་ཕཊ། ཨོཾ་བཛྲ་རཏྣཱ་བྷི་ན་ཡ་བཛྲ་མ་ཧཱ་ཀྲོ་དྷ་སརྦ་ཏ་ཐཱ་ག་ཏ་ནཱ་བྷི་ཥ་ཀ་ཡ་ཨ་བྷི་ཥ་ཀ་ཡ་ཧཱུཾ་ཕཊ། ཨོཾ་བཛྲ་ཏེ་ཛོ་བྷི་ན་ཡ་བཛྲ་མ་ཧཱ་ཀྲོ་དྷ་སརྦ་ཏ་ཐཱ་ག་ 
ཏ་ནཱ་བ་བྷ་ཥ་ཡ་ཨ་བ་བྷ་ཥ་ཡ་ཧཱུཾ་ཕཊ། ཨོཾ་བཛྲ་ཀེ་ཏྭོ་བྷི་ན་ཡ་བཛྲ་མ་ཧཱ་ཀྲོ་དྷ་སརྦ་སཏྭཱཾ་དཱ་ཡ་པ་ར་མི་ཏ་ཡ་ནི་ཡོ་ཛ་ཡ་ནི་ཡོ་ཛ་ཡ་ཧཱུཾ་ཕཊ། ཨོཾ་བཛྲ་ཧཱ་སཱ་བྷི་ན་ཡ་བཛྲ་མ་ཧཱ་ཀྲོ་དྷ་སརྦ་ཏ་ཐཱ་ག་ཏཱ་ན་ས་མ་ཏཱ་ཏ་བྷུ་ཏ་པྲི་ཏི་ཡཾ་ནི་ཡོ་ཛ་ཡ་ཧཱུཾ་ཕཊ། ཨོཾ་བཛྲ་དྷརྨཱ་བྷཱི་ན་ཡ་བཛྲ་མ་ཧཱ་ཀྲོ་དྷ་སརྦ་ཏ་ཐཱ་ག་ཏ་བི་ཤོ་དྷ་ས་
མ་དྷི་ནིཥྤཱ་ད་ཡ་ནིཥྤཱ་ད་ཡ་ཧཱུཾ་ཕཊ། ཨོཾ་བཛྲ་ཏཱིཀྵྞ་བྷི་ན་ཡ་བཛྲ་མ་ཧཱ་ཀྲོ་དྷ་སརྦ་ཀླེ་ཤོ་པ་ཀླེ་ཤ་ཙྪེ་ད་ཡ་ཙྪེ་ད་ཡ་ཧཱུཾ་ཕཊ། ཨོཾ་བཛྲ་ཧེ་ཏྭཱ་བྷི་ན་ཡ་བཛྲ་མ་ཧཱ་ཀྲོ་དྷ་སརྦ་ཏ་ཐཱ་ག་ཏཱ་ན་མ་ཧཱ་མཎྜ་ལོ་པྲ་བེ་ཤ་ཡ་པྲ་བེ་ཤ་ཡ་ཧཱུཾ་ཕཊ། ཨོཾ་བཛྲ་བྷཱ་ཥཱ་བྷི་ན་ཡ་མ་ཧཱ་ཀྲོ་དྷཱ་སརྦ་ཏ་ཐཱ་ག་ཏ་ནིཥྤཱ་སཉྩ་དྷཾ་མ་ཏ་ཡཱཾ་ནི་ཡོ་
ཛ་ནི་ཡོ་ཛ་ནི་ཧཱུཾ་ཕཊ། ཨོཾ་བཛྲ་ཀརྨྨཱ་བྷི་ན་ཡ་བཛྲ་མ་ཧཱ་ཀྲོ་དྷ་ཨཱ་བེ་ཤཱ་ན་བ་ཤེ་ཥ་སརྦ་ཏ་ཐཱ་ག་ཏཱ་ན་པཱུ་ཛ་ཡ་ཧཱུཾ་ཕཊ། ཨོཾ་བཛྲ་རཀྵ་བྷཱི་ན་ཡ་བཛྲ་མ་ཧཱ་ཀྲོ་དྷ་ཡ་སརྦ་ཀླེ་ཤ་པ་ཀླེ་ཤོ་བ་ཡ་བྷྱོ་རཀྵ་རཀྵ་ཧཱུཾ་ཕཊ། ཨོཾ་བཛྲ་ཡཀྵ་བྷི་ན་ཡ་བཛྲ་མ་ཧཱ་ཀྲོ་དྷ་སརྦ་ཏ་ཐཱ་ག་ཏ་སརྦ་རཀྵཾ་པ་རི་པ་ལ་ཡ་པ་རི་པ་ལ་ཡ་
ཕཊ། ཨོཾ་སརྦ་སན་དྷྱཱ་བྷི་ན་ཡ་བཛྲ་མ་ཧཱ་ཀྲོ་དྷ་སརྦ་ཏ་ཐཱ་ག་ཏ་ཀཱ་ཡ་བཱ་ཀྟ་ན་པཱུ་ཛ་ཡ་པཱུ་ཛ་ཡ་ཧཱུཾ་ཕཊ། ཨོཾ་བཛྲ་རཀྵ་བྷི་ན་ཡ་བཛྲ་མ་ཧཱ་ཀྲོ་དྷ་སརྦ་ཀླེ་ཤ་པ་ཤོ་པ་བྷ་ཡ་བྷྱོ་རཀྵ་རཀྵ་ཧཱུཾ་ཕཊ། ཨོཾ་བཛྲ་ཡཀྵཱ་བྷི་ན་ཡ་བཛྲ་མ་ཧཱ་ཀྲོ་དྷཱ་སརྦ་ཏ་ཐཱ་ག་ཏ་སརྦ་རཀྵ་པ་རི་པ་ལ་ཡ་ཧཱུཾ་ཕཊ། ཨོཾ་སན་དྷྱཱ་བྷི་ན་ཡ་བཛྲ་མ་ཧཱ་ཀྲོ་དྷ་སརྦ་ཏ་
ཐཱ་ག་ཏ་ཀཱ་ཡ་ཝཱ་ཀ་ཙིཏྟཾ་ཀི་ཀ་ར་ཎཾ་ཀུ་རུ་ཀུ་རུ་ཧཱུཾ་ཕཊ། བཟང་པོའི་གདན་གྱིས་བྱམས་པ་ལ་སོགས་པ་བཅུ་དྲུག་གི་ཕྱག་རྒྱ་བཅིང་བར་བྱའོ། །རྐང་པ་གཉིས་དྲང་པོར་གདན་མཐོན་པོ་ལ་གནས་ནས་གཟུང་བར་བྱའོ། །འདི་ནི་བཟང་པོའི་གདན་ནོ། །ཨོཾ་བྷ་དྲཱ་ས་ན་བཛྲ་མ་ཧཱ་ཀྲོ་དྷ་སུ་ཥ་པ་ཡ་

62-1-295b

སརྦ་ས་ཏྭཱན་ཧཱུཾ་ཕཊ། ཨོཾ་མཻ་ཏྲེ་ཡཱ་བྷི་ན་ཡ་བཛྲ་མ་ཧཱ་ཀྲོ་དྷཱ་མཻ་ཏྲཱི་པ་ལཾ་བརྡྷ་ཡ་བརྡྷ་ཡ་ཧཱུཾ་ཕཊ། ཨོཾ་ཨ་མོ་གྷཱ་དཪྵ་ཨ་བྷི་ན་ཡ་བཛྲ་མ་ཧཱ་ཀྲོ་དྷ་སརྦ་སཏྭཱ་ནཱཾ་སརྦ་ཀླེ་ཤ་ཀ་ཋི་ནྱཾ་བི་ཥ་མ་ཡ་བི་ཥ་མ་ཡ་ཧཱུཾ་ཕཊ། ཨོཾ་སརྦ་པཱ་པཾ་ཛ་ཧཱ་བྷི་ན་ཡ་བཛྲ་མ་ཧཱ་ཀྲོ་དྷ་ས་མ་སྟྭ་པཱ་པཾ་བི་ཤོ་དྷ་ཡ་བི་ཤོ་དྷ་ཡ་ཧཱུཾ་ཕཊ། ཨོཾ་
སརྦ་ཤོ་ཀ་ཏ་མོ་ནིར་གྷཱ་ཏ་ན་བཛྲ་མ་ཧཱ་ཀྲོ་དྷ་སརྦ་ཤོ་ཥ་པ་རི་དེ་བ་ནཱ་ནི་དུཿཁཾ་ནིར་གྷཱ་ཏ་ཡ་ནིར་གྷཱ་ཏ་ཡ་ཧཱུཾ་ཕཊ། ཨོཾ་གཾ་དྷ་ཧསྟྱ་བྷི་ན་ཡ་བཛྲ་མ་ཧཱ་ཀྲོ་དྷ་སརྦ་ཛྙཱ་ན་མ་དཾ་ཨཱ་ན་ཡ་ཨཱ་ན་ཡ་ཧཱུཾ་ཕཊ། ཨོཾ་ཤཱུ་རཾ་ག་མཱ་བྷི་ན་ཡ་བཛྲ་མ་ཧཱ་ཀྲོ་དྷ་སརྦ་ཛྙཱ་ན་ཙྪེ་ད་ཡ་ཙྪ་ད་ཡ་ཧཱུཾ་ཕཊ། ཨོཾ་ག་ག་ན་གཾ་ཛཱ་བྷི་ན་ཡ་བཛྲ་
མ་ཧཱ་ཀྲོ་དྷ་ཙིནྟ་མ་ཎི་བྷ་དྲ་གྷ་ཌ་དི་ཀཾ་པྲ་བཪྵ་ཡ་པྲ་བཪྵ་ཡ་ཧཱུཾ་ཕཊ། ཨོཾ་ཛྙཱ་ན་ཀེ་ཏྭ་བྷི་ན་ཡ་བཛྲ་མ་ཧཱ་ཀྲོ་དྷ་ཨ་ན་བྷ་ཥ་ཛྙཱ་ན་བཛྲ་ཨུཙྪ་ས་ཡ་ཨུཙྪ་ས་ཡ་ཧཱུཾ་ཕཊ། ཨོཾ་ཨ་མྲྀ་ཏ་པྲ་བྷཱ་བྷི་ན་ཡ་བཛྲ་མ་ཧཱ་ཀྲོ་དྷ་ཨ་ནན་ཏ་ཛྙཱ་ན་རསྨིན་ཨ་བ་བྷཱ་ས་ཡ་ཨ་བ་བྷཱ་ས་ཡ་ཧཱུཾ་ཕཊ། ཨོཾ་ཙནྡྲ་པྲ་བྷཱ་བྷི་ན་ཡ་བཛྲ་
མ་ཧཱ་ཀྲོ་དྷ་སརྦ་ཛྙཱ་ན་ཨནྟ་ཀ་རཾ་བི་དྷཾ་ས་ཡ་ཧཱུཾ་ཕཊ། ཨོཾ་བྷ་དྲ་པཱ་ལཱ་བྷཱི་ན་ཡ་བཛྲ་མ་ཧཱ་ཀྲོ་དྷ་སརྦ་སཾ་པཏ་ཏྱ་བྷི་ཥེ་ཀཾ་དཱ་པ་ཡ་དཱ་པ་ཡ་ཧཱུཾ་ཕཊ། ཨོཾ་ཛཱ་ལི་ནི་པྲ་བྷཱ་བྷི་ན་ཡ་བཛྲ་མ་ཧཱ་ཀྲོ་དྷཱ་སརྦ་ཀླེ་ཤོ་པ་ཀླེ་ཤོ་པ་ཛ་ལཾ་པྲ་བྷཱ་ཛ་ཡ་པྲ་བྷཱ་ཛ་ཡ་པྲ་ཛ་ཛ་ཡ་ཧཱུཾ་ཕཊ། ཨོཾ་བཛྲ་གརྫ་བྷི་ན་ཡ་བཛྲ་མ་ཧཱ་ཀྲོ་དྷཱ་
སརྦ་ཀླེ་ཤོ་པ་ཀླེ་ཤོ་པ་བི་སྥོ་ཊ་ཡ་བི་སྥོ་ཊ་ཡ་ཧཱུཾ་ཕཊ། ཨོཾ་ཨཀྵ་ཡ་མ་ཏྱ་བྷི་ན་ཡ་བཛྲ་མ་ཧཱ་ཀྲོ་དྷ་པ་ར་མ་པྲ་བྷཀྵ་ཡ་ཛྙཱ་ནཾ་པྲ་ཀཱ་ཤ་ཡ་ཀཱ་ཤ་ཡ་ཧཱུཾ་ཕཊ། ཨོཾ་པྲ་ཏི་བྷཱ་ན་ཀཱུ་ཊ་བྷི་ན་ཡ་བཛྲ་མ་ཧཱ་ཀྲོ་དྷ་ཨ་ནནྟ་བི་ཙི་ཏྲ་དྷརྨ་ཏཱཾ་པྲ་ཏི་བྷ་ཤ་ཡ་པྲ་ཏི་བྷ་ཤ་ཡ་ཧཱུཾ་ཕཊ། ཨོཾ་ས་མནྟ་བྷ་དྲཱ་བྷི་ན་ཡ་བཛྲ་མ་ཧཱ་ཀྲོ་དྷཱ་
སརྦོ་ཏ་ནཱ་མ་མ་ཧཱ་པྲ་ག་བྷ་ར་ཀ་ལྱཱཾ་ཎཾ་སྲ་པྲཱ་པ་ཡ་ཧཱུཾ་ཕཊ། དཔའ་བོའི་གདན་གྱི་རྡོ་རྗེ་ལྕགས་ཀྱུ་མ་ལ་སོགས་པ་ཁྲོ་བོ་ཆེན་པོ་བཞིའི་ཕྱག་རྒྱ་བཅིང་བར་བྱའོ། །རྐང་པ་གཡོན་པའི་སྐྱིལ་ཀྲུང་ཕྱེད་པ་བཅིངས་ནས་དེ་དང་ཉེ་བའི་བར་གཡས་པའི་པུས་མོ་དྲང་པོར་དགོད་པར་བྱ་བ་ནི་དཔའ་བོའི་གདན་
ནོ། །ཡང་ན་གཡོན་སྐྱིལ་ཀྲུང་ཕྱེད་པར་བྱས་ནས་དེའི་སྟེང་དུ་གཡས་པ་ལྟུང་ཞིང་དགོད་པར་བྱ་བ་ནི་དཔའ་བོའི་གདན་ནོ། །རྐང་པ་གཡས་པ་བརླ་གཡོན་པའི་རྩ་བ་རུ་གན་རྐྱལ་དུ་དགོད་པར་བྱ་བ་ནི་དཔའ་བོའི་གདན་ནོ་ཞེས་པ་ནི་ཁ་ཅིག་གོ། །སྔགས་ནི། ཨོཾ་བཱི་རཱ་ས་ན་བཛྲ་མ་ཧཱ་ཀྲོ་དྷཱ་སརྦ་ས་

62-1-296a

ཏྭཱ་ནཱཾ་ཏྲཱ་ས་ཡ་ཏྲཱ་ས་ཡ་སརྦ་དུཥྚཱན་ཧཱུཾ་ཕཊ། ཨོཾ་བཛྲ་ཨཾ་ཀུ་ཤཱ་བྷི་ན་ཡ་བཛྲ་མ་ཧཱ་ཀྲོ་དྷ་བོ་དྷི་ཙིཏྟཱ་ཨཾ་ཀུ་ཤ་ན་མ་ཧཱ་ཀྲོ་དྷ་པུ་རེ་སརྦ་སཏྭཱ་ན་ཨཱ་ཀཪྵ་ཡ་ཨཱ་ཀཪྵ་ཡ་ཧཱུཾ་ཕཊ། ཨོཾ་བཛྲ་པཱ་ཤཱ་བྷི་ན་ཡ་བཛྲ་མ་ཧཱ་ཀྲོ་དྷ་སརྦ་སཏྭ་ན་ད་ན་ཤ་པཱ་རི་མི་ཏཱ་ཡཾ་པྲ་བེ་ཤ་ཡ་པྲ་བེ་ཤ་ཡ་ཧཱུཾ་ཕཊ། ཨོཾ་
བཛྲ་སྥོ་ཊ་བྷི་ན་ཡ་བཛྲ་མ་ཧཱ་ཀྲོ་དྷཱ་སརྦ་ཏ་ཐཱ་ག་ཏ་ནཱཾ་ཨ་ནྱི་ཡན་པྲི་ཧ་ཙི་ཏྟཾ་སྥོ་ཊ་ཡ་སྥོ་ཊ་ཡ་ཧཱུཾ་ཕཊ། ཨོཾ་བཛྲ་ཨཱ་བེ་ཤཱ་བྷི་ན་ཡ་བཛྲ་མ་ཧཱ་ཀྲོ་དྷཱ་སརྦ་དྷ་རྨཱ་ན་ག་ར་པཱ་ལ་ན་ནེ་ཡོ་ཛ་ཡ་ཡོ་ཛ་ཡ་ཧཱུཾ་ཕཊ། འདི་རྣམས་སྔོན་དུ་གོང་དུ་བཤད་པའི་རང་རང་གི་ཕྱག་རྒྱ་རྣམས་ཀྱིས་བྱའོ། །ཙོག་པུའི་གདན་གྱི་ས་
ཕོ་ཉ་དང་ཕོ་ཉ་མོ་དང་བྲན་ཕོ་དང་བྲན་མོ་བཅུ་དྲུག་གི་ཕྱག་རྒྱ་བཅིང་བར་བྱའོ། །རྐང་པ་གཉིས་མཐོ་གང་ཙམ་གྱི་བར་དུ་གདན་ལ་རྣམ་པར་བཀོད་ནས་ཙོག་པུས་གདན་ལ་གནས་པར་བྱའོ། །ཨོཾ་ཨུ་ཀ་ཊུ་ཀཱ་ས་ན་བཛྲ་མ་ཧཱ་ཀྲོ་དྷཱ་ཨུཏ་ཀ་ཊྱ་ཀཱ་ས་ཡ་ཀཱ་ས་ཡ་སརྦ་མ་རཱན་ཧཱུཾ་ཕཊ། ཨོཾ་བཛྲ་མུ་ཥ་ལ་
མ་ཧཱ་དུ་ཏཱ་ཀུཊྚ་ཀུཊྚ་སརྦ་དུཥྚཱཾ་ཧཱུཾ་ཕཊ། ཨོཾ་བཛྲ་ནི་ལ་མ་ཧཱ་དཱུ་ཏ་བེ་ག་ན་ཡ་ཨཱ་ན་ཡ་སརྦ་དུཥྚཱན་ཧཱུཾ་ཕཊ། ཨོཾ་བཛྲ་ནི་ལ་མ་ཧཱ་དཱུ་ཏ་ཛྭ་ལ་ཡ་ཛྭ་ལ་ཡ་སརྦ་བྷསྨི་ཀུ་རུ་སརྦ་དུཥྚཱན་ཧཱུཾ་ཕཊ། ཨོཾ་བཛྲ་བཻ་ར་བ་མ་ཧཱ་དཱུ་ཏ་བྷཀྵ་བྷཀྵ་སརྦ་དུཥྚཱན་ཧཱུཾ་ཕཊ། རྡོ་རྗེ་ཀླུང་གི་མཐེ་བོང་གཡོན་པ་གནས་པ་ལ་མེ་
ཏོག་འཆིང་བ་རབ་ཏུ་སྦྱོར་བས་སོ། །རྡོ་རྗེ་འཇིགས་བྱེད་ཀྱི་གཡས་པས་དོན་སྟེར་བ་དང་རལ་གྲིའི་ཕྱག་རྒྱའི་རྩེ་མོར་ཁུ་ཚུར་སོན་པའོ། །རྡོ་རྗེ་གཏུན་ཤིང་གི་གཡས་ཀྱི་རྩེ་མོར་དེ་བཞིན་དུ་གཏུན་ཤིང་རབ་ཏུ་བརྐྱང་སྟེ་ལག་པ་གཡོན་པ་ཡང་དེ་བཞིན་ནོ། །རྡོ་རྗེ་མེའི་གཡས་ཀྱི་འབར་བ་སྟོན་ཅིང་རྡོ་རྗེ་
ཁུ་ཚུར་རབ་ཏུ་འདར་བར་བྱའོ། །ཕོ་ཉའི་རང་གི་དམ་ཚིག་ནི་ལས་ཀྱི་ཕྱག་རྒྱའོ། །གཏུན་ཤིང་གིས་གདུག་པ་འཇོམས་པའི་ཕྱིར་དར་སྐུད་ཀྱི་རང་བཞིན་ནོ། །འབར་བའི་རྩེ་མོས་གདུག་པ་ཅན་རྣམས་འདུལ་བ་སྟེ་གནོད་སྦྱིན་མོ་དང་གཟའ་རྣམས་ཉམས་པར་བྱེད་པའོ། །ཕྱག་རྒྱ་རྣམ་པར་
དག་པའོ། །ཨོཾ་བཛྲ་དཱུ་ཏི་ཨ་ན་ཡ་སརྦ་མཎྜ་ལཾ་པྲ་བེ་ཤ་ཡ་བནྡྷ་ཡ་སརྦ་ཀརྨཱ་ཎི་ཀུ་རུ་ཤཱི་གྷྲཾ་ལ་གྷུ་ཏྲ་ས་ཡ་མཱ་ར་ཡ་རོ་ཥ་ཎ་བཛྲ་ཁ་ཊྭཱཾ་ག་དྷཱ་རི་ཎི་ཧཱུཾ་ཕཊ། ཨོཾ་བཛྲ་བཛྲི་ཎི་གྷུ་གྷུ་གྷུ་གྷུ་ཤ་བྷེ་ན་མཱ་ར་ཡ་མཱ་ར་ཡ་བི་ཀི་རཱ་བི་ངྷཱཾ་ས་ཡ་བཛྲ་པ་ཌ་དྷ་རི་ཎི་ཧཱུཾ་ཕཊ། ཨོཾ་བཛྲ་ཛྭ་ལེ་ཛྭ་ལ་ཡ་ད་ཧ་ད་ཧ་

62-1-296b

བྷསྨི་ཀུ་རུ་ཧཱུཾ་ཕཊ། ཨོཾ་བཛྲ་བ་ཀ་ཊེ་དཾཥྚཱ་ཀ་རཱ་ལ་བྷཱི་ཥ་ཎ་བ་ཀྲེ་ཤཱི་གྷྲཾ་གྲྀཧྞ་ཨ་བེ་ཤ་ཡ་བྷ་ཥ་རུ་དྷི་རཾ་བྲི་བ་མ་ཧཱ་ཡཀྵི་ཎི་བཛྲ་པཱ་ཤ་དྷ་རི་ཎི་ཧཱུཾ་ཕཊ། དཔུང་པ་བསྐུམ་ནས་རྡོ་རྗེས་རླུང་ནས་རྒྱབ་ཀྱིས་ཡོངས་སུ་བསྐོར་ཏེ་འབར་བའི་མེ་སྟག་འཕྲོ་བས་རྣམ་པར་འཛོམས་པ་ཁར་གནས་པ་ནི། ཕོ་ཉ་མོའི་
རང་གི་དམ་ཚིག་གི་ཕྱག་རྒྱའོ། །ཨོཾ་བཛྲ་བཱ་རཱ་ཧ་ཙེ་ཊ་ཨཱ་ཀཪྵ་ཡ་ཨཱ་ཀཪྵ་ཡ་སརྦ་ཏ་ཐཱ་ག་ཏཱ་ནཱན་ཧཱུཾ་ཕཊ། ཨོཾ་བཛྲ་ཀ་ལ་མ་ཧཱ་ཙེ་ཊ་སརྦ་དུཥྚ་སཏྭཱཾ་ནཱཾ་མ་ཧཱ་སྨྲྀ་ཏྱུཾ་ས་མུ་ཏ་པཱ་ད་ཡ་ས་མུཏ་པཱ་ད་ཡ་ཧཱུཾ་ཕཊ། ཨོཾ་བཛྲ་བི་ནཱ་ཡ་ཀ་མ་ཧཱ་ཙེ་ཊ་ནི་ར་བྷི་གྷྣཱཾ་ཀུ་རུ་ཧཱུཾ་ཕཊ། ཨོཾ་ན་གཱ་བཛྲ་མ་ཧཱ་ཙེ་ཊ་ཨ་ན་ཡ་སརྦ་
དྷ་ན་དྷྱ་ནྱ་སུ་བརྞ་མ་ཎི་མུཀྟ་ལཾ་ཀཱ་ར་དཱི་ནི་སརྦོ་བ་ཀཱ་ར་ཎཱ་ནི་བཛྲ་དྷ་ར་ས་མ་ཡ་མ་ནུ་སྨ་ར་ཨཱ་ཀཌྜྷྱ་གྲྀཧྞ་བནྡྷ་ཧ་ར་ཧ་ར་སརྦ་ཤ་ཏྲཱུཾ་ཎཾ་པྲ་ཎ་མ་ཧཱ་ཙེ་ཊ་ཧཱུཾ་ཕཊ། ཁེངས་པ་དང་བཅས་པས་གདོང་གི་མཆེ་བའི་མདུན་དུ་དབྱུག་པ་གདབ་ཅིང་རབ་ཏུ་ལྟུང་བར་བྱའོ། །དཔུང་པ་བསྐུམ་ནས་ཚིག་གིས་གཡོན་
དང་གཡས་སུ་འདིར་འཕྲོག་པའོ་ཞེས་སོ། །དཀྱིལ་འཁོར་གྱི་རྟོག་པ་ཐམས་ཅད་ལ་གཡོན་དུ་རྡོ་རྗེ་བཟུང་བས་སོ། །བྲན་གྱི་རང་གི་ལས་ཀྱི་དམ་ཚིག་གི་ཕྱག་རྒྱའོ། །རྡོ་རྗེའི་མཆེ་བས་ཟ་བར་བྱེད་པ་དང་གསོད་པར་བྱེད་པ་དང་བགེགས་དང་བགེགས་ཀྱི་ཚོགས་ཐམས་ཅད་གྲི་གུག་གིས་འཕྲོག་
པར་བྱེད་པས་ཐམས་ཅད་འཕྲོག་པ་ཞེས་པ་ནི། བྲན་གྱི་ཕྱག་རྒྱ་རྣམ་པར་དག་པའོ། །ཨོཾ་བཛྲ་མུ་ཁི་ཨཱ་ན་ཡ་བཛྲ་དཾཥྚཱ་བྷཱ་ཡ་ན་ཀེ་ཀ་པཱ་ལ་ནི་པཱ་སི་ནི་ཁ་ན་ཁ་ན་ཁཱ་ཧི་ཁཱ་ཧི་བཛྲ་མུ་ཁེཿ པྲ་བེ་ཤ་ཡ་སྥོ་ཊ་ཡ་མ་ར་མ་ཎི་སརྦ་དུཥྚ་བཛྲ་པཱ་ཎི་ནི་སི་ཧཾ་དྷ་རི་ཎི་ཧཱུཾ་ཕཊ། ཨོཾ་བཛྲ་ཀ་ལི་མ་ཧཱ་རཱུ་པི་ཎི་མ་
ནུ་ཥྱ་མཱཾ་ས་རུ་དྷི་ར་པྲི་ཡེ། ཨེ་ཧྱེ་ཧི་གྲྀཧྞ་གྲྀཧྞ་བྷཀྵ་ཡ་བྷཀྵ་ཡ་བཛྲ་ཌཱ་ཀི་ནྱ་བཛྲ་ས་ཀ་ལེ་སརྦ་དེ་བ་ན་མཱ་ཧྲི་བྷུ་ཊེ་ཧ་ར་ཧ་ར་པྲ་ཎཱཾ་ཨ་མུ་ཀ་སྱ་ཀ་པཱ་ལ་མཱ་ལཱ་ལཾ་ཀྲ་ཏ་སརྦ་ཀཱ་དྷྱ་ཀིཉྩཏྟ་ཡ་སི་བཛྲ་ཁ་ཊྭཱཾ་ག་པྲེ་ཏ་མཱ་ནུ་ཥྱ་ཤ་རཱི་རེ་ཤཱི་གྷྲ་མ་བེ་ཤ་ཡ་བནྡྷ་ཡ་མ་ར་ཡ་བཛྲ་རཱཀྵ་སི་ཧཱུཾ་ཧཱུཾ་ཧཱུཾ་ཧཱུཾ་ཕཊ། ཨོཾ་བཛྲ་པཱུ་ཏ་ན་
མ་ནུ་ཥྱ་མཱཾ་ས་བ་ས་རུ་དྷི་ར་མུ་དྲ་པུ་རུ་ཥ་ཤྲཱེ་ཤ་མ་སིཾ་ཧ་ན་ཀེ་ཏོ་གརྦྷྱ་ཧ་རེ་ཎི་པཱ་ཧི་ཤཱི་གྷྲཾ་མི་དམ་སྱ་ཀུ་རུ་བཛྲ་ཤོ་དྷ་ནི་ཀ་པཱ་ལ་དྷ་རི་ཎི་སརྦ་ཀརྨཱ་ཎི་མེ་ཀུ་རུ་ཧཱུཾ་ཕཊ། ཨོཾ་བཛྲ་མ་ཧཱ་ཀ་རེ་གྲ་ས་གྲ་ས་ཤཱི་གྷྲཾ་ཤཱི་གྷྲཾ་པྲ་བེ་ཤ་ཡ་པཱ་ཏ་ལཾ་བྷཀྵ་ཡ་བཛྲ་མ་ཀ་ར་དྷ་ར་ཎི་ཧཱུཾ་ཕཊ། མཐའ་གཉིས་སུ་རབ་ཏུ་བཞུགས་ཏེ་ཁ་

62-1-297a

ཡིས་བཙིར་ཞིང་དཔུང་པ་བསྡམས་ནས་རབ་ཏུ་ལྟུང་བར་བྱེད་ཅིང་ལྷན་ཅིག་ཏུ་འཕྲོག་པར་བྱེད་པ་དེ་ཉིད་དོ། །བྲན་མོ་རང་གི་དམ་ཚིག་གི་ལས་ཀྱི་ཕྱག་རྒྱའོ། །རོལ་པའི་གདན་གྱི་འཇིག་རྟེན་སྐྱོང་བའི་ཕྱག་རྒྱ་བཅིང་བར་བྱའོ། །རྐང་པ་གཡས་པ་སེམས་དཔའི་སྐྱིལ་མོ་ཀྲུང་
གིས་བཀོད་ནས་གཡོན་འགྱིང་བ་དང་བཅས་པས་རབ་ཏུ་བརྐྱང་བར་བྱའོ། །རོལ་པའི་གདན་ནོ། །སྔགས་ནི། ཨོཾ་ཨ་ལཱི་ཊ་པཱ་དཱ་བཛྲ་མ་ཧཱ་ཀྲོ་དྷ་ཨཱ་བེ་ཤ་ཡ་ཨཱ་བེ་ཤ་ཡ་སརྦ་མ་རཱ་ན་ཧཱུཾ་ཕཊ། གཡོན་པའི་ཁུ་ཚུར་རྐེད་པར་བཞག་ནས་ཁུ་ཚུར་གཡས་པའི་མཛུབ་མོ་དང་གུང་མོའི་ཚིགས་གསུམ་
པ་བཀུག་སྟེ་མཛུབ་མོ་མིག་གི་རྣམ་པར་དཔྲལ་བའི་ལོགས་སུ་གཟུང་བར་བྱའོ། །འདི་ནི་དབང་པོའི་ལས་ཀྱི་ཕྱག་རྒྱའོ། །སྔགས་ནི། ཨོཾ་བཛྲ་ཧཱུཾ། དེ་ཉིད་བཞིན་དུ་གཡོན་པ་བྱས་ནས་ལག་པ་གཡས་པ་རབ་ཏུ་བརྐྱང་སྟེ་མཛུབ་མོ་དང་མཐེ་བོང་བསྐམ་པར་བྱས་ཏེ། ལྷག་མ་རྩེ་གསུམ་གྱི་
རྣམ་པར་སྙིང་གར་བཟུང་བ་ནི་མེའི་ལས་ཀྱི་ཕྱག་རྒྱའོ། །ཨོཾ་བཛྲ་ཛྭ་ལེ་ཧཱུཾ། དེ་ཉིད་དུ་ལག་པ་གཡོན་པ་དང་གཡས་པས་དབྱུག་པ་འཛིན་པའི་ཚུལ་དུ་བྱས་པ་ནི་གཤིན་རྗེའི་ལས་ཀྱི་ཕྱག་རྒྱའོ། །ཨོཾ་བཛྲ་མཱ་ར་ནི་ཧཱུཾ། དེ་བཞིན་དུ་ལག་པ་གཡོན་པ་དང་གཡས་པས་རལ་གྲིའི་ཚུལ་དུ་བྱས་པ་ནི་བདེན་
བྲལ་གྱིའོ། །ཨོཾ་བཛྲ་མུ་ཤ་ལ་གྲ་ཧེ་ཧཱུཾ། ལག་པ་གཡོན་པ་སྙིང་གར་བྱས་ནས་མཐེ་བོ་དང་མཐེ་ཆུང་རབ་ཏུ་བརྐྱང་སྟེ་སྦྲུལ་གྱི་རྣམ་པར་གཟུང་བར་བྱས་ཏེ། དེའི་སྟེང་དུ་ལག་པ་གཡས་པ་རབ་ཏུ་བརྐྱང་སྟེ་གདེངས་ཀའི་རྣམ་པར་གཟུང་བར་བྱའོ། །འདི་ནི་ཆུ་བདག་གིའོ། །ཨོཾ་བཛྲ་ཧ་རི་ཎི
ཧཱུཾ། གཡོན་པ་སྡིགས་མཛུབ་བཀོད་པ་བསྐྱེད་པར་བྱས་ནས་ལག་པ་གཡས་པའི་ཁུ་ཚུར་གྱི་མཛུབ་མོ་དང་གུང་མོ་བ་དན་གྱི་རྣམ་པར་བྱའོ། །འདི་ནི་རླུང་གིའོ། །ཨོཾ་བཛྲ་པ་ཌེ་ཧཱུཾ། ལག་པ་གཡོན་པ་དང་གཡས་པ་དག་གི་ས་ན་ཀུ་ལི་དང་བཱི་ཛ་པཱུ་ར་ཀའི་ཚུལ་དུ་བྱའོ། །འདི་ནི་ལུས་ངན་པོའི་
ཡིན་ནོ། །ཨོཾ་བཛྲཱ་གྲ་ཧཱུཾ། ཁུ་ཚུར་གཡོན་པ་རྐེད་པར་བཞག་ནས་ལག་པ་གཡས་པ་རབ་ཏུ་བརྐྱང་སྟེ་མཐེའུ་ཆུང་དང་མཐེ་བོ་དག་རྩེ་མོ་ཡང་དག་པར་སྦྱར་ཏེ། ལྷག་མ་རབ་ཏུ་བརྐྱང་ནས་རྩེ་གསུམ་གྱི་རྣམ་པར་གཟུང་བར་བྱའོ། །འདི་ནི་དབང་ལྡན་གྱི་ལས་ཀྱི་ཕྱག་རྒྱའོ། །སྔགས་ནི། 

62-1-297b

ཨོཾ་བཛྲ་ཤཱུ་ལཱ་གྲེ་སྭཱ་ཧཱ། ལག་པ་གཡས་པའི་ཁུ་ཚུར་གྱི་སྡིགས་མཛུབ་བསྒྲེངས་ནས་སྙིང་གར་གཟུང་བར་བྱའོ། །ལག་པ་གཡོན་པ་རབ་ཏུ་བརྐྱང་ནས་སྟེང་གཡོགས་པར་བྱའོ། །འདི་ནི་ཉི་མའི་ལས་ཀྱི་ཕྱག་རྒྱའོ། །སྔགས་ནི། ཨོཾ་ཛྭ་ལཱ་བཛྲེ་ཧཱུཾ་སྭཱ་ཧཱ། དེ་ལས་བཟློག་པ་ནི་ཟླ་བའིའོ། །སྔགས་ནི། 
ཨོཾ་བཛྲ་སཽ་མེ་ཧཱུཾ་སྭཱ་ཧཱ། ལག་པ་གཡོན་པ་པང་དུ་རབ་ཏུ་བརྐྱང་ནས་སྤྱི་བླུགས་ཀྱི་ཚུལ་དུ་བྱས་ཏེ། ལག་པ་གཡས་པ་བགྲང་ཕྲེང་གི་ཚུལ་དུ་བྱས་པ་ནི་ཚངས་པའི་ལས་ཀྱི་ཕྱག་རྒྱའོ། །ཨོཾ་བཛྲ་དཎྜ་ཀཥྛ་ཀ་ཧཱུཾ། བདེན་བྲལ་གྱི་ཐགས་བཟངས་རིས་ཀྱི་ཡང་ངོ་། །ཨོཾ་ཨ་སུ་རེ་བྷྱཿསྭཱ་ཧཱ། 
ལག་པ་གཉིས་ཀྱིས་ཐུགས་ཀར་བུམ་པ་གཟུང་བ་ནི་སའིའོ། །སྔགས་ནི། ཨོཾ་ཨ་དྷོ་པྲྀ་ཐྭཱི་དེ་བྱེ་སྭཱ་ཧཱ། ཁུ་ཚུར་གཡོན་རྐེད་པར་བཀོད་ནས་མཐེ་བོང་དང་མཐེ་ཆུང་མགོ་བོ་དང་མཇུག་མའི་རྣམ་པར་བྱས་ཏེ་ལག་པ་གཡས་པ་གདེངས་ཀའི་རྣམ་པར་གཟུང་བར་བྱའོ། །འདི་ནི་འོག་གི་ཀླུའི་ལས་ཀྱི་
ཕྱག་རྒྱའོ། །ཨོཾ་ནཱ་གེ་བྷྱཿསྭཱ་ཧཱ། དེ་རྣམས་ཀྱི་དེ་བཞིན་དུ་གདན་གྱི་རྡོ་རྗེ་ཁུ་ཚུར་དག་མདུན་དུ་བལྟ་བ་ལས་སོ། །ཨོཾ་ཨ་བྷི་མུ་ཁ་བཛྲ་མ་ཧཱ་ཀྲོ་དྷ་ཨཱ་བེ་ཤ་ཡ་ཨཱ་བེ་ཤ་ཡ་སརྦ་ས་ཏྭཱན་ཧཱུཾ་ཕཊ། རྒྱབ་ཏུ་བལྟ་བ་ནི་གདོང་ཕྱིར་ཕྱོགས་པ་ལས་སོ། སྔགས་ནི། ཨོཾ་པཱ་རཾ་མུ་ཁ་བཛྲ་མ་ཧཱ་ཀྲོ་དྷ་པ་
རཱ་མུ་ཁ་ཡ་མུ་ཁ་ཡ་སརྦ་བིགྷྣཱན་ཧཱུཾ་ཕཊ། དེ་ནས་བགེགས་མེད་པའི་ཕྱིར་གསང་བའི་དཀྱིལ་འཁོར་དགུག་པར་བྱ་སྟེ། ཕྱག་རྒྱ་འདི་དག་བཅས་པས། ཨོཾ་མཎྜ་ལ་ཧཱུཾ་ཛཿཞེས་པས་རྡོ་རྗེ་ཁུ་ཚུར་གཉིས་ཀྱི་མཛུབ་མོ་དང་མཐེ་བོའི་རྡོ་རྗེས་དཀྱིལ་འཁོར་ཐམས་ཅད་གདན་འདྲེན་པའི་ཕྱག་རྒྱའོ། །
རྡོ་རྗེ་འཁོར་ལོ་ཕྱག་རྒྱའི་ཕྱིར་ཡང་བྱིན་གྱིས་བརླབ་པར་བྱའོ། །ཨོཾ་མ་ཧཱ་བཛྲ་ཙཀྲེ་ཨ་དྷི་ཏིཥྛ་སྭ་སིདྡྷྱ་ཧཱུཾ། ཞེས་འདིས་སྔོན་དུ་གསུངས་པའི་རྡོ་རྗེ་རྒྱུའི་ལས་ཀྱི་ཕྱག་རྒྱ་དེ་ཉིད་ཀྱི་ཕྱག་རྒྱ་འདིས་སོ། །དེ་ནས་སེང་ལྡེང་གི་རྡོ་རྗེ་ཕུར་བུ་རྣམས་ཤིན་ཏུ་མཁྲེགས་པའི་ཤིང་གི་རང་བཞིན་རྣམས་མ་རུལ་
པའི་རང་བཞིན་རྣམས་ཀྱང་སྲིད་དུ་སོར་བཅོ་བརྒྱད་དམ་སོར་བཅུ་གཉིས་སམ་སོར་བརྒྱད་པ་རྣམས་གོ་རིམས་ཇི་ལྟ་བ་བཞིན་དུ་སྦོམས་སུ་སོར་མོ་དྲུག་དང་བཞི་དང་ཕྱེད་དང་བཅས་པའི་སོར་གཉིས་པའི་ཕུར་བུ་བཞི་དཀྱིལ་འཁོར་གྱི་ཕྱིའི་མཚམས་བཞི་ལ་ཕུར་བུས་གདབ་པར་བྱ་སྟེ། ཨོཾ་བཛྲ་ཀཱི་ལ་ཡ་

62-1-298a

སརྦ་བིགྷྣཱཾ་བནྡྷ་ཧཱུཾ། ཞེས་པ་འདིས་སྙིང་པོ་བརྒྱ་རྩ་བརྒྱད་ཡོངས་སུ་བཟླས་ནས། དེ་རྣམས་སྒྲུབ་པ་པོ་ཕྱི་མ་ལ་གཏད་པར་བྱ་སྟེ་སྒྲུབ་པ་པོ་གཅིག་གི་ཕྱོགས་ལའོ། །སྒྲུབ་པ་པོ་ཕྱི་མ་བཞིའི་ཕྱོགས་ལ་གོ་རིམས་ཇི་ལྟ་བ་བཞིན་དུ་རེ་རེ་གཏད་པར་བྱའོ། །འདི་ལྟ་
སྟེ། ཨོཾ་གྷ་གྷ་གྷཱ་ཏ་ཡ་གྷཱ་ཏ་ཡ་སརྦ་དུཥྚཱཾ་ཕཊ། ཀཱི་ལ་ཡ་ཀཱི་ལ་ཡ་སརྦ་པཱ་པཾ་ཕཊ། ཨོཾ་བཛྲ་བི་ཛ་ཡ་མ་ཧཱ་ཀྲོ་དྷ་བཛྲ་དྷ་ར་ཨཱ་ཛྙཱ་པ་ཡ་ཏི་སྭཱ་ཧཱ། ཞེས་པས་ཤར་སྒོའི་སློབ་དཔོན་གྱིས་དབང་ལྡན་དུ་ཕུར་བུས་གདབ་པར་བྱ་སྟེ་ལག་པ་གཡོན་པའི་ཁུ་ཚུར་གྱིས་ལྟེ་བ་མན་ཆད་རྩེ་མོའི་རྣམ་པ་དེའི་
སྟེང་ཁྲོ་བོའི་གཟུགས་མི་བསྐྱོད་པའི་རང་བཞིན་དུ་ཕུར་བུ་བསམ་པར་བྱའོ། །ལག་པ་གཡས་པས་རྡོ་རྗེའི་ཐོ་བ་རྩེ་མོ་གསུམ་པས་བརྡུང་བར་བྱའོ། །ཨོཾ་བཛྲ་མུངྒ་ར་ཨཱ་ཀོ་ཊ་ཡ་ཧཱུཾ་ཞེས་པས་སོ། །དེ་ནས་ལྷོའི་སྒོའི་སློབ་དཔོན་གྱིས། ཨོཾ་གྷ་གྷ་གྷཱ་ཏ་ཡ་གྷཱ་ཏ་ཡ་སརྦ་དུཥྚཱཾ་ཕཊ། ཀཱི་ལ་ཡ་
ཀཱི་ལ་ཡ་སརྦ་པཱ་པཾ་ཕཊ། ཨོཾ་མེ་གྷཱ་ནཱ་བཛྲ་མ་ཧཱ་ཀྲོ་དྷ་བཛྲ་དྷ་ར་ཨཱ་ཛྙཱ་པ་ཡ་ཏི་སྭཱ་ཧཱ། ཞེས་བརྗོད་པར་བྱའོ། །རིན་ཆེན་འབྱུང་ལྡན་གྱི་རང་བཞིན་དུ་ཕུར་བུ་བསམ་པར་བྱས་ནས། མེའི་ཕུང་པོ་བརྡུང་བར་བྱ་སྟེ། ལྷག་མ་རྣམས་ནི་སྔོན་མ་བཞིན་ནོ། །དེ་ནས་ནུབ་ཀྱི་སྒོའི་སློབ་དཔོན་གྱིས། ཨོཾ་གྷ་
གྷ་གྷཱ་ཏ་ཡ་གྷཱ་ཏ་ཡ་སརྦ་དུཥྚཱཾ་ཕཊ། ཀཱི་ལ་ཡ་ཀཱི་ལ་ཡ་སརྦ་པཱ་པཾ་ཕཊ། ཨོཾ་མ་ཧོ་ད་ར་བཛྲ་མ་ཧཱ་ཀྲོ་དྷ་བཛྲ་དྷ་ར་ཨཱ་ཛྙཱ་པ་ཡ་ཏི་སྭཱ་ཧཱ། ཞེས་བརྗོད་ནས་འོད་དཔག་མེད་ཀྱི་རང་བཞིན་གྱི་ཁྲོ་བོའི་སྐུར་བསམས་ནས་བདེན་བྲལ་གྱི་ཕུར་བུ་བརྡུང་བར་བྱ་སྟེ་ལྷག་མ་ནི་སྔོན་མ་བཞིན་ནོ། །དེ་ནས་བྱང་སྒོའི་སློབ་དཔོན་
གྱིས། ཨོཾ་གྷ་གྷ་གྷཱ་ཏ་ཡ་གྷཱ་ཏ་ཡ་སརྦ་དུཥྚཱཾ་ཕཊ། ཀཱི་ལ་ཡ་ཀཱི་ལ་ཡ་སརྦ་པཱ་པཾ་ཕཊ། ཨོཾ་ཛ་ཡ་བཛྲ་མ་ཧཱ་ཀྲོ་དྷ་བཛྲ་དྷར་ཨཱ་ཛྙཱ་པ་ཡ་ཏི་སྭཱ་ཧཱ། ཞེས་བརྗོད་ནས་དོན་ཡོད་གྲུབ་པའི་རང་བཞིན་གྱི་ཁྲོ་བོའི་སྐུར་ཕུར་བུ་བསམས་ནས་རླུང་དུ་ཕུར་བུ་བརྡུང་བར་བྱའོ། །དེ་ནས་འཁོར་ལོའི་དབང་ཕྱུག་གིས་སྔོན་
མ་བཞིན་དུ་འགྱིང་བ་དང་བཅས་པས་རྡོ་རྗེའི་རྐང་སྟབས་ཀྱིས་གར་བྱས་ནས་གདོང་མངོན་དུ་ཕྱོགས་པས་རྡོ་རྗེའི་ཁུ་ཚུར་གཉིས་བཅིངས་ནས་རྐེད་པའི་ཕྱོགས་སུ་བཞག་སྟེ། དབང་ལྡན་གྱི་ཕྱོགས་ནས་བརྩམས་ནས་གཡས་སྐོར་གྱིས་ཕུར་བུ་བརྡུང་བར་བྱ་སྟེ། ཕུར་བུ་ལྷར་བསྒོམས་པ་དེ་ཉིད་ཀྱིས་ཕྱོགས་

62-1-298b

བརྒྱད་རྣམས་སུ་བྱའོ། །སྔགས་ནི། ཨོཾ་བཛྲ་ཀཱི་ལ་ཡ་ཀཱི་ལ་ཡ་སརྦ་བིགྷྣཱཾ་ཧཱུཾ་ཕཊ། བརྡུང་བ་འདི་ཡང་སྔོན་མ་བཞིན་དུའོ། །དེ་ལ་མཚམས་རྣམས་སུ་རྣམ་པར་རྒྱལ་བ་ལ་སོགས་པའོ། །ཕྱོགས་རྣམས་སུ་གོ་རིམས་བཞིན་དུ་གཤིན་རྗེ་གཤེད་ནི་འཇིག་རྟེན་གསུམ་རབ་ཏུ་བསྒྲུབ་པས། དཔའ་བོ་
རྣམ་པར་གནོན་པས་རྡོ་རྗེ་ཁྲོ་བོ་ཆེན་པོའི་སྐུར་བསམ་པར་བྱའོ། །ཡང་ན་ཕྱག་རྒྱ་འདིས་ཕུར་བུས་གདབ་པར་བྱའོ། །དེ་ནས་རྡོ་རྗེ་ཁུ་ཚུར་བཅིངས་ནས་གུང་མོའི་རྩེ་མོ་དང་མཛུབ་མོ་དག་བསྐུམ་ནས་མཐེ་བོ་སྟེང་དུ་དགོད་པར་བྱའོ་ཞེས་སོ། །དེ་རྣམས་སུ་ཡང་ཕུར་བུ་རྣམས་ལ་གདུགས་དང་ཉེར་སྤྱོད་
ལྔ་དང་གཏོར་མ་འབུལ་བས་ཀྱང་མཆོད་པར་བྱའོ། །དེ་བཞིན་དུ་ཕུར་བུ་རྣམས་བརྡུང་བ་ན་བགེགས་ཀྱི་ཚོགས་རྣམས་བདེ་བ་ཆེན་པོས་དེ་ཉིད་དང་རོ་གཅིག་པར་རྣམ་པར་བསམ་པར་བྱའོ། །བགེགས་ལྷག་མ་རྣམས་ཀྱང་རིང་དུ་འབྲོས་པར་བྱེད་དོ། །དེ་ཉིད་ཀྱི་སྟེང་དང་འོག་དང་ཕྲེད་དུ་ཁོར་ཡུག་
ཆེན་པོའི་མཐར་ཐུག་པར་འགྲོ་བ་རྣམས་ལ་ཐམས་ཅད་དུ་བགེགས་རྣམས་གྲོལ་བར་མོས་པར་བྱའོ། །དེ་ནས་བགེགས་མེད་པའི་ས་གཞི་འོད་ཟེར་འབར་བའི་རྣམ་པར་བལྟས་ནས་ཕུར་བུ་ལས་ཕྱི་རོལ་དུ་རྡོ་རྗེའི་གུར་འོད་ཟེར་དང་བཅས་པའོ། །དེ་ནས་ཕྱི་རོལ་དུ་རྡོ་རྗེ་ར་བའི་འོད་ཟེར་དང་
བཅས་པ་བལྟས་ནས། དེ་ལས་ཕྱི་རོལ་དུ་ཕྱོགས་བཅིང་བ་ནི་དབང་ཆེན་གྱི་དཀྱིལ་འཁོར་ཁ་དོག་སེར་པོ་གྲུ་བཞི་པོ་དེ་ལས་མཚམས་བཅིང་བར་བྱ་སྟེ། མེའི་དཀྱིལ་འཁོར་ཡང་གྲུ་གསུམ་ཁ་དོག་དམར་པོ་བསྒོམ་པར་བྱའོ། །སྔོན་དུ་གསུངས་པའི་སྔགས་དང་ཕྱག་རྒྱ་དག་གིས་
བྱིན་གྱིས་བརླབ་པར་བྱའོ་ཞེས་པ་ནི་གོ་རིམས་ཀྱི་ཆོ་གའོ། །དེའི་རྗེས་ལ་བཾ་ཡིག་ལས་བྱུང་བའི་ལྷ་མོ་བསྒོམ་པར་བྱ་སྟེ། ལག་པ་གཡས་པ་ལ་ཟླ་བ་ལ་ཧཱུཾ་གི་ཡི་གེ་ལན་གསུམ་རྣམ་པར་བསམས་ཏེ་སོར་མོའི་རྩེ་མོས་ལན་གསུམ་བསྣུན་ནས་དེའི་སྒྲ་དང་ཧཱུཾ་ཡིག་གི་འོད་ཟེར་གྱིས་ཡང་དག་པར་
བསྐུལ་བ་ལས་བྱུང་བའི་ཡེ་ཤེས་སེམས་དཔའི་སྐུ་སའི་ལྷ་མོ་དང་ལྷན་ཅིག་གཅིག་ཏུ་གྱུར་པ་སྐུ་མདོག་སེར་མོ་ཞི་ཞིང་ན་བཟའ་དཀར་པོ་བསྣམས་པ། སྣ་ཚོགས་པའི་རྒྱན་གྱིས་བརྒྱན་པ་ཕྱག་གཡས་པ་དང་གཡོན་གཉིས་ཀྱིས་གསེར་གྱི་བུམ་པ་བཟང་པོ་བསྣམས་པ། ཞལ་གཅིག་མ་འདོད་

62-1-299a

པའི་རྒྱལ་པོའི་ཕྱག་རྒྱ་ལ་ཕྱི་རོལ་དུ་མདུན་དུ་བཞུགས་པ་ལ་མཆོད་ཡོན་ལ་སོགས་པ་སྔོན་དུ་འགྲོ་བས་ཡང་དག་པར་མཆོད་ནས་དེ་མ་ཐག་ཏུ། ཨོཾ་ཨེ་ཧྱེ་ཧི་མ་ཧཱ་དེ་བི་པྲྀ་ཐྭཱི་ལོ་ཀ་མཱ་ཏ་ར་སརྦ་རཏྣ་ས་པཱུ་ཎ་དི་བྱ་ལཾ་ཀཱ་ར་བྷུ་ཥི་ཏ་མ་ཧཱ་ནུ་སུ་ར་ནི་ར་ནཱ་དི་ཏེ་བཛྲ་སཏྭ་པྲ་པཱུ་ཛི་ཏེ། ཨི་དཾ་
གཾ་གྲ་ཧཱི་ཏྭཱ་མཎྜ་ལ་ཀརྨ་སུ་སཱ་དྷ་ཡ་ཧྲཱིཿཧི་ཧཾ་སྭཱ་ཧཱ། ཞེས་ལན་གསུམ་བརྗོད་ཅིང་འབབ་པ་སྔོན་དུ་འགྲོ་བའི་མི་བསྐྱོད་པའི་ཕྱག་རྒྱས་ས་ལ་རེག་ནས་བསླང་བར་བྱའོ། །སྐྱོབ་པ་སངས་རྒྱས་ཐམས་ཅད་ཀྱི། །སྤྱོད་པའི་ཚུལ་དང་ཁྱད་པར་དང་། །ས་དང་ཕ་རོལ་ཕྱིན་རྣམས་ལ། །ལྷ་མོ་ཁྱོད་ནི་དཔང་
དུ་གྱུར། །སྐྱོབ་པ་ཤཱཀྱ་སེང་གེ་ཡིས། །ཇི་ལྟར་བདུད་ཀྱི་དཔུང་འཇོམས་ལྟར། །སེམས་ཅན་ཀུན་གྱི་དོན་གྱི་ཕྱིར། །དེ་བཞིན་བདུད་དཔུང་གཞོམ་པར་བགྱི། །དངོས་གྲུབ་ཀུན་ལ་རབ་འཇུག་ཕྱིར། །དཀྱིལ་འཁོར་བདག་གིས་བྲི་བར་བྱ། །ཞེས་པའི་ཚིགས་སུ་བཅད་པ་ལན་གསུམ་བརྗོད་ནས་
སའི་ལྷ་མོ་ལྷག་པར་གནས་པར་བྱའོ། །དེས་ཀྱང་དེ་བཞིན་དུ་གྱིས་ཤིག་ཅེས་གསུངས་ནས་དེ་ལ་དེ་བཞིན་དུ་ཐིམ་པར་བསམ་པར་བྱའོ། །དེ་ནས་མཐིལ་དུ་རྡོ་རྗེ་བཅིངས་པས་དེའི་ས་གཞི་བརྟེན་པའོ། །ཨོཾ་བཛྲ་བྷ་བ་ཧཱུཾ། ཞེས་མངོན་པར་བསྔགས་པས་བཅིང་བ་ལས་མངོན་པར་བྱུང་བའི་ཧཱུཾ་
ཡིག་འབར་བ་རྣམ་པར་འཕྲོས་པས་བཅུད་ཀྱི་མཐིལ་ལ་ཐུག་པ་རྡོ་རྗེའི་རང་བཞིན་དུ་བསྒོམ་པར་བྱའོ། །ཨོཾ་བཛྲ་དྲྀ་ཌྷོ་མེ་བྷ་བ་རཀྵ་སརྦཾ་སྭཱ་ཧཱ། ཞེས་ལན་གསུམ་བརྗོད་ནས། བྱིན་གྱིས་བརླབ་པར་བྱའོ། །དེ་ནས་ས་གཞི་རང་དབང་དུ་གྱུར་པར་རིག་པར་བྱའོ། །འདི་ནི་ནོར་རྒྱུན་མ་ལྷག་པར་
གནས་པའི་ཆོ་གའོ།།      །།སོ་སོར་ཇི་ལྟར་རིགས་པའི་ཚད་ཀྱི་མཚན་ཉིད་དང་ལྡན་པའི་གུར་དང་སྟེགས་བུ་ལ་ཐིག་གདབ་པར་བྱའོ། །དེ་ལ་འདིར་ཐིག་གདབ་པ་བརྗོད་པར་བྱ་སྟེ། དང་པོར་རེ་ཞིག་མ་ཉམས་པའི་ཀླུའི་ཕྱོགས་མཚོན་པར་བྱས་ནས་ཚངས་པའི་ཐིག་གདབ་པར་བྱས་ལ། དེ་ནས་
གཤིན་རྗེ་དང་ལུས་ངན་གྱི་ཕྱོགས་མཚོན་པར་བྱས་ནས་ཉའི་མཇུག་མ་དག་གི་དབུས་སུ་ཐིག་སྐུད་བཟུང་ནས་ཚངས་ཐིག་གཉིས་པ་གདབ་པར་བྱའོ། །དེ་ནས་ཟུར་གྱི་ཐིག་གཉིས་གདབ་པར་བྱའོ། །དེའི་རྗེས་ལ་ཕྱོགས་ཀྱི་ཐིག་བཞི་གདབ་པར་བྱའོ། །དེའི་ཕྱི་རོལ་དུ་ཆ་གཅིག་གིས་བར་རྩ་བའི་

62-1-299b

ཐིག་བཞི་གདབ་པར་བྱའོ། །རྩ་བའི་ཐིག་གཉིས་ཀྱི་བར་དུ་བརྒྱད་ཆའི་ཆ་གཅིག་གིས་སྒོའི་ཚད་དེའི་ཕྱེད་དུ་ཐིག་བཞི་གདབ་པར་བྱའོ། །སྒོའི་བཞི་ཆ་གཅིག་གིས་ཆ་ཆུང་གི་ཚད་དོ། །སྒོའི་ཐིག་ལས་ཕྱི་རོལ་དུ་ལོགས་དག་ཏུ་སོ་སོར་ཆ་ཆུང་རེ་རེའི་བར་དུ་ཐིག་གསུམ་གདབ་པར་བྱའོ། །
དེའི་ཕྱི་རོལ་དུ་ཆ་ཆུང་ལྔའི་བར་དུ་ཐིག་རེ་རེ་གདབ་པར་བྱའོ། །རྩ་བའི་ཐིག་ལས་ཕྱི་རོལ་དུ་ཕྱོགས་བཞིར་ཆ་ཆུང་གཉིས་སྤངས་པར་ཐིག་བཞི་གདབ་པར་བྱའོ། །དེའི་ཕྱི་རོལ་དུ་ཆ་ཆུང་གཅིག་སྤངས་པར་ཐིག་བཞི་གདབ་པར་བྱའོ། །དེའི་ཕྱི་རོལ་དུ་ཆ་ཆུང་གཉིས་སྤངས་པར་ཐིག་
བཞི་གདབ་པར་བྱའོ། །དེའི་ཕྱི་རོལ་དུ་ཆ་ཆུང་གཅིག་སྤངས་པར་ཐིག་བཞི་གདབ་པར་བྱའོ། །རྩ་བའི་ཐིག་ལས་ཕྱི་རོལ་དུ་ཟུར་ཐིག་ནས་བརྩམས་ཏེ་ཐིག་ཟླུམ་པོ་གཅིག་གདབ་པར་བྱའོ། །དེའི་ཕྱི་རོལ་དུ་ཆ་ཆུང་གཅིག་སྤངས་ནས་རྡོ་རྗེ་ཕྲེང་བའི་ཐིག་སྐུད་ཟླུམ་པོ་གཅིག་གདབ་པར་
བྱའོ། །ཕྱོགས་ཀྱི་ཐིག་གི་ནང་དུ་ཐིག་ཟླུམ་པོ་གཅིག་གདབ་པར་བྱའོ། །དེའི་ནང་དུ་ཆ་ཆུང་གཅིག་སྤངས་པར་རྡོ་རྗེའི་ཕྲེང་བའི་ཐིག་ཟླུམ་པོ་གཅིག་གདབ་པར་བྱའོ། །དེའི་ནང་དུ་ཕྱོགས་བཞི་རྣམས་སུ་ཆ་ཆུང་དགུ་དགུ་རྣམས་སུ་དཀྱིལ་འཁོར་བཞི་ཟླུམ་པོ་ལ་ཐིག་བཞི་གདབ་པར་
བྱའོ། །ཐམས་ཅད་ཀྱི་ནང་དུ་ཆ་ཆུང་བཅུ་པ་གཙོ་བོའི་གནས་ལ་ཟླུམ་པོའི་ཐིག་གཅིག་གདབ་པར་བྱའོ་ཞེས་པ་ནི་ནང་གི་དཀྱིལ་འཁོར་ལ་སྟེགས་བུ་དང་བྲལ་བར་འགྱུར་རོ། །དེར་ཐིག་རྣམས་ནི་ལྔ་བཅུ་རྩ་དྲུག་ཏུ་འགྱུར་རོ། །ཆའི་ཚོགས་པ་ནི་བཞི་བཅུ་རྩ་བརྒྱད་དོ། །དེ་བཞིན་དུ་ཡང་
གསུངས་ཏེ། གྲུ་བཞི་པ་དང་སྒོ་བཞི་པ། །སྟེགས་བུ་དང་ནི་བྲལ་བར་འདོད། །རྡོ་རྗེའི་ཐིག་ནི་ཡོངས་སུ་གདབ། །རྟ་བབས་དང་བྲལ་གཞན་ལའོ། །ཞེས་སོ། །སྟེགས་བུ་དང་བཅས་པའི་ཚངས་ཐིག་དང་ཟུར་ཐིག་གི་ནང་ལ་རྩ་བའི་ཐིག་བཞི་གདབ་པར་བྱའོ། །དེའི་ཕྱི་རོལ་དུ་ཆ་ཆུང་
གཅིག་སྤངས་པར་རྡུལ་ཚོན་གྱི་སའི་ཐིག་བཞི་གདབ་པར་བྱའོ། །རྩ་བའི་ཐིག་གཉིས་ནང་གི་བརྒྱད་ཆ་གཅིག་གིས་སྒོའི་ཚད་དོ། །དེའི་དོན་དུ་ཐིག་བཞི་གདབ་པར་བྱའོ། །སྒོའི་བཞི་ཆ་གཅིག་ནི་ཆ་ཆུང་གི་ཚད་དོ། །སྒོའི་ཐིག་ལས་ཕྱི་རོལ་གྱི་ལོགས་གཉིས་སུ་སོ་སོར་རེ་རེ་ཞིང་ཆ་

62-1-300a

ཆུང་རེ་སྤངས་པར་ཐིག་དྲུག་དྲུག་གདབ་པར་བྱའོ། །དེའི་ཕྱི་རོལ་དུ་ཆ་ཆུང་གཉིས་ཀྱི་ནང་དུ་རྩ་བའི་ཐིག་བཞི་གདབ་པར་བྱའོ། །རྡུལ་ཚོན་གྱི་ཐིག་ལས་ཕྱི་རོལ་དུ་ཆ་ཆུང་གཉིས་སྤངས་པར་སྟེགས་བུའི་ཐིག་བཞི་གདབ་པར་བྱའོ། །དེའི་ཕྱི་རོལ་དུ་ཆ་ཆུང་གཅིག་སྤངས་པར་
རིན་པོ་ཆེའི་སྣམ་བུའི་ཐིག་བཞི་གདབ་པར་བྱའོ། །དེའི་ཕྱི་རོལ་དུ་ཆ་ཆུང་གཉིས་སྤངས་པར་དྲ་བ་དང་དྲ་བ་ཕྱེད་པའི་སའི་ཐིག་བཞི་གདབ་པར་བྱའོ། །དེའི་ཕྱི་རོལ་དུ་ཆ་ཆུང་གཅིག་སྤངས་པར་མདའ་ཡབ་ཀྱི་ཐིག་བཞི་གདབ་པར་བྱའོ། །དེའི་ཕྱི་རོལ་དུ་ཆ་ཆུང་གཅིག་སྤངས་པར་གྲུ་བཞི་པ་
རྡོ་རྗེའི་ཕྲེང་བའི་ཐིག་བཞི་གདབ་པར་བྱའོ། །རྩ་བའི་ཐིག་ནི་ནང་དུ་ཟླུམ་པོའི་ཐིག་གཅིག་གོ། །དེའི་ནང་དུ་དཀྱིལ་འཁོར་ལྔ་ཆ་ཆུང་བཅུ་པའི་ཐིག་ཟླུམ་པོ་གཅིག་གདབ་པར་བྱའོ། །འདི་ནི་ནང་གི་དཀྱིལ་འཁོར་སྟེགས་བུ་དང་བཅས་པར་གྱུར་པས་ཐིག་བདུན་ཅུར་འགྱུར་རོ། །དེ་བཞིན་
དུ་ཡང་གསུངས་ཏེ། གྲུ་བཞི་པ་དང་སྒོ་བཞི་པ། །སྟེགས་བུ་ཡིས་ནི་ཡོངས་སུ་བསྐོར། །རྡོ་རྗེའི་ཐིག་ནི་ཡོངས་སུ་གདབ། །ཀ་བ་བརྒྱད་ཀྱིས་ཉེ་བར་མཛེས། །ཕྱི་ཡི་དཀྱིལ་འཁོར་ཉིད་ལས་གཞན། །རྟ་བབས་དང་ནི་བྲལ་བའོ། །ད་ནི་ཕྱིའི་དཀྱིལ་འཁོར་བརྗོད་པར་བྱ་སྟེ། རྡོ་རྗེ་
ཕྲེང་བའི་ཐིག་ལས་ཕྱི་རོལ་དུ་ལྷའི་སྣམ་བུའི་ཐིག་བཞིར་རིག་པར་བྱའོ། །དེའི་ཕྱི་རོལ་གྱི་ནང་སྒོའི་ཉིས་འགྱུར་སྤངས་པར་རྩ་བའི་ཐིག་བཞི་གདབ་པར་བྱའོ། །དེ་ཡོངས་སུ་བཅད་པའི་འཁོར་ལོའི་བརྒྱད་ཆའི་ཆ་གཅིག་གིས་སྒོའི་ཚད་དོ། །དེའི་ཕྱིར་ཐིག་བཞི་གདབ་པར་བྱའོ། །
དེའི་ཕྱི་རོལ་དུ་ལོགས་གཉིས་དག་ཏུ་སོ་སོར་རེ་རེ་ཞིང་ཆ་ཆུང་རེ་རེ་སྤངས་པར་ཐིག་དྲུག་དྲུག་གདབ་པར་བྱའོ། །དེ་ནས་གྲུ་བཞི་པའི་དཀྱིལ་འཁོར་ལས་རྩ་བའི་ཐིག་ལས་ཕྱི་རོལ་དུ་ཀུན་ནས་སྒོའི་བཞི་ཆའི་ཚད་ཀྱི་རྡུལ་ཚོན་གྱིས་ཐིག་བཞི་གདབ་པར་བྱའོ། །དེའི་ཕྱི་རོལ་དུ་སྒོའི་ཕྱེད་ཀྱི་ཚད་
ཀྱི་སྟེགས་བུའི་ས་གཞིའི་ཐིག་བཞི་གདབ་པར་བྱའོ། །དེའི་ཕྱི་རོལ་དུ་ཆ་ཆུང་གཅིག་གིས་རིན་པོ་ཆེའི་སྣམ་བུའི་ཐིག་བཞི་གདབ་པར་བྱའོ། །དེའི་ཕྱི་རོལ་དུ་སྟེགས་བུའི་ཚད་ཀྱིས་དྲ་བ་དྲ་ཕྱེད་ཀྱིས་ས་གཞིའི་ཐིག་བཞི་གདབ་པར་བྱའོ། །དེའི་ཕྱི་རོལ་དུ་ཆ་ཆུང་གཅིག་གིས་རིན་ཆེན་

62-1-300b

ཤར་བུའི་ས་གཞིའི་ཐིག་བཞི་གདབ་པར་བྱའོ། །དེའི་ཕྱི་རོལ་དུ་སྒོ་གསུམ་གྱི་དཔངས་ཀྱིས་རྟ་བབས་སོ། །དེའི་སྟེང་དུ་སྟེགས་བུའི་ཚད་ཀྱིས་རི་དྭགས་དང་འཁོར་ལོའོ། །དེའི་སྟེང་དུ་ཆ་ཆུང་གཅིག་གི་རྩེ་མོའོ། །དེའི་རྩེ་མོར་ཟླུམ་པོའི་ཐིག་གོ། །དེའི་ཕྱི་རོལ་དུ་ཆ་ཆུང་གཅིག་གིས་
གེ་སར་གྱི་ཐིག་ཟླུམ་པོའོ། །དེའི་ཕྱི་རོལ་དུ་ཆ་ཆུང་གསུམ་གྱིས་པདྨའི་འདབ་མའི་ཐིག་ཟླུམ་པོའི་ཐིག་གོ། །དེའི་ཕྱི་རོལ་དུ་ཐིག་གསུམ་གྱིས་པདྨའི་འདབ་མའི་ཐིག་ཟླུམ་པོའོ། །དེའི་ཕྱི་རོལ་དུ་སྟེགས་བུའི་ཚད་ཀྱིས་རྡོ་རྗེ་ཕྲེང་བའི་ཐིག་ཟླུམ་པོའོ། །དེའི་ཕྱི་རོལ་དུ་སྒོའི་ཚད་
ཀྱིས་འབར་བའི་ཕྲེང་བའི་ཐིག་ཟླུམ་པོའོ་ཞེས་པས་ཕྱིའི་དཀྱིལ་འཁོར་ལ་ཟུར་ཐིག་དང་ཚངས་ཐིག་དང་ལྷན་ཅིག་གི་དྲུག་ཅུ་རྩ་ལྔར་འགྱུར་རོ། །ཆ་ཆུང་རྣམས་ནི་དགུ་བཅུ་རྩ་བརྒྱད་དོ། །ནང་དུ་སྟེགས་བུ་དང་བཅས་པའི་ཕྱོགས་ལ་ལྷའི་སྣམ་བུའི་ཐིག་དང་བྲལ་བའོ། །དེ་ནས་ཀ་བའི་སྟེང་དུ་རྟ་
བབས་ཀྱི་སྣམ་བུའི་ཕྲེད་དུ་ཕྱེད་དང་བཅས་པའི་ཆ་ཆུང་ཉི་ཤུ་རྩ་གཉིས་སོ། །དེའི་སུམ་ཆའི་ཆ་གཅིག་གི་ཡོན་ཏན་དོ་ཤལ་ལོ། །ཆོས་ཀྱི་འཁོར་ལོའི་འོག་ཏུ་སྣམ་བུའི་ཆ་ཆུང་ལྔ་པ་དེ་ལ་གནས་པའི་རི་དྭགས་དང་རི་དྭགས་མོ་དག་གོ། །དེ་དག་གི་བར་ཇི་ལྟ་བར་མཛེས་པར་
བྱའོ། །ལྷའི་སྣམ་བུའི་ཐིག་ལས་ཕྱི་རོལ་དུ་གླང་པོ་ཆེའི་མགོ་བོར་སེང་གེའི་ལག་པ་གདེངས་པའོ། །འོད་ཀྱི་དཀྱིལ་འཁོར་གྱི་ཕྱི་རོལ་དུ་གྲུ་བཞི་པའི་ཐིག་བཞི་གདབ་པར་བྱའོ། །དེའི་ཕྱི་རོལ་དུ་ཆ་ཆུང་དྲུག་པའི་འཇིག་རྟེན་སྐྱོང་བའི་སྣམ་བུའི་ཐིག་བཞི་གདབ་པར་བྱའོ་ཞེས་པ་ནི་ཐིག་གི་ཆོ་
གའོ།།      །།ད་ནི་དཀྱིལ་འཁོར་ལ་སོགས་པའི་རིམ་པ་ཇི་ལྟར་རིགས་པའི་དཀར་པོ་ལ་སོགས་པའི་རྡུལ་ཚོན་གྱིས་བྲིས་པའི་པདྨ་འདབ་མ་བརྒྱད་པའི་ཟེ་འབྲུ་ལ་ལས་ཐམས་ཅད་པའི་བུམ་པ་གཞག་པར་བྱའོ། །དེའི་མདུན་དུ་འདབ་མ་རང་རང་གི་ཁ་དོག་གིས་མཚན་པའོ། །
ཚོན་སྣ་ལྔས་ཁ་བསྒྱུར་བའི་ཐིག་སྐུད་གཞག་པར་བྱའོ། །ལྷོའི་འདབ་མ་ལ་རྡོ་རྗེ་གཞག་པར་བྱའོ། །བྱང་གི་འདབ་མ་ལ་དྲིལ་བུ་གཞག་པར་བྱའོ། །ནུབ་ཀྱི་འདབ་མ་ལ་དུང་ངོ་། །མེ་ལ་སོགས་པའི་མཚམས་ཀྱི་འདབ་མ་ལ་ནག་པོ་དང་སེར་པོ་དང་དམར་པོ་དང་ལྗང་གུའི་རྡུལ་ཚོན་གྱི་

62-1-301a

སྣོད་རྣམས་སོ། །བུམ་པའི་སྟེང་དུ་རྡུལ་ཚོན་དཀར་པོའི་སྣོད་གཞག་པར་བྱའོ། །དེ་ལ་རང་རང་གི་སྔགས་ཀྱིས་ལྷག་པར་གནས་པར་བྱའོ། །ཨོཾ་བཛྲ་ཡཀྵ་ཧཱུཾ་ཞེས་པ་ལས་ཐམས་ཅད་པའི་སྔགས་དང་། ཨོཾ་བཛྲ་མྲྀ་ཏོ་ད་ཀ་ཧཱུཾ། ཞེས་པའི་སྔགས་འདི་དག་གིས་སོ་སོ་ལ་
ལན་བརྒྱ་རྩ་བརྒྱད་ཡོངས་སུ་བཟླས་ནས་བུམ་པ་ལྷག་པར་གནས་པར་བྱའོ། །འདིར་ཡང་སྔོན་དུ་གསུངས་པའི་བསྒོམས་པ་དང་བུམ་པའི་ཉེར་སྤྱོད་རྣམས་དང་། མཆོད་ཡོན་ལ་སོགས་པ་ཕྱིའི་མཆོད་པ་རྣམས་དང་སྒེག་མོ་ལ་སོགས་པ་རྣམས་ཀྱིས་ཡང་དག་པར་མཆོད་ནས་དྲིལ་བུ་
དཀྲོལ་བར་བྱའོ། །དེ་ནས་ཧཱུཾ་ཏྲཱཾ་ཧྲཱིཿཨཱཿཨཿཞེས་པ་འདི་རྣམས་ཀྱི་རང་རང་གི་ས་བོན་རྣམས་ཀྱིས་མི་བསྐྱོད་པ་ལ་སོགས་པའི་ཐིག་སྐུད་རྣམས་ལ་དགོད་དོ། །ཨོཾ་བཛྲ་ས་མ་ཡ་སཱུ་ཏྲ་མ་ཏི་ཀྲ་མ་ཧཱུཾ་ཞེས་བརྗོད་ནས་རྡོ་རྗེ་བཅིངས་པ་ལ་བརྟེན་ནས་ལན་བརྒྱ་རྩ་བརྒྱད་ཀྱིས་ཐིག་སྐུད་བྱིན་
གྱིས་བརླབ་པར་བྱའོ། །མཆོད་ཡོན་ལྔ་ལ་སོགས་པ་ཕྱིའི་མཆོད་པ་རྣམས་དང་། སྒེག་མོ་ལ་སོགས་པ་རྣམས་ཀྱིས་ཀྱང་ཡང་དག་པར་མཆོད་ནས་དྲིལ་བུ་དཀྲོལ་བར་བྱའོ། །དེ་ནས་ཧཱུཾ་ཡིག་ལས་བྱུང་བའི་རྡོ་རྗེ་རྩེ་ལྔ་པ་ཁ་དོག་དཀར་པོ་རྣམ་པར་བསྒོམས་ཏེ། ཨོཾ་བཛྲ་དྷཱ་ཏུ་ཧཱུཾ། 
ཨོཾ་བཛྲ་སཏྭ་ཧཱུཾ། སྔགས་འདི་དག་གིས་སོ་སོ་རེ་རེ་ཞིང་ལན་བརྒྱ་རྩ་བརྒྱད་བརྗོད་ནས་རྡོ་རྗེ་ལྷག་པར་གནས་པར་བྱའོ། །མཆོད་ཡོན་ལྔ་ལ་སོགས་པ་སྔོན་མ་བཞིན་ནོ། །རྡོ་རྗེ་ལྷག་པར་གནས་པའོ། །དེ་བཞིན་དུ་ཨ་ཡིག་ལས་བྱུང་བའི་དྲིལ་བུ་ཁ་དོག་དཀར་པོ་རྣམ་པར་
བསྒོམས་ཏེ། ཨོཾ་ཀརྨྨ་བཛྲ་ཧཱུཾ། ཨོཾ་བཛྲ་གྷཎྚེ་ཨཿཨཿསྔགས་འདི་དག་ལན་བརྒྱ་རྩ་བརྒྱད་ཀྱིས་ལྷག་པར་གནས་པར་བྱའོ། །དྲིལ་བུ་ལྷག་པར་གནས་པའོ། །དེ་ནས་བཾ་ཡིག་ལས་བྱུང་བའི་དུང་ཁ་དོག་དཀར་པོ་རྣམ་པར་བསམས་ཏེ། ཨོཾ་རཏྣ་བཛྲ་ཏྲཱཾ། ཨོཾ་དྷརྨྨ་བཛྲ་ཧྲཱིཿསྔགས་
འདི་དག་གི་ལན་བརྒྱ་རྩ་བརྒྱད་ཀྱིས་ལྷག་པར་གནས་པར་བྱའོ། །དུང་ལྷག་པར་གནས་པའོ། །དེ་ནས་ཇི་ལྟར་འབྱོར་པའི་རིན་པོ་ཆེ་ལས་བྱུང་བའམ་རྩ་བ་ལས་བྱུང་བའམ་འབྲུ་ལས་བྱུང་བའམ་མེ་ཏོག་ལས་བྱུང་བ་རྣམས་ལ། རེ་རེ་ཞིང་དཀར་པོ་དང་ནག་པོ་དང་སེར་པོ་དང་དམར་

62-1-301b

པོ་དང་ལྗང་གུའི་ཚོགས་རྣམས་ལ་བཾ་ཡཾ་ལཾ་རཾ་ཧཾ་ཞེས་པའི་ས་བོན་རྫོགས་པ་ལས་བྷྲཱུཾ་ཧཱུཾ་ཨཱཾ་ཛྲཱ་ཁཾ་རྣམས་ལས་རྣམ་པར་སྣང་མཛད་ལ་སོགས་པའི་སྐུའི་ངོ་བོར་བསྒོམས་ནས་བྲུཾ་ཡིག་ལ་སོགས་པ་གྲུབ་པའི་ཡེ་ཤེས་ཀྱི་ཚོན་ལ་ནམ་མཁའ་ལས་དེ་བཞིན་གཤེགས་པ་ཐམས་ཅད་ཐུགས་
ཀར་བཞུགས་ཏེ་རོ་གཅིག་ཏུ་གྱུར་པར་རྣམ་པར་བསྒོམ་མོ། །ཨོཾ་བྲུཾ་བཛྲ་ཙི་ཏྲ་ས་མ་ཡ་ཧཱུཾ་ཞེས་པས་སྔགས་ཀྱིས་བརྒྱ་རྩ་བརྒྱད་བཟླས་པར་བྱའོ། །རྡུལ་ཚོན་དཀར་པོའིའོ། །དེ་བཞིན་དུ་ཨོཾ་ཧཱུཾ་བཛྲ་ཙི་ཏྲ་ས་མ་ཡ་ཧཱུཾ་ཞེས་པས་རྡུལ་ཚོན་ནག་པོའིའོ། །དེ་བཞིན་དུ་ཨོཾ་ཨཱཾ་བཛྲ་ཙི་ཏྲ་
ས་མ་ཡ་ཧཱུཾ་ཞེས་པས་རྡུལ་ཚོན་སེར་པོའིའོ། །དེ་བཞིན་དུ་ཨོཾ་ཛྲྀཾ་བཛྲ་ཙི་ཏྲ་ས་ཡ་ཧཱུཾ་ཞེས་པས་རྡུལ་ཚོན་དམར་པོའིའོ། །དེ་བཞིན་དུ་ཨོཾ་ཁཾ་བཛྲ་ཅི་ཏྲ་ས་ཡ་ཧཱུཾ་ཞེས་པས་རྡུལ་ཚོན་ལྗང་གུའིའོ། །དེ་བཞིན་དུ་ཨོཾ་བཛྲ་ཡཀྵ་ཧཱུཾ་ཞེས་པས་རྡུལ་ཚོན་གཞན་རྣམས་ལའོ། །རྡོ་རྗེ་ཉི་མའི་ཁྲོ་
བོའི་དམ་ཚིག་གི་ཕྱག་རྒྱའི་མཐིལ་ལས་ཡང་ཧྲིཿཡིག་ལས་ཀྱང་སོ་སོ་རེ་རེ་ཞིང་རྡུལ་ཚོན་འབར་བར་བྱས་ཏེ། ལག་པ་གཉིས་རབ་ཏུ་བརྐྱང་ནས་མཐེ་བོ་གཉིས་སྐྱིལ་ཀྲུང་བྱས་ནས་མཛུབ་མོ་གཉིས་ཁ་མཚམས་སྦྱར་ནས་ལྷག་མ་རྣམས་འབར་བའི་རྣམ་པས་ཉི་མའི་དཀྱིལ་འཁོར་དུ་
བྱའོ། །རྡོ་རྗེ་ཉི་མ་ཁྲོ་བོའི་དམ་ཚིག་གི་ཕྱག་རྒྱའོ། །མཆོད་ཡོན་ལྔ་ལ་སོགས་པ་སྔོན་མ་བཞིན་བྱའོ་ཞེས་པ་ནི་རྡུལ་ཚོན་ལྷག་པར་གནས་པའོ།།      །།དེ་ནས་རྡོ་རྗེ་གནོད་སྦྱིན་ཡོངས་སུ་བཟླས་པའི་བུམ་པས་བསང་གཏོར་བྱས་ལ་བར་དུ་གཅོད་པ་མེད་པའི་ས་ཕྱོགས་སུ་བཞུགས་
ནས་རྡོ་རྗེ་ཁུ་ཚུར་གྱི་ལས་ཀྱི་ཕྱག་རྒྱས་ཐམས་ཅད་བསྲུང་ཞིང་བརྟན་པར་བྱས་ལ་རྡོ་རྗེ་གོ་ཆས་གོ་ཆར་བྱའོ་ཞེས་སོ། །དེའི་རྗེས་ལ་བདག་ཉིད་རྡོ་རྗེ་སེམས་དཔའི་སྐུ་དང་། སྒྲུབ་པ་པོ་ཕྱི་མ་ཡང་ལས་ཀྱི་ངོ་བོར་རྣམ་པར་བསམས་ཏེ། ཨོཾ་བཛྲ་སཏྭ་ཧཱུཾ་ཞེས་པ་ནི་དཔེར་བརྗོད་པའོ། །
ཨོཾ་བཛྲ་ཀརྨྨ་ཀཾ་ཧཱུཾ་ཞེས་པ་ཡང་ངོ་། །རབ་ཏུ་འབར་བའི་མཆེ་བའི་ལྕགས་ཀྱུས་ཁུག་ཅིག་ཅེས་པ་ནི་སྒྲུབ་པ་པོ་ཕྱི་མའིའོ། །རང་ཉིད་ཀྱི་མིག་གཉིས་ལམ་དང་ཊའི་ཡི་གེ་དག་བཀོད་ནས་མིག་གཡས་པ་དང་གཡོན་པ་དག་ཉི་མ་དང་ཟླ་བར་བསྐྱེད་ནས་རྡོ་རྗེའི་ལྟ་བས་བརྟན་པར་བྱའོ། །

62-1-302a

ཨོཾ་ཨཱཿཨ་ཨཾ་སྭཱ་ཧཱ། ཞེས་པའི་སྔགས་ཀྱིས་ཐིག་སྐུད་བྱིན་གྱིས་བརླབས་ལ་འཁོར་ལོའི་དབང་ཕྱུག་བདེན་བྲལ་དུ་གནས་ཏེ། དབང་ལྡན་གྱི་ཕྱོགས་སུ་སྒྲུབ་པ་པོ་ཕྱི་མ་གནས་ནས་ཕན་ཚུན་དུ་བརྐྱང་ནས་ཐིག་སྐུད་བསྒྲིལ་བར་བྱའོ། །སྔགས་ནི། ཨོཾ་ཨ་ནྱོ་ནྱཱ་ནུ་ག་ཏཱཿསརྦ་
དྷརྨྨཿསྥ་རཱ་ནུ་པྲ་བིཥྚཿསརྦ་དྷརྨྨཿཨ་ཏྱནྟཱ་ནུ་པྲ་བིཥྚཿསརྦ་དྷརྨྨཿཨོཾ་བཛྲ་སཏྭ་ཧཱུ་ཞེས་པས་ཐིག་སྐུད་བསྒྲིལ་བར་བྱའོ། །དེའི་རྗེས་ལ་སྒྲུབ་པ་པོ་ཕྱི་མ་དཀྱིལ་འཁོར་གྱི་ཁང་པའི་ཕྱི་རོལ་གྱི་ཕྱོགས་ཀྱི་རང་གི་མཚམས་སུ་གནས་ནས་ལྷ་ལ་སོགས་པ་རྣམས་ལ་གཏོར་མ་ཆེན་པོ་དབུལ་བར་
བྱའོ། །འཁོར་ལོའི་དབང་ཕྱུག་དཀྱིལ་འཁོར་ལ་ཞལ་མངོན་པར་ཕྱོགས་པས་བཞུགས་ཏེ་ལྷ་ལྷག་པར་གནས་པར་བྱའོ། །དེ་ལ་འདིར་གཏོར་མའི་ཆོ་ག །ཡཾ་ཡིག་ལས་བྱུང་བའི་རླུང་གི་དཀྱིལ་འཁོར་ནག་པོའོ། །དེའི་སྟེང་དུ་རཾ་ཡིག་ལས་བྱུང་བའི་མེའི་དཀྱིལ་འཁོར་དམར་པོའོ། །དེའི་སྟེང་
དུ་ཧཱུཾ་ཡིག་གསུམ་ལས་ཡང་དག་པར་བྱུང་བའི་ཐབ་ཀྱི་སྟེང་དུ་ཨཿཡིག་ལས་བྱུང་བའི་ཟས་ཀྱི་སྣོད་དཀར་པོ་ཆེན་པོ་དེ་ལས་འབྲས་ཆན་ལ་སོགས་པས་ཡོངས་སུ་གང་བ་ལ། བྷྲཱུཾ་ཧཱུཾ་ཨཱཾ་ཛྲཱྀཾ་ཁཾ་ལཾ་མཱཾ་པཱཾ་ཏཱཾ་གི་ཡི་གེ་རྣམས་ལས་བྱུང་བའི་སྒྲོན་མ་ལྔའི་གཟུགས་རབ་ཏུ་འབར་བའི་བདུད་རྩི་ལྔར་
བྱིན་གྱིས་བརླབ་པར་བྱའོ། །རླུང་གིས་མེ་རབ་ཏུ་འབར་ཞིང་མེའི་དྲོད་ཀྱིས་རྣམ་པར་ཞུ་ནས་ཡི་གེ་ལ་སོགས་པ་རྣམས་ཉི་མ་གསར་བའི་ཁ་དོག་ལྟ་བུ་ཁུ་བའི་གཟུགས་སུ་ཁོལ་ཏེ། དེའི་རླངས་པ་ཡོངས་སུ་གྱུར་པ་ལས་ཧཱུཾ་ཡིག་ལས་བྱུང་བའི་རྡོ་རྗེ་དཀར་པོ་རྣམ་པར་ཞུ་བ་ལས་བདུད་རྩིར་
གྱུར་ཏེ་དངུལ་ཆུ་དང་མཚུངས་པ་ཤིན་ཏུ་འབར་བར་རྣམ་པར་བསྒོམས་ནས། དེའི་སྟེང་དུ་ཨོཾ་ཡིག་ལས་བྱུང་བའི་ཟླ་བའི་དཀྱིལ་འཁོར་ཡང་རྣམ་པར་བསྒོམས་ཏེ། དེ་ནས་ཟླ་བའི་དཀྱིལ་འཁོར་ལས་བྱུང་བའི་ཡི་གེ་གསུམ་ལས་འོད་ཟེར་འཕྲོས་པས་ཕྱོགས་བཅུར་སོང་སྟེ་ལྷ་དང་ལྷ་
མོ་རྣམས་གདན་དྲངས་ཏེ་འོ་མའི་རྒྱ་མཚོ་བདུན་ལས་བདུད་རྩི་རྣམས་བླངས་ཏེ་དེ་ལ་དེ་བཞིན་དུ་བསྒྲུབ་པར་བྱའོ། །དེ་ལ་ཡི་གེ་གསུམ་གྱིས་རྡོ་རྗེ་དང་ཟླ་བའི་དཀྱིལ་འཁོར་ལ་ཡང་དེ་ལ་དེ་བཞིན་དུ་རྣམ་པར་ཐིམ་པར་བལྟས་ཏེ། ཡི་གེ་གསུམ་གྱིས་ལན་གསུམ་དུ་བྱིན་གྱིས་བརླབས་

62-1-302b

ཏེ་དེ་ཡེ་ཤེས་བདུད་རྩིར་བསྒྲུབས་ནས་འཆད་པར་འགྱུར་བའི་རིམ་པས་དམ་ཚིག་པ་གདན་དྲངས་པ་དང་གཤེགས་པའི་ཕྱག་རྒྱས་བལྟས་ནས་པི་ཝང་ལ་སོགས་པ་རོལ་མོ་བཅུའི་སྒྲ་བྱས་ནས་མཆོད་ཡོན་ལ་སོགས་པ་ཕྱིའི་མཆོད་པ་རྣམས་ཀྱིས་མཆོད་ནས་ལྷའི་དབང་པོ་ལ་སོགས་པའི་འཇིག་
རྟེན་སྐྱོང་བ་རྣམས་དཔུང་པ་བཟང་པོའི་རྒྱུད་ཀྱི་ཚིགས་སུ་བཅད་པ་ཡོངས་སུ་བརྗོད་པས་གཏོར་མ་ཆེན་པོ་དབུལ་བར་བྱའོ། །དེ་ལ་དེ་བཞིན་དུ་ཡང་སྙིང་པོ་ལྔའི་རྒྱུན་སྦྲེང་བར་བྱའོ། །དེ་ལ་ཁམས་ལ་མངོན་པར་ཆགས་པའི་ལྷ་རྣམས་མཉེས་པར་བྱ་བའི་ཕྱིར་འོ་མའི་རྒྱུན་ནོ། །དེ་བཞིན་
དུ་སྐྱེ་མཆེད་ལ་མངོན་པར་ཞེན་པའི་ལྷ་རྣམས་ཚིམ་པར་བྱ་བའི་ཕྱིར་རྐང་མར་གྱི་རྒྱུན་ནོ། །དེ་བཞིན་དུ་ཕུང་པོ་ལ་མངོན་པར་ཞེན་པའི་ལྷ་རྣམས་ཚིམ་པར་བྱ་བའི་ཕྱིར་དྲི་བཟངས་ཀྱི་རྒྱུན་ནོ། །དེ་བཞིན་དུ་གཟུགས་ལ་སོགས་པ་མངོན་པར་ཆགས་པའི་ལྷ་རྣམས་ཚིམ་པར་བྱ་བའི་
ཕྱིར་ཆང་གི་རྒྱུན་ནོ། །དེ་བཞིན་དུ་འདོད་ཆགས་ལ་སོགས་པའི་སེམས་སུ་འགྱུར་བའི་ལྷ་རྣམས་ཚིམ་པར་བྱ་བའི་ཕྱིར་ཁྲག་གི་རྒྱུན་ནོ། །དེ་ནས་གཤེགས་པར་བྱ་སྟེ། དུང་དང་རྔ་ལ་སོགས་པའི་རོལ་མོའི་སྒྲ་སྔོན་དུ་འགྲོ་བས་གཡས་སྐོར་དུ་རིམ་གྱིས་གཏོར་མ་ཆེན་པོ་རབ་ཏུ་དབུལ་
བར་བྱའོ་ཞེས་པ་ནི་གཏོར་མའི་ཆོ་གའོ། །ད་ནི་འདིར་ལྷ་ལྷག་པར་གནས་པའོ། །དཀྱིལ་འཁོར་ཐམས་ཅད་ཡོངས་སུ་བརྟགས་ནས་དཀྱིལ་འཁོར་གྱི་གནས་ཐམས་ཅད་དུ་དྲི་བཟངས་ཀྱིས་ཉེ་བར་བྱུག་པར་བྱ་སྟེ། དེ་བཞིན་གཤེགས་པ་ལྔའི་གནས་རྣམས་སུ་ཙནྡན་གྱིས་གྲུ་བཞི་པ་བྱས་ནས་
མེ་ཏོག་ལ་སོགས་པ་རྣམས་ཀྱིས་མཎྜལ་བྱའོ། །ལྷའི་གནས་ལྷག་མ་རྣམས་སུ་ཟླུམ་པོར་བྱའོ། །དེ་ལ་ཡང་ལྷ་ལྔ་བཅུ་རྩ་གསུམ་གྱི་རྣམ་པར་བསྒོམས་ཏེ། རྡོ་རྗེ་ལྕགས་ཀྱུ་ལ་སོགས་པ་རྣམས་ཀྱིས་ཡེ་ཤེས་སེམས་དཔའ་དགུག་པ་དང་གཞུག་པ་དང་བཅིང་བ་དང་དབང་དུ་བྱ་བ་རྣམས་
བྱས་ནས། རང་རང་གི་སྔགས་ཀྱིས་ལན་བདུན་ཡོངས་སུ་བཟླས་པའི་མེ་ཏོག་རྣམས་ཀྱིས་ཡང་དག་པར་མཆོད་ཅིང་ཉེར་སྤྱོད་ལྔས་ཀྱང་ཡང་དག་པར་མཆོད་ནས་བསྟོད་པ་སྔོན་དུ་འགྲོ་བས་དྲིལ་བུ་དཀྲོལ་བར་བྱ་སྟེ། དེའི་རྗེས་ལ་སྔོན་མ་བཞིན་དུ་ལྕེ་རྡོ་རྗེར་རྣམ་པར་བསམས་ལ། ཨོཾ་པདྨ་

62-1-303a

ས་ར་སྭ་ཏི་སཱཏྱ་མཱ་བ་ར་ཡ་ཤོ་དྷ་ཡ་ཧཱུཾ་ཧྲཱིཿར་ཧྲཱིཿཞེས་པས་ལྕེ་རྡོ་རྗེར་བྱིན་གྱིས་བརླབས་ལ་པུས་མོ་གཡས་པའི་ལྷ་ང་ས་ལ་བཙུགས་ལ་དཀྱིལ་འཁོར་གྱི་དབང་ཕྱུག་གི་སངས་རྒྱས་ལ་སོགས་པ་རྣམས་ལ་གསོལ་བ་གདབ་པར་བྱའོ། །མགོན་པོ་ཆེན་པོ་རྡོ་
རྗེ་དབྱིངས། །རིགས་པའི་རྒྱལ་པོ་ཁྱོད་ལ་འདུད། །མགོན་པོ་རྣམས་ནི་བཞེད་པ་མཐུན། །དཀྱིལ་འཁོར་ཐུགས་རྗེའི་བདག་ཉིད་ཅན། །སློབ་མ་རྣམས་ལ་བརྩེ་ཕྱིར་དང་། །ཁྱེད་རྣམས་ལ་ཡང་མཆོད་པའི་ཕྱིར། །དེ་ལ་བཅོམ་ལྡན་བདག་གུས་ལ། །ཁྱེད་ཀྱིས་བཀའ་དྲིན་
གནང་བར་མཛོད། །སངས་རྒྱས་འགྲོ་མགོན་བྱ་དོན་སྩོལ། །བྱང་ཆུབ་སེམས་དཔའ་འབྲས་གནས་དང་། །གཞན་ཡང་གང་དག་གསང་སྔགས་ལྷ། །ལྷ་དང་འཇིག་རྟེན་སྐྱོང་རྣམས་དང་། །འབྱུང་པོ་བྱང་ཆུབ་བསྟན་གནས་དང་། །སངས་རྒྱས་བསྟན་ལ་མངོན་དགའ་བའི། །
གང་ཞིག་རྡོ་རྗེའི་སྤྱན་ལྡན་རྣམས། །བདག་ལ་ཡང་དག་དགོངས་སུ་གསོལ། །རྡོ་རྗེ་ཅན་ཆེན་ཆེ་གེ་བདག །ཆེ་གེ་འབྱུང་བའི་དཀྱིལ་འཁོར་ནི། །ཇི་ལྟར་ནུས་ཤིང་ཉེར་སྤྱད་པས། །འགྲོ་རྣམས་དག་ཕྱིར་བདག་གིས་བྲི། །བདག་གི་སློབ་མ་དམ་པ་ཡི། །རྗེས་སུ་བརྩེ་བ་ཡོངས་
བཟུང་ལ། །དཀྱིལ་འཁོར་དང་བཅས་ཐམས་ཅད་ལ། །ཉེ་བར་གནས་པར་མཛད་དུ་གསོལ། །ཞེས་པའི་ཚིགས་སུ་བཅད་པས་ལན་གསུམ་དུ་ལྷག་པར་གནས་པར་བྱའོ། །དེ་ནས་དྲིའི་མཎྜལ་ལ་བཞུགས་པའི་དཀྱིལ་འཁོར་གྱི་འཁོར་ལོའི་བདག་པོ་ལ་སོགས་པ་རྣམས་ནམ་
མཁའི་ཕྱོགས་སུ་གདེགས་པར་བྱའོ། །འདི་ནི་ལྷ་ལྷག་པར་གནས་པའོ། །དེ་ནས་དྲི་ཡིས་ཉེ་བར་བྱུགས་པའི་ཐིག་སྐུད་གསེར་གྱི་སྣོད་ལ་སོགས་པར་གཞུག་ལ་དྲི་བཟངས་ལ་སོགས་པས་ཉེ་བར་བྱུགས་ཏེ། དྲི་དང་མེ་ཏོག་བདུག་སྤོས་དང་མཆོད་ཡོན་ལ་སོགས་པ་རྣམས་ཀྱིས་ཡང་
དག་པར་མཆོད་ནས་སྒེག་མོ་ལ་སོགས་པ་རྣམས་ཀྱིས་ཀྱང་ངོ་། །བྷྲཱུཾ་ཧཱུཾ་ཨཱཾ་ཧྲཱིཿཁཾ་ཞེས་པའི་ཡི་གེ་རྣམས་ལས་བྱུང་བའི་དེ་བཞིན་གཤེགས་པ་རྣམས་བསྐྱེད་ནས་ནམ་མཁའ་ལས་བྱོན་ཞིང་རང་རང་གི་ཕྱོགས་ཀྱི་དེ་བཞིན་གཤེགས་པ་རྣམས་འདུས་པར་གྱུར་ནས། དེ་བཞིན་གཤེགས་པ་

62-1-303b

རྣམས་ཀྱི་ཐུགས་ཀར་བྷྲཱུཾ་ཡིག་ལ་སོགས་པ་ལས་བསྐྱེད་པའི་ཡེ་ཤེས་ཀྱི་ཐིག་སྐུད་འོད་ཀྱི་རང་བཞིན་དུ་བལྟས་ལ། ཨོཾ་ཨཱཿཤ་སྭ་ཏ་བཛྲ་སཱུ་ཏྲཾ་མེ་པྲ་ཡཙྪ་མ་ཧཱ་མཎྜ་ལ་སཱུ་ཊ་ཎཱ་ཡ་ཧཱུྃ། ཞེས་པ་འདིས་རྣམ་པར་སྣང་མཛད་ཆེན་པོ་ལ་གསོལ་བ་གདབ་པར་བྱའོ། །ཨོཾ་
ཨཱཿབཛྲ་སཏྭ་བཛྲ་སཱུ་ཏྲཾ་མེ་པྲ་ཡཙྪ་མ་ཧཱ་མཎྜ་ལ་སཱུ་ཏྲ་ཎཱ་ཡ་ཧཱུཾ་ཞེས་པས་མི་བསྐྱོད་པ་ལ་གསོལ་བ་གདབ་པར་བྱའོ། །ཨོཾ་ཨཱཿརཏྣ་བཛྲ་བཛྲ་སཱུ་ཏྲཾ་མེ་པྲ་ཡཙྪ་མ་ཧཱ་མཎྜ་ལ་སཱུ་ཊ་ཎཱ་ཡ་ཧཱུཾ། ཞེས་པས་འདིས་རིན་ཆེན་འབྱུང་ལྡན་ལ་གསོལ་བ་གདབ་པར་བྱའོ། །ཨོཾ་
ཨཱཿདྷརྨ་བཛྲ་བཛྲ་སཱུ་ཏྲཾ་མེ་པྲ་ཡཙྪ་མཎྜ་ལ་སཱུ་ཏྲ་ཎཱ་ཡ་ཧཱུཾ་ཞེས་པས་འོད་དཔག་མེད་ལ་གསོལ་བ་གདབ་པར་བྱའོ། །ཨོཾ་ཨཱཿཀརྨྨ་བཛྲ་བཛྲ་སཱུ་ཏྲཾ་མེ་པྲ་ཡཙྪ་མ་ཧཱ་མཎྜ་ལ་སཱུ་ཏྲ་ཎཱ་ཡ་ཧཱུཾ། ཞེས་པས་དོན་ཡོད་གྲུབ་པ་ལ་གསོལ་བ་གདབ་པར་བྱའོ། །དེ་བཞིན་དུ་
མཚན་ཡོངས་སུ་བརྗོད་པས། རྡོ་རྗེ་སེམས་དཔའ་ནས་བརྩམས་ཏེ། ཇི་སྲིད་རྡོ་རྗེ་འབེབས་པའི་མཐར་ཐུག་པ་ལ་གསོལ་བ་གདབ་པར་བྱའོ། །དེ་ནས་ཛ་ཡིག་སེར་པོ་ལས་ཟླ་བ་དང་ཉི་མའི་རང་བཞིན་མིག་གཉིས་ལ། ཨོཾ་དཱིཔྟ་དྲྀཥྚྱ་ཀུ་ཤི་ཛཱཿ། ཞེས་
བརྗོད་ནས་མྱུར་དུ་རབ་ཏུ་བསྐྱོད་པའི་མིག་གི་རྫི་མས་སྤྱན་མ་ལ་སོགས་པ་རྣམས་ལྕགས་ཀྱུས་བཀུག་ཅིང་། དེ་བཞིན་དུ་རྣམ་པར་སྣང་མཛད་ལ་སོགས་པ་རྣམས་ཀྱིས་བསྐུལ་ཞིང་གདན་དྲངས་ནས། རང་རང་གི་སྐུ་མདོག་གི་ཐིག་རྣམས་ལ་ནང་དུ་ཐིམ་པར་བསམས་
ནས། མཆོད་ཡོན་ཕུལ་ནས་མེ་ཏོག་ལ་སོགས་པ་རྣམས་དང་སྒེག་མོ་ལ་སོགས་པ་རྣམས་ཀྱིས་ཡང་དག་པར་མཆོད་ནས་ཕྱག་བཙལ་བར་བྱའོ། །དེའི་རྗེས་སུ་ལངས་ནས་ཡིད་ཀྱིས་དེ་ཉིད་རྡོ་རྗེའི་དབྱིངས་སོ་ཞེས་ཚིག་ཏུ་བརྗོད་ནས་བདག་ཉིད་རྣམ་པར་སྣང་མཛད་
དུ་གྱུར་པར་བསམ་མོ། །ལས་ཀྱི་རྡོ་རྗེ་ཞེས་བརྗོད་ཅིང་སྒྲུབ་པ་པོས་ཕྱི་མ་ཡང་རྡོ་རྗེ་ལས་ཀྱི་ངོ་བོར་རྣམ་པར་བསམས་ལ། དེ་ནས་གཡོན་པའི་རྡོ་རྗེ་ཁུ་ཚུར་གྱིས་ཐིག་སྐུད་ལྟེ་བར་བཟུང་ལ། སྒྲུབ་པ་པོ་ཕྱི་མས་ཀྱང་དེ་བཞིན་དུ་ཐིག་སྐུད་བཟུང་ནས་ཛྫཿཛྫཿཛྫཿཞེས་ཛྫཿ

62-1-304a

ཡིག་གིས་བཀུག་ནས་དེ་བཞིན་དུ་དེ་ཉིད་ལ་ཞལ་མངོན་པར་ཕྱོགས་པས་གནས་ཏེ། ནུབ་ཀྱི་ཕྱོགས་སུ་གནས་ནས་ཤར་ཕྱོགས་སུ་ཞལ་མངོན་པར་ཕྱོགས་པ་དང་། ལྷོ་ཕྱོགས་སུ་གནས་ནས་བྱང་དུ་ཞལ་མངོན་པར་ཕྱོགས་པས་ཚངས་པའི་ཐིག་གཉིས་ལྟེ་བ་ནས་བཟུང་ལ་ནམ་
མཁའ་ལ་གདབ་པར་བྱའོ། །རྡོ་རྗེ་དང་བཅས་པའི་ལག་པ་གཡས་པའི་མཐེ་བོ་དང་མཛུབ་མོ་དག་གིས་ཐིག་སྐུད་བཟུང་ནས་སེ་གོལ་གྱི་སྒྲ་བྱའོ། །ཐིག་གདབ་པ་ཐམས་ཅད་དུ་ཡང་ངོ་། །ཨོཾ་ས་མ་ཡ་སཱུ་ཏྲ་མཱ་ཏི་ཀྲ་མཱ་ཏི་ཀྲ་མ་ཧཱུཾ་ཨོཾ་ཧཱུཾ་སྭཱ་ཨ་ཧ་ཞེས་བརྗོད་པར་བྱའོ། །ཐིག་གི་སྒྲ་དེས་ཀྱང་
ནམ་མཁའ་ཐམས་ཅད་ཁྱབ་ནས་དེ་བཞིན་གཤེགས་པ་རྣམས་ཡང་དག་པར་བསྐུལ་བར་བྱའོ། །དེ་རྣམས་ཀྱང་བྱོན་ནས་ཐིག་སྐུད་ཀྱི་ནང་དུ་ཐིམ་པར་བསམ་མོ། །འདིའི་སྒྲས། སེམས་ཅན་དོན་དུ་ཁྱེད་རྣམས་ཀྱིས། །དུས་ཡིན་དེ་ཕྱིར་འདིར་གཤེགས་ཤིག །ཅེས་བྱ་བ་ནི་བརྡའི་དོན་ཏོ། །
ཐམས་ཅད་དུ་ཡང་སློབ་དཔོན་དང་སྒྲུབ་པ་པོའི་ཕྱི་མ་ཡང་གཡས་སྐོར་དུ་འགྲོ་བར་བྱ་ཞིང་ཕྱོགས་ཐམས་ཅད་མཉམ་པ་ཉིད་དུ་མོས་པར་བྱའོ། །ནམ་མཁའ་ལ་ཐིག་གཉིས་དང་ས་གཞི་ལ་ཚངས་པའི་ཐིག་གཉིས་དག་སྨད་ལ་གདབ་པར་བྱའོ། །དེ་ནས་མེའི་མཚམས་སུ་གནས་ནས་བྱང་དུ་
ཞལ་ཕྱོགས་པས་ཤར་གྱི་ལོགས་ཐིག་གོ། །རླུང་དུ་གནས་ནས་ཞལ་ལྷོར་ཕྱོགས་པས་ནུབ་ཀྱི་ལོགས་ཐིག་གོ། །སླར་ཡང་དེ་ལ་ནུབ་ཏུ་གནས་ནས་ཞལ་ཤར་དུ་ཕྱོགས་པས་བྱང་གི་ལོགས་ཐིག་གོ། །སླར་ཡང་མེར་གནས་ཤིང་ཞལ་ནུབ་ཏུ་ཕྱོགས་པས་ལྷོའི་ལོགས་ཐིག་གདབ་
པར་བྱའོ། །དེ་བཞིན་དུ་དེའི་ཕྱིའི་རྩ་བའི་ཐིག་བཞི་གདབ་པར་བྱའོ། །དེ་ནས་མེའི་ཕྱོགས་ཀྱི་ཆར་གནས་ནས་བྱང་དུ་ཞལ་མངོན་པར་ཕྱོགས་ཏེ་དཀྱིལ་འཁོར་གྱི་ཤར་གྱི་ཐིག་གདབ་པར་བྱའོ། །རླུང་དུ་གནས་ནས་ཞལ་ལྷོར་ཕྱོགས་ཏེ་ནུབ་ཀྱི་ཐིག་གོ། །དེ་ཉིད་ལ་གནས་ནས་བྱང་གི་
ཐིག་གོ། །སླར་ཡང་མེར་གནས་ནས་ལྷོའི་ཐིག་གོ། །འདིས་རྩ་བའི་ཐིག་བཞི་གདབ་པར་བྱའོ། །དེ་བཞིན་ཉིད་དུ་དེའི་ཕྱི་རོལ་གྱི་ཕྱོགས་ཀྱི་ཐིག་བཞི་གདབ་པར་བྱའོ། །སླར་ཡང་མེའི་མཚམས་སུ་གནས་ནས་རླུང་གི་མཚམས་ཇི་སྲིད་པ་དང་བདེན་བྲལ་དུ་གནས་ནས་དབང་ལྡན་གྱི་མཚམས་ཇི་སྲིད་

62-1-304b

པ་སྟེ། ཟུར་གྱི་ཐིག་གཉིས་གདབ་པར་བྱའོ། །མཚན་མ་མིན་པས་གྲུབ་མི་འགྱུར། །ཐིག་ནི་ཆད་པས་བླ་མ་འཆི། །དམན་དང་ལྷག་པ་ལས་ནི་ནད། །ཕྱོགས་རྨོངས་པས་ནི་སློབ་མ་འཁྲུལ། །ཞེས་ཤེས་པར་བྱས་ལ་ཕྱིར་བཅོས་པར་བྱའོ། །དེ་ནས་དཀྱིལ་འཁོར་གྱི་ལྟེ་བར་ལྕགས་ཀྱི་
ཕུར་པ་སོར་བཞི་པའི་ཚད་འོག་རྩེ་གཅིག་པ་ལ་སྟེང་རྡོ་རྗེ་རྩེ་ལྔ་པའི་རྣམ་པ་ཧཱུཾ་ལས་བྱུང་བའི་ཕུར་བུར་རྣམ་པར་བསམས་ལ། ཕུར་བུའི་སྔགས་བརྒྱ་རྩ་བརྒྱད་ཡོངས་སུ་བཟླས་ལ་བརྡུང་བའི་སྔགས་ཀྱིས་རྡོ་རྗེ་ཐོ་བས་བརྡུང་བར་བྱའོ། །ཕུར་བུ་བརྡུང་བའི་སྔགས་
འདིའོ། །ཨོཾ་བཛྲཱ་ནྟ་མ་ཧཱ་ཀྲོ་དྷ་སརྦ་དུཥྚ་བིགྷྣཱཾ་ཀཱ་ཡ་བཱག་ཙིཏྟཾ་ཀཱི་ལ་ཡ་ཀཱི་ལ་ཡ་ཧཱུཾ་ཕཊ། ཨོཾ་བཛྲ་མུངྒ་ར་ཀཱི་ལ་ཡཱ་ཀོ་ཊ་ཡ་ཧཱུཾ་ཕཊ། དེ་ལ་དབང་ལྡན་གྱི་ཕྱོགས་ནས་བརྩམས་ཏེ་གཡས་སྐོར་དུ་ཟླུམ་པོའི་ཐིག་རྣམས་བྲི་བར་བྱའོ། །དེ་ནས་ཐིག་རྣམས་ཀྱི་མཐར་གཏོར་མ་དང་མཆོད་
པ་སྔོན་དུ་འགྲོ་བས། ཨོཾ་ཨཱཿཧཱུཾ་བཛྲ་མུཿཞེས་པས་ཡེ་ཤེས་ཀྱི་ཐིག་གཤེགས་པར་བྱ་སྟེ་ནམ་མཁའ་ལ་བཞུགས་པའི་དེ་བཞིན་གཤེགས་པ་རྣམས་ཀྱི་ཐུགས་ཀར་བཞུགས་ཤིང་ཚོན་སྐུད་སྣ་ལྔ་པ་གནས་ཇི་ལྟ་བར་གཞག་པར་བྱའོ་ཞེས་པ་ནི་ཐིག་གདབ་པའི་ཆོ་གའོ།།      །།དེ་ནས་ལྟེ་
བའི་གནས་ཀྱི་ཕུར་བུ་ཧཱུཾ་ཡིག་བཞིས་བཏོན་ཏེ་རང་གི་ལག་པར་གནས་པའི་རྡོ་རྗེའི་ནང་དུ་བསྒོམས་ཏེ་ཁུང་བུ་ཚོན་སྣ་ལྔས་དགང་བར་བྱའོ། །ཡང་དག་པར་སོ་སོར་དབྱི་བ་བརྗོད་པར་བྱའོ། །དེ་ལ་བཅོམ་ལྡན་འདས་ཀྱི་སྐུའི་ཐར་པའི་སྒོའི་རྣམ་པར་འཆིང་བར་གྱུར་པའི་སྒྲིབ་པ་རྣམས་དབྱི་
བར་བྱའོ་ཞེས་སོ། །ལྷག་པར་གྲོལ་བ་ནི་ཧའི་ཡི་གེས་མིག་གཡོན་པ་དང་ཅིག་ཤོས་དག་ཟླ་བ་ཉི་མར་བསྐྱེད་ནས་ཁྲོ་བོའི་ལྟ་སྟངས་ཀྱིས་ཡོངས་སུ་བལྟས་ནས་ཧྲཱིཿཧྲཱིཿཞེས་བརྗོད་ནས་ཕྱག་རྒྱ་བསྡུས་ནས་དབྱི་བར་བྱའོ། །སྒོ་བཞི་རྣམས་སུ་སོ་སོར་སྒོའི་དབུས་སུ་གནས་པའི་རེ་ཁཱ་བཞི་
རྣམས་དབྱིའོ། །དེ་བཞིན་དུ་སོ་སོར་སྒོ་ཁྱུད་ཀྱི་ནང་དུ་གནས་པའི་རེ་ཁཱ་བཞི་རྣམས་དབྱིའོ། །དེ་བཞིན་དུ་སོ་སོར་འགྲམ་ལ་གནས་པའི་རེ་ཁཱ་བཞི་རྣམས་དབྱིའོ། །དེ་བཞིན་དུ་སོ་སོར་རྡུལ་ཚོན་གྱི་སར་གནས་པའི་རེ་ཁཱ་ཉི་ཤུ་རྩ་བརྒྱད་རྣམས་དབྱིའོ། །རྩ་བའི་ཐིག་ལས་ཕྱི་རོལ་གྱི་

62-1-305a

རྡོ་རྗེ་ཕྲེང་བའི་ཟླུམ་པོའི་ཐིག་གི་ནང་དུ་སོ་སོར་རེ་ཁཱ་བཞི་རྣམས་དབྱིའོ། །དཀྱིལ་འཁོར་རྣམས་སོ་སོར་རེ་ཁཱ་དྲུག་དྲུག་དང་གཙོ་བོའི་གནས་ལ་རེ་ཁཱ་བཅུ་གཉིས་རྣམས་དབྱིའོ། །རྡོ་རྗེ་ཕྲེང་བའི་གནས་ལ་གང་ཇི་སྲིད་པའི་རེ་ཁཱ་དེ་རྣམས་ཐམས་ཅད་དབྱི་བར་བྱའོ། །སྟེགས་
བུ་དང་བཅས་པའི་ཕྱོགས་ལ་ཕྱི་རོལ་གྱི་དཀྱིལ་འཁོར་བཞིན་དུའོ། །ད་ནི་ཕྱིའི་དཀྱིལ་འཁོར་ལ་དབྱི་བ་རྣམས་བརྗོད་པར་བྱ་སྟེ། འདིར་ཡང་སྒོ་བཞི་རྣམས་སུ་སོ་སོར་སྒོའི་དབུས་སུ་གནས་པའི་རེ་ཁཱ་བཞི་བཞི་རྣམས་དབྱིའོ། །དེ་བཞིན་དུ་སོ་སོར་སྒོ་ཁྱུད་ཀྱི་ནང་དུ་གནས་
པའི་རེ་ཁཱ་བཞི་རྣམས་དབྱིའོ། །དེ་བཞིན་དུ་སོ་སོར་འགྲམ་དག་ལ་གནས་པའི་རེ་ཁཱ་གཉིས་པ་དག་དབྱིའོ། །དེ་བཞིན་དུ་སོ་སོར་རྡུལ་ཚོན་གྱི་སར་གནས་པའི་སུམ་ཅུ་སོ་བཞི་སུམ་ཅུ་སོ་བཞིའི་རེ་ཁཱ་རྣམས་དབྱིའོ། །དེ་བཞིན་དུ་ཀ་བ་བརྒྱད་རྣམས་ལ་སོ་སོར་ཐིག་བཞི་རྣམས་དབྱི་བར་
བྱའོ། །དེ་བཞིན་དུ་གླང་པོ་དང་སེང་གེའི་གནས་ལ་སོ་སོར་གནས་པའི་ཐིག་བཞི་རྣམས་དབྱིའོ། །དེ་བཞིན་དུ་ལོགས་ཀྱི་ཀ་བ་དག་གི་བར་དུ་གནས་པའི་སོ་སོར་ཐིག་ལྔ་ལྔ་དབྱི་བར་བྱའོ། །དེ་བཞིན་དུ་སྟེགས་བའི་གནས་ལ་གནས་པའི་སོ་སོར་ཐིག་གཉིས་གཉིས་དབྱིའོ། །
དེ་བཞིན་དུ་རིན་ཆེན་ཕ་གུ་ལ་གནས་པའི་སོ་སོར་ཐིག་གསུམ་གསུམ་རྣམས་དབྱིའོ། །དེ་བཞིན་དུ་དྲ་བ་དྲ་ཕྱེད་ཀྱི་ས་གཞི་ལ་གནས་པའི་སོ་སོར་རེ་ཁཱ་བཞི་བཞི་རྣམས་དབྱིའོ། །དེ་བཞིན་དུ་རིན་ཆེན་ཤར་བུའི་ས་གཞི་ལ་གནས་པའི་སོ་སོར་རེ་ཁཱ་ལྔ་ལྔ་རྣམས་དབྱིའོ། །དེ་བཞིན་དུ་
མདའ་ཡབ་ཀྱི་ས་གཞི་ལ་གནས་པའི་སོ་སོར་རེ་ཁཱ་དྲུག་དྲུག་རྣམས་དབྱིའོ། །ཀུན་བསྡུས་པས་ལྷའི་སྣམ་བུ་རྣམས་ལ་ཐིག་དྲུག་ཅུ་རྩ་བཞི་རྣམས་དབྱི་བར་བྱའོ་ཞེས་པ་ནི་ཕྱིའི་དཀྱིལ་འཁོར་གྱི་ཐིག་རྣམས་དབྱི་བའི་ཆོ་གའོ། །ཐིག་གདབ་པ་དང་རྡུལ་ཚོན་དགྱེ་བ་ལ་ཡང་རྡུལ་ཚོན་
སྦྱང་བ་ནི་གཞུང་གཞན་གྱིས་བཤད་པའི་ཕྱིར་འདིར་མི་བརྗོད་དོ། །ད་ནི་རྒྱུད་དུ་གསུངས་པའི་ཐིག་བཤད་པར་བྱ་སྟེ། སྲད་བུ་གསར་ཞིང་ཤིན་ཏུ་མཛེས། །ཚད་དང་ངེས་པར་ལྡན་པ་ཡིས། །ཇི་ལྟར་ནུས་བཞིན་དཀྱིལ་འཁོར་ལ། །ཤེས་རབ་ཅན་གྱིས་ཐིག་གདབ་བྱ། །ཟུར་བཞི་

62-1-305b

པ་དང་སྒོ་བཞི་པ། །རྟ་བབས་བཞིས་ནི་རྣམ་པར་བརྒྱན། །ཐིག་བཞི་དང་ནི་ཡང་དག་ལྡན། །དར་དཔྱངས་མེ་ཏོག་ཕྲེང་བས་བརྒྱན། །ཟུར་བཞི་ཆ་རྣམས་ཐམས་ཅད་དང་། །སྒོ་དང་སྒོ་ཁྱུད་མཚམས་རྣམས་ལ། །རྡོ་རྗེ་རིན་ཆེན་གྱིས་སྤྲས་པའི། །དཀྱིལ་འཁོར་ཕྱི་ཐིག་གདབ་པར་
བྱའོ། །དེ་ཡི་འཁོར་ལོ་སོ་སོར་གསལ། །རབ་ཞུགས་ནང་གི་ཕོ་བྲང་ལ། །རྡོ་རྗེའི་ཐིག་ནི་ཡོངས་སུ་གདབ། །ཀ་བ་བརྒྱད་ཀྱིས་ཉེ་བར་མཛེས། །ཕྱོགས་ཀུན་མཉམ་པ་ཉིད་འབབ་པའི། །མཁས་པས་དཀྱིལ་འཁོར་ཐིག་གདབ་པོ། །ཤར་ནུབ་བྱང་དུ་གདོང་ཕྱོགས་ནས། །དཀྱིལ་
འཁོར་ལ་ནི་ཐིག་བརྒྱད་དོ། །ཕྱི་ཡི་དཀྱིལ་འཁོར་དང་བཅས་པའི། །ནང་གི་དཀྱིལ་འཁོར་ཕོ་བྲང་ཕྱེད། །གྲུ་བཞི་པ་དང་སྒོ་བཞི་པ། །སྟེགས་བུ་དང་ནི་བཅས་པས་འདོད། །རྡོ་རྗེའི་ཐིག་ནི་ཡོངས་བསྐོར་བའི། །རྟ་བབས་དང་ནི་བྲལ་བ་གཞན། །དཀྱིལ་འཁོར་ལྔ་ཡིས་
བརྒྱན་པ་ཡིས། །མཁས་པས་སྲད་བུས་ཐིག་གདབ་བོ། །ཞེས་སོ། །དེ་ནས་འཆད་པར་འགྱུར་བའི་རིམ་པས་གདན་དྲངས་པ་ལ་སོགས་པ་རང་རང་གི་ཕྱག་རྒྱས་རབ་ཏུ་བརྟེན་ནས་རང་རང་གི་ཕྱོགས་ན་བཞུགས་པའི་དབང་པོ་ལ་སོགས་པའི་འཇིག་རྟེན་སྐྱོང་བ་རྣམས་ལ་
ཕྱིའི་གཏོར་མ་དབུལ་བར་བྱའོ། །དེ་ནས་དྲིལ་བུའི་སྒྲ་ཡིས་རྡོ་རྗེ་གླུ་མ་རྣམས་ཀྱིས་མཚན་མ་ངན་པ་རྣམས་བསལ་བར་བྱ་སྟེ། ཆོས་དབྱིངས་འདི་ནི་དག་པ་སྟེ། །སེམས་ཅན་ཁམས་རྣམས་རྣམ་གྲོལ་བ། །རང་འབྱུང་རྣམ་པར་སྣང་མཛད་རྒྱལ། །དེ་བཞིན་གཤེགས་པ་
ཀུན་གྱི་གནས། །ཉེས་པ་ཀུན་དང་རྣམ་ཕྲལ་བའི། །འཁོར་ལོའི་ནང་དུ་ཡང་དག་བཞུགས། །ཞེས་བརྗོད་ནས་ཆོས་ཀྱི་དབྱིངས་སུ་མོས་པར་བྱས་ལ། ནང་གི་དཀྱིལ་འཁོར་དུ་གནས་པས་རྡོ་རྗེས་མཚན་པའི་ལག་པ་གཡས་དང་གཡོན་གྱི་རྡོ་རྗེ་ཁུ་ཚུར་གྱིས། ཨོཾ་བཛྲ་
ཙི་ཏྲ་ཡཾ་ཡ་རཾ་ག་ཨོཾ་ཨཱཿཧཱུཾ་ཞེས་བརྗོད་ནས་དབང་ལྡན་གྱི་ཕྱོགས་ནས་བརྩམས་ཏེ་ཤར་དུ་ཞལ་ཕྱོགས་པས་གཡས་སྐོར་གྱིས་རྡུལ་ཚོན་དགྱེ་བར་བྱའོ། །སྦོམས་པ་ཡིས་ནི་ནད་དུ་འགྱུར། །ཕྲ་མོས་ནོར་རྣམས་རྣམ་པར་ཉམས། །ཡོན་པོ་ཡིས་ནི་རྣམ་པར་འགྲས། །ཆད་
62-1-306a

པས་བླ་མ་སློབ་མ་འཆི། །གཡས་སྐོར་མིན་པས་བཏབ་གྱུར་ན། །རྡུལ་ཚོན་རྣམས་ནི་ཕུར་བུར་འགྱུར། །ཕན་ཚུན་དུ་ནི་རྣམ་འདྲེས་པས། །རིགས་ནི་རྣམ་པར་འཆད་པར་འགྱུར། །ཞེས་བྱ་བ་ལ་སོགས་པའི་སྐྱོན་རྣམས་དང་བྲལ་བས་རྡོ་རྗེའི་རེ་ཁཱ་དགེ་བ་རྣམས་བྱའོ། །ནག་པོ་དང་
སེར་པོ་དང་དམར་པོ་དང་ལྗང་གུ་དང་དཀར་པོ་ཞེས་པ་རྣམས་ཕྱི་ནས་རིམ་བཞིན་དུ་སྟེ། རྣམ་པར་སྣང་མཛད་ཀྱི་གཙོ་བོ་ལའོ། །གང་གི་ཚེ་མི་བསྐྱོད་པས་གཙོ་བོ་བྱེད་པ་དེའི་ཚེ་དཀར་པོ་དང་སེར་པོ་དང་དམར་པོ་དང་ལྗང་གུ་དང་ནག་པོ་རྣམས་སོ། །རིན་ཆེན་འབྱུང་ལྡན་གྱི་གཙོ་བོ་ལ་དཀར་པོ་དང་
ནག་པོ་དང་དམར་པོ་དང་ལྗང་གུ་དང་སེར་པོ་རྣམས་སོ། །འོད་དཔག་མེད་ཀྱི་གཙོ་བོ་ལ་དཀར་པོ་དང་སེར་པོ་དང་ནག་པོ་དང་ལྗང་གུ་དང་དམར་པོ་རྣམས་སོ། །དོན་ཡོད་གྲུབ་པའི་གཙོ་བོ་ལ་དཀར་པོ་དང་སེར་པོ་དང་དམར་པོ་དང་ནག་པོ་དང་ལྗང་གུ་རྣམས་སོ། །དེ་བཞིན་དུ་ཡང་རྒྱུན་དུ། ནག་པོ་རྡོ་
རྗེའི་རང་བཞིན་རྩེ། །གསེར་གྱི་མདོག་ཏུ་འབབ་པ་གཞན། །པདྨ་རཱ་གའི་རང་བཞིན་རྩེ། །དེ་བཞིན་དམར་པོ་མིན་པ་གཞན། །དཀར་པོ་ནང་དུ་ཤེས་བྱ་སྟེ། །འདི་ནི་ཚོན་གྱི་རིམ་པར་བཤད། །འདིར་བཅོམ་ལྡན་འདས་ཀྱིས་གསུངས་ཏེ། ཤར་དུ་ནག་པོ་ཆེན་པོ་སྟེ། །ལྷོ་རུ་སེར་པོ་ཡང་དག་ལྡན། །དམར་
པོ་ནུབ་ཀྱི་ཆ་ལ་སྟེ། །བཙོད་ཁ་བྱང་དུ་ཡང་དག་ལྡན། །དབུས་ཀྱི་ས་གཞིའི་ཆ་ལ་ནི། །ཤེལ་གྱི་མདོག་ནི་བླ་ན་མེད། །རྟག་ཏུ་རྡོ་རྗེ་དྲིལ་འཛིན་པས། །མཉམ་གཞག་ནས་ནི་ཡང་དག་བྲི། །རྡོ་རྗེ་ཀ་བའི་སྟེང་གནས་པའི། །དཀྱིལ་འཁོར་ལྔ་ཡིས་བརྒྱན་པའོ། །ཞེས་གསུངས་སོ། །རྡུལ་ཚོན་འགོངས་
པ་དང་ཐིག་འགོངས་པའི་ཉེས་པ་ཡོངས་སུ་གཞོམ་པའི་ཕྱིར་སྔགས་བརྗོད་པར་བྱའོ། །ཨོཾ་བཛྲ་བེ་གཱ་ཀྲ་མ་ཧཱུཾ། དེ་བཞིན་དུ་ཡང་གསུངས་ཏེ། ཡིད་ཀྱིས་རེ་ཁཱ་ཡོངས་སུ་གདབ། །དེ་ནས་རྡོ་རྗེའི་ཐིག་སྐུད་ལའང་། །འབྱུང་བ་དང་ནི་འཇུག་པ་ཡི། །དམ་ཚིག་ཉམས་པ་མེད་པས་སོ། །ཞེས་སོ། །
ལྷ་ལྔ་བཅུ་རྩ་གསུམ་གྱི་གདན་སྣ་ཚོགས་པདྨ་ལྔ་བཅུ་རྩ་གསུམ་གདབ་པར་བྱའོ། །དེ་རྣམས་ཀྱི་ཟེའུ་འབྲུ་རྣམས་ལ་ཟླ་བའི་དཀྱིལ་འཁོར་གྱི་སྟེང་དུ་མཚན་མ་དགོད་པར་བྱའོ། །དེ་ལ་རྣམ་པར་སྣང་མཛད་ཆེན་པོའི་རྡོ་རྗེ་དཀར་པོ་རྩེ་ལྔ་པའོ། །དེའི་མདུན་དུ་སེམས་མ་རྡོ་རྗེ་མའི་རྡོ་རྗེ་དམར་པོ་རྩེ་

62-1-306b

ལྔ་པའོ། །བཅོམ་ལྡན་འདས་ཀྱི་གཡས་ཕྱོགས་ལོགས་སུ་རིན་ཆེན་རྡོ་རྗེ་མའི་རྡོ་རྗེ་རྩེ་ལྔ་པས་མཚན་པའི་ཡིད་བཞིན་གྱི་ནོར་བུ་རིན་པོ་ཆེའོ། །བཅོམ་ལྡན་འདས་ཀྱི་རྒྱབ་ཏུ་ཆོས་ཀྱི་རྡོ་རྗེ་མའི་པདྨ་འདབ་མ་བཅུ་དྲུག་པ་དཀར་དམར་ཏེ། འདབ་མ་བརྒྱད་རྣམས་འོག་ཏུ་རྣམ་པར་རྒྱས་ཤིང་སྟེང་
དུ་ཡང་ནང་ནས་རྡོ་རྗེ་རྩེ་ལྔ་པས་མཚན་པའི་ཁ་འབུས་པ་རྣམས་ནི་འདབ་མ་བརྒྱད་པ་ཉིད་དོ། །བཅོམ་ལྡན་འདས་ཀྱི་གཡོན་དུ་ལས་ཀྱི་རྡོ་རྗེ་མའི་རྩེ་མོ་བཅུ་གཉིས་པ་ཁ་དོག་ལྔ་པའི་སྣ་ཚོགས་རྡོ་རྗེའིའོ། །དབུས་ཀྱི་ཁ་དོག་དཀར་པོའོ། །མདུན་གྱི་ནག་པོའོ། །གཡས་ཀྱི་སེར་པོའོ། །རྒྱབ་ཀྱི་
དམར་པོའོ། །གཡོན་གྱི་མར་ཀ་ཏའི་ཁ་དོག་ལྟ་བུའོ། །ཞེས་སོ། །ཤར་གྱི་དཀྱིལ་འཁོར་ལ་མི་བསྐྱོད་པའི་རྡོ་རྗེ་ནག་པོ་རྩེ་ལྔ་པའོ། །རྡོ་རྗེ་སེམས་དཔའི་རྡོ་རྗེ་དཀར་པོའོ། །རྡོ་རྗེ་རྒྱལ་པོའི་རྡོ་རྗེས་མཚན་པའི་ལྕགས་ཀྱུའོ། །རྡོ་རྗེ་ཆགས་པའི་མདའ་འགེངས་པའོ། །རྡོ་རྗེ་ལེགས་པའི་རྡོ་རྗེ་དང་
བཅས་པའི་ལག་པ་གཉིས་ཀྱིས་ལེགས་པར་བྱེད་པ་རབ་ཏུ་སྦྱིན་པའོ། །ལྷོའི་དཀྱིལ་འཁོར་ལ་རིན་ཆེན་འབྱུང་ལྡན་གྱི་རྡོ་རྗེས་མཚན་པའི་རིན་པོ་ཆེའོ། །རྡོ་རྗེ་རིན་ཆེན་གྱི་རྡོ་རྗེས་མཚན་པའི་རིན་པོ་ཆེའི་ཕྲེང་བའོ། །རྡོ་རྗེ་གཟི་བརྗིད་ཀྱི་ཉི་མའོ། །རྡོ་རྗེ་ཏོག་གི་ཡིད་བཞིན་གྱི་ནོར་བུའི་རྒྱལ་
མཚན་ནོ། །རྡོ་རྗེ་བཞད་པའི་རྡོ་རྗེས་མཚན་པའི་སོའི་ཕྲེང་བའོ། །ནུབ་ཀྱི་དཀྱིལ་འཁོར་ལ་འོད་དཔག་མེད་ཀྱི་རྡོ་རྗེས་མཚན་པའི་པདྨའོ། །རྡོ་རྗེ་ཆོས་ཀྱི་གདོང་དང་བཅས་པའི་པདྨའོ། །རྡོ་རྗེ་རྣོན་པོའི་རལ་གྲི་དང་པུསྟིའོ། །རྡོ་རྗེ་རྒྱུའི་འཁོར་ལོ་སེར་པོ་རྩིབས་བརྒྱད་པའོ། །རྡོ་རྗེ་སྨྲ་
བའི་ཆོས་ཀྱི་དུང་ངོ་། །བྱང་གི་དཀྱིལ་འཁོར་ལ་དོན་ཡོད་གྲུབ་པའི་སྣ་ཚོགས་རྡོ་རྗེའོ། །རྡོ་རྗེ་ལས་ཀྱི་དེ་ཉིད་དང་བཅས་པའོ། །རྡོ་རྗེ་བསྲུང་བའི་རྡོ་རྗེ་ལས་བྱས་པའི་གོ་ཆའོ། །རྡོ་རྗེ་གནོད་སྦྱིན་གྱི་རྡོ་རྗེས་མཚན་པའི་མཆེ་བ་བཟུང་ངོ་། །རྡོ་རྗེ་འཆིང་བའི་རྡོ་རྗེ་ཁུ་ཚུར་དག་གིས་བཟུང་
བའི་རྡོ་རྗེ་རྩེ་ལྔ་པ་སེར་པོའོ། །མེ་ལ་སོགས་པའི་མཚམས་རྣམས་ལ་རྡོ་རྗེ་སྒེག་མོའི་རྡོ་རྗེ་གཉིས་སོ། །རྡོ་རྗེ་ཕྲེང་བ་མའི་རིན་པོ་ཆེའི་ཕྲེང་བའོ། །རྡོ་རྗེ་གླུ་མའི་པི་ཝང་ངོ་། །རྡོ་རྗེ་གར་མའི་རྡོ་རྗེ་རྩེ་གསུམ་པས་མཚན་པའི་ལག་པ་གཉིས་སོ་ཞེས་པ་ནི་ནང་གི་དཀྱིལ་འཁོར་ལའོ། །ཕྱིའི་

62-1-307a

དཀྱིལ་འཁོར་གྱི་མཚམས་རྣམས་ལ་མེ་ལ་སོགས་པ་རྣམས་སོ། །རྡོ་རྗེ་བདུག་སྤོས་མའི་སྤོས་ཕོར་རོ། །རྡོ་རྗེ་མེ་ཏོག་མའི་མེ་ཏོག་གི་ཟ་མ་ཏོག་གོ། །རྡོ་རྗེ་སྣང་གསལ་མའི་མར་མེའི་སྡོང་པོའོ། །རྡོ་རྗེ་དྲི་ཆབ་མའི་དྲིའི་དུང་སེར་པོའོ། །ཤར་ལ་སོགས་པའི་སྒོའི་ལོགས་གཉིས་སུ་
བྱམས་པའི་ཡལ་ག་དང་བཅས་པའི་ཀླུ་ཤིང་གི་མེ་ཏོག་གོ། །མཐོང་བ་དོན་ཡོད་ཀྱི་སྤྱན་དང་བཅས་པའི་ཆུ་སྐྱེས་སོ། །ངན་སོང་ཀུན་འཇོམས་ཀྱི་ལྕགས་ཀྱུའོ། །མྱ་ངན་དང་མུན་པ་ཐམས་ཅད་འཇོམས་པའི་བློ་གྲོས་ཀྱི་དབྱུག་པའོ། །སྤོས་ཀྱི་གླང་པོའི་དུང་ངོ་། །དཔའ་བར་འགྲོ་བའི་རལ་གྲིའོ། །
ནམ་མཁའ་མཛོད་ཀྱི་པདྨ་ལ་གནས་པའི་དམ་པའི་ཆོས་ཀྱི་སྒྲོན་མའོ། །ཡེ་ཤེས་ཏོག་གི་ཡིད་བཞིན་གྱི་ནོར་བུའི་རྒྱལ་མཚན་ནོ། །བདུད་རྩི་འོད་ཀྱི་བུམ་པའོ། །ཟླ་འོད་ཀྱི་དྲ་བའོ། །བཟང་སྐྱོང་གི་འབར་བ་དང་བཅས་པའི་རིན་པོ་ཆེའོ། །དྲ་བ་ཅན་གྱི་འོད་ཟེར་རྡོ་རྗེའི་གུར་རོ། །རྡོ་རྗེའི་སྙིང་པོའི་རྡོ་རྗེ་
མཐིང་ག་དང་བཅས་པའི་ཨུཏྤ་ལའོ། །བློ་གྲོས་མི་ཟད་པའི་བུམ་པ་བཟང་པོའོ། །སྤོབས་པ་བརྩེགས་པའི་པདྨ་ལ་གནས་པའི་རིན་པོ་ཆེ་བརྩེགས་པའོ། །ཀུན་དུ་བཟང་པོའི་རིན་པོ་ཆེའི་སྙེ་མའོ། །ཤར་ལ་སོགས་པའི་སྒོ་བཞིའི་དབུས་སུ་ཤར་དུ་རྡོ་རྗེ་ལྕགས་ཀྱུའི་ལྕགས་ཀྱུའོ། །
རྡོ་རྗེ་ཞགས་པའི་ཞགས་པའོ། །རྡོ་རྗེ་རྒྱས་པའི་ལྕགས་སྒྲོག་གོ། །རྡོ་རྗེ་འབེབས་པའི་རྡོ་རྗེས་མཚན་པའི་དྲིལ་བུའོ་ཞེས་པ་ནི་ལྷ་རྣམས་ཀྱི་མཚན་མ་དགོད་པའོ། །རྡུལ་ཚོན་གྱི་དཀྱིལ་འཁོར་ཡོངས་སུ་རྫོགས་པ་དང་། རྡོ་རྗེ་རྩེ་མོ་ཡོངས་སུ་བཟླས་པའི་བའི་རྣམ་ལྔ་དང་། རྡོ་རྗེ་གནོད་སྦྱིན་
ཡོངས་སུ་བཟླས་པའི་བདུད་རྩི་ལྔ་དང་། རྡོ་རྗེ་བསྲུང་བ་ཡོངས་སུ་བཟླས་པའི་དྲི་བཟངས་ཀྱི་ཆུས་དཀྱིལ་འཁོར་གྱི་ཕྱི་རྣམས་བསང་གཏོར་བྱ་སྟེ། ལས་ཐམས་ཅད་ཡོངས་སུ་བཟླས་པའི་འབྲུ་ཐམས་ཅད་ཀྱིས་ཡོངས་སུ་གང་བ་དང་། རྡོ་རྗེ་རིན་ཆེན་ཡོངས་སུ་བཟླས་པའི་མེ་
ཏོག་སིལ་མ་ཡོངས་སུ་བཀྲམ་སྟེ། རྡུལ་ཚོན་ལྷག་མ་རྣམས་ཨོཾ་ཨཱཿཧཱུཾ་བཛྲ་མུཿཞེས་པས་ཡེ་ཤེས་ཀྱི་རྡུལ་ཚོན་གཤེགས་སུ་གསོལ་ནས་རྡུལ་ཚོན་གྱི་སྣོད་རྣམས་ཀྱང་དབེན་པར་གཞག་པར་བྱའོ་ཞེས་པ་ནི་རྡུལ་ཚོན་དགྱེ་བའི་ཆོ་གའོ།།      །།དེ་ནས་སྔོན་བཞིན་དུ་གཏོར་མ་ཆེན་པོ་ཕྱི་

62-1-307b

རོལ་དུ་ཕུལ་ནས་རབ་ཏུ་བྱེད་པ་གསུམ་པར་གསུངས་པའི་རིམ་པས་བུམ་པ་ལྷག་པར་གནས་པར་བྱས་ནས་རབ་ཏུ་བྱེད་པ་གསུམ་པར་གསུངས་པའི་རིམ་པ་དེ་ཉིད་ཀྱིས་བུམ་པ་དགོད་པར་བྱའོ། །དེ་ནས་སློབ་དཔོན་གྱིས་འཁོར་ལོའི་དབང་ཕྱུག་གི་བདག་ཉིད་ཀྱིས་བྲི་བར་བྱ་བའི་དཀྱིལ་འཁོར་ལ་སྐད་ཅིག་
གིས་གསུངས་པའི་འཁོར་ལོ་དང་བགེགས་ལ་ཕུར་བུས་གདབ་པ་ལ་སོགས་པ་བསྒོམས་ཏེ། དཀྱིལ་འཁོར་གྱི་རང་བཞིན་དུ་ངེས་པར་བརྟགས་ནས་ཡེ་ཤེས་སེམས་དཔའ་གདན་དྲངས་ནས་མཆོད་ཡོན་དང་ཞལ་བསིལ་ལ་སོགས་པ་སྔོན་དུ་འགྲོ་བས་མེ་ཏོག་ལ་སོགས་པ་རྣམས་ཀྱིས་ཡང་
དག་པར་མཆོད་ཅིང་བསྟོད་པ་ཡང་བྱ་སྟེ། དམ་ཚིག་གི་འཁོར་ལོ་རབ་ཏུ་བཞུགས་པར་བསམ་མོ། །འཁོར་ལོའི་དབང་ཕྱུག་གི་སྔགས་བརྒྱ་རྩ་བརྒྱད་དང་། དེ་ལས་གཞན་དཀྱིལ་འཁོར་ལ་སོ་སོའི་རྣམས་ཀྱིས་ལན་ཉི་ཤུ་རྩ་གཅིག་གིས་བྱིན་གྱིས་བརླབས་ཏེ། ཡི་གེ་བརྒྱ་པ་ཡང་བརྗོད་ནས་ཉེར་
སྤྱོད་ལྔ་ལ་སོགས་པ་རྣམས་ཀྱིས་མཆོད་ནས་སྒེག་མོ་ལ་སོགས་པ་བརྒྱད་ཀྱི་ཆོ་གས་ཀྱང་གཏོར་མ་དང་ཞལ་ཟས་དབུལ་ཞིང་དཀྱིལ་འཁོར་ལྷག་པར་གནས་པར་བྱའོ། །ཐིག་འདེབས་པ་ནས་བརྩམས་ཏེ་ཇི་སྲིད་མེའི་ལྷ་ལྷག་པར་གནས་པའི་མཐར་ཐུག་པ་ཉི་མ་སོ་སོ་ལ་ཐུན་མཚམས་གསུམ་དུ་
ཏིང་ངེ་འཛིན་བསྒོམས་པས་མཆོད་པ་དང་། ཤེས་རབ་ཀྱི་ཕ་རོལ་ཏུ་ཕྱིན་པ་ལ་སོགས་པ་དམ་པའི་ཆོས་ཀློག་པ་དང་ཕྱི་རོལ་གྱི་གཏོར་མ་ཡང་དབུལ་བར་བྱའོ། །མཚན་མོ་ཚོགས་ཀྱི་འཁོར་ལོ་བྱའོ། །གཏོར་མ་དབུལ་བར་བྱ་བའི་ཕྱིར་དཀྱིལ་འཁོར་གྱི་ཁང་པ་ལས་ཕྱིར་བྱུང་བ་དང་། སླར་ཡང་རབ་ཏུ་
འཇུག་པར་བྱ་བའི་ཕྱིར། ལག་པ་གཡས་པ་གན་རྐྱལ་དུ་བྱས་ནས་གུང་མོ་དང་མིང་མེད་ཅུང་ཟད་བསྐུམ་སྟེ་མངོན་པར་གདོང་གི་ཕྱོགས་སུ་གཟུང་བར་བྱའོ། །དེའི་པུས་མོའི་ནང་དུ་ལག་པ་དག་བྱས་ཏེ་ཙོག་པུར་འདུག་ནས་མི་སྨྲ་བས་ལག་པའི་མཐིལ་གྱི་ཆ་ཡིས་ཁ་ལ་མིག་ཏུ་ཡོངས་སུ་རེག་
ཅིང་ལན་གཉིས་སམ་གསུམ་དུ་རྣ་བའི་བུ་ག་དང་མིག་དང་ཁ་དང་ལག་པ་དག་དང་ལྟེ་བ་དང་མགོ་བོ་རྣམས་ལ་ཡང་ལས་ཐམས་ཅད་པའི་བུམ་པའི་ཆུས་རེག་ཅིང་ཉེ་རེག་ཀྱང་ཉི་མ་སོ་སོ་ལ་བྱའོ། །དེ་བཞིན་དུ་ཉི་མ་སོ་སོ་ལ་དཀྱིལ་འཁོར་ལ་བཅོམ་ལྡན་འདས་ངེས་པར་བརྟག་པ་ལ་མེ་ཏོག་ལ་སོགས་

62-1-308a

པས་མཆོད་པར་བྱའོ། །ཨོཾ་བཛྲོ་དྒྷ་ཊ་ཡ་ས་མ་ཡ་པྲ་བེ་ཤ་ཡ་ཧཱུཾ་ཞེས་པའི་སྔགས་ཀྱིས་སྒོ་རྣམས་དབྱེ་བར་བསམས་ནས། ཨོཾ་ས་མ་ཡ་པྲ་བི་ཤ་ཡ་མི་ཞེས་བརྗོད་པས་མེ་ཏོག་གི་ཕྲེང་བ་གར་གྱིས་བཟུང་སྟེ་རང་གི་སྤྱི་བོར་བཅིངས་ཏེ་འཁོར་ལོ་ལ་ཕྱག་འཚལ་ནས་སེམས་ཅན་ཐམས་ཅད་
ལ་དངོས་གྲུབ་ཐམས་ཅད་ཀྱིས་བཀའ་དྲིན་མཛད་དུ་གསོལ་ལོ་ཞེས་ཞུ་བ་བྱ་ཞིང་བསྒོམ་པ་དང་བཟླས་པ་ཡང་བྱའོ། །དེའི་རྗེས་ལ་སློབ་མ་རྣམས་ལྷག་པར་གནས་པར་བྱའོ། །འགའ་ཞིག་གསང་སྔགས་དངོས་གྲུབ་ཕྱིར། །འདིར་ནི་དཀྱིལ་འཁོར་ལ་འཇུག་བྱ། །གཞན་ཡང་བསོད་
ནམས་འདོད་དེ་ལས། །འཇིག་རྟེན་ཕ་རོལ་དོན་གཉེར་གཞན། །འཇིག་རྟེན་ཕ་རོལ་ཉེར་བསྟན་ཕྱིར། །སླར་ཡང་དད་པར་བྱས་ནས་ནི། །བློ་ལྡན་དཀྱིལ་འཁོར་གཞུག་པར་བྱ། །འདི་འབྲས་ཉིད་ལ་ལྟོས་མི་བྱ། །འདི་ཉིད་ལ་ནི་ལྟོས་ལྡན་ན། །དེ་ཉིད་ཕ་རོལ་འཇིག་རྟེན་མིན། །ཕ་རོལ་
དོན་གཉེར་སྐྱེས་བུ་ལ། །དེ་ཉིད་དུ་ཡང་འབྲས་བུ་རྒྱས། །ཞེས་པའི་རྗེས་སུ་སློབ་མས་མཉན་ཞིང་དེ་ཉིད་བཤད་པར་བྱའོ། །སྲིད་པའི་མཚོ་ལས་བདག་སྒྲོལ་བ། །དགའ་ཆེན་སྟོན་པ་ཁྱོད་གཅིག་པོ། །བྱང་ཆུབ་ཆེན་པོའི་ཚུལ་བསྟན་པ། །མགོན་པོ་ཆེན་པོ་བདག་འཚལ་ལོ། །དམ་ཚིག་
དེ་ཉིད་བདག་ལ་སྩོལ། །བྱང་ཆུབ་སེམས་ཀྱང་བདག་ལ་སྩོལ། །སངས་རྒྱས་ཆོས་དང་དགེ་འདུན་ཏེ། །སྐྱབས་གསུམ་རྣམས་ཀྱང་བདག་ལ་སྩོལ། །ཐར་པ་ཆེན་པོའི་གྲོང་མཆོག་ཏུ། །མགོན་པོ་བདག་ནི་གཞུག་ཏུ་གསོལ། །ཞེས་བརྗོད་དུ་གཞུག་གོ། །སློབ་མ་གཅིག་གཙོ་བོར་
བྱས་ནས། །བུ་ཚུར་ཤོག་ཅིག་ཐེག་ཆེན་པོ། །གསང་སྔགས་སྤྱོད་ཚུལ་ཆོ་ག་ནི། །ཁྱོད་ལ་ཡང་དག་བསྟན་པར་བྱ། །ཁྱོད་ནི་ཚུལ་ཆེན་སྣོད་ཡིན་གྱིས། །སྐུ་གསུང་ཐུགས་ཀྱི་རྡོ་རྗེ་ཅན། །དུས་གསུམ་འབྱུང་བའི་སངས་རྒྱས་རྣམས། །རྡོ་རྗེ་སྔགས་ཀྱི་མཐུ་ཡིས་ནི། །ཡེ་ཤེས་མཉམ་མེད་ཡང་དག་
བརྙེས། །གསང་སྔགས་སྦྱོར་བ་མཉམ་མེད་པ། །གང་གི་ཤཱཀྱ་སེང་གེ་སོགས། །མཆོག་རྣམས་ཀྱིས་ནི་བདུད་ཀྱི་སྡེ། །མི་བཟད་ཆེན་པོའི་སྟོབས་ཆེན་བཅོམ། །འཇིག་རྟེན་རྗེས་འཇུག་རྟོགས་རྣམས་ནི། །འཁོར་ལོ་བསྐོར་ནས་མྱ་ངན་འདས། །དེ་ཕྱིར་ཀུན་མཁྱེན་ཐོབ་བྱའི་ཕྱིར། །བུ་ཡིས་བློ་གྲོས་

62-1-308b

འདི་གྱིས་ཤིག །ཅེས་བརྗོད་པར་བྱའོ། །དཀོན་མཆོག་གསུམ་ལ་བདག་སྐྱབས་མཆི། །སྡིག་པ་ཐམས་ཅད་སོ་སོར་བཤགས། །འགྲོ་བའི་དགེ་ལ་རྗེས་ཡི་རང་། །སངས་རྒྱས་བྱང་ཆུབ་ཡིད་ཀྱིས་གཟུང་། །ཞེས་ལན་གསུམ་སློབ་མས་བརྗོད་དོ། །དེ་ནས་སློབ་མའི་སྙིང་གར་ས་མ་ཡ་ཨཿཞེས་
བརྗོད་ནས་ཟླ་བའི་དཀྱིལ་འཁོར་སྤྲུལ་ལ། དེའི་སྟེང་དུ་ཧཱུཾ་ཡིག་ལས་སྐྱེས་པའི་རྡོ་རྗེ་རྩེ་ལྔ་པ། དེའི་སྙིང་གའི་རྡོ་རྗེ་ལ་རབ་ཏུ་ཞུགས་ཏེ། སཱུ་ར་ཏེ་ས་མ་ཡ་སྟྭཾ་ཧོཿབཛྲ་སིདྡྷྱ་ཡ་ཐཱ་སུ་ཁཾ། ཞེས་བརྗོད་ནས་དེའི་སྤྱི་བོར་དྲི་བཟངས་ཀྱི་ཆུས་གཡོ་བཞིན་པའི་ལག་པ་བཀོད་ནས། ཨོཾ་བཛྲ་སཏྭ་ཧཱུཾ་ཞེས་པར་
བྱའོ། །དཔྲལ་བར་ཟླ་བའི་དཀྱིལ་འཁོར་གྱི་སྟེང་དུ་ཏྲཱཾ་ཡིག་ལས་རྡོ་རྗེ་རིན་ཆེན། མགྲིན་པར་ཧྲཱིཿཡིག་ལས་རྡོ་རྗེ་པདྨ། སྤྱི་བོར་ཀཾ་ཡིག་ལས་སྣ་ཚོགས་རྡོ་རྗེ་རྣམ་པར་བསྒོམས་ཏེ། ཨོཾ་བཛྲ་རཏྣ་ཏྲཱཾ། ཨོཾ་བཛྲ་དྷརྨྨ་ཧྲཱིཿཨོཾ་བཛྲ་ཀརྨྨ་ཀཾ། ཞེས་བརྗོད་ནས་རྡོ་རྗེ་སེམས་དཔའ་ལ་སོགས་པའི་སྐུར་བསྐྱེད་ནས་དེ་
རྣམས་ཀྱི་ཕྱག་ཏུ་རྡོ་རྗེ་གསུངས་མས་དྲི་སྦྱིན་པར་བྱའོ། །མེ་ཏོག་མས་མེ་ཏོག་བདུག་སྤོས་མས་བདུག་པར་བྱའོ། །མར་མེ་མས་མར་མེས་སྣང་བར་བྱའོ། །དེའི་རྗེས་ལ་སོར་བཅུ་གཉིས་པའི་ཚད་ཀྱིས་འོ་མ་ཅན་གྱི་ཤིང་དྲིའི་ཆུས་བཀྲུས་ལ་རྩེ་མོ་ལ་མེ་ཏོག་བཅིངས་ལ། ཨོཾ་བཛྲ་ཧཱ་ས་ཧཾ་ལན་བདུན་
ཡོངས་སུ་བསྔགས་ལ་སོ་ཤིང་དཀར་པོ་སློབ་མ་ལ་སྦྱིན་པར་བྱའོ། །དེ་རྣམས་ཀྱིས་ཀྱང་གདོང་ཤར་དུ་ཕྱོགས་ཏེ་སྟེང་དུ་བལྟས་ནས་རྩེ་མོ་འཆོས་ཏེ་བ་ལང་གི་ཀོ་བ་ཙམ་དུ་ལྟེ་བར་བྱུགས་པའི་ས་གཞི་ལ་དོར་བར་བྱའོ། །སོ་ཤིང་ལྷུང་བའི་རྗེས་སུ་འབྲངས་ཏེ་འབྲས་བུ་བཤད་པར་བྱའོ། །དེ་ལ་སློབ་མ་ལ་
མངོན་པར་ཕྱོགས་ཏེ་ལྷུང་ན་མཆོག་གི་དངོས་གྲུབ་པོ། །ལྷོ་ཕྱོགས་སུ་ལྷུང་ན་ཞི་བ་འགྲུབ་པོ། །ནུབ་ཕྱོགས་སུ་ལྷུང་ན་རྒྱས་པ་འགྲུབ་པོ། །བྱང་ཕྱོགས་སུ་ལྷུང་ན་དབང་གི་ལས་འགྲུབ་པོ། །སྟེང་དུ་ཕྱོགས་ན་ནམ་མཁའ་ལ་སྤྱོད་པའོ། །འོག་ཏུ་ཕྱོགས་ན་འོག་གི་དངོས་གྲུབ་པོ། །མཚམས་སུ་ལྷུང་ན་
དངོས་གྲུབ་ཕྲན་ཚེགས་སོ། །དེའི་རྗེས་སུ་རྡོ་རྗེ་གནོད་སྦྱིན་མངོན་པར་བསྔགས་པའི་ཆུ་ཁྱོར་བ་གསུམ་བྱིན་ནས། ཨོཾ་ཧྲཱིཿབི་ཤུདྡྷ་དྷརྨྨ་པཱ་པ་ནི་ཙཱ་སཾ་ཤོ་དྷ་ཡ་བི་ཀལྤཱ་མ་པ་ན་ཡ་ཧཱུཾ། ཞེས་པ་འདིས་ཞལ་བསང་བར་བྱའོ། །དེ་ནས་ཨོཾ་བཛྲ་རཀྵ་ཧཱུཾ་ཞེས་པ་འདིས་མངོན་པར་བསྔགས་ནས་སྲད་བུ་སུམ་

62-1-309a

བསྒྲིལ་ལ་མདུད་པ་གསུམ་བྱ་སྟེ་དཔུང་པ་གཡོན་པ་ལ་བཅིང་བར་བྱའོ། །ཆོས་རྒྱ་ཆེན་པོ་བསྟན་ནས་ཡང་དག་པར་སྤྲོ་བ་བསྐྱེད་པར་བྱའོ། །བདག་ཉིད་ཆེན་པོ་ཁྱེད་རྣམས་ཀྱིས། །དེ་རིང་རྙེད་པ་མཉམ་མེད་རྙེད། །བདག་གིས་ཁྱེད་རྣམས་རྒྱལ་བ་ཀུན། །བདག་ཉིད་ཆེན་པོ་སྲས་བཅས་
ཀྱི། །བསྟན་འདི་ཀུན་ལ་ཡོངས་སུ་བཟུང་། །བདག་ཉིད་ཆེན་པོ་སྐྱེད་བྱེད་པས། །དེ་ཡིས་ཁྱེད་རྣམས་ཐེག་ཆེན་ལ། །ལེགས་པར་སྐྱེ་བ་ཉིད་དུ་འགྱུར། །ཐེག་པ་ཆེན་པོ་ཆེར་འབྱུང་བའི། །ལམ་མཆོག་འདི་ནི་དཔལ་དང་ལྡན། །གང་ཞིག་ཁྱེད་རྣམས་འགྲོ་འགྱུར་བ། །དེ་བཞིན་གཤེགས་པ་ཉིད་དུ་
འགྱུར། །རང་འབྱུང་སྐལ་བ་ཆེན་པོ་སྟེ། །འཇིག་རྟེན་ཀུན་གྱི་བསམ་པ་དང་། །ཡོད་དང་མེད་ལས་རྣམ་པར་འདས། །ནམ་མཁའ་བཞིན་དུ་དྲི་མ་མེད། །ཟབ་མོ་རྟོག་པ་ཐམས་ཅད་ཀྱི་ས། །ཡིད་ཀྱི་གནས་ལ་མི་རྟོག་པས། །སྤྲོས་པ་ཐམས་ཅད་དང་བྲལ་བ། །སྤྲོས་པ་རྣམས་ཀྱི་སྤྲོས་པ་ཡིས། །ལས་དང་བྱ་སོགས་
དང་བྲལ་བ། །བདེན་པ་གཉིས་ལ་ཡང་དག་བརྟེན། །ཐེག་མཆོག་འདི་ནི་གཙོ་བོ་སྟེ། །དེ་སྙེད་ཚུལ་ལ་གནས་པར་གྱིས། །ཞེས་པའི་ཆོས་ཉན་དུ་གཞུག་པར་བྱའོ། །འབྱུང་བ་རྙེད་པར་དཀའ་བ་ཡང་བཤད་པར་བྱའོ། །འཇིག་རྟེན་ན་ནི་ཀུན་མཁྱེན་རྣམས། །གང་གི་ཚེ་ན་འབྱུང་འགྱུར་
བ། །ཨུ་དུམྺཱ་རའི་མེ་ཏོག་བཞིན། །བརྒྱ་ལམ་ན་ནི་རེས་འགའ་འབྱུང་། །གསང་སྔགས་སྤྱོད་ཚུལ་བལྟ་བ་ནི། །དེ་བས་ཀྱང་ནི་དཀོན་པར་འགྱུར། །སེམས་ཅན་དོན་རྣམས་མཉམ་མེད་པ། །གང་གིས་བྱེད་ནུས་མྱ་ངན་འདའ། །བསྐལ་པ་བྱེ་བ་དུ་མ་རུ། །སྡིག་པ་གང་ཞིག་སྔོན་
བྱས་པ། །དཀྱིལ་འཁོར་འདི་འདྲ་མཐོང་བ་ཡིས། །དེ་རྣམས་ཐམས་ཅད་ཟད་འགྱུར་ན། །གྲགས་པ་མཐའ་ཡས་སྔགས་སྤྱོད་པའི། །ཚུལ་ལ་གནས་པ་སྨོས་ཅི་དགོས། །སྐྱོབ་པའི་གསང་སྔགས་བཟླས་ན་ནི། །གོ་འཕང་བླ་ན་མེད་པར་འགྱུར། །སྤྱོད་མཆོག་འདི་ལ་གང་རྣམས་
ཀྱི། །བློ་གྲོས་ཤིན་ཏུ་དྲི་མ་མེད། །དེ་རྣམས་ཀྱི་ནི་སྡུག་བསྔལ་ཀུན། །འབྱུང་བའི་ངན་འགྲོ་ཡང་དག་ཞི། །དེ་ནས་དྷཱིཿཡིག་ལས་ཀུ་ཤ་མ་ཉམས་པའི་ཆུན་པོ་གཅིག་སྔས་ཀྱི་དོན་དུ་ཨོཾ་བཛྲ་ཏཱིཀྵྞ་ངྷཱཾ་ཞེས་པས་ལན་བདུན་མངོན་པར་བསྔགས་ནས་སོ། །གདན་གྱི་སྟེང་དུ་ཀུ་ཤ་ཧ་ཡིག་གི་ས་

62-1-309b

བོན་ལས་བསྐྱེད་པའི་ཀུ་ཤ་ལ་ཨོཾ་བཛྲ་རཀྵ་ཧཱུཾ་ཞེས་པའི་སྔགས་འདིས་ལན་བདུན་བཟླས་ནས་གདན་གྱི་དོན་དུ་སྦྱིན་པར་བྱའོ། །འདི་བཞིན་དུ་བརྗོད་པར་བྱའོ། །ཞལ་བཟང་པོ་རྣམས་བཞེངས་ནས་མཐོ་རིས་ཀྱི་དཀྱིལ་འཁོར་ཆེན་པོ་རྣམས་ཇི་ལྟ་བ་བཞིན་དུ་མཐོང་བ་དེ་བཞིན་དུ་རྨི་ལམ་དུ་ཡང་
མཐོང་བཞིན་བསྟན་དུ་གསོལ་ལོ། །སློབ་མ་ལྷག་པར་གནས་པའོ།།      །།དེ་ནས་ནང་པར་སྔ་བར་དགེ་བ་དང་མི་དགེ་བའི་རྨི་ལམ་དྲི་བར་བྱའོ། །མི་དགེ་བའི་རྨི་ལམ་བྱུང་ན་ཆོས་ཐམས་ཅད་རྨི་ལམ་ལྟ་བུའོ་ཞེས་ལྷག་པར་མོས་པར་བྱའོ། །ཨོཾ་བཛྲ་
ཡཀྵ་ཧཱུཾ་ཞེས་པ་བརྒྱ་རྩ་བརྒྱད་བཟླས་པར་བྱའོ། །དེ་ནས་བླ་མའི་ཞབས་ལ་ཕྱག་འཚལ་ཏེ། མེ་ཏོག་གི་སྙིམ་པ་ཐལ་མོ་སྦྱར་ནས་གསོལ་བ་གདབ་པར་བྱ་སྟེ། སྲིད་པའི་མཚོ་ལས་བདག་སྒྲོལ་བ། །དགའ་ཆེན་སྟོན་པ་ཁྱོད་གཅིག་པོ། །བྱང་ཆུབ་ཆེན་པོའི་ཚུལ་བསྟན་
པ། །མགོན་པོ་ཆེན་པོར་བདག་འཚལ་ལོ། །དམ་ཚིག་དེ་ཉིད་བདག་ལ་སྩོལ། །བྱང་ཆུབ་སེམས་ཀྱང་བདག་ལ་སྩོལ། །དེ་ནས་དཀྱིལ་འཁོར་གྱི་ཁང་པར་ཞུགས་ཏེ། ཆོས་རྣམས་གཟུགས་བརྙན་ལྟ་བུ་སྟེ། །དག་ཅིང་གསལ་ལ་རྙོག་པ་མེད། །གཟུང་དུ་མེད་
ཅིང་བརྗོད་དུ་མེད། །རྒྱུ་དང་ལས་ལས་ཡང་དག་འབྱུང་། །དེ་ཉིད་དེ་བཞིན་ཉིད་ངེས་འབྱུང་། །བདེན་པ་དེ་ཡིས་དཀྱིལ་འཁོར་གྱི། །གཟུགས་བརྙན་གསལ་ལ་སློབ་མ་ནི། །ཀུན་གྱིས་དྲི་མེད་མཐོང་བར་ཤོག །ཅེས་པས་བདེན་པའི་བྱིན་གྱི་རླབས་བྱས་ནས་དཀྱིལ་
འཁོར་གྱི་ཁང་པའི་ཕྱི་རོལ་དུ་ཡོན་ཕུལ་ནས་སློབ་མ་རྣམས་རྣམ་པར་སྣང་མཛད་དུ་བསྒོམ་པར་བྱའོ། །ཨོཾ་བཛྲ་རཀྵ་ཧཾ་ཞེས་པ་འདིས་ཡོངས་སུ་བཟླས་པའི་གོས་དམར་པོས་སྨད་གཡོགས་དང་སྟོད་གཡོགས་བྱས་ཏེ། ཨོཾ་བཛྲ་ཡཀྵ་ཧཱུཾ་ཨོཾ་བཛྲ་ཨཾ་ཀུ་ཤ་ཛཿཨོཾ་བཛྲ་པཱ་ཤ་ཧཱུཾ། 
ཨོཾ་བཛྲ་སྥོ་ཊ་བཾ། ཨོཾ་བཛྲཱ་བེ་ཤ་ཨཿཨ་ཁཾ་བཱི་ར་ཧཱུཾ། ཞེས་པ་འདིས་མིག་རས་བཅིངས་ནས། མེ་ཏོག་ཕྲེང་བ་འཛིན་དུ་བཅུག་སྟེ་དྲི་བར་བྱའོ། །ཀྱེ་ཁྱེད་དགའ་བ་ཅི་ལ་དགྱེས། །དེས་ལན་གདབ་པར་བྱ་སྟེ། སྐལ་བཟངས་བདག་ནི་བདེ་བ་ཆེན་པོ་ལ་ཞེས་སོ། །དེ་ནས་རྡོ་རྗེ་གནོད་སྦྱིན་

62-1-310a

ཡོངས་སུ་བཟླས་པའི་ཆུས་བསང་གཏོར་བྱས་ཏེ། སྙིང་གར་རྡོ་རྗེ་བཞག་ལ་ཨོཾ་སརྦ་ཡོ་ག་ཙིཏྟ་ཨུཏྤཱ་ད་ཡ་མི་སུ་ར་ཏེ་ས་མ་ཡ་སྟྭཾ་ཧོཿསིདྡྷ་བཛྲ་ཡ་ཐཱ་སུ་ཁཾ་ས་མ་ཡ་སྟྭཾ་ཞེས་པ་འདིས་སེམས་དཔའི་རྡོ་རྗེ་བཅིང་བར་བྱའོ། །དེ་ནས་མཛུབ་མོ་གུང་མོ་གཉིས་ཀྱིས་མེ་ཏོག་གི་ཕྲེང་བ་བཟུང་ནས་
དགུག་པ་དང་གཞུག་པ་དང་དབང་དུ་བྱ་བ་རྣམས་བྱའོ། །ས་མ་ཡ་ཧཱུཾ་ཞེས་པ་འདིར་རང་གི་སྒོ་ནས་རྡོ་རྗེ་ལྕགས་ཀྱུ་ལ་སོགས་པ་རྣམས་ཀྱིས་དགུག་པ་དང་གཞུག་པ་དང་བཅིང་བ་དང་དབང་དུ་བྱ་བ་རྣམས་བྱ་སྟེ། ཨོཾ་བཛྲཱཾ་ཀུ་ཤ་ཛཿ ཨོཾ་བཛྲ་པཱ་ཤ་ཧཱུཾ། ཨོཾ་བཛྲ་སྥོ་ཊ་བཾ། ཨོཾ་བཛྲཱ་བེ་ཤ་ཨཿཞེས་པས་
ཤར་གྱི་སྒོ་ནས་དེ་བཞིན་དུ་གཞུག་ཅིང་འདི་བཞིན་དུ་བརྗོད་པར་བྱ་སྟེ། དེང་ཁྱོད་དེ་བཞིན་གཤེགས་པ་ཐམས་ཅད་ཀྱི་རིགས་སུ་ཞུགས་ཀྱིས། དེ་ནས་ངས་ཁྱེད་ལ་རྡོ་རྗེ་ཡེ་ཤེས་བསྐྱེད་པར་བྱ་ཡིས་ཡེ་ཤེས་གང་གིས་ཁྱོད་ཀྱི་དེ་བཞིན་གཤེགས་པ་ཐམས་ཅད་ཀྱི་དངོས་གྲུབ་ཀྱང་ཐོབ་པར་
འགྱུར་ན་དངོས་གྲུབ་གཞན་རྣམས་ལྟ་སྨོས་ཀྱང་ཅི་དགོས། ཁྱོད་ཀྱིས་འདིར་དཀྱིལ་འཁོར་མ་མཐོང་བ་རྣམས་ཀྱི་མདུན་དུ་སྨྲ་བར་མི་བྱ་སྟེ། ཁྱོད་དམ་ཚིག་ཉམས་པར་གྱུར་ཏ་རེ་ཞེས་བརྗོད་ནས་དེ་ནས་རྡོ་རྗེ་སློབ་དཔོན་རང་ཉིད་སེམས་དཔའ་རྡོ་རྗེ་ཅན་གྱི་ཕྱག་རྒྱ་ཉིད་སྟེང་དུ་གདོང་ཕྱོགས་
པས་བཅིངས་ཏེ། རྡོ་རྗེ་སློབ་མའི་སྤྱི་བོར་བཞག་ནས་འདི་སྐད་ཅེས་བརྗོད་པར་བྱའོ། །འདི་ནི་དམ་ཚིག་རྡོ་རྗེ་སྟེ། །གལ་ཏེ་ཁྱོད་ཀྱིས་འགའ་ཞིག་ལ། །འདི་སྨྲས་ན་ནི་མགོ་འགེམས་སོ། །ང་ཡིས་འདི་གྱིས་ཤིག་ཅེས་གང་བསྒོ་བ་དེ་ཁྱོད་ཀྱིས་བྱ་དགོས་སོ། །ཁྱོད་ཀྱིས་ང་ལ་བརྙས་པར་
ཡང་མི་བྱ་སྟེ། ཁྱོད་ཡ་ང་བ་མ་སྤངས་པར་ཚེའི་དུས་བྱས་ཏེ་དམྱལ་བར་ལྟུང་བར་གྱུར་ཏ་རེ་ཞེས་བརྗོད་དོ། །སླར་ཡང་སློབ་མའི་སྙིང་གར་རྡོ་རྗེ་བཞག་ལ། འདི་བཞིན་དུ་བརྗོད་པར་བྱ་སྟེ། ཨོཾ་དེ་རིང་རྡོ་རྗེ་སེམས་དཔའ་རང་། །ཁྱོད་ཀྱི་སྙིང་ལ་ཡང་དག་ཞུགས། །གལ་ཏེ་ཚུལ་འདི་སྨྲས་ན་ནི། །
དེ་མ་ཐག་ཏུ་དྲལ་ཏེ་གཤེགས། །དེ་ནས་བདུད་རྩི་ལྔ་པདྨའི་སྣོད་དུ་གནས་པ་ལ་རྡོ་རྗེ་སེམས་དཔའི་ཕྱག་རྒྱས་བྱིན་གྱིས་བརླབས་ནས། ཨོཾ་བཛྲ་སཏྭ་ཧཱུཾ་ཞེས་པའི་སྔགས་ཀྱིས་ཀྱང་བྱིན་གྱིས་བརླབ་པར་བསམས་ནས། ཨོཾ་ཨཿཧཱུཾ། འདི་ནི་ཁྱོད་ཀྱི་དམྱལ་བའི་ཆུ། །དམ་ཚིག་འདས་

62-1-310b

ན་སྲེག་པར་བྱེད། །དམ་ཚིག་བསྲུངས་ན་དངོས་གྲུབ་འགྱུར། །རྡོ་རྗེ་བདུད་རྩིའི་ཆུ་འཐུང་ཞིག །ཨོཾ་བཛྲ་མྲྀ་ཏོ་ད་ཀ་ཋཿཞེས་བརྗོད་ནས་སློབ་མ་ལ་སྦྱིན་པར་བྱའོ། །སློབ་མས་ཀྱང་དམ་བཅས་པ་འདི་བརྟོན་པར་བྱའོ། །སློབ་དཔོན་གྱིས་ཀྱང་འདི་བཞིན་དུ་བརྗོད་པར་བྱ་སྟེ། དེ་
རིང་ནས་བརྩམས་ཏེ་ཁྱེད་ཀྱི་ཕྱག་ན་རྡོ་རྗེ་ང་ཡིན་གྱིས་ངས་འདི་གྱིས་ཤིག་ཅེས་གང་བསྒོ་བ་དེ་ཁྱོད་ཀྱིས་བྱ་དགོས་སོ། །ཁྱོད་ཀྱིས་ང་ལ་བརྙས་པར་ཡང་མི་བྱ་སྟེ། ཁྱོད་ཡ་ང་བ་མ་སྤངས་པར་ཚེའི་དུས་བྱས་ནས་དམྱལ་བར་ལྟུང་བར་གྱུར་ཏ་རེ་ཞེས་པའི་མནའ་བྱའོ། །སློབ་མས་དེ་བཞིན་
གཤེགས་པ་ཐམས་ཅད་ཀྱིས་བྱིན་གྱིས་བརླབ་ཏུ་གསོལ། རྡོ་རྗེ་སེམས་དཔའ་བདག་ལ་འབབ་པར་གྱུར་ཅིག་ཅེས་བརྗོད་ནས་དེ་ནས་བདག་ཉིད་དཔལ་རྡོ་རྗེ་སེམས་དཔའ་སྐུ་མདོག་དཀར་པོ་རྣམ་པར་བསམ་པར་བྱའོ། །དེའི་རྗེས་སུ་ཨཿཡིག་ལས་འོད་ཟེར་གྱི་
ཕྲེང་བ་དང་ལྡན་པ་རང་གི་སྙིང་གར་རྣམ་པར་བསམས་ཏེ། ཧཱུཾ་ཡིག་ལས་སློབ་མ་ཡང་རྡོ་རྗེ་སེམས་དཔའི་གཟུགས་སུ་རྣམ་པར་བསམ་པར་བྱའོ། །ཧཱུཾ་ཏྲཱཾ་ཧྲཱིཿཀཾ་ཞེས་པས་སྙིང་ག་དང་མཛོད་སྤུ་དང་། ལྕེ་དང་སྤྱི་བོ་རྣམས་སུ་རྡོ་རྗེ་དང་རིན་པོ་ཆེ་དང་པདྨ་དང་སྣ་ཚོགས་
རྡོ་རྗེས་མཚན་པ་བསམ་པར་བྱའོ། །སྒོ་འབྱེད་པའི་ཕྱག་རྒྱས་རང་གི་སྙིང་ག་ཕྱེ་ནས་སློབ་མའི་སྙིང་གར་ཡང་དེ་ནས་རང་གི་ཁ་ལས་བབས་ཏེ། རྡོ་རྗེ་ལས་ཨཿཡིག་ལས་འཐོན་ཏེ་སློབ་མའི་སྙིང་གར་གནས་པའི་རྡོ་རྗེའི་དབུས་སུ་སངས་རྒྱས་རྣམས་རབ་ཏུ་ཞུགས་ཏེ་ལུས་
ཐམས་ཅད་གང་བར་བསམ་པར་བྱའོ། །འདི་བཞིན་དུ་བརྗོད་པར་བྱ་སྟེ། དེ་བཞིན་གཤེགས་པ་ཐམས་ཅད་ཀྱིས་བྱིན་གྱིས་བརླབ་ཏུ་གསོལ། རྡོ་རྗེ་སེམས་དཔའ་བདག་ལ་འབབ་པར་གྱུར་ཅིག་ཅེས་བརྗོད་ནས། དེ་ནས་མྱུར་དུ་རྡོ་རྗེ་སློབ་དཔོན་གྱིས་སེམས་དཔའ་རྡོ་རྗེ་ཅན་
གྱིས་སངས་རྒྱས་ཉིད་བརྗོད་པར་བྱའོ། །འདི་ཁྱོད་དམ་ཚིག་རྡོ་རྗེ་སྟེ། །རྡོ་རྗེ་སེམས་དཔར་ཤེས་པར་བྱ། །རྡོ་རྗེ་ཡེ་ཤེས་བླ་མེད་པ། །འདི་ཉིད་ཀྱང་ནི་འབབ་པར་ཤོག །ཨོཾ་བཛྲཱ་བེ་ཤ་ཨཿཞེས་པས་ངེས་པར་དབབ་པར་བྱའོ། །དེ་ནས་རྡོ་རྗེ་སློབ་དཔོན་གྱིས་

62-1-311a

རྡོ་རྗེ་སེམས་དཔའི་དམ་ཚིག་གི་ཕྱག་རྒྱ་བཅིངས་ཏེ། ཧེ་བཛྲ་སཏྭ། ཧེ་བཛྲ་རཏྣ། ཧེ་བཛྲ་དྷརྨ། ཧེ་བཛྲ་ཀརྨྨ་ཞེས་བརྗོད་པར་བྱའོ། །དེ་བཞིན་དུ་དཔལ་རྡོ་རྗེ་སེམས་དཔའ་ལ་སོགས་པ་གདན་དྲང་བར་བྱའོ། །དེ་ནས་རྡོ་རྗེ་ཆོས་ཀྱི་སྐུར་སློབ་མ་བསྒོམས་ཏེ། དེའི་ལྕེ་
ལ་ཨ་ཡིག་དམར་པོ་ལས་སྐྱེས་པའི་རྡོ་རྗེ་དམར་པོ་བསམ་པར་བྱ་ཞིང་རྡོ་རྗེ་ཞེས་བརྗོད་པར་བྱའོ། །དེ་བཞིན་དུ་བསྐུལ་བས་དགེ་བ་དང་མི་དགེ་བ་སྨྲ་བར་བྱེད་དོ། །དེ་ནས་དེ་ཡིས་བབས་པ་བརྟན་པར་བྱ་བའི་ཕྱིར་ཏིཥྛ་བཛྲ་ཞེས་བརྗོད་པར་བྱའོ། །དེ་ནས་བདེན་པའི་བྱིན་རླབས་
འདི་བྱའོ། །དགའ་བ་ཡི་ནི་དཀྱིལ་འཁོར་འདིར། །བདག་གི་སློབ་མ་ཞུགས་པ་ནི། །ལྷ་རྣམས་རིགས་ཀྱི་རིམ་པ་ནི། །བསོད་ནམས་ཅི་འདྲ་དེ་འདྲར་ཤོག །འདི་ཡི་དངོས་གྲུབ་ཅི་འདྲར་འགྱུར། །རིགས་ནི་གང་གི་སྣོད་དུ་རུང་། །བསོད་ནམས་མཐུ་ཡང་ཅི་འདྲ་བར། །དེ་ལྟར་
དཀྱིལ་འཁོར་འགྱུར་བར་ཤོག །ཅེས་བརྗོད་ནས། དེ་ནས་ཁྱོད་ཀྱི་མིག་སྔར་ཇི་ལྟར་སྣང་ཞེས་དྲི་བར་བྱའོ། །དེས་སྨྲས་པ་ལས་དཀར་པོ་དང་སེར་པོ་དང་དམར་པོ་དང་ནག་པོ་དང་ལྗང་གུ་རྣམས་ཀྱི་འོད་ཀྱི་དཀྱིལ་འཁོར་སྣང་བ་ལས། ཞི་བ་དང་རྒྱས་པ་དང་དབང་དང་མངོན་
སྤྱོད་དང་དངོས་གྲུབ་ཐམས་ཅད་ཀྱི་སྐལ་བ་གོ་རིམས་བཞིན་དུ་བསྟན་པར་བྱའོ། །དེ་ནས་མེ་ཏོག་གི་ཕྲེང་བ་བཟུང་ནས་འཕང་བར་བྱའོ། །པྲ་ཏཱིཙྪ་བཛྲ་ཧོཿཞེས་བརྗོད་པར་བྱའོ། །དེ་ནས་དེས་འཕངས་པའི་མེ་ཏོག་གི་ཕྲེང་བ་དེའི་མགོ་ལ་བཅིང་བར་བྱའོ། །ཨོཾ་པྲ་ཏི་
གྲྀཧྣ་ཏྭ་མི་མཾ་སཏྭ་མ་ཧཱ་བ་ལ་ཞེས་སོ། །དེ་ནས་སློབ་མའི་མིག་དག་ལ་ཨོཾ་ཡིག་འབར་བ་དང་བཅས་པ་བསམས་ཏེ་གདོང་གཡོགས་བསལ་བར་བྱའོ། །ཨོཾ་དེ་རིང་རྡོ་རྗེ་སེམས་དཔའ་རང་། །ཁྱེད་ཀྱི་མིག་ནི་དབྱེ་བར་མཛད། །རྡོ་རྗེའི་མིག་ནི་བླ་མེད་པ། །ཐམས་
ཅད་མིག་ནི་འབྱེད་པར་མཛད། །ཅེས་པས་གདོང་གཡོགས་བསལ་བར་བྱའོ། །ཀྱེའི་རྡོ་རྗེ་ལྟོས་ཤིག་ཅེས་བརྗོད་ནས་སོ་སོའི་ཞིང་དཀྱིལ་འཁོར་ཆེན་པོའི་རྡོ་རྗེ་ལྕགས་ཀྱུ་ལ་སོགས་པ་ནས་བརྩམས་ཏེ་རྣམ་པར་སྣང་མཛད་ཆེན་པོའི་མཐར་ཐུག་པར་བསྟན་

62-1-311b

པར་བྱའོ། །དེ་ལ་ལྷ་རྣམས་ཀྱི་མཚན་མའི་དམ་ཚིག་ལ་ཡང་དད་པ་དང་དང་བས་མེ་ཏོག་གི་ཕྲེང་བ་ཕོག་པ་དེའི་རྣལ་འབྱོར་ཡང་སྦྱིན་པར་བྱའོ། །ཡང་ན་སློབ་མའི་སྐལ་བ་གང་ཡོད་པ་དེའི་རྣལ་འབྱོར་སྦྱིན་པར་བྱའོ་ཞེས་པ་ནི་སློབ་མ་གཞུག་པའི་ཆོ་གའོ། །དེ་ནས་ཤར་གྱི་སྒོ་ལ་སོགས་པ་རྣམས་
སུ་དཀྱིལ་འཁོར་ལ་ཡང་ཕྱག་བཙལ་བར་བྱའོ། །དེ་ནས་ཤར་གྱི་སྒོར་རང་གི་ཐུགས་ཀར་མེ་ཏོག་གི་སྙིམ་པ་སྦྱར་ལ་ལུས་ཀྱིས་ཕྱག་བཙལ་བར་བྱ་སྟེ། ཨོཾ་སརྦ་ཏ་ཐཱ་ག་ཏ་ཀཱ་ཡ་བཱཀ་ཙིཏྟ་པྲ་ཎ་མེ་ཎ་བཛྲ་བནྡྷ་ནཾ་ཀ་རོ་མི་སརྦ་ཏ་ཐཱ་ག་ཏཱཥྩཱ་དྷི་ཏིཥྛ་སྭཱ་མཱཾ། ཨོཾ་སརྦ་ཏ་ཐཱ་ག་ཏ་པཱུ་ཛོ་པསྠ་ནཱ་
ཡཱཏྨ་ནཱཾ་ནིརླཱ་ཏ་ཡཱ་མི་སརྦ་ཏ་ཐཱ་ག་ཏ་བཛྲ་སཏྭཱ་དྷི་ཏིཥྛ་མཱཾ། ལྷོའི་སྒོར་རྡོ་རྗེ་ཐལ་མོ་སྙིང་གར་སྦྱར་ནས་དཔྲལ་བ་ས་ལ་བཏུད་དེ། ཨོཾ་སརྦ་ཏ་ཐཱ་ག་ཏ་པཱུ་ཛཱ་བྷི་ཥི་ཀ་ཡཱཏྨ་ནཱཾ་ནིརྱཱ་ཏ་ཡཱ་མི། སརྦ་ཏ་ཐཱ་ག་ཏ་བཛྲ་རཏྣཱ་བྷི་ཥིཉྩ་མཱཾ། དེ་ནས་རྡོ་རྗེའི་ཐལ་མོ་སྤྱི་བོར་བཟུང་ནས་ཞལ་ས་ལ་
བཏུད་དེ་ནུབ་ཀྱི་སྒོ་ནས། ཨོཾ་སརྦ་ཏ་ཐཱ་ག་ཏ་པཱུ་ཛཱ་པྲ་བརྟན་ཡཱཏྨ་ནཱཾ་ནིརྱཱ་ཏ་ཡཱ་མི། སརྦ་ཏ་ཐཱ་ག་ཏ་བཛྲ་དྷརྨ་པྲ་བརྟ་ཡ་མཱི། དེ་བཞིན་དུ་བྱང་དུ་མགོ་སྙིང་གར་བཏུད་ནས་ཐལ་མོ་སྦྱར་ཏེ་ས་ལ་རེག་ནས་ཕྱག་བཙལ་བར་བྱའོ། །ཨོཾ་སརྦ་ཏ་ཐཱ་ག་ཏ་པཱུ་ཛ་ཀརྨ་ཎི་ཨཱཏྨ་ནཱཾ་ནིརྱཱ་ཏ་ཡཱ་
མི། སརྦ་ཏ་ཐཱ་ག་ཏ་བཛྲ་ཀརྨ་ཀུ་རུ་སྭ་མཱཾ། ཞེས་བརྗོད་ནས་ཕྱག་ལྔ་བཙལ་བར་བྱའོ། །དེའི་ཚེ་ཡང་སློབ་དཔོན་གྱིས་དེ་བཞིན་གཤེགས་པ་དེ་རྣམས་ཀྱི་དེ་བཞིན་ཉིད་དུ་བྱིན་གྱིས་རློབ་པར་བསྒོམ་པར་བྱའོ། །ད་ནི་དད་པ་རབ་ཏུ་བསྐྱེད། །དཀྱིལ་འཁོར་འདི་དེ་ཉིད་ལ་
ལྟོས། །ཁྱོད་ནི་སངས་རྒྱས་རིགས་སུ་སྐྱེས། །སྔགས་དང་ཕྱག་རྒྱས་བྱིན་གྱིས་བརླབས། །ཕུན་སུམ་ཚོགས་ཀུན་མངོན་གྱུར་ཏེ། །ཁྱོད་ཀྱི་དངོས་གྲུབ་སྦྱོར་ཉིད་ཀྱང་། །དམ་ཚིག་བསྲུང་བས་དངོས་གྲུབ་འགྱུར། །སྔགས་རྣམས་ལ་ཡང་བརྩོན་པར་གྱིས། །
དེ་ནས་པུས་མོའི་ལྷ་ང་ས་ལ་བཙུགས་ཏེ་སྡིག་པ་སོ་སོ་ཡང་བཤགས་པར་བྱའོ། །ཕྱོགས་བཅུ་ན་བཞུགས་པའི་སངས་རྒྱས་དང་བྱང་ཆུབ་སེམས་དཔའ་ཐམས་ཅད་བདག་ལ་དགོངས་སུ་གསོལ། རྡོ་རྗེ་དང་ནོར་བུ་དང་པདྨ་དང་ལས་ཀྱི་རིགས་ལ་ཞུགས་པའི་དེ་

62-1-312a

བཞིན་གཤེགས་པ་ཐམས་ཅད་ཀྱི་ཡང་ཕྱག་རྒྱ་དང་གསང་སྔགས་དང་རིག་སྔགས་དང་ལྷ་རྣམས་ཐམས་ཅད་ཕྱོགས་བཅུའི་སངས་རྒྱས་དང་བྱང་ཆུབ་སེམས་དཔའ་ཐམས་ཅད་བདག་མིང་འདི་ཞེས་བགྱི་བ་མདུན་དུ་བགྱིས་ནས། རྡོ་རྗེ་དང་། ནོར་བུ་
དང་། པདྨ་དང་། ལས་ཀྱི་རིགས་ལ་ཞུགས་པའི་དེ་བཞིན་གཤེགས་པ་ཐམས་ཅད་ཀྱི་ཕྱག་རྒྱ་དང་གསང་སྔགས་དང་རིག་སྔགས་དང་ལྷ་ཐམས་ཅད་ཀྱི་མདུན་དུ་སྡིག་པ་ཐམས་ཅད་བདག་གིས་སོ་སོར་བཤགས་པར་བགྱིའོ། །ཕྱོགས་བཅུ་མཐའ་ཡས་པའི་འདས་པ་དང་། 
མ་བྱོན་པ་དང་ད་ལྟར་གྱི་སངས་རྒྱས་དང་བྱང་ཆུབ་སེམས་དཔའ་ཐམས་ཅད་དང་། འཕགས་པ་ཉན་ཐོས་དང་རང་སངས་རྒྱས་དང་ཡང་དག་པར་སོང་བ་དང་ཡང་དག་པར་ཞུགས་པ་རྣམས་དང་། སེམས་ཅན་གྱི་ཚོགས་ཐམས་ཅད་ཀྱི་དགེ་བ་ཐམས་ཅད་ལ་ཡང་རྗེས་སུ་ཡི་རང་
ངོ་། །ཕྱོགས་བཅུ་ན་བཞུགས་པའི་སངས་རྒྱས་བཅོམ་ལྡན་འདས་ཐམས་ཅད་ལ་ཆོས་ཀྱི་འཁོར་ལོ་བསྐོར་བར་བསྐུལ་མ་འདེབས་སོ། །ཕྱོགས་བཅུའི་སངས་རྒྱས་བཅོམ་ལྡན་འདས་སྐུ་ཡོངས་སུ་མྱ་ངན་ལས་འདའ་བར་བཞེད་པ་ཐམས་ཅད་ལ་མྱ་ངན་ལས་མི་འདའ་བར་
གསོལ་བ་འདེབས་སོ་ཞེས་པ་ནི་སྡིག་པ་བཤགས་པ་ལ་སོགས་པའོ། །སངས་རྒྱས་དང་བྱང་ཆུབ་སེམས་དཔའ་ཐམས་ཅད་ལ་རྣམ་པ་ཐམས་ཅད་དུ་བདག་ཉིད་དབུལ་ལོ། །དུས་ཐམས་ཅད་དུ་བདག་སོ་སོ་ནས་གཟུང་དུ་གསོལ། མགོན་པོ་ཐུགས་རྗེ་ཆེན་པོ་རྣམས་ཀྱིས་དམ་ཚིག་ཆེན་པོའི་
དངོས་གྲུབ་རྣམས་བདག་ལ་སྩལ་དུ་གསོལ་ལོ། །དགེ་བའི་རྩ་བ་དེ་ཡང་སེམས་ཅན་ཐམས་ཅད་དང་ཐུན་མོང་དུ་བྱས་ཏེ། དགེ་བའི་རྩ་བ་འདིས་སེམས་ཅན་ཐམས་ཅད་ཀྱི་འཇིག་རྟེན་དང་འཇིག་རྟེན་ལས་འདས་པའི་མི་མཐུན་པའི་ཕྱོགས་ཐམས་ཅད་དང་བྲལ་བར་གྱུར་ཅིག །འཇིག་རྟེན་དང་
འཇིག་རྟེན་ལས་འདས་པའི་ཕུན་སུམ་ཚོགས་པ་ཐམས་ཅད་དང་ལྡན་པས་བདེ་བ་དང་བཅས་ཤིང་བདེ་བ་དང་བཅས་པའི་ཡིད་ཀྱིས་མིའི་མཆོག་སངས་རྒྱས་བཅོམ་ལྡན་འདས་སུ་གྱུར་ཅིག །བདག་ཀྱང་དགེ་བའི་རྩ་བ་འདི་ཡི་མྱུར་དུ་སངས་རྒྱས་ནས་འགྲོ་བ་རྣམས་ལ་ཕན་པའི་ཕྱིར་འཇིག་

62-1-312b

རྟེན་དུ་ཆོས་སྟོན་པར་གྱུར་ནས་སྡུག་བསྔལ་མང་པོས་མནར་བའི་སེམས་ཅན་རྣམས་སྒྲོལ་བར་གྱུར་ཅིག །བླ་མེད་ཡང་དག་རྫོགས་པ་ཡི། །བྱང་ཆུབ་ཏུ་ནི་བསྔོ་བར་བགྱི། །བདག་ཉིད་དབུལ་བ་ལ་སོགས་པའོ། །ཇི་ལྟར་དུས་གསུམ་མགོན་པོ་རྣམས། །བྱང་ཆུབ་ཏུ་ནི་ངེས་མཛད་པའི། །བྱང་
ཆུབ་སེམས་ནི་བླ་ན་མེད། །དམ་པ་བདག་གིས་བསྐྱེད་པར་བགྱི། །བསླབ་པ་རྣམ་གསུམ་ཚུལ་ཁྲིམས་དང་། །དགེ་བའི་ཆོས་ནི་སྡུད་པ་དང་། །སེམས་ཅན་དོན་བྱེད་ཚུལ་ཁྲིམས་རྣམས། །བདག་གིས་སོ་སོར་བརྟན་པར་གཟུང་། །སངས་རྒྱས་ཆོས་དང་དགེ་འདུན་ཏེ། །དཀོན་མཆོག་
གསུམ་མཆོག་བླ་ན་མེད། །སྡོམ་པ་སངས་རྒྱས་རྣལ་འབྱོར་འབྱུང་། །དེང་ནས་བརྩམས་ཏེ་བདག་གིས་གཟུང་། །རྡོ་རྗེ་རིགས་མཆོག་ཆེན་པོ་ལ། །རྡོ་རྗེ་དྲིལ་བུ་ཕྱག་རྒྱ་ཡང་། །དེ་ཉིད་བདག་གིས་སོ་སོར་གཟུང་། །སློབ་དཔོན་དག་ཀྱང་བདག་གིས་གཟུང་། །རིན་ཆེན་རིགས་མཆོག་ཆེན་
པོ་ཡི། །དམ་ཚིག་ཡིད་དུ་འོང་བ་ལ། །ཉིན་རེ་ཉིན་རེར་དུས་དྲུག་ཏུ། །སྦྱིན་པ་རྣམ་བཞི་བདག་གིས་སྦྱིན། །པདྨའི་རིགས་ཆེན་དག་པ་ལ། །བྱང་ཆུབ་ཆེན་པོ་ལས་བྱུང་བའི། །ཕྱི་དང་གསང་བ་ཐེག་པ་གསུམ། །དམ་ཆོས་བདག་གིས་སོ་སོར་གཟུང་། །ལས་ཀྱི་རིགས་མཆོག་ཆེན་པོ་ལ། །སྡོམ་པ་
ཐམས་ཅད་ཡང་དག་ལྡན། །དེ་ཉིད་སོ་སོར་བདག་གིས་གཟུང་། །མཆོད་པའི་ལས་ཀྱང་ཅི་ནུས་བགྱི། །སེམས་ཅན་ཀུན་གྱི་དོན་གྱི་ཕྱིར། །བྱང་ཆུབ་སེམས་དཔའ་བླ་མེད་པ། །དམ་པ་བདག་གིས་བསྐྱེད་བགྱི་ཞིང་། །སྡོམ་པ་མ་ལུས་བཟུང་བགྱིས་ནས། །མ་བརྒལ་བ་རྣམས་བདག་གིས་བསྒྲལ། །མ་གྲོལ་བ་རྣམས་
བདག་གིས་དགྲོལ། །དབུགས་མ་ཕྱིན་པ་དབུགས་དབྱུང་ཞིང་། །སེམས་ཅན་མྱ་ངན་འདས་ལ་དགོད། །ཅེས་པའི་སྡོམ་པ་བཟུང་བ་སློབ་མས་བརྗོད་པར་བྱའོ། །དེ་ནས་སློབ་མས་འདི་ཉིད་ཀྱིས་གསོལ་བ་གདབ་པར་བྱ་སྟེ། མགོན་པོ་འཁོར་ལོ་ལྷ་དག་གིས། །དེ་ཉིད་སློབ་དཔོན་ལས་རྣམས་དང་། །འཁོར་ལོ་ཕྱིར་མི་ལྡོག་པའི་དབང་། །
དམ་པ་བདག་ལ་སྩལ་དུ་གསོལ། །དེ་ནས་སློབ་མ་མི་བསྐྱོད་པའི་སྐུར་བསྒོམས་ནས་རྡོ་རྗེ་གནས་པའི་བུམ་པ་རྣམས་སེམས་མ་རྡོ་རྗེ་ལ་སོགས་པ་འཛིན་པ་ལྷག་པར་གྲོལ་བ་རྡོ་རྗེ་ཁུ་ཚུར་གྱིས་ཆུའི་དབང་བསྐུར་བ་འདིས་འཛིན་པ་ལས། དབང་བསྐུར་བ་ནི་རྡོ་རྗེ་ཆེ། །ཁམས་གསུམ་ཀུན་གྱིས་ཕྱག་བྱས་པ། །སངས་རྒྱས་ཀུན་

62-1-313a

གྱི་གསང་གསུམ་གྱི། །གནས་ལས་བྱུང་བ་སྦྱིན་པར་བྱ། །ཨོཾ་བཛྲཱ་བྷི་ཥིཉྩ་ཧཱུཾ་ཞེས་པས་ཆུའི་དབང་བསྐུར་བ་ནི་མེ་ལོང་ལྟ་བུའི་ཡེ་ཤེས་སོ། །དེ་ནས་རིན་ཆེན་འབྱུང་ལྡན་གྱི་སྐུར་བསྒོམས་ནས། ཨོཾ་སརྦ་བུདྡྷ་ཙཱུ་ཌ་མ་ཎི་མ་ཧཱ་མུ་ཀུ་ཊ་ཏྲཱཾ། རྡོ་རྗེ་དབྱིངས་ཀྱི་དབང་ཕྱུག་མས་
བཟུང་བའི་བུམ་པའི་ཆུས། ཨོཾ་བཛྲ་དྷཱ་ཏྭི་ཤྭ་རི་བཛྲི་ཎི་ཨ་བྷི་ཥིཉྩ་ཧཱུཾ། སྤྱི་གཙུག་ཏུ་རྣམ་པར་སྣང་མཛད་སྐུ་མདོག་དཀར་པོ་བྱང་ཆུབ་མཆོག་གི་ཕྱག་རྒྱས་བཞུགས་པར་བསམ་པར་བྱའོ། །ཨོཾ་བཛྲ་བཛྲི་ཎི་ཧཱུཾ། དཔྲལ་བའི་སྟེང་དུ་མི་བསྐྱོད་པ་སྐུ་མདོག་མཐིང་ག་ས་གནོན་གྱི་ཕྱག་རྒྱས་བཞུགས་
པའོ། །ཨོཾ་རཏྣ་བཛྲ་ཎི་ཏྲཾ་རྣ་བ་གཡས་པའི་སྟེང་དུ་རིན་ཆེན་འབྱུང་ལྡན་སྐུ་མདོག་སེར་པོ་མཆོག་སྦྱིན་གྱི་ཕྱག་རྒྱས་བཞུགས་པའོ། །ཨོཾ་དྷརྨ་བཛྲི་ཎི་ཧྲཱིཿ། མགོ་བོའི་རྒྱབ་ཏུ་འོད་དཔག་མེད་སྐུ་མདོག་དམར་པོ་ཏིང་ངེ་འཛིན་གྱི་ཕྱག་རྒྱས་བཞུགས་པའོ། །ཨོཾ་ཀརྨྨ་བཛྲི་ཎི་ཨཿ། རྣ་བ་
གཡོན་པའི་སྟེང་དུ་དོན་ཡོད་གྲུབ་པ་སྐུ་མདོག་ལྗང་གུ་མི་འཇིགས་པའི་ཕྱག་རྒྱས་བཞུགས་པར་བསམ་པར་བྱའོ་ཞེས་པ་ནི། དབུ་རྒྱན་གྱི་དབང་བསྐུར་པ་སྟེ་མཉམ་པ་ཉིད་ཀྱི་ཡེ་ཤེས་སོ། །སློབ་མ་འོད་དཔག་ཏུ་མེད་པའི་སྐུར་བསམས་ནས། སངས་རྒྱས་ཀུན་གྱི་རྡོ་རྗེ་ཡིས། །བདག་
གིས་དེ་རིང་ཁྱོད་དབང་བསྐུར། །དེ་འདིར་སངས་རྒྱས་ཐམས་ཅད་ཀྱིས། །རྡོ་རྗེ་རབ་ཏུ་གྲུབ་ཕྱིར་ཟུངས། །ཐུགས་ཀའི་དང་པོར་རྡོ་རྗེས་རེག་ནས་ལག་ཏུ་སྦྱིན་པར་བྱའོ་ཞེས་པ་ནི་རྡོ་རྗེའི་དབང་བསྐུར་བ་སྟེ་སོ་སོར་རྟོག་པའི་ཡེ་ཤེས་སོ། །སློབ་མ་དོན་ཡོད་གྲུབ་པའི་སྐུར་བསམས་
ནས། ཨོཾ་བཛྲཱ་དྷི་པ་ཏི་སྟྭཾ་ཨ་བྷི་ཥིཉྩ་མཱི་ཏིཥྛ་བཛྲ་ས་མ་ཡ་སྟྭཾ། ཞེས་སོ། །ལག་པ་གཡོན་པར་དྲིལ་བུ་སྦྱིན་པར་བྱའོ་ཞེས་པ་ནི་དྲིལ་བུའི་དབང་བསྐུར་བ་སྟེ་བྱ་བ་གྲུབ་པའི་ཡེ་ཤེས་སོ། །སློབ་མ་རྣམ་པར་སྣང་མཛད་དུ་བསམས་ནས། ཨོཾ་བཛྲ་སཏྭ་སྟྭཾ་ཨ་བྷི་ཥིཉྩ་མི་བཛྲ་
ནཱ་མཱ་བྷི་ཥེ་ཀ་ཏཿ། ཀྱེ་དཔལ་རྡོ་རྗེ་ཆེ་གེ་མོ་ཞེས་བྱ་བའི་དེ་བཞིན་གཤེགས་པ་ས་འོག་ས་སྟེངས་མཐོ་རིས་རྣམས་སོ། །ཨོཾ་མགོ་བོར་རྡོ་རྗེ་དང་དྲིལ་བུ་གཟུང་བར་བྱའོ་ཞེས་པ་ནི་མིང་གི་དབང་བསྐུར་བ་སྟེ། ཆོས་ཀྱི་དབྱིངས་རྣམ་པར་དག་པའི་ཡེ་ཤེས་སོ། །དབང་ལྔ་བསྐུར་

62-1-313b

བས་སྔགས་ཀྱི་རྒྱུད་ཉན་པ་དང་བཤད་པ་ལ་དབང་བར་འགྱུར་རོ། །དབང་ལྔ་པོ་འདི་ཉིད་ལ་རིག་མའི་དབང་ཞེས་བརྗོད་པར་བྱ་སྟེ། ཐམས་ཅད་དུ་རྡོ་རྗེ་སེམས་མ་ལ་སོགས་པའི་ལྷ་མོ་རྣམས་ཀྱི་བྱ་བ་ཡིན་པའི་ཕྱིར་རོ། །སླར་ཡང་རྡོ་རྗེ་སློབ་དཔོན་གྱི་དབང་གི་དོན་དུ་གསོལ་བ་གདབ་པར་
བྱ་སྟེ། གང་གིས་བདག་ནི་ཁྱོད་དྲིན་ལས། །རང་དང་གཞན་དོན་གྱུར་པ་ཡི། །རྡོ་རྗེ་སློབ་དཔོན་གྱི་ནི་དབང་། །རྡོ་རྗེའི་གཏེར་གྱིས་བདག་ལ་སྩོལ། །སློབ་མ་ལ་རྒྱན་ཐམས་ཅད་ཀྱིས་རྣམ་པར་བརྒྱན་པར་བསྒོམས་ཏེ། ཧཱུཾ་ཛ་བཛྲཾ། དེང་འདིར་སངས་རྒྱས་ཐམས་ཅད་
ཉིད། །རྡོ་རྗེ་སེམས་དཔའི་ཕྱག་ན་གནས། །ཕྱག་ན་རྡོ་རྗེའི་བརྟུལ་ཞུགས་བརྟན། །ཁྱོད་ཀྱིས་ཀྱང་ནི་རྟག་ཏུ་ཟུངས། །ཐོག་མཐའ་མེད་པའི་སེམས་དཔའ་ནི། །རྡོ་རྗེ་སེམས་དཔའ་བདེ་བ་ཆེ། །ཀུན་དུ་བཟང་པོ་ཀུན་བདག་ཉིད། །རྡོ་རྗེ་སྙེམས་མ་བདག་པོའི་བདག །
བཅོམ་ལྡན་འདས་དང་པོའི་མཆོག་གི་སྐྱེས་བུའོ། །ཨ་ཡིག་ལས་སྐྱེས་པའི་དྲིལ་བུ་ནི། ཨོཾ་སརྦ་ཏ་ཐཱ་ག་ཏ་སིདྡྷི་བཛྲ་ས་མ་ཡ་ཏིཥྛ་ཨེ་ཥ་སྟྭཾ་དྷ་ར་ཡཱ་མི་བཛྲ་སཏྭ་ཧྲཱིཿཧི་ཧི་ཧི་ཧི་ཧཱུཾ། ཞེས་བརྗོད་ནས་སློབ་མས་དྲིལ་བུ་གཟུང་བར་བྱའོ། །དེ་རིང་སངས་རྒྱས་ཐམས་ཅད་ཀྱི། །
ཤེས་རབ་དབྱངས་ཀྱི་རྗེས་འགྲོར་ཤེས། །བྱང་ཆུབ་མཆོག་ཏུ་རྒྱལ་བས་བཞེད། །ཁྱོད་ཀྱིས་ཀྱང་ནི་རྟག་ཏུ་ཟུངས། །སྲིད་པ་ངོ་བོ་ཉིད་ཀྱིས་དག །ངོ་བོ་ཉིད་ཀྱིས་སྲིད་འགལ་བྱས། །རང་བཞིན་དག་མཆོག་སེམས་དཔའ་ཡིས། །དམ་པ་ཡི་ནི་སྲིད་པར་བྱ། །ཞེས་
པ་ནི་རྡོ་རྗེའི་བརྟུལ་ཞུགས་སྦྱིན་པའོ། །དབང་བསྐུར་བ་ནི་རྡོ་རྗེ་ཆེ། །ཁམས་གསུམ་ཀུན་གྱིས་ཕྱག་བྱས་པ། །སངས་རྒྱས་ཀུན་གྱི་གསང་གསུམ་གྱི། །གནས་ལས་བྱུང་བ་སྦྱིན་པར་བྱ། །འཁྱུད་པའི་ཚུལ་དུ་འོ་བྱའོ། །པདྨ་དཀྱིལ་འཁོར་ཞེས་སུ་བརྗོད། །ཡིད་ཀྱི་
དཀྱིལ་འཁོར་མཆོག་ཏུ་ནི། །ཡེ་ཤེས་གཞལ་ཡས་ཁང་པ་ཞེས། །ཐུགས་ནི་ཡང་དག་མཐོང་བར་བརྩེགས། །ཕུང་པོ་ལྔ་རྣམས་བསྡུས་པ་ཡིས། །སངས་རྒྱས་ལྔ་རྣམས་རབ་ཏུ་གྲགས། །ཞེས་པ་ནི་དཀྱིལ་འཁོར་གྱི་དེ་ཉིད་དོ། །དེ་ནས་ཆོས་ཀྱི་འཁོར་ལོ་

62-1-314a

རྐང་པ་དག་གི་དབུས་སུ་བཞག་ནས་ལག་པ་གཡས་སུ་དུང་བྱིན་ནས་འདི་ཉིད་བརྗོད་པར་བྱ་སྟེ། དེང་ནས་བརྩམས་ཏེ་ལྷན་ཅིག་པའོ། །སེམས་ནི་བསྐྱེད་པ་ཙམ་གྱིས་ནི། །དེ་རིང་ཕན་ཆད་འཇིག་རྟེན་ལ། །ཆོས་ཀྱི་འཁོར་ལོ་བླ་མེད་པ། །ཀུན་ནས་ཡོངས་སུ་
བཀང་ནས་ནི། །ཆོས་ཀྱི་འཁོར་ལོ་བསྐོར་བར་གྱིས། །སྐྱོ་མེད་དོགས་དང་བྲལ་བ་ཡིས། །དེ་ལྟར་སེམས་ཅན་དོན་གྱིས་ཤིག །གསང་སྔགས་སྤྱོད་ཚུལ་ཆོ་ག་ནི། །འཇིག་རྟེན་དུ་ནི་རྟག་ཏུ་སྟོན། །དེ་ཉིད། བྱས་གཟོ་སངས་རྒྱས་ཐམས་ཅད་ཀྱིས། །ཉེ་བར་ཕན་པ་
ཉིད་དུ་གསུངས། །རྡོ་རྗེ་འཛིན་པ་དེ་རྣམས་ཀྱིས། །ཁྱེད་ཀྱང་ཀུན་ནས་ཀུན་དུ་གསུངས། །སླར་ཡང་སློབ་མ་རྣམ་པར་སྣང་མཛད་ཀྱི་སྐུར་བསམས་ནས། སེམས་ཅན་ཀུན་ལ་ཕན་དོན་ཕྱིར། །འཇིག་རྟེན་ཀུན་དུ་ཐམས་ཅད་ནས། །ཇི་ལྟར་གདུལ་བྱ་སྣ་ཚོགས་ལ། །ཆོས་
ཀྱི་འཁོར་ལོ་བསྐོར་བར་གྱིས། །དེ་བཞིན་དུ་སློབ་མ་མི་བསྐྱོད་པའི་སྐུར་བསམས་ནས། གོ་རིམས་ཇི་ལྟ་བ་བཞིན་དུ་རྡོ་རྗེའི་འཁོར་ལོ་དང་། རིན་པོ་ཆེའི་འཁོར་ལོ་དང་། པདྨའི་འཁོར་ལོ་དང་སྣ་ཚོགས་འཁོར་ལོ་རབ་ཏུ་བསྐོར་ཞེས་བརྗོད་པའི་ཚིགས་སུ་བཅད་པ་ལྔས་སློབ་
མ་ལ་རྗེས་སུ་གནང་བ་སྦྱིན་པར་བྱའོ། །དེ་ལས་བྱུང་བ་གང་གྱུར་ཀུན། །སངས་རྒྱས་ཀུན་དངོས་བདག་ཉིད་པས། །རྡོ་རྗེ་མིང་གི་དབང་བསྐུར་བའི། །དེ་བཞིན་གཤེགས་པས་ལུང་བསྟན་བྱ། །སྲིད་པའི་ངན་འགྲོ་ལས་བཏོན་ནས། །སྲིད་པ་ཤིན་ཏུ་ཞི་བྱའི་ཕྱིར། །རྡོ་
རྗེ་སེམས་དཔའ་དེ་བཞིན་གཤེགས། །བདག་གིས་ཁྱེད་འདིར་ལུང་བསྟན་བགྱི། །ཀྱེའི་རྡོ་རྗེ་ཆེ་གེ་མོ་ཞེས་བྱ་བའི་དེ་བཞིན་གཤེགས་པས་ཁྱོད་ཀྱི་དམ་ཚིག་འགྲུབ་སྟེ། ཨོཾ་བྷུར་བྷུ་བ་སྭཿ། དེ་ལ་འདིར་དེ་བཞིན་གཤེགས་པའི་སྤྱོད་ལམ་གྱི་ཚུལ་དུ་བྱས་ནས་ཆོས་གོས་ཀྱི་གྲྭ་
བཟུང་བའི་ཁུ་ཚུར་གཡོན་པ་སྙིང་གར་བྱས་ཤིང་གཡས་པ་མི་འཇིགས་པའི་ཕྱག་རྒྱ་བྱའོ། །དེ་ནས་ཡང་དེ་ཉིད་སློབ་མ་རྣམས་ལ་བསྟན་པར་བྱའོ། །གང་འདི་དག་ལས་བྱུང་བའི་ཕྱག་རྒྱ་ཆེན་པོ་མཆོག་ཏུ་གསང་བའི་རྣམ་པ་ལ་ལུང་བསྟན་པར་བྱའོ། །དེའི་རྡོ་རྗེ་སེམས་དཔའ་

62-1-314b

ལ་སོགས་པ་དེ་བཞིན་གཤེགས་པ་ཐམས་ཅད་རྣམས་ཏེ་དེ་ནི་རྡོ་རྗེ་འཛིན་པ་དང་དེ་ནི་བྱང་ཆུབ་སེམས་དཔའ་ཆེན་པོའི་འཁོར་གྱི་དཀྱིལ་འཁོར་དང་། དེ་བཞིན་གཤེགས་པ་ཐམས་ཅད་ཀྱི་དཀྱིལ་འཁོར་རྣམས་ལ། དམ་ཚིག་གིས་སློབ་དཔོན་མཚུངས་པར་མགྲིན་གཅིག་ཏུ་བླ་ན་
མེད་པ་ཡང་དག་པར་རྫོགས་པའི་བྱང་ཆུབ་ཏུ་ལུང་བསྟན་པར་བྱའོ། །འདི་ལྟར་འདི་ཉིད་ལས་བྱུང་བའི་ཕྱག་རྒྱ་ཆེན་པོ་མཆོག་ཏུ་གསང་བ་མཆོག་གི་དངོས་གྲུབ་ཀྱི་གནས་འདི་ཡང་སྔགས་ཀྱི་སྟོབས་ཀྱིས་ཞེས་དེ་དད་པར་བྱའོ་ཞེས་པ་ནི་ལུང་བསྟན་པའོ། །དེ་ནས་དབུགས་
དབྱུང་བ་ནི་སྦྱིན་པར་བྱའོ། །ཨོཾ་མ་ཧཱ་ས་མ་ཡ་ཧ་ན་ཧ་ན་ཧཱུཾ་ཧཿ། མཆོག་ཏུ་གསང་བ་དམ་པ་ཡི། །དཀྱིལ་འཁོར་མཐོང་ཞིང་ཞུགས་པས་ན། །སྡིག་པ་ཀུན་ལས་རྣམ་པར་གྲོལ། །དེ་རིང་ཁྱེད་རྣམས་ལེགས་པར་གནས། །བདེ་ཆེན་ཐེག་པ་འདི་ལ་ནི། །ཕྱིན་ཆད་འཆི་བ་ཁྱེད་
ལ་མེད། །ཤིན་ཏུ་སྲིད་པ་གྲུབ་པའི་ཕྱིར། །སྲིད་པའི་སྡུག་བསྔལ་ལས་ཁྱེད་འདས། །རྡོ་རྗེ་དམ་པའི་ཕྱག་རྒྱ་དང་། །བྱང་ཆུབ་སེམས་ནི་སྤང་མི་བྱ། །གང་གིས་བསྐྱེད་པ་ཙམ་གྱིས་ནི། །སངས་རྒྱས་ཉིད་ནི་ཐེ་ཚོམ་མེད། །དམ་ཆོས་སྤང་བར་བྱ་བ་ནི། །ནམ་དུའང་
བྱ་བ་མ་ཡིན་ཏེ། །མི་ཤེས་པ་ལ་དེ་ནས་ནི། །རྨོངས་པས་མཉན་པར་བྱ་བའང་མིན། །རྡོ་རྗེ་དྲིལ་བུ་ཕྱག་རྒྱ་ཡང་། །ནམ་ཡང་སྤང་བར་མི་བྱའོ། །སངས་རྒྱས་ཀུན་དང་མཚུངས་པའི་ཕྱིར། །སློབ་དཔོན་འདི་ནི་སྨད་མི་བྱ། །རང་གི་བདག་ཉིད་མནར་གྱུར་པའི། །དཀའ་ཐུབ་བྱེ་བྲག་
ཡོངས་སུ་སྤངས། །མ་འོངས་རྫོགས་སངས་རྒྱས་འགྱུར་བའི། །ཇི་ལྟར་བདེ་བས་བདེ་འགྱུར་གཟུང་། །ད་ནི་སྔགས་དང་རྒྱུད་དག་གིས། །ཁྱོད་ཀྱི་དཀྱིལ་འཁོར་སློབ་དཔོན་གཟུང་། །སངས་རྒྱས་བྱང་ཆུབ་སེམས་དཔའ་དང་། །ལྷ་རྣམས་དག་ཀྱང་དགོངས་པར་
འགྱུར། །སེམས་ཅན་ཀུན་ལ་བརྩེ་དོན་དུ། །ཁྱོད་ཀྱི་དཀྱིལ་འཁོར་ཆོ་ག་བཞིན། །རབ་ཏུ་འབད་དེ་བྲི་བར་བྱ། །སྔགས་ལ་སྒྲུབ་པ་པོ་རྣམས་སྦྱོར། །ཞེས་པ་ནི་དབུགས་དབྱུང་བ་སྦྱིན་པའོ། །དེ་ལྟར་འཇུག་བཞིན་པ་ཕྱིར་མི་ལྡོག་པའི་དབང་བསྐུར་བ་ནི། དེ་ལ་

62-1-315a

འདིའི་རིམ་པ་ནི། བྱང་ཆུབ་རྡོ་རྗེ་སངས་རྒྱས་ལ། །ཞེས་པ་ལ་སོགས་པའི་ཚིགས་སུ་བཅད་པས་གསོལ་བ་གདབ་པར་བྱའོ། །ཕྱི་ནས་གདུགས་དང་། རྒྱལ་མཚན་དང་། བ་དན་དང་། འཁོར་ལོ་དང་། དུང་ལ་སོགས་པའི་ཉེར་སྤྱོད་རྣམས་ཚོགས་པར་གྱུར་ནས་ཤར་གྱི་སྒོར་སེང་
གེའི་ཁྲིའི་སྟེང་དུ་སློབ་མ་བླ་རེས་ཀྱི་འོག་ཏུ་བཞག་ལ་རྒྱན་ཐམས་ཅད་ཀྱིས་རྣམ་པར་བརྒྱན་ནས་རྣམ་པར་སྣང་མཛད་དུ་རྣམ་པར་བསྒོམ་སྟེ། དེའི་ངོ་བོ་ཁྲིའི་སྟེང་དུ་སྣ་ཚོགས་པདྨ་འདབ་མ་བརྒྱད་པ་ལ་གནས་ནས་རང་གི་ཡི་དམ་གྱི་ལྷའི་རྣལ་འབྱོར་གྱིས་ཡང་དག་པར་བཀོད་དེ་དམ་ཚིག་
སེམས་དཔའི་ཐུགས་ཀའི་སྟེང་ནས་འོད་ཟེར་བྱུང་ནས་དཀྱིལ་འཁོར་གྱི་འཁོར་ལོའི་རྣམ་པས་ནམ་མཁའ་ཁྱབ་པས་བུམ་པ་དང་། གདུགས་དང་། རྒྱལ་མཚན་དང་། བ་དན་ལ་སོགས་པ་གཟུང་བ་རྣམས་ཀྱིས་སློབ་མ་ལ་དབང་བསྐུར་བར་བསམ་པར་བྱའོ། །དབང་བསྐུར་བ་ནི་རྡོ་རྗེ་ཆེ། །
ཁམས་གསུམ་ཀུན་གྱིས་ཕྱག་བྱས་པ། །སངས་རྒྱས་ཀུན་གྱི་གསང་གསུམ་གྱི། །གནས་ལས་བྱུང་བ་སྦྱིན་པར་བྱ། །ཞེས་པའི་ཚིགས་སུ་བཅད་པ་སློབ་དཔོན་རང་ཉིད་ཀྱིས་བརྗོད་ནས་སློབ་མ་ལ་དབང་བསྐུར་བར་བྱའོ་ཞེས་པ་ནི་སློབ་དཔོན་གྱི་དབང་བསྐུར་བའོ། །བུམ་པའི་
དབང་གིས་ལུས་ཀྱི་དྲི་མ་རྣམ་པར་དག་ནས་བུམ་པའི་དབང་ཐོབ་པའི་སློབ་མས་གསང་བའི་དབང་ཞུ་བར་བྱ་སྟེ། ཁྱོད་ནི་སངས་རྒྱས་ཀུན་དང་རྡོ་རྗེ་སེམས་དཔའི་བདེ་སྒྲུབ་པ། །བྱང་ཆུབ་སེམས་དཔའ་དེ་བཞིན་གཤེགས་པའི་སྲས་དང་བཅས་རྣམས་ལ། ཀུན་ནས་ཆགས་ཕྱིར་རང་གི་བདེ་བ་ཡིད་འོང་
བདེ་ཆེན་གྱིས། །ཤིན་ཏུ་གདུང་བ་དུས་རིང་པོ་ལ་སྟོང་ཉིད་བསྒོམ་པ་ཡིས། །ཀུན་ནས་ཆགས་པའི་རྒྱུ་ཡིས་ནི། །དྲི་མེད་སྤྱོད་པ་ཀུན་དུ་བཟང་། །བྱང་ཆུབ་རྒྱུར་ནི་ཆགས་པ་ཡིས། །དམ་ཚིག་རྡོ་རྗེ་རྣམ་པར་དག །འདིས་གསོལ་བ་བཏབ་པའི་རྡོ་རྗེ་སློབ་དཔོན་བླ་མ་ཆེན་པོས་སློབ་
མ་ལ་དབང་བསྐུར་བར་བྱའོ། །རང་གི་ཕྱག་རྒྱ་སློབ་མས་དབུལ་བར་བྱ་སྟེ། ཡང་ན་གཞན་ཡང་ཇི་ལྟར་རྙེད་པའི་གཟུགས་དང་ལང་ཚོས་བརྒྱན་པ་རྙེད་ནས་རིགས་ལྔའི་ཆ་དང་ལྡན་པར་བྱས་ནས་དེའི་པདྨ་ཡང་དག་པར་སྦྱངས་ཏེ། རང་གི་རྡོ་རྗེའི་རང་བཞིན་གྱིས་བྱའོ། །ཕྱི་

62-1-315b

ནས་སྙོམས་པར་ཞུགས་ཏེ་བསྲུབ་ཅིང་སྲུབ་པའི་རིམ་པས་བདེ་བ་བཅིངས་ཏེ་སློབ་མ་ལ་བལྟས་ནས་མཚོན་པར་བྱ་སྟེ་མིང་མེད་དང་མཐེ་བོས་བྱང་ཆུབ་ཀྱི་སེམས་སློབ་མའི་ཁར་སྦྱིན་པར་བྱའོ་ཞེས་པ་གསང་བའི་དབང་བསྐུར་བའི་རིམ་པའོ།།      །།གསང་བའི་དབང་བསྐུར་བ་ཐོབ་ནས་རྡོ་རྗེའི་དག་རྣམ་
པར་སྦྱངས་པར་བྱས་ནས་སེམས་ཀྱི་རྡོ་རྗེ་སྦྱངས་པའི་ཕྱིར་གསོལ་བ་གདབ་པར་བྱའོ། །བྱང་ཆུབ་རྡོ་རྗེ་སངས་རྒྱས་ལ། །ཞེས་པ་ལ་སོགས་པའི་ཚིགས་སུ་བཅད་པས་སོ། །དེ་ནས་དེ་བཞིན་གཤེགས་པ་རྣམས་དཔང་པོར་མཛད་ནས་ལག་པ་དག་ཏུ་ལག་པ་སྦྱིན་པར་བྱའོ། །བླ་མ་རྡོ་རྗེ་
ཅན་གྱིས་ནི། །སློབ་མའི་མགོ་བོར་ལག་པ་སྦྱིན། །གཟུངས་མ་ཡིད་འོང་འདི་ཁྱོད་ཀྱིས། །བསྟེན་བྱར་སངས་རྒྱས་རྣམས་ཀྱིས་གསུངས། །རྡོ་རྗེ་འཁོར་ལོ་རིམ་སྦྱོར་བས། །བདེ་བ་དམ་པ་མྱོང་བར་གྱིས། །ཐབས་གཞན་གྱིས་ནི་སངས་རྒྱས་མིན། །དེ་ཕྱིར་རིག་མ་འདི་ནི་མཆོག །
ཆོས་ཀུན་གཉིས་སུ་མེད་པར་ནི། །གཉིས་སུ་མེད་པ་ཉིད་ཀྱིས་མཚོན། །དེ་དང་བྲལ་ན་རྟག་ཏུ་ཁྱོད། །འཁོར་བ་ཡི་ནི་བྱ་བར་འགྱུར། །འདི་དེ་སངས་རྒྱས་ཐམས་ཅད་ཀྱིས། །རིག་མའི་བརྟུལ་ཞུགས་བླ་ན་མེད། །རྨོངས་པ་གང་ཞིག་འདའ་བྱེད་པ། །དེ་ལ་མཆོག་གི་དངོས་
གྲུབ་མེད། །དྲི་ཆེན་དྲི་ཆུ་སོགས་ཟ་བ། །བུ་ཁྱོད་སྤྲོ་བར་བྱེད་དམ་ཅི། །དེ་བཞིན་ཁུ་ཁྲག་ཤ་རྣམས་དང་། །མི་མོ་ལ་གུས་དེ་བཞིན་གཞན། །བྷ་གའི་པདྨར་འོ་བྱེད་པའི། །བདེ་བ་ཇི་བཞིན་བུ་ཁྱོད་སྨྲོས། །ཐབས་ཀྱི་བརྗོད་པར་བྱ་བ་སྟེ། །ལྷ་མོའི་ཁུ་ཁྲག་སོགས་ཟ་
བར། །ཅི་ཡི་ཕྱིར་ན་བདག་མི་སྤྲོ། །མི་མོ་རྟག་ཏུ་གུས་པར་བྱ། །བྷ་གའི་འོ་ཡང་དེ་བཞིན་ནོ། །ཞེས་བརྗོད་པར་བྱའོ། །ཨེ་མ་བདག་གི་པདྨ་འདི། །བདེ་བ་ཐམས་ཅད་ཡང་དག་ལྡན། །གང་གི་ཆོ་གས་སྟེན་བྱེད་པ། །དེ་ཡི་མདུན་དུ་བདག་གནས་སོ། །སངས་
རྒྱས་བསྟེན་པ་ལ་སོགས་པ། །པདྨར་བྱ་བ་ཇི་བཞིན་གྱིས། །བདེ་ཆེན་རྒྱལ་པོ་རང་ཉིད་ནི། །འདི་ཉིད་དུ་ནི་ཡང་དག་བཞུགས། །བྷཉྫ་མོ་ཀྵ་ཧོཿ། ཞེས་པས་རྡོ་རྗེ་བྱིན་གྱིས་བརླབས་ནས། སོར་མོས་རྡོ་རྗེ་དབྱིངས་ཀྱི་དབང་ཕྱུག་མའི་རྩ་བསྐུལ་བར་བྱའོ། །ཨོཾ་སརྦ་ཏ་ཐཱ་ག་ཏཱ་ནུ་རུ་ག་

62-1-316a

བཛྲ་སྭ་བྷཱ་བ་ཨཱཏྨ་ཀོ྅ཧཾ། བདེ་བ་བསྐུལ་བར་བྱའོ། །པདྨར་རྡོ་རྗེ་རབ་བཞག་ནས། །བྱང་ཆུབ་སེམས་ཀྱང་ལྟུང་མི་བྱ། །བསྐྱོད་པ་ལ་ནི་དགའ་བ་ཡིས། །སེམས་ནི་བསྐྱེད་ཅིང་བསྒོམ་པར་བྱ། །རྣལ་འབྱོར་ཅན་གྱི་བྱང་ཆུབ་སེམས། །ཇི་སྲིད་གཤེགས་པར་མི་བྱ་
བར། །གང་ཡང་དགའ་བདེ་སྐྱེས་ཐོབ་པ། །དེ་སྲིད་རྒྱུན་མི་འཆད་པར་ཐོབ། །བྱང་ཆུབ་སེམས་ནི་ལྷུང་བ་ལས། །དངོས་གྲུབ་ཀུན་གྱི་སྟེར་ནི་གང་། །ཕུང་པོ་རྣམ་ཤེས་བརྒྱལ་བ་ལས། །སྨད་དུ་མེད་པའི་དངོས་གྲུབ་གང་། །མཁའ་དབྱིངས་རྡོ་རྗེ་སྦྱོར་བ་ཡིས། །རེག་བྱ་ལས་ནི་
ངོ་མཚར་ཆེ། །བདེ་བ་སྐྱེས་པ་གང་དེ་ནི། །མཆོག་ཏུ་དགའ་བའི་བྱེད་པ་པོ། །སྣ་ཚོགས་དགའ་བའི་དབུས་སུ་ནི། །མཚན་ཉིད་བལྟས་ལ་བསྟན་པར་བྱ། །ཆུ་སྐྱེས་གདན་གྱི་ནོར་བུ་ཡིས། །ཟེའུ་འབྲུ་བཏབ་པའི་གནས་དག་ལ། །རྡོ་རྗེ་སྐྱིལ་ཀྲུང་གི་སེམས་ནི། །ནོར་བུའི་
མཐར་གྱུར་པ་ལས་བལྟ། །དེ་ལས་གང་སྐྱེས་ཡེ་ཤེས་ཏེ། །དེ་ཡི་ཡེ་ཤེས་དྲི་མེད་སྐུ། །འདོད་ཆགས་མ་ཡིན་ཆགས་བྲལ་མིན། །དབུས་ལ་ཡང་ནི་མི་དམིགས་ཏེ། །གང་ཚེ་རྣལ་འབྱོར་ཡེ་ཤེས་མཐོང་། །དེ་བས་གནས་ཏེ་འགྱུར་བ་མེད། །ཐུན་ཚོད་ཡང་ན་ཉིན་ཞག་གམ། །ཟླ་ཕྱེད་ཟླ་
བ་ལོ་ཡིས་སམ། །བསྐལ་པ་བསྐལ་པ་སྟོང་ཕྲག་ཏུ། །དབང་བསྐུར་ཡེ་ཤེས་གནས་པར་བྱ། །བླ་མའི་ཐུགས་ལས་ངེས་འབྱུང་བའི། །སློབ་མའི་སྙིམས་འཇུག་བལྟས་ནས་ནི། །གཏི་མུག་དགའ་མ་ལ་སོགས་བཞི། །དེ་ཡི་སེམས་ལ་ངེས་གཞུག་བྱ། །སློབ་མས་དེ་ཡི་
ཆ་བཟུང་སྟེ། །ཆུ་སྐྱེས་ནང་དུ་སྤྲོ་བར་བྱ། །དེ་ནས་བཅུད་ལེན་སེམས་ཀྱིས་ནི། །བྱང་ཆུབ་མངོན་གྱུར་གཟུང་བར་བྱ། །ཞེས་པ་ནི་ཤེས་རབ་ཡེ་ཤེས་ཀྱི་དབང་བསྐུར་བའི་ཆོ་གའོ།།      །།ད་ནི་ཡེ་ཤེས་སྦྱངས་པའི་ཕྱིར་ཇི་སྐད་གསུངས་པའི་ཆོ་གས་མངོན་སུམ་དུ་གཟུང་བའི་ཤེས་
རབ་ཡེ་ཤེས་ཀྱི་དབང་བསྐུར། དེ་བཞིན་དུ་འབྲས་བུར་གྱུར་པའི་དབང་བཞི་པ་རིན་པོ་ཆེ་བཤད་པར་བྱའོ། །གཞན་མ་ཡིན་པའི་དམ་ཚིག་བཤད་པའི་འཇིགས་པས་གཞན་དུ་གསུངས་པ། དབང་མ་བསྐུར་ཕྱིར་རྣལ་འབྱོར་པ། །རྣལ་འབྱོར་ཉིད་ནི་སླུ་བར་བྱེད། །མཁའ་ལ་ཁུ་

62-1-316b

ཚུར་བསྣུན་པ་དང་། །རི་དྭགས་སྐམ་ནི་འཐུང་བྱེད་པས། །དེའི་ཕྱིར། ཇི་སྐད་གསུངས་བཞིན་ཆོ་གས་དབང་བསྐུར་སྦྱིན། །སློབ་མའི་མོས་པའི་ཡིད་ནི་ཡང་དག་བརྟག །ཟབ་ཅིང་རྒྱ་ཆེའི་ཚུལ་ལ་ལྷག་མོས་ནས། །རིན་ཆེན་དབང་གི་དེ་ཉིད་ཚིག་གིས་སྦྱིན། །གཞན་དུ་མ་ཡིན་ཞེས་ཏེ་
ཇི་ལྟར་ཁོང་དུ་ཆུད་པར་བྱ་ཞེ་ན། འདི་ལྟར་ལྷག་པར་མོས་པ་རྒྱ་ཆེན་པོས་གསར་བུའོ་ཞེ་ན་གསུངས་པ། ཆུ་སྐྱར་ལས་ནི་ཆུ་ཡིན་ཏེ། །དུ་བ་ལས་ནི་མེར་ཤེས་བཞིན། །བྱང་ཆུབ་སེམས་དཔའ་བློ་ལྡན་གྱིས། །རིགས་ནི་མཚན་མ་དག་ལས་ཤེས། །ཤིན་ཏུ་རབ་ཏུ་ཆུ་སྐྱེས་ཞལ། །དགའ་
བ་རབ་རྒྱས་ལུས་ལས་འཁྲུངས། །དེ་ཉིད་གཟིགས་པའི་མཁས་པ་ཡིས། །རྗེས་སུ་སློབ་མ་དམ་པས་ཟུངས། །ཞེས་སོ། །གང་བཅོམ་ལྡན་འདས་ཀྱིས་གསུངས་ཏེ། དབང་བསྐུར་རྣམ་གསུམ་དབྱེར་མེད་པ། །རྒྱུ་ཉིད་ལས་ནི་རབ་ཏུ་གསུངས། །སློབ་དཔོན་གསང་བ་ཤེས་རབ་དང་། །
བཞི་པ་དེ་ཡང་དེ་བཞིན་ནོ། །ཞེས་སོ། །སྐད་ཅིག་དགོད་དང་ལག་པས་ཐོབ། །དེ་ཡང་འཁྱུད་པ་རྒྱུད་ལ་སྟེ། །དགའ་དང་མཆོག་དང་དེ་བཞིན་དུ། །སྣ་ཚོགས་ལྷན་སྐྱེས་དེ་བཞིན་དུ། །སྣ་ཚོགས་དང་པོས་དགའ་བ་སྟེ། །མཆོག་དགའ་རྣམ་པར་སྨིན་པའོ། །ཁྱད་པར་དགའ་བ་
རྣམ་པར་ཉིད། །ལྷན་ཅིག་སྐྱེས་དགའ་མཚན་ཉིད་བྲལ། །སྣ་ཚོགས་རྣམ་པ་དུ་མར་བརྗོད། །འཁྱུད་དང་འོ་ལ་སོགས་པའོ། །རྣམ་སྨིན་དེ་ལས་ལྡོག་པ་སྟེ། །ཡང་དག་བདེ་བའི་ཡེ་ཤེས་སྤྱོད། །རྣམ་ཉིད་མཐུན་པར་གསུངས་པ་སྟེ། །བདེ་བའི་རང་བཞིན་ཀྱང་སྤྱོད་བྱེད། །
མཚན་ཉིད་དང་བྲལ་གསུམ་པོ་ལས། །ཆགས་དང་ཆགས་བྲལ་རྣམ་པར་སྤངས། །དེའི་ཕྱིར་གསུངས་པ། ཆགས་པ་མ་ཡིན་ཆགས་བྲལ་མིན། །དབུ་མར་ཡང་ནི་མི་དམིགས་པ། །གསུམ་པོ་སྤངས་ལས་དེ་ཉིད་ནི། །ལྷན་སྐྱེས་བྱང་ཆུབ་ཅེས་བརྗོད་དོ། །འདིར་དོན་
དེ་ཉིད་དཔལ་གསང་བ་འདུས་པ་ལས་ཀྱང་གསུངས་ཏེ། བསྒྲུབ་བྱ་སྒྲུབ་བྱེད་ཡང་དག་སྦྱོར། །གང་དེ་བསྙེན་པར་གསུངས་པ་སྟེ། །རྡོ་རྗེ་པདྨ་མཉམ་སྦྱོར་བ། །ཉེ་བར་སྒྲུབ་པ་ཞེས་བརྗོད་དེ། །ཧཱུཾ་ཕཊ་ཡི་གེ་ཡང་དག་ལྡན། །སྒྲུབ་པ་ལ་ནི་གཡོ་བར་གསུངས། །ངོ་བོ་ཉིད་ཀྱི་

62-1-317a

རང་བདེ་ཞི། །སྒྲུབ་པ་ཆེན་པོ་ཞེས་བརྗོད་དོ། །བསྒྲུབ་བྱ་དང་ནི་སྒྲུབ་བྱེད་དག །རྡོ་རྗེ་རབ་ཞུགས་མཐའ་མར་དགའ། །ཤིན་ཏུ་བསྐྱོད་པའི་བྱང་སེམས་ཀྱིས། །མཐའ་ལ་མཆོག་ཏུ་དགའ་བའོ། །འཛག་ལས་ཆགས་པ་དང་བྲལ་བའི། །འདི་དག་གི་དབུས་ལ་གང་གི་
ཚེ་རང་གི་ཞི་བའི་བདེ་བར་གྱུར་པ་དེའི་ཚེ་བསྒྲུབ་བྱ་ལྷན་ཅིག་སྐྱེས་པའི་དགའ་བ་ཞེས་པའི་དོན་དེ་ཉིད་ཀྱི་ཕྱིར་གསུངས་པ། ཐོག་མ་ཐ་མ་དག་མིན་དབུས། །སྲིད་དང་མྱ་ངན་འདས་པའང་མིན། །འདི་ནི་མཆོག་ཏུ་བདེ་ཆེན་ཏེ། །སོ་སོར་རང་གི་རིག་པ་ཡི། །སླར་ཡང་གསུངས་ཏེ། ཆགས་
བྲལ་ལས་ནི་མྱང་འདས་དང་། །མཆོག་ཏུ་དགའ་བ་སྲིད་པར་བཤད། །རབ་ཏུ་བདེ་བ་ཙམ་གྱིས་ཀྱང་། །ལྷན་ཅིག་སྐྱེས་པ་རྣམ་པར་སྤངས། །མཆོག་ཏུ་དགའ་བ་ཡང་དག་ཐོབ། །སྐད་ཅིག་སྣ་ཚོགས་ཉིད་ནི་སྤངས། །སྟོན་པས་གསུངས་པ་སེམས་དཔའ་ཆེ། །བདེ་བ་ཆེན་པོ་
གཟུང་བར་བྱ། །ཇི་སྲིད་བྱང་ཆུབ་མཐར་ཐུག་པར། །སེམས་ཅན་དོན་གྱི་རྡོ་རྗེ་འཛིན། །ཞེས་པ་ལ་སོགས་པ་སྟེ། དེའི་ཕྱིར་ཇི་ལྟར་རྣམ་པ་གསུམ་པོ་དབྱེར་མེད་པར་གསུངས་ཏེ། རྒྱུ་དང་འབྲས་བུ་གཞན་མིན་ཕྱིར། །རྣམ་གསུམ་སྔོན་དུ་རབ་ཏུ་གྲགས། །ཁྱད་པར་དགའ་བའི་དབུས་དག་
ཏུ། །བཞི་པའི་རྣམ་པར་གྲགས་པའི་ཕྱིར། །ཇི་ལྟར་ཞེ་ན་འདི་དག་གིས། །དབུས་མ་ལ་ནི་རབ་ཏུ་བཤད། །མཆོག་མཐའ་དབུས་མ་དགའ་བྲལ་དང་། །སྟོང་དང་སྟོང་མིན་རྡོ་རྗེ་འཛིན། །ཞེས་པ་ལ་སོགས་པའི་ཚིག་ལས་སྟོང་དང་སྟོང་མིན་ཇི་ལྟར་ཞེ་ན། ཐོག་མ་ཐ་མ་མེད་ཞི་བ། །འདི་
གསལ་ངོ་བོའི་བདག་ཉིད་རིག །སྟོང་དང་སྙིང་རྗེ་དབྱེར་མེད་པ། །བྱང་ཆུབ་སེམས་ཞེས་ཤེས་པར་བྱ། །ཞེས་པ་ནི་གྲུབ་པའི་མཐའོ། །དེ་ཐབས་གང་གིས་སྒྲུབ་པར་བྱེད་ན། དཀྱིལ་འཁོར་གྱི་འཁོར་ལོ་ལ་སོགས་པའི་ཐབས་ཀྱིས་རང་བྱིན་གྱིས་བརླབས་པའི་རིམ་པས་རྒྱས་པར་ཤེས་
པར་བྱ་སྟེ། འདི་དང་འདིས་མྱ་ངན་ལས་འདས་པ་གང་དང་གང་ལས་ན། སོ་སོ་རང་རིག་ཡེ་ཤེས་འདི། །ཇི་སྐད་གསུངས་བཞིན་འདས་པའི་ཡུལ། །དེ་ཡི་གོ་འཕང་ལ་གནས་ཕྱིར། །ཀུན་མཁྱེན་ཡེ་ཤེས་དེ་རང་བཞིན། །གཞན་ཡང་གསུངས་ཏེ། ལྷན་ཅིག་སྐྱེས་པར་གསུངས་པ་ལས། 

62-1-317b

གཞན་ནི་གང་དུའང་རྙེད་མི་འགྱུར། །བླ་མའི་རིམ་པ་ཉེར་བསྟོད་དང་། །བསོད་ནམས་ཉིད་ལས་བདག་གིས་ཤེས། །བླ་མའི་ཞབས་ཀྱི་དྲིན་གྱིས་ནི། །རང་ཉིད་བསོད་ནམས་ཚེ་དགའ་དང་། །འཛིན་ལས་སྐྱེས་ཕྱིར་ཡེ་ཤེས་ནི། །ཇི་སྐད་གསུངས་བཞིན་འདས་སྤྱོད་ཡུལ། །དེ་བཞིན་
དུ་ཡང་གསུངས་ཏེ། བྱེད་པ་དང་བྲལ་འགྲོ་ལ་རྟག་ཏུ་ཤར། །བདེ་བའི་རྒྱལ་པོ་གཅིག་ཉིད་རྒྱལ་གྱུར་ཅིག །གང་ཞིག་གང་གིས་རྗོད་པར་བྱེད་པ་ཡང་། །ཐམས་ཅད་མཁྱེན་པ་ཚིག་གིས་ཕོངས་པར་གྱུར། །དེ་ཡི་དེ་ཉིད་བླ་མའི་གསུང་ལས་སློབ་མས་རྟོགས་པར་འགྱུར། །
ལྷན་སྐྱེས་གནས་སྐབས་བདུད་རྩི་རོ་ནི་གང་དུ་སྨྲས་ཤིང་ཇི་ལྟ་བུ། །བློ་ཡི་སྤྱོད་ཡུལ་མ་ཡིན་ཚིག་གི་སྤྱོད་པ་མ་ཡིན་ཞིང་། །རིང་དུ་གྱུར་ཏེ་བླ་མས་དངོས་པོའི་གཏམ་གྱི་འཇུག་པས་སྟོང་། །རྒྱུད་ཀྱི་རིམ་པས་སྙིང་རྗེ་ལ་སོགས་ཡོན་ཏན་གྱིས་ཞུགས་པ། །དད་པ་དང་ལྡན་སྙིང་ལ་གང་དུ་རང་
ཉིད་ཀུན་ནས་སྟེར་བར་བྱེད། །ཅི་སྟེ་བྱང་ཆུབ་ཀྱི་སེམས་བསྐྱེད་པའི་ཅི་ཞེ་ན། དེ་གསུངས་པ། དབང་པོ་རྣམས་ནི་རང་ཉིད་ཇི་བཞིན་ཡིད་ནི་ནང་ཞུགས་བཞིན། །ཚིག་ནི་ཉམས་བཞིན་འཇུག་པ་བཞིན་སྨྲ་ལུས་ནི་ཡང་དག་བདེ་བས་རྒྱལ། །དབང་པོའི་ཚོགས་ནི་ཉམས་ཤིང་འཇུག་མེད་
ཅིང་། །རྣམ་རྟོག་མ་རྫོགས་སྲིད་པའི་ས་བོན་ནོ། །དགའ་བའི་རང་བཞིན་འདི་ནི་ནམ་མཁའི་མེ་ཏོག་བསིལ་བའི་རོ་མྱོང་བ། །དབང་པོ་ཇི་ལྟར་རྣམ་པ་ཞི་གྱུར་ཉམས་པའི་རང་བཞིན་ནོ། །དེ་ཡི་འབྲས་བུ་ལྷན་ཅིག་སྐྱེས་པའི་དགའ་བ་ལུས་ཀྱི་མེ་ཏོག་བླ་མའི་ཞབས་ལ་དྲིས། །དེ་ཉིད་
གསུངས་པ། ཡུལ་རྣམས་མཉམ་དུས་གྱུར་པ་ཡི། །ཞི་བ་གང་དེ་ཕྱག་འཚལ་ལོ། །དབང་པོ་རྣམས་ནི་མཚུངས་པ་ཡིས། །གང་གིས་མངོན་པར་དགའ་བ་ཡི། །སྐུ་ནི་ཤིན་ཏུ་གཅིག་པུ་མཛེས། །གང་དུ་ཡང་ནི་སད་གྱུར་པ། །མཁས་པས་ཡིད་ལ་བཅག་པར་གྱིས། །དེའི་
ཕྱིར། བློ་ཡང་མཐའ་དག་རྣམ་རྟོག་བཅོམ་ནས་ནི། །གང་འདིར་བདེ་བ་དམ་པའི་སྟོབས་བྱེད་དོ། །མཁས་པས་དེ་ཡང་བྱ་བ་བྱ། །གཞན་ཡང་ཕུན་ཚོགས་བསམ་ཡོད་པས། །འདི་ལ་རེ་ཞིག་ཞལ་གྱི་བློ་གྲོས་རྒྱ་ཆེན་པོས་སོ། །དེའི་ཕྱིར་ཡང་དག་པའི་བླ་མ་དམ་པ་ལ་སློབ་

62-1-318a

ལ་སློབ་མ་དམ་པས་གུས་པར་བྱའོ། །སྐུ་གསུམ་གྱི་རྗེས་སུ་འཇུག་པ་བདེ་བ་ཆེན་པོའི་ཚུལ་སོ་སོ་རང་གིས་རིག་པར་བྱའོ། །ཤེས་རབ་ཡེ་ཤེས་མཆོག་གི་དབང་། །བྱ་བ་བྱེད་པ་འདིར་བཤད་དོ། །དེ་རིང་བདག་སྐྱེས་འབྲས་བུར་
བཅས། །བདག་གི་གསོན་པའང་འབྲས་བུར་བཅས། །དེ་རིང་སངས་རྒྱས་རིགས་སུ་སྐྱེས། །སངས་རྒྱས་སྲས་སུ་ད་གྱུར་ཏོ། །ཞེས་པ་ནི་དབང་བཞི་པའི་ཆོ་གའོ།།      །།ད་ནི་མེའི་བྱ་བ་བརྗོད་པར་བྱ་སྟེ། དེ་ལ་རྒྱས་པའི་ཐབ་ཁུང་གི་མཚན་ཉིད་ནི། ཁྲུ་དོའི་ཚད་ཀྱི་རང་བཞིན་ཅན་མེ་
ཐབ་ཀྱི་རྣམ་པར་བྱའོ། །དེ་ལ་ཡང་སྲེག་རྫས་ཀྱི་དངོས་པོ་དང་རྗེས་སུ་མཐུན་པའི་རིང་ཐུང་དང་ཟླུམ་པོ་བྱའོ། །ཕྱེད་དུ་བརྐོས་ལ་ཡང་ན་ཆ་གསུམ་དུ་བྱས་པའི་ཆ་གཉིས་བརྐོས་ལ་ཐབ་ཁུང་གི་ཆ་དྲུག་གི་ཆ་གཅིག་གི་ཚད་ཀྱིས་ཆུར་བྱ་ཞིང་སྟེགས་བུ་ཡང་འདི་ཡིས་སོ། །དེ་རྣམས་ཀྱི་ནང་གི་རི་
མོ་ནི་སྟེགས་བུའི་ཚད་ཀྱི་ཕྱེད་དོ། །ཕྱིར་ཡང་སྟེགས་བུ་བྱའོ། །དེའི་ཕྱི་རོལ་དུ་རྨིག་པ་དང་བ་རནྟ་ལ་སོགས་པ་ཇི་ལྟར་མཛེས་པར་བྱའོ། །ཐབ་ཁུང་གི་དབུས་སུ་འཁོར་ལོ་རྩིབས་བརྒྱད་པ་བྲི་བར་བྱའོ། །དེའི་དབུས་སུ་རྡོ་རྗེ་རྩེ་ལྔ་པ་དཀར་པོ་བྲི་བར་བྱའོ། །ཕྱོགས་ཀྱི་རྩིབས་རྣམས་ལ་
མི་བསྐྱོད་པ་ལ་སོགས་པའི་མཚན་མ་རྣམས་བྲི་བར་བྱའོ། །སྟེགས་བུའི་ཕྱོགས་རྣམས་སུ་འཁོར་ལོ་དང་རྡོ་རྗེ་དང་རིན་པོ་ཆེ་དང་པདྨ་དང་སྣ་ཚོགས་རྡོ་རྗེའི་ཕྲེང་བའོ། །མཚམས་བཞི་རུ་ཟླ་བ་ལ་རྡོ་རྗེ་བྲི་བར་བྱའོ། །དེ་ཡང་ཐབ་ཁུང་གྲུ་བཞི་པའམ་རིན་པོ་ཆེ་ཆ་བརྒྱད་པའི་རྣམ་པ་ལྟ་བུའམ་པདྨའི་
རྣམ་པའམ་ཡང་ན་འཁོར་ལོའི་རྣམ་པ་བྱའོ། །དེ་ནས་ཐབ་ཁུང་གི་ནང་དུ་སྟེགས་བུ་རྣམས་ལ་ཨོཾ་བཛྲ་སཏྭ་ཨཿ། ཞེས་པ་འདིས་ལན་བདུན་མངོན་པར་བཟླས་པའི་ཤིན་ཏུ་རིང་བ་ཡང་མ་ཡིན་ཤིན་ཏུ་ཐུང་བ་ཡང་མ་ཡིན་པའི་ཀུ་ཤ་གཉིས་སློབ་དཔོན་གྱི་གཡོན་ནས་བརྩམས་ཏེ་གཡས་སྐོར་གྱིས་
ཤར་དུ་རྩེ་མོ་བསྟན་པ་དང་ལྷོ་རུ་རྩེ་མོ་དང་ནུབ་ཏུ་རྩེ་མོ་དང་བྱང་དུ་རྩེ་མོ་བསྟན་ནས་དགོད་པར་བྱའོ། །ཨོཾ་ཨ་མི་ཀུ་ཤཱ་དི་བྱཱཿས་བི་ཏྲཱ་བྲ་ཧྨ་དེ་བ་ཏཱཿ། བུདྡྷ་དྷརྨ་སཾ་གྷ་ར་ཏཱཿ། པྲྀ་ཐཱི་ཛཱ་ཏྭ་དི་ཡ་གརྦྷཱཿ། སརྦ་བིགྷྣཱཾ་ཤཱནྟིཾ་ཀུརྦནྟུ་སྭསྟི་སྭཱ་ཧཱ། ཨོཾ་ཀུ་ཤ་འདི་ནི་ལྷ་རྣམས་ཀྱི། །ལྷ་རྣམས་ཚངས་པའི་དག་བྱེད་

62-1-318b

དེ། །སངས་རྒྱས་ཆོས་དང་དགེ་འདུན་མཉེས། །ས་ལས་སྐྱེས་པའི་འདབ་མའི་སྙིང་། །བགེགས་རྣམས་ཞི་བར་མཛད་དུ་གསོལ། །སྭསྟི་སྭཱ་ཧཱ། ཞེས་པའི་སྔགས་ཀྱི་རྩེ་མོ་ཤར་དུ་བསྟན་པའི་ཀུ་ཤས་ཐབ་ཁུང་གི་ཕྱིར་དགམ་པར་བྱའོ། །དེ་ནས་པཱ་ལ་ཤ་དང་ཨུ་དུམྺཱ་ར་དང་། ཨ་ཤྭཏྠ་
དང་། ཨ་མཱ་དང་། ཀ་དཾ་པ་ཀཱ་དང་ཀཾ་ཀེ་ལི་དང་ཙཱུ་ཏ་དང་ཡཀྵཾ་ག་དང་པཀྵ་དང་བ་དྷ་ལ་སོགས་པའི་འོ་མ་ཅན་གྱི་ཤིང་ལས་བྱུང་བ་མཐེའུའི་ཚད་ཙམ་སྲིད་དུ་རིང་བ་འོ་མ་ཅན་དང་མངར་བ་དང་། རོ་བསྐ་བའི་བུད་ཤིང་རྣམས་ཕུང་པོར་བརྩིགས་ཏེ། དགེ་འདུན་དང་རྒྱལ་པོའི་ཕོ་བྲང་དང་རྒྱལ་པོ་ལ་
སོགས་པས་མཆོད་སྦྱིན་གྱི་ཤིང་བཙུགས་ཤིང་བསྲུབས་པ་ལས་བྱུང་བའི་མེ་པྲ་ཛྭ་ལྱ་ཛྭ་ལ་ཛྭ་ལ་བྷྱོ་ཧཱུཾ། ཞེས་པ་འདིས་མངོན་པར་བསྔགས་ནས་མེ་གཞག་པར་བྱའོ། །གཏོར་མ་ཆེན་པོ་ཡང་གཏོང་བར་བྱའོ། །རང་གི་གདན་གྱི་བྱ་བའི་ཆེད་དུ་གཡོན་གྱི་ཆར་མན་འཇིའི་སྟེང་དུ་དུང་ཆོས་གསུམ་
གཞག་པར་བྱའོ། །དེའི་སྟེང་དུ་བཟེད་ཞལ་གྱི་སྣོད་གསུམ་ཡང་གཞག་པར་བྱའོ། །དེ་ལ་གནས་པའི་དུང་དྲི་མ་མེད་པ་ལ་ཆུ་དང་མེ་ཏོག་དང་ཀུ་ཤའི་ཆུན་པོ་དང་བཅས་པ་ནི་བསང་གཏོར་གྱི་ཕྱིར་རོ། །སྦྲང་དང་འོ་མ་དང་མེ་ཏོག་དང་བཅས་པ་ནི་དབུས་སུ་གཞག་པར་བྱ་སྟེ་མཆོད་ཡོན་གྱི་
ཆེད་དུའོ། །དྲིའི་ཆུ་དང་འབྲས་ཡོངས་དང་བཅས་པ་ནང་དུ་བཅུག་པ་ནི་ཞལ་བསིལ་དང་ཞལ་བསིལ་གྱི་ཆེད་དུའོ། །གཡས་ཀྱི་ཆར་ཡམ་ཤིང་དང་མེ་ཏོག་གོ། །མེ་ཏོག་བཟང་པོའི་ས་བོན་དང་། པྲི་ཡང་ཀུ་དང་། སུ་མུ་ཁའི་ས་བོན་དང་། ནཱ་ག་གེ་ཤར་དང་། པདྨ་དཀར་པོའི་ཀེ་ཤ་ར་
དང་། སྤོས་དཀར་དང་། གུར་གུམ་དང་། ག་པུར་དང་། ཙནྡན་དཀར་པོ་དང་། ཏིལ་གྱི་མར་ཁུ་དང་། ནིརྱཱ་ས་དང་། ཨ་ཀ་རུ་དང་། གུ་གུལ་དང་། རཀྟོ་ཏ་ལ་དང་། ཏིལ་ནག་པོ་དང་། འབྲས་བུ་དང་། བིལ་བའི་འབྲས་བུ་དང་། གོ་ལའི་འབྲས་བུ་དང་། འབྲས་ཡོས་དང་། སཱ་ལུ་དམར་པོ་
དང་། སོ་བ་དང་། ནས་དང་། གྲོ་དང་། སྲན་མ་མཱ་ཥ་དང་། འབྲས་མ་ཉམས་པ་དང་། ཞོ་དང་བུ་རམ་གྱི་བཟའ་བ་དང་། དཱུཪྺ་དང་། ཀུནྡ་སྦྱར་བ་དང་། ཀུ་ཤ་དང་། མངར་གསུམ་དང་། ཁུ་བའི་རིགས་དང་། བདུག་སྤོས་དང་། མེ་ཏོག་དང་། ཞལ་ཟས་དང་། དྲི་དང་མར་མེ་ལ་སོགས་པའི་

62-1-319a

མཆོད་པ་དང་སྲེག་རྫས་རྣམས་དགོད་པར་བྱའོ། །དེ་ལ་མེ་འབར་བའི་དབུས་སུ་པཾ་ཡིག་ལས་སྐྱེས་པའི་པདྨར་བསམས་ལ། དེའི་སྟེང་དུ་རཾ་ཡིག་ལས་བྱུང་བའི་མེའི་དཀྱིལ་འཁོར་ལས་ཧཱུཾ་ཡིག་ལས་བྱུང་བའི་མེའི་ལྷ་སྐུ་མདོག་སེར་པོ་ཞལ་གཅིག་ཕྱག་བཞི་གཡོན་ན་དབྱུག་པ་དང་སྤྱི་བླུགས་འཛིན་པ། 
གཡས་ན་མཆོག་སྦྱིན་དང་བགྲང་ཕྲེང་འཛིན་པ། རྒྱན་དང་ན་བཟའ་སེར་པོ་བསྣམས་པ། མཆོད་ཕྱིར་ཐོགས་པ་དང་བཅས་པ། སྤྱན་གསུམ་པ་རལ་པའི་ཅོད་པན་ཅན་རྡོ་རྗེ་སེམས་དཔས་དབུ་བརྒྱན་པའི་མེ་ལྷ་དམ་ཚིག་སེམས་དཔའ་རྣམ་པར་བསྒོམ་པར་བྱའོ། །ཨོཾ་ཨེ་ཧྱེ་ཧི་མ་ཧཱ་བྷཱུ་ཏ་དེ་བ་རྀ་ཥི་དྭི་ཛ་སནྟ་མ། གྲྀ་
ཧི་ཏྭཱ་ཧུ་ཏི་མ་ཧཱ་རཾ་ཨ་སྨིན་སནྣི་ཧི་ཏོ་བྷ་བཱ་སྭཱ་ཧཱ། ཞེས་པ་འདིས་ཡེ་ཤེས་ཀྱི་མེ་ལྷ་སྤྱན་དྲང་ངོ་། །ཨོཾ་ཨཱཿཊ་ཀི་ཛཿཞེས་པའི་སྔགས་འདིས་འདོད་པའི་རྒྱལ་པོའི་ཕྱག་རྒྱས་སྤྱན་དྲངས་ལ་བསང་གཏོར་བྱའོ། །ཨོཾ་ཨཱཿབཛྲ་ཡཀྵ་སརྦ་བཱ་པ་བིགྷྣཱཾ་མཱ་རཱན་བྷསྨིཾ་ཀུ་རུ་ཧཱུཾ་ཕཊ། ཡུངས་ཀར་ལྔའི་བཟའ་བ་ཡིས་སོ། །ཨོཾ་ཨཱཿབཛྲ་
ཀརྨ་སརྦ་ཀླེ་ཤོ་པ་ཀླེ་ཤཱགྣ་ཤཱནྟིཾ་ཀུ་རུ་ཧཱུཾ་ཕཊ། ཆུ་ཡིས་སོ། །ཨོཾ་ཨཱཿབཛྲ་རཀྵ་སརྦཱ་བ་ར་ཎ་མ་ལཱ་པ་ན་ཡ་ཧཱུཾ་ཕཊ། ཁམ་ཕོར་དཀར་པོས་སྦྱང་བར་བྱའོ། །ཨོཾ་ཨཱཿབཛྲ་སནྟི་སརྦ་པུཎྱ་ཛྙཱ་ན་སཾ་བྷཱ་རཱནྡྷ་ཀཱ་ཡ་ཧཱུཾ་ཕཊ་སྭཱ་ཧཱ། ཟན་གྱིས་སྦྱང་བར་བྱའོ། །སྔགས་དེ་རྣམས་ཀྱིས་སྦྱང་བར་བྱའོ། །བསང་གཏོར་དང་མཆོད་
ཡོན་དང་ཞབས་བསིལ་དང་ཞལ་བསིལ་རྣམས་བྱས་ནས་དམ་ཚིག་པ་བལྟ་བར་བྱའོ། །ཨོཾ་ཨགྣ་ཡེ་ཨཱ་དི་བྱཱ་དི་བི་བྱཱ་བི་ཥཱ་བི་ཥ་མ་ཧཱ་ཤྲཱི་ཡེ་ཧ་བྱ་ཀ་བྱ་བཱ་ཧ་ནཱ་ཡ་དྲྀ་ཤྱ་ཛཿཧཱུཾ་བཾ་ཧོཿས་མ་ཡ་སྟྭཾ་མ་ཏི། ལག་པ་གཡས་པ་མི་འཇིགས་པ་སྦྱིན་པའི་རྣམ་པས་མཛུབ་མོ་གུག་པའི་རྣམ་པས་བཀུག་ནས་
གུང་མོའི་ཚིགས་གསུམ་པར་གཟུང་བར་བྱའོ། །མཐེབ་ཆེན་ལོགས་སུ་ལངས་པ་ནི་མེ་ལྷའི་དམ་ཚིག་གི་ཕྱག་རྒྱའོ། །ཨོཾ་བཛྲ་རཀྵ་ཧཱུཾ། བསང་གཏོར་གྱི་སྔགས་ནི། ཨོཾ་ཨགྣ་ཡེ་པྲ་བ་ར་སཏྐཱ་རཱ་ཡ་པྲོཀྵ་ཎཾ་པྲ་ཏཱིཙྪ་སྭཱ་ཧཱ། བསང་གཏོར་གྱི་སྔགས་སོ། །ཨོཾ་ཨགྣ་ཡེ་པྲ་བ་ར་སཏྐཱ་རཱ་ཡ་ཨརྒྷཾ་པྲ་ཏཱིཙྪ་སྭཱ་ཧཱ། 
མཆོད་ཡོན་གྱི་སྔགས་སོ། །ཨོཾ་ཨགྣ་ཡེ་པྲ་བ་ར་སཏྐཱ་རཱ་ཡ་བཱ་བྱཱཾ་པྲ་ཏཱིཙྪ་སྭཱ་ཧཱ། ཞབས་བསིལ་གྱི་སྔགས་སོ། །ཨོཾ་ཨགྣ་ཡེ་པྲ་བ་ར་སཏྐཱ་རཱ་ཡ་ཨཉྩ་མ་ནཾ་པྲ་ཏཱིཙྪ་སྭཱ་ཧཱ། ཞལ་བསིལ་གྱི་སྔགས་སོ། །ཨོཾ་བཛྲ་ཏེ་ཛ་ཨཾ་ཞེས་པའི་སྔགས་ཀྱིས་མེའི་དམ་ཚིག་པ་གཞུག་པར་བྱའོ། །ཨོཾ་སརྦ་ཏ་ཐཱ་ག་ཏ་

62-1-319b

ཀཱ་ཡ་བི་ཤོ་དྷ་ཡ་ཧཱུཾ་སྭཱ་ཧཱ། དྲི་བཟངས་ལྔ་ལ་སོགས་པས་ཁྲུས་བྱ་ཞིང་ཕྱིའི་མེ་ཏོག་ལ་སོགས་པའི་མཆོད་པ་དང་། སྒེག་མོ་ལ་སོགས་པ་བརྒྱད་ཀྱིས་ཡང་དག་པར་མཆོད་ནས་དྲིལ་བུ་དཀྲོལ་བར་བྱའོ། །དེ་ལ་བསང་གཏོར་ནི་སྐུ་ཐམས་ཅད་ལའོ། །ཞབས་བསིལ་ནི་ཞབས་ལའོ། །མཆོད་
ཡོན་ནི་སྤྱི་བོ་རུའོ། །ཞལ་བསིལ་ནི་ཞལ་བསིལ་བར་བྱའོ། །སློབ་དཔོན་གྱི་ལག་པའི་འདབ་མ་ཆ་བཞི་པའི་ཆ་གཅིག་ནི་སོར་རོ། །དེའི་ཚད་ཀྱིས་མི་མཉམ་པ་ནས་ལྷག་པར་སོར་སུམ་ཅུ་རྩ་བརྒྱད་ཀྱིས་ཚོགས་པའི་དགང་གཟར་གྱི་སྲིད་ཀྱི་ཚད་དོ། །དེ་ལ་སུམ་འགྱུར་གྱི་ཚད་ཀྱི་ས་འོག་ཏུ་རྡོ་རྗེ། 
ཡུ་བའི་སྟེང་དུ་སོར་གསུམ་པའི་ཚད་ཀྱིས་རིན་པོ་ཆེའོ། །དེའི་སྟེང་དུ་མི་མཉམ་པ་ནས་ཀྱིས་ལྷག་པའི་སོར་བཞིའི་ཚད་ཀྱི་གྲུ་བཞི་པའི་ཁའོ། །དེའི་སུམ་ཆས་སྟེང་དུའོ། །མཐིལ་དུ་དབུས་སུ་ཆུ་སྐྱེས་འདབ་མ་བརྒྱད་པའི་ཟེའུ་འབྲུའི་སྟེང་དུ་གནས་པའི་རྡོ་རྗེ་རྩེ་ལྔ་པའོ། །མཐའ་སྐོར་དུ་
སོར་གཉིས་ཀྱི་ཁ་ཁྱེར་ཅན་ནོ། །དེའི་ཕྱི་རུ་དེའི་ཚད་བབས་པའི་མཆུ་པདྨའི་འདབ་མ་ལྟ་བུ། དེའི་སྟེང་དུ་རྡོ་རྗེ་རྩེ་གསུམ་པ་སོར་གསུམ་པའོ། །ནང་ནས་བཅུད་ཀྱི་རྒྱུན་འབབ་པའི་བུ་ག་མཐེའུ་ཆུང་གི་ཚད་ཙམ་དབུས་ནས་བྱའོ། །དེ་དང་སོ་སོའི་ཁྱད་པར་ཡུ་བའི་སྟེང་དུ་ཟླུམ་པོ་སོར་གསུམ་པའི་
ཚད་དོ་ཞེས་པ་ནི་བླུགས་གཟར་རོ། །དགང་གཟར་རྗེས་སུ་མཐུན་པའི་ཡུ་བ་ལ་རྡོ་རྗེས་རིན་པོ་ཆེ་དག་གིས་མཚན་པས་བརྒྱན་པ་སོར་གཉིས་པ་པདྨའི་འདབ་མའི་རྣམ་པ་ལ་སོར་གཉིས་གཏིང་དུ་ཟས་པ་སྟེ། ལུས་ཀྱི་དགའ་བ་ལ་སོགས་པ་སྟེང་དུ་ས་སུ་རྡོ་རྗེས་མཚན་པ་ནི་བླུགས་
གཟར་རོ། །དགང་བླུགས་དེ་ཡང་གསེར་དང་ཟངས་མ་ལ་སོགས་པའི་རྫས་ལས་བྱུང་བའོ་ཞེས་པ་ནི་དགང་བླུགས་ཀྱི་མཚན་ཉིད་དོ། །དེ་ནས་མེའི་ཞལ་ནས་རཾ་ཡིག་ལས་ནས་འབྲུའི་ཚད་ཙམ་གྱིས་རྡོ་རྗེ་དཀར་པོ་རྣམ་པར་བསྒོམས་ལ། པུས་མོའི་བར་དུ་གནས་པའི་བླུགས་གཟར་གྱི་
མེ་ལྷའི་ཞལ་དུ་རང་གི་སྔགས་ཀྱིས་སྦྱངས་ཏེ་མར་གྱི་དགང་བླུགས་དབུལ་ལོ། །ཨོཾ་ཨགྣ་ཡེ་སྭཱ་ཧཱ། དེ་ནས་མར་ལ་རྩེ་མོ་བསྙུགས་པའི་ཡམ་ཤིང་རིམ་པ་བཞིན་དུ་སྦྱིན་སྲེག་བྱའོ། །ཨོཾ་བཛྲ་ཨརྐཱ་ཡ་སྭཱ་ཧཱ། ཨརྐཱའི་འོ། །ཨོཾ་བཛྲ་སོ་མ་ཡ་སྭཱ་ཧཱ། པ་ལ་ཤའོ། །ཨོཾ་བཛྲ་ད་ག་རཱ་ཡ་སྭཱ་ཧཱ། སེང་ལྡེང་

62-1-320a

གིའོ། །ཨོཾ་བཛྲ་བུདྷཱ་ཡ་སྭཱ་ཧཱ། ཨ་པ་མརྒཱའི་འོ། །ཨོཾ་བཛྲ་ཀུ་བེ་རཱ་ཡ་སྭཱ་ཧཱ། ནྱ་གྲོ་དྷའིའོ། །ཨོཾ་བཛྲ་ཡཀྵཱ་ཡ་སྭཱ་ཧཱ། ཨུ་དུམ་རའིའོ། །ཨོཾ་བཛྲ་ཤ་ནེ་ཤྩ་རཱ་ཡ་སྭཱ་ཧཱ། ས་མྱའིའོ། །ཨོཾ་བོ་དྷི་བྲྀཀྵ་ཡ་སྭཱ་ཧཱ། ཨ་ཤྭཐའི་འོ། །ཨོཾ་བཛྲ་ལཱ་ཏཱ་ཡ་སྭཱ་ཧཱ། པཱ་ལ་ཤའི་འོ། །ཨོཾ་བྲ་ཧྨ་བི་ཛཱ་ཡ་སྭཱ་ཧཱ། ཚངས་པའི་ཤིང་
གིའོ། །ཨོཾ་མ་དྷུ་ནེ་སྭཱ་ཧཱ། སྦྲང་ཤིང་གིའོ། །ཨོཾ་ཨ་ཤྭ་ཀཱ་ཡ་སྭཱ་ཧཱ། མྱ་ངན་མེད་པའི་ཤིང་གིའོ། །ཨོཾ་སརྦ་པཱ་པཾ་པྲ་ཤ་མ་ན་ཡ་སྭཱ་ཧཱ། བེ་ཀཾ་ཀའི་འོ། །ཨོཾ་བཛྲ་ས་ཧ་ཀ་རཱ་ཡ་སྭཱ་ཧཱ། ཨ་མྲའི་འོ། །ཨོཾ་སརྦ་ཀླེ་ཤ་པ་ཤ་མ་ནཱ་ཡ་སྭཱ་ཧཱ། ཀ་དམྤ་དང་གཾ་བ་རི་ལ་སོགས་པ་རྣམས་ཀྱིའོ། །ཨོཾ་ཨ་པྲ་ཏི་ཧ་ཏ་བཛྲཱ་ཡ་
སྭཱ་ཧཱ། ཀུ་ཤ་རྣམས་ཀྱིའོ། །ཨོཾ་བཛྲཱ་ཡུ་ཥེ་སྭཱ་ཧཱ། དཱུཪྺ་ཀུནྡ་དང་བཅས་པའིའོ། །ཨོཾ་སརྦ་པཱ་བི་ད་ཧ་ན་བཛྲཱ་ཡ་སརྦ་པཱ་པཾ་ད་ཧ་སྭཱཧཱ། ཏིལ་རྣམས་ཀྱིའོ། །ཨོཾ་བཛྲ་པུཥྚ་ཡེ་སྭཱ་ཧཱ། འབྲས་མ་ཉམས་པ་རྣམས་ཀྱིའོ། །ཨོཾ་བཛྲ་བེ་གཱ་ཡ་སྭཱ་ཧཱ། ནས་རྣམས་ཀྱིའོ། །ཨོཾ་བཛྲ་གྷསྨ་རཱ་ཡ་སྭཱ་ཧཱ། གྲོ་རྣམས་ཀྱིའོ། །
ཨོཾ་བཛྲ་བི་ཛཱ་ཡ་སྭཱ་ཧཱ། སོ་བ་རྣམས་ཀྱིའོ། །ཨོཾ་མ་ཧཱ་བ་ལཱ་ཡ་སྭཱ་ཧཱ། མོན་སྲན་གྲེའུའིའོ། །ཨོཾ་བཛྲ་ལཱ་ཛཱ་ཡ་སྭཱ་ཧཱ། འབྲས་ཡོས་ཀྱིའོ། །ཨོཾ་སརྦཱ་རྠ་སིདྡྷཱ་ཡ་སྭཱ་ཧཱ། ཡུངས་ཀར་གྱིའོ། །ཨོཾ་སརྦ་སཾ་པཱ་དེ་སྭཱ་ཧཱ། ཞོ་དང་བུར་ཟན་འདྲེས་མའིའོ། །ཨོཾ་བཛྲ་པྲི་ཡ་ཏ་མཱ་ཡ་སྭཱ་ཧཱ། པྲི་ཡངྐུའི་མེ་ཏོག་རྣམས་ཀྱིའོ། །ཨོཾ་ཨཿབཛྲ་
དཪྴ་ནེཿཕ་ལཱ་ཡ་སྭཱ་ཧཱ། ཀོ་ལའི་འབྲུ་རྣམས་ཀྱིའོ། །ཨོཾ་ག་ག་ནེ་ག་ག་ནེ་པི་ལོ་ཀི་ཏེ་ཧཱུཾ་ཕཊ། ཏེ་ཛྭ་རཱ་ཛ། ཆེ་གེ་མོའི་པུཥྚིཾ་ཀུ་རུ་སྭཱ་ཧཱ། བིལ་བ་ལ་སོགས་པ་ཤིང་ཐོག་རྣམས་ཀྱིའོ། །དེ་ཉིད་གསུམ་གྱི་མཐར་སྭཱ་ཧཱ་སྦྱར་ཏེ་གཞན་རྣམས་ཀྱི་ཡང་སྦྱིན་སྲེག་བྱའོ། །ད་ནས་པུས་མོ་དག་གི་བར་དུ་གནས་པའི་གཡས་
གཡོན་པས་མར་གྱིས་གང་བའི་དགང་གཟར་ལ་སོགས་པ་དང་ལག་པ་གཡས་པས་བླུགས་གཟར་ཁ་འོག་ཏུ་བསྟན་པ་ལ་སོགས་པའི་ཚོགས་པ་གཡས་སུ་བསྐོར་བཞིན་པས་བདག་ཉིད་དམ་ལྷའི་སྐུར་གྱུར་པས། མེ་ལྷའི་ཞལ་དུ་འཇུག་བཞིན་པས་འབྱོར་པ་ཇི་ལྟ་བ་བཞིན་དུ་ལན་གཅིག་དང་གསུམ་དང་
ལྔ་དང་བདུན་དང་ཉི་ཤུ་རྩ་གཅིག་གི་བར་དུ་དགང་བླུགས་དབུལ་བར་བྱའོ། །སྔགས་ནི། ཨོཾ་ཨགྣ་ཡེ་དཱི་བྱཱ་བི་ཥཱ་བི་ཥ་མ་ཧཱ་ཤྲཱི་ཡེ་ཧ་བྱ་ཀ་བྱ་བ་ཧ་ནཱ་ཡ་ཆེ་གེ་མོའི་པུཥྚིཾ་ཀུ་རུ་སྭཱ་ཧཱ། དེ་ལ་ཡང་འདིར་རྫས་ཐམས་ཅད་མེ་ལྷའི་ཞལ་དུ་དབུལ་བར་བྱའོ། །ཡམ་ཤིང་དང་ཀུ་ཤ་ལ་སོགས་པ་འོད་ཀྱི་དཀྱིལ་འཁོར་

62-1-320b

ལའོ། །ཞལ་ཟས་དང་བཟའ་བ་ལ་སོགས་པ་ཕྱག་ཏུའོ། །མེ་ཏོག་ནི་དབུ་ལའོ། །བདུག་སྤོས་ནི་འབར་བའི་ཕྲེང་བ་ལའོ། །དྲི་བཟང་ནི་ཐུགས་ཀར་རོ། །མར་མེ་དང་ལྷ་བཤོས་ནི་མདུན་དུའོ། །འདིས་འདི་ལ་སྦྱིན་སྲེག་གི་འབྲུ་དང་། གླང་པོ་ཆེ་དང་། ས་གཞི་དང་། ཞིང་འཕེལ་བར་བྱེད་དོ། །
ཐབ་ཀྱི་བྱ་བས་ནི་ཁྱིམ་འཕེལ་བར་བྱེད་དོ། །མར་གྱིས་ནི་ཕུན་སུམ་ཚོགས་པ་ཐམས་ཅད་བྱེད་དོ། །ཡམ་ཤིང་གིས་ནི་དཔའ་བར་བྱེད་དོ། །ཀུ་ཤས་སྲུང་བར་བྱེད་དོ། །ཡུངས་ཀར་གྱིས་ཞི་བར་བྱེད་དོ། །འབྲས་མ་ཉམས་པས་རྒྱས་པར་བྱེད་དོ། །ཏིལ་གྱིས་སྡིག་པ་སེལ་བར་བྱེད་དོ། །སོ་
བས་དོན་གྲུབ་པར་བྱེད་དོ། །མོན་སྲན་གྲེ་འུས་སྟོབས་འཕེལ་ལོ། །ནས་ཀྱིས་མྱུར་བའི་ཤུགས་སོ། །དཱུཪྺས་ཚེ་འཕེལ་བར་བྱེད་དོ། །ཚེ་རིང་བ་དང་ནད་མེད་པ་གྲོ་ཡིས་བྱེད་དོ། །སྦྲང་དང་འོ་མས་ཤེས་རབ་རབ་ཏུ་སྟེར་རོ། །ཞོ་དང་བུ་རམ་འདྲེས་མའི་བཟའ་བས་བདེ་བ་ཐམས་ཅད་
སྟེར་རོ། །ཤིང་ཐོག་གིས་ཕུན་སུམ་ཚོགས་པ་ཐམས་ཅད་བྱེད་དོ། །བིལ་བས་བུ་དང་ཚེ་རྒྱུད་ལ་སོགས་པ་རྣམ་པར་འཕེལ་བར་བྱེད་དོ། །པདྨ་དང་ཨུཏྤལ་ལ་སོགས་པའི་མེ་ཏོག་གིས་ཁ་དོག་དང་གཟི་བརྗིད་འཕེལ་བར་བྱེད་དོ། །ཙནྡན་ལ་སོགས་པས་དཔལ་འཕེལ་བར་བྱེད་དོ། །
དྲི་དང་སོ་རྩིས་བཀྲ་ཤིས་པར་བྱེད་དོ། །དེ་ནས་མེ་ལ་དགེ་བ་དང་མི་དགེ་བའི་མཚན་མ་ཡོངས་སུ་བརྟག་པར་བྱ་སྟེ། དེ་ལ་རྩེ་མོ་གཅིག་ཏུ་འབར་ན་ཕུན་སུམ་ཚོགས་པ་ཐམས་ཅད་འབྱུང་ངོ་། །རྩེ་མོ་བཞིར་གྱུར་ན་རྒྱས་པར་འགྱུར་རོ། །ཕུང་པོ་གཅིག་ཏུ་གྱུར་ན་དོན་ཆེན་པོ་སྟེར་རོ། །རྩེ་མོ་གཉིས་མི་
ཡོ་བར་གནས་ན་བར་མའོ། །ཆུ་ཤེལ་དང་ནོར་བུའི་འོད་དང་བ་མོ་དང་ཀུནྡ་དང་ཟླ་བའི་གཟུགས་དང་ཁ་དོག་རྣམས་ནི་སྡིག་པ་ཐམས་ཅད་རྣམ་པར་ཞི་བའོ། །གསེར་དང་པུཥྤ་རཱ་ག་ལྟ་བུས་ནི་དཔག་ཏུ་མེད་པའི་ཕུན་སུམ་ཚོགས་པར་བྱེད་དོ། །ཛ་བ་དང་མྱ་ངན་མེད་པའི་མེ་ཏོག་དང་བནྡུ་ག་
དང་ཀིཾ་ཤཱུ་ཀ་དང་ཨིནྡྲ་གོ་པ་དང་བྱི་རུ་དང་། གསེར་བཙོ་མ་ལྟ་བུས་ནི་རྒྱལ་སྲིད་དང་དབང་ཕྱུག་ལ་སོགས་པ་ལ་དབང་དུ་བྱེད་དོ། །དུ་བ་མེད་ཅིང་སྣུམ་པ་དང་བཻ་ཌཱུརྱའི་ཁ་དོག་ལྟ་བུས་ནི་ཚེ་འཕེལ་བ་དང་ནད་མེད་པ་བྱེད་དོ། །ཨ་ག་རུ་དང་ཙམ་པ་ཀ་དང་། ཀོ་ཤཱི་ར་དང་། ཨུཏྤལ་དང་། མཱ་ལཱ་ཏཱི་

62-1-321a

དང་། པདྨ་དང་སྣ་མ་དང་། སིཧླ་དང་། ཙནྡན་དང་། ག་པུར་དང་གུར་ཀུམ་དང་། གླ་བ་ལ་སོགས་པའི་དྲི་བཟང་པོ་རྣམས་ཀྱིས་རིག་པའི་གནས་ལས་འཁོར་བྱེད་པ་རབ་ཏུ་སྟེར་རོ། །པི་ཝང་དང་གླིང་བུ་དུང་དང་ཟངས་དུང་དང་རྔ་བོ་ཆེ་ལ་སོགས་པའི་སྒྲའི་དབྱངས་ཀྱིས་བདེ་བ་ཐམས་ཅད་རབ་ཏུ་སྟེར་རོ། །རྒྱལ་
མཚན་དང་ཉ་དང་བུམ་པ་དང་པདྨ་དང་དུང་དང་རལ་གྲི་དང་། ཆུ་སྐྱེས་དང་། རྔ་ཡབ་དང་། རྩེ་གསུམ་པ་དང་། གླང་པོ་ཆེ་དང་། རྟ་དང་། བཀྲ་ཤིས་དང་། དཔལ་གྱི་བེའུ་དང་། དགའ་བ་འཁྱིལ་པ་དང་། མར་གྱིས་གང་བའི་དགང་བླུགས་དང་། གདུགས་དང་གཡས་སུ་འཁྱིལ་པ་དང་། རྡོ་རྗེ་བཟང་
པོའི་རྣམ་པས་ནི་དོན་ཆེན་པོའོ་ཞེས་པ་ནི་མེའི་དགེ་བའི་མཚན་མའོ། །གཡོ་ཞིང་འཁྲུག་པར་འབར་བ་དང་མེ་དུ་བ་ཆེན་པོས་ནི་ནད་རབ་ཏུ་མང་པོར་འགྱུར་རོ། །མདངས་མེད་ཅིང་མེ་སྟག་འཕྲོ་བ་གདོང་དང་རྩེ་མོ་རྣམ་པར་འཆད་ཅིང་འཕྲོ་ཞིང་འཚེགས་པས་ནི་འཆི་བར་འགྱུར་རོ། །གཡོ་ཞིང་
གཡོན་དུ་འཁོར་བ་དང་སྐད་ཅིག་རེ་རེ་ལ་གཡོན་སྐོར་དུ་འཁོར་ཞིང་འཁྱོག་པས་ནི་ས་གཞི་དང་རིགས་ཟད་པར་བྱེད་དོ། །རྩུབ་པ་དང་མདོག་ངན་པ་དང་ཤིན་ཏུ་འདྲེས་པ་དང་ནག་པོ་དང་སྔོ་བསངས་ཀྱང་དོན་རྣམ་པར་ཉམས་པར་བྱེད་དོ། །ཆུ་ལས་སྐྱེས་པའི་སྲོག་ཆགས་ཀྱི་དྲི་དང་དྲི་མི་ཞིམ་པ་དང་མ་ཧེ་དང་
བྱི་ལ་དང་ཁྱི་དང་ཅེ་སྤྱང་གི་དྲི་དང་རོ་དང་བྱ་རོག་གི་དྲི་དང་རྡུལ་གྱི་དྲི་རྣམས་ཀྱིས་རྣམ་པར་འཇིག་པ་སྟེར་བར་བྱེད་དོ། །སྤྲིན་གྱི་སྒྲ་དང་ཁྱི་དང་ཙ་ཙྪ་ཊ་དང་ཚི་སཙྪ་མ་སིཾ་མི་སི་མཱ་ཡ་མཱུ་ན་དང་མི་མཉམ་པའི་དབྱངས་དང་སྒྲ་དྲག་པོས་ནི་དོན་ཉམས་པར་བྱེད་དོ། །སྲམ་དང་གཡི་དང་སྦྲུལ་རྣམས་འཇིགས་པའི་
རྣམ་པར་བྱེད་ན་མེ་དང་དགྲ་ལ་སོགས་པའི་འཇིགས་པར་འགྱུར་རོ་ཞེས་པ་ནི་མི་དགེ་བའི་མཚན་མའོ། །གལ་ཏེ་མི་དགེ་བའི་མཚན་མར་གྱུར་ན་ལས་ཐམས་ཅད་པའི་བུམ་པའི་ཆུས་ལན་བདུན་དུ་བསངས་ལ་སླར་ཡང་མར་གྱི་དགང་བླུགས་ལན་བདུན་དབུལ་བར་བྱའོ། །དེ་ནས་མེ་འོད་དང་ལྡན་པར་བྱས་
ནས་འཇིག་རྟེན་ལས་འདས་པའི་ཡེ་ཤེས་ཀྱི་མེ་རྣམ་པར་བསྒོམས་ཏེ་འབར་བཞིན་པའི་རྣམ་པས་མེ་ལྷའི་ཐུགས་ཀར་ཆུ་སྐྱེས་དང་ཟླ་བའི་གདན་གྱི་སྟེང་དུ་དཀྱིལ་འཁོར་གྱི་བདག་པོའི་ས་བོན་ལས་བྱུང་བའི་མཚན་མ་དང་ས་བོན་ཡོངས་སུ་གྱུར་པ་ལས་དཀྱིལ་འཁོར་གྱི་བདག་པོ་དང་དཀྱིལ་འཁོར་ས་དང་

62-1-321b

བཅས་པ་རྣམ་པར་བསྒོམས་ཏེ་ཡེ་ཤེས་སེམས་དཔའ་ཡང་རྡོ་རྗེ་ལྕགས་ཀྱུ་ལ་སོགས་པ་རྣམས་ཀྱིས་དགུག་པ་དང་གཞུག་པ་དང་བཅིང་བ་དང་མཉེས་པར་བྱས་ཏེ། འོ་མ་དང་འོ་མ་འདྲེས་པ་བཞིན་དུ་རོ་གཅིག་པར་ལྷན་ཅིག་བྱས་ལ་དབང་བསྐུར་བར་བྱ་སྟེ། བསང་གཏོར་དང་མཆོད་ཡོན་དང་ཞབས་
བསིལ་དང་། ཞལ་བསིལ་ལ་སོགས་པ་མཆོད་པ་དང་བསྟོད་པའི་མཐར་ཐུག་པ་བྱས་ཏེ་སྦྱིན་སྲེག་བྱའོ། །སྔོན་བཞིན་དུ་དེ་ནས་གང་བའི་དགང་བླུགས་རང་གི་སྙིང་གའི་སྔགས་ཀྱིས་ལན་གསུམ་མམ་ལྔའམ་ལན་བདུན་རྣམ་ཉི་ཤུ་རྩ་གཅིག་རྣམས་མར་གྱིས་གང་བའི་དགང་བླུགས་སྲོག་ཨ་ཝ་དྷཱུ་
ཏཱིར་གྱུར་པར་བྱས་ནས་སྦྱིན་བདག་དང་བཅས་པས་དབུལ་བར་བྱའོ། །བསང་གཏོར་དང་ཞལ་བསིལ་ཡང་བྱས་ནས་ཡང་དག་པར་མཆོད་ནས་བསྟོད་པ་ཡང་བྱའོ། །དེ་ནས་ཨོཾ་ཨཱཿས་མཱ་དྷི་པ་ལཱུ་ཡ་སྭཱ་ཧཱ། ཤིང་ཐོག་འབུལ་བའི་སྔགས་སོ། །ཨོཾ་ཨཱཿབཛྲ་བཱ་ས་སེ་སྭཱ་ཧཱ། གོས་ཀྱིའོ། །ཨོཾ་ཨཱཿབཛྲ་ཏཱ་མཱུ་ལཱ་
ཡ་སྭཱ་ཧཱ། སོ་རྩིའོ། །ཨོཾ་སུ་པུཥྤེ་སུ་ཀུ་ལེ་བ་ལེ་ཛྭ་ལ་ནཱི་ཡེ་པུཥྚིཾ་ཀུ་རུ་སྭཱ་ཧཱ། པདྨ་དང་ཨུཏྤལ་ལ་སོགས་པའི་མེ་ཏོག་ལ་སོགས་པ་རྣམས་ཀྱིའོ། །ཨོཾ་དྷརྨེ་དྷརྨྨ་རཱ་ཛེ་ད་ཧ་ད་ཧ་སརྦ་བིགྷྣཱཾ་པྲ་ཤཱནྟ་པུཥྤིཾ་ཀུ་རུ་སྭཱ་ཧཱ། ཙནྡན་ལ་སོགས་པ་དྲི་བཟངས་རྣམས་ཀྱིའོ། །ཨོཾ་ཨཱཿབཛྲ་དྷཱུ་པེ་ཧཱུཾ་སྭཱ་ཧཱ། བདུག་སྤོས་
ཀྱིའོ། །ཨོཾ་ཨཱཿབཛྲཱ་ལོ་ཀེ་ཧྲཱིཿསྭཱ་ཧཱ། མར་མེའིའོ། །དེ་ནས་དཀྱིལ་འཁོར་གྱི་བདག་པོ་དཀྱིལ་འཁོར་པ་དང་བཅས་པ་རང་གི་ལུས་ལ་རྣམ་པར་གཞུག་པར་བྱའོ། །སྔོན་མ་བཞིན་དུ་མེའི་ལྷ་རྣམ་པར་བསྒོམས་ཏེ་མཆོད་ཡོན་ལ་སོགས་པ་ཕྱིའི་མཆོད་པས་མཆོད་ནས། ཨོཾ་ཨཱཿཧ་བྱ་བྷུ་ཀ་ཧ་བྱ་པ་རི་ཤིཥྚ་ན་
བྷུཾ་ཛ་བྷུཾ་ཛ་ཧཱུཾ་སྭཱ་ཧཱ། ཞེས་པའི་སྔགས་ཀྱིས་རྫས་རྣམས་དབུལ་བར་བྱའོ། །མར་གྱིས་གང་བའི་དགང་བླུགས་ཀྱང་དབུལ་ལོ། །སྔགས་ནི། ཨོཾ་ཨཱཿ ཀྱེ་བྱིན་ཐབ་སྦྱིན་བདག་མངོན་པར་འདོད་པའི་དོན་རྫོགས་པར་གྱིས་ཤིག །པུརྞྞ་ཧུ་ཏི་པྲ་ཏཱིཙྪ་ཧཱུཾ་སྭཱ་ཧཱ། བསང་གཏོར་དང་ཞལ་བསིལ་ཡང་ནས་
ཡང་སྔོན་བཞིན་དུ་ཤིང་ཐོག་དབུལ་བར་བྱའོ། །ཕྱིའི་མཆོད་པ་དང་བསྟོད་པ་ཡང་བྱའོ། །དེ་ནས་རང་གི་སྙིང་གའི་ས་བོན་ལས་འོད་འཕྲོས་པའི་ལྷའི་སྤྲིན་ཚོགས་རྣམས་ཀྱིས་ཡེ་ཤེས་ཀྱི་བདུད་རྩིས་གང་བའི་རིན་པོ་ཆེའི་བུམ་པ་བཟུང་བ་རྣམས་ཀྱིས་སྦྱིན་བདག་ལ་དབང་བསྐུར་ཞིང་ཤིས་པ་

62-1-322a

བརྗོད་པར་བྱའོ། །དེ་ནས་ཆད་ལྷག་གི་ཉེས་པ་བསལ་བའི་ཕྱིར་བཟོད་པ་གསོལ་བར་བྱའོ། །གང་ཡང་བདག་བློ་རྨོངས་པ་ཡིས། །ཉེས་བྱས་ཅུང་ཟད་གང་བགྱིས་པ། །གང་ཕྱིར་ལུས་ཅན་སྐྱབས་ཡིན་ཕྱིར། །མགོན་པོ་ཁྱོད་ལ་འཇོམ་པ་མཛོད། །དེ་ནས་ཨོཾ་བཛྲ་སཏྭ་ཨཿཞེས་ལན་
མང་དུ་བརྗོད་ནས་ཡི་གེ་བརྒྱ་པ་བཟླས་པར་བྱའོ། །གཏོར་མ་ཕུལ་ནས་གཤེགས་ཏེ་ལངས་ནས་དབང་པོ་ལ་སོགས་པ་འཇིག་རྟེན་སྐྱོང་བ་རྣམས་ལ་ཕྱི་རོལ་དུ་གཏོར་མ་དབུལ་བར་བྱའོ། །གཡས་བརྐྱང་གི་གོམ་སྟབས་ཀྱིས་ཞལ་ཤར་དུ་ཕྱོགས་པར་གནས་ཏེ་གཡོན་པའི་རྡོ་རྗེ་བསྟན་ནས་གཡས་པའི་རྡོ་རྗེ་མེད་པའི་
ཕྱོགས་སུ་ཡང་དག་པར་བཟུང་སྟེ་སྡིགས་མཛུབ་གཡས་པའི་ལྕགས་ཀྱུས་སྤྱན་དྲང་བར་བྱའོ། །སྤྱན་འདྲེན་པའི་ཕྱག་རྒྱའོ། །དེ་ནས་མཉམ་པའི་རྐང་སྟབས་ཀྱིས་གནས་ཏེ་སྡིགས་མཛུབ་ཀྱི་ལྕགས་ཀྱུ་དང་བྲལ་བ་ནི་དམ་ཚིག་གི་ཕྱག་རྒྱའོ། །བསང་གཏོར་དང་མཆོད་ཡོན་དང་ཞབས་བསིལ་དང་ཞལ་བསིལ་
རྣམས་ཀྱང་ཕུལ་ནས་མེ་ཏོག་ལ་སོགས་པ་རྣམས་ཀྱིས་ཡང་དག་པར་མཆོད་ལ་སྒེག་མོ་ལ་སོགས་པ་བརྒྱད་པོ་རྣམས་ཀྱིས་ཀྱང་མཆོད་པར་བྱའོ། །ཨོཾ་ན་མོ་བཛྲ་སྱ་ཙ་དི་ཤི་དི་ཤི་བཛྲ་པཱ་ཎེ་རཀྵ་རཀྵ་སྭཱ་ཧཱ། ཞེས་པ་འདིས་གཏོར་མ་དབུལ་ལོ། །དེ་ནས་གཡོན་བརྐྱང་བའི་གོམ་སྟབས་ཀྱིས་གནས་
ཏེ་སྤྱན་འདྲེན་པའི་ཕྱག་རྒྱ་ལས་སྡིགས་མཛུབ་རབ་ཏུ་བརྐྱང་སྟེ་སླར་ཡང་བརྒྱ་བྱིན་གཤེགས་སུ་གསོལ། །འཆད་པར་འགྱུར་བའི་ཡང་སྤྱན་དྲངས་པ་དང་དམ་ཚིག་པ་གཤེགས་སུ་གསོལ་བ་རྣམས་ལ་གོ་རིམས་ཇི་ལྟ་བ་བཞིན་དུ་གཡས་བརྐྱང་དང་མཉམ་པ་དང་གཡོན་བརྐྱང་གི་གོམ་སྟབས་
རྣམས་སོ། །བསང་གཏོར་ལ་སོགས་པའི་མཆོད་པ་རྣམས་ཀྱང་སྔོན་བཞིན་དུའོ། །སྔགས་དང་ཕྱག་རྒྱ་རྣམས་ཀྱི་ཁྱད་པར་དུ་སྟེ། སྡིགས་མཛུབ་གཡས་པ་ཐབས་ཀྱི་རྣམ་པར་བཀུག་ནས་གུང་མོའི་རྩེ་མོ་ཚིགས་གསུམ་པར་བཟུང་ནས་མཐེ་བོང་ལག་པའི་
དབུས་སུ་གཞག་པར་བྱའོ་ཞེས་པས་སྤྱན་དྲང་ངོ་། །དེའི་ཕྱག་རྒྱ་ལས་མཐེ་བོང་མཛུབ་མོའི་ལོགས་སུ་བརྟེན་པ་ནི་དམ་ཚིག་གོ། །ཨོཾ་ཨེ་ཧྱེ་ཧི་ག་སི་ལ་ཛྭ་ལ་ཛྭ་ལ་ཧ་ཧ་ཤི་ཁི་ཏོ་ལི་བི་རཱུ་པཱཀྵ་སྭཱ་ཧཱ། དེའི་ཕྱག་རྒྱས་མཛུབ་མོ་དང་མཐེ་བོ་སོར་མོའི་གཏོགས་པ་ནི། སླར་གཤེགས་

62-1-322b

པ་སྟེ་འདི་ནི་མེའིའོ། །མིང་མེད་དག་རྩེ་མོར་བྱས་ཏེ་ལྷག་མ་རྣམས་ཁ་ནང་དུ་ཕྱོགས་པས་རྡོ་རྗེ་བསྡམས་ནས་སླར་ཡང་མིང་མེད་སོ་སོར་བྱས་པའི་ལྕགས་ཀྱུས་སྤྱན་དྲང་བར་བྱའོ། །འདིའི་ཕྱག་རྒྱ་ལས་ལྕགས་ཀྱུ་དང་བྲལ་ནས་ཐུགས་ཀར་བཟུང་ནས་དམ་ཚིག་གིའོ། །ཨོཾ་
ཡ་མཱ་ཡ་སྭཱ་ཧཱ། དམ་ཚིག་གི་ཕྱག་རྒྱས་ཡོངས་སུ་བསྐོར་བ་ལས་གཤེགས་སུ་གསོལ་བར་བྱའོ། །འདི་ནི་གཤིན་རྗེའིའོ། །ཁུ་ཚུར་གཡོན་པ་རྐེད་པའི་ཕྱོགས་སུ་བཞག་སྟེ། སྡིགས་མཛུབ་བཀུག་ནས་ཁུ་ཚུར་གཡས་པའི་གུང་མོ་དང་མཛུབ་མོ་དང་རལ་གྲི་འདྲེན་པ་ནི་སྤྱན་འདྲེན་པའོ། །
འདི་ཉིད་ལས་གཡོན་པའི་སྡིགས་མཛུབ་བཀུག་པ་དང་བྲལ་བ་ནི་དམ་ཚིག་གིའོ། །ཨོཾ་སརྦ་བྷཱུ་ཏ་བྷ་ཡཾ་ཀ་ར་ཀུ་རུ་ཀུ་རུ་སྭཱ་ཧཱ། འདིའི་ཕྱག་རྒྱ་ཉིད་ལས་གཡོན་པའི་སྡིགས་མཛུབ་བརྐྱང་བ་ནི་གཤེགས་སུ་གསོལ་བ་སྟེ་བདེན་བྲལ་གྱིའོ། །ཁུ་ཚུར་གཡས་པའི་མཛུབ་མོ་དང་མཐེ་བོང་དག་
སྦྱར་ཏེ། ཁུ་ཚུར་གཡོན་པའི་སྡིགས་མཛུབ་ཀྱི་ལྕགས་ཀྱུའི་རྣམ་པས་སྤྱན་དྲང་བར་བྱའོ། །དེ་ཉིད་ཀྱི་ལྕགས་ཀྱུ་དང་བྲལ་བ་ནི་དམ་ཚིག་གིའོ། །ཨོཾ་ཏྲི་ཏྲི་པུ་ན་སྟྲི་སྟྲི་ཤི་ཁི་ཏེ་ལི་བི་རཱུ་པཱཀྵ་སྭཱ་ཧཱ། གཡོན་གྱི་སྡིགས་མཛུབ་རབ་ཏུ་བརྐྱང་བ་གཤེགས་སུ་གསོལ་ཏེ་
ཆུ་བདག་གིའོ། །ཁུ་ཚུར་གཡོན་པ་བསྒྲེངས་ཏེ་གུང་མོའི་ཚིགས་གསུམ་པར་མཛུབ་མོ་འཁྱིལ་བའི་རྣམ་པར་གཟུང་བར་བྱའོ། །ཁུ་ཚུར་གཡས་པ་རྐེད་པའི་ཕྱོགས་སུ་བཞག་སྟེ་མཐེ་བོང་བཀུག་པ་ནི་སྤྱན་དྲང་བའོ། །དེ་ཉིད་དུ་མཐེ་བོ་གཡས་པ་རབ་ཏུ་བཅུག་པས་དམ་ཚིག་
གིའོ། །ཨོཾ་སུ་ས་ཁ་ཁཱུ་ཁ་ཁཱུཿསྭཱ་ཧཱ། འདི་ཉིད་ལས་མཐེ་བོ་རབ་ཏུ་བརྐྱང་བས་གཤེགས་སུ་གསོལ་བ་ནི་རླུང་གིའོ། །ནང་དུ་རྡོ་རྗེ་བསམས་པ་མཐེབ་ཆུང་གཉིས་རྩེ་མོར་བྱས་ལ། དེའི་ཕྱི་ནས་མིང་མེད་ཟུང་དག་སོ་སོར་བཟུང་ལ། གུང་མོ་གཉིས་རྩེ་མོར་བྱས་པ་རྡོ་
རྗེའི་རྣམ་པས་སྤྱན་དྲང་བར་བྱའོ། །འདི་ཉིད་ལས་གུང་མོ་གཉིས་རབ་ཏུ་བཅུག་པ་ནི་དམ་ཚིག་གིའོ། །ཨོཾ་ཀུ་བེ་རཱ་ཡ་སྭཱ་ཧཱ། སྤྱན་དྲངས་པའི་ཕྱག་རྒྱ་ལས་གུང་མོ་གཉིས་རབ་ཏུ་བརྐྱང་བ་ནི་གཤེགས་སུ་གསོལ་བའོ་ཕྱག་རྒྱ་སྟེ་ཀུ་བེ་རའིའོ། །མཐེ་ཆུང་

62-1-323a

དང་མིང་མེད་དག་མཐིལ་དུ་རྡོ་རྗེ་བཟུང་ནས་གུང་མོ་ལ་བརྟེན་ལ་གུང་མོ་རྩེ་མོར་བྱས་ལ་རྒྱབ་ཏུ་མཛུབ་མོ་རབ་ཏུ་བརྐྱང་བ་ནི་སྤྱན་དྲང་བའོ། །དེ་ཉིད་དང་བྲལ་བ་ནི་དམ་ཚིག་གོ། །ཨོཾ་ཨཱི་ཤྭ་ནཱ་ཡ་སྭཱ་ཧཱ། སྡིགས་མཛུབ་རབ་ཏུ་བརྐྱང་
བ་ནི་གཤེགས་སུ་གསོལ་བ་སྟེ་དབང་ལྡན་གྱིའོ། །སྟེང་དུ་བལྟས་ཏེ་ཐལ་མོ་སྦྱར་ནས་མཛུབ་མོ་གཉིས་བཀུག་ནས་སྤྱན་དྲང་བའོ། །འདིར་དེ་ཉིད་ལས་མཛུབ་མོ་གཉིས་སྔོན་བཞིན་དུ་གནས་པ་ནི་དམ་ཚིག་གིའོ། །ཨོཾ་ཨུཇྷཾ་བྲཧྨ་ཎེ་སྭཱ་ཧཱ། ཨོཾ་སཱུརྱ་གྲ་ཧཱ་དྷི་པ་
ཏ་ཡེ་སྭཱ་ཧཱ། ཨོཾ་ཙནྡྲ་ནཀྵ་ཏྲཱ་དྷི་པ་ཏ་ཡེ་སྭཱ་ཧཱ། སྤྱན་དྲངས་པའི་ཕྱག་རྒྱ་ལས་མཛུབ་མོ་གཉིས་རབ་ཏུ་བརྐྱང་བ་ནི་གཤེགས་སུ་གསོལ་བ་སྟེ་ཚངས་པ་ལ་སོགས་པ་རྣམས་ཀྱིའོ། །ལག་པ་གཉིས་ཐལ་མོ་སྦྱར་ནས་མཐེ་བོང་དག་ཟླུམ་པོའི་རྣམ་པར་བྱས་ཏེ་འོག་ཏུ་བལྟས་
ནས་མཛུབ་མོ་དག་ལྕགས་ཀྱུའི་རྣམ་པས་སྤྱན་དྲང་བར་བྱའོ། །མཛུབ་མོ་ལྕགས་ཀྱུ་དང་བྲལ་བ་ནི་དམ་ཚིག་གོ། །ཨོཾ་ཨ་དྷིཿཔྲྀ་ཐྭི་དེ་བྱེ་སྭཱ་ཧཱ། ཨོཾ་ཨ་སུ་རེ་བྷྱཿསྭཱ་ཧཱ། ཨོཾ་ནཱ་གེ་བྷྱཿསྭཱ་ཧཱ། འདིར་དེ་ཉིད་ལས་མཛུབ་མོ་གཉིས་རབ་ཏུ་བརྐྱང་བ་ནི་གཤེགས་སུ་གསོལ་བ་སྟེ་
ས་ལ་སོགས་པ་རྣམས་ཀྱིའོ། །སླར་ཡང་དཀྱིལ་འཁོར་གྱི་ཁང་པར་རབ་ཏུ་ཞུགས་ཏེ་དཀྱིལ་འཁོར་རྣམས་ལ་མེ་ཏོག་ལ་སོགས་པ་རྣམས་ཀྱིས་ཡང་དག་པར་མཆོད་ནས། གཡས་སུ་བསྐོར་བ་ལན་གསུམ་བྱས་ཏེ། དབུ་རྒྱན་དང་གོས་ཀྱི་རྒྱན་ལ་སོགས་པ་རྣམས་གནས་
ཇི་ལྟར་གཞག་པར་བྱའོ། །དེ་ཉིད་ཇི་སྲིད་བྱ་བ་མ་རྫོགས་ཀྱི་བར་དུ་ཉི་མ་སོ་སོ་ལ་བྱའོ། །ད་ནི་སྦྱིན་སྲེག་འབུམ་གྱི་རྫས་ཀྱི་ཚད་བརྗོད་པར་བྱའོ། །ཏིལ་རྣམས་ནི་སྣོད་བརྒྱ་རྩ་བརྒྱད་དགོད་པར་བྱའོ། །མར་གྱི་བུམ་པ་རྣམས་ནི་ཉི་ཤུ་རྩ་ལྔ་དགོད་པར་བྱའོ། །
སོ་བ་དང་ནས་དང་གྲོ་རྣམས་ཀྱི་སྣོད་བཅུ་གཉིས་དགོད་པར་བྱའོ། །འབྲས་མ་ཉམས་པ་རྣམས་ཀྱི་སྣོད་དགུ་དགོད་པར་བྱའོ། །ཀོ་ལ་སྟེ་རག་ཆུང་གི་འབྲས་བུ་རྣམས་ཀྱི་དང་། འབྲས་ཡོས་དང་སྲན་མ་ཤ་རྣམས་ཀྱི་སྣོད་དག་བཅུ་དགོད་པར་བྱའོ། །རྫས་རང་

62-1-323b

བ་སྟེ་བིལ་བ་རྣམས་ཀྱི་ཉི་ཤུ་རྩ་ལྔའོ། །རྫས་ལྷག་མ་རྣམས་ནི་ཇི་ལྟར་འབྱོར་པའོ། །ཡམ་ཤིང་རྣམས་ནི་གཟའ་ཉི་མའི་ཉིན་མོ་ཨརྐའི་བཅུ་གཉིས་སོ། །ནྱོ་གྲོ་དྷའི་ཉི་ཤུ་རྩ་ལྔའོ། །ཟླ་བའི་ཉི་མ་ལ་པ་ལ་ཤའི་ཉི་ཤུའོ། །ཨ་མྲའི་བཅུ་བདུན་ནོ། །པ་བ་སངས་ཀྱི་
ཉི་མ་ལ་ཨུ་དུམྺཱ་རའི་བཅུ་དགུའོ། །ཀ་དམྤི་བཅོ་བརྒྱད་དོ། །ས་སྐྱེས་ཀྱི་ཉི་མ་ལ་སེང་ལྡེང་གི་ཉི་ཤུ་རྩ་གཅིག་གོ། །ཥཱ་ལའི་ཉེར་དྲུག་གོ། །ལག་གི་ཉི་མ་ལ་ཨ་པ་མརྒའི་ཉི་ཤུ་རྩ་གཉིས་སོ། །པླཀྵའི་བཅོ་ལྔའོ། །ཕུར་བུའི་ཉི་མ་ལ་ཨ་ཤུཏྠའི་ཉི་ཤུ་རྩ་
བཞིའོ། །སྦྲང་ཤིང་གི་བཅུ་གསུམ་མོ། །སྤེན་པའི་ཉི་མ་ལས་མྱའི་བཅུ་བཞིའོ། །མྱ་ངན་མེད་པའི་ཉི་ཤུ་རྩ་གསུམ་མོ། །ཡམ་ཤིང་ལྷག་མ་རྣམས་ཇི་ལྟར་འབྱོར་པའོ། །ད་ནི་ཆོ་ག་བཤད་པར་བྱ་སྟེ། དང་པོར་རེ་ཞིག་གཙུག་ལག་ཁང་ལ་སོགས་པའི་རབ་ཏུ་གནས་པར་བྱ་བར་འདོད་
པའི་སྦྱིན་བདག་གིས་སློབ་དཔོན་དག་དང་སློབ་དཔོན་གྱི་ཁང་པར་སོང་སྟེ་བཤད་པ་བཞིན་མཎྜལ་བྱས་ནས་དྲི་བཟང་དང་མེ་ཏོག་གི་ཕྲེང་བ་དང་སོ་རྩི་ལ་སོགས་པ་དང་གོས་ཟུང་དག་སོ་སོར་ཕུལ་ནས་གསོལ་བ་གདབ་པར་བྱའོ། །ཀྱེ་ཁྱབ་བདག་ཆེན་པོ་མགོན་པོ་སྟོན་པ་ཁྱོད་ཉིད་ལ་བདག་གསོལ་བ་
འདེབས་ཏེ། སེམས་ཅན་ཐམས་ཅད་འཁོར་བའི་རྒྱ་མཚོ་ལས་གདོན་ཅིང་སངས་རྒྱས་ཉིད་ལ་དགོད་པ་དང་ཁྱེད་རྣམས་ཀྱི་ཡང་མཆོད་པའི་ཕྱིར་གཙུག་ལག་ཁང་ལ་སོགས་པའི་རབ་ཏུ་གནས་པ་དང་དཀྱིལ་འཁོར་ཆེན་པོ་བྲི་བ་དང་སྦྱིན་སྲེག་གི་བྱ་བ་ཡང་ཁྱེད་ཀྱིས་མཛད་པར་ཞུ་
ཞེས་པས་གསོལ་བ་གདབ་པར་བྱའོ། །གང་བྱེད་པ་དེ་བསྒྲུབ་པར་བགྱིའོ་ཞེས་སོ། །དེ་ནས་དུར་ཁྲོད་བརྒྱད་ཀྱི་མཆོད་པ་བྱ་བའི་ཕྱིར་སློབ་དཔོན་གྱིས་བདག་པོའི་སྔགས་འབུམ་དང་དཀྱིལ་འཁོར་པའི་ཁྲི་ཕྲག་རེ་རེ་སོ་སོར་བཟླས་པར་བྱའོ། །དེ་ནས་དུར་ཁྲོད་
ཀྱི་མཆོད་པ་གསུངས་པ་རེ་ཞིག་ཤར་ཕྱོགས་སུ་ཚངས་མ་སེར་མོའོ། །ཨ་ཡིག་གིས་བོན་ལས་བརྒྱ་བྱིན་སེར་པོའོ། །སྔོན་དུ་འགྲོ་བའི་འཇིགས་བྱེད་ནག་པོའོ། །ནཱ་ག་ཀེ་ཤ་རའི་ཤིང་དང་། ཀླུ་པདྨ་ཆེན་པོ་སེར་པོ་རྣམས་ལ་གཏོར་མ་ཁྲག་དང་བ་དན་ལྔས་

62-1-324a

མཚན་པ་དཀར་པོའི་ཚེས་དགུ་ལ་གཟའ་ཉི་མ་ལ་མཆོད་པར་བྱའོ། །ཨོཾ་ཧྲིཾ་ཤྲཱིཾ་ཧཱུཾ་ཧཿཔྲ་ཡཱ་གཱ་སེ་བིགྷྣཾ་བི་ནཱ་ཤཱ་ཡ་སྭཱ་ཧཱ། ཞིང་སྐྱོང་གི་སྔགས་སོ། །ཨོཾ་གཾ་ག་ཎ་པ་ཡ་ཏེ་ན་མཿསྭཱ་ཧཱ། ལོག་འདྲེན་གྱི་སྔགས་སོ། །ཨོཾ་ཀནྡྷ་ཡ་ན་མཿ། གཞོན་ནུའི་འོ། །ཨོཾ་མ་ཧཱ་ཀཱ་ལཱ་ཡ་ན་མཿ། ནག་པོ་ཆེན་པོའིའོ། །ཨོཾ་
བྲཧྨ་ནི་བྲཧྨ་ལོ་ཀཾ་ཨ་པ་ཏ་ར་ཤཱི་གྷྲཾ་ཧཱུཾ་ཕཊ་སྭཱ་ཧཱ། ལེགས་ལྡན་མ་སྤྱན་དྲངས་པའི་སྔགས་སོ། །ཨོཾ་ཕེཾ་ཕཊ་བྲཧྨ་ཎྱེ་ན་མཿསྭཱ་ཧཱ། མཆོད་པའི་སྔགས་སོ། །ཨོཾ་ཧཱུཾ་བྲཧྨ་ཙཎྜེ་སྭཱ་ཧཱ། འཇིགས་བྱེད་ཀྱིའོ། །ཨོཾ་ལཱི་ལ་ཛི་མཱུ་ཏ་སཾ་ཀཱ་ཥ་གྷོ་ར་དཾཥྚྲ་ཏ་ཡཱ་པ་ཧ་ཨུརྡྷ་ཀེ་ཤ་བི་རཱུ་པཱཀྵ་ཀྵེ་ཏྲ་པཱ་ལ་བྲི་ཧ་ཏ་སུ་ད་རེ་ཧཱུཾ་ཨེ་ཧྱེ་ཧི། བ་ལི་པྲ་ཏི་གྲྀཧྞ་
གྲྀཧྞ། ཧ་ན་ཧ་ན། ད་ཧ་ད་ཧ། པ་ཙ་པ་ཙ། ཁ་ཁ་ཁཱ་ཧི་ཁཱ་ཧི། བྷུཾ་ཛེ་བིགྷྣཱཾ་བྷཻ་ར་བེ་ཎ་བ་ལི་པྲ་ཏི་གྲྀཧྞ་གྲྀཧྞ་ཧྲཱི་ཕཊ་སྭཱ་ཧཱ། ཞེས་པ་ནི་གཏོར་མའི་སྔགས་སོ། །བྱང་དུ་དྲག་མོ་དཀར་མོའོ། །ཀ་ཡིག་གི་ས་བོན་ལས་ལུས་ངན་སེར་པོའོ། །ཀོ་ལ་ཤི་རི་དང་། ཙཎྜ་བྷཻ་ར་བ་དམར་པོའོ། །པུཾ་ན་གའི་ཤིང་དང་ཀླུ་དུང་སྐྱོང་
སེར་པོ་རྣམས་ལ་ཤའི་གཏོར་མ་ཚེས་བཅུ་དང་གཉིས་པ་ལ་གཟའ་ཟླ་བའི་ཉི་མ་ལ་མཆོད་པ་བྱའོ། །ཨོཾ་ཧྲཱིཾ་ཤྲཱིཾ་ཧཱུཾ་ཧཿཀོ་ལ་ཤི་རི་བིགྷྣཱཾ་བི་ནཱ་ཤཱ་ཡ་ཕཊ་སྭཱ་ཧཱ། ཞིང་སྐྱོང་གིའོ། །ཨོཾ་དྲཱ་ཎཱི་རུ་དྲ་ལོ་ཀཾ་ཨ་ཝ་ཏ་ར་ཨ་ཝ་ཏ་ར་ཤཱི་གྷྲཾ་ཧཱུཾ་ཕཊ་སྭཱ་ཧཱ སྤྱན་དྲང་བའོ། །ཨོཾ་ཕེཾ་ཕཊ་མ་ཧེ་ཤྭ་རཱི་ཡེ་ན་མཿསྭཱ་ཧཱ། རྩ་བའི་
སྔགས་སོ། །ཨོཾ་ཧཱུཾ་རུ་དྲ་ཙཎྜེ་སྭཱ་ཧཱ། འཇིགས་བྱེད་ཀྱིའོ། །ལྷག་མ་རྣམས་ནི་སྔོན་དུ་གསུངས་པའི་སྔགས་རྣམས་སོ། །མེར་གཞོན་ནུ་མ་དམར་མོའོ། །ཙ་ཡིག་གི་ས་བོན་ལས་མེ་དམར་པོའོ། །ཨཊྚཱཊྚ་དགོད་པའི་ཞིང་དུ་ཁྲོ་བོ་འཇིགས་བྱེད་ལྗང་གུའོ། །ཀ་རཉྫའི་ཤིང་དང་། ཀླུ་པདྨ་དཀར་པོ་
རྣམས་ལ་གཏོར་མ་ཨ་དྷ་མཎྜའོ། །ཚེས་གསུམ་མམ་བཅུ་གཅིག་ལ་གཟའ་བཀྲ་ཤིས་ལ་མཆོད་པ་བྱའོ། །ཨོཾ་ཧྲཱིཾ་ཤྲཱིཾ་ཧཱུཾ་སྭཱ་ཧཱ། ཨཊྚཱཊྚ་སྭཱ་ཧཱ། བིགྷྣཱི་ནཱ་ཤཱ་ཡ་ཕཊ་སྭཱ་ཧཱ། ཞིང་སྐྱོང་གིའོ། །ཨོཾ་ཙཀྐཽ་མ་རི་ཨུ་མཱ་ལོ་ཀཾ་ཨ་བ་ཏ་ར་ཨ་བ་ཏ་ར་ཤཱི་གྷྲཾ་ཕཊ་སྭཱ་ཧཱ། སྤྱན་དྲང་བའོ། །ཨོཾ་ཕེཾ་ཕཊ་ཀཽ་མཱརྱི་ན་མཿསྭཱ་ཧཱ། རྩ་
བའི་སྔགས་སོ། །ཨོཾ་ཧཱུཾ་རཏྣ་ཙཎྜེ་སྭཱ་ཧཱ། འཇིགས་བྱེད་ཀྱིའོ། །ལྷག་མ་རྣམས་ནི་སྔ་མ་བཞིན་དུའོ། །བདེན་བྲལ་དུ་ཁྱབ་མཇུག་མ་སྔོ་བསངས་སོ། །ཌ་ཡིག་གི་ས་བོན་ལས་སྲིན་པོའི་བདག་པོའོ། །རྒྱལ་བར་བྱེད་པ་དང་སྨྱོ་བྱེད་འཇིགས་བྱེད་ནག་པོའོ། །པ་ར་ཀཱརྟིའི་ཤིང་དང་ཀླུ་མཐའ་ཡས་སྔོན་པོ་རྣམས་ལ་

62-1-324b

གཏོར་མ་པྲིཥྚི་ཀ་དང་པྲ་ཏི་སྭ་ར། ཚེས་བཅུ་བཞིའམ་བཅུ་གཉིས་ལ་གཟའ་ལག་གི་ཉི་མ་ལ་མཆོད་པ་བྱའོ། །ཨོཾ་ཧྲཱིཾ་ཤྲཱི་ཧཱུཾ་ཨཿཛཱ་ཡཱནྟི་བིགྷྣཱཾ་བི་ནཱ་ཤཱ་ཡ་ཕཊ་སྭཱ་ཧཱ། ཞིང་སྐྱོང་གིའོ། །ཨོཾ་བེཥྞ་བི་ལོ་ཀཾ་ཨ་བ་ཏ་ར་ཨ་བ་ཏ་ར་ཤཱི་གྷྲཾ་ཧཱུཾ་ཕཊ་སྭཱ་ཧཱ། སྤྱན་དྲང་བའོ། །ཨོཾ་ཕེཾ་ཕཊ་བེཥྞ་བི་
ཡེ་ན་མཿསྭཱ་ཧཱ། རྩ་བའི་སྔགས་སོ། །ཨོཾ་ཧཱུཾ་བྷི་རི་ཙཎྜ་སྭཱ་ཧཱ། འཇིགས་བྱེད་ཀྱིའོ། །ལྷག་མ་རྣམས་ནི་སྔོན་མ་བཞིན་ནོ། །ལྷོ་ཕྱོགས་སུ་ཕག་མོ་དམར་མོའོ། །ཏ་ཡིག་གི་ས་བོན་ལས་གཤིན་རྗེ་ཨེ་ཀཱཾ་བེ་ཀཱའོ། །ཐོད་པ་ཅན་དང་འཇིགས་བྱེད་དམར་སྐྱའོ། །
ཙཱུ་ཏའི་ཤིང་དང་། ཀླུ་རིགས་ལྡན་སྔོན་པོའོ། །ཚེས་ལྔ་འམ་བཅུ་གསུམ་ལ་གཟའ་བླ་མ་ལ་མཆོད་པ་བྱའོ། །གཏོར་མ་བ་དན་ལྔས་མཚན་པའོ། །ཨོཾ་ཧྲཱིཾ་ཤྲཱིཾ་ཧཱུཾ་ཧཿཨེ་ཀཾ་བྷ་ཀ་བིགྷྣཱཾ་བི་ནཱ་ཤཱ་ཡ་ཕཊ་སྭཱ་ཧཱ། ཞིང་སྐྱོང་གིའོ། །ཨོཾ་ཏ་བཱ་རཱ་ཧྲི་བྷུ་ལོ་ཀཾ་ཨ་ཝ་ཏ་ར་ཨ་བ་ཏ་ར་ཤཱི་གྷྲཾ་ཧཱུ་
ཕཊ་སྭཱ་ཧཱ། སྤྱན་དྲང་བའོ། །ཨོཾ་ཕེཾ་ཕཊ་བཱ་རཱ་ཧྱེ་ན་མཿསྭཱ་ཧཱ། རྩ་བའི་སྔགས་སོ། །ཨོཾ་ཧཱུཾ་བི་ཛ་ཡ་ཙཎྜེ་སྭཱ་ཧཱ། འཇིགས་བྱེད་ཀྱིའོ། །ལྷག་མ་རྣམས་ནི་སྔོན་མ་བཞིན་ནོ། །ནུབ་ཏུ་དབང་ལྡན་མ་གུར་ཀུམ་གྱི་མདོག་ལྟ་བུའོ། །པ་ཡིག་གི་ས་བོན་ལས་སོ། །ཞིང་སྐྱོང་གི་ཆུ་
བདག་གིའོ། །རུ་རུ་གྷཻ་ར་བ་སེར་པོ་ལ་ཉའི་གཏོར་མའོ། །ཨ་ཤྭཏྠའི་ཤིང་དང་། ཀླུ་སྟོབས་ཀྱི་རྒྱུ་སྔོ་བསངས་ལ། ཚེས་དྲུག་གམ་བཅུ་བཞི་ལ་གཟའ་པ་བ་སངས་ཀྱི་ཉི་མ་ལ་མཆོད་པ་བྱའོ། །ཨོཾ་ཧྲཱིཾ་ཤྲཱིཾ་ཧཱུཾ་ཧཿར་ཎ་སྱཾ་བིགྷྣཱཾ་བི་ནཱ་ཤཱ་ཡ་ཕཊ་སྭཱ་ཧཱ། ཞིང་སྐྱོང་གིའོ། །ཨོཾ་པྲ་མ་ཧ་ན་ཏྲཱི་སུ་
ར་ལོ་ཀཾ་ཨ་བ་ཏ་ར་ཨ་བ་ཏ་ར་ཤཱི་གྷྲཾ་ཧཱུཾ་ཕཊ་སྭཱ་ཧཱ། སྤྱན་དྲང་བའོ། །ཨོཾ་ཕེཾ་ཕཊ་ཨིནྡྲ་ཎྱེ་ན་མཿསྭཱ་ཧཱ། རྩ་བའི་སྔགས་སོ། །ཨོཾ་ཧཱུཾ་གྷ་ར་ཙཎྜེ་སྭཱ་ཧཱ། འཇིགས་བྱེད་ཀྱིའོ། །ལྷག་མ་རྣམས་ནི་སྔོན་མ་བཞིན་དུའོ། །རླུང་དུ་ཙཱ་མུཎྜཱི་དམར་མོའོ། །ཡ་ཡིག་གི་ས་བོན་ལས་ལྷ་མོ་མཁར་སྡུད་པའི་
འཇིགས་བྱེད་ཁ་དོག་དམར་པོའོ། །རླུང་སྔོ་བསངས་དང་ཨུ་དུམྺཱ་རའི་ཤིང་དང་ཀླུ་ནོར་རྒྱས་ཁ་དོག་དཀར་པོའོ། །ཚེས་བདུན་ནམ་བཅོ་ལྔ་ལ་གཟའ་སྤེན་པ་ལ་མཆོད་པ་བྱའོ། །གཏོར་མ་སིནྡྷུ་རས་བརྒྱན་པའོ། །ཨོཾ་ཧྲཱིཾ་ཤྲཱིཾ་ཧཱུཾ་ཧཿདེ་བི་ཀོ་ཊ་སྱེ་བིགྷྣཱཾ་བི་ནཱ་ཤཱ་ཡ་ཧཱུཾ་ཕཊ་སྭཱ་ཧཱ། ཞིང་སྐྱོང་གིའོ། །ཨོཾ་ཡ་ཙཱ་

62-1-325a

མུཎྜཱི་སུ་ར་ལོ་ཀ་ཨ་བ་ཏ་ར་ཨ་བ་ཏ་ར་ཤཱི་གྷྲཾ་ཧཱུཾ་ཕཊ་སྭཱ་ཧཱ། སྤྱན་དྲང་བའོ། །ཨོཾ་ཕེཾ་ཕཊ་ཙཱ་མཎྜཱ་ཡེ་ན་མཿསྭཱ་ཧཱ། རྩ་བའི་སྔགས་སོ། །ཨོཾ་ཧཱུཾ་ཀཱ་ལ་ཙཎྜེ་སྭཱ་ཧཱ། འཇིགས་བྱེད་ཀྱིའོ། །ལྷག་མ་རྣམས་ནི་སྔོན་མ་བཞིན་ནོ། །དབང་ལྡན་དུ་བཀྲ་ཤིས་ཆེན་མོ་དཀར་མོའོ། །ཤ་ཡིག་གི་ས་
བོན་ལས་འཇིགས་པར་བྱེད་པའི་འཇིགས་བྱེད་དེ་དམར་སྐྱའོ། །ཙ་རི་ཏྲའི་ཞིང་ངོ་། །ནྱ་གྲོ་དྷའི་ཤིང་དང་། དབང་ཕྱུག་དང་ཀླུའི་རྒྱལ་པོ་འཇོག་པོ་དམར་པོའོ། །ཚེས་བརྒྱད་དམ་གནམ་སྟོང་ལ་གཟའ་ཐམས་ཅད་ལ་མཆོད་པ་བྱའོ། །གཏོར་མ་ནི་ཁ་དོག་ཐམས་ཅད་པའོ། །ཨོཾ་ཧྲཱིཾཿཤྲཱིཾ་ཧཱུཾ་ཨཿ
ཙ་རི་ཏྲ་ཡ་བིགྷྣཱཾ་བི་ནཱ་ཤཱ་ཡ་ཕཊ་སྭཱ་ཧཱ། ཞིང་སྐྱོང་གིའོ། །ཨོཾ་ཤ་མ་ཧཱ་ལཀྵི་སུ་ར་ལོ་ཀཾ་ཨ་བ་ཏ་ར་ཨ་བ་ཏ་ར་ཤཱི་གྷྲཾ་ཧཱུཾ་ཕཊ་སྭཱ་ཧཱ། སྤྱན་དྲང་བའོ། །ཨོཾ་ཕེཾ་ཕཊ་མ་ཧཱ་ལཀྵི་ན་མཿསྭཱ་ཧཱ། རྩ་བའི་སྔགས་སོ། །ཨོཾ་ཧཱུཾ་ཨ་གྲ་ཙཎྜེ་སྭཱ་ཧཱ། འཇིགས་བྱེད་ཀྱིའོ། །ལྷག་མ་རྣམས་ནི་སྔོན་མ་བཞིན་དུའོ། །དེ་ནས་
དགེ་བའི་གཟའ་ཉེ་བར་མཚོན་ཏེ་ཚེས་གྲངས་དང་། རྒྱུ་སྐར་དང་ཡུད་ཙམ་བཟང་པོ་ལ་མེ་ཐབ་ཀྱི་རྡུལ་ཚོན་དང་སྟེགས་བུ་དང་། དབང་པོ་ལ་སོགས་པའི་འཇིག་རྟེན་སྐྱོང་བ་རྣམས་ཀྱི་བུམ་པ་འཇོག་པའི་སྟེགས་སུ་ཕྱི་རོལ་དུ་གཏོར་མ་འཇོག་པའི་སྟེགས་བུ་རྣམས་ཀྱང་བྱའོ། །དེ་ལ་རྡུལ་
ཚོན་གྱི་སྟེགས་བུ་ནི། མཐེབ་ཆུང་གི་ཚད་ཀྱི་ཁྲུ་དྲུག་བྱའོ། །འདི་མི་དམའ་བར་བྱ་ཞིང་འདི་ལྷག་པས་དཀྱིལ་འཁོར་གྱི་རྗེས་སུ་འབྲངས་པས་འཕེལ་ལོ། །ཁྲུ་གང་གི་ཚད་ཀྱིས་འཇིག་རྟེན་སྐྱོང་བ་རྣམས་ཀྱི་བུམ་པའི་སྟེགས་བུའོ། །དེའི་ཚད་ཀྱི་ཕྱི་རོལ་དུ་གཏོར་མའི་སྟེགས་བུ་
བཅུ་བཞིའོ། །དཀྱིལ་འཁོར་གྱི་ཁང་པ་ལས་ཤར་ཕྱོགས་སུ་དབང་ལྡན་གྱི་མཚམས་སུ་ཁྲུས་ཀྱི་སྟེགས་བུ་ཁྲུ་བཞི་པའི་ཚད་ལ་དེའི་ཆ་ཕྱེད་ཀྱི་སྟེང་དུ་མཐོ་བར་བྱའོ། །བུམ་པ་སོ་སོ་ལ་མེ་ཏོག་དང་གཏོར་མ་དང་གདུགས་དང་དངུལ་གྱི་མིག་ཟུང་དང་གསེར་གྱི་ཐིག་
ལེ་དང་། མཚན་མ་རྣམས་དང་། གོས་དང་རིན་པོ་ཆེའི་ཐུམ་བུ་དང་། གོ་ཡུ་དང་། འབྲུ་ལྔ་དང་། སྨན་ལྔ་དང་། ལོ་མ་ལྔ་དང་། ཡུངས་ཀར་རྣམ་པ་ལྔའི་ཐུམ་བུ་དང་། དྲི་ལྔ་དང་། བདུད་རྩི་ལྔ་དང་། བའི་རྣམ་ལྔ་དང་། བ་དན་ལྔ་དང་། སྐུད་པ་རྣམས་སོ། །དབང་པོ་

62-1-325b

ལ་སོགས་པ་རྣམས་ཀྱི་བ་དན་རྣམས་ནི་དེ་ལ་ཚངས་པ་དང་། དབང་པོ་དང་ས་དང་ལུས་ངན་པོ་རྣམས་ཀྱི་བ་དན་སེར་པོ་རྣམས་སོ། །ཀླུ་དང་དབང་ལྡན་དང་། ཟླ་བ་དང་ཆུ་བདག་རྣམས་ཀྱི་དཀར་པོ་རྣམས་སོ། །མེ་དང་ཉི་མ་དག་གི་དམར་པོའོ། །གཤིན་རྗེའི་ནག་པོའོ། །
སྲིན་པོའི་ནག་པོའོ། །རླུང་གི་ཁྲ་བོའོ། །ཐགས་བཟངས་རིས་ཀྱི་སྔོ་བསངས་སོ། །སྲིད་དུ་ཁྲུ་བཞི་པ་ཞེང་དུ་ཁྲུ་གང་གི་ཚད་དོ། །རིམ་པ་བཞིན་དུ་ཉི་མ་ལ་སོ་རྩིའི་ཐུམ་བུ་དང་གཏོར་མ་སྟོང་ཕྲག་གསུམ་བྱ་སྟེ། རྩོམ་པའི་ཉི་མ་ལ་བྱའོ། །ཉི་མ་སོ་སོ་ལ་གཏོར་མ་བརྒྱ་རྩ་བརྒྱད་བྱའོ། །ཞལ་ཟས་ཀྱང་
དེ་དང་མཉམ་པའོ། །མེ་ཏོག་རྣམ་པ་མང་པོ་རྣམས་དང་། མེ་ཏོག་གི་ཕྲེང་བ་བརྒྱུས་པ་དང་། དྲི་དང་བདུག་སྤོས་དང་། མར་མེ་རྣམས་ཀྱང་མང་པོ་རྣམས་སོ། །ཉི་མ་སོ་སོ་ལ་གུ་གུལ་སྲང་བཞི་དང་། གཏོར་མ་ཆེན་པོ་འབྲས་བྲེ་བདུན་གྱི་དང་། དེ་ལ་རྒྱུན་ལྔ་ནི་འོ་མ་ཕུལ་དོ་དང་། མཉྫ་ར་ཕུལ་དོ་དང་། ཆང་
ཕུལ་དོ་དང་། ཁྲག་ཕུལ་དོ་དང་། ཉ་དང་ཤའི་བཟའ་བ་དང་བཅའ་བ་སྣ་ཚོགས་པའི་མཆོད་པའོ། །ད་ནི་རྡུལ་ཚོན་གྱི་ཆ་བཤད་པར་བྱའོ། །རྡུལ་ཚོན་ནག་པོ་བྲེ་བཞི་དང་། རྡུལ་ཚོན་དཀར་པོ་བྲེ་གསུམ་དང་། ལི་ཁྲི་བྲེ་དོ་དང་། སྔོན་པོ་བྲེ་གང་དང་། རྡུལ་ཚོན་སེར་པོ་བྲེ་དོ་དང་། རྡུལ་ཚོན་
ལྗང་གུ་བྲེ་དོ་རྣམས་སོ། །སློབ་དཔོན་གྱི་མཆོད་པ་སོ་སོར་འབོལ་གདན་དང་། རྒྱབ་ཡོལ་དང་། གདུགས་དང་། རྐེད་པ་ལ་སྐ་རགས་དང་། མགོར་ཅོད་པན་དང་། གོས་རྣམས་དང་། གསེར་གྱི་ཐིག་ལེ་དང་། གསེར་གྱི་སོར་གདུབ་དང་། གསེར་གྱི་དོ་ཤལ་དང་། གསེར་
གྱི་དཔུང་རྒྱན་ལ་སོགས་པ་ཇི་ལྟར་ནུས་པའི་ཡོན་དང་བཅས་པས་སོ། །ཆོས་སྒྲོགས་པ་རྣམས་ལ་སོ་སོའི་མཆོད་པ་ལ་འབོལ་གདན་དང་། གདུགས་དང་། གོས་དང་། གསེར་གྱི་སོར་གདུབ་དང་། ཇི་ལྟར་ནུས་པའི་ཡོན་དབུལ་ལོ། །མེའི་ཐབ་ལ་ཡང་གོས་དམར་པོས་དཀྲི་བར་བྱའོ། །
མེ་ཏོག་གི་ཕྲེང་བ་རིང་པོ་ཡང་དཔྱང་བར་བྱའོ། །བུམ་པ་རྣམས་ལ་ཡང་མེ་ཏོག་གི་ཕྲེང་བ་རིང་པོ་དཔྱང་བར་བྱའོ། །ཏིལ་གྱི་སྣོད་དང་མཆོད་སྦྱིན་གྱི་བུམ་པ་ཟངས་མའི་སྣོད་དམ། ཉི་མ་སོ་སོ་ལ་ཇི་ལྟར་དད་པས་གསེར་གྱིས་ཀྱང་སྦྱིན་སྲེག་བྱའོ། །གཞུང་མངས་པའི་འཇིགས་པས་

62-1-326a

རྒྱ་ཆེར་ནི་མ་བཤད་དོ་ཞེས་པའི་ཆོ་གས་སོ། །ད་ནི་སྟེགས་བུ་ལ་རེ་མིག་དགུའི་ཆ་བརྗོད་པར་བྱ་སྟེ། དེ་ལ་ལྷའི་གནས་ཀྱི་ནང་ལ་རྒྱར་ཆ་བདུན་བདུན་དུ་ཕྱེ་བས་རེ་མིག་བཞི་བཅུ་རྩ་དགུར་འགྱུར་རོ། །དེ་ལ་དབུས་ཀྱི་རེ་མིག་ཚངས་པའི་གནས་སོ། །དེའི་ཕྱི་རུ་རེ་མིག་བརྒྱད་ལྷའི་ཆའོ། །དེའི་
ཕྱི་རོལ་དུ་རེ་མིག་བཅུ་དྲུག་མི་རྣམས་ཀྱི་ཆའོ། །དེའི་ཕྱི་རོལ་དུ་རེ་མིག་ཉི་ཤུ་ནི་ཡི་དྭགས་རྣམས་ཀྱི་ཆའོ། །དེ་ནས་རྩིག་པའི་མདུན་དུ་རེ་མིག་བཞིའི་མཐར་དེ་དང་མཉམ་པ་སྟེ་དུད་འགྲོའོ། །ནང་དུ་གྲུ་བཞི་པའི་རེ་མིག་དགུ་རྣམས་བྱའོ། །རེ་མིག་དགུ་པོ་དེ་རྣམས་ཀྱང་བྱེ་མ་རྣམས་ཀྱིས་རབ་ཏུ་བཀང་
ནས་བཅག་པར་བྱའོ། །དེ་ལ་རེ་མིག་དགུ་པོ་རྣམས་སུ་བདུད་རྩི་རྣམ་པ་ལྔ་དང་། སྨན་རྣམ་པ་ལྔ་དང་། དྲི་རྣམ་པ་ལྔ་དང་། རིན་པོ་ཆེ་རྣམ་པ་ལྔ་ཚོན་སྐུད་ལྔས་བཅིངས་ཏེ་བཅུག་ནས་དངུལ་ཆུས་ཡོངས་སུ་བཀང་སྟེ། ཟངས་མས་ཁ་བཀང་ནས་སྦྲང་གི་བུམ་པ་དགུ་གཞག་པར་བྱའོ། །ཡང་ན་
དབུས་དང་དབང་ལྡན་ལ་སོགས་པའི་ཟུར་གྱི་རེ་མིག་རྣམས་ཏེ་ལྔའོ། །ཡང་ན་དབུས་ཀྱི་རེ་མིག་གཅིག་པུའི་གཞག་པར་བྱའོ། །དེ་ལ་དུས་དབུས་སུ་རབ་ཏུ་གནས་པ་ནི་ལྷའི་སྔགས་ཀྱི་ལན་བརྒྱ་རྩ་བརྒྱད་ཡོངས་སུ་བཟླས་སོ། །ཕྱོགས་རྣམས་སུ་རང་གི་དེ་བཞིན་གཤེགས་པའི་སྔགས་ཀྱིས་སོ། །
དབང་ལྡན་ལ་སོགས་པའི་མཚམས་རྣམས་སུ་སྒོ་སྐྱོང་བཞི་པོ་རྣམས་ཀྱི་སྔགས་ཀྱིས་མངོན་པར་བསྔགས་ནས་གནས་པར་བྱའོ། །ཡང་ན་བརྒྱད་བརྒྱད་ཀྱི་ཆར་ཕྱེ་བས་རེ་མིག་དྲུག་ཅུ་རྩ་བཞི་རྣམས་སུ་འགྱུར་རོ། །དེ་ལ་དབུས་ཀྱི་རེ་མིག་བཞི་ནི་ཚངས་པའི་གནས་སོ། །དེའི་ཕྱི་རོལ་དུ་རེ་མིག་བཅུ་
གཉིས་ནི་ལྷ་རྣམས་ཀྱི་ཆའོ། །དེའི་ཕྱི་རོལ་དུ་རེ་མིག་ཉི་ཤུ་ནི་མི་རྣམས་ཀྱི་ཆའོ། །དེའི་ཕྱི་རོལ་དུ་རེ་མིག་ཉི་ཤུ་རྩ་བརྒྱད་ནི་ཡི་དྭགས་རྣམས་ཀྱི་ཆའོ། །ཡང་ན་ཆ་དགུར་ཕྱེ་བས་རེ་མིག་བརྒྱད་ཅུ་རྩ་གཅིག་ཏུ་འགྱུར་རོ། །དེ་ལ་དབུས་ཀྱི་རེ་མིག་དགུ་ནི་ཚངས་པའི་གནས་སོ། །དེའི་ཕྱི་རོལ་དུ་
རེ་མིག་བཅུ་དྲུག་ནི་ལྷ་རྣམས་ཀྱི་ཆའོ། །དེའི་ཕྱི་རོལ་དུ་རེ་མིག་ཉི་ཤུ་རྩ་བཞི་ནི་མི་རྣམས་ཀྱི་ཆའོ། །དེའི་ཕྱི་རོལ་དུ་རེ་མིག་སུམ་ཅུ་སོ་གཉིས་ནི་ཡི་དྭགས་རྣམས་ཀྱི་ཆའོ། །ད་ནི་བཞི་བཅུ་ཞེ་དགུ་དང་དྲུག་ཅུ་རྩ་བཞི་དང་བརྒྱད་ཅུ་གྱ་གཅིག་གི་རེ་མིག་རྣམས་ཀྱི་སོ་སོའི་རྣམ་དག་བརྗོད་པར་བྱའོ། །དེ་

62-1-326b

ལ་ཚངས་པའི་ཐར་པ་སྟེ། ཤེས་རབ་ཀྱི་ཕ་རོལ་ཏུ་ཕྱིན་པ་སྐད་ཅིག་མ་གཅིག་གིས་མངོན་པར་བྱང་ཆུབ་པའི་རྣམ་པར་དག་པ་དབུས་ཀྱི་རེ་མིག་གཅིག་སྟེ་ཚངས་པའི་གནས་སོ། །དེའི་བྱ་བ་ཆོས་ཀྱི་སྐུའི་རྣམ་པར་དག་པ་དབུས་ཀྱི་རེ་མིག་བཞི་ཡིས་ཚངས་པའི་གནས་སོ། །ཐམས་ཅད་མཁྱེན་
པ་ཉིད་ཀྱི་རྣམ་པར་དག་པ་དབུས་ཀྱི་རེ་མིག་དགུའི་ཚངས་པའི་གནས་སོ། །དེ་ནས་དབང་ལྡན་ལ་སོགས་པའི་རེ་མིག་བརྒྱད་པོ་རྣམས་ནི་ཡུལ་འཁོར་སྲུང་དང་། སུམ་ཅུ་རྩ་གསུམ་དང་། འཕགས་སྐྱེས་པོ་དང་། མཚེ་མ་དང་། མིག་མི་བཟང་དང་། དགའ་ལྡན་དང་། ལུས་ངན་པོ་དང་། འཕྲུལ་
དགའི་གནས་རྣམས་ཀྱིའོ། །དེ་བཞིན་དུ་དབང་ལྡན་ལ་སོགས་པའི་རེ་མིག་བཅུ་གཉིས་པོ་རྣམས་ནི་ཡུལ་འཁོར་སྲུང་དང་ཚངས་རིས་དང་སུམ་ཅུ་རྩ་གསུམ་དང་། འཕགས་སྐྱེས་པོ་དང་། ཚངས་པ་མདུན་ན་འདོན་དང་། མཚེ་མ་དང་། མིག་མི་བཟང་དང་། འོད་གསལ་དང་ཚངས་པ་
ཆེན་པོ་དང་། དགའ་ལྡན་དང་། ལུས་ངན་པོ་དང་། དགེ་ཆུང་དང་། འཕྲུལ་དགའ་དང་། གཞན་འཕྲུལ་དབང་བྱེད་ཀྱི་ལྷ་རྣམས་ཀྱི་གནས་ཀྱིའོ། །དེ་བཞིན་དུ་དབང་ལྡན་ལ་སོགས་པའི་རེ་མིག་བཅུ་དྲུག་རྣམས་ནི་ཡུལ་འཁོར་སྲུང་དང་། འོད་ཆུང་དང་། ཚངས་རིས་དང་། སུམ་ཅུ་རྩ་
གསུམ་དང་། འཕགས་སྐྱེས་པོ་དང་། ཚད་མེད་འོད་དང་། ཚངས་པ་མདུན་ན་འདོན་དང་། མཚེ་མ་དང་། མིག་མི་བཟང་དང་། འོད་གསལ་དང་། ཚངས་པ་ཆེན་པོ་དང་། དགའ་ལྡན་དང་། ལུས་ངན་པོ་དང་། དགེ་ཆུང་དང་། འཕྲུལ་དགའ་དང་། གཞན་འཕྲུལ་དབང་བྱེད་ཀྱི་ལྷ་
རྣམས་ཀྱིའོ། །དེ་བཞིན་དུ་དབང་ལྡན་ལ་སོགས་པའི་རེ་མིག་ཉི་ཤུ་རྩ་བཞི་རྣམས་སུ་པྲི་ཡང་ཀུ་དང་། མཁར་བ་དང་། ཨ་མ་ལ་ཀཱི་དང་། ལུས་འཕགས་དང་། ནཱ་རཱི་ཀི་ལ་དང་། ཤྭེ་ཏ་དང་། ཡ་ན་དང་། ས་ཀཱ་ག་དང་། ཡབ་དང་། འཛམ་བུའི་གླིང་དང་། སིངྒ་ལ་དང་། མཆོག་སྦྱིན་དང་། ཧ་རི་ཀེ་
ལ་དང་། ན་གྣ་པཱ་ཪྴ་ག་དང་། ཟངས་གླིང་དང་། གསེར་གླིང་དང་། བ་ལང་སྤྱོད་དང་། ཀླུ་དང་། བརྡྷ་མཱ་ན་དང་། རིན་པོ་ཆེ་དང་། ཀ་མ་རཾ་ག་དང་། རི་ཁྲོད་པ་དང་། སྒྲ་མི་སྙན་དང་། ཟླ་བའི་གླིང་རྣམས་ཀྱི་གནས་ནི་མི་རྣམས་གནས་པའིའོ། །རེ་མིག་ཉི་ཤུའི་ནི་མཁར་བ་དང་། ས་ཀཱ་ག་དང་། ན་གྣ་པཪྵ་ཀ་དང་། 

62-1-327a

ཀ་མ་ར་གའི་གླིང་རྣམས་སྤངས་པའོ། །རེ་མིག་བཅུ་དྲུག་རྣམས་ཀྱི་ནི་ཤྭེ་ཏ་དང་། མཆོག་སྦྱིན་དང་། བརྡྷ་མཱ་ན་དང་། གསེར་གླིང་རྣམས་ཀྱང་སྤངས་པ་ལས་སོ། །དེ་བཞིན་དུ་ཡི་དྭགས་རྣམས་ཀྱི་ཉི་ཤུ་རྩ་བཞི་དང་ཉི་ཤུ་རྩ་བརྒྱད་དང་། སུམ་ཅུ་སོ་གཉིས་ཀྱི་རེ་མིག་རྣམས་
སུ་ཙ་ཌ་ཀ་དང་། །པཱུ་ཏ་ན་ལ་སོགས་པའི་ཡི་དྭགས་རྣམས་གནས་པར་རིག་པར་བྱའོ། །དེ་ལ་གསུམ་པོ་རྣམས་ཀྱི་ནང་ནས་ཇི་ལྟར་མངོན་པར་འདོད་པར་བྱའོ། །དེ་ནས་རིན་པོ་ཆེའི་རྡོས་དགབ་པར་བྱའོ། དེ་ཡང་རིན་པོ་ཆེའི་རྡོའི་སྟེགས་བུའི་ཚད་ནས་གསུམ་ལྷག་པའི་སོར་བཞི་པ་
གཉིས་བྱའོ། །དེ་ལ་རིན་པོ་ཆེའི་རྡོའི་རྒྱབ་ཏུ་ནས་གསུམ་ལྷག་པའི་སོར་གཉིས་ཀྱི་ཚད་གྲུ་བཞི་པ་རེ་མིག་བཅུ་གསུམ་བགོ་བར་བྱའོ། །དེ་ལ་ལྷ་དང་མི་དག་གི་དབུས་མ་དབུས་མའི་རེ་མིག་ལའོ། །དེའི་ཕྱི་རུ་ཕྱོགས་བཞིའི་རེ་མིག་རྣམས་སོ། །དེའི་ཕྱི་རོལ་དུ་ཕྱོགས་དང་མཚམས་
ཀྱི་རེ་མིག་བརྒྱད་རྣམས་སོ། །དེ་ལ་ཡང་དབུས་ཀྱི་རེ་མིག་ལ་ནས་དང་དངུལ་དྲི་མ་མེད་པ་དང་བྲི་ཧ་ཏི་དང་ཙནྡན་དཀར་པོ་རྣམས་ཀྱི་སྟེང་དུ་དངུལ་གྱི་པདྨ་ལ་གསེར་གྱི་སེང་གེའོ། །དེའི་སྟེང་དུ་རྡོ་རྗེ་ཕ་ལམ་གཞག་པར་བྱའོ། །ཨཿཨིཾ་ཨཿའདི་བརྒྱ་རྩ་བརྒྱད་ཡོངས་སུ་བཟླས་པར་བྱའོ། །
དེའི་ཕྱི་རོལ་དུ་ཤར་གྱི་རེ་མིག་ཏུ་གྲོ་དང་། ལྡོང་རོས་དང་། ཀཎྜ་ཀ་རི་དང་གླ་བ་རྣམས་ཀྱི་སྟེང་དུ་དངུལ་གྱི་པདྨའི་སྟེང་དུ་གསེར་གྱི་གླང་པོ་ཆེ་བ་ར་ཎའོ། །དེའི་སྟེང་དུ་ཨིནྡྲ་ནཱི་ལ་གཞག་པར་བྱའོ། །ཧཱུཾ་གཾ་ཧཱུཾ་ཞེས་པ་འདི་བརྒྱ་རྩ་བརྒྱད་ཡོངས་སུ་བཟླས་པར་བྱའོ། །ལྷོའི་རེ་མིག་ལ་འབྲས་
སོ་བ་དང་བ་བླ་དང་ས་ཧ་དེ་བ་དང་། གུར་གུམ་གྱི་སྟེང་དུ་དངུལ་གྱི་པདྨའི་སྟེང་དུ་གསེར་གྱི་རྟ་དང་དེའི་སྟེང་དུ་པུཥྤ་གཞག་པར་བྱའོ། །ཏྲཾ་བཾ་ཏྲཾ་ཞེས་པ་འདིས་ལན་བརྒྱ་རྩ་བརྒྱད་ཡོངས་སུ་བཟླས་པར་བྱའོ། །ནུབ་ཀྱི་རེ་མིག་ལ་ར་ཀཱ་ཏི་ལ་དང་མཚལ་དང་ས་ཧ་ངེ་བའི་དང་། ག་བུར་གྱི་སྟེང་དུ་
དངུལ་གྱི་པདྨའི་སྟེང་དུ་གསེར་གྱི་རྨ་བྱ་དེའི་སྟེང་དུ་པདྨ་རཱ་ག་གཞག་པར་བྱའོ། །ཧྲི་མཾ་ཧྲིཿཞེས་པ་འདིས་བརྒྱ་རྩར་ཡོངས་སུ་བཟླས་པར་བྱའོ། །བྱང་གི་རེ་མིག་ལ་སྲན་མ་ཤ་དང་སྤངས་མ་དང་གི་རི་ཀཎྞི་ཀ་དང་། སི་ལ་ཧའི་སྟེང་དུ་དངུལ་གྱི་པདྨའི་སྟེང་དུ་གསེར་གྱི་བྱ་ཁྱུང་དེའི་སྟེང་དུ་མ་ར་ཀ་ཏ་

62-1-327b

གཞག་པར་བྱའོ། །ཨ་ཀ་ཨ་ཞེས་པ་འདིས་ལན་བརྒྱ་རྩ་བརྒྱད་ཡོངས་སུ་བཟླས་པར་བྱའོ། །དེའི་ཕྱི་རོལ་དུ་རེ་མིག་བརྒྱད་རྣམས་ལ་ཤར་དུ་ཏིལ་དཀར་པོ་དང་མིག་སྨན་གྱི་ཁུ་བ་དང་མིག་སྨན་གྱི་རྩ་བ་དང་། ཨ་ཀ་རུ་རྣམས་ཀྱི་སྟེང་དུ་གསེར་གྱི་པདྨ་དེའི་སྟེང་དུ་དངུལ་གྱི་པདྨའི་སྟེང་དུ་དུང་གཞག་
པར་བྱའོ། །ཨོཾ་བཛྲ་བཛྲི་ཎི་ཧཱུཾ་ཞེས་པ་འདི་ལན་བརྒྱ་རྩ་བརྒྱད་ཡོངས་སུ་བཟླས་པར་བྱའོ། །ལྷོ་རུ་སྲན་མུངྒ་དང་ཀོ་ཤི་ར་དང་རལ་ཀའི་སྟེང་དུ་གསེར་གྱི་པདྨ་དེའི་སྟེང་དུ་དངུལ་གྱི་པདྨའི་སྟེང་དུ་མུ་མེན་གཞག་པར་བྱའོ། །ཨོཾ་རཏྣ་བཛྲ་ཎི་ཏྲཾ། འདིས་ལན་བརྒྱ་རྩ་བརྒྱད་ཡོངས་སུ་བཟླས་པར་
བྱའོ། །ནུབ་ཏུ་འབྲས་སཱ་ལུ་དམར་པོ་དང་སོ་བ་དང་གསེར་དང་བཙག་དང་ལཀྵྨཱ་ཎིའི་རྩ་བ་དང་ཙནྡན་དམར་པོའི་སྟེང་དུ་གསེར་གྱི་པདྨ་དང་དེའི་སྟེང་དུ་དངུལ་གྱི་པདྨ་དང་དེའི་སྟེང་དུ་བྱི་རུ་གཞག་པར་བྱའོ། །ཨོཾ་དྷརྨ་བཛྲ་ཎི་ཧྲཱིཿའདིས་ལན་བརྒྱ་རྩ་བརྒྱད་བཟླས་པར་བྱའོ །བྱང་དུ་ཡུངས་
ཀར་དང་མཱ་ཀྵི་ཀ་དང་སྤང་སྤོས་དང་བིཥྞ་ཀྲན་ཏ་རྣམས་ཀྱི་སྟེང་དུ་གསེར་གྱི་པདྨ་དང་། དེའི་སྟེང་དུ་དངུལ་གྱི་པདྨ་དེའི་སྟེང་དུ་རིན་པོ་ཆེ་ལྗང་གུ་གཞག་པར་བྱའོ། །ཨོཾ་ཀརྨ་བཛྲ་ཎི་ཨཿཞེས་པ་འདིས་ལན་བརྒྱ་རྩ་བརྒྱད་ཡོངས་སུ་བཟླས་པར་བྱའོ། །མེ་རུ་སྲན་ཀུ་ལཏྠ་དང་ལྷང་ཚེར་
དང་ཛཱ་ཏི་ཕ་ལ་དང་གྲེནྠིའི་ལོ་མའི་སྟེང་དུ་གསེར་གྱི་པདྨ་དང་དེའི་སྟེང་དུ་དངུལ་གྱི་པདྨའི་སྟེང་དུ་མུ་ཏིག་གཞག་པར་བྱའོ། །ཨོཾ་བཛྲ་ལཱ་སྱེ་ཧཱུཾ་ཞེས་པ་འདིས་ལན་བརྒྱ་རྩ་བརྒྱད་ཡོངས་སུ་བཟླས་པར་བྱའོ། །བདེན་བྲལ་དུ་ཟར་མ་དང་པྲི་ཡང་ཀུ་དང་བྷ་ཚོ་ར་ཀ་དང་། ཞ་ཉེའི་སྟེང་དུ་གསེར་གྱི་པདྨ་དང་དེའི་
སྟེང་དུ་དངུལ་གྱི་པདྨ་དང་དེའི་སྟེང་དུ་བྷིཥྨ་ཀཾ་གཞག་པར་བྱའོ། །ཨོཾ་བཛྲ་མཱ་ལེ་ཏྲཾ། འདིས་ལན་བརྒྱ་རྩ་བརྒྱད་ཡོངས་སུ་བཟླས་པར་བྱའོ། །རླུང་དུ་ཏིལ་ནག་པོ་དང་སིནྡྷུ་ར་དང་སུག་སྨེལ་དང་སུ་ར་བྷཱི་རྣམས་ཀྱི་སྟེང་དུ་གསེར་གྱི་པདྨ་དང་དེའི་སྟེང་དུ་དངུལ་གྱི་པདྨ་དང་དེའི་སྟེང་དུ་བཻ་ཌཱུརྱ་གཞག་པར་
བྱའོ། །ཨོཾ་བཛྲ་གཱི་ཏི་ཧྲཱིཿཞེས་པ་འདིས་ལན་བརྒྱ་རྩ་བརྒྱད་ཡོངས་སུ་བཟླས་པར་བྱའོ། །དབང་ལྡན་དུ་ཤྱ་མ་ཀ་དང་བཾ་ག་དང་ལི་ཤིའི་ཤིང་དང་པདྨ་རྣམས་ཀྱི་སྟེང་དུ་གསེར་གྱི་པདྨ་དང་དེའི་སྟེང་དུ་དངུལ་གྱི་པདྨ་དང་དེའི་སྟེང་དུ་ཤེལ་གཞག་པར་བྱའོ། །ཨོཾ་བཛྲ་ནྲྀ་ཏྱ་ཨཿའདིས་ལན་བརྒྱ་རྩ་

62-1-328a

བརྒྱད་བཟླས་པར་བྱའོ། །ཚུལ་ཁྲིམས་ཀྱི་ཕུང་པོ་རྣམ་པར་དག་པ་ནི་རིན་པོ་ཆེའོ། །ཏིང་ངེ་འཛིན་གྱི་ཕུང་པོ་རྣམ་པར་དག་པ་ནི་སྨན་ནོ། །ཤེས་རབ་ཀྱི་ཕུང་པོ་རྣམ་པར་དག་པ་ནི་ཁམས་རྣམས་སོ། །རྣམ་པར་གྲོལ་བའི་ཡེ་ཤེས་མཐོང་བའི་ཕུང་པོ་རྣམ་པར་དག་
པ་ནི་ས་བོན་གཞག་པའོ། །རྡོ་རྗེའི་ས་རྣམ་པར་དག་པ་ནི་རྡོ་རྗེ་གཞག་པའོ། །ཡེ་ཤེས་ལྡན་པའི་སའི་རྣམ་པར་དག་པ་ནི་ཨིནྡྲ་ནཱི་ལའོ། །ཀུན་དུ་བཟང་པོའི་སའི་རྣམ་པར་དག་པ་ནི་པུཥྤ་རཱ་གའོ། །ཆོས་ཀྱི་སྤྲིན་གྱིས་རྣམ་པར་དག་པ་ནི་པདྨ་རཱ་གའོ། །ལེགས་པའི་བློ་གྲོས་ཀྱི་སའི་
རྣམ་པར་དག་པ་ནི་མ་ར་ཀ་ཏའོ། །མི་གཡོ་བའི་སའི་རྣམ་པར་དག་པ་ནི་དུང་ངོ་། །རིང་དུ་གྱུར་པའི་སའི་རྣམ་པར་དག་པ་ནི་གསེར་རོ། །མངོན་དུ་གྱུར་པའི་སའི་རྣམ་པར་དག་པ་ནི་མུ་མེན་ནོ། །སྦྱང་དཀའ་བའི་སའི་རྣམ་པར་དག་པ་ནི་བྱི་རུའོ། །འོད་འཕྲོ་བའི་སའི་རྣམ་པར་དག་
པ་ནི་ཤེལ་ལོ། །འོད་བྱེད་པའི་སའི་རྣམ་པར་དག་པ་ནི་བཻ་ཌཱུརྱའོ། །དྲི་མ་མེད་པའི་སའི་རྣམ་པར་དག་པ་ནི་བྷཱིཥྨའོ། །རབ་ཏུ་དགའ་བའི་སའི་རྣམ་པར་དག་པ་ནི་མུ་ཏིག་གོ། །ཐབས་དང་ཤེས་རབ་ཀྱི་རྣམ་པར་དག་པ་ནི་གསེར་དང་དངུལ་གྱི་པདྨ་དག་གོ། །ཐམས་ཅད་ཀྱི་སྟེང་དུ་
ཟངས་མའི་གླེགས་བུས་དགབ་པར་བྱའོ་ཞེས་པ་ནི་རིན་པོ་ཆེ་དགོད་པའི་ཆོ་གའོ། །ད་ནི་སྟེགས་བུའི་མཚན་ཉིད་བརྗོད་པར་བྱ་སྟེ། བཞུགས་པར་བྱ་བའི་ལྷའི་ཕྱེད་དང་བཅས་པའི་མཐོ་བདུན་གྱིས་རིང་བའི་སྟེགས་བུའོ། །ཞེང་དུ་རྐང་པས་དམན་པའི་མཐོ་ལྔའི་ཚད་དོ། །སྲིད་ཀྱི་ཕྱེད་
ཀྱིས་སྟེང་དུའོ། །འདི་ལ་སྟེང་གི་ཇི་ལྟར་མཚུངས་པས་ཁྱད་པར་དུ་སྟེང་གི་ངེས་པའོ། །སྒོའི་དབུས་སུ་བལྟ་བའི་ལྷ་དགོད་པར་བྱའོ། །དེའི་ཕྱིར་གང་དུ་གསང་བའི་དབུས་སུ་ལྷ་སྐལ་བ་བཟང་པོ་རབ་ཏུ་སྟེར་བའོ། །ལྟེ་བའི་དབུས་སུ་དོན་རབ་ཏུ་སྟེར་བའོ། །སྙིང་གའི་དབུས་སུ་
ཆོས་རབ་ཏུ་སྟེར་བའོ། །མགྲིན་པའི་དབུས་སུ་ཤེས་རབ་རབ་ཏུ་སྟེར་བའོ། །མཛོད་སྤུའི་དབུས་སུ་ཐར་པ་རབ་ཏུ་སྟེར་བའོ། །སྟེགས་བུའི་ཚད་ལས་སེངགེའི་ཁྲི་ཇི་ལྟར་མཛེས་པའི་ཁྱད་པར་ལ་བཞུགས་པས་སོ། །ལྷ་བཞེངས་པའི་ཆ་གསུམ་གྱི་ཆ་གཉིས་ཀྱི་ཚད་ལ་བྱའོ། །ཚེས་

62-1-328b

གྲངས་དང་རྒྱུ་སྐར་དང་། གཟའ་དང་ཡུད་ཙམ་བཟང་པོ་རྣམས་ལ་ལྷ་དང་མི་དག་གི་དབུས་སུ་སྟེགས་བུ་གཞག་པར་བྱའོ།།      །།ད་ནི་གཙུག་ལག་ཁང་གི་རབ་ཏུ་གནས་པ་བརྗོད་པར་བྱ་སྟེ། དེ་ལ་གཙུག་ལག་ཁང་ཟིན་ནས་ཞལ་བྱས་ནས་ཚོན་བཟང་པོས་ལྷ་ལ་སོགས་པ་སྣ་ཚོགས་
པས་བརྒྱན་པ་བཤད་པ་རྣམས་བྲི་བར་བྱའོ། །རིམ་པ་ཇི་སྙེད་པ་རྣམས་ལ་རྣམ་པར་རྒྱལ་བ་དང་སྟོབས་སྣ་ཚོགས་པར་དམིགས་པར་བྱའོ། །ཚོན་སྣ་ལྔའི་སྐུད་པ་ཡུངས་ཀར་གྱི་ཐུམ་བུ་དང་བྱང་ཆུབ་ཤིང་གི་ལོ་མ་དང་གཏོར་མ་དང་དཱུཪྺ་དང་། ཀུནྡ་སྦྱར་བའི་མེ་ཏོག་གི་ཕྲེང་
བས་རྩིག་པའི་ཕྱི་རོལ་ཡོངས་སུ་བསྐོར་བར་བྱའོ། །དེ་ནས་ཨོཾ་སྭ་བྷཱ་བ་ཤུདྡྷཿསརྦ་དྷརྨྨཱཿསྭ་བྷཱ་བ་ཤུདྡྷོ྅ཧཾ་ཞེས་བརྗོད་ནས་ནམ་མཁའ་བཞིན་དུ་རྣམ་པར་བསྒོམས་ལ་ཡ་ཡིག་ལས་རླུང་གི་དཀྱིལ་འཁོར། རཾ་ཡིག་ལས་མེའི་དཀྱིལ་འཁོར། བཾ་ཡིག་ལས་རྒྱ་མཚོ་ཆེན་པོ། །དེའི་
དབུས་སུ་ལཾ་ཡིག་སེར་པོ་ལས་དབང་ཆེན་གྱི་དཀྱིལ་འཁོར་སེར་པོ་གྲུ་བཞི་པའོ། །དེའི་སྟེང་དུ་སུཾ་ཡིག་ལས་རིན་པོ་ཆེ་བཞིའི་རང་བཞིན་གྱི་རི་རབ་རྣམ་པར་བསྒོམས་ཏེ། དེའི་སྟེང་དུ་ཧཱུཾ་ཡིག་ལས་སྣ་ཚོགས་རྡོ་རྗེའི་རང་བཞིན་གྱི་ས་གཞི་རྣམ་པར་བསྒོམ་པར་བྱའོ། །དེའི་དབུས་བྷྲཱུཾ་དཀར་
པོ་ལས་བྱུང་བའི་འཁོར་ལོ་བྷྲཱུཾ་ཡིག་གནས་པའོ། །དེ་ཡོངས་སུ་གྱུར་པ་ལས་རྣམ་པར་སྣང་མཛད་ཀྱི་སྐུའོ། །དེ་ཡོངས་སུ་གྱུར་པ་ལས་གཙུག་ལག་ཁང་གཞལ་ཡས་ཁང་དུ་རྣམ་པར་བསྒོམས་ནས་རྡོ་རྗེའི་ར་བ་ལ་སོགས་པས་མཚམས་བཅད་པ་ལ་སོགས་པ་བྱའོ། །ཨོཾ་ཧཱུཾ་ཧྲིཿབྷྲཱུཾ་ཁཾ་
བཛྲི་བྷ་བ་དྲྀ་ཌྷ་ཏིཥྛ་ཧཱུཾ་ཁཾ་འདིས་ལན་བརྒྱ་རྩ་བརྒྱད་ཀྱིས་ལྷག་པར་གནས་པར་བྱའོ། །དེ་ནས་ཡེ་ཤེས་སེམས་དཔའ་སྤྱན་དྲངས་ནས་བསང་གཏོར་དང་མཆོད་ཡོན་ལ་སོགས་པ་ཕུལ་ནས་བཀྲ་ཤིས་གང་ཞིག་ཅེས་པ་ལ་སོགས་པའི་ཚིགས་སུ་བཅད་པ་བརྗོད་པ་སྔོན་དུ་འགྲོ་བས་བུམ་པའི་
ཆུས་དབང་བསྐུར་ནས་མེ་ཏོག་ལ་སོགས་པས་ཡང་དག་པར་མཆོད་པར་བྱའོ། །ཨོཾ་སུ་པྲ་ཏིཥྛ་བཛྲེ་སྭཱ་ཧཱ། འདིས་ལན་བདུན་དུ་ལྷག་པར་གནས་པར་བྱའོ། །ཡེ་དྷརྨཱ་ཞེས་པ་ལ་སོགས་པའི་ཚིགས་སུ་བཅད་པས་ཀྱང་རབ་ཏུ་གནས་པར་བྱས་ནས་ཡི་གེ་བརྒྱ་པས་བརྟན་པར་བྱའོ། །

62-1-329a

གཏོར་མ་ཆེན་པོ་ཡང་རབ་ཏུ་དབུལ་བར་བྱའོ།།      །།ད་ནི་སྐུ་གཟུགས་བཞུགས་པར་བྱ་བའི་ཕྱིར་དེའི་མཚན་ཉིད་བརྗོད་པར་བྱ་སྟེ། དེ་ལ་སྐུ་གཟུགས་ཐམས་ཅད་སོར་བཅུ་གཉིས་ཀྱི་ཆ་ཡིས་ཞལ་ལོ། །དེ་དང་མཉམ་པ་ཞེང་དུའོ། །ཏིལ་དང་ཨ་མྲ་དང་བྱའི་སྒོ་ང་དང་། །
འཁོར་ལོའི་རྣམ་པ་འདྲ་བའི་དབྱེ་བས་ཞལ་གྱི་དབྱིབས་ནི་རྣམ་པ་བཞིའོ། །ཆ་གསུམ་དང་ཆ་གཉིས་དང་ཕྱེད་དང་བཅས་པའི་ཆ་གཉིས་དང་ཆ་གཅིག་གི་གོ་རིམས་ཀྱིས་འགྲམ་རྣམས་ལ་སྤང་བར་བྱའོ། །དེ་ལ་མོ་རྣམས་ཀྱི་སྐུའི་ཞལ་ལ་དེ་ཉིད་ཀྱི་དབྱིབས་ཆ་བརྒྱད་དང་། ནས་ཀྱི་ཆ་གཅིག་
གིས་སོ། །ཆ་བཞི་ཡིས་སྤྱི་བོའི་ཆ་སྟེ་དེ་གདུགས་ཀྱི་རྣམ་པའོ། །ཕྱེད་དང་བཅས་པའི་ཆ་བཞི་ཡིས་དཔྲལ་བ་ལའོ། །འཕྲེད་ལ་ཆ་བཅུ་ཡིས་སོ། །ནས་གཉིས་ལྷག་པའི་ཆ་བཞི་ཡིས་སྣའི་དཀྱུས་སོ། །ནས་གཉིས་ཀྱི་རྩེ་མོའི་རྒྱའོ། །འབྱུང་བའི་མཚམས་ནས་ཕྱེད་དང་བཅས་པའི་ཆ་
གཅིག་གོ། །རྒྱ་ཆེ་བ་ལ་ཆ་གཉིས་སོ། །ཆ་གསུམ་གྱི་ལོགས་དག་གི་སྟེང་དུའོ། །སྣའི་ཀ་བ་ལ་གསུམ་འཇུག་པའི་བུ་ག་ལ་ནས་གཉིས་སོ། །ཏིལ་གྱི་མེ་ཏོག་འདྲ་བར་བྱའོ། །དེའི་འོག་གི་ཆ་ལ་རྐང་པ་གཅིག་གིས་ལྷག་པའི་ཆ་གསུམ་མོ། །དེ་ལ་མཆུ་ལ་ནས་དྲུག་གོ། །དེ་ལ་མཉམ་
པར་མ་མཆུ་ལའོ། །ཆ་གཉིས་ཀྱི་རྒྱར་རོ། །ཕྱེད་དང་བཅས་པའི་ཆ་གཅིག་གིས་མ་མཆུ་ལའོ། །དེའི་སྟེང་དུ་ནས་གཉིས་ཀྱི་ཚད་ཀྱིས་སྨར་བྱའོ། །མ་མཆུའི་འབྱུང་ས་ནས་དྲུག་སྟེ། དེའི་དབུས་སུ་གཟུགས་བརྙན་གྱི་རེ་ཁཱ་བྱའོ། །ཆ་ཕྱེད་ཀྱིས་ཁའི་གྲུའོ། །ནས་གཉིས་ལྷག་པའི་
ཆ་གཅིག་གིས་ཀོ་སྐོའི་སྲིད་དོ། །འཕྲེད་དུ་ཆ་གཉིས་སོ། །ཆ་གཉིས་ཀྱིས་རྣ་བའི་རྒྱར་རོ། །ཆ་བཞི་ཡིས་དཀྱུས་སོ། །རྒྱབ་ནས་འབྱུང་ས་ནས་ཆ་གཉིས་སོ། །ཆ་གཉིས་ཀྱིས་རྣ་བའི་ནང་ཟུར་རོ། །དེའི་ཕྱེད་ཀྱིས་སྟེང་དུའོ། །རྣ་བའི་ཁུགས་ལ་ནས་གཉིས་སོ། །རྣ་བའི་བུ་ག་ལ་
ནས་གསུམ་མོ། །དེ་དང་མཉམ་པ་རྣ་བའི་གསང་བའོ། །རྣ་ཤལ་འཕྱང་བ་དང་བུ་ག་པ་ནི་ཇི་ལྟར་མཛེས་པའི་རྣ་བ་གཉིས་པོ་དག་གི་དབུས་སུ་མགོ་ལ་ཆ་བཅོ་བརྒྱད་དོ། །རྒྱབ་ཏུ་ཆ་བཅུ་བཞིའོ། །སྨིན་མ་དག་གི་མཐར་ནས་བཞིའོ། །སྨིན་མའི་སྲིད་ལ་ལྔའོ། །སྨིན་མའི་རི་མོ་ལ་

62-1-329b

ནས་ཕྱེད་དེ་ཡང་གཞུའི་རྣམ་པ་ལྟ་བུའོ། །མིག་གི་དཀྱུས་ལ་ཆ་བཞིའོ། །རྐང་པ་གཅིག་གིས་ལྷག་པའི་ཆ་གཅིག་གིས་ཞེང་དུའོ། །ཆ་གཅིག་གིས་མིག་གི་འབྲས་བུའོ། །དེའི་ཆ་གསུམ་གྱིས་དཀར་པོའི་ཆའོ། །རྣམ་པ་ནི་ཀུ་མུ་ཏ་དང་ཨུཏྤལ་དང་པདྨའི་འདབ་མ་དང་ཉའི་ལྟོ་བ་འདྲ་བར་བྱའོ། །
མིག་གི་མཐར་ཆ་གཉིས་སོ། །སྨིན་མའི་རེ་ཁཱ་དང་མིག་གི་བར་དུ་ཆ་གཉིས་སོ། །དཔྲལ་བ་དང་མིག་དང་མགོ་དང་ཀོ་སྐོའི་འབྱུང་བ་རྣམས་མཉམ་པའོ། །ཁའི་ཟུར་ནས་མིག་གི་འབྲས་བུ་དང་གློ་དག་ནས་རྣ་བར་ཐིག་དང་མགོ་བོ་ནས་སྨིན་མའི་རེ་ཁཱ་དག་དང་ཐིག་མཉམ་པ་དང་རྣ་བའི་
མདུན་དུ་ཟུར་དང་མིག་གི་དབུས་དག་ཐིག་གི་མཉམ་པའོ། །ཁའི་སྒོ་ལ་ཆ་བཞིའོ། །དེ་དང་མཚུངས་པ་མགྲིན་པའི་སྲིད་དོ། །ཕྲག་པའི་རྩ་བ་ནས་རྣ་བའི་རྩ་བ་ལ་ཆ་དྲུག་གོ། །ཀོ་སྐོའི་འོག་ནས་ཇི་ལྟར་མཛེས་པའི་ཤའི་འཁྱིལ་དུ་བྱའོ། །ཐོར་ཚུགས་དང་རལ་པའི་ཐོར་ཅོག་དང་
ཟུར་ཕུད་དང་། ཟུར་ཕུད་ལྔ་དང་། དབུ་རྒྱན་དང་། གཙུག་གི་ནོར་བུ་རྣམས་ཀྱི་ཚད་ཆ་བརྒྱད་ཀྱིས་མཐོ་བ་དང་དམའ་བར་བྱའོ། །ཅུང་ཟད་དགྱེས་པ་དང་མངར་བ་དང་། ལན་ཚྭ་བ་དང་ལྡན་པར་བྱ་བ་ནི་དགེ་བར་བྱེད་པའི་ཞལ་ལོ། །ཚ་བ་དང་། ཁ་བ་དང་། བསྐ་བ་དང་། 
སྐྱུར་བ་དང་། ཁྲོ་བའི་ཞལ་དང་ལྡན་པ་ནི་མི་དགེ་བར་བྱེད་པའོ། །བསྟན་བཅོས་ཀྱི་མཚན་ཉིད་ལས་གཞན་པའི་ཞལ་གྱི་བྱེད་པས་སྦྱིན་བདག་མི་འཚོ་བར་བྱེད་པ་དང་བསྟན་བཅོས་ཀྱི་མཚན་ཉིད་ཀྱི་ཞལ་གྱི་བྱེད་པས་སྐྱེ་བོ་དང་ནོར་དང་རྣམ་པར་རྒྱལ་བ་དང་ཚེ་དང་ཕུན་སུམ་ཚོགས་པ་
རྣམ་པར་འཕེལ་ལོ།།      །།ད་ནི་ལུས་ཀྱི་མཚན་ཉིད་བརྗོད་པར་བྱ་སྟེ། དེ་ལ་རྐེད་པའི་འོག་ནས་ལྟེ་བའི་མཐར་ཐུག་པའི་བར་ལ་མཐོ་དོའོ། །ལྟེ་བའི་འོག་ནས་གསང་བའི་རྩ་བའི་བར་ལ་མཐོ་གང་། ནམ་ཚོང་སྟེང་མོ་ནས་འཕྲེད་དུ་ལོགས་དག་ཏུ་ནུ་མའི་བར་དག་དང་མགྲིན་
པའི་ལོགས་དག་ནས་དཔུང་མགོའི་རྩེ་མོ་དག་དང་། དེ་རྣམས་ཀྱི་ཚད་དུ་མཐོ་རེ་རེའོ། །ནུ་མ་དང་ལྟེ་བའི་བར་དུ་ཆ་བཅུ་བཞིའོ། །ཐལ་གོང་དག་དང་ནམ་ཚོང་སྟོད་མོ་དང་ལག་མ་རྣམས་ཐིག་མཉམ་པའོ། །དཔུང་པ་དག་གི་རྒྱར་བར་དུ་གདོང་གསུམ་མོ། །མཆན་ཁུང་རྩིབ་

62-1-330a

ལོགས་དང་ནུ་མ་དག་གི་བར་ལ་ཆ་དྲུག་གོ། ནུ་མའི་དཀྱིལ་ལ་ཆ་གཉིས་སོ། །ནུ་མའི་ཟླུམ་ལ་ནས་གཉིས་སོ། །ལྟེ་བའི་དཀྱིལ་འཁོར་ལ་ནས་གསུམ་མོ། །གཡས་སུ་འཁྱིལ་ཞིང་ལྟེ་བ་དམའ་བའོ། །གསང་བའི་གནས་ལ་ཆ་གསུམ་མོ། །ལོགས་དག་ཆ་
གཉིས་སོ། །འབྲས་བུ་ལ་ཆ་བཞི་སྟེ། མཛེས་པ་རྒྱས་པ་ཟླུམ་པ་དག་གོ། །ཕི་ཙ་དག་གི་སྟེང་དུ་ཆ་བརྒྱད་དོ། །ལྟེ་བ་དང་གསང་བ་དག་གི་དབུས་སུ་བརླའི་རྩ་བའོ། །བརླ་དང་བྱིན་པ་འདི་གཉིས་ལ་ཚད་མཐོ་དོའོ། །པུས་མོའི་ལྷ་ང་ལ་བཞིའོ། །ལོང་བུ་དག་ལ་ཆ་གཉིས་སོ། །རྟིང་པ་
དག་ལ་ཆ་བཞིའོ། །རྐང་པ་དག་གི་ཞེང་དུ་ཆ་བརྒྱད་དོ། །སྲིད་དུ་ཆ་བཅུའོ། །ཕྱེད་དང་བཅས་པའི་ཆ་གཉིས་ཀྱིས་རྐང་པའི་མཐེ་བོ་ཆེའི་སྲིད་དུའོ། །དེ་དང་མཉམ་པ་རྩེ་མོའོ། །ནས་གཉིས་ཀྱིས་དམན་པ་ནི་གུང་མོའོ། །ནས་གསུམ་གྱིས་དམན་པ་ནི་མིང་མེད་དོ། །མཐེའུ་ཆུང་ནི་ཆ་
གཉིས་སོ། །མཐེ་བོ་ཆེའི་རྒྱར་ནས་བཅུ་གཅིག་གོ། །མཐེ་བོ་ཆེའི་རྩེ་མོའི་བར་དུ་ནས་གསུམ་མོ། །རྩེ་མོའི་ཞེང་དུ་ནས་དགུའོ། །གུང་མོ་དག་གི་ཕྱེད་དང་བཅས་པའི་ནས་བརྒྱད་དོ། །མིང་མེད་ལ་ཆ་གཅིག་གོ། །མཐེའུ་ཆུང་ལ་ནས་བདུན་ནོ། །སོར་མོ་གསར་དུ་སྐྱེས་པ་ལྟ་བུའོ། །སེན་
མོ་རྣམས་ཟླ་བ་ཕྱེད་པ་ལྟ་བུའོ། །རྐང་པའི་མཐིལ་མཉམ་པའོ། །དཔུང་པ་དག་གི་སྲིད་དུ་ཆ་བཅུ་དྲུག་གོ། །ལག་ངར་དག་གི་སྲིད་དུ་ཆ་བཅོ་བརྒྱད་དོ། །ལག་པའི་མཐིལ་ལ་ཆ་དྲུག་གོ། །དེ་དང་མཉམ་པ་ནི་གུང་མོའོ། །མཐེ་བོ་ནི་ཆ་བཞིའོ། །དེ་དང་མཉམ་པའི་མཐེའུ་ཆུང་ངོ་། །མིང་
མེད་དང་མཛུབ་མོ་དག་ནས་གསུམ་གྱིས་དམན་པའི་ཆ་དྲུག་གོ། །མཐེ་བོང་ཞེང་དག་ལ་ནས་གཅིག་ལྷག་མའི་ཆ་གཅིག་གོ། །དེ་ལས་ནས་ཕྱེད་ཀྱིས་དམན་པའི་གུང་མོའོ། །མིང་མེད་དང་མཛུབ་མོ་དག་ནི་ཆ་གཅིག་གོ། །མཐེའུ་ཆུང་ནི་ནས་བདུན་ནོ། །ནོར་བུ་འཆིང་བ་ནས་མཐེའུ་ཆུང་
རྩ་བ་ལ་ཆ་ལྔའོ། །དེ་དང་མཉམ་པ་ལག་མཐིལ་གྱི་རྒྱའོ། །ནོར་བུ་འཆིང་ནས་མཐེ་བོའི་རྩ་བར་ཆ་བཞིའོ། །མཛུབ་མོ་ལས་མཐེ་བོའི་རྩ་བར་ཆ་གསུམ་མོ། །མཐེ་བོ་ལ་ཚིགས་གཉིས་སོ། །སོར་མོ་ལྷག་མ་རྣམས་ནི་ཚིགས་གསུམ་དུ་བྱའོ། །ཐམས་ཅད་ཀྱི་ཚིགས་རྣམས་

62-1-330b

མཉམ་པོ་རྣམས་སོ། །སོར་མོའི་ཚིགས་ཕྲ་ཞིང་ཤིན་ཏུ་ཟླུམ་པའི་རྣམ་པར་བྱའོ། །རང་རང་གི་སོར་མོའི་ཕྱེད་ཀྱིས་སེན་མོའི་ཞེང་ངོ་། །ཚིགས་ཕྱེད་ཀྱི་སྲིད་དུའོ། །སེན་མོ་རྣམས་ཀྱི་རྩ་བར་ཟླ་བའི་རེ་ཁཱ་བྱའོ། །ལག་མཐིལ་གྱི་ལོགས་དག་གི་སྟེང་དང་འོག་དག་ཏུ་ཆ་གཉིས་སོ། །དགེ་བའི་
རི་མོའི་རྩེ་མོ་མཛེས་པ་དང་། ལག་པའི་མཐིལ་མཉམ་པར་བྱའོ། །འདིར་དགེ་བའི་རི་མོ་ནི། དུང་དང་། འཁོར་ལོ་དང་། པདྨ་དང་། རྒྱལ་མཚན་དང་རྡོ་རྗེ་དང་། བཀྲ་ཤིས་དང་བུམ་པ་དང་དགའ་བ་འཁྱིལ་བ་དང་སྦྱིན་སྲེག་གི་ཐབ་དང་གོས་དང་ཟླ་བ་དང་། རྩེ་གསུམ་དང་། ནོར་བུ་
དང་། གདུགས་དང་། དཔལ་གྱི་བེའུ་དང་། ནས་དང་། ཕྲེང་བ་དང་། རྔ་ཡབ་དང་། ལྕགས་ཀྱུ་ལ་སོགས་པ་བྱའོ། །ད་ནི་ཟླུམ་སྐོར་གྱི་ཚད་བརྗོད་པར་བྱ་སྟེ། དེ་ལ་ཆུ་སུམ་ཅུ་རྩ་དྲུག་གིས་མགོའི་ཟླུམ་མོ། །མགྲིན་པའི་རྒྱ་ལ་ཆ་བརྒྱད་དོ། །དེ་སུམ་འགྱུར་ནི་ཟླུམ་མོ། །མཆན་
འོག་གི་དབུས་ལ་ཆ་ཉི་ཤུའོ། །ཟླུམས་སུ་ཆ་གཉིས་ཀྱིས་དམན་པའི་མཐོ་ལྔའོ། །གསུས་པའི་དབུས་ཀྱི་རྒྱལ་ཆ་བཅོ་ལྔའོ། །དེའི་འོག་ཏུ་ཆ་བཅུ་དྲུག་གི་ཚང་རའོ། །རྐེད་པ་ལ་ཆ་བཅོ་བརྒྱད་དོ། །མཐོ་གང་གིས་བརླའི་དབུས་ལའོ། །ཆ་དྲུག་གིས་བྱིན་པའི་དབུས་ལའོ། །ཆ་བཞི་
ཡིས་བྱིན་པའི་མཐར་རོ། །དེ་རྣམས་ཐམས་ཅད་ཀྱི་དེ་བཞིན་དུ་རང་རང་གི་རྒྱའི་སུམ་འགྱུར་གྱིས་ཡོངས་སུ་ཟླུམ་པའོ། །དེ་བཞིན་དུ་སོར་མོ་ཐམས་ཅད་དང་ལག་པ་དག་གི་རྩ་བ་དང་རྩེ་མོ་རྣམས་ལ་བརྒྱད་དང་དྲུག་དང་བཞིའི་ཆ་རྣམས་སོ། །རང་རང་གི་རྒྱའི་སུམ་འགྱུར་གྱིས་ཟླུམ་མོ་། །
ཆ་གཉིས་ནས་རྒྱབ་ཀྱི་དང་སྤྱི་བོ་འབྱུང་ས་དང་རྒྱབ་ཀྱི་གྱེན་དུ་འགྲེང་བ་དག་ཐིག་མཉམ་མོ། །བརླའི་སྟེགས་བུ་དང་རྟིང་པ་དག་གི་ཐིག་མཉམ་མོ།།      །།ད་ནི་སྐུ་གཟུགས་ཀྱི་ཡོན་ཏན་བརྗོད་པར་བྱ་སྟེ། བསྟན་བཅོས་ལས་གསུངས་པའི་མཚན་ཉིད་དང་ལྡན་པའི་རྒྱ་དང་སྲིད་
ཀྱིས་སྐུ་གཟུགས་ནི་གནས་རྟེན་པའི་བྱེད་པ་པོར་འགྱུར་རོ། །དབུ་གདུགས་ལྟ་བུས་ནི་ནོར་དང་འབྲུ་ཡང་དག་པར་འཕེལ་བར་འགྱུར་རོ། །སྨིན་མའི་རེ་ཁཱ་དང་དཔྲལ་བ་ཡངས་ཤིང་རྒྱ་ཆེ་བས་དཔལ་རབ་ཏུ་སྟེར་བར་འགྱུར་རོ། །ཤངས་མཛེས་པས་ནི་སྐྱེ་དགུ་རྣམས་ལ་བདེ་བ་

62-1-331a

རབ་ཏུ་སྟེར་རོ། །འགྲམ་པ་སེངགེའི་འདྲ་བས་ནི་ལོངས་སྤྱོད་ཆེན་པོ་རབ་ཏུ་སྟེར་བར་འགྱུར་རོ། །ཀོ་སྐོའི་དབྱིབས་ཤིན་ཏུ་ལེགས་པས་ནི་འདོད་པའི་བདེ་བ་དང་བཟའ་བ་དང་བཏུང་བ་རབ་ཏུ་སྟེར་བར་འགྱུར་རོ། །སྙན་གྱི་འདབ་མ་ལེགས་པས་ནི་སྣ་ཚོགས་པའི་ཐོས་
པ་མང་པོར་བྱེད་དོ། །མགྲིན་པ་ལེགས་པས་དངོས་གྲུབ་ཐམས་ཅད་སྟེར་བར་འགྱུར་རོ། །སེང་གེའི་དཔུང་པ་ལྟ་བུས་ནི་སྟོབས་དང་བརྩོན་འགྲུས་དང་ལྡན་པར་བྱེད་དོ། །ཀ་རི་ཀའི་རྣམ་པ་ལྟ་བུའི་ཕྱག་གིས་ལས་ཐམས་ཅད་རབ་ཏུ་འགྲུབ་བོ། །སྐུ་སེང་གེའི་དབྱིབས་འདྲ་བས་ན་འབྲུ་དང་
ཕུན་སུམ་ཚོགས་པ་འཕེལ་བར་བྱེད་དོ། །ཕྱལ་ལེགས་པས་ནི་ལོ་ལེགས་པར་བྱེད་དོ། །བརླ་ཆུ་ཤིང་ལྟ་བུས་ནི་ཕྱུགས་འཕེལ་ལོ། །བྱིན་པ་ཨེ་ན་ཡའི་ལྟ་བུས་ནི་བུ་ལ་སོགས་པ་འཕེལ་ལོ། །ཞབས་ཤིན་ཏུ་དབྱིབས་ལེགས་པས་ནི་ཚུལ་ཁྲིམས་དང་རིག་པ་རབ་ཏུ་འཕེལ་བར་བྱེད་དོ། །
ད་ནི་ཉེས་པའི་སྐྱོན་བཤད་པར་བྱའོ། །ཕྱག་དང་ཞབས་དང་སྐུ་དང་ཡན་ལག་ཐུང་བས་མུ་གེ་དང་ཡུལ་འཁོར་འཇིག་པར་བྱེད་དོ། །རྒྱར་དམན་པས་སྐྱེ་དགུ་རྣམས་མུ་གེ་འབྱུང་བར་འགྱུར་རོ། །སྒུར་པོ་དང་སྐུ་དམན་པ་དང་ཤངས་དམན་པས་ནད་འབྱུང་བར་འགྱུར་རོ། །སྤྱན་ཆུང་བ་དང་
སྤྱན་གྱི་དཀྱིལ་འཁོར་ཟུར་མིག་དང་སྤྱན་ཡོ་བས་ནོར་ཟད་པར་འགྱུར་རོ། །གཟིགས་པ་མི་ལེགས་པ་དང་འོག་ཏུ་གཟིགས་པས་ནི་དོན་ཐམས་ཅད་ཉམས་པར་བྱེད་དོ། །ཤངས་དང་སྤྱན་དང་སྙན་དང་ཕྱག་སོར་རྣམས་ཐུང་བས་དངོས་གྲུབ་དང་ཕུན་སུམ་ཚོགས་པ་རྣམས་ཉམས་པར་བྱེད་དོ། །
མགྲིན་པ་དང་ཀོ་སྐོའི་བྱིན་པ་རྣམས་རིངས་པས་གནས་ནས་སྐྲོད་ཅིང་ཉམས་པར་བྱེད་དོ། །ཚིགས་དང་སེན་མོ་དང་རྐེད་སྐབས་རྣམས་སྦོམ་པས་སྡུག་བསྔལ་བར་འགྱུར་རོ། །འགྲམ་པ་དང་ངར་གདོང་དང་རྐང་པ་སྦོམ་པས་བགེགས་འབྱུང་བར་འགྱུར་རོ། །ཕྱལ་དང་འགྲམ་སྙེགས་
དམའ་བས་རྫས་དང་ལོངས་སྤྱོད་ཉམས་པར་འགྱུར་རོ། །སྙན་དང་དབུ་དང་ནུ་མ་རྣམས་ཡོ་བས་འཐབ་མོ་དང་དགྲ་ཡིས་འཚེ་བར་འགྱུར་རོ། །དབུའི་གནས་ཉམས་པས་ཆོམ་པོ་དང་བདུད་ལ་སོགས་པས་འཇིགས་པར་འགྱུར་རོ། །བརླ་དམན་པས་རིགས་འཆད་པར་འགྱུར་རོ། །ཤངས་

62-1-331b

དང་དབུ་དང་སྙན་རྣམས་ཕྲ་མོས་བདུད་དང་མེ་དང་བགེགས་རྣམས་ཀྱི་བར་དུ་གཅོད་པའི་འཇིགས་པ་འབྱུང་བར་འགྱུར་རོ། །ཕྲག་པ་དང་དཔུང་པ་དང་ཕྱག་རྣམས་ཐུང་བས་མྱ་ངན་གྱི་སྡུག་བསྔལ་རབ་ཏུ་འབྱུང་བར་འགྱུར་རོ། །ཚིགས་དང་བཞུགས་གདན་བྱེ་བས་སྡུག་བསྔལ་གྱིས་
ཉེན་པར་འགྱུར་རོ། །སྤྱན་དང་མཆུ་དང་ཤངས་རྣམས་ཉམས་པས་མཐུ་ཉམས་པ་དང་མྱ་ངན་དང་བགེགས་འཕེལ་བར་འགྱུར་རོ། །སྟེགས་བུ་དང་བཞུགས་གདན་དང་རྟེན་ས་དང་གདུགས་རྣམས་ཆུང་ཞིང་དོག་པས་ཕུན་སུམ་ཚོགས་པ་ཉམས་པར་འགྱུར་བ་དང་། བདུད་
དགའ་བ་ཡང་དག་འབྱུང་བ་དང་དགའ་བ་དང་བྲལ་བར་ཡང་འགྱུར་རོ་ཞེས་པ་ནི་མཐོདགུའི་ཚད་ཀྱི་སྐུ་གཟུགས་ཀྱི་མཚན་ཉིད་དོ།།      །།མཐོ་བཅུ་ལ་སོགས་པའི་མཚན་ཉིད་ཀྱང་དེ་ཉིད་མདོར་བསྡུས་ཏེ་བཤད་པར་བྱའོ། །དེ་ལ་མགོ་བོའི་ཆ་ནི་ཆ་བཞིའོ། །ཞལ་ནི་ཆ་བཅུ་གཉིས་སོ། །
མགྲིན་པ་ནི་ཆ་བཞིའོ། །ལུས་ནི་ཆ་ཉི་ཤུ་རྩ་དྲུག་གོ། །མདོམས་ནི་ཆ་བཞིའོ། །རྐེད་པ་ནི་ཆ་ལྔའོ། །བརླ་ནི་ཆ་ཉི་ཤུ་དྲུག་གོ། །པུས་མོ་ནི་ཆ་ལྔའོ། །རྗེ་ངར་ནི་ཆ་ཉི་ཤུ་རྩ་དྲུག་གོ། །ལོང་བུ་ནི་ཆ་གསུམ་མོ། །སྨད་ཀྱི་ཆ་ནི་ཆ་ལྔའོ། །ནམ་ཚང་གི་སྟོད་ཀྱི་ཆ་ནི་བཅུ་དགུའོ། །དཔུང་པའི་
ཆ་ནི་བཅོ་བརྒྱད་དོ། །ཕྱག་ངར་གྱི་ཆ་ནི་བཅུ་དྲུག་གོ། །ལག་མཐིལ་གྱི་ཆ་ནི་བཅུ་གཉིས་སོ། །ཆ་རྣམས་ཚོགས་པ་ལ་བརྒྱ་དང་ཉི་ཤུའོ། །ནས་ཀྱི་གྲངས་དགུ་བརྒྱ་དྲུག་ཅུའོ་ཞེས་པ་ནི་སངས་རྒྱས་དང་ཚངས་པ་དང་རྩྭ་རྩི་ཀ་དང་རི་པི་དང་བྲམ་ཟེ་དང་སྲིན་པོ་རྣམས་ནི་མཐོ་བཅུའི་
ཚད་དོ། །མགོའི་ཆ་ལ་ཆ་གསུམ་མོ། །ཞབས་ལ་ཆ་བཅུ་གཉིས་སོ། །མགྲིན་པ་ལ་ཆ་གསུམ་མོ། །ལུས་ལ་ཆ་ཉི་ཤུ་རྩ་གཉིས་སོ། །མདོམས་ལ་ཆ་གཅིག་གོ། །རྐེད་པ་ལ་ཆ་གསུམ་མོ། །བརླ་ལ་ཆ་ཉི་ཤུ་རྩ་གཉིས་སོ། །པུས་མོ་ལ་ཆ་གསུམ་མོ། །རྗེ་ངར་ལ་ཆ་ཉི་ཤུ་རྩ་
གཉིས་སོ། །ལོང་བུ་ལ་ཆ་གཅིག་གོ། །འོག་གི་ཆ་ལ་ཆ་གསུམ་མོ། །ནམ་ཚང་གི་སྟོད་ཀྱི་ཆ་ནི་བཅུ་གཅིག་གོ། །བར་ལྷུ་ནི་ཆ་བཅུ་བཞིའོ། །ལག་ངར་ནི་ཆ་བཅུ་དྲུག་གོ། །ལག་མཐིལ་ནི་ཆ་བཅུ་གཉིས་སོ། །ཆའི་ཚོགས་པ་ལས་དགུ་བཅུ་གོ་དྲུག་གོ། །ནས་ཀྱི་གྲངས་བདུན་

62-1-332a

བརྒྱ་དྲུག་ཅུ་རེ་བརྒྱད་དོ་ཞེས་པ་ནི་ལྷ་རྣམས་ཀྱི་མཚན་ཉིད་མཐོ་བརྒྱད་པའི་ཆག་ཚད་དོ། །མགོ་ལ་ཆ་གསུམ་མོ། །གདོང་པ་ལ་ཆ་གཉིས་སོ། །མགྲིན་པ་ལ་ཆ་གསུམ་མོ། །ལུས་ལ་ཆ་བཅུ་དགུའོ། །མདོམས་ལ་ཆ་གཅིག་གོ། །རྐེད་པ་ལ་ཆ་གཉིས་སོ། །བརླ་ལ་ཆ་
བཅུ་དགུའོ། །པུས་མོ་ལ་ཆ་གསུམ་མོ། །རྗེ་ངར་ལ་ཆ་བཅུ་དགུའོ། །ལོང་བུ་ལ་ཆ་གཅིག་གོ། །རྟིང་པ་ལ་ཆ་གཉིས་སོ། །ནམ་ཚང་གི་སྟོད་ལ་ཆ་བཅུ་བདུན་ནོ། །བར་ལྷུ་ལ་ཆ་བཅུ་གཉིས་སོ། །ལག་ངར་ལ་ཆ་བཅུ་བཞིའོ། །ལག་མཐིལ་ལ་ཆ་གཅིག་པའོ། །ཆའི་ཚོགས་པ་ལ་
བརྒྱད་ཅུ་རྩ་བཞིའོ། །ནས་ཀྱི་གྲངས་ནི་དྲུག་བརྒྱ་བདུན་ཅུ་དོན་གཉིས་སོ། །མིའི་ཚད་དེ་མཐོ་བདུན་པ་ཞེས་སོ། །མགོ་ལ་ཆ་གཉིས་སོ། །གདོང་པ་ལ་ཆ་བཅུ་གཉིས་སོ། །མགྲིན་པ་ལ་ཆ་གཉིས་སོ། །ལུས་ལ་ཆ་བཅུ་དྲུག་གོ། །མདོམས་ལ་ཆ་གཅིག་གོ། །རྐེད་པ་ལ་ཆ་གཉིས་སོ། །
བརླ་ལ་ཆ་བཅུ་དྲུག་གོ། །པུས་མོ་ལ་ཆ་གཉིས་སོ། །རྗེ་ངར་ལ་ཆ་བཅུ་དྲུག་གོ། །ལོང་བུ་ལ་ཆ་གཅིག་གོ། །རྟིང་པ་ལ་ཆ་གཉིས་མོ། །ནམ་ཚང་གི་སྟོད་ལ་ཆ་བཅུ་དགུའོ། །བར་ལྷུ་ལ་ཆ་གཅིག་པའོ། །ལག་ངར་ལ་ཆ་བཅུ་གཉིས་སོ། །ལག་མཐིལ་ལ་ཆ་བརྒྱད་དོ། །ཆའི་ཚོགས་
བདུན་བརྒྱ་ལྔའོ། །ནས་ཀྱི་གྲངས་ལྔ་བརྒྱ་བདུན་ཅུ་དོན་དྲུག་གོ་ཞེས་པ་ནི་མཐོ་དྲུག་པ་སྟེ། དམག་དཔོན་རྣམས་ཀྱི་མཚན་ཉིད་དོ། །མགོ་ལ་ཆ་གསུམ་མོ། །གདོང་པ་ལ་ཆ་བཅུ་གཉིས་སོ། །མགྲིན་པ་ལ་ཆ་གསུམ་མོ། །ལུས་ལ་ཆ་ཉེར་གཅིག་གོ། །བརླ་ལ་ཆ་བཅུ་གསུམ་མོ། །
པུས་མོ་ལ་ཆ་གསུམ་མོ། །རྗེ་ངར་ལ་ཆ་བཅུ་གསུམ་མོ། །ལོང་བུ་ལ་ཆ་གཅིག་གོ། །རྟིང་པ་ལ་ཆ་གསུམ་མོ། །ཆའི་ཚོགས་ལ་བདུན་ཅུ་དོན་གཉིས་སོ། །ནས་ཀྱི་གྲངས་ལྔ་བརྒྱ་བདུན་ཅུ་དོན་དྲུག་གོ་ཞེས་པ་ནི་མཐོ་དྲུག་པ་སྟེ། ཁྲོ་བོ་རྣམས་ཀྱི་གཟུགས་ཀྱི་མཚན་ཉིད་དོ། །མགོའི་ཆ་
ལ་ཆ་བཞིའོ། །གདོང་ལ་ཆ་བཅུ་གཉིས་སོ། །མགྲིན་པ་ལ་ཆ་གསུམ་མོ། །ལུས་ལ་ཆ་བཅུ་གཉིས་སོ། །བརླ་ལ་ཆ་བཅུ་གཉིས་སོ། །པུས་མོ་ལ་ཆ་གཉིས་སོ། །རྗེ་ངར་ལ་ཆ་བཅུ་གཉིས་སོ། །ལོང་བུ་ལ་ཆ་གཉིས་སོ། །རྟིང་པ་ལ་ཆ་གསུམ་མོ། །ཆའི་ཚོགས་པ་དྲུག་ཅུའོ། །ནས་

62-1-332b

ཀྱི་གྲངས་ནི་བཞི་བརྒྱ་བརྒྱད་ཅུའོ་ཞེས་པ་ནི་མཐོ་ལྔའི་མཚན་ཉིད་དོ། །མཁའ་འགྲོ་མ་རྣམས་གཟུགས་སོ། །མགོ་བོའི་ཆ་ལ་ཆ་གཅིག་གོ། །གདོང་ལ་ཆ་གཅིག་པའོ། །མགྲིན་པ་ལ་ཆ་གཅིག་གོ། །ལུས་ལ་ཆ་བཅུ་གཉིས་སོ། །མདོམས་ལ་ཆ་གཅིག་གོ། །བརླ་ལ་ཆ་དགུའོ། །
པུས་མོ་ལ་ཆ་གཅིག་གོ། །རྗེ་ངར་ལ་ཆ་དགུའོ། །ལོང་བུ་ལ་ཆ་གཅིག་གོ། །རྟིང་པ་ལ་ཆ་གཉིས་སོ། །ནམ་ཚང་གི་སྟོད་ལ་ཆ་བརྒྱད་དོ། །བར་ལྷུ་ལ་ཆ་དྲུག་གོ། །ལག་ངར་ལ་ཆ་བརྒྱད་དོ། །ལག་པའི་མཐིལ་ལ་ཆ་བདུན་ནོ། །ཆའི་ཚོགས་པ་བཞི་བཅུ་ཞེ་བརྒྱད་དོ། །ནས་ཀྱི་གྲངས་
སུམ་བརྒྱ་བཞིའོ། །མཐོ་བཞིའི་མཚན་ཉིད་མིའུ་ཐུང་རྣམས་ཀྱི་གཟུགས་སོ། །མགོ་བོའི་ཆ་ལ་ཆ་གཉིས་སོ། །གདོང་པ་ལ་ཆ་བཅུ་གཉིས་སོ། །ལུས་ལ་ཆ་བཅུ་གཉིས་པའོ། །བརླ་ལ་ཆ་དགུའོ། །པུས་མོ་ལ་ཆ་གཅིག་གོ། །རྗེ་ངར་ལ་ཆ་གཅིག་པའོ། །ལོང་བུ་ལ་ཆ་གཅིག་
གོ། །རྟིང་པ་ལ་ཆ་གཅིག་གོ། །ཆའི་ཚོགས་པ་བཞི་བཅུ་ཞེ་བརྒྱད་དོ། །ནས་ཀྱི་གྲངས་བརྒྱ་གྱ་བཞིའོ། །མཐོ་བཞི་པའི་མཚན་ཉིད་ནག་པོ་ཆེན་པོའི་གཟུགས་སོ། །གདོང་ལ་བཅུ་གཉིས་སོ། །ལུས་ལ་ཆ་བཅུ་གཉིས་སོ། །བརླ་དང་པུས་མོ་དང་རྗེ་ངར་རྣམས་ལ་ཆ་བཅུ་
གཉིས་སོ་ཞེས་པ་ནི་མཐོ་གསུམ་པའི་མཚན་ཉིད་ལོག་འདྲེན་གྱི་གཟུགས་སོ། །མེ་ཏོག་དང་དྲི་ཐམས་ཅད་དང་། ཙནྡན་དང་། དཱུཪྺ་དང་། རྡོ་དང་། ལྕགས་དང་། ཞ་ཉེ་དང་། བཱཾ་གཱི་དང་། ལྕགས་གསུམ་དང་། ལྕགས་ལྔ་དང་། ལྕགས་ཐམས་ཅད་དང་། འཁར་བ་དང་། ར་
གན་དང་། མུ་མེན་དང་། གསེར་དང་། རིན་པོ་ཆེ་ཐམས་ཅད་ཀྱི་རང་བཞིན་དང་། ཤེལ་དང་། འབྲས་སཱ་ལུའི་ཟན་གྱི་རང་བཞིན་དང་སའི་རང་བཞིན་རྣམས་ལ་གྲངས་ཀྱི་གོ་རིམས་བཞིན་དུ་ཐར་པ་དང་། དབང་དང་ཐར་པ་དང་། ཚེ་དང་། དངོས་གྲུབ་དང་། རྒྱལ་སྲིད་དང་། མཐུ་
ཆེན་པོ་དང་། དགྲ་ཆོམས་པ་དང་། དྲག་པོའི་མངོན་སྤྱོད་ཀྱི་ལས་དང་བསད་པ་དང་། ནོར་འབྱུང་བ་དང་། འདོད་པའི་དོན་ཐམས་ཅད་གྲུབ་པ་དང་བསྐྲད་པ་དང་། རྒྱས་པ་དང་། ཞི་བ་དང་། བཟའ་བ་དང་། མདོག་ཐམས་ཅད་ཕུན་སུམ་ཚོགས་པ་དང་། ཕུན་སུམ་ཚོགས་པ་

62-1-333a

ཐམས་ཅད་དང་ཐར་པ་དང་། རྨོངས་པ་དང་། ཤེས་རབ་དང་། སྟོབས་རྣམས་རྣམ་པར་འཕེལ་བར་བྱེད་དོ། །ད་ནི་རས་རིས་དང་པུསྟ་ཀ་ལ་སོགས་པའི་བྱ་བ་བཅུ་མངོན་པར་བརྗོད་པར་བྱ་སྟེ། དེ་ལ་བྲམ་ཟེ་དང་། རྒྱལ་རིགས་དང་རྗེ་རིགས་དང་། དམངས་
རིགས་རྣམས་ཀྱི་ཁ་དོག་གིས་དཀར་པོ་དང་། སེར་པོ་དང་། དམར་པོ་དང་། ནག་པོ་རྣམས་ཀྱིས་སོ། །གཞོན་ནུ་མ་རྣམས་ཀྱིས་བཀལ་བའམ་དཔའ་བོའི་རིན་གྱིས་ཉོས་པའི་སྣལ་མ་ལས་གྲུབ་པའི་རས་ལ་བྱ་སྟེ། སློབ་དཔོན་རྣལ་འབྱོར་གྱི་རྒྱུད་ལས་གསུངས་པའི་ལྷ་འདྲི་བས་
རིགས་པའི་གཏོར་མ་འབུལ་བ་སྔོན་དུ་འགྲོ་བས་ཏིང་ངེ་འཛིན་གསུམ་གྱི་རྣལ་འབྱོར་དང་། སའི་སློབ་དཔོན་བསམ་གཏན་གྱི་གནས་སུ། ཨོཾ་ན་མཿས་མནྟ་བུདྡྷཱ་ནཱཾ་སཾ་བོ་དྷ་ནི་བི་ཤུདྡྷ་ནཱ་མ་སརྦ་བིགྷྣཾ་ཧ་རནྟུ་ཧཱུཾ་ཧཱུཾ་ཕཊ་སྭཱ་ཧཱ་ཞེས་པའི་སྔགས་སོ། །ཨོཾ་ཧཱུཾ་ཏྲཱཾ་ཧྲཱིཿཨཿཞེས་པའི་སྔགས་ཀྱིས་བྱིན་
གྱིས་བརླབ་པར་བྱའོ། །དྲི་ལྔ་དང་། བདུད་རྩི་ལྔ་དང་། བའི་རྣམ་ལྔའི་ཆུས་ཡོངས་སུ་གང་བའི་ཆུ་འགྲམ་དུ་ལས་ཐམས་ཅད་པའི་བུམ་པའི་ཆུས་ལེགས་པར་རས་བཀྲུ་བར་བྱའོ། །རྣལ་འབྱོར་དང་རྣལ་འབྱོར་མ་བླ་ན་མེད་པའི་རྒྱུད་དུ་གསུངས་པའི་ལྷ་རྣམས་འདྲི་བར་གྱུར་ན། དུར་
ཁྲོད་དུ་ལྷུང་བའི་གོས་དང་དཔའ་བོའི་གོས་དང་རྡུལ་གྱིས་གོས་པའི་རས་ཀྱིས་རྡུལ་བྱུག་པ་དང་། དུར་ཁྲོད་ཀྱི་རས་དང་མིའི་པགས་པ་དང་ཐོད་པ་རྣམས་སོ། །དུར་ཁྲོད་ཀྱི་ཐལ་བ་དང་ཆང་དང་བུམ་པའི་ཆུས་ལེགས་པར་བཀྲུ་བར་བྱའོ། །སྟོང་པ་དང་སྙིང་རྗེ་དབྱེར་མེད་པའི་བྱང་
ཆུབ་སེམས་ཀྱི་བདག་ཉིད་ལ་དེ་བཞིན་གཤེགས་པ་ཐམས་ཅད་རབ་ཏུ་བཅུག་སྟེ། མཆོད་ཡོན་ཕུལ་ནས་མེ་ཏོག་ལ་སོགས་པ་རྣམས་ཀྱིས་ཡང་དག་པར་མཆོད་ནས་དེ་བཞིན་གཤེགས་པ་ལྔའི་ས་བོན་གྱིས་བྱིན་གྱིས་བརླབས་ནས་རྡོ་རྗེའི་ཁུ་ཚུར་གྱིས་སྐུད་པ་ཆོ་ག་ཇི་ལྟ་བ་བཞིན་དུ་དཀྲི་
བར་བྱའོ། །དེ་ནས་ལས་ཀྱི་རྡོ་རྗེའི་བདག་ཉིད་རི་མོ་མཁན་པོ་ཉི་མ་དང་ཟླ་བ་ལ་གནས་པའི་རྡོ་རྗེ་དང་པདྨས་ལག་པ་གཡས་གཡོན་དུ་མཚན་པའོ། །ལག་པ་གཡས་ཡེ་ཤེས་ལྔའི་བདག་ཉིད་དུ་འཇུག་པའི་པིར་བཟུང་ནས་རེ་ཁཱ་ལ་སོགས་པ་བྲི་བར་བྱའོ་ཞེས་པ་ནི་རས་བྲིས་ཀྱི་ཆོ་

62-1-333b

གའོ། །པུསྟ་ཀ་འདྲི་བར་གྱུར་ན་གཏོར་མ་སྔོན་དུ་འགྲོ་བས་ཡིག་མཁན་རྣམ་པར་སྣང་མཛད་ཀྱི་སྐུར་རྣམ་པར་བསྒོམས་ཏེ། དེའི་སྙིང་ག་དང་། མགྲིན་པ་དང་། མགོ་བོ་རྣམས་སུ་གོ་རིམས་བཞིན་དུ་རྡོ་རྗེ་དང་པདྨ་དང་འཁོར་ལོ་ལ་གནས་པའི་ཧཱུཾ་ཨཱཿཨ་ཞེས་པ་འདིས་སྙིང་ག་ལ་སོགས་
པ་རྣམས་སུ་རེག་ནས་ལྷག་པར་གནས་པར་བྱའོ། །ལག་པ་གཡས་གཡོན་དག་ལ་ཉི་མ་དང་ཟླ་བ་དག་གི་སྟེང་དུ་རྡོ་རྗེ་དང་ཆུ་སྐྱེས་སྐད་ཅིག་གིས་བསམས་ལ་ཧཱུཾ་ཨཱཿཨོཾ་ཞེས་སོ། །དེ་ནས་རང་ཉིད་ཀྱང་ཏཱ་ལའི་ལོ་མ་དང་ཤུ་གུ་དང་གྲོ་ག་ལ་སོགས་པའི་དངོས་པོ་ལ་དྷཱིཿཡིག་ལས་ལག་
པས་བླངས་ནས་གསུང་རྡོ་རྗེའི་ཡི་གེ་རྣམ་པར་གྱུར་པར་བསམས་ལ། ཨོཾ་བཛྲ་སཏྭ་ཧཱུཾ་ཞེས་པ་འདི་བརྒྱ་རྩ་བརྒྱད་ཡོངས་སུ་བཟླས་པར་བྱའོ། །ཨོཾ་བཛྲ་ཡཀྵ་ཧཱུཾ་ཞེས་པ་འདིས་ཀྱང་ངོ་། །སྣག་ཚ་ཡང་ཤེས་རབ་ཡེ་ཤེས་ཀྱི་བདག་ཉིད་ཀྱི་རྡུལ་དུ་ཡོངས་སུ་གྱུར་པ་ལས་ཡེ་ཤེས་ཀྱི་བདུད་རྩིའི་
གཟུགས་སུ་རྣམ་པར་བསྒོམས་ནས། ཨོཾ་བཛྲ་དྷརྨྨ་ཧྲཱིཿསྭཱཧཱ་ཞེས་པའི་སྔགས་ཀྱིས་བརྒྱ་རྩ་བརྒྱད་ཡོངས་སུ་བཟླས་སོ། །སྨྱུ་གུ་དང་པོ་མཆོག་གི་རྡོ་རྗེར་རྣམ་པར་བསམས་ནས། ཨོཾ་ཤྲུ་ཏི་སྨྲྀ་ཏི་བི་ཛ་ཡེ་སརྦ་ཛྙཱ་ན་པ་ཊ་ལཱ་པ་ཧཱ་རི་ཎི་ཧྲཱིཿསྭཱཧཱ་ཞེས་པའི་སྔགས་ཀྱིས་ལན་ཉི་ཤུ་རྩ་གཅིག་མངོན་
པར་བསྔགས་ནས་ཡིག་མཁན་ལ་གཏད་པར་བྱའོ། །ཡིག་མཁན་གྱིས་ཀྱང་གཏོར་མ་ཕུལ་ནས་ཡོངས་སུ་བྲི་བར་བྱའོ། །དེ་ནས་ཡི་གེ་བརྒྱ་པས་བརྟན་པར་བྱའོ་ཞེས་པ་ནི་པུསྟ་ཀའི་ཆོ་གའོ། །སྐུ་གཟུགས་བཞེངས་པར་གྱུར་ན། གཏོར་མ་སྔོན་དུ་འགྲོ་བས་ཡིད་ཀྱིས་ལྷ་བཟོ་
བ་ལྷའི་བདག་པོའི་སྐུར་བསམས་ནས། སྔོན་མ་ཇི་ལྟ་བ་བཞིན་དུ་སྙིང་ག་ལ་སོགས་པ་རྣམས་སུ་ཧཱུཾ་ཨཱཿ ཨོཾ་ཞེས་པའི་ཡི་གེ་རྣམས་བལྟས་ནས་དེ་རྣམས་ས་བོན་དེ་ཉིད་ལྷག་པར་གནས་པར་བྱའོ། །དེ་ནས་རྣམ་པར་དག་པའི་ས་དང་སྦྲ་ཚིལ་ལ་སོགས་པ་སྐད་ཅིག་གིས་སྟོང་
པ་ཉིད་ཀྱིས་ལྷག་པར་གྲོལ་བར་སྙིང་གའི་ས་བོན་ལས་བཞེངས་པར་བྱ་བའི་ལྷའི་སྐུར་བསམས་ནས། དེ་བཞིན་གཤེགས་ཀྱི་རང་བཞིན་གང་། དེ་ཡི་རང་བཞིན་འགྲོ་འདི་སྟེ། །རང་བཞིན་མེད་པའི་དེ་བཞིན་གཤེགས། །འགྲོ་བ་འདི་ཡང་རང་བཞིན་མེད། །འདིས་དངོས་

62-1-334a

པོ་རྣམ་པར་སྦྱང་བར་བྱའོ། །ནམ་མཁའ་ལ་དེ་བཞིན་གཤེགས་པ་ཐམས་ཅད་བལྟས་ནས་མེ་ཏོག་ལ་སོགས་པ་རྣམས་ཀྱིས་ཡང་དག་པར་མཆོད་ནས་སྒེག་མོ་ལ་སོགས་པ་རྣམས་ཀྱིས་ཀྱང་ཉེ་བར་བསྙེན་པར་བྱའོ། །མཁའ་ཁྱབ་ཀུན་དུ་འགྲོ་བ་ཡི། །སངས་
རྒྱས་བྱང་ཆུབ་སེམས་དཔའ་ཀུན། །སངས་རྒྱས་མཛད་པའི་གནས་འདི་ལ། །མཆོད་ཕྱིར་ཉེ་བར་གཤེགས་སུ་གསོལ། །ཞེས་བརྗོད་པར་བྱའོ། །དེ་ནས་བཞེངས་པར་བྱ་བའི་ལྷའི་ཐུགས་ཀའི་སྔགས་ཀྱིས་ལན་བརྒྱ་རྩ་བརྒྱད་ཀྱིས་ལྷག་པར་གནས་ལ་ཡེ་ཤེས་སེམས་དཔའ་
དགུག་པ་དང་གཞུག་པ་དང་བཅིང་བ་དང་དབང་དུ་བྱ་སྟེ། བུམ་པའི་ཆུས་ཀྱང་ཁྲུས་བྱས་ནས་ཉེ་བར་སྤྱོད་པ་ལྔས་ཡང་དག་པར་མཆོད་པར་བྱས་ནས། ཨོཾ་བཛྲ་སཏྭ་ཨཱཿའདིས་རྡོ་རྗེ་སེམས་དཔའི་དམ་ཚིག་གི་ཕྱག་རྒྱ་བལྟས་ནས། ཨོཾ་བཛྲཱ་བེ་ཤ་ཧོཿའདིས་རྡོ་རྗེ་འབེབས་པའི་དམ་
ཚིག་གི་ཕྱག་རྒྱ་བཅིངས་ནས་ཡི་གེ་བརྒྱ་པས་ལན་གསུམ་དུ་བརྟན་པར་བྱའོ། །འདིར་ཡང་སྔོན་བཞིན་དུ་རིགས་ཀྱི་བདག་པོའི་ངོ་བོ་ཉིད་དུ་བཟོ་བོ་ལྷག་པར་གནས་པར་བྱས་ནས་དེ་ལ་དྲིའི་ཐིག་ལེ་དང་སོ་རྩི་ལ་སོགས་པ་བྱིན་ནས་གཏད་པར་བྱའོ། །ལས་མི་ལ་སོགས་པ་རྣམས་ཀྱང་སོ་རྩི་
ལ་སོགས་པས་ཚིམ་པར་བྱ་ཞིང་བརྟན་པར་བྱ་བ་རྣམས་ལ་ཡང་སྟོན་མོ་དང་གཏོར་མ་ལ་སོགས་པ་དབུལ་ལོ། །དེ་ནས་ལྷ་བསྒོམ་པ་རྣམ་པར་གཤེགས་ནས་སྦྱིན་བདག་ལ་ཤིས་པ་བརྗོད་པར་བྱའོ་ཞེས་པ་ནི་སྐྱེ་གནས་སྦྱངས་པའོ། །ད་ནི་མཆོད་སྡོང་གི་རང་བཞིན་ལྷའི་སྙིང་པོར་བྱེད་
པས་དེའི་སྙིང་གའི་ས་བོན་གསེར་གྱིས་བྲིས་པའི་ཡི་གེ་སྙིང་གར་གཞུག་ཅིང་སྦྱང་བར་བྱའོ། །གཞོན་ནུ་མས་བཀལ་བའི་སྐུད་པས་དཀྲིས་ནས་དེའི་ཕྱིས་རྣམས་ཀྱིས་བསྐོར་བར་བྱའོ། །སློབ་དཔོན་གྱིས་ཁྲུས་ཀྱང་བྱའོ། །དེ་ནས་ནམ་མཁའི་མཐིལ་དུ་ཟླ་བའི་དཀྱིལ་འཁོར་ལ་
གནས་པའི་ཧོཿཡིག་དམར་པོ་གཉིས་ཀྱིས་བརྟེན་པའི་དེ་ཉིད་གསུམ་དང་བཅས་པའི་ལྷའི་ས་བོན་བལྟས་ནས། ཇི་ལྟར་རྫོགས་པའི་སངས་རྒྱས་རྣམས། །དགའ་ལྡན་གནས་སུ་རབ་བཞུགས་ལས། །ལྷ་མོ་སྒྱུ་འཕྲུལ་ལྷུམས་ཞུགས་ལྟར། །དེ་བཞིན་འདི་ལ་བཞུགས་པར་

62-1-334b

ཞུ། །ཕྱོགས་རྣམས་མ་ལུས་བཞུགས་པ་ཡི། །སངས་རྒྱས་རྣམས་ནི་བདག་ལ་དགོངས། །བདག་ནི་རྡོ་རྗེ་ཆེ་གེ་ཞེས། །བདག་གིས་ལྷ་རྣམས་བསྐྲུན་པར་བགྱི། །སློབ་མ་རྣམས་ལ་བརྩེ་ཕྱིར་དང་། །སེམས་ཅན་སོ་སོའི་དོན་རྒྱུའི་ཕྱིར། །ས་བོན་ལས་བྱུང་ཡེ་ཤེས་ཆེ། །མཆོད་
ཕྱིར་ལྷག་པར་གནས་པར་མཛོད། །ཅེས་ལན་གསུམ་བརྗོད་པས་གསོལ་བ་བཏབ་ཅིང་མཆོད་ནས་རང་གི་སྙིང་གའི་ས་བོན་གྱི་འོད་ཟེར་གྱིས། ཨོཾ་བཛྲཱཾ་ཀུ་ཤ་བི་ཛ་ཨཱ་ཀཪྵ་ཡ་ཛཿ། ཨོཾ་བཛྲ་པཱ་ཤ་བི་ཛ་པྲ་བེ་ཤ་ཧཱུཾ། ཨོཾ་བཛྲ་སྥོ་ཊ་བི་ཛ་བནྡྷ་ཡ་བཾ། ཨོཾ་བཛྲ་བེ་ཤྲཱ་བི་ཛ་ཏོ་ཥ་ཡ་
ཧོཿཞེས་པའི་སྔགས་ཀྱིས་དགུག་པ་ལ་སོགས་པ་བྱས་ནས། ས་མ་ཡ་སྟྭཾ་ས་མ་ཡ་ཧཾ་ཞེས་ལན་གསུམ་བརྗོད་པས་ལྷག་པར་གནས་པར་བྱའོ། །དེ་ནས་རང་གི་ས་བོན་ལས་ལྷ་རྣམས་རྫོགས་པར་བསྐྱེད་ནས་སྐྱེད་མོས་ཚལ་ཞེས་ཤེས་པའི་ཕྱིར་སྔགས་ཀྱང་བཟླས་པ་དང་ཡི་གེ་
བརྒྱ་པ་ཡང་བརྗོད་ནས་ཆོ་གས་མཆོད་པ་དང་གཏོར་མ་ཡང་དབུལ་བར་བྱའོ། །སྐྱེད་མོས་ཚལ་གྱི་ཆོ་གའོ།།      །།ད་ནི་བླ་རེ་དང་གདུགས་དང་རྒྱལ་མཚན་དང་བ་དན་རྣམས་ཀྱིས་བརྒྱན་ནས་དེའི་དབུས་སུ་སྣ་ཚོགས་ཆུ་སྐྱེས་མངོན་པར་བྲིའོ། །ཡང་ན་ཁྲི་ལ་ཆུ་སྐྱེས་འདབ་མ་
བརྒྱད་པ་མངོན་པར་བྲིས། དེའི་ཕྱི་རོལ་ཏུ་བུམ་པ་བརྒྱད་དགོད་པར་བྱའོ། །དེ་ནས་དབང་ལྡན་དུ་རྣམ་པར་སྣང་མཛད་ཆེན་པོ་དང་རྡོ་རྗེ་སེམས་མ་དང་། རིན་ཆེན་རྡོ་རྗེ་མ་དང་། ཆོས་ཀྱི་རྡོ་རྗེ་མ་དང་། ལས་ཀྱི་རྡོ་རྗེ་མ་རྣམས་ཀྱི་མཚན་མ་ལྔས་མཚན་པའི་བུམ་པ་གཅིག་གོ། །ཤར་
དུ་མི་བསྐྱོད་པ་དང་། རྡོ་རྗེ་སེམས་དཔའ་དང་། རྡོ་རྗེ་རྒྱལ་པོ་དང་། རྡོ་རྗེ་ཆགས་པ་དང་། རྡོ་རྗེ་ལེགས་པ་རྣམས་ཀྱི་མཚན་མ་ལྔས་མཚན་པའི་བུམ་པ་གཅིག་གོ། །མེར་རྡོ་རྗེ་སྒེག་མོ་དང་། རྡོ་རྗེ་ཕྲེང་བ་མ་དང་། རྡོ་རྗེ་གླུ་མ་དང་། རྡོ་རྗེ་གར་མ་དང་། རྡོ་རྗེ་བདུག་སྤོས་མ་དང་། རྡོ་རྗེ་མེ་ཏོག་
མ་དང་། རྡོ་རྗེ་མར་མེ་མ་དང་། རྡོ་རྗེ་དྲི་མ་རྣམས་ཀྱི་མཚན་མ་བརྒྱད་ཀྱིས་མཚན་པའི་བུམ་པ་གཅིག་གོ། །ལྷོར་རིན་ཆེན་འབྱུང་ལྡན་དང་། རྡོ་རྗེ་རིན་ཆེན་དང་། རྡོ་རྗེ་གཟི་བརྗིད་དང་། རྡོ་རྗེ་ཏོག་དང་། རྡོ་རྗེ་བཞད་པ་དང་ལྔའི་མཚན་མས་མཚན་པའི་བུམ་པ་གཅིག་གོ། །བདེན་

62-1-335a

བྲལ་དུ་རྡོ་རྗེ་ལྕགས་ཀྱུ་དང་། རྡོ་རྗེ་ཞགས་པ་དང་། རྡོ་རྗེ་ལྕགས་སྒྲོག་དང་། རྡོ་རྗེ་འབེབས་པ་རྣམས་ཀྱི་མཚན་མ་བཞིས་མཚན་པའི་བུམ་པ་གཅིག་གོ། །ནུབ་ཏུ་འོད་དཔག་མེད་དང་། རྡོ་རྗེ་ཆོས་དང་། རྡོ་རྗེ་རྣོན་པོ་དང་། རྡོ་རྗེ་རྒྱུ་དང་། རྡོ་རྗེ་སྨྲ་བ་རྣམས་ཀྱི་མཚན་མ་ལྔས་མཚན་
པའི་བུམ་པ་གཅིག་གོ། །རླུང་དུ་བྱམས་པ་དང་། དོན་ཡོད་གཟིགས་དང་། ངན་སོང་ཐམས་ཅད་འཇོམས་པ་དང་། མྱ་ངན་དང་མུན་པ་ཐམས་ཅད་སེལ་བའི་བློ་གྲོས་དང་། སྤོས་ཀྱི་གླང་པོ་དང་། དཔའ་བར་འགྲོ་བ་དང་། ནམ་མཁའ་མཛོད་དང་། ཡེ་ཤེས་ཏོག་དང་། འོད་དཔག་མེད་
དང་། ཟླ་འོད་དང་། བཟང་སྐྱོང་དང་། དྲ་བ་ཅན་གྱི་འོད་དང་། རྡོ་རྗེ་སྙིང་པོ་དང་། མི་ཟད་པའི་བློ་གྲོས་དང་། སྤོབས་པ་བརྩེགས་པ་དང་། ཀུན་དུ་བཟང་པོ་རྣམས་ཀྱི་མཚན་མ་བཅུ་དྲུག་གིས་མཚན་པའི་བུམ་པ་གཅིག་གོ། །བྱང་དུ་དོན་ཡོད་གྲུབ་པ་དང་། རྡོ་རྗེ་ལས་དང་། རྡོ་རྗེ་བསྲུང་བ་དང་། 
རྡོ་རྗེ་གནོད་སྦྱིན་དང་། རྡོ་རྗེ་མཚམས་རྣམས་ཀྱི་མཚན་མ་ལྔས་མཚན་པའི་བུམ་པ་གཅིག་གོ། །ཆུ་སྐྱེས་འདབ་མ་བརྒྱད་པ་བྲིས་པའི་ཟེ་འབྲུའི་སྟེང་དུ་སྟེགས་བུ་ལ་ཟླ་བའི་དཀྱིལ་འཁོར་ལ་རས་བྲིས་ལ་སོགས་པའི་སྟེང་གཡོགས་པའི་སེང་གེའི་ཁྲི་ལ་བཞུགས་པའི་ལྷག་པར་མོས་པས་
སོ། །ཡང་ཁྲུས་ཀྱི་དཀྱིལ་འཁོར་དང་བྲལ་བས་ཡང་ངོ་། །དེ་བཞིན་དུ་གཞན་དུ་ཡང་ཁྲི་ལ་སོགས་པའི་རང་བཞིན་ལ་དེའི་མཎྜལ་ལ་རས་བྲིས་དང་པུསྟ་ཀ་དང་མཆོད་རྟེན་ལ་སོགས་པ་ཞལ་ཤར་དུ་མངོན་པར་ཕྱོགས་པས་སམ་གཞན་དུ་ཡང་རུང་སྟེ་བཞུགས་པར་བྱའོ། །གང་ལངས་
པ་དང་སྤྱོད་ལམ་གྱི་བར་མི་ཐོག་ཅིང་འོས་པས་སོ། །གཙུག་ལག་ཁང་དང་མཆོད་རྟེན་དང་དྲི་གཙང་ཁང་དུ་སྐུ་གཟུགས་ལ་སོགས་པ་ནམ་མཁའི་ཁྲུས་ཀྱི་སྟེགས་བུ་རབ་ཏུ་སྦྱོར་བས་གཉིས་པོ་ཇི་ལྟར་དམ་ཚིག་གི་ཉེས་པ་སྐུ་གཟུགས་ལ་སོགས་པའི་མདུན་དུ་བྱ་སྟེ་དེ་ལ་ཞལ་མངོན་པར་
ཕྱོགས་པས་སླར་ཡང་ཞབས་བསིལ་དང་མཆོད་ཡོན་ལ་སོགས་པ་འབུལ་བ་སྔོན་དུ་འགྲོ་བས་མཆོད་ཡོན་དབུལ་བའི་སྔགས་ཀྱིས་སྦྱང་བར་བྱའོ། །སྦྱང་བའི་སྔགས་དང་མེའི་བྱ་བ་དང་ལྡན་པས་སོ། །དེ་ནས་སྐུ་གཟུགས་ཀྱི་ཐུགས་ཀ་དང་མགྲིན་པ་དང་དཔྲལ་བ་རྣམས་སུ་ཧཱུཾ་ཨཱཿཨོཾ་ཞེས་

62-1-335b

པའི་ཡི་གེ་རྣམས་བརྗོད་ནས་སྔོན་བཞིན་དུ་ཤེས་པར་བྱས་ནས་དྲི་ནི་ཐུགས་ཀར་དབུལ་ལོ། །མེ་ཏོག་གི་ཕྲེང་བ་དབུལ་དཀྲིས་ནས་མདུན་དུ་མཆོད་ཡོན་དབུལ་ལོ། །ཡོངས་སུ་བསྐོར་བཞིན་པའི་མར་མེས་ཨ་བཛྲ་ཡཀྵ་ཧཱུཾ། འདིས་ལན་བདུན་མངོན་པར་བསྔགས་ནས་མར་དང་སྤོས་
དཀར་གྱི་བདུག་པས་བདུག་པར་བྱའོ་ཞེས་སྦྱང་བའི་རིམ་པའོ། །དེའི་རྗེས་ལ་རྡོ་རྗེ་ལས་ཀྱི་སྔགས་ཀྱིས་ལན་བདུན་མངོན་པར་བསྔགས་པའི་དཱུཪྺའི་ཆུན་པོས་ཟངས་མའི་སྣོད་ན་གནས་པའི་ཞོ་དང་འོ་མ་དང་། མར་དང་སྦྲང་དང་ཀ་ར་སྟེ་བདུད་རྩི་ལྔའི་རང་བཞིན་རྣམས་དཀྲུགས་ཏེ་
ཞོ་དང་འོ་མ་དང་མར་དང་བའི་ལྕི་བ་དང་ཆུ་སྟེ་བའི་རྣམ་ལྔ་རྣམས་ཀྱེ་སྟེ། ཨོཾ་ཧཱུཾ་ཏྲཱཾ་ཧྲཱིཿཨཿཞེས་པའི་ས་བོན་རྣམས་ལྷག་པར་གནས་པ་དང་། བྷཱུཾ་ཨཱཾ་ཛྲཱིཾ་ཁ་ཧཱུཾ་ཞེས་པའི་སྔགས་ཀྱིས་ལྷག་པར་གནས་ལ་གང་ཞིག་རི་མོ་དང་རས་བྲིས་དང་པུསྟ་ཀ་དང་སའི་རང་བཞིན་ལ་སོགས་པ་རྣམས་ལ་དེ་
རྣམས་མེ་ལོང་གི་གཟུགས་བརྙན་གྱི་གཟུགས་ལའོ། །བྱམས་པ་ལ་སོགས་པའི་སྔགས་ཀྱིས་མངོན་པར་བསྔགས་པའི་བུམ་པའི་ཆུ་དང་བཀྲ་ཤིས་ཀྱི་ཚིགས་སུ་བཅད་པ་བརྗོད་པས་ཁྲུས་བྱའོ། །བྱམས་མགོན་ལ་སོགས་བྱང་ཆུབ་སེམས་དཔའ་གང་རྣམས་ཀྱིས། །གང་ཡང་
གཙུག་ལག་ཁང་དང་སེམས་ཅན་རྣམ་དག་གྲགས། །སྐྱེ་དགུའི་རབ་རིབ་ཉེས་རྣམས་མ་ལུས་འཇོམས་གྱུར་པ། །དབང་བསྐུར་མཆོག་གི་བཀྲ་ཤིས་དེ་ནི་ཁྱེད་ལ་ཤོག །དེ་ནས་འཁར་བའི་སྣོད་དུ་གནས་པའི་ནྱ་གྲོ་དྷ་དང་། ཨུ་དུམྺཱ་ར་དང་། པླཀྴ་དང་། བྱང་ཆུབ་ཤིང་དང་། དྲིའི་
ཁུ་བ་དང་། འོ་མ་དང་ཤིང་རྣམས་ཀྱི་ཤུན་ལྤགས་རྣམས་ཀྱིས་མཉེས་ཤིང་སྦྱང་ངོ་། །ཨོཾ་སརྦ་ཏ་ཐཱ་ག་ཏ་ཀཱ་ཡ་བི་ཤོ་དྷ་ནེ་སྭཱ་ཧཱ། ཞེས་པའི་སྔགས་ཀྱི་དབང་པོས་སོ། །དེ་བཞིན་དུ་ཨོཾ་ཧཱུཾ་ཏྲཱཾ་ཧྲཱིཿཁཾ་ཁཿཞེས་པའི་སྔགས་ཀྱིས་སོ། །འཁར་བའི་སྣོད་དུ་གནས་པའི་དྲི་བཟངས་དང་མར་ཁུས་
མཉེ་ཞིང་སྦྱང་བར་བྱའོ། །ཁར་བའི་སྣོད་ལ་གནས་པའི་བྱུག་པས་བྱུགས་ནས་རྡོ་རྗེ་ལྕགས་ཀྱུ་ལ་སོགས་པའི་སྔགས་བཟླས་པའི་བུམ་པའི་ཆུས་བཀྲ་ཤིས་ཀྱི་ཚིགས་སུ་བཅད་པ་དང་བཅས་པས་ཁྲུས་བྱའོ། །དྲིལ་བུའི་ཕྱག་གི་ཞགས་པས་དགུག་དང་བཅིང་བས་མཆོག་དགུག་

62-1-336a

སོགས། །སྣ་ཚོགས་ཉེས་པས་ལས་རྣམས་དོན་ལྡན་པས། །སྒོ་ནས་གཞུག་ཅིང་གཞན་ཡང་གླུ་དང་སྟོང་ཉིད་དང་། །དབང་བསྐུར་མཆོག་གི་བཀྲ་ཤིས་དེ་ནི་ཁྱེད་ལ་ཤོག །དེ་ནས་འཁར་བའི་སྣོད་ན་གནས་པའི་ཡུང་བའི་ཁུ་བས་བྱུགས་ནས་ཁྲུས་བྱའོ། །
ཙནྡན་དཀར་པོ་དང་། དམར་པོ་དང་གུར་ཀུམ་ལ་སོགས་པ་དང་། གྲནྠིའི་ལོ་མ་དང་ཨ་ག་རུ་དང་ག་པུར་དང་། གླ་བ་ལ་སོགས་པ་ཇི་ལྟར་རྙེད་པ་རྣམས་དང་། ཐུགས་ཀའི་ས་བོན་གྱི་འོད་ཟེར་གྱིས་སྤྱན་དྲངས་པའི་རྡོ་རྗེ་སེམས་དཔའ་ལ་སོགས་པའི་ལྷ་མོ་རྣམས་ཀྱིས་བུམ་པ་
བཟུང་ནས་བཀྲ་ཤིས་ཀྱི་ཚིགས་སུ་བཅད་པ་སྔོན་དུ་འགྲོ་བས་བུམ་པའི་ཆུས་ལྷ་རྣམས་ཁྲུས་བྱའོ། །ཇི་ལྟར་བལྟམས་པ་ཙམ་གྱིས་ནི། །དེ་བཞིན་གཤེགས་ཀུན་ཁྲུས་གསོལ་ལྟར། །ལྷ་ཡི་ཆུ་ནི་དག་པ་ཡིས། །དེ་བཞིན་བདག་གིས་ཁྲུས་བགྱིའོ། །དེ་ལ་ཆགས་
པའི་ཆུ་རྣམས་གོས་འཇམ་པོས་ཕྱི་བར་བྱའོ། །དེའི་རྗེས་ལ་སློབ་དཔོན་གྱི་ལྕེ་ཧཱུཾ་ལས་བྱུང་བའི་རྡོ་རྗེར་བསྐྱེད་ལ་མེ་ཏོག་དྲི་ཞིམ་པས་ཐལ་མོ་སྦྱར་ལ་ལུས་ཀྱིས་ཕྱག་འཚལ་བ་ནི། ཨོཾ་སརྦ་ཏ་ཐཱ་ག་ཏ་སུ་ལ་ལི་ཏེ་བི་ལཱ་སྱ་ན་མི་ཏེ་ན་མཱ་མི་བྷ་ག་ཝཱན་ཏྭཾ་ཤྲཱི་ཆེ་གེ་མོ་བཛྲི་ཛཿཧཱུཾ་བཾ་ཧོཿ
པྲ་ཏཱིཙྪ་ཀུ་སུ་མཱཉྫ་ལི་ནཱ་ཐ་ཧོཿས་མ་ཡ་སྟྭཾ་ཞེས་བརྗོད་ལ་སྙིམ་པའི་མེ་ཏོག་དབུལ་བར་བྱའོ། །དེ་ནས་པུས་མོ་གཡས་པའི་ལྷ་ང་ས་ལ་བཙུགས་ནས་བདག་པོའི་བདེན་པ་ཞུ་བར་བྱ་སྟེ། བཅོམ་ལྡན་རྡོ་རྗེ་ཆེ་གེ་མཆོག །རིག་པའི་རྒྱལ་པོ་ཁྱོད་ལ་འདུད། །སློབ་མ་རྣམས་
ལ་བརྩེ་ཕྱིར་དང་། །ཁྱེད་རྣམས་ལ་ཡང་མཆོད་པའི་ཕྱིར། །མགོན་པོ་ཐུགས་རྗེ་བདག་ཉིད་ཅན། །རབ་གནས་བགྱི་བར་བདག་འཚལ་ལོ། །དེ་ཕྱིར་བཅོམ་ལྡན་བདག་གུས་ལ། །ཁྱེད་ཀྱིས་བཀའ་དྲིན་གནང་བར་མཛད། །ཇི་ལྟར་རྫོགས་པའི་སངས་རྒྱས་ཀུན། །དགའ་
ལྡན་དུ་ནི་རབ་བཞུགས་པས། །ལྷ་མོ་སྒྱུ་འཕྲུལ་ལྷུམས་ཞུགས་ལྟར། །དེ་ལྟར་འདི་ལ་བཞུགས་སུ་གསོལ། །འདི་ལ་མགོན་པོ་རྟག་བཞུགས་ནས། །བདག་གི་མེ་ཏོག་ལ་སོགས་བཞེས། །བྱང་ཆུབ་སེམས་ཀྱི་དངོས་གྲུབ་ཕྱིར། །བརྩེ་བའི་དོན་ཕྱིར་རྗེས་སུ་ཟུང་། །སངས་རྒྱས་

62-1-336b

འགྲོ་དོན་སྩོལ་མཛད་པ། །བྱང་ཆུབ་སེམས་དཔའ་འབྲས་གནས་དང་། །གང་དག་གཞན་ཡང་གསང་སྔགས་ལྷ། །ལྷ་དང་འཇིག་རྟེན་སྐྱོང་རྣམས་དང་། །འབྱུང་པོ་བྱང་ཆུབ་བསྟན་གནས་དང་། །གང་ཡང་རྡོ་རྗེའི་སྤྱན་ལྡན་དང་། །སེམས་ཅན་བསྟན་ལ་མངོན་དགའ་རྣམས། །
བདག་ལ་ཡང་དག་དགོངས་སུ་གསོལ། །བདག་ནི་ཆེ་གེ་རྡོ་རྗེ་ཅན། །རབ་གནས་ཆོ་ག་དང་ལྡན་པ། །ཇི་ལྟར་ནུས་བཞིན་ཉེར་སྤྱོད་པས། །འགྲོ་རྣམས་དག་ཕྱིར་བདག་གིས་བགྱི། །བདག་དང་སློབ་མ་ལ་ཕན་ཕྱིར། །བརྩེ་བས་རྗེས་སུ་བཟུང་མཛད་ནས། །འཁོར་དང་བཅས་
པ་རྣམས་ནི་འདིར། །མཆོད་ཕྱིར་ཉེ་བར་བྱོན་པར་ཞུ། །དེ་ལྟར་ལན་གསུམ་དུ་བརྗོད་པས། སྙན་གསན་དབབ་པར་བྱས་ནས་ཡང་བསྟོད་པ་དང་བདུད་རྩི་མྱང་བར་བྱའོ། །དེ་ནས་འདིས་ལྷ་རྣམས་སྙན་གསན་ཕབ་ནས་བདག་ཉིད་རབ་ཏུ་དགའ་བར་བྱའོ། །དེང་བདག་སྐྱེ་བ་
འབྲས་བར་བཅས། །བདག་གི་གསོན་པའང་འབྲས་བུར་བཅས། །ལྷ་དང་དམ་ཚིག་མཚུངས་པར་ནི། །བདག་ནི་ཐེ་ཚོམ་མེད་པར་གྱུར། །བྱང་ཆུབ་སེམས་ཉིད་གཅིག་པུ་ལས། །བདག་ནི་ཕྱིར་མི་ལྡོག་པར་འགྱུར། །དེང་བདག་ཐེ་ཚོམ་མེད་པར་ནི། །དེ་བཞིན་གཤེགས་
པའི་རིགས་སུ་སྐྱེས། །དེ་རིང་བདག་ཉིད་མཆོག་གྱུར་ཏེ། །བདག་གི་མཆོག་སྦྱིན་བླ་ན་མེད། །སངས་རྒྱས་ཀུན་གྱི་མངོན་སུམ་དུ། །བདག་གིས་སྙན་གསན་ཉེ་བར་ཕབ། །དེ་ནས་རང་གི་ལྷག་པའི་ལྷའི་རྣལ་འབྱོར་རམ་ཡང་ན་ཁྲོ་བོའི་རྣལ་འབྱོར་གྱིས་མན་ངག་ཇི་ལྟ་བ་བཞིན་དུ་ཟས་
ལ་སོགས་པ་རྣམ་པར་སྦྱངས་ནས་ཐོད་པར་གཏོར་མ་དབུལ་བར་བྱའོ། །དེ་ནས་བུམ་པའི་ཆུས་གཏོར་ཏེ། རྡོ་རྗེ་སྲུང་བའི་སྔགས་ཀྱིས་ལན་གསུམ་བཟླས་ཏེ་མདུད་པ་གསུམ་དང་ལྡན་པས་སོ་སོའི་ལག་པ་གཡས་པའི་མཁྲིག་མ་ལ་བཅིངས་ཏེ་སློབ་མ་བསྲུང་བར་བྱའོ། །དེ་འདི་
ཉིད་ཀྱང་བསྒྲག་པར་བྱ་སྟེ། སྔགས་པས་འགའ་ཞིག་སྙིང་ག་ནི། །མཆོད་པ་ལ་སོགས་ཆོ་ག་བྱ། །གཡོ་མེད་པ་ཡིས་འདི་བྱས་ན། །མཆོད་སྦྱིན་ཆེན་པོའི་འབྲས་བུ་འབྱུང་། །ཞེས་སོ། །དེ་ནས་བསྲུང་བའི་དོན་དུ་ཨོཾ་བཛྲ་སཏྭ་ཧཱུ་ཞེས་པས་ཡོངས་སུ་བསྔགས་ནས་མལ་ལ་

62-1-337a

སོགས་པའི་མཚམས་ཀྱི་མཐའ་བསལ་ནས་སོ། །དེ་ནས་ཉི་མ་གཞན་ལ་ནང་པར་སྔ་བར་དམ་ཚིག་ལ་ཞི་བའི་གཏོར་མ་ཕུལ་ནས་སྐུ་གཟུགས་ལ་སོགས་པ་དེ་ཉིད་དུ་བཞུགས་སུ་གསོལ་ལོ། །གཙུག་ལག་ཁང་ལ་སོགས་པ་རྣམས་ཀྱང་ཇི་ལྟར་གནས་པའི་
དམ་ཚིག་སེམས་དཔའ་བསྐྱེད་པར་བྱའོ། །པུསྟི་རྣམས་བསྲུང་བའི་ཚོགས་དང་སྟོང་པ་ཉིད་ཀྱི་མཐར་པདྨ་དམར་པོ་དང་ཉི་མ་ལ་ཧྲཱིཿཡིག་དམར་པོ་ལས་བྱུང་བའི་ཆུ་སྐྱེས་དང་ཧྲཱིཿཡོངས་སུ་གྱུར་པ་ལས་འོད་དཔག་མེད་ཀྱི་སྐུར་ཡོངས་སུ་གྱུར་པ་ལས་བསྲུང་བ་དང་དམ་ཚིག་སེམས་
དཔར་བསམ་པར་བྱའོ། །མར་མེ་མཛད་ལ་སོགས་པའི་གཙུག་ལག་ཁང་རྣམས་ཀྱི་ཡང་སྟོང་པ་ཉིད་ཀྱི་མཐར་པདྨ་དང་ཟླ་བ་ལ་བྷྲཱུཾ་ཡིག་དཀར་པོ་ལས་སྐྱེས་པའི་འཁོར་ལོ་རྩིབས་བརྒྱད་པ་དང་བྷྲཱུཾ་ལས་རྣམ་པར་སྣང་མཛད་དེ་ཡོངས་སུ་གྱུར་པ་ལས་མར་མེ་མཛད་ཀྱི་གཙུག་ལག་ཁང་གི་
གཟུགས་དང་དྲི་གཙང་ཁང་གི་གཟུགས་དང་། མཆོད་རྟེན་གྱི་གཟུགས་རྣམས་ཀྱང་དམ་ཚིག་སེམས་དཔར་བསྐྱེད་ནས་ཞབས་བསིལ་དང་། མཆོད་ཡོན་དང་ཞལ་བསིལ་ལ་སོགས་པ་དབུལ་བ་སྔོན་དུ་འགྲོ་བས་སྦྱང་བར་བྱའོ། །དེའི་མཐར་ཆོ་ག་ལས་གསུངས་པའི་བདུད་རྩི་ལྔ་ལ་
སོགས་པས་དྲི་ལ་ཕྱི་ལ་སོགས་པ་བྱས་ནས་གུར་ཀུམ་ལ་སོགས་པ་ཇི་ལྟར་རྙེད་པ་ལ་མི་བསྐྱོད་པའི་སྔགས་ཀྱིས་ལྷག་པར་གནས་པའི་བུམ་པའི་ཆུས་བཀྲ་ཤིས་ཀྱི་ཚིགས་སུ་བཅད་པ་བརྗོད་པས་དབང་བསྐུར་བར་བྱའོ། །བཀྲ་ཤིས་གང་ཞིག་ལག་ན་རྡོ་རྗེ་རྒྱལ་པོའི་དཔལ་དེ་དང་། །རྡོ་
རྗེ་ཆགས་པ་མཆོག་ཏུ་ལེགས་པ་ཤིན་ཏུ་བཞད་པ་དང་། །མི་བསྐྱོད་རྒྱལ་པོ་བདེ་བར་གཤེགས་པའི་བདེ་བ་ཆེན་པོ་ཡི། །དབང་བསྐུར་མཆོག་ལ་དེ་ཡི་བཀྲ་ཤིས་དེ་རིང་འབྱུང་གྱུར་ཅིག །དེ་ནས་དེ་ཉིད་ཀྱི་རིམ་པས་དབང་བསྐུར་ནས་གོས་གཙང་མ་འཇམ་པོས་ཆུ་རྣམས་ཕྱི་བར་བྱའོ། །
དེ་ནས་ལག་པས་མཉེ་བར་བྱའོ། །དེ་ནས་སྐུ་གཟུགས་ཀྱི་དཔྲལ་བ་དང་། མགྲིན་པ་དང་། སྙིང་ག་དང་། སྤྱན་དང་། ཤངས་དང་། ལྗགས་དང་། མཚམས་ཀྱི་མཐའ་དང་། ལྟེ་བ་རྣམས་ལ་ཨོཾ་ཨཱཿཧཱུཾ་ཀྵིཾ་ཛཾ་ཁཾ་གཾ་སྐཾ་སཾ་ཞེས་པའི་ས་བོན་གྱི་ཡི་གེས་ལྷག་པར་གནས་པར་བྱའོ། །དེ་ནས་

62-1-337b

གསེར་གྱི་ཐུར་མས་དངུལ་གྱི་སྣོད་དུ་གནས་པའི་མར་དང་སྦྲང་གིས་བྱུག་ཅིང་། ཐུར་ལྡན་སྨན་པའི་རྒྱལ་པོ་ཡིས། །འཇིག་རྟེན་རབ་རིབ་བསལ་བ་ལྟར། །ཁྱེད་ཀྱིས་མི་ཤེས་རབ་རིབ་ནི། །དེ་བཞིན་བདག་གིས་བསལ་བར་བགྱི། །ཨོཾ་ཙཀྵུ་ཙཀྵུ་ས་མནྟ་ཙཀྵུ་བི་ཤོ་བྷ་ནེ་སྭཱ་ཧཱ་ཞེས་བརྗོད་ནས་
མིག་སྨན་གྱིས་སྐུ་གཟུགས་ཀྱི་སྤྱན་དབྱེ་བར་བྱའོ། །པུསྟི་ལ་སོགས་པ་དང་རས་བྲིས་རྣམས་ཀྱི་མེ་ལོང་གི་གཟུགས་བརྙན་གྱི་རང་བཞིན་ལས་སྤྱན་གཡས་པ་དང་གཡོན་པ་དག་ལ་མ་དང་ཊ་ཡིག་དག་གི་ས་བོན་ལས་ཉི་མ་དང་ཟླ་བ་ལ་བལྟས་ལ་ཨོཾ་དཱིཔྱེ་ཙཀྵུ་ཤེ་ཧཱུཾ། མར་མེས་སླར་ཡང་ཨོཾ་
དཱིཔྱེ་ཙཀྵུ་ཤེ་ཧཱུཾ། མིག་གཡས་པའོ། །ཨོཾ་དྷརྨ་ཙཀྵུ་ཤེ་ཧཱུཾ། མིག་གཡོན་པའོ། །ཨོཾ་ཨཱཿཛྙཱ་ན་བཛྲ་ཛྙཱ་ན་ཙཀྵུཿཀུ་རུ། མེ་ལོང་གིས་སླར་ཡང་ཨོཾ་ཛྙཱ་ན་ཙཀྵུ་ཤེ་ཧཱུཾ་གཡས་པའོ། །ཨོཾ་བུདྡྷ་ཙཀྵུ་ཤེ་ཧཱུཾ་གཡོན་པའོ། །ཨོཾ་པྲཛྙཱ་ཙཀྵུ་ཤེ་ཧཱུཾ་རྡོ་རྗེ་ཡིས་སླར་ཡང་། ཨོཾ་པྲཛྙཱ་ཙཀྵུ་ཤེ་ཧཱུཾ་མིག་
གཡོན་པའོ། །ཨོཾ་བཛྲ་ཙཀྵུ་ཤེ་ཧཱུཾ་མིག་གཡས་པའོ། །ཨོཾ་ཨཱཿཛྙཱ་ན་ཙཀྵུཿཀུ་རུ་ཀུ་རུ་ཧཱུཾ་ཧཱུཾ་ཧཱུཾ་ཡེ་ཤེས་ཀྱི་མིག་ལྷག་པར་གནས་པར་བྱའོ། །དེ་ནས་མིག་དག་ལས་བྱུང་བའི་འོད་ཟེར་གྱིས་ཕྱོགས་ཐམས་ཅད་ཁྱབ་ནས་འཇིག་རྟེན་གྱི་ཁམས་ཐམས་ཅད་ན་གནས་པའི་ལྷའི་སྤྱན་རྣམས་ངེས་
པར་སྦྱར་བས་མོས་ཤིང་སྤྱན་དབྱེ་བར་བྱའོ། །དེའི་རྗེས་ལ་འབྲས་ཡོས་ལ་སོགས་པས་གང་བའི་དུང་ཆོས་ཀྱི་སྣོད་དུ་སྣ་ཚོགས་པའི་རིན་པོ་ཆེའི་ཁྱད་པར་གྱིས་ཀྱང་ཨོཾ་ཨཱཿཧྲཱིཿཔྲ་བ་ར་སཏྐཱར་ཨརྒྷཾ་པྲ་ཏཱིཙྪ་སྭཱ་ཧཱ། ཞེས་པའི་སྔགས་ཀྱིས་མཆོད་ཡོན་དབུལ་ལོ། །ཨོཾ་ཨཱཿགྷ་བཛྲ་གནྡྷེ་
ཧཱུཾ་ཞེས་པ་འདིས་ག་པུར་དང་། གླ་བ་དང་གུར་ཀུམ་ལ་སོགས་པའི་དྲི་བཟངས་རྣམས་ཀྱིས་ཡང་དག་པར་བྱུགས་ཏེ། ཨོཾ་ཨཱཿབོ་དྷྱཾ་ག་དྲྀ་ཌྷ་ཀ་བ་ཙ་བསྟྲེ་སྭཱ་ཧཱ་ཞེས་པ་འདིའི་སྔགས་ཀྱིས་གོས་སེར་པོ་གོན་པར་མོས་པར་བྱའོ། །ཨོཾ་ཨཱཿདཱིབྱེ་བཱ་ས་སེ་ཧཱུཾ་སྭཱ་ཧཱ་ཞེས་པའི་སྔགས་ཀྱིས་ན་
བཟའ་སེར་པོ་དབུལ་བར་བྱའོ། །ཨོཾ་ཨཱཿཏི་ལ་ཀ་བྷུ་ཥ་ཎེ་ཧཱུཾ་སྭཱ་ཧཱ་ཞེས་པའི་སྔགས་ཀྱིས་ཙནྡན་དང་གུར་ཀུམ་ལ་སོགས་པའི་ཐིག་ལེ་བྱའོ། །ཨོཾ་ཨཱཿསརྦ་ཏ་ཐཱ་ག་ཏ་མ་དྷུ་པྲཱ་ཤ་ནེ་ཧཱུཾ་ཧཱུཾ་ཕཊ་སྭཱ་ཧཱ་ཞེས་པའི་སྔགས་ཀྱིས་གསེར་ལ་སོགས་པའི་སྣོད་དུ་གནས་པའམ། ཨ་ཤྭདྠའི་ལོ་

62-1-338a

མའི་སྣོད་དུ་མར་དང་སྦྲང་དང་ཀ་ར་དང་བཅས་པ་དེ་བཞིན་གཤེགས་པའི་སྐུ་ཁྱབ་པའི་དོན་དུ། ཨོཾ་སརྦ་ཏ་ཐཱ་ག་ཏ་ཙིནྟྱོ་མྲྀ་ཏ་བྷཱ་རི་སྭཱ་ཧཱ་ཞེས་པའི་སྔགས་ཀྱིས་འོ་མ་དབུལ་བར་བྱའོ། །དུག་མེད་པའི་ཕྱིར་སྨན་ལྔ་པོ་རྣམས་དབུལ་བར་བྱའོ། །ཉེར་སྤྱོད་
རྣམ་པ་ལྔས་མཆོད་ནས་རྡོ་རྗེ་འབེབས་པའི་དམ་ཚིག་གི་ཕྱག་རྒྱ་བཅིངས་ནས་ཡི་གེ་བརྒྱ་པས་བརྟན་པར་བྱའོ་ཞེས་པ་ནི་བསྐྱེད་པའི་ལས་སོ། །དེའི་རྗེས་ལ་སློབ་དཔོན་གྱིས་ཨོཾ་བཛྲ་སཏྭ་ཨཱཿཞེས་པ་འདིས་མེ་ལོང་བསྟན་ནས་སྔོན་དུ་གསུངས་པའི་སྔགས་ཀྱིས་གི་ཝང་ལ་
སོགས་པའི་དྲིའི་ཐིག་ལེ་དབུལ་ལོ། །རང་གི་སྙིང་གར་ཟླ་བའི་སྟེང་དུ་ས་བོན་གྱི་ཡི་གེ་བཀོད་ལ་ལྷ་རྣམས་ཀྱི་ཡི་གེ་རྣམས་རབ་ཏུ་འབར་བས་མགོ་བོའི་སྟེང་དུ་དེའི་འོད་ཟེར་གྱིས་སངས་རྒྱས་ཀྱི་ཞིང་ཐམས་ཅད་ཡོངས་སུ་གང་བ་རྣམ་པར་བསྒོམས་ནས། སླར་ཡང་བཀུག་ནས་དེ་
ཉིད་ལ་རབ་ཏུ་ཞུགས་ཏེ་རང་གི་ཐུགས་ཀའི་མིང་གི་ཡི་གེ་རྣམས་ལས་བྱུང་ནས་སྐུ་གཟུགས་དང་ལྷ་རྣམས་ཀྱི་ཐུགས་ཀར་རབ་ཏུ་ཞུགས་ཏེ་དེ་བཞིན་དུ་དེ་ཉིད་སྤྲོ་བ་ལ་སོགས་པའི་རྣམ་པས། འཁོར་ལོའི་དབང་ཕྱུག་གི་སྔགས་ཀྱིས་བསྔགས་པའི་བུམ་པའི་ཆུས་བཀྲ་ཤིས་ཀྱི་
ཚིགས་སུ་བཅད་པ་དང་བཅས་པས་དབང་བསྐུར་བར་བྱའོ། །གང་ཞིག་སེམས་དཔའ་རིན་ཆེན་ཆོས་མཆོག་ལས་ཀུན་རྡོ་རྗེ་ཅན། །གང་ཞིག་ཕྱག་རྒྱའི་ཚོགས་པ་དང་ནི་བཅས་པའི་ལྷག་མཐོང་གི། །རྣམ་པར་སྣང་མཛད་གང་གི་སྲིད་པའི་སྡུག་བསྔལ་འཇོམས་མཛད་
པ། །དེ་ཡི་བཀྲ་ཤིས་ཀྱིས་ནི་དེ་རིང་ཁྱེད་ལ་ཞི་བྱེད་ཤོག །ཨོཾ་ཆེ་གེ་མོ་བཛྲ་བྷ་ག་བཱན་སྭཱ་ཧཱ། ཞེས་པའི་སྔགས་ཀྱིས་དེའི་ཐུགས་ཀའི་རྡོ་རྗེ་ལ་དམིགས་ནས་ལན་བརྒྱ་རྩ་བརྒྱད་བཟླས་པར་བྱའོ། །དེ་ནས་མཆོད་ཡོན་ལ་སོགས་པ་རྣམས་ཀྱིས་ཡང་དག་པར་མཆོད་ལ། 
སོ་རྩི་ལ་སོགས་པ་དབུལ་བར་བྱའོ། །རྡོ་རྗེ་བསྲུང་བའི་སྔགས་ཀྱིས་ཡང་དག་པར་བསྲུངས་ནས་ལས་ཀྱི་མིང་གིས་བསྟོད་པ་ལ་སོགས་པ་བྱའོ། །དེ་ནས་ལས་ཀྱི་རྡོ་རྗེས་མངོན་པར་བསྔགས་པའི་བུམ་པའི་ཆུས་བཀྲ་ཤིས་ཀྱི་ཚིགས་སུ་བཅད་པ་བརྗོད་པ་སྔོན་དུ་འགྲོ་བས་

62-1-338b

དབང་བསྐུར་བར་བྱའོ། །དེ་ལ་ཚིགས་སུ་བཅད་པ་འདི་ལན་གསུམ་མོ། །རྡོ་རྗེ་སྲུང་དཔལ་མཆོག་སྦྱིན་སྤྱན་དང་ཕྱག་ན་རྡོ་རྗེར་བཅས། །ཁུ་ཚུར་དག་དང་བཅས་གྱུར་དེ་ཡི་དོན་ཡོད་གྲུབ་པ་ཡི། །བཀྲ་ཤིས་གང་ལ་ཕན་མཛད་མཆོག་གི་དོན་རྣམས་གྲུབ་མཛད་པ། །བཀྲ་
ཤིས་དེས་ནི་དེང་འདིར་ཁྱེད་ལ་ཞི་བར་བྱེད་གྱུར་ཅིག །ཨོཾ་བོ་དྷྱཾ་ག་དྲྀ་ཌྷ་ཀ་བ་ཙ་བསྟྲ་སྭཱ་ཧཱ་ཞེས་པའི་སྔགས་ཀྱིས་ན་བཟའ་སྣ་ཚོགས་དབུལ་བར་བྱའོ། །ལྕགས་ཀྱི་མེས་ཀྱང་བསྲུང་བར་བྱའོ། །གསེར་དང་དངུལ་དང་ཟངས་ལ་སོགས་པའི་སྣོད་དུ་གནས་པའི་སྦྲང་དང་ཡོངས་
སུ་སྨིན་པའི་ཨ་མྲ་ལ་སོགས་པ་དུས་ཀྱི་རྗེས་སུ་མཐུན་པའི་ཤིང་ཐོག་གོ། །ཨོཾ་ཨཱཿས་མཱ་དྷི་ཕཱ་ལ་ལེ་སརྦ་ཛི་ན་པུ་ཏྲ་པྲཱྀ་ཎ་ནེ་ཨཱཿཧཱུཾ་སྭཱ་ཧཱ་ཞེས་པས་ལྷག་པར་གནས་ཤིང་དབུལ་བར་བྱའོ་ཞེས་པ་ནི་ཤིང་ཐོག་འབྲིམ་པའོ། །དེ་ནས་རྡོ་རྗེ་གླུ་མས་མངོན་པར་བཟླས་པའི་བུམ་པའི་
ཆུས་ཁྲུས་བྱ་ཞིང་སྣ་ཚོགས་པའི་པི་ཝང་དང་གོས་ལ་སོགས་པ་དབུལ་བར་བྱའོ། །ཨོཾ་སརྦ་བོ་དྷྱཾ་ག་དྲྀ་ཌྷ་ཀ་བ་ཙ་བསྟྲེ་སྭཱ་ཧཱ་ཞེས་པས་དབུལ་ཞིང་ལྷག་པར་གནས་ལ་ལྕགས་ཀྱི་མེས་ཀྱང་བསྲུངས་ལ་གསེར་གྱི་ཐིག་ལེ་དང་གསེར་གྱི་བྱ་ཁྱུང་ལ་སོགས་པའི་ཕྲེང་བའི་མགུལ་རྒྱན་དང་
གསེར་གྱི་དཔུང་རྒྱན་དང་ཞབས་གདུབ་ལ་སོགས་པའི་རྒྱན་རྣམས་དབུལ་ལོ། །གསེར་གྱི་སྣོད་ལ་སོགས་པར་གནས་པའི་བཅའ་བ་ལ་དུ་ལ་སོགས་པ་ཁུར་བའི་རྣམ་པ་ལ་སོགས་པ་དང་། གཞིབ་པ་དང་མྱང་བ་དང་བཏུང་བ་དང་འོ་མ་དང་ཞོ་དང་འོ་མ་བསྡུས་པ་དང་
ཁུ་བ་ལ་སོགས་པ་བཏུང་བ་དང་། ནྱ་གྲོ་དྷ་དང་ཨ་མྲ་ལ་སོགས་པའི་གཞིབ་པ་དང་སྦྲང་དང་བུ་རམ་གྱི་ཁུ་བ་ལ་སོགས་པ་བལྡག་པ་དང་འདོད་སྤགས་སྣ་ཚོགས་བཀྲ་ཤིས་ཀྱི་ཁྲི་ལ་སོགས་པའི་སྟེང་དུ་རོ་དྲུག་གིས་མྱང་བའི་བཟའ་བ་དང་། མགུལ་པ་སྦྱོང་བའི་གོས་དམར་པོ་
དང་བྷཥྚ་ཙ་ཏྲ་ཀ་རྣམས། ཨོཾ་ན་མཿས་མནྟ་བུདྡྷཱ་ནཱི། ཨོཾ་ཛ་བ་ལཾ་ད་དེ་སྭཱ་ཧཱ། ཨོཾ་ཨཱཿཧཱུཾ་སྔགས་འདི་དག་གིས་ལན་བདུན་དུ་མངོན་པར་བསྔགས་ནས། ཨཾ་པ་ར་མཱན་ནེ་ས་མཱ་དྷི་དྷྱཱ་ན་པྲི་ཎ་ན་སྭཱ་ཧཱ་ཞེས་པའི་སྔགས་འདིས་དབུལ་བར་བྱའོ། །ཞལ་བསིལ་ཕུལ་ནས་མེ་ཏོག་དྲི་བཟང་པོའི་

62-1-339a

ཕྲེང་བ་དབུལ་དཀྲིས་ནས་སོ་རྩི་དང་མཆོད་ཡོན་ཕུལ་ནས་ལྷ་རྣམས་ཀྱི་ཐུགས་ཀར་ཟླ་བ་ལ། ཨོཾ་མ་ཧཱ་སུ་ཁ་བཛྲ་ཛཿཧཱུཾ་བཾ་ཧོཿསུ་ར་ཏ་སྟྭཾ་ས་མ་ཡ་སྟྭཾ་ཞེས་སོ། །དེ་བཞིན་གཤེགས་པ་ཐམས་ཅད་ཀྱི་འོད་ཟེར་སྤྲོ་བ་དང་བསྡུ་བ་སྔོན་དུ་འགྲོ་བས་སྙིང་གར་ཐལ་མོ་སྦྱར་ནས་
གསོལ་བ་གདབ་པར་བྱའོ། །བདེ་ཆེན་ཆགས་པ་ཆེན་པོ་ལ། །འགྲོ་ཀུན་ཞི་བའི་བདག་པོ་སྟེ། །སེམས་ཅན་ཀུན་གྱི་ཡིད་ཁྱབ་པ། །སེམས་ཅན་ཀུན་གྱི་སྙིང་ལ་གནས། །སེམས་ཅན་ཀུན་གྱི་ཡབ་ཀྱང་ཡིན། །དམ་ཚིག་མཆོག་གི་འདོད་མཆོག་ཉིད། །བདེན་པ་འདི་ཡིས་མགོན་པོས་ནི། །
འདོད་དོན་བདག་ལ་ཡོངས་རྫོགས་བརྗོད། །ཆོས་ཀྱི་དབྱིངས་ལ་ལྷག་གནས་ལས། །དམ་ཚིག་དྲན་པ་ལས་ཀྱང་ནི། །བརྩེ་བས་སེམས་ཅན་ཐམས་ཅད་ལ། །དངོས་གྲུབ་ཐམས་ཅད་འབྱུང་བར་མཛོད། །ཅེས་པས་མེ་ཏོག་ལ་སོགས་པས་ཡང་དག་པར་མཆོད་ནས་བསྟོད་པར་བྱའོ་ཞེས་
པ་ནི་ཉེ་བར་འདྲེན་པའོ། །དེ་ནས་རྡོ་རྗེ་རྣོན་པོའི་ང་རྒྱལ་གྱིས་སློབ་དཔོན་གྱི་སྐུ་གཟུགས་ལ་སོགས་པ་ལ་རྡོ་རྗེ་ཆོས་ཀྱིས་མངོན་པར་བསྔགས་པའི་བུམ་པའི་ཆུས་བཀྲ་ཤིས་ཀྱི་ཚིགས་སུ་བཅད་པ་བརྗོད་པ་སྔོན་དུ་འགྲོ་བས་དབང་བསྐུར་བར་བྱའོ། །དེ་ལ་བཀྲ་ཤིས་ཀྱི་ཚིགས་སུ་བཅད་པ་འདི་ཡིས་
སོ། །བཀྲ་ཤིས་གང་ཞིག་ཆུ་སྐྱེས་ཕྱག་ན་རྡོ་རྗེ་རྣོན་པོར་བཅས། །འཁོར་ལོའི་མཚན་དང་རབ་མཆོག་གསུང་བར་མཛད་པ་དེ་དང་དེའི། །འཇིག་རྟེན་དབང་ཕྱུག་བདེ་གཤེགས་བདེ་བའི་བདག་ཉིད་གང་ཡིན་པ། །དབང་བསྐུར་མཆོག་གིས་ཁྱེད་ལ་བཀྲ་ཤིས་དེ་ནི་འབྱུང་གྱུར་ཅིག །དེའི་
རྗེས་ལ་ཧཱུཾ་དང་ཨུ་ལས་གསེར་གྱི་སྤུ་གྲི་བཟུང་ནས། ཨོཾ་སརྦཱ་བ་ར་ཎ་བི་ཤོ་དྷ་ནེ་སརྦཱ་ཛྙཱ་ན་པཱ་ལཱན་ཙྪེ་ད་ཡ་ཧཱུཾ་སྭཱ་ཧཱ། ཞེས་པ་འདིའི་སྔགས་ཀྱིས་སེམས་ཅན་མཐའ་དག་གི་རྒྱུད་ལས་སྐྱེས་པའི་སྐྲ་རྣམས་བཞར་ནས་གཙུག་ཕུད་བརྟག་པར་བྱའོ། །དེ་ནས། ཨོཾ་དྷརྨ་ཤ་བྷཱ་བྱ་ཀརྞ་སྭཱ་ཧཱ་ཞེས་པས་
གསེར་གྱི་ཐུར་མས་སྙན་དབུག་པར་བྱའོ། །དེ་ནས་རྡོ་རྗེ་རིན་ཆེན་གྱིས་མངོན་པར་བསྔགས་པའི་བུམ་པའི་ཆུས་བཀྲ་ཤིས་ཀྱི་ཚིགས་སུ་བཅད་པས་དབང་བསྐུར་བར་བྱའོ། །དེ་ལ་ཚིགས་སུ་བཅད་པ་འདིས་སོ། །བཀྲ་ཤིས་གང་ཞིག་ནོར་བུ་འཛིན་དང་རྒྱལ་པོའི་འོད་དང་ནི། །དགེ་དང་བཅས་

62-1-339b

ཤིང་མཆོག་ཏུ་བཞད་པའི་ཤིན་ཏུ་འཛུམ་མདངས་དང་། །དཔལ་གྱི་རིན་ཆེན་འབྱུང་ལྡན་རྒྱལ་བས་ངེས་པར་བསྟེན་པ་ཡིས། །ཁྱོད་ཀྱིས་དབང་བསྐུར་མཆོག་ལ་བཀྲ་ཤིས་དེ་ནི་འབྱུང་གྱུར་ཅིག །དེ་ནས་ལྕགས་ཀྱི་མེའི་བསྲུང་བས་ཡང་དག་པར་བསྲུངས་ནས་གུར་ཀུམ་གྱིས་ཡང་དག་
པར་བྱུགས་ནས་མར་གྱི་མིག་སྨན་དང་གསེར་གྱི་ཐིག་ལེ་དང་མུ་ཏིག་གི་དོ་ཤལ་དང་མགུལ་རྒྱན་དང་དཔུང་རྒྱན་དང་སྐ་རགས་དང་རྐང་གདུབ་རྣམས། ཨོཾ་སརྦཱ་བ་ར་ཎ་བ་པུ་ཥ་ཎེ་སྭཱ་ཧཱ་ཞེས་པའི་སྔགས་ཀྱིས་དབུལ་ལོ། །ཨོཾ་བཛྲ་རཏྣ་ཏྲཱཾ་ཞེས་པའི་སྔགས་འདིས་དབུ་རྒྱན་དུ་བསྐྱེད་ལ། འདི་
དེ་སངས་རྒྱས་ཐམས་ཅད་ཀྱི། །ཁམས་གསུམ་ཀུན་གྱིས་ཕྱག་བྱས་པ། །རིགས་ལྔ་ལས་བྱུང་དབུ་རྒྱན་ཏེ། །མཆོད་པའི་དོན་དུ་ཁྱེད་ལ་དབུལ། །ཨོཾ་སརྦ་བུདྡྷ་ཙཱུ་ཌ་མ་ཎི་མ་ཧཱ་མུ་ཀུ་ཊཾ་པྲ་ཏཱིཙྪ་ཧོཿའདིས་དབུ་རྒྱན་བསྐོན་པར་བྱའོ། །རྡོ་རྗེ་དབྱིངས་ཀྱི་དབང་ཕྱུག་མའི་ཕྱག་རྒྱ་བཅིངས་ནས། ཨོཾ་
བཛྲ་དྷཱ་ཏྭཱི་ཤྭ་རི་ཧཱུཾ། སྔགས་འདིས་བརྟན་པར་བྱས་ནས་ཙཱུ་ཌའི་རྣམ་པར་བྱའོ། །དེ་ནས་རང་གི་སྙིང་གའི་ལྷ་རྣམས་ཀྱི་ཐུགས་ཀའི་ས་བོན་དང་མཚན་མ་ལས་བསྐྱེད་པས་ནམ་མཁའི་ཁམས་ཐམས་ཅད་ལྷ་རྣམས་ཀྱི་མཚན་མའི་གཟུགས་ཀྱིས་འཕྲོས་ནས་གཅིག་ཏུ་གྱུར་ཏེ་སླར་འོངས་ནས། 
ཨོཾ་བཛྲ་སཏྭ་ཧཱུཾ་ཞེས་པའི་སྔགས་ཀྱིས་ལྷག་པར་གནས་ལ་མཚན་མ་ལྷ་རྣམས་ཀྱི་ཕྱག་ན་གནས་པར་བསམ་པར་བྱའོ། །འདི་དེ་སངས་རྒྱས་ཐམས་ཅད་ཀྱི། །ཡེ་ཤེས་མཚན་ཉིད་བླ་ན་མེད། །དངོས་པོ་མེད་པའི་ཆོས་རྣམས་ལ། །མཚན་མའི་དངོས་པོར་རབ་གྲགས་པ། །སེམས་
ཅན་དོན་སོགས་བྱ་བ་ལ། །ངེས་པར་ཡང་ནི་རྟག་ཏུ་བྱ། །གང་དང་གང་གི་ཡེ་ཤེས་ཀྱི། །སངས་རྒྱས་ཉིད་ནི་ཉེ་བར་བྱོན། །ཚིགས་སུ་བཅད་པ་འདི་དག་གིས་གསོལ་བ་གདབ་པར་བྱའོ། །དེ་ནས་བཛྲ་དྷརྨྨ་ཧྲཱིཿའདིའི་སྔགས་ཀྱིས་ལྷག་པར་གནས་ནས་མགུལ་དུ་ཚངས་སྐུད་
དབུལ་བར་བྱའོ། །དེ་བཞིན་དུ། ཨོཾ་བཛྲ་སཏྭཱི་བཾ་སྔགས་འདིས་ལྷག་པར་གནས་ནས་རྐེད་པ་ལ་མུཉྫའི་སྐེ་རགས་དབུལ་བར་བྱའོ། །ཨོཾ་བཛྲ་རཏྣ་ཨོཾ། སྔགས་འདིས་ལྷག་པར་གནས་པར་བྱས་ལ། ཕྱག་ཏུ་ཀེ་ཤུའི་དབྱུག་པ་གཏད་པར་བྱ་སྟེ་འདི་ནི་བརྟུལ་ཞུགས་བརྟན་པའོ། །དེ་

62-1-340a

ནས་མེ་ཏོག་ལ་སོགས་པས་ཡང་དག་པར་མཆོད་ནས་དེ་བཞིན་གཤེགས་པ་རྣམས་ཀྱི་སྐུ་གཟུགས་ལ་སོགས་པ་རྣམས་ཀྱང་རང་བཞིན་མེད་པའི་བྱང་ཆུབ་སེམས་སུ་བརྗོད་པར་བྱའོ། །ཚིགས་སུ་བཅད་པ་འདི་དག་གིས་བརྟན་པར་བྱའོ། །བྱང་ཆུབ་སེམས་ཉིད་ལས་
བྱུང་བའི། །དུས་གསུམ་སངས་རྒྱས་ཀུན་གྱི་གཞི། །བྱང་ཆུབ་སེམས་དཔའ་སེམས་དཔའ་ཆེ། །བསེ་རུ་སློབ་མའི་སྐྱེ་བོ་ཡང་། །རང་བཞིན་མེད་ཅིང་དམིགས་མེད་པ། །སེམས་ཅན་ཐམས་ཅད་རྒྱུ་གཅིག་པོ། །མཉམ་ཉིད་ཡེ་ཤེས་དེ་ཉིད་ནི། །བྱང་ཆུབ་སེམས་སུ་ཤེས་པར་བྱ། །
དེ་ནས་ཕྱིའི་མཆོད་པས་མཆོད་ནས་སྒེག་མོ་ལ་སོགས་པ་རྣམས་ཀྱིས་ཡང་དག་པར་མཆོད་ནས་ཐར་པའི་བརྟུལ་ཞུགས་དང་བ་ལང་གི་སྦྱིན་པ་ཡང་བྱས་ནས་ཡང་དག་པར་བསྐོར་བར་བྱའོ། །དེ་ནས་རང་གི་སྙིང་ག་ལ་གནས་པའི་ཨ་ཡིག་དམར་པོ་རྣམ་པར་བསྒོམས་ནས་ལྷའི་སྐུ་
གཟུགས་ལ་སོགས་པའི་ཕྱག་རྒྱའི་བདག་ཉིད་རྡོ་རྗེ་དབྱིངས་ཀྱི་དབང་ཕྱུག་མའི་གཟུགས་སུ་བསྐྱེད་ནས་རང་གི་སྙིང་ག་ལས་བྱུང་སྟེ། སྐུ་གཟུགས་ལ་སོགས་པའི་གཡོན་ལོགས་སུ་པདྨ་དང་ཟླ་བའི་གདན་ལ་དགོད་དོ། །ཨོཾ་བཛྲ་སཏྭ་ཨཿཞེས་པའི་སྔགས་ཀྱིས་དེའི་སྤྱི་བོ་རུ་རྡོ་རྗེ་
སེམས་དཔའི་དམ་ཚིག་གི་ཕྱག་རྒྱས་རྒྱས་བཏབ་ནས་ཆོ་ག་བཞིན་དུ་བག་མའི་རྗེས་སུ་གནས་པར་བྱའོ། །གང་དེར་རྡོ་རྗེ་སྒེག་མོ་མཆོག་གི་གླུ་མ་གར་བཅས་དང་། །གང་ཡང་མེ་ཏོག་བདུག་སྤོས་མར་མེ་མཆོག་དང་སྣ་ཚོགས་དྲི། །དྲི་མེད་སྙན་པའི་གླུ་དབྱངས་མཚུངས་མེད་མཆོད་
པ་རྣམས་ཀྱིས་ནི། །ཁྱེད་ཀྱིས་དབང་བསྐུར་མཆོག་ལ་བཀྲ་ཤིས་དེ་ནི་འབྱུང་གྱུར་ཅིག །ཅེས་པའི་ཚིགས་སུ་བཅད་པས་སྒེག་མོ་ལ་སོགས་པ་ལྷག་པར་གནས་པའི་བུམ་པའི་ཆུས་ཁྲུས་བྱའོ། །ཀ་ཀོ་ལ་དང་ལི་ཤི་དང་ཛཱ་ཏི་ཕ་ལ་དང་གུར་གུམ་དང་སིཧླ་དང་ག་པུར་རྣམས་ཀྱིས་
ཚོགས་པས་ཡང་དག་པར་བྱུག་གོ། །ལྷའི་གོས་དམར་པོ་ཕུ་ཐུང་མ་དང་དབུ་ལ་ཅོད་པན་དང་སྨད་གོས་དར་སྣ་ཚོགས་པ་དང་སྐ་རགས་ཀྱང་བཅིང་བར་བྱ་ཞིང་ན་བཟའ་ཕུལ་ནས་རྒྱན་ཐམས་ཅད་ཀྱིས་བརྒྱན་ནས། ཤིང་ཏོག་པི་པི་ལིང་དང་། ཀ་པེད་དང་། བི་ལཱ་དང་། ཤྲཱིཾ་

62-1-340b

གཱ་ཌ་ཀ་དང་ཨ་མྲ་དང་ཛཾ་བུ་དང་ཛམ་བཱི་ར་དང་ནཱ་རཾ་ག་དང་། རྒུན་འབྲུམ་ལ་སོགས་པ་དུས་དང་རྗེས་སུ་མཐུན་པའི་ཤིང་ཐོག་གི་རིགས་རྣམས་ཀྱིས་དབང་བསྐུར་བར་བྱའོ། །རིན་པོ་ཆེ་ལྔ་ལ་སོགས་པའི་ནོར་བུའི་རིགས་རྣམས་ཀྱིས་མཆོད་ཡོན་ཕུལ་ནས་བུད་མེད་དམ་སྐྱེས་བུ་
ཉེ་བར་གནས་པའི་དོན་དང་གླང་པོ་ཆེ་དང་རྟ་དང་བཞོན་པའི་དོན་དང་འཁོར་ལོ་དང་མདའ་གཞུ་དང་འདམ་བུའི་གདན་དང་མདའ་ཕྱེད་ལྕགས་ལས་བྱས་པ་ལ་སོགས་པ་རྣམས་སྐྱེ་བོ་གདུག་པ་ཅན་བསྲུང་བའི་དོན་དང་། ཁབ་དང་གྲི་གུག་དང་སྤུ་གྲི་ལ་སོགས་པ་དང་ཚེམ་
བུ་ལ་སོགས་པའི་དོན་དང་། འདོད་པའི་ཤིང་དང་ཁྱིམ་གྱི་ལོངས་སྤྱོད་ལ་སོགས་པ་མངོན་པར་འདོད་པའི་དོན་རྣམས་ཡི་གེ་གསུམ་གྱི་སྔགས་ཀྱིས་དབུལ་བར་བྱའོ། །ཡང་དག་པར་མཆོད་ནས་སྔོན་མ་བཞིན་དུ་གཤེགས་སུ་གསོལ་ལོ། །གསེར་དང་ཀརྐ་ཌཱི་དང་འོ་མའི་
རྒྱུན་དང་། དྲི་ཐམས་ཅད་དང་། མར་ཁུ་དང་། དཱུཪྺ་དང་། འབྲས་མ་ཉམས་པ་རྣམས་བཀྲ་ཤིས་པའི་དོན་དུ་དབུལ་ལོ། །ཨོཾ་ཡོ་ཛཱ་གྣ་ལེ་སྭཱ་ཧཱ་ཞེས་པའི་སྔགས་ཀྱིས་སྦྱོར་བར་བྱེད་པའི་མེ་བག་མའི་དུས་ཀྱི་ཆོ་གས་ཡང་དག་པར་མཆོད་ནས་དེའི་མེའོ། །བསྐོར་བའི་དུས་
སུ་དཔལ་གྱི་འབྲས་བུས་དབུལ་བར་བྱའོ། །མར་མེ་དང་མདའ་དང་། ཉི་མས་ཀྱང་ཡང་དག་པར་བསྲུང་ངོ་། །མར་མེ་ཆེན་པོ་དང་། སྣང་གསལ་དང་། གསེར་དང་། ཀརྐ་ཌཱི་དང་། འོ་མའི་རྒྱུན་དང་། གསེར་གྱི་མེ་ཏོག་སྣོད་ན་གནས་པའི་མེ་ཏོག་གི་རིགས་ཀྱི་ཆར་དང་། ཨ་
ཀ་རུའི་བདུག་པས་ཀྱང་ཡང་དག་པར་མདུན་དུ་བྱའོ། །དེ་ནས་མཆོད་པ་ལ་སོགས་པ་སྔོན་དུ་འགྲོ་བས་བག་མའི་ཚིགས་སུ་བཅད་པ་བརྗོད་པར་བྱའོ། །དེ་བཞིན་གཤེགས་པའི་ཕྱག་རྒྱ་འདིས། །ཤེས་རབ་སྣང་བའི་འོད་མཛད་མ། །སངས་རྒྱས་ཕྲིན་ལས་རབ་འཇུག་ཕྱིར། །
ཕྱག་གིས་ཕྱག་ནི་བཟང་བར་མཛོད། །ལག་པ་འཛིན་པའོ། །དེ་ནས་རྡོ་རྗེ་བསྲུང་བ་དང་། རྡོ་རྗེ་གནོད་སྦྱིན་དང་། རྡོ་རྗེ་མཚམས་དང་། རྡོ་རྗེ་ལས་ཀྱི་ཕྱག་རྒྱ་རྣམས་ཀྱིས་ཡང་དག་པར་བསྲུངས་ལ། ཨོཾ་ཨཱཿཁཾ་བཱི་ར་ཧཱུཾ་ཞེས་པའི་སྔགས་ཀྱིས་དཀྱིལ་འཁོར་དུ་འཇུག་པར་མོས་པར་བྱའོ། །

62-1-341a

སྔོན་དུ་གསུངས་པའི་རིམ་པའི་ཚད་བཞིས་བྱའོ། །དེ་ནས་རྡོ་རྗེ་ཅན་གྱི་སངས་རྒྱས་ལ། །འགྲོ་བ་བསྐྱབ་པའི་ཆེད་དུ་དབང་། །ཡོན་ཏན་འབྱུང་གནས་ཇི་ལྟར་སྩལ། །དེ་ལྟར་འདི་ལ་སྩལ་དུ་གསོལ། །ཞེས་པའི་ཚིགས་སུ་བཅད་པས་ཞུ་ཞིང་དཀྱིལ་འཁོར་དུ་འཇུག་
པའི་ཆོ་གའོ། །དེ་ནས་དྲི་གཙང་ཁང་དང་གཞན་ཡང་ལྷག་པའི་གནས་རྣམས་སུ་བཟོ་བོ་མཁས་པས་བྱས་པའི་སེང་གེའི་ཁྲི་མཛེས་པ་ལ་ཚེས་གྲངས་དང་། གཟའ་དང་། རྒྱུ་སྐར་དང་། ཡུད་ཙམ་བཟང་པོ་རྣམས་ལས་གནས་པར་གྱུར་པའི་སྐུ་གཟུགས་ལ་སོགས་པར་དགོད་པར་
བྱའོ། །སློབ་དཔོན་གྱི་ལག་པ་གཡས་པས་རྡོ་རྗེ་སྐུད་པ་རྣམ་པ་ལྔ་དང་མེ་ཏོག་གི་ཕྲེང་བ་བཟུང་ནས། ཨོཾ་ཧཱུཾ་ཧྲཱི། བཛྲཱི་བྷ་བ་དྲྀ་ཌྷ་ཏིཥྛ་བཾ་ཁཾ་ཧཱུཾ་སྭཱ་ཧཱ། ཨོཾ་སུ་པྲ་ཏིཥྛ་བཛྲེ་སྭཱ་ཧཱ། འདིས་ལན་བརྒྱ་རྩ་བརྒྱད་བཟླས་ནས་ལྷག་པར་གནས་པར་བྱའོ། །ཡེ་དྷརྨྨཱ་ཧེ་ཏུ་པྲ་བྷ་བཱ་ཧེ་དུནྟེཥཱ་ནྟ་ཐཱ་ག་
ཏོ་ཧྱ་བ་དཏ། ཏེ་ཥཱཉྩ་ཡོ་ནི་རོ་དྷ་ཨེ་བཾ་བཱ་དཱི་མ་ཧཱ་ཤྲ་མ་ཎཿ དེ་ཉིད་ཀྱིས་རབ་ཏུ་གནས་ལ། དེ་ནས་རང་གི་སྙིང་གའི་ས་བོན་ལས་ཡང་དག་པར་བྱུང་བའི་དེ་བཞིན་གཤེགས་པ་དང་། བྱང་ཆུབ་སེམས་དཔའ་དང་། རིག་མ་དང་། ལྷ་མོའི་ཚོགས་ཀྱིས་ནམ་མཁའ་ཡོངས་སུ་གང་བར་
བལྟས་ལ། རིག་མ་རྣམས་ཀྱི་ཕྱག་ན་བདུད་རྩིས་ཡོངས་སུ་གང་བའི་བུམ་པ་བཟུང་བའི་ཆུས། བཀྲ་ཤིས་གང་ཞིག་ལྷ་ཡི་རྣམ་པར་དག་མཛད་པ། །འཕགས་པའི་སྐྱེ་བོ་རྣམས་ཀྱིས་བསོད་ནམས་བྱ་བ་སྐྲུན་མཛད་པ། །འགྲོ་བ་མ་ལུས་ཀུན་ལ་བཅོམ་ལྡན་ཤཱཀྱ་སེང་གེ་ཡི། །ཁྱེད་ཀྱིས་
དབང་བསྐུར་མཆོག་ལ་བཀྲ་ཤིས་དེ་ནི་འབྱུང་གྱུར་ཅིག །ཅེས་པའི་ཚིགས་སུ་བཅད་པ་སྔོན་དུ་འགྲོ་བས། ཇི་ལྟར་བལྟམས་པ་ཙམ་གྱིས་ནི། །དེ་བཞིན་གཤེགས་ཀུན་ཁྲུས་གསོལ་ལྟར། །ལྷ་ཡི་ཆུ་ནི་དག་པ་ཡིས། །དེ་བཞིན་བདག་གིས་ཁྲུས་བགྱིའོ། །ཨོཾ་སརྦ་ཏ་ཐཱ་ག་
ཏ་ཨབྷི་ཥེ་ཀ་ས་མ་ཡ་ཤྲི་ཡེ་ཧཱུཾ་སྭཱ་ཧཱ། ཨོཾ་བཛྲ་ཨུ་ད་ཀཱ་བྷི་ཥིཉྩ་ཧཱུཾ་ཞེས་བརྗོད་པས་བཅོམ་ལྡན་འདས་རྡོ་རྗེ་སེམས་དཔའི་དེ་ཉིད་མཆོག་གི་བླ་མ་དཀྱིལ་འཁོར་གྱི་བདག་པོའི་སྐུས་དབང་བསྐུར་ཞིང་འདིས་བརྟན་པར་ལྷག་པར་མོས་ཤིང་དབང་བསྐུར་བ་ནི་ཆུའི་དབང་ངོ་། །དེ་བཞིན་གཤེགས་

62-1-341b

པ་ལྷས་ལྷག་པར་གནས་པའི་གོས་སམ་རིན་པོ་ཆེ་ལ་སོགས་པའི་དབུ་རྒྱན་ཨོཾ་ཏྲཱཾ་ཧཱུཾ་ཧྲཱིཿཨཿཞེས་བརྗོད་ནས་དཀྱིལ་འཁོར་གྱི་བདག་པོའི་སྐུ་རྡོ་རྗེ་འཛིན་པ་དེ་ཉིད་བླ་མ་ཉིད་དུ་བརྟན་པར་ལྷག་པར་མོས་པས་སྐུ་གཟུགས་ལ་སོགས་པའི་ལྷ་རྣམས་ཀྱི་དབུ་ལ་བསྐོན་པར་བྱའོ། །རྡོ་རྗེ་སེམས་
མ་ལ་སོགས་པའི་ཕྱག་རྒྱའི་སྔགས་ཀྱིས་ལྷག་པར་གནས་པར་བྱའོ་ཞེས་པ་ནི་དབུ་རྒྱན་གྱི་དབང་ངོ་། །སངས་རྒྱས་རྣམས་ཀྱི་རྡོ་རྗེ་ཡི། །དབང་གིས་དེ་རིང་ཁྱོད་དབང་བསྐུར། །འདི་ནི་སངས་རྒྱས་ཐམས་ཅད་ཀྱི། །རྡོ་རྗེ་རབ་ཏུ་གྲུབ་ཕྱིར་ཟུང་། །ཞེས་བརྗོད་པ་ནི་རྡོ་རྗེ་སྟེ། དེ་བཞིན་དུ་
རྡོ་རྗེ་སེམས་དཔའ་དེ་ཉིད་བསྐྱེད་པར་བསམས་ལ་སྦྱིན་པར་བྱའོ། །དེ་ཡང་སྐུ་གཟུགས་ལ་སོགས་པའི་ལྷ་རྣམས་ཀྱིས་གཟུང་བར་ལྷག་པར་མོས་པ་ནི་རྡོ་རྗེའི་དབང་ངོ་། །ཨོཾ་བཛྲཱ་དྷི་པ་ཏི་སྟྭཾ་ཨ་བྷི་ཥིཉྩ་མི་ཏིཥྛ་བཛྲ་ས་མ་ཡ་སྟྭཾ་ཞེས་བརྗོད་ནས་དྲིས་བུས་དེ་བཞིན་དུ་ལྷག་པར་མོས་པར་བྱའོ། །དེ་
ཡང་སྐུ་གཟུགས་ལ་སོགས་པའི་ལྷ་རྣམས་ཀྱིས་བཟུང་བར་ལྷག་པར་མོས་པར་བྱའོ། །དྲིལ་བུའི་དབང་ངོ་། །ཨོཾ་བཛྲ་སཏྭ་སྟྭཾ་ཨ་བྷི་ཥིཉྩ་མི་བཛྲ་ནཱ་མཱ་བྷི་ཥི་ཀ་ཏ། ཨོཾ་ཆེ་གེ་མོ་བཛྲ་ཏ་ཐཱ་ག་ཏ་སྟྭཾ་བྷུར་བྷུ་བ་སྭཿ ཞེས་བརྗོད་ནས་དེ་བཞིན་དུ་རྡོ་རྗེ་སེམས་དཔའ་དེ་ཉིད་ཇི་ལྟ་བ་བཞིན་དུ་སྐུ་
གཟུགས་ལ་སོགས་པའི་ལྷ་གང་གི་མིང་དུ་གྱུར་པར་ལྷག་པར་མོས་པར་བྱའོ་ཞེས་པ་ནི་མིང་གི་དབང་ངོ་། །སྐུ་གཟུགས་ལ་སོགས་པའི་ལྷ་རྣམས་ཀྱི་ཕྱག་ཏུ་རྡོ་རྗེ་དང་དྲིལ་བུ་དང་བཅས་པས་ཡེ་ཤེས་ཀྱི་ཕྱག་རྒྱ་ལ་འཁྱུད་པའི་ཚུལ་དུ་རྣམ་པར་བསྒོམས་ནས། དེ་ནས་བཤད་
བཞིན་པའི་ཆུ་ལ་སོགས་པ་རྣམས་ཀྱིས་དབང་བསྐུར་བའི་ཆོ་གས་དབང་བསྐུར་ཞིང་རང་རང་གི་རིགས་ཀྱི་སྤྱི་བོར་རྒྱས་གདབ་པར་བྱའོ། །རིགས་མི་ཤེས་པ་རྣམས་ལ་ཡང་ན་རྡོ་རྗེ་སེམས་དཔས་སོ། །དེ་ནས་ཨོཾ་སུ་པྲ་ཏིཥྛ་བཛྲེ་སྭཱ་ཧཱ། ཞེས་པའི་སྔགས་ཀྱིས་ལྷག་པར་གནས་
པར་བྱའོ། །ཨོཾ་ཧཱུཾ་ཧྲཱིཿབྷྲཱུཾ་ཁཾ་བཛྲཱི་བྷ་བ་དྲྀ་ཌཱ་ཏིཥྛ་བྷྲཱུཾ་ཁཾ་ཞེས་པ་འདིས་གཙུག་ལག་ཁང་དང་མཆོད་རྟེན་ལ་ཡང་ངོ་། །པུསྟི་རྣམས་ལ་ནི་ཨོཾ་སུ་པྲ་ཏིཥྛ་བཛྲེ་སྭཱ་ཧཱ། ཞེས་པ་དང་ཨོཾ་ཧཱུཾ་ཧྲཱིཿབྷྲཱུཾ་ཁཾ་ཞེས་པའི་སྔགས་འདི་དག་གིས་སློབ་དཔོན་གྱི་དབང་ངོ་། །དེའི་རྗེས་ལ་འཁོར་ལོའི་

62-1-342a

དབང་ཕྱུག་གི་སྐུ་རྡོ་རྗེ་སེམས་དཔའ་རང་གི་སྙིང་གའི་ས་བོན་གྱི་འོད་ཟེར་གྱིས་བཀུག་སྟེ་རྣམ་པར་སྣང་མཛད་ལ་སོགས་པའི་རིག་མ་དང་བཅས་པའི་དེ་བཞིན་གཤེགས་པའི་ཚོགས་རྣམ་པར་སྣང་མཛད་ཀྱི་སྒོ་ནས་རབ་ཏུ་ཞུགས་ཏེ། ཁུ་བའི་སྐུ་གཟུགས་སུ་གྱུར་ཏེ་བདེ་
བ་ཆེན་པོ་ཉམས་སུ་མྱོང་ནས་རྡོ་རྗེ་དང་པདྨ་དག་ལས་བདུད་རྩིར་གྱུར། བྱང་ཆུབ་སེམས་ཀྱི་གཟུགས་ལ་སྐུ་གཟུགས་ལ་སོགས་པའི་ལྷ་རྣམས་བདེ་བ་ལ་རབ་ཏུ་ཞུགས་པར་བསམ་པར་བྱའོ་ཞེས་པ་ནི་གསང་བའི་དབང་ངོ་། །དེ་ནས་དེ་ཡིས་རྡོ་རྗེ་སེམས་དཔའི་ལྷ་མོ་གདན་དྲངས་
ནས་སྙོམས་པར་ཞུགས་པ་ལ་སྐུ་གཟུགས་ལ་སོགས་པའི་ལྷ་རྣམས་ལ་ལྷན་ཅིག་སྐྱེས་པའི་དགའ་བའི་དམ་ཚིག་ཉིད་དུ་ལྷག་པར་མོས་པར་བྱའོ་ཞེས་པ་ནི་ཤེས་རབ་ཡེ་ཤེས་ཀྱི་དབང་ངོ་། །དེའི་རྗེས་ལ་རྡོ་རྗེ་འཛིན་པ་ཉིད་དུ་བསྒྲུབ་པའི་ཕྱིར་དབང་བཞི་པའི་རང་བཞིན་དུ་སྐུ་གཟུགས་
ལ་སོགས་པའི་ལྷ་རྣམས་སྒྲིབ་པ་བག་ཆགས་དང་བཅས་པ་སྤངས་པའི་དགེ་བ་ཆེན་པོ་སྟོང་པ་ཉིད་དང་སྙིང་རྗེ་རོ་གཅིག་པར་ལྷག་པར་མོས་པས་སོ་ཞེས་པས་ནི་དབང་བཞི་པའོ། །དེ་ནས་ཨོཾ་ཨཱཿབཛྲ་པུཥྤེ་ཧཱུཾ་ཨོཾ་ཨཱཿབཛྲ་དྷཱུ་པེ་ཧཱུཾ་ཨོཾ་ཨཱཿབཛྲ་དཱི་པེ་ཧཱུཾཿཨོཾ་ཨཱཿབཛྲ་གནྡྷེ་ཧཱུཾཿཨོཾ་ཨཱཿབཛྲ་ནཻ་བི་དྱེ་ཧཱུཾ་
ཞེས་པའི་སྔགས་ཀྱིས་མེ་ཏོག་ལ་སོགས་པས་མཆོད་ནས་བསྟོད་པ་བྱའོ། །དེ་ནས་རྡོ་རྗེའི་ཐལ་མོ་སྦྱར་ནས་ལུས་ཀྱིས་ཕྱག་འཚལ་ནས་ཏིང་ངེ་འཛིན་གྱི་སྔགས་དང་ལྡན་པའི་དེ་ཁོ་ན་ཉིད་ཀྱི་བདེན་པ་མཉམ་པར་བྱའོ། །ནམ་མཁའ་ལས་བྱུང་མཚན་པའི་ཕྱིར། །ཐོག་མ་ཐ་མ་མེད་པའི་མཆོག །
དམ་ཚིག་སེམས་དཔའ་རྡོ་རྗེ་ཆེ། །ཆེ་གེ་རྡོ་རྗེ་དེང་བདག་བསྒྲུབས། །དངོས་གྲུབ་ཆེན་པོ་ཀུན་གྱི་མཆོག །དབང་ཕྱུག་ཆེན་པོ་ལྷག་པའི་ལྷ། །རྡོ་རྗེ་འཛིན་པ་ཀུན་གྱི་རྒྱལ། །མི་འགྱུར་མཆོག་ཏུ་བདག་ལ་བསྒྲུབས། །ཉེས་པ་མེད་པ་རྟག་པ་ཁྱོད། །འདོད་ཆགས་ལ་སོགས་ཀུན་
ཆགས་མཛད། །བཅོམ་ལྡན་ཆགས་ཆེན་བདེ་བ་ཆེ། །དེ་ཉིད་ཁོ་ནས་བདག་ལ་བསྒྲུབས། །ཤིན་ཏུ་རྣམ་དག་ཀུན་གྱི་མཆོག །གདོད་ནས་གྲོལ་བ་དེ་བཞིན་གཤེགས། །ཀུན་དུ་བཟང་པོ་ཀུན་བདག་ཉིད། །བྱང་ཆུབ་སེམས་དཔའ་བདག་ལ་བསྒྲུབས། དངོས་གྲུབ་ཆེན་པོ་

62-1-342b

ཀུན་གྱི་མཆོག །དབང་ཆེན་མཆོག་གི་ཕྱག་རྒྱ་ཡིས། །རྡོ་རྗེ་ཆེན་པོ་གསལ་བ་ལས། །རྡོ་རྗེ་སྙེམས་བདག་བདག་ལ་བསྒྲུབས། །སེམས་ཅན་ཀུན་གྱི་ཡིད་ཁྱབ་པ། །སེམས་ཅན་ཀུན་གྱི་སྙིང་ལ་གནས། །སེམས་ཅན་ཀུན་གྱི་ཡབ་ཀྱང་ཡིན། །དམ་ཚིག་མཆོག་གི་འདོད་པ་མཆོག །
བདེན་པ་གང་དེས་ཡེ་ཤེས་མཆོག །ཤེས་རབ་ཐབས་བདག་དཀྱིལ་འཁོར་ལ། །བདེན་པ་གང་དེས་མགོན་པོ་ཁྱེད། །འདོད་པ་ཉིད་ནི་ཡོངས་རྫོགས་མཛོད། །དེ་ནས་འདི་དེ་མེ་ཏོག་ཅེས་པ་ལ་སོགས་པའི་ཚིགས་སུ་བཅད་པས་མེ་ཏོག་ལ་སོགས་པ་རྣམས་ཀྱིས་ཡང་དག་
པར་མཆོད་ལ་བསྟོད་པ་བྱས་ནས་ཆད་པ་དང་ལྷག་པའི་ཉེས་པ་ཞི་བར་བྱ་བའི་ཕྱིར། ཨོཾ་བཛྲ་སཏྭ་ས་མ་ཡ། མ་ནུ་པཱ་ལ་ཡ། བཛྲ་སཏྭ་ཏྭེ་ནོ་པ་ཏིཥྛ། དྲྀ་ཌྷོ་མེ་བྷ་བ། སུ་ཏོ་ཥྱོ་མེ་བྷ་བ། ཨ་ནུ་རཀྟོ་མེ་བྷ་བ། སུ་པོ་ཥྱོ་མེ་བྷ་བ། སརྦ་སིདྡྷི་མྨེ་པྲ་ཡཙྪ། སརྦ་ཀརྨྨ་སུ་ཙ་མེ་ཙིཏྟཾ་ཤྲེ་ཡཿ ཀུ་རུ་
ཧཱུཾ་ཧ་ཧ་ཧ་ཧ་ཧོཿ བྷ་ག་བཱན་སརྦ་ཏ་ཐཱ་ག་ཏ་བཛྲ་མཱ་མེ་མུ་ཉྩ་བཛྲཱི་བྷ་བ་མ་ཧཱ་ས་མ་ཡ་སཏྭ་ཨཿཞེས་པའི་ཡི་གེ་བརྒྱ་པ་ལན་གསུམ་བཟླས་པར་བྱའོ། །གང་འདི་རབ་ཏུ་གནས་པའི་ལྷ། །བསྐལ་པ་གཞན་དག་བསྐལ་པ་བརྒྱར། །ས་དང་མེ་དང་ཆུ་དང་རླུང་། །ཀུན་ནས་ལྷ་རྣམས་ཀུན་
གྱིས་བསྲུངས། །ཞེས་པས་བརྟན་པར་བྱའོ། །མ་རྙེད་ཡོངས་སུ་མ་ཤེས་དང་། །གཞན་ཡང་ནུས་པ་མ་མཆིས་པས། །བྱ་བ་ཉམས་པ་གང་བགྱིས་པ། །ཁྱེད་ལ་ཐམས་ཅད་བཟོད་པར་གསོལ། །རྫོགས་པའི་སངས་རྒྱས་ལྷ་རྣམས་དང་། །དེ་སྲས་རྣམས་ལ་བཟོད་པར་
གསོལ། །ཆོ་ག་ཆད་དང་ལྷག་པ་རྣམས། །ཚངས་སོགས་འཇིག་རྟེན་སྐྱོང་རྣམས་དང་། །ལྷ་རྣམས་ཀུན་ལ་བཟོད་པར་གསོལ། །སྐུ་གཟུགས་ཡུན་རིངས་གནས་གྱུར་ཅིག །གཡོན་གྱི་བདག་ལ་ཞི་བ་དང་། །རྒྱས་དང་བཀྲ་ཤིས་རྒྱུན་དུ་མཛོད། །སྦྱིན་བདག་གིས་ཀྱང་སྐུ་
གཟུགས་ལ་སོགས་པ་ལ་བསྐོར་བ་དང་། མཆོད་པ་དང་ཙནྡན་ལ་སོགས་པ་དབུལ་ལོ། །སློབ་དཔོན་ཀྱང་ཡང་དག་པའི་ཡོན་ལ་སོགས་པས་ཡོངས་སུ་མཉེས་པར་བྱའོ། །བྱ་བ་བསྡུས་པའི་རྣམ་པར་བཤད་པ་ལས་རབ་ཏུ་བྱེད་པ་དྲུག་པའོ།།      །།རི་མོའི་ལས་དང་གཏོར་

62-1-343a

སྟེགས་དང་། །གཎྜཱིའི་མཚན་ཉིད་དེ་ནས་ནི། །དེ་དང་དེ་རྣམས་རབ་གནས་དང་། །རབ་ཏུ་འབྱིན་པ་གཟིགས་དེ་བཞིན། །དེ་ལ་གཙུག་ལག་ཁང་ལ་སོགས་པ་ཚར་ནས་ཕྱི་དང་ནང་དུ་ཇི་ལྟར་གནས་པ་ལ། དེ་བཞིན་གཤེགས་པ་དང་བྱང་ཆུབ་སེམས་དཔའ་
དང་རིག་པའི་ལྷ་མོ་རྣམས་དང་ཁྲོ་བོའི་ཚོགས་རྣམས་དང་རིག་འཛིན་མ་རྣམས་སོ། །སྒོ་སོ་སོར་མིག་དང་བུམ་པ་ཟུང་རྣམས་ཀྱང་བྲི་བར་བྱའོ། །དེ་ལ་ཡང་ལྷ་ཁང་གི་ཕྱིའི་རྩིག་པ་དག་དང་སྒོའི་གཡས་གཡོན་གྱི་ལོགས་དག་ལ་བུམ་སྣ་གདོང་བཅུ་པ་བྲི་བར་བྱའོ། །ཡང་ན་
གཞན་དག་བྲི་བར་བྱའོ། །དེ་དང་ཉེ་བར་རང་གི་མངོན་པར་འདོད་པའི་རིག་མ་ལྷ་མོ་རྣམས་སྣ་ཚོགས་པའི་མཆོད་པའི་རྣམ་པ་རྣམས་ཀྱང་། གྲྭ་སྒོའི་སྟེང་དུ་དེ་བཞིན་གཤེགས་པ་ལྔ་རྣམས་དང་འཁོར་རྣམས་དང་། ཁྲ་མའི་སྟེང་དུ་རང་ལུགས་ཀྱི་བྱང་ཆུབ་སེམས་དཔའ་རྣམས་དང་
ལྷག་མ་ལ་ཇི་ལྟར་མཛེས་པའི་རྒྱན་རྣམས་བྲི་བར་བྱའོ། །ནང་དུ་བཞུགས་པའི་ལྷའི་རྒྱབ་ལ་བྱང་ཆུབ་ཀྱི་ཤིང་བྲི་བར་བྱའོ། །བཅོམ་ལྡན་འདས་ཀྱི་གློ་གཡོན་དང་གཡས་དག་ཏུ་ཆུ་བདག་དང་གནོད་སྦྱིན་གྱི་བདག་པོ་བྲི་བར་བྱའོ། །དེ་ལ་ཆུ་བདག་སྐུ་མདོག་དཀར་པོ་སྦྲུལ་གྱི་གདེངས་ཀ་
དགུ་ཡིས་བརྒྱན་པ་སེམས་དཔའི་སྐྱིལ་ཀྲུང་གིས་བཞུགས་པ་ཕྱག་གཉིས་པ། གཡོན་པ་དང་གཡས་པའི་ཕྱག་གིས་སྦྲུལ་གྱི་ཞགས་པ་དང་རིན་པོ་ཆེ་འཛིན་པའོ། །གནོད་སྦྱིན་གྱི་བདག་པོ་ནི་ཕྱག་ན་ན་ཀུ་ལི་དང་བི་ཛ་པཱུ་ར་ཀ་བསྣམས་པ་སེམས་དཔའི་སྐྱིལ་ཀྲུང་གིས་བཞུགས་པ་བྲི་
བར་བྱའོ། །སྒོའི་གཡས་ལོགས་སུ་སྟོབས་པོ་ཆེ་དང་། ནག་པོ་ཆེན་པོ་དག་སྟེ། དེ་ལ་སྟོབས་པོ་ཆེ་ཞལ་གཅིག་ཕྱག་གཉིས་པ་སྐུ་མདོག་ནག་པོ་སྐུ་བོང་ཐུང་ཞིང་ལྟོ་བ་འཕྱང་བ་ཞལ་ཁྲོ་གཉེར་བསྡུས་ཤིང་སྤྱན་དམར་ཞིང་ཟླུམ་པ་དབུ་སྐྲ་དམར་སེར་གྱེན་དུ་བརྫེས་པ་སྟག་གི་པགས་
པའི་ཤམ་ཐབས་ཅན་སྣ་ཚོགས་པདྨ་དང་ཉི་མ་དང་ཟླ་བའི་སྟེང་དུ་ཞབས་གཉིས་མཉམ་པའི་སྟབས་ཀྱིས་བཞུགས་པ། ཞལ་མཆེ་བ་གཙིགས་པ་ཀླུ་བརྒྱད་ཀྱི་རྒྱན་གྱིས་བརྒྱན་པ། ཕྱག་གཡས་སུ་གཡོན་གྱི་སོར་མོ་བཞི་བཅུག་པ། མཆན་གཡོན་དུ་ལག་པ་གཡས་པའི་

62-1-343b

སོར་མོ་བཞི་བཅུག་པ་དེ་ལྟ་བུའི་གཟུགས་བྲི་བར་བྱའོ། །སྣ་ཚོགས་པདྨ་དང་ཉི་མའི་སྟེང་དུ་ཞབས་གཡོན་བརྐྱང་པ་སྐུ་བོང་ཐུང་ཞིང་ལྟོ་བ་འཕྱང་བ་ཞལ་གཅིག་པ་ཕྱག་གཉིས་པ་སྤྱན་དམར་ཞིང་ཟླུམ་པ་སྐུ་མདོག་ནག་པོ་གྲི་གུག་དང་ཐོད་པ་བསྣམས་པ་དེའི་མཚན་ན་སྟེང་དུ་ལངས་པའི་
རྩེ་གསུམ་བསྣམས་པ་དབུ་སྐྲ་དམར་སེར་གྱེན་དུ་བརྫེས་པ་མི་མགོའི་ཕྲེང་བས་སྐུ་ལ་བརྒྱན་པ། མཆེ་བ་གཙིགས་ཤིང་འཇིགས་པའི་ཉམས་ཅན་སྦྲུལ་གྱི་རྒྱན་གྱིས་བརྒྱན་པ། ནག་པོ་ཆེན་པོའི་སྐུ་བྱའོ། །སྒོའི་གཡོན་ལོགས་སུ་འཕྲོག་མ་དང་རྒྱལ་པོ་དག་བྱའོ། །གཞན་
དག་ལ་གདོང་མངོན་པར་ཕྱོགས་པས་གནས་པར་བྱའོ། །དེ་ལ་རིན་པོ་ཆེའི་ཁྲིའི་སྟེང་དུ་རོལ་པས་གདན་ལ་བཞུགས་པ་སྐུ་མདོག་དཀར་མོ་དཔེ་མེད་པའི་བདེ་བའི་གཟུགས་ཅན་རྒྱན་ཐམས་ཅད་ཀྱིས་བརྒྱན་པ་དག་དགའ་བར་བྱེད་པའི་ཡན་ལག་ཅན་རིན་པོ་ཆེ་བསྣམས་ཤིང་
རིན་པོ་ཆེས་ལག་པ་ལ་མཚན་པ་ཅུང་ཟད་བཞད་པའི་ཞལ་ཅན་བུ་ལྔ་བརྒྱ་དང་རྩེ་བས་མངོན་པར་དགའ་བའི་གནོད་སྦྱིན་ཆེན་མོ་འཕྲོག་མ་བྲི་བར་བྱའོ། །རྒྱལ་པོ་ནི་ཡང་གྲགས་པ་མིའི་དབང་པོ་རྒྱན་ཐམས་ཅད་ཀྱིས་རྣམ་པར་བརྒྱན་པ་སྐུ་མདོག་གུར་ཀུམ་ལྟ་བུ་སེང་གེའི་གདན་
ལ་རོལ་པའི་སྟབས་ཀྱིས་ཉེ་བར་བཞུགས་པའི་རི་མོ་བྲི་བར་བྱའོ། །རི་མོའི་ལས་སོ། །བཟོ་བོ་མཁས་པས་རྡོ་རིགས་བཟང་པོ་མཁྲེགས་པའི་རང་བཞིན་ལ་མཚན་ཉིད་ཀྱི་ཚད་དང་ལྡན་པའི་གཏོར་མའི་སྟེགས་བུ་བྱའོ། །དེ་ལ་རང་གི་ལྷག་པའི་ལྷའི་རྣལ་འབྱོར་དང་ལྡན་
པས་སློབ་དཔོན་གྱིས་སྐད་ཅིག་གིས་བྲུཾ་གྱི་ཡི་གེ་ལས་བསྐྱེད་ལ་སྔོན་དུ་གསུངས་པའི་གཟུགས་ལ་དམ་ཚིག་སེམས་དཔའ་བསྒོམས་ཏེ། དེ་དང་མཚུངས་པའི་ཡེ་ཤེས་སེམས་དཔའ་རང་གི་སྙིང་གའི་ས་བོན་གྱི་འོད་ཀྱིས་གདན་དྲངས་ནས། དམ་ཚིག་སེམས་དཔའི་ནང་དུ་
བསྒོམས་ཏེ་ས་བོན་གྱིས་ལྷག་པར་གནས་པའི་དེ་བཞིན་གཤེགས་པ་ལ་སོགས་པའི་བུམ་པའི་ཆུས་མངོན་པར་དབང་བསྐུར་ཏེ་ཡང་དག་པར་མཆོད་ནས། ཨོཾ་ཨཱཿབཛྲ་བ་རུ་ཎཱ་ཡ་ཨ་དྷི་ཏིཥྛ་བུཾ་སྭཱ་ཧཱ་ཞེས་པའི་སྔགས་ཀྱིས་ལན་བརྒྱ་རྩ་བརྒྱད་བཟླས་པར་བྱའོ། །དེ་ནས་ཞོ་དང་བུ་རམ་

62-1-344a

གྱི་བཟའ་བ་དང་འོ་མ་དང་ཆུ་དང་བཅས་པའི་གཏོར་མ་དབུལ་ལོ། །ཨོཾ་ཨཱཿཧཱུཾ་ཧོཿབ་རུ་ཎཱ་ནཱ་གཱ་དྷི་པ་ཏི་ཨ་ནེ་ཀ་ནཱ་ག་ཤ་ཏ་ས་ཧ་སྲ་པ་རི་ཝ་རེ་བྷྱཿཨི་དཾ་བ་ལིཾ་གྲྀཧྣ་གནྡྷཾ་པུཥྤཾ་དྷཱུཾ་པཾ་དཱི་པཾ་ཨཀྵ་ཏཾ་ད་དཱ་མ་ཧེ་ཏེ་ཛ་ཨཱ་ག་ཏྱ་ས་པ་རི་བཱ་རཱཿཤཱི་གྷྲཾ་ཁ་དནྟུ་པི་བནྟུ་ཛཿཧཱུཾ་བཾ་ཧོཿ
སཾ་ཏྲིཔྟཿ སརྦ་ཏྭཱ་ནཱཾ་ཙ་ཤཱནྟིཾ་པུཥྚིཾ་རཀྵ་ཤཱ་ར་ཎ་གུཔྟིཾ་ཀུ་རུ་ཧཱུཾ་ཧཱུཾ་ཕཊ་བཛྲ་དྷ་ར་ཨཱཛྙཱ་པ་ཡ་ཏི་སྭཱ་ཧཱ། གཏོར་མའི་སྔགས་སོ། །ཨོཾ་ཨཱཿབཛྲ་བ་རུ་ཎཱ་དྷི་པ་ཏི་བུདྡྷ་ཤཱ་ས་ནཾ་རཀྵ་རཀྵ་སྭཱ་ཧཱ་ཞེས་པའི་སྔགས་ཀྱིས་ལན་ཉི་ཤུ་རྩ་གཅིག་ཏུ་བཟླས་པར་བྱའོ་ཞེས་པ་ནི་ཆུ་བདག་གནས་པའོ། །
དེའི་རྗེས་ལ་སྐད་ཅིག་གིས་ཤྲིའི་ཡི་གེ་ལས་བསྐྱེད་པའི་སྔོན་དུ་གསུངས་པའི་རྣམ་ཐོས་སྲས་ཀྱིས་དམ་ཚིག་སེམས་དཔར་བསྐྱེད་ནས་དེ་དང་མཚུངས་པའི་ཡེ་ཤེས་སེམས་དཔའ་རང་གི་སྙིང་གའི་ས་བོན་གྱི་འོད་ཟེར་གྱིས་གདན་དྲངས་ཏེ་དེའི་ནང་དུ་རྣམ་པར་བསྒོམས་ཏེ་རང་གི་སྙིང་གའི་
སྔགས་ཀྱིས་ལྷག་པར་གནས་པའི་བུམ་པའི་ཆུས་མངོན་པར་དབང་བསྐུར་ནས་མེ་ཏོག་ལ་སོགས་པ་རྣམས་ཀྱིས་མཆོད་དེ། ཨོཾ་ཨཱཿབཛྲ་བཻ་ཤྲ་བ་ཎཱ་ཡ་ཧཱུཾ་སྭཱཧཱ་ཞེས་པའི་སྔགས་ཀྱིས་ལན་བརྒྱ་རྩ་བརྒྱད་བཟླས་པར་བྱའོ། །བུ་རམ་དང་བཅས་པའི་བཟའ་བའི་གཏོར་མ་དབུལ་
བར་བྱའོ། །ཨོཾ་ཨཱཿཧཱུཾ་ཧོཿཡཀྵ་ཨ་དྷི་པ་ཏི་ཨི་མཾ་བ་ལིཾ་གྲྀཧྣ་གྲྀཧྣ་གནྡྷཾ་པུཥྤཾ་དྷཱུ་པཾ་དཱི་པཾ་ཨཀྵ་ཏཾ་ད་དཱ་མ་ཧེ་ཏེ་ཛོ་ཧཱ་གཏྱ་ས་པ་རི་བཱ་རཱཿ ཤཱི་གྷྲཾ་ཁ་དནྟུ་པི་བནྟུ་ཛཿཧཱུཾ་བཾ་ཧོཿསཾ་ཏྲིཔྟ་དཱ་ན་པ་ཏེ། སརྦ་སཏྭཱ་ནཱཾ་ཙ་ཤཱནྟིཾ་པུཥྚིཾ་རཀྵ་ཤཱ་ར་ན་གུཔྟིཾ་ཀུརྦནྟུ་ཧཱུཾ་ཧཱུཾ་ཕཊ་སྭཱ་ཧཱ། གཏོར་མའི་སྔགས་སོ། །ཨོཾ་
ཨཱཿཤྲཱིཾ་བཻ་ཤྲ་ཝ་ཎ་ཡཀྵཱ་དྷི་པ་ཏི་བུདྡྷ་ཤཱ་ས་ནི་པུཥྚིཾ་ཀུ་རུ་སྭཱ་ཧཱ་ཞེས་པའི་སྔགས་ཀྱིས་ལན་ཉི་ཤུ་རྩ་གཅིག་ཡོངས་སུ་བཟླས་པར་བྱའོ། །སྐད་ཅིག་གིས་ཧཱུཾ་གི་ཡི་གེ་ཡོངས་སུ་གྱུར་པ་ལས་སྔོན་དུ་གསུངས་པའི་སྟོབས་པོ་ཆེའི་སྐུ་ལ་དམ་ཚིག་སེམས་དཔའ་རྣམ་པར་བསྒོམས་ནས་དེ་དང་
མཚུངས་པའི་ཡེ་ཤེས་སེམས་དཔའ་རང་གི་སྙིང་གའི་ས་བོན་གྱི་འོད་ཟེར་གྱིས་གདན་དྲངས་ནས་དེ་བཞིན་གཤེགས་པ་ལ་སོགས་པས་ལྷག་པར་གནས་པའི་བུམ་པའི་ཆུས་མངོན་པར་དབང་བསྐུར་ནས་རབ་ཏུ་གཞུག་པར་བྱའོ། །ཨོཾ་མ་ཧཱ་བ་ལ་ཧཱུཾ་ཕཊ་ཅེས་པའི་སྔགས་

62-1-344b

ཀྱིས་ལན་བརྒྱ་རྩ་བརྒྱད་ལྷག་པར་གནས་པར་དྱའོ། །ཨོཾ་བཛྲ་ཀྲོ་དྷ་མ་ཧཱ་བ་ལ་རཏྣ་ཏྲ་ཡཱ་པ་ཀ་རི་ཎཾ་སཏྭཱཾ་ད་ཧ་པ་ཙ་བི་དྷཾ་ས་ཡ་ཛ་ཊི་ལམྦོ་དྷ་ར་ཨུཙྪུཥྨ་ཀྲོ་དྷ་ཧཱུཾ་ཕཊ་སྭཱ་ཧཱ། སྔགས་འདིས་ལན་ཉི་ཤུ་རྩ་གཅིག་ལྷག་པར་གནས་པར་བྱའོ། །དེ་ནས་གཏོར་མ་དབུལ་བར་བྱའོ། །ཨོཾ་
ཨཱཿསརྦ་ལོ་ཀ་པཱ་ལཱན་ས་པ་རི་བཱ་རཱ་ན་སརྦ་སཏྭཱཉྩ་ཀཱ་མ་དྷཱ་ཏུ་རཱུ་པ་དྷཱ་ཏུ་ཨ་རཱུ་པ་དྷཱ་ཏུ་མ་ནུཥྱཱ་ན་སརྦ་དེ་བ་དྷི་དེ་བ་ཏཾ་ཙ་ས་པ་རི་བཱ་རཱན་ཨོཾ་མ་ཧཱ་བ་ལ་བྷཊྚཱ་ར་ཀ་པྲ་ཏཱིཙྪ་པ་བྷུ་ཛྲ་ཨོཾ་ཨཱཿཔུཥྤཾ་དྷཱུ་པཾ་དཱི་པཾ་གནྡྷཾ་ནཻ་བི་དྱེ་སརྦ་པ་རི་པཱུ་ར་ཎཾ་མ་ཧཱ་བ་ལི་གྲྀཧྞ་གྲྀཧྞ་ཁ་ཁ་ཁཱ་ཧི་ཁཱ་ཧི་ཏོ་ཥ་ཡ་ཏོ་ཥ་ཡ། ན་མོ་
རཏྣ་ཏྲ་ཡཱ་ཡ། ན་མཥྩཎྜ་བཛྲ་པཱ་ཎ་ཡེ། མ་ཧཱ་ཡཀྵ་སེ་ནཱ་ཨ་དྷི་པ་ཏ་ཡེ་ཧཱུཾ། ཧུ་ལུ་ཧུ་ལུ་ཏིཥྛ་ཏིཥྛ་བནྡྷ་བནྡྷ་ཧ་ན་ཧ་ན་ད་ཧ་ད་ཧ་པ་ཙ་པ་ཙ། ཨོཾ་ཨ་མྲྀ་ཏེ་ཧཱུཾ་ཕཊ་སྭཱ་ཧཱ་ཞེས་པ་ནི་གཏོར་མའི་སྔགས་སོ། །ཨོཾ་མ་ཧཱ་བ་ལ་བྷཊྚཱ་ར་ཀ་སྦྱིན་བདག་ཆེ་གེ་མོ་ཞེས་པའི་སེམས་ཅན་གྱི་དོན་དང་འདོད་
པའི་དོན་དེ་ཧི་ད་དཱ་ཧ་པ་ཡ་སྭཱ་ཧཱ་ཞེས་པའི་སྔགས་ཀྱིས་ལན་བདུན་ལྷག་པར་གནས་པར་བྱའོ། །སྟོབས་པོ་ཆེ་གནས་པའོ། །དེ་ནས་སྐད་ཅིག་གིས་ཧཱུཾ་ཡིག་གི་ས་བོན་ལས་བསྐྱེད་པའི་སྔོན་དུ་གསུངས་པའི་ནག་པོ་ཆེན་པོའི་སྐུ་ལ་དམ་ཚིག་སེམས་དཔའ་རྣམ་པར་བསྒོམས་
ནས་དེ་དང་མཚུངས་པའི་ཡེ་ཤེས་སེམས་དཔའ་རང་གི་སྙིང་གའི་ས་བོན་གྱི་འོད་ཟེར་གྱིས་གདན་དྲངས་ནས་དམ་ཚིག་སེམས་དཔའི་ནང་དུ་ཐིམ་པར་བསྒོམས་ནས་རང་གི་ས་བོན་གྱི་སྔགས་ཀྱིས་ལྷག་པར་གནས་པའི་བུམ་པའི་ཆུས་མངོན་པར་དབང་བསྐུར་ཡང་དག་པར་
མཆོད་ནས། ཨོཾ་བཛྲ་མ་ཧཱ་ཀཱ་ལ་ཡ་ཤཱ་ས་ན་ཨུ་པ་ཀ་རི་ཎེ་སརྦ་དུཥྚ་ཙིཏྟཱ་ན་ཁ་ཁ་ཁཱ་ཧི་ཁཱ་ཧི་མཱ་ར་མཱ་ར་གྲྀཧྞ་གྲྀཧྞ་བནྡྷ་བནྡྷ་ཧ་ན་ཧ་ན་ད་ཧ་ད་ཧ་པ་ཙ་པ་ཙ་ཧཱུཾ་ཕཊ། འདིས་ལན་ཉི་ཤུ་རྩ་གཅིག་ཏུ་ཡོངས་སུ་བཟླས་པས་ལྷག་པར་གནས་པར་བྱའོ། །དེ་ནས་འདིས་གཏོར་མ་དབུལ་བར་
བྱའོ། །ཨོཾ་མ་ཧཱ་ཀཱ་ལཱ་ཡ་ཤཱ་ས་ནཱ་པ་ཀ་རི་ཎེ་ཀཱ་ལཱི་ཀ་རཱ་ལི་ཀཱ་ལི་མ་ཧཱ་ཀཱ་ལི་བཱི་ར་ཡོ་གི་ནཱི་བཱི་ར་མ་ཧཱ་བི་ཀྲྀ་ཏ་དཾཥྚཱ་རཱུ་པཱ་བྷིཿཀརྟི་ཀ་པཱ་ལ་དྷཱ་རཱི་ཎཱི་བྷིཿཔྲ་ཏཱིཙྪོ་པ་བྷུ་ཛྱ་ཨོཾ་ཨཱཿཔུཥྤཾ་དྷཱུ་པཾ་དཱི་པཾ་ནཻ་བིདྱེ་སརྦ་པ་རི་པཱུརྞཾ་མ་ཧཱ་བ་ལི་གྲྀཧྞ་ཁ་ཁ་ཁཱ་ཧི་ཁཱ་ཧི། ཏོ་ཥ་ཡ་ཏོ་ཥ་ཡ་མ་ཧཱ་ཀཱ་ལ་སརྦ་རྠ་ཀཱ་མཾ་དེ་ཧི་པཱ་

62-1-345a

ན་པ་ཏེ་ར་ད་དཱ་པ་ཡ་ཨོཾ་ཨཱཿཧཱུཾ་ཕཊ་སྭཱ་ཧཱ། གཏོར་མའི་སྔགས་སོ། །ཨོཾ་བཛྲ་མ་ཧཱ་ཀཱ་ལ་བུདྡྷ་ཤཱ་ས་ན་སྱ་རཀྵ་ཀུ་རུ་སྭཱ་ཧཱ་ཞེས་པའི་སྔགས་ལན་བརྒྱ་རྩ་བརྒྱད་དུ་ལྷག་པར་གནས་པར་བྱའོ་ཞེས་པ་ནི་ནག་པོ་ཆེན་པོ་དགོད་པའོ། །དེའི་རྗེས་ལ་སྐད་ཅིག་གིས་རཾ་
ཡིག་ཡོངས་སུ་གྱུར་པ་ལས་མེའི་དཀྱིལ་འཁོར་གྱི་དབུས་སུ་གནས་པའི་འཁོར་ལོ་རྩིབས་བརྒྱད་པ་དེའི་དབུས་སུ་ཧཱུཾ་ཡིག་ཡོངས་སུ་གྱུར་པ་ལས་དམ་ཚིག་སེམས་དཔའ་སྔོན་དུ་གསུངས་པའི་གཟུགས་ལ་འཕྲོག་མར་བསྐྱེད་ནས་དེ་དང་མཚུངས་པའི་ཡེ་ཤེས་སེམས་དཔའ་
རང་གི་སྙིང་གའི་ས་བོན་གྱི་འོད་ཟེར་གྱིས་གདན་དྲངས་ནས་དམ་ཚིག་སེམས་དཔའི་ནང་དུ་བསྒོམས་ཏེ་རང་གི་སྔགས་ཀྱིས་ལྷག་པར་གནས་པའི་བུམ་པའི་ཆུས་མངོན་པར་དབང་བསྐུར་ཡང་དག་པར་མཆོད་ནས། ཨོཾ་ཛ་ཡ་ཛ་ཡ་བི་ཛ་ཡ་བི་ཛ་ཡ་ཧ་ར་ཧ་ར་ཧཱུཾ་ཧཱུཾ་ཧཱུཾ་ཧཱ་རི་ཏཱི་སརྦ་དུཥྚ་
སྟཾ་བྷ་ཡེ་སྭཱ་ཧཱ། འདིས་ལན་ཉི་ཤུ་རྩ་གཅིག་ཏུ་བཟླས་པས་ལྷག་པར་གནས་པར་བྱའོ། །ཨོཾ་སྣི་ཀི་ན་ཌི་ནི་པྲི་ཡཾ་ཀ་ར་སརྦཱ་རྠ་ཀཱ་མཱན་དེ་ཧི་དཱ་ན་པ་ཏེ་ར་ད་དཱ་པ་ཡ་སྭཱ་ཧཱ། འདིས་ཀྱང་ལན་བརྒྱ་རྩ་བརྒྱད་བཟླས་པར་བྱའོ། །དེ་ནས་འདིས་གཏོར་མ་དབུལ་བར་བྱའོ། །ཨོཾ་ཧཱ་རི་
ཏཱི་མ་ཧཱ་ཡཀྵི་ནི་པྲི་ཡཾ་ཀ་ར་མ་ཧཱ་ཡཀྵ་སེ་ན་པ་ཏི་པཉྩ་ཤ་ཏ་པུ་ཏྲ་ས་པ་རི་བཱ་རཱ་ཎཱཾ་ནཱ་ནཱ་ཤཱསྟྲ་ནིརྔྷཱ་ཌྷ་རཿསརྦཱ་ལཾ་ཀ་ར་བི་བྷཱུ་ཥི་ཏཱཿཔྲ་ཏཱིཙྪོ་པ་བྷུ་ཛཿ ཨོཾ་ཨཱཿཔུཥྤཾ་དྷཱུ་པཾ་དཱི་པཾ་གནྡྷཾ་ནཻ་བི་དྱེ་ཙྪ་ཏྲ་དྷཱ་ཛ་བ་ཏཱ་ཀཱ་ཀུན་དུ་རཱ་དི་དྷཱུ་པཾ་སརྦ་པ་རི་པཱུ་ར་ཎ་གྲྀཧྞ་གྲྀཧྞ་ཁ་ཁ་ཁཱ་ཧི་ཁཱ་ཧི་ཏོ་ཥ་ཡ་ཏོ་ཥ་ཡ་ཧཱ་རི་ཏཱི་མ་ཧཱ་ཡཀྵི་
ཎི་སརྦ་ཀཱ་མཱརྠཱ་སཱ་དྷཱ་ནི་དེ་ཧི་དཱ་ན་པ་ཏེ་ར་ད་དཱ་པ་ཡ་ཨོཾ་ཨཱཿཧཱུཾ་ཕཊ་སྭཱ་ཧཱ། དེ་ནས་ཧཱ་རི་ཏཱི་མ་ཧཱ་ཡཀྵི་ཎི་བུདྡྷ་པཱ་ཙཿ པྲ་ཏི་པཱ་ལ་ནི་ཧ་ར་ཧ་ར་བུདྡྷ་ཤཱ་སེ་ན་རཀྵཾ་ཀུ་རུ་སྭཱ་ཧཱ་ཞེས་པས་ལན་བརྒྱ་རྩ་བརྒྱད་བཟླས་པས་ལྷག་པར་གནས་པར་བྱའོ། །དེ་ནས་ཨོཾ་ཧཱ་རི་ཏཱི་ཏ་ཀི་མ་ཧཱ་ཡཀྵི་ཎི་པཉྩ་པུ་
ཏྲ་ཤ་ཏ་པ་རི་བཱ་རི་ཎི་བུདྡྷ་བཱ་ཙ་པྲ་ཏི་པཱ་ལ་ནི་ཧ་ར་ཧ་ར་སརྦ་པཱ་པཾ་སརྦ་ཡཀྵི་ཎི་པྲ་བེ་ཤ་ནི་ཨི་དཾ་པིཎྜ་ཀ་དྭ་ཡཾ་གྲྀཧྞ་གྲྀཧྞ་ཀྵོཾ་སྭཱ་ཧཱ་ཞེས་པས་ཆང་བུ་གཉིས་དབུལ་བར་བྱའོ་ཞེས་པ་ནི་འཕྲོག་མ་དགོད་པའོ། །དེའི་རྗེས་ལ་སྐད་ཅིག་གིས་ཛཾ་ཡིག་ལས་བསྐྱེད་པའི་རྒྱལ་པོ་དམ་ཚིག་སེམས་

62-1-345b

དཔའ་སྔོན་དུ་གསུངས་པའི་སྐུར་བསྐྱེད་ནས་དེ་དང་མཚུངས་པའི་ཡེ་ཤེས་པ་དང་རང་གི་སྙིང་གའི་ས་བོན་གྱི་འོད་ཟེར་གྱིས་གདན་དྲངས་ནས་ནང་དུ་བསྒོམས་ནས་རང་གི་སྔགས་ཀྱིས་ལྷག་པར་གནས་པའི་བུམ་པའི་ཆུས་མངོན་པར་དབང་བསྐུར་ཞིང་ཡང་དག་པར་མཆོད་ནས། ཨོཾ་མ་ཧཱ་
ཡཀྵཱ་དྷི་པ་ཏེར་བུདྡྷ་ཤཱ་ས་ནཾ་རཀྵ་རཀྵ་ཀྵིཾ་སྭཱ་ཧཱ་ཞེས་པའི་སྔགས་ཀྱིས་ལན་བརྒྱ་རྩ་བརྒྱད་བཟླས་པར་བྱའོ། །དེ་ནས་འདིས་གཏོར་མ་དབུལ་བར་བྱའོ། །ཨོཾ་མ་ཧཱ་ཡཀྵཱ་དྷི་པ་ཏི་ཨི་མཾ་བ་ལིཾ་གྲྀཧྞ་གྲྀཧྞ་ཁ་ཁ་ཁཱ་ཧི་ཁཱ་ཧི་ཀྵིཾ་སྭཱ་ཧཱ་ཞེས་པ་ནི་རྒྱལ་པོ་དགོད་པའོ། །དེ་ནས་རྡོ་རྗེ་བཞད་པའི་རེ་
མིག་ལ་གཏོར་མའི་སྟེགས་བུ་བཟང་པོས་ལེགས་པར་བཀོད་ནས་སྐད་ཅིག་གིས་ཧཱུཾ་ཡིག་ལས་བསྐྱེད་པའི་གཏོར་མའི་སྟེགས་བུར་རྣམ་པར་བསམས་ལ་རང་གི་སྙིང་གའི་ས་བོན་གྱི་འོད་ཟེར་གྱིས་གདན་དྲངས་པའི་ཡེ་ཤེས་སེམས་དཔའི་རང་བཞིན་ཧཱུཾ་གི་ཡི་གེ་ལས་དེའི་ནང་དུ་བསྒོམས་
ནས་རང་གི་སྔགས་ཀྱིས་ལྷག་པར་གནས་པའི་བུམ་པའི་ཆུས་མངོན་པར་དབང་བསྐུར་ཞིང་ཡང་དག་པར་མཆོད་ནས། ཧ་ཧོཿཧྲཱིཿཨོཾ་ཨཱཿཧཱུཾ་ཞེས་པ་འདིས་ལན་བརྒྱ་རྩ་བརྒྱད་ཡོངས་སུ་བཟླས་ནས། དེ་ནས་གཙུག་ལག་ཁང་གི་ནང་ན་གནས་པའི་རྡོ་རྗེ་མི་གཡོ་བ་ལ་སོགས་པ་
སྒོའི་ལྷག་པའི་བདག་པོ་ལ་སོགས་པ་རེ་མིག་གི་ལྷག་པའི་བདག་པོ་དང་དབང་དུ་བྱེད་པའི་ལྷག་པའི་བདག་པོ་དང་གནད་ཀྱི་ལྷག་པའི་བདག་པོ་རྣམས་ལ་དབུལ་བར་གསོལ་བར་བྱའོ། །གང་དུ་གཙུག་ལག་ཁང་གི་ནང་གནས་རྡོ་རྗེ་མི་གཡོ་བ་ཏྲི་བ་ཀ་རྡོ་རྗེ་ལྕགས་ཀྱུ་རྣམ་རྒྱལ་
གཤིན་རྗེ་མཐར་བྱེད་རྡོ་རྗེ་ཟས་དང་ཉེས་པ་ངེས་རྟོག་འདོད་པའི་རྒྱལ་པོ་མཐར་སྤྱོད་ཕྱག་ན་རྡོ་རྗེ་ཀརྞི་ཀ་དང་ཁྲོ་བོ་ཤེས་རབ་མཐར་བྱེད་པ་ལཱ་ལ་དང་རིན་ཆེན་གཙུག་ཏོར་དབྱུག་སྔོན་རྒྱལ་དཀར་རྡོ་རྗེ་རྒྱས་པ་འཇིག་རྟེན་གསུམ་པོ་རབ་སྒྲུབ་པདྨ་མཐར་བྱེད་འཇིགས་བྱེད་རབ་གཏུམ་མཆེ་
གཙིགས་སྟོབས་པོ་ཆེ་དང་རྐང་པ་སྐྱོད་བྱེད་རྡོ་རྗེ་འབེབས་པ་དཔའ་བོའི་རིམ་པ་བདུད་རྩི་འཁྱིལ་པ་རྡོ་རྗེ་བཞད་པ་རྡོ་རྗེ་རྣམ་འཇོམས་ནག་པོ་ཆེན་པོ་ཁྲོ་རྒྱལ་ཆེན་མོ་འཕྲོག་མ་ལ་སོགས་གཙུག་ལག་ཁང་བསྲུང་ལྷ་གནས་རྣམས་སུ་བདག་གིས་འདི་ནི་གསོལ་བགྱི་གཏོར་མའི་

62-1-346a

སྟེགས་བུ་འདི་ནི་ཁྱེད་རྣམས་གཏོར་མ་ཉེ་བར་ལོངས་སྤྱོད་ཕྱིར་ན་བདག་གིས་དགོད་པར་བགྱི། དེ་ནས་དེ་ལ་ཟས་ལ་སོགས་པའི་ཕུང་པོ་བྱས་ནས་དཔུང་པ་བཟང་པོའི་རྒྱུད་ལས་གསུངས་པའི་ཚིགས་སུ་བཅད་པ་བརྗོད་པ་སྔོན་དུ་འགྲོ་བས་དྲི་བཟངས་དང་ཆུ་དང་ཁྲག་
དང་མ་ཛྙ་ར་དང་ཆང་དང་འོ་མའི་རྒྱུན་བླུགས་པ་སྔོན་དུ་འགྲོ་བས་གཏོར་མ་དབུལ་བར་བྱའོ། །གཏོར་མའི་སྟེགས་བུ་དགོད་པར་རོ།།      །།དེ་ནས་ཡན་ལག་རྣམ་པ་བཞིའི་རྣམ་པར་དག་པས་གཎྜཱི་རྣམ་པ་བཞིའོ། །དེ་ཡང་ཀཱ་ཤཱ་རཱི་དང་། ནྱ་གྲོ་དྷ་དང་། ཨ་ཤྭདྠ་དང་། ཀེ་ཤ་ར་དང་། 
ཨུ་དུམྺཱ་རའི་ཤིང་རྣམས་ལས་བྱའོ། །དེ་ནས་དྲོད་རྣམ་པར་དག་པ་གཎྜཱི་ཆུང་བ་ནི་ཆོས་ཀྱི་ཕུང་པོ་བརྒྱད་ཅུ་རྩ་བཞིའི་རྣམ་པར་དག་པ་ཆ་བརྒྱད་ཅུ་རྩ་བཞི་པ་གསུམ་སྟེ་སྲིད་དུའོ། །རྟེན་ཅིང་འབྲེལ་པར་འབྱུང་བའི་ཡན་ལག་བཅུ་གཉིས་ཀྱི་རྣམ་པར་དག་པས་ཁོར་ཡུག་ཏུ་ཆ་བཅུ་གཉིས་
ཏེ་ཟླུམ་པོའོ། །དེ་བཞིན་དུ་རྩེ་མོ་མངོན་པར་རྟོགས་པའི་རྣམ་པར་དག་པ་གཎྜཱི་གཉིས་པ་སྟེ། མངོན་པར་ཤེས་པ་ལྔ་དང་དཔེ་བྱད་བཟང་པོ་བརྒྱད་ཅུ་རྩ་ལྔ་སྟེ་སྲིད་དུའོ། །ས་བཅུ་གསུམ་གྱི་རྣམ་པར་དག་པས་ཆ་བཅུ་གསུམ་པ་སྟེ་ཟླུམ་པོའོ། །རྣམ་པར་ཐར་པ་བརྒྱད་ཀྱིས་རྣམ་པར་
དག་པ་བརྒྱད་བརྒྱད་ཀྱིས་རྣམ་པར་བརྒྱན་པའོ། །དེ་བཞིན་དུ་བཟོད་པའི་རྣམ་པར་དག་པ་ནི་གཎྜཱི་གསུམ་པ་སྟེ། སྟོབས་བཅུ་དང་དགེ་བ་བཅུ་དང་དབང་བཅུ་དང་ཕ་རོལ་ཏུ་ཕྱིན་པ་བཅུ་དང་ཤེས་པ་བཅུ་དང་བྱང་ཆུབ་ཀྱི་ཕྱོགས་ཀྱི་ཆོས་སུམ་ཅུ་རྩ་བདུན་གྱི་རྣམ་པར་དག་པ་ཆ་བརྒྱད་ཅུ་རྩ་བདུན་ཏེ་
སྲིད་དུའོ། །སྒྲིབ་པ་མེད་པའི་རྣམ་པ་ལ་སོགས་པའི་དབྱངས་བཅོ་ལྔའི་རྣམ་པར་དག་པ་ཆ་བཅོ་ལྔ་ནི་ཟླུམ་པོའོ། །གསུང་རབ་ཡན་ལག་བཅུ་གཉིས་ཀྱི་དག་པས་བརྒྱད་ཅུ་རྩ་གཉིས་སོ། །དེ་བཞིན་དུ་ཆོས་མཆོག་གི་རྣམ་པར་དག་པ་ནི་གཎྜཱི་བཞི་པ་སྟེ། ཉོན་མོངས་པ་དགུ་བཅུ་རྩ་
བརྒྱད་སྤངས་པའི་རྣམ་པར་དག་པས་ཆ་དགུ་བཅུ་རྩ་བརྒྱད་སྲིད་དུའོ། །སངས་རྒྱས་ཀྱི་ཆོས་མ་འདྲེས་པ་བཅོ་བརྒྱད་རྣམ་པར་དག་པས་ཁོར་ཡུག་ཏུ་ཆ་བཅོ་བརྒྱད་དོ། །བདེན་པ་བཅུ་དྲུག་གི་རྣམ་པར་དག་པས་བརྒྱད་ཅུ་རྩ་དྲུག་གོ། །གཎྜཱི་རྣམ་པ་བཞི་ལ་རྩེ་མོ་རུ་ཆ་གཉིས་དང་ཆ་

62-1-346b

གསུམ་དང་ཕྱེད་དང་བཅས་པའི་ཆ་གསུམ་དང་ཆ་བཞིའི་ཚད་ཀྱི་མཎྜུ་ཀའི་མགོ་བོ་བྱའོ། །མཎྜ་མ་སྙིང་པོའམ་གཙོ་སྟེ་མཎྜུ་ཀའི་རྫོགས་པའི་བྱང་ཆུབ་ཀྱི་ཡེ་ཤེས་ནི་མཎྜུ་ཀའི་སྒྲས་བརྗོད་པར་བྱའོ། །གཎྜཱི་ཐམས་ཅད་ཀྱི་ཡང་ཆ་ལྔའི་དབུས་ཀྱི་ཆ་གཅིག་དམའ་བར་བྱའོ། །
ཁོར་ཡུག་ཏུ་ཆ་གཅིག་གིས་དམན་པའོ། །འཇིག་རྟེན་ལས་འདས་པའི་ཕུང་པོ་ལྔའི་རྣམ་པར་དག་པའོ། །དེ་ལ་བླ་ན་མེད་པའི་མཆོད་པ་བདུན་རྣམ་པར་དག་པས་ཚོན་རིས་བདུན་ནོ། །འདི་རྣམས་ཀྱི་ནང་ནས་ཡིད་ལ་གང་འཐད་པ་དེ་བྱའོ། །གཎྜཱི་ཐིའུའི་ཚད་བརྗོད་པ་བྱ་
སྟེ། དེ་ལ་སྟེང་གི་ཆ་ལ་ཆ་བཅུ་སྟེ་གཟུངས་མ་བཅུའི་རྣམ་པར་དག་པའོ། །ཁོར་ཡུག་ཏུ་ཆ་དྲུག་གིས་ཟླུམས་ཏེ་རྗེས་སུ་དྲན་པ་དྲུག་གི་རྣམ་པར་དག་པའོ། །འོག་ཏུ་ཡེ་ཤེས་ལྔ་དེ་དང་མཚུངས་པའི་ཟླུམས་སོ། །ཕུང་པོ་ལྔའི་དག་པའོ། །གཎྜཱི་བརྡུངས་པའི་སྒྲས་ཤེས་
རབ་ཀྱི་ཕ་རོལ་ཏུ་ཕྱིན་པའི་སྒྲའི་རང་བཞིན་དུ་བརྗོད་པར་འགྱུར་རོ། །གཎྜཱི་བརྡུངས་པའི་སྒྲས་བཀྲ་ཤིས་ཀྱི་ཚིགས་སུ་འབྱུང་བར་འགྱུར་རོ། །གང་དུ་གཎྜཱི་བརྡུངས་པའི་གཙུག་ལག་ཁང་དེ་རུ་དགེ་སློང་དང་དགེ་སློང་མ་དང་དགེ་བསྙེན་དང་དགེ་བསྙེན་མ་ནད་ཐམས་ཅད་ཉེ་
བར་ཞི་བར་བྱེད་དོ། །བྱང་ཆུབ་ཏུ་ཡོངས་སུ་འགྱུར་བར་བྱེད་དོ། །རིགས་ཀྱི་བུ་དང་། རིགས་ཀྱི་བུ་མོ་རྣམས་ལ་སངས་རྒྱས་དང་ཆོས་དང་དགེ་འདུན་རྣམས་ཀྱིས་བཀའ་དྲིན་ཡང་ཤིན་ཏུ་སྐྱེ་བར་འགྱུར་རོ། །དཀྱིལ་འཁོར་ལ་ཤིན་ཏུ་གུས་པར་འགྱུར་རོ། །རྒྱལ་པོ་ཆོས་
དང་ལྡན་པར་འགྱུར་རོ། །དེ་ལ་ཚོན་རིས་བདུན་གྱི་ཚོན་གྱི་རིམ་པ་བརྗོད་པར་བྱ་སྟེ། སེར་པོ་དང་། དམར་པོ་དང་། ལྗང་གུ་དང་། སྔོན་པོ་དང་། བཞི་ཚོགས་པ་དང་རྣམས་སོ། །དེ་ལ་སེར་པོ་ནི་དགེ་འདུན་ཕལ་ཆེན་པོའིའོ། །དམར་པོ་ནི་ཐམས་ཅད་ཡོད་
པར་སྨྲ་བའིའོ། །ལྗང་གུ་ནི་མང་པོས་བཀུར་བའིའོ། །སྔོན་པོ་ནི་གནས་བརྟན་པའིའོ། །གོང་དུ་གཉིས་པའི་ཆ་ལ་བླུགས་པའི་ཆ་སྟེ་དམར་པོ་གསུམ་རྡོ་རྗེའི་རང་བཞིན་ནོ། །སྙིང་པོ་ནི་རྣམ་པར་སྣང་མཛད་ཀྱི་རང་བཞིན་ནོ། །ཐིའུ་ནི་ཤུ་ཤུར་སྟེ་ཁ་དོག་དམར་པོ་ཉིད་དོ། །དེ་

62-1-347a

ནས་སློབ་དཔོན་རྡོ་རྗེ་སེམས་དཔའི་བདག་ཉིད་ཀྱིས་སྐད་ཅིག་གིས་ཟླ་བ་ལ་གནས་པའི་དྷཱིཿཡིག་ལས་བསྐྱེད་པའི་གཎྜཱི་རྣམ་པར་བསྒོམས་ལ་རང་གི་སྙིང་གའི་ས་བོན་གྱི་འོད་ཟེར་གྱིས་ཡེ་ཤེས་ཀྱི་གཎྜཱི་གདན་དྲངས་ལ་དམ་ཚིག་སེམས་དཔའི་ནང་དུ་བསྒོམས་ནས་
རང་གི་ས་བོན་གྱིས་ལྷག་པར་གནས་པའི་བུམ་པའི་ཆུས་མངོན་པར་དབང་བསྐུར་ལ། ཨོཾ་དྷཱིཿཤྲུ་ཏི་སྨྲྀ་ཏི་མ་ཏི་བི་ཛ་ཡེ་པྲཛྙཱ་པྲཛྙཱ་བ་ལིཾ་དྷཱ་ར་དྷཱ་ར་ཎི་སྭཱ་ཧཱ། འདིས་ལན་བརྒྱ་རྩ་བརྒྱད་བཟླས་པར་བྱའོ། །དེ་ནས་བའི་རྣམ་ལྔ་དང་བདུན་རྩི་ལྔ་དང་དྲི་ལྔ་ལ་སོགས་པས་
དབང་བསྐུར་ནས་སླར་ཡང་བཀྲ་ཤིས་ཀྱི་ཚིགས་སུ་བཅད་པ་སྔོན་དུ་འགྲོ་བས་བུམ་པའི་ཆུས་དབང་བསྐུར་ནས་མེ་ཏོག་ལ་སོགས་པས་ཡང་དག་པར་མཆོད་ནས་ཨོཾ་བཛྲ་བྷཱ་ཥ་རཾ་སྭཱ་ཧཱ་ཞེས་པའི་སྔགས་ཀྱིས་ཀྱང་ལན་བདུན་ལྷག་པར་གནས་པར་བྱའོ། །དེ་ནས་བཾ་ཡིག་གི་
ས་བོན་ལས་སྐྱེས་པའི་ཐེའུར་རྣམ་པར་བསྒོམས་ལ། དེ་ནས་ཡེ་ཤེས་སེམས་དཔའ་རང་གི་སྙིང་གའི་ས་བོན་གྱི་འོད་ཟེར་གྱིས་གདན་དྲངས་ལ་དམ་ཚིག་སེམས་དཔའི་ནང་དུ་བསྒོམ་པར་བྱའོ། །རང་གི་སྔགས་ཀྱིས་ལྷག་པར་གནས་པའི་བུམ་པའི་ཆུས་དབང་བསྐུར་ལ་མེ་
ཏོག་ལ་སོགས་པས་ཡང་དག་པར་མཆོད་ནས། ཨོཾ་བཛྲ་ཏཱིཀྵྞ་དྷཾ་སྭཱ་ཧཱ། འདིས་ལ་བརྒྱ་རྩ་བརྒྱད་ཡོངས་སུ་བཟླས་པར་བྱའོ། །དེ་ནས་ལྕགས་ཀྱི་མེས་བསྲུང་བ་བྱས་ནས་མཆོད་ཡོན་ལ་སོགས་པ་ཕུལ་ལ་མེ་ཏོག་ལ་སོགས་པས་ཡང་དག་པར་མཆོད་ནས་ལྷ་ཁང་གི་ནང་གི་
དབང་ལྡན་གྱི་ཟུར་དུ་རིན་པོ་ཆེའི་ཆུ་སྐྱེས་ཀྱི་སྟེང་དུ་བཞུགས་པར་བྱའོ། །ཡེ་དྷརྨཱ་ལ་སོགས་པའི་ཚིགས་སུ་བཅད་པས་རབ་ཏུ་གནས་པར་བྱའོ། །ཨོཾ་དྷཱིཿཧྲཱིཿཤྲུ་ཏི་སྨྲྀ་ཏི་མ་ཏི་བི་ཛ་ཡེ་སྭཱ་ཧཱ། འདིས་ལན་བརྒྱ་རྩ་བརྒྱད་ཡོངས་སུ་བཟླས་པར་བྱའོ། །དགེ་སློང་གི་ཚོགས་ལ་གཎྜཱི་
བརྡུངས་པའི་ཉི་མ་ལ་རྒྱལ་པོ་ལ་སོགས་པའི་སྐྱེས་བུ་གཙོ་བོ་ལ་སོགས་པ་རྣམས་ཀྱིས་གསེར་དང་གོས་དང་སོ་རྩི་ལ་སོགས་པའི་ཡོན་གྱིས་བཀུར་སྟིར་བྱས་ནས་དཱུཪྺ་དང་སྦྱར་བའི་ཀུནྡ་དང་དྲི་བཟངས་དང་མེ་ཏོག་ལ་སོགས་པ་དང་། ཨ་ག་རུ་ནག་པོ་དང་བདུག་པ་ལ་སོགས་པ་རྣམས་

62-1-347b

ཀྱང་ཕུལ་ལ། དྲི་བཟང་པོའི་ཆུའི་རྒྱུན་སྦྲེང་བ་སྔོན་དུ་འགྲོ་བས་རྣམ་པར་དག་པའི་ཚུལ་ཁྲིམས་དང་ཤེས་རབ་དང་མཆོག་གི་སྙིང་རྗེ་དང་ལྡན་པའི་དགེ་སློང་གནས་བརྟན་རྣམས་ལ་སྙན་གསན་དབབ་པར་བྱའོ། །གནས་བརྟན་གདན་ལ་བཞུགས་པ་ལ་བརྗོད་པར་བྱ་སྟེ། མེ་ཏོག་ལ་
སོགས་པས་ཡང་དག་པར་མཆོད་ནས་གནས་བརྟན་ལ་སྙན་གསན་དབབ་པར་བྱའོ། །དེ་ནས་དགེ་འདུན་འཁོར་དང་བཅས་པ་ལ་སྟོན་མོ་དབུལ་བའི་ཕྱིར། གཎྜཱིའི་བསྟོད་པ་བརྗོད་པ་སྔོན་དུ་འགྲོ་བས་གཎྜཱི་བརྡུང་བར་བྱའོ།།      །།ད་ནི་རབ་ཏུ་བྱུང་བ་བླང་བ་བརྗོད་པར་བྱ་སྟེ། དེ་
འདུལ་བ་ལས་གསུངས་པ་ལ་མཁན་པོ་དང་སློབ་དཔོན་དག་གིས་རབ་ཏུ་བྱུང་བ་ཉེ་བར་བསྒྲུབ་པར་བྱའོ་ཞེས་སོ། །དགེ་སློང་རྣམས་ཀྱིས་རབ་ཏུ་བྱུང་བ་ཉེ་བར་བསྒྲུབ་པ་ཇི་ལྟར་ཤེས་པར་བྱ་ཞེ་ན། བཅོམ་ལྡན་འདས་ཀྱིས་བཀའ་སྩལ་པ། གང་ལ་ལ་ཞིག་རབ་ཏུ་བྱུང་དུ་ཉེ་བར་
འོངས་ན་གང་ལ། དེ་ལ་འདིར་དེའི་བར་ཆད་ཀྱི་ཆོས་རྣམས་ཡོངས་སུ་དྲི་བར་བྱའོ། །དང་པོར་གསུམ་ལ་སྐྱབས་སུ་འགྲོ་བ་དང་། བསླབ་པའི་གནས་ལྔ་སྟེ་དགེ་བསྙེན་གྱི་སྡོམ་པ་སྦྱིན་པར་བྱའོ། །མཆོད་རྟེན་ལ་ཕྱག་འཚལ་ནས་སློབ་དཔོན་གྱི་མདུན་དུ་མཎྜལ་བྱས་ནས་
ཙོག་པུར་འདུག་སྟེ་ཐལ་མོ་སྦྱར་ནས་འདི་བཞིན་དུ་བརྗོད་པར་བྱ་སྟེ། བདག་མིང་འདི་ཞེས་བགྱི་བ་ཇི་སྲིད་འཚོའི་བར་དུ་རྐང་གཉིས་རྣམས་ཀྱི་མཆོག་སངས་རྒྱས་ལ་སྐྱབས་སུ་མཆིའོ། །བདག་མིང་འདི་ཞེས་བགྱི་བ་ཇི་སྲིད་འཚོའི་བར་དུ་འདོད་ཆགས་དང་བྲལ་བ་རྣམས་ཀྱི་
མཆོག་ཆོས་ལ་སྐྱབས་སུ་མཆིའོ། །བདག་མིང་འདི་ཞེས་བགྱི་བ་ཇི་སྲིད་འཚོའི་བར་དུ་ཚོགས་རྣམས་ཀྱི་མཆོག་དགེ་འདུན་ལ་སྐྱབས་སུ་མཆིའོ། །ལན་གསུམ་དུའོ། །གཉིས་པ་ཡང་དེ་ནས་བསླབ་པའི་གནས་ལྔ་སྦྱིན་པར་བྱའོ། །བདག་མིང་འདི་ཞེས་བགྱི་བ་ཇི་སྲིད་
འཚོའི་བར་དུ་སྲོག་གཅོད་པ་སྤོང་སྟེ། སྲོག་གཅོད་པ་ལས་བདག་སླར་ལྡོག་པར་བགྱིད་དོ། །བདག་མིང་འདི་ཞེས་བགྱི་བ་ཇི་སྲིད་འཚོའི་བར་དུ་མ་བྱིན་པར་ལེན་པ་སྤོང་སྟེ་མ་བྱིན་པར་ལེན་པ་ལས་སླར་ལྡོག་པར་བགྱིད་དོ། །བདག་མིང་འདི་ཞེས་བགྱི་བ་ཇི་སྲིད་འཚོའི་བར་དུ་འདོད་

62-1-348a

པ་ལོག་པར་སྤྱོད་པ་སྤོང་སྟེ་འདོད་པ་ལོག་པར་སྤྱོད་པ་ལས་བདག་སླར་ལྡོག་པར་བགྱིད་དོ། །བདག་མིང་འདི་ཞེས་བགྱི་བ་ཇི་སྲིད་འཚོའི་བར་དུ་བརྫུན་དུ་སྨྲ་བ་སྤོང་སྟེ་བརྫུན་དུ་སྨྲ་བ་ལས་སླར་ལྡོག་པར་བགྱིད་དོ། །བདག་མིང་འདི་ཞེས་བགྱི་བ་ཇི་སྲིད་འཚོའི་བར་དུ་
འབྲུའི་ཆང་དང་བཙོས་པའི་ཆང་མྱོས་པར་འགྱུར་བ་བག་མེད་པའི་གནས་སྤོང་སྟེ་འབྲུའི་ཆང་དང་བཙོས་པའི་ཆང་མྱོས་པར་འགྱུར་བ་བག་མེད་པའི་གནས་ལས་བདག་སླར་ལྡོག་པར་བགྱིད་དོ། །ལན་གསུམ་དུ་ཡང་ངོ་། །དེ་བཞིན་དུ་གསུམ་ལ་སྐྱབས་སུ་འགྲོ་བ་དང་བསླབ་པའི་
གནས་ལྔ་ལ་སོགས་པ་དགེ་བསྙེན་གྱི་བསླབ་པར་བདག་གཟུང་དུ་གསོལ་ལོ་ཞེས་བོ། །དེ་ནས་སློབ་དཔོན་ལ་མཁན་པོར་གསོལ་བ་གདབ་པར་བྱའོ། །མཁན་པོ་དགོངས་སུ་གསོལ། བདག་མིང་འདི་ཞེས་བགྱི་བ་རབ་ཏུ་དབྱུང་དུ་གསོལ་ཞེས་ལན་གསུམ་མོ། །དེ་ནས་སྐྲ་
བཞར་ནས་གཙུག་ཕུད་གཞག་པར་བྱའོ། །དེ་ནས་དེ་རིང་ནས་ཁྱོད་ཀྱང་ཁྱིམ་པའི་རྟགས་སྤོང་བ་གཙུག་ཕུད་འབྲེག་པར་སྤྲོའམ་རབ་ཏུ་འབྱུང་བར་ངེས་སམ་ཞེས་དྲི་བར་བྱའོ། །གལ་ཏེ་ངེས་སོ་ཞེས་ཟེར་ན་རྒྱ་མཚོ་བཞིའི་ཆུས་ཁྲུས་བྱ་སྟེ་དེའི་ཚེ་གཙུག་ཕུད་བྲེག་པར་བྱ་ཞིང་གོས་ངུར་
སྨྲིག་བསྐོན་པར་བྱའོ། །བདག་མིང་འདི་ཞེས་བགྱི་བ་ཇི་སྲིད་འཚོའི་བར་དུ་ཁྱིམ་པའི་རྟགས་སྤང་ངོ་། །རབ་ཏུ་བྱུང་བའི་རྟགས་ཡང་དག་པར་ལེན་ཏོ་ཞེས་ལན་གསུམ་དུའོ། །དེ་ནས་རབ་ཏུ་བྱུང་བ་ལ་མངོན་པར་ཕྱོགས་པར་སེམས་པ་ནི་རབ་ཏུ་དབྱུང་བར་བྱའོ། །ཁྱིམ་པའི་མིང་
སྤངས་ཏེ་ཚོགས་པའི་ཚུལ་གྱིས་དགེ་སློང་གི་མིང་གདགས་པར་བྱ་བ་སྔོན་དུ་འགྲོ་བས་སྔོན་མ་བཞིན་དུ་ལན་གསུམ་སྐྱབས་སུ་འགྲོ་བ་བརྗོད་པར་བྱའོ། །བདག་མིང་འདི་ཞེས་བགྱི་བ་ཇི་སྲིད་འཚོའི་བར་དུ་རྐང་གཉིས་རྣམས་ཀྱི་མཆོག་སངས་རྒྱས་ལ་སྐྱབས་སུ་མཆིའོ། །བདག་མིང་
འདི་ཞེས་བགྱི་བ་ཇི་སྲིད་འཚོའི་བར་དུ་འདོད་ཆགས་དང་བྲལ་བ་རྣམས་ཀྱི་མཆོག་ཆོས་ལ་སྐྱབས་སུ་མཆིའོ། །བདག་མིང་འདི་ཞེས་བགྱི་བ་ཇི་སྲིད་འཚོའི་བར་དུ་ཚོགས་རྣམས་ཀྱི་མཆོག་དགེ་འདུན་ལ་སྐྱབས་སུ་མཆིའོ། །གསུམ་དུ་ཡང་ངོ་། །དེ་ནས་བསླབ་པའི་གནས་བཅུ་

62-1-348b

སྦྱིན་པར་བྱའོ། །སློབ་དཔོན་དགོངས་སུ་གསོལ། ཇི་ལྟར་འཕགས་པ་དགྲ་བཅོམ་པ་དེ་རྣམས་ཀྱིས་ཇི་སྲིད་འཚོའི་བར་དུ་སྲོག་གཅོད་པ་སྤངས་ཤིང་སྲོག་གཅོད་པ་ལས་སླར་ལོག་པ་དེ་བཞིན་དུ། བདག་མིང་འདི་ཞེས་བགྱི་བ་ཇི་སྲིད་འཚོའི་བར་དུ་སྲོག་གཅོད་པ་སྤོང་སྟེ་སྲོག་
གཅོད་པ་ལས་སླར་ལྡོག་པར་བགྱིད་དོ། །དགེ་ཚུལ་གྱི་བསླབ་པ་ཡང་དག་པར་བླང་བར་བགྱིའོ། །དེ་བཞིན་དུ་དེ་ལྟར་བདག་ཡན་ལག་དང་པོ་འདིས་འཕགས་པ་དགྲ་བཅོམ་པ་དེ་རྣམས་ཀྱི་བསླབ་པ་ལ་རྗེས་སུ་སློབ་བོ། །རྗེས་སུ་བགྱིད་དོ། །རྗེས་སུ་བསྒྲུབ་བོ། །ཇི་ལྟར་འཕགས་
པ་དགྲ་བཅོམ་པ་དེ་རྣམས་ཀྱིས་ཇི་སྲིད་འཚོའི་བར་དུ་མ་བྱིན་པར་ལེན་པ་དང་མི་ཚངས་པར་སྤྱོད་པ་དང་། བརྫུན་དུ་སྨྲ་བ་དང་འབྲུའི་ཆང་དང་བཅོས་པའི་ཆང་མྱོས་པར་གྱུར་པ་བག་མེད་པའི་གནས་དང་། གླུ་གར་དང་རོལ་མོའི་སྒྲ་དང་། ཕྲེང་བ་དང་། དྲི་དང་བྱུག་པ་དང་ཁ་དོག་འཆང་བ་
དང་། ཁྲི་སྟན་མཐོན་པོ་དང་། ཁྲི་སྟན་ཆེན་པོ་དང་། དུས་མ་ཡིན་པའི་ཁ་ཟས་དང་། གསེར་དངུལ་ལེན་པ་རྣམས་སྤངས་ཏེ། དེ་བཞིན་དུ་དེ་ལྟར་བདག་མིང་འདི་ཞེས་བགྱི་བས་ཇི་སྲིད་འཚོའི་བར་དུ་མ་བྱིན་པར་ལེན་པ་ལས་ལྡོག་ཅིང་དགེ་ཚུལ་གྱི་བསླབ་པ་བདག་གིས་ཡང་དག་
པར་བླང་བར་བགྱིའོ། །བདག་མིང་འདི་ཞེས་བགྱི་བས་ཇི་སྲིད་འཚོའི་བར་དུ་མི་ཚངས་པར་སྤྱོད་པ་ལས་སླར་ལྡོག་ཅིང་བསླབ་པའི་གནས་བདག་གིས་ཡང་དག་པར་བླང་བར་བགྱིའོ། །བདག་མིང་འདི་ཞེས་བྱ་བས་ཇི་སྲིད་འཚོའི་བར་དུ། བརྫུན་དུ་སྨྲ་བ་ལས་སླར་ལྡོག་ཅིང་བསླབ་པའི་
གནས་བདག་གིས་ཡང་དག་པར་བླང་བར་བགྱིའོ། །བདག་མིང་འདི་ཞེས་བགྱི་བས་ཇི་སྲིད་འཚོའི་བར་དུ་འབྲུའི་ཆང་དང་བཅོས་པའི་ཆང་མྱོས་པར་འགྱུར་བ་བག་མེད་པའི་གནས་ལས་སླར་ལྡོག་ཅིང་བསླབ་པའི་གནས་བདག་གིས་ཡང་དག་པར་བླང་བར་བགྱིའོ། །བདག་མིང་འདི་
ཞེས་བགྱི་བས་ཇི་སྲིད་འཚོའི་བར་དུ་གླུ་གར་དང་རོལ་མོའི་སྒྲ་ལས་སླར་ལྡོག་ཅིང་བསླབ་པའི་གནས་བདག་གིས་ཡང་དག་པར་བླང་བར་བགྱིའོ། །བདག་མིང་འདི་ཞེས་བགྱི་བས་ཇི་སྲིད་འཚོའི་བར་དུ་ཕྲེང་བ་དང་དྲི་དང་བྱུག་པ་ལས་སླར་ལྡོག་ཅིང་བསླབ་པའི་གནས་བདག་གིས་ཡང་

62-1-349a

དག་པར་བླང་བར་བགྱིའོ། །བདག་མིང་འདི་ཞེས་བགྱི་བས་ཇི་སྲིད་འཚོའི་བར་དུ་ཁྲི་སྟན་མཐོན་པོ་དང་ཁྲི་སྟན་ཆེན་པོ་ལས་སླར་ལྡོག་ཅིང་བསླབ་པའི་གནས་བདག་གིས་ཡང་དག་པར་བླང་བར་བགྱིའོ། །བདག་མིང་འདི་ཞེས་བགྱི་བས་ཇི་སྲིད་འཚོའི་
བར་དུ་དུས་མ་ཡིན་པའི་ཁ་ཟས་ལས་སླར་ལྡོག་ཅིང་བསླབ་པའི་གནས་བདག་གིས་ཡང་དག་པར་བླང་བར་བགྱིའོ། །བདག་མིང་འདི་ཞེས་བགྱི་བས་ཇི་སྲིད་འཚོའི་བར་དུ་གསེར་དངུལ་ལེན་པ་ལས་སླར་ལྡོག་ཅིང་བསླབ་པའི་གནས་བདག་གིས་ཡང་དག་པར་བླང་བར་
བགྱིའོ་ཞེས་ལེན་གསུམ་བརྗོད་ནས། བདག་ཡན་ལག་བཅུ་པ་འདིས་འཕགས་པ་དགྲ་བཅོམ་པ་དེ་རྣམས་ཀྱི་བསླབ་པ་ལ་རྗེས་སུ་སློབ་པོ། །རྗེས་སུ་བགྱིད་དོ། །རྗེས་སུ་བསྒྲུབ་བོ། །དེ་ནས་ལྷུང་བཟེད་དང་ཆོས་གོས་སྦྱིན་པར་བྱའོ། །མཁན་པོ་དང་སློབ་དཔོན་ལ་
གསོལ་བ་གདབ་པར་བྱའོ། །དགེ་འདུན་གྱི་དཀྱིལ་འཁོར་འདུས་པ་ལ་པུས་མོ་གཡས་པའི་ལྷ་ང་ས་ལ་བཙུགས་ཏེ་ཐལ་མོ་སྦྱར་ནས་སློབ་དཔོན་དགོངས་སུ་གསོལ། བདག་མིང་འདི་ཞེས་བགྱི་བས་སློབ་དཔོན་ལ་གསོལ་བ་གདབ་པར་བགྱི་སྟེ། དགེ་འདུན་གྱི་ཆོས་
གོས་འདི་དགེ་འདུན་ཡིད་ཆེས་པའི་ཕྱིར་དང་ཡོངས་སུ་ལོངས་སྤྱོད་པའི་ཕྱིར་ལྷག་པར་གནས་པར་བགྱིའོ། །དེ་བཞིན་དུ་སློབ་དཔོན་དགོངས་སུ་གསོལ། བདག་མིང་འདི་ཞེས་བགྱི་བས་སློབ་དཔོན་ལ་གསོལ་བ་གདབ་པར་བགྱིའོ། །ཆོས་གོས་འདིས་རྒྱལ་པོའི་ཕོ་
བྲང་དུ་འཇུག་པར་ལྷག་པར་གནས་པར་བགྱིའོ། །དེ་བཞིན་དུ་སློབ་དཔོན་དགོངས་སུ་གསོལ། བདག་མིང་འདི་ཞེས་བགྱི་བས་སློབ་དཔོན་ལ་གསོལ་བ་གདབ་པར་བགྱི་སྟེ། ཆོས་གོས་འདིས་གྲོང་དང་གྲོང་ཁྱེར་དང་གྲོང་རྡལ་དང་སྲང་དང་ཚོང་དུས་སུ་འཇུག་པར་ལྷག་
པར་གནས་པར་བགྱིའོ། །དེ་བཞིན་དུ་སློབ་དཔོན་དགོངས་སུ་གསོལ། བདག་མིང་འདི་ཞེས་བགྱི་བས་སློབ་དཔོན་ལ་གསོལ་བ་གདབ་པར་བགྱི་སྟེ། ལྷུང་བཟེད་དྲང་སྲོང་གི་སྣོད་འདི་བླང་བའི་སྣོད་ཟས་ལ་ཡོངས་སུ་སྤྱོད་པར་ལྷག་པར་གནས་པར་བགྱིའོ། །དེ་བཞིན་

62-1-349b

དུ་སློབ་དཔོན་བདག་ལ་དགོངས་སུ་གསོལ། བདག་མིང་འདི་ཞེས་བགྱི་བས་སློབ་དཔོན་ལ་གསོལ་བ་གདབ་པར་བགྱི་སྟེ་བླང་བའི་སྣོད་འདི་ཆུ་སྣོད་དུ་ལྷག་པར་གནས་པར་བགྱིའོ། །དེ་བཞིན་དུ་སློབ་དཔོན་དགོངས་སུ་གསོལ། བདག་མིང་འདི་ཞེས་བགྱི་བས་སློབ་དཔོན་ལ་གསོལ་བ་
གདབ་པར་བགྱི་སྟེ། བླང་བའི་སྣོད་འདི་ཆུ་སྣོད་དུ་ལྷག་པར་གནས་པར་བགྱིའོ། །དེ་བཞིན་དུ་སློབ་དཔོན་དགོངས་སུ་གསོལ། བདག་མིང་འདི་ཞེས་བགྱི་བས་སློབ་དཔོན་ལ་གསོལ་བ་གདབ་པར་བགྱི་སྟེ། འདི་གསིལ་བྱེད་དུ་ལྷག་པར་གནས་པར་བགྱིའོ་ལན་གསུམ་
གསུམ་མོ། །དེ་བཞིན་དུ་མཁན་པོ་དགོངས་སུ་གསོལ། བདག་མིང་འདི་ཞེས་བགྱི་བས་མཁན་པོ་ལ་གསོལ་བ་གདབ་པར་བགྱི་སྟེ། དགེ་འདུན་གྱི་ཆོས་གོས་འདི་དགེ་འདུན་ཡིད་ཆེས་པའི་ཕྱིར་དང་། ཡོངས་སུ་ལོངས་སྤྱད་པའི་ཕྱིར་ལྷག་པར་གནས་པར་བགྱིའོ། །དེ་
བཞིན་དུ་མཁན་པོ་དགོངས་སུ་གསོལ། བདག་མིང་འདི་ཞེས་བགྱི་བས་མཁན་པོ་ལ་གསོལ་བ་གདབ་པར་བགྱི་སྟེ། ཆོས་གོས་འདིས་རྒྱལ་པོའི་ཕོ་བྲང་དུ་འཇུག་པར་ལྷག་པར་གནས་པར་བགྱིའོ། །མཁན་པོ་དགོངས་སུ་གསོལ། བདག་མིང་འདི་ཞེས་བགྱི་བས་
མཁན་པོ་ལ་གསོལ་བ་གདབ་པར་བགྱི་སྟེ། ཆོས་གོས་འདིས་གྲོང་དང་གྲོང་ཁྱེར་དང་གྲོང་རྡལ་དང་སྲང་དང་ཚོང་དུས་སུ་འཇུག་པར་ལྷག་པར་གནས་པར་བགྱིའོ། །མཁན་པོ་དགོངས་སུ་གསོལ། བདག་མིང་འདི་ཞེས་བགྱི་བས་མཁན་པོ་ལ་གསོལ་བ་གདབ་པར་བགྱི་སྟེ། ལྷུང་
བཟེད་དྲང་སྲོང་གི་སྣོད་འདི་བླང་བའི་སྣོད་ཟས་ལ་ཡོངས་སུ་སྤྱོད་པར་ལྷག་པར་གནས་པར་བགྱིའོ། །དེ་བཞིན་དུ་འཕགས་པའི་དགེ་འདུན་རྣམས་དགོངས་སུ་གསོལ། བདག་མིང་འདི་ཞེས་བགྱི་བས་འཕགས་པའི་དགེ་འདུན་རྣམས་ལ་གསོལ་བ་གདབ་པར་བགྱི་སྟེ། བླང་བའི་
སྣོད་འདི་ཆུ་སྣོད་དུ་ལྷག་པར་གནས་པར་བགྱིའོ། །དེ་བཞིན་དུ་འཕགས་པའི་དགེ་འདུན་རྣམས་དགོངས་སུ་གསོལ། བདག་མིང་འདི་ཞེས་བགྱི་བས་འཕགས་པའི་དགེ་འདུན་ལ་གསོལ་བ་གདབ་པར་བགྱི་སྟེ། འདི་གསིལ་བྱེད་དུ་ལྷག་པར་གནས་པར་བགྱིའོ། །ལན་

62-1-350a

གསུམ་དུའོ། །དེ་ནས་སློབ་དཔོན་གྱིས་སྔགས་འདིས་ཆོས་གོས་རབ་ཏུ་སྦྱིན་པར་བྱའོ། །ཨོཾ་ན་མཿས་མནྟ་བུདྡྷཱ་ནཱཾ་སརྦ་ཏ་ཐཱ་ག་ཏཱ་དྷིཥྛ་ཏྭཱཏ་མ་ཙཱི་པ་ར་སྭཱ་ཧཱ། དེ་ནས་བཙུན་པ་རྣམས་དགོངས་སུ་གསོལ། བདག་མིང་འདི་ཞེས་བགྱི་བས་ཆོས་གོས་འདི་དགེ་འདུན་ཡིད་
ཆེས་པ་དང་ཡོངས་སུ་ལོངས་སྤྱོད་པའི་ཕྱིར་བདག་གིས་གཟུང་བར་བགྱིའོ། །དེ་བཞིན་དུ་བཙུན་པ་རྣམས་དགོངས་སུ་གསོལ། བདག་མིང་འདི་ཞེས་བགྱི་བས་ཆོས་གོས་འདིས་རྒྱལ་པོའི་ཕོ་བྲང་དུ་འཇུག་པའི་ཕྱིར་བདག་གིས་གཟུང་བར་བགྱིའོ། །བཙུན་པ་རྣམས་དགོངས་སུ་
གསོལ། བདག་མིང་འདི་ཞེས་བགྱི་བས་ཆོས་གོས་འདི་གྲོང་དང་གྲོང་ཁྱེར་དང་གྲོང་རྡལ་དང་སྲང་དང་ཚོང་དུས་སུ་འཇུག་པའི་ཕྱིར་བདག་གིས་གཟུང་བར་བགྱིའོ། །བཙུན་པ་རྣམས་དགོངས་སུ་གསོལ། བདག་མིང་འདི་ཞེས་བགྱི་བས་དྲང་སྲོང་གི་སྣོད་ལྷུང་བཟེད་འདི་
སློང་བའི་སྣོད་ཟས་ལ་ཡོངས་སུ་སྤྱོད་པར་བདག་གིས་གཟུང་བར་བགྱིའོ། །བཙུན་པ་རྣམས་བདག་ལ་དགོངས་སུ་གསོལ། བདག་མིང་འདི་ཞེས་བགྱི་བས་བླང་བའི་སྣོད་ཆུ་སྣོད་དུ་འདི་བདག་གིས་གཟུང་བར་བགྱིའོ། །བཙུན་པ་རྣམས་དགོངས་སུ་གསོལ། བདག་མིང་
འདི་ཞེས་བགྱི་བས་འདི་གསིལ་བྱེད་དུ་ལྷག་པར་གནས་པར་བགྱིའོ། །དེ་བཞིན་དུ་བཙུན་པ་རྣམས་བདག་ལ་དགོངས་སུ་གསོལ། བདག་མིང་འདི་ཞེས་བགྱི་བས་སྡོམ་པ་རྒྱ་ཆེན་པོ་རྣམས་ཀུན་ནས་ཐོབ་སྟེ་ལེགས་པའི་སྡོམ་པ་རྙེད་དོ། །བཙུན་པ་རྣམས་དགོངས་སུ་གསོལ། 
བདག་མིང་འདི་ཞེས་བགྱི་བས་དགེ་འདུན་གྱི་ཚོགས་པ་རྙེད་ཅིང་ཐོབ་སྟེ་དེའི་ཚེ་དགེ་འདུན་དང་ལྷན་ཅིག་ཏུ་སྨན་དུ་བགྱིས་ཏེ་ཚུལ་ཁྲིམས་ཀྱི་ཕུང་པོ་ཡོངས་སུ་རྫོགས་པར་བྱ་བའི་ཕྱིར་དང་། ཏིང་ངེ་འཛིན་གྱི་ཕུང་པོ་དང་ཤེས་རབ་ཀྱི་ཕུང་པོ་དང་། རྣམ་པར་གྲོལ་བའི་ཕུང་པོ་དང་། 
རྣམ་པར་གྲོལ་བའི་ཡེ་ཤེས་མཐོང་བའི་ཕུང་པོ་རྣམས་ཡོངས་སུ་རྫོགས་པར་བྱ་བའི་ཕྱིར་རོ། །ལན་གསུམ་དུའོ། །གཞུང་མངས་པའི་འཇིགས་པས་བསླབ་པ་གསུངས་པ་གཞན་རྣམས་ནི་མ་བྲིས་སོ་ཞེས་པ་ནི་རབ་ཏུ་སྦྱིན་པའི་ཆོ་གའོ། །པཎྜཱི་ཏ་ཆེན་པོ་རིགས་ཀྱི་སྦྱིན་པས་

62-1-350b

མཛད་པའི་བྱ་བ་བསྡུས་པ་ལས་རབ་ཏུ་བྱེད་པ་བདུན་པའོ།།      །།ཆོས་དབྱིངས་རྣམས་ཀྱི་མཚན་ཉིད་ནི། །ཤེས་ཤིང་བཞེངས་པར་བྱ་བ་དང་། །ཞིག་པ་གསོ་དང་ཉེ་བར་བསྡུ། །ཚོགས་ཀྱི་འཁོར་ལོ་མཆོད་བྱ་ལ། །ཆོས་ཀྱི་དབྱིངས་རྣམས་ཀྱི་མཚན་ཉིད་བརྗོད་པར་བྱའོ། །དེ་ལ་འབྲས་
སྤུང་གི་རྣམ་པ་ནི་མཚན་སུམ་ཅུ་རྩ་གཉིས་ཀྱིས་རྣམ་པར་དག་པ་ཆ་སུམ་ཅུ་རྩ་གཉིས་ཀྱི་སྟེགས་བུའི་རྒྱར་བྱའོ། །དཔངས་སུ་རྟེན་ཅིང་འབྲེལ་པར་འབྱུང་བ་ཡན་ལག་བཅུ་གཉིས་ཀྱི་རྣམ་པར་དག་པས་ཆ་བཅུ་གཉིས་སོ། །སྟེགས་བུ་ནི་ཟླུམ་པོ་ལ་གྲུ་བཞི་པ་ཆ་བཅུ་གཉིས་ཆས་སམ་ཉི་ཤུའི་
ཟུར་དུ་བྱའོ། །དེའི་སྟེང་དུ་རྗེས་སུ་དྲན་པ་དྲུག་གི་རྣམ་པར་དག་པས་ཆ་དྲུག་པ་འདེགས་པའི་སྟེགས་བུ་བྱའོ། །དེ་ཡང་ཟླུམ་པོ་ཉིད་དུ་བྱའོ། །འདིར་ཡང་བུམ་པའི་དབུས་ལ་དེ་ཡང་བུམ་པའི་ཆོས་ཀྱི་སྐུའི་རྣམ་པར་དག་པ་མངོན་པར་ཤེས་པ་དྲུག་གི་རྣམ་པར་དག་པས་ཆ་དྲུག་པའི་ཐིག་
གིས་བུམ་པ་ཟླུམ་པོར་བྱའོ། །དེའི་སྟེང་དུ་ཐེག་པ་གསུམ་གྱི་དག་པས་ཆ་གསུམ་གྱིས་ཧར་མིའི་རྩེ་མོའི་མཐར་ཐུག་པའོ། །རྒྱར་འཕགས་པའི་བདེན་པ་བཞིའི་རྣམ་པར་དག་པས་ཆ་བཞི་པའོ། །འདིའི་རེ་རེའི་ལོགས་དག་ཏུ་ཡང་ཅུང་ཟད་ཚད་པས་ལྷག་པར་བྱའོ། །ཆ་གཅིག་གི་
སུམ་ཆས་ཧར་མིའི་སྟེང་འོག་ཏུའོ། །ཆ་གཅིག་གིས་མགུལ་རྒྱན་ཏེ་མགུལ་རྒྱན་གཉིས་ཀྱི་སྟེང་འོག་ཏུ་དེའི་ཚད་ཀྱིས་མགུལ་རྒྱན་གྱི་རིམ་པའི་སྟེང་འོག་ཏུའོ། །ལྷག་མ་རྣམས་ནི་མེ་ཏོག་འཛིན་པ་ཅན་ནོ། །ཐུང་བ་ནི་ཇི་ལྟར་མཛེས་པར་བྱའོ། །ཧར་མིའི་ཆ་དགུའི་གཅིག་གི་
ཚད་ཀྱིས་སྲོག་ཤིང་གི་རྩ་བའོ། །དེ་ཚད་མེད་པའི་གནས་བཞིའི་དག་པས་གྲུ་བཞི་པའོ། །དེའི་ཆ་དགུའི་གཅིག་གི་ཚད་ཀྱིས་སྲོག་ཤིང་རྩེ་མོའོ། །སེམས་བསྐྱེད་ཉི་ཤུ་རྩ་གཉིས་ཀྱི་རྣམ་པར་དག་པས་སྲོག་ཤིང་གི་སྲིད་དུ་ཆ་ཉི་ཤུ་རྩ་གཉིས་སོ། །འཇིག་རྟེན་སྐྱོང་བ་རྣམས་
ཧར་མི་དག་གི་མཐར་ནས་སྲོག་གི་དབུས་སོ། །གཉིས་སུ་མེད་པའི་དེ་བཞིན་ཉིད་ཀྱི་རྣམ་པར་དག་པ་ཆ་གཅིག་གི་ཚད་ཀྱིས་འཇིག་རྟེན་སྐྱོང་བའི་སྟེང་འོག་ཏུའོ། །འཕགས་པའི་ལམ་ཡན་ལག་བརྒྱད་ཀྱི་རྣམ་པར་དག་པས་ཆ་བརྒྱད་ཀྱིས་གདུགས་ཀྱི་ཕྲེང་བ་གནས་པའི་ཆའོ་

62-1-351a

ཆ་བཅུ་གསུམ་གྱི་རྣམ་པར་དག་པས་དེ་ཡང་གདུགས་ཀྱི་འཁོར་ལོ་བཅུ་གསུམ་མོ། །དེའི་སྟེང་དུ་ཆ་ཕྱེད་ཀྱིས་ཆར་ཁབ་ཀྱི་གནས་སོ། །དེའི་སྟེང་དུ་ཀུན་རྫོབ་ཀྱི་བདེན་པ་དང་དོན་དམ་པའི་བདེན་པ་དག་གི་རྣམ་པར་དག་པས་ཕྱེད་དང་བཅས་པའི་ཆ་གཅིག་གི་
ཚད་ཀྱིས་མགྲིན་པ་མཐོ་བའོ། །དེ་ཡང་མགྲིན་པ་ནས་སྲོག་ཤིང་གི་རྩེ་མོའི་མཐར་ཐུག་བརྒྱལ་དེའི་ཕྱེད་དོ། །དེའི་སྟེང་དུ་བླ་ན་མེད་པའི་སྙིང་རྗེ་ཆེན་པོ་རྣམ་པར་དག་པས་གཙུག་ཏོར་རོ། །དེ་བཞིན་དུ་ལྷུང་བཟེད་ཀྱི་རྣམ་པ་ནི་སྟོབས་བཅུ་དང་སངས་རྒྱས་ཀྱི་ཆོས་མ་འདྲེས་པ་བཅོ་
བརྒྱད་ཀྱི་རྣམ་པར་དག་པས་ཆ་ཉི་ཤུ་རྩ་བརྒྱད་ཀྱི་ཚད་ཀྱིས་འོག་གི་སྟེགས་བུའི་རྒྱ་རུའོ། །སྟོབས་ལྔའི་རྣམ་པར་དག་པས་ཆ་ལྔ་ནི་འདེགས་པའོ། །སྟེགས་བུའི་སྟེང་འོག་ཏུའོ། །བྱང་ཆུབ་ཀྱི་ཡན་ལག་བདུན་གྱི་རྣམ་པར་དག་པ་ཆ་བདུན་ཏེ་བུམ་པའི་དཔངས་སོ། །ལྷག་མ་
རྣམས་ནི་སྔོན་མ་བཞིན་དུའོ། །དེ་བཞིན་དུ་ཡན་ལག་དྲུག་གི་རྣམ་པ་ནི་ཤེས་པ་བཅུ་དང་དབང་བཅུ་གཉིས་དང་། མི་འཇིགས་པ་བཞིའི་རྣམ་པར་དག་པས་ཆ་ཉི་ཤུ་རྩ་དྲུག་གི་ཚད་ཀྱིས་འོག་སྟེགས་བུའི་རྒྱ་རུའོ། །གྲུ་བཞི་འབྱེད་པའི་རྣམ་པར་དག་པས་ཆ་བཞི་ཡིས་འདེགས་
པའི་སྟེགས་བུའི་སྟེང་འོག་ཏུའོ། །རྣམ་པར་ཐར་པ་བརྒྱད་ཀྱི་རྣམ་པར་དག་པས་ཆ་བརྒྱད་བུམ་པའི་སྟེང་དུའོ། །འདིར་ཡང་ལྷག་མ་ནི་སྔོན་མ་བཞིན་དུའོ། །དེ་བཞིན་དུ་བུམ་པའི་རྣམ་པ་ནི་ཕ་རོལ་ཏུ་ཕྱིན་པ་བཅུ་གཉིས་དང་། གཟུངས་མ་བཅུ་གཉིས་རྣམ་པར་དག་པས་ཆ་ཉི་
ཤུ་རྩ་བཞིས་འོག་གི་སྟེགས་བུའི་རྒྱ་རུའོ། །རྣམ་པར་དག་པ་གསུམ་གྱི་རྣམ་པར་དག་པས་ཆ་གསུམ་གྱིས་འདེགས་པའི་སྟེགས་བུའི་སྟེང་འོག་ཏུའོ། །གསུང་རབ་ཡན་ལག་དགུའི་རྣམ་པར་དག་པས་ཆ་དགུ་ཡིས་བུམ་པའི་སྲིད་དོ། །ལྷག་མ་རྣམས་ནི་སྔོན་མ་བཞིན་
དུའོ། །དེ་ནི་རྣམ་པ་བཞི་ཀར་གྱི་ཡང་ཐུན་མོང་གི་རྣམ་པར་དག་པ་བརྗོད་པར་བྱའོ། །ཆ་བཅུ་དྲུག་ཡོངས་སུ་གང་བའི་རྣམ་པར་དག་པས་ཆ་བཅུ་དྲུག་གི་སྟེང་དུ་ཟླ་བའི་དཀྱིལ་འཁོར་རོ། །དེ་ལ་ཡང་སྲོག་ཤིང་གནས་པའི་རྒྱལ་འབྱུང་བ་ཆེན་པོ་ལྔའི་སྟེང་དུ་སྦྱིན་པའི་ས་གཞིའོ། །

62-1-351b

དེ་ཡང་ཚུལ་ཁྲིམས་རྣམ་པ་བཅུ་དང་མི་དགེ་བ་བཅུ་སྤོང་བའི་རྣམ་པར་དག་པས་འོག་གི་སྟེགས་བུ་དང་རྩིག་པའི་རྒྱར་ཆ་བརྒྱད་ཀྱིས་བྱ་སྟེ་འགྲོ་བ་རྣམས་དང་རྗེས་སུ་མཐུན་པར་བྱའོ། །དེ་ཡང་འཕགས་པའི་རིགས་བཞི་རྣམ་པར་དག་པས་འཕགས་པའི་བདེན་པ་བཞི་པོ་རྣམས་ཀྱི་སྟེགས་
བུ་གདོང་བཞི་པོ་རྣམས་སོ། །བསམ་གཏན་བཞིའི་རྣམ་པར་དག་པ་ནི་རྟ་བབས་བཞི་པོ་རྣམས་སོ། །ཆོས་དང་ཟང་ཟིང་དང་མི་འཇིགས་པ་དང་བྱམས་པ་རྣམས་ཀྱི་སྦྱིན་པའི་རྣམ་པར་དག་པས་སྐུ་གཟུགས་ཀྱི་ལྷ་ཁང་བཞི་པོ་རྣམས་སོ། །མི་འཇིགས་པ་བཞིའི་རྣམ་པར་དག་པས་ཟུར་
བཞིའོ། །རྫུ་འཕྲུལ་གྱི་རྐང་པ་བཞིའི་རྣམ་པར་དག་པ་བཞིའི་སྟེགས་བུའོ། །ཡང་དག་པར་སྤོང་བ་བཞིའི་རྣམ་པར་དག་པས་སྟེགས་བུ་གཉིས་པའོ། །དད་པ་ལ་སོགས་པའི་དབང་པོ་ལྔའི་རྣམ་པར་དག་པའི་སྟེགས་བུའོ། །དད་པ་ལ་སོགས་པའི་སྟོབས་ལྔའི་རྣམ་པར་
དག་པས་མགུལ་རྒྱན་ནོ། །མི་རྟག་པ་ལ་སོགས་པའི་སྒོའི་རྣམ་པར་དག་པས་སྒོ་བཞིའི་དང་མེ་ཏོག་འཛིན་པའོ། །ཟག་པ་མེད་པ་དང་བསམ་གཏན་དང་པོ་དང་ཤིན་ཏུ་སྦྱངས་པ་ཡང་དག་བྱང་ཆུབ་ཀྱི་ཡན་ལག་གི་རྣམ་པར་དག་པས་མགུལ་རྒྱན་ནོ། །གཉིས་པ་དང་གསུམ་
པའི་བསམ་གཏན་གྱི་ས་དང་དགའ་བ་ཡང་དག་བྱང་ཆུབ་ཀྱི་ཡན་ལག་རྣམ་པར་དག་པས་མགུལ་རྒྱན་གྱི་ཁོར་ཡུག་གིས་བརྒྱན་པའོ། །ཕྱིར་མི་འོང་བ་དང་བསམ་གཏན་བཞི་ལ་སོགས་པའི་ས་དང་བཏང་སྙོམས་ཡང་དག་བྱང་ཆུབ་ཡན་ལག་རྣམ་པར་དག་པས་ཧར་མིའོ། །དྲན་པ་
དང་ཆོས་རབ་ཏུ་འབྱེད་པ་དང་བརྩོན་འགྲུས་དང་ཏིང་ངེ་འཛིན་ཡང་དག་བྱང་ཆུབ་ཀྱི་ཡན་ལག་གི་རྣམ་པར་དག་པས་འཇིག་རྟེན་སྐྱོང་བ་བཞིའོ། །མཁའ་ཁྱབ་ཀྱི་ཏིང་ངེ་འཛིན་རྣམ་པར་དག་པས་ཆར་ཁབ་ཀྱི་གནས་སོ། །བདུད་བཞི་བཅོམ་པའི་རྣམ་པར་དག་པས་མགྲིན་པའོ། །
སྟོང་པ་ཉིད་དང་སྙིང་རྗེ་རྣམ་པར་དག་པས་ཉི་མ་དང་ཟླ་བ་གཉིས་དང་མེ་ལོང་དག་གོ། །ཚིགས་སུ་བཅད་པ་གཉིས་དང་ཡུལ་ཐམས་ཅད་ཀྱི་བདག་ཉིད་དུ་གྱུར་པ་རྣམ་པར་དག་པས་དྲིལ་བུ་གཉིས་སོ། །རྣམ་པ་ཐམས་ཅད་མཁྱེན་པ་ཉིད་ཀྱི་ཡན་ལག་རྣམ་པར་དག་པས་གདུགས་

62-1-352a

སོ། །ཆགས་པ་མེད་པའི་བདག་ཉིད་ཀྱི་སེམས་རྣམ་པར་གྲོལ་བའི་རྣམ་པར་དག་པས་རྒྱལ་མཚན་ནོ། །དེ་དང་ཡང་བཅོམ་ལྡན་འདས་མ་ལ་སོགས་པའི་གྲགས་པ་རྣམ་པར་དག་པས་བ་དན་ནོ། །ཟུར་གྱི་ཕྲེང་བ་དང་དབུས་ཀྱི་ཕྲེང་བ་དང་ཟུར་དང་དབུས་ཀྱི་
ཕྲེང་ཞེས་ཏེ་དེ་ལ་ཇི་ལྟར་མངོན་པར་འདོད་པ་བཞིན་བྱའོ། །རྨིག་པ་དང་བ་རཎྜ་ལ་སོགས་པ་རྣམས་ཀྱང་ཇི་ལྟར་མཛེས་པར་བྱའོ། །དེ་ནས་རྡོའི་རུས་སྦལ་ལ་སྔོན་དུ་གསུངས་པའི་རིམ་པའི་རིན་པོ་ཆེ་རྣམས་བཀོད་ལ་དེའི་སྟེང་དུ་གསེར་ལ་སོགས་པའི་འདབ་མས་མཆོད་སྡོང་གི་རྩ་
བ་བྱས་ནས་བྲུཾ་ཡིག་དཀར་པོ་ལས་འཁོར་ལོ་རྩིབས་བརྒྱད་པ། དེའི་སྟེང་དུ་ཨ་ཡིག་ལས་སྐྱེས་པའི་པདྨ་འདབ་མ་སྣ་ཚོགས་པ། དེའི་སྟེང་དུ་ཨོཾ་ཡིག་ལས་ཟླ་བའི་དཀྱིལ་འཁོར། དེའི་སྟེང་དུ་ཨཱཿཡིག་ལས་སྐྱེས་པའི་དོན་དམ་པའི་ཡི་གེ་དྷཱིཿའི་རང་བཞིན་དུ་མཆོད་སྡོང་རྣམ་པར་
བསྒོམས་ནས་དེ་དང་མཚུངས་པའི་ཡེ་ཤེས་སེམས་དཔའ་རང་གི་སྙིང་གའི་ས་བོན་གྱི་འོད་ཟེར་གྱིས་གདན་དྲངས་ནས་དེའི་ནང་དུ་བསྒོམ་མོ། །དེའི་སྙིང་གའི་ས་བོན་གྱི་འོད་ཟེར་གྱིས་དེ་བཞིན་གཤེགས་པ་ལ་སོགས་པ་རྣམས་གདན་དྲངས་ལ་བུམ་པའི་ཆུས་མངོན་
པར་དབང་བསྐུར་ཞིང་ཡང་དག་པར་མཆོད་པར་བྱས་ནས། ཨོཾ་ན་མོ་བྷ་ག་བ་ཏེ་བཻ་རོ་ཙ་ན་པྲ་བྷ་རཱ་ཛཱ་ཡ་ཏ་ཐཱ་ག་ཏཱ་ཡཱརྷ་ཏེ་སམྱ་ཀྶམྦུ་དྡྷཱ་ཡ། ཏདྱ་ཐཱ། ཤཱུཀྵྨེ་ཤཱུཀྵྨེ་ས་མེ་ས་མ་ཡེ་ཤཱནྟེ་དཱནྟེ་ཨ་ས་མ་རོ་བྱ་ནི་རཱ་ལཾ་བེ་ནི་རཱ་ཀུ་ལེ་ནི་རྦཱ་ཎེ་ཡ་ཤོ་བ་ཏི་མ་ཧཱ་ཏེ་ཛེ་སྶ་རྦ་བུདྡྷཱ་དྷི་ནཱ་དྷིཥྛི་ཥྛ་ཏེ་སྭཱ་ཧཱ། སྔགས་འདིས་
ལན་ཉི་ཤུ་རྩ་གཅིག་ཏུ་ཡོངས་སུ་བཟླས་པར་བྱའོ། །ཨོཾ་དྷརྨ་དྷཱ་ཏུ་གརྦྷེ་སྭཱ་ཧཱ་ཞེས་པའི་སྔགས་འདིས་ལན་བརྒྱ་རྩ་བརྒྱད་ཡོངས་སུ་བཟླས་ལ་མཆོད་སྡོང་དགོད་པར་བྱའོ། །དེ་ནས་ཆོས་ཀྱི་དབྱིངས་གྲུབ་ནས་སློབ་དཔོན་རྡོ་རྗེ་སེམས་དཔའི་ང་རྒྱལ་དང་ལྡན་པས་སྔོན་དུ་གསུངས་པའི་རིམ་
པས་མཆོད་རྟེན་གྱི་སྙིང་པོར་རྡོ་རྗེ་དབྱིངས་ཀྱི་དཀྱིལ་འཁོར་རྣམ་པར་བསྒོམ་པར་བྱ་སྟེ། སྔོན་དུ་གསུངས་པའི་དཀྱིལ་འཁོར་རྣམ་པར་བསྒོམ་མོ། །སྔོན་དུ་གསུངས་པའི་རབ་ཏུ་གནས་པའི་ཆོ་གས་རབ་ཏུ་གནས་པར་རྒྱལ་མཚན་གཟུགས་པ་རབ་ཏུ་བསྔགས་པས་འདིར་རྒྱལ་མཚན་

62-1-352b

གྱི་མཚན་ཉིད་བརྗོད་པར་བྱ་སྟེ། རྒྱལ་མཚན་ནི་བུམ་པ་དང་དྲིལ་བུ་ལ་སོགས་པའི་རྣམ་པའོ་ཞེས་སོ། །དེ་ལ་བུམ་པའི་རྣམ་པའི་མཚན་ཉིད་ལ་ལྟོ་བའི་རྒྱར་ཆ་བཅུ་དྲུག་གོ། །དེའི་སུམ་འགྱུར་གྱིས་ཟླུམ་སྐོར་དུའོ། །འཆི་མེད་ཀྱི་གནས་ཀྱི་རྒྱར་ཆ་ཉི་ཤུ་རྩ་གཅིག་གོ། །ཆ་དྲུག་གིས་
སྟེང་དང་འོག་ཏུའོ། །དེའི་འོག་གི་ཆ་ལ་སྟེང་དང་འོག་ཏུ་ཆ་ལྔའོ། །རྒྱར་ཇི་ལྟར་འཚམ་པར་བྱའོ། །འཆི་མེད་ཀྱི་གནས་དག་གི་ལྟོ་བའི་བར་གྱི་ཆར་ཆ་བཞི་པའོ། །དེ་དང་མཚུངས་ཤིང་དམའ་བའི་ཆས་རྒྱ་ལའོ། །ལྟོ་བ་ལས་སྟེང་དུ་ཁའི་ཆ་དྲུག་གོ། །ཁའི་རྒྱར་ཆ་བཅུ་གཅིག་
གོ། །མཆུ་འཕྱང་བ་ནི་ཆ་གཉིས་སོ། །མགྲིན་པའི་རྒྱར་ཆ་ལྔའོ། །ཆ་བརྒྱད་ཀྱིས་ནོར་བུའི་ཆའོ། །དེའི་ཕྱེད་དམན་པས་རྒྱའོ། །ནོར་བུ་དང་ཁ་དག་གི་བར་དུ་ཆ་གཉིས་ཀྱིས་མགུལ་དང་ཧར་མི་ཀ་ཡང་ཇི་ལྟར་མཛེས་པར་བྱའོ། །ལྷག་མ་རྣམས་ནི་བཟོ་བོས་ཇི་ལྟར་མཛེས་པར་
བྱའོ། །དེ་བཞིན་དུ་དྲིལ་བུའི་རྣམ་པ་ལ་ནི་སྟེང་དང་འོག་ཆ་བཞི་བཅུ་རྩ་དྲུག་གིས་བུམ་པའི་སྲིད་དུའོ། །དབུས་ཀྱི་ཟླུམ་ལ་བརྒྱ་རྩ་བརྒྱད་དོ། །ཁའི་རྩེ་མོ་དག་ཏུ་ཐུང་བ་དང་འཕེལ་བ་ཇི་ལྟར་རིགས་པར་བྱའོ། །བུམ་པ་ལས་འོག་ཏུ་ཚོགས་པ་ལ་ཆ་བཞི་བཅུ་རྩ་གཉིས་སོ། །རྣམ་པར་
དབྱེ་བ་ལ་བཅུ་དྲུག་གི་ཆས་འཆི་མེད་ཀྱི་གནས་ཀྱི་སྟེང་དང་འོག་ཏུའོ། །ཟླུམས་སུ་ཉིས་བརྒྱའོ། །དེའི་སྟེང་དུ་ཟ་མ་ཏོག་གི་སྟེང་འོག་ཏུ་ཆ་བཅུའོ། །ཟླུམས་སུ་ཇི་མཛེས་པའོ། །འོག་གི་ཆའི་སྟེང་འོག་ཏུ་ཆ་བཅུ་བཞི་པའོ། །འདིར་ཡང་ཟླུམས་སུ་ཇི་ལྟར་མཛེས་པར་རོ། །
ལྷག་མ་རྣམས་བཟོ་བོས་ཇི་ལྟར་མཛེས་པར་བྱའོ། །འོག་གི་འཆི་མེད་ཀྱི་གནས་དང་དཔྲལ་བའི་བུམ་པའི་སྲིད་དུ་ཆ་སུམ་ཅུ་པོ་རྣམས་སོ། །དེ་རྣམས་ཀྱི་རྣམ་པར་དག་པ་ནི་མཆོད་རྟེན་བཞིན་དུའོ། །དེ་ནས་རྒྱལ་མཚན་སྣ་ཚོགས་པའི་ཚད་ལ། དྲི་གཙང་ཁང་དང་ཁང་པ་
བརྩེགས་པ་དང་འདུ་ཁང་རྣམས་ཀྱི་སྒོའི་རིང་དུའོ། །ཁ་མིག་ལ་ནི་སྒོ་ཆ་ལྔ་ལ་ཆ་གསུམ་གྱིས་རིང་བའོ། །ཆ་གཉིས་ཀྱིས་ཀྱང་སྟེ་ཡང་ན་སྒོའི་ཕྱེད་དོ། །རྒྱལ་མཚན་གྱི་སྲིད་ཀྱི་ཆ་ལྔའི་ཆ་གསུམ་གྱི་ཚད་ཀྱིས་སྟེགས་བུའི་སྟེང་འོག་ཏུའོ། །དེ་ནས་སློབ་དཔོན་རྡོ་རྗེ་སེམས་དཔའི་

62-1-353a

རྣལ་འབྱོར་གྱི་བདག་ཉིད་ཀྱིས་ཤིང་སྲ་ཞིང་མཁྲེགས་པ་སྤོས་དཀར་གྱི་ཤིང་ལས་བྱས་པའི་རྒྱལ་མཚན་དང་རྗེས་སུ་མཐུན་པའི་སྲོག་ཤིང་མཆོད་རྟེན་གྱི་སྲོག་ཤིང་གནས་ལ་གསུངས་པའི་རིམ་པས་དགོད་པར་བྱ་སྟེ། གསེར་ལ་སོགས་པ་ལས་བྱས་པའི་རྒྱལ་
མཚན་དགོད་པར་བྱའོ། །སྐད་ཅིག་གིས་བྲུཾ་ཡིག་ལས་སྐྱེས་པའི་སངས་རྒྱས་ཀྱི་ཡེ་ཤེས་ཀྱི་བདུད་རྩིའི་ཟླ་བ་ཆོས་ཀྱི་དབྱིངས་ཀྱི་རང་བཞིན་གཙུག་ལག་ཁང་ལ་ཁྱབ་པའི་སྐུ་དམ་ཚིག་སེམས་དཔའ་རྣམ་པར་བསྒོམས་ནས་དེ་དང་མཚུངས་པའི་ཡེ་ཤེས་སེམས་དཔའ་རང་གི་སྙིང་
གའི་ས་བོན་གྱི་འོད་ཟེར་གྱིས་གདན་དྲངས་ནས་དེའི་ནང་དུ་བསྒོམ་མོ། །རང་གི་སྙིང་གའི་ས་བོན་གྱི་འོད་ཟེར་གྱིས་དེ་བཞིན་གཤེགས་པ་ལ་སོགས་པ་རྣམས་གདན་དྲངས་ནས་བུམ་པའི་ཆུས་མངོན་པར་དབང་བསྐུར་ལ་མཆོད་ཡོན་ལ་སོགས་པ་ཕྱིའི་མཆོད་པ་རྣམས་ཀྱིས་ཡང་དག་
པར་མཆོད་ནས་མེ་ཏོག་གི་ཕྲེང་བ་དང་ཚོན་སྐུད་སྣ་ལྔ་ལག་པས་ལེགས་པར་བཟུང་ནས། ཨོཾ་ན་མོ་བྷ་ག་བ་ཏེ་བཻ་རོ་ཙ་ན་པྲ་བྷ་རཱ་ཛཱ་ཡ་ཏ་ཐཱ་ག་ཏཱ་ཡ་ཨརྷ་ཏེ་སམྱ་ཀྶཾ་བུདྡྷཱ་ཡ། ཏདྱ་ཐཱ། ཨོཾ་ཤཱུཀྵྨེ་ཤཱུཀྵྨེ་ས་མེ་ས་མ་ཡེ་ཤཱནྟེ་ཤཱནྟེ་དཱནྟེ་དཱནྟེ་ཨ་ས་མ་རོ་པྱ་ནི་རཱ་ལཾ་བེ་ནི་རཱ་ཀུ་ལེ་ནིརྦ་ཎཱེ་ཡ་ཤོ་བ་ཏི་
མ་ཧཱ་ཏེ་ཛེ་སརྦ་བུདྡྷཱ་དྷིཥྛཱ་ནཱ་དྷིཥྛ་ཏེ་སྭཱ་ཧཱ། འདིས་ཤར་དུ་ཁང་པའི་སྟེང་དུ་དབུས་སུ་གནས་པའི་རྒྱལ་མཚན་ལ་ལན་ཉི་ཤུ་རྩ་གཅིག་ཡོངས་སུ་བཟླས་ཏེ། ཨོཾ་སརྦ་ཏ་ཐཱ་ག་ཏ་མ་ཎི་ཤ་ཏ་དཱིཔྟེ་ཛྭ་ལ་ཛྭ་ལ་དྷརྨ་དྷཱ་ཏུ་གརྦྷེ་སྭཱ་ཧཱ། འདིས་ལེན་བདུན་མངོན་པར་བསྔགས་ནས་བདུགས་ལ་
མེ་ཏོག་བཟང་པོའི་ཕྲེང་བ་ལ་སོགས་པས་བརྒྱན་ནས་ལྕགས་ཀྱི་བསྲུང་བ་བྱས་ནས་ཤིང་ཐོག་གིས་མངོན་པར་དབང་བསྐུར་བར་བྱའོ། །ཀུནྡ་དང་དཱུཪྺ་སྦྱར་བ་བཟུང་ནས། ཡེ་དྷརྨྨཱ་ཧེ་ཏུ་པྲ་བྷ་བཱ་ཧེ་ཏུ་ནྟེ་ཥཱནྟ་ཐཱ་ག་ཏོ་ཧྱ་བ་དཏ། ཏེ་ཥཱཉྩ་ཡོ་ནི་རོ་དྷ་ཨེ་ཝཾ་བཱ་དཱི་མཧཱ་ཤྲ་མ་ཎཿཞེས་
པ་འདིས་རབ་ཏུ་གནས་པར་བྱའོ། །དེ་བཞིན་དུ་དེའི་གཡས་ལོགས་སུ་གནས་པའི་རྒྱལ་མཚན་ལ། ཨོཾ་བཛྲ་སཏྭ་སཱུ་ཀྵྨ་ཛྙ་ན་ཀྲོ་དྷ་ཨ་དྷི་ཏིཥྛ་ཧཱུཾ་ཕཊ། འདིས་ལན་ཉི་ཤུ་རྩ་གཅིག་ཏུ་ཡོངས་སུ་བཟླས་ནས། རྣམ་པར་སྣང་མཛད་ཀྱི་གཟུངས་ཀྱིས་སོ། །ཡོངས་སུ་སྤངས་པའི་ལྷག་མ་

62-1-353b

རྣམས་ནི་སྔོན་མ་བཞིན་ནོ། །དེ་བཞིན་དུ་དེའི་ལྷོ་ཕྱོགས་སུ་གནས་པ་ལ་ཨོཾ་བཛྲ་སཱུ་ཀྵྨ་ཀཪྵ་ཀྲོ་དྷ་ཛྙཱ་ནཱ་མྲྀ་ན་མཱ་ཀཪྵ་ཡ་ཧཱུཾ་ཕཊ། ཅེས་པ་འདིས་ལན་ཉི་ཤུ་རྩ་གཅིག་ཡོངས་སུ་བཟླས་པར་བྱའོ། །ལྷག་མ་རྣམས་ནི་སྔོན་མ་བཞིན་དུའོ། །དེ་བཞིན་དུ་དེ་ཉིད་ཀྱི་གཡོན་གྱི་ལོགས་སུ་གནས་
པའི་རྒྱལ་མཚན་ལ། ཨོཾ་བཛྲ་སཱུ་ཀྵྨ་རཱ་ག་ཀྲོ་དྷ་སརྦ་བུདྡྷཱ་ནུ་རཱ་ག་ཡ་ཏཱི་པྲ་ཧཱུཾ་ཕཊ། འདིས་ལན་ཉི་ཤུ་རྩ་གཅིག་ཡོངས་སུ་བཟླས་སོ། །ལྷག་མ་རྣམས་ནི་སྔོན་མ་བཞིན་ནོ། །དེ་བཞིན་དུ་དེའི་གཡོན་དུ་གནས་པ་ལ། ཨོཾ་བཛྲ་སཱུ་ཀྵྨ་ཏུཥྚ་ཀྲོ་དྷ་ཏོ་ཥ་ཡ་སརྦ་བུདྡྷ་ན་ཧཱུཾ་ཧཱུཾ་ཕཊ། འདིས་ལན་
ཉི་ཤུ་རྩ་གཅིག་ཡོངས་སུ་བཟླས་པར་བྱའོ། །ལྷག་མ་རྣམས་ནི་སྔོན་མ་བཞིན་དུའོ། །དེ་བཞིན་དུ་ལྷོ་ཕྱོགས་ཀྱི་ཁང་མིག་གི་སྟེང་དུ་གནས་པའི་རྒྱལ་མཚན་ལ། ཨོཾ་དྷྭ་ཛ་ཀེ་ཡུ་རེ་ཛ་ཡ་ཛ་ཡ་བི་ཛ་ཡ་བཱ་ཧཱ་ནི་ཥཾ་ཀ་རི་པྲ་བྷཾ་ཀཱ་རི་བྷཾ་ཛ་སྟཾ་བྷ་སྟཾ་བྷ་མོ་ཧ་ཡ་མོ་ཧ་ཡ་བྷ་ག་བ་ཏཱི་ཛ་ཡ་བཱ་ཧ་ནི་ཛ་ཡོཏྟ་རི། མ་
ཐ་མ་ཐ་ཧ་ས་ཧ་ས་གྲ་ས་གྲ་ས་ཧཱུཾ་ཧཱུཾ་ཧེ་ཧེ་ལ་གྷུ་ལ་གྷུ་ལཾ་བོ་དྷ་རི་ནེ་ཏྲ་ཙ་ཏུ་ར་བཀྟེ་ཙ་ཏུ་ར་དཾཥྚྲེ་ཙ་ཏུར་བྷུ་ཛ་ཨ་སི་མུ་ས་ལ་ཙཀྲ་ཏྲི་ཤཱུ་ལ་བཛྲ་ཀ་བ་ཙ་དྷཱ་རི་ཎི་རཀྵ་རཀྵ་ཨི་མསྠཱ་ནཾ་བྷ་ཏཱི་ཧ་ན་ཧ་ན་པ་ཙ་པ་ཙ་དྷུ་ན་དྷུ་ན་བི་དྷུ་ན་བི་དྷུ་ན་སྥོཊ་ཡ་སྥོཊ་ཡ་ཧ་ཇ་ཧཾ་ཛ་བི་ཏྟྭ་ས་ཡ། བི་དྷཾ་ས་ཡ་སརྦ་ཤ་ཏྲཱུན་ཊུ་ཊ་ཊུ་ཊ་ཏྲི་ཊ་ཏྲི་
ཊ་ཨུལྐ་མུ་ཁི་ཨུལྐ་དྷ་རི་ཎི་ཏྲཻ་ལོཀྱ་མ་ཐ་ནི་རཀྵ་རཀྵ་ཨི་མཾསྠཱ་ནི་ཙི་ལ་ཙི་ལ། ཙི་ལི་ཙི་ལི། ཙུ་ལུ་ཙུ་ལུ། ཀི་ལི་ཀི་ལི། ཀུ་ལུ་ཀུ་ལུ། མུཉྩ་མུཉྩ། ཨཊྚཊྚ་ཧཱ་ས་ཧཱ་ས་ཡ་ཏྲ་ས་ཡ་བུདྡྷཱ་ས་ཏྱེ་ན་དྷརྨ་ས་ཏྱེ་ན་སཾ་གྷ་ས་ཏྱེ་ན་སཏྱ་བཱ་དི་ས་ཏྱེ་ན་བུདྡྷཱ་དྷརྨ་སཾ་གྷ་ས་ཏྱེ་མཱ་ཏི་ཀྲ་མ་ཐ་སཏྱ་བཱ་དི་སཏྱ་མཱ་ཏི་ཀྲ་
མ་ཐ། ལཾ་བོ་དྷ་རི་ཀུ་ཌ་ཀུ་ཌ་ཀུ་ཌཱ་ཥཱ་ཡ། རུ་དྲ་མ་ན་ཡ་བིཥྞུ་མཱ་ན་ཡ་ཙནྡྲ་སཱུརྱ་མ་ན་ཏྲཻ་ལོ་ཀྱཱ་དྷི་པ་ཏི་མ་ན་ཡ། སརྦ་ཡཀྵ་རཀྵ་ས་ཀུཾ་བྷཎྜ་མ་ཧོ་ར་གཱ་དཱི་ནཾ་མ་ན་ཡ། ཨི་མཾསྠཱ་ན་རཀྵ་རཀྵ་རཀྵ་པ་ཡ་རཀྵ་པ་ཡ། ཙུ་ལུ་ཙུ་ལུ་པུཥྤ་མཱ་ལི་ནེ་རུནྡྷ་རུནྡྷ། ཛྷ་ནི་ཛྷ་ནི་ཛྷ་ཌི་ཛྷ་ཌི། ཙི་བི་ཙི་བི་བྷྲི་ཀུ་
ཊི་མུ་ཁི་པ་ར་ས་ནྱཾ་ཀུ་ལོཙྪ་ད་ན་ཀ་རི་ཧ། ཧ་ལ་ཧ་ལ། ཧི་ལི་ཧི་ལི། ཧུ་ལུ་ཧུ་ལུ། དྷྭཾ་ས་དྷྭཾ་ས་ཧི་རི་ཎ་མ་ཏེ་ཛཾ་བུདྡྷཱ་བ་ལོ་ཀི་ཏེ་རཀྵ་རཀྵ་ཨི་མཾསྠཱ་ནཾ་སརྦ་ཏ་ཐཱ་ག་ཏཱ་བ་ལོ་ཀི་ཏེ་སྭཱ་ཧཱ། ཡོན་ཏན་གྱི་རྒྱལ་པོ་འོད་ཟེར་མཆོག་གི་རྒྱལ་པོ་ལ་སྭཱ་ཧཱ། ཟླ་བ་དང་ཉི་མ་དྲི་མ་མེད་པ་ལ་སྭཱ་ཧཱ། གཟའ་

62-1-354a

དང་རྒྱུ་སྐར་ཐམས་ཅད་ཀྱི་འོད་མོག་མོག་པོར་མཛད་པ་ལ་སྭཱ་ཧཱ། གནས་འདི་འཇིགས་པ་ཐམས་ཅད་ལས་སྲུངས་ཤིག་སྲུངས་ཤིག་སྭཱ་ཧཱ། འདིས་དེ་བཞིན་དུ་ཡོངས་སུ་གྲགས་པ་དང་། ཉོན་མོངས་པ་ཐམས་ཅད་ཟད་པར་བྱེད་པ་ལ་སྭཱ་ཧཱ། འདིས་
ལན་བདུན་དུ་ཡོངས་སུ་བཟླས་པར་བྱའོ། །ལྷག་མ་རྣམས་ནི་སྔོན་མ་བཞིན་ནོ། །དེ་བཞིན་དུ་དེ་བཞིན་ཉིད་ཀྱི་གཡས་ལོགས་ན་གནས་པའི་རྒྱལ་མཚན་ལ་ཨོཾ་ཛྙཱ་ནཱ་པ་ཏེ་ཏཱ་ར་ཧཱུཾ། འདིས་ལན་ཉི་ཤུ་རྩ་གཅིག་ཏུ་ཡོངས་སུ་བཟླས་ནས་ལྷག་མ་རྣམས་ནི་སྔོན་མ་བཞིན་ནོ། །དེ་བཞིན་
ཉིད་དུ་དེའི་ལྷོ་ཕྱོགས་ན་གནས་པ་ལ་ཨོཾ་ཛྙཱ་ན་པདྨོ་ཀོ་ཤེ་སརྦ་དུཥྚ་བི་ནཱ་ཡཱ་ཀཱ་ན་མཱ་ར་ཡ་ཧཱུཾ། འདིས་ལན་ཉི་ཤུ་རྩ་གཅིག་ཡོངས་སུ་བཟླས་ནས་ལྷག་མ་རྣམས་ནི་སྔོན་མ་བཞིན་ནོ། །དེ་བཞིན་དུ་དེ་ཉིད་ཀྱི་གཡོན་ལོགས་ཀྱི་རྒྱལ་མཚན་ལ་ཨོཾ་ཛྙཱ་ན་པདྨ་ཙཀྲེ་ཧཱུཾ། འདིས་ལན་ཉི་ཤུ་
རྩ་གཅིག་ཏུ་ཡོངས་སུ་བཟླས་ནས་ལྷག་མ་རྣམས་ནི་སྔོན་མ་བཞིན་ནོ། །དེ་བཞིན་དུ་དེའི་གཡོན་ལོགས་སུ་གནས་པ་ལ་ཨོཾ་ཛྙཱ་ན་བྷཱ་ཥེ་ཧཱུཾ། འདིས་ལན་ཉི་ཤུ་རྩ་གཅིག་ཡོངས་སུ་བཟླས་ནས་ལྷག་མ་རྣམས་ནི་སྔོན་མ་བཞིན་དུའོ། །དེ་བཞིན་དུ་བྱང་གི་ཁང་མིག་སྟེང་གི་
དབུས་ན་གནས་པའི་རྒྱལ་མཚན་ལ། ཨོཾ་བོདྷི་བོདྷི། སརྦ་ཏ་ཐཱ་ག་ཏཱ་གོ་ཙ་རེ། དྷར་དྷར། ཧ་ར་ཧ་ར། པྲ་ཧ་ར་པྲ་ཧ་ར། མ་ཧཱ་བོ་དྷི་རཏྣ་དྷ་ར། ཙུ་ལུ་ཙུ་ལུ། རསྨི་སཉྩོ་དཱི་ཏེ། སརྦ་ཏ་ཐཱ་ག་ཏཱ་བྷི་ཥེ་ཀ་གུ་ཎ་ག་ག་ནེ་ཤུདྡྷ་གུ་ནཱ་བཱ་བྷཱ་ཥེ། མི་ལི་མི་ལི་ག་ག་ན་ཏ་ལ་པྲ་ཏིཥྛི་ཏེ། 
ཤ་མ་ཤ་མ། པྲ་ཤ་མ་པྲ་ཤ་མ། སརྦ་ཀ་བཱ་ར་མུཏྟཱ་རྱཱ་དྷི་ཏིཥྛ་ཏེ། ལྷག་མ་རྣམས་ནི་སྔོན་མ་བཞིན་དུའོ། །དེ་བཞིན་དུ་དེའི་གཡས་ལོགས་ན་གནས་པའི་རྒྱལ་མཚན་ལ། ཨོཾ་སརྦ་ཏ་ཐཱ་ག་ཏཱ་རཏྣ་མཱ་ལཱ་བྷི་ཥེ་ཀ་ཧཱུཾ། འདིས་ལན་ཉི་ཤུ་རྩ་གཅིག་ཡོངས་སུ་བཟླས་ལ་ལྷག་མ་སྔོན་
མ་བཞིན་དུའོ། །དེ་བཞིན་དུ་དེའི་གཡས་ལོགས་ན་གནས་པའི་རྒྱལ་མཚན་ལ། ཨོཾ་རཏྣ་སཱུརྱ་མ་ཎི་ཨ་ཝ་བྷཱ་ཥ་ཡ་ཧཱུཾ། འདིས་ལན་ཉི་ཤུ་རྩ་གཅིག་ཏུ་ཡོངས་སུ་བཟླས་ལ་ལྷག་མ་རྣམས་ནི་སྔོན་མ་བཞིན་ནོ། །དེ་བཞིན་དུ་དེའི་གཡོན་ལོགས་ཀྱི་རྒྱལ་མཚན་ལ། ཨོཾ་ཙིནྟ་

62-1-354b

མ་ཎི་རཏྣ་དྷྭ་ཛ་སརྦཱ་ས་པ་རི་པཱུ་ར་ཎི་ཨཱ་ཀཱ་ཤ་གརྦྷ་ཧཱུཾ། འདིས་ལན་ཉི་ཤུ་རྩ་གཅིག་ཡོངས་སུ་བཟླས་ནས་ལྷག་མ་རྣམས་ནི་སྔོན་མ་བཞིན་ནོ། །དེ་བཞིན་དུ་དེའི་གཡོན་ལོགས་སུ་གནས་པའི་རྒྱལ་མཚན་ལ། ཨོཾ་རཏྣ་ཨཊྚ་ཧཱ་ས་ཧ་མོ་ཧ་ཡ། སརྦ་སཏྭཱ་ན་ཧཱུཾ། འདིས་ལན་ཉི་
ཤུ་རྩ་གཅིག་ཡོངས་སུ་བཟླས་ནས་ལྷག་མ་རྣམས་ནི་སྔོན་མ་བཞིན་དུའོ། །དེ་བཞིན་དུ་ནུབ་ཕྱོགས་ཀྱི་ཁ་མིག་གི་སྟེང་གི་དབུས་སུ་གནས་པའི་རྒྱལ་མཚན་ལ། ཨོཾ་ན་མོ་བྷ་ག་བ་ཏེ་ཨ་མི་ཏཱ་བྷཱ་ཡ། ཏ་ཐཱ་ག་ཏ་ཡཱརྷ་ཏེ། སམྱཾ་ཀྶཾ་བུདྡྷཱ་ཡ། ཏདྱ་ཐཱ། ཨོཾ་ཨ་མི་ཏེ། ཨ་མི་ཏེ། ཨ་མི་
ཏོཏྦྷ་བེ། ཨ་མི་ཏ་སཾ་བྷ་བེ། ཨ་མི་ཏ་བི་ཀྲཱནྟེ་གཱ་མི་ནི་ཨ་མི་ཏཱ་ཡུརྡ་དེ། དྷརྨ་དྷཱ་ཏུ་ཛྙཱ་ན་ག་ག་ནོ་པཱ་ཡ་པྲ་ཤ་མ་ནེ་། སརྦ་པཱ་པ་བི་ཤོ་དྷ་ནི་ཧུ་ལུ་ཧུ་ལུ་མ་ཧཱ་བོ་དྷཱི་མརྒ་སཾ་པྲ་ཏི་ཏེ། སརྦ་ཏ་ཐཱ་ག་ཏཱ་མུ་དྲེ་སྭཱ་ཧཱ། འདིས་ལན་བདུན་མངོན་པར་བསྔགས་ནས་ལྷག་མ་རྣམས་ནི་སྔོན་མ་
བཞིན་དུའོ། །དེ་བཞིན་དུ་དེའི་གཡས་ཕྱོགས་ལོགས་ན་གནས་པའི་རྒྱལ་མཚན་ལ། ཨོཾ་ཛྙཱ་ན་མ་ཎི་ནྲྀ་ཏྱ་པཱུ་ཛ་ས་མ་ཡ་ཧཱུཾ། འདིས་ལན་ཉི་ཤུ་རྩ་གཅིག་ཡོངས་སུ་བཟླས་ནས་ལྷག་མ་རྣམས་ནི་སྔོན་བཞིན་དུའོ། །དེ་བཞིན་དུ་དེའི་གཡས་ལོགས་ན་གནས་པ་ལ། ཨོཾ་ཛྙཱ་ན་
མ་ཎི་ཨི་དཾ་སྠཱ་ནི་རཀྵ་རཀྵ་ཧཱུཾ། འདིས་ལན་ཉི་ཤུ་རྩ་གཅིག་ཡོངས་སུ་བཟླས་ནས་ལྷག་མ་རྣམས་ནི་སྔོན་མ་བཞིན་དུའོ། །དེ་བཞིན་དུ་དེའི་གཡོན་ལོགས་ལ་གནས་པ་ལ། ཨོཾ་ཛྙཱ་ན་མ་ཎི་ཡཀྵ་ཧཱུཾ། འདིས་ལན་ཉི་ཤུ་རྩ་གཅིག་ཡོངས་སུ་བཟླས་ནས་ལྷག་མ་རྣམས་ནི་སྔོན་
བཞིན་དུའོ། །དེ་བཞིན་དུ་དེའི་གཡོན་ལོགས་ལ་གནས་པ་ལ། ཨོཾ་ཛྙཱ་ན་མ་ཎི་ཡཀྵ་ཧཱུཾ། འདིས་ལན་ཉི་ཤུ་རྩ་གཅིག་ཡོངས་སུ་བཟླས་ནས་ལྷག་མ་རྣམས་ནི་སྔོན་བཞིན་དུའོ། །དེ་བཞིན་དུ་དེའི་གཡོན་དུ་གནས་པ་ལ། ཨོཾ་ཛྙཱ་ན་མ་ཎི་མུཥྚི་བཾ། འདིས་ལན་ཉི་ཤུ་
རྩ་གཅིག་ཡོངས་སུ་བཟླས་ནས་ལྷག་མ་ནི་སྔོན་མ་བཞིན་དུའོ། །དེ་ནས་མེའི་མཚམས་ནས་ནུབ་ཏུ་གདོང་མངོན་པར་ཕྱོགས་པའི་ཁང་མིག་གི་སྟེང་གི་དབུས་སུ་གནས་པའི་རྒྱལ་མཚན་ལ། ཨོཾ་སརྦཱ་རྠ་སིདྡྷ་པྲ་ད་ཧཱུཾ། འདིས་ལན་ཉི་ཤུ་རྩ་གཅིག་བཟླས་ནས་ལྷག་མ་སྔོན་

62-1-355a

བཞིན་དུའོ། །དེ་བཞིན་དུ་དེའི་གཡས་ལོགས་ན་གནས་པ་ལ། ཨོཾ་མ་ཎི་ནཱ་ག་བི་ཥ་ཀུ་རུ་སརྦ་སཏྭ་ནཱ་ཀཱ་ཤ་གརྦྷ་ཧཱུཾ། འདིས་ལན་ཉི་ཤུ་རྩ་གཅིག་བཟླས་ལ་ལྷག་མ་སྔོན་བཞིན་ནོ། །དེ་བཞིན་དུ་དེའི་གཡོན་ལོགས་སུ་གནས་པ་ལ། ཨོཾ་རཏྣ་ཏུཥྚི་
པྲ་ཧླ་ད་ཡཱ་ཀཱ་ཤ་གརྦྷ་ཧཱུཾ། འདིས་ལན་ཉི་ཤུ་རྩ་གཅིག་བཟླས་ལ་ལྷག་མ་ནི་སྔོན་མ་བཞིན་ནོ། །དེ་བཞིན་དུ་བྱང་དུ་གདོང་མངོན་པར་ཕྱོགས་པའི་ཁང་མིག་གི་དབུས་སུ་གནས་པའི་རྒྱལ་མཚན་ལ། ཨོཾ་ཛྙཱ་ན་པདྨ་བུདྡྷཱ་ཧཱུཾ། འདིས་ལན་ཉི་ཤུ་རྩ་གཅིག་བཟླས་ལ་ལྷག་མ་
སྔོན་བཞིན་ནོ། །དེ་བཞིན་དུ་དེའི་གཡས་ལོགས་སུ་གནས་པ་ལ། ཨོཾ་ཛྙཱ་ན་བུདྡྷཱ་མུ་ཀུ་ཊ་ཧཱུཾ། འདིས་ལན་ཉི་ཤུ་རྩ་གཅིག་བཟླས་ལ་ལྷག་མ་སྔོན་བཞིན་ནོ། །དེ་བཞིན་དུ་དེའི་གཡོན་དུ་གནས་པ་ལ། ཨོཾ་ཛྙཱ་ན་པདྨ་བཛྲ་དྷ་ར་ཧཱུཾ། འདིས་ལན་ཉི་ཤུ་རྩ་གཅིག་
བཟླས་ནས་ལྷག་མ་སྔོན་བཞིན་ནོ། །དེ་བཞིན་དུ་བདེན་བྲལ་གྱི་མཚམས་ནས་གདོང་བྱང་དུ་མངོན་པར་ཕྱོགས་པའི་ཁང་མིག་གི་སྟེང་གི་དབུས་སུ་གནས་པའི་རྒྱལ་མཚན་ལ། ཨོཾ་མ་ཧཱ་པྲ་ཙཎྜ་གྷཱ་གྷཱ་ཏཱ་ན་སརྦ་བི་ན་པདྨ་དཾཥྚཱ་ཀ་རཱ་ལ་ཀརྨྨ་ཀ་རི་ཧཱུཾ། འདིས་ལན་ཉི་ཤུ་
རྩ་གཅིག་བཟླས་ནས་ལྷག་མ་སྔོན་བཞིན་ནོ། །དེ་བཞིན་དུ་དེའི་གཡས་ལོགས་སུ་གནས་པ་ལ། ཨོཾ་བཛྲ་རཏྣོཏྟ་མ་ཛྭཱ་ལ་ཡ་ཧཱུཾ། འདིས་ལན་ཉི་ཤུ་རྩ་གཅིག་བཟླས་ནས་ལྷག་མ་སྔོན་བཞིན་ནོ། །དེ་བཞིན་དུ་དེའི་གཡོན་ལོགས་སུ་གནས་པ་ལ། ཨོཾ་ཛྙཱ་ན་བུདྡྷ་ཧཱུཾ། 
འདིས་ལན་ཉི་ཤུ་རྩ་གཅིག་བཟླས་ནས་ལྷག་མ་སྔོན་བཞིན་ནོ། །དེའི་ཤར་དུ་གདོང་མངོན་པར་ཕྱོགས་པའི་ཁང་མིག་གི་སྟེང་གི་དབུས་སུ་གནས་པའི་རྒྱལ་མཚན་ལ། ཨོཾ་པདྨོ་ཏྟྲ་མཱ་བི་ཤ་ཧྲཱིཿའདིས་ལན་ཉི་ཤུ་རྩ་གཅིག་བཟླས་ལ་ལྷག་མ་སྔོན་བཞིན་ནོ། །དེ་བཞིན་
དུ་དེའི་གཡས་ལོགས་སུ་གནས་པ་ལ། ཨོཾ་པདྨ་ཛྙཱ་ན་ཧྲི་ད་ཡཱ་བི་ཥ་ཧཱུཾ། འདིས་ལན་ཉི་ཤུ་རྩ་གཅིག་བཟླས་ལ་ལྷག་མ་སྔོན་བཞིན་ནོ། །དེ་བཞིན་དུ་དེའི་གཡོན་ལོགས་ན་གནས་པ་ལ། ཨོཾ་པདྨ་ཛྙཱ་ནཱ་བྷི་ཥེ་ཀ་ཧཱུཾ། འདིས་ལན་ཉི་ཤུ་རྩ་གཅིག་བཟླས་ལ་ལྷག་མ་སྔོན་བཞིན་

62-1-355b

ནོ། །དེ་བཞིན་དུ་རླུང་གི་མཚམས་དང་ཤར་དུ་གདོང་མངོན་པར་ཕྱོགས་པའི་ཁང་མིག་གི་སྟེང་གི་དབུས་སུ་གནས་པའི་རྒྱལ་མཚན་ལ། ཨོཾ་ཛྙཱ་ན་དྷརྨེ་ཤྭ་ར་ཧཱུཾ། འདིས་ལན་ཉི་ཤུ་རྩ་གཅིག་བཟླས་ལ་ལྷག་མ་སྔོན་བཞིན་ནོ། །དེ་བཞིན་དུ་དེའི་གཡས་ལོགས་ན་གནས་པ་
ལ། ཨོཾ་པདྨོ་ཥྞི་བི་ཥ་ཧོཿ འདིས་ལན་ཉི་ཤུ་རྩ་གཅིག་བཟླས་ནས་ལྷག་མ་སྔོན་མ་བཞིན་ནོ། །དེ་བཞིན་དུ་དེའི་གཡོན་ལོགས་སུ་གནས་པ་ལ། ཨོཾ་པདྨ་མ་ཀུ་ཊཱ་བྷི་ཥེ་ཀ་ས་མ་ཡ་ཧཱུཾ། འདིས་ལན་ཉི་ཤུ་རྩ་གཅིག་བཟླས་ལ་ལྷག་མ་སྔོན་མ་བཞིན་ནོ། །དེ་བཞིན་དུ་དེའི་
ལྷོར་གདོང་མངོན་པར་ཕྱོགས་པའི་ཁང་མིག་གི་སྟེང་གི་དབུས་སུ་གནས་པའི་རྒྱལ་མཚན་ལ། ཨོཾ་ཛྙཱ་ནཱ་མོ་གྷེ་ཤྭ་ར་ཧཱུཾ། འདིས་ལན་ཉི་ཤུ་རྩ་གཅིག་བཟླས་ལ་ལྷག་མ་སྔོན་བཞིན་ནོ། །དེ་བཞིན་དུ་དེའི་གཡོན་ལོགས་ན་གནས་པ་ལ། ཨོཾ་རཏྣ་བཪྵ་ཡ་ཧཱུཾ། འདིས་ལན་ཉི་ཤུ་
རྩ་གཅིག་བཟླས་ནས་ལྷག་མ་སྔོན་བཞིན་ནོ། །དེ་བཞིན་དུ་དེའི་གཡོན་ལོགས་ན་གནས་པ་ལ། ཨོཾ་མ་ཎི་ཀ་བ་ཙ་བནྡྷ་ཡ་ཧཱུཾ། འདིས་ལན་ཉེར་གཅིག་བཟླས་ནས་ལྷག་མ་སྔོན་བཞིན་ནོ། །དེ་བཞིན་དུ་དབང་ལྡན་གྱི་མཚམས་ཀྱི་ལྷོར་གདོང་མངོན་པར་ཕྱོགས་པའི་ཁང་
མིག་གི་སྟེང་གི་དབུས་སུ་གནས་པའི་རྒྱལ་མཚན་ལ། ཨོཾ་ཛྙཱ་ན་བི་ཤྭེ་ཤྭ་ར་ཧཱུཾ། འདིས་ལན་ཉེར་གཅིག་བཟླས་ནས་ལྷག་མ་སྔོན་བཞིན་ནོ། །དེ་བཞིན་དུ་དེའི་གཡས་ལོགས་སུ་གནས་པ་ལ། ཨོཾ་མ་ནི་ཀརྨོ་ཏྟ་མ་བཛྲ་རསྨ་ཡ་མ་ནུ་སྨ་ར་སརྦ་བུདྡྷ་ནཱ་ཀཪྵ་ཡ་པྲ་བེ་ཤ་ཡ་གྲ་
ཧ་ཡ་སརྦ་ཀརྨཱ་ཎི་ཀུ་རུ་སྭཱ་ཧཱ། འདིས་ལན་ཉེར་གཅིག་བཟླས་ནས་ལྷག་མ་སྔོན་བཞིན་ནོ། །དེ་བཞིན་དུ་དེའི་གཡོན་ལོགས་སུ་གནས་པ་ལ། ཨོཾ་ན་མཿསརྦ་ཏ་ཐཱ་ག་ཏོ་ཥྞཱི་ཥ་ཨ་བ་ལོ་ཀི་ཏ་མུརྡྷ་ནི་ཧཱུཾ། ཛྭ་ལ་ཛྭ་ལ། དྷ་ཀ་དྷ་ཀ །བི་དྷ་ར་བི་དྷ་ར། ཙྪིནྡ་ཙྪིནྡ། བྷིནྡྷ་བྷིནྡྷ། ཧཱུཾ་ཧཱུཾ་
ཕཊ། འདིས་ལན་ཉི་ཤུ་རྩ་གཅིག་བཟླས་ནས་ལྷག་མ་སྔོན་མ་བཞིན་ནོ། །དེ་བཞིན་དུ་དེའི་ནུབ་ཏུ་གདོང་མངོན་པར་ཕྱོགས་པའི་ཁང་མིག་གི་སྟེང་གི་དབུས་སུ་གནས་པའི་རྒྱལ་མཚན་ལ། ཨོཾ་བཛྲོ་ཥྞཱི་ཥ་ཧཱུཾ་ཕཊ། འདིས་ལན་ཉི་ཤུ་རྩ་གཅིག་བཟླས་ནས་ལྷག་མ་སྔོན་མ་བཞིན་ནོ། །

62-1-356a

དེ་བཞིན་དུ་དེའི་གཡས་ལོགས་སུ་གནས་པ་ལ། ཨོཾ་མ་ཎི་ཙིནྟཱ་ཀཱ་ཤ་གརྦྷ་སིདྡྷྱ་སིདྡྷྱ་བྷ་ག་བཱན་ཧཱུཾ། འདིས་ལན་ཉི་ཤུ་རྩ་གཅིག་བཟླས་ནས་ལྷག་མ་སྔོན་མ་བཞིན་ནོ། །དེ་བཞིན་དུ་དེའི་གཡོན་ལོགས་སུ་གནས་པ་ལ། ཨོཾ་རཏྣ་ཀུ་རཱ་ཀཪྵ་ཡ་སརྦཱ་ན། ཨཱ་ན་
ཡ་ཨཱ་ན་ཡ་ཤཱི་གྷྲཾ་ཏ་ཐཱ་ག་ཏ་སཏྱ་མ་ནུ་སྨ་ར་ཧཱུཾ། འདིས་ལན་ཉི་ཤུ་རྩ་གཅིག་མངོན་པར་ཡོངས་སུ་བཟླས་ན་ལྷག་མ་རྣམས་སྔོན་མ་ཇི་ལྟ་བ་བཞིན་དུ་བྱའོ། །དྲི་གཙང་ཁང་དང་ཁང་མིག་དང་འདུ་ཁང་རྣམས་ཀྱི་ཤར་དུ་རྣམ་པར་སྣང་མཛད་ཀྱི་གཟུགས་ཀྱི་སྔགས་ལན་ཉི་ཤུ་རྩ་
གཅིག་བཟླས་སོ། །ལྷོ་རུ་རྒྱལ་མཚན་རྩེ་མོའི་དཔུང་རྒྱན་གྱི་གཟུངས་ལན་ཉི་ཤུ་རྩ་གཅིག་བཟླས་སོ། །ནུབ་ཏུ་འོད་དཔག་མེད་ཀྱི་གཟུངས་ཀྱི་སྔགས་ལན་བདུན་བཟླས་སོ། །བྱང་དུ་རྡོ་རྗེ་སྙིང་པོ་རྒྱན་གྱི་གཟུངས་ཀྱི་སྔགས་ལན་བདུན་གྱིས་ལྷག་པར་གནས་པར་བྱའོ། །ཨོཾ་
སརྦ་ཏ་ཐཱ་ག་ཏ་མ་ཎི་ཤ་ཏ་རཱི་པྟེ་ཛྭ་ལ་ཛྭ་ལ་དྷརྨ་དྷཱ་ཏུ་གརྦྷ་སྭཱ་ཧཱ། འདིས་དབུས་མ་ལན་བདུན་དུ་ལྷག་པར་གནས་པར་བྱས། ཡེ་དྷརྨཱ་ལ་སོགས་པའི་ཚིགས་སུ་བཅད་པས་རབ་ཏུ་གནས་པར་བྱའོ། །དེ་ནས་གསེར་ལ་སོགས་པ་ལས་གྲུབ་པའི་གདུགས་ལ་ཨ་ཡིག་
ལས་བྱུང་བ་ཨ་ཝ་དྷཱུ་ཏཱིའི་རང་བཞིན་གྱི་དབྱུག་པའོ། །ཧཱུཾ་ལས་བྱུང་བའི་རྩ་སུམ་ཅུ་སོ་གཉིས་འཆང་བའི་པདྨ་འདབ་མ་སུམ་ཅུ་རྩ་གཉིས་སངས་རྒྱས་ཀྱི་ཡེ་ཤེས་ཀྱི་བདུད་རྩིའི་རང་བཞིན་ཆོས་ཀྱི་དབྱིངས་ཀྱི་མཚན་མ་ཉོན་མོངས་པ་དང་སྡིག་པ་ཐམས་ཅད་འཇོམས་པའི་དམ་ཚིག་
སེམས་དཔའ་རྣམ་པར་བསྒོམས་ལ། དེ་དང་མཚུངས་པའི་ཡེ་ཤེས་སེམས་དཔའ་རང་གི་སྙིང་གའི་ས་བོན་གྱིས་གདན་དྲངས་ནས་དེའི་ནང་དུ་བསྒོམ་སྟེ། བུམ་པའི་ཆུས་དབང་བསྐུར་ཞིང་མཆོད་ནས། ཨོཾ་ན་མཿསརྦ་བུདྡྷཱ་བོ་དྷི་སཏྭཱ་ནཱཾ་ཨཱ་ཙནྡྲ་ཙྪ་ཏྲ་བ་ལི་སྭཱ་ཧཱ། འདིས་
ལན་བརྒྱ་རྩ་བརྒྱད་ཀྱིས་ལྷག་པར་གནས་པར་བྱས་ལ་གདུགས་རབ་ཏུ་གནས་པར་བྱའོ། །དེ་བཞིན་དུ་ཨོཾ་ཡིག་ལས་བྱུང་བའི་གསེར་ལས་བྱས་པའི་དབྱུག་པ་ཤིན་ཏུ་མཛེས་པ་ལ་བཀྲ་ཤིས་པའི་རང་བཞིན་སྟོན་ཀའི་ཟླ་བའི་འོད་ལྟར་དཀར་བར་རྔ་ཡབ་རྣམ་པར་བསམས་

62-1-356b

ལ་དེ་དང་མཚུངས་པའི་ཡེ་ཤེས་སེམས་དཔའ་རང་གི་སྙིང་གའི་ས་བོན་གྱི་འོད་ཟེར་གྱིས་བཀུག་ལ་དམ་ཚིག་སེམས་དཔའི་ནང་དུ་བསྒོམ་མོ། །བུམ་པའི་ཆུས་དབང་བསྐུར་ལ་ཡང་དག་པར་མཆོད་ནས། ཨོཾ་ཙཱུ་རུ་ཙ་མ་རི་སྭཱ་ཧཱ། ཞེས་པའི་སྔགས་ཀྱིས་ལན་བརྒྱ་རྩ་བརྒྱད་ལྷག་པར་
གནས་པར་བྱའོ་ཞེས་པ་ནི་རྔ་ཡབ་རབ་ཏུ་གནས་པའོ། །དེ་བཞིན་དུ་སིཾ་ཡིག་ལས་སྐྱེས་པའི་སེང་གེ་དང་ཨ་ཡིག་ལས་བསྐྱེད་པའི་གཞན་གྱིས་མི་ཐུབ་པ་དང་། ཀ་ཡིག་ལས་བསྐྱེད་པའི་རིན་པོ་ཆེའི་བུམ་པ་དང་། མ་ཡིག་ལས་བསྐྱེད་པའི་ཉ་དང་རྨ་བྱ་དང་
རི་དྭགས་དང་ཆུ་སྲིན་ལ་སོགས་པ་དང་། ག་ཡིག་ལས་བསྐྱེད་པའི་ནམ་མཁའ་ལྡིང་དང་། པཾ་ཡིག་ལས་བསྐྱེད་པའི་པདྨ་དང་། ཨཱ་ཡིག་ལས་བསྐྱེད་པའི་མེ་ལོང་དང་། ཨ་ཡིག་ལས་བསྐྱེད་པའི་སྣ་ཚོགས་རྡོ་རྗེ་དང་། ཁྱུ་མཆོག་དང་ཧཱུཾ་ཡིག་ལས་བསྐྱེད་པའི་རྡོ་རྗེ་
དང་། ཏྲཾ་ཡིག་ལས་བསྐྱེད་པའི་རིན་པོ་ཆེ་དང་། ཧཾ་ཡིག་ལས་བསྐྱེད་པའི་ངང་པ་ལ་སོགས་པས་མཚན་པའི་དམ་ཚིག་སེམས་དཔར་བསྒོམས་ལ། དེ་དང་མཚུངས་པའི་ཡེ་ཤེས་སེམས་དཔའ་རང་གི་སྙིང་གའི་ས་བོན་གྱི་འོད་ཟེར་གྱིས་བཀུག་ལ་དམ་ཚིག་སེམས་དཔའི་ནང་དུ་
བསྒོམ་མོ། །བུམ་པའི་ཆུས་དབང་བསྐུར་ལ་ཡང་དག་པར་མཆོད་ནས། ཨོཾ་ཨཱཿབཛྲ་དྷཱ་ཛ་བ་ཏི་ཛ་ཡོཏྟ་རི་སྭཱ་ཧཱ། འདིས་ལན་བརྒྱ་རྩ་བརྒྱད་ལྷག་པར་གནས་པར་བྱའོ་ཞེས་པ་ནི་རྒྱལ་མཚན་གྱི་རབ་ཏུ་གནས་པའོ།།      །།དེ་བཞིན་དུ་པཾ་ཡིག་ལས་བསྐྱེད་པའི་
རབ་ཏུ་གསལ་བར་བྱེད་པའི་རབ་ཏུ་ཚ་བར་སྐྱེས་པའི་བ་དན་དམ་ཚིག་སེམས་དཔའི་སྐུར་བསྒོམས་ལ། དེ་དང་མཚུངས་པའི་ཡེ་ཤེས་སེམས་དཔའ་རང་གི་སྙིང་གའི་ས་བོན་གྱི་འོད་ཟེར་གྱིས་བཀུག་ལ་དམ་ཚིག་སེམས་དཔའི་ནང་དུ་བསྒོམས་ནས་བུམ་པའི་ཆུས་
བསངས་ལ་ཡང་དག་པར་མཆོད་ནས། ཨོཾ་ཨཱཿབཛྲ་ཀེ་ཏུ་བཛྲ་པ་ཏཱ་ཀེ་ཨ་དྷི་ཏིཥྛ་པཾ་སྭཱ་ཧཱ། འདིས་ལན་བརྒྱ་རྩ་བརྒྱད་ཡོངས་སུ་བཟླས་པར་བྱའོ། །འདི་ནི་བ་དན་རབ་ཏུ་གནས་པའོ།།      །།དེ་ནས་དཀྱིལ་འཁོར་པ་དང་ལྷའི་གནས་ཀྱི་བདག་པོ་རྣམས་དང་འཇིག་

62-1-357a

རྟེན་སྐྱོང་བ་དང་ལྟད་མོ་པའི་སྐྱེ་བོ་རྣམས་དང་བཟོ་བོ་དང་། སློབ་དཔོན་དང་ཆོས་སྒྲོགས་པ་ལ་སོགས་པའི་སྐྱེ་བོ་རྣམས་ཇི་ལྟར་འོས་པའི་མཆོད་པས་མཆོད་ནས་སྔོན་དུ་གསུངས་པའི་ཆོ་གས་གཏོར་མ་ཆེན་པོ་ཡང་དབུལ་བར་བྱའོ། །གང་དུ་
གྲོང་དང་གྲོང་ཁྱེར་དང་གཙུག་ལག་ཁང་ལ་སོགས་པ་རྣམས་སུ་མཆོད་རྟེན་དང་སྐུ་གཟུགས་དང་། རྒྱལ་མཚན་ལ་སོགས་པ་རྣམས་རྙིངས་པ་དང་གས་པ་དང་མེས་ཚིག་པ་དང་ཞིག་པ་ལ་སོགས་པ་ལ་ལྷ་རྣམས་གནས་པ་དེ་ལ་གནས་པའི་སེམས་ཅན་རྣམས་ཀྱི་ཡུལ་ཞིག་
ནས་ནགས་སུ་གྱུར་པ་དང་། འཁྲུག་པ་དང་མུ་གེ་དང་། སྐྱེ་བོས་སྟོངས་པ་ལ་སོགས་པའི་ཉེས་པ་རྣམས་འབྱུང་བར་འགྱུར་བའི་ཕྱིར་ན། ཞིག་པ་རྣམས་ཆོ་གས་གསོ་བར་བྱའོ། །དེ་ལ་སློབ་དཔོན་ཏིང་ངེ་འཛིན་གསུམ་གྱི་རྣལ་འབྱོར་དང་ལྡན་པས་མཆོད་ཡོན་
དང་མེ་ཏོག་དང་། བདུག་སྤོས་དང་། དྲི་དང་མར་མེ་དང་། ཞལ་ཟས་ལ་སོགས་པས་ཡང་དག་པར་མཆོད་ནས་འདིས་གསོལ་བ་གདབ་པར་བྱའོ། །བཅོམ་ལྡན་རྡོ་རྗེ་ཆེ་གེ་མཆོག །རིག་པའི་རྒྱལ་པོ་ཁྱེད་ལ་འདུད། །མགོན་པོ་ལེགས་པར་བྱ་བའི་ཕྱིར། །ཞིག་
ལས་གསོ་བར་བདག་གིས་བགྱི། །སེམས་ཅན་ཀུན་ལ་ཕན་དོན་ཕྱིར། །ཁྱེད་རྣམས་ལ་ནི་མཆོད་པར་བགྱི། །ཡེ་ཤེས་བདུད་རྩིའི་རང་བཞིན་གྱི། །བུམ་པའི་ནང་དུ་རབ་ཏུ་གཞུག །ཅེས་པས་སོ། །དེ་ནས་རང་ཉིད་ཀྱི་སྐུ་ལ་དེའི་སྙིང་གའི་ས་བོན་བལྟས་ལ་ལག་
པ་གཡོན་པས་བགྲང་ཕྲེང་འཛིན་ཞིང་དེ་དང་བཅིངས་པའི་སྐུད་པ་སྣ་ལྔ་རྡོ་རྗེ་དང་བཅས་པ་ལག་པ་གཡས་པས་བཟང་ནས་རང་རང་གི་སྔགས་ཀྱིས་ལན་བརྒྱ་རྩ་བརྒྱད་ཡོངས་སུ་བཟླས་ལ་ཧོཿཡིག་གཉིས་ཀྱི་བར་དུ་ས་བོན་བུམ་པ་ལ་རབ་ཏུ་གཞུག་པར་བྱའོ། །དེ་
ནས་སྔོན་དུ་གསུངས་པའི་རིམ་པས་སྦྱིན་སྲེག་བྱས་ནས་ཁྱུ་མཆོག་ཐག་པས་བཏགས་ནས་སྣོད་ལ་སོགས་པ་རྣམས་ཀྱིས་བསྐྱོད་པར་བྱའོ། །དེ་ནས་དེ་ལ་བུམ་པ་ནི་གནས་དབེན་པར་བཞུགས་ལ་རྟག་ཏུ་མེ་ཏོག་ལ་སོགས་པ་རྣམས་ཀྱིས་ཡང་དག་པར་མཆོད་པར་

62-1-357b

བྱའོ། །གང་ཞིག་མཆོད་རྟེན་ལ་སོགས་པ་རྡོ་རྗེའི་རང་བཞིན་ཆག་པ་དང་གས་པ་དང་ཞིག་པ་མང་པོར་གྱུར་པ་དེ་རྣམས་གཙང་པོའི་ཆུ་ཆེན་པོ་ལ་ཟམ་པ་ལ་སོགས་པ་ནས་གཤེགས་པར་བྱའོ། །གང་དང་གང་ཞིག་སའི་རང་བཞིན་གྱི་མཆོད་རྟེན་ལ་སོགས་པ་གང་གིས་མངོན་
པར་འདུས་བྱས་པ་རྣམས་སླར་ཡང་སྦྱར་བར་མི་བྱ་བར་དེ་ལ་དེ་ཉིད་དུ་གཤེགས་པར་བྱའོ། །གང་དུ་གང་ཤིང་གི་རང་བཞིན་རྙིངས་པ་རྣམས་དེ་དང་དེ་མར་གྱིས་བརླན་པའི་གོས་ཀྱིས་ཡོངས་སུ་དཀྲིས་ལ་སྦྱིན་སྲེག་གི་མེ་ལ་བསྲེག་པར་བྱའོ། །གང་དུ་དེ་ཟངས་མ་ལ་
སོགས་པའི་རང་བཞིན་དེ་ཡོངས་སུ་བཞུ་ནས་སྔོན་མའི་ཚད་པས་མ་ཆད་པར་བྱའོ། །དེ་ནས་མཆོད་རྟེན་ལ་སོགས་པ་ཡོངས་སུ་གྲུབ་ནས་མཆོད་ཡོན་ལ་སོགས་པའི་མཆོད་པ་སྔོན་དུ་འགྲོ་བས་སྔོན་དུ་གནས་པའི་བུམ་པ་ལ་ཡེ་ཤེས་ཀྱི་བདུད་རྩིའི་ངོ་བོ་ཡེ་ཤེས་སེམས་
དཔའ་གདན་དྲངས་ནས་མཆོད་རྟེན་ལ་སོགས་པའི་དམ་ཚིག་སེམས་དཔའ་ནང་དུ་བསྒོམ་པར་བྱའོ། །དེ་ནས་བུམ་པའི་ཆུས་མངོན་པར་དབང་བསྐུར་ལ་རང་གི་སྔགས་ཀྱིས་ལན་བརྒྱ་རྩ་བརྒྱད་ཀྱིས་ལྷག་པར་གནས་པར་བྱས་ནས་སྔོན་དུ་གསུངས་པའི་རིམ་པས་མེའི་མཆོད་
པ་དང་རབ་ཏུ་གནས་པར་བྱའོ་ཞེས་པ་ནི་ཞིག་པ་གསོ་བའི་ཆོ་གའོ།།      །།ད་ནི་དཀྱིལ་འཁོར་གཤེགས་སུ་གསོལ་བ་བརྗོད་པར་བྱ་སྟེ། དེ་ལ་སློབ་མ་རྣམས་ལ་མེའི་ལྷ་དང་། འཇིག་རྟེན་སྐྱོང་བ་དང་། འཕགས་པའི་བཟོ་བོ་དང་། ཆོས་སྒྲོགས་པ་ལ་སོགས་པ་རྣམས་
མཆོད་པར་བྱ་ཞིང་ལྟད་མོ་བ་རྣམས་སོ་རྩི་ལ་སོགས་པས་ཚིམ་པར་བྱ་ཞིང་། སློབ་མའི་ཞི་བ་དང་། རྒྱས་པ་རྣམ་པར་འཕེལ་བར་བྱ་བའི་ཕྱིར་མཐེ་བོང་གཡས་པ་ལག་པ་གཡོན་པས་བཟུང་ནས་རྫས་སོ་སོའི་དགང་བླུགས་ལན་གསུམ་མམ་བདུན་དུ་དབུལ་བར་བྱ་ཞིང་དབུལ་དུ་
གཞུག་གོ། །དེ་ནས་དཱུཪྺའི་ཀུནྡ་དང་། འབྲས་མ་ཉམས་པ་དང་། མར་མེ་ལ་སོགས་པ་ཕུལ་ནས་ཡོངས་སུ་གང་བའི་དགང་བླུགས་གསུམ་མམ་ལན་བདུན་གྱི་བར་དུ་ཕུལ་ནས་བཟོད་པ་གསོལ་བར་བྱའོ། །སྦྱིན་བདག་གི་ཚོགས་རྣམས་ལ་བུམ་པའི་ཆུས་དབང་བསྐུར་

62-1-358a

ནས་ཤིས་པ་བརྗོད་པར་བྱའོ། །དེ་ནས་ལེགས་པར་བཀྲུས་པའི་སྣོད་དུ་སྦྱིན་སྲེག་གི་མར་གྱི་ལྷག་མ་སྦྲང་དང་། འོ་མ་དང་། ཕྱིའི་བུ་རམ་དང་། ཀ་ར་ལ་སོགས་པ་རྣམས་ཀྱིས་བསྲེས་ལ་བདུད་རྩི་རབ་ཏུ་བསྒྲུབ་པར་བྱ་སྟེ། རང་གི་ལྷ་རྣམས་
ཀྱི་སྔགས་ཀྱིས་རབ་ཏུ་བསྒྲུབ་པར་བྱའོ། །ཕུད་ཀྱི་ཆ་གསེར་ལ་སོགས་པའི་སྣོད་དུ་བཞག་ལ། ཨོཾ་དི་བྱཱ་ནྣཾ་ས་མཱ་དྷི་པྲཱི་ཎ་ནེ་སྭཱ་ཧཱ། སྔགས་འདིས་ལྷ་ལ་སོགས་པ་རྣམས་ལ་དབུལ་བར་བྱའོ། །སྔོན་དུ་གསུངས་པའི་ཆོ་གས་ཕྱོགས་ཀྱི་གཏོར་མ་ཆེན་པོ་ཡང་
ཕུལ་ནས་དགེ་བ་ཡོངས་སུ་བསྔོ་བ་དང་། དཀྱིལ་འཁོར་གྱི་འཁོར་ལོ་བསྐོར་བ་གསུམ་བྱས་ལ་བཅོམ་ལྡན་འདས་ལ་མངོན་པར་ཕྱོགས་པར་གནས་ཏེ་ཡི་གེ་བརྒྱ་པ་ལན་གསུམ་དུ་བརྗོད་པས་བཟོད་པ་གསོལ་བར་བྱའོ། །རྫོགས་སངས་རྒྱས་དང་ལྷ་རྣམས་
དང་། །དེ་སྲས་རྣམས་དང་ཚངས་ལ་སོགས། །འཇིག་རྟེན་སྐྱོང་བ་ཐེག་འབྱུང་རྣམས། །ཆོ་གའི་བྱ་རྣམས་བཟོད་པར་མཛོད། །སངས་རྒྱས་ཡུལ་དུ་གཤེགས་ནས་ཀྱང་། །སླང་ཡང་འབྱོན་པ་ཉིད་དུ་ཞུ། །ཨོཾ་ཨཱཿཧཱུཾ་བཛྲ་མུཿཞེས་པ་འདིས་ཡེ་
ཤེས་ཀྱི་འཁོར་ལོ་གཤེགས་ནས་སྤྲུལ་པའི་དཀྱིལ་འཁོར་གྱི་འཁོར་ལོའི་བདག་ཉིད་ཀྱི་ནང་དུ་བསྒོམ་མོ། །ཨོཾ་ཨ་ཀཱ་རོ་མུ་ཁཾ་སརྦ་དྷརྨཱ་ཎཱཾ་ཨཱ་དྱ་ནུཏྤནྣ་ཏྭཱཏ་ཨོཾ་ཨཱཿཧཱུཾ་མུཿཞེས་བརྗོད་ནས་ཆོས་ཐམས་ཅད་སྐྱེ་བ་མེད་པར་ལྷག་པར་མོས་པར་བྱས་ནས་དྲིལ་
བུ་དཀྲོལ་ཞིང་རྡོ་རྗེ་དང་བཅས་པའི་ལག་པས་ཚངས་པའི་ཐིག་གི་ལམ་གྱིས་གཙོ་བོའི་གནས་སུ་དབྱི་བར་བྱའོ། །སྦྱིན་བདག་གི་སྤྱི་བོར་རྡུལ་ཚོན་གྱི་ཕྱེ་མ་ཅུང་ཟད་ཙམ་བྱིན་ནས་པདྨ་ལ་སོགས་པ་ཡང་དབྱི་བར་བྱའོ། །དེ་ནས་སྒོ་རྣམས་དང་ཟུར་རྣམས་ཀྱང་ལག་
པ་ལ་གནས་པའི་རྡོ་རྗེས་ཉེ་བར་བཤིག་པར་བྱའོ། །དེའི་རྗེས་ལ་རྡོ་རྗེ་ལ་འཁྱུད་པའི་མཐེ་བོ་གཉིས་དང་རབ་ཏུ་ཞུགས་པའི་མཛུབ་མོ་གཉིས་ཀྱི་སྐམ་པས་འཁྱིལ་པའི་རྣམ་པར་བྱས་ཏེ་ཕུར་བུའི་རྩེ་མོར་དེ་ཉིད་ཀྱི་སྔགས་བརྗོད་ནས་ཕུར་བུ་རྣམས་གདོན་པར་

62-1-358b

བྱའོ། །སྔགས་ནི་ཨོཾ་བཛྲ་ཀཱི་ལཱི་ཀཱི་ལཱ་ཡ་སརྦ་ཀཱི་ལཱ་ན་བཛྲ་དྷ་རཱ་ཛྙཱ་པ་ཡ་ཧཱུཾ་ཧཱུཾ་ཕཊ་ཧོ། དེ་ནས་ཨོཾ་རུ་རུ་སྥུ་རུ་ཛྭ་ལ་ཏིཥྛ་སིདྡྷ་ལོ་ཙ་ནེ་སརྦཱརྠ་སཱ་དྷ་ནི་སྭཱ་ཧཱ། འདིས་བརྒྱ་རྩ་བརྒྱད་མངོན་པར་བསྔགས་ནས་འོ་མས་བཀྲུ་བར་བྱའོ། །ཕུར་བུའི་ལྷ་རྣམས་གཤེགས་ནས་དོང་རྣམས་དགང་བར་བྱའོ། །ཞིང་
ལ་སོགས་པའི་དོན་དུ་སློང་བ་རྣམས་ལ་རྡུལ་ཚོན་ཅུང་ཟད་སྦྱིན་པར་བྱའོ། །རྡུལ་ཚོན་གཞན་ཐམས་ཅད་ནི་བུམ་པའི་ནང་དུ་བླུགས་ཏེ་བཟུང་ནས། གླང་པོ་ཆེའི་སྟེང་མ་འདོ་ལི་ལ་སྦྱིན་བདག་གིས་བྱིན་པའི་གོས་ཀྱིས་བརྒྱན་པའི་རྣལ་འབྱོར་མས་བཟུང་སྟེ། གདུགས་དང་བ་དན་
དང་རོལ་མོ་ལ་སོགས་པས་གདན་དྲངས་ནས་བའི་ལྕི་བས་བྱུགས་ཏེ་གཙང་པོ་ཆེན་པོའི་འགྲམ་དུ་འདུག་ནས་རྡུལ་ཚོན་དཀར་པོས་པདྨ་འདབ་མ་བརྒྱད་པ་བྲིས་ལ་པདྨའི་ཟེ་འབྲུ་ལ་ཨོཾ་ཨཱཿབ་རུ་ཎཱ་ཡ་ཧཱུཾ་སྭཱ་ཧཱ། ཤར་ལ་སོགས་པའི་པདྨའི་འདབ་མ་རྣམས་ལ། ཨོཾ་ཨཱཿཨཱ་ནནྡ་ཡ་ཧཱུཾ་སྭཱ་ཧཱ། ཨོཾ་ཨཱཿ
པདྨཱ་ཡ་ཧཱུཾ་སྭཱ་ཧཱ། ཨོཾ་ཨཱཿཏཀྵ་ཀཱ་ཡ་ཧཱུཾ་སྭཱ་ཧཱ། ཨོཾ་ཨཱཿབ་སུ་ཀི་ནེ་ཧཱུཾ་སྭཱ་ཧཱ། ཨོཾ་ཨཱཿམ་ཧཱ་པདྨ་ཡ་ཧཱུཾ་སྭཱ་ཧཱ། ཨོཾ་ཨཱཿཤཾ་ཁ་པཱ་ལ་ཡཱ་ཧཱུཾ་སྭཱ་ཧཱ། ཨོཾ་ཨཱཿཀརྐོ་ཊཱ་ཡ་ཧཱུཾ་སྭཱ་ཧཱ། ཨོཾ་ཨཱ་ཀུ་ལི་ཀཱ་ཡ་ཧཱུཾ་སྭཱ་ཧཱ། ཞེས་པ་འདིས་ཀླུ་རྣམས་བཀོད་ལ་ཡང་དག་པར་མཆོད་ནས། ཨོཾ་ཨཱ་ནནྡ་བཱ་སུ་ཀི། 
ཏཀྵ་ཀཀྐོ་ཊ། པདྨ་མ་ཧཱ་པདྨ། ཤཾ་ཁ་པཱ་ལ་གུ་ལི་ཀ །བ་རུ་ཎ་ཡ། དེ་བ་ཏི། མ་ཧཱ་དེ་བ་ཏི། སོ་མ་ཤི་ཁཱི་མ་ཧཱ་སོ་མ་ཤི་ཁཱི། དཎྜ་དྷ་ར་མ་ཧཱ་དཎྜ་དྷ་ར་ཨ་བ་ལཱ་ལ། ཧུ་ལུ་ཧུ་ལུ། ནནྡོ་པ་ནནྡ་སཱ་ག་ར་མ་ཧཱ་སཱ་ག་ར། ཨ་ན་བ་ཏཔྟ་མ་ཧཱ་ཏཔྟ། ཤྲཱི་ཀཱནྟ་མ་ཧཱ་ཀཱནྟ་རཏྣ་ཀཱནྟ། སུ་རཱུ་པ་མ་
ཧཱ་སུ་རཱུ་པ། བྷ་དྲཱ་ཧི་ཀ །མ་ཧོ་ར་ག་ཤི་ལི་མ་ཧཱ་ཤི་ལི་ཨཱ་གཙྪ་ཨཱ་གཙྪ། མ་ཧཱ་ནཱ་གཱ་དྷི་པ་ཏི་ཡོ་བྷུར་བྷུ་བཿཧཱུཾ་ཕཊ་སྭཱ་ཧཱ། འདིས་ཀླུ་རྣམས་ལ་འོ་མའི་གཏོར་མ་ཕུལ་ནས་མཆོད་པ་བྱས་ནས་ཀླུ་རྣམས་ལ་རྡུལ་ཚོན་རྣམས་ཡང་དག་པར་གཏད་པར་བྱའོ། །ཨོཾ་གཱི་ལི་གཱི་ལི་ཧཱུཾ་ཛཿསྭཱ་ཧཱ། སྔགས་འདིས་རབ་
ཏུ་དོར་བར་བྱའོ། །དེ་ནས་ཀླུ་རྣམས་ཀྱིས་བཀུར་སྟི་ཆེན་པོས་ས་འོག་གི་མཐིལ་དུ་གདན་དྲང་བར་བསམ་པར་བྱའོ། །གང་དུ་རྡུལ་ཚོན་ཁྱེར་བའི་བུམ་པ་ཆུས་ཡོངས་སུ་བཀང་ནས་དེ་བཞིན་དུ་ཁྱེར་བར་བྱས་ནས་དེས་ཞི་བར་བྱ་བའི་དོན་དུ་དཀྱིལ་འཁོར་ཁང་པ་ལ་སོགས་པ་བསང་ཞིང་

62-1-359a

གཏོར་བར་བྱའོ། །བའི་ལྕི་བས་དཀྱིལ་འཁོར་གྱི་ཁང་པ་བྱུགས་ལ་གཞོན་ནུ་མའི་མཆོད་པ་བྱའོ། །སྦྱིན་བདག་གིས་སློབ་དཔོན་དང་སྒོ་ན་གནས་པའི་སློབ་དཔོན་དང་ལས་ཀྱི་རྡོ་རྗེ་དང་། བཟོ་བོ་རྣམས་ལ་ཇི་ལྟར་འོས་ཤིང་ཇི་ལྟར་ནུས་པའི་གོས་ལ་སོགས་པ་དང་། 
སོ་རྩི་ལ་སོགས་པ་རྣམས་ཀྱིས་མཉེས་པར་བྱའོ་ཞེས་པ་ནི་དཀྱིལ་འཁོར་གཤེགས་སུ་གསོལ་བའི་ཆོ་གའོ།།      །།དེ་ནས་མཚན་མོའི་དུས་ཀྱི་ཚོགས་ཀྱི་འཁོར་ལོའི་ཆོ་ག་བྲི་བར་བྱ་སྟེ། དེ་ལ་དབང་བསྐུར་ལ་གསུངས་པའི་བརྟུལ་ཞུགས་དང་ལྡན་པ་ཁྱིམ་ན་གནས་པ་དང་རྣལ་འབྱོར་མ་
རྣམས་དང་དམ་ཚིག་ཀུན་ནས་སྤྱོད་ཅིང་ཡོངས་སུ་སྐྱོང་བ་ཅན་ནོ། །སྐལ་བ་ཅན་དེ་རྣམས་ལ་ལས་ཀྱི་རྡོ་རྗེ་ཅན་གྱིས་སོང་ནས་དེ་རྣམས་ཀྱི་མདུན་དུ་མཎྜལ་བྱས་ནས་སྙན་གསན་དབབ་པར་བྱའོ། །ཡེ་ཤེས་སྐུ་ཅན་ཁྱེད་ལ་འདུད། །སྲིད་པ་ལས་སྒྲོལ་ཁྱེད་ལ་འདུད། །དི་རིང་བདག་ཁྱིམ་མཆོད་
དོན་ལ། །བདག་ནི་གསོལ་བ་འདེབས་བགྱིད་དོ། །ཞེས་པ་འདིས་སྙན་གསན་དབབ་པར་བགྱིའོ། །དེ་ནས་བྱོན་པ་ན་དེ་རྣམས་ཀྱི་ཞབས་ལ་དུརྺའི་ཀུནྡ་དང་། འབྲས་མ་ཉམས་པ་དང་ཙནྡན་ལ་སོགས་པའི་མཆོད་ཡོན་དབུལ་བར་བྱ་སྟེ། དེ་ཡང་དྲི་བཟངས་སོ། །ཨུ་ཤཱི་ར་དང་། བ་ལ་
ཀ་དང་། ཙནྡན་དཀར་པོ་དང་། སྤང་སྤོས་དང་། པྲི་ཡང་ཀུ་དང་ཆ་མཉམ་པ་རྣམས་ནི་ཡང་དག་པར་བཏགས་ལ་དེ་རྣམས་ཀྱིས་བསྲེས་པའི་དྲི་མ་མེད་པའི་ཆུས་ཁྲུས་བྱའོ། །རྒན་རིམས་བཞིན་དུ་གོ་རིམས་ཀྱིས་འཇུག་པར་བྱའོ། །ཡོངས་སུ་བརྟགས་པའི་གདན་རྣམས་ལ་འཇུག་པར་
བྱའོ། །འདིར་རྒན་པ་ནི་རིམ་པ་བཞིན་དུ་ལྔ་སྟེ་དབང་གིས་རྒན་པའི་གོ་རིམས་ནི་གཅིག་གོ། །བརྟུལ་ཞུགས་ཀྱིས་རྒན་པའི་གོ་རིམས་ནི་གཉིས་པའོ། །ཡེ་ཤེས་ཀྱིས་རྒན་པའི་གོ་རིམས་ནི་གསུམ་པའོ། །སྐྱེ་བས་རྒན་པའི་གོ་རིམས་ནི་བཞི་པའོ། །རིག་པས་རྒན་པའི་གོ་རིམས་
ནི་ལྔ་པའོ། །རྗེས་སུ་མཐུན་པའི་མེ་ཏོག་དྲི་བཟང་པོས་དྲི་དང་། ཕྲེང་བ་དང་སྣང་གསལ་དང་ལྡེ་གུ་དང་། མཆོད་ཕྱིར་ཐོགས་དང་ཞལ་ཟས་དང་། འབྲས་ཕྱེ་སེར་པོ་དང་གཏོར་མ་དང་སོ་རྩི་ལ་སོགས་པ་མང་པོ་དང་འབྲས་བུ་དང་། ཤིང་ཐོག་དང་ཕྱེ་མ་ལ་སོགས་པ་རྣམས་དང་། སྣ་ཚོགས་

62-1-359b

པའི་ཆང་དང་། ཤའི་རྣམ་པ་རྣམས་ཡང་དག་པར་བསོགས་ནས། །དེ་ནས་ན་མོ་ནི་ཤཱ་བཻ་ར་བཱ་ཡ་ཙི་རི་ཙི་རི། སི་རི་སི་རི། ཀི་རཱ་ཏ་རུ་སེ་ཎ་ས་ར་པཱ་དཱི་ནཱཾ་ཏུཎྜཾ་བནྡྷཱ་ཡ་ཧཱུཾ་སྭཱ་ཧཱ། སྔགས་འདི་ལན་ཉི་ཤུ་རྩ་གཅིག་བཟླས་ནས་ཚོགས་པ་འདུས་པའི་གནས་ཀྱི་ཕྱི་རོལ་དུ་མཚམས་བཞིར་
གཏང་བར་བྱའོ། །དེ་ནས་སྔགས་འདིས་གཏོར་མ་དགོད་པར་བྱ་སྟེ། ཨཱཿཡིག་ལས་བྱུང་བའི་རྒྱ་མཚོའི་རང་བཞིན་དུ་གཏོར་མའི་སྣོད་དོ། །དེའི་སྟེང་དུ་ཟས་ནི་ཨོཾ་ཡིག་ལས་བྱུང་བའི་རི་རབ་ཀྱི་རང་བཞིན་ནོ། །ཧཱུཾ་ཡིག་ལས་བྱུང་བའི་རླུང་ལྔའི་རང་བཞིན་གྱི་བ་དན་
ལྔའོ། །སུ་ཡིག་ལས་བྱུང་བའི་ནོར་རྒྱས་ཀྱི་ངོ་བོ་མཆོད་ཕྱིར་ཐོགས་སོ། །ཧཾ་ཡིག་ལས་བྱུང་བའི་མེ་ཏོག་གི་ཕྲེང་བ་སྣ་ཚོགས་པའོ། །རཾ་ཡིག་ལས་བྱུང་བའི་མ་དང་ཊ་ཡིག་དག་གི་མིག་གི་རི་མོ་དག་གོ། །ཨོཾ་ཡིག་ལས་བྱུང་བའི་ཏིལ་ལ་སོགས་པའི་ཕྱེ་མའོ། །ཏྲཾ་ཡིག་ལས་
བྱུང་བའི་རཀྟའོ། །ཧྲཾ་ཡིག་ལས་བྱུང་བའི་ཉའོ། །ཁཾ་ཡིག་ལས་བྱུང་བའི་ཤའོ། །ཧཱུཾ་ཡིག་ལས་བྱུང་བའི་ཁ་དོག་ཐམས་ཅད་པའོ། །དེ་རྣམས་ཁྲག་དང་ཉ་དང་ཤ་དང་མིག་དང་མཆོད་ཕྱིར་ཐོགས་པ་དང་། བ་དན་གྱིས་མཚན་པ་རྣམས་ནི་གོ་རིམས་ཇི་ལྟ་བ་བཞིན་ནོ། །རབ་
ཏུ་འགྲོ་དང་ཆུ་བདག་ཀོ་ལཱའི་རི་དང་། ཨཊྚཱཊྚ་དགོད་རྒྱལ་བར་བྱེད་པ་ཉེ་བར་རྒྱལ་བྱེད་ཙ་རི་ཏྲ་དང་ཀོ་ཙཱི་ཆར་པ་རྣམས་རྒྱུད་ལས་གསུངས་པའི་རིམ་པས་དམ་ཚིག་གི་རི་ལུ་རྣམས་བསྒྲུབས་ནས་ཁར་བཅུག་སྟེ་ཆང་ལྷག་པར་གནས་པ་དང་། ལྕགས་ཀྱུ་ལྷག་པར་གནས་པ་ཡང་བྱའོ། །དེ་
ལ་ཀླུ་རིགས་བརྒྱད་ཀྱི་གཟུགས་ཀྱི་པདྨ་འདབ་མ་བརྒྱད་པའི་སྟེང་དུ་སུཾ་ལས་གཏོར་མའི་སྣོད་ཀྱི་གདན་ནོ། །དེའི་སྟེང་དུ་བཾ་ཡིག་ལས་བྱུང་བའི་ཆུ་བདག་གི་རང་བཞིན་གྱི་སྣོད་དོ། །དེའི་ནང་དུ་ཧཱུཾ་ཡིག་ལས་བྱུང་བའི་བྱང་ཆུབ་སེམས་ཀྱི་ཡེ་ཤེས་ཀྱི་བདུད་རྩིའི་རང་བཞིན་དུ་རྣམ་པར་
བསྒོམས་ནས་མེ་ཏོག་གི་ཕྲེང་བ་དང་མཆོད་ཕྱིར་ཐོགས་ཀྱིས་མགུལ་དུ་བརྒྱན་ནས་ཙནྡན་གྱི་ལྡེ་གུ་དང་། གུར་ཀུམ་གྱིས་རྣམ་པར་བྱུགས་ནས་མིག་དང་སིནྡྷུ་རས་རྣམ་པར་བརྒྱན་པར་བྱའོ། །སླར་ཡང་ཆང་དེ་བཞིན་དུ་ལྷག་པར་གནས་པར་བྱའོ། །ཨཱཿཡིག་ལས་བྱུང་བའི་བདུད་

62-1-360a

རྩིའི་རང་བཞིན། ཧ་ཡིག་ལས་བྱུང་བའི་ཁ་དོག་ཧོཿཡིག་ལས་བྱུང་བའི་རླུང་གིས་དྲི་ངན་པ་རྣམས་བསལ་ནས། ཨོཾ་ཨཱཿཧཱུཾ་འདིས་ལྷག་པར་གནས་པར་བྱའོ། །སླར་ཡང་ཧ་ཧོཿཧྲིཿཨཿསྭཱ་ཧཱ། འདིས་ལག་པ་གཡོན་པའི་མཐེ་བོ་དང་མིང་མེད་སྦྱར་ནས་དཀྲུགས་ཏེ་
དབུས་སུ་ཆོས་འབྱུང་མངོན་པར་བྲི་བར་བྱའོ། །ཨོཾ་ཨ་མྲྀ་ཏེ་ཨ་མྲྀ་ཏེ་སཾ་བྷ་བེ་ཨེ་ཧྱེ་ཧི་ཨ་མྲྀ་ཏེ་པྲ་བ་ཤཱ་ཡ་ཧྲཱིཿཧཱུཾ། འདིས་ལན་གསུམ་མམ་ཉི་ཤུ་རྩ་གཅིག་གིས་བདུད་རྩི་དགུག་པར་བྱའོ། །ཨོཾ་ཧཱུཾ་ཛུཾ་གྲུཾ་ཤྲུཾ་ཧྲཾ་སྭཱ་ཧཱ། འདིས་ལྕགས་ཀྱུ་ལྔ་ལྷག་པར་གནས་པར་བྱའོ། །གྲུབ་
པ་རྣམས་ཀྱི་སྔགས་བཟང་པོ། །དཔའ་བོའི་ཆོས་འདི་གཟུང་བར་གྱིས། །བྲམ་ཟེ་རྒྱལ་རིགས་གདོལ་པ་རྣམས། །རྣམ་པ་གཅིག་ཏུ་འཇུག་པར་གྱིས། །ཚིགས་སུ་བཅད་པ་འདི་བརྗོད་ཅིང་། །མི་མོ་ཞལ་གྱི་པདྨ་ཅུང་ཟད་དམར་ཞིང་ནུ་མ་མཁྲེགས་ཤིང་རྒྱས་པ་ཟུང་ལྡན་རྒྱན་རྣམས་
ཀུན་གྱིས་རྣམ་པར་བརྒྱན། ཤིན་ཏུ་ཡོན་ཏན་རྒྱ་ཆེན་དང་ལྡན་ཡིད་ཀྱི་མི་མཐུན་ཕྱོགས་བོར་རྣམ་པར་དུལ་བཅས་བཙུན་མོས་བདུད་རྩི་སོ་སོར་དབུལ་བར་བྱའོ། །དེ་ནས། ལེགས་འོངས་ཆོས་ཀྱི་རྒྱལ་པོ་ལ། །རྣལ་འབྱོར་ཡིད་ནི་ཆགས་སྤངས་ནས། །གཉིས་དང་གཉིས་མིན་
རྣམ་གྲོལ་ཁྱོད། །དེ་ཉིད་གཅིག་པ་ཁྱོད་ཕྱག་འཚལ། །ཚིགས་སུ་བཅད་པ་འདིས་པད་སྐོར་སྔོན་དུ་འགྲོ་བས་བླང་བར་བྱའོ། །ཨོཾ་སརྦ་ཏ་ཐཱ་ག་ཏཱ་མྲྀ་ཏེ་སྭཱ་ད་ན་བཛྲ་སྭཱ་བྷཱ་བཱཏྨ་ཀོ྅ཧཾ་ཞེས་བརྗོད་ནས་བདུད་རྩི་མྱང་བར་བྱའོ། །དེ་ནས་སྦྱིན་བདག་གིས་པུས་མོ་གཡས་པའི་ལྷ་ང་ས་ལ་
བཙུགས་ཏེ་སྙིང་གར་ཐལ་མོ་སྦྱར་ནས་བསྟོད་པ་བརྗོད་པར་བྱའོ། །འཁོར་ལོའི་མགོན་པོ་ཁྱོད་ལ་འདུད། །ཡེ་ཤེས་སྩོལ་མཛད་ཁྱོད་ལ་འདུད། །དག་པའི་གཟུགས་ཅན་ཁྱོད་ལ་འདུད། །སྲིད་པ་སྒྲོལ་མཛད་ཁྱོད་ལ་འདུད། །ན་མསྟེ་ཏུ་ན་མསྟེ་ཏུ་ན་མོ་ན་མཿ བདག་
ནི་གུས་པས་ཁྱོད་ཕྱག་འཚལ། །ཚོགས་ཀྱི་འཁོར་ལོ་ཁྱོད་ལ་འདུད། །དེ་ནས་རང་རང་གི་ལྷག་པར་མོས་པའི་དབྱེ་བས་སོ་སོའི་ཏིང་ངེ་འཛིན་གསུམ་བསྒོམ་པ་དང་ལྡན་པས་གཏོར་མ་ཕུལ་ནས་རྡུལ་ཚོན་ཡང་དག་པར་གཤེགས་ཏེ། གང་ཇི་ལྟར་འདུས་པ་ལ་

62-1-360b

སོ་སོར་དྲི་བཟངས་ཀྱི་ཐིག་ལེ་ཕུལ་ནས་དང་པོར་སྟོང་པའི་ངང་ལས་ཙོག་པུར་འདུག་ནས། དེ་ནས་སྐྱུར་མོ་དང་། དེ་ནས་མངར་མོ་དང་། སྤགས་ལ་སོགས་པ་རྣམས་ཕུལ་ནས་ཤཱ་ལིའི་ཟན་དབུལ་བར་བྱའོ། །དེ་ནས་ཞུན་མར་དང་། ཚོད་མ་དང་། སྣ་ཚོགས་པའི་
ཉ་དང་ཤའི་རྣམ་པ་རྣམས་དང་། བཟའ་བ་ལ་སོགས་པ་སྣ་ཚོགས་པ་པིཥྚ་བྷུ་པ་ཀ་དང་། ལ་ངུ་ལ་སོགས་པ་ཁུར་བའི་རྣམ་པ་རྣམས་དབུལ་བར་བྱའོ། །སོ་སོར་རེ་རེ་ནས་ཕུང་པོ་ལས་གསར་པ་རྣམས་གོ་རིམས་བཞིན་དུ་བླངས་ནས་ཆང་དང་ཆུ་དང་། སོ་རྩི་དང་
མེ་ཏོག་གི་ཕྲེང་བ་དང་། མར་མེ་ཡང་དེའི་སྟེང་དུ་ཕུལ་ནས་ལས་ཐམས་ཅད་པའི་སྔགས་བཟླས་ནས་སྒོ་ལ་མངོན་པར་ཕྱོགས་པའི་ས་ཕྱོགས་གཙང་མར་གཏོར་མའི་ཕུང་པོ་གཏང་བར་བྱའོ། །དེ་ནས་སྦྱིན་བདག་གིས་དྲི་བཟངས་ཀྱི་ཆུས་སྔོན་བཞིན་དུ་མཎྜལ་བྱས་ནས་
ཚིགས་སུ་བཅད་པ་གསུམ་པོ་འདིས་གསོལ་བ་གདབ་པར་བྱའོ། །རྣལ་འབྱོར་བདུད་རྩིའི་རོ་གཅིག་བཏུང་བ་རྣམ་དག་སེམས་ཀྱི་ནི། །གནས་ལ་སོགས་པའི་ཕྱོགས་སུ་འཇུག་པས་རྣམ་པར་དག་པའི་ལུས། །དཔལ་གྱི་གནས་དབུས་མཆོག་གི་དཀྱིལ་འཁོར་
འཁོར་ལོའི་མགོན་པོ་སྟེ། །མཆོག་གི་བླ་མ་ལ་ནི་མགོ་བོས་རྟག་ཏུ་ཕྱག་འཚལ་ལོ། །ལྷ་ཡི་ཕྲེང་བས་བརྒྱན་པའི་ལུས་ཅན་རིན་པོ་ཆེ། །ལུས་ཀུན་རྟག་ཏུ་རྣམ་པར་མཛེས་པ་དཔའ་བོ་ཡིས། །འཁོར་ལོ་ལ་གནས་མགོན་པོ་ལྷན་སྐྱེས་དྲི་མེད་པ། །རྟག་ཏུ་རྣལ་
འབྱོར་སྡོམ་པས་འཇུག་ལ་ཕྱག་འཚལ་ལོ། །རྣམ་པ་གཅིག་ཏུ་མཛད་པ་དེ་ཡང་ཁུ་བའི་གནས་ལ་པདྨའི་མཆོག་གི་སྙིང་པོ་ལ། །དེའི་དབུས་ལ་མཆོག་གི་ཧཾ་ས་ཀུནྡ་དཀར་པོ་རྣམ་པར་སྐྱེད་མཛད་ཀུན་གྱི་བདག །ཐམས་ཅད་མཁྱེན་པའི་ཤིན་ཏུ་རྣམ་དག་གནས་
ནི་ཤིན་ཏུ་མཛེས་པའི་ལྷ་མོའི་གནས་ལ་ནི། །ལྷན་སྐྱེས་དྲི་མེད་མཆོག་གི་བདེ་བ་ལྷན་སྐྱེས་འབྱུང་བའི་འདྲེན་པ་ཁྱེད་ལ་བདག་ཕྱག་འཚལ། །ཞེས་བརྗོད་ནས་ཇི་ལྟར་དགྱེས་པར་མཛད་དུ་གསོལ་ཞེས་བརྗོད་པར་བྱའོ། །དེ་ལ་རྗེས་སུ་ཆགས་པའི་སྡུག་བསྔལ་ལ་སོགས་ཡང་

62-1-361a

དག་ལྡན་པའི་ལུས་ཀྱི་ཤིང་ནི་ཡེ་ཤེས་མི་ཡིས་ཡང་དག་བསྲེགས་ནས་དོན་དམ་སྦྱིན་སྲེག་བྱ། །གཟུགས་དང་སྒྲ་དང་དྲི་དང་རོ་དང་རེག་བྱས་ཞལ་དང་སྤྱན་དང་སྙན་དང་ཤངས་དང་སྐུ་རྣམས་བདེ་བར་ཚིམ་པར་བྱ། །དེ་ནས་ནང་དུ་ཕྲ་མོའི་སངས་
རྒྱས་དང་སངས་རྒྱས་ཀྱི་རྣམ་པའི་སྐུ་གཟུགས་ཁྱབ་བདག་ཆེན་པོ་དང་། །དཀྱིལ་འཁོར་པའི་ལྷ་རྣམས་དང་བཅས་པ་ལ་མཐེ་བོང་དང་མིང་མེད་དག་གིས་བདུད་རྩིའི་ཐིགས་པ་ཡང་དག་པར་བཟུང་ནས་ལེགས་པར་དབུལ་བར་བྱའོ། །དེ་ནས་ལྟེ་བའི་དཀྱིལ་འཁོར་
དུ་གྱུར་པའི་ཐུར་སེལ་གྱི་རླུང་གིས་བཅུད་རྣམས་བཀུ་གནས་ཧུབ་གསུམ་བཏུང་སྟེ་ཡེ་ཤེས་ཆེན་པོ་དང་ལྡན་པའི་སྔགས་པ་བདེ་བར་གནས་པར་བྱའོ། །དེ་ནས་བཟའ་བ་དང་། མྱང་བ་དང་། བལྡག་པ་དང་། གཞིབ་པ་དང་། བཏུང་བ་དང་། ཆང་ལ་སོགས་
པ་རྣམས་ཀྱིས་ཡང་དག་པར་ཚིམ་པར་བྱའོ། །མཚན་མོ་རིལ་པོ་གཉིད་ཉལ་བར་མི་བྱའོ། །དེ་ནས་གར་དང་གླུ་དང་རོལ་མོ་རྣམས་ཀྱིས་རྒྱལ་བའི་ཚོགས་པ་ཐམས་ཅད་མཆོད་པར་བྱའོ། །དེའི་རྗེས་ལ་བདག་མེད་པའི་ཡེ་ཤེས་ཀྱི་བདག་ཉིད་ཀྱིས་སངས་རྒྱས་དང་ལྡན་
པས་རང་རང་གི་སྤྱི་བོའི་སྟེང་དུ་མཐོ་གང་གི་ཚོད་ཀྱི་སྟེང་ནས་འཛག་པའི་མཐར་ཐུག་པར་གྱུར་པར་ཡེ་ཤེས་བདུད་རྩིའི་རྒྱུན་གྱི་ཟླ་བའི་དཀྱིལ་འཁོར་རྣམ་པར་བསྒོམས་ལ། དེའི་དབུས་སུ་རང་རང་གི་ལྷ་རྣམས་སུ་བོན་ལ་གནས་པར་གྱུར་ཏེ། སྙིང་གའི་མཐའ་དང་། རང་གི་
སྤྱི་བོར་གནས་པའི་ཟླ་བའི་དཀྱིལ་འཁོར་གྱི་སྟེང་དུ་རང་རང་གི་ལྷ་རྣམས་ཀྱི་མཚན་མ་ནས་ཀྱི་འབྲུའི་ཚད་ཙམ་རྣམ་པར་བསྒོམས་ལ་ཚིམ་པར་བྱའོ། །དེ་ནས་རྣལ་འབྱོར་དང་གཞན་རྣལ་འབྱོར་པ་ཐབས་དང་ཤེས་རབ་ཀྱི་ངོ་བོ་ཉིད་སྙིང་རྗེ་ཆེན་པོའི་ངོ་དང་ཡང་དག་པར་ལྡན་པས་
དངོས་པོ་ཐམས་ཅད་ཀྱི་རང་བཞིན་རྣམ་པར་ཐར་པ་གསུམ་གྱིས་རྣམ་པར་དག་པ་འགྱུར་བ་མེད་པ་དོན་དམ་པའི་བདེ་བས་ལས་ཐམས་ཅད་ལ་བྱེད་པ་ཐམས་ཅད་མཐའ་ཡས་པའི་དེ་བཞིན་གཤེགས་པའི་སྐུར་རྣམ་པར་བསམ་པར་བྱའོ། །གང་གི་ཚེ་ཟླ་བའི་ལམ་གྱིས་རླུང་

62-1-361b

རབ་ཏུ་དབབ་པ་དེའི་ཚེ་སྦྱིན་བདག་ལ་ཡང་དག་པར་བསྟེན་པའི་ཤིས་པ་བརྗོད་པར་བྱའོ། །དེ་ནས་ཨོཾ་ཤྲཱི་བཛྲི་གྷེཾ་ཧཱུཾ་ཞེས་པ་འདི་རྣམས་ཀྱི་ས་བོན་ལས་སྐྱེས་པ་ཁ་དོག་ཐམས་ཅད་པའི་ཡི་གེ་གསུམ་གྱི་སྔགས་ཀྱིས་ལན་བདུན་ཡོངས་སུ་བཟླས་ནས་རབ་ཏུ་སྤྱད་པར་བྱའོ། །དེ་ནས་
སོ་རྩི་དང་མར་མེ་དང་སྤོས་ཀྱི་རེང་བུ་ལ་སོགས་པ་ཕུལ་ནས་རྩ་བའི་གཏོར་མ་ཤར་ཕྱོགས་སུ་གནས་པའི་གཏོར་མའི་སྟེགས་བུ་ལ་དབུལ་བར་བྱའོ། །ལྷག་མའི་སྔགས་རྣམས་བརྗོད་པར་བྱའོ། །དེ་ནས་ལས་ཀྱི་རྡོ་རྗེ་ཅན་གྱིས་འཁོར་ལོའི་དབང་ཕྱུག་ལ་སོགས་པ་
རྣམས་ལ་རིམ་པ་བཞིན་ཐལ་མོ་སྦྱར་ནས་གཤེགས་པའི་གསོལ་བ་གདབ་པར་བྱའོ། །འཁོར་ལོའི་དབང་ཕྱུག་ལ་སོགས་པ་རྣམས་ཀྱིས་ཡང་བགྱིའོ་ཞེས་བྱ་བ་ལ་སོགས་པས་དེ་ནས་སོ་སོའི་ལྷག་མ་རྣམས་བསྡུས་ཏེ། ཟན་དང་ཚོད་མ་ལ་སོགས་པ་བྱིན་ནས། 
འཁོར་ལོའི་དབང་ཕྱུག་གི་མདུན་དུ་ཕུང་པོར་བཀོད་ནས་ཀ་རཾ་ཀ་ར་ཛཿའི་མེ་ཏོག་རྣམས་ཀྱང་སྣོད་ཆེན་པོའི་ནང་དུ་སྤུངས་ཏེ། དེ་ནས་ཟས་གཙང་མའི་ལྷག་མ་རྣམས་ཀྱང་ཅུང་ཟད་བསྡུས་ནས་ཟན་དང་ཚོད་མ་ལ་སོགས་པ་བྱིན་ནས། འཁོར་ལོའི་དབང་ཕྱུག་གི་
ནམ་མཁའི་མཐིལ་དུ་དུད་པ་དང་སོལ་མེའི་ཕོ་ཉ་མོ་བལྟས་ནས་མེ་ཏོག་ལ་སོགས་པ་རྣམས་ཀྱིས་ཡང་དག་པར་མཆོད་ནས་སྔགས་ཀྱིས་བྱིན་གྱིས་བརླབས་ལ་རང་རང་གི་གནས་ལ་རབ་ཏུ་སྤྱད་པར་བྱའོ། །ཨོཾ་ཤུདྡྷ་དྷརྨ་ཨ་ཨཱ་ཨཾ་ཨཿསྭཱ་ཧཱ། ཧི་ལི་ཧུ་ལི་མ་ཧཱ་ཧཱུ་
ལི་ཧུ་ཕེཾ་ཧོ་སྭཱ་ཧཱ། ཞེས་པ་ནི་ལྷག་མའི་ཕུང་པོའི་སྔགས་སོ། །རྡོ་རྗེ་ཁུ་ཚུར་གཉིས་བཅིངས་ནས་ཁའི་ཟུར་དུ་མཆེ་བའི་རྣམ་པར་སྦྱར་བར་བྱའོ། །དེ་བཞིན་དུ་ཕྱག་རྒྱ་བཅིངས་ནས་སྔགས་བརྗོད་པར་བྱ་སྟེ། ཨོཾ་ཀུ་རུ་ཀུ་རུ། བཏྟ་ལི་བཏྟ་ལི། མ་ཧཱ་བཏྟ་ལི། སིདྡྷ་
མུ་ཥེ་ཤཱ་ན་བཱ་ས་ནི་པྲེ་ཏ་མུ་ཁི་ཙཎྜ་ཀ་རཱ་ལི་རུ་དྷི་ར་པི་ཡེ་ས་མ་ཡཱ་རཀྵི་ཏ་ཡོ་གཱ་པ་ཀི་རི་རཱ་བེ་པི་ཏྲི་བ་ན་མ་དྷྱེ་བྷུཾ་ཛ་ཧ་བཀྵ་ཧ་རི་གྷྲ་ཧ་ས་ཧ་ག་ཎ་དཱུ་ཏེ་དྷཱུ་མཱི་ག་རི་སུདྡྷ་ཀཱ་ར་ལི་ཏིཥྛ་སྭཱི་ཀུ་རུ་ཧཱུཾ་གྲྀཧྞ་སརྦ་དུཥྚཱ་ན་ན་བཀྵ་བཀྵ་ཧཱུཾ་ཕེཾ་ཧོཾ་ཧེ་ཕཊ་སྭཱ་ཧཱ། ཞེས་པ་ནི་ཀ་རཾ་ཀའི་གཏོར་མའི་སྔགས་སོ། །རྫོགས་

62-1-362a

པའི་སངས་རྒྱས་ལྷ་རྣམས་དང་། །གང་ཡང་དེ་སྲས་ཚངས་ལ་སོགས། །འཇིག་རྟེན་སྐྱོང་བ་ཐེག་འབྱུང་རྣམས། །ཆོ་གའི་བྱ་རྣམས་བཟོད་པར་མཛོད། །ཅེས་པའི་ཚིགས་སུ་བཅད་པ་འདིས་བཟོད་པར་གསོལ་བར་བྱའོ། །ཨོཾ་ཨཱཏྨ་ཏིཥྛ་སྭཱ་ཧཱ། ཞེས་པའི་སྔགས་འདིས་
དཀྱིལ་འཁོར་བདག་ཉིད་ལ་བསྡུས་ནས་གཤེགས་སུ་གསོལ་བར་བྱའོ། །དེ་ནས་ལག་པ་བཀྲུས་ནས་དྲི་དང་སོ་རྩི་དང་མཆོད་ཡོན་ལ་སོགས་པ་ཕུལ་ནས་སྦྱིན་བདག་གིས་མཎྜལ་བྱས་ནས་མར་མེ་ཕུལ་ལ། ཨོཾ་ཨཱཿགཙྪ་གཙྪ། སརྦ་བ་ནཾ་པུ་ན་རཱ་ག་མ་ནཱ་ཡ་ཙ་ཧཱུཾ་ཕཊ་སྭཱ་ཧཱ། འདིས་གཤེགས་
སུ་གསོལ་ལོ་ཞེས་པ་ནི་ཚོགས་ཀྱི་འཁོར་ལོའི་ཆོ་གའོ།།      །།དེ་ནས་གང་གི་ཚེ་སྦྱིན་སྲེག་གི་མེ་ཉེ་བར་ཞི་བར་གྱུར་ནས་རྒྱ་ཆེར་བསྡུས་ནས་ཆུ་རབ་ཏུ་དབབ་པ་ལས་གསུངས་པའི་ཆོ་གས་དེ་བཞིན་དུ་ཐལ་བ་རྣམས་ཆུ་བོ་ལ་གཤེགས་པར་བྱའོ་ཞེས་སོ། །འདི་ནི་བདག་གི་རྒྱུད་རྣམས་ཀུན་
ལས་ངེས་བརྟགས་ནས། །ཤིན་ཏུ་ལེགས་པར་རྣམ་པར་དག་པར་ཉེ་བར་བསྡུས། །སྔོན་མེད་སྒྲ་ཡིས་ཤིན་ཏུ་ལེགས་པར་མ་གྱུར་ཀྱང་། །དེ་ལྟ་ན་ཡང་བློ་ལྡན་མཁས་རྣམས་བཟོད་པར་གསོལ། །ཆུ་སྐྱེས་མཚོ་ནང་སྙན་པའི་གདངས་ཆགས་པའི། །དཔལ་ལྡན་རིགས་ཀྱིས་བྱིན་པའི་སྦྱར་
བའི་གཞུང་། །སྦྱིན་བདག་རྣམས་ཀྱི་ཡིད་ནི་འཕྲོག་བྱེད་པ། །སློབ་དཔོན་ཀུན་གྱི་རྒྱན་གྱི་མཆོག་གྱུར་པ། །ཆོ་གའི་རྣམ་པ་སྤྲོས་པ་ལས། །བདག་གིས་དགེ་བ་གང་བསགས་འདིས། །འཇིག་རྟེན་རྡོ་རྗེ་སེམས་གྱུར་ནས། །བཅིང་བྲལ་རང་བཞིན་མཆོག་གྱུར་ཅིག །ཅེས་པ་ནི་པཎྜི་ཏ་ཆེན་པོ་ནི་སཾ་ག་
ཨཱ་ཙཱརྱ་དཔལ་ལྡན་རིགས་ཀྱིས་བྱིན་པས་མཛད་པ་བྱ་བ་བསྡུས་པའི་པཉྩི་ཀཱ་ལས་རབ་ཏུ་བྱེད་པ་བརྒྱད་པ་རྫོགས་སོ།།      །།བླ་མ་པཎྜི་ཏ་ཆེན་པོ་ཀཱིརྟ་ཙནྡྲའི་ཞལ་སྔ་ནས་ཞུས་ཤིང་གཞུང་སུམ་གཉིས་བལ་པོའི་མཐིལ་དུ་བསྒྱུར་ཞིང་། སུམ་ཆ་གཅིག་དུས་འཁོར་བ་ཆེན་པོ་ཤེས་རབ་སེང་གེས་བསྐུལ་ཞིང་
སྦྱིན་བདག་མཛད་པ་ལ་བརྟེན་ནས། ཤཱཀྱའི་དགེ་སློང་ཡར་ལུངས་པ་གྲགས་པ་རྒྱལ་མཚན་གྱིས་ཡོས་ལོ་དབོའི་ཟླ་བའི། དཀར་པོའི་ཕྱོགས་ཀྱི་ཚེས་བརྒྱད་ལ་གཞུའི་ཀུན་དགའ་ར་བའི་གཙུག་ལག་ཁང་ཆེན་པོར་ཡོངས་སུ་རྫོགས་པར་བསྒྱུར་ནས་བྲིས་སོ།།      །།

62-1-362b