72-1-1a

༼ཀ༽ ༄༅། ༈ །སངས་རྒྱས་ཕལ་པོ་ཆེ་བཞུགས་སོ། །
(黃)  大方廣佛華嚴經第一部

72-1-1b

༄༅༅། །རྒྱ་གར་སྐད་དུ། བུདྡྷ་ཨ་བ་ཏང་ས་ཀ་ནཱ་མ་མ་ཧཱ་བཻ་པུ་ལྱཾ་སཱུ་ཏྲ།  བོད་སྐད་དུ། སངས་རྒྱས་ཕལ་པོ་ཆེ་
ཞེས་བྱ་བ་ཤིན་ཏུ་རྒྱས་པ་ཆེན་པོའི་མདོ། འདི་སྐད་བདག་གིས་ཐོས་པའི་དུས་གཅིག་ན། བཅོམ་ལྡན་འདས་
ཐོག་མ་མངོན་པར་སངས་རྒྱས་པ། སངས་རྒྱས་ཀྱི་ཆོས་ཐམས་ཅད་ཤིན་ཏུ་རྣམ་པར་སངས་རྒྱས་པའི་ཐུགས་
མངའ་བ། དུས་གསུམ་མཉམ་པ་ཉིད་དུ་ཐུགས་སུ་ཆུད་པའི་ཡེ་ཤེས་ཀྱི་སྐུ་མངའ་བ། འཇིག་རྟེན་གྱི་ཁམས་
ཐམས་ཅད་དུ་སྐུས་ཤིན་ཏུ་ཁྱབ་པ། སངས་རྒྱས་ཀྱི་ཞིང་ཐམས་ཅད་དུ་དབྱངས་ཀྱི་ཡན་ལག་དང་གསུང་གི་ང་རོ་ཤིན་ཏུ་
བསྒྲགས་པ། མཁའ་དང་ནམཁའ་ལྟ་བུའི་མཚན་ཉིད་མཉམ་པ་ཉིད་དུ་རབ་ཏུ་སྣང་བའི་སྤྱོད་ཡུལ་ཅན་ནམཁའ་
ལྟར་འགྲོ་བ་ཐམས་ཅད་ཀུན་ཁྱབ་པའི་སྙིང་པོ་བྱང་ཆུབ་ཐམས་ཅད་ལ་བཞུགས་པའི་སྐུ། བྱང་ཆུབ་སེམས་
དཔའ་རྒྱ་མཚོ་ཐམས་ཅད་ཀྱི་ནང་ན་རྣམ་པར་སྣང་བ། འཇིག་རྟེན་གྱི་ཁམས་ཐམས་ཅད་དུ་ཉི་མའི་དཀྱིལ་

72-1-2a

འཁོར་ལྟར་ཤར་བ། སངས་རྒྱས་ཀྱི་ཞིང་ཐམས་ཅད་དུ་ཡོངས་སུ་སྐྱེ་བ་བསྟན་པ། རབ་ཏུ་སྤྲོས་པ་དུས་གསུམ་གྱི་བསོད་ནམས་རྒྱ་ཆེན་པོ་རྒྱ་མཚོ་ལྟ་བུས་སྤྱོད་ཡུལ་ཡོངས་སུ་དག་པ། 
འོད་ཀྱི་དཀྱིལ་འཁོར་དང་། འོད་ཟེར་ཁ་དོག་མཐའ་ཡས་པ་མངའ་བ། ཆོས་ཀྱི་དབྱིངས་ཐམས་ཅད་རྒྱས་པར་འགེངས་པའི་ཆོས་ཀྱི་སྤྲིན་ཐམས་ཅད་ཀྱིས་རྣམ་པར་འཕྲུལ་པ། འཇིག་རྟེན་གྱི་ཁམས་
ཐམས་ཅད་དུ་བསྒྲིབས་པ་མེད་པ། སྐྲའི་རྩེ་མོ་ཐམས་ཅད་དུ་མཐའ་དང་དབུས་མེད་པར་རྣམ་པར་འཕྲུལ་པ་བྱིན་གྱིས་རློབ་པའི་མཐུ་མངའ་བ། འགྲོ་བ་ཐམས་ཅད་ཡོངས་སུ་སྨིན་པར་བྱ་བ་དང་། 
གདུལ་བ་ལ་མངོན་དུ་གྱུར་པར་ཡོངས་སུ་སྟོན་པ། འཁོར་གྱི་དཀྱིལ་འཁོར་ཐམས་ཅད་དུ་འཁོར་ཐམས་ཅད་དུ་འཕོས་པ་མེད་པར་གཤེགས་པ། ཡོངས་སུ་སྟོན་པས་ཁྱབ་པར་མཛད་པ་དངོས་པོ་མྱེད་པའི་
དབྱིངས་ཀྱི་མཚན་ཉིད་ཐམས་ཅད་ཐུགསུ་ཆུད་པ། འོད་ཟེར་གྱི་སྒོ་ཐམས་ཅད་དུ་དུས་གསུམ་རྣམ་པར་སྤྲུལ་པའི་བྱིན་གྱིས་རླབས་ཡོངས་སུ་སྟོན་པ། སངས་རྒྱས་ཀྱི་ཞིང་ཐམས་ཅད་དུ་བསྐལ་པ་རྒྱ་མཚོ་བསམ་
གྱིས་མི་ཁྱབ་པར་བྱིན་གྱིས་རླབས་ཤིན་ཏུ་བསྒྲུབས་པ། ཡུལ་མ་ག་ཏའི་ཆོས་ཀྱི་དགོན་པ་སྙིང་པོ་བྱང་ཆུབ་རྡོ་རྗེ་རིན་པོ་ཆེ་ཐམས་ཅད་ལྟར་གཞོམ་དུ་མི་ཆོམ་པར་སྲ་བའི་ས་ཕྱོགས་ནོར་བུ་རིན་པོ་ཆེ་ཐམས་ཅད་ཀྱི་མྱེ་ཏོག་གིས་
ས་གཞི་བརྒྱན་པ་ནོར་བུའི་རྒྱལ་པོ་དྲི་མ་མྱེད་པར་འབར་བས་རབ་ཏུ་བསྒྲུབས་པ། རིན་པོ་ཆེ་མང་པོ་ཐམས་ཅད་ཀྱིས་རྣམ་པ་སྣ་ཚོགས་སུ་བརྒྱན་པ། ཡོན་ཏན་བརྒྱ་མཚོ་མཐའ་ཡས་པའི་རྒྱན་རྣམ་པ་སྣ་ཚོགས་པ་
ཡང་དག་པར་བསྟན་པ། ནོར་བུའི་རྒྱལ་པོ་འོད་ཟེར་དང་། སྒྲ་དབྱངས་ཀྱི་རྒྱལ་མཚན་ཐམས་ཅད་ཀྱིས་རབ་ཏུ་བསྒྲུབ་པ། སྤོས་དང་། མེ་ཏོག་དང་། རིན་པོ་ཆེའི་ཕྲེང་བ་དང་། དྲ་བ་མང་པོ་ཐམས་ཅད་རྣམ་

72-1-2b

པར་བྲེས་པ་རིན་པོ་ཆེའི་ཁ་དོག་ཟད་མྱི་ཤེས་པའི་ཆར་རབ་ཏུ་འབབ་པའི་རྣམ་པར་འཕྲུལ་པ་ཡང་དག་པར་སྟོན་པའི་ནོར་བུའི་རྒྱལ་པོས་ཤིན་ཏུ་བསྒྲུབས་པ། མེ་ཏོག་སྣ་ཚོགས་ཆུ་བོའི་ཀླུང་ལྟ་བུས་ཡོངས་སུ་
བསྟན་པས་བརྒྱན་པ། རིན་པོ་ཆེའི་ཤིང་འོད་ཟེར་གྱི་ཁ་དོག་སྡུག་པོ་དང་ལྡན་པའི་ཡལ་གས་བརྒྱན་པ། རྒྱན་ཐམས་ཅད་དུ་སྣང་བ་ཤིན་ཏུ་འབར་བའི་བྱིན་གྱི་རླབས་ཀྱིས་རྣམ་པར་སྤྲུལ་པ། ཡང་དག་པར་བསྟན་
པའི་སའི་སྙིང་པོ། རིན་པོ་ཆེའི་འབྲུ་ཐམས་ཅད་འབྱུང་བས་ཕྱོགས་ཀུན་ཏུ་སྦྱངས་ཤིང་བརྒྱན་པའི་སྙིང་པོ་བྱང་ཆུབ་ལ་བྱང་ཆུབ་ཆེན་པོའི་ཤིང་ནོར་བུ་རིན་པོ་ཆེ་རྡོ་རྗེའི་རྒྱན་སྣ་ཚོགས་ཀྱི་འབྲས་བུས་བསྒྲུབས་པའི་སྡོང་པོ་དང་ལྡན་པ་བཻ་ཌུརྱ་
དང་། ནོར་བུ་ཐམས་ཅད་ཀྱི་རིགས་འབྱུང་བའི་སྙིང་པོ་དང་ལྡན་པའི་ལྷུན་ཅན། ཡོངསུ་ཡོན་ཏན་མང་པོ་མཐའ་ཡས་པའི་ནོར་བུ་རིན་པོ་ཆེ་མང་པོའི་འབྲུས་ཤིན་ཏུ་བརྒྱན་ཅིང་རབ་ཏུ་འཕེལ་བའི་ཡལ་ག་ཅན་རིན་པོ་ཆེ་ཐམས་
ཅད་ཀྱི་ལོ་མ་ཤིན་ཏུ་འོད་གསལ་བས་ཕྱོགས་ཀྱི་སྤྲིན་དུ་གྱུར་པ། ཡལ་ག་ཐམས་ཅད་ཀྱི་རྩེ་མོ་ལས་མེ་ཏོག་དང་། འབྲས་བུའི་དྲ་བས་ཡོན་ཏན་རྣམ་པ་སྣ་ཚོགས་ཅན་རབ་ཏུ་སྤྱངས་པ། རིན་པོ་ཆེའི་འབྲས་བུའི་སྣ་
ཚོགས་ཤིན་ཏུ་འབར་བའི་སྙིང་པོས། ཤིང་གི་རྒྱན་མེ་ཏོག་ཐམས་ཅད་ཤིན་ཏུ་རྒྱས་ཤིང་རྣམ་པར་གསལ་བ། ཕྱོགས་བཅུར་འོད་ཀྱི་དཀྱིལ་འཁོར་རིན་པོ་ཆེ་རྒྱ་ཆེ་ཞིང་མང་བའི་འོད་ཟེར་ལྟ་བུར་རྣམ་པར་སྣང་བ། 
ནོར་བུའི་ཡོན་ཏན་ཟད་མི་ཤེས་པའི་ཆར་ཆེན་པོ་རྣམ་པར་སྤྲུལ་པས་ཡོངསུ་བསྟན་པ། ནོར་བུའི་སྒོ་ཐམས་ཅད་ནས་བྱང་ཆུབ་སེམས་དཔའི་སྤྲིན་འབྱུང་བ་ཤིན་ཏུ་བསྟན་པ། སངས་རྒྱས་ཀྱི་རྣམ་པར་འཕྲུལ་པ་
དང་། བྱིན་གྱིས་རླབས་ཀྱིས་ཟད་མི་ཤེས་པའི་དབྱངས་འབྱུང་བའི་དྲུང་ན། དེ་བཞིན་གཤེགས་པའི་གཞལ་མྱེད་ཁང་ཕྱོགས་ཐམས་ཅད་དུ་མངོན་པར་སྣང་བ། རབ་ཏུ་འཕེལ་བ་

72-1-3a

རིན་པོ་ཆེའི་རྒྱལ་པོ་སྣ་ཚོགས་ཡོན་ཏན་མཐའ་ཡས་པའི་ཀ་བ་བཀྱེ་བ། ལྷུན་རིན་པོ་ཆེའི་མེ་ཏོག་རྣམ་པ་སྣ་ཚོགས་ཐམས་ཅད་ཀྱི་རྒྱན་གྱིས་བརྒྱན་པ། རྒྱན་མཐའ་ཡས་པས་ཤིན་ཏུ་ཀླུབ་པའི་འོད་ཟེར་
སྣང་བས་སྤྲིན་ལྟར་ཁེབས་པ། ཕོ་བྲང་གི་མཚམས་ཐམས་ཅད་ནས་འོད་ཀྱི་རྒྱལ་མཚན་རབ་ཏུ་བཀྱེ་བ། བྱང་ཆུབ་སེམས་དཔའི་འཁོར་གྱི་དཀྱིལ་འཁོར་རྒྱ་མཚོ་མཐའ་ཡས་པ། རྗེས་སུ་འདོད་པའི་སྙིང་པོ་ཅན་
བསམ་གྱིས་མྱི་ཁྱབ་པ། གསུང་རྒྱ་ཆེན་པོའི་དབྱངས་དང་། སངས་རྒྱས་ཀྱི་འོད་ནོར་བུའི་རྒྱལ་པོ་ལྟ་བུའི་དྲ་བས་ཐམས་ཅད་གཡོག་པ། སངས་རྒྱས་ཀྱི་བྱིན་གྱི་རླབས་ཀྱིས་རྣམ་པར་སྤྲུལ་པའི་འཕྲུལ་པ། 
དམིགས་པ་ཐམས་ཅད་དུ་བྱུང་བ། སེམས་ཅན་ཐམས་ཅད་ཀྱི་ཁྱིམ་གྱི་གཟུགས་བརྙན་རབ་ཏུ་སྟོན་པ། སེམས་སྐད་ཅིག་གིས་སངས་རྒྱས་ཀྱི་བྱིན་གྱིས་རླབས་ཐམས་ཅད་ཆོས་ཀྱི་དབྱིངས་འབྱམ་ཀླས་པར་འཕྲོ་བའི་
སྙིང་པོ་ཅན་སེང་གེའི་ཁྲི་ཆེན་པོ་སངས་རྒྱས་ཀྱི་གདན་ཏུ་གྱུར་པ། རིན་པོ་ཆེ་ཐམས་ཅད་དང་། ཡིད་དུ་འོང་བའི་སྤོས་སྣ་ཚོགས་ཀྱི་སྙིང་པོ་ཅན་པད་མོའི་དྲ་བ་འོད་ཟེར་མཐའ་ཡས་པ་འབྱུང་བས་བརྟེན་པ། རིན་པོ་ཆེ་དྲི་མ་མྱེད་པའི་འཁོར་
ལོའི་འོད་ཀུན་ཏུ་བརྡལ་བ། མེ་ཏོག་གི་ཕྲེང་བ་བཟང་ཞིང་ཡིད་དུ་འོང་བ་ཁ་དོག་མཐའ་ཡས་པས་ཀུན་ནས་ཀླུབས་པ། ནོར་བུའི་འབྲུ་སྣ་ཚོགས་ཀྱི་ཤིང་གི་ཡལ་ག་ལས་འོད་ཤིན་ཏུ་བཀྱེ་བ། རྟ་བབས་དང་། ཁྲི་ཁྲི་འཕང་
དང་། སྐར་ཁུང་ཁང་པ་བརྩེགས་པ། རྣམ་པ་སྣ་ཚོགས་མཐའ་ཡས་ལེགས་པར་བརྒྱན་པ་ནོར་བུའི་རྒྱལ་པོ་འོད་ཟེར་འབར་བའི་སྙིང་པོའི་སྤྲིན་ཐམས་ཅད་དུ་འཕྲོས་པའི་རྒྱན་ཅན། བྱང་ཆུབ་སེམས་དཔའ་རྒྱ་མཚོ་རྒྱ་ཆེན་
པོའི་གཙུག་གི་རིན་པོ་ཆེས་བཟུང་ཞིང་འོད་ཟེར་རྣམ་པར་སྣང་བ། ཕྱོགས་བཅུའི་མཚམས་ཐམས་ཅད་དུ་སངས་རྒྱས་ཀྱི་མཚམས་ཐམས་ཅད་དུ་སངས་རྒྱས་ཀྱི་སྤྲུལ་པའི་འོད་ཀྱི་སྙིང་པོའི་ནོར་བུའི་རྒྱལ་པོས་

72-1-3b

ཤིན་ཏུ་བརྒྱན་པ། སངས་རྒྱས་ཀྱི་ཡུལ་གྱི་སྒྲ་དབྱངས་རྒྱ་ཆེན་པོས་ཆོས་ཀྱི་དབྱིངས་ཁྱབ་པའི་བྱིན་གྱི་རླབས་དང་ལྡན་པ་ལ་བཞུགས་ཤིང་། བྱང་ཆུབ་སེམས་དཔའ་སེམས་དཔའ་ཆེན་པོ་སྔོན་བཅོམ་ལྡན་
འདས་དེ་བཞིན་གཤེགས་པ་རྣམ་པར་སྣང་མཛད་དང་། བྱང་ཆུབ་སེམས་དཔའི་སྤྱོད་པ་ཐབས་གཅིག་ཏུ་སྤྱོད་སྤྱོད་པའི་དགེ་བའི་རྩ་བ་ཅན། སངས་རྒྱས་ཀྱི་ཞིང་བཅུའི་རྡུལ་ཤིན་ཏུ་ཕྲ་བ་སྙེད་དང་ཐབས་གཅིག་
སྟེ། འདི་ལྟར་བྱང་ཆུབ་སེམས་དཔའ་སེམས་དཔའ་ཆེན་པོ་ཀུན་ཏུ་བཟང་པོ་དང་། བྱང་ཆུབ་སེམས་དཔའ་སེམས་དཔའ་ཆེན་པོ་དགེ་བ་དྲི་མ་མྱེད་པའི་གཟི་བརྗིད་ཀྱི་འོད་ཡིད་དུ་འོང་བ་དང་། བྱང་ཆུབ་སེམས་དཔའ་
སེམས་དཔའ་ཆེན་པོ་ཡོན་ཏན་འོད་མཆོག་ཀུན་ཏུ་སྒྲོན་མ་དང་། བྱང་ཆུབ་སེམས་དཔའ་སེམས་དཔའ་ཆེན་པོ་ཀུན་ཏུ་འབར་བ་སེང་གེའི་རྒྱལ་མཚན་དང་། བྱང་ཆུབ་སེམས་དཔའ་སེམས་དཔའ་ཆེན་པོ་དཔལ་
གྱི་འོད་ཟེར་ཀུན་ཏུ་འོད་འཕྲོ་དང་། བྱང་ཆུབ་སེམས་དཔའ་སེམས་དཔའ་ཆེན་པོ་ཡོན་ཏན་རྒྱ་མཚོ་ཀུན་ཏུ་དབྱངས་རྒྱལ་མཚན་དང་། བྱང་ཆུབ་སེམས་དཔའ་སེམས་དཔའ་ཆེན་པོ་དེ་བཞིན་གཤེགས་པའི་
སྤྱོད་ཡུལ་ཡེ་ཤེས་ཀུན་ཏུ་སྣང་བའི་འོད་དང་། བྱང་ཆུབ་སེམས་དཔའ་སེམས་དཔའ་ཆེན་པོ་གཙུག་ན་རིན་ཆེན་ཀུན་ཏུ་རྒྱལ་མཚན་དང་། བྱང་ཆུབ་སེམས་དཔའ་སེམས་དཔའ་ཆེན་པོ་རྒྱལ་བའི་གསུང་ཀུན་
ཏུ་འཇམ་དབྱངས་དང་། བྱང་ཆུབ་སེམས་དཔའ་སེམས་དཔའ་ཆེན་པོ་བསོད་ནམས་མྱི་ཟད་དྲི་མྱེད་ཀུན་ཏུ་གཟི་བརྗིད་དང་། བྱང་ཆུབ་སེམས་དཔའ་སེམས་དཔའ་ཆེན་པོ་མཚན་གྱི་འོད་ཟེར་ཀུན་ཏུ་སྣང་བ་དང་། 
བྱང་ཆུབ་སེམས་དཔའ་སེམས་དཔའ་ཆེན་པོ་འོད་ཟེར་རྒྱ་མཚོ་འོད་ཆེན་དཔལ་གྱི་ཟླ་བ་དང་། བྱང་ཆུབ་སེམས་དཔའ་སེམས་དཔའ་ཆེན་པོ་སྤྲིན་གྱི་ང་རོ་རྒྱ་མཚོ་དྲི་མྱེད་འོད་ཀྱི་སྙིང་པོ་དང་། བྱང་ཆུབ་

72-1-4a

སེམས་དཔའ་སེམས་དཔའ་ཆེན་པོ་ཡོན་ཏན་རིན་ཆེན་འབྱུང་བ་ཡེ་ཤེས་དཔལ་གྱི་གཙུག་པུད་དང་། བྱང་ཆུབ་སེམས་དཔའ་སེམས་དཔའ་ཆེན་པོ་རྒྱ་ཆེན་འོད་འབར་བློ་གྲོས་དབང་ཕྱུག་དང་། བྱང་ཆུབ་
སེམས་དཔའ་སེམས་དཔའ་ཆེན་པོ་པད་མོ་རྣམ་པར་གནོན་པ་འོད་ཟེར་གཙུག་པུད་དང་། བྱང་ཆུབ་སེམས་དཔའ་སེམས་དཔའ་ཆེན་པོ་ཀུན་ཏུ་ཡེ་ཤེས་སྤྲིན་གྱི་ཉི་མའི་རྒྱལ་མཚན་སྣང་བ་དང་། བྱང་ཆུབ་སེམས་དཔའ་
སེམས་དཔའ་ཆེན་པོ་མཐུ་སྟོབས་བརྩོན་འགྲུས་རྡོ་རྗེ་ཡངས་པའི་སྙིང་པོ་དང་། བྱང་ཆུབ་སེམས་དཔའ་སེམས་དཔའ་ཆེན་པོ་སྤོས་ཀྱི་འོད་འཕྲོ་ཤིན་ཏུ་འབར་བའི་འོད་ཀྱི་རྒྱལ་མཚན་དང་། བྱང་ཆུབ་སེམས་དཔའ་སེམས་དཔའ་
ཆེན་པོ་རྣམ་པར་སྣང་མཛད་ཡོན་ཏན་ཡངས་པའི་རྒྱལ་མཚན་དང་། བྱང་ཆུབ་སེམས་དཔའ་སེམས་དཔའ་ཆེན་པོ་བསོད་ནམས་ཡངས་པ་ཤིན་ཏུ་འཕགས་པའི་འོད་མཆོག་ཡོན་ཏན་འབྱུང་བའི་བློ་གྲོས་དང་། དེ་དག་ལ་སྩོགས་
པ་སངས་རྒྱས་ཀྱི་ཞིང་བཅུའི་རྡུལ་ཤིན་ཏུ་ཕྲ་བ་སྙེད་ཀྱི། བྱང་ཆུབ་སེམས་དཔའ་སེམས་དཔའ་ཆེན་པོ་ཀུན་ཀྱང་། དེ་བཞིན་གཤེགས་པ་རྣམ་པར་སྣང་མཛད་དང་། དགེ་བའི་རྩ་བ་རྒྱ་མཚོ་གཅིག་གིས་བྱུང་བ་ཕ་རོལ་
ཏུ་ཕྱིན་པ་ཐམས་ཅད་ཀྱི་འཁོར་ཡོངས་སུ་རྒྱས་པས་སྣང་བར་གྱུར་པ། ཡེ་ཤེས་ཀྱི་མིག་ཡོངས་སུ་དག་པ། དུས་གསུམ་གྱི་དབྱིངས་ཐམས་ཅད་དུ་སྣང་བས་གསལ་བར་གྱུར་པ། ཏིང་ངེ་འཛིན་གྱི་འཁོར་ཐམས་
ཅད་ཡོངས་སུ་དག་པས་སྣང་བར་གྱུར་པ། ཐ་དད་པ་ཡང་དག་པར་ཤེས་པ། རྒྱ་མཚོ་ཡངས་ཤིང་ཟད་མི་ཤེས་པ་དང་། སངས་རྒྱས་ཀྱི་ཡོན་ཏན་དང་མཐུས་སྣང་བར་བྱས་པ། འགྲོ་བ་ཐམས་ཅད་ཡོངས་སུ་
སྨིན་པར་བྱ་བ་དང་། གདུལ་བར་བརྩོམ་པའི་ཡེ་ཤེས་མཉམ་པ་ཉིད་ཀྱིས་སྣང་བར་བྱས་པ། ཆོས་ཀྱི་དབྱིངས་ཀྱི་སྙིང་པོ་གཅིག་ཏུ་ཐ་མྱི་དད་པའི་ཡེ་ཤེས་ཀྱི་སྣང་བར་གྱུར་པ། སངས་རྒྱས་ཀྱི་རྣམ་པར་ཐར་པ་ཟབ་

72-1-4b

མོའི་ཡུལ་ཡངས་པ་ལ་ཡེ་ཤེས་ཀྱི་སྤྱོད་ཡུལ་གྱིས་སྣང་བར་བྱས་པ། ས་གཅིག་ལས་བྱུང་བ་ཡོངས་སུ་གནོན་པའི་རྗེས་སུ་འབྲང་བས་ཤིན་ཏུ་སྣང་བར་བྱས་པ། སྨོན་ལམ་གྱི་རྒྱ་མཚོ་ལ་འཇུག་པ་ཕྱི་མའི་མཐའི་
བྱིན་གྱིས་རླབས་ཀྱི་ཡེ་ཤེས་ཐམས་ཅད་ཀྱི་གནས་པས་སྣང་བར་གྱུར་པ། དེ་བཞིན་གཤེགས་པའི་གསང་བ་རྨད་དུ་བྱུང་བའི་དཀྱིལ་འཁོར་ཡངས་པ་ཡོངས་སུ་ཤེས་པས་སྣང་བར་གྱུར་པ། སངས་རྒྱས་ཀྱི་ཆོས་
ཐམས་ཅད་མཉམ་པ་ཉིད་ལ་རྗེས་སུ་བརྟགས་པའི་ཡེ་ཤེས་ཀྱིས་ཤིན་ཏུ་སྣང་བར་གྱུར་པ། དེ་བཞིན་གཤེགས་པའི་ས་ཀུན་ཏུ་འོད་ཀྱི་དབྱིངས་དང་། གནས་སུ་རྣམ་པར་སྤྱོད་དུ་དབང་བ། ཏིང་ངེ་འཛིན་རྒྱ་མཚོ་མཐའ་
ཡས་པའི་སྒོ་ཐམས་ཅད་དུ་རྣམ་པར་རྒྱུ་བས་སྣང་བར་གྱུར་པ། ཡེ་ཤེས་སྣང་བ་ཐམས་ཅད་ཀྱི་རྗེས་སུ་སོང་ཞིང་འགྲོ་བ་ཐམས་ཅད་ཀྱི་སྤྱོད་པ་རྒྱ་མཚོ་ལ་ཤིན་ཏུ་གནས་པ། ཆོས་རྒྱ་མཚོ་ཐམས་ཅད་ཀྱི་གཟུངས་དང་། 
ཐ་དད་པ་ཡང་དག་པར་ཤེས་པ་བསྟན་པ་དང་། ཡོངས་སུ་བསྟན་པ་ལ་མཁས་པ། སངས་རྒྱས་ཀྱི་ཡོན་ཏན་རྒྱ་མཚོར་གཏོགས་པ་ཐམས་ཅད་ཀྱིས་ཁྱབ་པར་བྱེད་པའི་ལུས་ཅན་སྨོན་ལམ་རྒྱ་མཚོ་མངོན་པར་
བསྒྲུབ་པས། སངས་རྒྱས་ཀྱི་ཞིང་འབྱམ་ཀླས་པ་ཐམས་ཅད་རྒྱས་པར་འགེངས་པ། སངས་རྒྱས་ཐམས་ཅད་མཆོད་པའི་སྦྱོར་བ་ལ་ཕྱི་མའི་མུར་ཐུག་པའི་བསྐུལ་པར་དགའ་བའི་ཤུགས་ཀྱི་སྣང་བ་རབ་ཏུ་
ཐོབ་པ། དེ་བཞིན་གཤེགས་པ་ཐམས་ཅད་ཀྱི་ཞབས་ཀྱི་དྲུང་དུ་ཕྱིན་ཅིང་སྙིང་པོ་བྱང་ཆུབ་ཏུ་ཉེ་བར་འདོད་པ་ཡང་དག་པར་སྟོན་པ། ཀུན་ཏུ་བཟང་པོའི་སྨོན་ལམ་རྒྱ་མཚོས་སེམས་ཅན་མ་ལུས་པ་
ཐམས་ཅད་ཀྱི་ཤེས་པ་ཡོངས་སུ་རྒྱས་པར་འགེངས་པའི་ལུས་ཅན་རྣམས་དང་ཐབས་གཅིག་གོ། །སངས་རྒྱས་ཀྱི་ཞིང་གི་རྡུལ་ཤིན་ཏུ་ཕྲ་བ་སྙེད་ཀྱི་ལག་ན་རྡོ་རྗེ་དག་དང་ཡང་ཐབས་གཅིག་སྟེ། འདི་ལྟར་

72-1-5a

ལག་ན་རྡོ་རྗེ་མཐུ་ཆེན་ཁ་དོག་བཟང་པོའི་འོད་དང་། ལག་ན་རྡོ་རྗེ་ཉི་མའི་ཤུགས་ཀྱི་རྒྱལ་མཚན་དང་། ལག་ན་རྡོ་རྗེ་རི་རབ་མེ་ཏོག་འོད་དང་། ལག་ན་རྡོ་རྗེ་རྣམ་དག་སྤྲིན་གྱི་དབྱངས་དང་། ལག་ན་རྡོ་རྗེ་དཔའ་བོ་
ཤིན་ཏུ་མངའ་བ་དང་། ལག་ན་རྡོ་རྗེ་རྡོ་རྗེའི་འོད་ཡིད་དུ་འོང་བ་དང་། ལག་ན་རྡོ་རྗེ་ཤིང་གི་སྒྲ་དབྱངས་དང་། ལག་ན་རྡོ་རྗེ་སེང་སེང་གེའི་འོད་ཀྱི་རྒྱལ་པོ་དང་། ལག་ན་རྡོ་རྗེ་འོད་འཕྲོ་སྟུག་པའི་དཔལ་གྱི་མིག་དང་། ལག་ན་
རྡོ་རྗེ་རིན་ཆེན་གཙུག་ཕུད་པད་མོའི་འོད་དང་། དེ་དག་ལ་སྩོགས་པ་ལག་ན་རྡོ་རྗེ་སངས་རྒྱས་ཀྱི་ཞིང་གི་རྡུལ་ཤིན་ཏུ་ཕྲ་བ་སྙེད་ཀུན་ཀྱང་། སྔོན་བསྐལ་པ་མཐའ་ཡས་པར་དེ་བཞིན་གཤེགས་པ་མཆོད་པར་སྨོན་པས་
ཞམ་འབྲིང་ན་འབྲང་བར་གྱུར་པ། སངས་རྒྱས་བསྙེན་བཀུར་བའི་སྨོན་ལམ་གྱི་ཕ་རོལ་ཏུ་ཕྱིན་པ་ཡོངས་སུ་རྫོགས་པ་དགེ་བ་དང་། བསོད་ནམས་ཀྱི་དཀྱིལ་འཁོར་མཐའ་ཡས་པ་ཡོངས་སུ་དག་པ། 
ཏིང་ངེ་འཛིན་གྱི་སྤྱོད་ཡུལ་ཡངས་པ་ལ་རྣམ་པར་སྤྱོད་པ། རྫུ་འཕྲུལ་དང་སྟོབས་དང་། དེ་བཞིན་གཤེགས་པའི་སྤྱོད་ཡུལ་མཐའ་ཡས་པ་ཁོང་དུ་ཆུད་པ་བསམ་གྱིས་མི་ཁྱབ་པའི་རྣམ་པར་ཐར་པའི་ཡུལ་ལ་ཞུགས་པ། 
འཁོར་གྱི་དཀྱིལ་འཁོར་ཐམས་ཅད་ཀྱི་ཟིལ་གྱིས་མི་ནོན་པའི་ལུས་ཅན་སེམས་ཅན་རྣམས་ཇི་ལྟར་འདུལ་བ་བཞིན་དུ་ལུས་ཤིན་ཏུ་སྟོན་པ། སངས་རྒྱས་ཀྱི་སྤྲུལ་པའི་སྐུ་ཐམས་ཅད་ཀྱི་འཕྲུལ་པ་རྗེས་སུ་རྟོགས་པ། སངས་རྒྱས་
ཐམས་ཅད་ཀྱི་རྣམ་པར་སྤྱོད་པ་དང་། གནས་སྲུང་བ་ལ་ཤིན་ཏུ་བརྩོན་པ་རྣམས་དང་ཐབས་གཅིག་གོ། །ལུས་ཀྱི་རིས་སུ་གཏོགས་པའི་སངས་རྒྱས་ཀྱི་ཞིང་གི་རྡུལ་ཤིན་ཏུ་ཕྲ་བ་སྙེད་དག་དང་ཡང་ཐབས་གཅིག་
སྟེ། འདི་ལྟར་ལྷ་ཁྲེལ་དང་། དགེ་བ་རྒྱས་པའི་འོད་དང་། འོད་ཟེར་ཕྱོགས་སུ་སྣང་བ་དང་། སྒྲས་འདུལ་བ་རྒྱ་མཚོའི་དཔལ་དང་། རྒྱན་བཟང་པོ་མེ་ཏོག་གཙུག་ཕུད་དང་། སྤྱོད་ཡུལ་མཐའ་ཡས་དཔལ་དང་། 

72-1-5b

སྣང་བའི་ཕྲེང་བ་འཛིན་པའི་དཔལ་དང་། སྤོས་དྲི་མ་མྱེད་པའི་སྤྲིན་ལས་ཆར་འབབ་པའི་འོད་དང་། སྲུང་འཛིན་ཡོངས་སུ་སྡུད་པ་དང་། སྒོ་ཀུན་ནས་ཡོངས་སུ་གནོན་པ་ལ་མངོན་དུ་གྱུར་པའི་མིག་དང་ཁྲེལ་དང་དཔལ་
མི་གཡོ་བའི་འོད་དང་། ལུས་ཀྱི་རིས་སུ་གཏོགས་པའི་ལྷ་དེ་དག་ལ་སྩོགས་པ་ཀུན་ཀྱང་། དེ་བཞིན་གཤེགས་པ་བསྙེན་བཀུར་བར་སྨོན་ལམ་བཏབ་པ་དང་ལྡན་པ་སངས་རྒྱས་ཀྱི་ཞིང་གི་རྡུལ་ཤིན་ཏུ་ཕྲ་བ་སྙེད་དང་
ཐབས་གཅིག་གོ། །རྐང་གིས་འགྲོ་བའི་ལྷ་སངས་རྒྱས་ཀྱི་ཞིང་གི་རྡུལ་ཤིན་ཏུ་ཕྲ་བ་སྙེད་དག་དང་ཡང་ཐབས་གཅིག་སྟེ། འདི་ལྟར་རྐང་གིས་འགྲོ་རིན་ཆེན་དཔལ་གྱི་ཕྱག་རྒྱ་དང་། རྐང་གིས་འགྲོ་
པད་མོ་སྣང་བའི་འོད་ཟེར་གྱི་འོད་དང་། རྐང་གིས་འགྲོ་མེ་ཏོག་གཙུག་ཕུད་ཀྱི་དཔལ་དྲི་མ་མྱེད་པ་དང་། རྐང་གིས་འགྲོ་ཤིན་ཏུ་མཛེས་པར་གནོན་པ་དང་། རྐང་གིས་འགྲོ་རིན་ཆེན་དཔལ་གྱི་རྒྱལ་མཚན་དང་། རྐང་གིས་
འགྲོ་དགའ་བའི་དབྱངས་སྙེན་པ་དང་། རྐང་གིས་འགྲོ་ཤིང་ཙན་དན་གྱི་འོད་དང་། རྐང་གིས་འགྲོ་པད་མོ་ཡིད་དུ་འོང་བའི་འོད་དང་། རྐང་གིས་འགྲོ་རྡུལ་གྱི་ཤུགས་ཀྱི་འོད་དང་། རྐང་གིས་འགྲོ་མྱེ་ཏོག་མང་པོའི་དཀྱིལ་འཁོར་
དང་། དེ་དག་ལ་སོགས་པ་རྐང་གིས་འགྲོ་བའི་ལྷ། སངས་རྒྱས་ཀྱི་ཞིང་རྡུལ་ཤིན་ཏུ་ཕྲ་བ་སྙེད་ཀུན་ཀྱང་སྔོན་བསྐལ་པ་མཐའ་ཡས་པར་དེ་བཞིན་གཤེགས་པའི་རྗེས་སུ་འབྲང་བ་ཤ་སྟག་དང་ཐབས་གཅིག་གོ། །སྙིང་
པོ་བྱང་ཆུབ་ཀྱི་ལྷ་སངས་རྒྱས་ཀྱི་ཞིང་རྡུལ་ཤིན་ཏུ་ཕྲ་བ་སྙེད་དག་དང་ཡང་ཐབས་གཅིག་སྟེ་འདི་ལྟར། སྙིང་པོ་བྱང་ཆུབ་ཀྱི་ལྷ་དགེ་བ་དྲི་མ་མྱེད་པའི་རྒྱན་གྱིས་བརྒྱན་པའི་རྒྱལ་མཚན་དང་། སྙིང་པོ་བྱང་ཆུབ་ཀྱི་ལྷ་
རི་རབ་སྤོའི་རིན་པོ་ཆེའི་འོད་དང་། སྙིང་པོ་བྱང་ཆུབ་ཀྱི་ལྷ་དབྱངས་ཀྱི་འབྲུག་སྒྲ་སྒྲོགས་པའི་རྒྱལ་མཚན་དང་། མེ་ཏོག་གི་ཆར་སྣ་ཚོགས་འབབ་པའི་མིག་དང་། འོད་འཕྲོ་མང་པོ་ཤིན་ཏུ་དྲི་མ་མྱེད་པ་དང་། 

72-1-6a

མེ་ཏོག་གི་ཕྲེང་བ་འོད་ཀྱི་གཙུག་ཕུད་དང་། རིན་པོ་ཆེའི་རྒྱན་གྱི་ཆར་རབ་ཏུ་འབེབས་པ་དང་། མཐུ་དམ་པ་སྤོས་ཀྱི་མྱིག་དང་། རྡོ་རྗེ་སྣ་ཚོགས་ཀྱི་སྤྲིན་དང་། པད་མོའི་ཤིང་སྣང་བའི་འོད་དང་། སྙིང་པོ་
བྱང་ཆུབ་ཀྱི་ལྷ་དགེ་བའི་ལྟ་བ་སྣ་ཚོགས་རྣམ་པར་སྟོན་པའི་འོད་དང་། དེ་དག་ལ་སྩོགས་པ་སྙིང་པོ་བྱང་ཆུབ་ཀྱི་ལྷ། སངས་རྒྱས་ཀྱི་ཞིང་གི་རྡུལ་ཤིན་ཏུ་ཕྲ་བ་སྙེད་ཀུན་ཀྱང་། སྔོན་སངས་རྒྱས་རྒྱ་ཆེན་མཆོད་པའི་
སྨོན་ལམ་གྱི་ཡང་དག་པར་འབྱུང་བ་ཤ་སྟགས་དང་ཐབས་གཅིག་གོ། །ནམཁའི་ལྷ་སངས་རྒྱས་ཀྱི་ཞིང་གི་རྡུལ་ཤིན་ཏུ་ཕྲ་བ་སྙེད་དག་དང་ཡང་ཐབས་གཅིག་སྟེ། འདི་ལྟར་གྲོང་ཁྱེར་གྱི་ལྷ་རིན་ཆེན་རྩེ་མོའི་འོད་དང་། 
རྒྱན་རྣམ་པ་སྣ་ཚོགས་འབྱུང་བ་དང་། རིན་ཆེན་དྲི་མེད་ཤིན་ཏུ་དགའ་བ་དང་། སློས་པའི་མྱ་ངན་ཐམས་ཅད་སྤོང་བས་རྣམ་པར་སྣང་བ་དང་། སྒྲོན་མ་ཤིན་ཏུ་རྒྱས་པའི་མིག་དང་། འོད་འཕྲོ་བའི་དཔལ་མངོན་པར་འབར་
བ་དང་། བསོད་ནམས་ཀྱི་ཤུགས་སྣང་བའི་འོད་དང་། ལུས་དྲི་མ་མྱེད་པས་མཉམ་པའི་འོད་དང་། སྤོས་ཀྱི་རྒྱལ་མཚན་གཙུག་པུད་ཀྱི་རྒྱན་དང་། གྲོང་ཁྱེར་གྱི་ལྷ་རིན་ཆེན་དཔལ་གྱི་འོད་དང་། དེ་དག་ལ་སྩོགས་པ་
ནམཁའི་ལྷ། སངས་རྒྱས་ཀྱི་ཞིང་གི་རྡུལ་ཤིན་ཏུ་ཕྲ་བ་སྙེད་ཀུན་ཀྱང་། བསྐལ་པ་བསམ་གྱིས་མི་ཁྱབ་པར་དེ་བཞིན་གཤེགས་པའི་གཞལ་མེད་ཁང་རབ་ཏུ་བརྒྱན་པ་ལ་བརྩོན་པ་ཤ་སྟག་དང་ཐབས་གཅིག་གོ། །
སའི་ལྷ་སངས་རྒྱས་ཀྱི་ཞིང་རྡུལ་ཤིན་ཏུ་ཕྲ་བ་དག་དང་ཡང་ཐབས་གཅིག་སྟེ། འདི་ལྟར་སའི་ལྷ་དཔལ་གྱི་མེ་ཏོག་ཀུན་ནས་ཤིན་ཏུ་རྒྱས་པ་དྲི་མ་མྱེད་པ་དང་། བསོད་ནམས་བརྟན་པ་ཤིན་ཏུ་བསགས་པའི་འོད་དང་། 
ཤིང་གི་ཡལ་ག་སྣ་ཚོགས་ཀྱྀ་རྒྱན་དང་། སེམས་ཅན་རིན་པོ་ཆེས་རྒྱས་པ་དང་། དུས་དུས་སུ་དགེ་བའི་མིག་རབ་ཏུ་སྟོན་པ་དང་། གསེར་གྱི་མིག་གི་དཔལ་དང་། སྤུ་ལས་སྤོས་ཀྱི་འོད་རྣམ་པར་འགྱེད་པ་དང་། 

72-1-6b

སྒྲ་དབྱངས་ཡིད་དུ་འོང་བ་སྒྲོག་པ་དང་། མེ་ཏོག་གི་གློང་སྣ་ཚོགས་ཀྱི་གཙུག་ཕུད་དང་། ཀུན་ནས་རྡོ་རྗེའི་རྡུལ་གྱི་རྒྱན་དང་སའི་ལྷ་ཁྱིམ་དྲི་མ་མྱེད་པའི་འོད་དང་། དེ་དག་ལ་སྩོགས་པ་སའི་ལྷ་སངས་རྒྱས་ཀྱི་ཞིང་གི་རྡུལ་ཤིན་
ཏུ་ཕྲ་བ་སྙེད་ཀུན་ཀྱང་བསོད་ནམས་ཀྱི་དབྱིབས་གཅིག་ཏུ་དེ་བཞིན་གཤེགས་པའི་སྔོན་གྱི་སྨོན་ལམ་དང་རབ་ཏུ་འབྲེལ་བ་ཤ་སྟག་དང་ཐབས་གཅིག་གོ། །རིའི་ལྷ་ཚད་མེད་པ་དག་དང་ཡང་ཐབས་གཅིག་སྟེ། འདི་ལྟར་རིའི་
ལྷ་རིན་པོ་ཆེའི་རྩེ་མོ་མེ་ཏོག་ཤིན་ཏུ་རྒྱས་པར་གནས་པ་དང་། ནག་ཚལ་སྣ་ཚོགས་ཀྱི་མེ་ཏོག་ཤིན་ཏུ་རྒྱས་པའི་གཙུག་པུད་དང་། ཀུན་ནས་ཤིན་ཏུ་འཕགས་པས་རྣམ་པར་སྣང་བའི་རྒྱལ་མཚན་དང་། རྡུལ་ཐམས་ཅད་དང་། 
མི་གནས་པས་དྲི་མ་མྱེད་པའི་གཙུག་ཕུད་དང་། སྣང་བས་ཕྱོགས་སུ་གསལ་བའི་འོད་དང་། སྟོབས་ལ་ཐུབ་པ་མེད་པའི་སྣང་བའི་འོད་དང་། ཀུན་ནས་གཟི་བརྗིད་དཔལ་གྱི་དཀྱིལ་འཁོར་དང་། སྣང་བའི་རྡུལ་ཆུ་བོའི་
དཀྱིལ་འཁོར་དང་ཀུན་ཏུ་མངོན་པར་ལྟ་བའི་མིག་དང་། རིའི་ལྷ་ཀུན་ནས་སྲ་བ་རྡོ་རྗེའི་མཚམས་ཀྱི་མིག་དང་། དེ་དག་ལ་སོགས་པ་རིའི་ལྷ་ཚད་མེད་པ་ཀུན་ཀྱང་ཚུལ་དྲི་མ་མྱེད་པའི་མིག་གི་སྒོ་རབ་ཏུ་ཐོབ་པ་ཤ་སྟགས་དང་
ཐབས་གཅིག་གོ། །ནགས་ཚལ་གྱི་ལྷ་བསམ་གྱིས་མི་ཁྱབ་པ་དག་དང་ཡང་ཐབས་གཅིག་སྟེ། འདི་ལྟར་ནག་ཚལ་གྱི་ལྷ་ཡལ་ག་སྣ་ཚོགས་ཀྱི་སྤྲིན་དང་། ནགས་ཚལ་གྱི་ལྷ་འོད་ཀྱི་ཕུང་པོ་སྣ་ཚོགས་ཀྱི་མིག་
ཡིད་དུ་འོང་བའི་འོད་དང་། ལོ་མ་དྲི་མ་མྱེད་པའི་ཕྲེང་བའི་དཔལ་དང་། ཡན་ལག་རབ་ཏུ་འཕྱང་བའི་གཟི་བརྗིད་དང་། དགེ་བའི་འོད་སྣ་ཚོགས་དང་སྒྲ་སྐད་ཡིད་དུ་འོང་བའི་དབྱངས་དང་། ཀུན་ནས་སྤོས་མང་པོ་ལྡང་བའི་
འོད་དང་། ཀུན་ནས་དཔལ་གྱི་འོད་རབ་ཏུ་འབྱུང་བའི་དཀྱིལ་འཁོར་དང་། ནགས་ཚལ་གྱི་ལྷ་མེ་ཏོག་དང་འབྲས་བུ་དང་རོའི་འོད་དང་། དེ་དག་ལ་སོགས་པ་ནགས་ཚལ་གྱི་ལྷ་བསམ་གྱི་མི་ཁྱབ་པ་ཀུན་ཀྱང་དགའ་བའི་

72-1-7a

ཤུགས་མཐའ་ཡས་པས་གསལ་བར་གྱུར་པ་ཤ་སྟགས་དང་ཐབས་གཅིག་གོ། །སྨན་གྱི་ལྷ་མཐའ་ཡས་པ་དག་དང་ཡང་ཐབས་གཅིག་སྟེ། འདི་ལྟར་སྨན་གྱི་ལྷ་ཕུན་སུམ་ཚོགས་པ་དང་། ཙན་དན་གྱི་
ནགས་ཚལ་གྱི་ཤུག་འཆང་བ་དང་། འོད་རྡུལ་མྱེད་པ་དང་། མིང་ཀུན་ཏུ་གྲགས་པ་གླང་པོའི་རྒྱལ་མཚན་དང་། སྤུའི་ཀློང་ཀུན་ནས་འོད་འབྱུང་བ་དང་། མུན་པ་རྣམ་པར་སེལ་ཅིང་རྣམ་པར་སྤྱོད་པ་དང་། སྒྲ་དབྱངས་ཀུན་ཏུ་འབྱུང་བ་དང་། 
ཉི་མའི་འོད་འགྲོ་བའི་མཆོག་གིས་རྒྱལ་མཚན་དང་། ཕྱོགས་བཅུར་རྨོངས་པ་མེད་པར་ལྟ་བ་དང་། སྨན་གྱི་ལྷ་མདངས་བཟང་པོ་ཀུན་ཏུ་འགྱེད་པའི་མིག་དང་། དེ་དག་ལ་སོགས་པ་སྨན་གྱི་ལྷ་མཐའ་ཡས་པ་ཀུན་ཀྱང་སྙིང་རྗེ་དྲི་མ་
མྱེད་པའི་དཀྱིལ་འཁོར་གྱིས་རབ་ཏུ་སྣང་བར་གྱུར་པ་ཤ་སྟག་དང་ཐབས་གཅིགོ། །ལོ་ཏོག་གི་ལྷ་མཐའ་ཡས་པ་དག་དང་ཡང་ཐབས་གཅིག་སྟེ། འདི་ལྟར་ལོ་ཏོག་གི་ལྷ་དང་འཇམ་པའི་དཔལ་དང་། དུས་ཀྱི་མེ་ཏོག་རྣམ་པར་མཛེས་
པའི་འོད་དང་། རྩལ་དམ་པའི་སྟོབས་དང་མདངས་ཀྱི་ངད་མཐའ་ཡས་པ་རབ་ཏུ་འགྱེད་པ་དང་། ས་ཀུན་གྱི་རྩ་བ་འབྲས་བུ་དང་། གཙུག་པུད་ཁ་དོག་སྣ་ཚོགས་དང་། ཡལ་ག་དྲི་མ་མྱེད་པར་གྲུབ་པ་དང་། སྤོས་སྣ་ཚོགས་
ཤིན་ཏུ་གྲུབ་པ་དང་། བཟང་ཞིང་ཡིད་དུ་འོང་བར་སྣང་བ་དང་། ལོ་ཏོག་གི་ལྷ་ཁ་དོག་རྣམ་པར་དག་ཅིང་འོད་དྲི་མ་མྱེད་པ་དང་། དེ་དག་ལ་སྩོགས་པ་ལོ་ཏོག་གི་ལྷ་མཐའ་ཡས་པ་ཀུན་ཀྱང་དགའ་བ་དང་མགུ་བ་དང་རངས་པ་ཤིན་ཏུ་ཐོབ་པ་
ཤ་སྟག་དང་ཐབས་གཅིག་གོ། །ཆུ་ཀླུང་གི་ལྷ་མུ་མྱེད་པ་དག་དང་ཡང་ཐབས་གཅིག་སྟེ། འདི་ལྟར་ཆུ་ཀླུང་གི་ལྷ་ཆུ་བོ་ཀུན་དང་ལྡན་པ་དང་། རི་དང་ཆུ་ཀུན་ལ་རྟེན་པ་དང་། རྡུལ་ཐམས་ཅད་དྲི་མ་མེད་པར་རྣམ་པར་དག་པའི་མིག་དང་། 
ང་རོས་ཁྱབ་པར་བྱེད་པ་དང་། སྲོག་ཆགས་ཀྱི་རྒྱུད་མཐའ་ཡས་པ་སྐྱོབ་པ་དང་། གདུང་བ་མེད་པ་རྒྱ་མཚོ་གདུང་བ་མེད་པའི་འོད་དྲི་མ་མེད་པ་དང་། དགའ་བདེ་ཀུན་ནས་འབྱུང་བ་དང་། ཡོན་ཏན་གྱི་ཤུགས་ཡངས་

72-1-7b

པའི་རྒྱལ་མཚན་དང་། འཇིག་རྟེན་ཐམས་ཅད་ཀྱི་དཔལ་རྣམ་པར་སྣང་བ་དང་། ཆུ་ཀླུང་གི་ལྷ་ཚོགས་ཆེན་པོ་རྒྱ་མཚོའི་དཔལ་གྱི་འོད་དང་། དེ་དག་ལ་སོགས་པ་ཆུ་ཀླུང་གི་ལྷ་མུ་མེད་པ་ཀུན་ཀྱང་འགྲོ་བ་ཐམས་ཅད་ལ་ཕན་པའི་
དོན་དུ་ཡིད་ལ་བྱེད་པ་ལ་བརྩོན་པ་ཤ་སྟགས་དང་ཐབས་གཅིག་གོ། །རྒྱ་མཚོའི་ལྷ་བསམ་གྱིས་མི་ཁྱབ་པ་དག་དང་ཡང་ཐབས་གཅིག་སྟེ། འདི་ལྟར་རྒྱ་མཚོའི་ལྷ་རིན་པོ་ཆེའི་འོད་འབྱུང་བའི་དཔལ་དང་། རྡོ་རྗེ་ཀུན་ནས་
སྲ་ཞིང་མྱི་ཆོམས་པའི་རྒྱལ་མཚན་དང་ལྡན་པ་དང་། རྡུལ་དང་དྲི་མ་མྱེད་པའི་གནས་དང་ལྡན་པ་དང་། ཀུན་ནས་ཆུ་དང་རི་བོ་དང་ཁྱིམ་གྱི་དཀྱིལ་འཁོར་དང་། སྐྱབས་རིན་པོ་ཆེ་
མྱིག་གི་ཟླ་བའི་དཔལ་དང་། ཀླུའི་དཔལ་པད་མོ་སྣ་ཚོགས་ཀྱི་གཙུག་ཕུད་དང་། ཆུན་ལྟ་བུར་རོ་མཐུན་པར་འཛིན་པའི་འོད་དང་། རིན་པོ་ཆེའི་འོད་འཕྲོ་བའི་མེ་ཏོག་གི་ཚོན་གྱི་འོད་དང་། རི་རབ་སྲ་བའི་རྡོ་རྗེ་སྣ་ཚོགས་དང་། 
རྒྱ་མཚོའི་ལྷ་འབྲུག་སྒྲ་སྒྲོགས་པ་རྒྱ་མཚོའི་ཤུགས་ཀྱི་དབྱངས་དང་། དེ་དག་ལ་སོགས་པ་རྒྱ་མཚོའི་ལྷ་བསམ་གྱིས་མྱི་ཁྱབ་པ་ཀུན་ཀྱང་སངས་རྒྱས་ཀྱི་ཡོན་ཏན་རྒྱ་མཚོའི་མཐར་ཕྱིན་པར་རྒྱས་པར་བྱེད་པ་ཤ་སྟག་དང་
ཐབས་གཅིག་གོ། །མེའི་ལྷ་གྲངས་མེད་པ་དང་ཡང་ཐབས་གཅིག་སྟེ། འདི་ལྟར་མེའི་ལྷ་གཟི་བརྗིད་འབར་ཞིང་འཕྲོ་བའི་འོད་དང་། ཀུན་ཏུ་འབར་ཞིང་འཕྲོ་བའི་རྒྱལ་མཚན་གྱི་དཀྱིལ་འཁོར་དང་། འོད་རྒྱ་ཆེན་པོས་
ཕྱོགས་རྒྱས་པར་བྱེད་པ་དང་། རྒྱལ་མཚན་གྱི་རྡུལ་གྱི་སྒོས་རྒྱས་པར་བྱེད་པ་དང་། གཟི་བརྗིད་མི་ཟད་པའི་གཙུག་ཕུད་དང་། དཀའ་ཐུབ་སྣ་ཚོགས་ཀྱི་མིག་གི་དཔལ་དང་། ཕྱོགས་ཁྱིམ་དུ་གྱུར་པའི་རི་རབ་ཀྱི་སྦོས་
དང་། འོད་དྲག་ཤུལ་ཅན་གྱི་དབང་ཕྱུག་དང་། མུན་པ་དང་རབ་རིབ་སེལ་ཅིང་ཕྱོགས་རྣམ་པར་སྣང་བར་བྱེད་པ་དང་། མེའི་ལྷ་འོད་འཕྲོ་བའི་སྤྲིན་གྱི་དབང་ཕྱུག་དང་། དེ་དག་ལ་སོགས་པ་མེའི་ལྷ་གྲངས་མེད་པ་ཀུན་

72-1-8a

ཀྱང་སེམས་ཅན་ཐམས་ཅད་ཀྱི་གདུང་བ་སེལ་བའི་སྣང་བ་སྟོན་པ་ཤ་སྟག་དང་ཐབས་གཅིག་གོ། །ཆུའི་ཕུང་པོའི་ལྷ་ཚད་མེད་པ་དག་དང་ཡང་ཐབས་གཅིག་སྟེ། འདི་ལྟར་ཆུའི་ཕུང་པོའི་ལྷ་སྤྲིན་དང་ན་བུན་
ཀུན་ཏུ་གྲུབ་པའི་རྒྱལ་མཚན་དང་། སྤྲིན་སྒྲའི་ཤུགས་རྒྱ་མཚོའི་སྤྲིན་དང་། ཆུ་སྣ་ཚོགས་ཀྱི་གཙུག་ཕུད་དང་། བཟང་པོར་འཁྱིལ་བ་གྲུབ་པའི་དཔལ་དང་། ཀུན་ནས་སྤོས་དྲི་མ་མྱེད་པའི་མྱུ་གུའི་དཔལ་དང་། དཔལ་
རླབས་ཀྱི་སྒྲ་བསོད་ནམས་སྟེགས་ཀྱི་འོད་དང་། ཚིམ་པར་བྱ་བ་ལ་དབང་བྱེད་པ་ཡོངས་སུ་སྒྲུབ་པ་དང་། སའི་རྡུལ་སྙེད་ཀྱི་སྒོ་ནས་དབྱངས་འབྱུང་བ་དང་། འོད་ཀུན་ཏུ་འགྲོ་ཞིང་རྒྱས་པར་བྱེད་པ་དང་། ཆུའི་ཕུང་པོའི་ལྷ་
རྒྱ་མཚོའི་དབྱངས་ཀྱི་ང་རོའི་འོད་དང་། དེ་དག་ལ་སྩོགས་པའི་ཆུའི་ཕུང་པོའི་ལྷ་ཚད་མེད་པ་ཀུན་ཀྱང་འགྲོ་བ་ཐམས་ཅད་ལ་ཕན་པ་དང་བདེ་བའི་སྐྱབས་སུ་བརྩོན་པ་ཤ་སྟག་དང་ཐབས་གཅིག་གོ། །རླུང་གི་ཕུང་པོའི་ལྷ་ཚད་མྱེད་
པ་དག་དང་ཡང་ཐབས་གཅིག་སྟེ། འདི་ལྟར་རླུང་གི་ཕུང་པོའི་ལྷ་ཆགས་པ་མྱེད་པར་འགྲོ་བའི་འོད་དང་། ཀུན་ཏུ་རྒྱས་པར་འབྱུང་བའི་མཐུའི་དཔལ་དང་། ཀུན་ཏུ་རེག་པར་བྱེད་པའི་སྤྲིན་གྱི་རྒྱལ་མཚན་དང་། 
རྒྱན་ཡིད་དུ་འོང་ཞིང་བཟང་བའི་འོད་དང་། ཆུ་དྲག་པོའི་སྙིང་པོ་སྐེམས་པ་དང་། སྒྲ་ཆེན་པོས་འགྲོ་བའི་དབྱངས་དང་། ཤིང་གི་རྩེ་མོ་མེ་ཏོག་རབ་ཏུ་འཕྱང་བའི་གཙུག་ཕུད་དང་། ཐོགས་པ་མེད་པར་ཕྱོགས་ཀུན་ཏུ་རྒྱས་པར་
འགྲོ་བ་དང་། རླུང་གི་ཕུང་པོ་རྣམ་པ་སྣ་ཚོགས་འབྱུང་བའི་སྤྲིན་གྱི་དཀྱིལ་འཁོར་དང་། རླུང་གི་ཕུང་པོའི་ལྷ་འཇིག་རྟེན་ཐམས་ཅད་ཀྱི་མུན་པ་ཀུན་ནས་སྣང་བར་བྱེད་པ་དང་། དེ་དག་ལ་སོགས་པ་རླུང་གི་ཕུང་པོའི་ལྷ་ཚད་
མྱེད་པ་ཀུན་ཀྱང་སེམས་ཅན་ཐམས་ཅད་ཀྱི་སྔོན་གྱྀ་མཐའི་ང་རྒྱལ་རྣམ་པར་གཏོར་བ་ལ་བརྩོན་པ་ཤ་སྟག་དང་ཐབས་གཅིག་གོ། །ནམ་མཁའི་ལྷ་མུ་མེད་པ་དག་དང་ཡང་ཐབས་གཅིག་སྟེ། འདི་ལྟར་ནམ་མཁའི་

72-1-8b

ལྷ་ཀུན་ནས་སྣང་བ་དྲི་མ་མྱེད་པའི་འོད་དང་། མཐའ་ཡས་ཤིང་ཟག་པ་ཀུན་ཏུ་རྒྱས་པར་བྱེད་པ་དང་། རླུང་ཀུན་ནས་འབྱུང་བའི་དཔལ་དང་། བསྒྲིབས་པ་ཐམས་ཅད་དང་མི་གནས་པའི་དཀྱིལ་འཁོར་དང་། རྒྱ་ཆེན་
པོ་ཀུན་ཏུ་གནོན་པ་སྣ་ཚོགས་ཀྱི་གཙུག་ཕུད་དང་། འོད་ཟེར་སྣང་བའི་འོད་ཐོགས་པ་མྱེད་པ་དང་། སྟོབས་ཀྱི་རྒྱུན་ཐོགས་པ་མྱེད་པའི་དཔལ་དང་། ཕྱོགས་དྲི་མ་མྱེད་པར་སྣང་བའི་འོད་དང་། དབྱངས་ཤིན་ཏུ་འཕགས་ཤིང་
ཟབ་པ་དང་། ནམ་མཁའི་ལྷ་ཕྱོགས་བཅུར་མངོན་དུ་སྟོན་པའི་འོད་དང་། དེ་དག་ལ་སོགས་པ་ནམ་མཁའི་ལྷ་མུ་མྱེད་པ་ཐམས་ཅད་ཀྱང་སེམས་རྒྱ་མཚོ་དྲི་མ་མྱེད་ཅིང་ཡོངས་སུ་དག་པ་ཤ་སྟག་དང་ཐབས་གཅིག་
གོ། །ཕྱོགས་ཀྱི་ལྷ་མུ་མྱེད་པ་དག་དང་ཡང་ཐབས་གཅིག་སྟེ། འདི་ལྟར་ཕྱོགས་ཀྱི་ལྷ་ཕྱོགས་ཀྱི་དབྱིངས་ན་རབ་ཏུ་གནས་ཤིང་ཀུན་ཏུ་རྒྱས་པར་འགེངས་པ་དང་། མཉམ་པ་ཉིད་ལ་མངོན་དུ་ལྟ་བ་དང་། སྣང་བ་
སྤྱོད་པའི་རྒྱན་དང་། ཀུན་ཏུ་རྒྱུ་ཞིང་རྗེས་སུ་འབྲང་བ་དང་། རྨོངས་པ་མེད་པའི་གཙུག་ཡོངས་སུ་འགྲུབ་པ་དང་། ནམ་མཁའི་རྒྱུད་ཀུན་ཏུ་སྤྱོད་པ་དང་། རྣམ་པར་སྤྱོད་པའི་སྤྲིན་རྒྱ་ཆེན་པོའི་རྒྱལ་མཚན་དང་། མྱིག་
ཐ་དད་པ་མེད་པའི་གཙུག་ཕུད་དང་། འཇིག་རྟེན་གྱི་བྱ་བ་ཀུན་ནས་སྤྱོད་པ་དང་། ཕྱོགས་ཀྱི་ལྷ་ཕྱོགས་སུ་རྣམ་པར་ལྟ་བ་ཕྲེང་བའི་འོད་དང་། དེ་དག་ལ་སོགས་པ་ཕྱོགས་ཀྱི་ལྷ་མུ་མེད་པ་ཀུན་ཀྱང་། སེམས་ཅན་
གྱི་རྒྱུད་ཀྱི་ཕྱོགས་སྣང་བར་བྱ་བ་ལ་བརྩོན་པ་ཤ་སྟག་དང་ཐབས་གཅིག་གོ། །མཚན་མོའི་ལྷ་ཚད་མེད་པ་དག་དང་ཡང་ཐབས་གཅིག་སྟེ། འདི་ལྟར་མཚན་མོའི་ལྷ་དཔལ་དྲི་མ་མྱེད་ཅིང་ཀུན་ནས་ཟབ་པའི་འོད་དང་། ཀུན་ནས་
སྐྱོབ་པའི་མདངས་ཀྱི་དཔལ་དང་། རབ་ཏུ་དགའ་བའི་མིག་གིས་འགྲོ་བ་ལ་རྣམ་པར་ལྟ་བ་དང་། སྒྲས་ཞིང་རྒྱ་མཚོ་དང་ལྡན་པ་དང་། མཚན་མོ་ཐམས་ཅད་འབྱུང་བའི་དཔལ་དང་། ཤིང་ཐམས་ཅད་རབ་ཏུ་རྒྱས་པར་

72-1-9a

བྱེད་པའི་འོད་དང་། ཀུན་ནས་སྐྱོང་ཞིང་སྲུང་བའི་དཔལ་དང་། དགེ་བ་ཐམས་ཅད་ཀྱི་དགའ་བ་ལ་དབང་སྒྱུར་བ་དང་། མདུད་པར་འཛིན་པ་ཐམས་ཅད་ཞི་བར་བྱ་བས་དབང་པོ་རབ་ཏུ་དགའ་བ་དང་། མཚན་མོའི་
ལྷ་དགེ་བའི་བསོད་ནམས་འབྱུང་བའི་དཔལ་སྟོན་པ་དང་། དེ་དག་ལ་སོགས་པ་མཚན་མོའི་ལྷ་ཚད་མྱེད་པ་ཀུན་ཀྱང་ཆོས་ཀྱི་དགའ་བ་འབྱུང་བ་ལ་མོས་པར་གནས་པ་ལ་བརྩོན་པ་ཤ་སྟག་དང་ཐབས་གཅིག་གོ། །
ཉིན་མོའི་ལྷ་གཞལ་དུ་མེད་པ་དག་དང་ཡང་ཐབས་གཅིག་སྟེ། འདི་ལྟར་ཉིན་མོའི་ལྷ་ཁྱིམ་དང་། གཞལ་མེད་ཁང་གི་གཟུགས་ཤིན་ཏུ་སྟོན་པ་དང་། བརྩམ་པའི་བློ་གྲོས་མཚམས་སྦྱོར་བའི་དཀྱིལ་འཁོར་དང་། 
ཀུན་ནས་དགའ་བའི་དཔལ་གྱི་རྒྱན་དང་། མེ་ཏོག་དང་སྤོས་ཡིད་དུ་འོང་བའི་འོད་དང་། ཀུན་ནས་ཡིད་དུ་འོང་བའི་སྨན་སྟོན་པ་སྒྲུབ་པའི་དཔལ་དང་། དགའ་བའི་མིག་བཟང་པོས་ཚིམ་པར་བྱེད་པ་དང་། ཡུལ་རྒྱ་
ཆེན་པོའི་ཕྱོགས་ཀུན་ནས་བྱུང་བའི་དཔལ་དང་། སྙིང་རྗེ་རྒྱ་ཆེན་པོའི་གཟི་བརྗིད་ཀྱི་འོད་དང་། སྣང་བ་རྒྱ་ཆེན་པོའི་དགེ་བའི་རྩ་བ་དང་མི་འབྲལ་བའི་འོད་དང་ཉིན་མོའི་ལྷ་མེ་ཏོག་གི་ཕྲེང་བ་ཀུན་ནས་འཕྱང་བའི་
དཔལ་དང་། དེ་དག་ལ་སོགས་པ་ཉིན་མོའི་ལྷ་གཞལ་དུ་མེད་པ་ཀུན་ཀྱང་མོས་པའི་ཆོས་གཞལ་དུ་མེད་པའི་རྒྱན་ལ་རབ་ཏུ་བརྩོན་པ་ཤ་སྟགས་དང་ཐབས་གཅིག་གོ། །ལྷ་མ་ཡིན་གྱི་དབང་པོ་མཐའ་ཡས་
པ་དག་དང་ཡང་ཐབས་གཅིག་སྟེ། འདི་ལྟར་ལྷ་མ་ཡིན་གྱི་དབང་པོ་སྒྲ་གཅན་དང་། ལྷ་མ་ཡིན་གྱི་དབང་པོ་ཐག་ཟངས་རིས་དང་། ལྷ་མ་ཡིན་གྱི་དབང་པོ་བདེ་བའི་མཆོག་དང་། ལྷ་མ་ཡིན་གྱི་དབང་པོ་
མཚོན་ཅ་ཆེན་པོ་དང་། ལྷ་མ་ཡིན་གྱི་དབང་པོ་སྟོབས་ཅན་དང་། ལྷ་མ་ཡིན་གྱི་དབང་པོ་རྣམ་པར་སྣང་བ་དང་། ལྷ་མ་ཡིན་གྱི་དབང་པོ་རྡོ་རྗེ་སྲ་བ་སྣ་ཚོགས་ཀྱི་ཡན་ལག་དང་། ལྷ་མ་ཡིན་གྱི་དབང་པོ་སྟོབས་རྒྱ་ཆེན་པོའི་རྒྱུའི་བློ་གྲོས་དང་། 

72-1-9b

ལྷ་མ་ཡིན་གྱི་དབང་པོ་དཔལ་གྱི་བེའུ་རབ་ཏུ་འབྱུང་བ་དང་། ལྷ་མ་ཡིན་གྱི་དབང་པོ་བརྟུལ་ཞུགས་བཟང་པོའི་དབྱངས་དང་། དེ་དག་ལ་སོགས་པ་ལྷ་མ་ཡིན་གྱི་དབང་པོ་ཀུན་ཀྱང་སྒྱུ་དང་། ང་རྒྱལ་དང་ཀུན་ནས་ཉོན་
མོངས་པ་རབ་ཏུ་ཞི་བར་བྱ་བ་ལ་བརྩོན་པ་ཤ་སྟག་དང་ཐབས་གཅིག་གོ། །ནམ་མཁའ་ལྡིང་གི་དབང་པོ་བསམ་གྱིས་མི་ཁྱབ་པ་དག་དང་ཡང་ཐབས་གཅིག་སྟེ། འདི་ལྟར་ནམ་མཁའ་ལྡིང་གི་དབང་པོ་མཐུ་སྟོབས་
ཆེན་པོའི་ཤུགས་དང་། ནམ་མཁའ་ལྡིང་གི་དབང་པོ་མྱི་ཤིགས་པའི་སེམས་ཅན་རིན་ཆེན་གཙུག་པུད་དང་། ནམ་མཁའ་ལྡིང་གི་དབང་པོ་ཤུགས་དྲི་མ་མེད་པའི་དཔལ་དང་། ནམ་མཁའ་ལྡིང་གི་དབང་པོ་ཕྱིར་མྱི་
ལྡོག་པའི་སེམས་ཀྱི་རྒྱན་དང་། ནམ་མཁའ་ལྡིང་གི་དབང་པོ་རྒྱ་མཚོ་ཆེན་པོའི་འོད་ཀྱི་ཚུལ་འཆང་བ་དང་། ནམ་མཁའ་ལྡིང་གི་དབང་པོ་ཆོས་བརྟེན་པ་དྲི་མ་མེད་པའི་འོད་དང་། ནམ་མཁའ་ལྡིང་གི་དབང་པོ་
ཅོད་པན་སྣ་ཚོགས་དཔལ་གྱི་གཙུག་པུད་དང་། ནམ་མཁའ་ལྡིང་གི་དབང་པོ་བཞིན་ཀུན་ཏུ་ཁྱབ་པར་སྟོན་པའི་ཤུགས་དང་། ནམ་མཁའ་ལྡིང་གི་དབང་པོ་དགེ་བ་རྒྱ་མཚོ་ཀུན་ནས་ལྟ་བ་དང་། ནམ་ཁའ་ལྡིང་
གི་དབང་པོ་ཀླུའི་སྒྲ་ཡངས་པ་ཀུན་ཏུ་ལྟ་བའི་དཀྱིལ་འཁོར་དང་། དེ་དག་ལ་སྩོགས་པ་ནམ་མཁའ་ལྡིང་གི་དབང་པོ་མཐའ་ཡས་པ་ཀུན་ཀྱང་སེམས་ཅན་ཐམས་ཅད་ཡོངས་སུ་བསྡུ་བའི་ཐབས་ཡངས་
པ་རབ་ཏུ་ཐོབ་པ་ཤ་སྟག་དང་ཐབས་གཅིག་གོ། །མིའམ་ཅིའི་དབང་པོ་དུ་མ་དག་དང་ཡང་ཐབས་གཅིག་སྟེ། འདི་ལྟར་མི་འམ་ཅིའི་དབང་པོ་ལྷའི་བློ་གྲོས་འོད་དང་། མིའམ་ཅིའི་དབང་པོ་མེ་ཏོག་དཔལ་
གྱི་དཀྱིལ་འཁོར་དང་། མི་འམ་ཅིའི་དབང་པོ་རྒྱན་རྣམ་པ་སྣ་ཚོགས་དང་། མིའམ་ཅིའི་དབང་པོ་ང་རོ་ཡིད་དུ་འོང་བའི་དབྱངས་དང་། མིའམ་ཅིའི་དབང་པོ་ཤིང་རིན་པོ་ཆེའི་ཡལ་གའི་འོད་དང་། མིའམ་ཅིའི་

72-1-10a

དབང་པོ་མཐོང་ན་དགའ་ཞིང་སྤྲོ་བར་བྱེད་པ་དང་། མིའམ་ཅིའི་དབང་པོ་རྒྱན་གྱི་དཔལ་གྱི་འོད་དང་། མི་འམ་ཅིའི་དབང་པོ་མེ་ཏོག་ཚོན་དབང་པོའི་རྒྱལ་མཚན་དང་། མི་འམ་ཅིའི་དབང་པོ་སའི་གཞིའི་དཔལ་དང་། 
མི་འམ་ཅིའི་དབང་པོ་དྲག་ཤུལ་གྱི་བདག་པོ་དང་། དེ་དག་ལ་སྩོགས་པ་མིའམ་ཅིའི་དབང་པོ་དུ་མ་ཀུན་ཀྱང་ཆོས་ཐམས་ཅད་ལ་དགའ་བས་རྩེ་བ་ཡང་དག་པར་བསྐྱེད་པ་ལ་རབ་ཏུ་བརྩོན་པ་ཤ་སྟག་དང་ཐབས་གཅིག་
གོ། །ལྟོ་འཕྱེ་ཆེན་པོའྀ་དབང་པོ་འཕྲུལ་ལ་ཆེ་བ་པོ་ས་མཚམས་མེད་པ་དང་ཡང་ཐབས་གཅིག་སྟེ། འདི་ལྟར་ལྟོ་འཕྱེ་ཆེན་པོའི་དབང་པོ་བློ་གྲོས་བཟང་པོའི་གཟི་བརྗིད་དང་། ལྟོ་འཕྱེ་ཆེན་པོའི་དབང་པོ་གཟི་བརྗིད་ཀྱི་དབྱངས་
ལ་རྡུལ་མེད་པ་དང་། ལྟོ་འཕྱེ་ཆེན་པོའི་དབང་པོ་བློ་གྲོས་སྣ་ཚོགས་མཆོག་གི་གཙུག་ཕུད་དང་། ལྟོ་ཕྱེ་ཆེན་པོའི་དབང་པོ་མིག་བཟང་པོའི་བདག་པོ་དང་། ལྟོ་འཕྱེ་ཆེན་པོའི་དབང་པོ་སྒྲོན་མའི་སྐྱབས་ཀྱི་རྒྱལ་
པོ་དང་། ལྟོ་འཕྱེ་ཆེན་པོའི་དབང་པོ་སྣང་བ་ཤུགས་བཟང་པོའི་རྒྱལ་མཚན་དང་། ལྟོ་འཕྱེ་ཆེན་པོའྀ་དབང་པོ་སེང་གེའི་ཕྲུ་གུ་དང་། ལྟོ་ཕྱེ་ཆེན་པོའི་དབང་པོ་བརྒྱན་སྣ་ཚོགས་ཀྱི་དབྱངས་དང་། ལྟོ་འཕྱེ་ཆེན་པོའི་དབང་
པོ་རི་རབ་ཀྱི་བུ་དང་། ལྟོ་འཕྱེ་ཆེན་པོའི་དབང་པོ་འོད་ཡིད་དུ་འོང་བ་འབྱུང་བ་དང་། དེ་དག་ལ་སྩོགས་པ་ལྟོ་འཕྱེ་ཆེན་པོའི་དབང་པོ་ས་མཚམས་མེད་པ་ཀུན་ཀྱང་སེམས་ཅན་གྱི་གཏི་མུག་གི་དྲ་བ་ཆེན་པོ་གསལ་
བ་ལ་རབ་ཏུ་བརྩོན་པ་ཤ་སྟག་དང་ཐབས་གཅིག་གོ། །དྲི་ཟའྀ་བདག་པོ་ཚད་མེད་པ་དག་དང་ཡང་ཐབས་གཅིག་སྟེ། འདི་ལྟར་དྲི་ཟའི་རྒྱལ་པོ་གནས་སྲུང་པོ་དང་། དྲི་ཟའི་རྒྱལ་པོ་ཤིང་མིའམ་ཅིའི་འོད་དང་། 
དྲི་ཟའི་རྒྱལ་པོ་མིག་གཙང་མ་དགའ་བ་རབ་ཏུ་སྐྱེ་བ་དང་། དྲི་ཟའི་རྒྱལ་པོ་མེ་ཏོག་དང་། ཤིང་ཤིན་ཏུ་རྒྱས་པའི་ཅོད་པན་དང་། དྲི་ཟའི་རྒྱལ་པོ་དགའ་བས་སྤྱོད་པ་ཀུན་ཏུ་སྒྲོག་པ་དང་། དྲི་ཟའི་རྒྱལ་པོ་རབ་ཏུ་དགའ་བ་རྒྱུན་ཏུ་

72-1-10b

གནས་པའི་མྱིག་བཟང་པོ་དང་། དྲི་ཟའི་རྒྱལ་པོ་ཡིད་དུ་འོང་བའི་དབྱངས་སེང་གེའི་རྒྱལ་མཚན་དང་། དྲི་ཟའི་རྒྱལ་པོ་འོད་ཟེར་ཀུན་ཏུ་འགྱེད་པའི་འོད་དང་། དྲི་ཟའི་རྒྱལ་པོ་རྡོ་རྗེའི་ཤིང་གི་ཡལ་གའི་རྒྱལ་མཚན་དང་། 
དྲི་ཟའི་རྒྱལ་པོ་རྒྱན་ཐམས་ཅད་ལ་དགའ་བའི་རང་བཞིན་གྱི་ཚུལ་སྟོན་པ་དང་། དེ་དག་ལ་སྩོགས་པ་དྲི་ཟའི་རྒྱལ་པོ་ཚད་མེད་པ་ཀུན་ཀྱང་། མོས་པ་དང་དགའ་བ་ཆེན་པོ་ལ་རབ་ཏུ་བརྩོན་པ་ཤ་སྟག་དང་ཐབས་གཅིག་
གོ། །གྲུལ་བུམ་གྱི་བདག་པོ་ཚད་མེད་པ་དག་དང་ཡང་ཐབས་གཅིག་སྟེ། འདི་ལྟར་གྲུལ་བུམ་གྱི་དབང་པོ་འཕགས་སྐྱེས་པོ་དང་། གྲུལ་བུམ་གྱི་དབང་པོ་ཀླུ་བདག་དང་། གྲུལ་བུམ་གྱི་དབང་པོ་ལེགས་པར་
སྤྱོད་པའི་རྒྱལ་མཚན་དང་། གྲུལ་བུམ་གྱི་དབང་པོ་ཕན་པར་སྤྱོད་པར་འཕར་བ་དང་། གྲུལ་བུམ་གྱི་དབང་པོ་འཇིགས་པ་ལས་སྒྲོལ་སྒྲོལ་བ་དང་། གྲུལ་བུམ་གྱི་དབང་པོ་ས་ལ་སྣ་ཚོགས་བཟང་པོ་དང་། གྲུལ་
བུམ་གྱི་དབང་པོ་རི་རབ་ལེགས་པར་བྱུང་བ་དང་། གྲུལ་བུམ་གྱི་དབང་པོ་སྡེ་དཔའ་བ་དང་། གྲུལ་བུམ་གྱི་དབང་པོ་དགེ་བའི་མིག་གི་འོད་ཟེར་མཐའ་ཡས་པ་དང་། གྲུལ་བུམ་གྱི་དབང་པོ་ལྷ་དང་ལྷ་མ་ཡིན་སྒོ་མཐའ་ཡས་པའི་མིག་དང་། དེ་དག་ལ་སྩོགས་
པ་གྲུལ་བུམ་གྱི་དབང་པོ་ཚད་མེད་པ་ཀུན་ཀྱང་ཆགས་པ་མེད་པའི་ཆོས་སྣང་བ་མངོན་པར་བསྒྲུབས་པ་ལ་རབ་ཏུ་བརྩོན་པ་ཤ་སྟག་དང་ཐབས་གཅིག་གོ། །ཀླུའི་བདག་པོ་མཐའ་ཡས་པ་དག་དང་ཡང་ཐབས་
གཅིག་སྟེ། འདི་ལྟར་ཀླུའི་དབང་པོ་མིག་མྱི་བཟང་དང་། ཀླུའི་དབང་པོ་རྒྱ་མཚོ་དང་། ཀླུའི་དབང་པོ་སྤྲིན་སྒྲ་སྣ་ཚོགས་ཀྱི་རྒྱལ་མཚན་དང་། ཀླུའི་དབང་པོ་འོད་འཕྲོ་བའི་སྒོ་རྒྱ་མཚོ་རབ་ཏུ་སྣང་བ་དང་། ཀླུའི་དབང་པོ་
ཀུན་ནས་རིའི་སྤྲིན་གྱི་རྒྱལ་མཚན་དང་། ཀླུའི་དབང་པོ་འཇོག་པོ་དང་། ཀླུའི་དབང་པོ་མཐའ་ཡས་པར་འགྲོ་བ་དང་། ཀླུའི་དབང་པོ་མཛོད་སྤུའི་གཟི་བརྗིད་དྲི་མ་མྱེད་པའི་ཤུགས་དང་། ཀླུའི་དབང་པོ་ཀུན་ཏུ་སྤྱོད་པ་རྒྱ་

72-1-11a

ཆེན་པོའི་དབྱངས་དང་། ཀླུའི་དབང་པོ་མ་དྲོས་པ་དང་། དེ་དག་ལ་སོགས་པ་ཀླུའི་དབང་པོ་མཐའ་ཡས་པ་ཀུན་ཀྱང་སེམས་ཅན་གྱི་ཉོན་མོངས་པས་གདུང་བའི་ཚ་བ་ཆེན་པོའི་ཆར་པའི་སྤྲིན་གྱིས་ཤིན་ཏུ་ཞི་
བར་བྱ་བ་ལ་རབ་ཏུ་བརྩོན་པ་ཤ་སྟག་དང་ཐབས་གཅིག་གོ། །གནོད་སྦྱིན་གྱི་བདག་པོ་ཀུན་ཏུ་མཐའ་ཡས་པ་དག་དང་ཡང་ཐབས་གཅིག་སྟེ། འདི་ལྟར་གནོད་སྦྱིན་གྱི་དབང་པོ་ངལ་བསོ་བ་དང་། གནོད་སྦྱིན་གྱི་
དབང་པོ་དབྱངས་ན་དབང་ཕྱུག་དང་། གནོད་སྦྱིན་གྱི་དབང་པོ་ས་ལ་ཤིན་ཏུ་གཏུམ་པའི་མཚོན་ཆ་དང་། གནོད་སྦྱིན་གྱི་དབང་པོ་བློ་གྲོས་ཆེན་པོ་དང་། གནོད་སྦྱིན་གྱི་དབང་པོ་མིག་འོད་འཕྲོ་བའི་བདག་པོ་དང་། 
གནོད་སྦྱིན་གྱི་དབང་པོ་མིག་རྡོ་རྗེ་ལྟར་བརྟན་པ་དང་། གནོད་སྦྱིན་གྱི་དབང་པོ་སྡེ་མཆོག་ཏུ་དཔའ་བ་དང་། གནོད་སྦྱིན་གྱི་དབང་པོ་སྡེའི་རྒྱན་ཆེན་པོས་རབ་ཏུ་གནོན་པ་དང་། གནོད་སྦྱིན་གྱི་དབང་པོས་དགེ་བའི་
ཆོས་ཐ་དང་། གནོད་སྦྱིན་གྱི་དབང་པོ་རི་བོའི་སྟོབས་རབ་ཏུ་འཇོམས་པ་དང་། དེ་དག་ལ་སྩོགས་པ་གནོད་སྦྱིན་གྱི་དབང་པོ་ཀུན་ཏུ་མཐའ་ཡས་པ་ཀུན་ཀྱང་། སེམས་ཅན་ཐམས་ཅད་ལ་ཕན་པ་དང་། ཡོངས་སུ་
བསྲུང་བར་རབ་ཏུ་བརྩོན་པ་ཤ་སྟག་དང་ཐབས་གཅིག་གོ། །ཟླ་བའི་རིས་སུ་གཏོགས་པའི་ལྷ་དུ་མ་དག་དང་ཡང་ཐབས་གཅིག་སྟེ། འདི་ལྟར་ལྷའི་བུ་ཟླ་བ་དང་། ལྷའི་བུ་འོད་ཀྱི་མེ་ཏོག་རྒྱལ་པོའི་གཙུག་ཕུད་
དང་། ལྷའི་བུ་དཔལ་གྱི་ཚོགས་སྣ་ཚོགས་ཀྱི་རྒྱན་གྱི་འོད་དང་། ཟླ་བའི་རིས་ལྷའི་བུ་འཇིག་རྟེན་དགའ་བའི་བདེ་བ་སྣ་ཚོགས་དང་། ལྷའི་བུ་ཤིང་གི་དབང་པོའྀ་མྱིག་གི་འོད་དང་། ལྷའི་བུ་འོད་བཟང་པོ་སྟོན་པ་དང་། 
ལྷའི་བུ་ཀུན་ནས་སྤྱོད་པ་མི་སྒུལ་བའི་འོད་དང་། ལྷའི་བུ་སྐར་མའི་རྒྱལ་པོའི་བདག་པོ་དང་། ལྷའི་བུ་བློ་དྲི་མ་མྱེད་པའི་ཟླ་བ་དང་། ལྷའི་བུ་གཟི་བརྗིད་ཆེན་པོའི་འོད་ཟེར་མཛེས་པ་དང་། དེ་དག་ལ་སྩོགས་པ་ལྷའི་

72-1-11b

བུ་ཟླ་བའི་རིས་སུ་གཏོགས་པ་དུ་མ་ཀུན་ཀྱང་། སེམས་ཅན་ཐམས་ཅད་ཀྱི་སེམས་རིན་པོ་ཆེ་སྣང་བར་བྱ་བ་ལ་བརྩོན་པ་ཤ་སྟག་དང་ཐབས་གཅིག་གོ། །ཉི་མའི་རིས་སུ་གཏོགས་པའི་ལྷའི་བུ་མུ་མེད་པ་དག་དང་ཡང་ཐབས་
གཅིག་སྟེ། འདི་ལྟར་ལྷའི་བུ་ཉི་མ་དང་། ལྷའི་བུ་གཟི་བརྗིད་ཀྱི་འོད་ཟེར་འབར་བའི་མིག་དང་། རི་བོའི་རྒྱལ་མཚན་གྱི་འོད་དང་། རིན་ཆེན་དྲི་མེད་རྨད་དུ་བྱུང་བ་དང་། ཕྱིར་མི་ལྡོག་པར་རབ་ཏུ་གནོན་པ་དང་། མེ་ཏོག་གི་ཕྲེང་བའི་
འོད་ཀྱི་དཔལ་དང་། འོད་ཀྱི་དཔལ་སྣང་བའི་རྒྱལ་མཚན་རིན་ཆེན་གཙུག་ཕུད་རྣམ་པར་སྣང་བ་དང་མིག་ཀུན་ཏུ་སྣང་བ་དང་། སའི་དཔལ་གྱི་བེའུ་འཛིན་པ་དང་། ལྷའི་བུ་སྒོ་ཐམས་ཅད་དུ་སྐྱོམ་པའི་དཔལ་གྱི་འོད་དང་། 
དེ་དག་ལ་སོགས་པ་ལྷའི་བུ་ཉི་མའི་རིས་སུ་གཏོགས་པ་མུ་མེད་པ་ཀུན་ཀྱང་དགེ་བའི་རྩ་བ་ཤིན་ཏུ་སྦྱངས་པ་འགྲོ་བ་ཐམས་ཅད་ལ་ཕན་པ་རབ་ཏུ་བརྩོན་པ་ཤ་སྟག་དང་ཐབས་གཅིག་གོ། །སུམ་བཅུ་རྩ་
གསུམ་གྱི་རིས་སུ་གཏོགས་པ་བརྒྱ་བྱིན་ལྷའི་དབང་པོ་ལ་སོགས་པ་ཚད་མེད་པ་དག་དང་ཡང་ཐབས་གཅིག་སྟེ། འདི་ལྟར་ལྷའི་དབང་པོ་བརྒྱ་བྱིན་དང་། ལྷའི་བུ་སྒྲ་ཀུན་ཏུ་གྲགས་པའི་དབང་ཕྱུག་དཀྱིལ་འཁོར་དང་། 
བྱམས་པར་ལྟ་བའི་གཙུག་ཕུད་དང་། རིན་པོ་ཆེའི་འོད་ཀུན་ཏུ་གྲགས་པའི་རྒྱལ་མཚན་དང་། དགའ་བདེ་འབྱུང་བའི་གཙུག་ཕུད་དང་། དྲན་པ་ཡིད་དུ་འོང་བ་དང་། རི་བོའི་སྒྲའི་དཔལ་དང་། དྲན་པ་དང་ལྡན་པ་དང་། 
མེ་ཏོག་དྲི་མ་མེད་ཅིང་ཡིད་དུ་འོང་བའི་འོད་དང་། ཡེ་ཤེས་ཉི་མའི་མིག་དང་། ལྷའི་བུ་ཡང་དག་པར་བསྐུལ་བའི་འོད་ཀྱི་དབང་ཕྱུག་དང་། དེ་དག་ལ་སོགས་པ་སུམ་བཅུ་རྩ་གསུམ་གྱི་རིས་སུ་གཏོགས་པའི་ལྷའི་བུ་
ཚད་མེད་པ་ཀུན་ཀྱང་ཆོས་རྒྱ་ཆེན་པོའི་རང་བཞིན་དང་། འགྲོ་བ་ཐམས་ཅད་དུ་སྐྱེས་ཤིང་ཡང་དག་པར་བསྐུལ་བ་ལ་རབ་ཏུ་བརྩོན་པ་ཤ་སྟག་དང་ཐབས་གཅིག་གོ། །རབ་མཚེ་མ་ལ་སོགས་པ་མཚེ་མའི་ལྷའི་རྒྱལ་

72-1-12a

པོ་གྲངས་མེད་པ་དག་དང་ཡང་ཐབས་གཅིག་སྟེ། འདི་ལྟར་ལྷའི་རྒྱལ་པོ་རབ་མཚེ་མ་དང་། དགའ་བ་བདེ་བའི་འོད་དང་། བློ་གྲོས་མི་ཟད་པའི་ཡོན་ཏན་དཔལ་དང་། འབྱུང་བ་བཟང་ཞིང་དགེ་བ་དང་ས་དང་
རི་བོའི་འོད་དང་། བསམ་གྱིས་མི་ཁྱབས་པའི་བློ་གྲོས་དང་། འཁོར་ལོའི་གཙུག་དང་། གཟི་བརྗིད་འོད་འཕྲོ་བ་དང་། འོད་རྣམ་པར་སྣང་བ་དང་། ལྷའི་རྒྱལ་པོ་གྲགས་པའི་ཕྱོགས་སུ་རྣམ་པར་ལྟ་བ་དང་། 
དེ་དག་ལ་སོགས་པ་མཚེ་མའི་ལྷའི་རྒྱལ་པོ་གྲངས་མེད་པ་ཀུན་ཀྱང་དགའ་བ་དང་སྤྲོ་བ་རྒྱ་ཆེན་པོ་མངོན་པར་སྒྲུབ་པ་ལ་རབ་ཏུ་བརྩོན་པ་ཤ་སྟག་དང་ཐབས་གཅིག་གོ། །ལྷའི་རྒྱལ་པོ་རབ་དགའ་ལྡན་ལ་
སོགས་པ་བསམ་གྱིས་མི་ཁྱབས་པ་དག་དང་ཡང་ཐབས་གཅིག་སྟེ། འདི་ལྟར་ལྷའི་རྒྱལ་པོ་རབ་དགའ་ལྡན་དང་དགའ་བ་རྒྱ་མཚོའི་གཙུག་ཕུད་དང་། ཡོན་ཏན་མཆོག་གི་རྒྱལ་མཚན་དང་། འོད་ཟེར་ཞི་
བའི་འོད་དང་། རབ་ཏུ་དགའ་བའི་མིག་དང་། རིན་ཆེན་འོད་ཟེར་ཟླ་བ་དང་། རྣམ་པར་གནོན་པས་རབ་ཏུ་བརྩོན་པ་དང་། རྡོ་རྗེའི་མདོག་གི་འོད་བཟང་པོ་དང་། སྐར་མས་རྒྱན་པའི་དཔལ་དང་། ལྷའི་བུ་དགའ་
བ་བཟང་པོ་སྣ་ཚོགས་དང་། དེ་དག་ལ་སོགས་པ་དགའ་ལྡན་གྱི་ལྷའི་རྒྱལ་པོ་བསམ་གྱིས་མི་ཁྱབས་པ་ཀུན་ཀྱང་། སངས་རྒྱས་གཅིག་ནས་གཅིག་ཏུ་འབྱུང་བ་ཐམས་ཅད་རྗེས་སུ་དྲན་པར་ཡིད་
ལ་བྱ་བ་ལ་རབ་ཏུ་བརྩོན་པ་ཤ་སྟག་དང་ཐབས་གཅིག་གོ། །འཕྲུལ་དགའི་ལྷའི་རྒྱལ་པོ་མུ་མེད་པ་དག་དང་ཡང་ཐབས་གཅིག་སྟེ། འདི་ལྟར་ལྷའི་རྒྱལ་པོ་རབ་འཕྲུལ་དགའ་དང་། སྒྲས་ཞི་བའི་འོད་དང་། 
སྟོབས་ཀྱི་འཕྲུལ་བའི་སྒྲའི་འོད་དང་། དབང་ཆེན་སྣ་ཚོགས་དང་། སྤྲིན་སྒྲ་ཤིན་ཏུ་འཕགས་པ་དང་། སྣང་བའི་སྤྱོད་པའི་དཔལ་དང་། གཙུག་ཕུད་ཡིད་དུ་འོང་བའི་འོད་དང་། དགའ་བའི་བློ་གྲོས་དང་། མེ་ཏོག་

72-1-12b

འོད་ཀྱི་གཙུག་ཕུད་དང་། ལྷའི་རྒྱལ་པོ་ཕྱོགས་ཤིན་ཏུ་སྣང་བ་དང་། དེ་དག་ལ་སོགས་པ་འཕྲུལ་དགའི་ལྷའི་རྒྱལ་པོ་མུ་མེད་པ་ཀུན་ཀྱང་རྣམ་པར་ཐར་པ་རབ་ཏུ་ཞི་བར་སེམས་ཅན་ཐམས་ཅད་གདུལ་བ་ལ་རབ་ཏུ་བརྩོན་
པ་ཤ་སྟག་དང་ཐབས་གཅིག་གོ། །ལྷའི་རྒྱལ་པོ་དབང་སྒྱུར་ལ་སོགས་པ་བགྲང་དུ་མེད་པ་དག་དང་ཡང་ཐབས་གཅིག་སྟེ། འདི་ལྟར་ལྷའི་རྒྱལ་པོ་དབང་སྒྱུར་དང་། ལྷའི་རྒྱལ་པོ་མིག་བཟང་པོའི་བློ་གྲོས་དང་། 
ཅོད་པན་སྣ་ཚོགས་ཀྱི་རྒྱལ་མཚན་དང་། བརྩོན་པའི་བློ་གྲོས་དང་། གོ་འཕང་རྣམ་པར་གནོན་པའི་སྒྲ་དབྱངས་སྣ་ཚོགས་དང་། འོད་ཡིད་དུ་འོང་བའི་རྒྱལ་མཚན་དང་། སྤྱོད་ཡུལ་ཞི་བའི་སྒོ་དང་། འཁོར་
ལོའི་རི་མོ་བཟང་པོའི་རྒྱལ་མཚན་དང་། མེ་ཏོག་བློ་གྲོས་སེངྒེའི་དབང་ཕྱུག་དང་། ལྷའི་རྒྱལ་པོ་དབང་པོའི་སྟོབས་རི་མོ་བཟང་པོའི་འོད་དང་དེ་དག་ལ་སོགས་པ་དབང་སྒྱུར་གྱི་ལྷའི་རྒྱལ་པོ་བགྲང་དུ་མེད་པ་ཀུན་
ཀྱང་། ཆོས་ཀྱི་དབང་རྒྱ་ཆེན་པོ་ལ་རབ་ཏུ་བརྩོན་པ་ཤ་སྟག་དང་ཐབས་གཅྀག་གོ། །བསམ་གྱིས་མི་ཁྱབས་པའི་ཚངས་པ་ཆེན་པོ་དག་དང་ཡང་ཐབས་གཅིག་སྟེ། འདི་ལྟར་ཚངས་པ་ཆེན་པོ་རབ་ཏུ་སྣང་
བ་དང་། བློ་གྲོས་ཀྱི་འོད་དང་། བློ་གྲོས་བཟང་པོའི་སེམས་སྣང་བ་དང་། ཀུན་ཏུ་དབྱངས་ཀྱི་སྤྲིན་དང་། འཇིག་རྟེན་དབང་པོའི་སྒྲ་དང་། མིག་རབ་ཏུ་ཞི་ཞིང་འོད་ཤིན་ཏུ་ཟབ་པ་དང་། ཕྱོགས་སུ་སྣང་བ་འགྱེད་
པ་དང་། སྤྲུལ་པའི་སྒྲ་དབྱངས་དང་། མིག་གི་འོད་ཟེར་མངོན་པར་སྣང་བ་དང་། ཚངས་པ་ཆེན་པོ་དབྱངས་རྒྱ་མཚོ་ཡིད་དུ་འོང་བ་དང་། དེ་དག་ལ་སོགས་པ་ཚངས་པ་ཆེན་པོ་བསམ་གྱི་མི་ཁྱབ་པ་ཀུན་ཀྱང་། 
སེམས་ཅན་ཐམས་ཅད་ཀྱི་སེམས་སྣང་བར་བྱ་བ་དང་། སིམ་པར་བྱ་བ་ལ་བྱམས་པ་ཆེན་པོ་ལ་གནས་པ་ཤ་སྟག་དང་ཐབས་གཅིག་གོ། །ལྷའི་བུ་གྱ་ནོམ་སྣང་བའི་རིས་སུ་གཏོགས་པ་ཚད་མེད་པ་དག་དང་

72-1-13a

ཡང་ཐབས་གཅིག་སྟེ། འདི་ལྟར་ལྷའི་བུ་སྣང་བས་དགའ་བ་དང་། དགེ་བ་སྣ་ཚོགས་ཀྱི་འོད་དང་དབང་པོའི་དབྱངས་དང་། དྲན་པའི་བློ་དམ་པ་དང་། དགའ་བ་སྣ་ཚོགས་རྣམ་པར་དག་པའི་
དབྱངས་དང་། ལེགས་པར་བསམ་པའི་དབྱངས་དང་། འོད་འགྱེད་པའི་དབྱངས་རྣམ་པར་སྣང་བ་དང་། དབྱངས་ཟབ་མོའི་འོད་དང་། གྲག་པ་དྲི་མ་མེད་པའི་འོད་དང་། ལྷའི་བུ་འོད་དྲི་མ་མེད་པས་ཤིན་ཏུ་འཕགས་
པ་དང་། དེ་དག་ལ་སོགས་པ་གྱ་ནོམ་སྣང་བའི་རིས་སུ་གཏོགས་པའི་ལྷའི་བུ་ཚད་མེད་པ་ཀུན་ཀྱང་ཞི་བ་དགའ་བ་རྒྱ་ཆེན་པོའི་རྣམ་པར་ཐར་པ་ལ་གནས་པ་ཤ་སྟག་དང་ཐབས་གཅིག་གོ། །དགེ་རྒྱས་
ཀྱི་ལྷའི་བུ་གྲངས་མེད་པ་དག་དང་ཡང་ཐབས་གཅིག་སྟེ། འདི་ལྟར་ལྷའི་བུ་དགེ་བར་གྲགས་པའི་བློ་གྲོས་དང་མཆོག་ཏུ་སྣང་བ་དང་། རབ་ཏུ་ཞི་བའི་དཔལ་དང་། དབྱངས་ཀྱི་རི་བོ་དང་། དྲན་པ་དགེ་བའི་མིག་
དང་། དགའ་བ་དམ་པ་རྣམ་པར་སྣང་བ་དང་། འཇིག་རྟེན་དབྱངས་ཀྱི་བློ་གྲོས་དང་། གཟི་བརྗིད་འབར་བའི་བདག་པོ་དང་། ཆོས་ཀྱི་དགའ་བས་འཕྲུལ་པའི་སེམས་དང་། འཕྲུལ་པས་ཤིན་ཏུ་འཕགས་
པ་དང་། དེ་དག་ལ་སོགས་པ་དགེ་རྒྱས་ཀྱི་རིས་སུ་གཏོགས་པའི་ལྷའི་བུ་གྲངས་མེད་པ་ཀུན་ཀྱང་སྒོ་ཡངས་པ་ལ་གནས་པས་འགྲོ་བར་འབྱུང་ཞིང་རྣམ་པར་འདུལ་བ་ལ་རབ་ཏུ་བརྩོན་པ་ཤ་སྟག་དང་ཐབས་
གཅིག་གོ། །ལྷའི་བུ་འབྲས་ཡུ་ཆེན་པོའི་རིས་སུ་གཏོགས་པ་ཚད་མེད་པ་དག་དང་ཡང་ཐབས་གཅིག་སྟེ། འདི་ལྟ་ལྷའི་བུ་ཆོས་ཀྱི་དཔལ་གཟི་བརྗིད་དགའ་བ་དང་། དྲི་མེད་སྣ་ཚོགས་རྒྱ་མཚོ་དང་། 
ཤེས་རབ་མཆོག་གི་འོད་དང་། ཡེ་ཤེས་དབང་པོའི་དཔལ་དང་། དགའ་བ་ཞི་བ་དང་། སྒོ་ཀུན་ནས་ཤེས་པའི་མྱིག་དང་། དགའ་བའི་གཙུག་གི་བློ་གྲོས་དང་། ཡོན་ཏན་བློ་གྲོས་བཟང་པོའི་འོད་དང་། འོད་ཞི་ཞིང་

72-1-13b

དྲི་མ་མེད་པ་དང་། ལྷའི་བུ་སྣང་བ་ཆེན་པོ་དྲི་མ་མེད་པ་དང་། དེ་དག་ལ་སོགས་པ་འབྲས་བུ་ཆེན་པོའི་རིས་སུ་གཏོགས་པའི་ལྷའི་བུ་ཚད་མེད་པ་ཀུན་ཀྱང་ཞི་བའི་ཆོས་ཀྱི་གཞལ་མེད་ཁང་ལ་ཀུན་ནས་རབ་ཏུ་གནས་
པ་ཤ་སྟག་དང་ཐབས་གཅིག་གོ། །ལྷའི་བུ་དབང་ཕྱུགས་ཆེན་པོའི་རིས་སུ་གཏོགས་པ་གྲངས་མེད་པ་དག་དང་ཡང་ཐབས་གཅིག་སྟེ། འདི་ལྟར་ལྷའི་བུ་ཤིན་ཏུ་འོད་འཕྲོ་རྒྱ་མཚོ་དང་། ལྷའི་བུ་དབང་ཕྱུག་
གྲགས་པ་རབ་ཏུ་སྣང་བ་དང་། ལྷའི་བུ་དགེ་བའི་མིག་དྲི་མ་མེད་པ་དང་། ལྷའི་བུ་ཤེས་རབ་ཆེན་པོས་དགའ་ཞིང་སྤྲོ་བ་དང་། ལྷའི་བུ་འོད་མི་སྒུལ་བའི་དབང་ཕྱུག་དང་། ལྷའི་བུ་མིག་ཤིན་ཏུ་མཉམ་པར་
གཞག་པ་དང་། ལྷའི་བུ་སྣང་བ་ཤིན་ཏུ་སེམས་པ་དང་། ལྷའི་བུ་ཡེ་ཤེས་ཆེན་པོས་དགའ་བ་དང་། ལྷའི་བུ་སྣ་ཚོགས་ཀུན་ཏུ་དབྱངས་ཀྱི་རྒྱལ་མཚན་དང་། ལྷའི་བུ་གྲགས་པ་རྣམ་པར་སྣང་བའི་བརྟུལ་
ཞུགས་བཟང་པོ་དང་། དེ་དག་ལ་སོགས་པ་དབང་ཕྱུག་ཆེན་པོའི་རིས་སུ་གཏོགས་པའི་ལྷའི་བུ་གྲངས་མེད་པ་ཀུན་ཀྱང་སྤྱོད་ཡུལ་མཚན་མ་མེད་པའི་མཉམ་པ་ཉིད་ལ་རབ་ཏུ་བརྩོན་པ་ཤ་སྟག་དང་ཐབས་
གཅིག་སྟེ། དེ་བཞིན་གཤེགས་པའི་འཁོར་གྱི་དཀྱིལ་འཁོར་རྒྱ་མཚོ་དེ་ནི་སེམས་ཅན་གྱི་རིས་ཐམས་ཅད་ཡང་དག་པར་གཞོལ་བའོ། །སེམས་ཅན་ཡོན་ཏན་མཐའ་ཡས་པ་འདུས་པ་ལས་ཡོངས་སུ་བྱུང་
བའོ། །ཕྱོགས་ཀྱི་དབྱིངས་ཀུན་ན་ཤིན་ཏུ་གནས་པའོ། །འཁོར་གྱི་དཀྱིལ་འཁོར་སྣ་ཚོགས་ཀྱི་དབྱིངས་སུ་རྣམ་པར་གནས་པའོ། །ཕུན་ཚུན་འདྲེས་པ་མེད་ཅིང་ཇི་ལྟ་འོངས་པའི་ཕྱོགས་ཀྱི་དབྱིངས་ལ་རབ་ཏུ་གནས་པའོ། །
དེ་བཞིན་གཤེགས་པ་བལྟ་བ་ལ་མངོན་པར་ཕྱོགས་པའོ། །ཉོན་མོངས་པའི་བག་ཆགས་དང་། སེམས་ཀྱི་དྲི་མ་ཐམས་ཅད་དང་བྲལ་བའོ། །བསྒྲིབ་པ་ཐམས་ཅད་ཀྱི་རི་རྣམ་པར་འཐོར་བའོ། །སངས་རྒྱས་བལྟ་བ་ལ་

72-1-14a

སྒྲིབ་པ་མེད་པས་སྣང་བར་གྱུར་པ་སྟེ། དེ་ནི་འདི་ལྟར་བཅོམ་ལྡན་འདས་དེ་བཞིན་གཤེགས་པ་རྣམ་པར་སྣང་མཛད་ཀྱི་སྔོན་བསྐལ་པ་རྒྱ་མཚོ་ནས། བྱང་ཆུབ་སེམས་དཔའི་སྤྱད་པ་སྤྱོད་པའི་ཚེ། བསྡུ་བའི་
དངོས་པོ་བཞིས་ཡོངས་སུ་བསྡུས་ཏེ། དེ་བཞིན་གཤེགས་པ་དེ་དང་དེ་དག་གི་དྲུང་དུ་བཞུད་པའི་ཚེ། དགེ་བའི་རྩ་བ་ཡོངས་སུ་བཟུང་ཞིང་ཐབས་ཀྱི་སྒོ་དེ་དག་གིས་ཡོངས་སུ་སྨིན་པར་བྱས་ཏེ་རྣམ་པ་ཐམས་ཅད་མཁྱེན་པ་ཉིད་
ཀྱི་ལམ་ལ་བཀོད་ཅིང་། དགེ་བའི་རྩ་བ་ཚད་མེད་པ་རབ་ཏུ་བསྐྱེད་པས་བསོད་ནམས་ཆེན་པོའི་སྟོབས་དང་ཤུགས་རབ་ཏུ་ཐོབ་པ་དག་གོ། །སྨོན་ལམ་གྱི་ཚུལ་རྒྱ་མཚོ་གཞན་དང་གཞན་ལ་རབ་ཏུ་ཞུགས་ཤིང་སྤྱོད་པའི་
དཀྱིལ་འཁོར་གཞན་དང་གཞན་ཡོངས་སུ་དག་པས། ཡང་དག་པར་བྱུང་བ་འབྱུང་བའི་ལམ་གཞན་དང་གཞན་གྱིས་ཤིན་ཏུ་འབྱུང་བའི་དེ་བཞིན་གཤེགས་པ་གཞན་དང་གཞན་མཐོང་བས་སྣང་བར་གྱུར་པ་དག་སྟེ། 
དེ་དག་ནི་མོས་པའི་སྟོབས་གཞན་དང་གཞན་གྱིས་དེ་བཞིན་གཤེགས་པའི་ཡོན་ཏན་རྒྱ་མཚོ་ལ་འཇུག་གོ། །སངས་རྒྱས་བལྟ་བའི་རྣམ་པར་ཐར་པའི་སྒོ་གཞན་དང་གཞན་གྱིས་རྣམ་པར་འཕྲུལ་ལོ། །དེ་ནི་འདི་ལྟ་སྟེ་
ལྷའི་བུ་དབང་ཕྱུག་ཆེན་པོའི་རིས་སུ་གཏོགས་པ་ཤིན་ཏུ་འོད་འཕྲོ་རྒྱ་མཚོའི་རྣམ་པར་ཐར་པ་ནི་ཆོས་ཀྱི་དབྱིངས་དང་། ནམ་མཁའ་ལྟར་ཞི་བའི་ཚུལ་གྱི་མཐུ་ཞེས་བྱའོ། །ལྷའི་བུ་དབང་ཕྱུག་གྲགས་པ་
རབ་ཏུ་སྣང་བའི་རྣམ་པར་ཐར་པ་ནི་ཆོས་ཐམས་ཅད་ལ་དབང་བའི་སྟོབས་ལ་ཡང་དག་པར་གཞོལ་ཞིང་ཀུན་ནས་རྗེས་སུ་འགྲོ་བས་རྣམ་པར་སྤྱོད་པ་ཞེས་བྱའོ། །ལྷའི་བུ་དགེ་བའི་མིག་དྲི་མ་མེད་པའི་
རྣམ་པར་ཐར་པ་ནི། ཆོས་ཐམས་ཅད་འབྱུང་བ་མེད་པ་དང་། འགྲོ་བ་མེད་པ་དང་། བརྗོད་དུ་མེད་ཅིང་སྦྱར་བ་མེད་པ་ཞེས་བྱའོ། །ལྷའི་བུ་ཤེས་རབ་ཆེན་པོས་དགའ་ཞིང་སྤྲོ་བའི་རྣམ་

72-1-14b

པར་ཐར་པ་ནི། ཆོས་ཀྱི་ཚུལ་ཐམས་ཅད་ལ་མངོན་སུམ་དུ་གྱུར་པའི་ཤེས་རབ་རྒྱ་མཚོས་རྣམ་པར་དཔྱོད་པ་ལ་རབ་ཏུ་སྣང་བ་ཞེས་བྱའོ། །ལྷའི་བུ་འོད་མི་སྒུལ་བའི་དབང་ཕྱུག་གི་རྣམ་པར་ཐར་པ་ནི། སེམས་
ཅན་ལ་བསམ་གཏན་གྱི་དགའ་བ་དང་བདེ་བ་མཐའ་ཡས་པ་ལ་མོས་པ་བསྟན་པ་རྒྱ་ཆེན་པོའི་ཚུལ་ཡང་དག་པར་འབྱུང་བ་ཞེས་བྱའོ། །ལྷའི་བུ་མིག་ཤིན་ཏུ་མཉམ་པར་གཞག་པའི་རྣམ་པར་ཐར་པ་ནི། 
མི་ཤེས་པའི་མུན་ནག་དང་། འཇིགས་པ་རྣམ་པར་ཟློག་པའི་སྤྱོད་པ་རབ་ཏུ་ཞི་བ་ཞེས་བྱའོ། །ལྷའི་བུ་སྣང་བ་ཤིན་ཏུ་སེམས་དཔའི་རྣམ་པར་ཐར་པ་ནི་བསམ་པའི་ཡུལ་མཐའ་ཡས་པའི་ལས་སྲིད་པ་ཐཾད་དུ་མི་འབྱུང་བ་ལ་
འཇུག་པ་ཞེས་བྱའོ། །ལྷའི་བུ་ཡེ་ཤེས་ཆེན་པོས་དགའ་བའི་རྣམ་པར་ཐར་པ་ནི། ཆོས་ཐམས་ཅད་ཀྱི་ཕྱོགས་སུ་འགྲོ་ཞིང་ཡོངས་སུ་གནོན་པ་དང་། བརྟེན་པའི་ཕྱོགས་ཀྱི་མཐུ་ཞེས་བྱའོ། །ལྷའི་བུ་སྣ་ཚོགས་
ཀུན་ཏུ་དབྱངས་ཀྱི་རྒྱལ་མཚན་གྱི་རྣམ་པར་ཐར་པ་ནི། སངས་རྒྱས་ཀྱི་ཡུལ་རབ་ཏུ་ཞི་བ་ལ་འཇུག་པ། ཀུན་ནས་ཁོང་དུ་ཆུད་པའི་གཙུག་རབ་ཏུ་སྣང་བ་ཞེས་བྱའོ། །ལྷའི་བུ་གྲགས་པ་རྣམ་པར་སྣང་བའི་བརྟུལ་ཞུགས་
བཟང་པོའི་རྣམ་པར་ཐར་པ་ནི་རང་གི་གཞལ་མེད་ཁང་དང་། བློའི་ལུས་ནས་དམིགས་པ་ཚད་མེད་པའི་སངས་རྒྱས་ཀྱི་ཡུལ་རྒྱ་ཆེན་པོ་འབྱུང་བ་ཞེས་བྱའོ། །དེ་ནས་དབང་ཕྱུགས་ཆེན་པོའི་རིས་སུ་གཏོགས་པའི་ལྷ་
ཤིན་ཏུ་འོད་འཕྲོ་རྒྱ་མཚོས་སངས་རྒྱས་ཀྱི་མཐུས་ལྷའི་འཁོར་གྱི་དཀྱིལ་འཁོར་ཡོད་པ་ཐམས་ཅད་ལ་རྣམ་པར་བལྟས་ཏེ། དེའི་ཚེ་ཚིགས་སུ་བཅད་པ་འདི་དག་སྨྲས་སོ། །མི་ཟད་ཆོས་ཀྱི་དབྱིངས་ནི་མཐའ་ཡས་
སྟེ། །ཀུན་ཀྱང་སངས་རྒྱས་སྐུ་ལ་རབ་ཏུ་གསལ། །དེ་ནི་གཟུགས་མེད་དངོས་མེད་རབ་ཏུ་ཞི། །འགྲོ་བའི་སྐྱབསུ་འབྱུང་བ་སྐྱེས་ཤིང་བྱུང་། །ཆོས་ཀྱི་སྒྲོན་མ་སངས་རྒྱས་ཤིན་ཏུ་སྟོན། །ཆོས་ལ་མངའ་

72-1-15a

རབ་མཛད་པ་འཇིག་རྟེན་བྱུང་། །དེ་ཡི་སྤྱོད་ཡུལ་མཐའ་ཡས་མི་ཟད་དེ། །དབང་ཕྱུག་གྲགས་པ་འདི་འདྲའི་ཆོས་ལ་འཇུག །བསམ་གྱིས་མི་ཁྱབ་སངས་རྒྱས་སྣང་བ་མེད། །དེ་ཡི་མཚན་ཉིད་ཕྱོགས་ན་མྱེད་པ་
སྟེ། །རྣམ་དག་ལམ་ནི་སྐྱེ་བོ་དག་ལ་སྟོན། །ཤིན་ཏུ་དྲི་མེད་མིག་གིས་འདི་འདྲ་མཐོང་། །འགྲོ་བ་ཀུན་གྱིས་བསམ་དུ་མི་ནུས་སྟེ། །རྒྱལ་བའི་ཤེས་རབ་མཐའ་ཡས་གང་མངའ་བ། །གཏི་མུག་བསྒྲིབས་
པའི་སེམས་ཅན་རྣམ་པར་སྦྱོང་། །དེ་ལ་ཤེས་རབ་ཆེན་པོ་རྣམ་པར་གནས། །སྐྱེ་དགུ་ཀུན་གྱིས་སངས་རྒྱས་བསམ་མི་ཁྱབ། །མཐོང་བ་ཙམ་གྱིས་ཉོན་མོངས་ཞི་བར་འགྱུར། །འགྲོ་བའི་དགའ་བ་རྒྱ་ཆེན་རབ་ཏུ་
སྐྱེད། །མི་སྒུལ་དབང་ཕྱུག་ལྷ་ཡིས་དེ་མཐོང་ངོ་། །སེམས་ཅན་རྒྱ་མཚོ་གཏི་མུག་མུན་བསྒྲིབས་ལ། །སངས་རྒྱས་ཆོས་ཉིད་རབ་ཏུ་ཞི་བ་སྟོན། །ཤེས་རབ་སྒྲོན་མ་འགྲོ་བ་འདི་བརྗོད་དོ། །དགེ་བའི་མྱིག་ནི་འདི་ཡི་
ཚུལ་ལ་འཇུག །སངས་རྒྱས་ཀུན་ཀྱང་རྣམ་དག་སྐུ་སྟོན་ཅིང་། །ཐམས་ཅད་ཕྱོགས་སུ་ཤིན་ཏུ་འཕགས་པའི་སྐུ། །དེ་ཡང་དངོས་མེད་འཇིག་རྟེན་མི་གནས་ཏེ། །ཀུན་སྣང་སེམས་དཔའ་འདི་ནི་དེ་ལྟར་ལྟ། །མཐའ་
ཡས་ཆགས་མེད་རྒྱལ་བ་རྣམས་ཀྱི་གསུང་། །སྣོད་དུ་གྱུར་པའི་སེམས་ཅན་དེ་དག་ཉན། །སངས་རྒྱས་རྣམས་ལ་འཕོ་བར་མི་སྣང་སྟེ། །འདི་ནི་ཤེས་པས་དགའ་བའི་རྣམ་ཐར་ཏོ། །ཐམས་ཅད་ཕྱོགས་
སྒོ་ཀུན་ནས་སངས་རྒྱས་ཏེ། །མི་ཡི་དབང་པོ་རྣམ་ཐར་ཞི་ལ་བཞུགས། །སངས་རྒྱས་འཇིག་རྟེན་སྣང་ཞིང་རྣམ་པར་མཛེས། །འདི་ནི་སྣ་ཚོགས་རྒྱལ་མཚན་རྣམ་ཐར་ཏོ། །རྒྱལ་བ་བསྐལ་པ་རྒྱ་མཚོ་
མཐའ་ཡས་སུ། །འགྲོ་བ་ཀུན་དོན་རྣམ་པར་བྱང་ཆུབ་ཅིང་། །སྣ་ཚོགས་རྣམ་པར་འཕྲུལ་པས་སེམས་ཅན་འདུལ། །རྣམ་པར་སྣང་བས་རྣམ་ཐར་འདི་མཐོང་ངོ་། །དེ་ལ་ལྷའི་རྒྱལ་པོ་ཆོས་

72-1-15b

ཀྱི་དཔལ་གཟི་བརྗིད་དགའ་བའི་རྣམ་པར་ཐར་པ་ནི། སེམས་ཅན་ཐམས་ཅད་ཀྱི་དབང་པོ་དང་ཐེ་ཙོམ་རྣམ་པར་བལྟ་བའི་ཆོས་ཀྱི་སྤྲིན་ལ་རབ་ཏུ་གཞོལ་བ་ཞེས་བྱའོ། །ལྷའི་རྒྱལ་པོ་དྲི་མེད་སྣ་ཚོགས་རྒྱ་མཚོའི་
རྣམ་པར་ཐར་པ་ནི། སངས་རྒྱས་རྗེས་སུ་དྲན་པའི་རྣམ་པ་ཐམས་ཅད་ཡིད་ལ་བྱེད་པ་སྟོན་པ་སྦྱོར་བ་ཞེས་བྱའོ། །ལྷའི་རྒྱལ་པོ་ཤེས་རབ་མཆོག་གི་འོད་ཀྱི་རྣམ་པར་ཐར་པ་ནི། ཆོས་ཀྱི་རང་བཞིན་མཉམ་པ་
ཉིད་ལ་གནས་པ་ལུས་ཀྱི་རྒྱན་ཅེས་བྱའོ། །ལྷའི་རྒྱལ་པོ་ཡེ་ཤེས་དབང་པོའི་དཔལ་གྱི་རྣམ་པར་ཐར་པ་ནི། འཇིག་རྟེན་གྱི་ཆོས་ཐམས་ཅད་རྣམ་པར་སྒོམ་པའི་སེམས་སྐད་གཅིག་ཏུ་བསམ་གྱིས་མི་ཁྱབ་
རྒྱན་རྒྱ་མཚོ་ལ་རབ་ཏུ་གནས་པ་ཞེས་བྱའོ། །ལྷའི་དབང་པོ་དགའ་བ་ཞི་བའི་རྣམ་པར་ཐར་པ་ནི། སྐྲའི་སྦུབས་གཅིག་ཏུ་སངས་རྒྱས་ཀྱི་ཞིང་བསམ་གྱིས་མི་ཁྱབ་པ་ཡོད་དགུ་འཛུད་པ་ཞེས་བྱའོ། །ལྷའི་
རྒྱལ་པོ་སྒོ་ཀུན་ནས་ཤེས་པའི་མིག་གི་རྣམ་པར་ཐར་པ་ནི། ཆོས་ཀྱི་དབྱིངས་ལ་སྒོ་ཀུན་ནས་རྣམ་པར་བལྟ་བས་འཇུག་པ་ཞེས་བྱའོ། །ལྷའི་རྒྱལ་པོ་དགའ་བའི་གཙུག་གི་བློ་གྲོས་ཀྱི་རྣམ་པར་ཐར་པ་ནི། སེམས་
ཅན་ཐམས་ཅད་ཀྱི་སྐྱེ་བ་དང་བྱེད་པ་བསྐལ་པ་མཐའ་ཡས་པ་མངོན་པར་འབྱིན་པ་ཞེས་བྱའོ། །ལྷའི་རྒྱལ་པོ་ཡོན་ཏན་བློ་གྲོས་བཟང་པོའི་འོད་ཀྱི་རྣམ་པར་ཐར་པ་ནི། དམིགས་པ་ཐམས་ཅད་འཇིག་རྟེན་
གྱི་དགོས་པ་ཐམས་ཅད་ཆོས་གཞལ་དུ་མེད་ཅིང་བསམ་གྱིས་མི་ཁྱབ་པས་རྣམ་པར་དཔྱོད་པ་ཞེས་བྱའོ། །ལྷའི་བུ་འོད་ཞི་ཞིང་དྲི་མ་མེད་པའི་རྣམ་པར་ཐར་པ་ནི། སེམས་ཅན་དང་ཆོས་དང་འབྱུང་བ་
ཐམས་ཅད་ཀྱི་སྒོ་ལ་མངོན་སུམ་དུ་ཡང་དག་པར་སྤྱོད་པ་འབྱུང་བ་ཞེས་བྱའོ། །ལྷའི་རྒྱལ་པོ་སྣང་བ་ཆེན་པོ་དྲི་མ་མེད་པའི་རྣམ་པར་ཐར་པ་ནི། སེམས་ཅན་སྣོད་དུ་གྱུར་པ་ཐམས་ཅད་ལ་རྣམ་པར་

72-1-16a

བལྟ་ཞིང་སངས་རྒྱས་བསྐྱེད་པའི་ཆོས་ཉིད་ལ་འཇུག་པ་ཞེས་བྱའོ། །དེ་ནས་ལྷའི་རྒྱལ་པོ་ཆོས་དཔལ་རབ་ཏུ་སྣང་བ་ལ་མོས་པས། སངས་རྒྱས་ཀྱི་མཐུས་ཆེ་བ་དང་། ཆུང་ཟད་ཆེ་བ་དང་། ཚད་
མེད་ཆེ་བ་དང་། འབྲས་བུ་ཆེ་བའི་ལྷའི་འཁོར་གྱི་དཀྱིལ་འཁོར་ཡོད་པ་ཐམས་ཅད་ལ་རྣམ་པར་བལྟས་ཏེ། དེའི་ཚེ་ཚིགས་སུ་བཅད་པ་འདི་དག་སྨྲས་སོ། །སངས་རྒྱས་ཡུལ་རྣམས་ཀུན་ཀྱང་
བསམ་མི་ཁྱབས། །སེམས་ཅན་ཀུན་ཀྱང་རྟོག་པར་ནུས་པ་མིན། །སེམས་ཅན་མོས་དང་བསམ་པ་ཡངས་པ་ནི། །མི་ཟད་པ་དག་སངས་རྒྱས་སྐྱེད་པ་མཛད། །སངས་རྒྱས་ལྟ་བར་སེམས་ཅན་སྣོད་
གྱུར་ལ། །རྒྱལ་བ་རྣམས་ནི་བྱིན་གྱིས་རླབ་མཛད་དེ། །དེ་དག་རྟག་ཏུ་སངས་རྒྱས་མངོན་སུམ་མཐོང་། །འདི་ལྟར་སྣ་ཚོགས་རྒྱ་མཚོ་མཐོང་བ་ཡིན། །སངས་རྒྱས་ཆོས་ཉིད་གནས་པ་མེད་པ་དག །
འགྲོ་བ་བཀང་ཞིང་སངས་རྒྱས་སྟོན་པ་མཛད། །རྒྱལ་བ་འབྱུང་མེད་གནས་པ་ཡོད་པ་མིན། །ཤེས་རབ་མཆོག་གི་འོད་ནི་འདི་སྒོམ་མོ། །སེམས་ཅན་སྙེད་ཀྱི་ཚུལ་དང་བསམ་པ་ཡང་། །བསམ་གྱིས་
མི་ཁྱབས་གཞན་དང་གཞན་གྱི་སྒོར། །སངས་རྒྱས་རྣམ་པར་འཕྲུལ་བས་ཚུལ་སྟོན་ཏེ། །དབང་པོ་དཔལ་གྱི་རྣམ་ཐར་རྒྱ་མཚོ་འོ། །དེ་བཞིན་གཤེགས་པའི་རྫུ་འཕྲུལ་རྣམས་དང་ནི། །མྱི་ཟད་འདས་
པའི་ཞིང་རྣམས་ཐམས་ཅད་ཀྱང་། །དེ་དག་སྤྲུལ་པའི་དཀྱིལ་འཁོར་གཅིག་ཏུ་སྟོན། །ཆོས་ཀྱི་དཀྱིལ་འཁོར་སྒོ་མོ་གཅིག་ལ་ཡང་། །ཆོས་ཀྱི་སྒོ་མོ་མི་ཟད་རྒྱ་མཚོ་དག །སངས་རྒྱས་ཆོས་ཉིད་རབ་ཏུ་ངེས་
སྒྲོགས་ཏེ། །ཤེས་པའི་མིག་ནི་འདི་ཡི་ཚུལ་ལ་འཇུག །ཕྱོགས་བཅུ་དག་ན་ཞིང་དབྱིངས་ཇི་སྙེད་པ། །དེ་དག་ཀུན་ཏུ་སངས་རྒྱས་ཆོས་སྟོན་ཀྱང་། །རྒྱལ་བ་དེ་ནི་གར་ཡང་འཕོ་མི་མཛད། །དགའ་བ་

72-1-16b

གཙུག་གི་བློ་གྲོས་སྤྱོད་ཡུལ་ལོ། །དེ་བཞིན་གཤེགས་པའི་གཟུགས་བརྙན་འདྲ་བ་སྟེ། །མགོན་པོ་ཆོས་ཀྱི་གཞལ་མེད་ཁང་སྣང་བ། །ཆོས་ཉིད་རབ་ཏུ་ཞི་བ་ཡང་དག་སྟོན། །ཡོན་ཏན་བློ་གྲོས་བཟང་
པོས་འདི་མཐོང་ངོ་། །རང་བྱུང་རྣམས་ཀྱི་སྤྱོད་ཡུལ་རྣམས་ལ་བལྟོས། །སེམས་ཅན་ཀུན་གྱི་དབང་པོའི་ཚུལ་བཞིན་དུ། །བསམ་ཡས་འབྱུང་བའི་སྒོ་མོས་ཆོས་ཆར་འབེབས། །འདི་ནི་ཞི་བའི་འོད་ཀྱི་ལྷ་སྟོན་
ཏོ། །ཐུགས་རྗེ་རྒྱ་ཆེན་རབ་ཏུ་བསྐྱེད་བྱས་ཤིང་། །སེམས་ཅན་ཕྱིན་ཕྱིར་མགོན་པོ་རྣམས་འབྱུང་སྟེ། །སྣོད་ཀྱི་ཚུལ་བཞིན་ཆོས་ཀྱི་ཆར་ཡང་འབེབས། །སྣང་བ་ཆེན་པོའི་བློ་གྲོས་འདི་སྟོན་ཏོ། །དེ་ལ་ལྷའི་
རྒྱལ་པོ་དགེ་བར་གྲགས་པའི་བློ་གྲོས་ཀྱི་རྣམ་པར་ཐར་པ་ནི། སེམས་ཅན་ཐམས་ཅད་རྣམ་པར་ཐར་པའི་ཚོགས་ཀྱི་ཚུལ་ལ་རྣམ་པར་ལྟར་འཛུད་པ་ཞེས་བྱའོ། །ལྷའི་རྒྱལ་པོ་མཆོག་ཏུ་སྣང་བའི་རྣམ་པར་ཐར་པ་ནི། 
ལྷའི་བུ་རང་བཞིན་རྣམ་པར་རིགས་པའི་འོད་ཅེས་བྱའོ། །ལྷའི་བུ་རབ་ཏུ་ཞི་བའི་དཔལ་གྱི་རྣམ་པར་ཐར་པ་ནི། ཐབས་ཀྱི་ཚུལ་དང་སྒོ་ཐམས་ཅད་ཀྱི་སངས་རྒྱས་ཀྱི་ཡུལ་ཡོངས་སུ་སྦྱོང་བ་ཞེས་བྱའོ། །
ལྷའི་བུ་དབྱངས་ཀྱི་རི་བོའི་རྣམ་པར་ཐར་པ་ནི། འཁོར་བའི་རྒྱ་མཚོའི་ཕྱི་མའི་མཐའ་ཐམས་ཅད་དུ་འགྲོ་བ་ཡོངས་སུ་སྒྱུར་བ་ཞེས་བྱའོ། །ལྷའི་བུ་དྲན་པ་དགེ་བའི་མིག་གི་རྣམ་པར་ཐར་པ་ནི། དེ་བཞིན་
གཤེགས་པའི་ཚུལ་རྗེས་སུ་དྲན་ཞིང་སེམས་ཅན་འདུལ་བའི་བྱིན་གྱི་རླབས་ཤེས་བྱའོ། །ལྷའི་བུ་དགའ་བ་དམ་པས་རྣམ་པར་སྣང་བའི་རྣམ་པར་ཐར་པ་ནི། གཟུངས་རྒྱ་མཚོ་ལ་སྒོ་ཀུན་ནས་རབ་ཏུ་
བརྟེན་པ་རྒྱ་མཚོའི་རྗེས་སུ་འགྲོ་བ་ཞེས་བྱའོ། །ལྷའི་བུ་འཇིག་རྟེན་དབྱངས་ཀྱི་བློ་གྲོས་ཀྱི་རྣམ་པར་ཐར་པ་ནི། སངས་རྒྱས་སྐྱེ་བ་ཤིན་ཏུ་དཀོན་པའི་བསམ་པ་བསྐྱེད་པས་མོས་པ་སྦྱོར་བའི་སྙིང་

72-1-17a

པོ་ཞེས་བྱའོ། །ལྷའི་བུ་གཟི་བརྗིད་འབར་བའི་བདག་པོའི་རྣམ་པར་ཐར་པ་ནི། སེམས་ཅན་ཐམས་ཅད་ལ་ཆོས་ཀྱི་ཤུགས་ཀྱིས་དགའ་བ་བསྐྱེད་ཅིང་སྒྲོལ་བ་ཞེས་བྱའོ། །ལྷའི་བུ་ཆོས་ཀྱི་
དགའ་བས་འཕྲུལ་པའི་སེམས་ཀྱི་རྣམ་པར་ཐར་པ་ནི། བྱང་ཆུབ་སེམས་དཔའི་འདུལ་བ་མཐའ་ཡས་པ་ཐམས་ཅད་ནམ་མཁའ་ལྟར་ཟད་མི་ཤེས་པའི་སྒོ་རབ་ཏུ་འཇུག་པ་ཞེས་བྱའོ། །ལྷའི་བུ་འཕྲུལ་
པས་ཤིན་ཏུ་འཕགས་པའི་རྣམ་པར་ཐར་པ་ནི། སེམས་ཅན་གྱི་ཉོན་མོངས་པ་མཐའ་ཡས་པའི་སྙིང་རྗེ་དང་། ཡེ་ཤེས་ཀྱིས་རྒྱས་པར་འགེངས་པ་ཞེས་བྱའོ། །དེ་ནས་ལྷའི་རྒྱལ་པོ་དགེ་བར་གྲགས་པའི་
བློ་གྲོས་ཀྱིས་སངས་རྒྱས་ཀྱི་མཐུས། དགེ་ཆུང་དང་། ཚད་མེད་དགེ་བ་དང་། དགེ་རྒྱས་ཀྱི་འཁོར་གྱི་དཀྱིལ་འཁོར་ཡོད་པ་ཐམས་ཅད་ལ་རྣམ་པར་བལྟས་ཏེ། དེའི་ཚེ་ཚིགས་སུ་བཅད་པ་འདི་དག་སྨྲས་སོ། །
ཆགས་མེད་སྤྱོད་པའི་ཆོས་ཉིད་འདི་ལ་ལྟོས། །མི་ཟད་ཕྱོགས་རྣམས་རབ་ཏུ་རྒྱས་བཀང་སྟེ། །བསམ་གྱིས་མི་ཁྱབས་སངས་རྒྱས་ཡུལ་ཡང་སྟོན། །རྣམ་ཐར་ཚུལ་གྱིས་རྒྱ་མཚོ་ཟད་མི་ཤེས། །བདེ་
གཤེགས་འཇིག་རྟེན་ཀུན་ལ་མྱི་གནས་ཏེ། །ཆོས་དབྱིངས་དམ་པ་ཀུན་ནས་འབྱུང་བ་མེད། །མིག་ཡོར་སྤྱོད་ཡུལ་ཞིང་རྣམས་ཐམས་ཅད་དེ། །ཚུལ་འདི་མཆོག་ཏུ་སྣང་བའི་ལྷ་ཡི་འོ། །བསྐལ་པ་
རྒྱ་མཚོར་ཐབས་ལ་གནས་པས་ན། །སངས་རྒྱས་འཇིག་རྟེན་ཀུན་ནས་རྣམ་པར་མཛེས། །ཆོས་དབྱིངས་དེ་བཞིན་ཉིད་ལ་རབ་ཏུ་གནས། །དེ་ལ་རབ་ཞི་དཔལ་གྱི་ལྷ་འཇུག་གོ། །སེམས་ཅན་གཏི་མུག་རབ་
རིབ་སྒྲིབས་པས་བསྒྲིབས། །འཁོར་བའི་སྤྱོད་ཡུལ་མདོངས་གྱུར་དེ་དག་ལ། །རྒྱལ་བ་དགེ་བའི་ལམ་རྣམས་རབ་སྟོན་ཏེ། །རྣམ་ཐར་དེ་ལ་དབྱངས་ཀྱི་རི་བོ་འཇུག །དེ་བཞིན་གཤེགས་པའི་བླ་ན་མེད་

72-1-17b

པའི་ཚུལ། །སེམས་ཅན་ཀུན་གྱིས་བསམ་པར་མི་ནུས་ཏེ། །རྣམ་པ་ཐམས་ཅད་རྒྱལ་བས་རབ་ཏུ་སྟོན། །དེ་ནི་དྲན་པ་དགེ་བའི་མིག་གིས་མཐོང་། །ཞིང་རྣམས་རྒྱ་མཚོ་རྡུལ་དང་མཉམ་པ་ཉིད། །གཟུངས་
ཀྱི་སྒོ་རྣམས་མི་མགོན་རྟགས་ཏུ་གསུང་། །སེམས་ཅན་ཐམས་ཅད་འདུལ་བ་རྣམ་པར་སྟོན། །དགའ་བ་རྣམ་པར་སྣང་བས་དེ་མཐོང་ངོ་། །སངས་རྒྱས་སྐྱེ་བ་ཤིན་ཏུ་དཀོན་པ་སྟེ། །བསྐལ་པ་རྒྱ་མཚོ་
དག་ན་བར་འགའ་སྟེ། །དེ་ལ་མོས་པའི་དཀྱིལ་འཁོར་རབ་ཏུ་བསྐྱེད། །འཇིག་རྟེན་དབྱངས་ཀྱི་བློ་གྲོས་དེ་ལ་འཇུག །རྒྱལ་བ་ཆོས་མཐུ་རྒྱ་ཆེ་བསམ་ཡས་དག །སེམས་ཅན་ཀུན་ལ་རྣམ་པར་སྦྱོང་
བ་མཛད། །དངོས་མེད་ཆོས་ཉིད་རྒྱལ་བ་སྟོན་པར་མཛད། །གཟི་བརྗིད་འབར་བའི་ལྷས་ནི་དེ་མཐོང་ངོ་། །དུས་གསུམ་བདེ་གཤེགས་ཕུན་སུམ་ཚོགས་པ་དག །དེ་དག་སེམས་ཅན་ཡུལ་དུ་
བསམ་མི་ཁྱབ། །དྲན་ནས་བདག་གིས་དགའ་བ་རབ་སྐྱེས་ཏེ། །དེ་དག་ཆོས་དགའ་སེམས་པ་རབ་ཏུ་སྟོན། །འགྲོ་བ་རྣམས་ནི་ཉོན་མོངས་རྒྱ་མཚོ་ལ། །གཏི་མུག་ལྟས་རྙོགས་འཇིགས་པ་ཆེན་
པོར་བྱིང་། །སྙིང་རྗེ་བསྐྱེད་ཅིང་འགྲོ་བ་འགྲེལ་པ་ནི། །འཕྲུལ་པས་འཕགས་པ་སྤྱོད་ཡུལ་དེ་ལ་བལྟ། །འོད་ཟེར་དྲ་བ་རྒྱལ་བ་རྟག་ཏུ་འགྱེད། །འོད་ཟེར་སྒོ་ཀུན་རྒྱལ་བ་མི་ཟད་པ། །སེམས་
ཅན་དབྱིངས་རྣམས་འདུལ་བ་རབ་ཏུ་འཇུག །སྣ་ཚོགས་དབྱངས་ཀྱི་ལྷས་ནི་དེ་མཐོང་ངོ་།། །།སངས་རྒྱས་རྨད་ག་ཅད་ཅེས་བྱ་བ་ཤིན་ཏུ་རྒྱས་པ་ཆེན་པོའི་མདོ། དུམ་བུ་དང་པོ།  
བམ་པོ་གཉིས་སོ། །དེ་ལ་གྱ་ནོམ་སྣང་བའི་ལྷའི་རྒྱལ་པོ་སྣང་བས་དགའ་བའི་རྣམ་པར་ཐར་པ་ནི། དགའ་བ་དང་བདེ་བ་རབ་ཏུ་ཞི་བ་མྱོང་བར་བྱེད་ཅིང་། འགྲོ་བའི་སྡུག་བསྔལ་རབ་ཏུ་གཞིལ་

72-1-18a

བ་ལ་གཞོལ་བ་ཞེས་བྱའོ། །ལྷའི་བུ་དགེ་བ་སྣ་ཚོགས་ཀྱི་རྣམ་པར་ཐར་པ་ནི། སེམས་ཤིན་ཏུ་ཡངས་པ་དང་། འགྲོ་བ་ཐམས་ཅད་ཀྱི་རྣལ་འབྱོར་ཡངས་པ་རྒྱ་མཚོ་སྙིང་རྗེ་དང་། དགའ་བའི་སྙིང་པོ་ཞེས་བྱའོ། །
ལྷའི་བུ་དབང་པོའི་དབྱངས་ཀྱི་རྣམ་པར་ཐར་པ་ནི། བསྐལ་པ་མཐའ་ཡས་པའི་སྤྱོད་པ་དང་། སེམས་ཅན་ཐམས་ཅད་ཀྱི་བསོད་ནམས་ཀྱི་མཐུ་སེམས་ཀྱི་སྐད་ཅིག་གཅིག་གིས་མངོན་པར་སྒྲུབ་པ་ཞེས་བྱའོ། །
ལྷའི་བུ་དྲན་པའི་བློ་དམ་པའི་རྣམ་པར་ཐར་པ་ནི། འཇིག་རྟེན་འབྱུང་བ་དང་འཇིག་པ་དང་། གནས་པ་དང་བསོད་ནམས་སྣ་ཚོགས་ནམ་མཁའ་ལྟ་བུ་ཡོངས་སུ་སྦྱོང་བ་ཞེས་བྱའོ། །ལྷའི་བུ་དགའ་བ་སྣ་ཚོགས་དབྱངས་
ཀྱི་རྣམ་པར་ཐར་པ་ནི། འཕགས་པའི་ཆོས་ཐམས་ཅད་ལ་དགའ་བ། མཚུངས་པ་མེད་པའི་ཤུགས་རྣམ་པར་སྤེལ་བས་རབ་ཏུ་ཚིམ་པར་བྱེད་པ་ཞེས་བྱའོ། །ལྷའི་བུ་ལེགས་པར་བསམ་པའི་དབྱངས་ཀྱི་རྣམ་པར་
ཐར་པ་ནི། ཚུལ་གྱིས་ཐམས་ཅད་རྣམ་པར་དགོད་ཅིང་ཤིན་ཏུ་བསྟན་པའི་དོན་དུ་ཡང་དག་པར་གནས་པ་ཞེས་བྱའོ། །ལྷའི་བུ་འོད་འགྱེད་པའི་དབྱངས་ཀྱི་རྣམ་པར་ཐར་པ་ནི། དགའ་ལྡན་གྱི་ཕོ་བྲང་ནས་འཕོ་བའི་མཆོད་པ་
ཤིན་ཏུ་རྒྱས་པ་མངོན་པར་བསྒྲུབས་པ་ཞེས་བྱའོ། །ལྷའི་བུ་དབྱངས་ཟབ་མོའི་འོད་ཀྱི་རྣམ་པར་ཐར་པ་ནི། རྫུ་འཕྲུལ་ལ་རྨོངས་པ་མེད་པའི་ཤེས་རབ་རྒྱ་མཚོ་ལ་རྣམ་པར་སྤྱོད་པ་ཞེས་བྱའོ། །ལྷའི་བུ་གྲགས་པ་
དྲི་མ་མེད་པའི་འོད་ཀྱི་རྣམ་པར་ཐར་པ་ནི། སངས་རྒྱས་ཀྱི་ཡོན་ཏན་རྒྱ་མཚོ་ཡོངས་སུ་ཐོབ་ཅིང་འགྲོ་བ་ལ་སྟོན་པའི་སྦྱོར་བ་ཞེས་བྱའོ། །ལྷའི་བུ་འོད་དྲི་མ་མེད་པ་ཤིན་ཏུ་འཕགས་པའི་རྣམ་པར་ཐར་པ་ནི་སྔོན་གྱི་སྨོན་
ལམ་གྱི་བྱིན་གྱིས་རླབས་ཀྱིས་དགའ་བ་འབྱུང་བའི་ཤུགས་ཀྱི་སྙིང་པོ་ཞེས་བྱའོ། །དེ་ནས་གྱ་ནོམ་སྣང་བའི་ལྷའི་རྒྱལ་པོ་སྣང་བས་དགའ་བས་སངས་རྒྱས་ཀྱི་མཐུས། དགའ་བ་དང་སྣང་བ་དང་། 

72-1-18b

འོད་ཆུང་དང་། འོད་གསལ་དང་། གྱ་ནོམ་པའི་ལྷའི་འཁོར་གྱི་དཀྱིལ་འཁོར་ཡོད་པ་ཐམས་ཅད་ལ་རྣམ་པར་བལྟས་ནས། དེའི་ཚེ་ཚིགས་སུ་བཅད་པ་འདི་དག་སྨྲས་སོ། །སྔོན་གྱི་རྒྱལ་བའི་སྤྱོད་པ་བདག་
གིས་དྲན། །རྒྱལ་བའི་མཐའ་ཡས་གྲགས་པ་ཅེས་མཆོད་དང་། །ཇི་ལྟར་སྔོན་ཅད་དགའ་ཤུགས་ཡོངས་སུ་དག །དེ་ནི་རྒྱལ་བའི་མཐུ་ཡིས་བདག་གིས་མཐོང་། །རྒྱལ་བ་དྲི་མེད་མཚན་ཉིད་མེད་པའི་སྐུ། །
འགྲོ་བའི་མྱ་ངན་མང་པོ་རྣམ་པར་ཟློག །བྱམས་དང་ཐུགས་བརྩེ་ཐུགས་རྗེའི་ས་ལ་བཞུགས། །རྣམ་ཐར་འདི་ཚུལ་སྣ་ཚོགས་འོད་འཇུག་གོ། །སངས་རྒྱས་ཆོས་ཉིད་འདི་ནི་རྒྱ་ཆེ་སྟེ། །ཞིང་རྣམས་རྒྱ་མཚོ་
མང་པོ་ཇི་ལྟ་བུར། །ཇི་ལྟར་འབྱུང་དང་ཇི་ལྟར་འཇིག་པ་སྟོན། །རྣམ་ཐར་འདི་ནི་དབང་པོའི་དབྱངས་ཀྱི་ཡིན། །རྒྱལ་བའི་རྫུ་འཕྲུལ་མཉམ་མེད་ཕྱོགས་ཀུན་གྱི། །ཞིང་གི་དབྱིངས་སུ་ཡངས་པ་ཤིན་ཏུ་བསྟན། །
ད་ལྟར་བྱུང་བའི་རྒྱལ་བའི་དགེ་བ་དག །དྲན་པ་དམ་པའི་རྣམ་ཐར་ཚུལ་འདིའོ། །ཞིང་རྣམས་རྒྱ་མཚོ་མང་པོའི་རྡུལ་སྙེད་ཀྱི། །བདེ་གཤེགས་དེ་དག་དགའ་བའི་ཡིད་ཀྱིས་མཆོད། །དེ་ཕྱིར་ཉན་པ་རྡུལ་མེད་དོན་ཀྱང་
ཡོད། །སྣ་ཚོགས་དབྱངས་ཀྱི་རྣམ་ཐར་འདི་ཡིན་ནོ། །བསྐལ་པ་རྒྱ་མཚོ་མང་པོ་ཡངས་པར་ཡང་། །ཚུལ་བཞིན་གྱིས་ནི་རྒྱལ་བ་རྒྱ་ཆེན་གསུང་། །རྒྱལ་བ་ཀུན་ལ་ཟད་མེད་མཐའ་ཡང་ཡས། 
ལེགས་བསམ་དབྱངས་ཀྱི་རྣམ་ཐར་འདི་ཡིན་ནོ། །སངས་རྒྱས་རྣམ་འཕྲུལ་མཐའ་ཡས་དབྱངས་ཀྱི་རྣམས། །འཕོ་དང་རྣམ་པར་འཚང་རྒྱ་ཚུལ་ཡང་དག །སེམས་ཀྱི་སྐད་ཅིག་ཀུན་ལ་རབ་ཏུ་སྟོན། །
འོད་འགྱེད་དབྱངས་ཀྱི་རྣམ་ཐར་སྒོ་འདི་ཡིན། །སངས་རྒྱས་བྱིན་རླབས་རྒྱ་ཆེན་བཤད་པ་ཡི། །རྫུ་འཕྲུལ་ཡུལ་ནི་བདེ་བར་གཤེགས་པ་སྟོན། །དབང་པོ་བསམ་པ་ཀུན་ཀྱང་རྣམ་པར་སྦྱོང་། །དབྱངས་

72-1-19a

ཟབ་འོད་ནི་འདི་ལ་རབ་ཏུ་འཇུག །རྒྱལ་བ་རྣམས་ཀྱི་ཡེ་ཤེས་མཐའ་ཡས་ཏེ། །མཉམ་མེད་ཆགས་མེད་སངས་རྒྱས་འཇིག་རྟེན་སྤྱོད། །སེམས་ཅན་ཀུན་ལ་མཆོག་སྦྱིན་མངོན་པར་
གཟིགས། །གྲགས་པ་དྲི་མེད་ཚུལ་འདིར་རབ་ཏུ་འཇུག །རྒྱལ་བ་སྔོན་ཅད་བྱང་ཆུབ་སྤྱོད་མཛད་ཚེ། །སངས་རྒྱས་རྒྱ་མཚོ་ཡང་དག་མཆོད་པ་རྣམས། །དེ་དག་ཀུན་གྱི་སྨོན་ལམ་རབ་གྲུབ་པ། །དེ་ནི་འོད་
འཕགས་དགའ་བ་རབ་ཏུ་ཉན། །དེ་ལ་ཚངས་པ་ཆེན་པོ་རབ་ཏུ་སྣང་བའི་རྣམ་པར་ཐར་པ་ནི། ཆོས་དྲི་མ་མྱེད་པའི་སྤྱོད་ཡུལ་ལ་གནས་ཤིང་ཕྱོགས་བཅུར་ཐོགས་པ་མེད་པའི་དབྱངས་ཀྱི་དཀྱིལ་འཁོར་
གྱིས་རྒྱས་པར་འགེངས་པ་དྲི་མ་མེད་པ་ཞེས་བྱའོ། །ཚངས་པ་ཆེན་པོ་བློ་གྲོས་འོད་ཀྱི་རྣམ་པར་ཐར་པ་ནི། སེམས་ཅན་ཐམས་ཅད་བསམ་གཏན་དང་སྙོམ་པར་འཇུག་པ་ལ་རབ་ཏུ་གནས་པ་ཞེས་བྱའོ། །
ཚངས་པ་ཆེན་པོ་བློ་གྲོས་བཟང་པོའི་སེམས་སྣང་བ་རྣམ་པར་ཐར་པ་ནི། ཆོས་ཀྱི་སྣང་བ་བསམ་གྱིས་མི་ཁྱབས་པ་ཐམས་ཅད་ལ་ཡང་དག་པར་གཞོལ་བའི་འོད་ཅེས་བྱའོ། །ཚངས་པ་ཆེན་པོ་ཀུན་ཏུ་
དབྱངས་ཀྱི་སྤྲིན་གྱི་རྣམ་པར་ཐར་པ་ནི། སངས་རྒྱས་ཐམས་ཅད་ཀྱི་གསུང་གི་ཡན་ལག་རྒྱ་མཚོའི་དཀྱིལ་འཁོར་ལ་འཇུག་ཅིང་རྟོགས་པ་བྱེད་པ་ཞེས་བྱའོ། །ཚངས་པ་ཆེན་པོ་འཇིག་རྟེན་དབང་
པོའི་སྒྲའི་རྣམ་པར་ཐར་པ་ནི། བྱང་ཆུབ་སེམས་དཔའི་སྤྱོད་པ་ཡང་དག་པར་འབྱུང་ཞིང་སེམས་ཅན་ཐམས་ཅད་བསྡུ་བ་དང་གདུལ་བ་རྗེས་སུ་དྲན་པའི་སྦྱོར་བ་ཞེས་བྱའོ། །ཚངས་པ་ཆེན་པོ་མིག་
རབ་ཏུ་ཞི་ཞིང་། འོད་ཤིན་ཏུ་ཟབ་པའི་རྣམ་པར་ཐར་པ་ནི། ལས་ཀྱིས་རྣམ་པར་ཕྱེ་བའི་འཇིག་རྟེན་གྱི་ཁམས་འབྱུང་བའི་དབྱིངས་ཤིན་ཏུ་སྟོན་པ་ཞེས་བྱའོ། །ཚངས་པ་ཆེན་པོ་ཕྱོགས་སུ་

72-1-19b

སྣང་བ་འགྱེད་པའི་རྣམ་པར་ཐར་པ་ནི། རྣམ་པ་ཐམས་ཅད་དུ་སེམས་ཅན་འདུལ་བ་ལ་མངོན་པར་ཕྱོགས་པ་ཞེས་བྱའོ། །ཚངས་པ་ཆེན་པོ་སྤྲུལ་པའི་སྒྲ་དབྱངས་ཀྱི་རྣམ་པར་ཐར་པ་ནི། ཆོས་ཐམས་
ཅད་དགེ་བའི་མཚན་ཉིད་ཀྱི་སྒོ་དང་རབ་ཏུ་ཞི་བའི་ཆོས་ལ་སྤྱོད་པའི་དཀྱིལ་འཁོར་ལ་ཤིན་ཏུ་གནས་པ་ཞེས་བྱའོ། །ཚངས་པ་ཆེན་པོ་མིག་གི་འོད་ཟེར་མངོན་པར་སྣང་བའི་རྣམ་པར་ཐར་པ་ནི། དངོས་པོ་ཐམས་
ཅད་ལ་ཆགས་པ་མེད་ཅིང་མཐའ་ཡས་པའི་བརྩམ་པ་ལ་བརྩོན་པ་ཞེས་བྱའོ། །ཚངས་པ་ཆེན་པོ་དབྱངས་རྒྱ་མཚོ་ཡིད་དུ་འོང་བའི་རྣམ་པར་ཐར་པ་ནི། མི་ཟད་པའི་ཆོས་གཞལ་དུ་མེད་པ་ལ་རྗེས་སུ་དཔྱད་
པར་རྟག་ཏུ་ཕྱོགས་ཤིང་རྣམ་པར་ལྟ་བ་དང་རྣམ་པར་ཤེས་པ་ཞེས་བྱའོ། །དེ་ནས་ཚངས་པའི་དབང་པོ་ཆེན་པོ་ཡིད་དུ་འོང་བས་སངས་རྒྱས་ཀྱི་མཐུས་ཚངས་རིས་དང་ཚངས་ལྷ་ཉེ་ཕན་དང་། ཚངས་པ་ཀུན་
འཁོར་དང་། ཚངས་ཆེན་གྱི་འཁོར་གྱི་དཀྱིལ་འཁོར་ཐམས་ཅད་ལ་རྣམ་པར་བལྟས་ཏེ། དེའི་ཚེ་ཚིགས་སུ་བཅད་པ་འདི་དག་སྨྲས་སོ། །རྒྱལ་བ་སྐུ་ནི་ཞི་ལ་རབ་ཏུ་ཞི། །འཇིག་རྟེན་ཀུན་
ཏུ་དྲི་མེད་སྣང་ཞིང་མཛེས། །མཚན་ཉིད་མེད་ཅིང་གཟུགས་བརྙན་མེད་པའི་ཡུལ། །སྤྲིན་དང་མཉམ་པར་དེ་བཞིན་གཤེགས་པ་སྣང་། །འགྲོ་བ་ཀུན་གྱི་བསམ་དུ་མི་ནུས་ཏེ། །སངས་རྒྱས་
སྐུ་དང་དེ་བཞིན་བསམ་གཏན་ཡུལ། །ཐམས་ཅད་ཚུལ་གྱི་སྒོ་ཡིས་བསམ་དུ་མེད། །ཚངས་པའི་བློ་གྲོས་འོད་ཀྱིས་འདི་མཐོང་ངོ་། །རྒྱ་མཚོའི་ཆོས་རྣམས་ཞིང་གི་རྡུལ་སྙེད་ཀྱང་། །སངས་རྒྱས་
གསུང་ཅིག་ཡང་དག་བཀའ་སྩལ་ཏེ། །བསྐལ་པ་རྒྱ་མཚོར་གསུངས་ཀྱང་ཟད་པ་མེད། །སྣང་བ་སེམས་དཔའི་རྣམ་ཐར་འདི་ཡིན་ནོ། །སྔོན་གྱི་རྒྱལ་བའི་གསུང་གི་ཡན་ལག་ཀྱང་། །འགྲོ་བ་

72-1-20a

སྙེད་དེ་རྒྱུད་ཀུན་སེམས་ཅན་ཤེས། །རྒྱལ་བ་དེ་ལ་རྟོགས་དང་དབྱངས་མི་མངའ། །ཚངས་པ་ཀུན་ཏུ་སྒྲ་དབྱངས་འདི་ལ་འཇུག །དེ་བཞིན་གཤེགས་པ་དུས་གསུམ་གཤེགས་པ་དག །བྱང་ཆུབ་སྤྱོད་
པའི་ཚུལ་ལ་གང་བཞུགས་པ། །དེ་དག་རྒྱལ་བའི་སྐུ་ལ་ཐམས་ཅད་སྣང་། །རྣམ་ཐར་འདི་ལ་འཇིག་རྟེན་དབང་པོ་འཇུག །སེམས་ཅན་ཀུན་གྱི་ལས་དབང་གང་ཡིན་དང་། །སྣ་ཚོགས་རྒྱ་ཡི་སྒོ་ཡིས་རྣམ་
གྲོལ་བ། །འགྲོ་བ་བཀང་ཞིང་སངས་རྒྱས་ཡང་དག་སྟོན། །ཞི་བ་ཟབ་མོའི་མིག་ནི་འདི་ལ་འཇུག །རྣམ་པ་མཐའ་ཡས་སྒོ་ཡིས་རང་བྱུང་རྣམས། །ཕྱོགས་རྣམས་མ་ལུས་ཀུན་ཏུ་སེམས་ཅན་འདུལ། །
སངས་རྒྱས་རྟོགས་དང་རྣམ་རྟོག་མི་མངའ་སྟེ། །སྣང་བ་འགྱེད་པའི་སྤྱོད་ཡུལ་འདི་ཡིན་ནོ། །རྒྱལ་བའི་སྐུ་ནི་མི་ཟད་ནམ་མཁའ་བཞིན། །མཚན་ཉིད་མི་མངའ་ཕྱོགས་ལ་ཆགས་པ་མེད། །སྒྱུ་མར་གཏོགས་
པའི་ཆོས་ཉིད་རབ་ཏུ་སྟོན། །ཀུན་ཏུ་འཕྲུལ་དགའི་སྤྱོད་ཡུལ་འདི་ཡིན་ནོ། །བདེ་གཤེགས་སྐུ་དང་ཡེ་ཤེས་རྣམ་པ་དང་། །དེ་བཞིན་དབྱངས་ཀྱི་དཀྱིལ་འཁོར་མཐའ་མེད་དེ། །ཆགས་མེད་སེམས་ཅན་
སངས་རྒྱས་མངོན་དུ་བལྟ། །འོད་ཟེར་ཡིད་འོང་རྣམ་ཐར་འདི་ལ་འཇུག །ཆོས་རྗེ་ཆོས་ཀྱི་གཞལ་མེད་ཁང་བཞུགས་ཤིང་། །ཆོས་ཀྱི་སྐུ་ཡི་སངས་རྒྱས་རབ་ཏུ་སྣང་། །ཆོས་ཀྱི་རང་བཞིན་གཞལ་ཡས་
མཚན་ཉིད་མེད། །རྣམ་ཐར་འདི་ལ་རྒྱ་མཚོའི་འོད་འཇུག་གོ། །དེ་ལ་ལྷའི་རྒྱལ་པོ་དབང་བསྒྱུར་གྱི་རྣམ་པར་ཐར་པ་ནི། མཐའ་ཡས་པའི་སེམས་ཅན་ཡོངས་སུ་སྨིན་པར་བྱ་བའི་སྒོ་ཡི་དབང་དང་སྤྱོད་པའི་སྙིང་པོ་
ཞེས་བྱའོ། །ལྷའི་བུ་མིག་བཟང་པོའི་བློ་གྲོས་ཀྱི་རྣམ་པར་ཐར་པ་ནི། སེམས་ཅན་ཐམས་ཅད་ཀྱི་དགའ་བ་དང་བདེ་བ་ལ་རྣམ་པར་ལྟ་བ་འཕགས་པའི་སྤྱོད་ཡུལ་གྱི་རྗེས་སུ་འཇུག་པ་ཞེས་བྱའོ། །ལྷའི་

72-1-20b

བུ་ཅོད་པན་སྣ་ཚོགས་ཀྱི་རྒྱལ་མཚན་གྱི་རྣམ་པར་ཐར་པ་ནི། སེམས་ཅན་ཐམས་ཅད་ཀྱི་འབྱུང་བ་སྣ་ཚོགས་དོན་ཐ་དད་པའི་དབྱིངས་སུ་ཡང་དག་གཞོལ་བ་ཞེས་བྱའོ། །ལྷའི་བུ་གོ་འཕང་རྣམ་པར་གནོན་པའི་སྒྲ་དབྱངས་
སྣ་ཚོགས་ཀྱི་རྣམ་པར་ཐར་པ་ནི། སེམས་ཅན་ཐམས་ཅད་ལ་བྱམས་པའི་སྒོ་རྗེས་སུ་དྲན་ཞིང་རང་གི་ཡུལ་ལ་རྣམ་པར་ལྟ་བ་ཞེས་བྱའོ། །ལྷའི་བུ་འོད་ཡིད་དུ་འོང་བའི་རྒྱལ་མཚན་གྱི་རྣམ་པར་ཐར་པ་ནི། 
ང་རྒྱལ་གྱི་རྒྱལ་མཚན་རབ་ཏུ་བསྙིལ་བ་དང་། སྙིང་རྗེ་ཆེན་པོའི་སྒོ་ནས་རབ་ཏུ་ཞི་བ་འབྱུང་བ་ཞེས་བྱའོ། །ལྷའི་བུ་སྤྱོད་ཡུལ་ཞི་བའི་སྒོའྀ་རྣམ་པར་ཐར་པ་ནི། འགྲོ་བ་ཐམས་ཅད་ཀྱི་ཁོང་ཁྲོ་བ་ཡང་
དག་པར་འདུལ་བ་རབ་ཏུ་བརྗོད་པ་ཞེས་བྱའོ། །ལྷའི་བུ་འཁོར་ལོ་རི་མོ་བཟང་པོའི་རྒྱལ་མཚན་གྱི་རྣམ་པར་ཐར་པ་ནི། ཕྱོགས་བཅུའི་མཐའ་ཡས་པའི་སངས་རྒྱས་ཡིད་ལ་བྱ་བ་མུ་མེད་པར་ཁེབས་པར་
འགེངས་པ་ཞེས་བྱའོ། །ལྷའི་བུ་མེ་ཏོག་བློ་གྲོས་སེང་གེའི་དབང་ཕྱུག་གི་རྣམ་པར་ཐར་པ་ནི། དེ་བཞིན་གཤེགས་པའི་རྣམ་པར་འཕྲུལ་བ། རྣམ་པ་ཐམས་ཅད་རྗེས་སུ་དྲན་པ་མངོན་པར་འཚང་རྒྱ་བས་
རྒྱས་པར་བྱེད་པ་ཞེས་བྱའོ། །ལྷའི་བུ་དབང་པོའི་སྟོབས་རི་མོ་བཟང་པོའི་འོད་སྣ་ཚོགས་ཀྱི་རྣམ་པར་ཐར་པ་ནི། འཇིག་རྟེན་གྱི་དབང་པོ་ཐམས་ཅད་ཀྱི་ཆོས་ཉིད་ལ་ཡང་དག་པར་གཞོལ་བའི་བྱིན་རླབས་
ཀྱི་ཁྱད་པར་ཞེས་བྱའོ། །དེ་ནས་ལྷའི་རྒྱལ་པོ་དབང་བྱེད་ཀྱིས་སངས་རྒྱས་ཀྱི་མཐུས། ལྷའི་བུ་དབང་བྱེད་ཀྱི་རིས་སུ་གཏོགས་པའི་འཁོར་གྱི་དཀྱིལ་འཁོར་ཐམས་ཅད་ལ་རྣམ་པར་བལྟས་ནས། 
དེའི་ཚེ་ཚིགས་སུ་བཅད་པ་འདི་དག་སྨྲས་སོ། །ཆོས་དབྱིངས་མཐར་ཐུགས་བདེ་བར་གཤེགས་པའི་སྐུ། །འགྲོ་བ་ཀུན་ན་མངོན་པར་རབ་ཏུ་སྣང་། །འབྱམ་ཀླས་ཐམས་ཅད་ཆོས་ཀྱིས་སེམས་ཅན་འདུལ། །

72-1-21a

ཆོས་ཀྱི་མངའ་བདག་རྒྱལ་བ་འགྲོ་ལ་སྟོན། །འཇིག་རྟེན་བདེ་བ་སྣ་ཚོགས་མ་ལུས་པ། །ཇི་སྙེད་དེ་ནང་འཕགས་པ་དེ་མཆོག་ཡིན། །ཆོས་ཉིད་ཡངས་པ་རྒྱལ་བའི་གནས་ཡིན་ཏེ། །མིག་
བཟང་བདག་པོ་འདི་ལ་རྣམ་པར་ལྟ། །འཇིག་རྟེན་ཕྱོགས་རྣམས་བཀང་ཞིང་སངས་རྒྱས་ཀྱིས། །བསམ་པའི་དབྱངས་ཀྱི་ཚུལ་བཞིན་ཆོས་སྟོན་པས། །སེམས་ཅན་ཀུན་གྱི་ནེམ་ནུར་དོགས་པ་གཅོད། །
ཅོད་པན་སྣ་ཚོགས་རྒྱལ་མཚན་རྣམ་ཐར་ཏོ། །རྒྱལ་བའི་གསུང་གཅིག་མ་ལུས་གསུང་བ་ནི། །བསྐལ་པ་རྒྱ་མཚོར་ཡངས་པའི་ཆོས་སྒྲོགས་ཏོ། འགྲོ་བ་བཀང་ཞིང་སངས་རྒྱས་གསུང་བརྗོད་པ། །
འདི་ནི་བརྩོན་པའི་བློ་གྲོས་རྣམ་ཐར་ཏོ། །འཇིག་རྟེན་བྱམས་པ་འབྱམ་ཀླས་རྒྱ་ཆེན་ཀུན། །བདེ་གཤེགས་བ་སྤུ་གཅིག་གི་དཔེར་མི་རུང་། །རྒྱལ་བའི་བྱམས་པ་མཁའ་བཞིན་ཟད་མི་ཤེས། །བཤད་པ་
སྣ་ཚོགས་བློ་གྲོས་རྣམ་ཐར་ཏོ། །ང་རྒྱལ་རི་དང་མུན་སྤྲིན་སྒོ་འཇོམས་ཤིང་། །སྟོབས་བཅུ་འགྲོ་བ་ཀུན་ཏུ་ཁྱབ་བྱས་ནས། །རྒྱལ་བའི་ཐུགས་རྗེའི་འོད་ཟེར་རབ་ཏུ་འགྱེད། །རྣམ་ཐར་འདི་ནི་འོད་བཟང་
རྒྱལ་མཚན་གྱིའོ། །བདེ་གཤེགས་མཐོང་བས་གཏི་མུག་རབ་ཏུ་འཇོམས། །འགྲོ་ལ་ཤེས་རབ་དཀྱིལ་འཁོར་དགེ་བ་སྟོན། །དེ་དག་ངན་འགྲོའི་ཚུལ་རྣམས་རྣམ་འདུལ་སྟེ། ཞི་བ་སྤྱོད་ཡུལ་སྒོ་ཡི་
རྣམ་ཐར་ཏོ། །སངས་རྒྱས་སྤུ་ཡི་ཁུང་ནས་འོད་བརྗོད་པ། །སེམས་ཅན་ཀུན་དང་འཐུན་པར་བདེ་གཤེགས་མཚན། །དེ་དག་བསམ་པ་ཇི་བཞིན་མཚན་ཀྱང་ཐོས། །འཁོར་ལོ་སྣ་ཚོགས་རྒྱལ་མཚན་
རྣམ་ཐར་ཡིན། །རྒྱལ་བའི་རྣམ་པར་འཕྲུལ་པ་ཚད་མེད་པ། །དེ་དག་ཐམས་ཅད་འཁོར་འདིར་ཕྱིན་སྣང་ཞིང་། །ཆོས་དབྱིངས་ནམ་མཁའ་རྒྱལ་བས་རབ་རྒྱས་པ། །མེ་ཏོག་སེང་གེ་དཔལ་གྱི་

72-1-21b

རྣམ་ཐར་ཏོ། །བསྐལ་པ་རྒྱ་མཚོ་མང་པོ་ཚད་མེད་པར། །ཞིང་རྣམས་ཀུན་ཏུ་རྒྱལ་བའི་ཡུལ་བརྗོད་ཀྱང་། །སངས་རྒྱས་གཤེགས་དང་བཞུད་པར་གྱུར་པ་མེད། །དབང་པོ་དཔལ་སྟོབས་རྣམ་ཐར་འདི་ཡིན་
ནོ། །དེ་ལ་ལྷའི་རྒྱལ་པོ་རབ་འཕྲུལ་དགའི་རྣམ་པར་ཐར་པ་ནི། ཆོས་ཀྱི་རང་བཞིན་སྤྲུལ་པར་རྣམ་པར་བསྒོམ་པའི་སྦྱོར་བ་ཞེས་བྱའོ། །ལྷའི་བུ་སྒྲས་ཞི་བའི་འོད་ཀྱི་རྣམ་པར་ཐར་པ་ནི། འཇིགས་པ་
ཐམས་ཅད་རྣམ་པར་སྒོམ་པའི་རང་བཞིན་གྱི་སྦྱོར་བ་ཞེས་བྱའོ། །ལྷའི་བུ་སྟོབས་ཀྱིས་འཕྲུལ་པའི་སྒྲའི་འོད་རྣམ་པར་ཐར་པ་ནི། སེམས་ཅན་ཐམས་ཅད་ཀྱི་གཏི་མུག་གིས་ཡོངས་སུ་མི་ཟད་ཅིང་རྨོངས་
པ་མེད་པའི་དཀྱིལ་འཁོར་ཅེས་བྱའོ། །ལྷའི་བུ་དབང་ཆེན་སྣ་ཚོགས་ཀྱི་རྣམ་པར་ཐར་པ་ནི། སངས་རྒྱས་ཐམས་ཅད་ཀྱི་གསུང་ལ་ཡང་དག་པར་འཇུག་ཅིང་དགའ་བ་ཚད་མེད་པས་རྣམ་པར་སྨིན་པ་ཞེས་
བྱའོ། །ལྷའི་བུ་དྲན་པའི་འོད་ཀྱི་རྣམ་པར་ཐར་པ་ནི། སངས་རྒྱས་ཐམས་ཅད་ཀྱི་མཚན་ཉིད་དང་། བསོད་ནམས་ཀྱི་ཚོགས་ལ་འཇུག་པ་ཟད་མི་ཤེས་པ་ཤིན་ཏུ་བསྟན་པ་ཞེས་བྱའོ། །ལྷའི་
བུ་སྤྲིན་སྒྲ་ཤིན་ཏུ་འཕགས་པའི་རྣམ་པར་ཐར་པ་ནི། འདས་པའི་བསྐལ་པ་གཅིག་ནས་གཅིག་ཏུ་བརྒྱུད་པ་རྗེས་སུ་དྲན་ཞིང་སྤྱོད་པའི་བློ་གྲོས་ཞེས་བྱའོ། །ལྷའི་བུ་སྣང་བའི་སྤྱོད་པའི་དཔལ་གྱི་
རྣམ་པར་ཐར་པ་ནི། སེམས་ཅན་ཐམས་ཅད་ཀྱི་ཤེས་རབ་ཚད་དང་བྲལ་བ་རྟོགས་པར་བྱེད་པའི་ཡེ་ཤེས་ལ་ཡང་དག་པར་འཇུག་པ་ཞེས་བྱའོ། །ལྷའི་བུ་གཙུག་ཕུད་ཡིད་དུ་འོང་བའི་འོད་ཀྱི་རྣམ་པར་ཐར་པ་ནི། 
ནམ་མཁའི་དབྱིངས་ཀྱི་མཐར་ཉི་མའི་ཤུགས་ཀྱི་རྒྱུ་བས་ཀུན་ཏུ་འགྲོ་བ་ཞེས་བྱའོ། །ལྷའི་བུ་དགའ་བའི་བློ་གྲོས་ཀྱི་རྣམ་པར་ཐར་པ་ནི། རྩོམ་པ་ཐམས་ཅད་ཟད་མི་ཤེས་པ་ལ་བརྩོན་འགྲུས་ཀྱི་སྟོབས་ཡང་དག་

72-1-22a

པར་འབྱུང་བ་ཞེས་བྱའོ། །ལྷའི་བུ་མེ་ཏོག་འོད་ཀྱི་གཙུག་ཕུད་ཀྱི་རྣམ་པར་ཐར་པ་ནི། སེམས་ཅན་ཐམས་ཅད་ཀྱི་ལས་ལ་ལྟ་ཞིང་བདེ་བ་དང་། སྡུག་བསྔལ་བས་ཀུན་ཏུ་རྣམ་པར་ལྟ་བ་ཞེས་
བྱའོ། །ལྷའི་བུ་ཕྱོགས་ཤིན་ཏུ་སྣང་བའི་རྣམ་པར་ཐར་པ་ནི། སེམས་ཅན་གྱི་ཚོགས་བསམ་གྱིས་མི་ཁྱབས་པའི་རྣམ་པར་སྒྲུབ་པ་སྣ་ཚོགས་ཀྱི་དྲན་པས་མངོན་ཏུ་སྒྲུབས་པ་ཞེས་བྱའོ། །
དེ་ནས་ལྷའི་རྒྱལ་པོ་རབ་འཕྲུལ་དགའ། སངས་རྒྱས་ཀྱི་མཐུས་འཕྲུལ་དགའི་འཁོར་གྱི་དཀྱིལ་འཁོར་ཐམས་ཅད་ལ་རྣམ་པར་བལྟས་ཏེ། དེའི་ཚེ་ཚིགས་སུ་བཅད་པ་འདི་དག་སྨྲས་སོ། །
འཇིག་རྟེན་ལས་ཀྱི་རང་བཞིན་བསམ་མི་ཁྱབ། །ཐམས་ཅད་འགྲོ་བ་འདིར་ཡང་ཤིན་ཏུ་བསྟན། །རྒྱུ་དང་རང་བཞིན་རྒྱལ་བ་སེམས་ཅན་ཚུལ། །འཇིག་རྟེན་འདི་ཀུན་ལས་ཀྱི་རྣམ་པར་བྲིས། །ཐམས་
ཅད་ཚུལ་དུ་རང་བྱུང་དངོས་པོ་མེད། །ཕྱོགས་རྣམས་ཀུན་ན་འང་བཟུང་བ་ཡོད་པ་མིན། །ཆོས་ཀྱི་སྐུ་ལ་དངོས་མེད་དེ་ཡང་བསྟན། །སྒྲ་ཞི་འོད་ཀྱིས་རྣམ་ཐར་འདི་ཡང་མཐོང་། །རྒྱལ་བས་བསྐལ་པ་
རྒྱ་མཚོར་སྤྱད་པའི་ཚེ། །འཇིག་རྟེན་གཏི་མུག་མུན་པ་རྣམ་པར་ཟློག །དེ་བས་སངས་རྒྱས་ཤིན་ཏུ་དྲི་མེད་སྣང་། །རྣམ་ཐར་འདི་ནི་སྟོབས་ཀྱི་འོད་ཀྱི་ཤེས། །ཇི་སྙེད་འཇིག་རྟེན་སྒྲ་དབྱངས་ཞི་
བའི་རྣམས། །ཀུན་ཀྱང་སངས་རྒྱས་སྒྲ་ལས་ཉེ་བར་འབྱུང་། །ཕྱོགས་རྣམས་ཞིང་དབྱངས་སྣ་ཚོགས་རྣམ་པར་སྒྲོག །འདི་ནི་སྣ་ཚོགས་དབང་གི་རྣམ་ཐར་ཏོ། །འགྲོ་བའི་བསོད་ནམས་མཐུ་
རྣམས་ཀུན་བསྩོགས་ཀྱང་། །རྒྱལ་བའི་མཚན་རབ་གཅིག་ཏུ་མི་འགྱུར་ཏེ། །རྒྱལ་བའི་བསོད་ནམས་ནམ་མཁའི་དཔེ་ལྟ་བུ། །དྲན་པའི་འོད་ཀྱིས་རྣམ་ཐར་འདི་མཐོང་ངོ་། །དུས་གསུམ་

72-1-22b

བསྐལ་པ་མཐའ་དང་མུ་མེད་པ། །སྤུ་གཅིག་རྩེ་ལ་རང་བྱུང་རྣམ་སྟོན་ཏོ། །དེ་དག་འབྱུང་འཇིག་ཇི་ལྟ་བ་ཡང་སྟོན། །འདི་ནི་འཕགས་པའི་དབྱངས་ཀྱིས་རབ་ཏུ་ཤེས། །ཕྱོགས་རྣམས་ནམ་མཁའི་མཐའ་ནི་
རྙེད་པར་རུང་། །རྒྱལ་བའི་སྤུ་གཅིག་མཐའ་ནི་ཐུག་པ་མེད། །དེ་ལྟར་སངས་རྒྱས་ཆགས་མེད་བསམ་མི་ཁྱབ། །ཡིད་འོང་འོད་ཀྱི་གཙུག་གིས་དེ་མཐོང་ངོ་། །སྔོན་གྱི་རྒྱལ་བས་བསྐལ་པ་བསམ་
ཡས་པར། །མི་སྐྱོའི་ཐུགས་ཀྱིས་བརྩོན་འགྲུས་རབ་བསྐྱེད་དེ། །ཕ་རོལ་ཕྱིན་པ་རྒྱ་ཆེན་རབ་ཏུ་བསྐང་། །དེ་ནི་དགའ་དང་ལྡན་པའི་རྣམ་ཐར་ཏོ། །འགྲོ་བ་རྣམས་ཀྱི་ལས་ཀྱི་རང་བཞིན་རྒྱུ། །བསམ་
གྱིས་མི་ཁྱབ་སངས་རྒྱས་མ་ལུས་གསུང་། །དྲི་མེད་རྣམ་དག་ཆོས་ཉིད་དེ་ཡང་སྟོན། །དེ་ལ་མེ་ཏོག་འོད་ཀྱི་གཙུག་ཕུད་འཇུག །རྒྱལ་བའི་སྤུ་གཅིག་རྩེ་ལ་འགྲོ་བ་རྣམས། །ཐམས་ཅད་སྙེད་ཀྱི་
གཟུགས་ཀྱི་སྒོ་ལ་ལྟོས། །འོན་ཀྱང་འགྲོ་ཞིང་འོང་བ་དེ་ལ་མེད། །རྣམ་ཐར་དེ་ནི་ཕྱོགས་སུ་སྣང་བས་མཐོང་། །དེ་ལ་ལྷའི་རྒྱལ་པོ་རབ་དགའ་ལྡན་གྱི་རྣམ་པར་ཐར་པ་ནི། སངས་རྒྱས་ཐམས་ཅད་
ཀྱི་མཚན་གྱི་འཁོར་ལོ་ཕུན་སུམ་ཚོགས་པ་མངོན་པར་བསྒྲུབ་པ་ལ་འཇུག་པ་ཞེས་བྱའོ། །ལྷའི་བུ་དགའ་བ་རྒྱ་མཚོའི་གཙུག་པུད་ཀྱི་རྣམ་པར་ཐར་པ་ནི། ནམ་མཁའི་དབྱིངས་དྲི་མ་མེད་པའི་འོད་ཅེས་བྱའོ། །
ལྷའི་བུ་ཡོན་ཏན་མཆོག་གི་རྒྱལ་མཚན་གྱི་རྣམ་པར་ཐར་པ་ནི། སྨོན་ལམ་རྒྱ་མཚོ་དྲི་མ་མེད་པས་འགྲོ་བ་རབ་ཏུ་ཞི་བ་བྱེད་པ་ལ་འཇུག་པ་ཞེས་བྱའོ། །ལྷའི་བུ་འོད་ཟེར་ཞི་བའི་འོད་ཀྱིས་རྣམ་པར་
ཐར་པ་ནི། ཆོས་རྗེས་སུ་བསྲུང་བའི་སྒོ་ཀུན་ཏུ་བསྟན་པས་སྣང་བ་ཞེས་བྱའོ། །ལྷའི་བུ་རབ་ཏུ་དགའ་བའི་མིག་གིས་རྣམ་པར་ཐར་པ་ནི། ཀུན་ནས་ཉོན་མོངས་པའི་ཁམས་ནམ་མཁའི་དབྱིངས་ལྟར་

72-1-23a

དྲི་མ་མེད་པར་ཡོངས་སུ་སྦྱོང་བ་ཞེས་བྱའོ། །ལྷའི་བུ་རིན་ཆེན་འོད་ཟེར་ཟླ་བའི་རྣམ་པར་ཐར་པ་ནི། འགྲོ་བ་རྣམ་པར་གདུལ་བ་ཟད་མི་ཤེས་པ་མངོན་པར་བསྒྲུབ་པའི་སྙིང་པོ་ཞེས་བྱའོ། །ལྷའི་བུ་རྣམ་
པར་གནོན་པས་རབ་ཏུ་བརྩོན་པའི་རྣམ་པར་ཐར་པ་ནི། སངས་རྒྱས་ཐམས་ཅད་ཀྱི་ཡུལ་ལ་བརྩོན་ཞིང་ཡང་དག་པར་བྱང་ཆུབ་མངོན་པར་བསྒྲུབ་པ་ཞེས་བྱའོ། །ལྷའི་བུ་རྡོ་རྗེ་མདོག་གི་འོད་བཟང་པོའི་
རྣམ་པར་ཐར་པ་ནི། བྱང་ཆུབ་ཀྱི་སེམས་བསྐྱེད་པ་མི་ཤིགས་པར་བརྟེན་པའི་རྒྱུན་ཐམས་ཅད་དགའ་བས་ཡང་དག་པར་སྡུད་པ་ཞེས་བྱའོ། །ལྷའི་བུ་སྐར་མས་རྒྱན་པའི་དཔལ་གྱི་རྣམ་པར་ཐར་པ་ནི། 
སངས་རྒྱས་འབྱུང་བ་ཐམས་ཅད་ཀྱི་དྲུང་དུ་ཉེ་བར་འགྲོ་ཞིང་ཕྱོགས་བཅུའི་སེམས་ཅན་རྩལ་གྱིས་རྣམ་པར་གནོན་པའི་འདུལ་བ་ཞེས་བྱའོ། །ལྷའི་བུ་དགའ་བ་བཟང་པོ་སྣ་ཚོགས་ཀྱི་རྣམ་པར་ཐར་པ་ནི། 
བསམ་པ་རྒྱ་མཚོ་མཐའ་དང་དབུས་མེད་པ་སེམས་སྐད་ཅིག་གིས་ཡོངས་སུ་བསྟན་པ་ལ་མངོན་པར་ཕྱོགས་པའི་སྣོད་ཡང་དག་པར་སྟོན་པ་ཞེས་བྱའོ། །དེ་ནས་ལྷའི་རྒྱལ་པོ་རབ་དགའ་ལྡན་གྱིས་སངས་རྒྱས་
ཀྱི་མཐུས་དགའ་ལྡན་གྱི་རིས་སུ་གཏོགས་པའི་ལྷའི་བུའི་འཁོར་ཐམས་ཅད་ལ་རྣམ་པར་བལྟས་ཏེ། དེའི་ཚེ་ཚིགས་སུ་བཅད་པ་འདི་དག་སྨྲས་སོ། །ཆོས་དབྱིངས་དམ་པ་དེ་བཞིན་གཤེགས་པ་སྟེ། །
སེམས་ཅན་ཀུན་དང་མཉམ་ཉིད་མཉམ་པར་འགྱུར། །བསམ་པ་སྣ་ཚོགས་རྒྱལ་བའི་ཆོས་ཉིད་དེ། །དྲི་མེད་བསམ་གྱིས་མི་ཁྱབ་རབ་ཏུ་འཇུག །སངས་རྒྱས་སྐུ་ནི་ཕྱོགས་ལ་ཐོགས་པ་མེད། 
གཟུང་བ་མེད་ཅིང་ཆགས་པ་གང་ཡང་མེད། །འགྲོ་བའི་གཟུགས་ཀྱི་སྒོ་རྣམས་ཀུན་ལ་སྣང་། །རྣམ་ཐར་དེ་ལ་དགའ་བའི་གཙུག་ཕུད་འཇུག །སྨོན་ལམ་རྒྱ་མཚོས་ཇི་ལྟར་རྣམ་སྦྱང་པའི། །

72-1-23b

སྔོན་གྱི་རྒྱལ་བའི་སྤྱོད་པ་རྣམས་ལ་ལྟོས། །ཐམས་ཅད་ཆོས་ཀྱི་དཀྱིལ་འཁོར་ཡོངས་སུ་རྒྱས། །དེ་ཡི་ཚུལ་ལ་ཡོན་ཏན་རྒྱ་མཚོ་འཇུག །བདེ་གཤེགས་ཆོས་སྐུ་བསམ་གྱི་མི་ཁྱབ་སྟེ། །ཆོས་ཀྱི་དབྱིངས་
ནི་མི་གཡོར་མཚན་ཉིད་དོ། །ཐམས་ཅད་ཆོས་ཀྱི་འོད་ཟེར་སྣང་བ་གཏོང་། །ཞི་བའི་འོད་ཟེར་སྣང་བས་འདི་ལྟར་མཐོང་། །འགྲོ་བ་ཉོན་མོངས་ལས་ཀྱི་མུན་པས་བསྒྲིབས། །འཇིགས་དོགས་བག་
མེད་ཕྲོགས་པའི་ཡུལ་ཅན་ལ། །རྒྱལ་བ་ཞི་བའི་ཆོས་ཉིད་རབ་ཏུ་སྟོན། །དགའ་བ་བཟང་པོའི་མིག་གི་དགའ་བར་མཐོང་། །མགོན་པོ་འཇིག་རྟེན་ཐམས་ཅད་སྐྱབས་གྱུར་ཅིང་། 
གནས་དང་མགོན་དུ་གྱུར་པ་རབ་འབྱུང་སྟེ། །རྒྱལ་བ་སེམས་ཅན་ཀུན་ལ་བདེ་བ་སྟོན། །དེ་ཡི་ཚུལ་ལ་རྩེ་མོའི་ཟླ་བ་འཇུག །སངས་རྒྱས་ཐམས་ཅད་སྤྱོད་ཡུལ་བསམ་མི་ཁྱབ། །ཆོས་དབྱིངས་
དམ་པ་དེ་བཞིན་གཤེགས་པ་སྟེ། །ཐམས་ཅད་ཆོས་དབྱིངས་ཕ་རོལ་ཕྱིན་པ་བརྙེས། །དེ་ནི་བརྩོན་པའི་བློ་གྲོས་དགའ་བའོ། །ཕྱོགས་བཅུ་དག་ན་སེམས་ཅན་སྣོད་གྱུར་ཅིང་། །བསོད་ནམས་
རྒྱ་མཚོས་རྣམ་དག་སྤྱོད་ཡུལ་ཅན། །སངས་རྒྱས་ཡོན་ཏན་ཐོས་ཤིང་བྱང་ཆུབ་འཇུག །རྡོ་རྗེ་རྡུལ་གྱི་འོད་ནི་འདི་ལྟར་སེམས། །ཞིང་རྣམས་རྒྱ་མཚོའི་རྡུལ་དང་མཉམ་པ་ཡི། །ཕྱོགས་བཅུའི་རྒྱལ་
སྲས་རྟག་ཏུ་ཀུན་འདུ་ཞིང་། །རྒྱལ་བ་མཆོད་ཅིང་ཆོས་ཉིད་ཉན་པར་བྱེད། །བརྒྱན་པའི་དཔལ་ནི་རྣམ་ཐར་འདི་ལ་འཇུག །འགྲོ་བ་རྒྱ་མཚོའི་སེམས་ནི་བསམ་མི་ཁྱབ། །གནས་མེད་གཡོ་བ་མེད་
ཅིང་རྟེན་པ་མེད། །ཐམས་ཅད་སྐད་ཅིག་གཅིག་ལ་རྒྱལ་བས་མཁྱེན། །དགའ་བ་སྣ་ཚོགས་དགའ་བར་འདི་མཐོང་ངོ་། །དེ་ལ་ལྷའི་རྒྱལ་པོ་རབ་མཚེ་མའི་རྣམ་པར་ཐར་པ་ནི། སེམས་ཅན་

72-1-24a

ཐམས་ཅད་ཀྱི་མྱ་ངན་བསལ་བ་དགེ་བའི་སྒོ་ཡང་དག་པར་འབྱུང་བ་ཞེས་བྱའོ། །ལྷའི་བུ་དགའ་བ་བདེ་བའི་འོད་ཀྱི་རྣམ་པར་ཐར་པ་ནི། དམིགས་པ་ཐམས་ཅད་ཁྱད་པར་བྱེད་པའི་ཡུལ་ཞེས་བྱའོ། །
ལྷའི་བུ་བློ་གྲོས་མི་ཟད་པའི་ཡོན་ཏན་དཔལ་གྱི་རྣམ་པར་ཐར་པ་ནི། ནད་ཐམས་ཅད་རྣམ་པར་སེལ་ཅིང་ཕན་པར་སྙིང་རྗེ་བའི་དཀྱིལ་འཁོར་ཅེས་བྱའོ། །ལྷའི་བུ་འཕྲུལ་པ་བཟང་ཞིང་དགེ་བའི་རྣམ་པར་ཐར་པ་ནི། 
བུད་མེད་ཐམས་ཅད་འདུལ་བའི་བསམ་པ་རྗེས་སུ་རྟོགས་པའི་ཚུལ་ལ་འཇུག་པ་ཞེས་བྱའོ། །ལྷའི་བུ་ས་དང་རི་བོའི་འོད་ཀྱི་རྣམ་པར་ཐར་པ་ནི། ཆོས་ཐམས་ཅད་གཟུང་བ་ལ་རྨོངས་པ་མེད་པའི་གཟུངས་ཀྱི་སྒོ་བདེ་
བར་སྣང་བ་ཞེས་བྱའོ། །ལྷའི་བུ་བསམ་གྱིས་མི་ཁྱབ་པའི་བློ་གྲོས་ཀྱི་རྣམ་པར་ཐར་པ་ནི། དམིགས་པའི་ཡུལ་ཐམས་ཅད་ལས་ཀྱི་རང་བཞིན་བསམ་གྱིས་མི་ཁྱབ་པའི་ཚུལ་ལ་འཇུག་པ་ཞེས་བྱའོ། །
ལྷའི་བུ་འཁོར་ལོའི་གཙུག་གི་རྣམ་པར་ཐར་པ་ནི། ཆོས་ཀྱི་འཁོར་ལོའི་ཤུགས་ཀྱིས་སེམས་ཅན་ཡོངས་སུ་སྨིན་པར་བྱ་བ་བགྲང་བའི་ཚུལ་ལ་འཇུག་པ་ཞེས་བྱའོ། །ལྷའི་བུ་གཟི་བརྗིད་འོད་འཕྲོའི་
རྣམ་པར་ཐར་པ་ནི། ཁམས་ཐམས་ཅད་ཀྱི་མཐར་འགྲོ་བས་མིག་ཤིན་ཏུ་ཡངས་པའི་དཀྱིལ་འཁོར་གྱིས་ཀུན་ཏུ་བལྟ་བ་ཞེས་བྱའོ། །ལྷའི་བུ་འོད་རྣམ་པར་སྣང་བའི་རྣམ་པར་ཐར་པ་ནི། ལས་ཀྱིས་
དམིགས་པ་དང་འགྲོག་པའི་བདུད་ཀྱི་ལས་ཐམས་ཅད་ཟློགས་པ་ཞེས་བྱའོ། །ལྷའི་བུ་གྲགས་པའི་ཕྱོགསུ་རྣམ་པར་ལྟ་བའི་རྣམ་པར་ཐར་པ་ནི། ལྷའི་གནས་ཐམས་ཅད་ཀྱི་འཁོར་དུ་དགོས་པ་མྱོང་བར་བྱ་བ་ལ་
སེམས་རབ་ཏུ་དང་བ་ཞེས་བྱའོ། །དེ་ནས་ལྷའི་རྒྱལ་པོ་རབ་མཚེ་མས་སངས་རྒྱས་ཀྱི་མཐུས་རབ་མཚེ་མའི་དཀྱིལ་འཁོར་ཐམས་ཅད་ལ་རྣམ་པར་བལྟས་ཏེ། དེའི་ཚེ་ཚིགས་སུ་བཅད་པ་འདི་དག་སྨྲས་སོ། །

72-1-24b

བསྐལ་པ་རྒྱ་མཚོ་ཡངས་པ་རྒྱ་ཆེན་དུ། །འགྲོ་བའི་ཉོན་མོངས་རྒྱ་མཚོ་ཡོངས་སྦྱངས་པའི། །དྲི་མེད་ལམ་ནི་ཡེ་ཤེས་དཀྱིལ་འཁོར་རྣམས། །ཡང་དག་བརྙེས་པའི་སྒྲོན་མས་རབ་ཏུ་བསྟན། །
རྒྱལ་བའི་སྐུ་ནི་མཐའ་ཡས་རྒྱ་ཆེ་སྟེ། །ཕྱོགས་བཅུར་མུ་མཐའ་རྙེད་པར་ཡོང་མི་རུང་། །ཚུལ་རྣམས་ཀུན་གྱིས་སངས་རྒྱས་ཚད་མེད་དེ། །དེ་ལ་དགའ་བ་བདེ་བའི་འོད་འཇུག་གོ། །ནད་དང་རྒ་བ་འཆི་བ་མྱ་ངན་གྱིས། །
འཇིག་རྟེན་གཙེས་ཤིང་རབ་ཏུ་གདུང་བ་རྣམས། །དེ་དག་ཀུན་ལ་ཐུགས་རྗེའི་དཀྱིལ་འཁོར་ཅན། །སངས་རྒྱས་བློ་གྲོས་ཟད་པ་མེད་པས་མཐོང་། །ཡེ་ཤེས་སྒྱུ་མས་སངས་རྒྱས་ཐུགས་སུ་ཆུད། །
དུས་གསུམ་ཀུན་ལ་ཆགས་པ་མི་མངའ་སྟེ། །འགྲོ་བ་ཐམས་ཅད་སྤྱོད་པས་རབ་ཏུ་མཁྱེན། །འདི་ནི་འཕྲུལ་པ་དགེ་བའི་སྤྱོད་ཡུལ་ལོ། །སངས་རྒྱས་དབུས་དང་མཐའ་མེད་གཟུགས་རྣམས་དང་། །ཐ་དད་ཡང་
དག་ཤེས་པ་རྒྱ་མཚོ་གསུང་། །ཆོས་ཀྱི་འཁོར་ལོ་ཡང་དག་རབ་ཏུ་བསྐོར། །འདི་ནི་ས་ཡི་རི་འོད་རྣམ་ཐར་ཏེ། །སངས་རྒྱས་ཆོས་ཀྱི་རང་བཞིན་རྒྱ་ཆེན་སྟོན། །ཆོས་རྣམས་ཐུགས་སུ་ཆུད་པས་རྣམ་པར་དག །
ཐམས་ཅད་ཆོས་ཀྱི་ཡུལ་ནི་བསམ་ཡས་ཏེ། །བློ་གྲོས་བསམ་ཡས་ཚུལས་འདི་ཡིན་ནོ། །སེམས་ཅན་ཐམས་ཅད་སྡུག་བསྔལ་ཞི་བྱེད་པའི། །བསམ་གྱིས་མི་ཁྱབ་ཚུལ་གྱི་འཁོར་ལོ་བསྐོར། །བྱང་
ཆུབ་སྤྱོད་པ་རྒྱ་ཆེན་རྣམས་ཀྱང་སྟོན། །འཁོར་ལོ་ལྟ་བ་འདི་ཡི་ས་ལ་འཇུག །རྒྱལ་བའི་སྐུ་ནི་སེམས་ཅན་གྲངས་བཞིན་དུ། །སྤྲུལ་པས་འཇིག་རྟེན་ཡོངས་སུ་ཁྱབ་མཛད་དེ། །འགྲོ་བ་ཀུན་ལ་མངོན་པར་ཀུན་
ན་གནས། །གཟི་བརྗི་འོད་འཕྲོའི་སྤྱོད་ཡུལ་འདི་ཡིན་ནོ། །སངས་རྒྱས་མཐོང་བ་ཙམ་གྱི་འགྲོ་བ་ཡི། །ལས་ཀྱི་སྒྲིབ་པ་ཐམས་ཅད་བཟློག་པར་འགྱུར། །བདུད་ཀྱི་ལས་རྣམས་ཀུན་ཀྱང་དེ་བཞིན་སྤོང་། །རྣམ་

72-1-25a

སྣང་འོད་ཀྱི་སྤྱོད་ཡུལ་འདི་ཡིན་ནོ། །རྒྱ་མཚོའི་འཁོར་རྣམས་ཐམས་ཅད་ཀུན་ཏུ་ཡང་། །རྒྱལ་བ་བཞུགས་པས་མངོན་པར་རབ་ཏུ་མཛེས། །ཆོས་ཀྱི་སྤྲིན་ཆེན་ཆར་ཡང་རབ་འབེབས་སྟེ། །གྲགས་པ་
ཀུན་ཏུ་གྲགས་པའི་རྣམ་ཐར་ཏོ། །དེ་ལ་ལྷའི་དབང་པོ་བརྒྱ་བྱིན་གྱི་རྣམ་པར་ཐར་པ་ནི། དུས་གསུམ་དུ་གཤེགས་པའི་དེ་བཞིན་གཤེགས་པ་སྐྱེ་བ་འབྱུང་བ་དང་། རྣམ་པར་འཇིག་པ་རྒྱ་ཆེན་པོ་རྗེས་སུ་དྲན་པ་ཡིད་ལ་བྱ་བ་
དགའ་བ་ཆེན་པོའི་ཤུགས་ཤེས་བྱའོ། །ལྷའི་བུ་སྒྲ་ཀུན་ཏུ་གྲགས་པའི་དབང་ཕྱུག་དཀྱིལ་འཁོར་གྱི་རྣམ་པར་ཐར་པ་ནི། སེམས་ཅན་ཐམས་ཅད་ཀྱི་གཟུགས་དེ་བཞིན་གཤེགས་པའི་གཟུགས་ཀྱི་སྐུའི་ཡོན་ཏན་ཏུ་
ཡོངས་སུ་སྤྱོད་པའི་ཤུགས་ཀྱི་སྙིང་པོ་ཞེས་བྱའོ། །ལྷའི་བུ་བྱམས་པར་ལྟ་བའི་གཙུག་པུད་ཀྱི་རྣམ་པར་ཐར་པ་ནི། བྱམས་པའི་སྤྲིན་གྱིས་ཀུན་ཏུ་ཁེབས་པར་བྱེད་པའི་བྱིན་གྱིས་རླབས་ཀྱིས་ཁྱབ་པར་བྱེད་པ་ཞེས་
བྱའོ། །ལྷའི་བུ་རིན་པོ་ཆེའི་འོད་ཀུན་ཏུ་གྲགས་པའི་རྒྱལ་མཚན་གྱི་རྣམ་པར་ཐར་པ་ནི། འཇིག་རྟེན་ཐམས་ཅད་ཀྱི་ཡོན་ཏན་དང་། མཐུ་དང་སེམས་ཅན་གྱི་རྣམ་པ་སངས་རྒྱས་རྗེས་སུ་དྲན་པའི་སྒོ་ཀུན་ནས་འཇུག་
པ་ཞེས་བྱའོ། །ལྷའི་བུ་དགའ་བདེ་འབྱུང་བའི་གཙུག་ཕུད་ཀྱི་རྣམ་པར་ཐར་པ་ནི། སེམས་ཅན་ཐམས་ཅད་གཞལ་མེད་ཁང་རྣམ་པར་བལྟ་བའི་བསོད་ནམས་ཡང་དག་པར་འབྱུང་བའི་བྱིན་གྱིས་རླབས་ཤེས་བྱའོ། །
ལྷའི་བུ་དྲན་པ་ཡིད་དུ་འོང་བའི་རྣམ་པར་ཐར་པ་ནི། སངས་རྒྱས་སྐྱེ་བ་འབྱུང་བ་དང་སེམས་ཅན་ཡོངས་སུ་སྨིན་པར་བྱ་བ་རྗེས་སུ་དྲན་པར་རྣམ་པར་སྒོམ་པ་ཞེས་བྱའོ། །ལྷའི་བུ་རི་བོའི་སྒྲའི་དཔལ་གྱི་རྣམ་པར་ཐར་པ་ནི། 
འཇིག་རྟེན་འཇིག་པ་དང་། འདུ་བ་དང་བསྐལ་པའི་མེ་ཡོངས་སུ་འཕོ་བའི་ཡེ་ཤེས་ཀྱི་རྒྱན་ཅེས་བྱའོ། །ལྷའི་བུ་དྲན་པ་དང་ལྡན་པའི་རྣམ་པར་ཐར་པ་ནི། མ་འོངས་པའི་བྱང་ཆུབ་སེམས་དཔའི་སྤྱོད་པ་འབྱུང་བ་སེམས་

72-1-25b

ཅན་གདུལ་བའི་རྒྱུན་དྲན་པའི་རིམ་པ་ཞེས་བྱའོ། །ལྷའི་བུ་མེ་ཏོག་དྲི་མ་མེད་ཅིང་ཡིད་དུ་འོང་བའི་འོད་ཀྱི་རྣམ་པར་ཐར་པ་ནི། ལྷའི་བུ་དགའ་བ་ཐམས་ཅད་ལ་རྩེ་བ་རྗེས་སུ་དྲན་པའི་རིམ་པ་ཞེས་བྱའོ། །ལྷའི་བུ་ཡེ་
ཤེས་ཉི་མའི་མིག་གི་རྣམ་པར་ཐར་པ་ནི། ལྷའི་བུ་ཐམས་ཅད་སྐྱེ་བར་རབ་ཏུ་བརྗོད་པའི་དགེ་བ་ལ་རྨོངས་པ་མེད་པ་ཞེས་བྱའོ། །ལྷའི་བུ་ཡང་དག་པར་བསྐུལ་བའི་འོད་ཀྱི་དབང་ཕྱུག་གི་རྣམ་པར་ཐར་པ་ནི། ལྷའི་
འཁོར་ཐམས་ཅད་ཡང་དག་པར་བསྐུལ་ཞིང་ཕན་ཚུན་དོགས་པའི་ཐེ་ཙོམ་རྣམ་པར་གདོན་མི་ཟ་བར་གཅོད་པ་ཞེས་བྱའོ། །དེ་ནས་ལྷའི་དབང་པོ་བརྒྱ་བྱིན་གྱིས་སངས་རྒྱས་ཀྱི་མཐུས་སུམ་བཅུ་རྩ་གསུམ་
པའི་རིས་ཀྱི་ལྷའི་འཁོར་གྱི་དཀྱིལ་འཁོར་ཐམས་ཅད་ལ་རྣམ་པར་བལྟས་ནས། དེའི་ཚེ་ཚིགས་སུ་བཅད་པ་འདི་དག་སྨྲས་སོ། །དུས་གསུམ་བདེ་བར་གཤེགས་པ་ཐམས་ཅད་དང་། །དེ་དག་སྤྱོད་
ཡུལ་རྒྱ་ཆེན་དེ་དག་དང་། །དེ་དག་ཞིང་འབྱུང་འཇིག་པ་ཇི་བཞིན་དྲན། །རྒྱལ་བའི་མཐུ་ཡིས་དེ་དག་དྲི་མེད་སྣང་། །སངས་རྒྱས་སྐུ་མང་ཕྱོགས་སུ་རྒྱས་བྱས་ཤིང་། །མཉམ་མེད་གཟུགས་
ཀུན་འགྲོ་ལ་ཕན་པའི་ཕྱིར། །རྒྱལ་བ་ཀུན་ནས་ལྷམ་མེ་ལྷང་ངེ་སྟེ། །གྲགས་པའི་དཀྱིལ་འཁོར་འོད་ཀྱིས་འདི་མཐོང་ངོ་། །བྱམས་པ་རྒྱ་མཚོའི་ཚུལ་ནི་རྒྱ་ཆེ་ཞིང་། །ཤིན་ཏུ་ཡངས་པས་འགྲོ་བ་ཀུན་བཀང་
ནས། །སྔོན་བསྒོམས་སེམས་ཅན་མཐའ་ཡས་ཁམས་ཀྱང་བརྟུལ། །དྲི་མེད་མིག་གིས་གཙུག་ཕུད་འདི་མཐོང་ངོ་། །བདེ་གཤེགས་ཡོན་ཏན་རྒྱ་མཚོ་དེ་དྲན་པས། །བདག་གི་དགའ་བ་ཡང་དག་འབྱུང་
སྐྱེས་ཏེ། །སངས་རྒྱས་འཇིག་རྟེན་ཀུན་ན་མཉམ་མེད་མཆོག །འདི་ནི་གྲགས་རྒྱལ་དྲི་མེད་རྣམ་ཐར་ཏོ། །ལས་དག་རྒྱ་མཚོས་འགྲོ་བ་ཀུན་བཀང་ཞིང་། །དྲི་མེད་མ་ལུས་རྒྱལ་བས་བསྟན་པ་མཛད། །

72-1-26a

དེ་ལས་བསོད་ནམས་ཡངས་པ་ཀུན་བྱུང་སྟེ། །དགའ་བདེ་གཙུག་ཕུད་ཚུལ་ནི་འདི་ཡིན་ནོ། །སངས་རྒྱས་སྐྱེ་བ་ཡངས་པས་ཕྱོགས་བཀང་ཞིང་། །བདེ་གཤེགས་འགྲོ་བ་རྒྱས་པས་མངོན་ཏུ་
འགྱུར། །དེ་དག་རྒྱ་ཆེན་སེམས་ཅན་འདུལ་ལ་ལྟོས། །དེ་ཡི་ཚུལ་ལ་དྲན་པའི་རྒྱན་འཇུག་གོ། །བདེ་གཤེགས་ཡེ་ཤེས་སྐུ་མངའ་སྤྱན་ཡངས་པ། །འབྱམ་ཀླས་ཞིང་རྣམས་ཐམས་ཅད་ཀུན་བཞུགས་པ། །
འབྱམ་ཀླས་ཞིང་གི་རྡུལ་ལ་ཀུན་ཀྱང་སྟན། །རྣམ་ཐར་འདི་ལ་སྤྲིན་གྱི་དབྱངས་འཇུག་གོ། །རྒྱལ་བའི་སྲས་ཀྱི་བྱང་ཆུབ་སྤྱོད་པ་དག །ཇི་བཞིན་ཡངས་པ་སྤུ་ཡི་རྩེ་མོ་ལ། །རྒྱལ་བས་དེ་དག་ཚད་མེད་ཕུན་
སུམ་བསྟན། །དྲན་པའི་བློ་གྲོས་འདིའི་ཚུལ་མཐོང་ངོ་། །འགྲོ་བ་འདི་ན་རྩེ་དགའ་གང་བདེ་བ། །དེ་དག་ཐམས་ཅད་རྒྱལ་བའྀ་མཐུ་ཡིས་བྱུང་། །བསོད་ནམས་མཉམ་མེད་རྒྱལ་བ་བྱུང་ལ་ལྟོས། །འདི་ནི་
མེ་ཏོག་སྣ་ཚོགས་དྲི་མེད་ཀྱིའོ། །སེམས་གཅིག་རྒྱུད་ལ་རྒྱལ་བའི་ཡོན་ཏན་གྱིས། །བདེ་གཤེགས་ཤིན་ཏུ་རྒྱ་ཆེན་སུས་དྲན་པ། །དེ་ལ་ངན་སོང་ཀུན་གྱི་འཇིག་པ་མེད། །ཡེ་ཤེས་ཉི་མའི་མིག་གི་རྣམ་ཐར་
ཏོ། །རྒྱལ་བའི་རྫུ་འཕྲུལ་ཆོས་ཉིད་རྒྱ་ཆེ་ཞིང་། །བསམ་པའི་ལས་རྣམས་ཐམས་ཅད་ཀུན་ནས་གནས། །དེ་དག་ཐེ་ཙོམ་ནེམ་ནུར་ཐམས་ཅད་སེལ། །རྣམ་ཐར་འདི་ནི་བརྗོད་དབང་བློ་གྲོས་ཀྱིའོ། །དེ་ལ་ལྷའི་
བུ་ཟླ་བའི་རྣམ་པར་ཐར་པ་ནི། འགྲོ་བ་ཐམས་ཅད་བསྡུ་ཞིང་རྣམ་པར་གདུལ་བའི་སྣང་བས་ཆོས་ཀྱི་དབྱིངས་ཀུན་ནས་དྲི་མ་མེད་པའི་དཀྱིལ་འཁོར་ཅེས་བྱའོ། །ལྷའི་བུ་འོད་ཀྱི་མེ་ཏོག་རྒྱལ་པོའི་གཙུག་ཕུད་
ཀྱི་རྣམ་པར་ཐར་པ་ནི། སེམས་ཅན་ཐམས་ཅད་ཀྱི་ཡུལ་རྣམ་པར་ལྟ་བ་དང་། མཐའ་ཡས་པའི་ཆོས་འབྱམ་ཀླས་པ་ལ་ཡང་དག་པར་འཇུག་པ་ཞེས་བྱའོ། །ལྷའི་བུ་དཔལ་གྱི་ཚོགས་སྣ་ཚོགས་ཀྱི་རྒྱན་གྱི་

72-1-26b

རྣམ་པར་ཐར་པ་ནི། འགྲོ་བ་ཐམས་ཅད་ཀྱི་སེམས་རྒྱ་མཚོ་ཡོངས་སུ་བཟློག་ཅིང་ཕན་ཚུན་གྱི་ཡུལ་དང་དམིགས་པ་ལ་ཡང་དག་པར་སྤྱོད་པ་ཞེས་བྱའོ། །ལྷའི་བུ་འཇིག་རྟེན་པའི་བདེ་བ་སྣ་ཚོགས་ཀྱི་རྣམ་
པར་ཐར་པ་ནི། སེམས་ཅན་ཐམས་ཅད་བདེ་བ་བསམ་གྱིས་མི་ཁྱབ་པ་དང་། དགའ་བ་དང་རངས་པ་རྒྱ་ཆེན་པོ་སྐྱེད་པ་ཞེས་བྱའོ། །ལྷའི་བུ་ཤིང་གི་དབང་པོའི་མིག་གི་འོད་ཀྱི་རྣམ་པར་ཐར་པ་ནི། ལོ་
ཏོག་ཐམས་ཅད་ཀྱི་མྱུ་གུ་དང་ས་བོན་སྲུང་བ་དང་། དུས་ཡོངས་སུ་བསྒྱུར་བ་ཡང་དག་པར་སྟོན་པ་ཞེས་བྱའོ། །ལྷའི་བུ་འོད་བཟང་པོ་སྟོན་པའི་རྣམ་པར་ཐར་པ་ནི། འགྲོ་བ་ཐམས་ཅད་བདེ་བ་དང་སྡུག་བསྔལ་གྱི་
ཚོར་བ་མྱོང་བ་ལ་བྱམས་པ་དང་། སྙིང་རྗེའི་སྒོས་ཡོངས་སུ་སྐྱོབ་པ་ཞེས་བྱའོ། །ལྷའི་བུ་ཀུན་ནས་སྤྱོད་པ་མི་སྒུལ་བའི་འོད་ཀྱི་རྣམ་པར་ཐར་པ་ནི། ཟླ་བ་དྲི་མ་མེད་པ་འཛིན་ཅིང་སྤྱོད་པས་ཕྱོགས་ཡོངསུ་
འདུས་པ་ཞེས་བྱའོ། །ལྷའི་བུ་སྐར་མའི་རྒྱལ་པོའི་བདག་པོའི་རྣམ་པར་ཐར་པ་ནི། ཆོས་ཐམས་ཅད་སྒྱུ་མ་ལྟ་བུ་ནམཁའི་རང་བཞིན་ལྟར་དངོས་པོ་མེད་པ་མཚན་ཉིད་མེད་པ་ཞེས་བྱའོ། །ལྷའི་
བུ་བློ་དྲི་མ་མེད་པའི་ཟླ་བའི་རྣམ་པར་ཐར་པ་ནི། སེམས་ཅན་ཐམས་ཅད་ཀྱི་སྐྱེ་བ་ཀུན་ཀྱང་ལས་ཀྱི་རང་བཞིན་དུ་ཡང་དག་པར་འཇུག་པ་ཞེས་བྱའོ། །ལྷའི་བུ་གཟི་བརྗིད་ཆེན་པོའི་འོད་ཟེར་མཛེས་
པའི་རྣམ་པར་ཐར་པ་ནི། ལྷའི་དགོས་པ་ཐམས་ཅད་ལ་ཐེ་ཙོམ་ཡང་དག་པར་གཅོད་པ་བརྗོད་པ་ལ་འཇུག་པ་ཞེས་བྱའོ། །དེ་ནས་ལྷའི་བུ་ཟླ་བས་སངས་རྒྱས་ཀྱི་མཐུས་ཟླ་བའི་གཞལ་མེད་
ཁང་དུ་གཏོགས་པའི་ལྷའི་འཁོར་གྱི་དཀྱིལ་འཁོར་ཐམས་ཅད་ལ་རྣམ་པར་བལྟས་ནས། དེའི་ཚེ་ཚིགས་སུ་བཅད་པ་འདི་དག་སྨྲས་སོ། །འགྲོ་བ་ཐམས་ཅད་ཀུན་ཏུ་འོད་བཀྱེ་ཞིང་། །ཕྱོགས་

72-1-27a

བཅུའི་ཞིང་རྣམས་ཀུན་ཏུ་སངས་རྒྱས་སྣང་། །མུན་པ་ཆེན་པོས་རྨོངས་པའི་འཇིག་རྟེན་དུ། །བསམ་ཡས་རྒྱ་ཆེན་ཆོས་ཀྱི་སྣང་བ་འགྱེད། །སངས་རྒྱས་ཡུལ་ནི་མི་ཟད་མཐའ་ཡས་ཏེ། །འགྲོ་བ་
འདིར་ནི་མཚུངས་མེད་བསྐལ་པར་འཇུག །རང་བྱུང་དེ་དག་སེམས་ཅན་ཀུན་ལ་མངོན། །རྒྱལ་བ་དེ་ལྟར་སྣང་བའི་གཙུག་གིས་མཐོང་། །རྒྱལ་བའི་ཡེ་ཤེས་རྒྱ་ཆེན་དེ་ལ་ལྟོས། །སེམས་ཀྱི་རྒྱ་མཚོ་ཚད་མེད་
སྐད་གཅིག་ལ། །ཆོས་ཀྱི་འཁོར་ལོས་ཐམས་ཅད་ཚིམ་པར་མཛད། །ཆུ་བོ་དཔལ་གྱི་རྣམ་ཐར་འདི་ཡིན་ནོ། །འཕགས་པའི་བདེ་བ་མེད་པའི་འཇིག་རྟེན་རྣམས། །མཐའ་ཡས་སྡུག་བསྔལ་ཉམ་ངས་རྨོངས་
པ་ལ། །རྒྱལ་བ་ཆོས་ཉིད་རྣམ་པར་དག་པ་སྟོན། །དགའ་བདེ་སེམས་དཔའ་རྣམ་ཐར་འདི་མཐོང་ངོ་། །རྒྱལ་བའི་ཐུགས་རྗེ་རྣམ་དག་ངོ་མཚར་ཆེ། །སྲིད་པའི་རྒྱུད་དུ་འགྲོ་ལ་ཕན་ཕྱིར་འཁོར། །དགེ་བ་རྣམ་པར་མི་འཇིགས་
སྟོན་མཛད་དེ། །ཤིང་གི་མིག་གི་འོད་ཀྱི་འདི་མཐོང་ངོ་། །རྒྱལ་བའི་ཆོས་ཀྱིས་འོད་རྣམས་རབ་བཀྱེ་བ། །འཇིག་རྟེན་ལས་ཀྱི་རང་བཞིན་རྣམ་པར་འབྱེད། །དགེ་དང་མི་དགེའི་ལས་རྣམས་འཇིག་པ་མྱེད། །འོད་
བཟང་མཐོང་བ་རྣམ་ཐར་འདི་ལ་འཇུག །འཇིག་རྟེན་ཀུན་ཏུ་རང་བྱུང་ས་ལྟ་བུ། །སེམས་ཅན་ཐམས་ཅད་བསོད་ནམས་གཞིས་བཟུང་ཞིང་། །ཆོས་ཀྱི་ཕྱོགས་རྣམས་མྱ་ངན་མེད་པ་སྟོན། །སྤྱོད་པ་མི་སྒུལ་
ཚུལ་ནི་འདི་ཡིན་ནོ། །ཆོས་དབྱིངས་ཐུབ་པ་མེད་པར་རྒྱལ་བས་ཁྱབ། །འགྲོ་དང་མཉམ་པར་བསམ་ཡས་སྐུ་བཀྱེ་སྟེ། །ཆོས་ཀྱི་ཚུལ་ནི་སེམས་ཅན་ཀུན་ལ་སྟོན། །དེ་ཡི་ཚུལ་ལ་གཟི་བརྗིད་བདག་པོ་འཇུག །ནམ་
མཁའི་དངོས་ལྟར་དངོས་མེད་འགྲོ་བ་ན། །གཟུགས་བརྙན་མཉམ་པའི་སངས་རྒྱས་རྣམས་སྣང་བ། །འགྲོ་བ་ཀུན་ལ་ཕན་པའི་དོན་ཏུ་བྱུང་། །དགེ་བའི་དཔལ་གྱི་རྣམ་ཐར་འདི་མཐོང་ངོ་། །སངས་རྒྱས་སྐུ་ཡི་སྤུ་རྩེ་ཀུན་ནས་ཀྱང་། །

72-1-27b

འགྲོ་བ་ཀུན་ལ་ཆོས་སྤྲིན་མ་ལུས་གསུང་། །ཐོས་ནས་དགའ་བ་རྒྱ་ཆེན་རབ་ཏུ་བསྐྱེད། །རྣམ་ཐར་འདི་ལ་དག་པའི་སེམས་འཇུག་གོ། །དེ་ལ་ལྷའི་བུ་ཉི་མའི་རྣམ་པར་ཐར་པ་ནི། སེམས་ཅན་གྱི་དགོས་པ་ཐམས་ཅད་ལ་
ཕྱི་མའི་མཐར་ཐུགས་པའི་བསྐལ་པ་དྲི་མ་མེད་པའི་སྣང་བས་ཕྱོགས་བཅུ་རྒྱས་པར་བྱེད་པའི་རྒྱན་ཅེས་བྱའོ། །ལྷའི་བུ་གཟི་བརྗིད་ཀྱི་འོད་ཟེར་འབར་བའི་མིག་གི་རྣམ་པར་ཐར་པ་ནི། སེམས་ཅན་ཀུན་ལ་དབང་
བསྒྱུར་བ། རྗེས་སུ་བརྙོག་པའི་ཡོངས་སུ་སྦྱངས་པས། ཤིན་ཏུ་འཕགས་པ་ཞེས་བྱའོ། །ལྷའི་བུ་རི་བོའི་རྒྱལ་མཚན་གྱི་འོད་ཀྱི་རྣམ་པར་ཐར་པ་ནི། སེམས་ཅན་ཐམས་ཅད་ལ་དབང་བསྒྱུར་བའི་ཡོན་ཏན་
མཐའ་ཡས་པ་ཡོངས་སུ་སྦྱོང་བས་ཤིན་ཏུ་འཕགས་པ་ཞེས་བྱའོ། །ལྷའི་བུ་རིན་ཆེན་དྲི་མེད་རྨད་དུ་བྱུང་བའི་རྣམ་པར་ཐར་པ་ནི། བརྟུལ་ཞུགས་དང་དཀའ་ཐུབ་ཐམས་ཅད་ལ་བདེ་བར་འཇུག་པ་ཞེས་བྱའོ། །
ལྷའི་བུ་ཕྱིར་མི་ལྡོག་པར་རབ་ཏུ་གནོན་པའི་རྣམ་པར་ཐར་པ་ནི། ཉི་མའི་འོད་ཆགས་པ་མེད་པས་ཀུན་ཏུ་རྒྱས་པར་བྱེད་ཅིང་འགྲོ་བ་ཐམས་ཅད་ཀྱི་མདངས་ཡང་དག་པར་འབྱུང་བ་ཞེས་བྱའོ། །ལྷའི་བུ་མེ་ཏོག་ཕྲེང་
བའི་འོད་ཀྱི་དཔལ་གྱི་རྣམ་པར་ཐར་པ་ནི། ཉི་མའི་འོད་དྲི་མ་མེད་པས་སེམས་ཅན་གྱི་དགོས་པ་ལ་སྣང་བ་རྒྱ་ཆེན་པོ་དང་དགའ་བའི་ཤུགས་དང་མོས་པ་རྒྱ་མཚོ་ཡང་དག་པར་འབྱུང་བ་ཞེས་བྱའོ། །ལྷའི་བུ་འོད་ཀྱི་
དཔལ་སྣང་བའི་རྒྱལ་མཚན་གྱི་རྣམ་པར་ཐར་པ་ནི། འཇིག་རྟེན་ཐམས་ཅད་ཀྱི་འོད་རྣམ་པ་སྣ་ཚོགས་བསོད་ནམས་ཀྱི་ཚོགས་རྣམ་པ་ཐ་དད་པས་ཡང་དག་པར་བསྒྲུབ་པ་ཞེས་བྱའོ། །ལྷའི་བུ་རིན་
ཆེན་གཙུག་ཕུད་རྣམ་པར་སྣང་བའི་རྣམ་པར་ཐར་པ་ནི། རྒྱ་མཚོའི་དབྱིངས་སུ་རིན་པོ་ཆེ་སྣ་ཚོགས་ཐམས་ཅད་འགྲེམས་ཤིང་ཡུལ་དུ་མའི་གཟུགས་ཡང་དག་པར་སྟོན་པ་ཞེས་བྱའོ། །ལྷའི་བུ་མིག་

72-1-28a

ཀུན་ཏུ་སྣང་བའི་རྣམ་པར་ཐར་པ་ནི། འགྲོ་བ་ཐམས་ཅད་ཀྱི་མིག་གི་དབང་པོ་ཡོངས་སུ་སྦྱོང་ཞིང་རྣམ་པར་ལྟ་བའི་ཆོས་ཀྱི་དབྱིངས་ཀྱི་སྙིང་པོ་ཞེས་བྱའོ། །ལྷའི་བུ་དཔལ་གྱི་བེའུ་འཛིན་པའི་རྣམ་པར་
ཐར་པ་ནི། ཆུའི་རྒྱུད་ཐམས་ཅད་ཡོངས་སུ་སྦྱོང་ཞིང་རྣམ་པར་འཇིག་པ་མེད་པ་འབྱུང་བ་ཞེས་བྱའོ། །ལྷའི་བུ་སྒོ་ཐམས་ཅད་སྐྱོ་བའི་དཔལ་གྱི་འོད་ཀྱི་རྣམ་པར་ཐར་པ་ནི། ཉི་མའི་གཞལ་མེད་ཁང་གིས་
ཕྱོགས་སུ་འཇུག་པ་དང་། སེམས་ཅན་ཐམས་ཅད་ཀྱི་དགོས་པ་ལ་སྣང་བ་ཡོངས་སུ་སྐྱོབ་པ་ཞེས་བྱའོ། །དེ་ནས་ལྷའི་བུ་ཉི་མས་སངས་རྒྱས་ཀྱི་མཐུས་ཉི་མའི་རིས་སུ་གཏོགས་པའི་ལྷའི་བུའི་
འཁོར་དུ་གཏོགས་པའི་དཀྱིལ་འཁོར་ཐམས་ཅད་ལ་རྣམ་པར་བལྟས་ནས། དེའི་ཚེ་ཚིགས་སུ་བཅད་པ་འདི་དག་སྨྲས་སོ། །བདེ་གཤེགས་ཡེ་ཤེས་ཤིན་ཏུ་ཡངས་པའི་འོད། །ཕྱོགས་རྣམས་ཀུན་ཏུ་
ཐམས་ཅད་ཞིང་བཀང་ཞིང་། །འགྲོ་བ་ཐམས་ཅད་སངས་རྒྱས་མངོན་བསྟན་ཏེ། །ཐབས་ཀྱི་སྒོ་ནས་སེམས་ཅན་རྣམ་པར་འདུལ། །རྒྱལ་བའི་ཡོན་ཏན་རྒྱ་མཚོ་རྣམས་ཡངས་པ། །བསམ་པ་ཐམས་
ཅད་ཡོངས་སུ་བཀང་བསྟན་ཞིང་། །འགྲོ་བ་འདིར་ནི་ཤེས་རབ་མཉམ་མེད་བརྗོད། །གཟི་བརྗིད་འོད་ཀྱིས་རྣམ་ཐར་འདི་མཐོང་ངོ་། །རྒྱལ་བ་སངས་རྒྱས་ཀུན་ཏུ་རབ་འཕགས་པ། །ཕྱོགས་རྣམ་རྒྱས་པར་
ཀུན་ནས་མཛེས་ཤིང་སྣང་། །རྒྱལ་བའི་སྐུ་ནི་མི་མཉམ་དཔག་ཏུ་མེད། །རི་རབ་འོད་མཆོག་རྣམ་ཐར་འདི་ཡིན་ནོ། །མཐའ་ཡས་སྲིད་པས་བསྐལ་པ་རྒྱ་མཚོར་ཡང་། །རྒྱལ་བར་འགྲོ་དོན་བཏུལ་ཞུགས་སྤྱད་
པས་ན། །དེ་ཕྱིར་སངས་རྒྱས་འོད་ནི་ནམཁའ་བཞིན། །ཟླ་བའི་དཔལ་གྱིས་རྒྱལ་བའི་སྐུ་མཐོང་ངོ་། །རྒྱལ་བའི་གསུང་མཆོག་ཆགས་མེད་རྣམ་གྲོལ་བས། །ཕྱོགས་དང་ཞིང་རྣམས་ཐམས་ཅད་མ་ལུས་

72-1-28b

རྒྱན། །འགྲོ་བར་ཆོས་ཀྱི་རོ་རྣམས་བསགས་པའི་རྒྱུ། །འདི་དག་བརྩོན་འགྲུས་བཟང་པོས་རབ་ཏུ་ཤེས། །འོད་ཀྱི་དྲ་བ་བསམ་ཡས་བཏང་བས་ན། །ཕྱོགས་རྣམས་ཀུན་ཏུ་སེམས་ཅན་རྣམ་པར་སྤྱོད། །
མོས་པ་རྒྱ་ཆེན་ཡངས་པ་རབ་ཏུ་བསྐྱེད། །ཕྲེང་བ་སྣང་བའི་དཔལ་གྱི་རྣམ་ཐར་ཏོ། །འགྲོ་བ་དག་ན་ཇི་སྙེད་འོད་ཡོད་པ། །དེ་དག་རྒྱལ་བའི་སྤུ་གཅིག་དཔེར་མི་རུང་། །སངས་རྒྱས་འོད་རྣམས་དེ་ལྟར་
བསམ་མི་ཁྱབ། །འདི་ནི་སྣང་བའི་འོད་ཀྱི་རྣམ་ཐར་ཏོ། །རྒྱལ་བ་ཀུན་གྱི་ཆོས་ཉིད་འདི་འདྲ་སྟེ། །ཐམས་ཅད་ཕྱོགས་སུ་བྱང་ཆུབ་ཤིང་དབང་དྲུང་། །ལམ་ངན་སོང་ལ་ལམ་རྣམས་མངོན་ཏུ་སྟོན། །གཙུག་
པུད་སྣ་ཚོགས་རྣམ་པར་སྣང་བས་མཐོང་། །འགྲོ་བ་གཏི་མུག་མུན་པར་ནུབ་གྱུར་པ། །སྡུག་བསྔལ་ཅན་ལ་རྒྱལ་བ་མིག་སྐྱེས་ཤིང་། །དེ་དག་ཡེ་ཤེས་སྒྲོན་མས་རབ་ཏུ་བསྟན། །རྣམ་ཐར་འདི་ནི་
མིག་བཟང་སྣང་བས་མཐོང་། །ཐམས་ཅད་ཚུལ་གྱིས་རྣམ་ཐར་རང་བྱུང་བ། །གང་དུ་གང་ཚེ་མཆོད་པ་གཟིགས་པ་ན། །ཐར་པའི་འབྲས་བུ་རིམ་གྱིས་རབ་ཏུ་སྟོན། །འདི་ནི་སྣང་བའི་དཔལ་གྱི་ཚུལ་
དང་ས། །ཆོས་རྣམས་གཅིག་གི་སྒོ་ནས་མཐའ་ཡས་པའི། །བསྐལ་པ་སྟོང་དུ་མི་མགོན་རབ་ཏུ་སྣང་། །ཆོས་ཀྱི་དོན་ཡངས་ཕྱོགས་རྣམས་ཀུན་ཏུ་སྟོན། །འདི་ནི་ཀུན་ཏུ་དཔལ་གྱི་རྣམ་ཐར་ཏོ། །
དེ་ལ་དྲི་ཟའི་རྒྱལ་པོ་གནས་སྲུང་པོའི་རྣམ་པར་ཐར་པ་ནི། ཀུན་ཏུ་རྩེ་བའི་ཐབས་ཐམས་ཅད་ཀྱིས་སེམས་ཅན་སྡུད་པའི་སྤྱོད་པ་ཞེས་བྱའོ། །དྲི་ཟའི་དབང་པོ་ཤིང་མི་འམ་ཅིའི་འོད་ཀྱི་རྣམ་པར་ཐར་
པ་ནི། ཆགས་པ་ཐམས་ཅད་ཀྱི་ཡོན་ཏན་རྣམ་པར་བརྒྱན་པས་ཀུན་ཏུ་སྣང་བ་ཞེས་བྱའོ། །དྲི་ཟའི་དབང་པོ་མིག་གཙང་མ་དགའ་བ་རབ་ཏུ་སྐྱེ་བའི་རྣམ་པར་ཐར་པ་ནི། འགྲོ་བ་ཐམས་ཅད་ཀྱི་མྱ་ངན་

72-1-29a

རྣམ་པར་ཟློག་པས་དགའ་བའི་སྙིང་པོ་ཞེས་བྱའོ། །དྲི་ཟའི་དབང་པོ་མེ་ཏོག་དང་ཤིང་ཤིན་ཏུ་རྒྱས་པའི་ཅོད་པན་གྱི་རྣམ་པར་ཐར་པ་ནི། འགྲོ་བའི་ལྟ་བ་དང་ཉོན་མོངས་པ་ཐམས་ཅད་རྣམ་པར་འཇིལ་བ་ཞེས་
བྱའོ། །དྲི་ཟའི་དབང་པོ་དགའ་བས་སྤྱོད་པ་ཀུན་ཏུ་སྒྲོག་པའི་རྣམ་པར་ཐར་པ་ནི། སེམས་ཅན་ཐམས་ཅད་དབུགས་དབྱུང་བ་ལ་ཁ་ན་མ་ཐོ་བ་མེད་པའི་སྤྲིན་གྱི་འོད་ཅེས་བྱའོ། །དྲི་ཟའི་དབང་པོ་རབ་ཏུ་དགའ་
བ་རྒྱུན་ཏུ་གནས་པའི་མིག་བཟང་པོའི་རྣམ་པར་ཐར་པ་ནི། དགའ་བ་ཐམས་ཅད་རབ་ཏུ་གནས་པ་ཡངས་པ་ལ་མོས་པའི་སྙིང་པོ་ཞེས་བྱའོ། །དྲི་ཟའི་དབང་པོ་ཡིད་དུ་འོང་བའི་དབྱངས་སེང་གེའི་རྒྱལ་
མཚན་གྱི་རྣམ་པར་ཐར་པ་ནི། རིན་པོ་ཆེའི་དགྲམ་པས་ཕྱོགས་ཐམས་ཅད་ཁྱབ་པ་ཞེས་བྱའོ། །དྲི་ཟའི་དབང་པོ་འོད་ཟེར་ཀུན་ཏུ་འགྱེད་པའི་འོད་ཀྱི་རྣམ་པར་ཐར་པ་ནི། དགེ་བའི་ལུས་ཐམས་ཅད་ཡང་དག་
པར་བསྟན་པས་དགའ་བ་ཤིན་ཏུ་རྒྱས་པའི་འོད་ཅེས་བྱའོ། །དྲི་ཟའི་དབང་པོ་ཤིང་གི་ཡལ་གའི་རྒྱལ་མཚན་གྱི་རྣམ་པར་ཐར་པ་ནི། ཤིང་ཐམས་ཅད་ཀྱི་མདངས་འབྱུང་བས་རབ་ཏུ་དགའ་བའི་མིག་ཀུན་ཏུ་སྣང་བ་
ཞེས་བྱའོ། །དྲི་ཟའི་དབང་པོ་རྒྱན་ཐམས་ཅད་ལ་དགའ་བའི་རང་བཞིན་གྱི་ཚུལ་སྟོན་པའི་རྣམ་པར་ཐར་པ་ནི། སངས་རྒྱས་ཀྱི་ཡུལ་ཐམས་ཅད་རྣམ་པར་དཔྱོད་ཅིང་སེམས་ཅན་གྱི་སྒོ་རབ་ཏུ་བརྗོད་པ་ཞེས་བྱའོ། །
དེ་ནས་དྲི་ཟའི་དབང་པོ་གནས་སྲུང་པོས་སངས་རྒྱས་ཀྱི་མཐུས་དྲི་ཟའི་འཁོར་གྱི་དཀྱིལ་འཁོར་ཐམས་ཅད་ལ་རྣམ་པར་བལྟས་ཏེ། དེའི་ཚེ་ཚིགས་སུ་བཅད་པ་འདི་དག་སྨྲས་སོ། །སངས་རྒྱས་སྤྱོད་ཡུལ་མཐའ་ཡས་
སྒོ་ཅན་ཡང་། །འགྲོ་བ་ཀུན་གྱིས་འཇུག་པར་ནུས་པ་མིན། །བདེ་གཤེགས་ནམ་མཁའི་རང་བཞིན་དྲི་མ་མེད། །རྒྱལ་བ་འགྲོ་བ་ཀུན་ཏུ་ལམ་ཡང་སྟོན། །རྒྱལ་བའི་ཡོན་ཏན་རྒྱ་མཚོ་ཚད་མེད་དེ། །བ་སྤུ་

72-1-29b

ཁུང་བུ་ཀུན་ནའང་ཤིན་ཏུ་ཡང་། །འགྲོ་བ་ཀུན་ལ་ཕན་དང་བདེ་དོན་མཛད། །ཡིད་འོང་ཤིང་གི་འོད་ནི་འདི་སྟོན་ཏོ། །འགྲོ་བའི་དོན་ནི་རྒྱ་མཚོ་ཡངས་མང་དང་། །སྡུག་བསྔལ་མ་ལུས་རྒྱལ་བས་ཟློག་པ་མཛད། །ཐབས་
དང་ཐུགས་རྗེ་རྣམ་པ་སྣ་ཚོགས་མངའ། །དག་པའི་མིག་ནི་རྣམ་ཐར་འདི་སྟོན་ཏོ། །ཕྱོགས་རྣམས་རྒྱ་མཚོ་མཐའ་ཡས་ཞིང་གི་རྣམས། །ཀུན་ཏུ་རྒྱལ་བའི་འོད་རབ་སྣང་བར་འཆར། །སེམས་ཅན་ལྟ་བའི་དྲི་
མ་རྣམ་པར་སྤྱོད། །མེ་ཏོག་ཤིང་གི་གཙུག་ཕུད་ཅོད་པན་ཚུལ། །སྔོན་ཅད་རྒྱལ་བ་རྒྱ་མཚོ་རབ་མང་བར། །བྱམས་པའི་ཚུལ་ཡང་ཡོངས་སུ་བསྒོམས་པས་ན། །རྒྱལ་བ་འགྲོ་བ་ཀུན་གྱི་དབུགས་ཀྱང་འབྱིན། །
ཀུན་ཏུ་སྒྲ་དབྱངས་འདི་ཡི་ཚུལ་ལ་འཇུག །རྒྱལ་བ་མཐོང་བས་དགའ་བ་ཀུན་དག་དང་། །འགྲོ་བ་འདིར་ནི་མི་ཟད་བདེ་བ་འབྱུང་། །ཐར་པའི་འབྲས་བུ་རྒྱུ་རྣམས་རིམ་གྱིས་སྟོན། །མུ་ཏིག་ཅོད་པན་རྣམ་ཐར་
འདི་སྟོན་ཏོ། །སྒྲིབ་དང་རབ་རིབ་གཏི་མུག་སྟུག་པོར་ནི། །སེམས་ཅན་འཁོར་ཚེ་རྟག་ཏུ་ཤིན་ཏུ་རྨོངས། །དེ་ལ་རྒྱལ་བ་ཆོས་ཉིད་ཡངས་པ་བསྟན། །སེང་གེའི་རྒྱལ་མཚན་འདི་ལ་རབ་ཏུ་འཇུག །འགྲོ་བ་ཀུན་
དང་མཉམ་པ་མཐའ་ཡས་ཀྱང་། །བདེ་གཤེགས་གཟུགས་རྣམས་རབ་ཏུ་ཡངས་པ་སྟོན། །འགྲོ་བར་ཐབས་རྣམས་སྣ་ཚོགས་སྒོ་ནས་སྣང་། །དེ་ལྟར་དབྱངས་སྙན་བདེ་བར་གཤེགས་པ་མཐོང་། །ཐམས་
ཅད་མཁྱེན་པའི་ཚུལ་གྱིས་ཕྱོགས་མཐའ་ཡས། །སེམས་ཅན་དགའ་ལ་རྒྱས་པར་རྒྱལ་བས་བསྟན། །བྱང་ཆུབ་སྤྱོད་མཆོག་འཇུག་པའི་ཚུལ་ཡིན་ཏེ། །རྡོ་རྗེ་ཤིང་གིས་རྒྱལ་མཚན་རྣམ་པར་སེམས། །
སྐད་ཅིག་གཅིག་གིས་བསྐལ་པ་བརྒྱ་མང་བ། །སངས་རྒྱས་སྟོན་ཀྱང་འཕོ་བ་ཡོད་མེད་དེ། །སེམས་ཅན་རྣམས་ཀྱི་བདེ་བ་ཐམས་ཅད་སྐྱེད། །དགའ་བ་མཐོང་བའི་རྣམ་ཐར་ཚུལ་འདི་ཡིན། །དེ་ལ་གྲུལ་བུམ་

72-1-30a

གྱི་དབང་པོའྀ་འཕགས་སྐྱེས་པོའི་རྣམ་པར་ཐར་པ་ནི། མདུད་པར་མཛད་པ་བྱུང་བ་ཐམས་ཅད་རབ་ཏུ་ཞི་བར་བྱེད་པའི་འོད་ཅེས་བྱའོ། །གྲུལ་བུམ་གྱི་དབང་པོ་ཀླུ་བདག་གི་རྣམ་པར་ཐར་པ་ནི། 
སྒོ་མཐའ་ཡས་པར་སྤྱོད་པ་རྒྱ་མཚོ་ལ་སྤྱོད་པ་ཞེས་བྱའོ། །གྲུལ་བུམ་གྱི་དབང་པོ་ལེགས་པར་སྤྱད་པའི་རྒྱལ་མཚན་གྱི་རྣམ་པར་ཐར་པ་ནི། རྒྱུད་ཐམས་ཅད་དུ་འཇིག་རྟེན་གྱི་བསམ་པ་རྒྱ་མཚོ་སྙེད་ཀྱི་
སྒོ་ཞེས་བྱའོ། །གྲུལ་བུམ་གྱི་དབང་པོ་ཕན་པར་སྤྱོད་པར་འཕར་བའི་རྣམ་པར་ཐར་པ་ནི། སྣང་བ་དྲི་མ་མེད་པའི་བྱ་བ་ལ་ཀུན་ནས་སྤྱོད་པར་གནས་པ་ཞེས་བྱའོ། །གྲུལ་བུམ་གྱི་དབང་པོ་འཇིག་པ་ལས་བསྒྲལ་
བའི་རྣམ་པར་ཐར་པ་ནི། འགྲོ་བ་ཐམས་ཅད་གདོན་པའི་ལམ་འཇིག་པ་མེད་པའི་རྒྱན་ཅེས་བྱའོ། །གྲུམ་བུམ་གྱི་དབང་པོ་རྩལ་སྣ་ཚོགས་བཟང་པོའི་རྣམ་པར་ཐར་པ་ནི། འགྲོ་བ་མཐའ་ཡས་པའི་སད་
པ་རྒྱ་མཚོས་ཡོངས་སུ་གདུང་བ་ཞི་བར་བྱེད་པ་ཞེས་བྱའོ། །གྲུལ་བུམ་གྱི་དབང་པོ་རི་རབ་ལེགས་པར་བྱུང་བའི་རྣམ་པར་ཐར་པ་ནི། འགྲོ་བ་རྒྱུད་ཐམས་ཅད་དུ་སྣང་བའི་སྤྲིན་ཡང་དག་པར་འབྱུང་བ་ཞེས་བྱའོ། །
གྲུལ་བུམ་གྱི་དབང་པོ་སྡེ་དཔའི་རྣམ་པར་ཐར་པ་ནི། ཀུན་ནས་སྣང་བས་སྒྲིབ་པའི་རི་ཡང་དག་པར་འཇོམ་པ་ཞེས་བྱའོ། །གྲུལ་བུམ་གྱི་དབང་པོ་དགེ་བའི་མིག་གི་འོད་ཟེར་མཐའ་ཡས་པའི་རྣམ་པར་
ཐར་པ་ནི། སྙིང་རྗེ་ཆེན་པོ་ཕྱིར་མི་ལྡོག་པའི་སྙིང་པོ་འབྱུང་བ་ཞེས་བྱའོ། །གྲུལ་བུམ་གྱི་དབང་པོ་ལྷ་དང་ལྷ་མ་ཡིན་སྒོ་མཐའ་ཡས་པའི་མིག་གིས་རྣམ་པར་ཐར་པ་ནི། རྒྱུད་ཀུན་ཏུ་ལུས་ཡང་དག་
པར་སྟོན་པར་འགྲོ་བའི་ཡུལ་ཞེས་བྱའོ། །དེ་ནས་གྲུ་བུམ་གྱི་དབང་པོ་འཕགས་སྐྱེས་པོས་སངས་རྒྱས་ཀྱི་མཐུས། གྲུལ་བུམ་གྱི་འཁོར་གྱི་དཀྱིལ་འཁོར་ཐམས་ཅད་ལ་རྣམ་པར་བལྟས་ཏེ། དེའི་ཚེ་ཚིགས་

72-1-30b

སུ་བཅད་པ་འདི་དག་སྨྲས་སོ། །འཇིག་རྟེན་མགོན་པོ་བཟོད་པའི་སྟོབས་དང་ལྡན། །འགྲོ་ལ་ཕན་དོན་བསྐལ་པ་བསམ་ཡས་སྤྱོད། །ང་རྒྱལ་དྲེགས་མྱོས་སྤང་པས་འཇིག་རྟེན་ཁམས། །ཀུན་ན་
རྒྱལ་བའི་སྐུ་གསོལ་རབ་ཏུ་མཛེས། །སྔོན་ཅད་རྒྱལ་བས་སྤྱོད་པ་རྒྱ་མཚོ་དག །སྤྱད་དེ་ཐབས་མང་ཚོགས་པས་ཕན་བསྐྱེད་ནས། །ཕྱོགས་བཅུར་མཐའ་ཡས་སེམས་ཅན་སྨིན་པར་མཛད། །རྣམ་
པར་ཐར་པ་འདི་ནི་ཀླུ་བདག་གིའོ། །སངས་རྒྱས་ཡེ་ཤེས་ཡངས་པ་འགྲོ་བའི་མགོན། །དེ་ནི་སེམས་ཅན་བསམ་པ་ཀུན་ཀྱང་བསལ། །སྣ་ཚོགས་འཕྲུལ་སྒོས་སེམས་ཅན་རྣམ་པར་འདུལ། །རྒྱལ་བ་མཐོང་
བས་སྣ་ཚོགས་རྒྱལ་མཚན་དགའ། །སངས་རྒྱས་རྫུ་འཕྲུལ་ཡུལ་དག་གཟུགས་བརྙན་འདྲ། །འཇིག་རྟེན་ཀུན་ན་ཕྱི་མཐའི་བསྐལ་པར་གནས། །ཆོས་ཀྱི་འཁོར་ལོ་མཁའ་འདྲ་ཡང་དག་དངོས། །དེ་ནི་ཕན་
སྤྱོད་རྒྱུ་བས་མཐོང་བ་ཡིན། །མི་བཟད་རབ་རིབ་བསྒྲིབས་པའི་འཇིག་རྟེན་དུ། །རྒྱལ་བའི་འོད་བསྟན་རྣམ་ཐར་ལམ་དགེ་སྟོན། །མགོན་དང་སྐྱབས་གྱུར་སྡུག་བསྔལ་ཐམས་ཅད་སྤོང་། །འཇིག་
ལས་སྒྲོལ་བས་རྣམ་ཐར་འདི་མཐོང་ངོ་། །སྲེད་པ་རྒྱ་མཚོས་གདུངས་འགྲོ་སྡུག་བསྔལ་བ། །རྒྱལ་བའི་ཡེ་ཤེས་འོད་ཀྱིས་མ་ལུས་ཞི། །སྦྱངས་ཤིང་རྒྱལ་བ་སངས་རྒྱས་ཆོས་ཉིད་སྟོན། །སྣ་
ཚོགས་ཁྱིམ་ནི་རྣམ་ཐར་འདི་ལ་འཇུག །འགྲོ་བ་འབྱམ་ཀླས་ཀུན་ན་སངས་རྒྱས་སྐུ། །ཐབས་སྒོ་ཚོགས་པས་སེམས་ཅན་འདུལ་བ་སྣང་། །ཆོས་སྤྲིན་ཆར་འབེབས་གསུང་གི་འབྲུག་སྒྲ་སྒྲོག །
རྣམ་ཐར་འདི་ནི་རི་རབ་བློ་གྲོས་ཀྱིའོ། །སངས་རྒྱས་འོད་ནི་དྲི་མེད་འགྲོ་ཀུན་ཏུ། །དོན་ཡོད་འགྲོ་བའི་སྒྲིབ་ཀུན་ཀུན་ནས་སེལ། །སངས་རྒྱས་ཡོན་ཏན་སྣང་མཛད་སྒྲ་ཡང་འབྱིན། །རྣམ་ཐར་མཐའ་ཡས་

72-1-31a

ཚུལ་འདི་དཔའ་སྡེས་མཐོང་། །བསྐལ་པ་སྔ་ཚེ་ཐུགས་རྗེའི་སྒོ་མང་བ། །འགྲོ་ཀུན་ཕན་བདེའི་དོན་ཏུ་རྒྱལ་བ་སྒོམས། །འབྱམ་ཀླས་སྣ་ཚོགས་ཐབས་ཀྱི་སྡུག་བསྔལ་བསལ། །དེ་ཡི་མཐའ་ཡས་
དགེ་བའི་ཟེར་གྱི་མཐོང་། །རྒྱལ་བའི་སྐུ་ནི་མཐའ་ཡས་ཀུན་ཏུ་རྒྱུ། །འཇིག་རྟེན་ཀུན་ཏུའང་བྱོན་དང་བཞུད་མི་མངའ། །ཀུན་ནས་རང་བྱུང་རྣམ་པར་འཕྲུལ་པ་སྣང་། །དེ་ནི་ལྷ་དབང་མཐའ་ཡས་སྒོ་ཡིས་མཐོང་། །
དེ་ལ་ཀླུའི་དབང་པོ་མིག་མི་བཟང་གི་རྣམ་པར་ཐར་པ་ནི། ཀླུའི་འགྲོ་བའི་རྒྱུད་ཐམས་ཅད་ཀྱི་འབར་བ་ཞི་བར་བྱས་པས་ཡོངས་སུ་སྐྱོབས་པ་ཞེས་བྱའོ། །ཀླུའི་རྒྱལ་པོ་རྒྱ་མཚོའི་རྣམ་པར་ཐར་པ་ནི། སེམས་
སྐད་ཅིག་གིས་བསམ་གྱིས་མི་ཁྱབ་པའི་སེམས་ཅན་དང་ཀླུ་རབ་ཏུ་ཞི་བར་བྱ་བའི་ལུས་དང་། ཁ་དོག་རབ་ཏུ་སྟོན་པ་ཞེས་བྱའོ། །ཀླུའི་རྒྱལ་པོ་སྤྲིན་སྒྲ་སྣ་ཚོགས་ཀྱི་རྒྱལ་མཚན་གྱི་རྣམ་པར་ཐར་པ་ནི། 
སྲིད་པའི་རྒྱུད་ཐམས་ཅད་དུ་མིང་གི་འཁོར་ལོ་རྒྱ་མཚོ་མཐའ་ཡས་པ་དགེ་བའི་ང་རོར་སྒྲོག་པ་ཞེས་བྱའོ། །ཀླུའི་རྒྱལ་པོ་འོད་འཕྲོ་བའི་སྒོ་རྒྱ་མཚོས་རབ་ཏུ་སྣང་བའི་རྣམ་པར་ཐར་པ་ནི། འཇིག་རྟེན་གྱི་ཁམས་
རབ་ཏུ་བཀོད་ཅིང་རྣམ་པར་དབྱེ་བ་དང་། སངས་རྒྱས་ཀྱི་ཞིང་མཐའ་ཡས་པ་ལ་དམིགས་པ་ཡང་དག་པར་སྟོན་པའི་སྦྱོར་བ་ཞེས་བྱའོ། །ཀླུའི་རྒྱལ་པོ་ཀུན་ནས་རིའི་སྤྲིན་གྱི་རྒྱལ་མཚན་གྱི་རྣམ་པར་ཐར་པ་ནི། 
འགྲོ་བ་ཐམས་ཅད་ལ་བསོད་ནམས་རྒྱ་མཚོ་ཡང་དག་པར་བསྟན་པའི་དགའ་བའི་ཤུགས་ཤིན་ཏུ་ཡངས་པ་ཞེས་བྱའོ། །ཀླུའི་རྒྱལ་པོ་འཇོག་པོའི་རྣམ་པར་ཐར་པ་ནྀ། འཇིགས་པའི་སྒྲ་སྐད་ཐམས་ཅད་
ཡོངས་སུ་སྐེམ་པའི་སྐྱབས་དྲི་མ་མེད་པ་ཞེས་བྱའོ། །ཀླུའི་རྒྱལ་པོ་མཐའ་ཡས་པར་འགྲོ་བའི་རྣམ་པར་ཐར་པ་ནི། གཟུགས་ཀྱི་སྤྲིན་རྒྱ་ཆེན་པོ་ཤིན་ཏུ་སྟོན་ཅིང་བསྐལ་པར་བྱིན་གྱི་རློབ་པའི་བརྩོན་འགྲུས་

72-1-31b

ཤེས་བྱའོ། །ཀླུའི་རྒྱལ་པོ་མཛོད་སྤུའི་གཟི་བརྗིད་དྲི་མ་མེད་པའི་ཤུགས་ཀྱི་རྣམ་པར་ཐར་པ་ནི། སེམས་ཅན་ཐམས་ཅད་ལ་དགའ་བའི་ཤུགས་ཡངས་པ་དང་ཡང་དག་པར་མོས་པ་རྒྱ་མཚོ་ཤིན་ཏུ་འབྱུང་བ་ཞེས་
བྱའོ། །ཀླུའི་རྒྱལ་པོ་ཀུན་ཏུ་སྤྱོད་པ་རྒྱ་ཆེན་པོའི་དབྱངས་ཀྱི་རྣམ་པར་ཐར་པ་ནི། སྒྲ་ཐམས་ཅད་འབྱུང་བ་ལ་ཡང་དག་པར་གཞོལ་ཞིང་ཡིད་དུ་འོང་བས་ཐོགས་པ་མེད་པར་ཀུན་ཏུ་རྒྱས་པར་བྱེད་པ་ཞེས་བྱའོ། །
ཀླུའི་རྒྱལ་པོ་མ་དྲོས་པའི་རྣམ་པར་ཐར་པ་ནི། འགྲོ་བ་ཐམས་ཅད་ཀྱི་སྡུག་བསྔལ་རྒྱ་མཚོ་ལ་སྙིང་རྗེའི་སྒོ་ཀུན་ནས་སྤྲིན་གྱིས་འགེངས་ཤིང་རབ་ཏུ་ཞི་བ་དང་། ཡོངས་སུ་དག་པར་བྱེད་པའོ། །དེ་ནས་ཀླུའི་རྒྱལ་པོ་ཆེན་
པོ་མིག་མི་བཟང་གིས་སངས་རྒྱས་ཀྱི་མཐུས། ཀླུའི་འཁོར་གྱི་དཀྱིལ་འཁོར་ཐམས་ཅད་ལ་རྣམ་པར་བལྟས་ནས། དེའི་ཚེ་ཚིགས་སུ་བཅད་པ་འདི་དག་སྨྲས་སོ། །རྒྱལ་བ་ཀུན་གྱི་ཆོས་ཉིད་དེ་དག་ལྟོས། །
དྲང་སྲོང་ཆེན་པོ་འགྲོ་བ་ཀུན་གྱི་སྐྱབས། །མི་བཟད་ཀླུ་ཡི་རྒྱུད་དུ་ལྷུང་བ་རྣམས། །བྱམས་པའི་སྟོབས་ཀྱིས་རིམ་གྱི་འདོན་པ་མཛད། །འགྲོ་བ་ཀུན་རྙེད་གཟུགས་ཀྱི་སྒོ་རྣམས་ཀྱང་། །རྒྱལ་བར་སྤུ་གཅིག་རྩེ་
ལ་མངོན་པར་བསྟན། །ཐམས་ཅད་རྡུལ་ལ་འཕྲུལ་གྱི་མངོན་པར་འཕྲུལ། །རྒྱལ་བའི་རྣམ་ཐར་རྒྱ་མཚོའི་ཀླུ་ཡིས་མཐོང་། །རྒྱལ་བ་འདེ་བའི་རྫུ་འཕྲུལ་མཐའ་ཡས་ཏེ། །སངས་རྒྱས་མཚན་ཀྱང་འགྲོ་སྙེད་
རྒྱ་མཚོའོ། །དེ་དག་སེམས་ཅན་བསམ་པ་ཇི་བཞིན་ཉན། །སྤྲིན་སྒྲའི་རྒྱལ་མཚན་དེ་འདྲའི་རྣམ་ཐར་ལྡན། །འཁྲོ་བ་རྒྱ་མཚོར་འགྲོ་བ་འདི་དག་ཀུན། །བསྒྲིབས་ཤིང་གཡོགས་པའང་འགྲོ་བའི་རྒྱ་མཚོར་ཏེ། །
དེ་ལ་རང་བྱུང་བྱམས་དང་ཐུགས་རྗེས་འཛིན། །འདི་ནི་འོད་འཕྲོ་སྒོ་ཡི་ཀླུ་ཡིས་མཐོང་། །འགྲོ་བ་ཀུན་གྱི་བསོད་ནམས་མཐུ་ཡི་རྣམས། །སངས་རྒྱས་སྤུ་གཅིག་རྩེ་ལ་མངོན་པར་སྟོན། །བསོད་ནམས་འཇུག་པ་

72-1-32a

རྒྱ་མཚོ་ཀུན་ཀྱང་བསྟན། །འདི་ནི་རི་བོ་སྤྲིན་གྱི་ཀླུ་ཡིས་མཐོང་། །འཇིགས་པ་ཆེས་མནར་སེམས་ཅན་སྡུག་བསྔལ་བ། །རྒྱལ་བའི་འོད་ཆེན་ཤིན་ཏུ་ཡངས་པས་བསྐྱབས། །སྤུ་ཡི་སྒོ་ནས་ཡིད་
འོང་སྒྲ་ཡང་འབྱུང་། །རྣམ་ཐར་འདི་ནི་འཇོག་པོ་ཀླུ་ཡིས་མཐོང་། །དུས་གསུམ་གཤེགས་པ་རྒྱལ་བ་ཐམས་ཅད་ཀྱི། །སྐུ་ནི་སངས་རྒྱས་ཉིད་ཀྱི་སྐུ་ལ་བསྟན། །དེ་བཞིན་བསྐལ་པ་བརྒྱུད་པའི་ཞིང་མང་
ཡང་། །མཐའ་ཡས་གོམས་པའི་ཀླུ་ཡིས་དེ་མཐོང་ངོ་། །རྒྱལ་བས་སྤུ་གཅིག་རྫུ་འཕྲུལ་མཐའ་ཡས་བཀང་། །ཞིང་མང་མཐའ་ཡས་ཀུན་ཀྱང་དེར་ཞུགས་ཏེ། །དེ་ན་བཞུགས་པར་རྒྱལ་བ་འཁོར་གྱི་མཐོང་། །
རྣམ་ཐར་དེ་ནི་འོད་འབར་ཀླུ་ཡིའོ། །ཇི་སྙེད་རྒྱལ་བ་རྒྱ་མཚོ་མཆོད་བྱས་པའི། །སྔོན་གྱི་རྒྱལ་བའི་ཆོས་ཉིད་རབ་མཐོང་ཞིང་། །དེ་ལ་དགའ་བ་རྒྱ་མཚོ་རྣམ་པར་བསྐྱེད། །ཤུགས་ལམ་ཀླུ་ནི་འདི་ལ་རབ་ཏུ་
འཇུག །རང་བྱུང་གསུང་གི་ཡན་ལག་ཐམས་ཅད་ཀྱི། །འགྲོ་བ་ཐམས་ཅད་ཆོས་ཀྱིས་ངོམ་པར་མཛད། །རྒྱལ་བའི་གསུང་ནི་ཞི་ཞིང་དགའ་འགྱུར་བ། །དེ་ནི་ཀུན་ཏུ་སྤྱོད་པའི་ཀླུས་ཐོས་སོ། །སྲིད་པ་
ཀུན་ཏུ་སྡུག་བསྔལ་གཟིར་མཐོང་ནས། །ཉོན་མོངས་ལས་ཀྱིས་འཁོར་ཞིང་མགོན་མེད་པ། །སངས་རྒྱས་ཐུགས་རྗེ་ཆེན་པོ་རབ་ཏུ་འགྲོལ། །རྣམ་ཐར་འདི་ནི་མ་དྲོས་ཀླུས་མཐོང་ངོ་། །དེ་ལ་རྒྱལ་པོ་ཆེན་པོ་
ངལ་བསོས་པོའི་རྣམ་པར་ཐར་པ་ནི། དགའ་བའི་སྒོ་རྣམ་པར་བལྟ་བའི་ཡུལ་གྱི་རྒྱུད་ཀྱིས་ཕན་པར་སྦྱོར་བ་ཞེས་བྱའོ། །གནོད་སྦྱིན་གྱི་དབང་པོ་དབྱངས་ཆེན་དབང་ཕྱུག་གི་རྣམ་པར་ཐར་པ་ནི། སྒོ་ཐམས་ཅད་ལ་
དབང་བྱེད་པས་རྣམ་པར་ལྟ་ཞིང་། སེམས་ཅན་ལ་ཕན་པར་སྦྱོར་བས་ཡོངས་སུ་སྐྱོབ་པ་ཞེས་བྱའོ། །གནོད་སྦྱིན་གྱི་དབང་པོ་རྩལ་ཤིན་ཏུ་གཏུམ་པའི་མཚོན་ཆའི་རྣམ་པར་ཐར་པ་ནི། གཏུམ་པ་དང་དྲག་ཤུལ་

72-1-32b

གྱི་རྒྱུན་ལས་བསྲུང་བ་ཀུན་ནས་མང་པོ་འབྱུང་བ་ཞེས་བྱའོ། །གནོད་སྦྱིན་གྱི་དབང་པོ་བློ་གྲོས་ཆེན་པོའི་རྣམ་པར་ཐར་པ་ནི། འཕགས་པའི་ཡོན་ཏན་གྱི་དཀྱིལ་འཁོར་ཐམས་ཅད་ཀྱི་རྗེས་སུ་མཐོང་བ་ལ་རྣམ་
པར་བལྟ་བས་བརྒལ་བ་དང་མོས་པར་སྤྱོད་པ་ཞེས་བྱའོ། །གནོད་སྦྱིན་གྱི་དབང་པོ་མིག་འོད་འཕྲོ་བའི་བདག་པོའི་རྣམ་པར་ཐར་པ་ནི། སེམས་ཅན་ཐམས་ཅད་ལ་ཤེས་རབ་དང་ཡེ་ཤེས་དང་། སྙིང་རྗེ་རྣམ་པར་
ལྟ་བ་ཞེས་བྱའོ། །གནོད་སྦྱིན་གྱི་དབང་པོ་མིག་རྡོ་རྗེ་ལྟར་བརྟེན་པའི་རྣམ་པར་ཐར་པ་དང་། འགྲོ་བ་ཐམས་ཅད་ལ་ཕན་པ་དང་བདེ་བ་སྣ་ཚོགས་སུ་སྦྱོར་བ་དང་། བསྲུང་བ་མངོན་པར་བསྒྲུབ་པ་ཞེས་བྱའོ། །
གནོད་སྦྱིན་གྱི་དབང་པོ་སྡེ་མཆོག་ཏུ་དགའ་བའི་རྣམ་པར་ཐར་པ་ནི། ཆོས་ཐམས་ཅད་ཀྱི་དོན་གྱི་དབྱིངས་ལ་ཡང་དག་པར་འཇུག་པའི་མཐུ་ཞེས་བྱའོ། །གནོད་སྦྱིན་གྱི་དབང་པོ་དེའི་རྒྱན་ཆེན་པོས་རབ་ཏུ་གནོན་
པའི་རྣམ་པར་ཐར་པ་ནི། འགྲོ་བ་ཐམས་ཅད་ལམ་ལ་དགོད་པར་གཏི་མུག་མེད་པས་བསྲུང་བ་ཕུན་སུམ་ཚོགས་པ་ཞེས་བྱའོ། །གནོད་སྦྱིན་གྱི་དབང་པོ་དགེ་བའི་ཚོགས་ཀྱི་རྣམ་པར་ཐར་པ་ནི། 
སེམས་ཅན་ཐམས་ཅད་ཀྱི་བསོད་ནམས་ཀྱི་དཀྱིལ་འཁོར་རྣམ་པར་སྤེལ་བས་ཀུན་ཏུ་དགའ་བ་མྱོང་བ་ཞེས་བྱའོ། །གནོད་སྦྱིན་གྱི་དབང་པོ་རི་བོའི་སྟོབས་རབ་ཏུ་འཇོམ་པའི་རྣམ་པར་ཐར་པ་ནི། སངས་རྒྱས་
ཀྱི་སྟོབས་ཡང་དག་པར་འབྱུང་བ་རྗེས་སུ་ཡེ་ཤེས་ཀྱི་འོད་ཅེས་བྱའོ། །དེ་ནས་རྒྱལ་པོ་ཆེན་པོ་ངལ་བསོས་པོས་སངས་རྒྱས་ཀྱི་མཐུས། གནོད་སྦྱིན་གྱིས་དཀྱིལ་འཁོར་ཐམས་ཅད་ལ་རྣམ་པར་
བལྟས་ཏེ། དེའི་ཚེ་ཚིགས་སུ་བཅད་པ་འདི་དག་སྨྲས་སོ། །ལྷ་དབང་སེམས་ཅན་མ་རུང་གང་དག་གིས། །བསྐལ་པ་བརྒྱ་མང་སངས་རྒྱས་མི་མཐོང་ཞིང་། །སྲིད་པ་དག་ན་འཁོར་ཞིང་སྡུག་བསྔལ་བ། །

72-1-33a

དེ་དག་ཡོངས་སུ་དགྲོལ་བར་སངས་རྒྱས་བྱུང་། །སངས་རྒྱས་སེམས་ཅན་ཕན་དང་བསྐྱབ་པའི་ཕྱིར། །འགྲོ་བ་ཀུན་ལ་མངོན་པར་ཀུན་ན་བཞུགས། །ཉམ་ང་འགྲོ་བའི་འཁོར་ལོ་དག་ན་འདོན། །
འདི་ལ་དབྱངས་ཀྱི་དབང་ཕྱུག་གནོད་སྦྱིན་འཇུག །མི་བཟད་ལས་ཀྱིས་བསྒྲིབས་པའི་སེམས་ཅན་ལ། །རྒྱལ་བ་ཞི་བའི་ཚུལ་རྣམས་ཤིན་ཏུ་བསྟན། །འགྲོ་བ་རྣམས་ལ་ཆོས་ཀྱི་སྒྲོན་མ་འཛིན། །རྣམ་ཐར་
འདི་ནི་གཏུམ་པའི་མཚོན་ཆས་མཐོང་། །རང་འབྱུང་བསྐལ་པ་རྒྱ་མཚོར་སྤྱོད་པའི་ཚེ། །རྒྱལ་བའི་ཡོན་ཏན་ཕྱོགས་བཅུ་ཀུན་ཏུ་གྲགས། །དེ་བས་རྒྱལ་བའི་གྲགས་པ་ཀུན་ཏུ་གྲགས། །འདི་ནི་བློ་ཆེན་
གནོད་སྦྱིན་བདག་པོས་མཐོང་། །རྒྱལ་བའི་ཤེས་རབ་མཁའ་འདྲ་མཐའ་ཡས་ཏེ། །སངས་རྒྱས་ཆོས་སྐུ་བསམ་གྱིས་མི་ཁྱབ་པོ། །དེ་བས་ཐམས་ཅད་ཕྱོགས་སུ་རྣམ་པར་མཛེས། །འོད་འཕྲོ་མིག་གི་
བདག་པོའི་རྣམ་ཐར་ཏོ། །མི་ཡི་དབང་པོ་འགྲོ་བ་ཐམས་ཅད་དུ། །ཡིད་འོང་དབྱངས་སྒྲོག་སྡུག་བསྔལ་ཞི་བ་མཛད། །ཕན་དོན་སྐྱབས་མཛད་ཆོས་རྣམས་ཤིན་ཏུ་བསྟན། །ཚུལ་འདིར་རྡོ་རྗེའི་མིག་ལེགས་
རབ་ཏུ་འཇུག །དོན་དབྱིངས་རྒྱ་ཆེན་ཇི་སྙེད་དེ་དག་ཀུན། །རྒྱ་མཚོའི་མདོ་ཚུལ་འགྲོ་བའི་གྲངས་སྙེད་རྣམས། །མི་ཡི་དབང་པོ་དབྱངས་གཅིག་སྒོ་ནས་བསྟན། །འདི་ནི་བློ་གྲོས་དཔའ་བོའི་རྣམ་ཐར་ཏོ། །འགྲོ་བ་ལམ་
ངན་གནས་པ་ཐམས་ཅད་ལ། །སངས་རྒྱས་བསམ་གྱིས་མི་ཁྱབ་ལམ་སྟོན་ཏེ། །སྣོད་དུ་གྱུར་པའི་འགྲོ་བ་ཀུན་ན་བཞུགས། །འདི་ལ་སློབ་པ་སྡེ་ཡི་རྒྱན་ཡིན་ནོ། །འགྲོ་བའི་བསོད་ནམས་རྒྱུ་བ་ཇི་སྙེད་པ། །
རྒྱལ་བའི་འོད་ལ་ཐམས་ཅད་རབ་ཏུ་སྣང་། །སངས་རྒྱས་ཡེ་ཤེས་རྒྱ་མཚོ་བསམ་མི་ཁྱབ། །རྣམ་ཐར་འདི་ནི་གནོད་སྦྱིན་ནོར་བདག་མཐོང་། །རྒྱལ་བའི་སྟོབས་རྣམས་གང་དུ་ཡོངས་དག་སྟེ། །བདེ་གཤེགས་

72-1-33b

སྟོབས་རྣམས་ཡོངས་སུ་རྫོགས་པ་ཡི། །སྔོན་གྱི་བསྐལ་པ་བསམ་གྱིས་མི་ཁྱབ་དྲན། །འདི་ནི་རི་བོ་སྟོབས་འཇོམས་རྣམ་ཐར་ཏོ། །དེ་ལ་མི་འམ་ཅིའི་དབང་པོ་ལྷའི་བློ་གྲོས་འོད་ཀྱི་རྣམ་པར་ཐར་པ་ནི། 
བྱ་བ་ཐམས་ཅད་ལ་ཡང་དག་པར་རྫོགས་པར་འཇུག་པ་དགའ་བ་འབྱུང་བ་ཞེས་བྱའོ། །མི་འམ་ཅིའི་དབང་པོ་མེ་ཏོག་དཔལ་གྱི་དཀྱིལ་འཁོར་གྱི་རྣམ་པར་ཐར་པ་ནི། དགའ་བ་ཐམས་ཅད་ཀྱི་བདེ་བ་མྱོང་བ་
ལས་བླ་ན་མེད་པའི་ཆོས་ཀྱི་དགའ་བ་འབྱུང་བ་ཞེས་བྱའོ། །མི་འམ་ཅིའི་དབང་པོ་རྒྱན་རྣམ་པ་སྣ་ཚོགས་ཀྱི་རྣམ་པར་ཐར་པ་ནི། ཡོན་ཏན་ཐམས་ཅད་ཀྱིས་ཡང་དག་པར་ངོམས་པས་མོས་པ་རྒྱ་
ཆེན་པོ་སྦྱོང་བའི་སྙིང་པོ་ཞེས་བྱའོ། །མི་འམ་ཅིའི་དབང་པོ་ང་རོ་ཡིད་དུ་འོང་བའི་དབྱངས་ཀྱི་རྣམ་པར་ཐར་པ་ནི། སྒྲ་སྙན་ཅིང་ཡིད་དུ་འོང་བ་ལ་ཐོགས་པ་མེད་པས་ཀུན་ཏུ་སྒྲུབ་པ་ཞེས་བྱའོ། །མི་འམ་
ཅིའི་དབང་པོ་ཤིང་རིན་པོ་ཆེའི་ཡལ་གའི་འོད་ཀྱི་རྣམ་པར་ཐར་པ་ནི། སྙིང་རྗེའི་རྒྱུད་ལ་འགྲོ་བ་དགོད་ཅིང་སེམས་ཅན་ཐམས་ཅད་ཡང་དག་པར་སྐུ་ལ་དམིགས་པ་ཞེས་བྱའོ། །མིའམ་ཅིའི་དབང་པོ་
མཐོང་ན་དགའ་ཞིང་སྤྲོ་བར་བྱེད་པའི་རྣམ་པར་ཐར་པ་ནི། གཟུགས་ཀྱི་ལུས་དགེ་བ་ཐམས་ཅད་མངོན་པར་བསྒྲུབ་པ་ཞེས་བྱའོ། །མིའམ་ཅིའི་དབང་པོ་རྒྱན་གྱི་དཔལ་གྱི་འོད་ཀྱི་རྣམ་པར་ཐར་པ་ནི། ཁྱུ་
མཆོག་གི་མཐུ་ཕྱུང་བའི་རྒྱན་ཐམས་ཅད་ཀྱིས་མདངས་རབ་ཏུ་བསྐྱེད་པའི་རང་བཞིན་གྱིས་དགའ་བའི་འོད་ཅེས་བྱའོ། །མིའམ་ཅིའི་དབང་པོ་མེ་ཏོག་ཚོན་བཟང་པོའི་རྒྱལ་མཚན་གྱི་རྣམ་པར་ཐར་པ་ནི། 
འགྲོ་བ་ཐམས་ཅད་ཀྱི་ལས་ཀྱི་རིགས་ལ་རྣམ་པར་ལྟ་ཞིང་ཡང་དག་པར་སྒྲུབ་པའི་འོད་ཅེས་བྱའོ། །མིའམ་ཅིའི་དབང་པོ་ས་གཞིའི་དཔལ་གྱི་རྣམ་པར་ཐར་པ་ནི། འགྲོ་བ་ཐམས་ཅད་ཀྱི་རྩལ་གྱིས་མངོན་

72-1-34a

པར་བསྒྲུབ་པ་ལ་རབ་ཏུ་བརྩོན་པ་ཞེས་བྱའོ། །མི་འམ་ཅིའི་དབང་པོ་དྲག་ཤུལ་གྱི་བདག་པོའི་རྣམ་པར་ཐར་པ་ནི། མིའམ་ཅིའི་འཁོར་ཐམས་ཅད་ཀྱི་སེམས་ལ་རྣམ་པར་བལྟ་ཞིང་འདྲེན་པའི་
འོད་ཅེས་བྱའོ། །དེ་ནས་མིའམ་ཅིའི་དབང་པོ་ལྷའི་བློ་གྲོས་འོད་ཀྱིས་སངས་རྒྱས་ཀྱི་མཐུས། མིའམ་ཅིའི་འཁོར་ཐམས་ཅད་ལ་རྣམ་པར་བལྟས་ཏེ། དེའི་ཚེ་ཚིགས་སུ་བཅད་པ་འདི་དག་སྨྲས་སོ། །
ཇི་སྙེད་འགྲོ་བ་དག་ན་བདེ་འབྱུང་བ། །དེ་དག་ཐམས་ཅད་རྒྱལ་བ་མཐོང་བས་འབྱུང་། །མགོན་པོ་དེ་ནི་སྐྱབས་དང་མགོན་ཡིན་ཏེ། །སེམས་ཅན་ཐམས་ཅད་གནས་ཡིན་ཕན་མཛད་པའོ། །སེམས་ཅན་
ཀུན་གྱི་མི་ཟད་བདེ་བའི་རྣམས། །ཇི་སྙེད་འབྱུང་བ་རབ་ཏུ་ཡོད་པ་ཀུན། །དེ་དག་ཀུན་ལ་འདྲེན་པ་དོན་ཡོད་དོ། །དེ་ནི་དཔལ་གྱི་དཀྱིལ་འཁོར་མིག་ཅེས་མཐོང་། །སངས་རྒྱས་ཡོན་ཏན་རྒྱ་མཚོ་མི་ཟད་པ། །
དེ་ཡི་མཐའ་ནི་འགྲོ་བས་མི་རྙེད་དེ། །ཕྱོགས་རྣམས་ཀུན་ཏུ་རྣམ་པར་མཛེས་ཤིང་འབར། །སྣ་ཚོགས་བརྒྱན་གྱི་རྣམ་ཐར་འདི་འདྲའོ། །སེམས་ཅན་ཀུན་གྱིས་ཡིད་དུ་འོང་བ་ཡི། །སྒྲ་དབྱངས་སངས་རྒྱས་
ཡང་དག་རྣམ་སྒྲོག་ཅིང་། །མྱ་ངན་མེད་པའི་ཆོས་ཉིད་སྟོན་པ་ནི། །སྒྲ་སྙན་ཡིད་དུ་འོང་བ་མི་ཅིས་ཐོས། །སྔོན་ཅད་དེ་བཞིན་གཤེགས་པས་སྤྱད་པ་ཡི། །རྒྱལ་བའི་རྣམ་པར་འཕྲུལ་པ་བདག་གི་མཐོང་། 
རྒྱ་ཆེན་ཐུགས་རྗེས་རྣམ་པར་ཤིན་ཏུ་སྦྱང་། །ཤིང་གི་འོད་ཀྱི་མི་འམ་ཅི་ཡིས་མཐོང་། །དེ་བཞིན་གཤེགས་པ་མཐོང་ཞིང་ཐོས་པ་ནི། །འགྲོ་བ་རྣམས་ལ་བསྐལ་པ་བྱེ་བར་དཀོན། །སངས་རྒྱས་མཚན་
གྱིས་ཀུན་ནས་ཤིན་ཏུ་བརྒྱན། །དགའ་བདེ་མོས་པར་བྱེད་པས་འདི་མཐོང་དོན། །བདེ་བར་གཤེགས་པའི་ཡེ་ཤེས་འབྱུང་བ་ནི། །སེམས་ཅན་ཀུན་གྱི་བསམ་པ་གཞལ་མཛད་དེ། །ཐམས་ཅད་མཁྱེན་

72-1-34b

པ་ཉིད་ཀྱི་ལམ་ཡང་སྟོན། །འདི་ནི་རྒྱན་དབང་མིའམ་ཅི་ཡིས་མཐོང་། །འབྱམ་ཀླས་ལས་ནི་བསམ་གྱི་མི་ཁྱབ་སྟེ། །དེ་ཕྱིར་སེམས་ཅན་བདེ་དང་སྡུག་བསྔལ་ཀུན། །བདེ་བར་གཤེགས་པས་ཐམས་
ཅད་རབ་ཏུ་བསྟན། །མེ་ཏོག་རྒྱལ་མཚན་འདི་ནི་མི་ཅེས་མཐོང་། །སངས་རྒྱས་གཤེགས་ཐབས་རྣམ་པར་འཕྲུལ་པ་ཡང་། །སེམས་ཅན་ཀུན་གྱི་ཤེས་པར་མི་ནུས་ཏེ། །ས་རྣམས་ཐམས་ཅད་གཅིག་ཏུ་འདུས་པར་འགྱུར། 
དེ་ལྟར་ས་ཡི་འོད་ཀྱི་མི་ཅེས་མཐོང་། །འཁོར་དུ་རྒྱལ་བ་རྣམ་པར་འཕྲུལ་མཛད་ཅིང་། །རྒྱལ་བའི་སྤྱོད་ཡུལ་ཐམས་ཅད་སྟོན་མཛད་དེ། །འོད་ཟེར་འཁོར་གྱི་བསྐུལ་བའང་དེ་བཞིན་མཛད། །འདི་ནི་དྲག་ཤུལ་
བདག་པོའི་སྤྱོད་ཡུལ་ལོ། །སངས་རྒྱས་རྨད་ག་ཅད་ཅེས་བྱ་བ་ཤིན་ཏུ་རྒྱས་པ་ཆེན་པོའི་མདོ།  བམ་པོ་གསུམ་མོ། །དེ་ལ་ལྟོ་འཕྱེ་ཆེན་པོའི་དབང་པོ་བློ་གྲོས་བཟང་པོའི་གཟི་བརྗིད་ཀྱི་
རྣམ་པར་ཐར་པ་ནི། རྫུ་འཕྲུལ་གྱི་དབྱིངས་ཐམས་ཅད་རབ་ཏུ་གནོན་པའི་ཡོན་ཏན་གྱི་རྒྱན་ཅེས་བྱའོ། །ལྟོ་འཕྱེ་ཆེན་པོའི་དབང་པོ་གཟི་བརྗིད་ཀྱི་དབྱངས་ལ་རྡུལ་མེད་པའི་རྣམ་པར་ཐར་པ་ནི། སེམས་ཅན་ཐམས་ཅད་
ཀྱི་ཉོན་མོངས་པ་རྣམ་པར་བྱུང་བས་ཚིམ་པར་བྱེད་ཅིང་། ཡོངས་སུ་སྦྱོང་བ་འབྱུང་བའི་རྒྱན་ཅེས་བྱའོ། །ལྟོ་འཕྱེ་ཆེན་པོ་བློ་གྲོས་སྣ་ཚོགས་མཆོག་གི་གཙུག་པུད་ཀྱི་རྣམ་པར་ཐར་པ་ནི། སེམས་ཅན་ཐམས་ཅད་
ཀྱི་རྣམ་པར་དཔྱོད་པ་དགེ་བ་ལ་ཀུན་ནས་ཡང་དག་པར་གཞོལ་བས་མོས་པར་བྱེད་ཅེས་བྱའོ། །ལྟོ་འཕྱེ་ཆེན་པོའི་དབང་པོ་མིག་བཟང་པོའི་བདག་པོའི་རྣམ་པར་ཐར་པ་ནི། ཆགས་པའི་བསོད་ནམས་ཕུན་སུམ་ཚོགས་པ་
ཐམས་ཅད་མཉམ་པ་ཉིད་ཀྱིས་མཚན་ཉིད་དུ་རྣམ་པར་སྒོམ་པ་ཞེས་བྱའོ། །ལྟོ་འཕྱེ་ཆེན་པོའི་དབང་པོའི་སྒྲོན་མའི་སྐྱབས་ཀྱི་རྒྱལ་པོའི་རྣམ་པར་ཐར་པ་ནི། སེམས་ཅན་ཐམས་ཅད་ཀྱི་མུན་པ་རྣམ་པར་ལྡོག་ཅིང་

72-1-35a

ལམ་གྱི་ཕྱོགས་ཡང་དག་པར་སྟོན་པ་ཞེས་བྱའོ། །ལྟོ་འཕྱེ་ཆེན་པོའི་དབང་པོ་སྣང་བ་ཤུགས་བཟང་པོའི་རྒྱལ་མཚན་གྱི་རྣམ་པར་ཐར་པ་ནི། དེ་བཞིན་གཤེགས་པ་ཐམས་ཅད་ཀྱི་བསྟན་པ་དང་། འཕགས་
པའི་ཡོན་ཏན་ལ་འཇུག་པས་དགའ་བ་འབྱུང་བ་ཞེས་བྱའོ། །ལྟོ་འཕྱེ་ཆེན་པོའི་དབང་པོ་སེང་གེའི་ཕྲུ་གུའི་རྣམ་པར་ཐར་པ་ནི། སྟོབས་དང་བརྩོན་པ་ཁ་ན་མ་ཐོ་བ་མེད་པས་སེམས་ཅན་སྐྱོབ་པའི་བདག་པོ་ཞེས་
བྱའོ། །ལྟོ་འཕྱེ་ཆེན་པོའི་དབང་པོ་རྒྱན་སྣ་ཚོགས་ཀྱི་དབྱངས་ཀྱི་རྣམ་པར་ཐར་པ་ནི། འགྲོ་བ་ཐམས་ཅད་ཀྱི་བདེ་བ་དང་དགའ་བ་མཐའ་ཡས་པ་རྗེས་སུ་དྲན་པ་ཞེས་བྱའོ། །ལྟོ་འཕྱེ་ཆེན་པོའི་དབང་པོ་རི་རབ་
ཀྱི་བུའི་རྣམ་པར་ཐར་པ་ནི། སྒྲིབ་པ་ཐམས་ཅད་རབ་ཏུ་རྟོགས་པ་མི་སྐུལ་བས་ཕ་རོལ་ཏུ་འགྲོ་ཞིང་དགའ་བ་ཀུན་ནས་འབྱུང་བ་ཞེས་བྱའོ། །ལྟོ་འཕྱེ་ཆེན་པོའི་དབང་པོ་ཡིད་དུ་འོང་བའི་འབྱུང་བའི་རྣམ་པར་
ཐར་པ་ནི། སེམས་ཅན་གྱི་རྒྱུད་མཉམ་པ་དང་མི་མཉམ་པ་ལ་མཉམ་པ་ཉིད་ཀྱི་ལམ་གྱི་ཕྱོགས་སྟོན་པ་ཞེས་བྱའོ། །དེ་ནས་ལྟོ་འཕྱེ་ཆེན་པོའི་དབང་པོ་བློ་གྲོས་བཟང་པོའི་གཟི་བརྗིད་ཀྱིས་སངས་རྒྱས་ཀྱི་མཐུས། 
ལྟོ་འཕྱེ་ཆེན་པོའི་འཁོར་གྱི་དཀྱིལ་འཁོར་ཐམས་ཅད་ལ་རྣམ་པར་བལྟས་ནས། དེའི་ཚེ་ཚིགས་སུ་བཅད་པ་འདི་དག་སྨྲས་སོ། །སངས་རྒྱས་ཆོས་ཉིད་རྒྱ་ཆེན་ཡངས་ལ་ལྟོས། །སེམས་ཅན་ཀུན་གྱི་མདངས་
དང་བདེ་བ་འབྱུང་། །ནད་མེད་འཆི་མེད་ལམ་ཡང་ཤིན་ཏུ་སྟོན། །སྡུག་བསྔལ་ཐམས་ཅད་རབ་ཞི་གནས་ཀྱང་མེད། །རྒྱལ་བའི་རྫུ་འཕྲུལ་ཆོས་ཉིད་དེ་ཡང་ལྟོས། །ཕྱོགས་རྣམས་ཀུན་ཏུ་མངོན་པར་རབ་ཏུ་
འཕགས། །འཇིག་རྟེན་ཀུན་ཏུ་ཐུབ་པ་མངོན་པར་མཛེས། །ལྟོ་འཕྱེ་ཆེན་པོ་འོད་མཛེས་འདི་ལ་འཇུག །ཉོན་མོངས་ལས་ཀྱི་སྒྲིབ་པས་སྟུག་བསྒྲིབས་ཤིང་། །སྲིད་པའི་རྒྱ་མཚོ་གཏིང་རིང་ནུབ་པ་ཡི། །

72-1-35b

སེམས་ཅན་རྣམས་ལ་ཞི་བའི་སྤྱོད་ཡུལ་སྟོན། །གཟི་བརྗིད་རྡུལ་མེད་དབྱངས་ཀྱིས་འདི་མཐོང་ངོ་། །སངས་རྒྱས་ཡེ་ཤེས་མཉམ་མེད་བསམ་མི་ཁྱབ། །འགྲོ་བའི་སེམས་པ་མ་ལུས་ཐུགས་སུ་ཆུད། །
དེ་དག་ཀུན་ལ་རྣམ་དག་ཆོས་ཉིད་སྟོན། །ལྟོ་འཕྱེ་ཆེན་པོའི་སྣ་ཚོགས་གཙུག་ཕུད་འཇུག །བསམ་གྱིས་མི་ཁྱབ་བསོད་ནམས་རྒྱ་མཚོའི་དབྱིངས། །མཐའ་ཡས་ཡང་དག་འབྱུང་བ་རྒྱལ་བས་གཟིགས། །
དེ་བཞིན་གཤེགས་པ་འཇིག་རྟེན་བསོད་ནམས་ཞིང་། །མིག་བཟང་བདག་པོ་ལྟོ་འཕྱེ་ཆེན་པོས་མཐོང་། །སེམས་ཅན་ཀུན་གྱི་སྡུག་བསྔལ་འཇིགས་པ་རྣམས། །ཇི་སྙེད་དེ་དག་རྒྱལ་བས་ཀུན་ནས་སྐྱབས། །
རྒྱལ་བ་ཆོས་དབྱིངས་ནམཁའ་ལྟ་བུ་སྟེ། །དེ་ནི་སྒྲོན་མ་སྐྱབས་ཀྱི་སྤྱོད་ཡུལ་ལོ། །སངས་རྒྱས་བ་སྤུ་རེ་རེའི་ཡོན་ཏན་ཡང་། །འཇིག་རྟེན་ཀུན་གྱིས་ཤེས་པར་མི་ནུས་ཏེ། །མགོན་པོ་རྣམས་ནི་མྀ་ཟད་ནམཁའ་
བཞིན། །འདི་ནི་ཤུགས་ཀྱི་རྒྱལ་མཚན་རྣམ་པར་མཐོང་། །ཐམས་ཅད་ཆོས་དང་སྟོབས་ཀྱི་མཐར་ཕྱིན་པས། །སངས་རྒྱས་རི་བོ་ལྟ་བུར་བསྐྱོད་མི་ནུས། །དེ་ཡི་ཆོས་ཉིད་རྒྱལ་བས་རབ་ཏུ་མཛེས། །སེང་གེའི་
ཕུག་པ་དཔལ་ནི་འདི་ལ་འཇུག །རྒྱལ་བ་རྣམས་ཀྱིས་རྣམ་ཐར་ལ་དགའ་བ། །བསྐལ་པ་སྔ་ཚེ་རྒྱ་ཆེ་སྤེལ་བས་ན། །དེ་ཕྱིར་འགྲོ་བ་ཀུན་བལྟས་ཡིད་དུ་འོང་། །སྣ་ཚོགས་སྒྲ་དབྱངས་རྣམ་ཐར་འདི་ལ་འཇུག །
རྒྱལ་བའི་ཕ་རོལ་ཕྱིན་པ་རྒྱ་མཚོ་རྣམས། །ཡོངས་བསྐང་ཆོས་དབྱིངས་སྐུ་དང་སྤྱོད་ཡུལ་མེད། །འཇིག་རྟེན་ཐམས་ཅད་སྐྱབས་གྱུར་སྒྲོན་མ་སྟེ། །རིགས་རབ་བུ་ནི་ཚུལ་བཟང་འདི་ལ་འཇུག །དེ་ལ་ནམཁའ་
ལྡིང་གི་དབང་པོ་མཐུ་སྟོབས་ཆེན་པོའི་ཤུགས་ཀྱིས་རྣམ་པར་ཐར་པ་ནི། ཐོགས་པ་མེད་པའི་མིག་ལ་སྒྲིབ་པ་མེད་པས་སེམས་ཅན་གྱི་ཁམས་རྣམ་པར་ལྟ་བ་ཞེས་བྱའོ། །ནམ་མཁའ་ལྡིང་གི་དབང་པོ་མི་

72-1-36a

ཤིགས་པའི་སེམས་རིན་ཆེན་གཙུག་ཕུད་ཀྱི་རྣམ་པར་ཐར་པ་ནི། ཕྱོགས་བཅུའི་སེམས་ཅན་ཡོངས་སུ་སྨིན་པར་བྱ་བས། ཆོས་ཀྱི་དབྱིངས་ལ་རབ་ཏུ་གནས་པ་ཞེས་བྱའོ། །ནམ་མཁའ་ལྡིང་གི་
དབང་པོས་ཤུགས་དྲི་མ་མེད་པའི་དཔལ་གྱི་རྣམ་པར་ཐར་པ་ནི། སྒོ་ཀུན་ནས་བརྩོན་འགྲུས་ཀྱི་ཕ་རོལ་ཏུ་ཕྱིན་པ་རབ་ཏུ་འབྱུང་བ་ཞེས་བྱའོ། །ནམ་མཁའ་ལྡིང་གི་དབང་པོ་ཕྱིར་མི་ལྡོག་པའི་སེམས་ཀྱི་རྒྱན་གྱི་རྣམ་
པར་ཐར་པ་ནི། དེ་བཞིན་གཤེགས་པའི་ཤུགས་ཀྱི་མཐུས་འཇུག་པའི་འོད་ཅེས་བྱའོ། །ནམ་མཁའ་ལྡིང་གི་དབང་པོ་ཆོས་བརྟན་པ་དྲི་མ་མེད་པའི་འོད་ཀྱི་རྣམ་པར་ཐར་པ་ནི། སེམས་ཅན་མཐའ་ཡས་པ་ཡོངས་སུ་
སྨིན་པར་བྱ་བའི་ཡེ་ཤེས་རབ་ཏུ་ཕྱེ་བ་ཞེས་བྱའོ། །ནམ་མཁའ་ལྡིང་གི་དབང་པོ་ཅོད་པན་སྣ་ཚོགས་ཀྱི་དཔལ་གྱི་གཙུག་ཕུད་ཀྱི་རྣམ་པར་ཐར་པ་ནི། སངས་རྒྱས་ཀྱི་གྲོང་ཁྱེར་རབ་ཏུ་བརྒྱན་པ་ཡང་དག་པར་སྟོན་པ་ཞེས་
བྱའོ། །ནམ་མཁའ་ལྡིང་གི་དབང་པོ་བཞིན་དུ་ཁྱབ་པར་སྟོན་པའི་ཤུགས་ཀྱི་རྣམ་པར་ཐར་པ་ནི། སྟོབས་ཀུན་ནས་ཡང་དག་པར་བསྒྲུབ་པས་ཐུབ་པ་མེད་པའི་རྒྱན་ཅེས་བྱའོ། །ནམ་མཁའ་ལྡིང་གི་དབང་པོ་དགེ་བ་
རྒྱ་མཚོ་ཀུན་ནས་ལྟ་བའི་རྣམ་པར་ཐར་པ་ནི། སེམས་ཅན་གྱི་རིས་ཐམས་ཅད་རྣམ་པར་བསྒོམ་པའི་ཚུལ་མངོན་པར་བསྒྲུབ་པ་ཞེས་བྱའོ། །ནམ་མཁའ་ལྡིང་གིས་དབང་པོ་ཀླུའི་སྒྲ་ཡངས་པ་ཀུན་ཏུ་ལྟ་བའི་
དཀྱིལ་འཁོར་གྱི་རྣམ་པར་ཐར་པ་ནི། སེམས་ཅན་མཐའ་ཡས་སྐྱེ་བ་དང་། འཆི་འཕོ་བ་ཤེས་པའི་ཡེ་ཤེས་ལ་ཡང་དག་པར་འཇུག་པ་ཞེས་བྱའོ། །དེ་ནས་ནམ་མཁའ་ལྡིང་གི་དབང་པོ་མཐུ་སྟོབས་ཆེན་པོའི་ཤུགས་
ཀྱི་མཐུས་མདབ་མ་བཟང་པོའི་འཁོར་གྱི་དཀྱིལ་འཁོར་ཐམས་ཅད་ལ་རྣམ་པར་བལྟས་ནས། དེའི་ཚེ་ཚིགས་སུ་བཅད་པ་འདི་དག་སྨྲས་སོ། །ཕྱོགས་བཅུའི་ཞིང་རྣམས་མ་ལུས་དབྱིངས་བཀང་ཞིང་། །འཇིག་རྟེན་

72-1-36b

མགོན་པོ་རྒྱ་ཆེན་སྤྱན་གྱིས་གཟིགས། །སེམས་ཅན་འདུལ་བ་དེ་ལ་ཚད་ཀྱང་མེད། །རང་བྱུང་རྣམ་ཐར་རྒྱ་ཆེན་ཤིན་ཏུ་ཡངས། །འཇིག་རྟེན་མགོན་གྱི་འཕྲུལ་སྟོབས་ཆགས་པ་མེད། །ཕྱོགས་བཅུའི་སྙིང་པོ་བྱང་ཆུབ་
ཀུན་ན་བཞུགས། །རྒྱལ་བའི་མདོ་སྡེ་སྤྲིན་རྣམས་ཐམས་ཅད་ཀྱང་། །རིན་ཆེན་སྣ་ཚོགས་གཙུག་ཕུད་མཁའ་ལྡིང་ཉན། །སྔོན་གྱི་བདེ་བར་གཤེགས་པའི་སྤྱོད་པ་རྣམས། །ཕ་རོལ་ཕྱིན་པ་རྒྱ་ཆེན་བྱང་བ་མཐོང་། །
སངས་རྒྱས་ཀུན་ལ་མཆོད་པ་ཡང་དག་བྱེད། །འདབ་མ་བཟང་པོ་ཤུགས་བཟང་དེ་བརྗོད་དོ། །སྐད་གཅིག་སེམས་ལ་བྱང་ཆུབ་སྤྱོད་མཐའ་ཡས། །ཐམས་ཅད་རྒྱལ་བའི་སྤུ་རྩེ་ཀུན་ན་སྣང་། །རྒྱལ་བའི་སྤྱོད་
ཡུལ་ཚད་མེད་ཅི་འདྲ་བ། །དེ་ནི་རྒྱན་བཟང་ནམ་མཁའ་ལྡིང་གིས་མཐོང་། །རྒྱལ་བའི་སྤྱོད་ཡུལ་ཡངས་པ་བསམ་མི་ཁྱབ། །འགྲོ་བ་ཀུན་གྱིས་བསམ་པར་སླ་བ་མིན། །ཡེ་ཤེས་ཡོན་ཏན་རྒྱ་མཚོ་འཇིག་རྟེན་
མགོན། །རྣམ་ཐར་འདི་ནི་མཁའ་ལྡིང་འགྲོ་འཛིན་གྱི། །དེ་བཞིན་གཤེགས་པའི་ཡེ་ཤེས་མཐའ་ཡས་འོད། །འགྲོ་བ་གཏི་མུག་དྲ་བ་མ་ལུས་སེལ། །རྒྱལ་བའི་
འཇིག་རྟེན་ཐམས་ཅད་ཀུན་གྱི་མགོན། །དེ་འདྲ་ཆོས་བརྟན་འཛིན་པ་འདབ་བཟང་སྟོན། །ཆོས་ཀྱི་གྲོང་ཁྱེར་མི་ཟད་ཐམས་ཅད་ནས། །སངས་རྒྱས་རྒྱ་ཆེན་འཇིག་རྟེན་ཀུན་ཏུ་སྟོན། །མཐའ་ཡས་ཆོས་ཀྱི་
སྒོ་མོ་དུ་མ་ནས། །འདབ་བཟངས་སྣ་ཚོགས་གཙུག་ཕུད་འདི་ལ་འཇུག །ཐམས་ཅད་སྟོབས་ལ་རང་བྱུང་རབ་ཏུ་ཞུགས། །རྒྱལ་བ་ཀུན་དང་སྐུ་གཅིག་ཆོས་ཀྱི་སྐུ། །དེ་བཞིན་ཉིད་དངོས་རྣམ་པར་རྟོག་མི་
མངའ། །ཀུན་ཏུ་རྒྱུ་བའི་འདབ་བཟང་འདི་བརྗོད་དོ། །རྒྱལ་བའི་འོད་ཟེར་འཇིག་རྟེན་ཀུན་བཀྱེ་བ། །སྣ་ཚོགས་ཐབས་ཀྱིས་སེམས་ཅན་ཁམས་ཀྱང་འདུལ། །སྲིད་པ་སྔ་ཚེ་བསྡུས་པ་རྣམ་པར་སྤྱོད། །

72-1-37a

རྣམ་ཐར་འདི་ནི་མིག་བཟང་དམ་པའོ། །དྲི་མེད་རྒྱ་མཚོའི་ལས་ལ་གནས་པ་ཡིས། །ཞིང་གི་དབྱིངས་རྣམས་མ་ལུས་སངས་རྒྱས་གཟིགས། །དེ་དག་ཀུན་ཏུ་རྒྱལ་བ་ཆོས་ཆར་འབེབས། །རྒྱ་མཚོ་
རྒྱུ་བའི་མཁའ་ལྡིང་འདི་ལྟ་ལྟེ། །དེ་ལ་ལྷ་མ་ཡིན་གྱི་དབང་པོ་སྒྲ་གཅན་གྱི་རྣམ་པར་ཐར་པ་ནི། དབང་པོ་ཆེན་པོས་ཤིན་ཏུ་འཕགས་ཤིང་ཟིལ་གྱིས་མི་ནོན་པ་ཞེས་བྱའོ། །ལྷ་མ་ཡིན་གྱི་དབང་པོ་ཐག་ཟངས་རིས་ཀྱི་
རྣམ་པར་ཐར་པ་ནི། སྒོ་ཀུན་ནས་བྱིན་གྱིས་རློབས་པ་རྣམ་པར་གཞོག་པ་རབ་ཏུ་འབྱུང་བ་ཞེས་བྱའོ། །ལྷ་མ་ཡིན་གྱི་དབང་པོ་བདེ་བའི་མཆོག་གི་རྣམ་པར་ཐར་པ་ནི། འགྲོ་བ་ཐམས་ཅད་ཀྱི་སྡུག་བསྔལ་ཞི་བར་
བྱེད་པ་རྡུལ་མེད་པ་ཞེས་བྱའོ། །ལྷ་མ་ཡིན་གྱི་དབང་པོ་མཚོན་ཆ་ཆེན་པོའི་རྣམ་པར་ཐར་པ་ནི། བརྟུལ་ཞུགས་དང་དཀའ་ཐུབ་ཐམས་ཅད་ལ་གནས་པའི་རྒྱན་ཅེས་བྱའོ། །ལྷ་མ་ཡིན་གྱི་དབང་པོ་སྟོབས་ཅན་
གྱི་རྣམ་པར་ཐར་པ་ནི། ཕྱོགས་བཅུ་རབ་ཏུ་བསྐུལ་བའི་ཡུལ་མཐའ་ཡས་པ་ཞེས་བྱའོ། །ལྷ་མ་ཡིན་གྱི་དབང་པོ་རྣམ་པར་སྣང་བའི་རྣམ་པར་ཐར་པ་ནི། འཇིག་རྟེན་ཐམས་ཅད་རབ་ཏུ་དགོད་པའི་སྦྱོར་བ་
རྣམ་པ་སྣ་ཚོགས་ཤེས་བྱའོ། །ལྷ་མ་ཡིན་གྱི་དབང་པོ་རྡོ་རྗེ་སྲ་བ་སྣ་ཚོགས་ཀྱི་ཡན་ལག་གི་རྣམ་པར་ཐར་པ་ནི་དགེ་བའི་རྩ་བ་ཆགས་པ་ཐམས་ཅད་ཀྱིས་མི་ཤིགས་པའི་དཀྱིལ་འཁོར་ཡོངས་སུ་སྦྱོང་བ་ལ་
ཡང་དག་པར་འཇུག་པ་ཞེས་བྱའོ། །ལྷ་མ་ཡིན་གྱི་དབང་པོ་སྟོབས་རྒྱ་ཆེན་པོའི་རྒྱུའི་བློ་གྲོས་ཀྱི་རྣམ་པར་ཐར་པ་ནི། སྙིང་རྗེ་ཆེན་པོ་མངོན་དུ་བྱ་བའི་སྟོབས་ལ་གཏི་མུག་མེད་པ་ཞེས་བྱའོ། །ལྷ་མ་ཡིན་གྱི་
དབང་པོ་དཔལ་གྱི་བེའུ་འབྱུང་བའི་རྣམ་པར་ཐར་པ་ནི། དགེ་བའི་རྩ་བ་ཐམས་ཅད་ཀྱི་དཀྱིལ་འཁོར་རྣམ་པར་སྦྱོང་ཞིང་སངས་རྒྱས་མཉེས་པར་བྱེད་པ་ཞེས་བྱའོ། །ལྷ་མ་ཡིན་གྱི་དབང་པོ་བརྟུལ་ཞུགས་བཟང་པོའི་

72-1-37b

དབྱངས་ཀྱི་རྣམ་པར་ཐར་པ་ནི། འགྲོ་བ་ཐམས་ཅད་ཀྱི་འཁོར་ལོ་ཡང་དག་པར་འཇུག་ཅིང་གཏི་མུག་མེད་པ་ལ་ཡང་དག་པར་འཇུག་པ་ཞེས་བྱའོ། །དེ་ནས་ལྷ་མ་ཡིན་གྱི་དབང་པོ་སྒྲ་གཅན་གྱིས་སངས་རྒྱས་
ཀྱི་མཐུས། ལྷ་མ་ཡིན་གྱི་འཁོར་གྱི་དཀྱིལ་འཁོར་ཐམས་ཅད་ལ་རྣམ་པར་བལྟས་ཏེ། དེའི་ཚེ་ཚིགས་སུ་བཅད་པ་འདི་དག་སྨྲས་སོ། །ཕྱོགས་རྣམས་རྒྱ་ཆེ་དེ་དག་ཐམས་ཅད་དུ། །རྒྱལ་བ་ཟིལ་གྱིས་འབྱམ་ཀླས་
འཁོར་ཀྱང་གནོན། །ནམ་མཁའི་མཚན་ཉིད་ཀུན་ཏུ་འོད་འཕྲོ་སྟེ། །ཐམས་ཅད་སྒོ་ནས་འགྲོ་བར་མངོན་པར་མཛད། །སྐད་གཅིག་སེམས་ཀྱིས་བསྐལ་པ་བརྒྱ་མང་གི། སངས་རྒྱས་ཡུལ་རྣམས་མ་ལུས་
ཐམས་ཅད་སྟོན། །འདུལ་བ་ཀུན་ལ་འོད་རྣམས་རབ་ཏུ་འགྱེད། །རྣམ་ཐར་དེ་ནི་ཐག་ཟངས་རིས་ཀྱིས་མཐོང་། །སངས་རྒྱས་སྤྱོད་ཡུལ་གཞལ་མེད་བདག་གིས་མཐོང་། །སྣ་ཚོགས་སྒོ་ནས་སེམས་ཅན་དོན་
ཀྱང་མཛད། །སྡུག་བསྔལ་ཐམས་ཅད་བདེ་གཤེགས་ཞིར་མཛད་དེ། །རྣམ་ཐར་འདི་ལ་བདེ་བའི་མཆོག་འཇུག་གོ། །འགྲོ་བའི་དོན་དུ་བརྟུལ་ཞུགས་དཀའ་ཐུབ་རྣམས། །དགེ་བ་རྒྱལ་བས་བསྐལ་པ་བརྒྱར་
སྤྱད་དེ། །དེ་ཕྱིར་རྒྱལ་བའི་ཡེ་ཤེས་ཀུན་ཏུ་སྒོ། །དྲ་བ་བཟང་པོ་སངས་རྒྱས་འདི་ལྟར་བརྗོད། །ཞིང་དབྱིངས་ཐམས་ཅད་རྒྱལ་བ་གཡོ་བར་མཛད། །འཇིགས་པ་མི་སྟོན་སྐྲག་པ་ཡོད་པ་མིན། །
བདེ་གཤེགས་རྫུ་འཕྲུལ་ཆགས་མེད་གཞལ་དུ་མེད། །ལྷ་མིན་དབང་པོ་སྟོབས་ཅན་དེ་ལྟར་སྟོན། །སངས་རྒྱས་སྐྱེ་བ་བདེ་བར་འབྱུང་བ་རྣམས། །འགྲོ་བ་ཀུན་གྱི་སྡུག་བསྔལ་ཞི་བར་མཛད། །ཐམས་ཅད་
མཁྱེན་གྱི་ཡེ་ཤེས་ཕྱོགས་ཀྱང་སྟོན། །རྣམ་པར་སྣང་བ་འདི་ནི་རབ་ཏུ་བརྗོད། །འགྲོ་བའི་བསོད་ནམས་རྒྱ་ཆེན་དགེ་བ་དག །རྒྱལ་བའི་བསོད་ནམས་རྒྱ་ཆེན་དགེ་བ་དག །རྒྱལ་བའི་མཐུ་ཡིས་དེ་དག་བྱུང་བ་སྟེ། །

72-1-38a

ཐར་པའི་ཕྱོགས་ཀྱི་ལམ་ཡང་རྒྱལ་བ་སྟོན། །ཆོས་དཔལ་འདི་མཐོང་འདི་ལ་རབ་ཏུ་འཇུག །བདེ་གཤེགས་ཐུགས་རྗེ་སྐུ་ནི་མཉམ་པ་མེད། །ཆགས་མེད་སྤྱོད་པ་ཐམས་ཅད་ཀུན་ཏུ་སྣང་། །
འགྲོ་བ་ཐམས་ཅད་མིག་ཡོར་མཚན་ཉིད་དེ། །རྒྱུ་ཡི་བློ་གྲོས་སངས་རྒྱས་ཡོན་ཏན་བརྗོད། །སངས་རྒྱས་ཡུལ་ནི་ངོ་མཚར་མཉམ་པ་མྱོང་། །སངས་རྒྱས་རྫུ་འཕྲུལ་ཆོས་ཀྱི་དབྱིངས་ཀྱི་ཀློང་། །བྱང་ཆུབ་ཤིང་དྲུང་ཀུན་
ན་རབ་ཏུ་བཞུགས། །དཔལ་གྱི་བེའུ་ལྷ་མིན་བདག་པོས་མཐོང་། །འགྲོ་བ་ཀུན་གྱི་འཁོར་ལོ་དབྱིངས་དག་དུ། །སྔོན་ཅད་བདེ་གཤེགས་སྤྱད་པ་སྤྱོད་པའི་ཚེ། །འགྲོ་བའི་སྡུག་བསྔལ་མ་ལུས་རབ་ཏུ་བགྲོལ། 
དེ་ལྟར་ལྷ་མིན་སྒྲ་དབྱངས་རབ་ཏུ་བརྗོད། །དེ་ལ་ཉིན་མོའི་ལྷ་ཁྱིམ་དང་གཞལ་མེད་ཁང་གི་གཟུགས་ཤིན་ཏུ་སྟོན་པའི་རྣམ་པར་ཐར་པ་ནི། འགྲོ་བ་ཐམས་ཅད་ཀྱི་རྒྱུད་ལ་ཡང་དག་པར་འཇུག་པ་ཞེས་བྱའོ། །ཉིན་མོའི་
ལྷ་བརྩམ་པའི་བློ་གྲོས་མཚམས་སྦྱོར་བའི་དཀྱིལ་འཁོར་གྱི་རྣམ་པར་ཐར་པ་ནི། སེམས་ཅན་གྱི་དོན་ཐམས་ཅད་ཡོངས་སུ་རྒྱས་པར་བྱས་པས། ཤིན་ཏུ་ཚིམ་པར་བྱ་བ་ལ་རྣམ་པར་དཔྱོད་པ་ཞེས་བྱའོ། །
ཉི་མོའི་ལྷ་ཀུན་ནས་དགའ་བའི་དཔལ་གྱི་རྒྱན་གྱི་རྣམ་པར་ཐར་པ་ནི། དགའ་བ་དང་མགུ་བ་མཐའ་ཡས་པའི་ཆོས་ཀྱི་སྣང་བ་ཞེས་བྱའོ། །ཉིན་མོའི་ལྷ་མེ་ཏོག་དང་སྤོས་ཡིད་དུ་འོང་བའི་རྣམ་པར་ཐར་པ་ནི། 
སེམས་ཅན་མཐའ་ཡས་པའི་མོས་པ་ཡང་དག་པར་རྒྱས་པ་ལ་རྣམ་པར་ལྟ་བ་ཞེས་བྱའོ། །ཉིན་མོའི་ལྷ་ཀུན་ནས་ཡིད་དུ་འོང་བའི་སྨན་སྟོན་པ་སྒྲུབ་པའི་དཔལ་གྱི་རྣམ་པར་ཐར་པ་ནི། ཀུན་ཏུ་འོད་ཀྱི་སྟོབས་
ཡང་དག་པར་བསྒྲུབ་པ་རྣམ་པར་སྟོན་པའི་རྒྱན་ཅེས་བྱའོ། །ཉིན་མོའི་ལྷ་ལྷག་པའི་མིག་བཟང་པོས་ཚིམ་པར་བྱེད་པའི་རྣམ་པར་ཐར་པ་ནི། འགྲོ་བ་ཐམས་ཅད་ཀྱི་བདེ་བ་དང་། སྡུག་བསྔལ་ཆོས་ཀྱི་དགའ་བས་

72-1-38b

སྣང་བར་བྱེད་པ་ཞེས་བྱའོ། །ཉིན་མོའི་ལྷ་ཚུལ་རྒྱ་ཆེན་པོའི་ཕྱོགས་ཀུན་ནས་བྱུང་བའི་དཔལ་གྱི་རྣམ་པར་ཐར་པ་ནི། ཆོས་ཀྱི་དབྱིངས་ཀྱི་ཕྱོགས་ཐ་མི་དད་པའི་སྙིང་པོ་ཞེས་བྱའོ། །ཉིན་མོའི་ལྷ་སྙིང་རྗེ་རྒྱ་ཆེན་པོའི་
གཟི་བརྗིད་འོད་ཀྱི་རྣམ་པར་ཐར་པ་ནི། སེམས་ཅན་ཐམས་ཅད་ལ་བདེ་བ་ཡང་དག་པར་སྟོན་ཅིང་སྐྱོབ་པའི་སྟོབས་ལ་ཤིན་ཏུ་བརྩོན་པ་ཞེས་བྱའོ། །ཉིན་མོའི་ལྷ་སྣང་བ་རྒྱ་ཆེན་པོའི་དགེ་བའི་རྩ་བ་དང་མི་འབྲལ་བའི་
འོད་ཀྱི་རྣམ་པར་ཐར་པ་ནི། མཉམ་པ་ཉིད་ཀྱིས་དགའ་བའི་ཡོན་ཏན་ཀུན་ནས་རབ་ཏུ་འབྱུང་བ་ཞེས་བྱའོ། །ཉིན་མོའི་ལྷ་མེ་ཏོག་གི་ཕྲེང་བ་ཀུན་ནས་འཕྱང་བའི་དཔལ་གྱི་རྣམ་པར་ཐར་པ་ནི། འགྲོ་བས་མཐོང་ན་དོན་ཡོད་
པའི་གྲགས་པའི་དཀྱིལ་འཁོར་ཅེས་བྱའོ། །དེ་ནས་ཉིན་མོའི་ལྷ་ཁྱིམ་དང་གཞལ་མེད་ཁང་གི་གཟུགས་ཤིན་ཏུ་སྟོན་པས་སངས་རྒྱས་ཀྱི་མཐུས་ཉིན་མོའི་ལྷའི་འཁོར་གྱི་དཀྱིལ་འཁོར་ཐམས་ཅད་ལ་བལྟས་ནས། 
དེའི་ཚེ་ཚིགས་སུ་བཅད་པ་འདི་དག་སྨྲས་སོ། །སེམས་ཅན་ཀུན་གྱི་སྤྱོད་པ་རྒྱལ་བས་མཁྱེན། །རྒྱལ་བས་དུས་གསུམ་མཉམ་པ་ཉིད་ལ་བཞུགས། །རྒྱལ་བའི་ཡེ་ཤེས་མི་ཟད་ནམ་མཁའ་བཞིན། །
རྒྱལ་བའི་འོད་ཀྱིས་ཕྱོགས་རྒྱས་ཤིན་ཏུ་སྣང་། །འགྲོ་བ་ཀུན་གྱི་བསམ་པ་ཐུགས་སུ་ཆུད། །དོན་གྱི་ཚིགས་རྣམས་གཞན་དང་གཞན་དག་ཀྱང་། །རྣམ་ཕྱེ་རྒྱ་ཆེན་ཚིག་གིས་རྒྱལ་བ་གསུངས། །ཕུན་
སུམ་ཚོགས་པའི་བློ་གྲོས་ལྷ་ཡིས་མཐོང་། །རྒྱལ་བའི་འོད་ཀྱིས་སེམས་ཅན་ཀུན་དགའ་སྟེ། །རྒྱལ་བ་མཐོང་ཐོས་དོན་ཏུ་འགྱུར་བ་ཡིན། །གོ་འཕང་དམ་པ་རྒྱ་ཆེན་ཞི་བ་སྟོན། །དཔལ་གྱི་འོད་ནི་དེ་ཡིས་རབ་ཏུ་
དགའ། །སངས་རྒྱས་མཐོང་བ་འགྲོ་བ་རྒྱ་ཆེན་གྱི། །དགའ་བ་ཚད་མེད་དགེ་ཆོས་ཀུན་ཀྱང་འབྱུང་། །ཆོས་སྤྲིན་གཞལ་མེད་རྒྱལ་བ་ཆར་འབེབས་ཏེ། །དེ་ལ་མེ་ཏོག་རྒྱན་པའི་ལྷ་དགའ་བོ། །ཆོས་ཀྱི་དཀྱིལ་

72-1-39a

འཁོར་སྟོབས་ལ་འཇུག་པ་རྣམས། །སེམས་ཅན་བསྡུ་བའི་སྒོ་ལ་རྣམ་དཔྱོད་ཅིང་། །རབ་ཡངས་སྤྱད་པ་སྤྱོད་ཚེ་རྒྱལ་བས་སྦྱངས། །འདི་ནི་ཡིད་འོང་འབྱུང་བའི་ལྷ་མཐོང་ངོ་། །རྒྱལ་བ་མཐོང་ཞིང་ཐོས་
པ་དོན་མེད་མིན། །དགའ་དང་བདེ་བ་སྤྲོ་བ་ཡངས་པ་སྐྱེད། །འབྱམ་ཀླས་ཐབས་རྣམས་ཀུན་གྱིས་སེམས་ཅན་འདུལ། །དེས་ནི་མིག་བཟང་དེའི་དགའ་བསྐྱེད་བྱེད། །ཆོས་དབྱིངས་འབྱམ་ཀླས་ཕྱོགས་སུ་རབ་
ཏུ་འཇུག །འགྲོ་བར་སྟོབས་བཅུས་མ་ལུས་བསྟན་མཛད་དེ། །བདེ་གཤེགས་དངོས་ཡོད་མ་ཡིན་དངོས་མེད་མིན། །འཕགས་པའི་དཔལ་གྱི་ཉིན་མོའི་ལྷ་ཡིས་མཐོང་། །སེམས་ཅན་མི་བདེ་ཐིབས་པོར་
ནུབ་པ་རྣམས། །གཟིགས་ནས་རྒྱལ་བ་འཇིག་རྟེན་མཆོད་པ་མཛད། །སྡུག་བསྔལ་རྒྱུ་རྣམས་ཐམས་ཅད་རྒྱལ་བས་བསྩལ། །འདི་ལ་སྙིང་རྗེ་གཟི་བརྗིད་ལྷ་འཇུག་གོ། །འགྲོ་བ་འདི་དག་ཉོན་མོངས་ལས་
བསྒྲིབས་པར། །དགའ་བ་འབྱུང་བའི་བདེ་བ་རྒྱལ་བས་གསུང་། །ཆོས་ཀྱི་དགའ་བ་རབ་ཀྱིས་སྡུག་བསྔལ་འཇིག །བསོད་ནམས་ཤུགས་ནི་རྣམ་ཐར་འདི་ལ་འཇུག །མཁའ་འདྲ་རྒྱལ་བའི་བསོད་
ནམས་དཀྱིལ་འཁོར་རྣམས། །འཇིག་རྟེན་དགེ་བས་གཙོ་བོ་མཆོག་བྱུང་སྟེ། །ཆོས་རྣམས་ཀུན་ལ་བདེ་གཤེགས་འཁྲུལ་མི་མངའ། །མེ་ཏོག་ཕྲེང་གི་རྣམ་ཐར་འདི་ཡིན་ནོ། །དེ་ལ་མཚན་མོའི་ལྷ་དཔལ་དྲི་མ་མེད་
ཅིང་ཀུན་ནས་ཟབ་པའི་འོད་ཀྱི་རྣམ་པར་ཐར་པ་ནི། བསམ་གཏན་རབ་ཏུ་ཞི་བའི་བདེ་བ་ཀུན་ནས་རྣམ་པར་གནོན་པ་ཞེས་བྱའོ། །མཚན་མོའི་ལྷ་ཀུན་ནས་སྐྱབ་པའི་མདངས་ཀྱི་དཔལ་གྱི་རྣམ་པར་ཐར་པ་ནི། སྣང་
བ་འཇིག་རྟེན་ཐམས་ཅད་ལ་མངོན་ཏུ་ལྟ་ཞིང་འགྲོ་བ་འདུལ་བ་སྟོན་པ་ཞེས་བྱའོ། །མཚན་མོའི་ལྷ་རབ་ཏུ་དགའ་བའི་མིག་གིས་འགྲོ་བ་ལ་རྣམ་པར་ལྟ་བའི་རྣམ་པར་ཐར་པ་ནི། ཀུན་ནས་དགའ་བ་རྒྱ་ཆེན་པོ་

72-1-39b

དྲི་མ་མེད་པའི་མཚན་ཉིད་ཞེས་བྱའོ། །མཚན་མོའི་ལྷ་སྒྲས་ཞི་བ་རྒྱ་མཚོ་དང་ལྡན་པའི་རྣམ་པར་ཐར་པ་ནི། དགའ་བ་ཡངས་པ་འབྱུང་བའི་སེམས་ཀྱི་མཚན་ཉིད་ཀྱི་རྒྱན་ཅེས་བྱའོ། །མཚན་མོའི་ལྷ་
མཚན་མོ་ཐམས་ཅད་འབྱུང་བའི་དཔལ་གྱི་རྣམ་པར་ཐར་པ་ནི། ཡིད་དུ་འོང་བའི་སྒྲ་ཟབ་མོས་རྣམ་པར་འཕྲུལ་པ་ལ་འཇུག་པ་ཞེས་བྱའོ། །མཚན་མོའི་ལྷ་ཤིང་ཐམས་ཅད་རབ་ཏུ་རྒྱལ་པར་བྱེད་པའི་འོད་ཀྱི་རྣམ་པར་
ཐར་པ་ནི། དགའ་བ་དང་སྨོན་ལམ་དང་མོས་པ་རྒྱ་ཆེན་པོའི་འོད་ཅེས་བྱའོ། །མཚན་མོའི་ལྷ་ཀུན་ནས་སྐྱོང་ཞིང་སྲུང་བའི་དཔལ་གྱི། རྣམ་པར་ཐར་པ་ནི། །སེམས་ཅན་ཐམས་ཅད་ཡོངས་སུ་སྨིན་པར་བྱ་བའི་དགེ་
བའི་རྩ་བ་ཡང་དག་པར་བརྗོད་པ་ཞེས་བྱའོ། །མཚན་མོའི་ལྷ་དགེ་བའི་ཐམས་ཅད་ཀྱི་དགའ་བར་རྩེ་བ་ལ་དབང་སྒྱུར་བའི་རྣམ་པར་ཐར་པ་ནི། བྱམས་པ་མཐའ་ཡས་པ་འགྲོ་བ་ཡོངས་སུ་སྐྱོབ་པ་ཞེས་བྱའོ། །མཚན་མོའི་
ལྷ་མདུད་པར་འཛིན་པ་ཐམས་ཅད་ཞི་བར་བྱ་བས་དབང་པོ་རབ་ཏུ་དགའ་བའི་རྣམ་པར་ཐར་པ་ནི། སྙིང་རྗེའི་སྒོ་ནས་ཆར་འབེབས་པའི་རྒྱན་ཅེས་བྱའོ། །མཚན་མོའི་ལྷ་དགེ་བའི་བསོད་ནམས་འབྱུང་བའི་དཔལ་སྟོན་པའི་རྣམ་པར་
ཐར་པ་ནི། འགྲོ་བ་ཐམས་ཅད་ཀྱི་བསམ་པ་ཡོངས་སུ་ཚིམ་པར་བྱ་བས་ཀུན་ཏུ་རྒྱས་པར་འགེང་པ་ཞེས་བྱའོ། །དེ་ནས་མཚན་མོའི་ལྷ་དཔལ་དྲི་མ་མེད་ཅིང་ཀུན་ནས་ཟབ་པའི་འོད་ཀྱིས། སངས་རྒྱས་ཀྱི་བྱིན་གྱིས་རླབ་
ཀྱིས་མཚན་མོའི་ལྷའི་འཁོར་གྱི་དཀྱིལ་འཁོར་ཐམས་ཅད་ལ་རྣམ་པར་བལྟས་ཏེ། དེའི་ཚེ་ཚིགས་སུ་བཅད་པ་འདི་དག་སྨྲས་སོ། །སངས་རྒྱས་སྤྱོད་ཡུལ་ཤིན་ཏུ་ཡངས་ལ་ལྟས། །སྟོང་པ་ཞི་བ་ནམ་མཁའི་མཚན་ཉིད་
དེ། །དགའ་བ་རྒྱ་མཚོ་རྣམ་པར་སྦྱང་བྱས་ཤིང་། །རྒྱལ་བ་དྲི་མེད་ཕྱོགས་སུ་རྣམ་པར་མཛེས། །ཐུབ་པ་འཇིག་རྟེན་ཀུན་ལྟ་དགའ་བ་སྟེ། །བསྐལ་པ་རྒྱ་མཚོ་དག་ན་བར་འགའ་སྣང་། །ཐུགས་རྗེ་ཀུན་ཏུ་རྒྱས་བྱས་

72-1-40a

མགོན་པོ་བྱུང་། །འགྲོ་བ་ལྟ་བ་ལྷ་ཡིས་འདི་མཐོང་ངོ་། །འདྲེན་པ་འགྲོ་བའི་སྐྱབས་སུ་གྱུར་པ་སྟེ། །འགྲོ་བ་དག་ན་མངོན་ཏུ་ཀུན་ན་སྣང་། །ལམ་གྱི་རྒྱུད་རྣམས་ཐམས་ཅད་རྣམ་པར་སྦྱོང་། །སྐྱོབ་
པའི་མདངས་ཀྱི་དཔལ་ནི་འདི་ལ་སེམས། །དགའ་བ་རྒྱ་མཚོ་བསམ་གྱིས་མི་ཁྱབ་པ། །རབ་ཏུ་ཡངས་པ་སྔན་ཅད་བསྒོམས་པས་ན། །དེ་ཕྱིར་རྒྱལ་བ་འཇིག་རྟེན་ལྟ་ན་མཛེས། །ཞིང་དབྱངས་མཚན་མོའི་ལྷས་ནི་
འདི་མཐོང་ངོ་། །སངས་རྒྱས་སྤྱོད་ཡུལ་བསམ་གྱིས་མི་ཁྱབ་སྟེ། །ཕྱོགས་རྣམས་བཀང་ཞིང་ཞི་བའི་འབྲུག་སྒྲ་སྒྲོག །སེམས་ཅན་བསམ་པ་རྒྱ་ཆེན་རྣམ་པར་སྦྱོང་། །མཚན་མོ་འབྱུང་བའི་དཔལ་ནི་འདི་ལ་དགའ། །
དེ་བཞིན་གཤེགས་པའི་འགྲོ་བའི་བསོད་ནམས་སྐྱེད། །བསོད་ནམས་དཀྱིལ་འཁོར་རྣམ་པར་ཡང་པ་སྟོན། །དྲི་མེད་ཞི་བའི་ས་ཡང་སྟོན་མཛད་དེ། །འདི་ལ་རྒྱས་པའི་འོད་ནི་རབ་ཏུ་འཇུག །སངས་རྒྱས་འཕྲུལ་གྱི་
ཕྱོགས་རྣམས་རབ་བཀང་སྟེ། །སེམས་ཅན་ཐམས་ཅད་རྣམ་པར་འདུལ་བ་སྟོན། །ཐམས་ཅད་གཟུགས་སུ་སངས་རྒྱས་འཇིག་རྟེན་སྣང་། །མཚན་མོའི་ལྷ་ནི་དཔལ་གྱིས་འདི་མཐོང་ངོ་། །འདྲེན་པས་སེམས་ཀྱི་
སྐད་གཅིག་ཀུན་ན་སྣང་། །བྱམས་པ་རྒྱ་མཚོའི་ཚུལ་རྣམས་རྣམ་སྦྱངས་སྟེ། །འཇིག་རྟེན་ཐམས་ཅད་མ་ལུས་རྒྱས་པར་མཛད། །བསོད་ནམས་རྩེ་བ་མཚན་མོའི་ལྷས་མཐོང་ངོ་། །སེམས་ཅན་གཏི་མུག་
ཐིབས་པོས་འཁྲུགས་པ་དང་། །གཏུམ་སེམས་མཁོན་འཛིན་དམ་པོས་བསྒྲིབས་གཟིགས་ཤིང་། །ཐུགས་རྗེ་བསྐྱེད་ནས་རྒྱལ་བ་འབྱུང་བར་གྱུར། །འཁོན་འཛིན་ཞི་བ་མཚན་མོའི་ལྷ་དགའོ། །སེམས་
ཅན་ཀུན་གྱི་བསམ་པ་རྫོགས་བྱས་ཤིང་། །མགོན་པོ་སྔན་ཅད་སྤྱོད་པ་སྤྱད་པས་ན། །དེ་ཕྱིར་རྒྱལ་བ་ཡོན་ཏན་མཚན་རྒྱས་སོ། །བསོད་ནམས་བལྟ་བའི་བདག་པོའི་སྤྱོད་ཡུལ་ཡིན། །དེ་ལ་ཕྱོགས་ཀྱི་ལྷ་ཕྱོགས་

72-1-40b

ཀྱི་དབྱིངས་ན་རབ་ཏུ་གནས་ཤིང་ཀུན་ཏུ་རྒྱས་པར་འགེངས་པའི་རྣམ་པར་ཐར་པ་ནི། ཀུན་ཏུ་སྐྱོབ་པས་འགྲོ་བའི་རྒྱན་བྱེད་པ་ཞེས་བྱའོ། །ཕྱོགས་ཀྱི་ལྷ་མཉམ་པ་ཉིད་ལ་མངོན་དུ་ལྟ་བའི་རྣམ་པར་ཐར་པ་ནི། དགོས་པ་
ཐམས་ཅད་དང་རྫུ་འཕྲུལ་གྱི་ཚོགས་ཀྱི་འོད་ཅེས་བྱའོ། །ཕྱོགས་ཀྱི་ལྷ་སྣང་བ་སྤྱོད་པའི་རྒྱན་གྱི་རྣམ་པར་ཐར་པ་ནི། ཆགས་པའི་མུན་པ་ཐམས་ཅད་རྣམ་པར་སེལ་བའི་སྣང་བས་དགའ་བ་དང་བདེ་བ་འབྱུང་བ་ཞེས་བྱའོ། །
ཕྱོགས་ཀྱི་ལྷ་རྨོངས་པ་མེད་པའི་གཙུག་ཡོངས་སུ་འགྲུབ་པའི་རྣམ་པར་ཐར་པ་ནི། འགྲོ་བ་ཐམས་ཅད་མིང་གི་ཕྱོགས་ཀྱི་འཁོར་ལོ་ལ་རྣམ་པར་ལྟ་བའི་འོད་ཅེས་བྱའོ། །ཕྱོགས་ཀྱི་ལྷ་ནམཁའི་རྒྱུད་ཀུན་ཏུ་སྤྱོད་
པའི་རྣམ་པར་ཐར་པ་ནི། སྒྲ་དབྱངས་ཡིད་དུ་འོངས་པ་ཐམས་ཅད་མྱོང་བར་བྱེད་པས་དགའ་བ་རྣམ་པར་བསྒོམས་པ་ཞེས་བྱའོ། །ཕྱོགས་ཀྱི་ལྷ་རྣམ་པར་དཔྱོད་པའི་སྤྲིན་རྒྱ་ཆེན་པོའི་རྒྱལ་མཚན་གྱི་རྣམ་པར་ཐར་པ་ནི། 
ཀླུའི་སྤྲིན་འབྱུང་བ་དགའ་བ་སྦྱོར་བ་ཞེས་བྱའོ། །ཕྱོགས་ཀྱི་ལྷ་མིག་ཐ་དད་པ་མེད་པའི་གཙུག་པུད་ཀྱི་རྣམ་པར་ཐར་པ་ནི། འགྲོ་བ་ཐམས་ཅད་ཀྱི་ལས་ཐ་དད་པ་མེད་པ་ལ་ཡང་དག་པར་ལྟ་བའི་བདག་པོའི་རྒྱན་
ཅེས་བྱའོ། །ཕྱོགས་ཀྱི་ལྷ་འཇིག་རྟེན་གྱི་བྱ་བ་ཀུན་ནས་སྤྱོད་པའི་རྣམ་པར་ཐར་པ་ནི། སྐྱེ་བ་སྣ་ཚོགས་པ་ལས་རྣམ་པ་ཐ་དད་པ་ལ་རྣམ་པར་ལྟ་བ་ཞེས་བྱའོ། །ཕྱོགས་ཀྱི་ལྷ་ཕྱོགས་སུ་རྣམ་པར་ལྟ་བ་
འཕྲེང་བའི་འོད་ཀྱི་རྣམ་པར་ཐར་པ་ནི། སེམས་ཅན་ཐམས་ཅད་ཀྱི་དགོས་པའི་ཕ་རོལ་ཏུ་ཕྱིན་པར་བྱ་བས་རབ་ཏུ་དགའ་བར་བརྩོན་པ་འབྱུང་བ་ཞེས་བྱའོ། །དེ་ནས་ཕྱོགས་ཀྱི་ལྷ་ཕྱོགས་ཀྱི་དབྱིངས་ན་རབ་ཏུ་
གནས་ཅིང་ཀུན་ཏུ་རྒྱས་པར་འགེངས་པས། སངས་རྒྱས་ཀྱི་མཐུས་ཕྱོགས་ཀྱི་ལྷའི་འཁོར་གྱི་དཀྱིལ་འཁོར་ཐམས་ཅད་ལ་རྣམ་པར་བལྟས་ཏེ། དེའི་ཚེ་ཚིགསུ་བཅད་པ་འདི་དག་སྨྲས་སོ། །

72-1-41a

འགྲོ་བ་ཐམས་ཅད་ཡོངས་སུ་སྨིན་བྱའི་ཕྱིར། །སངས་རྒྱས་རང་བྱུང་འཇིག་རྟེན་སྤྱོད་པ་བྱུང་། །ཐམས་ཅད་མཁྱེན་པར་ཡོངས་སུ་སྨིན་བྱའི་ཕྱིར། །ཆོས་ཀྱི་ཕྱོགས་ལ་རབ་ཏུ་འཇུག་པ་སྟོན། །
རྫུ་འཕྲུལ་སྟོབས་ནི་འགྲོ་བ་ཀུན་དང་མཉམ། །རྣམ་པ་དུ་མ་སེམས་ཅན་བསམ་པ་སྟོན། །རྒྱལ་བ་མཐོང་བས་འགྲོ་བའི་སྡུག་བསྔལ་འགྲོལ། །ཀུན་ཏུ་མངོན་པར་ལྟ་བའི་སྤྱོད་ཡུལ་ལོ། །སེམས་ཅན་རྒྱ་མཚོ་
མུན་པས་བསྒྲྀབས་པ་ལ། །སངས་རྒྱས་ཆོས་ཀྱི་སྒྲོན་མ་སྣང་བ་སྟོན། །རྣམ་པར་སྣང་བའི་སངས་རྒྱས་འོད་ཀྱང་མཐོང་། །སྣང་བ་སྤྱོད་པ་རྣམ་ཐར་འདི་ལ་དགའ། །ཆོས་ཀྱི་འཁོར་ལོ་ཐམས་ཅད་ཀུན་ཏུ་བསྐོར། །
སེམས་ཅན་ཉོན་མོངས་ཞི་མཛད་ཐོགས་པ་མེད། །དབྱངས་ཀྱི་ཡན་ལག་ཐམས་ཅད་ཡོངས་སུ་རྒྱས། །ཀུན་ནས་འཁྱིལ་པའྀ་དཔལ་གྱིས་རབ་ཏུ་ཐོས། །འགྲོ་བའི་མིང་གིས་འཁོར་ལོ་ཇི་སྙེད་པ། །
སངས་རྒྱས་མཚན་གྱིས་དེ་དག་ཐམས་ཅད་འཐོན། །སེམས་ཅན་རྣམས་ཀྱི་གཏི་མུག་རྣམ་པར་ཟློག །འདི་ནི་གཏི་མུག་རྣམ་དག་སྤྱོད་ཡུལ་ལོ། །སངས་རྒྱས་མངོན་སུམ་སེམས་ཅན་གང་འགྲོ་བ། །
དེ་དག་ཐམས་ཅད་སངས་རྒྱས་གསུངས་སྙེན་ནི། །དགའ་བ་རྒྱ་ཆེན་ཤིན་ཏུ་ཡངས་པ་ཐོབ། །འདི་ནི་ནམ་མཁའ་རྒྱུད་ཀྱི་རྣམ་ཐར་ཏོ། །སྐད་གཅིག་སེམས་རྒྱུད་ཀུན་ལ་ཚད་མེད་པའི། །ཆོས་ཀྱི་
སྤྲིན་ཆར་རྒྱལ་བ་འབེབས་པ་མཛད། །འགྲོ་བའི་ཉོན་མོངས་ཐམས་ཅད་རབ་ཏུ་འཛིལ། །འདི་ལ་སྤྲིན་གྱི་རྒྱལ་མཚན་ལྷ་འཇུག་གོ། །སེམས་ཅན་ཀུན་གྱི་རྒྱ་མཚོའི་ལས་རྣམས་ཀུན། །སངས་རྒྱས་
རྣམ་པ་གཞན་མིན་ཡང་དག་སྟོན། །སེམས་ཅན་ཉོན་མོངས་ལས་ལ་རབ་ཏུ་དགྲོལ། །འཇིག་རྟེན་བྱ་བ་སྤྱོད་བདག་སྤྱོད་ཡུལ་ལོ། །སངས་རྒྱས་སྔོན་ཆད་སྤྱད་པ་སྤྱོད་པའི་ཚེ། །སེམས་ཅན་དོན་དུ་

72-1-41b

ཐུགས་རྗེས་རབ་བསྐྱེད་དེ། །ཕ་རོལ་ཕྱིན་པ་ཐམས་ཅད་རྒྱས་པར་བཀང་། །སྣ་ཚོགས་ཕྲེང་བའི་འོད་ནི་འདི་ལ་དགའ། །ཕྱོགས་རྣམས་སེམས་ཅན་རྒྱལ་བས་སྣང་མཛད་པས། །བསམ་པ་རྒྱ་མཚོ་རྣམ་པ་སྣ་
ཚོགས་ཀྱིས། །དེ་དག་མཐའ་ཡས་ཕྱོགས་ཀྱི་ཆོས་འཇུག་གོ། །མིག་བཟངས་གཙུག་ཕུད་ཚུལ་འདིར་རབ་ཏུ་འཇུག །དེ་ལ་ནམ་མཁའི་ལྷ་ཀུན་ནས་སྣང་བ་དྲི་མ་མེད་པའི་འོད་ཀྱི་རྣམ་པར་ཐར་པ་ནི། འགྲོ་བ་རྒྱ་
མཚོ་མཐའ་ཡས་པའི་བསམ་པ་ལ་རྣམ་པར་ལྟ་བ་ཞེས་བྱའོ། །ནམ་མཁའི་ལྷ་མཐའ་ཡས་ཤིང་ཟབ་པ་ཀུན་ཏུ་རྒྱས་པར་བྱེད་པའི་རྣམ་པར་ཐར་པ་ནི། ཆོས་ཀྱི་དབྱིངས་རྒྱ་ཆེན་པོ་དང་། སངས་རྒྱས་ཀྱི་ཡེ་ཤེས་
ཟབ་མོ་ལ་ཡང་དག་པར་འཇུག་པ་ཞེས་བྱའོ། །ནམ་མཁའི་ལྷ་རླུང་ཀུན་ནས་འབྱུང་བའི་དཔལ་གྱི་རྣམ་པར་ཐར་པ་ནི། ཡུལ་མཐའ་ཡས་པ་རྣམ་པར་བསྒོམ་པའི་མཚན་ཉིད་ཀྱི་ལུས་ཞེས་བྱའོ། །ནམཁའི་
ལྷ་བསྒྲིབས་པ་ཐམས་ཅད་དང་མི་གནས་པའི་དཀྱིལ་འཁོར་གྱི་རྣམ་པར་ཐར་པ་ནི། སེམས་ཅན་ཐམས་ཅད་ཀྱི་ལས་དང་ཉོན་མོངས་པའི་སྒྲིབ་པ་ཡོངས་སུ་སྦྱངས་པའི་རྒྱན་ཅེས་བྱའོ། །ཕྱོགས་ཀྱི་ལྷ་རྒྱ་ཆེན་
པོ་ཀུན་ཏུ་གནོན་པ་སྣ་ཚོགས་ཀྱི་གཙུག་ཕུད་ཀྱི་རྣམ་པར་ཐར་པ་ནི། འགྲོ་བ་རྒྱ་མཚོ་ཆེན་པོ་ལ་རྣམ་པར་ལྟ་ཞིང་རྣམ་པར་སྤྱོད་པ་ཞེས་བྱའོ། །ནམ་མཁའི་ལྷ་འོད་ཟེར་སྣང་བའི་འོད་ཐོག་མ་མེད་པའི་རྣམ་པར་
ཐར་པ་ནི། འགྲོ་བ་ལོག་པར་ལྟུང་བ་ཐམས་ཅད་སྙིང་རྗེའི་འོད་ཀྱི་སྐྱོབས་པ་ཞེས་བྱའོ། །ནམ་མཁའི་ལྷ་སྟོབས་ཀྱི་རྒྱུན་ཐོགས་པ་མེད་པའི་དཔལ་གྱི་རྣམ་པར་ཐར་པ་ནི། བསོད་ནམས་ཐམས་ཅད་ཀྱི་སྟོབས་
དང་། དགའ་བ་བསྡུ་བ་ལ་ཡང་དག་པར་གཞོལ་བ་ཞེས་བྱའོ། །ནམ་མཁའི་ལྷ་ཕྱོགས་དྲི་མ་མེད་པར་སྣང་བའི་འོད་ཀྱི་རྣམ་པར་ཐར་པ་ནི། སེམས་ཅན་ཐམས་ཅད་དྲི་མ་མྱེད་པའི་སེམས་ཀྱིས་སྒྲིབ་པ་རྣམ་པར་

72-1-42a

ཟློག་པར་གནས་པའི་དབང་པོ་ཞེས་བྱའོ། །ནམ་མཁའི་ལྷ་དབྱངས་ཤིན་ཏུ་འཕགས་ཤིང་ཟབ་པའི་རྣམ་པར་ཐར་པ་ནི། ཡེ་ཤེས་ཀྱི་དཀྱིལ་འཁོར་གྱི་འོད་རབ་ཏུ་འཕགས་པས་ཕྱོགས་ཀུན་ཏུ་རྣམ་པར་
ལྟ་བ་ཞེས་བྱའོ། །ནམ་མཁའི་ལྷ་ཕྱོགས་བཅུར་མངོན་ཏུ་སྟོན་པའི་འོད་ཀྱི་རྣམ་པར་ཐར་པ་ནི། སྒོ་ཐམས་ཅད་ནས་ཕྱོགས་ཐམས་ཅད་དུ་འཕོ་བ་མེད་པའི་དཀྱིལ་འཁོར་ཅེས་བྱའོ། །དེ་ནས་ནམ་མཁའི་
ལྷ་ཀུན་ནས་སྣ་བ་དྲི་མ་མེད་པའི་འོད་ཀྱིས་སངས་རྒྱས་ཀྱི་མཐུས་ནམ་མཁའི་ལྷའི་འཁོར་གྱི་དཀྱིལ་འཁོར་ཐམས་ཅད་ལ་རྣམ་པར་བལྟས་ནས། དེའི་ཚེ་ཚིགས་སུ་བཅད་པ་འདི་དག་སྨྲས་སོ། །རྒྱལ་བའི་སྤྱན་ནི་རྒྱ་
ཆེན་ཡངས་པ་ཡིས། །སེམས་ཅན་རྒྱ་མཚོ་མ་ལུས་ཀུན་གཟིགས་ཏེ། །འགྲོ་བ་ཀུན་ལ་མངོན་པར་རབ་ཏུ་བཞུགས། །སངས་རྒྱས་དྲི་མེད་ནམ་མཁའ་རབ་ཏུ་འདྲ། །སངས་རྒྱས་སྐུ་ཡི་རྒྱ་ཆེན་འོད་ཀྱི་རྣམས། །
ཕྱོགས་བཅུའི་འགྲོ་ལ་ཁྱབ་ཅིང་རྣམ་པར་མཛེས། །ཐམས་ཅད་ཕྱོགས་སུ་མངོན་པར་རབ་ཏུ་གནས། །ཀུན་ཏུ་རྒྱས་པའི་འོད་ཀྱིས་འདི་མཐོང་ངོ་། །རྒྱལ་བ་ནམ་མཁའི་མཚན་ཉིད་འབྱུང་བ་མེད། །འདི་ལ་གཟུང་བ་
སྣང་བ་གང་ཡང་མེད། །ཐོབ་པ་མེད་ཅིང་རང་བཞིན་མེད་པ་སྟེ། །རླུང་གི་འོད་ཀྱིས་རྣམ་ཐར་འདི་མཐོང་ངོ་། །བསྐལ་པ་རྒྱ་མཚོ་བརྒྱ་ཕྲག་མང་པོར་ཡང་། །སངས་རྒྱས་སེམས་ཅན་བསྒྲིབ་པ་སེལ་བར་མཛད། །
ལམ་ཡངས་རྣམ་པར་ཐར་པ་རབ་ཏུ་སྟོན། །འདི་ནི་དཔའ་བོ་དཀྱིལ་འཁོར་འོད་ཀྱིའོ། །སྔོན་ཅད་སངས་རྒྱས་བྱང་ཆུབ་སྤྱོད་པའི་རྣམས། །འགྲོ་བ་ཀུན་ལ་ཕན་དང་བདེ་དོན་དུ། །ཇི་ལྟར་བྱུང་བ་དེ་དག་བདག་གིས་མཐོང་། །
འདི་ནི་སྣ་ཚོགས་གཙུག་ཕུད་སྤྱོད་ཡུལ་ལོ། །འཁོར་བ་རྒྱ་མཚོ་ཀུན་ཏུ་རྒྱུ་བ་ཡི། །སེམས་ཅན་ལོག་པར་ལྟུང་ཞིང་འཁོར་བ་ལ། །སངས་རྒྱས་འོད་ནི་སྡུག་བསྔལ་ཞི་བའི་རྒྱུ། །སྣང་བའི་འོད་ཀྱིས་རྣམ་ཐར་འདི་

72-1-42b

མཐོང་ངོ་། །བསོད་ནམས་དགེ་བ་ཐམས་ཅད་སྙིང་པོ་སྟེ། །ཆགས་མེད་སྟོབས་དང་ཡེ་ཤེས་རྒྱ་ཆེན་མཁྱེན། །འགྲོ་བ་ཐམས་ཅད་བསོད་ནམས་ཞིང་གྱུར་པ། །སངས་རྒྱས་དེ་ལྟར་ཆགས་མེད་སྟོབས་སེམས་སོ། །མུན་
པ་སྟུག་པོ་སྤྱོད་ཡུལ་རྣམ་རྒྱུ་བའི། །སེམས་ཅན་བསྒྲིབས་པས་རབ་ཏུ་སློབ་པ་ལ། །དེ་བཞིན་གཤེགས་པ་སྣང་བ་རབ་འགྱེད་དེ། །དྲི་མེད་ཕྱོགས་སྣང་ལྷས་ནི་དེ་མཐོང་ངོ་། །སངས་རྒྱས་ཡེ་ཤེས་ཤིན་ཏུ་
འཕགས་པ་ཡི། །མཐའ་དང་དབུས་ཡང་དམིགས་པས་མི་རུང་སྟེ། །ཞིང་ཀུན་འགྲོ་ལ་མངོན་པར་འོད་ཀྱང་སྣང་། །ཟབ་མོའྀ་འོད་ཀྱིས་དེ་ལྟར་སངས་རྒྱས་མཐོང་། །ཕྱོགས་རྣམས་རྒྱ་མཚོ་ཀུན་ན་སྤྱོད་པ་ཡིས། །
སེམས་ཅན་ཐམས་ཅད་ཡོངས་སུ་དགྲོལ་བའི་ཕྱིར། །སངས་རྒྱས་སྨོན་ལམ་རྒྱ་ཆེན་ཤིན་ཏུ་ཡང་། མངོན་པར་ལྟ་བས་རྣམ་ཐར་འདི་མཐོང་ངོ་། །དེ་ལ་རླུང་གི་ཕུང་པོའི་ལྷ་ཆགས་པ་མེད་པར་འགྲོ་བའི་འོད་
ཀྱི་རྣམ་པར་ཐར་པ་ནི། འཇིག་རྟེན་གྱི་བྱ་བ་ཐམས་ཅད་སངས་རྒྱས་ཀྱི་ཆོས་སུ་ཡང་དག་པར་འཇུག་པ་ཞེས་བྱའོ། །རླུང་གི་ལྷ་ཀུན་ཏུ་རྒྱས་པར་འབྱུང་བའི་མཐུའི་དཔལ་གྱི་རྣམ་པར་ཐར་པ་ནི། སངས་རྒྱས་མཆོད་པའི་
ཡུལ་མཐའ་ཡས་པ་རྒྱ་ཆེན་པོ་མངོན་པར་སྒྲུབ་པ་སྟོན་པ་ཞེས་བྱའོ། །རླུང་གི་ལྷ་ཀུན་ཏུ་རེག་པར་བྱེད་པའི་སྤྲིན་གྱི་རྒྱལ་མཚན་གྱི་རྣམ་པར་ཐར་པ་ནི། སེམས་ཅན་ཐམས་ཅད་ཀྱི་ནད་རབ་ཏུ་ཞི་བར་བྱེད་པ་ཞེས་བྱའོ། །
རླུང་གི་ལྷ་རྒྱན་ཡིད་དུ་འོང་ཞིང་བཟང་བའི་འོད་ཀྱི་རྣམ་པར་ཐར་པ་ནི། འགྲོ་བ་ཐམས་ཅད་ཀྱི་བསྒྲིབས་པའི་རི་འཇོམས་པའི་དགེ་བའི་རྩ་བ་རབ་ཏུ་འབྱུང་བ་ཞེས་བྱའོ། །རླུང་གི་ལྷ་ཆུ་དྲག་པོའི་སྙིང་པོ་སྐེམས་པའི་རྣམ་པར་ཐར་པ་ནི། 
བདུད་ཀྱི་འཁོར་ལོ་སྒོ་ཀུན་ནས་འཇོམས་པ་ཞེས་བྱའོ། །རླུང་གི་ལྷ་སྒྲ་ཆེན་པོས་འགྲོ་བའི་དབྱངས་ཀྱི་རྣམ་པར་ཐར་པ་ནི། སེམས་ཅན་མཐའ་ཡས་པའི་འཇིགས་པ་རྣམ་པར་ཟློག་ཅིང་ཞི་བར་བྱེད་པ་ཞེས་བྱའོ། །

72-1-43a

རླུང་གི་ལྷ་ཤིང་གི་རྩེ་མོའི་མེ་ཏོག་རབ་ཏུ་འཕྱང་བའི་གཙུག་པུད་ཀྱི་རྣམ་པར་ཐར་པ་ནི། ཆོས་ཐམས་ཅད་ཀྱི་ཚུལ་ཐ་དད་པ་མེད་པར་ཡང་དག་པར་ཤེས་པ་རྒྱ་མཚོ་ལ་འཇུག་པ་ཞེས་བྱའོ། །རླུང་གི་ལྷ་ཐོགས་པ་
མེད་པར་ཕྱོགས་ཀུན་ཏུ་རྒྱས་པར་འགྲོ་བའི་རྣམ་པར་ཐར་པ་ནི། འགྲོ་བ་ཐམས་ཅད་མཉམ་པར་དགོད་པའི་ཚུལ་གྱིས་འདུལ་བའི་སྙིང་པོ་ཞེས་བྱའོ། །རླུང་གི་ལྷ་རླུང་གི་ཕུང་པོ་རྣམ་པ་སྣ་ཚོགས་འབྱུང་བའི་སྤྲིན་གྱི་དཀྱིལ་
འཁོར་གྱི་རྣམ་པར་ཐར་པ་ནི། བསམ་གཏན་གྱི་སྒོ་རབ་ཏུ་ཞི་བའི་ཤུགས་ཀྱི་གཏི་མུག་རབ་ཏུ་ཞི་བར་བྱེད་པ་ཞེས་བྱའོ། །རླུང་གི་ལྷ་འཇིག་རྟེན་ཐམས་ཅད་ཀྱི་མུན་པ་ཀུན་ནས་སྣང་བར་བྱེད་པའི་རྣམ་པར་ཐར་པ་ནི། 
སེམས་ཅན་ཐམས་ཅད་ཀྱི་སྤྱོད་པའི་རྗེས་སུ་སྙེགས་པས་ཐོགས་པ་མེད་པའི་རྒྱན་ཅེས་བྱའོ། །དེ་ནས་རླུང་གི་ལྷ་ཆགས་པ་མེད་པར་འགྲོ་བའི་འོད་ཀྱི་སངས་རྒྱས་ཀྱི་མཐུས། རླུང་གི་ལྷའི་འཁོར་གྱི་དཀྱིལ་འཁོར་ཐམས་
ཅད་ལ་རྣམ་པར་བལྟས་ཏེ། དེའི་ཚེ་ཚིགས་སུ་བཅད་པ་འདི་དག་སྨྲས་སོ། །རྒྱལ་བ་ཀུན་གྱི་ཆོས་ཉིད་ཟབ་མོ་འཛིན་པ་སྟེ། །ཆགས་མེད་ཐམས་ཅད་ཚུལ་གྱི་དེ་ལ་འཇུག །འགྲོ་བ་ཀུན་ལ་སངས་རྒྱས་
མངོན་ཏུ་བཞུགས། །དེ་ནི་མཚན་མེད་གཟུགས་བརྙན་ཡོད་པ་མིན། །སངས་རྒྱས་ཐམས་ཅད་མཐུ་ལ་རྣམ་པར་ལྟོས། །བྱང་ཆུབ་སྤྱད་པ་མཐའ་ཡས་སྤྱོད་པའི་ཚེ། །སྐད་ཅིག་གཅིག་ལ་སངས་རྒྱས་མཆོད་ཅིང་
བསྟོད། །དེ་ལ་རྒྱས་བྱེད་འོད་ཀྱི་ལྷ་འཇུག་གོ། །སངས་རྒྱས་བསམ་གྱི་མི་ཁྱབ་འགྲོ་བའི་མགོན། །ཚུལ་རྣམས་ཀུན་གྱི་སྦྱོར་བ་ཆུད་ཟ་མེད། །སྡུག་བསྔལ་ཀུན་ལས་སེམས་ཅན་མ་ལུས་སྐྱོབ། །རྒྱལ་མཚན་
རེག་པས་རྣམ་ཐར་འདི་མཐོང་ངོ་། །འགེབས་དང་སྒྲིབས་པ་ཤིན་ཏུ་སྟུག་པོ་ཡི། །མི་དེས་བསྒྲིབས་ཤིང་བསོད་ནམས་མེད་པ་ཡི། །སེམས་ཅན་སྡུག་བསྔལ་ཀུན་ལས་དཀྲོལ་བར་འགྱུར། །སྨན་གྱིས་བརྒྱན་པའི་

72-1-43b

ལྷས་ནི་འདི་མཐོང་ངོ་། །རྒྱལ་བའི་རྫུ་འཕྲུལ་རྣམ་པར་འཕྲུལ་ལ་ལྟོས། །རྣམ་པ་ཀུན་གྱིས་བདུད་རྣམས་ཤིན་ཏུ་འཇོམས། །ཚུལ་གྱིས་འདུལ་བ་དེ་ལ་རབ་ཏུ་སྒྲོགས། །གཟི་བརྗིད་དྲག་པོའི་མཐུས་ནི་འདི་མཐོང་ངོ་། །
རྒྱལ་བའི་བ་སྤུའི་སྒོ་རྣམས་ཐམས་ཅད་ནས། །འགྲོ་བ་ཀུན་འགེངས་སྒྲ་ཡི་དབྱངས་འབྱུང་བ། །དེ་དག་སྡུག་བསྔལ་འཇིག་པ་ཐམས་ཅད་མེད། །འདི་ནི་སྒྲ་སྒྲོགས་ལྷ་ཡིས་རབ་ཏུ་ཤེས། །འགྲོ་བ་ཀུན་མཉམ་
རྒྱ་མཚོའི་ཞིང་རྣམས་སུ། །ཐ་དད་ཡང་དག་མཁྱེན་པས་བདེ་བར་གཤེགས། །མཐའ་ཡས་བསྐལ་པར་རང་བྱུང་ཡང་དག་སྟོན། །ཤིང་གི་གཙུག་ཕུད་འབྱུང་བ་དེ་ལ་འཇུག །རྒྱལ་བའི་ཡེ་ཤེས་ཐབས་རྣམས་
ཀུན་སྒོ་ནས། །ཀུན་ཏུ་ཆགས་ཤིང་ཐོགས་པ་མེད་པ་སྟེ། །སྤྱོད་ཡུལ་གཞན་ཡང་ཀུན་ཏུ་མཐའ་ཡས་མེད། །འདི་ནི་ཆགས་མེད་འགྲོ་བའི་རྣམ་ཐར་ཏོ། །རྒྱལ་བའི་སྤྱོད་ཡུལ་མཐའ་ཡས་དག་ལ་ལྟོས། །རབ་ཞི་སྐུ་མངའ་
མཚན་མེད་སངས་རྒྱས་ཏེ། །ཐབས་སྒོ་ཀུན་ནས་འོད་ཀྱང་རབ་ཏུ་སྣང་། །ཕུང་པོ་སྣ་ཚོགས་བདག་པོའི་རྣམ་ཐར་ཏོ། །མི་མངོན་བསྐལ་པ་མཐའ་ཡས་སྤྱོད་པའི་ཚེ། །དེ་འདྲའི་ཆོས་ཀྱིས་འགྲོ་ཀུན་ཚིམ་མཛད་པས། །
ཐམས་ཅད་སྟོབས་ལ་སངས་རྒྱས་རབ་ཏུ་བཞུགས། །འཇིག་རྟེན་སྟོབས་འཛིན་ལྷ་ཡིས་འདི་མཐོང་ངོ་། །དེ་ལ་མེའི་ལྷ་གཟི་བརྗིད་འབར་ཞིང་འཕྲོ་བའི་འོད་ཀྱི་རྣམ་པར་ཐར་པ་ནི། སེམས་ཅན་ཐམས་ཅད་ཀྱི་ཉོན་མོངས་
པའི་དབའ་རླབས་དང་ཐམས་ཅད་དང་མུན་པ་ཐམས་ཅད་དང་མི་གནས་པ་ཞེས་བྱའོ། །མེའི་ལྷ་ཀུན་ཏུ་འབར་ཞིང་འཕྲོ་བའི་རྒྱལ་མཚན་གྱི་དཀྱིལ་འཁོར་གྱི་རྣམ་པར་ཐར་པ་ནི། སེམས་ཅན་ཐམས་ཅད་ཀྱི་ཉོན་མོངས་
པའི་དབའ་རླབས་དང་རབ་ཏུ་གདུང་བ་རྣམ་པར་ཟློག་པ་ཞེས་བྱའོ། །མེའི་ལྷ་འོད་རྒྱ་ཆེན་པོས་ཕྱོགས་རྒྱས་པར་བྱེད་པའི་རྣམ་པར་ཐར་པ་ནི། བསོད་ནམས་ཀྱི་སྟོབས་མི་སྐུལ་བ་དང་། སྙིང་རྗེ་བ་དང་། བྱམས་པའི་

72-1-44a

སྙིང་པོ་ཞེས་བྱའོ། །མེའི་ལྷ་རྒྱལ་མཚན་གྱི་རྡུལ་གྱི་སྒོས་རྒྱས་པར་བྱེད་པའི་རྣམ་པར་ཐར་པ་ནི། ཉོན་མོངས་པའི་རྡུལ་གྱིས་གཡོག་པ་རྣམ་པར་སེལ་བ་ཞེས་བྱའོ། །མེའི་ལྷ་གཟི་བརྗིད་མི་ཟད་
པའི་གཙུག་ཕུད་ཀྱི་རྣམ་པར་ཐར་པ་ནི། ནམ་མཁའ་མཐའ་ཡས་པ་སྣང་བས་གསལ་བར་བྱེད་པའི་འོད་ཅེས་བྱའོ། །མེའི་ལྷ་དཀའ་ཐུབ་སྣ་ཚོགས་ཀྱི་མིག་དཔལ་གྱི་རྣམ་པར་ཐར་པ་ནི། དགེ་བ་དང་། བསོད་ནམས་
སྣ་ཚོགས་རྣམ་པར་སྣང་བའི་འོད་རབ་ཏུ་ཞི་བ་ཞེས་བྱའོ། །མེའི་ལྷ་ཕྱོགས་ཁྱིམ་དུ་གྱུར་པའི་རི་རབ་ཀྱི་སྤོའི་རྣམ་པར་ཐར་པ་ནི། འཇིག་རྟེན་གྱི་རྒྱུད་ཐམས་ཅད་མེ་ལྟར་འབར་བའི་སེམས་ཅན་སྡུག་བསྔལ་རབ་ཏུ་ཞི་བར་
བྱེད་པ་ཞེས་བྱའོ། །མེའི་ལྷ་འོད་དྲག་ཤུལ་གྱི་དབང་ཕྱུག་གི་རྣམ་པར་ཐར་པ་ནི། འཇིག་རྟེན་ཐམས་ཅད་ལ་དབང་སྒྱུར་བའི་བརྩོམ་པས་རབ་ཏུ་གནོན་པ་ཞེས་བྱའོ། །མེའི་ལྷ་མུན་པ་དང་རབ་རིབ་སེལ་ཅིང་ཕྱོགས་རྣམ་པར་
སྣང་བའི་རྣམ་པར་ཐར་པ་ནི། ཆགས་པར་ལྟ་བའི་གཏི་མུག་ཐམས་ཅད་རྣམ་པར་སྤོང་བའི་འོད་སྣང་བ་ཞེས་བྱའོ། །མེའི་ལྷ་འོད་འཕྲོ་བའི་སྤྲིན་གྱི་དབང་ཕྱུག་གི་རྣམ་པར་ཐར་པ་ནི། ཆགས་པ་ཐམས་ཅད་ལ་མི་
གནས་པའི་སྟོབས་འབྱུང་བ་ཡང་དག་པར་བསྒྲུབ་པའི་ང་རོ་ཞེས་བྱའོ། །དེ་ནས་མེའི་ལྷ་གཟི་བརྗིད་འབར་ཞིང་འཕྲོ་བའི་འོད་ཀྱིས་སངས་རྒྱས་ཀྱི་མཐུས། མེའི་ལྷའི་འཁོར་གྱི་དཀྱིལ་འཁོར་ཐམས་ཅད་ལ་རྣམ་པར་
བལྟས་ནས། དེའི་ཚེ་ཚིགས་སུ་བཅད་པ་འདི་དག་སྨྲས་སོ། །རྒྱལ་བའི་བརྩོན་འགྲུས་སྟོབས་ལ་རྣམ་པར་ལྟོས། །བསྐལ་པ་བྱེ་བ་རྒྱ་ཆེན་བསམ་ཡས་པར། །འགྲོ་བའི་དོན་དུ་ཕན་པ་རབ་བརྩམས་ཏེ། །
སེམས་ཅན་ཀུན་གྱི་མུན་པ་རྣམ་པར་བསལ། །ཉོན་མོངས་དབའ་རླབས་ལྡན་པའི་འགྲོ་བ་རྣམས། །ལྟ་ལ་གནས་ཤིང་གཏི་མུག་བསྒྲིབས་པ་ཡི། །ཉོན་མོངས་མེ་ནི་མགོན་པོས་ཞི་བར་མཛད། །དེ་ལ་རྒྱལ་

72-1-44b

མཚན་དཀྱིལ་འཁོར་རབ་ཏུ་དགའ། །རྒྱལ་བའི་སྤྱོད་ཡུལ་རྒྱ་ཆེན་བདག་གིས་མཐོང་། །ཕྱི་མའི་མཐའ་ཡི་བསྐལ་པ་རྒྱ་མཚོར་ཡང་། །རྒྱལ་བའི་བྱིན་གྱིས་རླབས་རྣམས་རབ་ཏུ་འཇུག །མཐོང་ནས་སྣང་
བའི་འོད་ནི་རབ་ཏུ་དགའ། །རྒྱལ་བའི་བསོད་ནམས་མི་ཟད་ནམ་མཁའ་བཞིན། །དེ་ཡི་མཐའ་ནི་ཀུན་ཏུ་མི་རྙེད་དེ། །རྒྱལ་བའི་ཐུགས་རྗེས་བསྐྱོད་དུ་ཡོངས་མི་ནུས། །འདི་ལ་དཔལ་གྱི་སྤྲིན་སྒྲར་རབ་ཏུ་འཇུག །བསྐལ་པ་
བྱེ་བར་སྤྱད་པ་སྤྱོད་པའི་ཚེ། །ཆོས་ཚུལ་གང་རྣམས་བསྟན་པ་དེ་དག་གིས། །མཐའ་ནི་ནམ་ཡང་རྙེད་པར་སླ་བ་མིན། །རྣམ་ཐར་འདི་ནི་གཟི་བརྗིད་གཙུག་ཕུད་ཀྱིའོ། །ཕྱོགས་བཅུའི་འཁོར་རྣམས་ཤིན་ཏུ་ཡང་དག་པར། །
སངས་རྒྱས་མགོན་པོ་ཐམས་ཅད་མངོན་དུ་ལྟ། །འགྲོ་བ་ཀུན་ལ་ཐུབ་པ་རྣམ་པར་མཛེས། །འདི་ལ་བཀའ་ཐུབ་འོད་འཕྲོ་དཔལ་འཇུག་གོ། །འགྲོ་བ་ཀུན་ན་ཐུབ་པ་རབ་ཏུ་འཕགས། །ཁང་ཁྱིམ་ཐམས་ཅད་དག་ན་བཞུགས་
པར་སྣང་། །རྣམ་པར་ཡངས་པའི་ཆོས་ཀྱི་ཆར་ཡང་འབེབས། །འདི་ནི་ཕྱོགས་སྣང་བྱེད་པའི་སྤྱོད་ཡུལ་ལོ། །རྒྱལ་བ་ཉིད་ཀྱི་ཆོས་རྣམས་ཟབ་པ་སྟེ། །ཐམས་ཅད་ཆོས་ཀྱི་འགྲོ་བར་རང་བྱུང་ཞིང་། །ངོ་བོ་ཉིད་ཀྱི་
ཆོས་ཉིད་སྟོན་པ་མཛད། །དེ་ལ་དྲག་ཤུལ་འོད་ནི་རབ་ཏུ་དགའ། །ལྟ་བའི་མུན་ནག་གཏི་མུག་སྒྲིབ་པ་ཡི། །འཇིག་རྟེན་བག་མེད་འཁྲུགས་པ་ཐམས་ཅད་ལ། །རྒྱལ་བས་ཆོས་ནི་རབ་ཏུ་བསྟན་མཛད་སྟེ། །
དེ་ལ་རྣམ་པར་སྣང་བའི་ལྷ་དགའ་འོ། །རྒྱལ་བའི་སྨོན་ལམ་སྔོན་ཅད་བྱུང་བའི་རྣམས། །ཅི་འདྲ་བསམ་གྱིས་ཁྱབ་པར་མི་རུང་སྟེ། །སྟོབས་དང་ཕ་རོལ་ཕྱིན་པས་རྣམ་པར་སྦྱང་། །འོད་འཕྲོ་སྤྲིན་ནི་འདི་ལ་འདི་ལྟར་འཇུག །
དེ་ལ་ཆུའི་ལྷ་སྤྲིན་དང་ན་བུན་ཀུན་ཏུ་གྲུབ་པའི་རྒྱལ་མཚན་གྱི་རྣམ་པར་ཐར་པ་ནི། སེམས་ཅན་ཐམས་ཅད་ལ་བྱམས་པའི་ཚུལ་ལ་ཡང་དག་པར་འཇུག་པ་ཞེས་བྱའོ། །ཆུའི་ལྷ་སྤྲིན་སྒྲའི་ཤུགས་རྒྱ་མཚོའི་སྤྲིན་གྱི་

72-1-45a

རྣམ་པར་ཐར་པ་ནི། ཆོས་ཀྱི་སྤྲིན་མཐའ་ཡས་པ་འབྱུང་བའི་རྒྱན་ཅེས་བྱའོ། །ཆུའི་ལྷ་ཆུ་སྣ་ཚོགས་ཀྱི་གཙུག་པུད་ཀྱི་རྣམ་པར་ཐར་པ་ནི། འགྲོ་བ་སྣོད་དུ་གྱུར་པ་ཐམས་ཅད་ལ་རྣམ་པར་ལྟ་ཞིང་། སྡུད་པའི་
སྦྱོར་བ་ཞེས་བྱའོ། །ཆུའི་ལྷ་བཟང་པོར་ཁྱིལ་བ་གྲུབ་པའི་དཔལ་གྱི་རྣམ་པར་ཐར་པ་ནི། སངས་རྒྱས་ཀྱི་ཡུལ་ཟབ་མོའི་འོད་ཀྱི་ཆར་པའི་བྱིན་གྱི་རླབས་ཤེས་བྱའོ། །ཆུའི་ལྷ་ཀུན་ནས་སྤོས་དྲི་མ་མེད་པའི་མྱུ་གུའི་དཔལ་གྱི་
རྣམ་པར་ཐར་པ་ནི། སངས་རྒྱས་ཀྱི་འོད་དྲི་མ་མེད་པ་རྣམ་པར་ལྟ་བ་ལ་ཡང་དག་པར་འཇུག་པའི་བྱིན་གྱི་བརླབས་ཤེས་བྱའོ། །ཆུའི་ལྷ་དབའ་རླབས་ཀྱི་སྒྲ་བསོད་ནམས་སྟེགས་ཀྱི་འོད་ཀྱི་རྣམ་པར་ཐར་པ་ནི། ཆོས་ཀྱི་དབྱིངས་
མཚན་ཉིད་མེད་ཅིང་དྲི་མ་མེད་པ་ཞེས་བྱའོ། །ཆུའི་ལྷ་ཚིམ་པར་བྱ་བ་ལ་དབང་བྱེད་པ་ཡོངས་སུ་སྒྲུབ་པའི་རྣམ་པར་ཐར་པ་ནི། སྙིང་རྗེ་རྒྱ་མཚོ་མི་ཟད་པའི་སྒོར་འཇུག་པ་ཞེས་བྱའོ། །ཆུའི་ལྷ་སའི་རྡུལ་སྙེད་ཀྱི་སྒོ་ནས་དབྱངས་
འབྱུང་བའི་རྣམ་པར་ཐར་པ་ནི། སངས་རྒྱས་དང་བྱང་ཆུབ་སེམས་དཔའི་འཁོར་གྱི་དཀྱིལ་འཁོར་དུ་དགའ་བའི་ཤུགས་འབྱུང་བའི་སྙིང་པོ་ཞེས་བྱའོ། །ཆུའི་ལྷ་འོད་ཀུན་ཏུ་འགྲོ་ཞིང་རྒྱས་པར་བྱེད་པའི་རྣམ་པར་ཐར་པ་ནི། 
བསོད་ནམས་ཆགས་པ་མེད་པ་ཤིན་ཏུ་རྒྱས་པར་རབ་ཏུ་སྣང་བར་བྱེད་པའི་དཀྱིལ་འཁོར་ཅེས་བྱའོ། །ཆུའི་ལྷ་རྒྱ་མཚོའི་དབྱིངས་ཀྱི་ང་རོའི་འོད་ཀྱི་རྣམ་པར་ཐར་པ་ནི། འགྲོ་བ་ཐམས་ཅད་འདུལ་བའི་སྦྱོར་བ་ནམ་མཁའ་
ལྟ་བུས་འདུལ་བར་སྤྱོད་པ་ཞེས་བྱའོ། །དེ་ནས་ཆུའི་ལྷ་སྤྲིན་དང་ན་བུན་ཀུན་ཏུ་གྲུབ་པའི་རྒྱལ་མཚན་གྱིས་སངས་རྒྱས་ཀྱི་མཐུས། ཆུའི་ལྷའི་འཁོར་གྱི་དཀྱིལ་འཁོར་ཐམས་ཅད་ལ་རྣམ་པར་བལྟས་ནས། 
དེའི་ཚེ་ཚིགས་སུ་བཅད་པ་འདི་དག་སྨྲས་སོ། །རྒྱལ་བའི་མཚན་རྣམས་རེ་རེ་ཐམས་ཅད་ཀྱང་། །སངས་རྒྱས་ཞིང་གི་རྡུལ་དང་མཉམ་པ་ཡི། །བྱམས་པ་མངོན་དུ་གྱུར་པས་བྱུང་བ་བཟང་། །སེམས་ཅན་

72-1-45b

ཀུན་གྱིས་བལྟས་ཤིང་མི་ངོམས་སོ། །འགྲོ་བ་ཀུན་ཏུ་རྒྱལ་བ་རྣམས་དྲུང་དུ། །སྐྱོ་བ་མེད་པར་སྤྱད་ཅིང་རྣམ་སྦྱངས་ཏེ། །རྣམ་པ་སྣ་ཚོགས་ཆོས་ཀྱི་སྒོ་ཡང་སྟོན། །རྒྱ་མཚོ་ཤུགས་ནི་འདིའི་ཚུལ་ལ་འཇུག །རྒྱལ་བ་
རྣམས་ནི་འཕོ་བར་མི་སྣང་སྟེ། །ཕྱོགས་རྣམས་བཅུ་ནས་བྱོན་པར་སྣང་བ་མེད། །སྣོད་ཀྱི་ཚུལ་བཞིན་སེམས་ཅན་རྣམས་ཀྱང་ལྟེ། །ཆུའི་གཙུག་ཕུད་དཀྱིལ་འཁོར་དེ་ལ་ལྟ། །དེ་བཞིན་གཤེགས་པའི་ཡུལ་ནི་གཞལ་
དུ་མེད། །སེམས་ཅན་ཀུན་གྱིས་བསམ་པར་མི་ནུས་ཏེ། །ཕྱོགས་རྣམས་ཀུན་ཏུ་ཁྱབ་པར་སྒྲ་སྒྲོག་གོ། །འདི་ནི་སྙན་པའི་གཙུག་ཕུད་ཡུལ་ཡིན་ནོ། །སངས་རྒྱས་འོད་ནི་མི་ཟད་གནས་པ་སྟེ། །བསམ་གྱིས་མི་
ཁྱབ་ཆོས་ཀྱི་དབྱིངས་ཀྱིས་ཀྱང་། །སེམས་ཅན་ཐམས་ཅད་འདུལ་བ་རབ་ཏུ་སྟོན། །སྤོས་ཀྱི་ཕུང་པོ་སྣ་ཚོགས་ལྷ་ཡིས་མཐོང་། །དེ་བཞིན་གཤེགས་པ་ནམ་མཁའ་མཉམ་པ་སྟེ། །ཕྱོགས་རྣམས་ཀུན་ཏུ་
དྲི་མེད་མཚན་ཉིད་མེད། །ཕྱོགས་རྣམས་ཀུན་ནའང་བཞུགས་པར་རབ་ཏུ་སྣང་། །དབའ་རླབས་སྒྲའི་བསོད་ནམས་འོད་ཀྱིས་མཐོང་། །སྙིང་རྗེའི་སྒོ་ནི་རྒྱ་མཚོ་ལྟ་བུ་སྟེ། །སེམས་ཅན་ཀུན་དང་
མཉམ་པར་སྔོན་བཤད་དོ། །སྤྲིན་དང་འདྲ་བར་འགྲོ་བར་མངོན་སུམ་མོ། །དེ་ལྟར་དེ་ནས་དགའ་བ་འབྱུང་བས་མཐོང་། །ཕྱོགས་བཅུའི་ཞིང་རྣམས་ཅི་སྙེད་གང་ཡོད་པ། །དེ་དག་ཀུན་ན་སངས་རྒྱས་གདན་བཞུགས་
སྣང་། །ཤིན་ཏུ་རྒྱས་པའི་བྱང་ཆུབ་མངོན་སངས་རྒྱས། །དགའ་བ་རྡུལ་མེད་དབྱངས་ཀྱི་དེ་མཐོང་ངོ་། །སངས་རྒྱས་སྤྱོད་ཡུལ་ཆགས་པ་མེད་པ་སྟེ། །ཤིན་ཏུ་རྒྱ་ཆེ་ཕྱོགས་རྣམས་ཀུན་ཏུ་གནས། །
རྣམ་པར་འཕྲུལ་པ་རྒྱལ་བ་སྟོན་མཛད་དོ། །དེ་ལ་འཕྲོ་བའི་འོད་ཀྱི་ལྷ་འཇུག་གོ། །སྦྱོར་བའི་སྤྱོད་པ་རྣམས་ལ་མཐའ་མེད་དེ། །འགྲོ་བ་ཀུན་དབྱིངས་ཐུབ་པ་མེད་པར་འཇུག །རྒྱལ་བའི་བྱིན་གྱི་རླབས་ནི་

72-1-46a

འདི་འདྲ་སྟེ། །ང་རོས་འགེངས་པ་རྣམ་ཐར་འདི་ལ་འཇུག །དེ་ལ་རྒྱ་མཚོའྀ་ལྷ་རིན་པོ་ཆེའི་འོད་འབྱུང་བའི་དཔལ་གྱི་རྣམ་པར་ཐར་པ་ནི། འགྲོ་བ་ཐམས་ཅད་དང་མཉམ་པའི་བསོད་ནམས་རྒྱ་མཚོ་
རིན་པོ་ཆེ་འབྱུང་བའི་རྒྱན་ཅེས་བྱའོ། །རྒྱ་མཚོའི་ལྷ་རྡོ་རྗེ་ཀུན་ནས་སྲ་ཞིང་མི་ཆོམས་པའི་རྒྱལ་མཚན་དང་ལྡན་པའི་རྣམ་པར་ཐར་པ་ནི་དགེ་བའི་རྩ་བ་ཐམས་ཅད་བསྲུང་བའི་སྦྱོར་བ་ཞེས་བྱའོ། །རྒྱ་མཚོའི་ལྷ་
རྡུལ་དང་དྲི་མ་མེད་པའི་གནས་དང་ལྡན་པའི་རྣམ་པར་ཐར་པ་ནི། སེམས་ཅན་ཐམས་ཅད་ཀྱི་ཉོན་མོངས་པ་རྒྱ་མཚོ་མང་པོ་རྣམ་པར་སེལ་བ་ཞེས་བྱའོ། །རྒྱ་མཚོའི་ལྷ་ཀུན་ནས་ཆུ་དང་རི་བོ་དང་
ཁྱིམ་གྱི་དཀྱིལ་འཁོར་གྱི་རྣམ་པར་ཐར་པ་ནི། འགྲོ་བ་ཐམས་ཅད་ཀྱི་ངན་སོང་དང་ངན་འགྲོའི་ལམ་རྣམ་པར་ཟློག་པ་ཞེས་བྱའོ། །རྒྱ་མཚོའི་ལྷ་སྐྱབས་རིན་པོ་ཆེ་མིག་གི་ཟླ་བའི་དཔལ་གྱི་
རྣམ་པར་ཐར་པ་ནི། ཤུགས་ཆེན་པོས་གཏི་མུག་རྣམ་པར་སེལ་བ་ཞེས་བྱའོ། །རྒྱ་མཚོའི་ལྷ་ཀླུའི་དཔལ་པད་མོ་སྣ་ཚོགས་ཀྱི་གཙུག་ཕུད་ཀྱི་རྣམ་པར་ཐར་པ་ནི། རྒྱུད་ཐམས་ཅད་
ཀྱི་སྡུག་བསྔལ་རབ་ཏུ་ཞི་བར་བྱེད་ཅིང་བདེ་བ་འབྱུང་བར་བྱེད་པ་ཞེས་བྱའོ། །རྒྱ་མཚོའི་ལྷ་ཆུ་ལྟ་བུར་རོ་མཐུན་པར་འཛིན་པའི་འོད་ཀྱི་རྣམ་པར་ཐར་པ་ནི། སེམས་ཅན་ཐམས་ཅད་ཀྱི་ལྟ་བ་དང་། 
རྨོངས་པའི་རང་བཞིན་དྲི་མ་མེད་པ་ཞེས་བྱའོ། །རྒྱ་མཚོའི་ལྷ་རིན་པོ་ཆེ་འོད་འཕྲོ་བའི་མེ་ཏོག་གི་མཚོན་གྱི་འོད་ཀྱི་རྣམ་པར་ཐར་པ་ནི། རིན་པོ་ཆེའི་རིགས་ཐམས་ཅད་འབྱུང་ཞིང་། བྱང་ཆུབ་
ཀྱི་སེམས་རབ་ཏུ་སྐྱེ་བ་ཞེས་བྱའོ། །རྒྱ་མཚོའི་ལྷ་རི་རབ་སྲ་བའི་རྡོ་རྗེ་སྣ་ཚོགས་ཀྱི་རྣམ་པར་ཐར་པ་ནི། སེམས་རྒྱ་མཚོ་མི་སྒུལ་བའི་བསོད་ནམས་ལ་རྣམ་པར་ལྟ་བ་ཞེས་བྱའོ། །

72-1-46b

རྒྱ་མཚོའི་ལྷ་འབྲུག་སྒྲ་སྒྲོག་པ་རྒྱ་མཚོའི་ཤུགས་ཀྱི་དབྱངས་ཀྱི་རྣམ་པར་ཐར་པ་ནི། ཏིང་ངེ་འཛིན་གྱི་དཀྱིལ་འཁོར་ཐམས་ཅད་ཆོས་ཀྱི་དབྱིངས་སུ་ཡང་དག་པར་འཇུག་པའི་རྒྱལ་མཚན་ཅེས་བྱའོ། །དེ་ནས་རྒྱ་མཚོའི་ལྷ་རིན་པོ་
ཆེའི་འོད་འབྱུང་བའི་དཔལ་གྱིས་སངས་རྒྱས་ཀྱི་མཐུས། རྒྱ་མཚོའི་ལྷའི་འཁོར་གྱི་དཀྱིལ་འཁོར་ཐམས་ཅད་ལ་རྣམ་པར་བལྟས་ནས། དེའི་ཚེ་ཚིགས་སུ་བཅད་པ་འདི་དག་སྨྲས་སོ། །བསྐལ་པ་རྒྱ་མཚོ་བསམ་
གྱིས་མི་ཁྱབ་པར། །སངས་རྒྱས་རྒྱ་མཚོ་རྒྱ་ཆེན་མང་མཆོད་ཅིང་། །འགྲོ་བ་དག་ལ་བསོད་ནམས་མཚོ་སྤེལ་བས། །དེ་ཕྱིར་རྒྱལ་བ་ལྟ་མེ་ལྷངེའོ། །འགྲོ་བ་ཀུན་ཏུ་རྒྱལ་བ་མངོན་པར་མཛེས། །
སེམས་ཅན་ཀུན་གྱི་དབང་པོ་བསམ་རྒྱུད་དུ། །ཆོས་ཀྱི་རྒྱ་མཚོ་རྒྱ་ཆེན་སྟོན་པ་མཛད། །རྡོ་རྗེ་སེམས་དཔའ་སྲ་བའི་དཔལ་དགའ་བོ། །འགྲོ་བ་ཀུན་ཏུ་འཇིག་རྟེན་མགོན་པོ་ནི། །ཆོས་ཀྱི་སྤྲིན་ལས་
ཆར་ཆེན་ཡངས་པ་འབེབས། །སྡུག་བསྔལ་རྒྱ་མཚོ་ཞི་མཛད་ཟད་མི་ཤེས། །རྡུལ་དང་དྲི་མེད་འདིའི་ཚུལ་ལ་འཇུག །སེམས་ཅན་ཐམས་ཅད་མཉམ་མེད་ཉོན་མོངས་བསྒྲིབས། །ལམ་རྒྱུད་རྒྱ་མཚོའི་
སྡུག་བསྔལ་ནང་ན་འཁོར། །དེ་དག་ལ་ནི་རྒྱལ་བའི་ཡུལ་སྟོན་ཏེ། །དཔལ་བཅུའི་ལྷ་ནི་འདི་ལ་རབ་ཏུ་དགའ། །བསྐལ་པ་རྒྱ་མཚོ་མང་པོ་བསམ་ཡས་སུ། །རྒྱལ་བས་སྤྱོད་པ་མི་ཟད་རྣམས་སྤྱད་དེ། །
འགྲོ་བའི་གཏི་མུག་དཀྱིལ་འཁོར་རྣམ་པར་ཟློག །རིན་ཆེན་ཟླ་བའི་དཔལ་ནི་འདི་ལ་འཇུག །འཁོར་བའི་རྒྱ་མཚོ་སྡུག་བསྔལ་ཆེན་པོ་ན། །སེམས་ཅན་འཁོར་ཞིང་མི་བདེ་ཀུན་གཟིགས་ནས། །རྒྱལ་
བས་བླ་ན་མེད་པའི་ལམ་ཡང་བསྟན། །ཀླུ་དཔལ་པདྨོ་གཙུག་པུད་འདི་ལ་དགའ། །སངས་རྒྱས་སྤྱོད་ཡུལ་བསམ་གྱི་མི་ཁྱབ་ལྟོས། །ཆོས་ཀྱི་དབྱིངས་དང་ནམ་མཁའི་མཚན་ཉིད་དེ། །འགྲོ་བའི་

72-1-47a

གཏི་མུག་དྲ་བ་རྣམ་པར་སྦྱོང་། །དེ་སྐད་ཆུ་འཛིན་ཤུགས་ནི་སྨྲ་ཞིང་བརྗོད། །སངས་རྒྱས་དྲི་མེད་བསམ་གྱིས་མི་ཁྱབ་སྤྱད། །འཇིག་རྟེན་ཀུན་གྱི་ཡུལ་དུ་རྣམ་པར་མཛེས། །སྤྱོད་པའི་དཀྱིལ་
འཁོར་འགྲོ་བ་ཀུན་ལ་སྟོན། །སྣ་ཚོགས་དཔལ་གྱི་མེ་ཏོག་སྤྱོད་ཡུལ་ལོ། །བདུད་ཀྱི་དཀྱིལ་འཁོར་མི་ཟད་རྒྱ་ཆེ་བའང་། །འབྱམ་ཀླས་ཐུགས་ཀྱི་སྐད་ཅིག་གཅིག་གི་བརྟུལ། །རྒྱལ་བ་བསམ་གྱིས་
མི་ཁྱབ་མི་གཡོའ་སྟེ། །རྡོ་རྗེ་རྡུལ་འཛིན་ཚུལ་ནི་འདི་ཡིན་ནོ། །ཆོས་ཀྱི་དབྱིངས་ནི་འབྱམ་ཀླས་ཀུན་བཀང་ཞིང་། །ཕྱོགས་བཅུ་རྣམས་སུ་རྒྱལ་བའི་གསུང་ཡང་གྲག །སངས་རྒྱས་སྤྱོད་ཡུལ་ཏིང་ངེ་འཛིན་ལས་
སྐྱེས། །འདི་ལྟར་འདི་ལ་སྤྲིན་འབྱུང་རབ་ཏུ་འཇུག །དེ་ལ་ཆུ་ཀླུང་གི་ལྷ་ཆུ་བོ་ཀུན་དང་ལྡན་པའི་རྣམ་པར་ཐར་པ་ནི། ཆོས་ཀྱི་ཆུ་བོ་མཐའ་མེད་པས་རྒྱས་པར་འགེངས་པ་ཞེས་བྱའོ། །ཆུ་ཀླུང་གི་ལྷ་རི་དང་ཆུ་ཀུན་
ལ་རྟེན་པའི་རྣམ་པར་ཐར་པ་ནི། ཉོན་མོངས་པ་ཐམས་ཅད་སྤང་བ་ལ་ཡང་དག་པར་འཇུག་པ་ཞེས་བྱའོ། །ཆུ་ཀླུང་གི་ལྷ་རྡུལ་ཐམས་ཅད་དྲི་མ་མེད་པར་རྣམ་པར་དག་པའི་མིག་གི་རྣམ་པར་ཐར་པ་ནི། 
སེམས་ཅན་ཐམས་ཅད་ཀྱི་ཉོན་མོངས་པའི་རྡུལ་དང་འགྲོག་པའི་སྙིང་རྗེའི་ཚུལ་གྱི་ཀུན་ཏུ་རྒྱས་པར་འགེངས་པ་ཞེས་བྱའོ། །ཆུ་ཀླུང་གི་ལྷ་ང་རོས་ཁྱབ་པར་བྱེད་པའི་རྣམ་པར་ཐར་པ་ནི། སེམས་ཅན་
ཐམས་ཅད་ཀྱི་སྒྲ་ཡིད་དུ་མི་འོང་བ་ཟློག་ཅིང་ཕན་པ་སྐྱེད་པ་ཞེས་བྱའོ། །ཆུ་ཀླུང་གི་ལྷ་སྲོག་ཆགས་ཀྱི་རྒྱུད་མཐའ་ཡས་པ་སྐྱོབ་པའི་རྣམ་པར་ཐར་པ་ནི། སེམས་ཅན་ཐམས་ཅད་ལ་འཚེ་བ་མེད་པའི་
བྱམས་པ་འབྱུང་བ་ཞེས་བྱའོ། །ཆུ་ཀླུང་གི་ལྷ་གདུང་བ་མེད་པ་རྒྱ་མཚོ་གདུང་བ་མེད་པའི་འོད་དྲི་མ་མེད་པའི་རྣམ་པར་ཐར་པ་ནི། དགེ་བའི་རྩ་བ་ཐམས་ཅད་གདུང་བར་མི་ནུས་པའི་སྒོ་ཀུན་ནས་སྟོན་པ་ཞེས་བྱའོ། །

72-1-47b

ཆུ་ཀླུང་གི་ལྷ་དགའ་བདེ་ཀུན་ནས་འབྱུང་བའི་རྣམ་པར་ཐར་པ་ནི། སེམས་ཅན་ཐམས་ཅད་ཀྱི་འབྱུང་པ་སེལ་ཅིང་གཏོང་བ་ཕུན་སུམ་ཚོགས་པ་ཡོངས་སུ་སྤྱོད་པ་ཞེས་བྱའོ། །ཆུ་ཀླུང་གི་ལྷ་ཡོན་ཏན་གྱི་ཤུགས་ཡངས་པའི་རྒྱལ་
མཚན་གྱི་རྣམ་པར་ཐར་པ་ནི། ཐམས་ཅད་ཚིམས་པར་བྱེད་པའི་བསོད་ནམས་ཀྱི་ཞིང་རབ་ཏུ་འབྱུང་བ་ཞེས་བྱའོ། །ཆུ་ཀླུང་གིས་ལྷ་འཇིག་རྟེན་ཐམས་ཅད་ཀྱི་དཔལ་གྱི་རྣམ་པར་ཐར་པ་ནི། སེམས་ཅན་ཐམས་ཅད་
ཀྱི་ཉོན་མོངས་པ་རྣམ་པར་བྱང་བར་བྱེད་ཅིང་། འཁོན་དུ་འཛིན་པ་དམ་པོ་དང་། ཁྲོ་བའི་ཤུགས་དང་བར་བྱེད་པ་ཞེས་བྱའོ། །ཆུ་ཀླུང་གི་ལྷ་ཚོགས་ཆེན་པོ་རྒྱ་མཚོ་དཔལ་གྱི་འོད་ཀྱི་རྣམ་པར་ཐར་པ་ནི། འགྲོ་བ་ཐམས་
ཅད་བདེ་བ་ཕུན་སུམ་ཚོགས་པ་མྱོང་བར་བྱེད་ཅིང་ཐར་པར་རྒྱ་མཚོ་ལ་འཛུད་པ་ཞེས་བྱའོ། །དེ་ནས་ཆུ་ཀླུང་གི་ལྷ་ཆུ་བོ་ཀུན་དང་ལྡན་པས་སངས་རྒྱས་ཀྱི་མཐུས། ཆུ་ཀླུང་གི་ལྷའི་འཁོར་གྱི་དཀྱིལ་འཁོར་ཡོད་པ་
ཐམས་ཅད་ལ་རྣམ་པར་བལྟས་ཏེ། དེའི་ཚེ་ཚིགས་སུ་བཅད་པ་འདི་དག་སྨྲས་སོ། །ཆོས་རྣམས་རྒྱ་མཚོ་མཐའ་ཡས་སྤྱོད་པ་དག །ཐམས་ཅད་རྒྱལ་བས་སེམས་ཅན་དོན་དུ་སྦྱངས། །འཇིག་རྟེན་
བཀང་ཞིང་ཉོན་མོངས་གདུངས་པའི་རྣམས། །སྤྲིན་ཆེན་ཆེར་བཞིན་རབ་ཏུ་ཞི་བར་མཛད། །བསྐལ་པ་བརྗོད་དུ་མེད་པར་རྒྱལ་བས་སྔོན། །སྨོན་ལམ་འོད་ཀྱིས་སེམས་ཅན་དབྱིངས་ཤེས་ཤིང་། །
འགྲོ་བ་ཡོངས་སྨིན་དབང་པོ་ཆོས་ཀྱང་མཁྱེན། །འཁྱིལ་པ་ཞེས་བྱ་ཆུ་ཀླུང་ལྷ་དགའ་བོ། །འགྲོ་དང་མཉམ་པའི་སྙིང་རྗེའི་ཚུལ་བསྒོམས་ཤིང་། །མགོན་པོ་སེམས་ཅན་ཉོན་མོངས་དྲི་མ་སྦྱོང་། །
ཡོངས་སྨིན་སེམས་ཅན་རྒྱལ་བ་མངོན་དུ་ལྟ། །དེ་ལ་དྲི་མེད་མིག་གི་ལྷ་ཡང་མོས། །དེ་བཞིན་གཤེགས་པའི་དབྱངས་སྙན་རྒྱ་ཆེན་ནི། །ཀུན་ཏུ་བསྒྲགས་པས་འགྲོ་བའི་སྡུག་བསྔལ་ཞི། །སངས་རྒྱས་

72-1-48a

དབྱངས་སྙན་ཐོས་ནས་དགའ་མགུ་ཡིད། །རྣམ་ཐར་འདི་ནི་སྒྲ་དབྱངས་སྒྲོག་པས་ཐོས། །བསྐལ་པ་རྒྱ་མཚོར་འགྲོ་ལ་ཕན་དོན་དུ། །སྔོན་ཅད་བྱང་ཆུབ་སྤྱོད་པ་སྤྱད་མཐོང་ན། །དེ་ཕྱིར་དེ་ནི་ཕྱོགས་
བཀང་འཇིག་རྟེན་མཛེས། །ལམ་རྒྱུད་སྟོབས་པ་རྗེས་སུ་དྲན་ཞིང་དགའ། །རྒྱལ་བ་སྔན་ཅད་སྤྱད་པ་སྤྱོད་པའི་ཚེ། །སྣ་ཚོགས་སྒོ་ནས་སེམས་ཅན་སྨིན་པར་མཛད། །དེ་དག་བསོད་ནམས་རྒྱ་མཚོས་སྡུག་
བསྔལ་འཇིལ། །ཞི་བྱེད་ཆུ་ཀླུང་ལྷ་ནི་དེས་དགའ་བོ། །སྦྱིན་པའི་སྒོ་མོ་ཚད་མེད་མི་ཟད་མང་། །འགྲོ་བ་འདོད་པ་ཀུན་ལ་ཡོངས་བཏང་ཞིང་། །རྒྱལ་བས་འགྲོ་བའི་འཇུངས་པ་ཡོངས་སུ་བསྩལ། །
ཀུན་ནས་དགའ་དཔལ་རྣམ་ཐར་འདི་མཐོང་ངོ་། །ཐབས་ཚུལ་རྒྱ་མཚོ་ཐམས་ཅད་བསྒོམས་པས་ན། །ཡོན་ཏན་མང་པོ་བརྒྱ་ཕྲག་མང་པོས་བྱུང་། །རྒྱལ་བས་འགྲོ་བ་ཐམས་ཅད་ཚིམ་མཛད་དེ། །རྒྱ་
ཆེན་སྒྲ་དབྱངས་ཤུགས་ལྡན་ལྷ་ཡང་དགའ། །སྒྲིབས་པའི་གློང་དང་འགྲོ་བའི་ཉོན་མོངས་དྲི། །འགྲོ་བ་རྣམས་ལ་བྱམས་པ་བསྐྱེད་སྦྱངས་པས། །མཁའ་མཉམ་འོད་ཀྱིས་སངས་རྒྱས་རྣམ་པར་
མཛེས། །རྣམ་པར་མཛེས་པའི་ཆུ་ཀླུང་ལྷ་དགའ་བོ། །སངས་རྒྱས་རང་བྱུང་ཡོན་ཏན་རྒྱ་མཚོ་སྟེ། །བསོད་ནམས་ཞིང་ནི་འདུས་བྱས་སྡུག་བསྔལ་འདོར། །བྱང་ཆུབ་ལམ་ལ་རིམ་གྱི་ཡོད་སྨིན་མཛད། །
རྒྱ་མཚོའི་ཚོགས་དཔལ་རྣམ་ཐར་འདི་ཡིན་ནོ། །དེ་ལ་ལོ་ཏོག་གི་ལྷ་དང་འཇམ་པའི་དཔལ་གྱི་རྣམ་པར་ཐར་པ་ནི། རོ་དང་མདངས་ཐམས་ཅད་སྐྱེད་ཅིང་། སེམས་ཅན་ཐམས་ཅད་སངས་རྒྱས་ཀྱི་གཟུགས་ཀྱི་སྐུ་རབ་ཏུ་
ཐོབ་པ་ཞེས་བྱའོ། །ལོ་ཏོག་གི་ལྷ་དུས་ཀྱི་མེ་ཏོག་རྣམ་པར་མཛེས་པའི་འོད་ཀྱི་རྣམ་པར་ཐར་པ་ནི། འགྲོ་བ་ཐམས་ཅད་ཉེ་བར་འཚོ་བས་དགའ་བ་ཆེན་པོའྀ་ཤུགས་ཀྱི་ཚིམ་པ་སྐྱེད་པ་ཞེས་བྱའོ། །ལོ་ཏོག་གི་ལྷ་བསྩལ་

72-1-48b

དམ་པའི་སྟོབས་ཀྱི་རྣམ་པར་ཐར་པ་ནི། ཆོས་ཐམས་ཅད་ཀྱི་དབྱིངས་ཡོངས་སུ་རྒྱས་པས་ཤིན་ཏུ་དག་པའི་སྤྱོད་ཡུལ་ཞེས་བྱའོ། །ལོ་ཏོག་གི་ལྷ་མདངས་ཀྱི་ངད་མཐའ་ཡས་པ་རབ་ཏུ་འགྱེད་པའི་རྣམ་པར་ཐར་པ་ནི། སྙིང་རྗེ་
མཐའ་ཡས་པའི་སྒོ་ནས། སངས་རྒྱས་ཀྱི་རྣམ་པར་འཕྲུལ་པ་རབ་ཏུ་འགྱེད་ཅིང་རྗེས་སུ་དྲན་པ་ཞེས་བྱའོ། །ལོ་ཏོག་གི་ལྷ་ཀུན་གྱི་རྩ་བ་འབྲས་བུའི་རྣམ་པར་ཐར་པ་ནི། སངས་རྒྱས་ཐམས་ཅད་མངོན་ཏུ་ལྟ་ཞིང་། 
སངས་རྒྱས་རྣམས་ལ་ཡོན་ཏན་ཡང་དག་པར་བསྐྱེད་པ་སྟོན་པ་ཞེས་བྱའོ། །ལོ་ཏོག་གི་ལྷ་གཙུག་པུད་ཁ་དོག་སྣ་ཚོགས་ཀྱི་རྣམ་པར་ཐར་པ་ནི། འགྲོ་བ་ཐམས་ཅད་ཀྱི་མོས་པའི་མེ་ཏོག་ཡོངས་སུ་སྦྱངས་པ་ཞེས་བྱའོ། །
ལོ་ཏོག་གི་ལྷ་ཡལ་ག་དྲི་མ་མེད་པར་གྲུབ་པའི་རྣམ་པར་ཐར་པ་ནི། སེམས་ཅན་ལ་ཕན་པའི་བྱམས་པ་དང་། བསོད་ནམས་རྒྱ་མཚོ་རྒྱ་ཆེན་པོ་རྣམ་པར་འཕེལ་བར་བྱེད་པ་ཞེས་བྱའོ། །ལོ་ཏོག་གི་ལྷ་སྤོས་སྣ་ཚོགས་ཤིན་ཏུ་
གྲུབ་པའི་རྣམ་པར་ཐར་པ་ནི། ཆོས་ཐམས་ཅད་ལ་སྤྱོད་པ་ཀུན་ཏུ་གནོན་པས་རྩོམ་པ་ཞེས་བྱའོ། །ལོ་ཏོག་གི་ལྷ་བཟང་ཞིང་ཡིད་དུ་འོང་བར་སྣང་བའི་རྣམ་པར་ཐར་པ་ནི། འགྲོ་བ་ཐམས་ཅད་ཀྱི་ཞུམ་པ་དང་། ཡིད་དུ་མི་
འོང་བ་རྣམ་པར་ཟློག་ཅིང་། ཆོས་ཀྱི་དབྱིངས་ཐམས་ཅད་ཡོངས་སུ་དག་པར་བྱེད་པ་ཞེས་བྱའོ། །ལོ་ཏོག་གི་ལྷ་ཁ་དོག་རྣམ་པར་དག་ཅིང་། འོད་དྲི་མ་མེད་པའི་རྣམ་པར་ཐར་པ་ནི། འགྲོ་བ་ཐམས་ཅད་ཀྱི་དགེ་
བའི་རྩ་བ་ལ་རྣམ་པར་ལྟ་ཞིང་ཆོས་ཀྱིས་འཁོར་གྱི་དབང་པོ་ཚིམ་པར་བྱེད་པ་ཞེས་བྱའོ། །དེ་ནས་ལོ་ཏོག་གི་ལྷ་དང་འཇམ་དཔལ་གྱིས་སངས་རྒྱས་ཀྱི་མཐུས། ལོ་ཏོག་གི་ལྷའི་འཁོར་གྱི་དཀྱིལ་འཁོར་ཐམས་ཅད་ལ་རྣམ་པར་
བལྟས་ཏེ། དེའི་ཚེ་ཚིགས་སུ་བཅད་པ་འདི་དག་སྨྲས་སོ། །རང་བྱུང་ཡེ་ཤེས་སྒྲོན་མ་སྐྱོད་པ་ནི། །འགྲོ་བ་ཀུན་གྱི་སྐྱབས་དང་མགོན་གྱུར་ཏེ། །མ་ལུས་འགྲོ་བའི་བདེ་བ་ཡང་དག་སྐྱེད། །བསོད་ནམས་རྒྱ་མཚོ་

72-1-49a

སངས་རྒྱས་བླ་ན་མེད། །སངས་རྒྱས་མཉན་ན་དོན་ཡོད་ཡོན་ཏན་སྤྲིན། །འགྲོ་བ་ཀུན་གྱི་སྡུག་བསྔལ་ཞི་བར་མཛད། །ཆོས་རྒྱ་ཆེན་པོ་མི་ཟད་རབ་ཏུ་བསྐྱེད། །དུས་ཀྱི་དཀྱིལ་འཁོར་ལྷ་ནི་འདི་ལ་འཇུག །
བདེ་གཤེགས་སྟོབས་ནི་མ་ལུས་ཡོངས་སུ་རྒྱས། །འགྲོ་བ་དག་ནི་ཆོས་ཀྱི་ལེགས་པས་མཛེས། །འགྲོ་བ་ཀུན་འདུལ་ཀུན་ཏུ་རྣམ་པར་སྣང་། །སྟོབས་དང་གཟུགས་ཀྱི་མཐུ་ཡིས་དེ་མཐོང་ངོ་། །སེམས་ཀྱི་སྐད་ཅིག་
ཀུན་ལ་འགྲོ་མཉམ་པའི། །ཐུགས་རྗེས་རྒྱ་མཚོ་སྔ་ཅད་རྣམ་སྦྱངས་པས། །དེ་ཕྱིར་རྫུ་འཕྲུལ་རྣམས་ནི་མཐའ་ཡས་སོ། །དེ་ནི་མདངས་མཐོང་ལྷ་ཡིས་རབ་ཏུ་མཐོང་། །ཐབས་རྣམས་ཀུན་གྱི་སྒོ་རྣམས་
དོན་ཡོད་པར། །སངས་རྒྱས་འཇིག་རྟེན་ཀུན་ཏུ་ཁྱབ་གྱུར་ཅིང་། །འགྲོ་བ་ཀུན་གྱི་ཉོན་མོངས་དག་པར་མཛད། །འདི་ནི་ཐམས་ཅད་སྒོ་མོའྀ་རྣམ་ཐར་ཏོ། །འགྲོ་བ་འདི་ན་མོས་ཡངས་གང་ཡོད་པ། །དེ་དག་ཐམས་ཅད་
རྒྱལ་བའི་མཐུས་བྱུང་སྟེ། །དེ་བཞིན་གཤེགས་པའི་ཡེ་ཤེས་རྒྱ་མཚོ་འོ། །ནག་ཚལ་རྒྱན་གྱིས་གཙུག་པུད་དེ་ལ་འཇུག །འཇིག་རྟེན་རྣམས་ལ་བྱམས་པ་ཆེ་བསྐྱེད་དེ། །སེམས་ཅན་རྣམས་ལ་ཕན་ཕྱིར་རང་བྱུང་
སྐྱེས། །ལམ་རབ་དགེ་བ་ཞི་བ་རབ་ཏུ་སྟོན། །ཞི་བ་སྣ་ཚོགས་དཔལ་གྱི་རྣམ་ཐར་ཏོ། །ཕྱོགས་སུ་སེམས་ཅན་ཡོངས་སུ་སྨིན་བྱེད་པའི། །བདེ་གཤེགས་སྤྱོད་པ་ཇི་ལྟར་རྣམ་དག་པ། །བྱང་ཆུབ་ཤིང་ལས་དེ་དག་
སྒྲ་ཡང་འབྱུང་། །སྤོས་ཞིམ་དཔལ་གྱི་ལྷ་ཡིས་དེ་ཐོས་སོ། །རྒྱལ་བའི་ཇིག་རྟེན་ཡིད་དུ་འོང་བ་སྤོང་། །དགའ་བ་མ་ལུས་རྣམས་ཀྱང་རབ་ཏུ་སྐྱེད། །འགྲོ་བ་ཀུན་གྱི་དབང་པོ་རྣམ་པར་སྦྱོང་། །དགེ་བར་སྣང་བའི་
ལྷ་ཡིས་དེ་མཐོང་ངོ་། །འགྲོ་བ་ཀུན་ན་སངས་རྒྱས་ཤིན་ཏུ་འཕགས། །སྐྱེ་བོ་ཀུན་གྱི་བསམ་པ་དེ་མཁྱེན་ཏོ། །སྣ་ཚོགས་སྒོ་ནས་འགྲོ་བ་ཡོངས་སྨིན་མཛད། །རྣམ་དག་ཁ་དོག་འོད་ཀྱི་རྣམ་ཐར་ཏོ། །དེ་ལ་སྨན་

72-1-49b

གྱི་ལྷ་ཕུན་སུམ་ཚོགས་པའི་རྣམ་པར་ཐར་པ་ནི། བསམ་པ་ཀུན་ནས་རྣམ་པར་ལྟ་བའི་གནོན་པས་འགྲོ་བ་རབ་ཏུ་གནོན་པ་ཞེས་བྱའོ། །སྨན་གྱི་ལྷ་ཙན་དན་གྱི་ནགས་ཚལ་གྱི་ཤུགས་འཆང་བའི་རྣམ་པར་ཐར་པ་ནི། 
བལྟ་བ་ཡོད་པས་སེམས་ཅན་འདྲེན་པའི་འོད་ཅེས་བྱའོ། །སྨན་གྱི་ལྷ་འོད་རྡུལ་མེད་པའི་རྣམ་པར་ཐར་པ་ནི། སེམས་ཅན་ཐམས་ཅད་ཉོན་མོངས་པ་རབ་ཏུ་ཞི་བས་རྡུལ་དང་བྲལ་བའི་སྦྱོར་བ་ཞེས་བྱའོ། །སྨན་གྱི་ལྷ་
མིང་ཀུན་ཏུ་གྲགས་པའི་གླང་པོའི་རྒྱལ་མཚན་གྱི་རྣམ་པར་ཐར་པ་ནི། མིང་བསྒྲགས་པས་དགེ་བའི་རྩ་བ་རྒྱ་མཚོ་ཡང་དག་པར་འཕེལ་བ་ཞེས་བྱའོ། །སྨན་གྱི་ལྷ་སྤུའི་གློང་ཀུན་ནས་འོད་བྱུང་བའི་རྣམ་པར་ཐར་པ་
ནི། ནད་ཐམས་ཅད་ལ་སྙིང་རྗེའི་དཀྱིལ་འཁོར་གྱི་ཤུགས་ཀྱི་རྒྱལ་མཚན་ཞེས་བྱའོ། །སྨན་གྱི་མུན་པ་རྣམ་པར་སེལ་ཅིང་རྣམ་པར་སྦྱོང་བའི་རྣམ་པར་ཐར་པ་ནི། འགྲོ་བ་མདོངས་པ་ལྟ་བུར་ཐམས་ཅད་ཀྱི་
ཡེ་ཤེས་ཀྱི་མིག་རྣམ་པར་དག་པར་བྱེད་པ་ཞེས་བྱའོ། །སྨན་གྱི་ལྷ་སྒྲ་དབྱངས་ཀུན་ཏུ་འབྱུང་བའྀ་རྣམ་པར་ཐར་པ་ནི། སངས་རྒྱས་ཀྱི་ཆོས་རབ་ཏུ་བསྒྲགས་པས་དོན་གྱི་དབྱིངས་འབྱུང་བ་ཞེས་བྱའོ། །སྨན་གྱི་
ལྷ་ཉི་མའི་འོད་འགྲོ་བའི་མཆོག་གི་རྒྱལ་མཚན་གྱི་རྣམ་པར་ཐར་པ་ནི། འགྲོ་བ་ཐམས་ཅད་ལ་དགེ་བའི་གཤེས་སུ་སྟོན་ཅིང་དགེ་བའི་རྩ་བས་ཡང་དག་པར་བསྐུལ་བ་ཞེས་བྱའོ། །སྨན་གྱི་ལྷ་ཕྱོགས་
བཅུར་རྨོངས་པ་མེད་པའི་རྣམ་པར་ཐར་པ་ནི། མོས་པའི་ཚུལ་གྱིས་རྣམ་པར་དག་པའི་སྙིང་རྗེའི་སྙིང་པོ་ཞེས་བྱའོ། །སྨན་གྱི་ལྷ་མདངས་བཟང་པོ་ཀུན་ཏུ་འགྱེད་པའི་མིག་གི་རྣམ་པར་ཐར་པ་ནི། སེམས་
ཅན་ཐམས་ཅད་ཀྱི་ནད་རབ་ཏུ་ཞི་བར་བྱེད་ཅིང་། སངས་རྒྱས་རྗེས་སུ་དྲན་པར་སྦྱོར་བ་ཞེས་བྱའོ། །དེ་ནས་སྨན་གྱི་ལྷ་ཕུན་སུམ་ཚོགས་པས་སངས་རྒྱས་ཀྱི་མཐུས། སྨན་གྱི་ལྷའི་འཁོར་གྱི་དཀྱིལ་

72-1-50a

འཁོར་ཡོད་པ་ཐམས་ཅད་ལ་རྣམ་པར་བལྟས་ནས། དེའི་ཚེ་ཚིགས་སུ་བཅད་པ་འདི་དག་སྨྲསོ། །སངས་རྒྱས་ཡེ་ཤེས་བསམ་གྱིས་མི་ཁྱབ་ལྟོས། །འགྲོ་བ་ཀུན་གྱི་བསམ་པ་རབ་ཏུ་མཁྱེན། །ཐབས་
ཀྱི་རྣམ་པ་སྣ་ཚོགས་སྒོ་དག་ནས། །སྡུག་བསྔལ་ཀུན་ལས་སེམས་ཅན་རབ་ཏུ་འགྲོལ། །སངས་རྒྱས་ཆོས་ཉིད་དེ་ལྟར་བསམ་མི་ཁྱབ། །དེ་ཡི་མཐུ་ནི་ཐམས་ཅད་དོན་ཀྱང་ཡོད། །སྐྱེ་དགུ་རྣམས་ཀྱི་སྡུག་བསྔལ་
ཞི་བར་མཛད། །ཙན་དན་ཤུགས་དང་ལྡན་པའི་རྣམ་ཐར་ཏོ། །སྔོན་ཅད་རྒྱལ་བའི་ཆོས་ཉིད་དག་ལ་ལྟོས། །བསྐལ་པ་རྒྱ་མཚོ་མཐའ་མེད་སྤྱོད་པ་ན། །སྲིད་པ་ཀུན་ལ་ཆགས་པ་གང་ཡང་མེད། །དེ་ལ་རྡུལ་མེད་འོད་
ཀྱི་ལྷ་འཇུག་གོ། །རྒྱལ་བ་བསྐལ་པ་སྟོང་ཕྲག་བརྒྱ་དག་ཏུ། །མཐོང་ཞིང་མཚན་ཉིད་དེ་བཞིན་ཤིན་ཏུ་དཀོན། །ཚུལ་རྣམས་ཀུན་ཏུ་རང་བྱུང་དོན་ཡོད་དེ། །དེ་ལ་རྒྱལ་མཚན་མཆོག་ནི་དེ་ལྟར་འཇུག །རྒྱལ་བའི་
སྤུ་ཡི་སྒོ་རྣམས་ཀུན་ནས་ཀྱང་། །ནད་ལས་རབ་ཏུ་གྲོལ་བའི་འོད་བཀྱེ་བས། །འཇིག་རྟེན་ཉོན་མོངས་མ་ལུས་ཞི་བར་མཛད། །སྤུ་མདངས་རྒྱུན་གྱི་རྣམ་ཐར་འདི་ཡིན་ནོ། །སྡུག་བསྔལ་ལས་དང་ཉོན་མོངས་
སྣ་ཚོགས་པས། །འགྲོ་བ་མདོང་ཤིང་རབ་ཏུ་རྨོངས་གྱུར་རྣམས། །སངས་རྒྱས་ཡེ་ཤེས་འོད་ཀྱི་རྣམ་པར་སྤྱོད། །དེ་ནི་མུན་དང་བྲལ་བའི་ལྷས་མཐོང་ངོ་། །རྒྱལ་བའི་གསུངས་གཅིག་ལས་ནི་མཐའ་ཡས་
པའི། །ཆོས་ཀྱི་སྒོ་མོ་ཐམས་ཅད་ཀུན་ཀྱང་འབྱུང་། །དེ་ནི་སེམས་ཅན་མ་ལུས་ཀུན་ཀྱང་ཤེས། །འདི་ནི་སྒྲ་དང་ལྡན་པའི་རྣམ་ཐར་ཏོ། །རྒྱལ་བའི་ཡེ་ཤེས་བསམ་གྱི་མི་ཁྱབ་ལྟོས། །སྲིད་པར་སེམས་
ཅན་ཡོངས་སུ་སྨིན་བྱས་པ། །དེ་ལ་འགྲོ་ཀུན་མི་མགོན་མངོན་དུ་སྣང་། །ཉི་འོད་ཞི་བའི་ལྷ་ཡིས་དེ་མཐོང་ངོ་། །སངས་རྒྱས་ཐུགས་རྗེའི་ཚུལ་ནི་རྒྱ་མཚོའ་སྟེ། །འགྲོ་བ་ཀུན་ལ་ཕན་དོན་དེ་སྐྱེས་སོ། །

72-1-50b

འགྲོ་བ་ཀུན་ལ་ལམ་རྣམས་ཤིན་ཏུ་སྟོན། །དེ་ནི་ཕྱོགས་སུ་སྣང་བའི་ལྷས་ཤེས་སོ། །སངས་རྒྱས་འགྲོ་དབང་རྣམས་ཀྱི་འོད་ཡངས་པ། །ཕྱོགས་རྣམས་ཐམས་ཅད་མ་ལུས་ཀུན་ཏུ་གང་། །སངས་རྒྱས་རྗེས་
སུ་དྲན་པའི་གཟི་བརྗིད་བསྐྱེད། །མདངས་ཀྱི་འོད་དུ་ལྡན་པའི་རྣམ་ཐར་ཏོ།། །།སངས་རྒྱས་རྨད་ག་ཅད་ཅེས་བྱ་བ་ཤིན་ཏུ་རྒྱས་པ་ཆེན་པོའི་མདོ། བམ་པོ་བཞི་པ། 
དེ་ལ་ནག་ཚལ་གྱི་ལྷ་ཡལ་ག་སྣ་ཚོགས་ཀྱི་སྤྲིན་གྱི་རྣམ་པར་ཐར་པ་ནི། ཡེ་ཤེས་རྒྱ་མཚོ་ཡངས་ཤིང་མཐའ་ཡས་པའི་སྙིང་པོ་ཞེས་བྱའོ། །ནགས་ཚལ་གྱི་ལྷ་འོད་ཀྱི་ཕུང་པོ་སྣ་ཚོགས་ཀྱི་མིག་ཡིད་
དུ་འོང་བའི་འོད་ཀྱི་རྣམ་པར་ཐར་པ་ནི། དགེ་བ་རྒྱ་ཆེན་པོ་ཀུན་ནས་སྤུངས་པའི་ཤུགས་ཤེས་བྱའོ། །ནགས་ཚལ་གྱི་ལྷ་མྱུ་གུ་ཡིད་དུ་འོང་བའི་འོད་ཀྱི་རྣམ་པར་ཐར་པ་ནི། མོས་པ་སྣ་ཚོགས་ཀྱི་མྱུ་གུ་
རྣམ་པར་འཕེལ་བ་དང་། ཡོངས་སུ་དག་པར་བྱེད་པ་ཞེས་བྱའོ། །ནགས་ཚལ་གྱི་ལྷ་ལོ་མ་དྲི་མ་མེད་པའི་ཕྲེང་བའི་དཔལ་གྱི་རྣམ་པར་ཐར་པ་ནི། ཡོན་ཏན་གྱི་དཀྱིལ་འཁོར་ཐམས་ཅད་ཀྱི་རྒྱན་ཡོངས་
སུ་སྦྱོང་ཞིང་། རྣམ་པར་བསྒོམ་པ་ཞེས་བྱའོ། །ནགས་ཚལ་གྱི་ལྷ་ཡན་ལག་རབ་ཏུ་འཆང་བའི་གཟི་བརྗིད་ཀྱི་རྣམ་པར་ཐར་པ་ནི། ཤེས་རབ་དྲི་མ་མེད་པའི་སྒོ་ནས་ཆོས་ཀྱི་དབྱིངས་ལ་དམིགས་
ཤིང་། ཀུན་ནས་རྣམ་པར་དམིགས་པས་རྒྱས་པར་འགེངས་པ་ཞེས་བྱའོ། །ནགས་ཚལ་གྱི་ལྷ་དགེ་བའི་འོད་སྣ་ཚོགས་ཀྱི་རྣམ་པར་ཐར་པ་ནི། འགྲོ་བ་ཐམས་ཅད་ཀྱི་སྤྱོད་པ་རྒྱ་མཚོ་ལ་ཡང་དག་པར་
འཇུག་པའི་ཆོས་ཀྱི་སྤྲིན་མངོན་པར་སྒྲུབ་པ་ཞེས་བྱའོ། །ནགས་ཚལ་གྱི་ལྷ་སྒྲ་སྐད་ཡིད་དུ་འོང་བའི་དབྱངས་ཀྱི་རྣམ་པར་ཐར་པ་ནི། སེམས་ཅན་ཐམས་ཅད་ཀྱི་ཡིད་དུ་མི་འོང་བའི་སྒྲ་ལ་བཟོད་པ་རབ་ཏུ་

72-1-51a

ཐོབ་པས་ཆོས་ཀྱི་སྣང་བ་དྲི་མ་མེད་པ་ཞེས་བྱའོ། །ནགས་ཚལ་གྱི་ལྷ་ཀུན་ནས་སྤོས་མང་པོ་ལྡང་བའི་འོད་ཀྱི་རྣམ་པར་ཐར་པ་ནི། སྤྱོད་པ་རྒྱ་ཆེན་པོ་འདི་དཀྱིལ་འཁོར་སྤྱོད་པས་ཡོངས་སུ་དག་པར་བྱེད་ཅིང་
ཕྱོགས་ཀུན་ཏུ་རྣམ་པར་སྣང་བ་ཞེས་བྱའོ། །ནགས་ཚལ་གྱི་ལྷ་ཀུན་ནས་དཔལ་གྱི་འོད་རབ་ཏུ་འབྱུང་བའི་དཀྱིལ་འཁོར་གྱི་རྣམ་པར་ཐར་པ་ནི། འགྲོ་བ་ལ་ཕན་པའི་དོན་ཆོས་ཐམས་ཅད་ཀྱི་ཡོན་ཏན་གྱིས་རྒྱས་པར་
ཡང་དག་པར་སྦྱོང་བ་ཞེས་བྱའོ། །ནགས་ཚལ་གྱི་ལྷ་མེ་ཏོག་དང་འབྲས་བུ་དང་རོའི་འོད་ཀྱི་རྣམ་པར་ཐར་པ་ནི། སངས་རྒྱས་སྐྱེ་བ་ཐམས་ཅད་ལ་དགའ་བར་ལྟ་ཞིང་རྗེས་སུ་དྲན་པའི་ཡོན་ཏན་གྱི་རྒྱན་གྱི་སྙིང་པོ་ཞེས་
བྱའོ། །དེ་ནས་ནགས་ཚལ་གྱི་ལྷ་ཡལ་ག་སྣ་ཚོགས་ཀྱི་སྤྲིན་གྱི་སངས་རྒྱས་ཀྱི་མཐུས། ནགས་ཚལ་གྱི་ལྷའི་འཁོར་གྱི་དཀྱིལ་འཁོར་ཐམས་ཅད་ལ་རྣམ་པར་བལྟས་ནས། དེའི་ཚེ་ཚིགས་སུ་
བཅད་པ་འདི་དག་སྨྲས་སོ། །བསོད་ནམས་སྟོབས་དང་ཡེ་ཤེས་སྟོབས་རྣམས་དང་། །སྔོན་ཚེ་བྱང་ཆུབ་སྤྱོད་པས་སངས་རྒྱས་བྱུང་། །སྟོབས་རྣམས་ཀུན་གྱི་རང་བྱུང་ཕ་རོལ་ཕྱིན། །འགྲོ་བ་
ཀུན་ན་འཕགས་ཤིང་རྣམ་པར་མཛེས། །འགྲོ་བ་ཐམས་ཅད་སྙེད་ཀྱི་ཐུགས་རྗེའི་སྒོ། །དེ་བཞིན་གཤེགས་པས་སྔོན་ཚེ་རབ་ཏུ་སྦྱངས། །རང་བྱུང་དེ་བས་འགྲོ་བའི་དོན་མཛད་དོ། །སྣ་
ཚོགས་སྤུངས་འོད་རྣམ་ཐར་འདི་ལ་འཇུག །སེམས་ཅན་ཀུན་གྱིས་བདེ་གཤེགས་མཐོང་མ་ཐག །མོས་པ་རྒྱ་མཚོ་རྣམ་པར་དག་པར་འགྱུར། །རྒྱལ་བ་ཀུན་གྱི་ལམ་ཡང་ཡང་དག་
སྟོན། །མྱུ་གུ་ཡིད་འོང་འོད་ཀྱི་རྣམ་ཐར་ཡིན། །རྒྱལ་བ་ཀུན་གྱིས་བ་སྤུའི་ཡོན་ཏན་འཁོར། །བསྐལ་པ་རྒྱ་མཚོ་ཟད་པར་མི་ནུས་ཏེ། །འགྲོ་བ་ཀུན་གྱིས་སངས་རྒྱས་བསམ་མི་

72-1-51b

ཁྱབ། །རྣམ་ཐར་འདི་ནི་ཕྲེང་བའི་དཔལ་གྱིས་མཐོང་། །སྔན་ཅད་རྒྱལ་བས་སངས་རྒྱས་གང་གིས་རྣམས། །ཞིང་མང་རྡུལ་སྙེད་མཆོད་པ་དེ་དག་དྲན། །ཀུན་ཏུ་ཤེས་རབ་དཀྱིལ་འཁོར་རྣམ་པར་
སྦྱངས། །ཡལ་ག་འོད་ཀྱིས་བརྗིད་ཀྱིས་འདི་མཐོང་ངོ་། །འགྲོ་བ་ཀུན་གྱི་སྤྱོད་པ་རྒྱ་མཚོ་དག །སྐད་ཅིག་གཅིག་གིས་སངས་རྒྱས་ཐུགས་སུ་ཆུད། །རྒྱལ་བའི་ཡེ་ཤེས་ཆགས་མེད་
ཤིན་ཏུ་ཡངས། །སྣ་ཚོགས་འགྱུར་སྤྲུངས་འོད་ཀྱི་འདི་མཐོང་ངོ་། །བདེ་གཤེགས་གསུངས་ནི་ཞི་བ་རབ་ཞིར་གསུང་། །དགའ་བ་ཡངས་པ་ཆེན་པོ་རྣམ་པར་སྐྱེད། །སེམས་ཅན་མོས་
པ་ཇི་བཞིན་དེ་དག་ཤེས། །འདི་ནྀ་སྒྲ་རྣམས་སྒྲོགས་པའི་དབྱངས་ཀྱི་ཐོས། །ཕྱོགས་བཅུའི་ཞིང་གི་དབྱིངས་རྣམས་རྒྱས་བྱས་ཤིང་། །སངས་རྒྱས་བྱིན་བརླབས་རྒྱ་ཆེན་རབ་ཏུ་འབྱུང་། །
རྒྱལ་བའི་སྔོན་གྱི་སྤྱོད་པ་དག་ཀྱང་སྟོན། །ཀུན་ཏུ་དྲི་ཞིམ་འོད་དཔལ་འདི་ལ་འཇུག །མ་རུང་སེམས་ཅན་ཡོན་ཏན་མེད་པའི་རྣམས། །མྱོས་ཤིང་འཁོར་བ་ཀུན་ཏུ་འཁོར་བ་དག །དེ་དག་
ལ་ནི་ཐམས་ཅད་མཁྱེན་ལམ་སྟོན། །འཕགས་པའི་འོད་ཀྱིས་འཁོར་གྱིས་འདི་མཐོང་ངོ་། །སེམས་ཅན་མ་རུངས་སྦྱོར་བ་སྤྱོད་པ་རྣམས། །བསྐལ་པ་བྱེ་བས་སངས་རྒྱས་མཐོང་བར་
འགྱུར། །གཞན་ནི་བདེ་གཤེགས་སྐད་ཅིག་གཅིག་གིས་ལྟ། །རིའི་འོད་ཀྱི་ལྷ་ཡིས་འདི་མཐོང་ངོ་། །དེ་ལ་རིའི་ལྷ་རིན་པོ་ཆེའི་རྩེ་མོའི་མེ་ཏོག་ཤིན་ཏུ་རྒྱས་པར་གནས་པའི་རྣམ་པར་ཐར་
པ་ནི། བསམ་གཏན་ཞི་ཞིང་ཡངས་ལ་དབེན་པའི་སྣང་བ་ལ་རབ་ཏུ་འཇུག་པ་ཞེས་བྱའོ། །རིའི་ལྷ་ནགས་ཚལ་སྣ་ཚོགས་མེ་ཏོག་ཤིན་ཏུ་རྒྱས་པའི་གཙུག་ཕུད་ཀྱི་རྣམ་པར་ཐར་པ་ནི། འགྲོ་བ་

72-1-52a

བསམ་གྱིས་མི་ཁྱབ་པའི་དགེ་བའི་རྩ་བ་ཡོངས་སུ་སྨིན་པར་བྱེད་པའི་བྱམས་པ་སྒོམ་པའི་རྒྱན་ཅེས་བྱའོ། །རིའི་ལྷ་ཀུན་ནས་ཤིན་ཏུ་འཕགས་པས་རྣམ་པར་སྣང་བའི་རྒྱལ་མཚན་གྱི་རྣམ་པར་ཐར་པ་ནི། སེམས་ཅན་
ཐམས་ཅད་ཀྱི་བསམ་པ་རྣམ་པར་ལྟ་བའི་དབང་པོ་ལ་འཇུག་པས་མངོན་པར་སྣང་བ་ཞེས་བྱའོ། །རིའི་ལྷ་རྡུལ་ཐམས་ཅད་དང་མི་གནས་པས་དྲི་མ་མེད་པའི་གཙུག་ཕུད་ཀྱི་རྣམ་པར་ཐར་པ་ནི། བསྐལ་པ་རྒྱ་མཚོ་
མཐའ་ཡས་པས་མི་སྐྱོ་བའི་བརྩོན་འགྲུས་ཀྱིས་རབ་ཏུ་སྦྱོར་བ་ཞེས་བྱའོ། །རིའི་ལྷ་སྣང་བས་ཕྱོགས་སུ་གསོལ་བའི་འོད་ཀྱི་རྣམ་པར་ཐར་པ་ནི། སངས་རྒྱས་ཀྱི་ཡོན་ཏན་མཐའ་ཡས་པའི་སྣང་བ་རྣམ་པར་
བསྟན་པ་སྟོན་པ་ཞེས་བྱའོ། །རིའི་ལྷ་སྟོབས་ལ་ཐུབ་པ་མེད་པའི་སྣང་བའི་འོད་ཀྱི་རྣམ་པར་ཐར་པ་ནི། སེམས་ཅན་ཡོངས་སུ་སྨིན་པར་བྱ་བའི་ཕྱིར་གཏི་མུག་ཡོངས་སུ་སིལ་བའི་འོད་ཅེས་བྱའོ། །
རིའི་ལྷ་ཀུན་ནས་གཟི་བརྗིད་དཔལ་གྱི་དཀྱིལ་འཁོར་གྱི་རྣམ་པར་ཐར་པ་ནི། ཆགས་པ་ཐམས་ཅད་དང་མཉམ་པའི་རྒྱན་གྱི་སྡུགས་བསྔལ་ཡང་དག་པར་འཇོམས་པ་ཞེས་བྱའོ། །རིའི་ལྷ་སྣང་བའི་
རྡུལ་ཆུ་བོའི་དཀྱིལ་འཁོར་གྱི་རྣམ་པར་ཐར་པ་ནི། དེ་བཞིན་གཤེགས་པ་ཐམས་ཅད་ཀྱི་བསྟན་པའི་ཡོན་ཏན་སྣང་བ་ཡང་དག་པར་སྟོན་པ་ཞེས་བྱའོ། །རིའི་ལྷ་ཀུན་ཏུ་མངོན་པར་ལྟ་བའི་མིག་གི་
རྣམ་པར་ཐར་པ་ནི། སེམས་ཅན་ཐམས་ཅད་ཀྱི་རྨི་ལམ་གྱི་མཐར་ཡང་དགེ་བའི་རྩ་བ་རྣམ་པར་འཕེལ་བར་བྱེད་པ་ཞེས་བྱའོ། །རིའི་ལྷ་ཀུན་ནས་སྲ་བའི་རྡོ་རྗེའི་མཚམས་ཀྱི་མིག་གི་རྣམ་
པར་ཐར་པ་ནི། དོན་རྒྱ་མཚོ་རྒྱ་ཆེན་པོ་མཐའ་ཡས་པ་དང་། འགྲོགས་པ་ཞེས་བྱའོ། །དེ་ནས་རིའི་ལྷ་རིན་པོ་ཆེའི་རྩེ་མོ་མེ་ཏོག་ཤིན་ཏུ་རྒྱས་པར་གནས་པས། སངས་རྒྱས་ཀྱི་

72-1-52b

མཐུས། རིའི་ལྷའི་འཁོར་གྱི་དཀྱིལ་འཁོར་ཡོད་པ་ཐམས་ཅད་ལ་རྣམ་པར་བལྟས་ནས། དེའི་ཚེ་ཚིགས་སུ་བཅད་པ་འདི་དག་སྨྲས་སོ། །རྒྱལ་བའི་རྣམ་འཕྲུལ་མི་ཟད་ཚད་མེད་ལྟོས། །སྔོན་ཚེ་
སྤྱོད་རབ་མཐའ་ཡས་རྒྱལ་བས་སྤྱོད། །རྣམ་ཐར་ཞིང་གི་རྡུལ་སྙེད་བསྒོམ་མཛད་པས། །འགྲོ་བ་མ་ལུས་དགའ་བའི་ཤུགས་ཀྱང་སྐྱེད། །སངས་རྒྱས་སྤུ་ནས་དྲི་མ་མེད་དཔལ་བཀྱེ། །ཡན་ལག་
མཚན་བརྒྱན་འགྲོ་བ་ཀུན་བཀང་ཞིང་། །བྱམས་ཚུལ་མཐའ་ཡས་འཇིག་རྟེན་ཀུན་ལ་སྟོན། །ནགས་ཚལ་རྒྱས་པའི་གཙུག་གི་རྣམ་ཐར་ཏོ། །སངས་རྒྱས་སྐུ་ནི་མཐའ་ཡས་འགྲོ་བར་མངོན། །འཇིག་རྟེན་
ཀུན་ཏུ་ཕྱོགས་བཅུ་བཀང་ཞིང་འཕགས། །དབང་པོ་དང་བའི་སེམས་ཅན་རངས་ཤིང་དགའ། །རྣམ་ཐར་འདི་ལ་འཕགས་པའི་རྒྱལ་མཚན་འཇུག །རང་བྱུང་མཁའ་མཉམ་འཇིག་རྟེན་ཀུན་མ་ཆགས། །
བསྐལ་པ་ཀུན་སྤྱོད་བརྩོན་འགྲུས་སྟོབས་མི་སྐྱོ། །སྣ་ཚོགས་མཁས་འགྲོ་སྦྱོར་བ་མ་ལུས་འདུལ། །དགའ་བ་དྲི་མེད་གཙུག་ཕུད་རྣམ་ཐར་ཏོ། །འཇིག་རྟེན་ཀུན་ནི་མདོངས་གྱུར་མུན་སྟུག་ཞུགས། །
ཐུགས་རྗེས་དེར་བསྐྱེད་སངས་རྒྱས་འོད་བཀྱེ་ཞིང་། །འགྲོ་ཁམས་ཡུན་རིངས་ཉལ་བ་སད་པར་མཛད། །རིགས་ནས་དགའ་འོད་ལྷའི་རྣམ་ཐར་ཏོ། །སྲིད་པའི་རྒྱ་མཚོར་སྤྱད་པ་སྔོན་སྤྱོད་ཚེ། །
ཞིང་རྡུལ་མཉམ་པའི་སེམས་ཅན་གཙོ་མཆོད་པས། །དེ་དག་དགྱེས་བཞིན་སེམས་ཅན་བྱང་ཆུབ་བཀོད། །ཞི་བའི་ས་འདི་སྟོབས་འཆང་ལྷ་འཇུག་གོ། །ལས་ཀྱི་སྤྲིན་སྒྲིབ་གཡོགས་ཤིང་
བསྒྲིབས་པ་རྣམས། །སྲིད་པར་སེམས་ཅན་སྡུག་བསྔལ་འཁོར་གཟིགས་ནས། །དེ་དག་མུན་པ་ཡེ་ཤེས་འོད་ཀྱིས་བསྩལ། །གཟི་བརྗིད་དཔལ་འོད་རྣམ་ཐར་འདི་སེམས་སོ། །

72-1-53a

རྒྱལ་བའི་སྤུ་ལས་སངས་རྒྱས་ཡོན་ཏན་ཀུན། །ཕྱོགས་དབྱིངས་སེམས་ཅན་བསམ་པ་བཞིན་དུ་གྲགས། །རྫུ་འཕྲུལ་རྣམ་པ་བསྐལ་པ་ཀུན་ཏུ་གནས། །འོད་མ་རྡུལ་གྱི་ཆུ་བོའི་ལྷ་འཇུག་
གོ། །སེམས་ཅན་ཀུན་སྤྱོད་དགེ་བ་རྒྱ་མཚོ་ཀུན། །དེ་ལ་ཕྱོགས་བཀང་སངས་རྒྱས་མངོན་པར་སྣང་། །སྣ་ཚོགས་ཐབས་ཀྱྀས་འཇིག་རྟེན་ཆོས་ཀྱང་སྟོན། །ཚུལ་མངོན་མིག་གི་ལྷ་ཡིས་དེ་ཐོས་སོ། །
ཆོས་སྒོ་རྒྱ་མཚོ་མི་ཟད་ཚད་མེད་པ། །སངས་རྒྱས་གསུང་གཅིག་སེམས་ཅན་ཀུན་ལ་གསུང་། །བསྐལ་པ་ཀུན་བརྗོད་འཇིག་རྟེན་མང་ལ་སྟོན། །རྡོ་རྗེ་ཚུལ་མིག་འདི་ཡི་གནས་ལ་འཇུག །དེ་ལ་སའི་ལྷ་དཔལ་
གྱི་མེ་ཏོག་ཀུན་ནས་ཤིན་ཏུ་རྒྱས་པར་དྲི་མ་མེད་པའི་རྣམ་པར་ཐར་པ་ནི། སྐད་ཅིག་སྐད་ཅིག་ཅིང་སེམས་ཅན་ཐམས་ཅད་ལ་བྱམས་པ་དང་། སྙིང་རྗེའི་དཀྱིལ་འཁོར་གྱིས་རྣམ་པར་ལྟ་བ་ཞེས་བྱའོ། །སའི་ལྷ་བསོད་
ནམས་བརྟེན་པ་ཤིན་ཏུ་བསགས་པའི་འོད་ཀྱི་རྣམ་པར་ཐར་པ་ནི། སེམས་ཅན་ཐམས་ཅད་ཀྱི་བསོད་ནམས་ཀྱི་སྟོབས་དང་ཤུགས་ཀྱི་རྒྱན་ཅེས་བྱའོ། །སའི་ལྷ་སེམས་ཅན་རིན་པོ་ཆེས་རྒྱས་པའི་རྣམ་པར་ཐར་
པ་ནི། ཏིང་ངེ་འཛིན་སྣ་ཚོགས་བསྒོམས་པ་རྣམ་པར་འབྱེད་པ་དྲི་མ་མེད་པ་ཞེས་བྱའོ། །སའི་ལྷ་དུས་སུ་དགེ་བའི་མིག་རབ་ཏུ་སྟོན་པའི་རྣམ་པར་ཐར་པ་ནི། སེམས་ཅན་ཐམས་ཅད་དགའ་ཞིང་བདེ་བ་དང་
རྩེ་བའི་སྦྱོར་བ་ཞེས་བྱའོ། །སའི་ལྷ་གསེར་གྱི་མིག་གི་དཔལ་གྱི་རྣམ་པར་ཐར་པ་ནི། ལུས་ཐམས་ཅད་ཡོངས་སུ་དག་པར་བྱེད་པའི་ཚུལ་སྟན་པ་ཞེས་བྱའོ། །སའི་ལྷ་སྤུ་ལས་སྤོས་ཀྱི་འོད་རྣམ་
པར་འགྱེད་པའི་རྣམ་པར་ཐར་པ་ནི། སངས་རྒྱས་ཐམས་ཅད་ཀྱི་ཡོན་ཏན་རྒྱ་མཚོ་ཐམས་ཅད་རྣམ་པར་སྒོམ་པ་བརྗོད་པ་ཞེས་བྱའོ། །སའི་ལྷ་སྒྲ་དབྱངས་ཡིད་དུ་འོང་བ་བསྒྲོགས་པའི་རྣམ་པར་ཐར་

72-1-53b

པ་ནི། འགྲོ་བ་ཐམས་ཅད་སྨྲ་བའི་སྒྲ་རྒྱ་མཚོ་བྱིན་གྱིས་རློབ་པ་ཞེས་བྱའོ། །སའི་ལྷ་མེ་ཏོག་གི་ཀློང་སྣ་ཚོགས་ཀྱི་གཙུག་པུད་ཀྱི་རྣམ་པར་ཐར་པ་ནི། སངས་རྒྱས་ཀྱི་ཞིང་ཕུན་སུམ་ཚོགས་པའི་རང་བཞིན་
དྲི་མ་མེད་པ་ཞེས་བྱའོ། །སའི་ལྷ་ཀུན་ནས་རྡོ་རྗེའི་རྡུལ་གྱི་རྒྱུད་ཀྱི་རྣམ་པར་ཐར་པ་ནི། སངས་རྒྱས་ཀྱི་ཆོས་ཐམས་ཅད་ཀྱི་འཁོར་ལོ་བྱིན་གྱི་རླབས་ཀུན་ནས་རྒྱུ་ཞིང་འབྱུང་བ་ཞེས་བྱའོ། །སའི་ལྷ་ཁྱིམ་
དྲི་མ་མེད་པའི་འོད་ཀྱི་རྣམ་པར་ཐར་པ་ནི། སངས་རྒྱས་ཀྱི་ཞིང་ཐམས་ཅད་ཀྱི་ཚུལ་ལ་ཡང་དག་པར་འཇུག་པའི་ཆོས་ཀྱི་རྒྱན་བསྒོམ་པ་འབྱུང་བ་ཞེས་བྱའོ། །དེ་ནས་སའི་ལྷ་དཔལ་གྱི་མེ་ཏོག་ཀུན་ནས་
ཤིན་ཏུ་རྒྱས་པ་དྲི་མ་མེད་པས། སངས་རྒྱས་ཀྱི་མཐུས་སའི་ལྷའི་འཁོར་གྱི་དཀྱིལ་འཁོར་ཡོད་པ་ཐམས་ཅད་ལ་རྣམ་པར་བལྟས་ནས། དེའི་ཚེ་ཚིགས་སུ་བཅད་པ་འདི་དག་སྨྲས་སོ། །སྔན་ཅད་སྐད་ཅིག་སྐད་
ཅིག་བདེ་གཤེགས་ཀྱིས། །བརྗོད་དུ་མེད་པའི་སྙིང་རྗེའི་སྒོ་རྣམས་དང་། །བྱམས་པའི་སྒོ་ཡང་མི་ཟད་སྒོམས་པས་ན། །དེ་ཚེ་སངས་རྒྱས་སྐུ་ནི་མི་ཤིགས་སྲ། །དུས་གསུམ་གཏོགས་པའི་སེམས་ཅན་
བསོད་ནམས་དང་། །སྙིང་རྗེ་བྱང་ཆུབ་སེམས་དཔའི་བསོད་ནམས་དག །རྒྱལ་བའི་སྤུ་གཅིག་དེ་སྙེད་བསོད་ནམས་འོད། །བསོད་ནམས་དེ་མཐོང་རབ་ཏུ་དགའ་བར་འགྱུར། །འབྱུང་བ་མེད་ཅིང་བྱོན་པ་གང་ཡང་
མེད། །ཏིང་འཛིན་ཞི་བ་རྒྱ་མཚོ་རབ་ཏུ་ཞུགས། །སེམས་ཅན་རྒྱན་གྱི་ས་འདི་རབ་ཏུ་སྟོན། །འདི་ནི་སྣ་ཚོགས་ཤིང་གི་ཟེ་བའི་ས་ཡིན་ནོ། །སྔོན་ཅད་ཐུབ་པས་སྤྱོད་པ་སྤྱད་པ་དང་། །འགྲོ་བའི་སྒྲིབ་པ་རྣམ་པར་ཟློག་པ་ནི། །རིན་ཆེན་
བཀྲམ་པའི་འོད་ཀྱི་ས་ཡིན་ཏེ། །རྣམ་ཐར་དེ་ལ་དགའ་བར་ལྷ་ལྟའོ། །དེ་བཞིན་གཤེགས་པའི་ས་ནི་མཐའ་ཡས་ཏེ། །འཇིག་རྟེན་ཀུན་ཏུ་སྐད་ཅིག་ཅིག་ལ་སྟོན། །དུས་ཚོད་ཡང་དག་སྟོན་པའི་ས་ཡི་ལྷ། །དགའ་

72-1-54a

བར་སངས་རྒྱས་ཡུལ་ལ་རྣམ་པར་ལྟ། །སངས་རྒྱས་གསུང་ནི་མཐའ་ཡས་བསམ་མི་ཁྱབ། །སེམས་ཅན་ཀུན་བསྒྲགས་ཉོན་མོངས་ཞི་བར་མཛད། །གསེར་འོད་མིག་གི་དཔལ་ནི་རབ་དགའ་བ། །
སངས་རྒྱས་ཡོན་ཏན་མཐའ་ཡས་མངའ་བ་སྟེ། །སངས་རྒྱས་སྤྲུལ་པས་རྣམ་པར་ཀུན་གཟུགས་སུ། །ཕྱོགས་ཀུན་ཆོས་ཀྱི་དབྱིངས་སུ་རྒྱས་པར་མཛད། །སྤུ་ལས་དྲི་ཞིམ་འོད་ཀྱི་ས་ཡི་ལྷ། །སངས་རྒྱས་སེམས་ཅན་
འདུལ་བ་དེ་ལ་ལྟ། །ཕྱོགས་རྣམས་ཡིད་འོང་དབྱངས་ཀྱིས་གང་བྱས་ཤིང་། །འགྲོ་བ་འདི་ནི་ཕྱི་མཐའི་བསྐལ་པར་བརྗོད། །ཡིད་དུ་འོང་བའི་སྒྲ་དབྱངས་སའི་ལྷ། །རབ་ཏུ་དགའ་བར་སངས་རྒྱས་དབྱངས་ལ་ཉན། །རྒྱལ་
བའི་སྤུ་ལས་སེམས་ཅན་མཉམ་པ་ཡི། །སྤོས་ཀྱི་འོད་བཀྱེ་འཇིག་རྟེན་ཀུན་བཀང་ཞིང་། །སེམས་ཅན་མ་ལུས་ཡོངས་སུ་སྨིན་མཛད་ཅིང་། །མེ་ཏོག་གཙུག་ཕུད་འཕྱང་བས་ཡང་དག་མཐོང་། །དེ་བཞིན་གཤེགས་
སྐུ་རྡོ་རྗེ་ལྟ་བུ་སྟེ། །མཚམས་སུ་མི་ཕྱེད་སྲ་བའི་རི་བོ་འདྲ། །འགྲོ་བ་ཀུན་གྱིས་སངས་རྒྱས་བསྐྱེད་མི་ནུས། །རྡོ་རྗེ་རྡུལ་ཀྱི་ལྷ་ནི་དེས་དགའ་འོ། །དེ་ལ་གྲོང་ཁྱེར་གྱི་ལྷ་རིན་ཆེན་རྩེ་མོའི་འོད་ཀྱི་རྣམ་པར་ཐར་པ་ནི། སེམས་ཅན་
ལ་ཕན་པ་ཡང་དག་པར་སྦྱར་བ་འབྱུང་བ་ཞེས་བྱའོ། །གྲོང་ཁྱེར་གྱི་ལྷ་རྒྱན་རྣམ་པ་སྣ་ཚོགས་འབྱུང་བའི་རྣམ་པར་ཐར་པ་ནི། འགྲོ་བའི་དབང་པོ་ཡོངས་སུ་སྨིན་པར་བྱེད་པའི་འདུལ་བ་འབྱུང་བ་ཞེས་བྱའོ། །གྲོང་
ཁྱེར་གྱི་ལྷ་རིན་ཆེན་དྲི་མེད་ཤིན་ཏུ་དགེ་བའི་རྣམ་པར་ཐར་པ་ནི། སེམས་ཅན་ཐམས་ཅད་བསོད་ནམས་དང་དགའ་བ་མྱོང་བར་བྱེད་པ་ཞེས་བྱའོ། །གྲོང་ཁྱེར་གྱི་ལྷ་སློས་པའི་མྱ་ངན་ཐམས་ཅད་སྤོང་བས་རྣམ་པར་སྣང་བའི་
རྣམ་པར་ཐར་པ་ནི། སྐྱོབ་པ་དང་མི་འཇིགས་པ་དང་། སྙིང་རྗེ་ཆེན་པོ་ཞེས་བྱའོ། །གྲོང་ཁྱེར་གྱི་ལྷ་སྒྲོན་མ་ཤིན་ཏུ་རྒྱས་པའི་མིག་གི་རྣམ་པར་ཐར་པ་ནི། ཤེས་རབ་ཀྱི་ཀུན་ཏུ་རྣམ་པར་འབྱེད་པ་ཞེས་བྱའོ། །གྲོང་

72-1-54b

ཁྱེར་གྱི་ལྷ་འོད་འཕྲོ་བའི་དཔལ་མངོན་པར་འབར་བའི་རྣམ་པར་ཐར་པ་ནི། ཐབས་ཀྱི་སྒོ་ཀུན་ནས་སྟོན་པའི་མཐུ་ཞེས་བྱའོ། །གྲོང་ཁྱེར་གྱིས་ལྷ་བསོད་ནམས་ཀྱི་ཤུགས་སྣང་བའི་འོད་ཀྱི་རྣམ་པར་ཐར་པ་ནི། 
འགྲོ་བ་ཀུན་གྱིས་བསོད་ནམས་འབྱུང་བའི་སྣང་བ་ཞེས་བྱའོ། །གྲོང་ཁྱེར་གྱི་ལྷ་ལུས་དྲི་མ་མེད་པས་མཉམ་པའི་འོད་ཀྱི་རྣམ་པར་ཐར་པ་ནི། སེམས་ཅན་རྨོངས་པ་ཐམས་ཅད་ལ་རྨི་ལམ་རྣམ་པར་སྟོན་པའི་
འོད་ཅེས་བྱའོ། །གྲོང་ཁྱེར་གྱི་ལྷ་སྤོས་ཀྱི་རྒྱལ་མཚན་གཙུག་ཕུད་ཀྱི་རྒྱན་གྱིས་རྣམ་པར་ཐར་པ་ནི། ཉོན་མོངས་པ་དང་མི་དགེ་བའི་དྲི་མ་རྣམ་པར་སེལ་ཅིང་ཐམས་ཅད་མཁྱེན་པ་ཉིད་ཀྱི་དྲི་ཡང་དག་པར་བསྐྱེད་པ་
ཞེས་བྱའོ། །གྲོང་ཁྱེར་གྱི་ལྷ་རིན་ཆེན་དཔལ་གྱི་འོད་ཀྱི་རྣམ་པར་ཐར་པ་ནི། འགྲོ་བ་ཐམས་ཅད་ཀྱི་སྒྲིབ་པའི་རི་རྣམ་པར་འཇོམ་པའི་འོད་ཅེས་བྱའོ། །དེ་ནས་གྲོང་ཁྱེར་གྱི་ལྷ་རིན་པོ་ཆེའི་རྩེ་མོའི་འོད་ཀྱིས་
སངས་རྒྱས་ཀྱི་མཐུས། གྲོང་ཁྱེར་གྱི་ལྷའི་འཁོར་གྱི་དཀྱིལ་འཁོར་ཡོད་པ་ཐམས་ཅད་ལ་རྣམ་པར་བལྟས་ནས། དེའི་ཚེ་ཚིགས་སུ་བཅད་པ་འདི་དག་སྨྲས་སོ། །མགོན་པོའི་ཆོས་ཉིད་
བསམ་གྱིས་མི་ཁྱབ་སྟེ། །སྣང་བ་རྙེས་ཤིང་ཕྱོགས་སུ་རྣམ་པར་མཛེས། །སེམས་ཅན་མཐའ་ཡས་ཡོངས་སུ་སྨིན་མཛད་པའི། །སངས་རྒྱས་འགྲོ་བ་ཀུན་ལ་མངོན་དུ་སྣང་། །སེམས་ཅན་
ཐམས་ཅད་དབང་པོ་སྣ་ཚོགས་ཏེ། །དེ་དག་མ་ལུས་རྒྱལ་བས་འགྲོ་བར་མཁྱེན། །རྣམ་ཐར་འདི་ནི་རབ་ཏུ་ཐོབ་པའི་ཕྱིར། །སྣ་ཚོགས་འོད་འབྱུང་ལྷ་ཡང་རབ་ཏུ་དགའ། །རྒྱལ་བས་བསྐལ་པ་མཐའ་
ཡས་ཡང་དག་སྤྱད། །སྔོན་ཆད་རྒྱལ་བས་ཆོས་ཀྱང་ཡང་དག་བཟུང་། །དགའ་བའི་ཡིད་ཀྱིས་རྟག་ཏུ་དེ་དག་བླངས། །རྣམ་ཐར་འདི་ནི་དགའ་བའི་འོད་ཀྱིས་མཐོང་། །འགྲོ་བ་འདིར་ནི་ཐུགས་རྗེ་བྱམས་

72-1-55a

བསྐྱེད་ཅིང་། །དེ་བཞིན་གཤེགས་པས་སྔན་ཅད་སེམས་ཅན་རྣམས། །ཀུན་གྱི་མྱ་ངན་མཐའ་ཡས་རྣམ་པར་ཟློག །ཉོན་མོངས་ཡོངས་སུ་སྦྱོང་བ་འདི་ལ་དགའ། །རྒྱལ་བས་ཤེས་
རབ་རྒྱ་ཆེ་མཐའ་ཡས་ཏེ། །ཚད་མེད་ནམ་མཁའ་འདྲ་ཞིང་མཚུངས་པ་ཡིན། །དེ་བཞིན་གཤེགས་པའི་ཤེས་རབ་རྣམ་སྤྱོད་པས། །མར་མེའི་མེ་ཏོག་འོད་ཀྱི་ལྷ་དགའ་འོ། །དེ་བཞིན་གཤེགས་པས་
འགྲོ་མཉམ་སྐུ་གཟུགས་རྣམས། །འགྲོ་བ་ཀུན་གྱི་བསམ་པ་རྣམས་ལ་བསྟན། །དེ་འདྲའི་ཚུལ་ལ་རབ་ཏུ་བསྒོམས་པ་ཡིས། །མངོན་འོད་འཕྲོ་བའི་ལྷ་དེ་རབ་ཏུ་དགའ། །བསོད་ནམས་རྒྱ་མཚོ་རྒྱ་
ཆེན་མཐའ་ཡས་པ། །སྔོན་ཆད་དེ་བཞིན་གཤེགས་པས་ཡོངས་སུ་སྦྱངས། །དེ་འདྲའི་རྣམ་པར་ཐར་ལ་རྣམ་ལྟ་བས། །བསོད་ནམས་དཔལ་གྱི་འོད་དེ་རབ་ཏུ་དགའ། །སྲིད་པར་རབ་ཏུ་རྨོངས་པའི་སེམས་
ཅན་རྣམས། །འཁོར་གྱུར་རབ་རིབ་མདོངས་པ་གཟིགས་པས་ན། །དེ་དག་ཕན་ཕྱིར་སངས་རྒྱས་མངོན་དུ་བྱུང་། །དྲི་མེད་འོད་ཀྱིས་རྣམ་ཐར་འདི་ཐོབ་པོ། །དེ་བཞིན་གཤེགས་པའི་རྫུ་འཕྲུལ་སྟོབས་ལ་ལྟོས། །
འགྲོ་ལ་སྤྲིན་འདྲ་མཐའ་དང་དབུས་ཡང་མེད། །དེ་དག་བསྟན་ཅིང་འགྲོ་བ་རྣམ་པར་འདུལ། །སྤོས་ཀྱི་རྒྱལ་མཚན་འོད་ཀྱིས་འདི་མཐོང་ངོ་། །སེམས་ཅན་རྨོངས་པ་མུན་པས་མདོངས་གྱུར་ཅིང་། །རྣམ་
པ་སྣ་ཚོགས་སྒྲིབས་པས་བསྒྲིབས་གྱུར་པ། །སངས་རྒྱས་འོད་ཀྱིས་རྣམ་པར་ཀུན་ཤེས་འགྱུར། །རྩེ་མོའི་འོད་ཀྱི་ལྷ་ནི་འདི་ལ་འཇུག །དེ་ལ་སྙིང་པོ་བྱང་ཆུབ་ཀྱི་ལྷ་དགེ་བ་དྲི་མ་མེད་པའི་རྒྱུན་གྱིས་བརྒྱན་པའི་
རྒྱལ་མཚན་གྱི་རྣམ་པར་ཐར་པ་ནི། སངས་རྒྱས་མང་པོ་མཆོད་པ་ཡང་དག་པར་འབྱུང་ཞིང་། སྔོན་གྱི་སྨོན་ལམ་གྱི་རྒྱན་སྟོན་པ་ཞེས་བྱའོ། །སྙིང་པོ་བྱང་ཆུབ་ཀྱི་ལྷ་རི་རབ་སྤོའི་རིན་པོ་ཆེའི་འོད་ཀྱི་རྣམ་པར་ཐར་པ་ནི། 

72-1-55b

འགྲོ་བ་ཐམས་ཅད་དང་མངོན་སུམ་དུ་བྱང་ཆུབ་ཀྱི་སྤྱོད་པ་ཡང་དག་པར་བསྒྲུབ་ཅིང་འབྱུང་བ་ཞེས་བྱའོ། །སྙིང་པོ་བྱང་ཆུབ་ཀྱི་ལྷ་དབྱངས་ཀྱི་འབྲུག་སྒྲ་སྒྲོགས་པའི་རྒྱལ་མཚན་གྱི་རྣམ་པར་ཐར་པ་ནི། སེམས་ཅན་
ཐམས་ཅད་ཀྱི་བསམ་པ་ལ་སངས་རྒྱས་སྟོན་ཅིང་རྨི་ལམ་གྱི་མཐར། སངས་རྒྱས་ཀྱི་ཆོས་ཀྱི་འབྲུག་སྒྲ་སྒྲོགས་པ་ཞེས་བྱའོ། །སྙིང་པོ་བྱང་ཆུབ་ཀྱྀ་ལྷ་མེ་ཏོག་གི་ཆར་སྣ་ཚོགས་འབབ་པའི་མིག་གི་རྣམ་པར་ཐར་
པ་ནི། དགའ་བ་ཐམས་ཅད་ཡོངས་སུ་གཏོང་ཞིང་རིན་པོ་ཆེའི་ཆར་འབེབ་པའི་རྒྱན་ཅེས་བྱའོ། །སྙིང་པོ་བྱང་ཆུབ་ཀྱི་ལྷ་འོད་འཕྲོ་མང་པོ་ཤིན་ཏུ་དྲི་མ་མེད་པའི་རྣམ་པར་ཐར་པ་ནི། འདུལ་བའི་སེམས་ཅན་ཡོངསུ་
སྨིན་པར་བྱེད་ཅིང་སྙིང་པོ་བྱང་ཆུབ་ཀྱི་ཕུན་སུམ་ཚོགས་པ་སྣ་ཚོགས་སྟོན་པ་ཞེས་བྱའོ། །སྙིང་པོ་བྱང་ཆུབ་ཀྱི་ལྷ་མེ་ཏོག་གི་ཕྲེང་བ་འོད་ཀྱི་གཙུག་ཕུད་ཀྱི་རྣམ་པར་ཐར་པ་ནི། སེམས་ཅན་ཐམས་ཅད་ཀྱི་དབང་པོ་
བཞིན་དུ་ཆོས་ཀྱི་ཚུལ་ཟབ་མོ་དྲན་པ་སྟོན་པ་འབྱུང་བ་ཞེས་བྱའོ། །སྙིང་པོ་བྱང་ཆུབ་ཀྱི་ལྷ་རིན་པོ་ཆེའི་རྒྱན་གྱི་ཆར་རབ་ཏུ་འབེབས་པའི་རྣམ་པར་ཐར་པ་ནི། དགའ་བ་ཡང་དག་པར་མྱོང་བ་མཐའ་ཡས་པ་ལ་
ཡང་དག་པར་འཇུག་པ་ཞེས་བྱའོ། །སྙིང་པོ་བྱང་ཆུབ་ཀྱི་ལྷ་མཐུ་དམ་པ་སྤོས་ཀྱི་མིག་གི་རྣམ་པར་ཐར་པ་ནི། སངས་རྒྱས་ཀྱི་ཡོན་ཏན་དང་ལེགས་པ་རབ་ཏུ་བརྗོད་པའི་བྱིན་གྱིས་རླབས་ཞེས་བྱའོ། །
སྙིང་པོ་བྱང་ཆུབ་ཀྱི་ལྷ་རྡོ་རྗེ་སྣ་ཚོགས་ཀྱི་སྤྲིན་གྱི་རྣམ་པར་ཐར་པ་ནི། སྙིང་པོ་བྱང་ཆུབ་རྣམ་པ་མཐའ་ཡས་པ་ཡང་དག་པར་སྟོན་པའི་རྒྱན་ཅེས་བྱའོ། །སྙིང་པོ་བྱང་ཆུབ་ཀྱི་ལྷ་པདྨོའི་ཤིང་སྣང་བའི་འོད་ཀྱི་
རྣམ་པར་ཐར་པ་ནི། བྱང་ཆུབ་ཀྱི་ཤིང་ཡོངས་སུ་ཞི་བས་ཕྱོགས་རྒྱས་པར་བྱེད་པ་ཞེས་བྱའོ། །སྙིང་པོ་བྱང་ཆུབ་ཀྱི་ལྷ་དགེ་བའི་ལྟ་བ་སྣ་ཚོགས་རྣམ་པར་སྟོན་པའི་འོད་ཀྱི་རྣམ་པར་ཐར་པ་ནི། དེ་བཞིན་གཤེགས་

72-1-56a

པའི་སྟོབས་སྣ་ཚོགས་ཡང་དག་པར་རྒྱུ་བ་ཞེས་བྱའོ། །དེ་ནས་སྙིང་པོ་བྱང་ཆུབ་ཀྱི་ལྷ་དགེ་བ་དྲི་མ་མེད་པའི་རྒྱན་གྱི་བརྒྱན་པའི་རྒྱལ་མཚན་གྱིས་སངས་རྒྱས་ཀྱི་མཐུས། སྙིང་པོ་བྱང་ཆུབ་ཀྱི་ལྷའི་འཁོར་གྱི་
དཀྱིལ་འཁོར་ཡོད་པ་ཐམས་ཅད་ལ་རྣམ་པར་བལྟས་ཏེ། དེའི་ཚེ་ཚིགས་སུ་བཅད་པ་འདི་དག་སྨྲས་སོ། །བསྐལ་པ་མང་པོ་མཐའ་དང་དབུས་མེད་པར། །དེ་བཞིན་གཤེགས་པས་ཇི་ལྟར་སྔོན་སྤྱད་དྲན། །སངས་རྒྱས་ཐམས་
ཅད་མཆོད་ཅིང་བསྒྲུབས་པས་ན། །དེ་ཕྱིར་དེ་ཡི་བསོད་ནམས་ནམ་མཁའི་ཚད། །ཞིང་རྣམས་མཐའ་ཡས་ཚད་མེད་འདྲ་མེད་པར། །མི་ཟད་གཏོང་བའི་སྒོ་ནས་སྔོན་བཏང་བས། །རི་བོ་སྤོའི་འོད་ཀྱི་ལྷ་དེ་ནི། །བདེ་གཤེགས་དྲན་ཞིང་
རབ་ཏུ་དགའ་བར་འགྱུར། །བདེ་གཤེགས་སྤྲུལ་པ་རྣམ་པ་མཐའ་ཡས་པ། །དེ་དག་ཞིང་རྣམས་ཀུན་ཏུ་རབ་ཏུ་རྒྱུ། །འགྲོ་བར་སངས་རྒྱས་རྨི་ལམ་བཞིན་སྟོན་ཅིང་། །སྤྲིན་གྱི་སྒྲ་དབྱངས་ལྷ་དེ་རབ་ཏུ་དགའ། །མཐའ་ཡས་
སྐལ་པར་དཀའ་བ་རབ་སྤྱད་དོ། །དང་བའི་སྤྱན་གྱིས་འགྲོ་ལ་ཕན་པའི་ཕྱིར། །རྒྱ་མཚོའི་སྤྱན་ཡང་ཡོངས་སུ་སྔོན་བཏང་སྟེ། །དེ་ལ་མེ་ཏོག་མིག་གི་ལྷ་དགའ་བོ། །ཡོན་ཏན་རིན་ཆེན་འོད་འཕྲོ་མཐའ་ཡས་སྤྲིན། །འགྲོ་བ་ཀུན་
ཏུ་སྙིང་པོ་བྱང་ཆུབ་ནས། །རབ་ཏུ་བཀྱེ་བའི་སངས་རྒྱས་རྫུ་འཕྲུལ་གྱིས། །འོད་འཕྲོ་འགྱེད་པའི་ལུས་ཀྱི་ལྷ་ཡང་དགའ། །སེམས་ཅན་རྣམས་ཀྱི་སྤྱོད་པ་རྒྱ་མཚོ་སྟེ། །དེ་ལས་རྒྱལ་བ་ཆོས་ཀྱི་ཆར་ཡང་འབེབས། །ཇི་ལྟར་མོས་
པར་ནེམ་ནུར་རྣམ་པར་སེལ། །དེ་ཡིས་གཙུག་ཕུད་འཕྱང་བ་དགའ་བ་ཐོབ། །རྒྱན་གྱི་ཆར་འབེབས་མིག་བཟང་ལྷ་དེ་ནི། །སེམས་ཀྱི་སྐད་ཅིག་གཅིག་གིས་ཚད་མེད་པའི། །ཆོས་དོན་དབྱིངས་ཀྱི་བྱེ་བྲག་མཐའ་ཡས་པ། །
རྒྱ་མཚོ་ཐ་དད་ཡང་དག་ཤེས་པས་འཇུག །ཞིང་རྣམས་བརྗོད་དུ་མེད་པ་ཐམས་ཅད་དུ། །འགྲོ་བ་ཀུན་ལ་སངས་རྒྱས་ལེགས་བརྗོད་པས། །དེ་ཕྱིར་ཡོན་ཏན་སངས་རྒྱས་ཞིང་ཀུན་གྲགས། །དེ་ནི་རྗེསུ་སྤོས་མིག་ལྷ་ཡང་དྲན། །

72-1-56b

མཐའ་ཡས་ཤིང་གི་རྣམ་པ་སྣ་ཚོགས་གཟུགས། །བྱང་ཆུབ་ཤིང་ལ་ཀུན་ཀྱང་མ་ལུས་བསྟན། །རྡོ་རྗེ་སྣ་ཚོགས་སྤྲིན་གྱི་ལྷ་དེ་ནི། །བྱང་ཆུབ་ཤིང་ལ་དགའ་བར་རྣམ་པར་ལྟ། །སངས་རྒྱས་ཡེ་ཤེས་སྙིང་པོ་བྱང་ཆུབ་ལ། །ཕྱོགས་
རྣམས་ཀུན་ཏུ་མཐའ་དང་མུ་མེད་དེ། །པདྨོ་སྣང་ཞིང་གསལ་བའི་ལྷ་དེ་ནི། །རྣམ་ཐར་རྣམ་ཡངས་འདི་ལ་རབ་དགའ་བོ། །སངས་རྒྱས་སྟོབས་རྣམས་ཡོངས་དག་བསམ་མི་ཁྱབ། །སྙིང་པོ་བྱང་ཆུབ་འདིར་ནི་ཀུན་ཀྱང་གྲག །ཡང་དག་བསྒྲུབས་
པས་བྱུང་བ་དེ་དག་ནི། །ཐམས་ཅད་སྣ་ཚོགས་སྣང་བའི་འོད་ཉན་ཏོ། །དེ་ལ་རྐང་གིས་འགྲོ་རིན་ཆེན་དཔལ་གྱི་ཕྱག་རྒྱའི་རྣམ་པར་ཐར་པ་ནི། དགའ་བ་ཡངས་པ་རིན་པོ་ཆེའི་ཆར་གྱིས་ཀུན་ཏུ་ཁྱབ་པ་ཞེས་བྱའོ། །རྐང་གིས་འགྲོ་པདྨོ་སྣང་བའི་འོད་
ཟེར་གྱི་འོད་ཀྱི་རྣམ་པར་ཐར་པ་ནི། སངས་རྒྱས་ཀྱི་སྐུ་འོད་ཟེར་གྱི་ཁ་དོག་པདྨོའི་དྲ་བ་ཐམས་ཅད་དུ་སྟོན་པས་དགའ་བར་བྱེད་པ་ཞེས་བྱའོ། །རྐང་གི་འགྲོ་མེ་ཏོག་གཙུག་ཕུད་ཀྱི་དཔལ་དྲི་མ་མེད་པའི་རྣམ་པར་ཐར་པ་ནི། སེམས་ཀྱི་སྐད་ཅིག་ཐམས་
ཅད་ལ་དེ་བཞིན་གཤེགས་པའི་འཁོར་གྱི་དཀྱིལ་འཁོར་གྱི་དབྱིབས་དང་རྒྱན་འབྱུང་བ་ཞེས་བྱའོ། །རྐང་གིས་འགྲོ་ཤིན་ཏུ་མཛེས་པར་གནོན་པའི་རྣམ་པར་ཐར་པ་ནི། གོམ་པ་འདོར་བ་ཐམས་ཅད་མཐའ་ཡས་པ་འདུལ་བའི་རྒྱན་ཅེས་བྱའོ། །རྐང་གི་འགྲོ་
རིན་ཆེན་དཔལ་གྱི་རྒྱལ་མཚན་གྱི་རྣམ་པར་ཐར་པ་ནི། སྐད་ཅིག་ཅིག་གི་པདྨོའི་དྲ་བ་སྣ་ཚོགས་སྤྲུལ་པ་བྱེད་ཅིང་རིན་པོ་ཆེའི་ཆར་པ་དང་དབྱངས་དང་སྣང་བ་ཀུན་ཏུ་འགྱེད་པ་ཞེས་བྱའོ། །རྐང་གིས་འགྲོ་དགའ་བའི་དབྱངས་སྙན་པའི་རྣམ་པར་ཐར་པ་ནི། 
དགའ་བ་ཤུགས་དང་ཉམས་བདེ་བའི་རྒྱ་མཚོ་མཐའ་ཡས་པ་འབྱུང་བ་ཞེས་བྱའོ། །རྐང་གི་འགྲོ་ཤིང་ཙན་དན་གྱི་འོད་ཀྱི་རྣམ་པར་ཐར་པ་ནི། འཁོར་གྱི་དཀྱིལ་འཁོར་ཐམས་ཅད་དུ་སྤོས་ཀྱི་ངད་སྤྲིན་དུ་ལྡང་བ་ཞེས་བྱའོ། །རྐང་གིས་འགྲོ་པདྨོ་ཡིད་དུ་འོང་
བའི་འོད་ཀྱི་རྣམ་པར་ཐར་པ་ནི། པདྨོའི་གསེབ་ཐམས་ཅད་ནས་ཡིད་དུ་འོང་བའི་ཆོས་ཀྱི་དབྱིངས་འབྱུང་བས་སྣང་བ་སྐྱེད་པ་ཞེས་བྱའོ། །རྐང་གིས་འགྲོ་རྡུལ་གྱི་ཤུགས་ཀྱི་འོད་ཀྱི་རྣམ་པར་ཐར་པ་ནི་ལུས་ཀྱི་འོད་ཟེར་རྣམ་པ་སྣ་ཚོགས་ཐམས་

72-1-57a

ཅད་ཀྱི་དྲ་བས་སྣང་བ་བྱེད་པ་ཞེས་བྱའོ། །རྐང་གིས་འགྲོ་མེ་ཏོག་མང་པོའི་དཀྱིལ་འཁོར་གྱི་རྣམ་པར་ཐར་པ་ནི། སེམས་ཅན་ཐམས་ཅད་ལ་དགེ་བའི་རྩ་བ་རྒྱ་མཚོས་ཡང་དག་པར་སྐུལ་བ་འབྱུང་བ་
ཞེས་བྱའོ། །དེ་ནས་རྐང་གིས་འགྲོ་རིན་ཆེན་དཔལ་གྱི་ཕྱག་རྒྱ་སངས་རྒྱས་ཀྱི་མཐུས། རྐང་གིས་འགྲོ་བའི་ལྷའི་འཁོར་གྱི་དཀྱིལ་འཁོར་ཡོད་པ་ཐམས་ཅད་ལ་རྣམ་པར་བལྟས་ནས། དེའི་ཚེ་ཚིགས་སུ་
བཅད་པ་འདི་དག་སྨྲས་སོ། །དགའ་བ་རྒྱ་མཚོའི་ཚུལ་གྱིས་ཤུགས་བསྐྱེད་ཅིང་། །བསྐལ་པ་མཐའ་ཡས་སྔོན་ཆད་སྤྱོད་པ་མཛད། །ཞིང་རྣམས་ཀུན་ཏུ་རྡུལ་ཤིན་ཏུ་ཕྲ་མཉམ་པའི། །སངས་རྒྱས་རྣམས་
ཀྱང་དགྱེས་པའི་ཐུགས་ཀྱི་མཆོད། །སྐད་གཅིག་སེམས་ལ་པད་མོ་བརྗོད་ཡངས་པ། །དྲི་ཞིམ་སྣ་ཚོགས་མངོན་པར་སྤྲུལ་མཛད་ནས། །ཞིང་རྣམས་ཀུན་ཏུ་རྒྱལ་བ་གཤེགས་མཛད་པ། །སྣང་བའི་འོད་ཟེར་ལྟར་
དེས་རབ་ཏུ་མཐོང་། །འདྲེན་པ་རྣམས་ཀྱི་ཆོས་ཉིད་བསམ་མི་ཁྱབ། །འཁོར་རྣམས་ཀུན་ཏུ་འབྱམ་ཀླས་མཐའ་ཡས་པའི། །རྣམ་པར་འཕྲུལ་པ་མི་ཟད་རབ་ཏུ་སྟོན། །མེ་ཏོག་གཙུག་ཕུད་ལྟ་དེས་དེ་མཐོང་ངོ་། །
ཕྱོགས་བཅུའི་ཞིང་གི་དབྱིངས་རྣམས་མ་ལུས་པ། །ཐམས་ཅད་ཀུན་ཏུ་གཤེགས་ཤིང་བཞུད་པ་ཡི། །སེམས་ཅན་མཐའ་ཡས་ཡོངས་སུ་སྨིན་པར་མཛད། །ཤིན་ཏུ་མཛེས་པས་དགའ་བར་དེ་མཐོང་ངོ་། །
སེམས་ཅན་སྙེད་ཀྱི་སྤྲུལ་པ་ཀུན་འཕྲོས་པས། །རེ་རེའི་སྐུ་ཡི་ཆོས་ཀྱི་དབྱིངས་ཀྱང་འགེངས། །རིན་ཆེན་དྲི་མེད་འོད་ཀྱང་རབ་ཏུ་གཏོང་། །རྐང་འགྲོ་དཔལ་གྱི་མཚན་གྱི་འདི་མཐོང་ངོ་། །དེ་བཞིན་གཤེགས་པའི་
སྤྱོད་ཡུལ་མཐའ་ཡས་ཏེ། །འཁོར་དུ་རྒྱལ་བ་ཆོས་ཀྱི་ཆར་ཡང་འབབས། །བདེ་གཤེགས་དེའི་འཁོར་ན་དགར་གནས་ཤིང་། །དགའ་སྒྲ་དབྱངས་ཀྱི་རྣམ་ཐར་དེ་མཐོང་ངོ་། །སངས་རྒྱས་དབྱངས་ནི་མཁའ་དང་མཉམ་

72-1-57b

པ་སྟེ། །དབྱངས་ཀྱི་ཡན་ལག་ཡོན་ཏན་ཀུན་དང་ལྡན། །འཇིག་རྟེན་ཀུན་བཀང་སེམས་ཅན་རྣམ་པར་འདུལ། །ཙན་དན་ཤིང་གི་འོད་ནི་དེ་ལ་ཉན། །སྤུ་རྩེ་ཀུན་ནས་རྒྱལ་བ་རྣམ་འཕྲུལ་དང་། །དུས་གསུམ་གཤེགས་པའི་
རྒྱལ་བའི་མཚན་རྣམས་ཀྱི། །སྒྲ་བསྒྲགས་ཐོས་ཤིང་དགའ་བ་སྐྱེར་འགྱུར་ཏེ། །དེ་ནི་རྡོ་རྗེ་འོད་ཀྱི་ལྷས་མཐོང་ངོ་། །དེ་བཞིན་གཤེགས་སྐུ་བསམ་གྱིས་མི་ཁྱབ་སྟེ། །གོམ་པ་གོམ་པར་ཡོན་ཏན་རྒྱ་མཚོ་སྟོན། །དེ་དག་སེམས་ཅན་
ཇི་ལྟར་མོས་པས་མཐོང་། །རྡུལ་གྱི་འོད་ཀྱི་ལྷས་ནི་དེ་མཐོང་ངོ་། །འཇིག་རྟེན་མགོན་པོ་རྣམ་འཕྲུལ་རྣམ་མང་གིས། །ཕྱོགས་བཅུར་སེམས་ཅན་ཡང་དག་སྐུལ་བ་མཛད། །མེ་ཏོག་འཁོར་མང་རྐང་པས་འགྲོ་བའི་ལྷ། །
མཐོང་ཞིང་དགའ་བ་ཡངས་པ་རབ་ཏུ་འཐོབ། །དེ་ལ་ལུས་ཀྱི་རིས་སུ་གཏོགས་པའི་ལྷ་ཁྲེལ་དང་དགེ་བས་རྒྱས་པའི་འོད་ཀྱི་རྣམ་པར་ཐར་པ་ནི། དེ་བཞིན་གཤེགས་པ་རྣམས་ཀྱི་སྔོན་གྱི་སྨོན་ལམ་རྗེས་སུ་དྲན་པས་རྣམ་པར་
དཔྱོད་པ་ཞེས་བྱའོ། །ལུས་ཀྱི་རིས་སུ་གཏོགས་པའི་ལྷ་འོད་ཟེར་ཕྱོགས་སུ་སྣང་བའི་རྣམ་པར་ཐར་པ་ནི། འཇིག་རྟེན་གྱི་ཁམས་མུ་མེད་པར་སངས་རྒྱས་ཀྱི་འོད་རྣམ་པར་སྟོན་པའི་རྒྱན་ཅེས་བྱའོ། །ལུས་ཀྱི་རིས་སུ་གཏོགས་
པའི་ལྷ་སྒྲས་འདུལ་བ་རྒྱ་མཚོའི་དཔལ་གྱི་རྣམ་པར་ཐར་པ་ནི། སངས་རྒྱས་ཀྱི་གསུང་འདུལ་བའི་སེམས་ཅན་ཐམས་ཅད་ལ་བརྗོད་ཅིང་ཡང་དག་པར་སྐུལ་བས་རྒལ་འབྱུང་བ་ཞེས་བྱའོ། །ལུས་ཀྱི་རིས་སུ་གཏོགསུ་
པའི་ལྷ་རྒྱན་བཟང་པོའི་མེ་ཏོག་གཙུག་ཕུད་ཀྱི་རྣམ་པར་ཐར་པ་ནི། དེ་བཞིན་གཤེགས་པའི་སྐུ་ནམ་མཁའི་མཚན་ཉིད་ཀྱི་བྱིན་གྱིས་རླབས་ཀུན་ནས་རབ་ཏུ་གནས་པ་འབྱུང་བ་ཞེས་བྱའོ། །ལུས་ཀྱི་རིས་སུ་གཏོགས་
པའི་ལྷ་སྤྱོད་ཡུལ་མཐའ་ཡས་དཔལ་གྱི་རྣམ་པར་ཐར་པ་ནི། སངས་རྒྱས་ཐམས་ཅད་ཀྱི་ཡུལ་འགྲོ་བ་རྣམས་ལ་ཡང་དག་པར་སྟོན་པའི་མཐུ་ཞེས་བྱའོ། །ལུས་ཀྱི་རིས་སུ་གཏོགས་པའི་ལྷ་སྣང་བའི་ཕྲེང་བ་འཛིན་པའི་

72-1-58a

དཔལ་གྱི་རྣམ་པར་ཐར་པ་ནི། སེམས་ཅན་ཐམས་ཅད་གསལ་བ་དང་འདྲེས་པའི་མདངས་ཀྱིས་དགའ་བ་ཞེས་བྱའོ། །ལུས་ཀྱི་རིས་སུ་གཏོགས་པའི་ལྷ་སྤོས་དྲི་མ་མེད་པའི་སྤྲིན་ལས་ཆར་འབབས་པའི་འོད་ཀྱི་རྣམ་
པར་ཐར་པ་ནི། སེམས་ཅན་ཐམས་ཅད་ཀྱི་ཉོན་མོངས་པའི་དྲི་མ་མངོན་པར་སེལ་བའི་སྦྱོར་བ་ཞེས་བྱའོ། །ལུས་ཀྱི་རིས་སུ་གཏོགས་པའི་ལྷ་སྲུང་འཛིན་ཡོངས་སུ་སྡུག་པའི་རྣམ་པར་ཐར་པ་ནི། སེམས་ཅན་ཐམས་ཅད་
ཀྱི་བདུད་ཀྱི་ལས་དང་རྨོངས་པ་རྣམ་པར་ཟློག་པ་ཞེས་བྱའོ། །ལུས་ཀྱི་རིས་སུ་གཏོགས་པའི་ལྷ་སྒོ་ཀུན་ནས་ཡོངས་སུ་གནོན་པ་ལ་མངོན་དུ་གྱུར་པའི་མིག་གི་རྣམ་པར་ཐར་པ་ནི། འཇིག་རྟེན་གྱི་དབང་པོ་ཐམས་ཅད་ཀྱི་གནས་
སུ་རྒྱལ་བ་རྣམ་པར་དམིགས་པར་མངོན་དུ་སྟོན་པའི་རྒྱན་ཅེས་བྱའོ། །ལུས་ཀྱི་རིས་སུ་གཏོགས་པའི་ལྷ་ཁྲེལ་དང་དཔལ་མི་གཡོ་བའི་འོད་ཀྱི་རྣམ་པར་ཐར་པ་ནི། སེམས་ཅན་ཐམས་ཅད་ཀྱི་དགེ་བའི་ཤུགས་ཐམས་ཅད་ཡང་
དག་པར་འཛིན་ཅིང་། ཡང་དག་པར་སྦྱོང་བ་ཞེས་བྱའོ། །དེ་ནས་ལུས་ཀྱི་རིས་སུ་གཏོགས་པའི་ལྷ་ཁྲེལ་དང་དགེ་བས་རྒྱས་པའི་འོད་ཀྱིས་སངས་རྒྱས་ཀྱི་མཐུས། ལུས་ཀྱི་རིས་སུ་གཏོགས་པའི་ལྷའི་འཁོར་གྱི་དཀྱིལ་འཁོར་
ཡོད་པ་ཐམས་ཅད་ལ་རྣམ་པར་བལྟས་ནས། དེའི་ཚེ་ཚིགས་སུ་བཅད་པ་འདི་དག་སྨྲས་སོ། །རི་རབ་རྡུལ་ཕྲན་ཤིན་ཏུ་ཕྲ་སྙེད་ཀྱི། །བསྐལ་པ་དེ་དག་ཕ་སྔའི་བསྐལ་པ་ནི། །རྡུལ་ཅེས་བྱ་བར་འོད་མཛེས་འོད་ཟེར་རྒྱལ། །
མཆོད་ད་སྨོན་ལམ་བཏབ་པ་བདག་གིས་དྲན། །སངས་རྒྱས་སྐུ་ལས་འོད་འཕྲོ་རབ་བཀྱེ་བ། །དེའི་འོད་ཟེར་ཆོས་ཀྱི་དབྱིངས་སུ་རྒྱུ། །རྒྱལ་བའི་འོད་ཟེར་དྲ་བ་སེམས་ཅན་འདུལ། །འོད་འཕྲོ་འོད་ཟེར་ལྷ་ཡིས་དེ་མཐོང་ངོ་། །
དབྱངས་ཀྱི་ཡན་ལག་ཡོན་ཏན་ཀུན་རྒྱས་པའི། །སངས་རྒྱས་གསུང་ནི་ཞིང་རྣམས་ཀུན་ཏུ་སྒྲོགས། །འགྲོ་བ་མ་ལུས་ཐམས་ཅད་ཡང་དག་བསྐུལ། །དབྱངས་ཀྱིས་འདུལ་བ་དེ་ལ་དགའ་བས་ཉན། །རྒྱལ་བའི་

72-1-58b

སྐུ་ནི་རབ་ཏུ་ཞི་བ་ལྟོས། །སྐུ་གཟུགས་དུ་མའང་མཚན་ཉིད་མི་མངའ་སྟེ། །འགྲོ་བ་ཀུན་ནའང་བཞུགས་པར་རབ་ཏུ་སྣང་། །མེ་ཏོག་གཙུག་གིས་ཇི་བཞིན་ཉིད་དུ་མཐོང་། །འདྲེན་པའི་ཆོས་ཉིད་བསམ་གྱིས་མི་ཁྱབ་སྟེ། །
སེམས་ཅན་དེ་དག་དད་པ་ཅི་བཞིན་དུ། །ལ་ལ་བཞུགས་དང་བཞེངས་དང་གཤེགས་པར་མཐོང་། །དེ་ཡང་སྤྱོད་ལམ་འབྱུང་བའི་ལྷ་མཐོང་ངོ་། །རྒྱལ་བའི་ཚེམས་ཀྱིས་མཚམས་རྣམས་ཐམས་ཅད་ནས། །དྲི་ཞིམ་འོད་
འཕྲོ་སྒྲོན་མའི་སྤྲིན་བཀྱེ་བས། །འགྲོ་བ་ཀུན་གྱི་ཉོན་མོངས་ཞི་བར་འགྱུར། །དྲི་མེད་སྤོས་ཀྱི་སྤྲིན་གྱིས་དེ་མཐོང་ངོ་། །སངས་རྒྱས་མགོན་པོ་འགྲོ་བའི་སྐྱབས་སུ་བྱུང་། །ཉོན་མོངས་ཤིན་ཏུ་སྡུག་བསྔལ་གཟིར་
བ་རྣམས། །མགུ་བར་མཛད་ཅིང་ཉོན་མོངས་ཐམས་ཅད་བསལ། །སྣང་བའི་ཕྲེང་བ་འཆང་བས་འདི་མཐོང་ངོ་། །འདྲེན་པ་བསྐལ་པ་བརྒྱར་ཡང་ཤིན་ཏུ་དཀོན། །རང་བྱུང་འཇིག་རྟེན་དོན་མཛད་སྐྱེས་པ་ནི། །
འཇིག་རྟེན་ཀུན་གྱི་དབུལ་བ་རྣམ་པར་སེལ། །ཁྲེལ་ཡོད་དཔལ་གྱི་འོད་སྣང་དེ་སྐད་སྨྲ། །སེམས་ཅན་ཉོན་མོངས་སྒྲིབ་པས་ཉོན་མོངས་ཤིང་། །བདུད་ཀྱི་ལས་ཀྱིས་བཀྲུགས་ཏེ་འཕྱིན་པའི་རྣམས། །དེ་དག་རྒྱལ་
བ་རྣམ་ཐར་ལམ་སྟོན་ཏོ། །སྲུང་ཞིང་སྐྱོང་བའི་དཔལ་གྱིས་དེ་མཐོང་ངོ་། །དེ་བཞིན་གཤེགས་པའི་རྣམ་པར་འཕྲུལ་པ་ལྟོས། །སངས་རྒྱས་སྤྲིན་གྱིས་ཆོས་ཀྱི་དབྱིངས་མནན་ཅིང་། །འཇིག་རྟེན་དབང་པོ་གནས་སུ་
སེམས་ཅན་འདུལ། །ཀུན་སྒོའི་མིག་གི་དཔལ་གྱི་སྤྱོད་ཡུལ་ལོ། །དེ་ལ་ལག་ན་རྡོ་རྗེ་མཐུ་ཆེན་ཁ་དོག་བཟང་པོའི་འོད་ཀྱི་རྣམ་པར་ཐར་པ་ནི། ཡོན་ཏན་མཐའ་ཡས་པ་དང་། གཟུགས་ཀྱི་སྐུ་རྣམ་པར་དཔྱོད་པ་
ཡང་དག་པར་སྟོན་པ་ཞེས་བྱའོ། །ལག་ན་རྡོ་རྗེ་ཉི་མའི་ཤུགས་ཀྱི་རྒྱལ་མཚན་གྱི་རྣམ་པར་ཐར་པ་ནི། སངས་རྒྱས་ཐམས་ཅད་ཀྱི་བ་སྤུ་ལས་ཉི་མའི་དཀྱིལ་འཁོར་གྱི་སྤྲིན་སྣ་ཚོགས་ཀྱི་རྒྱན་འབྱུང་བ་ཞེས་བྱའོ། །

72-1-59a

ལག་ན་རྡོ་རྗེ་རི་རབ་མེ་ཏོག་འོད་ཀྱི་རྣམ་པར་ཐར་པ་ནི། རྣམ་པར་འཕྲུལ་པ་རྒྱ་ཆེན་པོ་བསྟན་པས། ཡོན་ཏན་མཐའ་ཡས་པའི་ལུས་སུ་འཕྲུལ་པ་ཞེས་བྱའོ། །ལག་ན་རྡོ་རྗེ་རྣམ་དག་སྤྲིན་གྱི་དབྱངས་ཀྱི་
རྣམ་པར་ཐར་པ་ནི། དེ་བཞིན་གཤེགས་པའི་དབྱངས་མཐའ་ཡས་ཚད་མེད་པའི་རྗེས་སུ་སོང་བ་ཞེས་བྱའོ། །ལག་ན་རྡོ་རྗེ་དབང་པོ་ཤིན་ཏུ་མང་བའི་རྣམ་པར་ཐར་པ་ནི། འཇིག་རྟེན་གྱི་དབང་པོ་ཐམས་ཅད་ཀྱི་རྣམ་
པར་འཕྲུལ་པ་སྟོན་ཅིང་། སངས་རྒྱས་ཀྱི་བྱིན་གྱི་རླབས་ཀྱིས་ཡང་དག་པར་སྐུལ་བ་ཞེས་བྱའོ། །ལག་ན་རྡོ་རྗེ་ཡིད་དུ་འོང་བའི་རྣམ་པར་ཐར་པ་ནི། སངས་རྒྱས་ཀྱི་ཆོས་ཀྱི་དབྱིངས་རབ་ཏུ་ཕྱེ་བ་ཐམས་ཅད་མ་ལུས་པ་
ལ་ཡང་དག་པར་སྤྱོད་པ་ཞེས་བྱའོ། །ལག་ན་རྡོ་རྗེ་ཤིང་གི་སྒྲ་དབྱངས་ཀྱི་རྣམ་པར་ཐར་པ་ནི། ཤིང་གི་ལྷ་ཐམས་ཅད་འདྲེན་པའི་རྒྱན་ཡིད་དུ་འོང་བས་བརྒྱན་པ་ཞེས་བྱའོ། །ལག་ན་རྡོ་རྗེ་སེང་གེའི་འོད་ཀྱི་རྒྱལ་པོའི་རྣམ་
པར་ཐར་པ་ནི། དེ་བཞིན་གཤེགས་པའི་བསོད་ནམས་ཀྱི་དཀྱིལ་འཁོར་ཡངས་པའི་ཚོགས་ཀྱི་རྗེས་སུ་འབྲང་བའི་ཡོད་ཅེས་བྱའོ། །ལག་ན་རྡོ་རྗེ་འོད་འཕྲོ་སྟུག་པོའི་དཔལ་གྱི་མིག་གི་རྣམ་པར་ཐར་པ་ནི། སེམས་
ཅན་མ་རུངས་པའི་རྒྱུད་ལ་ལུས་འཇིགས་འཇིགས་ལྟར་རབ་ཏུ་སྟོན་ཅིང་ཀུན་ཏུ་རྣམ་པར་ལྟ་བ་ཞེས་བྱའོ། །ལག་ན་རྡོ་རྗེ་རིན་ཆེན་གཙུག་ཕུད་པད་མོའི་འོད་ཀྱི་རྣམ་པར་ཐར་པ་ནི། བྱང་ཆུབ་སེམས་དཔའི་རྒྱན་
ཐམས་ཅད་ཀྱིས་བརྒྱན་པའི་གཙུག་ཕུད་གི་ནོར་བུ་རིན་པོ་ཆེ་ཐམས་ཅད་ཀྱི་ཆར་མངོན་པར་འབེབས་པ་ཞེས་བྱའོ། །དེ་ནས་ལག་ན་རྡོ་རྗེ་མཐུ་ཆེན་ཁ་དོག་བཟང་པོའི་འོད་ཀྱི་སངས་རྒྱས་ཀྱི་མཐུས། ལག་ན་རྡོ་རྗེའི་
འཁོར་གྱི་དཀྱིལ་འཁོར་ཡོད་པ་ཐམས་ཅད་ལ་རྣམ་པར་བལྟས་ནས། དེའི་ཚེ་ཚིགས་སུ་བཅད་པ་འདི་དག་སྨྲས་སོ། །ཆོས་རྒྱལ་ཆོས་ཀྱིས་མཛེས་པ་ཡི། །ཆོས་ཉིད་དེ་ལ་རྣམ་པར་ལྟོས། །ཡོན་ཏན་མཐའ་ཡས་

72-1-59b

སྐུ་གཟུགས་ཀྱིས། །འཇིག་རྟེན་ཀུན་ཏུ་རྣམ་པར་མཛེས། །སངས་རྒྱས་བ་སྤུ་ཐམས་ཅད་ནས། །འོད་ཟེར་དྲ་བ་བསམ་མྱི་ཁྱབ། །ཉི་མའི་དཀྱིལ་འཁོར་འདྲ་བ་སྟེ། །ཕྱོགས་བཅུ་ཀུན་ཏུ་རྣམ་པར་མཛེས། །སངས་
རྒྱས་རྣམ་འཕྲུལ་དེ་དག་གིས། །ཆོས་ཀྱི་དབྱིངས་སུ་ཁྱབ་བྱས་ཤིང་། །འགྲོ་བ་ཀུན་ལ་མངོན་སུམ་དུ། །མི་ཟད་སྐུ་ནི་ཤིན་ཏུ་སྟོན། །སངས་རྒྱས་གསུང་གི་དཀྱིལ་འཁོར་ནི། །ཞིང་རྣམས་ཀུན་ཏུ་རབ་ཏུ་སྒྲོག །
གསུངས་གི་སེམས་ཅན་ཐམས་ཅད་ཀྱིས། །བསམ་པ་ཐམས་ཅད་རབ་ཏུ་འགེངས། །འཇིག་རྟེན་དབང་པོ་ཀུན་གནས་ན། །ཐུབ་པ་རབ་ཏུ་བཞུགས་པར་སྣང་། །དེ་དག་ཐམས་ཅད་འཁོར་རྣམས་ལ། །འདྲེན་པ་དག་
གི་ཆོས་སྟོན་མཛད། །རྒྱ་མཚོ་ཆོས་ཀྱི་སྒོ་བསྐུལ་བས། །གཞན་དང་གཞན་གྱི་ཚུལ་དག་གིས། །ཐམས་ཅད་ཆོས་ཀྱི་བྱེ་བྲག་དོན། །རྒྱལ་བ་ཟད་མེད་རབ་ཏུ་སྟོན། །རྒྱ་ཆེན་མཐའ་མེད་ཚུལ་དག་ལ། །རྒྱ་མཚོ་
འཁོར་རྣམ་རབ་ཏུ་འཇུག །སངས་རྒྱས་འོད་ཟེར་རབ་འདྲེས་པས། །ཀུན་གྱིས་འདྲེན་པ་མཐོང་བར་འགྱུར། །ཞིང་རྣམས་བྱེ་མའི་རྡུལ་སྙེད་དུ། །རྫོགས་པའི་སངས་རྒྱས་ཀུན་མཆོད་པས། །བསོད་ནམས་རྒྱ་ཆེན་
ནམ་མཁའ་བཞིན། །ཀུན་གྱིས་འདྲེན་པ་རབ་ཏུ་མཐོང་། །སངས་རྒྱས་རྫུ་འཕྲུལ་མ་འདྲེས་པ། །ཐམས་ཅད་ཞིང་དུ་སྟོན་པ་མཛད། །འགྲོ་ལ་སངས་རྒྱས་མངོན་སུམ་དུ། །བྱང་ཆུབ་སྙིང་པོར་རྣམ་པར་མཛེས། །
འོད་ཟེར་སྣ་ཚོགས་དཀྱིལ་འཁོར་གྱི། །འོད་འཕྲོ་སྤྲིན་ནི་ཀུན་ཏུ་སྣང་། །ཆོས་དབྱིངས་ཀུན་ཏུ་ཁྱབ་བྱས་ཤིང་། །སངས་རྒྱས་སྤྱོད་ཡུལ་རབ་ཏུ་སྟོན། །དེ་ལ་བྱང་ཆུབ་སེམས་དཔའ་ཀུན་ཏུ་བཟང་པོའི་རྣམ་པར་ཐར་
པ་ནི། ཚུལ་རྒྱ་མཚོ་བསམ་གྱིས་མི་ཁྱབ་པས། དེ་བཞིན་གཤེགས་པའི་ཡོན་ཏན་རྒྱ་མཚོ་ལ་འཇུག་སྟེ། འདི་ལྟར་སངས་རྒྱས་ཀྱི་ཞིང་ཐམས་ཅད་ཡོངས་སུ་དག་པར་བྱ་བ་དང་། འགྲོ་བ་གདུལ་བ་ལ་མཐར་

72-1-60a

ཐུགས་པར་མངོན་པར་སྒྲུབ་པ་ཞེས་བྱ་བའི་རྣམ་པར་ཐར་པ་དང་། དེ་བཞིན་གཤེགས་པ་ཐམས་ཅད་ཀྱི་ཞབས་ཀྱི་དྲུང་དུ་ཕྱིན་པས། ཡོན་ཏན་གྱི་ཚོགས་ཐམས་ཅད་ཀྱི་ཡུལ་ཞེས་བྱ་བའི་རྣམ་པར་
ཐར་པ་དང་། བྱང་ཆུབ་སེམས་དཔའ་ཐམས་ཅད་ཀྱི་ས་ནས་སར་སྨོན་ལམ་རྒྱ་མཚོས་རབ་ཏུ་གནས་པ་འབྱུང་བ་ཞེས་བྱ་བའི་རྣམ་པར་ཐར་པ་དང་། སྒོ་ཐམས་ཅད་ནས་ཆོས་ཀྱི་དབྱིངས་སུ་བདག་གི་ལུས་ཀྱི་སྤྲིན་རྡུལ་སྙེད་
མཐའ་ཡས་པས་རྒྱས་པར་འགེངས་པ་ཞེས་བྱ་བའི་རྣམ་པར་ཐར་པ་དང་། ཞིང་ཐམས་ཅད་དུ་རང་གི་མིང་བསམ་གྱིས་མི་ཁྱབ་པའི་འཁོར་ལོ་སྒྲོག་པའི་བྱིན་གྱིས་རླབས་ཤེས་བྱ་བའི་རྣམ་པར་ཐར་པ་དང་། རྡུལ་
ཤིན་ཏུ་ཕྲ་བའི་ཐམས་ཅད་ཀྱི་སྦུབས་སུ་བྱང་ཆུབ་སེམས་དཔའི་ཡུལ་དང་། རྣམ་པར་འཕྲུལ་པ་མཐའ་དང་དབུས་མེད་པ་ཡང་དག་པར་སྟོན་པ་ཞེས་བྱ་བའི་རྣམ་པར་ཐར་པ་དང་། དུས་གསུམ་གྱི་བསྐལ་པ་སྐད་
ཅིག་གཅིག་ཏུ་སྟོན་པས་འབྱུང་བ་དང་། འཇིག་པ་རབ་ཏུ་འབྱུང་བ་ཞེས་བྱ་བའི་རྣམ་པར་ཐར་པ་དང་། བྱང་ཆུབ་སེམས་དཔའ་ཐམས་ཅད་ཀྱི་དབང་པོ་རྒྱ་མཚོའི་ཡུལ་ཕན་ཚུན་དུ་འཇུག་པ་ཡང་དག་པར་སྟོན་པ་ཞེས་བྱ་བའི་
རྣམ་པར་ཐར་པ་དང་། གང་འདི་ཆོས་ཀྱི་དབྱིངས་མཐའ་དང་དབུས་མེད་པ་རང་གི་ལུས་ཀྱི་སྤྲུལ་པས་རྒྱས་པར་རྣམ་པར་འཕྲུལ་པའི་བྱིན་གྱིས་རླབས་ཤེས་བྱ་བའི་རྣམ་པར་ཐར་པ་དང་། གང་འདི་བྱང་ཆུབ་སེམས་
དཔའི་ཆོས་ཐམས་ཅད་ཀྱི་ཚུལ་ཕན་ཚུན་དུ་སྟོན་པ་རྒྱ་ཆེན་པོས་ཐམས་ཅད་མཁྱེན་པ་ཉིད་ཀྱི་ཚུལ་ལ་འཇུག་པ་ཞེས་བྱ་བའི་རྣམ་པར་ཐར་པ་དག་གོ། །དེ་ནས་བྱང་ཆུབ་སེམས་དཔའ་ཀུན་ཏུ་བཟང་པོ་རྣམ་པར་ཐར་
པའི་ཚུལ་རྒྱ་མཚོ་བསམ་གྱིས་མི་ཁྱབ་པ་དག་གིས། དེ་བཞིན་གཤེགས་པའི་ཡོན་ཏན་རྒྱ་མཚོ་ལ་འཇུག་ཅིང་སངས་རྒྱས་ཀྱི་མཐུས་འཁོར་རྒྱ་མཚོ་ཡོད་པ་ཐམས་ཅད་ལ་རྣམ་པར་བལྟས་ནས། དེའི་ཚེ་ཚིགས་

72-1-60b

སུ་བཅད་པ་འདི་དག་སྨྲས་སོ། །ཞིང་རྣམས་རྒྱལ་བས་དྲི་མེད་རྣམ་པར་སྦྱངས། །མཁའ་ཡངས་རྡུལ་བཞིན་ཡོན་ཏན་ཚད་ཀྱང་མྱེད། །སྔོན་གྱི་རྒྱལ་བའི་སྲས་པོ་དྲི་མེད་ཀྱིས། །དེ་ལ་བསམ་ཡས་ཆོས་སྤྲིན་ཆར་
ཡང་ཕབ། །ཇི་ལྟར་རྒྱལ་བ་གདན་ལ་བཞུགས་སྣང་བ། །དེ་བཞིན་རྡུལ་སྦུབས་མ་ལུས་ཀུན་ནང་སྐྱེ། །འོན་ཀྱང་བདེ་གཤེགས་གཤེགས་དང་འཕོ་བ་མེད། །ཞིང་རྣམས་ཀུན་ཏུ་ཡུལ་ཡང་རབ་ཏུ་སྟོན། །ས་ཡི་ཚུལ་ལ་
འཇུག་པ་ཚད་མེད་དེ། །སྤྱོད་པ་ཐུབ་པས་བྱང་ཆུབ་སེམས་དཔའ་བསྟན། །བསམ་གྱིས་མི་ཁྱབ་ཚུལ་ནི་ཀུན་གསུངས་པས། །རྒྱལ་སྲས་རྣམས་ནི་ཆོས་ཀྱི་དབྱིངས་ལ་འཇུག །ཆོས་ཀྱི་དབྱིངས་ཚུལ་རྣམ་པ་རྒྱ་ཆེར་
སྟེ། །མཐའ་ཡས་ཕྱོགས་སུ་མཐའ་དང་དབུས་མེད་སྒོ། །རྡུལ་ཕྲན་སྦུབས་སུ་རྒྱལ་བ་འཕྲུལ་བ་སྤྲོས། །འགྲོ་བའི་བསམ་པ་ཀུན་ཀྱང་རབ་ཏུ་མཁྱེན། །ཕྱོགས་རྣམས་ཐམས་ཅད་ཞིང་རྣམས་ཀུན་ཏུ་ཡང་། །འཇིག་
རྟེན་གཙོ་མཚན་འགྲོ་དང་མཉམ་པར་བྱུང་། །ཐམས་ཅད་ཚུལ་སྒོར་སངས་རྒྱས་དོན་ཡོད་དེ། །འདུལ་བས་སེམས་ཅན་ཐམས་ཅད་རྣམ་པར་སྤྱོད། །རྡུལ་སྦུབས་ཀུན་ཏུ་མཐའ་དང་དབུས་མེད་པའི། །རྣམ་འཕྲུལ་
ཡངས་པ་རང་བྱུང་ཤིན་ཏུ་སྟོན། །སྔོན་ཆད་ཐུབ་པའི་བྱང་ཆུབ་སྤྱོད་པ་རྣམས། །ཅི་བཞིན་ཀུན་ཀྱང་སྙིང་པོ་བྱང་ཆུབ་བརྗོད། །ཡངས་དུས་བསྐལ་པ་ཇི་སྙེད་ཡོད་པའི་རྣམས། །སྐད་ཅིག་སྐད་ཅིག་སངས་
རྒྱས་མ་ལུས་སྟོན། །དེར་ནི་སེམས་ཅན་འབྱུང་ཞིང་འཇིག་པའང་བསྟན། །འཇིག་རྟེན་གཙོ་བོ་ཡེ་ཤེས་མཐའ་ཡས་ལྟོས། །འབྱམ་ཀླས་མི་ཟད་མཐའ་ཡས་ལོ་གྲངས་པས། །རྒྱལ་སྲས་ཐམས་ཅད་
སངས་རྒྱས་དེ་ལྟ་སྟེ། །ཐམས་ཅད་སྒོར་ཡང་སངས་རྒྱས་མཐའ་དབུས་མེད། །རྒྱལ་སྲས་ཀུན་གྱིས་ཤེས་པར་སླ་བ་མིན། །སངས་རྒྱས་མཁའ་འདྲ་རྣམ་པར་མི་རྟོག་སྟེ། །ཆོས་ཉིད་མི་གནས་ཆོས་ཀྱི་སྤྲིན་དག་གིས། །

72-1-61a

སྤྲུལ་པས་སྤྱོད་ཚེ་ཀུན་ཏུ་རྒྱས་མཛད་ཅིང་། །ཤིང་མཆོག་ཀུན་དྲུང་བྱང་ཆུབ་འཚང་རྒྱ་བསྟན། །སངས་རྒྱས་གསུང་དེ་རབ་ཏུ་བརྗོད་པས་ན། །ཆོས་གནས་ཐམས་ཅད་མ་ལུས་བརྗོད་པ་ཡིན། །འགྲོ་བ་ཐམས་
ཅད་རེ་རེའི་སྒོ་དག་ནས། །སངས་རྒྱས་ཆོས་རྣམས་ཀུན་ལ་རབ་ཏུ་འཇུག །དེ་ལ་བྱང་ཆུབ་སེམས་དཔའ་དགེ་བ་དྲི་མ་མྱེད་པའི་གཟི་བརྗིད་ཀྱི་འོད་ཡིད་དུ་འོང་བའི་རྣམ་པར་ཐར་པ་ནི། ཆོས་ཀྱི་དབྱིངས་ཐམས་ཅད་དུ་མངོན་
པར་བྱང་ཆུབ་སེམས་དཔའི་འཁོར་གྱི་དཀྱིལ་འཁོར་དུ་འགྲོ་བའི་རྒྱན་བྱེད་པ་ཞེས་བྱའོ། །བྱང་ཆུབ་སེམས་དཔའ་ཡོན་ཏན་འོད་མཆོག་ཀུན་ཏུ་སྒྲོན་མའི་རྣམ་པར་ཐར་པ་ནི། སེམས་སྐད་ཅིག་གིས་མངོན་པར་
རྫོགས་པར་བྱང་ཆུབ་པའི་སྒོ་ཟད་མི་ཤེས་པ་སྟོན་ཅིང་། ཆོས་སྟོན་གྱི་དབྱིངས་བསམ་གྱིས་མི་ཁྱབ་པས་ཡོངས་སུ་སྨིན་པ་དང་རྣམ་པར་འདུལ་བར་བྱེད་པའི་འོད་ཅེས་བྱའོ། །བྱང་ཆུབ་སེམས་དཔའ་ཀུན་ཏུ་འབར་བ་
སེང་གེའི་རྒྱལ་མཚན་གྱི་རྣམ་པར་ཐར་པ་ནི། བྱང་ཆུབ་སེམས་དཔའ་ཐམས་ཅད་ཀྱི་བསོད་ནམས་ཀྱི་ཚོགས་དང་ཞིང་ཡང་དག་པར་འབྱུང་བ་ལ་རྣམ་པར་ལྟ་བ་ཞེས་བྱའོ། །བྱང་ཆུབ་སེམས་དཔའ་དཔལ་གྱི་འོད་ཟེར་
ཀུན་ཏུ་འོད་འཕྲོའི་རྣམ་པར་ཐར་པ་ནི། རྫུ་འཕྲུལ་གྱི་ཡུལ་གྱི་རྣམ་པར་སྤྱོད་པ་དོན་ཡོད་པ་ཞེས་བྱའོ། །བྱང་ཆུབ་སེམས་དཔའ་ཡོན་ཏན་རྒྱ་མཚོ་ཀུན་ཏུ་སྒྲ་དབྱངས་རྒྱལ་མཚན་གྱི་རྣམ་པར་ཐར་པ་ནི། སངས་རྒྱས་ཀྱི་
ཞིང་གི་རྒྱན་ཐམས་ཅད་འཁོར་གྱི་དཀྱིལ་འཁོར་དུ་ཡང་དག་པར་སྟོན་པ་ཞེས་བྱའོ། །བྱང་ཆུབ་སེམས་དཔའ་དེ་བཞིན་གཤེགས་པའི་སྤྱོད་ཡུལ་ཡེ་ཤེས་ཀུན་ཏུ་སྣང་བའི་འོད་ཀྱི་རྣམ་པར་ཐར་པ་ནི། དེ་བཞིན་
གཤེགས་པའི་རྗེས་སུ་ཀུན་ནས་སོང་ཞིང་ཆོས་ཀྱི་དབྱིངས་ལ་རྣམ་པར་དཔྱོད་པའི་སྤྲིན་ཆེན་པོའི་སྙིང་པོ་ཞེས་བྱའོ། །བྱང་ཆུབ་སེམས་དཔའ་གཙུག་ན་རིན་ཆེན་ཀུན་ཏུ་རྒྱལ་མཚན་གྱི་རྣམ་པར་ཐར་པ་ནི། 

72-1-61b

འགྲོ་བ་ཐམས་ཅད་ཀྱི་སྤྱོད་པ་ལ་རབ་ཏུ་ཞུགས་ཤིང་བྱང་ཆུབ་སེམས་དཔའི་སྤྱོད་པ་མཐའ་ཡས་པ་ཤིན་ཏུ་འབྱུང་བ་ཞེས་བྱའོ། །བྱང་ཆུབ་སེམས་དཔའ་རྒྱལ་བའི་གསུང་ཀུན་ཏུ་འཇམ་དབྱངས་ཀྱི་རྣམ་པར་ཐར་པ་ནི། 
སངས་རྒྱས་ཐམས་ཅད་བསྙེན་བཀུར་ཞིང་མཆོད་པར་ཉེ་བར་འགྲོ་བའི་སྙིང་པོ་ཞེས་བྱའོ། །བྱང་ཆུབ་སེམས་དཔའ་བསོད་ནམས་མི་ཟད་དྲི་མེད་ཀུན་ཏུ་གཟི་བརྗིད་ཀྱི་རྣམ་པར་ཐར་པ་ནི། རྫུ་འཕྲུལ་དང་རྣམ་པར་འཕྲུལ་པ་
ཐམས་ཅད་ཀྱི་བྱིན་གྱིས་རླབས་རྒྱ་ཆེན་པོ་འབྱུང་བ་ཞེས་བྱའོ། །བྱང་ཆུབ་སེམས་དཔའ་མཚན་གྱི་འོད་ཟེར་ཀུན་ཏུ་སྣང་བའི་རྣམ་པར་ཐར་པ་ནི། དེ་བཞིན་གཤེགས་པའི་སྐུ་མེད་པ་ལས་སངས་རྒྱས་ཀྱི་ཡུལ་ཐམས་ཅད་
འབྱུང་བ་ཞེས་བྱའོ། །དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་དགེ་བ་དྲི་མ་མེད་པའི་གཟི་བརྗིད་ཀྱི་འོད་ཡིད་དུ་འོང་བས་སངས་རྒྱས་ཀྱི་མཐུས། བྱང་ཆུབ་སེམས་དཔའི་རྣམ་པར་ཐར་པ་རྒྱ་མཚོའི་ཕྱོགས་ཐམས་
ཅད་ལ་རྣམ་པར་བལྟས་ནས། དེའི་ཚེ་ཚིགས་སུ་བཅད་པ་འདི་དག་སྨྲས་སོ། །ཇི་སྙེད་གང་དག་ཕྱོགས་རྣམས་ཀུན་གྱི་ཞིང་། །རྒྱལ་བས་དེ་ཀུན་སྐད་ཅིག་ཐུགས་ཀྱི་སྦྱངས། །འགྲོ་བ་ཀུན་ཏུ་ཞི་བ་མེད་པའི་གསུང་། །
སངས་རྒྱས་ཆོས་ཀྱི་འཁོར་ལོ་རྒྱ་ཆེན་བསྐོར། །སྐད་ཅིག་ཐུགས་ཀྱི་ཆོས་དབྱིངས་ཀུན་བཀང་སྟེ། །མཐའ་ཡས་སྤྱོད་ཡུལ་དབྱིངས་རྣམས་རྒྱལ་བ་སྟོན། །འགྲོ་བ་ཀུན་ལམ་སྙིང་པོ་བྱང་ཆུབ་ཏུ། །བྱང་ཆུབ་འཚང་རྒྱ་རྣམ་
པར་འཕྲུལ་པ་མཛད། །བསྐལ་པ་བརྒྱ་ཕྲག་སྟོང་རྣམས་ཚད་མེད་དུ། །དེ་བཞིན་གཤེགས་པས་སྔན་ཆད་སྤྱོད་སྤྱད་དེ། །ནམ་མཁའ་འདྲ་བར་བྱས་ནས་རབ་བཀྱེ་ཞིང་། །སངས་རྒྱས་ཞིང་འདི་སྔོན་ཚེ་རབ་ཏུ་སྦྱངས། །
མཐའ་དང་དབུས་མེད་བསྐལ་པར་ལ་ལ་ཡི། །སྐྱོ་བ་མེད་པར་རྒྱལ་བའི་ཡུལ་བསམས་ཀྱང་། །སངས་རྒྱས་རྫུ་འཕྲུལ་སྟོབས་ལ་དབུས་མེད་པ། །ཕྱི་མའི་མཐའི་བསྐལ་པ་ཀུན་ཏུ་འགེངས། །རྒྱལ་བའི་རྫུ་འཕྲུལ་

72-1-62a

ཡུལ་ལ་རྣམ་པར་ལྟོས། །ཕྱོགས་བཅུའི་ཞིང་རྒྱན་དེ་དག་རྣམ་དག་པ། །རྒྱལ་བས་འདིར་ནི་ཀུན་ཀྱང་རབ་ཏུ་བསྟན། །སྐད་ཅིག་སྐད་ཅིག་སྣ་ཚོགས་གཟུགས་ཀྱང་སྣང་། །བསྐལ་པ་བརྒྱ་སྟོང་ཚད་མེད་པ་དག་ཏུ། །
རྒྱལ་བའི་བ་སྤུ་གཅིག་མཐའ་ཤེས་པར་དཀའ། །ཚུལ་རྣམས་ཀུན་སྒོར་སངས་རྒྱས་ཆགས་པ་མེད། །འགྲོ་བ་འདི་ན་རྒྱ་ཆེན་བསམ་ཡས་མཛེས། །སྔོན་ཚེའི་བསྐལ་པར་རྒྱལ་བས་འགྲོ་ཀུན་ཏུ། །སངས་རྒྱས་རྒྱ་
མཚོ་རྒྱ་ཆེན་བསྙེན་བཀུར་བས། །དེ་བས་འཇིག་རྟེན་གཙོ་ལ་ཆོས་དབྱིངས་རྣམས། །ཀུན་ནས་མཆོད་པ་མང་པོ་རྒྱ་ཆེན་འབྱུང་། །ཕྱོགས་རྣམས་བཀང་སྟེ་སངས་རྒྱས་འབྱུང་བ་དག །རྡུལ་གྱི་སྦུབས་སུ་ཚད་མེད་ཞིང་
ཡང་སྟོན། །དེ་དག་ཡུལ་དུ་མི་ཟད་མཐའ་ཡས་པའི། །བསྐལ་པ་རྒྱ་མཚོར་བྱིན་གྱིས་རློབ་པ་མཛད། །སྔོན་ཚེའི་བསྐལ་པར་རྒྱལ་བས་འགྲོ་དོན་སྤྱད། །ཐུགས་རྗེའི་རྒྱ་མཚོ་ཚད་མེད་རབ་སྐྱེད་ཅིང་། །འགྲོ་བ་
རྒྱ་མཚོ་ཀུན་ནས་འཁོར་བ་ཡི། །འཁོར་རྣམས་རྒྱ་མཚོ་མཐའ་ཡས་ཀུན་ཀྱང་སྦྱངས། །སངས་རྒྱས་མཚན་མེད་སྐུ་མེད་རྡུལ་དང་བྲལ། །དེ་བཞིན་ཉིད་གནས་ཆོས་དབྱིངས་སྙིང་པོ་སྟེ། །འགྲོ་བ་ཀུན་ན་མཐའ་ཡས་
གཟུགས་སུ་སྣང་། །འགྲོ་བ་ཀུན་གྱི་སྡུག་བསྔལ་ཀུན་ཞི་མཛད། །དེ་ལ་བྱང་ཆུབ་སེམས་དཔའ་འོད་ཟེར་རྒྱ་མཚོ་འོད་ཅེས་དཔལ་གྱི་ཟླ་བའི་རྣམ་པར་ཐར་པ་ནི། ཕ་རོལ་ཏུ་ཕྱིན་པ་དང་སའི་ཤུགས་ཀྱིས་སེམས་ཅན་གྱི་
ཁམས་ཀྱི་ཚུལ་དང་། སངས་རྒྱས་ཀྱི་ཞིང་རྣམ་པར་དག་པ་ཡང་དག་པར་འབྱུང་བ་ཞེས་བྱའོ། །བྱང་ཆུབ་སེམས་དཔའ་སྤྲིན་དཔའ་པོའི་རྒྱ་མཚོ་དྲི་མེད་འོད་ཀྱི་སྙིང་པོའི་རྣམ་པར་ཐར་པ་ནི། བྱང་ཆུབ་སེམས་དཔའ་
ཐམས་ཅད་ཀྱི་སེམས་སྐད་ཅིག་ལ་ཆོས་ཀྱི་དབྱིངས་ཀྱི་ཚུལ་གྱིས་ཁྱིམ་སྣ་ཚོགས་ལ་རྣམ་པར་ལྟ་བ་ཞེས་བྱའོ། །བྱང་ཆུབ་སེམས་དཔའ་ཡོན་ཏན་རིན་ཆེན་འབྱུང་བ་ཡེ་ཤེས་དཔལ་གྱི་གཙུག་ཕུད་ཀྱི་རྣམ་

72-1-62b

པར་ཐར་པ་ནི། སྐལ་པ་བསམ་གྱིས་མི་ཁྱབ་པར་འགྲོ་བ་རྣམས་ལ་མངོན་སུམ་དུ་ཡོན་ཏན་དྲི་མ་མེད་པས་ཡོངས་སུ་དག་པ་སྒྲུབ་པ་ཞེས་བྱའོ། །བྱང་ཆུབ་སེམས་དཔའ་རྒྱ་ཆེན་འོད་འབར་བློ་གྲོས་དབང་ཕྱུག་གི་རྣམ་པར་
ཐར་པ་ནི། བྱང་ཆུབ་སེམས་དཔའ་ཐམས་ཅད་ཀྱི་སྙིང་པོ་བྱང་ཆུབ་ཏུ་ཐོག་མ་འགྲོ་བའི་ཡེ་ཤེས་ཀྱི་ཕྱོགས་ཡང་དག་པར་འབྱུང་བའི་རྒྱུན་ཅེས་བྱའོ། །བྱང་ཆུབ་སེམས་དཔའ་པད་མོ་རྣམ་པར་གནོན་པ་འོད་ཟེར་གཙུག་ཕུད་ཀྱི་
རྣམ་པར་ཐར་པ་ནི། སངས་རྒྱས་ཀྱི་ཆོས་ཐམས་ཅད་ཐ་མྱི་དད་པར་འགྲོ་བ་ཐམས་ཅད་ཀྱི་དབང་པོ་དང་། མོས་པ་རྒྱ་མཚོའི་འོད་ཅེས་བྱའོ། །བྱང་ཆུབ་སེམས་དཔའ་ཀུན་ཏུ་ཡེ་ཤེས་སྤྲིན་གྱི་ཉི་མའི་རྒྱལ་མཚན་སྣང་བའི་
རྣམ་པར་ཐར་པ་ནི། སངས་རྒྱས་ཡེ་ཤེས་བསྒྲུབ་པར་བསྐལ་པ་མཐའ་ཡས་པ་དག་ཏུ་བྱིན་གྱིས་རློབ་ཅིང་རྣམ་པར་སྤྱོད་པ་ཞེས་བྱའོ། །བྱང་ཆུབ་སེམས་དཔའ་མཐུ་སྟོབས་བརྩོན་འགྲུས་རྡོ་རྗེ་ཡངས་པའི་སྙིང་པོའི་
རྣམ་པར་ཐར་པ་ནི། ཆོས་ཐམས་ཅད་ཀྱི་ཕྱག་རྒྱ་མཐའ་དང་དབུས་མེད་པ་ལ་ཡང་དག་པར་འཇུག་པ་ཞེས་བྱའོ། །བྱང་ཆུབ་སེམས་དཔའ་སྤོས་ཀྱི་འོད་འཕྲོ་ཤིན་ཏུ་འབར་བའི་འོད་ཀྱི་རྒྱལ་མཚན་གྱི་རྣམ་པར་ཐར་པ་ནི། 
སངས་རྒྱས་ད་ལྟར་བྱུང་བ་ཐམས་ཅད་ཀྱི་ཐོག་མའི་བྱང་ཆུབ་སེམས་དཔའི་སྤྱོད་པ་ཤེས་པའི་དཀྱིལ་འཁོར་ཡང་དག་པར་བསྒྲུབ་པ་ཞེས་བྱའོ། །བྱང་ཆུབ་སེམས་དཔའ་རྣམ་པར་སྣང་མཛད་ཡོན་ཏན་ཡངས་པའི་རྒྱལ་མཚན་
གྱི་རྣམ་པར་ཐར་པ་ནི། རྣམ་པར་སྣང་མཛད་ཀྱི་སྨོན་ལམ་རྒྱ་མཚོ་ཐམས་ཅད་ཀྱི་དབྱིངས་ལ་རབ་ཏུ་གནས་པ་ཞེས་བྱའོ། །བྱང་ཆུབ་སེམས་དཔའ་བསོད་ནམས་ཡངས་པ་ཤིན་ཏུ་འཕགས་པའི་འོད་མཆོག་ཡོན་ཏན་
འབྱུང་བའི་བློ་གྲོས་ཀྱི་རྣམ་པར་ཐར་པ་ནི། སངས་རྒྱས་ཀྱི་ཡུལ་ཟབ་མོ་ཆོས་ཀྱི་དབྱིངས་ཐམས་ཅད་ལ་ཀུན་ནས་རབ་ཏུ་གནས་པ་རྣམ་པར་སྤྱོད་པ་ཞེས་བྱའོ། །དེ་ནས་བྱང་ཆུབ་སེམས་དཔའ་འོད་ཟེར་རྒྱ་མཚོ་འོད་ཆེན་

72-1-63a

དཔལ་གྱི་ཟླ་བས། སངས་རྒྱས་ཀྱི་མཐུས་བྱང་ཆུབ་སེམས་དཔའ་རྣམ་པར་ཕྱེ་བ་རྒྱ་མཚོ་མཐའ་ཡས་པ་ལ་རྣམ་པར་བལྟས་ནས། དེའི་ཚེ་ཚིགས་སུ་བཅད་པ་འདི་དག་སྨྲས་སོ། །ཕ་རོལ་ཕྱིན་པ་རྒྱ་མཚོ་
བསམ་ཡས་དང་། །ས་ཡི་དཀྱིལ་འཁོར་རྒྱ་ཆེན་ཀུན་ཀྱང་ཡོངས་སུ་རྒྱས། །ཚད་མེད་སེམས་ཅན་རྣམ་པར་འདུལ་བའི་ཚེ། །སངས་རྒྱས་ཞིང་ཡངས་རྣམས་ཀྱང་རྣམ་པར་སྦྱངས། །ཕྱོགས་བཅུའི་སངས་རྒྱས་ཞིང་ཀུན་
རྒྱས་བྱས་ཏེ། །སངས་རྒྱས་སེམས་ཅན་ཁམས་སྦྱིན་འདུལ་མཛད་པ། །སྐད་ཅིག་ཐུགས་ཀྱིས་ཆོས་ཀྱི་འཁོར་ལོ་དག །མཐའ་ཡས་འགྲོ་མཉམ་བསམ་པ་ཚིམ་པར་སྟོན། །བསྐལ་པ་རྒྱ་ཆེ་མི་ཟད་མུ་མེད་པར། །
རྒྱལ་བ་འགྲོ་ལ་མངོན་སུམ་ཀུན་ནས་བཞུགས། །མགོན་པོས་སྔན་ཅད་ཇི་ལྟར་སྦྱངས་ཚུལ་དུ། །རྒྱལ་བས་སྤྱོད་ཡུལ་རྣམ་དག་རབ་ཏུ་བསྟན། །ཆོས་རྒྱལ་དེ་དག་ཇི་ལྟར་རྣམ་འཕྲུལ་པ། །ཕྱོགས་རྣམས་རྒྱ་མཚོ་མ་ལུས་
ཀུན་ན་སྣང་། །སྙིང་པོ་བྱང་ཆུབ་ཀུན་ནའང་རྒྱལ་བ་དག །འཁོར་གྱིས་བསྐོར་ཅིང་ཆོས་རྣམས་གསུང་བ་སྣང་། །འགྲོ་བའི་བསམ་པ་ཐམས་ཅད་ཚིམ་མཛད་ཅིང་། །འཇིག་རྟེན་དག་ན་སངས་རྒྱས་ཚུལ་ཀུན་མཛེས། །
དབང་པོ་ཇི་བཞིན་ཆོས་ཀྱི་ཆར་ཡང་འབེབས། །སངས་རྒྱས་ཆོས་སྐུ་ཡངས་པ་རྣམ་པར་མཛེས། །དེ་བཞིན་ཉིད་ལྟར་མཚན་ཉིད་ལུས་མེད་དེ། །རྒྱལ་བ་དྲི་མེད་འོད་གསལ་ཆོས་ཀྱི་སྐུ། །ཡེ་ཤེས་ཞི་བའི་སྐུ་ནི་ཚད་མེད་དེ། །
ཕྱོགས་དབྱིངས་ཀུན་བཀང་ཆོས་ཀྱི་ཆར་ཡང་འབེབས། །ཆོས་རྗེ་ཐམས་ཅད་སྟོབས་ཀྱིས་རྣམ་པར་དག །བདེ་གཤེགས་ཡེ་ཤེས་མཁའ་འདྲ་མཐའ་ཡས་ཏེ། །རྒྱ་ཆེན་འགྲོ་བ་མཐའ་དབུས་མྱེད་བཀང་ཞིང་། །
རྒྱལ་བ་སྟོབས་ལ་འཇུག་པ་རབ་ཏུ་སྟོན། །སངས་རྒྱས་འོད་ཀྱིས་ཆོས་དབྱིངས་ཀུན་བཀང་ཞིང་། །སངས་རྒྱས་སྤྱོད་པ་ཐམས་ཅད་རྫོགས་པར་བསྟན། །རྒྱལ་བས་སྔོན་ཚེ་ཇི་ལྟར་རྣམ་སྦྱངས་པས། །དེ་བཞིན་ཡེ་ཤེས་

72-1-63b

ས་རྣམས་རྒྱལ་བས་བསྟན། །ཕྱོགས་རྣམས་ཀུན་ཏུ་རང་བྱུང་རྣམ་པར་མཛེས། །སྨོན་ལམ་རྣམ་པར་འཕྲུལ་པ་མ་ལུས་སྟོན། །ཇི་ལྟར་སྔོན་ཚེ་རྒྱལ་བས་ཡོངས་སྦྱངས་པ། །རྒྱལ་བའི་འོད་ཟེར་དྲ་བ་ཀུན་ནས་སྒྲོག །
སངས་རྒྱས་ཡུལ་ནི་ཕྱོགས་སུ་ཟད་པ་མེད། །དབུས་དང་མཐའ་མེད་གཞལ་མེད་མཐའ་ཡས་དབྱིངས། །ཆོས་དབྱིངས་ཀུན་ཏུ་ཆགས་མེད་བརྙེས་པ་ནི། །སངས་རྒྱས་ཞིང་རྣམས་ཀུན་ན་ཤིན་ཏུ་མཛེས། །དེའི་ཚེ་བཅོམ་
ལྡན་འདས་ཀྱི་སེང་གེའི་ཁྲི་དང་། པད་མོའི་ཟེ་བའི་དྲི་ཐམས་ཅད་དང་། ནོར་བུའི་རྒྱལ་པོ་ཐམས་ཅད་ཀྱིས་ངོས་དང་། འཁོར་ལོའི་ལྟེ་བ་ཐམས་ཅད་དང་། མེ་ཏོག་གི་ཟེ་བའི་དྲི་ཐམས་ཅད་དང་། སྟེགས་བུའི་ངོས་ཐམས་
ཅད་དང་། རྟ་བབས་ཀྱི་སྒོ་ཐམས་ཅད་དང་། ནོར་བུའི་གཟུགས་ཀྱི་ངོས་ཐམས་ཅད་དང་། རིན་པོ་ཆེ་འོད་འཕྲོ་བའི་སྒོ་ཐམས་ཅད་དང་། འོད་ཟེར་སྒྲོན་མའི་སྒོ་ཐམས་ཅད་དང་། སེང་གེའི་ཁྲིའི་རྒྱན་གྱི་སྒོ་ཐམས་ཅད་ནས། 
སངས་རྒྱས་ཀྱི་ཞིང་གི་རྡུལ་ཤིན་ཏུ་ཕྲ་བ་སྙེད་ཀྱི་བྱང་ཆུབ་སེམས་དཔའ་མང་པོ་འཐོན་པར་འགྱུར་ཏེ། འདི་ལྟར་བྱང་ཆུབ་སེམས་དཔའ་རྒྱ་མཚོའི་བློ་གྲོས་རྣམ་པར་རོལ་པའི་ཡེ་ཤེས་མངོན་པར་ཤེས་པའི་རྒྱལ་པོ་ཞེས་བྱ་བ་
དང་། བྱང་ཆུབ་སེམས་དཔའ་སྒྲ་དབྱངས་ཀུན་ཏུ་སྒྲོག་པ་དང་། བྱང་ཆུབ་སེམས་དཔའ་ནོར་བུ་རིན་པོ་ཆེ་སྣ་ཚོགས་ཀྱི་འོད་ཀྱི་དཀྱིལ་འཁོར་གཙུག་ཕུད་དང་། བྱང་ཆུབ་སེམས་དཔའ་ཡེ་ཤེས་ཆེན་པོ་ཉི་མ་ཡིས་རབ་ཏུ་
གནོན་པའི་བློ་གྲོས་དང་། བྱང་ཆུབ་སེམས་དཔའ་ཡོན་ཏན་རིན་པོ་ཆེ་བསམ་གྱིས་མི་ཁྱབ་པ་ཡེ་ཤེས་རྒྱ་མཚོའི་དཔལ་དང་། བྱང་ཆུབ་སེམས་དཔའ་དམིག་རྒྱ་པ་པད་མོའི་སྣ་ཚོགས་ཀྱི་གཙུག་ཕུད་དང་། བྱང་ཆུབ་
སེམས་དཔའ་ནམ་མཁའི་ཚུལ་པད་མོ་སྣ་ཚོགས་ཀྱི་གཙུག་ཕུད་དང་། བྱང་ཆུབ་སེམས་དཔའ་གསེར་གྱི་འོད་འཕྲོ་གཟི་བརྗིད་དཀྱིལ་འཁོར་གྱི་འོད་དང་། བྱང་ཆུབ་སེམས་དཔའ་ཀུན་ཏུ་སྒྲ་ཆོས་ཀྱི་དབྱིངས་ཀྱི་དབྱིངས་དང་། 

72-1-64a

བྱང་ཆུབ་སེམས་དཔའ་སྤྲིན་ཡིད་དུ་འོང་བ་དྲི་མེད་པའི་ཟླ་བ་དང་། དེ་དག་ལ་སྩོགས་པ་བྱང་ཆུབ་སེམས་དཔའ་སངས་རྒྱས་ཀྱི་ཞིང་གི་རྡུལ་ཤིན་ཏུ་ཕྲ་བ་སྙེད་མཆོད་པའི་སྤྲིན་རྣམ་པ་སྣ་ཚོགས་རབ་ཏུ་འགྱེད་
ཅིང་། འདི་ལྟར་ནོར་བུ་རིན་པོ་ཆེའི་མེ་ཏོག་གི་སྤྲིན་ཐམས་ཅད་ནི་རབ་ཏུ་འབྱིན། སྤོས་ཀྱི་སྤྲིན་ཐམས་ཅད་ནི་ཤིན་ཏུ་འགྱེད། རིན་པོ་ཆེའི་འོད་ཀྱི་དཀྱིལ་འཁོར་གྱི་སྤྲིན་ཐམས་ཅད་ནི་མངོན་པར་འབྱིན། ཡུལ་མཐའ་
ཡས་པའི་སྤོས་ཀུན་ཏུ་འཕྲོ་བའི་བདུག་པའི་སྤྲིན་ནི། རྣམ་པར་འགྱེད་ཅིང་ནོར་བུ་ཉི་མའི་སྙིང་པོ་འཁོར་ལོའི་འོད་ཀྱི་དཀྱིལ་འཁོར་གྱི་སྤྲིན་ནི་རབ་ཏུ་གཏོང་། སིལ་སྙན་གྱི་སྒྲ་དབྱངས་ཡིད་དུ་འོང་བའི་སྤྲིན་ནི་རབ་ཏུ་སྒྲོག །
རིན་པོ་ཆེ་འོད་འཕྲོ་བ་ཁ་དོག་མཐའ་ཡས་པའི་སྒྲོན་མའི་སྤྲིན་གྱིས་ནི་རབ་ཏུ་སྣང་བར་བྱེད། ནོར་བུ་སྣ་ཚོགས་ཀྱི་ཤིང་གི་ཡལ་ག་ལས་མེ་ཏོག་གི་ཁ་དོག་ནི་རྣམ་པར་སྤྱོད། རིན་པོ་ཆེའི་འོད་དྲི་མ་མེད་པ་ཟད་མི་ཤེས་
པའི་ནོར་བུའི་རྒྱལ་པོའི་ཆར་ནི་རབ་ཏུ་འབེབས། རྒྱན་མཛེས་པ་ཐམས་ཅད་ཡང་དག་པར་སྟོན་པའི་ནོར་བུའི་རྒྱལ་པོའི་སྤྲིན་གྱི་ཆར་ནི་རབ་ཏུ་འབེབས་ཤིང་། དེ་ལྟ་བུ་དག་ལ་སྩོགས་པ་བྱང་ཆུབ་སེམས་དཔའ་རེ་རེ་ཞིང་
ཡང་སངས་རྒྱས་ཀྱི་ཞིང་གི་རྡུལ་ཤིན་ཏུ་ཕྲ་བ་སྙེད་ཀྱི་མཆོད་པའི་སྤྲིན་གྱི་ཆར་རབ་ཏུ་འབེབས་པ་བྱེད་ཅིང་ལྷགས་པར་གྱུར་ཏེ། བཅོམ་ལྡན་འདས་ལ་ལན་བརྒྱ་སྟོང་དུ་མར་གཡས་ཕྱོགས་སུ་བསྐོར་བ་བྱས་ཏེ། འཁོར་གྱི་
དཀྱིལ་འཁོར་རྒྱ་མཚོ་ཡོད་པ་ཐམས་ཅད་དུ་མཆོད་པའི་སྤྲིན་རྒྱུན་མི་འཆད་པའི་ཆར་མངོན་པར་ཕབ་ནས་གང་ནས་འོངས་པའི་ཕྱོགས་སུ་བརྟེན་ཏེ། དེ་བཞིན་གཤེགས་པ་ལ་མངོན་དུ་བལྟས་ནས་སེང་གེའི་ཁྲི་རིན་པོ་
ཆེ་སྣ་ཚོགས་དུ་མའི་པད་མོའི་སྙིང་པོ་ཅན་དག་མངོན་པར་སྤྲུལ་ཏེ། སྐྱིལ་མོ་ཀྲུང་བཅས་ཏེ་འཁོད་པར་གྱུར་ཏོ། །བྱང་ཆུབ་སེམས་དཔའ་དེ་དག་ཐམས་ཅད་ཀྱང་སྤྱོད་ཡུལ་རྒྱ་མཚོ་ཆ་ཆེན་པོ་ཡོངས་སུ་དག་པ་རྣམས་སོ། །

72-1-64b

སྒོ་ཀུན་ནས་ཆོས་ཀྱི་སྣང་བ་རབ་ཏུ་ཐོབ་པ་རྣམས་སོ། །དེ་བཞིན་གཤེགས་པའི་སྤྱོད་ཡུལ་ཆགས་པ་མེད་པའི་རྗེས་སུ་འབྲང་བ་རྣམས་སོ། །ཐ་དད་པ་ཡང་དག་པར་ཤེས་པ་ཐམས་ཅད་ཆོས་རྒྱ་མཚོ་ལ་ཞུགས་པ་
རྣམས་སོ། །རྣམ་པར་ཐར་པ་བསམ་གྱིས་མི་ཁྱབ་པའི་སྣང་བ་རབ་ཏུ་ཐོབ་པ་རྣམས་སོ། །སྒོ་ཀུན་ནས་དེ་བཞིན་གཤེགས་པའི་དབྱིངས་རབ་ཏུ་ཐོབ་པ་རྣམས་སོ། །གཟུངས་ཀྱི་སྒོ་རྒྱ་མཚོ་ཐམས་ཅད་ཀྱིས་
ཆོས་རྒྱ་མཚོ་རབ་ཏུ་འཛིན་པ་རྣམས་སོ། །དུས་གསུམ་མཉམ་པ་ཉིད་ཀྱི་ཡེ་ཤེས་ཀྱི་ས་ལ་རབ་ཏུ་གནས་པ་རྣམས་སོ། །དགའ་བའི་ཤུགས་རྒྱ་ཆེན་པོ་རབ་ཏུ་ཐོབ་པ་རྣམས་སོ། །བསོད་ནམས་དཀྱིལ་འཁོར་མུ་མེད་པ་
ཡོངས་སུ་དག་པའི་རྣམས་ཏེ། ཆོས་ཀྱི་དབྱིངས་དང་ནམ་མཁའ་ལ་རྣམ་པར་རྒྱུ་ཞིང་སངས་རྒྱས་ཐམས་ཅད་མཆོད་པ་མངོན་པར་བསྒྲུབ་པ་ལ་རབ་ཏུ་བརྩོན་པ་ཤ་སྟག་གོ། །དེ་ནས་བྱང་ཆུབ་སེམས་དཔའ་རྒྱ་མཚོའི་བློ་གྲོས་
རྣམ་པར་རོལ་པའི་ཡེ་ཤེས་མངོན་པར་ཤེས་པའི་རྒྱལ་པོས་སངས་རྒྱས་ཀྱི་མཐུས་འཁོར་གྱི་དཀྱིལ་འཁོར་རྒྱ་མཚོ་ཐམས་ཅད་ལ་རྣམ་པར་བལྟས་ནས། དེའི་ཚེ་ཚིགས་སུ་བཅད་པ་འདི་དག་སྨྲས་སོ། །སངས་རྒྱས་
རྣམ་པར་སངས་རྒྱས་མཉམ་ཉིད་མཁྱེན། །ཆགས་མེད་རྙེད་པས་ནམ་མཁའ་ལྟ་བུ་སྟེ། །ཕྱོགས་རྣམས་ཞིང་ཀུན་རབ་ཏུ་སྣང་བྱས་ནས། །འབྱམ་ཀླས་འཁོར་ན་བཞུགས་པ་རྣམ་པར་མཛེས། །བདེ་གཤེགས་རང་
བྱུང་མཐའ་དང་དབུས་མེད་དེ། །ཐམས་ཅད་ཕྱོགས་ཀྱི་ཆོས་དབྱིངས་ཀུན་རྒྱས་པར། །དབང་ཕྱུག་ཆེན་པོ་ཀུན་གྱིས་མཆོད་བསྐོར་ཅིང་། །ཤིང་གི་རྒྱལ་པོ་ཀུན་གྱི་དྲུང་ན་བཞུགས། །དེ་བཞིན་གཤེགས་པའི་རྫུ་འཕྲུལ་
སྟོབས་དག་གིས། །སྐད་ཅིག་སེམས་ལ་ཟད་མེད་ཡོན་ཏན་གཟུགས། །རྣམ་ཐར་གཞན་དང་གཞན་དག་ཐོབ་པས་མཐོང་། །དེ་བཞིན་གཤེགས་པའི་ཡུལ་ནི་མཐའ་ཡས་སོ། །བསྐལ་པ་རྒྱ་མཚོར་སྔོན་ཆད་སྤྱོད་

72-1-65a

པའི་ཚེ། །དེ་བཞིན་གཤེགས་པས་སྲིད་པ་རྒྱ་མཚོར་འདིར། །སྣ་ཚོགས་ཐབས་ཀྱིས་སེམས་ཅན་སྨིན་བྱས་པ། །དེ་དག་རྒྱལ་བ་དེ་ཡི་ཆོས་འཛིན་ཏོ། །ཡོངས་དག་དྲི་མེད་འཁོར་རྣམས་འཁོད་པ་དག །
ཐམས་ཅད་སངས་རྒྱས་ལྟ་ཞིང་རྣམ་པར་གནས། །པད་མོའི་སྙིང་པོ་པད་མོ་གདན་བཞུགས་པ། །ཚོགས་ཀྱི་ནང་ན་རྒྱལ་བ་མངོན་པར་མཛེས། །སངས་རྒྱས་གང་ན་བཞུགས་པའི་སེང་གེའི་ཁྲི། །རིན་ཆེན་ནོར་
བུའི་རྒྱལ་པོའི་འོད་འཕྲོ་ཞིང་། །སྤོས་འཕྲོ་སྤྲིན་རྣམས་མཐའ་ཡས་རབ་ཏུ་འབྱུང་། །སྙིང་པོ་དུ་མའི་མེ་ཏོག་ཕྲེང་སྤྱངས་པའོ། །རིན་ཆེན་འོད་འཕྲོའི་སྤྲིན་ནི་རྟག་ཏུ་འགྱེད། །འོད་ཟེར་སྒྲོན་མ་རྒྱ་ཆེན་རབ་ཏུ་འབར། །
རྟ་བབས་རྣམ་པ་སྣ་ཚོགས་རྣམས་ཀྱི་བརྒྱན། །ཐུབ་པ་དེ་བཞུགས་མངོན་པར་རབ་ཏུ་མཛེས། །སྒྲ་དབྱངས་ཡིད་དུ་འོང་བ་རབ་ཏུ་འགྱེད། །རིན་ཆེན་ཚོན་དུ་སྣ་ཚོགས་པདྨོ་འཕྱང་། །ནོར་བུའི་རྒྱལ་པོས་བསྐོར་
རྣམས་ཀང་ནས་བརྒྱན། །སངས་རྒྱས་དེ་བཞུགས་རྣམ་པར་རབ་ཏུ་མཛེས། །ཟླ་གམ་རིན་ཆེན་མང་པོས་ཡོངས་སུ་བཟུང་། །རྡོ་རྗེ་འོད་འཕྲོ་སྣང་བའི་སྙིང་པོས་བརྒྱན། །གཙུག་ན་ནོར་བུའི་བྱང་ཆུབ་སེམས་
དཔས་བཟུང་། །སངས་རྒྱས་དེ་བཞུགས་རྣམ་པར་ཤིན་ཏུ་མཛེས། །ཕྱོགས་བཅུར་སྤྲུལ་པའི་དྲ་བ་རབ་བཀྱེ་ཞིང་། །དེ་བཞིན་གཤེགས་པའི་སྨོན་ལམ་སྒྲ་ཡང་སྒྲོག །གཟུགས་བརྙན་བཞིན་དུ་ཞིང་རྣམས་
ཀུན་ན་སྣང་། །ཐུབ་པ་དེ་འདྲའི་སེང་གེའི་གདན་ལ་བཞུགས། །དེ་ནས་བྱང་ཆུབ་སེམས་དཔའ་སྒྲ་དབྱངས་ཀུན་ཏུ་སྒྲོགས་པས། སངས་རྒྱས་ཀྱི་མཐུས་འཁོར་གྱི་དཀྱིལ་འཁོར་དུ་ཡོད་པ་ཐམས་ཅད་ལ་རྣམ་
པར་བལྟས་ཏེ། དེའི་ཚེ་ཚིགས་སུ་བཅད་པ་འདི་དག་སྨྲས་སོ། །འདི་ནི་བདེ་གཤེགས་སངས་རྒྱས་བྱིན་རླབས་ཏེ། །བྱང་ཆུབ་སྤྱོད་པ་སྔོན་ཆད་སྤྱད་པ་དང་། །སངས་རྒྱས་མཆོད་པའི་མཆོད་པ་དུ་མ་དག །

72-1-65b

རྒྱལ་བའི་གདན་ལས་དེ་དག་ཐམས་ཅད་སྣང་། །སྤོས་འོད་སྣང་བ་ནོར་བུའི་རྒྱལ་པོ་ཅན། །མེ་ཏོག་སྙིང་པོ་སེང་གེའི་གདན་གྱི་འཁོར། །རྒྱན་རྣམས་ཐམས་ཅད་གཟུགས་བརྙན་གྱུར་པ་དང་། །འཁོར་
རྣམས་དེ་དག་ཐམས་ཅད་ཀུན་བཀང་སྟེ། །སྐད་ཅིག་སྐད་ཅིག་རྒྱན་གྱི་ཁ་དོག་ཀུན། །རྣམ་པ་དུ་མར་སངས་རྒྱས་གདན་ལས་སྣང་། །སེམས་ཅན་ཇི་ལྟར་མོས་པ་དེ་དག་ཀྱང་། །འཁོད་ཅིང་སངས་རྒྱས་ཚད་མེད་
གདན་ལ་ལྟ། །རིན་ཆེན་ལྡ་ལྡི་པད་མོ་མང་བཏགས་པ། །ཕྱི་ཞིང་བྱང་ཆུབ་སེམས་དཔའ་མང་པོ་རྣམས། །སྒྲ་དབྱངས་ཡིད་དུ་འོང་བ་རབ་འབྱིན་ཅིང་། །སངས་རྒྱས་གདན་ལ་བཞུགས་ལ་སྟོད་པ་བྱེད། །སངས་
རྒྱས་བསོད་ནམས་ཚད་མེད་ནམ་མཁའ་བཞིན། །འདི་དག་རྒྱན་ཀུན་དེ་ལས་རབ་ཏུ་བྱུང་། །ས་རྣམས་རེ་རེའི་རྒྱན་རྣམས་གང་ཡོད་པ། །འགྲོ་བ་ཀུན་གྱིས་དེ་དག་བསམ་མི་ནུས། །མི་ཕྱེད་མཚམས་ཀྱི་རྡོ་རྗེ་སྣ་
ཚོགས་པ། །འཁོར་ཡངས་རྣམ་དག་ཤིན་ཏུ་མཉམ་པ་སྟེ། །ནོར་བུའི་དྲ་བ་སྣ་ཚོགས་ཀུན་ཏུ་བཀྲམ། །བྱང་ཆུབ་ཤིང་གི་ས་ཡི་འཁོར་ཀུན་ཏོ། །ས་ཕྱོགས་གང་ན་རྒྱལ་བའི་གདན་ཡོད་པ། །ཁ་དོག་མཐའ་
ཡས་རྒྱ་ཆེན་སྣ་ཚོགས་སྟེ། །མེ་ཏོག་མངོན་གཏོར་རིན་ཆེན་རྣམ་པར་བཀྲམ། །གསེར་མཚོན་མཛེས་པས་དེ་ནི་རབ་ཏུ་བརྒྱན། །ས་ཡིས་ལྷ་མོ་དེ་དག་རབ་དགའ་ཞིང་། །སྐད་ཅིག་སེམས་ཀྱིས་མི་ཟད་ས་ཡང་སྟོན། །
ཀུན་ཀྱང་རྒྱལ་བའི་ཞལ་དུ་མངོན་ལྟ་ཞིང་། །ཁ་དོག་ཐམས་ཅད་རྒྱན་གྱི་སྤྲིན་གཏོང་ངོ་། །རིན་ཆེན་སྒྲོན་མ་མང་པོ་གསལ་བར་འབར། །སྤོས་མང་དྲི་ཞིམ་མང་པོ་རྟག་ཏུ་འབྱུང་། །དུས་དང་ཚོད་ཀྱི་རྣམ་པ་མང་སྟོན་ཅིང་། །
ལྷ་རྣམས་ཀུན་ཀྱང་སངས་རྒྱས་མཆོད་པ་བྱེད། །ཕྱོགས་རྣམས་བཅུ་ན་ཞིང་རྣམས་ཇི་སྙེད་པ། །དེ་དག་ས་རྒྱན་ཕུན་སུམ་ཚོགས་ཡོད་པ། །དེ་དག་ཀུན་ཀྱང་ས་དཀྱིལ་འདི་ན་སྣང་། །སངས་རྒྱས་བྱིན་རླབས་མཉམ་པ་

72-1-66a

མེད་པས་ཕྱུང་། །དེ་ནས་བྱང་ཆུབ་སེམས་དཔའ་ནོར་བུ་རིན་པོ་ཆེ་སྣ་ཚོགས་ཀྱི་འོད་ཀྱི་དཀྱིལ་འཁོར་གཙུག་ཕུད་ཀྱིས་སངས་རྒྱས་ཀྱི་མཐུས་འོད་ཀྱི་དཀྱིལ་འཁོར་ཡོད་པ་ཐམས་ཅད་ལ་རྣམ་པར་བལྟས་
ནས། དེའི་ཚེ་ཚིགས་སུ་བཅད་པ་འདི་དག་སྨྲས་སོ། །སྔན་ཅད་སྤྱད་པ་སྤྱོད་པའི་ཚེ་དེ་དག །ཞིང་ཀུན་ཕུན་སུམ་ཚོགས་པ་མཐོང་བ་རྣམས། །སྙིང་པོ་བྱང་ཆུབ་འཁོར་གྱི་ས་འདི་ལ། །མྱི་ཟད་ས་དང་དེ་དག་རབ་
ཏུ་སྣང་། །རྣམ་པར་ཡངས་པ་གང་ན་སྣང་བ་ཡི། །ས་ལ་རིན་ཆེན་མཛེས་ཀུན་རྣམ་པར་བཀྲམ། །རིན་ཆེན་མང་པོས་དཀྱིལ་འཁོར་ཀུན་ཏུ་གཏོར། །སངས་རྒྱས་འོད་ཀྱི་སྤྲིན་ཀྱང་རབ་ཏུ་སྣང་། །ས་རྣམས་ཀུན་བརྒྱན་
ཤིང་གི་དམ་པའི་དྲུང་། །ཀུན་ནས་ནོར་བུའི་རྒྱལ་པོས་རྒྱན་བྱས་ལས། །བསོད་ནམས་འོད་ཀྱི་དབྱངས་ཀྱི་འབྲུག་སྒྲ་འབྱུང་། །སངས་རྒྱས་རྫུ་འཕྲུལ་ཚུལ་ཡང་རབ་ཏུ་བརྗོད། །རིན་ཆེན་མང་པོ་སྒྲོན་མའི་ཆར་
ཕབ་ཅིང་། །རིན་ཆེན་མཛེས་པར་བཀོད་པ་རྣམ་པར་མཛེས། །སྒྲ་དབྱངས་ཀུན་གྱི་འབྲུག་སྒྲ་ཤིན་ཏུ་སྒྲོག །ས་ཡི་ལྷ་རྣམས་ས་ཡང་ཡང་དག་སྟོན། །རིན་ཆེན་འོད་འཕྲོ་སྒྲོན་མ་རྣམ་པར་སྣང་། །འོད་ཟེར་སྤྲིན་ནི་
ས་ལས་རབ་ཏུ་འབྱུང་། །ནོར་བུ་དྲ་བ་སིལ་མ་ཀུན་ནས་བཀྲམ། །རིན་ཆེན་སྣ་ཚོགས་རིགས་ཀྱི་ཡན་ལག་བརྒྱན། །ས་རྣམས་ཀུན་ནས་མཛེས་པ་འདི་དག་ལྟོས། །རིན་ཆེན་མང་པོ་ཚོན་བཟང་བརྒྱན་ཏུ་བཀྱེ། །འགྲོ་
བ་དག་ལ་ཆོས་ཀྱི་རྒྱ་མཚོ་སྒྲོག །དེ་དག་ཆོས་ཉིད་རྣམ་པར་དག་པ་མཐོང་། །མ་ལུས་ཕྱོགས་ན་སངས་རྒྱས་ཐམས་ཅད་ཀྱི། །བྱང་ཆུབ་ཤིང་གི་ཕུན་སུམ་ཚོགས་པ་དག །ས་ཡི་དཀྱིལ་འཁོར་འདི་ན་ཀུན་སྣང་སྟེ། །
དེ་དག་ཆོས་ཉིད་རྣམ་པར་དག་པ་བརྗོད། །སངས་རྒྱས་གདན་ལས་ཆོས་རྣམས་རྒྱ་མཚོ་ཡི། །ཆོས་སྒོ་བདེ་བར་གཤེགས་པས་གང་གསུངས་པ། །སེམས་ཅན་ཀུན་གྱི་བསམ་པ་ཇི་བཞིན་དུ། །ས་འཁོར་རྣམས་ཀྱང་

72-1-66b

ཀུན་ནས་རབ་ཏུ་འབྱུང་། །དྲི་ཞིམ་འོད་རྣམས་རྟག་ཏུ་འབྱུང་བས་ན། །དེ་དག་ཇི་བཞིན་སྣོད་ཀྱི་འགྲོ་བ་འགེངས། །སྲོག་ཆགས་རྣམས་ཀྱི་ཉོན་མོངས་ཞི་བར་བྱེད། །ས་འཁོར་དེ་ནས་དེ་འདྲ་རབ་ཏུ་སྒྲོག །སངས་
རྒྱས་རྫུ་འཕྲུལ་ཕུན་སུམ་གང་དག་དང་། །དྲི་མེད་ས་ནི་གང་གིས་མཛེས་གྱུར་པའི། །ཕུན་སུམ་ཚོགས་པའི་རྒྱན་རྣམས་རེ་རེ་ཞིང་། །བསྐལ་པ་བྱེ་བ་དག་ཏུ་འང་བརྗོད་མྱི་ནུས། །དེ་ནས་བྱང་ཆུབ་སེམས་དཔའ་
ཡེ་ཤེས་ཆེན་པོའི་ཉི་མས་རབ་ཏུ་གནོན་པའི་བློ་གྲོས་ཀྱིས། སངས་རྒྱས་ཀྱི་མཐུས་འཁོར་གྱི་དཀྱིལ་འཁོར་ཡོད་པ་ཐམས་ཅད་ལ་རྣམ་པར་བལྟས་ཏེ། དེའི་ཚེ་ཚིགས་སུ་བཅད་པ་འདི་དག་སྨྲས་སོ།། །།
སངས་རྒྱས་རྨད་ག་ཅད་ཅེས་བྱ་བ་ཤིན་ཏུ་རྒྱས་པ་ཆེན་པོའི་མདོ། བམ་པོ་ལྔ་པ། འཇིག་རྟེན་ཀུན་གྱི་བསམ་པ་ཚིམ་མཛད་ཅིང་། །སངས་རྒྱས་ཆོས་ཀྱི་གཞལ་མེད་ཁང་ན་མཛེས། །འབྱམ་
ཀླས་ཕྱོགས་རྣམས་ཀུན་ཏུ་མངོན་སུམ་དུ། །སངས་རྒྱས་འགྲོ་གཙོ་གཞལ་མེད་ཁང་ན་སྣང་། །རིན་ཆེན་ཀུན་གྱི་སྙིང་པོ་རབ་ཏུ་བརྒྱན། །རྒྱན་རྣམས་ཀུན་གྱིས་དེ་བཞིན་མཛེས་ཤིང་འབར། །སངས་རྒྱས་ཕོ་བྲང་འོད་ནི་
བསམ་མྱི་ཁྱབ། །དེ་ན་བཞུགས་ཤིང་སངས་རྒྱས་རབ་ཏུ་མཛེས། །ཀ་བའི་རྒྱན་ནི་ནོར་བུ་སྣ་ཚོགས་སྟེ། །ཕྱོགས་རྣམས་ཀུན་སྒོར་རྟ་བབས་སྤྲིན་ཀྱང་བྲིས། །སྟེགས་བུའི་ཕྲེང་བ་ཀུན་ནས་བརྒྱན་ཏུ་བཀོད། །
གསེར་གྱི་དྲིལ་བུའི་སྤྲིན་ཀྱང་རྣམ་པར་རྒྱུ། །མེ་ཏོག་བླ་རེ་རྣམ་པར་སྣ་ཚོགས་ལྟོས། །རིན་ཆེན་ཤིང་སྡོང་དར་གྱི་བླ་རེ་བྲེས། །ནོར་བུ་ཐམས་ཅད་སྒོ་ནས་ཕྲེང་བ་འབྲུལ། །དེ་ནས་ཡེ་ཤེས་རྒྱ་མཚོར་རབ་ཏུ་མཛེས། །
སྤོས་དྲི་རྒྱལ་མཚན་རིན་ཆེན་དྲ་བ་སྟེ། །འོད་ཟེར་སྒྲོན་མའི་སྤྲིན་གྱིས་ཀུན་ཏུ་གཡོགས། །རྒྱན་རྣམས་སྣ་ཚོགས་ཀུན་ནས་ཤིན་ཏུ་བྲེས། །དེ་ན་སངས་རྒྱས་རབ་ཏུ་འཕགས་པ་བཞུགས། །ཕྱོགས་རྣམས་ཀུན་སྒོ་

72-1-67a

སྤྲུལ་པའི་སྤྲིན་གྱི་རྣམས། །དབྱངས་ཀྱིས་འཇིག་རྟེན་ཁྱབ་པར་གྲག་བྱེད་ཅིང་། །འབྱམ་ཀླས་ཕྱོགས་ཀྱི་སེམས་ཅན་རྣམ་འདུལ་བ། །སངས་རྒྱས་ཕོ་བྲང་འདི་ན་དེ་དག་གྲག །མེ་ཏོག་ཤིང་དང་རིན་
ཆེན་སྤོས་བསྔལ་བ། །འཕགས་པ་ཕྱོགས་རྣམས་ཀུན་ཏུ་མངོན་པར་མཛེས། །དེ་ལས་དུས་གསུམ་ཞིང་རྣམས་ཐམས་ཅད་ཀྱང་། །གཟུགས་བརྙན་གྱུར་པར་དེ་དག་རབ་ཏུ་སྣང་། །ཕྱོགས་རྣམས་ཀུན་ཏུ་རིན་ཆེན་མང་
བཀྱེ་བ། །དེ་དག་སྣ་ཚོགས་མཛེས་པར་རྣམ་པར་འབར། །ཕྱོགས་རྣམས་ཀུན་ཏུ་སྐར་ཀུན་མཛེས་པར་བརྒྱན། །རྟ་བབས་མདའ་ཡབ་སྣ་ཚོགས་མང་པོས་བརྒྱན། །དྲི་མེད་འོད་ཟེར་ཀུན་ནས་སྣང་བ་ཡི། །སངས་རྒྱས་
ཕོ་བྲང་རྣམ་པ་བསམ་ཡས་ཏེ། །གཞལ་མེད་ཁང་མང་ཐམས་ཅད་དེ་ལ་སྣང་། །དེ་དག་ཀུན་ནའང་རྒྱལ་བ་བཞུགས་ཤིང་མཛེས། །ཕྱོགས་རྣམས་ཀུན་ན་འཁོར་རྣམས་ཇི་སྙེད་པ། །རྒྱལ་བའི་ཕོ་བྲང་འདིར་ནི་ཀུན་ཞུགས་
ཀྱང་། །མཐའ་མེད་དབུས་མྱེད་མུའང་དེ་བཞིན་དུ། །རང་བྱུང་སངས་རྒྱས་ཕོ་བྲང་དེ་ན་བཞུགས། །དེ་ནས་བྱང་ཆུབ་སེམས་དཔའ་ཡོན་ཏན་རིན་པོ་ཆེ་བསམ་གྱིས་མི་ཁྱབ་པ་ཡེ་ཤེས་རྒྱ་མཚོ་དཔལ་གྱིས། སངས་རྒྱས་
ཀྱི་མཐུས། འཁོར་འཁོར་གྱི་དཀྱིལ་འཁོར་རྒྱ་མཚོ་ཡོད་པ་དེ་དག་ཐམས་ཅད་ལ་རྣམ་པར་བལྟས་ཏེ། དེའི་ཚེ་ཚིགས་སུ་བཅད་པ་འདི་དག་སྨྲས་སོ། །སངས་རྒྱས་ཞིང་རྡུལ་ཤིན་ཏུ་ཕྲ་སྙེད་ཀྱི། །བསོད་ནམས་རྒྱ་མཚོ་
རྣམ་པར་རབ་སྦྱངས་ཏེ། །སངས་རྒྱས་རྫུ་འཕྲུལ་སྨོན་ལམ་ཡང་དག་བྱུང་། །སྙིང་པོ་བྱང་ཆུབ་དྲི་མེད་རྣམ་པར་མཛེས། །སྤོས་ཞིམ་ཐམས་ཅད་རྩ་བ་ཡང་དག་རྒྱུ། །ཡིད་བཞིན་ནོར་མཆོག་རྒྱལ་པོས་ཀུན་ནས་བརྒྱན། །རྡོ་རྗེ་
ཕྱེ་མའི་ནོར་བུའི་རྒྱལ་པོ་བྲེས། །ཤིང་སྡོང་རྩ་བ་རིན་ཆེན་ཀུན་ལས་བྱས། །རྡོ་རྗེ་ཕྱེ་མའི་ནོར་བུ་འཁོར་ལོ་འབྱུང་། །ལྷུན་རྣམས་ཐམས་ཅད་རིན་ཆེན་བརྒྱན་གྱིས་བརྒྱན། །ཡལ་ག་སྟུག་པོ་སྤྲིན་ལྟར་ཀུན་ནས་འཁྱིལ། །

72-1-67b

སྙིང་པོ་བྱང་ཆུབ་དེ་ན་རྒྱལ་བ་མཛེས། །ཡལ་ག་དོག་པ་ཀུན་ནས་མངོན་པ་སྟེ། །འཁོར་རྣམས་སྣུམ་འཇམ་ཕྱོགས་རྣམས་ཀུན་ཏུ་འཕགས། །མེ་ཏོག་འབྲས་བུ་རིན་རྣམས་ཀུན་ཀྱང་འགྱེད། །སྙིང་པོ་བྱང་ཆུབ་རྒྱ་ཆེན་
བསམ་མྱི་ཁྱབ། །འོད་རྣམས་བཀྱེ་བ་ཕྱོགས་སུ་རྣམ་པར་མཛེས། །དྲི་མ་མེད་པའི་འོད་འབར་ཟད་མི་ཤེས། །ཡལ་གའི་སྒོ་ནས་སྤྲིན་ཀུན་ཆར་ཡང་འབེབས། །སྙིང་པོ་བྱང་ཆུབ་སྨོན་ལམ་ཡངས་པ་བྱུང་། །མེ་ཏོག་
ནོར་དང་རིན་ཆེན་མི་ཟད་ནོར། །མུ་ཏིག་ནོར་བུ་ཕྱོགས་རྣམས་ཀུན་ནས་བརྒྱུས། །ཕྱེ་མ་ནོར་གྱི་གནས་ཀྱི་སྤྲིན་འགྱེད་དེ། །སྙིང་པོ་བྱང་ཆུབ་ཕྱོགས་རྣམས་ཀུན་ཏུ་འབྱིན། །བདེ་གཤེགས་སྙིང་པོ་བྱང་ཆུབ་འདི་ལ་བལྟོས། །
པདྨོའི་དྲ་བ་ནོར་བུ་དྲི་མེད་མང་། །རིན་ཆེན་འོད་ཟེར་དཀྱིལ་འཁོར་ཀུན་ནས་འཕྲོ། །དྲིལ་བུའི་དྲ་བ་སྤྲིན་གྱི་སྒྲ་དབྱངས་འབྱིན། །ཕྱོགས་བཅུའི་ཤིང་བཟང་གཟུགས་རྣམས་གང་ཡོད་པ། །འབྱམ་ཀླས་ཞིང་གི་མ་ལུས་ཐམས་
ཅད་དག །བྱང་ཆུབ་ཤིང་ལ་དེ་དག་ཀུན་ནས་སྣང་། །དེ་དྲུང་སངས་རྒྱས་དྲི་མེད་རྣམ་པར་མཛེས། །ཡལ་ག་ཀུན་ནས་རིན་ཆེན་མི་ཟད་ནོར། །བྱང་ཆུབ་སེམས་དཔའ་དག་ཀྱང་རྟག་འབྱུང་ཞིང་། །བསོད་ནམས་རྒྱ་ཆེན་
དཀྱིལ་འཁོར་ཆར་ཕབ་སྟེ། །ཕྱོགས་བཅུར་རྒྱལ་བ་མཆོད་ཕྱིར་དེ་དག་འདོང་། །དེ་བཞིན་གཤེགས་པ་སྔན་ཅད་ཅིར་གྱུར་དང་། །བྱང་ཆུབ་སྤྱོད་ལས་བྱུང་བ་འདི་དག་ལྟོས། །ཡལ་ག་ཀུན་ནས་རིན་ཆེན་ནོར་མི་ཟད། །སངས་རྒྱས་
ཡུལ་ཀུན་བསམ་གྱིས་མྱི་ཁྱབ་པོ། །དེ་ནས་བྱང་ཆུབ་སེམས་དཔའ་མྱིག་བརྒྱ་པ་པད་མོ་སྣ་ཚོགས་ཀྱི་གཙུག་ཕུད་ཀྱིས། སངས་རྒྱས་ཀྱི་མཐུས་འཁོར་རྒྱ་མཚོ་ཡོད་པ་ཐམས་ཅད་ལ་རྣམ་པར་བལྟས་ནས། དེའི་ཚེ་ཚིགས་སུ་བཅད་
པ་འདི་དག་སྨྲས་སོ། །དུས་གསུམ་གཤེགས་པའི་རྒྱལ་བའི་རྣམ་འཕྲུལ་བ། །དེ་དག་རིན་ཆེན་སྒོ་ནས་ཀུན་ཀྱང་གྲགས། །དེ་ནི་མཐའ་དང་དབུས་ཡང་མྱེད་པ་སྟེ། །སྙིང་པོ་བྱང་ཆུབ་འདི་ལ་ཀུན་སྣང་ངོ་། །མེ་ཏོག་མང་པོའི་ཕྲེང་

72-1-68a

བ་སྦྱངས་བཀྱེ་ཞིང་། །འོད་ཟེར་སྤྲིན་གྱིས་ཕྱོགས་རྣམས་ཀུན་བཀང་སྟེ། །བྱང་ཆུབ་ཤིང་ལ་གནས་པའི་ལྷ་ཡི་རྣམས། །སངས་རྒྱས་བལྟ་ཞིང་རྟག་ཏུ་མཆོད་པ་བྱེད། །སྤོས་ཀྱི་རྒྱལ་མཚན་ནོར་བུ་སྣ་ཚོགས་
འབར། །སྤོས་ཀྱི་འོད་འཕྲོ་བདུག་སྤོས་རྟག་ཏུ་འབྱུང་། །འཁོར་གྱི་རྒྱ་མཚོ་ཀུན་ལ་ཁྱབ་པར་ཞིམ། །ཤིང་གི་རྒྱལ་པོ་དེ་ཕྱིར་ཕྱོགས་སུ་མཛེས། །པད་མོ་འབྲུལ་བ་སྟུག་ཅིང་གསེར་མདོག་འདྲ། །རྒྱལ་བའི་སྤྲིན་
སྒྲ་རྟག་པར་རབ་ཏུ་འགྱེད། །ཕྱོགས་བཅུའི་ཞིང་རྣམས་མ་ལུས་ཁྱབ་བྱས་ཤིང་། །སེམས་ཅན་རྣམས་ཀྱི་ཉོན་མོངས་གདུང་བ་སེལ། །རྒྱལ་བའི་འཁོར་ནི་ཚད་མེད་རྒྱ་ཆེ་སྟེ། །ཕྱོགས་རྣམས་ཀུན་ནས་སྙིང་པོ་བྱང་ཆུབ་ལ། །
གཟུགས་བརྙན་སྣང་ཞིང་དྲི་མེད་འོད་མཆོག་འགྱེད། །བྱང་ཆུབ་ཤིང་གི་རྣམ་འཕྲུལ་འདི་དག་ལྟོས། །སྨོན་ལམ་སྒྲ་དང་དབྱངས་ཀྱི་མར་མེ་རྣམས། །རིན་ཆེན་སྣ་ཚོགས་ཡལ་ག་ཀུན་ནས་འབར། །སྲིད་པ་རྒྱ་མཚོ་ཀུན་ན་
སྔན་ཅད་དུ། །རྒྱལ་བའི་སྤྱོད་པ་ཇི་ལྟར་བྱུང་བ་སྟོན། །བྱང་ཆུབ་ལྷ་རྣམས་ཞིང་གི་རྡུལ་སྙེད་དོ། །དེ་དག་ཐམས་ཅད་སྙིང་པོ་བྱང་ཆུབ་གནས། །ཐུབ་པའི་བྱང་ཆུབ་ཤིང་ལ་སྐད་ཅིག་ཅིང་། །རྣམ་ཐར་གཞན་དང་གཞན་
མང་དེ་དག་སྟོན། །རང་བྱུང་སྤྱད་པ་ཐམས་ཅད་སྤྱོད་པའི་ཚེ། །སྔོན་ཆད་དེ་བཞིན་གཤེགས་པ་གང་མཆོད་པ། །དེ་དག་མཚན་བཅས་སྔོན་གྱི་སྦྱོར་བཅས་པ། །ཐམས་ཅད་རིན་ཆེན་སྒོ་ནས་རབ་ཏུ་འབྱུང་། །ཕྱོགས་བཅུའི་
སེམས་ཅན་ཇི་སྙེད་སྣོད་གྱུར་པ། །དེ་དག་ཐམས་ཅད་འདི་ལས་སྒྲ་འབྱུང་སྟེ། །དེ་དག་ཅིས་འདུལ་རྣམ་དག་ཅི་འདྲ་བའང་། །སྙིང་པོ་བྱང་ཆུབ་འདི་ལས་ཀུན་བརྗོད་དོ། །བྱང་ཆུབ་ཤིང་རྣམས་མཐའ་ཡས་ཕྱོགས་ཀུན་ན། །བསམ་
གྱིས་མྱི་ཁྱབ་རྒྱན་གྱི་སྤྲིན་ཅན་དག །མཐའ་ཡས་སྣ་ཚོགས་རྒྱན་པ་ཐམས་ཅད་ཀྱང་། །སྔོན་ཆད་དེ་བཞིན་གཤེགས་པས་ཡོངས་སྦྱངས་པའོ། །དེ་ནས་བྱང་ཆུབ་སེམས་དཔའ་གསེར་གྱི་འོད་འཕྲོ་གཟི་བརྗིད་དཀྱིལ་

72-1-68b

འཁོར་གྱི་འོད་ཀྱིས་སངས་རྒྱས་ཀྱི་མཐུས། འཁོར་གྱི་དཀྱིལ་འཁོར་ཡོད་པ་ཐམས་ཅད་ལ་རྣམ་པར་བལྟས་ནས། དེའི་ཚེ་ཚིགས་སུ་བཅད་པ་འདི་དག་སྨྲས་སོ། །སྲིད་པའི་རྒྱ་མཚོར་བྱང་ཆུབ་སྤྱོད་མཛད་ཚེ། །མོས་
པའི་དཀྱིལ་འཁོར་ཡོངས་སུ་སྨོན་དག་ཅིང་། །གནས་དང་གནས་མིན་སྟོབས་རྣམས་ཐུགས་ཆུད་པའི། །བདེ་གཤེགས་སྟོབས་རྣམས་རྣམ་པར་དག་པ་མཐོང་། །བསྐལ་པ་ཀུན་ཏུ་རྒྱ་མཚོའི་ལས་སྦྱངས་ཏེ། །མཉམ་ཉིད་
ཆོས་བསྒོམས་ཇི་ལྟར་བསྒྲུབས་པ་རྣམས། །སངས་རྒྱས་འོད་ལས་དེ་བཞིན་ཕྱོགས་བཀང་ཞིང་། །ལས་རྣམས་རྒྱ་མཚོ་དེ་བཞིན་རབ་ཏུ་བརྗོད། །སྣ་ཚོགས་ཐབས་ཀྱིས་འབྱམ་ཀླས་སྟོབས་སྤྱོད་ཚེ། །བསྐལ་པ་སྔ་
མར་འགྲོ་བའི་དབང་པོ་བཞིན། །ཡོངས་སུ་སྨིན་བྱས་དེ་བས་འཁོར་ཀུན་ཀྱང་། །སེམས་དག་སངས་རྒྱས་དབང་པོའི་སྟོབས་ལ་འཇུག །འཇིག་རྟེན་ཀུན་གྱི་མོས་པ་སྣ་ཚོགས་དང་། །བསམ་པ་ཇི་བཞིན་སྦྱོར་བ་རྣམ་སྤྱོད་པ། །
དེ་དག་ཇི་བཞིན་རྒྱལ་བ་ཆོས་སྟོན་ཏེ། །རང་བྱུང་མོས་པ་མཁྱེན་པའི་སྟོབས་སྟོན་ཏོ། །ཕྱོགས་རྣམས་མ་ལུས་ཞིང་རྣམས་རྒྱ་མཚོ་དང་། །འབྱམ་ཀླས་སེམས་ཅན་ཁམས་དང་ཆོས་ཀྱི་ཁམས། །ནམ་མཁའི་
ཁམས་རྣཾས་མཉཾ་ཉིད་མཁྱེན་མི་རྟོག །རང་བྱུང་སྤུ་རྩེར་ཁམས་མཁྱེན་སྟོབས་ཀྱང་བསྟོན། །བདེ་གཤེགས་ཡེ་ཤེས་རྒྱ་ཆེན་ཀུན་ཏུ་འགྲོ། །སྐད་ཅིག་གཅིག་གིས་དུས་གསུམ་མ་ལུས་འགེངས། །ཕྱོགས་དང་
ཞིང་དང་བསྐལ་པ་འགྲོ་བཀང་ཞིང་། །སེམས་ཅན་ཀུན་ལ་སྟོབས་འཇུག་མངོན་པར་བསྟན། །བསམ་གཏན་རྣམ་ཐར་སྟོབས་མཐའ་དབུས་མེད་པ། །ཏིང་འཛིན་རྒྱ་མཚོའི་ཚུལ་ནི་འགྲོ་ཀུན་སྙེད། །ཐམས་ཅད་རྒྱལ་བའི་སྐུ་
ལ་བསྟན་པས་ན། །སེམས་ཅན་བསམ་པའི་ཆོས་ཀྱི་ཉོན་མོངས་སེལ། །སངས་རྒྱས་ཡེ་ཤེས་དུས་གསུམ་སྒྲིབ་པ་མེད། །སྐད་ཅིག་ཀུན་ལ་དུས་གསུམ་སྤུ་རྩེར་བསྟན། །ཞིང་དང་སེམས་ཅན་སངས་རྒྱས་དེ་བཞིན་ཆོས། །

72-1-69a

དེ་ལྟར་རྒྱལ་བས་རྗེས་སུ་དྲན་སྟོབས་བསྟན། །ཐུབ་པའི་སྤྱན་ནི་ནམ་མཁའ་མཉམ་པ་སྟེ། །དེ་ནས་ཆོས་དབྱིངས་མ་ལུས་གསལ་བར་གཟིགས། །ཐམས་ཅད་ཚུལ་གྱིས་ཆགས་མེད་གཞལ་ཡས་ཁང་། །
བརྙེས་པས་ཡེ་ཤེས་སྤྱན་ནི་རྣམ་མང་བསྟན། །འཇིག་རྟེན་ཀུན་གྱི་སྦྱོར་མང་ཇི་སྙེད་དང་། །འགྲོ་བའི་བག་ཆགས་བག་ཉལ་མ་ལུས་པར། །ཐབས་སྒོ་ཀུན་ནས་ཉོན་མོངས་ཞི་མཛད་ཅིང་། །རྒྱལ་བ་འཇིག་རྟེན་གང་བར་
ཀུན་ནས་བྱུང་། །དེ་ནས་བྱང་ཆུབ་སེམས་དཔའ་ཆོས་ཀྱི་དབྱིངས་ཀྱི་དབྱངས་ཀུན་ནས་སྒྲོག་པས། སངས་རྒྱས་ཀྱི་མཐུས་འཁོར་རྒྱ་མཚོ་ཡོད་པ་ཐམས་ཅད་ལ་རྣམ་པར་བལྟས་ནས། དེའི་ཚེ་ཚིགས་སུ་བཅད་པ་
འདི་དག་སྨྲས་སོ། །རྒྱ་ཆེན་སངས་རྒྱས་བྱིན་རླབས་ཕྱོགས་ཀུན་ཏུ། །སངས་རྒྱས་སྟོན་ཀྱང་རྟོག་པ་མི་མངའ་སྟེ། །ཕ་རོལ་ཕྱིན་པ་རྒྱ་ཆེན་ཡོངས་བཀང་བ། །བྱང་ཆུབ་སྤྱོད་པ་རྒྱ་ཆེན་དེ་དག་སྣང་། །འགྲོ་བ་རྣམས་ལ་
ཐུགས་རྗེ་ཆེ་བསྐྱེད་ཅིང་། །སྦྱིན་པའི་མཐར་ཕྱིན་སྔོན་ཆད་སྦྱངས་པ་ན། །དེ་ཕྱིར་ཐུབ་པའི་སྐུ་ནི་མཚན་གྱིས་རྒྱས། །འགྲོ་བ་ཀུན་གྱིས་བལྟ་ཞིང་དགའ་བ་བསྐྱེད། །བསྐལ་པ་རྒྱ་མཚོ་མང་པོ་མཐའ་ཡས་སྟོན། །
ཚུལ་ཁྲིམས་ཕ་རོལ་ཕྱིན་པ་ཡོངས་སྦྱངས་པས། །དེ་ཕྱིར་བསྐལ་པ་ཕྱོགས་སུ་དྲི་མེད་ཅིང་། །ཤིན་ཏུ་འཕགས་པར་འཇིག་རྟེན་སྡུག་བསྔལ་སེལ། །མ་ལོག་མཉམ་པ་ཉིད་ལ་དད་བསྐྱེད་དེ། །སྔོན་ཆད་བཟོད་པའི་
དཀྱིལ་འཁོར་རྣམ་སྦྱངས་པས། །འགྲོ་དང་མཚུངས་མཉམ་ཡོན་ཏན་ཀུན་སྟོན་ཏོ། །དེ་བས་ཕྱོགས་སུ་འོད་རྣམས་ཤིན་ཏུ་འཕྲོ། །བསྐལ་པ་རྒྱ་མཚོ་མང་པོར་སྔོན་སྤྱོད་ཚེ། །འགྲོ་བ་རྣམས་ཀྱི་སྒྲིབ་པ་འཐིབས་པོ་
བསལ། །དེ་ཕྱིར་ཕྱོགས་བཅུའི་འགྲོ་བ་ཀུན་བཀང་སྟེ། །ཞིང་རབ་དྲུང་ན་རྒྱལ་བ་མངོན་པར་མཛེས། །བསམ་གཏན་ཡན་ལག་རྒྱ་མཚོ་སྤྱོད་པའི་ཚེ། །བསྐལ་པ་ཡངས་པར་རྒྱལ་བ་རབ་ཏུ་སྤྱད། །དེ་བས་འགྲོ་བའི་གཞལ་

72-1-69b

མེད་དགའ་བ་བསྐྱེད། །ཉོན་མོངས་དྲི་མས་སྒྲིབས་པ་ཀུན་ཀྱང་སེལ། །སངས་རྒྱས་རྒྱ་མཚོའི་དྲུང་དུ་སྔོན་སྤྱད་ཅིང་། །ཤེས་རབ་མཐར་ཕྱིན་རྒྱལ་བས་སྔོན་བཀང་སྟེ། །འགྲོ་བའི་གཏི་མུག་མུན་པ་ཡོངས་སུ་བསལ། །དེ་བས་
རྒྱལ་བ་ཀུན་ཏུ་རྣམ་པར་མཛེས། །འགྲོ་བ་ཀུན་མཉམ་ཐབས་སྒོ་ཐམས་ཅད་ཀྱིས། །ཡང་དག་བྱུང་ཞིང་འགྲོ་བ་རྣམ་སྦྱངས་པས། །ཕྱོགས་རྣམས་ཀུན་ན་ཀུན་ལ་མངོན་པར་བཞུགས། །ཕྱི་མའི་བསྐལ་པར་འགྲོ་བ་མངོན་དུ་
བལྟ། །སྨོན་ལམ་ཕ་རོལ་ཕྱིན་པ་རབ་སྤྱོད་ཚེ། །བསྐལ་པ་རྒྱ་མཚོ་ཤིན་ཏུ་རྒྱ་ཆེ་ཞིང་། །ཕྱི་མའི་བསྐལ་པ་འགྲོ་བའི་སྤྲིན་མཉམ་པར། །སྤྱད་པས་དེ་ཕྱིར་འགྲོ་བ་ཀུན་ན་མཛེས། །རྒྱལ་བས་ཆོས་ཀུན་སྟོབས་ཀྱི་མཐར་ཕྱིན་པ། །
བསྐལ་པ་གཞལ་ཡས་མང་པོར་ཡོངསུ་སྦྱངས། །དེ་ཕྱིར་རང་བྱུང་སྟོབས་ཀྱི་ཕ་རོལ་ཕྱིན། །ཕྱོགས་ཀྱི་ཞིང་རྣམས་ཀུན་ན་དེ་ཕྱིར་ལགས། །ཐམས་ཅད་མཁྱེན་ཉིད་ནམ་མཁའ་མཚུངས་མཉམ་པའི། །ཡེ་ཤེས་ཀུན་
གྱི་སྒོ་ནས་སྔོན་སྦྱངས་པས། །དེ་ཕྱིར་ཆགས་མེད་ཡེ་ཤེས་ཕ་རོལ་ཕྱིན། །ཕྱོགས་བཅུ་ཀུན་ན་རྒྱལ་བ་མངོན་པར་མཛེས། །དེ་ནས་བྱང་ཆུབ་སེམས་དཔའ་སྤྲིན་ཡིད་དུ་འོང་བ་དྲི་མ་མེད་པའི་ཟླ་བས་སངས་རྒྱས་ཀྱི་
མཐུས། འཁོར་རྒྱ་མཚོ་ཡོད་པ་ཐམས་ཅད་ལ་རྣམ་པར་བལྟས་ནས། དེའི་ཚེ་ཚིགས་སུ་བཅད་པ་འདི་དག་སྨྲས་སོ། །སངས་རྒྱས་རྫུ་འཕྲུལ་ཡུལ་ནི་ཕྱོགས་རྣམས་ཀྱི། །འགྲོ་བའི་རྒྱུད་དབྱིངས་ནམ་མཁའ་
མཉམ་པར་སྣང་། །ས་རྣམས་ཡངས་པ་ཇི་ལྟར་སྔོན་བསྐྱེད་པ། །དེ་བཞིན་ཀུན་ཀྱང་རིན་ཆེན་སྒོ་ནས་བརྗོད། །དང་པོའི་ས་ནི་དགའ་བའི་ཤུགས་ཀྱི་ཡུལ། །ཆོས་དབྱིངས་ཀུན་གྱི་བདེ་གཤེགས་མཐོང་ཞིང་ནི། །གཞལ་
མེད་བསྐལ་པར་དྲི་མེད་ཡོངས་གསུངས་པས། །ཆོས་དབྱིངས་ཡངས་ལ་ཡེ་ཤེས་རབ་ཏུ་བྱུང་། །ཐམས་ཅད་ཆོས་ལ་དྲི་མྱེད་ས་གཉིས་སྟེ། བསྐལ་པ་རྒྱ་མཚོ་མང་པོར་རྣམ་སྤྱད་ཅིང་། །རྒྱལ་བ་ཚད་མེད་རྒྱ་མཚོ་མཆོད་བྱས་ནས། །འགྲོ་བ་ཚད་མེད་དྲི་མེད་སྦྱངས་པས་བྱུང་། །བསོད་ནམས་དཀྱིལ་འཁོར་འོད་ནི་ས་གསུམ་སྟེ།  །སྙིང་པོ་བཟོད་པའི་དཀྱིལ་འཁོར་ལྷག་མཐོང་བརྟེན། །གང་དུ་དེ་སྐྱེས་རིན་

72-1-70a

ཆེན་སྒོ་དག་ནས། །ཆོས་ཀྱི་སྤྲིན་ནི་རྒྱ་ཆེན་རབ་ཏུ་ཐོས། །འོད་འཕྲོ་རྒྱ་མཚོ་ལྡན་པ་གཞལ་མེད་ས། །མཐུ་ཡི་འཁོར་འོད་སྙིང་པོ་སྙིང་རྗེ་སྟེ། །ཞིང་རྣམས་ཀུན་ཏུ་སྒྲིབ་དང་མཉམ་པའི་ལུས། །འགྲོ་
བའི་ཉོན་མོངས་ཀུན་ནས་རྣམ་སྦྱངས་པའོ། །དགའ་རྒྱལ་སྙིང་པོ་མཉམ་དབྱིངས་མཉམ་ཉིད་དེ། །ཞིང་རྣམས་ཀུན་ཏུ་འགྲོ་ཞིང་ཞི་ལ་གཞོལ། །ས་རྣམས་ཆོས་ཡུལ་ཀུན་ནས་རབ་ཏུ་སྐྱེས། །དེ་ཡང་རྣམ་དག་ཇི་བཞིན་
རྒྱལ་བས་བསྟན། །ཤེས་རབ་རྒྱ་མཚོ་ཡངས་པའི་སྤྲིན་ལ་སྤྱོད། །འབྱམ་ཀླས་ཆོས་ཀྱི་མཐར་ཐུག་རྣམ་པ་ཀུན། །ཞིང་རྣམས་ཀུན་ལ་མངོན་སུམ་ནམ་མཁའ་འདྲ། །དེ་འབྱུང་བྱང་ཆུབ་ཤིང་ཆེན་འདི་ལས་གྲག །
ཆོས་དབྱིངས་མཐའ་དང་མཉམ་པའི་ལུས་ཅན་ཏེ། །འགྲོ་བ་ཀུན་འགེངས་འགྲོ་བ་ཀུན་སྣང་བྱེད། །འབྱམ་ཀླས་ཐབས་ཀྱི་སྒོ་ནས་རྣམ་པར་དག །རིང་དུ་སོང་མཆོག་དེ་ནི་རྒྱལ་བས་བསྟན། །ཐམས་ཅད་ཆོས་དང་
སྨོན་ལམ་སྤྱོད་མང་དང་། །ཞིང་རྣམས་རྒྱ་མཚོའི་དབྱིངས་ཀྱང་མཉམ་རྟོགས་པས། །བསྐལ་པ་ཀུན་ཏུ་འགྲོ་མཆོག་མི་གཡོ་སྟེ། །གཞལ་མེད་ས་དེའི་སྤྲིན་ཀྱང་རབ་ཏུ་སྒྲོག །ཚད་མེད་ཡུལ་ཅན་སྟོབས་ཀྱིས་རབ་ཏུ་
སྣང་། །རྫུ་འཕྲུལ་ཆོས་ཀྱིས་འགྲོ་ཞིང་སྟོབས་ལ་འཇུག །འདི་ནི་རྡུལ་མེད་དགེ་བའི་བློ་གྲོས་ས། །བསྐལ་པ་རྒྱ་མཚོར་བྱང་ཆུབ་ཤིང་ལས་བརྗོད། །ཆོས་ཀྱི་སྤྲིན་ནི་རྒྱ་ཆེན་ས་བཅུ་སྟེ། །དུས་རྣམས་
ཀུན་འགེངས་ནམ་མཁའི་རང་བཞིན་འདྲ། །སངས་རྒྱས་ཡུལ་གྱི་སྒྲ་དང་དབྱངས་ཀུན་ཏུ། །རྒྱལ་བའི་བྱིན་གྱིས་འདི་ལས་རབ་ཏུ་གྲག །དེ་ནས་བྱང་ཆུབ་སེམས་དཔའ་རྣམ་པར་གནོན་པ་གཏི་མུག་མེད་པའི་འོད་
ཟེར་གྱི་རྒྱལ་མཚན་གྱིས་སངས་རྒྱས་ཀྱི་མཐུས། ཕྱོགས་བཅུར་རྣམ་པར་བལྟས་ནས། དེའི་ཚེ་ཚིགས་སུ་བཅད་པ་འདི་དག་སྨྲས་སོ། །རྣམ་པ་དུ་མར་འཁོར་རྣམས་གནས་པ་ནི། །དད་པ་སྣ་ཚོགས་ཡོངས་སུ་དག་

72-1-70b

པའི་སེམས། །རྒྱན་དང་ཡུལ་རྣམས་ཀུན་ལ་རབ་ཏུ་ཞུགས། །དེ་དག་སངས་རྒྱས་ཡེ་ཤེས་འཇུག་པར་འགྱུར། །ཕན་ཚུན་སྨོན་ལམ་རྣམ་དག་སྤྱོད་ཡུལ་ཏེ། །དག་པ་མཐའ་ཡས་བྱ་བ་རབ་ཏུ་བྱས། །དེ་བཞིན་
གཤེགས་པའི་རྣམ་འཕྲུལ་ཐམས་ཅད་ཀྱང་། །གཞན་དང་གཞན་གྱི་སྒོ་ནས་རབ་ཏུ་མཐོང་། །བདེ་གཤེགས་ཆོས་ཀྱི་སྐུ་ལ་ཞུགས་པ་དག །ལ་ལས་རྒྱལ་བའི་ཆོས་སྐུ་དེ་ཉིད་ལ། །ཀུན་ཏུ་སྤྲིན་འདྲ་གཞལ་དུ་མེད་པ་ཡི། །
མཐའ་ཡས་ཆོས་ཀྱི་རང་བཞིན་ཆོས་ཉིད་མཐོང་། །ལ་ལས་རྒྱལ་བའི་གཟུགས་སྐུ་དེ་ཉིད་ལ། །ཕྱོགས་བཅུ་ཀུན་ཏུ་རྣམ་པར་འཕྲུལ་མཛད་ཅིང་། །ཡོན་ཏན་མཐའ་ཡས་འོད་སྤྲིན་རབ་འབར་བ། །འགྲོ་བ་ངང་ཚུལ་སྤྲིན་
དུ་གྱུར་པར་མཐོང་། །ལ་ལ་རྒྱལ་བའི་ཡེ་ཤེས་ཆགས་མེད་འཇུག །དུས་གསུམ་མཉམ་ཉིད་མཁའ་དང་འདྲ་བའི་སྐུ། །འགྲོ་བ་ཀུན་གྱི་བསམ་པའི་ཚུལ་འབྱུང་བའི། །སངས་རྒྱས་སྟོབས་ལ་རབ་ཏུ་འཇུག་པ་
མཐོང་། །སངས་རྒྱས་གསུང་ནི་ཐོགས་པ་མེད་འབྱུང་སྟེ། །ཕྱོགས་ཀུན་ཞིང་རྣམས་མ་ལུས་རྒྱས་འགྱུར་ཞིང་། །འགྲོ་བ་སྣོད་བཞིན་བསྐུལ་བར་བྱེད་པ་ཡི། །དེ་བཞིན་གཤེགས་པའི་གསུང་ལ་ལ་ལ་འཇུག །
ལ་ལ་སངས་རྒྱས་སྣང་བ་སྣ་ཚོགས་འཇུག །སྣ་ཚོགས་སྣང་བས་འགྲོ་བ་ཀུན་བཀང་ཞིང་། །རྒྱལ་བའི་རྫུ་འཕྲུལ་ཀུན་ཏུ་སྣང་མཛད་པའི། །སངས་རྒྱས་འོད་ནི་ལ་ལས་དེར་ཡང་མཐོང་། །བ་སྤུའི་སྒོ་ནས་
འོད་ཟེར་རབ་བཀྱེ་བའི། །འོད་ཟེར་རྒྱ་མཚོའི་སྤྲིན་ལ་ལ་ལ་འཇུག །སྔོན་ཆད་རྒྱལ་བའི་སྤྱོད་པ་བསྟན་པ་ལ། །ལ་ལ་དགའ་ཞིང་རྒྱལ་བ་ཤེས་པར་བྱེད། །ལ་ལས་བསོད་ནམས་སྣ་ཚོགས་མཚན་གྱི་
རྣམས། །བདེ་གཤེགས་བསོད་ནམས་འབྱུང་བ་ཇི་བཞིན་མཐོང་། །ཕ་རོལ་ཕྱིན་པ་རྒྱ་མཚོ་སྦྱོང་བའི་ཚེ། །ཇི་ལྟར་དག་གྱུར་མཚན་ཀྱང་ལ་ལས་མཐོང་། །སྒོ་རྣམས་ཀུན་ནས་རྒྱལ་བ་ཚད་མྱེད་དེ། །

72-1-71a

མཐའ་དང་དབུས་མེད་ཆོས་ཀྱི་དབྱིངས་བཀང་ཞིང་། །སངས་རྒྱས་བྱིན་རླབས་ཀུན་རབ་རྗོད་པ་ཀུན། །རྣམ་འཕྲུལ་སངས་རྒྱས་ཡུལ་ནི་ལ་ལས་མཐོང་། །དེ་ནས་སངས་རྒྱས་ཀྱི་བྱིན་གྱིས་རླབས་ཀྱིས། 
འཇིག་རྟེན་གྱི་ཁམས་མེ་ཏོག་གི་རྒྱན་གྱིས་བརྒྱན་པའི་གཞི་དང་སྙིང་པོ་རྒྱ་མཚོ་ཐམས་ཅད་རྣམ་པ་དྲུག་ཏུ་གཡོས་སོ། །རབ་ཏུ་གཡོས་སོ། །ཀུན་ཏུ་གཡོས་སོ། །འགུལ་ཏོ་རབ་ཏུ་འགུལ་ཏོ། །ཀུན་ཏུ་
འགུལ་ཏོ། །ལྡེག་གོ་རབ་ཏུ་ལྡེག་གོ། །ཀུན་ཏུ་ལྡེག་གོ། །ཆེམ་ཆེམ་རབ་ཏུ་ཆེམ་ཆེམ། ཀུན་ཏུ་ཆེམ་ཆེམ་མོ། །འུར་འུར་རབ་ཏུ་འུར་འུར་རོ། །ཀུན་ཏུ་འུར་འུར་རོ། །ཤིག་ཤིག་རབ་ཏུ་ཤིག་ཤིག །
ཀུན་ཏུ་ཤིག་ཤིག་གོ། །འཇིག་རྟེན་གྱི་དབང་པོ་དེ་དག་ཐམས་ཅད་རེ་རེས་ཀྱང་མཆོད་པ་མངོན་པར་བསྒྲུབ་པའི་སྤྲིན་བསམ་གྱིས་མྱི་ཁྱབ་པའི་ཆར་དེ་བཞིན་གཤེགས་པའི་འཁོར་གྱི་དཀྱིལ་འཁོར་དུ་མངོན་པར་
རབ་ཏུ་ཕབ་པོ། །འདི་ལྟར་སྤོས་ཀྱི་མེ་ཏོག་སྣ་ཚོགས་ཀྱི་སྤྲིན་གྱི་ཆར་ཐམས་ཅད་རབ་ཏུ་ཕབ་པོ། །རིན་པོ་ཆེ་སྣ་ཚོགས་ཐམས་ཅད་ཀྱི་སྤྲིན་དང་། རིན་པོ་ཆེའི་འོད་འཕྲོ་བའི་པད་མོའི་དྲ་བ་ཐམས་ཅད་ཀྱི་སྤྲིན་དང་། 
ནོར་བུ་རིན་པོ་ཆེའི་འོད་ཀྱི་དཀྱིལ་འཁོར་ཁ་དོག་མཐའ་ཡས་པའི་སྤྲིན་དང་། རིན་པོ་ཆེ་ཁ་དོག་སྣ་ཚོགས་དང་། མུ་ཏིག་ཐམས་ཅད་ཀྱི་སྤྲིན་དང་། སྤོས་དང་ཙནྡ་དང་། རིན་པོ་ཆེ་ཐམས་ཅད་ཀྱི་སྤྲིན་དང་། རིན་པོ་
ཆེའི་གདུགས་ཐམས་ཅད་ཀྱི་སྤྲིན་དང་། ནོར་བུའི་རྒྱལ་པོའི་སྒྲ་དབྱངས་བཟང་པོ་ཡིད་དུ་འོང་བའི་སྤྲིན་དང་། ནོར་བུའི་ཉི་མའི་འོད་ཟེར་གྱི་ཕྲེང་བ་མང་པོའི་སྤྲིན་དང་། རིན་པོ་ཆེའི་འོད་ཟེར་གྱི་མཛོད་ཐམས་ཅད་ཀྱི་
སྤྲིན་དང་། རང་རང་གི་ལུས་ལས་རྒྱན་ཐམས་ཅད་འཕྱང་བའི་སྤྲིན་དང་། དེ་ལྟ་བུ་དག་ལ་སྩོགས་པ་འཇིག་རྟེན་གྱི་དབང་པོ་རེ་རེས་ཀྱང་མཆོད་པ་མངོན་པར་བསྒྲུབ་པའི་སྤྲིན། བསམ་གྱིས་མི་ཁྱབ་པའི་ཆར་

72-1-71b

དེ་བཞིན་གཤེགས་པའི་འཁོར་གྱི་དཀྱིལ་འཁོར་རྒྱ་མཚོ་ཐམས་ཅད་དུ་མངོན་པར་ཕབ་པོ། །ཇི་ལྟར་འཇིག་རྟེན་གྱི་ཁམས་འདིར་འཇིག་རྟེན་གྱི་དབང་པོ་རྣམས་རབ་ཏུ་དགའ་བར་གྱུར་པ་དེ་བཞིན་དུ། གཞི་དང་སྙིང་པོ་
མེ་ཏོག་གི་རྒྱན་གྱིས་བརྒྱན་པའི་འཇིག་རྟེན་གྱི་ཁམས་རྒྱ་མཚོའི་འཇིག་རྟེན་གྱི་དབང་པོ་རྣམས་རེ་རེས་ཀྱང་མཆོད་པ་མངོན་པར་བསྒྲུབ་པའི་སྤྲིན་གྱི་ཆར་དེ་བཞིན་གཤེགས་པའི་འཁོར་གྱི་དཀྱིལ་འཁོར་རྒྱ་མཚོ་
དག་ཏུ་རབ་ཏུ་ཕབ་པར་གྱུར་ཏོ། །འཇིག་རྟེན་གྱི་ཁམས་ཐམས་ཅད་ན་ཡང་འཇིག་རྟེན་གྱི་དབང་པོ་རྣམས་མོས་པ་གཞན་དང་གཞན་དང་། དམིགས་པ་གཞན་དང་གཞན་དང་། །ཏིང་ངེ་འཛིན་གྱི་ཚུལ་གྱི་སྒོ་རྒྱ་མཚོ་
གཞན་དང་གཞན་དང་། ཚོགས་གཞན་དང་གཞན་དང་། ཡང་དག་པར་སྒྲུབ་པ་གཞན་དང་གཞན་དང་། དགའ་བའི་ཤུགས་ཀྱིས་སྤྱོད་པ་གཞན་དང་གཞན་དང་། ཕྱོགས་ཀྱི་ཚུལ་གཞན་དང་གཞན་དང་། 
ཆོས་ཀྱི་ཚུལ་ལ་འཇུག་པ་གཞན་དང་གཞན་དང་། དེ་བཞིན་གཤེགས་པའི་ཡུལ་དང་། བྱིན་གྱིས་རླབས་ལ་འཇུག་པ་གཞན་དང་གཞན་དང་། ཡུལ་དང་སྟོབས་ལ་འཇུག་པ་གཞན་དང་གཞན་དང་། རྣམ་པར་
ཐར་པའི་ཚུལ་རྒྱ་མཚོའི་སྒོ་གཞན་དང་གཞན་གྱིས། དེ་བཞིན་གཤེགས་པའི་སྙིང་པོ་བྱང་ཆུབ་ལ་བཞུགས་པ་ལ་ཁོང་དུ་ཆུད་པར་བྱེད་དོ། །འདི་ན་ཇི་ལྟ་བ་བཞིན་ཕྱོགས་བཅུའི་ཆོས་ཀྱི་དབྱིངས་རྒྱ་མཚོའི་ནམ་མཁའི་
དབྱིངས་ཀྱི་མཐའ་ཀླས་པའི་འཇིག་རྟེན་གྱི་ཁམས་རྒྱ་མཚོ་ཐམས་ཅད་ན་ཡང་དེ་བཞིན་ནོ། །འཇིག་རྟེན་གྱི་དབང་པོ་ཐམས་ཅད་ཀྱི་རྒྱན་གྱི་ཚུལ་རབ་ཏུ་བྱུང་བ་ཞེས་བྱ་བའི་སྟེ་ལེའུ་དང་པོའོ།། །།
དེ་ནས་བྱང་ཆུབ་སེམས་དཔའ་དེ་དག་དང་། འཇིག་རྟེན་གྱི་དབང་པོ་དེ་དག་འདི་སྙམ་དུ་སེམས་པར་གྱུར་ཏེ། སངས་རྒྱས་བཅོམ་ལྡན་འདས་རྣམས་ལ་སངས་རྒྱས་ཀྱི་ས་ནི་ཇི་ལྟ་བ་ཞིག་མངའ། སངས་རྒྱས་

72-1-72a

བཅོམ་ལྡན་འདས་རྣམས་ལ་སངས་རྒྱས་ཀྱི་ཡུལ་ནི་ཇི་ལྟ་བུ་ཞིག་མངའ། སངས་རྒྱས་བཅོམ་ལྡན་འདས་རྣམས་ལ་བྱིན་གྱིས་རླབས་ནི་ཇི་ལྟ་བུ་ཞིག་མངའ། སངས་རྒྱས་བཅོམ་ལྡན་འདས་རྣམས་ལ་སངས་
རྒྱས་ཀྱི་སྤྱོད་ཡུལ་ནི་ཇི་ལྟ་བུ་ཞིག་མངའ། སངས་རྒྱས་བཅོམ་ལྡན་འདས་རྣམས་ལ་སངས་རྒྱས་ཀྱི་སྟོབས་ནི་ཇི་ལྟ་བུ་ཞིག་མངའ། སངས་རྒྱས་བཅོམ་ལྡན་འདས་རྣམས་ལ་སངས་རྒྱས་ཀྱི་མྱི་སྙེངས་པ་ནི་ཇི་ལྟ་བུ་ཞིག་
མངའ། སངས་རྒྱས་བཅོམ་ལྡན་འདས་རྣམས་ལ་སངས་རྒྱས་ཀྱི་ཏིང་ངེ་འཛིན་ནི་ཇི་ལྟ་བུ་ཞིག་མངའ། སངས་རྒྱས་བཅོམ་ལྡན་འདས་རྣམས་ལ་སངས་རྒྱས་ཀྱི་རྣམ་པར་འཕྲུལ་པ་ནི་ཇི་ལྟ་བུ་ཞིག་མངའ། སངས་རྒྱས་
བཅོམ་ལྡན་འདས་རྣམས་ལ་སངས་རྒྱས་ཀྱི་མངའ་ཆེན་པོ་ནི་ཇི་ལྟ་བུ་ཞིག་མངའ། སངས་རྒྱས་བཅོམ་ལྡན་འདས་རྣམས་ལ་སངས་རྒྱས་ཀྱི་མི་འཕྲོགས་པ་ནི་ཇི་ལྟ་བུ་ཞིག་མངའ། སངས་རྒྱས་བཅོམ་ལྡན་འདས་
རྣམས་ལ་སངས་རྒྱས་ཀྱི་སྤྱན་ནི་ཇི་ལྟ་བུ་ཞིག་མངའ། སངས་རྒྱས་བཅོམ་ལྡན་འདས་རྣམས་ལ་སངས་རྒྱས་ཀྱི་སྙན་ནི་ཇི་ལྟ་བུ་ཞིག་མངའ། སངས་རྒྱས་བཅོམ་ལྡན་འདས་རྣམས་ལ་སངས་རྒྱས་ཀྱི་ཤངས་ནི་
ཇི་ལྟ་བུ་ཞིག་མངའ། སངས་རྒྱས་བཅོམ་ལྡན་འདས་རྣམས་ལ་སངས་རྒྱས་ཀྱི་ལྗགས་ནི་ཇི་ལྟ་བུ་ཞིག་མངའ། སངས་རྒྱས་བཅོམ་ལྡན་འདས་རྣམས་ལ་སངས་རྒྱས་ཀྱི་སྐུ་ནི་ཇི་ལྟ་བུ་ཞིག་མངའ། སངས་རྒྱས་
བཅོམ་ལྡན་འདས་རྣམས་ལ་སངས་རྒྱས་ཀྱི་ཐུགས་ནི་ཇི་ལྟ་བུ་ཞིག་མངའ། སངས་རྒྱས་བཅོམ་ལྡན་འདས་རྣམས་ལ་སངས་རྒྱས་ཀྱི་འོད་ནི་ཇི་ལྟ་བུ་ཞིག་མངའ། སངས་རྒྱས་བཅོམ་ལྡན་འདས་རྣམས་ལ་སངས་
རྒྱས་ཀྱི་འོད་ཟེར་ནི་ཇི་ལྟ་བུ་ཞིག་མངའ། སངས་རྒྱས་བཅོམ་ལྡན་འདས་རྣམས་ལ་སངས་རྒྱས་ཀྱི་གསུང་ནི་ཇི་ལྟ་བུ་ཞིག་མངའ། སངས་རྒྱས་བཅོམ་ལྡན་འདས་རྣམས་ལ་སངས་རྒྱས་ཀྱི་ཡེ་ཤེས་ནི་ཇི་ལྟ་བུ་

72-1-72b

ཞིག་མངའ། ཕྱོགས་བཅུའི་འཇིག་རྟེན་གྱི་ཁམས་རྒྱ་མཚོ་དག་ཏུ་སངས་རྒྱས་བཅོམ་ལྡན་འདས་ཐམས་ཅད་བྱང་ཆུབ་སེམས་དཔའ་ཐམས་ཅད་ལ་སྨོན་ལམ་རྒྱ་མཚོ་ཐམས་ཅད་ནི་ཇི་ལྟ་བུ་ཞིག་ཏུ་ཡོངས་སུ་སྟོན། 
བྱང་ཆུབ་སེམས་དཔའ་ཐམས་ཅད་ལ་རབ་ཏུ་འཇུག་པ་རྒྱ་མཚོ་ཐམས་ཅད་ནི་ཇི་ལྟ་བུ་ཞིག་དུ་ཡོངས་སུ་སྟོན། བྱང་ཆུབ་སེམས་དཔའ་ཐམས་ཅད་ལ་ཚོགས་རྒྱ་མཚོ་ཐམས་ཅད་ནི་ཇི་ལྟ་བུ་ཞིག་ཏུ་ཡོངས་སུ་སྟོན། 
བྱང་ཆུབ་སེམས་དཔའ་ཐམས་ཅད་ལ་ཐེག་པ་རྒྱ་མཚོ་རྣམས་ནི་ཇི་ལྟ་བུ་ཞིག་ཏུ་ཡོངས་སུ་སྟོན། བྱང་ཆུབ་སེམས་དཔའ་ཐམས་ཅད་ལ་རབ་ཏུ་གནས་པ་རྒྱ་མཚོ་ཐམས་ཅད་ནི་ཇི་ལྟ་བུ་ཞིག་ཏུ་ཡོངས་སུ་སྟོན། བྱང་
ཆུབ་སེམས་དཔའ་ཐམས་ཅད་ལ་སྤྱོད་པ་རྒྱ་མཚོ་རྣམས་ནི་ཇི་ལྟ་བུ་ཞིག་ཏུ་ཡོངས་སུ་སྟོན། བྱང་ཆུབ་སེམས་དཔའ་ཐམས་ཅད་ལ་འབྱུང་བ་རྒྱ་མཚོ་རྣམས་ནི་ཇི་ལྟ་བུ་ཞིག་ཏུ་ཡོངས་སུ་སྟོན། བྱང་ཆུབ་
སེམས་དཔའ་ཐམས་ཅད་ལ་མངོན་པར་ཤེས་པ་རྒྱ་མཚོ་རྣམས་ནི་ཇི་ལྟ་བུ་ཞིག་ཏུ་ཡོངས་སུ་སྟོན། བྱང་ཆུབ་སེམས་དཔའ་ཐམས་ཅད་ལ་ཕ་རོལ་ཏུ་ཕྱིན་པ་རྒྱ་མཚོ་རྣམས་ནི་ཇི་ལྟ་བུ་ཞིག་ཏུ་ཡོངས་སུ་སྟོན། 
བྱང་ཆུབ་སེམས་དཔའ་ཐམས་ཅད་ལ་ལས་རྒྱ་མཚོ་རྣམས་ནི་ཇི་ལྟ་བུ་ཞིག་ཏུ་ཡོངས་སུ་སྟོན། བྱང་ཆུབ་སེམས་དཔའ་ཐམས་ཅད་ལ་སྨོན་ལམ་རྒྱ་མཚོ་རྣམས་ནི་ཇི་ལྟ་བུ་ཞིག་ཏུ་ཡོངས་སུ་སྟོན། བྱང་ཆུབ་སེམས་
དཔའ་རྣམས་ལ་ཡེ་ཤེས་རྒྱ་མཚོ་རྣམས་ནི་ཇི་ལྟ་བུ་ཞིག་ཏུ་ཡོངས་སུ་སྟོན། བཅོམ་ལྡན་འདས་ཀྱིས་བདག་ཅག་ལ་ཡང་ཐུགས་བརྩེ་བ་ཉེ་བར་བཟུང་སྟེ། བྱང་ཆུབ་སེམས་དཔའ་རྣམས་ཀྱི་བསམ་པ་ཇི་ལྟ་
བ་བཞིན་ཏུ་འཇིག་རྟེན་གྱི་ཁམས་རྒྱ་མཚོ་རྣམས་ཀྱང་བསྟན་པ་མཛད་གྲང་། སེམས་ཅན་རྒྱ་མཚོ་རྣམས་ཀྱང་བསྟན་པ་མཛད་གྲང་། སངས་རྒྱས་རྒྱ་མཚོ་རྣམས་ཀྱང་བསྟན་པ་མཛད་གྲང་། སངས་རྒྱས་

72-1-73a

ཀྱི་ཕ་རོལ་ཏུ་ཕྱིན་པ་རྒྱ་མཚོ་རྣམས་ཀྱང་བསྟན་པ་མཛད་གྲང་། སངས་རྒྱས་ཀྱི་རྣམ་པར་ཐར་པ་རྒྱ་མཚོ་རྣམས་ཀྱང་བསྟན་པ་མཛད་གྲང་། སངས་རྒྱས་ཀྱི་རྣམ་པར་འཕྲུལ་པ་རྒྱ་མཚོ་རྣམས་ཀྱང་བསྟན་པ་
མཛད་གྲང་། སངས་རྒྱས་ཀྱི་སྤྲུལ་པ་རྒྱ་མཚོ་རྣམས་ཀྱང་བསྟན་པ་མཛད་གྲང་། སངས་རྒྱས་ཀྱི་ཤིན་ཏུ་བསྟན་པ་རྒྱ་མཚོ་རྣམས་ཀྱང་བསྟན་པ་མཛད་གྲང་། སངས་རྒྱས་ཀྱི་མཚན་རྒྱ་མཚོ་རྣམས་ཀྱང་བསྟན་པ་མཛད་
གྲང་། སངས་རྒྱས་ཀྱི་སྐུ་ཚེའི་ཚད་རྒྱ་མཚོ་རྣམས་ཀྱང་བསྟན་པ་མཛད་གྲང་། དེ་ནས་བྱང་ཆུབ་སེམས་དཔའ་དེ་དག་གིས་བྱིན་རླབས་ཀྱིས་མཆོད་པའི་དཀྱིལ་འཁོར་གྱི་སྤྲིན་དེ་དག་ལས་ཚིགས་སུ་བཅད་པ་འདི་དག་བྱུང་ངོ་། །
མཐའ་ཡས་རྒྱ་ཆེན་བསྐལ་པར་རབ་སྤྱད་དེ། །བྱང་ཆུབ་ཤིང་དྲུང་རང་བྱུང་ཡང་དག་སྐྱེས། །ཕྱི་མཐའི་བསྐལ་པར་འགྲོ་བའི་སྤྲིན་གྱུར་པ། །དེ་བཞིན་གཤེགས་པས་སྐུ་ནི་བྱིན་གྱིས་རླབས། །འགྲོ་བ་མ་ལུས་ཀུན་
གྱི་ཐེ་རྩོམ་གཅོད། །མོས་པའི་སྟོབས་ནི་ཡངས་པ་རབ་ཏུ་བསྐྱེད། །སེམས་ཅན་སྡུག་བསྔལ་མཐའ་ཡས་ཞི་བར་མཛད། །སངས་རྒྱས་བདེ་ལ་འགྲོ་བ་ཐམས་ཅད་འགོད། །བྱང་ཆུབ་སེམས་དཔའ་མཐའ་ཡས་
ཞིང་རྡུལ་སྙེད། །དེ་བཞིན་གཤེགས་པ་བལྟ་ཞིང་ཀུན་ནས་གནས། །དེ་དག་བསམ་པ་སྤྱོད་ཡུལ་ཇི་བཞིན་དུ། །ཐེ་ཙོམ་བསལ་བར་ཆོས་རྣམས་རབ་བསྟན་གསོལ། །རྒྱལ་བ་ཀུན་གྱི་ས་ནི་ཇི་ལྟ་བུ། །དེ་བཞིན་
གཤེགས་པའི་ཡུལ་གྱི་རྒྱུད་རྣམས་དང་། །སངས་རྒྱས་བྱིན་རླབས་མཐའ་དང་དབུས་མེད་པ། །དེ་དག་ཚུལ་ནི་རྣམ་དག་བསྟན་དུ་གསོལ། །དེ་བཞིན་གཤེགས་པའི་སྤྱོད་ཡུལ་ཅི་ཡིས་འཇུག །རྒྱལ་བའི་མཁྱེན་ལ་ཇི་ལྟར་
འཇུག་པ་དང་། །ཡེ་ཤེས་རྒྱ་ཆེན་མཐུ་སྟོབས་རྣམ་པར་སྦྱངས། །རྒྱལ་སྲས་ཀུན་ལ་ཡང་དག་བསྟན་དུ་གསོལ། །སངས་རྒྱས་ཏིང་འཛིན་ཇི་ལྟར་མཐའ་ཡས་དང་། །མི་སྙེམས་ཆོས་ཉིད་ཇི་ལྟར་ནམ་སྦྱངས་དང་། །

72-1-73b

རྫུ་འཕྲུལ་མཐུ་ཡང་མཐའ་དང་དབུས་མེད་པ། །འགྲོ་བའི་བསམ་པ་རྣམས་ལ་བསྒྲག་དུ་གསོལ། །ཇི་ལྟར་ཆོས་རྒྱལ་ཕོ་བྲང་མངའ་མཛད་ཅིང་། །རྒྱལ་བའི་སྤྱོད་ཡུལ་ཇི་ལྟར་མི་འཕྲོགས་དང་། །སངས་རྒྱས་ཆོས་གཞན་
རྒྱ་ཆེན་དེ་དག་ཀྱང་། །ཐུགས་བརྩེའི་སླད་དུ་ཡང་དག་བསྟན་དུ་གསོལ། །རྒྱལ་བའི་སྤྱན་ནི་ཇི་ལྟར་ཚད་མྱེད་ཅིང་། །སྙན་དང་ཤངས་དང་དེ་བཞིན་ལྗགས་དང་སྐུ། །སངས་རྒྱས་ཐུགས་ཀྱང་ཇི་ལྟར་མཐའ་ཡས་པ། །འདི་
དག་ཚུལ་ལ་འཇུག་པ་བསྟན་དུ་གསོལ། །ཞིང་རྣམས་རྒྱ་མཚོ་ཇི་ལྟར་སེམས་ཅན་ཁམས། །ཆོས་དབྱིངས་ཚུལ་རྣམས་རྒྱ་མཚོ་དེ་དག་དང་། །སངས་རྒྱས་རྒྱ་མཚོ་མཐའ་དང་དབུས་མེད་པ། །འདི་དག་རྒྱལ་བའི་སྲས་
ལ་བསྟན་དུ་གསོལ། །ཕ་རོལ་ཕྱིན་པ་རྒྱ་མཚོ་བསམ་ཡས་དང་། །རྣམ་པར་ཐར་ལ་འཇུག་ཚུལ་རྒྱ་མཚོ་དང་། །ཆོས་རྣམས་ཀུན་གྱི་ཚུལ་རྣམས་རྒྱ་མཚོ་དག །བྱང་ཆུབ་སྙིང་པོར་ཐམས་ཅད་བསྟན་དུ་གསོལ། །
དེ་ནས་བཅོམ་ལྡན་འདས་ཀྱིས་དེའི་ཚེ་བྱང་ཆུབ་སེམས་དཔའ་དེ་དག་གི་སེམས་ཀྱི་ཡོངས་སུ་རྣམ་པར་རྟོག་པ་ཐུགས་ཀྱིས་ཐུགས་སུ་ཆུད་ནས། ཞལ་གྱི་སྒོ་ཚེམས་ཀྱི་མཚམས་ཀྱི་གསེབ་ནས་འོད་ཟེར། སངས་རྒྱས་
ཀྱི་ཞིང་གི་རྡུལ་ཤིན་ཏུ་ཕྲ་བ་སྙེད་རབ་ཏུ་བཀྱེ་བ་འདི་ལྟ་སྟེ། རིན་པོ་ཆེའི་ཟེ་བ་རྣམ་པར་སྣང་བ་ཞེས་བྱ་བའི་འོད་ཟེར་དང་། འདི་ལྟ་སྟེ་ཆོས་ཀྱི་དབྱིངས་སུ་དབྱངས་སྣ་ཚོགས་ཀྱིས་རྒྱན་བྱེད་པ་ཞེས་བྱ་བའི་འོད་ཟེར་དང་། འདི་ལྟ་
སྟེ་འོད་ཤིན་ཏུ་ཕྲ་བའི་སྤྲིན་ཀུན་ནས་ལྡིང་བ་ཞེས་བྱ་བའི་འོད་ཟེར་དང་། འདི་ལྟ་སྟེ་ཕྱོགས་བཅུའི་སངས་རྒྱས་ཀྱི་རྫུ་འཕྲུལ་དང་པོ་བྱང་ཆུབ་ཀྱི་འོད་ཅེས་བྱ་བའི་འོད་ཟེར་དང་། འདི་ལྟ་སྟེ་རིན་པོ་ཆེ་ཐམས་ཅད་འོད་འཕྲོ་བའི་
གདུགས་ཀྱི་སྤྲིན་ཅེས་བྱ་བའི་འོད་ཟེར་དང་། འདི་ལྟ་སྟེ་རྣམ་པར་སྣང་བས་ཆོས་ཀྱི་དབྱིངས་རབ་ཏུ་སྣང་བའི་འོད་ཅེས་བྱ་བའི་འོད་ཟེར་དང་། འདི་ལྟ་སྟེ་སངས་རྒྱས་ཀྱི་ཞིང་ཐམས་ཅད་དུ་འབྱུང་ཞིང་འཁྱིལ་བའི་རྒྱན་ཅེས་བྱ་བའི་འོད་

72-1-74a

ཟེར་དང་། འདི་ལྟ་སྟེ་རིན་པོ་ཆེ་རྡོ་རྗེ་དྲི་མ་མེད་པ་མང་པོའི་རྒྱལ་མཚན་ཞེས་བྱ་བའི་འོད་ཟེར་དང་། འདི་ལྟ་སྟེ་བྱང་ཆུབ་སེམས་དཔའི་འཁོར་གྱི་དཀྱིལ་འཁོར་དུ་ཉེ་བར་འགྲོ་བའི་རྒྱན་ཅེས་བྱ་བའི་འོད་ཟེར་དང་། 
འདི་ལྟ་སྟེ་སངས་རྒྱས་ཐམས་ཅད་ཀྱི་མཚན་གྱི་འཁོར་ལོའི་སྒྲ་རབ་ཏུ་སྒྲོག་པ་ཞེས་བྱ་བའི་འོད་ཟེར་དང་། དེ་དག་ལ་སྩོགས་པ་སངས་རྒྱས་ཀྱི་ཞིང་གི་རྡུལ་ཤིན་ཏུ་ཕྲ་བ་སྙེད་ཀྱི་འོད་ཟེར་རབ་ཏུ་བཀྱེ་སྟེ། འོད་ཟེར་དེ་དག་
རེ་རེ་ཞིང་འཁོར་གྱི་འོད་ཟེར་སངས་རྒྱས་ཀྱི་ཞིང་གི་རྡུལ་ཤིན་ཏུ་ཕྲ་བ་སྙེད་དོ། །འོད་ཟེར་དེ་དག་རེ་རེ་ཞིང་ཡང་རིན་པོ་ཆེ་ཐམས་ཅད་ཀྱི་ཁ་དོག་ཤིན་ཏུ་སྟོན་པ་དག་སྟེ། དེ་དག་རབ་ཏུ་འཕྲོས་ནས་ཕྱོགས་བཅུར་སངས་རྒྱས་ཀྱི་
ཞིང་གི་རྡུལ་ཤིན་ཏུ་ཕྲ་བ་སྙེད་ཀྱི་འཇིག་རྟེན་གྱི་ཁམས་རྒྱ་མཚོ་རབ་ཏུ་སྣང་བར་བྱས་སྟེ། བྱང་ཆུབ་སེམས་དཔའ་དེ་དག་གིས་ཀྱང་སངས་རྒྱས་ཀྱི་ཞིང་བཅུའི་རྡུལ་ཤིན་ཏུ་ཕྲ་བ་སྙེད་ཀྱི་འཇིག་རྟེན་གྱི་ཁམས་རྒྱ་མཚོ་ནས། 
འོད་ཟེར་གྱི་སྒོ་དེ་དག་ཐམས་ཅད་ཀྱི་མཐུས་གཞི་དང་སྙིང་པོ་མེ་ཏོག་གི་རྒྱན་གྱིས་བརྒྱན་པའི་འཇིག་རྟེན་གྱི་ཁམས་རྒྱ་མཚོ་དང་། བྱང་ཆུབ་སེམས་དཔའི་འཁོར་གྱི་དཀྱིལ་འཁོར་ཐམས་ཅད་མཐོང་བར་གྱུར་ཏོ། །འོད་ཟེར་
དེ་དག་ཐམས་ཅད་ཀྱི་སྒོ་ནས་ཀྱང་སངས་རྒྱས་ཀྱི་བྱིན་གྱིས་རླབས་ཀྱིས་ཚིགས་སུ་བཅད་པ་འདི་དག་བྱུང་བར་གྱུར་ཏོ། །བསྐལ་པ་རྒྱ་མཚོ་མཐའ་ཡས་སྤྱོད་སྤྱད་དེ། །ཕྱོགས་རྣམས་རྒྱ་མཚོར་སངས་རྒྱས་ཀུན་ཀྱང་མཆོད། །
སེམས་ཅན་རྒྱ་མཚོ་རྣམ་པར་དག་བྱས་ནས། །རྣམ་པར་སྣང་མཛད་བྱང་ཆུབ་མངོན་སངས་རྒྱས། །ཕྱོགས་རྣམས་ཀུན་ཏུ་སྣང་ཞིང་མངོན་པར་མཛེས། །སྤུ་རྣམས་ཀུན་ནས་སྤྲུལ་པའི་སྤྲིན་ཀྱང་འགྱེད། །དེས་ནི་སེམས་
ཅན་སྣོད་བཞིན་བསྐུལ་བྱས་ནས། །བྱང་ཆུབ་སྦྱོར་བ་ཆགས་མེད་རྣམ་པར་དག །སྲིད་པའི་རྒྱུད་ན་སྔོན་ཅད་འཁོར་བའི་ཚེ། །རྒྱལ་བས་སེམས་ཅན་ཡོངས་སུ་སྨིན་མཛད་པ། །དེ་དག་སྐད་ཅིག་གཅིག་གིས་རབ་ཏུ་

72-1-74b

བགྲོལ། །སངས་རྒྱས་རྣམ་འཕྲུལ་འདི་དག་མཐའ་ཡས་སོ། །རྒྱན་རྣམས་སྣ་ཚོགས་ཀུན་ཏུ་འོད་ཀྱང་སྣང་། །བྱང་ཆུབ་ཤིང་ནི་ཡལ་ག་རིན་ཆེན་འཕྱང་། །འོད་རྣམས་བཀྱེ་བ་ཀུན་ཏུ་རྣམ་པར་བརྒྱན། །བྱང་ཆུབ་
བསམ་གྱིས་མྱི་ཁྱབ་དེ་སངས་རྒྱས། །ཕྱོགས་རྣམས་ཀུན་ཏུ་སྒྲ་ནི་རབ་ཏུ་སྒྲོག །སེམས་ཅན་ཀུན་གྱི་སེམས་བཞིན་ཚིམ་བྱས་ཏེ། །སྣ་ཚོགས་ཐབས་ཀྱི་སྒོ་མོ་རྣམ་པར་འདུལ། །དེ་ལས་ཆོས་ཉིད་ཞི་སྒྲ་རབ་ཏུ་
འབྱུང་། །ཞིང་རྣམས་སྟོང་གི་རྡུལ་རྙེད་སྔན་ཆད་དུ། །སྤྱོད་ཚེ་ཕ་རོལ་ཕྱིན་ཀུན་རྒྱས་པར་མཛད། །སྟོབས་རྣམས་ཀུན་ལ་སངས་རྒྱས་རབ་བཞུགས་ཀྱིས། །རྒྱལ་བ་དེའི་ཞལ་ལྟར་ཀུན་ཀྱང་དེར། །ཞིང་གི་རྡུལ་སྙེད་
ཕྱོགས་རྣམས་ཐམས་ཅད་ནས། །རྒྱལ་སྲས་མང་པོ་རབ་ཏུ་དགའ་སྟེ་ལྷགས། །མཆོད་པ་སྣ་ཚོགས་ཆར་པ་རབ་འབེབས་ཤིང་། །ཐམས་ཅད་འཁོད་དེ་རྒྱལ་བ་མངོན་སུམ་ལྟ། །གསུང་དབྱངས་གཅིག་ལས་
མཐའ་ཡི་མདོ་ཡི་རྣམ། །རྒྱ་མཚོ་དག་ཀྱང་སངས་རྒྱས་ཤིན་ཏུ་སྟོན། །འགྲོ་ཀུན་ཡིད་བཞིན་ཆོས་ཀྱི་ཆར་འབབ་ཀྱིས། །རྐང་གཉིས་གཙོ་བོ་དེ་ལ་བལྟར་ཡང་འདོང་། །དུས་གསུམ་རྒྱལ་བའི་སྨོན་ལམ་གང་ཡོད་པ། །
སྐད་ཅིག་ཐུགས་ལ་དེ་དག་མངོན་སུམ་སྟེ། །རྒྱལ་བ་བྱང་ཆུབ་ཤིང་དྲུང་སྟོན་མཛད་ཀྱིས། །རྒྱལ་བའི་དྲུང་དུ་མྱུར་དུ་འདོང་བར་གྱིས། །སངས་རྒྱས་རྣམ་པར་སྣང་མཛད་ཡེ་ཤེས་མཚོ། །འོད་ཟེར་ཀུན་གྱི་སྒོ་ནས་རབ་
ཏུ་སྣང་། །ཆོས་ཉིད་ཇི་ལྟ་ཅི་འདྲ་དེ་དག་བལྟོས། །སངས་རྒྱས་འགྲོ་ཀུན་མངོན་སུམ་ཆོས་སྟོན་ཏོ། །དེའི་ཚེ་འཇིག་རྟེན་གྱི་ཁམས་རྒྱ་མཚོ་དེ་དག་ནས། དེ་བཞིན་གཤེགས་པའི་འོད་ཟེར་གྱིས་ཡང་དག་པར་བསྐུལ་
བའི་རྣམས། བྱང་ཆུབ་སེམས་དཔའ་རང་རང་གི་འཁོར་གྱི་དཀྱིལ་འཁོར་རྒྱ་མཚོ་དང་ལྷན་ཅིག་ཏུ་འཕགས་ཏེ། བཅོམ་ལྡན་འདས་དེ་བཞིན་གཤེགས་པ་རྣམ་པར་སྣང་མཛད་གང་ན་བ་དེར་འོང་བར་གྱུར་ཏོ། །འདི་ལྟར་

72-1-75a

འཇིག་རྟེན་གྱི་ཁམས་རྒྱ་མཚོ་གཞི་དང་སྙིང་པོ་མེ་ཏོག་གི་རྒྱན་གྱིས་བརྒྱན་པ་འདི་དང་འདབ་ཆགས་སུ། ཤར་ཕྱོགས་ལོགས་ན་འཇིག་རྟེན་གྱི་ཁམས་རྒྱ་མཚོ་པད་མོའི་དཔལ་དྲི་མ་མྱེད་པར་སྣང་བའི་རྒྱན་
ཅེས་བྱ་བ་ཡོད་དེ། འཇིག་རྟེན་གྱི་ཁམས་བར་མའི་རྒྱུད་དེ་དག་ལས་འཇིག་རྟེན་གྱི་ཁམས་རིན་པོ་ཆེའི་ཕྲེང་བ་རྡོ་རྗེའི་སྙིང་པོ་ཞེས་བྱ་བ་དང་། དེ་བཞིན་གཤེགས་པ་ཆོས་ཀྱི་ཆུ་བོ་རྣམ་པར་སངས་རྒྱས་པ། ནམ་
མཁའ་མཐའ་ཡས་པའི་རྒྱལ་པོ་བཞུགས་པའི་འཁོར་གྱི་དཀྱིལ་འཁོར་རྒྱ་མཚོ་ནས། བྱང་ཆུབ་སེམས་དཔའ་ཆོས་ཀྱི་དཔལ་པད་མོའི་རྣམ་པར་བལྟ་བའི་རྒྱལ་མཚན་ཞེས་བྱ་བ། བྱང་ཆུབ་སེམས་དཔའ་འཇིག་རྟེན་
གྱི་ཁམས་རྒྱ་མཚོའི་རྡུལ་ཤིན་ཏུ་ཕྲ་བ་སྙེད་དང་། ལྷན་ཅིག་ཏུ་འཁོར་གྱི་དཀྱིལ་འཁོར་རྒྱ་མཚོ་དེ་ནས་འཕགས་སྟེ། བཅོམ་ལྡན་འདས་གང་ན་བ་དེར་འོང་བར་གྱུར་ཏེ། བྱང་ཆུབ་སེམས་དཔའི་ལུས་ཀྱི་སྤྲིན་
བཅུས་ནམ་མཁའ་ཀུན་ནས་ཡོག་པར་བྱིན་གྱིས་རློབ་ཅིང་རིན་པོ་ཆེའི་ཆར་གྱི་འོད་ཟེར་པད་མོའི་སྤྲིན་བཅུས་ནམ་མཁའ་ཀུན་ནས་ཡོག་པར་བྱིན་གྱིས་རླབ་པ་དང་། རིན་པོ་ཆེ་རི་བོའི་ཟོམ་གྱི་སྤྲིན་བཅུས་ནམ་
མཁའ་ཀུན་ནས་ཡོག་པར་བྱིན་གྱིས་རླབ་པ་དང་། ཉི་མའི་འཁོར་ལོའི་ལུས་ཀྱི་དཀྱིལ་འཁོར་གྱི་སྤྲིན་བཅུས་ནམ་མཁའ་ཀུན་ནས་ཡོག་པར་བྱིན་གྱིས་རླབ་པ་དང་། རིན་པོ་ཆེའི་མེ་ཏོག་གི་ཕྲེང་བའི་སྤྲིན་
བཅུས་ནམ་མཁའ་ཀུན་ནས་ཡོག་པར་བྱིན་གྱིས་རླབ་པ་དང་། སིལ་སྙན་སྒྲ་ཐམས་ཅད་འབྱིན་པའི་སྤྲིན་བཅུས་ནམ་མཁའ་ཀུན་ནས་ཡོག་པར་བྱིན་གྱིས་རླབ་པ་དང་། ཕྱེ་མའི་ཤིང་གི་མཛོད་ཀྱི་སྤྲིན་བཅུས་ནམ་
མཁའ་ཀུན་ནས་ཡོག་པར་བྱིན་གྱིས་རླབ་པ་དང་། སྤོས་དང་བདུག་སྤོས་གཟུགས་ཐམས་ཅད་ཡོངས་སུ་སྟོན་པའི་སྤྲིན་བཅུས་ནམ་མཁའ་ཀུན་ནས་ཡོག་པར་བྱིན་གྱིས་རླབ་པ་དང་། སྤོས་ཐམས་ཅད་

72-1-75b

ཀྱི་ཤིང་གི་སྤྲིན་བཅུས་ནམ་མཁའ་ཀུན་ནས་ཡོག་པར་བྱིན་གྱིས་རླབ་པ་དང་། དེ་དག་ལ་སྩོགས་པ་མཆོད་པའི་སྤྲིན་འཇིག་རྟེན་གྱི་ཁམས་རྒྱ་མཚོའི་རྡུལ་ཤིན་ཏུ་ཕྲ་བ་སྙེད་ཀྱིས་ནམ་མཁའ་ཀུན་ནས་ཡོག་པར་བྱིན་གྱིས་
བརླབ་པ་བྱེད་ཅིང་། བཅོམ་ལྡན་འདས་གང་ན་བ་དེར་ཕྱིན་ཏེ། བཅོམ་ལྡན་འདས་ལ་ཕྱག་འཚལ་ནས་ཤར་ཕྱོགས་སུ་བརྟེན་ཏེ། མེ་ཏོག་སྣང་བ་སྣ་ཚོགས་ཀྱི་སྙིང་པོ་ཅན་གྱི་སེང་གེའི་ཁྲི་མངོན་པར་སྤྲུལ་ནས་
སྐྱིལ་མོ་དཀྲུང་བཅས་སྟེ། འཁོད་པར་གྱུར་ཏོ། །དེ་ནས་ཡང་འཇིག་རྟེན་གྱི་ཁམས་འོད་མཚོ་འདི་དང་འདབ་ཆགས་སུ་ལྷོ་ཕྱོགས་ན་འཇིག་རྟེན་གྱི་ཁམས་རྒྱ་མཚོ་རིན་པོ་ཆེ་ཐམས་ཅད་སྣང་བས་རྣམ་པར་བརྒྱན་
པའི་སྙིང་པོ་ཞེས་བྱ་བ་ཡོད་དེ། འཇིག་རྟེན་གྱི་ཁམས་བར་མའི་རྒྱུད་དེ་དག་ལས་འཇིག་རྟེན་གྱི་ཁམས་འོད་མཐའ་ཡས་པའི་དཀྱིལ་འཁོར་གྱི་བརྒྱན་ན། དེ་བཞིན་གཤེགས་པ་ཀུན་ནས་མཁྱེན་པའི་འོད་དཔལ་
གྱི་རི་བོའི་རྒྱལ་པོ་བཞུགས་པའི་འཁོར་གྱི་དཀྱིལ་འཁོར་རྒྱ་མཚོ་ནས་བྱང་ཆུབ་སེམས་དཔའ་ཆོས་རྣམ་པར་སྣང་བའི་བློ་གྲོས་ཤེས་བྱ་བ། བྱང་ཆུབ་སེམས་དཔའི་འཇིག་རྟེན་གྱི་ཁམས་རྒྱ་མཚོའི་རྡུལ་ཤིན་ཏུ་ཕྲ་བ་སྙེད་དང་ལྷན་
ཅིག་ཏུ་འཁོར་གྱི་དཀྱིལ་འཁོར་དེ་ནས་འཕགས་སྟེ། བཅོམ་ལྡན་འདས་གང་ན་བ་དེར་འོང་བར་གྱུར་ཏེ། ནོར་བུའི་རྒྱལ་པོ་རྒྱན་གྱི་ཡུལ་ཐམས་ཅད་ཀྱིས་རྣམ་པར་གསལ་བར་བྱས་པའི་སྙིང་པོའི་སྤྲིན་བཅུས་ནམ་མཁའ་ཀུན་
ནས་ཡོག་པར་བྱིན་གྱིས་རློབ་ཅིང་། ནོར་བུའི་རྒྱལ་པོ་ཀུན་ནས་སྣང་བ་རིན་པོ་ཆེའི་རྒྱན་གྱི་སྤྲིན་བཅུས་ནམ་མཁའ་ཀུན་ནས་ཡོག་པར་བྱིན་གྱིས་རླབ་པ་དང་། ནོར་བུའི་རྒྱལ་པོ་རིན་པོ་ཆེ་འོད་འཕྲོ་བ་རབ་ཏུ་འབར་ཞིང་སངས་
རྒྱས་ཀྱི་མཚན་ཤིན་ཏུ་སྒྲོག་པའི་སྤྲིན་བཅུས་ནམ་མཁའ་ཀུན་ནས་ཡོག་པར་བྱིན་གྱིས་བརླབ་པ་དང་། ནོར་བུའི་རྒྱལ་པོ་ཀུན་ནས་སྒྲ་འབྱིན་ཅིང་སངས་རྒྱས་ཀྱི་ཆོས་ཐམས་ཅད་སྒྲོག་པའི་སྤྲིན་བཅུས་ནམ་མཁའ་ཀུན་ནས་

72-1-76a

ཡོག་པར་བྱིན་གྱིས་བརླབ་པ་དང་། ནོར་བུའི་རྒྱལ་པོ་ཤིང་གི་ཡལ་ག་སྣ་ཚོགས་ཀྱིས་སྙིང་པོ་བྱང་ཆུབ་ཀྱི་རྒྱན་བྱེད་པའི་སྤྲིན་བཅུས་ནམ་མཁའ་ཀུན་ནས་ཡོག་པར་བྱིན་གྱིས་བརླབ་པ་དང་། ནོར་བུའི་རྒྱལ་
པོ་སྒོ་ཀུན་ནས་རིན་པོ་ཆེའི་འོད་ཟེར་དང་། སངས་རྒྱས་ཀྱི་སྤྲུལ་པས་སྣང་བར་བྱེད་པའི་སྤྲིན་བཅུས་ནམ་མཁའ་ཀུན་ནས་ཡོག་པར་བྱིན་གྱིས་བརླབ་པ་དང་། ནོར་བུའི་རྒྱལ་པོ་རྒྱན་ཐམས་ཅད་དང་མ་འདྲེས་པར་འཁོར་
གྱི་དཀྱིལ་འཁོར་དུ་གཟུགས་བརྙན་སྟོན་པའི་སྤྲིན་བཅུས་ནམ་མཁའ་ཀུན་ནས་ཡོག་པར་བྱིན་གྱིས་བརླབ་པ་དང་། ནོར་བུའི་རྒྱལ་པོ་འོད་འཕྲོ་བ་ཤིན་ཏུ་སྡུག་པའི་སྒྲོན་མས་སངས་རྒྱས་ཐམས་ཅད་ཀྱི་ཡུལ་རྗེས་སུ་
སྒྲོག་པའི་སྤྲིན་བཅུས་ནམ་མཁའ་ཀུན་ནས་ཡོག་པར་བྱིན་གྱིས་བརླབ་པ་དང་། ནོར་བུའི་རྒྱལ་པོ་སངས་རྒྱས་ཀྱི་ཞིང་བསམ་གྱིས་མྱི་ཁྱབ་པ་དང་། དེ་བཞིན་གཤེགས་པའི་གཞལ་མེད་ཁང་གི་གཟུགས་བརྙན་ཡང་
དག་པར་སྟོན་པའི་སྤྲིན་བཅུས་ནམ་མཁའ་ཀུན་ནས་ཡོག་པར་བྱིན་གྱིས་བརླབ་པ་དང་། ནོར་བུའི་རྒྱལ་པོ་རིན་པོ་ཆེ་སྣ་ཚོགས་ཀྱི་ཚོན་གྱིས་དུས་གསུམ་གྱི་སངས་རྒྱས་ཀྱི་སྐུའི་གཟུགས་བརྙན་རྣམ་པར་སྣང་བའི་
སྤྲིན་བཅུས་ནམ་མཁའ་ཀུན་ནས་ཡོག་པར་བྱིན་གྱིས་བརླབ་པ་དང་། དེ་དག་ལ་སྩོགས་པ་ནོར་བུའི་རྒྱལ་པོའི་སྤྲིན་འཇིག་རྟེན་གྱི་ཁམས་རྒྱ་མཚོའི་རྡུལ་ཕྲ་མོ་སྙེད་ཀྱིས་ནམ་མཁའི་ཀུན་ནས་ཡོག་པར་བྱིན་
གྱིས་བརླབ་པ་བྱེད་ཅིང་། བཅོམ་ལྡན་འདས་གང་ན་བ་དེར་ཕྱིན་ཏེ། བཅོམ་ལྡན་འདས་ལ་ཕྱག་འཚལ་ནས། ལྷོ་ཕྱོགས་སུ་བརྟན་ནས། ཨིན་དྲ་ནི་ལ་དང་། འཛམ་བུ་ན་ད་དང་། པད་མ་ར་ག་སྣ་ཚོགས་ཀྱི་སྙིང་
པོ་ཅན་གྱི་སེང་གེའི་ཁྲི་མངོན་པར་སྤྲུལ་ནས། སྐྱིལ་མོ་ཀྲུང་བཅས་ཏེ་འཁོད་པར་གྱུར་ཏོ། །དེ་ནས་ཡང་འཇིག་རྟེན་གྱི་ཁམས་རྒྱ་མཚོ་འདི་དང་འདབ་ཆགས་སུ་ནུབ་ཕྱོགས་ན་འཇིག་རྟེན་གྱི་ཁམས་རྒྱ་མཚོ་རིན་

72-1-76b

པོ་ཆེའི་འོད་ཡིད་དུ་འོང་བར་རབ་ཏུ་སྣང་བ་ཞེས་བྱ་བ་ཡོད་དེ། འཇིག་རྟེན་གྱི་ཁམས་དེ་དག་ལས་འཇིག་རྟེན་གྱི་ཁམས་གོས་ཀྱི་སྟན་ཡོངས་སུ་འབྱུང་བ་ནི། དེ་བཞིན་གཤེགས་པ་སྤོས་མངོན་དུ་སྣང་བའི་ཡོན་
ཏན་རིན་པོ་ཆེས་བརྒྱན་པའི་འཁོར་གྱི་དཀྱིལ་འཁོར་རྒྱ་མཚོ་ནས། བྱང་ཆུབ་སེམས་དཔའ་སྤོས་འོད་འཕྲོ་བའི་རྒྱན་ཟླ་བའི་འོད་ཅེས་བྱ་བ། བྱང་ཆུབ་སེམས་དཔའ་འཇིག་རྟེན་གྱི་ཁམས་རྒྱ་མཚོའི་རྡུལ་ཤིན་ཏུ་ཕྲ་བ་
སྙེད་དང་། ལྷན་ཅིག་ཏུ་བཅོམ་ལྡན་འདས་གང་ན་བ་དེར་འོང་བར་གྱུར་ཏེ། རིན་པོ་ཆེ་དང་སྤོས་དང་མེ་ཏོག་སྣ་ཚོགས་ཐམས་ཅད་ཀྱི་ཁང་པ་རྩེགས་པའི་སྤྲིན་གྱི་ནམ་མཁའ་ཀུན་ནས་ཡོག་པར་བྱིན་གྱིས་རློབ་ཅིང་། ནོར་
བུའི་རྒྱལ་པོ་ཁ་དོག་མཐའ་ཡས་པས་བརྒྱན་པའི་ཁང་པ་བརྩེགས་པའི་སྤྲིན་བཅུས་ནམ་མཁའ་ཀུན་ནས་ཡོག་པར་བྱིན་གྱིས་བརླབ་པ་དང་། རིན་པོ་ཆེ་རྩེའི་སྒྲོན་མ་དང་སྤོས་འོད་འཕྲོ་བའི་ཁང་པ་བརྩེགས་པའི་སྤྲིན་
བཅུས་ནམ་མཁའ་ཀུན་ནས་ཡོག་པར་བྱིན་གྱིས་བརླབ་པ་དང་། མུ་ཏིག་ཐམས་ཅད་ཀྱི་ཁང་པ་བརྩེགས་པའི་སྤྲིན་བཅུས་ནམ་མཁའ་ཀུན་ནས་ཡོག་པར་བྱིན་གྱིས་བརླབ་པ་དང་། རིན་པོ་ཆེ་ཐམས་ཅད་ཀྱི་མེ་ཏོག་
གི་ཟེ་བའི་ཁང་པ་བཙེགས་པའི་སྤྲིན་བཅུས་ནམ་མཁའ་ཀུན་ནས་ཡོག་པར་བྱིན་གྱིས་བརླབ་པ་དང་། རིན་པོ་ཆེའི་ཕྲེང་བས་ཡོངས་སུ་བརྒྱན་པའི་ཁང་པ་བརྩེགས་པའི་སྤྲིན་བཅུས་ནམ་མཁའ་ཀུན་ནས་ཡོག་པར་བྱིན་
གྱིས་བརླབ་པ་དང་། འོད་ཟེར་གི་སྣང་བ་ཕྱོགས་ཏུ་འཕྲོ་བའི་སྙིང་པོ་དང་ལྡན་པའི་ཁང་པ་བརྩེགས་པ་བརྒྱན་ཐམས་ཅད་འབྱུང་བའི་སྤྲིན་བཅུས་ནམ་མཁའ་ཀུན་ནས་ཡོག་པར་བྱིན་གྱིས་བརླབས་པ་དང་། རིན་པོ་ཆེའི་
ཚོན་ཐམས་ཅད་ཀྱིས་རབ་ཏུ་བརྒྱན་ཅིང་རྒྱན་དུ་མ་ཡང་དག་པར་སྟོན་པའི་ཁང་པ་བརྩེགས་པའི་སྤྲིན་བཅུས་ནམ་མཁའ་ཀུན་ནས་ཡོག་པར་བྱིན་གྱིས་བརླབས་པ་དང་། ཕྱོགས་ཐམས་

72-1-77a

ཅད་རྒྱན་གྱིས་རབ་ཏུ་བརྒྱན་པར་ཀུན་ནས་འགེངས་པའི་ཁང་པ་བརྩེགས་པའི་སྤྲིན་བཅུས་ནམ་མཁའ་ཀུན་ནས་ཡོག་པར་བྱིན་གྱིས་བརླབ་པ་དང་། སྒོ་ཀུན་ཏུ་མེ་ཏོག་གི་རྟ་བབས་དང་དྲིལ་བུའི་དྲ་བ་བྲིས་
པའི་ཁང་པ་བརྩེགས་པའི་སྤྲིན་བཅུས་ནམ་མཁའ་ཀུན་ནས་ཡོག་པར་བྱིན་གྱིས་བརླབ་པ་དང་། དེ་དག་ལ་སྩོགས་པ་ཁང་པ་བརྩེགས་པའི་སྤྲིན་འཇིག་རྟེན་གྱི་ཁམས་རྒྱ་མཚོའི་རྡུལ་ཤིན་ཏུ་ཕྲ་བ་སྙེད་ཀྱིས་ནམ་
མཁའ་ཀུན་ནས་ཡོག་པར་བྱིན་གྱིས་བརླབས་པར་བྱེད་ཅིང་། བཅོམ་ལྡན་འདས་གང་ན་བ་དེར་ཕྱིན་ཏེ། བཅོམ་ལྡན་འདས་ལ་ཕྱག་འཚལ་ནས། ནུབ་ཕྱོགས་སུ་བརྟེན་ཏེ། སེང་གེའི་ཁྲི་རིན་པོ་ཆེའི་པད་མོ་
ཆེན་པོ་ལོ་མ་སྣ་ཚོགས་གསེར་ལས་བྱས་པའི་སྙིང་པོ་ཅན་མངོན་པར་སྤྲུལ་ནས་སྐྱིལ་མོ་དཀྲུང་བཅས་ཏེ་འཁོད་པར་གྱུར་ཏོ། །དེ་ནས་ཡང་འཇིག་རྟེན་གྱི་ཁམས་རྒྱ་མཚོ་འདི་དང་འདབ་ཆགས་སུ་བྱང་ཕྱོགས་
ན་འཇིག་རྟེན་གྱི་ཁམས་རྒྱ་མཚོ་བཻ་ཌུརྱ་པད་མོའི་འོད་ཀྱི་དཀྱིལ་འཁོར་གྱི་སྙིང་པོ་ཞེས་བྱ་བ་ཡོད་དེ། འཇིག་རྟེན་གྱི་ཁམས་ཀྱི་རྒྱུད་དེ་དག་ལས་འཇིག་རྟེན་གྱི་ཁམས་མེ་ཏོག་ཨུད་པ་ལའི་རྒྱན་ན་དེ་བཞིན་
གཤེགས་པའི་ཡེ་ཤེས་ཀྱི་དཔལ་ཀུན་ཏུ་དབྱངས་ཀྱི་རྒྱལ་པོ་བཞུགས་པའི་འཁོར་གྱི་དཀྱིལ་འཁོར་རྒྱ་མཚོ་ནས་བྱང་ཆུབ་སེམས་དཔའ་སེང་གེའི་འོད་ཟེར་སྣང་བས་མཐུ་འབྱིན་པའི་བློ་གྲོས་ཤེས་བྱ་བ། བྱང་ཆུབ་
སེམས་དཔའ་འཇིག་རྟེན་གྱི་ཁམས་རྒྱ་མཚོའི་རྡུལ་ཤིན་ཏུ་ཕྲ་བ་སྙེད་དང་། ལྷན་ཅིག་ཏུ་འཕགས་ནས་བཅོམ་ལྡན་འདས་གང་ན་བ་དེར་འོང་བར་གྱུར་ཏེ། སྤོས་དང་ནོར་བུ་སྣ་ཚོགས་ཐམས་ཅད་ཀྱི་ཤིང་གི་སྤྲིན་བཅུས་
ནམ་མཁའ་ཀུན་ནས་ཡོག་པར་བྱིན་གྱིས་རློབ་ཅིང་། སྒོ་ཐམས་ཅད་ནས་ལོ་མའི་དོག་པའི་སྤྲིན་འབྱུང་བའི་སྤོས་ཀྱི་ཤིང་གི་སྤྲིན་བཅུས་ནམ་མཁའ་ཀུན་ནས་ཡོག་པར་བྱིན་གྱིས་བརླབ་པ་དང་། ཤིང་གི་གཟུགས་

72-1-77b

ཐམས་ཅད་ལས་རྒྱན་མཐའ་ཡས་པ་ཡོངས་སུ་སྟོན་པའི་ཤིང་གི་སྤྲིན་བཅུས་ནམ་མཁའ་ཀུན་ནས་ཡོག་པར་བྱིན་གྱིས་བརླབ་པ་དང་། མེ་ཏོག་ཐམས་ཅད་ཀྱི་སྤྲིན་རབ་ཏུ་རིན་པོ་ཆེའི་མེ་ཏོག་གི་ཤིང་གི་སྤྲིན་བཅུས་
ནམ་མཁའ་ཀུན་ནས་ཡོག་པར་བྱིན་གྱིས་བརླབ་པ་དང་། རིན་པོ་ཆེ་འོད་འཕྲོ་བའི་དཀྱིལ་འཁོར་ཐམས་ཅད་ཀྱིས་རྣམ་པར་སྣང་བར་བྱས་པའི་ཤིང་གི་སྤྲིན་བཅུས་ནམ་མཁའ་ཀུན་ནས་ཡོག་པར་བྱིན་གྱིས་
བརླབ་པ་དང་། ཙན་དན་གྱི་ཕྱེ་མ་ཐམས་ཅད་དང་། བྱང་ཆུབ་སེམས་དཔའི་ལུས་ཕྱེད་ཡང་དག་པར་སྟོན་པའི་ཤིང་གི་སྤྲིན་བཅུས་ནམ་མཁའ་ཀུན་ནས་ཡོག་པར་བྱིན་གྱིས་བརླབ་པ་དང་། སྔོན་གྱི་སྙིང་པོ་བྱང་ཆུབ་
ཀྱི་རྒྱན་བསམ་གྱིས་མི་ཁྱབ་པར་རབ་ཏུ་སྟོན་པའི་ཤིང་གི་སྤྲིན་བཅུས་ནམ་མཁའ་ཀུན་ནས་ཡོག་པར་བྱིན་གྱིས་བརླབ་པ་དང་། ཁ་དོག་མཐའ་ཡས་པའི་གོས་ཀྱི་མཛོད་ཀྱི་ཉི་མའི་རྣམ་པར་སྣང་བར་བྱས་
པའི་ཤིང་གི་སྤྲིན་བཅུས་ནམ་མཁའ་ཀུན་ནས་ཡོག་པར་བྱིན་གྱིས་བརླབ་པ་དང་། སྒྲ་དབྱངས་ཐམས་ཅད་རབ་ཏུ་སྒྲོག་ཅིང་ཡིད་དུ་འོང་བའི་སྒྲ་ཀུན་ཏུ་གཏོང་བའི་ཤིང་གི་སྤྲིན་བཅུས་ནམ་མཁའ་ཀུན་ནས་ཡོག་
པར་བྱིན་གྱིས་བརླབ་པ་དང་། དེ་དག་ལ་སྩོགས་པ་ཤིང་གི་སྤྲིན་འཇིག་རྟེན་གྱི་ཁམས་རྒྱ་མཚོའི་རྡུལ་ཤིན་ཏུ་ཕྲ་བ་སྙེད་ཀྱིས་ནམ་མཁའ་ཀུན་ནས་ཡོག་པར་བྱིན་གྱིས་བརླབས་པ་བྱེད་ཅིང་། བཅོམ་
ལྡན་འདས་གང་ན་བ་དེར་ཕྱིན་ཏེ། བཅོམ་ལྡན་འདས་ལ་ཕྱག་འཚལ་ནས། བྱང་ཕྱོགས་སུ་བརྟེན་ཏེ། སེང་གེའི་ཁྲི་ནོར་བུ་སྒྲོན་མའི་པད་མོའི་སྙིང་པོ་ཅན་མངོན་པར་སྤྲུལ་ནས་སྐྱིལ་མོ་དཀྲུང་བཅས་ཏེ་
འཁོད་པར་གྱུར་ཏོ། །དེ་ནས་ཡང་འཇིག་རྟེན་གྱི་ཁམས་རྒྱ་མཚོ་འདི་དང་འདབ་ཆགས་སུ་བྱང་དང་ཤར་གྱི་ཕྱོགས་མཚམས་ན། འཇིག་རྟེན་གྱི་ཁམས་རྒྱ་མཚོ་འཛམ་བུ་ཆུ་ཀླུང་དང་། ཤེལ་གྱི་ཁ་དོག་

72-1-78a

ཚོན་གྱི་རྒྱལ་མཚན་ཅན་བྱ་བ་ཡོད་དེ། འཇིག་རྟེན་གྱི་ཁམས་བར་མའི་རྒྱུད་དེ་དག་ལས་འཇིག་རྟེན་གྱི་ཁམས་རིན་པོ་ཆེའི་རྒྱན་སྣ་ཚོགས་ཀྱི་སྙིང་པོ་ན། དེ་བཞིན་གཤེགས་པ་ཆོས་ཐམས་ཅད་
ལ་མི་འཇིགས་པའི་སྒྲོན་མ་བཞུགས་པའི་འཁོར་གྱི་དཀྱིལ་འཁོར་རྒྱ་མཚོ་ནས། བྱང་ཆུབ་སེམས་དཔའ་ཆོས་ཀྱི་ཡོན་ཏན་གྱི་མཛོད་མི་ཟད་པའི་གཟི་བརྗིད་མར་མེ་ཞེས་བྱ་བ། བྱང་ཆུབ་སེམས་དཔའ་
འཇིག་རྟེན་གྱི་ཁམས་རྒྱ་མཚོའི་རྡུལ་ཤིན་ཏུ་ཕྲ་བ་སྙེད་དང་། ལྷན་ཅིག་ཏུ་འཕགས་ནས་བཅོམ་ལྡན་འདས་གང་ན་བ་དེར་འོང་བར་གྱུར་ཏེ། སེང་གེའི་ཁྲི་རིན་པོ་ཆེའི་ཁ་དོག་མཐའ་ཡས་པའི་པད་མོའི་སྙིང་
པོ་ཅན་གྱི་སྤྲིན་བཅུས་ནམ་མཁའ་ཀུན་ནས་ཡོག་པར་བྱིན་གྱིས་བརློབ་ཅིང་། སེང་གེའི་ཁྲི་ནོར་བུའི་རྒྱལ་པོ་ཀུན་ཏུ་མངོན་པས། རྣམ་པར་སྣང་བར་བྱས་པའི་སྙིང་པོ་ཅན་གྱི་སྤྲིན་བཅུས་ནམ་མཁའ་ཀུན་
ནས་ཡོག་པར་བྱིན་གྱིས་བརླབ་པ་དང་། སེངྒེའི་ཁྲི་རྒྱན་མང་པོ་ཐམས་ཅད་ཀྱིས་རབ་ཏུ་བརྒྱན་པའི་སྙིང་པོ་ཅན་གྱི་སྤྲིན་བཅུས་ནམ་མཁའ་ཀུན་ནས་ཡོག་པར་བྱིན་གྱིས་བརླབ་པ་དང་། སེང་གེའི་ཁྲི་རིན་པོ་ཆེ་
འོད་འཕྲོ་བའི་སྒྲོན་མ་སྣ་ཚོགས་ཀྱི་ཕྲེང་བའི་སྙིང་པོ་ཅན་གྱི་སྤྲིན་བཅུས་ནམ་མཁའ་ཀུན་ནས་ཡོག་པར་བྱིན་གྱིས་བརླབ་པ་དང་། སེང་གེའི་ཁྲི་ཕྱོགས་ཀུན་ནས་ཕྲེང་བ་རིན་པོ་ཆེའི་ཆར་འབེབས་པའི་སྙིང་པོ་ཅན་
གྱི་སྤྲིན་གྱི་ཅུས་ནམ་མཁའ་ཀུན་ནས་ཡོག་པར་བྱིན་གྱིས་བརླབ་པ་དང་། སེང་གེའི་ཁྲི་སྤོས་ཀྱི་མེ་ཏོག་པདྨོའི་ཕྲེང་བ་རིན་པོ་ཆེ་ཐམས་ཅད་ཀྱི་སྙིང་པོ་ཅན་གྱི་སྤྲིན་བཅུས་ནམ་མཁའ་ཀུན་ནས་ཡོག་པར་བྱིན་གྱིས་
བརླབས་པ་དང་། སེང་གེའི་ཁྲི་སངས་རྒྱས་ཀྱི་གདན་ཐམས་ཅད་ཀྱི་རྒྱན་ཡང་དག་པར་སྟོན་པའི་ནོར་བུའི་རྒྱལ་པོའི་སྙིང་པོ་ཅན་གྱི་སྤྲིན་བཅུས་ནམ་མཁའ་ཀུན་ནས་ཡོག་པར་བྱིན་གྱིས་བརླབས་པ་དང་། སེངྒེའི་

72-1-78b

ཁྲི་རྒྱན་དང་ཕྲེང་བ་ཐམས་ཅད་འཕྱང་ཞིང་རྟ་བབས་དང་སྟེགས་བུས་རབ་ཏུ་བརྒྱན་པའི་སྙིང་པོ་ཅན་གྱི་སྤྲིན་བཅུས་ནམ་མཁའ་ཀུན་ནས་ཡོག་པར་བྱིན་གྱིས་བརླབས་པ་དང་། སེང་གེའི་ཁྲི་ཤིང་ཐམས་ཅད་ཀྱི་ཡལ་ག་ལས་
ནོར་བུ་རིན་པོ་ཆེ་དང་ཕྱེ་མ་འབྱུང་བའི་སྙིང་པོ་ཅན་གྱི་སྤྲིན་བཅུས་ནམ་མཁའ་ཀུན་ནས་ཡོག་པར་བྱིན་གྱིས་བརླབས་པ་དང་། སེང་གེའི་ཁྲི་སྤོས་དང་། རིན་པོ་ཆེའི་ཚོགས་སྣ་ཚོགས་ཀྱིས་ཀུན་ནས་བརྒྱན་པའི་ཉི་མས་
རྣམ་པར་སྣང་བར་བྱས་པའི་སྙིང་པོ་ཅན་གྱི་སྤྲིན་བཅུས་ནམ་མཁའ་ཀུན་ནས་ཡོག་པར་བྱིན་གྱིས་བརླབས་པ་དང་། དེ་དག་ལ་སྩོགས་པ་སེང་གེའི་ཁྲིའི་སྤྲིན་འཇིག་རྟེན་གྱི་ཁམས་རྒྱ་མཚོའི་རྡུལ་ཤིན་ཏུ་ཕྲ་བ་སྙེད་
ཀྱིས་ནམ་མཁའ་ཀུན་ནས་ཡོག་པར་བྱིན་གྱིས་བརླབས་པ་བྱེད་ཅིང་། བཅོམ་ལྡན་འདས་གང་ན་བ་དེར་ཕྱིན་ཏེ། བཅོམ་ལྡན་འདས་ལ་ཕྱག་འཚལ་ནས། བྱང་དང་ཤར་གྱི་ཕྱོགས་མཚམས་སུ་བརྟེན་ཏེ། སེངྒེའི་
ཁྲི་ནོར་བུ་རིན་པོ་ཆེ་སྣང་བའི་རྒྱལ་མཚན་གྱི་པད་མོ་སྣ་ཚོགས་ཀྱི་སྙིང་པོ་ཅན་མངོན་པར་སྤྲུལ་ནས་བསྐྱིལ་མོ་དཀྲུང་བཅས་ཏེ་འཁོད་པར་གྱུར་ཏོ། །དེ་ནས་འཇིག་རྟེན་གྱི་ཁམས་རྒྱ་མཚོ་འདི་དང་འདབ་ཆགས་སུ་ཤར་
དང་ལྷོའི་ཕྱོགས་མཚམས་ན་འཇིག་རྟེན་གྱི་ཁམས་རྒྱ་མཚོ་བཻ་དུརྱའི་འོད་ཟེར་ཀུན་ཏུ་སྣང་བ་གསེར་གྱི་རྒྱན་ཅེས་བྱ་བ་ཡོད་དེ། འཇིག་རྟེན་གྱི་ཁམས་ཀྱི་རྒྱུད་དེ་དག་ལས་འཇིག་རྟེན་གྱི་ཁམས་སྤོས་ཀྱི་དཔལ་དྲི་མ་
མེད་པར་སྣང་བ་ན། དེ་བཞིན་གཤེགས་པ་ཀུན་ཏུ་དགའ་བའི་ཤུགས་དཔལ་གྱི་རྒྱལ་པོ་བཞུགས་པའི་འཁོར་གྱི་དཀྱིལ་འཁོར་རྒྱ་མཚོ་ནས་བྱང་ཆུབ་སེམས་དཔའ་ཡེ་ཤེས་ཀྱི་འོད་ཟེར་ཤེས་རབ་ཀུན་ནས་སྒྲོན་
མའི་བློ་གྲོས་ཤེས་བྱ་བ། བྱང་ཆུབ་སེམས་དཔའ་འཇིག་རྟེན་གྱི་ཁམས་ཀྱི་རྡུལ་ཤིན་ཏུ་ཕྲ་བ་སྙེད་དང་ལྷན་གཅིག་ཏུ་འཕགས་ཏེ། བཅོམ་ལྡན་འདས་གང་ན་བ་དེར་འོང་བར་གྱུར་ཏེ། ནོར་བུ་ཡིད་བཞིན་གྱི་

72-1-79a

རྒྱལ་པོ་ཐམས་ཅད་ཀྱི་བླ་རེའི་སྤྲིན་བཅུས་ནམ་མཁའ་ཀུན་ནས་ཡོག་པར་བྱིན་གྱིས་བརླབས་པ་དང་། རིན་པོ་ཆེ་ཨིན་དྲ་ནཱི་ལའི་ཟེ་བ་ཅན་གྱི་མེ་ཏོག་ཐམས་ཅད་ཀྱི་རྒྱན་གྱི་བླ་རེའི་སྤྲིན་བཅུས་ནམ་མཁའ་
ཀུན་ནས་ཡོག་པར་བྱིན་གྱིས་བརླབས་པ་དང་། སྤོས་རིན་པོ་ཆེའི་བླ་རེ་ཐམས་ཅད་ཀྱི་སྤྲིན་བཅུས་ནམ་མཁའ་ཀུན་ནས་ཡོག་པར་བྱིན་གྱིས་བརླབས་པ་དང་། རིན་པོ་ཆེ་འོད་འཕྲོ་བ་སྒྲོན་མའི་གཟུགས་ཀྱི་བླ་རེའི་
སྤྲིན་བཅུས་ནམ་མཁའ་ཀུན་ནས་ཡོག་པར་བྱིན་གྱིས་བརླབས་པ་དང་། ནོར་བུ་དང་རྒྱལ་པོ་སངས་རྒྱས་ཀྱི་རྫུ་འཕྲུལ་དང་འོད་དང་སྒྲ་དབྱངས་རབ་ཏུ་སྟོན་པའི་བླ་རེའི་སྤྲིན་བཅུས་ནམ་མཁའ་ཀུན་ནས་ཡོག་པར་
བྱིན་གྱིས་བརླབས་པ་དང་། ནོར་བུ་དང་གོས་དང་རྒྱན་ཐམས་ཅད་ཀྱི་གཟུགས་བརྙན་ཡང་དག་པར་སྟོན་པའི་བླ་རེའི་སྤྲིན་བཅུས་ནམ་མཁའ་ཀུན་ནས་ཡོག་པར་བྱིན་གྱིས་བརླབས་པ་དང་། མེ་ཏོག་ཐམས་ཅད་ཀྱི་
དོག་པ་ལྟ་བུ་རིན་པོ་ཆེའི་བླ་རེའི་སྤྲིན་བཅུས་ནམ་མཁའ་ཀུན་ནས་ཡོག་པར་བྱིན་གྱིས་བརླབས་པ་དང་། དྲིལ་བུ་སྣ་ཚོགས་ཀུན་ཏུ་སྒྲས་ཁྱབ་པར་བྱེད་པའི་དྲ་བའི་བླ་རེའི་སྤྲིན་བཅུས་ནམ་མཁའ་ཀུན་ནས་
ཡོག་པར་བྱིན་གྱིས་བརླབས་པ་དང་། པད་མོའི་དྲ་བ་མཐའ་ཡས་པ་སྣ་ཚོགས་རིན་པོ་ཆེའི་སྙིང་པོ་ཅན་གྱི་བླ་རེའི་སྤྲིན་བཅུས་ནམ་མཁའ་ཀུན་ནས་ཡོག་པར་བྱིན་གྱིས་བརླབས་པ་དང་། གསེར་གྱི་ཟེ་བ་འོད་འཕྲོ་
ཞིང་སྣང་བའི་རྒྱལ་མཚན་ཀྱི་བླ་རེའི་སྤྲིན་བཅུས་ནམ་མཁའ་ཀུན་ནས་ཡོག་པར་བྱིན་གྱིས་བརླབས་པ་དང་། རྒྱན་བསམ་གྱིས་མི་ཁྱབ་པའི་གཟུགས་བརྙན་རབ་ཏུ་སྟོན་པའི་རྒྱན་ཐམས་ཅད་ཀྱིས་བརྒྱན་པའི་བླ་
རེའི་སྤྲིན་བཅུས་ནམ་མཁའ་ཀུན་ནས་ཡོག་པར་བྱིན་གྱིས་བརླབས་པ་དང་། དེ་དག་ལ་སྩོགས་པ་བླ་རེའི་སྤྲིན་འཇིག་རྟེན་གྱི་ཁམས་རྒྱ་མཚོའི་རྡུལ་ཤིན་ཏུ་ཕྲ་བ་སྙེད་ཀྱིས་ནམ་མཁའ་ཀུན་ནས་ཡོག་པར་བྱིན་གྱིས་

72-1-79b

བརླབས་པ་བྱེད་ཅིང་། བཅོམ་ལྡན་འདས་གང་ན་བ་དེར་ཕྱིན་ནས། བཅོམ་ལྡན་འདས་ལ་ཕྱག་འཚལ་ཏེ། ཤར་དང་ལྷོའི་ཕྱོགས་འཚམས་སུ་བརྟེན་ཏེ། སེང་གེའི་ཁྲི་པད་མོ་སྣ་ཚོགས་རིན་པོ་ཆེས་རབ་ཏུ་བརྒྱན་
པའི་སྙིང་པོ་ཅན་མངོན་པར་སྤྲུལ་ནས། སྐྱིལ་མོ་དཀྲུང་བཅས་ཏེ་འཁོད་དོ། །དེ་ནས་ཡང་འཇིག་རྟེན་གྱི་ཁམས་རྒྱ་མཚོ་འདི་དང་འདབ་ཆགས་སུ་ལྷོ་དང་ནུབ་ཀྱི་ཕྱོགས་འཚམས་ནས། འཇིག་རྟེན་གྱི་ཁམས་
རྒྱ་མཚོ་ཉི་མའི་འོད་རབ་ཏུ་འབར་བས་ཀུན་ཏུ་སྣང་བའི་སྙིང་པོ་ཞེས་བྱ་བ་ཡོད་དེ། འཇིག་རྟེན་གྱི་ཁམས་བར་མའི་རྒྱུད་དེ་དག་ལ་འཇིག་རྟེན་གྱི་ཁམས་ཉི་མ་དང་སེང་གེ་ལྟར་སྣང་བ་ན། དེ་བཞིན་གཤེགས་པ་
སྒོ་ཀུན་ནས་ཡེ་ཤེས་རྣམ་པར་སྣང་བའི་དབྱངས་བཞུགས་པའི་འཁོར་གྱི་དཀྱིལ་འཁོར་གྱི་དཀྱིལ་འཁོར་རྒྱ་མཚོ་ནས། བྱང་ཆུབ་སེམས་དཔའ་མེ་ཏོག་ཀུན་ནས་འོད་འཕྲོ་གཙུག་ཕུད་རབ་ཏུ་འཕྱང་བ་ཞེས་བྱ་བ། 
བྱང་ཆུབ་སེམས་དཔའ་འཇིག་རྟེན་གྱི་ཁམས་རྒྱ་མཚོའི་རྡུལ་ཤིན་ཏུ་ཕྲ་བ་སྙེད་དང་ལྷན་ཅིག་ཏུ་འཕགས་ཏེ། བཅོམ་ལྡན་འདས་གང་ན་བ་དེར་འོང་བར་གྱུར་ཏེ། སྣ་ཚོགས་ཐམས་ཅད་ཀྱིས་བརྒྱན་པའི་རིན་པོ་
ཆེའི་གདུགས་ཀྱི་སྤྲིན་བཅུས་ནམ་མཁའ་ཀུན་ནས་ཡོག་པར་བྱིན་གྱིས་བརློབ་ཅིང་། འོད་ཟེར་སྣང་བའི་རྒྱན་གྱིས་བརྒྱན་པའི་མེ་ཏོག་གི་གདུགས་ཀྱི་སྤྲིན་བཅུས་ནམ་མཁའ་ཀུན་ནས་ཡོག་པར་བྱིན་གྱིས་
བརླབས་པ་དང་། མུ་ཏིག་མང་པོ་ཁ་དོག་མཐའ་ཡས་པ་ཐམས་ཅད་ཀྱི་གདུགས་ཀྱི་སྤྲིན་བཅུས་ནམ་མཁའ་ཀུན་ནས་ཡོག་པར་བྱིན་གྱིས་བརླབས་པ་དང་། ནོར་བུའི་རྒྱལ་པོ་བྱང་ཆུབ་སེམས་དཔའ་ཐམས་ཅད་
ཀྱི་སྙིང་རྗེའི་སྒོ་རབ་ཏུ་སྒྲོག་པའི་གདུགས་ཀྱི་སྤྲིན་བཅུས་ནམ་མཁའ་ཀུན་ནས་ཡོག་པར་བྱིན་གྱིས་བརླབས་པ་དང་། རིན་པོ་ཆེའི་འོད་འཕྲོ་བ་སྣ་ཚོགས་ཀྱི་ཕྲེང་བའི་གདུགས་ཀྱི་སྤྲིན་བཅུས་ནམ་མཁའ་ཀུན་ནས་

72-1-80a

ཡོག་པར་བྱིན་གྱིས་བརླབས་པ་དང་། རིན་པོ་ཆེའི་ཚོན་རྣམ་པ་སྣ་ཚོགས་ཀྱི་འོད་ཀྱིས་རབ་ཏུ་བརྒྱན་ཅིང་དྲིལ་བུའི་དྲ་བ་བྲེས་པའི་གདུགས་ཀྱི་སྤྲིན་བཅུས་ནམ་མཁའ་ཀུན་ནས་ཡོག་པར་བྱིན་
གྱིས་བརླབས་པ་དང་། རིན་པོ་ཆེའི་ཤིང་གི་ཡལ་ག་ཐམས་ཅད་ཀྱིས་བརྒྱན་པའི་གདུགས་ཀྱི་སྤྲིན་བཅུས་ནམ་མཁའ་ཀུན་ནས་ཡོག་པར་བྱིན་གྱིས་བརླབས་པ་དང་། ནོར་བུའི་དྲ་བ་རྒྱལ་པོ་ཉི་མ་རྣམ་པར་སྣང་
བའི་ལྟེ་བའི་གདུགས་ཀྱི་སྤྲིན་བཅུས་ནམ་མཁའ་ཀུན་ནས་ཡོག་པར་བྱིན་གྱིས་བརླབས་པ་དང་། སྤོས་དང་གདུགས་ཀྱི་སྤྲིན་བཅུས་ནམ་མཁའ་ཀུན་ནས་ཡོག་པར་བྱིན་གྱིས་བརླབས་པ་དང་། ཙན་དན་གྱི་ཕྱེ་
མ་མང་པོས་ཀུན་ཏུ་རྒྱས་པར་འགེངས་པའི་གདུགས་ཀྱི་སྤྲིན་བཅུས་ནམ་མཁའ་ཀུན་ནས་ཡོག་པར་བྱིན་གྱིས་བརླབས་པ་དང་། སངས་རྒྱས་ཀྱི་ཡུལ་རྒྱ་ཆེན་པོ་རྣམ་པར་བསྟན་པས་ཀུན་ཏུ་བརྒྱན་གྱིས་ཁྱབ་
པར་བྱེད་པའི་གདུགས་ཀྱི་སྤྲིན་བཅུས་ནམ་མཁའ་ཀུན་ནས་ཡོག་པར་བྱིན་གྱིས་བརླབས་པ་དང་། དེ་དག་ལ་སྩོགས་པ་གདུགས་ཀྱི་སྤྲིན་འཇིག་རྟེན་གྱི་ཁམས་རྒྱ་མཚོའི་རྡུལ་ཤིན་ཏུ་ཕྲ་བ་སྙེད་ཀྱི་ནམ་མཁའ་
ཀུན་ནས་ཡོག་པར་བྱིན་གྱིས་བརླབས་པར་བྱེད་ཅིང་། བཅོམ་ལྡན་འདས་གང་ན་བ་དེར་ཕྱིན་ཏེ། བཅོམ་ལྡན་འདས་ལ་ཕྱག་འཚལ་ནས་ལྷོ་དང་ནུབ་ཀྱི་ཕྱོགས་འཚམས་སུ་བརྟེན་ཏེ། སེང་གེའི་ཁྲི་
ཨིན་དྲ་ནཱི་ལ་ཡིད་དུ་འོང་བར་འབར་བའི་འོད་ཟེར་གྱི་སྙིང་པོ་ཅན་དག་མངོན་པར་སྤྲུལ་ནས་སྐྱིལ་མོ་དཀྲུང་བཅས་ཏེ་འཁོད་དོ། །དེ་ནས་ཡང་འཇིག་རྟེན་གྱི་ཁམས་རྒྱ་མཚོ་འདི་དང་འདབ་ཆགས་སུ་ནུབ་དང་བྱང་
གི་ཕྱོགས་མཚམས་ན་འཇིག་རྟེན་གྱི་ཁམས་རྒྱ་མཚོ་འདི་རིན་པོ་ཆེའི་འོད་ཟེར་འབར་བའི་སྐར་མདའ་འོད་ཀྱི་སྙིང་པོ་ཞེས་བྱ་བ་ཡོད་དེ། འཇིག་རྟེན་གྱི་ཁམས་བར་མའི་རྒྱུན་དེ་དག་ལས་འཇིག་རྟེན་

72-1-80b

གྱི་ཁམས་སྤོས་ཀྱི་རྒྱན་ཡིད་དུ་འོང་བའི་སྙིང་པོ་ན། དེ་བཞིན་གཤེགས་པ་ཡོན་ཏན་རྒྱ་མཚོ་ཚད་མེད་པའི་འོད་བཞུགས་པའི་འཁོར་གྱི་དཀྱིལ་འཁོར་རྒྱ་མཚོ་ནས། བྱང་ཆུབ་སེམས་དཔའ་འོད་ཟེར་དང་གཟི་
བརྗིད་མི་ཟད་པའི་རྒྱལ་པོའི་བློ་གྲོས་ཤེས་བྱ་བ། བྱང་ཆུབ་སེམས་དཔའ་འཇིག་རྟེན་གྱི་ཁམས་རྒྱ་མཚོའི་རྡུལ་ཤིན་ཏུ་ཕྲ་བ་སྙེད་དང་ལྷན་ཅིག་ཏུ་འཕགས་ཏེ། བཅོམ་ལྡན་འདས་གང་ན་བ་དེར་འོང་བར་གྱུར་ཏེ། རིན་
པོ་ཆེ་ཐམས་ཅད་དུ་སྣང་བའི་འོད་ཀྱི་དཀྱིལ་འཁོར་གྱི་སྤྲིན་བཅུས་ནམ་མཁའ་ཀུན་ནས་ཡོག་པར་བྱིན་གྱིས་བརློབ་ཅིང་། རིན་པོ་ཆེ་འོད་འཕྲོ་བའི་གཟུགས་ཀྱི་འོད་ཀྱི་དཀྱིལ་འཁོར་གྱི་སྤྲིན་བཅུས་ནམ་མཁའ་ཀུན་
ནས་ཡོག་པར་བྱིན་གྱིས་བརླབས་པ་དང་། མེ་ཏོག་གི་སྤྲིན་གྱིས་རྣམ་པར་སྣང་བར་བྱས་པའི་འོད་ཀྱི་དཀྱིལ་འཁོར་གྱི་སྤྲིན་གྱི་ནམ་མཁའ་ཀུན་ནས་ཡོག་པར་བྱིན་གྱིས་བརླབས་པ་དང་། འོད་ཟེར་གྱི་སྒོ་ནས་སངས་
རྒྱས་སྤྲུལ་པའི་འོད་ཀྱི་དཀྱིལ་འཁོར་གྱི་སྤྲིན་བཅུས་ནམ་མཁའ་ཀུན་ནས་ཡོག་པར་བྱིན་གྱིས་བརླབ་པ་དང་། ཕྱོགས་བཅུའི་སངས་རྒྱས་ཀྱི་ཞིང་གཟུགས་བརྙན་གྱི་ཁོངས་སུ་ཆུད་པའི་འོད་ཀྱི་དཀྱིལ་འཁོར་
གྱི་སྤྲིན་བཅུས་ནམ་མཁས་ཀུན་ནས་ཡོག་པར་བྱིན་གྱིས་བརླབས་པ་དང་། རིན་པོ་ཆེའི་ཡལ་གའི་སྒོ་ཀུན་ནས་སངས་རྒྱས་ཀྱི་ཡུལ་རབ་ཏུ་སྒྲོག་པའི་འོད་ཀྱི་དཀྱིལ་འཁོར་གྱི་སྤྲིན་བཅུས་ནམ་མཁའ་ཀུན་ནས་
ཡོག་པར་བྱིན་གྱིས་བརླབས་པ་དང་། ནོར་བུའི་རྒྱལ་པོ་རིན་པོ་ཆེ་བཻ་ཌཱུརྱའི་རིགས་ཀྱི་འོད་ཀྱི་དཀྱིལ་འཁོར་གྱི་སྤྲིན་བཅུས་ནམ་མཁའ་ཀུན་ནས་ཡོག་པར་བྱིན་གྱིས་བརླབས་པ་དང་། སེམས་སྐད་ཅིག་གཅིག་གིས་
སེམས་ཅན་མཐའ་ཡས་པའི་གཟུགས་ཡོངས་སུ་སྟོན་པའི་འོད་ཀྱི་དཀྱིལ་འཁོར་གྱི་སྤྲིན་བཅུས་ནམ་མཁའ་ཀུན་ནས་ཡོག་པར་བྱིན་གྱིས་བརླབས་པ་དང་། སངས་རྒྱས་ཐམས་ཅད་ཀྱི་སྨོན་ལམ་འབྱུང་

72-1-81a

བའི་སྒྲ་ཡིད་དུ་འོང་བ་རབ་ཏུ་གཏོང་བའི་འོད་ཀྱི་དཀྱིལ་འཁོར་གྱི་སྤྲིན་བཅུས་ནམ་མཁའ་ཀུན་ནས་ཡོག་པར་བྱིན་གྱིས་བརླབས་པ་དང་། འཁོར་གྱི་དཀྱིལ་འཁོར་ཐམས་ཅད་དུ་སེམས་ཅན་འདུལ་
བའི་སྒྲ་སྒྲོག་པ་ནོར་བུའི་འོད་ཀྱི་དཀྱིལ་འཁོར་གྱི་སྤྲིན་བཅུས་ནམ་མཁའ་ཀུན་ནས་ཡོག་པར་བྱིན་གྱིས་བརླབས་པ་དང་། དེ་དག་ལ་སྩོགས་པ་འོད་ཀྱི་དཀྱིལ་འཁོར་གྱི་སྤྲིན་བཅུས་འཇིག་རྟེན་གྱི་ཁམས་
རྒྱ་མཚོའི་རྡུལ་ཤིན་ཏུ་ཕྲ་བ་སྙེད་ཀྱི་ནམ་མཁའ་ཀུན་ནས་ཡོག་པར་བྱིན་གྱིས་བརླབས་པ་བྱེད་ཅིང་། བཅོམ་ལྡན་འདས་གང་ན་བ་དེར་ཕྱིན་ཏེ། བཅོམ་ལྡན་འདས་ལ་ཕྱག་འཚལ་ནས་ནུབ་དང་བྱང་གི་ཕྱོགས་
མཚམས་སུ་བརྟེན་ཏེ། སེང་གེའི་ཁྲི་འོད་ཟེར་འབར་བའི་མྱི་ཟད་པའི་གཟི་བརྗིད་ཀྱི་སྙིང་པོ་ཅན་མངོན་པར་སྤྲུལ་ནས་བསྐྱིལ་མོ་དཀྲུང་བཅས་ཏེ་འཁོད་དོ། །དེ་ནས་ཡང་འཇིག་རྟེན་གྱི་ཁམས་རྒྱ་མཚོ་འདི་
དང་འདབ་ཆགས་སུ་འོག་གི་ཕྱོགས་ན་འཇིག་རྟེན་གྱི་ཁམས་རྒྱ་མཚོ་པད་མོ་དྲི་ཞིམ་དཔལ་གྱི་སྙིང་པོ་ཞེས་བྱ་བ་ཡོད་དེ། འཇིག་རྟེན་གྱི་ཁམས་བར་མའི་རྒྱུད་དེ་ལས་འཇིག་རྟེན་གྱི་ཁམས་རིན་པོ་ཆེའི་སེང་གེ་
སྣང་ཞིང་འབར་བ་ན་དེ་བཞིན་གཤེགས་པ་ཆོས་ཀྱི་དབྱིངས་སྣང་བར་མཛད་པའི་འོད་ཟེར་བཞུགས་པའི་འཁོར་གྱི་དཀྱིལ་འཁོར་རྒྱ་མཚོ་ནས། བྱང་ཆུབ་སེམས་དཔའ་ཆོས་ཀྱི་དབྱིངས་སུ་འོད་འཕྲོ་བ་རྣམ་པར་སྣང་
བ་འབྱུང་བའི་བློ་གྲོས་ཤེས་བྱ་བ། བྱང་ཆུབ་སེམས་དཔའ་འཇིག་རྟེན་གྱི་ཁམས་རྒྱ་མཚོའི་རྡུལ་ཤིན་ཏུ་ཕྲ་བ་སྙེད་དང་ལྷན་ཅིག་ཏུ་འཕགས་ནས། བཅོམ་ལྡན་འདས་གང་ན་བ་དེར་འོང་བར་གྱུར་ཏེ། རིན་པོ་ཆེ་
ཐམས་ཅད་ཀྱི་འོད་ཟེར་གྱི་སྤྲིན་བཅུས་ནམ་མཁའ་ཀུན་ནས་ཡོག་པར་བྱིན་གྱིས་བརློབ་ཅིང་། སྤོས་ཐམས་ཅད་ཀྱི་འོད་ཟེར་གྱི་སྤྲིན་བཅུས་ནམ་མཁའ་ཀུན་ནས་ཡོག་པར་བྱིན་གྱིས་བརླབ་པ་དང་། རིན་

72-1-81b

པོ་ཆེ་འོད་འཕྲོ་བ་ཐམས་ཅད་ཀྱི་འོད་ཟེར་གྱི་སྤྲིན་བཅུས་ནམ་མཁའ་ཀུན་ནས་ཡོག་པར་བྱིན་གྱིས་བརླབ་པ་དང་། སངས་རྒྱས་ཀྱི་ཆོས་ཐམས་ཅད་བརྗོད་པས་ཁྱབ་པར་བྱེད་པའི་འོད་ཟེར་གྱི་སྤྲིན་བཅུས་
ནམ་མཁའ་ཀུན་ནས་ཡོག་པར་བྱིན་གྱིས་བརླབ་པ་དང་། སངས་རྒྱས་ཀྱི་ཞིང་ཐམས་ཅད་ཀྱིས་རྣམ་པར་སྣང་བར་བྱས་པའི་འོད་ཟེར་གྱི་སྤྲིན་བཅུས་ནམཁའ་ཀུན་ནས་ཡོག་པར་བྱིན་གྱིས་བརླབས་པ་
དང་། མེ་ཏོག་གི་ཁང་པ་བརྩེགས་པ་ཐམས་ཅད་ཀྱི་འོད་ཟེར་གྱི་སྤྲིན་བཅུས་ནམ་མཁའ་ཀུན་ནས་ཡོག་པར་བྱིན་གྱིས་བརླབས་པ་དང་། བསྐལ་པ་ཐམས་ཅད་གཅིག་ནས་གཅིག་ཏུ་བརྒྱུད་པར་སངས་
རྒྱས་ཡང་དག་པར་འབྱུང་ཞིང་སེམས་ཅན་ཡོངས་སུ་སྨིན་པར་བྱ་བར་བརྗོད་པའི་འོད་ཟེར་གྱི་སྤྲིན་བཅུས་ནམ་མཁའ་ཀུན་ནས་ཡོག་པར་བྱིན་གྱིས་བརླབས་པ་དང་། རིན་པོ་ཆེ་ཟད་མི་ཤེས་པ་ཐམས་ཅད་
མེ་ཏོག་ཐམས་ཅད་ཀྱི་འོད་ཟེར་གྱི་སྤྲིན་བཅུས་ནམ་མཁའ་ཀུན་ནས་ཡོག་པར་བྱིན་གྱིས་བརླབས་པ་དང་། དེ་དག་ལ་སྩོགས་པ་འོད་ཟེར་གྱི་སྤྲིན་འཇིག་རྟེན་གྱི་ཁམས་རྒྱ་མཚོའི་རྡུལ་ཤིན་ཏུ་ཕྲ་བ་སྙེད་ཀྱིས་
ནམ་མཁའ་ཀུན་ནས་ཡོག་པར་བྱིན་གྱིས་བརླབས་པ་བྱེད་ཅིང་། བཅོམ་ལྡན་འདས་གང་ན་བ་དེར་ཕྱིན་ནས། བཅོམ་ལྡན་འདས་ལ་ཕྱག་འཚལ་ཏེ། འོག་གི་ཕྱོགས་སུ་བརྟན་ནས་སེང་གེའི་ཁྲི་
རིན་པོ་ཆེའི་སྒྲོན་མ་རབ་ཏུ་འབར་བ་འབྱུང་བའི་སྙིང་པོ་ཅན་དག་མངོན་པར་སྤྲུལ་ནས་སྐྱིལ་མོ་དཀྲུང་བཅས་ཏེ་འཁོད་དོ། །དེ་ནས་ཡང་དག་འཇིག་རྟེན་གྱི་ཁམས་རྒྱ་མཚོ་གཞི་དང་སྙིང་པོ་མེ་ཏོག་གི་རྒྱན་
པ་འདི་དང་འདབ་ཆགས་སུ་སྟེང་གི་ཕྱོགས་ན་འཇིག་རྟེན་གྱི་ཁམས་རྒྱ་མཚོ་ནོར་བུ་རིན་པོ་ཆེ་སྣ་ཚོགས་ཀྱི་འོད་རྒྱ་མཚོའི་རྒྱན་ཅེས་བྱ་བ་ཡོད་དེ། འཇིག་རྟེན་གྱི་ཁམས་བར་མའི་རྒྱུད་དེ་དག་ལས་

72-1-82a

འཇིག་རྟེན་གྱི་ཁམས་མཚན་ཡིད་དུ་འོང་བ་རྣམ་པར་སྣང་བ་ཞེས་བྱ་བ་ན། དེ་བཞིན་གཤེགས་པ་ཡོན་ཏན་དང་གྲགས་པ་ཐོགས་པ་མེད་པའི་རྣམ་པར་ཐར་པ་རབ་ཏུ་སྣང་བའི་རྒྱལ་པོ་བཞུགས་
པའི་འཁོར་གྱི་དཀྱིལ་འཁོར་རྒྱ་མཚོ་ནས། བྱང་ཆུབ་སེམས་དཔའ་སྟོབས་དང་བརྩོན་འགྲུས་ཆགས་པ་མེད་པའི་བློ་གྲོས་ཤེས་བྱ་བ། བྱང་ཆུབ་སེམས་དཔའ་འཇིག་རྟེན་གྱི་ཁམས་རྒྱ་མཚོའི་རྡུལ་
ཤིན་ཏུ་ཕྲ་བ་སྙེད་དང་ལྷན་ཅིག་ཏུ་འཕགས་ནས། བཅོམ་ལྡན་འདས་གང་ན་བ་དེར་འོང་བར་གྱུར་ཏེ། རིན་པོ་ཆེ་ཁ་དོག་མཐའ་ཡས་པར་འོད་འཕྲོ་བའི་སྤྲིན་བཅུས་ནམ་མཁའ་ཀུན་ནས་ཡོག་པར་བྱིན་
གྱིས་བརློབ་ཅིང་། ནོར་བུ་རིན་པོ་ཆེ་ཀུན་ནས་འོད་ཀྱི་དྲ་བ་འོད་འཕྲོ་བའི་སྤྲིན་བཅུས་ནམ་མཁའ་ཀུན་ནས་ཡོག་པར་བྱིན་གྱིས་བརླབས་པ་དང་། སངས་རྒྱས་ཀྱི་ཞིང་གི་རྒྱན་རྒྱ་ཆེན་པོས་རྣམ་པར་
སྣང་བར་འོད་འཕྲོ་བའི་སྤྲིན་བཅུས་ནམ་མཁའ་ཀུན་ནས་ཡོག་པར་བྱིན་གྱིས་བརླབས་པ་དང་། སྤོས་ཐམས་ཅད་འོད་འཕྲོ་བའི་སྤྲིན་བཅུས་ནམ་མཁའ་ཀུན་ནས་ཡོག་པར་བྱིན་གྱིས་བརླབས་པ་དང་། 
རྒྱན་ཐམས་ཅད་འོད་འཕྲོ་བའི་སྤྲིན་བཅུས་ནམ་མཁའ་ཀུན་ནས་ཡོག་པར་བྱིན་གྱིས་བརླབས་པ་དང་། སངས་རྒྱས་ཐམས་ཅད་ཀྱི་རྫུ་འཕྲུལ་འོད་འཕྲོ་བའི་སྤྲིན་བཅུས་ནམ་མཁའ་ཀུན་ནས་ཡོག་པར་
བྱིན་གྱིས་བརླབས་པ་དང་། ཤིང་དང་ཟེ་བ་རྣམ་པ་སྣ་ཚོགས་སུ་འོད་འཕྲོ་བའི་སྤྲིན་བཅུས་ནམ་མཁའ་ཀུན་ནས་ཡོག་པར་བྱིན་གྱིས་བརླབས་པ་དང་། རྡོ་རྗེ་སྣ་ཚོགས་འོད་འཕྲོ་བའི་སྤྲིན་བཅུས་ནམ་
མཁའ་ཀུན་ནས་ཡོག་པར་བྱིན་གྱིས་བརླབས་པ་དང་། ནོར་བུའི་རྒྱལ་པོ་བྱང་ཆུབ་སེམས་དཔའི་སྤྱོད་པ་མཐའ་ཡས་པ་བརྗོད་ཅིང་འཕྲོ་བའི་སྤྲིན་བཅུས་ནམ་མཁའ་ཀུན་ནས་ཡོག་པར་བྱིན་གྱིས་བརླབས་

72-1-82b

པ་དང་། མུ་ཏིག་གི་སྒྲོན་མ་འོད་འཕྲོ་བའི་སྤྲིན་བཅུས་ནམ་མཁའ་ཀུན་ནས་ཡོག་པར་བྱིན་གྱིས་བརླབས་པ་དང་། དེ་དག་ལ་སྩོགས་པ་འོད་འཕྲོ་བའི་སྤྲིན་འཇིག་རྟེན་གྱི་ཁམས་རྒྱ་མཚོའི་རྡུལ་ཤིན་ཏུ་
ཕྲ་བ་སྙེད་ཀྱིས་ནམ་མཁའ་ཀུན་ནས་ཡོག་པར་བྱིན་གྱིས་བརླབས་པ་བྱེད་ཅིང་། བཅོམ་ལྡན་འདས་གང་ན་བ་དེར་ཕྱིན་ཏེ། བཅོམ་ལྡན་འདས་ལ་ཕྱག་འཚལ་ནས་སྟེང་གི་ཕྱོགས་སུ་བརྟེན་ཏེ། སེང་གེའི་
ཁྲི་སངས་རྒྱས་ཀྱི་གསུང་སྒྲོག་པའི་འོད་ཟེར་འབྱུང་བའི་པདྨོའི་སྙིང་པོ་ཅན་དག་མངོན་པར་སྤྲུལ་ནས་སྐྱིལ་མོ་ཀྲུང་བཅས་ཏེ་འཁོད་དོ།། །།སངས་རྒྱས་རྨད་ག་ཅད་ཅེས་བྱ་བ་ཤིན་ཏུ་རྒྱས་
པ་ཆེན་པོའི་མདོ།  བམ་པོ་དྲུག་པ། དེ་དག་ལ་སྩོགས་པ་འཇིག་རྟེན་གྱི་ཁམས་རྒྱ་མཚོ་སངས་རྒྱས་ཀྱི་ཞིང་བྱེ་བ་ཕྲག་བཅུའི་རྡུལ་ཤིན་ཏུ་ཕྲ་བ་རྙེད་ནས་ཀྱང་བྱང་ཆུབ་སེམས་དཔའ་
སངས་རྒྱས་ཀྱི་ཞིང་བྱེ་བ་ཕྲག་བཅུའི་རྡུལ་ཤིན་ཏུ་ཕྲ་བ་སྙེད་བྱང་ཆུབ་སེམས་དཔའ་རེ་རེ་ཞིང་ཡང་བྱང་ཆུབ་སེམས་དཔའ་འཇིག་རྟེན་གྱི་ཁམས་རྒྱ་མཚོའི་རྡུལ་ཤིན་ཏུ་ཕྲ་བ་སྙེད་ཀྱིས་བསྐོར་ཅིང་མདུན་དུ་བྱས། 
བྱང་ཆུབ་སེམས་དཔའ་རེ་རེ་ཞིང་ཡང་རྒྱན་རྣམ་པ་སྣ་ཚོགས་ཀྱི་མཆོད་པའི་སྤྲིན་འཇིག་རྟེན་གྱི་ཁམས་རྒྱ་མཚོའི་རྡུལ་ཤིན་ཏུ་ཕྲ་བ་སྙེད་ཀྱིས་ནམ་མཁའ་ཀུན་ནས་ཡོག་པར་བྱིན་གྱིས་བརློབ་ཅིང་འོངས་པར་
གྱུར་ཏེ། གང་ནས་འོངས་པའི་ཕྱོགས་སུ་བརྟེན་ཏེ། སེང་གེའི་ཁྲི་རིན་པོ་ཆེ་སྣ་ཚོགས་ཀྱི་སྙིང་པོ་ཅན་དག་མངོན་པར་སྤྲུལ་ཅིང་བསྐྱིལ་མོ་དཀྲུང་བཅས་ཏེ་འཁོད་པར་གྱུར་ཏོ། །འཁོད་པའི་རྗེས་ལ་བྱང་
ཆུབ་སེམས་དཔའ་དེ་དག་གི་བ་སྤུའི་ཁུང་ཐམས་ཅད་རེ་རེ་ནས་འོད་ཟེར་གྱི་སྤྲིན་རིན་པོ་ཆེ་ཐམས་ཅད་ལྟར་ཁ་དོག་སྣ་ཚོགས་པ་འཇིག་རྟེན་གྱི་ཁམས་རྒྱ་མཚོ་བཅུའི་རྡུལ་ཤིན་ཏུ་ཕྲ་བ་སྙེད་རབ་ཏུ་བྱུང་བར་

72-1-83a

གྱུར་ཏོ། །རིན་པོ་ཆེ་རེ་རེའི་སྒོ་ནས་ཀྱང་བྱང་ཆུབ་སེམས་དཔའ་སེང་གེའི་ཁྲི་པད་མོའི་སྙིང་པོ་ཅན་ལ་འཁོད་པ་འཇིག་རྟེན་གྱི་ཁམས་རྒྱ་མཚོ་བཅུའི་རྡུལ་ཤིན་ཏུ་ཕྲ་བ་སྙེད་རབ་ཏུ་བྱུང་བར་
གྱུར་ཏོ། །བྱང་ཆུབ་སེམས་དཔའ་རེ་རེས་ཀྱང་ཆོས་ཀྱི་དབྱིངས་ཀྱི་ཚུལ་རྒྱ་མཚོའི་ཁམས་ཀྱི་རྡུལ་ཤིན་ཏུ་ཕྲ་བ་ཐམས་ཅད་ཀྱི་སྦུབས་གང་བར་བྱས་ནས། རྡུལ་ཤིན་ཏུ་ཕྲ་བ་རེ་རེ་ལ་ཡང་ཞིང་འབྱམ་ཀླས་པ་
སངས་རྒྱས་ཀྱི་ཞིང་བཅུའི་རྡུལ་ཤིན་ཏུ་ཕྲ་བ་སྙེད་དུ་རབ་ཏུ་འཇུག་པར་གྱུར་ཏོ། །ཞིང་རེ་རེར་ཡང་དུས་གསུམ་དུ་གཤེགས་པའི་སངས་རྒྱས་བཅོམ་ལྡན་འདས་ཐམས་ཅད་ཤེས་ཤིང་མཐོང་བར་གྱུར་ཏོ། །
སེམས་ཀྱི་སྐད་ཅིག་རེ་རེ་ལ་ཡང་རྨི་ལམ་ལྟ་བུའི་རྣམ་པར་འཕྲུལ་པ་ཡང་དག་པར་བསྟན་པའི་སྒོ་དག་ནས་ཡང་དག་པར་བསྐུལ་བར་བྱེད་པར་གྱུར་ཏོ། །སེམས་ཀྱི་སྐད་ཅིག་རེ་རེ་ལ་ཡང་འཇིག་རྟེན་གྱི་ཁམས་
རྒྱ་མཚོའི་རྡུལ་ཤིན་ཏུ་ཕྲ་བ་སྙེད་རེ་རེའི་ལྷའི་གནས་ཐམས་ཅད་དུ་སྐྱེ་བ་དང་ཤི་འཕོས་པ་ཡང་དག་པར་བསྟན་པའི་སྒོ་དག་ནས་ཡང་དག་པར་བསྐུལ་བར་བྱེད་པར་གྱུར་ཏོ། །སེམས་ཀྱི་སྐད་ཅིག་རེ་རེ་ལ་འཇིག་
རྟེན་གྱི་ཁམས་རྡུལ་ཤིན་ཏུ་ཕྲ་བ་སྙེད་ཀྱི་བྱང་ཆུབ་སེམས་དཔའི་འཁོར་གྱི་དཀྱིལ་འཁོར་ཐམས་ཅད་ཤིན་ཏུ་བསྟན་པའི་སྒོ་དག་ནས་ཡང་དག་པར་བསྐུལ་བར་བྱེད་པར་གྱུར་ཏོ། །སེམས་ཀྱི་སྐད་ཅིག་རེ་རེ་ལ་
འཇིག་རྟེན་གྱི་ཁམས་རྒྱ་མཚོའི་རྡུལ་ཤིན་ཏུ་ཕྲ་བ་སྙེད་ཀྱི་ཞིང་འབྱམ་ཀླས་པ་ཐམས་ཅད་རབ་ཏུ་བསྐྱོད་པ་དང་། སངས་རྒྱས་ཀྱི་ཡོན་ཏན་རབ་ཏུ་བརྗོད་ཅིང་རྣམ་པར་འཕྲུལ་པའི་སྒོ་དག་ནས་ཡང་དག་པར་བསྐུལ་
བར་བྱེད་པར་གྱུར་ཏོ། །སེམས་ཀྱི་སྐད་ཅིག་རེ་རེ་ལ་འཇིག་རྟེན་གྱི་ཁམས་རྒྱ་མཚོའི་རྡུལ་ཤིན་ཏུ་ཕྲ་བ་སྙེད་ཀྱི་སངས་རྒྱས་ཀྱི་ཞིང་ཐམས་ཅད་ཡོངས་སུ་དག་པར་བྱ་བ་དང་། སྨོན་ལམ་རྒྱ་མཚོ་ཐམས་ཅད་

72-1-83b

རབ་ཏུ་བསྒྲག་པའི་སྒོ་ནས་ཡང་དག་པར་བསྐུལ་བ་བྱེད་པར་གྱུར་ཏོ། །སེམས་ཀྱི་སྐད་ཅིག་རེ་རེ་ལ་འཇིག་རྟེན་གྱི་ཁམས་རྒྱ་མཚོའི་རྡུལ་ཤིན་ཏུ་ཕྲ་བ་སྙེད་དང་འགྲོ་བ་ཐམས་ཅད་ཀྱི་ངེས་པའི་ཚིག་དང་། སངས་
རྒྱས་ཀྱི་ཡན་ལག་རྣམ་པར་བསྟན་ཅིང་བརྗོད་པའི་སྒོ་དག་ནས་ཡང་དག་པར་བསྐུལ་བར་བྱེད་པར་གྱུར་ཏོ། །སེམས་ཀྱི་སྐད་ཅིག་རེ་རེ་ལ་འཇིག་རྟེན་གྱི་ཁམས་རྒྱ་མཚོའི་རྡུལ་ཤིན་ཏུ་ཕྲ་བ་སྙེད་ཆོས་ཀྱི་སྤྲིན་
ཐམས་ཅད་ཀྱི་ཆར་བབ་པའི་སྒོ་དག་ནས་ཡང་དག་པར་བསྐུལ་བ་བྱེད་པར་གྱུར་ཏོ། །སེམས་ཀྱི་སྐད་ཅིག་རེ་རེ་ལ་འཇིག་རྟེན་གྱི་ཁམས་རྒྱ་མཚོའི་རྡུལ་ཤིན་ཏུ་ཕྲ་བ་སྙེད་ཀྱི་ཕྱོགས་བཅུའི་འཇིག་རྟེན་གྱི་
ཁམས་སུ་ཆོས་ཀྱི་དབྱིངས་སྣང་བས་རྒྱས་པར་རྣམ་པར་འཕྲུལ་པའི་མཐུའི་སྒོ་དག་ནས། ཡང་དག་པར་བསྐུལ་བར་བྱེད་པར་གྱུར་ཏོ། །སེམས་ཀྱི་སྐད་ཅིག་རེ་རེ་ལ་འཇིག་རྟེན་གྱི་ཁམས་རྒྱ་མཚོའི་རྡུལ་ཤིན་
ཏུ་ཕྲ་བ་སྙེད་ཀྱི་སངས་རྒྱས་ཀྱི་སྐུས་ཆོས་ཀྱི་དབྱིངས་གང་བར་བྱ་བ་དང་། སངས་རྒྱས་ཀྱི་རྣམ་པར་ཐར་པ་དང་། འོད་ཐམས་ཅད་ཀྱི་སྒོ་དག་ནས་ཡང་དག་པར་བསྐུལ་བར་བྱེད་པར་གྱུར་ཏོ། །སེམས་ཀྱི་
སྐད་ཅིག་རེ་རེ་ལ་འཇིག་རྟེན་གྱི་ཁམས་རྒྱ་མཚོའི་རྡུལ་ཤིན་ཏུ་ཕྲ་བ་སྙེད་ཀྱི་དཀྱིལ་འཁོར་རྒྱ་མཚོ་ཐམས་ཅད་ན། བྱང་ཆུབ་སེམས་དཔའ་ཀུན་ཏུ་བཟང་པོ་རབ་ཏུ་གནས་པའི་སྒོ་དག་ནས་ཡང་དག་པར་བསྐུལ་
བར་བྱེད་པར་གྱུར་ཏོ། །དེ་ལྟ་བུའི་ཆོས་ཀྱི་དབྱིངས་རྒྱས་པར་བཀང་སྟེ། སེམས་ཅན་རྣམས་ཀྱི་བསམ་པ་ཇི་ལྟ་བ་བཞིན་དུ་ཡང་དག་པར་བསྐུལ་བར་བྱེད་ཅིང་། འཇིག་རྟེན་གྱི་ཁམས་འབྱམ་ཀླས་པ་
དག་ཏུ་རབ་ཏུ་བརྡལ་ཏེ་ཞིང་རེ་རེ་ཡང་སེམས་ཀྱི་སྐད་ཅིག་རེ་རེ་ལ་སེམས་ཅན་རི་རབ་ཀྱི་རྡུལ་ཤིན་ཏུ་ཕྲ་བ་སྙེད་ཀྱི་ངན་སོང་གི་རྒྱུད་དུ་གཏོགས་པའི་སྡུག་བསྔལ་ཐམས་ཅད་ནི་རབ་ཏུ་ཞི་བར་བྱེད་དེ། སེམས་ཅན་ཕྱིན་

72-1-84a

ཅི་ལོག་ལ་ངེས་པ་རི་རབ་ཀྱི་རྡུལ་ཤིན་ཏུ་ཕྲ་བ་སྙེད་ནི་ཡང་དག་པར་ངེས་པའི་ཕུང་པོ་ལ་རབ་ཏུ་འགོད་དོ། །སེམས་ཅན་རི་རབ་ཀྱི་རྡུལ་ཤིན་ཏུ་ཕྲ་བ་སྙེད་ནི་དགེ་བ་དང་། ཡིད་དུ་འོང་བ་དང་། 
མཐོ་རིས་སུ་སྐྱེ་བ་ལ་རབ་ཏུ་འགོད་དོ། །སེམས་ཅན་རི་རབ་ཀྱི་རྡུལ་ཤིན་ཏུ་ཕྲ་བ་སྙེད་ནི་ཉན་ཐོས་དང་རང་སངས་རྒྱས་ཀྱི་ས་ལ་རབ་ཏུ་འགོད་དོ། །སེམས་ཅན་རི་རབ་ཀྱི་རྡུལ་ཤིན་ཏུ་ཕྲ་བ་སྙེད་ནི་དགེ་བའི་
བཤེས་གཉེན་བསྐུར་བའི་བསོད་ནམས་ཀྱི་ཚོགས་ལ་རབ་ཏུ་འགོད་དོ། །ཞིང་དེ་དག་རེ་རེར་ཡང་སེམས་ཅན་རི་རབ་ཀྱི་རྡུལ་ཤིན་ཏུ་ཕྲ་བ་སྙེད་ནི་སྔོན་ཆད་མ་བསྐྱེད་པའི་བྱང་ཆུབ་ཀྱི་སེམས་བསྐྱེད་དོ། །
ཞིང་དེ་དག་རེ་རེར་ཡང་སེམས་ཅན་རི་རབ་ཀྱི་རྡུལ་ཤིན་ཏུ་ཕྲ་བ་སྙེད་ནི་བྱང་ཆུབ་སེམས་དཔའི་ས་ཕྱིར་མི་ལྡོག་པ་ཡང་དག་པར་ཐོབ་པ་ལ་ཡང་དག་པར་བསྐུལ་ལོ། །ཞིང་དེ་དག་རེ་རེ་དག་ཡང་སེམས་ཅན་རི་རབ་ཀྱི་རྡུལ་
ཤིན་ཏུ་ཕྲ་བ་སྙེད་དེ་བཞིན་གཤེགས་པའི་ཡེ་ཤེས་ཀྱི་སྤྱན་ཆོས་ཐམས་ཅད་ཀུན་ནས་སྣང་ཞིང་གཟིགས་པ་ལ་ཡོངས་སུ་སྦྱངས་ཏེ་རབ་ཏུ་འགོད་དོ། །ཞིང་དེ་དག་རེ་རེ་ལ་ཡང་སེམས་ཅན་རི་རབ་ཀྱི་རྡུལ་ཤིན་ཏུ་ཕྲ་བ་
སྙེད་སྟོབས་ཐམས་ཅད་ཀྱིས་རབ་ཏུ་གནས་པ་དང་། ཡེ་ཤེས་ཀྱི་ཚོགས་ཟད་མི་ཤེས་པ་དང་། སངས་རྒྱས་ཀྱི་ཞིང་ཡོངས་སུ་དག་པར་བྱ་བའི་སྨོན་ལམ་རྒྱ་མཚོ་ལ་རབ་ཏུ་འགོད་དོ། །ཞིང་དེ་དག་རེ་རེར་ཡང་སེམས་
ཅན་རི་རབ་ཀྱི་རྡུལ་ཤིན་ཏུ་ཕྲ་བ་སྙེད་དེ་བཞིན་གཤེགས་པ་རྣམ་པར་སྣང་མཛད་ཀྱི་གདུང་དང་རྒྱུད་ཡང་དག་པར་འབྱུང་བའི་གནས་རྒྱ་མཚོ་རྣམ་པར་སྤྱོད་པ་ལ་རབ་ཏུ་འགོད་དོ། །བྱང་ཆུབ་སེམས་དཔའ་དེ་དག་
གི་འོད་ཟེར་གྱི་སྒོ་ཐམས་ཅད་ནས་ཀྱང་ཚིགས་སུ་བཅད་པ་འདི་ལྟ་བུ་དག་བྱུང་བར་གྱུར་ཏོ། །འོད་ཟེར་ཐམས་ཅད་སྒོ་ནས་སྒྲ་འབྱུང་སྟེ། །ཇི་སྙེད་བྱང་ཆུབ་སྤྱོད་པར་འཇུག་པ་དང་། །རྒྱལ་སྲས་ཡོན་ཏན་

72-1-84b

ཕུན་སུམ་གང་ཡོད་པའི། །དབྱངས་ཀྱི་ཚོགས་རྣམས་ཀུན་ཏུ་བཀང་ཞིང་སྒྲོགས། བསྐལ་པ་རྒྱ་མཚོར་སྐྱོ་མེད་སྤྱད་པ་སྤྱོད། །སྡུག་བསྔལ་ཀུན་ནས་འགྲོ་བ་ཀུན་འགྲོལ་ཀྱང་། །ཡིད་ལ་
སྐྱོ་མྱེད་ཞུམ་པ་གང་ཡང་མྱེད། །འདི་ཡི་ཚུལ་ལ་རྒྱལ་སྲས་རབ་ཏུ་ཞུགས། །ཆོས་ཀྱི་སྒོ་རྣམས་ཀུན་ལ་རབ་སྤྱོད་ཅིང་། །ཚུལ་འདིར་བསྐལ་པ་རྒྱ་མཚོ་ཟད་པར་བྱེད། །མཐའ་མེད་དབུས་མེད་ལྷག་མ་
གང་ཡང་མེད། །དེ་དག་ཆོས་ཉིད་ཞི་བ་རབ་ཏུ་སྒྲོག །དུས་གསུམ་རྒྱལ་བའི་སྨོན་ལམ་གང་ཡོད་པ། །རྒྱལ་སྲས་དེ་དག་འགྲོ་ལ་ཕན་དོན་དུ། །དེ་དག་ཐམས་ཅད་མ་ལུས་ཡོངས་སུ་སྤྱོད། །དེ་དག་
སྤྱོད་པའི་རྒྱན་ནི་འདི་འདྲའོ། །རྒྱལ་བ་ཀུན་གྱི་འཁོར་དུ་ཉེར་ཕྱིན་ཏེ། །ཕྱོགས་རྣམས་ཀུན་ན་གཟུགས་བརྙན་ལུས་འཆང་ཞིང་། །རྒྱལ་སྲས་ཡེ་ཤེས་རྒྱ་མཚོའི་བློ་གྲོས་ཅན། །དེ་དག་ཆོས་
ཉིད་ཞིང་འཇུག་འདི་འདྲའོ། །འོད་ཟེར་སྒོ་རྣམས་རེ་རེ་མཐའ་ཡས་པའི། །བསམ་ཡས་ཞིང་རྣམས་དེ་དག་རབ་ཏུ་འཇུག །སྤྱོད་པས་མྱིག་ནི་ཀུན་ནས་ཡོངས་དག་སྟེ། །རྒྱལ་སྲས་དེ་དག་སྤྱོད་ཡུལ་
འདི་ཡིན་ནོ། །སྐྲ་ཙེ་གཅིག་ཏུ་དེ་དག་རབ་གནས་ཤིང་། །ཞིང་རྣམས་དབྱིངས་ཀུན་ཀུན་ནས་བསྐྱོད་བྱས་ཀྱང་། །སེམས་ཅན་རྣམས་ལ་འཇིགས་པ་མྱི་བྱེད་དེ། །ས་འདི་རྣམ་དག་ཚུལ་འཆང་
དག་གི་འོ། །ཚུལ་རྣམས་ཀུན་ལ་བསམ་གྱིས་མྱི་ཁྱབ་ལུས། །དེ་དག་ཀུན་ཏུ་ཞིང་རྣམས་སྣ་ཚོགས་སྤྲུལ། །སྐད་ཅིག་སེམས་ལ་འཆི་འཕོ་སྐྱེ་བ་སྣང་། །རྒྱན་འདི་སེམས་ལ་ཆགས་མེད་
རྣམས་ཀྱིའོ། །དུས་གསུམ་བསྐལ་པ་གང་ཡོད་མ་ལུས་པར། །སྐད་ཅིག་གཅིག་གིས་ཐམས་ཅད་རབ་ཏུ་སྟོན། །སྒྱུ་མ་ལྟ་བུ་ལུས་མེད་དངོས་ཀྱང་མེད། །དེ་འདྲའི་ཆོས་ཉིད་ཆགས་མེད་བློས་རྟོགས་སོ། །

72-1-85a

བཟང་པོའི་སྤྱོད་པ་མཆོག་ལ་ཞུགས་པ་རྣམས། །འགྲོ་བ་ཀུན་ལ་ཡིད་དུ་འོང་བའི་ལུས། །རྒྱལ་སྲས་དེ་དག་ཆོས་ཉིད་འདི་ཡིན་ཏེ། །འོད་ཟེར་ཀུན་གྱི་སྒོ་ནས་དབྱངས་ཀྱང་སྒྲོག །དེ་ནས་
བཅོམ་ལྡན་འདས་ཀྱི་བྱང་ཆུབ་སེམས་དཔའ་མཐའ་དང་དབུས་མེད་པ་དེ་དག་དེ་བཞིན་གཤེགས་པའི་ཡུལ་ལ་རྣམ་པར་སྤྱོད་པས་རྣམ་པར་འཕྲུལ་པ་ཐོབ་པར་བྱ་བའི་ཕྱིར། སྨིན་མཚམས་ཀྱི་མཛོད་
སྤུ་ནས་འོད་ཟེར་ཆེན་པོ་བྱང་ཆུབ་སེམས་དཔའ་ཐམས་ཅད་ཡེ་ཤེས་ཀྱི་སྣང་བས་ཕྱོགས་རྣམ་པར་སྟོན་པའི་སྙིང་པོ་ཞེས་བྱ་བ་རབ་ཏུ་བཀྱེའོ། །འོད་ཟེར་རིན་པོ་ཆེ་ཐམས་ཅད་ཁ་དོག་སྒྲོན་མའི་སྤྲིན་དུ་བརྡལ་
བ། སངས་རྒྱས་ཀྱི་ཞིང་ཐམས་ཅད་དུ་རབ་ཏུ་སྣང་བ་དེ་བྱུང་ནས། ཚུལ་ཐམས་ཅད་ཀྱི་ཕྱོགས་འབྱམ་ཀླས་པ་རབ་ཏུ་སྣང་བར་བྱས་ཏེ། ཕྱོགས་ཐམས་ཅད་ཀྱི་དབྱིངས་རྒྱ་མཚོ་རྣམས་རབ་ཏུ་སྣང་བར་
བྱས་ནས་སེམས་ཅན་རྒྱ་མཚོ་རྣམས་རབ་ཏུ་སྣང་བར་བྱས་ཏེ། འཇིག་རྟེན་གྱི་ཁམས་རྒྱ་མཚོ་ཐམས་ཅད་རབ་ཏུ་བསྟན་ནས། སངས་རྒྱས་ཀྱི་ཞིང་མང་པོ་ཐམས་ཅད་རབ་ཏུ་བསྐྱོད་པའི་རྒྱན་གྱིས་ཚུལ་
ཐམས་ཅད་ཀྱི་རབ་ཏུ་བསྐྱོད་ནས། སངས་རྒྱས་ཀྱི་སྤྲིན་འཇིག་རྟེན་གྱི་ཁམས་ཐམས་ཅད་ཀྱི་རྡུལ་ཤིན་ཏུ་ཕྲ་བ་སྙེད། རྡུལ་ཤིན་ཏུ་ཕྲ་བ་ཐམས་ཅད་དང་མཉམ་པ་དག་ཏུ་རབ་ཏུ་སྤྲོས་ནས། སེམས་
ཅན་ཐམས་ཅད་ཀྱི་བསམ་པ་དང་མོས་པ་ཅི་ལྟ་བ་རྒྱ་མཚོ་དག་ཏུ་དེ་བཞིན་གཤེགས་པ་ཐམས་ཅད་ཀྱི་ཆོས་ཀྱི་འཁོར་ལོའི་སྤྲིན་གྱི་ཆར་དུས་གསུམ་གྱི་རྡུལ་ཤིན་ཏུ་ཕྲ་བ་དང་མཉམ་པ་ཕབ་སྟེ། དུས་
གསུམ་གྱི་སངས་རྒྱས་ཐམས་ཅད་ཀྱི་ཕ་རོལ་ཏུ་ཕྱིན་པ་རྒྱ་མཚོ་རབ་ཏུ་བསྟན་ནས། སེམས་ཅན་ཐམས་ཅད་མ་ལུས་པར་འཁོར་བ་ཐམས་ཅད་ལས་རབ་ཏུ་གདོན་པར་བྱ་བའི་ཕྱིར། མོས་པ་ཇི་བཞིན་དུ་

72-1-85b

བྱུང་བ་དང་མཐུན་པའི་སྤྲིན་གྱི་ཆར་རབ་ཏུ་དབབ་པ་དང་། དེ་བཞིན་གཤེགས་པ་ཐམས་ཅད་ཀྱི་སྨོན་ལམ་མ་ལུས་པའི་སྤྲིན་གྱི་ཆར་རབ་ཏུ་དབབ་པ་དང་། འཇིག་རྟེན་གྱི་ཁམས་ཐམས་ཅད་དུ་བྱང་ཆུབ་སེམས་
དཔའ་ཀུན་ཏུ་བཟང་པོའི་འཁོར་དག་ཏུ་དགའ་བར་ཕྲད་པར་བྱས་ནས། བཅོམ་ལྡན་འདས་ལ་གཡས་ཕྱོགས་སུ་བསྐོར་བ་བྱས་ཏེ། བཅོམ་ལྡན་འདས་ཀྱི་སྤྱན་སྔར་པདྨོ་ཆེན་པོ་ཆུ་བོ་རིན་པོ་ཆེ་ཐམས་ཅད་
ལས་བསྒྲུབས་པ། ནང་རིམ་ནོར་བུའི་རྒྱལ་པོའི་མཛོད་སྣ་ཚོགས་ལས་བྱས་པ་ལོ་མ་རིན་པོ་ཆེ་ཐམས་ཅད་ཀྱི་རིགས་ཀྱི་ཆར་འབེབ་པ། ཟེ་བའི་ཕྲེང་བའི་རྒྱན་སྤོས་རིན་པོ་ཆེ་ཐམས་ཅད་ལས་བྱས་པ། སྙིང་
པོའི་འཛམ་བུ་ཆུ་ཀླུང་གསེར་གྱི་ཚོན་གྱིས་རབ་ཏུ་མཛེས་པར་བྲིས་པ། འོད་ཀྱི་འཁོར་རྣམ་པར་དག་ཅིང་འོད་ཟེར་གྱི་དྲ་བས་རྣམ་པར་སྣང་བར་བྱས་པའི་སྤྲིན་དང་ལྡན་པ། རྒྱན་ཐམས་ཅད་རབ་ཏུ་འབྱུང་བ་སེམས་
ཀྱི་སྐད་ཅིག་ལ་སངས་རྒྱས་ཀྱི་རྣམ་པར་འཕྲུལ་པ་མཐའ་ཡས་སྟོན་པའི་སྒྲ་རབ་ཏུ་འབྱུང་བ། ནོར་བུའི་རྒྱལ་པོ་མཐའ་ཡས་པ་དང་། སངས་རྒྱས་ཀྱི་སྐུའི་གཟུགས་བརྙན་གྱི་སྤྲིན་གྱིས་ཐམས་ཅད་དུ་གང་བར་བྱེད་
པ། བྱང་ཆུབ་སེམས་དཔའི་སྤྱོད་པ་དང་། སྨོན་ལམ་ཐམས་ཅད་རབ་ཏུ་སྟོན་པའི་དབྱངས་འབྱིན་པར་གྱུར་ཏེ་བྱུང་ངོ་། །པད་མོ་མཐའ་ཡས་ཆེན་པོ་བྱུང་བའི་རྗེས་སུ་བྱང་ཆུབ་སེམས་དཔའ་ཆོས་ཐམས་ཅད་ལ་
ཕམ་པ་མེད་པའི་དབྱངས་ཞེས་བྱ་བ། བྱང་ཆུབ་སེམས་དཔའ་འཇིག་རྟེན་གྱི་ཁམས་རྒྱ་མཚོའི་རྡུལ་ཤིན་ཏུ་ཕྲ་བ་སྙེད་དང་ལྷན་ཅིག་ཏུ་བཅོམ་ལྡན་འདས་ཀྱི་མཛོད་སྤུ་དེ་ཉིད་ནས་བྱུང་སྟེ། བཅོམ་ལྡན་འདས་
ལ་ལན་དུ་མར་གཡས་ཕྱོགས་སུ་བསྐོར་བ་བྱས་ནས། བཅོམ་ལྡན་འདས་ལ་ཕྱག་འཚལ་ཏེ། པདྨོ་ཆེན་པོ་དེའི་སྙིང་པོ་ལ་འཇུག་གོ། །བྱང་ཆུབ་སེམས་དཔའ་འཇིག་རྟེན་གྱི་ཁམས་རྒྱ་མཚོའི་རྡུལ་

72-1-86a

ཤིན་ཏུ་ཕྲ་བ་སྙེད་པོ་དེ་དག་ལ་འཁོད་དོ། །དེ་ནས་བྱང་ཆུབ་སེམས་དཔའ་ཆོས་ཐམས་ཅད་ལ་ཕམ་པ་མེད་པའི་དབྱིངས་ཆོས་ཀྱི་དབྱིངས་རྒྱ་ཆེ་ཞིང་ཚད་མེད་པས་རབ་ཏུ་དགའ་བའི་ཤུགས་ཤིན་ཏུ་
སྐྱེས་པ། དེ་བཞིན་གཤེགས་པ་ཐམས་ཅད་ཀྱི་སྤྱོད་ཡུལ་གྱི་རྗེས་སུ་སོང་བའི་ཡེ་ཤེས་ཅན། སངས་རྒྱས་ཀྱི་ཆོས་ཀྱི་སྐུ་རྒྱ་མཚོ་བསམ་གྱིས་མྱི་ཁྱབ་པ་ལ་རབ་ཏུ་ཞུགས་པའི་མཐུ་དང་ལྡན་པ་ཞིང་འབྱམ་
ཀླས་པ་ཐམས་ཅད་ཀྱི་དེ་བཞིན་གཤེགས་པ་རྣམས་ཀྱི་ཞབས་ཀྱི་དྲུང་དུ་ཕྱིན་པ་དང་། བ་སྤུ་ཐམས་ཅད་ལས་སྤྲུལ་པའི་སྤྲིན་ཟད་མི་ཤེས་པས་ཀུན་ཏུ་ཁེབས་པར་བྱེད་པ། སེམས་ཀྱི་སྐད་ཅིག་ཐམས་ཅད་
ལ་དམིགས་པ། ཐམས་ཅད་ཆོས་ཀྱི་དབྱིངས་ཐམས་ཅད་ལ་དུས་གསུམ་ཁྱབ་པར་བྱེད་པའི་སྤྱོད་ཡུལ་གྱིས་རྣམ་པར་སྤྱོད་པ། ཕྱོགས་ཐམས་ཅད་ཀྱི་དེ་བཞིན་གཤེགས་པའི་བྱིན་གྱིས་བརླབས་འཆང་བ། 
ཏིང་ངེ་འཛིན་ཐམས་ཅད་ལ་རབ་ཏུ་འཇོག་ཅིང་ཕྱི་མའི་མཐའི་བསྐལ་པའི་མུར་ཐུགས་པར་ཏིང་ངེ་འཛིན་དང་། རྣམ་པར་ཐར་པ་ལ་རྣམ་པར་སྤྱོད་པ། སངས་རྒྱས་ཀྱི་ཡོན་ཏན་རྒྱ་མཚོ་མཐའ་ཡས་པ་
ཐམས་ཅད་དང་ཆོས་ཀྱི་དབྱིངས་ཀྱི་ལུས་དང་ལྡན་པས་དེ་བཞིན་གཤེགས་པའི་རྫུ་འཕྲུལ་དང་། རྣམ་པར་འཕྲུལ་པ་མཐའ་དང་དབུས་མེད་པ་ལ་རྣམ་པར་བལྟས་ཏེ། དེའི་ཚེ་ཚིགས་སུ་བཅད་པ་འདི་དག་
སྨྲས་སོ། །སངས་རྒྱས་ཀུན་ནི་ཆོས་ཀྱི་དབྱིངས་ཀྱིས་གསལ། །འགྲོ་བ་ཀུན་ལ་རྒྱལ་བ་མངོན་སུམ་སྟེ། །ཇི་ལྟར་མོས་པའི་སེམས་ཅན་རྒྱས་བཀང་ནས། །སྙིང་པོ་བྱང་ཆུབ་དེ་ལ་རྒྱལ་བ་བཞུགས། །
ཞིང་རྣམས་ཀུན་གྱི་རྡུལ་ཕྲན་མཆོག་སྙེད་ཀྱི། །རྒྱལ་བ་སྤུ་རྩེ་ཀུན་ལ་རབ་བཞུགས་ཏེ། །བྱང་ཆུབ་སེམས་དཔའི་འཁོར་གྱིས་ཀུན་ནས་བསྐོར། །ཀུན་ཀྱང་བཟང་པོའི་སྤྱོད་པ་མཆོག་སྟོན་ཏོ། །

72-1-86b

སྤུ་གཅིག་རྩེ་ལ་ཞིང་མང་རྒྱ་མཚོ་སྟེ། །བྱང་ཆུབ་སྙིང་པོ་པད་མོའི་གདན་ལ་བཞུགས། །ཆོས་དབྱིངས་རྒྱ་ཆེན་ཐམས་ཅད་ཀུན་བཀང་སྟེ། །སྤུ་རྣམས་ཀུན་ལ་རྣམ་པར་འཕྲུལ་བ་སྟོན། །ཞིང་རྣམས་
རེ་རེ་དག་ན་རབ་བཞུགས་ཤིང་། །ཞིང་རྣམས་འབྱམ་ཀླས་ཀུན་ཏུ་རྒྱས་མཛད་པས། །ཕྱོགས་བཅུའི་བྱང་ཆུབ་སེམས་དཔའི་སྤྲིན་གྱི་རྣམས། །ཀུན་ཀྱང་སྙིང་པོ་བྱང་ཆུབ་དྲུང་དུ་འདོང་། །ཞིང་རྣམས་
ཀུན་གྱི་རྡུལ་ཕྲན་མཆོག་སྙེད་ཀྱི། །བྱང་ཆུབ་སེམས་དཔའི་ཡོན་ཏན་རྒྱ་མཚོའི་འོད། །སངས་རྒྱས་ཀྱི་ནི་འཁོར་དུ་ཉེ་བར་འདོང་། །ཆོས་དབྱིངས་འབྱམ་ཀླས་རྟག་ཏུ་རྒྱས་པར་འགེངས། །ཞིང་
རྣམས་ཐམས་ཅད་གཟུགས་བརྙན་རབ་ཏུ་སྟོན། །ཆོས་དབྱིངས་རྡུལ་རྣམས་ཡེ་ཤེས་སྤྱོད་ཡུལ་ཅན། །ཀུན་ཀྱང་བཟང་པོའི་སྤྱོད་ལ་རབ་ཏུ་གནས། །སངས་རྒྱས་ཀུན་གྱི་འཁོར་དུ་ཡང་དག་བྱུང་། །བྱང་
ཆུབ་སེམས་དཔའ་ཡེ་ཤེས་མཆོག་ཡུལ་ཅན། །སངས་རྒྱས་ཆོས་སྤྲིན་ཉན་ཅིང་རབ་ཏུ་མཁས། །སངས་རྒྱས་ཀུན་གྱི་འཁོར་རྣམས་ཀུན་ན་གནས། །ཞིང་རྣམས་ཀུན་ཏུ་བསྐལ་པ་རྒྱ་མཚོར་སྤྱོད། །
རྒྱ་མཚོའི་ཆོས་ལ་རྣམ་པར་སྣང་བར་སྤྱོད། །དེ་དག་རྒྱལ་བའི་ས་རྣམས་རྒྱ་མཚོར་བཞུགས། །སངས་རྒྱས་ཆོས་རྣམས་གཞན་དང་གཞན་བྱུང་བ། །དེ་དག་སྨོན་ལམ་རྒྱ་མཚོར་རབ་ཏུ་འཇུག །
སངས་རྒྱས་ཡོན་ཏན་ལེགས་པ་རྒྱ་མཚོ་དང་། །ཀུན་ཏུ་བཟང་པོའི་སྤྱོད་པ་དེ་དག་ཤེས། །སངས་རྒྱས་ཆོས་ཀྱི་དབྱིངས་རྣམས་ཀུན་བཀང་ཞིང་། །དེ་དག་རྣམ་འཕྲུལ་རྒྱ་ཆེན་ཀུན་ལ་ཞུགས། །ཞིང་
རྣམས་ཀུན་གྱི་རྡུལ་ཕྲན་མང་སྙེད་ཀྱི། །ལུས་ཀྱི་སྤྲིན་ནི་རྟག་པར་རབ་ཏུ་སྟོན། །སེམས་ཅན་ཀུན་བཀང་འོད་ཀྱིས་ཀུན་ལ་སྐྱོབ། །བསམ་པ་ཡིད་བཞིན་ཆོས་ཀྱི་ཆར་ཡང་འབེབས། །དེ་ནས་བྱང་ཆུབ་སེམས་

72-1-87a

དཔའ་ཆོས་ཀྱི་དཔལ་པད་མོ་རྣམ་པར་ལྟ་བའི་རྒྱལ་མཚན་གྱིས། སངས་རྒྱས་ཀྱི་བྱིན་གྱི་བརླབས་ཀྱིས་ཕྱོགས་བཅུར་རྣམ་པར་བལྟས་ཏེ། དེའི་ཚེ་ཚིགས་སུ་བཅད་པ་འདི་དག་སྨྲས་སོ། །
སངས་རྒྱས་ཡེ་ཤེས་ཤིན་ཏུ་ཟབ། །དུས་རྣམས་ཀུན་ཏུ་དེ་འབྱུང་སྟེ། །ཆོས་དབྱིངས་ཐུགས་སུ་ཆུད་པས་ན། །འཇིག་རྟེན་མགོན་ཞེས་རབ་ཏུ་བརྗོད། །ཡང་དག་སངས་རྒྱས་ཆོས་ཀྱི་སྐུ། །འདྲེས་པ་མེད་
ཅིང་གནས་པ་མེད། །སེམས་ཅན་ཐམས་ཅད་ཡིད་བཞིན་དུ། །གཟུགས་ཀྱི་སྐུར་ཡང་རབ་ཏུ་མཐོང་། །ཆོས་རྣམས་ཐམས་ཅད་མངོན་སངས་རྒྱས། །ཆོས་རྣམས་ཀུན་ལ་རབ་ཏུ་ཞུགས། །ཐམས་ཅད་
མཁྱེན་པ་ཐམས་ཅད་གཟིགས། །ཞིང་རྣམས་ཀུན་ན་རྣམ་པར་མཛེས། །ཁ་དོག་བསམ་གྱིས་མི་ཁྱབ་པར། །སེམས་ཅན་ཐམས་ཅད་ཡིད་བཞིན་དུ། །སེམས་ཅན་མཆོག་གི་འོད་རྣམས་དང་། །
དེ་བཞིན་སྐུ་ཡི་སྤྲིན་ཀྱང་མཐོང་། །དེ་བཞིན་གཤེགས་པའི་སྐུ་དག་ལས། །མི་ཟད་སངས་རྒྱས་སྤྲུལ་པ་རྣམས། །ཞིང་རྣམས་ཀུན་ཏུ་རབ་སྒྲོག་ཅིང་། །ཆོས་ཀྱི་རྒྱ་མཚོ་ཤིན་ཏུ་སྟོན། །སྤུ་རྣམས་རེ་རེ་ཀུན་
ནས་ཀྱང་། །ཕྱོགས་བཅུར་འོད་ཟེར་དྲ་བ་དག །སངས་རྒྱས་གསུང་ནི་རབ་འབྱིན་ཅིང་། །གདུལ་དཀའ་ཐམས་ཅད་རྣམ་པར་འདུལ། །སངས་རྒྱས་འོད་ཟེར་སྒྲ་རྣམས་ནས། །སྒྲ་དབྱངས་ཟབ་མོ་རྟག་ཏུ་འབྱུང་། །
སངས་རྒྱས་ཡོན་ཏན་རྒྱ་མཚོ་ནི། །བྱང་ཆུབ་སེམས་དཔའི་སྤྱོད་ཡུལ་ལོ། །སངས་རྒྱས་ཆོས་ཀྱི་འཁོར་ལོ་དག །མཐའ་དང་དབུས་མེད་རབ་ཏུ་བསྐོར། །ཡེ་ཤེས་ཟབ་མོ་ཤེས་བྱ་བ། །རྒྱ་ཆེ་ཕྱོགས་སུ་རབ་ཏུ་
སྟོན། །འཇིག་རྟེན་ཁམས་རྣམས་ཐམས་ཅད་དུ། །རྣམ་པར་འཕྲུལ་པ་གཞན་དང་གཞན། །ཆོས་ཀྱི་དབྱིངས་རྣམས་ཀུན་བཀང་ཞིང་། །ཡང་དག་སངས་རྒྱས་སྟོན་པ་མཛད། །སྐུ་རྣམས་རེ་རེ་ཀུན་ནས་

72-1-87b

ཀྱང་། །ཞིང་རྣམས་ཀུན་གྱི་རྡུལ་མཉམ་པར། །སངས་རྒྱས་སེམས་ཅན་མཉམ་ཕྱུང་ཞིང་། །རྣམ་པར་འཕྲུལ་པ་རབ་ཏུ་སྟོན། །དེ་ནས་བྱང་ཆུབ་སེམས་དཔའ་ཆོས་ཀྱི་རྒྱ་མཚོ་རྣམ་པར་
སྣང་བའི་བློ་གྲོས་ཀྱིས། སངས་རྒྱས་ཀྱི་མཐུས་ཕྱོགས་བཅུར་རྣམ་པར་བལྟས་ཏེ། དེའི་ཚེ་ཚིགས་སུ་བཅད་པ་འདི་དག་སྨྲས་སོ། །ཆོས་ཀྱི་དབྱིངས་རྣམས་ཀུན་ཁྱབ་པར། །སངས་རྒྱས་སྐུ་
ནི་རྣམ་པར་མཛེས། །རྒྱ་ཆེན་གསུང་ནི་རང་བྱུང་བ། །ཞིང་རྣམས་རྒྱ་མཚོར་ཤིན་ཏུ་སྒྲོག །འཇིག་རྟེན་ཐམས་ཅད་ཀུན་འཇུག་པར། །འཇིག་རྟེན་མགོན་པོ་ཤིན་ཏུ་མཛེས། །འགྲོ་བ་ཀུན་གྱི་
བསམ་མཁྱེན་ཅིང་། །བྱིན་གྱིས་བརླབས་ནི་རབ་ཏུ་སྟོན། །སངས་རྒྱས་འཇིག་རྟེན་ཀུན་ལ་མངོན། །སེམས་ཅན་ཐམས་ཅད་བསམ་པ་བཞིན། །ཐམས་ཅད་གཟིགས་པ་སངས་རྒྱས་ཀྱི། །རྣམ་པར་
འཕྲུལ་པ་ཐམས་ཅད་མཐོང་། །མཐའ་ཡས་འོད་མངའ་སངས་རྒྱས་སྤྲིན། །ཆོས་རྣམས་རྒྱ་མཚོའི་འབྲུག་ཀྱང་སྒྲོག །ཡེ་ཤེས་རྣམ་རྒྱུའི་ཚུལ་བཞིན་དུ། །རྒྱལ་བའི་སྲས་རྣམས་དེ་ལ་འཇུག །འཇུག་
པ་རྣམས་ལ་འབྱུང་བ་མེད། །འབྱུང་བ་ཡོད་པ་རྣམ་པར་བསྟན། །གང་ལ་སངས་རྒྱས་བཞུགས་པ་ཡི། །ཆོས་རྣམས་འབྱུང་བ་ནམ་མཁའ་བཞིན། །འཕོ་དང་གནས་པ་མི་མངའ་སྟེ། །འོན་ཀྱང་རྒྱལ་བ་
ཀུན་ན་སྣང་། །སངས་རྒྱས་ཆོས་ཀྱི་དབྱིངས་ལས་བྱུང་། །དེ་ཕྱིར་སངས་རྒྱས་རབ་ཏུ་བརྗོད། །ཡུལ་ན་བཞུགས་མེད་རང་བཞིན་མེད། །དེ་ལ་འབྱུང་བ་མི་མངའ་སྟེ། །སྐུ་དང་མཚན་ཀྱང་དེ་བཞིན་མེད། །རྒྱལ་
བའི་གཟུགས་བརྙན་འདྲ་བའོ། །འགྲོ་བ་ཀུན་ཏུ་ཆོས་ཀྱི་སྤྲིན། །བསམ་པ་ཀུན་ལ་རབ་ཏུ་བྱུང་། །ཡང་དག་སངས་རྒྱས་རྣམས་ཀུན་ཏུ། །སེམས་ཅན་རྒྱ་མཚོ་འདུལ་བ་མཛད། །འཇིག་རྟེན་

72-1-88a

ཁམས་རྣམས་ཐམས་ཅད་ཀྱི། །སྙིང་པོ་བྱང་ཆུབ་ཀུན་ན་སྣང་། །འཁོད་པའི་རྒྱ་མཚོ་ཐམས་ཅད་ན། །ཞིང་རྣམས་ཀུན་གྱིས་རྣམ་པར་མཛེས། །སངས་རྒྱས་ཀུན་གྱི་སྐུ་དག་ལ། །ཡོན་ཏན་རྒྱ་
མཚོ་ཟད་མི་ཤེས། །སངས་རྒྱས་ཡོན་ཏན་མཐའ་ཡས་ཏེ། །དེ་དག་ཡོན་ཏན་ཟད་པ་མེད། །དེ་ནས་བྱང་ཆུབ་སེམས་དཔའ་སྤོས་འོད་འཕྲོ་བའི་རྒྱན་ཟླ་བའི་འོད་ཀྱིས་སངས་རྒྱས་ཀྱི་བྱིན་གྱིས་རླབས་ཀྱི་ཕྱོགས་
བཅུར་རྣམ་པར་བལྟས་ཏེ། དེའི་ཚེ་ཚིགས་སུ་བཅད་པ་འདི་དག་སྨྲས་སོ། །བསམ་གྱིས་མྱི་ཁྱབ་སངས་རྒྱས་སར། །བྱང་ཆུབ་སེམས་དཔའ་གང་བཞུགས་པ། །དེ་དང་དེ་དག་སངས་རྒྱས་ཀྱི། །སངས་
རྒྱས་རྣམ་འཕྲུལ་ཐམས་ཅད་མཐོང་། །ཡེ་ཤེས་ལུས་ཀྱི་ཞུགས་པ་རྣམས། །ཞིང་ཀུན་རྡུལ་གྱི་སྦུབསུ་ཡང་། །དེ་བཞིན་གཤེགས་པ་ཐམས་ཅད་དང་། །བདག་ཉིད་ལུས་ཀྱང་དེར་མཐོང་ངོ་། །གཟུགས་
བརྙན་ཞིང་རྣམས་ཐམས་ཅད་དང་། །སངས་རྒྱས་ཀུན་གྱི་སྤྱན་སྔར་འབྱུང་། །ཀུན་ཏུ་བྱིན་གྱིས་རླབས་རྣམས་དང་། །རྣམ་པར་འཕྲུལ་པ་རབ་ཏུ་སྟོན། །ཀུན་ཏུ་བཟང་པོའི་སྨོན་ལམ་དང་། །སྤྱོད་པ་གང་གིས་རྣམ་
སྦྱངས་པ། །དེ་དག་ཞིང་རྣམས་ཐམས་ཅད་དུ། །སངས་རྒྱས་ཀུན་གྱི་རྣམ་འཕྲུལ་མཐོང་། །ཀུན་ཏུ་ལུང་མཉམ་ཉིད་གྱུར་ཅིང་། །ཀུན་ཏུ་ལུས་ཀྱིས་རབ་གནས་ཏེ། །ཡེ་ཤེས་ཀུན་གྱི་རྗེས་སོང་ན། །སངས་རྒྱས་
སྤྱོད་ཡུལ་བཞུགས་པའོ། །སངས་རྒྱས་ཡེ་ཤེས་ཞུགས་པ་རྣམས། །ཆོས་ཀྱི་དབྱིངས་ལ་རྣམ་པར་མཛེས། །སངས་རྒྱས་ཀུན་གྱི་སྤུ་དག་ཏུ། །རྒྱ་མཚོའི་ཞིང་ལ་རབ་ཏུ་འཇུག །སངས་རྒྱས་ཀུན་གྱི་ཞིང་
དག་ཏུ། །བྱིན་གྱིས་བརླབས་རྣམས་རབ་བསྟན་པས། །གཞན་དང་གཞན་གྱི་ལུས་ངག་དང་། །མིང་གིས་ཀུན་ན་རབ་ཏུ་གནས། །བྱང་ཆུབ་སྙིང་པོར་རྣམ་འཕྲུལ་དང་། །བྱང་ཆུབ་མངོན་པར་འཚང་རྒྱ་ཞིང་། །

72-1-88b

ཆོས་ཀྱི་འཁོར་ལོ་བསྐོར་བ་དག །སྐད་ཅིག་སེམས་ཀྱིས་སྟོན་པ་བྱེད། །ཞིང་རྣམས་འབྱམ་ཀླས་ཐམས་ཅད་དང་། །བསྐལ་པ་བྱེ་བ་བསམ་ཡས་དག །བྱང་ཆུབ་སེམས་དཔའ་མཉམ་
བཞག་རྣམས། །སྐད་ཅིག་སེམས་ཀྱི་རྣམ་པར་སྟོན། །སངས་རྒྱས་ཞིང་རྣམས་ཐམས་ཅད་ན། །བྱང་ཆུབ་སེམས་དཔའི་སྤྲུལ་པ་རྣམས། །སངས་རྒྱས་སྐུ་ལ་རྣམ་སྤྱོད་ཀྱང་། །མཐའ་མ་རྙེད་པར་མྱི་རུང་ངོ་། 
དེ་ནས་བྱང་ཆུབ་སེམས་དཔའ་སེང་གེ་འོད་ཟེར་སྣང་བའི་མཐུས་འབྱིན་པའི་བློ་གྲོས་ཀྱིས། སངས་རྒྱས་ཀྱི་བྱིན་གྱིས་རླབས་ཀྱིས་ཕྱོགས་བཅུར་རྣམ་པར་བལྟས་ཏེ། དེའི་ཚེ་ཚིགས་སུ་བཅད་པ་འདི་དག་
སྨྲས་སོ། །སངས་རྒྱས་རྣམ་པར་སྣང་མཛད་ཀྱི། །ཆོས་ཀྱི་འཁོར་ལོ་རབ་ཏུ་བསྐོར། །ཆོས་དབྱིངས་ཚུལ་རྣམས་ཐམས་ཅད་ཀྱང་། །སངས་རྒྱས་སྤྲིན་གྱིས་མངོན་དུ་ཡོག །འཇིག་རྟེན་ཁམས་རྣམས་
རྒྱ་མཚོ་དག །ཕྱོགས་བཅུ་ཀུན་ན་གང་ཡོད་པ། །ཐམས་ཅད་ཀུན་ཏུ་འཁོར་ལོ་འཁོར། །དེ་ནི་སྨོན་ལམ་རྣམ་པར་འཕྲུལ་པའོ། །འཁོར་རྣམས་རྒྱ་མཚོ་རྒྱ་ཆེ་བ། །གཞན་དང་གཞན་གྱི་མིང་དག་གིས། །
ཞིང་རྣམས་གནས་པ་ཀུན་ཏུ་ཡང་། །ཆོས་ཀྱི་འཁོར་ལོ་ཀུན་ཏུ་འཁོར། །རྣམ་པར་སྣང་མཛད་བྱིན་གྱིས་རླབས། །ཞིང་རྣམས་རྒྱ་མཚོ་ཀུན་ཏུ་ཡང་། །ཀུན་ཏུ་བཟང་པོའི་སྨོན་ལམ་དག །བརྗོད་ཅིང་ཞིང་
རྣམས་ཀུན་ཏུ་འབྱུང་། །ཞིང་ཀུན་རྡུལ་ལ་སྐུ་ཡི་རྣམས། །ཐམས་ཅད་ཆོས་རབ་རབ་ཏུ་འབེབས། །འདྲེས་པ་མེད་ཅིང་འབྱུང་བ་མེད། །འཇིག་རྟེན་དག་ན་རྣམ་པར་མཛེས། །བསྐལ་པ་བྱེ་བ་གྲངས་མེད་
པར། །ཞིང་ཀུན་རྡུལ་ཕྲན་སྦུབས་དག་དུ། །རྣམ་པར་སྣང་བ་མཛད་པའི་གསུང་། །སྔོན་གྱི་སྤྱོད་པ་རབ་ཏུ་སྒྲོག །ཞིང་རྣམས་ཐམས་ཅད་རྡུལ་སྙེད་ཀྱི། །འོད་ཟེར་དྲ་བ་ཕྱོགས་བཅུ་ན། །སངས་རྒྱས་འོད་ཟེར་

72-1-89a

ཀུན་སྒོ་ནས། །བྱང་ཆུབ་མཆོག་ཕྱིར་སེམས་ཅན་འདུལ། །ཀུན་ཏུ་མ་འདྲེས་སྐུ་དག་གིས། །ཆོས་དབྱིངས་ཡོངས་སུ་རབ་གསལ་ཏེ། །འགྲོ་རྣམས་འདུལ་བ་ཇི་བཞིན་དུ། །གཟུགས་ཀྱི་སྐུ་ཡང་
རབ་ཏུ་མཐོང་། །དུས་གསུམ་ཞིང་རྣམས་ཐམས་ཅད་ཀྱི། །མགོན་པོ་ཇི་སྙེད་བཞུགས་པ་རྣམས། །དེ་དག་ཀུན་གྱི་མཚན་ཀྱང་སྒྲོག །སངས་རྒྱས་རྣམ་པར་འཕྲུལ་ལ་ལྟོས། །ད་ལྟར་བྱུང་དང་འདས་པ་དང་། 
སངས་རྒྱས་གང་རྣམས་མ་བྱོན་པ། །དེ་དག་ཀུན་གྱི་བསམ་ཡས་པ། །ཆོས་ཀྱི་འཁོར་ལོ་རབ་ཏུ་གྲག །དེ་ནས་བྱང་ཆུབ་སེམས་དཔའ་ཆོས་ཀྱི་ཡོན་ཏན་གྱི་མཛོད་མི་ཟད་པའི་དཔལ་གྱི་གཟི་བརྗིད་མར་མས་
སངས་རྒྱས་ཀྱི་བྱིན་གྱིས་རླབས་ཀྱིས་ཕྱོགས་བཅུར་རྣམ་པར་བལྟས་ཏེ། དེའི་ཚེ་ཚིགས་སུ་བཅད་པ་འདི་དག་སྨྲས་སོ། །གང་གིས་བྱང་ཆུབ་སེམས་དཔའ་ཡི། །ཡེ་ཤེས་ཚོགས་འདི་ཀུན་ནོན་ཅིང་། །
ཡེ་ཤེས་རྟོགས་པ་རྙེད་པ་རྣམས། །དེ་དག་འདི་ཡི་ཚུལ་ལ་ཞུགས། །ཆོས་ཀྱི་དབྱིངས་དང་མཉམ་པའི་དབྱངས། །ཞིང་རྣམས་ཀུན་ཏུ་རབ་ཏུ་འབྱུང་། །སངས་རྒྱས་ཀུན་གྱི་སྤྱོད་ཡུལ་ཏེ། །བྱང་ཆུབ་སེམས་
དཔའི་ཆེད་དུ་བརྗོད། །སྐད་ཅིག་རེ་རེའི་སེམས་ཀུན་ལ། །ཆོས་ཀྱི་དབྱིངས་སུ་རྣམ་པར་རྒྱུ། །དེ་བཞིན་ཉིད་ལ་གནས་ཤིང་རྟེན། །ཆོས་རྣམས་རྒྱ་མཚོ་ཀུན་ལ་ཞུགས། །རྒྱན་གྱི་ཕ་རོལ་ཕྱིན་པ་རྣམས། །
བསྐལ་པ་བྱེ་བ་བསམ་ཡས་སུ། །སངས་རྒྱས་ཐམས་ཅད་སྐུ་དག་དང་། །ཞིང་རྣམས་ཀུན་ན་གནས་ཤིང་སྤྱོད། །རྡུལ་རྣམས་རེ་རེའི་སྟེང་ནས་ཀྱང་། །ཆོས་རྣམས་ཀུན་ནི་རབ་ཏུ་འབྱུང་། །ཞིང་རྣམས་ཀུན་
ཀྱང་ཁྱབ་པར་བྱེད། །ཡེ་ཤེས་ཆགས་མེད་སྤྱོད་ཡུལ་ལོ། །སངས་རྒྱས་ཐམས་ཅད་སྤྱོད་ཡུལ་དུ། །ལས་ལ་མེད་པར་ཀུན་བཀང་ཞིང་། །རྣམ་པར་འཕྲུལ་པའི་རྣམ་སྤྱོད་པས། །སངས་རྒྱས་སྤྱོད་ཡུལ་

72-1-89b

རྣམས་ལ་ཞུགས། །སངས་རྒྱས་ཀུན་གྱི་རྗེས་སྙེགས་དབྱངས། །ཆོས་ཀྱི་དབྱིངས་ནི་རབ་སྒྲོག་པ། །ཆོས་དབྱིངས་རྗེས་སུ་ཤེས་པ་རྣམས། །དབྱངས་ཀྱི་རྒྱ་མཚོ་རྣམས་ལ་སྤྱོད། །བསྐལ་པ་རྒྱ་མཚོར་
མ་འདྲེས་པར། །སྒྲ་དང་དབྱངས་རྣམས་ཤིན་ཏུ་སྒྲོག །དུས་རྣམས་ཐམས་ཅད་ཤེས་པས་གསལ། །དབྱངས་ཀྱི་དེ་དག་ས་ལ་ཞུགས། །སྒྲ་ཡི་ཤེས་ལ་རྨོངས་པ་མྱེད། །སེམས་ཅན་སྒྲ་ཡང་སྤྱོད་ཡུལ་ཏེ། 
ཐམས་ཅད་མཁྱེན་པ་ཀུན་གྱི་ཡང་། །རྣམ་པར་འཕྲུལ་པའི་དབྱངས་ཤེས་སོ། །ས་ནས་སར་ཡང་ཕྱིན་གྱུར་ཅིང་། །སྟོབས་ཀྱི་ས་ལ་རབ་གནས་ཏེ། །བསྐལ་པ་བྱེ་བར་སྦྱངས་པས་ན། །ཆོས་ཉིད་འདི་
ལ་རབ་ཏུ་འཇུག །དེ་ནས་བྱང་ཆུབ་སེམས་དཔའ་ཡེ་ཤེས་ཀྱི་འོད་ཟེར་ཤེས་རབ་ཀུན་ནས་སྒྲོན་མའི་བློ་གྲོས་ཀྱིས། སངས་རྒྱས་ཀྱི་བྱིན་གྱིས་རླབས་ཀྱིས་ཕྱོགས་བཅུར་རྣམ་པར་བལྟས་ཏེ། དེའི་ཚེ་ཚིགས་སུ་
བཅད་པ་འདི་དག་སྨྲས་སོ། །གང་ལ་སངས་རྒྱས་བཞུགས་པ་ཡི། །ཆོས་རྣམས་དེ་དག་མཚན་ཉིད་མྱེད། །ཡེ་ཤེས་ས་ནི་ཐོབ་པ་རྣམས། །འཇིག་རྟེན་གཙོ་བོ་རབ་ཏུ་མཐོང་། །ཤེས་རབ་སྣང་བའི་ཀུན་འོད་
ཅན། །བྱང་ཆུབ་སེམས་དཔའ་མཉམ་བཞག་རྣམས། །སངས་རྒྱས་ཐམས་ཅད་ཀུན་གྱི་ཡང་། །སྐུ་ཡི་རྣམ་པར་འཕྲུལ་ལ་ཞུགས། །ཆོས་ཀྱི་དབྱིངས་ལ་རྣམ་སྤྱད་ཅིང་། །ལུས་ཀྱི་དངོས་ལ་རབ་འཇུག་སྟེ། །
ཟབ་མོའི་ཆོས་རྣམས་རྟོགས་གྱུར་ནས། །སྨོན་ལམ་དག་གིས་ཡང་དག་བྱུང་། །བསོད་ནམས་རྒྱ་མཚོས་བྱུང་གྱུར་ཅིང་། །ཡེ་ཤེས་ས་ལ་རྣམ་པར་གནས། །ཆོས་ལ་རྣམ་སྤྱོད་ཁོང་དུ་ཆུད། །སྤྱོད་པའི་
མཆོག་ལ་རབ་ཏུ་སྤྱོད། །སངས་རྒྱས་ཞིང་རྣམས་ཐམས་ཅད་ཀྱི། །སངས་རྒྱས་ཀུན་གྱི་དྲུང་དག་ཏུ། །ཆོས་ཀྱི་དབྱིངས་ལ་སྤྱད་པས་ན། །རང་བཞིན་ལུས་ནི་རབ་ཏུ་མཐོང་། །ཞིང་རྣམས་འབྱམ་ཀླས་ཐམས་ཅད་དུ། །

72-1-90a

བསྐལ་པ་བྱེ་བ་བསམ་ཡས་སུ། །ཐམས་ཅད་གཟིགས་པའི་ཆོས་ཀྱི་རྣམས། །རྒྱ་མཚོ་ཀུན་ལ་རབ་ཏུ་སྤྱོད། །བདག་མཐོང་བས་ནི་ལུས་དང་རྡུལ། །གཅིག་ཏུ་འདྲེས་པ་མངོན་པར་བྱས། །མ་སྐྱེས་
མཚན་ཉིད་མེད་པ་སྟེ། །ཞིང་རྣམས་ཀུན་ཏུའང་རྣམ་པར་མཛེས། །འཇིག་རྟེན་ཀུན་གྱི་བསམ་མཐུན་པར། །སེམས་ཅན་ཀུན་ལ་མངོན་སུམ་དུ། །ལུས་ཀྱི་སྤྲིན་ནི་བསྟན་བྱས་ཤིང་། །བྱང་ཆུབ་དོན་དུ་
སེམས་ཅན་འདུལ། །སངས་རྒྱས་ཐམས་ཅད་མཐུ་ཡིས་ནི། །བྱང་ཆུབ་སེམས་དཔའ་བརྗོད་པ་སྟེ། །གང་གིས་མགོན་པོ་མཐོང་བ་ཡི། །རྒྱལ་བའི་བྱིན་བརླབས་ཤིན་ཏུ་ཟབ། །མགོན་པོ་ཇི་སྙེད་
གང་བཞུགས་པའི། །བྱིན་རླབས་མཐའ་དང་དབུས་མེད་དེ། །ཆོས་དབྱིངས་རབ་ཏུ་གང་བྱས་ནས། །བྱང་ཆུབ་སེམས་དཔའ་རྣམ་འཚང་རྒྱ། །དེ་ནས་བྱང་ཆུབ་སེམས་དཔའ་མེ་ཏོག་ཀུན་ནས་འོད་འཕྲོ་
གཙུག་ཕུད་རབ་ཏུ་འཕྱང་བས། སངས་རྒྱས་ཀྱི་བྱིན་གྱིས་རླབས་ཀྱིས་ཕྱོགས་བཅུར་རྣམ་པར་བལྟས་ཏེ། དེའི་ཚེ་ཚིགས་སུ་བཅད་པ་འདི་དག་སྨྲས་སོ། །ཞིང་རྣམས་ཀུན་ཏུ་སངས་རྒྱས་ཀྱི། །གསུང་གི་
དཀྱིལ་འཁོར་སྒྲ་འབྱིན་ཏེ། །ཆོས་ཀྱི་དབྱིངས་རྣམས་གང་བྱས་ནས། །ཡོན་ཏན་སྤྲིན་ནི་རབ་ཏུ་བརྗོད། །ཡང་དག་སངས་རྒྱས་ཆོས་ཀྱི་སྐུ། །རྣམ་པར་ནམ་མཁའ་འདྲ་བ་སྟེ། །གཟུགས་ཀྱི་སྐུ་ཡང་རབ་སྟོན་
ཅིང་། །ཆོས་ཉིད་འདི་ལ་ཤིན་ཏུ་འཇུག །དགའ་དང་མོས་པའི་ཤུགས་རྣམས་དང་། །སངས་རྒྱས་སྟོབས་རྣམས་ཐམས་ཅད་ལ། །རབ་ཏུ་གནས་ཤིང་དེ་དག་ནི། །དེ་བཞིན་གཤེགས་པའི་ཡེ་ཤེས་འཇུག །ཤེས་
རབ་ཆུང་ངུས་ཆོས་འདི་དག །ཀུན་ནས་ཤེས་པར་མི་ནུས་ཏེ། །ཡེ་ཤེས་མིག་ནི་རྣམ་སྦྱངས་ཤིང་། །འདི་ཡི་ཚུལ་ལ་འཇུག་པར་འགྱུར། །རབ་ཏུ་གནས་དང་བྱིན་རླབས་དང་། །ཆོས་ཀུན་རྣམ་པར་སྤྱད་པ་དང་། །

72-1-90b

རབ་ཏུ་འཇུག་དང་ལྡང་བ་ཡི། །མཉམ་པ་ཉིད་ལ་རབ་ཏུ་ཞུགས། །ཆོས་རྣམས་མཐའ་ཡས་ཀློང་གི་རྣམས། །ཆོས་ཀུན་མཚན་ཉིད་རྣམས་ལ་སྟེ། །ཀུན་མཁྱེན་ཉིད་ལ་རབ་ཞུགས་ཤིང་། །ཆོས་
ཀྱི་རྒྱ་མཚོ་ཀུན་ལ་སྤྱོད། །སངས་རྒྱས་ཞིང་ན་ཀུན་འཁོད་ཅིང་། །ཐམས་ཅད་ཀུན་ན་རྣམ་པར་མཛེས། །འོངས་པ་མེད་ཅིང་འཕོས་པ་མེད། །སངས་རྒྱས་ཆོས་ཉིད་དེ་འདྲ་འོ། །གཟུགས་བརྙན་
འདྲ་བའི་སྐུ་རྣམས་ནི། །སེམས་ཅན་རྒྱ་མཚོའི་ནང་ན་སྣང་། །མོས་པ་ཅི་འདྲ་ཡོད་པ་རྣམས། །དེ་བཞིན་མགོན་པོ་ཀུན་གྱིས་མཐོང་། །ཀུན་ཏུ་བཟང་པོའི་སྨོན་ལམ་དང་། །སྤྱོད་པ་མང་པོ་སུས་
སྦྱངས་པ། །དེ་དག་ཐམས་ཅད་བ་སྤུ་ལའང་། །རྣམ་འཕྲུལ་གཞན་དང་གཞན་དག་མཐོང་། །ལུས་ཀྱི་རྣམས་ནི་རེ་རེས་ཀྱང་། །ཆོས་ཀྱི་དབྱིངས་རྣམས་ཀུན་ཏུ་ཁྱབ། །འཁོར་ལོ་ཀུན་ན་འཁོར་
བ་སྟེ། །ཆོས་ཀྱི་འཁོར་ལོ་བསམ་མི་ཁྱབ། །དེ་ནས་བྱང་ཆུབ་སེམས་དཔའ་འོད་ཟེར་དང་གཟི་བརྗིད་མི་ཟད་པའི་རྒྱལ་པོའི་བློ་གྲོས་ཀྱིས། སངས་རྒྱས་ཀྱི་བྱིན་གྱིས་རླབས་ཀྱིས་ཕྱོགས་བཅུར་རྣམ་
པར་བལྟས་ཏེ། དེའི་ཚེ་ཚིགས་སུ་བཅད་པ་འདི་དག་སྨྲས་སོ། །སངས་རྒྱས་སྐུ་ནི་ཐམས་ཅད་ནས། །འོད་ཟེར་སྤྲིན་མང་ཕྱོགས་རྣམས་བཅུར། །ཁ་དོག་མཐའ་ཡས་འབར་བའི་འོད། །སེམས་
ཅན་རྣམ་པ་ཀུན་ལ་འཕྲོ། །སངས་རྒྱས་ཞིང་རྣམས་ཐམས་ཅད་ཀྱི། །སྙིང་པོ་བྱང་ཆུབ་ཀུན་ན་བཞུགས། །བདུད་རྣམས་ཐམས་ཅད་རབ་བཏུལ་ཏེ། །འཁོར་གྱི་ནང་ན་རྣམ་པར་མཛེས། །ཐམས་ཅད་
རྡུལ་ནའང་མ་འདྲེས་པར། །འོད་ཟེར་དཀྱིལ་འཁོར་རྒྱས་པར་འགེངས། །ཕྱོགས་རྣམས་གཞན་དང་གཞན་ལམ་དུ། །ཞིང་གི་རྒྱུད་རྣམས་རབ་ཏུ་སྟོན། །ཞིང་གི་རྣམས་ནི་རྒྱ་མཚོའི་ཀློང་། །ཕྱོགས་ཀྱི་

72-1-91a

རྣམས་ཀྱང་ཀུན་ཏུ་གནོན། །ཞིང་རྣམས་ཐང་ཆེན་མཉམ་ཞིང་དག །ཨིན་དྲ་ནི་ལར་ཀུན་ནས་གནས། །སྤྱིའུ་ཚུགས་དག་དང་སྣྲེལ་གཞི་དང་། །པདྨོའི་དབྱིབས་དང་ཁྱུད་ཁྱུད་དང་། །
དཀྱིལ་འཁོར་འཁོར་ལོའི་ཁྱད་པར་དུ། །གཟུགས་རྣམས་ཀུན་གྱིས་རབ་ཏུ་གནས། །ཆོས་ཀྱི་དབྱིངས་རྣམས་གར་ཕྱིན་པར། །ཐུབ་པ་མྱེད་པར་གྲམ་བདལ་བ། །དེ་དག་ཀུན་གྱི་འཁོར་རྣམས་སུ། །
ཤིན་ཏུ་བསྟན་པའི་ཆོས་འབྱུང་ངོ་། །དེ་བཞིན་གཤེགས་པའི་སྐུ་དབྱིངས་ན། །འཁོད་པའི་ཞིང་རྣམས་བསམ་མྱི་ཁྱབ། །དེ་དག་ཀུན་ཏུ་ཆོས་ཉིད་འདི། །འཇིག་རྟེན་མགོན་པོ་རྣམས་ཀྱང་སྟོན། །ཐ་དད་
མེད་པའི་ཆོས་ཀྱི་དབྱིངས། །ཆོས་ཀྱི་འཁོར་ལོ་རབ་ཏུ་འཁོར། །ཚིག་གི་ཚུལ་གྱི་རྣམ་པ་ཡིས། །ཆོས་བསྟན་པ་ནི་ཀུན་ཏུ་འབྱུང་། །སངས་རྒྱས་གསུང་གི་དཀྱིལ་འཁོར་ནི། །ཚུལ་རྣམས་བསམ་
ཅིང་རབ་ཏུ་བརྗོད། །དད་པ་རྒྱ་མཚོའི་ཚུལ་དག་གིས། །མི་ཟད་ཚུལ་རྣམས་རབ་ཏུ་བསྟན། །སངས་རྒྱས་ཞིང་རྣམས་ཀུན་ན་ཡང་། །རྒྱལ་བ་རྣམས་ནི་མྱིག་ཡོར་འདྲ། །སྙིང་པོ་བྱང་ཆུབ་རྣམས་ན་སྣང་། །
འབྱུང་བ་དག་ཀྱང་ཡོད་པ་མྱིན། །དེ་ནས་བྱང་ཆུབ་སེམས་དཔའ་ཆོས་ཀྱི་དབྱིངས་སུ་འོད་འཕྲོ་བའི་རྣམ་པར་སྣང་བའི་འབྱུང་བའི་བློ་གྲོས་ཀྱིས། སངས་རྒྱས་ཀྱི་བྱིན་གྱིས་བརླབས་ཀྱིས་ཕྱོགས་བཅུར་རྣམ་
པར་བལྟས་ཏེ། དེའི་ཚེ་ཚིགས་སུ་བཅད་པ་འདི་དག་སྨྲས་སོ། །བལྟ་ཞིང་བལྟ་ཞིང་སངས་རྒྱས་རྣམས། །སྐུ་གཟུགས་བསམ་གྱིས་མྱི་ཁྱབ་སྟེ། །དགའ་བ་རྒྱ་མཚོ་ཀུན་ཀྱང་འབྱུང་། །ཆོས་ཀྱི་ཤུགས་ནི་
རབ་ཏུ་འཕེལ། །མཚན་རབ་ཀུན་ནས་སངས་རྒྱས་རྣམས། །ཕྱོགས་བཅུ་ཀུན་ཏུ་རབ་ཏུ་འབྱུང་། །རྡུལ་རྣམས་ཀུན་ཏུ་འཇུག་པ་ཡི། །སངས་རྒྱས་སྤྲིན་ཀྱང་དེ་བཞིན་བསྟན། །སྐད་ཅིག་སྐད་ཅིག་སེམས་

72-1-91b

ཀུན་ལ། །སངས་རྒྱས་འོད་ནི་དཔལ་གྱིས་འབར། །རྣམ་འཕྲུལ་གཞན་དང་གཞན་དག་གིས། །ཞིང་རྣམས་རྒྱ་མཚོ་ཀུན་ན་སྣང་། །བྱང་ཆུབ་སེམས་དཔའ་ཤེས་རབ་ཆེ། །རྒྱ་མཚོའི་ཆོས་ལ་བྱུང་བ་
རྣམས། །སངས་རྒྱས་ཀུན་གྱིས་བྱིན་རླབས་པ། །འདི་ཡི་ཡུལ་ལ་རྣམ་པར་སྤྱོད། །ཀུན་ཏུ་བཟང་པོའི་སྨོན་ལམ་ལ། །གང་རྣམས་ཤིན་ཏུ་གནས་གྱུར་པ། །དེ་དང་དེ་རྣམས་ཞིང་དག་དུ། །སངས་
རྒྱས་རྣམ་འཕྲུལ་ཀུན་ལ་བལྟ། །ཡེ་ཤེས་ཟབ་མོ་རྣམ་གནོན་ཅིང་། །ཆོས་ཀྱི་དབྱིངས་ལ་གཞོལ་བ་ནི། །མོས་པ་རྒྱ་མཚོ་ཤེས་པ་སྟེ། །སྨོན་ལམ་ཀུན་གྱིས་བྱུང་བའོ། །སངས་རྒྱས་ཀུན་
གྱི་སྐུ་དང་གསུང་། །ཆགས་པ་མེད་ལ་རབ་ཏུ་ཞུགས། །སྤྱོད་པ་གཞན་དང་གཞན་དག་གིས། །སྤྱོད་ཡུལ་ཀུན་ཀྱང་ཁོང་དུ་ཆུད། །སངས་རྒྱས་ཀུན་གྱི་སྐུ་གནས་ཤིང་། །ཡེ་ཤེས་སྤྱོད་ཡུལ་གྱུར་པ་
རྣམས། །ཆོས་ཀྱི་དབྱིངས་ལ་རབ་བརྩོན་པ། །རྒྱལ་བ་རྣམས་ཀྱི་ས་གནོན་ཏོ། །སྐད་ཅིག་སེམས་ཀྱིས་ཞིང་གི་རྣམས། །སངས་རྒྱས་ཞིང་གི་རྡུལ་མཉམ་པ། །དེ་དག་ཆོས་ཉིད་ཇི་བཞིན་དུ། །རྡུལ་ཅིག་
སྟེང་དུ་རྣམ་པར་སྤྱོད། །ཞིང་རྣམས་ཇི་སྙེད་ཐམས་ཅད་ནི། །ཞིང་གི་རྣམ་འཕྲུལ་གང་ཡོད་པ། །ཆོས་ཉིད་འདི་ལ་ཞུགས་པ་རྣམས། །ཞིང་ཅིག་ཏུ་ནི་སྡུད་པ་བྱེད། །དེ་ནས་བྱང་ཆུབ་སེམས་དཔའ་སྟོབས་
དང་བརྩོན་འགྲུས་ཆགས་པ་མྱེད་པའི་བློ་གྲོས་ཀྱིས། སངས་རྒྱས་ཀྱི་བྱིན་གྱིས་རླབས་ཀྱིས་ཕྱོགས་བཅུར་རྣམ་པར་བལྟས་ཏེ། དེའི་ཚེ་ཚིགས་སུ་བཅུད་པ་འདི་དག་སྨྲས་སོ། །ཞིང་རྣམས་རྒྱ་མཚོ་
ཐམས་ཅད་དུ། །དེ་དག་གསུང་ནི་ཟབ་མོ་བྱུང་། །དབྱངས་ཀྱི་ཡན་ལག་ཀུན་རྒྱས་པ། །ཆོས་ཀྱི་སྤྲིན་གྱི་ཆར་འབེབས་སོ། །བརྗོད་པ་རྒྱ་མཚོ་ཐམས་ཅད་ཀྱི། །སེམས་ཅན་ཀུན་གྱི་སྐད་དག་ཏུ། །སངས་

72-1-92a

རྒྱས་ཞིང་རྣམས་ཀུན་ཏུ་ཡང་། །ཆོས་རྣམས་བསྟན་པ་རབ་ཏུ་འབྱུང་། །ཞིང་རྣམས་ཀུན་ཏུ་མ་ལུས་པར། །སངས་རྒྱས་རྣམ་པར་འཕྲུལ་མཐོང་ཞིང་། །སངས་རྒྱས་གསུང་རྣམས་ཐོས་པ་
དང་། །བྱང་ཆུབ་མཆོག་ཕྱིར་ཀུན་ཀྱང་འཇུག །རྡུལ་རྣམས་རེ་རེའི་སྟེང་ནས་ཀྱང་། །ཆོས་ཀྱི་དབྱིངས་ཀྱི་ཕྱོགས་ཚུལ་གྱིས། །སངས་རྒྱས་ཞིང་རྣམས་ཀུན་བཀང་ཞིང་། །སངས་རྒྱས་རྣམ་འཕྲུལ་སྟོན་པ་
བྱེད། །ཆོས་ཀྱི་སྐུ་ནི་ཐ་དད་མིན། །ནམ་མཁའ་བཞིན་ཏེ་ཆགས་པ་མེད། །གཟུགས་ཀྱི་སྐུར་ནི་རྣམ་དམྱིགས་པ། །མིག་ཡོར་སྣང་བའི་མཚན་ཉིད་དོ། །མྱིག་ཡོར་ཡུལ་ལ་མི་གནས་སྟེ། །ནམ་མཁའ་
བཞིན་དུ་དངོས་པོ་མྱེད། །མཉམ་པ་ཉིད་འདི་རྟོགས་གྱུར་ནས། །ཡེ་ཤེས་རྒྱ་མཚོ་མཐོང་བར་གྱུར། །སངས་རྒྱས་སྐུ་ནི་མ་སྐྱེས་ཏེ། །གཟུང་བ་མེད་ཅིང་འབྱུང་བ་མྱེད། །ནམ་མཁའ་མཉམ་པ་ཉིད་དང་
མཚུངས། །གཟུང་དུ་མྱེད་ལ་འདི་བསྟན་ཏོ། །ཞིང་རྣམས་ཀུན་གྱི་སངས་རྒྱས་རྣམས། །དེ་དག་སྤུ་གཅིག་རྩེ་ལ་ཚོགས། །ཡེ་ཤེས་མྱིག་དང་ལྡན་པ་ཡིས། །སྤུ་རྣམས་ཀུན་ཏུ་རྣམ་འཕྲུལ་མཐོང་། །
རྣམ་པར་སྣང་བའི་སྨོན་ལམ་སྟེ། །ཆོས་ཀྱི་དབྱིངས་ནི་ཀུན་བཀང་ཞིང་། །བླ་མེད་ཆོས་ཀྱི་འཁོར་ལོ་དག །ཞིང་རྣམས་ཀུན་ན་རྟག་ཏུ་འཁོར། །ཇི་སྙེད་བསྐལ་པ་བསམ་ཡས་པར། །སྤུ་རྩེ་ཅིག་
ཏུ་རྣམ་སྤྲུལ་པ། །སངས་རྒྱས་ཀུན་གྱིས་བཤད་མཛད་ཀྱང་། །དེ་ཡི་མཐའ་ནི་རྙེད་པར་དཀའ། །ཇི་ལྟར་གླིང་བཞི་པ་འདིར་དེ་བཞིན་གཤེགས་པས་རྣམ་པར་སྤྲུལ་པའི་སྙིང་པོ་བྱང་ཆུབ་ཏུ་ཕྱོགས་བཅུ་
ནས་བྱང་ཆུབ་སེམས་དཔའ་རྣམས་འདུས་པར་གྱུར་པ་དེ་བཞིན་དུ། འཇིག་རྟེན་གྱི་ཁམས་རྒྱ་མཚོའི་གླིང་བཞི་པ་ཐམས་ཅད་ཀྱི་གླིང་བཞི་པ་རེ་རེར་ཡང་། དེ་བཞིན་གཤེགས་པས་རྣམ་པར་སྤྲུལ་པའི་

72-1-92b

སྙིང་པོ་བྱང་ཆུབ་དག་ཏུ་བྱང་ཆུབ་སེམས་དཔའ་ཕྱོགས་བཅུའི་འཇིག་རྟེན་གྱི་ཁམས་རྒྱ་མཚོ་བྱེ་བའི་རྡུལ་ཤིན་ཏུ་ཕྲ་བ་སྙེད་ཀུན་ནས་འདུས་པར་གྱུར་ཏོ། །འདི་ན་ཇི་ལྟ་བ་དེ་བཞིན་དུ་འཇིག་རྟེན་གྱི་ཁམས་
ཐམས་ཅད་ཀྱི་སྙིང་པོ་བྱང་ཆུབ་དེ་བཞིན་གཤེགས་པས་རྣམ་པར་སྤྲུལ་པ་དག་ཏུ། ཀུན་ནས་འདུས་པའི་བྱང་ཆུབ་སེམས་དཔའ་དེ་དག་ཀྱང་། ཆོས་ཉིད་འདི་ཁོ་ན་རབ་ཏུ་སྟོན་ཏོ། །དེ་བཞིན་
གཤེགས་པའི་ལེའུ་སྟེ་གཉིས་པའོ།།         །། དེ་ནས་བཅོམ་ལྡན་འདས་ཀྱི་སྤྱན་སྔར་བྱང་ཆུབ་སེམས་དཔའ་སེམས་དཔའ་ཆེན་པོ་ཀུན་ཏུ་བཟང་པོ་སེང་གེའི་ཁྲི་པད་མོའི་སྙིང་པོ་ཅན་དེ་ཉིད་ལ་འདུག་སྟེ། དེའི་ཚེ་
སངས་རྒྱས་ཀྱི་མཐུས་ཏིང་ངེ་འཛིན་སངས་རྒྱས་ཐམས་ཅད་དེ་བཞིན་གཤེགས་པ་རྣམ་པར་སྣང་མཛད་ཀྱི་སྐུའི་སྙིང་པོ་ཞེས་བྱ་བ་དེ་བཞིན་གཤེགས་པ་ཐམས་ཅད་མཉམ་པ་ཉིད་ཀྱི་རྗེས་སུ་སོང་བའི་རང་བཞིན་ཆོས་ཀྱི་
དབྱིངས་ཀྱི་གཟུགས་བརྙན་རྣམ་པར་བརྟགས་པའི་ཚོགས། ནམ་མཁའི་དབྱིངས་ན་བརྡལ་བ་མེད་ཅིང་རྒྱ་ཆེ་བ་ཁྱབ་པར་བྱེད་པའི་རང་བཞིན་ཆོས་ཀྱི་དབྱིངས་རྒྱ་མཚོའི་ཀློང་མཉམ་པ་ཉིད་ཀྱི་རྗེསུ་སོང་ཞིང་ཤིན་
ཏུ་བརྡལ་བའི་ཚོགས་ཆོས་ཐམས་ཀྱི་སྒོའི་ཏིང་ངེ་འཛིན་གྱི་དཀྱིལ་འཁོར་ཡང་དག་པར་འབྱུང་བས་རྒྱས་པར་འགེངས་པ། ཕྱོགས་ཐམས་ཅད་དུ་ཡང་དག་པར་ཞུགས་པའི་ཆོས་ཀྱི་དབྱིངས་ཀྱི་ལུས་ཀྱིས་ཀུན་ནས་
ཡོག་པར་བྱས་པའི་རང་བཞིན་གྱི་སྙིང་པོ་ཅན་དུས་གསུམ་གྱི་སངས་རྒྱས་འབྱུང་བའི་ཡེ་ཤེས་སྣང་བ། རྒྱ་མཚོའི་ཀློང་ཕྱོགས་ཐམས་ཅད་དུ་སྒོ་ཀུན་ནས་ཚུལ་རྒྱ་མཚོ་རྣམ་པར་རིག་པར་བྱ་བས་མངོན་ཏུ་ཡང་དག་
པར་སྟོན་པ། སངས་རྒྱས་ཐམས་ཅད་ཀྱི་སྟོབས་དང་རྣམ་པར་ཐར་པས་བྱང་ཆུབ་སེམས་དཔའི་ཡེ་ཤེས་ཀྱི་ལུས་རྒྱས་པར་འགེངས་པའི་སྙིང་པོ་ཅན། ཞིང་འབྱམ་ཀླས་པ་ཐམས་ཅད་མ་ལུས་པར་ཆོས་ཀྱི་དབྱིངསུ་

72-1-93a

འཇུག་པས་རྒྱས་པར་འགེངས་པའི་ཡེ་ཤེས་དང་ལྡན་པ། སངས་རྒྱས་ཀྱི་ཡོན་ཏན་རྒྱ་མཚོ་ཐམས་ཅད་ཡོངས་སུ་གྲུབ་པར་བྱེད་པ་བསྐལ་པ་ཐམས་ཅད་དུ་སྨོན་ལམ་རྒྱ་མཚོས་རྣམ་པར་སྣང་བར་བྱེད་
པའི་ཅོད་པན། དེ་བཞིན་གཤེགས་པ་ཐམས་ཅད་ཀྱི་ཆོས་ཀྱི་འཁོར་ལོ་སྟོན་ཅིང་བརྗོད་པའི་བྱིན་གྱིས་རླབས་ལ་མཉམ་པར་བཞག་པར་གྱུར་ཏོ། །ཇི་ལྟར་བྱང་ཆུབ་སེམས་དཔའ་ཀུན་ཏུ་བཟང་པོས་བཅོམ་
ལྡན་འདས་ཀྱི་ཞབས་ཀྱི་དྲུང་དུ་བྱང་ཆུབ་སེམས་དཔའི་ཏིང་ངེ་འཛིན་སངས་རྒྱས་ཐམས་ཅད་དེ་བཞིན་གཤེགས་པ་རྣམ་པར་སྣང་མཛད་ཀྱི་སྐུའི་སྙིང་པོ་ཞེས་བྱ་བ་འདི་ལ་མཉམ་པར་བཞག་པ་དེ་བཞིན་དུ་འཇིག་རྟེན་
གྱི་ཁམས་འབྱམ་ཀླས་པ་ཆོས་ཀྱི་དབྱིངས་ཀྱི་ཀླས་པ་ནམཁའི་དབྱིངས་ཀྱི་མཐས་བཏུགས་པ། ཕྱོགས་རྒྱ་མཚོ་ཐམས་ཅད་ཀྱི་ཁོངསུ་གཏོགས་པ། དུས་གསུམ་ཐམས་ཅད་ན་ཡོད་པའི་སངས་རྒྱས་ཀྱི་ཞིང་འབྱུང་
བའི་ཁམས་ཆོས་ཀྱི་དབྱིངས་རྒྱ་ཆེན་པོས་ནོན་པའི་རིསུ་གཏོགས་པ་ཤིན་ཏུ་ཕྲ་ཞིང་སྒྲིབ་པ་མྱེད་པ་མང་བ་དང་། ཕྱོགས་རྒྱ་ཆེན་པོ་རྒྱ་མཚོ་ཐམས་ཅད་སྣང་བ་འཇིག་རྟེན་གྱི་ཁམས་རྒྱ་མཚོའི་རིས་སུ་གཏོགས་
པས་རྣམ་པར་གནོན་པ། དེ་བཞིན་གཤེགས་པའི་སྤྱན་གྱིས་རྣམ་པར་གཟིགས་པ། སངས་རྒྱས་ཀྱི་སྟོབས་ཐོགས་པ་མྱེད་པས་ཆུད་པ། ཆོས་ཀྱི་དབྱིངས་དང་སངས་རྒྱས་ཀྱི་སྐུ་ཐམས་ཅད་ཀྱི་གཟུགས་བརྙན་རབ་ཏུ་སྣང་བ། 
ཆོས་ཀྱི་དབྱིངས་ཀྱི་རྡུལ་མ་ལུས་པ་ཀུན་ཏུ་གཏོགས་པ། ཆོས་ཀྱི་དབྱིངས་མ་ལུས་པ་ཐམས་ཅད་དུ་རྒྱས་པར་གང་བའི་འཇིག་རྟེན་གྱི་ཁམས་ཐམས་ཅད་ཀྱི་རྡུལ་ཤིན་ཏུ་ཕྲ་བ་དང་མཉམ་པ་དག་ཏུ་རྡུལ་ཕྲ་མོ་རེ་རེ་ལའང་། 
ཞིང་འཇིག་རྟེན་གྱི་ཁམས་རྒྱ་མཚོའི་རྡུལ་ཤིན་ཏུ་ཕྲ་བ་སྙེད་ལ་རབ་ཏུ་ཞུགས་ནས་ཞིང་རེ་རེ་ཞིང་ཡང་དེ་བཞིན་གཤེགས་པ་འཇིག་རྟེན་གྱི་ཁམས་ཀྱི་རྡུལ་ཤིན་ཏུ་ཕྲ་བ་སྙེད་ལ་རབ་ཏུ་ཞུགས་ཏེ། དེ་བཞིན་གཤེགས་པ་

72-1-93b

རེ་རེའི་ཞབས་ཀྱི་དྲུང་དུ་ཡང་ལུས་འཇིག་རྟེན་གྱི་ཁམས་རྒྱ་མཚོའི་རྡུལ་ཤིན་ཏུ་ཕྲ་བ་སྙེད་ཀྱི། ཏིང་ངེ་འཛིན་སངས་རྒྱས་ཐམས་ཅད་དེ་བཞིན་གཤེགས་པ་རྣམ་པར་སྣང་མཛད་ཀྱི་སྐུའི་སྙིང་པོ་ཞེས་བྱ་བ་འདི་ལ་མཉམ་པར་
བཞག་གོ། །བྱང་ཆུབ་སེམས་དཔའ་ཀུན་ཏུ་བཟང་པོས། བྱང་ཆུབ་སེམས་དཔའི་ཏིང་ངེ་འཛིན་སངས་རྒྱས་ཐམས་ཅད་དེ་བཞིན་གཤེགས་པ་རྣམ་པར་སྣང་མཛད་ཀྱི་སྐུའི་སྙིང་པོ་ཞེས་བྱ་བ་དེ་ལ་མཉམ་པར་
བཞག་པའི་རྗེས་ལ། དེའི་ཚེ་ཕྱོགས་བཅུའི་སངས་རྒྱས་ཀྱི་ཞིང་འབྱམ་ཀླས་པ་ཐམས་ཅད་ནས་དེ་བཞིན་གཤེགས་པ་ཐམས་ཅད་ཀྱིས་ཞལ་བསྟན་ཏོ། །ཡང་དག་པར་རྫོགས་པའི་སངས་རྒྱས་བཅོམ་ལྡན་
འདས་དེ་དག་གིས་འདི་སྐད་ཅེས་ཀྱང་བཀའ་བསྩལ་ཏོ། རིགས་ཀྱི་བུ་ཁྱོད་དེ་ལྟར་བྱང་ཆུབ་སེམས་དཔའི་ཏིང་ངེ་འཛིན་སངས་རྒྱས་ཐམས་ཅད་དེ་བཞིན་གཤེགས་པ་རྣམ་པར་སྣང་མཛད་ཀྱི་སྐུའི་སྙིང་པོ་འདི་ལ་
མཉམ་པར་གཞོག་པ་ལ་ལེགསོ་ལེགསོ། །ཀྱེ་རྒྱལ་བའི་སྲས་ཁྱོད་ལ་ཕྱོགས་བཅུའི་དེ་བཞིན་གཤེགས་པ་འདི་དག་ཐམས་ཅད་ཀྱང་བཅོམ་ལྡན་འདས་དེ་བཞིན་གཤེགས་པ་རྣམ་པར་
སྣང་མཛད་འདིའི་སྔོན་གྱི་སྨོན་ལམ་གྱི་བྱིན་གྱིས་རླབས་དང་། ཁྱོད་ཀྱི་སངས་རྒྱས་ཐམས་ཅད་ཀྱི་སྨོན་ལམ་དང་། སྤྱོད་པ་ཡོངས་སུ་དག་པའི་མཐུས་འདི་ལྟ་སྟེ། སངས་རྒྱས་ཐམས་ཅད་ཀྱི་ཆོས་ཀྱི་འཁོར་
ལོ་རབ་ཏུ་བསྐོར་བ་དང་། དེ་བཞིན་གཤེགས་པའི་ཡེ་ཤེས་རྒྱ་མཚོ་ཐམས་ཅད་ཀྱི་རྣམ་པར་དབྱེ་བ་དང་། ཆོས་ཐམས་ཅད་ཀྱི་ཚུལ་གྱིས་ཕྱོགས་རྒྱ་མཚོ་མ་ལུས་པར་སྣང་བར་བྱ་བ་དང་། སེམས་ཅན་གྱི་ཁམས་
ཐམས་ཅད་ཀྱི་ཀུན་ནས་ཉོན་མོངས་པ་དང་། རྣམ་པར་བྱང་བ་དང་། ཆགས་པ་མེད་པར་འཇིག་རྟེན་གྱི་ཁམས་འབྱམ་ཀླས་པ་ཐམས་ཅད་ཡོངས་སུ་གནན་པ་དང་། སངས་རྒྱས་ཀྱི་ཡུལ་ཐམས་ཅད་

72-1-94a

ལ་ཆགས་པ་མྱེད་པར་འཇུག་པར་བྱ་བ་དང་། སངས་རྒྱས་ཀྱི་འཁོར་ཐམས་ཅད་སྒོ་ཀུན་ནས་རབ་ཏུ་བརྗོད་པ་དང་། ཆོས་ཚུལ་གྱི་དཀྱིལ་འཁོར་ཐམས་ཅད་ལ་ཞུགས་པས། ཐམས་ཅད་མཁྱེན་
པ་ཉིད་ཡོངསུ་བཟུང་བ་དང་། ཆོས་ཀྱི་སྣང་བ་ཐམས་ཅད་ཀྱི་ཚུལ་རྣམ་པར་ལྟ་བ་དང་། སེམས་ཅན་གྱི་དབང་པོ་རྒྱ་མཚོ་ཐམས་ཅད་ཡོངས་སུ་ཤེས་པར་བྱ་བ་དང་། དེ་བཞིན་གཤེགས་པ་ཐམས་ཅད་ཀྱི་གསུང་གི་ཡན་
ལག་རྒྱ་མཚོའི་དབྱིངས་ཡོངས་སུ་བཟུང་བའི་ཕྱིར་བྱིན་གྱིས་རློབ་པ་མཛད་དོ། །དེ་ནས་སངས་རྒྱས་བཅོམ་ལྡན་འདས་དེ་དག་གིས། བྱང་ཆུབ་སེམས་དཔའ་སེམས་དཔའ་ཆེན་པོ་ཀུན་ཏུ་བཟང་པོ་ལ་ཐམས་ཅད་མཁྱེན་
པ་ཉིད་ཀྱི་སྟོབས་ལ་རབ་ཏུ་འཇུག་པའི་ཡེ་ཤེས་ཀྱང་ཉེ་བར་བསྒྲུབསོ། །ཆོས་ཀྱི་དབྱིངས་མཐའ་དང་དབུས་མེད་པ་ལ་རབ་ཏུ་འཇུག་པའི་ཡེ་ཤེས་ཀྱང་ཉེ་བར་བསྒྲུབསོ། །དུས་གསུམ་གྱི་སངས་རྒྱས་ཀྱི་དཀྱིལ་
འཁོར་ཐམས་ཅད་ཡང་དག་པར་འབྱུང་བའི་ཡེ་ཤེས་ཀྱང་ཉེ་བར་བསྒྲུབསོ། །འཇིག་རྟེན་གྱི་ཁམས་རྒྱ་མཚོ་ཐམས་ཅད་འཇིག་པ་དང་། འདུ་བའི་ཡེ་ཤེས་ཀྱང་ཉེ་བར་བསྒྲུབསོ། །ཆོས་ཀྱི་དབྱིངས་འབྱམ་
ཀླས་པ་མཐའ་དང་དབུས་མྱེད་པའི་ཡེ་ཤེས་ཀྱང་ཉེ་བར་བསྒྲུབས་སོ། །སངས་རྒྱས་ཀྱི་རྣམ་པར་ཐར་པ་ཟབ་མོ་ཐ་མྱི་དད་པ་དང་། ཏིང་ངེ་འཛིན་ཐམས་ཅད་ལ་རྣམ་པར་གནས་པའི་ཡེ་ཤེས་ཀྱང་ཉེ་བར་བསྒྲུབསོ། །
བྱང་ཆུབ་སེམས་དཔའ་ཐམས་ཅད་ཀྱི་དབང་པོ་རྒྱ་མཚོ་ལ་རབ་ཏུ་འཇུག་པའི་ཡེ་ཤེས་ཀྱང་ཉེ་བར་བསྒྲུབསོ། །སེམས་ཅན་ཐམས་ཅད་ཀྱི་སྐད་རྒྱ་མཚོ་དང་ཆོས་ཀྱི་འཁོར་ལོ་ངེས་པའི་ཚིག་གི་ཡེ་ཤེས་ཀྱང་ཉེ་བར་
བསྒྲུབསོ། །འཇིག་རྟེན་གྱི་ཁམས་མང་པོ་ཐམས་ཅད་ཀྱི་རྗེས་སུ་སོང་ཞིང་ཆོས་ཀྱི་དབྱིངས་ཐམས་ཅད་དུ་ལུས་ཡང་དག་པར་གཞོལ་བའི་སེམས་ཀྱང་ཉེ་བར་བསྒྲུབས་སོ། །སངས་རྒྱས་ཀྱི་གསུང་གི་ཡན་

72-1-94b

ལག་དང་སྒྲ་དང་དབྱངས་ཀྱང་ཉེ་བར་བསྒྲུབས་སོ། །ཇི་ལྟར་འཇིག་རྟེན་གྱི་ཁམས་འདི་ཡི་བཅོམ་ལྡན་འདས་ཀྱི་ཞབས་ཀྱི་དྲུང་ན་འདུག་པ་ལ་ཉེ་བར་བསྒྲུབས་པ་དེ་བཞིན་དུ། འཇིག་རྟེན་གྱི་ཁམས་ཐམས་
ཅད་རྒྱས་པར་བཀང་སྟེ། འཇིག་རྟེན་གྱི་ཁམས་རྒྱ་མཚོ་དག་དང་རྡུལ་ཤིན་ཏུ་ཕྲ་བ་མཐོང་ན་ལུས་འཁོད་པ་ཐམས་ཅད་ལ་ཡང་ཉེ་བར་བསྒྲུབསོ། །དེ་ཅིའི་ཕྱིར་ཞེ་ན། དེ་ནི་འདི་ལྟར་ཏིང་ངེ་འཛིན་དེ་ཉིད་
ཆོས་ཉིད་ཐོབ་པའི་ཕྱིར་རོ། །དེ་ནས་བཅོམ་ལྡན་འདས་རྣམ་པར་སྣང་མཛད་ཀྱིས། སྤྲུལ་པའི་སངས་རྒྱས་བཅོམ་ལྡན་འདས་དེ་དག་གིས། ཕྱག་གཡས་པ་མཚན་དང་དཔེ་བྱད་བཟང་པོས་རྣམ་པར་
མཛེས་པར་བརྒྱན་པ། འོད་ཟེར་གྱི་དྲ་བའི་མེ་ཏོག་སྣ་ཚོགས་ཤིན་ཏུ་རྒྱས་པ། འོད་ཀྱི་དཀྱིལ་འཁོར་རྣམ་པར་དག་པའི་སྤྲིན་འགྱེད་པ། རིན་པོ་ཆེ་འོད་འཕྲོ་བ་ཐམས་ཅད་ཀྱི་སྤྲིན་གྱི་རྣམ་པར་གསལ་བར་གྱུར་པ། 
ཕྱོགས་ཐམས་ཅད་དུ་སྤོས་འོད་འཕྲོ་བའི་སྤྲིན་གྱི་འོད་ཀྱིས་རྣམ་པར་སྣང་བ། སངས་རྒྱས་ཐམས་ཅད་ཀྱི་གསུང་གི་ཡན་ལག་གི་དཀྱིལ་འཁོར་གྱི་རྗེས་སུ་སྒྲ་འབྱིན་པ་དང་། སངས་རྒྱས་ཐམས་ཅད་ཀྱི་རྣམ་པར་
འཕྲུལ་པ་དང་། ཁྱུ་མཆོག་གི་མཐུ་ཕྱུང་བ་ཡང་དག་པར་སྟོན་པ། བྱང་ཆུབ་སེམས་དཔའ་འདས་པ་དང་། མ་འོངས་པ་དང་། ད་ལྟར་བྱུང་བ་རྣམས་ཀྱི་ཀུན་ཏུ་བཟང་པོའི་སྨོན་ལམ་གྱི་དཀྱིལ་འཁོར་རབ་ཏུ་སྣང་བ་རྣམ་པར་
སྟོན་པ། དེ་བཞིན་གཤེགས་པ་ཐམས་ཅད་ཀྱི་ཆོས་ཀྱི་འཁོར་ལོའི་སྣང་བ་ཡང་དག་པར་སྟོན་པ། དུས་གསུམ་གྱི་དེ་བཞིན་གཤེགས་པ་ཐམས་ཅད་ཀྱི་གཟུགས་བརྙན་འབྱུང་བ་རྣམས་བརྐྱང་སྟེ། བྱང་ཆུབ་སེམས་
དཔའ་ཀུན་ཏུ་བཟང་པོའི་སྤྱི་བོར་བཞག་གོ། །འདིར་ཇི་ལྟ་བ་དེ་བཞིན་དུ་འཇིག་རྟེན་གྱི་ཁམས་རྒྱ་མཚོ་ཐམས་ཅད་དང་རྡུལ་ཤིན་ཏུ་ཕྲ་བའི་ཁོངས་ན་ཡོད་པ་ཐམས་ཅད་དུ་ཡང་། དེ་བཞིན་གཤེགས་པའི་ཞབས་ཀྱི་དྲུང་

72-1-95a

དག་ཏུ་བྱང་ཆུབ་སེམས་དཔའ་ཀུན་ཏུ་བཟང་པོའི་སྤྱི་བོ་ལ་ཕྱག་རྒྱ་མཚོའི་སྤྲིན་རྣམས་རབ་ཏུ་བཞག་གོ། །བྱང་ཆུབ་སེམས་དཔའ་ཀུན་ཏུ་བཟང་པོ་ལ་སངས་རྒྱས་བཅོམ་ལྡན་འདས་དེ་དག་གིས། རེག་
མ་ཐག་ཏུ་དོན་དེའི་མོད་ལ་ཏིང་ངེ་འཛིན་དེ་ལས་ལྡང་བའི་སྒོ་རྒྱ་མཚོ་འཇིག་རྟེན་གྱི་ཁམས་རྒྱ་མཚོའི་རྡུལ་ཤིན་ཏུ་ཕྲ་བ་སྙེད། དུས་གསུམ་ཐམས་ཅད་དུ་སེམས་ཀྱི་སྐད་ཅིག་རེ་རེ་ལ། ཏིང་ངེ་འཛིན་ལས་ལྡང་བའི་
ཡེ་ཤེས་མ་འདྲེས་པ་ལ་མཁས་པ་དང་ཏིང་ངེ་འཛིན་ལས་ལྡང་བའི་བྱིན་གྱིས་རླབས་ཀྱི་སྒོ་ཆོས་ཀྱི་དབྱིངས་དང་། དུས་གསུམ་མཉམ་པ་ཐམས་ཅད་ཀྱི་སྒོ་དང་། སངས་རྒྱས་ཀྱི་ཞིང་འདས་པ་མ་འོངས་པ་དང་། ད་ལྟར་བྱུང་བ་
ཐམས་ཅད་ཀྱི་སྒོ་དང་། སེམས་ཅན་མ་ལུས་པའི་གནས་ཐམས་ཅད་དང་། མཉམ་ཞིང་སེམས་ཅན་ཐམས་ཅད་ཀྱི་སེམས་རྒྱ་མཚོ་ལ་འཇུག་པའི་སྒོ་དང་། སེམས་ཅན་ཐམས་ཅད་ཀྱི་ལུས་དང་། མིང་གི་འཁོར་ལོ་ལས་
ལྡང་བའི་སྒོ་དང་། ཕྱོགས་དང་མཚམས་ཐམས་ཅད་དུ་ཆོས་ཀྱི་དབྱིངས་རྣམ་པར་འབྱེད་པའི་སྒོ་དང་། རྡུལ་ཤིན་ཏུ་ཕྲ་བ་ཐམས་ཅད་དུ་སངས་རྒྱས་ཀྱི་སྐུའི་སྤྲིན་མཐའ་དང་དབུས་མྱེད་པར་འབྱམ་ཀླས་པའི་སྒོ་དང་། 
ཆོས་ཀྱི་ཚུལ་རྒྱ་མཚོ་ཐམས་ཅད་རབ་ཏུ་བསྟན་པའི་སྒོ་དག་ནས་ལངས་པར་གྱུར་ཏེ། བྱང་ཆུབ་སེམས་དཔའ་ཀུན་ཏུ་བཟང་པོ་ཏིང་ངེ་འཛིན་དེ་ལས་ལངས་མ་ཐག་ཏུ། དེའི་ཚེ་བྱང་ཆུབ་སེམས་དཔའ་དེ་དག་ཀྱང་སོ་སོ་རེ་རེ་ཞིང་
ཏིང་ངེ་འཛིན་རྒྱ་མཚོའི་སྤྲིན་འཇིག་རྟེན་གྱི་ཁམས་རྒྱ་མཚོའི་རྡུལ་ཤིན་ཏུ་ཕྲ་བ་སྙེད་ལ་རབ་ཏུ་ཞུགས་པར་གྱུར་ཏོ། །གཟུངས་རྒྱ་མཚོའི་སྤྲིན་འཇིག་རྟེན་གྱི་ཁམས་རྒྱ་མཚོ་རྡུལ་ཤིན་ཏུ་ཕྲ་བ་སྙེད་ལ་ཡང་རབ་ཏུ་
ཞུགས་པར་གྱུར་ཏོ། །ཆོས་ཀྱི་ཚུལ་རྒྱ་མཚོའི་སྤྲིན་འཇིག་རྟེན་གྱི་ཁམས་རྒྱ་མཚོའི་རྡུལ་ཤིན་ཏུ་ཕྲ་བ་སྙེད་ལ་ཡང་རབ་ཏུ་ཞུགས་པར་གྱུར་ཏོ། །ཐ་དད་པ་ཡང་དག་པར་ཤེས་པའི་ཚུལ་རྒྱ་མཚོའི་སྤྲིན་འཇིག་

72-1-95b

རྟེན་གྱི་ཁམས་རྒྱ་མཚོའི་རྡུལ་ཤིན་ཏུ་ཕྲ་བ་སྙེད་ལ་ཡང་རབ་ཏུ་ཞུགས་པར་གྱུར་ཏོ། །སྤྱོད་པ་རྒྱ་མཚོའི་སྤྲིན་འཇིག་རྟེན་གྱི་ཁམས་རྒྱ་མཚོའི་རྡུལ་ཤིན་ཏུ་ཕྲ་བ་སྙེད་ལ་ཡང་རབ་ཏུ་ཞུགས་པར་གྱུར་ཏོ། །ཆོས་ཀྱི་དབྱིངས་
ཀྱི་ཕྱོགས་སུ་རྣམ་པར་སྣང་ཞིང་དེ་བཞིན་གཤེགས་པ་ཐམས་ཅད་ཀྱི་ཡེ་ཤེས་སྣང་བ་ཡོན་ཏན་གྱི་སྙིང་པོ་ཅན་རྒྱ་མཚོའི་སྤྲིན་འཇིག་རྟེན་གྱི་ཁམས་རྒྱ་མཚོའི་རྡུལ་ཤིན་ཏུ་ཕྲ་བ་སྙེད་ལ་ཡང་རབ་ཏུ་ཞུགས་པར་གྱུར་ཏོ། །དེ་
བཞིན་གཤེགས་པའི་སྟོབས་དང་ཡེ་ཤེས་མ་འདྲེས་པའི་ཚུལ་རྒྱ་མཚོའི་སྤྲིན་འཇིག་རྟེན་གྱི་ཁམས་རྒྱ་མཚོའི་རྡུལ་ཤིན་ཏུ་ཕྲ་བ་སྙེད་ལ་ཡང་རབ་ཏུ་ཞུགས་པར་གྱུར་ཏོ། །དེ་བཞིན་གཤེགས་པ་ཐམས་ཅད་ཀྱི་བ་སྤུའི་
རྩེ་མོ་ཐམས་ཅད་ལ་ཞིང་གཞན་དང་གཞན་རྒྱ་མཚོའི་སྤྲིན་འཇིག་རྟེན་གྱི་ཁམས་རྒྱ་མཚོའི་རྡུལ་ཤིན་ཏུ་ཕྲ་བ་སྙེད་ལ་ཡང་རབ་ཏུ་ཞུགས་པར་གྱུར་ཏོ། །བྱང་ཆུབ་སེམས་དཔའ་རེ་རེ་ཞིང་དགའ་ལྡན་གྱི་གནས་
ནས་འཕོ་བ་དང་འབྱུང་བ་དང་། བྱང་ཆུབ་ཏུ་རྣམ་པར་འཚང་རྒྱ་བ་དང་། མྱ་ངན་ལས་འདས་པ་བསྟན་པ་རྒྱ་མཚོའི་སྤྲིན་འཇིག་རྟེན་གྱི་ཁམས་རྒྱ་མཚོའི་རྡུལ་ཤིན་ཏུ་ཕྲ་བ་སྙེད་ལ་ཡང་རབ་ཏུ་ཞུགས་པར་གྱུར་ཏོ། །
འདིར་ཇི་ལྟ་བ་དེ་བཞིན་དུ་འཇིག་རྟེན་གྱི་ཁམས་རྒྱ་མཚོའི་ཐམས་ཅད་ན་ཡང་དེ་བཞིན་གཤེགས་པ་ཐམས་ཅད་གྱི་འཁོར་རྒྱ་མཚོ་རྣམས་དང་། རྡུལ་ཤིན་ཏུ་ཕྲ་བ་ཐམས་ཅད་ཀྱི་ཁོངས་ན་ཡོད་པ་ཀུན་ཏུ་ཡང་བྱང་
ཆུབ་སེམས་དཔའ་རྒྱ་མཚོ་རྣམས་རབ་ཏུ་ཞུགས་པར་གྱུར་ཏེ། སངས་རྒྱས་ཀྱི་མཐུ་དང་། བྱང་ཆུབ་སེམས་དཔའ་ཀུན་ཏུ་བཟང་པོའི་ཏིང་ངེ་འཛིན་གྱི་ཆོས་ཉིད་རབ་ཏུ་ཐོབ་པས། ཕྱོགས་བཅུའི་འཇིག་
རྟེན་གྱི་ཁམས་རྒྱ་མཚོ་ཐམས་ཅད་མ་ལུས་པར་བག་ལངས་པ་ཙམ་དུ་གཡོས་ཏེ། རིན་པོ་ཆེ་ཐམས་ཅད་ཀྱིས་རབ་ཏུ་བརྒྱན་པར་གནས་ཤིང་ཆོས་རྒྱ་མཚོ་ཐམས་ཅད་ཀྱི་སྒྲ་ཡང་ཤིན་ཏུ་གྲག་པར་འགྱུར་ཏེ། 

72-1-96a

དེ་བཞིན་གཤེགས་པའི་འཁོར་རྒྱ་མཚོ་ཐམས་ཅད་དུ་ཡང་། ནོར་བུའི་རྒྱལ་པོ་ཆེན་པོ་བཅུའི་སྤྲིན་གྱི་ཆར་མངོན་པར་བབ་པར་གྱུར་ཏོ། བཅུ་གང་ཞེ་ན། འདི་ལྟ་སྟེ་ནོར་བུའི་རྒྱལ་པོ་མཚན་དང་
ལྡན་པའི་གསེར་དཔལ་གྱི་རྒྱལ་མཚན་གྱི་དཔལ་གྱི་སྤྲིན་གྱི་ཆར་མངོན་པར་བབ་པོ། །འདི་ལྟ་སྟེ་ནོར་བུའི་རྒྱལ་པོ་འོད་ཀྱིས་རྣམ་པར་གསལ་བར་བྱེད་པའི་སྤྲིན་གྱི་ཆར་མངོན་པར་བབ་པོ། །འདི་ལྟ་སྟེ་ནོར་བུའི་
རྒྱལ་པོ་ཕྱོགས་བཅུར་རིན་པོ་ཆེའི་འཁོར་ལོ་རབ་ཏུ་འགྲེམས་པའི་སྤྲིན་གྱི་ཆར་མངོན་པར་བབ་པོ། །འདི་ལྟ་སྟེ་ནོར་བུའི་རྒྱལ་པོ་བྱང་ཆུབ་སེམས་དཔའི་གཟུགས་བརྙན་རིན་པོ་ཆེའི་སྙིང་པོའི་སྤྲིན་གྱི་ཆར་མངོན་པར་བབ་
པོ། །འདི་ལྟ་སྟེ་ནོར་བུའི་རྒྱལ་པོ་སངས་རྒྱས་ཐམས་ཅད་ཀྱི་མཚན་གྱི་ཁམས་རབ་ཏུ་སྒྲོག་པའི་སྤྲིན་གྱི་ཆར་མངོན་པར་བབ་པོ། །འདི་ལྟ་སྟེ་ནོར་བུའི་རྒྱལ་པོ་ཞིང་རྣམ་པར་སྣང་བར་བྱེད་ཅིང་སྙིང་པོ་བྱང་ཆུབ་
ཏུ་དཔལ་རབ་ཏུ་འབར་བའི་སྤྲིན་གྱི་ཆར་མངོན་པར་བབ་པོ། །འདི་ལྟ་སྟེ་ནོར་བུའི་རྒྱལ་པོ་ཕྱོགས་བཅུར་སྣང་བའི་སྤྲུལ་པ་འགྱེད་པའི་སྤྲིན་གྱི་ཆར་མངོན་པར་བབ་པོ། །འདི་ལྟ་སྟེ་ནོར་བུའི་རྒྱལ་པོ་བྱང་ཆུབ་སེམས་
དཔའ་ཐམས་ཅད་ཀྱི་ཡོན་ཏན་གྱི་འཁོར་ལོ་དང་མཐུ་རབ་ཏུ་གྲགས་པར་བྱེད་པའི་སྤྲིན་གྱི་ཆར་མངོན་པར་བབ་པོ། །འདི་ལྟ་སྟེ་ནོར་བུའི་རྒྱལ་པོ་ཉི་མའི་དཔལ་གྱི་གཟི་བརྗིད་ཀྱི་སྤྲིན་གྱི་ཆར་མངོན་པར་བབ་པོ། །འདི་ལྟ་
སྟེ་ནོར་བུའི་རྒྱལ་པོ་རོལ་མོའི་སྒྲ་ཡིད་དུ་འོང་བས་ཕྱོགས་ཐམས་ཅད་ཁྱབ་པར་བྱེད་པའི་སྤྲིན་གྱི་ཆར་མངོན་པར་བབ་སྟེ། ནོར་བུའི་རྒྱལ་པོའི་སྤྲིན་གྱི་ཆར་བཅུ་པོ་འདི་དག་མངོན་པར་བབ་པར་གྱུར་ཏོ། །དེ་བཞིན་གཤེགས་
པ་ཐམས་ཅད་ཀྱི་བ་སྤུའི་སྒོ་ཐམས་ཅད་དང་འོད་ཟེར་གྱི་སྒོ་ཐམས་ཅད་ནས་ཀྱང་ཚིགས་སུ་བཅད་པ་འདི་དག་བྱུང་བར་གྱུར་ཏོ། །ཞིང་རྣམས་འབྱམ་ཀླས་ཀུན་ན་ཀུན་ཏུ་བཟང་པོ་དེ། །དབང་པོ་ཡིད་དུ་འོང་ལ་རབ་ཏུ་

72-1-96b

འཇུག་པ་མཐོང་། །ཀུན་ཏུ་རྣམ་འཕྲུལ་རྣམ་པར་འདི་འདྲ་སྟོན་པ་བྱེད། །ཏིང་འཛིན་ཡུལ་ལ་འཇུག་པ་མཐའ་དང་དབུས་མྱེད་དོ། །ལུས་རྣམས་ཐམས་ཅད་ནས་ཀྱང་ཀུན་ཏུ་བཟང་པོ་དེ། །སྤྲུལ་པ་རབ་ཏུ་འགྱེད་ཅིང་ཆོས་
དབྱིངས་རྟག་པར་འགེངས། །ཏིང་འཛིན་ཀུན་གྱི་ཚུལ་དང་མྱིང་དང་རྣམ་འཕྲུལ་པ། །ཐམས་ཅད་དབྱངས་ཀྱིས་ཆགས་པ་མྱེད་པར་རྒྱ་ཆེ་སྒྲོག །ཏིང་འཛིན་ཐམས་ཅད་གཞན་དང་གཞན་གྱི་རྣམ་ཀུན་གྱིས། །དེ་བཞིན་
གཤེགས་པ་ཐམས་ཅད་ཞབས་ཀྱི་དྲུང་དག་ཏུ། །རྒྱལ་བ་ཀུན་གྱི་སྤྱོད་ཡུལ་ཡངས་པ་གང་བྱས་ཏེ། །ཞིང་རྣམས་ཀུན་ཏུ་རྣམ་པར་འཕྲུལ་པ་མང་པོ་སྟོན། །ཞིང་ཀུན་རྒྱལ་བ་ཀུན་གྱི་ཞབས་དྲུང་ཇི་བཞིན་ཏུ། །དེ་ལྟར་ཞིང་
ཀུན་ཤིན་ཏུ་ཕྲ་བའི་རྡུལ་ཕྲན་ལ། །ཏིང་འཛིན་རྣམ་པར་འཕྲུལ་པ་ཐམས་ཅད་མ་ལུས་སྟོན། །རྣམ་པར་སྣང་མཛད་སྨོན་ལམ་དབྱིངས་ལ་རབ་ཏུ་ཞུགས། །ཀུན་ཏུ་བཟང་པོའི་ལུས་ནི་ནམ་མཁའི་མཚན་ཉིད་དོ། །ཐམས་
ཅད་ཞིང་ལ་མི་གནས་དེ་བཞིན་ཉིད་ལ་གནས། །ལུས་ཀྱི་སྤྲིན་ནི་འགྲོ་བ་ཀུན་དང་མཉམ་པར་ཀུན་བཀྱེ་ཞིང་། །སེམས་ཅན་ཀུན་ལ་བསམ་པ་བཞིན་དུ་དེ་དག་སྟོན། །སངས་རྒྱས་རྣམས་ཀུན་ཞིང་རྣམས་གང་ཡོད་པ། །
མཐའ་དང་དབུས་མྱེད་ཀུན་ལ་རབ་ཏུ་ཞུགས་པ་རྣམས། །ཀུན་ཏུ་བཟང་པོའི་སྨོན་ལམ་གནས་པ་དག་ལ་བསྟན། །རྣམ་པར་འཕྲུལ་པ་འདི་འདྲ་དམ་པ་ཚད་ཀྱང་མེད། །འཁོར་རྣམས་རྒྱ་མཚོ་རྡུལ་ཕྲན་མཐའ་དང་དབུས་
མྱེད་པ། །ཚད་མྱེད་ཐམས་ཅད་ལུས་ཀྱི་ནང་དུ་ཀུན་ཚུད་ཅིང་། །དབྱིངས་ལ་ཞིང་མང་དྲ་བར་རྣམ་འཚང་རྒྱ་བ་སྟོན། །སྐད་ཅིག་སེམས་ལ་བསྐལ་པ་མང་པོ་དེ་བཞིན་སྟོན། །ཞིང་རྣམས་ཐམས་ཅད་འབྱམ་ཀླས་པ་ན་
རྣམ་གྲགས་ཤིང་། །རྣམ་པར་འཕྲུལ་པ་དམ་པ་སྟོན་པར་རབ་ཏུ་སྣང་། །ཕྱོགས་རྣམས་ཀུན་གྱི་ཞིང་གི་དབྱིངས་རྣམས་མ་ལུས་སྤྱོད། །ཀུན་ཏུ་བཟང་པོ་དེ་ལ་རྣམ་ལྟ་ཀུན་ཀྱང་མཐོང་། །རྒྱལ་བ་ཀུན་གྱི་ཡོན་ཏན་

72-1-97a

ཡེ་ཤེས་སྟོབས་ལ་ཞུགས། །ཏིང་འཛིན་ས་ནི་ཚུལ་རྣམས་ཀུན་གྱིས་རབ་ཏུ་མནན། །ཆོས་རྣམས་འབྱམ་ཀླས་གཞན་དང་གཞན་ལ་རབ་ཏུ་ཞུགས། །རང་གི་བྱང་ཆུབ་སྤྱོད་པས་སྔན་ཅད་སྤྱད་པ་སྟོན། །
དེ་ལྟར་ཞིང་རྣམས་ཀུན་ཏུ་བསམ་ཡས་རྣམ་འཕྲུལ་བ། །ཕྱོགས་རྣམ་རྒྱ་ཆེ་ཀུན་ཏུ་བཀང་སྟེ་རབ་ཏུ་བསྟེན། །ཏིང་འཛིན་རྣམས་ལ་འཇུག་པ་རབ་ཏུ་བསྟན་པའི་ཕྱིར། །རྒྱལ་བའི་འོད་ཟེར་སྤྲིན་ལས་ཡོན་ཏན་ལེགས་
སྒྲ་འབྱུང་། །དེ་ནས་བྱང་ཆུབ་སེམས་དཔའི་འཁོར་ཡོད་པ་ཐམས་ཅད་སངས་རྒྱས་ཀྱི་མཐུས་ཐལ་མོ་སྦྱར་ཏེ། བྱང་ཆུབ་སེམས་དཔའ་ཀུན་ཏུ་བཟང་པོ་ལ་ལྟ་ཞིང་དབྱངས་ཀྱི་ང་རོ་གཅིག་ཏུ་དེའི་ཚེ་ཚིགས་སུ་བཅད་པ་
འདི་དག་སྨྲས་སོ། །རྒྱལ་བ་ཐམས་ཅད་ཆོས་ལས་སྐྱེས་པ་སྟེ། །སྨོན་ལམ་ཀུན་གྱིས་སངས་རྒྱས་རབ་ཏུ་བྱུང་། །དེ་བཞིན་ཉིད་མཉམ་ནམ་མཁའི་སྙིང་པོ་སྟེ། །ཆོས་ཀྱི་སྐུ་ཡིས་རྣམ་པར་རབ་ཏུ་མཛེས། །ཞིང་རྣམས་
འབྱམ་ཀླས་ཀུན་ལ་བཞུགས་མྱེད་ཀྱང་། །ཀུན་ཏུ་བཟང་པོའི་འཁོར་རྣམས་ཀུན་ན་སྣང་། །ཕྱོགས་བཅུ་ཀུན་ཏུ་ཡོན་ཏན་གྲགས་པས་ཁྱབ། །ཡེ་ཤེས་རྒྱ་མཚོ་རབ་ཏུ་སྣང་བར་མངའ། །རྒྱལ་བ་ཐམས་ཅད་སྐུ་
ཐོབ་ཕྱིར་སྤྱོད་པ། །ཕྱོགས་བཅུའི་ཡོན་ཏན་རྒྱ་མཚོ་ཡོད་པའི་རྣམས། །རྡུལ་སྦུབས་ཀུན་ཏུ་དེ་དག་ཆུད་བྱས་ཤིང་། །ཞིང་རྣམས་ཀུན་ཏུ་རྣམ་པར་རབ་ཏུ་མཛེས། །ཞིང་རྣམས་ཀུན་གྱི་རྒྱལ་བའི་ཞབས་དྲུང་ན། །
རྒྱལ་སྲས་ཏིང་ངེ་འཛིན་དང་སྤྱད་པ་དང་། །ཆོས་རྣམས་ཀུན་ལ་སྤྱོད་ཅིང་གནས་པའི་རྣམས། །རྡུལ་དང་མཉམ་པའི་བསྐལ་པར་ཀུན་ཀྱང་སྣང་། །ཆོས་ཀྱི་དབྱིངས་རྣམས་ལུས་ཀྱི་ཁྱབ་བྱས་ཤིང་། །ཞིང་རྣམས་འབྱམ་ཀླས་
ཀུན་ལ་ཤིན་ཏུ་ཞུགས། །སེམས་ཅན་རྒྱ་མཚོའི་དོན་དུ་དེ་སྤྱོད་ཅིང་། །རྡུལ་ཕྲན་ཀུན་ལ་ཆོས་ཀྱི་དབྱིངས་སུ་ཞུགས། །ཆོས་ཀྱི་དབྱིངས་ལ་ད་ལྟར་ཞུགས་ནས་ཀྱང་། །རྡུལ་ཕྲན་ཀུན་ལ་མི་ཟད་ཐ་མི་དད། །ནམཁའི་དབྱིངས་ནི་

72-1-97b

ལུས་ཀྱི་གང་བྱས་ཤིང་། །རྒྱལ་བའི་ཆོས་རྣམས་ཡངས་པ་རབ་ཏུ་སྟོན། །ཡོན་ཏན་རྒྱ་མཚོ་འོད་ཀུན་གཞལ་དུ་མེད། །རྣམ་ཡངས་སྟོབས་ཆེན་འོད་ཟེར་ཡོན་ཏན་སྤྲིན། །འགྲོ་བ་རྒྱ་མཚོའི་དོན་དུ་སྤྱོད་བྱེད་ཅིང་། །རྒྱལ་
བའི་སྤྱོད་ལམ་གཞན་དུ་མེད་པ་སྟོན། །གང་གི་དོན་དུ་བསྐལ་པ་རྒྱ་མཚོ་དག །མཐའ་ཡས་པར་ནི་བཟང་པོའི་སྤྱོད་སྤྱད་པ། །དེ་དག་ཆོས་ཀྱི་དབྱིངས་རྣམས་གང་བྱས་ནས། །ཐམས་ཅད་ཆོས་ཀྱི་སྤྲིན་ལས་རབ་ཏུ་བརྗོད། །ཞིང་
རྣམས་ཇི་ལྟར་འབྱུང་བར་འགྱུར་བ་དང་། །སྟོབས་བཅུ་རྣམས་ཀྱང་ཇི་ལྟར་འབྱུང་འགྱུར་དང་། །སེམས་ཅན་རྒྱ་མཚོ་ཇི་ལྟར་འབྱུང་འགྱུར་བ། །སེམས་ཅན་རྣམས་ལ་སྒྲ་དབྱངས་གཏོང་ཞིང་སྟོན། །འཁོར་རྣམས་ཡངས་པ་
འདི་དག་ཐམས་ཅད་ཀྱང་། །ཀུན་ཏུ་བཟང་པོ་ཁྱོད་ལ་མངོན་སུམ་གནས། །སངས་རྒྱས་ཀུན་གྱི་གནང་བར་འགྱུར་བ་ཡིན། །ཆོས་ཀྱི་འཁོར་ལོ་དེ་རིང་ཁྱོད་ཀྱིས་བསྐོར། །ཀུན་ཏུ་བཟང་པོའི་ཏིང་ངེ་འཛིན་དང་རྣམ་པར་
འཕྲུལ་པ་རབ་ཏུ་བྱུང་བ་ཞེས་བྱ་བ་སྟེ་ལེའུ་གསུམ་པའོ།། །། དེ་ནས་བྱང་ཆུབ་སེམས་དཔའ་ཀུན་ཏུ་བཟང་པོས། སངས་རྒྱས་ཀྱི་བྱིན་གྱིས་རླབས་ཀྱིས། འཇིག་རྟེན་གྱི་ཁམས་ཐམས་ཅད་ལ་རྣམ་པར་བལྟས། 
སེམས་ཅན་གྱི་ཁམས་རྒྱ་མཚོ་ལ་རྣམ་པར་བལྟས།  སེམས་ཅན་ཐམས་ཅད་ཀྱི་ལས་རྒྱ་མཚོ་ལ་རྣམ་པར་བལྟས། སེམས་ཅན་ཐམས་ཅད་ཀྱི་བསམ་པ་དང་དབང་པོ་རྒྱ་མཚོ་ལ་རྣམ་པར་བལྟས། སངས་རྒྱས་ཐམས་
ཅད་ཀྱི་ཆོས་ཀྱི་རྒྱ་མཚོ་ལ་རྣམ་པར་བལྟས། དུས་རྒྱ་མཚོ་ལ་རྣམ་པར་བལྟས། སངས་རྒྱས་ཐམས་ཅད་ཀྱི་ཡང་དག་པར་འབྱུང་བའི་སྨོན་ལམ་རྒྱ་མཚོ་ལ་རྣམ་པར་བལྟས། སངས་རྒྱས་ཐམས་ཅད་ཀྱི་རྣམ་པར་འཕྲུལ་པ་
རྒྱ་མཚོ་ལ་རྣམ་པར་བལྟས་ནས། བྱང་ཆུབ་སེམས་དཔའ་འཁོར་གྱི་དཀྱིལ་འཁོར་ཡོད་པ་ཐམས་ཅད་ལ་སྨྲས་པ། ཀྱེ་རྒྱལ་བའི་སྲས་དག་སངས་རྒྱས་བཅོམ་ལྡན་འདས་རྣམས་ཀྱི་འཇིག་རྟེན་གྱི་ཁམས་ཐམས་ཅད་

72-1-98a

འདུ་ཞིང་འཇིག་པ་ཡོངས་སུ་དག་པ་འབྱུང་བའི་ཡེ་ཤེས་ནི་བསམ་གྱིས་མི་ཁྱབ་བོ། །སངས་རྒྱས་བཅོམ་ལྡན་འདས་རྣམས་ཀྱི་སེམས་ཅན་ཐམས་ཅད་ཀྱི་ལས་འབྱུང་བ་རྒྱ་མཚོ་མཁྱེན་པ་ནི་བསམ་གྱི་
མི་ཁྱབ་པོ། །སངས་རྒྱས་བཅོམ་ལྡན་འདས་རྣམས་ཀྱི་ཆོས་ཀྱི་དབྱིངས་ཀྱི་ཚུལ་རྒྱ་མཚོ་ཐམས་ཅད་ལ་རྣམ་པར་གནས་པའི་ཡེ་ཤེས་ནི་བསམ་གྱིས་མི་ཁྱབ་པོ། །སངས་རྒྱས་བཅོམ་ལྡན་འདས་རྣམས་ཀྱི་དེ་བཞིན་
གཤེགས་པ་རྒྱ་མཚོ་ཐམས་ཅད་མཐའ་དང་དབུས་མྱེད་པར་བསྟན་པའི་ཡེ་ཤེས་ནི་བསམ་གྱིས་མི་ཁྱབ་པོ། །སངས་རྒྱས་བཅོམ་ལྡན་འདས་རྣམས་ཀྱི་སེམས་ཅན་ཐམས་ཅད་ཀྱི་ལས་རྒྱ་མཚོ་རྣམ་པར་དགོད་པའི་
ཡེ་ཤེས་ནི་བསམ་གྱི་མི་ཁྱབ་པོ། །སངས་རྒྱས་བཅོམ་ལྡན་འདས་རྣམས་ཀྱི་བསམ་པ་དང་། དད་པ་དང་དབང་པོ་རྒྱ་མཚོ་ལ་འཇུག་པའི་ཡེ་ཤེས་ནི་བསམ་གྱི་མི་ཁྱབ་པོ། །སངས་རྒྱས་བཅོམ་ལྡན་འདས་རྣམས་ཀྱི་
ཐུགས་ཀྱི་སྐད་ཅིག་གཅིག་ལ་དུས་ཐམས་ཅད་ཀྱི་མཉམ་པ་ཉིད་ཐུགས་སུ་ཆུད་པའི་ཡེ་ཤེས་ནི་བསམ་གྱིས་མི་ཁྱབ་པོ། །སངས་རྒྱས་བཅོམ་ལྡན་འདས་རྣམས་ཀྱི་དེ་བཞིན་གཤེགས་པ་ཐམས་ཅད་ཀྱི་རྣམ་པར་འཕྲུལ་
པ་རྒྱ་མཚོ་ཡང་དག་པར་བསྟན་པའི་ཡེ་ཤེས་ནི་བསམ་གྱི་མྱི་ཁྱབ་པོ། །སངས་རྒྱས་བཅོམ་ལྡན་འདས་རྣམས་ཀྱི་ཆོས་ཀྱི་འཁོར་ལོ་རབ་ཏུ་བསྐོར་བའི་ཡེ་ཤེས་ནི་བསམ་གྱི་མི་ཁྱབ་པོ། །སངས་རྒྱས་བཅོམ་ལྡན་འདས་རྣམས་ཀྱི་
རྣམ་པར་དགོད་པ་རབ་ཏུ་བསྟན་པ་རྒྱ་མཚོ་ནི་བསམ་གྱི་མྱི་ཁྱབ་པོ། །སངས་རྒྱས་བཅོམ་ལྡན་འདས་རྣམས་ཀྱི་སངས་རྒྱས་རྣམས་ཀྱི་སངས་རྒྱས་ཀྱི་སྐུ་རབ་ཏུ་བསྟན་པ་ཡོངས་སུ་དག་པ་ནི་བསམ་གྱིས་མི་ཁྱབ་པོ། །
སངས་རྒྱས་བཅོམ་ལྡན་འདས་རྣམས་ཀྱི་ཡོན་ཏན་རྒྱ་མཚོ་མཐའ་དང་དབུས་མྱེད་པས་རྣམ་པར་སྣང་བ་ནི་བསམ་གྱི་མི་ཁྱབ་པོ། །སངས་རྒྱས་བཅོམ་ལྡན་འདས་རྣམས་ཀྱི་མཚན་དང་དཔེ་བྱད་བཟང་པོས་ཡོངས་སུ་དག་

72-1-98b

པ་ནི་བསམ་གྱི་མི་ཁྱབ་པོ། །སངས་རྒྱས་བཅོམ་ལྡན་འདས་རྣམས་ཀྱི་འོད་ཀྱི་དཀྱིལ་འཁོར་ཡོངས་སུ་དག་པ་མཐའ་ཡས་པ་ནི་བསམ་གྱིས་མྱི་ཁྱབ་པོ། །སངས་རྒྱས་བཅོམ་ལྡན་འདས་རྣམས་ཀྱི་འོད་ཟེར་རྒྱ་
མཚོ་ཁ་དོག་སྣ་ཚོགས་ཀྱི་སྤྲིན་རབ་ཏུ་དབྱེ་བ་མཛད་པ་ནི་བསམ་གྱིས་མི་ཁྱབ་པོ། །སངས་རྒྱས་བཅོམ་ལྡན་འདས་རྣམས་ཀྱི་སངས་རྒྱས་ཀྱི་དཔལ་རིན་པོ་ཆེ་འཕྲོ་བའི་རྒྱ་མཚོ་རྣམ་པར་རྒྱུ་བ་ནི་བསམ་གྱིས་མི་
ཁྱབ་པོ། །སངས་རྒྱས་བཅོམ་ལྡན་འདས་རྣམས་ཀྱི་སངས་རྒྱས་ཀྱི་གསུང་དང་དབྱངས་རྒྱ་མཚོ་རབ་ཏུ་འགྲུབ་པ་ནི་བསམ་གྱིས་མྱི་ཁྱབ་པོ། །སངས་རྒྱས་བཅོམ་ལྡན་འདས་རྣམས་ཀྱི་ཆོ་འཕྲུལ་རྣམ་པ་གསུམ་
ཡོངས་སུ་བསྟན་པས་སེམས་ཅན་རྒྱ་མཚོ་ཡོངས་སུ་སྨིན་པར་མཛད་པ་དང་། འདུལ་བ་མཛད་པ་ནི་བསམ་གྱི་མི་ཁྱབ་པོ། །སངས་རྒྱས་བཅོམ་ལྡན་འདས་རྣམས་ཀྱི་གདུལ་བ་རྒྱ་མཚོ་ཐམས་ཅད་ལ་བརྩོན་
པ་དོན་ཡོད་པ་ནི་བསམ་གྱི་མི་ཁྱབ་པོ། །སངས་རྒྱས་བཅོམ་ལྡན་འདས་རྣམས་ཀྱི་སངས་རྒྱས་ཀྱི་ས་ལ་རབ་ཏུ་ཞུགས་པ་ནི་བསམ་གྱིས་མི་ཁྱབ་པོ། །སངས་རྒྱས་བཅོམ་ལྡན་འདས་རྣམས་ཀྱི་དེ་བཞིན་
གཤེགས་པའི་ཡུལ་ལ་འཇུག་པ་ནི་བསམ་གྱི་མི་ཁྱབ་པོ། །སངས་རྒྱས་བཅོམ་ལྡན་འདས་རྣམས་ཀྱི་བྱིན་གྱིས་རླབས་ཀྱི་མཐུ་ནི་བསམ་གྱིས་མི་ཁྱབ་པོ། །སངས་རྒྱས་བཅོམ་ལྡན་འདས་རྣམས་ཀྱི་སངས་
རྒྱས་ཀྱི་ཡེ་ཤེས་ཀྱི་སྤྱོད་ཡུལ་རྣམ་པར་རྒྱུ་བ་ནི་བསམ་གྱི་མི་ཁྱབ་པོ། །སངས་རྒྱས་བཅོམ་ལྡན་འདས་རྣམས་ཀྱི་སྟོབས་ལ་ཐུབ་པ་མྱེད་པ་ནི་བསམ་གྱི་མི་ཁྱབ་པོ། །སངས་རྒྱས་བཅོམ་ལྡན་འདས་རྣམས་
ཀྱི་མི་སྙིངས་པ་ཟིལ་གྱི་ནོན་པ་ནི་བསམ་གྱི་མི་ཁྱབ་པོ། །སངས་རྒྱས་བཅོམ་ལྡན་འདས་རྣམས་ཀྱི་སངས་རྒྱས་ཀྱི་ཏིང་ངེ་འཛིན་ཐ་མི་དད་པར་སྤྱོད་པ་ནི་བསམ་གྱི་མི་ཁྱབ་པོ། །སངས་རྒྱས་བཅོམ་ལྡན་འདས་

72-1-99a

རྣམས་ཀྱི་དེ་བཞིན་གཤེགས་པའི་རྫུ་འཕྲུལ་དང་རྣམ་པར་འཕྲུལ་པ་ནི་བསམ་གྱི་མི་ཁྱབ་པོ། །སངས་རྒྱས་བཅོམ་ལྡན་འདས་རྣམས་ཀྱི་མངའ་བ་ཆེན་པོའི་ཡེ་ཤེས་རྣམ་པར་དག་པ་ནི་བསམ་གྱིས་མི་
ཁྱབ་པོ། །སངས་རྒྱས་བཅོམ་ལྡན་འདས་རྣམས་ཀྱི་སངས་རྒྱས་ཀྱི་ཆོས་མི་འཕྲོགས་པ་ནི་བསམ་གྱིས་མྱི་ཁྱབ་པོ། དེ་དག་ཐམས་ཅད་སངས་རྒྱས་ཀྱི་མཐུ་དང་། དེ་བཞིན་གཤེགས་པའི་བྱིན་གྱིས་
རླབས་པས། སེམས་ཅན་ཐམས་ཅད་སངས་རྒྱས་ཀྱི་ཡེ་ཤེས་རྒྱ་མཚོ་ལ་གཟུང་བ་དང་བྱང་ཆུབ་སེམས་དཔའ་ཐམས་ཅད་དེ་བཞིན་གཤེགས་པའི་ཡོན་ཏན་རྒྱ་མཚོ་ལ་རབ་ཏུ་དགོད་པ་དང་། འཇིག་རྟེན་གྱི་ཁམས་
རྒྱ་མཚོ་ཐམས་ཅད་སངས་རྒྱས་ཀྱི་རྣམ་པར་འཕྲུལ་པ་ཐམས་ཅད་ཀྱིས་རྣམ་པར་རྒྱན་པ་དང་། བསྐལ་པ་རྒྱ་མཚོ་ཐམས་ཅད་དུ་དེ་བཞིན་གཤེགས་པའི་གདུང་རྗེས་སུ་གསལ་བ་དང་། འཇིག་རྟེན་གྱི་ཁམས་
ཐམས་ཅད་དུ་ཆོས་ཀྱི་རང་བཞིན་གྱིས་དཀྱིལ་འཁོར་རབ་ཏུ་བརྗོད་པ་དང་། སེམས་ཅན་ཐམས་ཅད་ཀྱི་བསམ་པ་དད་པ་རྒྱ་མཚོ་ཐ་དད་པ་ཇི་ལྟ་བ་བཞིན་དུ་རབ་ཏུ་བསྟན་པ་དང་། སེམས་ཅན་ཐམས་ཅད་ཀྱི་དབང་པོ་
རྒྱ་མཚོ་ལ་སངས་རྒྱས་ཀྱི་ཆོས་ཚུལ་ཀུན་ཏུ་སྣང་བ་ཡང་དག་པར་བསྐྱེད་པ་དང་། སེམས་ཅན་ཐམས་ཅད་ཀྱི་བསམ་པ་རྒྱ་མཚོའི་སྒྲིབ་པའི་རི་ཐམས་ཅད་རྣམ་པར་གཞོམ་པ་དང་། སེམས་ཅན་ཐམས་ཅད་ཀྱིས་
སེམས་དང་སྤྱོད་པ་རྒྱ་མཚོ་ལ་འབྱུང་བའི་ལམ་རྣམ་པར་སྦྱང་བ་དང་། བྱང་ཆུབ་སེམས་དཔའ་རྒྱ་མཚོ་ཐམས་ཅད་བྱང་ཆུབ་སེམས་དཔའི་སྤྱོད་ལམ་རྒྱ་མཚོ་ལ་རབ་ཏུ་དགོད་པའི་ཕྱིར་ཡང་དག་པར་བསྟན་པར་བྱའོ། །
དེ་ནས་བྱང་ཆུབ་སེམས་དཔའ་ཀུན་ཏུ་བཟང་པོས་འཁོར་གྱིས་དཀྱིལ་འཁོར་རྒྱ་མཚོ་རྣམས་དེ་བས་ཀྱང་ཤིན་ཏུ་དགའ་བར་བྱ་བ་དང་། ཆོས་ལ་དགའ་བའི་ཤུགས་ཐམས་ཅད་རྣམ་པར་འཕེལ་བར་བྱ་བ་དང་། 

72-1-99b

མོས་པའི་ཚུལ་ཡངས་པ་རྒྱ་མཚོ་ཡང་དག་པར་འབྱུང་བར་བྱ་བ་དང་ཆོས་ཀྱི་དབྱིངས་ཀྱི་རང་བཞིན་དང་སྙིང་པོ་སྒོ་ཀུན་དང་ལྡན་པ་རྣམ་པར་དག་པར་བྱ་བ་དང་། ཀུན་ཏུ་བཟང་པོའི་སྨོན་ལམ་རྒྱ་མཚོ་ལ་རབ་ཏུ་དགོད་
པར་བྱ་བ་དང་། ཡེ་ཤེས་ཀྱི་མྱིག་དུས་གསུམ་གྱི་རྗེས་སུ་སོང་བ་ཡོངས་སུ་སྦྱང་བ་དང་། འཇིག་རྟེན་ཐམས་ཅད་ཀུན་ནས་སྣང་བར་བྱེད་པའི་སྙིང་པོ་ཤེས་རབ་ཆེན་པོའི་རྒྱ་མཚོ་རྣམ་པར་འཕེལ་བར་བྱ་
བ་དང་། ཆོས་ཀྱི་འཁོར་ལོ་ཐམས་ཅད་ཡོངས་སུ་བཟུང་བའི་ཕྱིར། གཟུང་གི་རྟོགས་པ་ཡང་དག་པ་བསྐྱེད་པ་དང་། སྙིང་པོ་བྱང་ཆུབ་ཐམས་ཅད་དུ་སངས་རྒྱས་ཀྱི་ཡུལ་ཐམས་ཅད་རབ་ཏུ་བརྗོད་པ་དང་། དེ་
བཞིན་གཤེགས་པ་ཆོས་ཀྱི་ཚུལ་སྣང་བའི་འོད་ཆོས་ཀྱི་དབྱིངས་རྒྱ་ཆེན་པོ་དང་། ཐམས་ཅད་མཁྱེན་པ་ཉིད་ལ་དགའ་བའི་ཤུགས་རྒྱ་མཚོ་རྣམ་པར་འཕེལ་བར་བྱ་བའི་ཕྱིར། དེའི་ཚེ་ཚིགས་སུ་བཅད་པ་འདི་
དག་སྨྲས་སོ།།     །།སངས་རྒྱས་རྨད་ག་ཅད་ཅེས་བྱ་བ་ཤིན་ཏུ་རྒྱས་པ་ཆེན་པོའི་མདོ། བམ་པོ་བདུན་པ། ཡོན་ཏན་རྒྱ་མཚོ་རྣམས་ཀྱི་ཡེ་ཤེས་ཟབ། །མཐའ་དང་དབུས་མེད་
དེས་ནི་ཞིང་རྣམས་ཁྱབ། །སེམས་ཅན་བསམ་ལ་སྦྱོར་བ་ཅི་བཞིན་སྣང་། །རྣམ་པར་སྣང་མཛད་ཆོས་ཀྱི་འཁོར་ལོའོ། །བསམ་གྱིས་མི་ཁྱབ་རྒྱ་མཚོའི་ཞིང་ཡོད་པ། །བསྐལ་པ་རྒྱ་མཚོར་རྒྱལ་
བས་རྣམས་སྦྱངས་པ། །སེམས་ཅན་རྒྱ་མཚོ་ཡོངས་སུ་སྨིན་བྱའི་ཕྱིར། །སེམས་ཅན་ནང་ན་རྒྱལ་བ་རྣམ་པར་མཛེས། །སེམས་ཅན་རྒྱ་མཚོ་འབྱུང་བ་བསམ་མྱི་ཁྱབ། །སངས་རྒྱས་ཡུལ་ལ་འཇུག་
པ་ཤིན་ཏུ་ཟབ། །སྲིད་པའི་གནས་ཅན་དད་པ་ཆུང་བ་ཡིས། །སངས་རྒྱས་བྱང་ཆུབ་ཤེས་པར་མྱི་ནུས་སོ། །གཞན་དུ་གང་རྣམས་ཤིན་ཏུ་སེམས་བསྟན་ཅིང་། །དགེ་བའི་བཤེས་ཀྱིས་ཡོངས་སུ་བཟུང་

72-1-100a

བ་དང་། །སངས་རྒྱས་ཀུན་གྱི་བྱིན་གྱིས་རླབས་པ་དག །སངས་རྒྱས་ཡེ་ཤེས་འདི་ལ་རབ་ཏུ་འཇུག །གང་རྣམས་སེམས་དག་གཡོ་མེད་སྒྱུ་མྱེད་ཅིང་། །སྙིང་རྗེའི་སེམས་ཅན་ཁོང་ནས་བྱམས་
དགའ་དང་། །དད་པ་ཆེ་ཞིང་བརླབས་ཆེན་དེ་དག་ནི། །འདི་དག་ཐོས་ཤིང་དགའ་བ་ཐོབ་པར་འགྱུར། །ཀུན་ཏུ་བཟང་པོའི་སྨོན་ལམ་ས་དག་དང་། །ཆོས་དབྱིངས་ནམ་མཁའི་དབྱིངས་སུ་ཁྱབ་པ་ལ། །
གནས་ཤིང་སྤྱད་པ་རབ་ཏུ་སུས་སྤྱོད་པ། །དེ་དག་རྒྱལ་བའི་སྤྱོད་ཡུལ་དེ་ཤེས་སོ། །གང་གིས་རྒྱལ་བའི་རྣམ་འཕྲུལ་འདི་མཐོང་བའི། །བྱང་ཆུབ་སེམས་དཔའ་ཐོབ་བྱ་ལེགས་པར་ཐོབ། །གཞན་གྱིས་
ཡུལ་གྱིས་ཤེས་པར་མྱི་ནུས་ཏེ། །འདི་ནི་ཀུན་ཏུ་བཟང་པོས་རྟོགས་པའོ། །དེ་བཞིན་གཤེགས་པ་ཀུན་གྱིས་བྱིན་རླབས་ཤིང་། །འགྲོ་བ་མཐའ་དང་དབུས་མེད་འདི་དག་ན། །ཀུན་ཏུ་ཆོས་ཀྱི་འཁོར་
ལོ་རབ་ཏུ་འཁོར། །རྣམ་པར་སྣང་མཛད་ཡུལ་དང་མཐུ་ཡིན་ནོ། །བདག་གི་ལུས་སུ་ཞིང་རྣམས་ཐམས་ཅད་ཀྱང་། །རབ་ཏུ་ཞུགས་ཤིང་དེ་ཞུགས་ཞིང་རྣམས་ཀུན། །དེ་དག་སྤུ་རྩེ་ཀུན་ཏུ་བལྟ་
བར་གསོལ། །རྒྱལ་བའི་སྤྱོད་ཡུལ་ཤིན་ཏུ་བཤད་པར་བྱ། །ཀུན་ཏུ་བཟང་པོའི་སྨོན་ལམ་སྤྱོད་པ་རྣམས། །མཐའ་དང་དབུས་མྱེད་མངོན་པར་བསྒྲུབ་པ་དང་། །ཀུན་ཏུ་མྱིག་གི་ཡུལ་དང་ལུས་ལྡན་པ། །
དེ་དག་མགོན་པོའི་སྤྱོད་ཡུལ་འདི་ཉིད་དོ། །ཀྱེ་རྒྱལ་བའི་སྲས་དག་བཅུ་པོ་འདི་དག་ནི་འཇིག་རྟེན་གྱི་ཁམས་རྒྱ་མཚོ་ཤིན་ཏུ་བསྟན་པ་སྟེ། སངས་རྒྱས་བཅོམ་ལྡན་འདས་འདས་པ་དང་། མ་བྱོན་པ་དང་། 
ད་ལྟར་བྱུང་བ་རྣམས་ཀྱིས་གསུངསོ་གསུང་ངོ་གསུང་བར་འགྱུར་རོ། །བཅུ་གང་ཞེ་ན། འདི་ལྟ་སྟེ་འཇིག་རྟེན་གྱི་ཁམས་ཡོངས་སུ་འབྱུང་བའི་ཚོགས་ཀྱི་རྒྱུ་རྐྱེན་ཤིན་ཏུ་བསྟན་པ་དང་། འདི་ལྟ་སྟེ་འཇིག་

72-1-100b

རྟེན་གྱི་ཁམས་རྒྱ་མཚོ་གནས་པ་ཤིན་ཏུ་བསྟན་པ་དང་།  འདི་ལྟ་སྟེ་འཇིག་རྟེན་གྱི་ཁམས་རྒྱ་མཚོའི་དབྱིབས་དང་རྣམ་པ་ཤིན་ཏུ་བསྟན་པ་དང་འདི་ལྟ་སྟེ་འཇིག་རྟེན་གྱི་ཁམས་རྒྱ་མཚོའི་ལྷུན་ཤིན་ཏུ་བསྟན་པ་
དང་། འདི་ལྟ་སྟེ་འཇིག་རྟེན་གྱི་ཁམས་རྒྱ་མཚོ་ཡོངས་སུ་དག་པར་བྱ་བའི་ཚུལ་ཤིན་ཏུ་བསྟན་པ་དང་། འདི་ལྟ་སྟེ་འཇིག་རྟེན་གྱི་ཁམས་རྒྱ་མཚོ་དག་ཏུ་སངས་རྒྱས་འབྱུང་བ་ཤིན་ཏུ་བསྟན་པ་དང་། འདི་
ལྟ་སྟེ་འཇིག་རྟེན་གྱི་ཁམས་རྒྱ་མཚོའི་བསྐལ་པའི་བྱིན་གྱིས་རླབས་ཤིན་ཏུ་བསྟན་པ་དང་། འདི་ལྟ་སྟེ་བསྐལ་པ་མཐའ་ཡས་པའི་རྒྱུད་རྒྱ་མཚོ་ཤིན་ཏུ་བསྟན་པ་དང་། འདི་ལྟ་སྟེ་འཇིག་རྟེན་གྱི་
ཁམས་རྒྱ་མཚོ་ཐ་མི་དད་པ་ཤིན་ཏུ་བསྟན་པའོ། །ཀྱེ་རྒྱལ་བའི་སྲས་དག་འཇིག་རྟེན་གྱི་ཁམས་རྒྱ་མཚོ་བཅུ་པོ་འདི་དག་ལ་སོགས་པ། འཇིག་རྟེན་གྱི་ཁམས་རྒྱ་མཚོ་ཤིན་ཏུ་བསྟན་པ། འཇིག་རྟེན་གྱི་
ཁམས་རྒྱ་མཚོའི་རྡུལ་ཤིན་ཏུ་ཕྲ་བ་སྙེད། སངས་རྒྱས་བཅོམ་ལྡན་འདས་འདས་པ་དང་། མ་བྱོན་པ་དང་། ད་ལྟར་བྱུང་བ་རྣམས་ཀྱི་གསུངསོ། །གསུང་ངོ་གསུང་བར་འགྱུར་རོ། །ཀྱེ་རྒྱལ་
བའི་སྲས་དག་དེ་ལ་འཇིག་རྟེན་གྱི་ཁམས་རྒྱ་མཚོ་ཐམས་ཅད་ནི་རྒྱུ་དང་རྐྱེན་ལ་དམིགས་པའི་སྒོ་འཇིག་རྟེན་གྱི་ཁམས་རྒྱ་མཚོའི་རྡུལ་ཤིན་ཏུ་ཕྲ་བ་སྙེད་ཕྲག་བཅུས་བྱུང་ངོ་། །བྱུང་ངོ་བྱུང་བར་
འགྱུར་རོ། །བཅུ་གང་ཞེ་ན། འདི་ལྟ་སྟེ་དེ་བཞིན་གཤེགས་པའི་བྱིན་གྱི་རླབས་དང་། ཆོས་ཉིད་རབ་ཏུ་ཐོབ་པ་དང་། སེམས་ཅན་རྣམས་ཀྱི་ལས་ཀྱི་ཚོགས་དང་། བྱང་ཆུབ་སེམས་དཔའི་
ཐམས་ཅད་མཁྱེན་པ་ཉིད་དུ་ཡང་དག་པར་སྒྲུབ་པའི་ཆོས་ཉིད་དང་། སེམས་ཅན་རྣམས་ཀྱིས་ཀྱང་བྱང་ཆུབ་སེམས་དཔའ་དག་དང་། བསོད་ནམས་ཀྱི་རྩ་བ་བསྐལ་བ་འཐུན་པ་བསགས་པ་དང་། བྱང་ཆུབ་

72-1-101a

སེཾདའ་རྣམས་ཀྱི་ཞིང་ཡོངས་སུ་དག་པའི་སྨོན་ལམ་གྱི་ཁྱད་པར་དང་། བྱང་ཆུབ་སེམས་དཔའ་རྣམས་ཀྱི་སྤྱོད་པས། རྣམ་པར་བསྒྲུབས་པའི་སྨོན་ལམ་གྱིས་མངོན་པར་བསྒྲུབས་པ་དང་། བྱང་
ཆུབ་སེམས་དཔའ་རྣམས་ཀྱི་མོས་པའི་དབང་རྣམ་པར་དག་པ་དང་། དེ་བཞིན་གཤེགས་པ་རྣམས་ཀྱི་དགེ་བའི་རྩ་བ་འཇིག་རྟེན་ལས་འདས་པ་དང་། རྒྱུ་འཐུན་པས་མངོན་པར་འཚང་རྒྱ་ཞིང་སངས་རྒྱས་
ཀྱི་རྣམ་པར་འཕྲུལ་པ་ཁྱུ་མཆོག་གི་མཐུ་དབྱུང་བ་དང་། བྱང་ཆུབ་སེམས་དཔའ་ཀུན་ཏུ་བཟང་པོ་རྣམས་ཀྱི་སྨོན་ལམ་གྱིས་རྣམ་པར་འཕྲུལ་པའི་སྒོའོ། །ཀྱེ་རྒྱལ་བའི་སྲས་དག་དེ་ལྟར་རྒྱུ་དང་རྐྱེན་ལ་
དམྱིགས་པའི་སྒོ་བཅུ་པོ་འདི་དག་ལ་སྩོགས་པ་རྒྱུ་དང་རྐྱེན་ལ་དམྱིགས་པ། འཇིག་རྟེན་གྱི་ཁམས་རྒྱ་མཚོའི་རྡུལ་ཤིན་ཏུ་ཕྲ་བ་སྙེད་ཀྱི་འཇིག་རྟེན་གྱི་ཁམས་རྒྱ་མཚོ་ཐམས་ཅད་བྱུང་ངོ་། །འབྱུང་ངོ་
འབྱུང་བར་འགྱུར་རོ། །དེ་ནས་བྱང་ཆུབ་སེམས་དཔའ་ཀུན་ཏུ་བཟང་པོས་འཇིག་རྟེན་གྱི་ཁམས་རྒྱ་མཚོ་འབྱུང་བ་ཤིན་ཏུ་བསྟན་པ་ཉིད་གསལ་བར་བརྗོད་པའི་ཕྱིར། སངས་རྒྱས་ཀྱི་བྱིན་གྱི་རླབས་
ཀྱིས། དེའི་ཚེ་ཚིགས་སུ་བཅད་པ་འདི་དག་སྨྲས་སོ། །སངས་རྒྱས་ཡེ་ཤེས་ཡུལ་ནི་བསམ་ཡས་ཀྱིས། །བྱིན་རླབས་རྣམ་འཕྲུལ་དེ་དག་འདི་ལྟ་བུ། །ཞིང་རྣམས་རྒྱ་མཚོ་བསྟན་པ་མཐའ་དབུས་མེད། །
རྣམ་པར་སྣང་མཛད་ཆོས་ཀྱི་ཡོངས་སུ་སྦྱངས། །བྱང་ཆུབ་སེམས་ནི་ཀུན་གྱིས་བསམ་པ་བཞིན། །སྨོན་ལམ་རྒྱ་མཚོ་བསམ་ཡས་རྣམ་སྦྱངས་ཤིང་། །སེམས་ཅན་ལས་རྣམས་རྒྱ་མཚོ་བསམ་ཡས་པས། །
ཕྱོགས་ཀུན་ཞིང་རྣམས་རྒྱ་མཚོ་ཐམས་ཅད་འབྱུང་། །བྱང་ཆུབ་སེམས་དཔའ་ཀུན་གྱི་རྣམ་འཕྲུལ་དང་། །ཐམས་ཅད་མཁྱེན་པ་ཉིད་ལ་འཇུག་པའི་སྒོས། །སྨོན་ལམ་རྒྱ་མཚོ་ཐམས་ཅད་མངོན་

72-1-101b

བསྒྲུབ་ཤིང་། །ནམཁའི་དབྱིངས་ལ་འབྱམ་ཀླས་ཞིང་འབྱུང་ངོ་། །སྤྱོད་པ་རྒྱ་མཚོ་མཐའ་དང་དབུས་མྱེད་རྣམས། །སྤྱོད་ཅིང་ཚད་མེད་བདེ་གཤེགས་ཡུལ་ལ་འཇུག །ཕྱོགས་ཀྱི་ཞིང་རྣམས་རྒྱ་མཚོ་ཀུན་
སྦྱོང་ཞིང་། །བསྐལ་པ་མཐའ་ཡས་ཞིང་རྣམས་རེ་རེར་སྤྱོད། །སེམས་ཅན་བསམ་དབྱིངས་བསམ་གྱི་མི་ཁྱབ་པའི། །ལས་ཀྱི་ཞིང་རྣམས་རྒྱ་མཚོ་ཐམས་ཅད་བྱུང་། །ཉོན་མོངས་ལས་ཀྱིས་དེ་དག་ཉོན་མོངས་
བཅས། །མོས་དང་བསམ་པས་རྣམ་པ་སྣ་ཚོགས་གཟུགས། །ཞིང་རྣམས་རྒྱ་མཚོ་རྣམ་དག་རྒྱན་ཅན་རྣམས། །རིན་ཆེན་རྒྱུས་བྱུང་སྣ་ཚོགས་དྲི་མེད་པ། །དད་པ་རྒྱ་མཚོ་རྣམ་པར་སྤེལ་བའི་ཕྱིར། །རྒྱལ་
སྲས་རྣམས་ནི་ཕྱོགས་བཅུའི་ཞིང་རྣམས་སྤྱོད། །ཆོས་དབྱིངས་རྡུལ་གྱི་ཁོངས་སུ་རྒྱལ་སྲས་རྣམས། །ཀུན་ཏུ་བཟང་པོ་སྤྱོད་པ་སྤྱོད་པ་དག །རྟུལ་གྱི་ཁོངས་སུ་མཐའ་ཡས་ཞིང་སྟོན་ཏེ། །རྣམ་
དག་མཁའ་བཞིན་མཐའ་དང་དབུས་ཡང་མྱེད། །ནམཁའི་དབྱིངས་འདྲའི་རྣམ་འཕྲུལ་འདི་འདྲ་སྟེ། །སྙིང་པོ་བྱང་ཆུབ་རྒྱལ་བའི་ཞབས་དྲུང་ན། །པད་མོའི་སྟན་འཁོད་ཁ་དོགས་མཐའ་ཡས་ཀུན། །
དེ་དག་ཞིང་བཅས་ལུས་ཀྱི་ནང་ན་འཁོད། །སྐད་ཅིག་སེམས་ཀྱི་དུས་གསུམ་བྱུང་བ་ཡི། །ཞིང་འབྱུང་ཚུལ་དང་འཇུག་པ་ཀུན་ཀྱང་སྟོན། །སངས་རྒྱས་རྣམས་ཀྱིས་དུས་གསུམ་ཞིང་སྟན་པ། །རྣམ་པར་སྣང་
མཛད་རྒྱ་མཚོའི་ཞིང་མྱི་ཟད། །ཚུལ་གྱི་ཁྱད་པར་མཐའ་ཡས་སྣ་ཚོགས་པས། །རྡུལ་རྣམས་ཀུན་ལ་མཐའ་ཡས་རྒྱན་གྱི་རྣམས། །སངས་རྒྱས་སྐད་ཅིག་གཅིག་ལ་བྱིན་གྱིས་རློབ། །རྒྱན་གྱི་
རྣམ་པ་ཚུལ་ཀུན་རབ་ཏུ་མཁྱེན། །ཀྱེ་རྒྱལ་བའི་སྲས་དག་དེ་ལ་གནས་པ་ཤིན་ཏུ་བསྟན་པ་ནི། འཇིག་རྟེན་གྱི་ཁམས་རྒྱ་མཚོ་རེ་རེ་ཞིང་འཇིག་རྟེན་གྱི་ཁམས། རྒྱ་མཚོའི་རྡུལ་ཤིན་ཏུ་ཕྲ་བ་

72-1-102a

སྙེད་དེ་འདི་ལྟར་འཇིག་རྟེན་གྱི་ཁམས་རྒྱ་མཚོ་ལ་ལ་ནི་རྒྱན་ཐམས་ཅད་ཀྱི་རྒྱ་མཚོ་ཀུན་ལ་རབ་ཏུ་གནས་སོ། །འཇིག་རྟེན་གྱི་ཁམས་རྒྱ་མཚོ་ལ་ལ་ནི་ནམ་མཁའི་དབྱིངས་ཀྱི་གནས་ལ་རབ་ཏུ་
གནས་སོ། །འཇིག་རྟེན་གྱི་ཁམས་རྒྱ་མཚོ་ལ་ལ་ནི་རིན་པོ་ཆེ་ཐམས་ཅད་ཀྱི་འོད་ཟེར་གྱི་རྒྱ་མཚོ་ལ་རབ་ཏུ་གནས་སོ། །འཇིག་རྟེན་གྱི་ཁམས་རྒྱ་མཚོ་ལ་ལ་ནི་སངས་རྒྱས་ཐམས་ཅད་ཀྱི་འོད་དཀྱིལ་
འཁོར་རྒྱ་མཚོ་ལ་རབ་ཏུ་གནས་སོ། །འཇིག་རྟེན་གྱི་ཁམས་རྒྱ་མཚོ་ལ་ལ་ནི་རིན་པོ་ཆེ་ཐམས་ཅད་ཀྱི་ཁ་དོག་ལ་རབ་ཏུ་གནས་སོ། །འཇིག་རྟེན་གྱི་ཁམས་རྒྱ་མཚོ་ལ་ལ་ནི་སངས་རྒྱས་ཐམས་ཅད་
དབྱངས་ཀྱི་དཀྱིལ་འཁོར་ལ་རབ་ཏུ་གནས་སོ། །འཇིག་རྟེན་གྱི་ཁམས་རྒྱ་མཚོ་ལ་ལ་ནི་སྒྱུ་མ་ལྟ་བུའི་ལས་ཀྱི་བྱུང་བ་ལྷ་མ་ཡིན་དང་མཐུའོ་ཆེ་ལྟ་བུའི་ལག་ན་རྡོ་རྗེ་རྒྱ་མཚོ་ལ་རབ་ཏུ་གནས་སོ། །
འཇིག་རྟེན་གྱི་ཁམས་རྒྱ་མཚོ་ལ་ལ་ནི། འཇིག་རྟེན་གྱི་ཁམས་དབང་པོ་ཐམས་ཅད་ཀྱི་ལུས་ཀྱི་གཟུགས་བརྙེན་རྒྱ་མཚོ་ལ་རབ་ཏུ་གནས་སོ། །འཇིག་རྟེན་གྱིས་ཁམས་རྒྱ་མཚོ་ལ་ལ་ནི་བྱང་
ཆུབ་སེམས་དཔའ་ཐམས་ཅད་ཀྱི་ལུས་རྒྱ་མཚོ་ལ་རབ་ཏུ་གནས་སོ། །འཇིག་རྟེན་གྱི་ཁམས་རྒྱ་མཚོ་ལ་ལ་ནི་བྱང་ཆུབ་སེམས་དཔའ་ཀུན་ཏུ་བཟང་པོའི་སྨོན་ལམ་གྱི་བྱུང་བའི་རྒྱན་རྣམ་པ་ཐམས་ཅད་
དང་ལྡན་པ་རྒྱ་མཚོ་ལ་རབ་ཏུ་གནས་ཏེ། དེ་དག་ལ་སྩོགས་པ་འཇིག་རྟེན་གྱི་ཁམས་རབ་ཏུ་བསྟན་པ་ནི། འཇིག་རྟེན་གྱི་ཁམས་རྒྱ་མཚོ་རེ་རེ་ཞིང་། ཡང་འཇིག་རྟེན་གྱི་ཁམས་རྒྱ་མཚོའི་
རྡུལ་ཤིན་ཏུ་ཕྲ་བ་སྙེད་དོ། །དེ་ནས་བྱང་ཆུབ་སེམས་དཔའ་ཀུན་ཏུ་བཟང་པོས་ཡང་འཇིག་རྟེན་གྱི་ཁམས་རྒྱ་མཚོ་རབ་ཏུ་གནས་པ་ཤིན་ཏུ་བསྟན་པའི་དོན་འདི་ཉིད་ཡོངས་སུ་བསྟན་པའི་ཕྱིར། 

72-1-102b

སངས་རྒྱས་ཀྱི་མཐུས་དེའི་ཚེ་ཚིགས་སུ་བཅད་པ་འདི་དག་སྨྲས་སོ། །ཀུན་ཀྱང་ཞིང་རྣམས་རྒྱ་མཚོ་འདི་དག་རིན་ཆེན་རང་བཞིན་དྲི་མྱེད་པ། །རྣམ་དག་སྣ་ཚོགས་ནོར་བུ་ཀུན་འབར་འོད་ཟེར་རྒྱ་མཚོའི་འོད་ལྡན་
ལྟོས། །འདི་དག་རྒྱལ་བའི་བྱིན་རླབས་རྒྱུ་ཡིས་དབྱིངས་ལེགས་འཁོར་བར་སྣང་། །དེ་དག་གིས་ནི་ཕྱོགས་བཅུའ་ནམ་མཁའི་དབྱིངས་རྣམས་གཞི་ཀུན་རབ་ཏུ་ཁྱབ། །ཞིང་རྣམས་རྒྱ་མཚོ་ལ་ལ་དྲི་མྱེད་
འོད་ཅན་ནམ་མཁའི་དབྱིངས་ལ་གནས། །སྣང་བའི་སྙིང་པོ་འོད་ཅན་ནོར་བུའི་རྒྱ་མཚོ་དག་ལ་ལེགས་པར་གནས། །འགྲོ་བ་དེ་དབུས་རྒྱལ་བ་འཁོར་ལ་ཆོས་ཀྱི་འཁོར་ལོ་བཟང་པོ་བསྐོར། །འདི་ནི་སངས་རྒྱས་
ཡུལ་ཡིན་སེམས་ཅན་རྒྱ་ཆེན་ཤིན་ཏུ་མགུ་བ་བྱེད་པའོ། །ལ་ལ་མེ་ཏོག་སྒྲོན་མ་ཀུན་ཏུ་རྒྱས་པའི་མུ་ཏིག་ནོར་བུས་བརྒྱན། །འོད་ཟེར་དྲ་བའི་ཀུན་ནས་སྤྲིན་འབབ་སྤྲོས་འཕྲོ་སྤྲིན་གྱི་འོད་ཅན་ཏེ། །
ཞིང་མང་མཐའ་དང་དབུས་མེད་རྒྱ་ཆེན་པད་མོའི་རྒྱ་མཚོ་དག་ལ་གནས། །སངས་རྒྱས་རྣམས་ཀྱི་རབ་བརྒྱན་ཞིང་རྣམས་འབྱམ་ཀླས་ཀུན་ཀྱང་རབ་ཏུ་མཛེས། །ཞིང་རྣམས་རྒྱ་མཚོ་དཀྱིལ་འཁོར་དབྱིངས་
རྣམས་ལ་ལ་སངས་རྒྱས་བྱིན་ལ་གནས། །ཡངས་ཤིང་རིན་ཆེན་མང་ལྡན་རྒྱ་ཆེན་དེ་དག་བྱང་ཆུབ་སེམས་དཔའ་གང་། །ལག་ན་རྡོ་རྗེ་རྒྱ་མཚོ་མང་ཚོགས་ལྷ་དབང་ལུས་ལ་དེ་བཞིན་གནས། །དེ་ནས་བཅོམ་
ལྡན་འདས་རྣམ་པར་སྣང་མཛད་ཀྱི་འཁོར་ལོ་རྟག་ཏུ་འཁོར། །ནོར་བུའི་ཤིང་དང་སྤོས་ཀྱི་འོད་འཕྲོའི་སྤྲིན་རྣམས་མཉམ་པའི་དབྱིངས་ལ་གནས། །ཆུ་ཡི་ཕུང་པོ་དག་དང་རྡོ་རྗེའི་རྒྱ་མཚོ་བརྟན་ལའང་དེ་བཞིན་
གནས། །ལ་ལ་གོས་དང་བྲག་དང་རྒྱལ་མཚན་མེ་ཏོག་རྒྱ་ཆེན་དག་ལ་གནས། །ཀུན་ནའང་རྣམ་འཕྲུལ་འདི་དག་རྒྱ་ཆེན་རྣམ་པར་སྣང་མཛད་སྟོན་པ་མཛད། །ཞིང་རྣམས་རིང་དང་ཐུང་དང་གླིང་གི་གཟུགས་

72-1-103a

དང་རྣམ་པ་སྣ་ཚོགས་སྟེ། །སྣ་ཚོགས་རྒྱ་ཆེན་སྙིང་པོ་དྲི་མ་བྲལ་བ་ཡོངས་དག་དྲི་མེད་སྣང་། །རྣམ་པ་སྣ་ཚོགས་དེ་དག་སྨོན་ལམ་རྒྱ་མཚོའི་དབྱིངས་ལ་རབ་ཏུ་གནས། །སངས་རྒྱས་སྤྲིན་གྱིས་
ཀུན་ནས་ཡོག་པར་རྟག་ཏུ་ནམ་མཁའི་དབྱིངས་ལ་གནས། །ཞིང་རྣམས་རྒྱ་མཚོ་འབྱམ་ཀླས་ལ་ལ་སྤྱིའུ་ཚུགས་ཡོད་དང་མེད་ལ་གནས། །བྱང་ཆུབ་སེམས་དཔའི་ཅོད་པན་རིན་ཆེན་འཁོར་ལོས་བཟུང་
བས་དག་པར་གནས། །དེ་ན་སངས་རྒྱས་རྣམ་འཕྲུལ་རྒྱ་ཆེན་ཐམས་ཅད་ཀུན་ནས་རབ་ཏུ་སྣང་། །རིན་ཆེན་སངས་རྒྱས་གསུང་རྣམས་ཀུན་ཏུ་གཏོང་ལྡན་ལས་ཀྱིས་དེ་དག་སྤྲུལ། །ཆོས་ཀྱི་དབྱིངས་མཉམ་
ཞིང་རྣམས་འབྱམ་ཀླས་མིག་ཡོར་སྒྱུ་མ་དང་ཡང་འདྲ། །མིག་འཕྲུལ་རྣམ་ཕྱེ་རྣམ་དག་དྲི་མེད་སེམས་ཀྱིས་ཤིན་ཏུ་བསྐྱེད་པ་སྟེ། །ནམ་མཁའི་དབྱིངས་རྣམས་སྣ་ཚོགས་རྒྱན་གྱི་སྙིང་པོ་གནས་འགྱུར་འདི་ལ་
སྣང་། །ལས་ཀྱི་ཡུལ་ནི་བསམ་གྱིས་མི་ཁྱབ་འདི་དག་བདེ་བར་གཤེགས་པས་བསྟན། །སྐད་ཅིག་སེམས་ཀྱིས་ཞིང་རྣམས་འབྱམ་ཀླས་འགྲོ་བའི་ཀུན་དང་མཉམ་པའི་རྣམས། །ཞིང་རྡུལ་ཀུན་ལ་ཀུན་ཏུ་
བཟང་པོ་རྟོག་པར་རབ་ཏུ་བསྒྲུབ་བྱེད་ཅིང་། །དེ་ན་བསྐལ་པ་རྒྱ་མཚོར་འགྲོ་བ་སྨིན་པར་བྱ་ཕྱིར་སྤྱད་པ་སྤྱོད། །ཆོས་དབྱིངས་རྒྱས་པར་བཀང་སྟེ་དེ་དག་ཀུན་ཏུ་རྣམ་འཕྲུལ་རྒྱ་ཆེན་སྟོན། །རྡུལ་རྣམས་ཀུན་ན་ཆོས་
དབྱིངས་ཡངས་པའི་ཞིང་རྣམས་རྒྱ་མཚོ་ཀུན་ཀྱང་གནས། །སངས་རྒྱས་སྤྲིན་གྱིས་བྱིན་གྱིས་རླབས་པས་ཀུན་ཀྱང་ཡོག་ཅིང་ཡོངས་སུ་རྒྱས། །ཇི་ལྟར་རྡུལ་ཕྲན་གཅིག་ལ་རྣམ་འཕྲུལ་དེ་བཞིན་འགྲོ་བ་ཀུན་
ནའོ། །རྣམ་པར་སྣང་བའི་སངས་རྒྱས་རྣམ་འཕྲུལ་རྒྱ་ཆེན་རབ་ཏུ་སྟོན་པ་མཛད། །ཞིང་རྣམས་འབྱམ་ཀླས་ཐམས་ཅད་མིག་ཡོར་ལྟ་བུ་སྒྱུ་མ་སྨྱིག་སྒྱུ་འདྲ། །སྣང་བ་མེད་ཅིང་འབྱུང་མེད་ཕྱོགས་བཅུ་

72-1-103b

དག་ན་འགྲོ་དང་འོང་བ་མེད། །མཁའ་ལ་གནས་པ་དེ་དག་རྟག་པར་འབྱུང་ཞིང་འཇིག་པར་དེ་བཞིན་འགྱུར། །ཤིན་ཏུ་ཡངས་པ་དེ་དག་སྨོན་ལམ་རྣམ་སྦྱངས་ལས་ཀྱིས་ཡོངས་སུ་བཟུང་། །ཀྱེ་རྒྱལ་
བའི་སྲས་དག་དེ་ལ་འཇིག་རྟེན་གྱི་ཁམས་རྒྱ་མཚོ་རྣམས་ཀྱི་དབྱིབས་ནི་རྣམ་པ་སྣ་ཚོགས་སྟེ། འཇིག་རྟེན་གྱི་ཁམས་རྒྱ་མཚོ་འབྱམ་ཀླས་པ་ལ་ལ་ནི་ཀུན་ནས་ཟླུམ་པའོ། །འཇིག་རྟེན་གྱི་ཁམས་རྒྱ་མཚོ་
འབྱམ་ཀླས་པ་ལ་ལ་ནི་ཀུན་ནས་གྲུ་བཞིའོ། །འཇིག་རྟེན་གྱི་ཁམས་རྒྱ་མཚོ་འབྱམ་ཀླས་པ་ལ་ལ་ནི་ནམ་མཁའི་རྣམ་པ་དུ་མར་རྣམ་པར་ཕྱེ་བའོ། །འཇིག་རྟེན་གྱི་ཁམས་རྒྱ་མཚོ་འབྱམ་ཀླས་པ་ལ་
ལ་ནི་ཀུན་ནས་འཁྱིལ་བའི་དབྱིབས་སུ་འདུག་གོ། །འཇིག་རྟེན་གྱི་ཁམས་རྒྱ་མཚོ་འབྱམ་ཀླས་པ་ལ་ལ་ནི་འོད་འཕྲོ་བའི་རིའི་དབྱིབས་སུ་འདུག་གོ། །འཇིག་རྟེན་གྱི་ཁམས་རྒྱ་མཚོ་འབྱམ་ཀླས་པ་ལ་ལ་ནི་ཤིང་
སྣ་ཚོགས་ཀྱི་ལྷུན་གྱི་དབྱིབས་སུ་འདུག་གོ། །འཇིག་རྟེན་གྱི་ཁམས་རྒྱ་མཚོ་འབྱམ་ཀླས་པ་ལ་ལ་ནི་མེ་ཏོག་སྣ་ཚོགས་ཀྱི་དབྱིབས་སུ་འདུག་གོ། །འཇིག་རྟེན་གྱི་ཁམས་རྒྱ་མཚོ་འབྱམ་ཀླས་པ་ལ་ལ་ནི་
ཁྱིམས་སྣ་ཚོགས་ཀྱི་དབྱིབས་སུ་འདུག་གོ། །འཇིག་རྟེན་གྱི་ཁམས་རྒྱ་མཚོ་འབྱམ་ཀླས་པ་ལ་ལ་ནི་སེམས་ཅན་སྣ་ཚོགས་ཀྱི་ལུས་ཀྱི་དབྱིབས་སུ་འདུག་གོ། །འཇིག་རྟེན་གྱི་ཁམས་རྒྱ་མཚོ་འབྱམ་
ཀླས་པ་ལ་ལ་ནི་མཚན་སྣ་ཚོགས་ཀྱི་དབྱིབས་སུ་འདུག་སྟེ། དེ་དག་ལ་སྩོགས་པ་འཇིག་རྟེན་གྱི་ཁམས་ཀྱི་དབྱིབས་ཤིན་ཏུ་བསྟན་པ་ནི་འཇིག་རྟེན་གྱི་ཁམས་རྒྱ་མཚོའི་རྡུལ་ཤིན་ཏུ་ཕྲ་བ་སྙེད་དོ། །དེ་ནས་
བྱང་ཆུབ་སེམས་དཔའ་ཀུན་ཏུ་བཟང་པོས་འཇིག་རྟེན་གྱི་ཁམས་རྒྱ་མཚོ་འདི་ཉིད་ཡོངས་སུ་བསྟན་པའི་ཕྱིར། སངས་རྒྱས་ཀྱི་བྱིན་གྱི་རླབས་ཀྱིས་ཕྱོགས་བཅུར་རྣམ་པར་བལྟས་ཏེ། དེའི་ཚེ་ཚིགས་སུ་

72-1-104a

བཅད་པ་འདི་དག་སྨྲས་སོ། །རྣམ་པ་སྣ་ཚོགས་རྒྱ་མཚོའི་ཞིང་ལ་ལྟོས། །རྣམ་ཕྱེ་སྣ་ཚོགས་མཐའ་ཡས་དབྱིབས་སུ་གནས། །དབྱིབས་ཀྱིས་རྣམ་པར་ཕྱེ་བ་སྣ་ཚོགས་ཏེ། །ཕྱོགས་
རྣམས་ཀུན་ནས་ཞིང་རྣམས་རྒྱ་མཚོ་སྣང་། །ལ་ལ་ཟླུམ་པོ་ལ་ལ་ཟུར་གསུམ་སྟེ། །དེ་དག་ལ་ལ་ཕྱོགས་དང་གྲུ་བཞིར་གནས། །ནོར་བུ་པདྨོ་འཁོར་ལོའི་ཡན་ལགས་བརྒྱད། །ཀུན་ཀྱང་ལས་རྣམས་
རྒྱ་མཚོ་རྣམ་པར་བྲིས། །རྡུལ་མེད་འོད་ཀྱི་དབྱིབས་དང་ཚུལ་བཞིན་ཅི། །གསེར་ལས་གྲུབ་པ་རྣམ་ཕྱེ་སྣ་ཚོགས་སྟེ། །སྒོ་མང་མཐའ་ཡས་པ་ནི་རྒྱུ་ཞིང་འཇུག །ལས་རྣམས་རྒྱ་མཚོ་བསམ་པ་དག་
པས་གནས། །ཞིང་རྣམ་རྒྱ་མཚོ་སྣ་ཚོགས་སྙིང་པོ་ཅན། །ནམ་མཁའ་འདི་ལ་ཇི་ལྟར་སྤྲིན་གནས་བཞིན། །དེ་དག་རིན་ཆེན་མང་ཞིང་རྣམ་པར་ཕྱེ། །དེ་དག་ཀུན་ནི་སངས་རྒྱས་རྣམ་པར་མཛེས། །
ཞིང་རྣམས་འདི་ཀུན་སེམས་ཀྱི་རྣམ་པར་བརྟགས། །སྣ་ཚོགས་རྒྱན་དང་སྣང་བས་ཀུན་ནས་གནས། །རྣམ་པར་འཕྲུལ་པ་གཞན་དང་གཞན་དག་གིས། །ཞིང་རྣམས་རྒྱ་མཚོ་སངས་རྒྱས་སྟོན་པ་མཛད། །
བདེ་དང་སྡུག་བསྔལ་མྱོང་བར་གྱུར་པ་ནི། །རྣམ་པར་དག་དང་ཉོན་མོངས་ཚུལ་བཞིན་ཏེ། །ཆོས་ཉིད་འདི་ནི་རྟག་ཏུ་ཡོད་པ་ཡིན། །དེ་ལྟར་ལས་རྣམས་རྒྱ་མཚོ་བསམ་མི་ཁྱབ། །སྐྲ་གཅིག་རྩེ་ལ་བསམ་
གྱི་མི་ཁྱབ་ཅིང་། །ཐམས་ཅད་རྡུལ་མེད་སྣ་ཚོགས་དབྱིབས་སུ་གནས། །ཀུན་ནས་སངས་རྒྱས་རྣམ་པར་སྣང་མཛད་བཞུགས། །འཁོར་རྣམས་རྒྱ་མཚོར་ཆོས་རྣམས་རབ་ཏུ་སྟོན། །རྡུལ་གཅིག་
རྩེ་ལ་ཕྲ་དང་ཡངས་པའི་རྣམས། །ཐམས་ཅད་རྡུལ་སྙེད་ཁ་དོག་ཀུན་དང་ལྡན། །ཁ་དོག་དབྱིབས་རྣམས་ཀུན་ཀྱང་རྣམ་པར་བརྟགས། །དེ་དག་ཀུན་ན་རྒྱལ་བའི་འཁོར་ལོ་བསྐོར། །རྡུལ་རྣམས་

72-1-104b

ཀུན་ལ་རབ་ཏུ་ཞིང་བསྟན་པ། །དེ་དག་སྨོན་ལམ་རྣམ་པར་སྤྲུལ་པ་ཡིན། །ནམ་མཁའི་དབྱིངས་སུ་ལས་ཀྱིས་སྤྲུལ་པ་ནི། །སྣ་ཚོགས་སེམས་དང་བསམ་པས་རྣམ་པར་བརྟགས། །སེམས་
ཅན་ཀུན་མཉམ་རྡུལ་རྣམས་ཐམས་ཅད་ལ། །སངས་རྒྱས་རྣམ་པར་འཕྲུལ་པ་སྤྲུལ་པ་དག །རྣམ་པར་སྣང་མཛད་ཆོས་ཉིད་དེ་ཡིན་ཏེ། །རྡུལ་འཕྲན་ཀུན་ལ་ཞིང་རྣམས་ཤིན་ཏུ་གནས། །ཀྱེ་རྒྱལ་
བའི་སྲས་དག་དེ་ལ་འཇིག་རྟེན་གྱི་ཁམས་རྒྱ་མཚོའི་ལྷུན་དག་ནི་གཞན་དང་གཞན་དུ་ཤེས་པར་བྱས་སྟེ། དེ་ལྟར་འཇིག་རྟེན་གྱི་ཁམས་རྒྱ་མཚོ་ལ་ལ་ནི་རིན་པོ་ཆེའི་རྒྱུན་ཐམས་ཅད་ཀྱི་ལྷུན་ཅན་ནོ། །
འཇིག་རྟེན་གྱི་ཁམས་རྒྱ་མཚོ་ལ་ལ་རིན་པོ་ཆེ་གཅིག་ལས་རྣམ་པ་སྣ་ཚོགས་སུ་བཀོད་པའི་རྒྱན་གྱིས་ལྷུན་ཅན་ནོ། །འཇིག་རྟེན་གྱི་ཁམས་རྒྱ་མཚོ་ལ་ལ་ནི་རིན་པོ་ཆེས་ཐམས་ཅད་ཀྱི་འོད་ཟེར་གྱི་ལྷུན་
ཅན་ནོ། །འཇིག་རྟེན་གྱི་ཁམས་རྒྱ་མཚོ་ལ་ལ་ནི་འོད་ཁ་དོག་སྣ་ཚོགས་ཀྱི་ལྷུན་ཅན་ནོ། །འཇིག་རྟེན་གྱི་ཁམས་རྒྱ་མཚོ་ལ་ལ་ནི་རྒྱན་ཐམས་ཅད་ཀྱི་མདོག་གི་ལྷུན་ཅན་ནོ། །འཇིག་རྟེན་གྱི་ཁམས་
རྒྱ་མཚོ་ལ་ལ་ནི་རྡོ་རྗེའི་གཞི་མི་ཤིགས་པའི་ལྷུན་ཅན་ནོ། །འཇིག་རྟེན་གྱི་ཁམས་རྒྱ་མཚོ་ལ་ལ་ནི་སངས་རྒྱས་ཀྱི་རྫུ་འཕྲུལ་དང་བྱིན་གྱིས་རླབས་ཀྱི་ལྷུན་ཅན་ནོ། །འཇིག་རྟེན་གྱི་ཁམས་རྒྱ་མཚོ་ལ་ལ་
ནི་རིན་པོ་ཆེའི་མཚན་ཉིད་ཀྱི་ལྷུན་ཅན་ནོ། །འཇིག་རྟེན་གྱི་ཁམས་རྒྱ་མཚོ་ལ་ལ་ནི་སངས་རྒྱས་ཀྱི་སྤྲུལ་པའི་ལྷུན་ཅན་ནོ། །འཇིག་རྟེན་གྱི་ཁམས་རྒྱ་མཚོ་ལ་ལ་ནི་ཉི་མའི་ནོར་བུའི་དཀྱིལ་
འཁོར་གྱི་ལྷུན་ཅན་ནོ། །འཇིག་རྟེན་གྱི་ཁམས་རྒྱ་མཚོ་ལ་ལ་ནི་ཤིན་ཏུ་ཕྲ་བ་འཛིན་པའི་ལྷུན་ཅན་ནོ། །འཇིག་རྟེན་གྱི་ཁམས་རྒྱ་མཚོ་ལ་ལ་ནི་སྣང་བའི་ལྷུན་ཅན་ནོ། །འཇིག་རྟེན་གྱི་ཁམས་

72-1-105a

རྒྱ་མཚོ་ལ་ལ་ནི་རིན་པོ་ཆེ་ཐམས་ཅད་ཀྱི་ཁ་དོག་འོད་འཕྲོ་བའི་རྣམ་པའི་ལྷུན་ཅན་ནོ། །འཇིག་རྟེན་གྱི་ཁམས་རྒྱ་མཚོ་ལ་ལ་ནི་དྲི་དང་ཁ་དོག་སྣ་ཚོགས་ཀྱི་སྤོས་ཀྱི་ལྷུན་ཅན་ནོ། །འཇིག་
རྟེན་གྱི་ཁམས་རྒྱ་མཚོ་ལ་ལ་ནི་རིན་པོ་ཆེ་ཐམས་ཅད་ཀྱི་མེ་ཏོག་ཅོད་པན་གྱི་ལྷུན་ཅན་ནོ། །འཇིག་རྟེན་གྱི་ཁམས་རྒྱ་མཚོ་ལ་ལ་ནི་རིན་པོ་ཆེ་ཐམས་ཅད་ཀྱི་འོད་ཀྱི་ལྷུན་ཅན་ནོ། །འཇིག་རྟེན་གྱི་ཁམས་
རྒྱ་མཚོ་ལ་ལ་ནི་རྒྱན་ཐམས་ཅད་ཤིན་ཏུ་བརྟན་པའི་ལྷུན་ཅན་ནོ། །འཇིག་རྟེན་གྱི་ཁམས་རྒྱ་མཚོ་ལ་ལ་ནི་སེམས་ཀྱི་རྣམ་པར་རྟོག་པ་སྐད་ཅིག་གིས་དམྱིགས་པ་ཐམས་ཅད་ཡོངས་སུ་བསྟན་པའི་
ལྷུན་ཅན་ནོ། །འཇིག་རྟེན་གྱི་ཁམས་རྒྱ་མཚོ་ལ་ལ་ནི་བྱང་ཆུབ་སེམས་དཔའི་ལུས་ཀྱི་རིན་པོ་ཆེའི་དབྱིབས་ཀྱི་ལྷུན་ཅན་ནོ། །འཇིག་རྟེན་གྱི་ཁམས་རྒྱ་མཚོ་ལ་ལ་ནི་རིན་པོ་ཆེ་ཐམས་ཅད་ཀྱི་
མེ་ཏོག་གི་མེ་ཏོག་ཟེ་བའི་ལྷུན་ཅན་ནོ། །འཇིག་རྟེན་གྱི་ཁམས་རྒྱ་མཚོ་ལ་ལ་ནི་སངས་རྒྱས་ཐམས་ཅད་ཀྱི་གསུང་དབྱངས་རྣམ་པར་དམིགས་པའི་ལྷུན་ཅན་ནོ། །དེ་ནས་བྱང་ཆུབ་སེམས་དཔའ་ཀུན་
ཏུ་བཟང་པོས་ཡང་འཇིག་རྟེན་གྱི་ཁམས་རྒྱ་མཚོའི་ལྷུན་ཤིན་ཏུ་བསྟན་པ་རྒྱ་མཚོ་འདི་ཉིད་ལ་རབ་ཏུ་གཟུང་བར་བྱ་བའི་ཕྱིར། སངས་རྒྱས་ཀྱི་བྱིན་གྱིས་རླབས་གྱི་ཕྱོགས་བཅུར་རྣམ་པར་བལྟས་ཏེ། 
དེའི་ཚེ་ཚིགས་སུ་བཅད་པ་འདི་དག་སྨྲས་སོ། །ཞིང་གི་རྒྱ་མཚོ་རྣམས་ལ་ནི། །རིན་ཆེན་རང་བཞིན་ཀུན་ནས་གནས། །རྡོ་རྗེ་བཞིན་དུ་མི་ཤིགས་སྲ། །རིན་ཆེན་པད་མོ་རྣམས་ལ་གནས། །ལ་ལ་འོད་
ཟེར་རང་བཞིན་ཏེ། །དག་ཅིང་གཟུང་མེད་འོད་ཟེར་འབྱུང་། །རྒྱན་རྣམས་ཀུན་གྱི་འོད་ཟེར་གྱིས། །སྣ་ཚོགས་མཁའ་བཞིན་དྲི་མ་མེད། །ལ་ལ་འོད་ཀྱི་རང་བཞིན་ཏེ། །དག་ཅིང་འོད་གསལ་གསལ་

72-1-105b

ལ་གནས། །འོད་ཀྱི་སྤྲིན་ཅན་སྣ་ཚོགས་འོད། །བྱང་ཆུབ་སེམས་དཔའ་རྣམས་ཀྱི་གནས། །ཞིང་རྣམས་རྒྱ་མཚོ་ལ་ལ་ནི། །མིག་ཡོར་ལྟ་བུར་གནས་པ་སྟེ། །བརྗོད་དུ་མེད་ཅིང་གཟུང་དུ་མེད། །
སྨོན་ལམ་དབང་གི་རབ་ཏུ་བྱུང་། །ལ་ལ་ནོར་བུ་མུ་ཏིག་རྒྱུ། །སྙིང་པོ་ཐམས་ཅད་རྣམ་པར་འབར། །མུ་ཏིག་འཁོར་ལོ་ཞིག་དག་ལ། །བྱང་ཆུབ་སེམས་དཔའ་ཡོངས་སུ་གང་། །རིན་ཆེན་འོད་འཕྲོ་བྱུང་
བའི་ཞིང་། །འོད་འཕྲོའི་སྤྲིན་གྱིས་མངོན་འབེབས་ཤིང་། །རིན་ཆེན་ཐམས་ཅད་སྣ་ཚོགས་ལྡན། །ཐམས་ཅད་ལས་ཀྱི་སྤྲུལ་པ་ཡིན། །ལ་ལ་མཚན་ལས་བྱུང་བ་སྟེ། །བཞི་ཀུན་མཚན་གྱིས་
ཀུན་ཏུ་བྲིས། །ཅོད་པན་རྣམ་པ་སྣ་ཚོགས་བཀོད། །སངས་རྒྱས་ཀུན་གྱིས་མངོན་པར་སྤྲུལ། །རྒྱ་མཚོ་སེམས་ལས་བྱུང་བ་ཡི། །ཞིང་རྣམས་མོས་པ་ཉིད་ལ་གནས། །ཡུལ་ན་མི་གནས་རྒྱུ་མ་
བཞིན། །ཡོངས་སུ་རྟོགས་པས་ཡང་དག་བརྙེད། །སངས་རྒྱས་སྐུའི་འོད་ཟེར་གྱིས། །ནོར་བུ་སྣ་ཚོགས་ཀུན་ཏུ་གནས། །སངས་རྒྱས་སྤྲིན་རྣམས་རྣམ་པར་སྣང་། །སངས་རྒྱས་ཀུན་གྱིས་རབ་སྤྲུལ་
ནས། །ལ་ལ་ཀུན་ཏུ་བཟང་པོ་ཡིས། །ཞིང་རྣམས་རྒྱ་མཚོ་ཤིན་ཏུ་སྤྲུལ། །ནམ་མཁའི་རྒྱན་རྣམས་ཐམས་ཅད་དང་། །སྨོན་ལམ་རྣམས་ཀྱི་རྣམ་པར་བྲིས། །ཀྱེ་རྒྱལ་བའི་སྲས་དག་དེ་ལ་འཇིག་
རྟེན་གྱི་ཁམས་རྒྱ་མཚོའི་རྒྱན་ཤིན་ཏུ་བསྟན་པ་ནི། འཇིག་རྟེན་གྱི་ཁམས་རྒྱ་མཚོའི་རྡུལ་ཤིན་ཏུ་ཕྲ་བ་སྙེད་དུ་ཤེས་པར་བྱ་སྟེ། འདི་ལྟར་དམྱིགས་པའི་རྣམ་པ་སྣ་ཚོགས་ཐམས་ཅད་ཀྱི་སྤྲིན་རབ་ཏུ་
འཕྲོས་པའི་བརྒྱན་དང་། འདི་ལྟ་སྟེ་བྱང་ཆུབ་སེམས་དཔའ་ཐམས་ཅད་ཀྱི་ཡོན་ཏན་གྱི་འཁོར་ལོ་རྗེས་སུ་བརྗོད་ཅིང་རབ་ཏུ་བྱུང་བའི་རྒྱན་དང་། འདི་ལྟ་སྟེ་འཇིག་རྟེན་གྱི་ཁམས་ཐམས་ཅད་དུ་རྟོགས་པའི་

72-1-106a

སེམས་ཅན་རྣམས་ཀྱི་རྣམ་པར་སྨིན་པ་རྒྱ་མཚོ་ལས་རབ་ཏུ་བྱུང་བའི་རྒྱན་དང་། འདི་ལྟ་སྟེ་བྱང་ཆུབ་སེམས་དཔའ་ཐམས་ཅད་ཀྱི་སྨོན་ལམ་རྒྱ་མཚོའི་ཀློང་ཡོངས་སུ་སྟོན་པའི་རྒྱན་དང་། འདི་ལྟ་སྟེ་
དུས་གསུམ་གྱི་སངས་རྒྱས་ཐམས་ཅད་ཀྱི་གཟུགས་བརྙན་སྣ་ཚོགས་རྣམ་པར་དམིགས་པའི་རྒྱན་དང་། འདི་ལྟ་སྟེ་སེམས་ཀྱི་སྐད་གཅིག་ལ་བསྐལ་པ་མཐའ་ཡས་པར་རྣམ་པར་འཕྲུལ་པའི་ཡུལ་ཡོངས་སུ་སྟོན་
པའི་རྒྱན་དང་། འདི་ལྟ་སྟེ་རྒྱན་གྱི་དམིགས་པ་ཐམས་ཅད་ལས་སངས་རྒྱས་ཀྱི་སྐུ་རབ་ཏུ་བྱུང་བའི་རྒྱན་དང་། འདི་ལྟ་སྟེ་རིན་པོ་ཆེ་དང་སྤོས་ཐམས་ཅད་ཀྱི་སྤྲིན་རབ་ཏུ་འབྱུང་བའི་རྒྱན་དང་། འདི་ལྟ་སྟེ་སྙིང་པོ་བྱང་ཆུབ་ཀྱི་རྒྱན་
དང་། འོད་ཀྱི་དཀྱིལ་འཁོར་གྱི་རྣམ་པར་སྟོན་པའི་རྒྱན་དང་། འདི་ལྟ་སྟེ་བྱང་ཆུབ་སེམས་དཔའ་ཀུན་ཏུ་བཟང་པོའི་སྨོན་ལམ་དང་། སྤྱོད་པ་ཡོངས་སུ་སྟོན་པའི་རྒྱན་དག་སྟེ། ཀྱེ་རྒྱལ་བའི་སྲས་དག་དེ་དག་ལས་
སྩོགས་པའི་འཇིག་རྟེན་གྱི་ཁམས་རྒྱ་མཚོའི་རྒྱན་ཤིན་ཏུ་བསྟན་པ་ནི། འཇིག་རྟེན་གྱི་ཁམས་རྒྱ་མཚོའི་རྡུལ་ཤིན་ཏུ་ཕྲ་བ་སྙེད་དོ། །དེ་ནས་བྱང་ཆུབ་སེམས་དཔའ་ཀུན་ཏུ་བཟང་པོས་ཡང་འཇིག་རྟེན་གྱི་ཁམས་
རྒྱ་མཚོའི་རྒྱན་ཤིན་ཏུ་བསྟན་པ་འདི་ཉིད་ཡོངས་སུ་བསྟན་པའི་ཕྱིར། སངས་རྒྱས་ཀྱི་བྱིན་གྱིས་རླབས་ཀྱིས་ཕྱོགས་བཅུར་རྣམ་པར་བལྟས་ཏེ། དེའི་ཚེ་ཚིགས་སུ་བཅད་པ་འདི་དག་སྨྲས་སོ། །ཞིང་རྣམས་རྒྱ་མཚོ་
རྒྱ་ཆེན་མཐའ་ཡས་ཏེ། །རྣམ་དག་ལས་ཀྱིས་རྣམ་པ་སྣ་ཚོགས་གནས། །ཕྱོགས་བཞི་ཞིང་རྣམས་རྒྱ་མཚོ་རྣམས་ཀུན་ཀྱང་། །སྣ་ཚོགས་རྒྱན་ཅན་ཡངས་པར་ཀུན་ནས་གནས། །ཁ་དོག་སྣ་ཚོགས་ཡངས་པའི་
ཞིང་གི་རྣམས། །རྒྱ་མཚོ་རྟག་པར་ཕྱོགས་རྣམས་ཀུན་ཏུ་འབྱུང་། །རྒྱན་དང་རིན་ཆེན་འོད་འཕྲོ་སྣ་ཚོགས་སྤྲིན། །སྒྲ་འབྱིན་ཞིང་གི་དབྱིབས་རྣམས་ཁེབས་པར་བྱེད། །བྱང་ཆུབ་སེམས་དཔའི་ཡོན་ཏན་རྒྱ་མཚོ་

72-1-106b

རྣམས། །དེ་དག་ཀུན་ཀྱང་རྒྱ་མཚོའི་ཞིང་ན་གྲགས། །སྣ་ཚོགས་བརྒྱན་དང་སྨོན་ལམ་སྤྲིན་གྱི་རྣམས། །དེ་དག་ཞིང་མང་རྒྱ་མཚོར་སྒྲ་ཡང་འབྱིན། །འགྲོ་བའི་ལས་རྣམས་རྒྱ་མཚོ་ཡངས་པ་དག །རྒྱན་གྱི་
སྤྲིན་རྣམས་ཀུན་ནས་སྒྲར་འབྱིན་ཏེ། །སེམས་ཅན་དེ་དག་རྣམ་སྨྱིན་ཅི་འདྲ་བ། །སངས་རྒྱས་བྱིན་གྱིས་ཀུན་ནས་སྒྲ་ཡང་སྒྲོག །དུས་གསུམ་བྱུང་བའི་དེ་བཞིན་གཤེགས་པ་ཡིས། །རྣམ་འཕྲུལ་ཞིང་རྣམས་རྒྱ་
མཚོ་ཀུན་ན་སྣང་། །དམིགས་པ་རེ་རེ་ལ་ཡང་སངས་རྒྱས་ཀུན། །དེ་འདྲའི་ཞིང་མང་རྒྱ་མཚོའི་རྒྱན་ལ་ལྟོས། །འདས་པའི་བསྐལ་པ་དེ་བཞིན་མ་འོངས་དང་། །ཕྱོགས་བཅུའི་ད་ལྟར་འབྱུང་བའི་ཇི་སྙེད་པའི། །
བསྐལ་པ་དེ་དག་རྒྱན་མང་ཡངས་པ་ཡང་། །ཞིང་རྣམས་རྒྱ་མཚོ་རེ་རེ་དག་ན་སྣང་། །དམིགས་པ་ཀུན་ལ་སངས་རྒྱས་སྤྲིན་གྱི་རྣམས། །འགྲོ་དང་མཉམ་པས་འཇིག་རྟེན་ཀུན་ཏུ་འགེངས། །རྣམ་པར་འཕྲུལ་ཞིང་
སེམས་ཅན་རྣམ་པར་འདུལ། །འདི་ནི་ཞིང་རྣམས་རྒྱ་མཚོའི་རྣམ་ཐར་ཏོ། །སྤོས་འོད་སྤྲིན་དང་དེ་བཞིན་མེ་ཏོག་ཀླུང་། །རྒྱན་རྣམས་སྣ་ཚོགས་ཐམས་ཅད་ཀུན་ནས་ཀྱང་། །རྟག་པར་ཀུན་ཏུ་ཁྱབ་པར་རབ་ཏུ་འབྱུང་། །
འདི་ནི་ཞིང་རྣམས་རྒྱ་མཚོའི་རྣམ་ཐར་ཏེ། །ཕྱོགས་བཅུ་ཀུན་གྱི་སྙིང་པོ་བྱང་ཆུབ་རྣམས། །སྣ་ཚོགས་རྒྱན་ཅན་ཀུན་ཀྱང་མ་ལུས་པར། །ཐམས་ཅད་རྒྱ་མཚོའི་ཞིང་འདི་དབྱིབས་དག་ན། །ནམ་མཁའི་
སྤྲིན་བཞིན་རྣམ་པར་སྟོན་པ་སྣང་། །རྒྱལ་སྲས་ཀུན་ཏུ་བཟང་པོ་ཐམས་ཅད་ཀྱི། །ཞིང་རྣམས་མཐའ་ཡས་འབྱམ་ཀླས་རྒྱན་གྱི་རྣམས། །འགྲོ་བའི་གྲངས་སྙེད་བསྐལ་པ་རྒྱ་མཚོ་རྣམས་སྦྱངས་པ། །ཞིང་རྣམས་
རྒྱ་མཚོ་ཀུན་ན་རབ་ཏུ་སྣང་། །ཀྱེ་རྒྱལ་བའི་སྲས་དག་འཇིག་རྟེན་གྱི་ཁམས་རྒྱ་མཚོ་ཡོངསུ་དག་པར་བྱ་བའི་ཚུལ་རྒྱ་མཚོ་ནི་འཇིག་རྟེན་གྱི་ཁམས་རྒྱ་མཚོའི་རྡུལ་ཤིན་ཏུ་ཕྲ་བ་སྙེད་དུ་ཤེས་པར་བྱ་སྟེ། འདི་

72-1-107a

ལྟར་བྱང་ཆུབ་སེམས་དཔའ་རྣམས་ཀྱི་དགེ་བའི་བཤེས་གཉེན་ཐམས་ཅད་ལ་བརྟན་པའི་དགེ་བའི་རྩ་བས་བསྐལ་པ་མཉམ་པ་དང་། བྱང་ཆུབ་སེམས་དཔའ་རྣམས་ཀྱི་ཆོས་དབྱིངས་ཀྱི་བསོད་ནམས་
རྒྱ་ཆེན་པོའི་སྤྲིན་རྣམ་པར་འཕེལ་བར་བྱ་བ་དང་བྱང་ཆུབ་སེམས་དཔའ་རྣམས་ཀྱི་མོས་པའི་དཀྱིལ་འཁོར་རྒྱ་ཆེན་པོ་རྣམ་པར་དག་པ་དང་། བྱང་ཆུབ་སེམས་དཔའ་རྣམས་ཀྱི་བྱང་ཆུབ་སེམས་དཔའ་ཐམས་
ཅད་རབ་ཏུ་བརྟན་པའི་ཡུལ་ལ་རྣམ་པར་སྤྱོད་པ་དང་། བྱང་ཆུབ་སེམས་དཔའ་རྣམས་ཀྱི་ཕ་རོལ་ཏུ་ཕྱིན་པ་རྒྱ་མཚོ་ཐམས་ཅད་ཡོངས་སུ་རྫོགས་པར་བྱ་བ་དང་། ཡོངས་སུ་སྦྱངས་པ་དང་། བྱང་ཆུབ་སེམས་དཔའ་
རྣམས་ཀྱི་བྱང་ཆུབ་སེམས་དཔའི་ས་ཐམས་ཅད་ཀྱི་དབྱིངས་ལ་རབ་ཏུ་འགོད་ཅིང་གཟུངས་བའི་རྣམ་པར་སྤྱོད་པ་དང་། བྱང་ཆུབ་སེམས་དཔའ་རྣམས་ཀྱི་སྤྱོད་པ་དང་། འབྱུང་བ་རྒྱ་མཚོ་ལ་རྣམ་པར་
སྤྱོད་པ་དང་། བྱང་ཆུབ་སེམས་དཔའ་རྣམས་ཀྱི་སྨོན་ལམ་རྒྱ་མཚོ་ཐམས་ཅད་མངོན་པར་བསྒྲུབས་པ་རྣམ་པར་དག་པ་དང་། བྱང་ཆུབ་སེམས་དཔའ་རྣམས་ཀྱི་རྒྱན་རྒྱ་མཚོ་ཐམས་ཅད་མངོན་པར་བསྒྲུབ་པ་
རྣམ་པར་དག་པ་ལ་རབ་ཏུ་འཇུག་པ་དང་། འདི་ལྟ་སྟེ་བྱང་ཆུབ་སེམས་དཔའ་རྣམས་ཀྱི་སྟོབས་ཀྱི་ཚུལ་ཡང་དག་པར་བསྒྲུབས་པ་རྣམ་པར་དག་པ་དང་། དེ་དག་ལ་སྩོགས་པ་འཇིག་རྟེན་གྱི་ཁམས་རྒྱ་མཚོ་ཡོངསུ་
དག་པར་བྱ་བའི་ཚུལ་རྒྱ་མཚོ་འཇིག་རྟེན་གྱི་ཁམས་རྒྱ་མཚོའི་རྡུལ་ཤིན་ཏུ་ཕྲ་བ་སྙེད་དུ་ཤེས་པར་བྱའོ། །དེ་ནས་བྱང་ཆུབ་སེམས་དཔའ་ཀུན་ཏུ་བཟང་པོས་ཡང་འཇིག་རྟེན་གྱི་ཁམས་རྒྱ་མཚོ་ཡོངས་སུ་
དག་པར་བྱ་བའི་ཚུལ་རྒྱ་མཚོ་འདི་ཉིད་རྣམ་པར་བརྟན་པའི་ཕྱིར་སངས་རྒྱས་ཀྱི་བྱིན་གྱིས་རླབས་ཀྱི་ཕྱོགས་བཅུར་རྣམ་པར་བལྟས་ཏེ། དེའི་ཚེ་ཚིགས་སུ་བཅད་པ་འདི་དག་སྨྲས་སོ། །ཞིང་རྣམས་རྒྱ་མཚོ་

72-1-107b

ཐམས་ཅད་སྣ་ཚོགས་རྒྱན། །སྨོན་ལམ་ཚུལ་རྣམས་རྒྱ་མཚོ་ཀུན་གྱིས་བྱུང་། །ཁ་དོག་མཐའ་ཡས་ལས་ཀྱི་རྒྱ་མཚོ་དག །ཞིང་རྣམས་རྒྱ་མཚོ་རྟག་ཏུ་འོད་མང་འགྱེད། །སྔན་ཅད་དགེ་བའི་བཤེས་
གཉེན་བསྙེན་བཀུར་ཅིང་། །བསྐལ་པ་མཉམ་པའི་ལས་དགེ་ཡོངས་སྦྱངས་ཏེ། །སྙིང་རྗེ་བྱམས་པས་དགོངས་ཡངས་ཀུན་བཀང་ཞིང་། །ཞིང་རྣམས་རྒྱ་མཚོ་ཡངས་པ་འདི་ཀུན་སྦྱངས། །ཆོས་སྒོ་ཀུན་ཏུ་
ཏིང་འཛིན་ས་ཀུན་གྱི ། །སངས་རྒྱས་ཡོན་ཏན་རྒྱ་མཚོ་ཡོངས་སྦྱངས་ཏེ། །བསམ་གཏན་ཚུལ་དང་རྣམ་ཐར་ས་སྦྱང་ཞིང་། །ཞིང་རྣམས་རྒྱ་མཚོ་སྣ་ཚོགས་ཡངས་པ་བྱུང་། །མོས་པའི་དཀྱིལ་འཁོར་མཐའ་
ཡས་སྟོབས་བསྐྱེད་ཅིང་། །རྒྱལ་བའི་མཉམ་ཉིད་མ་ནོར་རྟོགས་བྱས་ནས། །བཟོད་པ་རྒྱ་མཚོའི་ཚུལ་རྣམས་ཡོངས་སྦྱངས་ཤིང་། །རྣམ་དག་ཁ་དོག་མཐའ་ཡས་ཞིང་རྣམས་བྱུང་། །བསོད་ནམས་སྤྲིན་ནི་
ནམ་མཁའ་མཉམ་བསྐྱེད་ཅིང་། །འགྲོ་བ་ཀུན་ཕན་བདེ་དོན་སྤྱོད་སྤྱད་དེ། །བསོད་ནམས་རྒྱ་མཚོ་སེམས་ཅན་ཀུན་བསྟན་པས། །འཇིག་རྟེན་ཁམས་རྣམས་རྒྱ་མཚོ་ཀུན་ཀྱང་འབྱུང་། །ཞིང་རྣམས་རྒྱ་མཚོའི་རྡུལ་
སྙེད་ཚད་མེད་པའི། །ཕ་རོལ་ཕྱིན་པ་མ་ལུས་ཀུན་སྦྱངས་ཏེ། །སྨོན་ལམ་མཐར་ཕྱིན་མི་ཟད་གོམས་བྱས་པས། །དྲི་མེད་རྒྱ་མཚོའི་ཞིང་རྣམས་ཡང་པ་འབྱུང་། །འབྱུང་བའི་སྤྱོད་པ་གང་ཡོད་ཚད་མེད་དང་། 
ཆོས་རྣམས་ཐམས་ཅད་ཡངས་པ་ཡོངས་སྦྱངས་ཏེ། །སྣ་ཚོགས་ཐབས་སྒོས་སེམས་ཅན་སྦྱངས་པས་ན། །འདི་འདྲ་ཡིད་འོང་རྒྱ་མཚོའི་ཞིང་རྣམས་འབྱུང་། །རྒྱན་རྣམས་ཀུན་གྱི་ཚུལ་དང་ས་སྦྱངས་ཤིང་། །
རྒྱལ་བའི་ཡོན་ཏན་རྒྱ་མཚོ་ཀུན་ཞུགས་ནས། །འགྲོ་བ་ཀུན་གྱི་སྡུག་བསྔལ་མཚོ་བསྐམས་པས། །ཞིང་གི་མཚོ་ཡངས་འདི་ཀུན་དགའ་བར་འགྱུར། །སྟོབས་རྣམས་རྒྱ་མཚོ་གཞལ་མེད་ཡོངས་སྦྱངས་ཤིང་། །

72-1-108a

འགྲོ་བ་འདི་འདྲ་ཚད་མེད་རྣམས་སྦྱངས་ཏེ། །སངས་རྒྱས་རྒྱ་མཚོ་ཡོངས་ཀུན་བསྙེན་བཀུར་བས། །ཞིང་རྣམས་རྒྱ་མཚོ་རྣམ་མང་རྣམ་པར་དག །ཀྱེ་རྒྱལ་བའི་སྲས་དག་དེ་ལ་འཇིག་རྟེན་གྱི་ཁམས་
རྒྱ་མཚོ་རེ་རེར་སངས་རྒྱས་འབྱུང་བའི་ཚུལ་རྒྱ་མཚོ་ནི་འཇིག་རྟེན་གྱི་ཁམས་རྒྱ་མཚོའི་རྡུལ་ཤིན་ཏུ་ཕྲ་བ་སྙེད་དུ་ཤེས་པར་བྱ་སྟེ། འདི་ལྟར་སངས་རྒྱས་འབྱུང་བ་ལ་ལ་ནི་སྐུ་ཆུང་ངུར་ཀུན་ཏུ་སྟོན་ཏོ། །འདི་ལྟ་སྟེ་སངས་རྒྱས་
འབྱུང་བ་ལ་ལ་ནི་ཆོས་ཀྱི་དབྱིངས་ཐམས་ཅད་གཟུགས་ཀྱི་སྐུས་གང་བར་སྟོན་ཏོ། །སངས་རྒྱས་འབྱུང་བ་ལ་ལ་ནི་སྐུ་ཚེའི་ཚད་མི་རིང་ངོ་། །སངས་རྒྱས་འབྱུང་བ་ལ་ལ་ནི་སྐུ་ཚེའི་ཚད་རིང་ངོ་། །སངས་རྒྱས་འབྱུང་བ་ལ་ལ་ནི་
སངས་རྒྱས་ཀྱི་ཞིང་གཅིག་ཡོངས་སུ་དག་པར་བྱིན་གྱིས་རློབ་བོ། །སངས་རྒྱས་འབྱུང་བ་ལ་ལ་ནི་འཇིག་རྟེན་གྱི་ཁམས་རྒྱ་མཚོ་ཐམས་ཅད་ཡོངས་སུ་དག་པར་བྱིན་གྱིས་རློབ་པོ། །སངས་རྒྱས་འབྱུང་བ་ལ་ལ་ནི་ཚུལ་
གཅིག་གིས་བསྟན་པའི་ཆོས་ཀྱི་འཁོར་ལོ་བྱིན་གྱིས་རློབ་པོ། །སངས་རྒྱས་འབྱུང་བ་ལ་ལ་ནི་ཚུལ་བསམ་གྱིས་མི་ཁྱབ་པར་བསྟན་པའི་ཆོས་ཀྱི་འཁོར་ལོ་བྱིན་གྱིས་རློབ་པོ། །སངས་རྒྱས་འབྱུང་བ་ལ་ལ་ནི་སེམས་
ཅན་གྱི་ཁམས་ཉུང་ངུ་རྣམ་པར་གདུལ་བའི་བྱིན་གྱིས་རློབ་པོ། །སངས་རྒྱས་འབྱུང་བ་ལ་ལ་ནི་སེམས་ཅན་རྒྱ་མཚོ་མཐའ་ཡས་པ་རྣམ་པར་གདུལ་བ་བྱིན་གྱིས་རློབ་སྟེ། དེ་དག་ལ་སོགས་པ་འཇིག་རྟེན་གྱི་ཁམས་
རྒྱ་མཚོ་རེ་རེར་སངས་རྒྱས་འབྱུང་བའི་ཚུལ་རྒྱ་མཚོ་འཇིག་རྟེན་གྱི་ཁམས་རྒྱ་མཚོའི་རྡུལ་ཤིན་ཏུ་ཕྲ་བ་སྙེད་དུ་ཤེས་པར་བྱའོ། །དེ་ནས་བྱང་ཆུབ་སེམས་དཔའ་ཀུན་ཏུ་བཟང་པོས་སངས་རྒྱས་འབྱུང་བའི་ཚུལ་རྒྱ་མཚོའི་
ཕྱོགས་འདི་ཉིད་ཡོངསུ་བསྟན་པའི་བྱིན་གྱིས་རླབས་ཀྱི་ཕྱོགས་བཅུར་རྣམ་པར་བལྟས་ཏེ། དེའི་ཚེ་ཚིགས་སུ་བཅད་པ་འདི་དག་སྨྲསོ། །རྒྱལ་བ་འབྱུང་ཐབས་རྣམ་པ་སྣ་ཚོགས་ཀྱི། །སྒོ་ནས་ཞིང་རྣམས་རྒྱ་མཚོར་རབ་ཏུ་

72-1-108b

འབྱུང་། །དེ་དག་སེམས་ཅན་བསམ་པ་ཇི་བཞིན་མཁྱེན། །སངས་རྒྱས་ཐབས་ཀྱི་སྒོ་མང་རྒྱ་མཚོའོ། །སངས་རྒྱས་ཆོས་སྐུར་བསམ་གྱིས་མྱི་ཁྱབ་སྟེ། །མི་ཡོར་མ་ཡིན་མཚན་ཉིད་མེད་པའི་གཟུགས། །གཟུགས་
ཀྱི་ཁྱད་པར་འགྲོ་བ་འདི་དག་དུ། །སེམས་ཅན་བསམ་པའི་ཕྱོགས་བཞིན་སྟོན་ལ་ལྟོས། །སྐུ་ཚེ་ཐུང་བར་ལ་ལ་རྣམ་པར་སྟོན། །ལ་ལ་བསྐལ་པ་བསམ་ཡས་བྱིན་གྱིས་རློབ། །ཆོས་ཀྱི་སྐུ་ནི་ཕྱོགས་རྣམས་
ཀུན་གྱི་སྒོ། །རབ་ཏུ་མཛེས་པར་འགྲོ་བ་འདི་ནི་བཞུགས། །ལ་ལ་ཞིང་རྣམས་རྒྱ་མཚོ་བསམ་ཡས་དག །སྦྱོངས་ཞིང་འབྱམ་ཀླས་ཕྱོགས་བཅུ་ཀུན་ན་ཡང་། །ལ་ལ་ཞིང་གཅིག་རྣམ་པར་སྦྱོང་བ་མཛད། །སྨོན་ལམ་
མ་ལུས་ཀུན་ཀྱང་ཚུལ་གཅིག་གོ། །ལ་ལ་བསམ་གྱིས་མྱི་ཁྱབ་ཐེག་པའི་རྒྱན། །སེམས་ཅན་ཡིད་བཞིན་སངས་རྒྱས་སྟོན་པ་མཛད། །ལ་ལ་ཐེག་པ་གཅིག་ཀྱང་རབ་སྟོན་ཏེ། །རྒྱལ་བའི་ཐབས་ནི་གཅིག་ཀྱང་
མཐའ་ཡས་སོ། །རང་བྱུང་ལ་ལ་བྱང་ཆུབ་སངས་རྒྱས་ནས། །སེམས་ཅན་མི་མངའ་ལམ་ལ་གཞོག་པ་མཛད། །ལ་ལ་སྐད་གཅིག་གཅིག་གིས་སེམས་ཅན་རྣམས། །རྒྱ་མཚོ་བསམ་ཡས་བྱང་ཆུབ་
དོན་དུ་འདུལ། །ལ་ལ་སྤུ་ཡི་སྒོ་ནས་བསམ་ཡས་པའི། །སངས་རྒྱས་སྤྲུལ་པའི་སྤྲིན་རྣམས་རབ་ཏུ་འགྱེད། །འགྲོ་བ་ཀུན་ཏུ་དེ་དག་མངོན་བཀང་ཞིང་། །ཐབས་ཀྱི་སྒོ་ནས་སེམས་ཅན་འདུལ་བ་མཛད། །
ལ་ལ་སངས་རྒྱས་གསུང་གིས་ཀུན་བཀང་ཞིང་། །ཞིང་དུ་སེམས་ཅན་ཡིད་བཞིན་རབ་ཏུ་སྒྲོག །བསམ་ཡས་བསྐལ་པར་དེ་དག་གསུང་སྒྲོག་ཅིང་། །སེམས་ཅན་རྒྱ་མཚོ་མཐའ་ཡས་རྣམ་པར་འདུལ། །
ལ་ལ་ཞིང་བརྒྱན་བསམ་གྱིས་མི་ཁྱབ་སྟེ། །འཁོར་རྣམས་ཡང་དག་ཀུན་ནས་འཁོད་བཅས་པས། །ཞིང་མང་རྒྱ་མཚོ་ཕྱོགས་སུ་གང་བྱས་ཤིང་། །སངས་རྒྱས་མཁའ་ལ་སྤྲིན་ལྟར་ཁྱབ་པར་བཞུགས། །

72-1-109a

དེ་ལྟར་སངས་རྒྱས་ཐབས་ནི་བསམ་མི་ཁྱབ། །ཞིང་རྣམས་རྒྱ་མཚོ་ཀུན་ཏུ་རྒྱས་བཀང་ཞིང་། །འགྲོ་བ་ཀུན་ལ་སངས་རྒྱས་མངོན་སུམ་སྟེ། །སྣ་ཚོགས་རྒྱན་མང་དུ་མའི་ཚུལ་དང་ལྡན། །
ཀྱེ་རྒྱལ་བའི་སྲས་དག་དེ་ལ་འཇིག་རྟེན་གྱི་ཁམས་རྒྱ་མཚོའི་བསྐལ་པའི་བྱིན་གྱི་རླབས་ཀྱི་ཚུལ་ཤིན་ཏུ་བསྟན་པ་ནི། འཇིག་རྟེན་གྱི་ཁམས་རྒྱ་མཚོའི་ཚུལ་ཤིན་ཏུ་ཕྲ་བ་སྙེད་དུ་ཤེས་པར་བྱ་སྟེ། འདི་ལྟར་
ཞིང་རྒྱ་མཚོ་ལ་ལ་ནི་སྐལ་པ་གྲངས་མེད་པར་བྱིན་གྱིས་རླབས་སོ། །ཞིང་རྒྱ་མཚོ་ལ་ལ་ནི་བསྐལ་པ་ཚད་མེད་པར་བྱིན་གྱིས་རླབས་པའོ། །ཞིང་རྒྱ་མཚོ་ལ་ལ་ནི་སྐལ་པ་དཔག་ཏུ་མེད་པར་བྱིན་གྱིས་རླབས་
པའོ། །ཞིང་རྒྱ་མཚོ་ལ་ལ་ནི་བསྐལ་པ་བསམ་གྱིས་མི་ཁྱབ་པར་བྱིན་གྱིས་རླབས་པའོ། །ཞིང་རྒྱ་མཚོ་ལ་ལ་ནི་བསྐལ་པ་མཚུངས་པ་མེད་པར་བྱིན་གྱི་རླབས་པའོ། །ཞིང་རྒྱ་མཚོ་ལ་ལ་ནི་བསྐལ་པ་ཀུན་
ནས་མཐའ་ཡས་པར་བྱིན་གྱིས་རླབས་པའོ། །ཞིང་རྒྱ་མཚོ་ལ་ལ་ནི་བསྐལ་པ་ཀུན་ནས་མུ་མེད་པར་བྱིན་གྱིས་རླབས་པའོ། །ཞིང་རྒྱ་མཚོ་ལ་ལ་ནི་བསྐལ་པ་གཞལ་དུ་མེད་པར་བྱིན་གྱིས་རླབས་པའོ། །ཞིང་
རྒྱ་མཚོ་ལ་ལ་ནི་བསྐལ་པ་བརྗོད་དུ་མེད་པར་བྱིན་གྱིས་རླབས་པ་སྟེ། དེ་དག་ལ་སྩོགས་པ་འཇིག་རྟེན་གྱི་ཁམས་རྒྱ་མཚོའི་བསྐལ་པ་བྱིན་གྱིས་རླབས་ཀྱི་ཚུལ་ཤིན་ཏུ་བསྟན་པ་རྒྱ་མཚོ་ནི་འཇིག་རྟེན་གྱི་ཁམས་
རྒྱ་མཚོའི་རྡུལ་ཤིན་ཏུ་ཕྲ་བ་སྙེད་དོ། །དེ་ནས་བྱང་ཆུབ་སེམས་དཔའ་ཀུན་ཏུ་བཟང་པོས་འཇིག་རྟེན་གྱི་ཁམས་རྒྱ་མཚོའི་བསྐལ་པའི་བྱིན་གྱིས་རླབས་ཀྱི་ཚུལ་ཤིན་ཏུ་བསྐལ་པ་འདི་ཉིད་ཡོངས་སུ་བསྟན་པའི་
ཕྱིར། སངས་རྒྱས་ཀྱི་བྱིན་གྱིས་རླབས་ཀྱིས་ཕྱོགས་བཅུར་རྣམ་པར་བལྟས་ཏེ། དེའི་ཚེ་ཚིགས་སུ་བཅད་པ་འདི་དག་སྨྲས་སོ། །འཇིག་རྟེན་རྒྱ་མཚོའི་བསྐལ་པ་ཐ་དད་དེ། །སྣ་ཚོགས་ཚུལ་འཇུག་རྒྱན་

72-1-109b

རྣམས་གཞན་དང་གཞན། །ཕྱོགས་བཅུའི་ཞིང་རྣམས་རྒྱ་མཚོ་ཀུན་ན་སྣང་། །སྐལ་པའི་ཚུལ་ནི་རྒྱ་མཚོ་གྲངས་ཀྱང་མེད། །བསྐལ་པ་མི་མཐུན་འགྲོ་བ་ཀུན་དང་མཉམ། །ཕྱོགས་དབྱིངས་འཇིག་རྟེན་རྒྱ་
མཚོའི་ཁམས་ན་སྣང་། །བསྐལ་པ་མཐའ་ཡས་ལ་ལ་རིང་དང་ཐུང་། །བསྐལ་པ་སྣ་ཚོགས་རྒྱལ་བའི་སྒྲས་ཀྱང་བསྒྲགས། །རྒྱ་མཚོའི་ཞིང་རྣམས་འདི་དག་ཕྱོགས་དབྱིངས་སྣང་། །བྱིན་རླབས་བསྐལ་པ་
ཞིང་རྡུལ་སྙེད་དང་ལྡན། །ལ་ལ་གཞན་རྣམས་བསྐལ་པ་གཅིག་གིས་འཇུག །ལ་ལ་སྐལ་གྲངས་སྨོན་ལམ་དུ་མས་བྱུང་། །བསྐལ་པ་ལ་ལ་དྲི་མེད་ཉོན་མོངས་ཅན། །ལ་ལ་རྣམ་དག་ཉོན་མོངས་རྣམ་
པར་དག །སྐལ་པ་མིང་ནི་སྨོན་ལམ་རྒྱ་མཚོའི་ཚུལ་གྱིས་བྱུང་། །སེམས་ཅན་འདུ་ཤེས་རྣམ་པས་ཐ་དད་ཚུལ་ལ་འཇུག །བསྐལ་པ་ཞིང་གི་རྡུལ་སྙེད་སྔོན་ཅད་སྤྱོད་སྤྱད་པས། །འཇིག་རྟེན་ཁམས་རྣམས་
རྒྱ་མཚོ་ཤིན་ཏུ་ཡངས་ཤིང་དག །དེ་དག་ཀུན་ནས་སངས་རྒྱས་ཡུལ་རྒྱན་ཚད་ཀྱང་མེད། །འདི་དག་རྒྱ་ཆེན་བསྐལ་པའི་འཇིག་རྟེན་རྒྱ་མཚོའི་ཁམས། །བསྐལ་པའི་འོད་དང་འོད་ཟེར་རིན་ཆེན་མིང་སྣ་ཚོགས། །
བཅོམ་ལྡན་དབྱངས་དང་འོད་མཉམ་འོད་འཕྲོའི་མིག་སྣང་བ། །སྣང་དང་དྲི་མེད་བཟང་པོ་བསྐལ་པའི་མིང་ལ་འཇུག །བསྐལ་པ་འདི་དག་རྣམ་དག་བསྐལ་པ་ཀུན་ལས་བྱུང་། །དྲི་མེད་བསྐལ་པ་ལ་ལར་སངས་
རྒྱས་གཅིག་སྐྱེའོ། །བསྐལ་པ་ལ་ལར་མིའི་གཙོ་བོ་མཐའ་ཡས་འབྱུང་། །བསྐལ་པའི་ཚུལ་རྣམས་ཐམས་ཅད་ས་ཚུལ་ཟད་མི་ཤེས། །སྨོན་ལམ་སྟོབས་མཐུས་བསྐལ་པ་སྣ་ཚོགས་འཇུག་པར་འགྱུར། །བསྐལ་
པ་ལ་ལ་མཐའ་ཡས་རྣམས་ཀྱང་གཅིག་ཏུ་འདུས། །བསྐལ་པ་ལ་ལ་གཅིག་ཀྱང་བསྐལ་པའི་བྱེ་བའི་མཐུ། །བསྐལ་པ་རྒྱ་མཚོ་ཀུན་ཀྱང་སྣ་ཚོགས་སྒོ་ནས་འཇུག །ཕྱོགས་བཅུའི་འཇིག་རྟེན་ཁམས་

72-1-110a

ཀྱི་ནང་ནས་སྒྲ་ཡང་འབྱིན། །བསྐལ་པ་ལ་ལར་སྤྲུལ་པ་ཀུན་གྱི་རྒྱུད་ཀྱང་འབྱུང་། །མིང་གི་རྒྱན་རྣམས་རྣམ་པར་དག་པའང་དེ་ལ་ཡོད། །བསྐལ་པ་ལ་ལ་སངས་རྒྱས་རྫུ་འཕྲུལ་མཐུ་ཡིས་འབྱུང་། །
སྐལ་པའི་ཚུལ་རྣམས་ཀུན་གྱི་འདི་ནི་རྒྱན་ཡངས་ཡིན། །ཞིང་དང་བསྐལ་པ་རྒྱ་མཚོ་ཚུལ་ནི་གཅིག་གིས་དག །ཞིང་གི་རྡུལ་རྣམས་ཀུན་ཀྱང་ཚད་མེད་གཞལ་དུ་མེད། །སྐད་ཅིག་ཡུད་ཙམ་ཉི་མའི་གྲངས་ཀྱིས་བསྐལ་
པར་འགྱུར། །འདི་དག་ཐམས་ཅད་སེམས་ཅན་འདུ་ཤེས་རྣམ་པར་བྱུང་། །ཀྱེ་རྒྱལ་བའི་སྲས་དག་དེ་ལ་འཇིག་རྟེན་གྱི་ཁམས་རྒྱ་མཚོའི་བསྐལ་པ་མཐའ་ཡས་པའི་རྒྱུད་ཀྱི་ཚུལ་རྒྱ་མཚོ་ནི་འཇིག་རྟེན་གྱི་
ཁམས་རྒྱ་མཚོའི་རྡུལ་ཤིན་ཏུ་ཕྲ་བ་སྙེད་དུ་ཤེས་པར་བྱ་སྟེ། འདི་ལྟར་ཆོས་ཉིད་རབ་ཏུ་ཐོབ་པས་འཇིག་རྟེན་གྱི་ཁམས་རྒྱ་མཚོ་དག་བསྐལ་པས་འཇིག་ཅིང་འདུ་བ་ལ་རབ་ཏུ་འཇུག་པར་གནས་པ་དང་། འཇིག་
རྟེན་གྱི་ཁམས་རྒྱ་མཚོར་ཏོག་པའི་སེམས་ཅན་རྣམས་ཀྱི་ཉོན་མོངས་པས་བསྐལ་པ་མཐའ་ཡས་པ་ཀུན་ནས་གནས་པ་དང་། འདི་ལྟ་སྟེ་འཇིག་རྟེན་གྱི་ཁམས་རྒྱ་མཚོར་གཏོགས་པའི་སེམས་ཅན་རྣམས་ཀྱི་བསོད་
ནམས་རྒྱ་མཚོ་རྒྱ་ཆེན་པོ་སྩོགས་པ་རྣམ་པར་དག་པས་འཇིག་རྟེན་གྱི་ཁམས་རྒྱ་མཚོ་ཀུན་ནས་ཉོན་མོངས་ལ་རྣམ་པར་དག་པར་གནས་པ་དང་། འདི་ལྟ་སྟེ་བྱང་ཆུབ་སེམས་དཔའ་མོས་པ་སྣ་ཚོགས་ཀྱི་སྤྱོད་
པ་རྣམས་སྐྱེ་བས་འཇིག་རྟེན་གྱི་ཁམས་རྒྱ་མཚོ་རྣམ་པར་དག་ལ་ཀུན་ནས་ཉོན་མོངས་པར་གནས་པ་དང་། འདི་ལྟ་སྟེ་སེམས་ཅན་རྒྱ་མཚོ་རྒྱ་ཆེན་པོ་བྱང་ཆུབ་ཀྱི་སེམས་ལ་གནས་པས་འཇིག་རྟེན་གྱི་ཁམས་
རྒྱ་མཚོ་ཤིན་ཏུ་དག་པར་གནས་པ་དང་། འདི་ལྟ་སྟེ་བྱང་ཆུབ་སེམས་དཔའ་རྣམས་འཇིག་རྟེན་གྱི་ཁམས་གཞན་དང་གཞན་དུ་འདོད་པས་བསྐལ་པ་རྒྱན་ཐ་དད་པའི་ཚུལ་དུ་གནས་པ་འདི་ལྟ་སྟེ། ཕྱོགས་བཅུའི་

72-1-110b

བྱང་ཆུབ་སེམས་དཔའ་རྣམས་འཇིག་རྟེན་གྱི་ཁམས་རྒྱ་མཚོར་འདུས་པས་བསྐལ་པ་མཐའ་ཡས་པ་རྒྱན་ཤིན་ཏུ་མང་པོར་ཀུན་ཏུས་གནས་པ་དང་། འདི་ལྟ་སྟེ་དེ་བཞིན་གཤེགས་པ་ཡོངས་སུ་མྱ་ངན་ལས་འདས་
པས་འཇིག་རྟེན་གྱི་ཁམས་རྒྱ་མཚོ་དག་གི་རྒྱན་ནུབ་པར་འགྱུར་བ་དང་། འདི་ལྟ་སྟེ་སངས་རྒྱས་འབྱུང་བའི་ཚེ་འཇིག་རྟེན་གྱི་ཁམས་རྒྱ་མཚོ་རྣམས་ཀྱི་རྒྱན་གྱིས་བརྒྱན་པར་ཀུན་ནས་གནས་པ་དང་། འདི་ལྟ་སྟེ། དེ་བཞིན་གཤེགས་
པ་རྣམ་པར་འཕྲུལ་པས་འཇིག་རྟེན་གྱི་ཁམས་རྒྱ་མཚོའི་བསྐལ་པ་མཐའ་ཡས་པས་ཡོངསུ་དག་པར་གནས་པ་དང་། དེ་དག་ལ་སྩོགས་པ་འཇིག་རྟེན་གྱི་ཁམས་རྒྱ་མཚོ་སྐལ་པ་རྒྱ་མཚོ་མཐའ་ཡས་པའི་རྒྱུད་ཀྱི་ཚུལ་རྒྱ་མཚོ་
དང་ཀུན་ནས་གནས་པའི་ཚུལ་ནི་འཇིག་རྟེན་གྱི་ཁམས་རྒྱ་མཚོའི་རྡུལ་ཤིན་ཏུ་ཕྲ་བ་སྙེད་དུ་ཤེས་པར་བྱའོ། །དེ་ནས་བྱང་ཆུབ་སེམས་དཔའ་ཀུན་ཏུ་བཟང་པོས་ཡང་འཇིག་རྟེན་གྱི་ཁམས་རྒྱ་མཚོའི་སྐལ་པ་མཐའ་ཡས་པའི་ཚུལ་རྒྱ་
མཚོ་འདི་ཉིད་ཡོངས་སུ་བསྟན་པའི་ཕྱིར། སངས་རྒྱས་ཀྱི་བྱིན་གྱིས་རླབས་ཀྱིས་ཕྱོགས་བཅུར་རྣམ་པར་བལྟས་ཏེ། དེའི་ཚེ་ཚིགས་སུ་བཅད་པ་འདི་དག་སྨྲས་སོ། །ཞིང་རྣམས་རྒྱ་མཚོའི་ཆོས་ཉིད་འདི་དག་ལྟོས། །ཆོས་ཀྱི་བྱུང་
སྟེ་ཇི་ལྟར་གནས་པ་ལྟར། །དེ་དག་འབྱུང་ཞིང་འཇིག་པར་འགྱུར་བ་ཡང་། །ཞིང་རྣམས་རྒྱ་མཚོ་ཐམས་ཅད་རབ་ཏུ་སྣང་། །སེམས་ཅན་ཉོན་མོངས་མི་ཟད་ལྡན་པ་དང་། །ལས་དང་ཉོན་མོངས་ངན་པས་སྒྲིབ་པའི་རྣམས། །
དེ་དག་བསམ་ལ་ཞིང་གི་རྒྱ་མཚོ་རྣམས། །ཀུན་ནས་ཉོན་མོངས་ལྡན་པར་གྱུར་པ་ཡིན། །སེམས་ཅན་རྣམ་དག་བསམ་པ་ལྡན་རྣམས་དང་། །བསོད་ནམས་བརྟན་དང་རྣམ་དག་སྤྱོད་ཡུལ་ཅན། །རྣམ་དག་ཡུལ་ལ་ཉོན་མོངས་
ལྡན་གྱུར་རྣམས། །དེ་དག་མོས་པ་སྣ་ཚོགས་སྤྱོད་ཡུལ་གྱི། །བྱང་ཆུབ་སེམས་དཔའ་སྐྱེ་བའི་དུས་དག་ན། །བསྐལ་པ་དེ་ནི་རྣམ་པར་དག་པར་སྣང་། །སེམས་ཅན་ཉོན་མོངས་ལྡན་པར་གྱུར་པ་ཡང་། །དེའི་ཆོས་ཉིད་བསམ་ཡས་ཡངས་པ་ཡི། །

72-1-111a

བྱང་ཆུབ་བསམ་པ་ཇི་ལྟར་བསྐྱེད་པ་དང་། །དེ་དག་བསམ་པ་ཇི་ལྟར་རྣམ་འཕེལ་བས། །དེ་བཞིན་བསྐལ་པ་རྒྱ་མཚོ་མང་པོ་དག །བསམ་གྱིས་མི་ཁྱབ་ཞིང་རྒྱན་ཡོངསུ་སྦྱོང་། །བྱ་བ་མང་པོ་མཐའ་ཡས་མི་
བཟད་པའི། །བྱང་ཆུབ་སེམས་དཔའ་ཕྱོགས་བཅུ་ཀུན་རྒྱུ་ཡང་། །རྒྱན་ལ་རྣམ་པ་ཐ་དད་ཡོད་པ་མིན། །བསྐལ་པ་ཐ་དད་ཚུལ་གྱི་བྱེ་བྲག་སྣང་། །རྡུལ་རྣམས་རེ་རེ་སྦུབས་སུ་དུས་ཀུན་ཏུ། །སངས་རྒྱས་ཞིང་གི་རྡུལ་དང་མཉམ་
པ་ཡི། །རྒྱལ་སྲས་ཇི་ཚུལ་འདོད་པ་དེ་བཞིན་དུ། །ཞིང་རྣམ་རྒྱ་མཚོ་དེ་ཚུལ་དག་པར་འགྱུར། །གལ་ཏེ་རྒྱལ་བ་རྣམས་ནི་སྐྱེས་འགྱུར་ན། །ཞིང་རྣམས་རྒྱན་གྱི་ཤིན་ཏུ་བརྒྱན་པར་འགྱུར། །བསམ་པ་ཡོངས་སུ་དག་བཞིན་རྒྱས་འགྱུར་
ཏེ། །འདི་ན་ཞིང་རྒྱན་ཕུན་སུམ་ཚོགས་པའོ། །གལ་ཏེ་རྒྱལ་བ་མྱ་ངན་འདས་གྱུར་པ། །དེ་ཚེ་དེ་ཞིང་རྒྱན་རྣམས་འགྲིབ་པར་འགྱུར། །སེམས་ཅན་རྣམས་ཀྱང་སྣོད་དུ་རུང་བ་མིན། །ཞིང་གི་རྒྱ་མཚོ་དེ་ཡང་ཉོན་མོངས་ལྡན། །སངས་རྒྱས་རྫུ་
འཕྲུལ་རྣམ་འཕྲུལ་ཡངས་པ་དག །བསམ་གྱིས་མི་ཁྱབ་གང་ཚེ་སྟོན་པ་ན། །དེ་ཚེ་ཞིང་རྣམས་རྒྱ་མཚོ་མང་པོ་དག །ཀུན་ཀྱང་རྒྱན་གྱིས་རྣམ་པར་རྒྱན་པར་འགྱུར། །ཀྱེ་རྒྱལ་བའི་སྲས་དག་དེ་ལ་འཇིག་རྟེན་གྱི་ཁམས་རྒྱ་
མཚོ་ཐ་མྱི་དད་པའི་ཚུལ་ནི་འཇིག་རྟེན་གྱི་ཁམས་རྒྱ་མཚོའི་རྡུལ་ཤིན་ཏུ་ཕྲ་བ་སྙེད་དུ་ཤེས་པར་བྱ་སྟེ། དེ་དག་ནི་སངས་རྒྱས་བཅོམ་ལྡན་འདས་འདས་པ་དང་། མ་བྱོན་པ་དང་། ད་ལྟར་བྱུང་བའི་སངས་རྒྱས་བཅོམ་ལྡན་འདས་རྣམས་ཀྱི་
གསུངས་སོ། །གསུང་ངོ་གསུང་བར་འགྱུར་རོ། །དེ་ནི་འདི་ལྟ་སྟེ་འཇིག་རྟེན་གྱི་ཁམས་རྒྱ་མཚོ་ཅིག་ཏུ་འཇིག་རྟེན་གྱི་ཁམས་རྒྱ་མཚོའི་རྡུལ་ཤིན་ཏུ་ཕྲ་བ་སྙེད་ཀྱི་འཇིག་རྟེན་གྱི་ཁམས་ཐ་མི་དད་པ་དང་། འདི་ལྟ་སྟེ། འཇིག་རྟེན་
གྱི་ཁམས་རྒྱ་མཚོ་དག་ཏུ་སངས་རྒྱས་སྐྱེ་ཞིང་འབྱུང་བ་ཐ་མི་དད་པ་དང་འདི་ལྟ་སྟེ། འཇིག་རྟེན་གྱི་ཁམས་རྒྱ་མཚོ་དག་གི་སྙིང་པོ་བྱང་ཆུབ་ཐམས་ཅད་ནས་ཆོས་ཀྱི་དབྱིངས་ཀྱི་ཕྱོགས་རྒྱས་པར་འགེངས་པ་ཐ་མི་དད་པ་དང་འདི་ལྟ་

72-1-111b

སྟེ་འཇིག་རྟེན་གྱི་ཁམས་རྒྱ་མཚོ་དག་གི་དེ་བཞིན་གཤེགས་པ་ཐམས་ཅད་ཀྱི་འཁོར་གྱི་དཀྱིལ་འཁོར་ཐ་མི་དད་པ་དང་། འདི་ལྟ་སྟེ་འཇིག་རྟེན་གྱི་ཁམས་རྒྱ་མཚོ་དག་གི་སངས་རྒྱས་ཐམས་ཅད་ཀྱི་འོད་ཀྱི་དཀྱིལ་འཁོར་ཆོས་ཀྱི་
དབྱིངས་རྒྱས་པར་འགེངས་པ་ཐ་མི་དད་པ་དང་། འདི་ལྟ་སྟེ་འཇིག་རྟེན་གྱི་ཁམས་རྒྱ་མཚོ་དག་ཏུ་སངས་རྒྱས་ཀྱི་སྤྲུལ་པའི་སྤྲིན་དང་། མཚན་གྱི་འཁོར་ལོ་ཐ་མི་དད་པ་དང་འདི་ལྟ་སྟེ་འཇིག་རྟེན་གྱི་ཁམས་རྒྱ་མཚོ་དག་ཏུ་སངས་
རྒྱས་ཐམས་ཅད་ཀྱི་དབྱིངས་ཀྱི་དཀྱིལ་འཁོར་སྐལ་པ་མཐའ་ཡས་པར་བརྗོད་ཅིང་རྒྱས་པར་བྱ་བའི་བྱིན་གྱི་རླབས་ཐ་མི་དད་པ་དང་། འདི་ལྟ་སྟེ་འཇིག་རྟེན་གྱི་ཁམས་རྒྱ་མཚོ་དག་ཏུ་ཆོས་ཀྱི་འཁོར་ལོའི་ཚུལ་ཐ་མི་དད་པ་དང་འདི་ལྟ་སྟེ་
འཇིག་རྟེན་གྱི་ཁམས་རྒྱ་མཚོ་དག་ཏུ་རྡུལ་ཤིན་ཏུ་ཕྲ་བ་གཅིག་ལ་འཇིག་རྟེན་གྱི་ཁམས་རྒྱ་མཚོ་ཐམས་ཅད་ཡོངས་སུ་འདུ་བ་ཐ་མི་དད་པ་དང་། འདི་ལྟ་སྟེ་འཇིག་རྟེན་གྱི་ཁམས་རྒྱ་མཚོ་དག་ཏུ་རྡུལ་འབྱམ་ཀླས་པ་ཐམས་ཅད་
ལ་དུས་གསུམ་གྱི་སངས་རྒྱས་ཀྱི་ཡུལ་རྒྱ་ཆེན་པོ་སྟོན་ཅིང་བརྗོད་པ་ཐ་མི་དད་པ་དག་སྟེ། ཀྱེ་རྒྱལ་བའི་སྲས་དག་དེ་དག་ལ་སྩོགས་པ་འཇིག་རྟེན་གྱི་ཁམས་རྒྱ་མཚོ་ཐ་མི་དད་པའི་ཚུལ་འཇིག་རྟེན་གྱི་ཁམས་རྒྱ་མཚོའི་
རྡུལ་ཤིན་ཏུ་ཕྲ་བ་སྙེད་དུ་ཤེས་པར་བྱའོ། །དེ་ནས་བྱང་ཆུབ་སེམས་དཔའ་ཀུན་ཏུ་བཟང་པོས་ཡང་འཇིག་རྟེན་གྱི་ཁམས་རྒྱ་མཚོ་ཐ་མི་དད་པའི་ཚུལ་རྒྱ་མཚོ་ཤིན་ཏུ་བསྟན་པ་འདི་ཉིད་གསལ་བར་བསྟན་པའི་ཕྱིར། 
སངས་རྒྱས་ཀྱི་བྱིན་གྱི་རླབས་ཀྱིས་ཕྱོགས་བཅུར་རྣམ་པར་བལྟས་ཏེ། དེའི་ཚེ་ཚིགས་སུ་བཅད་པ་འདི་དག་སྨྲས་སོ། །རྡུལ་གཅིག་སྟེང་ན་ཞིང་མང་རྒྱ་མཚོ་སྟེ། །ཀུན་ན་རྒྱན་མང་རྣམ་དག་ཀུན་ཡོད་ཀྱང་། །
གནོད་པ་མེད་ཅིང་འདྲ་བ་གང་ཡང་མེད། །འཇུག་པ་བསམ་གྱིས་མི་ཁྱབ་འདི་ལ་ལྟོས། །རྡུལ་རྣམས་ཀུན་ལ་བསམ་ཡས་སངས་རྒྱས་བཞུགས། །སེམས་ཅན་ཀུན་

72-1-112a

ཀྱི་བསམ་པ་ཡིད་བཞིན་དུ། །ཞིང་རྣམས་རྒྱ་མཚོ་ཐམས་ཅད་ཁྱབ་བྱས་ཀྱང་། །དེ་དག་ཐབས་ལ་ཐ་དད་གང་ཡང་མེད། །རྡུལ་རྣམས་ཀུན་ལ་ཤིང་དབང་མཐའ་ཡས་པ། །སྣ་ཚོགས་རྒྱན་ཕྱུང་ཀུན་ནས་བྲེས་སྦྱང་
ཏེ། །ཕྱོགས་རྣམས་ཀུན་གྱི་ཞིང་དུ་མངོན་བཀང་ཡང་། །དེ་དག་ཐ་དད་འགྱུར་བ་ནམ་ཡང་མེད། །རྡུལ་ཕྲན་རྒྱ་མཚོ་རྡུལ་ཕྲན་རེ་རེ་ལ། །མིའི་གཙོ་བོ་འཁོར་འདི་ཀུན་བསྐོར་ཅིང་། །འཇིག་རྟེན་ཀུན་ཏུ་བཀང་སྟེ་འཕགས་
བཞུགས་ཀྱང་། །གནོད་པ་དག་དང་འདྲ་བའི་ཉེས་པ་མེད། །རྡུལ་ཅིག་ལ་ནི་མཐའ་ཡས་འོད་ཀྱི་སྤྲིན། །ཕྱོགས་བཅུའི་ཞིང་རྣམས་རྒྱ་མཚོ་ཀུན་བཀང་ཞིང་། །བདེ་གཤེགས་རྣམས་ཀྱི་བྱང་ཆུབ་སྤྱོད་བསྟན་ཀྱང་། །
རྒྱ་མཚོའི་ཞིང་རྣམས་ཐ་དད་གང་ཡང་མེད། །རྡུལ་རྣམས་ཀུན་ལ་ཁ་དོག་བསམ་མི་ཁྱབ། །སྤྲུལ་པའི་སྤྲིན་གྱིས་ཀུན་ཏུ་གང་བྱས་ཏེ། །སངས་རྒྱས་སྤྲུལ་པས་སེམས་ཅན་རྣམ་འདུལ་ཡང་། །འབྱམ་ཀླས་ཕྱོགས་ན་ཐ་དད་གང་ཡང་
མེད། །རྡུལ་རྣམས་ཀུན་ལ་རྒྱ་མཚོའི་ཆོས་བརྗོད་དེ། །དེ་དག་འཁོར་ལོ་ཚུལ་བཞིན་འཁོར་མཛད་ཅིང་། །ཐབས་དང་མཐུའི་སྒོ་མོ་སྣ་ཚོགས་ཀྱིས། །ཐམས་ཅད་བརྗོད་ཀྱང་དེ་ལ་ཐ་དད་མེད། །རྡུལ་གཅིག་ལ་ནི་རྒྱལ་བ་ཀུན་གྱི་གསུང་། །
འགྲོ་བ་སྣོད་དུ་གྱུར་ལ་དེ་དག་བརྗོད་བྱས་ཏེ། །རྒྱ་མཚོའི་ཞིང་དུ་བསྐལ་པར་བྱིན་རླབས་ཀྱང་། །དེ་དག་གསུང་གི་ཡན་ལག་ཐ་མི་དད། །ཞིང་རྣམས་རྒྱ་མཚོ་མཐའ་ཡས་རྒྱན་གྱི་རྣམས། །ཐམས་ཅད་རྡུལ་སྦུབས་གཅིག་ཏུ་རབ་ཏུ་འཛུད། །
རྒྱལ་བ་རྣམས་ཀྱི་རྫུ་འཕྲུལ་མཐུ་ལ་ལྟོས། །ལས་ཀྱི་དངོས་ལས་དེ་དག་སྐྱེས་པ་མིན། །རྡུལ་གཅིག་ལ་ནི་དུས་གསུམ་རྒྱལ་བ་དག །ཇི་ལྟར་བྱུང་བ་དེ་དག་ཐམས་ཅད་སྣང་། །དེ་དག་གཤེགས་དང་བྱོན་པ་གང་ཡང་
མེད། །འགྲོ་བ་ཀུན་ནས་སངས་རྒྱས་རྣམ་པར་འཕྲུལ། །འཇིག་རྟེན་གྱི་ཁམས་རྒྱ་མཚོ་ཤིན་ཏུ་བསྟན་པའི་ཕྱོགས་གསལ་བར་བྱ་བ་ཡང་དག་པར་བསྒྲུབ་པ་ཞེས་བྱ་སྟེ་ལེའུ་བཞི་པའོ།། །།

72-1-112b

སངས་རྒྱས་རྨད་ག་ཅད་ཅེས་བྱ་བ་ཤིན་ཏུ་རྒྱས་པ་ཆེན་པོའི་མདོ། བམ་པོ་བརྒྱད་པ། ཀྱེ་རྒྱལ་བའི་སྲས་དག་དེ་ལ་འཇིག་རྟེན་གྱི་ཁམས་རྒྱ་མཚོ་གཞི་དང་སྙིང་པོ་མེ་ཏོག་གི་རྒྱན་གྱིས་བརྒྱན་པ་འདི། 
བཅོམ་ལྡན་འདས་དེ་བཞིན་གཤེགས་པ་རྣམ་པར་སྣང་མཛད་སྔོན་བྱང་ཆུབ་སེམས་དཔའི་སྤྱད་པ་སྤྱོད་པའི་ཚེ། བསྐལ་པ་རྒྱ་མཚོ་འཇིག་རྟེན་གྱི་ཁམས་རྒྱ་མཚོའི་རྡུལ་ཤིན་ཏུ་ཕྲ་བ་སྙེད་ཀྱིས་ཡོངས་སུ་དག་པར་
བྱས་ཏེ། བསྐལ་པ་རེ་རེ་ཞིང་ཡང་དེ་བཞིན་གཤེགས་པ་འཇིག་རྟེན་གྱི་ཁམས་རྒྱ་མཚོའི་རྡུལ་ཤིན་ཏུ་ཕྲ་བ་སྙེད་ཀྱི་ཞབས་ཀྱི་དྲུང་དུ། སྨོན་ལམ་རྒྱ་མཚོ་འཇིག་རྟེན་གྱི་ཁམས་རྒྱ་མཚོའི་རྡུལ་ཤིན་ཏུ་ཕྲ་བ་སྙེད་
ཀྱི་ཡོངས་སུ་དག་པར་བྱས་སོ། །ཀྱེ་རྒྱལ་བའི་སྲས་དག་འཇིག་རྟེན་གྱི་ཁམས་རྒྱ་མཚོ་དང་གཞི་དང་སྙིང་པོ་མེ་ཏོག་གི་རྒྱན་གྱིས་བརྒྱན་པ་དེ་ནི་རླུང་གི་དཀྱིལ་འཁོར་རི་རབ་ཀྱི་རྡུལ་ཤིན་ཏུ་ཕྲ་བ་སྙེད་ཀྱིས་ཤིན་ཏུ་
བཟུང་བ་སྟེ། དེ་ལ་རླུང་གི་དཀྱིལ་འཁོར་ཐམས་ཅད་ཀྱི་འོག་མ་ནི་གཞི་ཀུན་ནས། སྟོན་པ་ཞེས་བྱ་སྟེ། རིན་པོ་ཆེ་ཐམས་ཅད་ཀྱི་འོད་འཕྲོ་བ་འབར་བས་བརྒྱན་པའི་གཞིས་སྟོན་ཏོ། །དེའི་སྟེང་ན་རླུང་གི་དཀྱིལ་
འཁོར་རིན་པོ་ཆེ་སྣ་ཚོགས་ཀྱི་རྒྱན་འབྱུང་བ་ཞེས་བྱ་བ་ཡོད་དེ། ནོར་བུའི་རྒྱལ་པོ་འོད་རྣམ་པར་དག་པའི་རྒྱལ་མཚན་གྱི་གཞིས་སྟོན་ཏོ། །དེའི་སྟེང་ན་རླུང་གི་དཀྱིལ་འཁོར་རིན་པོ་ཆེའི་མཐུ་ཞེས་བྱ་བ་ཡོད་དེ། རིན་པོ་ཆེ་
ཐམས་ཅད་ཀྱི་དྲིལ་བུའི་གཞིས་སྟོན་ཏོ། །དེའི་སྟེང་ན་རླུང་གི་དཀྱིལ་འཁོར་འོད་འཕྲོ་བ་མཉམ་པར་སྟོན་པ་ཞེས་བྱ་བ་ཡོད་དེ། ནོར་བུའི་རྒྱལ་པོ་ཉི་མ་སྣང་བའི་རྒྱལ་མཚན་གྱི་འཁོར་ལོའི་གཞིས་སྟོན་ཏོ། །དེའི་སྟེང་ན་རླུང་གི་
དཀྱིལ་འཁོར་རྒྱན་ཀུན་ནས་རྣམ་པར་བྲེས་པ་ཞེས་བྱ་བ་ཡོད་དོ། འོད་ཟེར་གྱི་འོད་ཀྱི་དཀྱིལ་འཁོར་གྱི་མེ་ཏོག་གི་གཞིས་སྟོན་ཏོ། །དེའི་སྟེང་ན་རླུང་གི་དཀྱིལ་འཁོར་གཞི་ཀུན་ནས་དྲི་མ་མེད་ཅིང་ཡོངསུ་དག་པ་ཞེས་བྱ་བ་ཡོད་དེ་མེ་ཏོག་

72-1-113a

ཐམས་ཅད་འཕྲོ་བའི་སེང་གེའི་ཁྲིའི་གཞིས་སྟོན་ཏོ། །དེའི་སྟེང་ན་རླུང་གི་དཀྱིལ་འཁོར་ཕྱོགས་སུ་སྒྲ་སྒྲོག་ཅིང་ཀུན་ཏུ་རྒྱུ་བ་ཞེས་བྱ་བ་ཡོད་དེ། མུ་ཏིག་དང་མན་ཤེལ་གྱི་རྒྱལ་མཚན་སྣ་ཚོགས་ཀྱི་གཞིས་སྟོན་ཏོ། །
དེའི་སྟེང་ན་རླུང་གི་དཀྱིལ་འཁོར་རིན་པོ་ཆེ་ཐམས་ཅད་འཛིན་པ་ཞེས་བྱ་བ་ཡོད་དེ། ནོར་བུའི་རྒྱལ་པོའི་ཤིང་དང་མེ་ཏོག་སྣ་ཚོགས་ཀྱི་གློང་གི་གཞིས་སྟོན་ཏོ། །དེའི་སྟེང་ན་རླུང་གི་དཀྱིལ་འཁོར་ཀུན་ནས་འཛིན་པའི་ཤུགས་ཤེས་བྱ་བ་
ཡོད་དེ། སྤྲིན་གྱི་ནོར་བུ་ཐམས་ཅད་ཀྱི་རི་རབ་ཀྱི་སྤྲིན་གྱི་གཞིས་སྟོན་ཏོ། །དེའི་སྟེང་ན་རླུང་གི་དཀྱིལ་འཁོར་གྱི་ཁྱིམ་ཀུན་ཏུ་རྒྱུ་བ་ཞེས་བྱ་བ་ཡོད་དེ། རིན་པོ་ཆེ་ཐམས་ཅད་ཀྱི་ཁ་དོག་དང་སྤོས་ཀྱི་ཁང་པ་བརྩེགས་པའི་སྤྲིན་གྱི་གཞིས་སྟོན་
ཏོ། །ཀྱེ་རྒྱལ་བའི་སྲས་དག་རླུང་གི་དཀྱིལ་འཁོར་རི་རབ་ཀྱི་རྡུལ་ཤིན་ཏུ་ཕྲ་བ་སྙེད་དེ་དག་ཐམས་ཅད་ཀྱི་སྟེང་མ་ནི་རླུང་གི་དཀྱིལ་འཁོར་གཟི་བརྗིད་བཟང་པོ་དཔལ་གྱི་སྙིང་པོ་ཞེས་བྱ་སྟེ། ནོར་བུ་ཀུན་ནས་སྣང་བའི་རྒྱན་དང་ལྡན་པའི་
སྤོས་ཀྱི་ཆུ་རྒྱ་མཚོའི་གཞིས་སྟོན་ཏོ། །སྤོས་ཀྱི་ཆུ་རྒྱ་མཚོ་ནོར་བུ་ཀུན་ནས་སྣང་བའི་གཞིས་བརྒྱན་པའི་སྙིང་པོ་ཞེས་བྱ་བ་དེ་ལས་པདྨོ་ཆེན་པོ་སྤོས་ཀྱི་རྒྱལ་མཚན་ཁྱེར་བའི་འོད་ཟེར་དང་ཟེ་བ་སྣ་ཚོགས་ཤེས་བྱ་བ་མངོན་པར་བྱུང་སྟེ། 
པདྨོ་ཆེན་པོ་དེ་ལ་འཇིག་རྟེན་གྱི་ཁམས་རྒྱ་མཚོ་གཞི་དང་སྙིང་པོ་མེ་ཏོག་གི་རྒྱན་གྱིས་བརྒྱན་པ་ཀུན་ནས་གྲུ་བཞིར་འདུག་པ་རྣམ་པར་དག་པ་ཤིན་ཏུ་བརྟན་པ་རྡོ་རྗེ་དང་ནོར་བུ་ཐམས་ཅད་ཀྱི་འཁོར་ཡུག་གི་བསྐོར་བ། རིམ་གྱིས་
གཞོལ་བར་གནས་ཤིང་རྒྱུད་ཀྱི་རྒྱ་མཚོ་ས་ལ་རབ་ཏུ་གནས་པ་འདི་འདུག་གོ། །དེ་ནས་བྱང་ཆུབ་སེམས་དཔའ་ཀུན་ཏུ་བཟང་པོས་ཡང་འཇིག་རྟེན་གྱི་ཁམས་རྒྱ་མཚོ་གཞི་དང་སྙིང་པོ་མེ་ཏོག་གི་རྒྱན་གྱིས་བརྒྱན་པ་འདི་
ཉིད་ཀྱི་ཡོན་ཏན་རྒྱ་མཚོ་ཡོངསུ་དག་པའི་ཕྱོགས་འདི་ཉིད་བརྗོད་པའི་ཕྱིར་སངས་རྒྱས་ཀྱི་བྱིན་གྱིས་རླབས་ཀྱིས་ཕྱོགས་བཅུར་རྣམ་པར་བལྟས་ཏེ། དེའི་ཚེ་ཚིགསུ་བཅད་པ་འདི་དག་སྨྲས་སོ། །གཞི་རྒྱན་མེ་ཏོག་འཇིག་

72-1-113b

རྟེན་ཁམས་གང་རྒྱ་མཚོ་དེ་ནི་རིན་ཆེན་ཀུན་གྱི་སྙིང་པོ་ཁ་དོག་སྣ་ཚོགས་སྟེ། །རྡུལ་རྣམས་ཀུན་དང་མཉམ་པའི་སྔོན་ཆེད་སངས་རྒྱས་ཀྱིས། །དྲུང་དུ་སྔོན་ཚེ་རྒྱ་མཚོར་སྦྱད་པས་དྲི་མེད་པ། །རྒྱ་ཆེན་སྙིང་རྗེའི་སྤྲིན་གྱིས་ཁམས་རྣམས་
ཀུན་བཀང་ཞིང་། །ཞིང་གི་རྡུལ་དང་མཉམ་པའི་ལུས་ཀྱང་ཀུན་བཏང་ནས། །སྔོན་གྱི་སྐལ་པ་རྒྱ་མཚོར་སྤྱོད་པ་སྤྱད་པས་ན། །འཇིག་རྟེན་རྒྱ་མཚོའི་ཁམས་དེ་ཡངས་ཤིང་རྣམ་པར་དག །སངས་རྒྱས་རྣམ་པར་སྣང་བས་སྨོན་
ལམ་ཆེ་མཛད་དེ། །འོད་སྣང་བཏང་བ་མཁའི་དཀྱིལ་ན་གནས་པ་ནི། །རླུང་གི་ཕུང་པོས་བཏབ་ཀྱང་མི་བསྐྱོད་མི་གཡོ་སྟེ། །ནོར་བུ་ཀུན་རྒྱན་སངས་རྒྱས་གཟུགས་བརྙན་སྙིང་པོའོ། །མེ་ཏོག་མཛོད་བཀྱེ་གཏོར་བ་རིན་ཆེན་
ཡིད་འོང་བཞིན། །སྔོན་གྱི་སྨོན་ལམ་དབང་གིས་མཁའི་དབྱིངས་ལ་གནས། །རྒྱ་མཚོའི་རྒྱན་རྣམས་ཐམས་ཅད་སྣ་ཚོགས་བསྟན་པར་གནས། །ཕྱོགས་དང་ཕྱོགས་མཚམས་ཀུན་ཏུ་འོད་ཀྱི་སྤྲིན་ཀྱང་གཏོང་། །ནོར་བུ་
ཐམས་ཅད་སྒོ་ནས་བྱང་ཆུབ་སེམས་དཔའི་རྣམས། །བྱུང་ཞིང་འོད་ཟེར་སྤྲིན་འབར་ཕྱོགས་རྣམས་ཀུན་ཏུ་འདོར། །འོད་ཟེར་མེ་ཏོག་ཚོན་དང་འོད་ཟེར་འཁོར་ལོའི་ཚོགས། །ཕྱོགས་རྣམས་མ་ལུས་ཀུན་གྱི་ཆོས་དབྱིངས་
ཁྱབ་པར་བྱེད། །རིན་ཆེན་ཀུན་གྱི་འོད་ཟེར་སྤྲིན་རྣམས་བཀྱེ་བ་ནི། །ཕྱོགས་དང་ཕྱོགས་མཚམས་ཀུན་གྱི་ཞིང་རྣམས་ཁྱབ་པར་བྱེད། །སྡུག་བསྔལ་ཐམས་ཅད་བཅིལ་ཞིང་བྱང་ཆུབ་མཆོག་ལ་བགྲོད། །འཇིག་རྟེན་
རྒྱ་མཚོ་ཐམས་ཅད་འོད་འཕྲོ་རབ་ཏུ་འབར། །འགྲོ་བ་ཀུན་དང་མཉམ་པའི་སྤྲུལ་པ་སྣ་ཚོགས་རྣམས། །རིན་ཆེན་ཀུན་དང་སྤུ་རྣམས་ཀུན་ནས་རྒྱལ་བ་འགྱེད། །བརྒྱ་བྱིན་དག་དང་མཚུངས་པ་འཁོར་ལོ་སྒྱུར་འདྲ་དང་། །
འགྲོ་བ་ཀུན་གྱི་ལུས་སུ་ལུས་རྣམས་ཀུན་ཀྱང་གནས། །སྤྲུལ་པས་འོད་བཀྱེ་ཆོས་ཀྱི་དབྱིངས་ཀྱི་ཚད་མཉམ་པ། །འོད་ཟེར་སྒོ་ནས་སངས་རྒྱས་ཐམས་ཅད་མཚན་ཀྱང་སྒྲོག །འགྲོ་བ་མ་ལུས་ཀུན་གྱི་བསམ་པ་ཚིམ་

72-1-114a

བྱས་ནས། །ཚུལ་རྣམས་སྣ་ཚོགས་སྒོ་ནས་སེམས་ཅན་རྣམ་པར་འདུལ། །འཇིག་རྟེན་རྒྱ་མཚོ་མེ་ཏོག་སྙིང་པོ་དེ་ནང་ན། །རྡུལ་ཕྲན་ཀུན་གྱི་ཁོངས་ན་ཆོས་དབྱིངས་ཐམས་ཅད་ཀྱི། །རིན་ཆེན་འོད་ཀྱི་སངས་རྒྱས་སྤྲིན་རྣམས་
འབར་བར་སྣང་། །རྣམ་པར་སྣང་མཛད་ཆོས་དབྱིངས་རྣམ་འཕྲུལ་ཞིང་ལ་ལྟོས། །བསྐལ་བ་རྒྱ་མཚོར་འགྲོ་བའི་སྡུག་བསྔལ་བསྩལ་བྱས་ཏེ། །སྨོན་ལམ་ཡངས་པའི་སྤྲིན་ནི་ཆོས་ཀྱི་དབྱིངས་མཉམ་དང་། །བཟང་པོ་
སྤྱོད་པ་རྙེས་ཤིང་ཡེ་ཤེས་ས་ལྡན་པའི། །དགོངས་པ་ལས་ནི་རྒྱན་མཛེས་དེ་དག་བྱུང་བ་ཡིན། །འཇིག་རྟེན་གྱི་ཁམས་རྒྱ་མཚོ་གཞི་དང་སྙིང་པོ་མེ་ཏོག་གི་བརྒྱན་གྱི་རྒྱན་པའི་ཡོན་ཏན་རྒྱ་མཚོ་ཡོངས་སུ་དག་པས་
སྣང་བ་ཞེས་བྱ་སྟེ། ལེའུ་ལྔ་པའོ།། །། ཀྱེ་རྒྱལ་བའི་སྲས་དག་དེ་ལ་འཇིག་རྟེན་གྱི་ཁམས་རྒྱ་མཚོ་གཞི་དང་སྙིང་པོ་མེ་ཏོག་གི་རྒྱན་གྱིས་བརྒྱན་པའི་འཁོར་ཡུག་ཆེན་པོ་ནི་ནོར་བུའི་རྒྱལ་པོ་པདྨོ་ཉི་མའི་
གཞི་ལ་བརྟན་པ་སྟེ། ནོར་བུའི་རིགས་རྒྱ་མཚོ་སྤོས་ཀྱི་ཙན་དན་ཐམས་ཅད་ལས་གྲུབ་པ། ནོར་བུའི་རྒྱལ་པོ་རྒྱན་གྱི་ཡུལ་ཐམས་ཅད་ཀྱིས་ལྷུན་ཤིན་ཏུ་འཕགས་ཤིང་ཟིལ་གྱིས་གནོན་པ་ནོར་བུ་སྤོས་ཞིམ་པོ་གཟི་
བརྗིད་ཀྱི་འཁོར་ལོ་རྣམ་པར་སྣང་བའི་སྙིང་པོ་ཅན། ནོར་བུའི་རྒྱལ་པོ་རྡོ་རྗེ་སྲ་ཞིང་མི་ཤིག་པ་ལྟར་ཤིན་ཏུ་འཁྲུགས་ཤིང་སྲ་བ་རིན་པོ་ཆེའི་ཆུ་ཐམས་ཅད་ཀུན་ནས་འབྱུང་བ་རིན་པོ་ཆེའི་ཤིང་གི་ནགས་ཚལ་གྱི་རྒྱན་
ཐམས་ཅད་མེ་ཏོག་ཤིན་ཏུ་རྒྱས་པ། སྤོས་ཀྱི་རྩི་མཆོག་བཟང་པོ་ཐམས་ཅད་ཀྱི་རྒྱན་གྱིས་བརྒྱན་པ། སྤོས་ཀྱི་མེ་ཏོག་དཔལ་ཅན་ཤིན་ཏུ་བཟང་བས་རྣམ་པར་བརྒྱན་པ། ནོར་བུའི་རྒྱལ་པོ་འཇིག་རྟེན་གྱི་ཁམས་ཐམས་
ཅད་ཀྱི་དབྱིབས་ལྟ་བུའི་དྲ་བས་ཀུན་ནས་བྲེས་པ་སྟེ། དེ་དག་ལ་སྩོགས་པ་རྒྱན་བཟང་པོའི་རྣམ་པ་འཇིག་རྟེན་གྱི་ཁམས་རྒྱ་མཚོའི་རྡུལ་ཤིན་ཏུ་ཕྲ་བ་སྙེད་ཀྱི་རབ་ཏུ་བརྒྱན་པའོ། །དེ་ནས་བྱང་ཆུབ་སེམས་དཔའ་

72-1-114b

ཀུན་ཏུ་བཟང་པོས་འཁོར་ཡུག་གི་རྒྱན་དང་ཡོན་ཏན་ཡོངས་སུ་དག་པ་འདི་ཉིད་བསྟན་པའི་ཕྱིར། སངས་རྒྱས་ཀྱི་བྱིན་གྱིས་རླབས་ཀྱིས་ཕྱོགས་བཅུར་རྣམ་པར་བལྟས་ཏེ། དེའི་ཚེ་ཚིགསུ་བཅད་པ་འདི་དག་སྨྲས་སོ། །
འཇིག་རྟེན་གྱི་ཁམས་རྒྱ་མཚོ་གང་ཡོད་པ། །མཐའ་དང་དབུས་མེད་སྣ་ཚོགས་རྣམ་པ་ཅན། །ནོར་བུ་མང་པོས་རྣམ་དག་མཐའ་ཡས་མདོག །དེ་དག་སངས་རྒྱས་རྣམ་པར་འཕྲུལ་པས་བྱུང་། །དྲི་མེད་ཁོར་ཡུག་རྒྱན་གྱི་
བརྒྱན་པ་ནི། །ནོར་བུ་མང་པོ་དེ་བཞིན་སྤོས་མང་དང་། །མུ་ཏིག་བསྩལ་བའི་ཚོགས་ལ་རབ་ཏུ་གནས། །ཁ་དོག་མཐའ་ཡས་རིན་ཆེན་རྣམས་ཀྱིས་བརྟན། །སྙིང་པོ་ནོར་བུའི་སྤྲིན་ཅན་སྣ་ཚོགས་སྲ། །འཛམ་བུ་ཆུ་ཀླུང་
འོད་འཕྲོ་སྙིང་པོའི་ཚོགས། །འོད་འཕྲོ་དམ་པ་ཕྱོགས་སུ་སྣང་ཞིང་མཛེར། །ཁོར་ཡུག་དྲི་མ་མེད་པ་རྣམ་པར་མཛེས། །ནོར་བུའི་རྡོ་རྗེས་བྱས་ཤིང་སྲ་ཞིང་བརྟན། །མཚམས་རྣམས་མི་ཕྱེད་ནོར་བུ་སྣ་ཚོགས་འབྲུལ། །
མཚན་ལྡན་ནོར་བུའི་རིན་ཆེན་རྣམ་བཀོད་པ། །རྒྱན་རྣམས་ཀུན་གྱིས་ཡོངསུ་དག་པར་སྣང་། །སྤོས་ཆུའི་སྤྲིན་གྱིས་ཁ་དོག་མཐའ་ཡས་ཏེ། །རིན་ཆེན་ཙན་དན་མེ་ཏོག་ཀུན་ཏུ་ཀྲམ། །པདྨོ་སྣ་ཚོགས་གོས་ཀྱིས་ཀུན་ནས་ཡོག །
རིན་ཆེན་རྩི་མཆོག་དྲི་ཞིམ་རྣམས་དང་ལྡན། །སྣ་ཚོགས་ཤིང་གི་སྤྲིན་གྱིས་ཀུན་ནས་བརྒྱན། །ནོར་བཟང་ཀུན་གྱིས་ཀུན་ནས་གཟི་བརྗིད་འབར། །འོད་ཟེར་སྤྲིན་གྱི་འོད་ཀྱི་དཀྱིལ་འཁོར་ཅན། །གོས་ཀྱི་མཛོད་ཀྱིས་ཤིན་ཏུ་འབར་བར་
གནས། །སྤོས་ཀྱི་འོད་འཕྲོ་བདུག་པ་གདུགས་འཆང་བའི། །བྱང་ཆུབ་སེམས་དཔའ་མང་པོས་ཆོས་དབྱིངས་གང་། །སྒྲ་དབྱངས་མང་པོ་རྒྱ་མཚོ་ཐམས་ཅད་འབྱིན། །འདི་ནི་རྣམ་པར་སྣང་མཛད་ཆོས་འཁོར་ལོ། །རིན་ཆེན་
མཛེས་པ་དེ་དག་ཐམས་ཅད་དང་། །ནོར་བུ་དག་དང་ཀུན་ནས་འོད་འཕྲོའི་ཤིང་། །ཀུན་ལ་རྣམ་པར་སྣང་མཛད་སྐུ་གསལ་བ། །གཟུགས་བརྙན་ཚུལ་དུ་ནང་ན་ཡོད་པ་སྣང་། །ཐམས་ཅད་གཟུགས་སུ་སྐུ་རྣམས་མཐའ་

72-1-115a

ཡས་ཏེ། །སངས་རྒྱས་སྤྲུལ་མང་ཁ་དོག་མུ་མེད་པས། །ཐམས་ཅད་ཕྱོགས་དང་ཆོས་དབྱིངས་ཀུན་བཀང་ཞིང་། །སེམས་ཅན་མང་པོ་ཚད་མེད་རྣམ་པར་འདུལ། །ཐམས་ཅད་རྒྱན་ལས་སྒྲ་དབྱངས་ཀུན་འབྱུང་སྟེ། །
རྣམ་པར་སྣང་མཛད་སྨོན་ལམ་འཁོར་ལོ་ཡིས། །ཞིང་རྣམས་རྒྱ་མཚོ་ཡོངས་སུ་དག་བྱས་པ། །དེ་ཀུན་དེ་ལས་རྣམ་པར་འཕྲུལ་ཞིང་གྲགས། །འཇིག་རྟེན་གྱི་ཁམས་རྒྱ་མཚོའི་འཁོར་ཡུག་གི། རྒྱན་རྒྱ་མཚོ་ཤིན་ཏུ་བསྟན་
པ་ཞེས་བྱ་བ་སྟེ། ལེའུ་སྟེ་དྲུག་པའོ།། །། ཀྱེ་རྒྱལ་བའི་སྲས་དག་དེ་ལ་ཁོར་ཡུག་ཆེན་པོ་དེའི་ནང་གི་འཇིག་རྟེན་གྱི་ཁམས་རྒྱ་མཚོའི་ས་ཆེན་པོའི་གཞི་ནི་ནོར་བུ་མང་པོའི་རྒྱན་ཐམས་ཅད་ཀྱིས་བརྒྱན་པ། རྡོ་རྗེ་ལྟར་ཤིན་
ཏུ་འཁྲེགས་ཤིང་སྲ་ལ་བརྟན་པ། རིན་པོ་ཆེའི་རིགས་ཐམས་ཅད་ལས་གྲུབ་པ། རྒྱ་མཚོས་རྣམ་པར་ཕྱེ་བ་མི་ཤིགས་པའི་སྙིང་པོ་ཅན་མི་མཐོ་བ་མི་དམའ་བའི་ཐང་མཉམ་ཞིང་རྣམ་པར་དག་པ། ནོར་བུ་རིན་པོ་ཆེ་
ཐམས་ཅད་ཀྱི་ཁ་དོག་དང་། འོད་ཐམས་ཅད་ཀྱིས་རབ་ཏུ་བརྒྱན་པ། སེམས་ཅན་ཐམས་ཅད་ཀྱི་ལུས་ཀྱི་དབྱིབས་ལྟ་བུའི་ནོར་བུའི་གཟུགས་སྣ་ཚོགས་གྱི་རབ་ཏུ་བསྒྲུབ་པ། རིན་པོ་ཆེའི་ཚོན་ཐམས་ཅད་ཀྱི་རྒྱན་གྱིས་
བརྒྱན་པ། རིན་པོ་ཆེ་ཡིད་དུ་འོང་བའི་པདྨོ་ཐམས་ཅད་ཀྱིས་གཞི་བྱས་པ་དམིགས་པ་ཐམས་ཅད་དུ་སྣ་ཚོགས་སུ་གྱུར་པའི་སྤྲིན་གྱིས་ཀུན་ནས་ཡོག་པ། ནོར་བུའི་རྒྱལ་པོ་སྤོས་ཀྱི་མཛོད་ཐམས་ཅད་ཀྱིས་གཞི་མཉམ་
པར་བདལ་བ། ནོར་བུའི་རྒྱལ་པོ་དུས་གསུམ་གྱི་དེ་བཞིན་གཤེགས་པའི་ཞིང་གི་རྒྱན་གྱིས་སྤྲིན་གྱི་དྲ་བ་རྣམ་པར་བྲིས་པ་དེ་བཞིན་གཤེགས་པ་ཐམས་ཅད་ཀྱི་སྤྱོད་ཡུལ་གྱི་འོད་དང་ནོར་བུའི་དྲ་བ་མིག་འཕྲུལ་
ལྟ་བུས་རྣམ་པར་ཕྱེ་བ་སྟེ། ཀྱེ་རྒྱལ་བའི་སྲས་དག་དེ་དག་ལ་སྩོགས་པ་སའི་དཀྱིལ་འཁོར་དེའི་རྒྱན་ཤིན་ཏུ་བསྟན་པ་ནི། འཇིག་རྟེན་གྱི་ཁམས་རྒྱ་མཚོའི་རྡུལ་ཤིན་ཏུ་ཕྲ་བ་སྙེད་དོ། །དེ་ནས་བྱང་ཆུབ་སེམས་དཔའ་

72-1-115b

ཀུན་ཏུ་བཟང་པོས་ཡང་འཇིག་རྟེན་གྱི་ཁམས་རྒྱ་མཚོའི་གཞིའི་རྒྱན་རྒྱ་མཚོ་འདི་ཉིད་ཡོངས་སུ་བརྗོད་པའི་ཕྱིར། སངས་རྒྱས་ཀྱི་བྱིན་གྱིས་རླབས་ཀྱིས་ཕྱོགས་བཅུར་རྣམ་པར་བལྟས་ཏེ། དེའི་ཚེ་ཚིགསུ་བཅད་པ་འདི་དག་སྨྲསོ། །
སའི་དཀྱིལ་འཁོར་གཞི་ནི་རྣམ་དག་མཉམ། །འཁོར་ལོའི་དྲ་བས་བསྒྲུབ་པ་མི་ཤིགས་སྲ། །རིན་ཆེན་སྣ་ཚོགས་མཉམ་པའི་གཞིར་གནས་ཤིང་། །རིན་ཆེན་སྣ་ཚོགས་ཀུན་གྱིས་ཀུན་ཏུ་གང་། །དེ་ཡིད་འོངས་ནི་རྡོ་རྗེ་གསེར་
གྱི་བཞི། །རིན་ཆེན་ཆུ་བོ་རི་བོའི་འཁོར་ལོས་བསྒྲུབས། །པདྨོའི་དཀྱིལ་འཁོར་གཞི་ཡིན་མེ་ཏོག་ས། །ཙན་དན་ཕྱེ་མ་རིན་ཆེན་ཀུན་ཏུ་བཀྲམ། །འོད་ཟེར་སྣ་ཚོགས་རིན་ཆེན་མེ་ཏོག་རྣམས། །འོད་འཕྲོ་འགྱེད་པས་ཕྱོགས་
སུ་སྤྲིན་ཀྱང་འབར། །སངས་རྒྱས་འོད་སྣང་ནོར་བུ་རྣམ་པར་བཀྲམ། །ས་ཀུན་མེ་ཏོག་ཡིད་དུ་འོང་བས་ཡོག །ཐམས་ཅད་སྤྲིན་ནི་ཕྱོགས་ན་སྡུག་ལྡང་བས། །མི་ཟད་ཡངས་པ་ཀུན་ནས་ཁེབས་པར་འདུག །ཞིང་རྣམས་
ཐམས་ཅད་ཕྱོགས་རྣམས་ཀུན་བཀང་ཞིང་། །སངས་རྒྱས་ཆོས་ནི་སྙན་པར་རབ་ཏུ་སྒྲོག །རིན་ཆེན་ནང་སྣང་སངས་རྒྱས་སྨོན་ལམ་ཀུན། །ཤིན་ཏུ་དུས་རིང་རྟག་ཏུ་ཀུན་ཏུ་སྟོན། །སྔན་ཆད་སྤྱོད་པ་ཅི་འདྲ་སྤྱོད་པ་དག །ཀུན་ཀྱང་
ནོར་བུའི་འབྲུ་ལས་གསལ་བར་སྣང་། །དེ་ཡི་རྒྱ་མཚོ་ནོར་བུ་སྣ་ཚོགས་བཏིང་། །དེའི་ནང་ན་སངས་རྒྱས་སྤྱོད་ཡུལ་སྣང་། །སངས་རྒྱས་སྤྱོད་ཡུལ་དེ་དག་ཞིང་གི་རྣམས། །རྒྱ་མཚོ་ཀུན་གྱི་རྡུལ་ཕྲན་རེ་རེར་སྣང་། །མེ་ཏོག་
སྙིང་པོ་ཚོན་གྱིས་འཁོར་ལོས་བསྒྲུབས། །དེར་ནི་བྱང་ཆུབ་སེམས་དཔའ་རྟག་འདོང་ཅིང་། །བྱང་ཆུབ་སེམས་དཔའི་སྨོན་ལམ་ཀུན་ཀྱང་སྒྲོགས། སྙིང་པོ་བྱང་ཆུབ་འཁོར་དུ་རྣམ་འཕྲུལ་ལོ། །རིན་ཆེན་འོད་ཟེར་
འོད་དང་ལྡན་པ་དག །སའི་ནོར་བུ་རྒྱན་ལས་རབ་ཏུ་འབྱུང་། །སངས་རྒྱས་ཆོས་ཉིད་འདི་འང་རྟག་ཏུ་སྟོན། །ཆོས་དབྱིངས་ནམ་མཁའ་ལྟ་བུ་ཀུན་ཏུ་འགེངས། །སངས་རྒྱས་ཀུན་ཡུལ་ཡེ་ཤེས་རྒྱ་ཆེན་དང་། །

72-1-116a

ཀུན་ཏུ་བཟང་པོའི་སྨོན་ལམ་སུས་ཤེས་པ། །དེ་དག་ཕྱོགས་རྣམས་རྒྱ་མཚོ་ཀུན་ཏུ་ཡང་། །ཞིང་རྣམས་རྒྱ་མཚོ་དབྱིབས་ཀྱི་འཕྲུལ་ལ་འཇུག །འཇིག་རྟེན་གྱི་ཁམས་རྒྱ་མཚོའི་ས་ཡི་གཞི་རྒྱན་ཤིན་ཏུ་བསྟན་པ་ཞེས་བྱ་བ་སྟེ་
ལེའུ་བདུན་པའོ།། །། ཀྱེ་རྒྱལ་བའི་སྲས་དག་དེ་ལ་འཇིག་རྟེན་གྱི་ཁམས་རྒྱ་མཚོའི་གཞི་སའི་དཀྱིལ་འཁོར་དེ་ལ་སྤོས་ཆུའི་རྒྱ་མཚོ་སངས་རྒྱས་ཀྱི་ཞིང་བརྗོད་དུ་མེད་པའི་རྡུལ་ཤིན་ཏུ་ཕྲ་བ་སྙེད་ཡོད་དེ། དེ་དག་ཀུན་ཀྱང་གཞི་རིན་
རིན་པོ་ཆེ་ཐམས་ཅད་ཀྱི་རྒྱན་གྱིས་བརྒྱན་པའོ། །ནོར་བུའི་རྒྱལ་པོ་དང་སྤོས་ཐམས་ཅད་ཀྱིས་རླུང་རབ་ཏུ་བསྒྲུབས་པའོ། །ནོར་བུའི་རྒྱལ་པོ་བཟང་ཞིང་ཡིད་དུ་འོང་པའོ། །རྣམ་པར་སྣང་བའི་དྲ་བར་བྲིས་པའོ། །རིན་པོ་ཆེ་ཐམས་
ཅད་ཀྱི་ཁ་དོག་དང་མདོག་ཏུ་སྣང་བའི་སྤོས་ཀྱི་ཆུས་ཡོངས་སུ་རྒྱན་པའོ། །རིན་པོ་ཆེ་ཐམས་ཅད་ཀྱི་མེ་ཏོག་སྣ་ཚོགས་གློང་དུ་འཁྱིལ་པའོ། །ཙན་དན་གྱི་ཕྱེ་མ་དང་འདྲེས་པའོ། །སངས་རྒྱས་ཐམས་ཅད་ཀྱི་གསུང་གི་དཀྱིལ་
འཁོར་དང་སྨོན་ལམ་རྒྱ་མཚོའི་སྒྲ་འབྱིན་པའོ། །རིན་པོ་ཆེ་ཐམས་ཅད་ཀྱི་འོད་ཟེར་གྱི་དཀྱིལ་འཁོར་སྤྲིན་རྣམ་པར་སྣང་བའོ། །བྱང་ཆུབ་སེམས་དཔའི་ལུས་ཀྱི་སྤྲིན་མེ་ཏོག་སྣ་ཚོགས་ཀྱི་ཁ་དོག་ལྟ་བུ་རབ་ཏུ་འགྱེད་པའོ། །
ཁ་དོག་དང་དབྱིབས་མཐའ་ཡས་པའི་གདུགས་ཀྱིས་ཁེབས་པར་རྣམ་པར་འཕྲུལ་པས་བརྒྱན་པའོ། །དམིགས་པ་ཐམས་ཅད་ལ་འཇིག་རྟེན་གྱི་ཁམས་མང་པོ་རྒྱ་ཆེན་པོ་ཐམས་ཅད་སྣང་བའོ། །ཕྱོགས་ཀུན་ནས་
རིན་པོ་ཆེའི་ཐེམ་སྐས་ཀྱི་ཕྲེང་བ་བཅུ་རབ་ཏུ་བཀྱེ་བའོ། །མུ་ཏིག་རིན་པོ་ཆེ་ཐམས་ཅད་ཀྱི་ཁ་དོག་ལྟ་བུའི་མུ་ཁྱུད་ཀྱི་ཀུན་ནས་བསྐོར་བའོ། །རིན་པོ་ཆེ་ཤེལ་ཀྱི་རྒྱལ་མཚན་བྱེ་བ་ཁྲག་ཁྲིག་བརྒྱ་སྟོང་བརྗོད་དུ་མེད་པ་
བཅུས་ཀུན་ནས་བརྒྱན་པའོ། །འདི་ལྟ་སྟེ་ནོར་བུ་དང་མེ་ཏོག་གི་ཁང་པ་བརྩེགས་པ་ཆུ་ཀླུང་གང་གའི་བྱེ་མ་སྙེད་ཁ་དོག་མཐའ་ཡས་པ་བཅུས་ཀུན་ནས་བསྐོར་བའོ། །འདི་ལྟ་སྟེ་ནོར་བུ་ཐམས་ཅད་ཀྱི་པདྨོ་ཡིད་དུ་འོང་བའི་

72-1-116b

གྲོང་ཁྱེར་བྱེ་བ་ཁྲག་ཁྲིག་བརྒྱ་སྟོང་བཅུས་ཀུན་ནས་བསྐོར་བའོ། །འདི་ལྟ་སྟེ་ནོར་བུ་རྡོ་རྗེ་ཤིན་ཏུ་ཕྲ་བའི་གླིང་བཞིའི་འཇིག་རྟེན་གྱི་ཁམས་ཀྱི་རྡུལ་ཤིན་ཏུ་ཕྲ་བ་སྙེད་ཀྱིས་རབ་ཏུ་བསྒྲུབས་པའོ། །རིན་པོ་ཆེ་ཐམས་ཅད་ཀྱི་མེ་ཏོག་
པུན་ད་རི་ཀ་དང་། སྤོས་ཀྱི་ཆུ་ཡོངས་སུ་རྒྱས་པས་ཀུན་ནས་བསྐོར་བའོ། །འདི་ལྟ་སྟེ་རིན་པོ་ཆེའི་ཤིང་གི་ཕྲེང་བ་རིན་པོ་ཆེ་འབར་ཞིང་ཀུན་ནས་འཕྱང་བའི་ནོར་བུའི་དྲ་བ་ཅན་གླིང་བཞིའི་འཇིག་རྟེན་གྱི་ཁམས་ཀྱི་རྡུལ་ཤིན་ཏུ་
ཕྲ་བ་སྙེད་ཀྱིས་ཀུན་ནས་བསྐོར་བའོ། །ཙན་དན་དང་སྤོས་དང་ནོར་བུ་མང་པོ་སྒྲ་ཐམས་ཅད་དང་སངས་རྒྱས་ཀྱི་འོད་ཀྱི་དཀྱིལ་འཁོར་གྱི་ཕྱག་གིས་རྣམ་པར་སྣང་བར་བྱས་པ་ཆུ་ཀླུང་གང་གའི་བྱེ་མ་སྙེད་ཀྱིས་བརྒྱན་ཤིན་ཏུ་
བརྒྱན་པའོ། །འདི་ལྟ་སྟེ་རིན་པོ་ཆེ་དང་གོས་དང་རྒྱལ་མཚན་དང་། དྲིལ་བུ་མང་པོ་ཐམས་ཅད་ཀྱི་སྒྲ་འབྱུང་བས་རྒྱན་ཤིན་ཏུ་རྒྱས་པའོ། །རིན་པོ་ཆེ་ཡིད་དུ་འོང་བའི་ནོར་བུ་ཐམས་ཅད་ཀྱི་ར་བ་བྱེ་བ་ཁྲག་ཁྲིག་བརྒྱ་
སྟོང་བརྗོད་དུ་མེད་པས་ཀུན་ནས་བསྐོར་བའོ། །དེ་ནས་བྱང་ཆུབ་སེམས་དཔའ་ཀུན་ཏུ་བཟང་པོས་ཡང་སྤོས་ཆུའི་རྒྱ་མཚོའི་རྒྱན་འདི་ཉིད་ཡོངས་སུ་བསྟན་པའི་ཕྱིར། སངས་རྒྱས་ཀྱི་བྱིན་གྱིས་རླབས་ཀྱིས་ཕྱོགས་
བཅུར་རྣམ་པར་བལྟས་ཏེ། དེའི་ཚེ་ཚིགས་སུ་བཅད་པ་འདི་དག་སྨྲས་སོ། །ས་སྟེངས་དེ་ན་སྤོས་ཀྱི་ཆུ་བོ་ཡི། །རྒྱ་མཚོ་ནོར་བུས་བརྒྱན་པ་རྣམས་བརྗོད་དེ། །གཞི་རྣམས་རིན་ཆེན་གོས་ཀྱི་ཀུན་བཏིང་བ། །
མི་ཤིགས་རྡོ་རྗེ་ལྟ་བུའི་ས་ཞིང་མཛེས། །སྤོས་དང་ནོར་བུའི་རྒྱལ་པོ་མང་པོ་དང་། །ཉི་མའི་ནོར་བུའི་འོད་འཕྲོ་སྡུག་སྤྲིན་དང་། །པདྨོའི་རིན་ཆེན་འཕྲེང་བའང་ཀུན་ནས་བྲེས། །གཞི་རྣམས་དྲི་མེད་ཡིད་དུ་འོང་བའོ། །
སྤོས་ཀྱི་ཆུ་ཡིས་ཡོངས་སུ་རྒྱས་པ་སྟེ། །རིན་ཆེན་འོད་ཟེར་སྣ་ཚོགས་མེ་ཏོག་གློང་། །སྒྲ་དབྱངས་རབ་ཏུ་གཏོང་བའི་དབྱངས་ཀྱིས་ཀྱང་། །སངས་རྒྱས་རྣམ་པར་འཕྲུལ་པ་རབ་ཏུ་སྒྲོག །ཐེམ་སྐས་ཕྲེང་བ་ཡིད་དུ་

72-1-117a

འོང་དང་ལྡན། །གཞི་ནི་རིན་ཆེན་ནོར་བུ་མང་པོས་རྒྱན། །སྟེགས་བུ་ཀུན་བཀོད་རིན་ཆེན་པདྨོ་ཡིས། །སྤྲིན་སྡུག་དྲ་བ་རྣམ་པར་བྲེས་པ་སྟེ། །རིན་ཆེན་ནོར་བུའི་ཤིང་གི་འཕྲེང་བ་དག །རིན་ཆེན་གསེར་གྱི་ཁ་དོག་
ཡིད་འོང་འབར། །འོད་ཀྱི་ཚོགས་དང་རོལ་མོ་སྒྲ་དག་ཀྱང་། །རྣམ་པར་འཕྲུལ་མང་དབྱངས་སུ་རབ་ཏུ་སྒྲོག །སྤོས་ཆུས་ཡོང་གང་རིན་ཆེན་བསྒྲུབས་པ་སྟེ། །མེ་ཏོག་པུན་ད་རི་ཀས་ཀུན་ནས་སྐོར། །སྤོས་དང་འོད་དང་བདུག་
སྤོས་འོད་ཟེར་འགྱེད། །དེ་དག་འོད་ཀྱི་དཀྱིལ་འཁོར་རྣམ་པར་ཡངས། །རིན་ཆེན་རྒྱལ་མཚན་མུ་ཏིག་འབར་བ་ཅན། །གོས་དང་ནོར་བུ་སྣ་ཚོགས་ཀུན་འཕྱང་ཞིང་། །རིན་ཆེན་ནོར་བུའི་དྲིལ་བུ་དྲ་བ་དག །ཐམས་ཅད་
མཁྱེན་པར་འཇུག་པའི་སྒྲ་ཡང་སྒྲོག །པདྨོའི་གྲོང་ཁྱེར་རྣམས་ཀྱིས་ཀུན་ནས་བསྐོར། །ཁ་དོག་མཐའ་ཡས་ནོར་བུས་རྣམ་པར་བརྒྱན། །ཕྱོགས་རྣམས་ཀུན་ནས་མུ་ཏིག་སྤྲིན་བཀྱེ་ཞིང་། །གྲོང་ཁྱེར་རྒྱ་མཚོས་དེ་དག་
རབ་ཏུ་བརྒྱན། །དྲ་བ་བཟང་པོས་ཀུན་ནས་བསྐོར་བ་སྟེ། །རིན་ཆེན་བྱས་པའི་གཟུགས་བཟང་ཁྱབ་ཀྱི་བར། །རྣམ་པ་དུ་མར་འབར་ཞིང་ཡིད་འོང་བའི། །རྒྱ་མཚོས་བཟང་ཞིང་མཛེས་པར་རབ་ཏུ་རྒྱན། །སྔོན་ཅད་སངས་རྒྱས་
རྣམ་པར་སྣང་མཛད་ཀྱིས། །སྣ་ཚོགས་རྒྱ་མཚོ་ཞིང་རྣམས་ཡོངས་སྦྱངས་པ། །ཤིན་ཏུ་རྒྱ་ཆེ་མཐའ་དང་དབུས་མེད་པའང་། །དེ་དག་ཀུན་ན་རྣམ་པར་འཕྲུལ་པ་མེད། །སྤོས་ཆུའི་རྒྱ་མཚོ་དེ་དག་རེ་རེ་ཞིང་ཡང་སྤོས་ཆུའི་ཆུ་ཀླུང་
གཡས་ཕྱོགསུ་འཁོར་ཞིང་འབབ་པ་གླིང་བཞིའི་འཇིག་རྟེན་གྱི་ཁམས་རྡུལ་ཤིན་ཏུ་ཕྲ་བ་སྙེད་ཀྱི་འཁོར་བྱས་པ་སྟེ། སྤོས་ཆུའི་ཆུ་ཀླུང་དེ་དག་ཐམས་ཅད་ཀྱང་འཁོར་ཀུན་ནས་རྡོ་རྗེའི་པདྨོ་ཁ་དོག་དང་དྲི་མཐའ་ཡས་པས་བསྒྲུབ་
པའོ། །ནོར་བུའི་འཁོར་ལོ་དང་ནོར་བུའི་འོད་རྣམ་པར་དག་པ་སྣ་ཚོགས་ཀྱི་མཐའ་ཀུན་ནས་དཀྲིས་པའོ། །སངས་རྒྱས་ཀྱི་འོད་ཀྱི་དཀྱིལ་འཁོར་རིན་པོ་ཆེ་ཐམས་ཅད་ཀྱི་ཁ་དོག་ལྟ་བུས་རྣམ་པར་སྣང་བར་བྱས་པའི་འོད་ཟེར་

72-1-117b

གྱི་སྤྲིན་དང་ལྡན་པའོ། །སེམས་ཅན་ཐམས་ཅད་ཀྱི་སྒྲ་དབྱངས་སྒྲོག་པའི་དྲིལ་བུའི་དྲ་བ་རིན་པོ་ཆེ་ཐམས་ཅད་ཀྱི་ཁ་དོག་འདུག་པས་ཀུན་ནས་ཁེབས་པའོ། །སྤྱོད་པའི་འོད་ཀྱི་ཀློང་སངས་རྒྱས་ཐམས་ཅད་ཀྱི་མཚན་གྱི་དབྱིབས་
ལྟ་བུ་རབ་ཏུ་འབྱུང་བའོ། །ནོར་བུའི་རྒྱལ་པོ་རྒྱན་ཐམས་ཅད་ནང་ན་སྣང་ཞིང་འོད་ཤིན་ཏུ་འབར་བ་འཇིག་རྟེན་གྱི་ཁམས་རྒྱ་མཚོ་ལྟ་བུར་སྣང་བ་ཐམས་ཅད་ཀྱི་ཤིན་ཏུ་ཡོག་པར་བྱས་པའོ། །ནོར་བུའི་རྒྱལ་པོ་ཕྱོགས་བཅུའི་
སངས་རྒྱས་ཀྱི་སྤྲུལ་པ་རྣམ་པར་སྣང་བ་དང་། སངས་རྒྱས་ཐམས་ཅད་ཀྱི་རྣམ་པར་འཕྲུལ་པའི་སྙིང་པོའི་མེ་ཏོག་ཤིན་ཏུ་རྒྱས་པས་ཀུན་ནས་ཁེབ་པའོ། །དུས་གསུམ་དུ་གཤེགས་པའི་སངས་རྒྱས་དང་བྱང་ཆུབ་སེམས་
དཔའི་མཚན་གྱི་འཁོར་ལོ་དབྱངས་སུ་སྒྲོག་པའོ། །སྤོས་ཀྱི་ཆུ་དང་རིན་པོ་ཆེ་འོད་འཕྲོ་བ་ཐམས་ཅད་ཀྱི་འོད་དང་། དེ་འོད་ཟེར་གྱི་སྤྲིན་རབ་ཏུ་འབྱུང་བ་སྟེ། ཆུ་ཀླུང་དེ་དག་རེ་རེ་ཞིང་ཡང་རྒྱན་ཤིན་ཏུ་སྟན་པ་འཇིག་རྟེན་གྱི་ཁམས་རྒྱ་མཚོ་
འི་རྡུལ་ཤིན་ཏུ་ཕྲ་བ་སྙེད་དོ། །དེ་ནས་བྱང་ཆུབ་སེམས་དཔའ་ཀུན་ཏུ་བཟང་པོས་ཡང་སྤོས་ཆུའི་ཀླུང་གི་བརྒྱན་དང་། ཡོན་ཏན་རྒྱ་མཚོ་འདི་ཉིད་ཡོངསུ་བསྟན་པའི་ཕྱིར་སངས་རྒྱས་ཀྱི་བྱིན་གྱི་རླབས་ཀྱིས་ཕྱོགས་བཅུར་རྣམ་པར་
བལྟས་ཏེ། དེའི་ཚེ་ཚིགས་སུ་བཅད་པ་འདི་དག་སྨྲས་སོ། །ཆུ་ཀླུང་དྲི་མ་མེད་པའི་ཆུས་རྒྱས་ཤིང་། །གཞི་ནི་ནོར་བུ་རྡོ་རྗེའི་པད་མོས་བྱས། །རིན་ཆེན་མང་པོ་གསིལ་བུས་གཞི་བཀྲམ་ཞིང་། །ཀུན་ནས་བརྒྱན་པ་སྣ་
ཚོགས་ཡིད་དུ་འོང་། །ཐེམ་སྐས་ཕྲེང་བས་དེ་དག་ཀུན་ནས་བསྐོར། །པདྨོ་འཕྱང་བའི་མུ་ཁྱུད་འཁོར་ཅན་ཏེ། །མེ་ཏོག་བརྒྱན་པའི་མུ་ཏིག་ཕྲེང་བ་དང་། །མེ་ཏོག་ལྡ་ལྡིས་སྣ་ཚོགས་ཀུན་ནས་བྲིས། །ནོར་བུ་ཆུ་བོ་སྤོས་ཆུ་
འབྱུང་བ་ནི། །རིན་ཆེན་ཀུན་གྱི་ཁ་དོག་འདོག་ལྟར་འབབ། །རིན་ཆེན་ནོར་བུའི་མེ་ཏོག་མཛེས་པར་བཀོད། །སིལ་སྙན་སྒྲ་ནི་སངས་རྒྱས་གསུང་སྐད་བརྗོད། །དེ་དག་རྙོག་པ་ནོར་བུ་ཟླ་བ་སྟེ། །མེ་ཏོག་འོད་མང་རིན་ཆེན་

72-1-118a

སྙིང་པོ་ཅན། །ཕྱོགས་རྣམས་ཀུན་སྒོར་འགྲོ་བ་ཁྱབ་པར་བྱེད། །གཞི་རྣམས་ནོར་བུ་མངོན་པར་བཀྲམ་པ་སྟེ། །མེ་ཏོག་རྣམ་བྲེས་རིན་ཆེན་འབྲུ་དང་ལྡན། །ཀུན་ནས་རིན་ཆེན་སྤྲིན་གྱིས་ཁྱབ་པ་སྟེ། །རྒྱན་དང་
སེམས་ཅན་ཐམས་ཅད་གཟུགས་བརྙན་སྣང་། །སངས་རྒྱས་འོད་ཀྱི་ནོར་བུའི་རྒྱལ་པོ་ཡིས། །ས་རྣམས་ཐམས་ཅད་ཀུན་ནས་རྣམ་པར་གང་། །ཕྱོགས་རྣམས་ཐམས་ཅད་འབར་ཞིང་སྣང་བའི་སྤྲིན། །རྡུལ་ཕྲན་
ཀུན་ལ་གཟུགས་བརྙན་གྱུར་པ་སྣང་། །ནོར་བུའི་རྒྱན་གྱིས་ཤིན་ཏུ་རྣམ་པར་རྒྱས། །མུ་ཏིག་གསལ་བའི་དྲ་བས་རྣམ་པར་ཕྱེ། །ནོར་བུའི་འཁོར་ལོ་ཀུན་ནས་རབ་ཏུ་བཀང་། །ཀུན་ནས་རྒྱལ་བ་རྣམ་པར་
འཕྲུལ་པ་སྣང་། །འབྱམ་ཀླས་འོད་གཟེར་ལྡན་པའི་རིན་ཆེན་གྱིས། །སངས་རྒྱས་སྤྲུལ་པ་བཀྱེ་བ་ཀུན་ན་སྣང་། །སངས་རྒྱས་མང་པོས་ཕྱོགས་རྣམས་ཀུན་ཁྱབ་ཅིང་། །སྟོབས་བཅུ་མངའ་བའི་
ཆོས་ཉིད་རབ་ཏུ་སྒྲོག །རིན་ཆེན་སྣ་ཚོགས་པུན་ད་རི་ཀ་ཡིས། །ཆུ་རྣམས་ཀུན་རྒྱས་སྙིང་པོ་ནོར་བུ་སྤོས། །དེ་ལས་མི་ཟད་འོད་གཟེར་རྒྱ་མཚོ་རྣམས། །རབ་ཏུ་འབྱུང་བའི་པད་མོ་སྣ་ཚོགས་འབྱུང་། །
དུས་རྣམས་གསུམ་པོའི་རྒྱན་རྣམས་ཐམས་ཅད་ཀྱང་། །ནོར་བུ་དེ་དག་འབྲུ་ཡི་ནང་ན་སྟེ། །འབྱུང་བ་མེད་ཅིང་གཟུང་དུའང་ཡོད་པ་མིན། །དེ་ནི་སངས་རྒྱས་རྣམ་པར་འཕྲུལ་པའི་མཐུ། །རྒྱལ་བ་
རྣམ་པར་སྣང་མཛད་ཐམས་ཅད་དུ། །རྒྱན་དང་སྤྲུལ་པ་ཐམས་ཅད་རབ་ཏུ་འགྱེད། །སྔན་ཅད་སངས་རྒྱས་སྨོན་ལམ་མཐུ་དག་གིས། །དེ་དག་འགྲོ་ཞིང་འོང་བར་སྣང་བ་ཆ་མེད་དེ། །རྡུལ་རྣམས་རྒྱ་མཚོ་
ཐམས་ཅད་དག་ལ་ཡང་། །རྒྱལ་སྲས་ཐམས་ཅད་སྤྱད་པར་རབ་སྤྱོད་དེ། །རང་གི་ཞིང་དང་ལུས་ཀྱི་བསྟན་པའི་རྣམས། །བསམ་པ་རྣམ་དག་ཚུལ་བཞིན་དེ་དག་མཐོང་། །ཀྱེ་རྒྱལ་བའི་སྲས་དག་

72-1-118b

སངས་རྒྱས་བཅོམ་ལྡན་འདས་རྣམས་ཀྱི་འཇིག་རྟེན་གྱི་ཁམས་རྒྱ་མཚོའི་རྒྱན་ཤིན་ཏུ་བསྟན་པ་ནི་བསམ་གྱིས་མི་ཁྱབ་སྟེ། ཀྱེ་རྒྱལ་བའི་སྲས་དག་དེ་ཅིའི་ཕྱིར་ཞེ་ན། འཇིག་རྟེན་གྱི་ཁམས་རྒྱ་མཚོ་གཞི་དང་སྙིང་
པོ་མེ་ཏོག་གི་རྒྱན་གྱིས་བརྒྱན་པའི་དམིགས་པ་དག་ལའང་། དམིགས་པ་རེ་རེ་ཞིང་ཡོངས་སུ་དག་པའི་ཡོན་ཏན་དང་། རྒྱན་ཤིན་ཏུ་བསྟན་པ་རྒྱ་མཚོ་ནི་འཇིག་རྟེན་གྱི་ཁམས་རྒྱ་མཚོའི་རྡུལ་ཤིན་ཏུ་ཕྲ་བ་སྙེད་དུ་
ཤེས་པར་བྱའོ། །དེ་ནས་བྱང་ཆུབ་སེམས་དཔའ་ཀུན་ཏུ་བཟང་པོས་ཡང་འཇིག་རྟེན་གྱི་ཁམས་རྒྱ་མཚོ་ཡོངས་སུ་དག་ཅིང་ཡོན་ཏན་མཐའ་དང་དབུས་མེད་པས་ཡོན་ཏན་རྣམ་པར་དག་པའི་རྒྱན་ཤིན་ཏུ་བསྟན་པ་རྒྱ་མཚོ་
འདི་ཉིད་ཡོངས་སུ་བསྟན་པའི་ཕྱིར། སངས་རྒྱས་ཀྱི་བྱིན་གྱིས་རླབས་ཀྱིས་ཕྱོགས་བཅུར་རྣམ་པར་བལྟས་ཏེ། དེའི་ཚེ་ཚིགས་སུ་བཅད་པ་འདི་དག་སྨྲས་སོ། །ཞིང་གི་རྒྱ་མཚོ་འདི་རྣམས་ཐམས་ཅད་
ཀྱང་། །རིན་ཆེན་རྒྱན་ཅན་འོད་ཟེར་གནས་པ་སྟེ། །སྡུག་ཅིང་བསྩལ་བའི་སྤྲིན་གྱིས་ཀུན་ནས་ཡོག །རིན་ཆེན་ཐམས་ཅད་འོད་ཀྱང་རྣམ་པར་འབར། །མུ་ཏིག་ནོར་བུའི་སྤྲིན་མང་ཟད་མི་ཤེས། །སངས་རྒྱས་
གཟུགས་བརྙན་ཕྱོགས་སུ་རྣམ་པར་སྣང་། །ཞིང་ན་ཡོད་པའི་རྣམ་པར་འཕྲུལ་པ་རྣམས། །བྱང་ཆུབ་སེམས་དཔའ་རྣམས་ལ་རྟག་ཏུ་སྟོན་པ་བྱེད། །སངས་རྒྱས་གསུང་གི་སྤྲིན་ནི་བསམ་གྱིས་མི་ཁྱབ་སྟེ། །
ནོར་བུའི་རྒྱལ་པོ་ཐམས་ཅད་སྙན་པར་སྒྲོག །རྣམ་པར་སྣང་མཛད་སྔོན་གྱི་སྤྱོད་པ་རྣམས། །རིན་ཆེན་རྣམས་ལས་རྟག་པར་སྣང་ཞིང་གྲག །སངས་རྒྱས་རྣམ་པར་སྣང་མཛད་དྲི་མེད་འོད། །རྒྱན་རྣམས་ཐམས་
ཅད་ནང་ན་རྣམ་པར་སྣང་། །འཁོར་རྣམས་གཟུགས་བརྙན་མཚན་ཉིད་འཆང་བ་དང་། །སྤྲུལ་པ་རྣམས་ཀྱིས་ཞིང་གི་རྒྱ་མཚོ་གང་། །སངས་རྒྱས་སྤྲུལ་པ་རྣམས་ནི་སྒྱུ་མ་འདྲ། །དེ་དག་ལ་ནི་བྱོན་པ་

72-1-119a

གང་ཡང་མེད། །སངས་རྒྱས་ཡུལ་རྣམས་བྱིན་གྱིས་རླབས་པ་ཡིས། །ཞིང་རྣམས་ཀུན་ན་སངས་རྒྱས་རྣམ་པར་འཕྲུལ། །ཞིང་རྣམས་འབྱམ་ཀླས་པར་ནི་རྣམ་འཕྲུལ་ཞིང་། །སངས་རྒྱས་ཡུལ་
རྣམས་བྱོན་པ་གང་ཡང་མེད། རིན་ཆེན་སྣ་ཚོགས་ཐམས་ཅད་དབའ་གློང་ངོ་། །ཕྱོགས་རྣམས་བཅུ་པོ་ཀུན་ཏུ་རྟག་པར་ཡང་། །སྤོས་དང་བདུག་པ་འོད་འཕྲོའི་རྒྱན་འབྱུང་ངོ་། །ཆུ་བོ་རྣམས་ལས་རིན་ཆེན་ཐམས་ཅད་ཀྱི། །
འོད་གཟེར་འཕྲོ་བ་ཀུན་ཏུ་རབ་ཏུ་འབྱུང་། །མེ་ཏོག་ནོར་བུའི་ཕུང་པོ་གདུགས་རྣམས་ཀྱང་། །རིན་ཆེན་ཀུན་གྱིས་གཟེར་དུ་རབ་ཏུ་འབར། །ཕྱོགས་བཅུའི་ཞིང་གིས་གཟུགས་བརྙན་མང་པོ་དང་། །སངས་རྒྱས་གཟུགས་
བརྙན་རིན་ཆེན་རྣམས་ལས་སྣང་། །རིན་ཆེན་འཁོར་ལོའི་གཞི་བརྟེན་ཡིད་འོང་ལས། །སྤོས་ཆུས་རྒྱས་པའི་ཆུ་ཀླུང་རྣམས་ཀྱང་འབབ། །རིན་ཆེན་གསེར་གྱིས་དྲིལ་བུའི་དྲ་བ་ཡིས། །ཡོག་ཅིང་སངས་རྒྱས་
གསུང་དུ་སྒྲ་སྒྲོགས་འབབས། །རྒྱལ་བ་ཀུན་གྱིས་བྱང་ཆུབ་སྤྱོད་པ་དང་། །ཀུན་ཏུ་བཟང་པོའི་སྤྱོད་མཆོག་རབ་ཏུ་འཛུད། །སངས་རྒྱས་སྨོན་ལམ་སྒྲ་དབྱངས་རྣམ་པ་དང་། །སངས་རྒྱས་ཐམས་ཅད་སྔོན་
གྱིས་སྦྱོར་བ་དག །རྣམས་དག་ནོར་བུའི་ངོས་དང་ངོགས་ཀུན་ནས། །སྒྲ་རྣམས་སྒྲོགས་པ་ཀུན་ན་རབ་ཏུ་སྣང་། །ཆུ་བོ་ཐམས་ཅད་དབའ་གློང་དག་ལས་ཀྱང་། །བྱང་ཆུབ་སེམས་དཔའི་སྤྲིན་ཆེན་
འབར་བ་དག །ཆོས་ཀྱི་དབྱིངས་རྣམས་རབ་ཏུ་རྒྱས་བྱེད་པ། །འབྱམ་ཀླས་ཕྱོགས་རྣམས་ཀུན་ན་རབ་ཏུ་སྣང་། །ཆུ་ཀླུང་དེ་དག་ཐམས་ཅད་དྲི་མེད་ཅིང་། །ནོར་བུའི་རྒྱལ་པོ་སྤྲིན་གྱིས་ཀུན་ཁྱབ་པ། །
མཛོད་པུའི་དཔལ་དང་སངས་རྒྱས་གཟི་བརྗིད་འབར། །ནོར་བུའི་རྒྱལ་པོ་སངས་རྒྱས་གཟུགས་བརྙེན་སྣང་། །སྤོས་ཆུའི་ཆུ་ཀླུང་དེ་དག་གིས་བར་དག་ཀྱང་སྣ་ཚོགས་ལ་རིན་པོ་ཆེ་ཐམས་ཅད་ཀྱིས་

72-1-119b

རབ་ཏུ་བརྒྱན་པ་སྟེ། ཆུ་ཀླུང་གི་བར་དེ་དག་རེ་རེ་ཞིང་ཡང་རིན་པོ་ཆེའི་མེ་ཏོག་པུན་ད་རི་ཀའི་ཕྲེང་བ། གླིང་བཞིའི་འཇིག་རྟེན་གྱི་ཁམས་ཀྱི་རྡུལ་ཤིན་ཏུ་ཕྲ་བ་སྙེད་ཀྱིས་ཀུན་ནས་བསྐོར་བའོ། །ཆུ་ཀླུང་གིས་
བར་དེ་དག་རེ་རེ་ཞིང་ཡང་རིན་པོ་ཆེའི་ཤིང་གི་ཕྲེང་བ་གླིང་བཞིའི། འཇིག་རྟེན་གྱི་ཁམས་ཀྱི་རྡུལ་ཤིན་ཏུ་ཕྲ་བ་སྙེད་ཀྱིས་རྣམ་པར་ཕྱེ་བའོ། །ཤིང་གི་གསེབ་ཐམས་ཅད་ནས་ཀྱང་རྒྱན་ཐམས་ཅད་ཀྱིས་
སྤྲིན་རྟག་པར་རབ་ཏུ་འབྱུང་སྟེ། ནོར་བུའི་རྒྱལ་པོ་བྱང་ཆུབ་སེམས་དཔའི་དཔལ་འབྱུང་བའི་སྤྲིན་དང་། འོད་རྣམས་ཀྱང་རབ་ཏུ་འབྱུང་ངོ་། །ཤིང་གི་བར་དེ་དག་ཐམས་ཅད་ཀྱང་འོད་ཤིན་ཏུ་འབར་
བ་སྟེ། སྤོས་དང་མེ་ཏོག་སྣ་ཚོགས་ཀྱིས་རབ་ཏུ་གང་བའོ། །ནོར་བུའི་རྒྱལ་པོའི་སངས་རྒྱས་ཐམས་ཅད་ཀྱི་སྨོན་ལམ་བསྐལ་པ་ཐམས་ཅད་དུ་བྱིན་གྱིས་རློབས་པའི་སྒྲ་སྒྲོགས་པའི་སྤྲིན་
གྱིས་ཡོངས་སུ་གང་བའོ། །སྤོས་འོད་འཕྲོ་བའི་སྤྲིན་གྱིས་འོད་གཟེར་གྱིས་རྣམ་པར་སྣང་བར་བྱེད་པའི་སྤྲིན་གྱིས་མངོན་པར་ཁྱབ་པའོ། །སྤོས་ཀྱི་རྒྱལ་པོ་ཡིད་དུ་འོང་བ་སྣ་ཚོགས་ཀྱིས་རྣམ་
པར་རྒྱས་པའོ། །ནོར་བུའི་རྒྱལ་པོ་རྒྱན་བསམ་གྱིས་མི་ཁྱབ་པའི་ཁ་དོག་ཡང་དག་པར་སྟོན་པས་མཉམ་པ་ཉིད་མངོན་པར་གང་བའོ། །གོས་སྣ་ཚོགས་སྤྲིན་ལྟ་བུས་མངོན་པར་ཡོག་པའོ། །
ནོར་བུའི་རྒྱལ་པོ་ཕྱོགས་བཅུར་འོད་གཟེར་གྱིས་དྲ་བའི་སྤྲིན་གྱིས་ཡོག་པར་བྱེད་པས་རྣམ་པར་རྒྱས་པའོ། །ནོར་བུའི་རྒྱལ་པོ་སངས་རྒྱས་ཐམས་ཅད་ཀྱི་རྣམ་པར་འཕྲུལ་པའི་འོད་ཀྱི་མངོན་པར་གང་བའོ། །
ནོར་བུའི་རྒྱལ་པོ་སེམས་ཅན་ཐམས་ཅད་ཀྱི་ལས་རྣམ་པར་སྨིན་པ་རྒྱ་མཚོའི་གཟུགས་རྙན་ཤིན་ཏུ་སྟོན་པས་རྒྱས་པ་སྟེ། དེ་དག་ལས་སྩོགས་པ་ཆུ་ཀླུང་གི་བར་དེ་དག་རེ་རེ་ཞིང་ཡང་རྒྱན་ཤིན་ཏུ་བསྟན་པ་ནི། 

72-1-120a

འཇིག་རྟེན་གྱི་ཁམས་རྒྱ་མཚོའི་རྡུལ་ཤིན་ཏུ་ཕྲ་བ་སྙེད་དོ། །དེ་ནས་བྱང་ཆུབ་སེམས་དཔའ་ཀུན་ཏུ་བཟང་པོས་ཡང་སྤོས་ཆུའི་ཆུ་ཀླུང་གི་བར་གྱི་རྒྱན་ཡོངས་སུ་དག་པ་རྒྱ་མཚོ་འདི་ཉིད་ཡོངསུ་བསྟན་པའི་
ཕྱིར། སངས་རྒྱས་ཀྱི་བྱིན་གྱིས་རླབས་ཀྱིས་ཕྱོགས་བཅུར་རྣམ་པར་བལྟས་ཏེ། དེའི་ཚེ་ཚིགས་སུ་བཅད་པ་འདི་དག་སྨྲས་སོ། །ཆུ་ཀླུང་བར་རྣམས་ཤིན་ཏུ་རྣམ་པར་དག །རིན་ཅན་རྒྱན་ཅན་གསེར་གྱིས་རྣམ་
པར་བྲེས། །ཡལ་ག་མེ་ཏོག་སྤྲིན་རྣམས་འཕྱང་ལྡིང་བ། །ཤིང་གི་ཕྲེང་བས་ཀུན་ནས་མངོན་པར་ཁྱབ། །ཤིང་གི་ཡལ་གའི་དཀྱིལ་འཁོར་སྒོ་དག་ནས། །རིན་ཆེན་མང་པོའི་སྤྲིན་རྣམས་བྱིན་རླབས་པའི། །
ཞིང་རྣམས་ཀུན་ན་སངས་རྒྱས་རྣམ་པར་འཕྲུལ། །ཞིང་རྣམས་འབྱམ་ཀླས་པར་ནི་རྣམ་འཕྲུལ་ཞིང་། །ཇི་སྙེད་ཞིང་དུ་དེ་དག་ཀུན་རྒྱུ་བ། །དེ་དག་ནོར་བུ་ཀུན་ལ་རབ་ཏུ་སྣང་། །དེ་ལྟར་ཞིང་གི་རྒྱ་མཚོ་རྣམ་
པར་སྦྱངས། །སྤྲུལ་པ་རྣམས་ནི་མིག་ཡོར་འདྲ་བ་སྟེ། །ཐམས་ཅད་དག་ན་ཆོས་ཉིད་འདི་ཡང་སྣང་། །འདི་ནི་རྣམ་པར་སྣང་མཛད་སྤྱོད་ཡུལ་ཏེ། །སྨོན་ལམ་རྣམ་པར་འཕྲུལ་ལས་བྱུང་བའོ། །
བཟང་པོ་སྤྱོད་པས་གང་རྣམས་བྱུང་གྱུར་པའི། །བྱང་ཆུབ་སེམས་དཔའ་ཤེས་མཆོག་རྒྱ་མཚོ་ཅན། །དེ་དག་རྡུལ་ཕྲན་ཕན་ལ་རང་རང་གིས། །རང་གི་ཞིང་རྣམས་རྒྱ་མཚོ་དག་པར་བྱེད། །དེ་བཞིན་གཤེགས་
པ་ཀུན་གྱི་ཞབས་རིང་དུ། །བསྐལ་པ་བྱེ་བ་རྒྱ་ཆེན་བསམ་ཡས་སུ། །དེ་དག་སྤྱོད་ཡུལ་ཐམས་ཅད་མཐོང་བས་ན། །སྐད་ཅིག་སེམས་ལ་དེ་དག་ཐམས་ཅད་སྟོན། །ཞིང་རྣམས་མཉམ་མེད་འབྱུང་བ་
མེད་པ་སྟེ། །དེ་དག་མཁའ་འདྲ་མཉམ་ཞིང་མཚན་ཉིད་མེད། །སྨོན་ལམ་སྟོབས་ཀྱིས་ཀུན་ཏུ་གནས་པ་སྟེ། །སེམས་ཅན་རྣམས་ལ་ཕན་ཕྱིར་རབ་ཏུ་སྦྱངས། །ཀྱེ་རྒྱལ་བའི་སྲས་དག་དེ་ལ་འཇིག་རྟེན་གྱི་

72-1-120b

ཁམས་ཀྱི་རྣམ་པར་དགོད་པ་ཤིན་ཏུ་བསྟན་པ་གང་ཞེ་ན། ཀྱེ་རྒྱལ་བའི་སྲས་དག་འཇིག་རྟེན་གྱི་ཁམས་ཀྱི་སྤོས་ཆུའི་རྒྱ་མཚོ་སངས་རྒྱས་ཀྱི་ཞིང་བརྗོད་དུ་མེད་པ་བཅུའི་རྡུལ་ཤིན་ཏུ་ཕྲ་བ་སྙེད་པོ་དེ་དག་ལ་
འཇིག་རྟེན་གྱི་ཁམས་ཀྱི་རྒྱུད་སངས་རྒྱས་ཀྱི་ཞིང་བརྗོད་དུ་མེད་པའི་རྡུལ་ཤིན་ཏུ་ཕྲ་བ་སྙེད་རབ་ཏུ་གནས་སོ། འཇིག་རྟེན་གྱི་ཁམས་ཀྱི་རྒྱུད་དེ་དག་རེ་རེ་ཞིང་འཇིག་རྟེན་གྱི་ཁམས་འབྱམ་ཀླས་པ་སངས་རྒྱས་
ཀྱི་ཞིང་བརྗོད་དུ་མེད་པའི་རྡུལ་ཤིན་ཏུ་ཕྲ་བ་སྙེད་ཀྱི་འཁོར་གྱིས་བསྐོར་བའོ། །འཇིག་གྱི་ཁམས་རྒྱ་མཚོ་འབྱམ་ཀླས་པ་དེ་དག་ཐམས་ཅད་ཀྱང་གཞན་དང་གཞན་ལ་གནས་པ། དབྱིབས་གཞན་དང་
གཞན་དུ་འདུག་པ། ཕྱོགས་གཞན་དང་གཞན་ལ་ལྟ་བ། རྣམ་པ་གཞན་དང་གཞན་གྱིས་འཇུག་པ། རྒྱན་གཞན་དང་གཞན་ཡོད་པ། གཞན་དང་གཞན་གྱིས་རྒྱས་པར་འགེངས་པ། གཞན་དང་གཞན་
དུ་འདུ་བ། རྣམ་པ་གཞན་དང་གཞན་དུ་མ་འདྲེས་པ། རྣམ་པར་འཕྲུལ་བ་དང་། བྱིན་གྱིས་རླབས་གཞན་དང་གཞན་ཡོད་པ་དག་པ་སྟེ། ཀྱེ་རྒྱལ་བའི་སྲས་དག་དེ་ལ་འཇིག་རྟེན་གྱི་ཁམས་རྒྱ་མཚོ་འབྱམ་
ཀླས་པ་ལ་ལ་ནི་པདྨོའི་རྒྱ་མཚོ་ལ་རབ་ཏུ་གནས་སོ། །འཇིག་རྟེན་གྱི་ཁམས་རྒྱ་མཚོ་འབྱམ་ཀླས་པ་ལ་ལ་ནི་རིན་པོ་ཆེའི་ཁ་དོག་མཐའ་ཡས་པའི་མེ་ཏོག་རྒྱ་མཚོ་ལ་རབ་ཏུ་གནས་སོ། །འཇིག་རྟེན་གྱི་
ཁམས་རྒྱ་མཚོ་འབྱམ་ཀླས་པ་ལ་ལ་ནི་རིན་པོ་ཆེའི་འཕྲེང་བ་མུ་ཏིག་གི་འབྲུའི་སྙིང་པོ་ཅན་གྱིས་རྒྱ་མཚོ་ལ་རབ་ཏུ་གནས་སོ། །འཇིག་རྟེན་གྱི་ཁམས་རྒྱ་མཚོ་འབྱམ་ཀླས་པ་ལ་ལ་ནི་སྤོས་ཆུའི་རྒྱ་མཚོ་ལ་
རབ་ཏུ་གནས་སོ། །འཇིག་རྟེན་གྱི་ཁམས་རྒྱ་མཚོ་འབྱམ་ཀླས་པ་ལ་ལ་ནི་མེ་ཏོག་ཐམས་ཅད་ཀྱི་རྒྱ་མཚོ་ལ་རབ་ཏུ་གནས་སོ། །འཇིག་རྟེན་གྱི་ཁམས་རྒྱ་མཚོ་འབྱམ་ཀླས་པ་ལ་ལ་ནི་ནོར་བུ་རིན་པོ་ཆེའི་

72-1-121a

དྲ་བའི་རྒྱ་མཚོ་ལ་རབ་ཏུ་གནས་སོ། །འཇིག་རྟེན་གྱི་ཁམས་རྒྱ་མཚོ་འབྱམ་ཀླས་པ་ལ་ལ་ནི་འོད་གཟེར་གྱི་རྒྱ་མཚོ་ཀློང་དུ་གྱུར་པའི་ཆུ་བོ་ལ་རབ་ཏུ་གནས་སོ། །འཇིག་རྟེན་གྱི་ཁམས་རྒྱ་མཚོ་འབྱམ་
ཀླས་པ་ལ་ལ་ནི། བྱང་ཆུབ་སེམས་དཔའི་ནོར་བུའི་ཅོད་པན་སྣ་ཚོགས་ཀྱི་རྒྱན་ལ་རབ་ཏུ་གནས་སོ། །འཇིག་རྟེན་གྱི་ཁམས་རྒྱ་མཚོ་འབྱམ་ཀླས་པ་ལ་ལ་ནི་སེམས་ཅན་གྱི་ལུས་སྣ་ཚོགས་རྒྱ་མཚོ་
ལ་རབ་ཏུ་གནས་སོ། །འཇིག་རྟེན་གྱི་ཁམས་རྒྱ་མཚོ་འབྱམ་ཀླས་པ་ལ་ལ་ནི། སངས་རྒྱས་ཐམས་ཅད་ཀྱིས་གསུངས་ནོར་བུའི་རྒྱལ་པོ་ལ་རབ་ཏུ་གནས་སོ། །དེ་དག་ལ་སྩོགས་པ་འཇིག་རྟེན་
གྱི་ཁམས་རྒྱ་མཚོ་འབྱམ་ཀླས་པའི་གནས་ཤིན་ཏུ་བསྟན་པ་ནི་འཇིག་རྟེན་གྱི་ཁམས་རྒྱ་མཚོའི་རྡུལ་ཤིན་ཏུ་ཕྲ་བ་སྙེད་དོ། །འཇིག་རྟེན་གྱི་ཁམས་རྒྱ་མཚོ་ཐམས་ཅད་ཀྱང་དབྱིབས་གཞན་དང་གཞན་དུ་འདུག་
པ་ཤ་སྟག་སྟེ། འཇིག་རྟེན་གྱི་ཁམས་རྒྱ་མཚོ་འབྱམ་ཀླས་པ་ལ་ལ་ནི་རི་རབ་ཀྱི་དབྱིབས་ལྟ་བུའོ། །འཇིག་རྟེན་གྱི་ཁམས་འབྱམ་ཀླས་པ་ལ་ལ་ནི་ཆུ་ཀླུང་གི་དབྱིབས་ལྟ་བུའོ། །འཇིག་རྟེན་
གྱི་ཁམས་འབྱམ་ཀླས་པ་ལ་ལ་ནི་ཀུན་ཏུ་འཁོར་བའི་དབྱིབས་ལྟ་བུའོ། །འཇིག་རྟེན་གྱི་ཁམས་འབྱམ་ཀླས་པ་ལ་ལ་ནི་ཀུན་ནས་འཁྱིལ་བའི་དབྱིབས་ལྟ་བུའོ། །འཇིག་རྟེན་གྱི་ཁམས་
འབྱམ་ཀླས་པ་ལ་ལ་ནི་འཁོར་ལོའི་དབྱིབས་ལྟ་བུའོ། །འཇིག་རྟེན་གྱི་ཁམས་འབྱམ་ཀླས་པ་ལ་ལ་ནི་མྱིག་མངས་རིས་ཀྱི་དབྱིབས་ལྟ་བུའོ། །འཇིག་རྟེན་གྱི་ཁམས་འབྱམ་ཀླས་
པ་ལ་ལ་ནི་ཤིང་གི་དབྱིབས་ལྟ་བུའོ། །འཇིག་རྟེན་གྱི་ཁམས་འབྱམ་ཀླས་པ་ལ་ལ་ནི་ཁང་པ་བརྩེགས་པའི་དབྱིབས་ལྟ་བུའོ། །འཇིག་རྟེན་གྱི་ཁམས་འབྱམ་ཀླས་པ་ལ་ལ་ནི་རྡོ་རྗེའི་

72-1-121b

རྒྱལ་མཚན་གྱི་དབྱིབས་ལྟ་བུའོ། །འཇིག་རྟེན་གྱི་ཁམས་འབྱམ་ཀླས་པ་ལ་ལ་ནི་ཕྱོགས་འབྱམ་ཀླས་པའི་དབྱིབས་ལྟ་བུའོ། །འཇིག་རྟེན་གྱི་ཁམས་འབྱམ་ཀླས་པ་ལ་ལ་ནི་ཁང་བའི་དབྱིབས་ལྟ་
བུའོ། །འཇིག་རྟེན་གྱི་ཁམས་འབྱམ་ཀླས་པ་ལ་ལ་ནི་པདྨོའི་དབྱིབས་ལྟ་བུའོ། །འཇིག་རྟེན་གྱི་ཁམས་འབྱམ་ཀླས་པ་ལ་ལ་ནི་སྟ་དགབ་ཀྱི་དབྱིབས་ལྟ་བུའོ། །འཇིག་རྟེན་གྱི་ཁམས་འབྱམ་ཀླས་པ་
ལ་ལ་ནི་སེམས་ཅན་གྱི་ལུས་ཀྱི་དབྱིབས་ལྟ་བུའོ། །འཇིག་རྟེན་གྱི་ཁམས་འབྱམ་ཀླས་པ་ལ་ལ་ནི་སྤྲིན་གྱིས་དབྱིབས་ལྟ་བུའོ། །འཇིག་རྟེན་གྱི་ཁམས་འབྱམ་ཀླས་པ་ལ་ལ་ནི་སངས་རྒྱས་ཀྱི་
མཚན་གྱི་དབྱིབས་ལྟ་བུའོ། །འཇིག་རྟེན་གྱི་ཁམས་འབྱམ་ཀླས་པ་ལ་ལ་ནི་འོད་ཀྱི་དཀྱིལ་འཁོར་ཀྱི་དབྱིབས་ལྟ་བུའོ། །འཇིག་རྟེན་གྱི་ཁམས་འབྱམ་ཀླས་པ་ལ་ལ་ནི་དྲ་བ་སྣ་ཚོགས་བཀྱེ་བའི་
དབྱིབས་ལྟ་བུའོ། །འཇིག་རྟེན་གྱི་ཁམས་འབྱམ་ཀླས་པ་ལ་ལ་ནི་སྒོ་ཀུན་ནས་ཡོད་པའི་དབྱིབས་ལྟ་བུའོ། །འཇིག་རྟེན་གྱི་ཁམས་འབྱམ་ཀླས་པ་ལ་ལ་ནི་དམིགས་པ་ཐམས་ཅད་ཀྱི་དབྱིབས་
ལྟ་བུ་སྟེ། ཀྱེ་རྒྱལ་བའི་སྲས་དག་དེ་ལ་སྩོགས་པ་འཇིག་རྟེན་གྱི་ཁམས་འབྱམ་ཀླས་པའི་དབྱིབས་རྣམ་པར་ཕྱེ་བ་ཤིན་ཏུ་བསྟན་པ་ནི་འཇིག་རྟེན་གྱི་ཁམས་ཀྱི་རྡུལ་ཤིན་ཏུ་ཕྲ་བ་སྙེད་དོ། །ཀྱེ་རྒྱལ་བའི་
སྲས་དག་འཇིག་རྟེན་གྱི་ཁམས་རྒྱ་མཚོའི་ཚུལ་དེ་དག་ནི་ལྷུན་གཞན་དང་གཞན་དུ་བསྟན་པ་སྟེ། འཇིག་རྟེན་གྱི་ཁམས་ཀྱི་ཚུལ་ལ་ལ་ནི་ཕྱོགས་ཐམས་ཅད་ཀྱི་ནོར་བུའི་སྤྲིན་གྱི་ལྷུན་ཅན་ནོ། །འཇིག་རྟེན་
གྱི་ཁམས་ཀྱི་ཚུལ་ལ་ལ་ནི་འོད་ཀྱི་ཚུལ་ཅན་ནོ། །འཇིག་རྟེན་གྱི་ཁམས་ཀྱི་ཚུལ་ལ་ལ་ནི་རིན་པོ་ཆེ་དང་སྤོས་འོད་འཕྲོ་བ་ཐམས་ཅད་ཀྱི་ཚུལ་ཅན་ནོ། །འཇིག་རྟེན་གྱི་ཁམས་ཀྱི་ཚུལ་ལ་ལ་ནི་རིན་པོ་ཆེ་

72-1-122a

ཐམས་ཅད་ཀྱི་མེ་ཏོག་ཁ་དོག་སྤྲོད་ལས་བསྒྲུབས་པའི་ལྷུན་ཅན་ནོ། །འཇིག་རྟེན་གྱི་ཁམས་ཀྱི་ཚུལ་ལ་ལ་ནི་བྱང་ཆུབ་སེམས་དཔའི་ལུས་ཀྱི་གཟུགས་བརྙན་གྱི་ལྷུན་ཅན་ནོ། །འཇིག་རྟེན་གྱིས་
ཁམས་ཀྱི་ཚུལ་ལ་ལ་ནི་སངས་རྒྱས་ཀྱི་འོད་ཀྱི་ལྷུན་ཅན་ནོ། །འཇིག་རྟེན་གྱི་ཁམས་ཀྱི་ཚུལ་ལ་ལ་ནི་རིན་པོ་ཆེའི་འོད་ཀྱི་ལྷུན་ཅན་ནོ། །འཇིག་རྟེན་གྱི་ཁམས་ཀྱི་ཚུལ་ལ་ལ་ནི་སངས་རྒྱས་ཀྱི་ཁ་དོག་གི་
ལྷུན་ཅན་ནོ། །འཇིག་རྟེན་གྱི་ཁམས་ཀྱི་ཚུལ་ལ་ལ་ནི་རིན་པོ་ཆེ་ཐམས་ཅད་ཀྱི་ཁམས་ཀྱི་ཁ་དོག་གི་འོད་ཀྱི་ལྷུན་ཅན་ནོ། །འཇིག་རྟེན་གྱི་ཁམས་ཀྱི་ཚུལ་ལ་ལ་ནི་སེམས་ཅན་ཐམས་ཅད་ཀྱི་བསོད་ནམས་
རྒྱ་མཚོ་ཡང་དག་པར་འབྱུང་བའི་སྒྲ་ཡི་ལྷུན་ཅན་ནོ། །འཇིག་རྟེན་གྱི་ཁམས་ཀྱི་ཚུལ་ལ་ལ་ནི་སེམས་ཅན་ཐམས་ཅད་ཀྱི་ལས་རྒྱ་མཚོ་ཡང་དག་པར་འབྱུང་བ་སྒྲ་ཡི་ལྷུན་ཅན་ནོ། །འཇིག་རྟེན་གྱིས་
ཁམས་ཀྱི་ཚུལ་ལ་ལ་ནི་སངས་རྒྱས་ཐམས་ཅད་ཀྱི་སྤྱོད་པའི་དཀྱིལ་འཁོར་ཡོངས་སུ་དག་པའི་སྒྲ་ཡི་ལྷུན་ཅན་ནོ། །འཇིག་རྟེན་གྱི་ཁམས་ཀྱི་ཚུལ་ལ་ལ་ནི་བྱང་ཆུབ་སེམས་དཔའ་ཐམས་ཅད་ཀྱི་
སྨོན་ལམ་གྱི་རྒྱ་མཚོའི་སྒྲ་ཡི་ལྷུན་ཅན་ནོ། །འཇིག་རྟེན་གྱི་ཁམས་ཀྱི་ཚུལ་ལ་ལ་ནི་སངས་རྒྱས་ཀྱི་ཚུལ་ཐམས་ཅད་མངོན་པར་བསྒྲུབ་པའི་སྒྲ་ཡི་ལྷུན་ཅན་ནོ། །འཇིག་རྟེན་གྱི་ཁམས་ཀྱི་ཚུལ་ལ་ལ་ནི་
ཞིང་གི་རྒྱན་ཐམས་ཅད་འབྱུང་བ་དང་འཇིག་པའི་སྒྲ་ཡི་ལྷུན་ཅན་ནོ། །འཇིག་རྟེན་གྱི་ཁམས་ཀྱི་ཚུལ་ལ་ལ་ནི་སངས་རྒྱས་ཀྱི་གསུང་དང་དབྱངས་མཐའ་དང་དབུས་མེད་པའི་ལྷུན་ཅན་ནོ། །འཇིག་རྟེན་གྱི་ཁམས་
ཀྱི་ཚུལ་ལ་ལ་ནི་སངས་རྒྱས་ཐམས་ཅད་ཀྱི་སྤྲུལ་པའི་འཁོར་ལོའི་སྒྲ་ཡི་ལྷུན་ཅན་ནོ། ། འཇིག་རྟེན་གྱི་ཁམས་ཀྱི་ཚུལ་ལ་ལ་ནི་སེམས་ཅན་ཐམས་ཅད་ཀྱི་དགེ་བའི་འབྱུང་བའི་སྒྲ་ཡི་ལྷུན་ཅན་ནོ། །

72-1-122b

འཇིག་རྟེན་གྱི་ཁམས་ཀྱི་ཚུལ་ལ་ལ་ནི་སངས་རྒྱས་ཀྱི་ཡོན་ཏན་རྒྱ་མཚོ་ཡོངས་སུ་དག་པའི་སྒྲ་ཡི་ལྷུན་ཅན་ནོ། །ཀྱེ་རྒྱལ་བའི་སྲས་དག་དེ་དག་ལས་སྩོགས་པ་འཇིག་རྟེན་གྱི་ཁམས་ཀྱི་རྒྱུད་འབྱམ་ཀླས་པའི་ཚུལ་གྱི་
ལུས་ནི། འཇིག་རྟེན་གྱི་ཁམས་རྒྱ་མཚོའི་རྡུལ་ཤིན་ཏུ་ཕྲ་བ་སྙེད་དུ་ཤེས་པར་བྱའོ། །དེ་ནས་བྱང་ཆུབ་སེམས་དཔའ་ཀུན་ཏུ་བཟང་པོས་ཡང་འཇིག་རྟེན་གྱི་ཁམས་ཀྱི་རྒྱུད་འབྱམ་ཀླས་པའི་ཚུལ་གྱི་ལུས་
རྣམ་པར་དགོད་པ་ཤིན་ཏུ་བསྟན་པ་འདི་ཉིད་གསལ་བར་བརྗོད་པའི་ཕྱིར། སངས་རྒྱས་ཀྱི་བྱིན་གྱིས་རླབས་ཀྱིས་ཕྱོགས་བཅུར་རྣམ་པར་བལྟས་ཏེ། དེའི་ཚེ་ཚིགས་སུ་བཅད་པ་འདི་དག་སྨྲས་སོ། །
ཞིང་གི་རྒྱུད་རྒྱན་ཤིན་ཏུ་བསྟན་པར་གྲུབ། །དྲི་མེད་དྲི་བྲལ་འོད་འགྱེད་སྙིང་པོ་ཅན། །ནོར་བུ་པདྨོ་རྒྱ་མཚོ་ཀུན་ལ་གནས། །ལ་ལ་གང་གའི་རྒྱ་མཚོ་དག་ལ་གནས། །རྣམ་པ་སྣ་ཚོགས་ཚུལ་གྱིས་
གཞི་གནས་ཤིང་། །དབྱིབས་ཀྱང་སྣ་ཚོགས་ཁ་དོག་གཟུགས་ཀྱང་མང་། །རི་རབ་གྲོང་ཁྱེར་ཤིང་གི་དཀྱིལ་འཁོར་དང་། །ཞིང་རྒྱུད་ཐམས་ཅད་ལ་ལ་ཕྱོགས་ཀུན་ལྟ། །ལ་ལ་འོད་ལུས་མེ་ཏོག་སྙིང་པོ་
ཅན། །ནོར་བུས་བྱས་པ་ཀུན་ནས་སྤྲིན་དང་ཆུ། །ལ་ལའི་རྒྱུད་གསལ་མུ་ཏིག་འོད་ཟེར་ལུས། །ནོར་བུའི་གཞི་གནས་ཀུན་ཀྱང་མི་ཤིགས་སྲ། །འབྱམ་ཀླས་ལ་ལ་ཁ་དོག་སྣ་ཚོགས་བསྩལ། །
འོད་འདྲ་འོད་འཕྲོ་མེ་མར་སྤྲིན་གྱི་མདོག །ལ་ལའི་རྒྱུད་ནི་སྒྲ་དང་སྐད་ཀྱི་ལུས། །དེ་ལ་སངས་རྒྱས་གསུང་དབྱངས་མཐའ་ཡས་འབྱུང་། །ལ་ལའི་རྒྱུད་ནི་སྨོན་ལམ་སྒྲ་ཡི་ལུས། །སྤྱོད་པ་རྣམ་འཕྲུལ་
སྤྲིན་གྱི་སྒྲ་ཡི་ལུས། །ལ་ལ་བསོད་ནམས་ཡངས་དང་ལས་ཀྱི་སྒྲ། །ལ་ལའི་ལུས་ནི་རྒྱལ་བའི་ཡོན་ཏན་སྒྲ། །གང་གི་རྒྱུད་རྣམས་རྒྱ་མཚོ་བསམ་ཡས་པ། །ཀུན་ནས་མི་ཟད་དུ་མའི་སྒོ་ནས་འཇུག །

72-1-123a

རྣམ་འཕྲུལ་ཡངས་པ་མི་ཟད་རྒྱན་གྱི་རྣམས། །ཚད་མེད་ཀུན་གྱིས་ཕྱོགས་ཀུན་རྒྱས་པར་འགེངས། །ཕྱོགས་རྣམས་ཀུན་ཏུ་ཞིང་རྣམས་འདུ་འགྱུར་ཏེ། །ཡངས་པའི་ཚུལ་གྱིས་ཞིང་གི་རྒྱུད་ཞུགས་པར། 
ཕྱོགས་བཅུ་ཀུན་ཏུ་འདུ་བར་སྣང་བ་ཡང་། །འགྲོ་བ་མེད་ཅིང་འཇུག་པ་ཡོད་པ་མིན། །ཚུལ་གཅིག་གི་ནི་རྒྱུད་རྣམས་ཀུན་ཀྱང་འགྲེངས། །ཐམས་ཅད་མ་ལུས་རེ་རེར་རབ་ཏུ་འདུ། །དེ་ལ་ཐ་དད་གང་ཡང་མི་
དམིགས་ཏེ། །གཞི་མེད་ཀུན་འགེངས་མཐའ་དང་དབུས་ཡང་མེད། །ཞིང་རྣམས་ཚུལ་གྱི་རྒྱུད་ལ་རྣམ་འཕྲུལ་བ། །སངས་རྒྱས་རྣམ་སྣང་མཛད་པ་ཀུན་ནས་སྣང་། །སྨོན་ལམ་སྒྲ་ནི་རྒྱ་མཚོ་རབ་བརྗོད་ཅིང་། །
ཞིང་གི་དབྱིངས་ན་སེམས་ཅན་ཀུན་ཀྱང་འདུལ། །ཞིང་རྣམས་སངས་རྒྱས་སྐུ་ཡིས་ཀུན་ཁྱབ་སྣང་། །བསམ་གྱིས་མི་ཁྱབ་བྱང་ཆུབ་སེམས་དཔའ་གང་། །སངས་རྒྱས་རྣམ་འཕྲུལ་མི་མཉམ་སྟོབས་སྟོན་ཅིང་། །
སེམས་ཅན་མང་པོ་ཚད་མེད་རྣམ་པར་འདུལ། །ཞིང་གི་རྒྱུད་ཀྱི་གནས་ཤིན་ཏུ་བསྟན་པ་ཞེས་བྱ་སྟེ། ལེའུ་བརྒྱད་པའོ།། །།
སངས་རྒྱས་རྨད་ག་ཅད་ཅེས་བྱ་བ་ཤིན་ཏུ་རྒྱས་པ་ཆེན་པོའི་མདོ།  བམ་པོ་དགུ་པ། ཀྱེ་རྒྱལ་བའི་སྲས་དག་དེ་ལ་འཇིག་རྟེན་གྱི་ཁམས་རྒྱ་མཚོ་གངས་ཅན་མཚོའི་དབྱིངས་དེ་ནི་
སྤོས་ཆུའི་རྒྱ་མཚོ་མིག་འཕྲུལ་གྱི་རྣམ་པར་ཕྱེ་བ་གཞི་ཀུན་ལ་རབ་ཏུ་གནས་པ་ནི། སངས་རྒྱས་ཀྱི་ཞིང་བརྗོད་དུ་མེད་པའི་རྡུལ་ཤིན་ཏུ་ཕྲ་བ་སྙེད་དེ། ཀྱེ་རྒྱལ་བའི་སྲས་དག་དེ་ལ་གངས་ཆེན་
མཚོའི་དབྱིངས་ཀྱི་སྤོས་ཆུའི་རྒྱ་མཚོ། སངས་རྒྱས་ཀྱི་ཞིང་བརྗོད་དུ་མེད་པའི་རྡུལ་ཤིན་ཏུ་ཕྲ་བ་སྙེད་ཀྱི་ནང་ན། སྤོས་ཆུའི་རྒྱ་མཚོ་དབུས་མ་ནི་ཟེ་བ། ཡིད་དུ་འོང་ཞིང་འོད་མཐའ་ཡས་པ་ཞེས་བྱ་སྟེ་

72-1-123b

དེའི་ནང་ནས་ནོར་བུའི་རྒྱལ་པོ་བྱང་ཆུབ་སེམས་དཔའ་ཐམས་ཅད་ཀྱི་ལུས་རྣམ་པར་དམིགས་པའི་གཟུགས་བརྙན་གྱི་རྒྱལ་མཚན་གྱི་པད་མོ་ཆེན་པོ་བཞི་སྤོས་དང་ནོར་བུའི་རྒྱལ་པོ་ཐམས་ཅད་ཀྱི་བརྒྱན་
པའི་རྒྱན་ཅན་ཅེས་བྱ་བ་མངོན་པར་བྱུང་སྟེ། དེ་ལ་འཇིག་རྟེན་གྱི་ཁམས་ཀྱི་རྒྱུད་ཕྱོགས་ཀུན་ནས་རིན་པོ་ཆེའི་འོད་རྣམ་པར་སྣང་བ་ཞེས་བྱ་བ། འཇིག་རྟེན་གྱི་ཁམས་སངས་རྒྱས་ཀྱི་ཞིང་བརྗོད་དུ་མེད་
པའི་རྡུལ་ཤིན་ཏུ་ཕྲ་བ་སྙེད་ཀྱི་འཁོར་གྱིས་བསྐོར་བ། དམིགས་པ་ཐམས་ཅད་ཀྱི་རྒྱན་གྱིས་བརྒྱན་པའི་ལྷུན་ཅན་རབ་ཏུ་གནས་ཏེ། དེ་དག་ལས་ཐམས་ཅད་ཀྱི་འོག་མ་ནི་དཔལ་འབྱུང་བའི་འོད་ཟེར་རྣམ་
པར་སྣང་བ་ཞེས་བྱ་བ་འཇིག་རྟེན་གྱི་ཁམས་ཏེ། དེ་ནི་རྡོ་རྗེ་ཐམས་ཅད་ཀྱི་རྒྱུན་དང་། འོད་ཀྱི་འཁོར་ལོའི་ས་མཚམས་ནོར་བུའི་རིན་པོ་ཆེའི་ཟེ་བ་མང་པོ་ལ་རབ་ཏུ་གནས་པ། ནོར་བུའི་འཁོར་ཐམས་ཅད་
དང་རིན་པོ་ཆེའི་མེ་ཏོག་གི་རྒྱན་ཐམས་ཅད་ཀྱིས་རབ་ཏུ་ཡོག་པར་གྱུར་པ་སྟེ། འཇིག་རྟེན་གྱི་ཁམས་སངས་རྒྱས་ཀྱི་ཞིང་གི་རྡུལ་ཤིན་ཏུ་ཕྲ་བ་སྙེད་ཀྱིས་བསྐོར་བ། འཇིག་རྟེན་གྱི་ཁམས་དེ་དག་ཀྱང་གཞན་
དང་གཞན་ལ་གནས་པ། རྒྱན་གཞན་དང་གཞན་དག་སྟེ། དེ་ན་དེ་བཞིན་གཤེགས་པ་ཚུལ་རྣམ་པར་དག་ཅིང་དྲི་མ་མེད་པའི་མར་མེ་ཞེས་བྱ་བ་བཞུགས་སོ། །དེའི་སྟེང་འཇིག་རྟེན་གྱི་ཁམས་སངས་རྒྱས་ཀྱི་ཞིང་
གི་རྡུལ་ཤིན་ཏུ་ཕྲ་བ་སྙེད་འདས་པ་ན། འཇིག་རྟེན་གྱི་ཁམས་སྤོས་སྣ་ཚོགས་ཀྱི་པདྨོ་དཔལ་གྱི་རྒྱན་ཅེས་བྱ་བ་རྒྱན་ཐམས་ཅད་ཀྱི་ས་མཚམས་ཅན་རིན་པོ་ཆེའི་པདྨོ་ཤིན་ཏུ་མང་བ་ལ་རབ་ཏུ་གནས་པ་
སེང་གེའི་ཁྲིའི་དབྱིབས་ལྟར་འདུག་པ། མུ་ཏིག་གི་འབྲུ་རིན་པོ་ཆེ་ཐམས་ཅད་ཀྱི་ཁ་དོག་ལྟ་བུའི་བླ་རེའི་སྤྲིན་གྱིས་ཀུན་ནས་ཡོག་པ། ཀུན་ནས་ཉོན་མོངས་ཤིང་རྣམ་པར་དག་པ། འཇིག་རྟེན་གྱི་ཁམས་

72-1-124a

སངས་རྒྱས་ཀྱི་ཞིང་གཉིས་ཀྱི་རྡུལ་ཤིན་ཏུ་ཕྲ་བ་སྙེད་ཀྱི་འཁོར་གྱིས་བསྐོར་བ་ཡོད་དེ་དེ་ན་དེ་བཞིན་གཤེགས་པ་སེང་གེའི་འོད་ཟེར་མཆོག་གི་འོད་ཅེས་བྱ་བ་བཞུགས་སོ། །དེའི་སྟེང་སངས་རྒྱས་ཀྱི་
ཞིང་གི་རྡུལ་ཤིན་ཏུ་ཕྲ་བ་སྙེད་ཀྱི་འཇིག་རྟེན་གྱི་ཁམས་འདས་པ་ནི། འཇིག་རྟེན་གྱི་ཁམས་རིན་པོ་ཆེ་ཐམས་ཅད་ཀྱི་རྒྱན་ཀུན་ཏུ་སྣང་བ་ཞེས་བྱ་བ་སྤོས་ཀྱི་རླུང་གི་དཀྱིལ་འཁོར་གྱི་ས་མཚམས་ཅན་རིན་པོ་ཆེའི་
མེ་ཏོག་གི་ཕྲེང་བ་སྣ་ཚོགས་ལ་རབ་ཏུ་གནས་པ། ནོར་བུའི་འཁོར་གཟི་བརྗིད་བཟང་པོའི་ཉི་མའི་སྤྲིན་གྱིས་ཀུན་ནས་ཡོག་པ། ཡན་ལག་བརྒྱད་དུ། དམའ་བའི་དབྱིབས་ཅན་འཇིག་རྟེན་གྱི་ཁམས་སངས་
རྒྱས་ཀྱི་ཞིང་གསུམ་གྱི་རྡུལ་ཤིན་ཏུ་ཕྲ་བ་སྙེད་ཀྱི་འཁོར་གྱིས་བསྐོར་བ། རྣམ་པར་དག་ཅིང་ཀུན་ནས་ཉོན་མོངས་པ་ཡོད་དེ། དེ་ན་དེ་བཞིན་གཤེགས་པ་འོད་དྲི་མ་མེད་པའི་ཡེ་ཤེས་ཀྱི་དཔལ་གྱི་དཔལ་ཞེས་བྱ་བ་
བཞུགས་སོ། །དེའི་སྟེང་འཇིག་རྟེན་གྱི་ཁམས་སངས་རྒྱས་ཀྱི་ཞིང་གི་རྡུལ་ཤིན་ཏུ་ཕྲ་བ་སྙེད་འདས་པ་ན། འཇིག་རྟེན་གྱི་ཁམས་འོད་ཟེར་སྣ་ཚོགས་ཀྱི་ཡིད་དུ་འོང་བ་ཞེས་བྱ་བ་རིན་པོ་ཆེའི་རྒྱལ་པོ་ཐམས་
ཅད་ཀྱི་མཚམས་ཅན་ཁ་དོག་སྣ་ཚོགས་དང་ལྡན་པའི་རྡོ་རྗེ་བྲག་གི་རྒྱ་མཚོ་ལ་རབ་ཏུ་གནས་པ་རིན་པོ་ཆེ་པད་མོའི་དབྱིབས་ལྟར་འདུག་པ། རྡོ་རྗེའི་འོད་ཟེར་དང་རིན་པོ་ཆེ་འབར་བ་མཐའ་ཡས་པར་སྣང་བའི་
འོད་ཀྱི་ནོར་བུའི་རྒྱ་མཚོའི་སྤྲིན་གྱིས་ཀུན་ནས་ཡོག་པ་གཅིག་ཏུ་དག་པ་འཇིག་རྟེན་གྱི་ཁམས། སངས་རྒྱས་ཀྱི་ཞིང་བཞིའི་རྡུལ་ཤིན་ཏུ་ཕྲ་བ་སྙེད་ཀྱི་འཁོར་གྱིས་བསྐོར་བ་ཡོད་དེ། དེ་ན་དེ་བཞིན་གཤེགས་
པ་རྡོ་རྗེའི་འོད་ཟེར་སྟོབས་དང་བརྩོན་འགྲུས་མཐའ་ཡས་པ་ཡང་དག་པར་འབྱུང་བ་ཞེས་བྱ་བ་བཞུགས་སོ། །དེའི་སྟེང་འཇིག་རྟེན་གྱི་ཁམས་སངས་རྒྱས་ཀྱི་ཞིང་གི་རྡུལ་ཤིན་ཏུ་ཕྲ་བ་སྙེད་འདས་པ་ན་

72-1-124b

འཇིག་རྟེན་གྱི་ཁམས་འོད་ཤིན་ཏུ་བཀྱེ་བའི་མེ་ཏོག་སིལ་བའི་འཁོར་ལོ་ཞེས་བྱ་བ་རིན་པོ་ཆེ་ཐམས་ཅད་ཀྱི་དྲིལ་བུའི་དྲ་བའི་རྒྱན་གྱི་ས་མཚམས་ཅན་ཤིང་དང་ནགས་ཚལ་གྱི་རྒྱན་ཐམས་ཅད་འབྱུང་བའི་རིན་
པོ་ཆེའི་འཁོར་ལོ་མང་པོའི་རྒྱ་མཚོ་ལ་རབ་ཏུ་གནས་པ། ཕྱོགས་ཐམས་ཅད་ནས་གྲང་དུ་མའི་དབྱིབས་སུ་འདུག་པ་ནོར་བུའི་རྒྱལ་པོ་ཚངས་པའི་དབྱངས་སུ་སྒྲོག་པས་ཀུན་ནས་ཡོག་པ། ཉོན་མོངས་ཤིང་
རྣམ་པར་དག་པ། འཇིག་རྟེན་གྱི་ཁམས་སངས་རྒྱས་ཀྱི་ཞིང་ལྔའི་རྡུལ་ཤིན་ཏུ་ཕྲ་བ་སྙེད་ཀྱི་འཁོར་གྱིས་བསྐོར་བ་ཡོད་དེ། དེ་ན་དེ་བཞིན་གཤེགས་པ་སྤོས་ཀྱི་འོད་ཟེར་དགའ་བའི་སྟོབས་རྒྱ་མཚོ་ཞེས་
བྱ་བ་བཞུགས་སོ། །དེའི་སྟེང་འཇིག་རྟེན་གྱི་ཁམས་སངས་རྒྱས་ཀྱི་ཞིང་གི་རྡུལ་ཤིན་ཏུ་ཕྲ་བ་སྙེད་འདས་པ་ན། འཇིག་རྟེན་གྱི་ཁམས་དགེ་བ་སྣ་ཚོགས་ཀྱི་རྣམ་པ་ཞེས་བྱ་བ་འཇིག་རྟེན་གྱི་ཁམས་
སངས་རྒྱས་ཀྱི་ཞིང་དྲུག་གི་རྡུལ་ཤིན་ཏུ་ཕྲ་བ་སྙེད་ཀྱི་འཁོར་གྱིས་བསྐོར་བ། རྣམ་པར་དག་ཅིང་ཀུན་ནས་ཉོན་མོངས་པ། རིན་པོ་ཆེ་ཤིང་ས་ལའི་རྒྱལ་མཚན་གྱི་ས་མཚམས་ཅན། རྡོ་རྗེའི་ཁྱིམ་གཞལ་མེད་ཁང་
རྒྱ་མཚོ་ལ་རབ་ཏུ་གནས་པ་ཀུན་ནས་གྲུ་བཞིའི་དབྱིབས་སུ། འཁོར་ལོ་ནོར་བུ་གཙུག་གི་བླ་རེའི་སྤྲིན་གྱིས་ཀུན་ནས་ཡོག་པ་ཡོད་དེ། དེ་ན་དེ་བཞིན་གཤེགས་པ་ཀུན་ཏུ་རྒྱས་བའི་འོད་ཀྱི་དབང་པོའི་
དཔལ་ཞེས་བྱ་བ་བཞུགས་སོ། །དེའི་སྟེང་འཇིག་རྟེན་གྱི་ཁམས་སངས་རྒྱས་ཀྱི་ཞིང་གི་རྡུལ་ཤིན་ཏུ་ཕྲ་བ་སྙེད་འདས་པ་ན། འཇིག་རྟེན་གྱི་ཁམས་རྒྱན་གྱི་འོད་ཟེར་མེ་ཏོག་ཤིན་ཏུ་རྒྱས་པའི་དཀྱིལ་
འཁོར་ཅེས་བྱ་བ་འཇིག་རྟེན་གྱི་ཁམས། སངས་རྒྱས་ཀྱི་ཞིང་བདུན་གྱི་རྡུལ་ཤིན་ཏུ་ཕྲ་བ་སྙེད་ཀྱི་འཁོར་གྱིས་བསྐོར་བ། གཅིག་ཏུ་དག་པ་ཁང་པ་བརྩེགས་པའི་དབྱིབས་སུ་འདུག་པ། 

72-1-125a

མེ་ཏོག་པད་མོ་སྣ་ཚོགས་ཀྱི་རྒྱན་གྱི་ས་མཚམས་ཅན་རིན་པོ་ཆེ་ཐམས་ཅད་ཀྱི་འོད་གཟེར་དང་རིན་པོ་ཆེའི་ཁ་དོག་རྒྱ་མཚོ་ལ་རབ་ཏུ་གནས་པ། ཁ་དོག་ཐམས་ཅད་ཀྱི་གོས་དང་མུ་ཏིག་དང་སྟེགས་
བུས་ཀུན་ནས་ཡོག་པ་ཡོད་དེ། དེ་ན་དེ་བཞིན་གཤེགས་པ་དགའ་བ་རྒྱ་མཚོའི་ཤུགས་དང་། ཡོན་ཏན་གྲགས་པའི་དབང་ཕྱུག་འོད་གཟེར་ཅེས་བྱ་བ་བཞུགས་སོ། །དེའི་སྟེང་འཇིག་རྟེན་གྱི་ཁམས་སངས་
རྒྱས་ཀྱི་ཞིང་བརྒྱད་ཀྱི་རྡུལ་ཤིན་ཏུ་ཕྲ་བ་སྙེད་འདས་པ་ན། འཇིག་རྟེན་གྱི་ཁམས་ཡང་དག་པར་འབྱུང་བའི་གཟི་བརྗིད་ཅེས་བྱ་བ་འཇིག་རྟེན་གྱི་ཁམས་སངས་རྒྱས་ཀྱི་ཞིང་བརྒྱད་ཀྱི་རྡུལ་ཤིན་ཏུ་ཕྲ་བ་སྙེད་ཀྱི་
འཁོར་གྱིས་བསྐོར་བ། ཀུན་ནས་ཉོན་མོངས་ཤིང་རྣམ་པར་དག་པ། ནོར་བུའི་རྒྱལ་པོ་སྒྲ་ཐམས་ཅད་སྟོང་བའི་རྒྱན་གྱི་ས་མཚམས་ཅན། རིན་པོ་ཆེ་སྣ་ཚོགས་ཀྱི་ཁ་དོག་ལྟ་བུའི་པད་མོ་ལ་འདུག་ཅིང་
ནམ་མཁའི་རྒྱ་མཚོ་ལ་རབ་ཏུ་གནས་པ། མིག་འཕྲུལ་གྱི་དབྱིབས་ལྟ་བུར་འདུག་པ། འོད་ཀྱི་མེ་ཏོག་གི་དྲ་བའི་སྤྲིན་ཁ་དོག་མཐའ་ཡས་པས་ཀུན་ནས་ཡོག་པ་ཡོད་དེ། དེ་ན་དེ་བཞིན་གཤེགས་
པ་གྲགས་པ་ཆེན་པོའི་ཡེ་ཤེས་རྒྱ་མཚོ་རྒྱལ་མཚན་ཅེས་བྱ་བ་བཞུགས་སོ། །དེའི་སྟེང་འཇིག་རྟེན་གྱི་ཁམས་སངས་རྒྱས་ཀྱི་ཞིང་གི་རྡུལ་ཤིན་ཏུ་ཕྲ་བ་སྙེད་འདས་པ་ན། འཇིག་རྟེན་གྱི་ཁམས་སྒྲ་
དབྱངས་རབ་ཏུ་སྒྲོག་པ་ཞེས་བྱ་བ་འཇིག་རྟེན་གྱི་ཁམས་སངས་རྒྱས་ཀྱི་ཞིང་དགུའི་རྡུལ་ཤིན་ཏུ་ཕྲ་བ་སྙེད་ཀྱི་འཁོར་གྱི་བསྐོར་བ། རྣམ་པར་དག་ཅིང་ཀུན་ནས་ཉོན་མོངས་པ། རིན་པོ་ཆེ་ཡིད་བཞིན་གྱི་རྒྱལ་པོའི་
འཁོར་ལོའི་ཤིང་གི་རྒྱན་གྱི་ས་མཚམས་ཅན། ནོར་བུའི་རྒྱལ་པོ་རྒྱན་ཐམས་ཅད་ཀྱི་སྤྲིན་འབར་བའི་སྒྲ་ཡི་རྒྱ་མཚོའི་གཞི་ལ་རབ་ཏུ་གནས་པ། ཚངས་པའི་ལུས་ཀྱི་དབྱིབས་ལྟར་འདུག་པ། 

72-1-125b

སེང་གེའི་ཁྲིའི་སྤྲིན་རིན་པོ་ཆེ་ཡིད་དུ་འོང་བ་མཐའ་ཡས་པའི་རྒྱན་ཅན་གྱིས་ཀུན་ནས་ཡོག་པ་ཡོད་དེ། དེ་ན་དེ་བཞིན་གཤེགས་པ་མཚན་གྱི་གཟི་བརྗིད་ཐུབ་པ་མེད་པའི་ཟླ་བ་ཞེས་བྱ་བ་བཞུགསོ། །དེའི་སྟེང་
འཇིག་རྟེན་གྱི་ཁམས་སངས་རྒྱས་ཀྱི་ཞིང་གི་རྡུལ་ཤིན་ཏུ་ཕྲ་བ་སྙེད་འདས་པ་ན། འཇིག་རྟེན་གྱི་ཁམས་རྡོ་རྗེའི་རྒྱལ་མཚན་ཞེས་བྱ་བ་འཇིག་རྟེན་གྱི་ཁམས་སངས་རྒྱས་ཀྱི་ཞིང་བཅུའི་རྡུལ་ཤིན་ཏུ་ཕྲ་བ་སྙེད་ཀྱི་
འཁོར་གྱིས་བསྐོར་བ། གཅིག་ཏུ་དག་པ་རྒྱན་མཐའ་ཡས་པ་དང་། མུ་ཏིག་གི་འབྲུ་རབ་ཏུ་འཕྱང་བ་དང་། རིན་པོ་ཆེའི་ཕྲེང་བའི་རྒྱན་གྱི་ས་མཚམས་ཅན། རིན་པོ་ཆེའི་སེང་གེ་ཁྲིའི་རྒྱན་དང་མུ་ཏིག་གི་ཕྲེང་
བ་དང་རྒྱན་ཐམས་ཅད་ཀྱིས་བརྒྱན་པའི་ནོར་བུའི་རྒྱ་མཚོ་ལ་རབ་ཏུ་གནས་པ། ཀུན་ནས་ཟླུམ་པའི་དབྱིབས་སུ་འདུག་པ། སྤོས་དང་ནོར་བུ་དང་མེ་ཏོག་སྣ་ཚོགས་ཀྱི་རི་རབ་ཀྱི་སྤྲིན་རི་རབ་བཅུའི་རྡུལ་ཤིན་ཏུ་
ཕྲ་བ་སྙེད་ཀྱིས་ཀུན་ནས་ཡོག་པ་ཡོད་དེ། དེ་ན་དེ་བཞིན་གཤེགས་པ་ཆོས་རྒྱ་མཚོ་ཐམས་ཅད་ཀྱིས་ཤིན་ཏུ་འཕགས་པའི་རྒྱལ་པོ་ཞེས་བྱ་བ་བཞུགས་སོ། །དེའི་སྟེང་འཇིག་རྟེན་གྱི་ཁམས་སངས་
རྒྱས་ཀྱི་ཞིང་གི་རྡུལ་ཤིན་ཏུ་ཕྲ་བ་སྙེད་འདས་པ་ན། འཇིག་རྟེན་གྱི་ཁམས་མདོག་རྣམ་པར་སྣང་བ་ཞེས་བྱ་བ་འཇིག་རྟེན་གྱི་ཁམས་སངས་རྒྱས་ཀྱི་ཞིང་བཅུ་ཅིག་གི་རྡུལ་ཤིན་ཏུ་ཕྲ་བ་སྙེད་ཀྱི་འཁོར་གྱི་བསྐོར་
བ་ཀུན་ནས་ཉོན་མོངས་ཤིང་རྣམ་པར་དག་པ། རྡོ་རྗེ་ལྟར་མི་ཤིགས་ཤིང་སྲ་བའི་རྒྱན་གྱི་ས་མཚམས་ཅན་མེ་ཏོག་སྣ་ཚོགས་རྣམ་པ་མང་པོའི་རྒྱ་མཚོ་ལ་རབ་ཏུ་གནས་པ། ཟླ་བ་ཁམ་པའི་དབྱིབས་ལྟར་
འདུག་པ། ལྷ་རྫས་རིན་པོ་ཆེའི་བླ་རེས་ཀུན་ནས་ཡོག་པ་ཡོད་དེ། དེ་ན་དེ་བཞིན་གཤེགས་པ་རྒྱལ་བའི་ཡོན་ཏན་ཆོས་ཉིད་ཚད་མེད་པ་ཞེས་བྱ་བ་བཞུགས་སོ། །དེའི་སྟེང་འཇིག་རྟེན་གྱི་ཁམས་

72-1-126a

སངས་རྒྱས་ཀྱི་ཞིང་གི་རྡུལ་ཤིན་ཏུ་ཕྲ་བ་སྙེད་འདས་པ་ན། འཇིག་རྟེན་གྱི་ཁམས་སྣང་བའི་མདོག་ཅེས་བྱ་བའི་འཇིག་རྟེན་གྱི་ཁམས་སངས་རྒྱས་ཀྱི་ཞིང་བཅུ་གཉིས་ཀྱི་རྡུལ་ཤིན་ཏུ་ཕྲ་བ་སྙེད་
ཀྱི་འཁོར་གྱིས་བསྐོར་བ་རྣམ་པར་དག་ཅིང་ཀུན་ནས་ཉོན་མོངས་པ་འོད་ཟེར་གྱི་རྒྱན་ཀུན་ནས་སྣང་བའི་ས་མཚམས་ཅན། སྤོས་ཀྱི་ཆུའི་རྒྱ་མཚོ་མེ་ཏོག་གི་གློང་ཅན་གྱི་གང་ཆེན་མཚོ་ལ་རབ་ཏུ་གནས་པ། 
མེ་ཏོག་འཁྱིལ་པའི་དབྱིབས་ལྟར་འདུག་པ། གོས་སྣ་ཚོགས་ཀྱི་སྤྲིན་གྱི་ཀུན་ནས་ཡོག་པ་ཡོད་དེ། དེ་ན་དེ་བཞིན་གཤེགས་པའི་ཚངས་པའི་དབང་པོའི་དཔལ་ཞེས་བྱ་བ་བཞུགས་སོ། །དེའི་སྟེང་འཇིག་
རྟེན་གྱི་ཁམས་སངས་རྒྱས་ཀྱི་ཞིང་གི་རྡུལ་ཤིན་ཏུ་ཕྲ་བ་སྙེད་འདས་པ་ན། འཇིག་རྟེན་གྱི་ཁམས་མི་འཇེད་ཅེས་བྱ་བ་འཇིག་རྟེན་གྱི་ཁམས་སངས་རྒྱས་ཀྱི་ཞིང་བཅུ་གསུམ་གྱི་རྡུལ་ཤིན་ཏུ་ཕྲ་བ་སྙེད་ཀྱི་འཁོར་
གྱིས་བསྐོར་བ་ཀུན་ནས་ཉོན་མོངས་པ་རྣམ་པར་དག་པ། རྡོ་རྗེའི་གཞི་ཡི་ས་མཚམས་ཅན། རླུང་གི་དཀྱིལ་འཁོར་ཁ་དོག་སྣ་ཚོགས་ཅན་གྱིས་ཤིན་ཏུ་བཟང་བ། པད་མོའི་དྲ་བ་ལ་རབ་ཏུ་གནས་པ། ཀུན་ནས་
ཟླུམ་པའི་དབྱིབས་སུ་གནས་པ་ནམ་མཁའི་ལྷ་ཡི་ཁང་པ་ཅན་གྱིས་བརྒྱན་པ་འདི་ཡོད་དེ། དེ་ན་བཅོམ་ལྡན་འདས་དེ་བཞིན་གཤེགས་པ་རྣམ་པར་སྣང་མཛད་འདི་བཞུགས་སོ། །སངས་རྒྱས་ཀྱི་ཞིང་
འདིའི་སྟེང་འཇིག་རྟེན་གྱི་ཁམས་སངས་རྒྱས་ཀྱི་ཞིང་གི་རྡུལ་ཤིན་ཏུ་ཕྲ་བ་སྙེད་འདས་པ་ན། འཇིག་རྟེན་གྱི་ཁམས་མཉམ་ལ་རྡུལ་མེད་པའི་འོད་ཅེས་བྱ་བ་འཇིག་རྟེན་གྱི་ཁམས་སངས་རྒྱས་ཀྱི་ཞིང་
བཅུ་བཞིའི་རྡུལ་ཤིན་ཏུ་ཕྲ་བ་སྙེད་ཀྱི་འཁོར་གྱིས་བསྐོར་བ། རྣམ་པར་དག་ཅིང་ཀུན་ནས་ཉོན་མོངས་པ་རིན་པོ་ཆེ་ཐམས་ཅད་ཀྱི་རྒྱན་གྱི་ས་མཚམས་ཅན། རིན་པོ་ཆེའི་གོས་སྣ་ཚོགས་རྒྱ་མཚོ་ལ་རབ་ཏུ་

72-1-126b

གནས་པ་རྡོ་རྗེའི་དབྱིབས་ལྟར་འདུག་པ། རྡོ་རྗེའི་སྤྲིན་ཁ་དོག་མཐའ་ཡས་པས་ཀུན་ནས་ཡོག་པ་ཡོད་དེ། དེ་ན་དེ་བཞིན་གཤེགས་པ་ཆོས་ཀྱི་དབྱིངས་ཤིན་ཏུ་འཕགས་པའི་དཔལ་ཞེས་བྱ་བ་བཞུགས་སོ། །
དེའི་སྟེང་འཇིག་རྟེན་གྱི་ཁམས་སངས་རྒྱས་ཀྱི་ཞིང་གི་རྡུལ་ཤིན་ཏུ་ཕྲ་བ་སྙེད་འདས་པ་ན། འཇིག་རྟེན་གྱི་ཁམས་འོད་སྣ་ཚོགས་ཡིད་དུ་འོང་བའི་མར་མེ་ཞེས་བྱ་བ་འཇིག་རྟེན་གྱི་ཁམས་སངས་རྒྱས་ཀྱི་ཞིང་
བཅོ་ལྔའི་རྡུལ་ཤིན་ཏུ་ཕྲ་བ་སྙེད་ཀྱི་འཁོར་གྱིས་བསྐོར་བའོ། གཅིག་ཏུ་དག་པ་རྒྱན་མང་པོ་ཐམས་ཅད་ཀྱི་བླ་རེའི་ས་མཚམས་ཅན། མེ་ཏོག་གི་དྲ་བ་རྒྱ་མཚོ་རྣམ་པར་དག་པ་ལ་རབ་ཏུ་གནས་པ། དབྱིབས་
དཔལ་གྱི་བེའུ་ལྟར་འདུག་པ། ནོར་བུའི་ཤིང་དང་སྤོས་ཆུའི་སྤྲིན་རྒྱ་མཚོ་ཀུན་ནས་ཡོག་པ་ཡོད་དེ། དེ་ན་དེ་བཞིན་གཤེགས་པ་སྟོབས་ལ་ཐུབ་པ་མེད་པས་ཀུན་ལ་སྣང་བའི་དཔལ་ཞེས་བྱ་བ་བཞུགསོ། །
དེའི་སྟེང་འཇིག་རྟེན་གྱི་ཁམས་སངས་རྒྱས་ཀྱི་ཞིང་གི་རྡུལ་ཤིན་ཏུ་ཕྲ་བ་སྙེད་འདས་པ་ན། འཇིག་རྟེན་གྱི་ཁམས་འོད་འཕྲོ་སྣང་བ་དྲི་མ་མེད་པ་ཞེས་བྱ་བ་འཇིག་རྟེན་གྱི་ཁམས་སངས་རྒྱས་ཀྱི་ཞིང་བཅུ་དྲུག་
གི་རྡུལ་ཤིན་ཏུ་ཕྲ་བ་སྙེད་ཀྱི་འཁོར་གྱིས་བསྐོར་བ། ཉོན་མོངས་ཤིང་རྣམ་པར་དག་པ། ནོར་བུའི་རྒྱལ་པོ་རིན་པོ་ཆེ་མི་ཟད་པ་འགྱེད་པའི་ས་མཚམས་ཅན། སྤོས་དང་འོད་འཕྲོ་བ་སྣ་ཚོགས་ཅན་གྱིས་
པད་མོའི་རྒྱ་མཚོ་ལ་རབ་ཏུ་གནས་པ། དབྱིབས་རུ་སྦལ་གྱི་འགོ་ལྟར་འདུག་པ། ནོར་བུའི་འོད་ཀྱི་དཀྱིལ་འཁོར་རྣམ་པར་སྣང་བའི་འཁོར་ལོའི་ཙན་དན་གྱི་སྤྲིན་གྱིས་ཀུན་ནས་ཡོག་པ་ཡོད་དེ། 
དེ་ན་དེ་བཞིན་གཤེགས་པ་ཡོན་ཏན་གྱི་ཉི་མ་དྲི་མ་མེད་པའི་སྤྱན་ཞེས་བྱ་བ་བཞུགས་སོ། །དེའི་སྟེང་འཇིག་རྟེན་གྱི་ཁམས་སངས་རྒྱས་ཀྱི་ཞིང་གི་རྡུལ་ཤིན་ཏུ་ཕྲ་བ་སྙེད་འདས་པ་ན། འཇིག་རྟེན་

72-1-127a

གྱི་ཁམས་རིན་པོ་ཆེའི་འབྱུང་གནས་ཀྱིས་རབ་ཏུ་བརྒྱན་པའི་སྙིང་པོ་ཞེས་བྱ་བ། འཇིག་རྟེན་གྱི་ཁམས་སངས་རྒྱས་ཀྱི་ཞིང་བཅུ་བདུན་གྱི་རྡུལ་ཤིན་ཏུ་ཕྲ་བ་སྙེད་ཀྱི་འཁོར་གྱིས་བསྐོར་བ་
རྣམ་པར་དག་ཅིང་ཀུན་ནས་ཉོན་མོངས་པ་དབྱིབས་སེམས་ཅན་ཐམས་ཅད་ཀྱི་ལུས་ལྟར་འདུག་པ། ནོར་བུའི་རྒྱལ་པོའི་རྒྱན་གྱི་ས་མཚམས་ཅན། ནོར་བུའི་རྒྱལ་པོ་འོད་ཀྱི་སྙིང་པོ་འབྱུང་བའི་རྒྱ་མཚོ་ལ་
རབ་ཏུ་གནས་པ། དབྱིབས་ཡན་ལག་བརྒྱད་དུ་འདུག་པ་འཁོར་ཡུག་ཐམས་ཅད་ཀྱི་རིན་པོ་ཆེའི་རྒྱན་དང་། མེ་ཏོག་དང་། ཤིང་གི་དྲ་བས་ཀུན་ནས་ཡོག་པ་ཡོད་དེ། དེ་ན་དེ་བཞིན་གཤེགས་པ་ཆགས་པ་
མེད་པའི་ཡེ་ཤེས་ཕྱོགས་ཀུན་ཏུ་རྣམ་པར་སྣང་བའི་འོད་ཅེས་བྱ་བ་བཞུགས་སོ། །དེའི་སྟེང་འཇིག་རྟེན་གྱི་ཁམས་སངས་རྒྱས་ཀྱི་ཞིང་གི་རྡུལ་ཤིན་ཏུ་ཕྲ་བ་སྙེད་འདས་པ་ན། འཇིག་རྟེན་གྱི་ཁམས་རྡུལ་
དང་བྲལ་བ་ཞེས་བྱ་བ་འཇིག་རྟེན་གྱི་ཁམས་སངས་རྒྱས་ཀྱི་ཞིང་བཅོ་བརྒྱད་ཀྱི་རྡུལ་ཤིན་ཏུ་ཕྲ་བ་སྙེད་ཀྱི་འཁོར་གྱི་བསྐོར་བ། གཅིག་ཏུ་དག་པ་བརྒྱན་གྱི་རྣམ་པ་ཐམས་ཅད་ཀྱི་ས་མཚམས་ཅན། 
མེ་ཏོག་གི་སེང་གེའི་ཁྲིའི་རྒྱ་མཚོ་ལ་རབ་ཏུ་གནས་པ། དབྱིབས་མེ་ཏོག་གི་ཕྲེང་བ་སྐྱིལ་བ་ལྟར་འདུག་པ། ནོར་བུའི་རྒྱལ་པོ་རིན་པོ་ཆེ་ཐམས་ཅད་ཀྱི་སྤོས་ཀྱི་འོད་ཀྱིས་དཀྱིལ་འཁོར་ཀྱི་ཀུན་ནས་
ཡོག་པ་ཡོད་དེ། དེ་ན་དེ་བཞིན་གཤེགས་པ་དཔལ་ཚད་མེད་པའི་ཚུལ་དཔལ་གྱི་རྒྱལ་མཚན་ཅེས་བྱ་བ་བཞུགས་སོ། །དེའི་སྟེང་འཇིག་རྟེན་གྱི་ཁམས་སངས་རྒྱས་ཀྱི་ཞིང་གི་རྡུལ་ཤིན་ཏུ་ཕྲ་བ་སྙེད་
འདས་པ་ན། འཇིག་རྟེན་གྱི་ཁམས་ཕྱོགས་ཡོངས་སུ་དག་ཅིང་སྣང་བ་ཞེས་བྱ་བ་འཇིག་རྟེན་གྱི་ཁམས་སངས་རྒྱས་ཀྱི་ཞིང་བཅུ་དགུའི་རྡུལ་ཤིན་ཏུ་ཕྲ་བ་སྙེད་ཀྱི་འཁོར་གྱི་བསྐོར་བ་ཀུན་ནས་ཉོན་

72-1-127b

མོངས་ཤིང་རྣམ་པར་དག་པ། ནོར་བུའི་རྒྱལ་པོ་རིན་པོ་ཆེ་སྤྲིན་མི་ཟད་པ་རབ་ཏུ་འགྱེད་པའི་ས་མཚམས་ཅན། སྤོས་དང་འོད་འཕྲོ་བ་ཁ་དོག་མཐའ་ཡས་པའི་རི་རབ་ཀྱི་རྒྱ་མཚོ་ལ་རབ་ཏུ་གནས་པ་དབྱིབས་
ནོར་བུའི་ཟེ་བ་འཁྱིལ་བ་ལྟར་འདུག་པ། ནོར་བུའི་རྒྱལ་པོ་འོད་ཀྱི་དཀྱིལ་འཁོར་འབར་བ་ཁ་དོག་མཐའ་ཡས་པ་རབ་ཏུ་འབར་བའི་སྤྲིན་གྱིས་ཀུན་ནས་ཡོག་པ་ཡོད་དེ། དེ་ན་དེ་བཞིན་གཤེགས་པ་ཆོས་ཀྱི་དབྱིངས་
དང་ནམཁའ་ཀུན་ཏུ་སྣང་བའི་འོད་ཅེས་བྱ་བ་བཞུགས་སོ། །དེའི་སྟེང་འཇིག་རྟེན་གྱི་ཁམས་སངས་རྒྱས་ཀྱི་ཞིང་གི་རྡུལ་ཤིན་ཏུ་ཕྲ་བ་སྙེད་འདས་པ་ན། འཇིག་རྟེན་གྱི་ཁམས་རིན་པོ་ཆེའི་འོད་འཕྲོ་འཁྱིལ་བའི་
དཔལ་ཡང་དག་པར་འབྱུང་བ་ཞེས་བྱ་བ་འཇིག་རྟེན་གྱི་ཁམས་སངས་རྒྱས་ཀྱི་ཞིང་ཉི་ཤུའི་རྡུལ་ཤིན་ཏུ་ཕྲ་བ་སྙེད་ཀྱི་འཁོར་གྱིས་བསྐོར་བ། གཅིག་ཏུ་རྣམ་པར་དག་པ་རིན་པོ་ཆེ་ཉི་ཟླ་རྣམ་པར་སྣང་བའི་ས་
མཚམས་ཅན་དབྱིབས་ལྷའི་དབང་པོ་ཐམས་ཅད་ལྟར་འདུག་པ། ནོར་བུའི་རྒྱལ་པོའི་རྒྱ་མཚོ་ལ་རབ་ཏུ་གནས་པའི་རྒྱན་གྱི་རྣམ་པ་དུ་མ་དང་རིན་པོ་ཆེ་སྣ་ཚོགས་ཐམས་ཅད་དང་རྡོ་རྗེའི་རྒྱལ་མཚན་གྱིས་
སྤྲིན་གྱིས་ཀུན་ནས་ཡོག་པ། ནོར་བུའི་སྒྲོན་མའི་འབྲུ་ཡི་དྲ་བས་ཀུན་ནས་ཡོག་པ་ཡོད་དེ། དེ་ན་དེ་བཞིན་གཤེགས་པ་མཚན་བསོད་ནམས་ཀྱི་སྤྲིན་གྱིས་ཤིན་ཏུ་འཕགས་པའི་གཟི་བརྗིད་ཅེས་བྱ་བ་བཞུགས་
སོ། །འཇིག་རྟེན་གྱི་ཁམས་ཀྱི་རྒྱུད་ཕྱོགས་ཀུན་ནས་རིན་པོ་ཆེ་འབར་བའི་འོད་རྣམ་པར་སྣང་བ་ཞེས་བྱ་བ་དེ་ནི། འཇིག་རྟེན་གྱི་ཁམས་འབྱམ་ཀླས་གཞན་དང་གཞན་ལ་རབ་ཏུ་གནས་པ་དབྱིབས་གཞན་དང་
གཞན་དུ་འདུག་པ། ལྷུན་གཞན་དང་གཞན་ཅན། ཕྱོགས་འབྱམ་ཀླས་པ་གཞན་དང་གཞན་ལ་ལྟ་བ། རྣམ་པ་གཞན་དང་གཞན་གྱིས་འཇུག་པ། རྒྱན་གཞན་དང་གཞན་ཅན། གཞན་གྱི་རྒྱས་པར་འགེངས་པ། 

72-1-128a

གཞན་དང་གཞན་དུ་ཡོངས་སུ་འདུ་བ། གཞན་དང་གཞན་གྱི་རྣམ་པར་མ་འདྲེས་པ། རྣམ་པར་འཕྲུལ་པ་དང་བྱིན་གྱིས་བརླབས་གཞན་ཅན། སངས་རྒྱས་ཀྱི་ཞིང་བརྗོད་དུ་མེད་པའི་རྡུལ་
ཤིན་ཏུ་ཕྲ་བ་སྙེད་ཀྱི་ཀུན་ནས་ཡོངས་སུ་བསྐོར་བ་སྟེ། འདི་ལྟར་འཇིག་རྟེན་གྱི་ཁམས་ཀུན་ནས་བསྐོར་བ། སངས་རྒྱས་ཀྱི་ཞིང་བཅུའི་རྡུལ་ཤིན་ཏུ་ཕྲ་བ་སྙེད་ཀྱི་ཀུན་ནས་ཡོངས་སུ་བསྐོར་བའོ། །
འཇིག་རྟེན་གྱི་ཁམས་ཆུ་ཀླུང་སངས་རྒྱས་ཀྱི་ཞིང་བཅུའི་རྡུལ་ཤིན་ཏུ་ཕྲ་བ་སྙེད་ཀྱིས་ཀུན་ནས་ཡོངས་སུ་བསྐོར་བའོ། །འཇིག་རྟེན་གྱི་ཁམས་ཀུན་ནས་བསྐོར་བ། སངས་རྒྱས་ཀྱི་ཞིང་བཅུའི་
རྡུལ་ཤིན་ཏུ་ཕྲ་བ་སྙེད་དང་། འཇིག་རྟེན་གྱི་ཁམས་ཀུན་ནས་འཁྱིལ་པ་སངས་རྒྱས་ཀྱི་ཞིང་བཅུའི་རྡུལ་ཤིན་ཏུ་ཕྲ་བ་སྙེད་དང་། འཇིག་རྟེན་གྱི་ཁམས་ཀྱི་འཁོར་ལོ་སངས་རྒྱས་ཀྱི་ཞིང་བཅུའི་
རྡུལ་ཤིན་ཏུ་ཕྲ་བ་སྙེད་དང་། འཇིག་རྟེན་གྱི་ཁམས་ཀྱི་དཀྱིལ་འཁོར་སངས་རྒྱས་ཀྱི་ཞིང་བཅུའི་རྡུལ་ཤིན་ཏུ་ཕྲ་བ་སྙེད་དང་། འཇིག་རྟེན་གྱི་ཁམས་ཀྱི་ཤིང་སངས་རྒྱས་ཀྱི་ཞིང་བཅུའི་རྡུལ་ཤིན་
ཏུ་ཕྲ་བ་སྙེད་དང་། འཇིག་རྟེན་གྱི་ཁམས་ཀྱི་ཕུང་པོ། སངས་རྒྱས་ཀྱི་ཞིང་བཅུའི་རྡུལ་ཤིན་ཏུ་ཕྲ་བ་སྙེད་དང་། འཇིག་རྟེན་གྱི་ཁམས་ཀྱི་རྡོའི་རྒྱལ་མཚན་སངས་རྒྱས་ཀྱི་ཞིང་བཅུའི་
རྡུལ་ཤིན་ཏུ་ཕྲ་བ་སྙེད་དང་། འཇིག་རྟེན་གྱི་ཁམས་ཕྱོགས་འབྱམས་ཀླས་པ། སངས་རྒྱས་ཀྱི་ཞིང་བཅུའི་རྡུལ་ཤིན་ཏུ་ཕྲ་བ་སྙེད་དང་། འཇིག་རྟེན་གྱི་ཁམས་ཁང་པ་སངས་རྒྱས་ཀྱི་

72-1-128b

ཞིང་བཅུའི་རྡུལ་ཤིན་ཏུ་ཕྲ་བ་སྙེད་དང་། འཇིག་རྟེན་གྱི་ཁམས་པད་མོ་སངས་རྒྱས་ཀྱི་ཞིང་བཅུའི་རྡུལ་ཤིན་ཏུ་ཕྲ་བ་སྙེད་དང་། འཇིག་རྟེན་གྱི་ཁམས་ཁྱད་ཁྱུད་སངས་རྒྱས་ཀྱི་ཞིང་བཅུའི་
རྡུལ་ཤིན་ཏུ་ཕྲ་བ་སྙེད་དང་། འཇིག་རྟེན་གྱི་ཁམས་འབྱམ་ཀླས་པ་སེམས་ཅན་སྣ་ཚོགས་ཀྱི་གཟུགས་དང་། ལུས་ཀྱི་དབྱིབས་ལྟར་འདུག་པ། སངས་རྒྱས་ཀྱི་ཞིང་བཅུའི་རྡུལ་ཤིན་ཏུ་ཕྲ་བ་
སྙེད་དང་། འཇིག་རྟེན་གྱི་ཁམས་འབྱམ་ཀླས་པ། སངས་རྒྱས་ཀྱི་མཚན་གྱི་དབྱིབས་ལྟར་འདུག་པ། སངས་རྒྱས་ཀྱི་ཞིང་བཅུའི་རྡུལ་ཤིན་ཏུ་ཕྲ་བ་སྙེད་དང་། འཇིག་རྟེན་གྱི་ཁམས་འོད་ཀྱི་
དཀྱིལ་འཁོར་སངས་རྒྱས་ཀྱི་ཞིང་བཅུའི་རྡུལ་ཤིན་ཏུ་ཕྲ་བ་སྙེད་དང་། འཇིག་རྟེན་གྱི་ཁམས་སྤྲིན་སངས་རྒྱས་ཀྱི་ཞིང་བཅུའི་རྡུལ་ཤིན་ཏུ་ཕྲ་བ་སྙེད་དང་། འཇིག་རྟེན་གྱི་ཁམས་ཀྱི་དྲ་བ་
སངས་རྒྱས་ཀྱི་ཞིང་བཅུའི་རྡུལ་ཤིན་ཏུ་ཕྲ་བ་སྙེད་དང་། འཇིག་རྟེན་གྱི་ཁམས་འབྱམ་ཀླས་པ་ས་ལ་མངོན་པར་བལྟ་བའི་དབྱིབས་ལྟར་འདུག་པ། སངས་རྒྱས་ཀྱི་ཞིང་བཅུའི་རྡུལ་ཤིན་ཏུ་
ཕྲ་བ་སྙེད་དང་། འཇིག་རྟེན་གྱི་ཁམས་འབྱམ་ཀླས་པ་དམིགས་པ་ཐམས་ཅད་ཀྱི་དབྱིབས་ལྟར་འདུག་པ། སངས་རྒྱས་ཀྱི་ཞིང་བཅུའི་རྡུལ་ཤིན་ཏུ་ཕྲ་བ་སྙེད་ཀྱི་ཀུན་ནས་ཡོངས་སུ་བསྐོར་བ་
སྟེ། དེ་དག་ལ་སྩོགས་པ་འཇིག་རྟེན་གྱི་ཁམས་འབྱམ་ཀླས་པ་སངས་རྒྱས་ཀྱི་ཞིང་བརྗོད་དུ་མེད་པའི་རྡུལ་ཤིན་ཏུ་ཕྲ་བ་སྙེད་ཀྱིས་ཀུན་ནས་ཡོངས་སུ་བསྐོར་བའོ། །འཇིག་རྟེན་གྱི་ཁམས་
འབྱམ་ཀླས་པ་དེ་དག་རེ་རེ་ཞིང་ཡང་འཇིག་རྟེན་གྱི་ཁམས་འབྱམ་ཀླས་པ་རྣམ་པར་གདགས་པ་སངས་རྒྱས་ཀྱི་ཞིང་བཅུའི་རྡུལ་ཤིན་ཏུ་ཕྲ་བ་སྙེད་ཀྱི་ཀུན་ནས་ཡོངས་སུ་བསྐོར་བ། འཇིག་རྟེན་གྱི་ཁམས་

72-1-129a

འབྱམ་ཀླས་པ་སངས་རྒྱས་ཀྱི་ཞིང་བརྗོད་དུ་མེད་པ་བཅུའི་རྡུལ་ཤིན་ཏུ་ཕྲ་བ་སྙེད་པོ་དེ་དག་རེ་རེ་ཞིང་ཡང་འཇིག་རྟེན་གྱི་ཁམས་འབྱམ་ཀླས་པའི་རྣམ་པར་གདགས་པ་ཤིན་ཏུ་བསྟན་པ་ནི་སངས་རྒྱས་
ཀྱི་ཞིང་བཅུའི་རྡུལ་ཤིན་ཏུ་ཕྲ་བ་སྙེད་དེ། སྤོས་ཆུའི་རྒྱ་མཚོ་ཟེ་བ་མཐའ་ཡས་པའི་འོད་ཟེར་ཡིད་དུ་འོང་བ་ཞེས་བྱ་བ་ཆུ་ཀླུང་གི་འཁོར་དང་བཅས་པ། ཆུ་ཀླུང་གི་གློང་དང་བཅས་པའི་ཁོངས་ན་འདུག་གོ། །
སྤོས་ཆུའི་རྒྱ་མཚོ་ཟེ་བ་མཐའ་ཡས་པའི་འོད་ཟེར་ཡིད་དུ་འོང་བ་དེ་དང་འདབ་ཆགས་སུ་ཤར་ཕྱོགས་ལོགས་ན་སྤོས་ཆུའི་རྒྱ་མཚོ་གང་ཆེན་མཚོ་དྲི་མ་མེད་པའི་འོད་གཟེར་གྱི་སྙིང་པོ་ཞེས་བྱ་བ་ཡོད་དེ། 
དེ་ན་འཇིག་རྟེན་གྱི་ཁམས་ཀྱི་རྒྱུད་ཞིང་ཀུན་ནས་འཁྱིལ་བ་རྣམ་པར་སྣང་བ་ཞེས་བྱ་བ་སྤོས་དང་། རིན་པོ་ཆེའི་རྒྱལ་པོ་ཐམས་ཅད་ལ་རབ་ཏུ་གནས་པའི་རྒྱན་དང་ལྡན་པའི་པད་མོ་ཆེན་པོ་ལ་རབ་ཏུ་གནས་
པ། བྱང་ཆུབ་སེམས་དཔའི་སྤྱོད་པའི་སྒྲ་རྒྱ་མཚོ་མངོན་པར་བསྒྲུབ་པའི་ང་རོའི་ལྷུན་ཅན་ཡོད་དོ། །དེ་དག་ཐམས་ཅད་ཀྱི་འོག་ན་འཇིག་རྟེན་གྱི་ཁམས་ཁྱིམ་གྱི་རྒྱན་གྱིས་བརྒྱན་པའི་རྒྱལ་མཚན་ཅེས་བྱ་བ་
སངས་རྒྱས་ཀྱི་ཞིང་གི་རྡུལ་ཤིན་ཏུ་ཕྲ་བ་སྙེད་ཀྱི་འཇིག་རྟེན་གྱི་ཁམས་ཀྱི་འཁོར་ཀྱིས་བསྐོར་བ། གཅིག་ཏུ་དག་པ་རིན་པོ་ཆེ་ཐམས་ཅད་ཀྱི་རྒྱན་གྱི་གངས་ཆེན་མཚོ་ལ་རབ་ཏུ་གནས་པ། འཁོར་ཀུན་ནས་
གྲུ་བཞིར་འདུག་པ། པད་མོ་འོད་གཟེར་གྱི་དྲ་བའི་སྤྲིན་གྱིས་ཀུན་ནས་ཡོག་པ་ཡོད་དེ། དེ་ན་དེ་བཞིན་གཤེགས་པ་དཔལ་རྣམ་པར་སྣང་མཛད་བརྗོད་པའི་འོད་ཅེས་བྱ་བ་བཞུགས་སོ། །དེའི་སྟེང་འཇིག་རྟེན་
གྱི་ཁམས་སངས་རྒྱས་ཀྱི་ཞིང་གི་རྡུལ་ཤིན་ཏུ་ཕྲ་བ་སྙེད་འདས་པ་ན། འཇིག་རྟེན་གྱི་ཁམས་ཟེ་བའི་དཔལ་གྱི་སྙིང་པོ་ཞེས་བྱ་བ་འཇིག་རྟེན་གྱི་ཁམས་སངས་རྒྱས་ཀྱི་ཞིང་གཉིས་ཀྱི་རྡུལ་ཤིན་ཏུ་ཕྲ་བ་

72-1-129b

སྙེད་ཀྱིས་བསྐོར་བ། རིན་པོ་ཆེ་ཐམས་ཅད་ཀྱི་མེ་ཏོག་ཟེ་བ་རྒྱ་མཚོ་ལ་རབ་ཏུ་གནས་པ། དབྱིབས་ཀུན་ནས་དཀྱིལ་འཁོར་དུ་འདུག་པ་མུ་ཏིག་གྲོང་ཁྱེར་དཔལ་གྱི་སེང་གེའི་ཁྲི་སྤྲིན་ཀྱིས་ཀུན་ནས་ཡོག་པ་ཡོད་དེ། དེ་ན་
དེ་བཞིན་གཤེགས་པ་ཆོས་ཐམས་ཅད་ཀྱི་རྒྱ་མཚོ་མཐའ་ཡས་པའི་བློ་གྲོས་ཞེས་བྱ་བ་བཞུགས་སོ། །དེའི་སྟེང་འཇིག་རྟེན་གྱི་ཁམས་སངས་རྒྱས་ཀྱི་ཞིང་གི་རྡུལ་ཤིན་ཏུ་ཕྲ་བ་སྙེད་འདས་པ་ན། འཇིག་རྟེན་
གྱི་ཁམས་སྤྲུལ་པའི་སྤོས་ཞིམ་པོ་དཔལ་ཀྱི་དཀྱིལ་འཁོར་ཅེས་བྱ་བ་འཇིག་རྟེན་གྱི་ཁམས་སངས་རྒྱས་ཀྱི་ཞིང་གསུམ་གྱི་རྡུལ་ཤིན་ཏུ་ཕྲ་བ་སྙེད་ཀྱི་འཁོར་ཀྱིས་བསྐོར་བ། རྣམ་པར་དག་ཅིང་ཀུན་
ནས་ཉོན་མོངས་པ་རིན་པོ་ཆེ་ཐམས་ཅད་ཀྱི་རྒྱན་དང་དྲིལ་བུའི་དྲ་བ་རྒྱ་མཚོ་ལ་རབ་ཏུ་གནས་པ། རྡོ་རྗེའི་དབྱིབས་ལྟར་འདུག་པ། རྒྱན་སྣ་ཚོགས་ཀྱི་འོད་ཀྱི་དཀྱིལ་འཁོར་གྱི་སྤྲིན་གྱི་ཀུན་ནས་ཡོག་
པ་ཡོད་དེ། དེ་ན་དེ་བཞིན་གཤེགས་པ་ཆོས་ཀྱི་མཚན་ཉིད་སྤྲུལ་པ་མེད་པར་ཀུན་ནས་སྣང་བ་ཞེས་བྱ་བ་བཞུགས་སོ། །དེའི་སྟེང་འཇིག་རྟེན་གྱི་ཁམས་སངས་རྒྱས་ཀྱི་ཞིང་གི་རྡུལ་ཤིན་ཏུ་ཕྲ་བ་
སྙེད་འདས་པ་ན། འཇིག་རྟེན་གྱི་ཁམས་གཞིའི་ཁ་དོག་དང་འོད་ཡིད་དུ་འོང་བ་ཞེས་བྱ་བ་འཇིག་རྟེན་གྱི་ཁམས་སངས་རྒྱས་ཀྱི་ཞིང་བཞིའི་རྡུལ་ཤིན་ཏུ་ཕྲ་བ་སྙེད་ཀྱི་འཁོར་གྱིས་བསྐོར་བ། གཅིག་ཏུ་དག་པ་
སྤོས་ཆུ་ཁ་དོག་མཐའ་ཡས་པ་རིན་པོ་ཆེའི་ཚོན་དང་ལྡན་པའི་རྒྱ་མཚོ་ལ་རབ་ཏུ་གནས་པ། དབྱིབས་ནོར་བུའི་འཁོར་ལོ་ལྟར་འདུག་པ། མུ་ཏིག་ཉི་མའི་ཚུལ་ཀུན་ཏུ་སྣང་བའི་འོད་ཀྱི་ཁང་པ་བརྩེགས་པའི་
སྤྲིན་གྱི་ཀུན་ནས་ཡོག་པ་ཡོད་དེ། དེ་ན་དེ་བཞིན་གཤེགས་པ་འཁོར་ལེགས་པར་འབྱུང་བ་རྣམ་པར་སྣང་མཛད་བཞུགས་སོ། །དེའི་སྟེང་འཇིག་རྟེན་གྱི་ཁམས་སངས་རྒྱས་ཀྱི་ཞིང་གི་རྡུལ་ཤིན་ཏུ་ཕྲ་བ་སྙེད་འདས་པ་ན་

72-1-130a

འཇིག་རྟེན་གྱི་ཁམས་དགེ་བའི་ལས་ཀྱི་ཁྱབ་པ་ཞེས་བྱ་བ་འཇིག་རྟེན་གྱི་ཁམས་སངས་རྒྱས་ཀྱི་ཞིང་ལྔའི་རྡུལ་ཤིན་ཏུ་ཕྲ་བ་སྙེད་ཀྱི་འཁོར་གྱིས་བསྐོར་བ། ཀུན་ནས་ཉོན་མོངས་ཤིང་རྣམ་
པར་དག་པ་སྤོས་དང་རྡོ་རྗེའི་རྒྱ་མཚོ་ལ་རབ་ཏུ་གནས་པ། པདྨོའི་དབྱིབས་ལྟར་འདུག་པ། འོད་ཟེར་རྡུལ་དང་བྲལ་བ་དང་སྤོས་ཆུའི་སྤྲིན་གྱིས་ཀུན་ནས་ཡོག་པ་ཡོད་དེ། དེ་ན་དེ་བཞིན་གཤེགས་པ་ཆོས་ཀྱི་
ཤུགས་ཀྱི་དགྱེས་པ་མི་ཟད་པའི་བློ་གྲོས་ཞེས་བྱ་བ་བཞུགས་སོ། །དེའི་སྟེང་འཇིག་རྟེན་གྱི་ཁམས་སངས་རྒྱས་ཀྱི་ཞིང་གི་རྡུལ་ཤིན་ཏུ་ཕྲ་བ་སྙེད་འདས་པ་ན། འཇིག་རྟེན་གྱི་ཁམས་མེ་ཏོག་དཔལ་
གྱི་གཟི་བརྗིད་ཀྱི་དཀྱིལ་འཁོར་ཅེས་བྱ་བ་འཇིག་རྟེན་གྱི་ཁམས་སངས་རྒྱས་ཀྱི་ཞིང་དྲུག་གི་རྡུལ་ཤིན་ཏུ་ཕྲ་བ་སྙེད་ཀྱི་འཁོར་གྱིས་བསྐོར་བ། རྣམ་པར་དག་ཅིང་ཀུན་ནས་ཡོག་པ་ཡོད་དེ། ཉོན་མོངས་པ་
རིན་པོ་ཆེ་ཐམས་ཅད་ཀྱི་བརྟེན་པར་བསྒྲུབས་པའི་རྒྱ་མཚོ་ལ་རབ་ཏུ་གནས་པ། ཟུར་གསུམ་གྱིས་དབྱིབས་སུ་འདུག་པ། བྱང་ཆུབ་སེམས་དཔའི་ནོར་བུའི་ཅོད་པན་གྱིས་འོད་དང་། འོད་ཟེར་གྱིས་ཀུན་
ནས་ཡོག་པ་ཡོད་དེ། དེ་ན་དེ་བཞིན་གཤེགས་པ་དགེ་བ་དྲི་མ་མེད་པ་ཀུན་ཏུ་སྣང་བ་ཞེས་བྱ་བ་བཞུགས་སོ། །དེའི་སྟེང་འཇིག་རྟེན་གྱི་ཁམས་སངས་རྒྱས་ཀྱི་ཞིང་གི་རྡུལ་ཤིན་ཏུ་ཕྲ་བ་སྙེད་འདས་པ་ན། 
འཇིག་རྟེན་གྱི་ཁམས་རིན་པོ་ཆེའི་པད་མོས་རྒྱན་པ་ཞེས་བྱ་བ། འཇིག་རྟེན་གྱི་ཁམས་སངས་རྒྱས་ཀྱི་ཞིང་བདུན་གྱི་རྡུལ་ཤིན་ཏུ་ཕྲ་བ་སྙེད་ཀྱི་འཁོར་གྱིས་བསྐོར་བ། གཅིག་ཏུ་དག་པ་པད་མོའི་
རྒྱན་ཐམས་ཅད་ཀྱི་རྒྱ་མཚོ་ལ་རབ་ཏུ་གནས་པ། ཟླ་བ་ཁམ་པའི་དབྱིབས་ལྟར་འདུག་པ། རིན་པོ་ཆེ་ཐམས་ཅད་ཀྱི་མེ་ཏོག་གི་དཀྱིལ་འཁོར་གྱི་སྤྲིན་གྱིས་ཀུན་ནས་ཡོག་པ་ཡོད་དེ། 

72-1-130b

དེ་ན་དེ་བཞིན་གཤེགས་པ་སྤྱན་རྣམ་པར་དག་པ་མེ་ཏོག་གི་དཔལ་ཞེས་བྱ་བ་བཞུགས་སོ། །དེའི་སྟེང་འཇིག་རྟེན་གྱི་ཁམས་སངས་རྒྱས་ཀྱི་ཞིང་གི་རྡུལ་ཕྲ་བ་སྙེད་འདས་པ་ན། འཇིག་རྟེན་གྱི་ཁམས་
འོད་འཕྲོ་བའི་དབྱིངས་དྲི་མ་མེད་པས་ཡང་དག་པར་བརྩེགས་པ་ཞེས་བྱ་བ་འཇིག་རྟེན་གྱི་ཁམས། སངས་རྒྱས་ཀྱི་ཞིང་བརྒྱད་ཀྱི་རྡུལ་ཤིན་ཏུ་ཕྲ་བ་སྙེད་ཀྱི་འཁོར་ཀྱིས་བསྐོར་བ། ཀུན་ནས་ཉོན་མོངས་
ཤིང་རྣམ་པར་དག་པ། རིན་པོ་ཆེའི་འོད་མང་པོའི་རྒྱ་མཚོ་ལ་རབ་ཏུ་གནས་པ། རིན་པོ་ཆེ་རིམ་གྱིས་གཞོལ་བའི་འོད་འཕྲོ་བ་སྣའི་དབྱིབས་ལྟར་འདུག་པ། རྟག་ཏུ་སྤོས་ཀྱི་ཆར་འབེབས་པའི་ལུས་
སྣ་ཚོགས་ཀྱི་ཀུན་ནས་ཡོག་པ་ཡོད་དེ། འཇིག་རྟེན་གྱི་ཁམས་སངས་རྒྱས་ཀྱི་ཞིང་གི་རྡུལ་ཤིན་ཏུ་ཕྲ་བ་སྙེད་འདས་པ་ན། འཇིག་རྟེན་གྱི་ཁམས་ཚངས་པའི་འོད་བཟང་པོ་ཞེས་བྱ་བ། འཇིག་རྟེན་
གྱི་ཁམས་སངས་རྒྱས་ཀྱི་ཞིང་དགུའི་རྡུལ་ཤིན་ཏུ་ཕྲ་བ་སྙེད་ཀྱི་འཁོར་གྱི་བསྐོར་བ། རྣམ་པར་དག་ཅིང་ཀུན་ནས་ཉོན་མོངས་པ་རིན་པོ་ཆེའི་གོས་ཀྱི་རྒྱལ་མཚན་གྱི་རྒྱ་མཚོ་ལ་རབ་ཏུ་གནས་པ། དགའ་
བ་འཁྱིལ་པའི་དབྱིབས་ལྟར་འདུག་པ། མེ་ཏོག་ཐམས་ཅད་ཀྱི་རྒྱན་གྱིས་བླ་རེའི་སྤྲིན་གྱིས་ཀུན་ནས་ཡོག་པ་ཡོད་དེ། དེ་ལ་དེ་བཞིན་གཤེགས་པ་ནམཁའ་ཡངས་པའི་སྤྱན་ཟླ་བ་ཞེས་བྱ་བ་བཞུགས་
སོ། །དེའི་སྟེང་འཇིག་རྟེན་གྱི་ཁམས་སངས་རྒྱས་ཀྱི་ཞིང་གི་རྡུལ་ཤིན་ཏུ་ཕྲ་བ་སྙེད་འདས་པ་ན། འཇིག་རྟེན་གྱི་ཁམས་དབྱངས་རྡུལ་དང་མཉམ་པ་ཞེས་བྱ་བ་འཇིག་རྟེན་གྱི་ཁམས་སངས་རྒྱས་ཀྱི་
ཞིང་བཅུའི་རྡུལ་ཤིན་ཏུ་ཕྲ་བ་སྙེད་ཀྱི་འཁོར་ཀྱིས་བསྐོར་བ། གཅིག་ཏུ་དག་པ་རིན་པོ་ཆེ་སྣ་ཚོགས་ཀྱི་ཆུ་ཡི་རྒྱ་མཚོ་ལ་རབ་ཏུ་གནས་པ། མིག་འཕྲུལ་གྱིས་དབྱིབས་ལྟར་འདུག་པ་སིལ་སྙན་ཐམས་ཅད་

72-1-131a

ཀྱི་སྒྲ་དང་། ནོར་བུའི་རྒྱལ་པོའི་གཟུགས་ཀྱི་སྤྲིན་གྱིས་ཀུན་ནས་ཡོག་པ་ཡོད་དེ། དེ་ལ་དེ་བཞིན་གཤེགས་པ་གསེར་ཤིན་ཏུ་འབར་བའི་རི་རབ་མར་མེ་ཞེས་བྱ་བ་བཞུགསོ། །དེའི་སྟེང་འཇིག་རྟེན་
གྱི་ཁམས་སངས་རྒྱས་ཀྱི་ཞིང་གི་རྡུལ་ཤིན་ཏུ་ཕྲ་བ་སྙེད་འདས་པ་ན། འཇིག་རྟེན་གྱི་ཁམས་རིན་པོ་ཆེའི་ཁ་དོག་གི་བརྒྱན་པ་ཞེས་བྱ་བ་འཇིག་རྟེན་གྱི་ཁམས་སངས་རྒྱས་ཀྱི་ཞིང་བཅུ་གཅིག་གི་རྡུལ་ཤིན་
ཏུ་ཕྲ་བ་སྙེད་ཀྱི་འཁོར་གྱིས་བསྐོར་བ། ཀུན་ནས་ཉོན་མོངས་ཤིང་རྣམ་པར་དག་པ་བརྒྱ་བྱིན་གྱི་ལུས་ཀྱི་དབྱིབས་ལྟར་འདུག་པ། ནོར་བུའི་རྒྱལ་པོ་རྒྱ་མཚོ་ལ་རབ་ཏུ་གནས་པ། ཉི་མའི་སྤྲུལ་པའི་མེ་ཏོག་
གི་རྒྱལ་པོ་མཚན་གྱི་སྤྲིན་གྱིས་ཀུན་ནས་ཡོག་པ་ཡོད་དེ། དེ་ན་དེ་བཞིན་གཤེགས་པ་ཡེ་ཤེས་ཀྱི་དཔལ་ཤིན་ཏུ་འཕགས་པས་ཆོས་ཀྱི་དབྱིབས་སུ་རབ་ཏུ་སྣང་བ་ཞེས་བྱ་བ་བཞུགསོ། །དེའི་སྟེང་
འཇིག་རྟེན་གྱི་ཁམས་སངས་རྒྱས་ཀྱི་ཞིང་གི་རྡུལ་ཤིན་ཏུ་ཕྲ་བ་སྙེད་འདས་པ་ན། འཇིག་རྟེན་གྱི་ཁམས་འོད་བཟང་པོ་གསེར་གྱི་ཁ་དོག་ཅེས་བྱ་བ་འཇིག་རྟེན་གྱི་ཁམས་སངས་རྒྱས་ཀྱི་ཞིང་བཅུ་གཉིས་ཀྱི་
རྡུལ་ཤིན་ཏུ་ཕྲ་བ་སྙེད་ཀྱི་འཁོར་གྱིས་བསྐོར་བ་རྣམ་པར་དག་ཅིང་ཀུན་ནས་ཉོན་མོངས་པ་རིན་པོ་ཆེའི་རྒྱན་ཐམས་ཅད་ཀྱི་རྒྱ་མཚོ་ལ་རབ་ཏུ་གནས་པ། འཁོར་གྱི་དབྱིབས་ལྟར་འདུག་པ། སྙིང་པོ་བྱང་
ཆུབ་ཀྱི་མེ་ཏོག་རིན་པོ་ཆེ་ཤིན་ཏུ་རྒྱས་པའི་སྤྲིན་གྱིས་ཀུན་ནས་ཡོག་པ་ཡོད་དེ། དེ་ན་དེ་བཞིན་གཤེགས་པ་རིན་པོ་ཆེའི་སྒྲོན་མ་ཀུན་ཏུ་སྣང་བའི་དཔལ་ཞེས་བྱ་བ་བཞུགས་སོ། །དེའི་སྟེང་འཇིག་
རྟེན་གྱི་ཁམས་སངས་རྒྱས་ཀྱི་ཞིང་གི་རྡུལ་ཤིན་ཏུ་ཕྲ་བ་སྙེད་འདས་པ་ན། འཇིག་རྟེན་གྱི་ཁམས་རྣམ་པར་སྣང་བའི་འོད་ཟེར་འཁོར་ལོ་ཞེས་བྱ་བ་འཇིག་རྟེན་གྱི་ཁམས་སངས་རྒྱས་ཀྱི་ཞིང་བཅུ་

72-1-131b

གསུམ་གྱི་རྡུལ་ཤིན་ཏུ་ཕྲ་བ་སྙེད་ཀྱི་འཁོར་གྱིས་བསྐོར་བ་གཅིག་ཏུ་དག་པ། རིན་པོ་ཆེའི་གོས་ཀྱི་གློང་གི་རྒྱ་མཚོ་ལ་རབ་ཏུ་གནས་པ། མེ་ཏོག་གི་ཟེ་བའི་དབྱིབས་ལྟར་འདུག་པ། ནོར་བུའི་རྒྱལ་པོ་སངས་
རྒྱས་ཀྱི་གསུང་དང་དབྱངས་སྒྲོགས་པའི་སྤྲིན་གྱིས་ཀུན་ནས་ཡོག་པ་ཡོད་དེ། དེ་ན་དེ་བཞིན་གཤེགས་པ་དཔལ་འབར་བའི་པད་མོ་ལ་རྣམ་པར་རོལ་པས་ཤིན་ཏུ་རྣམ་པར་སྣང་བ་ཞེས་བྱ་བ་བཞུགས་སོ། །
དེའི་སྟེང་འཇིག་རྟེན་གྱི་ཁམས་སངས་རྒྱས་ཀྱི་ཞིང་གི་རྡུལ་ཤིན་ཏུ་ཕྲ་བ་སྙེད་འདས་པ་ན། འཇིག་རྟེན་གྱི་ཁམས་རིན་པོ་ཆེའི་སྙིང་པོས་བསྒྲུབ་པའི་དམ་པ་ཞེས་བྱ་བ་འཇིག་རྟེན་གྱི་ཁམས་སངས་རྒྱས་
ཀྱི་ཞིང་བཅུ་བཞིའི་རྡུལ་ཤིན་ཏུ་ཕྲ་བ་སྙེད་ཀྱི་འཁོར་གྱིས་བསྐོར་བ། ཀུན་ནས་ཉོན་མོངས་ཤིང་རྣམ་པར་དག་པ། རིན་པོ་ཆེའི་ཕྲེང་བའི་རྒྱ་མཚོ་ལ་རབ་ཏུ་གནས་པ། གླིང་བཞིའི་དབྱིབས་ལྟར་འདུག་པ། 
རིན་པོ་ཆེའི་འོད་འཕྲོ་བ་རབ་ཏུ་སྡུག་པོ་འབྱུང་བའི་ནོར་བུའི་རྒྱལ་པོའི་སྤྲིན་གྱིས་ཀུན་ནས་ཡོག་པ་ཡོད་དེ། དེ་ན་དེ་བཞིན་གཤེགས་པ་བསོད་ནམས་མི་ཟད་པའི་མེ་ཏོག་ཤིན་ཏུ་རྒྱས་པའི་གཟི་བརྗིད་ཅེས་
བྱ་བ་བཞུགས་སོ། །དེའི་སྟེང་འཇིག་རྟེན་གྱི་ཁམས་སངས་རྒྱས་ཀྱི་ཞིང་གི་རྡུལ་ཤིན་ཏུ་ཕྲ་བ་སྙེད་འདས་པ་ན། འཇིག་རྟེན་གྱི་ཁམས་མེ་ལོང་གི་མདོག་ལྟར་རྣམ་པར་སྣང་བ་ཞེས་བྱ་བ་འཇིག་རྟེན་གྱི་ཁམས་
སངས་རྒྱས་ཀྱི་ཞིང་བཅོ་ལྔའི་རྡུལ་ཤིན་ཏུ་ཕྲ་བ་སྙེད་ཀྱི་འཁོར་གྱིས་བསྐོར་བ། རྣམ་པར་དག་ཅིང་ཀུན་ནས་ཉོན་མོངས་པ་རྡོ་རྗེའི་པདྨོའི་རྒྱ་མཚོ་ལ་རབ་ཏུ་གནས་པ། ལྷ་མ་ཡིན་གྱི་ལུས་ཀྱི་དབྱིབས་ལྟར་
འདུག་པ། བྱང་ཆུབ་སེམས་དཔའི་ལུས་མིག་ཡོག་གི་སྤྲིན་རིན་པོ་ཆེའི་ཅོད་པན་འབར་བའི་ལུས་ཅན་གྱིས་ཀུན་ནས་ཡོག་པ་ཡོད་དེ། དེ་ན་དེ་བཞིན་གཤེགས་པ་སྤྱོད་པའི་སྟོབས་བདུད་རྩིའི་སྒྲ་

72-1-132a

དབྱངས་ཞེས་བྱ་བ་བཞུགས་སོ། །དེའི་སྟེང་འཇིག་རྟེན་གྱི་ཁམས་སངས་རྒྱས་ཀྱི་ཞིང་གི་རྡུལ་ཤིན་ཏུ་ཕྲ་བ་སྙེད་འདས་པ་ན། འཇིག་རྟེན་གྱི་ཁམས་ཙན་དན་མཆོག་ལྟར་ཡིད་དུ་འོང་བའི་ཟླ་བས་
བརྒྱན་པ་ཞེས་བྱ་བ་འཇིག་རྟེན་གྱི་ཁམས་སངས་རྒྱས་ཀྱི་ཞིང་བཅུ་དྲུག་གི་རྡུལ་ཤིན་ཏུ་ཕྲ་བ་སྙེད་ཀྱི་འཁོར་གྱིས་བསྐོར་བ་གཅིག་ཏུ་དག་པ་རྡོ་རྗེ་ལྟར་འཁྲེགས་པའི་ཙན་དན་རིན་པོ་ཆེའི་རྒྱ་མཚོ་ལ་རབ་ཏུ་གནས་
པ་ཡན་ལག་བརྒྱད་དུ་བཀོད་པའི་དབྱིབས་ལྟར་འདུག་པ། མུ་ཏིག་གི་མེ་ཏོག་མང་པོ་ཤིན་ཏུ་རྒྱས་པའི་ནོར་བུའི་རྒྱལ་པོའི་སྤྲིན་གྱི་ཀུན་ནས་ཡོག་པ་ཡོད་དེ། དེ་ན་དེ་བཞིན་གཤེགས་པ་ཆོས་དམ་པའི་ཐུགས་
སུ་ཆུད་པས་ཤིན་ཏུ་འཕགས་པའི་དཔལ་གྱི་གཟི་བརྗིད་ཡང་དག་པར་འབྱུང་བ་ཞེས་བྱ་བ་བཞུགསོ། །དེའི་སྟེང་འཇིག་རྟེན་གྱི་ཁམས་སངས་རྒྱས་ཀྱི་ཞིང་གི་རྡུལ་ཤིན་ཏུ་ཕྲ་བ་སྙེད་འདས་པ་ན། འཇིག་
རྟེན་གྱི་ཁམས་གཞི་དྲི་མ་མེད་ཅིང་ཀུན་ཏུ་སྣང་བ་ཞེས་བྱ་བ་འཇིག་རྟེན་གྱི་ཁམས་སངས་རྒྱས་ཀྱི་ཞིང་བཅུ་བདུན་གྱི་རྡུལ་ཤིན་ཏུ་ཕྲ་བ་སྙེད་ཀྱི་འཁོར་གྱིས་བསྐོར་བ། ཀུན་ནས་ཉོན་མོངས་ཤིང་རྣམ་པར་དག་པ། 
རིན་པོ་ཆེའི་འོད་ཁ་དོག་མཐའ་ཡས་པའི་རྒྱ་མཚོ་ལ་རབ་ཏུ་གནས་པ། སྤོས་ཆུའི་གློང་གི་དབྱིབས་ལྟར་འདུག་པ། དྲི་ཞིམ་པོའི་འོད་ཀྱི་དཀྱིལ་འཁོར་གྱི་སྤྲིན་གྱིས་ཀུན་ནས་ཡོག་པ་ཡོད་དེ། དེ་ན་དེ་བཞིན་
གཤེགས་པ་འོད་ཀུན་ཏུ་སྩལ་བའི་དབྱངས་ནམཁའ་རྣམ་པར་སྣང་བ་ཞེས་བྱ་བ་བཞུགསོ། །དེའི་སྟེང་འཇིག་རྟེན་གྱི་ཁམས་སངས་རྒྱས་ཀྱི་ཞིང་གི་རྡུལ་ཤིན་ཏུ་ཕྲ་བ་སྙེད་འདས་པ་ན། འཇིག་རྟེན་གྱི་
ཁམས་མེ་ཏོག་གི་མདོག་བཟང་པོས་རབ་ཏུ་བརྒྱན་པ་ཞེས་བྱ་བ་འཇིག་རྟེན་གྱི་ཁམས་སངས་རྒྱས་ཀྱི་ཞིང་བཅོ་བརྒྱད་ཀྱི་རྡུལ་ཤིན་ཏུ་ཕྲ་བ་སྙེད་ཀྱི་འཁོར་ཀྱིས་བསྐོར་བ། རྣམ་པར་དག་ཅིང་ཀུན་ནས་

72-1-132b

ཉོན་མོངས་པ་ཡོག་པ་ཡོད་དེ། མེ་ཏོག་སྣ་ཚོགས་ཀྱི་རྒྱ་མཚོ་ལ་རབ་ཏུ་གནས་པ། སངས་རྒྱས་དྲ་བའི་གློག་གི་དབྱིབས་སུ་འདུག་པ། སིལ་སྙན་གྱི་སྒྲ་དབྱངས་ཐམས་ཅད་འབྱུང་བའི་ནོར་བུའི་རྒྱལ་པོའི་
སྤྲིན་གྱིས་ཀུན་ནས་ཡོག་པ་ཡོད་དེ། དེ་ན་དེ་བཞིན་གཤེགས་པ་ཀུན་ཏུ་ཞལ་སྟོན་པས་ཤིན་ཏུ་འཕགས་པའི་འོད་ཅེས་བྱ་བ་བཞུགས་སོ། །དེའི་སྟེང་འཇིག་རྟེན་གྱི་ཁམས་སངས་རྒྱས་ཀྱི་ཞིང་གི་
རྡུལ་ཤིན་ཏུ་ཕྲ་བ་སྙེད་འདས་པ་ན། འཇིག་རྟེན་གྱི་ཁམས་མཚན་གྱིས་རབ་ཏུ་བརྒྱན་པའི་དཔལ་གྱི་དབྱངས་ཤེས་བྱ་བ་འཇིག་རྟེན་གྱི་ཁམས་སངས་རྒྱས་ཀྱི་ཞིང་བཅུ་དགུའི་རྡུལ་ཤིན་ཏུ་ཕྲ་བ་སྙེད་ཀྱི་འཁོར་
གྱིས་བསྐོར་བ་རྣམ་པར་དག་ཅིང་ཀུན་ནས་ཉོན་མོངས་པ། གསེར་གྱི་སེང་གེའི་ཁྲི་རྒྱ་མཚོ་ལ་རབ་ཏུ་གནས་པ། སེང་གེའི་ཁྲིའི་དབྱིབས་ལྟར་འདུག་པ། སེང་གེའི་ཁྲིའི་པདྨོ་ཁ་དོག་སྣ་ཚོགས་ཀྱི་སྙིང་པོ་ཅན་སྤྲིན་
གྱིས་ཀུན་ནས་ཡོག་པ་ཡོད་དེ། དེ་ན་དེ་བཞིན་གཤེགས་པ་ཡོན་ཏན་མུ་མེད་པར་གྲགས་པའི་འོད་ཅེས་བྱ་བ་བཞུགས་སོ། །དེའི་སྟེང་འཇིག་རྟེན་གྱི་ཁམས་སངས་རྒྱས་ཀྱི་ཞིང་གི་རྡུལ་ཤིན་ཏུ་ཕྲ་བ་སྙེད་
འདས་པ་ན། འཇིག་རྟེན་གྱི་ཁམས་རི་རབ་དཔལ་གྱི་སྒྲོན་མ་ཞེས་བྱ་བ་འཇིག་རྟེན་གྱི་ཁམས་སངས་རྒྱས་ཀྱི་ཞིང་ཉི་ཤུའི་རྡུལ་ཤིན་ཏུ་ཕྲ་བ་སྙེད་ཀྱི་འཁོར་གྱིས་བསྐོར་བ་གཅིག་ཏུ་དག་པ། རིན་པོ་ཆེའི་གོས་
དང་སྤོས་ཀྱི་རྒྱལ་མཚན་རྒྱ་མཚོ་ལ་རབ་ཏུ་གནས་པ། སངས་རྒྱས་ཀྱི་ཕྱག་གི་དཀྱིལ་འཁོར་གྱི་དབྱིབས་སུ་འདུག་པ། ནོར་བུའི་རྒྱལ་པོ་ཉི་མའི་འཁོར་ལོ་བསམ་གྱིས་མི་ཁྱབ་པ་རྣམ་པར་སྣང་བའི་ཁང་
པ་བརྩེགས་པའི་སྤྲིན་གྱིས་ཀུན་ནས་ཡོག་པ་ཡོད་དེ། དེ་ན་དེ་བཞིན་གཤེགས་པ་འོད་ཟེར་གྱི་སྒྲོན་མ་ནམ་མཁའ་ཀུན་ཏུ་སྣང་བ་བཞུགས་སོ། །དེ་དང་འདབ་ཆགས་སུ་ལྷོ་ཕྱོགས་ལོགས་ན་སྤོས་ཆུའི་

72-1-133a

རྒྱ་མཚོ་འོད་ཀྱི་དཀྱིལ་འཁོར་མི་ཟད་པ་འབྱུང་བ་ཞེས་བྱ་བ་ཡོད་དེ། དེ་ལ་འཇིག་རྟེན་གྱི་ཁམས་ཀྱི་རྒྱུད་སངས་རྒྱས་ཀྱི་རྒྱལ་མཚན་གྱི་གཙུག་རྣམ་པར་བྲེས་པ་ཞེས་བྱ་བ་སངས་རྒྱས་ཐམས་
ཅད་ཀྱི་ཡོན་ཏན་རྒྱ་མཚོའི་སྒྲ་ཡི་ལྷུན་ཅན་ལ་རབ་ཏུ་གནས་པ། །དེ་ཐམས་ཅད་ཀྱི་འོག་ན་འཇིག་རྟེན་གྱི་ཁམས་མེ་ཏོག་ཡིད་དུ་འོང་བར་སྣང་བ་ཞེས་བྱ་བ་འཇིག་རྟེན་གྱི་ཁམས་སངས་རྒྱས་ཀྱི་ཞིང་གི་རྡུལ་ཤིན་
ཏུ་ཕྲ་བ་སྙེད་ཀྱི་འཁོར་གྱིས་བསྐོར་བ་གཅིག་ཏུ་དག་པ། ནོར་བུའི་རྒྱལ་པོ་ཤིང་གི་སྙིང་པོའི་རྒྱ་མཚོ་ལ་རབ་ཏུ་གནས་པ། ནོར་བུའི་དཀྱིལ་འཁོར་རིན་པོ་ཆེ་དམ་པ་ཐམས་ཅད་ལས་བྱང་ཆུབ་སེམས་
དཔའི་ལུས་སུ་སྤྲུལ་པའི་སྤྲིན་གྱིས་ཀུན་ནས་ཡོག་པ་ཡོད་དེ། དེ་ན་དེ་བཞིན་གཤེགས་པ་ཞལ་མཐོང་ན་དགའ་བ་པདྨོ་སྣང་བ་ཞེས་བྱ་བ་བཞུགས་སོ། །དེའི་སྟེང་འཇིག་རྟེན་གྱི་ཁམས་སངས་རྒྱས་
ཀྱི་ཞིང་གི་རྡུལ་ཤིན་ཏུ་ཕྲ་བ་སྙེད་འདས་པ་ན་འཇིག་རྟེན་གྱི་ཁམས་རྒྱན་འཐུན་པར་བྲེས་པས་བརྒྱན་པ་ཞེས་བྱ་བ་ཡོད་དེ། དེ་ན་དེ་བཞིན་གཤེགས་པ་རིན་ཆེན་རི་རབ་སྒྲོན་མ་ཞེས་བྱ་བ་ཡོད་དེ། དེ་ན་དེ་བཞིན་
གཤེགས་པ་རིན་ཆེན་རི་རབ་སྒྲོན་མ་ཞེས་བྱ་བ་བཞུགས་སོ། །དེའི་སྟེང་འཇིག་རྟེན་གྱི་ཁམས་སངས་རྒྱས་ཀྱི་ཞིང་གི་རྡུལ་ཤིན་ཏུ་ཕྲ་བ་སྙེད་འདས་པ་ན། འཇིག་རྟེན་གྱི་ཁམས་རྒྱན་གྱི་འོད་རིན་པོ་ཆེ་
ཐམས་ཅད་ཀྱི་ཁ་དོག་དུ་སྣང་བ་ཞེས་བྱ་བ་ཡོད་དེ། དེ་ན་དེ་བཞིན་གཤེགས་པ་ཆོས་ཀྱི་དབྱིངས་ཤིན་ཏུ་སྤྲིན་པའི་དབྱངས་ཀྱི་དཔལ་ཞེས་བྱ་བ་བཞུགས་སོ། །དེའི་སྟེང་འཇིག་རྟེན་གྱི་ཁམས་སངས་རྒྱས་
ཀྱི་ཞིང་གི་རྡུལ་ཤིན་ཏུ་ཕྲ་བ་སྙེད་འདས་པ་ན། འཇིག་རྟེན་གྱི་ཁམས་སྤོས་ཀྱི་སྙིང་པོའི་རྡོ་རྗེའི་རྒྱན་ཅེས་བྱ་བ་ཡོད་དེ། དེ་ན་དེ་བཞིན་གཤེགས་པ་འོད་གཟེར་རྡོ་རྗེ་རྣམ་པར་སྣང་བའི་དབྱངས་ཤེས་བྱ་བ་

72-1-133b

བཞུགས་སོ། །གཞུང་དེ་བཞིན་དུ་དེའི་སྟེང་ན་འཇིག་རྟེན་གྱི་ཁམས་རྙོགས་པ་མེད་པའི་དབྱངས་ཤེས་བྱ་བ་ཡོད་དེ། དེ་ན་དེ་བཞིན་གཤེགས་པ་བརྩོན་འགྲུས་ཀྱི་སྟོབས་ལ་ཐུབ་པ་མེད་པའི་ཟླ་བ་ཞེས་བྱ་བ་
བཞུགས་སོ། །དེའི་སྟེང་ན་འཇིག་རྟེན་གྱི་ཁམས་རིན་པོ་ཆེའི་པད་མོས་རབ་ཏུ་བརྒྱན་པས་ཤིན་ཏུ་དྲི་མ་མེད་པ་ཞེས་བྱ་བ་ཡོད་དེ། དེ་ན་དེ་བཞིན་གཤེགས་པ་ཆོས་ཀྱི་བློ་གྲོས་རབ་ཏུ་སྒྲོག་པའི་སྒྲ་དབྱངས་
ཞེས་བྱ་བ་བཞུགས་སོ། །དེའི་སྟེང་ན་འཇིག་རྟེན་གྱི་ཁམས་བདེ་བ་སྐྱེད་པ་ཞེས་བྱ་བ་ཡོད་དེ། དེ་ན་དེ་བཞིན་གཤེགས་པ་ཕྱོགས་བཅུར་སྙན་པར་རྣམ་པར་གྲགས་པའི་སྒྲོན་མ་ཞེས་བྱ་བ་བཞུགས་སོ། །
དེའི་སྟེང་ན་འཇིག་རྟེན་གྱི་ཁམས་གཞི་དྲི་མ་མེད་ཅིང་དྲི་མ་དང་བྲལ་བའི་དྲ་བ་ཞེས་བྱ་བ་ཡོད་དེ། དེ་ན་དེ་བཞིན་གཤེགས་པ་སེང་གེའི་འོད་ཟེར་ཡོན་ཏན་རྒྱ་མཚོ་ཡོངས་སུ་རྒྱས་པ་ཞེས་བྱ་བ་བཞུགས་སོ། །
དེའི་སྟེང་ན་འཇིག་རྟེན་གྱི་ཁམས་ནགས་ཚལ་གྱི་རྒྱལ་མཚན་རྣམ་པར་སྣང་བ་ཞེས་བྱ་བ་ཡོད་དེ། དེ་ན་དེ་བཞིན་གཤེགས་པ་ཡེ་ཤེས་ཀྱི་མེ་ཏོག་པད་མོ་ཀུན་ཏུ་རྒྱས་པའི་འོད་ཅེས་བྱ་བ་བཞུགས་སོ། །དེའི་
སྟེང་ན་འཇིག་རྟེན་གྱི་ཁམས་རྒྱན་དུ་མས་རབ་ཏུ་བརྒྱན་པ་ཞེས་བྱ་བ་ཡོད་དེ། དེ་ན་དེ་བཞིན་གཤེགས་པ་སྤྱན་གྱིས་ཀུན་ཏུ་ཁྱབ་པ་ཆོས་དབྱིངས་ཀྱི་དཔལ་གྱི་རྒྱལ་མཚན་ཞེས་བྱ་བ་བཞུགས་སོ། །དེའི་སྟེང་ན་འཇིག་རྟེན་གྱི་
ཁམས་རིན་པོ་ཆེ་ལས་བསྒྲུབས་པའི་རྒྱན་ཀུན་ཏུ་སྣང་བ་ཞེས་བྱ་བ་ཡོད་དེ། དེ་ན་དེ་བཞིན་གཤེགས་པ་བློ་གྲོས་དམ་པ་བཟང་པོའི་དེད་དཔོན་ཞེས་བྱ་བ་བཞུགས་སོ། །དེའི་སྟེང་ན་འཇིག་རྟེན་གྱི་ཁམས་
སངས་རྒྱས་ཀྱི་ཞིང་གིས་རྡུལ་ཤིན་ཏུ་ཕྲ་བ་སྙེད་འདས་པ་ན། འཇིག་རྟེན་གྱི་ཁམས་ཟླ་བའི་རྒྱལ་པོ་ཞེས་བྱ་བ་ཡོད་དེ། དེ་ན་དེ་བཞིན་གཤེགས་པ་འོད་མཛད་པ་ཟླ་བའི་དཔལ་ཞེས་བྱ་བ་བཞུགས་སོ། །

72-1-134a

དེའི་སྟེང་ན་འཇིག་རྟེན་གྱི་ཁམས་སངས་རྒྱས་ཀྱི་ཞིང་གི་རྡུལ་ཤིན་ཏུ་ཕྲ་བ་སྙེད་འདས་པ་ན། འཇིག་རྟེན་གྱི་ཁམས་མཛོད་དྲི་མ་མེད་པའི་རྒྱན་ཅེས་བྱ་བ་ཡོད་དེ། དེ་ན་དེ་བཞིན་གཤེགས་པ་ཚངས་
པ་རྣམ་པར་སངས་རྒྱས་པའི་གཟི་བརྗིད་ཅེས་བྱ་བ་བཞུགས་སོ། །གཞུང་དེ་བཞིན་དུ་དེའི་སྟེང་ན་འཇིག་རྟེན་གྱི་ཁམས་རིན་པོ་ཆེའི་འོད་ཀྱི་ལྷུན་ཅན་ཞེས་བྱ་བ་ཡོད་དེ། དེ་ན་དེ་བཞིན་གཤེགས་པ་ཐམས་ཅད་
མཁྱེན་པ་ཉིད་ཀྱི་སྟོབས་ནམཁའི་སྒྲོན་མ་ཞེས་བྱ་བ་བཞུགས་སོ། །དེའི་སྟེང་ན་འཇིག་རྟེན་གྱི་ཁམས་རིན་པོ་ཆེའི་གློང་གི་ཕྲེང་བ་རབ་ཏུ་འབྱུང་བ་ཞེས་བྱ་བ་ཡོད་དེ། དེ་ན་དེ་བཞིན་གཤེགས་པ་ཕ་རོལ་ཏུ་ཕྱིན་པ་
ཐམས་ཅད་ཀྱི་བསོད་ནམས་རྒྱ་མཚོའི་མཚན་ཉིད་གཟི་བརྗིད་ཅེས་བྱ་བ་བཞུགས་སོ། །དེའི་སྟེང་ན་འཇིག་རྟེན་གྱི་ཁམས་འཁོར་ལོའི་ཚོན་གྱིས་ཀུན་ནས་ཁྱབ་པ་ཞེས་བྱ་བ་ཡོད་དེ། དེ་ན་དེ་བཞིན་གཤེགས་
པ་ཆགས་པ་ཐམས་ཅད་རྣམ་པར་འཕྲུལ་བས་དགའ་བ་མཛད་པ་ཞེས་བྱ་བ་བཞུགས་སོ། །དེའི་སྟེང་ན་འཇིག་རྟེན་གྱི་ཁམས་རིན་པོ་ཆེའི་ཟེ་བ་ཡིད་དུ་འོང་བའི་རྒྱལ་མཚན་ཅེས་བྱ་བ་ཡོད་དེ། 
དེ་ན་དེ་བཞིན་གཤེགས་པ་གྲགས་པ་ཆེན་པོ་དང་། ཡོན་ཏན་ཡངས་པའི་དབྱངས་རྣམ་པར་སྣང་བ་ཞེས་བྱ་བ་བཞུགས་སོ། །དེའི་སྟེང་ན་འཇིག་རྟེན་གྱི་ཁམས་བསམ་གྱིས་མི་ཁྱབ་པའི་རྒྱན་གྱིས་ཀུན་
ཏུ་བརྒྱན་པས་མཛེས་པ་ཞེས་བྱ་བ་ཡོད་དེ། དེ་ན་དེ་བཞིན་གཤེགས་པ་ཡེ་ཤེས་མ་འདྲེས་པའི་འོད་ཟེར་ཡོན་ཏན་རྒྱ་མཚོ་ཞེས་བྱ་བ་བཞུགས་སོ། ། དེའི་སྟེང་འཇིག་རྟེན་གྱི་ཁམས་བསམ་གྱིས་
མི་ཁྱབ་པའི་རྒྱན་གྱིས་ཀུན་ཏུ་བརྒྱན་པས་མཛེས་པ་ཞེས་བྱ་བ་ཡོད་དེ། དེ་ན་དེ་བཞིན་གཤེགས་པ་ཡེ་ཤེས་མ་འདྲེས་པའི་འོད་ཟེར་ཡོན་ཏན་རྒྱ་མཚོ་ཞེས་བྱ་བ་བཞུགས་སོ། །དེའི་སྟེང་འཇིག་རྟེན་

72-1-134b

གྱི་ཁམས་སངས་རྒྱས་ཀྱི་ཞིང་གི་རྡུལ་ཤིན་ཏུ་ཕྲ་བ་སྙེད་འདས་པ་ན། འཇིག་རྟེན་གྱི་ཁམས་འོད་མི་ཟད་པའི་རྒྱལ་མཚན་ཅེས་བྱ་བ་འཇིག་རྟེན་གྱི་ཁམས་སངས་རྒྱས་ཀྱི་ཞིང་ཉི་ཤུའི་རྡུལ་ཤིན་ཏུ་ཕྲ་བ་སྙེད་ཀྱི་
འཁོར་གྱིས་བསྐོར་བ་གཅིག་ཏུ་དག་པ་རིན་པོ་ཆེ་ཐམས་ཅད་ཀྱི་ཆུའི་རྒྱ་མཚོ་ལ་རབ་ཏུ་གནས་པ། པདྨོའི་རྒྱན་གྱི་དབྱིབས་ལྟར་འདུག་པ། ནོར་བུའི་རྒྱལ་པོ་པདྨོ་སྣང་བའི་བླ་རེའི་དྲ་བས་ཀུན་ནས་ཡོག་པ་
ཡོད་དེ། དེ་ན་དེ་བཞིན་གཤེགས་པ་ཆོས་ཀྱི་དབྱིངས་ཚད་མེད་པ་དྲི་མ་མེད་པའི་འོད་ཅེས་བྱ་བ་བཞུགས་སོ། །དེའི་ལྷོ་ཕྱོགས་ལོགས་ན་སྤོས་ཆུའི་རྒྱ་མཚོ་རྡོ་རྗེའི་དཔལ་རིན་པོ་ཆེ་འོད་འཕྲོ་བ་རབ་ཏུ་སྣང་བ་
ཞེས་བྱ་བ་ཡོད་དེ། དེ་ལ་འཇིག་རྟེན་གྱི་ཁམས་ཀྱི་རྒྱུད་སངས་རྒྱས་ཀྱི་འོད་ཀྱི་རབ་ཏུ་བརྒྱན་པའི་སྙིང་པོ་ཞེས་བྱ་བ། དེ་བཞིན་གཤེགས་པ་ཐམས་ཅད་ཀྱི་མཚན་གྱིས་འཁོར་ལོ་རྗེས་སུ་སྒྲོག་པའི་ལུས་
ཅན་རབ་ཏུ་གནས་ཏེ། དེ་ཐམས་ཅད་ཀྱི་འོག་ན་འཇིག་རྟེན་གྱི་ཁམས་རིན་པོ་ཆེའི་འོད་འཕྲོ་བ་པད་མོ་རབ་ཏུ་འགྱེད་པ་ཞེས་བྱ་བ་འཇིག་རྟེན་གྱི་ཁམས་སངས་རྒྱས་ཀྱི་ཞིང་གི་རྡུལ་ཤིན་ཏུ་ཕྲ་བ་སྙེད་ཀྱི་འཁོར་གྱི་
བསྐོར་བ། གཅིག་ཏུ་དག་པ་རིན་པོ་ཆེ་ཐམས་ཅད་ཀྱི་ཁ་དོག་ལྟ་བུའི་ཆུ་ཡི་གློང་རྒྱ་མཚོ་ལ་རབ་ཏུ་གནས་པ་རིན་པོ་ཆེའི་གོ་ཆ་དང་མཛོད་པུའི་དབྱིབས་ལྟར་འདུག་པ། རྒྱན་གྱི་དམིགས་པ་དང་ཁང་པ་བརྩེགས་པ་
ཐམས་ཅད་ཀྱི་སྤྲིན་གྱིས་ཀུན་ནས་ཡོག་པ་ཡོད་དེ། དེ་ན་དེ་བཞིན་གཤེགས་པ་རིན་པོ་ཆེ་རྣམ་པར་དག་པའི་འོད་ཅེས་བྱ་བ་བཞུགས་སོ། །དེའི་སྟེང་འཇིག་རྟེན་གྱི་ཁམས་སངས་རྒྱས་ཀྱི་ཞིང་གི་རྡུལ་ཤིན་
ཏུ་ཕྲ་བ་སྙེད་འདས་པ་ན། འཇིག་རྟེན་གྱི་ཁམས་གཟི་བརྗིད་འོད་འཕྲོ་བའི་སྙིང་པོ་ཞེས་བྱ་བ་ཡོད་དེ། དེ་ན་དེ་བཞིན་གཤེགས་པ་རྣམ་པར་འཕྲུལ་པ་ལ་ཆགས་པ་མེད་པའི་འོད་ཀྱི་བློ་གྲོས་ཞེས་

72-1-135a

བྱ་བ་བཞུགས་སོ། །གཞུང་དེ་བཞིན་དུ་དེའི་སྟེང་ན་འཇིག་རྟེན་གྱི་ཁམས་རིན་པོ་ཆེའི་འཁོར་ལོ་གཞི་མཉམ་པའི་རྒྱན་ཅེས་བྱ་བ་ཡོད་དེ། དེ་ན་དེ་བཞིན་གཤེགས་པ་རིན་པོ་ཆེའི་འོད་ཟེར་ཀུན་ཏུ་
འབྱུང་བ་ཞེས་བྱ་བ་བཞུགས་སོ། །དེའི་སྟེང་ན་འཇིག་རྟེན་གྱི་ཁམས་ཙན་དན་གྱི་ཤིང་གི་ཟེ་བའི་རྒྱལ་མཚན་ཅེས་བྱ་བ་ཡོད་དེ། དེ་ན་དེ་བཞིན་གཤེགས་པ་དམིགས་པ་ཐམས་ཅད་རྣམ་པར་དག་པས་གཏི་
མུག་མེད་པའི་འོད་ཟེར་ཅེས་བྱ་བ་བཞུགས་སོ། །དེའི་སྟེང་ན་འཇིག་རྟེན་གྱི་ཁམས་སངས་རྒྱས་ཀྱི་ཞིང་གི་ཡོན་ཏན་གྱི་དཀྱིལ་འཁོར་རྣམ་པར་ཤིན་ཏུ་ཕྱེ་བའི་རྒྱན་ཅེས་བྱ་བ་ཡོད་དེ། དེ་ན་དེ་བཞིན་གཤེགས་
པ་ཞལ་མཐོང་ན་དགའ་བ་ཡངས་པ་སྐྱེ་བ་ཚངས་པའི་དབྱངས་ཐུགསུ་ཆུད་པ་ཞེས་བྱ་བ་བཞུགས་སོ། །དེའི་སྟེང་ན་འཇིག་རྟེན་གྱི་ཁམས་འོད་སྲབ་པའི་རྒྱན་ཏུ་སྣང་བ་ཞེས་བྱ་བ་ཡོད་དེ། དེ་ན་དེ་བཞིན་གཤེགས་
པ་ཆོས་ཀྱི་དབྱིངས་ལ་རྣམ་པར་རོལ་པའི་ཡེ་ཤེས་ཤིན་ཏུ་ཡངས་པའི་དཔལ་ཞེས་བྱ་བ་བཞུགས་སོ། །དེའི་སྟེང་ན་འཇིག་རྟེན་གྱི་ཁམས་ཁ་དོག་དང་དབྱིབས་མུ་མེད་པ་ཞེས་བྱ་བ་ཡོད་དེ། དེ་ན་དེ་བཞིན་
གཤེགས་པ་ཡེ་ཤེས་ཐོགས་པ་མེད་པ་ཡང་དག་པར་འབྱུང་བའི་བློ་གྲོས་ཞེས་བྱ་བ་བཞུགསོ། །དེའི་སྟེང་ན་འཇིག་རྟེན་གྱི་ཁམས་འོད་འཕྲོ་བའི་སྤྲིན་སྟུག་པོའི་རྒྱལ་མཚན་ཅེས་བྱ་བ་ཡོད་དེ། དེ་ན་དེ་བཞིན་གཤེགས་
པ་ཕྱིར་མི་ལྡོག་པའི་ཆོས་ཀྱི་འཁོར་ལོ་རབ་ཏུ་སྒྲོག་པ་ཞེས་བྱ་བ་བཞུགསོ། །དེའི་སྟེང་ན་འཇིག་རྟེན་གྱི་ཁམས་རིན་པོ་ཆེའི་རྒྱན་སྣ་ཚོགས་ཡོངས་སུ་དག་པའི་དཀྱིལ་འཁོར་ཅེས་བྱ་བ་ཡོད་དེ། དེ་ན་དེ་བཞིན་
གཤེགས་པ་གཟུགས་ཡོངས་སུ་སྦྱངས་པའི་མཚན་གྱི་མེ་ཏོག་ཤིན་ཏུ་རྒྱས་པའི་གཟི་བརྗིད་ཅེས་བྱ་བ་བཞུགསོ། །དེའི་སྟེང་ན་འཇིག་རྟེན་གྱི་ཁམས་འབྱུང་བ་ཤིན་ཏུ་འབྱམ་ཀླས་པ་ཞེས་བྱ་བ་

72-1-135b

ཡོད་དེ། དེ་ན་དེ་བཞིན་གཤེགས་པ་ཉི་མའི་སྤྱན་ཆགས་པ་མེད་པ་ཞེས་བྱ་བ་བཞུགས་སོ། །དེའི་སྟེང་ན་འཇིག་རྟེན་གྱི་ཁམས་སངས་རྒྱས་ཀྱི་ཞིང་གི་རྡུལ་ཤིན་ཏུ་ཕྲ་བ་སྙེད་འདས་པ་ན། འཇིག་རྟེན་གྱི་ཁམས་རྡོ་རྗེའི་གདན་
བརྟེན་པ་སྒྲུབ་པས་དཔལ་རབ་ཏུ་འབྱུང་བ་ཞེས་བྱ་བ་ཡོད་དེ། དེ་ན་དེ་བཞིན་གཤེགས་པ་ཆོས་ཀྱི་དབྱིངས་ལ་ཡེ་ཤེས་ཀྱི་སྐུ་ཤིན་ཏུ་འཕགས་པའི་འོད་ཅེས་བྱ་བ་བཞུགསོ། །དེའི་སྟེང་ན་འཇིག་རྟེན་གྱི་ཁམས་སངས་རྒྱས་
ཀྱི་ཞིང་རྡུལ་ཤིན་ཏུ་ཕྲ་བ་སྙེད་འདས་པ་ན། འཇིག་རྟེན་གྱི་ཁམས་ཕྱོགས་ཤིན་ཏུ་བརྒྱན་པ་རྨོངས་པ་མེད་པ་ཞེས་བྱ་བ་ཡོད་དེ། དེ་ན་དེ་བཞིན་གཤེགས་པ་སྐྱེས་བུ་མཁས་པའི་སྒྲོན་མ་རབ་ཏུ་སྣང་བ་ཞེས་བྱ་བ་བཞུགསོ། །
དེའི་སྟེང་ན་འཇིག་རྟེན་གྱི་ཁམས་པདྨོའི་ནགས་ཚལ་ཟབ་མོའི་སྒྲ་ཞེས་བྱ་བ་ཡོད་དེ། དེ་ན་དེ་བཞིན་གཤེགས་པ་ཡོན་ཏན་ཐམས་ཅད་ཀྱིས་ཐམས་ཅད་མཁྱེན་པའི་སྤྱོད་པ་ཟབ་མོ་རྣམ་པར་སྣང་མཛད་ཅེས་བྱ་བ་བཞུགས་སོ། །
དེའི་སྟེང་ན་འཇིག་རྟེན་གྱི་ཁམས་ཁ་དོག་དང་འོད་ཐ་དད་པ་ཞེས་བྱ་བ་ཡོད་དེ། དེ་ན་དེ་བཞིན་གཤེགས་པ་ཀུན་ཏུ་སྣང་བའི་མེ་ཏོག་སྤྲིན་གྱི་རྒྱལ་མཚན་ཞེས་བྱ་བ་བཞུགསོ། །དེའི་སྟེང་ན་འཇིག་རྟེན་གྱི་ཁམས་རིན་པོ་ཆེའི་
སྒོ་སྣ་ཚོགས་ཀྱིས་རྒྱལ་མཚན་ཅེས་བྱ་བ་ཡོད་དེ། དེ་ན་དེ་བཞིན་གཤེགས་པ་ཡོན་ཏན་ཀུན་ནས་མཆོག་ཏུ་སྣང་བ་ཞེས་བྱ་བ་བཞུགསོ། །དེའི་སྟེང་ན་འཇིག་རྟེན་གྱི་ཁམས་ནོར་བུའི་མཛོད་སྤུས་བསྒྲུབ་པའི་ཟེ་བའི་འོད་
ཅེས་བྱ་བ་ཡོད་དེ། དེ་ན་དེ་བཞིན་གཤེགས་པ་དབྱངས་ཀུན་ཏུ་རབ་ཏུ་སྒྲོག་པའི་གསུང་ཞེས་བྱ་བ་བཞུགས་སོ། །དེའི་སྟེང་ན་འཇིག་རྟེན་གྱི་ཁམས་ཤུགས་ཟབ་མོའི་གངས་ཆེན་མཚོ་ཞེས་བྱ་བ་ཡོད་དེ། དེ་ན་དེ་བཞིན་
གཤེགས་པ་འོད་ཟེར་ཕྱོགསུ་གསལ་བས་སེམས་ཅན་གྱི་རྒྱན་གྱི་རྒྱལ་པོ་རབ་ཏུ་སྣང་བ་ཞེས་བྱ་བ་བཞུགས་སོ། །དེའི་སྟེང་ན་འཇིག་རྟེན་གྱི་ཁམས་རི་རབ་ཀྱི་རྩེ་མོ་འབར་བའི་འོད་ཅེས་བྱ་བ་ཡོད་དེ། དེ་ན་དེ་བཞིན་

72-1-136a

གཤེགས་པ་མཉམ་པའི་ཡེ་ཤེས་མཆོག་གི་ཆོས་ཀྱི་དབྱིངས་ལ་མངོན་པར་འཕགས་པའི་དབྱངས་ཞེས་བྱ་བ་བཞུགས་སོ། །དེའི་སྟེང་ན་འཇིག་རྟེན་གྱི་ཁམས་གསེར་གྱི་པདྨོ་དྲི་མ་མེད་པ་ཞེས་བྱ་བ་ཡོད་དེ། 
དེ་ན་དེ་བཞིན་གཤེགས་པ་བསོད་ནམས་དྲི་མ་མེད་པའི་མཛོད་ཀུན་ནས་སྣང་བའི་འོད་ཅེས་བྱ་བ་བཞུགསོ། །དེའི་སྟེང་ན་འཇིག་རྟེན་གྱི་ཁམས་སངས་རྒྱས་ཀྱི་ཞིང་གི་རྡུལ་ཤིན་ཏུ་ཕྲ་བ་སྙེད་འདས་པ་ན། འཇིག་རྟེན་གྱིས་
ཁམས་ནོར་བུས་བསྒྲུབས་པའི་སྙིང་པོ་ཞེས་བྱ་བ་འཇིག་རྟེན་གྱི་ཁམས་སངས་རྒྱས་ཀྱི་ཞིང་ཉི་ཤུའི་རྡུལ་ཤིན་ཏུ་ཕྲ་བ་སྙེད་ཀྱི་འཁོར་གྱིས་བསྐོར་བ་གཅིག་ཏུ་དག་པ་རྒྱན་དང་། སྤོས་དང་ནོར་བུ་ཤིང་ཐམས་ཅད་ཀྱི་རྒྱ་མཚོ་ལ་
རབ་ཏུ་གནས་པ། དབྱིབས་དཔལ་གྱི་བེའུ་ལྟར་འདུག་པ། འོད་ཀྱི་དཀྱིལ་འཁོར་དག་པའི་སྤྲིན་ནས་གཡོག་པ་ཡོད་དེ། དེ་བཞིན་གཤེགས་པ་འོད་ཀུན་ནས་འབྱུང་བས་སྤྲུལ་པ་ཆེན་པོའི་དྲ་བ་རྣམ་པར་སྣང་བའི་དཔལ་
ཞེས་བྱ་བ་བཞུགསོ། །དེ་ནས་ལྷོ་ཕྱོགས་ན་སྤོས་ཆུའི་རྒྱ་མཚོ་རིན་པོ་ཆེ་ཨིནྡྲ་ནཱི་ལས་རབ་ཏུ་བརྒྱན་པ་ཅེས་བྱ་བ་ཡོད་དེ། དེ་ནས་འཇིག་རྟེན་གྱི་ཁམས་ཀྱི་རྒྱུད་སྣང་བ་ཕྱོགས་རྣམ་པར་འབྱེད་པ་ཞེས་བྱ་བ། སྤོས་
ཐམས་ཅད་ཀྱིས་རབ་ཏུ་རྒྱན་པའི་བརྒྱན་གྱིས་པདྨོའི་སྤྲིན་ལ་རབ་ཏུ་གནས་པ། སངས་རྒྱས་ཀྱི་སྤྱོད་པ་དང་། གསུང་མཐའ་དང་དབུང་མེད་པའི་ལྷུན་ཅན་མངོན་པར་འབྱུང་བ་ཡོད་དེ། དེ་ཐམས་ཅད་ཀྱི་འོག་ན་འཇིག་རྟེན་གྱི་ཁམས་
ཡོན་ཏན་གྱི་མཛོད། ཕྱོགས་སུ་མི་ཟད་པའི་དཀྱིལ་འཁོར་ཅེས་བྱ་བ་འཇིག་རྟེན་གྱི་ཁམས་སངས་རྒྱས་ཀྱི་ཞིང་རྡུལ་ཤིན་ཏུ་ཕྲ་བ་སྙེད་ཀྱི་འཁོར་གྱི་བསྐོར་བ་གཅིག་ཏུ་དག་པ་རིན་པོ་ཆེ་སྣ་ཚོགས་ཀྱི་མཛོད། ཁ་དོག་
མཐའ་ཡས་པའི་རྒྱ་མཚོ་ལ་རབ་ཏུ་གནས་པ་ཟུར་དུ་མའི་དབྱིབས་སུ་འདུག་པ་རྒྱན་མིག་འཕྲུལ་ལྟ་བུ་ཐམས་ཅད་ཀྱི་ཀུན་ནས་གཡོག་པ་ཡོད་དེ། དེ་ན་དེ་བཞིན་གཤེགས་པ་རྣམ་པར་སྣང་བའི་འོད་ཅེས་བྱ་བ་

72-1-136b

བཞུགས་སོ། །དེའི་སྟེང་འཇིག་རྟེན་གྱི་ཁམས་སངས་རྒྱས་ཀྱི་ཞིང་གི་རྡུལ་ཤིན་ཏུ་ཕྲ་བ་སྙེད་འདས་པ་ན། འཇིག་རྟེན་གྱི་ཁམས་དགེ་བའི་ཚོགས་ཀྱི་རབ་ཏུ་གྲོལ་བའི་སྙིང་པོ་ཞེས་བྱའི་སྙིང་པོ་བྱ་བ་ཡོད་དེ། 
དེ་ན་དེ་བཞིན་གཤེགས་པ་བླ་ན་མེད་པའི་སེང་གེའི་བློ་གྲོས་ཞེས་བྱ་བ་བཞུགས་སོ། །དེའི་སྟེང་ན་འཇིག་རྟེན་གྱི་ཁམས་སངས་རྒྱས་ཀྱི་ཞིང་གི་རྡུལ་ཤིན་ཏུ་ཕྲ་བ་སྙེད་འདས་པ་ན། འཇིག་རྟེན་གྱི་ཁམས་པད་མོའི་
གདན་ཡོངས་སུ་འབྱུང་བ་ཞེས་བྱ་བ་ཡོད་དེ། དེ་ན་དེ་བཞིན་གཤེགས་པ་ཆོས་ཀྱི་དབྱིངས་སུ་དཔལ་གྱི་འོད་ཟེར་འབྱམ་ཀླས་པས་རྣམ་པར་སྣང་བའི་རྒྱལ་པོ་ཞེས་བྱ་བ་བཞུགས་སོ། །གཞུང་དེ་བཞིན་དུ་
དེའི་སྟེང་ན་འཇིག་རྟེན་གྱི་ཁམས་རིན་པོ་ཆེའི་རྒྱལ་མཚན་སྒྲ་མཉམ་པར་སྒྲོགས་པ་ཞེས་བྱ་བ་ཡོད་དེ། དེ་ན་དེ་བཞིན་གཤེགས་པ་ཡོན་ཏན་ཤིན་ཏུ་གྲགས་པས་ཀུན་ཏུ་ཁྱབ་པ་ཞེས་
བྱ་བ་བཞུགས་སོ། །དེའི་སྟེང་ན་འཇིག་རྟེན་གྱི་ཁམས་རྡོ་རྗེ་ལྟར་བརྟན་པའི་རྒྱན་གྱི་སྙིང་པོ་ཞེས་བྱ་བ་ཡོད་དེ། དེ་ན་དེ་བཞིན་གཤེགས་པ་ཉི་མ་ལྟར་འཕགས་པའི་གཟི་བརྗིད་
ཅེས་བྱ་བ་བཞུགས་སོ། །དེའི་སྟེང་ན་འཇིག་རྟེན་གྱི་ཁམས་ཟླ་བ་དབང་ཕྱུག་གི་མེ་ཏོག་ཟེ་བ་ཞེས་བྱ་བ་ཡོད་དེ། དེ་ན་དེ་བཞིན་གཤེགས་པ་ཆོས་ཀྱི་དབང་ཕྱུག་ཡེ་
ཤེས་ཀྱི་དཔལ་ཞེས་བྱ་བ་བཞུགས་སོ། །དེའི་སྟེང་ན་འཇིག་རྟེན་གྱི་ཁམས་མཚོན་གྱི་འཁོར་ལོའི་གཞི་དང་སྙིང་པོ་ཞེ་བྱ་བ་ཡོད་དེ། དེ་ན་དེ་བཞིན་གཤེགས་པ་དགའ་བ་
ཡངས་པ་དྲི་མ་མེད་པའི་འོད་ཚངས་པའི་དབྱངས་ཞེས་བྱ་བ་བཞུགས་སོ། །དེའི་སྟེང་ན་འཇིག་རྟེན་གྱི་ཁམས་སྒྲ་སྣ་ཚོགས་ཀྱི་སྙིང་པོ་ཞེས་བྱ་བ་ཡོད་དེ། དེ་ན་

72-1-137a

དེ་བཞིན་གཤེགས་པ་སྟོབས་ཆེན་པོ་དཔལ་བཟང་པོའི་དེད་དཔོན་ཞེས་བྱ་བ་བཞུགས་སོ། །དེའི་སྟེང་ན་འཇིག་རྟེན་གྱི་ཁམས་བལྟ་ན་དོན་ཡོད་པའི་ཟླ་བ་ཞེས་བྱ་བ་ཡོད་དེ། དེ་ན་དེ་བཞིན་གཤེགས་པ་ཡེ་
ཤེས་ཀྱི་སྟོབས་རི་རབ་ཀྱི་གཟི་བརྗིད་ཅེས་བྱ་བ་བཞུགས་སོ། །དེའི་སྟེང་ན་འཇིག་རྟེན་གྱི་ཁམས་ཚད་མེད་པའི་རྒྱན་དང་། དབྱིབས་ཤེས་བྱ་བ་ཡོད་དེ། དེ་ན་དེ་བཞིན་གཤེགས་པ་དགེ་བའི་ཟླ་བ་སྨོན་ལམ་
གྱི་ཚུལ་འོད་གཟེར་ཞེས་བྱ་བ་བཞུགས་སོ།། །།སངས་རྒྱས་རྨད་ག་ཅད་ཅེས་བྱ་བ་ཤིན་ཏུ་རྒྱས་པ་ཆེན་པོའི་མདོ།  བམ་པོ་བཅུ་པ། 
གཞུང་དེ་བཞིན་དུ་དེའི་སྟེང་ན་འཇིག་རྟེན་གྱི་ཁམས་མེ་ཏོག་གི་སྣ་ཚོགས་རབ་ཏུ་བཀྱེ་བའི་དབྱངས་ཤེས་བྱ་བ་ཡོད་དེ། དེ་ན་དེ་བཞིན་གཤེགས་པ་ཆོས་རྒྱ་མཚོའི་སྨོན་ལམ་རབ་ཏུ་སྒྲོག་པའི་
དབྱངས་ཤེས་བྱ་བ་བཞུགས་སོ། །དེའི་སྟེང་ན་འཇིག་རྟེན་གྱི་ཁམས་རིན་པོ་ཆེ་ཐམས་ཅད་ཀྱི་གློང་གིས་རབ་ཏུ་བརྒྱན་པ་ཞེས་བྱ་བ་ཡོད་དེ། དེ་ན་དེ་བཞིན་གཤེགས་པ་ཡོན་ཏན་རིན་པོ་ཆེའི་མཚན་
གྱིས་ཡང་དག་པར་བརྒྱན་པའི་འོད་ཅེས་བྱ་བ་བཞུགསོ། །དེའི་སྟེང་ན་འཇིག་རྟེན་གྱི་ཁམས་སྲ་ཞིང་མི་ཤིགས་པའི་གཞི་ཡོངས་སུ་འབྱུང་བ་ཞེས་བྱ་བ་ཡོད་དེ། དེ་ན་དེ་བཞིན་གཤེགས་པ་སྒྲ་
དབྱངས་ཀྱི་གསུང་སྙན་པ་དམ་པའི་ལྷ་ཞེས་བྱ་བ་བཞུགས་སོ། །དེའི་སྟེང་ན་འཇིག་རྟེན་གྱི་ཁམས་གཞི་ཐམས་ཅད་ནས་འོད་ཀྱི་སྤྲུལ་པ་བཟང་པོ་ཞེས་བྱ་བ་ཡོད་དེ། དེ་ན་དེ་བཞིན་གཤེགས་
པ་བརྩོན་འགྲུས་ཞི་བ་མཆོག་གི་བློ་གྲོས་ཞེས་བྱ་བ་བཞུགས་སོ། །དེའི་སྟེང་ན་འཇིག་རྟེན་གྱི་ཁམས་རྒྱན་ཤིན་ཏུ་བསྲུང་པས་སྤྱོད་པ་ཞེས་བྱ་བ་ཡོད་དེ། དེ་ན་དེ་བཞིན་གཤེགས་པ་འགྲོ་བ་

72-1-137b

མངོན་སུམ་དུ་དགའ་བར་ལྟ་བ་ཞེས་བྱ་བ་བཞུགས་སོ། །དེའི་སྟེང་ན་འཇིག་རྟེན་གྱི་ཁམས་ཨིནྡྲ་ནཱི་ལ་དང་། ཙན་དན་གྱི་སྙིང་པོ་ཞེས་བྱ་བ་ཡོད་དེ། དེ་ན་དེ་བཞིན་གཤེགས་པ་མི་སྒུལ་བར་ཟབ་པའི་
འོད་ཟེར་རྣམ་པར་སྣང་བ་བསམ་གྱིས་མི་ཁྱབ་པའི་བློ་གྲོས་ཤེས་བྱ་བ་བཞུགས་སོ། །དེའི་སྟེང་ན་འཇིག་རྟེན་གྱི་ཁམས་ཁ་དོག་རྒྱ་མཚོ་སྣ་ཚོགས་སྟོན་པ་ཞེས་བྱ་བ་ཡོད་དེ། དེ་ན་དེ་བཞིན་གཤེགས་པ་
ཀུན་ཏུ་འོད་རབ་ཏུ་འགྱེད་པ་བསམ་གྱིས་མི་ཁྱབ་པའི་དོན་མངོན་པར་མཛེས་པ་ཞེས་བྱ་བ་བཞུགས་སོ། །དེའི་སྟེང་ན་འཇིག་རྟེན་གྱི་ཁམས་ཕྱོགས་བཅུའི་སྤྲུལ་པ་ཤིན་ཏུ་འབར་བའི་འོད་ཅེས་བྱ་བ་ཡོད་དེ། 
དེ་ན་དེ་བཞིན་གཤེགས་པ་ཡོན་ཏན་གྱི་གཟི་བརྗིད་དམ་པ་མཉམ་པ་མེད་པ་ཞེས་བྱ་བ་བཞུགས་སོ། །དེའི་སྟེང་ན་འཇིག་རྟེན་གྱི་ཁམས་རི་རབ་ཀྱི་སྤྲིན་གྱི་རྒྱལ་མཚན་ཞེས་བྱ་བ་ཡོད་དེ། དེ་ན་དེ་བཞིན་གཤེགས་
པ་ཤུགས་ཀྱི་འོད་ཚངས་པའི་སྤྱན་ཞེས་བྱ་བ་བཞུགསོ། །དེའི་སྟེང་ན་འཇིག་རྟེན་གྱི་ཁམས་སངས་རྒྱས་ཀྱི་ཞིང་གི་རྡུལ་ཤིན་ཏུ་ཕྲ་བ་སྙེད་འདས་པ་ན། འཇིག་རྟེན་གྱི་ཁམས་པད་མོ་རྣམ་པར་སྣང་བ་ཞེས་
བྱ་བ་འཇིག་རྟེན་གྱི་ཁམས་སངས་རྒྱས་ཀྱི་ཞིང་ཉི་ཤུའི་རྡུལ་ཤིན་ཏུ་ཕྲ་བ་སྙེད་ཀྱི་འཁོར་གྱིས་བསྐོར་བ། གཅིག་ཏུ་དག་པ་སྤོས་དང་། ནོར་བུའི་ཆར་ཁ་དོག་མཐའ་ཡས་པ་འབེབས་པའི་རྒྱ་མཚོ་ལ་
རབ་ཏུ་གནས་པ་ཀུན་ནས་ཟླུམ་རྒྱན་དང་ཐེག་པ་མང་པོས་ཀུན་ནས་ཡོག་པ་ཡོད་དེ། དེ་ན་དེ་བཞིན་གཤེགས་པ་རྣམ་པར་གྲོལ་བའི་བརྩོན་འགྲུས་ཉི་མའི་འོད་ཟེར་ཅེས་བྱ་བ་བཞུགསོ། །དེ་ནས་ལྷོ་ཕྱོགས་
ལོགས་ན་སྤོས་ཆུའི་རྒྱ་མཚོ་རྡོ་རྗེ་བརྟན་པས་བསྒྲུབས་པ་གཞིའི་འཁོར་ལོ་ཞེས་བྱ་བ་ཡོད་དེ། དེའི་འཇིག་རྟེན་གྱི་ཁམས་ཀྱི་རྒྱུད་མིག་འཕྲུལ་གྱི་རྣམ་པར་བྱེ་བའི་དྲ་བའི་བྱེ་བྲག་ཅེས་བྱ་བ། 

72-1-138a

བྱང་ཆུབ་སེམས་དཔའ་ཀུན་ཏུ་བཟང་པོའི་ཡེ་ཤེས་ཐམས་ཅད་ཡང་དག་པར་འབྱུང་བའི་དབྱངས་ཀྱི་ལྷུན་ཅན་ཡོད་དེ། དེ་ཐམས་ཅད་ཀྱི་འོག་ན་འཇིག་རྟེན་གྱི་ཁམས་པདྨོའི་དྲ་བ་འཁོར་ལོ་
སྤྲིན་ཅེས་བྱ་བ། འཇིག་རྟེན་གྱི་ཁམས་སངས་རྒྱས་ཀྱི་ཞིང་གི་རྡུལ་ཤིན་ཏུ་ཕྲ་བ་སྙེད་ཀྱི་འཁོར་གྱིས་བསྐོར་བ་གཅིག་ཏུ་དག་པ། མན་ཤེལ་གྱི་མེ་ཏོག་སྣ་ཚོགས་ཀྱི་རྒྱལ་མཚན་གྱི་རྒྱ་མཚོས་བརྟན་པ་རི་
རབ་ཀྱི་དབྱིབས་ལྟར་འདུག་པ། ནོར་བུའི་རྒྱལ་པོ་སངས་རྒྱས་ཐམས་ཅད་ཀྱི་ཡུལ་མིག་འཕྲུལ་ལྟ་བུའི་སྤྲིན་གྱིས་ཀུན་ནས་ཡོག་པ་ཡོད་དེ། དེ་ན་དེ་བཞིན་གཤེགས་པ་ཆོས་ཀྱི་སྐུ་ཀུན་ནས་རྣམ་
པར་སངས་རྒྱས་པའི་བློ་གྲོས་ཞེས་བྱ་བ་བཞུགསོ། །གཞུང་དེ་བཞིན་དུ་དེའི་སྟེང་ན་འཇིག་རྟེན་གྱི་ཁམས་འོད་གཟེར་ཕྲ་མོ་མི་ཟད་པའི་འོད་ཅེས་བྱ་བ་ཡོད་དེ། དེ་ན་དེ་བཞིན་གཤེགས་པའི་ཐུགས་དམ་
པ་མཆོག་ཤིན་ཏུ་ཡངས་པའི་བློ་གྲོས་ཞེས་བྱ་བ་བཞུགསོ། །དེའི་སྟེང་ན་འཇིག་རྟེན་གྱི་ཁམས་དཔལ་གྱི་ཆུ་བོ་ཀུན་ནས་སྣང་བ་རབ་ཏུ་འགྱེད་པ་ཞེས་བྱ་བ་ཡོད་དེ། དེ་ན་དེ་བཞིན་གཤེགས་པ་བསོད་ནམས་
ཆེན་པོའི་བླ་ན་མེད་པའི་སྤྲིན་མི་ཟད་པའི་གཟི་བརྗིད་ཅེས་བྱ་བ་བཞུགསོ། །དེའི་སྟེང་ན་འཇིག་རྟེན་གྱི་ཁམས་ཤིང་དང་མེ་ཏོག་ཉེ་བར་གྱུར་པའི་རྒྱལ་མཚན་ཞེས་བྱ་བ་ཡོད་དེ། དེ་ན་དེ་བཞིན་གཤེགས་པ་
ཡེ་ཤེས་དང་། ཆོས་ཀྱི་དབྱིངས་མུ་མེད་པའི་གསུང་ཞེས་བྱ་བ་བཞུགསོ། །དེའི་སྟེང་ན་འཇིག་རྟེན་གྱི་ཁམས་མུ་ཏིག་གིས་ཡོག་པའི་འོད་ཅེས་བྱ་བ་ཡོད་དེ། དེ་ན་དེ་བཞིན་གཤེགས་པ་སེང་གེ་ཕ་རོལ་ཏུ་ཕྱིན་
པ་རྣམ་པར་བསྒྱིངས་པ་ཞེས་བྱ་བ་བཞུགས་སོ། །དེའི་སྟེང་ན་འཇིག་རྟེན་གྱི་ཁམས་མཐའ་ཡས་པའི་འཁོར་ལོ་དབྱངས་རབ་ཏུ་གཏོང་བ་ཞེས་བྱ་བ་ཡོད་དེ། དེ་ན་དེ་བཞིན་གཤེགས་པ་ཐམས་ཅད་

72-1-138b

མཁྱེན་པའི་སྟོབས་དང་བརྩོན་འགྲུས་ཤིན་ཏུ་ཐུགས་སུ་ཆུད་པའི་བློ་གྲོས་ཞེས་བྱ་བ་བཞུགས་སོ། །དེའི་སྟེང་ན་འཇིག་རྟེན་གྱི་ཁམས་ཤིང་མཛེས་པའི་ཕུང་པོ་ཞེས་བྱ་བ་ཡོད་དེ། དེ་ན་དེ་བཞིན་གཤེགས་
པ་སྒོ་ཀུན་ནས་རྣམ་པར་དམིགས་པར་འགྲོ་བ་མངོན་དུ་སྟོན་པ་ཞེས་བྱ་བ་བཞུགསོ། །དེའི་སྟེང་ན་འཇིག་རྟེན་གྱི་ཁམས་ཤིང་མཛེས་པ་སེང་གེའི་དཔལ་གྱི་འོད་དྲ་བ་ཞེས་བྱ་བ་ཡོད་དེ། དེ་ན་དེ་བཞིན་
གཤེགས་པ་གསེར་གྱི་འོད་དྲི་མ་མེད་པ་ཉི་མའི་འོད་འཕྲོ་བའི་སྤྲིན་ཅེས་བྱ་བ་བཞུགསོ། །དེའི་སྟེང་ན་འཇིག་རྟེན་གྱི་ཁམས་སངས་རྒྱས་ཀྱི་ཞིང་གི་རྡུལ་ཤིན་ཏུ་ཕྲ་བ་སྙེད་འདས་པ་ན། འཇིག་རྟེན་གྱི་ཁམས་
རིན་པོ་ཆེ་མང་པོ་རྣམ་པར་བཀོད་པ་ཞེས་བྱ་བ་ཡོད་དེ། དེ་ན་དེ་བཞིན་གཤེགས་པ་དབང་པོ་དམ་པའི་བློ་གྲོས་ཀྱི་དཔལ་ཞེས་བྱ་བ་བཞུགསོ། །དེའི་སྟེང་ན་འཇིག་རྟེན་གྱི་ཁམས་གཞི་སྣང་ཞིང་དྲི་མ་
མེད་པ་ཞེས་བྱ་བ་ཡོད་དེ། དེ་ན་དེ་བཞིན་གཤེགས་པ་མཐུ་སྟོབས་དྲི་མ་མེད་པའི་ཟླ་བ་ཞེས་བྱ་བ་བཞུགསོ། །དེའི་སྟེང་ན་འཇིག་རྟེན་གྱི་ཁམས་སངས་རྒྱས་ཀྱི་ཡོན་ཏན་དང་བསྔགས་པ་རབ་ཏུ་འགྱེད་པའི་
དབྱངས་ཤེས་བྱ་བ་ཡོད་དེ། དེ་ན་དེ་བཞིན་གཤེགས་པ་ནམ་མཁའ་ལྟ་བུར་མཚན་ཉིད་ཀུན་ཏུ་རྣམ་པར་སངས་རྒྱས་པའི་བློ་གྲོས་ཞེས་བྱ་བ་བཞུགསོ། །དེའི་སྟེང་ན་འཇིག་རྟེན་གྱི་ཁམས་འོད་འཕྲོ་མཐོན་པོའི་
སྙིང་པོ་ཞེས་བྱ་བ་ཡོད་དེ། དེ་ན་དེ་བཞིན་གཤེགས་པ་ཕྱོགས་བཅུའི་སྤྲུལ་པ་རྒྱ་མཚོའི་སྤྲིན་གྱིས་རྒྱལ་མཚན་ཞེས་བྱ་བ་བཞུགས་སོ། །དེའི་སྟེང་ན་འཇིག་རྟེན་གྱི་ཁམས་སྙིང་པོ་བརྒྱན་པའི་འོད་ཅེས་
བྱ་བ་ཡོད་དེ། དེ་ན་དེ་བཞིན་གཤེགས་པ་མཉམ་པ་མེད་པར་མཁས་པས་སྤྱོད་པ་རྣམ་པར་སྣང་བ་ཞེས་བྱ་བ་བཞུགསོ། །དེའི་སྟེང་ན་འཇིག་རྟེན་གྱི་ཁམས་སངས་རྒྱས་ཀྱི་ཞིང་གི་རྡུལ་ཤིན་ཏུ་ཕྲ་བ་

72-1-139a

སྙེད་འདས་པ་ན། འཇིག་རྟེན་གྱི་ཁམས་རིན་པོ་ཆེ་ཐམས་ཅད་ཀྱི་རྒྱན་གྱི་ཀློང་རབ་ཏུ་འབྱུང་བ་ཞེས་བྱ་བ་ཡོད་དེ། དེ་ན་དེ་བཞིན་གཤེགས་པ་འགྲོ་བ་བསམ་གྱིས་མི་ཁྱབ་པ་ལ་ཐུགས་བརྩེ་བའི་
རྣམ་པར་ཐར་པ་མངོན་པར་མཁྱེན་པའི་རྒྱལ་པོ་ཞེས་བྱ་བ་བཞུགསོ། །དེའི་སྟེང་ན་འཇིག་རྟེན་གྱི་ཁམས་ཁྱིམ་དགའ་བས་རབ་ཏུ་བརྒྱན་པ་ཞེས་བྱ་བའི་འོད་ཅེས་བྱ་བ་ཡོད་དེ། དེ་ན་དེ་བཞིན་གཤེགས་པ་
དོན་ཐམས་ཅད་གྲུབ་པའི་རི་རབ་ཅེས་བྱ་བ་བཞུགས་སོ། །དེའི་སྟེང་ན་འཇིག་རྟེན་གྱི་ཁམས་རྡུལ་དང་བྲལ་བ་ཞེས་བྱ་བ་ཡོད་དེ། དེ་ན་དེ་བཞིན་གཤེགས་པ་མཉམ་པ་དང་། རྣམ་པར་རིག་པ་དང་མཐོང་བ་
དོན་ཡོད་པ་ཞེས་བྱ་བ་བཞུགས་སོ། །དེའི་སྟེང་ན་འཇིག་རྟེན་གྱི་ཁམས་མེ་ཏོག་དང་ནོར་བུ་མང་པོའི་རྒྱལ་མཚན་ཅེས་བྱ་བ་ཡོད་དེ། དེ་ན་དེ་བཞིན་གཤེགས་པ་ཡིད་དུ་འོང་བའི་དབྱངས་ཀྱི་དཔལ་ཞེས་བྱ་བ་
བཞུགསོ། །དེའི་སྟེང་ན་འཇིག་རྟེན་གྱི་ཁམས་སངས་རྒྱས་ཀྱི་ཞིང་གི་རྡུལ་ཤིན་ཏུ་ཕྲ་བ་སྙེད་འདས་པ་ན། འཇིག་རྟེན་གྱི་ཁམས་སྒོ་ཀུན་ཏུ་ལྟ་བའི་སྤྲིན་གྱི་སྙིང་པོ་ཞེས་བྱ་བ་འཇིག་རྟེན་གྱི་ཁམས་སངས་རྒྱས་
ཀྱི་ཞིང་ཉི་ཤུའི་རྡུལ་ཤིན་ཏུ་ཕྲ་བ་སྙེད་ཀྱི་འཁོར་གྱིས་བསྐོར་བ། གཅིག་ཏུ་དག་པ་ལུས་དང་ཁྱིམ་སྣ་ཚོགས་ཀྱི་སྤོས་ཀྱི་ཆུ་བོ་ལ་རབ་ཏུ་གནས་པ་རྣམ་པར་རྒྱལ་བ་རབ་ཏུ་ཕྱེ་བའི་ཁང་པ་བརྩེགས་པའི་
དབྱིབས་ལྟར་འདུག་པ། རིན་པོ་ཆེ་ཐམས་ཅད་ཀྱི་སྒྲོན་མའི་སྤྲིན་གྱིས་ཀུན་ནས་ཡོག་པ་ཡོད་དེ། དེ་ན་དེ་བཞིན་གཤེགས་པ་རང་བྱུང་དམ་པའི་ས་དང་མངོན་པར་ཤེས་པའི་རྒྱལ་པོ་ཞེས་བྱ་བ་བཞུགས་སོ། །
དེའི་ལྷོ་ཕྱོགས་ལོགས་ན་སྤོས་ཆུའི་རྒྱ་མཚོ་པདྨོའི་དྲ་བའི་དབང་པོ་ཤིན་ཏུ་རྒྱས་པ་ཞེས་བྱ་བ་ཡོད་དེ། དེ་ན་འཇིག་རྟེན་གྱི་རྒྱུད་ཕྱོགས་སུ་ཡོངས་སུ་གཞོལ་བའི་འོད་ཅེས་བྱ་བ་སྤོས་དང་རིན་པོ་ཆེ་ཐམས་ཅད་

72-1-139b

ཀྱིས་རབ་ཏུ་བརྒྱན་པ། པད་མོ་ལ་རབ་ཏུ་གནས་པ། སངས་རྒྱས་ཐམས་ཅད་ཀྱི་ཡེ་ཤེས་ཀྱི་སྤྱོད་ཡུལ་ཀྱི་འོད་དང་དབྱངས་ཀྱི་ལྷུན་ཅན་མངོན་པར་བྱུང་སྟེ། དེ་ཐམས་ཅད་ཀྱི་འོག་ན་འཇིག་རྟེན་གྱི་ཁམས་རིན་པོ་
ཆེའི་རྒྱ་མཚོ་སེམས་ཅན་གངས་ཅན་མཚོའི་འོད་ཅེས་བྱ་བ་འཇིག་རྟེན་གྱི་ཁམས་སངས་རྒྱས་ཀྱི་ཞིང་གི་རྡུལ་ཤིན་ཏུ་ཕྲ་བ་སྙེད་ཀྱི་འཁོར་གྱིས་བསྐོར་བ། གཅིག་ཏུ་དག་པ་མུ་ཏིག་གི་སྦུབས་ཀྱི་དབྱིབས་ལྟར་
འདུག་པ། ནོར་བུ་ཐམས་ཅད་ཀྱི་ཕྲེང་བ་སྐྱིལ་བའི་རྒྱ་མཚོ་ལ་རབ་ཏུ་གནས་པ། ནོར་བུའི་རྒྱལ་པོ་ཕྱོགས་ཀྱི་སྤྲིན་རབ་ཏུ་སྣང་བའི་དཀྱིལ་འཁོར་གྱི་སྤྲིན་གྱིས་ཀུན་ནས་ཡོག་པ་ཡོད་དེ། དེ་ན་དེ་བཞིན་གཤེགས་
པ་ཡོན་ཏན་བསམ་གྱིས་མི་ཁྱབ་པ། རྣམ་པར་སྣང་བ་ཞེས་བྱ་བ་བཞུགས་སོ། །དེའི་སྟེང་ན་འཇིག་རྟེན་གྱི་ཁམས་སངས་རྒྱས་ཀྱི་ཞིང་གི་རྡུལ་ཤིན་ཏུ་ཕྲ་བ་སྙེད་འདས་པ་ན། འཇིག་རྟེན་གྱི་ཁམས་སྤོས་ཀྱི་
དཀྱིལ་འཁོར་ཅེས་བྱ་བ་ཡོད་དེ། དེ་ན་དེ་བཞིན་གཤེགས་པ་སྟོབས་ཚད་མེད་པའི་དཔལ་ཞེས་བྱ་བ་བཞུགསོ། །གཞུང་དེ་བཞིན་དུ་དེའི་སྟེང་ན་འཇིག་རྟེན་གྱི་ཁམས་མཛེས་པར་སྣང་བའི་ཚོན་གྱི་འཁོར་ལོ་ཞེས་
བྱ་བ་ཡོད་དེ། དེ་ན་དེ་བཞིན་གཤེགས་པ་ཆོས་ཀྱི་དབྱིངས་རབ་ཏུ་སྣང་བའི་དབྱངས་ཀྱི་བློ་གྲོས་ཞེས་བྱ་བ་བཞུགས་སོ། །དེའི་སྟེང་ན་འཇིག་རྟེན་གྱི་ཁམས་དབྱངས་ཀྱི་རྒྱལ་མཚན་ཅེས་བྱ་བ་ཡོད་དེ། དེ་ན་
དེ་བཞིན་གཤེགས་པ་པད་མོའི་འོད་ཕྱག་བཟང་པོ་རབ་ཏུ་བརྐྱང་བ་ཞེས་བྱ་བ་བཞུགས་སོ། །དེའི་སྟེང་ན་འཇིག་རྟེན་གྱི་ཁམས་ཤུགས་བསྟན་པའི་དཀྱིལ་འཁོར་ཅེས་བྱ་བ་ཡོད་དེ། དེ་ན་དེ་བཞིན་གཤེགས་པ་ཕྱིར་
མི་ལྡོག་པའི་ཡོན་ཏན་རྒྱ་མཚོ་འོད་ཅེས་བྱ་བ་བཞུགས་སོ། །དེའི་སྟེང་ན་འཇིག་རྟེན་གྱི་ཁམས་འོད་ཀྱི་རྒྱན་གྱི་སྤྱོད་པ་ཞེས་བྱ་བ་ཡོད་དེ། དེ་ན་དེ་བཞིན་གཤེགས་པ་ཀུན་ཏུ་རྒྱལ་བ་ཐམས་ཅད་

72-1-140a

མཁྱེན་པའི་ཤུགས་དམ་པ་ཞེས་བྱ་བ་བཞུགས་སོ། །དེའི་སྟེང་ན་འཇིག་རྟེན་གྱི་ཁམས་སེང་གེའི་ཁྲི་ཚུལ་རྣམ་པར་སྣང་བ་ཞེས་བྱ་བ་ཡོད་དེ། དེ་ན་དེ་བཞིན་གཤེགས་པ་སེང་གེའི་འོད་ཟེར་ཚད་
མེད་པའི་སྟོབས་ཀྱི་བློ་གྲོས་ཞེས་བྱ་བ་བཞུགས་སོ། །དེའི་སྟེང་ན་འཇིག་རྟེན་གྱི་ཁམས་རིན་པོ་ཆེའི་འོད་གཟེར་གྱི་མཚན་ཉིད་ཀྱིས་བརྒྱན་པ་ཞེས་བྱ་བ་ཡོད་དེ། དེ་ན་དེ་བཞིན་གཤེགས་པ་ཆོས་ཐམས་ཅད་ཡོངས་
སུ་དག་པར་སྟོན་པའི་རིག་བྱེད་མཆོག་ཅེས་བྱ་བ་བཞུགས་སོ། །དེའི་སྟེང་ན་འཇིག་རྟེན་གྱི་ཁམས་མར་མེ་དུ་མ་ཞེས་བྱ་བ་ཡོད་དེ། དེ་ན་དེ་བཞིན་གཤེགས་པ་མྱ་ངན་དང་རྣམ་པར་བྲལ་བའི་གཟི་བརྗིད་ཅེས་
བྱ་བ་བཞུགས་སོ། །དེའི་སྟེང་ན་འཇིག་རྟེན་གྱི་ཁམས་སངས་རྒྱས་ཀྱི་དབྱངས་ལ་མངོན་སུམ་ཞེས་བྱ་བ་ཡོད་དེ། དེ་ན་དེ་བཞིན་གཤེགས་པ་རང་བྱུང་པད་མའི་གཟི་བརྗིད་ཅེས་བྱ་བ་བཞུགས་སོ། །
དེའི་སྟེང་ན་འཇིག་རྟེན་གྱི་ཁམས་ཡོངས་སུ་དག་ཅིང་དྲི་མ་མེད་པར་སྤེལ་བ་ཞེས་བྱ་བ་ཡོད་དེ། དེ་ན་དེ་བཞིན་གཤེགས་པ་གསེར་གྱི་པད་མ་སྣང་བའི་འོད་ཅེས་བྱ་བ་བཞུགས་སོ། །དེའི་སྟེང་ན་འཇིག་རྟེན་
གྱི་ཁམས་ཕྱོགས་ཀུན་གྱི་དབྱིབས་སུ་རབ་ཏུ་འཇུག་པ་ཞེས་བྱ་བ་ཡོད་དེ། དེ་ན་དེ་བཞིན་གཤེགས་པ་ཆོས་ཀྱི་དབྱིངས་རབ་ཏུ་གཟིགས་པས་བསྒྱིངས་པ་ཞེས་བྱ་བ་བཞུགས་སོ། །དེའི་སྟེང་ན་འཇིག་རྟེན་གྱི་
ཁམས་འོད་འཕྲོ་བའི་དཔལ་ཤིན་ཏུ་འབར་བ་ཞེས་བྱ་བ་ཡོད་དེ། དེ་ན་དེ་བཞིན་གཤེགས་པ་ཤིང་མི་འམ་ཅིའི་རྒྱལ་པོ་རབ་ཏུ་འབར་བ་ཞེས་བྱ་བ་བཞུགས་སོ། །དེའི་སྟེང་ན་འཇིག་རྟེན་གྱི་ཁམས་སྤོས་
ཀྱི་འོད་ཟེར་ཕྱོགས་ཀུན་ཏུ་རྣམ་པར་སྣང་བ་ཞེས་བྱ་བ་ཡོད་དེ། དེ་ན་དེ་བཞིན་གཤེགས་པ་སྤོས་ཀྱི་མར་མེ་ཤིན་ཏུ་སྤྲུལ་པའི་རྒྱལ་པོ་ཞེས་བྱ་བ་བཞུགས་སོ། །དེའི་སྟེང་ན་འཇིག་རྟེན་གྱི་ཁམས་

72-1-140b

མེ་ཏོག་གི་ཆུ་བོ་ཚད་མེད་པའི་དཀྱིལ་འཁོར་ཅེས་བྱ་བ་ཡོད་དེ། དེ་ན་དེ་བཞིན་གཤེགས་པ་རྒྱལ་བའི་ཡོན་ཏན་སྒོ་ཀུན་ནས་སྟོན་པ་ཞེས་བྱ་བ་བཞུགས་སོ། །དེའི་སྟེང་ན་འཇིག་རྟེན་གྱི་ཁམས་ཀུན་ནས་དགེ་བ་སྣ་
ཚོགས་ཞེས་བྱ་བ་ཡོད་དེ། དེ་ན་དེ་བཞིན་གཤེགས་པ་ཆོས་ཐམས་ཅད་མཉམ་པ་ཉིད་ཀྱིས་རྣམ་པར་འཕྲུལ་པའི་རྒྱལ་པོ་ཞེས་བྱ་བ་བཞུགས་སོ། །དེའི་སྟེང་ན་འཇིག་རྟེན་གྱི་ཁམས་གསེར་གྱི་འོད་རྒྱ་མཚོ་ཞེས་
བྱ་བ་ཡོད་དེ། དེ་ན་དེ་བཞིན་གཤེགས་པ་ཕྱོགས་སུ་སྤྲུལ་པ་ཡངས་པའི་དབང་ཕྱུག་ཅེས་བྱ་བ་བཞུགས་སོ། །དེའི་སྟེང་ན་འཇིག་རྟེན་གྱི་ཁམས་མེ་ཏོག་གི་ཟེ་བའི་སྙིང་པོ་ཞེས་བྱ་བ་ཡོད་དེ། དེ་ན་དེ་བཞིན་
གཤེགས་པ་ཆོས་ཀྱི་དབྱིངས་གྲོལ་བའི་འོད་བསམ་གྱིས་མི་ཁྱབ་པའི་བློ་གྲོས་ཞེས་བྱ་བ་བཞུགསོ། །དེའི་སྟེང་ན་འཇིག་རྟེན་གྱི་ཁམས་དབང་པོའི་སེང་གེའི་ཁྲི་རི་བོ་ཞེས་བྱ་བ་ཡོད་དེ། དེ་ན་དེ་བཞིན་
གཤེགས་པ་རྒྱལ་བའི་སྟོབས་རབ་ཏུ་སྣང་བ་ཞེས་བྱ་བ་བཞུགས་སོ། །དེའི་སྟེང་ན་འཇིག་རྟེན་གྱི་ཁམས་སངས་རྒྱས་ཀྱི་ཞིང་གི་རྡུལ་ཤིན་ཏུ་ཕྲ་བ་སྙེད་འདས་པ་ན། འཇིག་རྟེན་གྱི་ཁམས་ཁ་དོག་མཐའ་
ཡས་པར་རིན་པོ་ཆེ་རྣམ་པར་སྣང་བ་ཞེས་བྱ་བ་ཡོད་དེ། འཇིག་རྟེན་གྱི་ཁམས་སངས་རྒྱས་ཀྱི་ཞིང་ཉི་ཤུའི་རྡུལ་ཤིན་ཏུ་ཕྲ་བ་སྙེད་ཀྱི་འཁོར་གྱིས་བསྐོར་བ། གཅིག་ཏུ་དག་པ་ཀུན་ནས་གྲུ་བཞིར་འདུག་པ། 
ཤིང་དང་མེ་ཏོག་དང་ནགས་ཚལ་གྱི་གཞི་རྒྱ་མཚོ་ལ་རབ་ཏུ་གནས་པ། ནོར་བུའི་རྒྱལ་པོ་ཁ་དོག་མཐའ་ཡས་པའི་ཆར་འབེབས་པའི་མིག་འཕྲུལ་གྱིས་ཀུན་ནས་ཡོག་པ་ཡོད་དེ། དེ་ན་དེ་བཞིན་གཤེགས་
པ་རྣམ་པར་སྣང་བ་འགྲོ་བའི་དཀྱིལ་འཁོར་དམ་པའི་དབྱངས་ཤེས་བྱ་བ་བཞུགས་སོ། །དེ་ནས་ལྷོ་ཕྱོགས་ལོགས་ན་སྤོས་ཆུའི་རྒྱ་མཚོ་རིན་པོ་ཆེ་དང་སྤོས་ཀྱི་མཛོད་རབ་ཏུ་བསྩགས་པ་ཞེས་བྱ་བ་

72-1-141a

ཡོད་དེ། དེ་ན་འཇིག་རྟེན་གྱི་ཁམས་ཀྱི་རྒྱུད་རྒྱན་དང་འོད་ཐམས་ཅད་འབྱུང་བ་ཞེས་བྱ་བ་སངས་རྒྱས་ཀྱི་ཆོས་ཀྱི་འཁོར་ལོ་ཐམས་ཅད་རབ་ཏུ་སྒྲོགས་པའི་ལྷུན་ཅན་མངོན་པར་བྱུང་སྟེ། དེ་ཐམས་ཅད་ཀྱི་འོག་
ན་འཇིག་རྟེན་གྱི་ཁམས་སྣ་ཚོགས་འབྱུང་བ་ཞེས་བྱ་བ་འཇིག་རྟེན་གྱི་ཁམས་སངས་རྒྱས་ཀྱི་ཞིང་གི་རྡུལ་ཤིན་ཏུ་ཕྲ་བ་སྙེད་ཀྱི་འཁོར་གྱིས་བསྐོར་བ། གཅིག་ཏུ་དག་པ་རྡོ་རྗེའི་དབྱིབས་ལྟར་འདུག་པ་རྡོ་རྗེའི་རྒྱལ་
མཚན་སྣ་ཚོགས་ལ་རབ་ཏུ་གནས་པ། རྡོ་རྗེ་དང་རིན་པོ་ཆེའི་འོད་ཀྱི་དཀྱིལ་འཁོར་གྱི་སྤྲིན་གྱིས་ཀུན་ནས་ཡོག་པ་ཡོད་དེ། དེ་ན་དེ་བཞིན་གཤེགས་པ་པདྨོའི་ཟེ་བ་འཕགས་པའི་སྤྱན་ཞེས་བྱ་བ་བཞུགས་སོ། །
དེའི་སྟེང་འཇིག་རྟེན་གྱི་ཁམས་སངས་རྒྱས་ཀྱི་ཞིང་གི་རྡུལ་ཤིན་ཏུ་ཕྲ་བ་སྙེད་འདས་པ་ན། འཇིག་རྟེན་གྱི་ཁམས་བལྟ་ན་དགའ་བའི་སྒྲ་ཞེས་བྱ་བ་ཡོད་དེ། དེ་ན་དེ་བཞིན་གཤེགས་པ་དགའ་བ་དང་སྤྲོ་བ་ཡང་
དག་པར་འབྱུང་བ་ཞེས་བྱ་བ་བཞུགས་སོ། །གཞུང་དེ་བཞིན་དུ་དེའི་སྟེང་ན་འཇིག་རྟེན་གྱི་ཁམས་རིན་པོ་ཆེའི་མཚན་གྱིས་ཡང་དག་པར་བརྒྱན་པའི་རྒྱལ་མཚན་ཞེས་བྱ་བ་ཡོད་དེ། དེ་ན་དེ་བཞིན་གཤེགས་
པ་ཐམས་ཅད་མཁྱེན་པ་ཉིད་ཀྱི་སྤྱོད་ཡུལ་དང་། སྤྱོད་པའི་བློ་གྲོས་ཞེས་བྱ་བ་བཞུགསོ། །དེའི་སྟེང་ན་འཇིག་རྟེན་གྱི་ཁམས་རྣམ་པར་སྣང་བའི་ཟེ་བ་སྣ་ཚོགས་ཀྱི་གཞི་ཞེས་བྱ་བ་ཡོད་དེ། དེ་ན་དེ་བཞིན་གཤེགས་
པ་དྲི་མ་མེད་ཅིང་ཞི་བའི་དབྱངས་ཡིད་དུ་འོང་བ་ཞེས་བྱ་བ་བཞུགས་སོ། །དེའི་སྟེང་ན་འཇིག་རྟེན་གྱི་ཁམས་སྤྲུལ་པ་འོད་བཟང་པོ་ཞེས་བྱ་བ་ཡོད་དེ། དེ་ན་དེ་བཞིན་གཤེགས་པ་ནམཁའི་དབྱིངས་དྲི་མ་མེད་
པའི་ཡེ་ཤེས་བླ་མ་ཞེས་བྱ་བ་བཞུགསོ། །དེའི་སྟེང་ན་འཇིག་རྟེན་གྱི་ཁམས་རྣམ་པར་ཕྱེ་བ་རྣམ་པ་སྣ་ཚོགས་ཤེས་བྱ་བ་ཡོད་དེ། དེ་ན་དེ་བཞིན་གཤེགས་པ་བསོད་ནམས་རྒྱ་མཚོའི་སྤྲིན་སྟུག་པོའི་

72-1-141b

མཚན་གྱི་མེ་ཏོག་ཤིན་ཏུ་རྒྱས་པ་ཞེས་བྱ་བ་བཞུགས་སོ། །དེའི་སྟེང་ན་འཇིག་རྟེན་གྱི་ཁམས་རྒྱན་ཐམས་ཅད་ཀྱིས་བརྒྱན་པའི་སྒྲ་སྙན་པ་ཞེས་བྱ་བ་ཡོད་དེ། དེ་ན་དེ་བཞིན་གཤེགས་པ་དགའ་བར་མཛད་པའི་
གཙོ་བོ་སྤྲིན་གྱི་དབྱངས་ཞེས་བྱ་བ་བཞུགས་སོ། །དེའི་སྟེང་ན་འཇིག་རྟེན་གྱི་ཁམས་པདྨོའི་ཚལ་གྱི་སྙིང་པོ་ཞེས་བྱ་བ་ཡོད་དེ། དེ་ན་དེ་བཞིན་གཤེགས་པ་ང་རོ་རྣམ་གྲགས་རྒྱལ་མཚན་ཞེས་བྱ་བ་བཞུགསོ། །
དེའི་སྟེང་ན་འཇིག་རྟེན་གྱི་ཁམས་རིན་པོ་ཆེ་ཐམས་ཅད་ཀྱི་འོད་རབ་ཏུ་འགྱེད་པའི་རྒྱན་ཅེས་བྱ་བ་ཡོད་དེ། དེ་ན་དེ་བཞིན་གཤེགས་པ་སྤྱན་རས་གཟིགས་པའི་སྤྱན་གྱི་མཐུ་རྣམས་ཕྱུང་བ་ཞེས་བྱ་བ་བཞུགས་སོ། །
དེའི་སྟེང་ན་འཇིག་རྟེན་གྱི་ཁམས་ཤུགས་བཟང་པོའི་ཟེ་བ་དྲི་མ་མེད་པ་ཞེས་བྱ་བ་ཡོད་དེ། དེ་ན་དེ་བཞིན་གཤེགས་པ་མི་ཟད་པའི་ཡེ་ཤེས་རྡོ་རྗེའི་དཔལ་ཞེས་བྱ་བ་བཞུགས་སོ། །དེའི་སྟེང་ན་འཇིག་རྟེན་གྱི་
ཁམས་པད་མོའི་གྲོང་ཁྱེར་གྱི་རྒྱན་ཅེས་བྱ་བ་ཡོད་དེ། དེ་ན་དེ་བཞིན་གཤེགས་པ་ཀུན་ཏུ་སྤྱན་ཉི་མའི་སྙིང་པོ་སྣང་བ་ཞེས་བྱ་བ་བཞུགསོ། །དེའི་སྟེང་ན་འཇིག་རྟེན་གྱི་ཁམས་ཤིང་གི་ཕུང་པོ་ཚད་མེད་པ་ཞེས་
བྱ་བ་ཡོད་དེ། དེ་ན་དེ་བཞིན་གཤེགས་པ་ཆོས་ཐམས་ཅད་ཀྱི་འབྲུག་སྒྲའི་གསུང་ཞེས་བྱ་བ་བཞུགས་སོ། །དེའི་སྟེང་ན་འཇིག་རྟེན་གྱི་ཁམས་ཤིང་གི་རྣམ་པར་རོལ་པ་བརྗོད་པ་ཞེས་བྱ་བ་ཡོད་དེ། དེ་ན་དེ་བཞིན་
གཤེགས་པ་ཡེ་ཤེས་ཚད་མེད་པའི་མེ་ཏོག་ཤིན་ཏུ་རྒྱས་པའི་གཟི་བརྗིད་ཅེས་བྱ་བ་བཞུགསོ། །དེའི་སྟེང་ན་འཇིག་རྟེན་གྱི་ཁམས་ཨུཏྤ་ལའི་འདབ་མ་ལ་རྟེན་པ་ཞེས་བྱ་བ་ཡོད་དེ། དེ་ན་དེ་བཞིན་གཤེགས་
པ་བསོད་ནམས་ཐམས་ཅད་ཀྱི་རི་བོ་ཤིན་ཏུ་འཕགས་པ་ཞེས་བྱ་བ་བཞུགས་སོ། །དེའི་སྟེང་ན་འཇིག་རྟེན་གྱི་ཁམས་རླུང་མཉམ་པར་འཛིན་པ་ཞེས་བྱ་བ་ཡོད་དེ། དེ་ན་དེ་བཞིན་གཤེགས་པ་དབང་པོའི་

72-1-142a

ཉི་མའི་གཟི་བརྗིད་ཅེས་བྱ་བ་བཞུགས་སོ། །དེའི་སྟེང་ན་འཇིག་རྟེན་གྱི་ཁམས་སྣང་བ་ཡོངས་སུ་སྟོན་པ་བྱ་བ་ཡོད་དེ། དེ་ན་དེ་བཞིན་གཤེགས་པ་འོད་གཟེར་གསལ་བ་སྐུ་ཡི་འོད་ཅེས་བྱ་བ་བཞུགསོ། །
དེའི་སྟེང་ན་འཇིག་རྟེན་གྱི་ཁམས་སྤོས་ཀྱི་སྒྲ་རྡོ་རྗེ་རྣམ་པར་སྣང་བ་ཞེས་བྱ་བ་ཡོད་དེ། དེ་ན་དེ་བཞིན་གཤེགས་པ་པདྨའི་མཚན་ཉིད་ཀྱི་མེ་ཏོག་ཤིན་ཏུ་རྒྱས་པ་ཞེས་བྱ་བ་བཞུགས་སོ། །དེའི་སྟེང་ན་འཇིག་རྟེན་གྱི་
ཁམས་སངས་རྒྱས་ཀྱི་ཞིང་གི་རྡུལ་ཤིན་ཏུ་ཕྲ་བ་སྙེད་འདས་པ་ན། འཇིག་རྟེན་གྱི་ཁམས་མིག་འཕྲུལ་གྱི་རྒྱན་ལ་རབ་ཏུ་གནས་པ་ཞེས་བྱ་བ། འཇིག་རྟེན་གྱི་ཁམས་སངས་རྒྱས་ཀྱི་ཞིང་ཉི་ཤུའི་རྡུལ་
ཤིན་ཏུ་ཕྲ་བ་སྙེད་ཀྱི་འཁོར་གྱིས་བསྐོར་བ་གཅིག་ཏུ་དག་པ། སྟེགས་བུ་རྒྱ་མཚོའི་དབྱིབས་ལྟར་འདུག་པ། རྒྱན་ཐམས་ཅད་ཀྱི་རྒྱ་མཚོ་ལ་རབ་ཏུ་གནས་པ། འོད་གཟེར་གྱི་ཁང་པ་བརྩེགས་པའི་
སྤྲིན་གྱིས་ཀུན་ནས་ཡོག་པ་ཡོད་དེ། དེ་ན་དེ་བཞིན་གཤེགས་པ་སྤྲིན་བཟང་པོས་མི་བཞིངས་པ་སྟོན་པ་ཞེས་བྱ་བ་བཞུགས་སོ། །དེ་ནས་ལྷོ་ཕྱོགས་ལོགས་ན་སྤོས་ཆུའི་རྒྱ་མཚོ་རིན་པོ་ཆེ་དང་ལྡན་པའི་
རྒྱན་ཅེས་བྱ་བ་ཡོད་དེ། དེ་ལས་འཇིག་རྟེན་གྱི་ཁམས་ཀྱི་རྒྱུད་དྲི་མ་མེད་ཅིང་ཡོངས་སུ་གསལ་བ་ཞེས་བྱ་བ་རྡུལ་ཐམས་ཅད་ལ་སངས་རྒྱས་ཀྱི་ཞིང་གི་རྣམ་པར་འཕྲུལ་བ་ཤིན་ཏུ་སྒྲོག་པའི་ལྷུན་ཅན་མངོན་
པར་བྱུང་སྟེ། དེ་ཐམས་ཅད་ཀྱི་འོག་ན་འཇིག་རྟེན་གྱི་ཁམས་གཞི་མཉམ་པ་དྲི་མ་མེད་པར་རྣམ་པ་སྣ་ཚོགས་ཤེས་བྱ་བ་འཇིག་རྟེན་གྱི་ཁམས་སངས་རྒྱས་ཀྱི་ཞིང་གི་རྡུལ་ཤིན་ཏུ་ཕྲ་བ་སྙེད་ཀྱི་འཁོར་གྱིས་
བསྐོར་བ། རིན་པོ་ཆེའི་འབྱུང་གནས་ཀྱི་དབྱིབས་ལྟར་འདུག་པ། གཅིག་ཏུ་དག་པ་རིན་པོ་ཆེ་ཐམས་ཅད་ཀྱི་འོད་ཀྱི་དཀྱིལ་འཁོར་ཀྱི་རྒྱ་མཚོ་ལ་རབ་ཏུ་གནས་པ། ཙན་དན་དང་ནོར་བུ་དང་མུ་ཏིག་

72-1-142b

གི་གདུགས་སྣ་ཚོགས་ཀྱི་ཀུན་ནས་ཡོག་པ་ཡོད་དེ། དེ་ན་དེ་བཞིན་གཤེགས་པ་ཐུབ་པ་མེད་ཅིང་མཉམ་པ་མེད་པའི་དཔལ་ཞེས་བྱ་བ་བཞུགས་སོ། །དེའི་སྟེང་ན་འཇིག་རྟེན་གྱི་ཁམས་སངས་རྒྱས་
ཀྱི་ཞིང་གི་རྡུལ་ཤིན་ཏུ་ཕྲ་བ་སྙེད་འདས་པ་ན། འཇིག་རྟེན་གྱི་ཁམས་རབ་ཏུ་འབར་བ་སྣ་ཚོགས་ཀྱིས་རྣམ་པར་བརྒྱན་པ་ཞེས་བྱ་བ་ཡོད་དེ། དེ་ན་དེ་བཞིན་གཤེགས་པ་དགེ་བའི་བློ་གྲོས་པདྨོ་མངོན་པར་
མཁྱེན་པའི་རྒྱལ་པོ་ཞེས་བྱ་བ་བཞུགས་སོ། །གཞུང་དེ་བཞིན་དུ་དེའི་སྟེང་ན་འཇིག་རྟེན་གྱི་ཁམས་ཚོན་གྱི་མཚན་ཉིད་འཁོར་ལོའི་རྒྱལ་མཚན་ཞེས་བྱ་བ་ཡོད་དེ། དེ་ན་དེ་བཞིན་གཤེགས་པ་ཕྱོགས་
བཅུར་ཡོན་ཏན་རྒྱ་ཆེན་པོ་རྣམ་པར་གྲགས་པའི་འོད་གཟེར་མི་ཟད་པ་ཞེས་བྱ་བ་བཞུགས་སོ། །དེའི་སྟེང་ན་འཇིག་རྟེན་གྱི་ཁམས་འོད་འཕྲོ་བ་རབ་ཏུ་བརྟེན་པ། རིན་པོ་ཆེའི་སྙིང་པོའི་རྒྱན་ཅེས་བྱ་བ་ཡོད་དེ། 
དེ་ན་དེ་བཞིན་གཤེགས་པ་ཡེ་ཤེས་ཆེན་པོ་བལྟ་ན་དགའ་བ་མཉན་ན་དོན་ཡོད་པ་ཞེས་བྱ་བ་བཞུགས་སོ། །དེའི་སྟེང་ན་འཇིག་རྟེན་གྱི་ཁམས་དཔལ་གྱི་མེ་ཏོག་ལེགས་པར་བསྩགས་པ་ཞེས་བྱ་བ་ཡོད་དེ་
དེ་ན་དེ་བཞིན་གཤེགས་པ་སྟོབས་དང་ཡེ་ཤེས་ཚད་མེད་པའི་གཙོ་བོ་ཞེས་བྱ་བ་བཞུགསོ། །དེའི་སྟེང་ན་འཇིག་རྟེན་གྱི་ཁམས་དག་པ་སྣ་ཚོགས་ཀྱི་མཚོན་འབྱུང་བ་ཞེས་བྱ་བ་ཡོད་དེ། དེ་ན་དེ་བཞིན་གཤེགས་
པ་ཚངས་པའི་དཔལ་ཡང་དག་པར་འབྱུང་བ་ཞེས་བྱ་བ་བཞུགས་སོ། །དེའི་སྟེང་ན་འཇིག་རྟེན་གྱི་ཁམས་སྤོས་ཀྱི་སྤྲུལ་པ་ཀུན་ཏུ་འོད་ཅེས་བྱ་བ་ཡོད་དེ། དེ་ན་དེ་བཞིན་གཤེགས་པ་སྤོས་ཀྱི་གླང་པོ་
ཕྱག་ན་རྡོ་རྗེ་ཞེས་བྱ་བ་བཞུགས་སོ། །དེའི་སྟེང་ན་འཇིག་རྟེན་གྱི་ཁམས་སྣང་བའི་གཙུག་ཅེས་བྱ་བ་ཡོད་དེ། དེ་ན་དེ་བཞིན་གཤེགས་པ་དོན་གྲུབ་པ་ཤིན་ཏུ་གྲགས་པ་ཞེས་བྱ་བ་བཞུགསོ། །

72-1-143a

དེའི་སྟེང་ན་འཇིག་རྟེན་གྱི་ཁམས་རིན་པོ་ཆེའི་ཕྲེང་བ་རྒྱ་མཚོ་ཞེས་བྱ་བ་ཡོད་དེ། དེ་ན་དེ་བཞིན་གཤེགས་པ་རྣམ་པར་སྣང་མཛད་འཕྲུལ་པ་ལས་མངོན་པར་བྱུང་བའི་གཟི་བརྗིད་ཅེས་བྱ་བ་
བཞུགས་སོ། །དེའི་སྟེང་ན་འཇིག་རྟེན་གྱི་ཁམས་སངས་རྒྱས་ཀྱི་ཞིང་གི་རྡུལ་ཤིན་ཏུ་ཕྲ་བ་སྙེད་འདས་པ་ན། འཇིག་རྟེན་གྱི་ཁམས་མེ་ཏོག་དཔལ་གྱི་མར་མེའི་རྒྱལ་མཚན་ཞེས་བྱ་བ་ཡོད་དེ། 
དེ་ན་དེ་བཞིན་གཤེགས་པ་ཡོན་ཏན་གྱི་སྒྲོན་མ་ཤིན་ཏུ་ཆགས་པ་མེད་པའི་བློ་གྲོས་ཞེས་བྱ་བ་བཞུགས་སོ། །དེའི་སྟེང་ན་འཇིག་རྟེན་གྱི་ཁམས་ཚུལ་བཟང་པོའི་སྒོ་སྣ་ཚོགས་ཞེས་བྱ་བ་ཡོད་དེ། 
དེ་ན་དེ་བཞིན་གཤེགས་པ་ཕ་རོལ་ཏུ་ཕྱིན་པ་དྲི་མ་མེད་པའི་ཟླ་བ་ཞེས་བྱ་བ་བཞུགས་སོ། །དེའི་སྟེང་ན་འཇིག་རྟེན་གྱི་ཁམས་ཙན་དན་གྱི་ཟེ་བའི་འོད་ཅེས་བྱ་བ་ཡོད་དེ། དེ་ན་དེ་བཞིན་གཤེགས་པ་
ཆོས་ཀྱི་དབྱིངས་ཀྱི་གསུང་ཚད་མེད་པའི་བློ་གྲོས་ཞེས་བྱ་བ་བཞུགས་སོ། །དེའི་སྟེང་ན་འཇིག་རྟེན་གྱི་ཁམས་མེ་ཏོག་ཡོངས་སུ་དག་པའི་གློང་གི་དཀྱིལ་འཁོར་ཅེས་བྱ་བ་ཡོད་དེ། དེ་ན་དེ་བཞིན་
གཤེགས་པ་ཆོས་ཀྱི་དབྱིངས་ཉི་མའི་འོད་གཟེར་ཅེས་བྱ་བ་བཞུགས་སོ། །དེའི་སྟེང་ན་འཇིག་རྟེན་གྱི་ཁམས་མཛེས་པའི་དཔལ་ཞེས་བྱ་བ་ཡོད་དེ། དེ་ན་དེ་བཞིན་གཤེགས་པ་ཡོན་ཏན་རྒྱ་
མཚོ་མཐའ་དང་དབུས་མེད་པའི་ཆོས་ཀྱི་འཁོར་ལོ་རབ་ཏུ་སྒྲོག་པ་ཞེས་བྱ་བ་བཞུགས་སོ། །དེའི་སྟེང་ན་འཇིག་རྟེན་གྱི་ཁམས་རིན་པོ་ཆེའི་པདྨོའི་ནགས་ཚལ་ཡང་དག་པར་གནས་པ་ཞེས་བྱ་བ་
ཡོད་དེ། དེ་ན་དེ་བཞིན་གཤེགས་པ་ཡེ་ཤེས་བསམ་གྱིས་མི་ཁྱབ་པ་ཡང་དག་པར་སྟོན་པ་ཞེས་བྱ་བ་བཞུགས་སོ། །དེའི་སྟེང་ན་འཇིག་རྟེན་གྱི་ཁམས་རྡོ་རྗེ་རིན་པོ་ཆེ་གཞི་མཉམ་པ་ཞེས་བྱ་བ་

72-1-143b

ཡོད་དེ། དེ་ན་དེ་བཞིན་གཤེགས་པ་རིན་པོ་ཆེའི་དཔལ་གྱི་འོད་གཟི་བརྗིད་ཀྱི་རྒྱལ་པོ་ཞེས་བྱ་བ་བཞུགས་སོ། །དེའི་སྟེང་ན་འཇིག་རྟེན་གྱི་ཁམས་སྤོས་དང་ནོར་བུ་ཤིན་ཏུ་མང་བ་ཞེས་བྱ་བ་ཡོད་དེ། 
དེ་ན་དེ་བཞིན་གཤེགས་པ་བསོད་ནམས་རྒྱ་མཚོ་མི་ཟད་པའི་རྒྱན་དམ་པ་ཞེས་བྱ་བ་བཞུགས་སོ། །དེའི་སྟེང་ན་འཇིག་རྟེན་གྱི་ཁམས་འོད་ཤིན་ཏུ་ཕྲ་བ་ཞེས་བྱ་བ་ཡོད་དེ། དེ་ན་དེ་བཞིན་གཤེགས་པ་
སྟོབས་གཞལ་དུ་མེད་པའི་དབྱངས་ཀུན་ཏུ་བརྗོད་པ་ཞེས་བྱ་བ་བཞུགས་སོ། །དེའི་སྟེང་ན་འཇིག་རྟེན་གྱི་ཁམས་སངས་རྒྱས་ཀྱི་ཞིང་གི་རྡུལ་ཤིན་ཏུ་ཕྲ་བ་སྙེད་འདས་པ་ན། འཇིག་རྟེན་གྱི་ཁམས་བརྟན་
པར་བསྒྲུབ་པ་ཕྱོགས་ཐམས་ཅད་དུ་རབ་ཏུ་སྣང་བ་ཞེས་བྱ་བ་འཇིག་རྟེན་གྱི་ཁམས་སངས་རྒྱས་ཀྱི་ཞིང་གི་རྡུལ་ཤིན་ཏུ་ཕྲ་བ་སྙེད་ཀྱི་འཁོར་གྱིས་བསྐོར་བ། གཅིག་ཏུ་དག་པ་རིན་པོ་ཆེའི་ཡིད་བཞིན་གྱི་
རྒྱལ་པོ་ཡན་ལག་བརྒྱད་དུ་རྣམ་པར་ཕྱེ་བའི་འཁོར་ལོ་རྒྱ་མཚོ་ལ་རབ་ཏུ་གནས་པ། རིན་པོ་ཆེའི་རྒྱན་ཐམས་ཅད་བླ་རེའི་སྤྲིན་གྱིས་ཀུན་ནས་ཡོག་པ་ཡོད་དེ། དེ་ན་དེ་བཞིན་གཤེགས་པ་ཀུན་ཏུ་སྤྱན་
ཡོངས་སུ་བསྩལ་བའི་སྒྲོན་མ་ཞེས་བྱ་བ་བཞུགས་སོ། །དེ་ནས་ལྷོ་ཕྱོགས་ལོགས་ན་སྤོས་ཆུའི་རྒྱ་མཚོ་རིན་པོ་ཆེ་རྡོ་རྗེ་ལྟར་བརྟན་པ་ཞེས་བྱ་བ་ཡོད་དེ། དེ་ལ་འཇིག་རྟེན་གྱི་ཁམས་ཀྱི་རྒྱུད་ཆོས་ཀྱི་
དབྱིངས་ཀྱི་སྤྱོད་པ་ཞེས་བྱ་བ་བྱང་ཆུབ་སེམས་དཔའ་ཐམས་ཅད་ཀྱི་ཆོས་ཀྱི་ཚུལ་དང་། ས་ཤིན་ཏུ་སྒྲོག་པའི་ལྷུན་ཅན་རབ་ཏུ་གནས་ཏེ། དེ་ཐམས་ཅད་ཀྱི་འོག་ན་འཇིག་རྟེན་གྱི་ཁམས་གཟི་བརྗིད་
ཤིན་ཏུ་དག་པ་ཞེས་བྱ་བ་འཇིག་རྟེན་གྱི་ཁམས་སངས་རྒྱས་ཀྱི་ཞིང་གི་རྡུལ་ཤིན་ཏུ་ཕྲ་བ་སྙེད་ཀྱི་འཁོར་གྱིས་བསྐོར་བ་གཅིག་ཏུ་དག་པ་མུ་ཏིག་བསྒྱུལ་བའི་དབྱིབས་སུ་འདུག་པ། རིན་པོ་ཆེ་ཐམས་ཅད་

72-1-144a

ཀྱི་ཁ་དོག་ལྟ་བུའི་མུ་ཏིག་གི་ཕྲེང་བའི་རྒྱ་མཚོ་ལ་རབ་ཏུ་གནས་པ། ནོར་བུའི་རྒྱལ་པོ་བྱང་ཆུབ་སེམས་དཔའི་གཙུག་ཕུད་རབ་ཏུ་སྣང་བའི་སྤྲིན་གྱིས་ཀུན་ནས་ཡོག་པ་ཡོད་དེ། དེ་ན་དེ་བཞིན་
གཤེགས་པ་ཡོན་ཏན་ཤིན་ཏུ་སྣང་བ་ཞེས་བྱ་བ་བཞུགས་སོ། །དེའི་སྟེང་ན་འཇིག་རྟེན་གྱི་ཁམས་སངས་རྒྱས་ཀྱི་ཞིང་གི་རྡུལ་ཤིན་ཏུ་ཕྲ་བ་སྙེད་འདས་པ་ན། འཇིག་རྟེན་གྱི་ཁམས་ཡིད་དུ་འོང་བས་ཁྱབ་པ་
ཞེས་བྱ་བ་ཡོད་དེ། དེ་ན་དེ་བཞིན་གཤེགས་པ་ཆོས་ཀྱི་དབང་ཕྱུག་སྤྱོད་པའི་བློ་གྲོས་ཞེས་བྱ་བ་བཞུགསོ། །གཞུང་དེ་བཞིན་དུ་དེའི་སྟེང་ན་འཇིག་རྟེན་གྱི་ཁམས་རིན་པོ་ཆེའི་སེང་གེའི་ཁྲིས་བརྒྱན་པ་ཞེས་བྱ་བ་
ཡོད་དེ། དེ་ན་དེ་བཞིན་གཤེགས་པ་ཀླུ་འབྲུག་ཆེན་པོས་གསལ་བ་ཞེས་བྱ་བ་བཞུགས་སོ། །དེའི་སྟེང་ན་འཇིག་རྟེན་གྱི་ཁམས་རྡོ་རྗེའི་བརྟེན་པ་ཡང་དག་པར་འབྱུང་བ་ཞེས་བྱ་བ་ཡོད་དེ། དེ་ན་དེ་བཞིན་གཤེགས་པ་
སེང་གེའི་ཁྲི་པདྨོ་གནོན་པའི་ལྟེ་བ་ཞེས་བྱ་བ་བཞུགས་སོ། །དེའི་སྟེང་ན་འཇིག་རྟེན་གྱི་ཁམས་དཔལ་གྱི་དབྱངས་པདྨོ་ཅན་ཞེས་བྱ་བ་ཡོད་དེ། དེ་ན་དེ་བཞིན་གཤེགས་པ་ཡེ་ཤེས་ཀྱི་ཕུང་པོ་རྣམ་པར་
སངས་རྒྱས་པའི་འོད་ཟེར་ཅེས་བྱ་བ་བཞུགསོ། །དེའི་སྟེང་ན་འཇིག་རྟེན་གྱི་ཁམས་རབ་ཏུ་རྣམ་པར་ཕྱེ་བ་ཞེས་བྱ་བ་ཡོད་དེ། དེ་ན་དེ་བཞིན་གཤེགས་པ་ས་འཛིན་གཟི་བརྗིད་བཟང་པོའི་རྒྱན་ཅེས་བྱ་བ་
བཞུགས་སོ། །དེའི་སྟེང་ན་འཇིག་རྟེན་གྱི་ཁམས་དགའ་བ་དང་། བདེ་བའི་སྒྲ་ཞེས་བྱ་བ་ཡོད་དེ། དེ་ན་དེ་བཞིན་གཤེགས་པ་ཤིན་ཏུ་ཡང་དག་པར་གནས་པའི་ཆོས་ཀྱི་སྒྲོན་མའི་རྒྱལ་པོ་ཞེས་བྱ་བ་
བཞུགསོ། །དེའི་སྟེང་ན་འཇིག་རྟེན་གྱི་ཁམས་མིག་འཕྲུལ་གྱི་ནོར་བུའི་མཛོད་ཀྱི་སྙིང་པོ་ཞེས་བྱ་བ་ཡོད་དེ། དེ་ན་དེ་བཞིན་གཤེགས་པ་བལྟ་ན་དོན་ཡོད་ཅིང་དག་པར་མཛད་པ་ཞེས་བྱ་བ་བཞུགསོ། །

72-1-144b

དེའི་སྟེང་ན་འཇིག་རྟེན་གྱི་ཁམས་སྣ་ཚོགས་ཀྱི་སྙིང་པོ་ཞེས་བྱ་བ་ཡོད་དེ། དེ་ན་དེ་བཞིན་གཤེགས་པ་འོད་འཕྲོ་བའི་ཚོགས་ཀྱི་རྒྱལ་མཚན་ཞེས་བྱ་བ་བཞུགས་སོ། །དེའི་སྟེང་ན་འཇིག་རྟེན་གྱི་ཁམས་གསེར་གྱི་
འོད་ཀྱི་འཁོར་ལོ་ཞེས་བྱ་བ་ཡོད་དེ། དེ་ན་དེ་བཞིན་གཤེགས་པ་སེམས་ཅན་གྱི་སྤྱོད་པ་དག་པར་མཛད་པ་ཞེས་བྱ་བ་བཞུགསོ། །དེའི་སྟེང་ན་འཇིག་རྟེན་གྱི་ཁམས་རི་རབ་རྣམ་པར་བྲེས་པ་ཞེས་བྱ་བ་ཡོད་དེ། 
དེ་ན་དེ་བཞིན་གཤེགས་པ་ཡོན་ཏན་ཐམས་ཅད་ཀྱི་སྤྲིན་ཀུན་ཏུ་སྣང་བ་ཞེས་བྱ་བ་བཞུགསོ། །དེའི་སྟེང་ན་འཇིག་རྟེན་གྱི་ཁམས་ཤིང་གི་ཚོགས་ཤེས་བྱ་བ་ཡོད་དེ། དེ་ན་དེ་བཞིན་གཤེགས་པ་མཚན་རིན་པོ་ཆེའི་
མེ་ཏོག་ཤིན་ཏུ་རྒྱས་པའི་ཟླ་བའི་བློ་ཞེས་བྱ་བ་བཞུགསོ། །དེའི་སྟེང་ན་འཇིག་རྟེན་གྱི་ཁམས་འཇིགས་པ་མེད་པ་ཞེས་བྱ་བ་ཡོད་དེ། དེ་ན་དེ་བཞིན་གཤེགས་པ་འོད་དམ་པའི་གསེར་གྱི་སྒྲོན་མ་ཞེས་བྱ་བ་བཞུགསོ། །
དེའི་སྟེང་ན་འཇིག་རྟེན་གྱི་ཁམས་ལྷའི་གྲགས་པ་དཔལ་གྱི་རྒྱལ་མཚན་ཞེས་བྱ་བ་ཡོད་དེ། དེ་ན་དེ་བཞིན་གཤེགས་པ་ཆོས་རྒྱ་མཚོ་ཐམས་ཅད་རྣམ་པར་བརྩིགས་པ་ཐ་དད་པ་མེད་པའི་འོད་ཟེར་ཅེས་བྱ་བ་
བཞུགསོ། །དེའི་སྟེང་ན་འཇིག་རྟེན་གྱི་ཁམས་ནོར་བུའི་གོ་ཅ་ཡོངས་སུ་འབྱུང་བ་ཞེས་བྱ་བ་ཡོད་དེ། དེ་ན་དེ་བཞིན་གཤེགས་པ་སྤྲུལ་པ་ཉི་མ་ཞེས་བྱ་བ་བཞུགསོ། །དེའི་སྟེང་ན་འཇིག་རྟེན་གྱི་ཁམས་
འོད་འཕྲོ་བས་རབ་ཏུ་བརྒྱན་པའི་སྒྲོན་མ་ཞེས་བྱ་བ་ཡོད་དེ། དེ་ན་དེ་བཞིན་གཤེགས་པ་རིན་པོ་ཆེའི་གདུགས་ཀྱི་དཔལ་རྣམ་པར་སྣང་བ་ཞེས་བྱ་བ་བཞུགས་སོ། །དེའི་སྟེང་ན་འཇིག་རྟེན་གྱི་ཁམས་སྤོས་
ཀྱི་ན་བུན་གྱི་འོད་ཟེར་ཅེས་བྱ་བ་ཡོད་དེ། དེ་ན་དེ་བཞིན་གཤེགས་པ་བློ་གྲོས་དམ་པས་དགོངས་པ་ཞེས་བྱ་བ་བཞུགསོ། །དེའི་སྟེང་ན་འཇིག་རྟེན་གྱི་ཁམས་ཁོན་མེད་པའི་སྒོ་ཞེས་བྱ་བ་ཡོད་དེ། 

72-1-145a

དེ་ན་དེ་བཞིན་གཤེགས་པ་བརྩོན་འགྲུས་ཀྱི་དཔལ་བློ་གྲོས་རྒྱ་མཚོ་ཞེས་བྱ་བ་བཞུགས་སོ། །དེའི་སྟེང་ན་འཇིག་རྟེན་གྱི་ཁམས་རྒྱན་ཐམས་ཅད་ཀྱི་རྒྱལ་མཚན་གྱིས་བརྒྱན་པའི་འོད་ཅེས་བྱ་བ་ཡོད་དེ། 
དེ་ན་དེ་བཞིན་གཤེགས་པ་དགོངས་པ་པདྨོས་ཀུན་ཏུ་རྣམ་པར་འཕྲུལ་པ་ཞེས་བྱ་བ་བཞུགསོ། །དེའི་སྟེང་ན་འཇིག་རྟེན་གྱི་ཁམས་སངས་རྒྱས་ཀྱི་ཞིང་གི་རྡུལ་ཤིན་ཏུ་ཕྲ་བ་སྙེད་འདས་པ་ན། འཇིག་
རྟེན་གྱི་ཁམས་མཛོད་སྤུས་བསྒྲུབ་པའི་མཚན་ཅེས་བྱ་བ་འཇིག་རྟེན་གྱི་ཁམས་སངས་རྒྱས་ཀྱི་ཞིང་གི་རྡུལ་ཤིན་ཏུ་ཕྲ་བ་སྙེད་ཀྱི་འཁོར་གྱིས་བསྐོར་བ། གཅིག་ཏུ་དག་པ་ཟླ་བ་ཁམས་པའི་དབྱིབས་ལྟར་འདུག་
པ་རིན་པོ་ཆེའི་མེ་ཏོག་གི་རི་རབ་ལ་རབ་ཏུ་གནས་པ། ནོར་བུའི་རྒྱལ་པོ་རྒྱན་ཐམས་ཅད་འབར་བའི་འོད་ཀྱི་སྤྲིན་གྱིས་ཀུན་ནས་ཡོག་པ་ཡོད་དེ། དེ་ན་དེ་བཞིན་གཤེགས་པ་སྤྱན་རྣམ་པར་དག་པ་ཞེས་བྱ་བ་
བཞུགས་སོ། །དེ་ནས་ལྷོ་ཕྱོགས་ལོགས་ན་སྤོས་ཆུའི་རྒྱ་མཚོ་ལྷའི་གྲོང་ཁྱེར་རིན་པོ་ཆེའི་ཤིང་ལྟས་རྒྱན་པ་ཞེས་བྱ་བ་ཡོད་དེ། དེ་ལ་འཇིག་རྟེན་གྱི་ཁམས་ཀྱི་རྒྱུད་མར་མེའི་འོད་ཟེར་སྣང་བ་ཞེས་བྱ་བ་
རྣམ་པར་སྣང་མཛད་གཞན་དང་གཞན་ཐམས་ཅད་ཀྱི་འཁོར་ལོ་ཐ་མི་དད་པའི་དབྱངས་ཀྱི་ལྷུན་ཅན་རབ་ཏུ་གནས་ཏེ། དེ་ཐམས་ཅད་ཀྱི་འོག་ན་འཇིག་རྟེན་གྱི་ཁམས་རིན་པོ་ཆེའི་ཟླ་བ་འཕྲོ་བ་ཞེས་བྱ་བ་འཇིག་
རྟེན་གྱི་ཁམས་སངས་རྒྱས་ཀྱི་ཞིང་གི་རྡུལ་ཤིན་ཏུ་ཕྲ་བ་སྙེད་ཀྱི་འཁོར་གྱིས་བསྐོར་བ། གཅིག་ཏུ་དག་པ་རྒྱན་ཐམས་ཅད་ཀྱི་དབྱིབས་ལྟར་འདུག་པ། རིན་པོ་ཆེའི་རྒྱན་རྒྱ་མཚོ་དང་ཐམས་ཅད་ལ་རབ་ཏུ་
གནས་པ། བཻ་དུརྱ་དང་དངུལ་གྱི་སེང་གེའི་ཁྲི་སྤྲིན་གྱིས་ཀུན་ནས་ཡོག་པ་ཡོད་དེ། དེ་ན་དེ་བཞིན་གཤེགས་པ་ཟླ་བའི་འོད་ལྟར་དག་པ་མེད་པ་ཞེས་བྱ་བ་བཞུགས་སོ། །དེའི་སྟེང་ན་འཇིག་རྟེན་གྱི་

72-1-145b

ཁམས་སངས་རྒྱས་ཀྱི་ཞིང་གི་རྡུལ་ཤིན་ཏུ་ཕྲ་བ་སྙེད་འདས་པ་ན། འཇིག་རྟེན་གྱི་ཁམས་རིན་པོ་ཆེའི་འོད་ཀྱི་རི་བོ་འབྱུང་བ་ཞེས་བྱ་བ་ཡོད་དེ། དེ་ན་དེ་བཞིན་གཤེགས་པ་ཆོས་མི་ཟད་པའི་རྒྱ་མཚོ་རིན་པོ་ཆེའི་
རྒྱལ་མཚན་ཞེས་བྱ་བ་བཞུགས་སོ། །གཞུང་དེ་བཞིན་དུ་དེའི་སྟེང་ན་འཇིག་རྟེན་གྱི་ཁམས་རྒྱལ་མཚན་གྱི་སྒོ་སྣ་ཚོགས་ཀྱི་འོད་ཅེས་བྱ་བ་ཡོད་དེ། དེ་ན་དེ་བཞིན་གཤེགས་པ་མེ་ཏོག་གི་འབྱུང་གནས་རྒྱ་
མཚོ་ཆེན་པོ་ཞེས་བྱ་བ་བཞུགསོ། །དེའི་སྟེང་ན་འཇིག་རྟེན་གྱི་ཁམས་མེ་ཏོག་ཤིན་ཏུ་རྒྱས་པའི་ནོར་བུ་རབ་ཏུ་སྣང་བ་ཞེས་བྱ་བ་ཡོད་དེ། དེ་ན་དེ་བཞིན་གཤེགས་པ་སྐྱེས་བུ་དམ་པའི་དབང་པོའི་དཔལ་
ཞེས་བྱ་བ་བཞུགས་སོ། །དེའི་སྟེང་ན་འཇིག་རྟེན་གྱི་ཁམས་སྒྲ་སྐད་སྣ་ཚོགས་ཤེས་བྱ་བ་ཡོད་དེ། དེ་ན་དེ་བཞིན་གཤེགས་པ་ཐམས་ཅད་མཁྱེན་པ་ཉིད་ཀྱི་འཁོར་ལོ་རྣམ་པར་སྣང་བ་ཞེས་བྱ་བ་བཞུགསོ། །
དེའི་སྟེང་ན་འཇིག་རྟེན་གྱི་ཁམས་ཤིང་མི་འམ་ཅིའི་དབྱངས་ཤེས་བྱ་བ་ཡོད་དེ། དེ་ན་དེ་བཞིན་གཤེགས་པ་ཀླུའི་གྲགས་པ་བསོད་ནམས་ཚད་མེད་པའི་གཟི་བརྗིད་ཅེས་བྱ་བ་བཞུགས་སོ། །དེའི་སྟེང་ན་
འཇིག་རྟེན་གྱི་ཁམས་སྣང་བ་དག་པས་འོད་མཐའ་ཡས་པ་ཞེས་བྱ་བ་ཡོད་དེ། དེ་ན་དེ་བཞིན་གཤེགས་པ་ཡོན་ཏན་རིན་པོ་ཆེའི་ཟེ་བའི་འོད་ཟེར་ཅེས་བྱ་བ་བཞུགསོ། །དེའི་སྟེང་ན་འཇིག་རྟེན་གྱི་ཁམས་
དབྱངས་དམ་པའི་དཔལ་ཞེས་བྱ་བ་ཡོད་དེ། དེ་ན་དེ་བཞིན་གཤེགས་པ་སྟོབས་ཀྱི་རྒྱུད་ཐམས་ཅད་ཀྱི་བློ་གྲོས་ཞེས་བྱ་བ་བཞུགསོ། །དེའི་སྟེང་ན་འཇིག་རྟེན་གྱི་ཁམས་རིན་པོ་ཆེ་རྣམ་པར་ཕྱེ་བའི་
རབ་ཏུ་མང་བ་ཞེས་བྱ་བ་ཡོད་དེ། དེ་ན་དེ་བཞིན་གཤེགས་པ་རིན་པོ་ཆེའི་རི་ཡི་རི་རབ་ཅེས་བྱ་བ་བཞུགསོ། །དེའི་སྟེང་ན་འཇིག་རྟེན་གྱི་ཁམས་ཡོངསུ་སྣང་བའི་གཙུག་གི་རི་རབ་ཀྱི་དབྱངས་ཤེས་

72-1-146a

བྱ་བ་ཡོད་དེ། དེ་ན་དེ་བཞིན་གཤེགས་པ་སྤྱོད་པ་ཐམས་ཅད་ཀྱི་འོད་ཤིན་ཏུ་འཕགས་པ་ཞེས་བྱ་བ་བཞུགས་སོ། །དེའི་སྟེང་ན་འཇིག་རྟེན་གྱི་ཁམས་སྤོས་ཀྱི་ཆར་པ་ཕྲ་མོའི་གདུགས་ཤེས་བྱ་བ་
ཡོད་དེ། དེ་ན་དེ་བཞིན་གཤེགས་པ་ཕ་རོལ་ཏུ་ཕྱིན་པ་ཐམས་ཅད་ལ་ཆགས་པ་མེད་པའི་རྒྱ་མཚོ་ཞེས་བྱ་བ་བཞུགསོ། །དེའི་སྟེང་ན་འཇིག་རྟེན་གྱི་ཁམས་མེ་ཏོག་གི་དྲ་བ་སེང་གེས་རྒྱས་པ་ཞེས་བྱ་
བ་ཡོད་དེ། དེ་ན་དེ་བཞིན་གཤེགས་པ་རིན་པོ་ཆེའི་འོད་འཕྲོ་བའི་སྒོའི་རྒྱལ་མཚན་ཞེས་བྱ་བ་བཞུགསོ། །དེའི་སྟེང་ན་འཇིག་རྟེན་གྱི་ཁམས་རྡོ་རྗེའི་མེ་ཏོག་ཤིན་ཏུ་སྣང་བ་ཞེས་བྱ་བ་ཡོད་དེ། དེ་ན་
དེ་བཞིན་གཤེགས་པ་སྨོན་ལམ་ཐམས་ཅད་ཀྱིས་ཡང་དག་པར་འཕགས་པའི་འོད་ཅེས་བྱ་བ་བཞུགསོ། །དེའི་སྟེང་ན་འཇིག་རྟེན་གྱི་ཁམས་ཆོས་ཐམས་ཅད་ཀྱི་སའི་འོད་ཅེས་བྱ་བ་ཡོད་དེ། དེ་ན་
དེ་བཞིན་གཤེགས་པ་ཆོས་ཐམས་ཅད་ཀྱི་དོན་ཤིན་ཏུ་ཡངས་པའི་གཙུག་ཅེས་བྱ་བ་བཞུགསོ། །དེའི་སྟེང་ན་འཇིག་རྟེན་གྱི་ཁམས་མུ་ཏིག་གི་ཕྱེ་མས་གཞི་མཉམ་པའི་རྒྱན་ཅེས་བྱ་བ་ཡོད་དེ། དེ་ན་དེ་བཞིན་
གཤེགས་པ་འོད་ཟེར་གྱི་དྲ་བ་མཆོག་གི་བློ་གྲོས་ཤེས་བྱ་བ་བཞུགསོ། །དེའི་སྟེང་ན་འཇིག་རྟེན་གྱི་ཁམས་བཻ་ཌཱུརྱའི་ཟེ་བ་ཤིན་ཏུ་འབྱུང་བ་བསམ་གྱིས་མི་ཁྱབ་པ་ཞེས་བྱ་བ་ཡོད་དེ། དེ་ན་དེ་བཞིན་གཤེགས་
པ་རིན་པོ་ཆེ་བརྩེགས་པའི་རྒྱལ་མཚན་ཞེས་བྱ་བ་བཞུགསོ། །དེའི་སྟེང་ན་འཇིག་རྟེན་གྱི་ཁམས་འོད་ཚད་མེད་པའི་འཁོར་ལོ་བཟང་པོ་ཞེས་བྱ་བ་ཡོད་དེ། དེ་ན་དེ་བཞིན་གཤེགས་པ་དོན་ཡེ་ཤེས་ལ་
ཐུབ་པ་མེད་པ་རྒྱ་མཚོའི་སྙིང་པོ་ཞེས་བྱ་བ་བཞུགསོ། །དེའི་སྟེང་ན་འཇིག་རྟེན་གྱི་ཁམས་ཕྱོགས་རྨོངས་པ་མེད་པར་བལྟ་བར་ཞེས་བྱ་བ་ཡོད་དེ། དེ་ན་དེ་བཞིན་གཤེགས་པ་དོན་ཐམས་ཅད་ཡོངསུ་སྦྱངས་

72-1-146b

པའི་ཡོན་ཏན་དཔག་ཏུ་མེད་པ་ཞེས་བྱ་བ་བཞུགས་སོ། །དེའི་སྟེང་ན་འཇིག་རྟེན་གྱི་ཁམས་དགའ་བ་ཚངས་པའི་དབྱངས་ཤེས་བྱ་བ་འཇིག་རྟེན་གྱི་ཁམས་སངས་རྒྱས་ཀྱི་ཞིང་གི་རྡུལ་ཤིན་ཏུ་ཕྲ་བ་སྙེད་ཀྱི་
འཁོར་གྱིས་བསྐོར་བ་གཅིག་ཏུ་དག་པ་སངས་རྒྱས་ཀྱི་ཕྱག་གི་དབྱིབས་ལྟར་འདུག་པ། རིན་པོ་ཆེའི་འོད་ཟེར་གྱི་དྲ་བའི་གློང་གི་རྒྱ་མཚོ་ལ་རབ་ཏུ་གནས་པ། རྒྱན་ཐམས་ཅད་དང་བྱང་ཆུབ་སེམས་དཔའི་ལུས་
ཀྱིས་ཀུན་ནས་ཡོག་པ་ཡོད་དེ། དེ་ན་དེ་བཞིན་གཤེགས་པ་འོད་ལ་ཐོག་པ་མེད་པས་ཆོས་ཀྱི་དབྱིངས་རྣམ་པར་སྣང་མཛད་ཅེས་བྱ་བ་བཞུགསོ། །སྤོས་ཆུའི་རྒྱ་མཚོ་གངས་ཆེན་མཚོ་དྲི་མ་མེད་པའི་འོད་
འཕྲོ་བའི་སྙིང་པོ་ཞེས་བྱ་བ་དེ་དང་འདབ་ཆགསུ་ཤར་ཕྱོགས་ལོག་ན་སྤོས་ཆུའི་རྒྱ་མཚོ་སྤྲུལ་པའི་ལུས་བཟང་པོ་ཞེས་བྱ་བ་ཡོད་དེ། དེ་ལས་འཇིག་རྟེན་གྱི་ཁམས་ཀྱི་རྒྱུད་ཕྱོགས་ཐ་དད་པ་རབ་ཏུ་གནས་
པ་ཞེས་བྱ་བ་མངོན་པར་བྱུང་སྟེ། དེ་དང་འདབ་ཆགསུ་སྤོས་ཆུའི་རྒྱ་མཚོ་རྡོ་རྗེ་མིག་གི་རྒྱལ་མཚན་ཞེས་བྱ་བ་ཡོད་དེ། དེ་ལས་འཇིག་རྟེན་གྱི་ཁམས་ཀྱི་རྒྱུད་ཆོས་ཀྱི་དབྱིངས་ལ་ཡང་དག་པར་འཇུག་པའི་རྒྱན་
ཅེས་བྱ་བ་མངོན་པར་བྱུང་ངོ་། །དེ་དང་འདབ་ཆགསུ་སྤོས་ཆུའི་རྒྱ་མཚོ་པདྨོའི་ཚུལ་རྣམ་པར་བཀོད་པ་ཞེས་བྱ་བ་ཡོད་དེ། དེ་ན་འཇིག་རྟེན་གྱི་ཁམས་ཀྱི་རྒྱུད་ཕྱོགས་བཅུར་སྤྲུལ་པ་རབ་ཏུ་འབྱུང་བ་ཞེས་བྱ་བ་
མངོན་པར་བྱུང་ངོ་། །དེ་དང་འདབ་ཆགསུ་སྤོས་ཆུའི་རྒྱ་མཚོ་རིན་པོ་ཆེའི་རྒྱལ་པོའི་དཀྱིལ་འཁོར་ཅེས་བྱ་བ་ཡོད་དེ། དེ་ལས་འཇིག་རྟེན་གྱི་ཁམས་ཀྱི་རྒྱུད་པདྨོའི་ལོ་མ་སྤྲིན་སྟུག་པོ་ཞེས་བྱ་བ་མངོན་པར་
བྱུང་ངོ་། །དེ་དང་འདབ་ཆགསུ་སྤོས་ཆུའི་རྒྱ་མཚོ་སྤྲུལ་པའི་སྤོས་ཀྱི་འོད་འཕྲོ་བས་ཀུན་ཏུ་བརྒྱན་པ་ཞེས་བྱ་བ་ཡོད་དེ། དེ་ལས་འཇིག་རྟེན་གྱི་ཁམས་ཀྱི་རྒྱུད་རྣམ་པར་སྣང་མཛད་ཀྱི་སྤྲུལ་པ་རྒྱུ་བ་

72-1-147a

ཞེས་བྱ་བ་མངོན་པར་འབྱུང་ངོ་། །དེ་དང་འདབ་ཆགསུ་སྤོས་ཆུའི་རྒྱ་མཚོ་རིན་པོ་ཆེའི་འགྲམ་དུ་འཛམ་བུའི་རྒྱལ་མཚན་ཅེས་བྱ་བ་ཡོད་དེ། དེ་ལས་འཇིག་རྟེན་གྱི་ཁམས་ཀྱི་རྒྱུད་སངས་རྒྱས་ཀྱི་བྱིན་
གྱིས་རླབས་ཀྱི་ཡུལ་ཞེས་བྱ་བ་མངོན་པར་བྱུང་ངོ་། །དེ་དང་འདབ་ཆགསུ་སྤོས་ཆུའི་རྒྱ་མཚོ་ཁ་དོག་ཀུན་ཏུ་འབར་བའི་གཟི་བརྗིད་ཅེས་བྱ་བ་ཡོད་དེ། དེ་ལས་འཇིག་རྟེན་གྱི་ཁམས་ཀྱི་རྒྱུད་རྣམ་པར་སྣང་མཛད་
ཀྱི་འོད་དམ་པ་ཞེས་བྱ་བ་མངོན་པར་བྱུང་ངོ་། །དེ་དང་འདབ་ཆགསུ་ཤར་ཕྱོགས་ལོག་ན་སྤོས་ཆུའི་རྒྱ་མཚོ་རྒྱན་ཐམས་ཅད་ཀྱི་ཡུལ་བརྒྱན་པ་ཞེས་བྱ་བ་ཡོད་དེ། དེ་ལས་འཇིག་རྟེན་གྱི་ཁམས་ཀྱི་རྒྱུད་རིན་པོ་ཆེ་
འོད་འཕྲོ་བའི་ལྕེ་རབ་ཏུ་སྣང་བ་ཤིན་ཏུ་འཕྲོ་བ་ཞེས་བྱ་བ་མངོན་པར་བྱུང་སྟེ། དེ་དག་ལ་སྩོགས་པ་སྤོས་ཆུའི་རྒྱ་མཚོ་སངས་རྒྱས་ཀྱི་ཞིང་བརྗོད་དུ་མེད་པ་ཡང་བརྗོད་དུ་མེད་པའི་རྡུལ་ཤིན་ཏུ་ཕྲ་བ་སྙེད་ཀྱི་ཕྱི་
རོལ་ཤར་ཕྱོགས་ཀྱི་འཁོར་ཡུག་གི་མཚམས་ན་སྤོས་ཆུའི་རྒྱ་མཚོ་གཞི་དང་སྙིང་པོ་ཤེལ་ཅེས་བྱ་བ་ཡོད་དེ། དེ་ལས་འཇིག་རྟེན་གྱི་ཁམས་ཀྱི་རྒྱུད་ལས་གྲོལ་བའི་འོད་ཅེས་བྱ་བ་འཇིག་རྟེན་གྱི་ཁམས་རྒྱ་
མཚོ་ཡོངས་སུ་དག་པའི་བསྐལ་པ་རྒྱ་མཚོའི་དབྱངས་ཀྱི་ལྷུན་ཅན་མངོན་པར་བྱུང་སྟེ། དེ་ཐམས་ཅད་ཀྱི་འོག་ན་འཇིག་རྟེན་གྱི་ཁམས་དྲི་མ་མེད་ཅིང་ཡིད་དུ་འོང་བའི་རྒྱལ་མཚན་ཞེས་བྱ་བ་འཇིག་རྟེན་
གྱི་ཁམས་སངས་རྒྱས་ཀྱི་ཞིང་གི་རྡུལ་ཤིན་ཏུ་ཕྲ་བ་སྙེད་ཀྱི་འཁོར་གྱིས་བསྐོར་བ་གཅིག་ཏུ་དག་པ་ཡོད་དེ། དེ་ན་དེ་བཞིན་གཤེགས་པ་མངོན་པར་འཕགས་པའི་ཏིང་ངེ་འཛིན་དང་། བརྩོན་འགྲུས་ཀྱི་བློ་
གྲོས་ཞེས་བྱ་བ་བཞུགསོ། །དེའི་སྟེང་ན་འཇིག་རྟེན་གྱི་ཁམས་སངས་རྒྱས་ཀྱི་ཞིང་གི་རྡུལ་ཤིན་ཏུ་ཕྲ་བ་སྙེད་འདས་པའི་འཇིག་རྟེན་གྱི་ཁམས་ཀྱི་རྒྱུད་ཀྱི་དབུས་ན། འཇིག་རྟེན་གྱི་ཁམས་རྡོ་རྗེ་

72-1-147b

རྒྱལ་མཚན་ཞེས་བྱ་བ་གཞི་མཉམ་པ་ཡོད་པ་དེ་ན། འཇིག་རྟེན་གྱི་ཁམས་སྤོས་ཀྱི་རྒྱལ་པོ་ཞེས་བྱ་བ་འཇིག་རྟེན་གྱི་ཁམས་སངས་རྒྱས་ཀྱི་ཞིང་རྡུལ་ཤིན་ཏུ་ཕྲ་བ་སྙེད་ཀྱི་འཁོར་གྱིས་བསྐོར་བ་གཅིག་ཏུ་
དག་པ་ཡོད་དེ། དེ་ན་དེ་བཞིན་གཤེགས་པ་ཆོས་ཀྱི་དབྱིངས་སྒྲིབ་པ་མེད་པའི་སྒྲོན་མ་ཞེས་བྱ་བ་བཞུགསོ། །དེའི་སྟེང་ན་འཇིག་རྟེན་གྱི་ཁམས་རྡུལ་སངས་རྒྱས་ཀྱི་ཞིང་གསུམ་གྱི་རྡུལ་ཤིན་ཏུ་ཕྲ་བ་སྙེད་འདས་
པ་ན། འཇིག་རྟེན་གྱི་ཁམས་མི་མཇེད་ཅེས་བྱ་བ་གཞི་མཉམ་པ་ཡོད་པ་དེ་ན་འཇིག་རྟེན་གྱི་ཁམས་འོད་ཟེར་གྱི་མཛོད་རབ་ཏུ་འགྱེད་པ་ཞེས་བྱ་བ་ཡོད་དེ། དེ་ན་དེ་བཞིན་གཤེགས་པ་ཆོས་ཀྱི་དབྱིངས་སྒྲིབ་པ་
མེད་པའི་རི་རབ་ཅེས་བྱ་བ་བཞུགསོ། །དེའི་སྟེང་ན་འཇིག་རྟེན་གྱི་ཁམས་སངས་རྒྱས་ཀྱི་ཞིང་ཐམས་ཅད་ཀྱི་རྡུལ་ཤིན་ཏུ་ཕྲ་བ་སྙེད་འདས་པའི་འཇིག་རྟེན་གྱི་ཁམས་ཀྱི་རྒྱུད་ཀྱི་དང་པོ་ལ་འཇིག་རྟེན་གྱི་ཁམས་
ལུས་དམ་པའི་སྤོས་གྱ་ནོམ་པ་ཞེས་བྱ་བ་འཇིག་རྟེན་གྱི་ཁམས་སངས་རྒྱས་ཀྱི་ཞིང་ཉི་ཤུའི་རྡུལ་ཤིན་ཏུ་ཕྲ་བ་སྙེད་ཀྱི་འཁོར་གྱིས་བསྐོར་བ་གཅིག་ཏུ་དག་པ་ཡོད་དེ། དེ་ན་དེ་བཞིན་གཤེགས་པ་བྱང་ཆུབ་ཀྱི་
ཡན་ལག་མེ་ཏོག་འབྱུང་གནས་ཤེས་བྱ་བ་བཞུགས་སོ། །སྤོས་ཆུའི་རྒྱ་མཚོ་འོད་ཀྱི་དཀྱིལ་འཁོར་དྲི་ཞིམ་པའི་མི་ཟད་པ་འབྱུང་བ་ཞེས་བྱ་བ་དེ་དང་འདབ་ཆགསུ་ལྷོ་ཕྱོགས་ལོགས་ན་སྤོས་ཆུའི་རྒྱ་མཚོ་
གཟི་བརྗིད་བཟང་པོ་དཔལ་དང་ལྡན་པ་ཞེས་བྱ་བ་ཡོད་དེ། དེ་ལ་འཇིག་རྟེན་གྱི་ཁམས་ཀྱི་རྒྱུད་གཞི་གསལ་ཞིང་དྲི་མ་མེད་པ་ཞེས་བྱ་བ་རབ་ཏུ་གནས་སོ། །དེ་དང་འདབ་ཆགསུ་སྤོས་ཆུའི་རྒྱ་མཚོ་སྣང་
བ་དང་གཟི་བརྗིད་ཁེངས་པ་ཞེས་བྱ་བ་ཡོད་དེ། དེ་ལ་འཇིག་རྟེན་གྱི་ཁམས་ཀྱི་རྒྱུད་རྒྱན་མཐའ་ཡས་པ་ལ་གཞོལ་བ་ཞེས་བྱ་བ་རབ་ཏུ་གནས་སོ། །དེ་དང་འདབ་ཆགསུ་སྤོས་ཆུའི་རྒྱ་མཚོ་རིན་པོ་ཆེ་

72-1-148a

ཤིན་ཏུ་རྣམ་པར་ཕྱེ་བ་ཞེས་བྱ་བ་ཡོད་དེ། འཇིག་རྟེན་གྱི་ཁམས་ཀྱི་རྒྱུད་སྤོས་དང་རིན་པོ་ཆེའི་ཆོས་ཡང་དག་པར་གནས་པ་ཞེས་བྱ་བར་རབ་ཏུ་གནས་པའོ། །དེ་དང་འདབ་ཆགསུ་སྤོས་ཆུའི་རྒྱ་
མཚོ་སངས་རྒྱས་ཀྱི་གསུང་ཞི་བའི་དབྱངས་ཤེས་བྱ་བ་ཡོད་དེ། དེ་ལ་འཇིག་རྟེན་གྱི་ཁམས་ཀྱི་རྒྱུད་རབ་ཏུ་རྣམ་པར་ཕྱེ་བའི་གནས་ཡོངས་སུ་འབྱུང་བ་རབ་ཏུ་གནས་སོ། །དེ་དང་འདབ་ཆགསུ་ལྷོ་ཕྱོགས་
ལོགས་ན་སྤོས་ཆུའི་རྒྱ་མཚོ་སྤོས་ཀྱི་རྒྱལ་མཚན་རི་རབ་ཀྱི་སྙིང་པོ་ཞེས་བྱ་བ་ཡོད་དེ། དེ་ལ་འཇིག་རྟེན་གྱི་ཁམས་ཀྱི་རྒྱུད་ཞིང་ཡོངསུ་གསལ་བར་སྣང་བ་ཞེས་བྱ་བ་རབ་ཏུ་ཤེས་སོ། །དེ་དང་འདབ་ཆགསུ་
སྤོས་ཆུའི་རྒྱ་མཚོ་ཙན་དན་ཤིན་ཏུ་ཡིད་དུ་འོང་བའི་འོད་ཟེར་ཅེས་བྱ་བ་ཡོད་དེ། དེ་ལ་འཇིག་རྟེན་གྱི་ཁམས་ཀྱི་རྒྱུད་མེ་ཏོག་གི་འོད་ཟེར་དཀྱིལ་འཁོར་ཅེས་བྱ་བ་རབ་ཏུ་གནས་སོ། །དེ་དང་འདབ་ཆགསུ་སྤོས་ཆུའི་
རྒྱ་མཚོ་བྱིན་གྱིས་བརླབ་ཀྱི་རླུང་ཞེས་བྱ་བ་ཡོད་དེ། དེ་ལ་འཇིག་རྟེན་གྱི་ཁམས་ཀྱི་རྒྱུད་རིན་པོ་ཆེའི་འོད་ཟེར་གྱི་སྤྲིན་འདལ་བའི་རྒྱལ་མཚན་ཞེས་བྱ་བ་རབ་ཏུ་གནས་སོ། །དེ་དང་འདབ་ཆགསུ་སྤོས་ཆུའི་རྒྱ་མཚོ་རྒྱ་
བྱིན་གྱི་གདོང་དང་ལུས་ཤིན་ཏུ་བསྒྲུབ་པ་ཞེས་བྱ་བ་ཡོད་དེ། དེ་ལ་འཇིག་རྟེན་གྱི་ཁམས་ཀྱི་རྒྱུད་མུ་ཏིག་གི་རྒྱ་མཚོའི་སྙིང་པོ་ཞེས་བྱ་བ་རབ་ཏུ་གནས་སོ། །དེ་དང་འདབ་ཆགསུ་ལྷོ་ཕྱོགས་ལོག་ན་སྤོས་ཆུའི་རྒྱ་
མཚོའི་རྒྱ་མཚོ་གནས་ཤིན་ཏུ་མཉམ་པར་ཡང་དག་པར་བསྒྲུབ་པ་ཞེས་བྱ་བ་ཡོད་དེ། དེ་ལ་འཇིག་རྟེན་གྱི་ཁམས་ཀྱི་རྒྱུད་བཻ་ཌཱུརྱའི་གྲམ་བུ་སྣ་ཚོགས་བཀྲམ་པ་ཞེས་བྱ་བ་རབ་ཏུ་གནས་ཏེ། དེ་དག་ལ་སྩོགས་པ་སྤོས་ཆུའི་
རྒྱ་མཚོ་སངས་རྒྱས་ཀྱི་ཞིང་བརྗོད་དུ་མེད་པའི་རྡུལ་ཤིན་ཏུ་ཕྲ་བ་སྙེད་ཀྱི་ཕྱི་རོལ་ལྷོ་ཕྱོགས་ལོགས་ཀྱི་མཚམས་ན་སྤོས་ཆུའི་རྒྱ་མཚོ་ཤིང་གི་ཟེ་བ་ཞེས་བྱ་བ་ཡོད་དེ། དེ་ལས་འཇིག་རྟེན་གྱི་ཁམས་ཀྱི་རྒྱུད་ཕྱོགས་

72-1-148b

ཡངས་པའི་ཞིང་ཡང་དག་པར་བྱུང་བ་ཞེས་བྱ་བ་སངས་རྒྱས་ཐམས་ཅད་བདུད་ཀྱི་འཁོར་ཡོངས་སུ་འདུལ་བའི་གསུང་གི་ལྷུན་ཅན་ཞེས་བྱ་བ་རབ་ཏུ་གནས་སོ། །དེ་ཐམས་ཅད་ཀྱི་འོག་ན་འཇིག་རྟེན་གྱི་ཁམས་ཀྱི་
རྒྱུད་སྐར་མདའ་འོད་འཕྲོ་བ་ཞེས་བྱ་བ་གཅིག་ཏུ་དག་པ་ཡོད་དེ། དེ་ན་དེ་བཞིན་གཤེགས་པ་འཇིག་རྟེན་གྱི་མཆོད་པ་ཡོན་ཏན་རྒྱ་མཚོ་ཞེས་བྱ་བ་བཞུགསོ། །དེའི་སྟེང་འཇིག་རྟེན་གྱི་ཁམས་སངས་རྒྱས་ཀྱི་ཞིང་
གི་རྡུལ་ཤིན་ཏུ་ཕྲ་བ་སྙེད་འདས་པའི་འཇིག་རྟེན་གྱི་ཁམས་རྡོ་རྗེའི་རྒྱལ་མཚན་ཞེས་བྱ་བ་གཞི་མཉམ་པ་ཡོད་པ་དེ་ན། འཇིག་རྟེན་གྱི་ཁམས་རིན་པོ་ཆེ་འབྱུང་བ་ཞེས་བྱ་བ་ཡོད་དེ། དེ་ན་དེ་བཞིན་གཤེགས་པ་རིན་པོ་
ཆེའི་སྤྲིན་སེངྒེའི་སྟོབས་ཤེས་བྱ་བ་བཞུགསོ། །དེའི་སྟེང་འཇིག་རྟེན་གྱི་ཁམས་སངས་རྒྱས་ཀྱི་ཞིང་གསུམ་གྱི་རྡུལ་ཤིན་ཏུ་ཕྲ་བ་སྙེད་འདས་པ་ན། འཇིག་རྟེན་གྱི་ཁམས་མི་མཇེད་ཅེས་བྱ་བ་གཞི་མཉམ་པ་ཡོད་པ་
དེ་ན་འཇིག་རྟེན་གྱི་ཁམས་གོས་ཀྱི་རྒྱལ་མཚན་ཞེས་བྱ་བ་ཡོད་དེ། དེ་ན་དེ་བཞིན་གཤེགས་པ་ཡེ་ཤེས་རྒྱ་མཚོའི་རྒྱལ་པོ་ཞེས་བྱ་བ་བཞུགསོ། །དེའི་སྟེང་འཇིག་རྟེན་གྱི་ཁམས་སངས་རྒྱས་ཀྱི་ཞིང་བདུན་གྱིས་
རྡུལ་ཤིན་ཏུ་ཕྲ་བ་སྙེད་འདས་པའི་འཇིག་རྟེན་གྱི་ཁམས་ཀྱི་རྒྱུད་ཀྱི་དང་པོ་ལ་འཇིག་རྟེན་གྱི་ཁམས་རིན་པོ་ཆེའི་ཕྲེང་བ་སེང་གེ་རྣམ་པར་སྣང་བ་ཞེས་བྱ་བ་ཡོད་དེ། དེ་ན་དེ་བཞིན་གཤེགས་པ་པདྨོ་ཤིན་ཏུ་སྤྲུལ་
པའི་རྒྱལ་མཚན་ཞེས་བྱ་བ་བཞུགསོ། །སྤོས་ཆུའི་རྒྱ་མཚོ་རྡོ་རྗེའི་འོད་འཕྲོ་བའི་སྒྲོན་མ་ཞེས་བྱ་བ་དེ་དང་འདབ་ཆགསུ་སྤོས་ཆུའི་རྒྱ་མཚོ་རྒྱན་རྣམ་པར་བྲེས་པ་ཐམས་ཅད་ཀྱི་རྣམ་པར་ཀླུབ་པའི་རྒྱལ་
མཚན་ཞེས་བྱ་བ་ཡོད་དེ། དེ་ལ་འཇིག་རྟེན་གྱི་ཁམས་ཀྱི་རྒྱུད་བརྒྱན་དམ་པ་རྣམ་པར་དག་པ་ཞེས་བྱ་བ་རབ་ཏུ་གནས་སོ། །དེ་དང་འདབ་ཆགསུ་སྤོས་ཆུའི་རྒྱ་མཚོ་རིན་པོ་ཆེ་ཐམས་ཅད་ཀྱི་མེ་ཏོག་གི་རྣམ་པར་

72-1-149a

སྣང་བའི་རྒྱ་མཚོ་ཞེས་བྱ་བ་ཡོད་དེ། དེ་ལ་འཇིག་རྟེན་གྱི་ཁམས་ཀྱི་རྒྱུད་མཚན་གྱི་རྒྱན་དང་། དཔལ་དང་རབ་ཏུ་འབྱུང་བ་ཞེས་བྱ་བ་རབ་ཏུ་གནས་སོ། །དེ་དང་འདབ་ཆགསུ་སྤོས་ཆུའི་རྒྱ་མཚོ་པདྨོའི་
ཟེ་བ་མེ་ཏོག་ཤིན་ཏུ་རྒྱས་པའི་རྒྱན་ཅེས་བྱ་བ་ཡོད་དེ། དེ་ལ་འཇིག་རྟེན་གྱི་ཁམས་ཀྱི་རྒྱུད་བྱང་ཆུབ་སེམས་དཔའི་རྒྱན་རིན་པོ་ཆེའི་ཅོད་པན་ཤིན་ཏུ་འབར་བ་ཞེས་བྱ་བ་རབ་ཏུ་གནས་སོ། །དེ་དང་འདབ་ཆགསུ་སྤོས་
ཆུའི་རྒྱ་མཚོ་རིན་པོ་ཆེའི་གོས་ཀྱིས་ཡུན་རིང་པོ་ནས་བཀབ་པ་ཞེས་བྱ་བ་ཡོད་དེ། དེ་ལ་འཇིག་རྟེན་གྱི་ཁམས་ཀྱི་རྒྱུད་མུ་ཏིག་རྣམ་པར་དག་པ་རིན་པོ་ཆེའི་དཀྱིལ་འཁོར་ཅེས་བྱ་བ་རབ་ཏུ་གནས་སོ། །དེ་དང་འདབ་ཆགས་
སུ་སྤོས་ཆུའི་རྒྱ་མཚོ་མེ་ཏོག་བཟང་པོ་ཡིད་དུ་འོང་བའི་རྣམ་པར་སྣང་བ་ཞེས་བྱ་བ་ཡོད་དེ། དེ་ལ་འཇིག་རྟེན་གྱི་ཁམས་ཀྱི་རྒྱུད་སྣང་བའི་སྤྲིན་འོད་ཟེར་རྣམ་པར་བརྒྱན་པ་ཞེས་བྱ་བ་རབ་ཏུ་གནས་སོ། །དེ་དང་འདབ་ཆག་
སུ་སྤོས་ཆུའི་རྒྱ་མཚོ་ནམཁའི་ཕྱོགས་དང་མཉམ་པར་རྣམ་པར་སྣང་བ་ཞེས་བྱ་བ་ཡོད་དེ། དེ་ལ་འཇིག་རྟེན་གྱི་ཁམས་ཀྱི་རྒྱུད་རིན་པོ་ཆེ་ཀུན་ཏུ་སྣང་བ་རྣམ་པར་དམིགས་པའི་དོན་ཤིན་ཏུ་ཟབ་པ་ཞེས་བྱ་བ་རབ་ཏུ་
གནས་སོ། །དེ་དང་འདབ་ཆགསུ་སྤོས་ཆུའི་རྒྱ་མཚོ་མེ་ཏོག་བཟང་པོས་རབ་ཏུ་བརྒྱན་པའི་རྒྱལ་མཚན་ཞེས་བྱ་བ་ཡོད་དེ། དེ་ལ་འཇིག་རྟེན་གྱི་ཁམས་ཀྱི་རྒྱུད་གསེར་གྱི་རྒྱུད་ཟླ་བའི་རྒྱན་ཅེས་བྱ་བ་རབ་ཏུ་གནས་
སོ། །དེ་དང་འདབ་ཆགསུ་སྤོས་ཆུའི་རྒྱ་མཚོ་སྤོས་དང་མུ་ཏིག་པདྨའི་སྙིང་པོ་ཞེས་བྱ་བ་ཡོད་དེ། དེ་ལ་འཇིག་རྟེན་གྱི་ཁམས་ཀྱི་རྒྱུད་སངས་རྒྱས་ཀྱི་དཔལ་གྱི་ཀུན་ཏུ་སྣང་བ་ཞེས་བྱ་བ་ཡོད་དེ། དེ་དང་འདབ་ཆགསུ་
སྤོས་ཆུའི་རྒྱ་མཚོ་རིན་པོ་ཆེའི་འཁོར་ལོས་བསྒྲུབ་པའི་འོད་ཅེས་བྱ་བ་ཡོད་དེ། དེ་ལ་འཇིག་རྟེན་གྱི་ཁམས་ཀྱི་རྒྱུད་སྤྲུལ་པ་བཟང་པོ་འབྱུང་བ། སངས་རྒྱས་ཀྱི་ཡུལ་རབ་ཏུ་སྣང་བ་ཞེས་བྱ་བ་གནས་ཏེ། 

72-1-149b

དེ་དག་ལ་སྩོགས་པ་སྤོས་ཆུའི་རྒྱ་མཚོ་སངས་རྒྱས་ཀྱི་ཞིང་བརྗོད་དུ་མེད་པའི་ཡང་བརྗོད་དུ་མེད་པའི་རྡུལ་ཤིན་ཏུ་ཕྲ་བ་སྙེད་ཀྱི་ཕྱི་རོལ་ལྷོ་ཕྱོགས་ལོགས་ཀྱི་འཁོར་ཡུག་གི་མཚམས་ན་སྤོས་ཆུའི་རྒྱ་མཚོ་གཞི་
འཁོར་ལོ་ཚད་མེད་པས་བརྒྱན་པ་ཞེས་བྱ་བ་ཡོད་དེ། དེ་ལ་འཇིག་རྟེན་གྱི་ཁམས་ཀྱི་རྒྱུད་ཕྱོགས་ཚད་མེད་པ་སྣྲེལ་གཞི་ཞེས་བྱ་བ་ཞིང་གི་རྒྱུད་ཡོན་ཏན་སྣ་ཚོགས་ཐམས་ཅད་ཤིན་ཏུ་སྟོན་པའི་སྒྲ་ཡི་ལྷུན་ཅན་
རབ་ཏུ་གནས་ཏེ། དེ་ཐམས་ཅད་ཀྱི་འོག་ན་འཇིག་རྟེན་གྱི་ཁམས་རྡོ་རྗེའི་མེ་ཏོག་གིས་ཁྱབ་པ་ཞེས་བྱ་བ་ཡོད་དེ། དེ་ན་དེ་བཞིན་གཤེགས་པ་མཚན་མི་ཟད་པའི་འོད་ཟེར་སྒོ་ཀུན་ནས་སྒྲོགས་པ་ཞེས་བྱ་བ་
བཞུགས་སོ། །དེའི་སྟེང་ན་འཇིག་རྟེན་གྱི་ཁམས་སངས་རྒྱས་ཀྱི་ཞིང་བཅུའི་རྡུལ་ཤིན་ཏུ་ཕྲ་བ་སྙེད་འདས་པའི་འཇིག་རྟེན་གྱི་ཁམས་ཀྱི་རྒྱུད་ན། འཇིག་རྟེན་གྱི་ཁམས་རྡོ་རྗེའི་རྒྱལ་མཚན་གཞི་མཉམ་པ་
ཡོད་པ་དེ་ན། འཇིག་རྟེན་གྱི་ཁམས་རིན་པོ་ཆེའི་གོས་ཀྱི་རྒྱལ་མཚན་འབྱུང་བ་ཞེས་བྱ་བ་ཡོད་དེ། དེ་ན་དེ་བཞིན་གཤེགས་པ་བསོད་ནམས་ཀྱི་སྤྲིན་ཀུན་ཏུ་དཔལ་གྱི་གཟི་བརྗིད་ཅེས་བྱ་བ་བཞུགས་སོ། །
དེའི་སྟེང་ན་འཇིག་རྟེན་གྱི་ཁམས་གཞི་མཉམ་པ་མི་མཇེད་ཅེས་བྱ་བ་ཡོད་པ་དེ་ན། འཇིག་རྟེན་གྱི་ཁམས་རིན་པོ་ཆེའི་བརྒྱན་སྣ་ཚོགས་ཀྱིས་བརྒྱན་པ་ཞེས་བྱ་བ་ཡོད་དེ། དེ་ན་དེ་བཞིན་གཤེགས་པ་ཁྱད་
པར་ཀྱི་བློ་གྲོས་རྒྱ་མཚོ་ཞེས་བྱ་བ་བཞུགས་སོ། །དེའི་སྟེང་འཇིག་རྟེན་གྱི་ཁམས་ཀྱི་རྒྱུད་ཀྱི་དང་པོ་ལ་འཇིག་རྟེན་གྱི་ཁམས་ཉི་མའི་མིག་གི་རྒྱལ་མཚན་ཞེས་བྱ་བ་ཡོད་དེ། དེ་ན་དེ་བཞིན་གཤེགས་པའི་
ཡེ་ཤེས་ཉི་མ་པདྨོའི་སྤྲིན་ཅེས་བྱ་བ་བཞུགས་སོ། །སྤོས་ཆུའི་རྒྱ་མཚོ་རིན་པོ་ཆེ་ཨིནྡྲ་ནཱི་ལས་རབ་ཏུ་བརྒྱན་པའི་རྒྱན་ཅན་དེ་དང་འདབ་ཆགསུ་སྤོས་ཆུའི་རྒྱ་མཚོའི་གཞུང་ལས་ལྷ་མ་ཡིན་གྱི་གནས་

72-1-150a

ཤིན་ཏུ་འབྱུང་བ་ཞེས་བྱ་བ་ཡོད་དེ། དེ་ལ་འཇིག་རྟེན་གྱི་ཁམས་སྤོས་ཀྱི་འོད་ཟེར་ཆུའི་ཤུགས་འཛིན་པ་ཞེས་བྱ་བ་རབ་ཏུ་གནས་སོ། །དེ་དང་འདབ་ཆགས་སུ་སྤོས་ཆུའི་རྒྱ་མཚོ་སེང་གེའི་རིན་པོ་ཆེ་
བསྒྲུབ་པ་རྣམ་པ་སྣ་ཚོགས་ཤེས་བྱ་བ་ཡོད་དེ། དེ་ལ་འཇིག་རྟེན་གྱི་ཁམས་ཀྱི་རྒྱུད་རིན་པོ་ཆེ་ཐམས་ཅད་ཀྱི་ཕྱོགས་ཁྱབ་པར་བྱེད་པ་རྣམ་པར་དམིགས་པ་ཞེས་བྱ་བ་རབ་ཏུ་གནས་ཏེ། དེ་དང་འདབ་ཆགས་སུ་
སྤོས་ཆུའི་རྒྱ་མཚོ་ཁ་དོག་གི་སྤྲིན་གྱི་གནས་འབྱུང་བ་ཞེས་བྱ་བ་ཡོད་དེ། དེ་ལ་འཇིག་རྟེན་གྱི་ཁམས་ཀྱི་རྒྱུད་རིན་པོ་ཆེའི་རི་བོའི་སྤོ་ལ་དཀྱིལ་འཁོར་རྣམ་པར་བྲེས་པ་ཞེས་བྱ་བ་རབ་ཏུ་གནས་སོ། །དེ་དང་འདབ་
ཆགས་སུ་སྤོས་ཆུའི་རྒྱ་མཚོ་གཞི་དང་སྒོ་པདྨོ་རྣམ་པར་བཀྲམ་པ་ཞེས་བྱ་བ་ཡོད་དེ། དེ་ན་འཇིག་རྟེན་གྱི་ཁམས་ཀྱི་རྒྱུད་རྣམ་པར་སྣང་བའི་ཆོས་དབྱིངས་བདེ་བའི་བརྒྱན་ཅེས་བྱ་བ་རབ་ཏུ་ཤེས་སོ། །དེ་དང་
འདབ་ཆགས་སུ་སྤོས་ཆུའི་རྒྱ་མཚོ་མར་མེའི་ཚུལ་བཟང་པོའི་འོད་རབ་ཏུ་འཕྲོ་བ་ཞེས་བྱ་བ་ཡོད་དེ། དེ་ལ་འཇིག་རྟེན་གྱི་ཁམས་ཀྱི་རྒྱུད་སྤྲུལ་པས་ཕྱོགས་རྣམ་པར་ལྟ་ཞིང་ཀུན་ཏུ་ཁྱབ་པ་ཞེས་བྱ་བ་རབ་
ཏུ་གནས་སོ། །དེ་དང་འདབ་ཆགསུ་སྤོས་ཆུའི་རྒྱ་མཚོ་བསམ་གྱིས་མི་ཁྱབ་པའི་རྒྱན་ཤིན་ཏུ་བསྟན་པ་ཞེས་བྱ་བ་ཡོད་དེ། དེ་ལ་འཇིག་རྟེན་གྱི་ཁམས་ཀྱི་རྒྱུད་ཕྱོགས་ཐམས་ཅད་དུ་སྣང་བས་ལེགས་པར་
རྣམ་པར་གྲགས་པ་ཞེས་བྱ་བ་རབ་ཏུ་གནས་སོ། །དེ་དང་འདབ་ཆགསུ་སྤོས་ཆུའི་རྒྱ་མཚོ་རིན་པོ་ཆེའི་ཕུང་པོས་ཤིན་ཏུ་བརྒྱན་པ་ཞེས་བྱ་བ་ཡོད་དེ། དེ་ལ་འཇིག་རྟེན་གྱི་ཁམས་ཀྱི་རྒྱུད་སྐར་མདའ་ཡི་
འོད་ཟེར་རབ་ཏུ་སྣང་བ་ཞེས་བྱ་བ་རབ་ཏུ་གནས་སོ། །དེ་དང་འདབ་ཆགསུ་སྤོས་ཆུའི་རྒྱ་མཚོ་རིན་པོ་ཆེའི་རྣམ་པར་དག་པའི་འོད་རབ་ཏུ་འབྱེད་པའི་ཤུགས་ཤེས་བྱ་བ་ཡོད་དེ། དེ་ལ་འཇིག་རྟེན་གྱི་ཁམས་ཀྱི་རྒྱུད་

72-1-150b

རླུང་ཆགས་པ་མེད་པའི་རི་རབ་ཅེས་བྱ་བ་རབ་ཏུ་གནས་སོ། །དེ་དང་འདབ་ཆགས་སུ་སྤོས་ཆུའི་རྒྱ་མཚོ་རིན་པོ་ཆེའི་གོས་དང་སྟེགས་བུའི་རྒྱུད་ཅེས་བྱ་བ་ཡོད་དེ། དེ་ལ་འཇིག་རྟེན་གྱི་ཁམས་ཀྱི་རྒྱུད་དེ་བཞིན་
གཤེགས་པའི་སྐུ་ཤིན་ཏུ་སྣང་བ་ཞེས་བྱ་བ་རབ་ཏུ་གནས་ཏེ། དེ་དག་ལ་སྩོགས་པ་སྤོས་ཆུའི་རྒྱ་མཚོ་སངས་རྒྱས་ཀྱི་ཞིང་བརྗོད་དུ་མེད་པའི་རྡུལ་ཤིན་ཏུ་ཕྲ་བ་སྙེད་ཀྱི་ཕྱི་འཁོར་ཡུག་གི་མཚམས་ན་
སྤོས་ཆུའི་རྒྱ་མཚོ་ཤིང་སྣ་ཚོགས་ཀྱི་རྒྱལ་མཚན་ཞེས་བྱ་བ་ཡོད་དེ། དེ་ལས་འཇིག་རྟེན་གྱི་ཁམས་ཀྱི་རྒྱུད་མྱིག་འཕྲུལ་ལྟ་བུར་ཤིན་ཏུ་གནས་པ་ཞེས་བྱ་བ་བྱང་ཆུབ་སེམས་དཔའ་ཐམས་ཅད་
ཀྱི་ཡེ་ཤེས་ཀྱིས་རབ་ཏུ་གནོན་པའི་སྒྲ་ཡི་ལྷུན་ཅན་མངོན་པར་བྱུང་སྟེ། དེ་ཐམས་ཅད་ཀྱི་འོག་ན། འཇིག་རྟེན་གྱི་ཁམས་གསེར་གྱི་ཁ་དོག་ཅེས་བྱ་བ་འཇིག་རྟེན་གྱི་ཁམས་སངས་རྒྱས་ཀྱི་ཞིང་གི་
རྡུལ་ཤིན་ཏུ་ཕྲ་བ་སྙེད་ཀྱི་འཁོར་གྱིས་བསྐོར་བ་གཅིག་ཏུ་དག་པ་ཡོད་དེ། དེ་ན་དེ་བཞིན་གཤེགས་པ་སྤོས་ཀྱི་འོད་ཟེར་དཔལ་གྱི་གཟི་བརྗིད་ཅེས་བྱ་བ་བཞུགས་སོ།། །།
སངས་རྒྱས་རྨད་ག་ཅད་ཅེས་བྱ་བ་ཤིན་ཏུ་རྒྱས་པ་ཆེན་པོའི་མདོ།  བམ་པོ་བཅུ་གཅིག་པ། དེའི་སྟེང་འཇིག་རྟེན་གྱི་ཁམས་སངས་རྒྱས་ཀྱི་ཞིང་བཅུའི་རྡུལ་ཤིན་ཏུ་
ཕྲ་བ་སྙེད་འདས་པའི་འཇིག་རྟེན་གྱི་ཁམས་ཀྱི་རྒྱུད་ཀྱི་དབུས་ན། འཇིག་རྟེན་གྱི་ཁམས་རྡོ་རྗེའི་རྒྱལ་མཚན་ཞེས་བྱ་བ་གཞི་མཉམ་པ་ཡོད་པ་དེ་ན། འཇིག་རྟེན་གྱི་ཁམས་རིན་པོ་ཆེའི་ཤིང་གི་ཟེ་བ་ཞེས་
བྱ་བ་ཡོད་དེ། དེ་ན་དེ་བཞིན་གཤེགས་པ་ཞལ་ཀུན་ཏུ་སྟོན་ཅིང་སྒྲིབ་པ་མེད་པར་རྣམ་པར་དག་པ་ཞེས་བྱ་བ་བཞུགསོ། །དེའི་སྟེང་ན་འཇིག་རྟེན་གྱི་ཁམས་མི་མཇེད་ཅེས་བྱ་བ་གཞི་མཉམ་པ་ཡོད་པ་དེ་ན་

72-1-151a

འཇིག་རྟེན་གྱི་ཁམས་བཻརྡུརྱ་ཡི་རྒྱན་སྣ་ཚོགས་ཞེས་བྱ་བ་ཡོད་དེ། དེ་ན་དེ་བཞིན་གཤེགས་པ་ཆོས་ཀྱི་དབང་ཕྱུག་ཟིལ་གྱིས་མི་ནོན་པའི་བློ་གྲོས་ཞེས་བྱ་བ་བཞུགས་སོ། །དེའི་སྟེང་ན་འཇིག་
རྟེན་གྱི་ཁམས་ཀྱི་རྒྱུད་ཀྱི་དང་པོ་ལ་འཇིག་རྟེན་གྱི་ཁམས་ཚངས་པའི་དབྱངས་ཀྱི་ལེགས་པར་སྤེལ་བ་ཞེས་བྱ་བ་ཡོད་དེ། དེ་ན་དེ་བཞིན་གཤེགས་པ་པདྨོའི་འོད་ཀྱི་མེ་ཏོག་ཤིན་ཏུ་རྒྱས་པའི་རྒྱལ་པོ་ཞེས་
བྱ་བ་བཞུགསོ། །སྤོས་ཆུའི་རྒྱ་མཚོ་འཁོར་ལོ་བརྟན་པར་བསྒྲུབ་པ་ཞེས་བྱ་བ་དེ་དང་འདབ་ཆགསུ་སྤོས་ཆུའི་རྒྱ་མཚོ་གཞི་སྤྲུལ་པའི་པད་མོས་བརྒྱན་པ་ཞེས་བྱ་བ་ཡོད་དེ། དེ་ལ་འཇིག་རྟེན་གྱི་ཁམས་ཀྱི་རྒྱུད་
ཞིང་ལ་ཡོངསུ་འདུ་བ་རབ་ཏུ་སྟོན་པ་ཞེས་བྱ་བ་རབ་ཏུ་གནས་སོ། །དེ་དང་འདབ་ཆགསུ་སྤོས་ཆུའི་རྒྱ་མཚོ་རིན་པོ་ཆེའི་གཟི་བརྗིད་འབར་བའི་འོད་ཅེས་བྱ་བ་ཡོད་དེ། དེ་ལ་འཇིག་རྟེན་གྱི་ཁམས་ཀྱི་རྒྱུད་ཆོས་ཀྱི་དབྱིངས་
རྒྱས་པར་འགེངས་པ་ལ་རྨོངས་པ་མེད་པ་ཞེས་བྱ་བ་རབ་ཏུ་གནས་སོ། །དེ་དང་འདབ་ཆགསུ་སྤོས་ཆུའི་རྒྱ་མཚོ་སྤོས་དང་ནོར་བུའི་ཉི་མ་སྣ་ཚོགས་ཤེས་བྱ་བ་ཡོད་དེ། དེ་ལ་འཇིག་རྟེན་གྱི་ཁམས་ཀྱི་རྒྱུད་ཕྱོགས་
ཡོངསུ་གཞོལ་བར་རྣམ་པར་དམིགས་པ་ལ་འཇུག་པ་ཞེས་བྱ་བ་རབ་ཏུ་གནས་སོ། །དེ་དང་འདབ་ཆགསུ་སྤོས་ཆུའི་རྒྱ་མཚོ་རིན་པོ་ཆེའི་གཟི་བརྗིད་འབར་བའི་འོད་ཅེས་བྱ་བ་ཡོད་དེ། དེ་ལ་འཇིག་རྟེན་གྱི་ཁམས་
ཀྱི་རྒྱུད་སྤྱོད་པ་ཀུན་ནས་རྒྱལ་པོའི་གསུང་སྒྲོག་པ་ཞེས་བྱ་བ་རབ་ཏུ་གནས་སོ། །དེ་དང་འདབ་ཆགསུ་སྤོས་ཆུའི་རྒྱ་མཚོ་དབྱངས་ཟབ་མོ་མུ་མེད་པ་ཞེས་བྱ་བ་ཡོད་དེ། དེ་ལ་འཇིག་རྟེན་གྱི་ཁམས་ཀྱི་རྒྱུད་
ཕྱོགས་ཐ་དད་པ་མཐའ་དང་དབུས་མེད་པ་ཞེས་བྱ་བ་རབ་ཏུ་ཤེས་སོ། །དེ་དང་འདབ་ཆགསུ་སྤོས་ཆུའི་རྒྱ་མཚོ་སྙིང་པོ་དང་ལྡན་ཞིང་ཤིན་ཏུ་གྲུབ་པ་ཞེས་བྱ་བ་ཡོད་དེ། དེ་ལ་འཇིག་རྟེན་གྱི་ཁམས་ཀྱི་རྒྱུད་

72-1-151b

ཕྱོགས་ཐ་མི་དད་པ་མཐའ་དང་དབུས་མེད་པ་ཞེས་བྱ་བ་རབ་ཏུ་གནས་སོ། །དེ་དང་འདབ་ཆགསུ་སྤོས་ཆུའི་རྒྱ་མཚོ་ཚངས་པའི་དབྱངས་ཡོངསུ་དག་པའི་སྒྲ་ཞེས་བྱ་བ་ཡོད་དེ། དེ་ལ་འཇིག་རྟེན་གྱི་ཁམས་ཀྱི་
རྒྱུད་རྒྱན་ཐམས་ཅད་ཡོངས་སུ་དག་པ་ཞེས་བྱ་བ་རབ་ཏུ་གནས་སོ། །དེ་དང་འདབ་ཆགསུ་སྤོས་ཆུའི་རྒྱ་མཚོ་ཙན་དན་གྱི་དབྱངས་ཤིན་ཏུ་རྣམ་པར་ཕྱེ་བའི་སྟེགས་བུའི་སྙིང་པོ་ཞེས་བྱ་བ་ཡོད་དེ། དེ་ལ་འཇིག་
རྟེན་གྱི་ཁམས་ཀྱི་རྒྱུད་རྒྱལ་མཚན་ཤིན་ཏུ་བསྒྲེངས་པ་ཞེས་བྱ་བ་རབ་ཏུ་གནས་སོ། །དེ་དང་འདབ་ཆགསུ་སྤོས་ཆུའི་རྒྱ་མཚོ་སྤོས་ཀྱི་རྒྱལ་པོ་འོད་ཟེར་གྱིས་ཤིན་ཏུ་བསྒྲུབ་པ་ཞེས་བྱ་བ་ཡོད་དེ། དེ་ལ་འཇིག་
རྟེན་གྱི་ཁམས་ཀྱི་རྒྱུད་ཞིང་གི་སྟོབས་ཀུན་ཏུ་སྣང་བ་ཡོངསུ་སྟོན་པ་ཞེས་བྱ་བ་རབ་ཏུ་གནས་སོ། །དེ་དང་འདབ་ཆགསུ་སྤོས་ཆུའི་རྒྱ་མཚོ་པདྨོའི་དབང་པོ་མང་པོ་མེ་ཏོག་ཤིན་ཏུ་རྒྱས་པ་དེ་དང་འདབ་ཆགསུ་
སྤོས་ཆུའི་རྒྱ་མཚོ་དངུལ་གྱི་པདྨོ་སྣ་ཚོགས་ཀྱིས་བསྒྲུབ་པའི་རྒྱན་ཅེས་བྱ་བ་ཡོད་དེ། དེ་ལ་འཇིག་རྟེན་གྱི་ཁམས་ཀྱི་རྒྱུད་ཡོངས་སུ་བསྩལ་བར་ཀུན་ཏུ་རྒྱུ་བ་ཞེས་བྱ་བ་རབ་ཏུ་གནས་སོ། །དེ་དང་འདབ་
ཆགས་སུ་སྤོས་ཆུའི་རྒྱ་མཚོ་བཻ་ཌཱུརྱའི་སྤོས་འོད་འཕྲོ་བའི་སྤྲིན་སྟུག་པོ་ཞེས་བྱ་བ་ཡོད་དེ། དེ་ལ་འཇིག་རྟེན་གྱི་ཁམས་ཀྱི་རྒྱུད་ཕྱོགས་སུ་དབྱངས་སྒྲོག་པ་ཞེས་བྱ་བ་རབ་ཏུ་གནས་སོ། །དེ་དང་འདབ་
ཆགསུ་སྤོས་ཆུའི་རྒྱ་མཚོ་ཕྱོགས་ཀུན་ཏུ་གཟི་བརྗིད་ཀྱིས་རྒྱལ་བའི་ཕུང་པོ་འོད་འཕྲོ་བ་ཞེས་བྱ་བ་ཡོད་དེ། དེ་ལ་འཇིག་རྟེན་གྱི་ཁམས་ཀྱི་རྒྱུད་ཕྱོགས་རྣམ་པར་ཕྱེ་བར་འཕྲུལ་པ་ཞེས་བྱ་བ་རབ་ཏུ་
གནས་སོ། །དེ་དང་འདབ་ཆགསུ་སྤོས་ཆུའི་རྒྱ་མཚོ་གསེར་གྱི་རྒྱལ་མཚན་ནོར་བུའི་རྒྱལ་པོའི་དཔལ་རབ་ཏུ་འབྱུང་བ་ཞེས་བྱ་བ་ཡོད་དེ། དེ་ལ་འཇིག་རྟེན་གྱི་ཁམས་ཀྱི་རྒྱུད་རྡོ་རྗེའི་རྩེ་མོ་ཞིང་གི་རྒྱལ་མཚན་

72-1-152a

ཞེས་བྱ་བ་རབ་ཏུ་གནས་སོ། །དེ་དང་འདབ་ཆགས་སུ་སྤོས་ཆུའི་རྒྱ་མཚོ་ཐ་དད་པ་མེད་པའི་སྤྲིན་འབར་བ་ཞེས་བྱ་བ་ཡོད་དེ། དེ་ལ་འཇིག་རྟེན་གྱི་ཁམས་ཀྱི་རྒྱུད་ཆོས་ཀྱི་དབྱིངས་ཀྱི་རྣམ་པར་གནོན་
པའི་གཙུག་ཅེས་བྱ་བ་རབ་ཏུ་གནས་སོ། །དེ་དང་འདབ་ཆགསུ་སྤོས་ཆུའི་རྒྱ་མཚོ་རིན་པོ་ཆེའི་མེ་ཏོག་ཟད་མི་ཤེས་པ་ཤིན་ཏུ་རྒྱས་པའི་དཔལ་གྱི་གཟི་བརྗིད་ཅེས་བྱ་བ་ཡོད་དེ། དེ་ལ་འཇིག་རྟེན་གྱི་ཁམས་
ཀྱི་རྒྱུད་འོད་མཐའ་ཡས་པ་རྡུལ་དང་བྲལ་བ་ཞེས་བྱ་བ་རབ་ཏུ་གནས་སོ། །དེ་དང་འདབ་ཆགསུ་སྤོས་ཆུའི་རྒྱ་མཚོ་ཞིང་གསེར་ལྟར་ཡོངས་སུ་དག་པ་གྲགས་པའི་དཔལ་གྱི་རྒྱལ་མཚན་ཞེས་བྱ་བ་ཡོད་དེ། 
དེ་ལ་འཇིག་རྟེན་གྱི་ཁམས་ཀྱི་རྒྱུད་གཞི་ཚོན་ཏུ་བསྟན་པའི་གནས་ཤེས་བྱ་བ་རབ་ཏུ་གནས་སོ། །དེ་དང་འདབ་ཆགསུ་སྤོས་ཆུའི་རྒྱ་མཚོ་མྱིག་ཡོར་རྣམ་པར་སྣང་བ་ཞེས་བྱ་བ་ཡོད་དེ། དེ་ལ་འཇིག་རྟེན་
གྱི་ཁམས་ཀྱི་རྒྱུད་ལས་ཀྱིས་ཀུན་ཏུ་བརྒྱན་ཅིང་རྣམ་པར་ཕྱེ་བ་ཞེས་བྱ་བ་རབ་ཏུ་གནས་སོ། །དེ་དང་འདབ་ཆགསུ་སྤོས་ཆུའི་རྒྱ་མཚོ་སྒྲ་དབྱངས་ཞི་བ་ཞེས་བྱ་བ་ཡོད་དེ། དེ་ལ་འཇིག་རྟེན་གྱི་ཁམས་ཀྱི་
རྒྱུད་རབ་ཏུ་བརྒྱུས་པ་ལ་མངོན་དུ་བལྟ་བ་ཞེས་བྱ་བ་རབ་ཏུ་གནས་ཏེ། དེ་དག་ལ་སྩོགས་པ་སྤོས་ཆུའི་རྒྱ་མཚོ་སངས་རྒྱས་ཀྱི་ཞིང་བརྗོད་དུ་མེད་པའི་རྡུལ་ཤིན་ཏུ་ཕྲ་བ་སྙེད་ཀྱི་ཕྱི་རོལ་དུ་འཁོར་ཡུག་གི་
མཚམས་ན། སྤོས་ཆུའི་རྒྱ་མཚོ་འོད་འཕྲོ་བ་སྟུག་པོའི་སྤྲིན་གྱི་རྒྱལ་མཚན་ཞེས་བྱ་བ་ཡོད་དེ། དེ་ལ་འཇིག་རྟེན་གྱི་ཁམས་ཀྱི་རྒྱུད་རྒྱན་གྱི་དམིགས་པ་ཐམས་ཅད་ཀྱི་འོད་ཅེས་བྱ་བ་སྙིང་པོ་བྱང་ཆུབ་ཐམས་
ཅད་ཀྱི་དེ་བཞིན་གཤེགས་པའི་འཁོར་གྱི་དཀྱིལ་འཁོར་གྱི་སྒྲ་ཡི་ལྷུན་ཅན་རབ་ཏུ་གནས་སོ། །དེ་ཐམས་ཅད་ཀྱི་འོག་ན་འཇིག་རྟེན་གྱི་ཁམས་དགེ་བའི་མིག་སྣ་ཚོགས་ཤེས་བྱ་བ་འཇིག་རྟེན་གྱི་ཁམས་

72-1-152b

སངས་རྒྱས་ཀྱི་ཞིང་གི་རྡུལ་ཤིན་ཏུ་ཕྲ་བ་སྙེད་ཀྱི་འཁོར་གྱིས་བསྐོར་བ་གཅིག་ཏུ་དག་པ་ཡོད་དེ། དེ་ན་དེ་བཞིན་གཤེགས་པ་ཕྱོགས་ཐམས་ཅད་རྣམ་པར་སྣང་བ་རྡོ་རྗེའི་ཟླ་བ་ཞེས་བྱ་བ་བཞུགས་སོ། །དེའི་སྟེང་འཇིག་
རྟེན་གྱི་ཁམས་སངས་རྒྱས་ཀྱི་ཞིང་བཅུའི་རྡུལ་ཤིན་ཏུ་ཕྲ་བ་སྙེད་འདས་པའི་འཇིག་རྟེན་གྱི་ཁམས་ཀྱི་རྒྱུད་ཀྱི་དབུས་ན། འཇིག་རྟེན་གྱི་ཁམས་རྡོ་རྗེའི་མཚན་ཞེས་བྱ་བ་གཞི་མཉམ་པ་ཡོད་དེ། དེ་ལ་འཇིག་རྟེན་གྱི་ཁམས་
ཁ་དོག་ཨུད་པ་ལ་དང་། དཔལ་གྱི་བེའུ་ཞེས་བྱ་བ་ཡོད་དེ། དེ་ན་དེ་བཞིན་གཤེགས་པ་བརྩོན་འགྲུས་ཆེན་པོ་བློ་གྲོས་བཟང་པོ་ཞེས་བྱ་བ་བཞུགས་སོ། །དེའི་སྟེང་ན་འཇིག་རྟེན་གྱི་ཁམས་མི་མཇེད་ཅེས་བྱ་བ་ཡོད་པ་དེ་ན་
འཇིག་རྟེན་གྱི་ཁམས་མཚམས་རྡོ་རྗེ་ལྟར་སྲ་བ་སྣ་ཚོགས་ཤེས་བྱ་བ་ཡོད་དེ། དེ་ན་དེ་བཞིན་གཤེགས་པ་བསྩལ་བའི་རྒྱལ་པོ་རྒྱལ་མཚན་ཞེས་བྱ་བ་བཞུགས་སོ། །དེའི་སྟེང་ན་འཇིག་རྟེན་གྱི་ཁམས་
སངས་རྒྱས་ཀྱི་ཞིང་བདུན་གྱི་རྡུལ་ཤིན་ཏུ་ཕྲ་བ་སྙེད་འདས་པའི་འཇིག་རྟེན་གྱི་ཁམས་ཀྱི་རྒྱུད་ཀྱི་ཐོག་མ་ལ་འཇིག་རྟེན་གྱི་ཁམས་རྒྱ་མཚོ་དག་ལ། སྣ་ཚོགས་ཤེས་བྱ་བ་ཡོད་དེ། དེ་ན་དེ་བཞིན་གཤེགས་པ་ཟིལ་
གྱིས་མི་ནོན་པར་མངོན་པར་འཕགས་པའི་གཟི་བརྗིད་ཅེས་བྱ་བ་བཞུགས་སོ། །སྤོས་ཆུའི་རྒྱ་མཚོ་རིན་པོ་ཆེའི་འབྱུང་གནས་ཀྱི་མཛོད་ཤིན་ཏུ་བསྩགས་པ་ཞེས་བྱ་བ་དེ་དང་། འདབ་ཆགསུ་སྤོས་ཆུའི་རྒྱ་མཚོ་
རིན་པོ་ཆིའི་འོད་སྣང་བས་རྣམ་པར་མཛེས་པ་ཞེས་བྱ་བ་ཡོད་དེ། དེ་ལ་འཇིག་རྟེན་གྱི་ཁམས་ཀྱི་རྒྱུད་བྲགས་པའི་དྲི་མ་མེད་པའི་རྒྱན་ཅེས་བྱ་བ་རབ་ཏུ་གནས་སོ། །དེ་དང་འདབ་ཆགསུ་སྤོས་ཆུའི་རྒྱ་མཚོ་
རིན་པོ་ཆེ་ཚད་མེད་པའི་མེ་ཏོག་ཤིན་ཏུ་རྒྱས་པ་ཞེས་བྱ་བ་ཡོད་དེ། དེ་ལ་འཇིག་རྟེན་གྱི་ཁམས་ཀྱི་རྒྱུད་མཚན་ཉིད་ནམཁའ་ལྟ་བུར་རྣམ་པར་དཔྱོད་པ་ཞེས་བྱ་བ་རབ་ཏུ་གནས་སོ། །དེ་དང་འདབ་ཆགས་སུ་

72-1-153a

སྤོས་ཆུའི་རྒྱ་མཚོ་རྣམ་པར་སྣང་མཛད་ཀྱི་དཔལ་རྣམ་པར་ཡངས་པ་ཞེས་བྱ་བ་ཡོད་དེ། དེ་ལ་འཇིག་རྟེན་གྱི་ཁམས་ཀྱི་རྒྱུད་ཐོགས་པ་མེད་པར་ཀུན་ཏུ་སྣང་བའི་རྒྱན་ཅེས་བྱ་བ་རབ་ཏུ་གནས་སོ། །
དེ་དང་འདབ་ཆགསུ་སྤོས་ཆུའི་རྒྱ་མཚོ་ཤིང་ཙན་དན་གྱི་ཟེ་བ་ཞེས་བྱ་བ་ཡོད་དེ། དེ་ལ་འཇིག་རྟེན་གྱི་ཁམས་རྒྱ་མཚོ་མཐའ་ཡས་པར་འཁྱིལ་པའི་ཕྱོགས་སུ་རབ་ཏུ་འཇུག་པ་ཞེས་བྱ་བ་རབ་ཏུ་གནས་སོ། །
དེ་དང་འདབ་ཆགསུ་གསེར་རིན་པོ་ཆེའི་གྲམ་བུ་རབ་ཏུ་འབྱུང་བ་ཞེས་བྱ་བ་ཡོད་དེ། དེ་ལ་འཇིག་རྟེན་གྱི་ཁམས་ཀྱི་རྒྱུད་རྒྱལ་མཚན་གྱི་རྩེ་མོ་ལ་ཞིང་གི་འཁོར་ལོ་རྒྱུ་བ་ཞེས་བྱ་བ་རབ་ཏུ་གནས་ཏེ། དེ་དང་འདབ་ཆགསུ་
སྤོས་ཆུའི་རྒྱ་མཚོ་འཁོར་ཀུན་ན། རྡོ་རྗེའི་མེ་ཏོག་གི་འབྱུང་གནས་ཡོད་པ་ཞེས་བྱ་བ་ཡོད་དེ། དེ་ལ་འཇིག་རྟེན་གྱི་ཁམས་ཀྱི་རྒྱུད་རྣམ་པར་ཕྱེ་བ་བསམ་གྱིས་མི་ཁྱབ་པར་སྟོན་པ་ཞེས་བྱ་བ་རབ་ཏུ་གནས་སོ། །དེ་དང་
འདབ་ཆགསུ་སྤོས་ཆུའི་རྒྱ་མཚོ་ནོར་བུ་ཡིད་བཞིན་གྱི་རྒྱལ་པོ་འཁོར་ལོ་སྣ་ཚོགས་ཀྱི་གཞི་ཞེས་བྱ་བ་ཡོད་དེ། དེ་ལ་འཇིག་རྟེན་གྱི་ཁམས་ཀྱི་རྒྱུད་རྣམ་པར་རིག་པ་ཆགས་པ་མེད་པས་སངས་རྒྱས་བལྟ་བ་རབ་ཏུ་
གནས་སོ། །དེ་དང་འདབ་ཆགསུ་སྤོས་ཆུའི་རྒྱ་མཚོ་གཞི་རིན་པོ་ཆེའི་ཕྲེང་བས་སྩོགས་པ་ཞེས་བྱ་བ་ཡོད་དེ། དེ་ལ་འཇིག་རྟེན་གྱི་ཁམས་ཀྱི་རྒྱུད་བློ་གྲོས་དགེ་བ་མཐའ་ཡས་པའི་གཟི་བརྗིད་ཅེས་བྱ་བ་རབ་ཏུ་གནས་
སོ། །དེ་དང་འདབ་ཆགསུ་སྤོས་ཆུའི་རྒྱ་མཚོ་མུ་ཏིག་སྣ་ཚོགས་ཀྱི་དཀྱིལ་འཁོར་གྱི་བརྒྱན་པ་ཞེས་བྱ་བ་ཡོད་དེ། དེ་ལ་འཇིག་རྟེན་གྱི་ཁམས་ཀྱི་རྒྱུད་སངས་རྒྱས་ཀྱི་ཡུལ་དང་སྨོན་ལམ་གྱི་རྒྱུ་འཐུན་པ་ལས་བྱུང་བ་
ཞེས་བྱ་བ་རབ་ཏུ་གནས་སོ། །དེ་དག་ལ་སྩོགས་པ་སྤོས་ཆུའི་རྒྱ་མཚོ་སངས་རྒྱས་ཀྱི་ཞིང་བརྗོད་དུ་མེད་པའི་ཡང་བརྗོད་དུ་མེད་པའི་རྡུལ་ཤིན་ཏུ་ཕྲ་བ་སྙེད་ཀྱི་ཕྱི་རོལ་འཁོར་ཡུག་གི་འཚམས་ན་སྤོས་ཆུའི་

72-1-153b

རྒྱ་མཚོ་འཛམ་བུའི་ཆུ་ཀླུང་གི་མཛོད་ཀྱི་དཀྱིལ་འཁོར་ཅེས་བྱ་བ་ཡོད་དེ། དེ་ལ་འཇིག་རྟེན་གྱི་ཁམས་ཀྱི་རྒྱུད་ཀུན་ཏུ་སྒྲས་སྒྲོགས་པའི་རྒྱལ་མཚན་ཞེས་བྱ་བ་ཐམས་ཅད་མཁྱེན་པ་ཉིད་གཞན་དང་། 
གཞན་གྱི་སྒོར་རབ་ཏུ་འཇུག་པའི་དབྱངས་ཀྱི་ལྷུན་ཅན་མངོན་པར་བྱུང་ངོ་། །དེ་ཐམས་ཅད་ཀྱི་འོག་ན་འཇིག་རྟེན་གྱི་ཁམས་མེ་ཏོག་འོད་འཕྲོ་བ་ཞེས་བྱ་བ་འཇིག་རྟེན་གྱི་ཁམས་སངས་རྒྱས་ཀྱི་ཞིང་གི་རྡུལ་ཤིན་
ཏུ་ཕྲ་བ་སྙེད་ཀྱི་འཁོར་གྱིས་བསྐོར་བ་གཅིག་ཏུ་དག་པ་ཡོད་དེ། དེ་ན་དེ་བཞིན་གཤེགས་པ་དཔའ་བས་གསོལ་པ་ཞེས་བྱ་བ་བཞུགས་སོ། །དེའི་སྟེང་ན་འཇིག་རྟེན་གྱི་ཁམས་སངས་རྒྱས་ཀྱི་ཞིང་གི་རྡུལ་
ཤིན་ཏུ་ཕྲ་བ་སྙེད་འདས་པ་ན། འཇིག་རྟེན་གྱི་ཁམས་རྡོ་རྗེའི་རྒྱལ་མཚན་ཞེས་བྱ་བ་གཞི་མཉམ་པ་ཡོད་པ་དེ་ན། འཇིག་རྟེན་གྱི་ཁམས་པད་མོ་རྣམ་པར་སྣང་བའི་རྒྱལ་མཚན་ཞེས་བྱ་བ་འཇིག་རྟེན་གྱི་
ཁམས་སངས་རྒྱས་ཀྱི་ཞིང་གི་རྡུལ་ཤིན་ཏུ་ཕྲ་བ་སྙེད་ཀྱི་འཁོར་གྱིས་བསྐོར་བ། གཅིག་ཏུ་དག་པ་ཡོད་དེ། དེ་ན་དེ་བཞིན་གཤེགས་པ་ཡོན་ཏན་ཐམས་ཅད་ཀྱིས་རྣམ་པར་འཕགས་པའི་སེམས་ཀྱི་རྒྱལ་པོ་
ཞེས་བྱ་བ་བཞུགས་སོ། །དེའི་སྟེང་འཇིག་རྟེན་གྱི་ཁམས་སངས་རྒྱས་ཀྱི་ཞིང་གི་རྡུལ་ཤིན་ཏུ་ཕྲ་བ་སྙེད་འདས་པ་ན། འཇིག་རྟེན་གྱི་ཁམས་མི་མཇེད་ཅེས་བྱ་བ་གཞི་མཉམ་པ་ཡོད་པ་དེ་ན། 
འཇིག་རྟེན་གྱི་ཁམས་སྟོབས་བཅུའི་བརྒྱན་ཅེས་བྱ་བ་འཇིག་རྟེན་གྱི་ཁམས། སངས་རྒྱས་ཀྱི་ཞིང་གི་རྡུལ་ཤིན་ཏུ་ཕྲ་བ་སྙེད་ཀྱི་འཁོར་གྱིས་བསྐོར་བ་གཅིག་ཏུ་དག་པ། ཀུན་ནས་ཉོན་མོངས་ཤིང་
རྣམ་པར་དག་པ་ཡོད་དེ། དེ་ན་དེ་བཞིན་གཤེགས་པ་ལེགས་པར་འབྱུང་བའི་ཡོན་ཏན་ཚད་མེད་པའི་རྒྱལ་པོ་ཞེས་བྱ་བ་བཞུགས་སོ། །དེའི་སྟེང་ན་འཇིག་རྟེན་གྱི་ཁམས་ཀྱི་རྒྱུད་ཀྱི་དང་པོ་ལ། 

72-1-154a

འཇིག་རྟེན་གྱི་ཁམས་སྤོས་དང་ནོར་བུ་བརྩེགས་པའི་རྒྱལ་མཚན་ཞེས་བྱ་བ་ཡོད་དོ། དེ་ན་དེ་བཞིན་གཤེགས་པ་བློ་གྲོས་རྣམ་པར་ཡངས་པའི་སྤྱན་ཞེས་བྱ་བ་བཞུགས་སོ། །སྤོས་ཆུའི་རྒྱ་
མཚོ་རིན་པོ་ཆེས་མཐུན་པར་རྣམ་པར་བརྒྱན་པ། དེ་དང་འདབ་ཆགས་སུ་སྤོས་ཆུའི་རྒྱ་མཚོ་འོད་གཟེར་གྱི་མཛོད་ཀྱི་རི་བོ་འཛིན་པ་ཞེས་བྱ་བ་ཡོད་དེ། དེ་ལ་འཇིག་རྟེན་གྱི་ཁམས་ཀྱི་རྒྱུད་ནམཁའི་སྤྲིན་
ཡངས་པ་འབྱུང་བ་ཞེས་བྱ་བ་རབ་ཏུ་གནས་སོ། །དེ་དང་འདབ་ཆགསུ་སྤོས་ཆུའི་རྒྱ་མཚོ་རྒྱན་སྣ་ཚོགས་ཀྱི་བྱིན་གྱིས་རླབས་ཀྱི་སྤྱོད་ཡུལ་ཞེས་བྱ་བ་ཡོད་དེ། དེ་ལ་འཇིག་རྟེན་གྱི་ཁམས་ཀྱི་རྒྱུད་དྲི་མ་
མེད་ཅིང་སྒྲིབ་པ་མེད་པར་རྣམ་པར་ཕྱེ་བ་རབ་ཏུ་གནས་སོ། །དེ་དང་འདབ་ཆགསུ་སྤོས་ཆུའི་རྒྱ་མཚོ་རིན་པོ་ཆེའི་པད་མོ་འདབ་མ་སྟུག་པོ་རབ་ཏུ་འཕྱང་བ་ཞེས་བྱ་བ་ཡོད་དེ། དེ་ལ་འཇིག་རྟེན་གྱི་ཁམས་
ཀྱི་རྒྱུད་ཀྱི་ལུས་ཀྱི་བརྒྱན་དམ་པའི་མར་མེ་ཞེས་བྱ་བ་རབ་ཏུ་གནས་སོ། །དེ་དང་འདབ་ཆགས་སུ་སྤོས་ཆུའི་རྒྱ་མཚོ་རིན་པོ་ཆེ་ཐམས་ཅད་ཀྱི་རྒྱན་ཤིན་ཏུ་གནས་པ་ཞེས་བྱ་བ་ཡོད་དེ། དེ་ལ་འཇིག་
རྟེན་གྱི་ཁམས་ཀྱི་རྒྱུད་ཉི་མའི་འོད་ཟེར་གྱི་དྲ་བ་འབྱུང་གནས་ཤེས་བྱ་བ་རབ་ཏུ་གནས་སོ། །དེ་དང་འདབ་ཆགས་སུ་སྤོས་ཆུའི་རྒྱ་མཚོ་ཡང་དག་པར་བསྒྲུབས་པ་ཤིན་ཏུ་མང་བ་ཞེས་བྱ་བ་ཡོད་དེ། 
དེ་ན་འཇིག་རྟེན་གྱི་ཁམས་ཀྱི་རྒྱུད་རིན་པོ་ཆེའི་ཟེ་བ་བྱིན་གྱིས་རླབས་ཀྱི་གནས་ཤེས་བྱ་བ་རབ་ཏུ་གནས་སོ། །དེ་དང་འདབ་ཆགས་སུ་སྤོས་ཆུའི་རྒྱ་མཚོ་ཤིན་ཏུ་གཙང་བའི་སྤྱོད་པ་ཞེས་བྱ་བ་
ཡོད་དེ། དེ་ལ་འཇིག་རྟེན་གྱི་ཁམས་ཀྱི་རྒྱུད་ལུས་དམ་པ་རྒྱ་མཚོའི་རྒྱན་ཅེས་བྱ་བ་རབ་ཏུ་གནས་སོ། །དེ་དང་འདབ་ཆགསུ་སྤོས་ཆུའི་རྒྱ་མཚོ་ནོར་བུ་སྣ་ཚོགས་ཀྱི་ཕུང་པོ་འཚན་པ་ཞེས་བྱ་བ་

72-1-154b

ཡོད་དེ། དེ་ལ་འཇིག་རྟེན་གྱི་ཁམས་ཀྱི་རྒྱུད་ནམཁའ་རྣམ་པར་དག་པའི་སྙིང་པོ་ཞེས་བྱ་བ་རབ་ཏུ་གནས་སོ། །དེ་དང་འདབ་ཆགསུ་སྤོས་ཆུའི་རྒྱ་མཚོ་གཟི་བརྗིད་དག་ཅིང་ཡངས་པས་རྣམ་པར་སྣང་བ་ཞེས་བྱ་བ་ཡོད་དེ། 
དེ་ལ་འཇིག་རྟེན་གྱི་ཁམས་ཀྱི་རྒྱུད་ཨིནྡྲ་ནི་ལའི་དབྱིབས་ལྟར་འདུག་པ་སྐར་མདའ་ལྟར་སྣང་བ་ཞེས་བྱ་བ་རབ་ཏུ་གནས་སོ། །དེ་དང་འདབ་ཆགསུ་སྤོས་ཆུའི་རྒྱ་མཚོ་ཡིད་དུ་འོང་བར་གྲམ་པའི་ནོར་བུ་མུ་ཏིག་རྣམ་པར་
སྣང་བ་ཞེས་བྱ་བ་ཡོད་དེ། དེ་ལ་འཇིག་རྟེན་གྱི་ཁམས་ཀྱི་དབྱིངས་ཀྱི་ཀུན་ཏུ་སྒྲོག་པའི་ང་རོ་ལ་དགའ་བ་ཞེས་བྱ་བ་རབ་ཏུ་གནས་ཏེ། དེ་དག་ལས་སྩོགས་པ་སྤོས་ཆུའི་རྒྱ་མཚོ་སངས་རྒྱས་ཀྱི་ཞིང་བརྗོད་དུ་མེད་
པའི་ཡང་བརྗོད་དུ་མེད་པའི་རྡུལ་ཤིན་ཏུ་ཕྲ་བ་སྙེད་ཀྱི་ཕྱི་རོལ་ཁོར་ཡུག་གི་མཚམས་ན་སྤོས་ཆུའི་རྒྱ་མཚོ་ཨིནྡྲ་ནི་ལ་རབ་ཏུ་འགྱེད་པ་ཞེས་བྱ་བ་ཡོད་དེ། དེ་ལ་འཇིག་རྟེན་གྱི་ཁམས་ཀྱི་རྒྱུད་ཕྱོགས་ཀུན་ཏུ་སྣང་
ཞིང་ཐ་མི་དད་པ་ཞེས་བྱ་བ། བྱང་ཆུབ་སེམས་དཔའ་ཐམས་ཅད་ཀྱི་ཆོས་ཡང་དག་པར་འབྱུང་བར་ང་རོ་སྒྲོག་པའི་ལྷུན་ཅན་རབ་ཏུ་གནས་ཏེ། དེ་ཐམས་ཅད་ཀྱི་འོག་ན་འཇིག་རྟེན་གྱི་ཁམས་དགེ་བ་དམ་པའི་སྙིང་པོ་
ཞེས་བྱ་བ་འཇིག་རྟེན་གྱི་ཁམས་སངས་རྒྱས་ཀྱི་ཞིང་གི་རྡུལ་ཤིན་ཏུ་ཕྲ་བ་སྙེད་ཀྱི་འཁོར་གྱིས་བསྐོར་བ་གཅིག་ཏུ་དག་པ་ཡོད་དེ། དེ་ན་དེ་བཞིན་གཤེགས་པ་ཡོན་ཏན་མཆོག་གི་བློ་གྲོས་དམ་པ་ཞེས་བྱ་བ་བཞུགས་སོ། །
དེའི་སྟེང་འཇིག་རྟེན་གྱི་ཁམས་སངས་རྒྱས་ཀྱི་ཞིང་གི་རྡུལ་ཤིན་ཏུ་ཕྲ་བ་སྙེད་འདས་པའི་འཇིག་རྟེན་གྱི་ཁམས་ཀྱི་རྒྱུད་ཀྱི་དབུས་གཞི་མཉམ་པ་ཡོད་པ་དེ་ན། འཇིག་རྟེན་གྱི་ཁམས་ཡང་དག་པར་གནས་པའི་རྒྱན་
ཅེས་བྱ་བ་ཡོད་དེ། དེ་ན་དེ་བཞིན་གཤེགས་པ་འོད་ལྷག་པར་འཕགས་པས་རབ་ཏུ་སྣང་བ་ཞེས་བྱ་བ་བཞུགས་སོ། །དེའི་སྟེང་ན་འཇིག་རྟེན་གྱི་ཁམས་མི་མཇེད་ཅེས་བྱ་བ་གཞི་མཉམ་པ་ཡོད་པ་དེ་ན། 

72-1-155a

འཇིག་རྟེན་གྱི་ཁམས་བཻ་ཌཱུརྱས་བསྒྲུབ་པ་ཀུན་ནས་འཁོར་ལོ་ཞེས་བྱ་བ་ཡོད་དེ། དེ་ན་དེ་བཞིན་གཤེགས་པ་རི་རབ་མར་མེ་ཞེས་བྱ་བ་བཞུགས་སོ། །དེའི་སྟེང་ན་འཇིག་རྟེན་གྱི་ཁམས་ཀྱི་རྒྱུད་ཀྱི་ཐོག་མ་ལ་
འཇིག་རྟེན་གྱི་ཁམས་མེ་ཏོག་གི་རྒྱ་མཚོ་རྒྱལ་མཚན་ཞེས་བྱ་བ་འཇིག་རྟེན་གྱི་ཁམས་སངས་རྒྱས་ཀྱི་ཞིང་གི་རྡུལ་ཤིན་ཏུ་ཕྲ་བ་སྙེད་ཀྱི་འཁོར་གྱིས་བསྐོར་བ་གཅིག་ཏུ་དག་པ་ཡོད་དེ། དེ་ན་དེ་བཞིན་གཤེགས་པ་སྤྲུལ་
པ་མི་ཟད་པའི་སྤྲིན་གྱི་མངའ་བདག་ཅེས་བྱ་བ་བཞུགསོ། །སྤོས་ཆུའི་རྒྱ་མཚོ་སྒྲ་རྡོ་རྗེ་ལྟར་ཤིན་ཏུ་བརྟན་པའི་དབྱངས་ཤེས་བྱ་བ་དེ་དང་འདབ་ཆགསུ་སྤོས་ཆུའི་རྒྱ་མཚོ་རིན་པོ་ཆེའི་ཤིང་ཏོགས་ཀྱི་བསྐོར་བ་ཤིན་ཏུ་འཕགས་
པ་ཞེས་བྱ་བ་ཡོད་དེ། དེ་ལ་འཇིག་རྟེན་གྱི་ཁམས་ཀྱི་རྒྱུད་རིན་པོ་ཆེའི་རྒྱལ་མཚན་ཤིན་ཏུ་སྒྲེང་བ་ཞེས་བྱ་བ་རབ་ཏུ་བཞུགསོ། །དེ་དང་འདབ་ཆགསུ་སྤོས་ཆུའི་རྒྱ་མཚོ་མེ་ཏོག་གི་རྒྱལ་མཚན་གྱིས་རབ་ཏུ་བརྒྱན་པ་
ཞེས་བྱ་བ་ཡོད་དེ། དེ་ལ་འཇིག་རྟེན་གྱི་ཁམས་ཀྱི་རྒྱུད་སྣང་བ་ཐམས་ཅད་ཤིན་ཏུ་སྟོན་པ་ཞེས་བྱ་བ་རབ་ཏུ་གནས་སོ། །དེ་དང་འདབ་ཆགས་སུ་སྤོས་ཆུའི་རྒྱ་མཚོ་རིན་པོ་ཆེའི་སྤྲིན་དམ་པ་དང་ལྡན་པ་ཞེས་བྱ་བ་ཡོད་
དེ། དེ་ལ་འཇིག་རྟེན་གྱི་ཁམས་ཀྱི་རྒྱུད་གཞི་རིན་པོ་ཆེའི་ཐམས་ཅད་ཀྱིས་བརྒྱན་པ་འོད་རྣམ་པར་སྣང་བ་ཞེས་བྱ་བ་རབ་ཏུ་གནས་སོ། །དེ་དང་འདབ་ཆགས་སུ་སྤོས་ཆུའི་རྒྱ་མཚོ་རིན་པོ་ཆེའི་ཤིང་གིས་
ཟེ་བའི་ཁ་དོག་ཀྱི་བརྒྱན་ཅེས་བྱ་བ་ཡོད་དེ། དེ་ལ་འཇིག་རྟེན་གྱི་ཁམས་ཀྱི་རྒྱུད་དགེ་བའི་ཚོགས་ཀྱི་གཟི་བརྗིད་རབ་ཏུ་གནས་སོ། །དེ་དང་འདབ་ཆགསུ་སྤོས་ཆུའི་རྒྱ་མཚོ་རིན་པོ་ཆེའི་གོས་དམ་པས་ཤིན་
ཏུ་རྒྱན་པ་ཞེས་བྱ་བ་ཡོད་དེ། དེ་ལ་འཇིག་རྟེན་གྱི་ཁམས་ཀྱི་རྒྱུད་རྒྱ་མཚོའི་འོད་ཅེས་བྱ་བ་རབ་ཏུ་གནས་སོ། །དེ་དང་འདབ་ཆགསུ་སྤོས་ཆུའི་རྒྱ་མཚོ་རིན་པོ་ཆེའི་ཤིང་གི་ཡལ་ག་རྩེགས་པ་ཞེས་བྱ་བ་

72-1-155b

ཡོད་དེ། དེ་ན་འཇིག་རྟེན་གྱི་ཁམས་ཀྱི་རྒྱུད་རིན་པོ་ཆེ་འོད་འཕྲོ་བའི་སྤྲིན་ལ་ཤིན་ཏུ་རྟེན་པ་ཞེས་བྱ་བ་རབ་ཏུ་གནས་སོ། །དེ་དང་འདབ་ཆགས་སུ་སྤོས་ཆུའི་རྒྱ་མཚོ་གཞི་ཡིད་དུ་འོང་བར་སྣང་བ་ཞེས་བྱ་བ་ཡོད་དེ། 
དེ་ན་འཇིག་རྟེན་གྱི་ཁམས་ཀྱི་རྒྱུད་ཆགས་པ་མེད་པའི་རྡོ་རྗེ་ཀུན་ཏུ་རྒྱུ་བ་ཞེས་བྱ་བ་རབ་ཏུ་གནས་སོ། །དེ་དང་འདབ་ཆགསུ་སྤོས་ཆུའི་རྒྱ་མཚོ་ཀུན་ནས་པད་མོས་བརྒྱན་པ་ཞེས་བྱ་བ་ཡོད་དེ། 
དེ་ལ་འཇིག་རྟེན་གྱི་ཁམས་ཀྱི་རྒྱུད་རྒྱ་མཚོའི་ངོགས་མཐའ་ཡས་པའི་གློང་ཞེས་བྱ་བ་རབ་ཏུ་གནས་སོ། །དེ་དང་འདབ་ཆགས་སུ་སྤོས་ཆུའི་རྒྱ་མཚོ་རིན་པོ་ཆེའི་ཡན་ལག་དམ་པས་རྣམ་པར་བརྒྱན་པ་ཞེས་བྱ་བ་
ཡོད་དེ། དེ་ལ་འཇིག་རྟེན་གྱི་ཁམས་ཀྱི་རྒྱུད་དག་ཞིང་གཞི་རྣམ་པར་དམིགས་པ་ཞེས་བྱ་བ་རབ་ཏུ་གནས་སོ། །དེ་ལས་སྩོགས་པ་སྤོས་ཆུའི་རྒྱ་མཚོ་སངས་རྒྱས་ཀྱི་ཞིང་བརྗོད་དུ་མེད་པའི་རྡུལ་ཤིན་ཏུ་ཕྲ་བ་
སྙེད་ཀྱི་ཕ་རོལ་ཁོར་ཡུག་གི་མཚམས་ན། སྤོས་ཆུའི་རྒྱ་མཚོ་མྱི་ཕྱེད་པར་བརྟན་པ་དང་ལྡན་པ་ཞེས་བྱ་བ་ཡོད་དེ། དེ་ན་འཇིག་རྟེན་གྱི་ཁམས་ཀྱི་རྒྱུད་པདྨའི་དཀྱིལ་འཁོར་ཤིན་ཏུ་རྣམ་པར་ཕྱེ་བའི་འཁོར་ལོ་
ཞེས་བྱ་བ་སངས་རྒྱས་ཐམས་ཅད་ཀྱི་སྟོབས་ལ་འཇུག་པ་ཤིན་ཏུ་སྒྲོག་པའི་ལྷུན་ཅན་རབ་ཏུ་གནས་ཏེ། དེ་དག་ཐམས་ཅད་ཀྱི་འོག་ན་འཇིག་རྟེན་གྱི་ཁམས་སྤོས་ཤིན་ཏུ་ཞིམ་པ་ཞེས་བྱ་བ་ཡོད་དེ། དེ་ན་
དེ་བཞིན་གཤེགས་པ་འོད་དང་སྤྲུལ་པ་ཚད་མེད་པའི་རྒྱལ་པོ་ཞེས་བྱ་བ་བཞུགས་སོ། །འཇིག་རྟེན་གྱི་ཁམས་ཀྱི་རྒྱུད་དེའི་དབུས་ན་འཇིག་རྟེན་གྱི་ཁམས་རྡོ་རྗེའི་རྒྱལ་མཚན་ཞེས་བྱ་བ་གཞི་མཉམ་པ་ཡོད་
པ་དེ་ན་འཇིག་རྟེན་གྱི་ཁམས་རྒྱན་དང་ཚུལ་གྱི་སྒོ་བསམ་གྱིས་མི་ཁྱབ་པ་ཞེས་བྱ་བ་ཡོད་དེ། དེ་ན་དེ་བཞིན་གཤེགས་པ་ཡེ་ཤེས་ཚད་མེད་པའི་ཚངས་པ་ཞེས་བྱ་བ་བཞུགས་སོ། །དེའི་སྟེང་ན་འཇིག་རྟེན་

72-1-156a

གྱི་ཁམས་མི་མཇེད་ཅེས་བྱ་བ་གཞི་མཉམ་པ་ཡོད་པ་དེ་ན། འཇིག་རྟེན་གྱི་ཁམས་སྣང་བའི་ཕྱོགས་མེ་ཏོག་གི་སྙིང་པོ་ཞེས་བྱ་བ་ཡོད་དེ། དེ་ནི་དེ་བཞིན་གཤེགས་པ་སེང་གེའི་སྤྱན་འོད་འཕྲོ་བའི་
སྤྲིན་ཅེས་བྱ་བ་བཞུགས་སོ། །དེའི་སྟེང་འཇིག་རྟེན་གྱི་ཁམས་ཀྱི་རྒྱུད་ཐོག་མ་ལ་འཇིག་རྟེན་གྱི་ཁམས་རྒྱ་མཚོའི་དབྱངས་ཤེས་བྱ་བ་ཡོད་དེ། དེ་ན་དེ་བཞིན་གཤེགས་པ་ཆུ་ཡི་ལྷ་འོད་འཕྲོ་བའི་སྒོ་ཞེས་བྱ་བ་
བཞུགས་སོ། །སྤོས་ཆུའི་རྒྱ་མཚོ་ལྷའི་གྲོང་ཁྱེར་དང་ནོར་བུའི་ཤིང་ཏོགས་ཀྱི་བརྒྱན་པ་ཞེས་བྱ་བ་དེ་དང་འདབ་ཆགསུ་སྤོས་ཆུའི་རྒྱ་མཚོ་སྣང་བའི་འཁོར་ལོས་རྣམ་པར་གསལ་བ་ཞེས་བྱ་བ་ཡོད་དེ། དེ་ལ་འཇིག་
རྟེན་གྱི་ཁམས་ཀྱི་རྒྱུད་བརྗོད་དུ་མེད་པའི་ཕྱོགས་ཀྱི་གནས་ཀྱིས་བརྒྱན་པ་ཞེས་བྱ་བ་རབ་ཏུ་གནས་སོ། །དེ་དང་འདབ་ཆགས་སུ་སྤོས་ཆུའི་རྒྱ་མཚོ་རིན་པོ་ཆེའི་ཚོན་གྱི་སྲང་རྣམ་པ་སྣ་ཚོགས་ཤེས་བྱ་བ་ཡོད་དེ་
དེ་ན་འཇིག་རྟེན་གྱི་ཁམས་ཀྱི་རྒྱུད་བརྒྱུས་པ་དུ་མས་འཇུག་པ་ཞེས་བྱ་བ་རབ་ཏུ་གནས་སོ། །དེ་དང་འདབ་ཆགས་སུ་སྤོས་ཆུའི་རྒྱ་མཚོ་རྒྱན་ཐམས་ཅད་ཀྱིས་ཀུན་ཏུ་གང་བ་ཞེས་བྱ་བ་ཡོད་དེ། དེ་ལ་འཇིག་
རྟེན་གྱི་ཁམས་ཀྱི་རྒྱུད་རིན་པོ་ཆེ་རྣམ་པར་སྣང་བ་ཞེས་བྱ་བ་རབ་ཏུ་གནས་སོ། །དེ་དང་འདབ་ཆགསུ་སྤོས་ཆུའི་རྒྱ་མཚོ་རིན་པོ་ཆེའི་དྲ་བ་རྣམ་པར་ཕྱེ་བ་ཀུན་ཏུ་འབྱུང་བ་ཞེས་བྱ་བ་ཡོད་དེ། དེ་ལ་འཇིག་རྟེན་
གྱི་ཁམས་ཀྱི་རྒྱུད་ཀྱི་ཚུལ་གྱི་མཚམས་སྦྱོར་བ་འབྱུང་བ་ཞེས་བྱ་བ་རབ་ཏུ་གནས་སོ། །དེ་དང་འདབ་ཆགས་སུ་སྤོས་ཆུའི་རྒྱ་མཚོ་རྒྱལ་མཚན་དམ་པའི་རྒྱན་ཅེས་བྱ་བ་ཡོད་དེ། དེ་ན་འཇིག་རྟེན་གྱི་ཁམས་
ཀྱི་རྒྱུད་འཇིག་རྟེན་གྱི་ཁམས་རྣམ་པར་དམིགས་པ་རྒྱ་མཚོའི་སྒྲ་ཞེས་བྱ་བ་རབ་ཏུ་གནས་སོ། །དེ་དང་འདབ་ཆགསུ་སྤོས་ཆུའི་རྒྱ་མཚོ་ཉི་མའི་གནས་ཡོངས་སུ་སྦྱོང་བའི་འོད་ཅེས་བྱ་བ་ཡོད་དེ། 

72-1-156b

དེ་ལ་འཇིག་རྟེན་གྱི་ཁམས་ཀྱི་རྒྱུད་མིག་འཕྲུལ་གྱིས་རྒྱས་པར་འཇུག་པ་ཞེས་བྱ་བ་རབ་ཏུ་གནས་སོ། །དེ་དང་འདབ་ཆགས་སུ་སྤོས་ཆུའི་རྒྱ་མཚོ་སིལ་སྙེན་ཐམས་ཅད་ཀྱི་སྒྲ་དབྱངས་ཡིད་དུ་འོང་བ་བརྗོད་
པ་ཞེས་བྱ་བ་ཡོད་དེ། དེ་ན་འཇིག་རྟེན་གྱི་ཁམས་ཀྱི་རྒྱུད་གློང་ཐམས་ཅད་ཀྱི་གཏིང་དུ་རབ་ཏུ་འཇུག་པ་ཞེས་བྱ་བ་རབ་ཏུ་གནས་སོ། །དེ་དང་འདབ་ཆགས་སུ་སྤོས་ཆུའི་རྒྱ་མཚོ་རྒྱན་དམ་པས་བསྒྲུབ་པ་རྣམ་པ་
སྣ་ཚོགས་ཤེས་བྱ་བ་ཡོད་དེ། དེ་ལ་འཇིག་རྟེན་གྱི་ཁམས་ཀྱི་རྒྱུད་འོད་དྲི་མ་མེད་པའི་སྤྲིན་སྟུག་པོ་འབར་བ་ཞེས་བྱ་བ་རབ་ཏུ་གནས་སོ། །དེ་དང་འདབ་ཆགས་སུ་སྤོས་ཆུའི་རྒྱ་མཚོ་མར་མེ་འོད་འཕྲོ་བས་
ཀུན་ཏུ་རྒྱས་པ་ཞེས་བྱ་བ་ཡོད་དེ། དེ་ན་འཇིག་རྟེན་གྱི་ཁམས་ཀྱི་རྒྱུད་སངས་རྒྱས་ཀྱི་སྨོན་ལམ་གྱི་དབྱིབས་ཐ་དད་པ་བྱིན་གྱིས་རླབས་པ་ཞེས་བྱ་བ་རབ་ཏུ་གནས་སོ། །དེ་དག་ལ་སྩོགས་པ་སྤོས་ཆུའི་སངས་
རྒྱས་ཀྱི་ཞིང་བརྗོད་དུ་མེད་པའི་ཡང་བརྗོད་དུ་མེད་པའི་རྡུལ་ཤིན་ཏུ་ཕྲ་བ་སྙེད་ཀྱི་ཕྱི་རོལ་ཁོར་ཡུག་གི་མཚམས་ན། སྤོས་ཆུའི་རྒྱ་མཚོ་ཕྲེང་བ་དང་། གོས་ཀྱིས་ཤིན་ཏུ་བསྒྲུབ་པ་ཞེས་བྱ་བ་ཡོད་དེ། 
དེ་ལས་འཇིག་རྟེན་གྱི་ཁམས་ཀྱི་རྒྱུད་ཀུན་ནས་སྣང་བ་གོས་བཟང་པོ་ཤིན་ཏུ་སྤྲུལ་པ་ཞེས་བྱ་བ། སངས་རྒྱས་འདས་པ་དང་། མ་བྱོན་པ་དང་། ད་ལྟར་བྱུང་བ་ཐམས་ཅད་ཀྱི་མཚན་ཉིད་ཤིན་ཏུ་སྒྲོག་
པའི་ལྷུན་ཅན་མངོན་པར་བྱུང་ངོ་། །དེ་ཐམས་ཅད་ཀྱི་འོག་ན་སྤོས་ཆུའི་རྒྱ་མཚོ་དབང་པོའི་མེ་ཏོག་ཟེ་བ་འཁྱིལ་པའི་སྙིང་པོ་ཞེས་བྱ་བ་ཡོད་དེ། དེ་ན་འཇིག་རྟེན་གྱི་ཁམས་རབ་ཏུ་སྒྲོལ་བས་
དགའ་བ་བྱེད་པ་ཞེས་བྱ་བ་འཇིག་རྟེན་གྱི་ཁམས་སངས་རྒྱས་ཀྱི་ཞིང་གི་རྡུལ་ཤིན་ཏུ་ཕྲ་བ་སྙེད་ཀྱི་འཁོར་གྱིས་བསྐོར་བ་གཅིག་ཏུ་དག་པ་ཡོད་དེ། དེ་ན་དེ་བཞིན་གཤེགས་པ་རྣམ་པར་

72-1-157a

སངས་རྒྱས་པའི་ཡེ་ཤེས་ཀྱི་ཕམ་པ་མེད་པ་ཞེས་བྱ་བ་བཞུགས་སོ། །དེའི་སྟེང་འཇིག་རྟེན་གྱི་ཁམས་སངས་རྒྱས་ཀྱི་ཞིང་གི་རྡུལ་ཤིན་ཏུ་ཕྲ་བ་སྙེད་འདས་པའི་འཇིག་རྟེན་གྱི་ཁམས་
ཀྱི་རྒྱུད་ཀྱི་དབུས་ན། འཇིག་རྟེན་གྱི་ཁམས་རྡོ་རྗེའི་རྒྱལ་མཚན་ཞེས་བྱ་བ་གཞི་མཉམ་པ་ཡོད་པ་དེ་ན། འཇིག་རྟེན་གྱི་ཁམས་རིན་པོ་ཆེའི་འབྲུའི་དྲ་བས་བརྒྱན་པ་ཞེས་བྱ་བ་འཇིག་རྟེན་གྱི་ཁམས་
སངས་རྒྱས་ཀྱི་ཞིང་བཅུའི་རྡུལ་ཤིན་ཏུ་ཕྲ་བ་སྙེད་ཀྱི་འཁོར་གྱིས་བསྐོར་བ་གཅིག་ཏུ་དག་པ་ཡོད་དེ། དེ་ན་དེ་བཞིན་གཤེགས་པ་སྣང་བ་ཚད་མེད་པས་དགྱེས་པ་ཞེས་བྱ་བ་བཞུགསོ། །དེའི་སྟེང་ན་འཇིག་
རྟེན་གྱི་ཁམས་སངས་རྒྱས་ཀྱི་ཞིང་གི་རྡུལ་ཤིན་ཏུ་ཕྲ་བ་སྙེད་འདས་པའི་འཇིག་རྟེན་གྱི་ཁམས་མི་མཇེད་ཅེས་བྱ་བ་གཞི་མཉམ་པ་ཡོད་པ་དེ་ན། འཇིག་རྟེན་གྱི་ཁམས་རིན་པོ་ཆེའི་གདན་པདྨོ་དང་སེང་གེ་ཞེས་
བྱ་བ། འཇིག་རྟེན་གྱི་ཁམས་སངས་རྒྱས་ཀྱི་ཞིང་བཅུའི་རྡུལ་ཤིན་ཏུ་ཕྲ་བ་སྙེད་ཀྱི་འཁོར་གྱིས་བསྐོར་བ། ཀུན་ནས་ཉོན་མོངས་ཤིང་རྣམ་པར་དག་པ་ཡོད་དེ། དེ་ན་དེ་བཞིན་གཤེགས་པ་ཤུགས་དྲི་མ་མེད་ཅིང་
མཉན་ན་དོན་ཡོད་པ་ཞེས་བྱ་བ་བཞུགསོ། །དེའི་སྟེང་འཇིག་རྟེན་གྱི་ཁམས་སངས་རྒྱས་ཀྱི་ཞིང་བདུན་གྱི་རྡུལ་ཤིན་ཏུ་ཕྲ་བ་སྙེད་འདས་པའི་འཇིག་རྟེན་གྱི་ཁམས་ཀྱི་རྒྱུད་ཀྱི་སྟེང་ན། འཇིག་རྟེན་གྱི་ཁམས་
ཀྱི་རྒྱུད་ཀླུའི་རིན་པོ་ཆེའི་ཁ་དོག་གི་འོད་ཅེས་བྱ་བ་འཇིག་རྟེན་གྱི་ཁམས་སངས་རྒྱས་ཀྱི་ཞིང་ཉི་ཤུའི་རྡུལ་ཤིན་ཏུ་ཕྲ་བ་སྙེད་ཀྱི་འཁོར་གྱིས་བསྐོར་བ་གཅིག་ཏུ་དག་པ་ཡོད་དེ། དེ་ན་དེ་བཞིན་གཤེགས་
པ་ཆོས་ཀྱི་དབྱིངས་ཡོངས་སུ་གསལ་བར་རྣམ་པར་སྣང་བར་ཞེས་བྱ་བ་བཞུགསོ། །ཀྱེ་དེ་ལྟར་རྒྱལ་བའི་སྲས་དག་སྤོས་ཆུའི་རྒྱ་མཚོ་སངས་རྒྱས་ཀྱི་ཞིང་བརྗོད་དུ་མེད་པའི་ཕྲག་བཅུའི་རྡུལ་ཤིན་ཏུ་

72-1-157b

ཕྲ་བ་སྙེད་ལ་འཇིག་རྟེན་གྱི་ཁམས་ཀྱི་རྒྱུད། སངས་རྒྱས་ཀྱི་ཞིང་བརྗོད་དུ་མེད་པ་ཕྲག་བཅུའི་རྡུལ་ཤིན་ཏུ་ཕྲ་བ་སྙེད་རབ་ཏུ་གནས་ཏེ། འཇིག་རྟེན་གྱི་ཁམས་ཀྱི་རྒྱུད་དེ་དག་ཐམས་ཅད་ཀྱང་སྤོས་ཆུའི་རྒྱ་
མཚོ་དེ་དག་ལ་ནོར་བུའི་རྒྱལ་པོ། བྱང་ཆུབ་སེམས་དཔའི་ལུས་རྣམ་པར་དམིགས་པའི་མྱིག་ཡོར་གི་རྒྱལ་མཚན་གྱིས་རབ་ཏུ་བརྒྱན་པ་དང་། ལྡན་པའི་པདྨོ་ལ་རབ་ཏུ་གནས་པ་ཤ་སྟག་གོ། །འཇིག་
རྟེན་གྱི་ཁམས་ཀྱི་རྒྱུད་གཞན་དང་གཞན་ཅན་མང་པོ་དང་། མཚམས་འདབ་ཆགས་སུ་གནས་པ་ཤ་སྟག་གོ་འོད་རིན་པོ་ཆེ་གཞན་དང་གཞན་གྱི་ཁ་དོག་ཏུ་འགྱེད་པ་ཤ་སྟག་གོ། །འོད་ཀྱི་དཀྱིལ་འཁོར་
གྱི་སྤྲིན་གཞན་དང་གཞན་གྱིས་ཀུན་ནས་ཡོག་པ་ཤ་སྟག་གོ། །རྒྱན་རྣམ་པར་བྲེས་པའི་འོད་གཞན་དང་གཞན་ཅན་ཤ་སྟག་གོ། །བསྐལ་པའི་གྲངས་དང་ཚུལ་གཞན་དང་གཞན་དུ་བསྟན་པ་ཤ་སྟག་གོ། །
སངས་རྒྱས་གཞན་དང་གཞན་སྐྱེ་ཞིང་གཤེགས་པ་ཤ་སྟག་གོ། །ཆོས་རྒྱ་མཚོའི་སྒྲ་གཞན་དང་གཞན་རབ་ཏུ་བསྒྲགས་པ་ཤ་སྟག་གོ། །སེམས་ཅན་གྱི་ལུས་གཞན་དང་གཞན་གྱིས་ཀུན་ཏུ་ཡོག་པ་ཤ་
སྟག་གོ། །ཕྱོགས་གཞན་དང་གཞན་ལ་འཇུག་པ་མ་འདྲེས་པ་ཤ་སྟག་གོ། །སངས་རྒྱས་ཀྱི་རྣམ་པར་འཕྲུལ་པ་དང་། དེ་བཞིན་གཤེགས་པའི་བྱིན་གྱིས་རླབས་གཞན་དང་གཞན་ཅན་ཤ་སྟག་གོ། །
འཇིག་རྟེན་གྱི་ཁམས་ཀྱི་རྒྱུད་དེ་དག་རེ་རེའི་འཇིག་རྟེན་གྱི་ཁམས་ཀྱི་མཚམས་ནས་རབ་ཏུ་བྱུང་བའི་འཇིག་རྟེན་གྱི་ཁམས་ཀྱི་དྲ་བ་རྒྱན་སྣ་ཚོགས་ལ་རབ་ཏུ་གནས་པ་ཐམས་ཅད་ཀྱིས་འཇིག་རྟེན་གྱི་
ཁམས་རྣམ་པ་སྣ་ཚོགས་ཀྱི་ཚུལ་དུ་འཇིག་རྟེན་གྱི་ཁམས་རྒྱ་མཚོ་གཞི་དང་སྙིང་པོ་མེ་ཏོག་གི་རྒྱན་གྱིས་བརྒྱན་པ་ཞེས་བྱ་བ་འདི་ཐམས་ཅད་ཡོངསུ་གང་ངོ་། །ཇི་ལྟར་འཇིག་རྟེན་གྱི་ཁམས་གཅིག་

72-1-158a

གི་རྒྱུད་ནས་བྱུང་བ་དེ་བཞིན་དུ་འཇིག་རྟེན་གྱི་ཁམས་ཀྱི་རྒྱུད་རྣམས་དང་། འཇིག་རྟེན་གྱི་ཁམས་ཀྱི་ས་མཚམས་དང་སྒོ་རྣམས་དང་ཚོགས་ཀྱི་བརྒྱན་ལ་གནས་པའི་འཇིག་རྟེན་གྱི་ཁམས་དྲ་བ་
སྣ་ཚོགས་ཐམས་ཅད་ལས་བྱུང་བ་ཀུན་ཀྱིས་ཀྱང་འཇིག་རྟེན་གྱི་ཁམས་རྒྱ་མཚོ་གཞི་དང་སྙིང་པོ་མེ་ཏོག་གི་རྒྱན་གྱིས་བརྒྱན་པ་འདི་ཐམས་ཅད་ཡོངསུ་གང་ངོ་། །དེ་ནས་བྱང་ཆུབ་སེམས་དཔའ་ཀུན་ཏུ་བཟང་པོས་
ཡང་འཇིག་རྟེན་གྱི་ཁམས་ཀྱི་རྒྱུད་མཐའ་དང་དབུས་མེད་པ་དང་། འཇིག་རྟེན་གྱི་ཁམས་འབྱམ་ཀླས་པའི་ཚུལ་ཤིན་ཏུ་བསྟན་པ་འདི་ཉིད་གསལ་བར་བརྗོད་པའི་ཕྱིར། སངས་རྒྱས་ཀྱི་བྱིན་གྱིས་རླབས་ཀྱི་ཕྱོགས་
བཅུར་རྣམ་པར་བལྟས་ཏེ། དེའི་ཚེ་ཚིགསུ་བཅད་པ་འདི་དག་སྨྲས་སོ། །འཇིག་རྟེན་ཁམས་ནི་རྒྱ་མཚོའི་རྣམས། །ཡངས་དང་མྱི་ཡངས་སྣ་ཚོགས་པ། །ནམ་མཁའ་དག་གི་དབྱིངས་ལ་གནས། །ཆོས་ཀྱི་དབྱིངས་
ནི་ཐ་མི་དད། །འཇིག་རྟེན་ཁམས་འདི་རྒྱ་མཚོ་ན། །ཞིང་གི་རྒྱུད་ནི་བསམ་མི་ཁྱབ། །ཐ་དད་མེད་པར་རྣམ་པར་གནས། །རྣམ་འཕྲུལ་གཞན་དང་གཞན་དག་གོ། །རྣམ་ཕྱེ་སྣ་ཚོགས་ཤིན་ཏུ་གནས། །
ཁ་དོག་ཐ་དད་རབ་ཏུ་འདུག །ཞིང་གི་རྒྱུད་དག་རྣམ་ཕྱེ་བ། །འཇིག་རྟེན་ཁམས་ཀྱི་གང་ཆེན་མཚོ། །ལྷུན་དང་དབྱངས་རྣམས་ཐ་དད་དེ། །སངས་རྒྱས་ཀུན་གྱི་རྣམ་འཕྲུལ་བ། །ཞིང་གཞན་རྒྱུད་རྣམས་རབ་ཏུ་
སྣང་། །ལས་ཀྱི་དེ་དག་ཤིན་ཏུ་བྲིས། །རི་རབ་རྒྱ་མཚོའི་དྲ་བ་དང་། །འཁོར་ལོ་ཀློང་གི་དཀྱིལ་འཁོར་དང་། །པདྨོའི་དབྱིངས་འདྲ་འབྱམ་ཀླས་པ། །དེ་དག་དེ་ཡི་ཀུན་ནས་བསྐོར། །རྡོ་རྗེའི་རྒྱལ་མཚན་བརྩེགས་
པ་དང་། །རྡོ་རྗེ་ཀུན་ནས་འཁོར་གནས་པ། །འབྱམ་ཀླས་བསམ་གྱིས་མི་ཁྱབ་པས། །དེ་དག་རྒྱུད་ནི་ཀུན་ནས་བསྐོར། །འོད་ཀྱི་དྲ་བ་བསམ་མི་ཁྱབ། །མུ་ཏིག་འདོག་ཀྱང་རྒྱ་མཚོ་སྟེ། །ཞིང་གིས་

72-1-158b

རྒྱུད་རྣམས་ཀུན་ཀྱང་འབར། །པདྨོ་ལ་ཡང་ཀུན་གནས་སོ། །རེ་རེ་དག་གི་རྒྱུད་ལས་ཀྱང་། །འོད་ཟེར་དྲ་བ་བསམ་མི་ཁྱབ། །འོད་ཟེར་དག་གི་ཞིང་གྱུར་ཅིང་། །རྒྱ་མཚོའི་ཕྱོགས་རྣམས་ཀུན་ཏུ་འགེངས། །ཞིང་གི་རྒྱུད་
རྣམས་ཐམས་ཅད་ཀྱིས། །དམིགས་པ་ཀུན་ཀྱི་སྒོ་ནས་ཀྱང་། །ཐམས་ཅད་ཚུལ་ལ་འཇིགས་པ་ཡིས། །མི་ཟད་ཚུལ་རྣམས་རབ་ཏུ་སྣང་། །ཞིང་གི་རྣམས་ནི་བསམ་མི་ཁྱབ། །རྒྱུད་རྣམས་མི་ཟད་ཤིན་ཏུ་འབྱུང་། 
རྒྱན་རྣམས་བསྟན་པ་ཐ་དད་དེ། །དྲང་སྲོང་ཆེན་པོའི་བྱིན་རླབས་སོ། །ཞིང་གི་རྒྱུད་རྣམས་དེ་དག་ན། །འཇིག་རྟེན་བསམ་གྱིས་མི་ཁྱབ་ཁམས། །ཀུན་ནས་འདུ་ཞིང་རྣམ་པར་འཇིགས། །འབྱུང་ཞིང་འཇིག་པར་
དེ་བཞིན་འགྱུར། །ཇི་ལྟར་ཤིང་ལ་ལོ་མ་རྣམས། །འབྱུང་ཞིང་ལྷུང་བར་འགྱུར་བ་ལྟར། །དེ་བཞིན་ཞིང་གི་རྒྱུད་རྣམས་ན། །འཇིག་རྟེན་ཁམས་ན་འབྱུང་བ་ཡིན། །ཇི་ལྟར་ཤིང་གི་སྐྱེ་གནས་ནས། །ཤིང་
ཐོག་སྣ་ཚོགས་འབྱུང་བ་ལྟར། །དེ་བཞིན་ཞིང་གི་རྒྱུད་རྣམས་ན། །སེམས་ཅན་སྣ་ཚོགས་འབྱུང་བ་ཡིན། །ཇི་ལྟར་ས་བོན་ཁྱད་པར་གྱིས། །འབྲས་བུ་སྣ་ཚོགས་སྣང་བ་ལྟར། །དེ་བཞིན་ལས་ཀྱི་
ཁྱད་པར་གྱིས། །སེམས་ཅན་རྣམས་དང་ཞིང་བྱུང་ངོ་། །ཡིད་བཞིན་རིན་ཆེན་རྒྱལ་པོ་རྣམས། །ཁ་དོག་ཀུན་ཏུ་སྣང་བ་ལྟར། །སེམས་ཅན་བསམ་པ་རྣམ་དག་པས། །དེ་བཞིན་ཞིང་རྣམས་རབ་ཏུ་སྣང་། 
ཀླུ་ཡི་རྒྱལ་པོ་སྤྲིན་གྱིས་རྣམས། །ནམཁའི་དབྱིངས་ལ་སྟོན་པ་ལྟར། །དེ་བཞིན་སངས་རྒྱས་སྨོན་ལམ་གྱིས། །ཞིང་གི་རྣམས་ནི་འབྱུང་བ་ཡིན། །སྒྱུ་མའི་མཁན་པོ་སྔགས་དག་གིས། །
སྒོ་རྣམས་སྣ་ཚོགས་སྟོན་པ་ལྟར། །དེ་བཞིན་སེམས་ཅན་ལས་རྣམས་ཀྱིས། །བསམ་གྱིས་མི་ཁྱབ་ཞིང་འབྱུང་ངོ་། །ཇི་ལྟར་རི་མོའི་གཟུགས་ཀྱི་རྣམས། །རི་མོའི་ལས་ཀྱིས་བྲིས་པ་ལྟར། །

72-1-159a

དེ་བཞིན་ཞིང་རྣམས་འདི་དག་ཀུན། །སེམས་ཀྱི་རི་མོར་བྲིས་པ་ཡིན། །སེམས་ཅན་ལུས་ཀྱི་རྣམ་པ་དག །ཇི་ལྟར་སེམས་ཀྱི་བརྟགས་པ་ལྟར། །དེ་བཞིན་ཞིང་གི་རྣམ་པ་ཡང་། །ཐམས་ཅད་
ལས་ཀྱིས་རྣམ་པར་བྲིས། །ཇི་ལྟར་གཞན་དང་གཞན་གཟུགས་སུ། །སེམས་ཅན་རྣམས་ཀྱི་བསམ་པ་བཞིན། །མགོན་པོ་རྣམས་ནི་སྣང་བ་ལྟར། །དེ་བཞིན་ཞིང་རྣམས་སྣང་བའོ། །པདྨོའི་དྲ་བའི་ཕྱི་རོལ་
གྱིས། །སེམས་ཅན་ཞིང་གི་མཚམས་དག་ན། །དབྱིབས་དང་ཁ་དོག་གཞན་དང་གཞན། །དྲི་མ་མེད་པ་སྣ་ཚོགས་སྣང་། །པདྨོའི་དྲ་བ་དེ་དག་ལ། །ཞིང་གི་དྲ་བ་རབ་ཏུ་གནས། །རྒྱན་དང་བསྟན་པ་སྣ་ཚོགས་
ཏེ། །སེམས་ཅན་སྣ་ཚོགས་མང་པོའི་གནས། །ཞིང་གི་དབྱིངས་རྣམས་ལ་ལ་ནི། །ཀུན་ནས་ཉོན་མོངས་རྣམ་པར་གནས། །སེམས་ཅན་རྣམས་ཀྱི་ཉོན་མོངས་ལས། །ཆོས་ཉིད་དེ་དག་ནང་ན་སྣང་། །ཀུན་ནས་
ཉོན་མོངས་རྣམས་དག་ཏུ། །ཞིང་གི་རྒྱུད་ནི་བསམ་མི་ཁྱབ། །སེམས་ཅན་བསམ་པས་རབ་ཏུ་བྱུང་། །བྱང་ཆུབ་སེམས་དཔའ་རྣམས་ཀྱང་འཁོད། །ལ་ལ་རྣམ་དག་ཉོན་མོངས་ཅན། །ཞིང་གི་དབྱིངས་ནི་
རྣམ་པ་མང་། །བྱང་ཆུབ་སེམས་དཔའ་རྣམ་པར་འཕྲུལ། །རྒྱ་མཚོའི་ལས་ལས་བྱུང་བ་ཡིན། །ཞིང་རྣམས་ལ་ལའི་འོད་བཏང་བ། །རིན་ཆེན་རང་བཞིན་དྲི་མ་མེད། །རྣམ་པ་སྣ་ཚོགས་དྲི་མེད་
དག །སངས་རྒྱས་རྣམས་ཀྱིས་ཡོངས་སུ་སྦྱངས། །ཞིང་གི་རྒྱུད་རྣམས་ལ་ལ་ན། །བསྐལ་པའི་མྱེ་ནི་བསམ་མི་ཁྱབ། །ཀུན་ནས་ཉོན་མོངས་རྣམས་ལ་སྟོན། །ཞིང་གི་དཀྱིལ་འཁོར་ཤིན་ཏུ་སྲ། །རླུང་གི་
ཕུང་པོ་སྨོན་ལམ་དང་། །ཆུ་ཡིས་ཕུང་ལ་རབ་ཏུ་གནས། །ཞིང་གི་རྣམ་པ་ཤིན་ཏུ་མང་། །སེམས་ཅན་རྣམས་ཀྱི་བསགས་པ་ཡིན། །ཞིང་ནི་གཞན་དང་གཞན་དག་གི། ཞིང་གི་ཆོས་ཉིད་སྣང་ལ་ལྟོས། །

72-1-159b

དེ་དག་འབྱུང་བ་གང་ཡང་མེད། །དེ་དག་ལ་ནི་འཇིག་པ་མེད། །སྐད་ཅིག་སྐད་ཅིག་སེམས་ཀུན་ལ། །སངས་རྒྱས་རྣམས་ཀྱི་བྱིན་རླབས་ཀྱིས། །ཞིང་རྣམས་རབ་ཏུ་འབྱུང་བ་རྣམས། །ཤིན་ཏུ་དྲི་མེད་དག་
པ་ལྟོས། །ཞིང་རྣམས་ལ་ལ་ས་ཡིས་དངོས། །སྲ་བར་དེ་དག་བྱུང་གྱུར་ཅིང་། །སྣང་བ་མེད་ཅིང་འོང་བའང་མེད། །སྡིག་པའི་ལས་ཀྱི་གནས་ཡིན་ནོ། །ཞིང་རྣམས་ལ་ལ་རྡོ་རྗེའི་དངོས། །ཀུན་ནས་ཉོན་
མོངས་འཇིགས་པ་ཆེ། །བདེ་བ་ཆུང་ཞིང་སྡུག་བསྔལ་མང་། །བསོད་ནམས་ཆུང་བའི་གནས་ཀྱང་ཡིན། །ཞིང་རྣམས་ལ་ལ་ལྕགས་ཀྱི་དངོས། །ལ་ལ་ཟངས་ཀྱི་དངོས་སུ་གནས། །སྡིག་པའི་ལས་ཀྱི་
ཀུན་ཏུ་གང་། །རི་དང་བྲག་གི་མཉམ་པ་མེད། །འཇིག་རྟེན་དེ་ན་དམྱལ་བ་ཡི། །སེམས་ཅན་སྡུག་བསྔལ་སྐྱབས་མེད་པ། །མུན་པ་རྗེསུ་རྙེད་གྱུར་ཅིང་། །མྱེ་ལྕེ་རྒྱ་མཚོའི་ནང་ན་འབར། །འོན་ཀྱང་བྱོལ་སོང་སྐྱེ་
གནས་སུ། །ལུས་ནི་མངོན་པར་བྱུང་གྱུར་ཏེ། །བདག་གི་ལས་ཀྱི་ཉེས་པ་ཡི། །སྡུག་བསྔལ་ཚོར་བ་རབ་ཏུ་མྱོང་། །གཤིན་རྗེས་འཇིག་རྟེན་རྣམས་ནའང་སྣང་། །སྐོམ་དང་བཀྲེས་པས་རབ་ཏུ་གནར། །མྱེ་ཡིས་
རི་ཡི་གདུང་བ་ཡི། །སྡུག་བསྔལ་ཚོར་བ་འང་མྱོང་བར་འགྱུར། །ལ་ལ་རིན་ཆེན་བདུན་ལས་བྱུང་། །ལ་ལ་སྣ་ཚོགས་གཟུགས་སུ་གནས། །དགེ་བའི་ལས་ཀྱིས་བྱུང་བ་སྟེ། །སྣ་ཚོགས་ཁྱིམ་གྱིས་རབ་ཏུ་
བརྒྱན། །མི་དང་ལྷ་རྣམས་ལ་ལ་ནི། །མཐོ་རིས་དག་གི་འཇིག་རྟེན་ན། །དགེ་བའི་བསོད་ནམས་འབྲས་བུར་ལྡན། །དགའ་བདེ་མྱོང་བ་དེ་དག་ལྟོས། །སྤུའི་རྩེ་མོ་གཅིག་ལ་ཡང་། །ཞིང་རྣམས་བྱེ་བ་
བསམ་མི་ཁྱབ། །སྣ་ཚོགས་དབྱིབས་ཀྱང་ཐ་དད་དེ། །དེ་དག་འདྲེས་པ་གང་ཡང་མེད། །རང་རང་སོ་སོའི་ལས་ཀྱི་ན། །སེམས་ཅན་ཁམས་རྣམས་བསམ་མི་ཁྱབ། །འདུ་ཤེས་སྣ་ཚོགས་འཛིན་པ་རྣམས། །

72-1-160a

བདེ་དང་སྡུག་བསྔལ་ཉམས་སུ་མྱོང་། །ཞིང་རྣམས་ལ་ལ་མཐའ་ཡས་འོད། །སེམས་ཅན་མང་དོན་ཀུན་ནས་ནི། །ཡོངས་འབྱུང་རྡོ་རྗེ་ཨུཏྤ་ལ། །སྣ་ཚོགས་རྣམ་དག་དྲི་མ་མེད། །ཞིང་རྣམས་ལ་ལ་འོད་
ཟེར་འཕྲོས། །འོད་ཀྱི་འཁོར་ལ་ཀུན་ནས་གནས། །ཙན་དན་གསེར་ལས་ཡོངས་སུ་བྱུང་། །འོད་འཕྲོ་སྤྲིན་གྱིས་མདོག་དང་མཉམ། །ཞིང་རྣམས་ལ་ལ་ཉི་ཟླའི་དངོས། །སྤོས་ཀྱི་གོས་ཀྱི་ཀུན་ནས་ཡོག །ལ་ལ་
པདྨོ་གཅིག་ལ་སྟེ། །བྱང་ཆུབ་སེམས་དཔས་ཡོངས་སུ་རྒྱས། །ལ་ལ་མཚན་གྱི་མདོག་དང་འོད། །ཞིང་རྣམས་རིན་ཆེན་དྲི་མ་མེད། །མིག་འཕྲུལ་འོད་ཀྱང་རབ་ཏུ་འགྱེད། །འོད་ཟེར་དྲ་བས་སྣང་བར་བྱས། །
ཞིང་རྣམས་ལ་ལ་རྡོ་རྗེ་དང་། །པད་མོས་ཡོངས་སུ་གོས་ལ་གནས། །ལ་ལ་ནོར་བུའི་འོད་ཀྱང་ཡིན། །ཞིང་རྣམས་ཡོངས་སུ་དག་ལ་ལྟོས། །མེ་ཏོག་གློང་ལས་ལ་ལ་བྱུང་། །བསམ་གྱིས་མི་ཁྱབ་ཞིང་
ལ་ལྟོས། །སངས་རྒྱས་སྤྲུལ་པས་ཀུན་ཏུ་ཁྱབ། །བྱང་ཆུབ་སེམས་དཔའི་འོད་དང་མཉམ། །ལ་ལ་མེ་ཏོག་ཤིང་རྣམས་དང་། །ལོ་མའི་དཀྱིལ་འཁོར་སྣ་ཚོགས་ཏེ། །ནོར་བུའི་སྤྲིན་གྱིས་ཀུན་ཏུ་ཁྱབ། །
ཞིང་གི་དཀྱིལ་འཁོར་རྣམ་པར་དག །ཞིང་རྣམས་ལ་ལ་པད་མོ་དངོས། །སྣང་བ་བཟང་པོས་རྣམ་པར་མཛེས། །སངས་རྒྱས་སྤྲུལ་བས་གསུང་ཡང་ཡིན། །ཞིང་གི་དྲ་བ་བསམ་མི་ཁྱབ། །རིན་ཆེན་ཅོད་པན་
སྣ་ཚོགས་དང་། །བྱང་ཆུབ་སེམས་དཔའི་རྒྱན་རྣམས་དང་། །གཞན་ལས་དེ་བཞིན་ལ་ལ་བྱུང་། །འོད་དང་སྤྲུལ་པའང་རབ་ཏུ་འགྱེད། །ཙན་དན་ཕྱེ་མ་སྣ་ཚོགས་དང་། །མཛོད་སྤུ་རྣམ་པར་སྣང་བའི་འོད། །
སངས་རྒྱས་སྤྲིན་གྱིས་འོད་ཟེར་རྣམས། །ཞིང་རྣམས་འབྱུང་བ་རབ་ཏུ་བརྗོད། །ལ་ལ་རྒྱན་དང་འོད་གཅིག་པར། །ཞིང་རྣམས་དྲི་མ་མེད་པ་སྣང་། །ལ་ལ་རྒྱན་རྣམས་ཐམས་ཅད་ཀྱིས། །རྣམ་པ་སྣ་ཚོགས་

72-1-160b

རབ་ཏུ་བརྒྱན། །ལ་ལ་ཞིང་རྣམས་བཅུ་དག་གི། རྒྱན་གྱིས་མངོན་པར་རབ་ཏུ་བརྒྱན། །ལ་ལ་ཞིང་རྣམས་སྟོང་དག་ཀྱང་། །རྣམ་པར་བརྒྱན་ཅིང་རབ་ཏུ་གནས། །ཞིང་གི་རྒྱན་མང་བྱ་བ་ཡིས། །ཞིང་རྣམས་ལ་ལ་
རྣམ་པར་བྲེས། །རྒྱན་དང་ཚུལ་རྣམས་ཐ་དད་པར། །སྣ་ཚོགས་མིག་ཡོར་ལྟ་བུར་སྣང་། །བརྗོད་དུ་མེད་པའི་ཞིང་གི་རྣམས། །རྒྱན་གཅིག་ལ་ཡང་རབ་ཏུ་སྣང་། །འོད་ནི་ཞིང་དང་གཞན་བཀྱེ་བ། །སངས་རྒྱས་
སྨོན་ལམ་མཐུ་ལས་བྱུང་། །སྨོན་ལམ་རྒྱ་མཚོ་རྣམས་མང་བས། །ཞིང་རྣམས་ལ་ལ་རྣམ་པར་སྦྱངས། །དེ་དག་རྒྱན་མང་ཐམས་ཅད་དུ། །ཞིང་གི་རྒྱ་མཚོ་ཤིན་ཏུ་སྣང་། །ཀུན་ཏུ་བཟང་པོའི་སྨོན་ལམ་
གྱིས། །ཞིང་རྣམས་ཡོངས་སུ་གང་སྦྱངས་པ། །དེ་དག་ཀུན་ལ་དུས་གསུམ་གྱིས། །ཞིང་གི་རྒྱན་རྣམས་ཀུན་ཀྱང་སྣང་། །ཞིང་གི་རྒྱུད་ཀྱི་རྣམ་སྤྲུལ་པ། །ཀྱེ་མ་རྒྱལ་སྲས་ཁོ་ན་ལྟོས། །མ་འོང་པའི་
ཞིང་རྣམས་ཀྱང་། །རྨི་ལམ་བཞིན་དུ་དེ་དག་སྣང་། །ཇི་སྙེད་ཕྱོགས་བཅུའི་འཇིག་རྟེན་ན། །འདས་པའི་ཞིང་རྣམས་རྒྱ་མཚོ་ཡང་། །ཞིང་གཅིག་ནང་ན་ཐམས་ཅད་སྣང་། །མིག་ཡོར་བཞིན་དུ་སྤྲུལ་པ་ཡིན། །
དུས་གསུམ་སངས་རྒྱས་ཐམས་ཅད་ཀྱིས། །རྣམ་སྤྲུལ་ཞིང་རྣམས་གང་ཡོད་པ། །ཞིང་གི་རྒྱུད་ནི་འདི་ལ་སྣང་། །ཀུན་ཀྱང་ནང་ན་ཡོད་པར་གནས། །ཞིང་གི་རྡུལ་གྱི་རྩེ་མོ་ལ། །སངས་རྒྱས་ཐམས་ཅད་
རྣམ་འཕྲུལ་པ། །ཤོང་བ་དེ་དག་ཀུན་ན་སྣང་། །མིག་ཡོར་མཚན་ཉིད་མེད་པའོ། །ལ་ལ་རྒྱ་མཚོའི་དབྱིངས་སུ་འདུག །ཞིང་རྒྱ་མང་པོ་དེ་དག་ལྟོས། །རི་རབ་རི་ཡིས་དབྱིབས་འདྲ་དང་། །འཇིག་རྟེན་
ཁམས་ནི་བསམ་མི་ཁྱབ། །ཞིང་རྣམས་ལ་ལ་རྣམ་པར་བྲིས། །མིག་ཡོར་དབྱིངས་སུ་གནས་པ་སྟེ། །སྣ་ཚོགས་ཤིང་གི་དབྱིངས་སུ་གནས། །སངས་རྒྱས་ཀྱིས་ཀྱང་ཀུན་ཏུ་ཁྱབ། །ཞིང་རྣམས་

72-1-161a

ནོར་བུ་འཁོར་ལོའི་དབྱིབས། །ལ་ལ་པད་མའི་དབྱིབས་སུ་གནས། །ཡན་ལག་བརྒྱད་པ་སྣ་ཚོགས་མང་། །སྣ་ཚོགས་ཁ་དོག་དྲི་མ་མེད། །ལ་ལ་ཁྲི་ཡི་དབྱིབས་ལྟ་བུ། །གྲ་བཞི་དབྱིབས་
དང་ཁྱད་ཁྱུད་དེ། །ལ་ལ་གྲོང་ཁྱེར་དབྱིབས་སུ་འདུག །ཚངས་པའི་ལུས་སུ་རབ་ཏུ་གནས། །ལྷ་ཡིས་དབང་པོ་གཙུག་ཕུད་དབྱིབས། །ཟླ་བ་ཁམས་ལྟར་ལ་ལ་གནས། །ནོར་བུའི་རི་ཡི་དབྱིབས་སུ་
འཁོད། །ཉི་མའི་དཀྱིལ་འཁོར་དབྱིབས་ཀྱང་འདྲ། །སྤོས་ཆུ་མཚོ་ཡི་ཀློང་ལྟ་བུ། །འཇིག་རྟེན་ཁམས་རྣམས་རབ་ཏུ་གནས། །འདི་ཡིས་དཀྱིལ་འཁོར་དབྱིབས་འདྲ་བ། །སྔོན་གྱི་སངས་རྒྱས་རྣམས་ཀྱི་སྦྱངས། །
འཁོར་ལོ་བཀྲ་ཤིས་དབྱིབས་ལྟ་བུ། །འཇིག་རྟེན་ལ་ལ་དཀྱིལ་འཁོར་དེ། །མཛོད་སྤུའི་སྤྱི་གཙུག་དབྱིབས་ལྟ་བུ། །ལ་ལ་མིག་གི་ཚུལ་ཡང་འདྲ། །སངས་རྒྱས་ཕྱག་གི་དབྱིབས་ལྟ་བུ། །
ལ་ལ་རྡོ་རྗེའི་དབྱིབས་སུ་འདུག །འོད་འཕྲོ་རི་ཡིས་དབྱིབས་ཀྱང་འདྲ། །བྱང་ཆུབ་སེམས་དཔས་ཀུན་ཏུ་གང་། །ཞིང་རྣམས་ལ་ལ་སེང་གེའི་དབྱིབས། །ནོར་བུའི་གོ་ཅར་མངོན་པར་བསྒྲུབས། །
གཟུགས་དང་དབྱིབས་ནི་དུ་མ་སྟེ། །གཟུགས་རྣམས་ཀུན་གྱིས་རབ་ཏུ་གནས། །ཞིང་གི་རྒྱུད་ནི་གཅིག་ལ་ཡང་། །ཞིང་གི་དབྱིབས་རྣམས་མི་ཟད་པ། །རབ་ཏུ་གནས་པའི་བྱིན་རླབས་དང་། །
སངས་རྒྱས་སྨོན་ལམ་རྣམས་ཀྱིས་བྱུང་། །ཞིང་རྣམས་ལ་ལ་བསྐལ་པ་ཙམ། །ལ་ལ་བསྐལ་པ་བཅུ་པ་སྟེ། །ཞིང་རྣམས་ལ་ལ་རྡུལ་མཉམ་པ་ཡི། །བསྐལ་པ་བྱེ་བར་བརྗོད་པ་ཡིན། །
ལ་ལ་བསྐལ་པ་གཅིག་ལ་ཡང་། །ཞིང་རྣམས་མང་པོ་འབྱུང་བ་སྣང་། །ཚད་མེད་གྲངས་ཀྱང་མེད་པ་སྟེ། །འཇིག་པ་དེ་བཞིན་བསམ་མི་ཁྱབ། །ཞིང་རྣམས་ལ་ལ་སངས་རྒྱས་མེད། །

72-1-161b

ཞིང་རྣམས་ལ་ལ་སངས་རྒྱས་བཅས། །ལ་ལའི་ཞིང་ན་སངས་རྒྱས་གཅིག །ལ་ལ་སངས་རྒྱས་མང་པོ་ཡིས། །སངས་རྒྱས་མེད་པའི་ཞིང་རྣམས་དང་། །འཇིག་རྟེན་གཞན་གྱི་ཁམས་སུ་ཡང་། །
སངས་རྒྱས་སྤྲུལ་པ་གཤེགས་མཛད་ཅིང་། །རྣམ་པར་འཕྲུལ་པ་རབ་ཏུ་སྟོན། །འཕོ་དང་འབྱུང་དང་སྐུ་ཚེ་དང་། །བྱང་ཆུབ་མངོན་པར་འཚང་རྒྱ་དང་། །བདུད་ཀྱི་སྡེ་དག་འདུལ་བ་དང་། །ཆོས་ཀྱི་འཁོར་ལོ་
བསྐོར་བ་སྟོན། །སེམས་ཅན་བསམ་པ་ཇི་བཞིན་དུ། །གཟུགས་རྣམས་སྣ་ཚོགས་ཀུན་ཀྱང་སྟོན། །ཆོས་ཀྱི་འཁོར་ལོ་རབ་བསྐོར་བ། །འཇིག་རྟེན་ཀུན་ན་ཐ་མི་དད། །སངས་རྒྱས་ཞིང་རྣམས་རེ་རེ་ཡང་། །
རྒྱལ་བ་གཅིག་ནི་སྐྱེར་འགྱུར་ཏེ། །ལོ་གྲངས་བྱེ་བ་ཕྲག་སྟོང་དུ། །ཆོས་ཀྱི་དམ་པ་རབ་ཏུ་སྟོན། །སེམས་ཅན་སྣོད་དུ་མ་གྱུར་ལ། །སངས་རྒྱས་སྟོན་པ་མི་མཛད་དོ། །སངས་རྒྱས་བསམ་དང་
ལྡན་པས་ནི། །དེ་ཉིད་གཅིག་ཀྱང་ཀུན་ཏུ་མཐོང་། །སངས་རྒྱས་མང་པོའི་ཞིང་གི་རྣམས། །ཞིང་རྣམས་རེ་རེ་དག་ཏུ་ཡང་། །སངས་རྒྱས་བྱེ་བ་བསམ་མི་ཁྱབ། །རྒྱལ་བ་རྣམས་ནི་རབ་ཏུ་སྐྱེ། །
རྒྱལ་བ་སོ་སོ་དེ་དག་ན། །སྤྲུལ་པ་མང་པོ་རབ་འགྱེད་ཅིང་། །ཆོས་ཀྱི་དབྱིངས་ནི་ཁྱབ་མཛད་ནས། །སེམས་ཅན་རྒྱ་མཚོ་འདུལ་བ་མཛད། །ཞིང་རྣམས་ལ་ལ་འོད་མེད་དེ། །མུན་པ་འཇིགས་པ་
ཤིན་ཏུ་ཆེ། །རེག་ན་སྡུག་བསྔལ་སྤུ་གྲི་འདྲ། །བལྟ་ན་མི་བཟད་སྐྱི་ཡང་གཡའ། །ཞིང་རྣམས་ལ་ལ་ལྷ་འོད་ཅན། །ལ་ལ་ཁྱིམ་གྱི་འོད་ཅན་ཏེ། །ལ་ལ་ཉི་ཟླའི་འོད་དང་ལྡན། །ཞིང་གི་དྲ་བ་
བསམ་མི་ཁྱབ། །ཞིང་རྣམས་ལ་ལ་རང་གི་འོད། །ཤིང་གི་འོད་ཅན་དྲི་མ་མེད། །གང་དུ་སྡུག་བསྔལ་མི་མཐོང་བ། །དེ་དག་སེམས་ཅན་དགེ་ལས་བྱུང་། །ལ་ལ་རི་ཡིས་འོད་ཅན་སྟེ། །

72-1-162a

ཞིང་རྣམས་ལ་ལ་ནོར་བུའི་འོད། །ལ་ལ་མར་མེའི་འོད་ཅན་ཏེ། །སེམས་ཅན་རྣམས་ཀྱི་ལས་ཀྱི་བྱང་། །ཞིང་རྣམས་ལ་ལ་སངས་རྒྱས་འོད། །བྱང་ཆུབ་སེམས་དཔའ་ཀུན་ཏུ་གང་། 
ཞིང་རྣམས་ལ་ལ་པད་མོའི་འོད། །འོད་འཕྲོ་འོད་ཅན་རབ་ཏུ་མཛེས། །ཞིང་རྣམས་ལ་ལ་མེ་ཏོག་འོད། །སྤོས་ཆུའི་འོད་དང་ལྡན་པ་འོད། སྤོས་དང་བདུག་པ་འོད་འཕྲོ་ཅན། །སྨོན་ལམ་དབང་གིས་
རྣམ་པར་སྦྱངས། །ཞིང་རྣམས་ལ་ལ་སྤྲིན་འོད་ཅན། །ནོར་བུའི་འོད་ཀྱི་གང་བར་སྣང་། །སངས་རྒྱས་བྱིན་གྱིས་རླབས་ཀྱིས་སྣང་། །ཡིད་དུ་འོང་བའི་སྒྲ་དབྱངས་ལྡན། །རིན་ཆེན་ཅོད་པན་འོད་དང་
ལྡན། །རྡོ་རྗེ་གསེར་གྱི་འོད་ཀྱི་སྣང་། །ཡོངས་སུ་དག་པའི་སྒྲ་དབྱངས་ཅན། །དེ་དག་ན་ནི་སྡུག་བསྔལ་མེད། །ཐམས་ཅད་རྒྱན་གྱི་འོད་ཅན་དང་། །ཞིང་རྣམས་ལ་ལ་ནོར་བུའི་འོད། །ལ་ལ་སྙིང་པོ་
བྱང་ཆུབ་འོད། །འཁོར་རྣམས་ཀུན་ཏུ་རབ་ཏུ་སྣང་། །སངས་རྒྱས་སྤྲུལ་པའི་སྣང་བ་ཅན། །སངས་རྒྱས་སྤྲིན་གྱིས་ཀུན་ནས་ཡོག །ཀུན་ཏུ་འོད་ཀྱིས་རབ་ཏུ་སྣང་། །ཆོས་ཀྱི་དབྱིངས་དང་མཉམ་པའི་
འོད། །ཞིང་རྣམས་ལ་ལ་མེ་ཡི་འོད། །ཞིང་རྣམས་ལ་ལ་འཇིག་སྒྲ་ཅན། །མི་ཟད་འཇིགས་པའི་ང་རོ་ཅན། །རྩུབ་ཅིང་བརླང་བའི་སྒྲ་རྣམས་དང་། །ཡིད་མྱོང་འཇིགས་པ་ཆེན་པོ་སྒྲོག །དམྱལ་བ་བྱོལ་སོང་ཀྱི་གནས་
དང་། །གཤིན་རྗེའི་འཇིག་རྟེན་སྡུག་བསྔལ་རྣམས། །མྱ་ངན་རྒྱ་མཚོའི་ཞིང་གི་རྣམས། །ཉོན་མོངས་ལྡན་པའི་སྒྲ་ཡང་འབྱུང་། །ལ་ལ་དག་ན་ཡིད་འོང་སྒྲ། །དགའ་བར་བྱེད་ཅིང་སྟོན་འདོམས་པ། །བདེ་བའི་ལས་རྣམས་
འབྲས་བུའི་དབྱངས། །ཞིང་གི་འཁོར་ན་རབ་ཏུ་སྒྲོག །ལ་ལ་བརྒྱ་བྱིན་ལྷ་དབང་དབྱངས། །གཞན་དག་ཚངས་པའི་སྒྲ་དབྱངས་ཏེ། །འཇིག་རྟེན་ཀུན་གྱི་དབྱངས་སུ་ཡང་། །ལ་ལའི་ཞིང་ན་རབ་ཏུ་གྲག །ཞིང་རྣམས་ལ་ལ་

72-1-162b

སྤྲིན་གྱི་སྒྲ། །རིན་ཆེན་རྒྱ་མཚོ་འོད་ཟེར་དང་། །ནོར་བུའི་ཤིང་གི་གཟུགས་སྒྲ་དང་། །རོལ་མོ་སྒྲ་ཡིས་ཀུན་ཏུ་ཁྱབ། །འོད་ཟེར་ཀློང་གི་སྒྲ་རྣམས་དང་། །སངས་རྒྱས་སྤྲུལ་པ་མི་ཟད་དང་། །བྱང་ཆུབ་སེམས་པའི་
སྒྲ་དག་དང་། །འོད་ཟེར་སྒྲ་ནི་སྙན་པ་འབྱུང་། །ཆོས་ཀྱི་འཁོར་ལོའི་སྒྲ་རྣམས་དང་། །ཁ་ཅིག་ཞིང་ན་བསམ་ཡས་པའི། །སྨོན་ལམ་རྒྱ་མཚོའི་ང་རོ་དང་། །སྤྱོད་པའི་སྒྲ་ཡང་སྙན་པར་འབྱུང་། །
དུས་གསུམ་གཤེགས་པའི་སངས་རྒྱས་ཀྱི། །མཚན་གྱི་དཀྱིལ་འཁོར་མང་པོ་དང་། །དེ་དག་ཞིང་རྣམས་འབྱུང་བའི་སྒྲ། །ཟད་པ་མེད་པའི་དབྱངས་སུ་སྒྲོགས། །སངས་རྒྱས་རྣམས་ཀྱི་སྟོབས་
སྒྲ་དང་། །ཚད་མེད་ས་དང་ཕ་རོལ་ཕྱིན། །ཆོས་ཀྱི་རང་བཞིན་སྒྲ་དག་ཀྱང་། །ཁ་ཅིག་ཞིང་ན་རབ་ཏུ་གྲག །ཀུན་ཏུ་བཟང་པོའི་སྨོན་ལམ་གྱིས། །སྒྲ་ནི་ཞིང་རྣམས་བྱེ་བ་འབྱིན། །བསྐལ་པར་གནས་
ཤིང་རབ་ཏུ་སྒྲོག །སྒྲ་དབྱངས་འབྱིན་པ་ཟད་མི་ཤེས། །ཞིང་གི་དབྱངས་རྣམས་ལ་ལ་ན། །སངས་རྒྱས་རྣམ་པར་སྤྲུལ་པ་ཡི། །སྒྲ་ཡིས་ཆོས་ཀྱི་དབྱིངས་བཀང་བ། །དེ་དག་ཀུན་ན་རབ་ཏུ་གྲགས། 
འཇིག་རྟེན་གྱི་ཁམས་ཀྱི་རྒྱུད་རྣམ་པར་དགོད་པ་ཤིན་ཏུ་བསྟན་པའི་ཞེས་བྱ་བ་སྟེ། ལེའུ་དགུ་པའོ།། །། སངས་རྒྱས་རྨད་ག་ཅད་ཅེས་བྱ་བ་ཤིན་ཏུ་རྒྱས་པ་ཆེན་པོའི་མདོ།  
བམ་པོ་བཅུ་གཉིས་པ། རིགས་ཀྱི་བུ་དག་སྔོན་འདས་པའི་བསྐལ་པ་འཇིག་རྟེན་གྱི་ཁམས་ཀྱི་རྡུལ་ཤིན་ཏུ་ཕྲ་བ་སྙེད་ཀྱི་ཕ་རོལ་དེ་བས་ཀྱང་ཕ་སྔའི་དུས་དེའི་ཚེ་དེའི་དུས་ན། འཇིག་རྟེན་གྱི་ཁམས་
རྒྱ་མཚོའི་ཚུལ་དྲི་མ་མེད་པར་ཕྱོགས་ཀུན་སྣང་བ་ཞེས་བྱ་བའི་དབུས་ན། འཇིག་རྟེན་གྱི་ཁམས་དཔལ་གྱི་སྒྲ་ཞེས་བྱ་བ་བྱུང་སྟེ། འཇིག་རྟེན་གྱི་དཔལ་གྱི་སྒྲ་ཞེས་བྱ་བ་དེ་ནི། རིན་པོ་ཆེའི་པདྨོ་མང་པོའི་རྒྱ་མཚོ་ལ་

72-1-163a

རབ་ཏུ་གནས་པ་རྣམ་པར་དག་ཅིང་ཀུན་ནས་ཉོན་མོངས་པ། འཇིག་རྟེན་གྱི་ཁམས་རི་རབ་ཀྱི་རྡུལ་ཤིན་ཏུ་ཕྲ་བ་སྙེད་ཀྱི་འཁོར་གྱིས་བསྐོར་བ། ཀུན་ནས་ཟླུམ་པའི་དབྱིབས་སུ་འདུག་པ། གཞི་རྒྱན་མཐའ་ཡས་
པས་རྒྱན་པ། རིན་པོ་ཆེ་སྣ་ཚོགས་ཀྱི་ཤིང་གི་ཁོར་ཡུག་བརྒྱ་ཕྲག་གསུམ་གྱིས་ཀུན་ནས་བསྐོར་བ། རིན་པོ་ཆེའི་རྒྱན་ཐམས་ཅད་ཀྱི་སྤྲིན་གྱིས་ཀུན་ནས་ཡོག་པ། རི་རབ་དང་གྲོང་ཁྱེར་དང་། ཁང་ཁྱིམ་དྲི་མ་མེད་
ཅིང་འོད་རྣམ་པར་སྣང་བས་བརྒྱན་པ། ཟས་དང་སྐོམ་དང་། གོས་ཀྱི་ལོངས་སྤྱོད་ཡིད་ཀྱི་བསམ་པས་འབྱུང་བ་རྒྱན་གྱི་རྣམ་པ་བརྗོད་པ་སྣ་ཚོགས་དང་ལྡན་པ་ཞིག་སྟེ། འཇིག་རྟེན་གྱི་ཁམས་དཔལ་གྱི་སྒྲ་ཞེས་
བྱ་བ་དེའི་དབུས་ན། སྤོས་ཆུའི་རྒྱ་མཚོ་འོད་རྣམ་པར་དག་པ་ཞེས་བྱ་བ་ཡོད་དེ། དེ་ལས་མེ་ཏོག་གི་རི་རབ་མེ་ཏོག་འོད་འཕྲོ་བའི་རྒྱན་གྱིས་རྒྱལ་མཚན་ཞེས་བྱ་བ། རིན་པོ་ཆེའི་ཁྲི་འཕང་བཅུའི་འཁོར་གྱིས་
བསྐོར་ཅིང་བརྒྱན་པ་ཞིག་བྱུང་སྟེ། རི་རབ་དེའི་སྟེང་ན་ནགས་ཚལ་ཆེན་པོ་ཡལ་གའི་དཀྱིལ་འཁོར་རིན་པོ་ཆེའི་མེ་ཏོག་རྒྱས་པ་ཞེས་བྱ་བ། སྤོས་ཀྱི་རྒྱལ་མཚན་སྟོང་ཕྲག་དཔག་ཏུ་མེད་པ་ཤིན་ཏུ་བསྒྲེངས་
པའི་རྒྱན་པ། མེ་ཏོག་གི་ཁང་པ་བརྩེགས་པ་དཔག་ཏུ་མེད་པའི་ཕྲེང་བ་རྣམ་པར་བྲེས་པ། ནོར་བུ་ཁང་པ་བརྩེགས་པ་རྣམ་པར་བཀོད་པ། རིན་པོ་ཆེའི་རྡོ་ཡི་རྒྱལ་མཚན་དཔག་ཏུ་མེད་པས་ཀུན་ཏུ་
བརྒྱན་པ། རིན་པོ་ཆེའི་མེ་ཏོག་པུན་ད་རི་ཀ་དཔག་ཏུ་མེད་པའི་ཕྲེང་བ་དག་གི་ཀུན་ནས་བསྐོར་བ། སྤོས་དང་། རིན་པོ་ཆེའི་པདྨོ་མང་པོ་དཔག་ཏུ་མེད་པས་ཀུན་ཏུ་བརྒྱན་པ། རོལ་མོ་སྣ་ཚོགས་
ཀྱི་སྒྲ་ཡིད་དུ་འོང་བའི་སྤྲིན་དཔག་ཏུ་མེད་པས་ཀུན་ཏུ་རྒྱས་པ། སྤོས་དང་བདུག་པའི་འོད་འཕྲོ་བའི་སྤྲིན་དཔག་ཏུ་མེད་པས་ཀུན་ཏུ་སྣང་བར་བྱས་པ། གྲོང་ཁྱེར་བྱེ་བ་ཁྲག་ཁྲིག་བརྒྱ་སྟོང་

72-1-163b

ཕྲག་བཅུ་སེམས་ཅན་སྣ་ཚོགས་སྣང་བས་ཀུན་ནས་བསྐོར་བ་སྟེ། འདི་ལྟར་ནགས་ཚལ་ཆེན་པོ་གང་གའི་དཀྱིལ་འཁོར་རིན་པོ་ཆེའི་མེ་ཏོག་རྒྱས་པ་ཞེས་བྱ་བ། དེའི་ཤར་ཕྱོགས་ལོགས་ན་གྲོང་ཁྱེར་ཆེན་པོ་འོད་
འཕྲོ་སྣང་བ་ཞེས་བྱ་བ་མི་ཡི་རྒྱལ་པོའི་གནས་གྲོང་ཁྱེར་བརྒྱ་སྟོང་ཕྲག་བཅུས་འཁོར་གྱིས་བསྐོར་བ། རིན་པོ་ཆེ་འབའ་ཞིག་ལས་བྱས་པ་ཆུ་དང་ཞིང་དུ་དཔག་ཚད་སྟོང་ཕྲག་བདུན་ཡོད་པ། རིན་པོ་ཆེ་སྣ་ཚོགས་
ཀྱི་ཤིང་ཏོགས་དང་། ཕྲུ་མའི་ར་བ་བདུན་གྱིས་བརྒྱན་ཅིང་ཀུན་ནས་བསྐོར་བ། རིན་པོ་ཆེའི་འོབས་སྤོས་ཀྱི་ཆུས་གང་བ་རིན་པོ་ཆེའི་མེ་ཏོག་ཨུཏྤ་ལ་དང་། པདྨོ་དང་། ཀུ་མུ་ཏ་དང་། མེ་ཏོག་པུན་ད་རི་ཀས་རྣམ་
པར་བརྒྱན་པ་བདུན་གྱིས་ཀུན་ནས་བསྐོར་བ། ཤིང་ཏ་ལའི་ཕྲེང་བ་རྒྱན་སྣ་ཚོགས་ཀྱི་ཚོགས་མང་པོ་འབྱིན་པ་བདུན་གྱིས་ཀུན་ནས་བསྐོར་བ། རིན་པོ་ཆེའི་རྒྱན་དང་ཁང་བུ་བརྩེགས་པས་རབ་ཏུ་རྒྱན་པ། 
སྟེང་ནས་གསེར་གྱི་དྲ་བ་དང་། དྲིལ་བུའི་དྲ་བ་དང་། མེ་ཏོག་གི་ཕྲེང་བའི་དྲ་བ་དང་། ཨིནྡྲ་ནི་ལའི་དྲ་བ་དང་། རྡོ་རྗེ་པད་མོའི་དྲ་བས་ཀུན་ནས་ཡོག་ལ། རིན་པོ་ཆེའི་ཤིང་དྲུང་མེ་ཏོག་གི་དྲ་བ་དང་། 
རོལ་མོའི་སྒྲ་མང་པོ་ཐམས་ཅད་ཀྱི་སྤྲིན་ཡིད་དུ་འོང་བས་ཀུན་ཏུ་ཁྱབ་པ། སྤོས་དང་ཕྲེང་བའི་རྒྱན་སྣ་ཚོགས་ཀྱི་རྒྱན་པ་ཡོད་དེ། དེའི་འཁོར་ཀུན་ནས་སྒོ་བྱེ་བ་ཁྲག་ཁྲིག་བརྒྱ་སྟོང་ཕྲག་བཅུ་ཡོད་དེ་
སྒོ་དེ་དག་ཐམས་ཅད་ཀྱང་རིན་པོ་ཆེ་སྣ་ཚོགས་ཐམས་ཅད་ཀྱིས་བྱས་པ་སྟེ། སྒོ་དེ་དག་རེ་རེའི་མདུན་ཡང་རིན་པོ་ཆེ་རྡོ་ཡི་རྒྱལ་མཚན་རྒྱན་ཐམས་ཅད་ཀྱིས་བརྒྱན་པ་བདུན་བདུན་གྱིས་བརྒྱན་པའོ། །
བཟའ་ཤིང་གི་ར་བ་བྱེ་བ་ཁྲག་ཁྲིག་བརྒྱ་སྟོང་ཕྲག་བཅུས་ཀྱང་ཀུན་ནས་བསྐོར་བ་སྟེ། བཟའ་ཤིང་གི་ར་བ་དེ་དག་ཐམས་ཅད་ཀྱང་སྤོས་དང་རིན་པོ་ཆེའི་ཤིང་སྣ་ཚོགས་ལས་སྤོས་ཀྱི་དྲི་ཀུན་ཏུ་བྱུང་བ་

72-1-164a

བྱ་སྣ་ཚོགས་ཡིད་དུ་འོང་བའི་སྒྲ་འབྱིན་པའོ། །གྲོང་ཁྱེར་ཆེན་པོ་འོད་འཕྲོ་བའི་སྤྲིན་ཅེས་བྱ་བ་དེར་མྱི་སྐྱེས་པ་ཐམས་ཅད་ཀྱང་ལས་ཀྱི་རྣམ་པར་སྨིན་པས་རྫུ་འཕྲུལ་ཐོབ་པ་དག་སྟེ། ནམ་མཁའ་
ལས་རྒྱུ་བ་མི་དང་ལྷ་མཉམ་དུ་སྤྱོད་པ། ཡིད་བཞིན་གྱི་ཡུལ་ལོངས་སྤྱོད་པ་ཤ་སྟག་གོ། །དེ་ནས་ལྷོ་ཕྱོགས་ལོགས་ན་ལྷ་ཡིས་གྲོང་ཁྱེར་ཤིང་གི་མེ་ཏོག་སྣ་ཚོགས་བྱ་བ་ཡོད་དོ། །དེ་ནས་ལྷོ་ཕྱོགས་ལོག་
ན་ཀླུའི་གྲོང་ཁྱེར་ཀུན་ཏུ་རྫོགས་པ་ཞེས་བྱ་བ་ཡོད་དོ། །དེ་ནས་ལྷོ་ཕྱོགས་ལོགས་ན་གནོད་སྦྱིན་གྱི་གྲོང་ཁྱེར་རྡོ་རྗེའི་དཔལ་སྣ་ཚོགས་ཀྱི་རྒྱལ་མཚོ་ཞེས་བྱ་བ་ཡོད་དོ། །དེ་ནས་ལྷོ་ཕྱོགས་ལོགས་ན་དྲི་ཟའི་གྲོང་
ཁྱེར་གཞལ་མེད་ཁང་བཟང་པོ་ཞེས་བྱ་བ་ཡོད་དོ། །དེ་དང་འདབ་ཆགས་སུ་ལྷ་མ་ཡིན་གྱི་གྲོང་ཁྱེར་འཁོར་ལོའི་ཚོན་ཅེས་བྱ་བ་ཡོད་དོ། །དེ་དང་འདབ་ཆགས་སུ་མདབ་མ་བཟང་པོའི་གྲོང་ཁྱེར་རིན་པོ་ཆེ་
སྣ་ཚོགས་བཟང་པོའི་ལྟེ་བ་ཞེས་བྱ་བ་ཡོད་དོ། །དེ་དང་འདབ་ཆགས་སུ་བྲམ་ཟེའི་གྲོང་ཁྱེར་རྒྱན་བཟང་པོ་སྣ་ཚོགས་ཞེས་བྱ་བ་ཡོད་དེ། དེ་དག་ལ་སྩོགས་པ་གྲོང་ཁྱེར་བྱེ་བ་ཁྲག་ཁྲིག་བརྒྱ་སྟོང་ཕྲག་
བཅུའི་འཁོར་གྱིས་བསྐོར་བའོ། །གྲོང་ཁྱེར་དེ་དག་རེ་རེ་ཞིང་ཡང་རྒྱན་མང་པོ་ནས། །གྲོང་ཁྱེར་བྱེ་བ་ཁྲག་ཁྲིག་བརྒྱ་སྟོང་གི་འཁོར་གྱིས་བསྐོར་བའི་བར་དུ་སྟེ། ནགས་ཚལ་ཆེན་པོ་ཡལ་གའི་
དཀྱིལ་འཁོར་རིན་པོ་ཆེའི་མེ་ཏོག་རྒྱས་པ་ཞེས་བྱ་བ་དེའི་དབུས་ན། སྙིང་པོ་བྱང་ཆུབ་རིན་པོ་ཆེའི་མེ་ཏོག་རྣམ་པར་སྣང་བ་ཞེས་བྱ་བ་རིན་པོ་ཆེ་ཐམས་ཅད་ཀྱི་ཤིང་གི་ཡལ་ག་སྟུག་ཅིང་རྒྱ་ཆེ་བའི་དཀྱིལ་
འཁོར་རབ་ཏུ་རྒྱས་པས་ཀུན་ནས་བསྐོར་བ། རིན་པོ་ཆེའི་མེ་ཏོག་གཟུགས་དང་། དབྱིབས་རྣམ་པ་ཐ་དད་པ་མང་པོ་ཤིན་ཏུ་རྒྱས་པ་སྤོས་དང་། །མར་མེ་རིན་པོ་ཆེ་ཐམས་ཅད་ཁ་དོག་ལྟར་འདུག་

72-1-164b

པའི་ཕྲེང་བ་མང་པོ་རྒྱ་ཆེན་པོའི་སྤྲིན་ཀུན་ཏུ་འགྲམ་པ། རིན་པོ་ཆེའི་འོད་ཐུར་དུ་འཕྲོ་བས་ཀུན་ཏུ་ཁྱབ་པ་འོད་ཀྱི་དཀྱིལ་འཁོར་རྣམ་པར་དག་པའི་སྤྲིན་གྱིས་བརྒྱན་པ། ཕྱོགས་བཅུ་འོད་ཟེར་མང་པོས་རྣམ་
པར་སྣང་བར་བྱས། །རྒྱན་ཐམས་ཅད་རིན་པོ་ཆེ་སྣ་ཚོགས་མང་པོས་སྤྲས་པ། རོལ་མོ་ཐམས་ཅད་ཀྱི་སྒྲ་དབྱངས་ཤིན་ཏུ་བྱུང་བ། ནོར་བུའི་རྒྱལ་པོ་ཐམས་ཅད་ལས་བྱང་ཆུབ་སེམས་དཔའི་ལུས་འབྱུང་བ། 
ཕྱོགས་བཅུར་མེ་ཏོག་སྣ་ཚོགས་མང་པོ་རབ་ཏུ་འབྱུང་བ་ཡོད་དེ། དེའི་འདུན་དུ་པདྨོ་ཆེན་པོ་མེ་ཏོག་གི་ཟེ་བ་འོད་འཕྲོ་བའི་དཀྱིལ་འཁོར་ཞེས་བྱ་བ་བརྒྱར་དཔག་ཚད་བྱེ་བ་ཕྲག་བརྒྱ་ཡོད་པ། རྩ་བ་སྤོས་དང་རིན་
པོ་ཆེ་དང་རྡོ་རྗེའི་རྒྱ་མཚོ་ལ་ཟུག་པ། ཆུ་བོ་རིན་པོ་ཆེ་སྣ་ཚོགས་ཀྱི་ཚོན་གྱིས་རྣམ་པ་སྣ་ཚོགས་སུ་གྱུར་པ། རིན་པོ་ཆེ་རྣམ་པ་ཐ་དད་པ་ཚད་མེད་པའི་མདབ་མ་ཅན། རིན་པོ་ཆེ་འོད་འཕྲོ་བ་དང་། སྤོས་ཀྱི་ཟེ་བའི་
དཀྱིལ་འཁོར་གྱིས་བརྒྱན་པ། སྙིང་པོ་ལ་རིན་པོ་ཆེ་ཁ་དོག་མཐའ་ཡས་པའི་ཚོན་བཀྱེ་བ་པད་མོའི་དཀྱིལ་འཁོར་བརྗོད་དུ་མེད་པ་བྱེ་བ་ཁྲག་ཁྲིག་བརྒྱ་སྟོང་ཕྲག་བཅུའི་འཁོར་གྱིས་བསྐོར་བ། ཕྱོགས་
བཅུར་འོད་ཀྱི་དཀྱིལ་འཁོར་རྒྱ་ཆེན་པོ་རབ་ཏུ་འགྱེད་པ། ཟེ་བ་ཐམས་ཅད་ལས་ཡིད་དུ་འོང་བའི་སྒྲ་འབྱུང་བ་མངོན་པར་བྱུང་ངོ་། །འཇིག་རྟེན་གྱི་ཁམས་དཔལ་གྱི་སྒྲ་ཞེས་བྱ་བ་དེར། དེ་བཞིན་གཤེགས་
པ་རི་རབ་བཅུའི་རྡུལ་ཤིན་ཏུ་ཕྲ་བ་སྙེད་བྱུང་སྟེ། དེ་བཞིན་གཤེགས་པ་རི་རབ་བཅུའི་རྡུལ་ཤིན་ཏུ་ཕྲ་བ་སྙེད་དེ་དག་ལས་བསྐལ་པའི་ཐོག་མ་པ་ཐམས་ཅད་ཀྱི་ཐོག་མར་བླ་ན་མེད་པ་ཡང་དག་པར་རྫོགས་
པའི་བྱང་ཆུབ་ཏུ་མངོན་པར་སངས་རྒྱས་པའི། དེ་བཞིན་གཤེགས་པ་ནི་ཡོན་ཏན་ཐམས་ཅད་ཀྱི་རི་བོ་རི་རབ་ཀྱི་དབྱངས་ཤེས་བྱ་སྟེ། དེས་འཇིག་རྟེན་གྱི་ཁམས་རྒྱ་མཚོའི་ཚུལ་དྲི་མ་མེད་པར་

72-1-165a

ཕྱོགས་ཀུན་ཏུ་སྣང་བ་ཞེས་བྱ་བ་འདི་ཡོངས་སུ་སྦྱངས་སོ། །ཀྱེ་རྒྱལ་བའི་སྲས་དག་འཇིག་རྟེན་གྱི་ཁམས་དཔལ་གྱི་སྒྲ་ཞེས་བྱ་བ་དེར་ལོ་བརྒྱ་ན། དེ་བཞིན་གཤེགས་པ་འབྱུང་ངོ་ཞེས་བྱ་བའི་ཚེ། 
ནགས་ཚལ་ཆེན་པོ་ཡལ་གའི་དཀྱིལ་འཁོར་རིན་པོ་ཆེའི་མེ་ཏོག་རྒྱས་པ་ཞེས་བྱ་བ། དེ་ཡང་རྒྱན་ཐམས་ཅད་ཀྱི་རྒྱན་པར་གྱུར་ཏེ། འདི་ལྟར་རིན་པོ་ཆེའི་འོད་འཕྲོ་བའི་སྤྲིན་བསམ་གྱིས་མི་ཁྱབ་པ་རབ་ཏུ་
གཏོང་བའི་སྙིང་པོ་ཅན་དུ་གྱུར་ནས། སངས་རྒྱས་ཀྱི་ཡོན་ཏན་གྱི་དཀྱིལ་འཁོར་གྱི་སྒྲ་ཡང་རབ་ཏུ་འབྱིན། ཕྱོགས་བཅུའི་དག་ཀྱང་འོད་ཟེར་གྱི་དྲ་བས་རྣམ་པར་སྣང་བར་བྱེད། གཞལ་མེད་ཁང་དང་ཁང་ཁྱིམ་
གྱི་གྲོང་རྡལ་ཐམས་ཅད་ཀྱང་རབ་ཏུ་སྣང་བར་བྱེད། རིན་པོ་ཆེའི་མེ་ཏོག་དང་། འོད་ཀྱི་དཀྱིལ་འཁོར་གྱི་སྤྲིན་ཡང་རབ་ཏུ་འགྱེད། སེམས་ཅན་ཐམས་ཅད་ཀྱི་སྔོན་གྱི་དགེ་བའི་རྩ་བ་ཡངས་པའི་སྒྲ་དང་། དུས་གསུམ་
གྱི་དེ་བཞིན་གཤེགས་པ་ཐམས་ཅད་ཀྱི་མཚན་གྱི་འཁོར་ལོ་རབ་ཏུ་མཐོང་བའི་སྒྲ་དང་། བྱང་ཆུབ་སེམས་དཔའི་ཐམས་ཅད་ཀྱི་སྨོན་ལམ་དང་། སྤྱོད་པ་དང་འབྱུང་བ་མངོན་པར་བསྒྲུབ་པའི་སྒྲ་དང་སངས་རྒྱས་
ཐམས་ཅད་ཀྱི་ཆོས་ཀྱི་འཁོར་ལོའི་ངེས་པའི་ཚིག་སྣ་ཚོགས་རབ་ཏུ་བསྒྲག་པའི་སྒྲ་དག་ཀྱང་རབ་ཏུ་འབྱིན་ཏོ། །དེ་དག་ནི་དེ་བཞིན་གཤེགས་པ་སྐྱེ་བའི་ལྟས་ཏེ། རྒྱན་དེ་དག་བྱུང་བ་འཇིག་རྟེན་གྱི་ཁམས་
དེར་དེ་བཞིན་གཤེགས་པ་འབྱུང་བར་འཇིག་རྟེན་གྱི་དབང་པོ་རྣམས་ཀྱི་ཁོང་དུ་ཆུད་དོ། །དེ་བཞིན་གཤེགས་པ་ལས་དང་མཉམ་པའི་དགེ་བའི་རྩ་བ་ཡོངས་སུ་སྨིན་པ་དང་། སངས་རྒྱས་བལྟ་བར་མོས་པ་དང་
སྙིང་པོ་བྱང་ཆུབ་ཏུ་མངོན་པར་གཞོལ་བ་དེ་དག་ཐམས་ཅད་ཀྱང་ལྟས་མངོན་དུ་བྱུང་བས་ཡང་དག་པར་བསྐུལ་ཏོ། །བཅོམ་ལྡན་འདས་དེ་བཞིན་གཤེགས་པའི་ཡོན་ཏན་ཐམས་ཅད་ཀྱི་རི་བོ་རི་རབ་ཀྱི་དཔལ་

72-1-165b

ཞེས་བྱ་བ་མཉམ་པ་ཉིད་ཀྱིས་ཆོས་ཀྱི་དབྱིངས་ཀུན་ཏུ་ཁྱབ་པའི་སྐུ་ཅན་སངས་རྒྱས་ཀྱི་ཞིང་ཐམས་ཅད་དུ་ཡོངས་སུ་སྐྱེ་བ་རབ་ཏུ་འཕྲོས་པ། སྐུ་སྙིང་པོ་བྱང་ཆུབ་ཐམས་ཅད་ལ་བཞུགས་པ། གཟུགས་ཀྱི་སྐུ་
མཐའ་དང་དབུས་མེད་པར་རྣམ་པར་དག་པ། འཇིག་རྟེན་གྱི་ཁམས་ཐམས་ཅད་དུ་མངོན་པར་འཕགས་ཤིང་ཟིལ་གྱིས་གནོན་པ། མཚན་རིན་པོ་ཆེའི་མེ་ཏོག་ཐམས་ཅད་ཤིན་ཏུ་རྒྱས་པ། སེམས་ཅན་ཐམས་
ཅད་ཀྱི་གནས་སུ་གཟུགས་བརྙན་རབ་ཏུ་འབྱུང་བ། འགྲོ་བ་ཐམས་ཅད་ལ་མངོན་དུ་སྟོན་པ། སངས་རྒྱས་ཀྱི་སྤྲུལ་པ་ཁ་དོག་མཐའ་ཡས་པའི་སྤྲིན་གྱིས་དྲ་བ་རབ་ཏུ་འགྱེད་པ། འཇིག་རྟེན་གྱི་ཁམས་འོད་
ཀྱི་དཀྱིལ་འཁོར་གྱི་སྤྲིན་གྱིས་ཁྱབ་པར་མཛད་པ། འོད་ཟེར་གྱི་དྲ་བ་ཁ་དོག་མཐའ་ཡས་པ་རབ་ཏུ་གཏོང་བ་དེ་པད་མོ་ཆེན་པོ་དེ་ལ་མངོན་པར་འབྱུང་བར་གྱུར་ཏོ། །ཇི་ལྟར་སྤོས་ཆུའི་རྒྱ་མཚོ་རྣམ་པར་དག་པའི་
འོད་ལ་རབ་ཏུ་གནས་པའི་རི་རབ་མེ་ཏོག་གི་འོད་འཕྲོ་བས་བརྒྱན་པའི་རྒྱལ་མཚན་གསེར་ཤིན་ཏུ་འབར་བའི་རྒྱན་ཅེས་བྱ་བའི་རྩེ་མོ་ལ། ནགས་ཚལ་ཆེན་པོ་ཡལ་གའི་དཀྱིལ་འཁོར་རིན་པོ་ཆེའི་མེ་
ཏོག་རྒྱས་པར་སངས་རྒྱས་ཀྱི་གདན་ལ་བཞུགས་པ། དེ་བཞིན་དུ་འཇིག་རྟེན་གྱི་ཁམས་དཔལ་གྱི་སྒྲ་ཀུན་ཏུ་ཡང་། རི་རབ་བྱེ་བ་སྟོང་ཕྲག་དྲུག་བཅུ་རྩ་བརྒྱད་ཀྱི་རྩེ་མོ་ལ་བཞུགས་པར་ཀུན་ན་སྣང་ངོ་། །
འཇིག་རྟེན་གྱི་ཁམས་རྒྱ་མཚོ་ཀུན་ཏུ་ཚུལ་རྒྱ་ཆེ་བ་ཀུན་གྱི་འཇིག་རྟེན་གྱི་ཁམས་ཀྱི་རྒྱུད་སངས་རྒྱས་ཀྱི་ཞིང་གི་རྡུལ་ཤིན་ཏུ་ཕྲ་བ་སྙེད་ཀྱི་འཇིག་རྟེན་གྱི་ཁམས་འབྱམ་ཀླས་པ་དག་གིས་གླིང་བཞི་
པ་ཐམས་ཅད་ནའང་སྙིང་པོ་བྱང་ཆུབ་ལ་བཞུགས་པར་སྣང་ངོ་། །དེ་ནས་བཅོམ་ལྡན་འདས་དེ་བཞིན་གཤེགས་པ་ཡོན་ཏན་ཐམས་ཅད་ཀྱི་རི་བོ་རི་རབ་དཔལ་ཀྱིས་སྨིན་མཚམས་ཀྱི་མཛོད་སྤུ་ནས་

72-1-166a

འོད་གཟེར་དགེ་བའི་རྩ་བ་ཐམས་ཅད་ཡོངས་སུ་སྐྱེད་པ་ཞེས་བྱ་བ་འོད་ཟེར་སངས་རྒྱས་ཀྱི་ཞིང་། ཞིང་གི་རྡུལ་ཤིན་ཏུ་ཕྲ་བ་སྙེད་ཀྱི་འཁོར་གྱིས་བསྐོར་བ་རབ་ཏུ་བཀྱེ་སྟེ། འཇིག་རྟེན་གྱི་ཁམས་
ཐམས་ཅད་ཁྱབ་པར་མཛད་ནས། འདུལ་བ་ཐམས་ཅད་ཡང་དག་པར་བསྐུལ་ཏོ། །བཅོམ་ལྡན་འདས་དེ་བཞིན་གཤེགས་པ་ཡོན་ཏན་ཐམས་ཅད་ཀྱི་རི་བོ་རི་རབ་དཔལ་གྱི་སྤྲིན་གྱིས་འོད་ཟེར་དེ་དག་བཀྱེ་མ་
ཐག་ཏུ། དེའི་མོད་ལ་སེམས་ཅན་ཐམས་ཅད་ཀྱི་ཉོན་མོངས་པ་ཐམས་ཅད་ཀྱང་རབ་ཏུ་ཞི་བར་གྱུར། སྒྲིབས་པའི་དྲ་བ་ཐམས་ཅད་ཀྱང་ཤིན་ཏུ་བསིལ། སངས་རྒྱས་བལྟ་བ་ལ་སྒྲིབ་པའི་རི་ཐམས་ཅད་
ཀྱང་རྣམ་པར་བཅོམ། སེམས་ཅན་ཐམས་ཅད་ཀྱི་རྙོག་པ་ཡང་རྣམ་པར་དག །དགེ་བ་རྒྱ་མཚོ་ཐམས་ཅད་ཀྱང་རབ་ཏུ་བྱུང་། མོས་པ་ཡངས་པའི་དཀྱིལ་འཁོར་ཡང་ཡོངས་སུ་དག །མི་ཁོམ་པ་
དང་། ངན་སོང་དང་། ངན་འགྲོའི་གཡང་ས་དང་། འཇིགས་པ་ཐམས་ཅད་ཀྱང་རྣམ་པར་གསལ། ལུས་དང་སེམས་ཀྱི་གནོད་པ་ཐམས་ཅད་ཀྱང་རབ་ཏུ་ཞི། སངས་རྒྱས་མཐོང་བས་དགའ་
བའི་ཤུགས་ཀྱང་རྣམ་པར་དག །ཐམས་ཅད་མཁྱེན་པ་ཉིད་ལ་རབ་ཏུ་གཞོལ་བ་ཡང་ཤིན་ཏུ་ཐོབ་པར་གྱུར་ཏེ། དེ་དག་འོད་གཟེར་དེས་ཡང་དག་པར་བསྐུལ་བ་དང་། འཇིག་
རྟེན་གྱི་དབང་པོ་ཐམས་ཅད་འཁོར་བརྒྱ་སྟོང་དུ་མ་དག་གིས་བསྐོར་ཅིང་། བཅོམ་ལྡན་འདས་གང་ན་བ་དེར་འདོང་བར་གྱུར་ཏོ། །ཀྱེ་རྒྱལ་བའི་སྲས་དག །དེ་ལ་གྲོང་ཁྱེར་ཆེན་པོ་འོད་འཕྲོ་བའི་
འོད་ཅེས་བྱ་བ་དེར་རྒྱལ་པོ་བལྟ་ན་དགའ་བ་ཤིན་ཏུ་གཙང་བའི་བློ་གྲོས་ཤེས་བྱ་བ། གྲོང་ཁྱེར་བྱེ་བ་ཁྲག་ཁྲིག་བརྒྱ་སྟོང་ཕྲག་བཅུའི་བདག་པོ་བྱུང་སྟེ། དེ་ལ་བུད་མེད་བསོད་ནམས་

72-1-166b

ཀྱི་དཔལ་ལས་སྩོགས་པ་སྟོང་ཕྲག་བརྒྱ་བཅུ་རྩ་བདུན་ཡོད་དོ། །དེ་ལ་བུ་གཟི་བརྗིད་ཆེན་པོ་ལ་སྩོགས་པ་ལྔ་བརྒྱ་ཡོད་དོ། །རྒྱལ་པོའི་བུ་གཟི་བརྗིད་ཆེན་པོ་ལ་ཡང་བུད་མེད་བལྟ་ན་བཟང་བ་ལ་སྩོགས་
པ་པ་སྟོང་ཕྲག་བཅུ་ཡོད་དོ། །དེ་ནས་རྒྱལ་པོ་གཞོན་ནུ་གཟི་བརྗིད་ཆེན་པོས་སངས་རྒྱས་ཀྱི་རྣམ་པར་འཕྲུལ་པས་མཐོང་ནས་སྔོན་གྱི་དགེ་བའི་རྒྱུད་ཆོས་བཅུ་ཁོང་དུ་ཆུད་པར་གྱུར་ཏོ། །
བཅུ་གང་ཞེ་ན། འདི་ལྟ་སྟེ་སངས་རྒྱས་ཐམས་ཅད་ཀྱི་ཡོན་ཏན་གྱི་དཀྱིལ་འཁོར་ཅེས་བྱ་བའི་ཏིང་ངེ་འཛིན་ཁོང་དུ་ཆུད་དོ། །འདི་ལྟ་སྟེ་སངས་རྒྱས་ཀྱི་ཆོས་ཀྱི་དབྱིངས་ལ་སྒོ་ཀུན་ནས་རབ་ཏུ་འཇུག་པ། ཞེས་བྱ་བའི་
བྱམས་པ་ཆེན་པོ་ཁོང་དུ་ཆུད་དོ། །འདི་ལྟ་སྟེ་ཚུལ་ཡངས་པའི་སྤྲིན་གྱི་སྙིང་པོ་ཞེས་བྱ་བ་ཤེས་རབ་ཀྱི་ཕ་རོལ་ཏུ་ཕྱིན་པ་ཁོང་དུ་ཆུད་དོ། །འདི་ལྟ་སྟེ། འགྲོ་བ་ཐམས་ཅད་འདུལ་བའི་རྒྱན་ཆེན་པོ་ཞེས་བྱ་
བའི་བྱམས་པ་ཆེན་པོ་ཁོང་དུ་ཆུད་དོ། །འདི་ལྟ་སྟེ་སྒྲ་ཡི་སྤྲིན་གྱིས་ཀུན་ཏུ་རྒྱས་པར་བྱེད་པ་ཞེས་བྱ་བའི་སྙིང་རྗེ་ཆེན་པོ་ཁོང་དུ་ཆུད་དོ། །འདི་ལྟ་སྟེ་ཡོན་ཏན་མཐའ་དང་དབུས་མེད་པས་ཡང་དག་པར་འཕགས་
པའི་ཞེས་བྱ་བ་དགའ་བ་ཆེན་པོ་ཁོང་དུ་ཆུད་དོ། །འདི་ལྟ་སྟེ་ཆོས་ཐམས་ཅད་ཇི་ལྟ་བ་བཞིན་དུ་རྟོགས་པ་ཞེས་བྱ་བའི་བཏང་སྙོམས་ཆེན་པོ་ཁོང་དུ་ཆུད་དོ། །འདི་ལྟ་སྟེ་ཚུལ་གྱི་གཞི་རྒྱ་མཚོའི་སྙིང་པོ་ཞེས་བྱ་
བའི་མངོན་པར་ཤེས་པ་ཆེན་པོ་ཁོང་དུ་ཆུད་དོ། །འདི་ལྟ་སྟེ་མོས་པ་རྒྱ་མཚོའི་སྟོབས་དང་ཤུགས་རྣམ་པར་འཕེལ་བར་བྱེད་པ་ཞེས་བྱ་བའི་སྨོན་ལམ་གྱི་སྒོ་ཆེན་པོ་ཁོང་དུ་ཆུད་དོ། །འདི་ལྟ་སྟེ་ཐམས་ཅད་མཁྱེན་
པ་ཉིད་ཀྱི་ཡེ་ཤེས་ཀྱི་འོད་ལ་ཡང་དག་པར་གཞོལ་བའི་ཤུགས་ཞེས་བྱ་བའི་ཐ་དད་པ་ཡང་དག་པར་ཤེས་པའི་ཡེ་ཤེས་ཆེན་པོའི་སྒོ་ཁོང་དུ་ཆུད་དོ། །དེ་ནས་རྒྱལ་པོ་གཞོན་ནུ་གཟི་བརྗིད་ཆེན་པོ་ཞེས་བྱ་བ་དེ་

72-1-167a

ཆོས་ཀྱི་སྣང་བ་ཆེན་པོ་ཐོབ་ནས། སངས་རྒྱས་ཀྱི་བྱིན་གྱིས་རླབས་ཀྱི་འཁོར་གྱི་ཚོགས་ཐམས་ཅད་ལ་ཚིགས་སུ་བཅད་དེ་སྨྲས་པ། ཉི་མ་མང་པོ་སྟོང་གི་རྣམས། །མཁའ་ལ་མངོན་པར་འཕགས་
པ་བཞིན། །སྙིང་པོ་བྱང་ཆུབ་དྲི་མེད་ལ། །སངས་རྒྱས་འོད་ནི་ཤིན་ཏུ་སྔོན། །བསྐལ་པ་བྱེ་བ་སྟོང་དག་གི། མགོན་པོ་འཇིག་རྟེན་བྱུང་བ་ནི། །སངས་རྒྱས་ཡང་དག་སྐྱེས་པ་རྣམས། །རྒྱལ་བ་ཀུན་ན་རབ་
ཏུ་སྣང་། །ལྟོས་ཤིག་སངས་རྒྱས་འོད་ཟེར་ལ། །སངས་རྒྱས་སྤྲིན་ནི་བསམ་མི་ཁྱབ། །གནས་རྣམས་ཀུན་ན་ཀུན་ཀྱང་སྣང་། །དེ་བཞིན་གཤེགས་པ་མཉམ་པར་གཞག །འོད་འཕྲོ་སྤྲིན་རྣམས་
རབ་བཀྱེ་བ། །འོད་ཟེར་སྤྲིན་ལ་ཟད་མི་ཤེས། །འཇིག་རྟེན་འདི་དག་སྣང་བར་བྱེད། །སངས་རྒྱས་རྣམ་པར་འཕྲུལ་ལ་ལྟོས། །སངས་རྒྱས་རྣམས་ཀྱི་སྐུ་དག་ལས། །འོད་གཟེར་རྣམས་ནི་དྲི་མེད་པ། །
སེམས་ཅན་ཀུན་དང་མཉམ་པའི་ལུས། །ཕྱོགས་དང་ཕྱོགས་མཚམས་རྒྱས་འགེངས་ལྟོས། །སངས་རྒྱས་གསུངས་ནི་ཡིད་འོང་བ། །འགྲོ་བ་ཀུན་ཏུ་རབ་ཏུ་བསྒྲགས། །འགྲོ་ཀུན་དབྱངས་ཀྱིས་
ཡན་ལག་ཏུ། །སངས་རྒྱས་ཡོན་ཏན་རྣམ་པར་བརྗོད། །སངས་རྒྱས་འོད་ཀྱི་ཕོག་པ་ཡི། །སེམས་ཅན་ཀུན་ཀྱང་བདེ་བར་གྱུར། །སྡུག་བསྔལ་ཐམས་ཅད་རབ་ཏུ་ཞི། །འགྲོ་བ་ཀུན་ཀྱང་དགའ་བ་སྐྱེས། །
བྱང་ཆུབ་སེམས་དཔའ་སྤྲིན་གྱི་རྣམས། །རིན་ཆེན་སྤྲིན་རྣམས་རབ་འགྱེད་ཅིང་། །སྟོན་པའི་སྤྲིན་གྱིས་རྒྱལ་པོའི་དྲུང་། །ཕྱོགས་བཅུ་ཀུན་ནས་མངོན་པར་འོང་། །སྙིང་པོ་བྱང་ཆུབ་འདི་ལ་ཡང་། །རྒྱལ་བ་རྒྱ་མཚོ་
ཟབ་མོའི་སྒྲ། །སེམས་ཅན་ཐམས་ཅད་སྡུག་བསྔལ་ཞི། །སངས་རྒྱས་རྣམ་པར་འཕྲུལ་ལ་ལྟོས། །ཀུན་ཀྱང་སྲི་ཞུ་ལྡན་གྱུར་ཏེ། །དགའ་ཞིང་ཤིན་ཏུ་མོས་བྱས་ཤིང་། །ཆོས་ཀྱི་རྒྱལ་པོ་བལྟ་བའི་ཕྱིར། །

72-1-167b

འཇིག་རྟེན་མགོན་པོའི་དྲུང་དུ་འདོང་། །ཀྱེ་རྒྱལ་བའི་སྲས་དག་རྒྱལ་བུ་གཞོན་ནུ་གཟི་བརྗིད་ཆེན་པོས་ཚིགསུ་བཅད་པ་འདི་བརྗོད་པའི་ཚེ། སངས་རྒྱས་ཀྱི་བྱིན་གྱིས་རླབས་ཀྱི་འཇིག་རྟེན་གྱི་ཁམས་དཔལ་གྱི་
སྒྲ་ཐམས་ཅད་ཀྱི་སེམས་ཅན་གྱི་གནས་ཀུན་ཏུ་ཤིན་ཏུ་གྲག་པར་གྱུར་ཏོ། །དེ་ནས་རྒྱལ་པོ་བལྟ་ན་དགའ་བ་ཤིན་ཏུ་གཙང་བའི་བློ་གྲོས་ཀྱིས་ཚིགསུ་བཅད་པ་འདི་དག་ཐོས་ནས་དགའ་བ་ཆེན་པོ་སྐྱེས་ཏེ། རང་གི་འཁོར་
དེ་དག་ལ་ཚིགས་སུ་བཅད་དེ་སྨྲས་པ། ཞང་བློན་རྣམས་དང་གཞོན་ནུ་དང་། །རྒྱལ་པོའི་མི་དང་བློན་པོ་དང་། །ཚོངས་པ་རྣམས་དང་དེ་བཞིན་དུ། །ཡུལ་མི་རྣམས་ཀྱང་ཀུན་འདུས་ཤིག །གྲོང་ཁྱེར་རྣམས་ནི་ཀུན་ཏུ་
ཡང་། །རྔ་སྒྲ་དག་གི་མྱུར་དུ་སྒྲོགས། །ཀུན་ཀྱང་འཐུན་པར་ལྷན་ཅིག་ཏུ། །རྒྱལ་བ་བལྟ་བའི་ཕྱིར་དེང་ཤིག །སྲང་རྣམས་ཐམས་ཅད་ཀུན་ཏུ་ཡང་། །དགེ་བའི་དྲིལ་གྱི་སྒྲ་སྒྲོགས་ཤིག །བུ་དང་ཆུང་མ་འཁོར་བཅས་
པ། །རྒྱལ་བ་བལྟ་བའི་ཕྱིར་ཡང་འདོང་། །གྲོང་ཁྱེར་རྣམས་ཀྱང་བརྒྱན་པར་གྱིས། །རྒྱན་རྣམས་ཀུན་ཏུ་བླ་རེ་བྲེས། །རྒྱལ་མཚན་དམ་པ་བཟང་པོའི་རྣམས། །ནོར་བུ་སྣ་ཚོགས་རྒྱན་པར་སྒྲེང་། །རིན་ཆེན་དྲ་བའི་
བླ་རེ་རྣམས། །ནམ་མཁའི་དཀྱིལ་དུ་བྲེ་བར་གྱིས། །ནམ་མཁའ་འདི་ལས་ཐམས་ཅད་དུ། །སིལ་སྙན་སྤྲིན་གྱི་སྒྲ་དག་ཕྱུང་། །ལམ་གྱི་སྲང་ཡང་བརྒྱན་པར་གྱིས། །རིན་ཆེན་ཆར་ཡང་ཀུན་ཏུ་ཕོབ། །གཞོན་པ་རིན་
ཆེན་སྟོན་པར་གྱིས། །རྒྱལ་བ་བལྟ་བའི་ཕྱིར་འདོང་ངོ་། །རང་རང་སོ་སོའི་འཁོར་རྣམས་ཀྱིས། །སྣ་ཚོགས་སྤྲིན་གྱི་ཆར་ཕོབ་ཤིག །རྒྱན་གྱི་སྤྲིན་རྣམས་ཐམས་ཅད་ཀྱིས། །ནམ་མཁའི་དབྱིངས་ཀྱང་དག་པར་བགྱིས། །
སྤོས་དང་པདྨོ་འོད་ཀྱི་སྤྲིན། །མེ་ཏོག་གདུགས་རྣམས་བསམ་ཡས་དང་། །སེ་མོ་དོ་དང་ཕྲེང་སྤྲིན་དང་། །གོས་ཀྱི་སྤྲིན་གྱི་ཆར་ཕོབ་ཤིག །རི་རབ་རྣམས་དང་སྤོས་ཀྱི་རི། །ནོར་བུའི་འཁོར་ལོས་བརྒྱན་པར་བགྱིས། །

72-1-168a

དྲི་མེད་ཙན་དན་ཕྱེ་མ་རྣམས། །ནམཁའི་དཀྱིལ་ལ་རབ་ཏུ་སྟོན། །ནོར་བུའི་ཕྲེང་བ་མེ་ཏོག་ཕྲེང་། །རིན་ཆེན་ཕྲེང་བ་དྲི་མེད་དང་། །རིན་ཆེན་སྒྲོན་གྱི་ཕྲེང་བ་རྣམས། །ནམཁའི་དབྱིངས་ལ་བསྒྲུབ་པར་གྱིས། །
ཐམས་ཅད་སངས་རྒྱས་མངོན་གྱིས་ལ། །དགའ་ཞིང་སྤྲོ་བའི་སེམས་བསྐྱེད་དེ། །བུ་དང་འཁོར་དང་བཅས་པའི་རྣམས། །རྒྱལ་བ་ལྟ་ཕྱིར་ཀུན་འདོང་ངོ་། །དེ་ནས་རྒྱལ་པོ་བལྟ་ན་དགའ་བ་ཤིན་ཏུ་གཙང་བའི་
བདག་པོ་བསོད་ནམས་དཔལ་ལ་སྩོགས་པ་བུད་མེད་སྟོང་ཕྲག་སུམ་བཅུ་རྩ་བདུན་དང་། གཟི་བརྗིད་ཆེན་པོ་ལ་སྩོགས་པ་གཞོན་ནུ་ལྔ་བརྒྱ་དང་། བློ་གྲོས་ཀྱི་སྟོབས་ལས་སྩོགས་པ་བློན་པོ་སྟོང་ཕྲག་དྲུག་
བཅུ་དང་། དེ་དག་ལ་སྩོགས་པ་འཁོར་བྱེ་བ་ཁྲག་ཁྲིག་བརྒྱ་སྟོང་བདུན་བཅུ་རྩ་བདུན་གྱི་བསྐོར་ཅིང་བདར་ཏེ། གྲོང་ཁྱེར་ཆེན་པོ་འོད་འཕྲོ་སྣང་བ་ནས་བྱུང་ནས་སྡེའི་འཁོར་དང་བཅས་པ་ནམཁའི་དབྱིངས་སུ་མངོན་
པར་འཕགས་ཏེ། རྒྱལ་པོའི་རྫུ་འཕྲུལ་ཆེན་པོ་དང་། རྒྱལ་པོ་མཐུ་ཆེན་པོས་ནམཁའ་ཐམས་ཅད་རྒྱན་གྱི་སྤྲིན་ཐམས་ཅད་ཀྱི་རྣམ་པར་བརྒྱན་ཏེ། བཅོམ་ལྡན་འདས་གང་ན་བ་དེར་སོང་ནས་བཅོམ་
ལྡན་འདས་ཀྱི་ཞབས་ལ་སྤྱི་བོས་ཕྱག་འཚལ་ཏེ་ཕྱོགས་གཅིག་ཏུ་འཁོད་དོ། །ལྷའི་གྲོང་ཁྱེར་ཤིང་གི་མེ་ཏོག་སྣ་ཚོགས་ཤེས་བྱ་བ་ནས་ཀྱང་ལྷའི་དབང་པོ་རབ་ཚེ་མའི་རྒྱལ་མཚན་ཞེས་བྱ་
བ་ལྷ་བྱེ་བ་ཁྲག་ཁྲིག་བརྒྱ་སྟོང་དང་ལྷན་ཅིག་ཏུ་བཅོམ་ལྡན་འདས་གང་ན་བ་དེར་དོང་སྟེ། བཅོམ་ལྡན་འདས་ཀྱི་ཞབས་ལ་སྤྱི་བོས་ཕྱག་འཚལ་ནས། ཕྱོགས་གཅིག་ཏུ་འཁོད་དོ། །ཀླུའི་
གྲོང་ཁྱེར་ཀུན་ཏུ་རྫོགས་པ་ནས་ཀྱང་ཀླུའི་རྒྱལ་པོ་བཅུ་དྲི་མ་མྱེད་པའི་འོད་ཅེས་བྱ་བ་ཀླུ་བྱེ་བ་ཉི་ཤུ་རྩ་ལྔ་དང་ལྷན་གཅིག་གནོད་སྦྱིན་གྱི་གྲོང་ཁྱེར་རྡོ་རྗེའི་དཔལ་རྒྱལ་མཚན་ཞེས་བྱ་བ་ནས་ཀྱང་

72-1-168b

གནོད་སྦྱིན་བྱེ་བ་བདུན་བཅུ་དང་ལྷན་ཅིག་དྲི་ཟའི་གྲོང་ཁྱེར་གཞལ་མེད་ཁང་བཟང་པོ་ནས་ཀྱང་དྲི་ཟའི་རྒྱལ་པོ་བལྟ་ན་དགའ་བ་ཞེས་བྱ་བ་དྲི་ཟ་བྱེ་བ་དགུ་བཅུ་རྩ་བདུན་དང་ལྷན་ཅིག་ཏུ། ལྷ་མ་ཡིན་གྱི་གྲོང་ཁྱེར་
འཁོར་ལོའི་ཚོན་ནས་ཀྱང་ལྷ་མ་ཡིན་གྱི་དབང་པོ་གཟུགས་རྣམ་པར་དག་པ་ལས་སེམས་དཔའ་ཞེས་བྱ་བ་ལྷ་མ་ཡིན་བྱེ་བ་སྟོང་ཕྲག་ལྔ་བརྒྱའི་འཁོར་གྱིས་བསྐོར་བ། ནམཁའ་ལྡིང་གི་གྲོང་ཁྱེར་རིན་པོ་ཆེ་
སྣ་ཚོགས་བཟང་པོའི་ལྟེ་བ་ནས་ཀྱང་ནམཁའ་ལྡིང་གི་དབང་པོ་སྟོབས་བཅུ་སྤྱོད་པ་ཞེས་བྱ་བ་ནམཁའ་ལྡིང་གི་འཁོར་དགུ་བཅུ་རྩ་དགུ་དང་ལྷན་ཅིག་མི་འམ་ཅིའི་གྲོང་ཁྱེར་རྩེ་བའི་དགའ་བ་དང་ལྡན་པ་ནས་
ཀྱང་མིའམ་ཅིའི་རྡོ་རྗེ་དཔལ་ཞེས་བྱ་བ་མི་འམ་ཅི་བྱེ་བ་ཕྲག་བཅོ་བརྒྱད་དང་ལྷན་ཅིག །ལྟོ་འཕྱེ་ཆེན་པོའི་གྲོང་ཁྱེར་རིན་པོ་ཆེ་རྡོ་རྗེ་སྲ་བའི་རྒྱལ་མཚན་ནས་ཀྱང་ལྟོ་འཕྱེ་ཆེན་པོའི་དབང་པོ་རིན་པོ་ཆེ་
གྲགས་པའི་རྒྱལ་མཚན་ཆོས་བྱ་བ་ལྟོ་འཕྱེ་ཆེན་པོ་བྱེ་བ་ཁྲག་ཁྲིག་བརྒྱ་སྟོང་ཕྲག་གསུམ་དང་ལྷན་ཅིག །ཚངས་པའི་གྲོང་ཁྱེར་རྒྱན་བཟང་པོ་སྣ་ཚོགས་ནས་ཀྱང་ཚངས་པའི་དབང་པོ་གཞན་གྱི་ཕམ་པ་ཞེས་
བྱ་བ་ཚངས་པ་བྱེ་བ་ཕྲག་བཅོ་བརྒྱད་ཀྱི་འཁོར་གྱིས་བསྐོར་ཅིང་མདུན་དུ་བྱས་ཏེ། བཅོམ་ལྡན་འདས་ཡོན་ཏན་ཐམས་ཅད་ཀྱི་རི་བོ་རི་རབ་ཀྱི་དཔལ་དེ་བཞིན་གཤེགས་པ་གང་ན་བ་དེར་དོང་ནས། བཅོམ་
ལྡན་འདས་ཀྱི་ཞབས་ལ་སྤྱི་བོས་ཕྱག་འཚལ་ནས། ཕྱོགས་གཅིག་ཏུ་འཁོད་དོ། །དེ་དག་ལ་སྩོགས་པ་གྲོང་ཁྱེར་བྱེ་བ་ཁྲག་ཁྲིག་བརྒྱ་སྟོང་གྲོང་ཁྱེར་གྱི་འཁོར་དང་བཅས་པ་དག་ནས། སེམས་
ཅན་གྱི་རིས་ཐ་དད་པ་ན་གནས་པའི་རྒྱལ་པོ་མང་པོ་འཁོར་དང་བཅས་ཏེ། བཅོམ་ལྡན་འདས་གང་ན་བ་དེར་དོང་སྟེ། བཅོམ་ལྡན་འདས་ལ་ཕྱག་འཚལ་ནས་ཕྱོགས་གཅིག་ཏུ་འཁོད་དོ། །དེ་ནས་

72-1-169a

བཅོམ་ལྡན་འདས་དེ་བཞིན་གཤེགས་པ་ཡོན་ཏན་ཐམས་ཅད་ཀྱི་རི་བོ་རི་རབ་ཀྱི་སེམས་ཅན་དེ་དག་འདུལ་བའི་དབང་ཉེ་བར་གཟུང་སྟེ། འཁོར་གྱི་དཀྱིལ་འཁོར་གྱི་རྒྱ་མཚོ་དེར་དུས་གསུམ་གྱི་
སངས་རྒྱས་ཐམས་ཅད་ཡང་དག་པར་འབྱུང་བའི་ཆོས་རྣམ་པར་འཕྲུལ་པ་ཞེས་བྱ་བ་མདོའི་འཁོར་འཇིག་རྟེན་གྱི་ཁམས་ཀྱི་རྡུལ་ཤིན་ཏུ་ཕྲ་བ་སྙེད་དང་བཅས་པ་བསམ་པ་ཅི་ལྟ་བ་བཞིན་དུ་སེམས་
ཅན་རྣམས་ལ་ཡོངས་སུ་སྟོན་ཏོ། །དེ་ནས་བྱང་ཆུབ་སེམས་དཔའ་གཟི་བརྗིད་ཆེན་པོས་ཆོས་ཀྱི་གཟུང་འདི་བསྟན་པ་ཐོས་ནས། བཅོམ་ལྡན་འདས་དེ་བཞིན་གཤེགས་པ་ཡོན་ཏན་ཐམས་ཅད་ཀྱི་རི་རབ་
ཀྱི་དཔལ་གྱིས་སྔོན་ཡང་དག་པར་བསྒྲུབ་པའི་ཆོས་རྒྱ་མཚོ་ལ་ཆོས་ཀྱི་སྣང་བ་རབ་ཏུ་ཐོབ་བོ། །འདི་ལྟ་སྟེ་ཆོས་ཐམས་ཅད་ཀྱི་དཀྱིལ་འཁོར་མཉམ་པ་ཉིད་ཀྱི་ཏིང་ངེ་འཛིན་གྱི་སྒོ་ལ་ཡེ་ཤེས་ཀྱི་སྣང་བ་རབ་
ཏུ་ཐོབ་བོ། །འདི་ལྟ་སྟེ་ཐོགས་མ་ཆོས་ཐམས་ཅད་ལ་ཡང་དག་པར་གཞོལ་བའི་བྱང་ཆུབ་ཀྱི་སེམས་ལ་གནས་པའི་ཡེ་ཤེས་ཀྱི་སྣང་བ་རབ་ཏུ་ཐོབ་བོ། །འདི་ལྟ་སྟེ་ཆོས་ཀྱི་དབྱིངས་ཀྱི་ཕྱོགས་རྣམ་པར་སྣང་
བའི་སྙིང་པོའི་མིག་རྣམ་པར་དག་པ་ལ་ཡེ་ཤེས་ཀྱི་སྣང་བ་རབ་ཏུ་ཐོབ་བོ། །འདི་ལྟ་སྟེ་སངས་རྒྱས་ཀྱི་ཆོས་ཐམས་ཅད་ཀྱི་ཡེ་ཤེས་ཀྱི་རྒྱ་མཚོ་རབ་ཏུ་སྣང་ཞིང་རྣམ་པར་དབྱེ་བའི་སྨོན་ལམ་རྒྱ་མཚོ་ལ་ཡེ་ཤེས་
ཀྱི་སྣང་བ་རབ་ཏུ་ཐོབ་བོ། །འདི་ལྟ་སྟེ་ཡོན་ཏན་ཆེན་པོ་རྒྱ་མཚོ་མཐའ་དང་དབུས་མེད་པ་རྣམ་པར་དག་པ་ལ་རབ་ཏུ་འཇུག་པའི་སྤྱོད་པའི་དཀྱིལ་འཁོར་ལ་ཡེ་ཤེས་ཀྱི་སྣང་བ་རབ་ཏུ་ཐོབ་བོ། །འདི་ལྟ་སྟེ་སྒོ་ཡང་
པ་ནས་སྣང་བ་ཟབ་མོ་ཡང་དག་པར་འབྱུང་བ་རྒྱ་མཚོ་ལ་ཡེ་ཤེས་ཀྱི་སྣང་བ་རབ་ཏུ་ཐོབ་བོ། །འདི་ལྟ་སྟེ་ཕྱིར་མི་ལྡོག་པའི་སྟོབས་ཆེན་པོའི་ཤུགས་ཀྱི་སྙིང་པོ་དང་མཐུ་ཆེན་པོའི་རྒྱ་མཚོ་ལ་ཡེ་ཤེས་ཀྱི་སྣང་བ་

72-1-169b

རབ་ཏུ་ཐོབ་བོ། །འདི་ལྟ་སྟེ་ཆོས་ཀྱི་དབྱིངས་མཐའ་དང་དབུས་མེད་པར་སྤྲུལ་པས་བརྒྱན་ཅིང་འབྱུང་བའི་དཀྱིལ་འཁོར་ལ་ཡེ་ཤེས་ཀྱི་སྣང་བ་རབ་ཏུ་ཐོབ་བོ། །འདི་ལྟ་སྟེ་ཡོན་ཏན་གྱི་དཀྱིལ་འཁོར་རྒྱ་མཚོ་ཚད་
མེད་པར་འཇུག་པ་ལ་མངོན་པར་བསྒྲུབ་པ་ཡེ་ཤེས་ཀྱི་རྒྱ་མཚོ་རབ་ཏུ་ཐོབ་བོ། །འདི་ལྟ་སྟེ་སངས་རྒྱས་ཐམས་ཅད་རྣམ་པར་དམྱིགས་ཤིང་མོས་པ་རྒྱ་མཚོ་སྤྲིན་གྱི་རྒྱན་ཡང་དག་པར་བསྒྲུབ་པ་རྒྱ་
མཚོ་ལ་ཡེ་ཤེས་ཀྱི་སྣང་བ་རབ་ཏུ་ཐོབ་བོ། །འདི་ལྟ་སྟེ་ཆོས་ཀྱི་དབྱིངས་མཐའ་དང་དབུས་མེད་པ་དང་། མཉམ་པར་དེ་བཞིན་གཤེགས་པ་རྣམ་པར་དམྱིགས་པར་བྱ་བ་དང་། འགྲོ་བ་ཐམས་ཅད་
མངོན་དུ་བསྟན་པ་དང་སངས་རྒྱས་ཀྱི་རྣམ་པར་འཕྲུལ་པ་རྒྱ་མཚོ་ལ་ཡེ་ཤེས་ཀྱི་སྣང་བ་རབ་ཏུ་ཐོབ་བོ། །འདི་ལྟ་སྟེ་སངས་རྒྱས་ཀྱི་ཆོས་སྟོབས་དང་། མི་འཇིག་པ་ཐམས་ཅད་ལ་ཡེ་ཤེས་ཀྱི་སྣང་བ་
རབ་ཏུ་ཐོབ་བོ། །དེ་ནས་བྱང་ཆུབ་སེམས་དཔའ་གཟི་བརྗིད་ཆེན་པོས་དེ་བཞིན་གཤེགས་པ་ཡོན་ཏན་ཐམས་ཅད་ཀྱི། རི་རབ་ཀྱི་དཔལ་གྱི་སྔོན་གྱི་སྦྱོར་བ་རྒྱ་མཚོ་ལ་ཡེ་ཤེས་ཀྱི་སྣང་བ་རབ་ཏུ་ཐོབ་ནས། 
སངས་རྒྱས་ཀྱི་བྱིན་གྱིས་བརླབས་ཀྱི་དེའི་ཚེ་ཚིགས་སུ་བཅད་པ་འདི་དག་སྨྲསོ་རྒྱལ་བའི་ཆོས་ཉིད་འདི་ཐོས་ནས། །བདག་གིས་ཡེ་ཤེས་སྣང་བ་སྐྱེས། །དེས་ནི་སངས་རྒྱས་སྔོན་སྤྱོད་པ། །རྒྱ་མཚོ་
རྣམས་ཀྱང་རབ་ཏུ་མཐོང་། །སྐུ་ཚེ་ཀུན་ཏུ་ཇི་ལྟ་བུར། །ཕུན་སུམ་ཚོགས་གྱུར་ཀུན་ཀྱང་མཐོང་། །མཚན་གྱི་རྣམ་པ་རྣམས་དམིགས་དང་། །གང་གི་སངས་རྒྱས་མཆོད་པའང་ཤེས། །སྔོན་ཆད་སངས་
རྒྱས་དྲུང་དག་དུ། །བསྐལ་པ་རྒྱ་མཚོར་སྤྱོད་སྤྱད་དེ། །སངས་རྒྱས་རྒྱ་མཚོ་མང་མཆོད་ནས། །ཞིང་གི་རྒྱ་མཚོ་ཡོངས་སུ་སྦྱངས། །སྐུའི་རྒྱ་མཚོ་མང་པོ་དག །རྒྱ་མཚོ་ཡོངསུ་ཀུན་བཏང་ཞིང་། །

72-1-170a

སྤྱོད་པའི་དམ་པ་རབ་སྤྱད་དེ། །རྒྱ་མཚོའྀ་ཞིང་ཡང་ཤིན་ཏུ་སྦྱངས། །སྙན་དང་ཤང་མང་རྒྱ་མཚོ་དང་། །ཕྱག་ཞབས་དབུ་ཡང་དེ་བཞིན་ཏེ། །རྒྱལ་སྲིད་བཙུན་མོའི་འཁོར་བཏང་ཞིང་། །ཞིང་གི་རྒྱ་
མཚོ་ཡོངས་སུ་སྦྱངས། །ཞིང་རྣམས་སོ་སོ་རེ་རེ་ལ། །བསྐལ་པ་བྱེ་བ་བསམ་ཡས་སུ། །བྱང་ཆུབ་སྤྱོད་པ་རབ་སྤྱོད་དེ། །ཞིང་གི་རྒྱ་མཚོ་རབ་ཏུ་སྦྱངས། །ཀུན་ཏུ་བཟང་པོའི་སྨོན་ལམ་གྱི། །སྤྱོད་པ་
རྒྱ་མཚོ་ཀུན་སྤྱད་ནས། །སངས་རྒྱས་རྒྱ་མཚོ་ཀུན་དྲུང་དུ། །ཞིང་གི་རྒྱ་མཚོ་རབ་ཏུ་སྦྱངས། །ཇི་ལྟར་ཉི་མའི་འོད་སྣང་བས། །ཉི་མའི་དཀྱིལ་འཁོར་མཐོང་བ་བཞིན། །སངས་རྒྱས་ཡེ་ཤེས་འོད་
སྣང་བས། །སྔོན་གྱི་སྤྱོད་པ་རྣམས་ཀྱང་མཐོང་། །བྱང་ཆུབ་འཚང་རྒྱ་ཞི་བ་ཡི། །ཆོས་ཀྱི་དབྱིངས་ནི་ཀུན་གང་བའི། །ཞིང་གི་རྒྱ་མཚོ་དག་པའི་རྣམས། །དྲི་མེད་འོད་ཅན་ཀུན་ཀྱང་མཐོང་། །སངས་རྒྱས་ཀུན་གྱི་
བྱིན་རླབས་ཀྱིས། །བྱང་ཆུབ་སྤྱད་པ་སྤྱོད་པའི་ཚེ། །ཞིང་གི་རྒྱ་མཚོ་ཡངས་པའི་རྣམས། །དེ་ལྟར་བདག་གིས་སྦྱང་བར་བྱ། །ཀྱེ་རྒྱལ་བའི་སྲས་དག་དེའི་ཚེ་བྱང་ཆུབ་སེམས་དཔའ་གཟི་བརྗིད་ཆེན་
པོས། བཅོམ་ལྡན་འདས་དེ་བཞིན་གཤེགས་པ་ཡོན་ཏན་ཐམས་ཅད་ཀྱི་རི་རབ་དཔལ་གྱི་སྤྲིན་དེ་མཐོང་བ་དང་། བསྙེན་བཀུར་བ་དང་། མཆོད་པས་དེ་བཞིན་གཤེགས་པ་ལས་མངོན་པར་
ཁོང་དུ་ཆུད་དེ། འཇིག་རྟེན་ཐམས་ཅད་ནི་སྣང་བར་བྱེད། སྔོན་གྱི་སྦྱོར་བ་རྒྱ་མཚོ་ནི་རབ་ཏུ་བརྗོད། བྱང་ཆུབ་སེམས་དཔའི་སྤྱོད་པའི་རྒྱ་མཚོའི་ཚུལ་ནི་རབ་ཏུ་སྒྲོག །སངས་རྒྱས་ཐམས་ཅད་
ཀྱི་ཡོན་ཏན་རྒྱ་མཚོའི་ཚུལ་ནི་ཤིན་ཏུ་བརྗོད། ཆོས་ཀྱི་དབྱིངས་ཐམས་ཅད་ལ་ཡང་དག་པར་གཞོལ་བའི་ཡེ་ཤེས་ཀྱི་སྒོ་ཡོངས་སུ་སྦྱང་བ་ནི་ཤིན་ཏུ་སྟོན། སྙིང་པོ་བྱང་ཆུབ་ཐམས་ཅད་ལ་མངོན་

72-1-170b

པར་འཚང་རྒྱ་བའི་རྒྱ་མཚོའི་རྣམ་པར་འཕྲུལ་པ་ནི་རབ་ཏུ་བརྗོད། སངས་རྒྱས་ཀྱི་སྟོབས་དང་མི་བསྙེངས་པ་དང་། ཡེ་ཤེས་ཐ་མི་དད་པ་ནི་ཤིན་ཏུ་བརྗོད། དེ་བཞིན་གཤེགས་པའི་སྐུ་སྒོ་ཀུན་ནས་
རྣམ་པར་དམིགས་ཤིང་མཐོང་བ་ནི་རབ་ཏུ་བརྗོད། སངས་རྒྱས་ཀྱི་རྣམ་པར་འཕྲུལ་པ་བསམ་གྱིས་མི་ཁྱབ་པ་ཤིན་ཏུ་སྟོན། སངས་རྒྱས་ཀྱི་རྣམ་པར་སྤྱོད་པ་མཐའ་དང་དབུས་མེད་པའི་རྒྱན་ནི་རབ་
ཏུ་སྟོན། བྱང་ཆུབ་སེམས་དཔའི་ཀུན་ཏུ་བཟང་པོའི་སྤྱོད་པ་དང་། སྨོན་ལམ་ནི་མངོན་པར་བསྒྲུབ་པ་བྱེད་ཅིང་། སེམས་ཅན་རི་རབ་ཀྱི་རྡུལ་ཤིན་ཏུ་ཕྲ་བ་སྙེད་བྱང་ཆུབ་ཏུ་སེམས་བསྐྱེད་དེ། སངས་རྒྱས་ཀྱི་ཞིང་གི་རྡུལ་ཤིན་
ཏུ་ཕྲ་བ་སྙེད་ཀྱི་སངས་རྒྱས་ཀྱི་ཞིང་རྣམ་པར་དག་པའང་ཡོངསུ་འཛིན་དུ་བཙུད་དོ། །དེ་ནས་དེ་བཞིན་གཤེགས་པ་ཡོན་ཏན་ཐམས་ཅད་ཀྱི་རི་བོ་རི་རབ་དཔལ་གྱི་སྤྲིན་གྱི། བྱང་ཆུབ་སེམས་དཔའ་གཟི་བརྗིད་ཆེན་པོ་ལ་ཚིགས་
སུ་བཅད་དེ་གསུངས་པ། སེམས་ཅན་ཀུན་ལ་ཕན་པའི་ཕྱིར། །བྱང་ཆུབ་དོན་དུ་ཁྱོད་ཞུགས་པ། །གཟི་བརྗིད་ཆེན་པོ་ལེགསོ་ལེགས། །བསོད་ནམས་སྙིང་པོ་གྲགས་པ་ཆེ། །སྣང་བ་ཁྱོད་ཀྱིས་རབ་ཏུ་ནོན། །ཆོས་
ཀྱི་དབྱིངས་ནི་ཁྱབ་བྱས་ཤིང་། །བསོད་ནམས་ཆེན་པོའི་སྤྲིན་ལྡན་པའི། །སངས་རྒྱས་ཡེ་ཤེས་རྒྱ་མཚོ་གྱུར། །བསྐལ་པ་ཞིང་གི་རྡུལ་སྙེད་དུ། །ཞིང་གཅིག་ན་ཡང་སྤྱོད་སྤྱད་ཅིང་། །ང་ཡི་ཡེ་ཤེས་ཇི་ལྟ་བུར། །
ཁྱོད་ཀྱི་མཐོང་བ་དེ་ལྟར་འགྱུར། །ཚུལ་འདི་ཀུན་ནས་ཤེས་པར་ནི། །བརྩོན་འགྲུས་ཆུང་ངུས་མི་ནུས་ཏེ། །བརྩོན་འགྲུས་སྟོབས་ཆེན་ལྡན་པའི་རྣམས། །རྒྱ་མཚོའི་ཞིང་རྣམས་དག་པར་བྱེད། །ཐམས་ཅད་
རྡུལ་ལ་འཇུག་ཚུལ་དུ། །བསྐལ་པ་རྒྱ་མཚོར་སུ་སྤྱོད་པ། །རྒྱ་མཚོའི་ཞིང་གི་རྒྱན་གྱི་རྣམས། །དེ་ལ་འདི་འདྲར་རབ་ཏུ་འགྱུར། །སེམས་ཅན་རྣམས་ནི་རེ་རེའི་ཕྱིར། །བསྐལ་པ་རྒྱ་མཚོར་སྤྱོད་སྤྱད་ཅིང་། །

72-1-171a

འཁོར་ཀྱང་སྐྱོ་བ་མེད་པའི་རྣམས། །དེ་དག་འཇིག་རྟེན་མགོན་པོར་འགྱུར། །བསྐལ་པ་ཕྱི་མའི་མཐར་ཐུགས་པ། །རྒྱལ་བ་རེ་རེ་མཆོད་བྱེད་ཀྱང་། །གང་གི་སེམས་ལ་སྐྱོ་མེད་ན། །དེ་དག་དེ་བཞིན་གཤེགས་
པར་འགྱུར། །དུས་གསུམ་གཤེགས་པའི་མགོན་པོ་ཀུན། །ཁྱོད་ཀྱི་སྨོན་ལམ་དབང་གིས་བསྩལ། །སངས་རྒྱས་ཀུན་གྱི་འཁོར་རྣམས་ནི། །ཁྱོད་ཀྱི་ལུས་ཀྱང་རབ་ཏུ་གནས། །སངས་རྒྱས་ཀུན་གྱི་སྨོན་ལམ་
དག །མཐའ་དང་དབུས་མེད་རྒྱ་མཚོ་ལ། །བློ་ཆེན་གང་རྣམས་འཇུགས་པ་ན། །དེ་དག་ཚུལ་འདི་གནས་པར་འགྱུར། །དེ་ལ་མཆོད་པ་བྱས་པས་ཀྱང་། །གཟི་བརྗིད་ཆེན་པོ་སྟོབས་ཆེན་གྱིས། །སེམས་ཅན་རི་
རབ་རྡུལ་མཉམ་པར། །བྱང་ཆུབ་ཡོངསུ་སྨིན་པར་བྱས། །བྱང་ཆུབ་སེམས་དཔའ་གྲགས་ཆེན་དག །ཀུན་ཏུ་བཟང་པོ་དཔའ་བའི་རྣམས། །ཆོས་ཀྱི་དབྱིངས་ནི་ཀུན་བཀང་ཞིང་། །ཞིང་གི་རྒྱ་མཚོ་དག་པར་བྱེད། །
ཀྱེ་རྒྱལ་བའི་སྲས་དག་དེ་ལ་བསྐལ་པ་རྒྱ་ཆེན་པོ་རིག་པ་ཞེས་བྱ་བ་དེ་ལ་བསྐལ་པ་བར་མ་ཆུ་ཀླུང་གང་གའི་བྱེ་མ་སྙེད་གཅིག་བྱུང་སྟེ། དེའི་དུས་ན་མི་རྣམས་ཀྱི་ཚེ་ཡང་བསྐལ་པ་བར་མ་གཉིས་ཐུབ་པར་གྱུར་ཏེ། 
རྒྱལ་བའི་སྲས་དག་དེ་བཞིན་གཤེགས་པ་ཡོན་ཏན་ཐམས་ཅད་ཀྱི་རི། རི་རབ་དཔལ་གྱི་སྤྱན་དེའི་སྐུ་ཚེའི་ཚད་ནི་ལོ་བྱེ་བ་ཕྲག་ལྔ་བཅུར་གྱུར་ཏོ། །དེ་ཡོངསུ་མྱ་ངན་ལས་འདས་ནས། དེ་བཞིན་གཤེགས་པ་ཕ་རོལ་
ཏུ་ཕྱིན་པའི་སྤྱན་བཟང་པོའི་རྒྱན་གྱི་རྒྱལ་པོ་ཞེས་བྱ་བ་འཇིག་རྟེན་དུ་ནགས་ཚལ་ཆེན་པོ་ཡལ་གའི་དཀྱིལ་འཁོར་རིན་པོ་ཆེའི་མེ་ཏོག་རྒྱས་པ་དེ་ཉིད་ལ་བྱུང་ཏེ། དེ་བཞིན་གཤེགས་པ་ཕ་རོལ་ཏུ་ཕྱིན་པའི་སྤྱན་
བཟང་པོ་རྒྱན་གྱི་རྒྱལ་པོ་དེ་མངོན་པར་སངས་རྒྱས་པའི་རྣམ་པར་འཕྲུལ་པ་རྒྱལ་བུ་གཞོན་ནུ་གཟི་བརྗིད་ཆེན་པོས་མཐོང་ངོ་། །མཐོང་ནས་ཀྱང་སྒོ་རྒྱ་མཚོ་མཐའ་ཡས་པའི་སྙིང་པོ་ཞེས་བྱ་བ་རབ་ཏུ་ཐོབ་བོ། །

72-1-171b

ཡེ་ཤེས་རྒྱ་ཆེན་པོ་བྱིན་གྱིས་རླབས་དང་ཆོས་ཀྱི་གློང་གི་གཟུངས་ཀྱང་རབ་ཏུ་ཐོབ་བོ། །ཀུན་གྱི་རྗེས་སུ་སོང་བར་འགྲོ་བ་འདུལ་བའི་རྣམ་པར་ཐར་པ་ཞེས་བྱ་བའི་བྱམས་པ་ཆེན་པོ་ཡང་རབ་ཏུ་ཐོབ་བོ། །དམིགས་པའི་
སྒོའི་སྤྲིན་ཐམས་ཅད་ཀྱིས་རྒྱས་པར་བྱེད་པ་ཞེས་བྱ་བའི་སྙིང་རྗེ་ཆེན་པོ་ཡང་རབ་ཏུ་ཐོབ་བོ། །སངས་རྒྱས་ཐམས་ཅད་ཀྱི་ཡོན་ཏན་རྒྱ་མཚོ་དང་བྱིན་གྱིས་རླབས་ཀྱི་མཛོད་ཅེས་བྱ་བའི་དགའ་བ་ཆེན་པོ་ཡང་རབ་ཏུ་ཐོབ་བོ། །
ཆོས་ཀྱི་རང་བཞིན་ནམཁའི་དབྱིངས་རྣམ་པར་དག་པ་ཞེས་བྱ་བའི་བཏང་སྙོམས་ཆེན་པོ་ཡང་རབ་ཏུ་ཐོབ་བོ། །རང་བཞིན་དྲི་མ་མེད་པའི་ཆོས་ཀྱི་དབྱིངས་ཡོངསུ་དག་པའི་ལུས་ཤེས་རབ་ཀྱི་ཕ་རོལ་ཏུ་ཕྱིན་པ་ཡང་རབ་ཏུ་ཐོབ་བོ། །
ཚོགས་པ་མེད་པའི་དབྱིངས་རྣམ་པར་སྣང་བའི་རྗེས་སུ་སོང་བ་ཞེས་བྱ་བའི་མངོན་པར་ཤེས་པ་ཡང་རབ་ཏུ་ཐོབ་བོ། །རབ་ཏུ་ཁོང་དུ་ཆུད་པས་དྲི་མ་མེད་པའི་གློང་ལ་ཡང་དག་པར་འཇུག་པ་ཞེས་བྱ་བའི་ཐ་དད་པའི་
ཡང་དག་པར་ཤེས་པ་ཡང་རབ་ཏུ་ཐོབ་བོ། །སངས་རྒྱས་ཐམས་ཅད་ཀྱི་ཆོས་དཀྱིལ་འཁོར་ཡོངས་སུ་དག་པར་བྱེད་པ་ཞེས་བྱ་བའི་ཡེ་ཤེས་སྣང་བ་ཡང་རབ་ཏུ་ཐོབ་བོ། །དེ་དག་ལ་སྩོགས་པ་ཆོས་ཀྱི་སྒོ་སྟོང་
ཕྲག་བཅུ་ཀུན་ནས་ནོན་པར་གྱུར་ཏེ། དེ་ནས་རྒྱལ་བུ་གཞོན་ནུ་གཟི་བརྗིད་ཆེན་པོས་སངས་རྒྱས་ཀྱི་བྱིན་གྱིས་བརླབས་ཀྱི་འཁོར་གྱི་ཚོགས་ཐམས་ཅད་ལ་ཚིགས་སུ་བཅད་དེ་སྨྲས་པ། བསྐལ་པ་བྱེ་བ་
བསམ་གྱིས་མི་ཁྱབ་དུ། །འཇིག་རྟེན་གཙོ་བོའི་དམ་པ་ཤིན་ཏུ་དཀོན། །སངས་རྒྱས་ཞིང་འདི་སེམས་ཅན་ཐོབ་པར་ཐོབ། །དེ་དག་སངས་རྒྱས་གཉིས་པ་འདི་ཡང་མཐོང་། །སངས་རྒྱས་སྐུ་ལས་འོད་རྣམས་
རབ་བཀྱེ་བ། །ཁ་དོག་མཐའ་ཡས་རྒྱ་མཚོ་རྣམ་པར་དག །འོད་ཟེར་སྤྱན་གྱིས་འཇིག་རྟེན་ཀུན་ཏུ་ཁྱབ། །ཀུན་ཏུ་རྒྱལ་བའི་ཡོན་ཏན་གྲགས་པར་བྱེད། །འོད་ཀྱི་རིག་པ་རྨད་ཀྱི་དགའ་བ་སྐྱེ། །འགྲོ་བ་དེ་དག་

72-1-172a

ཀུན་གྱི་སྡུག་བསྔལ་ཞི། །ཕུན་ཚུན་སྲིད་ཞུ་བྱམས་པའི་སེམས་གྱུར་ཅིང་། །སངས་རྒྱས་རྣམ་འཕྲུལ་འདི་དག་ཀུན་ཀྱང་མཐོང་། །སྤྲུལ་པའི་སྤྲིན་རྣམས་བསམ་མི་ཁྱབ། །རྣམ་པ་དུ་མའི་འོད་ཀྱི་དྲ་
བ་འགྱེད། །ཕྱོགས་བཅུའི་ཞིང་རྣམས་ཀུན་ཀྱང་གང་བྱས་ཤིང་། །སངས་རྒྱས་རྣམ་པར་འཕྲུལ་པ་རབ་ཏུ་སྟོན། །རྒྱལ་བ་རྣམས་ཀྱི་སྤུ་རྩེ་རེ་རེ་ནས། །དབྱངས་སྤྲིན་བཀྱེ་བས་ནམཁའ་ཀུན་བཀང་ཞིང་། །མུན་
ནག་ཆེན་པོ་ཀུན་ནས་སྣང་བར་བྱེད། །དམྱལ་བའི་སྡུག་བསྔལ་ཀུན་ཀྱང་རྣམ་པར་སེལ། །སངས་རྒྱས་དབྱངས་ནི་ཕྱོགས་རྣམས་བཅུ་པོ་ནི། །སེམས་ཅན་རྣམས་ཀྱི་སྔོན་དགེ་རྒྱ་མཚོ་རྣམས། །ཐམས་
ཅད་དབྱངས་ཀྱི་ཀུན་ཏུ་སྒྲ་ཡང་སྒྲོག །སངས་རྒྱས་རྣམ་པར་འཕྲུལ་པ་དེ་དག་ལྟོས། །སངས་རྒྱས་འཁོར་རྣམས་རྒྱ་མཚོ་རྒྱ་ཆེ་བ། །མཐའ་དང་དབུས་མེད་ཡང་དག་རབ་ཏུ་བྱུང་། །དེ་ན་རྒྱལ་བ་ཆོས་ཀྱི་འཁོར་
ལོ་བསྐོར། །སེམས་ཅན་རྒྱ་མཚོ་མི་ཟད་རྣམས་ཀྱང་འདུལ། །ཚད་མེད་རྣམ་པར་འཕྲུལ་པ་དག་ལ་ལྟོས། །ཞིང་རྣམས་ཀུན་ན་རྒྱལ་བ་མངོན་པར་བཞུགས། །དེ་ལྟར་བདེ་གཤེགས་ཡེ་ཤེས་ཆགས་པ་མེད། །
སེམས་ཅན་དོན་དུ་རྣམ་པར་མངོན་སངས་རྒྱས། །དགའ་ཞིང་མོས་པར་ཀུན་ཀྱང་འོང་བར་གྱིས། །བདེ་བའི་ཡིད་དང་སྲིད་ཞུ་སྤྲོ་བ་ཡིས། །བདེ་གཤེགས་དེ་ནི་བལྟ་བའི་ཕྱིར་འདོང་ངོ་། །དེ་མཐོང་སྡུག་བསྔལ་ཐྃས་
ཅད་ཞི་བར་འགྱུར། །བྱང་ཆུབ་སེམས་ནི་ཡང་དག་བསྐྱེད་བྱས་ཤིང་། །འགྲོ་བ་ཀུན་ལ་བྱམས་པའི་སེམས་གྱུར་ཏེ། །ཀུན་ཏུ་བཟང་པོའི་སྨོན་ལམ་ཀུན་བཏབ་ཅིང་། །ཆོས་རྒྱལ་ཇི་བཞིན་བདག་ཅག་འགྱུར་བར་བྱ། །
སངས་རྒྱས་ཀྱི་བྱིན་གྱིས་བརླབས་ཀྱིས་དེའི་སྒྲ་ལ་ཐོག་པ་མེད་པས་འཇིག་རྟེན་གྱི་ཁམས་ཐམས་ཅད་དུ་ཁྱབ་པར་གྱུར་ཏེ། དེ་ཐོས་པའི་སེམས་ཅན་ཚད་མེད་པ་རྣམས་ཀྱང་བྱང་ཆུབ་ཏུ་སྨོན་ལམ་བཏབ་པར་གྱུར་

72-1-172b

ཏོ། །དེ་ནས་ཕ་དང་མ་དང་ལྷན་ཅིག་ཏུ་འཁོར་ཐམས་ཅད་དང་། སེམས་ཅན་བྱེ་བ་ཁྲག་ཁྲིག་བརྒྱ་སྟོང་དེ་དག་གིས་བསྐོར་ཅིང་མདུན་དུ་བྱས་ཏེ། རིན་པོ་ཆེའི་གདུགས་ཀྱི་སྤྲིན་ལྔས་ནམཁའ་ཐམས་ཅད་ཀུན་ནས་
ཡོག་པར་བྱས་ཏེ། བཅོམ་ལྡན་འདས་གང་ན་བ་དེར་དོང་ངོ་། །འོངས་པ་དེ་དག་ལ་བཅོམ་ལྡན་འདས་ཕ་རོལ་ཏུ་ཕྱིན་པའི་སྤྱན་བཟང་པོ་བརྒྱན་གྱི་རྒྱལ་པོ་དེ་བཞིན་གཤེགས་པས་ཆོས་ཀྱི་དབྱིངས་རང་བཞིན་
དྲི་མ་མེད་པའི་རྒྱན་ཅེས་བྱ་བའི་མདོ་འཇིག་རྟེན་གྱི་ཁམས་ཀྱི་རྡུལ་ཤིན་ཏུ་ཕྲ་བ་སྙེད་ཀྱི་མདོའི་འཁོར་ཅན་ཡང་དག་པར་བསྟན་ཏོ། །དེས་དེ་ཐོས་ནས་ཚུལ་ཐམས་ཅད་རྣམ་པར་དག་པ་ལ་འཇུག་པས་འབྱུང་
བ་རབ་ཏུ་སྐྱེས་སོ། །ཡེ་ཤེས་ཀྱི་རིམ་པ་རྣམ་པར་དག་ཅིང་དྲི་མ་མེད་པའི་སྣང་བ་ཞེས་བྱ་བ་ཡང་ནོན་པར་གྱུར་ཏོ། །ཕ་རོལ་ཏུ་ཕྱིན་པའི་དཀྱིལ་འཁོར་འགྲོ་བ་ཐམས་ཅད་དགའ་བར་ལྟ་བའི་རྒྱན་ཅེས་བྱ་བར་
ཡང་ཞུགས་པར་གྱུར་ཏོ། །ཞིང་ཐམས་ཅད་དུ་ཡང་དག་པར་འཇུག་པ་དང་སྣང་བ་མཐའ་ཡས་པ་མཐོང་བས་རྣམ་པར་དག་པའི་སྤྱོད་པའི་དཀྱིལ་འཁོར་ལ་ཡང་རབ་ཏུ་ཞུགས་སོ། །སྤྱོད་པའི་དཀྱིལ་འཁོར་
བསོད་ནམས་ཀྱི་སྤྲིན་དྲི་མ་མེད་པའི་འོད་ཀྱི་རྒྱལ་མཚན་ཅེས་བྱ་བ་ལ་ཡང་རབ་ཏུ་ཞུགས་པར་གྱུར་ཏོ། །རྗེས་སུ་རྟོག་པའི་དཀྱིལ་འཁོར་ཆོས་རྒྱ་མཚོ་འབྱམ་ཀླས་པ་ཐམས་ཅད་སྣང་བ་ཞེས་བྱ་བ་ཡང་རྗེས་སུ་
རྟོག་པར་གྱུར་ཏོ། །འཇུག་པའི་དཀྱིལ་འཁོར་ཡེ་ཤེས་ཆེན་པོའི་ཤུགས་ཀྱི་རྒྱན་ཅེས་བྱ་བ་ལ་ཡང་རབ་ཏུ་ཞུགས་སོ། །རང་འབྱུང་དུ་འགྱུར་བ་ཤིན་ཏུ་མཐོང་བའི་ཤུགས་ཀྱིས་དབང་སྐུར་བའི་ཡེ་ཤེས་རྒྱ་མཚོ་
ལ་ཡང་ཞུགས་པར་གྱུར་ཏོ། །དེ་བཞིན་གཤེགས་པའི་ཡོན་ཏན་རྒྱ་མཚོའི་མཚན་ཉིད་ཀྱི་འོད་རྣམ་པར་སྣང་བ་ཆེན་པོས་ཀྱང་ཤིན་ཏུ་སྣང་བར་གྱུར་ཏོ། །སྨོན་ལམ་གྱི་སྟོབས་ཚད་མེད་པ་ལ་མོས་པ་རྒྱ་མཚོའི་སྙིང་པོའི་

72-1-173a

སྨོན་ལམ་མངོན་པར་བསྒྲུབ་པའི་ཡེ་ཤེས་ཀྱི་སྟོབས་ལ་ཡང་རྣམ་པར་དག་པར་གྱུར་ཏོ། །དེ་ནས་དེ་བཞིན་གཤེགས་པ་ཕ་རོལ་ཏུ་ཕྱིན་པའི་སྤྱན་བཟང་པོ་རྒྱན་གྱི་རྒྱལ་པོས། བྱང་ཆུབ་སེམས་
དཔའ་གཟི་བརྗིད་ཆེན་པོ་ལ་ཚིགས་སུ་བཅད་དེ་གསུངས་པ། ལེགསོ་ཡོན་ཏན་ཡེ་ཤེས་རྒྱ་མཚོ་ཅན། །སངས་རྒྱས་བྱང་ཆུབ་སྨོན་ལམ་ཡང་དག་གནས། །སེམས་ཅན་ཀུན་གྱི་མགོན་དང་གནས་གྱུར་པ། །
རྒྱལ་བ་དམ་པ་བསམ་གྱིས་མི་ཁྱབ་འགྱུར། །ཡེ་ཤེས་རྒྱ་མཚོ་ཆེན་པོར་མངོན་པར་བྱུང་། །ཆོས་ཀྱི་དབྱིངས་སུ་ཐམས་ཅད་རྒྱས་བྱས་ཏེ། །སངས་རྒྱས་སྤྱོད་ཡུལ་རྒྱ་ཆེན་མི་ཟད་པའི། །བསམ་གྱིས་མྱི་
ཁྱབ་ཚུལ་ལ་འཇུག་པར་འགྱུར། །སངས་རྒྱས་ཐམས་ཅད་ཡོན་ཏན་སྤྲིན་མཐོང་བའི། །ཡེ་ཤེས་སུ་ཡང་མི་ཟད་ནོན་པར་གྱུར། །ཕ་རོལ་ཕྱིན་པ་རྒྱ་མཚོ་ཀུན་གྱི་ཚུལ། །གྲགས་པ་ཆེན་པོ་ཡོངས་སུ་རྒྱས་
པར་བྱེད། །གཟུངས་ཀྱི་ཚུལ་རྣམས་རྒྱ་མཚོ་མང་པོ་དང་། །ཐ་དད་ཡང་དག་ཤེས་ཚུལ་མི་ཟད་དང་། །སྤྱོད་པ་སྨོན་ལམ་ཁྱོད་ཀྱིས་མངོན་བསྒྲུབས་པས། །གཞལ་མེད་ཡེ་ཤེས་ལྡན་པར་ཁྱོད་འགྱུར་རོ། །ཏིང་ངེ་
འཛིན་གྱི་རྒྱ་མཚོར་འཇུག་པར་འགྱུར། །སྨོན་ལམ་རྒྱ་མཚོའི་ནང་དུ་ཁྱོད་སྐྱེས་ཏེ། །རྣམ་འཕྲུལ་འདི་ལངས་ཤིན་ཏུ་འབྱུང་བར་འགྱུར། །འདི་ནི་སངས་རྒྱས་ཆོས་ཉིད་བསམ་མི་ཁྱབ། །ཆོས་དབྱིངས་དམ་པ་
བསམ་གྱིས་མི་ཁྱབ་པའི། །བསམ་པ་རྒྱ་ཆེན་རྣམ་པར་སྦྱངས་བྱས་ཏེ། །སངས་རྒྱས་སྤྲིན་ལ་རྣམ་པར་བལྟ་བར་གྱིས། །རྒྱ་མཚོའི་ཞིང་རྣམས་དྲི་མེད་རྣམ་པར་སྦྱོངས། །ངའི་བྱང་ཆུབ་སྤྱོད་ལ་འཇུག་པར་
གྱིས། །སྔོན་གྱི་སྦྱོར་ཚུལ་རྒྱ་མཚོ་མང་པོ་ཡི། །སྤྱོད་པ་ངས་ནི་ཇི་ལྟར་རྣམ་སྦྱངས་པ། །དེ་འདྲའི་ཚུལ་ཡང་ཁྱོད་ཀྱི་ཤེས་པར་གྱིས། །ཞིང་རྣམས་རེ་རེར་སངས་རྒྱས་མང་པོ་ངས། །རྒྱ་མཚོ་བརྒྱ་མང་ཤིན་ཏུ་

72-1-173b

མཆོད་པ་བྱས། །སྔོན་སྤྱོད་དེ་ཡི་འབྲས་བུ་འདི་ཡིན་ཏོ། །འདི་འདྲ་དྲི་མ་མེད་པའི་རྒྱན་ལ་ལྟོས། །ལས་ཀྱི་རྒྱ་མཚོ་མི་ཟད་རྒྱ་ཆེན་དང་། །ཞིང་རྣམས་རྒྱ་མཚོ་དག་བྱའི་སྤྱོད་པ་དང་། །སྨོན་ལམ་བསམ་
ཡས་གོ་ཅ་བགོས་པས་ན། །འདི་རྣམས་འདི་འདྲའི་རྣམ་པར་འཕྲུལ་པར་འགྱུར། །སངས་རྒྱས་རྒྱ་མཚོ་མ་ལུས་མཆོད་བྱས་ཤིང་། །ཞིང་རྣམས་རྒྱ་ཆེན་རྒྱ་མཚོ་སྦྱངས་བྱས་ནས། །བསྐལ་པ་འབྱམ་ཀླས་ཀུན་
ཏུ་སྦྱངས་བྱས་ཤིང་། །རྒྱལ་བ་ཡོན་ཏན་རིན་ཆེན་མངའ་བར་འགྱུར། །ཀྱེ་རྒྱལ་བའི་སྲས་དག་དེ་བཞིན་གཤེགས་པ་ཕ་རོལ་ཏུ་ཕྱིན་པའི་སྤྱན་བཟང་པོ་རྒྱན་གྱི་རྒྱལ་པོ་དེ་ཡོངསུ་མྱ་ངན་ལས་འདས་ནས་བལྟ་ན་དགའ་བ་
ཤིན་ཏུ་གཙང་བའི་བདག་པོ་དེ་ཡང་དུས་བྱས་པར་གྱུར་ཏེ། རྒྱལ་བུ་གཞོན་ནུ་གཟི་བརྗིད་ཆེན་པོས་འཁོར་ལོས་བསྒྱུར་བའི་རྒྱལ་སྲིད་ཐོབ་པར་གྱུར་ཏོ། །ནགས་ཚལ་ཆེན་པོ་ཡལ་གའི་དཀྱིལ་འཁོར་རིན་པོ་ཆེའི་
མེ་ཏོག་རྒྱས་པ་ཞེས་བྱ་བ་དེར་ཡང་དེ་བཞིན་གཤེགས་པ་བསོད་ནམས་རྒྱ་མཚོ་ཤིན་ཏུ་འཕགས་ཤིང་ཟིལ་གྱི་མི་ནོན་པ་ཞེས་བྱ་བ་གསུམ་པ་བྱུང་བར་གྱུར་ཏེ། དེས་དེ་བཞིན་གཤེགས་པ་དེ་མངོན་པར་འཚང་རྒྱ་
བའི་རྣམ་པར་འཕྲུལ་པ་མ་ཐོབ་ནས། འཁོར་ཐམས་ཅད་དང་དཔུང་གི་ཡན་ལག་བཞིའི་ཚོགས་དང་། རིན་པོ་ཆེ་བདུན་དང་། གྲོང་གི་མྱི་དང་ཡུལ་མིར་བཅས་ཏེ། བཅོམ་ལྡན་འདས་དེ་བཞིན་གཤེགས་
པ་བསོད་ནམས་རྒྱ་མཚོ་ཤིན་ཏུ་འཕགས་ཤིང་ཟིལ་གྱི་མི་ནོན་པ་གང་ན་བཞུགས་པ་དེར་དོང་ནས། དེས་བཅོམ་ལྡན་འདས་དེ་ལ་རིན་པོ་ཆེའི་ཁང་པ་བརྩེགས་པ། སྤོས་དང་ནོར་བུ་ཐམས་ཅད་ཀྱི་རྒྱན་གྱི་
སྙིང་པོ་ཞེས་བྱ་བ་ཕུལ་ལོ། །དེར་དེ་བཞིན་གཤེགས་པ་དེས་ཀུན་ཏུ་བལྟ་བའི་སྤྱོད་པ་བྱང་ཆུབ་སེམས་དཔའི་སྤྱོད་པ་སྣང་བ་ཞེས་བྱ་བའི་མདོ། འཇིག་རྟེན་གྱི་ཁམས་རྒྱ་མཚོའི་རྡུལ་ཤིན་ཏུ་ཕྲ་བ་སྙེད་

72-1-174a

ཀྱི་མདོའི་འཁོར་དང་བཅས་པའང་ཡང་དག་པར་བཤད་པར་གྱུར་ཏོ། །དེས་ཐོས་ནས་བྱང་ཆུབ་སེམས་དཔའ་གཟི་བརྗིད་ཆེན་པོས། བསོད་ནམས་ཆེན་པོ་རྣམ་པར་སྣང་བ་ཞེས་བྱ་བའི་ཏིང་ངེ་འཛིན་
རབ་ཏུ་ཐོབ་པོ། །ཏིང་ངེ་འཛིན་དེ་ཐོབ་ནས་ཀྱང་དུས་གསུམ་གྱི་བྱང་ཆུབ་སེམས་དཔའ་ཐམས་ཅད་ཀྱི་བསོད་ནམས་རྒྱ་མཚོ་མངོན་དུ་གྱུར་ཏོ། །དེ་ནས་བཅོམ་ལྡན་འདས་དེ་བཞིན་གཤེགས་པ་བསོད་ནམས་
རྒྱ་མཚོ་ཤིན་ཏུ་འཕགས་ཤིང་ཟིལ་གྱི་མི་ནོན་པས་འཁོར་གྱི་དཀྱིལ་འཁོར་ཐམས་ཅད་ལ་རྣམ་པར་གཟིགས་ཏེ། བྱང་ཆུབ་སེམས་དཔའ་གཟི་བརྗིད་ཆེན་པོ་ལ་ཚིགས་སུ་བཅད་དེ་གསུངས་པ། 
ཡོན་ཏན་བསོད་ནམས་ཀུན་གྱི་གཟི་བརྗིད་ཅན། །བྱང་ཆུབ་མཆོག་གི་སྨོན་ལམ་ཡིད་ལྡན་པ། །འགྲོ་བ་ཀུན་ལ་སྙིང་རྗེ་རྒྱ་མཚོ་ཡིས། །ང་ཡི་དྲུང་དུ་ཁྱོད་འོངས་ལེགསོ་ལེགས། །སྙིང་རྗེའྀ་སྙིང་པོ་ཁྱོད་
ནི་སེམས་ཅན་རྣམས། །སྡུག་བསྔལ་གྱུར་པ་ཀུན་ཏུ་གྲོལ་ཞུགས་པས། །འགྲོ་བ་ཀུན་གྱི་མགོན་དང་སྐྱབས་སུ་འགྱུར། །བྱང་ཆུབ་སྤྱོད་པའི་ཚུལ་ཡང་དེ་ཡིན་ནོ། །བྱང་ཆུབ་སེམས་དཔའ་ཤིན་ཏུ་
བརྟན་པ་རྣམས། །སྐྱོ་མེད་ཡིད་ཀྱིས་སྤྱད་པ་སྤྱོད་པ་དག །མཆོག་ཏུ་གྱུར་ཅིང་དམ་པ་ཆགས་མེད་པ། །ཡེ་ཤེས་འདི་འདྲ་ཤིན་ཏུ་ཐོབ་པར་འགྱུར། །དེ་ལྟར་ཁྱོད་ནི་ཀུན་ཏུ་བཟང་པོ་ཡི། །མཐུ་ཆེན་
སྨོན་ལམ་སྤྱོད་པར་ཞུགས་པ་ནི། །བསོད་ནམས་འོད་དང་བསོད་ནམས་དཔལ་ཡིན་ཏེ། །བསོད་ནམས་འབྱུང་གནས་མཆོག་ཀྱང་ཡིན། །བསམ་གྱིས་མྱི་ཁྱབ་རྒྱལ་བ་རྒྱ་མཚོ་དག །མཐའ་དང་
དབུས་མེད་པ་ནི་ཁྱོད་ཀྱི་ཤེས། །མཐའ་དང་དབུས་མེད་དེ་དག་མཐོང་གྱུར་ནས། །དེ་དག་བསོད་ནམས་རྒྱ་མཚོ་རྟོག་པར་འགྱུར། །ཁྱོད་ཀྱི་ཕྱོགས་བཅུའི་ཞིང་རྣམས་ཐམས་ཅད་ཀྱི། །རྒྱལ་བའི་

72-1-174b

སྤྲིན་རྣམས་ཀུན་ཀྱང་ཤིན་ཏུ་ཐོས། །དེ་དག་སྤྱོད་པ་རྒྱ་མཚོ་ཐམས་ཅད་ཀྱང་། །སྔོན་ཆད་ཇི་ལྟར་སྤྱད་པ་བཞིན་དུ་མཐོང་། །འདི་ཚུལ་རྒྱ་མཚོ་འདི་ལ་སུ་ཞུགས་ཤིང་། །ཡེ་ཤེས་ས་ལ་སུ་དག་གནས་གྱུར་
པ། །དེ་དག་སངས་རྒྱས་ཀུན་གྱི་རྗེས་སློབ་ཅིང་། །ཐམས་ཅད་གཟིགས་པར་གདོན་མྱི་ཟ་བར་འགྱུར། །ཁྱོད་ནི་ཞིང་ཀུན་རྒྱ་མཚོའི་རྡུལ་སྙེད་ཀྱི། །བསྐལ་པ་རྒྱ་མཚོར་སྤྱོད་པ་རབ་སྤྱོད་ནས། །རྒྱལ་བ་ཀུན་
གྱི་སྔོན་སྤྱད་རྒྱ་མཚོ་རྣམས། །བསླབས་ནས་རང་བྱུང་ཉིད་དུ་འགྱུར་བར་འོངས། །ཞིང་རྣམས་རྒྱ་མཚོ་ཡོངས་སུ་དག་པ་རྣམས། །ཕྱོགས་བཅུ་དག་ཏུ་ཇི་ལྟར་མཐོང་བ་བཞིན། །ཁྱོད་ཀྱི་ཞིང་ཡང་རྣམ་པར་
དག་འགྱུར་ཏེ། །སྨོན་ལམ་ཀུན་ཀྱང་ཤིན་ཏུ་སྒྲོག་པར་འགྱུར། །འཁོར་གྱི་རྒྱ་མཚོ་འདི་དག་ཐམས་ཅད་ཀྱང་། །ཁྱོད་ཀྱི་སྨོན་ལམ་ཐོས་གྱུར་རབ་ཏུ་དགའ། །ཀུན་ཏུ་བཟང་པོའི་སྤྱོད་པའི་ལམ་དག་གིས། །
བྱང་ཆུབ་མཆོག་ལ་རབ་ཏུ་འཇུག་པར་འགྱུར། །མཐའ་དབུས་མྱེད་ཞིང་རྣམ་འབྱམ་ཀླས་པར། །བསྐལ་པ་རྒྱ་མཚོ་དག་ཏུ་སྤྱད་པ་སྤྱོད། །ཀུན་ཏུ་བཟང་པོའི་སྤྱོད་པ་ཐམས་ཅད་དང་། །སྨོན་ལམ་རྣམས་
ཀྱང་ཡོངསུ་རྫོགས་པར་གྱིས། །ནགས་ཚལ་ཆེན་པོའི་ཡལ་གའི་དཀྱིལ་འཁོར་རིན་པོ་ཆེའི་མེ་ཏོག་རྒྱས་པ་དེ་ཉིད་དུ། དེ་བཞིན་གཤེགས་པ་གྲགས་པའི་པདྨོའི་དཔལ་ཞེས་བྱ་བ་བྱུང་བར་གྱུར་ཏོ། །རྒྱལ་པོ་
གཟི་བརྗིད་ཆེན་པོ་དེ་ཡང་དེ་ནས་ཤི་འཕོས་ནས། རྒྱ་མཚོའི་སྟེང་ན་ལྷའི་གྲོང་ཁྱེར་རིན་པོ་ཆེ་ཞི་བའི་གནས་ཤེས་བྱ་བར་ཕྱིན་ཏེ། དེར་བསོད་ནམས་དྲི་མ་མྱེད་པའི་དཔལ་ཞེས་བྱ་བ་ལྷའི་རྒྱལ་པོ་ཆེན་པོར་གྱུར་ཏོ། །དེ་
ནས་ལྷའི་འཁོར་གྱི་ཚོགས་ཆེན་པོ་དང་བཅས་ཏེ། རིན་པོ་ཆེའི་མེ་ཏོག་གི་སྤྲིན་གྱི་ཆར་འབེབས་ཤིང་། བཅོམ་ལྡན་འདས་དེ་བཞིན་གཤེགས་པ་གྲགས་པ་རྣམ་པར་གྲགས་པའི་སྤྱན་པདྨོའི་དཔལ་

72-1-175a

གང་ན་བཞུགས་པ་དེར་དོང་ངོ་། །དེར་བཅོམ་ལྡན་འདས་དེ་བཞིན་གཤེགས་པ་གྲགས་པ་གྲགས་པའི་སྤྱན་པདྨོའི་དཔལ་གྱིས། ཚུལ་ཡངས་པའི་སྒོ་ཀུན་ཏུ་རྣམ་པར་སྣང་བ་ཞེས་བྱ་བའི་མདོ། 
འཇིག་རྟེན་གྱི་ཁམས་རྒྱ་མཚོའི་རྡུལ་ཤིན་ཏུ་ཕྲ་བ་སྙེད་ཀྱི་མདོའི་འཁོར་དང་བཅས་པ་ཡང་དག་པར་སྟོན་ཏོ། །དེས་དེ་དག་ཐོས་ནས་དགའ་བའི་སྙིང་པོ་ཀུན་ནས་སྒོ་ཞེས་བྱ་བའི་ཏིང་ངེ་འཛིན་རབ་ཏུ་ཐོབ་པོ། །
ཆོས་ཐམས་ཅད་ཀྱི་ཚུལ་རྒྱ་མཚོའི་དབྱིངས་སུ་ཡང་ཞུགས་པར་གྱུར་ཏོ། །རྣམ་པར་སྣང་མཛད་ཀྱི་ལེའུ་ཞེས་བྱ་བ་སྟེ། བཅུ་པའོ།། །། སངས་རྒྱས་རྨད་ག་ཅད་
ཅེས་བྱ་བ་ཤིན་ཏུ་རྒྱས་པ་ཆེན་པོའི་མདོ།  བམ་པོ་བཅུ་གསུམ་པ། བཅོམ་ལྡན་འདས་འཇིག་རྟེན་གྱི་ཁམས་རྒྱ་མཚོ་ནི། དེ་བཞིན་གཤེགས་པ་ཡེ་ཤེས་གངས་ཆེན་མཚོ་རྣམ་པར་
སྣང་མཛད་ཀྱི་ཕྱག་གི་མཐིལ་གྱི་སྙིང་པོ་ལ་རབ་ཏུ་གནས་པ། སངས་རྒྱས་ཀྱི་སྐུའི་དབྱིབས་ལྟར་འདུག་པ། འཇིག་རྟེན་གྱི་ཁམས་རི་རབ་ནི་ཀུན་ཏུ་བཟང་པོས་ཚངས་པའི་ལྷའི་ལུས་ཀྱི་དབྱིབས་ལྟར་
འདུག་པ། སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་ནི་ཡོངས་སུ་འཛིན་པ། གཞན་འཕྲུལ་དབང་བྱེད་ཀྱི་ལྷའི་ལུས་ཀྱི་དབྱིབས་ལྟར་འདུག་པ། སྟོང་གཉིས་ཀྱི་འཇིག་རྟེན་གྱི་ཁམས་ནི་ལྷན་
ཅིག་སྤྱོད་པ། འཕྲུལ་དགའི་ལྷའི་ལུས་ཀྱི་དབྱིབས་སྟོང་གི་འཇིག་རྟེན་གྱི་ཁམས་ནི་ཀུན་ཏུ་སྤྱོད་པ། དགའ་ལྡན་གྱི་ལྷའི་ལུས་ཀྱི་དབྱིབས་ལྟར་འདུག་པ། གླིང་བཞི་པའི་འཇིག་རྟེན་གྱི་ཁམས་ནི་
གནས་ཀྱི་དམ་པ། འཚེ་མའི་ལྷའི་ལུས་ཀྱི་དབྱིབས་ལྟར་འདུག་པ། གླིང་ནི་བྱང་ཆུབ་ཀྱི་རྒྱལ་མཚན་སུམ་བཅུ་རྩ་གསུམ་གྱི་ལྷའི་ལུས་ཀྱི་དབྱིབས་ལྟར་འདུག་པ། གྲོང་རྡལ་ནི་མཛོད་མཐའ་ཡས་

72-1-175b

པ་ཁང་པ་བརྩེགས་པའི་དབྱིབས་ལྟར་འདུག་པ། བཟའ་ཤིང་གི་ར་བ་ནི་མྱ་ངན་དང་བྲལ་བ་སྙིང་པོ་བྱང་ཆུབ་མྱ་ངན་མེད་པའི་དབྱིབས་སུ་འདུག་པ། ཁང་པ་བརྩེགས་པ་ནི་ཀུན་ནས་སྨད་དུ་མེད་པའི་འཇིག་རྟེན་གྱི་ཁམས་
རང་བཞིན་ཆོས་ཀྱི་གནས་པའི་དབྱིབས་སུ་འདུག་པ་ན་བཞུགས་ཏེ། འཇིག་རྟེན་གྱི་ཁམས་རྒྱ་མཚོ་དེ་ནི་འཇིག་རྟེན་གྱི་ཁམས་རྒྱ་མཚོ་ཚད་མེད་པས་ཀུན་ནས་བསྐོར་བ་སྟེ། འདི་ལྟར་དེ་བཞིན་གཤེགས་
པའི་ཕྱག་གིས་མཐིལ་གྱི་སྙིང་པོ་ལ་གནས་པར་མིང་མཐུན་པ། འཇིག་རྟེན་གྱི་ཁམས་རྒྱ་མཚོ་བཅུའི་རྡུལ་ཤིན་ཏུ་ཕྲ་བ་སྙེད་ཀུན་ཀྱང་དེ་བཞིན་གཤེགས་པའི་སྐུའི་དབྱིབས་སུ་འདུག་པ་ཤ་སྟག་དང་། 
གཞུང་དེ་བཞིན་དུ་བྱང་ཆུབ་སེམས་དཔའ་དང་། རང་སངས་རྒྱས་དང་ཉན་ཐོས་ཀྱི་ལག་གི་མཐིལ་གྱི་སྙིང་པོ་ལ་རབ་ཏུ་གནས་པར་མིང་མཐུན་པ་ཐམས་ཅད་ཀྱང་། ཉན་ཐོས་ཀྱི་ལུས་ཀྱི་དབྱིབསུ་འདུག་པ་
ཤ་སྟག་དང་། གཞུང་དེ་བཞིན་དུ་ལྷ་དང་ཀླུ་དང་གནོད་སྦྱིན་དང་། དྲི་ཟ་དང་ལྷ་མ་ཡིན་དང་། ནམ་མཁའ་ལྡིང་དང་མི་འམ་ཅི་དང་། ལྟོ་འཕྱེ་ཆེན་པོ་དང་། མི་དང་མི་མ་ཡིན་པའི་ལག་མཐིལ་གྱི་སྙིང་པོ་ལ་
རབ་ཏུ་གནས་པར་མིང་མཐུན་པ་ཐམས་ཅད་ཀྱང་མི་མ་ཡིན་པའི་ལུས་ཀྱི་དབྱིབས་སུ་འདུག་པ་ཤ་སྟག་གི་ཡོངས་སུ་བསྐོར་བ་སྟེ། འཇིག་རྟེན་གྱི་ཁམས་རྒྱ་མཚོ་དེ་ནི་སངས་རྒྱས་ཀྱི་རྒྱ་མཚོ་
འཇིག་རྟེན་གྱི་ཁམས་རྒྱ་མཚོ་བཅུའི་རྡུལ་ཤིན་ཏུ་ཕྲ་བ་སྙེད་ཀྱི་མགོ་དང་ལྡན་པའོ། །སངས་རྒྱས་ཀྱི་གནས་འཕོས་པ། རྒྱ་མཚོ་འཇིག་རྟེན་གྱི་ཁམས་རྒྱ་མཚོ་བཅུའི་རྡུལ་ཤིན་ཏུ་ཕྲ་བ་སྙེད་ཀྱི་མགུལ་
དང་ལྡན་པའོ། །སངས་རྒྱས་ཀྱི་ཚོགས་ཀྱི་རྒྱ་མཚོ་འཇིག་རྟེན་གྱི་ཁམས་རྒྱ་མཚོ་བཅུའི་རྡུལ་ཤིན་ཏུ་ཕྲ་བ་སྙེད་ཀྱི་ཕྲག་པའི་ལྷུན་དང་ལྡན་པའོ། །བྱང་ཆུབ་སེམས་དཔའི་ས་རྒྱ་མཚོ་འཇིག་རྟེན་གྱི་ཁམས་

72-1-176a

རྒྱ་མཚོ་བཅུའི་རྡུལ་ཤིན་ཏུ་ཕྲ་བ་སྙེད་ཀྱི་ལག་པ་དང་ལྡན་པའོ། །སྙིང་རྗེ་ཆེན་པོ་རྒྱ་མཚོ་འཇིག་རྟེན་གྱི་ཁམས་རྒྱ་མཚོ་བཅུའི་རྡུལ་ཤིན་ཏུ་ཕྲ་བ་སྙེད་ཀྱི་སྙིང་དང་ལྡན་པའོ། །དེ་བཞིན་གཤེགས་པའི་
རྣམ་པར་གྲོལ་བ་ཆེན་པོ་རྒྱ་མཚོ་འཇིག་རྟེན་གྱི་ཁམས་རྒྱ་མཚོ་བཅུའི་རྡུལ་ཤིན་ཏུ་ཕྲ་བ་སྙེད་ཀྱི་ལྟོ་དང་ལྡན་པའོ། །ཉན་ཐོས་དང་རང་སངས་རྒྱས་ཀྱི་རྣམ་པར་གྲོལ་བ་རྒྱ་མཚོ་འཇིག་རྟེན་གྱི་ཁམས་རྒྱ་
མཚོ་བཅུའི་རྡུལ་ཤིན་ཏུ་ཕྲ་བ་སྙེད་ཀྱི་བ་སྤུའི་བུ་ག་དང་ལྡན་པའོ། །རང་སངས་རྒྱས་ཀྱི་རྒྱ་མཚོ་འཇིག་རྟེན་གྱི་ཁམས་རྒྱ་མཚོ་བཅུའི་རྡུལ་ཤིན་ཏུ་ཕྲ་བ་སྟེ་ཟུར་དང་ལྡན་པའོ། །ཉན་ཐོས་ཀྱི་ས་འཇིག་རྟེན་
གྱི་ཁམས་རྒྱ་མཚོ་བཅུའི་རྡུལ་ཤིན་ཏུ་ཕྲ་བ་སྙེད་ཀྱི་བརླ་དང་ལྡན་པའོ། །འཇིག་རྟེན་པའི་རྣམ་པར་ཐར་པ་རྒྱ་མཚོ་འཇིག་རྟེན་གྱི་ཁམས་རྒྱ་མཚོ་བཅུའི་རྡུལ་ཤིན་ཏུ་ཕྲ་བ་སྙེད་ཀྱི་བྱིན་པ་དང་ལྡན་པའོ། །སེམས་
ཅན་གྱི་ཁམས་ཀྱི་སྨོན་ལམ་རྒྱ་མཚོ་འཇིག་རྟེན་གྱི་ཁམས་རྒྱ་མཚོ་བཅུའི་རྡུལ་ཤིན་ཏུ་ཕྲ་བ་སྙེད་ཀྱི་རྐང་པ་དང་ལྡན་པ་སྟེ། འཇིག་རྟེན་གྱི་ཁམས་རྒྱ་མཚོ་དེ་ནི་དེ་བཞིན་གཤེགས་པ་ཡེ་ཤེས་གངས་ཅན་
མཚོ་རྣམ་པར་སྣང་མཛད་སྔོན་གྱི་སྨོན་ལམ་རྒྱ་མཚོ་འཇིག་རྟེན་གྱི་ཁམས་རྒྱ་མཚོ་བཅུའི་རྡུལ་ཤིན་ཏུ་ཕྲ་བ་སྙེད་ཀྱི་སྤྱི་གཙུག་དང་ལྡན་པའོ། །ཆོས་ཀྱི་དབྱིངས་ནམ་མཁའི་འཇིག་རྟེན་གྱི་ཁམས་རྒྱ་མཚོ་
བཅུའི་རྡུལ་ཤིན་ཏུ་ཕྲ་བ་སྙེད་ཀྱི་འཕྲལ་བ་དང་ལྡན་པའོ། །དེ་བཞིན་གཤེགས་པའི་ཐུགས་རང་བཞིན་གྱི་འོད་གསལ་བ་རྒྱ་མཚོ་འཇིག་རྟེན་གྱི་ཁམས་རྒྱ་མཚོ་བཅུའི་རྡུལ་ཤིན་ཏུ་ཕྲ་བ་སྙེད་ཀྱི་
མཛོད་སྤུ་དང་ལྡན་པའོ། །བྱང་ཆུབ་ཀྱི་ལམ་རྒྱ་མཚོ་འཇིག་རྟེན་གྱི་ཁམས་རྒྱ་མཚོ་བཅུའི་རྡུལ་ཤིན་ཏུ་ཕྲ་བ་སྙེད་ཀྱི་སྨིན་ཚུགས་དང་ལྡན་པའོ། །དེ་བཞིན་གཤེགས་པ་སྤྱན་གྱི་ཁམས་གང་ཆེན་མཚོ་

72-1-176b

རྣམ་པར་སྣང་མཛད་ཀྱི་དབང་པོ་རྒྱ་མཚོ་འཇིག་རྟེན་གྱི་ཁམས་རྒྱ་མཚོ་བཅུའི་རྡུལ་ཤིན་ཏུ་ཕྲ་བ་སྙེད་ཀྱི་མྱིག་དང་ལྡན་པའོ། །དེ་བཞིན་གཤེགས་པའི་སྙེན་གྱི་ཁམས་གང་ཆེན་མཚོ་རྣམ་པར་སྣང་མཛད་ཀྱི་དབང་པོ་རྒྱ་མཚོ་འཇིག་རྟེན་གྱི་ཁམས་
རྒྱ་མཚོ་བཅུའི་རྡུལ་ཤིན་ཏུ་ཕྲ་བ་སྙེད་ཀྱི་རྣ་བ་དང་ལྡན་པའོ། །དེ་བཞིན་གཤེགས་པ་ཤངས་ཀྱི་ཁམས་གངས་ཆེན་མཚོ་རྣམ་པར་སྣང་མཛད་ཀྱི་དབང་པོ་རྒྱ་མཚོ་བཅུའི་རྡུལ་ཤིན་ཏུ་ཕྲ་བ་སྙེད་ཀྱི་སྣ་དང་ལྡན་པའོ། །དེ་བཞིན་གཤེགས་པ་
ལྗགས་ཀྱི་ཁམས་གང་ཆེན་མཚོ་རྣམ་པར་སྣང་མཛད་ཀྱི་དབང་པོ་རྒྱ་མཚོ་འཇིག་རྟེན་གྱི་ཁམས་རྒྱ་མཚོ་བཅུའི་རྡུལ་ཤིན་ཏུ་ཕྲ་བ་སྙེད་ཀྱི་ལྕེ་དང་ལྡན་པའོ། །དེ་བཞིན་གཤེགས་པ་སྐུའི་ཁམས་གང་ཆེན་མཚོ་རྣམ་པར་སྣང་མཛད་ཀྱི་
དབང་པོ་འཇིག་རྟེན་གྱི་ཁམས་རྒྱ་མཚོ་བཅུའི་རྡུལ་ཤིན་ཏུ་ཕྲ་བ་སྙེད་ཀྱི་ལུས་དང་ལྡན་པའོ། །དེ་བཞིན་གཤེགས་པ་ལྗགས་ཀྱི་ཁམས་གང་ཆེན་མཚོ་རྣམ་པར་སྣང་མཛད་ཀྱི་དབང་པོ་རྒྱ་མཚོ་འཇིག་རྟེན་གྱི་ཁམས་རྒྱ་མཚོ་བཅུའི་རྡུལ་
ཤིན་ཏུ་ཕྲ་བ་སྙེད་ཀྱི་ཡིད་དང་ལྡན་པའོ། །དེ་བཞིན་གཤེགས་པ་ཞིང་རྒྱ་མཚོ་རྣམ་པར་སྣང་མཛད་ཀྱི་སངས་རྒྱས་སྐུ་སྤྲུལ་པ་རྒྱ་མཚོ་འཇིག་རྟེན་གྱི་ཁམས་རྒྱ་མཚོ་བཅུའི་རྡུལ་ཤིན་ཏུ་ཕྲ་བ་སྙེད་ཀྱི་སྐྲ་དང་ལྡན་པའོ། །དེ་བཞིན་གཤེགས་པ་
བདུད་འདུལ་བ་དང་ཉན་ཐོས་དང་རང་སངས་རྒྱས་ཀྱི་སྐུར་སྤྲུལ་པ་རྒྱ་མཚོ་བཅུའི་རྡུལ་ཤིན་ཏུ་ཕྲ་བ་སྙེད་ཀྱི་བ་སྤུ་དང་ལྡན་པའོ། །བྱང་ཆུབ་སེམས་དཔའི་དད་པའི་དབང་པོ་རྒྱ་མཚོ་འཇིག་རྟེན་གྱི་ཁམས་རྒྱ་མཚོ་བཅུའི་རྡུལ་ཤིན་ཏུ་ཕྲ་བ་སྙེད་
མདོག་དང་ལྡན་པའོ། །རྣམ་པར་ཐར་པའི་སྒོ་འཇིག་རྟེན་གྱི་ཁམས་རྒྱ་མཚོ་བཅུའི་རྡུལ་ཤིན་ཏུ་ཕྲ་བ་སྙེད་ཀྱི་ཁ་དང་ལྡན་པའོ། །ཆོས་ཀྱི་རོ་རྒྱ་མཚོ་འཇིག་རྟེན་གྱི་ཁམས་རྒྱ་མཚོ་བཅུའི་རྡུལ་ཤིན་ཏུ་ཕྲ་བ་སྙེད་ཀྱི་སྐོམ་དང་ལྡན་པའོ། །
སེམས་ཅན་ཡོངས་སུ་སྨིན་པ་རྒྱ་མཚོ་འཇིག་རྟེན་གྱི་ཁམས་རྒྱ་མཚོ་བཅུའི་རྡུལ་ཤིན་ཏུ་ཕྲ་བ་སྙེད་ཀྱི་ཟས་དང་ལྡན་པའོ། །འཇིག་རྟེན་གྱི་ཁམས་རྒྱ་མཚོ་དེ་ནི་འཇིག་རྟེན་གྱི་ཁམས་རྒྱ་མཚོ་

72-1-177a

ཚད་མེད་པའི་རྒྱན་དང་ལྡན་པ་སྟེ། འདི་ལྟར་འཇིག་རྟེན་གྱི་ཁམས་རྒྱ་མཚོའི་སྤྲིན་འཇིག་རྟེན་གྱི་ཁམས་རྒྱ་མཚོ་བཅུའི་རྡུལ་ཤིན་ཏུ་ཕྲ་བ་སྙེད་ཀྱི་ས་ཀུན་ནས་ཡོག་པར་ཁེབས་པའོ། །འཇིག་
རྟེན་གྱི་ཁམས་མེ་ཏོག་གི་སྤྲིན་རྒྱ་མཚོ་འཇིག་རྟེན་གྱི་ཁམས་རྒྱ་མཚོ་བཅུའི་རྡུལ་ཤིན་ཏུ་ཕྲ་བ་སྙེད་ཀྱི་ཆར་མངོན་པར་འབབ་པའོ། །འཇིག་རྟེན་གྱི་ཁམས་རྒྱ་མཚོའི་དྲིལ་བུའི་དྲ་བ་འཇིག་རྟེན་གྱི་ཁམས་
རྒྱ་མཚོ་བཅུའི་རྡུལ་ཤིན་ཏུ་ཕྲ་བ་སྙེད་ཀུན་ནས་བྲེས་པའོ། །འཇིག་རྟེན་གྱི་ཁམས་རྒྱ་མཚོའི་བླ་རེ་འཇིག་རྟེན་གྱི་ཁམས་རྒྱ་མཚོ་བཅུའི་རྡུལ་ཤིན་ཏུ་ཕྲ་བ་སྙེད་རྣམ་པར་བཀྲམ་པའོ། །འཇིག་རྟེན་གྱི་
ཁམས་རྒྱ་མཚོའི་གདུགས་དང་རྒྱལ་མཚན་དང་བ་དན་འཇིག་རྟེན་གྱི་ཁམས་རྒྱ་མཚོ་བཅུའི་རྡུལ་ཤིན་ཏུ་ཕྲ་བ་སྙེད་ཀྱི་ཀུན་ཏུ་ཁེངས་པར་བཀང་ངོ་། །འཇིག་རྟེན་གྱི་ཁམས་རྒྱ་མཚོ་དེ་ནི་ཁ་དོག་གི་ཆུ་རྒྱ་
མཚོ་འཇིག་རྟེན་གྱི་ཁམས་རྒྱ་མཚོ་བཅུའི་རྡུལ་ཤིན་ཏུ་ཕྲ་བ་སྙེད་ཀྱི་སྙིང་པོ་དང་ལྡན་པའོ། །དེ་བཞིན་དུ་གཟུགས་དང་སྒྲ་དང་དྲི་དང་རོ་དང་རེག་བྱ་དང་། ཆོས་ཀྱི་ཆུ་རྒྱ་མཚོ་འཇིག་རྟེན་གྱི་ཁམས་རྒྱ་མཚོ་བཅུའི་
རྡུལ་ཤིན་ཏུ་ཕྲ་བ་སྙེད་ཀྱི་སྙིང་པོ་དང་ལྡན་པའོ། །མིག་སྣ་ཚོགས་ཀྱི་ཆུ་རྒྱ་མཚོ་འཇིག་རྟེན་གྱི་ཁམས་རྒྱ་མཚོ་བཅུའི་རྡུལ་ཤིན་ཏུ་ཕྲ་བ་སྙེད་ཀྱི་སྙིང་པོ་དང་ལྡན་པའོ། །དེ་བཞིན་དུ་རྣ་བ་དང་སྣ་དང་
ལྕེ་དང་ཡིད་ཀྱི་ཆུ་རྒྱ་མཚོ་འཇིག་རྟེན་གྱི་ཁམས་རྒྱ་མཚོ་བཅུའི་རྡུལ་ཤིན་ཏུ་ཕྲ་བ་སྙེད་ཀྱི་སྙིང་པོ་དང་ལྡན་པའོ། །ཁ་དོག་གི་ཆུ་རྒྱ་མཚོ་རེ་རེས་ནས་ཡིད་ཀྱི་ཆུ་རྒྱ་མཚོའི་བར་རེ་རེ་ལས་ཀྱང་མེ་ཏོག་
ཨུད་པ་ལ་དང་། པད་མོ་དང་། ཀུ་མུ་ཏ་དང་། པུན་ད་རི་ཀ་འཇིག་རྟེན་གྱི་ཁམས་རྒྱ་མཚོ་བཅུའི་རྡུལ་ཤིན་ཏུ་ཕྲ་བ་སྙེད་མངོན་པར་མཐོན་ཏེ། མེ་ཏོག་ཨུད་པ་ལ་དེ་དག་རེ་རེ་དང་། 

72-1-177b

མེ་ཏོག་པུན་ད་རི་ཀ་དེ་དག་རེ་རེ་ལའང་མེ་ཏོག་ཨུད་པ་ལའི་འཁོར་དང་། མེ་ཏོག་པུན་ད་རི་ཀའི་འཁོར་གྱི་བར་དུ་འཇིག་རྟེན་གྱི་ཁམས་རྒྱ་མཚོ་བཅུའི་རྡུལ་ཤིན་ཏུ་ཕྲ་བ་སྙེད་དག་དང་
ལྡན་པ་སྟེ། མེ་ཏོག་ཨུད་པ་ལ་དང་། མེ་ཏོག་པུན་ད་རི་ཀའི་བར་དེ་དག་རེ་རེ་ལས་ཀྱང་འཇིག་རྟེན་གྱི་ཁམས་རི་རབ་རྣམ་པར་ཕྱེ་བ། འཇིག་རྟེན་གྱི་ཁམས་རྒྱ་མཚོའི་རྡུལ་ཤིན་ཏུ་ཕྲ་བ་སྙེད་མངོན་པར་
བྱུང་བ་དག་སྟེ། འཇིག་རྟེན་གྱི་ཁམས་ཀྱི་རིའི་རྒྱན་དང་། འཇིག་རྟེན་གྱི་ཁམས་པད་མོའི་ཚལ་དང་། འཇིག་རྟེན་གྱི་ཁམས་ཀྱི་སྨིག་མའི་ཚལ་མང་པོ་དག་ཀྱང་མངོན་པར་འཐོན་པ་ཤ་སྟག་གོ། །ཅིའི་
ཕྱིར་ཁ་དོག་གི་ཆུ་རྒྱ་མཚོ་རྣམས་ལ། ཁ་དོག་གི་ཆུ་རྒྱ་མཚོ་ཞེས་བྱ་བ་གང་ཞེ་ན། དེ་དག་དུ་སེམས་ཅན་གང་ཡང་རུང་སྟེ། ཆུ་འཐུང་བ་འམ་ཁྲུས་བྱས་པ་དེ་དག་ཐམས་ཅད་ཀྱིས་འཇིག་རྟེན་གྱི་ཁམས་
རྒྱ་མཚོ་འདིའི་གཟུགས་སུ་སྣང་བའི་འདས་པ་འམ་མ་འོངས་པ་འམ་ད་ལྟར་བྱུང་བ་འམ། ནང་གི་འམ་ཕྱིའི་འམ། ཆེ་བའམ། ཆུང་བའམ། བཟང་བའམ་ངན་པའམ་རྒྱང་རིང་པོའམ་ཐག་ཉེ་
བ་འང་རུང་སྟེ། གང་ཇི་སྙེད་ཡོད་པ་དེ་དག་ཐམས་ཅད་ཁོངས་ན་སྣང་བར་སོ་སོའི་མིག་གིས་མངོན་པར་མཐོང་བས། དེའི་ཕྱིར་ཁ་དོག་གི་ཆུ་རྒྱ་མཚོ་རྣམས་ལ། ཁ་དོག་གི་ཆུ་རྒྱ་མཚོ་ཞེས་བྱ་
སྟེ། དེ་བཞིན་དུ་གཟུགས་དང་སྒྲ་དང་དྲི་དང་། རོ་དང་རེག་བྱ་དང་། ཆོས་ཀྱི་ཆུ་རྒྱ་མཚོ་དག་ཀྱང་ཤེས་བྱའོ། །ཅིའི་ཕྱིར་མྱིག་གི་ཆུ་རྒྱ་མཚོ་ལ་མིག་གི་ཆུ་རྒྱ་མཚོ་ཞེས་བྱ་ཞེ་ན། དེ་
དག་ཏུ་སེམས་ཅན་གང་ཡང་རུང་སྟེ། ཆུ་འཐུང་བ་དང་ཁྲུས་བྱེད་པ་དེ་དག་ཐམས་ཅད་ཀྱིས་འཇིག་རྟེན་གྱི་ཁམས་རྒྱ་མཚོ་མང་པོ་འཇིག་རྟེན་གྱི་ཁམས་རྒྱ་མཚོ་བཅུའི་རྡུལ་ཤིན་ཏུ་ཕྲ་བ་

72-1-178a

སྙེད་དག་ན་གཟུགས་སུ་སྣང་བ་འདས་པ་འམ། མ་འོངས་པའམ། ད་ལྟར་བྱུང་བ་འམ། ནང་གི་འམ། ཕྱིའི་འམ་ཆེ་བ་འམ་ཆུང་བ་འམ་བཟང་བ་འམ་ངན་པ་འམ། རྒྱང་རིང་པོའམ་
ཐག་ཉེ་བ་འང་རུང་སྟེ། གང་ཇི་སྙེད་ཡོད་པ་དེ་དག་ཐམས་ཅད་སྣང་བར་རང་རང་གིས་མྱིག་དང་། གཞན་གྱི་མྱིག་གིས་མངོན་པར་མཐོང་བས་དེའི་ཕྱིར་མིག་གི་ཆུ་རྒྱ་མཚོ་རྣམས་ལ་མིག་གི་ཆུ་རྒྱ་མཚོ་ཞེས་བྱ་
བ་སྟེ། དེ་བཞིན་དུ་རྣ་བ་དང་སྣ་དང་ལྕེ་དང་། ལུས་དང་ཡིད་ཀྱི་ཆུ་རྒྱ་མཚོ་དག་ཀྱང་ཤེས་པར་བྱའོ། །འཇིག་རྟེན་གྱི་ཁམས་དེ་ནི་འཇིག་རྟེན་གྱི་ཁམས་རྒྱ་མཚོའི་གཟུགས་བརྙན་འཇིག་
རྟེན་གྱི་ཁམས་རྒྱ་མཚོ་བཅུའི་རྡུལ་ཤིན་ཏུ་ཕྲ་བ་སྙེད་ཀྱིས་ལྷུན་ཤིན་ཏུ་བརྒྱན་པ་སྟེ། སེམས་ཅན་གྱི་ཁམས་རྒྱ་མཚོ་རབ་ཏུ་སྣང་བའི་དཔེ་བྱད་བཟང་པོ་འཇིག་རྟེན་གྱི་ཁམས་རྒྱ་མཚོ་བཅུའི་རྡུལ་
ཤིན་ཏུ་ཕྲ་བ་སྙེད་ཀྱིས་རྣམ་པར་བཙལ་བར་བྱས་པའི་ལུས་ཅན་ནོ། །ཆོས་ཀྱི་དབྱིངས་རྒྱ་མཚོ་ཟབ་མོ་འཇིག་རྟེན་གྱི་ཁམས་རྒྱ་མཚོ་བཅུའི་རྡུལ་ཤིན་ཏུ་ཕྲ་བ་སྙེད་ཀྱི་མཚན་དང་ལྡན་པའོ། །
འཇིག་རྟེན་གྱི་ཁམས་རྒྱ་མཚོ་དེ་ནི་འཇིག་རྟེན་གྱི་ཁམས་རྒྱ་མཚོ་མང་པོ་འཇིག་རྟེན་གྱི་ཁམས་རྒྱ་མཚོ་བཅུའི་རྡུལ་ཤིན་ཏུ་ཕྲ་བ་སྙེད་དུ། རྡུལ་ཤིན་ཏུ་ཕྲ་བ་རེ་རེ་ལ་ཡང་གཟུགས་བརྙན་རབ་ཏུ་སྣང་
བར་འབྱུང་བའོ། །ཅིའི་ཕྱིར་ན་འཇིག་རྟེན་གྱི་ཁམས་རྒྱ་མཚོ་དེ་བཞིན་གཤེགས་པའི་ཕྱག་གི་མཐིལ་གྱི་སྙིང་པོ་ལ་རབ་ཏུ་གནས་པ་དེ་ལ། དེ་བཞིན་གཤེགས་པའི་ཕྱག་གི་མཐིལ་གྱི་སྙིང་པོ་ལ། 
རབ་ཏུ་གནས་པའི་འཇིག་རྟེན་གྱི་ཁམས་རྒྱ་མཚོ་ཞེས་བྱ་ཞེ་ན། བཅོམ་ལྡན་འདས་དེ་བཞིན་གཤེགས་པ་ཡེ་ཤེས་གངས་ཆེན་མཚོ་རྣམ་པར་སྣང་མཛད་དེའི་ཕྱག་གི་མཐིལ་ན་རྡུལ་ཤིན་ཏུ་ཕྲ་བ་སྙིང་

72-1-178b

པོ་ཞེས་བྱ་བ་ཡོད་དེ། དེའི་ནང་ན་རྣམ་པར་ཤེས་པའི་ཁམས་རྒྱ་མཚོ་འཇིག་རྟེན་གྱི་ཁམས་རྒྱ་མཚོ་བཅུའི་རྡུལ་ཤིན་ཏུ་ཕྲ་བ་སྙེད་ཡོད་དོ། དེ་དག་གི་སྟེང་ན་ཆོས་ཀྱི་དབྱིངས་རྒྱ་མཚོ་མཐའ་ཡས་པ་
ཞེས་བྱ་བ་འཇིག་རྟེན་གྱི་ཁམས་རྒྱ་མཚོ་བཅུའི་རྡུལ་ཤིན་ཏུ་ཕྲ་བ་སྙེད་རབ་ཏུ་གནས་སོ། །དེ་དག་གི་སྟེང་ན་ནམ་མཁའི་དབྱངས་རྒྱ་མཚོས་མཚམས་ཡོངས་སུ་ཚད་མེད་པ་ཞེས་བྱ་བའི་འཇིག་རྟེན་གྱི་
ཁམས་རྒྱ་མཚོ་བཅུའི་རྡུལ་ཤིན་ཏུ་ཕྲ་བ་སྙེད་རབ་ཏུ་གནས་སོ། །དེ་དག་གི་སྟེང་ན་མྱེའི་ཁམས་རྒྱ་མཚོ་དྲག་ཤུལ་ཅན་ཞེས་བྱ་བ་འཇིག་རྟེན་གྱི་ཁམས་རྒྱ་མཚོ་བཅུའི་རྡུལ་ཤིན་ཏུ་ཕྲ་བ་སྙེད་རབ་ཏུ་
གནས་སོ། །དེ་དག་གི་སྟེང་ན་ཆུའི་ཁམས་ཀྱི་རྒྱ་མཚོ་སྦྲང་རྩི་ཅན་ཞེས་བྱ་བ་འཇིག་རྟེན་གྱི་ཁམས་རྒྱ་མཚོ་བཅུའི་རྡུལ་ཤིན་ཏུ་ཕྲ་བ་སྙེད་རབ་ཏུ་གནས་སོ། །དེ་དག་གི་སྟེང་ན་སའི་ཁམས་རྒྱ་མཚོ་
རིན་པོ་ཆེའི་སྙིང་པོ་ཅན་ཞེས་བྱ་བ་འཇིག་རྟེན་གྱི་ཁམས་རྒྱ་མཚོ་བཅུའི་རྡུལ་ཤིན་ཏུ་ཕྲ་བ་སྙེད་རབ་ཏུ་གནས་སོ། །དེ་དག་གི་སྟེང་ན་མེ་ཏོག་མཚམ་མ་མེད་པ་ལས་སྐྱེས་པ་ཞེས་བྱ་བ་འཇིག་རྟེན་གྱི་
ཁམས་རྒྱ་མཚོ་བཅུའི་རྡུལ་ཤིན་ཏུ་ཕྲ་བ་སྙེད་མངོན་པར་འཐོན་ཏེ། མེ་ཏོག་དེ་དག་ཀྱང་སོ་སོ་ནས་འཇིག་རྟེན་གྱི་ཁམས་རྒྱ་མཚོ་བཅུའི་རྡུལ་ཤིན་ཏུ་ཕྲ་བ་སྙེད་ཀྱི་འཇིག་རྟེན་གྱི་ཁམས་རྒྱ་
མཚོ་ཙམ་གྱི་ཐ་གྲུ་དང་ལྡན་པ་དག་སྟེ། དེ་དག་གི་སྟེང་ན་འཇིག་རྟེན་གྱི་ཁམས་རྒྱ་མཚོ་འདི་གནས་པས། དེའི་ཕྱིར་འཇིག་རྟེན་གྱི་ཁམས་རྒྱ་མཚོ་དེ་བཞིན་གཤེགས་པའི་ཕྱག་གི་མཐིལ་
གྱི་སྙིང་པོ་ལ་རབ་ཏུ་གནས་པ་དེ་ལ་དེ་བཞིན་གཤེགས་པའི་ཕྱག་གི་མཐིལ་གྱི་སྙིང་པོ་ལ་རབ་ཏུ་གནས་པའི་འཇིག་རྟེན་གྱི་ཁམས་རྒྱ་མཚོ་ཞེས་བྱའོ། །དེ་ལྟར་དེ་དག་ལ་སོགས་པ་འཇིག་རྟེན་གྱི་

72-1-179a

ཁམས་རྒྱ་མཚོ་དེ་ནི་ཡོན་ཏན་ཚད་མེད་པ་དང་ལྡན་པ་སྟེ། མདོར་ན་འཇིག་རྟེན་གྱི་ཁམས་རྒྱ་མཚོ་མང་པོ་འཇིག་རྟེན་གྱི་ཁམས་རྒྱ་མཚོ་བཅུའི་རྡུལ་ཤིན་ཏུ་ཕྲ་བ་སྙེད་དག་ན་ཡོན་ཏན་ཇི་སྙེད་ཡོད་
པའི་ཡོན་ཏན་དེ་སྙེད་ནི་འཇིག་རྟེན་གྱི་ཁམས་རྒྱ་མཚོ་དེ་ན་ཡོད་དོ། །འཇིག་རྟེན་གྱི་ཁམས་རྒྱ་མཚོ་དེ་ནི་འཇིག་རྟེན་གྱི་ཁམས་རི་རབ་ཀུན་ཏུ་བཟང་པོ་ཞེས་བྱ་བ་ཚངས་པའི་ལྷའི་ལུས་ཀྱི་དབྱིབས་སུ་
འདུག་པ། འཇིག་རྟེན་གྱི་ཁམས་རི་རབ་འཇིག་རྟེན་གྱི་ཁམས་རྒྱ་མཚོ་བཅུའི་རྡུལ་ཤིན་ཏུ་ཕྲ་བ་སྙེད་ཀྱི་འཁོར་དང་ལྡན་པ་ཡོད་དེ། འཇིག་རྟེན་གྱི་ཁམས་རི་རབ་ཀུན་ཏུ་བཟང་པོ་དེ་ནི་འཇིག་རྟེན་གྱི་ཁམས་
རྒྱ་མཚོ་སྒོ་མངོན་པར་འཕགས་པ་འཇིག་རྟེན་གྱི་ཁམས་རྒྱ་མཚོ་བཅུའི་རྡུལ་ཤིན་ཏུ་ཕྲ་བ་སྙེད་དང་ལྡན་པའོ། །འཇིག་རྟེན་གྱི་ཁམས་རྒྱ་མཚོའི་བང་རིམ་ཆེན་པོ་ཁྲི་འཕང་དུ་འདུག་པ་འཇིག་རྟེན་
གྱི་ཁམས་རྒྱ་མཚོ་བཅུའི་རྡུལ་ཤིན་ཏུ་ཕྲ་བ་སྙེད་དང་ལྡན་པའོ། །འཇིག་རྟེན་གྱི་ཁམས་རྒྱ་མཚོའི་ངོས་འཇིག་རྟེན་གྱི་ཁམས་རྒྱ་མཚོ་བཅུའི་རྡུལ་ཤིན་ཏུ་ཕྲ་བ་སྙེད་དང་ལྡན་པའོ། །དེ་ཅིའི་ཕྱིར་ཞེ་
ན། འཇིག་རྟེན་གྱི་ཁམས་རི་རབ་ཀུན་ཏུ་བཟང་པོ་དེ་ལ་ཀུན་ཏུ་བཟང་པོ་ཞེས་བྱ་ཞེ་ན། འཇིག་རྟེན་གྱི་ཁམས་རི་རབ་ཀུན་ཏུ་བཟང་པོ་དེ་ན་ཡོངས་སུ་མ་དག་པའི་འཇིག་རྟེན་གྱི་ཁམས་གང་ཡང་
མྱེད་དེ་དེར་སེམས་ཅན་གང་ཇི་སྙེད་སྐྱེས་པ་དེ་དག་ཐམས་ཅད་ཆོས་གང་དང་གང་ལ་ཡོངས་སུ་དམྱིགས་པ་མེད་པའི། དམིགས་པ་དེ་དང་དེས་ཀུན་ཏུ་བཟང་པོའི་སྤྱོད་པ་ཡོངས་སུ་རྫོགས་པར་
འགྱུར་བས། དེའི་ཕྱིར་འཇིག་རྟེན་གྱི་ཁམས་རི་རབ་ཀུན་ཏུ་བཟང་པོ་དེ་ལ་ཀུན་ཏུ་བཟང་པོ་ཞེས་བྱའོ། །འཇིག་རྟེན་གྱི་ཁམས་རི་རབ་དེ་ནི་དེ་ལྟར་དེ་དག་ལས་སོགས་པ་ཡོན་ཏན་ཚད་མེད་པ་དང་

72-1-179b

ལྡན་པ་སྟེ། མདོར་ན་འཇིག་རྟེན་གྱི་ཁམས་རྒྱ་མཚོ་དེ་ནི་ཡོན་ཏན་ཇི་སྙེད་ཅིག་ཡོད་པ་དེ་སྙེད་ཀྱི་ཡོན་ཏན་ནི། འཇིག་རྟེན་གྱི་ཁམས་རི་རབ་ཀུན་ཏུ་བཟང་པོ་དེ་ན་ཡོད་དོ། །འཇིག་རྟེན་གྱི་ཁམས་རི་
རབ་ཀུན་ཏུ་བཟང་པོ་དེ་ན། སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་ཡོངས་སུ་འཛིན་པ་ཞེས་བྱ་བ་གཞན་འཕྲུལ་དབང་བྱེད་ཀྱི་ལྷའི་ལུས་ཀྱི་དབྱིབས་སུ་འདུག་པ། སྟོང་གསུམ་གྱི་སྟོང་
ཆེན་པོའི་འཇིག་རྟེན་གྱི་ཁམས་མང་པོ་འཇིག་རྟེན་གྱི་ཁམས་རྒྱ་མཚོ་བཅུའི་རྡུལ་ཤིན་ཏུ་ཕྲ་བ་སྙེད་ཀྱི་འཁོར་གྱིས་བསྐོར་བ་ཡོད་དེ། སྟོང་གསུམ་གྱི་སྟོང་ཆེན་པོའྀ་
འཇིག་རྟེན་གྱི་ཁམས་ཡོངས་སུ་འཛིན་པ་དེ་ནི་ལྷའི་རྣཾ་པར་དགོད་པ་འཇིག་རྟེན་གྱི་ཁམས་རྒྱ་མཚོ་བཅུའི་རྡུལ་ཤིན་ཏུ་ཕྲ་བ་སྙེད་ལ་རབ་ཏུ་གནས་སོ། །དེ་བཞིན་དུ་ཀླུ་དང་གནོད་སྦྱིན་དང་དྲི་ཟ་དང་ལྷ་
མ་ཡིན་དང་། ནམཁའ་ལྡིང་དང་མིའམ་ཅི་དང་ལྟོ་འཕྱེ་ཆེན་པོ་དང་མི་དང་མི་མ་ཡིན་པའི་རྣམ་པར་དགོད་པ་འཇིག་རྟེན་གྱི་ཁམས་རྒྱ་མཚོ་བཅུའི་རྡུལ་ཤིན་ཏུ་ཕྲ་བ་སྙེད་ལ་རབ་ཏུ་གནས་སོ། །
སངས་རྒྱས་ཀྱི་རྣམ་པར་དགོད་པའི་འཇིག་རྟེན་གྱི་ཁམས་རྒྱ་མཚོ་བཅུའི་རྡུལ་ཤིན་ཏུ་ཕྲ་བ་སྙེད་ལ་རབ་ཏུ་གནས་པའོ། །དེ་བཞིན་དུ་བྱང་ཆུབ་སེམས་དཔའ་དང་། རང་སངས་རྒྱས་དང་ཉན་ཐོས་ཀྱི་
རྣམ་པར་དགོད་པ་འཇིག་རྟེན་གྱི་ཁམས་རྒྱ་མཚོ་བཅུའི་རྡུལ་ཤིན་ཏུ་ཕྲ་བ་སྙེད་ལ་རབ་ཏུ་གནས་པའོ། །སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་ཡོངས་སུ་འཛིན་པ་ཞེས་བྱ་བ་དེར་སེམས་
ཅན་གང་ཇི་སྙེད་ཅིག་སྐྱེས་པ་དེ་དག་ཀྱང་འདུ་ཤེས་ཐ་དད་པ་མ་གཏོགས་པར་ལམ་གྱི་རྒྱུད་ཐ་དད་པ་མེད་དོ། །སྐྱེ་གནས་ཐ་དད་པ་མེད་དོ་ཐེག་པ་ཐ་དད་པ་མེད་དོ། །སྟོང་གསུམ་གྱི་སྟོང་ཆེན་པོའི་

72-1-180a

འཇིག་རྟེན་གྱི་ཁམས་ཡོངས་སུ་འཛིན་པ་ཞེས་བྱ་བ་དེ་ལ་ཅིའི་ཕྱིར་ཡོངས་སུ་འཛིན་པ་ཞེས་བྱ་ཞེ་ན། སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་ཡོངས་སུ་འཛིན་པ་དེར་སེམས་ཅན་
གང་ཇི་སྙེད་སྐྱེས་པ་དེ་དག་ཐམས་ཅད་ལ་ངན་སོང་གི་འཇིགས་པ་མེད། ཐེག་པ་དམའ་བར་ལྟུང་བའི་འཇིགས་པའང་མེད། སེར་སྣར་ལྟུང་བའི་འཇིགས་པའང་མེད། ཚུལ་ཁྲིམས་ངན་པར་ལྟུང་
བའི་འཇིགས་པའང་མེད། མི་བཟོད་པར་ལྟུང་བའི་འཇིགས་པའང་མེད། ལེ་ལོར་ལྟུང་བའི་འཇིགས་པའང་མེད། རྣམ་པར་འཁྲུགས་པར་ལྟུང་བའི་འཇིགས་པའང་མེད། ཤེས་རབ་འཆལ་
བར་ལྟུང་བའི་འཇིགས་པ་འང་མེད་པས། དེའི་ཕྱིར་ཡོངས་སུ་འཛིན་པའི་སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་ལ་ཡོངས་སུ་འཛིན་པ་ཞེས་བྱའོ། །དེ་ལྟར་དེ་དག་ལ་སོགས་པ་སྟོང་
གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་ཡོངས་སུ་འཛིན་པ་ནི་ཡོན་ཏན་ཚད་མེད་པ་མང་པོ་དང་ལྡན་པ་སྟེ། མདོར་ན་འཇིག་རྟེན་གྱི་ཁམས་རི་རབ་ཀུན་ཏུ་བཟང་པོ་ན་ཡོན་ཏན་ཇི་སྙེད་ཅིག་ཡོད་པ་དེ་སྙེད་
ཀྱི་ཡོན་ཏན་ནི་སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་ཡོངས་སུ་འཛིན་པ་ན་ཡོད་དོ། །སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་ཡོངས་སུ་འཛིན་པ་དེ་ན་སྟོང་གཉིས་ཀྱི་འཇིག་
རྟེན་གྱི་ཁམས་ལྷན་ཅིག་སྤྱོད་པ་ཞེས་བྱ་བ། འཕྲུལ་དགའི་ལྷའི་དབྱིབས་སུ་འདུག་པ། སྟོང་གཉིས་ཀྱི་འཇིག་རྟེན་གྱི་ཁམས་མང་པོ་འཇིག་རྟེན་གྱི་ཁམས་རྒྱ་མཚོ་བཅུའི་རྡུལ་ཤིན་ཏུ་ཕྲ་བ་སྙེད་
ཀྱི་འཁོར་གྱིས་བསྐོར་བ་ཡོད་དེ། སྟོང་གཉིས་ཀྱི་འཇིག་རྟེན་གྱི་ཁམས་ལྷན་ཅིག་སྤྱོད་པ་ཞེས་བྱ་བ་དེ་ནི། རྟག་ཏུ་དེ་བཞིན་གཤེགས་པའི་འོད་རྒྱ་མཚོ་མང་པོ་དང་མི་བྲལ་ལོ། །རྟག་ཏུ་དེ་བཞིན་

72-1-180b

གཤེགས་པའི་ཡེ་ཤེས་ཀྱི་འོད་ཟེར་དྲ་བ་རྒྱ་མཚོ་དང་མི་བྲལ་ལོ། །རྟག་ཏུ་དེ་བཞིན་གཤེགས་པའི་སྐུ་རྒྱ་མཚོ་དང་མི་བྲལ་ལོ། །རྟག་ཏུ་དེ་བཞིན་གཤེགས་པའི་གསུང་རྒྱ་མཚོ་དང་མི་བྲལ་ལོ། །
རྟག་ཏུ་དེ་བཞིན་གཤེགས་པའི་མངོན་པར་རྫོགས་པར་འཚང་རྒྱ་བ་རྒྱ་མཚོ་དང་མི་བྲལ་ལོ། །རྟག་ཏུ་དེ་བཞིན་གཤེགས་པའི་ཆོས་ཀྱི་འཁོར་ལོ་བསྐོར་བ་རྒྱ་མཚོ་དང་མི་བྲལ་ལོ། །རྟག་ཏུ་དེ་བཞིན་
གཤེགས་པའི་ཡོངས་སུ་མྱ་ངན་ལས་འདས་པ་ཆེན་པོ་རྒྱ་མཚོ་དང་མི་བྲལ་ལོ། །རྟག་ཏུ་མི་རྟོགས་ཀྱི་གནས་ཐམས་ཅད་ཕུ་དུད་དུ་བྱ་བ་རྒྱ་མཚོ་དང་མི་བྲལ་ལོ། །རྟག་ཏུ་བདུད་ཀྱི་ལས་ཐམས་
ཅད་ཡོངས་སུ་གཅོད་པ་རྒྱ་མཚོ་དང་མི་བྲལ་ལོ། །སྟོང་གཉིས་ཀྱི་འཇིག་རྟེན་གྱི་ཁམས་ལྷན་ཅིག་སྤྱོད་པ་ཞེས་བྱ་བ་དེར་སེམས་ཅན་གང་ཇི་སྙེད་ཅིག་སྐྱེས་པ་དེ་དག་ཐམས་ཅད་ཀྱང་ཏིང་ངེ་འཛིན་གྱི་
སྒོ་རྒྱ་མཚོ་འཇིག་རྟེན་གྱི་ཁམས་རྒྱ་མཚོ་བཅུའི་རྡུལ་ཤིན་ཏུ་ཕྲ་བ་སྙེད་ལ་རབ་ཏུ་གནས་པ། གཟུངས་ཀྱི་སྒོ་རྒྱ་མཚོ་འཇིག་རྟེན་གྱི་ཁམས་རྒྱ་མཚོ་བཅུའི་རྡུལ་ཤིན་ཏུ་ཕྲ་བ་སྙེད་ལ་རབ་ཏུ་
གནས་པ། སངས་རྒྱས་རྒྱ་མཚོ་འཇིག་རྟེན་གྱི་ཁམས་རྒྱ་མཚོ་བཅུའི་རྡུལ་ཤིན་ཏུ་ཕྲ་བ་སྙེད་ལ་རབ་ཏུ་གནས་པ་ཤ་སྟག་གོ། །སྟོང་གཉིས་ཀྱི་འཇིག་རྟེན་གྱི་ཁམས་ལྷན་ཅིག་སྤྱོད་པ་ཞེས་
བྱ་བ་དེ་ལ་ཅིའི་ཕྱིར་ན་ལྷན་ཅིག་སྤྱོད་པ་ཞེས་བྱ་ཞེ་ན། སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་དང་ལྷན་ཅིག་འགྲོགས་ཤིང་། འཇིག་རྟེན་གྱི་ཁམས་རྒྱ་མཚོ་མང་པོ། འཇིག་
རྟེན་གྱི་ཁམས་རྒྱ་མཚོ་བཅུའི་རྡུལ་ཤིན་ཏུ་ཕྲ་བ་སྙེད་ཀྱི་ཆོས་ཀྱི་དབྱིངས་རྒྱ་མཚོ་ཇི་སྙེད་པ་དེ་དག་ཐམས་ཅད་དུ་རྣམ་པར་སྤྱོད་པས་ལྷན་ཅིག་སྤྱོད་པ་དེ་ལ་སྤྱོད་པ་ཞེས་བྱའོ། །དེ་ལྟར་དེ་དག་ལས་

72-1-181a

སོགས་པ་སྟོང་གཉིས་ཀྱི་འཇིག་རྟེན་གྱི་ཁམས་ལྷན་ཅིག་སྤྱོད་པ་དེ་ནི་ཡོན་ཏན་དཔག་ཏུ་མེད་པ་དང་ལྡན་པ་སྟེ། མདོར་ན་སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་ཡོངས་སུ་
འཛིན་པ་དེ་ན་ཡོན་ཏན་གང་ཇི་སྙེད་ཡོད་པ་དེ་སྙེད་ཀྱི་ཡོན་ཏན་ནི། སྟོང་གཉིས་ཀྱི་འཇིག་རྟེན་གྱི་ཁམས་ལྷན་ཅིག་སྤྱོད་པ་དེ་ན་ཡོད་དོ། །སྟོང་གཉིས་གཉིས་ཀྱི་འཇིག་རྟེན་གྱི་ཁམས་ལྷན་ཅིག་སྤྱོད་པ་
ཞེས་བྱ་བ་དེ་ན་སྟོང་གི་འཇིག་རྟེན་གྱི་ཁམས་ཀུན་ཏུ་སྤྱོད་པ་ཞེས་བྱ་བ་དགའ་ལྡན་གྱི་ལྷའི་ལུས་ཀྱི་དབྱིབས་སུ་འདུག་པ། སྟོང་གི་འཇིག་རྟེན་གྱི་ཁམས་མང་པོ་འཇིག་རྟེན་གྱི་ཁམས་རྒྱ་མཚོ་བཅུའི་
རྡུལ་ཤིན་ཏུ་ཕྲ་བ་སྙེད་ཀྱི་འཁོར་གྱི་བསྐོར་བ་ཡོད་དེ། སྟོང་གི་འཇིག་རྟེན་གྱི་ཁམས་ཀུན་ཏུ་སྤྱོད་པ་ཞེས་བྱ་བ་དེ་ནི་བདེ་བ་ཡོད་པའི་འཇིག་རྟེན་གྱི་ཁམས་རྒྱན་རྒྱ་མཚོ་འཇིག་རྟེན་གྱི་ཁམས་རྒྱ་
མཚོ་བཅུའི་རྡུལ་ཤིན་ཏུ་ཕྲ་བ་སྙེད་ཀྱི་རབ་ཏུ་བརྒྱན་པ། དེ་བཞིན་གཤེགས་པ་འོད་ཀུན་ཏུ་མཐའ་ཡས་ཀྱི་ཆོས་ཀྱི་སྐུ་འཇིག་རྟེན་གྱི་ཁམས་རྒྱ་མཚོ་བཅུའི་རྡུལ་ཤིན་ཏུ་ཕྲ་བ་སྙེད་ཀྱི་རྒྱས་པར་
གང་བ། ཆོས་ཀྱི་དབྱིངས་རྒྱ་མཚོ་འཇིག་རྟེན་གྱི་ཁམས་རྒྱ་མཚོ་བཅུའི་རྡུལ་ཤིན་ཏུ་ཕྲ་བ་སྙེད་ཀྱིས་མངོན་པར་བརླན་པ་སྟེ། སྟོང་གི་འཇིག་རྟེན་གྱི་ཁམས་ཀུན་ཏུ་སྤྱོད་པ་ཞེས་བྱ་བ་དེར་སེམས་
ཅན་གང་ཇི་སྙེད་སྐྱེས་པ་དེ་དག་ཐམས་ཅད་ཀྱང་སྦྱིན་པའི་ཕ་རོལ་ཏུ་ཕྱིན་པ་རྒྱ་མཚོ་བཅུའི་རྡུལ་ཤིན་ཏུ་ཕྲ་བ་སྙེད་ལ་རབ་ཏུ་གནས་པ་ཤ་སྟག་སྟེ། དེ་བཞིན་དུ་ཚུལ་ཁྲིམས་དང་བཟོད་པ་དང་བརྩོན་
འགྲུས་དང་བསམ་གཏན་དང་། ཤེས་རབ་ཀྱི་ཕ་རོལ་ཏུ་ཕྱིན་པ་རྒྱ་མཚོ་འཇིག་རྟེན་གྱི་ཁམས་རྒྱ་མཚོ་བཅུའི་རྡུལ་ཤིན་ཏུ་ཕྲ་བ་སྙེད་ལ་རབ་ཏུ་གནས་པ་ནས། ཡེ་ཤེས་ཀྱི་ཕ་རོལ་ཏུ་ཕྱིན་པ་རྒྱ་

72-1-181b

མཚོ་འཇིག་རྟེན་གྱི་ཁམས་རྒྱ་མཚོ་བཅུའི་རྡུལ་ཤིན་ཏུ་ཕྲ་བ་སྙེད་ཀྱི་བར་ལ་རབ་ཏུ་གནས་པ་མངོན་པར་ཤེས་པ་རྒྱ་མཚོ་འཇིག་རྟེན་གྱི་ཁམས་རྒྱ་མཚོ་བཅུའི་རྡུལ་ཤིན་ཏུ་ཕྲ་བ་སྙེད་ལ་རབ་ཏུ་གནས་
པ། སེམས་ཅན་ཡོངས་སུ་སྨིན་པར་བྱ་བ་རྒྱ་མཚོ་འཇིག་རྟེན་གྱི་ཁམས་རྒྱ་མཚོ་བཅུའི་རྡུལ་ཤིན་ཏུ་ཕྲ་བ་སྙེད་ལ་རབ་ཏུ་གནས་པ། བྱང་ཆུབ་ཀྱི་ཕྱོགས་ཆོས་ཀྱི་རྒྱ་མཚོ་འཇིག་རྟེན་གྱི་ཁམས་
རྒྱ་མཚོ་བཅུའི་རྡུལ་ཤིན་ཏུ་ཕྲ་བ་སྙེད་ལ་རབ་ཏུ་གནས་པ་ཤ་སྟག་གོ། །ཅིའི་ཕྱིར་ཞེ་ན་སྟོང་གི་འཇིག་རྟེན་གྱི་ཁམས་ཀུན་ཏུ་སྤྱོད་པ་ཞེས་བྱ་ཞེ་ན། འཇིག་རྟེན་གྱི་ཁམས་རྒྱ་མཚོ་མང་པོ་འཇིག་རྟེན་གྱི་
ཁམས་རྒྱ་མཚོ་བཅུའི་རྡུལ་ཤིན་ཏུ་ཕྲ་བ་སྙེད་དག་ན། ཆོས་ཀྱི་ཁམས་རྒྱ་མཚོ་དང་། འཇིག་རྟེན་གྱི་ཁམས་རྒྱ་མཚོ་དང་། སངས་རྒྱས་ཀྱི་ཁམས་རྒྱ་མཚོ་དང་། བྱང་ཆུབ་སེམས་དཔའི་ཁམས་
རྒྱ་མཚོ་དང་། སེམས་ཅན་གྱི་ཁམས་རྒྱ་མཚོ་གང་ཇི་སྙེད་པ་དེ་དག་ཐམས་ཅད་ཀུན་ནས་རྣམ་པར་སྤྱོད་པས་ཀུན་ཏུ་སྤྱོད་པ་ཞེས་བྱའོ། །དེ་ལྟར་དེ་དག་ལས་སོགས་པ་སྟོང་གི་འཇིག་རྟེན་གྱི་
ཁམས་ཀུན་ཏུ་སྤྱོད་པ་དེ་ནི། ཡོན་ཏན་ཚད་མེད་པ་དང་ལྡན་པ་སྟེ། མདོར་ན་སྟོང་གཉིས་ཀྱི་འཇིག་རྟེན་གྱི་ཁམས་ལྷན་ཅིག་སྤྱོད་པ་དེ་ན་ཡོན་ཏན་གང་ཇི་སྙེད་ཡོད་པའི་ཡོན་ཏན་དེ་དག་ནི་སྟོང་གི་
འཇིག་རྟེན་གྱི་ཁམས་ཀུན་ཏུ་སྤྱོད་པ་ན་ཡོད་དོ། །སྟོང་གི་འཇིག་རྟེན་གྱི་ཁམས་ཀུན་ཏུ་སྤྱོད་པ་ཞེས་བྱ་བ་དེ་ན། གླིང་བཞི་པ་གནས་ཀྱི་དམ་པ་ཞེས་བྱ་བ་མཚེ་མའི་ལྷའི་ལུས་ཀྱི་དབྱིབས་སུ་
འདུག་པ། གླིང་བཞི་པའི་འཇིག་རྟེན་གྱི་ཁམས་མང་པོ་འཇིག་རྟེན་གྱི་ཁམས་རྒྱ་མཚོ་བཅུའི་རྡུལ་ཤིན་ཏུ་ཕྲ་བ་སྙེད་ཀྱི་འཁོར་དང་ལྡན་པ་ཡོད་དོ། །གླིང་བཞི་པའི་འཇིག་རྟེན་གྱི་ཁམས་གནས་དམ་

72-1-182a

པ་ཞེས་བྱ་བ་དེ་ནི་སྙིང་པོ་བྱང་ཆུབ་རྒྱ་མཚོའི་རྒྱན། འཇིག་རྟེན་གྱི་ཁམས་རྒྱ་མཚོ་བཅུའི་རྡུལ་ཤིན་ཏུ་ཕྲ་བ་སྙེད་ཀྱིས་རྣམ་པར་བརྒྱན་པ་སྟེ། སྙིང་པོ་བྱང་ཆུབ་ཀྱི་རྒྱན་དེ་དག་རེ་རེ་ལ་ཡང་
སེང་གེའི་ཁྲི་རྒྱན་འཇིག་རྟེན་གྱི་ཁམས་རྒྱ་མཚོ་བཅུའི་རྡུལ་ཤིན་ཏུ་ཕྲ་བ་སྙེད་རབ་ཏུ་གནས་པ། སེང་གེའི་ཁྲི་བརྒྱན་དེ་དག་རེ་རེ་ལ་ཡང་བྱང་ཆུབ་སེམས་དཔའ་རྒྱ་མཚོ་འཇིག་རྟེན་གྱི་ཁམས་རྒྱ་
མཚོ་བཅུའི་རྡུལ་ཤིན་ཏུ་ཕྲ་བ་སྙེད་མང་པོ་འཁོད་པ་སྟེ། གླིང་བཞི་པའི་འཇིག་རྟེན་གྱི་ཁམས་གནས་ཀྱི་དམ་པ་དེར་སེམས་ཅན་གང་ཇི་སྙེད་སྐྱེས་པ་དེ་དག་ཐམས་ཅད་ཀྱང་། བྱང་ཆུབ་སེམས་དཔའ་
ཀུན་ཏུ་བཟང་པོའི་ལུས་དང་སྤྱོད་ལམ་རྒྱ་མཚོ་འཇིག་རྟེན་གྱི་ཁམས་རྒྱ་མཚོ་བཅུའི་རྡུལ་ཤིན་ཏུ་ཕྲ་བ་སྙེད་དང་ལྡན་པ། སྒོ་མཐའ་ཡས་པ་ནས་མངོན་པར་བསྒྲུབ་པའི་མདོ། འཇིག་རྟེན་གྱི་ཁམས་
རྒྱ་མཚོ་བཅུའི་རྡུལ་ཤིན་ཏུ་ཕྲ་བ་སྙེད་ཡོངས་སུ་འཛིན་པ། བྱང་ཆུབ་སེམས་དཔའ་ཐམས་ཅད་ཀྱིས་འཇིག་རྟེན་གྱི་ཁམས་རྒྱ་མཚོ་བཅུའི་རྡུལ་ཤིན་ཏུ་ཕྲ་བ་སྙེད་ལ་རབ་ཏུ་གནས་པ་ཤ་སྟག་གོ། །
ཅིའི་ཕྱིར་ན་གླིང་བཞི་པའི་འཇིག་རྟེན་གྱི་ཁམས་གནས་ཀྱི་དམ་པ་ཞེས་བྱ་བ་དེ་ལ་གནས་ཀྱི་དམ་པ་ཞེས་བྱ་ཞེ་ན། སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་ཡོངས་སུ་འཛིན་པ་ན། སེམས་
ཅན་རྣམས་ཀྱི་འབྱུང་གནས་དང་གནས་སུ་བྱ་བའི་གླིང་བཞི་པའི་འཇིག་རྟེན་གྱི་ཁམས་གང་ཇི་སྙེད་ཡོད་པ་དེ་དག་གི་ནང་ན་འདི་མཆོག་ཏུ་བྱ་བས་ན། དེའི་ཕྱིར་གླིང་བཞི་པའི་འཇིག་རྟེན་གྱི་ཁམས་གནས་
ཀྱི་དམ་པ་ཞེས་བྱ་བ་དེ་ལ་གནས་ཀྱི་དམ་པ་ཞེས་བྱའོ། །དེ་ལྟར་དེ་དག་ལས་སོགས་པ་གླིང་བཞི་པའི་འཇིག་རྟེན་གྱི་ཁམས་གནས་ཀྱི་དམ་པ་ཞེས་བྱ་བ་དེ་ནི་ཡོན་ཏན་གཞལ་དུ་མེད་པ་དང་ལྡན་པ་སྟེ། 

72-1-182b

མདོར་ན་སྟོང་གི་འཇིག་རྟེན་གྱི་ཁམས་ཀུན་ཏུ་སྤྱོད་པ་ན་ཡོན་ཏན་གང་ཇི་སྙེད་ཡོད་པའི་ཡོན་ཏན་དེ་དག་ནི། གླིང་བཞི་པའི་འཇིག་རྟེན་གྱི་ཁམས་གནས་ཀྱི་དམ་པ་དེ་ན་ཡོད་དོ། །གླིང་བཞི་པའི་འཇིག་རྟེན་གྱི་
ཁམས་གནས་ཀྱི་དམ་པ་ཞེས་བྱ་བ་དེ་ན་གླིང་བྱང་ཆུབ་ཀྱི་རྒྱལ་མཚན་ཞེས་བྱ་བ་སུམ་བཅུ་རྩ་གསུམ་གྱི་ལྷའི་ལུས་ཀྱི་དབྱིབས་སུ་འདུག་པ། གླིང་བཞི་པའི་འཇིག་རྟེན་གྱི་ཁམས་རྒྱ་མཚོ་བཅུའི་
རྡུལ་ཤིན་ཏུ་ཕྲ་བ་སྙེད་ཀྱི་འཁོར་གྱིས་བསྐོར་བ་ཡོད་དེ། གླིང་བྱང་ཆུབ་ཀྱི་རྒྱལ་མཚན་ཞེས་བྱ་བ་དེ་ནི་རིན་པོ་ཆེའི་རི་ཁང་པ་བརྩེགས་པ་ལྟར་འདུག་པ། རྒྱ་མཚོ་མང་པོ་འཇིག་རྟེན་གྱི་ཁམས་རྒྱ་མཚོ་
བཅུའི་རྡུལ་ཤིན་ཏུ་ཕྲ་བ་སྙེད་ཀྱི་ཀུན་ནས་བསྐོར་བ། དེ་བཞིན་གཤེགས་པའི་ཡེ་ཤེས་ཀྱི་འོད་ཟེར་གྱི་དྲ་བ་རྒྱ་མཚོ་འཇིག་རྟེན་གྱི་ཁམས་རྒྱ་མཚོ་བཅུའི་རྡུལ་ཤིན་ཏུ་ཕྲ་བ་སྙེད་ཀྱི་ཀུན་ཏུ་ཁྱབ་པ། 
ཆོས་ཀྱི་དབྱིངས་རྒྱ་མཚོ་འཇིག་རྟེན་གྱི་ཁམས་རྒྱ་མཚོ་བཅུའི་རྡུལ་ཤིན་ཏུ་ཕྲ་བ་སྙེད་ཀྱི་མངོན་པར་བརླན་པ་སྟེ། གླིང་བྱང་ཆུབ་ཀྱི་རྒྱལ་མཚན་ཞེས་བྱ་བ་དེར་སེམས་ཅན་གང་ཇི་སྙེད་སྐྱེས་པར་གྱུར་
པ་དེ་དག་ཐམས་ཅད་དང་ཏིང་ངེ་འཛིན་གྱི་རྒྱན་སྙིང་པོ་བྱང་ཆུབ་ཀྱི་རྒྱན་ཀྱི་དམ་པར་གྱུར་པ། འཇིག་རྟེན་གྱི་ཁམས་རྒྱ་མཚོ་བཅུའི་རྡུལ་ཤིན་ཏུ་ཕྲ་བ་སྙེད་ལ་རབ་ཏུ་གནས་པ་ཐེག་པ་ཐ་དད་པས་
འབྱུང་བ་རྒྱ་མཚོ་འཇིག་རྟེན་གྱི་ཁམས་རྒྱ་མཚོ་བཅུའི་རྡུལ་ཤིན་ཏུ་ཕྲ་བ་སྙེད་ལ། མཁས་པས་ཆོས་ཀྱི་དབྱིངས་རྒྱ་མཚོ་ཐ་མི་དད་པ། འཇིག་རྟེན་གྱི་ཁམས་རྒྱ་མཚོ་བཅུའི་
རྡུལ་ཤིན་ཏུ་ཕྲ་བ་སྙེད་ལ་རྣམ་པར་སྤྱོད་པ་ཤ་སྟག་གོ། །ཅིའི་ཕྱིར་ན་གླིང་བྱང་ཆུབ་ཀྱི་རྒྱལ་མཚན་དེ་ལ་བྱང་ཆུབ་ཀྱི་རྒྱལ་མཚན་ཞེས་བྱ་བ་ཞེ་ན། གླིང་བྱང་ཆུབ་ཀྱི་རྒྱལ་མཚན་ཞེས་བྱ་བ་དེ་ན། 

72-1-183a

བྱང་ཆུབ་ཀྱི་ཤིང་འཇིག་རྟེན་གྱི་ཁམས་རྒྱ་མཚོ་བཅུའི་རྡུལ་ཤིན་ཏུ་ཕྲ་བ་སྙེད་ཀྱི་འཁོར་དང་ལྡན་པ་ཡོད་དེ། དེར་སྐད་ཅིག་སྐད་ཅིག་ཏུ་དེ་བཞིན་གཤེགས་པ་འཇིག་རྟེན་གྱི་ཁམས་རྒྱ་མཚོ་བཅུའི་
རྡུལ་ཤིན་ཏུ་ཕྲ་བ་སྙེད་མངོན་པར་རྫོགས་པར་འཚང་རྒྱ་བས། དེའི་ཕྱིར་གླིང་བྱང་ཆུབ་ཀྱི་རྒྱལ་མཚན་དེ་ལ་བྱང་ཆུབ་ཀྱི་རྒྱལ་མཚན་ཞེས་བྱའོ། །དེ་ལྟར་དེ་དག་ལས་སོགས་པ་གླིང་བྱང་ཆུབ་ཀྱི་རྒྱལ་
མཚན་དེ་ནི་ཡོན་ཏན་ཚད་མེད་པ་དང་ལྡན་པ་སྟེ། མདོར་ན་གླིང་བཞི་པའི་འཇིག་རྟེན་གྱི་ཁམས་གནས་ཀྱི་དམ་པ་དེ་ན་ཡོན་ཏན་དེ་དག་ནི་གླིང་བྱང་ཆུབ་ཀྱི་རྒྱལ་མཚན་དེ་ན་ཡོད་དོ། །གླིང་བྱང་
ཆུབ་ཀྱི་རྒྱལ་མཚན་དེ་ན་གྲོང་རྡལ་མཛོད་མཐའ་ཡས་པ་ཞེས་བྱ་བ་ཁང་པ་བརྩེགས་པའི་དབྱིབས་སུ་འདུག་པ། གྲོང་རྡལ་འཇིག་རྟེན་གྱི་ཁམས་རྒྱ་མཚོ་བཅུའི་རྡུལ་ཤིན་ཏུ་ཕྲ་བ་སྙེད་ཀྱི་
འཁོར་དང་ལྡན་པ་ཡོད་དེ། གྲོང་རྡལ་མཛོད་མཐའ་ཡས་པ་ཞེས་བྱ་བ་དེ་ནི་དེ་བཞིན་གཤེགས་པའི་དགོངས་པའི་ཕྱིར། རྒྱ་མཚོ་འཇིག་རྟེན་གྱི་ཁམས་རྒྱ་མཚོ་བཅུའི་རྡུལ་ཤིན་ཏུ་ཕྲ་བ་
སྙེད་ཕུན་སུམ་ཚོགས་པ་དང་ལྡན་པའོ། །དེ་བཞིན་གཤེགས་པའི་དགོངས་པའི་ཕྱིར་རྒྱ་མཚོ་རེ་རེ་ཞིང་ཡང་ཏིང་ངེ་འཛིན་གྱི་འོབས་རྒྱ་མཚོ་འཇིག་རྟེན་གྱི་ཁམས་རྒྱ་མཚོ་བཅུའི་རྡུལ་ཤིན་ཏུ་ཕྲ་བ་སྙེད་ཀྱི་
ཡོངས་སུ་བསྐོར་བའོ། །ཏིང་ངེ་འཛིན་གྱི་འོབས་རྒྱ་མཚོ་དེ་དག་རེ་རེ་ཞིང་ཡང་དེ་བཞིན་གཤེགས་པའི་ཞི་གནས་ཀྱི་ཆུ་རྒྱ་མཚོ་འཇིག་རྟེན་གྱི་ཁམས་རྒྱ་མཚོ་བཅུའི་རྡུལ་ཤིན་ཏུ་ཕྲ་བ་སྙེད་ཀྱིས་
ཡོངས་སུ་གང་བའོ། །དེ་བཞིན་གཤེགས་པའི་ཞི་གནས་ཀྱི་ཆུ་རྒྱ་མཚོ་དེ་དག་རེ་རེ་ཞིང་ཡང་དེ་བཞིན་གཤེགས་པའི་ཡེ་ཤེས་དང་ཡོན་ཏན་གྱི་མེ་ཏོག་ཨུད་པ་ལ་དང་། པད་མོ་དང་ཀུ་མུ་ཏ་དང་པུན་ད་

72-1-183b

རི་ཀ་འཇིག་རྟེན་གྱི་ཁམས་རྒྱ་མཚོ་བཅུའི་རྡུལ་ཤིན་ཏུ་ཕྲ་བ་སྙེད་ཀྱིས་ཀུན་ནས་ཁྱབ་པར་གང་བའི། གྲོང་རྡལ་མཛོད་མཐའ་ཡས་པ་དེ་ནི་བྱང་ཆུབ་ཀྱི་སེམས་རིན་པོ་ཆེས་ཤིན་ཏུ་རྣམ་པར་
དག་པའི་ཕ་གུ་རྒྱ་མཚོའི་འཇིག་རྟེན་གྱི་ཁམས་རྒྱ་མཚོ་བཅུའི་རྡུལ་ཤིན་ཏུ་ཕྲ་བ་སྙེད་ལས་བརྩེགས་པ། ས་བཅུའི་ཁང་པ་བརྩེགས་པ་དང་། གཞལ་མེད་ཁང་གི་ཕྲེང་བ་རྒྱ་མཚོ་འཇིག་རྟེན་
གྱི་ཁམས་རྒྱ་མཚོ་བཅུའི་རྡུལ་ཤིན་ཏུ་ཕྲ་བ་སྙེད་ཀྱི་རྣམ་པར་ཕྱེ་བ་སྟེ། གྲོང་རྡལ་མཛོད་མཐའ་ཡས་པ་དེར་སེམས་ཅན་གང་ཇི་སྙེད་སྐྱེས་པ་དེ་དག་ཐམས་ཅད་ཀྱང་དེ་བཞིན་གཤེགས་པ་རྣམ་པར་
སྣང་མཛད་ཀྱི་ཆོས་ཀྱི་སྐུ་དང་ངང་ཚུལ་རྒྱ་མཚོ་ལ་རབ་ཏུ་ཞུགས་པ། སྐད་ཅིག་ཅིང་སེམས་ཅན་གྱི་ཁམས་སྣ་ཚོགས་འཇིག་རྟེན་གྱི་ཁམས་རྒྱ་མཚོ་བཅུའི་རྡུལ་ཤིན་ཏུ་ཕྲ་བ་སྙེད་ཡོངས་སུ་མྱ་ངན་
ལས་ཟླ་བ་འཇིག་རྟེན་གྱི་ཁམས་སྣ་ཚོགས་འཇིག་རྟེན་གྱི་ཁམས་རྒྱ་མཚོ་བཅུའི་རྡུལ་ཤིན་ཏུ་ཕྲ་བ་སྙེད་ཀྱི་སྡུག་བསྔལ་གྱི་ཕུང་པོ་རྒྱ་མཚོའི་ཁུར་འཇིག་རྟེན་གྱི་ཁམས་རྒྱ་མཚོ་བཅུའི་རྡུལ་ཤིན་ཏུ་
ཕྲ་བ་སྙེད་བཀུར་བ་ལ་ཡོངས་སུ་སྐྱོ་བ་མེད་པ་ཤ་སྟག་གོ། །ཅིའི་ཕྱིར་ན་གྲོང་རྡལ་མཛོད་མཐའ་ཡས་པ་ཞེས་བྱ་བ་དེ་ལ་མཛོད་མཐའ་ཡས་པ་ཞེས་བྱ་ཞེ་ན། གྲོང་རྡལ་མཛོད་མཐའ་ཡས་
པ་དེའི་སའི་ཁམས་ཀྱི་རྡུལ་ཤིན་ཏུ་ཕྲ་བ་འམ། ཆུའི་ཁམས་ཀྱི་རྡུལ་ཤིན་ཏུ་ཕྲ་བའམ། མེའི་ཁམས་ཀྱི་རྡུལ་ཤིན་ཏུ་ཕྲ་བ་འམ། རླུང་གི་ཁམས་ཀྱིས་རྡུལ་ཤིན་ཏུ་ཕྲ་བ་འམ། ནམ་
མཁའི་ཁམས་ཀྱི་རྡུལ་ཤིན་ཏུ་ཕྲ་བ་ཡང་རུང་སྟེ་དེ་བཞིན་གཤེགས་པ་རྣམས་ཀྱི་དེ་དག་ལ་ཆོས་ཀྱི་མཛོད་རྒྱ་མཚོ་འཇིག་རྟེན་གྱི་ཁམས་རྒྱ་མཚོ་བཅུའི་རྡུལ་ཤིན་ཏུ་ཕྲ་བ་སྙེད་མ་གཞག་

72-1-184a

པ་དེ་ལྟ་བུ་གང་ཡང་མེད་པས་དེའི་ཕྱིར་གྲོང་རྡལ་མཛོད་མཐའ་ཡས་པ་དེ་ལ་མཛོད་མཐའ་ཡས་པ་ཞེས་བྱའོ། །དེ་ལྟར་དེ་དག་ལས་སོགས་པ་གྲོང་རྡལ་མཛོད་མཐའ་
ཡས་པ་དེ་ནི་ཡོན་ཏན་ཚད་མེད་པ་དང་ལྡན་པ་སྟེ། མདོར་ན་གླིང་བྱང་ཆུབ་ཀྱི་རྒྱལ་མཚན་ན་ཡོན་ཏན་གང་ཇི་སྙེད་ཡོད་པའི་ཡོན་ཏན་དེ་སྙེད་ནི་གྲོང་རྡལ་མཛོད་མཐའ་ཡས་པ་དེ་ན་ཡོད་དོ། །
གྲོང་རྡལ་མཛོད་མཐའ་ཡས་པ་དེ་ན་བཟའ་ཤིང་གི་ར་བ་མྱ་ངན་དང་བྲལ་བ་ཞེས་བྱ་བ་སྙིང་པོ་བྱང་ཆུབ་མྱ་ངན་མེད་པའི་དབྱིབས་སུ་འདུག་པ་བཟའ་ཤིང་གི་ར་བ་འཇིག་རྟེན་གྱི་ཁམས་
རྒྱ་མཚོ་བཅུའི་རྡུལ་ཤིན་ཏུ་ཕྲ་བ་སྙེད་ཀྱི་འཁོར་དང་ལྡན་པ་ཡོད་དེ། བཟའ་ཤིང་གི་ར་བ་མྱ་ངན་དང་བྲལ་བ་དེ་ན། ནགས་ཚལ་རྒྱ་མཚོ་འཇིག་རྟེན་གྱི་ཁམས་རྒྱ་མཚོ་བཅུའི་རྡུལ་ཤིན་ཏུ་
ཕྲ་བ་སྙེད་ཡོད་དོ། ནགས་ཚལ་དེ་དག་ཀྱང་སོ་སོ་ནས་སྟོང་པ་ཉིད་ཀྱི་གསེར་རྒྱ་མཚོ་འཇིག་རྟེན་གྱི་ཁམས་རྒྱ་མཚོ་བཅུའི་རྡུལ་ཤིན་ཏུ་ཕྲ་བ་སྙེད་ཀྱི་རྒྱུ་ལས་གྲུབ་པའོ། །ཆོས་ཀྱི་དབྱིངས་
ཀྱི་འོད་རྒྱ་མཚོ་འཇིག་རྟེན་གྱི་ཁམས་རྒྱ་མཚོ་བཅུའི་རྡུལ་ཤིན་ཏུ་ཕྲ་བ་སྙེད་ཀྱི་མེ་ཏོག་དང་ལྡན་པའོ། །རྣམ་པར་རྟོག་པའི་གཉེན་པོ་རྒྱ་མཚོ་འཇིག་རྟེན་གྱི་ཁམས་རྒྱ་མཚོ་བཅུའི་རྡུལ་
ཤིན་ཏུ་ཕྲ་བ་སྙེད་ཀྱི་འབྲས་བུ་དང་ལྡན་པའི། །སེམས་ཅན་གྱི་ཁམས་ཐམས་ཅད་སྡུག་པ་ལས་ཡོངས་སུ་སྐྱབ་པ་རྒྱ་མཚོ་འཇིག་རྟེན་གྱི་ཁམས་རྒྱ་མཚོ་བཅུའི་རྡུལ་ཤིན་ཏུ་ཕྲ་བ་

72-1-184b

སྙེད་ཀྱི་ལམ་དང་ལྡན་པའོ། །སེམས་ཅན་གྱི་ཁམས་ཡོངས་སུ་མྱ་ངན་ལས་ཟློ་བ་རྒྱ་མཚོ་འཇིག་རྟེན་གྱི་ཁམས་རྒྱ་མཚོ་བཅུའི་རྡུལ་ཤིན་ཏུ་ཕྲ་བ་སྙེད་ཀྱི་གྲིབ་མ་བསྩལ་བ་དང་ལྡན་
པའོ། །སེམས་ཅན་གྱི་ཁམས་ཐམས་ཅད་ཀྱི་བསམ་པའི་ས་རྒྱ་མཚོ་འཇིག་རྟེན་གྱི་ཁམས་རྒྱ་མཚོ་བཅུའི་རྡུལ་ཤིན་ཏུ་ཕྲ་བ་སྙེད་ལ་སྙིང་རྗེ་ཆེན་པོ་རྩ་བ་རབ་ཏུ་གནས་པའོ། །དེ་
བཞིན་གཤེགས་པ་རྣམ་པར་སྣང་མཛད་ཡེ་ཤེས་གངས་ཆེན་མཚོའི་སྔོན་གྱི་སྨོན་ལམ་རྒྱ་མཚོ་འཇིག་རྟེན་གྱི་ཁམས་རྒྱ་མཚོ་བཅུའི་རྡུལ་ཤིན་ཏུ་ཕྲ་བ་སྙེད་གྱི་ཡལ་ག་དང་ལྡན་པའོ། །རང་
བཞིན་ཡོངས་སུ་དག་པའི་དར་གྱི་ལྡ་ལྡི་དང་ཆུན་པོ་རྒྱ་མཚོ་འཇིག་རྟེན་གྱི་ཁམས་རྒྱ་མཚོ་བཅུའི་རྡུལ་ཤིན་ཏུ་ཕྲ་བ་སྙེད་ཀུན་ཏུ་བྲེས་པའོ། །དྲི་མ་མེད་ཅིང་ཡོངསུ་དག་པའི་གདུགས་དང་། རྒྱལ་
མཚན་དང་། བ་དན་རྒྱ་མཚོ་འཇིག་རྟེན་གྱི་ཁམས་རྒྱ་མཚོ་བཅུའི་རྡུལ་ཤིན་ཏུ་ཕྲ་བ་སྙེད་མངོན་པར་བསྒྲེང་བའོ། །བཟའ་ཤིང་གི་ར་བ་མྱ་ངན་དང་བྲལ་བ་དེ་ནི་རྫིང་རྒྱ་མཚོ་འཇིག་རྟེན་གྱི་
ཁམས་རྒྱ་མཚོ་བཅུའི་རྡུལ་ཤིན་ཏུ་ཕྲ་བ་སྙེད་ཀྱི་ཡོངས་སུ་བརྒྱན་པ་སྟེ། རྫིང་དེ་དག་རེ་རེ་ཞིང་ཡང་དེ་བཞིན་གཤེགས་པའི་ཞི་གནས་རྒྱ་མཚོའི་ཆུ་འཇིག་རྟེན་གྱི་ཁམས་རྒྱ་མཚོ་
བཅུའི་རྡུལ་ཤིན་ཏུ་ཕྲ་བ་སྙེད་ཀྱི་ཡོངས་སུ་གང་བའོ། །རྫིང་དེ་དག་རེ་རེ་ཞིང་ཡང་དེ་བཞིན་གཤེགས་པའི་ཡེ་ཤེས་དང་ཡོན་ཏན་གྱི་མེ་ཏོག་ཨུད་པ་ལ་དང་པད་མོ་དང་པུན་ད་རི་ཀ་འཇིག་

72-1-185a

རྟེན་གྱི་ཁམས་རྒྱ་མཚོ་བཅུའི་རྡུལ་ཤིན་ཏུ་ཕྲ་བ་སྙེད་ཀྱི་ཀུན་ནས་ཁྱབ་པར་གང་བའོ། །བཟའ་ཤིང་གི་ར་བ་མྱ་ངན་དང་བྲལ་བ་དེར་སེམས་ཅན་ཇི་སྙེད་ཅིག་འདོང་བ་དེ་དག་ཐམས་ཅད་ཀྱང་། བཅོམ་ལྡན་
འདས་དེ་བཞིན་གཤེགས་པ་རྣམ་པར་སྣང་མཛད་ཡེ་ཤེས་གངས་ཆེན་མཚོའི་སྐུ་དང་ཐུགས་དང་འཕྲིན་ལས་མཉམ་པ་རྒྱ་མཚོ་འཇིག་རྟེན་གྱི་ཁམས་རྒྱ་མཚོ་བཅུའི་རྡུལ་ཤིན་ཏུ་ཕྲ་བ་སྙེད་རབ་ཏུ་
ཐོབ་པར་འགྱུར་བ་ཤ་སྟག་སྟེ། དུས་གསུམ་ཐམས་ཅད་དུ་ཐོགས་པ་མེད་པའི་ཡེ་ཤེས་ལ་རྣམ་པར་སྤྱོད་པ་རྒྱ་མཚོ་འཇིག་རྟེན་གྱི་ཁམས་རྒྱ་མཚོ་བཅུའི་རྡུལ་ཤིན་ཏུ་ཕྲ་བ་སྙེད་དང་ལྡན་པ་
ཤ་སྟག་གོ། །ཅིའི་ཕྱིར་ན་བཟའ་ཤིང་གི་ར་བ་མྱ་ངན་དང་བྲལ་བ་དེ་ལ། མྱ་ངན་དང་བྲལ་བ་ཞེས་བྱ་ཞེ་ན། ཤར་ཕྱོགས་ཀྱི་འཇིག་རྟེན་གྱི་ཁམས་མྱ་ངན་དང་བྲལ་བ་ཞེས་བྱ་བ་ན། དེ་བཞིན་གཤེགས་
པ་མྱ་ངན་དང་བྲལ་བ་ཞེས་བྱ་བ་བཞུགས་སྟེ། དེ་དང་མཐུན་པའི་རྒྱུས་གྲུབ་པས་དེའི་ཕྱིར་ན་བཟའ་ཤིང་གི་ར་བ་མྱ་ངན་དང་བྲལ་བ་ཞེས་བྱའོ། །དེ་དག་ལ་སོགས་པ་བཟའ་ཤིང་གི་ར་བ་མྱ་ངན་དང་བྲལ་
བ་དེ་ནི། ཡོན་ཏན་ཚད་མེད་པ་དང་ལྡན་པ་སྟེ། མདོར་ན་གྲོང་རྡལ་མཛོད་མཐའ་ཡས་པ་ན། ཡོན་ཏན་གང་ཇི་སྙེད་ཡོད་པ་དེ་སྙེད་ཀྱི་ཡོན་ཏན་ནི་བཟའ་ཤིང་གི་ར་བ་མྱ་ངན་དང་བྲལ་བ་དེ་ན་ཡོད་དོ། །
བཟའ་ཤིང་གི་ར་བ་མྱ་ངན་དང་བྲལ་བ་དེའི་ནང་ན་ཁང་པ་བརྩེགས་པ་ཀུན་ནས་སྨད་དུ་མེད་པ་ཞེས་བྱ་བ་འཇིག་རྟེན་གྱི་ཁམས་རང་བཞིན་ཆོས་ཉིད་ཀྱིས་གནས་པའི་དབྱིབས་སུ་འདུག་པ་ཁང་པ་བརྩེགས་པ་
འཇིག་རྟེན་གྱི་ཁམས་རྒྱ་མཚོ་བཅུའི་རྡུལ་ཤིན་ཏུ་ཕྲ་བ་སྙེད་ཀྱི་འཁོར་དང་ལྡན་པ་ཡོད་དེ། ཁང་པ་བརྩེགས་པ་ཀུན་ནས་སྨད་དུ་མེད་པ་དེ་ནི་དེ་བཞིན་གཤེགས་པ་ཐམས་ཅད་ཀྱི་ཡོན་ཏན་རིན་པོ་ཆེ་སྣ་ཚོགས་

72-1-185b

ཀྱི་རང་བཞིན་རྒྱ་མཚོ་འཇིག་རྟེན་གྱི་ཁམས་རྒྱ་མཚོ་བཅུའི་རྡུལ་ཤིན་ཏུ་ཕྲ་བ་སྙེད་ལས་བྱུང་བའོ། །སེམས་ཅན་གྱི་ཁམས་ཐམས་ཅད་ཀྱི་བསམ་པ་སྣ་ཚོགས་རྒྱ་མཚོ་འཇིག་རྟེན་གྱི་ཁམས་རྒྱ་མཚོ་བཅུ་
ཡི་རྡུལ་ཤིན་ཏུ་ཕྲ་བ་སྙེད་ཀྱི་སྙིང་པོ་དང་ལྡན་པའོ། །སངས་རྒྱས་ཀྱི་ཞིང་སྣ་ཚོགས་དམ་པའི་རྒྱ་མཚོ་འཇིག་རྟེན་གྱི་ཁམས་རྒྱ་མཚོ་བཅུའི་རྡུལ་ཤིན་ཏུ་ཕྲ་བ་སྙེད་རྗེས་འདོང་བའོ། །ཁང་པ་བརྩེགས་པ་ཀུན་
ནས་སྨད་དུ་མེད་པ་དེར་སེམས་ཅན་གང་ཇི་སྙེད་སྐྱེས་པ་དེ་དག་ཐམས་ཅད་ཀྱང་། བཅོམ་ལྡན་འདས་དེ་བཞིན་གཤེགས་པ་ཡེ་ཤེས་གང་ཆེན་མཚོ་རྣམ་པར་སྣང་མཛད་ཀྱི་ཡེ་ཤེས་སྒྱུ་མ་རྒྱ་མཚོ་བཅུའི་
རྡུལ་ཤིན་ཏུ་ཕྲ་བ་སྙེད་ཀྱི་སྤྲུལ་པ། ཡེ་ཤེས་སྒྱུ་མ་རྒྱ་མཚོ་འཇིག་རྟེན་གྱི་ཁམས་རྒྱ་མཚོ་བཅུའི་རྡུལ་ཤིན་ཏུ་ཕྲ་བ་སྙེད་ཀྱི་རྣམ་པར་བསྒྲུབ་པ། ཡེ་ཤེས་སྒྱུ་མ་རྒྱ་མཚོ་འཇིག་རྟེན་གྱི་ཁམས་རྒྱ་མཚོ་བཅུའི་
རྡུལ་ཤིན་ཏུ་ཕྲ་བ་སྙེད་ཀྱི་ཕ་རོལ་ཏུ་ཕྱིན་པ་དམ་པ་ཐོབ་པ། དེ་བཞིན་གཤེགས་པ་འཇིག་རྟེན་གྱི་ཁམས་རྒྱ་མཚོ་བཅུའི་རྡུལ་ཤིན་ཏུ་ཕྲ་བ་སྙེད་ཀྱི། བསོད་ནམས་དང་ཡེ་ཤེས་ཀྱི་ཚོགས་ཡོངསུ་བསྒྲུབས་པ་
གང་ཇི་སྙེད་ཡོད་པ་དེ་དག་ཐམས་ཅད་ཀྱི། སེམས་ཅན་དེ་དག་གི་བ་སྤུའི་བུ་ག་རེ་རེ་ནས་མངོན་པར་གྲུབ་པ་ཤ་སྟག་གོ། །ཅིའི་ཕྱིར་ན་ཁང་པ་བརྩེགས་པ་ཀུན་ནས་སྨད་དུ་མེད་པ་དེ་ལ་ཀུན་ནས་སྨད་དུ་མེད་པ་
ཞེས་བྱ་ཞེ་ན། ཆོས་ཀྱི་དབྱིངས་འཇིག་རྟེན་གྱི་ཁམས་རྒྱ་མཚོ་བཅུའི་རྡུལ་ཤིན་ཏུ་ཕྲ་བ་སྙེད་ཀྱི་རང་བཞིན་ཡིན་པའི་ཕྱིར་ཏེ། དེའི་ཕྱིར་ཁང་པ་བརྩེགས་པ་ཀུན་ནས་སྨད་དུ་མེད་པ་ཞེས་བྱའོ། །དེ་ལྟར་
དེ་དག་ལས་སོགས་པ་ཁང་པ་བརྩེགས་པ་ཀུན་ནས་སྨད་དུ་མེད་པ་དེ་ནི་ཡོན་ཏན་ཚད་མེད་པ་དང་ལྡན་པ་སྟེ། མདོར་ན་བཟའ་ཤིང་གི་ར་བ་མྱ་ངན་དང་བྲལ་བ་ན་ཡོན་ཏན་གང་ཇི་སྙེད་ཡོད་པ་དེ་སྙེད་ཀྱི་

72-1-186a

ཡོན་ཏན་ནི་བཟའ་ཤིང་གི་རབ་ཀུན་ནས་སྨད་དུ་མེད་པ་དེ་ན་ཡོད་དོ། །དེ་ལྟ་བུའི་ཕོ་བྲང་བརྩེགས་པ་ཀུན་ནས་སྨད་དུ་མེད་པ་དེ་ན། བྱང་ཆུབ་སེམས་དཔའ་ཡེ་ཤེས་ཀྱི་རྡོ་རྗེའི་ལྷུན་དང་ལྡན་པའི་སེང་གེའི་
ཁྲིའི་རྒྱ་མཚོ་འཇིག་རྟེན་གྱི་ཁམས་རྒྱ་མཚོ་བཅུའི་རྡུལ་ཤིན་ཏུ་ཕྲ་བ་སྙེད་ལ། བཅོམ་ལྡན་འདས་དེ་བཞིན་གཤེགས་པ་ཡེ་ཤེས་གངས་ཆེན་མཚོ་རྣམ་པར་སྣང་མཛད་འདས་པ་དང་། མ་འོངས་པ་དང་། ད་ལྟར་
བྱུང་བའི་བྱང་ཆུབ་སེམས་དཔའི་འཁོར་གྱི་རྣམ་པ་རྒྱ་མཚོ་འཇིག་རྟེན་གྱི་ཁམས་རྒྱ་མཚོ་བཅུའི་རྡུལ་ཤིན་ཏུ་ཕྲ་བ་སྙེད་ཀྱིས་ཀུན་ནས་བསྐོར་ཅིང་འདས་པ་དང་མ་འོངས་པ་དང་། ད་ལྟར་བྱུང་བ་རང་སངས་རྒྱས་
ཀྱི་འཁོར་གྱི་རྣམ་པ་རྒྱ་མཚོ་འཇིག་རྟེན་གྱི་ཁམས་རྒྱ་མཚོ་བཅུའི་རྡུལ་ཤིན་ཏུ་ཕྲ་བ་སྙེད་ཀྱི་ཀུན་ནས་བསྐོར་ཏེ། འདས་པ་དང་མ་འོངས་པ་དང་། ད་ལྟར་བྱུང་བའི་ཉན་ཐོས་ཀྱིས་འཁོར་གྱི་རྣམ་པ་རྒྱ་
མཚོ་འཇིག་རྟེན་གྱི་ཁམས་རྒྱ་མཚོ་བཅུའི་རྡུལ་ཤིན་ཏུ་ཕྲ་བ་སྙེད་ཀྱི་བསྐོར་ཅིང་། དེ་བཞིན་དུ་ལྷ་དང་ཀླུ་དང་གནོད་སྦྱིན་དང་། དྲི་ཟ་དང་ལྷ་མ་ཡིན་དང་ནམ་མཁའ་ལྡིང་དང་། མིའམ་ཅི་དང་ལྟོ་འཕྱེ་ཆེན་
པོ་དང་། མྱི་དང་མྱི་མ་ཡིན་པ་འདས་པ་དང་མ་འོངས་པ་དང་། ད་ལྟར་བྱུང་བའི་འཁོར་རྣམ་པ་ཐ་དད་པ་རྒྱ་མཚོ་འཇིག་རྟེན་གྱི་ཁམས་རྒྱ་མཚོ་བཅུའི་རྡུལ་ཤིན་ཏུ་ཕྲ་བ་སྙེད་ཀྱིས་ཀུན་ནས་བསྐོར་ཅིང་བཞུགས་
སོ། །རྣམ་པར་སྤྱོད་དོ་བྱང་ཆུབ་སེམས་དཔའི་འཁོར་རྣམ་པ་ཐ་དད་པ་རྒྱ་མཚོ་ནས། མྱི་དང་མྱི་མ་ཡིན་གྱི་འཁོར་རྣམ་པ་ཐ་དད་པ་རྒྱ་མཚོའི་བར་འདས་པ་དང་། མ་འོངས་པ་དང་ད་ལྟར་བྱུང་བ་དེ་དག་ལས་
བྱང་ཆུབ་སེམས་དཔའ་དེ་དག་རེ་རེ་ཞིང་ཡང་བྱང་ཆུབ་སེམས་དཔའ་འདས་པ་དང་མ་འོངས་པ་དང་། ད་ལྟར་བྱུང་བའི་འཁོར་རྣམ་པ་ཐ་དད་པ་རྒྱ་མཚོ་འཇིག་རྟེན་གྱི་ཁམས་རྒྱ་མཚོ་བཅུའི་རྡུལ་ཤིན་ཏུ་ཕྲ་བ་སྙེད་ཀྱི་འཁོར་

72-1-186b

དང་ལྡན་པ་རང་སངས་རྒྱས་འདས་པ་དང་མ་འོངས་པ་དང་། ད་ལྟར་བྱུང་བ་རྣམ་པ་ཐ་དད་པ་རྒྱ་མཚོ་འཇིག་རྟེན་གྱི་ཁམས་རྒྱ་མཚོ་བཅུའི་རྡུལ་ཤིན་ཏུ་ཕྲ་བ་སྙེད་ཀྱི་འཁོར་དང་ལྡན་པ། ཉན་ཐོས་འདས་པ་དང་
མ་འོངས་པ་དང་། ད་ལྟར་བྱུང་བའི་འཁོར་རྣམ་པ་ཐ་དད་པ་རྒྱ་མཚོ་འཇིག་རྟེན་གྱི་ཁམས་རྒྱ་མཚོ་བཅུའི་རྡུལ། །ཤིན་ཏུ་ཕྲ་བ་སྙེད་ཀྱི་འཁོར་དང་ལྡན་པ། དེ་བཞིན་དུ་ལྷ་དང་ཀླུ་དང་གནོད་སྦྱིན་དང་དྲི་ཟ་དང་ལྷ་
མ་ཡིན་དང་ནམ་མཁའ་ལྡིང་དང་མི་འམ་ཅི་དང་ལྟོ་འཕྱེ་ཆེན་པོ་དང་། མྱི་དང་མྱི་མ་ཡིན་པ་འདས་པ་དང་མ་འོངས་པ་དང་། ད་ལྟར་བྱུང་བའི་འཁོར་རྣམ་པ་ཐ་དད་པ་རྒྱ་མཚོ་འཇིག་རྟེན་གྱི་ཁམས་རྒྱ་མཚོ་
བཅུའི་རྡུལ་ཤིན་ཏུ་ཕྲ་བ་སྙེད་ཀྱི་འཁོར་དང་། དེ་ལྟར་འཁོར་གྱི་གཅིག་ནས་གཅིག་ཏུ་རྒྱུད་པ་ཡང་འཇིག་རྟེན་གྱི་ཁམས་རྒྱ་མཚོ་བཅུའི་རྡུལ་ཤིན་ཏུ་ཕྲ་བ་སྙེད་དུ་ཤེས་པར་བྱའོ། །བྱང་ཆུབ་སེམས་དཔའ་རྒྱ་
མཚོ་དེ་དག་ནས་མྱི་དང་མྱི་མ་ཡིན་པའི་བར་རྒྱ་མཚོ་འཇིག་རྟེན་གྱི་ཁམས་རྒྱ་མཚོ་བཅུའི་རྡུལ་ཤིན་ཏུ་ཕྲ་བ་སྙེད་པོ་དེ་དག་ལས་སེམས་དཔའ་རེ་རེ་དང་། མྱི་དང་མྱི་མ་ཡིན་པའི་བར་རེ་རེ་དག་ཀྱང་ལུས་རྣམ་
པ་ཐ་དད་པ་འཇིག་རྟེན་གྱི་ཁམས་རྒྱ་མཚོ་བཅུའི་རྡུལ་ཤིན་ཏུ་ཕྲ་བ་སྙེད་དང་ལྡན་པ་ཤ་སྟག་ཏེ། ལུས་རྣམ་པ་ཐ་དད་པ་རྒྱ་མཚོ་འཇིག་རྟེན་གྱི་ཁམས་རྒྱ་མཚོ་འཇིག་རྟེན་གྱི་ཁམས་རྒྱ་མཚོ་བཅུའི་རྡུལ་ཤིན་ཏུ་
ཕྲ་བ་སྙེད་དེ་དག་ལས་ལུས་རེ་རེ་ལ་ཡང་། མགོ་རྣམ་པ་ཐ་དད་པ་རྒྱ་མཚོ་འཇིག་རྟེན་གྱི་ཁམས་རྒྱ་མཚོ་བཅུའི་རྡུལ་ཤིན་ཏུ་ཕྲ་བ་སྙེད་ཡོད་དོ། །མགོ་རྣམ་པ་ཐ་དད་པ་རྒྱ་མཚོ་འཇིག་རྟེན་གྱི་
ཁམས་རྒྱ་མཚོ་བཅུའི་རྡུལ་ཤིན་ཏུ་ཕྲ་བ་སྙེད་པོ་དེ་དག་ལས་མགོ་རེ་རེ་ལ་ཡང་མིག་གི་དབང་པོ་རྣམ་པ་ཐ་དད་པ་རྒྱ་མཚོ་འཇིག་རྟེན་གྱི་ཁམས་རྒྱ་མཚོ་བཅུའི་རྡུལ་ཤིན་ཏུ་ཕྲ་བ་སྙེད་ཡོད་དོ། །དེ་བཞིན་དུ་རྣ་བ་

72-1-187a

དང་སྣ་དང་ལྕེ་དང་ལུས་དང་ཡིད་ཀྱི་དབང་པོ་རྣམ་པ་ཐ་དད་པ་རྒྱ་མཚོའི་བར་དུ་ཡང་འཇིག་རྟེན་གྱི་ཁམས་རྒྱ་མཚོ་བཅུའི་རྡུལ་ཤིན་ཏུ་ཕྲ་བ་སྙེད་ཡོད་དེ། མིག་གི་དབང་པོ་རྣམ་པ་ཐ་དད་པ་རྒྱ་མཚོ་
འཇིག་རྟེན་གྱི་ཁམས་རྒྱ་མཚོ་བཅུའི་རྡུལ་ཤིན་ཏུ་ཕྲ་བ་སྙེད་ནས་ཡིད་ཀྱི་དབང་པོ་རྣམ་པ་ཐ་དད་པ་རྒྱ་མཚོའི་བར་འཇིག་རྟེན་གྱི་ཁམས་རྒྱ་མཚོ་བཅུའི་རྡུལ་ཤིན་ཏུ་ཕྲ་བ་སྙེད་པོ་དེ་དག་ལ་དབང་པོ་ཇི་སྙེད་ཅིག་ཡོད་
པ་དེ་དག་ལས་དབང་པོ་རེ་རེ་ལ་ཡང་མིག་གི་རྣམ་པར་ཤེས་པའི་རྣམ་པར་རྟོག་པ་རྒྱ་མཚོ་འཇིག་རྟེན་གྱི་ཁམས་རྒྱ་མཚོ་བཅུའི་རྡུལ་ཤིན་ཏུ་ཕྲ་བ་སྙེད་ཡོད་དོ། །དེ་བཞིན་དུ་རྣ་བ་དང་སྣ་དང་ལྕེ་དང་ལུས་དང་ཡིད་
ཀྱི་རྣམ་པར་ཤེས་པའི་རྣམ་པར་རྟོག་པ་རྒྱ་མཚོའི་བར་དུ་འཇིག་རྟེན་གྱི་ཁམས་རྒྱ་མཚོ་བཅུའི་རྡུལ་ཤིན་ཏུ་ཕྲ་བ་སྙེད་ཡོད་དོ། །མིག་གི་རྣམ་པར་ཤེས་པའི་རྣམ་པར་རྟོག་པ་རྒྱ་མཚོ་ནས་ཡིད་ཀྱི་རྣམ་
པར་ཤེས་པ་རྣམ་པ་ཐ་དད་པ་རྒྱ་མཚོ་འཇིག་རྟེན་གྱི་ཁམས་རྒྱ་མཚོ་བཅུའི་རྡུལ་ཤིན་ཏུ་ཕྲ་བ་སྙེད་པོ་དེ་དག་ལ་རྣམ་པར་ཤེས་པ་ཇི་སྙེད་ཅིག་ཡོད་པ་དེ་དག་ལས་རྣམ་པ་ཤེས་པ་རེ་རེ་ལ་ཡང་ཡེ་ཤེས་རྣམ་པ་
ཐ་དད་པ་རྒྱ་མཚོ་འཇིག་རྟེན་གྱི་ཁམས་རྒྱ་མཚོ་བཅུའི་རྡུལ་ཤིན་ཏུ་ཕྲ་བ་སྙེད་ཡོད་དོ། །ཡེ་ཤེས་རྣམ་པ་ཐ་དད་པ་རྒྱ་མཚོ་འཇིག་རྟེན་གྱི་ཁམས་རྒྱ་མཚོ་བཅུའི་རྡུལ་ཤིན་ཏུ་ཕྲ་བ་སྙེད་པོ་དེ་དག་ལ་ཡེ་ཤེས་ཇི་སྙེད་
ཅིག་ཡོད་པ་དེ་དག་ལས་ཡེ་ཤེས་རེ་རེས་ཀྱང་། འཇིག་རྟེན་གྱི་ཁམས་རྒྱ་མཚོ་མང་པོའི་སངས་རྒྱས་ཐ་དད་པ་རྒྱ་མཚོའི་ཡེ་ཤེས་རྣམ་པ་ཐ་དད་པ་རྒྱ་མཚོའི་ཚུལ་དུ་ཆོས་ཀྱི་འཁོར་ལོ་རྣམ་པ་ཐ་དད་པ་རྒྱ་མཚོ་འཇིག་
རྟེན་གྱི་ཁམས་རྒྱ་མཚོ་བཅུའི་རྡུལ་ཤིན་ཏུ་ཕྲ་བ་སྙེད་རབ་ཏུ་བསྐོར་བར་བྱེད་དོ། །བྱང་ཆུབ་སེམས་དཔའ་རྣམས་ལ་ཇི་ལྟ་བ་དེ་བཞིན་དུ་རང་སངས་རྒྱས་དང་། དེ་བཞིན་དུ་ཉན་ཐོས་དང་དེ་བཞིན་ལྷ་དང་ཀླུ་དང་གནོད་སྦྱིན་དང་

72-1-187b

དྲི་ཟ་དང་ལྷ་མ་ཡིན་དང་། ནམ་མཁའ་ལྡིང་དང་མི་འམ་ཅི་དང་། ལྟོ་འཕྱེ་ཆེན་པོ་དང་མི་དང་མི་མ་ཡིན་པ་རྣམས་ལ་འང་ཤེས་པར་བྱ་སྟེ། ཡེ་ཤེས་ལ་ཇི་ལྟ་བ་དེ་བཞིན་དུ་ཆོས་ཐམས་ཅད་ལ་ཡང་ཤེས་
པར་བྱའོ། །བྱང་ཆུབ་སེམས་དཔའ་དེ་དག་དང་མྱི་དང་མི་མ་ཡིན་པའི་བར་དེ་དག་གི་གནས་ཀྱི་ཡོན་ཏན་རྣམ་པར་ཕྱེ་བ་རྒྱ་མཚོ་ཇི་སྙེད་ཅིག་ཡོད་པ་དང་། སྟན་གྱི་ཡོན་ཏན་རྣམ་པར་ཕྱེ་བ་ཇི་སྙེད་ཅིག་
ཡོད་པ་དང་། མཚན་དང་དཔེ་བྱད་བཟང་པོའི་ཡོན་ཏན་རྣམ་པར་ཕྱེ་བ་ཇི་སྙེད་ཅིག་ཡོད་པ་དང་། རྒྱན་གྱི་ཡོན་ཏན་རྣམ་པར་ཕྱེ་བ་རྒྱ་མཚོ་ཇི་སྙེད་ཅིག་ཡོད་པ་དང་། གོས་ཀྱི་ཡོན་ཏན་རྣམ་པར་ཕྱེ་བ་རྒྱ་མཚོ་ཇི་སྙེད་
ཅིག་ཡོད་པ་དེ་དག་དང་། བྱང་ཆུབ་སེམས་དཔའ་ནས་མི་དང་མི་མ་ཡིན་པའི་བར་དེ་དག་གི་མིག་གི་རྡུལ་ཤིན་ཏུ་ཕྲ་བ་རེ་རེ་ནས་ལུས་ཀྱི་རྡུལ་ཤིན་ཏུ་ཕྲ་བ་སྙེད་རེ་རེ་ཞིང་འཇིག་རྟེན་གྱི་ཁམས་ཐམས་ཅད་དུ་རྒྱས་
པར་འགེངས་པ་དེ་དག་ནི། སངས་རྒྱས་རྒྱ་མཚོ་འཇིག་རྟེན་གྱི་ཁམས་རྒྱ་མཚོ་བཅུའི་རྡུལ་ཤིན་ཏུ་ཕྲ་བ་སྙེད་ཀྱི་བསྐལ་པ་རྒྱ་མཚོ་འཇིག་རྟེན་གྱི་ཁམས་རྒྱ་མཚོ་བཅུའི་རྡུལ་ཤིན་ཏུ་ཕྲ་བ་སྙེད་དུ་བསྟན་
ཅིང་བརྗོད་ཀྱང་ཟད་པར་མི་རུང་ངོ་།། །།སངས་རྒྱས་རྨད་ག་ཅད་ཅེས་བྱ་བ་ཤིན་ཏུ་རྒྱས་པ་ཆེན་པོ།  བམ་པོ་བཅུ་བཞི་པ། བཅོམ་ལྡན་
འདས་ཡེ་ཤེས་གངས་ཅན་མཚོ་རྣམ་པར་སྣང་མཛད་ཀྱི་སྐུའི་བ་སྤུའི་བུ་ག་རེ་རེ་ནས་ཀྱང་འོད་ཟེར་རྒྱ་མཚོ་འཇིག་རྟེན་གྱི་ཁམས་རྒྱ་མཚོ་བཅུའི་རྡུལ་ཤིན་ཏུ་ཕྲ་བ་སྙེད་བཀྱེའོ། །འོད་ཟེར་རྒྱ་མཚོ་དེ་དག་
རེ་རེ་ལས་ཀྱང་སངས་རྒྱས་རྒྱ་མཚོ་པད་མོ་རྒྱ་མཚོ་ལ་བཞུགས་པ་འཇིག་རྟེན་གྱི་ཁམས་རྒྱ་མཚོ་བཅུའི་རྡུལ་ཤིན་ཏུ་ཕྲ་བ་སྙེད་མངོན་པར་བྱུང་སྟེ། སངས་རྒྱས་རེ་རེའི་སྐུའི་བ་སྤུའི་སྒོ་རེ་རེ་ནས་

72-1-188a

ཀྱང་ཡང་དག་པར་བསྐུལ་བའི་ཚིགས་སུ་བཅད་པ་རྒྱ་མཚོ་འཇིག་རྟེན་གྱི་ཁམས་རྒྱ་མཚོ་བཅུའི་རྡུལ་ཤིན་ཏུ་ཕྲ་བ་སྙེད་མངོན་པར་མཐོན་ཏོ། །དེ་དག་ལས་ཡང་དག་པར་བསྐུལ་བའི་ཚིགས་
སུ་བཅད་པ་རྒྱ་མཚོ་རེ་རེ་ཞིང་ཡང་ཤར་ཕྱོགས་ཀྱི་འཇིག་རྟེན་གྱི་ཁམས་ཇི་སྙེད་པ་དང་། རྡུལ་ཤིན་ཏུ་ཕྲ་བ་ཇི་སྙེད་པའི་འཇིག་རྟེན་གྱི་ཁམས་རེ་རེ་དང་། རྡུལ་ཤིན་ཏུ་ཕྲ་བ་རེ་རེ་ལ་བྱང་ཆུབ་སེམས་
དཔའ་རྒྱ་མཚོ་ཇི་སྙེད་ཅིག་ཡོད་པ་དང་། རང་སངས་རྒྱས་རྒྱ་མཚོ་དང་། ཉན་ཐོས་རྒྱ་མཚོ་ཇི་སྙེད་ཅིག་ཡོད་པ་དང་། ལྷ་དང་ཀླུ་དང་གནོད་སྦྱིན་དང་། དྲི་ཟ་དང་ལྷ་མ་ཡིན་དང་ནམ་མཁའ་ལྡིང་དང་། 
མྱིའམ་ཅི་དང་། ལྟོ་འཕྱེ་ཆེན་པོ་དང་། མྱི་དང་མྱི་མ་ཡིན་པ་རྒྱ་མཚོ་ཇི་སྙེད་ཅིག་ཡོད་པ་དེ་དག་ཐམས་ཅད་ལ་ཡོངས་སུ་བསྐུལ་བར་བྱེད་དོ། །ཤར་ཕྱོགས་དང་འདྲ་བར་ཕྱོགས་རྒྱ་མཚོ་ཐམས་ཅད་དུའང་དེ་བཞིན་
ཏེ་དེ་ནས་བྱང་ཆུབ་སེམས་དཔའ་རྒྱ་མཚོ་དེ་དག་དག་མྱི་དང་མྱི་མ་ཡིན་པ་རྒྱ་མཚོ་ཇི་སྙེད་པ་དེ་དག་བཅོམ་ལྡན་འདས་དེ་བཞིན་གཤེགས་པ་ཡེ་ཤེས་གང་ཆེན་མཚོ་རྣམ་པར་སྣང་མཛད་ཀྱི་འོད་ཟེར་གྱི་ཡང་དག་པར་
བསྐུལ་ནས། རང་རང་གི་སངས་རྒྱས་ཀྱི་ཞིང་རྒྱ་མཚོ་དག་ནས། སངས་རྒྱས་རྒྱ་མཚོ་གང་བཞུགས་པ་དེ་དག་ལ་ཞུས་ཏེ། གནང་ནས་བྱང་ཆུབ་སེམས་དཔའ་རྒྱ་མཚོ་རེ་རེ་དང་མྱི་དང་མྱི་མ་ཡིན་པ་རྒྱ་
མཚོའི་བར་དེ་དག་རེ་རེ་ཞིང་བྱང་ཆུབ་སེམས་དཔའི་འཁོར་རྒྱ་མཚོ་ནས། མི་དང་མི་མ་ཡིན་པའི་འཁོར་རྒྱ་མཚོའི་བར་དང་ལྡན་པར་འཇིག་རྟེན་གྱི་ཁམས་རྒྱ་མཚོ་བཅོམ་ལྡན་འདས་ཀྱི་ཕྱག་གི་མཐིལ་གྱི་སྙིང་
པོ་ལ་རབ་ཏུ་གནས་པ་གང་ན་བ་དེར་འདོང་བར་གྱུར་ཏོ། །བྱང་ཆུབ་སེམས་དཔའ་རྒྱ་མཚོ་དེ་དག་དང་། མི་དང་མི་མ་ཡིན་པ་རྒྱ་མཚོའི་བར་དེ་དག་ལ་བྱང་ཆུབ་སེམས་དཔའ་ཇི་སྙེད་ཅིག་ཡོད་པ་དེ་དག་ལས་བྱང་ཆུབ་སེམས་

72-1-188b

དཔའ་རེ་རེ་དང་། མྱི་དང་མྱི་མ་ཡིན་པའི་བར་དེ་དག་རེ་རེ་ཞིང་ཡང་། ལུས་རྒྱ་མཚོ་འཇིག་རྟེན་གྱི་ཁམས་རྒྱ་མཚོ་བཅུའི་རྡུལ་ཤིན་ཏུ་ཕྲ་བ་སྙེད་དང་ལྡན་པ་ཤ་སྟག་སྟེ། ལུས་རེ་རེ་ལ་ཡང་ལག་པ་རྒྱ་མཚོ་འཇིག་རྟེན་
གྱི་ཁམས་རྒྱ་མཚོ་བཅུའི་རྡུལ་ཤིན་ཏུ་ཕྲ་བ་སྙེད་ཡོད་པ། ལུས་རེ་རེ་ལ་ཡང་མགོ་རྒྱ་མཚོ་འཇིག་རྟེན་གྱི་ཁམས་རྒྱ་མཚོ་བཅུའི་རྡུལ་ཤིན་ཏུ་ཕྲ་བ་སྙེད་ཡོད་པ། མགོ་རེ་རེ་ལ་ཡང་ཁའི་སྒོ་རྒྱ་མཚོ་འཇིག་
རྟེན་གྱི་ཁམས་རྒྱ་མཚོ་བཅུའི་རྡུལ་ཤིན་ཏུ་ཕྲ་བ་སྙེད་ཡོད་པ། ཁའི་སྒོ་རེ་རེ་ལ་ཡང་ལྕེ་རྒྱ་མཚོ་འཇིག་རྟེན་གྱི་ཁམས་རྒྱ་མཚོ་བཅུའི་རྡུལ་ཤིན་ཏུ་ཕྲ་བ་སྙེད་ཡོད་པ་ཤ་སྟག་གོ། །དེ་ནས་བྱང་ཆུབ་སེམས་དཔའ་རྒྱ་
མཚོ་དེ་དག་དང་། མྱི་དང་མྱི་མ་ཡིན་པའི་བར་རྒྱ་མཚོ་དེ་དག་གིས། བཅོམ་ལྡན་འདས་དེ་བཞིན་གཤེགས་པ་ཡེ་ཤེས་གངས་ཆེན་མཚོ་རྣམ་པར་སྣང་མཛད་ལ་ལུས་རེ་རེས་ཀྱང་གཡས་ཕྱོགས་སུ་བསྐོར་བ་རྒྱ་མཚོ་
འཇིག་རྟེན་གྱི་ཁམས་རྒྱ་མཚོ་བཅུའི་རྡུལ་ཤིན་ཏུ་ཕྲ་བ་སྙེད་ཀྱིས་བསྐོར་བ་བྱས་ཏེ། ལག་པ་རེ་རེ་ནས་ཀྱང་མེ་ཏོག་རྒྱ་མཚོ་འཇིག་རྟེན་གྱི་ཁམས་རྒྱ་མཚོ་བཅུའི་རྡུལ་ཤིན་ཏུ་ཕྲ་བ་སྙེད་ཀྱིས་མཆོད་ནས་དེ་བཞིན་
དུ་མར་མེ་དང་། སྤོས་དང་བདུག་སྤོས་དང་། བྱུག་པ་དང་ཕྱེ་མ་དང་། གདུགས་དང་རྒྱལ་མཚན་དང་བ་དན་རྒྱ་མཚོ་འཇིག་རྟེན་གྱི་ཁམས་རྒྱ་མཚོ་བཅུའི་རྡུལ་ཤིན་ཏུ་ཕྲ་བ་སྙེད་ཀྱིས་མཆོད་དེ། ལྕེ་རེ་རེ་ཞིང་
ཡང་བསྟོད་པ་རྒྱ་མཚོ་འཇིག་རྟེན་གྱི་ཁམས་རྒྱ་མཚོ་བཅུའི་རྡུལ་ཤིན་ཏུ་ཕྲ་བ་སྙེད་ཀྱི་མངོན་པར་བསྟོད་ནས། རང་རང་གི་སྟོབས་དང་རྫུ་འཕྲུལ་གྱིས་སྤྲུལ་པའི་སྟན་རྒྱ་མཚོ་དག་ལ་འཁོད་པར་གྱུར་ཏོ། །
འཁོད་ནས་ཀྱང་ལྕེ་རེ་རེ་ཞིང་ཞུ་བ་རྒྱ་མཚོ་འཇིག་རྟེན་གྱི་ཁམས་རྒྱ་མཚོ་བཅུའི་རྡུལ་ཤིན་ཏུ་ཕྲ་བ་སྙེད་ཡོངས་སུ་ཞུ་བ་བྱེད་དོ། །བཅོམ་ལྡན་འདས་དེ་བཞིན་གཤེགས་པ་ཡེ་ཤེས་གངས་ཆེན་མཚོ་རྣམ་པར་

72-1-189a

སྣང་མཛད་དེས་ཞུས་པ་དེ་དག་རེ་རེ་ལ་ཤིན་ཏུ་བསྟན་པ་རྒྱ་མཚོ་འཇིག་རྟེན་གྱི་ཁམས་རྒྱ་མཚོ་བཅུའི་རྡུལ་ཤིན་ཏུ་ཕྲ་བ་སྙེད་ཀྱི་ཤིན་ཏུ་བསྟན་པ་མཛད་དེ། བྱང་ཆུབ་སེམས་དཔའ་རྒྱ་མཚོ་དང་། མྱི་དང་
མྱི་མ་ཡིན་པ་རྒྱ་མཚོའི་བར་རྣམ་པ་དེ་ལྟར་འདུས་པ་དེ་དག་ཐམས་ཅད་ལ་ཆོས་རྒྱ་མཚོ་མང་པོ་རྣམ་གྲངས་དུ་མར་རྣམ་པར་ཕྱེའོ། །རྣམ་པར་བཀྲོལ་ལོ། །གསལ་བར་མཛད་དོ། །ཡང་དག་པར་
བསྟན་ཏོ། །དེ་ནས་ཤར་ཕྱོགས་སུ་འཇིག་རྟེན་གྱི་ཁམས་རྒྱ་མཚོ་བཅུའི་རྡུལ་ཤིན་ཏུ་ཕྲ་བ་སྙེད་འདས་པ་ན། འཇིག་རྟེན་གྱི་ཁམས་རྒྱ་མཚོ་འཇིག་རྟེན་གྱི་ཁམས་རྒྱ་མཚོ་ཐམས་ཅད་ཀྱི་གནས་ཀྱི་
སྙིང་པོ་ཞེས་བྱ་བ་ཡོད་དེ་དེ་ན་དེ་བཞིན་གཤེགས་པ་སེམས་ཅན་ཐམས་ཅད་ཀྱི་དོན་རྒྱ་མཚོ་རྣམ་པར་སྣང་ཅེས་བྱ་བ་བཞུགས་ཤིང་འཚོ་སྐྱོང་སྟེ། ཐོག་མར་ཡང་དགེ་བར་དུ་ཡང་དགེ། ཐ་མར་ཡང་
དགེ་བའི་ཆོས་དོན་བཟང་པོ། ཡི་གེ་བཟང་པོ་དག་པ་ཡོངས་སུ་གསལ་བ། ཡོངས་སུ་བྱང་བ། ཚངས་པའི་སྤྱོད་པ་ཡང་དག་པར་སྟོན་ཅིང་། བྱང་ཆུབ་སེམས་དཔའ་འཇིག་རྟེན་གྱི་ཁམས་རྒྱ་མཚོ་
བཅུའི་རྡུལ་ཤིན་ཏུ་ཕྲ་བ་སྙེད་ལ་རབ་ཏུ་སྟོན་པ་མཛད་དེ། དེ་བཞིན་གཤེགས་པ་སེམས་ཅན་ཐམས་ཅད་ཀྱི་དོན་རྒྱ་མཚོ་རྣམ་པར་སྣང་མཛད་དེའི་གནས་ཀྱི་ཡོན་ཏན་རྣམ་པར་ཕྱེ་བ་རྒྱ་མཚོ་
ཇི་སྙེད་ཅིག་མཐའ་ཡས་པ་དང་། སངས་རྒྱས་ཀྱི་ཞིང་གི་ཡོན་ཏན་རྣམ་པར་ཕྱེ་བ་རྒྱ་མཚོ་ཇི་སྙེད་ཅིག་མངའ་བ་དང་། སྐུ་ཚེ་ཡོན་ཏན་རྣམ་པར་ཕྱེ་བ་རྒྱ་མཚོ་ཇི་སྙེད་ཅིག་མངའ་བ་དང་། སེམས་ཅན་
ཡོངས་སུ་སྨིན་པར་མཛད་པའི་ཡོན་ཏན་རྒྱ་མཚོ་ཇི་སྙེད་ཅིག་མངའ་བ་དང་། སྐུ་ཡོངས་སུ་བསྟན་པའི་ཡོན་ཏན་རྣམ་པར་ཕྱེ་བ་རྒྱ་མཚོ་ཇི་སྙེད་ཅིག་མངའ་བ་དང་། ཆོས་བསྟན་པའི་ཡོན་ཏན་རྣམ་པར་ཕྱེ་

72-1-189b

བ་རྒྱ་མཚོ་ཇི་སྙེད་ཅིག་མངའ་བ་དེ་དག་ནི། སངས་རྒྱས་རྒྱ་མཚོ་འཇིག་རྟེན་གྱི་ཁམས་རྒྱ་མཚོ་འཇིག་རྟེན་གྱི་ཁམས་རྒྱ་མཚོ་བཅུའི་རྡུལ་ཤིན་ཏུ་ཕྲ་བ་སྙེད་ཀྱིས། དུས་གསུམ་རྒྱ་མཚོ་འཇིག་རྟེན་གྱི་ཁམས་
རྒྱ་མཚོ་བཅུའི་རྡུལ་ཤིན་ཏུ་ཕྲ་བ་སྙེད་དུ་གསུངས་ཏེ། བསྟན་ཀྱང་ཟད་པར་མི་རུང་ངོ་། །འཇིག་རྟེན་གྱི་ཁམས་རྒྱ་མཚོ་འཇིག་རྟེན་གྱི་ཁམས་རྒྱ་མཚོ་ཐམས་ཅད་ཀྱི་གནས་ཀྱི་སྙིང་པོ་ཞེས་བྱ་བ་དེ་ན་འཁོར་ལོས་
བསྒྱུར་བའི་རྒྱལ་པོ་རིན་ཆེན་མང་པོ་ཞེས་བྱ་བ་འཇིག་རྟེན་གྱི་ཁམས་རྒྱ་མཚོ་བཅུའི་རྡུལ་ཤིན་ཏུ་ཕྲ་བ་སྙེད་ཀྱི་འཇིག་རྟེན་གྱི་ཁམས་རྒྱ་མཚོའི་བདག་པོ་ལྷ་དང་མྱིའི་དབང་པོ་ཡོད་དེ། འཇིག་རྟེན་གྱི་
ཁམས་རྒྱ་མཚོ་དེ་དག་རེ་རེ་ཞིང་ཡང་འཇིག་རྟེན་གྱི་ཁམས་རྒྱ་མཚོ་བཅུའི་རྡུལ་ཤིན་ཏུ་ཕྲ་བ་སྙེད་ཀྱི་འཇིག་རྟེན་གྱི་ཁམས་རྒྱ་མཚོའི་འཁོར་དང་ལྡན་པ་ཤ་སྟག་གོ། །འཁོར་ལོས་བསྒྱུར་བའི་རྒྱལ་པོ་རིན་
ཆེན་མང་པོ་དེའི་འཇིག་རྟེན་གྱི་ཁམས་རྒྱ་མཚོ་རེ་རེ་ན་ཡང་རིན་པོ་ཆེ་རྒྱ་མཚོ་འཇིག་རྟེན་གྱི་ཁམས་རྒྱ་མཚོ་བཅུའི་རྡུལ་ཤིན་ཏུ་ཕྲ་བ་སྙེད་ཡོད་དེ། འདི་ལྟར་སངས་རྒྱས་ཀྱི་སྤྱན་རིན་པོ་ཆེ་རྒྱ་མཚོ་དང་། 
དེ་བཞིན་དུ་སངས་རྒྱས་ཀྱི་སྙན་དང་། ཤངས་དང་ལྗགས་དང་སྐུ་དང་ཐུགས་རིན་པོ་ཆེ་རྒྱ་མཚོ་དང་། སངས་རྒྱས་ཀྱི་གཟུགས་དང་སྒྲ་དང་དྲི་དང་རོ་དང་རེག་བྱ་དང་། སངས་རྒྱས་ཀྱི་ཆོས་རིན་པོ་ཆེ་རྒྱ་མཚོ་
དང་། ཐམས་ཅད་ཀྱིས་བལྟ་ན་ཡིད་དུ་འོང་བའི་བུད་མེད་རིན་པོ་ཆེ་རྒྱ་མཚོ་དང་། དོན་ཐམས་ཅད་གྲུབ་པའི་ཁྱིམ་བདག་རིན་པོ་ཆེ་རྒྱ་མཚོ་དང་། ཀུན་ཏུ་རྣམ་པར་ཕྱེ་བའི་བློན་པོ་རིན་པོ་ཆེ་རྒྱ་མཚོ་དང་། ནམ་
མཁའི་མཐས་ཀློ་བའི་རྟ་རིན་པོ་ཆེ་རྒྱ་མཚོ་དང་། ཡིད་བཞིན་དུ་འགྲོ་བའི་གླང་པོ་རིན་པོ་ཆེ་རྒྱ་མཚོ་དང་། ཆོས་ཀྱི་དབྱིངས་རྡོ་རྗེའི་ལྟེ་བ་ཅན་གྱི་འཁོར་ལོ་རིན་པོ་ཆེ་རྒྱ་མཚོ་དང་། ཀུན་ཏུ་སྣང་

72-1-190a

བར་བྱེད་པའི་ཡིད་བཞིན་གྱི་ནོར་བུ་རིན་པོ་ཆེ་རྒྱ་མཚོ་དང་། ནམ་མཁའ་རྒྱན་གྱིས་འགེངས་པའི་གདུགས་རིན་པོ་ཆེ་རྒྱ་མཚོ་དང་། རང་བཞིན་གྱིས་དྲི་མ་མེད་པའི་གོས་རིན་པོ་ཆེ་རྒྱ་མཚོ་དང་ཟླ་བའི་
ཆ་ཟེར་ལྟ་བུའི་རྡུལ་ཡབ་རིན་པོ་ཆེ་རྒྱ་མཚོ་དང་། ཤེས་རབ་ཀྱི་རལ་གྲི་རིན་པོ་ཆེ་རྒྱ་མཚོ་དང་། འཇིག་རྟེན་ཐམས་ཅད་ཀྱི་ལྟར་མྱི་མཐོང་བའི་སྤྱི་ཙུག་བསྒྲིབས་པ་མེད་པ་རིན་པོ་ཆེ་རྒྱ་མཚོ་དང་། ཐམས་ཅད་དུ་འགྲོ་
བའི་ལྷམ་རིན་པོ་ཆེ་རྒྱ་མཚོ་དང་། ཏིང་ངེ་འཛིན་དང་མཉམ་པར་བཞགས་པ་ཐམས་ཅད་ཀྱི་མཛོད་དུ་གྱུར་པའི་ཏིང་ངེ་འཛིན་རིན་པོ་ཆེ་རྒྱ་མཚོ་དང་། ཆོས་གངས་ཆེན་མཚོ་ཐམས་ཅད་ཀྱི་ཀློང་དང་ལྡན་པའི་
གཟུངས་རིན་པོ་ཆེ་རྒྱ་མཚོ་དང་། དེ་ལྟར་དེ་དག་ལས་སོགས་པ་འཇིག་རྟེན་གྱི་ཁམས་རྒྱ་མཚོ་རེ་རེ་ན་ཡང་རིན་པོ་ཆེ་རྒྱ་མཚོ་འཇིག་རྟེན་གྱི་ཁམས་རྒྱ་མཚོ་བཅུའི་རྡུལ་ཤིན་ཏུ་ཕྲ་བ་སྙེད་ཡོད་དེ་རིན་པོ་ཆེ་རྒྱ་
མཚོ་དེ་དག་ལ་རིན་པོ་ཆེ་ཇི་སྙེད་ཅིག་ཡོད་པ་དེ་དག་ལས་རིན་པོ་ཆེ་རེ་རེ་ཞིང་ཡང་ལས་འཇིག་རྟེན་གྱི་ཁམས་རྒྱ་མཚོ་བཅུའི་རྡུལ་ཤིན་ཏུ་ཕྲ་བ་སྙེད་བྱེད་པ་ཤ་སྟག་གོ། །འཁོར་ལོས་བསྒྱུར་བའི་རྒྱལ་པོ་རིན་པོ་
ཆེ་མང་པོ་དེ་ལ་བུ་རྒྱ་མཚོ་ཀུན་ཀྱང་མྱི་ཆེན་པོའི་མཚན་རྒྱ་མཚོ་འཇིག་རྟེན་གྱི་ཁམས་རྒྱ་མཚོ་བཅུའི་རྡུལ་ཤིན་ཏུ་ཕྲ་བ་སྙེད་དང་ལྡན་པ། འོད་ཆེན་པོའི་རྒྱན་རྒྱ་མཚོ་འཇིག་རྟེན་གྱི་ཁམས་རྒྱ་མཚོ་བཅུའི་
རྡུལ་ཤིན་ཏུ་ཕྲ་བ་སྙེད་དང་ལྡན་པ། ལུས་དཔེ་བྱད་བཟང་པོ་རྒྱ་མཚོ་འཇིག་རྟེན་གྱི་ཁམས་རྒྱ་མཚོ་བཅུའི་རྡུལ་ཤིན་ཏུ་ཕྲ་བ་སྙེད་ཀྱིས་རབ་ཏུ་བརྩལ་བར་བརྒྱན་པ། ཕས་ཀྱི་རྒོལ་བའི་སྡེ་འཇིག་རྟེན་
གྱི་ཁམས་རྒྱ་མཚོ་བཅུའི་རྡུལ་ཤིན་ཏུ་ཕྲ་བ་སྙེད་རབ་ཏུ་འཇོམས་པ། ས་བཅུ་རྒྱ་མཚོ་འཇིག་རྟེན་གྱི་ཁམས་རྒྱ་མཚོ་བཅུའི་རྡུལ་ཤིན་ཏུ་ཕྲ་བ་སྙེད་ལ་རབ་ཏུ་གནས་པ། དཔའ་བར་

72-1-190b

འགྲོ་བའི་ཏིང་ངེ་འཛིན་འཇིག་རྟེན་གྱི་ཁམས་རྒྱ་མཚོ་བཅུའི་རྡུལ་ཤིན་ཏུ་ཕྲ་བ་སྙེད་རབ་ཏུ་ཐོབ་པ། སྙིང་པོ་བྱང་ཆུབ་ཀྱི་རྒྱན་རྣམ་པར་ཕྱེ་བའི་ཏིང་ངེ་འཛིན་རྒྱ་མཚོ་འཇིག་རྟེན་གྱི་ཁམས་རྒྱ་མཚོ་བཅུའི་རྡུལ་ཤིན་
ཏུ་ཕྲ་བ་སྙེད་ཡོངས་སུ་གནོན་པ་ལ་མཁས་པ་འཇིག་རྟེན་གྱི་ཁམས་རྒྱ་མཚོ་བཅུའི་རྡུལ་ཤིན་ཏུ་ཕྲ་བ་སྙེད་ཡོད་དོ། །འཁོར་ལོས་བསྒྱུར་བའི་རྒྱལ་པོ་རིན་པོ་ཆེ་མང་པོ་དེ་ལ་བུ་མོ་རྒྱ་མཚོ་ཀུན་ཀྱང་བྱང་
ཆུབ་སེམས་དཔའ་ཀུན་ཏུ་བཟང་པོ་འཇིག་རྟེན་གྱི་ཁམས་རྒྱ་མཚོ་བཅུའི་རྡུལ་ཤིན་ཏུ་ཕྲ་བ་སྙེད་ཀྱིས་སྤྲུལ་པའི་བུད་མྱེད་རིན་པོ་ཆེ་དང་འདྲ་བར་ཡིད་ཀྱི་ལུས་འཇིག་རྟེན་གྱི་ཁམས་རྒྱ་མཚོ་བཅུའི་རྡུལ་ཤིན་
ཏུ་ཕྲ་བ་སྙེད་དང་ལྡན་པ་སྲིད་པའི་ལམ་གྱི་རྒྱུད་ཀྱི་འཁོར་ལོ་སྣ་ཚོགས་རྒྱ་མཚོ་འཇིག་རྟེན་གྱི་ཁམས་རྒྱ་མཚོ་བཅུའི་རྡུལ་ཤིན་ཏུ་ཕྲ་བ་སྙེད་དང་ལྡན་པ། བྱང་ཆུབ་ཀྱི་སེམས་བླ་ན་མྱེད་པ་རྒྱ་མཚོ་འཇིག་རྟེན་
གྱི་ཁམས་རྒྱ་མཚོ་བཅུའི་རྡུལ་ཤིན་ཏུ་ཕྲ་བ་སྙེད་ཀྱི་མགོ་དང་ལྡན་པ། ཆོས་ཀྱི་དབྱིངས་ནམ་མཁའ་རྒྱ་མཚོ་འཇིག་རྟེན་གྱི་ཁམས་རྒྱ་མཚོ་བཅུའི་རྡུལ་ཤིན་ཏུ་ཕྲ་བ་སྙེད་ཀྱི་འཕྲལ་བ་དང་ལྡན་པ། 
བསམ་པ་དང་ལྷག་པའི་བསམ་པ་འཇིག་རྟེན་གྱི་ཁམས་རྒྱ་མཚོ་བཅུའི་རྡུལ་ཤིན་ཏུ་ཕྲ་བ་སྙེད་ཀྱི་སྨིན་ཚུགས་ཅན། ཤེས་རབ་དང་ཡེ་ཤེས་ཡངས་པ་རྒྱ་མཚོ་འཇིག་རྟེན་གྱི་ཁམས་རྒྱ་མཚོ་བཅུའི་རྡུལ་
ཤིན་ཏུ་ཕྲ་བ་སྙེད་ཀྱི་མྱིག་དང་ལྡན་པ། དེ་བཞིན་གཤེགས་པ་ཐམས་ཅད་ལས་ཐོས་པ་འཛིན་པ་འཇིག་རྟེན་གྱི་ཁམས་རྒྱ་མཚོ་བཅུའི་རྡུལ་ཤིན་ཏུ་ཕྲ་བ་སྙེད་ཀྱི་རྣ་བ་ཡིད་དུ་འོང་བ་དང་ལྡན་པ། སྡོམ་པ་
ཆེན་པོ་ཡང་དག་པར་བླངས་པ་རྒྱ་མཚོ་འཇིག་རྟེན་གྱི་ཁམས་རྒྱ་མཚོ་བཅུའི་རྡུལ་ཤིན་ཏུ་ཕྲ་བ་སྙེད་ཀྱི་སྣ་ལེགས་པ་དང་ལྡན་པ། ཆོས་རྒྱ་མཚོ་རབ་ཏུ་སྒྲོག་པ་རྒྱ་མཚོ་འཇིག་རྟེན་གྱི་ཁམས་རྒྱ་མཚོ་བཅུའི་རྡུལ་

72-1-191a

ཤིན་ཏུ་ཕྲ་བ་སྙེད་ཀྱི་ལྕེ་དང་ལྡན་པའོ། ཆོས་ཀྱི་དབྱིངས་མཐའ་གཉིས་ཡོངས་སུ་སྤངས་པས་འཛུམ་པར་དགོད་པ་རྒྱ་མཚོ་འཇིག་རྟེན་གྱི་ཁམས་རྒྱ་མཚོ་བཅུའི་རྡུལ་ཤིན་ཏུ་ཕྲ་བ་སྙེད་དང་ལྡན་པ། 
བྱམས་པ་ཆེན་པོ་དང་སྙིང་རྗེ་ཆེན་པོའི་འཇིག་རྟེན་གྱི་ཁམས་རྒྱ་མཚོ་བཅུའི་རྡུལ་ཤིན་ཏུ་ཕྲ་བ་སྙེད་ཀྱི་ལག་པ་དང་ལྡན་པ། སེམས་ཅན་ཐམས་ཅད་ཀྱི་དོན་ཡོངས་སུ་བསྒྲུབས་པས་མྱི་ངོམས་པ་རྒྱ་མཚོ་འཇིག་
རྟེན་གྱི་ཁམས་རྒྱ་མཚོ་བཅུའི་རྡུལ་ཤིན་ཏུ་ཕྲ་བ་སྙེད་ཀྱི་སྙིང་དང་ལྡན་པ། བསོད་ནམས་དང་ཡེ་ཤེས་ཀྱི་ཚོགས་རྒྱ་མཚོ་འཇིག་རྟེན་གྱི་ཁམས་རྒྱ་མཚོ་བཅུའི་རྡུལ་ཤིན་ཏུ་ཕྲ་བ་སྙེད་ཀྱི་ནུ་མ་ལེགས་པ་
དང་ལྡན་པ་ཆོས་ཟབ་མོ་སྣ་ཚོགས་རྒྱ་མཚོ་འཇིག་རྟེན་གྱི་ཁམས་རྒྱ་མཚོ་བཅུའི་རྡུལ་ཤིན་ཏུ་ཕྲ་བ་སྙེད་ཀྱི་ལྟེ་བ་དང་ལྡན་པ། དམྱིགས་པ་ཐམས་ཅད་ཡོངས་སུ་བསྩལ་བའི་མཐར་ཐུག་པ། རྒྱ་མཚོ་འཇིག་
རྟེན་གྱི་ཁམས་རྒྱ་མཚོའི་རྡུལ་ཤིན་ཏུ་ཕྲ་བ་སྙེད་རྗེས་སུ་རྟོག་པ་དང་ལྡན་པ། རྡོ་རྗེ་ལྟ་བུའི་ཏིང་ངེ་འཛིན་ཡངས་ཤིང་མི་ཤིགས་ལ་བརྟན་པ་འཇིག་རྟེན་གྱི་ཁམས་རྒྱ་མཚོ་བཅུའི་རྡུལ་ཤིན་ཏུ་ཕྲ་བ་སྙེད་ཀྱི་
སྟ་ཟུར་དང་ལྡན་པ། འཇིག་རྟེན་པ་དང་འཇིག་རྟེན་ལས་འདས་པ་ཐམས་ཅད་རིམ་གྱིས་ལེགས་པར་འབྲེལ་བ་རྒྱ་མཚོ་བཅུའི་རྡུལ་ཤིན་ཏུ་ཕྲ་བ་སྙེད་ཀྱི་རྐང་པ་དང་ལྡན་པ། བྱང་ཆུབ་ཀྱི་ཡན་ལག་གི་མེ་ཏོག་
སྣ་ཚོགས་ཀྱི་དྲ་བ་དང་ཕྲེང་བ་རྒྱ་མཚོ་འཇིག་རྟེན་གྱི་ཁམས་རྒྱ་མཚོ་བཅུའི་རྡུལ་ཤིན་ཏུ་ཕྲ་བ་སྙེད་མཛེས་པར་ཐོགས་པ། སངས་རྒྱས་དང་བྱང་ཆུབ་སེམས་དཔའ་དང་ཉན་ཐོས་དང་རང་སངས་རྒྱས་ཀྱི་རྣམ་པར་
ཐར་པའི་གོས་རྒྱ་མཚོ་འཇིག་རྟེན་གྱི་ཁམས་རྒྱ་མཚོ་འཇིག་རྟེན་གྱི་ཁམས་བཅུའི་རྡུལ་ཤིན་ཏུ་ཕྲ་བ་སྙེད་ཤིན་ཏུ་བཟང་བར་གྱོན་པ། སངས་རྒྱས་ཐམས་ཅད་ཀྱི་ཆོས་ཀྱི་རྒྱན་རྒྱ་མཚོ་འཇིག་རྟེན་གྱི་ཁམས་

72-1-191b

རྒྱ་མཚོ་བཅུའི་རྡུལ་ཤིན་ཏུ་ཕྲ་བ་སྙེད་ཀྱིས་ལེགས་པར་བརྒྱན་པ། དེ་བཞིན་གཤེགས་པའི་ཚུལ་ཁྲིམས་དྲི་ཞིམ་པོ་རྒྱ་མཚོ་འཇིག་རྟེན་གྱི་ཁམས་རྒྱ་མཚོ་བཅུའི་རྡུལ་ཤིན་ཏུ་ཕྲ་བ་སྙེད་ཀྱི་སྤོས་ཀྱིས་ལུས་ཤིན་ཏུ་
བྱུགས་པ། དགའ་བའི་རྒྱན་དང་ཐབས་མཁས་པ་རྒྱ་མཚོ་འཇིག་རྟེན་གྱི་ཁམས་རྒྱ་མཚོ་བཅུའི་རྡུལ་ཤིན་ཏུ་ཕྲ་བ་སྙེད་ཀྱི་ཕ་རོལ་ཏུ་ཕྱིན་པའི་མཆོག་ཐོབ་པ། འཇིག་རྟེན་གྱི་ཁམས་རྒྱ་མཚོ་བཅུའི་རྡུལ་ཤིན་
ཕྲ་བ་སྙེད་ཡོད་དོ། དེ་དག་གི་ཁ་ནས་ཡེ་ཤེས་ཀྱི་རྗེས་སུ་འབྲང་བའི་ཆོས་རྒྱ་མཚོ་འཇིག་རྟེན་གྱི་ཁམས་རྒྱ་མཚོ་བཅུའི་རྡུལ་ཤིན་ཏུ་ཕྲ་བ་སྙེད་འབྱུང་ངོ་། །དེ་དག་གི་ལུས་ཀྱི་བ་སྤུའི་བུ་ག་ཐམས་ཅད་ནས་ཀྱང་
སྙིང་རྗེའི་རྗེས་སུ་འབྲང་བའི་ཙན་དན་གྱི་སྤོས་རྒྱ་མཚོ་འཇིག་རྟེན་གྱི་ཁམས་རྒྱ་མཚོ་བཅུའི་རྡུལ་ཤིན་ཏུ་ཕྲ་བ་སྙེད་འབྱུང་ངོ་། །སྤོས་རྒྱ་མཚོ་དེ་དག་གི་དྲི་ཞིམ་པོས་ཀྱང་འཇིག་རྟེན་གྱི་ཁམས་རྒྱ་མཚོ་བཅུའི་
རྡུལ་ཤིན་ཏུ་ཕྲ་བ་སྙེད་ཀྱི་འཇིག་རྟེན་གྱི་ཁམས་རྒྱ་མཚོ་མང་པོ་ཡོངས་སུ་རྒྱས་པར་འགེངས་ཏེ། དེ་དག་གི་དགའ་བའི་རྒྱན་དང་། ཐབས་མཁས་པ་རྒྱ་མཚོས་འདུལ་བའི་སེམས་ཅན་རྒྱ་མཚོ་གང་ཇི་སྙེད་
ཡོད་པས་དྲི་ཞིམ་པོ་རྒྱ་མཚོ་དེ་དག་ཚོར་བར་གྱུར་པ་དེ་དག་ཐམས་ཅད་ཀྱང་། དེ་བཞིན་གཤེགས་པའི་ཚུལ་ཁྲིམས་དྲི་ཞིམ་པོ་རྒྱ་མཚོ་འཇིག་རྟེན་གྱི་ཁམས་རྒྱ་མཚོ་བཅུའི་རྡུལ་ཤིན་ཏུ་ཕྲ་བ་སྙེད་རབ་ཏུ་ཐོབ་བོ། །
སེམས་ཅན་གང་དགའ་བའི་རྒྱན་དང་ཐབས་མཁས་པ་རྒྱ་མཚོས་འདུལ་བ་དེ་དག་གིས་གཟུགས་ཀྱི་ཡོན་ཏན་རྣམ་པར་ཕྱེ་བ་རྒྱ་མཚོ་དེ་དག་མཐོང་བ་དེ་ཐམས་ཅད་ཀྱང་། དེ་བཞིན་གཤེགས་པའི་ཤེས་རབ་
དང་ཡེ་ཤེས་ཀྱི་སྐུ་རྣམ་པར་དག་ཡོངས་སུ་སྟོན་པ་རྒྱ་མཚོ་འཇིག་རྟེན་གྱི་ཁམས་རྒྱ་མཚོ་བཅུའི་རྡུལ་ཤིན་ཏུ་ཕྲ་བ་སྙེད་རབ་ཏུ་ཐོབ་བོ། །གང་གིས་དབྱངས་རྒྱ་མཚོ་ཐོས་པར་གྱུར་པ་དེ་དག་ཐམས་ཅད་ཀྱང་། 

72-1-192a

དེ་བཞིན་གཤེགས་པ་ཐམས་ཅད་ལས་ཐོས་པ་ཡོངས་སུ་འཛིན་པ་རྒྱ་མཚོ་འཇིག་རྟེན་གྱི་ཁམས་རྒྱ་མཚོ་བཅུའི་རྡུལ་ཤིན་ཏུ་ཕྲ་བ་སྙེད་རབ་ཏུ་འཐོབ་བོ། །གང་གི་ལག་ན་བཟུང་བ་དེ་དག་ཐམས་
ཅད་ཀྱང་བྱམས་པ་ཆེན་པོ་དང་། སྙིང་རྗེ་ཆེན་པོ་རྒྱ་མཚོ་འཇིག་རྟེན་གྱི་ཁམས་རྒྱ་མཚོ་བཅུའི་རྡུལ་ཤིན་ཏུ་ཕྲ་བ་སྙེད་རབ་ཏུ་ཐོབ་བོ། །གང་གིས་མཐའ་ལ་རིག་པ་དེ་དག་ཐམས་ཅད་ཀྱང་བསོད་ནམས་དང་ཡེ་
ཤེས་སྣ་ཚོགས་ཀྱི་རྒྱ་མཚོ་འཇིག་རྟེན་གྱི་ཁམས་རྒྱ་མཚོ་བཅུའི་རྡུལ་ཤིན་ཏུ་ཕྲ་བ་སྙེད་རབ་ཏུ་འཐོབ་བོ། །གང་དང་སྟན་ཅིག་ལ་ལྷན་ཅིག་ཏུ་འཁོད་པ་དེ་དག་ཐམས་ཅད་ཀྱང་སྙིང་པོ་བྱང་ཆུབ་ཀྱི་སེང་
གེའི་ཁྲི་རྒྱ་མཚོ་འཇིག་རྟེན་གྱི་ཁམས་རྒྱ་མཚོ་བཅུའི་རྡུལ་ཤིན་ཏུ་ཕྲ་བ་སྙེད་ལ་རབ་ཏུ་གནས་པར་འགྱུར་རོ། །གང་གིས་ཁ་དང་ཁར་ཕྲད་པར་བྱས་པ་དེ་དག་ཐམས་ཅད་ཀྱང་རྣམ་པར་ཐར་པའི་སྒོ་རྒྱ་
མཚོ་འཇིག་རྟེན་གྱི་ཁམས་རྒྱ་མཚོ་བཅུའི་རྡུལ་ཤིན་ཏུ་ཕྲ་བ་སྙེད་རབ་ཏུ་ཕྲ་བ་སྙེད་རབ་ཏུ་ཐོབ་བོ། །གང་གིས་པང་དུ་ཁྱུད་པ་དེ་དག་ཐམས་ཅད་ཀྱང་དེ་བཞིན་གཤེགས་པའི་ཆོས་ཀྱི་སྐུ་མཉམ་པ་ཉིད་རྒྱ་མཚོ་འཇིག་
རྟེན་གྱི་ཁམས་རྒྱ་མཚོ་བཅུའི་རྡུལ་ཤིན་ཏུ་ཕྲ་བ་སྙེད་རབ་ཏུ་ཐོབ་བོ། །གང་དང་ཆོས་ཀྱི་དབྱིངས་སུ་སྟེན་པར་གྱུར་པ་དེ་དག་ཐམས་ཅད་ཀྱང་འཇིག་རྟེན་གྱི་ཁམས་རྒྱ་མཚོ་མང་པོ་འཇིག་རྟེན་གྱི་ཁམས་
རྒྱ་མཚོ་བཅུའི་རྡུལ་ཤིན་ཏུ་ཕྲ་བ་སྙེད་ན་སེམས་ཅན་གྱི་ཁམས་རྒྱ་མཚོ་གང་ཇི་སྙེད་ཡོད་པ་དེ་དག་ཐམས་ཅད་ཀྱི་བསམ་པ་ཡོངས་སུ་དག་པ་རྒྱ་མཚོ་ལ། དེ་བཞིན་གཤེགས་པའི་བྱིན་གྱིས་བརླབས་
འཇིག་རྟེན་གྱི་ཁམས་རྒྱ་མཚོ་བཅུའི་རྡུལ་ཤིན་ཏུ་ཕྲ་བ་སྙེད་རབ་ཏུ་ཐོབ་པ་དང་ཡོངས་སུ་དག་པ་དང་ཡོངས་སུ་རྫོགས་པར་འགྱུར་བར་ས་བོན་རྒྱ་མཚོ་རབ་ཏུ་འདེབས་སོ། །དེ་ནས་འཁོར་ལོས་

72-1-192b

སྒྱུར་བའི་རྒྱལ་པོ་རིན་པོ་ཆེ་མང་པོ་དེས་ཡང་དག་པར་བསྐུལ་བའི་ཚིགས་སུ་བཅད་པ་རྒྱ་མཚོ་འཇིག་རྟེན་གྱི་ཁམས་རྒྱ་མཚོ་བཅུའི་རྡུལ་ཤིན་ཏུ་ཕྲ་བ་སྙེད་ཐམས་ཅད་དུ་ཁྱབ་པའི་རྣ་བ་རྒྱ་མཚོས་ཐོས་ནས་རྫུ་འཕྲུལ་
གྱི་སྟོབས་རྒྱ་མཚོ་ཆགས་པ་མེད་ཅིང་སྒྲིབས་པ་མེད་པས། དེ་བཞིན་གཤེགས་པ་སེམས་ཅན་ཐམས་ཅད་ཀྱི་དོན་གངས་ཆེན་མཚོ་རྣམ་པར་སྣང་མཛད་གང་ན་བ་དེར་སོང་སྟེ་ཕྱིན་ནས། བཅོམ་ལྡན་འདས་
དེའི་ཞབས་གཉིས་ལ་མགོ་རྒྱ་མཚོའི་སྤྱི་བོས་བཏུད་དེ་ཕྱག་འཚལ་ནས། ཆོས་ཀྱི་དབྱིངས་རབ་ཏུ་སྒྲོག་པའི་ལྕེའི་དབང་པོ་རྒྱ་མཚོས་ཞུ་བ་ཡོངས་སུ་ཞུས་པ་བཅོམ་ལྡན་འདས་དེ་ལྟར་ཡང་དག་པར་བསྐུལ་བའི་
ཚིགས་སུ་བཅད་པ་རྒྱ་མཚོ་འཇིག་རྟེན་གྱི་ཁམས་རྒྱ་མཚོ་བཅུའི་རྡུལ་ཤིན་ཏུ་ཕྲ་བ་སྙེད་བྱུང་བ་དེ་སུའི་མཐུ་ལས་བྱུང་བ་ལགས། དེ་སྐད་ཅེས་གསོལ་པ་དང་། དེ་བཞིན་གཤེགས་པ་སེམས་ཅན་ཐམས་
ཅད་ཀྱི་དོན་གངས་ཆེན་མཚོ་རྣམ་པར་སྣང་མཛད་ཀྱི། རྒྱལ་པོ་རིན་པོ་ཆེ་མང་པོ་ལ་འདི་སྐད་ཅེས་བཀའ་སྩལ་ཏོ། །རྒྱལ་པོ་ཆེན་པོ་འདི་ནས་ནུབ་ཕྱོགས་ལོགསུ་འཇིག་རྟེན་གྱི་ཁམས་རྒྱ་མཚོ་བཅུའི་རྡུལ་
ཤིན་ཏུ་ཕྲ་བ་སྙེད་འདས་པ་ན། འཇིག་རྟེན་གྱི་ཁམས་རྒྱ་མཚོ་དེ་བཞིན་གཤེགས་པའི་ཕྱག་གི་མཐིལ་གྱི་སྙིང་པོ་ལ་རབ་ཏུ་གནས་པ་ཞེས་བྱ་བ་ཡོད་དེ། དེ་ནས་དེ་བཞིན་གཤེགས་པ་ཡེ་ཤེས་གངས་ཆེན་
མཚོ་རྣམ་པར་སྣང་མཛད་ཅེས་བྱ་བ་ད་ལྟར་བཞུགས་ཤིང་མཚོ་སྐྱོང་དེ་ཆོས་སྟོན་ཏོ། །ཡང་དག་པར་བསྐུལ་བའི་ཚིགས་སུ་བཅད་པ་རྒྱ་མཚོ་འཇིག་རྟེན་གྱི་ཁམས་རྒྱ་མཚོ་བཅུའི་རྡུལ་ཤིན་ཏུ་ཕྲ་བ་སྙེད་
བྱུང་བ་འདི་ཡང་དེའི་མཐུས་བྱུང་ངོ་། །དེ་ནས་རྒྱལ་པོ་རིན་ཆེན་མང་པོས་དེ་བཞིན་གཤེགས་པ་སེམས་ཅན་ཐམས་ཅད་ཀྱི་དོན་གངས་ཆེན་མཚོ་རྣམ་པར་སྣང་མཛད་ལ་འདི་སྐད་ཅེས་གསོལ་ཏོ་བཅོམ་ལྡན་འདས་

72-1-193a

བདག་ཀྱང་འཇིག་རྟེན་གྱི་ཁམས་རྒྱ་མཚོ་དེ་བཞིན་གཤེགས་པའི་ཕྱག་གི་མཐིལ་གྱི་སྙིང་པོ་ལ་རབ་ཏུ་གནས་པ་དེར། དེ་བཞིན་གཤེགས་པ་ཡེ་ཤེས་གངས་ཆེན་མཚོ་རྣམ་པར་སྣང་མཛད་ཀྱི་ཞལ་བལྟ་
བ་དང་དེ་ལ་ཕྱག་བགྱི་བ་དང་། མཆོད་པ་དང་བསྙེན་བཀུར་བ་དང་། ཆོས་མཉན་པའི་སླད་དུ་མཆིའོ། །དེ་སྐད་ཅེས་གསོལ་པ་དང་། བཅོམ་ལྡན་འདས་དེ་བཞིན་གཤེགས་པ་སེམས་ཅན་ཐམས་ཅད་ཀྱི་དོན་གངས་ཆེན་
མཚོ་རྣམ་པར་སྣང་མཛད་ཀྱིས། རྒྱལ་པོ་རིན་ཆེན་མང་པོ་ལ་འདི་སྐད་ཅེས་བཀའ་སྩལ་ཏོ། །རྒྱལ་པོ་ཆེན་པོ་དེའི་དུས་ལ་བབ་པར་ཤེས་ན་འགྲོ་ལ་རེག་སྟེ་རྒྱལ་པོ་ཆེན་པོ་འཇིག་རྟེན་གྱི་ཁམས། རྒྱ་མཚོ་དེ་
བཞིན་གཤེགས་པའི་ཕྱག་གི་མཐིལ་གྱི་སྙིང་པོ་ལ་རབ་ཏུ་གནས་པ་དེར་ནི་འགྲོ་བར་དཀའ་སྟེ། དེར་འགྲོ་བ་དང་དེ་བཞིན་གཤེགས་པ་དེའི་ཞལ་བལྟ་བ་དང་། དེ་ལ་ཕྱག་བྱ་བ་དང་། བསྙེན་བཀུར་བ་དང་། ཆོས་མཉན་
པར་ནི་དེ་བཞིན་གཤེགས་པའི་བྱིན་གྱིས་རླབས་མ་གཏོག་པར། བྱང་ཆུབ་སེམས་དཔའ་ཏིང་ངེ་འཛིན་སྙིང་པོ་བྱང་ཆུབ་ཀྱི་རྒྱན་རྣམ་པར་ཕྱེ་བའི་སྙིང་པོ་རྒྱ་མཚོ་འཇིག་རྟེན་གྱི་ཁམས་རྒྱ་མཚོ་བཅུའི་རྡུལ་ཤིན་ཏུ་ཕྲ་
བ་སྙེད་ལ་རབ་ཏུ་གནས་པས་ཀྱང་བདེ་བླག་དུ་བྱ་བར་སླ་བ་མ་ཡིན་གྱི། རྒྱལ་པོ་ཆེན་པོ་དེ་ལྟ་མ་ཡིན་པའི་འཇིག་རྟེན་གྱི་ཁམས་རྒྱ་མཚོ་མཚམས་བཟང་པོ་དབྱངས་ཞེས་བྱ་བ་ཞིག་ཡོད་དོ། །དེ་ཁྱོད་ཀྱིས་
སྔན་བཅད་མཐོང་ངམ། འཇིག་རྟེན་གྱི་ཁམས་རྒྱ་མཚོ་དེ་ཕྱོགས་ནི་གང་ན་འདུག །འཇིག་རྟེན་གྱི་ཁམས་རྒྱ་མཚོ་དེ་འདི་ནས་ནི་ཉེ་འམ་རིང་། དེ་ན་ད་ལྟར་དེ་བཞིན་གཤེགས་པ་གང་ཞིག་བཞུགས་ཤིང་མཚོ་
སྐྱོང་བ་དང་། ཆོས་སྟོན་པ་མཛད་པ་ཤེས་སམ། རྒྱལ་པོ་རིན་ཆེན་མང་པོས་གསོལ་པ། བཅོམ་ལྡན་འདས་བདག་གི་འཇིག་རྟེན་གྱི་ཁམས་རྒྱ་མཚོ་དེ་མཐོང་བའམ་འཇིག་རྟེན་གྱི་ཁམས་རྒྱ་མཚོ་དེ་ཕྱོགས་གང་ན་

72-1-193b

མཆིས་པ་དང་། འཇིག་རྟེན་གྱི་ཁམས་རྒྱ་མཚོ་དེ་འདི་ནས་ནི་ཉེ་འམ་རིང་ཞིག་ན་མཆིས་པ་དང་། ད་ལྟར་དེ་ན་དེ་བཞིན་གཤེགས་པ་གང་བཞུགས་པ་དང་། འཚོ་སྐྱོང་ཞིང་ཆོས་སྟོན་པ་ནི་སྨོས་སུ་འང་མ་མཆིས་ཏེ། 
འཇིག་རྟེན་གྱི་ཁམས་རྒྱ་མཚོ་དེ་ནི་སྔོན་ཚེ་བདག་གི་མ་ཐོས་སོ། །དེ་ནས་དེ་བཞིན་གཤེགས་པ་སེམས་ཅན་གྱི་དོན་གངས་ཆེན་མཚོ་རྣམ་པར་སྣང་མཛད་ཀྱིས། རྒྱལ་པོ་རིན་ཆེན་མང་པོ་ལ་འདི་སྐད་ཅེས་བཀའ་སྩལ་
ཏོ། །རྒྱལ་པོ་ཆེན་པོ་འཇིག་རྟེན་གྱི་ཁམས་རྒྱ་མཚོ་དེ་གང་ན་ཡོད་པ་དང་། འཇིག་རྟེན་གྱི་ཁམས་རྒྱ་མཚོ་དེ་འདི་ནས་ཇི་སྲིད་པ་དང་། དེ་ན་ད་ལྟར་དེ་བཞིན་གཤེགས་པ་གང་བཞུགས་ཤིང་འཚོ་སྐྱོང་བ་དང་ཆོས་
སྟོན་པ་ལེགས་པར་སོམས་ཤིག །དེ་ནས་རྒྱལ་པོ་རིན་ཆེན་མང་པོས་འཇིག་རྟེན་གྱི་ཁམས་རྒྱ་མཚོ་ཐམས་ཅད་དུ་ཡོངསུ་གཞོན་པའི་ཏིང་ངེ་འཛིན་རྒྱ་མཚོ་ལས་སྩོགས་པ་ཏིང་ངེ་འཛིན་རྒྱ་མཚོ་འཇིག་རྟེན་གྱི་ཁམས་
རྒྱ་མཚོ་བཅུའི་རྡུལ་ཤིན་ཏུ་ཕྲ་བ་སྙེད་ལ་མཉམ་པར་བཞག་ཀྱང་། འཇིག་རྟེན་གྱི་ཁམས་རྒྱ་མཚོ་དེ་ཕྱོགས་གང་ན་ཡོད་པ་དང་། འཇིག་རྟེན་གྱི་ཁམས་རྒྱ་མཚོ་དེ་འདི་ནས་ཉེ་འམ་རིང་བ་དང་། དེ་ན་ད་ལྟར་དེ་
བཞིན་གཤེགས་པ་གང་བཞུགས་ཤིང་འཚོ་སྐྱོང་བ་དང་། ཆོས་སྟོན་པ་ཡང་མ་ཤེས་ཏེ། འཇིག་རྟེན་གྱི་ཁམས་རྒྱ་མཚོ་དེའི་མཚན་མ་རྩམ་ཡང་མ་མཐོང་ངོ་། །དེ་ནས་རྒྱལ་པོ་རིན་ཆེན་མང་པོ་ཏིང་ངེ་འཛིན་རྒྱ་
མཚོ་དེ་དག་ལས་ལངས་ཏེ། དེ་བཞིན་གཤེགས་པ་སེམས་ཅན་ཐམས་ཅད་ཀྱི་དོན་གངས་ཆེན་མཚོ་རྣམ་པར་སྣང་མཛད་དེ་ལ་འདི་སྐད་ཅེས་གསོལ་ཏོ། །བཅོམ་ལྡན་འདས་བདག་གིས་འཇིག་རྟེན་གྱི་ཁམས་
རྒྱ་མཚོ་དེ་མཐོང་བ་འམ། འཇིག་རྟེན་གྱི་ཁམས་རྒྱ་མཚོ་དེ་ཕྱོགས་གང་ན་མཆིས་པ་དང་། འཇིག་རྟེན་གྱི་ཁམས་རྒྱ་མཚོ་དེ་འདི་ནས་རིང་ངམ་ཉེ་བ་དང་། དེ་བཞིན་གཤེགས་པ་གང་ཞིག་ད་ལྟར་དེ་ན་བཞུགས་

72-1-194a

ཤིང་འཚོ་སྐྱོང་བ་དང་། ཆོས་སྟོན་པ་ལྟ་སྨོས་ཀྱང་ཅི་འཚལ་ཏེ། བདག་གིས་འཇིག་རྟེན་གྱི་ཁམས་རྒྱ་མཚོ་དེའི་མཚན་མ་ཙམ་ཡང་མ་མཐོང་ངོ་། །དེ་ནས་དེ་བཞིན་གཤེགས་པ་སེམས་ཅན་ཐམས་ཅད་ཀྱི་
དོན་གངས་ཆེན་མཚོ་རྣམ་པར་སྣང་མཛད་ཀྱིས། རྒྱལ་པོ་རིན་ཆེན་མང་པོ་ལ་འདི་སྐད་ཅེས་བཀའ་སྩལ་ཏོ། །དེ་ལྟ་བས་ན་རྒྱལ་པོ་རྣམ་གྲངས་དེས་ཀྱང་འཇིག་རྟེན་གྱི་ཁམས་རྒྱ་མཚོ་དེ་བཞིན་གཤེགས་པའི་
ཕྱག་གི་མཐིལ་གྱི་སྙིང་པོ་ལ་རབ་ཏུ་གནས་པ་དེ་དེ་བཞིན་གཤེགས་པའི་བྱིན་གྱིས་རླབས་མ་གཏོགས་པར། ཏིང་ངེ་འཛིན་གྱི་སྙིང་པོ་བྱང་ཆུབ་ཀྱི་རྒྱན་རྣམ་པར་ཕྱེ་བ་སྙིང་པོ་རྒྱ་མཚོ་འཇིག་རྟེན་གྱི་ཁམས་
རྒྱ་མཚོ་བཅུའི་རྡུལ་ཤིན་ཏུ་ཕྲ་བ་སྙེད་ལ་གནས་པའི་བྱང་ཆུབ་སེམས་དཔའ་རྒྱ་མཚོས་ཀྱང་འགྲོ་བར་བྱ་བ་འམ། དེ་བཞིན་གཤེགས་པ་བལྟ་བ་འམ། དེ་ལ་ཕྱག་བྱ་བ་འམ་བསྙེན་བཀུར་བ་འམ་དེ་ལས་ཆོས་
མཉན་པ་བདེ་བླག་མ་ཡིན་པར་ཤེས་པར་གྱིས་ཤིག དེ་ནས་རྒྱལ་པོ་རིན་ཆེན་མང་པོས་དེ་བཞིན་གཤེགས་པ་སེམས་ཅན་ཐམས་ཅད་ཀྱི་དོན་གངས་ཆེན་མཚོ་རྣམ་པར་སྣང་མཛད་ལ་འདི་སྐད་ཅེས་གསོལ་ཏོ། །
བཅོམ་ལྡན་འདས་བསྟན་ཏུ་གསོལ། འཇིག་རྟེན་གྱི་ཁམས་རྒྱ་མཚོ་དེ་ནི་ཕྱོགས་གང་ན་མཆིས། འཇིག་རྟེན་གྱི་ཁམས་རྒྱ་མཚོ་དེ་འདི་ནས་ནི་ཐག་ཇི་སྲིད་ཅིག་ན་མཆིས། དེ་བཞིན་གཤེགས་པ་ནི་གང་
ཞིག་ད་ལྟར་དེ་ན་བཞུགས་ཤིང་འཚོ་སྐྱོང་བ་དང་ཆོས་སྟོན་པ་བསྟན་དུ་གསོལ། དེ་ནས་དེ་བཞིན་གཤེགས་པ་སེམས་ཅན་ཐམས་ཅད་ཀྱི་དོན་གངས་ཆེན་མཚོ་རྣམ་པར་སྣང་མཛད་ཀྱི་རྒྱལ་པོ་རིན་ཆེན་མང་པོ་ལ་འདི་
སྐད་ཅེས་བཀའ་སྩལ་ཏོ། །རྒྱལ་པོ་ཆེན་པོ་ཁྱོད་ཀྱིས་ཁམས་འདི་ནུབ་ཕྱོགས་ལོགས་ཀྱི་ས་འཚམས་ཀྱི་མཐའ་འདི་ནས་འཇིག་རྟེན་གྱི་ཁམས་རྒྱ་མཚོ་འཇིག་རྟེན་གྱི་ཁམས་ཀློང་གི་རྡུལ་ཤིན་ཏུ་ཕྲ་བ་

72-1-194b

སྙེད་འདས་པ་ན། འཇིག་རྟེན་གྱི་ཁམས་རྒྱ་མཚོ་ས་འཚམས་བཟང་པོའི་དབྱངས་ཞེས་བྱ་བ་ཡོད་དེ། དེ་ན་དེ་བཞིན་གཤེགས་པ་སྤྱོད་པ་ཐམས་ཅད་དང་མྱི་མཐུན་པའི་ཕྱོགས་ཡང་དག་པར་བསྒྲུབ་པའི་གངས་
ཆེན་མཚོ་རྣམ་པར་སྣང་མཛད་ཅེས་བྱ་བ་ད་ལྟར་བཞུགས་ཤིང་འཚོ་སྐྱོང་ངོ་ཆོས་སྟོན་ཏོ། །དེ་ནས་དེ་སྐད་ཅེས་བཀའ་སྩལ་ཀྱང་། རྒྱལ་པོ་རིན་ཆེན་མང་པོས་འཇིག་རྟེན་གྱི་ཁམས་རྒྱ་རྒྱ་མཚོ་དེ་མ་ཤེས་མ་
མཐོང་ནས། འདི་སྙམ་དུ་བསམསོ། །འཇིག་རྟེན་གྱི་ཁམས་རྒྱ་མཚོ་དེ་དེ་ལྟར་ཉེ་ན་འང་བདག་ལ་མཐུའི་ཁྱེད་པར་མྱེད་ན། དེ་བས་རིང་བ་ལྟ་ཅི་སྨོས་སྙམ་ནས། དེ་ལྟར་རྗེས་སུ་བསམས་
ཏེ། དེའི་ཚེ་དེ་བཞིན་གཤེགས་པའི་བྱིན་གྱིས་རླབས་ལེགས་པར་ལེན་པའི་ཏིང་ངེ་འཛིན་ཀུན་ཏུ་སྒྲིབ་པ་མྱེད་པ་ལས་སོགས་པ་ཏིང་ངེ་འཛིན་རྒྱ་མཚོ་འཇིག་རྟེན་གྱི་ཁམས་རྒྱ་མཚོ་བཅུའི་རྡུལ་ཤིན་
ཏུ་ཕྲ་བ་སྙེད་ལ་མཉམ་པར་བཞགས་གོ། །དེ་ལྟར་མཉམ་པར་བཞག་པའི་མོད་ལ། རྒྱལ་པོ་རིན་ཆེན་མང་པོ་ལ་དེའི་ཚེ་འཇིག་རྟེན་གྱི་ཁམས་རྒྱ་མཚོ་མང་པོ་འཇིག་རྟེན་གྱི་ཁམས་རྒྱ་མཚོ་བཅུའི་རྡུལ་ཤིན་
ཏུ་ཕྲ་བ་སྙེད་ན། སངས་རྒྱས་རྒྱ་མཚོ་གང་ཇི་སྙེད་བཞུགས་པ་དེ་དག་ཐམས་ཅད་ཀྱི་དེ་བཞིན་གཤེགས་པའི་བྱིན་གྱིས་རླབས་རྒྱ་མཚོ་འཇིག་རྟེན་གྱི་ཁམས་རྒྱ་མཚོ་བཅུའི་རྡུལ་ཤིན་ཏུ་ཕྲ་བ་སྙེད་ཀྱིས་བྱིན་གྱིས་རླབས་པ་
མཛད་དོ། །སངས་རྒྱས་བཅོམ་ལྡན་འདས་དེ་དག་གིས་དེ་ལྟར་རྒྱལ་པོ་རིན་ཆེན་མང་པོ་ལ་བྱིན་གྱིས་བརླབས་པ་མཛད་མ་ཐག་ཏུ་དེའི་མོད་ལ། འཇིག་རྟེན་གྱི་ཁམས་རྒྱ་མཚོ་ས་འཚམས་བཟང་པོའི་དབྱངས་དང་
དེ་བཞིན་གཤེགས་པ་སྤྱོད་པ་ཐམས་ཅད་དང་མི་མཐུན་པའི་ཕྱོགས་ཡང་དག་པར་བསྒྲུབ་པའི་གངས་ཆེན་མཚོ་རྣམ་པར་སྣང་མཛད་དང་། འཇིག་རྟེན་གྱི་ཁམས་རྒྱ་མཚོ་དེ་བཞིན་གཤེགས་པའི་ཕྱག་

72-1-195a

གི་མཐིལ་གྱི་སྙིང་པོ་ལ་རབ་ཏུ་གནས་པ་དང་། དེ་བཞིན་གཤེགས་པ་ཡེ་ཤེས་གངས་ཆེན་མཚོ་རྣམ་པར་སྣང་མཛད་དང་། དེ་མ་ཡིན་པའི་འཇིག་རྟེན་གྱི་ཁམས་རྒྱ་མཚོ་འཇིག་རྟེན་གྱི་ཁམས་རྒྱ་མཚོ་
བཅུའི་རྡུལ་ཤིན་ཏུ་ཕྲ་བ་སྙེད་དག་ན་སངས་རྒྱས་རྒྱ་མཚོ་གང་ཇི་སྙེད་བཞུགས་པ་དེ་དག་ཐམས་ཅད་དེ་བཞིན་གཤེགས་པ་ཐམས་ཅད་ཀྱི་ཡེ་ཤེས་ཀྱི་སྟོབས་དམ་པ། རྒྱ་མཚོ་ལས་སོགས་པ་ཡེ་ཤེས་རྒྱ་མཚོ་
འཇིག་རྟེན་གྱི་ཁམས་རྒྱ་མཚོ་བཅུའི་རྡུལ་ཤིན་ཏུ་ཕྲ་བ་སྙེད་ཀྱི་རབ་ཏུ་ཤེས་སོ། །དུས་གསུམ་ཀུན་ཏུ་ལྟ་བ་རྣམ་པར་རྒྱུ་བ་རྒྱ་མཚོ་ལ་སོགས་པ་མིག་རྒྱ་མཚོ་འཇིག་རྟེན་གྱི་ཁམས་རྒྱ་མཚོ་བཅུའི་རྡུལ་
ཤིན་ཏུ་ཕྲ་བ་སྙེད་ཀྱིས་རབ་ཏུ་མཐོང་སྟེ། འདི་ལྟར་དཔེར་ན་ལག་མཐིལ་དུ་སྐྱུ་རུ་རའི་འབྲས་བུ་བཞགས་པའམ། མེ་ལོང་ཤིན་ཏུ་བསྩལ་བའི་དཀྱིལ་འཁོར་ལ་ངོ་སྣང་བ་བཞིན་ནོ། །དེས་རྒྱལ་པོ་
རིན་ཆེན་མང་པོས་ཏིང་ངེ་འཛིན་རྒྱ་མཚོ་དེ་དག་ལས་ལངས་ཏེ། དེ་བཞིན་གཤེགས་པ་སེམས་ཅན་ཐམས་ཅད་ཀྱི་དོན་གངས་ཆེན་མཚོ་རྣམ་པར་སྣང་མཛད་ལ་ཡང་གསོལ་པ། བཅོམ་ལྡན་འདས་བདག་
འཇིག་རྟེན་གྱི་ཁམས་རྒྱ་མཚོ་དེ་བཞིན་གཤེགས་པའི་ཕྱག་གི་མཐིལ་གྱི་སྙིང་པོ་ལ་རབ་ཏུ་གནས་པ་དེར། དེ་བཞིན་གཤེགས་པ་ཡེ་ཤེས་གངས་ཆེན་མཚོ་རྣམ་པར་སྣང་མཛད་ཀྱི་ཞལ་བལྟ་བ་དང་དེ་ལ་ཕྱག་
བགྱི་བ་དང་། མཆོད་པ་དང་བསྙེན་བཀུར་བ་དང་། ཆོས་མཉན་པའི་སླད་དུ་མཆིའོ། །དེ་ནས་དེ་བཞིན་གཤེགས་པས་སེམས་ཅན་ཐམས་ཅད་ཀྱི་དོན་གངས་ཆེན་མཚོ་རྣམ་པར་སྣང་མཛད་ཀྱིས། རྒྱལ་པོ་རིན་ཆེན་
མང་པོ་དེ་ལ་འདི་སྐད་ཅེས་བཀའ་སྩལ་ཏོ། །རྒྱལ་པོ་ཆེན་པོ་དེའི་དུས་ལ་དབབ་པར་ཤེས་ན་སོང་ལ་བྱང་ཆུབ་སེམས་དཔའ་འདུལ་བའི་སྐྱེས་བུ་རྒྱ་རྒྱ་མཚོ་འཇིག་རྟེན་གྱི་ཁམས་རྒྱ་མཚོ་བཅུའི་རྡུལ་ཤིན་ཏུ་ཕྲ་

72-1-195b

བ་སྙེད་འདི་དག་ཀྱང་། བཅོམ་ལྡན་འདས་ཡེ་ཤེས་གངས་ཆེན་མཚོ་རྣམ་པར་སྣང་མཛད་དེ་ལ་ཕུལ་ཅིག །དེ་ནས་རྒྱལ་པོ་རིན་ཆེན་མང་པོས་བྱང་ཆུབ་སེམས་དཔའ་རྒྱ་མཚོ་འཇིག་རྟེན་གྱི་ཁམས་རྒྱ་མཚོ་བཅུའི་
རྡུལ་ཤིན་ཏུ་ཕྲ་བ་སྙེད་པོ་དེ་དག་དང་། བུ་རྒྱ་མཚོ་འཇིག་རྟེན་གྱི་ཁམས་རྒྱ་མཚོ་བཅུའི་རྡུལ་ཤིན་ཏུ་ཕྲ་བ་སྙེད་པོ་དེ་དག་དང་ལྷན་ཅིག་སྟེ། བུ་རེ་རེ་ཞིང་ནི་འཇིག་རྟེན་གྱི་ཁམས་རྒྱ་མཚོའི་འཁོར་ལོས་བསྒྱུར་
བའི་རྒྱ་མཚོ་འཇིག་རྟེན་གྱི་ཁམས་རྒྱ་མཚོ་བཅུའི་རྡུལ་ཤིན་ཏུ་ཕྲ་བ་སྙེད་དང་ལྷན་ཅིག་འཇིག་རྟེན་གྱི་ཁམས་རྒྱ་མཚོའི་འཁོར་ལོས་བསྒྱུར་བ་རྒྱ་མཚོ་རེ་རེ་ཞིང་ནི་འཇིག་རྟེན་གྱི་ཁམས་རི་རབ་ཀྱི་འཁོར་ལོས་
བསྒྱུར་བ་རྒྱ་མཚོ་འཇིག་རྟེན་གྱི་ཁམས་རྒྱ་མཚོ་བཅུའི་རྡུལ་ཤིན་ཏུ་ཕྲ་བ་སྙེད་དང་ལྷན་ཅིག འཇིག་རྟེན་གྱི་ཁམས་ཀྱི་འཁོར་ལོ་བསྒྱུར་བ་རྒྱ་མཚོ་རེ་རེ་ཞིང་ནི་སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་ཀྱི་
འཁོར་ལོས་བསྒྱུར་བ་རྒྱ་མཚོ་འཇིག་རྟེན་གྱི་ཁམས་རྒྱ་མཚོ་བཅུའི་རྡུལ་ཤིན་ཏུ་ཕྲ་བ་སྙེད་དང་ལྷན་ཅིག སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་ཀྱི་འཁོར་ལོས་བསྒྱུར་བ་རྒྱ་མཚོ་རེ་རེ་ཞིང་ནི་
སྟོང་གཉིས་ཀྱི་འཇིག་རྟེན་གྱི་ཁམས་གྱི་འཁོར་ལོས་བསྒྱུར་བ་རྒྱ་མཚོ་འཇིག་རྟེན་གྱི་ཁམས་རྒྱ་མཚོ་བཅུའི་རྡུལ་ཤིན་ཏུ་ཕྲ་བ་སྙེད་དང་ལྷན་ཅིག་སྟོང་གཉིས་ཀྱི་འཇིག་རྟེན་གྱི་ཁམས་ཀྱི་འཁོར་ལོས་
བསྒྱུར་བ་རྒྱ་མཚོ་རེ་རེ་ཞིང་ནི་སྟོང་གི་འཇིག་རྟེན་གྱི་ཁམས་ཀྱི་འཁོར་ལོས་བསྒྱུར་བའི་རྒྱལ་པོ་རྒྱ་མཚོ་འཇིག་རྟེན་གྱི་ཁམས་རྒྱ་མཚོ་བཅུའི་རྡུལ་ཤིན་ཏུ་ཕྲ་བ་སྙེད་དང་ལྷན་ཅིག་སྟོང་གི་འཇིག་རྟེན་གྱི་ཁམས་ཀྱི་འཁོར་
ལོས་བསྒྱུར་བའི་རྒྱ་མཚོ་རེ་རེ་ཞིང་ནི་གླིང་བཞི་པའི་འཇིག་རྟེན་གྱི་ཁམས་ཀྱི་འཁོར་ལོས་བསྒྱུར་བ་རྒྱ་མཚོ་འཇིག་རྟེན་གྱི་ཁམས་རྒྱ་མཚོ་བཅུའི་རྡུལ་ཤིན་ཏུ་ཕྲ་བ་སྙེད་དང་ལྷན་ཅིག་གླིང་བཞི་པའི་འཇིག་རྟེན་གྱི་

72-1-196a

ཁམས་ཀྱི་འཁོར་ལོས་བསྒྱུར་བ་རྒྱ་མཚོ་རེ་རེ་ཞིང་ནི་གླིང་ཅིག་གི་འཁོར་ལོས་བསྒྱུར་བ་རྒྱ་མཚོ་འཇིག་རྟེན་གྱི་ཁམས་རྒྱ་མཚོ་བཅུའི་རྡུལ་ཤིན་ཏུ་ཕྲ་བ་སྙེད་དང་ལྷན་ཅིག །གླིང་གཅིག་གི་འཁོར་ལོས་སྒྱུར་
བ་རྒྱ་མཚོ་རེ་རེ་ཞིང་ནི་ཁམས་ཀྱི་རྒྱལ་པོ་འཇིག་རྟེན་གྱི་ཁམས་རྒྱ་མཚོ་བཅུའི་རྡུལ་ཤིན་ཏུ་ཕྲ་བ་སྙེད་དང་ལྷན་ཅིག །ཁམས་ཀྱི་རྒྱལ་པོ་རྒྱ་མཚོ་རེ་རེ་ཞིང་ནི་མིའི་འཇིག་རྟེན་གྱི་ཁམས་རྒྱ་མཚོ་བཅུའི་རྡུལ་ཤིན་
ཏུ་ཕྲ་བ་སྙེད་དང་ལྷན་ཅིག་ཏུ་འདོང་བར་ཆས་པ་དང་། འཁོར་ལོས་བསྒྱུར་བའི་རྒྱལ་པོ་རིན་ཆེན་མང་པོ་དེའི་ཆུང་མའི་འཁོར་རྒྱ་མཚོ་དང་། བུ་མོ་རྒྱ་མཚོ་འཇིག་རྟེན་གྱི་ཁམས་རྒྱ་མཚོ་བཅུའི་རྡུལ་ཤིན་ཏུ་ཕྲ་
བ་སྙེད་པོ་དེ་དག་གིས་འདི་སྐད་ཅེས་སྨྲས་ཏེ། ལྷའི་ཞལ་སྔ་ནས་གསན་དུ་གསོལ། བདག་ཅག་ཀྱང་འཇིག་རྟེན་གྱི་ཁམས་རྒྱ་མཚོ་དེ་བཞིན་གཤེགས་པའི་ཕྱག་གི་མཐིལ་གྱི་སྙིང་པོ་ལ་རབ་ཏུ་གནས་པ་དེར། དེ་
བཞིན་གཤེགས་པ་ཡེ་ཤེས་གངས་ཆེན་མཚོ་རྣམ་པར་སྣང་མཛད་དེའི་ཞལ་དུ་ལྟ་བ་དང་། དེ་ལ་ཕྱག་བགྱི་བ་དང་། མཆོད་པ་དང་བསྙེན་བཀུར་བ་དང་། ཆོས་མཉན་པའི་སླད་དུ་མཆི་བར་གསོལ་ལོ། །དེ་སྐད་
ཅེས་སྨྲས་པ་དང་། རྒྱལ་པོ་རིན་ཆེན་མང་པོས་ཆུང་མའི་འཁོར་རྒྱ་མཚོ་དེ་དག་དང་། བུ་མོ་རྒྱ་མཚོ་དེ་དག་ལ་འདི་སྐད་ཅེས་སྨྲས་སོ། །ཇི་ལྟར་ཁྱོད་སངས་རྒྱས་རྒྱ་མཚོའི་ཞལ་བལྟ་བ་ནི་དོན་དུ་མི་
གཉེར། ཆོས་རྒྱ་མཚོ་མཉན་པ་ནི་ཚོར་བར་མྱི་བྱེད། དགེ་འདུན་རྒྱ་མཚོ་བསྙེན་བཀུར་བ་ནི་དོན་དུ་མི་གཉེར། སངས་རྒྱས་ཀྱི་བྱང་ཆུབ་རྒྱ་མཚོ་མངོན་པར་རྫོགས་པར་འཚང་རྒྱ་བ་ནི་ཚོལ་བར་མྱི་བྱེད། སངས་རྒྱས་
ཀྱི་བྱང་ཆུབ་རྒྱ་མཚོ་མངོན་པར་རྫོགས་པར་འཚང་རྒྱ་བ་ནི་དོན་དུ་མི་གཉེར་ཉན་ཐོས་ཀྱི་བྱང་ཆུབ་རྒྱ་མཚོ་མངོན་པར་རྫོགས་པར་འཚང་རྒྱ་བ་ནི་དོན་དུ་མི་གཉེར། ཡུལ་རྒྱ་མཚོ་འདི་ནས་ནི་འགྲོ་བར་འདོད་པ་མྱེད། 

72-1-196b

ཡུལ་རྒྱ་མཚོ་གཞན་དུ་ནི་བགྲོད་པར་འདོད་པ་མྱེད་ལ། གལ་ཏེ་ཁྱེད་སངས་རྒྱས་དང་བྱང་ཆུབ་སེམས་དཔའ་དང་། ཉན་ཐོས་དང་རང་སངས་རྒྱས་ཐམས་ཅད་དང་། ཆོས་ཀྱི་དབྱིངས་ལ་གནས་པར་གྱུར་ཏེ། འདོད་
ཆགས་དང་བཅས་པའམ། འདོད་ཆགས་དང་བྲལ་བ་ལ་ཡང་མྱི་གནས། སེམས་ཅན་ཐམས་ཅད་གསོད་ཕོད་ཀྱང་ཞེ་སྡང་ངམ་བྱམས་པ་ལ་མི་གནས། མུ་སྟེགས་ཅན་ཐམས་ཅད་ཀྱི་ལྟ་བ་རྒྱ་མཚོ་ལ་འཇུག་
ཅིང་། སྤྱོད་ཀྱང་ལོག་པའི་ཡེ་ཤེས་སམ་ཡང་དག་པའི་ཡེ་ཤེས་ལ་མྱི་གནས། ཆོས་ཐམས་ཅད་ཀྱི་ཚིགས་རབ་ཏུ་དབྱེ་བ་བསྟན་པ་ཡང་སྟོན་ལ་ཆོས་ཀྱི་དབྱིངས་ལས་མི་གཡོ་ཞེ་ན་དེང་ལ་རག་གོ། །འཁོར་ལོས་
བསྒྱུར་བའི་རྒྱལ་པོ་རིན་ཆེན་མང་པོ་དེས་བསྟན་པ་འདི་ཤིན་ཏུ་བསྟན་པའི་ཚེ། ཆུང་མའི་འཁོར་རྒྱ་མཚོ་དེ་དག་དང་བུ་མོ་རྒྱ་མཚོ་དེ་དག་ལས་ཆུང་མ་རེ་རེ་དང་། བུ་མོ་རེ་རེས་ཀྱང་མྱིག་གི་ཁམས་རེ་རེས་ཆོས་ཀྱི་
དབྱིངས་ཐམས་ཅད་ལ་དབང་བསྒྱུར་བའི་སངས་རྒྱས་ཀྱི་རྒྱ་མཚོ་ལ་སོགས་པ་སངས་རྒྱས་ཀྱི་ས་རྒྱ་མཚོ་འཇིག་རྟེན་གྱི་ཁམས་རྒྱ་མཚོ་བཅུའི་རྡུལ་ཤིན་ཏུ་ཕྲ་བ་སྙེད་རབ་ཏུ་ཐོབ་པར་གྱུར་ཏོ། །རྣ་བའི་ཁམས་
རེ་རེས་ཀྱང་ནམ་མཁའ་ཁོང་དུ་ཆུད་པའི་ས་རྒྱ་མཚོ་ལས་སྩོགས་པ་བྱང་ཆུབ་སེམས་དཔའི་ས་འཇིག་རྟེན་གྱི་ཁམས་རྒྱ་མཚོ་བཅུའི་རྡུལ་ཤིན་ཏུ་ཕྲ་བ་སྙེད་རབ་ཏུ་ཐོབ་པར་གྱུར་ཏོ། །སྣའི་ཁམས་རེ་
རེས་ཀྱང་ཅིག་ལ་བརྟེན་པའི་ས་རྒྱ་མཚོ་ལས་སོགས་པ་རང་སངས་རྒྱས་ཀྱི་ས་འཇིག་རྟེན་གྱི་ཁམས་རྒྱ་མཚོ་བཅུའི་རྡུལ་ཤིན་ཏུ་ཕྲ་བ་སྙེད་རབ་ཏུ་ཐོབ་པར་གྱུར་ཏོ། །ལྕེའི་ཁམས་རེ་རེས་ཀྱང་སྒྲའི་རྗེས་
སུ་འགྲོ་བའི་ས་རྒྱ་མཚོ་ལས་སོགས་པ་ཉན་ཐོས་ཀྱི་ས་འཇིག་རྟེན་གྱི་ཁམས་རྒྱ་མཚོ་བཅུའི་རྡུལ་ཤིན་ཏུ་ཕྲ་བ་སྙེད་རབ་ཏུ་ཐོབ་བོ། །ལུས་ཀྱི་ཁམས་རེ་རེས་ཀྱང་ཕ་རོལ་ཏུ་ཕྱིན་པ་དྲི་མ་མེད་པ་རྒྱ་མཚོ་

72-1-197a

ལ་སོགས་པ་ཕ་རོལ་ཏུ་ཕྱིན་པ་རྒྱ་མཚོ་འཇིག་རྟེན་གྱི་ཁམས་རྒྱ་མཚོ་བཅུའི་རྡུལ་ཤིན་ཏུ་ཕྲ་བ་སྙེད་རབ་ཏུ་ཐོབ་བོ། །ཡིད་ཀྱི་ཁམས་རེ་རེས་ཀྱང་སའི་དབང་པོའི་སྟོབས་རྒྱ་མཚོ་ལས་སྩོགས་པ་
སྟོབས་རྒྱ་མཚོ་འཇིག་རྟེན་གྱི་ཁམས་རྒྱ་མཚོ་བཅུའི་རྡུལ་ཤིན་ཏུ་ཕྲ་བ་སྙེད་རབ་ཏུ་ཐོབ་པོ། །དེ་ནས་རྒྱལ་པོ་རིན་ཆེན་མང་པོའི་ཆུང་མ་རྒྱ་མཚོ་དེ་དག་དང་། བུ་མོ་རྒྱ་མཚོ་དེ་དག་གིས་ཐེག་པ་ཆེན་པོའྀ་
ཚུལ་རྒྱ་མཚོ་འཇིག་རྟེན་གྱི་ཁམས་རྒྱ་མཚོ་བཅུའི་རྡུལ་ཤིན་ཏུ་ཕྲ་བ་སྙེད་ཀྱི་གཏིང་རྙེད་ནས། སྤྱོད་པ་རྒྱ་མཚོ་འཇིག་རྟེན་གྱི་ཁམས་རྒྱ་མཚོ་བཅུའི་རྡུལ་ཤིན་ཏུ་ཕྲ་བ་སྙེད་ལ་གཞན་གྱི་དྲིང་མི་འཇོག་པར་
བྱས་ཏེ། རྒྱལ་པོ་རིན་ཆེན་མང་པོ་ལ་ཚིགས་སུ་བཅད་དེ་སྨྲས་པ། བདག་ཅག་ཀུན་གྱིས་སངས་རྒྱས་རྒྱ་མཚོ་མཐོང་། །ཡོངས་སུ་མཆོད་དེ་བསྙེན་བཀུར་ཞུ་བ་བགྱིས། །འོན་ཀྱང་འདི་འདྲ་རྒྱ་མཚོ་ཆོས་
མ་ཐོས། །ས་མང་རྒྱ་མཚོ་འདི་དག་ཐོབ་པར་གྱུར། །ད་ནི་སངས་རྒྱས་ཕྲིན་ལས་བསྒྲུབ་པ་ཡིན། །ས་མང་རྒྱ་མཚོའི་མྱིག་ཀྱང་ཐོབ་པར་གྱུར། །བྱང་ཆུབ་དོན་དུ་ཕྱོགས་རྣམས་ཀུན་དབྱིངས་སུ། །
རྣ་བས་སྤྱོད་པ་དམ་པ་སྤྱད་པར་བགྱི། །སྣ་ཡི་ཁམས་ཀྱིས་རང་རྒྱལ་ས་ཐོབ་སྟེ། །རྟེན་འབྲེལ་འབྱུང་བའི་ཆོས་རྣམས་རྟོགས་པར་གྱུར། །ལྕེའི་ཀྱང་ཉན་ཐོས་ས་མང་རྒྱ་མཚོ་ཐོབ། །དེས་ནི་ཞི་བའི་བདེ་བ་ཚོར་
པར་གྱུར། །ལུས་ཀྱི་ས་མང་རྒྱ་མཚོ་ཐོབ་པས་ན། །སྒྲུབ་པ་སྣ་ཚོགས་རབ་ཏུ་བསྒྲུབས་པར་བགྱི། །ཡིད་ཀྱིས་དུས་གསུམ་ཆོས་མང་རྒྱ་མཚོ་རྣམས། །འཚལ་བར་གྱུར་པས་གཞན་ལ་བསྟན་པར་
བགྱི། ལེའུ་སྟེ་བཅུ་གཅིག་པའོ།། །། སངས་རྒྱས་རྨད་ག་གཅད་ཅེས་བྱ་བ་ཤིན་ཏུ་རྒྱས་པ་ཆེན་པོའི་མདོ།  བམ་པོ་བཅོ་ལྔ་པ། བཅོམ་ལྡན་འདས་ཐོག་

72-1-197b

མ་མངོན་པར་སངས་རྒྱས་པ་མ་ག་དྷའི་ཆོས་ཀྱི་དགོན་པའི་སྙིང་པོ་བྱང་ཆུབ་ན་བཞུགས་ཏེ། བློ་ཤིན་ཏུ་རྣམ་པར་དག་པ། མྱིག་གཉིས་པས་ཡང་དག་པར་སྤྱོད་པ་ཆོས་མཚན་ཉིད་མྱེད་པ་ལ་ཤིན་ཏུ་གཞོལ་
བ། སངས་རྒྱས་ཀྱི་རྣམ་པར་སྤྱོད་པས་སངས་རྒྱས་ཐམས་ཅད་དང་། མཉམ་པ་ཉིད་བརྙེས་བསྒྲིབ་པ་མྱེད་པས་རྟོགས་པ་ཐུགས་སུ་ཆུད་པ། ཕྱིར་མྱི་ལྡོག་པའི་ཆོས་ཅན་སྤྱོད་ཡུལ་འཕྲོགས་པ་མྱེད་པ། 
རྣམ་པར་དགོད་པ་བསམ་གྱིས་མྱི་ཁྱབ་པ། དུས་གསུམ་མཉམ་པ་ཉིད་ལས་ཤིན་ཏུ་བྱུང་བ། ཕོ་བྲང་ཀུན་ཏུ་འོང་ན་སེང་གེའི་ཁྲི་པདྨོའི་སྙིང་པོ་ཅན་ལ་བཞུགས་ཏེ། བྱང་ཆུབ་སེམས་དཔའ་སངས་རྒྱས་
ཀྱི་ཞིང་བཅུའི་རྡུལ་ཤིན་ཏུ་ཕྲ་བ་སྙེད་ཀུན་ཀྱང་སྐྱེ་བ་ཅིག་གིས་ཐོགས་པ་འཇིག་རྟེན་གྱི་ཁམས་གཞན་དང་གཞན་ནས་འདུས་པ། སེམས་ཅན་གྱི་ཁམས་ལ་དཔྱོད་པ་ཆོས་ཀྱི་དབྱིངས་ལ་སྤྱོད་པ། འཇིག་རྟེན་
གྱི་ཁམས་ལ་སྤྱོད་པ། མྱ་ངན་ལས་འདས་པའི་དབྱིངས་ལ་སྤྱོད་པ། ལས་ཀྱི་རྣམ་པར་སྨིན་པ་ལ་སྤྱོད་པ། བསམ་པའི་རྒྱུད་ལ་སྤྱོད་པ། དོན་དང་ཡི་གེ་ལ་དཔྱོད་པ། འཇིག་རྟེན་པ་དང་འཇིག་རྟེན་ལས་
འདས་པ་ལ་སྤྱོད་པ། འདུས་བྱས་དང་། འདུས་མ་བྱས་པ་ལ་དཔྱོད་པ། འདས་པ་དང་མ་འོངས་པ་དང་ད་ལྟར་བྱུང་བ་ལ་སྤྱོད་པ་ཤ་སྟག་དང་ཐབས་གཅིག་གོ། །དེ་ནས་བྱང་ཆུབ་སེམས་དཔའ་དེ་དག་འདི་
སྙམས་དུ་སེམས་ཏེ། བཅོམ་ལྡན་འདས་ཀྱིས་བདག་ཅག་ལ་ཐུགས་བརྩེ་བར་དགོངས་ཏེ། བྱང་ཆུབ་སེམས་དཔའ་རྣམས་ཀྱི་བསམ་པ་ཇི་ལྟ་བ་བཞིན་དུ་སངས་རྒྱས་ཀྱི་ཞིང་ཡོངས་སུ་བསྟན་ཀྱང་རུང་། སངས་
རྒྱས་ཀྱི་སྤྱོད་པ་ཡོངས་སུ་བསྟན་ཀྱང་རུང་། སངས་རྒྱས་ཀྱི་ཞིང་གི་རྒྱན་ཡོངས་སུ་བསྟན་ཀྱང་རུང་། སངས་རྒྱས་ཀྱི་ཆོས་ཉིད་ཡོངས་སུ་བསྟན་ཀྱང་རུང་། སངས་རྒྱས་ཀྱི་ཞིང་ཡོངས་སུ་དག་པ་བསྟན་ཀྱང་རུང་། 

72-1-198a

སངས་རྒྱས་ཀྱི་ཆོས་བཤད་པ་ཡོངས་སུ་བསྟན་ཀྱང་རུང་། སངས་རྒྱས་ཀྱི་ཞིང་གི་རང་བཞིན་ཡོངས་སུ་བསྟན་ཀྱང་རུང་། སངས་རྒྱས་ཀྱི་མཐུ་ཡོངས་སུ་བསྟན་ཀྱང་རུང་། སངས་རྒྱས་ཀྱི་ཞིང་གི་རྒྱན་
ཡོངས་སུ་བསྟན་ཀྱང་རུང་། སངས་རྒྱས་ཀྱི་བྱང་ཆུབ་ཡོངས་སུ་བསྟན་ཀྱང་རུང་། ཕྱོགས་བཅུའི་འཇིག་རྟེན་གྱི་ཁམས་སུ་སངས་རྒྱས་བཅོམ་ལྡན་འདས་རྣམས་ཀྱི་བྱང་ཆུབ་སེམས་དཔའི་རྣམ་པར་བཀོད་པ་
བཅུ་ཇི་ལྟར་རྣམ་པར་དགོད་པ་དེ་ལྟར་ཡོངས་སུ་བསྟན་ཀྱང་རུང་། བྱང་ཆུབ་སེམས་དཔའི་སྤྱོད་པ་བཅུ་ཡོངས་སུ་བསྟན་ཀྱང་རུང་། བྱང་ཆུབ་སེམས་དཔའི་ཚད་མྱེད་པ་བཅུ་ཡོངས་སུ་བསྟན་ཀྱང་རུང་
བྱང་ཆུབ་སེམས་དཔའི་གཏེར་རྣམས་ཡོངས་སུ་བསྟན་ཀྱང་རུང་། བྱང་ཆུབ་སེམས་དཔའི་ས་རྣམས་ཡོངས་སུ་བསྟན་ཀྱང་རུང་། བྱང་ཆུབ་སེམས་པའི་སྨོན་ལམ་རྣམས་ཡོངས་སུ་བསྟན་ཀྱང་རུང་། 
བྱང་ཆུབ་སེམས་དཔའི་ཏིང་ངེ་འཛིན་བཅུ་རྣམས་ཡོངས་སུ་བསྟན་ཀྱང་རུང་། བྱང་ཆུབ་སེམས་དཔའི་རྣམ་པར་འཕྲུལ་པ་བཅུ་ཡོངས་སུ་བསྟན་ཀྱང་རུང་། བྱང་ཆུབ་སེམས་དཔའི་མགོ་བཅུ་ཡོངས་སུ་
བསྟན་ཀྱང་རུང་། བྱང་ཆུབ་སེམས་དཔའ་ཐམས་ཅད་ཡང་དག་པར་འབྱུང་བའི་ཕྱིར། དེ་བཞིན་གཤེགས་པའི་གདུང་མྱི་གཅད་པ་དང་། སེམས་ཅན་ཐམས་ཅད་ཡོངས་སུ་བསྐྱབ་པ་དང་། འཇིག་རྟེན་
གྱི་ཁམས་ཐམས་ཅད་ཉེ་བར་ཉོན་མོངས་པ་མྱེད་པར་བྱ་བ་དང་། འདུ་བྱེད་ཐམས་ཅད་ཡོངས་སུ་ཤེས་པར་བྱ་བ་དང་། ཆོས་ཐམས་ཅད་ཡང་དག་པར་བསྟན་པར་བྱ་བ་དང་། ཀུན་ནས་ཉོན་མོངས་པ་ཐྃས་
ཅད་རྣམ་པར་དག་པར་བྱ་བ་དང་། ཐེ་ཙོམ་ཐམས་ཅད་ཡོངས་སུ་གཅད་པ་དང་། ནེམ་ནུར་ཐམས་ཅད་ཤིན་ཏུ་བསྩལ་བ་དང་། གནས་ཐམས་ཅད་རབ་ཏུ་གཞོམ་པར་བྱ་བའི་ཕྱིར། གོང་དུ་དེ་བཞིན་གཤེགས་པའི་ས་

72-1-198b

བསྟན་ཀྱང་རུང་། གོང་དུ་དེ་བཞིན་གཤེགས་པའི་སྤྱོད་ཡུལ་བསྟན་ཀྱང་རུང་། གོང་དུ་དེ་བཞིན་གཤེགས་པའི་བྱིན་གྱིས་བརླབས་བསྟན་ཀྱང་རུང་། གོང་དུ་དེ་བཞིན་གཤེགས་པའི་
སྟོབས་བསྟན་ཀྱང་རུང་།  གོང་དུ་དེ་བཞིན་གཤེགས་པའི་མྱི་བསྙེངས་པ་བསྟན་ཀྱང་རུང་། གོང་དུ་དེ་བཞིན་གཤེགས་པའི་ཏིང་ངེ་འཛིན་བསྟན་ཀྱང་རུང་། གོང་དུ་དེ་བཞིན་གཤེགས་པའི་རྫུ་འཕྲུལ་
བསྟན་ཀྱང་རུང་། གོང་དུ་དེ་བཞིན་གཤེགས་པའི་མངའ་ཆེན་པོ་བསྟན་ཀྱང་རུང་། གོང་དུ་དེ་བཞིན་གཤེགས་པའི་མྱི་འཕྲོགས་པ་བསྟན་ཀྱང་རུང་། གོང་དུ་དེ་བཞིན་གཤེགས་པའི་སྤྱན་བསྟན་ཀྱང་རུང་གོང་
དུ་དེ་བཞིན་གཤེགས་པའི་སྙན་བསྟན་ཀྱང་རུང་། གོང་དུ་དེ་བཞིན་གཤེགས་པའི་ཤངས་བསྟན་ཀྱང་རུང་། གོང་དུ་དེ་བཞིན་གཤེགས་པའི་ལྗགས་བསྟན་ཀྱང་རུང་། གོང་དུ་དེ་བཞིན་གཤེགས་པའི་སྐུ་བསྟན་ཀྱང་རུང་
གོང་དུ་དེ་བཞིན་གཤེགས་པའི་ཐུགས་བསྟན་ཀྱང་རུང་། གོང་དུ་དེ་བཞིན་གཤེགས་པའི་སྤོབས་པ་བསྟན་ཀྱང་རུང་། གོང་དུ་དེ་བཞིན་གཤེགས་པའི་ཡེ་ཤེས་བསྟན་ཀྱང་རུང་། གོང་དུ་དེ་བཞིན་གཤེགས་པའི་ཁྱུ་
མཆོག་གི་མཐུ་བསྟན་ཀྱང་རུང་སྙམ་པ་དང་། དེ་ནས་བཅོམ་ལྡན་འདས་ཀྱི་བྱང་ཆུབ་སེམས་དཔའ་དེ་དག་གི་སེམས་ཀྱི་ཡོངས་སུ་རྣམ་པར་རྟོག་པར་ཐུགས་ཀྱི་ཐུགས་སུ་ཆུད་ནས་དེ་བཞིན་གཤེགས་པའི་རྫུ་འཕྲུལ་
མངོན་པར་འདུ་བྱ་བ་མངོན་པར་འདུ་མཛད་དོ། །རྫུ་འཕྲུལ་གྱི་རྣམ་པ་དེ་དག་མངོན་པར་འདུ་མཛད་པ། ཤར་ཕྱོགས་ལོགས་སུ་འཇིག་རྟེན་གྱི་ཁམས་སངས་རྒྱས་ཀྱི་ཞིང་བཅུའི་རྡུལ་ཤིན་ཏུ་ཕྲ་བ་སྙེད་འདས་པའི་ཕ་རོལ་
ཀྱི། འཇིག་རྟེན་གྱི་ཁམས་གསེར་གྱི་མདོག་ཅེས་བྱ་བ་དེ་བཞིན་གཤེགས་པའི་རེག་བྱེད་མི་གཡོ་བའི་སངས་རྒྱས་ཀྱི་ཞིང་ནས་བྱང་ཆུབ་སེམས་དཔའ་འཇམ་དཔལ་བྱང་ཆུབ་སེམས་དཔའ་སངས་རྒྱས་

72-1-199a

ཀྱི་ཞིང་བཅུའི་རྡུལ་ཤིན་ཏུ་ཕྲ་བ་སྙེད་དང་ལྷན་ཅིག བཅོམ་ལྡན་འདས་གང་ན་བ་དེར་དོང་སྟེ་ཕྱིན་ནས། བཅོམ་ལྡན་འདས་ལ་ཕྱག་འཚལ་ཏེ། ཤར་ཕྱོགས་སུ་བརྟེན་ནས། སེང་གེའི་ཁྲི་པད་མོའི་
སྙིང་པོ་ཅན་དག་མངོན་པར་སྤྲུལ་ཏེ། དཀྱིལ་མོ་ཀྲུང་བཅས་ནས་འཁོད་དོ། །ལྷོ་ཕྱོགས་ལོགས་སུ་འཇིག་རྟེན་གྱི་ཁམས་སངས་རྒྱས་ཀྱི་ཞིང་བཅུའི་རྡུལ་ཤིན་ཏུ་ཕྲ་བ་སྙེད་འདས་པའི་འཇིག་རྟེན་གྱི་
ཁམས་ཁ་དོག་ཡིད་དུ་འོང་བ་ཞེས་བྱ་བ་དེ་བཞིན་གཤེགས་པ་རིག་བྱེད་མི་བསྐྱོད་པའི་སངས་རྒྱས་ཀྱི་ཞིང་ནས། བྱང་ཆུབ་སེམས་དཔའ་སངས་རྒྱས་དཔལ་བྱང་ཆུབ་སེམས་དཔའ་སངས་རྒྱས་ཀྱི་ཞིང་བཅུའི་
རྡུལ་ཤིན་ཏུ་ཕྲ་བ་སྙེད་དང་ལྷན་ཅིག་ཏུ། བཅོམ་ལྡན་འདས་གང་ན་བ་དེར་དོང་སྟེ་ཕྱིན་ནས། བཅོམ་ལྡན་འདས་ལ་ཕྱག་འཚལ་ཏེ། ལྷོ་ཕྱོགས་སུ་རྟེན་ནས་སེང་གེའི་ཁྲི་པདྨོའི་སྙིང་པོ་ཅན་དག་མངོན་པར་
སྤྲུལ་ཏེ་སྐྱིལ་མོ་དཀྲུང་བཅས་ནས་འཁོད་དོ། །ནུབ་ཕྱོགས་ལོགས་སུ་འཇིག་རྟེན་གྱི་ཁམས་སངས་རྒྱས་ཀྱི་ཞིང་བཅུའི་རྡུལ་ཤིན་ཏུ་ཕྲ་བ་སྙེད་འདས་པའི་ཕ་རོལ་གྱི་འཇིག་རྟེན་གྱི་ཁམས་པད་མོའི་
མདོག་ཅེས་བྱ་བ་དེ་བཞིན་གཤེགས་པ་རིག་བྱེད་བཅིངས་མྱེད་ཀྱི་སངས་རྒྱས་ཀྱི་ཞིང་ནས་བྱང་ཆུབ་སེམས་དཔའ་ནོར་དཔལ་བྱང་ཆུབ་སེམས་དཔའ་སངས་རྒྱས་ཀྱི་ཞིང་གི་རྡུལ་ཤིན་ཏུ་ཕྲ་བ་སྙེད་དང་ལྷན་ཅིག་
ཏུ་བཅོམ་ལྡན་འདས་གང་ན་བ་དེར་དོང་སྟེ་ཕྱིན་ནས། བཅོམ་ལྡན་འདས་ལ་ཕྱག་འཚལ་ཏེ། ནུབ་ཕྱོགས་སུ་རྟེན་ནས་སེང་གེའི་ཁྲི་པད་མོའི་སྙིང་པོ་ཅན་དག་མངོན་པར་སྤྲུལ་ཏེ་སྐྱིལ་མོ་ཀྲུང་བཅས་
ནས་འཁོད་དོ། །བྱང་ཕྱོགས་ལོགས་སུ་འཇིག་རྟེན་གྱི་ཁམས་སངས་རྒྱས་ཀྱི་ཞིང་བཅུའི་རྡུལ་ཤིན་ཏུ་ཕྲ་བ་སྙེད་འདས་པའི་འཇིག་རྟེན་གྱི་ཁམས་ཙམ་པ་ཀའི་མདོག་ཅེས་བྱ་བ་ན་དེ་བཞིན་

72-1-199b

གཤེགས་པ་རིག་བྱེད་ཀུན་སྤྱོད་ཀྱི་སངས་རྒྱས་ཀྱི་ཞིང་ནས། བྱང་ཆུབ་སེམས་དཔར་རིན་ཆེན་དཔལ་བྱང་ཆུབ་སེམས་དཔའ་སངས་རྒྱས་ཀྱི་ཞིང་བཅུའི་རྡུལ་ཤིན་ཏུ་ཕྲ་བ་སྙེད་དང་ལྷན་ཅིག་ཏུ་བཅོམ་ལྡན་
འདས་གང་ན་བ་དེར་དོང་སྟེ་ཕྱིན་ནས། བཅོམ་ལྡན་འདས་ལ་ཕྱག་འཚལ་ཏེ་བྱང་ཕྱོགས་སུ་བརྟེན་ནས། སེང་གེའི་ཁྲི་པདྨོའི་སྙིང་པོ་ཅན་དག་མངོན་པར་སྤྲུལ་ཏེ། སྐྱིལ་མོ་ཀྲུང་བཅས་ནས་འཁོད་དོ་བྱང་ཤར་གྱི་
ཕྱོགས་མཚམས་སུ་འཇིག་རྟེན་གྱི་ཁམས་སངས་རྒྱས་ཀྱི་ཞིང་བཅུའི་རྡུལ་ཤིན་ཏུ་ཕྲ་བ་སྙེད་འདས་པའི་ཕ་རོལ་གྱི་འཇིག་རྟེན་གྱི་ཁམས་ཨུད་པ་ལའི་མདོག་ཅེས་བྱ་བ་དེ་བཞིན་གཤེགས་པ་རིག་བྱེད་ཉི་མའི་
སངས་རྒྱས་ཀྱི་ཞིང་ནས་བྱང་ཆུབ་སེམས་དཔའ་ཡོན་ཏན་དཔལ་བྱང་ཆུབ་སེམས་དཔའ་སངས་རྒྱས་ཀྱི་ཞིང་བཅུའི་རྡུལ་ཤིན་ཏུ་ཕྲ་བ་སྙེད་དང་ལྷན་ཅིག་ཏུ་བཅོམ་ལྡན་འདས་གང་ན་བ་དེར་དོང་སྟེ་ཕྱིན་ནས། 
བཅོམ་ལྡན་འདས་ལ་ཕྱག་འཚལ་ཏེ། བྱང་ཤར་གྱི་ཕྱོགས་འཚམས་སུ་བརྟེན་ནས་སེང་གེའི་ཁྲི་པད་མོའི་སྙིང་པོ་ཅན་དག་མངོན་པར་སྤྲུལ་ཏེ་སྐྱིལ་མོ་ཀྲུང་བཅས་ནས་འཁོད་དོ། །ཤར་ལྷོའི་ཕྱོགས་
མཚམས་སུ་འཇིག་རྟེན་གྱི་ཁམས་སངས་རྒྱས་ཀྱི་ཞིང་བཅུའི་རྡུལ་ཤིན་ཏུ་ཕྲ་བ་སྙེད་འདས་པའི་ཕ་རོལ་གྱི་འཇིག་རྟེན་གྱི་ཁམས་གསེར་གྱི་མདོག་ཅེས་བྱ་བ་དེ་བཞིན་གཤེགས་པ་རེག་བྱེད་མཐའ་བརྒལ་
གྱི་སངས་རྒྱས་ཀྱི་ཞིང་ནས་བྱང་ཆུབ་སེམས་དཔའ་མིག་གི་དཔལ་བྱང་ཆུབ་སེམས་དཔའ་སངས་རྒྱས་ཀྱི་ཞིང་བཅུའི་རྡུལ་ཤིན་ཏུ་ཕྲ་བ་སྙེད་དང་ལྷན་ཅིག་ཏུ། བཅོམ་ལྡན་འདས་གང་ན་བ་དེར་དོང་སྟེ་ཕྱིན་
ནས། བཅོམ་ལྡན་འདས་ལ་ཕྱག་འཚལ་ཏེ། ཤར་ལྷོའི་ཕྱོགས་མཚམས་སུ་བརྟེན་ནས་སེང་གེའི་ཁྲི་པད་མོའི་སྙིང་པོ་ཅན་དག་མངོན་པར་སྤྲུལ་ཏེ། སྐྱིལ་མོ་ཀྲུང་བཅས་ནས་འཁོད་དོ། །

72-1-200a

ལྷོ་ནུབ་ཀྱི་ཕྱོགས་འཚམས་སུ་འཇིག་རྟེན་གྱི་ཁམས་སངས་རྒྱས་ཀྱི་ཞིང་བཅུའི་རྡུལ་ཤིན་ཏུ་ཕྲ་བ་སྙེད་འདས་པའི་འཇིག་རྟེན་གྱི་ཁམས་རིན་པོ་ཆེའི་མདོག་ཅེས་བྱ་བ་དེ་བཞིན་གཤེགས་པའི་རིག་བྱེད་
དམ་པའི་སངས་རྒྱས་ཀྱི་ཞིང་ནས་བྱང་ཆུབ་སེམས་དཔའ་བརྩོན་འགྲུས་དཔལ་བྱང་ཆུབ་སེམས་དཔའ་སངས་རྒྱས་ཀྱི་ཞིང་བཅུའི་རྡུལ་ཤིན་ཏུ་ཕྲ་བ་སྙེད་དང་ལྷན་ཅིག་ཏུ། བཅོམ་ལྡན་འདས་གང་ན་བ་དེར་དོང་སྟེ་ཕྱིན་
ནས། བཅོམ་ལྡན་འདས་ལ་ཕྱག་འཚལ་ཏེ། ལྷོ་ནུབ་ཀྱི་ཕྱོགས་མཚམས་སུ་བརྟེན་ནས་སེང་གེའི་ཁྲི་པདྨོའི་སྙིང་པོ་ཅན་དག་མངོན་པར་སྤྲུལ་ཏེ། སྐྱིལ་མོ་ཀྲུང་བཅས་ནས་འཁོད་དོ། །ནུབ་བྱང་
གི་ཕྱོགས་མཚམས་སུ་འཇིག་རྟེན་གྱི་ཁམས་སངས་རྒྱས་ཀྱི་ཞིང་བཅུའི་རྡུལ་ཤིན་ཏུ་ཕྲ་བ་སྙེད་འདས་པའི་ཕ་རོལ་འཇིག་རྟེན་གྱི་ཁམས་རྡོ་རྗེའི་མདོག་ཅེས་བྱ་བ། དེ་བཞིན་གཤེགས་པའི་རིག་བྱེད་
དབང་ཕྱུག་གིས་སངས་རྒྱས་ཀྱི་ཞིང་ནས། བྱང་ཆུབ་སེམས་དཔའ་ཆོས་དཔལ་ཞེས་བྱ་བ་བྱང་ཆུབ་སེམས་དཔའ་སངས་རྒྱས་ཀྱི་ཞིང་བཅུའི་རྡུལ་ཤིན་ཏུ་ཕྲ་བ་སྙེད་དང་ལྷན་ཅིག་ཏུ། བཅོམ་ལྡན་འདས་
གང་ན་བ་དེར་དོང་སྟེ་ཕྱིན་ནས། བཅོམ་ལྡན་འདས་ལ་ཕྱག་འཚལ་ཏེ། ནུབ་བྱང་གི་ཕྱོགས་མཚམས་སུ་བརྟེན་ནས། སེང་གེའི་ཁྲི་པད་མོའི་སྙིང་པོ་ཅན་དག་མངོན་པར་སྤྲུལ་ཏེ་སྐྱིལ་མོ་ཀྲུང་བཅས་
ནས་འཁོད་དོ། །འོག་གིས་ཕྱོགས་ལོགས་སུ་འཇིག་རྟེན་གྱི་ཁམས་སངས་རྒྱས་ཀྱི་ཞིང་བཅུའི་རྡུལ་ཤིན་ཏུ་ཕྲ་བ་སྙེད་འདས་པའི་ཕ་རོལ་འཇིག་རྟེན་གྱི་ཁམས་ཤེལ་གྱི་མདོག་དེ་བཞིན་གཤེགས་པ་རིག་
བྱེད་ཚངས་པའི་དབང་པོའི་སངས་རྒྱས་ཀྱི་ཞིང་ནས་བྱང་ཆུབ་སེམས་དཔའ་ཡེ་ཤེས་དཔལ། བྱང་ཆུབ་སེམས་དཔའ་སངས་རྒྱས་ཀྱི་ཞིང་བཅུའི་རྡུལ་ཤིན་ཏུ་ཕྲ་བ་སྙེད་དང་ལྷན་གཅིག་ཏུ། བཅོམ་ལྡན་

72-1-200b

འདས་གང་ན་བ་དེར་དོང་སྟེ་ཕྱིན་ནས། བཅོམ་ལྡན་འདས་ལ་ཕྱག་འཚལ་ཏེ། འོགས་གི་ཕྱོགས་སུ་བརྟེན་ནས་སེང་གེའི་ཁྲི་པདྨོའི་སྙིང་པོ་ཅན་དག་མངོན་པར་སྤྲུལ་ཏེ་སྐྱིལ་མོ་ཀྲུང་བཅས་ནས་འཁོད་དོ། །
སྟེང་གིས་ཕྱོགས་ལོགས་སུ་འཇིག་རྟེན་གྱི་ཁམས་སངས་རྒྱས་ཀྱི་ཞིང་བཅུའི་རྡུལ་ཤིན་ཏུ་ཕྲ་བ་སྙེད་འདས་པའི་འཇིག་རྟེན་གྱི་ཁམས་འདྲ་བའི་མདོག་ཅེས་བྱ་བའི་དེ་བཞིན་གཤེགས་པ་རིག་བྱེད་སྣ་ཚོགས་ཀྱི་
སངས་རྒྱས་ཀྱི་ཞིང་ནས་བྱང་ཆུབ་སེམས་དཔའ་བཟང་པོའི་དཔལ་བྱང་ཆུབ་སེམས་དཔའ་སངས་རྒྱས་ཀྱི་ཞིང་བཅུའི་རྡུལ་ཤིན་ཏུ་ཕྲ་བ་སྙེད་དང་ལྷན་ཅིག་ཏུ་བཅོམ་ལྡན་འདས་གང་ན་བ་དེར་དོང་སྟེ་ཕྱིན་ནས། 
བཅོམ་ལྡན་འདས་ལ་ཕྱག་འཚལ་ཏེ། སྟེང་གི་ཕྱོགས་སུ་བརྟེན་ནས་སེང་གེའི་ཁྲི་པད་མོའི་སྙིང་པོ་ཅན་དག་མངོན་པར་སྤྲུལ་ཏེ། སྐྱིལ་མོ་ཀྲུང་བཅས་ནས་འཁོད་དོ། །དེ་ནས་བྱང་ཆུབ་སེམས་དཔའཇམ་
དཔལ་གྱིས། སངས་རྒྱས་ཀྱི་བྱིན་གྱིས་བརླབས་ཀྱི། བྱང་ཆུབ་སེམས་དཔའི་དགེ་འདུན་ཐམས་ཅད་ལ་བལྟས་ཏེ་འདི་སྐད་ཅེས་སྨྲས་སོ། །བྱང་ཆུབ་སེམས་དཔའ་འདུས་པ་འདི་དག་ནི་ངོ་མཚར་ཐོབ་པ་ཤ་
སྟག་སྟེ། སངས་རྒྱས་བཅོམ་ལྡན་འདས་རྣམས་ཀྱི་སངས་རྒྱས་ཀྱི་ཞིང་ནི་བསམ་གྱིས་མྱི་ཁྱབ་བོ། །སངས་རྒྱས་བཅོམ་ལྡན་འདས་རྣམས་ཀྱི་སངས་རྒྱས་ཀྱི་རྣམ་པར་སྤྱོད་པ་ནི་བསམ་གྱིས་མྱི་ཁྱབ་བོ། །
སངས་རྒྱས་བཅོམ་ལྡན་འདས་རྣམས་ཀྱི་སངས་རྒྱས་ཀྱི་ཞིང་གི་རྒྱན་ནི་བསམ་གྱིས་མྱི་ཁྱབ་བོ། །སངས་རྒྱས་བཅོམ་ལྡན་འདས་རྣམས་ཀྱི་སངས་རྒྱས་ཀྱི་ཆོས་ཉིད་ནི་བསམ་གྱིས་མི་ཁྱབ་བོ། །
སངས་རྒྱས་བཅོམ་ལྡན་འདས་རྣམས་ཀྱི་སངས་རྒྱས་ཀྱི་ཞིང་ཡོངསུ་དག་པ་ནི་བསམ་གྱི་མི་ཁྱབ་བོ། །སངས་རྒྱས་བཅོམ་ལྡན་འདས་རྣམས་ཀྱི་ཆོས་བསྟན་པ་ནི་བསམ་གྱིས་མི་ཁྱབ་བོ། །སངས་རྒྱས་

72-1-201a

བཅོམ་ལྡན་འདས་རྣམས་ཀྱི་སངས་རྒྱས་འབྱུང་བ་ནི་བསམ་གྱིས་མི་ཁྱབ་བོ། །སངས་རྒྱས་བཅོམ་ལྡན་འདས་རྣམས་ཀྱི་སངས་རྒྱས་ཀྱི་ཞིང་ཀུན་ཏུ་རྒྱུ་བ་ནི་བསམ་གྱིས་མྱི་ཁྱབ་པོ། །
སངས་རྒྱས་བཅོམ་ལྡན་འདས་རྣམས་ཀྱི་བླ་ན་མྱེད་པ་ཡང་དག་པར་རྫོགས་པའི་བྱང་ཆུབ་ནི་བསམ་གྱིས་མྱི་ཁྱབ་སྟེ། དེ་ཅིའི་ཕྱིར་ཞེ་ན། འདི་ལྟར་སངས་རྒྱས་བཅོམ་ལྡན་འདས་རྣམས་ནི་ཕྱོགས་བཅུའིཇིག་
རྟེན་གྱི་ཁམས་སུ་སེམས་ཅན་འདུལ་བ་རྣམས་ཀྱི་བསམ་པ་ཐུགས་སུ་ཆུད་ཅིང་། ནམ་མཁའི་དབྱིངས་ཀྱི་མཐས་གཏུགས་པ། ཆོས་ཀྱི་དབྱིངས་ཀླས་པ་དག་ཏུ་ཆོས་སྟོན་ཏེ། དེ་ཅིའི་ཕྱིར་ཞེ་ན། ཀྱེ་རྒྱལ་
བའི་སྲས་དག་འཇིག་རྟེན་གྱི་ཁམས་མྱི་འཇེད་འདི་ཉིད་དང་། དེ་མ་ཡིན་པའི་གླིང་བཞི་པ་གཞན་དག་ན་འང་སྐུ་གཞན་དང་གཞན་མཚན་གཞན་དང་གཞན། ཁ་དོག་དང་དབྱིབས་གཞན་དང་གཞན། 
ཆུ་ཞེང་གཞན་དང་གཞན། སྐུ་ཚེའི་ཚད་གཞན་དང་གཞན། སྐྱེ་མཆེད་བརྙེས་པ་གཞན་དང་གཞན། དབང་པོ་བརྙེས་པ་གཞན་དང་གཞན། འབྱུང་བའི་སྐྱེ་མཆེད་གཞན་དང་གཞན་སྐུ་གཟུགས་གཞན་དང་གཞན་
དུ་དེ་བཞིན་གཤེགས་པ་སེམས་ཅན་རྣམས་ཀྱི་རབ་ཏུ་ཤེས་སོ། །དེ་ཅིའི་ཕྱིར་ཞེ་ན། ཀྱེ་རྒྱལ་བའི་སྲས་དག་འཇིག་རྟེན་གྱི་ཁམས་གླིང་བཞི་པའི་བཅོམ་པ་དང་ལྡན་པ་ཞེས་བྱ་བ་འདི་ཉིད་ན་ཡང་དེ་བཞིན་
གཤེགས་པ་དོན་ཐམས་ཅད་གྲུབ་པ་ཞེས་བྱ་བར་རབ་ཏུ་ཤེས་སོ། །ཟླ་བའི་དཀྱིལ་འཁོར་ཞེས་བྱ་བ་རབ་ཏུ་ཤེས་སོ། །སེང་གེའི་ང་རོ་ཅན་ཞེས་བྱ་བ་རབ་ཏུ་ཤེས་སོ། །ཤཱཀྱ་ཐུབ་པ་ཞེས་བྱ་བ་རབ་ཏུ་ཤེས་
སོ། །དྲང་སྲོང་དམ་པའི་མཆོག་ཅེས་བྱ་བ་རབ་ཏུ་ཤེས་སོ། །རྣམ་པར་སྣང་མཛད་ཅེས་བྱ་བ་རབ་ཏུ་ཤེས་སོ། །གོའུ་ཏ་མའི་རིགས་ཞེས་བྱ་བ་རབ་ཏུ་ཤེས་སོ། །དགེ་སྦྱོང་ཆེན་པོ་ཞེས་བྱ་བ་རབ་ཏུ་

72-1-201b

ཤེས་སོ། །རྒྱལ་བ་དམ་པ་ཞེས་བྱ་བ་རབ་ཏུ་ཤེས་སོ། །མུ་སྟེགས་བྱེད་ཞེས་བྱ་བ་རབ་ཏུ་ཤེས་སོ། །ཀྱེ་རྒྱལ་བའི་སྲས་དག་དེ་དག་ལས་སོགས་པ་འཇིག་རྟེན་གྱི་ཁམས་གླིང་བཞི་པ་བཅོམ་པ་དང་ལྡན་
པ་ན་མཚན་སྟོང་ཕྲག་བཅུར་དེ་བཞིན་གཤེགས་པ་སེམས་ཅན་རྣམས་ཀྱི་རབ་ཏུ་ཤེས་སོ། །ཀྱེ་རྒྱལ་བའི་སྲས་དག་གླིང་བཞི་པ་འདི་དང་འདབ་ཆགསུ་ཤར་ཕྱོགས་ལོགས་ན་གླིང་བཞི་པ་ཤིན་ཏུ་བསྲུང་བ་ཞེས་བྱ་
བ་ཡོད་དེ། དེ་ན་དེ་བཞིན་གཤེགས་པ་ལ་རྡོ་རྗེ་ཞེས་བྱ་བ་རབ་ཏུ་ཤེས་སོ། །དབང་ཕྱུག་ཅེས་བྱ་བ་རབ་ཏུ་ཤེས་སོ། །བློ་གྲོས་མངའ་བ་ཞེས་བྱ་བ་རབ་ཏུ་ཤེས་སོ། །ཐུབ་པར་དཀའ་བ་ཞེས་བྱ་བ་རབ་ཏུ་
ཤེས་སོ། །སྤྲིན་གྱི་རྒྱལ་པོ་ཞེས་བྱ་བ་རབ་ཏུ་ཤེས་སོ། །ཉོན་མོངས་པ་མེད་པ་ཞེས་བྱ་བ་རབ་ཏུ་ཤེས་སོ། །སྐྱབས་མཛད་པ་ཞེས་བྱ་བ་རབ་ཏུ་ཤེས་སོ། །ཐུགས་དགྱེས་པ་ཞེས་བྱ་བ་རབ་ཏུ་
ཤེས་སོ། །མཚུངས་པ་མྱེད་པ་ཞེས་བྱ་བ་རབ་ཏུ་ཤེས་སོ། །ཚིག་གཅོད་པ་ཞེས་བྱ་བ་རབ་ཏུ་ཤེས་སོ། །ཀྱེ་རྒྱལ་བའི་སྲས་དག་དེ་དག་ལས་སོགས་པ་གླིང་བཞི་པ་ཤིན་ཏུ་བསྲུང་པ་ཞེས་བྱ་བ་ན། 
དེ་བཞིན་གཤེགས་པ་ལ་མཚན་སྟོང་ཕྲག་བཅུར་སེམས་ཅན་རྣམས་ཀྱི་རབ་ཏུ་ཤེས་སོ། །ཀྱེ་རྒྱལ་བའི་སྲས་དག་གླིང་བཞི་པ་འདི་དང་འདབ་ཆགསུ་ལྷོ་ཕྱོགས་ལོགས་ན་གླིང་བཞི་པ་བཟོད་པར་དཀའ་བ་
ཞེས་བྱ་བ་ཡོད་དེ། དེ་ན་དེ་བཞིན་གཤེགས་པ་ལ་དབང་པོ་ཞེས་བྱ་བ་རབ་ཏུ་ཤེས་སོ། །ནོར་གྲགས་ཞེས་བྱ་བ་རབ་ཏུ་ཤེས་སོ། །དྲི་མ་མེད་པ་ཞེས་བྱ་བ་རབ་ཏུ་ཤེས་སོ། །ཡང་དག་པར་གསུང་བ་ཞེས་
བྱ་བ་རབ་ཏུ་ཤེས་སོ། འདུལ་བ་ཞེས་བྱ་བ་རབ་ཏུ་ཤེས་སོ། །དགྱེས་པ་མངའ་བ་ཞེས་བྱ་བ་རབ་ཏུ་ཤེས་སོ། །རྣམ་པར་གྲགས་པ་ཞེས་བྱ་བ་རབ་ཏུ་ཤེས་སོ།  །དོན་མཛད་པ་ཞེས་བྱ་བ་རབ་ཏུ་ཤེས་སོ། །མཐའ་ཡས་པ་ཞེས་བྱ་བ་རབ་ཏུ་ཤེས་སོ། །འདུལ་བར་བྱེད་པ་ཞེས་བྱ་བ་རབ་ཏུ་ཤེས་སོ། །དཔལ་དང་ལྡན་པ་ཞེས་བྱ་བ་རབ་ཏུ་ཤེས་སོ། །ཀྱེ་རྒྱལ་

72-1-202a

བའི་སྲས་དག་དེ་དག་ལ་སོགས་པའི་གླིང་བཞི་པ་བཟོད་པར་དཀའ་བ་ན་མཚན་སྟོང་ཕྲག་བཅུར་དེ་བཞིན་གཤེགས་པ་སེམས་ཅན་རྣམས་ཀྱི་རབ་ཏུ་ཤེས་སོ། །ཀྱེ་རྒྱལ་བའི་སྲས་དག་གླིང་བཞི་པ་འདི་དང་
འདབ་ཆགས་སུ་ནུབ་ཕྱོགས་ལོགས་ན་གླིང་བཞི་པ་གཉེན་དང་ལྡན་པ་ཞེས་བྱ་བ་ཡོད་དེ་ན། དེ་བཞིན་གཤེགས་པ་ལ་ཆུའི་ལྷ་ཞེས་བྱ་བ་རབ་ཏུ་ཤེས་སོ། །བལྟ་ན་དཀའ་བ་ཞེས་བྱ་བ་རབ་ཏུ་ཤེས་སོ། །རྒྱལ་
པོ་དམ་པ་ཞེས་བྱ་བ་རབ་ཏུ་ཤེས་སོ། །སེང་གེ་འདུལ་བ་ཞེས་བྱ་བ་རབ་ཏུ་ཤེས་སོ། །བདེན་པའི་བློ་གྲོས་ཞེས་བྱ་བ་རབ་ཏུ་ཤེས་སོ། །མཐའ་ལས་འདས་པར་གཤེགས་པ་ཞེས་བྱ་བ་རབ་ཏུ་ཤེས་སོ། །དགྱེས་
པ་ཞེས་བྱ་བ་རབ་ཏུ་ཤེས་སོ། །ཆོས་ཀྱི་བློ་གྲོས་ཞེས་བྱ་བ་རབ་ཏུ་ཤེས་སོ། །འཕྲིན་ལས་གྲུབ་པ་ཞེས་བྱ་བ་རབ་ཏུ་ཤེས་སོ། །མཁས་པ་ཞེས་བྱ་བ་རབ་ཏུ་ཤེས་སོ། །ཀྱེ་རྒྱལ་བའི་སྲས་དག་དེ་དག་ལས་
སོགས་པ་གླིང་བཞི་པ་གཉེན་དང་ལྡན་པ་ཞེས་བྱ་བ་དེ་ན་མཚན་སྟོང་ཕྲག་བཅུར་དེ་བཞིན་གཤེགས་པ་སེམས་ཅན་རྣམས་ཀྱི་རབ་ཏུ་ཤེས་སོ། །ཀྱེ་རྒྱལ་བའི་སྲས་དག་གླིང་བཞི་པ་འདི་དང་འདབ་ཆགས་
སུ་བྱང་ཕྱོགས་ལོགས་ན་གླིང་བཞི་པ་སེང་གེ་ཡོད་པ་ཞེས་བྱ་བ་ཡོད་དེ། དེ་ན་དེ་བཞིན་གཤེགས་པ་ཐུབ་པ་ཆེན་པོ་ཞེས་བྱ་བ་རབ་ཏུ་ཤེས་སོ། །དཀའ་ཐུབ་ཀྱི་བསྒྲུབ་པ་ཞེས་བྱ་བ་རབ་ཏུ་ཤེས་སོ། །
ཞིང་ལ་དཔའ་བ་ཞེས་བྱ་བ་རབ་ཏུ་ཤེས་སོ། །ཐམས་ཅད་ཐུགས་སུ་ཆུད་པ་ཞེས་བྱ་བ་རབ་ཏུ་ཤེས་སོ། །ཡིད་བཟང་པོ་ཞེས་བྱ་བ་རབ་ཏུ་ཤེས་སོ། །ཡོངས་སུ་དག་པ་ཞེས་བྱ་བ་རབ་ཏུ་ཤེས་སོ། །
ཤུགས་འཛིན་ཅེས་བྱ་བ་རབ་ཏུ་ཤེས་སོ། །ལྡ་ལྡི་བཟང་པོ་ཞེས་བྱ་བ་རབ་ཏུ་ཤེས་སོ། །བརྟུལ་ཞུགས་བརྙེས་པ་ཞེས་བྱ་བ་རབ་ཏུ་ཤེས་སྟེ། ཀྱེ་རྒྱལ་བའི་སྲས་དག་དེ་དག་ལ་སོགས་པ་གླིང་བཞི་པ་

72-1-202b

སེང་གེ་ཡོད་པ་ན་མཚན་སྟོང་ཕྲག་བཅུར་དེ་བཞིན་གཤེགས་པ་སེམས་ཅན་རྣམས་ཀྱི་རབ་ཏུ་ཤེས་སོ། །ཀྱེ་རྒྱལ་བའི་སྲས་དག་གླིང་བཞི་པ་འདི་དང་འདབས་ཆགས་སུ་བྱང་ཤར་གྱི་ཕྱོགས་
མཚམས་ན་གླིང་བཞི་པ་རྣམ་པར་བསྩགས་པ་ཞེས་བྱ་བ་ཡོད་དེ། དེ་ན་དེ་བཞིན་གཤེགས་པ་ལ་བདུད་རྣམ་པར་འཇོམས་པ་ཞེས་བྱ་བ་རབ་ཏུ་ཤེས་སོ། །ཡང་དག་པར་འབྱུང་བ་ཞེས་བྱ་བ་རབ་ཏུ་ཤེས་
སོ། །ཞི་བ་ཞེས་བྱ་བ་རབ་ཏུ་ཤེས་སོ། །བཟང་པོའི་ལྷ་ཞེས་བྱ་བ་རབ་ཏུ་ཤེས་སོ། །འདོད་ཆགས་དང་བྲལ་བ་ཞེས་བྱ་བ་རབ་ཏུ་ཤེས་སོ། །བློ་གྲོས་མཆོག་ཅེས་བྱ་བ་རབ་ཏུ་ཤེས་སོ། །ཐུགས་མཉམ་
པ་ཞེས་བྱ་བ་རབ་ཏུ་ཤེས་སོ། །གཞན་གྱི་མི་ཐུབ་པ་ཞེས་བྱ་བ་རབ་ཏུ་ཤེས་སོ། །བློ་གྲོས་ཀྱི་དབྱིངས་ཞེས་བྱ་བ་རབ་ཏུ་ཤེས་སོ། །རིང་དུ་བཞུད་པ་ཞེས་བྱ་བ་རབ་ཏུ་ཤེས་ཏེ། ཀྱེ་རྒྱལ་བའི་སྲས་
དག་དེ་དག་ལ་སོགས་པ་གླིང་བཞི་པ་རྣམ་པར་བསྩགས་པ་ཞེས་བྱ་བ་ན་མཚན་སྟོང་ཕྲག་བཅུར་དེ་བཞིན་གཤེགས་པ་སེམས་ཅན་རྣམས་ཀྱི་རབ་ཏུ་ཤེས་སོ། །ཀྱེ་རྒྱལ་བའི་སྲས་དག་གླིང་བཞི་པ་
འདི་དང་འདབ་ཆགས་སུ། ཤར་ལྷོའི་ཕྱོགས་མཚམས་ན་གླིང་བཞི་པ་དགའ་བ་ཞེས་བྱ་བ་ཡོད་དེ། དེ་ན་དེ་བཞིན་གཤེགས་པ་ལ་འཇིགས་པ་ཞེས་བྱ་བ་རབ་ཏུ་ཤེས་སོ། །མྱེའི་ཕུང་པོ་ཞེས་བྱ་བ་
རབ་ཏུ་ཤེས་སོ། །ཐུགས་སུ་ཆུད་པ་ཞེས་བྱ་བ་རབ་ཏུ་ཤེས་སོ། །ཁྱབ་པ་དང་ལྡན་པ་ཞེས་བྱ་བ་རབ་ཏུ་ཤེས་སོ། །མྱི་ལྡན་པ་ཞེས་བྱ་བ་རབ་ཏུ་ཤེས་སོ། །རང་བཞིན་འཛིན་པ་ཞེས་བྱ་བ་རབ་ཏུ་ཤེས་
སོ། །རིགས་པར་སྤྱོད་པ་ཞེས་བྱ་བ་རབ་ཏུ་ཤེས་སོ། །མྱིག་གི་རྒྱལ་པོ་ཞེས་བྱ་བ་རབ་ཏུ་ཤེས་སོ། །ཤིན་ཏུ་འཕགས་པ་ཞེས་བྱ་བ་རབ་ཏུ་ཤེས་སོ། །སྟོབས་ཀྱི་བརྩོན་འགྲུས་ཞེས་བྱ་བ་རབ་ཏུ་ཤེས་

72-1-203a

སོ། །ཀྱེ་རྒྱལ་བའི་སྲས་དག་དེ་དག་ལ་སོགས་པ་གླིང་བཞི་པ་དགའ་བ་ན་མཚན་སྟོང་ཕྲག་བཅུར་དེ་བཞིན་གཤེགས་པ་སེམས་ཅན་རྣམས་ཀྱི་རབ་ཏུ་ཤེས་སོ། །ཀྱེ་རྒྱལ་བའི་སྲས་དག་གླིང་བཞི་པ་
འདི་དང་འདབ་ཆགས་སུ་ལྷོ་ནུབ་ཀྱི་ཕྱོགས་མཚམས་ན་གླིང་བཞི་པ་སྙིང་པོ་དམ་པ་ཞེས་བྱ་བ་ཡོད་དེ། དེ་ན་དེ་བཞིན་གཤེགས་པ་ལ་མྱི་གཡོ་བ་ཞེས་བྱ་བ་རབ་ཏུ་ཤེས་སོ། །མཁས་པའི་རྒྱལ་པོ་ཞེས་
བྱ་བ་རབ་ཏུ་ཤེས་སོ། །ཡོངས་སུ་རྒྱས་པ་ཞེས་བྱ་བ་རབ་ཏུ་ཤེས་སོ། །མྱི་སྐྱོད་པ་ཞེས་བྱ་བ་རབ་ཏུ་ཤེས་སོ། །མཛེས་པའི་སྤྱན་ཅན་ཞེས་བྱ་བ་རབ་ཏུ་ཤེས་སོ། །རྒྱལ་བའི་མཆོག་ཅེས་བྱ་བ་རབ་ཏུ་ཤེས་
སོ། །དབྱངས་ཀྱི་དབང་ཕྱུག་ཅེས་བྱ་བ་རབ་ཏུ་ཤེས་སོ། །ཐམས་ཅད་གཏོང་བ་ཞེས་བྱ་བ་རབ་ཏུ་ཤེས་སོ། །དྲང་སྲོང་འཛིན་པ་ཞེས་བྱ་བ་རབ་ཏུ་ཤེས་སོ། །རི་རབ་དཔལ་ཞེས་བྱ་བ་རབ་ཏུ་ཤེས་ཏེ། 
ཀྱེ་རྒྱལ་བའི་སྲས་དག་གླིང་བཞི་པ་སྙིང་པོ་དམ་པ་ན་མཚན་སྟོང་ཕྲག་བཅུར་དེ་བཞིན་གཤེགས་པ་སེམས་ཅན་རྣམས་ཀྱི་རབ་ཏུ་ཤེས་སོ། །ཀྱེ་རྒྱལ་བའི་སྲས་དག་གླིང་བཞི་པ་འདི་དང་འདབ་ཆགསུ་ནུབ་
བྱང་གི་ཕྱོགས་མཚམས་ན་གླིང་བཞི་པ་ས་བཟང་པོ་ཞེས་བྱ་བ་ཡོད་དེ། དེ་ན་དེ་བཞིན་གཤེགས་པ་ལ་ཡང་དག་པའི་མཐའ་ཞེས་བྱ་བ་རབ་ཏུ་ཤེས་སོ། །འོད་འཕྲོ་བ་དང་ལྡན་པ་ཞེས་བྱ་བ་རབ་ཏུ་ཤེསོ། །
རིན་པོ་ཆེའི་གཙུག་པུད་ཅེས་བྱ་བ་རབ་ཏུ་ཤེས་སོ། །དྲན་པར་བྱ་བ་ཞེས་བྱ་བ་རབ་ཏུ་ཤེསོ། །དོན་གྱི་མཆོག་ཅེས་བྱ་བ་རབ་ཏུ་ཤེས་སོ། །ཤིན་ཏུ་བཞེད་པ་ཞེས་བྱ་བ་རབ་ཏུ་ཤེསོ། །རིགས་གཙང་མ་ཞེས་བྱ་བ་རབ་ཏུ་
ཤེས་སོ། །འོད་ཀྱི་དཀྱིལ་འཁོར་ཅེས་བྱ་བ་རབ་ཏུ་ཤེས་སོ། །ཕྱག་ཤིན་ཏུ་འཕྱང་བ་ཞེས་བྱ་བ་རབ་ཏུ་ཤེས་སོ། །ཐོག་མར་རབ་ཏུ་གནས་པ་ཞེས་བྱ་བ་རབ་ཏུ་ཤེས་སོ། །ཀྱེ་རྒྱལ་བའི་སྲས་དག་དེ་དག་

72-1-203b

ལ་སོགས་པ་གླིང་བཞི་པ་ས་བཟང་པོ་ན་མཚན་སྟོང་ཕྲག་བཅུར་དེ་བཞིན་གཤེགས་པ་སེམས་ཅན་རྣམས་ཀྱི་རབ་ཏུ་ཤེས་སོ། །ཀྱེ་རྒྱལ་བའི་སྲས་དག་གླིང་བཞི་པ་འདི་དང་འདབ་ཆགསུ་འོག་ལོགས་ན་གླིང་བཞི་པ་འོད་
འཕྲོ་བ་དང་ལྡན་པ་ཞེས་བྱ་བ་ཡོད་དེ། དེ་ན་དེ་བཞིན་གཤེགས་པ་ལ་ཤིན་ཏུ་གྲུབ་པ་ཞེས་བྱ་བ་རབ་ཏུ་ཤེས་སོ། །སེང་གེའི་ཁ་དོག་ཅེས་བྱ་བ་རབ་ཏུ་ཤེས་སོ། །རྣོ་བ་ཞེས་བྱ་བ་རབ་ཏུ་ཤེས་སོ་གསེར་གྱི་འོད་འཕྲོ་
ཞེས་བྱ་བ་རབ་ཏུ་ཤེས་སོ། །ཐམས་ཅད་ཀྱི་བཤེས་གཉེན་ཞེས་བྱ་བ་རབ་ཏུ་ཤེས་སོ། །གསུང་མཐར་ཐུག་པ་ཞེས་བྱ་བ་རབ་ཏུ་ཤེས་སོ། །ཕན་པར་མཛད་པ་ཞེས་བྱ་བ་རབ་ཏུ་ཤེས་སོ། །མཐར་ཐུག་པ་ཞེས་བྱ་
བ་རབ་ཏུ་ཤེས་སོ། །ལྷ་མ་ནོར་བ་ཞེས་བྱ་བ་རབ་ཏུ་ཤེས་སོ། །སྦྱིན་པ་སྙོམས་པ་ཞེས་བྱ་བ་རབ་ཏུ་ཤེས་ཏེ། ཀྱེ་རྒྱལ་བའི་སྲས་དག་དེ་དག་ལ་སོགས་པ་གླིང་བཞི་པ་འོད་འཕྲོ་བ་དང་ལྡན་པ་ན་མཚན་བརྒྱ་
སྟོང་ཕྲག་བཅུར་དེ་བཞིན་གཤེགས་པ་སེམས་ཅན་རྣམས་ཀྱི་རབ་ཏུ་ཤེསོ། །ཀྱེ་རྒྱལ་བའི་སྲས་དག་གླིང་བཞི་པ་འདི་དང་འདབ་ཆགསུ་སྟེང་ལོགས་ན་གླིང་བཞི་པ་ནོར་འཛིན་ཅེས་བྱ་བ་ཡོད་དེ། དེ་ན་དེ་བཞིན་གཤེགས་པ་ལ་
བློ་གྲོས་དང་ལྡན་པ་ཞེས་བྱ་བ་རབ་ཏུ་ཤེསོ། །ཞལ་དག་པ་ཞེས་བྱ་བ་རབ་ཏུ་ཤེས་སོ། །བཤེས་གཉེན་དང་ལྡན་པ་ཞེས་བྱ་བ་རབ་ཏུ་ཤེསོ། །ཐོག་མར་གཤེགས་པ་ཞེས་བྱ་བ་རབ་ཏུ་ཤེས་སོ། །བྱིན་པ་རྣམ་པར་
བཀོད་པ་ཞེས་བྱ་བ་རབ་ཏུ་ཤེས་སོ། །དགའ་བར་མཛད་པ་ཞེས་བྱ་བ་རབ་ཏུ་ཤེསོ། །དགོངས་པ་གྲུབ་པ་ཞེས་བྱ་བ་རབ་ཏུ་ཤེསོ། །མྱེ་ཞེས་བྱ་བ་རབ་ཏུ་ཤེསོ། །ཚུལ་ཁྲིམས་དང་ལྡན་པ་ཞེས་བྱ་བ་རབ་ཏུ་ཤེས་
སོ། །གཅིག་ལ་བརྟེན་པ་ཞེས་བྱ་བ་རབ་ཏུ་ཤེས་ཏེ། ཀྱེ་རྒྱལ་བའི་སྲས་དག་རྣམ་པ་དེ་དག་ལས་སོགས་པ་གླིང་བཞི་པ་ནོར་འཛིན་ན་མཚན་སྟོང་ཕྲག་བཅུར་དེ་བཞིན་གཤེགས་པ་སེམས་ཅན་

72-1-204a

རྣམས་ཀྱིས་རབ་ཏུ་ཤེས་སོ། །ཀྱེ་རྒྱལ་བའི་སྲས་དག་དེ་ལྟར་དེ་དག་ལ་སོགས་པ་འཇིག་རྟེན་གྱི་ཁམས་མི་འཇེད་འདི་ན་གླིང་བཞི་པའི་འཇིག་རྟེན་གྱི་ཁམས་བྱེ་བ་ཕྲག་བརྒྱ་ཡོད་དེ། དེ་དག་
ཀུན་ན་ཡང་དེ་བཞིན་གཤེགས་པ་ལ་མཚན་གཞན་དང་གཞན་གྱིས་བརྗོད་དེ་མཚན་བྱེ་བ་བརྒྱ་སྟོང་ཕྲག་བཅུར་དེ་བཞིན་གཤེགས་པ་སེམས་ཅན་རྣམས་ཀྱི་རབ་ཏུ་ཤེས་སོ། །ཀྱེ་རྒྱལ་བའི་སྲས་དག་
འཇིག་རྟེན་གྱི་ཁམས་མྱི་མཇེད་འདི་དང་འདབ་ཆགས་སུ་ཤར་ཕྱོགས་ལོགས་ན་འཇིག་རྟེན་གྱི་ཁམས་ཁེབས་པ་དང་ལྡན་པ་ཞེས་བྱ་བ་ཡོད་དེ། དེ་ན་དེ་བཞིན་གཤེགས་པ་ལ་མཉམ་པ་ཞེས་བྱ་བ་རབ་ཏུ་ཤེསོ། །
འཕགས་པར་ལྷག་པ་ཞེས་བྱ་བ་རབ་ཏུ་ཤེས་སོ། །དབུག་ཕྱིན་པ་ཞེས་བྱ་བ་རབ་ཏུ་ཤེས་སོ། །བསམ་པ་གྲོལ་བ་ཞེས་བྱ་བ་རབ་ཏུ་ཤེས་སོ། །ཉན་པའི་བདག་པོ་ཞེས་བྱ་བ་རབ་ཏུ་ཤེས་སོ། །ཁྱབ་པར་བཞུགས་
པ་ཞེས་བྱ་བ་རབ་ཏུ་ཤེས་སོ། །དབང་དུ་གྱུར་པ་ཞེས་བྱ་བ་རབ་ཏུ་ཤེས་སོ། །ས་ལའི་ལྷུན་ཞེས་བྱ་བ་རབ་ཏུ་ཤེས་སོ། །རྩལ་ཆེན་པོ་ཞེས་བྱ་བ་རབ་ཏུ་ཤེས་སོ། །བློ་འདྲ་བ་མེད་པ་ཞེས་བྱ་བ་རབ་ཏུ་ཤེསོ། 
ཀྱེ་རྒྱལ་བའི་སྲས་དག་དེ་དག་ལ་སོགས་པ་འཇིག་རྟེན་གྱི་ཁམས་ཁེབས་པ་དང་ལྡན་པ་ན་མཚན་བྱེ་བ་བརྒྱ་སྟོང་ཕྲག་བཅུར་དེ་བཞིན་གཤེགས་པ་སེམས་ཅན་རྣམས་ཀྱི་རབ་ཏུ་ཤེས་སོ། །ཀྱེ་
རྒྱལ་བའི་སྲས་དག་འཇིག་རྟེན་གྱི་ཁམས་འདི་དང་འདབ་ཆགས་སུ་ལྷོ་ཕྱོགས་ལོགས་ན་འཇིག་རྟེན་གྱི་ཁམས་ལྷགས་པ་ཞེས་བྱ་བ་ཡོད་དེ། དེ་ན་དེ་བཞིན་གཤེགས་པ་ལ་རང་བཞིན་ཐུགསུ་ཆུད་
ཅེས་བྱ་བར་རབ་ཏུ་ཤེས་སོ། །བསམ་པ་བགྲོལ་བ་ཞེས་བྱ་བ་རབ་ཏུ་ཤེས་སྟེ། ཀྱེ་རྒྱལ་བའི་སྲས་དག་དེ་དག་ལ་སོགས་པ་འཇིག་རྟེན་གྱི་ཁམས་ལྷག་པ་ན་མཚན་རྒྱ་སྟོང་ཕྲག་བཅུར་དེ་བཞིན་གཤེགས་པ་

72-1-204b

སེམས་ཅན་རྣམས་ཀྱི་རབ་ཏུ་ཤེས་སོ། །ཀྱེ་རྒྱལ་བའི་སྲས་དག་འཇིག་རྟེན་གྱི་ཁམས་འདི་དང་འདབ་ཆགས་སུ་ནུབ་ཕྱོགས་ལོགས་ན་འཇིག་རྟེན་གྱི་ཁམས་རྡུལ་ཙལ་བ་ཞེས་བྱ་བ་ཡོད་དེ། དེ་ན་དེ་བཞིན་གཤེགས་པ་
ལ་དགོངས་པ་དང་ལྡན་པ་ཞེས་བྱ་བ་རབ་ཏུ་ཤེས་སོ། །ལམ་རྣམ་པར་བསྒོམས་པ་ཞེས་བྱ་བ་རབ་ཏུ་ཤེསོ། །བརྟེན་པའི་གཞི་ཞེས་བྱ་བ་རབ་ཏུ་ཤེས་སོ། །ཁྱབ་ཅིང་གྲོལ་བ་ཞེས་བྱ་བ་རབ་ཏུ་ཤེས་སོ། །དོན་
མཁྱེན་པ་ཞེས་བྱ་བ་རབ་ཏུ་ཤེས་སོ། །བྱེ་བྲག་ལ་དགྱེས་པ་ཞེས་བྱ་བ་རབ་ཏུ་ཤེས་སོ། །གཟིགས་པ་ཞེས་བྱ་བ་རབ་ཏུ་ཤེས་སོ། །འདུལ་བ་ཐུགས་སུ་ཆུད་པ་ཞེས་བྱ་བ་རབ་ཏུ་ཤེས་སོ། །ཀུན་ཏུ་སྙོམས་
པ་ཞེས་བྱ་བ་རབ་ཏུ་ཤེས་སོ། །དགྱེས་པ་དང་ལྡན་པ་ཞེས་བྱ་བ་རབ་ཏུ་ཤེས་སྟོ། ཀྱེ་རྒྱལ་བའི་སྲས་དག་དེ་དག་ལ་སོགས་པ་འཇིག་རྟེན་གྱི་ཁམས་རྡུལ་བསྩལ་བ་ན་མཚན་བྱེ་བ་བརྒྱ་སྟོང་ཕྲག་བཅུར་དེ་
བཞིན་གཤེགས་པ་སེམས་ཅན་རྣམས་ཀྱི་རབ་ཏུ་ཤེས་སོ། །ཀྱེ་རྒྱལ་བའི་སྲས་དག་འཇིག་རྟེན་གྱི་ཁམས་མྱི་མཇེད་འདི་དང་འདབ་ཆགསུ་བྱང་ཕྱོགས་ལོགས་ན་འཇིག་རྟེན་གྱི་ཁམས་རྣམ་པར་བྱུང་བ་ཞེས་
བྱ་བ་ཡོད་དེ། དེ་ན་དེ་བཞིན་གཤེགས་པ་ལ་ཙམ་པ་ཀའི་ཁ་དོག་ཅེས་བྱ་བ་རབ་ཏུ་ཤེས་སོ། །ཉི་མའི་སྙིང་པོ་ཞེས་བྱ་བ་རབ་ཏུ་ཤེས་སོ། །མཐུ་ཤིན་ཏུ་གནས་པ་ཞེས་བྱ་བ་རབ་ཏུ་ཤེས་སོ། །བྱིན་
གྱིས་རླབས་ཡང་དག་པར་འབྱུང་བ་ཞེས་བྱ་བ་རབ་ཏུ་ཤེས་སོ། །རང་བཞིན་དམ་པ་ཞེས་བྱ་བ་རབ་ཏུ་ཤེས་སོ། །བློ་གྲོས་ཀྱི་ཉི་མ་ཞེས་བྱ་བ་རབ་ཏུ་ཤེས་སོ། །ཐོགས་པ་མེད་པ་ཞེས་བྱ་བ་རབ་ཏུ་ཤེས་སོ། །
ཟླ་བ་ཤར་བ་ཞེས་བྱ་བ་རབ་ཏུ་ཤེས་སོ། །རླུང་གི་ཤུགས་ཞེས་བྱ་བ་རབ་ཏུ་ཤེས་སོ། །བློ་གྲོས་ཀྱི་ཉི་མ་ཞེས་བྱ་བ་རབ་ཏུ་ཤེས་སོ། །ཐོགས་པ་མེད་པ་ཞེས་བྱ་བ་རབ་ཏུ་ཤེས་སོ། །ཟླ་བ་ཤར་བ་ཞེས་

72-1-205a

བྱ་བ་རབ་ཏུ་ཤེས་སོ། །རླུང་གི་ཤུགས་ཞེས་བྱ་བ་རབ་ཏུ་ཤེས་སོ། །སྒྲ་ཤིན་ཏུ་བསྩགས་པ་ཞེས་བྱ་བ་རབ་ཏུ་ཤེས་སོ། ཀྱེ་རྒྱལ་བའི་སྲས་དག་དེ་དག་ལ་སོགས་པ་འཇིག་རྟེན་གྱི་ཁམས་རྣམ་
པར་བྱུང་བ་ན་མཚན་བྱེ་བ་བརྒྱ་སྟོང་ཕྲག་བཅུར་དེ་བཞིན་གཤེགས་པ་སེམས་ཅན་རྣམས་ཀྱི་རབ་ཏུ་ཤེས་སོ། །ཀྱེ་རྒྱལ་བའི་སྲས་དག་འཇིག་རྟེན་གྱི་ཁམས་མྱི་མཇེད་འདི་དང་འདབ་ཆགསུ་བྱང་ཤར་གྱི་ཕྱོགས་མཚམས་
ལོགས་ན་འཇིག་རྟེན་གྱི་ཁམས་འཕོ་བར་བྱེད་པ་ཞེས་བྱ་བ་ཡོད་དེ། དེ་ན་དེ་བཞིན་གཤེགས་པ་ལ་སྡུག་བསྔལ་དང་བྲལ་བ་ཞེས་བྱ་བ་རབ་ཏུ་ཤེས་སོ། །ཐམས་ཅད་ལས་གྲོལ་བ་ཞེས་བྱ་བ་རབ་ཏུ་ཤེས་སོ། །
རྒྱུ་དང་ལྡན་པ་ཞེས་བྱ་བ་རབ་ཏུ་ཤེས་སོ། །གྲོལ་ཞིང་མཁས་པ་ཞེས་བྱ་བ་རབ་ཏུ་ཤེས་སོ། །འདས་པའི་གཏེར་ཞེས་བྱ་བ་རབ་ཏུ་ཤེས་སོ། །རིན་པོ་ཆེའི་འོད་ཅེས་བྱ་བ་རབ་ཏུ་ཤེས་སོ། །འཇིག་རྟེན་
སྟོན་པ་ཞེས་བྱ་བ་རབ་ཏུ་ཤེས་སོ། །གནས་མེད་པའི་ས་ཐུགས་སུ་ཆུད་པ་ཞེས་བྱ་བ་རབ་ཏུ་ཤེས་སོ། །དང་པོའི་སྙིང་པོ་ཞེས་བྱ་བ་རབ་ཏུ་ཤེས་སོ། །ཐུགས་མྱི་སྒུལ་བ་ཞེས་བྱ་བར་རབ་ཏུ་ཤེས་སོ། །
ཀྱེ་རྒྱལ་བའི་སྲས་དག་དེ་དག་ལ་སོགས་པ་འཇིག་རྟེན་གྱི་ཁམས་འཕྲོ་བར་བྱེད་པ་ན་མཚན་བྱེ་བ་བརྒྱ་སྟོང་ཕྲག་བཅུར་དེ་བཞིན་གཤེགས་པ་སེམས་ཅན་རྣམས་ཀྱི་རབ་ཏུ་ཤེས་སོ། །ཀྱེ་རྒྱལ་བའི་སྲས་
དག་འཇིག་རྟེན་གྱི་ཁམས་མི་མཇེད་འདི་དང་འདབ་ཆགས་སུ་ཤར་ལྷོའི་ཕྱོགས་མཚམས་ན་འཇིག་རྟེན་གྱི་ཁམས་ཕན་པ་ཞེས་བྱ་བ་ཡོད་དེ། དེ་ན་དེ་བཞིན་གཤེགས་པ་ལ་རབ་ཏུ་ཤེས་སོ། །བྱང་བ་ཐུགས་
སུ་ཆུད་པ་ཞེས་བྱ་བ་རབ་ཏུ་ཤེས་སོ། །གསུང་སྙན་པ་ཞེས་བྱ་བ་རབ་ཏུ་ཤེས་སོ། །རྩ་བ་ཁྱད་དུ་འཕགས་པ་ཞེས་བྱ་བ་རབ་ཏུ་ཤེས་སོ། །རྒྱུན་གྱི་གདུགས་ཞེས་བྱ་བ་རབ་ཏུ་ཤེས་སོ། །རྒྱུ་ཤིན་ཏུ་

72-1-205b

སྦྱངས་པ་ཞེས་བྱ་བ་རབ་ཏུ་ཤེས་སོ། །རྣམ་པར་ཕྱེ་བའི་ཕ་རོལ་ཏུ་ཕྱིན་པ་ཞེས་བྱ་བ་རབ་ཏུ་ཤེས་སོ། །དམ་པའི་བསམ་གཏན་མངའ་བ་ཞེས་བྱ་བ་རབ་ཏུ་ཤེསོ། །རན་པར་གསུང་པ་ཞེས་བྱ་བ་རབ་ཏུ་ཤེས་སོ། །
བློ་རྒྱ་མཚོ་ཞེས་བྱ་བ་རབ་ཏུ་ཤེས་སྟེ། ཀྱེ་རྒྱལ་བའི་སྲས་དག་དེ་དག་ལ་སོགས་པ་འཇིག་རྟེན་གྱི་ཁམས་ཕན་པ་ན་མཚན་བྱེ་བ་བརྒྱ་སྟོང་ཕྲག་བཅུར་དེ་བཞིན་གཤེགས་པ་སེམས་ཅན་རྣམས་ཀྱིས་རབ་ཏུ་ཤེས་སོ། །
ཀྱེ་རྒྱལ་བའི་སྲས་དག་འཇིག་རྟེན་གྱི་ཁམས་འདི་དང་འདབ་ཆགས་སུ་ལྷོ་ནུབ་ཀྱི་ཕྱོགས་མཚམས་ན་འཇིག་རྟེན་གྱི་ཁམས་ཀུན་ཏུ་སོང་བ་ཞེས་བྱ་བ་ཡོད་དེ། དེ་ན་དེ་བཞིན་གཤེགས་པ་ལ་ཐུབ་
པའི་དབང་པོ་ཞེས་བྱ་བ་རབ་ཏུ་ཤེས་སོ། །མངོན་པར་སེལ་བ་ཞེས་བྱ་བ་རབ་ཏུ་ཤེས་སོ། །དུས་ལས་ཤིན་ཏུ་གྲོལ་བ་ཞེས་བྱ་བ་རབ་ཏུ་ཤེས་སོ། །ངོ་བོ་ཉིད་ཡོངས་སུ་མཁྱེན་པ་ཞེས་བྱ་བ་རབ་ཏུ་
ཤེས་སོ། །དཀའ་ཉམས་པ་མེད་པ་ཞེས་བྱ་བ་རབ་ཏུ་ཤེས་སོ། །བསྐལ་པ་མཉམ་པ་མེད་པར་གཟིགས་པ་ཞེས་བྱ་བ་རབ་ཏུ་ཤེས་སོ། །དབང་ཕྱུག་དམ་པ་ཞེས་བྱ་བ་རབ་ཏུ་ཤེས་སོ། །དྲང་
སྲོང་སྟོན་པ་ཞེས་བྱ་བ་རབ་ཏུ་ཤེས་སོ། །འཕྲིན་ལས་བརྩམ་པ་ཞེས་བྱ་བ་རབ་ཏུ་ཤེས་སོ། །རྡོ་རྗེ་སེང་གེ་ཞེས་བྱ་བ་རབ་ཏུ་ཤེས་སྟེ། ཀྱེ་རྒྱལ་བའི་སྲས་དག་དེ་དག་ལ་སོགས་པ་འཇིག་རྟེན་གྱི་
ཁམས་ཀུན་ཏུ་སོང་བ་ན། མཚན་བྱེ་བ་བརྒྱ་སྟོང་ཕྲག་བཅུར་དེ་བཞིན་གཤེགས་སོ། །ཀྱེ་རྒྱལ་བའི་སྲས་དག་འཇིག་རྟེན་གྱི་ཁམས་མི་འཇེད་འདི་དང་འདབ་ཆགསུ་ནུབ་བྱང་གི་ཕྱོགས་མཚམས་ན་
འཇིག་རྟེན་གྱི་ཁམས་ཡོངས་སུ་དགའ་བ་ཞེས་བྱ་བ་ཡོད་དེ། དེ་ན་དེ་བཞིན་གཤེགས་པ་ལ་མེ་ཏོག་ཡང་དག་པར་བསྩགས་པ་ཞེས་བྱ་བ་ཏུ་ཤེསོ། །ཙན་དན་གྱི་གདུགས་ཞེས་བྱ་བ་རབ་ཏུ་ཤེས་སོ། །

72-1-206a

པད་མོའི་སྙིང་པོ་ཞེས་བྱ་བ་རབ་ཏུ་ཤེས་སོ། །ཤིན་ཏུ་འདས་པའི་ཆོས་ཞེས་བྱ་བ་རབ་ཏུ་ཤེས་སོ། །ཆོས་ཀྱི་ལྷུམ་བུ་ཞེས་བྱ་བ་རབ་ཏུ་ཤེས་སོ། །ཤིན་ཏུ་འཕགས་པ་ཞེས་བྱ་བ་རབ་ཏུ་ཤེས་སོ། །སྦྱངས་པའི་
གདུགས་ཞེས་བྱ་བ་རབ་ཏུ་ཤེས་སོ། །སྤྱན་ཤིན་ཏུ་ཡངས་པ་ཞེས་བྱ་བ་རབ་ཏུ་ཤེས་སོ། །ཚུལ་བཟང་པོ་དང་ལྡན་པ་ཞེས་བྱ་བ་རབ་ཏུ་ཤེས་སོ། །ཆོས་རྩེ་གཅིག་ཅེས་བྱ་བ་རབ་ཏུ་ཤེས་སོ། །
དྲན་བའི་སྙིང་པོ་ཞེས་བྱ་བ་རབ་ཏུ་ཤེས་སྟེ། ཀྱེ་རྒྱལ་བའི་སྲས་དག་དེ་དག་ལ་སོགས་པ་འཇིག་རྟེན་གྱི་ཁམས་ཡོངསུ་དགའ་བ་ན་མཚན་བྱེ་བ་བརྒྱ་སྟོང་ཕྲག་བཅུར་དེ་བཞིན་གཤེགས་པ་སེམས་ཅན་རྣམས་ཀྱི་རབ་ཏུ་ཤེསོ། །ཀྱེ་རྒྱལ་བའི་
སྲས་དག་འཇིག་རྟེན་གྱི་ཁམས་མྱི་མཇེད་འདི་དང་འདབ་ཆགསུ་འོག་གི་ཕྱོགས་ན་འཇིག་རྟེན་གྱི་ཁམས་མི་ཆེ་བ་ཞེས་བྱ་བ་ཡོད་དེ། དེ་ན་དེ་བཞིན་གཤེགས་པ་ལ་འོད་འཕྲོ་འགྱེད་པ་ཞེས་བྱ་བ་རབ་ཏུ་ཤེས་
སོ། །ཤིན་ཏུ་འདུལ་བ་ཞེས་བྱ་བ་རབ་ཏུ་ཤེས་སོ། །དབང་པོའི་མཚོན་ཆ་ཞེས་བྱ་བ་རབ་ཏུ་ཤེས་སོ། །མི་རྟག་པ་ཞེས་བྱ་བ་རབ་ཏུ་ཤེས་སོ། །རྩ་བ་ཐུགས་སུ་ཆུད་པ་ཞེས་བྱ་བ་རབ་ཏུ་ཤེས་སོ། །
འཕྲོ་བ་མྱེད་པ་ཞེས་བྱ་བ་རབ་ཏུ་ཤེས་སོ། །རླུང་དང་མཉམ་པ་ཞེས་བྱ་བ་རབ་ཏུ་ཤེས་སོ། །གཏོང་བ་ལ་མོས་པ་ཞེས་བྱ་བ་རབ་ཏུ་ཤེས་སོ། །ལམ་ཤིན་ཏུ་བརྟག་པ་ཞེས་བྱ་བ་རབ་ཏུ་ཤེས་སོ། །
འཇོམ་པའི་རྒྱལ་མཚན་ཞེས་བྱ་བ་རབ་ཏུ་ཤེས་ཏེ། ཀྱེ་རྒྱལ་བའི་སྲས་དག་དེ་དག་ལ་སོགས་པ་འཇིག་རྟེན་གྱི་ཁམས་མི་ཆེ་བ་ན། མཚན་བྱེ་བ་བརྒྱ་སྟོང་ཕྲག་དྲུག་བཅུར་དེ་བཞིན་གཤེགས་པ་སེམས་
ཅན་རྣམས་ཀྱི་རབ་ཏུ་ཤེས་སོ། །ཀྱེ་རྒྱལ་བའི་སྲས་དག་འཇིག་རྟེན་གྱི་ཁམས་འདི་དང་འདབ་ཆགས་སུ་སྟེང་གི་ཕྱོགས་ན་འཇིག་རྟེན་གྱི་ཁམས་དབྱངས་སྒྲོག་པ་ཞེས་བྱ་བ་ཡོད་དེ། དེ་ན་དེ་བཞིན་

72-1-206b

གཤེགས་པ་ལ་དཔའ་བའི་རྒྱལ་མཚན་ཞེས་བྱ་བ་རབ་ཏུ་ཤེས་སོ། །རིན་པོ་ཆེ་ཚད་མྱེད་པ་ཞེས་བྱ་བ་རབ་ཏུ་ཤེས་སོ། །མཆོད་སྦྱིན་ལ་བརྩོན་པ་ཞེས་བྱ་བ་རབ་ཏུ་ཤེས་སོ། །ལྷའི་འོད་ཅེས་བྱ་བ་རབ་ཏུ་ཤེས་
སོ། །དཔལ་འབྱུང་བ་ཞེས་བྱ་བ་རབ་ཏུ་ཤེས་སོ། །འཁོར་ལས་འཕགས་པ་ཞེས་བྱ་བ་རབ་ཏུ་ཤེས་སོ། །ཐམས་ཅད་ཀྱི་བདག་པོ་ཞེས་བྱ་བ་རབ་ཏུ་ཤེས་སོ། །འཁོར་ལོ་མི་ལྡོག་པ་ཞེས་བྱ་བ་རབ་
ཏུ་ཤེས་སོ། །བྱ་བ་དང་བཞུད་པ་མེད་པ་ཞེས་བྱ་བ་རབ་ཏུ་ཤེས་སོ། །ཐམས་ཅད་མཁྱེན་པས་ཤིན་ཏུ་གྲོལ་བ་ཞེས་བྱ་བ་རབ་ཏུ་ཤེས་སྟེ། ཀྱེ་རྒྱལ་བའི་སྲས་དག་དེ་དག་ལ་སོགས་པ་འཇིག་རྟེན་གྱིས་
ཁམས་དབྱངས་སྒྲོགས་པ་ན་མཚན་བྱེ་བ་བརྒྱ་སྟོང་ཕྲག་བཅུར་དེ་བཞིན་གཤེགས་པ་སེམས་ཅན་རྣམས་ཀྱི་རབ་ཏུ་ཤེས་སོ། །ཀྱེ་རྒྱལ་བའི་སྲས་དག་ཇི་ལྟར་འཇིག་རྟེན་གྱི་ཁམས་མི་མཇེད་འདི་ན་དེ་བཞིན་
གཤེགས་པ་སེམས་ཅན་རྣམས་ཀྱི་རབ་ཏུ་ཤེས་པ་དེ་བཞིན་དུ། ཤར་ཕྱོགས་ཀྱི་འཇིག་རྟེན་གྱི་ཁམས་བྱེ་བ་བརྒྱ་སྟོང་ཚད་མེད་པ་གྲངས་མེད་པ། དཔག་ཏུ་མེད་པ་བསམ་གྱིས་མྱི་ཁྱབ་པ་མཚུངས་པ་མེད་
པ་ཀུན་ཏུ་མཐའ་ཡས་པ་མུ་མེད་པ་ས་མཚམས་མེད་པ་བརྗོད་དུ་མེད་པ། ཆོས་ཀྱི་དབྱིངས་ཀྱི་ཀླས་པ། ནམ་མཁའི་དབྱིངས་ཀྱི་མཐས་ཐུག་པའི་འཇིག་རྟེན་གྱི་ཁམས་ཐམས་ཅད་ན་ཡང་། དེ་བཞིན་
གཤེགས་པ་སེམས་ཅན་རྣམས་ཀྱི་རབ་ཏུ་ཤེས་སོ། །གཞུང་དེ་ལྟར་ལྷོ་ཕྱོགས་དང་། དེ་བཞིན་དུ་ནུབ་ཕྱོགས་དང་། དེ་བཞིན་དུ་བྱང་ཤར་གྱི་ཕྱོགས་འཚམས་དང་། དེ་བཞིན་དུ་ཤར་ལྷོའི་མཚམས་དང་། 
དེ་བཞིན་དུ་ལྷོ་ནུབ་ཀྱི་ཕྱོགས་མཚམས་དང་། དེ་བཞིན་དུ་ནུབ་བྱང་གི་ཕྱོགས་མཚམས་དང་། དེ་བཞིན་དུ་འོག་གི་ཕྱོགས་དང་། དེ་བཞིན་དུ་སྟེང་གི་ཕྱོགས་ཀྱི་འཇིག་རྟེན་གྱི་ཁམས་བྱེ་བ་བརྒྱ་སྟོང་ཚད་མེད་པ་གྲངས་

72-1-207a

མེད་པ། དཔག་ཏུ་མེད་པ་བསམ་གྱིས་མི་ཁྱབ་པ་མཚུངས་པ་མེད་པ་ཀུན་ཏུ་མཐའ་ཡས་པ་མུ་མེད་པ་ས་མཚམས་མེད་པ་བརྗོད་དུ་མེད་པའི་ཆོས་ཀྱི་དབྱིངས་ཀྱི་ཀླས་པ་ནམཁའ་དབྱིངས་ཀྱི་མཐས་གཏུགས་
པའི་འཇིག་རྟེན་གྱི་ཁམས་ཐམས་ཅད་ནའང་། དེ་བཞིན་གཤེགས་པ་སེམས་ཅན་རྣམས་ཀྱི་རབ་ཏུ་ཤེས་ཏེ། སྔོན་བཅོམ་ལྡན་འདས་ཀྱི་བྱང་ཆུབ་སེམས་དཔར་གྱུར་པའི་ཚེ། ཡོངསུ་སྨིན་པར་མཛད་པ་དེ་དག་གིས་
ནི་སྤྱོད་པ་རྣམ་པ་ཐ་དད་པ་དང་། གསུང་གི་རྣམ་པ་ཐ་དད་པ་དང་། ང་རོ་རྣམ་པ་ཐ་དད་པ་དང་། ཕྲིན་ལས་རྣམ་པ་ཐ་དད་པ་དང་། རྣམ་པར་སྨིན་པ་རྣམ་པ་ཐ་དད་པ་དང་། སྐྱེ་མཆེད་རྣམ་པ་ཐ་དད་པ་དང་། སྦྱོར་བ་རྣམ་པ་ཐ་དད་པ་དང་། 
དབང་པོ་རྣམ་པ་ཐ་དད་པ་དང་། མོས་པ་རྣམ་པ་ཐ་དད་པ་དང་། སྐྱེ་མཆེད་རབ་ཏུ་ཐོབ་པ་གཞན་དང་གཞན་གྱིས། སེམས་ཅན་རྣམས་ལ་ཆོས་ཡོངསུ་བསྟན་པ་འདི་རབ་ཏུ་ཤེསོ། །སངས་རྒྱས་གྱི་མཚན་ཤིན་ཏུ་
བསྟན་པ་ཞེས་བྱ་བའི་ལེའུ་སྟེ་བཅུ་གཉིས་པའོ།། །། སངས་རྒྱས་རྨད་ག་ཅད་ཅེས་བྱ་བ་ཤིན་ཏུ་རྒྱས་པ་ཆེན་པོའི་མདོ།  བམ་པོ་བཅུ་དྲུག་པ། དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་འཇམ་དཔལ་གྱིས་བྱང་ཆུབ་སེམས་
དཔའ་དེ་དག་ལ་འདི་སྐད་ཅེས་སྨྲས་སོ། །ཀྱེ་རྒྱལ་བའི་སྲས་དག་འདི་ན་སྡུག་བསྔལ་འཕགས་པའི་བདེན་པ་ཞེས་བྱ་བ་དེ་ལ། འཇིག་རྟེན་གྱི་ཁམས་མི་མཇེད་འདི་ཉིད་ན་ཡང་བྱུང་བ་ཞེས་བྱའོ། །གནོད་པ་
ཞེས་བྱའོ། །བསྐལ་བ་མི་མཉམ་པ་ཞེས་བྱའོ། །དམྱིགས་པ་ཞེས་བྱའོ། །ཀུན་འབྱུང་བ་ཞེས་བྱའོ། །གསལ་ཤིང་གི་རང་བཞིན་ཞེས་བྱའོ། །གནས་ཀྱི་རྩལ་བ་ཞེས་བྱའོ། །གདོན་མི་ཟ་བ་ཞེས་བྱའོ། །
ཤུ་བའི་གཟབས་ཞེས་བྱའོ། །བྱིས་པའི་སྤྱོད་པ་ཞེས་བྱའོ། །ཀྱེ་རྒྱལ་བའི་སྲས་དག་གང་འདི་ན་ཀུན་འབྱུང་བ་འཕགས་པའི་བདེན་པ་ཞེས་བྱ་བ་དེ་ཡང་འཇིག་རྟེན་གྱི་ཁམས་མི་མཇེད་འདི་ཉིད་ན་ཡང་ཡོངས་སུ་འབྲལ་བ་

72-1-207b

ཞེས་བྱའོ། །ཆུད་ཟ་བ་ཞེས་བྱའོ། །ཚོར་བར་གཅེན་པ་ཞེས་བྱའོ། །མྱོང་བར་བྱེད་པ་ཞེས་བྱའོ། །སྦྱོར་བ་ལས་བྱུང་བ་ཞེས་བྱའོ། །ངེས་པ་ཞེས་བྱའོ། །དྲ་བ་ཅན་ཞེས་བྱའོ། །བརྗོད་པ་ཞེས་བྱའོ། །སེམས་ཅན་
གྱི་ཕྱི་བཞིན་སྙགས་པ་ཞེས་བྱའོ། །ཕྱིན་ཅི་ལོགས་གི་རྩ་བ་ཞེས་བྱའོ། །ཀྱེ་རྒྱལ་བའི་སྲས་དག་གང་སྡུག་བསྔལ་འགོག་པ་འཕགས་པའི་བདེན་པ་ཞེས་བྱ་བ་དེ་ཡང་འཇིག་རྟེན་གྱི་ཁམས་མི་མཇེད་འདི་ཉིད་ན་ཡང་
འཛུད་པ་ཞེས་བྱའོ། །རྡུལ་དང་བྲལ་བ་ཞེས་བྱའོ། །ཞི་བ་ཞེས་བྱའོ། །མཚན་ཉིད་མེད་པ་ཞེས་བྱའོ། །མི་མཉམ་པ་ཞེས་བྱའོ། །རང་བཞིན་མེད་པ་ཞེས་བྱའོ། །སོ་སོར་ལྡན་པ་ཞེས་བྱའོ་ནུབ་པར་འགྲོལ་བ་ཞེས་བྱའོ། །
རང་བཞིན་དུ་གྱུར་པ་ཞེས་བྱའོ། །རང་བཞིན་ལ་གནས་པ་ཞེས་བྱའོ། །ཀྱེ་རྒྱལ་བའི་སྲས་དག་གང་ཡང་སྡུག་བསྔལ་འགོག་པར་འགྲོ་བའི་ལམ་འཕགས་པའི་བདེན་པ་ཞེས་བྱ་བ་དེ་ཡང་འཇིག་རྟེན་གྱི་ཁམས་མི་མཇེད་འདི་ཉིད་
ན་ཐེག་པ་གཅིག་ཅེས་བྱའོ། །ཞི་བར་འགྲོ་བ་ཞེས་བྱའོ། །དགྲ་དང་བྲལ་བ་ཞེས་བྱའོ། །ཡོངས་སུ་རྟོག་བཟང་བ་ཞེས་བྱའོ། །ཤིན་ཏུ་མཉམ་པར་བཞག་པ་ཞེས་བྱའོ། །ཁུར་འདོར་བ་ཞེས་བྱའོ། །འགྲོ་བ་
མེད་པར་འགྲོ་བ་ཞེས་བྱའོ། །འཕགས་པའི་རྗེས་སུ་འབྲང་བ་ཞེས་བྱའོ། །དྲང་སྲོང་གི་སྤྱོད་པ་ཞེས་བྱའོ། །གཏེར་བཅུ་པ་ཞེས་བྱའོ། ཀྱེ་རྒྱལ་བའི་སྲས་དག་དེ་ལྟར་དེ་དག་ལ་སོགས་པ་འཇིག་རྟེན་གྱི་ཁམས་མི་
མཇེད་འདི་ཉིད་ན་ཡང་། འཕགས་པའི་བདེན་པ་རྣམས་ལ་མིང་བྱེ་བ་བརྒྱ་སྟོང་ཕྲག་བཅུ་ཡོད་དེ་དེ་དག་གི་སེམས་ཅན་རྣམས་བསམ་པ་ཇི་ལྟ་བ་བཞིན་དུ་འདུལ་ལོ། །ཀྱེ་རྒྱལ་བའི་སྲས་དག་གང་འཇིག་རྟེན་གྱི་ཁམས་མི་
མཇེད་འདི་ཉིད་ན་སྡུག་བསྔལ་འཕགས་པའི་བདེན་པ་ཞེས་བྱ་བ་ལ། དེ་འཇིག་རྟེན་གྱི་ཁམས་ཁེབས་པ་ཡོད་པ་ན། ཚོལ་བའི་རྩ་བ་ཞེས་བྱའོ། །མྱི་འབྱུང་བ་ཞེས་བྱའོ། །རྩ་བ་མྱི་བརྟན་པ་ཞེས་བྱའོ། །བྱ་བ་མ་བྱས་

72-1-208a

པ་ཞེས་བྱའོ། །རྩོད་པ་ཐམས་ཅད་ཅེས་བྱའོ། །རྣམ་པར་ཕྱེ་བ་ཉམ་ཆུང་བ་ཞེས་བྱའོ། །ཀུན་གཞི་དང་ལྡན་པ་ཞེས་བྱའོ། །གསོད་པའི་མཆོག་ཅེས་བྱའོ། །འགུལ་ཞིང་གཡོ་བ་ཞེས་བྱའོ། །དངོས་པོའི་གཟུགས་
བརྙན་ཅེས་བྱའོ། །ཀྱེ་རྒྱལ་བའི་སྲས་དག་གང་སྡུག་བསྔལ་ཀུན་འབྱུང་བ་འཕགས་པའི་བདེན་པ་ཞེས་བྱ་བ་དེ་ཡང་། འཇིག་རྟེན་གྱི་ཁམས་ཁེབས་པ་ཡོད་པ་ན་ལས་སུ་རུང་བ་ཞེས་བྱའོ། །ལྡན་པ་ཞེས་བྱའོ། །སྲེད་
པ་ཞེས་བྱའོ། །འཇིགས་པ་ཞེས་བྱའོ། །འཇིགས་པའི་རྩ་བ་ཞེས་བྱའོ། །མཚམས་དང་ལྡན་པ་ཞེས་བྱའོ། །སྡིག་པ་ལ་སྤྱོད་པ་ཞེས་བྱའོ། །འདོད་པ་ཞེས་བྱའོ། །གླད་པ་ན་བ་ཞེས་བྱའོ། །སྒལ་བ་ཞེས་
བྱའོ། །ཀྱེ་རྒྱལ་བའི་སྲས་དག་གང་སྡུག་བསྔལ་འགོག་པ་འཕགས་པའི་བདེན་པ་ཞེས་བྱ་བ་འདི་ཡང་། འཇིག་རྟེན་གྱི་ཁམས་ཁེབས་པ་ཡོད་པ་ན་དོན་ཅེས་བྱའོ། །འཇིགས་པ་སེལ་བ་ཞེས་བྱའོ་ཡོན་ཏན་ཐོབ་པར་
བྱེད་པ་ཞེས་བྱའོ། །དབུགས་འབྱིན་པ་ཞེས་བྱའོ། །ཚུལ་བཟང་པོ་ཞེས་བྱའོ། །འདུལ་བ་ཞེས་བྱའོ། །ཡན་ལག་གཅིག་པུ་ཞེས་བྱའོ། །སྡིག་པ་མེད་པ་ཞེས་བྱའོ། །འདོད་ཆགས་དང་བྲལ་བ་ཞེས་བྱའོ། །
རྟོགས་པ་ཞེས་བྱའོ། །ཀྱེ་རྒྱལ་བའི་སྲས་དག་གང་སྡུག་བསྔལ་འགོག་པར་འགྲོ་བ་འཕགས་པའི་བདེན་པ་ཞེས་བྱ་བ་དེ་ཡང་འཇིག་རྟེན་གྱི་ཁམས་ཁེབས་པ་དང་ལྡན་པ་ན། སྡེའི་དབང་པོ་ཞེས་བྱའོ་གྱེན་དུ་འགྲོ་
བ་ཞེས་བྱའོ། །འབྱུང་བ་ཞེས་བྱའོ། །སྦྱོར་བ་དང་ལྡན་པ་ཞེས་བྱའོ། །ལྟ་བ་མཉམ་པ་ཞེས་བྱའོ། །མཐའ་ལས་གྲོལ་བ་ཞེས་བྱའོ། །རྟོགས་པར་བྱེད་པ་ཞེས་བྱའོ། །རྗེས་སུ་བརྟུལ་བ་ཞེས་བྱའོ། །མྱིག་དམ་པ་ཞེས་
བྱའོ། །ཕྱོགསུ་སྣང་བ་ཞེས་བྱའོ། །ཀྱེ་རྒྱལ་བའི་སྲས་དག་དེ་ལྟར་དེ་ལ་སོགས་པ་འཇིག་རྟེན་གྱི་ཁམས་ཁེབས་པ་དང་ལྡན་པ་ན་འཕགས་པའི་བདེན་པ་རྣམས་ཀྱི་མིང་བྱེ་བ་བརྒྱ་སྟོང་ཕྲག་བཞི་བཅུ་ཡོད་དེ། དེ་དག་གིས་

72-1-208b

སེམས་ཅན་རྣམས་བསམ་པ་ཇི་ལྟ་བ་བཞིན་དུ་འདུལ་ལོ། །ཀྱེ་རྒྱལ་བའི་སྲས་དག་གང་འཇིག་རྟེན་གྱི་ཁམས་མི་མཇེད་འདི་ན་སྡུག་བསྔལ་འཕགས་པའི་བདེན་པ་ཞེས་བྱ་བ་དེ་ཡང་འཇིག་རྟེན་གྱི་ཁམས་ལྷག་པ་ན་
འཇིག་པ་ཞེས་བྱའོ། །སྐལ་བ་གཅོད་པ་ཞེས་བྱའོ། །སྨད་པའི་གནས་ཞེས་བྱའོ། །ཉེ་བར་བསྲབས་པ་ཞེས་བྱའོ། །རྣམ་པར་སྲེད་པ་ཞེས་བྱའོ། །ཁོན་དུ་འགྱུར་བ་ཞེས་བྱའོ། །ནད་དང་མ་བྲལ་བ་ཞེས་བྱའོ། །
རྒྱུད་འཁྲུགས་པ་ཞེས་བྱའོ། །དགའ་བར་བསྒྲུབས་པ་ཞེས་བྱའོ། །རབ་ཏུ་བརྟགས་པ་ཞེས་བྱའོ། །མེས་པ་དང་ལྡན་པ་ཞེས་བྱའོ། །ཀྱེ་རྒྱལ་བའི་སྲས་དག་གང་སྡུག་བསྔལ་ཀུན་འབྱུང་བ་འཕགས་པའི་བདེན་པ་
ཞེས་བྱ་བ་དེ་ཡང་འཇིག་རྟེན་གྱི་ཁམས་ལྷག་པ་ན་རབ་ཏུ་འཇིགས་པ་ཞེས་བྱའོ། །གཏི་མུག་གི་རྩ་བ་ཞེས་བྱའོ། །དགྲ་དམ་པ་ཞེས་བྱའོ། །བཀྲེས་པའི་ཡན་ལག་ཅེས་བྱའོ། །རོ་མེད་པ་ཞེས་བྱའོ་ཀུན་བསྐྱེད་
པ་ཞེས་བྱའོ། །རང་བཞིན་མ་ཡིན་པ་ཞེས་བྱའོ། །བཀུར་བར་བྱ་བ་ཡིན་ཞེས་བྱའོ། །མུན་པ་ཁྱེར་བ་ཞེས་བྱའོ། །བློ་གྲོས་བཅོམ་པ་ཞེས་བྱའོ། །ཀྱེ་རྒྱལ་བའི་སྲས་དག་གང་སྡུག་བསྔལ་འགོག་པ་འཕགས་པའི་བདེན་
པ་ཞེས་བྱ་བ་དེ་ཡང་། འཇིག་རྟེན་གྱི་ཁམས་ལྷག་པ་ན་དོན་ཆེན་པོ་ཞེས་བྱའོ། །ཕན་པའི་ཡན་ལག་ཅེས་བྱའོ། །དོན་གྱི་དོན་ཅེས་བྱའོ། །ཚད་མེད་པ་ཞེས་བྱའོ། །མཐོང་བ་ཞེས་བྱའོ། །རྟོག་པ་མེད་པ་ཞེས་བྱའོ། 
མཆོག་ཏུ་དུལ་བ་ཞེས་བྱའོ། །རྟག་ཏུ་མཉམ་པ་ཞེས་བྱའོ། །གནས་པར་བྱེད་པ་ཞེས་བྱའོ། །ཡན་ལག་དང་པོ་ཞེས་བྱའོ། །ཀྱེ་རྒྱལ་བའི་སྲས་དག་གང་སྡུག་བསྔལ་འགོག་པར་འགྲོ་བའི་ལམ་འཕགས་པའི་
བདེན་པ་ཞེས་བྱ་བ་དེ་ཡང་འཇིག་རྟེན་གྱི་ཁམས་ལྷག་པ་ན་མེའི་ཚ་བ་ཞེས་བྱའོ། །ཡན་ལག་དང་པོ་ཞེས་བྱའོ། །རྣམ་པར་གདོན་མི་ཟ་བ་ཞེས་བྱའོ། །མི་འཕྲོག་པ་ཞེས་བྱའོ། །ཚུལ་ཟབ་མོ་ཞེས་བྱའོ་འབྱུང་བ་ཞེས་

72-1-209a

བྱའོ། །མི་དམའ་ཞེས་བྱའོ། །རྟོག་པར་ཁོང་དུ་ཆུད་པ་ཞེས་བྱའོ། །གྲོལ་བའི་རང་བཞིན་ཞེས་བྱའོ། །རབ་ཏུ་འགྲོལ་བ་ཞེས་བྱའོ། །ཀྱེ་རྒྱལ་བའི་སྲས་དག་དེ་ལྟར་དེ་དག་ལ་སོགས་པ་འཇིག་རྟེན་གྱི་ཁྃས་
ལྷག་པ་ན་འཕགས་པའི་བདེན་པ་རྣམས་ཀྱི་མིང་བྱེ་བ་བརྒྱ་སྟོང་ཕྲག་བཞི་བཅུ་ཡོད་དེ། དེ་དག་གི་སེམས་ཅན་རྣམས་བསམ་པ་ཅི་ལྟ་བ་བཞིན་དུ་འདུལ་ལོ། །ཀྱེ་རྒྱལ་བའི་སྲས་དག་གང་འཇིག་རྟེན་གྱི་ཁམས་མི་མཇེད་འདི་
ན་སྡུག་བསྔལ་འཕགས་པའི་བདེན་པ་ཞེས་བྱ་བ་དེ་ཡང་འཇིག་རྟེན་གྱི་ཁམས་རྡུལ་བསྩལ་བ་ན་འགྱོད་པ་ཞེས་བྱའོ། །ཀུན་སྤྱོད་པ་ཞེས་བྱའོ། །གཅིག་ལ་ཅིག་ཅེས་བྱའོ། །ཀུན་ཏུ་འགྲོ་བ་ཞེས་བྱའོ། །རོ་གཅིག་པ་
ཞེས་བྱའོ། །ཆོས་མ་ཡིན་པ་ཞེས་བྱའོ། །ཀུན་གཞི་དང་མངོན་སུམ་ཞེས་བྱའོ། །ལོག་པ་ལ་གཞོལ་བ་ཞེས་བྱའོ། །ལོག་པར་ལྟ་བ་ཞེས་བྱའོ། །གྲངས་མེད་པ་ཞེས་བྱའོ། །དགྲའི་དཔུང་ཞེས་བྱའོ། །ཀྱེ་རྒྱལ་བའི་
སྲས་དག་གང་སྡུག་བསྔལ་ཀུན་འབྱུང་བ་འཕགས་པའི་བདེན་པ་ཞེས་བྱ་བ་དེ་ཡང་། འཇིག་རྟེན་གྱི་ཁམས་རྡུལ་བསྩལ་བ་ན་འདོད་ཆགས་པ་ཞེས་བྱའོ། །སྨྲ་བ་ཞེས་བྱའོ། །མི་དཀར་བ་ཞེས་བྱའོ་གཞི་ལས་སྐྱེས་
པ་ཞེས་བྱའོ། །གཟུང་བ་ཞེས་བྱའོ། །སྡིག་པའི་ཁ་བ་ཞེས་བྱའོ། །ལྷག་པ་ཞེས་བྱའོ། །ཁུར་བ་ཞེས་བྱའོ། བསྐྱེད་པ་ཞེས་བྱའོ། །སྲེས་པ་ཞེས་བྱའོ། །ཀྱེ་རྒྱལ་བའི་སྲས་དག་གང་སྡུག་བསྔལ་འགོག་པ་འཕགས་
པའི་བདེན་པ་ཞེས་བྱ་བ་དེ་ཡང་འཇིག་རྟེན་གྱི་ཁམས་རྡུལ་མེད་པ་ན་མི་མཉམ་པ་ཞེས་བྱའོ། །བྲལ་བ་ཞེས་བྱའོ། །དྲི་མ་མེད་པ་ཞེས་བྱའོ། རྩ་བ་དང་བྲལ་བ་ཞེས་བྱའོ། ལྡན་པ་ཞེས་བྱའོ། བསྒྲིམས་པ་མེད་པ་ཞེས་བྱའོ། །བག་ལ་ཉལ་
བ་མྱེད་པ་ཞེས་བྱའོ། །འཕགས་པ་ཞེས་བྱའོ། །ཕྱི་མ་ཞེས་བྱའོ། །དགྲ་བཅོམ་པ་ཞེས་བྱའོ། །ཀྱེ་རྒྱལ་བའི་སྲས་དག་གང་སྡུག་བསྔལ་འགོག་པར་འགྲོ་བའི་ལམ་འཕགས་པའི་བདེན་པ་ཞེས་བྱ་བ་དེ་ལ་ཡང་འཇིག་རྟེན་གྱི་ཁྃས་

72-1-209b

རྡུལ་བསྩལ་བ་ན་དངོས་པོའི་སྙིང་པོ་ཞེས་བྱའོ། །སྐལ་བ་སྦྱོར་བ་ཞེས་བྱའོ། །གྲོལ་བའི་དོན་གྱི་རྩ་བ་ཞེས་བྱའོ། །རང་བཞིན་དུ་གྱུར་པ་ཞེས་བྱའོ། །མི་སྨད་པ་ཞེས་བྱའོ། །མཆོག་ཏུ་རྣམ་པར་དག་པ་ཞེས་བྱའོ། །
སྲིད་པའི་མཐའ་ཞེས་བྱའོ། །སྦ་བའི་སྙིང་པོ་ཞེས་བྱའོ། །མཐར་ཐུག་པར་བྱེད་པ་ཞེས་བྱའོ། །ཡོངས་སུ་རྟོག་པ་དག་པ་ཞེས་བྱ་སྟེ། ཀྱེ་རྒྱལ་བའི་སྲས་དག་དེ་ལྟར་དེ་དག་ལ་སོགས་པ་འཇིག་རྟེན་གྱི་ཁམས་རྡུལ་
བསལ་བ་ན་འཕགས་པའི་བདེན་པ་རྣམས་ཀྱི་མིང་བྱེ་བ་བརྒྱ་སྟོང་ཕྲག་བཞི་བཅུ་ཡོད་དེ། དེ་དག་གི་སེམས་ཅན་རྣམས་བསམ་པ་ཇི་ལྟ་བ་བཞིན་དུ་འདུལ་ལོ། །ཀྱེ་རྒྱལ་བའི་སྲས་དག་གང་འཇིག་རྟེན་གྱི་ཁམས་མི་མཇེད་འདི་ན་སྡུག་བསྔལ་འཕགས་
པའི་བདེན་པ་ཞེས་བྱ་བ་དེ་ལ་འཇིག་རྟེན་གྱི་ཁམས་རྣམ་པར་བྱུང་བ་ན་འདོད་ཆགས་ཀྱིས་རྒྱས་པ་ཞེས་བྱའོ། །གཏུམ་པའི་རྩ་བ་ཞེས་བྱའོ། །རྒྱ་མཚོའི་ཡན་ལག་ཅེས་བྱའོ། །ཡང་དག་པ་ལས་འདས་པའི་སྦྱོར་བ་ཞེས་བྱའོ། །
སྐལ་བ་མེད་པའི་རྩ་བ་ཞེས་བྱའོ། །འཕྲོ་བ་ཞེས་བྱའོ། །སྐྱེ་ཞིང་འཇིག་པ་ཞེས་བྱའོ། །སྒྲིབ་པ་ཞེས་བྱའོ། །རལ་གྲིའི་དངོ་ཞེས་བྱའོ། །ཚལ་སྟུག་པོ་ཞེས་བྱའོ། །ཀྱེ་རྒྱལ་བའི་སྲས་དག་གང་སྡུག་བསྔལ་ཀུན་འབྱུང་བ་
འཕགས་པའི་བདེན་པ་ཞེས་བྱ་བ་དེ་ཡང་འཇིག་རྟེན་གྱི་ཁམས་རྣམ་པར་འབྱུང་བ་ན་ནོར་བུའི་སྦྱིན་པ་ཞེས་བྱའོ། །འདུད་པར་བྱེད་པ་ཞེས་བྱའོ། །མི་ཟད་པ་ཞེས་བྱའོ། །བསྐལ་བ་ཞེས་བྱའོ། ཆགས་པ་མེད་པ་ཞེས་བྱའོ་སེང་
གེ་ཞེས་བྱའོ། །དངོས་པོ་ལེན་པ་ཞེས་བྱའོ། །འབྲེལ་བ་ཞེས་བྱའོ། །སྣོད་ཅེས་བྱའོ། །གཡོ་བ་ཞེས་བྱའོ། །ཀྱེ་རྒྱལ་བའི་སྲས་དག་གང་སྡུག་བསྔལ་འགོག་པར་འཕགས་པའི་བདེན་པ་ཞེས་བྱ་བ་དེ་ཡང་འཇིག་རྟེན་གྱི་
ཁམས་རྣམ་པར་བྱུང་བ་ན་མཚམ་བྲལ་བ་ཞེས་བྱའོ། །ཕྱེ་བ་ཞེས་བྱའོ་ཡི་གེ་མེད་པ་ཞེས་བྱའོ་སྦྱོར་བ་མེད་པ་ཞེས་བྱའོ་མཐོང་བ་མེད་པ་ཞེས་བྱའོ་བྱ་བ་མེད་པ་ཞེས་བྱའོ་ཉེ་བར་བསྒྲུབས་པ་ཞེས་བྱའོ་སྲེད་པ་ཞེས་བྱའོ། །

72-1-210a

གཞོལ་བ་ཞེས་བྱའོ། །བསྐྱེད་པ་ཞེས་བྱའོ། །ཀྱེ་རྒྱལ་བའི་སྲས་དག་གང་སྡུག་བསྔལ་འགོག་པར་འགྲོ་བའི་ལམ་འཕགས་པའི་བདེན་པ་ཞེས་བྱ་བ་དེ་ལ་འཇིག་རྟེན་གྱི་ཁམས་རྣམ་པར་བྱུང་བ་ན་ཞི་བར་བྱེད་པ་བརྗོད་པ་ཞེས་
བྱའོ། །ཁྱབ་པར་འགྲོ་བ་ཞེས་བྱའོ། །མངོན་དུ་བྱ་བ་ལ་སྦྱོར་བ་ཞེས་བྱའོ། །བདེ་བར་འགྲོ་བ་ཞེས་བྱའོ། ཚད་མེད་པ་ཞེས་བྱའོ། །ཤིན་ཏུ་བསྒོམ་པས་མཐར་ཕྱིན་པ་ཞེས་བྱའོ། །ལམ་གྱི་དམ་པ་ཞེས་བྱའོ། །
ཐོབ་པར་དཀའ་བའི་ཡན་ལག་ཅེས་བྱའོ། །ཕ་རོལ་གྱི་མཚམས་ཞེས་བྱའོ། །བརྒལ་དཀའ་བ་ཞེས་བྱ་སྟེ། ཀྱེ་རྒྱལ་བའི་སྲས་དག་དེ་དག་ལ་སོགས་པ་འཇིག་རྟེན་གྱི་ཁམས་རྣམ་པར་བྱུང་བ་ན་འཕགས་པའི་བདེན་པ་རྣྃས་
ཀྱི་མྱིང་བྱེ་བ་བརྒྱ་སྟོང་ཕྲག་བཞི་བཅུ་ཡོད་དེ། དེ་དག་གི་སེམས་ཅན་རྣམས་བསམ་པ་ཇི་ལྟ་བ་བཞིན་དུ་འདུལ་ལོ། །ཀྱེ་རྒྱལ་བའི་སྲས་དག་གང་འཇིག་རྟེན་གྱི་ཁམས་མི་མཇེད་འདི་ན་སྡུག་བསྔལ་འཕགས་པའི་བདེན་པ་
ཞེས་བྱ་བ་དེ་ཡང་། འཇིག་རྟེན་གྱི་ཁམས་འཕོ་བར་བྱེད་པ་ན་འཕྲོག་པར་བྱེད་པ་ཞེས་བྱའོ། །སྨོན་པའི་བཤེས་གཉེན་ཞེས་བྱའོ། །མི་བརྟན་ཞིང་འཇིགས་པ་ཞེས་བྱའོ། །བརྗོད་པ་སྣ་ཚོགས་ཤེས་བྱའོ། །
ཉམ་ང་བས་འཚོ་བ་ཞེས་བྱའོ། །དོན་འདུལ་བ་ཞེས་བྱའོ། །ཁུར་འདོར་བ་ཞེས་བྱའོ། །རྩ་བ་ཟབ་པ་ཞེས་བྱའོ། །དེ་བཞིན་སེམས་དཔའ་ཞེས་བྱའོ། །ནམ་མཁའི་རྩ་བ་ཞེས་བྱའོ། །ཀྱེ་རྒྱལ་བའི་སྲས་དག་གང་
སྡུག་བསྔལ་ཀུན་འབྱུང་བ་འཕགས་པའི་བདེན་པ་ཞེས་བྱ་བ་དེ་ཡང་འཇིག་རྟེན་གྱི་ཁམས་འཕྲོ་བར་བྱེད་པ་ན་སྲེད་པར་བྱེད་པ་ཞེས་བྱའོ། །ཤིན་ཏུ་སྦྱོར་བ་ཞེས་བྱའོ། །ཉེས་པའི་སྐྱོན་ཅན་དུ་གྱུར་པ་ཞེས་བྱའོ། །
རླབས་ཤེས་བྱའོ་འཛིན་པ་ཞེས་བྱའོ། །འདུ་ཤེས་ཅན་ཞེས་བྱའོ། །འབྲས་བུ་ལ་གནས་པ་ཞེས་བྱའོ། །བརྗོད་དུ་མི་རུང་བ་ཞེས་བྱའོ། །ཐ་དད་པ་མེད་པ་ཞེས་བྱའོ། །རབ་ཏུ་འཇུག་པ་ཞེས་བྱའོ། །ཀྱེ་རྒྱལ་བའི་སྲས་

72-1-210b

དག་གང་སྡུག་བསྔལ་འགོག་པ་འཕགས་པའི་བདེན་པ་ཞེས་བྱ་བ་དེ་ཡང་འཇིག་རྟེན་གྱི་ཁམས་འཕོ་བར་བྱེད་པ་ན་བཟློག་པ་ཞེས་བྱའོ། །སྨྲ་བ་དང་བྲལ་བ་ཞེས་བྱའོ། །སྒྲུབ་པ་ཞེས་བྱའོ། །དགའ་བ་ཞེས་བྱའོ། །
འཇིགས་པ་བསྩལ་བ་ཞེས་བྱའོ། །ཤིན་ཏུ་བྱུང་བ་ཞེས་བྱའོ། །གཏི་མུག་མེད་པ་ཞེས་བྱའོ། །ནུབ་པ་ཞེས་བྱའོ། །འཕགས་པ་ཞེས་བྱའོ། །སེལ་བ་ཞེས་བྱའོ། །ཀྱེ་རྒྱལ་བའི་སྲས་དག་གང་སྡུག་བསྔལ་འགོག་པར་འགྲོ་
བའི་ལམ་འཕགས་པའི་བདེན་པ་ཞེས་བྱ་བ་དེ་ཡང་འཇིག་རྟེན་གྱི་ཁམས་འཕོ་བར་བྱེད་པ་ན་བརྗོད་དུ་མེད་པ་ཞེས་བྱའོ། །ཚུལ་ཉམས་པ་མེད་པ་ཞེས་བྱའོ། །རྣམ་པར་རིགས་པའི་ལམ་ཞེས་བྱའོ། །བསྔོ་བ་དགེ་བ་ཞེས་བྱའོ། །
རྒྱ་ཆེན་པོ་ལ་མཁས་པ་ཞེས་བྱའོ། །རྣམ་པར་ཕྱེ་བའི་ཚུལ་ཞེས་བྱའོ། །ནམ་མཁའི་རང་བཞིན་ཞེས་བྱའོ། །ཟིལ་པར་གྱུར་པ་ཞེས་བྱའོ། །ཡེ་ཤེས་ཀྱི་བདག་པོ་ཞེས་བྱའོ། །དོན་ཡོངས་སུ་ཤེས་པ་ཞེས་བྱ་སྟེ། 
ཀྱེ་རྒྱལ་བའི་སྲས་དག་དེ་ལྟར་དེ་དག་ལ་སོགས་པ་འཇིག་རྟེན་གྱི་ཁམས་འཕྲོ་བར་བྱེད་པ་ན། འཕགས་པའི་བདེན་པ་རྣམས་ཀྱི་མིང་བྱེ་བ་བརྒྱ་སྟོང་ཕྲག་བཞི་བཅུ་ཡོད་དེ། དེ་དག་གི་སེམས་ཅན་རྣམས་བསམ་པ་ཇི་ལྟ་བ་
བཞིན་དུ་འདུལ་ལོ། །ཀྱེ་རྒྱལ་བའི་སྲས་དག་གང་འཇིག་རྟེན་གྱི་ཁམས་མི་མཇེད་འདི་ན། སྡུག་བསྔལ་འཕགས་པའི་བདེན་པ་ཞེས་བྱ་བ་དེ་ལའང་འཇིག་རྟེན་གྱི་ཁམས་ཕན་པ་ན་ཁུར་ཙ་བའི་ཁུར་ཞེས་བྱའོ་སྙིང་པོ་མེད་པ་
ཞེས་བྱའོ། །རྐུན་པོ་ལྟ་བུ་ཞེས་བྱའོ། །རྒ་ཤི་ཞེས་བྱའོ། །ཆགས་པའི་རང་བཞིན་ཞེས་བྱའོ། །ཤྀན་ཏུ་མཆེད་པ་ཞེས་བྱའོ། །ངལ་བར་བྱེད་པ་ཞེས་བྱའོ། །ངོམ་ཟོམ་གནག་པ་ཞེས་བྱའོ། །ཀུན་ཏུ་འཕེལ་བ་ཞེས་བྱའོ་རལ་གྲི་
དང་འདྲ་བ་ཞེས་བྱའོ། །ཀྱེ་རྒྱལ་བའི་སྲས་དག་གང་སྡུག་བསྔལ་ཀུན་འབྱུང་བ་འཕགས་པའི་བདེན་པ་ཞེས་བྱ་བ་དེ་ལ་འང་། འཇིག་རྟེན་གྱི་ཁམས་ཕན་པ་ན་འཇིགས་པ་ཞེས་བྱའོ། །འཁྲུགས་པ་ཞེས་བྱའོ། །བསྐྱོད་པ་ཞེས་

72-1-211a

བྱའོ། །ཉམ་ཆུང་བ་ཞེས་བྱའོ། །འཕྲོག་པ་ཞེས་བྱའོ། །བྲལ་བ་ཞེས་བྱའོ། །མི་ལྡན་པ་ཞེས་བྱའོ། །ཐབ་མོ་འགྱུར་བ་ཞེས་བྱའོ། །བརྩོན་པར་འགྱུར་བ་ཞེས་བྱའོ། །གནསུ་གྱུར་པ་ཞེས་བྱའོ། །ཀྱེ་རྒྱལ་བའི་སྲས་དག་
གང་སྡུག་བསྔལ་འགོག་པ་འཕགས་པའི་བདེན་པ་ཞེས་བྱ་བ་དེ་ལའང་། འཇིག་རྟེན་གྱི་ཁམས་ཕན་པ་ན་ཀུན་སྤྱོད་པ་ཞེས་བྱའོ། །ཡང་དག་པ་ཞེས་བྱའོ། །ཞུམ་པ་མེད་པ་ཞེས་བྱའོ། །ཡན་ལག་གཡོགས་པ་ཞེས་བྱའོ་སྨན་
པ་སྤངས་པ་ཞེས་བྱའོ། །རྗེས་སུ་མཐུན་པ་ཞེས་བྱའོ། །གཞིར་འགྲོ་བ་ཞེས་བྱའོ། །ཡན་ལག་སྤངས་པ་ཞེས་བྱའོ། །ཐ་དད་པ་མེད་པ་ཞེས་བྱའོ། །ཀླག་མེད་པ་ཞེས་བྱའོ། །ཀྱེ་རྒྱལ་བའི་སྲས་དག་གང་སྡུག་བསྔལ་འགོག་པར་
འགྲོ་བའི་ལམ་འཕགས་པའི་བདེན་པ་ཞེས་བྱ་བ་དེ་ལའང་འཇིག་རྟེན་གྱི་ཁམས་ཕན་པ་ན་སྣང་བ་བརྗོད་པ་ཞེས་བྱའོ། །ཐམས་ཅད་ཀྱི་རྒྱལ་ཞེས་བྱའོ། །བསམ་གཏན་གྱི་གཏེར་ཞེས་བྱའོ། །སྣང་བ་ཡོད་པ་ཞེས་བྱའོ། །ཕྱིར་མི་
ལྡོག་པ་ཞེས་བྱའོ། །དངོས་པོ་ཟད་པ་ཞེས་བྱའོ། །ལམ་ཡངས་པ་ཞེས་བྱའོ། །དུལ་བའི་རང་བཞིན་ཞེས་བྱའོ། །དགེ་བ་ཡོད་པ་ཞེས་བྱའོ། །རྩ་བ་རྒྱུ་བ་མེད་པ་ཞེས་བྱའོ། ཀྱེ་རྒྱལ་བའི་སྲས་དག་དེ་ལྟར་དེ་དག་ལ་སོགས་
པ་འཇིག་རྟེན་གྱི་ཁམས་ཕན་པ་ན་འཕགས་པའི་བདེན་པ་རྣམས་ཀྱི་མིང་བྱེ་བ་བརྒྱ་སྟོང་ཕྲག་བཞི་བཅུ་ཡོད་དེ། དེ་དག་གིས་སེམས་ཅན་རྣམས་བསམ་པ་ཇི་ལྟ་བ་བཞིན་དུ་འདུལོ། །ཀྱེ་རྒྱལ་བའི་སྲས་དག་གང་འཇིག་རྟེན་གྱི་
ཁམས་མི་མཇེད་འདི་ན་སྡུག་བསྔལ་འཕགས་པའི་བདེན་པ་ཞེས་བྱ་བ་དེ་ལའང་འཇིག་རྟེན་གྱི་ཁམས་ཀུན་ཏུ་འགྲོ་བ་ན། བསམ་པ་ཐིབས་པོ་ཞེས་བྱའོ། །གནས་སྣ་ཚོགས་སུ་བཀྲམ་པ་ཞེས་བྱའོ། །སྐྱེ་གནསུ་སྐྱེད་པ་
ཞེས་བྱའོ། །རིམ་པས་འདུག་པ་ཞེས་བྱའོ། །ངོ་ཚ་མེད་པ་ཞེས་བྱའོ། །ཤེས་པར་བྱ་བའི་རྩ་བ་ཞེས་བྱའོ། །འགའ་གའི་རོ་ཞེས་བྱའོ། །རྩིག་པ་ཞེས་བྱའོ། །རྟག་ཏུ་འཇིག་པ་ཞེས་བྱའོ། །འགལ་མྱེའི་རང་བཞིན་ཞེས་བྱའོ། །རྩ་བའི་སྒོ་ཞེས་བྱའོ། །

72-1-211b

ཀྱེ་རྒྱལ་བའི་སྲས་དག་གང་སྡུག་བསྔལ་ཀུན་འབྱུང་བ་འཕགས་པའི་བདེན་པ་ཞེས་བྱ་བ་དེ་ལའང་། འཇིག་རྟེན་གྱི་ཁམས་ཕན་པ་ན་ཤིན་ཏུ་གཡོ་བ་ཞེས་བྱའོ། །རིག་པ་མེད་པ་ཞེས་བྱའོ། །བློ་གྲོས་དང་རིང་བ་ཞེས་བྱའོ། །འཕོངས་པར་
འགྱུར་བ་ཞེས་བྱའོ། །འཇིག་པ་ཞེས་བྱའོ། །ཀུན་ཏུ་འདྲེན་པ་ཞེས་བྱའོ། །ཉེ་བར་བསྒྲུབ་པ་ཞེས་བྱའོ། །རྟེན་དུ་གྱུར་པ་ཞེས་བྱའོ། །དངོས་པོའི་བདག་པོ་ཞེས་བྱའོ། མཚམས་སྦྱོར་བ་ཞེས་བྱའོ། །ཀྱེ་རྒྱལ་བའི་སྲས་དག་གང་སྡུག་
བསྔལ་འགོག་པ་འཕགས་པའི་བདེན་པ་ཞེས་བྱ་བ་དེ་ལའང་འཇིག་རྟེན་གྱི་ཁམས་ཀུན་ཏུ་འགྲོ་བ་ན་ངོམས་པ་ཞེས་བྱའོ། །བདུད་རྩི་ཞེས་བྱའོ་རྒྱུ་བ་མེད་པ་ཞེས་བྱའོ། རང་གི་མེད་པ་ཞེས་བྱའོ་རྟོག་པ་བྱང་བ་ཞེས་བྱའོ་ཡང་
དག་པར་གཞོག་པ་ཞེས་བྱའོ། །རྒྱུ་བ་དང་བྲལ་བ་ཞེས་བྱའོ། །མཆོད་པ་མེད་པ་ཞེས་བྱའོ། ལམ་མེད་པ་ཞེས་བྱའོ། མི་མ་གཉིས་པ་ཞེས་བྱའོ། །ཀྱེ་རྒྱལ་བའི་སྲས་དག་གང་སྡུག་བསྔལ་འགོག་པར་འགྲོ་བའི་ལམ་
འཕགས་པའི་བདེན་པ་ཞེས་བྱ་བ་དེ་ལའང་འཇིག་རྟེན་གྱི་ཁམས་ཀུན་ཏུ་འགྲོ་བ་ན་སྣང་བར་བྱེད་པ་ཞེས་བྱའོ། །བསྟན་པ་རྒྱ་མཚོ་ཞེས་བྱའོ། །དོན་རྣམ་པར་གདོན་མི་ཟ་བ་ཞེས་བྱའོ། །ཆོས་དང་ཕྲད་པ་ཞེས་བྱའོ་འཁོར་བ་
མེད་པ་ཞེས་བྱའོ། །འབྲེལ་བ་མེད་པ་ཞེས་བྱའོ། །ལམ་རྒྱ་ཆེན་པོ་ཞེས་བྱའོ། །ཡང་དག་པར་ཕྱིན་པར་འགྲོ་བ་ཞེས་བྱའོ། །སྦྱོར་བ་དག་པ་ཞེས་བྱའོ། །མཐོང་བའི་བདག་པོ་ཞེས་བྱའོ། ཀྱེ་རྒྱལ་བའི་སྲས་དག་དེ་ལྟར་དེ་དག་ལ་
སྩོགས་པ་འཇིག་རྟེན་གྱི་ཁམས་ཀུན་ཏུ་འགྲོ་བ་ན་འཕགས་པའི་བདེན་པ་རྣམས་ཀྱི་མིང་བྱེ་བ་བརྒྱ་སྟོང་ཕྲག་བཞི་བཅུ་ཡོད་དེ། དེ་དག་གི་སེམས་ཅན་རྣམས་བསམ་པ་ཇི་ལྟ་བ་བཞིན་དུ་འདུལ་ལོ། །ཀྱེ་རྒྱལ་བའི་སྲས་དག་འཇིག་རྟེན་གྱི་
ཁམས་མི་མཇེད་འདི་ན་སྡུག་བསྔལ་འཕགས་པའི་བདེན་པ་ཞེས་བྱ་བ་དེ་ལའང་འཇིག་རྟེན་གྱི་ཁམས་ཡོངསུ་དགའ་བ་ན་སྐྱེ་བར་བྱེད་པ་ཞེས་བྱའོ། རྣམ་པར་བསྒྲུབ་པ་ཞེས་བྱའོ་ཆགས་ཞིང་ཞེན་པ་ཞེས་བྱའོ་ཁུར་ཁྱེར་བ་ཞེས་བྱའོ། །

72-1-212a

མི་སྡུག་པའི་རྣམ་པ་ཞེས་བྱའོ། །སྡིག་པའི་ཐིབས་པོ་ཞེས་བྱའོ། །སྡིག་པ་བྱེད་པ་ཞེས་བྱའོ། །སྡུག་བསྔལ་བར་བྱེད་པའི་རང་བཞིན་ཞེས་བྱའོ། །ཀྱེ་རྒྱལ་བའི་སྲས་དག་གང་སྡུག་བསྔལ་ཀུན་འབྱུང་བ་འཕགས་
པའི་བདེན་པ་ཞེས་བྱ་བ་དེ་ལའང་འཇིག་རྟེན་གྱི་ཁམས་ཡོངས་སུ་དགའ་བ་ན་བཞིར་གྱུར་པ་ཞེས་བྱའོ། །སྦྱོར་བ་དང་ལྡན་པ་ཞེས་བྱའོ། །ཚོད་ལས་འདས་པ་ཞེས་བྱའོ། །ཆོས་འཕེལ་བ་ཞེས་བྱའོ། །རྟོག་པ་མེད་པ་ཞེས་
བྱའོ། །སྡུད་པ་མེད་པ་ཞེས་བྱའོ། །སྡུད་པར་བྱེད་པ་ཞེས་བྱའོ། །ལང་དུ་རེད་པ་ཞེས་བྱའོ། །ཆོས་ཀྱི་གཞི་ཞེས་བྱའོ། །ལྟ་བ་ཆུང་བ་ཞེས་བྱའོ། །མཐོང་བ་ཆུང་བ་ཞེས་བྱའོ། །ཀྱེ་རྒྱལ་བའི་སྲས་དག་གང་
སྡུག་བསྔལ་འགོག་པ་འཕགས་པའི་བདེན་པ་ཞེས་བྱ་བ་དེ་ལ་ཡང་འཇིག་རྟེན་གྱི་ཁམས་ཡོངས་སུ་དགའ་བ་ན། གནས་ཞིག་པ་ཞེས་བྱའོ། །རྨོང་པ་མེད་པ་ཞེས་བྱའོ། །ཡང་དག་པ་ཞེས་བྱའོ། །དེས་
ཤིན་ཏུ་རྟོགས་པ་ཞེས་བྱའོ། །དགེ་བར་བྱེད་པ་ཞེས་བྱའོ། །སྐྱོན་མེད་པ་ཞེས་བྱའོ། །འཁོར་བ་མེད་པ་ཞེས་བྱའོ། །མཚན་ཉིད་མེད་པ་ཞེས་བྱའོ། །བདག་ཉིད་རྟོག་པ་ཞེས་བྱའོ། །མ་སྐྱེས་པ་ཞེས་བྱའོ། །
ཀྱེ་རྒྱལ་བའི་སྲས་དག་སྡུག་བསྔལ་འགོག་པར་འགྲོ་བའི་ལམ་འཕགས་པའི་བདེན་པ་ཞེས་བྱ་བ་དེ་ལ་ཡང་འཇིག་རྟེན་གྱི་ཁམས་ཡོངས་སུ་དགའ་བ་ན་ས་མཚམས་ཉེ་བར་གྱུར་པ་ཞེས་བྱའོ། །སེལ་བ་དང་འགྲོགས་
པ་ཞེས་བྱའོ། །སྐལ་བ་མི་མཉམ་པའི་དོན་ཡོད་པ་ཅན་ཞེས་བྱའོ་རང་བཞིན་ཡངས་པ་ཞེས་བྱའོ། །ཡོངས་སུ་རྟོག་པ་ཟད་པ་ཞེས་བྱའོ། །བྱིན་གྱིས་རླབས་ཀྱི་ལམ་ཞེས་བྱའོ། །ཚོགས་ཀྱི་ཚུལ་ཞེས་
བྱའོ། །དྲན་པ་དང་བྲལ་བ་ཞེས་བྱའོ། །རྟག་པར་ལམ་ཞེས་བྱའོ། །གྲོལ་བ་བསྒྲུབ་པ་ཞེས་བྱ་སྟེ། ཀྱེ་རྒྱལ་བའི་སྲས་དག་དེ་ལྟར་དེ་དག་ལ་སོགས་པ་འཇིག་རྟེན་གྱི་ཁམས་ཡོངསུ་དགའ་བ་ན་འཕགས་པའི་བདེན་པ་

72-1-212b

རྣམས་ཀྱི་མིང་བྱེ་བ་བརྒྱ་སྟོང་ཕྲག་བཞི་བཅུ་ཡོད་དེ། དེ་དག་གི་སེམས་ཅན་རྣམས་བསམ་པ་ཇི་ལྟ་བ་བཞིན་དུ་འདུལ་ལོ། །ཀྱེ་རྒྱལ་བའི་སྲས་དག་གང་འཇིག་རྟེན་གྱི་ཁམས་མི་མཇེད་འདི་ན་སྡུག་བསྔལ་འཕགས་
པའི་བདེན་པ་ཞེས་བྱ་བ་དེ་ལའང་འཇིག་རྟེན་གྱི་ཁམས་མི་ཆེ་བ་ན། འཚོགས་པ་ཞེས་བྱའོ། །རྫ་མ་ལྟ་བུ་ཞེས་བྱའོ། །ནད་དང་མཉམ་པ་ཞེས་བྱའོ། །ལུས་ལ་ཡོད་པ་ཞེས་བྱའོ། །རབ་ཏུ་འཕེལ་བ་
ཞེས་བྱའོ། །སྩོགས་པའི་སྒོ་ཞེས་བྱའོ། །སྡུག་བསྔལ་གྱི་སྐྱོན་ཅན་ཞེས་བྱའོ། །རྟག་པར་བྱ་བ་ཞེས་བྱའོ། །རང་ལས་གཞོག་པ་མེད་པ་ཞེས་བྱའོ། །འགྲོ་ཞིང་འོང་བ་ཞེས་བྱའོ། །ཀྱེ་རྒྱལ་བའི་སྲས་དག་གང་སྡུག་བསྔལ་ཀུན་འབྱུང་བ་
འཕགས་པའི་བདེན་པ་ཞེས་བྱ་བ་དེ་ལ་ཡང་འཇིག་རྟེན་གྱི་ཁམས་མི་ཆེ་བ་ན་འཚེ་བ་ཞེས་བྱའོ། །མདུད་པར་འཛིན་པ་ཞེས་བྱའོ། །རབ་ཏུ་སྦྱོར་བ་ཞེས་བྱའོ། །ཚོར་བའི་ཡན་ལག་ཅེས་བྱའོ། །ཨ་ན་སེམས་དཔའ་
ཞེས་བྱའོ། །རབ་བྱེད་པ་ཞེས་བྱའོ། །འདུད་པར་བྱེད་པ་ཞེས་བྱའོ། །རྣམ་པར་བྲལ་བ་ཞེས་བྱའོ། །ཤིན་ཏུ་གདུང་བ་ཞེས་བྱའོ། །ཀྱེ་ཧུད་ན་ཞེས་བྱའོ། །ཀྱེ་རྒྱལ་བའི་སྲས་དག་གང་སྡུག་བསྔལ་འགོག་པའི་ལམ་
འཕགས་པའི་བདེན་པ་ཞེས་བྱ་བ་དེ་ལ་ཡང་འཇིག་རྟེན་གྱི་ཁམས་མི་ཆེ་བ་ན་སོགས་པ་ཞེས་བྱའོ། །གཡོའ་བ་མེད་པ་ཞེས་བྱའོ། །སྐྱོན་མེད་པ་ཞེས་བྱའོ། །མ་ཉམས་པ་ཞེས་བྱའོ། །འགྲོགས་པ་
མེད་པ་ཞེས་བྱའོ། །ཚད་མེད་པ་ཞེས་བྱའོ། །ཡངས་པ་ཞེས་བྱའོ། །སངས་རྒྱས་ཀྱི་ཡན་ལག་ཅེས་བྱའོ། །འདོད་ཆགས་དང་བྲལ་བ་ཞེས་བྱའོ། །མ་ཆགས་པ་ཞེས་བྱའོ། །ཀྱེ་རྒྱལ་བའི་སྲས་དག་གང་སྡུག་བསྔལ་
འགོག་པར་འགྲོ་བའི་ལམ་འཕགས་པའི་བདེན་པ་ཞེས་བྱ་བ་དེ་ལ་ཡང་འཇིག་རྟེན་གྱི་ཁམས་མི་ཆེ་བ་ན་བརྟན་པའི་སྤྱོད་ཡུལ་ཞེས་བྱའོ། །འདོད་ཆགས་དང་བྲལ་བའི་ས་མཚམས་ཞེས་བྱའོ་བདེན་པ་ལ་ཐུག་པ་ཞེས་བྱའོ། །

72-1-213a

དོན་རབ་ཏུ་ཆུད་པ་ཞེས་བྱའོ། །རང་བཞིན་ལ་གདུགས་པ་ཞེས་བྱའོ། །ལྟ་བ་ཡོངས་སུ་དག་པ་ཞེས་བྱའོ། །དྲན་པས་བསྒྲུབས་པ་ཞེས་བྱའོ། །གྲོལ་བ་སྡུད་པ་ཞེས་བྱའོ། །སྐྱོབས་པའི་ས་མཚམས་ཞེས་
བྱའོ་འཁྲུག་པ་མེད་པར་འགྲོ་བ་ཞེས་བྱའོ། ཀྱེ་རྒྱལ་བའི་སྲས་དག་དེ་ལྟར་དེ་དག་ལ་སོགས་པ་འཇིག་རྟེན་གྱི་ཁམས་མི་ཆེ་བ་ན་འཕགས་པའི་བདེན་པ་རྣམས་ལ་མིང་བྱེ་བ་བརྒྱ་སྟོང་ཕྲག་བཞི་བཅུ་ཡོད་དེ། དེ་དག་གི་སེམས་ཅན་
རྣམས་ལ་བསམ་པ་ཇི་ལྟ་བ་བཞིན་དུ་འདུལ་ལོ། །ཀྱེ་རྒྱལ་བའི་སྲས་དག་འཇིག་རྟེན་གྱི་ཁམས་མི་མཇེད་འདི་ན་སྡུག་བསྔལ་འཕགས་པའི་བདེན་པ་ཞེས་བྱ་བ་དེ་ལ་ཡང་འཇིག་རྟེན་གྱི་ཁམས་དབྱངས་སྒྲོག་པ་ན་བསམ་
པ་ནུབ་པ་ཞེས་བྱའོ། །ཤིན་ཏུ་འགྲོ་བ་ཞེས་བྱའོ། །ཡན་ལག་གནས་པ་ཞེས་བྱའོ། །གཡོ་སྒྱུ་ཆེ་བ་ཞེས་བྱའོ། །འབྲེལ་པ་ཞེས་བྱའོ། །འདོད་པ་འབྱུང་བ་ཞེས་བྱའོ། །མྱིང་དུ་མི་རུང་བ་ཞེས་བྱའོ། །སྐྱེ་
གནས་མ་རུང་བ་ཞེས་བྱའོ། །ཉེ་བར་འགྲོ་བ་ཞེས་བྱའོ། །དོང་སྐམ་པ་ཞེས་བྱའོ། །ཀྱེ་རྒྱལ་བའི་སྲས་དག་གང་སྡུག་བསྔལ་ཀུན་འབྱུང་བའི་འཕགས་པའི་བདེན་པ་ཞེས་བྱའོ། །ཡང་འཇིག་རྟེན་གྱི་ཁམས་དབྱངས་
སྒྲོགས་པ་ན་གདུལ་བའི་གཞི་ཞེས་བྱའོ། །སེམས་ཀྱི་ཚུལ་ཞེས་བྱའོ། །བཅིངས་པ་དང་ལྡན་པ་ཞེས་བྱའོ། །རྗེས་སུ་དྲན་པ་ཞེས་བྱའོ། །ངེས་པར་རྟོགས་པ་མ་ཡིན་པ་ཞེས་བྱའོ། །རྣལ་འབྱོར་དང་མི་མཐུན་པ་
ཞེས་བྱའོ། །རྟོག་པར་བྱ་བ་ཞེས་བྱའོ། །སྒོ་ཞེས་བྱའོ། །རྟོག་པར་བྱ་བ་ཞེས་བྱའོ། །བསྒྲིབས་པ་ཞེས་བྱའོ། །ཀྱེ་རྒྱལ་བའི་སྲས་དག་གང་སྡུག་བསྔལ་འགོག་པ་འཕགས་པའི་བདེན་པ་ཞེས་བྱ་བ་དེ་ལའང་
འཇིག་རྟེན་གྱི་ཁམས་དབྱངས་སྒྲོག་པ་ན་གནས་པ་མེད་པ་ཞེས་བྱའོ། །སྦྱིན་བསྲེག་གི་དམ་པ་ཞེས་བྱའོ། །ཕྱིར་ལོག་པ་ཞེས་བྱའོ། །མྱ་ངན་དང་བྲལ་བ་ཞེས་བྱའོ། །ཀུན་ཏུ་སོང་བ་ཞེས་བྱའོ། །ཆེན་པོ་ཞེས་བྱའོ། །

72-1-213b

དུ་བ་མེད་པ་ཞེས་བྱའོ། །མི་ཟད་པ་ཞེས་བྱའོ། །ཡངས་པ་ཞེས་བྱའོ། །ཤིན་ཏུ་མཆོད་པ་ཞེས་བྱའོ། །ཀྱེ་རྒྱལ་བའི་སྲས་དག་གང་སྡུག་བསྔལ་འགོག་པར་འགྲོ་བའི་ལམ་འཕགས་པའི་བདེན་པ་ཞེས་བྱ་བ་དེ་ལ་
འང་འཇིག་རྟེན་གྱི་ཁམས་དབྱངས་སྒྲོག་པ་ན། མཐོང་བས་མཐོང་བ་ཞེས་བྱའོ། །སྤང་པས་དོན་ཅེས་བྱའོ། །རྣམ་པར་བསྒོམ་པ་རྒྱ་ཞེས་བྱའོ། །མཚན་ཉིད་ལ་འཇུག་པ་ཞེས་བྱའོ། །རྙེད་པར་དཀའ་བ་ཞེས་བྱའོ། །
དེ་མ་ཐག་པའི་དོན་ཅེས་བྱའོ། །མཁས་པས་བརྟགས་པ་ཞེས་བྱའོ། །འགྲོག་པའི་དོན་ཅེས་བྱའོ། །མི་གཡོ་བ་ལ་མངོན་དུ་གྱུར་པ་ཞེས་བྱའོ། །ཁྱད་པར་གྱི་དོན་ཅེས་བྱ་སྟེ། ཀྱེ་རྒྱལ་བའི་སྲས་དག་དེ་ལྟར་དེ་དག་ལ་
སོགས་པ་འཇིག་རྟེན་གྱི་ཁམས་དབྱངས་སྒྲོགས་པ་ན་འཕགས་པའི་བདེན་པ་རྣམས་ཀྱི་མིང་བྱེ་བ་བརྒྱ་སྟོང་ཕྲག་བཞི་བཅུ་ཡོད་དེ། དེ་དག་གིས་སེམས་ཅན་རྣམས་བསམ་པ་ཇི་ལྟ་བ་བཞིན་དུ་འདུལ་ལོ། །ཀྱེ་རྒྱལ་བའི་སྲས་
དག་འཇིག་རྟེན་གྱི་ཁམས་མི་མཇེད་འདི་ན་ཇི་ལྟར་འཕགས་པའི་བདེན་པ་རྣམས་ཡོངས་སུ་བསྟན་པ་ཡོད་པ་དེ་བཞིན་དུ། ཤར་ཕྱོགས་ཀྱི་འཇིག་རྟེན་གྱི་ཁམས་བྱེ་བ་བརྒྱ་སྟོང་ཚད་མེད་པ་དཔག་ཏུ་མེད་པ་གྲངས་མེད་པ་བསམ་གྱིས་
མི་ཁྱབ་པ་གྲངས་མེད་པ་མཚུངས་པ་མེད་པ། ཀུན་ཏུ་མཐའ་ཡས་པ་མུ་མེད་པ་ས་མཚམས་མེད་པ། བརྗོད་དུ་མེད་པ། ཆོས་ཀྱི་དབྱིངས་ཀྱི་ཀླས་པ་ནམཁའི་དབྱིངས་ཀྱི་མཐས་གཏུགས་པ་དག་ན་ཡང་འཕགས་པའི་བདེན་པ་
རྣམས་ཡོངས་སུ་བསྟན་པ་ཡོད་དོ། །འཇིག་རྟེན་གྱི་ཁམས་རེ་རེ་ན་ཡང་འཕགས་པའི་བདེན་པ་རྣམས་ཀྱི་མྱིང་བྱེ་བ་བརྒྱ་སྟོང་ཕྲག་བཞི་བཅུ་ཡོད་དེ། དེ་དག་གིས་སེམས་ཅན་རྣམས་བསམ་པ་ཅི་ལྟ་བ་བཞིན་དུ་འདུལ་
ལོ། །ཤར་ཕྱོགས་ཀྱི་འཇིག་རྟེན་གྱི་ཁམས་ན་ཇི་ལྟ་བ་དེ་བཞིན་དུ། ལྷོ་ཕྱོགས་དང་། དེ་བཞིན་དུ་ནུབ་ཕྱོགས་དང་། དེ་བཞིན་དུ་བྱང་ཕྱོགས་དང་། དེ་བཞིན་དུ་བྱང་ཤར་གྱི་ཕྱོགས་

72-1-214a

མཚམས་དང་། དེ་བཞིན་དུ་ཤར་ལྷོའི་ཕྱོགས་མཚམས་དང་། དེ་བཞིན་དུ་ལྷོ་ནུབ་ཀྱི་ཕྱོགས་མཚམས་དང་། དེ་བཞིན་དུ་ནུབ་བྱང་གི་ཕྱོགས་མཚམས་དང་། དེ་བཞིན་དུ་སྟེང་གི་ཕྱོགས་ཀྱི་འཇིག་
རྟེན་གྱི་ཁམས་བྱེ་བ་ཁྲག་ཁྲིག་བརྒྱ་སྟོང་ཚད་མེད་པ་གྲངས་མེད་པ་བསམ་གྱི་མི་ཁྱབ་པ་མཚུངས་པ་མེད་པ། ཀུན་ཏུ་མཐའ་ཡས་པ་མུ་མེད་པ་ས་མཚམས་མེད་པ་གཞལ་དུ་མེད་པ་བརྗོད་དུ་མེད་པ་ཆོས་
ཀྱི་དབྱིངས་ཀྱིས་ཀླས་པ་ནམཁའི་དབྱིངས་ཀྱི་མཐས་གཏུགས་པ་དག་ན་ཡང་། འཕགས་པའི་བདེན་པ་ཡོངསུ་བསྟན་པ་ཡོད་དོ། །འཇིག་རྟེན་གྱི་ཁམས་རེ་རེ་ན་ཡང་འཕགས་པའི་བདེན་པ་རྣམས་ཀྱི་མྱིང་
བྱེ་བ་བརྒྱ་སྟོང་ཕྲག་བཞི་བཅུ་བཞི་བཅུ་ཡོད་དེ་དེ་དག་གི་སེམས་ཅན་རྣམས་བསམ་པ་ཇི་ལྟ་བ་བཞིན་དུ་འདུལ་ལོ། །འཇིག་རྟེན་གྱི་ཁམས་གཅིག་ན་ཇི་ལྟ་བ་དེ་བཞིན་དུ་འཇིག་རྟེན་གྱི་ཁམས་ཐམས་ཅད་ཤར་ཕྱོགས་
ནས་སྟེང་གི་ཕྱོགས་ཤེས་བྱ་བ་ནས། ཕྱོགས་བཅུ་མ་ལུས་པའི་འཇིག་རྟེན་གྱི་ཁམས་ཀྱི་བར་དག་ལ་ཡང་འཕགས་པའི་བདེན་པ་རྣམས་ཡོངསུ་བསྟན་པ་ཡོད་དོ། །འཇིག་རྟེན་གྱི་ཁམས་རེ་རེ་ན་ཡང་སྡུག་བསྔལ་
གྱི་མིང་བྱེ་བ་བརྒྱ་སྟོང་ཕྲག་བཅུ་བཅུ་ཡོད་དེ། དེ་དག་གིས་སེམས་ཅན་རྣམས་བསམ་པ་ཇི་ལྟ་བ་བཞིན་དུ་འདུལ་ལོ། །ཀུན་འབྱུང་བའི་བདེན་པའི་མིང་དང་། འགོག་པའི་བདེན་པའི་མིང་དང་། ལམ་གྱི་བདེན་པའི་
མིང་དག་ཀྱང་དེ་བཞིན་ནོ། །འཕགས་པའི་བདེན་པའི་ལེའུ་ཞེས་བྱ་བ་སྟེ་བཅུ་གསུམ་པའོ།། །། དེ་ནས་བཅོམ་ལྡན་འདས་ཀྱི་ཞབས་ཀྱི་མཐིལ་གཉིས་ནས་འོད་ཟེར་བྱེ་བ་ཕྲག་བརྒྱ་
བཀྱེ་སྟེ། སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་འདི་སྣང་བར་བྱས་ནས་འཛམ་བུའི་གླིང་བྱེ་བ་ཕྲག་བརྒྱ་བསྟན་ཏོ། །ཤར་གྱི་ལུས་འཕགས་བྱེ་བ་ཕྲག་བརྒྱ་དང་ནུབ་གྱི་བན་ལང་སྤྱོད་བྱེ་བ་ཕྲག་བརྒྱ་དང་། 

72-1-214b

བྱང་གི་སྒྲ་མི་སྙན་བྱེ་བ་ཕྲག་བརྒྱ་དང་། རྒྱ་མཚོ་ཆེན་པོ་བྱེ་བ་ཕྲག་བརྒྱ་བསྟན་ཏོ། །འཁོར་ཡུག་རྡོ་རྗེའི་རི་བྱེ་བ་ཕྲག་བརྒྱ་བསྟན་ཏོ། །བྱང་ཆུབ་སེམས་དཔའ་སྐྱེ་བ་བྱེ་བ་ཕྲག་བརྒྱ་བསྟན་ཏོ། །མངོན་པར་འབྱུང་བ་བྱེ་བ་
ཕྲག་བརྒྱ་བསྟན་ཏོ། །དེ་བཞིན་གཤེགས་པ་རྣམ་པར་འཚང་རྒྱ་བ་བྱེ་བ་ཕྲག་བརྒྱ་བསྟན་ཏོ། །ཆོས་ཀྱི་འཁོར་ལོ་བསྐོར་བ་བྱེ་བ་ཕྲག་བརྒྱ་བསྟན་ཏོ། །དེ་བཞིན་གཤེགས་པ་ཡོངསུ་མྱ་ངན་ལས་འདས་པ་བྱེ་བ་ཕྲག་
བརྒྱ་བསྟན་ཏོ། །རི་རབ་རིའི་རྒྱལ་པོ་བྱེ་བ་ཕྲག་བརྒྱ་བསྟན་ཏོ། །རྒྱལ་པོ་ཆེན་པོ་བཞིའི་ཁམས་ཀྱི་ལྷའི་རིས་བྱེ་བ་ཕྲག་བརྒྱ་བསྟན་ཏོ། །སུམ་བཅུ་རྩ་གསུམ་གྱི་ལྷའི་རིས་བྱེ་བ་ཕྲག་བརྒྱ་བསྟན་ཏོ་མཚེ་མའི་ལྷའི་
རིས་བྱེ་བ་ཕྲག་བརྒྱ་བསྟན་ཏོ། །དགའ་ལྡན་གྱི་ལྷའི་རིས་བྱེ་བ་ཕྲག་བརྒྱ་བསྟན་ཏོ། །འཕྲུལ་དགའི་ལྷའི་རིས་བྱེ་བ་ཕྲག་བརྒྱ་བསྟན་ཏོ། །གཞན་འཕྲུལ་དབང་བྱེད་ཀྱི་ལྷའི་རིས་བྱེ་བ་ཕྲག་བརྒྱ་བསྟན་ཏོ། །ཚངས་པའི་
འཇིག་རྟེན་བྱེ་བ་ཕྲག་བརྒྱ་བསྟན་ཏོ། །གྱ་ནོམ་སྣང་བ་བྱེ་བ་ཕྲག་བརྒྱ་བསྟན་ཏོ། །དགེ་རྒྱས་བྱེ་བ་ཕྲག་བརྒྱ་བསྟན་ཏོ། །འབྲས་བུ་ཆེན་པོ་བྱེ་བ་ཕྲག་བརྒྱ་བསྟན་ཏོ། །འོག་མིན་བྱེ་བ་ཕྲག་བརྒྱ་བསྟན་ཏོ། །འཇིག་རྟེན་གྱི་
ཁམས་འདིའི་ཁོངས་སུ་གང་ཅི་ཡང་རུང་སྟེ། གཏོགས་པར་གྱུར་པ་དེ་དག་ཐམས་ཅད་རིལ་གྱི་བསྟན་ཏོ། །ཇི་ལྟར་འདི་ན་བཅོམ་ལྡན་འདས་སངས་རྒྱས་ཀྱི་གདན་ལ་བཞུགས་ཤིང་། བྱང་ཆུབ་སེམས་དཔའ་སངས་རྒྱས་
ཀྱི་ཞིང་བཅུའི་རྡུལ་ཤིན་ཏུ་ཕྲ་བ་སྙེད་དང་ཐབས་གཅིག་ཏུ་བཞུགས་ཏེ། བསྐོར་ཅིང་མདུན་དུ་བྱས་པར་སྣང་བ་དེ་བཞིན་དུ་འཛམ་བུའི་གླིང་བྱེ་བ་ཕྲག་བརྒྱ་ཀུན་ནས་ཡང་དེ་བཞིན་གཤེགས་པ་བྱེ་བ་ཕྲག་བརྒྱ་བཞུགས་
པར་སྣང་ངོ་། །དེ་དག་ཐམས་ཅད་དུའང་སངས་རྒྱས་ཀྱི་བྱིན་གྱི་རླབས་ཀྱི་ཕྱོགས་བཅུ་ནས་བྱང་ཆུབ་སེམས་དཔའ་བཅུ་བཅུ་འོངས་པར་གྱུར་ཏོ། བྱང་ཆུབ་སེམས་དཔའ་དེ་དག་ཐམས་ཅད་ཀྱང་མིང་འདི་ཞེས་

72-1-215a

བྱ་བ་དེ་དག་སྟེ། འདི་ལྟར་འཇམ་དཔལ་དང་། སངས་རྒྱས་དཔལ་དང་། ནོར་དཔལ་དང་། རིན་ཆེན་དཔལ་དང་། ཡོན་ཏན་དཔལ་དང་། མིག་གིས་དཔལ་དང་། བརྩོན་འགྲུས་དཔལ་དང་། ཆོས་ཀྱི་དཔལ་
དང་། ཡེ་ཤེས་དཔལ་དང་། བཟང་པོའི་དཔལ་ཞེས་བྱ་བ་དག་གོ། །བྱང་ཆུབ་སེམས་དཔའ་དེ་དག་ཐམས་ཅད་ཀྱང་། འཇིག་རྟེན་གྱི་ཁམས་མིང་འདི་ཞེས་བྱ་བ་དག་ནས་འོངས་པ་དག་སྟེ། འདི་ལྟར་གསེར་གྱི་
མདོག་དང་ཡིད་དུ་འོང་བའི་མདོག་དང་། པད་མོའི་མདོག་དང་། ཙམ་པ་ཀའི་མདོག་དང་། ཨུད་པ་ལའི་མདོག་དང་། ས་ལེ་སྦྲམ་གྱི་མདོག་དང་། རིན་པོ་ཆེའི་མདོག་དང་། རྡོ་རྗེའི་མདོག་དང་། ཤེལ་གྱི་མདོག་དང་འདྲ་
བའི་མདོག་ཅེས་བྱ་བ་དག་ནས་འོངས་པའོ། །བྱང་ཆུབ་སེམས་དཔའ་དེ་དག་ཐམས་ཅད་ཀྱང་དེ་བཞིན་གཤེགས་པའི་མཚན་འདི་ཞེས་བྱ་བ་དག་གི་ཞམ་རིང་ན་ཚངས་པར་སྤྱད་པ་སྤྱོད་དོ། འདི་ལྟར་རིག་བྱེད་མི་གཡོ་
བ་དང་། རིག་བྱེད་མི་བསྐྱོད་པ་དང་། རིག་བྱེད་བཅིངས་པ་མི་བྱེད་པ་དང་། རིག་བྱེད་ཀུན་སྤྱོད་པ་དང་རིག་བྱེད་སྒྲིབ་པ་མེད་པ་དང་རིག་བྱེད་མཐའ་རྒལ་བ་དང་། རིག་བྱེད་དམ་པ་དང་། རིག་བྱེད་དབང་ཕྱུག་དང་རིག་བྱེད་ཚངས་པ་དང་། 
རིག་བྱེད་སྣ་ཚོགས་ཤེས་བྱ་བ་དག་གོ། །བྱང་ཆུབ་སེམས་དཔའ་དེ་དག་ཐམས་ཅད་ཀྱང་བྱང་ཆུབ་སེམས་དཔའ་རེ་རེ་ཞིང་བྱང་ཆུབ་སེམས་དཔའ་སངས་རྒྱས་ཀྱི་ཞིང་བཅུའི་རྡུལ་ཤིན་ཏུ་ཕྲ་བ་སྙེད་དང་ལྷན་ཅིག་ཏུ་ཕྱིན་ཏེ། 
གཅིག་ཇི་ལྟ་བ་བཞིན་ཐམས་ཅད་དོ། །ཐམས་ཅད་ན་ཡང་བྱང་ཆུབ་སེམས་དཔའ་འཇམ་དཔལ་ཞེས་བྱ་བ་ཤ་སྟག་དོན་འདི་ཉིད་བརྗོད་དེ། གཅིག་ན་ཇི་ལྟ་བ་དེ་བཞིན་ཐམས་ཅད་ན་ཡང་སྟེ་དེའི་ཚེ་ཚིགསུ་བཅད་པ་འདི་དག་ཀྱང་སོ་སོ་ནས་
སྨྲ་བར་གྱུར་ཏོ། །འཇིག་རྟེན་ཀུན་དང་མི་ལྡན་ཞིང་། །བྲལ་བར་གྱུར་ཏེ་དངོས་མེད་པའི། །ཡང་དག་སངས་རྒྱས་སུས་ཤེས་པ། །དེ་དག་མྱིག་གི་ལམ་མི་གནས། །ཤེས་རབ་ཆེན་པོ་སུས་མཐོང་ཞིང་། །དངོས་པོའི་འདུ་ཤེས་

72-1-215b

མི་འཇུག་ལ། །རྣམ་པར་བསྒོམས་ཤིང་ཤེས་གྱུར་པ། །དེ་དག་དེ་བཞིན་གཤེགས་པར་གྱུར། །འཇིག་རྟེན་ཁམས་འདི་མཐོང་གྱུར་ཏེ། །སངས་རྒྱས་ཆེ་བ་ཉིད་དག་ལ། །གང་གི་སེམས་ནི་མི་གཡོའ་བ། །དེ་དག་མི་ཡི་
མཆོག་ཏུ་འགྱུར། །སངས་རྒྱས་ཆོས་ལ་གང་གི་རྣམས། །མཉམ་པའི་སེམས་སུ་རབ་འཇུག་ཅིང་། །མི་མཉེས་མངོན་གྱུར་བརྟན་པ་རྣམས། །དེ་དག་བསམ་གྱིས་མི་ཁྱབ་འགྱུར། །གང་རྣམས་བདག་དང་སངས་རྒྱས་
དག །རང་བཞིན་མཉམ་པར་རབ་གནས་ཤིང་། །མི་གནས་ལེན་པ་མེད་པ་རྣམས། །དེ་དག་བདེ་བར་གཤེགས་པར་འགྱུར། །གཟུགས་དང་ཚོར་བ་འདུ་ཤེས་དང་། །རྣམ་པར་ཤེས་དང་སེམས་དཔའ་དག །གྲངས་
མེད་དེ་བཞིན་གཤེགས་པ་རྣམས། །དེ་དག་ཐུབ་པ་ཆེན་པོར་འགྱུར། །བལྟ་བར་བྱ་ལས་འདས་པ་དང་། །རྣམ་པར་བལྟ་ལས་དེ་བཞིན་ཏེ། །ཆོས་ལས་གང་དག་རྨོངས་མེད་པ། །དེ་དག་རབ་ཏུ་འོད་བྱེད་འགྱུར། །གང་གི་ཤེས་རབ་
ཆེན་པོ་རྣམས། །སེམས་བསྐྱེད་ཀུན་ལ་རབ་གནས་ཤིང་། །ཐམས་ཅད་མཐོང་ཡང་སྐྱེ་མེད་པ། །དེ་དག་གྲགས་པ་ཆེན་པོར་འགྱུར། །སེམས་ཅན་རྣམས་ལ་སྐྱེ་བ་མེད། །འཇིག་པའང་ཡོད་པ་མ་ཡིན་ཏེ། །དེ་ལྟར་གང་གི་ཤེས་པ་ནི། །
དེ་དག་བླ་ན་མེད་པར་འགྱུར། །གང་གི་གཅིག་ལ་མང་ཤེས་ཤིང་། །མང་པོའང་ཅིག་ཏུ་རབ་རྟོགས་ཏེ། །གནས་ཀྱི་རྣམས་སུའང་བྱུང་གྱུར་བ། །དེ་དག་འཇིགས་པ་མེད་པར་འགྱུར། །དེ་ནས་འོད་ཟེར་དེ་དག་འཇིག་རྟེན་གྱིས་
ཁམས་འདི་ནས་འདས་ཏེ། ཤར་ཕྱོགས་སུ་འཇིག་རྟེན་གྱི་ཁམས་བཅུ་བཅུ་སྣང་བར་བྱས་སོ། །དེ་བཞིན་དུ་ལྷོ་དང་ནུབ་ཀྱི་ཕྱོགས་དང་། བྱང་གི་ཕྱོགས་སུ་འཇིག་རྟེན་གྱི་ཁམས་བཅུ་བཅུ་སྣང་བར་བྱས་སོ། །བྱང་ཤར་གྱི་
ཕྱོགས་མཚམས་དང་། ཤར་ལྷོའི་ཕྱོགས་མཚམས་དང་། ལྷོ་ནུབ་ཀྱི་ཕྱོགས་མཚམས་དང་ནུབ་བྱང་གི་ཕྱོགས་མཚམས་དང་འོག་གིས་ཕྱོགས་དང་སྟེང་གི་ཕྱོགས་དག་ཏུ་ཡང་འཇིག་རྟེན་གྱི་ཁམས་བཅུ་བཅུ་སྣང་བར་

72-1-216a

བྱས་སོ། །འཇིག་རྟེན་གྱི་ཁམས་རེ་རེ་ཞིང་ཡང་འཛམ་བུའི་གླིང་བྱེ་བ་ཕྲག་བརྒྱ་བསྟན་པ་ནས། འོག་མིན་བྱེ་བ་ཕྲག་བརྒྱའི་བར་དུ་བསྟན་ཏེ། འཇིག་རྟེན་གྱི་ཁམས་དེ་དག་གི་ཁོངསུ་གང་ཅིའང་རུང་སྟེ། རྟོགས་པར་གྱུར་
པ་དེ་དག་ཐམས་ཅད་རིལ་གྱིས་བསྟན་ཏོ། །ཇི་ལྟར་བཅོམ་ལྡན་འདས་སངས་རྒྱས་ཀྱི་གདན་ལ་བཞུགས་ཤིང་། བྱང་ཆུབ་སེམས་དཔའ་སངས་རྒྱས་ཀྱི་ཞིང་བཅུའི་རྡུལ་ཤིན་ཏུ་ཕྲ་བ་སྙེད་དང་ཐབས་གཅིག་པ་དེ་
བཞིན་དུ་འཇིག་རྟེན་གྱི་ཁམས་རེ་རེ་དག་གི་གླིང་བཞི་པ་བྱེ་བ་ཕྲག་བརྒྱ་ཀུན་ན་ཡང་དེ་བཞིན་གཤེགས་པ་བྱེ་བ་ཕྲག་བརྒྱ་བཞུགས་པར་སྣང་སྟེ། ཐམས་ཅད་དུའང་སངས་རྒྱས་ཀྱི་བྱིན་གྱི་རླབས་ཀྱི་ཕྱོགས་བཅུ་ནས་
བྱང་ཆུབ་སེམས་དཔའ་བཅུ་བཅུ་འོངས་པར་གྱུར་ཏོ། །བྱང་ཆུབ་སེམས་དཔའ་དེ་དག་ཐམས་ཅད་ཀྱང་མིང་འདི་ཞེས་བྱ་བ་དག་སྟེ། འདི་ལྟར་འཇམ་དཔལ་དང་། སངས་རྒྱས་དཔལ་དང་། ནོར་དཔལ་དང་། རིན་ཆེན་དཔལ་
དང་། ཡོན་ཏན་དཔལ་དང་། མིག་དཔལ་དང་། བརྩོན་འགྲུས་དཔལ་དང་། ཆོས་ཀྱི་དཔལ་དང་། ཡེ་ཤེས་དཔལ་དང་། བཟང་པོའི་དཔལ་ཞེས་བྱ་བ་དག་གོ། །བྱང་ཆུབ་སེམས་དཔའ་དེ་དག་ཐམས་ཅད་ཀྱང་འཇིག་རྟེན་གྱི་
ཁམས་མིང་འདི་ཞེས་བྱ་བ་དག་ནས་འོངས་པ་དག་སྟེ། འདི་ལྟར་གསེར་གྱི་མདོག་དང་། ཡིད་དུ་འོང་བའི་མདོག་དང་། པདྨོའི་མདོག་དང་། ཙམ་པ་ཀའི་མདོག་དང་། ཨུད་པ་ལའི་མདོག་དང་། ས་ལེ་སྦྲམ་གྱི་མདོག་དང་། རིན་པོ་
ཆེའི་མདོག་དང་། རྡོ་རྗེའི་མདོག་དང་། ཤེལ་གྱི་མདོག་དང་འདྲ་བའི་མདོག་ཅེས་བྱ་བ་དག་ནས་འོངས་པའོ། །བྱང་ཆུབ་སེམས་དཔའ་དེ་དག་ཐམས་ཅད་ཀྱང་དེ་བཞིན་གཤེགས་པའི་མཚན་འདི་ཞེས་བྱ་བ་དག་གི་ཞམ་རིང་ན་
ཚངས་པའི་སྤྱད་པ་སྤྱོད་པ་དག་སྟེ། འདི་ལྟར་རིག་བྱེད་མི་གཡོ་བ་དང་། རིག་བྱེད་མི་སྐྱོད་པ་དང་། རིག་བྱེད་བཅིངས་པ་མེད་པ་དང་། རིག་བྱེད་ཀུན་སྤྱོད་དང་། རིག་བྱེད་སྒྲིབ་པ་མེད་པ་དང་། རིག་བྱེད་མཐའ་བརྒལ་དང་

72-1-216b

རིག་བྱེད་དམ་པ་དང་། རིག་བྱེད་དབང་ཕྱུག་དང་། རིག་བྱེད་ཚངས་པ་དང་། རིག་བྱེད་སྣ་ཚོགས་ཤེས་བྱ་བ་དག་གོ། །བྱང་ཆུབ་སེམས་དཔའ་དེ་དག་ཐམས་ཅད་ཀྱང་། བྱང་ཆུབ་སེམས་དཔའ་རེ་རེ་ཞིང་བྱང་ཆུབ་སེམས་
དཔའ་སངས་རྒྱས་ཀྱི་ཞིང་བཅུའི་རྡུལ་ཤིན་ཏུ་ཕྲ་བ་སྙེད་དང་ལྷན་ཅིག་ཏུ་ཕྱིན་པ་དག་སྟེ། གཅིག་ཇི་ལྟ་བ་དེ་བཞིན་ཐམས་ཅད་དོ། །ཐམས་ཅད་ན་ཡང་བྱང་ཆུབ་སེམས་དཔའ་འཇམ་དཔལ་ཞེས་བྱ་བ་ཤ་སྟག་
དོན་འདི་ཉིད་བརྗོད་དེ། གཅིག་ན་ཇི་ལྟ་བ་དེ་བཞིན་ཐམས་ཅད་ན་ཡང་བརྗོད་དེ། དེའི་ཚེ་ཚིགསུ་བཅད་པ་འདི་དག་ཀྱང་སོ་སོ་ནས་སྨྲ་བར་གྱུར་ཏོ། །གང་གི་འགྲོ་བ་ཤིན་ཏུ་གཙེས་གྱུར་ཅིང་། །སྲེད་པའི་གསལ་ཤིང་ལྡན་
པར་ཀུན་ཤེས་ནས། །རང་འབྱུང་ཀུན་མཁྱེན་ཡོན་ཏན་ཚོལ་བ་རྣམས། །དེ་དག་ཆོས་ཉིད་འདི་འདྲ་འདི་ཡིན་ནོ། །ཆོས་ཀྱི་རང་བཞིན་གནས་པ་མཐོང་གྱུར་ནས། །མཐའ་གཉིས་གང་གི་རབ་ཏུ་སྤངས་གྱུར་ཅིང་། །
ལྡོག་པ་མེད་ཅིང་དགོས་པ་ཀུན་ཤེས་པ། །དེ་དག་ང་ཡི་འཁོར་ལོ་མཚུངས་མེད་སྐོར། །གང་རྣམས་ཆོས་དང་ལྡན་པའི་བསམ་པ་ཡི། །འཁོར་བའི་སྐྱེ་དགུ་ཀུན་གྱི་དོན་གྱི་ཕྱིར། །བསྐལ་པ་བསམ་ཡས་རྒྱ་ཆེན་གོ་གྱོན་
པའི། །དྲང་སྲོང་ཆེན་པོའི་ལོང་སྤྱོད་འདི་འདྲའོ། །གཞན་གྱི་མི་ཕམ་དཔའ་བའི་རྒྱལ་མཚན་ཅན། །བདུད་རྣམས་ཐམས་ཅད་མཐར་འབྱིན་མགོན་པོ་རྣམས། །བྱམས་པས་གང་དག་མི་འཇིགས་སྒྲ་འབྱིན་པ། །
དེ་དག་ཆོས་ཉིད་འདི་འདྲ་འདི་ཡིན་ནོ། །འདི་དག་ནང་ནས་བྱུང་ངོ་ཞེས་བྱ་བར། །ཉོན་མོངས་སེལ་བའི་སེམས་ནི་སྐད་ཅིག་ཏུ། །ཐམས་ཅད་ཤེས་པ་སུ་ཡི་རྒྱུད་སྐྱེས་པ། །དེ་དག་རྣམ་པར་འཕྲུལ་པ་འདི་དག་སྟོན། །གང་
རྣམས་ཆོས་ཀྱི་རྔ་ནི་རྡུང་བྱེད་ཅིང་། །བྱང་ཆུབ་སེམས་ཀྱང་སྲོག་ཆགས་ཐམས་ཅད་ལ། །ཕྱོགས་བཅུ་ཞིང་རྣམས་ཀུན་ཏུ་ཤེས་བྱེད་པ། །རང་བྱུང་དེ་དག་ཚུལ་ནི་འདི་འདྲའོ། །གདུལ་བར་དཀའ་བ་མཐའ་ཡས་སྤྱོད་ཡུལ་ཅན། །ཞིང་རྣམས་

72-1-217a

བྱེ་བ་གང་དག་སྤྱོད་གྱུར་ཅིང་། །ནམ་ཡང་དངོས་པོ་དག་ལ་མོས་མེད་པ། །དེ་དག་དེ་བཞིན་གཤེགས་བཞིན་རྣམ་པར་འཕྲུལ། །གང་རྣམས་དགའ་ཞིང་མོས་པ་མཐའ་ཡས་པ། །རྒྱལ་བ་རྣམས་ནི་ཤིན་ཏུ་རྣམ་དག་ཅིང་། །དེ་བཞིན་
གཤེགས་པ་མཁའ་འདྲ་རྗེས་དྲན་པ། །དེ་དག་ལ་ནི་སྨོན་ལམ་འདི་ཡང་བཏབ། །སེམས་ཅན་དོན་ལ་གང་རྣམས་མོས་གྱུར་ཅིང་། །རེ་རེ་དག་གི་མནར་མེད་སྡུག་བསྔལ་བ། །བསྐལ་པ་དཔག་མེད་སྨིན་པར་བྱ་དད་པ། །དེ་དག་
སྐྱོན་མེད་ཕམ་མེད་ཤིན་ཏུ་སྲུང་། །གང་རྣམས་ལུས་དང་སྲོག་ལ་མི་ལྟ་ཞིང་། །སངས་རྒྱས་ཆོས་ལ་རྟག་ཏུ་བརྟུལ་ཞུགས་ཏེ། །མཁས་པ་བདག་མེད་རྣམ་པར་སུ་སྤྱོད་པ། །དེ་དག་སངས་རྒྱས་ཆོས་ཉིད་འདི་ཐོབ་བོ། །དེ་ནས་འོད་
ཟེར་དེ་དག་འཇིག་རྟེན་གྱི་ཁམས་དེ་དག་འདས་ནས། ཤར་ཕྱོགས་སུ་འཇིག་རྟེན་གྱི་ཁམས་བརྒྱ་སྣང་བར་བྱས་པ་ནས་གཞུང་དེ་བཞིན་དུ་སྟེང་གི་ཕྱོགསུ་འཇིག་རྟེན་གྱི་ཁམས་བརྒྱ་སྣང་བར་བྱས་སོ། །འཇིག་རྟེན་གྱི་ཁམས་
རེ་རེར་ཡང་འཛམ་བུའི་གླིང་བྱེ་བ་ཕྲག་བརྒྱ་བསྟན་པ་ནས། འོག་མིན་བྱེ་བ་ཕྲག་བརྒྱའི་བར་དུ་བསྟན་ཏེ། འཇིག་རྟེན་གྱི་ཁམས་དེ་དག་གི་ཁོངསུ་གང་ཅི་ཡང་རུང་སྟེ། གཏོགས་པར་གྱུར་པ་དེ་དག་ཐམས་ཅད་རིལ་གྱིས་
བསྟན་ཏོ། །ཇི་ལྟར་བཅོམ་ལྡན་འདས་སངས་རྒྱས་ཀྱི་གདན་ལ་ཞུགས་ཤིང་། བྱང་ཆུབ་སེམས་དཔའ་སངས་རྒྱས་ཀྱི་ཞིང་བཅུའི་རྡུལ་ཤིན་ཏུ་ཕྲ་བ་སྙེད་དང་ཐབས་གཅིག་པ་དེ་བཞིན་དུ་འཇིག་རྟེན་གྱི་ཁམས་རེ་རེའི་གླིང་བཞི་པ་
བྱེ་བ་ཕྲག་བརྒྱ་ཀུན་ན་ཡང་དེ་བཞིན་གཤེགས་པ་རྣམས་བཞུགས་པར་སྣང་སྟེ། ཐམས་ཅད་དུ་ཡང་སངས་རྒྱས་ཀྱི་བྱིན་གྱིས་བརླབས་ཀྱི། ཕྱོགས་བཅུ་ནས་བྱང་ཆུབ་སེམས་དཔའ་བཅུ་བཅུ་འོང་པར་གྱུར་ཏོ། །བྱང་ཆུབ་
སེམས་དཔའ་དེ་དག་ཐམས་ཅད་ཀྱང་མིང་འདི་ཞེས་བྱ་བ་དག་སྟེ། འདི་ལྟར་འཇམ་དཔལ་དང་། སངས་རྒྱས་དཔལ་དང་། ནོར་དཔལ་དང་། རིན་ཆེན་དཔལ་དང་། ཡོན་ཏན་དཔལ་དང་། མིག་གི་དཔལ་དང་། བརྩོན་

72-1-217b

འགྲུས་དཔལ་དང་། ཆོས་དཔལ་དང་། ཡེ་ཤེས་དཔལ་དང་། བཟང་པོའི་དཔལ་ཞེས་བྱ་བ་དག་གོ། །བྱང་ཆུབ་སེམས་དཔའ་དེ་དག་ཐམས་ཅད་ཀྱང་འཇིག་རྟེན་གྱི་ཁམས་མིང་འདི་ཞེས་བྱ་བ་དག་ནས་འོངས་པ་དག་
སྟེ། འདི་ལྟར་གསེར་གྱི་མདོག་དང་། ཡིད་དུ་འོང་བའི་མདོག་དང་། པདྨོའི་མདོག་དང་། ཙམ་པ་ཀའི་མདོག་དང་། ཨུད་པ་ལའི་མདོག་དང་། ས་ལེ་སྦྲམ་གྱི་མདོག་དང་། རིན་པོ་ཆེའི་མདོག་དང་། རྡོ་རྗེའི་མདོག་དང་། ཤེལ་གྱི་
མདོག་དང་འདྲ་བའི་མདོག་ཅེས་བྱ་བ་དག་ནས་འོངས་པའོ། །བྱང་ཆུབ་སེམས་དཔའ་དེ་དག་ཐམས་ཅད་ཀྱང་དེ་བཞིན་གཤེགས་པའི་མཚན་འདི་ཞེས་བྱ་བ་དག་གི་ཞམ་རིང་ན་ཚངས་པའི་སྤྱད་པ་སྤྱོད་དེ། འདི་ལྟར་རིག་བྱེད་མི་གཡོ་
བ་དང་། རིག་བྱེད་མི་སྐྱོད་པ་དང་། རིག་བྱེད་བཅིངས་པ་མེད་པ་དང་། རིག་བྱེད་ཀུན་སྤྱོད་པ་དང་། རིག་བྱེད་སྒྲིབ་པ་མེད་པ་དང་། རིག་བྱེད་མཐའ་རྒལ་དང་། རིག་བྱེད་དམ་པ་དང་། རིག་བྱེད་དབང་ཕྱུག་དང་། རིག་བྱེད་ཚངས་
པ་དང་། རིག་བྱེད་སྣ་ཚོགས་ཞེས་བྱ་བ་དག་གོ། །བྱང་ཆུབ་སེམས་དཔའ་དེ་དག་ཐམས་ཅད་ཀྱང་། བྱང་ཆུབ་སེམས་དཔའ་རེ་རེ་ཞིང་། བྱང་ཆུབ་སེམས་དཔའ་སངས་རྒྱས་ཀྱི་ཞིང་བཅུའི་རྡུལ་ཤིན་ཏུ་ཕྲ་བ་སྙེད་དང་
ལྷན་ཅིག་ཏུ་ཕྱིན་ཏེ། གཅིག་ཇི་ལྟ་བ་དེ་བཞིན་ཐམས་ཅད་དོ། །ཐམས་ཅད་ན་ཡང་བྱང་ཆུབ་སེམས་དཔའ་འཇམ་དཔལ་ཞེས་བྱ་བ་ཤ་སྟག་དོན་འདི་ཉིད་བརྗོད་དོ། །གཅིག་ན་ཇི་ལྟ་བ་བཞིན་ཐམས་ཅད་ན་ཡང་བརྗོད་དོ། །
དེའི་ཚེ་ཚིགསུ་བཅད་པ་འདི་དག་ཀྱང་སོ་སོ་ནས་སྨྲ་བར་གྱུར་ཏོ། །བཅོམ་ལྡན་འདས་ཀྱི་སྒྱུ་མའི་རང་བཞིན་དུ། །ཐུགས་སུ་ཆུད་ནས་སྒྲིབ་པ་མེད་གཟིགས་ཏེ། །ཟིལ་གྱིས་མི་ནོན་ཆགས་པ་མི་མངའ་བར། །
སྐྱེ་དགུ་རབ་ཏུ་འདུལ་བར་ཤིན་ཏུ་སྣང་། །ལ་ལས་གསེར་གྱི་རི་བོ་འདྲ་བ་དེ། །སྐུ་ཆེར་སྐྱེ་བར་གྱུར་པ་རབ་ཏུ་མཐོང་། །སྐྱེས་བུ་ཟླ་བ་རྣམ་པར་མཛེས་པ་དེ། །ཐ་མའི་སྐུ་ཡང་འཛིན་པར་ལ་ལས་མཐོང་། །

72-1-218a

ཡོན་ཏན་ཚད་ལས་འདས་པ་ཀུན་མངའ་ཞིང་། །དགོངས་པ་མཁྱེན་བཞིན་ཤིན་ཏུ་མཁས་གྱུར་པ། །སྐྱེ་དགུའི་སེང་གེ་དོན་ཡོད་གཤེགས་པ་སྟེ། །ལ་ལས་འཆག་ཅིང་གཤེགས་པར་ཤིན་ཏུ་མཐོང་། །
ཕྱོགས་བཅུ་ཀུན་ཏུ་རྣམ་པར་སྣང་བ་དེ། །ལ་ལས་མཐོན་ཐིང་སྤྱན་དུ་དེ་བཞིན་མཐོང་། །འདོད་པའི་ཡོན་ཏན་ལྡན་པའི་སྐྱེ་དགུ་རྣམས། །གཟིགས་ནས་བཞད་པར་དེ་བཞིན་ལ་ལས་མཐོང་། །གཟི་བརྗིད་
མཚུངས་མེད་མངའ་ལ་མངའ་བ་ཡིས། །སེང་གེའི་ང་རོར་གསུང་བ་དེ་བཞིན་མཐོང་། །ཟིལ་གྱི་མི་ནོན་མ་ལོག་གསུང་མངའ་བ། །སྐུ་ཡི་ཐ་མར་སྟོན་པ་ལ་ལས་མཐོང་། །བཅིངས་པ་ཀུན་ལས་རྣམ་པར་གྲོལ་
བ་དེ། །ལ་ལས་ཁབ་ནས་འབྱུང་བར་རབ་ཏུ་མཐོང་། །སྔོན་གྱི་རྒྱལ་བའི་སངས་རྒྱས་སྤྱོད་པ་རྣམས། །གཟིགས་ཤིང་ཞི་བ་དེར་གཞོལ་ལ་ལས་མཐོང་། །ལ་ལས་བྱང་ཆུབ་སྙིང་པོ་དམ་པ་ལ། །ཆོས་རྣམས་
ཐམས་ཅད་མངོན་པར་སངས་རྒྱས་ཤིང་། །ཡོན་ཏན་ཐམས་ཅད་ཕ་རོལ་ཕྱིན་པ་དང་། །མུན་པ་རྡུལ་བསྩལ་ཉོན་མོངས་སྦྱངས་པ་མཐོང་། །ལ་ལས་ཆོས་ཀྱི་འཁོར་ལོ་བསྐོར་བར་ཡང་། །ཐུག་རྗེ་ཆེན་
པོ་བརྙེས་པ་དེ་མཐོང་ངོ་། །ལ་ལས་སྐྱེ་དགུ་ཚད་མེད་རྣམ་འདུལ་བར། །སྐྱེས་བུའི་དམ་པ་དེ་ནི་དེ་བཞིན་མཐོང་། །ལ་ལས་གཟི་བརྗིད་མཚུངས་པ་མེད་པ་དེ། །འཇིག་རྟེན་ཐམས་ཅད་ཟིལ་གྱི་མནན་མཛད་དེ། །
རྫུ་འཕྲུལ་ཆགས་མེད་བླ་མེད་སྟོབས་མངའ་བ། །སེང་གེའི་ང་རོ་སྒྲོག་པར་དེ་བཞིན་མཐོང་། །ལ་ལས་རབ་ཏུ་ཞི་བའི་ཐུགས་མངའ་བ། །འཇིག་རྟེན་སྒྲོན་མ་མྱ་ངན་འདས་པར་མཐོང་། །རྣམ་པར་འཕྲུལ་པ་དེ་དག་
མཐོང་ནས་ཀྱང་། །སྟོབས་བཅུའི་སྟོབས་མངའ་དེ་དག་རབ་ཏུ་ཤེས། །དེ་ནས་འོད་ཟེར་དེ་དག་འཇིག་རྟེན་གྱི་ཁམས་དེ་དག་འདས་ཏེ་ཤར་ཕྱོགས་ལོགསུ་འཇིག་རྟེན་གྱི་ཁམས་སྟོང་སྣང་བར་བྱས་པ་ནས་གཞུང་དེ་བཞིན་དུ་

72-1-218b

སྟེང་གི་ཕྱོགས་ཀྱི་འཇིག་རྟེན་གྱི་ཁམས་སྟོང་གི་བར་དུ་སྣང་བར་བྱས་ཏེ། འཇིག་རྟེན་གྱི་ཁམས་རེ་རེར་ཡང་འཛམ་བུའི་གླིང་བྱེ་བ་ཕྲག་བརྒྱ་བསྟན་པ་ནས། འོག་མིན་བྱེ་བ་ཕྲག་བརྒྱའི་བར་དུ་བསྟན་ཏོ། །འཇིག་རྟེན་གྱི་ཁམས་
དེ་དག་གི་ཁོངས་སུ་གང་ཅི་ཡང་རུང་སྟེ་གཏོགས་པར་གྱུར་པ་དེ་དག་ཐམས་ཅད་རིལ་གྱི་བསྟན་ཏོ། །ཇི་ལྟར་བཅོམ་ལྡན་འདས་སངས་རྒྱས་ཀྱི་གདན་ལ་བཞུགས་པར་སྣང་བ་དེ་བཞིན་དུ། འཇིག་རྟེན་གྱི་ཁམས་རེ་རེའི་
གླིང་བཞི་པ་བྱེ་བ་ཕྲག་བརྒྱ་ཀུན་ན་ཡང་། དེ་བཞིན་གཤེགས་པ་སངས་རྒྱས་ཀྱི་གདན་ལ་བཞུགས་པར་སྣང་ངོ་། །ཐམས་ཅད་དུ་ཡང་སངས་རྒྱས་ཀྱི་བྱིན་གྱིས་རླབས་ཀྱི་ཕྱོགས་བཅུ་ནས་བྱང་ཆུབ་སེམས་དཔའ་
བཅུ་བཅུ་འོངས་པར་གྱུར་ཏོ། །བྱང་ཆུབ་སེམས་དཔའ་དེ་དག་ཐམས་ཅད་ཀྱང་མིང་འདི་ཞེས་བྱ་བ་དག་སྟེ། འདི་ལྟར་འཇམ་དཔལ་ཞེས་བྱ་བ་ནས་བཟང་པོའི་དཔལ་གྱི་བར་དུའོ། །བྱང་ཆུབ་སེམས་དཔའ་དེ་དག་ཐྃས་
ཅད་ཀྱང་། འཇིག་རྟེན་གྱི་ཁམས་མིང་འདི་ཞེས་བྱ་བ་དག་ནས་འོངས་པ་དག་སྟེ། འདི་ལྟར་གསེར་གྱི་མདོག་ཅེས་བྱ་བ་ནས་འདྲ་བའི་མདོག་ཅེས་བྱ་བའི་བར་དག་གོ། །བྱང་ཆུབ་སེམས་དཔའ་དེ་དག་ཐམས་ཅད་
དེ་བཞིན་གཤེགས་པའི་མཚན་འདི་ཞེས་བྱ་བའི་ཞམ་རིང་ན་ཚངས་པའི་སྤྱད་པ་སྤྱོད་པ་དག་སྟེ། འདི་ལྟར་རིག་བྱེད་མི་གཡོ་བ་ནས་རིག་བྱེད་སྣ་ཚོགས་ཞེས་བྱ་བའི་བར་དག་གོ། །བྱང་ཆུབ་སེམས་དཔའ་དེ་དག་ཀྱང་
རེ་རེ་ཞིང་བྱང་ཆུབ་སེམས་དཔའ་སངས་རྒྱས་ཀྱི་ཞིང་བཅུའི་རྡུལ་ཤིན་ཏུ་ཕྲ་བ་སྙེད་དང་ལྷན་ཅིག་ཏུ་ཕྱིན་པ་དག་སྟེ། གཅིག་ཇི་ལྟ་བ་དེ་བཞིན་ཐམས་ཅད་དོ། །ཐམས་ཅད་ན་ཡང་བྱང་ཆུབ་སེམས་དཔའ་འཇམ་དཔལ་ཞེས་
བྱ་བ་ཤ་སྟག་དོན་འདི་ཉིད་བརྗོད་དེ། གཅིག་ན་ཇི་ལྟ་བ་དེ་བཞིན་ཐམས་ཅད་ན་ཡང་བརྗོད་དོ། །དེའི་ཚེ་ཚིགསུ་བཅད་པ་འདི་དག་ཀྱང་སོ་སོ་ནས་སྨྲ་བར་གྱུར་ཏོ། །གང་གི་བདེ་གཤེགས་རྣམས་ཀྱི་ཆོས་ཟབ་པ། །ཟིལ་གྱི་

72-1-219a

ནོན་པ་བརྗོད་པ་མེད་པ་རྣམས། །གང་ལ་འཇིག་རྟེན་རྟག་ཏུ་མྱོས་འགྱུར་བ། །དེ་དག་ཐམས་ཅད་རིམ་གྱིས་རབ་ཏུ་སྟོན། །གལ་ཏེ་བདག་གཅིག་མེད་དུ་ཟིན་ན་ནི། །དེ་ཡི་སྤྱོད་ཡུལ་སྟོང་པ་ཞི་བའང་མེད། །རང་བྱུང་
རྡུལ་རྣམས་ཤིན་ཏུ་གསལ་བ་ཡི། །བདེ་གཤེགས་རྣམས་ཀྱི་སྐུ་ཡང་ཇི་ལྟར་འབྱུང་། །མཁྱེན་དང་རྣམ་གྲོལ་ཞབས་དང་ལྡན་པ་རྣམས། །མཚུངས་པ་མེད་ལ་གྲངས་ཀྱང་ནམ་ཡང་མེད། །དེ་ནི་འཇིག་རྟེན་འདི་ན་
ལ་ལ་དག །རྒྱུ་ལ་ཐོག་པ་མེད་པར་འདོད་ཕྱིར་རོ། །གང་ལ་ཕུང་པོ་མེད་ཅིང་ཁམས་མེད་དེ། །སྐྱེ་མཆེད་དག་དང་སྐྱེ་ཞིང་འཆི་མེད་པ། །དེ་ཡི་གྲངས་ནི་འཇིག་རྟེན་འདི་བརྙེས་པས། །སྐྱེས་བུ་སེང་གེ་རྣམས་
སུ་རབ་ཏུ་བརྗོད། །ནང་དང་ཕྱི་ཡི་ཤེས་བྱར་གདགས་པ་རྣམས། །དེ་དག་རང་བཞིན་དངོས་ཉིད་སྟོང་པ་སྟེ། །རྟོག་པ་མེད་ཅིང་རྣམ་རྟོག་དེ་བཞིན་མེད། །གཞལ་དུ་མེད་པའི་ཆོས་ཉིད་འདི་འདྲའོ། །དེ་དག་ལ་ནི་
གཡོ་བ་ནམ་ཡང་མེད། །སྙེམས་ཤིང་ལྡོག་དང་སྒྲིབ་པ་གང་ཡང་མེད། །འཇིག་རྟེན་ཐམས་ཅད་རྗེས་སུ་རབ་ཏུ་མཁྱེན། །མཐའ་ཡས་འདུལ་བའི་ཚུལ་ནི་འདི་འདྲའོ། །ཞི་བའི་ཏིང་འཛིན་སྤྱོད་ཡུལ་དགྱེས་པ་རྣམས། །
རྩེ་གཅིག་གཉིས་ལ་སྤྱོད་པ་མ་ཡིན་ཏེ། །ཡིད་ཀྱི་བསྩགས་པའང་དེ་བཞིན་གང་ཡང་མེད། །འདིར་ནི་སངས་རྒྱས་རྣམས་འཕྲུལ་མཐའ་ཡས་པའོ། །རྒྱུ་དང་རྐྱེན་དང་བྱ་བ་རྣམ་དག་དང་། །ལས་ཀྱི་རྣམ་སྨིན་སེམས་
ཅན་སྤྱོད་པ་ཡིས། །རྒྱལ་བ་རྣམས་ཀྱི་ཡེ་ཤེས་མི་ལྡོག་སྟེ། །བདེ་གཤེགས་ཆོས་ནི་དེ་ལྟར་བསམ་མི་ཁྱབ། །ཕྱོགས་རྣམས་བཅུ་ན་ཇི་ལྟར་འཁོད་པ་ཡི། །འཇིག་རྟེན་རྣམ་པ་སྣ་ཚོགས་ཀུན་གཟིགས་ཤིང་། །
སེམས་ཅན་ཚད་མེད་ཡོངས་སུ་འགྲེལ་མཛད་ཀྱང་། །སྐྱེས་བུའི་དབང་པོ་དེ་དག་རྟོག་མི་མངའ། །ཐམས་ཅད་མཁྱེན་པ་ཉིད་ནི་གསེར་གྱི་མདོག །དེ་ཡང་ཀུན་ན་རྣམ་པར་ཀུན་ཏུ་གནས། །དེ་དག་བསམ་པ་ཇི་འདྲ་ཇི་

72-1-219b

བཞིན་དུ། །ཐུབ་པ་རྣམས་ནི་དེ་ལྟར་ཆོས་ཀྱང་སྟོན། །དེ་ནས་འོད་ཟེར་དེ་དག་འཇིག་རྟེན་གྱི་ཁམས་དེ་དག་ནས་འདས་ཏེ། ཤར་ཕྱོགས་ལོགས་སུ་འཇིག་རྟེན་གྱི་ཁམས་སྟོང་ཕྲག་བཅུ་སྣང་བར་བྱས་སོ། །གཞུང་དེ་བཞིན་དུ་སྟེང་
གི་ཕྱོགས་སུ་འཇིག་རྟེན་གྱི་ཁམས་སྟོང་ཕྲག་བཅུ་སྣང་བར་བྱས་སོ། །འཇིག་རྟེན་གྱི་ཁམས་རེ་རེར་ཡང་འཛམ་བུའི་གླིང་བྱེ་བ་ཕྲག་བརྒྱ་བསྟན་པ་ནས། འོག་མིན་བྱེ་བ་ཕྲག་བརྒྱའི་བར་དུ་བསྟན་ཏེ། འཇིག་རྟེན་གྱི་ཁམས་དེ་
དག་གིས་ཁོངས་སུ་གང་ཅིའང་རུང་སྟེ། གཏོགས་པར་གྱུར་པ་དེ་དག་ཐམས་ཅད་རིལ་གྱི་བསྟན་ཏོ། །ཇི་ལྟར་བཅོམ་ལྡན་འདས་སངས་རྒྱས་ཀྱི་གདན་ལ་བཞུགས་ཤིང་། བྱང་ཆུབ་སེམས་དཔའ་སངས་རྒྱས་ཀྱི་ཞིང་བཅུའི་
རྡུལ་ཤིན་ཏུ་ཕྲ་བ་སྙེད་དང་ཐབས་གཅིག་པར་སྣང་བར་དེ་བཞིན་དུ་འཇིག་རྟེན་གྱི་ཁམས་རེ་རེ་དག་གི་གླིང་བཞི་པ་བྱེ་བ་ཕྲག་བརྒྱ་ཀུན་ནའང་དེ་བཞིན་གཤེགས་པ་བྱེ་བ་ཕྲག་བརྒྱ་བཞུགས་པར་སྣང་སྟེ། ཐམས་ཅད་དུ་ཡང་
སངས་རྒྱས་ཀྱི་བྱིན་གྱིས་རླབས་ཀྱི་ཕྱོགས་བཅུ་ནས་བྱང་ཆུབ་སེམས་དཔའ་བཅུ་བཅུ་འོངས་པར་གྱུར་ཏོ། །བྱང་ཆུབ་སེམས་དཔའ་དེ་དག་ཐམས་ཅད་ཀྱང་མིང་འདི་ཞེས་བྱ་བ་དག་སྟེ། འདི་ལྟར་འཇམ་དཔལ་ནས་བཟང་པོའྀ་
དཔལ་ཞེས་བྱ་བའི་བར་དག་གོ། །བྱང་ཆུབ་སེམས་དཔའ་དེ་དག་ཐམས་ཅད་འཇིག་རྟེན་གྱི་ཁམས་མིང་འདི་ཞེས་བྱ་བ་ནས་འོངས་པ་དག་སྟེ། འདི་ལྟར་གསེར་གྱི་མདོག་ནས་འདྲ་བའི་མདོག་གི་བར་དག་གོ། །བྱང་ཆུབ་སེམས་
དཔའ་དེ་དག་ཐམས་ཅད་ཀྱང་དེ་བཞིན་གཤེགས་པའི་མཚན་འདི་ཞེས་བྱ་བ་དག་ཞམ་རིང་ན་ཚངས་པའི་སྤྱད་པ་སྤྱོད་པ་དག་སྟེ། འདི་ལྟར་རིག་བྱེད་མི་གཡོ་བ་ནས། རིག་བྱེད་སྣ་ཚོགས་བྱ་བ་དག་གོ། །བྱང་ཆུབ་
སེམས་དཔའ་དེ་དག་ཐམས་ཅད་རེ་རེ་ཞིང་ཡང་བྱང་ཆུབ་སེམས་དཔའ་སངས་རྒྱས་ཀྱི་ཞིང་བཅུའི་རྡུལ་ཤིན་ཏུ་ཕྲ་བ་སྙེད་དང་ལྷན་ཅིག་ཏུ་ཕྱིན་པ་དག་སྟེ། གཅིག་ཇི་ལྟ་བ་དེ་བཞིན་ཐམས་ཅད་དོ། །ཐམས་ཅད་

72-1-220a

ན་ཡང་བྱང་ཆུབ་སེམས་དཔའ་འཇམ་དཔལ་ཞེས་བྱ་བ་ཤ་སྟག་དོན་འདི་ཉིད་བརྗོད་དེ། གཅིག་ན་ཇི་ལྟ་བ་དེ་བཞིན་ཐམས་ཅད་ན་ཡང་བརྗོད་དོ། །དེའི་ཚེ་ཚིགསུ་བཅད་པ་འདི་དག་ཀྱང་སོ་སོ་ནས་སྨྲ་བར་གྱུར་ཏོ། །
ལྷ་དང་འཇིག་རྟེན་བཅས་པ་ཟིལ་མནན་ཏེ། །སྙིང་རྗེ་ལ་ནི་གང་ཞིག་སེམས་གཏོང་ཞིང་། །འགྲོ་བ་ཐམས་ཅད་བསྐྱབས་པར་ཞུགས་པ་རྣམས། །དེ་དག་ལས་ནི་འདི་འདྲར་འགྱུར་བར་འོང་། །བདེ་གཤེགས་རྣམས་ལ་
སྙིང་ནས་དད་བསྐྱེད་ཅིང་། །གང་གི་སེམས་ནི་ནམས་ཀྱང་མི་ལྡོག་པར། །སངས་རྒྱས་སྤྱོད་པ་ཡོངསུ་མི་གཏོང་བར། །དེ་དག་ལས་ནི་འདི་འདྲར་འགྱུར་བར་འོང་། །གང་རྣམས་གང་དུའང་འཇུག་པ་ཡོངས་མེད་ཅིང་། །
སངས་རྒྱས་ཡོན་ཏན་རྣམས་ལས་མི་ལྡོག་པ། །ཤིན་ཏུ་བརྟན་པ་བློ་གདུང་མེད་པ་རྣམས། །དེ་དག་ལས་ནི་འདི་ལྟར་འགྱུར་བར་འོང་། །གང་རྣམས་འགྲོ་ཞིང་འདུག་དང་འཆགས་པའི་ཚེ། །ཉིན་མཚན་རྒྱུན་ཏུ་རྗེས་སུ་
སེམས་བྱེད་ཅིང་། །སངས་རྒྱས་བདག་ཉིད་ཆེ་ལ་སེམས་སྤེལ་བ། །དེ་དག་ལས་ནི་འདི་འདྲར་འགྱུར་བར་འོང་། །དུས་གསུམ་ཐམས་ཅད་རབ་ཏུ་གཞལ་བྱས་ཀྱང་། །གང་གི་སེམས་ནི་ཞུམ་པར་མི་འགྱུར་ཞིང་། །སངས་
རྒྱས་ཡོན་ཏན་རྗེས་སུ་སློབ་མོས་པ། །དེ་དག་ལས་ནི་འདི་འདྲར་འགྱུར་བར་འོང་། །བདག་གི་རང་བཞིན་ཡོངསུ་གཞལ་བྱས་ཤིང་། །ཐམས་ཅད་མ་ལུས་ཞི་བར་བྱེད་པ་དང་། །བདག་དང་བདག་མེད་འདོད་ཆགས་བྲལ་
བའི་སེམས། །དེ་དག་ལས་ནི་འདི་འདྲར་འགྱུར་བར་འོང་། །གཞན་གྱི་བསམ་པ་ཡོངསུ་གཞལ་བྱས་ཤིང་། །རྟོག་དང་རྣམ་རྟོག་ཐམས་ཅད་རབ་སྤངས་ཏེ། །སྤྱོད་པ་འདི་འདྲ་དག་དང་ལྡན་གྱུར་པ། །དེ་དག་ལས་ནི་འདི་འདྲར་འགྱུར་
བར་འོང་། །གང་རྣམས་བསམ་གྱིས་མི་ཁྱབ་ཞིང་འཇམ་ཞིང་། །སེམས་ཅན་རྒྱ་མཚོ་ཡིད་ཀྱིས་འཐུང་བྱེད་དེ། །བློ་ཆེན་རྫུ་འཕྲུལ་སྟོབས་དང་ལྡན་གྱུར་པ། །དེ་དག་ལས་ནི་འདི་འདྲར་འགྱུར་བར་འོང་། །གང་གིས་ཞིང་

72-1-220b

རྣམས་རྣམ་པར་བསམ་པ་ན། །གཟུགས་དང་གཟུགས་མེད་འདུ་ཤེས་ཡོད་མེད་པ། །ཐམས་ཅད་གྲངས་སུ་ཉེ་བར་འགྲོ་བ་ནི། །དེ་དག་ལས་ནི་འདི་འདྲར་འགྱུར་བར་འོང་། །གང་རྣམས་ཞིང་གི་རྡུལ་དུ་གཞིག་བྱས་ཤིང་། །
ཐམས་ཅད་ཕྱོགས་སུ་བཀང་ཞིང་བགྲང་བྱས་ཏེ། །དེ་དག་ནང་དུ་རྒྱལ་བ་འཛུད་བྱེད་པ། །དེ་དག་ལས་ནི་འདི་འདྲར་འགྱུར་བར་འོང་། །དེ་ནས་འོད་ཟེར་དེ་དག་འཇིག་རྟེན་གྱི་ཁམས་དེ་དག་འདས་ནས་ཤར་ཕྱོགས་སུ་འཇིག་
རྟེན་གྱི་ཁམས་སྟོང་ཕྲག་བརྒྱ་སྣང་བར་བྱས་ནས། སྟེང་གི་ཕྱོགས་སུ་འཇིག་རྟེན་གྱི་ཁམས་སྟོང་ཕྲག་བརྒྱའི་བར་དུ་སྣང་བར་བྱས་སོ། །འཇིག་རྟེན་གྱི་ཁམས་རེ་རེར་ཡང་འཛམ་བུའི་གླིང་བྱེ་བ་ཕྲག་བརྒྱ་བསྟན་
པ་ནས། འོག་མིན་བྱེ་བ་ཕྲག་བརྒྱའི་བར་དུ་བསྟན་ཏེ། འཇིག་རྟེན་གྱི་ཁམས་དེ་དག་གི་ཁོངས་སུ་གང་ཅིའང་རུང་སྟེ། རྟོག་པར་གྱུར་པ་དེ་དག་ཐམས་ཅད་རིལ་གྱིས་བསྟན་ཏོ། །ཇི་ལྟར་བཅོམ་ལྡན་འདས་
སངས་རྒྱས་ཀྱི་གདན་ལ་བཞུགས་ཤིང་། བྱང་ཆུབ་སེམས་དཔའ་སངས་རྒྱས་ཀྱི་ཞིང་བཅུའི་རྡུལ་ཤིན་ཏུ་ཕྲ་བ་སྙེད་དང་ཐབས་གཅིག་པར་སྣང་བ་དེ་བཞིན་དུ། འཇིག་རྟེན་གྱི་ཁམས་རེ་རེའི་གླིང་བཞི་
པ་བྱེ་བ་ཕྲག་བརྒྱ་དག་ན་ཡང་དེ་བཞིན་གཤེགས་པ་བྱེ་བ་ཕྲག་བརྒྱ་དག་སངས་རྒྱས་ཀྱི་གདན་ལ་བཞུགས་པར་སྣང་སྟེ། ཐམས་ཅད་དུ་ཡང་སངས་རྒྱས་ཀྱི་བྱིན་གྱིས་རླབས་ཀྱི་ཕྱོགས་བཅུ་ནས་བྱང་ཆུབ་
སེམས་དཔའ་བཅུ་བཅུ་འོངས་པར་གྱུར་ཏོ། །བྱང་ཆུབ་སེམས་དཔའ་དེ་དག་ཐམས་ཅད་ཀྱང་མིང་འདི་ཞེས་བྱ་བ་དག་སྟེ། འདི་ལྟར་འཇམ་དཔལ་ཞེས་བྱ་བ་ནས་བཟང་པོའི་དཔལ་གྱི་བར་དག་གོ། །བྱང་ཆུབ་སེམས་
དཔའ་དེ་དག་ཐམས་ཅད་ཀྱང་འཇིག་རྟེན་གྱི་ཁམས་མིང་འདི་ཞེས་བྱ་བ་དག་ནས་འོངས་པ་དག་སྟེ། འདི་ལྟར་གསེར་གྱི་མདོག་ཅེས་བྱ་བ་ནས་འདྲ་བའི་མདོག་ཅེས་བྱ་བའི་བར་དག་གོ། །བྱང་ཆུབ་སེམས་

72-1-221a

དཔའ་དེ་དག་ཐམས་ཅད་ཀྱང་། དེ་བཞིན་གཤེགས་པ་མཚན་འདི་ཞེས་བྱ་བ་དག་གིས་ཞབས་རིང་ན་ཚངས་པའི་སྤྱད་པ་སྤྱོད་པ་དག་སྟེ། འདི་ལྟར་རིག་བྱེད་མི་གཡོ་བ་ཞེས་བྱ་བ་ནས་
རིག་བྱེད་སྣ་ཚོགས་ཤེས་བྱ་བའི་བར་དག་གོ། །བྱང་ཆུབ་སེམས་དཔའ་དེ་དག་ཐམས་ཅད་ཀྱང་བྱང་ཆུབ་སེམས་དཔའ་རེ་རེ་ཞིང་བྱང་ཆུབ་སེམས་དཔའ་སངས་རྒྱས་ཀྱི་ཞིང་བཅུའི་རྡུལ་ཤིན་ཏུ་ཕྲ་བ་སྙེད་
དང་ལྷན་ཅིག་ཏུ་ཕྱིན་པ་དག་སྟེ། གཅིག་ཇི་ལྟ་བ་དེ་བཞིན་ཐམས་ཅད་དོ། །ཐམས་ཅད་ན་ཡང་བྱང་ཆུབ་སེམས་དཔའ་འཇམ་དཔལ་ཞེས་བྱ་བ་ཤ་སྟག་དོན་འདི་ཉིད་བརྗོད་དེ། གཅིག་ན་ཇི་ལྟ་
བ་དེ་བཞིན་ཐམས་ཅད་ན་ཡང་བརྗོད་དོ། །དེའི་ཚེ་ཚིགས་སུ་བཅད་པ་འདི་དག་ཀྱང་སོ་སོ་ནས་སྨྲ་བར་གྱུར་ཏོ། །མི་འདུལ་ཁ་ལོ་བསྒྱུར་བ་མཐུ་ཆེན་ལ། །གང་དག་ཁ་དོག་རིགས་ཀྱིས་ལྟ་འདོད་པ། །མིག་ཉམས་
ལོག་པར་བལྟ་བར་གྱུར་པ་སྟེ། །དེ་དག་རྒྱལ་བའི་ཆོས་ཉིད་མི་ཤེས་སོ། །དེ་བཞིན་གཤེགས་པའི་ཁ་དོག་དབྱིབས་དག་ནི། །འཇིག་རྟེན་དག་ནའང་ཤེས་པར་ནུས་པ་མེད། །གང་གིས་བསྐལ་པ་བྱེ་བར་བསམ་ཡས་
ཀྱང་། །མཐུ་ཆེན་རྣམས་ཀྱི་ཁ་དོག་མཐའ་མེད་དོ། །དེ་བཞིན་གཤེགས་པའི་མཚན་ཉིད་མི་མངའ་སྟེ། །ཆོས་རྣམས་ཐམས་ཅད་མཚན་ཉིད་མེད་ཅིང་དབེན། །ཡན་ལག་ཀུན་ལྡན་བལྟ་ན་ཉམས་
མེད་པ། །བསམ་པ་ཇི་བཞིན་ཀུན་ན་རབ་ཏུ་སྣང་། །སངས་རྒྱས་ཆོས་རྣམས་གཞལ་དུ་ཡོད་པ་མིན། །གང་རྣམས་ཅི་ཡང་འདི་ཡི་ཚུལ་བཤད་དེ། །ལྡན་པ་མ་ཡིན་མི་ལྡན་མ་ཡིན་པས། །
སངས་རྒྱས་ཆོས་རྣམས་རང་བཞིན་རབ་ཏུ་དབེན། །དེ་བཞིན་གཤེགས་པ་ཕུང་པོ་འཇིགས་པ་མེད། །འབྱུང་དང་འཇིག་པར་སྤྲོ་བར་མི་མཛད་དེ། །མངའ་བརྙེས་མངའ་བསྒྱུར་རྣམ་པར་གདོན་མི་ཟ། །བརྗོད་དུ་

72-1-221b

མེད་པར་བསྟན་པ་རྣམ་པར་སྤྱོད། །ལུས་དང་སེམས་ཀྱང་མཉམ་པར་རབ་གྱུར་ཅིང་། །ནང་དང་ཕྱི་ཡིས་རྣམ་པར་དབེན་པས་ན། །གཉིས་པོ་བགྲང་དུ་མི་རུང་ཤེས་པ་རྣམས། །ཆགས་མེད་བཅིངས་མེད་བདེ་བར་
གཤེགས་པར་འགྱུར། །གྱ་ནོམ་སྣང་ཞིང་ཐུགས་གསལ་འོད་མཛད་པ། །སྤྱོད་ཡུལ་ཡོངས་དག་ཀུན་ཏུ་སྣང་གྱུར་ཏེ། །ཐམས་ཅད་མཁྱེན་པ་ཀུན་གཟིགས་ཀུན་ན་བཞུགས། །སྐྱེ་དགུའི་དོན་ཀྱང་རྒྱ་ཆེན་ཡངས་
པ་མཛད། །གཅིག་ཏུ་གྱུར་ཅིང་མང་པོར་རབ་ཏུ་གྱུར། །མང་པོར་གྱུར་ཅིང་གཅིག་ཏུ་དེ་བཞིན་འགྱུར། །འགྲོ་བའི་ཁམས་ནི་དུ་མར་ཐུགས་ཆུད་ཅིང་། །ཐམས་ཅད་ཚུལ་དང་འདྲ་བར་རབ་ཏུ་འགྱུར། །སྐུ་མེད་
དེ་ལ་ཆགས་པ་གང་ཡང་མེད། །བྱོན་པ་མེད་ཅིང་བསྩགས་པ་ཡོད་མ་མིན། །ཁ་དོག་མཐའ་ཡས་རྣམ་པར་དགོད་བྱས་ཤིང་། །འགྲོ་བ་སྣ་ཚོགས་ལུས་སུ་དེ་དག་སྣང་། །འཇིག་རྟེན་ཐམས་ཅད་
སེམས་ཀྱིས་བརྟགས་པ་ཡིན། །སེམས་ནི་རྟོག་པ་ནམ་ཡང་མ་ཡིན་ཏེ། །བདེ་བར་གཤེགས་པ་དེ་འདྲའི་རང་བཞིན་ནོ། །དེ་ཕྱིར་རྒྱལ་བའི་སྐུ་ནི་འདི་འདྲར་སྣང་། །དེ་ནས་འོད་ཟེར་དེ་དག་འཇིག་རྟེན་གྱི་ཁམས་
དེ་དག་ནས་འདས་ཏེ། ཤར་ཕྱོགས་ལོགས་སུ་འཇིག་རྟེན་གྱི་ཁམས་བརྒྱ་སྟོང་ཕྲག་བཅུར་སྣང་བར་བྱས་ནས། གཞུང་དེ་བཞིན་དུ་སྟེང་གི་ཕྱོགས་ཀྱི་འཇིག་རྟེན་གྱི་ཁམས་བརྒྱ་སྟོང་ཕྲག་བཅུའི་བར་དུ་སྣང་
བར་བྱས་ཏེ། འཇིག་རྟེན་གྱི་ཁམས་རེ་རེར་ཡང་འཛམ་བུའི་གླིང་བྱེ་བ་ཕྲག་བརྒྱ་བསྟན་པ་ནས། འོག་མིན་བྱེ་བ་ཕྲག་བརྒྱའི་བར་དུ་བསྟན་ཏོ། །འཇིག་རྟེན་གྱི་ཁམས་དེ་དག་གི་ཁོངས་སུ་གང་ཅི་ཡང་རུང་སྟེ་གཏོགས་
པར་གྱུར་པ་དེ་དག་ཐམས་ཅད་རིལ་གྱིས་བསྟན་ཏོ། །ཇི་ལྟར་བཅོམ་ལྡན་འདས་སངས་རྒྱས་ཀྱི་གདན་ལ་བཞུགས་ཤིང་། བྱང་ཆུབ་སེམས་དཔའ་སངས་རྒྱས་ཀྱི་ཞིང་བཅུའི་རྡུལ་ཤིན་ཏུ་ཕྲ་བ་སྙེད་དང་ཐབས་

72-1-222a

གཅིག་པར་སྣང་བ་དེ་བཞིན་དུ་འཇིག་རྟེན་གྱི་ཁམས་རེ་རེའི་གླིང་བཞི་པ་བྱེ་བ་ཕྲག་བརྒྱ་དག་ན་ཡང་། དེ་བཞིན་གཤེགས་པ་བྱེ་བ་ཕྲག་བརྒྱ་དག་སངས་རྒྱས་ཀྱི་གདན་ལ་བཞུགས་པར་སྣང་སྟེ། ཐམས་
ཅད་དུ་ཡང་སངས་རྒྱས་ཀྱི་བྱིན་གྱིས་རླབས་ཀྱི་ཕྱོགས་བཅུ་ནས་བྱང་ཆུབ་སེམས་དཔའ་བཅུ་བཅུ་འོངས་པར་གྱུར་ཏོ། །བྱང་ཆུབ་སེམས་དཔའ་དེ་དག་ཐམས་ཅད་ཀྱང་མིང་འདི་ཞེས་བྱ་བ་དག་སྟེ། འདི་ལྟར་
འཇམ་དཔལ་ཞེས་བྱ་བ་ནས་བཟང་པོའི་དཔལ་གྱི་བར་དག་གོ། །བྱང་ཆུབ་སེམས་དཔའ་དེ་དག་ཐམས་ཅད་ཀྱང་འཇིག་རྟེན་གྱི་ཁམས་མིང་འདི་ཞེས་བྱ་བ་དག་ནས་འོངས་པ་དག་སྟེ། འདི་ལྟར་གསེར་གྱི་མདོག་ཅེས་
བྱ་བ་ནས་འདྲ་བའི་མདོག་ཅེས་བྱ་བའི་བར་དག་གོ། །བྱང་ཆུབ་སེམས་དཔའ་དེ་དག་ཐམས་ཅད་ཀྱང་དེ་བཞིན་གཤེགས་པ་མཚན་འདི་ཞེས་བྱ་བ་དག་གི་ཞམ་རིང་ན་ཚངས་པའི་སྤྱད་པ་སྤྱོད་པ་དག་སྟེ། འདི་ལྟར་རིག་བྱེད་
མི་གཡོ་བ་ཞེས་བྱ་བ་ནས་རིག་བྱེད་སྣ་ཚོགས་ཤེས་བྱ་བའི་བར་དག་གོ། །བྱང་ཆུབ་སེམས་དཔའ་དེ་དག་ཐམས་ཅད་ཀྱང་བྱང་ཆུབ་སེམས་དཔའ་རེ་རེ་ཞིང་བྱང་ཆུབ་སེམས་དཔའ་སངས་རྒྱས་ཀྱི་ཞིང་བཅུའི་རྡུལ་ཤིན་
ཏུ་ཕྲ་བ་སྙེད་དང་ལྷན་ཅིག་ཏུ་ཕྱིན་པ་དག་སྟེ་གཅིག་ཅི་ལྟ་བ་དེ་བཞིན་ཐམས་ཅད་དོ། །ཐམས་ཅད་ན་ཡང་བྱང་ཆུབ་སེམས་དཔའ་འཇམ་དཔལ་ཞེས་བྱ་བ་ཤ་སྟག་དོན་འདི་ཉིད་བརྗོད་དོ། །གཅིག་ན་ཇི་ལྟ་བ་དེ་བཞིན་
ཐམས་ཅད་ན་ཡང་བརྗོད་དོ། །དེའི་ཚེ་ཚིགས་སུ་བཅད་པ་འདི་དག་ཀྱང་སོ་སོ་ནས་སྨྲ་བར་གྱུར་ཏོ། །འཇིག་རྟེན་རང་བྱུང་དེ་ལས་མཆོག་མེད་པ། །མི་གནས་དམ་པ་ཕུལ་དང་མཆོག་གི་རྣམས། །དྲང་སྲོང་ཆེན་པོ་
སྲིད་པའི་རྒྱུད་འགྲེལ་བ། །ཡོན་ཏན་ཀུན་ལྡན་རྣམ་དག་འདི་ཡིན་ནོ། །འདུ་འཛི་མེད་ཅིང་ཆགས་པ་མི་མངའ་ལ། །འདུ་ཤེས་དངོས་མེད་གནས་པ་མེད་པ་རྣམས། །ཕུན་སུམ་དགེ་ལྡན་སྨད་པ་མི་མངའ་བ། །

72-1-222b

མགོན་པོ་རྣམས་ཀྱི་ཆོས་ཉིད་ཐུབ་པར་དཀའ། །ཤིན་ཏུ་འོད་སྣང་དག་པར་གྱུར་པ་རྣམས། །བརྒལ་དུ་གླགས་མེད་རྙོག་པ་མེད་པའི་རྣམས། །གཡོ་མེད་མཐའ་མ་རྣམ་པར་སྤངས་པ་ཡི། །
བདེ་གཤེགས་རྣམས་ཀྱི་ཡེ་ཤེས་ཚུལ་འདི་ཡིན། །ལུས་དང་སེམས་ལ་རྣམ་པར་རྟོག་མེད་ཅིང་། །བདེ་གཤེགས་ཆོས་ལ་གང་ཞིག་འཇུག་འགྱུར་བ། །དེ་དག་ཆོས་རྣམས་ཀུན་གྱི་རང་བཞིན་ལ། །ནམ་ཡང་
ནེམ་ནུར་དབང་དུ་མི་འགྲོ་བ། །འཇིག་རྟེན་དག་ན་དམྱིགས་པ་གང་ཡོད་པ། །དེ་དག་ཀུན་ལ་བསྟན་པའི་ཆོས་འཇུག་སྟེ། །གང་དག་ཕྱིར་རྒོལ་མེད་པས་བསྟན་མཛད་ཀྱང་། །རང་བཞིན་ལྡོག་པར་
འགྱུར་བ་གང་ཡང་མེད། །དངོས་པོ་རབ་ཤེས་ལས་རྣམས་ཡོད་མིན་པར། །ཐེ་ཙོམ་ཐམས་ཅད་རྣམ་པར་སྤངས་བྱས་ཏེ། །སངས་རྒྱས་བྱང་ཆུབ་རབ་ཏུ་རྟོགས་པའི་ཚེ། །སེམས་ལ་རྣམ་
པར་འགྱེད་པ་གང་ཡང་མེད། །མི་ཤེས་ཆོས་རྣམས་རྣམ་པར་ཕྱེ་བ་དག །བྱུང་མེད་ཚིག་གི་ལམ་གྱིས་རབ་བརྗོད་པ། །སངས་རྒྱས་གསུང་གི་རྗེས་སུ་འབྲངས་བྱས་ན། །གཅིག་ཀྱང་མ་ཡིན་
མང་པོ་འང་མ་ཡིན་ནོ། །མང་དང་གཅིག་པ་ནམ་ཡང་ཡོད་མིན་ཏེ། །མང་པོ་རྣམས་ལ་གཅིག་པ་ཡོད་མེད་དོ། །མང་དང་གཅིག་པ་རྣམ་པར་བསྒོམ་བྱས་ན། །སངས་རྒྱས་ཡོན་ཏན་མཐའ་ཡས་
ཤེས་པར་འགྱུར། །འཇིག་རྟེན་ཀུན་ཏུ་སེམས་ཅན་ཞིང་རྣམས་དང་། །ཤིན་ཏུ་ཞི་བའི་ཆོས་རྣམས་རྣམ་བལྟས་ཏེ། །མི་གནས་སེམས་ལ་རྟོགས་པ་མེད་པ་ཡི། །དྲན་ལྡན་
སངས་རྒྱས་བྱང་ཆུབ་ཐོབ་པར་འགྱུར། །སེམས་ཅན་ཆོས་དང་དེ་བཞིན་ཞིང་གི་རྣམས། །དེ་དག་རང་བཞིན་ཇི་བཞིན་བརྟག་བྱས་ན། །

72-1-223a

གཅིག་དང་ཐ་དད་གྱུར་པ་མ་ཡིན་ཏེ། །དེ་ལྟར་སངས་རྒྱས་ཚུལ་འདི་ཤེས་པ་ཡིན། །དེ་ནས་འོད་ཟེར་དེ་དག་འཇིག་རྟེན་གྱི་ཁམས་དེ་དག་ནས་འདས་ཏེ། ཤར་ཕྱོགས་ལོགས་སུ་འཇིག་རྟེན་གྱི་ཁམས་བྱེ་བ་
ཕྲག་བརྒྱ་སྣང་བར་བྱས་པ་ནས། སྟེང་གི་ཕྱོགས་ཀྱི་འཇིག་རྟེན་གྱི་ཁམས་བྱེ་བ་ཕྲག་བརྒྱའི་བར་དུ་སྣང་བར་བྱས་ཏེ། འཇིག་རྟེན་གྱི་ཁམས་རེ་རེར་ཡང་འཛམ་བུའི་གླིང་བྱེ་བ་ཕྲག་བརྒྱ་བསྟན་པ་ནས། འོག་མིན་
བྱེ་བ་ཕྲག་བརྒྱའི་བར་དུ་བསྟན་ཏོ། །འཇིག་རྟེན་གྱི་ཁམས་དེ་དག་གི་ཁོངས་སུ་གང་ཅི་ཡང་རུང་སྟེ། གཏོགས་པར་གྱུར་པ་དེ་དག་ཐམས་ཅད་རིལ་གྱིས་བསྟན་ཏོ། །ཇི་ལྟར་བཅོམ་ལྡན་འདས་སངས་རྒྱས་ཀྱི་གདན་
ལ་བཞུགས་ཤིང་བྱང་ཆུབ་སེམས་དཔའ་སངས་རྒྱས་ཀྱི་ཞིང་བཅུའི་རྡུལ་ཤིན་ཏུ་ཕྲ་བ་སྙེད་དང་ཐབས་གཅིག་པར་སྣང་བ་དེ་བཞིན་དུ་འཇིག་རྟེན་གྱི་ཁམས་རེ་རེའི་གླིང་བཞི་པ་བྱེ་བ་ཕྲག་བརྒྱ་ཀུན་ན་ཡང་། དེ་བཞིན་
གཤེགས་པ་བྱེ་བ་ཕྲག་བརྒྱ་དག་སངས་རྒྱས་ཀྱི་གདན་ལ་བཞུགས་པར་སྣང་ངོ་། །ཐམས་ཅད་དུ་ཡང་སངས་རྒྱས་ཀྱི་བྱིན་གྱིས་རླབས་ཀྱིས་ཕྱོགས་བཅུ་ནས་བྱང་ཆུབ་སེམས་དཔའ་བཅུ་བཅུ་འོངས་པར་གྱུར་ཏོ། །
བྱང་ཆུབ་སེམས་དཔའ་དེ་དག་ཀྱང་མིང་འདི་ཞེས་བྱ་བ་དག་སྟེ། འདི་ལྟར་འཇམ་དཔལ་ཞེས་བྱ་བ་ནས་བཟང་པོའི་དཔལ་གྱི་བར་དག་གོ། །བྱང་ཆུབ་སེམས་དཔའ་དེ་དག་ཐམས་ཅད་གང་འཇིག་རྟེན་གྱི་ཁམས་
མིང་འདི་ཞེས་བྱ་བ་དག་ནས་འོངས་པ་དག་སྟེ། འདི་ལྟར་གསེར་གྱི་མདོག་ཅེས་བྱ་བ་ནས་འདྲ་བའི་མདོག་ཅེས་བྱ་བའི་བར་དག་གོ། །བྱང་ཆུབ་སེམས་དཔའ་དེ་དག་ཐམས་ཅད་ཀྱང་། དེ་བཞིན་གཤེགས་པ་མཚན་
འདི་ཞེས་བྱ་བ་དག་གི་ཞམ་རིང་ན་ཚངས་པའི་སྤྱད་པ་སྤྱོད་པ་དག་སྟེ། འདི་ལྟར་རིག་བྱེད་མི་གཡོ་བ་ཞེས་བྱ་བ་ནས་རིག་བྱེད་སྣ་ཚོགས་ཤེས་བྱ་བའི་བར་དག་གོ། །བྱང་ཆུབ་སེམས་དཔའ་དེ་དག་ཐམས་ཅད་ཀྱང་

72-1-223b

བྱང་ཆུབ་སེམས་དཔའ་རེ་རེ་ཞིང་བྱང་ཆུབ་སེམས་དཔའ་སངས་རྒྱས་ཀྱི་ཞིང་བཅུའི་རྡུལ་ཤིན་ཏུ་ཕྲ་བ་སྙེད་དང་ལྷན་ཅིག་ཏུ་ཕྱིན་པ་སྟེ། གཅིག་ཇི་ལྟ་བ་དེ་བཞིན་ཐམས་ཅད་དོ། །ཐམས་ཅད་ན་ཡང་བྱང་ཆུབ་སེམས་དཔའ་
འཇམ་དཔལ་ཞེས་བྱ་བ་ཤ་སྟག་དོན་འདི་ཉིད་བརྗོད་དེ། གཅིག་ན་ཇི་ལྟ་བ་དེ་བཞིན་ཐམས་ཅད་ནའང་བརྗོད་དོ། །དེའི་ཚེ་ཚིགས་སུ་བཅད་པ་འདི་དག་སོ་སོ་ནས་སྨྲ་བར་གྱུར་ཏོ། །ཤེས་རབ་དཔག་མེད་ཆོས་རྣམས་
མཐའ་ཡས་པ། །སྲིད་པ་རྒྱ་མཚོའི་ཕ་རོལ་ཕྱིན་པ་དག །ཚེ་རིང་ནད་མེད་མཉམ་མེད་མཚུངས་མེད་འོད། །ཡོན་ཏན་ཆེ་མངའ་དེ་དག་སྦྱོར་འདིའོ། །གང་གིས་སངས་རྒྱས་ཆོས་རྣམས་དངོས་རྟོགས་ཤིང་། །
དུས་གསུམ་ཀུན་ཏུ་བརྟགས་ཀྱང་མི་ངོམས་ཏེ། །དམིགས་པ་ཤེས་བྱེད་རྣམ་པར་མི་རྟོག་པ། །བསམ་ཡས་མོས་པ་དེ་དག་སྦྱོར་འདི་ཡིན། །སེམས་ཅན་ཡུལ་མོས་སེམས་ཅན་འདུ་ཤེས་མེད། །
འཇིག་ཚོགས་ཆོས་ཤེས་ལམ་གྱི་རྒྱུད་དང་བྲལ། །བསམ་གཏན་ནང་དང་སེམས་ལ་བཅིངས་པ་མེད། །ཆགས་མེད་ཡིད་ལྡན་དེ་དག་སྦྱོར་འདི་ཡིན། །རྟོག་མཁས་རབ་ཏུ་རྟོགས་པའི་ཆོས་ཅན་རྣམས། །
མྱ་ངན་འདས་སྤྱོད་རིགས་ལ་བརྩོན་པ་དག །ཐར་པའི་ལམ་བརྩོན་མཉམ་པ་ཉིད་ལྡན་པ། །ཞི་བ་ཐོབ་པ་དེ་དག་སྦྱོར་འདིའོ། །དེད་དཔོན་རྗེས་སོང་སངས་རྒྱས་བྱང་ཆུབ་མཆོག །ཐམས་ཅད་མཁྱེན་པ་ཆོས་
དབྱིངས་བཞིན་རྟོགས་ཤིང་། །བདེན་འཇུག་མཁས་པས་སེམས་ཅན་རྣམས་འདོན་པ། །བདེ་གཤེགས་བསམ་ཅན་དེ་དག་སྦྱོར་འདིའོ། །སངས་རྒྱས་དོན་ཚིག་རྗེས་སུ་ཤེས་བྱ་ཞིང་། །ཆགས་མེད་
བློ་ཡངས་རྟོགས་ཤིང་བསམ་གཏན་བྱེད། །ཀུན་ཏུ་འགྲོ་བར་སོང་ལས་རྩོལ་སྤྱོད་པ། །རང་བྱུང་སྤྱོད་པ་དེ་དག་སྦྱོར་འདིའོ། །ནམ་མཁའི་དབྱིངས་དང་སྤྲུལ་པ་ཡིད་ལྡན་རྣམས། །

72-1-224a

གནས་དང་རང་བཞིན་མཚན་ཉིད་ཤེས་པ་དག །མྱ་ངན་འདས་རིགས་སྤྱོད་པ་མཁའ་འདྲ་རྣམས། །ཐོབ་དཀའ་ཐོབ་པ་རྣམས་ཀྱི་སྦྱོར་འདིའོ། །ཟླ་བ་ཟླ་ཕྱེད་ཉིན་དང་ནུབ་བགྲང་ཞིང་། །ལོ་དང་བསྐལ་པའི་རང་བཞིན་
སུ་སེམས་པ། །འཇིག་རྟེན་འདུ་ཞིང་འཇིག་པར་འགྱུར་བ་དང་། །གྲངས་ཚུལ་སུས་རྟོགས་དེ་དག་སྦྱོར་འདིའོ། །ཞིང་གི་སེམས་ཅན་ཇི་སྙེད་སྐྱེ་འཆི་བ། །གཟུགས་དང་གཟུགས་མེད་འདུ་ཤེས་འདུ་ཤེས་མེད། །
དེ་དག་མིང་དང་གནས་པ་རྟོགས་ཤེས་པ། །བསམ་གྱིས་མི་ཁྱབ་རྟོགས་པའི་སྦྱོར་འདིའོ། །འདས་པའི་དུས་དང་མ་འོངས་ད་ལྟར་ལ། །ངག་གིས་ལམ་གྱིས་གང་ན་རྟོག་བྱེད་ཅིང་། །དུས་གསུམ་རང་བཞིན་ཇི་བཞིན་
རྟོགས་གྱུར་པ། །མཉམ་མེད་དེ་དག་སྦྱོར་བ་འདི་ཡིན་ནོ། །དེ་ནས་འོད་ཟེར་དེ་དག་འཇིག་རྟེན་གྱི་ཁམས་དེ་དག་ནས་འདས་ཏེ། ཤར་ཕྱོགས་ལོགསུ་འཇིག་རྟེན་གྱི་ཁམས་བྱེ་བ་ཕྲག་བཅུ་སྣང་བར་བྱས་ནས། 
སྟེང་གི་ཕྱོགས་སུ་འཇིག་རྟེན་གྱི་ཁམས་བྱེ་བ་ཕྲག་བཅུའི་བར་དུ་སྣང་བར་བྱས་ནས། འཇིག་རྟེན་གྱི་ཁམས་རེ་རེར་ཡང་འཛམ་བུའི་གླིང་བྱེ་བ་ཕྲག་བརྒྱ་བསྟན་པ་ནས། འོག་མིན་བྱེ་བ་ཕྲག་བརྒྱའི་བར་
དུ་བསྟན་ཏོ། །འཇིག་རྟེན་གྱི་ཁམས་དེ་དག་གི་ཁོངས་སུ་གང་ཅི་ཡང་རུང་སྟེ་གཏོགས་པར་གྱུར་པ་དེ་དག་ཐམས་ཅད་རིལ་གྱིས་བསྟན་ཏོ། །ཇི་ལྟར་བཅོམ་ལྡན་འདས་སངས་རྒྱས་ཀྱི་གདན་ལ་བཞུགས་ཤིང་
བྱང་ཆུབ་སེམས་དཔའ་སངས་རྒྱས་ཀྱི་ཞིང་བཅུའི་རྡུལ་ཤིན་ཏུ་ཕྲ་བ་སྙེད་དང་ཐབས་གཅིག་པར་སྣང་བ་དེ་བཞིན་དུ། འཇིག་རྟེན་གྱི་ཁམས་རེ་རེའི་གླིང་བཞི་པ་བྱེ་བ་ཕྲག་བརྒྱ་དག་ཀུན་ན་ཡང་དེ་བཞིན་
གཤེགས་པ་བྱེ་བ་ཕྲག་བརྒྱ་དག་སངས་རྒྱས་ཀྱི་གདན་ལ་བཞུགས་པར་སྣང་ངོ་། །ཐམས་ཅད་དུ་ཡང་སངས་རྒྱས་ཀྱི་བྱིན་གྱིས་རླབས་ཀྱིས་ཕྱོགས་བཅུ་ནས་བྱང་ཆུབ་སེམས་དཔའ་བཅུ་བཅུ་འོང་པར་

72-1-224b

གྱུར་ཏོ། །བྱང་ཆུབ་སེམས་དཔའ་དེ་དག་ཐམས་ཅད་ཀྱང་མིང་འདི་ཞེས་བྱ་བ་དག་སྟེ། འདི་ལྟར་འཇམ་དཔལ་ཞེས་བྱ་བ་ནས་བཟང་པོའི་དཔལ་གྱི་བར་དག་གོ། །བྱང་ཆུབ་སེམས་དཔའ་དེ་དག་ཐམས་ཅད་ཀྱང་འཇིག་
རྟེན་གྱི་ཁམས་མིང་འདི་ཞེས་བྱ་བ་དག་ནས་འོངས་པ་དག་སྟེ། འདི་ལྟར་འཇིག་རྟེན་གྱི་ཁམས་གསེར་གྱི་མདོག་ཅེས་བྱ་བ་ནས་འདྲ་བའི་མདོག་ཅེས་བྱ་བའི་བར་དག་གོ། །བྱང་ཆུབ་སེམས་དཔའ་དེ་དག་ཐམས་
ཅད་ཀྱང་དེ་བཞིན་གཤེགས་པ་མཚན་འདི་ཞེས་བྱ་བ་དག་གི་ཞམ་རིང་ན་ཚངས་པའི་སྤྱད་པ་སྤྱོད་པ་དག་སྟེ། འདི་ལྟར་རིག་བྱེད་མི་གཡོ་བ་ཞེས་བྱ་བ་ནས་རིག་བྱེད་སྣ་ཚོགས་ཤེས་བྱ་བའི་བར་དག་གོ། །
བྱང་ཆུབ་སེམས་དཔའ་དེ་དག་ཐམས་ཅད་ཀྱང་། བྱང་ཆུབ་སེམས་དཔའ་རེ་རེ་ཞིང་བྱང་ཆུབ་སེམས་དཔའ་སངས་རྒྱས་ཀྱི་ཞིང་བཅུའི་རྡུལ་ཤིན་ཏུ་ཕྲ་བ་སྙེད་དང་། ལྷན་ཅིག་ཏུ་ཕྱིན་པ་དག་སྟེ། གཅིག་ཇི་ལྟ་བ་
དེ་བཞིན་ཐམས་ཅད་དོ། །ཐམས་ཅད་ན་ཡང་བྱང་ཆུབ་སེམས་དཔའ་འཇམ་དཔལ་ཞེས་བྱ་བ་ཤ་སྟག་དོན་འདི་ཉིད་བརྗོད་དེ། གཅིག་ཇི་ལྟ་བ་དེ་བཞིན་ཐམས་ཅད་ན་ཡང་བརྗོད་དོ། །དེའི་ཚེ་ཚིགསུ་བཅད་པ་
འདི་དག་ཀྱང་སོ་སོ་ནས་སྨྲ་བར་གྱུར་ཏོ། །འདས་དུས་གང་གིས་བསྒྲུབ་དཀའི་བརྟུལ་ཞུགས་ཆེ་བརྩམས་ཤིང་། །ནམ་ཡང་ཞུམ་པའི་སེམས་སུ་གཏོང་བར་མི་བྱེད་དོ། །བརྒལ་དཀའ་རྒལ་ཏེ་བདག་གིས་སེམས་ཅན་
ཀུན་འདུལ་ཞེས། །སེང་གེའི་སྒྲ་སྒྲོག་དེ་དག་སྤྱོད་ཡུལ་འདི་ཡིན་ནོ། །གང་ཞིག་འདོད་དང་སྲེད་པ་འབྱུང་ཞིང་འཇུག་པ་དང་། །མ་རིག་གཞོལ་བ་གཏི་མུག་མུན་སྒྲིབ་འཇིག་རྟེན་རྣམས། །སེམས་ཅན་རང་བཞིན་
བདག་མེད་བརྟན་པ་བཟོད་པར་འགྱུར། །བདག་ཀྱང་འཇིག་རྟེན་མགོན་འགྱུར་ཞེས་པ་དེ་ཡུལ་འདི། །འཇིག་རྟེན་སེམས་ཅན་མང་པོ་འདོད་དྲེགས་འདམ་བྱིང་བ། །མེད་པའི་ཆོས་ལ་རྟོག་པས་སྡུག་བསྔལ་

72-1-225a

མཐོང་གྱུར་ནས། །སངས་རྒྱས་སྤྱོད་ཡུལ་ཆོས་ལ་བག་ཡོད་གང་སྤྱོད་ཅིང་། །བདག་གི་སེམས་ཅན་ཀུན་བསྒྲུབ་དེ་དག་སྤྱོད་ཡུལ་འདི། །སྔོན་མཐའ་ཤེས་དཀའ་ཚད་མེད་བརྟན་པས་མཐོང་གྱུར་ཅིང་། །
བདག་བརྟན་སེམས་ཅན་ཕ་རོལ་མཐའ་ཡས་འཁོར་སྒྱུར་བ། །དེ་དག་རྒྱལ་བས་ཐེག་པ་ཞི་བ་མཆོག་ལ་བཀོད། །བདག་གི་དེ་འདྲའི་ཆོས་བསྟན་དེ་ཡི་སྤྱོད་ཡུལ་ལོ། །སེམས་ཅན་ཁམས་རྣམས་མགོན་
མེད་ནད་ཀྱིས་གཟིར་གྱུར་ཅིང་། །ངན་སོང་གཞོལ་བ་འདོད་ཆགས་ཞེ་སྡང་གཏི་མུག་གདུངས། །མེ་ལྕེ་འབར་ཕུང་འཇིགས་གཟུགས་མི་བཟད་བསྲེགས་གྱུར་པ། །མཐོང་ནས་དགྲོལ་ཕྱིར་ཞུགས་པ་དེ་དག་སྤྱོད་ཡུལ་
འདིའོ། །ལམ་གོལ་ལམ་མ་ཡིན་པའི་རྐྱེན་ལ་སྤྱོད་གྱུར་ཅིང་། །མུན་པ་ཆེན་པོ་རྟོལ་བར་དཀའ་རྙེད་འགོ་མཐོང་ནས། །སྣང་བ་ཆེན་པོ་བསྐྱེད་དེ་སངས་རྒྱས་ཆོས་སྟོན་ཅེས། །འདི་སྐད་ཚིག་བརྗོད་དེ་དག་སྤྱོད་ཡུལ་
འདི་ཡིན་ནོ། །སྲིད་པའི་མཚོས་གཡེངས་སེམས་ཅན་རབ་ཏུ་མང་བ་དག །མཐའ་མི་མཐོང་ཞིང་སྐྱབས་མེད་དོ་ཞེས་མི་དགའ་བ། །མཐོང་ནས་བརྩོན་འགྲུས་སྟོབས་སྐྱེད་ཆོས་ཀྱི་གྲུ་སྦྱར་ཅིང་། །ཕ་རོལ་སུ་འགྲོ་ཞེས་རྗོད་
དེ་དག་སྤྱོད་ཡུལ་འདིའོ། །སེམས་ཅན་རྩ་བ་མེད་ལ་གནས་པ་མི་མཁས་ཀུན། །གཡང་ས་ཆེན་པོར་ལྟུང་ཞིང་སེམས་ཉམས་རྨོངས་མཐོང་ནས། །སྙིང་རྗེས་ཆོས་ཀྱི་ཟམ་ལ་མཁས་པ་སུ་འགོད་ཅིང་། །དྲན་པར་གྱིས་
ཤེས་སུ་སྨྲ་དེ་དག་སྤྱོད་ཡུལ་འདིའོ། །ཤིན་ཏུ་དོག་པའི་བརྩོན་རར་སྡུག་བསྔལ་སེམས་ཅན་རྣམས། །ནད་དང་དགའ་བས་གཟིར་ཅིང་ཙམ་གྱིས་མནར་བ་དག །མཐོང་ནས་བདག་གིས་ཐབས་ཀྱི་ཆོས་རྣམས་ཀུན་བརྩམས་
ཏེ། །སེམས་ཅན་ཀུན་དགྲོལ་སེམས་པ་དེ་དག་སྤྱོད་ཡུལ་འདིའོ། །སངས་རྒྱས་ཆོས་རྣམས་ཐམས་ཅད་ཐོས་གྱུར་ཐེ་ཙོམ་མེད། །ཆོས་དབྱིངས་སྤྱོད་ཡུལ་ཕྱོགས་བཅུ་ཀུན་ཏུ་རྒྱས་བཀང་སྟེ། །འདི་དག་ཐམས་ཅད་རྟགས་ན་

72-1-225b

གསོག་ཀྱང་མི་འཇིགས་ཤིང་། །སེམས་ཅན་ཀུན་ལ་སྙོམས་བྱེད་དེ་ཡི་སྤྱོད་ཡུལ་ལོ། །དེ་ནས་འོད་ཟེར་དེ་དག་འཇིག་རྟེན་གྱི་ཁམས་དེ་དག་ནས་འདས་ཏེ། ཤར་ཕྱོགས་ལོགསུ་འཇིག་རྟེན་གྱི་ཁམས་བྱེ་བ་ཕྲག་བརྒྱ་སྣང་
བར་བྱས་སོ། །འཇིག་རྟེན་གྱི་ཁམས་བྱེ་བ་སྟོང་སྣང་བར་བྱས་སོ། །འཇིག་རྟེན་གྱི་ཁམས་བྱེ་བ་བརྒྱ་ཕྲག་སྟོང་སྣང་བར་བྱས་སོ། །འཇིག་རྟེན་གྱི་ཁམས་བྱེ་བ་ཁྲག་ཁྲིག་སྣང་བར་བྱས་སོ། །འཇིག་རྟེན་གྱི་ཁམས་བྱེ་བ་ཁྲག་
ཁྲིག་སྟོང་སྣང་བར་བྱས་སོ། །འཇིག་རྟེན་གྱི་ཁམས་བྱེ་བ་ཁྲག་ཁྲིག་བརྒྱ་ཕྲག་སྟོང་སྣང་བར་བྱས་སོ། །འཇིག་རྟེན་གྱི་ཁམས་ཚད་མེད་པ་སྣང་བར་བྱས་སོ། །འཇིག་རྟེན་གྱི་ཁམས་གཞལ་དུ་མེད་པ་སྣང་བར་བྱས་སོ། །འཇིག་
རྟེན་གྱི་ཁམས་གྲངས་མེད་པ་སྣང་བར་བྱས་སོ། དེ་བཞིན་དུ་འཇིག་རྟེན་གྱི་ཁམས་བསམ་གྱིས་མི་ཁྱབ་པ་མཚུངས་པ་མེད་པ་ཀུན་ཏུ་མཐའ་ཡས་པ། མུ་མེད་པ་ས་མཚམས་མེད་པ་དཔག་ཏུ་མེད་པ་བརྗོད་དུ་མེད་པ་དག་ཀྱང་སྣང་བར་
བྱས་སོ། །འཇིག་རྟེན་གྱི་ཁམས་ཆོས་ཀྱི་དབྱིངས་ཀྱི་ཀླས་པ་ནམཁའི་མཐས་གཏུགས་པ་ཐམས་ཅད་ཀྱང་སྣང་བར་བྱས་སོ། །གཞུང་དེ་བཞིན་དུ་ལྷོ་ཕྱོགས་དང་། དེ་བཞིན་དུ་ནུབ་ཕྱོགས་དང་། དེ་བཞིན་དུ་བྱང་ཕྱོགས་དང་། 
དེ་བཞིན་དུ་བྱང་ཤར་ཀྱི་ཕྱོགས་མཚམས་དང་། དེ་བཞིན་དུ་ཤར་ལྷོའི་ཕྱོགས་མཚམས་དང་། དེ་བཞིན་དུ་ལྷོ་ནུབ་ཀྱི་ཕྱོགས་མཚམས་དང་། དེ་བཞིན་དུ་ནུབ་བྱང་གི་ཕྱོགས་མཚམས་དང་། དེ་བཞིན་དུ་འོག་གི་ཕྱོགས་
ནས་སྟེང་གི་ཕྱོགས་ཀྱི་བར་དུ་འཇིག་རྟེན་གྱི་ཁམས་བྱེ་བ་སྣང་བར་བྱས་སོ། །འཇིག་རྟེན་གྱི་ཁམས་བྱེ་བ་བརྒྱ་སྣང་བར་བྱས་སོ། །འཇིག་རྟེན་གྱི་ཁམས་བྱེ་བ་སྟོང་སྣང་བར་བྱས་སོ། ནམ་མཁའི་མཐས་གཏུགས་
པའི་བར་གྱིས་འཇིག་རྟེན་གྱི་ཁམས་ཐམས་ཅད་སྣང་བར་བྱས་སོ། །དེ་ལྟར་ཕྱོགས་བཅུ་ཤིན་ཏུ་རྒྱས་པར་བྱས་ནས། ཆོས་ཀྱི་དབྱིངས་མ་ལུས་པ་ཐམས་ཅད་ཀྱང་སྣང་བར་བྱས་སོ། །འཇིག་རྟེན་གྱི་ཁམས་རེ་རེར་ཡང་

72-1-226a

འཛམ་བུའི་གླིང་བྱེ་བ་ཕྲག་བརྒྱ་བསྟན་པ་ནས། གཞུང་དེ་བཞིན་དུ་འོག་མིན་བྱེ་བ་ཕྲག་བརྒྱའི་བར་དུ་བསྟན་ཏོ། །འཇིག་རྟེན་གྱི་ཁམས་དེ་དག་གི་ཁོངསུ་གང་ཅི་ཡང་རུང་སྟེ་གཏོགས་པར་གྱུར་པ་དེ་དག་ཐམས་
ཅད་ཀྱང་རིལ་གྱིས་བསྟན་ཏོ། །ཇི་ལྟར་སངས་རྒྱས་བཅོམ་ལྡན་འདས་ཀྱིས་གདན་ལ་བཞུགས་ཤིང་། བྱང་ཆུབ་སེམས་དཔའ་སངས་རྒྱས་ཀྱི་ཞིང་བཅུའི་རྡུལ་ཤིན་ཏུ་ཕྲ་བ་སྙེད་དང་ཐབས་ཅིག་པར་སྣང་བ་དེ་བཞིན་
དུ་འཇིག་རྟེན་གྱི་ཁམས་རེ་རེའི་གླིང་བཞི་པ་བྱེ་བ་ཕྲག་བརྒྱ་ཀུན་ཏུ་ཡང་། དེ་བཞིན་གཤེགས་པ་བྱེ་བ་ཕྲག་བརྒྱ་དག་སངས་རྒྱས་ཀྱི་གདན་ལ་བཞུགས་པར་སྣང་ངོ་། །ཐམས་ཅད་དུ་ཡང་སངས་རྒྱས་ཀྱི་བྱིན་གྱི་
རླབས་ཀྱིས་ཕྱོགས་བཅུ་ནས་བྱང་ཆུབ་སེམས་དཔའ་བཅུ་བཅུ་འོངས་པར་གྱུར་ཏོ། །བྱང་ཆུབ་སེམས་དཔའ་དེ་དག་ཐམས་ཅད་ཀྱང་མིང་འདི་ཞེས་བྱ་བ་དག་སྟེ། འདི་ལྟར་འཇམ་དཔལ་ཞེས་བྱ་བ་ནས་བཟང་
པོའི་དཔལ་གྱི་བར་དག་གོ། །བྱང་ཆུབ་སེམས་དཔའ་དེ་དག་ཐམས་ཅད་ཀྱང་འཇིག་རྟེན་གྱི་ཁམས་མིང་འདི་ཞེས་བྱ་བ་དག་ནས་འོངས་པ་སྟེ། འདི་ལྟར་གསེར་གྱི་མདོག་ཅེས་བྱ་བ་ནས་འདྲ་བའི་མདོག་ཅེས་བྱ་བའི་
བར་དག་གོ། །བྱང་ཆུབ་སེམས་དཔའ་དེ་དག་ཐམས་ཅད་ཀྱང་དེ་བཞིན་གཤེགས་པ་མཚན་འདི་ཞེས་བྱ་བ་དག་གི་ཞམ་རིང་ན་ཚངས་པའི་སྤྱོད་པ་སྤྱད་པ་དག་སྟེ། འདི་ལྟར་རིག་བྱེད་མི་གཡོ་བ་ཞེས་བྱ་བ་ནས། 
རིག་བྱེད་སྣ་ཚོགས་ཤེས་བྱ་བའི་བར་དག་གོ། །བྱང་ཆུབ་སེམས་དཔའ་དེ་དག་ཐམས་ཅད་ཀྱང་བྱང་ཆུབ་སེམས་དཔའ་རེ་རེ་ཞིང་བྱང་ཆུབ་སེམས་དཔའ་སངས་རྒྱས་ཀྱི་ཞིང་བཅུའི་རྡུལ་ཤིན་ཏུ་ཕྲ་བ་སྙེད་དང་
ལྷན་ཅིག་ཏུ་ཕྱིན་པ་དག་སྟེ། གཅིག་ཇི་ལྟ་བ་དེ་བཞིན་ཐམས་ཅད་དོ། །ཐམས་ཅད་ན་ཡང་བྱང་ཆུབ་སེམས་དཔའ་འཇམ་དཔལ་ཞེས་བྱ་བ་ཤ་སྟག་དོན་འདི་ཉིད་བརྗོད་དེ། གཅིག་ན་ཇི་ལྟ་བ་དེ་བཞིན་

72-1-226b

ཐམས་ཅད་ན་ཡང་བརྗོད་དོ། །དེའི་ཚེ་ཚིགས་སུ་བཅད་པ་འདི་དག་ཀྱང་སོ་སོ་ནས་སྨྲ་བར་གྱུར་ཏོ། །བསྐལ་པ་གཞལ་ཡས་བསམ་གྱིས་མི་ཁྱབ་སེམས་ཀྱི་སྐད་ཅིག་ལ། །གང་གི་མཐོང་ཡང་བསྩགས་མེད་
འགྲོ་དང་དངོས་པོའི་ཚུལ་མེད་པའི། །ལམ་དུ་འཇུག་པ་དེ་ནི་ཐམས་ཅད་ཀུན་གྱི་ཤེས་འགྱུར་ཏེ། །སྟོབས་བཅུས་ཚུལ་འདི་ཇི་ལྟར་མཁྱེན་བཞིན་འཇིགས་མེད་སངས་རྒྱས་འགྱུར། །གྲགས་པ་སྙན་པར་ཕྱོགས་
རྣམས་ཀུན་ཏུ་མཚུངས་མེད་གྲགས་གྱུར་ཅིང་། །བགེགས་རྣམས་ཀུན་ལས་འདས་ཏེ་ཆོས་ཉིད་འདི་ལ་དགར་སྤྱད་དེ། །ཚད་མེད་ཐམས་ཅད་སོ་སོར་ཞི་ཞིང་དོན་རྣམས་ཀུན་རྟོགས་པས། །དེ་ཕྱིར་ཕྱོགས་རྣམས་ཀུན་
བཀང་བདེ་གཤེགས་ཆོས་ཉིད་འདི་སྟོན་ཏོ། །དགོངས་པ་ཇི་བཞིན་དེ་ནི་སྤྱོད་པའི་འབྲས་བུ་འཐུན་པ་སྟེ། །འཇིག་རྟེན་དོན་འགྱུར་དེ་བཞིན་གཤེགས་ལ་མཆོད་པ་ཡོངས་བྱས་ཤིང་། །དེ་དག་ཐམས་ཅད་སོ་སོར་
འཐུན་པར་ཡེ་ཤེས་རྣམ་སྒོམས་པས། །སེམས་ཅན་དམ་པ་སངས་རྒྱས་རྣམས་འཕྲུལ་འདི་འདྲ་ཕྱོགས་བཅུར་བསྟན། །ཐོག་མར་ཉན་འདོད་བླ་ན་མེད་ཀུན་བཟོད་པ་དེས་བྱས་ཤིང་། །རང་བཞིན་མེད་པའི་ཆོས་ལ་
རབ་རྟོག་བསམ་གཏན་བསྙེན་བྱེད་པ། །བདེ་གཤེགས་ཉིད་ནི་རྟོགས་འགྱུར་འགྲོ་བ་རྣམ་སྐོམ་སེམས་ཚིམ་བྱེད། །ཆོས་ཉིད་དེ་འདྲ་སྤྱད་པ་མྱུར་དུ་བདེ་གཤེགས་ཐོབ་པར་འགྱུར། །སྙིང་ནས་འདྲི་ཞིང་ཕྱོགས་
རྣམས་རྒྱས་བྱེད་རྩེ་གཅིག་ཐོབ་བྱེད་ཅིང་། །རྒྱལ་བའི་ཡོན་ཏན་མོས་ལས་མི་ཟློག་སྤྱོད་པས་ཚིམ་བྱེད་པ། །དངོས་དང་དངོས་མེད་ཐམས་ཅད་ཤེས་བྱས་སྤངས་ཤིང་དངོས་ཟད་པ། །སངས་རྒྱས་བདག་
མེད་དཔེ་མེད་མཐོང་བ་དེ་དག་ལུས་འདི་ཡིན། །བཟང་པོའི་སྤྱོད་ཡུལ་ཅན་གྱི་སེམས་ཀྱི་ཕྱོགས་རྣམས་ཀུན་བཀང་ཞིང་། །ཞིང་རྣམས་ཐམས་ཅད་ཆོས་ཀྱི་གཏེར་གྱིས་ཁྱབ་བྱས་ཚིམ་བྱེད་པ། །

72-1-227a

ཇི་བཞིན་ཆེས་གནས་ཆོས་ཉིད་མཐའ་ལ་ཐེ་ཙོམ་མེད་པའི་རྣམས། །སྟོབས་བཅུ་ཅི་འདྲ་དེ་བཞིན་གྱུར་པའི་ལུས་ནི་འདི་དག་གོ། །བཅོམ་ལྡན་འདས་ཀྱིས་གསུང་གང་སྒྲ་བརྗོད་དེ་ལ་འཇུག་བྱེད་
ཅིང་། །ཆོས་ཀྱི་འཁོར་ལོ་ཇི་བཞིན་བལྟ་དཀའ་གཞལ་ཡས་རྟག་བསྐོར་བ། །དེ་བཞིན་གཤེགས་པས་གསུངས་པའི་གསུང་ཀུན་བྱང་ཆུབ་ཡན་ལག་རྟོགས། །དེ་ལྟར་འཇུག་པས་རྟག་ཏུ་སངས་རྒྱས་སྐུ་རབ་
འདི་དག་མཐོང་། །མཐོང་ཡང་མིག་གི་རྣམ་ཤེས་ཚུལ་དུ་རྡུལ་མེད་མཐོང་བ་མེད། །རྣམ་ཤེས་སྒྱུ་མ་གཞན་པས་མིག་སྟོང་སྟོབས་བཅུ་མི་མཐོང་ངོ་། །འདུ་ཤེས་ཐམས་ཅད་རྣམ་རྟོག་ཡིན་གྱི་སངས་རྒྱས་
མཐོང་བ་མིན། །ཤིན་ཏུ་ཆགས་མེད་ཡུལ་མེད་དེ་ནི་རྒྱལ་བ་མཐོང་བ་ཡིན། །སེམས་ཅན་ལས་མང་བསྩགས་པ་དེ་དག་ཤིན་ཏུ་བལྟ་དཀའ་སྟེ། །ནང་དང་ཕྱི་དང་དབྱིབས་དང་མདོག་ཏུ་ཕྱོགས་བཅུ་ཀུན་ན་མེད། །
དེ་བཞིན་རང་བྱུང་སྐུ་ནི་གཞལ་ཡས་ཕྱོགས་རྣམས་ཀུན་འགེངས་པ། །ཤེས་པར་དཀའ་བ་འདྲེན་པ་སྒྲིབ་པ་མེད་པས་བརྙེས། །ནམཁའ་དག་ལ་ཞིང་རྣམས་བྱེ་བ་དངོས་པོར་གནས་པར་སྣང་། །དེ་ནས་
འོང་བ་མེད་ཅིང་ཕྱོགས་བཅུ་ཀུན་ཏུ་འགྲོ་བ་མེད། །ཚིག་ཅིང་གནས་པར་འགྱུར་ཡང་དེ་དག་ཅི་ལའང་གནས་པ་མེད། །དེ་བཞིན་རང་བྱུང་རྣམས་ཀྱི་སྐུ་ནི་མཁའ་དབྱིངས་རྟག་ཏུ་འགེངས། །དེ་བཞིན་གཤེགས་པའི་
འོད་ཟེར་ལས་རྣམ་པར་སངས་རྒྱས་པ། ལེའུ་བཅུ་བཞི་པའོ།། །། སངས་རྒྱས་རྨད་ག་ཅད་ཅེས་བྱ་བ་ཤིན་ཏུ་རྒྱས་པ་ཆེན་པོའི་མདོ།  བམ་པོ་བཅུ་བདུན་པ། དེ་ནས་བྱང་ཆུབ་སེམས་དཔའ་འཇམ་
དཔལ་གྱིས། བྱང་ཆུབ་སེམས་དཔའ་སངས་རྒྱས་དཔལ་ལ་འདི་སྐད་ཅེས་སྨྲས་སོ། །ཀྱེ་རྒྱལ་བའི་སྲས་དག་རང་བཞིན་གཅིག་པའི་སེམས་ལ་བྱེ་བྲག་ཐ་དད་པའི་རྣམ་པ་འདི་ལྟ་བུ་དག་འདི་ལྟ་སྟེ། 

72-1-227b

བདེ་འགྲོར་འགྲོ་བ་དང་། ངན་སོང་དུ་འགྲོ་བ་དང་། དབང་པོ་ཚང་བ་དང་། དབང་པོ་མ་ཚང་བ་དང་། སྐྱེ་བ་འཐུན་པ་དང་སྐྱེ་བ་མི་འཐུན་པ་དང་། སྡུག་པ་དང་མི་སྡུག་པ་དང་བདེ་བ་མྱོང་བ་དང་སྡུག་བསྔལ་མྱོང་བ་
སྣང་བ་དག་ལ་ལྟོས། ལུས་ཀྱིས་ནི་སེམས་མི་ཤེས་སོ། །སེམས་ཀྱིས་ནི་ལུས་མི་ཤེསོ། །ཚོར་བས་ནི་རྣམ་པར་སྨྱིན་པ་མི་ཤེསོ། །རྣམ་པར་སྨིན་པས་ནི་ཚོར་བ་མི་ཤེསོ། །སེམས་ཀྱིས་ནི་ཚོར་བ་མི་ཤེསོ། །
ཚོར་བས་ནི་སེམས་མི་ཤེསོ། །རྒྱུས་ནི་རྐྱེན་མི་ཤེས་སོ་རྐྱེན་ཀྱིས་ནི་རྒྱུ་མི་ཤེསོ། །དངོས་པོས་ནི་དམིགས་པ་མི་ཤེསོ་དམིགས་པས་ནི་དངོས་པོ་མི་ཤེས་སོ། །དེ་ནས་བྱང་ཆུབ་སེམས་དཔའ་སངས་རྒྱས་དཔལ་གྱིས་
བྱང་ཆུབ་སེམས་དཔའ་འཇམ་དཔལ་ལ་ཚིགསུ་བཅད་དེ་སྨྲས་པ། སེམས་ཅན་བསྟེན་པར་བྱ་བའི་ཕྱིར། །གང་འདི་ཡོངསུ་དྲི་བ་དང་། །ཆོས་རྣམས་ཆོས་ཉིད་ཅི་འདྲ་བ། །འཇམ་དཔལ་བདག་ལས་མཉན་
པར་གྱིས། །ཆོས་རྣམས་འདི་དག་གཡོ་བ་མེད། །ཤིན་ཏུ་དངོས་པོ་མེད་པ་སྟེ། །དེ་ཕྱིར་གཞན་གྱིས་གཞན་དག་གི། ངོ་བོ་ཉིད་ཀྱང་མི་ཤེསོ། །ཇི་ལྟར་ཆུ་ཀླུང་རྒྱུད་ཀྱི་རྣམས། །གཞན་དང་གཞན་དུ་འགྲོགས་རྒྱུ་
ཡང་། །གཅིག་གིས་གཅིག་ནི་མི་ཤེས་ཏེ། །ཆོས་ཀྱི་ཆོས་ཉིད་དེ་བཞིན་ནོ། །ཇི་ལྟར་འབར་བའི་མཚན་མ་ཅན། །འོད་འཕྲོ་གཞན་དང་གཞན་འབྲོགས་ཀྱང་། །གཅིག་གིས་གཅིག་ནི་མི་ཤེས་ཏེ། །ཆོས་ཀྱི་ཆོས་ཉིད་
དེ་བཞིན་ནོ། །ཇི་ལྟར་རླུང་ནི་སྟེན་ཚུལ་གྱིས། །གཞན་དང་གཞན་དུ་གྱུར་མོད་ཀྱི། །གཅིག་གིས་གཅིག་ནི་མི་ཤེས་ཏེ། །ཆོས་ཀྱི་ཆོས་ཉིད་དེ་བཞིན་ནོ། །ཇི་ལྟར་ས་ཡི་ཁམས་ཀྱི་རྣམས། །གཅིག་ལ་ཅིག་ནི་
གནས་གྱུར་ཀྱང་། །གཅིག་གིས་གཅིག་ནི་མི་ཤེས་ཏེ། །ཆོས་ཀྱི་ཆོས་ཉིད་དེ་བཞིན་ནོ། །མིག་དང་རྣ་བ་སྣ་དག་དང་། །ལྕེ་དང་ལུས་དང་ཡིད་ཀྱི་རྣམས། །དེ་དག་ལམ་ནི་རྒྱུ་འཁོར་ཀྱང་། །བྱེད་པ་པོ་ནི་གང་ཡང་མེད། །

72-1-228a

འབྱུང་བའི་རང་བཞིན་མེད་པ་ཡིས། །འབྱུང་བ་ཉེ་བར་བསྟན་བྱས་ཀྱང་། །བསྟན་པར་བྱས་པ་གང་ཡང་མེད། །བསྟན་པ་ལ་ནི་དངོས་པོ་མེད། །མིག་ནི་རང་བཞིན་ཉིད་ཀྱི་སྟོང་། །རྣ་བ་སྣ་ཡང་རང་
བཞིན་གྱིས། །ལྕེ་དང་ལུས་དང་ཡིད་རྣམས་ཀྱང་། །མེད་དེ་ཡོངསུ་བརྟགས་པ་ཡིན། །གང་ཞིག་རང་བཞིན་དངོས་མེད་པར། །ཚུལ་བཞིན་རབ་ཏུ་བརྟོན་བྱེད་པ། །དེ་ཡི་མིག་ལ་འཁྲུག་པ་མེད། །ཆོས་མིག་
བསམ་གྱིས་མི་ཁྱབ་པོ། །ཡང་དག་པ་དང་ཡང་དག་མིན། །བདེན་ནམ་འོན་ཏེ་རྫུན་ཡང་རུང་། །འཇིག་རྟེན་འདས་དང་འཇིག་རྟེན་ཀུན། །ཚིག་གི་ལས་ཀྱིས་བརྗོད་པ་ཡི། །དེ་ནས་བྱང་ཆུབ་སེམས་དཔའ་
འཇམ་དཔལ་གྱིས་བྱང་ཆུབ་སེམས་དཔའ་ནོར་དཔལ་ལ་འདི་སྐད་ཅེས་སྨྲས་སོ། །ཀྱེ་རྒྱལ་བའི་སྲས་དག་སེམས་ཅན་ཐམས་ཅད་མེད་མོད་ཀྱི། འོན་ཀྱང་དེ་བཞིན་གཤེགས་པ་ནི་སེམས་ཅན་འདུལ་
བའི་དུས་ལ་ཇི་ལྟར་འབབ་པ་དང་། སེམས་ཅན་གྱི་ཚེ་ཇི་ལྟ་བ་དང་ལུས་ཅི་ལྟ་བ་དང་སྤྱོད་པ་ཇི་ལྟ་བ་དང་། མོས་པ་ཇི་ལྟ་བ་དང་མཚན་མ་ཇི་ལྟ་བ་དང་བསམ་པ་ཇི་ལྟ་བ་དང་སྦྱོར་བ་ཇི་ལྟ་བ་དང་སེམས་
ཇི་ལྟ་བ་དང་སྤྱོད་པ་ཇི་ལྟ་བ་བཞིན་དུ་སེམས་ཅན་འདུལ་བའི་ཕྱིར་མཐོང་ངོ་། །དེ་ནས་བྱང་ཆུབ་སེམས་དཔའ་ནོར་དཔལ་གྱིས། བྱང་ཆུབ་སེམས་དཔའ་འཇམ་དཔལ་ལ་ཚིགསུ་བཅད་དེ་སྨྲས་པ། 
གང་རྣམས་རབ་ཏུ་ཞི་སྤྱོད་པ། ཐོས་དང་ལྡན་པའི་ས་འདི་ཡིན། །འདི་དོན་ཇི་འདྲ་དེ་བཞིན་དུ། །འཇམ་དཔལ་བདག་ལས་མཉན་པར་གྱིས། །བདག་གི་ལུས་ལ་སུ་གནས་ཞེས། །གང་གི་ནང་ནི་རབ་
ཤེས་པ། །ཡང་དག་ཡོད་དམ་མེད་པའི་དོན། །དེས་ནི་རབ་ཏུ་ཤེས་པ་ཡིན། །ལུས་ཀྱི་རྣམ་པར་དགོད་པ་ནི། །ཕྱོགས་ནི་མི་གནས་བརྗོད་པ་ཡིན། །དེ་བས་ཤེས་པ་དེ་གནས་ལ། །ནམ་ཡང་ཆགས་པར་

72-1-228b

མི་བྱེད་དོ། །ལུས་ནི་རྣམ་པར་སྤྱད་པ་ཡིས། །དངོས་པོ་ཀུན་ཀྱང་རྣམ་པར་བསྒོམས། །སེམས་ནི་ཕྱིར་ལྡོག་མི་འགྱུར་ཏེ། །དངོས་པོ་ཀུན་གྱིས་བརྟགས་པའོ། །གང་གི་ཚེ་ནི་རྗེསུ་འབྲང་། །གང་གི་ཚེ་ནི་ཕྱིར་ལྡོག་
འགྱུར། །ཇི་ལྟར་འགལ་མེ་འཁོར་ལོ་ཡི། །ཐོག་མ་ཐ་མ་དཀོར་བ་བཞིན། །དངོས་པོ་ཐམས་ཅད་མི་རྟག་པར། །སྐྱེ་བོ་གང་རྣམས་རྟོག་པ་ཡང་། །ལུས་ལ་བདག་ཀྱང་མེད་པའི་ཕྱིར། །འདུ་ཤེས་ཕྱིར་ཡང་
ལྡོག་པར་འགྱུར། །བདག་མེད་རྨི་ལམ་ལྟ་བུ་ཡི། །ལས་ནི་ཀུན་ཏུ་རབ་ཏུ་འབྱུང་། །རྣམ་པར་སྨིན་པས་རབ་ཏུ་འབྱུང་། །ཕྱི་མའི་ཇི་བཞིན་སྔོན་དེ་བཞིན། །སེམས་ནི་དབང་བྱེད་ཡིན་པར་བཤད། །དད་པའི་ཚུལ་ནི་
ཇི་བཞིན་དུ། །ཚུལ་བཞིན་མ་ཡིན་ཕྱིན་ཅི་ལོག །འཇིག་རྟེན་ཐམས་ཅད་སྟོན་པར་བྱེད། །ཇི་སྙེད་འཇིག་རྟེན་བརྡ་ཡོད་པ། །དེ་དག་ཐམས་ཅད་བརྟགས་པ་སྟེ། །ཆོས་ཉིད་དེ་ནི་ནམ་དུ་ཡང་། །ཆོས་གཅིག་ལ་ནི་
མ་གནས་སོ། །རྐྱེན་རྣམས་ལ་ནི་རྐྱེན་བཅས་ཏེ། །ཆོས་རྣམས་སོ་སོར་རབ་ཏུ་འབྱུང་། །དེ་དག་ལྡོག་པར་དེ་བཞིན་འགྱུར། །དེ་ནས་བྱང་ཆུབ་སེམས་དཔའ་འཇམ་དཔལ་གྱིས་བྱང་ཆུབ་སེམས་དཔའ་
རིན་ཆེན་དཔལ་ལ་འདི་སྐད་ཅེས་སྨྲས་སོ། །ཀྱེ་རྒྱལ་བའི་སྲས་དག་སེམས་ཅན་ཐམས་ཅད་ཀྱི་འབྱུང་བ་ཆེན་པོ་བཞི་རྣམས་ཡོངས་སུ་འཛིན་པ་མེད་ལ་མཉམ་པ་ཡིན་ཡང་། འོན་ཀྱང་བདེ་
བའི་ཚོར་བ་དག་ཀྱང་སྣང་། སྡུག་བསྔལ་ཀྱི་ཚོར་བ་དག་ཀྱང་སྣང་། ཡིད་དུ་འོང་བར་བྱེད་པ་དང་། ཡིད་དུ་མི་འོང་བར་བྱེད་པ་དང་། ནང་དུ་བྱེད་པ་དང་ཕྱི་རོལ་དུ་བྱེད་པ་དང་། ཚོར་བ་ཆུང་བ་དང་། 
ཚོར་བ་ཆེ་བ་དང་། ཚེ་འདི་ལ་མྱོང་བ་དང་། ཚེ་གཞན་ལ་མྱོང་བ་དག་ཀྱང་སྣང་ལ། ཆོས་ཀྱི་དབྱིངས་ལ་ནི་ཡིད་དུ་འོང་བ་འམ། ཡིད་དུ་མི་འོང་བ་ཡང་མེད་པ་འདི་ཅི་ཞིག །དེ་ནས་བྱང་ཆུབ་སེམས་དཔའ་

72-1-229a

རིན་ཆེན་དཔལ་གྱིས་བྱང་ཆུབ་སེམས་དཔའ་འཇམ་དཔལ་ལ་ཚིགས་སུ་བཅད་དེ་སྨྲས་པ། ཇི་ལྟར་ལས་རྣམས་བྱས་གྱུར་པ། །ཚོར་བ་དེ་བཞིན་འབྱུང་འགྱུར་གྱིས། །འདི་ལ་བྱེད་པ་གང་
ཡང་མེད། །འདི་ནི་སངས་རྒྱས་བསྟན་པའོ། །ཤིན་ཏུ་ཕྱིས་པའི་མེ་ལོང་ལ། །ངོ་ནི་ཇི་ལྟར་འདུག་པ་བཞིན། །དེ་ལ་དེ་ནི་དེ་བཞིན་སྣང་། །ཆོས་ཀྱི་རང་བཞིན་དེ་བཞིན་ནོ། །ཇི་ལྟར་ཞིང་དང་ས་བོན་དག །
གཅིག་གི་ཅིག་ནི་མི་ཤེས་ཀྱང་། །རང་བཞིན་ཉེ་བར་སྟོན་པར་བྱེད། །ལས་ཀྱི་རང་བཞིན་དེ་བཞིན་ནོ། །སྒྱུ་མ་བྱེད་པ་མཁས་པ་ཞིག །ལམ་པོ་ཆེར་ནི་སོང་འདུག་སྟེ། །གཟུགས་རྣམས་སྟོན་པར་བྱེད་པ་
བཞིན། །ལས་ཀྱི་རང་བཞིན་དེ་བཞིན་ནོ། །ཇི་ལྟར་ཤིང་གི་འཁྲུལ་འཁོར་རྣམས། །སྣ་ཚོགས་སྒྲ་མང་བརྗོད་བྱེད་ཅིང་། །དེ་ནི་བདག་དང་བདག་མེད་མིན། །ལས་ཀྱི་རང་བཞིན་དེ་བཞིན་ནོ། །ཇི་ལྟར་བྱ་རྣམས་མང་
པོ་ཡིས། །སྒོ་ངའི་སྦུབས་ནི་ཕྱེ་བ་ལས། །སྒྲ་སྐད་གཞན་དང་གཞན་འགྱུར་བ། །ལས་ཀྱི་རང་བཞིན་དེ་བཞིན་ནོ། །ཇི་ལྟར་མ་ཡི་མངལ་དུ་ཡང་། །བུ་ནི་འཕོ་བར་མི་འགྱུར་ཏེ། །འོན་ཀྱང་དབང་པོ་སྣ་ཚོགས་
འགྱུར། །ལས་ཀྱི་རང་བཞིན་དེ་བཞིན་ནོ། །ཇི་ལྟར་སེམས་དམྱལ་འཇིགས་པ་ན། །གཤིན་རྗེའི་རིས་གཏོགས་སྡུག་བསྔལ་བ། །དེ་དག་ལ་ནི་འོང་བ་མེད། །ལས་ཀྱི་རང་བཞིན་དེ་བཞིན་ནོ། །ཇི་ལྟར་རིན་ཆེན་
མཆོག་རྣམས་དང་། །ལྷ་ཡི་བུ་རྣམས་ཀུན་ལྡན་ཡང་། །འཕོ་བར་སྣང་བ་གང་ཡང་མེད། །དེ་བཞིན་ལས་ཀྱི་རང་བཞིན་ནོ། །ཇི་ལྟར་འཇིག་རྟེན་ལ་ལ་དག །བསམ་གྱིས་མི་ཁྱབ་འབར་གྱུར་ཀྱང་། །
དེ་དག་འོང་བ་གང་ཡང་མེད། །ལས་ཀྱི་རང་བཞིན་དེ་བཞིན་ནོ། །དེ་ནས་བྱང་ཆུབ་སེམས་དཔའ་འཇམ་དཔལ་གྱིས། བྱང་ཆུབ་སེམས་དཔའ་ཡོན་ཏན་དཔལ་ལ་འདི་སྐད་ཅེས་སྨྲས་སོ། །ཀྱེ་རྒྱལ་བའི་

72-1-229b

སྲས་དག་དེ་བཞིན་གཤེགས་པས་ཆོས་གཅིག་མངོན་པར་སངས་རྒྱས་ན་འོན་ཀྱང་ཆོས་ཚད་མེད་པ་ཡང་དག་པར་སྟོན། ཞིང་ཚད་མེད་པ་ཡང་རྣམ་པར་སྟོན། སེམས་ཅན་ཚད་མེད་པ་ཡང་དག་པར་རབ་ཏུ་སྟོན། 
གསུང་ཚད་མེད་པ་ཡང་ཤིན་ཏུ་སྒྲོག །སྐུ་ཚད་མེད་པ་ཡང་ཤིན་ཏུ་སྟོན། བསམ་པ་ཚད་མེད་པ་ཡང་ཐུགསུ་ཆུད། རྫུ་འཕྲུལ་ཚད་མེད་པ་ཡང་ཡང་དག་པར་སྟོན། འཇིག་རྟེན་གྱི་ཁམས་ཚད་མེད་པ་ཡང་ཤིན་ཏུ་
སྐྱོང་། རྒྱན་ཚད་མེད་པ་ཡང་བྱིན་གྱིས་རློབ། སྤྱོད་ཡུལ་ཚད་མེད་པ་ཡང་ཤིན་ཏུ་སྟོན། ཆོས་ཀྱི་དབྱིངས་ཀྱང་རྣམ་པ་ཐ་དད་དུ་མི་སྣང་བ་འདི་ཅི་ཞིག །དེ་ནས་བྱང་ཆུབ་སེམས་དཔའ་ཡོན་ཏན་དཔལ་གྱིས། 
བྱང་ཆུབ་སེམས་དཔའ་འཇམ་དཔལ་ལ་ཚིགསུ་བཅད་དེ་སྨྲས་པ། གནས་འདི་ཤེས་པར་དཀའ་བ་སྟེ། །རྒྱལ་བའི་སྲས་ཀྱི་བདག་ལ་དྲིས། །དེ་ནི་མཁས་པས་རྣམ་པར་ཤེས། །ཡོན་ཏན་མོས་ལ་
དཔྱོད་པར་བྱེད། །ཇི་ལྟར་ས་ནི་གཅིག་པུ་ཡང་། །སེམས་ཅན་མང་པོ་གཅིག་ཏུ་རྒྱུ། །དེ་ལ་གཅིག་དང་ཐ་དད་མེད། །སངས་རྒྱས་ཆོས་ཉིད་དེ་བཞིན་ནོ། །ཇི་ལྟར་མྱེ་ནི་གཅིག་པུ་ཡང་། །འཇིག་རྟེན་ཀུན་ན་ཀུན་
ཀྱང་འབུད། །དེ་ལ་མྱེ་ལྕེ་ཐ་དད་མེད། །སངས་རྒྱས་ཆོས་ཉིད་དེ་བཞིན་ནོ། །ཇི་ལྟར་རྒྱ་མཚོ་གཅིག་པུ་ལས། །ཆུ་ཀླུང་ཚད་མེད་འབབ་གྱུར་ཀྱང་། །དེ་ལ་ཆུ་ཡི་བྱེ་བྲག་མེད། །སངས་རྒྱས་ཆོས་ཉིད་དེ་བཞིན་ནོ། །
ཇི་ལྟར་རླུང་ནི་གཅིག་པུ་ཡང་། །འཇིག་རྟེན་ཀུན་ན་རྒྱུ་ཞིང་ལྡང་། །དེ་ལ་གཅིག་དང་ཐ་དད་མེད། །སངས་རྒྱས་ཆོས་ཉིད་དེ་བཞིན་ནོ། །སྤྲིན་ཆེན་རྣམས་ནི་འབྲུག་བསྒྲགས་ཤིང་། །ས་རྣམས་ཀུན་ཀྱང་ངོམས་
པར་བྱེད། །དེ་ཡི་ཆར་ལ་བྱེ་བྲག་མེད། །སངས་རྒྱས་ཆོས་ཉིད་དེ་བཞིན་ནོ། །ཇི་ལྟར་ས་ནི་གཅིག་པུ་ཡང་། །མིག་གུ་སྣ་ཚོགས་འབྱིན་ཅིང་སྟོན། །ས་ལ་བྱེ་བྲག་འབྱེད་པ་མེད། །སངས་རྒྱས་ཆོས་ནི་དེ་

72-1-230a

བཞིན་ནོ། །ཇི་ལྟར་སྒྲིབ་མེད་ཉི་མ་ནི། །ཕྱོགས་བཅུ་ཀུན་ཏུ་སྣང་བར་བྱེད། །དེ་ལ་འོད་ཟེར་ཐ་དད་མེད། །སངས་རྒྱས་ཆོས་ཉིད་དེ་བཞིན་ནོ། །ཇི་ལྟར་ནམཁའི་ཟླ་བ་ནི། །འཇིག་རྟེན་ཀུན་ལ་རབ་ཏུ་སྣང་། 
གནས་ནས་འགྱུར་བ་གང་ཡང་མེད། །སངས་རྒྱས་ཆོས་ཉིད་དེ་བཞིན་ནོ། །ཇི་ལྟར་ཚངས་པ་མི་མཇེད་བདག །སྟོང་གསུམ་ན་ནི་འདུག་མོད་ཀྱི། །དེ་ལ་ལུས་ནི་བྱེ་བྲག་མེད། །སངས་རྒྱས་ཆོས་ནི་དེ་བཞིན་ནོ། །
དེ་ནས་བྱང་ཆུབ་སེམས་དཔའ་འཇམ་དཔལ་གྱིས་བྱང་ཆུབ་སེམས་དཔའ་མིག་གི་དཔལ་ལ་འདི་སྐད་ཅེས་སྨྲས་སོ། །ཀྱེ་རྒྱལ་བའི་སྲས་དེ་བཞིན་གཤེགས་པ་ལ་དགེ་བ་བསྐྱེད་པ་གཅིག་ཀྱང་དེ་བཞིན་
གཤེགས་པ་ལ་དགེ་བའི་རྩ་བ་སྐྱེད་པའི་སེམས་ཅན་རྣམས་གཟུགས་སྣ་ཚོགས་དང་། ཁ་དོག་སྣ་ཚོགས་དང་། རིག་སྣ་ཚོགས་དང་། དབང་པོ་སྣ་ཚོགས་དང་ལོངས་སྤྱོད་སྣ་ཚོགས་དང་དབང་པོ་སྣ་ཚོགས་
དང་འཁོར་སྣ་ཚོགས་དང་ཡོན་ཏན་སྣ་ཚོགས་དང་། ཕྱུག་དབུལ་སྣ་ཚོགས་དང་། ཤེས་རབ་སྣ་ཚོགས་སུ་ཡང་སྣང་ལ་དེ་བཞིན་གཤེགས་པ་ནི་གང་ལ་ཡང་མི་མཉམ་པ་འམ། ཐ་དད་དུ་དགོངས་པ་གང་ཡང་
མེད་ན་འདི་ཅི་ཞིག །དེ་ནས་བྱང་ཆུབ་སེམས་དཔའ་མིག་གི་དཔལ་གྱིས་བྱང་ཆུབ་སེམས་དཔའ་འཇམ་དཔལ་ལ་ཚིགསུ་བཅད་དེ་སྨྲས་པ། ཇི་ལྟར་ས་ནི་རོ་གཅིག་ཀྱང་། །ས་བོན་ཚུལ་བཞིན་མྱུ་གུ་སྟོན། །
བྱམས་དང་སྡང་བར་སེམས་པ་མེད། །སངས་རྒྱས་ཡོན་ཕུལ་དེ་བཞིན་ནོ། །ཇི་ལྟར་ཆུ་ནི་རོ་གཅིག་ཀྱང་། །སྣོད་ཀྱི་དབང་གིས་རྣམ་པར་འགྱུར། །དེ་བཞིན་སངས་རྒྱས་ཡོན་ཕུལ་བ། །རྒྱུད་ཀྱི་རྣམ་ལ་
རྣམ་པར་འགྱུར། །ཇི་ལྟར་སྒྱུ་མཁན་མཁས་པ་ནི། །རྟག་ཏུ་འཁོར་ཀྱང་མགུ་བར་བྱེད། །དེ་བཞིན་སངས་རྒྱས་ཡོན་ཕུལ་བ། །ཤིན་ཏུ་སྦྱངས་པ་དགའ་བར་བྱེད། །ཇི་ལྟར་མཁས་པའི་རྒྱལ་པོ་དག །

72-1-230b

འགྲོ་བ་མང་པོ་ཤེས་པར་བྱེད། །དེ་བཞིན་སངས་རྒྱས་ཡོན་ཕུལ་བ། །ཇི་ལྟར་བསྐྱེད་བཞིན་ཤེས་པར་བྱེད། །ཇི་ལྟར་དྲི་མེད་མེ་ལོང་ལ། །ཇི་འདྲའི་གཟུགས་བརྙན་དེ་བཞིན་སྣང་། །དེ་བཞིན་སེམས་ཅན་
བསམ་ཚུལ་དེ། །སངས་རྒྱས་ཡོན་ཕུལ་རྣམ་དག་འབྱུང་། །ཇི་ལྟར་དུག་ཕན་སྨན་གྱི་རྣམས། །དུག་ནད་ཐམས་ཅད་སོས་པར་བྱེད། །དེ་བཞིན་སངས་རྒྱས་ཡོན་ཕུལ་བ། །ཉོན་མོངས་དུག་ནི་ཆེན་པོ་སེལ། །
ཇི་ལྟར་ཉི་མ་ཤར་བ་ནི། །འགྲོ་བ་འདི་དག་སྣང་བར་བྱེད། །མུན་པ་དག་ཀྱང་རྣམ་པར་སེལ། །སངས་རྒྱས་ཡོན་ཕུལ་དེ་བཞིན་ནོ། །ཇི་ལྟར་ཟླ་བ་དྲི་མེད་པ། །ཀུན་ཏུ་མཉམ་པ་ཉིད་བྱས་ཏེ། །ས་ནི་རབ་ཏུ་སྣང་བར་
བྱེད། །སངས་རྒྱས་ཡོན་ཕུལ་དེ་བཞིན་ནོ། །ཇི་ལྟར་ཆུ་ཡི་སྟོབས་ཤུགས་ཀྱི། །ས་ནི་ཐམས་ཅད་གཡོ་འགྱུར་བ། །སངས་རྒྱས་ཡོན་ཕུལ་དེ་བཞིན་ནོ། །སྲིད་གསུམ་འགྲོ་བ་རྣམས་ཀྱང་སྐྱོད། །འབར་དང་འོད་
འཕྲོ་བཅས་པའི་མེ། །ཐམས་ཅད་དག་ཏུ་སྲེག་པའི་དངོས། །དེ་བཞིན་སངས་རྒྱས་ཡོན་ཕུལ་བ། །འདུ་བྱེད་ཐམས་ཅད་སྲེག་པར་བྱེད། །དེ་ནས་བྱང་ཆུབ་སེམས་དཔའ་འཇམ་དཔལ་གྱིས། 
བྱང་ཆུབ་སེམས་དཔའ་བརྩོན་འགྲུས་དཔལ་ལ་འདི་སྐད་ཅེས་སྨྲས་སོ། །ཀྱེ་རྒྱལ་བའི་སྲས་དེ་བཞིན་གཤེགས་པའི་བསྟན་པ་གཅིག་ན་ཐམས་ཅད་ལྟ་ན་མཐུན་པས་ཉོན་མོངས་པ་ཐམས་ཅད་སྤོང་བར་
ཅིའི་ཕྱིར་མི་འགྱུར། དེ་དག་ཀུན་ལ་གཟུགས་ནི་གཟུགས་ཉིད་དུ་ཟད། ཚོར་བ་ནི་ཚོར་བ་ཉིད་དུ་ཟད། འདུ་ཤེས་ནི་འདུ་ཤེས་ཉིད་དུ་ཟད། འདུ་བྱེད་རྣམས་ཀྱང་འདུ་བྱེད་རྣམས་ཉིད་དུ་ཟད། རྣམ་པར་ཤེས་པའང་རྣམ་པར་ཤེས་པ་
ཉིད་དུ་ཟད། འདོད་པའི་ཁམས་ཀྱང་འདོད་པའི་ཁམས་ཉིད་དུ་ཟད། གཟུགས་ཀྱི་ཁམས་ཀྱང་གཟུགས་ཀྱི་ཁམས་ཉིད་དུ་ཟད། གཟུགས་མེད་པའི་ཁམས་ཀྱང་གཟུགས་མེད་པའི་ཁམས་ཉིད་དུ་

72-1-231a

ཟད། མ་རིག་པ་ཡང་མ་རིག་པ་ཉིད་དུ་ཟད། སྲེད་པའང་སྲེད་པ་ཉིད་དུ་ཟད་ལ། དེ་བཞིན་གཤེགས་པའི་བསྟན་པའང་ཕན་པར་བྱེད་པ་འམ། གནོད་པར་བྱེད་པ་མ་ཡིན་ན། དེ་ཅིའི་ཕྱིར་ཞེན། 
དེ་ནས་བྱང་ཆུབ་སེམས་དཔའ་བརྩོན་འགྲུས་དཔལ་གྱིས། བྱང་ཆུབ་སེམས་དཔའ་འཇམ་དཔལ་ལ་ཚིགསུ་བཅད་དེ་སྨྲས་པ། དེ་ལྟར་ཁྱོད་ཀྱིས་དྲིས་པ་གང་། །ལ་ལ་མྱུར་དུ་རྣམ་གྲོལ་ཞིང་། །ལ་ལ་
དཀའ་བར་འགྲོལ་འགྱུར་བ། །སངས་རྒྱས་སྲས་པོ་བདག་ལ་ཉོན། །འདི་འདྲ་དཔག་ཏུ་མེད་པ་ཡི། །སངས་རྒྱས་བསྟན་གྱི་ཉེས་མ་ཡིན། །དད་དང་བརྩོན་འགྲུས་ནན་ཏན་གྱིས། །རྟག་ཏུ་ཁྱབ་པར་
འགྱུར་བ་ཡིན། །ཇི་ལྟར་རྩ་དང་ཤིང་གཤེར་བ། །མེར་བཅུག་ཤིན་ཏུ་ཉམས་ཆུང་ཞིང་། །རིང་པོར་མི་ཐོགས་འཆི་བར་འགྱུར། །དེ་བཞིན་ལེ་ལོ་ཅན་བསྟན་ཏེ། །ཇི་ལྟར་གརྩུག་མས་གརྩུབ་པའི་ཚེ། །མ་བྱུང་བར་
ནི་མྱུར་བརྟོག་ན། །མྱུར་དུ་འཆི་བར་འགྱུར་བ་བཞིན། །དེ་ལྟར་ལེ་ལོ་བསྟན་པ་ལ། །ཉི་མའི་ནོར་བུའི་ལྕི་བ་ལ། །ཡང་དང་ཡང་བཞག་བཏེག་པ་ལ། །དེ་ལ་མེ་བྱུང་མི་འགྱུར་ཏེ། །དེ་བཞིན་ལེ་ལོ་བསྟན་
པ་ལ། །ཇི་ལྟར་ཉི་མ་ཤར་བའི་ཚེ། །བྱིས་པ་རྣམས་ནི་མིག་བརྩུམས་ཤིང་། །མི་མཐོང་ཅི་ཕྱིར་ཞེས་སྨྲ་བ། །དེ་བཞིན་ལེ་ལོ་བསྟན་པ་ལ། །རྐང་ལག་མེད་པར་སྐྱེས་པའི་མྱིས། །ཇི་ལྟར་སྨྱུག་
མདའ་ཁ་བུག་གིས། །ས་ནི་དབུག་པར་འདོད་པ་བཞིན། །དེ་ལྟར་ལེ་ལོ་བསྟན་པ་ལ། །ཇི་ལྟར་བྱིས་པ་རྒྱ་འཚོ་ལས། །ཡང་དང་ཡང་དུ་བཅུས་བྱས་ཤིང་། །སྐམ་པར་ལ་ལ་འདོད་པ་ལྟར། །
དེ་བཞིན་ལེ་ལོ་བསྟན་པ་ལ། །ཇི་ལྟར་བུམ་པ་ཆུས་བཀང་ཞིང་། །བསྐལ་པའི་མེ་ནི་བྱུང་བའི་ཚེ། །ལ་ལ་གསད་པར་འདོད་པ་ལྟར། །དེ་བཞིན་ལེ་ལོ་བསྟན་པ་ལ། །ཇི་ལྟར་ལ་ལ་ཕྱོགས་

72-1-231b

བཅུ་ཡིས། །ནམ་མཁའ་ཇི་སྙེད་ཐ་མལ་པའི། །གཟུགས་ཀྱི་རྣམ་པར་དག་སྨྲ་བའི། །དེ་བཞིན་ལེ་ལོ་བསྟན་པ་ལ། །དེ་ནས་བྱང་ཆུབ་སེམས་དཔའ་འཇམ་དཔལ་གྱིས། བྱང་ཆུབ་སེམས་དཔའ་ཆོས་
དཔལ་ལ་འདི་སྐད་ཅེས་སྨྲས་སོ། །ཀྱེ་རྒྱལ་བའི་སྲས་ཆོས་ཀྱི་ཚུལ་ཉོན་མོངས་པ་ཐམས་ཅད་སྐེམས་པ་འདི་ཉིད་བླངས་ཀྱང་། སེམས་ཅན་ལ་ལ་འདོད་ཆགས་ཀྱི་དབང་དུ་འགྲོ། ལ་ལ་ཞེ་སྡང་གིས་
དབང་དུ་འགྲོ། ལ་ལ་གཏི་མུག་གི་དབང་དུ་འགྲོ། ལ་ལ་ང་རྒྱལ་གྱི་དབང་དུ་འགྲོ། འཆབ་པའི་དབང་དུ་འགྲོ། ཁོན་དུ་འཛིན་པའི་དབང་དུ་འགྲོ། ཕྲག་དོག་གི་དབང་དུ་འགྲོ། སེར་སྣའི་དབང་དུ་འགྲོ། 
སྒྱུའི་དབང་དུ་འགྲོ་གཡོའི་དབང་དུ་འགྲོ་ལ། ཆོས་དེ་དག་ཀྱང་སེམས་མེད་པར་ཡང་གཟུང་དུའང་མི་ནུས་ཏེ། ཉོན་མོངས་པར་གདགས་པ་ཀུན་ཀྱང་རྣམ་པ་ཀུན་ཏུ་སེམས་ཀྱི་རྒྱུད་ཏུ་ཟད་ན་དེ་ཇི་ལྟ་བུ། དེ་ནས་བྱང་ཆུབ་སེམས་
དཔའ་ཆོས་དཔལ་གྱིས། བྱང་ཆུབ་སེམས་དཔའ་འཇམ་དཔལ་ལ་ཚིགས་སུ་བཅད་དེ་སྨྲས་པ། གང་གིས་དོན་དེ་བྲིས་པ་རྣམས། །སངས་རྒྱས་སྲས་པོ་ང་ལ་ཉོན། །ཡང་དག་སངས་རྒྱས་
བསྟན་པ་འདི། །ཐོས་པ་ཙམ་གྱིས་མི་འགྲུབ་བོ། །ལ་ལ་སྟོབས་མེད་ཆུ་ཀླུང་གིས། །ནན་གྱིས་ཁྱེར་བར་གྱུར་པ་དག །སྐོམ་ཞིང་ཤི་བར་གྱུར་པ་བཞིན། །མ་སྒོམས་ཆོས་ཀྱང་དེ་བཞིན་ནོ། །
ཇི་ལྟར་འགྲོ་བ་མང་པོ་ལ། །ཟས་དང་སྐོམ་དག་སྦྱིན་བྱས་ཀྱང་། །བདག་ཉིད་བཀྲེས་པ་ཤི་བ་ལྟར། །དེ་བཞིན་ཆོས་ལ་མ་བསྒོམ་པའོ། །ཇི་ལྟར་སྨན་པ་ལ་ལ་ཞིག །སྨན་རྣམས་ཐམས་ཅད་
བདོག་བཞིན་དུ། །ལྟོ་བའི་ནད་ཀྱིས་ཤི་བ་བཞིན། །ཆོས་ལ་མ་བསྒོམས་དེ་བཞིན་ནོ། །ཇི་ལྟར་དབྱིག་གིས་མཛོད་དག་དུ། །རིན་ཆེན་མང་པོ་བགྲང་བྱེད་ཀྱང་། །ནམ་ཕྱེད་ཙམ་ཡང་མྱི་འཐོབ་

72-1-232a

པ། །ཆོས་ལ་མ་བསྒོམས་དེ་བཞིན་ནོ། །ཇི་ལྟར་བདེ་བ་ཀུན་ལྡན་པའི། །རྒྱལ་པོའི་ཕོ་བྲང་འཁོར་སྐྱེས་ཀྱང་། །ཟས་དང་གོས་དག་མི་བདོག་པ། །དེ་བཞིན་ཆོས་ལ་མ་བསྒོམས་པའོ། །
ཇི་ལྟར་འོན་པ་རོལ་མོ་ཡི། །སིལ་སྙན་གླུ་ལ་མཁས་པ་ཞིག །གཞན་ཞིག་དེ་ཡིད་དགའ་བྱེད་པ། །ཆོས་ལ་མ་བསྒོམས་དེ་བཞིན་ནོ། །ཇི་ལྟར་དམུས་ལོང་རི་མོ་མཁན། །ཚོང་དུས་དབུས་སུ་
འདྲིར་འཇུག་ཀྱང་། །བདག་ཉིད་ཀྱིས་ནི་མི་མཐོང་བ། །ཆོས་ལ་མ་བསྒོམས་དེ་བཞིན་ནོ། །ཇི་ལྟར་མཚོ་གཞན་མཉན་པ་ཞིག །སྐྱེ་བོ་མང་པོ་སྒྲོལ་བྱེད་ཀྱང་། །བདག་ཉིད་དེ་ནང་འཆིར་འགྱུར་བ། །
ཆོས་ལ་མ་བསྒོམས་དེ་བཞིན་ནོ། །ཇི་ལྟར་ལམ་གྱི་བཞི་མདོར་ཡང་། །ཕུན་སུམ་ཚོགས་པ་ཀུན་བརྗོད་ཅིང་། །བདག་གིས་ཐོབ་པར་མི་འགྱུར་བ། །ཆོས་ལ་མ་བསྒོམས་དེ་བཞིན་ནོ། །
དེ་ནས་བྱང་ཆུབ་སེམས་དཔའ་འཇམ་དཔལ་གྱིས། བྱང་ཆུབ་སེམས་དཔའ་ཡེ་ཤེས་དཔལ་ལ་འདི་སྐད་ཅེས་སྨྲས་སོ། །ཀྱེ་རྒྱལ་བའི་སྲས་དེ་སྟེ་དེ་བཞིན་གཤེགས་པའི་བསྟན་པའི་ཡེ་ཤེས་
སྔོན་དུ་འགྲོ་བ་ཡིན་ན། དེ་ཅིའི་ཕྱིར་དེ་བཞིན་གཤེགས་པ་སེམས་ཅན་ལ་ལ་ལ་ནི་སྦྱིན་པ་བརྗོད། ལ་ལ་ལ་ནི་ཚུལ་ཁྲིམས། ལ་ལ་ལ་ནི་བཟོད་པ། ལ་ལ་ལ་ནི་བརྩོན་འགྲུས། ལ་ལ་ལ་ནི་
བསམ་གཏན། ལ་ལ་ལ་ནི་ཤེས་རབ་བརྗོད་པ་མཛད། ལ་ལ་ལ་ནི་བྱམས་པ། ལ་ལ་ལ་ནི་སྙིང་རྗེ། ལ་ལ་ལ་ནི་དགའ་བ། ལ་ལ་ལ་ནི་བཏང་སྙོམས་བརྗོད་པར་མཛད་ཀྱང་། བླ་ན་མེད་
པ་ཡང་དག་པར་རྫོགས་པའི་བྱང་ཆུབ་ཏུ་ནི་ཆོས་གཅིག་འགས་འབྱུང་བར་མི་ནུས་སོ། །དེ་ནས་བྱང་ཆུབ་སེམས་དཔའ་ཡེ་ཤེས་དཔལ་གྱིས། བྱང་ཆུབ་སེམས་དཔའ་འཇམ་དཔལ་ལ་

72-1-232b

ཚིགས་སུ་བཅད་དེ་སྨྲས་པ། སེམས་ཅན་གཞན་གྱི་བསམ་ཤེས་པ། །ངོ་མཚར་རྨད་དུ་བྱུང་བ་སྟེ། །དེ་ལྟར་གང་གིས་དོན་དྲིས་པ། །སངས་རྒྱས་སྲས་པོ་བདག་ལ་ཉོན། །སྨྲ་བའི་མཆོག་
ནི་གང་ཡང་རུང་། །ཆོས་གཅིག་གིས་ནི་འབྱུང་བ་མེད། །གང་ཡང་འབྱུང་བ་ཡོད་པ་མྱིན། །འབྱུང་བར་འགྱུར་བ་དེ་བཞིན་མེད། །བསྐལ་པ་གང་ལ་གནས་པ་ཡི། །བསམ་པ་མཁྱེན་ནས་དོན་མཛད་
ཅིང་། །གང་ལ་ཇི་དག་ཚུལ་འཐུན་པ། །དེ་བཞིན་ཆོས་ཀྱང་བསྟན་པ་མཛད། །སེར་སྣ་ཅན་ལ་སྦྱིན་པ་བརྗོད། །ཚུལ་ཁྲིམས་ངན་ལ་ཚུལ་ཁྲིམས་རྣམས། །མི་བཟོད་པ་ནི་བཟོད་པ་དེས། །བརྩོན་འགྲུས་
འབྱོར་པ་ལེ་ལོ་ལའོ། །རྣམ་པར་འཁྲུག་ལ་བསམ་གཏན་བརྗོད། །ཤེས་རབ་འབྱོར་པ་ཤེས་མེད་པའོ། །གདུགས་པའི་སེམས་ལ་བྱམས་པ་བཤད། །འཚེ་བ་རྣམས་ལ་སྙིང་རྗེ་སྟེ། །ཞུམ་པ་ལ་ནི་
དགའ་བ་བཤད། །འཁོར་བའི་སེམས་ལ་བཏང་སྙོམས་ཏེ། །སངས་རྒྱས་ཆོས་རྣམས་ཐམས་ཅད་ཀྱང་། །རིམ་པས་དེ་ལྟར་འབྱུང་བ་ཡིན། །ཇི་ལྟར་ས་ལ་ལས་བྱས་པ། །ཁྱིམ་གྱི་དངོས་ལ་
རིམ་པ་ཡིན། །དེ་བཞིན་སྦྱིན་པ་ཚུལ་ཁྲིམས་དག །བྱང་ཆུབ་སེམས་དཔའི་ཐོག་མར་འགྲོ། །རྒྱལ་པོའི་གནས་དང་གྲོང་རྡལ་རྣམས། །རུང་བའི་ཕྱིར་ནི་ར་བ་སྟེ། །དེ་བཞིན་བཟོད་པ་བརྩོན་འགྲུས་
དག །བྱང་ཆུབ་སེམས་དཔའ་རུང་ཕྱིར་རོ། །ཇི་ལྟར་གདུགས་གཅིག་རྒྱལ་པོ་ནི། །ས་རྣམས་ཐམས་ཅད་སྐྱོང་བར་བྱེད། །དེ་བཞིན་བསམ་གཏན་ཤེས་རབ་དག །བྱང་ཆུབ་སེམས་དཔའི་སྐྱབ་
བཞིན་ནོ། །འཁོར་ལོ་བསྒྱུར་བའི་རྒྱལ་པོ་ནི། །བདེ་བ་ཐམས་ཅད་སྟེར་བ་ལྟར། །དེ་བཞིན་ཚངས་པའི་གནས་རྣམས་ཀྱང་། །བྱང་ཆུབ་སེམས་དཔའི་བདེ་བ་འབྱིན། །དེ་ནས་བྱང་ཆུབ་སེམས་

72-1-233a

དཔའ་འཇམ་དཔལ་གྱིས། བྱང་ཆུབ་སེམས་དཔའ་བཟང་པོའི་དཔལ་ལ་འདི་སྐད་ཅེས་སྨྲས་སོ། །ཀྱེ་རྒྱལ་བའི་སྲས་དེ་སྟེ་སངས་རྒྱས་བཅོམ་ལྡན་འདས་རྣམས་ཀྱི་འབྱུང་བ་གཅིག་ན། 
སངས་རྒྱས་ཀྱི་ཞིང་རྣམས་ན་སྦྱོར་བ་རྣམ་པ་ཐ་དད་པ་དང་། འདི་ལྟར་འཇིག་རྟེན་གྱི་ཁམས་རྣམ་པ་ཐ་དད་པ། ཆོས་བསྟན་པ་རྣམ་པ་ཐ་དད་པ་དང་། སེམས་ཅན་གདུལ་བ་རྣམ་པ་ཐ་དད་པ་དང་། ཚེའི་ཚད་
རྣམ་པ་ཐ་དད་པ་དང་། འོད་ཀྱི་དཀྱིལ་འཁོར་རྣམ་པ་ཐ་དད་པ་དང་། རྫུ་འཕྲུལ་དང་རྣམ་པར་འཕྲུལ་པ་རྣམས་རྣམ་པ་ཐ་དད་པ་དང་། འཁོར་ཚོགས་རྣམ་པ་ཐ་དད་པ་དང་། བསྟན་པའི་ཚུལ་རྣམ་པ་ཐ་དད་
པ་དང་། ཆོས་ཀྱི་བྱིན་གྱིས་རླབས་པ་རྣམ་པ་ཐ་དད་པ་དག་ཅིའི་ཕྱིར་སྣང་བར་འགྱུར། སངས་རྒྱས་ཀྱི་ཆོས་ཐམས་ཅད་ཡོངསུ་མ་རྫོགས་པ་ནི། བླ་ན་མེད་པ་ཡང་དག་པར་རྫོགས་པའི་བྱང་ཆུབ་
ཏུ་མངོན་པར་འཚང་རྒྱ་བར་མི་ནུས་སོ། །དེ་ནས་བྱང་ཆུབ་སེམས་དཔའ་བཟང་པོའི་དཔལ་གྱིས། བྱང་ཆུབ་སེམས་དཔའ་འཇམ་དཔལ་ལ་ཚིགས་སུ་བཅད་དེ་སྨྲས་པ། ཆོས་ཀྱི་རྒྱལ་པོ་ཆོས་ཉིད་
ནི། །འཇམ་དཔལ་རྟག་ཏུ་གཅིག་པ་སྟེ། །སྒྲིབ་པ་མེད་པ་གཟིགས་པ་ཡི། །འབྱུང་བ་དེ་ཡང་གཅིག་པུའོ། །སངས་རྒྱས་ཐམས་ཅད་སྐུ་གཅིག་སྟེ། །དེ་བཞིན་གཤེགས་པ་ཆོས་ཀྱི་སྐུ། །
ཤེས་རབ་ཐུགས་ཀྱང་གཅིག་པ་སྟེ། །མི་འཇིགས་སྟོབས་ཀྱང་དེ་བཞིན་ནོ། །སྔོན་ཅད་བྱང་ཆུབ་ཞུགས་པའི་ཚེ། །ཇི་ལྟར་ཡོངས་སུ་བསྔོ་མཛད་པ། །འཁོར་དུ་ཆོས་རྣམས་བསྟན་པ་དང་། །
དེ་དག་ཞིང་ཡང་དེ་བཞིན་འགྱུར། །ཞིང་གི་ཕུན་སུམ་གང་ཡོད་པ། །སངས་རྒྱས་རྣམས་ལ་ཐམས་ཅད་འགྲུབ། །སེམས་ཅན་ཇི་སྙེད་སྦྱངས་པའི་རྣམས། །དེ་ཡི་རྣམ་པ་དེ་ལྟར་མཐོང་། །

72-1-233b

ཇི་ལྟར་སངས་རྒྱས་ཆོས་ཉིད་དུ། །ཀུན་གྱིས་སངས་རྒྱས་མི་མཐོང་སྟེ། །སངས་རྒྱས་ཞིང་དང་སྐུ་དག་དང་། །འཁོར་དུ་ཆོས་བསྟན་དེ་བཞིན་ནོ། །གང་རྣམས་སྨོན་ལམ་མཐུ་ལྡན་ཞིང་། །སྔོན་
ཆད་བསམ་པ་ཡོངས་སྦྱངས་པས། །ཐམས་ཅད་གཟིགས་པའི་རྣམས་ཚུལ་གྱིས། །ཇི་ལྟ་བཞིན་དུ་ཐམས་ཅད་མཐོང་། །སེམས་ཅན་བསམ་པ་ཇི་བཞིན་དང་། །ལས་དང་སྟོབས་ཀྱང་ཇི་བཞིན་
པ། །དེ་ནི་དེ་ལྟར་མཐོང་གྱུར་ཏེ། །སངས་རྒྱས་རྣམས་ཀྱི་རྣམ་འཕྲུལ་ལོ། །སངས་རྒྱས་ཞིང་ལ་རྟོག་མི་མངའ། །དེ་དག་བྱམས་སྡང་ཡོད་པ་མིན། །བསམ་པའི་ཚུལ་ནི་ཇི་བཞིན་དུ། །སྲོག་ཆགས་
རྣམས་ཀྱི་དེ་བཞིན་མཐོང་། །རྣམ་པ་ཐ་དད་འཇིག་རྟེན་ཁམས། །དེ་ལྟར་སྣང་བར་གྱུར་པ་སྟེ། །དྲང་སྲོང་ཆེན་པོའི་ཀུན་གཟིགས་པའི། །ཉེས་པའི་སྐྱོན་ལས་གྱུར་པ་མེད། །གང་ན་འདུལ་བ་
ཡོད་པ་ཡི། །འཇིག་རྟེན་ཁམས་རྣམས་ཐམས་ཅད་དུ། །སྐྱེས་བུ་དྲང་སྲོང་རྣམས་ཀྱང་སྣང་། །དེ་ནི་སངས་རྒྱས་ཆོས་ཉིད་དོ། །དེ་ནས་བྱང་ཆུབ་སེམས་དཔའ་དེ་དག་ཐམས་ཅད་ཀྱིས། བྱང་ཆུབ་སེམས་
དཔའ་འཇམ་དཔལ་ལ་འདི་སྐད་ཅེས་སྨྲས་སོ། །ཀྱེ་རྒྱལ་བའི་སྲས་དག་བདག་ཅག་གིས་རང་རང་གི་སྤོབས་པ་བསྟན་པ་རྣམས་སྨྲས་པ་ཡིན་ན། དེ་ཁྱོད་ཀྱིས་སངས་རྒྱས་བཅོམ་ལྡན་འདས་
རྣམས་ཀྱི་ཡུལ་ལས་བརྩམས་སྟེ་སྤོབས་པར་གྱིས། །སངས་རྒྱས་ཀྱི་ཡུལ་ནི་གང་། སངས་རྒྱས་ཀྱི་ཡུལ་གྱི་ཚོགས་ནི་གང་། སངས་རྒྱས་ཀྱི་ཡུལ་དུ་འགྲོ་བ་ནི་གང་། སངས་རྒྱས་ཀྱི་ཡུལ་ལ་འདུག་པ་ནི་ཇི་ལྟ་བུ། སངས་རྒྱས་ཀྱི་ཤིན་ཏུ་ཁོང་དུ་ཆུད་པའི་ཤེས་པ་ནི་གང་། སངས་རྒྱས་ཀྱི་ཡུལ་གྱི་རྗེས་སུ་འགྲོ་བ་ནི་གང་། སངས་རྒྱས་ཀྱི་ཡུལ་
ཤིན་ཏུ་བསྟན་པ་ནི་གང་། སངས་རྒྱས་ཀྱི་ཡུལ་ཤེས་པར་བྱ་བ་ནི་གང་། སངས་རྒྱས་ཀྱི་ཡོངས་སུ་རྟོག་པ་ནི་གང་། སངས་རྒྱས་ཀྱི་ཡུལ་གྱི་ཚུལ་ནི་ཇི་ལྟ་བུ། སངས་རྒྱས་ཀྱི་ཡུལ་ནི་ཅི་ཙམ་དུ་

72-1-234a

ཡངས། དེ་ནས་བྱང་ཆུབ་སེམས་དཔའ་འཇམ་དཔལ་གྱིས། བྱང་ཆུབ་སེམས་དཔའ་དེ་དག་ཐམས་ཅད་ལ་ཚིགསུ་བཅད་དེ་སྨྲས་པ། ནམ་མཁའི་ཡུལ་དང་འདྲ་བ་སྟེ། །ཀུན་ཏུ་འོད་ལ་འདྲ་བ་མེད། །
སེམས་ཅན་ཐམས་ཅད་འཇུག་པ་སྟེ། །ཆོས་ཉིད་ལ་ནི་འཇུག་པ་མེད། །ཚོགས་རྣམས་ཐམས་ཅད་བསྟན་པར་ནི། །བསྐལ་པ་བྱེ་བར་མི་ནུས་སྟེ། །ཇི་སྙེད་རྒྱལ་བའི་ཚོགས་མངའ་བ། །དེ་ནི་སངས་
རྒྱས་ཡུལ་ཡིན་ནོ། །བློ་གྲོས་སེམས་ཀྱང་ཇི་བཞིན་དུ། །སེམས་ཅན་ཐམས་ཅད་རབ་ཏུ་འཇུག །དེ་ལ་བསྟན་པ་ཐོགས་པ་མེད། །དེ་ནི་སངས་རྒྱས་ཡུལ་ཡིན་ནོ། །འཇིག་རྟེན་ཐམས་ཅད་འཇུག་
པ་དང་། །འཇིག་རྟེན་རྒྱུ་བ་གང་ཡོད་པ། །དེ་དག་ཀུན་ལ་ཡེ་ཤེས་གནས། །གཟུགས་སུ་སྣང་བ་མ་ཡིན་ནོ། །སངས་རྒྱས་ཡེ་ཤེས་ཆགས་མེད་པ། །དུས་གསུམ་ཀུན་ལ་ཆགས་པ་མེད། །
ནམ་མཁའ་འབྱུང་དང་མཚུངས་པ་ཡིན། །དེ་ནི་ཡེ་ཤེས་ཡུལ་ཡིན་ནོ། །ཆོས་ཀྱི་དབྱིངས་ནི་ཐ་མི་དད། །སེམས་ཅན་ཁམས་རྣམས་རྟོགས་པར་མཁྱེན། །དབྱིངས་རྣམས་ཐམས་ཅད་རབ་ཏུ་
བརྙེས། །དེ་ནི་སངས་རྒྱས་ཡུལ་ཡིན་ནོ། །སྒྲར་གདགས་ཇི་སྙེད་ཡོད་པ་དང་། །སེམས་ཅན་ཀུན་གྱི་སྒྲ་སྐད་དུ། །སྒྲ་ལ་མཁྱེན་པ་ཐུགས་ཆུད་ཀྱང་། །རྣམ་པར་རྟོག་པ་གང་ཡང་མེད། །རྣམ་
ཤེས་རྣམ་པར་ཤེས་བྱ་མེད། །སེམས་ཀྱིས་བརྗོད་པའང་མེད་ཡིན་ཏེ། །ཡེ་ཤེས་རང་བཞིན་ཤིན་ཏུ་དག །སེམས་ཅན་རྣམས་ལའང་རབ་ཏུ་བཤད། །ཉོན་མོངས་མེད་ཅིང་ལས་མེད་དོ། །དངོས་པོ་
མེད་ཅིང་གནས་པ་མེད། །སྣང་བ་མེད་ཅིང་འཇིགས་པ་མེད། །འཇིག་རྟེན་དག་དུའང་མཉམ་པར་སྤྱོད། །སེམས་ཅན་ཀུན་གྱི་སེམས་ཀྱི་རྣམས། །དུས་གསུམ་ཀུན་ཏུ་རབ་ཡངས་པ། །སེམས་ཅན་

72-1-234b

གཅིག་ནི་རབ་འཇུག་པས། །སངས་རྒྱས་རྣམས་ཀྱི་ཡེ་ཤེས་འཇུག །དེ་ནས་དེའི་ཚེ་འཇིག་རྟེན་གྱི་ཁམས་དེ་དག་ན། སེམས་ཅན་ཀུན་གྱི་རྒྱུད་ཇི་སྙེད་པ་དང་། ཆོས་ཀྱི་རྒྱུད་ཇི་སྙེད་པ་དང་ལས་ཀྱི་རྒྱུད་ཇི་སྙེད་པ་
དང་འཇིག་རྟེན་གྱི་རྒྱུད་ཇི་སྙེད་པ་དང་། ལུས་ཀྱི་རྒྱུད་ཇི་སྙེད་པ་དང་། དབང་པོའི་རྒྱུད་ཇི་སྙེད་པ་དང་། སྐྱེ་བའི་རྒྱུད་ཇི་སྙེད་པ་དང་། ཚུལ་ཁྲིམས་ཀྱི་འབྲས་བུའི་རྒྱུད་ཇི་སྙེད་པ་དང་། ཚུལ་ཁྲིམས་ལོག་པའི་
འབྲས་བུའི་རྒྱུད་ཇི་སྙེད་པ་དང་། ཡུལ་གྱི་འབྲས་བུའི་རྒྱུད་ཇི་སྙེད་པ་དེ་དག་ཐམས་ཅད་སངས་རྒྱས་ཀྱི་མཐུས་རབ་ཏུ་སྣང་བར་གྱུར་ཏོ། ཇི་ལྟར་འཇིག་རྟེན་གྱི་ཁམས་དེ་དག་ཏུ་རབ་ཏུ་སྣང་བར་གྱུར་པ་དེ་བཞིན་དུ། 
ཤར་ཕྱོགས་ཀྱི་འཇིག་རྟེན་གྱི་ཁམས་བྱེ་བ་ཁྲག་ཁྲིག་བརྒྱ་སྟོང་ཚད་མེད་པ་དཔག་ཏུ་མེད་པ་གྲངས་མེད་པ། བསམ་གྱིས་མི་ཁྱབ་པ། མཚུངས་པ་མེད་པ་ཀུན་ཏུ་མཐའ་ཡས་པ་མུ་མེད་པ། ས་མཚུངས་མེད་པ་
གཞལ་དུ་མེད་བརྗོད་དུ་མྱེད་པ། ཆོས་ཀྱི་དབྱིངས་ཀྱི་ཀླས་པ། ནམ་མཁའི་དབྱིངས་ཀྱི་མཐས་གཏུགས་པ་ཐམས་ཅད་ན་ཡང་སེམས་ཅན་གྱི་རྒྱུད་ཇི་སྙེད་པ་ཞེས་བྱ་བ་ནས། གཞུང་དེ་བཞིན་དུ་
ཡུལ་གྱི་འབྲས་བུའི་རྒྱུད་ཇི་སྙེད་པའི་འབྲས་བུའི་བར་དེ་དག་ཐམས་ཅད། སངས་རྒྱས་ཀྱི་མཐུས་རབ་ཏུ་སྣང་བར་གྱུར་ཏོ། །དེ་བཞིན་དུ་ལྷོ་ཕྱོགས་དང་། དེ་བཞིན་དུ་ནུབ་ཕྱོགས་དང་། དེ་བཞིན་དུ་
བྱང་ཕྱོགས་དང་། དེ་བཞིན་དུ་བྱང་ཤར་གྱི་ཕྱོགས་མཚམས་དང་། དེ་བཞིན་དུ་ཤར་ལྷོའི་མཚམས་དང་། དེ་བཞིན་དུ་ལྷོ་ནུབ་ཀྱི་ཕྱོགས་མཚམས་དང་། དེ་བཞིན་དུ་འོག་གི་ཕྱོགས་དང་། དེ་བཞིན་དུ་
སྟེང་གི་ཕྱོགས་ཀྱི་འཇིག་རྟེན་གྱི་ཁམས་བྱེ་བ་ཁྲག་ཁྲིག་བརྒྱ་སྟོང་ཚད་མེད་པ་དཔག་ཏུ་མེད་པ། གྲངས་མེད་པ། བསམ་གྱིས་མི་ཁྱབ་པ་མཚུངས་པ་མེད་པ། ཀུན་ཏུ་མཐའ་ཡས་པ་མུ་མེད་པ། 

72-1-235a

ས་མཚམས་མེད་པ་གཞལ་དུ་མེད་པ་བརྗོད་དུ་མེད་པ། ཆོས་ཀྱི་དབྱིངས་ཀྱི་ཀླས་པ། ནམ་མཁའི་དབྱིངས་ཀྱི་མཐས་གཏུགས་པ་དག་ན། སེམས་ཅན་གྱི་རྒྱུད་ཇི་སྙེད་པ་ཞེས་བྱ་བ་ནས་
གཞུང་དེ་བཞིན་དུ་ཡུལ་གྱི་འབྲས་བུའི་རྒྱུད་ཇི་སྙེད་པའི་བར་དུ་དེ་དག་ཐམས་ཅད་སངས་རྒྱས་ཀྱི་བྱིན་གྱིས་རླབས་ཀྱིས་རབ་ཏུ་སྣང་བར་གྱུར་ཏོ། །བྱང་ཆུབ་སེམས་དཔས་དྲིས་པ་སྣང་བ་ཞེས་བྱ་བའི་ལེའུ་
སྟེ་བཅོ་ལྔ་པའོ།། །། དེ་ནས་བྱང་ཆུབ་སེམས་དཔའ་ཡེ་ཤེས་དཔལ་གྱིས། བྱང་ཆུབ་སེམས་དཔའ་འཇམ་དཔལ་ལ་འདི་སྐད་ཅེས་སྨྲས་སོ། །ཀྱེ་རྒྱལ་བའི་སྲས་བྱང་ཆུབ་སེམས་དཔའ་
རྣམས་ཇི་ལྟར་ཁ་ན་མ་ཐོ་བ་མེད་པའི་ལུས་ཀྱི་ལས་དང་ལྡན་པ་ཡིན། ཁ་ན་མ་ཐོ་བ་མེད་པའི་ངག་གི་ལས་དང་ལྡན་པ་ཡིན། ཁ་ན་མ་ཐོ་བ་མེད་པའི་ཡིད་ཀྱི་ལས་དང་ལྡན་པ་ཡིན། ལུས་ཀྱི་ལས་
རྣམ་པར་མ་ཉམས་པ་ཡིན། ངག་གི་ལས་རྣམ་པར་མ་ཉམས་པ་ཡིན། ཡིད་ཀྱི་ལས་རྣམ་པར་མ་ཉམས་པ་ཡིན། ལུས་ཀྱི་ལས་མ་སྨད་པ་ཡིན། ངག་གི་ལས་མ་སྨད་པ་ཡིན། 
ཡིད་ཀྱི་ལས་མ་སྨད་པ་ཡིན། ལུས་ཀྱི་ལས་མི་འཕྲོགས་པ་ཡིན། ངག་གི་ལས་མི་འཕྲོགས་པ་ཡིན། ཡིད་ཀྱི་ལས་མི་འཕྲོགས་པ་ཡིན། ལུས་ཀྱི་ལས་མི་ཟློག་པ་ཡིན། ངག་གིས་
ལས་མི་ཟློག་པ་ཡིན། ཡིད་ཀྱི་ལས་མི་ཟློག་པ་ཡིན། ལུས་ཀྱི་ལས་མི་འཁྲུག་པ་ཡིན། ངག་གི་ལས་མི་འཁྲུག་པ་ཡིན། ཡིད་ཀྱི་ལས་མི་འཁྲུག་པ་ཡིན། ལུས་ཀྱི་ལས་བསྔགས་པ་
ཡིན། ངག་གི་ལས་བསྔགས་པ་ཡིན། ཡིད་ཀྱི་ལས་བསྔགས་པ་ཡིན། ལུས་ཀྱི་ལས་རྣམ་པར་དག་པ་ཡིན། ངག་གི་ལས་རྣམ་པར་དག་པ་ཡིན། ཡིད་ཀྱི་ལས་རྣམ་པར་དག་པ་ཡིན། 

72-1-235b

ལུས་ཀྱི་ལས་ཉེ་བར་ཉོན་མོངས་པ་མེད་པ་ཡིན། ངག་གི་ལས་ཉེ་བར་ཉོན་མོངས་པ་མེད་པ་ཡིན། ཡིད་ཀྱི་ལས་ཉེ་བར་ཉོན་མོངས་པ་མེད་པ་ཡིན། ལུས་ཀྱི་ལས་ཡེ་ཤེས་ཀྱི་སྔོན་དུ་འགྲོ་བ་
ཡིན། ངག་གི་ལས་ཡེ་ཤེས་ཀྱི་སྔོན་དུ་འགྲོ་བ་ཡིན། ཡིད་ཀྱི་ལས་ཡེ་ཤེས་ཀྱི་སྔོན་དུ་འགྲོ་བ་ཡིན། རིགས་ཕུན་སུམ་ཚོགས་པ་ཡིན། རུས་ཕུན་སུམ་ཚོགས་པ་ཡིན། རྒྱུད་ཕུན་སུམ་ཚོགས་པ་ཡིན། 
གཟུགས་ཕུན་སུམ་ཚོགས་པ་ཡིན། མཚན་ཕུན་སུམ་ཚོགས་པ་ཡིན། དྲན་པ་ཕུན་སུམ་ཚོགས་པ་ཡིན། བློ་གྲོས་ཕུན་སུམ་ཚོགས་པ་ཡིན། རྟོགས་པ་ཕུན་སུམ་ཚོགས་པ་ཡིན། དགའ་བ་ཕུན་སུམ་
ཚོགས་པ་ཡིན། བློ་ཕུན་སུམ་ཚོགས་པ་ཡིན། བློ་གྲོས་མཆོག་ཏུ་གྱུར་པ་ཡིན། བློ་གྲོས་དམ་པར་གྱུར་པ་ཡིན། བློ་གྲོས་རབ་ཏུ་གྱུར་པ་ཡིན། བློ་གྲོས་ཚད་མེད་པར་གྱུར་པ་ཡིན། བློ་གྲོས་གྲངས་
མེད་པ་ཡིན། བློ་གྲོས་བསམ་གྱིས་མི་ཁྱབ་པ་ཡིན། བློ་གྲོས་མཚུངས་པ་མེད་པ་ཡིན། བློ་གྲོས་གཞལ་དུ་མེད་པ་ཡིན། བློ་གྲོས་བརྗོད་དུ་མེད་པ་ཡིན། རྒྱུའི་སྟོབས་ཅན་ཡིན། བསམ་པའི་
སྟོབས་ཅན་ཡིན། སྦྱོར་བའི་སྟོབས་ཅན་ཡིན། རྐྱེན་ཀྱི་སྟོབས་ཅན་ཡིན། དམིགས་པའི་སྟོབས་ཅན་ཡིན། དབང་པོའི་སྟོབས་ཅན་ཡིན། རྣམ་པར་ལྟ་བའི་སྟོབས་ཅན་ཡིན། ཞི་གནས་ཀྱི་
སྟོབས་ཅན་ཡིན། ལྷག་མཐོང་གི་སྟོབས་ཅན་ཡིན། ངེས་པར་རྟོགས་པའི་སྟོབས་ཅན་ཡིན། ཕུང་པོ་ལ་མཁས་པ་ཡིན། ཁམས་ལ་མཁས་པ་ཡིན། སྐྱེ་མཆེད་ལ་མཁས་པ་ཡིན། རྟེན་ཅིང་
འབྲེལ་པར་འབྱུང་བ་ལ་མཁས་པ་ཡིན། གཟུགས་ཀྱི་ཁམས་ལ་མཁས་པ་ཡིན། གཟུགས་མེད་པའི་ཁམས་ལ་མཁས་པ་ཡིན། འདས་པ་ལ་མཁས་པ་ཡིན། མ་འོངས་པ་ལ་མཁས་པ་

72-1-236a

ཡིན། ད་ལྟར་བྱུང་བ་ལ་མཁས་པ་ཡིན། དྲན་པ་ཡང་དག་བྱང་ཆུབ་ཀྱི་ཡན་ལག་ལ་མཁས་པ་ཡིན། ཆོས་རྣམ་པར་འབྱེད་པ་ཡང་དག་བྱང་ཆུབ་ཀྱི་ཡན་ལག་ལ་མཁས་པ་ཡིན། བརྩོན་འགྲུས་
ཡང་དག་བྱང་ཆུབ་ཀྱི་ཡན་ལག་ལ་མཁས་པ་ཡིན། དགའ་བ་ཡང་དག་བྱང་ཆུབ་ཀྱི་ཡན་ལག་ལ་མཁས་པ་ཡིན། ཤིན་ཏུ་སྦྱངས་པ་ཡང་དག་བྱང་ཆུབ་ཀྱི་ཡན་ལག་ལ་མཁས་པ་ཡིན། ཏིང་ངེ་འཛིན་ཡང་དག་
བྱང་ཆུབ་ཀྱི་ཡན་ལག་ལ་མཁས་པ་ཡིན། བཏང་སྙོམས་ཡང་དག་བྱང་ཆུབ་ཀྱི་ཡན་ལག་ལ་མཁས་པ་ཡིན། སྟོང་པ་ཉིད་ཡོངས་སུ་བསྒོམས་པ་ཡིན། མཚན་མ་མེད་པ་ཡོངསུ་བསྒོམ་པ་ཡིན། 
སྨོན་པ་མེད་པ་ཡོངས་སུ་བསྒོམས་པ་ཡིན། སྦྱིན་པའི་ཕ་རོལ་ཏུ་ཕྱིན་པ་ཡིན། ཚུལ་ཁྲིམས་ཀྱི་ཕ་རོལ་ཏུ་ཕྱིན་པ་ཡིན། བཟོད་པའི་ཕ་རོལ་ཏུ་ཕྱིན་པ་ཡིན། བརྩོན་འགྲུས་ཀྱི་ཕ་རོལ་ཏུ་ཕྱིན་པ་
ཡིན། བསམ་གཏན་གྱི་ཕ་རོལ་ཏུ་ཕྱིན་པ་ཡིན། ཤེས་རབ་ཀྱི་ཕ་རོལ་ཏུ་ཕྱིན་པ་ཡིན། གནས་དང་གནས་མ་ཡིན་པར་ཤེས་པར་བྱ་བ་དང་། ཁོང་དུ་ཆུད་པ་ཡིན། འདས་པ་དང་། མ་བྱོན་པ་དང་། 
ད་ལྟར་བྱུང་བའི་ལས་ཀྱི་རྣམ་པར་སྨིན་པ་ཤེས་པར་བྱ་བ་ཁོང་དུ་ཆུད་པ་ཡིན། དབང་པོ་དང་བརྩོན་འགྲུས་ཐ་དད་པ་ཡོངས་སུ་རྫོགས་པར་བྱ་བ་གཅིག་ནས་གཅིག་ཏུ་རྒྱུད་པ་ཁོང་དུ་ཆུད་པ་ཡིན། 
ཁམས་སྣ་ཚོགས་དང་ཁམས་དུ་མའི་ཤེས་པའི་བྱ་བ་ཁོང་དུ་ཆུད་པ་ཡིན། མོས་པ་སྣ་ཚོགས་དང་། མོས་པ་དུ་མ་ཤེས་པར་བྱ་བ་ཁོང་དུ་ཆུད་པ་ཡིན། ཀུན་ཏུ་འགྲོ་བའི་ལམ་ཤེས་པར་བྱ་བ་
ཁོང་དུ་ཆུད་པ་ཡིན། བསམ་གཏན་དང་རྣམ་པར་ཐར་པ་དང་། ཏིང་ངེ་འཛིན་དང་སྙོམས་པར་འཇུག་པ་དང་། ཀུན་ནས་ཉོན་མོངས་པ་དང་རྣམ་པར་བྱང་བ་དང་ལྡང་བ་ཤེས་པར་བྱ་བ་ཁོང་དུ་ཆུད་པ་ཡིན། 

72-1-236b

སྒྲིབ་པ་མེད་པའི་རྗེས་སུ་དྲན་པ་ཤེས་པར་བྱ་བ་ཁོང་དུ་ཆུད་པ་ཡིན། ལྷའི་དབང་པོ་མིག་ཆགས་པ་མེད་པར་ཤེས་པར་བྱ་བ་ཁོང་དུ་ཆུད་པ་ཡིན། བག་ཆགས་ཀྱི་མཚམས་སྦྱོར་བ་ཡང་དག་པར་གཅོད་
པ་ཤེས་པར་བྱ་བ་ཁོང་དུ་ཆུད་པ་ཡིན། ལྷ་ཡི་དབང་པོས་ཡོངས་སུ་བཟུང་བ་ཡིན། ཀླུའི་དབང་པོས་ཡོངས་སུ་བཟུང་བ་ཡིན། གནོད་སྦྱིན་གྱི་དབང་པོས་ཡོངས་སུ་བཟུང་བ་ཡིན། དྲི་ཟའི་དབང་པོས་
ཡོངས་སུ་བཟུང་བ་ཡིན། ལྷ་མ་ཡིན་གྱི་དབང་པོས་ཡོངས་སུ་བཟུང་བ་ཡིན། ནམ་མཁའ་ལྡིང་གི་དབང་པོས་ཡོངསུ་བཟུང་བ་ཡིན། མི་འམ་ཅིའི་དབང་པོས་ཡོངས་སུ་བཟུང་བ་ཡིན། 
ལྟོ་འཕྱེ་ཆེན་པོའི་དབང་པོས་ཡོངས་སུ་བཟུང་བ་ཡིན། མིའི་དབང་པོས་ཡོངས་སུ་བཟུང་བ་ཡིན། ཚངས་པའི་དབང་པོས་ཡོངས་སུ་བཟུང་བ་ཡིན། ལྷ་ཡི་དབང་པོས་བསྐུར་བ་ཡིན། ཀླུ་ཡི་དབང་
པོས་བཀུར་བ་ཡིན། གནོད་སྦྱིན་གྱི་དབང་པོས་བཀུར་བ་ཡིན། དྲི་ཟའི་དབང་པོས་བཀུར་བ་ཡིན། ལྷ་མ་ཡིན་གྱི་དབང་པོས་བཀུར་བ་ཡིན། ནམ་མཁའ་ལྡིང་གི་དབང་པོས་བཀུར་བ་ཡིན། མིའམ་
ཅིའི་དབང་པོས་བཀུར་བ་ཡིན། ལྟོ་འཕྱེ་ཆེན་པོའི་དབང་པོས་བཀུར་བ་ཡིན། མི་ཡི་དབང་པོས་བསྐུར་བ་ཡིན། ཚངས་པའི་དབང་པོས་བཀུར་བ་ཡིན། སེམས་ཅན་ཐམས་ཅད་ཀྱི་གནས་སུ་གྱུར་པ་
ཡིན། སྐྱབསུ་གྱུར་པ་ཡིན། དཔུང་གཉེན་དུ་གྱུར་པ་ཡིན། མགོན་དུ་གྱུར་པ་ཡིན། སྒྲོན་མར་གྱུར་པ་ཡིན། སྣང་བར་གྱུར་པ་ཡིན། འོད་དུ་གྱུར་པ་ཡིན། འདྲེན་པར་གྱུར་པ་ཡིན། རྣམ་པར་འདྲེན་པར་གྱུར་པ་ཡིན། ཡོངསུ་འདྲེན་
པར་གྱུར་པ་ཡིན། སེམས་ཅན་ཐམས་ཅད་ཀྱི་གནས་སུ་གྱུར་པ་ཡིན། གཙོ་བོར་གྱུར་པ་ཡིན། ཐུ་བོར་གྱུར་པ་ཡིན། རབ་ཏུ་གྱུར་པ་ཡིན། དམ་པར་གྱུར་པ་ཡིན། ཕུལ་དུ་གྱུར་པ་ཡིན། 

72-1-237a

བླ་ན་མེད་པར་འགྱུར་པ་ཡིན། ཀྱེ་རྒྱལ་བའི་སྲས་ཇི་ལྟར་ན་བྱང་ཆུབ་སེམས་དཔའ་རྣམས་མཉམ་པ་མེད་པ་ཡིན། དེ་སྐད་ཅེས་སྨྲས་པ་དང་། བྱང་ཆུབ་སེམས་དཔའ་འཇམ་དཔལ་
གྱིས། བྱང་ཆུབ་སེམས་དཔའ་ཡེ་ཤེས་དཔལ་ལ་འདི་སྐད་ཅེས་སྨྲས་སོ། །ཀྱེ་རྒྱལ་བའི་སྲས་ཁྱོད་ཀྱི་དེ་ལྟར་སྐྱེ་བོ་མང་པོ་ལ་ཕན་པ་དང་། སྐྱེ་བོ་མང་པོ་ལ་བདེ་བ་དང་། འཇིག་རྟེན་ལ་
སྙིང་བརྩེ་བ་དང་། ལྷ་དང་མི་རྣམས་ཀྱི་དོན་དང་ཕན་པ་དང་། བདེ་བ་དང་བདེ་བར་རྣམ་པར་བཟུང་བའི་ཕྱིར་ཞུགས་ཤིང་། དེ་ལྟར་ཁྱོད་རྣམ་པ་འདི་ལྟ་བུའི་གནས་དག་ཡོངས་སུ་འདྲི་བར་སེམས་
པ་ནི། ཀྱེ་རྒྱལ་བའི་སྲས་ལེགསོ་ལེགསོ། །ཀྱེ་རྒྱལ་བའི་སྲས་བྱང་ཆུབ་སེམས་དཔའ་དེ་དག་གི་སེམས་ཀྱི་ལས་ཡིད་ལ་བྱེད་པའི་སྦྱོར་བ་དང་ལྡན་པས། བྱང་ཆུབ་སེམས་དཔའ་
རྣམས་ཡོན་ཏན་གྱི་ཁྱད་པར་འདི་དག་ཐམས་ཅད་འཐོབ་པར་འགྱུར་བ་དང་། སངས་རྒྱས་ཀྱི་ཆོས་ཐམས་ཅད་ལ་ཐོགས་པ་མེད་པའི་ལས་སུ་འགྱུར་བ་དང་། སངས་རྒྱས་བཅོམ་ལྡན་འདས་
འདས་པ་དང་། མ་བྱོན་པ་དང་། ད་ལྟར་བྱུང་བ་རྣམས་ཀྱི་ལམ་དུ་འཇུག་པ་དང་། སེམས་ཅན་ཐམས་ཅད་ཡོངསུ་མི་གཏོང་བའི་སེམས་ཀྱང་དེ་དག་ལ་ཉེ་བར་གནས་པ་དང་། ཆོས་ཐམས་ཅད་ཇི་ལྟ་
བ་བཞིན་དུ་རྣམ་པར་ལྟ་བ་ཡང་དེ་དག་ལ་ཉེ་བར་གནས་པ་དང་། མི་དགེ་བའི་ཆོས་ཐམས་ཅད་སྤངས་པར་འགྱུར་བ་དང་། དགེ་བའི་ཆོས་ཐམས་ཅད་དང་ལྡན་པར་གྱུར་པ་དང་། ཀུན་ཏུ་བཟང་ཞིང་ཀུན་
ཏུ་མཛེས་པ་དང་། རྣམ་པའི་མཆོག་ཐམས་ཅད་དང་ལྡན་པ་དང་། ཆོས་ཐམས་ཅད་ལ་དབང་བསྒྱུར་ཞིང་སྲོག་ཆགས་ཐམས་ཅད་ལ་སྟོན་པ་གཉིས་པར་འགྱུར་བའི་སེམས་ཀྱི་ལས་ཡིད་ལ་

72-1-237b

བྱེད་པའི་སྦྱོར་བ་ཡོད་དོ། །ཀྱེ་རྒྱལ་བའི་སྲས་དག་བྱང་ཆུབ་སེམས་དཔའི་སེམས་ཀྱི་ལས་ཡིད་ལ་བྱེད་པའི་སྦྱོར་བ་གང་ལྡན་པས། ཡོན་ཏན་གྱི་ཁྱད་པར་འདི་དག་ཐམས་ཅད་ཐོབ་པར་འགྱུར་བའི་
བྱང་ཆུབ་སེམས་དཔའི་སེམས་ཀྱི་ལས་ཡིད་ལ་བྱེད་པའི་སྦྱོར་བ་དེ་དག་གང་ཞེ་ན། ཀྱེ་རྒྱལ་བའི་སྲས་འདི་ལ་བྱང་ཆུབ་སེམས་དཔའ་ཁྱིམ་གྱི་ནང་དུ་འདུག་པའི་ཚེ། སེམས་ཅན་ཐམས་ཅད་རང་
བཞིན་ཤེས་པ་དང་ལྡན་པའི་ཁྱིམ་གྱི་ཐིབས་པོས་ཟིལ་གྱིས་མི་ནོན་པར་གྱུར་ཅིག་ཅེས་སེམས་བསྐྱེད་དོ། །ཕ་མ་དང་འགྲོགས་པའི་ཚེ་བྱང་ཆུབ་སེམས་དཔས་སེམས་ཅན་ཐམས་ཅད་སྐྱེ་བོ་ཐམས་
ཅད་ཡོངས་སུ་སྐྱབས་པའི་ཕྱིར་སངས་རྒྱས་དང་འགྲོགས་པར་གྱུར་ཅིག་ཅེས་སེམས་བསྐྱེད་དོ། །བུ་དང་བུ་མོ་དང་འགྲོགས་པའི་ཚེ། བྱང་ཆུབ་སེམས་དཔས་སེམས་ཅན་ཐམས་ཅད་སྲེད་པ་དང་
བྲལ་བའི་དགའ་བ་དང་། མི་དགའ་བ་དང་རྣམ་པར་བྲལ་བར་གྱུར་ཅིག་ཅེས་སེམས་བསྐྱེད་དོ། །འདོད་པའི་ཡོན་ཏན་དང་འགྲོགས་པའི་ཚེ། བྱང་ཆུབ་སེམས་དཔས་སེམས་ཅན་ཐམས་ཅད་ཡོན་ཏན་
གྱི་ཕ་རོལ་ཏུ་ཕྱིན་པས་འདོད་པའི་གསལ་ཤིང་རྣམ་པར་སེལ་བར་གྱུར་ཅིག་ཅེས་སེམས་བསྐྱེད་དོ། །གླུ་དང་གར་དང་རོལ་མོ་དང་སིལ་སྙན་དང་འགྲོགས་པའི་ཚེ། བྱང་ཆུབ་སེམས་དཔས་སེམས་
ཅན་ཐམས་ཅད་གར་མཁན་གྱི་མཚོན་ལྟ་བུར་མཐོང་བ་དང་ལྡན་ཞིང་ཆོས་ཡང་དག་པར་འགྲོ་བའི་བརྗོད་པ་རབ་ཏུ་ཐོབ་པར་གྱུར་ཅིག་ཅེས་སེམས་བསྐྱེད་དོ། །ཆུང་མའི་འཁོར་གྱི་ནང་ན་འདུག་པའི་
ཚེ་བྱང་ཆུབ་སེམས་དཔས་སེམས་ཅན་ཐམས་ཅད་འདོད་པའི་གསལ་ཤིང་དང་བྲལ་ཞིང་འཕགས་པའི་སར་ཆུད་པར་གྱུར་ཅིག་ཅེས་སེམས་བསྐྱེད་དོ། །རྒྱན་གྱིས་བརྒྱན་པའི་ཚེ་བྱང་ཆུབ་སེམས་

72-1-238a

དཔས་སེམས་ཅན་ཐམས་ཅད་སྲིད་པར་འབྱུང་བ་འཇིགས་པའི་ཕ་རོལ་ཏུ་ཕྱིན་པས་ཁུར་བོར་བར་གྱུར་ཅིག་ཅེས་སེམས་བསྐྱེད་དོ། །ཁང་ཐོག་དུ་ཕྱིན་པའི་ཚེ་བྱང་ཆུབ་སེམས་དཔས་སེམས་
ཅན་ཐམས་ཅད་ཆོས་ཐམས་ཅད་ཁོང་དུ་ཆུད་ཅིང་ཆོས་ཀྱི་ཁང་སྟེངསུ་ཕྱིན་པར་གྱུར་ཅིག་ཅེས་སེམས་བསྐྱེད་དོ། །སྦྱིན་པ་གཏོང་བའི་ཚེ་བྱང་ཆུབ་སེམས་དཔའ་སེམས་ཅན་ཐམས་ཅད་བདག་གིས་བྱ་བ་དེ་
མེད་དེ། ཡོངས་སུ་འཛིན་པའི་སེམས་མེད་ཅིང་བདག་གི་ཐམས་ཅད་ཡོངས་སུ་གཏོང་བར་གྱུར་ཅིག་ཅེས་སེམས་བསྐྱེད་དོ། །མ་བྲལ་ཞིང་འགྲོགས་པའི་ཚེ། བྱང་ཆུབ་སེམས་དཔའ་སེམས་ཅན་ཐམས་
ཅད་ཐམས་ཅད་མཁྱེན་པ་ཉིད་ཀྱི་འཐར་ཕྱིན་ཏེ། འདུ་བ་དང་ཤིན་ཏུ་བྲལ་བར་གྱུར་ཅིག་ཅེས་སེམས་བསྐྱེད་དོ། །བཙོན་ར་ཁ་ན་མ་ཐོ་བར་མཐོང་བའི་ཚེ། བྱང་ཆུབ་སེམས་དཔས་སེམས་ཅན་ཐམས་
ཅད་གནས་མེད་པ་ལ་སྤྱོད་ཅིང་། གང་དུ་དགའ་བར་འདོང་བར་གྱུར་ཅིག་ཅེས་སེམས་བསྐྱེད་དོ། །ཁྱིམ་ནས་ཁྱིམ་མེད་པར་འབྱུང་བའི་ཚེ། བྱང་ཆུབ་སེམས་དཔས་སེམས་ཅན་ཐམས་ཅད་སེམས་
བཅིངས་པ་དང་གྲོལ་བ་མེད་དེ་མི་དགོས་པ་དང་བྲལ་བར་གྱུར་ཅིག་ཅེས་སེམས་བསྐྱེད་དོ། །དགེ་འདུན་གྱི་ར་བའི་མཚམས་འདའ་བའི་ཚེ། བྱང་ཆུབ་སེམས་དཔས་སེམས་ཅན་ཐམས་ཅད་ཆོས་ལ་
བརྩོམ་ཞིང་ཆོས་དང་ལྡན་ཞིང་འཐུན་པར་འགྲོ་བ་མང་པོ་དང་ལྡན་པར་གྱུར་ཅིག་ཅེས་སེམས་བསྐྱེད་དོ། །མཁན་པོ་དང་སློབ་དཔོན་གྱི་དྲུང་དུ་འགྲོ་བའི་ཚེ། བྱང་ཆུབ་སེམས་དཔའ་སེམས་ཅན་
ཐམས་ཅད་ཆོས་ལ་རྩོམ་ཞིང་ཆོ་ག་ལ་མཁས་པར་གྱུར་ཅིག་ཅེས་སེམས་བསྐྱེད་དོ། །རབ་ཏུ་བྱུང་བའི་གསོལ་བའི་ཚེ། བྱང་ཆུབ་སེམས་དཔས་སེམས་ཅན་ཐམས་ཅད་བར་ཆད་མེད་ཅིང་ཕྱིར་མི་ལྡོག་པར་

72-1-238b

གྱུར་ཅིག་ཅེས་སེམས་བསྐྱེད་དོ། །གོས་དཀར་འདོར་བའི་ཚེ། བྱང་ཆུབ་སེམས་དཔས་སེམས་ཅན་ཐམས་ཅད་སྡིག་པ་ལ་བརྩོན་པ་སྤངས་ཏེ། དགེ་བའི་རྩ་བ་ཤིན་ཏུ་སྦྱངས་པར་གྱུར་ཅིག་ཅེས་སེམས་བསྐྱེད་དོ། །
སྐྲ་དང་ཁ་སྤུ་འབྲེག་པའི་ཚེ་བྱང་ཆུབ་སེམས་དཔས་སེམས་ཅན་ཐམས་ཅད་ཤིན་ཏུ་མཉམ་པར་བཞག་ཅིང་ཉོན་མོངས་པ་མེད་པར་གྱུར་ཅིག་ཅེས་སེམས་བསྐྱེད་དོ། །གོས་ངུར་སྨྲིག་གྱོན་པའི་ཚེ་བྱང་ཆུབ་སེམས་
དཔས་སེམས་ཅན་ཐམས་ཅད་དྲང་སྲོང་ཆེན་པོའི་སེམས་དང་ལྡན་ཞིང་རྙོག་པ་མེད་པར་གྱུར་ཅིག་ཅེས་སེམས་བསྐྱེད་དོ། །རབ་ཏུ་འབྱུང་བའི་ཚེ་བྱང་ཆུབ་སེམས་དཔས་སེམས་ཅན་རྣམས་སྐྱེ་བོ་ཐམས་ཅད་
ཡོངས་སུ་སྐྱོང་བའི་ཕྱིར། དེ་བཞིན་གཤེགས་པའི་རབ་ཏུ་འབྱུང་བར་རབ་ཏུ་བྱུང་བར་གྱུར་ཅིག་ཅེས་སེམས་བསྐྱེད་དོ། །སངས་རྒྱས་ལ་སྐྱབས་སུ་འགྲོ་བའི་ཚེ། བྱང་ཆུབ་སེམས་དཔས་སེམས་ཅན་
ཐམས་ཅད་དགེ་བ་ལ་མོས་པ་མངོན་པར་སྐྱེས་པས། སངས་རྒྱས་ཀྱི་གདུང་མི་འཆད་པའི་དོན་དུ་བརྩོན་པར་གྱུར་ཅིག་ཅེས་སེམས་བསྐྱེད་དོ། །ཆོས་ལ་སྐྱབས་སུ་འགྲོ་བའི་ཚེ། བྱང་ཆུབ་སེམས་
དཔས་སེམས་ཅན་ཐམས་ཅད་ཆོས་ཀྱི་གཏེར་རབ་ཏུ་ཐོབ་པར་གྱུར་ཅིག་ཅེས་སེམས་བསྐྱེད་དོ། །དགེ་འདུན་ལ་སྐྱབསུ་འགྲོ་བའི་ཚེ་བྱང་ཆུབ་སེམས་དཔས་སེམས་ཅན་ཐམས་ཅད་ཆགས་པའི་གནས་དང་
བྲལ་ཞིང་དགེ་འདུན་ཡོངསུ་སྡུད་པར་གྱུར་ཅིག་ཅེས་སེམས་བསྐྱེད་དོ། །བསླབ་པའི་ཚིག་ཡང་དག་པར་ལེན་པའི་ཚེ་བྱང་ཆུབ་སེམས་དཔས་སེམས་ཅན་ཐམས་ཅད་ཚུལ་བཟང་པོ་ལ་ཡང་དག་པར་སྤྱོད་ཅིང་
སླབ་པ་ཐམས་ཅད་ཤིན་ཏུ་སློབ་པར་གྱུར་ཅིག་ཅེས་སེམས་བསྐྱེད་དོ། །སློབ་དཔོན་བསྟན་པའི་ཚེ་བྱང་ཆུབ་སེམས་དཔས་སེམས་ཅན་ཐམས་ཅད་ལོག་པ་མ་ཡིན་པའི་ལས་ལ་སྤྱོར་ཅིང་ཚུལ་དང་སྤྱོད་

72-1-239a

ཡུལ་ཕུན་སུམ་ཚོགས་པར་གྱུར་ཅིག་ཅེས་སེམས་བསྐྱེད་དོ། །མཁན་པོ་བསྟན་པའི་ཚེ། །བྱང་ཆུབ་སེམས་དཔས་སེམས་ཅན་ཐམས་ཅད་གནས་མེད་པ་ལ་ཡང་དག་པར་གཞོལ་ཞིང་མི་སྐྱེ་བའི་
ཡེ་ཤེས་ཀྱི་ཕ་རོལ་ཏུ་ཕྱིན་པར་གྱུར་ཅིག་ཅེས་སེམས་བསྐྱེད་དོ། །བསྙེན་པར་རྫོགས་པའི་ཚེ་བྱང་ཆུབ་སེམས་དཔས་སེམས་ཅན་ཐམས་ཅད་ཆོས་ཐམས་ཅད་ཀྱི་ཁྱད་པར་གྱི་ཕ་རོལ་ཏུ་ཕྱིན་པ་ཏེ་ཐབས་
མཁས་པའི་ཕ་རོལ་ཏུ་ཕྱིན་པར་གྱུར་ཅིག་ཅེས་སེམས་བསྐྱེད་དོ། །གཙུག་ལག་ཁང་དུ་འགྲོ་བའི་ཚེ། བྱང་ཆུབ་སེམས་དཔས་སེམས་ཅན་ཐམས་ཅད་མི་འཕྲོགས་པའི་ཆོས་ཅན་དུ་གྱུར་ཏེ། བླ་ན་མེད་པའི་
ཡང་གནས་ལ་རྣམ་པར་སྤྱོད་པར་གྱུར་ཅིག་ཅེས་སེམས་བསྐྱེད་དོ། །སྟན་གདིང་བའི་ཚེ་བྱང་ཆུབ་སེམས་དཔས་སེམས་ཅན་ཐམས་ཅད་ཇི་ལྟ་བ་བཞིན་དུ་མཐོང་ཞིང་ལེགས་པར་བཀོད་པའི་ཆོས་ཅན་དུ་གྱུར་ཅིག་
ཅེས་སེམས་བསྐྱེད་དོ། །འདུག་པའི་ཚེ་བྱང་ཆུབ་སེམས་དཔས་སེམས་ཅན་ཐམས་ཅད་མི་གནས་པའི་སེམས་ཀྱི་སྙིང་པོ་བྱང་ཆུབ་ལ་འདུག་པར་གྱུར་ཅིག་ཅེས་སེམས་བསྐྱེད་དོ། །སྐྱིལ་མོ་དཀྲུང་འཆའ་
བའི་ཚེ་བྱང་ཆུབ་སེམས་དཔས་སེམས་ཅན་ཐམས་ཅད་མི་གཡོ་བའི་ས་ལ་དགེ་བའི་རྩ་བ་ཤིན་ཏུ་རྣམ་པར་བརྟེན་པར་གྱུར་ཅིག་ཅེས་སེམས་བསྐྱེད་དོ། །ཞི་གནས་ཡོངས་སུ་སྦྱོང་བའི་ཚེ། བྱང་ཆུབ་
སེམས་དཔས་སེམས་ཅན་ཐམས་ཅད་མ་ལུས་པའི་མཐར་ཐུགས་པ་ལ་བརྩོན་ཞིང་ཞི་བ་དང་། དུལ་བ་ལ་རབ་ཏུ་གཞོལ་བར་གྱུར་ཅིག་ཅེས་སེམས་བསྐྱེད་དོ། །ལྷག་མཐོང་ཡོངསུ་སྦྱོང་བར་བྱེད་པའི་
ཚེ་བྱང་ཆུབ་སེམས་དཔས་སེམས་ཅན་ཐམས་ཅད་ཤིན་ཏུ་ཉོན་མོངས་མེད་པའི་ཆོས་ཅན་དུ་གྱུར་ཏེ། ཆོས་ཡང་དག་པར་ཇི་ལྟ་བ་བཞིན་དུ་མཐོང་བར་གྱུར་ཅིག་ཅེས་སེམས་བསྐྱེད་དོ། །སྐྱིལ་མོ་བཀྲུང་

72-1-239b

འཇིག་པའི་ཚེ། བྱང་ཆུབ་སེམས་དཔས་སེམས་ཅན་ཐམས་ཅད་ཤིན་ཏུ་མཉམ་པར་བཞག་ཅིང་འདུ་བྱེད་ཐམས་ཅད་རང་བཞིན་གྱིས་འཇིག་པ་རྣམ་པར་མཐོང་བར་གྱུར་ཅིག་ཅེས་སེམས་བསྐྱེད་དོ། །རྐང་མཐིལ་
བཞོག་པའི་ཚེ། བྱང་ཆུབ་སེམས་དཔས་སེམས་ཅན་ཐམས་ཅད་ཤིན་ཏུ་རྣམ་པར་གྲོལ་བ་མི་འཁྲུག་པ་ལ་རབ་ཏུ་གནས་པར་གྱུར་ཅིག་ཅེས་སེམས་བསྐྱེད་དོ། །རྐང་མཐིལ་འདེགས་པའི་ཚེ། བྱང་ཆུབ་
སེམས་དཔས་སེམས་ཅན་ཐམས་ཅད་ཁ་ན་མ་ཐོ་བ་མེད་པ་དང་ལྡན་པ་ཐོབ་པ་སྟེ། འཁོར་བའི་རྒྱ་མཚོར་བྱིང་བ་ལས་ཐོན་པར་གྱུར་ཅིག་ཅེས་སེམས་བསྐྱེད་དོ། །སྨད་གཡོགས་གྱོན་པའི་ཚེ་
བྱང་ཆུབ་སེམས་དཔས་སེམས་ཅན་ཐམས་ཅད་ངོ་ཚ་ཤེས་ཤིང་ཁྲེལ་ཡོད་པ་བླ་ན་མེད་པ་དང་ལྡན་ཞིང་དགེ་བའི་རྩ་བ་ཤིན་ཏུ་བརྟན་པར་གྱུར་ཅིག་ཅེས་སེམས་བསྐྱེད་དོ། །སྐེ་རགས་འཆིང་བའི་ཚེ་
བྱང་ཆུབ་སེམས་དཔས་སེམས་ཅན་ཐམས་ཅད་མི་འཁྲུག་པའི་ཆོས་ཅན་དུ་གྱུར་ཏེ། དགེ་བའི་རྩ་བ་ཤིན་ཏུ་འབྲེལ་བར་གྱུར་ཅིག་ཅེས་སེམས་བསྐྱེད་དོ། །བླ་གོས་གྱོན་པའི་ཚེ་བྱང་ཆུབ་སེམས་དཔའ་
སེམས་ཅན་ཐམས་ཅད་ཆོས་ཐམས་ཅད་ཀྱི་ཁྱད་པར་གྱི་ཕ་རོལ་ཏུ་ཕྱིན་པ་ཐོབ་སྟེ། གོང་ནས་གོང་དུ་དགེ་བའི་རྩ་བ་ཐོབ་པར་གྱུར་ཅིག་ཅེས་སེམས་བསྐྱེད་དོ། །སྣམ་སྦྱར་གྱོན་པའི་ཚེ་བྱང་ཆུབ་སེམས་
དཔས་སེམས་ཅན་ཐམས་ཅད་མི་འཁྲུག་པའི་ཆོས་ཅན་དུ་གྱུར་ཏེ། ཐབས་དམ་པས་མངོན་པར་བཀབ་པར་གྱུར་ཅིག་ཅེས་སེམས་བསྐྱེད་དོ། །སོ་ཤིང་ལེན་པའི་ཚེ་བྱང་ཆུབ་སེམས་དཔས་
སེམས་ཅན་ཐམས་ཅད་ཡོངས་སུ་དག་པའི་དངོས་པོ་འཐོབ་པའི་ཕྱིར་དམ་པའི་ཆོས་རྣམ་པར་དག་པ་ཐོབ་པར་གྱུར་ཅིག་ཅེས་སེམས་བསྐྱེད་དོ། །སོ་ཤིང་ཟ་བའི་ཚེ་བྱང་ཆུབ་སེམས་དཔས་

72-1-240a

སེམས་ཅན་ཐམས་ཅད་ཉོན་མོངས་པ་ཤིན་ཏུ་བཅོམ་པ་སྟེ། སེམས་དུལ་ཞིང་སེམས་རྣམ་པར་དག་པར་གྱུར་ཅིག་ཅེས་སེམས་བསྐྱེད་དོ། །དབེན་པར་འགྲོ་བའི་ཚེ་བྱང་ཆུབ་སེམས་དཔས་སེམས་ཅན་
ཐམས་ཅད་འདོད་ཆགས་དང་ཞེ་སྡང་དང་། གཏི་མུག་སྤངས་པ་སྟེ། སྡིག་པའི་ཆོས་ཐམས་ཅད་སྤངས་པར་གྱུར་ཅིག་ཅེས་སེམས་བསྐྱེད་དོ། །ཆུ་ངོགས་སུ་འགྲོ་བའི་ཚེ་བྱང་ཆུང་སེམས་དཔས་
སེམས་ཅན་ཐམས་ཅད་འཇིག་རྟེན་ལས་འདས་པའི་ཆོས་ཐམས་ཅད་ཤིན་ཏུ་འབྱུང་བར་གྱུར་ཅིག་ཅེས་སེམས་བསྐྱེད་དོ། །གཙང་སྦྲའི་ལས་བྱེད་པའི་ཚེ་བྱང་ཆུབ་སེམས་དཔས་སེམས་ཅན་ཐམས་
ཅད་ཤིན་ཏུ་དག་པའི་དངོས་པོས་གཙང་ཞིང་ངེས་པ་དང་ལྡན་པར་གྱུར་ཅིག་ཅེས་སེམས་བསྐྱེད་དོ། །ལག་པ་འཁྲུ་བའི་ཚེ་བྱང་ཆུབ་སེམས་དཔས་སེམས་ཅན་ཐམས་ཅད་གཟུང་ཞིང་བཅང་བའི་ཕྱིར། 
བཀྲ་ཤིས་ཀྱི་ལག་པ་དང་ལྡན་པར་གྱུར་ཅིག་ཅེས་སེམས་བསྐྱེད་དོ། །ངོ་འཁྲུ་བའི་ཚེ་བྱང་ཆུབ་སེམས་དཔས་སེམས་ཅན་ཐམས་ཅད་ཤིན་ཏུ་ཉོན་མོངས་པ་དང་བྲལ་ཞིང་ཆོས་ཐམས་ཅད་ཀྱི་སྒོ་རྣམ་པར་
དག་པ་ཐོབ་པར་གྱུར་ཅིག་ཅེས་སེམས་བསྐྱེད་དོ། །འཁར་བ་ལེན་པའི་ཚེ་བྱང་ཆུབ་སེམས་དཔས་སེམས་ཅན་ཐམས་ཅད་མཆོད་སྦྱིན་བྱས་ཤིང་ལམ་སྟོན་པར་གྱུར་ཅིག་ཅེས་སེམས་བསྐྱེད་དོ། །ལྷུང་བཟེད་
ལེན་པའི་ཚེ་བྱང་ཆུབ་སེམས་དཔས་སེམས་ཅན་ཐམས་ཅད་ཀྱིས་མཆོད་པར་འོས་ཤིང་སྣོད་དུ་གྱུར་ཅིག་ཅེས་སེམས་བསྐྱེད་དོ། །སྤྱོད་ཡུལ་དུ་མངོན་པར་ཞུགས་པའི་ཚེ་བྱང་ཆུབ་སེམས་དཔས་
སེམས་ཅན་ཐམས་ཅད་གནས་མེད་པར་གཞོལ་ཞིང་སངས་རྒྱས་ཀྱི་སྤྱོད་ཡུལ་ལ་མངོན་དུ་ཕྱོགས་པར་གྱུར་ཅིག་ཅེས་སེམས་བསྐྱེད་དོ། །ལམ་དུ་ཞུགས་པའི་ཚེ་བྱང་ཆུབ་སེམས་དཔས་

72-1-240b

སེམས་ཅན་ཐམས་ཅད་ཕྱི་ནས་མ་ལུས་པར་འགྲོ་ཞིང་སངས་རྒྱས་ཀྱི་ལམ་དུ་ཞུགས་པར་གྱུར་ཅིག་ཅེས་སེམས་བསྐྱེད་དོ། །འགྲོ་བའི་ཚེ། བྱང་ཆུབ་སེམས་དཔས་སེམས་ཅན་ཐམས་ཅད་ཤིན་ཏུ་
རྣམ་པར་དག་པའི་ཆོས་སྒྲིབ་པ་མེད་པར་གྲུབ་པར་གྱུར་པས། ཆོས་ཀྱི་དབྱིངས་མཐའ་དང་དབུས་མེད་པར་ཁོང་དུ་ཆུད་པར་གྱུར་ཅིག་ཅེས་སེམས་བསྐྱེད་དོ། །ལམ་མཐོ་བ་མཐོང་བའི་ཚེ་བྱང་ཆུབ་
སེམས་དཔས་སེམས་ཅན་ཐམས་ཅད་ཤིན་ཏུ་ཞུམ་པ་མེད་དེ་ཁམས་གསུམ་ལས་གྱེན་དུ་འཕགས་པར་གྱུར་ཅིག་ཅེས་སེམས་བསྐྱེད་དོ། །ལམ་དམའ་བ་འཐོང་བའི་ཚེ་བྱང་ཆུབ་སེམས་དཔས་
སེམས་ཅན་ཐམས་ཅད་དགེ་བའི་རྩ་བས་ཤིན་ཏུ་བསྟན་ཅིང་སངས་རྒྱས་ཐམས་ཅད་ལ་ཤིན་ཏུ་འདུད་པར་གྱུར་ཅིག་ཅེས་སེམས་བསྐྱེད་དོ། །ལམ་ཉམ་ང་བ་མཐོང་བའི་ཚེ་བྱང་ཆུབ་སེམས་དཔས་
སེམས་ཅན་ཐམས་ཅད་ལྟ་བ་ཡོ་ཞིང་མྱི་དྲང་བ་དང་བྲལ་སྟེ། ལམ་ཉམ་ང་བ་ཡོངས་སུ་སྤངས་པར་གྱུར་གཅིག་ཅེས་སེམས་བསྐྱེད་དོ། །ལམ་དྲང་པོ་མཐོང་བའི་ཚེ་བྱང་ཆུབ་སེམས་དཔས་སེམས་
ཅན་ཐམས་ཅད་གཡོ་མེད་ཅིང་སྒྱུ་མེད་དེ་སེམས་དྲང་པོ་དང་ལྡན་པར་གྱུར་ཅིག་ཅེས་སེམས་བསྐྱེད་དོ། །ལམ་རྡུལ་ཆེན་པོ་མཐོང་བའི་ཚེ་བྱང་ཆུབ་སེམས་དཔས་སེམས་ཅན་ཐམས་ཅད་ཤིན་ཏུ་རྡུལ་མེད་པའི་
ཆོས་ཡང་དག་པར་ཐོབ་སྟེ། འདོད་ཆགས་པར་འགྱུར་བའི་ཆོས་ལས་རྣམ་པར་གྲོལ་བར་གྱུར་ཅིག་ཅེས་སེམས་བསྐྱེད་དོ། །རྡུལ་མེད་པའི་ལམ་མཐོང་བའི་ཚེ། བྱང་ཆུབ་སེམས་དཔས་སེམས་ཅན་
ཐམས་ཅད་སྙིང་རྗེ་ཆེན་པོ་ཡོངས་སུ་བསྒོམ་པ་དང་ལྡན་ཞིང་སེམས་འཇམ་པར་གྱུར་ཅིག་ཅེས་སེམས་བསྐྱེད་དོ། །གཡང་ས་མཐོང་བའི་ཚེ་བྱང་ཆུབ་སེམས་དཔས་སེམས་ཅན་ཐམས་ཅད་སྒྲིབ་པ་

72-1-241a

མེད་པ་རྟོགས་པར་ཁོང་དུ་ཆུད་ཅིང་སྡིག་པའི་ཆོས་བསྩལ་ཏེ། དགེ་བའི་ཆོས་ལ་རབ་ཏུ་གཞོལ་བར་གྱུར་གཅིག་ཅེས་སེམས་བསྐྱེད་དོ། །མཁར་མཐོང་བའི་ཚེ་བྱང་ཆུབ་སེམས་དཔས་སེམས་
ཅན་ཐམས་ཅད་དུས་གསུམ་དུ་གཏོགས་པའི་ཆོས་ཟབ་མོ་བསྟན་པ་དང་། འཐུན་པར་གྱུར་ཅིག་ཅེས་སེམས་བསྐྱེད་དོ། །ཀ་བ་མཐོང་བའི་ཚེ། བྱང་ཆུབ་སེམས་དཔས་སེམས་ཅན་ཐམས་ཅད་ཁྲོ་ཞིང་
མཁོན་དུ་འཛིན་པ་དང་བྲལ་ཏེ། ཁེངས་པ་དང་འཁྲུག་པ་དང་རྣམ་པར་བྲལ་བར་གྱུར་ཅིག་ཅེས་སེམས་བསྐྱེད་དོ། །ནགས་ཚལ་མཐོང་བའི་ཚེ། བྱང་ཆུབ་སེམས་དཔས་སེམས་ཅན་ཐམས་ཅད་
ལྷ་དང་འཇིག་རྟེན་དུ་བཅས་པའི་ཕྱག་བྱ་བའི་གནས་སུ་གྱུར་ཅིག་ཅེས་སེམས་བསྐྱེད་དོ། །རི་མཐོང་བའི་ཚེ་བྱང་ཆུབ་སེམས་དཔས་སེམས་ཅན་ཐམས་ཅད་ཐོབ་པར་དཀའ་བ་དང་། ཐིབས་པོ་མེད་
པ་རབ་ཏུ་ཐོབ་ཅིང་དགེ་བའི་རྩ་བ་ཐམས་ཅད་ཀྱིས་མངོན་པར་འཕགས་པར་གྱུར་ཅིག་ཅེས་སེམས་བསྐྱེད་དོ། །ཤིང་ཚེར་མ་ཅན་མཐོང་བའི་ཚེ། བྱང་ཆུབ་སེམས་དཔས་སེམས་ཅན་ཐམས་ཅད་འདོད་
ཆགས་དང་ཞེ་སྡང་དང་གཏི་མུག་མེད་ཅིང་ཚེར་མ་དང་བྲལ་བར་གྱུར་ཅིག་ཅེས་སེམས་བསྐྱེད་དོ། །ཤིང་ལོ་མ་ཅན་མཐོང་བའི་ཚེ་བྱང་ཆུབ་སེམས་དཔས་སེམས་ཅན་ཐམས་ཅད་བསམ་གཏན་དང་
རྣམ་པར་ཐར་པ་དང་། ཏིང་ངེ་འཛིན་དང་སྙོམས་པར་འཇུག་པ་དག་གིས་རབ་ཏུ་གཡོག་པར་གྱུར་ཅིག་ཅེས་སེམས་བསྐྱེད་དོ། །མེ་ཏོག་མཐོང་བའི་ཚེ་བྱང་ཆུབ་སེམས་དཔས་སེམས་ཅན་ཐམས་ཅད་ཆོས་
ཐམས་ཅད་ལ་མངོན་པར་ཤེས་པའི་མེ་ཏོག་རྒྱས་པས་མེ་ཏོག་ལྟ་བུར་གྱུར་ཅིག་ཅེས་སེམས་བསྐྱེད་དོ། །མེ་ཏོག་གི་ཤིང་མཐོང་བའི་ཚེ། བྱང་ཆུབ་སེམས་དཔས་སེམས་ཅན་ཐམས་ཅད་སྐྱེས་བུ་

72-1-241b

ཆེན་པོའི་མཚན་སུམ་བཅུ་རྩ་གཉིས་མེ་ཏོག་ཤིན་ཏུ་རྒྱས་པར་གྱུར་གཅིག་ཅེས་སེམས་བསྐྱེད་དོ། །ཤིང་ཐོག་མཐོང་བའི་ཚེ་བྱང་ཆུབ་སེམས་དཔས་སེམས་ཅན་ཐམས་ཅད་སྙིང་པོ་བྱང་ཆུབ་ཏུ་གཞོལ་ཞིང་། 
སངས་རྒྱས་ཀྱི་ཆོས་བཙལ་བ་ཐམས་ཅད་འབྲས་བུ་ཡོད་དེ། འབྲས་བུའི་དམ་པ་རབ་ཏུ་ཐོབ་པར་གྱུར་ཅིག་ཅེས་སེམས་བསྐྱེད་དོ། །ཆུ་ཀླུང་མཐོང་བའི་ཚེ་བྱང་ཆུབ་སེམས་དཔས་སེམས་ཅན་ཐམས་ཅད་
སངས་རྒྱས་ཀྱི་ཡེ་ཤེས་ཉམས་སུ་མྱོང་སྟེ། ཆོས་ཀྱི་རྒྱུད་ལ་མཉམ་པར་བཞག་པར་གྱུར་ཅིག་ཅེས་སེམས་བསྐྱེད་དོ། །ལུ་མ་མཐོང་བའི་ཚེ། བྱང་ཆུབ་སེམས་དཔས་སེམས་ཅན་ཐམས་ཅད་སངས་
རྒྱས་ཀྱི་ཆོས་ཐམས་ཅད་རོ་གཅིག་པའི་ཕྱིར་སེ་གོལ་གཏོགས་པ་ཙམ་གྱིས་ཁོང་དུ་ཆུད་པར་གྱུར་ཅིག་ཅེས་སེམས་བསྐྱེད་དོ། །རྫིང་བུ་མཐོང་བའི་ཚེ། བྱང་ཆུབ་སེམས་དཔས་སེམས་ཅན་ཐམས་
ཅད་ཀྱིས་ཆོས་ཐམས་ཅད་ཀྱི་ཚིག་ཤིན་ཏུ་བསྟན་པར་གྱུར་མཁས་ཤིང་ཆོས་ཐམས་ཅད་ཀྱི་ཚིག་རྒྱས་པའི་ཚིག་གི་ལས་དང་ལྡན་པར་གྱུར་ཅིག་ཅེས་སེམས་བསྐྱེད་དོ། །ཁྲོན་པ་མཐོང་བའི་ཚེ་
བྱང་ཆུབ་སེམས་དཔས་སེམས་ཅན་ཐམས་ཅད་ཆོས་ཐམས་ཅད་འབྱོར་པ་དང་ལྡན་ཞིང་སྤོབས་པ་མང་བར་གྱུར་ཅིག་ཅེས་སེམས་བསྐྱེད་དོ། །མཚོ་མཐོང་བའི་ཚེ་བྱང་ཆུབ་སེམས་དཔས་སེམས་ཅན་
ཐམས་ཅད་གོང་ནས་གོང་དུ་དམིགས་པ་ལ་བརྩོན་ཞིང་དགེ་བའི་རྩ་བ་མྱི་ཟད་པར་གྱུར་གཅིག་ཅེས་སེམས་བསྐྱེད་དོ། །ཟམ་པ་མཐོང་བའི་ཚེ། བྱང་ཆུབ་སེམས་དཔས་སེམས་ཅན་ཐམས་ཅད་
སྐྱེ་བོ་ཐམས་ཅད་ཡོངས་སུ་སྒྲོལ་ལ་ཟམ་པར་རེད་པར་གྱུར་ཅིག་ཅེས་སེམས་བསྐྱེད་དོ། །ཡུར་བ་མཐོང་བའི་ཚེ། བྱང་ཆུབ་སེམས་དཔས་སེམས་ཅན་ཐམས་ཅད་འགྲོ་བ་ཀུན་གྱི་སེམས་དང་བསམ་

72-1-242a

པ་ལ་མཁས་ཤིང་བག་ལ་ཉལ་བ་དང་། ཀུན་ནས་འཁོར་བ་མེད་པར་གྱུར་ཅིག་ཅེས་སེམས་བསྐྱེད་དོ། །ར་བ་མཐོང་བའི་ཚེ་བྱང་ཆུབ་སེམས་དཔས་སེམས་ཅན་ཐམས་ཅད་གཟུགས་དང་
སྒྲ་དང་དྲི་དང་རོ་དང་། རེག་ལ་སྲེད་པ་རབ་ཏུ་བྱང་བར་གྱུར་ཅིག་ཅེས་སེམས་བསྐྱེད་དོ། །མྱ་ངན་མེད་པའི་ནགས་ཚལ་མཐོང་བའི་ཚེ། བྱང་ཆུབ་སེམས་དཔས་སེམས་ཅན་ཐམས་ཅད་སྲེད་པ་མེད་
ཅིང་མྱ་ངན་མེད་པ་རབ་ཏུ་ཐོབ་པར་གྱུར་ཅིག་ཅེས་སེམས་བསྐྱེད་དོ། །བཟའ་ཤིང་གི་ར་བ་མཐོང་བའི་ཚེ། བྱང་ཆུབ་སེམས་དཔས་སེམས་ཅན་ཐམས་ཅད་སངས་རྒྱས་ཀྱི་བྱང་ཆུབ་ཡོངས་སུ་མི་གཏོང་བ་
ལ་ཤིན་ཏུ་བརྩོན་པར་གྱུར་ཅིག་ཅེས་སེམས་བསྐྱེད་དོ། །སེམས་ཅན་རྒྱན་གྱིས་བརྒྱན་པ་མཐོང་བའི་ཚེ། བྱང་ཆུབ་སེམས་དཔས་སེམས་ཅན་ཐམས་ཅད་སྐྱེས་བུ་ཆེན་པོའི་མཚན་སུམ་བཅུ་རྩ་གཉིས་
ཀྱིས་བརྒྱན་པར་གྱུར་ཅིག་ཅེས་སེམས་བསྐྱེད་དོ། །རྒྱན་མེད་པའི་སེམས་ཅན་མཐོང་བའི་ཚེ། བྱང་ཆུབ་སེམས་དཔས་སེམས་ཅན་ཐམས་ཅད་སྦྱངས་པའི་ཕ་རོལ་ཏུ་ཕྱིན་པ་ཐོབ་པས་རྒྱན་མེད་
པ་རབ་ཏུ་བརྒྱན་པར་གྱུར་ཅིག་ཅེས་སེམས་བསྐྱེད་དོ། །དགའ་བ་མང་བའི་སེམས་ཅན་མཐོང་བའི་ཚེ། བྱང་ཆུབ་སེམས་དཔས་སེམས་ཅན་ཐམས་ཅད་ཆོས་ལ་དགའ་ཞིང་མོས་པ་དང་སྤྲོ་བ་དགའ་
བ་མང་བར་གྱུར་ཅིག་ཅེས་སེམས་བསྐྱེད་དོ། །མི་དགའ་བ་མང་བའི་སེམས་ཅན་མཐོང་བའི་ཚེ། བྱང་ཆུབ་སེམས་དཔས་སེམས་ཅན་ཐམས་ཅད་འདུས་བྱས་ཀྱི་དངོས་པོ་ཐམས་ཅད་ལ་མི་དགའ་
ཞིང་རབ་ཏུ་བདེ་བར་གྱུར་ཅིག་ཅེས་སེམས་བསྐྱེད་དོ། །སེམས་ཅན་བདེ་བ་མཐོང་བའི་ཚེ། བྱང་ཆུབ་སེམས་དཔས་སེམས་ཅན་ཐམས་ཅད་སངས་རྒྱས་ཀྱི་བདེ་བའི་ཡོ་བྱད་ཐམས་ཅད་རབ་ཏུ་

72-1-242b

ཐོབ་པས་ཤིན་ཏུ་བདེ་བར་གྱུར་ཅིག་ཅེས་སེམས་བསྐྱེད་དོ། །སེམས་ཅན་སྡུག་བསྔལ་བ་མཐོང་བའི་ཚེ། བྱང་ཆུབ་སེམས་དཔས་སེམས་ཅན་ཐམས་ཅད་ཡེ་ཤེས་ཀྱི་རྩ་བ་རབ་ཏུ་ཐོབ་སྟེ། སྡུག་བསྔལ་
ཞི་བར་གྱུར་ཅིག་ཅེས་སེམས་བསྐྱེད་དོ། །ནད་མེད་པ་མ་ཡིན་པའི་སེམས་ཅན་མཐོང་བའི་ཚེ། བྱང་ཆུབ་སེམས་དཔས་སེམས་ཅན་ཐམས་ཅད་མྱ་ངན་མེད་པའི་ཆོས་ཅན་དུ་གྱུར་ཏེ། ཐ་དད་པ་མེད་
པར་ཁོང་དུ་ཆུད་པར་གྱུར་ཅིག་ཅེས་སེམས་བསྐྱེད་དོ། །སེམས་ཅན་སྡུག་གུ་མཐོང་བའི་ཚེ། བྱང་ཆུབ་སེམས་དཔས་སེམས་ཅན་ཐམས་ཅད་སངས་རྒྱས་དང་བྱང་ཆུབ་སེམས་དཔའ་ཐམས་ཅད་ལ་
མོས་པ་མང་བར་གྱུར་ཅིག་ཅེས་སེམས་བསྐྱེད་དོ། །མི་སྡུག་པའི་སེམས་ཅན་མཐོང་བའི་ཚེ་བྱང་ཆུབ་སེམས་དཔས་སེམས་ཅན་ཐམས་ཅད་ཀྱི་མི་དགེ་བའི་བཤེས་གཉེན་གྱི་བྱ་བ་ལ་མོས་པ་ཆུང་བར་
གྱུར་ཅིག་ཅེས་སེམས་བསྐྱེད་དོ། །དྲིན་གཟོ་བའི་སེམས་ཅན་མཐོང་བའི་ཚེ། བྱང་ཆུབ་སེམས་དཔས་སེམས་ཅན་ཐམས་ཅད་སངས་རྒྱས་དང་བྱང་ཆུབ་སེམས་དཔའ་ཐམས་ཅད་ཀྱི་མཛད་པ་ཤེས་
པར་གྱུར་ཅིག་ཅེས་སེམས་བསྐྱེད་དོ། །དྲིན་བཟོ་བ་མེད་པའི་སེམས་ཅན་མཐོང་བའི་ཚེ། བྱང་ཆུབ་སེམས་དཔས་སེམས་ཅན་ཐམས་ཅད་མི་དགེ་བའི་ལྟ་བ་ལ་དྲིན་དུ་བཟོ་བ་མེད་པར་གྱུར་ཅིག་ཅེས་སེམས་
བསྐྱེད་དོ། །དགེ་སྦྱོང་མཐོང་བའི་ཚེ། བྱང་ཆུབ་སེམས་དཔས་སེམས་ཅན་ཐམས་ཅད་མ་ལུས་པའི་མཐར་ཐུག་པར་བྱ་བ་ལ་བརྩོན་ཞིང་ཞི་བ་དང་དུལ་བ་ལ་གཞོལ་བར་གྱུར་ཅིག་ཅེས་སེམས་
བསྐྱེད་དོ། །བྲམ་ཟེ་མཐོང་བའི་ཚེ་བྱང་ཆུབ་སེམས་དཔས་སེམས་ཅན་ཐམས་ཅད་ཚངས་པའི་དམ་པར་གྱུར་ཏེ་སྡིག་པ་སྤོང་བར་གྱུར་ཅིག་ཅེས་སེམས་བསྐྱེད་དོ། །དཀའ་ཐུབ་ཅན་མཐོང་བའི་ཚེ་བྱང་ཆུབ་སེམས་

72-1-243a

དཔས་སེམས་ཅན་ཐམས་ཅད་མ་ལུས་པའི་མཐར་ཐུག་པར་བྱ་བ་ལ་བརྩོན་བཞིན་དཀའ་ཐུབ་ལ་ཤིན་ཏུ་གཞོལ་བར་གྱུར་ཅིག་ཅེས་སེམས་བསྐྱེད་དོ། །བརྟུལ་ཞུགས་ལ་ཞུགས་པ་མཐོང་བའི་ཚེ། 
བྱང་ཆུབ་སེམས་དཔས་སེམས་ཅན་ཐམས་ཅད་སངས་རྒྱས་ཀྱི་བྱང་ཆུབ་ཡོངས་སུ་མི་གཏོང་བའི་ཕྱིར་བརྟུལ་ཞུགས་དམ་པོར་གྱུར་ཅིག་ཅེས་སེམས་བསྐྱེད་དོ། །གོ་གྱོན་པའི་སེམས་ཅན་མཐོང་བའི་ཚེ། 
བྱང་ཆུབ་སེམས་དཔས་སེམས་ཅན་ཐམས་ཅད་རང་འབྱུང་གི་ཆོས་ཡོངས་སུ་བཙལ་བ་ལ་གོ་ཆ་བཟང་པོ་ཤིན་ཏུ་བགོས་པར་གྱུར་ཅིག་ཅེས་སེམས་བསྐྱེད་དོ། །གོ་མ་གྱོན་པའི་སེམས་ཅན་མཐོང་བའི་ཚེ། 
བྱང་ཆུབ་སེམས་དཔས་སེམས་ཅན་ཐམས་ཅད་མི་དགེ་བའི་ལས་བྱ་བ་ཐམས་ཅད་ལ་གོ་གྱོན་པ་མེད་པར་གྱུར་ཅིག་ཅེས་སེམས་བསྐྱེད་དོ། །རྒོལ་བའི་སེམས་ཅན་མཐོང་བའི་ཚེ། བྱང་ཆུབ་སེམས་དཔས་
སེམས་ཅན་ཐམས་ཅད་ཕས་ཀྱི་རྒོལ་བ་ཐམས་ཅད་ཤིན་ཏུ་ཚར་གཅོད་པར་གྱུར་ཅིག་ཅེས་སེམས་བསྐྱེད་དོ། །འཚོ་བའི་སེམས་ཅན་མཐོང་བའི་ཚེ། བྱང་ཆུབ་སེམས་དཔས་སེམས་ཅན་ཐམས་ཅད་སྤྱོད་
ལམ་བཅོས་པ་མྱེད་ཅིང་འཚོ་བ་ཡོངས་སུ་དག་པར་གྱུར་ཅིག་ཅེས་སེམས་བསྐྱེད་དོ། །རྒྱལ་པོ་མཐོང་བའི་ཚེ། བྱང་ཆུབ་སེམས་དཔས་སེམས་ཅན་ཐམས་ཅད་ཐོགས་པ་མེད་པའི་ཆོས་ཀྱི་འཁོར་ལོ་
བསྐོར་བའི་ཆོས་ཀྱི་རྒྱལ་པོར་གྱུར་ཅིག་ཅེས་སེམས་བསྐྱེད་དོ། །རྒྱལ་པོའི་བུ་མཐོང་བའི་ཚེ། བྱང་ཆུབ་སེམས་དཔས་སེམས་ཅན་ཐམས་ཅད་སངས་རྒྱས་ཀྱི་སྲས་ཆོས་ལ་སྐྱེས་པའི་ཆོས་ཀྱི་
སྤྲུལ་པར་གྱུར་ཅིག་ཅེས་སེམས་བསྐྱེད་དོ། །ཁྱིམ་བདག་མཐོང་བའི་ཚེ། བྱང་ཆུབ་སེམས་དཔས་སེམས་ཅན་ཐམས་ཅད་རྣམ་པར་གདོན་མི་ཟ་བའི་བློ་ཅན་དུ་གྱུར་ཏེ། གྲོང་གི་ཆོས་སྤངས་

72-1-243b

པར་གྱུར་ཅིག་ཅེས་སེམས་བསྐྱེད་དོ། །བློན་པོ་མཐོང་བའི་ཚེ་བྱང་ཆུབ་སེམས་དཔས་སེམས་ཅན་ཐམས་ཅད་མི་དགེ་བའི་ཆོས་ཐམས་ཅད་ལ་བཟང་པོ་ཡིད་ལ་བྱེད་པར་གྱུར་གཅིག་ཅེས་སེམས་བསྐྱེད་དོ། །
གྲོང་ཁྱེར་མཐོང་བའི་ཚེ། བྱང་ཆུབ་སེམས་དཔས་སེམས་ཅན་ཐམས་ཅད་གདུལ་དཀའ་བའི་སེམས་དང་ལྡན་པར་གྱུར་ཏེ། ཐུ་བོ་ཆེའི་ལུས་དང་ལྡན་པར་གྱུར་ཅིག་ཅེས་སེམས་བསྐྱེད་དོ། །རྒྱལ་པོའི་
གནས་མཐོང་བའི་ཚེ། བྱང་ཆུབ་སེམས་དཔས་སེམས་ཅན་ཐམས་ཅད་ཡོན་ཏན་གྱི་རྗེས་སུ་འབྲང་བར་འཐུན་པར་མོས་པའི་སེམས་དང་ལྡན་པར་གྱུར་ཅིག་ཅེས་སེམས་བསྐྱེད་དོ། །ནགས་ཚལ་གྱི་འདབ་
མ་མཐོང་བའི་ཚེ་བྱང་ཆུབ་སེམས་དཔས་སེམས་ཅན་ཐམས་ཅད་ལྷ་དང་བཅས་པའི་འཇིག་རྟེན་གྱི་བསྔགས་པར་འོས་པར་གྱུར་ཅིག་ཅེས་སེམས་བསྐྱེད་དོ། །སློང་དུ་འགྲོ་བའི་ཚེ། བྱང་ཆུབ་སེམས་
དཔས་སེམས་ཅན་ཐམས་ཅད་སྒྲིབ་པ་མེད་པའི་ཚུལ་གྱིས་ཆོས་ཀྱི་དབྱིངས་སུ་ཆུད་པར་གྱུར་ཅིག་ཅེས་སེམས་བསྐྱེད་དོ། །སྒོར་ཕྱིན་པའི་ཚེ་བྱང་ཆུབ་སེམས་དཔས་སེམས་ཅན་ཐམས་ཅད་
སངས་རྒྱས་ཀྱི་ཆོས་ཐམས་ཅད་ཀྱི་སྒོར་ཕྱིན་པར་གྱུར་ཅིག་ཅེས་སེམས་བསྐྱེད་དོ། །ནང་དུ་ཕྱིན་པའི་ཚེ། བྱང་ཆུབ་སེམས་དཔས་སེམས་ཅན་ཐམས་ཅད་སངས་རྒྱས་ཀྱི་ཐེག་པ་དུས་གསུམ་མཉམ་
པ་ཉིད་ཀྱི་ནང་དུ་ཕྱིན་པར་གྱུར་ཅིག་ཅེས་སེམས་བསྐྱེད་དོ། །མི་སྦྱིན་ནོ་ཞེས་མ་བྱས་པའི་ཚེ། བྱང་ཆུབ་སེམས་དཔས་སེམས་ཅན་ཐམས་ཅད་བསོད་ནམས་ཀྱི་ཕ་རོལ་ཏུ་ཕྱིན་པ་ཐོབ་པའི་ཕྱིར་
སྤངས་བ་མེད་པར་གྱུར་ཅིག་ཅེས་སེམས་བསྐྱེད་དོ། །མི་སྦྱིན་ནོ་ཞེས་བྱ་བའི་ཚེ། བྱང་ཆུབ་སེམས་དཔས་སེམས་ཅན་ཐམས་ཅད་སེམས་ཅན་དམྱལ་བ་དང་བྱོལ་སོང་གི་སྐྱེ་གནས་དང་། 

72-1-244a

གཤིན་རྗེའི་འཇིག་རྟེན་ལས་ཕྱིར་སྤངས་པར་གྱུར་གཅིག་ཅེས་སེམས་བསྐྱེད་དོ། །ལྷུང་བཟེད་སྟོང་པ་མཐོང་བའི་ཚེ། བྱང་ཆུབ་སེམས་དཔས་སེམས་ཅན་ཐམས་ཅད་ཉོན་མོངས་པ་ཐམས་
ཅད་ཀྱིས་སྟོངས་པར་གྱུར་ཅིག་ཅེས་སེམས་བསྐྱེད་དོ། །ལྷུང་བཟེད་གང་བ་མཐོང་བའི་ཚེ། བྱང་ཆུབ་སེམས་དཔས་སེམས་ཅན་ཐམས་ཅད་ཆོས་དཀར་པོ་ཐམས་ཅད་ཀྱིས་ཡོངས་སུ་རྒྱས་པར་གྱུར་
གཅིག་ཅེས་སེམས་བསྐྱེད་དོ། །རིམ་འགྲོར་བྱས་པའི་ཚེ་བྱང་ཆུབ་སེམས་དཔས་སེམས་ཅན་ཐམས་ཅད་སངས་རྒྱས་ཀྱི་ཆོས་ཀྱི་སྤྱོད་པ་ཐམས་ཅད་ལ་རིམ་འགྲོར་བྱེད་པར་གྱུར་ཅིག་ཅེས་སེམས་བསྐྱེད་དོ། །
རིམ་འགྲོར་མ་བྱས་པའི་ཚེ། བྱང་ཆུབ་སེམས་དཔས་སེམས་ཅན་ཐམས་ཅད་མི་དགེ་བའི་ཆོས་མཆོད་པ་ཐམས་ཅད་ལ་རག་མ་ལུས་པར་གྱུར་ཅིག་ཅེས་སེམས་བསྐྱེད་དོ། །ཁྲེལ་ཡོད་པའི་སེམས་ཅན་
མཐོང་བའི་ཚེ། བྱང་ཆུབ་སེམས་དཔས་སེམས་ཅན་ཐམས་ཅད་དབང་པོ་དབེན་པའི་སྤྱོད་པ་དང་ལྡན་ཞིང་ཁྲེལ་ཡོད་པར་གྱུར་ཅིག་ཅེས་སེམས་བསྐྱེད་དོ། །ངོ་ཚ་མེད་པའི་སེམས་ཅན་མཐོང་བའི་ཚེ། 
བྱང་ཆུབ་སེམས་དཔས་སེམས་ཅན་ཐམས་ཅད་བྱམས་པ་ལ་གནས་ཤིང་། ངོ་ཚ་མེད་པ་ཡོངས་སུ་སྤངས་པར་གྱུར་ཅིག་ཅེས་སེམས་བསྐྱེད་དོ། །ཁ་ཟས་གསོད་པ་མ་ཐོབ་པའི་ཚེ་བྱང་ཆུབ་སེམས་དཔས་
སེམས་ཅན་ཐམས་ཅད་ཟང་ཟིང་མེད་པའི་སེམས་དང་ལྡན་ཞིང་སྨོན་ལམ་ཐམས་ཅད་ཕུན་སུམ་ཚོགས་པར་གྱུར་ཅིག་ཅེས་སེམས་བསྐྱེད་དོ། །ཁ་ཟས་མི་གསོད་པ་ཐོབ་པའི་ཚེ་བྱང་ཆུབ་སེམས་དཔས་
སེམས་ཅན་ཐམས་ཅད་ཏིང་ངེ་འཛིན་ཉམསུ་བདེ་བ་ཐམས་ཅད་ཐོབ་པར་གྱུར་ཅིག་ཅེས་སེམས་བསྐྱེད་དོ། །ཁ་ཟས་སྣུམ་བག་ཐོབ་པའི་ཚེ་བྱང་ཆུབ་སེམས་དཔས་སེམས་ཅན་ཐམས་ཅད་སྙིང་རྗེ་ཆེན་པོ་

72-1-244b

ཡོངས་སུ་བསྒོམས་པའི་སེམས་དང་ལྡན་ཞིང་སེམས་འཇམ་པར་གྱུར་ཅིག་ཅེས་སེམས་བསྐྱེད་དོ། །སྣུམ་བག་མེད་པའི་ཁ་ཟས་ཐོབ་པའི་ཚེ། བྱང་ཆུབ་སེམས་དཔས་སེམས་ཅན་ཐམས་ཅད་འཇིག་རྟེན་གྱི་
སྲེད་པ་དང་བྲལ་ཏེ་སྣུམ་བག་མེད་པའི་སེམས་སུ་གྱུར་ཅིག་ཅེས་སེམས་བསྐྱེད་དོ། །ཁ་ཟས་ཟ་བའི་ཚེ་བྱང་ཆུབ་སེམས་དཔས་སེམས་ཅན་ཐམས་ཅད་ཆོས་ལ་དགའ་བ་དང་རབ་ཏུ་དགའ་བས་ཡོངསུ་རྒྱས་ཤིང་
བསམ་གཏན་གྱི་ཟས་ཟ་བར་གྱུར་ཅིག་ཅེས་སེམས་བསྐྱེད་དོ། །རོ་མྱོང་བའི་ཚེ་བྱང་ཆུབ་སེམས་དཔས་སེམས་ཅན་ཐམས་ཅད་བདུད་རྩིའི་རོས་ངོམས་པར་གྱུར་ཅིག་ཅེས་སེམས་བསྐྱེད་དོ། །སྐྱེས་བུ་ཆེན་པོའི་
མཚན་རོ་བྲོ་བའི་མཆོག་ཐོབ་པར་གྱུར་ཅིག་ཅེས་སེམས་བསྐྱེད་དོ། །ཟས་ཟོས་པའི་ཚེ་བྱང་ཆུབ་སེམས་དཔས་སེམས་ཅན་ཐམས་ཅད་སངས་རྒྱས་ཀྱི་ཆོས་ཀྱི་ཕ་རོལ་ཏུ་ཕྱིན་ཅིང་བྱ་བ་བྱས་པར་གྱུར་ཅིག་
ཅེས་སེམས་བསྐྱེད་དོ། །ཆོས་སྟོན་པའི་ཚེ་བྱང་ཆུབ་སེམས་དཔས་སེམས་ཅན་ཐམས་ཅད་སངས་རྒྱས་ཀྱི་ཆོས་ཐམས་ཅད་ཡང་དག་པར་གཞོལ་ཞིང་སྤོབས་པ་མི་ཟད་པ་དང་ལྡན་པར་གྱུར་ཅིག་ཅེས་སེམས་སྐྱེད་དོ། །
ཕྱིར་འབྱུང་བའི་ཚེ་བྱང་ཆུབ་སེམས་དཔས་སེམས་ཅན་ཐམས་ཅད་སངས་རྒྱས་ཀྱི་ཡེ་ཤེས་ཉམས་སུ་མྱོང་སྟེ། ཁམས་གསུམ་ཐམས་ཅད་ནས་བྱུང་བར་གྱུར་ཅིག་ཅེས་སེམས་བསྐྱེད་དོ། །ཆུ་འབོག་པའི་ཚེ། 
བྱང་ཆུབ་སེམས་དཔས་སེམས་ཅན་ཐམས་ཅད་དུས་གསུམ་མཉམ་པ་ཉིད་ཀྱིས་ཐམས་ཅད་མཁྱེན་པའི་ཡེ་ཤེས་ལ་འབོགས་པར་གྱུར་ཅིག་ཅེས་སེམས་བསྐྱེད་དོ། །ཁྲུས་བྱེད་པའི་ཚེ་བྱང་ཆུབ་སེམས་
དཔས་སེམས་ཅན་ཐམས་ཅད་འོད་མཐའ་ཡས་པ་དང་ལྡན་ཞིང་ལུས་དང་སེམས་དྲི་མ་མེད་པར་གྱུར་ཅིག་ཅེས་སེམས་བསྐྱེད་དོ། །དྲོ་བ་ལ་སྤྱོད་པའི་ཚེ། བྱང་ཆུབ་སེམས་དཔས་སེམས་ཅན་ཐམས་

72-1-245a

ཅད་མུ་མེད་པར་ཕྱིན་པ་སྟེ་ཡོངས་སུ་གདུང་བ་བསིལ་བར་གྱུར་ཅིག་ཅེས་སེམས་བསྐྱེད་དོ། །བསིལ་བ་ལ་སྤྱོད་པའི་ཚེ་བྱང་ཆུབ་སེམས་དཔས་སེམས་ཅན་ཐམས་ཅད་ཤིན་ཏུ་བསིལ་བར་གྱུར་ཏེ། 
བླ་ན་མེད་པའི་བསིལ་བའི་དངོས་པོ་ཁོང་དུ་ཆུད་པར་གྱུར་ཅིག་ཅེས་སེམས་བསྐྱེད་དོ། །ཆོས་ཐོབ་པར་བྱེད་པའི་ཚེ། བྱང་ཆུབ་སེམས་དཔས་སེམས་ཅན་ཐམས་ཅད་སངས་རྒྱས་ཀྱི་ཆོས་ཀྱི་གཏམ་གྱི་རྗེསུ་
འགྲོ་ཞིང་ཆོས་ཀྱི་དབྱིངས་དང་འདྲིས་པར་གྱུར་ཅིག་ཅེས་སེམས་བསྐྱེད་དོ། །སངས་རྒྱས་མཐོང་བའི་ཚེ་བྱང་ཆུབ་སེམས་དཔས་སེམས་ཅན་ཐམས་ཅད་དང་འགྲོགས་པ་རབ་ཏུ་ཐོབ་སྟེ། སྒྲིབ་པ་
མེད་པའི་མིག་དང་ལྡན་པར་གྱུར་ཅིག་ཅེས་སེམས་བསྐྱེད་དོ། །མིག་མི་འགེབས་པར་ལྟ་བའི་ཚེ་བྱང་ཆུབ་སེམས་དཔས་སེམས་ཅན་ཐམས་ཅད་ཀུན་ཏུ་མཛེས་པས་ཀུན་ཏུ་བཟང་པོར་གྱུར་ཅིག་ཅེས་
སེམས་བསྐྱེད་དོ། །མཆོད་རྟེན་མཐོང་བའི་ཚེ་བྱང་ཆུབ་སེམས་དཔས་སེམས་ཅན་ཐམས་ཅད་འགྲོ་བ་ཀུན་གྱིས་མཆོད་པར་འོས་ཤིང་མཆོད་རྟེན་ལྟ་བུར་གྱུར་ཅིག་ཅེས་སེམས་བསྐྱེད་དོ། །ལྟ་བའི་ཚེ་
བྱང་ཆུབ་སེམས་དཔས་སེམས་ཅན་ཐམས་ཅད་ལྷ་དང་བཅས་པའི་འཇིག་རྟེན་གྱི་བལྟ་བར་གྱུར་ཅིག་ཅེས་སེམས་བསྐྱེད་དོ། །སྤྱི་བོས་འཐུག་པའི་ཚེ་བྱང་ཆུབ་སེམས་དཔས་སེམས་ཅན་ཐམས་ཅད་
ལྷ་དང་བཅས་པའི་འཇིག་རྟེན་གྱི་སྤྱི་གཙུག་ལྟར་མི་སྣང་བར་གྱུར་ཅིག་ཅེས་སེམས་བསྐྱེད་དོ། །གཡས་ཕྱོགས་སུ་བསྐོར་བ་བྱེད་པའི་ཚེ། བྱང་ཆུབ་སེམས་དཔས་སེམས་ཅན་ཐམས་ཅད་ཐམས་ཅད་མཁྱེན་པ་
ཉིད་དུ་དོན་དང་འཐུན་པར་གྱུར་ཅིག་ཅེས་སེམས་བསྐྱེད་དོ། །ལན་གསུམ་བསྐོར་བའི་ཚེ་བྱང་ཆུབ་སེམས་དཔས་སེམས་ཅན་ཐམས་ཅད་སངས་རྒྱས་ཀྱི་བྱང་ཆུབ་ཏུ་མོས་པའི་རབ་དང་ལྡན་པར་

72-1-245b

གྱུར་ཅིག་ཅེས་སེམས་བསྐྱེད་དོ། །སངས་རྒྱས་ཀྱི་ཡོན་ཏན་བརྗོད་པའི་ཚེ། བྱང་ཆུབ་སེམས་དཔས་སེམས་ཅན་ཐམས་ཅད་ཡོན་ཏན་གྱི་ཕ་རོལ་ཏུ་ཕྱིན་པས་ཡོན་ཏན་མི་ཟད་པར་གྱུར་ཅིག་ཅེས་
སེམས་བསྐྱེད་དོ། །མཚན་རྣམས་བརྗོད་པའི་ཚེ། བྱང་ཆུབ་སེམས་དཔས་སེམས་ཅན་ཐམས་ཅད་མཚན་ཉིད་མེད་པའི་ཆོས་ལ་གཞོལ་ཞིང་ཡན་ལག་དམ་པ་ཕུན་སུམ་ཚོགས་པར་གྱུར་ཅིག་
ཅེས་སེམས་བསྐྱེད་དོ། །རྐང་པ་འཁྲུ་བའི་ཚེ་བྱང་ཆུབ་སེམས་དཔས་སེམས་ཅན་ཐམས་ཅད་དྲི་མ་མེད་པའི་མཐར་ཕྱིན་ཅིང་རྫུ་འཕྲུལ་གྱི་རྐང་པས་ཕ་རོལ་ཏུ་ཕྱིན་པར་གྱུར་ཅིག་ཅེས་སེམས་
བསྐྱེད་དོ། །ལུས་མྱོང་བའི་ཚེ་བྱང་ཆུབ་སེམས་དཔས་སེམས་ཅན་ཐམས་ཅད་བསམ་པ་ལ་རྙོག་པ་མེད་ཅིང་ལུས་ཀྱི་འདུ་བྱེད་ཤིན་ཏུ་བདེ་བར་གྱུར་ཅིག་ཅེས་སེམས་བསྐྱེད་དོ། །གཉིད་སད་པའི་ཚེ། 
བྱང་ཆུབ་སེམས་དཔས་སེམས་ཅན་ཐམས་ཅད་ཕྱོགས་བཅུ་ཐམས་ཅད་མཐུ་ཆེན་པོ་ཐོབ་པར་གྱུར་ཏེ། ཐམས་ཅད་མཁྱེན་པའི་ཡེ་ཤེས་ལ་ཤིན་ཏུ་རྣམ་པར་སངས་རྒྱས་པའི་སངས་རྒྱས་སུ་གྱུར་ཅིག་
ཅེས་སེམས་བསྐྱེད་དོ། །ཀྱེ་རྒྱལ་བའི་སྲས་འདི་དག་ནི་བྱང་ཆུབ་སེམས་དཔའ་རྣམས་ཀྱི་སེམས་ཀྱི་ལས་ཡིད་ལ་བྱེད་པའི་སྦྱོར་བ་གང་དང་ལྡན་པས་ཡོན་ཏན་གྱི་ཁྱད་པར་འདི་དག་དང་གཞན་
ཐམས་ཅད་ཀྱང་ཐོབ་པར་འགྱུར་ཞིང་། ལྷ་དང་འཇིག་རྟེན་དུ་བཅས་པ་དང་། བདུད་དང་བཅས་པ་དང་། ཚངས་པར་བཅས་པ་དང་། དགེ་སྦྱོང་དང་བྲམ་ཟེ་དང་སྐྱེ་དགུར་བཅས་པ་དང་། ལྷ་དང་དྲི་ཟ་དང་། 
མི་དང་ལྷ་མ་ཡིན་དུ་བཅས་པའི་འཇིག་རྟེན་དང་། ཉན་ཐོས་དང་རང་སངས་རྒྱས་སུ་བཅས་པ། ཐམས་ཅད་ཀྱི་མི་འཕྲོགས་པར་འགྱུར་བའི་བྱང་ཆུབ་སེམས་དཔའི་སེམས་ཀྱི་ལས་ཡིད་ལ་

72-1-246a

སྦྱོར་བ་རྣམས་སོ། །སྤྱོད་ཡུལ་ཡོངས་སུ་དག་པའི་ལེའུ་སྟེ། བཅུ་དྲུག་པའོ།། །།སངས་རྒྱས་རྨད་ག་ཅད་ཅེས་བྱ་བ་ཤིན་ཏུ་རྒྱས་པ་ཆེན་པོའི་མདོ།  བམ་པོ་བཅྭོ་བརྒྱད་པ། །
ཡོན་ཏན་ཡངས་པའི་སྤྱོད་ཡུལ་ཡོངས་དག་པ། །དེ་སྐད་སྨྲས་ནས་སེམས་ཅན་དྲི་མེད་པ། །འཇམ་པའི་དབྱངས་ཀྱིས་བྱང་ཆུབ་ཡོན་ཏན་རྣམས། །སེམས་ཅན་དམ་པ་བཟང་པོའི་དཔལ་ལ་
དྲིས། །སྤྱོད་ཡུལ་ཡོངས་དག་རྒྱལ་བས་སྤྱོད་པའི་རྣམས། །བདག་གིས་རྒྱལ་སྲས་རྣམས་ལ་འདིར་བཤད་དོ། །ཡོན་ཏན་སྤྱོད་པ་ཇི་སྙེད་གང་ཡོད་པ། །རྒྱལ་སྲས་རྣམས་ལ་དེ་ནི་ཁྱོད་ཀྱི་ཤོད། །
བཟང་པོའི་དཔལ་གྱི་སྨྲས་པ་རྒྱལ་སྲས་ཉོན། །ཡོན་ཏན་མཐའ་ཡས་དེ་དག་ཡོན་ཏན་ལས། །མཚོ་ལས་ཐིག་པ་ཇི་བཞིན་ཉུང་ཤེས་ཤིག །མགོ་སྨོས་ཙམ་དུ་ཅུང་ཟད་བརྗོད་པར་བྱ། །བྱང་ཆུབ་དོན་དུ་
རང་འབྱུང་འགྱུར་བྱ་ཞེས། །ཐོག་མར་བྱང་ཆུབ་སེམས་སྐྱེས་གྱུར་པ་ཡི། །ཡོན་ཏན་བརྗོད་པའང་མཐའ་ཡས་དཔག་ཏུ་མེད། །དཔེ་ཟླ་མེད་པས་བརྗོད་ཀྱང་ཟད་མི་འགྱུར། །ཕ་རོལ་ཕྱིན་དང་ས་ཡི་ཡོན་ཏན་ལ། །
བསྐལ་པ་བཟང་པོར་སྤྱད་པ་ཇི་བཞིན་སྨོས། །དེ་དག་ཡོན་ཏན་ཆུ་བོ་ཐམས་ཅད་ནི། །ཕྱོགས་བཅུའི་རྒྱལ་བས་བསྟན་ཀྱང་ཕྱིན་མི་འགྱུར། །ཡོན་ཏན་མཐའ་ཡས་རྣམས་ཀྱི་ཡོན་ཏན་ལ། །དཔེ་ཙམ་ཆ་
ཤས་ཆུང་ཙམ་བརྗོད་པར་བྱ། །མཁའ་ལས་འདབ་ཆགས་ལམ་ལྟར་ཤིན་ཏུ་ཉུང་། །ས་ཆེན་ལྷུན་ལས་རྡུལ་ཕྲན་གཅིག་དང་འདྲ། །བྱང་ཆུབ་ཡོན་ཏན་བསམ་པའི་སེམས་སྐྱེ་བ། །རྒྱུ་མེད་མ་ཡིན་
རྐྱེན་ལས་འབྱུང་བ་ཡིན། །རྒྱལ་བ་རྣམས་དང་བདེ་གཤེགས་ཆོས་རྣམས་དང་། །དགེ་འདུན་རྣམས་ལ་དད་པ་སྐྱེད་པས་སྐྱེ། །དེ་ཡང་འདོད་པའི་སྲེད་པ་རྒྱལ་སྲིད་དང་། །བདག་བདེའི་དོན་དང་གྲགས་དང་

72-1-246b

སྙན་ཕྱིར་མྱིན། །འགྲོ་བའི་སྡུག་བསྔལ་མ་ལུས་གཞིལ་བའི་ཕྱིར། །འཇིག་རྟེན་ཕན་བསྐྱེད་སེམས་ནི་ཡོངསུ་སྐྱེ། །དེ་ནི་སེམས་ཅན་རྟག་ཏུ་བདེ་དོན་བཏང་། །ཞིང་སྦྱངས་སངས་རྒྱས་མང་པོ་མཆོད་པའི་
རྒྱུར། །ཡོངས་སུ་ཆོས་འཛིན་བྱང་ཆུབ་འཚང་རྒྱ་ཞིང་། །ཡེ་ཤེས་རྣམ་པར་སྦྱོང་བའི་སེམས་སྐྱེའོ། །རྒྱལ་བ་ཀུན་དང་ཆོས་དང་དགེ་འདུན་དང་། །དེ་བཞིན་བླ་མར་གྱུར་པ་ཐམས་ཅད་ལ། །དད་དང་མོས་
དང་དག་པ་སྐྱེད་བྱས་ཏེ། །སྲི་ཞུར་མཆོད་བྱས་བྱང་ཆུབ་སེམས་ཀྱང་སྐྱེ། །རྒྱལ་བ་བདེ་གཤེགས་ཆོས་ལ་ཡིད་ཆེས་ནས། །རྒྱལ་སྲས་སྤྱོད་པ་རྣམས་ལ་ཡིད་ཆེས་ཏེ། །བྱང་ཆུབ་བླ་ན་མེད་ལ་ཡིད་
ཆེས་ཤིང་། །སྐྱེས་བུ་དམ་པ་རྣམས་ཀྱི་སེམས་སྐྱེའོ། །དད་པས་སྔོན་འགྲོ་མ་ལྟར་བསྐྱེད་པ་སྟེ། །ཡོན་ཏན་ཐམས་ཅད་ཡོངསུ་སྐྱེ་ཞིང་འདྲེན། །ནེམ་ནུར་རྣམ་སེལ་ནད་ལས་རབ་ཏུ་སྒྲོལ། །དད་པ་བདེ་
བའི་གྲོང་དུ་ཕྱིན་པར་བྱེད། །དད་པ་སེམས་གསལ་རྙོག་པ་མེད་པ་སྟེ། །ང་རྒྱལ་རྣམ་སྤངས་སྲི་ཞུའི་རྩ་བ་ཡིན། །དད་པ་སྤྱོད་མཆོག་ནོར་དང་གཏེར་ཡིན་ཏེ། །ལག་པ་ལྟ་བུ་དགེ་སྡུད་རྩ་བ་ཡིན། །ཡོངསུ་
གཏོང་ལ་དད་པ་དགའ་བར་བྱེད། །རྒྱལ་བའི་ཆོས་ལ་དད་པ་སྤོ་བ་སྐྱེད། །ཡོན་ཏན་ཡེ་ཤེས་ཁྱད་པར་དད་པ་བྱེད། །སངས་རྒྱས་ལམ་ལ་སྟོན་པའང་རྙེད་པར་བྱེད། །དབང་པོ་རྣོ་ཞིང་རབ་ཏུ་གསལ་བ་
དང་། །གཞན་གྱིས་མི་ཐུབ་དངོས་ལ་དད་པར་སྟོབས། །ཉོན་མོངས་ཐུབ་པ་མེད་ལ་གནས་ཡིན་ཏེ། །དད་པ་རང་བྱུང་ཡོན་ཏན་ཚོལ་བ་ཡིན། །དད་པ་ཆགས་པའི་སྒོ་དང་མི་འགྲོགས་ཏེ། །མི་ཁོམ་
སྤོང་ཞིང་འདུ་འཛི་མེད་པར་བྱེད། །དད་པས་བདུད་ཀྱི་ལམ་ལས་བཟློག་པ་སྟེ། །ཐར་ལམ་དམ་པ་ཡོངས་སུ་སྟོན་པ་ཡིན། །ཡོན་ཏན་རྒྱུ་ཡིན་ས་བོན་མ་རུལ་བཞིན། །དད་པ་བྱང་ཆུབ་ཤིང་རབ་རྣམ་

72-1-247a

པར་སྤྱོད། །ཡེ་ཤེས་ཁྱད་པར་སྒོ་རྣམས་འཕེལ་བར་བྱེད། །དད་པ་རྒྱལ་བ་རྣམས་ཀྱི་སྟོན་པ་ཡིན། །དེ་བས་དད་མོས་ཁྱད་པར་དགའ་བ་ལ། །སྤྱོད་པ་རིམ་གྱིས་རྣམ་པར་བརྗོད་པར་བྱ། །ཆོས་ཚུལ་
འདི་འདྲ་འཇིག་རྟེན་རྣམས་ན་དཀོན། །རིན་ཆེན་སེང་གེའི་རྒྱལ་པོ་ཇི་བཞིན་ནོ། །དད་པས་སངས་རྒྱས་སྲི་ཞུ་གང་བྱེད་པ། །དེ་དག་ཚུལ་ཁྲིམས་སློབ་པ་མི་གཏོང་ངོ་། །ཚུལ་ཁྲིམས་སློབ་པ་གང་རྣམས་མི་
གཏོང་བ། །དེ་དག་ཡོན་ཏན་གནས་པས་ཡོན་ཏན་ལྡན། །ཚུལ་ཁྲིམས་བྱང་ཆུབ་ཤེས་རབ་སྟོན་པ་སྟེ། །བསླབ་པས་ས་ཡི་ཡོན་ཏན་ལེགས་ལ་བརྩོན། །ཚུལ་ཁྲིམས་བསླབ་པ་ཡོངས་སུ་མ་བཏང་ན། །
རྒྱལ་བ་རྣམས་ཀྱིས་བསྟོད་ཅིང་བསྔགས་པར་འོས། །དད་པས་སངས་རྒྱས་སྲི་ཞུ་གང་བྱེད་པ། །དེ་དག་རྒྱལ་བའི་མཆོད་པ་ཡངས་པ་བྱེད། །རྒྱལ་བ་རྣམས་ལ་མཆོད་པ་གང་བྱེད་པ། །དེ་དག་སངས་
རྒྱས་མོས་པ་བསམ་མི་ཁྱབ། །དད་པས་ཆོས་ལ་ཕུ་དུད་གང་བྱེད་པ། །དེ་དག་རྒྱལ་བའི་ཆོས་ཀྱིས་མི་ངོམས་ཉན། །རྒྱལ་བའི་ཆོས་ཀྱིས་མི་ངོམས་སུ་ཉན་པ། །དེ་དག་བསམ་གྱིས་མི་ཁྱབ་ཆོས་
ལ་མོས། །དད་པས་དགེ་འདུན་ཕུ་དུད་སུ་བྱེད་པ། །དེ་དག་མི་ལྡོག་དགེ་འདུན་རྣམས་ལ་མོས། །མི་ལྡོག་དགེ་འདུན་རྣམས་སུ་ལ་མོས་པ། །དེ་དག་དད་པའི་སྟོབས་ཀྱིས་ཕྱིར་མི་ལྡོག །དད་པའི་སྟོབས་
ཀྱིས་གང་རྣམས་མི་ལྡོག་པ། །དེ་དག་དབང་པོ་རབ་ཏུ་གསལ་ཞིང་རྣོ། །གང་རྣམས་དབང་པོ་རབ་ཏུ་གསལ་རྣོ་བ། །དེས་ནི་སྡིག་པའི་གྲོགས་པོ་རྣམ་པར་སྤངས། །གང་གིས་སྡིག་པའི་གྲོགས་པོ་རྣམ་
སྤངས་པ། །དེ་དག་ཆོས་ཀྱི་བཤེས་གཉེན་ཡོངས་སུ་འཛིན། །ཆོས་ཀྱི་བཤེས་གཉེན་གང་གིས་ཡོངས་བཟུང་བ། །དེ་དག་དག་པ་རྒྱ་ཆེན་ཡོངས་སུ་སྩོགས། །དགེ་བ་རྒྱ་ཆེན་ཡོངསུ་གང་སྩོགས་

72-1-247b

པ། །བདག་ཉིད་ཆེ་བ་རྒྱུ་མཐུན་གང་ལྡན་པ། །དེ་དག་མོས་པའི་ཁྱད་པར་ཡངས་པ་འཐོབ། །མོས་པ་ཡངས་པའི་ཁྱད་པར་སུ་ཐོབ་པ། །དེ་དག་རྟག་ཏུ་རྒྱལ་བས་བྱིན་གྱིས་རླབས། །རྒྱལ་བའི་བྱིན་གྱིས་
གང་རྣམས་རླབས་གྱུར་པ། །དེ་དག་བྱང་ཆུབ་དོན་དུ་སེམས་ཀྱང་སྐྱེ། །བྱང་ཆུབ་དོན་དུ་གང་གིས་སེམས་སྐྱེས་པ། །དེ་བཞིན་དྲང་སྲོང་ཆེན་པོའི་ཡོན་ཏན་བརྩོན། །དྲང་སྲོང་ཆེན་པོའི་ཡོན་ཏན་གང་
བརྩོན་པ། །དེ་དག་སངས་རྒྱས་རིགས་སུ་རིགས་ལྡན་སྐྱེས། །སངས་རྒྱས་རིགས་སུ་རིགས་ལྡན་གང་སྐྱེས་པ། །དེ་དག་འདུ་དང་འབྲལ་བ་རྣམ་པར་སྤངས། །འདུ་དང་འབྲལ་བ་གང་གིས་རྣམ་སྤང་
པ། །དེ་དག་བསམ་པ་དངས་ཞིང་རྣམ་པར་དག །གང་གིས་བསྩལ་ཞིང་བསམ་པ་རྣམ་དག་པ། །དེ་དག་ལྷག་པའི་བསམ་པ་དམ་པའི་མཆོག །ལྷག་བསམ་དམ་པའི་མཆོག་དང་སུ་ལྡན་པ། །
དེ་དག་རྟག་ཏུ་ཕ་རོལ་ཕྱིན་ལ་སྤྱོད། །ཕ་རོལ་ཕྱིན་ལ་རྟག་ཏུ་སུས་སྤྱོད་པ། །དེ་དག་ཐེག་པ་ཆེན་པོ་འདི་ལ་སྤྱོད། །ཐེག་པ་ཆེན་པོ་འདི་ལ་སུ་སྤྱོད་པ། །དེ་དག་ནན་ཏན་དམ་པས་སངས་རྒྱས་མཆོད། །
ནན་ཏན་དམ་པས་སངས་རྒྱས་སུ་མཆོད་པ། །དེ་དག་སངས་རྒྱས་རྗེས་དྲན་ཕྱེད་པ་མེད། །སངས་རྒྱས་རྗེས་དྲན་གང་ལ་མི་ཕྱེད་པ། །དེ་དག་རྟག་ཏུ་སངས་རྒྱས་བསམ་ཡས་མཐོང་། །རྟག་ཏུ་སངས་རྒྱས་བསམ་
ཡས་སུས་མཐོང་བ། །དེ་དག་རྟག་ཏུ་སངས་རྒྱས་མི་འགྲོགས་མིན། །རྟག་ཏུ་སངས་རྒྱས་མི་འགྲོགས་སུ་མ་ཡིན། །རྟག་ཏུ་ཆོས་ནི་ནུབ་པ་གང་ཡང་མེད། །གང་ལ་ཆོས་ནུབ་འགྱུར་བ་མེད་འགྱུར་བ། །
དེ་དག་སྤོབས་པ་སྒྲིབ་པ་མེད་དང་ལྡན། །སྤོབས་པ་སྒྲིབ་པ་མེད་དང་སུ་ལྡན་པ། །དེ་དག་ཆོས་རབ་སྟོན་པ་མཐའ་ཡང་ཡས། །གང་གི་ཆོས་རབ་བསྟན་པ་མཐའ་ཡས་པ། །དེ་དག་འགྲོ་ལ་

72-1-248a

བྱམས་པས་ཕན་པ་ཚོལ། །འགྲོ་ལ་བྱམས་པས་ཕན་པ་སུ་ཚོལ་བ། །དེ་དག་སྙིང་རྗེ་ཆེན་པོའི་རྩ་བ་བཏན། །སྙིང་རྗེ་ཆེན་པོའི་རྩ་བ་སུ་བཏན་པ། །དེ་དག་ཆོས་ཀྱི་དགའ་བས་དབང་པོ་
དགའ། །ཆོས་ཀྱི་དགའ་བས་དབང་པོ་གང་དགའ་བ། །དེ་དག་འདུ་བྱེད་ཉེས་ལ་བཏང་སྙོམས་སོ། །འདུ་བྱེད་ཉེས་པ་གང་གིས་བཏང་སྙོམས་པ། །དེ་དག་ང་རྒྱལ་རློམས་སེམས་བག་མེད་སྤངས། །ང་རྒྱལ་
རློམས་སེམས་བག་མེད་སུས་སྤངས་པ། །དེ་དག་རྟག་ཏུ་བདག་དང་གཞན་དོན་བརྩོན། །བདག་དང་གཞན་དོན་རྟག་ཏུ་སུ་བརྩོན་པ། །དེ་དག་འཁོར་བས་ཡོངས་སུ་སྐྱོ་བ་མེད། །གང་ལ་འཁོར་བས་ཡོངསུ་སྐྱོ་
མེད་པ། །དེ་དག་བརྩོན་འགྲུས་དམ་པ་མཆོག་དང་ལྡན། །བརྩོན་འགྲུས་དམ་པ་མཆོག་དང་སུ་ལྡན་པ། །དེ་དག་མངོན་ཤེས་རྣམ་དག་མངོན་པར་སྐྱེས། །གང་གི་མངོན་ཤེས་རྣམ་དག་མངོན་སྐྱེས་པ། །དེ་དག་སྤྱོད་
པ་མཆོག་གི་དྲ་བར་ཞུགས། །སྤྱོད་པ་མཆོག་གི་དྲ་བར་བཞུགས་གྱུར་པ། །དེ་དག་འགྲོ་བ་ཡོངསུ་སྨིན་པར་མཁས། །འགྲོ་བ་ཡོངས་སུ་སྨིན་པར་གང་མཁས་པ། །དེ་དག་འགྲོ་སྡུད་ཡེ་ཤེས་ཚུལ་ལ་མཁས། །
འགྲོ་སྡུད་ཡེ་ཤེས་ཚུལ་ལ་སུ་མཁས་པ། །དེ་དག་བསྡུ་བའི་དངོས་པོ་བཞི་ལ་བརྩོན། །བསྡུ་དངོས་བཞི་ལ་གང་རྣམས་བརྩོན་འགྲུས་པ། །དེ་དག་འགྲོ་བའི་དོན་མང་མཐའ་ཡས་བྱེད། །འགྲོ་བའི་དོན་མང་
མཐའ་ཡས་སུ་བྱེད་པ། །དེ་དག་ཤེས་རབ་ཐབས་ཀྱི་སྟོབས་མཆོག་ལྡན། །ཤེས་རབ་ཐབས་ཀྱི་སྟོབས་མཆོག་སུ་ལྡན་པ། །དཔའ་བོ་དེ་དག་བླ་མེད་ལམ་ལ་གནས། །བླ་མེད་ལམ་ལ་དཔའ་བོ་གང་
གནས་པ། །དེ་དག་བདུད་ཀྱི་དཔུང་གིས་ཐུབ་པ་མྱིན། །གང་རྣམས་བདུད་ཀྱི་དཔུང་གིས་ཐུབ་མིན་པ། །དེ་དག་བདུད་ལམ་བཞི་ལས་ཡོངས་སུ་འདས། །བདུད་ལམ་བཞི་ལས་ཡོངསུ་སུ་འདས་པ། །

72-1-248b

དེ་དག་ཕྱིར་མི་ལྡོག་གི་སར་ཡང་ཕྱིན། །མི་ལྡོག་སར་ནི་གང་གིས་ཕྱིན་གྱུར་པ། །དེ་དག་མི་སྐྱེའི་བཟོད་པ་ཐོབ་པ་ཡིན། །མི་སྐྱེའི་བཟོད་པ་གང་གིས་ཐོབ་གྱུར་པ། །འཇིག་རྟེན་སྒྲོན་དེ་རྒྱལ་བས་ལུང་
ཡང་བསྟན། །འཇིག་རྟེན་སྒྲོན་མ་རྒྱལ་བས་ལུང་བསྟན་པ། །དེ་དག་རྒྱལ་བ་ཀུན་དང་མངོན་དུ་གནས། །རྒྱལ་བ་ཀུན་དང་མངོན་དུ་སུ་གནས་པ། །དེ་དག་རྒྱལ་བའི་རྫུ་འཕྲུལ་གསང་ལ་མཁས། །
རྒྱལ་བའི་རྫུ་འཕྲུལ་གསང་ལ་སུ་མཁས་པ། །དེ་དག་རྒྱལ་བ་ཀུན་གྱིས་དགོངས་པ་ཡིན། །གང་རྣམས་རྒྱལ་བ་ཀུན་གྱིས་དགོངས་གྱུར་པ། །དེ་དག་སངས་རྒྱས་ཡོན་ཏན་ཡོངས་ཀྱིས་བརྒྱན། །
སངས་རྒྱས་ཡོན་ཏན་ཡོངས་ཀྱི་སུ་བརྒྱན་པ། །དེ་དག་བསོད་ནམས་དམ་པས་ལུས་ཀྱང་སྦྱངས། །བསོད་ནམས་དམ་པས་གང་གིས་ལུས་སྦྱངས་པ། །དེ་དག་གསེར་གྱིས་རི་བོ་འདྲ་བར་འབར། །
གསེར་གྱི་རི་བོ་འདྲ་བར་སུ་འབར་བ། །དེ་དག་མཚན་རབ་སུམ་བཅུ་གཉིས་དང་ལྡན། །མཚན་རབ་སུམ་བཅུ་གཉིས་དང་སུ་ལྡན་པ། །དེ་དག་དཔེ་བྱད་བཟང་པོས་ལུས་ཀྱང་བྲིས། །དཔེ་བྱད་
བཟང་པོས་གང་གིས་ལུས་བྲིས་པ། །དེ་དག་ལུས་འོད་ཀུན་ཏུ་མཐའ་ཡས་སོ། །གང་གིས་ལུས་འོད་ཀུན་ཏུ་མཐའ་ཡས་པ། །དེ་དག་འོད་ཟེར་བརྒྱན་ཀྱང་བསམ་མི་ཁྱབ། །གང་ལ་འོད་
གཟེར་བསམ་ཡས་རྒྱན་ཡོད་པ། །དེ་དག་འོད་ལས་པདྨོ་མང་པོ་འབྱུང་། །གང་གིས་འོད་ལས་པདྨོ་མང་འབྱུང་བ། །དེ་དག་རྒྱལ་བ་པདྨོའི་གདན་བཞུགས་ཏེ། །སྟོན་ཅིང་ཕྱོགས་བཅུའི་འཇིག་
རྟེན་ཀུན་ཏུ་ཡང་། །དོན་ཡོད་རྣམ་པར་སྤྱོད་ཅིང་སེམས་ཅན་འདུལ། །གང་རྣམས་རྒྱལ་བ་པདྨོའི་གདན་བཞུགས་པ། །སྟོན་ཅིང་ཕྱོགས་བཅུ་ཞིང་རྣམས་ཀུན་ཏུ་ཡང་། །དོན་ཡོད་རྣམ་སྤྱོད་

72-1-249a

སེམས་ཅན་འདུལ་བྱེད་པ། །དེ་དག་མངོན་ཤེས་རྣམ་འཕྲུལ་མཐའ་ཡང་ཡས། །གང་གི་མངོན་ཤེས་རྣམ་འཕྲུལ་མཐའ་ཡས་པ། །དེ་དག་བསམ་གྱིས་མི་ཁྱབ་ཆོས་སྟོན་ཅིང་། །སེམས་ཅན་བསམ་
གྱིས་མི་ཁྱབ་དགའ་བྱེད་པ། །བསམ་གྱིས་མི་ཁྱབ་ཞིང་ནི་རྣམ་པར་སྤྱོད། །གང་རྣམས་བསམ་གྱིས་མི་ཁྱབ་ཆོས་སྟོན་ཅིང་། །བསམ་ཡས་སེམས་ཅན་དགའ་བར་སུས་བྱེད་པ། །དེ་དག་བསམ་པ་ཇི་བཞིན་
འཇིག་རྟེན་ན། །ཐ་དད་ཡང་དག་ཤེས་མཐུས་སེམས་ཅན་འདུལ། །ཐ་དད་ཡང་དག་ཤེས་པའི་ཡེ་ཤེས་མཐུས། །བསམ་པ་ཇི་བཞིན་སེམས་ཅན་སུ་འདུལ་བ། །དེ་དག་ལུས་དང་ངག་ཡིད་རྟག་དུས་སུ། །ཡེ་ཤེས་
སྔོན་དུ་འགྲོ་བར་ཤིན་ཏུ་འབྱུང་། །གང་གི་ལུས་དང་ངག་ཡིད་རྟག་དུས་སུ། །ཡེ་ཤེས་སྔོན་དུ་འགྲོ་བར་རབ་འབྱུང་བ། །དེ་དག་སྨོན་ལམ་སྟོབས་ཀྱིས་ཅི་དགའ་བར། །སེམས་ཅན་རྒྱུད་དུ་གཟུགས་མང་ཡོངས་སུ་སྟོན། །
སྨོན་ལམ་སྟོབས་ཀྱིས་གང་རྣམས་ཅི་དགའ་བར། །སེམས་ཅན་རྒྱུད་དུ་གཟུགས་མང་སྟོན་བྱེད་པ། །དེ་དག་ཚིག་དུ་བརྗོད་ཅིང་ཅི་སྨྲ་ཡང་། །སྒྲ་ལ་དབྱངས་ཀྱི་ཡན་ལག་བསམ་མི་ཁྱབ། །ཚིག་ཏུ་བརྗོད་ཅིང་
ཅི་དང་ཅི་སྨྲ་ཡང་། །གང་གི་སྒྲ་དབྱངས་ཡན་ལག་བསམ་ཡས་པ། །དེ་དག་འགྲོ་བ་མ་ལུས་ཐམས་ཅད་ཀྱིས། །བསམ་པའི་སེམས་རྣམས་ཡུད་ཀྱིས་རྣམ་པར་ཤེས། །གང་གིས་མ་ལུས་འགྲོ་བ་ཐམས་ཅད་
ཀྱི། །བསམ་པའི་སེམས་རྣམས་ཡུད་ཀྱིས་རྣམ་ཤེས་པ། །དེ་དག་སྐྱེ་དང་ཤི་འཕོ་ནམ་ཡང་མེད། །ཉོན་མོངས་རྒྱུ་བ་འང་དེ་བཞིན་སྐྱེ་བ་མེད། །སྐྱེ་དང་ཤི་འཕོ་གང་ལ་མེད་གྱུར་ཅིང་། །ཉོན་མོངས་སྐྱེད་ཀྱང་
དེ་བཞིན་སྐྱེ་མེད་པ། །དེ་དག་ཡོན་ཏན་ཆོས་ཉིད་ཡེ་ཤེས་འཇུག །ཆོས་ཀྱིས་སྨོས་པར་འཇིག་རྟེན་ཀུན་ཏུ་སྟོན། །ཡོན་ཏན་ཆོས་ཉིད་ཡེ་ཤེས་སུས་ལྡན་ཞིང་། །ཆོས་ཀྱིས་སྤྱོད་པར་འཇིག་རྟེན་སུ་སྤྱོད་པ། །

72-1-249b

དེ་དག་ས་བཅུ་རྣམས་དང་དབང་བཅུ་ཡི། །ཕ་རོལ་ཕྱིན་མཆོག་རྣམ་པར་ཐར་ལ་སྤྱོད། །གང་རྣམས་ས་བཅུ་དབང་རྣམས་བཅུ་པོ་ཡི། །ཕ་རོལ་ཕྱིན་མཆོག་རྣམ་པར་ཐར་སྤྱོད་པ། །དེ་དག་མངོན་ཤེས་
བརྒྱན་གྱིས་རྣམ་པར་འཕྲུལ། །ཏིང་འཛིན་དམ་པས་རྣམ་པར་སྤྱོད་པ་ཐོབ། །མངོན་པར་ཤེས་པའི་རྒྱན་གྱིས་རྣམ་འཕྲུལ་ཞིང་། །ཏིང་འཛིན་མཆོག་གིས་རྣམ་སྤྱོད་སུས་ཐོབ་པ། །དེ་དག་ཕྱོགས་བཅུའི་
རྒྱལ་བ་ཐམས་ཅད་ལས། །དབང་བསྐུར་རྒྱན་རྣམས་ཐམས་ཅད་ཡོངས་སུ་ནོད། །གང་རྣམས་ཕྱོགས་བཅུའི་རྒྱལ་བ་ཐམས་ཅད་ལས། །དབང་བསྐུར་རྒྱན་རྣམས་ཐམས་ཅད་ནོད་བྱེད་པ། །དེ་དག་སྤྱི་བོར་
ཕྱོགས་བཅུའི་སངས་རྒྱས་ཀྱིས། །ཕྱག་མཐིལ་བདུད་རྩིས་མངོན་པར་དབང་ཡང་བསྐུར། །གང་རྣམས་སྤྱི་བོར་ཕྱོགས་བཅུའི་སངས་རྒྱས་ཀྱིས། །ཕྱག་མཐིལ་བདུད་རྩིས་མངོན་པར་དབང་བསྐུར་བ། །
དེ་དག་མ་ལུས་ནམ་མཁའ་རྒྱས་བྱས་ཤིང་། །ཕྱོགས་རྣམས་ཀུན་ཏུ་མཐུ་བརྟན་གནས་པ་བྱེད། །གང་རྣམས་ནམ་མཁའ་མ་ལུས་རྒྱས་བཀང་ཞིང་། །ཕྱོགས་རྣམས་ཀུན་ཏུ་མཐུ་བརྟན་གནས་
བྱེད་པ། །དཔེ་མེད་དེ་དག་སྤྱོད་ཡུལ་ཤེས་པར་ནི། །འཇིག་རྟེན་ལྷ་དང་བཅས་པས་མི་ནུས་སོ། །དཔེ་མེད་གང་གིས་སྤྱོད་ཡུལ་ཤེས་བྱ་བར། །འཇིག་རྟེན་ལྷ་དང་བཅས་པས་མི་ནུས་པ། །དེ་དག་བརྩོན་འགྲུས་
ཐམས་ཅད་དོན་ཀྱང་ཡོད། །མཐོང་དང་མིང་ཐོས་པའང་དོན་ཡོད་དོ། །གང་རྣམས་བརྩོན་འགྲུས་ཐམས་ཅད་དོན་ཡོད་ཅིང་། །མཐོང་དང་མིང་ཐོས་སྤོབས་པ་མཐའ་ཡས་འགྱུར། །སྐྱེས་ཆེན་དེ་དག་སྦྱིན་
བདག་གཏོང་བ་ཡི། །སྦྱིན་པས་གནས་ཏེ་ཐམས་ཅད་དོན་ཀྱང་ཡོད། །སྐྱེས་བུ་དམ་པ་དེ་དག་བྱིན་མཐུ་ཡིས། །དམ་ཆོས་ཚུལ་ནི་མི་འཇིག་བརྟན་པར་གནས། །དགེ་བའི་ལས་ལམ་དམ་པ་མཆོག་

72-1-250a

རྣམས་ཀྱང་། །རིན་ཆེན་འདི་མཐུས་ཀུན་ན་རྒྱུ་ཤིང་གནས། །རྡོ་རྗེ་སྡུག་པོའི་རིན་ཆེན་ཚོགས་ཡོད་པས། །དེ་ཡི་མཐུ་ཡིས་རྒྱ་མཚོའི་རིན་ཆེན་རྣམས། །མི་ཟད་འཕེལ་ཞིང་འགྲིབ་པ་གང་ཡང་མེད། །
དེ་བཞིན་ཡོན་ཏན་མཐའ་ཡས་ཡོན་ཏན་མཚོ། །སངས་རྒྱས་མི་བཞུགས་ཞིང་རྣམས་གང་ཡོད་པ། །དེ་དག་ཀུན་ཏུ་བྱང་ཆུབ་སངས་རྒྱས་སྟོན། །ཕྱོགས་རྣམས་གང་ན་དམ་ཆོས་མེད་གྱུར་པ། །དེ་དག་ཀུན་ཏུ་
ཆོས་ཀྱི་གཏེར་སྟོན་ཏོ། །དེ་དག་མི་རྟོག་རྣམ་པར་མི་རྟོག་སྟེ། །ལྷུན་གྱིས་གྲུབ་པར་ཕྱོགས་རྣམས་ཐམས་ཅད་དུ། །ཟླ་བ་ལྟ་བུར་གཟུགས་བརྙན་སྟོན་བྱེད་ཅིང་། །ཐབས་མང་སྟོང་གིས་སེམས་ཅན་འདུལ་
བ་བྱེད། །དེ་དག་སྐད་ཅིག་རེ་རེ་བྱང་ཆུབ་ཏུ། །རྣམ་པར་སངས་རྒྱས་ཕྱོགས་བཅུ་ཀུན་ཏུ་སྟོན། །འཁོར་ལོ་བསྐོར་དང་མྱ་ངན་འདས་ཞི་དང་། །སྐུ་གསུམ་རྒྱ་ཆེན་དེ་བཞིན་དཔའ་བོ་སྟོན། །མཁས་པ་དེ་
བཞིན་ཉན་ཐོས་རང་སངས་རྒྱས། །སངས་རྒྱས་རྣམ་འཕྲུལ་རྒྱན་རྣམས་མཐའ་ཡས་པ། །ཡོངས་སུ་སྟོན་ཅིང་བསྐལ་པ་བསམ་ཡས་སུ། །ཐེག་པ་གསུམ་གྱི་སྒོ་ནས་སེམས་ཅན་འདུལ། །ཁྱེའུ་དང་བུ་མོ་དེ་
བཞིན་བུད་མེད་ལུས། །སྐྱེས་པ་ལྷ་དང་ལྷ་མིན་ཀླུ་རྣམས་དང་། །གནོད་སྦྱིན་གྲུལ་བུམ་ལྟོ་འཕྱེ་ཆེན་པོའི་གཟུགས། །མོས་པ་ཐམས་ཅད་ཚུལ་མཁས་ཡོངས་སུ་སྟོན། །ཏིང་འཛིན་རྒྱ་མཚོའི་བརྒྱ་ཡི་
སྒོ་དག་ནས། །འགྲོ་བའི་གཟུགས་མང་རྒྱུད་ནི་ཇི་སྙེད་དང་། །ཆ་བྱད་སྤྱད་པ་སྒྲ་དབྱངས་ཚུལ་གྱི་རྣམས། །ཐམས་ཅད་མ་ལུས་དཔའ་བོ་སྟོན་པ་བྱེད། །དེ་དག་ཞིང་རྒྱན་བསམ་གྱིས་མི་ཁྱབ་སྟེ། །ཕྱོགས་བཅུའི་
རྒྱལ་བ་ཐམས་ཅད་མཆོད་པ་བྱེད། །དེ་དག་འོད་ཟེར་མང་པོ་བསམ་མི་ཁྱབ། །སེམས་ཅན་དང་འབྲེལ་ཡེ་ཤེས་མཐའ་ཡང་ཡས། །དེ་ཚིག་གི་རྣམ་འཕྲུལ་ཡེ་ཤེས་རྣམ་འཕྲུལ་དང་། །ལུས་ཀྱི་རྣམ་འཕྲུལ་

72-1-250b

བསམ་གྱིས་མི་ཁྱབ་སྟེ། །སྦྱིན་པ་ཚུལ་ཁྲིམས་རྣམ་པར་འཕྲུལ་པའི་དང་། །བཟོད་པ་བརྩོན་འགྲུས་རྣམ་འཕྲུལ་བསམ་མི་ཁྱབ། །དེ་དག་བསམ་གཏན་ཤེས་རབ་རྣམ་འཕྲུལ་དང་། །ཐབས་དང་མངོན་ཤེས་
རྣམ་འཕྲུལ་བསམ་མི་ཁྱབ། །སངས་རྒྱས་ཚོགས་ཀྱི་ཏིང་འཛིན་སྒོ་དག་ནས། །ཡོན་ཏན་ཀུན་གྱིས་རྣམ་འཕྲུལ་མཐའ་ཡས་པ། །དེ་དག་རྡུལ་ཕྲན་འཇུག་པའི་ཏིང་འཛིན་རྣམས། །རྡུལ་ཕྲན་ཀུན་ལ་མངོན་
པར་བསྒྲུབ་བྱེད་ཅིང་། །རྡུལ་ཕྲན་རྩེ་གཅིག་བསམ་ཡས་ཞིང་རྣམས་ལ། །སྟོན་པར་བྱེད་ཀྱང་རྡུལ་ལ་འཕེལ་བ་མྱེད། །རྡུལ་གཅིག་རྩེ་ལའང་སངས་རྒྱས་བཞུགས་ཞིང་དང་། །སངས་རྒྱས་མི་བཞུགས་ཞིང་
ཡང་དེ་བཞིན་སྟོན། །ལ་ལ་ཉོན་མོངས་རྣམ་དག་དོག་པ་དང་། །ཡངས་ཤིང་ཕྲ་དང་ཆེ་བའི་ཞིང་ཡང་སྟོན། །ཞིང་རྣམས་ལ་ལ་འཇིག་ཅིང་འདུ་བ་དང་། །ལ་ལ་སྤྱི་ཚུགས་རིམ་གྱིས་གནས་པར་སྟོན། །ལ་ལ་སྣྲེལ་ཞི་
མྱིག་རྒྱུ་ལྟ་བུ་སྟེ། །དེ་བཞིན་གཞན་རྣམས་མིག་འཕྲུལ་ལྟ་བུར་སྟོན། །དེ་དག་རྡུལ་ཅིག་རྩེར་སྟོན་ཇི་བཞིན་དུ། །མ་ལུས་རྡུལ་རྣམས་ཀུན་ལ་དེ་བཞིན་ཏེ། །དྲང་སྲོང་ཏིང་འཛིན་རྣམ་འཕྲུལ་དེ་འདྲའོ། །
མཐའ་ཡས་གྲགས་པའི་རྣམ་ཐར་དེ་འདྲའོ། །རྒྱལ་བ་མཆོད་པའི་རྣམ་འཕྲུལ་ཏིང་ངེ་འཛིན། །རྒྱལ་བ་ཀུན་ལ་མངོན་པར་སྒྲུབ་བྱེད་ཀྱང་། །ལག་པའི་མཐིལ་གྱིས་སྟོང་གསུམ་རྒྱས་བཀང་ཞིང་། །སྐྱེས་
བུ་ཆེན་པོ་རྣམས་ལ་མཆོད་པ་བྱེད། །ཕྱོགས་བཅུ་ཀུན་ན་མེ་ཏོག་ཕྲེང་བ་དང་། །སྤོས་དང་བྱུག་པ་རིན་ཆེན་རིན་ཆེ་བ། །དེ་དག་བྱང་ཆུབ་ཤིང་དྲུང་བཞུགས་པ་ཡི། །རྒྱལ་བ་མཆོད་ཕྱིར་ལག་པའི་མཐིལ་
ནས་འགྱེད། །ན་བཟའ་མར་མེ་རིན་ཆེན་ཇི་སྙེད་དང་། །རྒྱལ་མཚན་བ་དན་གདུགས་དམ་སྣ་ཚོགས་དང་། །གསེར་གྱི་རྒྱན་དང་རིན་ཆེན་བླ་རེ་དག །ལག་མཐིལ་དེ་ནས་ཆར་དུ་མངོན་པར་འབེབས། །ཕྱོགས་

72-1-251a

རྣམས་མཐའ་ཡས་ཀུན་གྱི་ཡོ་བྱད་རྣམས། །དྲང་སྲོང་ཆེ་ལ་མཆོད་པ་གང་འོས་པ། །དེ་དག་ལག་མཐིལ་དེ་ནས་ཆར་དུ་འབེབས། །བྱང་ཆུབ་ཤིང་དྲུང་རྒྱལ་བ་མཆོད་པ་བྱེད། །རོལ་མོའི་
རྣམ་པ་ཕྱོགས་ན་ཇི་སྙེད་པ། །རྔ་ཆེན་རྔ་དང་པི་ཝང་སྒྲ་སྙན་དང་། །རོལ་མོ་བརྡུང་བཀྲོལ་གླིང་བུ་སྒྲ་རབ་དང་། །དེ་དག་ལག་མཐིལ་དེ་ནས་སྒྲ་ཡང་སྒྲོགས། ཕྱོགས་བཅུའི་དཔེ་མེད་ཇི་སྙེད་བཞུགས་
པ་ཡི། །བདེ་གཤེགས་ཡོན་ཏན་ལེགས་པ་སྣ་ཚོགས་དང་། །བསྟོད་པའི་ཚིགས་བཅད་བསྒྲུབས་པ་སྣ་ཚོགས་དང་། །ལག་མཐིལ་དེ་ནས་སྒྲ་རབ་སྙན་པར་འབྱུང་། །དེ་དག་འོད་གཟེར་ལས་དགེས་ཡོངས་
བསྩགས་པ། །ལག་པ་གཡས་ནས་ཡོངས་སུ་འགྱེད་བྱེད་ཅིང་། །རྒྱལ་བའི་ཞིང་རྣམས་སྤོས་ཆུས་མ་ལུས་པར། །ཀུན་ཏུ་བཏབ་ཅིང་འཇིག་རྟེན་སྒྲོན་མ་མཆོད། །འོད་ཟེར་ཡིད་འོང་
སྣང་ཞིང་རྒྱན་ལྡན་པ། །ལག་པའི་མཐིལ་བཀྱེ་པད་མོ་བསམ་མི་ཁྱབ། །པད་མོ་རྒྱན་འཕྱང་མཚན་སྡུག་དུ་མའི་གཟུགས། །མང་པོ་བཀྱེ་ཞིང་རྒྱལ་བ་མཆོད་པ་བྱེད། །འོད་ཟེར་མེ་ཏོག་རྒྱན་རྣམས་རབ་
ཀྱེ་ཞིང་། །མེ་ཏོག་རྒྱན་དང་མེ་ཏོག་བླ་རེ་དང་། །མེ་ཏོག་སྣ་ཚོགས་ཀུན་ཏུ་ཡོངས་བཀང་ཞིང་། །བདག་ཉིད་ཆེ་བ་དེ་དག་རྒྱལ་བ་མཆོད། །འོད་ཟེར་སྤོས་ཀྱི་རྒྱན་རྣམས་རབ་བཀྱེ་ཞིང་། །སྤོས་ཀྱི་རྒྱན་དང་སྤོས་ཀྱི་
བླ་རེ་དང་། །སྣ་ཚོགས་སྤོས་ཀྱིས་ཀུན་ཏུ་ཡོངས་བཀང་ཞིང་། །བདག་ཉིད་ཆེ་བ་དེ་དག་རྒྱལ་བ་མཆོད། །འོད་ཟེར་ཕྱེ་མའི་རྒྱན་རྣམས་རབ་བཀྱེ་ཞིང་། །ཕྱེ་མའི་རྒྱན་དང་ཕྱེ་མའི་བླ་རེ་དང་། །ཕྱེ་མ་སྣ་ཚོགས་
ཀུན་ཏུ་ཡོངས་བཀང་ཞིང་། །བདག་ཉིད་ཆེ་བ་དེ་དག་རྒྱལ་བ་མཆོད། །འོད་ཟེར་ན་བཟའ་རྒྱན་རྣམས་རབ་བཀྱེ་ཞིང་། །ནམ་བཟའི་རྒྱན་དང་ན་བཟའི་བླ་རེ་དང་། །ན་བཟའི་སྣ་ཚོགས་ཀུན་ཏུ་ཡོངས་བཀང་

72-1-251b

ཞིང་། །བདག་ཉིད་ཆེ་བ་དེ་དག་རྒྱལ་བ་མཆོད། །འོད་ཟེར་རིན་ཆེན་རྒྱན་རྣམས་རབ་བཀྱེ་ཞིང་། །རིན་ཆེན་རྒྱན་དང་རིན་ཆེན་བླ་རེ་དང་། །རིན་ཆེན་སྣ་ཚོགས་ཀུན་ཏུ་ཡོངས་བཀང་ཞིང་། །བདག་ཉིད་ཆེ་བ་དེ་
དག་རྒྱལ་བ་མཆོད། །འོད་ཟེར་པད་མོའི་རྒྱན་རྣམས་རབ་བཀྱེ་ཞིང་། །པད་མོའི་རྒྱན་དང་པད་མོའི་བླ་རེ་དང་། །པད་མའི་སྣ་ཚོགས་ཀུན་ཏུ་ཡོངས་བཀང་ཞིང་། །བདག་ཉིད་ཆེ་བ་དེ་དག་རྒྱལ་བ་མཆོད། །
འོད་ཟེར་ཕྲེང་བའི་རྒྱན་རྣམས་རབ་བཀྱེ་ཞིང་། །ཕྲེང་བའི་རྒྱན་དང་ཕྲེང་བའི་བླ་རེ་དང་། །ཕྲེང་བ་སྣ་ཚོགས་ཀུན་ཏུ་ཡོངས་བཀང་ཞིང་། །བདག་ཉིད་ཆེ་བ་དེ་དག་རྒྱལ་བ་མཆོད། །འོད་ཟེར་རྒྱལ་མཚན་
མཆོག་རྒྱན་རབ་བཀྱེ་ཞིང་། །དེ་དག་རྒྱལ་མཚན་དཀར་དམར་སེར་པོ་དང་། །སྔོ་དང་སྣ་ཚོགས་རྣམ་མང་རྒྱན་ཅན་གྱིས། །རྒྱལ་བའི་ཞིང་རྣམས་ཀུན་ནས་བརྒྱན་པ་བྱེད། །དེ་དག་བདེ་གཤེགས་དབུ་
ལ་གདུགས་ཀྱིས་མཆོད། །རིན་ཆེན་དྲ་བ་སྣ་ཚོགས་རྒྱན་ལྡན་པ། །དར་གྱི་ལྡ་ལྡི་བ་དན་ཡོངས་སྦྱངས་ཤིང་། །དྲིལ་ཕྲེང་རྒྱལ་བའི་གསུང་སྒྲོག་འཛིན་པར་བྱེད། །ལག་པའི་མཐིལ་ནས་བསམ་གྱིས་མི་
ཁྱབ་པའི། །མཆོད་པ་རྒྱལ་བ་གཅིག་ལ་བྱེད་པ་ལྟར། །མ་ལུས་རྒྱན་པ་རྣམས་ལའང་དེ་བཞིན་ཏེ། །དྲང་སྲོང་ཏིང་འཛིན་རྣམ་འཕྲུལ་དེ་འདྲའོ། །དེ་དག་འགྲོ་བ་ཡོངས་སྡུད་ཡེ་ཤེས་ཀྱིས། །རྣམ་པར་
འཕྲུལ་པའི་ཏིང་འཛིན་མངོན་བསྒྲུབས་ཤིང་། །བྱ་བའི་ཚུལ་དང་ཡོན་ཏན་ཐམས་ཅད་དུ། །ཐབས་མང་སྟོང་གིས་སེམས་ཅན་འདུལ་བ་བྱེད། །ལ་ལ་དེ་བཞིན་གཤེགས་པའི་མཆོད་སྒོ་དང་། །སྦྱིན་པ་
བསམ་གྱིས་མི་ཁྱབ་གཏོང་བའི་སྒོ། །སྦྱངས་པའི་ཡོན་ཏན་ཀུན་གྱི་ཚུལ་ཁྲིམས་སྒོ། །བཟོད་པ་མྱི་ཟད་མི་སྒུལ་སྒོ་དག་དང་། །ལ་ལ་བརྟུལ་ཞུགས་དཀའ་ཐུབ་བརྩོན་འགྲུས་སྒོ། །བསམ་གཏན་རབ་ཏུ་ཞི་

72-1-252a

གནས་སྒོ་དག་དང་། །དོན་དམ་རྣམ་པར་འབྱེད་པའི་ཤེས་རབ་སྒོ། །ཚུལ་རྣམས་ཀུན་ལྡན་ཐབས་ཀྱི་སྒོ་དག་དང་། །ཚངས་པའི་སྤྱོད་པ་དག་དང་མངོན་ཤེས་སྒོ། །བསྡུ་བའི་དངོས་པོས་ཕན་ཚོལ་
སྒོ་དག་དང་། །བསོད་ནམས་ཡོངས་སུ་བསྩགས་དང་ཡེ་ཤེས་སྒོ། །བདེན་པ་བརྟེན་པའི་རྣམ་ཐར་སྒོ་དག་དང་། །ལ་ལ་སྟོབས་དང་དབང་པོ་ལམ་གྱི་སྒོ། །ཉན་ཐོས་ཐེག་པ་རྣམ་གྲོལ་སྒོ་དག་དང་། །རང་རྒྱལ་
ཐེག་པ་རྣམ་པར་དག་པའི་སྒོ། །ཐེག་པ་དམ་པ་རྣམ་འཕྲུལ་སྒོ་དག་དང་། །ལ་ལ་མི་རྟག་པ་དང་སྡུག་བསྔལ་སྒོ། །ལ་ལ་བདག་མེད་སྲོག་མེད་སྒོ་དག་དང་། །མི་སྡུག་འདུ་ཤེས་འདོད་ཆགས་བྲལ་བའི་སྒོ། །
ལ་ལ་ཞི་འགོག་ཏིང་འཛིན་སྒོ་དག་ཏུ། །འགྲོ་བའི་སྤྱོད་སྒོ་ཇི་སྙེད་ཡོད་རྒྱུ་བ། །དེ་སྙེད་ཆོས་ཀྱི་སྒོ་ལ་རབ་ཞུགས་དེ། །དེ་དག་ཀུན་གྱི་ཆོས་ཉིད་སྒོ་དག་ནས། །བསམ་པ་ཇི་བཞིན་འཇིག་རྟེན་སེམས་ཅན་
འདུལ། །གང་རྣམས་ཀུན་གྱི་སྒོ་ཡི་སྒོ་དག་ནས། །བསམ་པ་ཇི་བཞིན་སེམས་ཅན་འདུལ་བ་བྱེད། །དེ་དག་མཚན་མར་བཟུང་བར་མི་ནུས་ཏེ། །ཏིང་འཛིན་རྣམ་འཕྲུལ་ཚུལ་ནི་དེ་འདྲའོ། །དེ་དག་དགའ་
བའི་རྒྱན་གྱིས་ཏིང་འཛིན་མཆོག །འགྲོ་བ་ཐམས་ཅད་ཡོངས་སུ་སྨིན་བྱེད་འཐུན། །དགའ་བདེ་སྤྲོ་བར་དགའ་བ་ཀུན་ལྡན་པས། །བསམ་གྱིས་མི་ཁྱབ་ཡོངས་སྟོན་སེམས་ཅན་འདུལ། །གང་ཚེ་ལོ་ཉེས་
ཐམས་ཅད་དཀོན་གྱུར་པ། །དེ་ཚེ་འཇིག་རྟེན་བདེ་བའི་ཡོ་བྱད་རྣམས། །ཐམས་ཅད་བསམ་པ་རྫོགས་པར་བྱ་བའི་ཕྱིར། །སྦྱིན་པ་ཡོངས་སུ་གཏོང་ཞིང་འགྲོ་དོན་བྱེད། །དེ་དག་ཟས་མཆོག་སྐོམ་དང་
རྒྱན་མཆོག་དང་། །གོས་དང་དགའ་བ་རིན་ཆེན་སྣ་ཚོགས་དང་། །རྒྱལ་སྲིད་ནོར་དང་བདག་སྡུགས་ཡོངས་བཏང་བས། །སྦྱིན་ལ་མོས་པའི་འགྲོ་བ་འདུལ་བ་བྱེད། །དེ་དག་མཚན་རབ་ཀུན་གྱི་ལུས་བཏང་

72-1-252b

ཞིང་། །གོས་དང་རྒྱན་མཆོག་ཡོངས་སུ་བགོས་བཏང་སྟེ། །ཕྲེང་བས་རྣམ་རྒྱན་སྤོས་ཀྱིས་བསྐུས་བྱས་ཏེ། །གཟུགས་རྣམས་ཡོངས་སུ་བཏང་བས་སེམས་ཅན་འདུལ། །མཐོང་བས་དགའ་བདེ་རབ་ཏུ་མོས་པ་ལ། །
དེ་དག་གཟུགས་མཆོག་གཟུགས་བཟང་ཆ་བྱད་མཛད། །གཟུགས་ཀྱི་དམ་པ་ཡོངས་སུ་སྟོན་བྱེད་ཅིང་། །གཟུགས་ལ་མོས་པའི་སེམས་ཅན་འདུལ་བ་བྱེད། །དེ་དག་ཀ་ལ་པིང་ཀའི་སྒྲ་སྙན་དང་། །ཀོ་ཀི་ལ་
ཀུན་ངང་པའི་སྒྲ་དབྱངས་དང་། །རྔ་དང་ཚངས་པ་མི་འམ་ཅི་ཡི་སྒྲས། །མོས་པ་ཐམས་ཅད་ཚུལ་བཞིན་ཆོས་ཀྱང་སྟོན། །དེ་དག་སྟོང་ཕྲག་བརྒྱ་བཅུ་རྩ་བཞིའོ། །གང་གིས་རྒྱལ་བ་འགྲོ་བའི་དོན་མཛད་པའི། །
ཆོས་ཀྱི་བྱེ་བྲག་སྒོ་མོ་དེ་དག་གིས། །བསམ་པ་ཇི་བཞིན་འཇིག་རྟེན་ཐམས་ཅད་འདུལ། །དེ་དག་བདེ་དང་སྡུག་བསྔལ་གྲོགས་ཀྱང་བྱེད། །དོན་དང་དོན་མྱེད་གྲོགས་ཀྱང་དེ་བཞིན་ཏེ། །སེམས་ཅན་དགོས་ལ་གྲོགས་
སུ་འགྱུར་བྱས་ཤིང་། །གྲོགས་ཀྱི་སྒོ་ནས་སེམས་ཅན་རྣམ་པར་འདུལ། །སྡུག་བསྔལ་རྒྱ་མཚོ་འདུས་བྱས་སྐྱོན་གྱི་རྣམས། །གྲོགས་ཀྱི་དོན་དུ་དེ་དག་བཟོད་པ་བྱེད། །འགྲོ་བ་ཀུན་ལ་ཕན་དོན་བདེ་དོན་དུ། །
དེ་དག་གྲོགས་དོན་མི་བདེ་ཉམས་སུ་ལེན། །གང་ནས་འབྱུང་བ་མེད་ཅིང་ཆོས་མེད་དེ། །དགོན་པའི་ཡོན་ཏན་ཐར་པ་མི་དམིགས་པ། །དེ་དག་ཀུན་ཏུ་རྒྱལ་སྲིད་ཆེ་སྤངས་ཤིང་། །ཞི་བའི་ཡིད་ཀྱིས་གནས་མེད་མངོན་
པར་འབྱུང་། །དེ་དག་ཁྱིམ་གྱི་བརྩོན་ར་སྲེད་གནས་པའི། །འགྲོ་བ་ཐམས་ཅད་ཡོངས་སུ་དགྲོལ་བའི་རྒྱུར། །འདོད་པའི་དགའ་བ་ཀུན་ལ་མི་གནས་པར། །མངོན་པར་བྱུང་ཞིང་ཐར་པ་ཡོངས་སུ་བརྗོད། །དེ་དག་
སྤྱོད་པ་བཅུ་རྣམས་བརྗོད་བྱེད་ཅིང་། །སྐྱེས་ཆེན་རྣམས་ཀྱི་ཆོས་ལ་དེ་དག་སྤྱོད། །དྲང་སྲོང་སྤྱོད་པ་ཐམས་ཅད་མ་ལུས་པར། །ཡོངས་སུ་བསྒོམ་ཞིང་འགྲོ་བའི་དོན་ཀྱང་བྱེད། །གང་ན་སེམས་ཅན་ཚད་

72-1-253a

མེད་ཆེ་ལྡན་པ། །བདེ་བ་ཕུན་ལྡན་ཉོན་མོངས་ཆུང་ཡོད་པ། །དེ་དག་ཀུན་ཏུ་ནད་གཟེར་ནད་བུ་ཅན། །བདག་ལ་དབང་མེད་ཙམ་གྱི་དབང་བསྒྱུར་སྟོན། །འདོད་ཆགས་འབར་ཞིང་ཞེ་སྡང་འབར་བར་བྱེད། །
གཏི་མུག་རྒྱུ་ལས་འཇིག་རྟེན་འབར་གྱུར་པའི། །འཇིག་རྟེན་བསྟན་ཅིང་སེམས་ཅན་འདུལ་བ་བྱེད། །དེ་དག་སངས་རྒྱས་སྟོབས་བཅུ་མི་འཇིགས་བཞི། །ཆོས་ཀྱི་ཁྱད་པར་བཅོ་བརྒྱད་རྣམས་ཀྱིས་ཀྱང་། །
སངས་རྒྱས་བདག་ཉིད་ཆེ་བ་བརྗོད་བྱེད་ཅིང་། །སངས་རྒྱས་ཡོན་ཏན་རྣམས་ཀྱིས་འགྲོ་དོན་བྱེད། །དེ་དག་ཡོངས་སྟོན་རྫུ་འཕྲུལ་རྗེས་སྟོན་གྱིས། །གཟུགས་རྣམས་བྱིན་རློབ་མཐུ་ཡིན་ཆེ་བ་སྟེ། །དེ་བཞིན་
གཤེགས་པའི་རྫུ་འཕྲུལ་སྟོན་བྱེད་ཅིང་། །རྫུ་འཕྲུལ་རྣམ་པར་འཕྲུལ་པས་སེམས་ཅན་འདུལ། །དེ་དག་ཐབས་ཀྱི་ཚུལ་མང་སྣ་ཚོགས་ཀྱིས། །འགྲོ་བའི་དོན་དུ་འཇིག་རྟེན་རིམ་གྲོར་བྱེད། །འཇིག་རྟེན་མི་
ཆགས་ཚུལ་ལ་པད་མོ་བཞིན། །དགའ་བ་མོས་པ་སྐྱེ་བར་རྣམ་པར་སྤྱོད། །དེ་དག་བརྗོད་བྱེད་བརྗོད་པའི་རྒྱལ་པོ་བྱེད། །གར་མཁན་རྔ་མཁན་གྱད་དང་རོལ་མོ་མཁན། །མཛེས་ཤིང་སྡུག་པར་བཞད་གད་བྱེད་
པ་དང་། །སྒྱུ་མཁན་གཟུགས་མཁན་ཀུན་ཀྱང་སྟོན་པར་བྱེད། །གྲོང་དང་གྲོང་དཔོན་ཁ་ལོ་བསྒྱུར་བ་དང་། །དེད་དཔོན་ཚོང་དཔོན་ཁྱིམ་བདག་དེ་བཞིན་ཏེ། །རྒྱལ་པོ་བློན་པོ་མངའ་རབ་ཕོ་ཉ་དང་། །སྨན་པ་
མི་འཇིགས་གཙུག་ལག་མཁས་པ་བྱེད། །དེ་དག་ནགས་ཚལ་སྡོང་པོ་ཆེན་པོར་འགྱུར། །སྨན་དང་རིན་ཆེན་མི་ཟད་གཏེར་དག་དང་། །ཡིད་བཞིན་ནོར་བུ་འདོད་པ་འབྱིན་ཤིང་དང་། །ལམ་གོལ་འཁྱམས་ལ་དེ་བཞིན་
ལམ་སྟོན་འགྱུར། །འཇིག་རྟེན་བྱུང་ནས་མི་ཤེས་པར་གྱུར་ཅིང་། །སེམས་ཅན་ལས་ཀྱི་ཚུལ་ལ་མི་ཤེས་པ། །དེ་དག་ཀུན་ལ་སྨོས་ཐབས་ཚོང་ཐབས་དང་། །སྣ་ཚོགས་བཟོ་རྣམས་ཀུན་ཀྱང་བརྗོད་པ་བྱེད། །

72-1-253b

འཚེ་མེད་གནོད་པ་མེད་པའི་སྦྱོར་བ་རྣམས། །སེམས་ཅན་བདེ་བསྐྱེད་མཁས་པས་རབ་བསྔགས་པ། །རིགས་མཐུ་སྨན་དང་གཙུག་ལག་སྣ་ཚོགས་དང་། །ཀུན་ཀྱང་དྲང་སྲོང་དེ་དག་རྣམ་པར་བརྗོད། །དྲང་སྲོང་རྣམས་
ཀྱི་སྤྱོད་པ་དམ་པའི་མཆོག །གང་ལ་ལྷར་བཅས་འཇིག་རྟེན་དད་གྱུར་དང་། །བརྟུལ་ཞུགས་དཀའ་སྤྱོད་དཀའ་བ་མཆོག་གི་རྣམས། །ཀུན་ཀྱང་མཁས་པ་དེ་དག་སྟོན་པར་བྱེད། །དེ་དག་རྒྱུད་དང་ཀུན་རྒྱུ་མུ་སྟེགས་
ཅན། །དཀའ་ཐུབ་སྤྱོད་ཡུལ་མི་སྨྲར་སྤྱོད་པ་དང་། །སྒྲེན་མོ་གོས་མེད་རི་ཡི་དགེ་སྦྱོང་ལ། །མུ་སྟེགས་ཅན་གྱི་མཁན་པོ་མཁས་པ་བྱེད། །དེ་དག་ཡོངས་འཚོ་ཆོས་ལ་སྤྱོད་པ་དང་། །བླ་ན་ཡོད་དང་བླ་ན་
མེད་པ་རྣམས། །རལ་པ་རིང་དང་བྱིས་པ་བརྟུལ་ཞུགས་ཅན། །དེ་དག་དུ་ཡང་དེ་དག་མཁན་པོར་འགྱུར། །ཉི་མའི་རྗེས་སྤྱད་དཀའ་ཐུབ་ལྔ་ལྡན་དང་། །ཁྱི་དང་བ་ལང་བརྟུལ་ཞུགས་རི་དགས་སྤྱོད། །གླེའུ་
ཅན་མུ་སྟེགས་བཅུ་གསུམ་སྤྱོད་པའི་རྣམས། །དེ་དག་ཀུན་ནའང་དེ་དག་སློབ་དཔོན་འགྱུར། །ལྷ་རྣམས་ཡེ་ཤེས་ཚུལ་ལ་དགའ་བ་དང་། །མུ་སྟེགས་ཁྲུས་བྱེད་ཡུལ་དུ་རྒྱུ་བ་དང་། །རྩ་འབྲས་ཆུ་ལ་
སྤྱོད་པའི་རྣམས་ལ་ནི། །ཆོས་སེམས་ནང་ན་དེ་དག་དམ་པར་འགྱུར། །གནས་བརྟེག་གནས་དང་གཅིག་ཏུ་སྤྱོད་པ་དང་། །ཚེར་མ་རྩབ་དང་ཐལ་བའི་མལ་ཅན་དང་། །དབྱིག་པའི་མལ་ཅན་གཅིག་པུ་སྤྱོད་
པའི་རྣམས། །དེ་དག་ཀུན་ཏུའང་དེ་དག་སློབ་དཔོན་འགྱུར། །ཕྱི་རོལ་མུ་སྟེགས་ཅན་རྣམས་ཇི་སྙེད་པ། །དེ་དག་བསམ་པ་མོས་པ་རྟོགས་བྱས་ནས། །བསྒྲུབ་དཀའ་མི་ཟད་དྲག་ཤུལ་དཀའ་ཐུབ་ཀྱི། །
མུ་སྟེགས་ཅན་གྱི་སྡུག་བསྔལ་སྤང་པ་འདུལ། །འཇིག་རྟེན་ལྟ་བུས་འཁྲུགས་པ་ཤེས་བྱས་ནས། །ལྟ་བ་ངན་ལ་ཞེན་པའི་མུ་སྟེགས་ཅན། །ཀུན་ལ་ཕྲ་བའི་ཚིག་དང་ཐབས་ཚུལ་གྱིས། །བདེན་པ་སྟོན་པ་དེ་

72-1-254a

དག་ཀུན་ཏུ་བྱེད། །ལ་ལ་དྲ་བྱི་ལོའི་སྔགས་ཚིག་ཏུ། །ཤིན་ཏུ་གསང་བའི་ཚིག་གིས་བདེན་པ་སྟོན། །ལ་ལ་དག་ལ་གསལ་ཞིང་དྲང་ཚིག་གིས། །ལ་ལ་དག་ལ་ལྷའི་གསང་ཚིག་གིས། །
ལ་ལ་དག་ལ་ཡི་གེ་དབྱེ་ཚིག་གིས། །དོན་རྣམས་རྟོགས་པ་རྡོ་རྗེའི་ཚིག་རྣམས་དང་། །རྒོལ་བ་འདུལ་བའི་ཡེ་ཤེས་ཚིག་རྣམས་དང་། །བསྟན་པ་ཐུབ་མེད་ཐར་པའི་ཚིག་རྣམས་ཀྱིས། །ལ་ལ་དག་ལ་མི་
སྐད་ཚིག་རྣམས་དང་། །ཀུན་ལ་འཇུག་པའི་ཚིག་དེས་ཚིག་རྣམས་དང་། །ལ་ལ་དག་ལ་ལྷའི་ཚིག་དེས་ཚིག་དང་། །ཀླུ་ཡི་ཚིག་དེས་གནོད་སྦྱིན་ཚིག་རྣམས་ཀྱིས། །ལ་ལ་དག་ལ་སྲིན་པོ་འབྱུང་པོ་དང་། །དྲི་ཟ་
གྲུལ་བུམ་ལྟོ་འཕྱེ་ཆེན་པོའི་ཚིག །མི་ཅི་ལྷ་མིན་ནམ་མཁའ་ལྡིང་ཚིག་གིས། །བདེན་པ་བརྟན་ཅིང་ཐར་པར་འདྲེན་པ་བྱེད། །དེ་དག་བདེན་པའི་དེས་ཚིག་ཚུལ་ཤེས་བཞིན། །དེ་ལྟར་རྒྱལ་བའི་ཆོས་
རྣམས་མ་ལུས་པའི། །ཆོས་ཉིད་བསམ་ཡས་ཚིག་ལམ་ཤེས་པས་སྟོན། །དེ་དག་ཏིང་འཛིན་རྣམ་འཕྲུལ་དེ་འདྲའོ། །དེ་དག་འགྲོ་བདེ་མཆོག་གི་ཏིང་ངེ་འཛིན། །འགྲོ་བ་ཀུན་ལ་མངོན་པར་བསྒྲུབ་བྱེད་ཅིང་། །
འོད་ཟེར་བསམ་གྱིས་མི་ཁྱབ་རབ་བཀྱེ་སྟེ། །འོད་ཟེར་བཀྱེ་ནས་སེམས་ཅན་དེ་དག་འདུལ། །འོད་ཟེར་མཐོང་ན་ལེགས་པ་རབ་སྙེང་ཞིང་། །སེམས་ཅན་ཇི་སྙེད་འོད་ཟེར་དེ་ཤེས་པ། །དེ་དག་མཐོང་ལེགས་དོན་མེད་
མ་ཡིན་ཏེ། །བླ་ན་མེད་པའི་ཡེ་ཤེས་མཆོག་གི་རྒྱུ། །སངས་རྒྱས་བསྟན་ཏེ་ཆོས་རྣམས་ཡོངས་བསྟན་ནས། །དགེ་འདུན་བསྟན་ནས་མི་རྣམས་ལམ་བསྟན་ཏེ། །རྒྱལ་བའི་སྐུ་གཟུགས་མཆོད་རྟེན་བསྟན་པ་
ན། །དེས་ནི་མཐོང་ན་ལེགས་པའི་འོད་ཟེར་གྲུབ། །ལྷ་ཡི་འོད་ཟེར་ཟིལ་གྱིས་གནོན་པ་ཡིས། །འོད་ཟེར་འོད་བྱེད་རབ་ཏུ་དགྱེས་བྱས་ཤིང་། །མུན་པ་ཀུན་དང་རྡུལ་རྣམས་ཀུན་བསྩལ་ཏེ། །འཇིག་རྟེན་ཕན་

72-1-254b

པའི་འོད་དེ་རབ་ཏུ་སྣང་། །འོད་དེས་སེམས་ཅན་ཇི་སྙེད་ཡོངས་བསྐུལ་བ། །དེ་དག་རྒྱལ་བ་མཆོད་ཕྱིར་མེ་མར་འཛིན། །རྒྱལ་བ་མཆོད་ཕྱིར་མྱེ་མར་བཟུང་བྱས་པས། །འཇིག་རྟེན་སྒྲོན་མ་མཛད་པའི་རྒྱལ་བར་
འགྱུར། །འབྲུ་མར་མེ་མར་མར་གྱི་མེ་མར་དང་། །ཤིང་དང་རྩི་དང་སྨིག་མ་སྤ་ཡི་སྒྲོན། །སྤོས་དང་རོ་མཆོག་རིན་ཆེན་སྒྲོན་མ་དག །རྒྱལ་བ་རྣམ་གསོལ་འོད་བྱེད་དེ་ཐོབ་བོ། །འོད་ཟེར་སྒྲོན་ཞེས་བྱ་བ་རབ་
བཀྱེ་ཞིང་། །སེམས་ཅན་ཇི་སྙེད་འོད་ཟེར་དེས་བསྐུལ་བ། །དེ་དག་སྲེག་པ་རྣམས་ཡོངས་སྲིད་པའི་མཚོར། །སེམས་ཅན་བསྒྲལ་དོན་གོ་ཆ་བརྟན་པར་གྱོན། །གང་རྣམས་སྲེད་པའི་རྣམ་ཡོངས་སྲིད་པའི་མཚོར། །
སེམས་ཅན་བསྒྲལ་ཕྱིར་གོ་ཆ་བརྟན་གྱོན་པ། །དེ་དག་ཆུ་བོ་བཞི་ལས་སྒྲོལ་བར་བྱེད། །མྱ་ངན་མེད་པ་བདེ་བའི་གྲོང་ཡང་སྟོན། །སྟེགས་དང་ཟམ་པ་གཅིག་སྨིན་བྱས་པ་དང་། །ཆུ་ཀླུང་ལམ་ལ་སྒྲོལ་བའི་གྲུ་
བྱིན་ཏེ། །འདུས་བྱས་སུན་ཕྱུང་ཞི་བ་བསྔགས་པས་ན། །དེས་ནི་སྒྲོན་མའི་འོད་ཟེར་དེ་གྲུབ་བོ། །འོད་ཟེར་སྒོམ་པ་སེལ་བ་རབ་བཀྱེ་ཞིང་། །སེམས་ཅན་ཇི་སྙེད་འོད་ཟེར་དེས་བསྐུལ་བ། །འདོད་པའི་
ཡོན་ཏན་སྒོམ་པ་རབ་སྤངས་ཤིང་། །ཆོས་ཀྱིས་རྣམ་གྲོལ་རོ་ལ་དོན་དུ་གཉེར། །འདོད་པའི་ཡོན་ཏན་སྒོམ་པ་རབ་སྤངས་ཏེ། །ཆོས་ཀྱིས་གྲོལ་བའི་རོ་ལ་དོན་གཉེར་བས། །སངས་རྒྱས་བདུད་རྩི་ཆར་པ་
འབེབས་པར་འགྱུར། །འཇིག་རྟེན་སྲིད་པའི་སྐོམ་པ་རྣམ་པར་སེལ། །རྫིང་དང་ཆུ་ཀླུང་ཁྲོན་པ་ལུ་མ་དང་། །མཚོ་རྣམས་བྱང་ཆུབ་དོན་དུ་བྱེད་བཙུད་དེ། །འདོད་པ་རྣམས་སྨད་བསམ་གཏན་བསྔགས་པ་ན། །
སྐོམ་པ་རྣམས་སེལ་དེ་ནི་དེས་བསྒྲུབ་པོ། །འོད་ཟེར་དགའ་བར་བྱེད་པ་རབ་བཀྱེ་ཞིང་། །སེམས་ཅན་ཇི་སྙེད་འོད་ཟེར་དེས་བསྐུལ་བ། །དགའ་བས་རྒྱས་ཤིང་བྱང་ཆུབ་མཆོག་དོན་དུ། །རང་འབྱུང་འགྱུར་བར་བྱ་ཞེས་

72-1-255a

སེམས་བསྐྱེད་དོ། །ཐུགས་རྗེ་མངའ་རྣམས་སྐུ་གཟུགས་མཚན་བརྒྱན་པ། །པད་མོའི་གདན་ལ་བཞུགས་པ་བྱས་བསྒྲུབས་ཤིང་། །རྟག་ཏུ་སངས་རྒྱས་ཡོན་ཏན་བརྗོད་པས་ན། །དགའ་བ་བྱེད་
པའི་འོད་ནི་དེས་གྲུབ་བོ། །འོད་ཟེར་མོས་པར་བྱེད་པ་རབ་བཀྱེ་ཞིང་། །སེམས་ཅན་ཇི་སྙེད་འོད་ཟེར་དེས་བསྐུལ་བ། །དེ་དག་ཐམས་ཅད་སངས་རྒྱས་མོས་པས་དགའ། །ཆོས་ལ་མོས་དགའ་དགེ་འདུན་མོས་
པས་དགའ། །དེ་དག་རྟག་ཏུ་སངས་རྒྱས་མོས་དགའ་སྟེ། །ཆོས་ལ་མོས་དགའ་དགེ་འདུན་མོས་དགའ་བས། །སངས་རྒྱས་ཆོས་དང་དེ་བཞིན་དགེ་འདུན་དང་། །རྟག་ཏུ་འགྲོགས་འཐོབ་བཟོད་པ་བླ་མེད་འཐོབ། །
སངས་རྒྱས་རྗེས་དྲན་ཆོས་དང་ཚོགས་བཅས་ལ། །སེམས་ཅན་མང་པོ་བསྐུལ་ཞིང་དྲན་བྱས་ཏེ། །བྱང་ཆུབ་སེམས་ཀྱི་ཡོན་ཏན་བསྟན་པས་ན། །དེས་ནི་འོད་ཟེར་མོས་པར་བྱེད་པ་གྲུབ། །འོད་ཟེར་བསོད་
ནམས་བསྩགས་པ་རབ་བཀྱེ་ཞིང་། །སེམས་ཅན་ཇི་སྙེད་འོད་ཟེར་དེས་བསྐུལ་བ། །བླ་ན་མེད་པའི་བྱང་ཆུབ་དོན་གཉེར་ཅིང་། །སྦྱིན་པ་སྣ་ཚོགས་དུ་མ་ཡོངས་སུ་གཏོང་། །དེ་དག་མཆོད་སྦྱིན་ལྷུག་པ་བྱེད་
པའི་ཚེ། །སློངས་མོ་པ་ཡི་བསམ་པ་རྫོགས་བྱས་ཏེ། །བསམ་པ་ཀུན་ཚུལ་སྦྱིན་པ་བྱིན་པས་ན། །དེས་ནི་འོད་ཟེར་བསོད་ནམས་བསྩགས་གྲུབ་བོ། །འོད་ཟེར་ཡེ་ཤེས་ལྡན་པ་རབ་བཀྱེ་ཞིང་། །
སེམས་ཅན་ཇི་སྙེད་འོད་ཟེར་དེས་བསྐུལ་བ། །ཆོས་གཅིག་སྒོ་ནས་ཆོས་གཅིག་མིན་པ་ཡི། །ཆོས་ཀྱི་སྒོ་རྣམས་ཡུད་ཀྱིས་རྗེས་དྲན་ནས། །ཆོས་ཀྱི་བྱེ་བྲག་སེམས་ཅན་འཛིན་བཙུད་དེ། །དེས་
རྟོགས་དོན་གྱི་ཡེ་ཤེས་རྣམ་ཕྱེ་ཞིང་། །ཆོས་ཀྱི་ཚིག་དོན་བརྗོད་པ་བྱས་པ་ནས། །དེས་ནི་ཡེ་ཤེས་ལྡན་པའི་འོད་ཟེར་གྲུབ། །འོད་ཟེར་ཤེས་རབ་སྒྲོན་མ་རབ་བཀྱེ་ཞིང་། །སེམས་ཅན་ཇི་སྙེད་འོད་ཟེར་

72-1-255b

དེས་བསྐུལ་བ། །སྟོང་པ་བདག་མེད་མ་སྐྱེས་མ་བྱུང་བ། །རང་བཞིན་མེད་པའི་ཆོས་ལ་རབ་ཏུ་འཇུག །བདག་པོ་མེད་ཆོས་སྟོང་པ་བྱེད་མེད་པ། །སྤྲིན་དང་སྨིག་རྒྱུ་ཆུ་ཟླ་འདྲ་བའི་དངོས། །རྨི་ལམ་ལྟ་བུ་གཟུགས་
རྙན་རང་བཞིན་རྣམས། །བསྟན་པས་ཤེས་རབ་སྒྲོན་མ་དེ་གྲུབ་པོ། །འོད་ཟེར་ཆོས་ཀྱི་རྣམ་འཕྲུལ་རབ་བཀྱེ་ཞིང་། །སེམས་ཅན་ཇི་སྙེད་འོད་ཟེར་དེས་བསྐུལ་བ། །མི་ཟད་གཟུགས་ཀྱི་བང་མཛོད་རྣམས་
ཐོབ་ཅིང་། །དེ་བཞིན་གཤེགས་པ་ཀུན་གྱི་མཛོད་ཀྱང་འཛིན། །ཆོས་འཆད་རྣམས་ལ་ཡོངས་སུ་ཕན་བཏགས་ཏེ། །དྲང་སྲོང་རྣམས་ལ་ཆོས་ཀྱི་བསྲུང་བྱས་ཤིང་། །འགྲོ་བ་ཀུན་ལ་ཆོས་བཞིན་ཕན་བཏགས་པས། །
འོད་ཟེར་ཆོས་ཀྱི་རྣམ་འཕྲུལ་དེ་གྲུབ་བོ། །འོད་ཟེར་གཏོང་དང་ལྡན་པ་རབ་བཀྱེ་ཞིང་། །སེམས་ཅན་འཇུངས་པའི་ཇི་སྙེད་དེས་བསྐུལ་བ། །སྐྱིད་པ་མི་བརྟན་མི་རྟག་ཤེས་གྱུར་ནས། །དེ་དག་རྟག་ཏུ་སྦྱིན་
མོས་དགའ་བར་འགྱུར། །འཇུངས་པ་གདུལ་དཀའི་སེམས་ཅན་མ་དུལ་དང་། །ནོར་རྣམས་རྨི་ལམ་སྤྲིན་ཚུལ་ཤེས་གྱུར་ནས། །དགའ་བའི་ཡིད་ཀྱིས་སྦྱིན་པ་རྣམ་སྤེལ་བས། །གཏོང་དང་ལྡན་པའི་
འོད་ཟེར་དེས་བསྒྲུབ་པོ། །འོད་ཟེར་ཡོངས་སུ་གདུང་བར་རབ་བཀྱེ་ཞིང་། །ཚུལ་ངན་སེམས་ཅན་ཇི་སྙེད་དེས་བསྐུལ་བ། །ཚུལ་ཁྲིམས་རྣམ་དག་རབ་ཏུ་གནས་གྱུར་ཏེ། །རང་བྱུང་འགྱུར་བར་བྱ་ཞེས་སེམས་བསྐྱེད་
དོ། །དགེ་བའི་ལས་ལམ་ཡོངས་སུ་དག་པ་དང་། །ཚུལ་ཁྲིམས་བཟང་ལ་སེམས་ཅན་མང་བསྐུལ་ཞིང་། །བྱང་ཆུབ་སེམས་ལ་ཡང་དག་བསྐུལ་བྱས་པས། །ཡོངས་སུ་གདུང་མེད་འོད་ཟེར་དེ་གྲུབ་པོ། །
བཟོད་པས་རྣམ་བརྒྱན་འོད་ཟེར་རབ་བཀྱེ་ཞིང་། །མི་བཟོད་སེམས་ཅན་ཇི་སྙེད་དེས་བསྐུལ་བ། །ཁྲོ་བའི་ཐ་བ་ང་རྒྱལ་ཡོངས་སྤངས་ཤིང་། །དེ་དག་བཟོད་མོས་རྟག་ཏུ་དགའ་བར་འགྱུར། །སྡིག་སེམས་

72-1-256a

ལྡན་ལ་ཉེས་པ་བཟོད་བྱས་ཏེ། །བྱང་ཆུབ་དོན་དུ་འཁྲུག་པ་མ་བྱས་ཤིང་། །བཟོད་པའི་ཡོན་ཏན་རྟག་ཏུ་བརྗོད་བྱས་པས། །དེས་ནི་བཟོད་པས་རྣམ་བརྒྱན་དེས་གྲུབ་པོ། །འོད་ཟེར་བརྩོན་
དང་ལྡན་པ་རབ་བཀྱེ་ཞིང་། །ལེ་ལོའི་སེམས་ཀྱི་ཇི་སྙེད་དེས་བསྐུལ་བ། །རིགས་པར་བརྩོན་ཞིང་དཀོན་མཆོག་གསུམ་རྣམས་ལ། །སྦྱོར་བ་སྐྱོ་མེད་མཆོད་པ་བྱེད་པར་འགྱུར། །རིགས་པར་བརྩོན་ཞིང་
དཀོན་མཆོག་གསུམ་རྣམས་ལ། །སྦྱོར་བ་སྐྱོ་བ་མེད་པས་མཆོད་བྱས་ནས། །དེ་དག་བདུད་བཞིའི་ལམ་ལས་ཡོངས་འདས་ཏེ། །མྱུར་དུ་བྱང་ཆུབ་བླ་མེད་རབ་ཏུ་ཐོབ། །སེམས་ཅན་མང་པོ་བརྩོན་འགྲུས་བསྐུལ་
བྱས་ཏེ། །དཀོན་མཆོག་གསུམ་ལ་མཆོད་པ་རབ་བྱས་ནས། །ཐ་མའི་དུས་དང་དམ་ཆོས་ཡོངས་སུ་བཟུང་། །དེས་ནི་བརྩོན་འགྲུས་འོད་ཟེར་དེ་གྲུབ་པོ། །འོད་ཟེར་ཞི་བར་བྱེད་པ་རབ་བཀྱེ་ཞིང་། །རྣམ་འཁྲུགས་སེམས་
ཅན་ཇི་སྙེད་དེས་བསྐུལ་བ། །དེ་དག་འདོད་ཆགས་ཞེ་སྡང་གཏི་མུག་རྣམས། །ཉམས་སུ་མི་གནོད་མཉམ་བཞག་སེམས་སུ་གྱུར། །སྡིག་ཏོའི་གྲོགས་པོ་ཉེས་ལྡན་སྤྱོད་ཅན་དང་། །འདུ་འཛིན་ཡོངས་སུ་རྣམ་
པར་སྤངས་བྱས་ཏེ། །བསམ་གཏན་ཞི་བའི་དགོན་པ་རབ་བསྔགས་པས། །དེས་ནི་ཞི་བྱེད་འོད་ཟེར་དེ་གྲུབ་པོ། །འོད་ཟེར་ཤེས་རབ་རྣམ་རྒྱན་རབ་བཀྱེ་ཞིང་། །ཤེས་རབ་འཆལ་པ་ཇི་སྙེད་དེས་བསྐུལ་པ། །
བདེན་དང་བརྟན་དང་རྣམ་ཐར་ཚུལ་རྣམས་དང་། །དབང་པོའི་རྒྱུ་ལ་རྟོག་པར་ཤེས་གྱུར་ཅིང་། །ཉི་མའི་འོད་ཟེར་ཏིང་འཛིན་ཐོབ་གྱུར་ནས། །ཤེས་རབ་འོད་གསལ་མཛད་པའི་རྒྱལ་བར་འགྱུར། །རྒྱལ་སྲིད་ནོར་
དང་བདག་ཕངས་ཡོངས་བཏང་སྟེ། །བྱང་ཆུབ་དོན་དུ་ཆོས་རྣམས་གང་བཙལ་བ། །དེ་དག་རིམ་གྲོར་རབ་ཏུ་བརྗོད་བྱས་པས། །ཤེས་རབ་རྣམ་བརྒྱན་འོད་ཟེར་དེས་གྲུབ་པོ། །འོད་ཟེར་སངས་རྒྱས་ལྡན་

72-1-256b

པ་རབ་བཀྱེ་ཞིང་། །སེམས་ཅན་ཇི་སྙེད་འོད་ཟེར་དེས་བསྐུལ་བ། །སངས་རྒྱས་བསམ་གྱིས་མི་ཁྱབ་ཤིན་ཏུ་མང་། །པད་མོ་མཆོག་ལ་བཞུགས་པར་རབ་ཏུ་མཐོང་། །སངས་རྒྱས་བདག་ཉིད་ཆེ་དང་རྣམ་
ཐར་དང་། །སངས་རྒྱས་རྣམ་འཕྲུལ་མཐའ་ཡས་ཡོངས་བསྟན་ཏེ། །སངས་རྒྱས་སྟོབས་དང་རྫུ་འཕྲུལ་བརྗོད་བྱས་པས། །སངས་རྒྱས་ལྡན་པའི་འོད་ཟེར་དེས་གྲུབ་པོ། །འོད་ཟེར་མི་འཇིགས་སྦྱིན་པ་རབ་བཀྱེ་ཞིང་། །
འཇིགས་མནར་སེམས་ཅན་ཇི་སྙེད་དེས་ཕོག་པ། །འབྱུང་པོ་བཟའ་དང་གསད་ཅིང་བདེག་པ་དང་། །ནད་ཀྱི་འཇིགས་པ་ཀུན་ལས་རབ་ཏུ་གྲོལ། །མི་འཇིགས་སྦྱིན་པས་སེམས་ཅན་སྐྱབ་པ་དང་། །སྲོག་གཅོད་
ལས་ལས་སེམས་རྒྱུད་ཕྱིར་བཟློག་ཅིང་། །འཇིགས་པས་སྐྱབས་ཚོལ་རྣམས་ལ་སྐྱབ་བྱས་པས། །འོད་ཟེར་མི་འཇིགས་སྦྱིན་པ་དེས་གྲུབ་པོ། །འོད་ཟེར་ཐམས་ཅད་བདེ་བ་རབ་བཀྱེ་ཞིང་། །ནད་པ་ན་བ་
ཇི་སྙེད་དེས་རེག་པ། །ཐམས་ཅད་ལས་ཀྱི་སྡུག་བསྔལ་རྣམ་པར་གྲོལ། །བསམ་གཏན་ཏིང་འཛིན་བདེ་བ་རྣམས་ཀྱང་འཐོབ། །ནད་གསོས་འབྲས་བུ་སྨན་དང་རྩ་བ་དང་། །རིན་ཆེན་རོ་མཆོག་སྤོས་དང་བྱུག་
པ་དང་། །བུ་རམ་སྦྲང་རྩི་འོ་མ་མར་དག་དང་། །འབྲུ་མར་ཟས་སྐོམ་བྱིན་པས་དེ་གྲུབ་པོ། །འོད་ཟེར་སྟོན་པ་སངས་རྒྱས་རབ་བཀྱེ་ཞིང་། །ཚེ་ཟད་མཐར་ནི་ཇི་སྙེད་དེས་བསྐུལ་བ། །སངས་རྒྱས་རྗེས་དྲན་སངས་རྒྱས་
མཐོང་བར་འགྱུར། །དེ་དག་ཤི་འཕོས་སངས་རྒྱས་བཞུགས་ཤིང་འགྲོ། །འཆི་བའི་དུས་སུ་སངས་རྒྱས་དྲན་བྱས་ཏེ། །དགའ་འགྱུར་རྒྱལ་བའི་སྐུ་གཟུགས་བསྟན་བྱས་ཤིང་། །འཆི་ཀར་སངས་རྒྱས་
སྐྱབསུ་བཏང་བྱས་པས། །སངས་རྒྱས་སྟོན་པའི་འོད་ཟེར་དེས་ཐོབ་པོ། །འོད་ཟེར་ཆོས་རབ་བརྗོད་པ་རབ་བཀྱེ་ཞིང་། །སེམས་ཅན་ཇི་སྙེད་འོད་ཟེར་དེས་བསྐུལ་བ། །ཆོས་ཉན་རྗོད་ཅིང་དེ་བཞིན་འདྲི་བ་བྱེད། །

72-1-257a

ཆོས་ལ་མོས་པས་རྟག་ཏུ་དགའ་བར་འགྱུར། །ཆོས་ཀྱི་མུ་གེའི་དུས་སུ་ཆོས་བརྗོད་དེ། །ཆོས་ཚོལ་རྣམས་ཀྱི་བསམ་པ་རྫོགས་བྱས་ཤིང་། །མོས་པ་བསྐྱེད་དེ་ཆོས་ལ་བརྩོན་གྱིས་ཤེས། །བརྗོད་
པ་ཆོས་རབ་རྗོད་པ་དེས་ཐོབ་པོ། །སངས་རྒྱས་སྲས་རྣམས་ཡོངས་སུ་འཛིན་པའི་ཕྱིར། །འོད་ཟེར་དབྱངས་དང་ལྡན་པ་རབ་བཀྱེ་ཞིང་། །ཁམས་གསུམ་སྒྲ་རྒྱུད་ཇི་སྙེད་ཡོད་པ་དག །ཀུན་ཀྱང་དེ་བཞིན་
གཤེགས་པའི་གསུང་དུ་ཐོས། །གསལ་བའི་དབྱངས་སྒྲར་དྲང་སྲོང་ཆེར་བརྗོད་དེ། །རོལ་མོ་སྒྲ་ཆེན་དྲིལ་གྱི་སྦྱིན་པ་རྣམས། །འགྲོ་བ་ཀུན་ལ་རྒྱལ་བའི་གསུང་དོན་དུ། །ཡོངས་སུ་བཏང་བས་འོད་ཟེར་དབྱངས་
ལྡན་ཐོབ། །འོད་ཟེར་འཆི་མེད་སྦྱིན་པ་རབ་བཀྱེ་ཞིང་། །སེམས་ཅན་ཇི་སྙེད་འོད་ཟེར་དེས་བསྐུལ་བ། །བག་མེད་སྤྱོད་པ་ཐམས་ཅད་རྣམ་སྤངས་ཏེ། །ཡོན་ཏན་ཀུན་ལ་རྣལ་འབྱོར་ཉམས་སུ་ལེན། །
འདུས་བྱས་རྟག་ཏུ་བདེ་བ་མེད་པ་སྟེ། །སྡུག་བསྔལ་འཚེ་བ་མང་པོས་ཡོངས་སུ་གང་། །འགོག་པ་རྟག་ཏུ་བདེ་བའི་ཞི་དགའ་ཞེས། །བརྗོད་པས་གཉིས་མེད་སྦྱིན་པ་དེ་ཐོབ་བོ། །འོད་ཟེར་ཁྱད་པར་ལྡན་
པ་རབ་བཀྱེ་ཞིང་། །སེམས་ཅན་ཇི་སྙེད་འོད་ཟེར་དེས་བསྐུལ་བ། །ཚུལ་ཁྲིམས་ཁྱད་པར་ཏིང་འཛིན་ཁྱད་པར་དང་། །ཤེས་རབ་ཁྱད་པར་རྒྱལ་བ་རྣམས་ལ་ཉན། །ཚུལ་ཁྲིམས་འཕགས་པ་
ཏིང་འཛིན་འཕགས་པ་སྟེ། །ཤེས་རབ་འཕགས་པ་ཐུབ་པའི་རྒྱལ་ཆེན་ཞེས། །བྱང་ཆུབ་དོན་དུ་བསྔགས་ཤིང་བསྟོད་བྱས་པས། །དེས་ནི་འོད་ཟེར་ཁྱབ་པར་ལྡན་པ་ཐོབ། །འོད་ཟེར་རིན་ཆེན་རྣམ་
བརྒྱན་རབ་བཀྱེ་ཞིང་། །སེམས་ཅན་ཇི་སྙེད་འོད་ཟེར་དེས་བསྐུལ་བ། །རིན་ཆེན་གཏེར་མང་མི་ཟད་ཐོབ་གྱུར་ཏེ། །དྲང་སྲོང་ཆེ་ལ་རིན་ཆེན་དམ་པས་མཆོད། །རྒྱལ་བ་རྣམས་དང་རྒྱལ་བའི་མཆོད་རྟེན་ལ། །

72-1-257b

རིན་ཆེན་ཕུལ་ཞིང་འགྲོ་བ་ཉོན་མོངས་ལ། །རིན་ཆེན་སྡུད་དེ་རིན་ཆེན་སྦྱིན་བཏང་བས། །རིན་ཆེན་རྣམ་པར་བརྒྱན་པའི་འོད་ཟེར་གྲུབ། །འོད་ཟེར་སྤོས་མཆོག་སྣང་བ་རབ་བཀྱེ་ཞིང་། །སེམས་ཅན་ཇི་སྙེད་འོད་
ཟེར་དེས་བསྐུལ་བ། །མི་ལ་མེད་པའི་སྤོས་དྲི་ཚོར་གྱུར་ནས། །སངས་རྒྱས་ཡོན་ཏན་རྣམས་ལ་ངེས་པར་འགྱུར། །མི་དང་ལྷ་ཡི་སྤོས་དང་བྱུག་པ་ཡིས། །མི་ཡི་གཙོ་ལ་མཆོད་པ་རབ་བྱས་ཏེ། །སྤོས་ཀྱིས་
རྒྱལ་བའི་སྐུ་གཟུགས་མཆོད་རྟེན་དག །བྱས་པས་འོད་ཟེར་སྤོས་མཆོག་སྣང་བ་གྲུབ། །འོད་ཟེར་སྣ་ཚོགས་རྣམ་བརྒྱན་རབ་བཀྱེ་ཞིང་། །གདུགས་དང་རྒྱལ་མཚན་བ་དན་སྣ་ཚོགས་མཆོག །རོལ་མོ་
སྒྲ་སྙན་སྤོས་དང་བདུག་སྤོས་ཀྱིས། །ཕོ་བྲང་དམ་པས་ཡོངས་བརྒྱན་མེ་ཏོག་འགེངས། །སྔོན་ཆད་རྒྱལ་བ་རོལ་མོས་བསུ་བྱས་ཏེ། །མེ་ཏོག་བྱུག་པ་བདུག་སྤོས་ཕྱེ་མ་དང་། །གདུགས་དང་རྒྱལ་མཚན་
བ་དན་མཆོག་དག་གིས། །མཆོད་པ་བྱས་པས་སྣ་ཚོགས་རྒྱན་གྲུབ་བོ། །འོད་ཟེར་ཤིན་ཏུ་དང་བྱེད་རབ་བཀྱེ་ཞིང་། །ས་རྣམས་ལག་མཐིལ་བཞིན་དུ་གནས་པར་བྱེད། །མཆོད་རྟེན་དྲང་སྲོང་གནས་རྣམས་
སྦྱང་བྱས་པས། །དེས་ནི་འོད་ཟེར་ཤིན་ཏུ་དང་བྱེད་གྲུབ། །འོད་ཟེར་འོད་ཆེན་སྤྲིན་ལྡན་རབ་བཀྱེ་ཞིང་། །སྤོས་ཀྱི་ཆར་འབེབས་སྤྲིན་རྣམས་ཀུན་ནས་གནས། །མཆོད་རྟེན་གམ་ཡོ་སྤོས་ཆུས་ཡོངས་བཏབ་པས། །
འོད་ཟེར་བྲོ་མཆོད་ལྡན་པ་རབ་ཏུ་ཐོབ། །འོད་ཟེར་ལྷབ་ལྷུབ་རྣམ་བརྒྱན་རབ་བཀྱེ་ཞིང་། །གོས་མེད་གོས་ཡོད་རྒྱན་དང་ལྡན་པར་འགྱུར། །གོས་དང་བགོ་བ་ཕྲེང་བ་སྣ་ཚོགས་དག །ཡོངས་སུ་བཏང་བས་
ལྷབ་ལྷུབ་རྣམ་རྒྱན་གྲུབ། །འོད་ཟེར་བློ་མཆོག་ལྡན་པ་རབ་བཀྱེ་ཞིང་། །བཀྲེས་པས་ཁ་ཟས་རོ་མཆོག་ཐོབ་པར་འགྱུར། །ཟས་དང་སྐོམ་དང་བྲོ་མཆོག་སྣ་ཚོགས་རྣམས། །བྱིན་པས་བྲོ་མཆོག་ལྡན་པའི་

72-1-258a

འོད་ཀྱང་ཐོབ། །འོད་ཟེར་ནོར་བསྟན་རབ་ཏུ་དགྱེས་བྱས་ཤིང་། །ཕོངས་པ་རིན་ཆེན་གཏེར་རྣམས་ཐོབ་པར་འགྱུར། །གནས་དང་གཏེར་རྣམས་མི་ཟད་དཀོན་མཆོག་གསུམ། །གསོལ་བས་ནོར་སྟོན་འོད་ཟེར་དེ་
ཐོབ་བོ། །འོད་ཟེར་མིག་སྦྱོང་རབ་ཏུ་དགྱེས་བྱས་ཤིང་། །ལོང་བ་དེ་ཚེ་སྣ་ཚོགས་གཟུགས་འཐོབ་འགྱུར། །རྒྱལ་བ་དག་དང་རྒྱལ་བའི་མཆོད་རྟེན་ལ། །མར་མེ་གསོལ་བས་མིག་སྦྱོང་འོད་ཟེར་འགྲུབ། །
རྣ་བ་རྣམ་སྦྱོངས་འོད་ཟེར་རབ་བཀྱེ་ཞིང་། །རྣ་བ་ཉམས་པ་སྒྲ་མང་ཐོས་པར་འགྱུར། །རྒྱལ་བ་རྣམས་དང་རྒྱལ་བའི་མཆོད་རྟེན་ལ། །སིལ་སྙན་ཕུལ་བས་རྣ་བ་རྣམ་སྦྱོང་ཐོབ། །འོད་ཟེར་སྣ་སྦྱོང་རབ་ཏུ་བཀྱེ་
བྱས་ཤིང་། །སྔོན་ཆད་མ་ཚོར་དྲི་ཞིམ་ཚོར་བར་འགྱུར། །རྒྱལ་བ་རྣམས་དང་རྒྱལ་བའི་མཆོད་རྟེན་ལ། །སྤོས་ཞིམ་གསོལ་བས་སྣ་སྦྱོང་འོད་ཟེར་ཐོབ། །ལྕེ་སྦྱོང་འོད་ཟེར་རབ་ཏུ་བཀྱེ་བྱས་ཤིང་། །སྒྲ་སྙན་
ཡིད་དུ་འོང་བས་སངས་རྒྱས་སྟོན། །མི་སྙན་བསླང་བར་སྨྲ་བ་རྣམ་སྤངས་ཏེ། །འཇམ་པར་སྨྲ་བས་ལྕེ་སྦྱོང་འོད་ཟེར་གྲུབ། །འོད་ཟེར་ལུས་སྦྱོང་རབ་ཏུ་བཀྱེ་བྱས་ཤིང་། །དབང་པོ་ཉམས་པ་དབང་པོ་ལྡན་པར་
འགྱུར། །རྒྱལ་བ་རྣམས་དང་རྒྱལ་བའི་མཆོད་རྟེན་ལ། །ལུས་ཀྱི་རབ་བཏུད་ལུས་སྦྱོང་འོད་ཟེར་ཐོབ། །འོད་ཟེར་སེམས་སྦྱོང་རབ་ཏུ་བཀྱེ་བྱས་ཤིང་། །སྨོས་པ་ཐམས་ཅད་རང་བཞིན་སེམས་སུ་འགྱུར། །ཏིང་
འཛིན་རྗེས་སུ་སེམས་འགྲོར་རབ་བྱས་པས། །དེས་ནི་སེམས་སྦྱོང་འོད་ཟེར་དེ་གྲུབ་པོ། །འོད་ཟེར་གཟུགས་སྦྱོང་རབ་ཏུ་དཀྱེ་བྱས་ཤིང་། །བསམ་ཡས་སྐུ་མངའི་མིའི་དབང་པོ་མཐོང་། །སྐུ་གཟུགས་རི་མོར་
སྣ་ཚོགས་མང་པོ་དང་། །མཆོད་རྟེན་རྒྱན་བྱས་གཟུགས་མཐོང་ཐོབ་པར་འགྱུར། །འོད་ཟེར་སྒྲ་སྦྱོང་རབ་ཏུ་དཀྱེ་བྱས་ཤིང་། །སྒྲ་ནི་སྒྲ་མིན་སྟོང་པར་རབ་ཏུ་ཤེས། །རྐྱེན་ལས་བྱུང་བས་སྒྲ་བརྙན་འདའོ་

72-1-258b

ཞེས། །སྒྲ་རྣམས་བསྟན་པས་འོད་ཟེར་དེ་གྲུབ་པོ། །འོད་ཟེར་དྲི་སྦྱོང་རབ་ཏུ་དཀྱེ་བྱས་ཤིང་། །དྲི་ང་ཐམས་ཅད་དྲི་ཞིམ་མཆོག་ཏུ་འགྱུར། །སྤོས་མཆོག་རབ་ཆུས་རྒྱལ་བའི་མཆོད་རྟེན་དག །ཁྲུས་
བྱས་བྱང་ཆུབ་ཤིང་གི་འོད་དེ་ཡིན། །འོད་ཟེར་མཆོག་ནི་རབ་ཏུ་དཀྱེ་བྱས་ཤིང་། །དུག་ཅན་དུག་མྱེད་རོ་ཡི་མཆོག་ཏུ་འགྱུར། །སངས་རྒྱས་ཉན་ཐོས་བཅས་དང་ཕ་མ་ལ། །རོ་མཆོག་ཐམས་ཅད་ཕུལ་
བའི་དོན་དེ་ཡིན། །འོད་ཟེར་རེག་སྦྱོང་རབ་ཏུ་དཀྱེ་བྱས་ཤིང་། །རེག་ན་མི་བདེ་ཐམས་ཅད་འཇམ་བདེར་འགྱུར། །ཏྲི་ཤུལ་མདའ་དང་རལ་གྲི་མདའ་ཡི་ཆར། །ཕྲེང་བ་ཡིད་འོང་ཨུཏྤལ་པདྨོར་འགྱུར། །གོས་
མང་འཇམ་པ་རེག་ན་བདེ་བའི་རྣམས། །རྒྱལ་བ་གཤེགས་པའི་ལམ་དུ་བཏིང་བཀྲམ་སྟེ། །མེ་ཏོག་བྱུག་པ་ན་བཟའ་འཇམ་པ་དང་། །ཕྲེང་བ་བླ་རེ་གསོལ་བས་དོན་དེ་ཡིན། །འོད་ཟེར་ཆོས་སྦྱོང་རབ་
ཏུ་དཀྱེ་བྱས་ཤིང་། །བ་སྤུ་ཀུན་ནས་འཇིག་རྟེན་ཕན་མཛད་པའི། །བསམ་ཡས་ཆོས་མང་འབྱུང་བ་ཐོབ་པར་འགྱུར། །མོས་པའི་ལམ་ཚུལ་བཞིན་དུ་དགའ་བར་བྱེད། །རྐྱེན་ལས་བྱུང་བས་མ་སྐྱེས་
རང་བཞིན་ཡིན། །རྒྱལ་བའི་སྐུ་ནི་ཆོས་ཀྱི་སྐུ་ཡིན་ཏེ། །ཆོས་ཉིད་ནམ་མཁའ་བཞིན་དུ་རྟག་གནས་ཤེས། །བརྗོད་པས་ཆོས་སྦྱོང་འོད་ཟེར་དེ་ཐོབ་པོ། །འོད་ཟེར་སྒོ་མོ་དེ་དག་ལ་སོགས་པ། །དྲང་སྲོང་
རྣམས་ཀྱི་བ་སྤུའི་སྒོ་གཅིག་ནས། །གང་གའི་བྱེ་མ་སྙེད་ཀྱི་འོད་ཟེར་འབྱུང་། །ཀུན་ནས་ཐ་དད་ལས་ཀྱི་ཚུལ་ཡིན་ནོ། །ཇི་ལྟར་བ་སྤུ་གཅིག་སྒོ་སྒོ་གཅིག་ནས། འོད་ཟེར་གངྒའི་བྱེ་སྙེད་ཡོངས་འབྱུང་བ། །
དེ་བཞིན་མ་ལུས་སྤུ་རྣམས་ཐམས་ཅད་ནས། །དྲང་སྲོང་ཏིང་འཛིན་རྣམ་འཕྲུལ་དེ་འདྲའོ། ཡོན་ཏན་གང་གིས་འོད་ཟེར་གྲུབ་གྱུར་པའི།། ཡོན་ཏན་དེ་ལ་བསྟན་གྲོགས་བྱས་པ་ལ། །རྗེས་སུ་ཡིད་རང་

72-1-259a

གསོལ་བ་སུ་བཏབ་དང་། །གང་གིས་མཐོང་སྟེ་དགེ་བ་བསྩགས་གྱུར་པ། །དེ་དག་ཀུན་ཀྱང་འོད་ཟེར་དེ་དག་ཤེས། །གང་གིས་བསོད་ནམས་བྱས་ཤིང་དགེ་བསགས་ཏེ། །སངས་རྒྱས་ཡང་དང་ཡང་དུ་
མཆོད་བྱས་ཤིང་། །སངས་རྒྱས་ཡོན་ཏན་འདོད་ཅིང་དོན་གཉེར་བ། །དེ་དག་ཀུན་ལ་འོད་ཟེར་དེ་དག་བསྐུལ། །དམུས་ལོང་རྣམས་ཀྱི་ཉི་མའི་འོད་མཐོང་ཡང་། །དེ་མེད་མ་ཡིན་འཇིག་རྟེན་ཀུན་ཏུ་འཆར། །མིག་
དང་ལྡན་པས་ཤར་བར་ཤེས་གྱུར་ནས། །ཀུན་ཀྱང་རང་རང་སོ་སོའི་ལས་ལ་འཇུག །དེ་བཞིན་སྐྱེས་ཆེན་འོད་ཟེར་དེ་དག་ཀྱང་། །མེད་པ་མ་ཡིན་ཀུན་ཏུ་འཕྲོ་བ་སྟེ། །དེ་དག་མོས་པ་ལོག་པས་མནར་བ་ཡི། །ཕལ་གྱིས་
མི་མཐོང་བློ་གྲོས་ཡོངས་ལ་མོད། །རྒྱན་དང་ནོར་བུ་བཞོན་པ་གཞལ་མེད་ཁང་། །རིན་ཆེན་རོ་མཆོག་སྤོས་དང་བྱུག་པ་རྣམས། །དེ་དག་ཆེ་བར་གྱུར་ལ་ཡོད་མོད་ཀྱི། །ཉོན་མོངས་ཕོངས་པ་རྣམས་ལ་ཡོད་པ་མིན། །
གང་གིས་འོད་ཟེར་བྱེ་བྲག་འདི་ཐོས་ཏེ། །དད་ལ་ཡིད་ཆེས་མོས་པ་སྐྱེས་གྱུར་ན། །བདག་ནི་ཡོན་ཏན་ཆེན་པོའི་རྒྱལ་མཚན་དུ། །མི་འགྱུར་སྙམ་དུ་ནེམ་ནུར་དེས་མི་སྐྱེད། །དེ་དག་འཁོར་གྱི་རྒྱན་དུ་རྣམ་འཕྲུལ་བས། །
ཏིང་འཛིན་དམ་པ་མངོན་པར་བསྒྲུབ་བྱེད་ཅིང་། །ཕྱོགས་བཅུ་ཀུན་ཏུ་དཔེ་ཟླ་མེད་པ་ཡི། །རྒྱལ་སྲས་འཁོར་རྣམས་ཡོངས་སུ་སྟོན་པ་བྱེད། །དེ་དག་པདྨོ་མཛེས་པ་སྟོང་གསུམ་ཙམ། །འོད་ཀྱི་རྣམ་རྒྱན་
བྱིན་གྱིས་རླབས་བྱས་ཤིང་། །ལུས་གཅིག་བསྐྱིལ་མོ་ཀྲུང་གི་པདྨོ་དེ། །ཡོངས་སུ་རྒྱས་སྟོན་ཏིང་འཛིན་རྣམ་པར་འཕྲུལ། །དེ་དག་ཞིང་བཅུའི་རྡུལ་སྙེད་པད་མོ་གཞལ། །འཁོར་དང་བཅས་པ་བྱིན་གྱིས་
བརླབས་བྱས་ཤིང་། །རྒྱལ་སྲས་ཀུན་གྱིས་ཀུན་ནས་ཡོངས་སུ་བསྐོར་། །དེ་དག་ཏིང་འཛིན་ཏིང་འཛིན་མེད་པར་སྤྱོད། །དྲང་སྲོང་དེས་ནི་ཡོངསུ་སྨིན་བྱས་ཏེ། །རྒྱལ་བའི་ལེགས་ལ་ཡོངསུ་གང་བསྒྲུབ་

72-1-259b

པ། །དེ་དག་པད་མོ་ཆེན་པོའྀ་འཁོར་བྱེད་ཅིང་། །ཀུན་ཀྱང་ཐལ་མོ་སྦྱར་ཏེ་ངོར་ཡང་བལྟ། །སྐྱེས་བུ་ཆེན་པོའི་ཆོས་ཉིད་དེ་འདྲ་སྟེ། །གང་རྣམས་ཏིང་འཛིན་རྣམ་སྤྱོད་ཞུགས་གྱུར་པ། །ཀུན་ཀྱང་རང་རང་སློབ་མོས་བསླབ་
འགྱུར་ཏེ། །ཟླ་བ་སྐར་མའི་ཚོགས་ཀྱི་བསྐོར་བ་བཞིན། །དེ་དག་ཇི་ལྟར་ཕྱོགས་གཅིག་འཇུག་བྱེད་ཅིང་། །སངས་རྒྱས་སྲས་ཀྱི་འཁོར་རྣམས་སྟོན་བྱེད་པ། །དེ་བཞིན་མ་ལུས་ཕྱོགས་རྣམས་ཐམས་ཅད་དུ། །
སྟོན་ཏེ་ཏིང་འཛིན་རྣམ་འཕྲུལ་དེ་འདྲའོ། །དེ་དག་ཏིང་འཛིན་རབ་རྣམས་མངོན་བསྒྲུབ་ཅིང་། །ཕྱོགས་ཀྱི་དྲ་བར་སྣྲེལ་ཞིར་སྤྱོད་པ་བྱེད། །ལ་ལ་མཉམ་བཞག་ལ་ལ་ནམ་ལངས་པར། །རང་རང་ལུས་ཀྱང་ཕྱོགས་
རྣམས་ཀུན་ཏུ་སྟོན། །དེ་དག་ཤར་གྱི་ཕྱོགས་སུ་མཉམ་བཞག་ཅིང་། །དཔའ་བོ་དེ་དག་ནུབ་ཀྱི་ཕྱོགས་ནས་ལྡང་། །ནུབ་ཀྱི་ཕྱོགས་སུ་དེ་བཞིན་མཉམ་བཞག་ཅིང་། །ཤར་གྱི་ཕྱོགས་ནས་བདག་ཉིད་ཆེ་བ་ལྡང་། །དེ་བཞིན་
ཕྱོགས་བཅུ་ཀུན་ཏུ་འཇུག་བྱེད་དེ། །ཕྱོགས་རྣམས་ཀུན་ཏུ་མཉམ་པར་བཞག་བྱས་ཤིང་། །ཡེ་ཤེས་ཡོན་ཏན་མང་པོ་གཞན་ནས་ལྡང་། །དྲང་སྲོང་ཏིང་འཛིན་རྣམ་འཕྲུལ་དེ་འདྲའོ། །ཤར་ཕྱོགས་ཞིང་གྲངས་ཇི་
སྙེད་ཡོད་པ་རྣམས། །མ་ལུས་དེ་དག་ཀུན་གྱི་རང་བྱུང་གི། སྤྱན་སྔར་ཞབས་ཀྱི་དྲུང་ན་ཏིང་འཛིན་ལ། །ཞི་བར་རྣམ་པར་སྤྱོད་པར་དེ་དག་སྣང་། །དེར་ནི་མཉམ་བཞག་སེམས་ཅན་བསྟན་བྱས་ནས། །
ནུབ་ཀྱི་ཞིང་རྣམས་ཀུན་ནས་དཔའ་བོ་རྣམས། །ཡངས་ཤིང་རྒྱལ་བ་ཀུན་གྱི་སྤྱན་སྔ་ནས། །མཆོད་པ་རྣམ་མང་དུ་མ་བྱེད་པར་སྣང་། །ནུབ་ཀྱི་ཞིང་གྲངས་ཇི་སྙེད་ཡོད་པ་རྣམས། །མ་ལུས་དེ་དག་ཀུན་གྱི་
སངས་རྒྱས་ཀྱི། །སྤྱན་སྔ་ཞབས་ཀྱི་དྲུང་ན་ཏིང་འཛིན་ལ། །ཞི་བར་རྣམ་པར་སྤྱོད་པ་དེ་དག་སྣང་། །དེར་ནི་མཉམ་བཞག་སེམས་ཅན་བརྟན་བྱས་ནས། །ཤར་གྱི་ཞིང་རྣམས་ཀུན་ནས་དཔའ་བོ་རྣམས། །ལངས་

72-1-260a

ཤིང་རྒྱལ་བ་ཀུན་གྱི་སྤྱན་སྔ་ན། །མཆོད་པ་རྣམ་པ་དུ་མ་བྱེད་པར་སྣང་། །ཕྱོགས་བཅུའི་ཞིང་དུ་འཇུག་པ་དེ་འདྲ་སྟེ། །ཕྱོགས་རྣམས་ཀུན་ཏུ་མ་ལུས་དཔའ་བོ་རྣམས། །ལ་ལ་མཉམ་བཞག་
ལ་ལ་རྣམ་པར་ལངས། །འཇིག་རྟེན་སྒྲོན་མ་ཀུན་ལ་མཆོད་བྱེད་སྣང་། །དེ་དག་མིག་གི་ལམ་ལ་མཉམ་བཞག་ཅིང་། །བདག་ཉིད་ཆེ་བ་གཟུགས་ཀྱི་ལམ་ལས་ལྡང་། །འཇིག་རྟེན་ལྷར་བཅས་མོས་པར་
འགྱུར་བ་ཡི། །བསམ་གྱིས་མི་ཁྱབ་གཟུགས་ཀྱང་རབ་ཏུ་སྟོན། །གཟུགས་ཀྱི་ལམ་ལ་མཉམ་པར་བཞག་བྱས་ཤིང་། །དྲན་དང་ལྡན་པས་མིག་གི་ལམ་ལས་ལྡང་། །མིག་ནི་མ་སྐྱེས་མ་བྱུང་རང་བཞིན་ཏེ། །
སྟོང་པ་བྱེད་པ་མེད་པར་སྟོན་པར་བྱེད། །དེ་དག་རྣ་བའི་ལམ་ལ་མཉམ་བཞག་ཅིང་། །བདག་ཉིད་ཆེ་བ་སྒྲ་ཡི་ལམ་ལས་ལྡང་། །སྒྲ་དབྱངས་ཐམས་ཅད་སྒྲ་རྙན་བཞིན་དུ་ཤེས། །འཇིག་རྟེན་ལྷར་བཅས་དེ་
ལ་མོས་པར་འགྱུར། །སྒྲ་ཡི་ལམ་ལ་མཉམ་པར་བཞག་བྱས་ཤིང་། །དྲན་དང་ལྡན་པས་རྣ་བའི་ལམ་ལས་ལྡང་། །རྣ་བ་མ་སྐྱེས་མ་བྱུང་རང་བཞིན་ཏེ། །སྟོང་པ་བྱེད་པ་མེད་པར་སྟོན་པ་བྱེད། །དེ་དག་སྣ་
ཡི་ལམ་ལ་མཉམ་བཞག་ཅིང་། །བདག་ཉིད་ཆེ་བ་དྲི་ཡི་ལམ་ལས་ལྡང་། །དྲི་རབ་མཆོག་ལ་འཇུག་པ་རབ་ཏུ་ཞུགས། །འཇིག་རྟེན་ལྷར་བཅས་དེ་ལ་མོས་པར་འགྱུར། །དྲི་ཡི་ལམ་ལ་མཉམ་པར་
བཞག་བྱས་ཤིང་། །དྲན་དང་ལྡན་པ་སྣ་ཡི་ལམ་ལས་ལྡང་། །སྣ་ནི་མ་སྐྱེས་མ་བྱུང་རང་བཞིན་ཏེ། །སྟོང་པ་བྱེད་པ་མེད་པར་སྟོན་པར་བྱེད། །དེ་དག་ལྕེ་ཡི་ལམ་ལས་མཉམ་བཞག་ཅིང་། །བློ་མཆོག་ཀུན་
གྱི་ལམ་ལས་ལྡང་བར་བྱེད། །བདག་ཉིད་ཆེ་བ་དེ་དག་བློ་མཆོག་ཤེས། །འཇིག་རྟེན་ལྷར་བཅས་དེ་ལ་མོས་པར་འགྱུར། །བྲོ་ཡི་མཆོག་ལ་མཉམ་པར་བཞག་བྱས་ཤིང་། །དྲན་དང་ལྡན་པ་ལྕེ་ཡི་ལམ་ལས་

72-1-260b

ལྡང་། །ལྕེ་ནི་མ་བྱུང་མ་སྐྱེས་རང་བཞིན་ཏེ། །སྟོང་པ་བྱེད་པ་མེད་པར་སྟོན་པར་བྱེད། །དེ་དག་ལུས་ཀྱི་ལམ་ལས་མཉམ་བཞག་ཅིང་། །བདག་ཉིད་ཆེ་བ་རེག་པའི་ལམ་ལས་ལྡང་། །འཇིག་རྟེན་བདེ་བ་བསྐྱེད་
པའི་རེག་ལ་ཞུགས། །འཇིག་རྟེན་ལྷར་བཅས་དེ་ལ་མོས་པར་འགྱུར། །རེག་གི་ལམ་ལ་མཉམ་པར་བཞག་བྱས་ཤིང་། །དྲན་དང་ལྡན་པ་ལུས་ཀྱི་ལམ་ལས་ལྡང་། །ལུས་ནི་མ་བྱུང་མ་སྐྱེས་རང་བཞིན་ཏེ། །
སྟོང་པ་བྱེད་པ་མེད་པར་སྟོན་པ་དེ། །དེ་དག་སེམས་ཀྱི་ལམ་ལ་མཉམ་བཞག་ཅིང་། །བདག་ཉིད་ཆེ་བ་ཆོས་ཀྱི་ལམ་ལས་ལྡང་། །ཆོས་སྒྲུབ་འཇུག་པར་བྱ་ལ་རབ་ཏུ་ཞུགས། །འཇིག་རྟེན་ལྷར་བཅས་དེ་
ལ་མོས་པར་འགྱུར། །ཆོས་ཀྱི་ལམ་ལ་མཉམ་པར་བཞག་བྱས་ཤིང་། །དྲན་དང་ལྡན་པ་སེམས་ཀྱི་ལམ་ལས་ལྡང་། །སེམས་ནི་མ་སྐྱེས་མ་བྱུང་རང་བཞིན་ཏེ། །སྟོང་པ་བྱེད་པ་མེད་པར་སྟོན་པ་བྱེད། །
བྱིས་པའི་ལུས་ལ་དེ་དག་མཉམ་བཞག་ཅིང་། །གཞོན་ནུ་དར་ལ་བབ་པའི་ལུས་སུ་ལྡང་། །གཞོན་ནུ་དར་ལ་བབ་པ་མཉམ་བཞག་ཅིང་། །རྒན་ཞིང་འཁོགས་པའི་ལུས་སུ་རྣམ་པར་ལྡང་། །རྒན་ཞིང་
འཁོགས་པའི་ལུས་སུ་མཉམ་བཞག་ཅིང་། །དགེ་བསྙེན་མ་ཡི་ལུསུ་རྣམ་པར་ལྡང་། །དགེ་བསྙེན་མ་ཡི་ལུས་སུ་མཉམ་བཞག་ཅིང་། །དགེ་བསྙེན་དད་པའི་ལུས་སུ་རྣམ་པར་ལྡང་། །དགེ་བསྙེན་དད་
པའི་ལུས་སུ་མཉམ་བཞག་ཅིང་། །དགེ་སློང་མ་ཡི་ལུསུ་རྣམ་པར་ལྡང་། །དགེ་སློང་མ་ཡི་ལུས་སུ་མཉམ་བཞག་ཅིང་། །དགེ་སློང་མང་དུ་ཐོས་པའི་ལུས་སུ་ལྡང་། །དགེ་སློང་མང་ཐོས་ལུས་ལ་
མཉམ་བཞག་ཅིང་། །སློབ་དང་མི་སློབ་ལུས་སུ་རྣམ་པར་ལྡང་། །སློབ་དང་མི་སློབ་ལུས་སུ་མཉམ་བཞག་ཅིང་། །རང་རྒྱལ་ལུས་ལས་དེ་དག་རྣམ་པར་ལྡང་། །རང་རྒྱལ་ལུས་ལས་དེ་དག་མཉམ་

72-1-261a

བཞག་ཅིང་། །སངས་རྒྱས་སྐུ་མཆོག་ཕུལ་དུ་རྣམ་པར་ལྡང་། །སངས་རྒྱས་སྐུ་མཆོག་ཕུལ་ལས་མཉམ་བཞག་ཅིང་། །ལྷ་ཡི་ལུསུ་དེ་དག་རྣམ་པར་ལྡང་། །ལྷ་ཡི་ལུསུ་དེ་དག་མཉམ་བཞག་ཅིང་། །
འཕྲུལ་ཆེན་ཀླུ་ཡི་ལུས་སུ་རྣམ་པར་ལྡང་། །འཕྲུལ་ཆེན་ཀླུ་ཡི་ལུས་སུ་མཉམ་བཞག་ཅིང་། །འཕྲུལ་ཆེན་གནོད་སྦྱིན་ལུས་སུ་རྣམ་པར་ལྡང་། །འཕྲུལ་ཆེན་གནོད་སྦྱིན་ལུས་སུ་མཉམ་བཞག་ཅིང་། །འབྱུང་པོ་ཀུན་
གྱི་ལུས་སུ་རྣམ་པར་ལྡང་། །འབྱུང་པོ་ཀུན་གྱི་ལུས་སུ་མཉམ་བཞག་ཅིང་། །སྤུ་རྩེ་གཅིག་གི་སྒོ་ནས་རྣམ་པར་ལྡང་། །སྤུ་རྩེ་གཅིག་གི་སྒོ་ནས་མཉམ་བཞག་ཅིང་། །སྤུ་རྩེ་ཀུན་གྱི་སྒོ་ནས་རྣམ་པར་ལྡང་། །
སྤུ་རྩེ་ཀུན་གྱི་སྒོ་ལ་མཉམ་བཞག་ཅིང་། །སྐྲ་རྩེ་གཅིག་གི་སྒོ་ནས་རྣམ་པར་ལྡང་། །སྐྲ་རྩེ་གཅིག་གི་སྒོ་ནས་མཉམ་བཞག་ཅིང་། །སྐྲ་རྩེ་ཀུན་གྱི་སྒོ་ནས་རྣམ་པར་ལྡང་། །སྐྲ་རྩེ་ཀུན་གྱི་སྒོར་ནི་
མཉམ་བཞག་ཅིང་། །རྡུལ་ཕྲན་གཅིག་ལས་དེ་དག་རྣམ་པར་ལྡང་། །རྡུལ་ཕྲན་གཅིག་ལ་དེ་དག་མཉམ་བཞག་ཅིང་། །རྡུལ་ཕྲན་མ་ལུས་ཀུན་ལས་རྣམ་པར་ལྡང་། །རྡུལ་ཕྲན་ཀུན་ལས་དེ་དག་
མཉམ་བཞག་ཅིང་། །རྒྱ་མཚོ་རྡོ་རྗེའི་གཞི་ལས་རྣམ་པར་ལྡང་། །རྒྱ་མཚོ་རྡོ་རྗེའི་གཞི་ལ་མཉམ་བཞག་ཅིང་། །རིན་ཆེན་ཤིང་གི་འབྲས་ལས་རྣམ་པར་ལྡང་། །རིན་ཆེན་ཤིང་གི་འབྲས་ལ་མཉམ་
བཞག་ཅིང་། །རྒྱལ་བའི་འོད་ཟེར་སྒོར་ནི་རྣམ་པར་ལྡང་། །རྒྱལ་བའི་འོད་ཟེར་སྒོ་ནི་མཉམ་བཞག་ཅིང་། །རྒྱ་མཚོ་ཆུ་དང་ཆུ་ཀླུང་ཀུན་ནས་ལྡང་། །རྒྱ་མཚོ་ཆུ་ཀླུང་ཀུན་ནས་མཉམ་བཞག་ཅིང་། །བདག་ཉིད་
ཆེ་བ་མེ་ཡི་ལམ་ལས་ལྡང་། །མེ་ཡི་ལམ་ལ་དེ་དག་མཉམ་བཞག་ཅིང་། །དྲན་དང་ལྡན་པ་རླུང་གི་ལམ་ལས་ལྡང་། །རླུང་གི་ལམ་ལ་དེ་དག་མཉམ་བཞག་ཅིང་། །བདག་ཉིད་ཆེ་བ་ས་ཡི་གཞི་ལས་ལྡང་། །

72-1-261b

ས་ཡི་གཞི་ལ་མཉམ་པར་བཞག་བྱས་ཤིང་། །ལྷ་ཡི་གཞལ་མེད་ཁང་ནས་རྣམ་པར་ལྡང་། །ལྷ་ཡི་གཞལ་མེད་ཁང་དུ་མཉམ་བཞག་ཅིང་། །དྲན་དང་ལྡན་པ་ཀླུ་ཡི་གནས་ནས་ལྡང་། །ཡོན་ཏན་མཐའ་ཡས་
སྩོགས་པ་དེ་དག་གིས། །ཏིང་འཛིན་རྣམ་ཐར་དེ་དག་བསམ་མྱི་ཁྱབ། །རྒྱལ་བ་ཀུན་གྱི་བསྐལ་པ་བསམ་ཡས་སུ། །བསྟན་པ་མཛད་ཀྱང་ཟད་པར་མྱི་རུང་ངོ་། །རྒྱལ་བ་ཀུན་གྱི་དེ་སྐད་མ་གསུངས་མྱིན། །འགྲོ་
བའི་ལས་ཀྱི་རྣམ་སྨིན་བསམ་མྱི་ཁྱབ། །ཀླུ་ཡི་རྣམ་འཕྲུལ་སངས་རྒྱས་རྣམ་འཕྲུལ་དང་། །བསམ་གཏན་པ་ཡི་རྣམ་འཕྲུལ་བསམ་མྱི་ཁྱབ། །དེ་དག་ཀུན་ལ་འང་དཔེ་བསྟན་བརྗོད་པར་བྱ། །དེ་ལ་
འདྲ་བའི་དཔེ་ལྟ་ཡོད་མིན་ཏེ། །མཁས་ཤིང་གསལ་བའི་སྐྱེ་བོ་དཔེ་རྣམས་ཀྱིས། །བསྟན་ན་མྱུར་དུ་རྣམ་པར་དོན་ཤེས་འགྱུར། །སེམས་ཀྱི་ལམ་ལ་རྣམ་ཐར་བརྒྱན་གནས་པའི། །ཉན་ཐོས་གཅིག་ཏུ་
གྱུར་ཅིང་མང་པོར་འགྱུར། །མང་པོར་གྱུར་ཅིང་དེ་བཞིན་གཅིག་གྱུར་ཏེ། །ནམ་མཁའ་འདི་ལ་བསམ་གཏན་འཆའ་ཞིང་འབར། །འོག་ནས་མེ་འབར་སྟེང་ནས་ཆུའི་རྒྱུན། །སྟེང་ནས་མེ་འབར་འོག་ནས་ཆུའི་རྒྱུན། །
འགྲོ་འདུག་ཉལ་ཞིང་འགྲེང་བ་དེ་བཞིན་ཏེ། །སྐད་ཅིག་གཅིག་ལ་ལུས་འཕྲུལ་བསམ་མྱི་ཁྱབ། །དེ་ནི་སྙིང་རྗེ་ཆེན་པོ་ལྡན་མ་ཡིན། །བྱང་ཆུབ་མི་ཚོལ་འཇིག་རྟེན་ཡལ་བར་གཞོག །འོན་ཀྱང་ལུས་འཕྲུལ་
བསམ་གྱིས་མྱི་ཁྱབ་སྟོན། །འཇིག་རྟེན་ཕན་ཚོལ་ཅི་ཕྱིར་དེ་མི་སྟོན། །ཉི་ཟླ་མཁའ་ལས་རྣམ་པར་རྒྱུ་འདོད་ཞིང་། །ཕྱོགས་རྣམས་ཀུན་གྱི་མཚོ་དང་ལུ་མ་དང་། །ལྟེང་ཀ་ཁྲོན་པ་རིན་ཆེན་རྒྱ་མཚོའི་སྣོད། །
ཆུ་ཀླུང་ཀུན་ཏུ་གཟུགས་བརྙན་སྟོན་པ་བྱེད། །དེ་བཞིན་བསམ་གྱིས་མི་ཁྱབ་གཟུགས་ཀུན་ཀྱང་། །སྐྱེས་བུ་དཔའ་བོ་དེ་དག་ཕྱོགས་བཅུར་སྟོན། །ཏིང་འཛིན་རྣམ་ཐར་ཀུན་གྱི་ཚུལ་ལ་མཁས། །དེ་

72-1-262a

ལ་དེ་བཞིན་གཤེགས་པ་རང་འབྱུང་དཔལ། །མཚོ་གསུམ་དང་བར་ཡན་ལག་བཞི་ཡི་དཔུང་། །སོ་སོ་རང་རང་གཟུགས་བརྙན་ཚུལ་བཞིན་མཐོང་། །རལ་གྲི་ཤང་ལང་སོགས་ཀ་མདེའུ་ཐུང་མདའ། །
བཞོན་པ་ཐེག་པ་གོ་ཆ་བཅས་པར་མཐོང་། །གང་གི་གཟུགས་དང་ཆ་བྱད་ཅི་འདྲ་བ། །ཆུ་གསལ་དེ་ལ་དེ་བཞིན་མ་ནོར་མཐོང་། །ཆུ་ལ་ཞེ་སྡང་བྱམས་པ་རྟོག་པ་མེད། །དྲང་སྲོང་ཏིང་འཛིན་རྣམ་འཕྲུལ་དེ་
འདྲའོ། །རྒྱ་མཚོའི་ལྷ་མོ་སྒྲ་དང་ལྡན་ཡོད་པ། །སེམས་ཅན་རྒྱ་མཚོར་ཇི་སྙེད་སྐྱེས་པ་རྣམས། །དེ་སྒྲོག་སྒྲ་ཡི་ཡན་ལག་དབྱངས་ཚུལ་ཤེས། །སྒྲ་སྐད་ཀུན་ཏུ་རང་རང་སྐད་དུ་བརྗོད། །དབྱངས་ལྡན་དེ་ནི་འདོད་
ཆགས་ཞེ་སྡང་ཅན། །འོན་ཀྱང་སྒྲ་དབྱངས་ལས་ཀྱི་ཚུལ་ལ་མཁས། །གཟུངས་དང་ཆོས་ཀྱི་སྟོབས་ལ་དབང་ཐོབ་པ། །འཇིག་རྟེན་ལྷར་བཅས་ཅི་ཕྱིར་མགུར་མི་བྱེད། །དགའ་བྱེད་ཆུང་མ་སྒྲ་བརྙན་ལྡན་པ་མོ། །
ཚངས་པའི་བུ་མོ་སེམས་ལས་བྱུང་བ་སྟེ། །དམ་ཚིག་བདེན་བསྒྲུབ་མི་འཚེ་དགའ་བ་ཡིན། །སེམས་ཡིད་དག་རྣམས་བྱིན་གྱིས་རློབ་པ་བྱེད། །སྒྲ་སྙན་ལྡན་པ་འདོད་ཆགས་ཞེ་སྡང་ཅན། །བརྟུལ་
ཞུགས་གྲུབ་ལ་དབྱངས་ཀྱི་རྗེས་སུ་འབྲང་། །འཇིག་རྟེན་ཡིད་འོང་སྒྲས་ཀྱང་ཚིམ་པར་བྱེད། །ཡེ་ཤེས་ཡོན་ཏན་མང་བ་ཅིར་མི་སྟོན། །སྔགས་ཀྱི་ཚུལ་མཁས་སྒྱུ་མ་མཁན་པོ་ཡང་། །སྣ་ཚོགས་མཐའ་
ཡས་གཟུགས་མང་སྟོན་པ་བྱེད། །ཉི་མཚན་ཡིད་དང་ཟླ་བ་ལོ་བརྒྱ་དང་། །ཁྱིམ་བཟང་རྒྱས་པ་ཤིན་ཏུ་མཛེས་པ་སྟོན། །འདོད་ཆགས་ཞེ་སྡང་ལྡན་པའི་མཁན་པོ་ཡང་། །སྒྱུ་མའི་འཕྲུལ་གྱིས་འཇིག་

72-1-262b

རྟེན་དགའ་བར་བྱེད། །བསམ་གཏན་མངོན་ཤེས་རྣམ་འཕྲུལ་རབ་བྱང་བ། །སྤྱོད་པ་ཚུལ་མཁས་ཅི་ཕྱིར་དགའ་མི་བྱེད། །ལྷ་དང་ལྷ་མིན་དབང་པོ་འཐབ་པའི་ཚེ། །ལྷ་མིན་ལྷ་ཡང་རུང་སྟེ་གང་ཕམ་པ། །
དེ་དག་གཞོན་པ་ཐེག་པ་གདུགས་བཅས་པར། །གོ་ཅ་གྱོན་བཞིན་འཇིགས་པས་ཀུན་ཏུ་བྱེར། །ལྷ་དབང་དེ་དག་འདོད་ཆགས་སྡང་ལྡན་ཡང་། །ལུས་ཀྱི་རྣམ་འཕྲུལ་བསམ་གྱིས་མྱི་ཁྱབ་སྟོན། །དབང་ཕྱུག་རྫུ་འཕྲུལ་
གནས་པའི་དཔའ་བོ་རྣམས། །ལུས་ཀྱི་རྣམ་འཕྲུལ་ཅི་ཕྱིར་སྟོན་མི་བྱེད། །རྡོ་རྗེ་འཛིན་པའི་གླང་པོ་ཤུགས་ལྡན་པ། །འཕྲུལ་ཆེན་ལྷ་ཡི་དབང་པོ་འཁོར་གྱུར་པ། །མགོ་མང་སུམ་བཅུ་རྩ་གཉིས་སྤྲུལ་པ་བྱེད། །
མགོ་རྣམས་ཀུན་ལའང་མཆེ་བ་དྲུག་དྲུག་སྟེ། །སོ་རྣམས་རེ་རེ་ཀུན་ལའང་མེ་ཆབ་རྣམས། །བདུན་དང་བདུན་བཅུས་རྒྱས་ཡངས་སྤྲུལ་པ་བྱེད། །རྫིང་རྣམས་རེ་རེ་ཀུན་ཏུ་པད་མོ་རྣམས། །བདུན་བདུན་རྒྱས་ཀྱི་
རྣམ་བརྒྱན་སྤྲུལ་པ་བྱེད། །པད་མོ་རེར་ཡང་ལྷ་ཡི་བུ་མོ་དག །སྒྱུ་བརྩལ་ཀུན་མཁས་བདུན་བདུན་སྤྲུལ་པ་བྱེད། །དེ་དག་རྩེད་མོ་གླུ་གར་ཚུལ་ལ་མཁས། །སུམ་བཅུ་རྩ་གསུམ་དབང་པོ་དེ་དང་རྩེ། །
གླང་པོ་དེ་ཡང་གླང་པོའི་ལུས་བཏང་ཞིང་། །ལྷ་རྣམས་ཀུན་དང་མཉམ་ཞིང་འདྲ་བར་རྫུ། །སྤྱོད་པའི་ཚུལ་དང་ལོངས་སྤྱོད་ཀུན་དང་མཐུན། །གླང་པོ་མཆོག་གི་རྣམ་འཕྲུལ་ཅི་འདྲ་ལྟོས། །དེ་ནི་འདོད་ཆགས་ཞེ་སྡང་
གཏི་མུག་ཅན། །འོན་ཀྱང་དེ་འདྲའི་རྫུ་འཕྲུལ་སྟོན་བྱེད་ན། །ཤེས་རབ་ཐབས་ཀྱི་སྟོབས་ལ་བྱང་གྱུར་ཞེས། །ཏིང་འཛིན་བརྒྱས་ཀྱང་ཅི་ཕྱིར་འཕྲུལ་མི་བྱེད། །སྒྲ་ཅན་ཅི་དགའི་ཚུལ་དང་ལུས་རྫུ་ན། །
རྡོ་རྗེ་གཞི་ལ་རྐང་པའི་མཐིལ་བོར་ནི། །རྒྱ་མཚོའི་ཟབས་རིང་ལྟ་བར་ཕྱིན་ཙམ་བྱེད། །རི་རབ་རྩེ་དང་ཉིད་ཀྱི་མགོ་ཡང་སྙོམ། །དེ་ནི་འདོད་ཆགས་ཞེ་སྡང་གཏི་མུག་ཅན། །འོན་ཀྱང་དེ་འདྲ་རྫུ་འཕྲུལ་སྟོན་

72-1-263a

བྱེད་ན། །འཇིག་རྟེན་སྒྲོན་མ་བདུད་རྣམས་ཡོངས་འདུལ་བ། །རྫུ་འཕྲུལ་མཐའ་ཡས་ཅི་ཕྱིར་སྟོན་མི་བྱེད། །བསམ་ཡས་བརྒྱ་བྱིན་འཕྲུལ་པའང་ལྟོས་ཤིག་དང་། །ལྷ་དང་ལྷ་དབང་འཐབ་པར་གྱུར་
པའི་ཚེ། །ལྷ་མིན་བྱེ་བ་མཆིས་པ་ཇི་སྙེད་པ། །དེ་སྙེད་བརྒྱ་བྱིན་རང་གི་ལུས་འཕྲུལ་བྱེད། །ལྷ་མིན་དབང་པོ་ལྷ་མིན་ཕལ་ཀུན་གྱིས། །བརྒྱ་བྱིན་རང་རང་མདུན་ན་འདུག་པར་ཤེས། །དེ་ནི་རྡོ་རྗེ་འཆང་བས་
གཟུང་གྱུར་ཅེས། །ལྷ་མིན་དབང་པོས་ཀུན་ཀྱང་མགོ་རྨོངས་སོ། །འཇིག་པའི་གཟུགས་ཀྱིས་མིག་སྟོང་རབ་བསྟན་ཏེ། །རྡོ་རྗེ་མེ་ལྕེ་འབར་བ་རབ་བཟོ་ཤིང་། །ལུས་ལ་གོ་བགོས་གཟི་བརྗིད་ཐུབ་དཀའ་བའི། 
བརྒྱ་བྱིན་མཐོང་ནས་ལྷ་མིན་དབང་པོར་འབྱེར། །དེ་ནི་བསོད་ནམས་ཕལ་གྱི་སྟོབས་དང་མཐུས། །ལྷ་རྒྱལ་དོན་དུ་རྣམ་པར་འཕྲུལ་བྱེད་ན། །འགྲོ་བ་མ་ལུས་ཀུན་གྱི་མགོན་གྱུར་པའི། །བསོད་ནམས་
མི་ཟད་རྣམས་གོ་ཅིར་མི་འཕྲུལ། །ལྷ་རྣམས་བསྐུལ་བའི་ལྷ་རྫས་རྔ་ཡོད་པ། །ལྷ་ཡི་ལས་རྣམས་རྣམ་པར་སྨིན་པས་བྱུང་། །ལྷ་རྣམས་བག་མེད་སྤྱོད་པར་ཤེས་གྱུར་ནས། །མཁའ་ལས་རྔ་ཡི་
དབྱངས་ཀྱིས་རབ་ཏུ་སྒྲོག །འདོད་པ་ཐམས་ཅད་མི་རྟག་མི་བརྟན་ཏེ། །འཇིག་ཅིང་མི་གནས་དབུ་བའི་རང་བཞིན་འདྲ། །སྒྱུ་མ་སྨིག་རྒྱུ་ཆུ་ཡི་ཟླ་བ་བཞིན། །སྲིད་པ་ཀུན་ཀྱང་རྨི་ལམ་སྤྲིན་གྱི་དངོས། །བག་མེད་ཐམས་ཅད་
གཙུགས་ལྔན་མྱ་ངན་ལྡན། །ཚེམས་ཀྱི་ལམ་ཡིན་འཆི་མེད་ལམ་མ་ཡིན། །ཇི་སྙེད་བག་མེད་རྣམ་པར་སྤྱོད་པ་རྣམས། །བདུད་ཀྱི་ཆུ་སྲིན་ཆེན་པོས་ཟོས་པ་ཡིན། །ཡོངས་སུ་འཛིན་པ་ཐམས་ཅད་སྡུག་བསྔལ་
རྩ། །སྐྱེ་བ་ཐམས་ཅད་འཕགས་པ་ཀུན་གྱི་སྨད། །འདོད་པའི་ཡོན་ཏན་ཐམས་ཅད་མཐར་ཟད་རང་བཞིན་གྱིས། །ཆོས་ལ་མོས་པས་རྟག་ཏུ་དགའ་བར་གྱིས། །བརྒྱ་བྱིན་ལྷར་བཅས་རྔ་ཡིས་བསྐུལ་

72-1-263b

བྱས་ནས། །ཀུན་ཀྱང་ཆོས་བཟང་འདུན་སར་དོང་ཕྱིན་ཏེ། །ལྷ་མང་ཀུན་ལ་ཆོས་གཏམ་ཞི་བའི་རྣམས། །འདོད་ཆགས་བྲལ་དང་རྗེས་སུ་མཐུན་པ་བརྗོད། །རྔ་རབ་དེ་ནི་གཟུགས་མེད་མི་མཐོང་ཡང་། །དོན་ཆེན་རྔ་ཡི་
སྒྲ་ནི་སྒྲོག་བྱེད་ན། །བསམ་པའི་ཚུལ་བཞིན་གཟུགས་མང་སྟོན་བྱེད་པ། །འགྲོ་བ་ཀུན་གྱི་དོན་ཆེན་ཅིར་མྱི་བྱེད། །ལྷ་དང་ལྷ་མིན་འཐབ་པར་གྱུར་པའི་ཚེ། །ལྷ་ཡི་བསོད་ནམས་ཁྱད་པར་མཐུ་སྟོབས་ཀྱིས། །
ལྷ་རྣམས་བསྐུལ་བའི་ལྷ་རྫས་རྔ་ཡི་མཆོག །ལྷ་རྣམས་འཇིགས་ས་རེ་ཞེས་སྒྲ་ཡང་སྒྲོག །རྔས་བསྐུལ་ལྷ་རྣམས་ཡོངས་སུ་དགའ་བ་སྟེ། །འཇིགས་མེད་སྟོབས་དང་ཤིན་ཏུ་ལྡན་པར་འགྱུར། །
ལྷ་མིན་དབང་པོ་འཇིགས་ཤིང་དངངས་གྱུར་ནས། །དེ་མ་ཐག་ཏུ་འཇིགས་ཤིང་ཀུན་ཏུ་འབྱེར། །དེ་བཞིན་ཇི་འདྲ་འཆི་མེད་སྟོབས་པའི་རྣམས། །འགྲོ་བ་ཀུན་གྱི་མགོན་དང་དཔུང་གྱུར་ཏེ། །བདུད་དང་ཉོན་མོངས་
བཅོམ་པའི་སྙིང་རྗེ་ཅན། །ཞི་བའི་སྒྲ་སྒྲོག་ཉོན་མོངས་རབ་ཏུ་སེལ། །དབང་པོའི་ལྷ་མོ་དགུ་བཅུ་རྩ་གཉིས་ཏེ། །དབང་པོ་སྤྲུལ་པས་ཀུན་ཀྱང་དགའ་བར་འགྱུར། །གཅིག་དང་བདག་དང་བརྒྱ་བྱིན་རྩེ་བར་ཤེས། །
གཅིག་ལྟས་ལྷ་མོ་ཀུན་ཀྱང་དེ་བཞིན་ནོ། །ལྷ་མོ་ཀུན་ཀྱང་དགའ་བར་གནས་སྣང་ཡང་། །ཆོས་བཟངས་འདུན་དུ་ཀུན་ནའང་དེ་བཞིན་འདུག །ལྷ་རྣམས་ཀུན་ལ་ཆོས་རབ་སྟོན་པར་ཡང་། །བརྒྱ་བྱིན་སྐད་
ཅིག་གཅིག་གིས་རྣམ་པར་འཕྲུལ། །བརྒྱ་བྱིན་འདོད་ཆགས་ཞེ་སྡང་གཏི་མུག་ཅན། །སྤྲུལ་པས་རང་གི་འཁོར་རྣམས་དགའ་བྱེད་ན། །འགྲོ་དོན་མི་སྐྱོ་སྤྱོད་པ་ཅི་ཡི་ཕྱིར། །རྫུ་འཕྲུལ་སྟོབས་ཀྱིས་འཇིག་
རྟེན་དགར་མི་བྱེད། །བདུད་ཀྱི་བཀྲུགས་མ་འགྲོ་བའི་དབང་བསྒྱུར་བ། །དེ་ཡི་དབང་དུ་སེམས་ཅན་འདི་ཀུན་འདོང་། །ལས་དང་ཉོན་མོངས་ཀུན་ཏུ་ཁྲི་ཞགས་ཀྱིས། །སོ་སོའི་སྐྱེ་བོ་བདུན་འཁྲུག་དེས་ཀྱང་བཅིང་། །

72-1-264a

དེ་ནི་འདོད་ཆགས་ཞེ་སྡང་གཏི་མུག་བཅད། །འགྲོ་བ་མང་པོ་བདུད་ཀྱི་དབང་བྱེད་ན། །དབང་བཅུའི་དབང་ཐོབ་གྱུར་པ་ཅི་རབ་སྟེ། །འགྲོ་བ་ཐམས་ཅད་རང་གི་ཕྱོགས་མི་གཞོག །སྟོང་གསུམ་བདག་
པོ་ཚངས་པ་ཆེན་པོ་ཡང་། །སྟོང་གསུམ་ཀུན་གྱི་ཚངས་པའི་གནས་རྣམས་དང་། །མ་ལུས་ཀུན་ཏུ་འདུག་པར་རབ་ཏུ་སྣང་། །ཚངས་པའི་སྒྲ་དབྱངས་ཡིད་འོང་རྣམས་ཀྱང་སྒྲོགས། །དེ་ནི་འཇིག་རྟེན་པ་ཡི་ལམ་
གྱིས་ནི། །བསམ་གཏན་མངོན་པར་ཤེས་པས་རྣམ་པར་འཕྲུལ། །འཇིག་རྟེན་ཡོངས་འདས་བླ་ན་མེད་པ་ཡི། །བསམ་གཏན་རྣམ་ཐར་གནས་པ་ཅིར་མི་འཕྲུལ། །དབང་ཕྱུག་ཆེན་པོའི་ཡེ་ཤེས་རྣམ་འཕྲུལ་ལྟོས། །
རྒྱ་མཚོའི་སྤྲིན་གྱི་ཆར་རྣམས་རབ་བཀྱེ་བ། །སྐད་ཅིག་གཅིག་གིས་ཐམས་ཅད་བགྲང་བ་བྱེད། །ཐིགས་དགའི་ཟེར་ཀྱང་མ་ལུས་དེ་ཤེས་ན། །བསྐལ་པ་བསམ་གྱིས་མྱི་ཁྱབ་ཚུལ་བསླབས་ཏེ། །སངས་
རྒྱས་ཡེ་ཤེས་བླ་ན་མེད་ཐོབ་རྣམས། །ཅིས་རབ་འགྲོ་བ་མ་ལུས་ཐམས་ཅད་ཀྱི། །སྐད་ཅིག་གཅིག་ལ་སེམས་བསམ་ཤེས་མི་འགྱུར། །སེམས་ཅན་ལས་སྨིན་བསམ་གྱིས་མྱི་ཁྱབ་པས། །རླུང་དང་
འཇིག་རྟེན་ཐམས་ཅད་ཡོངས་སུ་བྱུང་། །རྒྱ་མཚོ་རི་དང་ལྷ་ཡི་གཞལ་མེད་དང་། །ས་བོན་རྣམ་མང་ཀུན་ཀྱང་དེ་ལས་བྱུང་། །རླུང་ལས་སྤྲིན་བྱུང་ཆར་པ་ཀུན་ཏུ་འབབ། །སྤྲིན་མང་ཞི་བར་འགྱུར་བའང་རླུང་གིས་
འགྱུར། །ལོ་ཏོག་རྣམ་པར་འཕེལ་བའང་རླུང་གིས་ཏེ། །འཇིག་རྟེན་ཀུན་ལ་རླུང་ནི་བདེ་བ་བསྐྱེད། །དེ་ནི་ཕ་རོལ་ཕྱིན་ལ་མ་བསླབས་ཏེ། །སངས་རྒྱས་ཡོན་ཏན་རླུང་གིས་བསླབས་མིན་ན་འང་། །འཇིག་རྟེན་རྣམ་
གྲུབ་བསམ་ཡས་སྟོན་བྱེད་ན། །རང་ཉམས་ཐོབ་པ་ཅིས་རབ་སྟོན་མི་བྱེད། །རྒྱ་མཚོའི་འབྲུག་སྒྲའི་ཆུ་ཡི་ཚོགས་རྣམས་ནི། །བྱ་སྐད་རྣམས་དང་ཇི་སྙེད་རི་དགས་སྐད། །ཁྱེའུ་དང་བུ་མོ་བུད་མེད་སྐྱེས་པའི་སྐད། །ཐམས་

72-1-264b

ཅད་སྐད་བཞིན་འགྲོ་ལ་རྣམ་པར་སྒྲོག །དེ་བཞིན་སྒྲ་རྙན་རང་བཞིན་སྒྲ་ཤེས་ནས། །སྒྲིབ་པ་མེད་པའི་སྤོབས་པ་རབ་ལྡན་པས། །འགྲོ་བ་ཀུན་ཏུ་སྒྲ་རྙན་བརྗོད་བྱས་ཤིང་། །འཇིག་རྟེན་ཐམས་ཅད་ཡིད་
འོང་སྒྲས་ཚིམ་བྱེད། །རྒྱ་མཚོ་འདི་ལ་ངོ་མཚར་རྨད་ཀྱི་ཆོས། །འགྲོ་བ་ཐམས་ཅད་རྒྱ་དང་མཉམ་སྣང་ཞིང་། །ཆུ་དང་འབྱུང་པོ་རིན་ཆེན་ཡོངས་མི་ཟད། །ཆུ་རྣམས་བཟུང་བས་ཡོངསུ་ངོམས་པ་
མེད། །དེ་བཞིན་དེ་དག་འགྲོ་ཀུན་བརྒྱར་སྩལ་ཏེ། །བསོད་ནམས་བསམ་གཏན་རྣམ་ཐར་ཟད་མི་ཤེས། །ཤེས་རབ་ཡེ་ཤེས་ཡོན་ཏན་དེ་བཞིན་ཀུན། །བསོད་ནམས་ཡོན་ཏན་ཚོགས་ཀྱི་ངོམས་པ་
མེད། །རྒྱ་མཚོའི་ཀླུ་ནི་རྣམ་པར་རྩེ་བྱེད་ན། །ས་ཡི་གཞི་ནས་དབང་བསྒྱུར་གནས་ཀྱི་བར། །གླིང་བཞི་བཅས་པར་སྤྲིན་ཆེན་རྒྱས་པར་འགེངས། །དེ་དག་ཀུན་ཀྱང་རྒྱན་མང་སྣ་ཚོགས་ལྡན། །དེ་ནི་དབང་བསྒྱུར་
གནས་སུ་འཛམ་བུ་ཆུ་ཀླུང་གི། གསེར་གྱི་མདོག་དུ་སྤྲིན་མང་རྣམ་པར་བསྒྲུབས། །འཕྲུལ་དགའ་མུ་ཏིག་དམར་པོའི་མདོག་ལྟ་བུ། །དགའ་ལྡན་གནས་སུ་ཁ་བ་བ་མོའི་མདོག །མཚེ་མར་མཐོན་
ཏིང་བཻ་ཌཱུཪྻ་ཡི་མདོག །སུམ་བཅུ་གསུམ་དུ་ཨ་སྨ་གར་བྷ་འདྲ། །རྒྱལ་ཆེན་གནས་སུ་ཤེལ་གྱི་མདོག་ལྟ་བུ། །རྡོ་རྗེ་མི་ཕྱེད་སྲ་མཆོག་རྒྱ་མཚོར་རོ། །མི་ཡི་གནས་སུ་དད་པ་སྤོས་མཆོག་འདྲེས་
པར་ཏེ། །ཀླུ་ཡི་གནས་སུ་པད་མོའི་མདོག་ལྟ་བུ། །གནོད་སྦྱིན་གནས་སུ་ངང་པ་ཆུ་སྐྱར་མདོག །རི་ཡི་མདོག་ཏུ་ལྷ་མིན་གནས་སུའོ། །བྱང་དུ་གསེར་གྱི་ཁ་དོག་འོད་སྟོན་ཏེ། །གླིང་རྣམས་
གཞན་དུའང་སྣ་ཚོགས་རྒྱན་དུ་སྟོན། །འཛམ་བུའི་གླིང་དུ་རི་གནག་འདྲ་བར་ཏེ། །སྤྲིན་རྣམས་གང་རྣམས་ཇི་ལྟར་གྲུབ་པ་བཞིན། །དབང་བསྒྱུར་གནས་སུ་གསེར་གྱི་སྤྲིན་བསྟན་ནས། །

72-1-265a

ཉི་མའི་མདོག་འདྲ་ཀློག་ཀྱང་རབ་ཏུ་འགྱེད། །འཕྲུལ་དགའི་གནས་སུ་ཟླ་འོད་བཟང་འདྲ་དང་། །དགའ་ལྡན་གནས་སུ་འཛམ་བུའི་གསེར་མདོག་སྟོན། །ཁ་བ་བ་མོའི་མདོག་ཏུ་མཚེ་མར་ཏེ། །
སུམ་བཅུ་རྩ་གསུམ་གནས་སུ་གསེར་མདོག་དུ། །རྒྱལ་ཆེན་གནས་སུ་དཔལ་གྱི་སྙིང་པོའི་མདོག །མུ་ཏིག་དམར་པོའི་མདོག་ཏུ་རྒྱ་མཚོར་རེ། །མི་ཅི་གནས་སུ་མཐོན་བཏིང་བཻ་ཌཱུཪྻ། །ཀླུ་ཡི་གནསུ་
དཔལ་གྱི་སྙིང་པོའི་མདོག །གནོད་སྦྱིན་གནས་སུ་ཤེལ་གྱི་ཁ་དོག་སྟེ། །ཨ་སྨའི་མདོག་དུ་ལྷ་མིན་མདོག་དུའོ། །བྱང་དུ་ངང་གི་སྣང་བའི་རིན་ཆེན་མདོག །གླིང་རྣམས་གཞན་དུའང་རྣམ་ཕྱེ་གཞན་
དང་གཞན། །འཛམ་བུའི་གླིང་དུ་འོད་འཕྲོ་ཨནྡྲ་རྙིལ། །སྤྲིན་གྱི་མཚན་ཉིད་ཚུལ་མཐུན་ཀློག་ཀྱང་འགྱེད། །དེ་ནི་ཚངས་པའི་དབང་བསྒྱུར་གནསུ་ཚངས་དབྱངསུ། །འབྲུག་སྒྲ་སྒྲོགས་བྱེད་འཕྲུལ་དགའི་རྔ་ཡི་དབྱངས། །
རོལ་མོའི་སྒྲར་ཡང་དགའ་ལྡན་གནས་སུ་སྟེ། །ལྷ་མོ་དབྱངསུ་མཚེ་མ་དག་ཏུའོ། །སུམ་བཅུ་གསུམ་དུ་མིའམ་ཅིའི་སྐད་དུ་སྟེ། །རྒྱལ་ཆེན་གནསུ་དྲི་ཟའི་སྐད་དུའོ། །རི་འཐབ་དབྱངས་སུ་རྒྱ་མཚོ་
ཀུན་ཏུ་སྟེ། །མི་འམ་ཅི་ཡི་གནས་སུ་གླིང་བུའི་སྒྲ། །ཀླུ་ཡི་གནསུ་ཐལ་མོ་བརྡབས་པའི་སྒྲ། །གནོད་སྦྱིན་གནས་སུ་ཀླུ་ཡི་བུ་མོའྀ་སྒྲ། །ལྷ་མིན་གནསུ་ལྷ་རྫས་རྔ་ཡི་སྒྲ། །རྒྱ་མཚོའི་ཤུགས་སྒྲར་
མི་ཡི་གནས་སུའོ། །དབང་བསྒྱུར་གནས་སུ་ལྷ་རྫས་གསུང་ཞིམ་པའི། །མེ་ཏོག་སྣ་ཚོགས་རྒྱན་མང་ཆར་ཡང་འབེབས། །ཟླ་བ་བཟང་པོའི་འོད་འདྲ་འཕྲུལ་དགར་སྟེ། མེ་ཏོག་མན་འདའ་ར་བའི་
ཕྲེང་བའི་ཆར་འབེབསོ། །དགའ་ལྡན་གནས་སུ་རིན་ཆེན་ཆེན་པོའི་ཆར། །རྒྱན་གྱི་དམ་པ་རིན་ཆེན་སྣ་ཚོགས་དང་། །གཙུག་གི་རིན་ཆེན་ཟླ་བ་འདྲ་བ་དང་། །གསེར་འོད་བཟང་པོའྀ་ཆར་པ་རབ་ཏུ་འབེབས། །

72-1-265b

རྒྱལ་མཚན་གདུགས་དང་བ་དན་བཟང་པོ་དང་། །ཕྲེང་བ་བྱུག་པ་རྒྱན་གྱི་དམ་པ་དང་། །མུ་ཏིག་དམར་པོ་ལ་ལྟར་བཏགས་མདོག་དུ། །རོལ་མོ་ཡིད་འོང་ཆར་པ་མཚེ་མར་འབེབས། །སུམ་བཅུ་གསུམ་དུ་
རིན་ཆེན་སྣ་ཚོགས་ཏེ། །ཙན་དན་དམ་པའི་སྤོས་དང་ཨ་ག་རུ། །གུར་གུམ་གེ་སར་ལྷ་རྫས་ཏ་མ་ལ། །སྤོས་ཆུའི་རྒྱན་དང་མེ་ཏོག་འདྲེས་པར་འབབ། །ཉམ་དུ་འགྱུར་བའི་ཁ་ཟས་སྐོམ་གྱི་རྣམས། །ཁ་དོག་དྲི་
ཞིམ་རོ་དང་ལྡན་པ་དང་། །དེ་མིན་རིན་ཆེན་ཆར་འབབ་བསམ་ཡས་ཀྱང་། །རྒྱལ་ཆེན་བཞི་ཡི་གནས་སུ་ཀླུ་དབང་འབེབས། །དེ་ནི་རྒྱ་མཚོ་ཆེན་པོར་རྒྱུན་ཏུ་ཡང་། །ཆར་རྒྱུད་རྒྱུན་མི་འཆད་པ་གཉའ་ཤིང་ཙམ། །
མི་ཟད་རིན་ཆེན་ཤིན་ཏུ་རྣམ་རྒྱལ་བའི། །རིན་ཆེན་ཆར་ནི་མཐའ་ཡས་རྒྱུན་ཏུ་འབབ། །མི་ཅིའི་གནས་སུ་ཕྲེང་བ་སྣ་ཚོགས་དང་། །པད་མོ་ཨུཏྤལ་དངོས་དང་རིན་ཆེན་དང་། །མེ་ཏོག་པར་ཤི་མ་ལའི་ཕྱེ་མ་
སྤོས། །པི་ཝང་རྔ་དང་གླིང་བུ་སྙན་པར་རོ། །ཀླུ་ཡི་གནས་སུ་མུ་ཏིག་དམར་པོ་སྟེ། །གནོད་སྦྱིན་གནས་སུ་རིན་ཆེན་དང་གནང་བ། །ལྷ་མིན་གནསུ་རལ་གྲི་མདེའུ་ཐུང་མདུང་། །དགྲ་འདུལ་གཞུ་དང་སྟེའུ་ཀེའི་
ཆར་འབེབསོ། །བྱང་དུ་དེ་ནི་ཕྲེང་བ་རིན་ཆེན་དང་། །མེ་ཏོག་པར་ཤི་མ་ལི་ཙམ་པ་ཀའི། །ཕྲེང་བ་བཟང་པོ་ཀུན་རན་མུག་ཏ་ཀ །གླིང་རྣམས་གཞན་དུའང་ཆར་པ་སྣ་ཚོགས་སོ། །འཛམ་བུའི་གླིང་དུ་ཆུ་འདང་
རབ་སྩལ་གྱི། །ཆར་རྣམས་སྣ་ཚོགས་ཤིན་ཏུ་ཕྲ་བར་འབེབས། །མེ་ཏོག་འབྲས་བུ་སྨན་དང་སྤོས་དང་ཤིང་། །ཁ་ཟས་དེ་བཞིན་འཇིག་རྟེན་བདེ་འཕྲལ་བྱེད། །དེ་ལྟར་སྤྲིན་རྣམས་བསམ་གྱིས་མྱི་ཁྱབ་
དང་། །གློག་དང་འབྲུག་དང་ཆར་པ་རྣམས་བྱེད་ཀྱང་། །ཁྱིམ་ནས་མི་གཡོ་རྣམ་པར་རྟོག་པ་མེད། །ཀླུ་ཡི་འཕྲུལ་ཡང་དེ་ལྟར་བསམ་མི་ཁྱབ། །དེ་ལྟར་ཆུ་ཡིས་རྒྱ་མཚོར་གནས་པ་ཡང་། །

72-1-266a

ཀླུ་ཡི་རྣམ་འཕྲུལ་བསམ་ཡས་སྟོན་བྱེད་ན། །ཆོས་ཀྱི་རྒྱ་མཚོར་ཞུགས་པའི་ཡོན་ཏན་བདག །མཐའ་ཡས་རྣམ་འཕྲུལ་མང་པོར་ཅིར་མི་སྟོན། །དཔེར་བྱ་དེ་དག་ཀུན་གྱིས་མགོ་སྨོས་ཙམ། །
སྐྱེས་བུ་དེ་དག་དེ་ལྟར་བརྗོད་བྱས་ཏེ། །དཔའ་བོ་དེ་དག་དཔེ་དང་རྣམ་པར་བྲལ། །དེ་དག་དེ་འདྲའི་རྣམ་པར་དབང་བསྒྱུར་རོ། །མཐའ་ཡས་བློ་གྲོས་ཡངས་པའི་བློ་གྲོས་ཅན། །མ་ནོར་བློ་གྲོས་མཐའ་ཡས་བློ་གྲོས་ཅན། །
ཡེ་ཤེས་མཆོག་དང་ཁྱད་པར་བློ་ལྡན་པའི། །རྣམ་ཐར་དམ་པ་དེ་འདྲའི་ཚུལ་དུ་བཤད། །གང་གིས་རྣམ་ཐར་འདི་དག་ཐོས་གྱུར་ནས། །ཡིད་ཆེས་འཛིན་ཅིང་འཇིག་རྟེན་སྒྲོག་པ་ནི། །ངོ་མཚར་རྨད་ཀྱི་ཆོས་དང་དེ་ལྡན་ཏེ། །
མི་ཡིས་ཡུལ་ན་དེ་ནི་དཀའ་བ་བྱེད། །འདི་འདྲའི་ཆོས་ལ་ཡིད་ཆེས་དད་བྱེད་ན། །སོ་སོའི་སྐྱེ་བོའི་ཚོགས་ནའང་ཤིན་ཏུ་དཀོན། །དགེ་བསྩགས་བསོད་ནམས་བྱས་པ་དེ་དག་ནི། །རྒྱུ་ཡི་སྟོབས་ཀྱིས་འདི་ལ་ཡིད་
ཆེས་འགྱུར། །གང་རྣམས་ཉན་ཐོས་ཐེག་ལའང་ཡིད་ཆེས་པའི། །མི་རྣམས་འཇིག་རྟེན་ཀུན་ན་དཀོན་པ་སྟེ། །དེ་བས་རང་རྒྱལ་ཐེག་ལ་དད་པ་དཀོན། །ཐེག་ཆེན་དད་བྱེད་དེ་བས་ཤིན་ཏུ་དཀོན། །ཐེག་ཆེན་
འདི་ལ་ཞུགས་པ་མེད་པ་སྟེ། །འདི་འདྲའི་ཆོས་ལ་དད་པ་ཤིན་ཏུ་དཀོན། །འཛིན་ཅིང་སྤེལ་བྱེད་སྨོས་ཀྱང་ཅི་དགོས་ཏེ། །ཡང་དག་མ་ནོར་འཇུག་པ་སྨོས་ཅི་དགོས། །ལ་ལ་སྟོང་གསུམ་རི་དང་རྒྱ་མཚོར་བཅས། །བསྐལ་
པར་འཛིན་ཅིང་མགོ་ལ་ཁྱེར་བྱེད་ནའང་། །འདི་འདྲའི་ཆོས་ལ་དད་པ་བྱེད་པ་ལགས། །དེ་འདྲ་དཀའ་བར་རྩི་བ་མ་ཡིན་ནོ། །ལ་ལས་སྟོང་གསུམ་རྡུལ་སྙེད་སེམས་ཅན་རྣམས། །བདེ་བ་ཀུན་གྱིས་བསྐལ་པར་
བསྙེན་བཀུར་ནའང་། །འདི་འདྲའི་ཆོས་ལ་ཡིད་ཆེས་དད་བྱེད་པའི། །བསོད་ནམས་ཅི་འདྲ་ཐོབ་པ་དེ་ལ་མིན། །ལ་ལ་ཞིང་བཅུ་རི་དང་མཚོ་བཅས་པ། །ལག་པའི་མཐིལ་གྱིས་ནམ་མཁའི་དབྱིངས་འཛིན་ཀྱང་། །

72-1-266b

འདི་འདྲའི་ཆོས་ལ་ཡིད་ཆེས་དད་བྱེད་པའི། །དཀའ་བ་དེ་འདྲ་དེ་ལ་ཡོད་པ་མིན། །ལ་ལས་ཞིང་བཅུའི་རྡུལ་སྙེད་སེམས་ཅན་ལ། །བདེ་བ་ཀུན་གྱིས་བསྐལ་པར་བསྙེན་བཀུར་ཀྱང་། །འདི་འདྲའི་ཆོས་ལ་ཡིད་ཆེས་དད་
བྱེད་པའི། །བསོད་ནམས་ཅི་འདྲ་དེ་འདྲ་དེ་ལ་མིན། །ལ་ལས་ཞིང་བཅུའི་རྡུལ་སྙེད་སངས་རྒྱས་རྣམས། །བསྐལ་པ་བདེ་བ་ཀུན་གྱིས་བསྙེན་བཀུར་ཏེ། །ལ་ལས་ལེའུ་འདི་ཡོངས་སུ་བཟུང་བྱས་ན། །བསོད་
ནམས་འདི་ནི་དེ་ལས་ཁྱེད་པར་འཕགས། །རྣམ་ཐར་དེ་དག་ཡོངས་སུ་བསྟན་པའི་ཚེ། །ཕྱོགས་བཅུའི་ཞིང་རྣམས་ཐམས་ཅད་གཡོས་པར་འགྱུར། །ལྷ་དང་བདུད་ཀྱི་གནས་རྣམས་ཟིལ་གྱིས་མནན། །
འོད་མང་བཀྱེ་བས་ངན་སོང་རབ་ཏུ་ཞི། །ཕྱོགས་བཅུ་ཀུན་གྱི་མི་ཡི་སེང་གེ་རྣམས། །ཐམས་ཅད་ཀུན་གྱིས་མངོན་པར་ཞལ་བསྟན་ཏེ། །ཕྱག་བརྐྱང་མཐའ་ཡས་ཡོན་ཏན་མང་མདོག་པ། །བཟང་པོ་དཔལ་
གྱི་མགོ་ལ་བཞག་པར་གྱུར། །ཕྱག་གི་མཐིལ་གྱི་མགོ་ལ་བྱུག་མཛད་དེ། །སངས་རྒྱས་ཀུན་གྱིས་དེ་དག་གསུང་བརྗོད་པ། །རྣམ་ཐར་འདི་དག་ཁྱོད་ཀྱི་ལེགས་པར་བཤད། །ལེགས་པར་བཤད་པ་རྗེས་
སུ་ངད་བགྱིས་སོ། །བཟང་པོའི་དཔལ་གྱི་ལེའུ་ཞེས་བྱ་བ་སྟེ། བཅུ་བདུན་པའོ།། །། སངས་རྒྱས་རྨད་ག་ཅད་ཅེས་བྱ་བ་ཤིན་ཏུ་རྒྱས་པ་ཆེན་པོའྀ་མདོ།  བམ་པོ་བཅུ་དགུ་པ། 
དེ་ནས་སངས་རྒྱས་ཀྱི་མཐུས་ཤར་ཕྱོགས་ཀྱི་འཇིག་རྟེན་གྱི་ཁམས་ཐམས་ཅད་ན། དེ་བཞིན་དུ་ལྷོ་ཕྱོགས་དང་། ནུབ་ཕྱོགས་དང་། བྱང་ཕྱོགས་དང་། བྱང་ཤར་གྱི་ཕྱོགས་མཚམས་དང་། ཤར་ལྷོའི་
ཕྱོགས་མཚམས་དང་། ལྷོ་ནུབ་ཀྱི་ཕྱོགས་མཚམས་དང་། ནུབ་བྱང་གི་ཕྱོགས་མཚམས་དང་། འོག་གི་ཕྱོགས་དང་། སྟེང་གི་ཕྱོགས་ཀྱི་འཇིག་རྟེན་གྱི་ཁམས་ཐམས་ཅད་དུ་གླིང་བཞི་པ་

72-1-267a

འདི་ལ་སོགས་པ་གླིང་བཞི་པ་རེ་རེ་ན་ཡང་། དེ་བཞིན་གཤེགས་པ་དེ་དག་དེ་བཞིན་དུ་བཞུགས་པར་སྣང་ངོ་། །བྱང་ཆུབ་སེམས་དཔའ་དེ་དག་ཀྱང་དེ་བཞིན་གཤེགས་པའི་བྱིན་གྱིས་རླབས་ཀྱིས་ཆོས་
སྟོན་ཅིང་། དེ་བཞིན་གཤེགས་པའི་ཞབས་ཀྱི་དྲུང་ན་འཁོད་པར་སོ་སོ་ནས་ཤེས་ཏེ། བཅོམ་ལྡན་འདས་ཀྱིས་ཀྱང་རྫུ་འཕྲུལ་མངོན་པར་འདུ་མཛད་པ་དེ་མ་བརྟུལ་བར་བྱང་ཆུབ་ཀྱི་ཤིང་གི་དྲུང་དུ་རི་རབ་ཀྱི་རྩེ་མོའི་
ལྷའི་དབང་པོ་བརྒྱ་བྱིན་གྱི་ཁང་པ་རྣམ་པར་རྒྱལ་བ་ག་ལ་བ་དེར་གཤེགས་པར་སྣང་ངོ་། །ཇི་ལྟར་བཅོམ་ལྡན་འདས་གླིང་བཞི་པ་འདིའི་རི་རབ་ཀྱི་རྩེ་མོར་གཤེགས་པར་སྣང་བ། དེ་བཞིན་དུ་འཇིག་རྟེན་གྱི་
ཁམས་ཐམས་ཅད་ཀྱི་གླིང་བཞི་པ་དག་གི་རི་རབ་ཀྱི་རྩེ་མོར་གཤེགས་པར་སྣང་ཏེ། བྱིན་གྱིས་རླབས་སྔ་མ་དག་ཀྱང་མ་ཉམས་པར་སྣང་ངོ་། །དེ་ནས་ལྷའི་དབང་པོ་བརྒྱ་བྱིན་གྱིས་བཅོམ་ལྡན་འདས་རྣམ་
པར་རྒྱལ་བའི་ཁང་པ་ལོགསུ་མངོན་པར་གཤེགས་པ་རྒྱང་རིང་པོ་ནས་མཐོང་ནས། རྣམ་པར་རྒྱལ་བའི་ཁང་པའི་ནང་དུ་རིངས་པའི་གཟུགས་སུ་རྫུ་འཕྲུལ་གྱི་རང་བཞིན་སེང་གེའི་གདན་ཕྱོགས་རྣམ་པར་སྣང་བའི་
སྙིང་པོ་ཅན་པོག་རེ་སྟོང་ཕྲག་བཅུས་བརྒྱན་པ། གསེར་གྱི་དྲ་བ་སྟོང་ཕྲག་བཅུ་ཀུན་ཏུ་བྲེས་པ། གནམ་ཡོལ་སྟོང་ཕྲག་བཅུས་བླ་རེས་བྲེས་པ། གདུགས་སྟོང་ཕྲག་ཅུས་ཤིན་ཏུ་བཟུང་བ། དར་གྱི་ལྡ་ལྡྀ་སྟོང་
ཕྲག་བཅུས་རབ་ཏུ་སྤྱངས་པ། མུ་ཏིག་གི་སེ་མོ་དོ་སྟོང་ཕྲག་བཅུས་དགའ་དགའ་ལྟར་བྱས་པ། གོས་སྟོང་ཕྲག་བཅུས་མངོན་པར་བཀབ་པ། ལྷའི་བུ་སྟོང་ཕྲག་བཅུས་མདུན་དུ་བྱས་པ། ཚངས་པ་སྟོང་ཕྲག་
བཅུས་ཀུན་ནས་བསྐོར་བ། འོད་ཟེར་སྟོང་ཕྲག་བཅུས་ཤིན་ཏུ་སྣང་བར་གྱུར་པ། བཅོམ་ལྡན་འདས་ཀྱི་གདན་དུ་བཤམས་སོ། །ཇི་ལྟར་གླིང་བཞི་པ་འདི་རི་རབ་ཀྱི་རྩེ་མོར་ལྷའི་དབང་པོ་ཁང་པ་རྣམ་པར་རྒྱལ་བར་

72-1-267b

ལྷའི་དབང་པོ་བརྒྱ་བྱིན་གྱིས་དེ་བཞིན་གཤེགས་པའི་གདན་བཤམས་པ་དེ་བཞིན་དུ། འཇིག་རྟེན་གྱི་ཁམས་ཐམས་ཅད་ཀྱི་རི་རབ་ཀྱི་རྩེ་མོ་དག་དུ་འང་ལྷའི་དབང་པོ་བརྒྱ་བྱིན་དག་གིས་དེ་བཞིན་གཤེགས་པའི་
གདན་དག་ཚུལ་དེ་འདྲ་བ་དང་རྒྱན་དེ་འདྲ་བར་བཤམས་པར་གྱུར་ཏོ། །དེ་ནས་ལྷའི་དབང་པོ་བརྒྱ་བྱིན་གྱིས་བཅོམ་ལྡན་འདས་ཀྱི་གདན་སེང་གེའི་ཁྲི་བཅས་ནས། ཞེ་ས་དང་རིམ་གྲོ་ཆེན་པོས་བཅོམ་ལྡན་འདས་
གང་ན་བ་དེར་ཐལ་མོ་སྦྱར་ཏེ། ཕྱག་འཚལ་ནས། བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས་གཤེགས་སུ་གསོལ། བདེ་བར་གཤེགས་པ་གཤེགས་སུ་གསོལ། 
དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་བདེ་བར་གཤེགས་པས་ཞེས་གསོལ་ཏོ། །དེ་ནས་བཅོམ་ལྡན་འདས་ལྷའི་དབང་པོ་བརྒྱ་བྱིན་གྱིས་སྤྱན་དྲངས་ནས་རྣམ་པར་རྒྱལ་
བའི་ཁང་པར་གཤེགསོ། །ཇི་ལྟར་བཅོམ་ལྡན་འདས་གཤེགས་པ་དེ་བཞིན་དུ། འཇིག་རྟེན་གྱི་ཁམས་ཐམས་ཅད་ཀྱི་ལྷའི་ཁང་པ་དག་དུའང་གཤེགས་པར་སྣང་ངོ་། །དེ་ནས་ལྷའི་དབང་པོ་བརྒྱ་བྱིན་
གྱིས་སངས་རྒྱས་ཀྱི་མཐུས་སུམ་བཅུ་རྩ་གསུམ་གྱི་ཁང་པ་ཐམས་ཅད་དུ་གླུ་དང་རོལ་མོ་དང་། སིལ་སྙན་བརྒྱ་ཕྲག་མང་པོ་དག་བཏང་སྟེ། ཞི་བར་བྱས་ནས་ཡང་དག་པར་རྫོགས་པའི་སངས་རྒྱས་སྔ་མ་
དག་ལ་དགེ་བའི་རྩ་བ་བསྐྱེད་པ་དེ་དག་རྗེས་སུ་དྲན་ནས། དེའི་ཚེ་ཚིགས་སུ་བཅད་པ་འདི་དག་སྨྲས་སོ། །བཀྲ་ཤིས་དམ་པ་གང་ཞིག་གིས། །ཐུགས་རྗེ་ཆེན་པོ་མངའ་བ་འོད་སྲུང་རིགས་སྐྱེས་
པ། །རྣམ་པར་རྒྱལ་བར་གཤེགས་གྱུར་པ། །དེས་ནི་འདིར་ཡང་བཀྲ་ཤིས་ལེགས་གྱུར་ཅིག །བཀྲ་ཤིས་དམ་པ་གང་ཞིག་གིས། །གསེར་ཐུབ་སྒྲིབ་པ་མེད་པར་རབ་ཏུ་གཟྀགས་པ་དེ། །

72-1-268a

རིན་ཆེན་སྣ་ཚོགས་གཤེགས་གྱུར་པ། །དེས་ནི་འདིར་ཡང་བཀྲ་ཤིས་ལེགས་གྱུར་ཅིག །བཀྲ་ཤིས་དམ་པ་གང་ཞིག་གིས། །བསོད་སྐྱབས་གསེར་གྱི་རི་བོ་འབར་བ་འདྲ་བ་དེ། །རྩེ་མོ་
མཆོག་དུ་གཤེགས་གྱུར་པ། །དེས་ནི་འདིར་ཡང་བཀྲ་ཤིས་ལེགས་གྱུར་ཅིག །བཀྲ་ཤིས་དམ་པ་གང་ཞིག་གིས། །ཐམས་ཅད་མངའ་བ་དགྲ་བཅོམ་དྲི་མ་གསུམ་སེལ་བ། །མཛོད་སྤུའི་རྩེ་མོར་
གཤེགས་གྱུར་པ། །དེས་ནི་འདིར་ཡང་བཀྲ་ཤིས་ལེགས་གྱུར་ཅིག །བཀྲ་ཤིས་དམ་པ་གང་ཞིག་གིས། །སངས་རྒྱས་གཙུག་གཏོར་དགོངས་པ་ཟིལ་གྱིས་མི་ནོན་པ། །རིན་ཆེན་སྣ་ཚོགས་གཤེགས་
གྱུར་པ། །དེས་ནི་འདིར་ཡང་བཀྲ་ཤིས་ལེགས་གྱུར་ཅིག །བཀྲ་ཤིས་དམ་པ་གང་ཞིག་གིས། །རྣམ་པར་གཟིགས་པ་སྐྱེས་བུའི་ཟླ་བ་མི་ཡི་མགོན། །རིན་ཆེན་རྒྱན་དུ་གཤེགས་གྱུར་པ། །དེས་ནི་འདིར་
ཡང་བཀྲ་ཤིས་ལེགས་གྱུར་ཅིག །བཀྲ་ཤིས་དམ་པ་གང་ཞིག་གིས། །ཤིན་ཏུ་རྒྱས་པ་དོན་དམ་མཁས་ཤིང་བརྟེན་པ་དེ། །མ་ལ་ཡའི་རྩེ་མོར་གཤེགས་གྱུར་པ། །དེས་ནི་འདིར་ཡང་བཀྲ་ཤིས་ལེགས་
གྱུར་ཅིག །བཀྲ་ཤིས་དམ་པ་གང་ཞིག་གིས། །སངས་རྒྱས་སྟོན་མཆོག་ཐོགས་པ་མི་མངའ་བ། །དྲི་མེད་ཟླ་བར་གཤེགས་གྱུར་པ། །དེས་ནི་འདིར་ཡང་བཀྲ་ཤིས་ལེགས་གྱུར་ཅིག །བཀྲ་ཤིས་
དམ་པ་གང་ཞིག་གིས། །གྲགས་པ་དྲི་མ་མེད་པ་མགོན་པོ་པདྨོའི་བླ། །དྲི་མ་མེད་པར་གཤེགས་གྱུར་པ། །དེས་ནི་འདིར་ཡང་བཀྲ་ཤིས་ལེགས་གྱུར་ཅིག །བཀྲ་ཤིས་དམ་པ་གང་ཞིག་གིས། །མགོན་པོ་
མར་མེ་མཛད་པ་འོད་སྣང་མངའ་བ་དེ། །འོད་ཟེར་དྲ་བར་གཤེགས་གྱུར་པ། །དེས་ནི་འདིར་ཡང་བཀྲ་ཤིས་ལེགས་གྱུར་ཅིག །ཇི་ལྟར་ལྷའི་དབང་པོ་བརྒྱ་བྱིན་གྱིས་སངས་རྒྱས་ཀྱི་མཐུས་ཡང་དག་པར་རྫོགས་

72-1-268b

པའི་སངས་རྒྱས་རྒྱལ་བ་གཤེགས་པ་གླུར་བླངས་ཏེ་ཚིགས་སུ་བཅད་པ་དེ་བཞིན་དུ། འཇིག་རྟེན་གྱི་ཁམས་ཐམས་ཅད་ན་ཡང་སངས་རྒྱས་ཀྱི་མཐུས་ལྷའི་དབང་པོ་རྣམས་དེ་བཞིན་གཤེགས་པའི་མཚན་གཞན་དང་གཞན་
གྱིས། ཡང་དག་པར་རྫོགས་པའི་སངས་རྒྱས་བཅུའི་རྒྱལ་བ་གཤེགས་པ་དག་གླུར་ལེན་ཅིང་ཚིགས་སུ་བཅད་པར་གྱུར་ཏོ། །དེ་ནས་བཅོམ་ལྡན་འདས་རྣམ་པར་རྒྱལ་བའི་ཁང་པར་གཤེགས་ནས། སྐྱིལ་མོ་ཀྲུང་བཅས་
ཏེ་བཞུགས་སོ། །བཅོམ་ལྡན་འདས་ཇི་ལྟར་བཞུགས་པ་དེ་བཞིན་དུ་འཇིག་རྟེན་གྱི་ཁམས་ཐམས་ཅད་ན་ཡང་དེ་བཞིན་གཤེགས་པ་དག་གདན་དེ་དག་ལ་བཞུགས་པར་སྣང་ངོ་། །བཅོམ་ལྡན་འདས་དེ་ལྟར་བཞུགས་མ་
ཐག་ཏུ་དེའི་ཚེ་སངས་རྒྱས་ཀྱི་མཐུས། རྣམ་པར་རྒྱལ་བའི་ཁང་པ་དེ་ཡང་། སུམ་བཅུ་རྩ་གསུམ་ཐམས་ཅད་ཀྱི་ཁང་པ་དང་། ལྷའི་རིས་ཙམ་དུ་ཆེ་བར་སྣང་བར་གྱུར་ཏེ། འདི་ན་ཇི་ལྟ་བ་ལྟར་འཇིག་རྟེན་གྱི་ཁམས་
ཐམས་ཅད་ནའང་དེ་བཞིན་ནོ། །དེ་བཞིན་གཤེགས་པ་རི་རབ་ཀྱི་རྩེར་གཤེགས་པའི་ལེའུ་སྟེ། བཅྭོ་བརྒྱད་པའོ།། །། དེ་ནས་སངས་རྒྱས་ཀྱི་མཐུས་ཕྱོགས་བཅུ་ནས་བྱང་ཆུབ་སེམས་དཔའ་བཅུ་བཅུ་འོངས་པར་
གྱུར་ཏེ། བྱང་ཆུབ་སེམས་དཔའ་དེ་དག་སོ་སོ་འཇིག་རྟེན་གྱི་ཁམས་སངས་རྒྱས་ཀྱི་ཞིང་གི་རྡུལ་ཤིན་ཏུ་ཕྲ་བ་སྙེད་ཀྱི་ཕ་རོལ་ནས་འོངས་པ་ཤ་སྟག་སྟེ། བྱང་ཆུབ་སེམས་དཔའ་རེ་རེ་ཞིང་ཡང་བྱང་ཆུབ་སེམས་
དཔའ་སངས་རྒྱས་ཀྱི་ཞིང་གི་རྡུལ་ཤིན་ཏུ་ཕྲ་བ་སྙེད་དང་ལྷན་གཅིག་ཏུ་ཕྱིན་པར་གྱུར་ཏོ། །བྱང་ཆུབ་སེམས་དཔའ་དེ་དག་ཐམས་ཅད་ཀྱང་མིང་འདི་ཞེས་བྱ་བ་དག་སྟེ། འདི་ལྟར་ཆོས་ཀྱི་བློ་གྲོས་དང་། ཐམས་ཅད་བློ་གྲོས་དང་། 
དཔལ་གྱི་བློ་གྲོས་དང་། ཡོན་ཏན་བློ་གྲོས་དང་། བརྩོན་འགྲུས་བློ་གྲོས་དང་། དགེ་བའི་བློ་གྲོས་དང་། ཡེ་ཤེས་བློ་གྲོས་དང་། བདེན་པའི་བློ་གྲོས་དང་། མཆོག་གི་བློ་གྲོས་དང་། དམ་པའི་བློ་གྲོས་དག་གོ། །བྱང་ཆུབ་སེམས་

72-1-269a

དཔའ་དེ་དག་ཐམས་ཅད་ཀྱང་འཇིག་རྟེན་གྱི་ཁམས་འདི་ཞེས་བྱ་བ་དག་ནས་འོངས་པ་ཏེ། འདི་ལྟར་དབང་པོའི་མེ་ཏོག་དང་། པད་མོའི་མེ་ཏོག་དང་། རིན་པོ་ཆེའི་མེ་ཏོག་དང་། ཨུད་པ་ལའི་མེ་ཏོག་དང་། རྡོ་རྗེའི་མེ་ཏོག་
དང་། སྤོས་ཀྱི་མེ་ཏོག་དང་། ཡིད་དུ་འོང་བའི་མེ་ཏོག་དང་། འོད་ཟེར་གྱི་མེ་ཏོག་དང་། ལྡུམ་བུའི་མེ་ཏོག་དང་། ནམཁའི་མེ་ཏོག་དག་གོ། །བྱང་ཆུབ་སེམས་དཔའ་དེ་དག་ཐམས་ཅད་ཀྱང་དེ་བཞིན་གཤེགས་པ་མཚན་འདི་ཞེས་
བྱ་བ་དག་གི་ཞམ་རིང་ན་ཚངས་པར་སྤྱོད་པ་དག་སྟེ། འདི་ལྟར་ཟླ་བ་གཞན་མ་ཡིན་པ་དང་། ཟླ་བ་མ་ཉམས་པ་དང་། ཟླ་བ་མི་གཡོ་བ་དང་། ཟླ་བ་མི་སྒུལ་བ་དང་། ཟླ་བ་ཆུའི་ལྷ་དང་། ཟླ་བ་ཐོགས་པ་མེད་པ་དང་། ཟླ་བའི་
འོད་ཟེར་དང་། ཟླ་བ་རྡུལ་མེད་པ་དང་། ཟླ་བ་རྣམ་པར་གྲུབ་པ་དག་གོ། །དེ་ནས་བྱང་ཆུབ་སེམས་དཔའ་དེ་དག་ཐམས་ཅད་ཀྱིས་བཅོམ་ལྡན་འདས་ལ་ཕྱག་འཚལ་ཏེ། སངས་རྒྱས་ཀྱི་མཐུས་ཕྱོགས་བཅུར་
རྒྱས་པར་བཀང་ནས་གང་ནས་འོངས་པའི་ཕྱོགས་སུ་བརྟེན་ཏེ། སེང་གེའི་ཁྲི་རྣམ་པར་སྣང་བའི་སྙིང་པོ་ཅན་དག་མངོན་པར་སྤྲུལ་ནས་བསྐྱིལ་མོ་བཀྲུང་བཅས་ཏེ་འཁོད་དོ། །ཇི་ལྟར་འཇིག་རྟེན་གྱི་ཁམས་འདིའི་རི་
རབ་ཀྱི་རྩེ་མོ་ལ་བྱང་ཆུབ་སེམས་དཔའ་རྣམས་ལྷགས་པ་དེ་བཞིན་དུ་འཇིག་རྟེན་གྱི་ཁམས་ཐམས་ཅད་ཀྱི་གླིང་བཞི་པ་ཐམས་ཅད་དང་ལྷའི་དབང་པོའི་ཁང་པ་ཀུན་ན་ཡང་དེ་བཞིན་ཏེ། བྱང་ཆུབ་སེམས་དཔའ་མིང་
དེ་སྐད་ཅེས་བྱ་བ་ཤ་སྟག་གོ། །འཇིག་རྟེན་གྱི་ཁམས་ཀྱང་དེ་སྐད་ཅེས་བྱ་བ་ནས་འོངས་པ་ཤ་སྟག་གོ། །དེ་བཞིན་གཤེགས་པ་ཡང་མཚན་དེ་སྐད་ཅེས་བྱ་བའི་ཞམ་རིང་ནས་ཚངས་པར་སྤྱོད་པ་ཤ་སྟག་གོ། །
དེ་ནས་བཅོམ་ལྡན་འདས་ཀྱི་ཞབས་ཀྱི་མཐེ་བོ་གཉིས་ནས་འོད་ཟེར་བྱེ་བ་ཁྲག་ཁྲིག་སྟོང་བཀྱེ་སྟེ། ཕྱོགས་བཅུར་ཐམས་ཅད་སྣང་བར་བྱས་ནས་འཇིག་རྟེན་གྱི་ཁམས་ཐམས་ཅད་ཀྱང་སྟན་ཏོ། །བྱང་ཆུབ་སེམས་

72-1-269b

དཔའ་དེ་དག་ཐམས་ཅད་ཀྱིས་ཀྱང་འཇིག་རྟེན་གྱི་ཁམས་དེ་དག་ཐམས་ཅད་ཀྱི་གླིང་བཞི་པ་ཐམས་ཅད་དང་། རི་རབ་ཀྱི་རྩེ་མོ་ཐམས་ཅད་ན་དེ་བཞིན་གཤེགས་པའི་རྣམ་པར་འཕྲུལ་པ་ཡོད་པ་ཐམས་ཅད་ཀྱང་མཐོང་བར་
གྱུར་ཏོ། །དེ་ནས་བྱང་ཆུབ་སེམས་དཔའ་ཆོས་ཀྱི་བློ་གྲོས་ཀྱིས་སངས་རྒྱས་ཀྱི་མཐུས་ཕྱོགས་བཅུར་རྣམ་པར་བལྟས་ཏེ། དེའི་ཚེ་ཚིགས་སུ་བཅད་པ་འདི་དག་སྨྲས་སོ། །སྣང་བ་དྲི་མ་མེད་ལ་ལྟོས། །རི་རབ་རྩེ་མོ་
ཐམས་ཅད་ལ། །མགོན་པོ་དག་ནི་རབ་ཏུ་སྣང་། །རྣམ་པར་རྒྱལ་བ་ཀུན་ན་བཞུགས། །ལྷའི་རྒྱལ་པོ་ཐམས་ཅད་ཀྱིས། །སྤྱན་དྲངས་ཤིང་ནི་གཤེགས་པར་གྱུར། །ཀུན་ཀྱང་སངས་རྒྱས་བཅུ་དག་གི། རབ་
ཏུ་གཤེགས་པས་མངོན་པར་བསྟོད། །ཀུན་གྱི་འཁོར་ཀྱང་གཅིག་པ་སྟེ། །བྱང་ཆུབ་སེམས་དཔའ་མང་པོ་ལྷགས། །ཕྱོགས་བཅུ་དག་ནས་འོངས་གྱུར་ཅིང་། །ཡིད་དུ་འོང་བའི་སྟན་ལ་འཁོད། །ཀུན་གྱི་མིང་ཡང་
འདི་ཉིད་དེ། །ཇི་ལྟར་དེས་ལ་བཏགས་པ་བཞིན། །འཇིག་རྟེན་ཁམས་ཀྱི་མིང་དག་ཀྱང་། །དེ་སྐད་གནས་ནས་ཀུན་ཀྱང་འོངས། །འཇིག་རྟེན་ཁམས་རྣམས་ཐམས་ཅད་ན། །དྲང་སྲོང་ཆེན་པོའི་མཚན་
ཀྱང་དེ། །དེ་ན་ཚངས་སྤྱོད་བླ་མེད་ལ། །ཐེ་ཙོམ་མེད་པར་དེ་དག་སྤྱོད། །ཀྱེ་མ་རྒྱལ་སྲས་ཁྱེད་ལྟོས་ཤིག །དྲང་སྲོང་ཆེན་པོའི་བྱིན་རླབས་ཀྱིས། །འཛམ་བུའི་གླིང་རྣམས་ཐམས་ཅད་ན། །རྒྱལ་བ་འདི་ན་
བཞུགས་སྙམས་བྱེད། །བདག་ཅག་རྣམས་ནི་འདི་སྙམས་དུ། །རི་རབ་རྩེ་ལ་བདེ་གཤེགས་སྙམ། །འཇིག་རྟེན་ཁམས་ནི་ཀུན་ན་ཡང་། །སངས་རྒྱས་ངོ་མཚར་རྨད་རེ་ཆེ། །འཇིག་རྟེན་ཁམས་རྣམས་ཐམས་
ཅད་ན། །བྱང་ཆུབ་མཆོག་ཏུ་སེམས་བཏང་ཞིང་། །དེ་དག་སྨོན་ལམ་འདི་བཏབ་སྟེ། །བྱང་ཆུབ་སྤྱོད་པ་རབ་ཏུ་སྤྱོད། །ཁ་དོག་མདོག་ནི་ཚད་མེད་པས། །གང་ཟག་མཆོག་ནི་སྤྱོད་བྱེད་ཀྱང་། །ཆོས་ཀྱི་དབྱིངས་ལ་

72-1-270a

མི་ཆགས་ཏེ། །དེ་དག་སུས་ཀྱང་མི་ཤེས་སོ། །གང་གིས་འཇིག་རྟེན་མུན་བསྩལ་ཞིང་། །ཐམས་ཅད་དུས་སུ་རྣམ་སྣང་བ། །དེ་ལ་འདྲ་བ་གང་ཡང་མེད། །དེ་ནི་ཤེས་པར་ཇི་ལྟར་རུང་། །དེ་ནས་བྱང་ཆུབ་
སེམས་དཔའ་ཐམས་ཅད་བློ་གྲོས་ཀྱིས་ཕྱོགས་བཅུར་རྣམ་པར་བལྟས་ཏེ། དེའི་ཚེ་ཚིགས་སུ་བཅད་པ་འདི་དག་སྨྲས་སོ། །འདྲེན་པ་རྣམས་ནི་མཐོང་ནས་ཀྱང་། །བསྐལ་པ་མང་པོ་འདས་གྱུར་ཏེ། །འཇིག་རྟེན་
མགོན་སྐྱོབ་དེ་དག་གིས། །ཆོས་ཉིད་དེ་ནི་ཤེས་པ་མིན། །མཚན་མ་དག་ལ་སྤྱོད་པ་རྣམས། །གཏི་མུག་དྲ་བ་འཕེལ་བར་གྱུར། །སངས་རྒྱས་གང་གིས་མ་མཐོང་བ། །འཁོར་བའི་བརྩོན་རར་མདོངས་པ་ཡིན། །
ཆོས་རྣམས་འདི་དག་བརྟག་བྱས་ན། །རང་བཞིན་ཤེས་པར་མི་རུང་སྟེ། །སྐྱེ་དང་ཤི་འཕོས་གྱུར་པ་རྣམས། །མིང་ཙམ་དུ་ནི་སྟན་པ་ཡིན། །ཆོས་རྣམས་གང་ཡང་འགྲོ་བ་མེད། །གང་ཡང་དེ་བཞིན་སྐྱེ་བ་མེད། །
ཆོས་ཉིད་འདི་ནི་ཤེས་གྱུར་ན། །སངས་རྒྱས་ཀུན་ན་རབ་ཏུ་སྣང་། །གཟུང་དུ་མེད་ཅིང་བལྟར་མེད་ཅིང་། །ཆོས་ཀྱི་རྣམས་ནི་རང་བཞིན་མེད། །དངོས་མེད་པ་ཡི་མཐའ་ཤེས་ན། །སངས་རྒྱས་རྣམས་ལ་ཚད་ཀྱང་མེད། །
ཚད་མེད་པ་ཡི་ཆོས་རྣམས་ཀྱི། །རང་བཞིན་གང་གིས་ཡོངས་ཤེས་པ། །དེ་ནི་ཅི་ཞིག་ཡོད་ཅེས་པར། །མཐོང་བར་གྱུར་པ་གང་ཡང་མེད། །གང་རྣམས་མཚན་མའི་རྗེས་འབྲང་བ། །དེ་དག་བྱིས་པའི་ཆོས་
ཉིད་དེ། །དེ་ཕྱིར་མཚན་ཉིད་ཀུན་མེད་པའི། །སངས་རྒྱས་རྣམས་ཀྱང་མི་མཐོང་ངོ་། །དུས་གསུམ་འབྱུང་བའི་ཐུབ་པ་རྣམས། །མཚན་རབ་ཀུན་དང་ལྡན་པ་སྟེ། །མི་གནས་ཚུལ་དུ་བཞུགས་པ་སྟེ། །ཆོས་ཀྱི་
དབྱིངས་ལ་གཡོ་བ་མེད། །ལ་ལ་དག་གིས་ཆོས་ཉིད་ཤེས། །ལ་ལ་དག་ནི་ཆོས་ཀྱང་བརྗོད། །གང་ལ་ཐེ་ཙོམ་མི་མངའ་བའི། །ཡང་དག་སངས་རྒྱས་དེ་རིང་མཐོང་། །སངས་རྒྱས་རྣམས་ཀྱི་ཆོས་ཉིད་འདི། །

72-1-270b

ཆོས་ཀྱི་བློ་གྲོས་འདི་བརྗོད་དོ། །དེ་ཐོས་ནས་ཀྱང་བདག་ཅག་གིས། །སངས་རྒྱས་བྱང་ཆུབ་བསམ་ཡས་ཤེས། །དེ་ནས་བྱང་ཆུབ་སེམས་དཔའ་དཔལ་གྱི་བློ་གྲོས་ཀྱི་སངས་རྒྱས་ཀྱི་བྱིན་གྱིས་རླབས་ཀྱིས་ཕྱོགས་
བཅུར་རྣམ་པར་བལྟས་ཏེ། དེའི་ཚེ་ཚིགས་སུ་བཅད་པ་འདི་དག་སྨྲས་སོ། །ཀྱེ་མ་སངས་རྒྱས་དཔལ་མངའ་བའི། །ཡེ་ཤེས་ཤེས་རབ་ཤིན་ཏུ་ཆེ། །དེ་ལ་འཇིག་རྟེན་ཤིན་ཏུ་རྨོངས། །སངས་རྒྱས་ཆོས་ནི་བསམ་
མི་ཁྱབ། །ཚུལ་བཞིན་མ་ཡིན་འདུ་ཤེས་ཀྱིས། །བྱིས་པ་རྣམས་ནི་སེམས་བྱེད་པས། །དེ་ཕྱིར་འདུ་ཤེས་ཀུན་སྦྱངས་པའི། །སངས་རྒྱས་རྣམས་ནི་མི་མཐོང་ངོ་། །ཤེས་རབ་ཆུང་བ་ཐམས་ཅད་ནི། །ཕུང་པོའི་
འདུ་ཤེས་རྣམས་ལ་གནས། །ཕུང་པོ་རྣམ་པར་མ་སྒོམས་པས། །དེ་བཞིན་གཤེགས་པ་མི་མཐོང་ངོ་། །དངོས་མེད་དངོས་སུ་བཤད་པ་ནི། །བདག་གི་དངོས་ཤེས་བྱ་བ་ཡིན། །ཆོས་རྣམས་ཐམས་ཅད་ཤེས་གྱིས་
ཤིང་། །རྒྱལ་བ་རྣམ་པར་སྣང་མཛད་ལྟོས། །སྔོན་ཆད་ཕུང་པོའི་ཚུལ་བཞིན་དུ། །མ་འོངས་རྣམས་ཀྱང་སུས་མཐོང་བ། །མ་འོངས་པའི་ཚུལ་ཤེས་པས། །སངས་རྒྱས་བསམ་གྱིས་མི་ཁྱབ་ལྟོས། །ཇི་ལྟར་སྣང་བ་
མེད་པ་ཡི། །མུན་པའི་ནང་ན་གཟུགས་མི་སྣང་། །དེ་བཞིན་ཆོས་རྣམས་བཤད་པ་ནི། །མཁས་ཀྱང་ཤེས་པར་མི་རུང་ངོ་། །ཇི་ལྟར་དྲི་མ་ལྡན་མིག་གིས། །གསལ་བའི་གཟུགས་ཀྱང་མི་མཐོང་བ། །དེ་བཞིན་སེམས་ནི་
མ་སྦྱངས་པས། །སངས་རྒྱས་ཆོས་ནི་མིཐོང་ངོ་། །ཇི་ལྟར་ཉི་མ་བསྒྲིབས་མེད་པ། །རབ་རིབ་ཅན་གྱི་མི་མཐོང་བ། །དེ་བཞིན་ཕུག་ན་གནས་སེམས་ཀྱིས། །སངས་རྒྱས་དག་ནི་མི་མཐོང་ངོ་། །དེ་བས་མིག་ནི་རྣམ་པར་སྦྱོང་། 
གཟུགས་ཀྱི་འདུ་ཤེས་རྣམ་པར་བསྒོམས། །ཆོས་རྣམས་མཐོང་བ་མེད་པ་ཡིས། །འོད་མཛད་རབ་ཏུ་མཐོང་མ་ཡིན། །ཇི་ལྟར་སྔོན་བློས་ཀུན་བཤད་ཅིང་། །བདག་གིས་ཇི་ལྟར་ཐོས་པ་བཞིན། །སངས་རྒྱས་བྱང་ཆུབ་ཀྱི་

72-1-271a

སྙམས་པ། །རྣམ་པར་སྣང་མཛད་རབ་ཏུ་མཐོང་། །དེ་ནས་བྱང་ཆུབ་སེམས་དཔའ་ཡོན་ཏན་བློ་གྲོས་ཀྱི་སངས་རྒྱས་ཀྱི་མཐུས་ཕྱོགས་བཅུར་རྣམ་པར་བལྟས་ཏེ། དེའི་ཚེ་ཚིགས་སུ་བཅད་པ་འདི་དག་སྨྲས་སོ། །
གནས་མེད་པ་ཡི་ཆོས་རྣམས་ལ། །གནས་ནི་ཡོངས་སུ་བརྟགས་པས་ནི། །དེ་ཕྱིར་སྲིད་པའི་བརྩོན་ར་ན། །བྱིས་པ་རྣམས་ནི་རབ་ཏུ་འཁོར། །བརྗོད་པས་བརྗོད་དུ་མི་རུང་ཆོས། །བློ་ཞན་རྣམས་ཀྱིས་རྣམ་པར་བརྟགས། །དེ་ནི་ཡོངསུ་
བསྒྲིབས་བྱས་པས། །བདག་གི་སེམས་ཀྱང་རབ་རྨོངས་བྱས། །ཤེས་རབ་ཆུང་ལ་ལམ་ནོར་ཅིང་། །བདག་གིས་སེམས་ལ་མི་མཁས་པ། །ཕྱིན་ཅི་ལོག་གི་བློ་དག་གིས། །མི་ཟད་ལུས་ནི་འཕྲེལ་བར་བྱེད། །གང་གིས་སྟོང་པ་མ་
མཐོང་བ། །དེ་དག་འཁོར་ཞིང་ཉམས་ཡང་ང་། །ཆོས་མིག་བསམ་གྱིས་མི་ཁྱབ་པའི། །མིག་ཀྱང་དེ་ལ་ཡོད་པ་མིན། །དེ་བས་མིག་ནི་སྦྱང་བར་གྱིས། །བསམ་པ་རྣམས་ཀྱང་རྣམ་པར་སེམས། །གང་ཕྱིར་བདག་ཅག་སྔོན་
ཅད་དུ། །བདེ་གཤེགས་མ་མཐོང་ཆུད་ཀྱང་ཟོས། །ཡང་དག་སངས་རྒྱས་མཐོང་བ་ན། །མིག་ཀྱང་ཡོད་པ་ཆགས་མེད་པ། །དེས་ནི་སངས་རྒྱས་ཅེས་བྱུང་བའི། །ཆོས་རྣམས་དེ་དག་རབ་ཏུ་མཐོང་། །གང་གིས་ཤེས་རབ་ཆེ་
མངའ་བ། །ཆོས་སུ་བདེ་གཤེགས་མཐོང་བ་རྣམས། །དེ་དག་འཇིག་རྟེན་མིག་ཅན་ཏེ། །གང་གི་མཐོང་བ་མཐོང་ཞེས་བྱ། །ལྷག་མཐོང་མེད་པར་མཐོང་བ་ནི། །ཆོས་རྣམས་ངན་པར་མ་མཐོང་སྟེ། །ལྷག་མཐོང་གིས་ནི་མཐོང་
གྱུར་ན། །ཐམས་ཅད་མཐོང་བ་མེད་པ་ཡིན། །ཀྱེ་མ་ཆོས་ཀྱིས་ཆོས་ཉིད་ནི། །ཡང་དག་སངས་རྒྱས་རྣམས་ཀྱི་བཤད། །དེ་ནི་རང་བཞིན་ཐམས་ཅད་དུ། །ཤི་བ་མེད་ཅིང་འཚོ་བ་མེད། །སངས་རྒྱས་བྱང་ཆུབ་ཅི་འདྲ་བ། །
དཔལ་གྱི་བློས་ནི་སྔོན་བསྟན་ཏེ། །དེ་ལས་བདག་གིས་ཐོས་ནས་ཀྱང་། །སངས་རྒྱས་ཆོས་ཉིད་ཤེས་མ་གྱུར། །དེ་ནས་བྱང་ཆུབ་སེམས་དཔའ་བརྩོན་འགྲུས་བློ་གྲོས་ཀྱིས་ཕྱོགས་བཅུར་རྣམ་པར་བལྟས་ཏེ། དེའི་ཚེ་ཚིགས་སུ་

72-1-271b

བཅད་པ་འདི་དག་སྨྲས་སོ། །རྣམ་པར་རྟོག་པ་སྤྱོད་པ་ཡི། །མིག་ནི་ཤིན་ཏུ་འཁྲུག་པ་ཡིན། །འཁྲུལ་པར་མཐོང་བ་ལོག་པ་སྟེ། །སངས་རྒྱས་ལ་ནི་ལོག་མི་མངའ། །གང་གིས་ལོག་པར་ཤེས་གྱུར་ཏེ། །ཡང་དག་ཇི་
བཞིན་མ་ནོར་ལ། །ཡང་དག་མ་ནོར་ཡིན་ཤེས་ན། །སངས་རྒྱས་དྲི་མེད་མཐོང་བ་ཡིན། །མཐོང་བ་དག་གིས་དྲི་མེད་འགྱུར། །རྣམ་པར་མཐོང་ན་དེ་མེད་དེ། །སངས་རྒྱས་རྣམས་ནིས་ཐོང་དང་བྲལ། །དེ་བས་རྣམ་དག་
གཟིགས་ཤེས་བྱ། །དེ་ནི་འཇིག་རྟེན་སྤྱོད་པ་སྟེ། །འཇིག་རྟེན་དེ་ཡང་རྣམ་པར་བརྟགས། །འཇིག་རྟེན་འཇིག་པ་ཤེས་གྱུར་ན། །སྣང་བ་དག་ནི་སྐྱེ་བར་འགྱུར། །འཇིག་རྟེན་རྣམས་ཀྱི་སྣང་བ་ནི། །འཇིག་རྟེན་མཚན་ཉིད་
སྣང་བ་སྟེ། །ཡང་དག་ཇི་བཞིན་མཉམ་བྱས་ཤིང་། །དེ་ལྟར་མཐོང་ན་མཐོང་བའོ། །དེ་ལྟར་མཐོང་བ་ཉོན་མོངས་མེད། །དབང་དུ་གྱུར་ཅིང་ཟག་པ་མེད། །གང་གིས་ཐ་དད་མེད་མཐོང་བ། །དངོས་པོར་བརྟགས་པ་
མ་ཡིན་ནོ། །རྟོག་དང་རྣམ་པར་རྟོག་པ་ནི། །སངས་རྒྱས་ཆོས་རྣམས་བརྗོད་པ་སྟེ། །དེ་དག་ཡོད་པ་མ་ཡིན་པས། །རང་བཞིན་དེ་ཕྱིར་སྦྱངས་པ་ཡིན། །དེ་དག་རང་བཞིན་རྣམ་པར་དག །ནམ་མཁའ་བཞིན་དུ་མཚན་ཉིད་
མེད། །དེ་དག་ལ་ནི་སྟོན་པ་མེད། །མཁས་པ་རྣམས་ཀྱིས་དེ་ལྟར་ལྟོས། །ཆོས་རྣམས་ལ་ནི་མོས་བྱེད་དེ། །ཆོས་ཀྱི་འདུ་ཤེས་རྣམ་བསྒོམས་ཤིང་། །ཤེས་པ་དེ་ཡང་མ་བསྒོམས་པ། །དེས་ནི་ཐུབ་ཆེན་མཐོང་བ་ཡིན། །
ཇི་ལྟར་ཡོན་ཏན་བློས་བརྗོད་པ། །དེ་ལྟར་ཡང་དག་སངས་རྒྱས་མཐོང་། །དེ་མཐོང་བས་ན་འདུ་བྱེད་ཀུན། །རང་བཞིན་གྱིས་ཀྱང་རྣམ་པར་ཞི། །དེ་ནས་བྱང་ཆུབ་སེམས་དཔའ་དགེ་བའི་བློ་གྲོས་ཀྱིས་སངས་རྒྱས་ཀྱིས་བྱིན་གྱི་
རླབས་ཀྱིས་ཕྱོགས་བཅུར་རྣམ་པར་བལྟས་ཏེ། དེའི་ཚེ་ཚིགས་སུ་བཅད་པ་འདི་དག་སྨྲས་སོ། །ཀྱེ་མ་སངས་རྒྱས་དཔལ་ཆེན་རྣམས། །དེ་བཞིན་གཤེགས་པ་ཚད་མེད་དོ། །རྣམ་གྲོལ་ཐུགས་ནི་སྡིགས་མི་མངའ། །

72-1-272a

འཇིག་རྟེན་མཐར་ཕྱིན་བརྒལ་བ་པོ། །ཡང་དག་ཇི་བཞིན་མ་ནོར་བར། །བསྐལ་པ་རྣམས་ནི་ཚད་མེད་པས། །ཇི་ལྟར་མཁས་པས་མཐོང་བ་བཞིན། །འཇིག་རྟེན་སྒྲོན་མས་རབ་ཏུ་གཟིགས། །འདུ་བྱེད་ཐམས་ཅད་
སྐད་ཅིག་མ། །སོ་སོ་སྐྱེ་བོ་དེ་དག་འགེངས། །ནམ་མཁའི་ཁམས་ནི་གཟུང་བྱས་ཤིང་། །དེ་དག་དེ་ཕྱིར་ཁོམ་པ་མེད། །ཁོམ་པ་མེད་ཅེས་བྱ་བ་ནི། །ཅི་ཡང་བརྗོད་པ་མེད་པ་སྟེ། །ཁོམ་པ་མེད་པའི་རང་བཞིན་གྱིས། །ཁོམ་པ་
བསམ་གྱི་མྱི་ཁྱབ་ཐོབ། །གང་ལ་དངོས་པོ་མེད་པ་ཡི། །མི་ཟད་ཁོམ་པ་མེད་པར་བཤད། །ཡོད་པའི་རང་བཞིན་ཤེས་གྱུར་ན། །དེས་ནི་གྲགས་ཆེན་མཐོང་བ་ཡིན། །མཐོང་བ་མེད་པ་མཐོང་ཞེས་བྱ། །ཡོད་པ་མེད་པའང་ཡོད་
ཅེས་བྱ། །མཐོང་བ་དག་གམ་ཡོད་པ་ནི། །མ་སྒོམས་ན་ནི་རྣམ་པར་སྒོམས། །ཇི་ལྟར་བལྟ་བ་སུས་མཐོང་བ། །དེ་དག་གིས་ནི་ལྟ་བ་བཤིག །གང་ལས་སངས་རྒྱས་སྨོན་པ་ཡི། །དེ་དག་ཆོས་རྣམས་ཞིག་པ་མེད། །ཇི་ལྟར་
ཐུབ་པས་བསྟན་པ་བཞིན། །སངས་རྒྱས་ཡེ་ཤེས་བློས་མཐོང་བ། །དེ་ནི་འཇིག་རྟེན་སྣང་བར་བྱེད། །རྒྱལ་བ་རྣམ་པར་སྣང་མཛད་བཞིན། །ཆོས་རྣམས་ཀྱི་ནི་སྣང་བ་གཅིག །དེ་བཞིན་གཤེགས་པས་རབ་ཏུ་བསྟན། །དེས་ནི་
བརྩོན་བློ་བརྟེན་པ་དེ། །མོས་པ་བྱེ་བ་རབ་ཏུ་སྟོན། །ཡོད་དང་མེད་པ་ཤེས་བྱས་ཏེ། །གང་གིས་འདུ་ཤེས་རྣམ་བསྒོམས་པ། །དེས་ནི་སངས་རྒྱས་མཐོང་བ་སྟེ། །ཡང་དག་མཐའ་ལ་རབ་ཏུ་གནས། །དེ་ནས་བྱང་ཆུབ་སེམས་
དཔའ་ཡེ་ཤེས་བློ་གྲོས་ཀྱི་སངས་རྒྱས་ཀྱི་མཐུས་ཕྱོགས་བཅུར་རྣམ་པར་བལྟས་ཏེ། དེའི་ཚེ་ཚིགས་སུ་བཅད་པ་འདི་དག་སྨྲས་སོ། །རྒྱལ་བའི་བསྟན་པ་འདི་ཐོས་པས། །སྣང་བའི་བདག་ཅག་ཤེས་པར་གྱུར། །ཕྱོགས་བཅུ་
ཀུན་ཏུ་སྣང་བ་ཡི། །ཡང་དག་སངས་རྒྱས་དེས་ཀྱང་མཐོང་། །སེམས་ཅན་རང་བཞིན་ཡོད་གྱུར་པ། །དེ་ནི་སེམས་ཅན་གཡང་ས་སྟེ། །འདི་ལ་ཅི་ཡང་ཡོད་པ་མིན། །ཚིག་གིས་ལམ་རྣམས་བསྡུས་པའོ། །བྱིས་པ་འཛིན་དང་

72-1-272b

བཅས་པ་རྣམས། །བདག་ལུས་ཡང་དག་འཛིན་པ་ལ། །སངས་རྒྱས་སྣང་བར་མི་འགྱུར་ཏེ། །དེ་བཞིན་གཤེགས་པ་གཟུང་བ་མེད། །ཡང་དག་སངས་རྒྱས་མ་མཐོང་ཞིང་། །གང་རྣམས་མིག་ཡོད་མ་ཡིན་པ། །དེ་དག་
བསྐལ་པ་གྲངས་མེད་དུ། །སྲིད་པའི་གང་ཆེན་མཚོ་ན་འཁོར། །ཉོན་མོངས་ཅན་ནི་འཁོར་བར་བཤད། །ཉོན་མོངས་མེད་པ་མྱ་ངན་འདས། །མྱ་ངན་འདས་དང་འཁོར་བ་ཡང་། །རང་བཞིན་རྙེད་པར་མི་རུང་ངོ་། །འཁོར་ཞེས་བྱ་བ་
བརྡ་ཡིན་ཏེ། །མྱ་ངན་འདས་པ་བརྗོད་པ་ཡིན། །འཕགས་པའི་ཆོས་རྣམས་མ་སྐྱེས་པ། །བླ་མ་དག་ནི་མི་ཤེས་སོ། །འདི་ནི་སངས་རྒྱས་རྒྱལ་བ་འདི། །འདི་ཡིན་འདི་འདྲའི་འདུ་ཤེས་ཅན། །དེ་དག་སངས་རྒྱས་མི་མཐོང་སྟེ། །
ཚུལ་བཞིན་མ་ཡིན་ཕྱིན་ཅི་ལོག །ཞི་བའི་རང་བཞིན་ཇི་ལྟར་བར། །གང་གིས་ཞི་བ་ཞེས་གྱུར་པ། །དེས་ནི་ཚིགས་གི་ལམ་འདས་པའི། །ཡང་དག་སངས་རྒྱས་རབ་ཏུ་མཐོང་། །ཆོས་རྣམས་ཀུན་གྱི་སྤྱོད་པ་ཡིན། །རབ་ཏུ་
བརྗོད་པ་བསྟན་པ་མེད། །འོན་ཀྱང་མཉམ་པ་ཉིད་དུ་ལྟ། །རྒྱལ་བ་ཆོས་རྣམས་ཀུན་དང་མཉམ། །ཡང་དག་སངས་རྒྱས་མཐའ་དབུས་མེད། །ཐོག་མ་དང་ནི་ཐ་མར་ཡང་། །འགལ་མེད་རྩ་བ་མེད་པས་ན། །དེས་ནས་སངས་རྒྱས་
དེ་ཕྱིར་བརྗོད། །དེ་ནས་བྱང་ཆུབ་སེམས་དཔའ་བདེན་པའི་བློ་གྲོས་ཀྱིས་སངས་རྒྱས་ཀྱི་བྱིན་གྱིས་བརླབས་ཀྱིས། ཕྱོགས་བཅུར་རྣམ་པར་བལྟས་ཏེ། དེའི་ཚེ་ཚིགས་སུ་བཅད་པ་འདི་དག་སྨྲས་སོ། །སངས་རྒྱས་རྣམས་ནི་མཉམ་
པའི་ཕྱིར། །བསྐལ་པ་བསམ་གྱིས་མི་ཁྱབ་པར། །སེམས་ཅན་དམྱལ་བར་གནས་ཀྱང་བླ། །དེ་ནི་བདེ་བ་བསམ་མི་ཁྱབ། །ཅི་ཕྱིར་ཞེ་ན་བསྐལ་པ་རྣམས། །གྲངས་མེད་སྡུག་བསྔལ་ཅན་བྱུང་བར། །འོན་ཀྱང་བདེ་
གཤེགས་མ་ཐོས་པས། །བདག་ཅག་འཁོར་ལས་མ་གྲོལ་ལོ། །དེ་བཞིན་མ་ནོར་ཆོས་ཀྱི་རྣམས། །ཡང་དག་ཉིད་དུ་རྟོགས་གྱུར་ཏེ། །གང་ལ་གྲགས་པ་མེད་པ་རྣམས། །དེ་དག་བྱང་ཆུབ་བླ་ན་མེད། །སངས་རྒྱས་

72-1-273a

རྣམས་དང་མངོན་སུམ་པ། །སྔན་ཅད་མ་བྱུང་འབྱུང་མི་འགྱུར། །གང་ཕྱིར་སངས་རྒྱས་བརྗོད་པའི་ཆོས། །དེ་དག་མཚན་ཉིད་མེད་པའོ། །ཆོས་རྣམས་བལྟ་དཀའ་ཇི་བཞིན་དུ། །གང་ཞིག་དེ་ལྟར་རྟོགས་པ་ནི། །
དེ་དག་སངས་རྒྱས་ཀུན་གཟིགས་པ། །ཡང་དག་བལྟ་བས་ཤིན་ཏུ་མཐོང་། །ཡང་དག་ལ་ནི་ཡང་དག་གཟིགས། །ཡང་དག་མིན་པར་ཡང་དག་མིན། །འདི་ཡི་མཐའ་ནི་སྟེན་པས་ན། །སངས་རྒྱས་སངས་རྒྱས་
ཞེས་ཀྱང་བྱ། །ཁོང་དུ་མ་ཆུད་ཆོས་བསྟན་ཏེ། །སངས་རྒྱས་ཆོས་རྣམས་དབང་དུ་བརྗོད། །འདི་ནི་སངས་རྒྱས་བསྒོམ་པ་སྟེ། །གཅིག་ཏུ་དམིགས་པ་མ་ཡིན་ནོ། །དེ་ལྟར་མང་དང་གཅིག་གནས་པ། །མང་པོ་
དག་ཏུ་རྣམ་པར་ཤེས། །གནས་པ་མེད་པའི་ཆོས་རྣམས་ཀྱིས། །བསྩགས་པ་དག་ཀྱང་རབ་ཏུ་བྱས། །བྱས་པ་མེད་ཅིང་བྱེད་པ་མེད། །ལས་ཀྱི་འདུ་ཤེས་རྣམ་བསྒོམས་ཤིང་། །ལས་འདི་ཅི་བཞིན་ཤེས་པར་བྱ། །
རྣམ་པ་དག་ཀྱང་མི་དམིགས་སོ། །གང་ལ་སངས་རྒྱས་བཞུགས་པ་ཡིས། །ངེས་པའི་གནས་ནི་དམིགས་མེད་པས། །གནས་པ་མེད་པའི་ཆོས་རྣམས་ཀྱིས། །སངས་རྒྱས་གཡོ་བ་གང་ཡང་མེད། །དེ་ནས་
བྱང་ཆུབ་སེམས་དཔའ་མཆོག་གིས་བློ་གྲོས་ཀྱིས། སངས་རྒྱས་ཀྱི་བྱིན་གྱིས་རླབས་ཀྱིས། ཕྱོགས་བཅུར་རྣམ་པར་བལྟས་ཏེ། དེའི་ཚེ་ཚིགས་སུ་བཅད་པ་འདི་དག་སྨྲས་སོ། །སེམས་ཅན་ཆེན་པོ་བླ་ན་
མེད། །སེམས་ཅན་འདུ་ཤེས་རྣམ་པར་བསྒོམས། །འཇུག་པར་བྱ་བ་གང་ཡང་མེད། །དེ་བས་བླ་ན་མེད་པར་བྱ། །གང་ལ་ཕྲ་བ་ཡོད་མིན་པ། །དེ་ལ་སྦོམ་པ་འང་ཡོད་པ་མིན། །དེ་ནི་སངས་རྒྱས་རྣམས་ཀྱིས་
བརྙེས། །རྣམ་པར་མི་རྟོགས་འདུས་མ་བྱས། །གང་གིས་སངས་རྒྱས་སྤྱོད་ཡུལ་བ། །དེ་ལ་བགྲང་བ་ཡོད་པ་མིན། །ཡང་དག་སངས་རྒྱས་བགྲང་དང་བྲལ། །དེ་ནི་སངས་རྒྱས་ཆོས་ཉིད་དོ། །མུན་པ་རྣམས་ནི་རྣམ་

72-1-273b

བསལ་ཅིང་། །དེ་བཞིན་གཤེགས་པ་རྣམ་པར་སྣང་། །དེ་ལ་སྣང་བ་གང་ཡང་མེད། །མི་སྣང་བའང་ཅི་ཡང་མེད། །ཐམས་ཅད་ཆོས་ལ་ཀུན་ནས་དགའ། །སྐྱེས་པ་མེད་ཅིང་གནས་པ་མེད། །འདོད་ཆགས་
མེད་ཅིང་རྟེན་པ་མེད། །ཆོས་ཉིད་དེ་ཡང་སྦེད་པ་མེད། །གྲངས་གཉིས་སུ་ཡང་བགྲང་མེད་ཅིང་། །གཅིག་ཀྱང་ཡོད་མེད་ཐ་ཡིན་པས། །ཅི་བཞིན་རབ་ཏུ་གནས་པ་ཡི། །ཤེས་རབ་ཆེན་པོས་ལེགས་པར་མཐོང་། །
མི་གཉིས་པ་ལ་གཉིས་པ་མེད། །གཉིས་པ་མེད་པ་སྟོང་པ་སྟེ། །སྟོང་པ་དེ་ཡང་ཁམས་གསུམ་ཀུན། །དེ་ནི་སངས་རྒྱས་མཐོང་བའོ། །བྱིས་པས་བྱང་ཆུབ་མི་ཤེས་ཀྱང་། །དེ་དག་དེ་ལ་རབ་ཏུ་གནས། །གནས་
པ་མེད་པའི་ཆོས་རྣམས་ཀྱི། །རང་གི་ལུས་ནི་རྗེས་སུ་ལྟ། །ལུས་མེད་པའི་ལུས་སུ་བཤད། །འབྱུང་བ་མེད་ཅིང་བསྟན་དུ་མེད། །འཇིག་ཚོགས་མང་པོ་ལྟར་མེད་པ། །སངས་རྒྱས་སྐུ་ནི་བླ་ན་མེད། །
སངས་རྒྱས་ཆོས་ཀྱི་རང་བཞིན་ཉིད། །དེ་སྐད་བདེན་པའི་བློས་སྨྲས་ཏེ། །དེ་ཐོས་པས་ནི་མིག་ཀྱང་སྦྱངས། །ཤིན་ཏུ་འོད་ཀྱང་དང་ཞིང་སྣང་། །དེ་ནས་བྱང་ཆུབ་སེམས་དཔའ་དམ་པའི་བློ་གྲོས་ཀྱིས་སངས་རྒྱས་
ཀྱི་བྱིན་གྱིས་རླབས་ཀྱིས། ཕྱོགས་བཅུར་རྣམ་པར་བལྟས་ཏེ། །དེའི་ཚེ་ཚིགས་སུ་བཅད་དེ་སྨྲས་པ། །དྲིན་གཟོ་མེད་པའི་སེམས་ཅན་ཕྱིར། །སྐྱེས་བུ་དྲང་སྲོང་ཆེན་པོའི་མཆོག་གི་རྣམས། །དཔའ་པོ་ཆེན་པོ་
སེམས་ཅན་གཙོ་བོ་དང་། །འོད་མཛད་པ་ནི་རབ་ཏུ་བྱུང་། །ཐུགས་རྗེ་ཆེན་པོ་སྐྱེད་མཛད་དེ། །སེམས་ཅན་ཁམས་ལ་རྣམ་གཟིགས་ཀྱང་། །སྲིད་པའི་བཅིངས་པས་སྡུག་བསྔལ་བའི། །སེམས་ཅན་རྣམས་ནི་
དེ་ནས་གཟིགས། །འཇིག་རྟེན་ལྷ་དང་བཅས་པ་ན། །ཡང་དག་སངས་རྒྱས་དཔལ་མངའ་བ། །སེམས་ཅན་གཙོ་བོ་མ་གཏོགས་པར། །སྐྱོབ་པ་གཞན་ནི་གང་ཡང་མེད། །གལ་ཏེ་སངས་རྒྱས་མ་སྐྱེས་པ། །

72-1-274a

བྱང་ཆུབ་སེམས་དཔའ་འདི་འདྲ་དག །མེད་ན་འཇིག་རྟེན་ཁམས་ཀུན་ན། །སེམས་ཅན་བདེ་བ་གཅིག་མི་འབྱུང་། །སེམས་ཅན་གཙོ་བོ་འདྲེན་མཛད་པ། །དེ་བཞིན་གཤེགས་པས་སྐྱེས་པ་དང་། །
བྱང་ཆུབ་སེམས་དཔའ་འདི་འདྲ་དག །འབྱུང་བ་འཇིག་རྟེན་བདེ་བའི་རྒྱུ། །གང་གིས་དེ་བཞིན་གཤེགས་མཐོང་བ། །དེ་དག་འཐོབ་པ་ལེགས་པར་འཐོབ། །གང་གིས་ཐོས་ཤིང་དད་འགྱུར་བ། །དེ་ཡང་འཇིག་རྟེན་
མཆོད་རྟེན་ནོ། །གང་གིས་སངས་རྒྱས་མཐོང་གྱུར་པ། །བདག་ཅག་རྣམས་ཀྱིས་འཐོབ་ལེགས་ཐོབ། །འདི་འདྲ་བ་ཡི་ཚུལ་ཐོས་པས། །ཀུན་ཀྱང་ཡང་དག་སངས་རྒྱས་འགྱུར། །འདས་པའི་དུས་ནའང་དཔལ་
འདི་ཡོད། །བྱང་ཆུབ་སེམས་དཔའ་ཐམས་ཅད་ཀྱིས། །ཤེས་རབ་མིག་ནི་རྣམ་སྦྱངས་པས། །སྤྱོད་ཡུལ་འདི་དག་མཐོང་བར་འགྱུར། །རྣམ་པར་སྣང་མཛད་ཐུབ་མཐོང་ནས། །ད་དུང་ཕྱིར་ཞིང་དད་པ་སྐྱེ། །
དེ་ཡི་ཡེ་ཤེས་མཐའ་ཡས་པས། །ད་དུང་བརྗོད་དུ་ཡོད་པ་མིན། །གང་ཞིག་མཆོག་གི་བློས་སྨྲས་པ། །རྒྱལ་སྲས་གཞན་གྱིས་བཤད་པ་རྣམས། །དེ་དག་ད་རུང་བདག་གིས་ཀྱང་། །བསྐལ་པ་བསམ་
ཡས་བཤད་པར་བྱ། །རི་རབ་ཀྱི་རྩེ་མོར་དེ་བཞིན་གཤེགས་པའི་རྣམ་པར་འཕྲུལ་པ་དང་། བྱང་ཆུབ་སེམས་དཔའི་ཚོགས་ཀྱི་ཚིགས་སུ་བཅད་པའི་ལེའུ་སྟེ། བཅུ་དགུ་པའོ།། །།ཤུ་བྷམ།། 

73-1-1a