62-1-1a

༼འ༽ ༄༅། ༈ །མདོ་སྡེ་སྣ་ཚོགས་ཀྱི་སྐོར་བཞུགས་སོ། །
(黃)  經藏第二十三部

62-1-1b

༄༅༅།   །རྒྱ་གར་སྐད་དུ།  བུད་དྷ་ནཱ་མ་ས་ཧ་སྲ་པཉྩ་ཤ་ཏ་ཙ་ཏུར་ཏྲི་པཉྩ་ད་ཤ ། བོད་སྐད་དུ། 
སངས་རྒྱས་ཀྱི་མཚན་ལྔ་སྟོང་བཞི་བརྒྱ་ལྔ་བཅུ་རྩ་གསུམ་པ། བམ་པོ་དང་པོ། །ཐམས་ཅད་
མཁྱེན་པ་ལ་ཕྱག་འཚལ་ལོ། །བཅོམ་ལྡན་འདས་དེ་བཞིན་གཤེགས་པ་དྲི་མ་མེད་པའི་ནམ་
མཁའ་དཔལ་གྱི་རྒྱལ་པོ་མི་མཚུངས་པའི་སྤྱན་ཡོན་ཏན་ཤིན་ཏུ་བཟང་པོ་དཔལ་གྱི་འོད་མེ་ཏོག་པད་
མོ་བཻ་དཱུརྱའི་འོད་ཟེར་སྐུ་གཟུགས་རིན་ཆེན་དྲི་མཆོག་དམ་པས་མཆོད་པ་གཙུག་ཏོར་སྨིན་མཚམས་
མཆོག་གིས་བརྒྱན་པ་ཉི་ཟླ་གྲངས་མེད་པ་བཞིན་དུ་སྣང་བ་སྨོན་ལམ་གྱིས་རབ་ཏུ་བརྒྱན་པས་སྤྲུལ་པ་
ཤིན་དུ་མངའ་བ་ཆོས་ཀྱི་དབྱིངས་ལས་བྱུང་བ་ཆགས་པ་མེད་པའི་རྒྱལ་པོ་ལ་ཕྱག་འཚལ་ལོ། །
དེ་བཞིན་གཤེགས་པ་སྨིན་མཚམས་ཉི་མ་བཞིན་དུ་འབར་བ་རིན་ཆེན་ཟླ་བ་མེ་ཏོག་པད་མོ་གསེར་སྟུག་

62-1-2a

པོ་ལྟ་བུའི་སྐུ་རྣམ་པར་སྣང་བས་ཐོགས་པ་མེད་པའི་སྤྱན་མང་པོ་ཕྱོགས་བཅུར་འོད་ཟེར་གྱིས་ཁྱབ་པར་མཛད་ཅིང་འཇིག་རྟེན་གྱི་ཁམས་ཐམས་ཅད་དུ་སྣང་བའི་དཔལ་གྱི་རྒྱལ་པོ་ལ་ཕྱག་འཚལ་ལོ། །
དེ་བཞིན་གཤེགས་པ་འཛམ་བུའི་གླིང་གི་རྡུལ་ཕྲ་མོ་སྙེད་ཀྱི་བསྐལ་པ་ཆེན་པོར་འཁོར་བ་ལས་མཚན་ཙམ་འཛིན་པས་མ་ལུས་པར་ཐར་པ་ལ་ཕྱག་འཚལ་ལོ། །དེ་བཞིན་གཤེགས་པ་སྙིང་རྗེའི་འོད་ཆོས་རྒྱ་
མཚོའི་འོད་ཟེར་སྙེད་སྒྲོགས་པའི་དབྱངས་ཀྱི་རྒྱལ་པོ་ལ་ཕྱག་འཚལ་ལོ། །དེ་བཞིན་གཤེགས་པ་ཡེ་ཤེས་རི་བོ་ཆོས་ཀྱི་དབྱིངས་ཕྱོགས་ཀུན་དུ་གསལ་བར་འབར་བའི་རྒྱལ་པོ་ལ་ཕྱག་འཚལ་ལོ། །
དེ་བཞིན་གཤེགས་པ་ཆོས་ཀྱི་རྒྱ་མཚོའི་འོད་སྒྲོགས་པའི་རྒྱལ་པོ་ལ་ཕྱག་འཚལ་ལོ། །དེ་བཞིན་གཤེགས་པ་ཡོན་ཏན་གྲགས་པ་མི་མཚུངས་པ་རྣམ་པར་ཐར་པའི་འོད་ཀྱི་རྒྱལ་པོ་ལ་ཕྱག་འཚལ་ལོ། །
དེ་བཞིན་གཤེགས་པ་ཆོས་ཀྱི་སྤྲིན་གྱི་གྲོང་ཁྱེར་འོད་མར་མེའི་རྒྱལ་པོ་ལ་ཕྱག་འཚལ་ལོ། །དེ་བཞིན་གཤེགས་པ་ཆོས་ནམ་མཁའ་གྱེན་དུ་བྱུང་བའི་དཔལ་གྱི་རྒྱལ་པོ་ལ་ཕྱག་འཚལ་ལོ། །
དེ་བཞིན་གཤེགས་པ་ཆོས་ཀྱི་འཁོར་ལོ་འོད་དབང་གི་རྒྱལ་པོ་ལ་ཕྱག་འཚལ་ལོ། །དེ་བཞིན་གཤེགས་པ་ཆོས་ཐམས་ཅད་རྒྱ་མཚོའི་དབྱིངས་ཀྱི་རྒྱལ་པོ་ལ་ཕྱག་འཚལ་ལོ། །དེ་བཞིན་གཤེགས་པ་ཡེ་ཤེས་
རི་བོའི་རྒྱལ་པོ་ལ་ཕྱག་འཚལ་ལོ། །དེ་བཞིན་གཤེགས་པ་ཆོས་སྤྲིན་དབྱངས་ཀྱི་རྒྱལ་པོ་ལ་ཕྱག་འཚལ་ལོ། །དེ་བཞིན་གཤེགས་པ་ཡེ་ཤེས་སྐར་མདའ་སྣང་བའི་རྒྱལ་པོ་ལ་ཕྱག་འཚལ་ལོ། །དེ་བཞིན་
གཤེགས་པ་ཆོས་རྒྱ་མཚོ་སྟོན་པའི་དབྱངས་ཀྱི་རྒྱལ་པོ་ལ་ཕྱག་འཚལ་ལོ། །དེ་བཞིན་གཤེགས་པ་ཆོས་འོད་ཟེར་རི་བོ་དཔལ་གྱི་རྒྱལ་པོ་ལ་ཕྱག་འཚལ་ལོ། །དེ་བཞིན་གཤེགས་པ་རི་དབང་དཔལ་གྱི་སྙིང་པོ་

62-1-2b

རྒྱལ་པོ་ལ་ཕྱག་འཚལ་ལོ། །དེ་བཞིན་གཤེགས་པ་ཡེ་ཤེས་གཙུག་ཀུན་དུ་སྣང་བའི་རྒྱལ་པོ་ལ་ཕྱག་འཚལ་ལོ། །དེ་བཞིན་གཤེགས་པ་ཡེ་ཤེས་སེང་གེ་དཔལ་གྱི་རྒྱལ་མཚན་གྱི་རྒྱལ་པོ་ལ་ཕྱག་འཚལ་ལོ། །
དེ་བཞིན་གཤེགས་པ་ཀུན་དུ་སྣང་བའི་ཉི་མའི་རྒྱལ་པོ་ལ་ཕྱག་འཚལ་ལོ། །དེ་བཞིན་གཤེགས་པ་ཆོས་ཀྱི་དབྱིངས་གྲོང་ཁྱེར་ཡེ་ཤེས་མར་མེའི་རྒྱལ་པོ་ལ་ཕྱག་འཚལ་ལོ། །དེ་བཞིན་གཤེགས་པ་ཆོས་ཀྱི་
ཟླ་བ་ཡེ་ཤེས་ཀུན་དུ་གསལ་བའི་རྒྱལ་པོ་ལ་ཕྱག་འཚལ་ལོ། །དེ་བཞིན་གཤེགས་པ་ཆོས་ཐམས་ཅད་རྒྱ་མཚོ་ལས་བྱུང་བའི་མྱུར་བའི་རྒྱལ་པོ་ལ་ཕྱག་འཚལ་ལོ། །དེ་བཞིན་གཤེགས་པ་ཕྱོགས་ཐམས་
ཅད་ཀྱི་མར་མེའི་རྒྱལ་པོ་ལ་ཕྱག་འཚལ་ལོ། །དེ་བཞིན་གཤེགས་པ་གྲགས་ཆེན་ཆོས་ཀྱི་རྒྱ་མཚོ་ཤུགས་ཀྱི་རྒྱལ་པོ་ལ་ཕྱག་འཚལ་ལོ། །དེ་བཞིན་གཤེགས་པ་ཆོས་ཀྱི་འོད་ཟེར་འབར་བ་འོད་ཀྱི་རྒྱལ་པོ་ལ་
ཕྱག་འཚལ་ལོ། །དེ་བཞིན་གཤེགས་པ་འོད་ཀྱི་དཀྱིལ་འཁོར་རྩེ་མོའི་རྒྱལ་པོ་ལ་ཕྱག་འཚལ་ལོ། །དེ་བཞིན་གཤེགས་པ་སྤྲིན་བཞིན་སྒྲོགས་པའི་གྲགས་པའི་རྒྱལ་པོ་ལ་ཕྱག་འཚལ་ལོ། །དེ་བཞིན་གཤེགས་པ་
ཀུན་དུ་སྣང་བར་མཛད་པའི་དཔལ་གྱི་སྙིང་པོའི་རྒྱལ་པོ་ལ་ཕྱག་འཚལ་ལོ། །དེ་བཞིན་གཤེགས་པ་ཀུན་ཏུ་རྣམ་པར་སྣང་བའི་དཔལ་རི་རབ་རྒྱལ་པོ་ལ་ཕྱག་འཚལ་ལོ། །དེ་བཞིན་གཤེགས་པ་ནམ་མཁའ་བཞིན་མ་
ཆགས་པའི་ཡེ་ཤེས་དཔལ་གྱི་རྒྱལ་མཚན་གྱི་རྒྱལ་པོ་ལ་ཕྱག་འཚལ་ལོ། །དེ་བཞིན་གཤེགས་པ་ཡེ་ཤེས་ཆེན་པོ་རྒྱས་པའི་འོད་ཀྱི་རྒྱལ་པོ་ལ་ཕྱག་འཚལ་ལོ། །དེ་བཞིན་གཤེགས་པ་འོད་ཟེར་ཀུན་དུ་སྤྲོ་བ་འོད་ཀྱི་
རྒྱལ་པོ་ལ་ཕྱག་འཚལ་ལོ། །དེ་བཞིན་གཤེགས་པ་རྒྱན་གྱི་གདུགས་དབྱངས་ཀྱི་རྒྱལ་པོ་ལ་ཕྱག་འཚལ་ལོ། །དེ་བཞིན་གཤེགས་པ་དཔལ་གྱི་སྙིང་པོ་བརྩེགས་པ་རྣམ་པར་བསྒྲགས་པའི་རྒྱལ་པོ་ལ་ཕྱག་འཚལ་ལོ། །

62-1-3a

དེ་བཞིན་གཤེགས་པ་གློག་གི་མར་མེ་དཔལ་གྱི་རྒྱལ་པོ་ལ་ཕྱག་འཚལ་ལོ། །དེ་བཞིན་གཤེགས་པ་མུན་པ་མཐའ་ཡས་ཤིན་དུ་བྲལ་བའི་རྒྱལ་པོ་ལ་ཕྱག་འཚལ་ལོ། །དེ་བཞིན་གཤེགས་པ་དགེ་བ་
རབ་ཏུ་གྲགས་པ་གཏེར་གྱི་རྒྱལ་པོ་ལ་ཕྱག་འཚལ་ལོ། །དེ་བཞིན་གཤེགས་པ་དམ་པའི་ཆོས་སྐྱོང་དཔལ་གྱི་རྒྱལ་པོ་ལ་ཕྱག་འཚལ་ལོ། །དེ་བཞིན་གཤེགས་པ་ཆོས་ཀྱི་གཞལ་མེད་ཁང་སྒྲོགས་པའི་རྒྱལ་པོ་ལ་ཕྱག་
འཚལ་ལོ། །དེ་བཞིན་གཤེགས་པ་ཕྱོགས་ཐམས་ཅད་ཀྱི་མར་མེའི་རྒྱལ་པོ་ལ་ཕྱག་འཚལ་ལོ། །དེ་བཞིན་གཤེགས་པ་ཡེ་ཤེས་རིན་ཆེན་ཀུན་དུ་འབར་བའི་དཔལ་ཡོན་ཏན་དཔལ་གྱི་རྒྱལ་པོ་ལ་ཕྱག་འཚལ་ལོ། །དེ་བཞིན་
གཤེགས་པ་འཛམ་བུའི་གསེར་མདངས་རྒྱལ་པོ་ལ་ཕྱག་འཚལ་ལོ། །དེ་བཞིན་གཤེགས་པ་ཆོས་ཀྱི་འཁོར་ལོ་མདངས་འབར་བའི་རྒྱལ་པོ་ལ་ཕྱག་འཚལ་ལོ། །དེ་བཞིན་གཤེགས་པ་རྣམ་པར་སྣང་བའི་དཔལ་གྱི་སྙིང་པོའི་
རྒྱལ་པོ་ལ་ཕྱག་འཚལ་ལོ། །དེ་བཞིན་གཤེགས་པ་རིན་ཆེན་བཟང་དཔལ་གྱི་རྒྱལ་པོ་ལ་ཕྱག་འཚལ་ལོ། །དེ་བཞིན་གཤེགས་པ་མེ་ཏོག་དྲི་ཐམས་ཅད་ཀྱི་དབང་ཕྱུག་གི་རྒྱལ་པོ་ལ་ཕྱག་འཚལ་ལོ། །དེ་བཞིན་གཤེགས་པ་
མེ་ཏོག་ཐམས་ཅད་ཀྱི་དབང་ཕྱུག་གི་རྒྱལ་པོ་ལ་ཕྱག་འཚལ་ལོ། །དེ་བཞིན་གཤེགས་པ་ཀླུའི་དབང་ཕྱུག་གི་རྒྱལ་པོ་ལ་ཕྱག་འཚལ་ལོ། །དེ་བཞིན་གཤེགས་པ་ཞི་བའི་འོད་ཀྱི་རྒྱལ་པོ་ལ་ཕྱག་འཚལ་ལོ། །དེ་བཞིན་གཤེགས་པ་
སྤྲིན་སྟོང་དབྱངས་ཀྱི་རྒྱལ་པོ་ལ་ཕྱག་འཚལ་ལོ། །དེ་བཞིན་གཤེགས་པ་ཆོས་ཐམས་ཅད་སྒྲོགས་པའི་རྒྱལ་པོ་ལ་ཕྱག་འཚལ་ལོ། །དེ་བཞིན་གཤེགས་པ་རིན་ཆེན་གསེར་རི་བོ་དཔལ་གྱི་རྒྱལ་པོ་ལ་ཕྱག་འཚལ་ལོ། །དེ་བཞིན་གཤེགས་
པ་རྣམ་པར་སྣང་བའི་དཔལ་མདངས་ཀྱི་རྒྱལ་པོ་ལ་ཕྱག་འཚལ་ལོ། །དེ་བཞིན་གཤེགས་པ་ཆོས་ཀྱི་ཟླ་བ་འོད་ཀྱི་རྒྱལ་པོ་ལ་ཕྱག་འཚལ་ལོ། །དེ་བཞིན་གཤེགས་པ་ཡེ་ཤེས་ཀུན་དུ་འབར་བའི་རྒྱལ་པོ་ལ་ཕྱག་འཚལ་ལོ། །དེ་བཞིན་

62-1-3b

གཤེགས་པ་ཉི་མའི་གཟི་བརྗིད་དཔལ་གྱི་རྒྱལ་པོ་ལ་ཕྱག་འཚལ་ལོ། །དེ་བཞིན་གཤེགས་པ་ཡོན་ཏན་ཁོར་ཡུག་རིའི་རྒྱལ་པོ་ལ་ཕྱག་འཚལ་ལོ། །དེ་བཞིན་གཤེགས་པ་སེམས་ཅན་ཀུན་ལ་སྣང་བའི་རྒྱལ་པོ་ལ་
ཕྱག་འཚལ་ལོ། །དེ་བཞིན་གཤེགས་པ་ཆོས་དབང་རྒྱལ་པོ་ལ་ཕྱག་འཚལ་ལོ། །དེ་བཞིན་གཤེགས་པ་སྤྲིན་དཔལ་རྒྱལ་པོ་ལ་ཕྱག་འཚལ་ལོ། །དེ་བཞིན་གཤེགས་པ་འོད་དུ་མའི་རྒྱལ་པོ་ལ་ཕྱག་འཚལ་ལོ། །དེ་བཞིན་
གཤེགས་པ་རྣམ་པར་སྤེལ་བའི་རྒྱལ་པོ་ལ་ཕྱག་འཚལ་ལོ། །དེ་བཞིན་གཤེགས་པ་གཞན་གྱིས་མི་ཚུགས་པའི་རྒྱལ་མཚན་གྱི་རྒྱལ་པོ་ལ་ཕྱག་འཚལ་ལོ། །དེ་བཞིན་གཤེགས་པ་གཟུངས་ཀྱི་དབང་ཕྱུག་རྒྱལ་པོ་ལ་ཕྱག་འཚལ་ལོ། །
དེ་བཞིན་གཤེགས་པ་རི་རབ་གྱེན་དུ་བྱུང་བའི་རྒྱལ་པོ་ལ་ཕྱག་འཚལ་ལོ། །དེ་བཞིན་གཤེགས་པ་སེང་གེ་རྣམ་པར་རོལ་པའི་རྒྱལ་པོ་ལ་ཕྱག་འཚལ་ལོ། །དེ་བཞིན་གཤེགས་པ་ཟླ་འོད་རྒྱལ་པོ་ལ་ཕྱག་འཚལ་ལོ། །དེ་བཞིན་
གཤེགས་པ་ཆོས་ཐམས་ཅད་ཀྱི་འོད་ཀྱི་རྒྱལ་པོ་ལ་ཕྱག་འཚལ་ལོ། །དེ་བཞིན་གཤེགས་པ་བླ་ན་མེད་པའི་རྒྱལ་པོ་ལ་ཕྱག་འཚལ་ལོ། །དེ་བཞིན་གཤེགས་པ་ནམ་མཁའ་དགོན་པའི་རྒྱལ་པོ་ལ་ཕྱག་འཚལ་ལོ། །དེ་བཞིན་
གཤེགས་པ་དྲི་གཟེར་སྤྲིན་དཔལ་གྱི་རྒྱལ་པོ་ལ་ཕྱག་འཚལ་ལོ། །དེ་བཞིན་གཤེགས་པ་རྔ་དབྱངས་རྒྱལ་པོ་ལ་ཕྱག་འཚལ་ལོ། །དེ་བཞིན་གཤེགས་པ་མཆོག་སྲུང་བའི་རྒྱལ་པོ་ལ་ཕྱག་འཚལ་ལོ། །དེ་བཞིན་གཤེགས་
པ་སྤོས་བརྩེགས་རྒྱལ་པོ་ལ་ཕྱག་འཚལ་ལོ། །དེ་བཞིན་གཤེགས་པ་གདུང་བར་མཛད་པའི་རྒྱལ་པོ་ལ་ཕྱག་འཚལ་ལོ། །དེ་བཞིན་གཤེགས་པ་དུས་མེད་རྒྱལ་པོ་ལ་ཕྱག་འཚལ་ལོ། །དེ་བཞིན་གཤེགས་པ་ཚངས་དབྱངས་
རྒྱལ་པོ་ལ་ཕྱག་འཚལ་ལོ། །དེ་བཞིན་གཤེགས་པ་ལྷའི་རྒྱལ་པོ་ལ་ཕྱག་འཚལ་ལོ། །དེ་བཞིན་གཤེགས་པ་ཟླ་བའི་རྒྱལ་པོ་ལ་ཕྱག་འཚལ་ལོ། །དེ་བཞིན་གཤེགས་པ་ནོར་བུའི་རྒྱལ་པོ་ལ་ཕྱག་འཚལ་ལོ། །དེ་བཞིན་གཤེགས་

62-1-4a

པ་ཡོན་ཏན་རྒྱལ་པོ་ལ་ཕྱག་འཚལ་ལོ། །དེ་བཞིན་གཤེགས་པ་རྒྱན་གྱི་རྒྱལ་པོ་ལ་ཕྱག་འཚལ་ལོ། །དེ་བཞིན་གཤེགས་པ་ཞི་བའི་རྒྱལ་པོ་ལ་ཕྱག་འཚལ་ལོ། །དེ་བཞིན་གཤེགས་པ་ཤུགས་ཀྱི་རྒྱལ་པོ་ལ་
ཕྱག་འཚལ་ལོ། །དེ་བཞིན་གཤེགས་པ་སྨན་གྱི་རྒྱལ་པོ་ལ་ཕྱག་འཚལ་ལོ། །དེ་བཞིན་གཤེགས་པ་བདེ་བའི་རྒྱལ་པོ་ལ་ཕྱག་འཚལ་ལོ། །དེ་བཞིན་གཤེགས་པ་འོད་ཟེར་གྱི་རྒྱལ་པོ་ལ་ཕྱག་འཚལ་ལོ། །
དེ་བཞིན་གཤེགས་པ་སྨན་གྱི་རྒྱལ་པོ་ལ་ཕྱག་འཚལ་ལོ། །དེ་བཞིན་གཤེགས་པ་གཏོགས་འདོད་ཀྱི་རྒྱལ་པོ་ལ་ཕྱག་འཚལ་ལོ། །དེ་བཞིན་གཤེགས་པ་ས་ལེའི་རྒྱལ་པོ་ལ་ཕྱག་འཚལ་ལོ། །དེ་བཞིན་གཤེགས་པ་
སྣང་བའི་རྒྱལ་པོ་ལ་ཕྱག་འཚལ་ལོ། །དེ་བཞིན་གཤེགས་པ་འོད་ཀྱི་རྒྱལ་པོ་ལ་ཕྱག་འཚལ་ལོ། །དེ་བཞིན་གཤེགས་པ་དྲི་ཟའི་རྒྱལ་པོ་ལ་ཕྱག་འཚལ་ལོ། །དེ་བཞིན་གཤེགས་པ་ཤིང་གི་རྒྱལ་པོ་ལ་ཕྱག་འཚལ་ལོ། །
དེ་བཞིན་གཤེགས་པ་ཡོན་ཏན་དཔལ་གྱི་རྒྱལ་པོ་ལ་ཕྱག་འཚལ་ལོ། །དེ་བཞིན་གཤེགས་པ་དྲི་མ་མེད་པར་བཞད་ཅིང་འཛུམ་པའི་དཔལ་གྱི་རྒྱལ་པོ་ལ་ཕྱག་འཚལ་ལོ། །དེ་བཞིན་གཤེགས་པ་དབྱངས་སྙན་རྒྱལ་པོ་ལ་ཕྱག་
འཚལ་ལོ། །དེ་བཞིན་གཤེགས་པ་པད་མོའི་དཔལ་སྙིང་པོའི་རྒྱལ་པོ་ལ་ཕྱག་འཚལ་ལོ། །དེ་བཞིན་གཤེགས་པ་འོད་ཟེར་སྤྲོས་པའི་རྒྱལ་པོ་ལ་ཕྱག་འཚལ་ལོ། །དེ་བཞིན་གཤེགས་པ་དྲིའི་འོད་ཟེར་སྣང་བར་མཛད་
པའི་རྒྱལ་པོ་ལ་ཕྱག་འཚལ་ལོ། །དེ་བཞིན་གཤེགས་པ་རི་རབ་བརྩེགས་པའི་རྒྱལ་པོ་ལ་ཕྱག་འཚལ་ལོ། །དེ་བཞིན་གཤེགས་པ་རིན་ཆེན་པད་མོ་ལ་རབ་ཏུ་གནས་པའི་རི་དབང་རྒྱལ་པོ་ལ་ཕྱག་འཚལ་ལོ། །
དེ་བཞིན་གཤེགས་པ་སྨོན་ལམ་རྒྱན་གསུང་རྒྱལ་པོ་ལ་ཕྱག་འཚལ་ལོ། །དེ་བཞིན་གཤེགས་པ་རྒྱ་མཚོ་མཆོག་འཛིན་རྣམ་པར་རོལ་པ་མངོན་པར་ཤེས་པའི་རྒྱལ་པོ་ལ་ཕྱག་འཚལ་ལོ། །དེ་བཞིན་གཤེགས་པ་སྤྲིན་གྱི་

62-1-4b

རྒྱལ་པོ་ལ་ཕྱག་འཚལ་ལོ། །དེ་བཞིན་གཤེགས་པ་མང་པོའི་རྒྱལ་པོ་ལ་ཕྱག་འཚལ་ལོ། །དེ་བཞིན་གཤེགས་པ་གསེར་འོད་འབར་བའི་རྒྱལ་པོ་ལ་ཕྱག་འཚལ་ལོ། །དེ་བཞིན་གཤེགས་པ་གནོད་སྦྱིན་མཆོག་འབྱུང་
པོའི་གདོན་གྱི་རྒྱལ་པོ་ལ་ཕྱག་འཚལ་ལོ། །དེ་བཞིན་གཤེགས་པ་རིན་ཆེན་འོད་རྒྱན་གཟེར་དབྱངས་དབང་ཕྱུག་རྒྱལ་པོ་ལ་ཕྱག་འཚལ་ལོ། །དེ་བཞིན་གཤེགས་པ་མེ་ཏོག་གསལ་རྣམ་པར་རོལ་པ་མངོན་པར་ཤེས་པའི་
རྒྱལ་པོ་ལ་ཕྱག་འཚལ་ལོ། །དེ་བཞིན་གཤེགས་པ་མེ་ཏོག་རྒྱས་པའི་ཤིང་རྒྱལ་པོ་ལ་ཕྱག་འཚལ་ལོ། །དེ་བཞིན་གཤེགས་པ་རབ་ཏུ་ཞི་བར་འབིགས་པའི་ཟླ་དབྱངས་དབང་ཕྱུག་རྒྱལ་པོ་ལ་ཕྱག་འཚལ་ལོ། །དེ་བཞིན་
གཤེགས་པ་སའི་རྒྱལ་པོ་ལ་ཕྱག་འཚལ་ལོ། །དེ་བཞིན་གཤེགས་པ་ཞིང་གི་རྒྱལ་པོ་ལ་ཕྱག་འཚལ་ལོ། །དེ་བཞིན་གཤེགས་པ་ཐོག་མར་སེམས་བསྐྱེད་ཅིང་ཡིད་ལ་བྱེད་པ་རྣམ་པར་བསྒྲགས་པས་འཇིགས་ཤིང་སྐྲག་པར་
བྲལ་ཞིང་གྱེན་དུ་འབྱུང་བའི་རྒྱལ་པོ་ལ་ཕྱག་འཚལ་ལོ། །དེ་བཞིན་གཤེགས་པ་རྗེས་སུ་སྐྲག་པའི་མུན་པ་ལས་གྱེན་དུ་བྱུང་བའི་རྒྱལ་པོ་ལ་ཕྱག་འཚལ་ལོ། །དེ་བཞིན་གཤེགས་པ་ཤིང་ནྱ་གྲོ་དྷའི་རྒྱལ་པོ་ལ་ཕྱག་འཚལ་
ལོ། །དེ་བཞིན་གཤེགས་པ་དགའ་ཞིང་མོས་པ་རིན་ཆེན་སྙིང་པོ་ནོར་བུ་བརྩེགས་པའི་རྒྱལ་པོ་ལ་ཕྱག་འཚལ་ལོ། །དེ་བཞིན་གཤེགས་པ་ཚོགས་ཀྱི་དབང་པོའི་རྒྱལ་པོ་ལ་ཕྱག་འཚལ་ལོ། །དེ་བཞིན་གཤེགས་པ་བདེ་འོད་
རྒྱལ་པོ་ལ་ཕྱག་འཚལ་ལོ། །དེ་བཞིན་གཤེགས་པ་རྡོ་རྗེ་མཆོག་གི་རྒྱལ་པོ་ལ་ཕྱག་འཚལ་ལོ། །དེ་བཞིན་གཤེགས་པ་རི་རབ་བརྩེགས་པའི་རྒྱལ་པོ་ལ་ཕྱག་འཚལ་ལོ། །དེ་བཞིན་གཤེགས་པ་འོད་སྔོན་པོའི་རྒྱལ་པོ་
ལ་ཕྱག་འཚལ་ལོ། །དེ་བཞིན་གཤེགས་པ་པད་མའི་སྙིང་པོའི་འོད་ཀྱི་རྒྱལ་པོ་ལ་ཕྱག་འཚལ་ལོ། །དེ་བཞིན་གཤེགས་པ་མཚོན་ཆ་གྱེན་དུ་བྱུང་བ་རི་འོད་རྒྱལ་པོ་ལ་ཕྱག་འཚལ་ལོ། །དེ་བཞིན་གཤེགས་པ་བླ་མེད་འཛུམ་

62-1-5a

པའི་རྒྱལ་པོ་ལ་ཕྱག་འཚལ་ལོ། །དེ་བཞིན་གཤེགས་པ་ཡོན་ཏན་བསམ་གྱིས་མི་ཁྱབ་པའི་འོད་ཀྱི་རྒྱལ་པོ་ལ་ཕྱག་འཚལ་ལོ། །དེ་བཞིན་གཤེགས་པ་བཟང་མཆོག་གི་རྒྱལ་པོ་ལ་ཕྱག་འཚལ་ལོ། །
དེ་བཞིན་གཤེགས་པ་པད་མོ་མཆོག་གི་རྒྱལ་པོ་ལ་ཕྱག་འཚལ་ལོ། །དེ་བཞིན་གཤེགས་པ་མི་ཚུགས་པ་མཆོག་གི་རྒྱལ་པོ་ལ་ཕྱག་འཚལ་ལོ། །དེ་བཞིན་གཤེགས་པ་རི་རབ་འོད་ཀྱི་རྒྱལ་པོ་ལ་ཕྱག་འཚལ་ལོ། །དེ་བཞིན་
གཤེགས་པ་ས་ལའི་དབང་ཕྱུག་རྒྱལ་པོ་ལ་ཕྱག་འཚལ་ལོ། །དེ་བཞིན་གཤེགས་པ་རྔའི་དབང་ཕྱུག་རྒྱལ་པོ་ལ་ཕྱག་འཚལ་ལོ། །དེ་བཞིན་གཤེགས་པ་དཔའ་བརྟན་བདེ་འཇོམ་གྱི་རྒྱལ་པོ་ལ་ཕྱག་འཚལ་ལོ། །དེ་བཞིན་
གཤེགས་པ་ཀུན་དུ་འོད་ཟེར་འབྱིན་དཔལ་བརྩེགས་པའི་རྒྱལ་པོ་ལ་ཕྱག་འཚལ་ལོ། །དེ་བཞིན་གཤེགས་པ་ཤིན་དུ་བརྟན་པ་ནོར་བུ་བརྩེགས་པའི་རྒྱལ་པོ་ལ་ཕྱག་འཚལ་ལོ། །དེ་བཞིན་གཤེགས་པ་ཆོས་ཀྱི་ཆུ་རྣམ་
པར་དག་པ་ནམ་མཁའ་རིན་ཆེན་གྱི་རྒྱལ་པོ་ལ་ཕྱག་འཚལ་ལོ། །དེ་བཞིན་གཤེགས་པ་ཀུན་དུ་འོད་ཀྱི་དཔལ་རི་རབ་རྒྱལ་པོ་ལ་ཕྱག་འཚལ་ལོ། །དེ་བཞིན་གཤེགས་པ་ཀུན་དུ་ཡེ་ཤེས་སྐར་མདའ་དབྱངས་ཀྱི་རྒྱལ་པོ་
ལ་ཕྱག་འཚལ་ལོ། །དེ་བཞིན་གཤེགས་པ་དབང་པོའི་དཔལ་གྱི་རྒྱལ་མཚན་གྱི་རྒྱལ་པོ་ལ་ཕྱག་འཚལ་ལོ། །དེ་བཞིན་གཤེགས་པ་མེ་ཏོག་པད་མོ་ཤིན་དུ་བརྟན་པའི་རི་དབང་རྒྱལ་པོ་ལ་ཕྱག་འཚལ་ལོ། །དེ་བཞིན་གཤེགས་པ་མུན་
པ་མི་སྣང་བས་བསྒྲིབས་པའི་ལིང་ཐོག་འཇོམས་པའི་རྒྱལ་པོ་ལ་ཕྱག་འཚལ་ལོ། །དེ་བཞིན་གཤེགས་པ་ཀུན་དུ་པད་མོའི་གདན་ལ་རྣམ་པར་རོལ་པའི་རྒྱལ་པོ་ལ་ཕྱག་འཚལ་ལོ། །དེ་བཞིན་གཤེགས་པ་རིན་
ཆེན་དཔལ་འོད་མདངས་ཀྱི་རྒྱལ་པོ་ལ་ཕྱག་འཚལ་ལོ། །དེ་བཞིན་གཤེགས་པ་རིན་ཆེན་ཟླ་འོད་སྨན་གྱི་རྒྱལ་པོ་ལ་ཕྱག་འཚལ་ལོ། །དེ་བཞིན་གཤེགས་པ་རིན་ཆེན་ཟླ་བ་ཁྱུ་མཆོག་སྨན་གྱི་རྒྱལ་པོ་ལ་ཕྱག་འཚལ་ལོ། །

62-1-5b

དེ་བཞིན་གཤེགས་པ་སྐར་མའི་རྒྱལ་པོ་ལ་ཕྱག་འཚལ་ལོ། །དེ་བཞིན་གཤེགས་པ་སྐར་མ་མཆོག་གི་རྒྱལ་པོ་ལ་ཕྱག་འཚལ་ལོ། །དེ་བཞིན་གཤེགས་པ་རི་དབང་རྒྱལ་པོ་ལ་ཕྱག་འཚལ་ལོ། །དེ་བཞིན་
གཤེགས་པ་ས་ལའི་རྒྱལ་པོ་ལ་ཕྱག་འཚལ་ལོ། །དེ་བཞིན་གཤེགས་པ་གཙུག་ནས་གྱེན་དུ་བྱུང་བའི་རྒྱལ་པོ་ལ་ཕྱག་འཚལ་ལོ། །དེ་བཞིན་གཤེགས་པ་པད་མོའི་གཙུག་ནས་བྱུང་བའི་རྒྱལ་པོ་ལ་ཕྱག་འཚལ་ལོ། །
དེ་བཞིན་གཤེགས་པ་པད་མོ་འཇིགས་པ་ལས་བྱུང་བའི་རྒྱལ་པོ་ལ་ཕྱག་འཚལ་ལོ། །དེ་བཞིན་གཤེགས་པ་བརྩོན་པ་ལས་བྱུང་བའི་རྒྱལ་པོ་ལ་ཕྱག་འཚལ་ལོ། །དེ་བཞིན་གཤེགས་པ་ཡུལ་མཐའ་ཡས་པ་ལས་
བྱུང་བའི་རྒྱལ་པོ་ལ་ཕྱག་འཚལ་ལོ། །དེ་བཞིན་གཤེགས་པ་སྨན་གྱི་རྒྱལ་པོ་ལ་ཕྱག་འཚལ་ལོ། །དེ་བཞིན་གཤེགས་པ་ཤིན་ཏུ་བརྟན་པའི་རྒྱལ་པོ་ལ་ཕྱག་འཚལ་ལོ། །དེ་བཞིན་གཤེགས་པ་མེ་ཏོག་རྒྱལ་པོ་
ལ་ཕྱག་འཚལ་ལོ། །དེ་བཞིན་གཤེགས་པ་སངས་རྒྱས་མེ་ཏོག་རྒྱལ་པོ་ལ་ཕྱག་འཚལ་ལོ། །དེ་བཞིན་གཤེགས་པ་ནམ་མཁའ་རྣམ་པར་དག་པའི་རྒྱལ་པོ་ལ་ཕྱག་འཚལ་ལོ། །དེ་བཞིན་གཤེགས་པ་ཡེ་
ཤེས་དབང་ཕྱུག་རྒྱལ་པོ་ལ་ཕྱག་འཚལ་ལོ། །དེ་བཞིན་གཤེགས་པ་རི་རབ་རྒྱལ་པོ་ལ་ཕྱག་འཚལ་ལོ། །དེ་བཞིན་གཤེགས་པ་རི་རབ་བརྟན་དབྱངས་རྒྱལ་པོ་ལ་ཕྱག་འཚལ་ལོ། །དེ་བཞིན་གཤེགས་པ་རྣམ་
པར་སྒྲོགས་པའི་རྒྱལ་པོ་ལ་ཕྱག་འཚལ་ལོ། །དེ་བཞིན་གཤེགས་པ་རྣམ་པར་སྒྲོགས་པའི་སྟོབས་ཀྱི་རྒྱལ་པོ་ལ་ཕྱག་འཚལ་ལོ། །དེ་བཞིན་གཤེགས་པ་ཀ་ལ་པིང་ཀའི་རྒྱལ་པོ་ལ་ཕྱག་འཚལ་ལོ། །
དེ་བཞིན་གཤེགས་པ་ཡོན་ཏན་རྒྱལ་གྱི་འོད་གསལ་བ་རྒྱལ་པོ་ལ་ཕྱག་འཚལ་ལོ། །བཅོམ་ལྡན་འདས་དེ་བཞིན་གཤེགས་པ་རིན་ཆེན་མེ་ཏོག་ཡོན་ཏན་རྒྱ་མཚོ་བཻ་དཱུརྱ་གསེར་རི་གསེར་མདངས་འོད་ཀྱི་དཔལ་ལ་ཕྱག་

62-1-6a

འཚལ་ལོ། །དེ་བཞིན་གཤེགས་པ་ཙན་དན་མེ་ཏོག་མདངས་སྐར་མ་འོད་གསལ་དཔལ་ལ་ཕྱག་འཚལ་ལོ། །དེ་བཞིན་གཤེགས་པ་ཀུན་དུ་སྣང་བ་གཡུལ་རྣམ་པར་བཅོམ་པའི་དཔལ་ལ་ཕྱག་འཚལ་ལོ། །
དེ་བཞིན་གཤེགས་པ་ཡོན་ཏན་རྒྱ་མཚོ་སྣང་བའི་དཀྱིལ་འཁོར་དཔལ་ལ་ཕྱག་འཚལ་ལོ། །དེ་བཞིན་གཤེགས་པ་ཆོས་ཀྱི་རྣམ་པར་རོལ་པའི་ཤུལ་རྒྱལ་མཚན་དཔལ་ལ་ཕྱག་འཚལ་ལོ། །དེ་བཞིན་གཤེགས་པ་
མེ་ཞི་དྲི་གསལ་དཔལ་ལ་ཕྱག་འཚལ་ལོ། །དེ་བཞིན་གཤེགས་པ་སེམས་ཅན་རེ་བའི་གཟུགས་དཔལ་ལ་ཕྱག་འཚལ་ལོ། །དེ་བཞིན་གཤེགས་པ་མཚན་ཤིན་དུ་གྲགས་པའི་དཔལ་ལ་ཕྱག་འཚལ་ལོ། །
དེ་བཞིན་གཤེགས་པ་མི་ལྡོག་འཁོར་ལོ་རིན་ཆེན་གནས་ན་བཞུགས་པའི་དཔལ་ལ་ཕྱག་འཚལ་ལོ། །དེ་བཞིན་གཤེགས་པ་ཉི་མའི་དཀྱིལ་འཁོར་འོད་ལས་བྱུང་བའི་དཔལ་ལ་ཕྱག་འཚལ་ལོ། །དེ་བཞིན་
གཤེགས་པ་སྤྱོད་པ་གྲངས་མེད་པ་ལ་བཞུགས་པའི་དཔལ་ལ་ཕྱག་འཚལ་ལོ། །དེ་བཞིན་གཤེགས་པ་ཚད་མེད་མདངས་བཟང་གསེར་མཆོག་དཔལ་ལ་ཕྱག་འཚལ་ལོ། །དེ་བཞིན་གཤེགས་པ་སྒྲ་དབྱངས་ཡན་
ལག་ཀུན་སྒྲོགས་དཔལ་ལ་ཕྱག་འཚལ་ལོ། །དེ་བཞིན་གཤེགས་པ་ཤེས་རབ་མར་མེ་དཔལ་འོད་དཔལ་ལ་ཕྱག་འཚལ་ལོ། །དེ་བཞིན་གཤེགས་པ་མཐུ་ཆེན་དཀའ་ཐུབ་རི་རབ་དཔལ་ལ་ཕྱག་འཚལ་ལོ། །
དེ་བཞིན་གཤེགས་པ་ཆོས་ཟབ་མོ་འོད་ཀྱི་རྒྱལ་པོ་དཔལ་ལ་ཕྱག་འཚལ་ལོ། །དེ་བཞིན་གཤེགས་པ་ནམ་མཁའ་མར་མེ་དགྱེས་ཀྱི་དཔལ་ལ་ཕྱག་འཚལ་ལོ། །དེ་བཞིན་གཤེགས་པ་ཉི་མ་མར་མེ་དཔལ་གྱི་
དཔལ་ལ་ཕྱག་འཚལ་ལོ། །དེ་བཞིན་གཤེགས་པ་དྲིའི་མར་མེ་སྤྲིན་གྱི་དཔལ་ལ་ཕྱག་འཚལ་ལོ། །དེ་བཞིན་གཤེགས་པ་རྒྱ་མཚོ་སྙིང་པོ་འབྱུང་བའི་དཔལ་ལ་ཕྱག་འཚལ་ལོ། །དེ་བཞིན་གཤེགས་པ་སྤྲུལ་

62-1-6b

པའི་སྤྲིན་དབྱངས་དཔལ་ལ་ཕྱག་འཚལ་ལོ། །དེ་བཞིན་གཤེགས་པ་ཆོས་ཀུན་གཟུགས་བརྙན་སྤྲིན་གྱི་དཔལ་ལ་ཕྱག་འཚལ་ལོ། །དེ་བཞིན་གཤེགས་པ་ཤིང་རྒྱལ་རྣམ་པར་སྤེལ་བའི་དཔལ་ལ་ཕྱག་འཚལ་ལོ། །
དེ་བཞིན་གཤེགས་པ་རིན་ཆེན་འོད་ཟེར་རིའི་དཔལ་ལ་ཕྱག་འཚལ་ལོ། །དེ་བཞིན་གཤེགས་པ་ཡེ་ཤེས་འོད་ཟེར་རྒྱ་མཚོའི་དཔལ་ལ་ཕྱག་འཚལ་ལོ། །དེ་བཞིན་གཤེགས་པ་སྨོན་ལམ་ཆེན་པོ་ཤུགས་དྲག་དཔལ་ལ་ཕྱག་
འཚལ་ལོ། །དེ་བཞིན་གཤེགས་པ་སྙིང་རྗེ་ཆེན་པོའི་སྤྲིན་གྱི་དཔལ་ལ་ཕྱག་འཚལ་ལོ། །དེ་བཞིན་གཤེགས་པ་དྲེན་པ་དཔལ་གྱི་རྒྱལ་པོ་དཔལ་ལ་ཕྱག་འཚལ་ལོ། །དེ་བཞིན་གཤེགས་པ་དབང་པོའི་དཔལ་གྱི་
རྒྱལ་མཚན་རྒྱལ་པོ་དཔལ་ལ་ཕྱག་འཚལ་ལོ། །དེ་བཞིན་གཤེགས་པ་ཏིང་ངེ་འཛིན་གྱི་མཆོག་གི་དཔལ་ལ་ཕྱག་འཚལ་ལོ། །དེ་བཞིན་གཤེགས་པ་ཏ་ལའི་རྒྱལ་པོ་གྱེན་དུ་བྱུང་བའི་དཔལ་ལ་ཕྱག་འཚལ་ལོ། །
དེ་བཞིན་གཤེགས་པ་སངས་རྒྱས་རིན་ཆེན་འབྱུང་བའི་དཔལ་ལ་ཕྱག་འཚལ་ལོ། །དེ་བཞིན་གཤེགས་པ་ཆོས་ནམ་མཁའ་འོད་ཀྱི་དཔལ་ལ་ཕྱག་འཚལ་ལོ། །དེ་བཞིན་གཤེགས་པ་ཆོས་ཀྱི་འོད་ཟེར་རིའི་དཔལ་ལ་ཕྱག་
འཚལ་ལོ། །དེ་བཞིན་གཤེགས་པ་ཡེ་ཤེས་འོད་ཟེར་མདངས་ཀྱི་དཔལ་ལ་ཕྱག་འཚལ་ལོ། །དེ་བཞིན་གཤེགས་པ་ཆོས་ཀྱི་འཁོར་ལོ་ཟླ་བ་འབྱུང་བའི་དཔལ་ལ་ཕྱག་འཚལ་ལོ། །དེ་བཞིན་གཤེགས་པ་ཆོས་ཀྱི་
དབྱིངས་ཀྱི་གཟུགས་བརྙན་དཔལ་ལ་ཕྱག་འཚལ་ལོ། །དེ་བཞིན་གཤེགས་པ་ཡེ་ཤེས་བཟང་ལ་བདེན་པའི་དཔལ་ལ་ཕྱག་འཚལ་ལོ། །དེ་བཞིན་གཤེགས་པ་བཻ་དཱུརྱའི་སྙིང་པོ་མཆོག་གི་དཔལ་ལ་ཕྱག་འཚལ་ལོ། །
དེ་བཞིན་གཤེགས་པ་རྣམ་པར་སྣང་མཛད་འོད་ཀྱི་དཔལ་ལ་ཕྱག་འཚལ་ལོ། །དེ་བཞིན་གཤེགས་པ་བསོད་ནམས་རབ་ཏུ་གསལ་བའི་དཔལ་ལ་ཕྱག་འཚལ་ལོ། །དེ་བཞིན་གཤེགས་པ་ནམ་མཁའ་སྤྲིན་གྱི་དཔལ་ལ་

62-1-7a

ཕྱག་འཚལ་ལོ། །དེ་བཞིན་གཤེགས་པ་མཚན་ཉིད་མཆོག་གི་དཔལ་ལ་ཕྱག་འཚལ་ལོ། །དེ་བཞིན་གཤེགས་པ་སྣང་བའི་རྒྱལ་པོ་འོད་དཔལ་གྱི་དཔལ་ལ་ཕྱག་འཚལ་ལོ། །དེ་བཞིན་གཤེགས་པ་རྒྱ་མཚོ་
མདངས་ཀྱི་དཔལ་ལ་ཕྱག་འཚལ་ལོ། །དེ་བཞིན་གཤེགས་པ་ཆོས་ཀྱི་མར་མེ་དཔལ་ལ་ཕྱག་འཚལ་ལོ། །དེ་བཞིན་གཤེགས་པ་ནམ་མཁའ་གཟུགས་ཀྱི་དཔལ་ལ་ཕྱག་འཚལ་ལོ། །དེ་བཞིན་གཤེགས་པ་ནོར་བུའི་སྙིང་
པོ་རྒྱལ་པོའི་དཔལ་ལ་ཕྱག་འཚལ་ལོ། །དེ་བཞིན་གཤེགས་པ་གྲོང་ཁྱེར་སྣང་བའི་དཔལ་ལ་ཕྱག་འཚལ་ལོ། །དེ་བཞིན་གཤེགས་པ་འོད་ཀྱི་དཔལ་གྱི་དཔལ་ལ་ཕྱག་འཚལ་ལོ། །དེ་བཞིན་གཤེགས་པ་རིན་ཆེན་རྒྱལ་པོའི་
དཔལ་ལ་ཕྱག་འཚལ་ལོ། །དེ་བཞིན་གཤེགས་པ་བློ་གྲོས་ཡེ་ཤེས་དཔལ་ལ་ཕྱག་འཚལ་ལོ། །དེ་བཞིན་གཤེགས་པ་ཡོན་ཏན་རི་རབ་དཔལ་ལ་ཕྱག་འཚལ་ལོ། །དེ་བཞིན་གཤེགས་པ་ཡོན་ཏན་རྒྱ་མཚོའི་དཔལ་ལ་ཕྱག་
འཚལ་ལོ། །དེ་བཞིན་གཤེགས་པ་ནོར་བུ་རི་རབ་དཔལ་ལ་ཕྱག་འཚལ་ལོ། །དེ་བཞིན་གཤེགས་པ་འགྲོ་བའི་མར་མེ་དཔལ་ལ་ཕྱག་འཚལ་ལོ། །དེ་བཞིན་གཤེགས་པ་ཚད་མེད་རི་རབ་དཔལ་ལ་ཕྱག་འཚལ་ལོ། །
དེ་བཞིན་གཤེགས་པ་ཀུན་དུ་སྦྱིན་པའི་དཔལ་ལ་ཕྱག་འཚལ་ལོ། །དེ་བཞིན་གཤེགས་པ་ཟླ་བ་མཆོག་གི་དཔལ་ལ་ཕྱག་འཚལ་ལོ། །དེ་བཞིན་གཤེགས་པ་ཟླ་བ་དམ་པའི་དཔལ་གྱི་རྒྱལ་པོ་ལ་ཕྱག་འཚལ་ལོ། །
དེ་བཞིན་གཤེགས་པ་པད་མོ་མཆོག་གི་དཔལ་ལ་ཕྱག་འཚལ་ལོ། །དེ་བཞིན་གཤེགས་པ་པད་མོའི་སྙིང་པོའི་དཔལ་ལ་ཕྱག་འཚལ་ལོ། །དེ་བཞིན་གཤེགས་པ་སའི་གཟི་བརྗིད་དཔལ་ལ་ཕྱག་འཚལ་ལོ། །
དེ་བཞིན་གཤེགས་པ་གྱེན་དུ་འབྱུང་བར་གསལ་བའི་དཔལ་ལ་ཕྱག་འཚལ་ལོ། །དེ་བཞིན་གཤེགས་པ་རི་རབ་རྒྱལ་མཚན་དཔལ་ལ་ཕྱག་འཚལ་ལོ། །དེ་བཞིན་གཤེགས་པ་རྒྱ་མཚོ་དཔལ་ལ་ཕྱག་འཚལ་ལོ། །

62-1-7b

དེ་བཞིན་གཤེགས་པ་འབར་བའི་དཔལ་ལ་ཕྱག་འཚལ་ལོ། །དེ་བཞིན་གཤེགས་པ་ཆུའི་དཔལ་ལ་ཕྱག་འཚལ་ལོ། །དེ་བཞིན་གཤེགས་པ་རླུང་གི་དཔལ་ལ་ཕྱག་འཚལ་ལོ། །དེ་བཞིན་གཤེགས་པ་གནས་ཀྱི་དཔལ་ལ་
ཕྱག་འཚལ་ལོ། །དེ་བཞིན་གཤེགས་པ་རིན་ཆེན་སྦྱིན་པའི་དཔལ་ལ་ཕྱག་འཚལ་ལོ། །དེ་བཞིན་གཤེགས་པ་བཟོད་པའི་མར་མེ་དཔལ་ལ་ཕྱག་འཚལ་ལོ། །དེ་བཞིན་གཤེགས་པ་རླུང་གི་ཤུགས་ཀྱི་དཔལ་ལ་ཕྱག་
འཚལ་ལོ། །དེ་བཞིན་གཤེགས་པ་དོན་ཐམས་ཅད་ཀྱི་དཔལ་ལ་ཕྱག་འཚལ་ལོ། །དེ་བཞིན་གཤེགས་པ་རིན་ཆེན་འོད་ཟེར་དཔལ་ལ་ཕྱག་འཚལ་ལོ། །དེ་བཞིན་གཤེགས་པ་བླ་ན་མེད་པའི་དཔལ་ལ་ཕྱག་འཚལ་ལོ། །
དེ་བཞིན་གཤེགས་པ་རིན་ཆེན་བླ་མེད་དཔལ་ལ་ཕྱག་འཚལ་ལོ། །དེ་བཞིན་གཤེགས་པ་གཙུག་ཏོར་དཔལ་ལ་ཕྱག་འཚལ་ལོ། །དེ་བཞིན་གཤེགས་པ་དབྱངས་ཀྱི་དཔལ་ལ་ཕྱག་འཚལ་ལོ། །དེ་བཞིན་གཤེགས་
པ་ཞི་བའི་དཔལ་ལ་ཕྱག་འཚལ་ལོ། །དེ་བཞིན་གཤེགས་པ་མྱ་ངན་མེད་པའི་དཔལ་ལ་ཕྱག་འཚལ་ལོ། །དེ་བཞིན་གཤེགས་པ་རི་རབ་དཔལ་ལ་ཕྱག་འཚལ་ལོ། །དེ་བཞིན་གཤེགས་པ་སྤྲིན་ཆེན་དཔལ་ལ་ཕྱག་
འཚལ་ལོ། །དེ་བཞིན་གཤེགས་པ་མདངས་ཀྱི་དཔལ་ལ་ཕྱག་འཚལ་ལོ། །དེ་བཞིན་གཤེགས་པ་དགེ་བའི་དཔལ་ལ་ཕྱག་འཚལ་ལོ། །དེ་བཞིན་གཤེགས་པ་ཚོགས་ཀྱི་དཔལ་ལ་ཕྱག་འཚལ་ལོ། །
དེ་བཞིན་གཤེགས་པ་མེ་ཏོག་ཀུ་མུ་དའི་དཔལ་ལ་ཕྱག་འཚལ་ལོ། །དེ་བཞིན་གཤེགས་པ་བསམ་གྱིས་མི་ཁྱབ་པའི་དཔལ་ལ་ཕྱག་འཚལ་ལོ། །དེ་བཞིན་གཤེགས་པ་ཡོན་ཏན་རིན་ཆེན་དཔལ་ལ་ཕྱག་འཚལ་
ལོ། །དེ་བཞིན་གཤེགས་པ་རིན་ཆེན་མེ་ཏོག་དཔལ་ལ་ཕྱག་འཚལ་ལོ། །དེ་བཞིན་གཤེགས་པ་དབང་པོའི་དཔལ་ལ་ཕྱག་འཚལ་ལོ། །དེ་བཞིན་གཤེགས་པ་པད་མོ་མཆོག་རྣམ་པར་རོལ་པའི་དཔལ་ལ་ཕྱག་

62-1-8a

འཚལ་ལོ། །དེ་བཞིན་གཤེགས་པ་པད་མོའི་དཔལ་ལ་ཕྱག་འཚལ་ལོ། །དེ་བཞིན་གཤེགས་པ་ཨུད་པ་ལ་དམར་པོའི་དཔལ་ལ་ཕྱག་འཚལ་ལོ། །དེ་བཞིན་གཤེགས་པ་རྣམ་པར་ཐོས་པའི་དཔལ་
ལ་ཕྱག་འཚལ་ལོ། །དེ་བཞིན་གཤེགས་པ་སངས་རྒྱས་མེ་ཏོག་རང་བཞིན་དཔལ་ལ་ཕྱག་འཚལ་ལོ། །དེ་བཞིན་གཤེགས་པ་དྲི་རབ་སྣང་བའི་དཔལ་ལ་ཕྱག་འཚལ་ལོ། །དེ་བཞིན་གཤེགས་པ་རིན་ཆེན་གྱེན་དུ་བྱུང་བའི་
དཔལ་ལ་ཕྱག་འཚལ་ལོ། །དེ་བཞིན་གཤེགས་པ་པད་མོ་བླ་མེད་དཔལ་ལ་ཕྱག་འཚལ་ལོ། །དེ་བཞིན་གཤེགས་པ་རིན་ཆེན་མེ་ཏོག་རང་བཞིན་དཔལ་ལ་ཕྱག་འཚལ་ལོ། །དེ་བཞིན་གཤེགས་པ་ཟླ་བ་གྱེན་དུ་བྱུང་བའི་དཔལ་
ལ་ཕྱག་འཚལ་ལོ། །དེ་བཞིན་གཤེགས་པ་ཡེ་ཤེས་རང་བཞིན་དཔལ་ལ་ཕྱག་འཚལ་ལོ། །དེ་བཞིན་གཤེགས་པ་འོད་ཀྱི་དཀྱིལ་འཁོར་མདངས་ཀྱི་རྒྱལ་པོའི་དཔལ་ལ་ཕྱག་འཚལ་ལོ། །དེ་བཞིན་གཤེགས་པ་དྲི་གཙོའི་
དཔལ་ལ་ཕྱག་འཚལ་ལོ། །དེ་བཞིན་གཤེགས་པ་ཡེ་ཤེས་དབེན་པའི་དཔལ་ལ་ཕྱག་འཚལ་ལོ། །དེ་བཞིན་གཤེགས་པ་གཞལ་མེད་རང་བཞིན་དཔལ་ལ་ཕྱག་འཚལ་ལོ། །དེ་བཞིན་གཤེགས་པ་རང་བཞིན་
དཔལ་ལ་ཕྱག་འཚལ་ལོ། །དེ་བཞིན་གཤེགས་པ་ཡོན་ཏན་མཐའ་ཡས་རང་བཞིན་དཔལ་ལ་ཕྱག་འཚལ་ལོ། །དེ་བཞིན་གཤེགས་པ་མེ་ཏོག་རང་བཞིན་དཔལ་ལ་ཕྱག་འཚལ་ལོ། །དེ་བཞིན་གཤེགས་པ་རིན་ཆེན་
མེ་ཏོག་དཔལ་ལ་ཕྱག་འཚལ་ལོ། །དེ་བཞིན་གཤེགས་པ་པད་མོ་རང་བཞིན་དཔལ་ལ་ཕྱག་འཚལ་ལོ། །དེ་བཞིན་གཤེགས་པ་པད་མོ་མཐོ་བའི་དཔལ་ལ་ཕྱག་འཚལ་ལོ། །དེ་བཞིན་གཤེགས་པ་ནམ་མཁའ་
ཉིད་ཀྱི་དཔལ་ལ་ཕྱག་འཚལ་ལོ། །དེ་བཞིན་གཤེགས་པ་འོད་ཀྱི་དཔལ་ལ་ཕྱག་འཚལ་ལོ། །དེ་བཞིན་གཤེགས་པ་དམ་པའི་དཔལ་ལ་ཕྱག་འཚལ་ལོ། །དེ་བཞིན་གཤེགས་པ་སངས་རྒྱས་པད་མོ་དཔལ་ལ་ཕྱག་

62-1-8b

འཚལ་ལོ། །དེ་བཞིན་གཤེགས་པ་ཐམས་ཅད་ཀྱི་དཔལ་ལ་ཕྱག་འཚལ་ལོ། །དེ་བཞིན་གཤེགས་པ་གདོན་མི་ཟ་བའི་དཔལ་ལ་ཕྱག་འཚལ་ལོ། །དེ་བཞིན་གཤེགས་པ་འོད་ཟེར་ཀུན་དུ་བྱུང་བའི་དཔལ་ལ་ཕྱག་
འཚལ་ལོ། །དེ་བཞིན་གཤེགས་པ་པད་མོ་སྣང་བའི་དཔལ་ལ་ཕྱག་འཚལ་ལོ། །དེ་བཞིན་གཤེགས་པ་བཟང་པོའི་དཔལ་ལ་ཕྱག་འཚལ་ལོ། །དེ་བཞིན་གཤེགས་པ་པད་མོ་འཐོར་བའི་རང་བཞིན་དཔལ་ལ་ཕྱག་
འཚལ་ལོ། །དེ་བཞིན་གཤེགས་པ་ངོ་བོ་ཉིད་ཀྱི་དཔལ་ལ་ཕྱག་འཚལ་ལོ། །དེ་བཞིན་གཤེགས་པ་མཐའ་ཡས་པར་སྣང་བའི་དཔལ་ལ་ཕྱག་འཚལ་ལོ། །དེ་བཞིན་གཤེགས་པ་བདེ་བའི་ངོ་བོ་ཉིད་ཀྱི་དཔལ་ལ་
ཕྱག་འཚལ་ལོ། །དེ་བཞིན་གཤེགས་པ་མཐའ་ཡས་པའི་མཆོག་གི་དཔལ་ལ་ཕྱག་འཚལ་ལོ། །དེ་བཞིན་གཤེགས་པ་རིན་ཆེན་ཉིད་ཀྱི་དཔལ་ལ་ཕྱག་འཚལ་ལོ། །དེ་བཞིན་གཤེགས་པ་མཆོག་ཏུ་བཟང་བའི་
དཔལ་ལ་ཕྱག་འཚལ་ལོ། །དེ་བཞིན་གཤེགས་པ་མཐུའི་དཔལ་ལ་ཕྱག་འཚལ་ལོ། །དེ་བཞིན་གཤེགས་པ་དཔལ་ཆེན་པོ་ལ་ཕྱག་འཚལ་ལོ། །དེ་བཞིན་གཤེགས་པ་ཡེ་ཤེས་ཨུད་པ་ལའི་དཔལ་ལ་ཕྱག་འཚལ་
ལོ། །དེ་བཞིན་གཤེགས་པ་རིན་ཆེན་ཨུད་པ་ལའི་དཔལ་ལ་ཕྱག་འཚལ་ལོ། །དེ་བཞིན་གཤེགས་པ་ཡེ་ཤེས་བླ་མའི་དཔལ་ལ་ཕྱག་འཚལ་ལོ། །དེ་བཞིན་གཤེགས་པ་གྱེན་དུ་བྱུང་བའི་དཔལ་ལ་ཕྱག་འཚལ་ལོ། །
དེ་བཞིན་གཤེགས་པ་སེམས་ཐོག་མར་བསྐྱེད་ཅིང་མི་ལྡོག་པའི་འཁོར་ལོ་འབྱུང་བའི་དཔལ་ལ་ཕྱག་འཚལ་ལོ། །དེ་བཞིན་གཤེགས་པ་རྡོ་རྗེ་མི་ཟད་པའི་དཔལ་ལ་ཕྱག་འཚལ་ལོ། །དེ་བཞིན་གཤེགས་པ་ཡིད་
བཞིན་དབྱངས་ཀྱི་དཔལ་ལ་ཕྱག་འཚལ་ལོ། །དེ་བཞིན་གཤེགས་པ་ཀུན་དུ་སྣང་བའི་རྫུ་འཕྲུལ་ཆེན་པོའི་དྲ་བ་ཅན་རྣམ་པར་སྣང་བའི་དཔལ་ལ་ཕྱག་འཚལ་ལོ། །བཅོམ་ལྡན་འདས་དེ་བཞིན་གཤེགས་པ་རིན་ཆེན་མེ་ཏོག་

62-1-9a

དཔལ་གྱི་དབྱངས་ལ་ཕྱག་འཚལ་ལོ། །དེ་བཞིན་གཤེགས་པ་ཀུན་དུ་སྣང་བའི་ཆོས་ཀྱི་དཔལ་དབྱངས་ལ་ཕྱག་འཚལ་ལོ། །དེ་བཞིན་གཤེགས་པ་ཚངས་པའི་དབྱངས་ལ་ཕྱག་འཚལ་ལོ། །དེ་བཞིན་གཤེགས་པ་སེང་
གེའི་དབྱངས་ལ་ཕྱག་འཚལ་ལོ། །དེ་བཞིན་གཤེགས་པ་མཐའ་ཡས་དབྱངས་ལ་ཕྱག་འཚལ་ལོ། །དེ་བཞིན་གཤེགས་པ་ཟླ་བའི་དབྱངས་ལ་ཕྱག་འཚལ་ལོ། །དེ་བཞིན་གཤེགས་པ་པད་མོའི་དབྱངས་ལ་ཕྱག་འཚལ་ལོ། །
དེ་བཞིན་གཤེགས་པ་བདེན་པའི་དབྱངས་ལ་ཕྱག་འཚལ་ལོ། །དེ་བཞིན་གཤེགས་པ་ཆོས་ཐམས་ཅད་ཀྱི་ཏིང་ངེ་འཛིན་གྱི་འོད་ཀྱི་དབྱངས་ལ་ཕྱག་འཚལ་ལོ། །དེ་བཞིན་གཤེགས་པ་ཀུན་གྱི་སྒོ་ཡེ་ཤེས་རྣམ་པར་སྣང་བའི་དབྱངས་
ལ་ཕྱག་འཚལ་ལོ། །དེ་བཞིན་གཤེགས་པ་གསེར་ནོར་བུའི་རི་བོའི་དབྱངས་ལ་ཕྱག་འཚལ་ལོ། །དེ་བཞིན་གཤེགས་པ་ཆོས་ཀྱི་སྐར་མདའ་རིན་ཆེན་བླ་བྲེ་དབྱངས་ལ་ཕྱག་འཚལ་ལོ། །དེ་བཞིན་གཤེགས་པ་འོད་ཟེར་
འབར་བའི་རྒྱ་མཚོ་དབྱངས་ལ་ཕྱག་འཚལ་ལོ། །དེ་བཞིན་གཤེགས་པ་འཇིག་རྟེན་འོད་མཆོག་དབྱངས་ལ་ཕྱག་འཚལ་ལོ། །དེ་བཞིན་གཤེགས་པ་ཆོས་དབྱིངས་ང་རོ་དབྱངས་ལ་ཕྱག་འཚལ་ལོ། །དེ་བཞིན་གཤེགས་པ་གཞལ་
མེད་དབྱངས་ལ་ཕྱག་འཚལ་ལོ། །དེ་བཞིན་གཤེགས་པ་རྣམ་པར་རིག་པའི་དབྱངས་ལ་ཕྱག་འཚལ་ལོ། །དེ་བཞིན་གཤེགས་པ་བདུད་རྩི་དབྱངས་ལ་ཕྱག་འཚལ་ལོ། །དེ་བཞིན་གཤེགས་པ་གྲོལ་བའི་དབྱངས་ལ་ཕྱག་
འཚལ་ལོ། །དེ་བཞིན་གཤེགས་པ་རྣམ་པར་གྲོལ་བའི་དབྱངས་ལ་ཕྱག་འཚལ་ལོ། །དེ་བཞིན་གཤེགས་པ་དུས་གསུམ་འོད་ཀྱི་དབྱངས་ལ་ཕྱག་འཚལ་ལོ། །དེ་བཞིན་གཤེགས་པ་སྤྲིན་སྒྲ་དབྱངས་ལ་ཕྱག་
འཚལ་ལོ། །དེ་བཞིན་གཤེགས་པ་ནམ་མཁའ་དབྱངས་ལ་ཕྱག་འཚལ་ལོ། །དེ་བཞིན་གཤེགས་པ་ཞི་གནས་དབྱངས་ལ་ཕྱག་འཚལ་ལོ། །དེ་བཞིན་གཤེགས་པ་སྙན་པའི་དབྱངས་ལ་ཕྱག་འཚལ་ལོ། །

62-1-9b

དེ་བཞིན་གཤེགས་པ་སྒྲ་དབང་དབྱངས་ལ་ཕྱག་འཚལ་ལོ། །དེ་བཞིན་གཤེགས་པ་ཉི་མའི་དབྱངས་ལ་ཕྱག་འཚལ་ལོ། །དེ་བཞིན་གཤེགས་པ་པད་མོའི་དབྱངས་ལ་ཕྱག་འཚལ་ལོ། །དེ་བཞིན་གཤེགས་པ་ཡིད་བཞིན་
དབྱངས་ལ་ཕྱག་འཚལ་ལོ། །དེ་བཞིན་གཤེགས་པ་གསུང་གི་ཡན་ལག་དབྱངས་ལ་ཕྱག་འཚལ་ལོ། །དེ་བཞིན་གཤེགས་པ་གཙང་མའི་དབྱངས་ལ་ཕྱག་འཚལ་ལོ། །དེ་བཞིན་གཤེགས་པ་རྣམ་པར་དག་པའི་
དབྱངས་ལ་ཕྱག་འཚལ་ལོ། །དེ་བཞིན་གཤེགས་པ་རྣམ་པར་གྲགས་པའི་དབྱངས་ལ་ཕྱག་འཚལ་ལོ། །དེ་བཞིན་གཤེགས་པ་ཚངས་པ་མཆོག་གི་དབྱངས་ལ་ཕྱག་འཚལ་ལོ། །དེ་བཞིན་གཤེགས་པ་ཚངས་པའི་ང་རོ་དབྱངས་
ལ་ཕྱག་འཚལ་ལོ། །དེ་བཞིན་གཤེགས་པ་ཟབ་པའི་དབྱངས་ལ་ཕྱག་འཚལ་ལོ། །དེ་བཞིན་གཤེགས་པ་མུ་མེད་དབྱངས་ལ་ཕྱག་འཚལ་ལོ། །དེ་བཞིན་གཤེགས་པ་ཀུན་ཏུ་ཡེ་ཤེས་རྣམ་པར་སྣང་བའི་དབྱངས་ལ་ཕྱག་འཚལ་ལོ། །
དེ་བཞིན་གཤེགས་པ་རྒྱ་ཆེར་དགའ་བ་དྲི་མ་མེད་པའི་འོད་ཚངས་པའི་དབྱངས་ལ་ཕྱག་འཚལ་ལོ། །དེ་བཞིན་གཤེགས་པ་མཚན་ཉིད་མི་ཟད་པའི་འོད་ཟེར་ཀུན་དུ་སྒོའི་དབྱངས་ལ་ཕྱག་འཚལ་ལོ། །དེ་བཞིན་གཤེགས་པ་ཆོས་མང་
ཤིན་དུ་འབྱུང་བར་སྒྲོགས་པ་རྒྱ་མཚོའི་དབྱངས་ལ་ཕྱག་འཚལ་ལོ། །དེ་བཞིན་གཤེགས་པ་ཀུན་དུ་སྤྲུལ་པའི་གཟུགས་བརྙན་ཆོས་ཀྱི་འཁོར་ལོ་དབྱངས་ལ་ཕྱག་འཚལ་ལོ། །དེ་བཞིན་གཤེགས་པ་ཀུན་དུ་སྤྲུལ་པའི་ཡེ་ཤེས་
དཀྱིལ་འཁོར་དབྱངས་ལ་ཕྱག་འཚལ་ལོ། །དེ་བཞིན་གཤེགས་པ་ཆོས་རྒྱ་མཚོ་སྒྲོགས་པའི་དབྱངས་ལ་ཕྱག་འཚལ་ལོ། །དེ་བཞིན་གཤེགས་པ་ཀུན་དུ་འབོད་པ་ཞི་བའི་དབྱངས་ལ་ཕྱག་འཚལ་ལོ། །དེ་བཞིན་གཤེགས་པ་
མི་ལྡོག་པའི་ཆོས་ཀྱི་དབྱིངས་ཀྱི་དབྱངས་ལ་ཕྱག་འཚལ་ལོ། །དེ་བཞིན་གཤེགས་པ་ཆོས་ཀྱི་འཁོར་ལོ་འོད་ཀྱི་དབྱངས་ལ་ཕྱག་འཚལ་ལོ། །དེ་བཞིན་གཤེགས་པ་ཞི་བ་ཉིད་ཀྱི་དབྱངས་ལ་ཕྱག་འཚལ་ལོ། །དེ་བཞིན་གཤེགས་

62-1-10a

པ་མ་ལུས་པའི་དབྱངས་ལ་ཕྱག་འཚལ་ལོ། །དེ་བཞིན་གཤེགས་པ་རྔ་དབྱངས་ལ་ཕྱག་འཚལ་ལོ། །དེ་བཞིན་གཤེགས་པ་ཡོན་ཏན་མཐའ་དང་དབུས་མེད་རྒྱ་མཚོ་ཆོས་ཀྱི་འཁོར་ལོ་དབྱངས་ལ་ཕྱག་འཚལ་ལོ། །
དེ་བཞིན་གཤེགས་པ་ང་རོ་སྙན་པའི་དབྱངས་ལ་ཕྱག་འཚལ་ལོ། །དེ་བཞིན་གཤེགས་པ་ཕྱིར་མི་ལྡོག་པའི་ཆོས་ཀྱི་འཁོར་ལོ་དབྱངས་ལ་ཕྱག་འཚལ་ལོ། །དེ་བཞིན་གཤེགས་པ་རྣམ་པར་གྲོལ་བའི་ཆོས་ཀྱི་དབྱངས་ལ་ཕྱག་
འཚལ་ལོ། །བཅོམ་ལྡན་འདས་དེ་བཞིན་གཤེགས་པ་དྲི་མེད་འབར་བ་རིན་ཆེན་འོད་ཟེར་དཔལ་ལ་ཕྱག་འཚལ་ལོ། །དེ་བཞིན་གཤེགས་པ་ཀུན་དུ་སྤྱན་རས་གཟིགས་ཡེ་ཤེས་དཔལ་ལ་ཕྱག་འཚལ་ལོ། །དེ་བཞིན་
གཤེགས་པ་ཤིན་དུ་ཡོངས་སུ་དག་པའི་དཔལ་ལ་ཕྱག་འཚལ་ལོ། །དེ་བཞིན་གཤེགས་པ་རྡོ་རྗེ་མཐུ་ཆེན་དཔལ་ལ་ཕྱག་འཚལ་ལོ། །དེ་བཞིན་གཤེགས་པ་སྣང་བའི་རྒྱལ་པོ་དཔལ་ལ་ཕྱག་འཚལ་ལོ། །དེ་བཞིན་
གཤེགས་པ་ཆོས་དབྱིངས་དབྱངས་ཀྱི་དཔལ་ལ་ཕྱག་འཚལ་ལོ། །དེ་བཞིན་གཤེགས་པ་གསེར་གྱི་མེ་ཏོག་འབར་བའི་དཔལ་ལ་ཕྱག་འཚལ་ལོ། །དེ་བཞིན་གཤེགས་པ་ཆོས་ཀྱི་མཐུ་ཆེན་དཔལ་ལ་ཕྱག་འཚལ་ལོ། །
དེ་བཞིན་གཤེགས་པ་མི་ཚུགས་སྟོབས་ཀྱི་དཔལ་ལ་ཕྱག་འཚལ་ལོ། །དེ་བཞིན་གཤེགས་པ་ཆོས་ཀྱི་པད་མོ་རྣམ་པར་སྣང་བའི་སངས་རྒྱས་དཔལ་ལ་ཕྱག་འཚལ་ལོ། །དེ་བཞིན་གཤེགས་པ་ཞི་གནས་དཔལ་ལ་
ཕྱག་འཚལ་ལོ། །དེ་བཞིན་གཤེགས་པ་བདེན་པའི་དཔལ་ལ་ཕྱག་འཚལ་ལོ། །དེ་བཞིན་གཤེགས་པ་རིན་ཆེན་དཔལ་ལ་ཕྱག་འཚལ་ལོ། །དེ་བཞིན་གཤེགས་པ་དྲི་མ་མེད་པའི་དཔལ་ལ་ཕྱག་འཚལ་ལོ། །དེ་བཞིན་
གཤེགས་པ་འཇིག་རྟེན་དཔལ་ལ་ཕྱག་འཚལ་ལོ། །དེ་བཞིན་གཤེགས་པ་དབང་པོའི་དཔལ་ལ་ཕྱག་འཚལ་ལོ། །དེ་བཞིན་གཤེགས་པ་འོད་འཕྲོག་པའི་དཔལ་ལ་ཕྱག་འཚལ་ལོ། །དེ་བཞིན་གཤེགས་པ་མེ་ཏོག་

62-1-10b

དཔལ་ལ་ཕྱག་འཚལ་ལོ། །དེ་བཞིན་གཤེགས་པ་ཡེ་ཤེས་དཔལ་ལ་ཕྱག་འཚལ་ལོ། །དེ་བཞིན་གཤེགས་པ་རིན་ཆེན་དཔལ་མར་མེ་ཡོན་ཏན་དཔལ་ལ་ཕྱག་འཚལ་ལོ། །དེ་བཞིན་གཤེགས་པ་ཀུན་དུ་དཔལ་རྣམ་པར་
སྣང་བའི་དཔལ་ལ་ཕྱག་འཚལ་ལོ། །དེ་བཞིན་གཤེགས་པ་ཆེན་པོའི་དཔལ་ལ་ཕྱག་འཚལ་ལོ། །དེ་བཞིན་གཤེགས་པ་བརྒྱ་བྱིན་དཔལ་ལ་ཕྱག་འཚལ་ལོ། །དེ་བཞིན་གཤེགས་པ་རྣམ་པར་སྣང་མཛད་དཔལ་ལ་ཕྱག་འཚལ་ལོ། །
དེ་བཞིན་གཤེགས་པ་རྒྱལ་མཚན་དཔལ་ལ་ཕྱག་འཚལ་ལོ། །དེ་བཞིན་གཤེགས་པ་ཆོས་ཉིད་དཔལ་ལ་ཕྱག་འཚལ་ལོ། །དེ་བཞིན་གཤེགས་པ་དོན་ཐམས་ཅད་ཡོངས་སུ་དག་པའི་ཡོན་ཏན་དཔལ་ལ་ཕྱག་འཚལ་ལོ། །དེ་བཞིན་
གཤེགས་པ་མི་མཆོག་དབང་པོའི་དཔལ་ལ་ཕྱག་འཚལ་ལོ། །དེ་བཞིན་གཤེགས་པ་ཚད་མེད་སྟོབས་ཀྱི་དཔལ་ལ་ཕྱག་འཚལ་ལོ། །དེ་བཞིན་གཤེགས་པ་ཀུན་དུ་སྣང་བར་འབར་བའི་དབང་ཕྱུག་དཔལ་ལ་ཕྱག་འཚལ་ལོ། །
དེ་བཞིན་གཤེགས་པ་འོད་བྱེད་ཟླ་བའི་དཔལ་ལ་ཕྱག་འཚལ་ལོ། །དེ་བཞིན་གཤེགས་པ་ཆོས་ཀྱི་དབང་ཕྱུག་ཡེ་ཤེས་དཔལ་ལ་ཕྱག་འཚལ་ལོ། །དེ་བཞིན་གཤེགས་པ་མི་ཚུགས་སྟོབས་ཀུན་སྣང་བའི་དཔལ་ལ་ཕྱག་འཚལ་ལོ། །
དེ་བཞིན་གཤེགས་པ་རིན་ཆེན་མར་མེ་ཀུན་དུ་སྣང་བའི་དཔལ་ལ་ཕྱག་འཚལ་ལོ། །དེ་བཞིན་གཤེགས་པ་དབང་པོ་མཆོག་རབ་བློ་གྲོས་དཔལ་ལ་ཕྱག་འཚལ་ལོ། །དེ་བཞིན་གཤེགས་པ་དཀོན་མཆོག་དཔལ་ལ་ཕྱག་འཚལ་ལོ། །
དེ་བཞིན་གཤེགས་པ་ཤིན་ཏུ་སྤྲུལ་པ་ཆོས་དབྱིངས་དབྱངས་ཀྱི་དཔལ་ལ་ཕྱག་འཚལ་ལོ། །དེ་བཞིན་གཤེགས་པ་རྒྱ་ཆེན་འོད་ཡེ་ཤེས་དཔལ་གྱི་དཔལ་ལ་ཕྱག་འཚལ་ལོ། །དེ་བཞིན་གཤེགས་པ་འབར་བའི་དཔལ་ལ་ཕྱག་
འཚལ་ལོ། །དེ་བཞིན་གཤེགས་པ་ངེས་པའི་ཆོས་ཀྱི་རྒྱལ་པོའི་དཔལ་ལ་ཕྱག་འཚལ་ལོ། །དེ་བཞིན་གཤེགས་པ་འོད་ཀྱི་དཔལ་ལ་ཕྱག་འཚལ་ལོ། །དེ་བཞིན་གཤེགས་པ་མཐའ་ཡས་དཔལ་ལ་ཕྱག་འཚལ་ལོ། །

62-1-11a

བཅོམ་ལྡན་འདས་དེ་བཞིན་གཤེགས་པ་ཀུན་དུ་ཡེ་ཤེས་དཔལ་ཡོན་ཏན་དཔལ་གྱི་རྒྱལ་མཚན་ལ་ཕྱག་འཚལ་ལོ། །དེ་བཞིན་གཤེགས་པ་ཚད་མེད་དཔལ་ཚུལ་དཔལ་གྱི་རྒྱལ་མཚན་ལ་ཕྱག་འཚལ་ལོ། །དེ་བཞིན་གཤེགས་པ་ཀུན་དུ་
ཡེ་ཤེས་རིན་ཆེན་འོད་ཟེར་དཔལ་ཡོན་ཏན་དཔལ་གྱི་རྒྱལ་མཚན་ལ་ཕྱག་འཚལ་ལོ། །དེ་བཞིན་གཤེགས་པ་ཀུན་དུ་བསྒྲགས་པར་གྲགས་པའི་རྒྱལ་མཚན་ལ་ཕྱག་འཚལ་ལོ། །དེ་བཞིན་གཤེགས་པ་ཆོས་སྟོབས་དཔའ་བའི་
རྒྱལ་མཚན་ལ་ཕྱག་འཚལ་ལོ། །དེ་བཞིན་གཤེགས་པ་སྙིང་རྗེ་ཆེན་པོའི་སྤྲིན་གྱི་རྒྱལ་མཚན་ལ་ཕྱག་འཚལ་ལོ། །དེ་བཞིན་གཤེགས་པ་ཕྱོགས་བཅུར་རྒྱ་ཆེར་སྤྲུལ་པའི་སྤྲིན་གྱི་རྒྱལ་མཚན་ལ་ཕྱག་འཚལ་ལོ། །དེ་བཞིན་
གཤེགས་པ་ཆོས་ཐམས་ཅད་ལ་བརྩོན་པའི་ཤུགས་ཀྱི་རྒྱལ་མཚན་ལ་ཕྱག་འཚལ་ལོ། །དེ་བཞིན་གཤེགས་པ་རིན་ཆེན་འོད་མར་མེ་རྒྱལ་མཚན་ལ་ཕྱག་འཚལ་ལོ། །དེ་བཞིན་གཤེགས་པ་གཞན་གྱིས་མི་ཚུགས་དཀའ་
ཐུབ་རྒྱལ་མཚན་ལ་ཕྱག་འཚལ་ལོ། །དེ་བཞིན་གཤེགས་པ་ཡོན་ཏན་འོད་ཟེར་རྒྱལ་མཚན་ལ་ཕྱག་འཚལ་ལོ། །དེ་བཞིན་གཤེགས་པ་བསོད་ནམས་མར་མེའི་རྒྱལ་མཚན་ལ་ཕྱག་འཚལ་ལོ། །དེ་བཞིན་གཤེགས་པ་
བདེ་བར་གཤེགས་པའི་རྒྱལ་མཚན་ལ་ཕྱག་འཚལ་ལོ། །དེ་བཞིན་གཤེགས་པ་རིན་ཆེན་ཟླ་བའི་རྒྱལ་མཚན་ལ་ཕྱག་འཚལ་ལོ། །དེ་བཞིན་གཤེགས་པ་བཟང་པོའི་དཔལ་གྱི་རྒྱལ་མཚན་ལ་ཕྱག་འཚལ་ལོ། །དེ་བཞིན་
གཤེགས་པ་དབང་ཕྱུག་ཡོན་ཏན་རྒྱལ་མཚན་ལ་ཕྱག་འཚལ་ལོ། །དེ་བཞིན་གཤེགས་པ་གྲགས་པར་སྒྲགས་པའི་རྒྱལ་མཚན་ལ་ཕྱག་འཚལ་ལོ། །དེ་བཞིན་གཤེགས་པ་ཀུན་དུ་སྤྱན་ཡོངས་སུ་རྒྱས་པའི་ཆོས་ཀྱི་དབྱིངས་
ཀྱི་རྒྱལ་མཚན་ལ་ཕྱག་འཚལ་ལོ། །དེ་བཞིན་གཤེགས་པ་རིན་ཆེན་བརྩེགས་པའི་རྒྱལ་མཚན་ལ་ཕྱག་འཚལ་ལོ། །དེ་བཞིན་གཤེགས་པ་རིན་ཆེན་འོད་ཟེར་སྒོའི་རྒྱལ་མཚན་ལ་ཕྱག་འཚལ་ལོ། །དེ་བཞིན་གཤེགས་པ་

62-1-11b

ཟད་མི་ཤེས་པའི་ཆོས་རྒྱ་མཚོ་རིན་ཆེན་རྒྱལ་མཚན་ལ་ཕྱག་འཚལ་ལོ། །དེ་བཞིན་གཤེགས་པ་མེ་ཏོག་རྒྱལ་མཚན་ལ་ཕྱག་འཚལ་ལོ། །དེ་བཞིན་གཤེགས་པ་ཡོན་ཏན་རྒྱལ་མཚན་ལ་ཕྱག་འཚལ་ལོ། །དེ་བཞིན་གཤེགས་པ་སེང་
གེ་རྒྱལ་མཚན་ལ་ཕྱག་འཚལ་ལོ། །དེ་བཞིན་གཤེགས་པ་རྡོ་རྗེ་རྒྱལ་མཚན་ལ་ཕྱག་འཚལ་ལོ། །དེ་བཞིན་གཤེགས་པ་རི་རབ་རྒྱལ་མཚན་ལ་ཕྱག་འཚལ་ལོ། །དེ་བཞིན་གཤེགས་པ་ཆོས་ཀྱི་རྒྱལ་མཚན་ལ་ཕྱག་འཚལ་ལོ། །
དེ་བཞིན་གཤེགས་པ་མེའི་རྒྱལ་མཚན་ལ་ཕྱག་འཚལ་ལོ། །དེ་བཞིན་གཤེགས་པ་ཞི་བའི་རྒྱལ་མཚན་ལ་ཕྱག་འཚལ་ལོ། །དེ་བཞིན་གཤེགས་པ་འཇམ་པའི་རྒྱལ་མཚན་ལ་ཕྱག་འཚལ་ལོ། །དེ་བཞིན་གཤེགས་པ་དཔག་
མེད་རྒྱལ་མཚན་ལ་ཕྱག་འཚལ་ལོ། །དེ་བཞིན་གཤེགས་པ་དྲི་མ་མེད་པའི་གཟི་བརྗིད་རྒྱལ་མཚན་ལ་ཕྱག་འཚལ་ལོ། །དེ་བཞིན་གཤེགས་པ་ཉེ་བར་གནས་པའི་རྒྱལ་མཚན་ལ་ཕྱག་འཚལ་ལོ། །དེ་བཞིན་གཤེགས་པ་
དཔའ་བའི་རྒྱལ་མཚན་ལ་ཕྱག་འཚལ་ལོ། །དེ་བཞིན་གཤེགས་པ་ཞི་བའི་རྒྱལ་མཚན་ལ་ཕྱག་འཚལ་ལོ། །དེ་བཞིན་གཤེགས་པ་དབང་པོའི་རྒྱལ་མཚན་ལ་ཕྱག་འཚལ་ལོ། །དེ་བཞིན་གཤེགས་པ་ཆེ་བའི་རྒྱལ་མཚན་ལ་
ཕྱག་འཚལ་ལོ། །དེ་བཞིན་གཤེགས་པ་དཔལ་གྱི་རྒྱལ་མཚན་ལ་ཕྱག་འཚལ་ལོ། །དེ་བཞིན་གཤེགས་པ་ཕྱོགས་ཀྱི་རྒྱལ་མཚན་ལ་ཕྱག་འཚལ་ལོ། །དེ་བཞིན་གཤེགས་པ་འོད་ཟེར་གཏོང་བའི་སྐུའི་རྒྱལ་མཚན་ལ་ཕྱག་
འཚལ་ལོ། །དེ་བཞིན་གཤེགས་པ་བསྒྲགས་པ་ཤིན་དུ་སྒྲོགས་པའི་རྒྱལ་མཚན་ལ་ཕྱག་འཚལ་ལོ། །དེ་བཞིན་གཤེགས་པ་རྒྱ་ཆེར་གྲགས་པའི་ཡེ་ཤེས་རྒྱ་མཚོའི་རྒྱལ་མཚན་ལ་ཕྱག་འཚལ་ལོ། །བཅོམ་ལྡན་འདས་དེ་
བཞིན་གཤེགས་པ་ཟབ་མོའི་ཆོས་ཀྱི་དཔལ་རྒྱ་མཚོའི་འོད་ལ་ཕྱག་འཚལ་ལོ། །དེ་བཞིན་གཤེགས་པ་ཆོས་ཀྱི་དཀྱིལ་འཁོར་དཔལ་གྱི་རྩེ་མོའི་འོད་ལ་ཕྱག་འཚལ་ལོ། །དེ་བཞིན་གཤེགས་པ་ཚད་མེད་པར་རིན་ཆེན་སྤྲུལ་པའི་

62-1-12a

འོད་ལ་ཕྱག་འཚལ་ལོ། །དེ་བཞིན་གཤེགས་པ་བསྒྲིབས་པ་མེད་པའི་ཆོས་ནམ་མཁའི་འོད་ལ་ཕྱག་འཚལ་ལོ། །དེ་བཞིན་གཤེགས་པ་མཚན་ཉིད་ཉི་མའི་འཁོར་ལོ་ཀུན་དུ་འོད་ལ་ཕྱག་འཚལ་ལོ། །དེ་བཞིན་གཤེགས་པ་
ཚད་མེད་རྒྱ་མཚོའི་འོད་ལ་ཕྱག་འཚལ་ལོ། །དེ་བཞིན་གཤེགས་པ་དྲི་མ་མེད་པར་སྣང་བའི་འོད་ལ་ཕྱག་འཚལ་ལོ། །དེ་བཞིན་གཤེགས་པ་འོད་ཟེར་ཡོན་ཏན་གཙུག་ཏོར་ཡེ་ཤེས་འོད་ལ་ཕྱག་འཚལ་ལོ། །དེ་བཞིན་གཤེགས་པ་ཏིང་ངེ་འཛིན་
གྱི་ཕྱག་རྒྱ་དྲི་མ་མེད་པའི་གཙུག་ཏོར་ཤེས་རབ་འོད་ལ་ཕྱག་འཚལ་ལོ། །དེ་བཞིན་གཤེགས་པ་འཇིག་རྟེན་དབང་པོ་སྐུ་སྣང་བའི་འོད་ལ་ཕྱག་འཚལ་ལོ། །དེ་བཞིན་གཤེགས་པ་སྣང་བའི་དཀྱིལ་འཁོར་འོད་ལ་ཕྱག་འཚལ་ལོ། །
དེ་བཞིན་གཤེགས་པ་ཆོས་ཀྱི་དབྱིངས་ཀྱི་སེང་གེ་འོད་ལ་ཕྱག་འཚལ་ལོ། །དེ་བཞིན་གཤེགས་པ་ཞི་བའི་སྐུའི་འོད་ལ་ཕྱག་འཚལ་ལོ། །དེ་བཞིན་གཤེགས་པ་དུས་གསུམ་དུ་སྣང་བའི་འོད་ལ་ཕྱག་འཚལ་ལོ། །དེ་བཞིན་གཤེགས་པ་
སེང་གེ་བསྒྱིངས་པའི་འོད་ལ་ཕྱག་འཚལ་ལོ། །དེ་བཞིན་གཤེགས་པ་ཡེ་ཤེས་འོད་ཟེར་སྤྲིན་གྱི་འོད་ལ་ཕྱག་འཚལ་ལོ། །དེ་བཞིན་གཤེགས་པ་རིན་ཆེན་མེ་ཏོག་འོད་ལ་ཕྱག་འཚལ་ལོ། །དེ་བཞིན་གཤེགས་པ་ཆོས་སྟོབས་འོད་ལ་ཕྱག་འཚལ་
ལོ། །དེ་བཞིན་གཤེགས་པ་དྲི་མ་མེད་པའི་འོད་ལ་ཕྱག་འཚལ་ལོ། །དེ་བཞིན་གཤེགས་པ་རང་གི་སྐུའི་འོད་ལ་ཕྱག་འཚལ་ལོ། །དེ་བཞིན་གཤེགས་པ་ཟླ་བའི་འོད་ལ་ཕྱག་འཚལ་ལོ། །དེ་བཞིན་གཤེགས་པ་དྲིའི་འོད་ལ་ཕྱག་
འཚལ་ལོ། །དེ་བཞིན་གཤེགས་པ་ཆེན་པོའི་འོད་ལ་ཕྱག་འཚལ་ལོ། །དེ་བཞིན་གཤེགས་པ་གསེར་འོད་ལ་ཕྱག་འཚལ་ལོ། །དེ་བཞིན་གཤེགས་པ་གངས་ཀྱི་འོད་ལ་ཕྱག་འཚལ་ལོ། །དེ་བཞིན་གཤེགས་པ་མེའི་འོད་ལ་ཕྱག་འཚལ་
ལོ། །དེ་བཞིན་གཤེགས་པ་བདུད་རྩིའི་དྲིའི་འོད་ལ་ཕྱག་འཚལ་ལོ། །དེ་བཞིན་གཤེགས་པ་གྲོལ་བའི་འོད་ལ་ཕྱག་འཚལ་ལོ། །དེ་བཞིན་གཤེགས་པ་མཆོག་གི་འོད་ལ་ཕྱག་འཚལ་ལོ། །དེ་བཞིན་གཤེགས་པ་ཡོན་ཏན་འོད་ལ་ཕྱག་

62-1-12b

འཚལ་ལོ། །དེ་བཞིན་གཤེགས་པ་ཀུན་དུ་འོད་ལ་ཕྱག་འཚལ་ལོ། །དེ་བཞིན་གཤེགས་པ་ཆོས་ཀྱི་འོད་ལ་ཕྱག་འཚལ་ལོ། །དེ་བཞིན་གཤེགས་པ་རིན་ཆེན་འོད་ལ་ཕྱག་འཚལ་ལོ། །དེ་བཞིན་གཤེགས་པ་དབང་པོའི་འོད་ལ་ཕྱག་
འཚལ་ལོ། །དེ་བཞིན་གཤེགས་པ་མེ་ཏོག་ཙམ་པ་ཀ་དྲི་མ་མེད་པའི་འོད་ལ་ཕྱག་འཚལ་ལོ། །དེ་བཞིན་གཤེགས་པ་བསམ་གྱིས་མི་ཁྱབ་པའི་འོད་ལ་ཕྱག་འཚལ་ལོ། །དེ་བཞིན་གཤེགས་པ་བརྟན་པའི་འོད་ལ་ཕྱག་འཚལ་
ལོ། །དེ་བཞིན་གཤེགས་པ་རྡོ་རྗེའི་འོད་ལ་ཕྱག་འཚལ་ལོ། །དེ་བཞིན་གཤེགས་པ་གཙང་མའི་འོད་ལ་ཕྱག་འཚལ་ལོ། །དེ་བཞིན་གཤེགས་པ་གསལ་བའི་འོད་ལ་ཕྱག་འཚལ་ལོ། །དེ་བཞིན་གཤེགས་པ་དྲ་བའི་འོད་ལ་
ཕྱག་འཚལ་ལོ། །དེ་བཞིན་གཤེགས་པ་རིན་ཆེན་ཟླ་འོད་ལ་ཕྱག་འཚལ་ལོ། །དེ་བཞིན་གཤེགས་པ་ཡེ་ཤེས་འོད་ལ་ཕྱག་འཚལ་ལོ། །དེ་བཞིན་གཤེགས་པ་རང་བྱུང་འོད་ལ་ཕྱག་འཚལ་ལོ། །དེ་བཞིན་གཤེགས་པ་
ཡང་དག་ཉིད་ཀྱི་འོད་ལ་ཕྱག་འཚལ་ལོ། །བཅོམ་ལྡན་འདས་དེ་བཞིན་གཤེགས་པ་སྤྲིན་ལས་རྒལ་བ་ལ་ཕྱག་འཚལ་ལོ། །དེ་བཞིན་གཤེགས་པ་སྤྲིན་སྒྲོགས་པ་ལ་ཕྱག་འཚལ་ལོ། །དེ་བཞིན་གཤེགས་པ་སྤྲིན་ཀུན་དུ་
སྟོན་པ་ལ་ཕྱག་འཚལ་ལོ། །དེ་བཞིན་གཤེགས་པ་སྤྲིན་གྱི་ཕྲེང་བ་ལ་ཕྱག་འཚལ་ལོ། །དེ་བཞིན་གཤེགས་པ་སྤྲིན་རྣམ་པར་འཐོར་བ་ལ་ཕྱག་འཚལ་ལོ། །དེ་བཞིན་གཤེགས་པ་སྤྲིན་སྟུག་པོ་ལ་ཕྱག་འཚལ་ལོ། །
དེ་བཞིན་གཤེགས་པ་ན་བཟའ་སྤྲིན་ལྟ་བུ་བནབས་པ་ལ་ཕྱག་འཚལ་ལོ། །དེ་བཞིན་གཤེགས་པ་སྤྲིན་སྟོབས་ལ་ཕྱག་འཚལ་ལོ། །དེ་བཞིན་གཤེགས་པ་སྤྲིན་རྣམ་པར་འཇིག་པ་ལ་ཕྱག་འཚལ་ལོ། །དེ་བཞིན་
གཤེགས་པ་སྤྲིན་གྱི་དབང་ཕྱུག་ལ་ཕྱག་འཚལ་ལོ། །དེ་བཞིན་གཤེགས་པ་སྤྲིན་སྦྱིན་པ་ལ་ཕྱག་འཚལ་ལོ། །དེ་བཞིན་གཤེགས་པ་སྤྲིན་རྣམ་པར་འཇོམས་པ་ལ་ཕྱག་འཚལ་ལོ། །དེ་བཞིན་གཤེགས་པ་སྤྲིན་གྱི་ཡན་

62-1-13a

ལག་ལ་ཕྱག་འཚལ་ལོ། །དེ་བཞིན་གཤེགས་པ་སྤྲིན་དང་བྲལ་བ་ལ་ཕྱག་འཚལ་ལོ། །དེ་བཞིན་གཤེགས་པ་སྤྲིན་བཞིན་གྲགས་པ་ལ་ཕྱག་འཚལ་ལོ། །དེ་བཞིན་གཤེགས་པ་སྤྲིན་ཆེན་གྱི་གནས་སུ་
འཛེགས་པ་ལ་ཕྱག་འཚལ་ལོ། །དེ་བཞིན་གཤེགས་པ་ཡོན་ཏན་སྤྲིན་ལ་ཕྱག་འཚལ་ལོ། །དེ་བཞིན་གཤེགས་པ་ཙན་དན་སྤྲིན་ལ་ཕྱག་འཚལ་ལོ། །དེ་བཞིན་གཤེགས་པ་ཀུན་དུ་ཡོན་ཏན་སྤྲིན་ལ་ཕྱག་འཚལ་ལོ། །
དེ་བཞིན་གཤེགས་པ་འོད་ཟེར་ཟླ་བ་སྤྲིན་ལ་ཕྱག་འཚལ་ལོ། །དེ་བཞིན་གཤེགས་པ་གྲགས་པ་རི་བཞིན་སྤྲིན་ལ་ཕྱག་འཚལ་ལོ། །དེ་བཞིན་གཤེགས་པ་ཆོས་ཀྱི་འཁོར་ལོ་སྤྲིན་ལ་ཕྱག་འཚལ་ལོ། །དེ་བཞིན་གཤེགས་
པ་ཆོས་ཐམས་ཅད་ཀྱི་གཙུག་མཛོད་འོད་ཀྱི་དཀྱིལ་འཁོར་སྤྲིན་ལ་ཕྱག་འཚལ་ལོ། །དེ་བཞིན་གཤེགས་པ་རྡོ་རྗེ་སྙིང་པོ་རྒྱ་མཚོ་རྒྱལ་མཚན་སྤྲིན་ལ་ཕྱག་འཚལ་ལོ། །དེ་བཞིན་གཤེགས་པ་ཆོས་ཀྱི་མེ་ཏོག་དཔལ་རྒྱལ་
མཚན་སྤྲིན་ལ་ཕྱག་འཚལ་ལོ། །དེ་བཞིན་གཤེགས་པ་ཀུན་དུ་བརྩོན་པ་སྐར་མདའ་སྣང་བའི་སྤྲིན་ལ་ཕྱག་འཚལ་ལོ། །དེ་བཞིན་གཤེགས་པ་འོད་ཟེར་རྣམ་པར་འབར་བའི་སྤྲིན་ལ་ཕྱག་འཚལ་ལོ། །དེ་བཞིན་གཤེགས་
པ་འོད་ཟེར་ཟླ་བ་མཆོག་གི་སྤྲིན་ལ་ཕྱག་འཚལ་ལོ། །དེ་བཞིན་གཤེགས་པ་ཡེ་ཤེས་རྩེ་མོ་འཕྲོ་བའི་སྤྲིན་ལ་ཕྱག་འཚལ་ལོ། །དེ་བཞིན་གཤེགས་པ་ཆོས་ཀྱི་རྩེ་མོ་རྒྱལ་མཚན་སྤྲིན་ལ་ཕྱག་འཚལ་ལོ། །དེ་བཞིན་
གཤེགས་པ་ཀུན་དུ་ཤེས་རབ་རྣམ་པར་བསྒྲགས་པའི་སྤྲིན་ལ་ཕྱག་འཚལ་ལོ། །དེ་བཞིན་གཤེགས་པ་དྲི་མ་མེད་པའི་ཡེ་ཤེས་དཔལ་གྱི་སྤྲིན་ལ་ཕྱག་འཚལ་ལོ། །དེ་བཞིན་གཤེགས་པ་རི་བོ་སྤྲིན་ལ་ཕྱག་འཚལ་ལོ། །
དེ་བཞིན་གཤེགས་པ་ཆོས་སྣང་བའི་དཔལ་གྱི་སྤྲིན་ལ་ཕྱག་འཚལ་ལོ། །དེ་བཞིན་གཤེགས་པ་ཆོས་ཀྱི་པད་མོ་རྒྱས་པའི་དཔལ་གྱི་སྤྲིན་ལ་ཕྱག་འཚལ་ལོ། །དེ་བཞིན་གཤེགས་པ་ཆོས་རིན་ཆེན་པད་མོ་རྒྱས་པའི་དཔལ་

62-1-13b

གྱི་སྤྲིན་ལ་ཕྱག་འཚལ་ལོ། །དེ་བཞིན་གཤེགས་པ་ཆོས་རིན་ཆེན་མེ་ཏོག་དཔལ་གྱི་སྤྲིན་ལ་ཕྱག་འཚལ་ལོ། །དེ་བཞིན་གཤེགས་པ་ཡོན་ཏན་རྣམ་པར་གྲགས་པའི་དཔལ་གྱི་སྤྲིན་ལ་ཕྱག་འཚལ་ལོ། །དེ་བཞིན་གཤེགས་
པ་ཀུན་དུ་སྒྲས་བརྒྱན་པའི་སྤྲིན་ལ་ཕྱག་འཚལ་ལོ། །དེ་བཞིན་གཤེགས་པ་གསེར་འོད་དྲི་མ་མེད་པ་ཉི་མ་ཟེར་གྱི་སྤྲིན་ལ་ཕྱག་འཚལ་ལོ། །དེ་བཞིན་གཤེགས་པ་ཡེ་ཤེས་ཉི་མ་པད་མོའི་སྤྲིན་ལ་ཕྱག་འཚལ་ལོ། །
དེ་བཞིན་གཤེགས་པ་བསོད་ནམས་སྣ་ཚོགས་སྤྲིན་ལ་ཕྱག་འཚལ་ལོ། །བཅོམ་ལྡན་འདས་དེ་བཞིན་གཤེགས་པ་རིན་ཆེན་དཔལ་གྱི་རྩེ་མོ་སྤྲིན་མར་མེ་ལ་ཕྱག་འཚལ་ལོ། །དེ་བཞིན་གཤེགས་པ་ཡོན་ཏན་རྒྱ་མཚོ་དཔལ་
གྱི་མར་མེ་ལ་ཕྱག་འཚལ་ལོ། །དེ་བཞིན་གཤེགས་པ་དཔལ་གྱི་མར་མེ་ལ་ཕྱག་འཚལ་ལོ། །དེ་བཞིན་གཤེགས་པ་ཆོས་ཀྱི་ཉི་མའི་ཀྱིལ་འཁོར་མར་མེ་ལ་ཕྱག་འཚལ་ལོ། །དེ་བཞིན་གཤེགས་པ་ཀུན་དུ་ཤེས་རབ་འོད་
ཆོས་ནམ་མཁའི་མར་མེ་ལ་ཕྱག་འཚལ་ལོ། །དེ་བཞིན་གཤེགས་པ་ཆོས་ཀྱི་དབྱིངས་ནམ་མཁའ་རྒྱས་པའི་རྩེ་མོ་མར་མེ་ལ་ཕྱག་འཚལ་ལོ། །དེ་བཞིན་གཤེགས་པ་མེ་ཏོག་སྤྲོས་པའི་རྒྱ་མཚོ་མར་མེ་ལ་ཕྱག་འཚལ་ལོ། །
དེ་བཞིན་གཤེགས་པ་ཆོས་ཀྱི་ཉི་མ་སྤྲིན་གྱི་མར་མེ་ལ་ཕྱག་འཚལ་ལོ། །དེ་བཞིན་གཤེགས་པ་འོད་འཕྲོ་ཕྱག་རྒྱ་སྒོའི་མར་མེ་ལ་ཕྱག་འཚལ་ལོ། །དེ་བཞིན་གཤེགས་པ་བཟོད་པའི་དཀྱིལ་འཁོར་མར་མེ་ལ་ཕྱག་འཚལ་
ལོ། །དེ་བཞིན་གཤེགས་པ་ཆོས་ཀྱི་དཀྱིལ་འཁོར་མར་མེ་ལ་ཕྱག་འཚལ་ལོ། །དེ་བཞིན་གཤེགས་པ་རིན་ཆེན་རྩེ་མོ་འཕྲོ་བའི་རིའི་མར་མེ་ལ་ཕྱག་འཚལ་ལོ། །དེ་བཞིན་གཤེགས་པ་རིན་ཆེན་འོད་ཟེར་རི་བོའི་མར་མེ་
ལ་ཕྱག་འཚལ་ལོ། །དེ་བཞིན་གཤེགས་པ་ཀུན་དུ་འབྱུང་བའི་མར་མེ་ལ་ཕྱག་འཚལ་ལོ། །དེ་བཞིན་གཤེགས་པ་ཆོས་དབྱིངས་ཡེ་ཤེས་མར་མེ་ལ་ཕྱག་འཚལ་ལོ། །དེ་བཞིན་གཤེགས་པ་ཆོས་ཀྱི་ཤུགས་

62-1-14a

རྒྱལ་མཚན་མར་མེ་ལ་ཕྱག་འཚལ་ལོ། །དེ་བཞིན་གཤེགས་པ་ཆོས་ཀྱི་འཁོར་ལོ་སྒྲོགས་པ་ནམ་མཁའི་སྤྲིན་མར་མེ་ལ་ཕྱག་འཚལ་ལོ། །དེ་བཞིན་གཤེགས་པ་ཉི་ཟླ་མར་མེ་ལ་ཕྱག་འཚལ་ལོ། །
དེ་བཞིན་གཤེགས་པ་ཟླ་བའི་མར་མེ་ལ་ཕྱག་འཚལ་ལོ། །དེ་བཞིན་གཤེགས་པ་ཉི་མའི་མར་མེ་ལ་ཕྱག་འཚལ་ལོ། །དེ་བཞིན་གཤེགས་པ་མེའི་མར་མེ་ལ་ཕྱག་འཚལ་ལོ། །དེ་བཞིན་གཤེགས་པ་ནམ་མཁའ་དང་འདྲ་
བའི་ཡེ་ཤེས་མར་མེ་ལ་ཕྱག་འཚལ་ལོ། །དེ་བཞིན་གཤེགས་པ་འོད་བྱེད་མར་མེ་ལ་ཕྱག་འཚལ་ལོ། །དེ་བཞིན་གཤེགས་པ་ཀུན་དུ་འབར་བའི་མར་མེ་ལ་ཕྱག་འཚལ་ལོ། །དེ་བཞིན་གཤེགས་པ་ཆེ་བའི་མར་མེ་
ལ་ཕྱག་འཚལ་ལོ། །དེ་བཞིན་གཤེགས་པ་གློག་གི་མར་མེ་ལ་ཕྱག་འཚལ་ལོ། །དེ་བཞིན་གཤེགས་པ་མཆོག་གི་མར་མེ་ལ་ཕྱག་འཚལ་ལོ། །དེ་བཞིན་གཤེགས་པ་ཡེ་ཤེས་མར་མེ་ལ་ཕྱག་འཚལ་ལོ། །དེ་བཞིན་
གཤེགས་པ་སྣང་བའི་མར་མེ་ལ་ཕྱག་འཚལ་ལོ། །དེ་བཞིན་གཤེགས་པ་འོད་ཟེར་མེ་ཏོག་མར་མེ་ལ་ཕྱག་འཚལ་ལོ། །དེ་བཞིན་གཤེགས་པ་རི་རབ་མར་མེ་ལ་ཕྱག་འཚལ་ལོ། །དེ་བཞིན་གཤེགས་པ་ཡོན་ཏན་
མར་མེ་ལ་ཕྱག་འཚལ་ལོ། །དེ་བཞིན་གཤེགས་པ་འཇིག་རྟེན་མར་མེ་ལ་ཕྱག་འཚལ་ལོ། །དེ་བཞིན་གཤེགས་པ་ཆོས་ནམ་མཁའ་མར་མེ་ལ་ཕྱག་འཚལ་ལོ། །དེ་བཞིན་གཤེགས་པ་མར་མེ་ཉིད་ལ་ཕྱག་འཚལ་
ལོ། །དེ་བཞིན་གཤེགས་པ་མཆོག་གི་མར་མེ་ལ་ཕྱག་འཚལ་ལོ། །དེ་བཞིན་གཤེགས་པ་དྲིའི་མར་མེ་ལ་ཕྱག་འཚལ་ལོ། །དེ་བཞིན་གཤེགས་པ་སྒྲིབ་པ་མེད་པའི་མར་མེ་ལ་ཕྱག་འཚལ་ལོ། །དེ་བཞིན་གཤེགས་པ་
མ་བསྒྲིབས་པའི་ཆོས་དབྱིངས་མར་མེ་ལ་ཕྱག་འཚལ་ལོ། །དེ་བཞིན་གཤེགས་པ་ཀུན་དུ་སྤྱན་གྱིས་ཡོངས་སུ་ཁྱབ་པའི་མར་མེ་ལ་ཕྱག་འཚལ་ལོ། །དེ་བཞིན་གཤེགས་པ་ཐམས་ཅད་མཁྱེན་པ་དྲི་མེད་ནམ་མཁའི་མར་

62-1-14b

མེ་ལ་ཕྱག་འཚལ་ལོ། །དེ་བཞིན་གཤེགས་པ་རིན་ཆེན་རི་རབ་མར་མེ་ལ་ཕྱག་འཚལ་ལོ། །སངས་རྒྱས་ཀྱི་མཚན་ལྔ་སྟོང་བཞི་བརྒྱ་ལྔ་བཅུ་རྩ་གསུམ་པ། བམ་པོ་གཉིས་པ། བཅོམ་ལྡན་འདས་དེ་བཞིན་
གཤེགས་པ་ཕྱོགས་ཀུན་དུ་སྣང་བའི་གཟི་བརྗིད་ལ་ཕྱག་འཚལ་ལོ། །དེ་བཞིན་གཤེགས་པ་ཀུན་གྱི་དཔལ་མེ་ཏོག་གཟི་བརྗིད་ལ་ཕྱག་འཚལ་ལོ། །དེ་བཞིན་གཤེགས་པ་སའི་དཔལ་རི་བོ་གཟི་བརྗིད་ལ་ཕྱག་
འཚལ་ལོ། །དེ་བཞིན་གཤེགས་པ་བཟང་པོའི་དཔལ་རི་རབ་གཟི་བརྗིད་ལ་ཕྱག་འཚལ་ལོ། །དེ་བཞིན་གཤེགས་པ་དཔལ་གྱི་གཟི་བརྗིད་ལ་ཕྱག་འཚལ་ལོ། །དེ་བཞིན་གཤེགས་པ་ཆོས་ཐམས་ཅད་ཀྱི་གནས་ལ་
བརྩོན་པར་འབྱུང་བའི་གཟི་བརྗིད་ལ་ཕྱག་འཚལ་ལོ། །དེ་བཞིན་གཤེགས་པ་རི་བོ་གྱེན་དུ་འབྱུང་བའི་རྩེ་མོའི་གཟི་བརྗིད་ལ་ཕྱག་འཚལ་ལོ། །དེ་བཞིན་གཤེགས་པ་དུས་གསུམ་མཚན་ཉིད་སྣང་བའི་གཟི་བརྗིད་ལ་
ཕྱག་འཚལ་ལོ། །དེ་བཞིན་གཤེགས་པ་གསེར་བཟང་ནམ་མཁའ་སྒྲོགས་པའི་གཟི་བརྗིད་ལ་ཕྱག་འཚལ་ལོ། །དེ་བཞིན་གཤེགས་པ་ཡོན་ཏན་དབང་དུ་གྱུར་པའི་གཟི་བརྗིད་ལ་ཕྱག་འཚལ་ལོ། །དེ་བཞིན་
གཤེགས་པ་ཆོས་རྒྱ་མཚོའི་རི་བོ་གཟི་བརྗིད་ལ་ཕྱག་འཚལ་ལོ། །དེ་བཞིན་གཤེགས་པ་ཡོན་ཏན་གྲགས་པའི་གཟི་བརྗིད་ལ་ཕྱག་འཚལ་ལོ། །དེ་བཞིན་གཤེགས་པ་བདུད་རྩིའི་རི་བོ་གཟི་བརྗིད་ལ་ཕྱག་
འཚལ་ལོ། །དེ་བཞིན་གཤེགས་པ་རིན་ཆེན་རི་བོ་མར་མེ་ཡོན་ཏན་གཟི་བརྗིད་ལ་ཕྱག་འཚལ་ལོ། །དེ་བཞིན་གཤེགས་པ་ཡེ་ཤེས་ཉི་མའི་གཟི་བརྗིད་ལ་ཕྱག་འཚལ་ལོ། །དེ་བཞིན་གཤེགས་པ་ཆེ་བའི་གཟི་བརྗིད་ལ་
ཕྱག་འཚལ་ལོ། །དེ་བཞིན་གཤེགས་པ་འཇིག་རྟེན་དབང་པོའི་གཟི་བརྗིད་ལ་ཕྱག་འཚལ་ལོ། །དེ་བཞིན་གཤེགས་པ་ཉི་མའི་གཟི་བརྗིད་ལ་ཕྱག་འཚལ་ལོ། །དེ་བཞིན་གཤེགས་པ་མཆོག་གི་གཟི་བརྗིད་ལ་

62-1-15a

ཕྱག་འཚལ་ལོ། །དེ་བཞིན་གཤེགས་པ་དམ་པའི་གཟི་བརྗིད་ལ་ཕྱག་འཚལ་ལོ། །དེ་བཞིན་གཤེགས་པ་གཟི་བརྗིད་ཉིད་ཀྱི་གཟི་བརྗིད་ལ་ཕྱག་འཚལ་ལོ། །དེ་བཞིན་གཤེགས་པ་འབར་བའི་གཟི་བརྗིད་ལ་
ཕྱག་འཚལ་ལོ། །དེ་བཞིན་གཤེགས་པ་མྱུར་བའི་གཟི་བརྗིད་ལ་ཕྱག་འཚལ་ལོ། །དེ་བཞིན་གཤེགས་པ་མི་ཚུགས་པའི་གཟི་བརྗིད་ལ་ཕྱག་འཚལ་ལོ། །དེ་བཞིན་གཤེགས་པ་རབ་ཏུ་དགའ་བའི་གཟི་བརྗིད་ལ་ཕྱག་
འཚལ་ལོ། །དེ་བཞིན་གཤེགས་པ་སའི་གཟི་བརྗིད་ལ་ཕྱག་འཚལ་ལོ། །དེ་བཞིན་གཤེགས་པ་གཟི་བརྗིད་ཉིད་ལ་ཕྱག་འཚལ་ལོ། །དེ་བཞིན་གཤེགས་པ་ཆེ་བའི་གཟི་བརྗིད་ལ་ཕྱག་འཚལ་ལོ། །དེ་བཞིན་གཤེགས་པ་
མཉམ་པ་མེད་པའི་གཟི་བརྗིད་ལ་ཕྱག་འཚལ་ལོ། །དེ་བཞིན་གཤེགས་པ་རྣམ་པར་གྲགས་པའི་གཟི་བརྗིད་ལ་ཕྱག་འཚལ་ལོ། །དེ་བཞིན་གཤེགས་པ་ཤིན་དུ་ངེས་པའི་གཟི་བརྗིད་ལ་ཕྱག་འཚལ་ལོ། །དེ་བཞིན་གཤེགས་
པ་གཟུགས་ཡོངས་སུ་དག་པའི་མཚན་གྱིས་བརྒྱན་པའི་གཟི་བརྗིད་ལ་ཕྱག་འཚལ་ལོ། །དེ་བཞིན་གཤེགས་པ་ཉི་མ་པད་མོ་འབྱུང་བའི་གཟི་བརྗིད་ལ་ཕྱག་འཚལ་ལོ། །དེ་བཞིན་གཤེགས་པ་ཡོན་ཏན་མཆོག་རབ་དྲི་མེད་
གཟི་བརྗིད་ལ་ཕྱག་འཚལ་ལོ། །དེ་བཞིན་གཤེགས་པ་མཉམ་མེད་བསོད་ནམས་ཆེན་པོའི་སྤྲིན་མི་ཟད་པའི་གཟི་བརྗིད་ལ་ཕྱག་འཚལ་ལོ། །དེ་བཞིན་གཤེགས་པ་རང་བྱུང་མཆོག་རབ་དམ་པའི་གཟི་བརྗིད་ལ་ཕྱག་
འཚལ་ལོ། །དེ་བཞིན་གཤེགས་པ་མཚན་ཉིད་བསོད་ནམས་སྤྲིན་ལས་འབྱུང་བའི་གཟི་བརྗིད་ལ་ཕྱག་འཚལ་ལོ། །དེ་བཞིན་གཤེགས་པ་ཀླུ་བཞིན་གྲགས་པ་ཟད་མི་ཤེས་པའི་བསོད་ནམས་ཀྱི་གཟི་བརྗིད་ལ་ཕྱག་འཚལ་ལོ། །
དེ་བཞིན་གཤེགས་པ་མི་ཚུགས་པ་གྱེན་དུ་འབྱུང་བའི་གཟི་བརྗིད་ལ་ཕྱག་འཚལ་ལོ། །དེ་བཞིན་གཤེགས་པ་ཀུན་དུ་བསོད་ནམས་སྤྲིན་དཔལ་གྱི་གཟི་བརྗིད་ལ་ཕྱག་འཚལ་ལོ། །དེ་བཞིན་གཤེགས་པ་དྲི་འོད་དཔལ་

62-1-15b

གྱི་གཟི་བརྗིད་ལ་ཕྱག་འཚལ་ལོ། །བཅོམ་ལྡན་འདས་དེ་བཞིན་གཤེགས་པ་བྱང་ཆུབ་ཀྱི་དཀྱིལ་འཁོར་དཔལ་གྱི་ཟླ་བ་ལ་ཕྱག་འཚལ་ལོ། །དེ་བཞིན་གཤེགས་པ་ཆོས་ཀྱི་སྐར་མདའ་འབར་བའི་དཔལ་གྱི་ཟླ་བ་ལ་ཕྱག་
འཚལ་ལོ། །དེ་བཞིན་གཤེགས་པ་ཆོས་ཀྱི་རྒྱལ་པོ་རྣམ་པར་དག་པ་དཔལ་གྱི་ཟླ་བ་ལ་ཕྱག་འཚལ་ལོ། །དེ་བཞིན་གཤེགས་པ་ཆོས་ཀྱི་དཀྱིལ་འཁོར་རྣམ་པར་དག་པ་དཔལ་གྱི་ཟླ་བ་ལ་ཕྱག་འཚལ་ལོ། །དེ་བཞིན་
གཤེགས་པ་ཆོས་ཚུལ་ཟབ་པ་དཔལ་གྱི་ཟླ་བ་ལ་ཕྱག་འཚལ་ལོ། །དེ་བཞིན་གཤེགས་པ་སྐུ་ཐམས་ཅད་གཟུགས་བརྙན་དཔལ་གྱི་ཟླ་བ་ལ་ཕྱག་འཚལ་ལོ། །དེ་བཞིན་གཤེགས་པ་ཙན་དན་དཔལ་གྱི་ཟླ་བ་ལ་ཕྱག་འཚལ་ལོ། །
དེ་བཞིན་གཤེགས་པ་ཡོན་ཏན་པད་མོ་དཔལ་གྱི་ཟླ་བ་ལ་ཕྱག་འཚལ་ལོ། །དེ་བཞིན་གཤེགས་པ་ཆོས་ཀྱི་དབྱིངས་རྣམ་པར་དག་པའི་དཔལ་གྱི་ཟླ་བ་ལ་ཕྱག་འཚལ་ལོ། །དེ་བཞིན་གཤེགས་པ་ཆོས་དབྱིངས་ཡུལ་གྱི་བློ་གྲོས་ཟླ་བ་
ལ་ཕྱག་འཚལ་ལོ། །དེ་བཞིན་གཤེགས་པ་འགྲོ་བ་ཀུན་གྱི་སྨོན་ལམ་ཟླ་བ་ལ་ཕྱག་འཚལ་ལོ། །དེ་བཞིན་གཤེགས་པ་འོད་ཟེར་སྤྱན་གཟུགས་བརྙན་འོད་ཀྱི་ཟླ་བ་ལ་ཕྱག་འཚལ་ལོ། །དེ་བཞིན་གཤེགས་པ་འོད་ཟེར་
སྣ་ཚོགས་འབར་བའི་ཟླ་བ་ལ་ཕྱག་འཚལ་ལོ། །དེ་བཞིན་གཤེགས་པ་སྨོན་ལམ་ཐམས་ཅད་སྤྲུལ་པའི་ཟླ་བ་ལ་ཕྱག་འཚལ་ལོ། །དེ་བཞིན་གཤེགས་པ་མཚན་གྱིས་རྣམ་པར་བཀོད་པའི་རྒྱལ་མཚན་ཟླ་བ་ལ་
ཕྱག་འཚལ་ལོ། །དེ་བཞིན་གཤེགས་པ་ཀུན་དུ་རྣམ་པར་སྣང་བའི་ཟླ་བ་ལ་ཕྱག་འཚལ་ལོ། །དེ་བཞིན་གཤེགས་པ་འོད་ཟེར་སྤྱན་གསལ་ཟླ་བ་ལ་ཕྱག་འཚལ་ལོ། །དེ་བཞིན་གཤེགས་པ་མི་ཆགས་བློ་གྲོས་ཟླ་
བ་ལ་ཕྱག་འཚལ་ལོ། །དེ་བཞིན་གཤེགས་པ་རྣམ་པར་བཙུན་པའི་ཟླ་བ་ལ་ཕྱག་འཚལ་ལོ། །དེ་བཞིན་གཤེགས་པ་མཆོད་པའི་ཟླ་བ་ལ་ཕྱག་འཚལ་ལོ། །དེ་བཞིན་གཤེགས་པ་ངེས་པའི་ཟླ་བ་ལ་ཕྱག་འཚལ་ལོ། །

62-1-16a

དེ་བཞིན་གཤེགས་པ་མཆོད་པའི་ཟླ་བ་ལ་ཕྱག་འཚལ་ལོ། །དེ་བཞིན་གཤེགས་པ་ཤིན་དུ་གནས་པའི་ཟླ་བ་ལ་ཕྱག་འཚལ་ལོ། །དེ་བཞིན་གཤེགས་པ་རྣམ་པར་ཐར་པའི་ཟླ་བ་ལ་ཕྱག་འཚལ་ལོ། །དེ་བཞིན་
གཤེགས་པ་ཟླ་བ་ཆེན་པོ་ལ་ཕྱག་འཚལ་ལོ། །དེ་བཞིན་གཤེགས་པ་ཡོན་ཏན་ཟླ་བ་ལ་ཕྱག་འཚལ་ལོ། །དེ་བཞིན་གཤེགས་པ་རྒྱལ་པོའི་ཟླ་བ་ལ་ཕྱག་འཚལ་ལོ། །དེ་བཞིན་གཤེགས་པ་ཟླ་བ་ཉིད་ལ་ཕྱག་འཚལ་ལོ། །
དེ་བཞིན་གཤེགས་པ་ཟླ་བའི་ཟླ་བ་ལ་ཕྱག་འཚལ་ལོ། །དེ་བཞིན་གཤེགས་པ་གཙུག་ཏོར་ཟླ་བ་ལ་ཕྱག་འཚལ་ལོ། །དེ་བཞིན་གཤེགས་པ་ཟླ་བའི་སྒོ་ལ་ཕྱག་འཚལ་ལོ། །དེ་བཞིན་གཤེགས་པ་ཕ་རོལ་དུ་ཕྱིན་པར་
འགྲོ་བའི་ཟླ་བ་ལ་ཕྱག་འཚལ་ལོ། །དེ་བཞིན་གཤེགས་པ་ནམ་མཁའི་སྟེང་དྲི་མ་མེད་པའི་ཡེ་ཤེས་ཟླ་བ་ལ་ཕྱག་འཚལ་ལོ། །དེ་བཞིན་གཤེགས་པ་ཡོན་ཏན་རྟག་ཏུ་རྣམ་པར་སྣང་བའི་མཆོག་རབ་ཟླ་བ་ལ་ཕྱག་འཚལ་
ལོ། །དེ་བཞིན་གཤེགས་པ་མཐུ་སྟོབས་ཐམས་ཅད་ལ་དྲི་མ་མེད་པའི་ཟླ་བ་ལ་ཕྱག་འཚལ་ལོ། །དེ་བཞིན་གཤེགས་པ་བརྩོན་འགྲུས་མཐུ་ལ་མི་རྫི་བའི་ཟླ་བ་ལ་ཕྱག་འཚལ་ལོ། །དེ་བཞིན་གཤེགས་པ་སྤྱན་
རྣམ་པར་དགྱེས་པ་ནམ་མཁའི་ཟླ་བ་ལ་ཕྱག་འཚལ་ལོ། །དེ་བཞིན་གཤེགས་པ་མཚན་རབ་ཏུ་རྒྱས་པ་ཟིལ་གྱིས་མི་ནོན་པའི་ཟླ་བ་ལ་ཕྱག་འཚལ་ལོ། །དེ་བཞིན་གཤེགས་པ་སྐུ་ཐམས་ཅད་ཡེ་ཤེས་གཟུགས་
བརྙན་གྱི་ཟླ་བ་ལ་ཕྱག་འཚལ་ལོ། །དེ་བཞིན་གཤེགས་པ་སྨོན་ལམ་ཡོངས་སུ་རྫོགས་པར་སྤྲུལ་པའི་ཟླ་བ་ལ་ཕྱག་འཚལ་ལོ། །བཅོམ་ལྡན་འདས་དེ་བཞིན་གཤེགས་པ་བསོད་ནམས་མཛོད་ཀུན་དུ་སྣང་བའི་འོད་
གསལ་བ་ལ་ཕྱག་འཚལ་ལོ། །དེ་བཞིན་གཤེགས་པ་ཡོན་ཏན་རྒྱལ་པོའི་འོད་གསལ་བ་ལ་ཕྱག་འཚལ་ལོ། །དེ་བཞིན་གཤེགས་པ་ནམ་མཁའི་འོད་གསལ་བ་ལ་ཕྱག་འཚལ་ལོ། །དེ་བཞིན་གཤེགས་པ་དྲིའི་

62-1-16b

འོད་གསལ་བ་ལ་ཕྱག་འཚལ་ལོ། །དེ་བཞིན་གཤེགས་པ་གཞལ་མེད་རིའི་འོད་གསལ་བ་ལ་ཕྱག་འཚལ་ལོ། །དེ་བཞིན་གཤེགས་པ་རི་བོའི་འོད་གསལ་བ་ལ་ཕྱག་འཚལ་ལོ། །དེ་བཞིན་གཤེགས་པ་རི་རབ་འོད་གསལ་
བ་ལ་ཕྱག་འཚལ་ལོ། །དེ་བཞིན་གཤེགས་པ་གཙང་མ་འོད་གསལ་བ་ལ་ཕྱག་འཚལ་ལོ། །དེ་བཞིན་གཤེགས་པ་ཡོངས་སུ་དག་པ་འོད་གསལ་བ་ལ་ཕྱག་འཚལ་ལོ། །དེ་བཞིན་གཤེགས་པ་ཀུན་དུ་འོད་གསལ་བ་ལ་
ཕྱག་འཚལ་ལོ། །དེ་བཞིན་གཤེགས་པ་མཐའ་ཡས་འོད་གསལ་བ་ལ་ཕྱག་འཚལ་ལོ། །དེ་བཞིན་གཤེགས་པ་དྲི་མ་མེད་པའི་འོད་གསལ་བ་ལ་ཕྱག་འཚལ་ལོ། །དེ་བཞིན་གཤེགས་པ་འོད་ཟེར་གྱི་འོད་གསལ་བ་
ལ་ཕྱག་འཚལ་ལོ། །དེ་བཞིན་གཤེགས་པ་མེའི་འོད་གསལ་བ་ལ་ཕྱག་འཚལ་ལོ། །དེ་བཞིན་གཤེགས་པ་ཉི་འོད་གསལ་བ་ལ་ཕྱག་འཚལ་ལོ། །དེ་བཞིན་གཤེགས་པ་ཟླ་འོད་གསལ་བ་ལ་ཕྱག་འཚལ་ལོ། །
དེ་བཞིན་གཤེགས་པ་ཆོས་ཀྱི་དཀྱིལ་འཁོར་གསལ་བ་ལ་ཕྱག་འཚལ་ལོ། །དེ་བཞིན་གཤེགས་པ་ཡེ་ཤེས་དཀྱིལ་འཁོར་འོད་གསལ་བ་ལ་ཕྱག་འཚལ་ལོ། །དེ་བཞིན་གཤེགས་པ་འཛམ་བུའི་གསེར་འོད་གསལ་བ་ལ་
ཕྱག་འཚལ་ལོ། །དེ་བཞིན་གཤེགས་པ་རིན་ཆེན་འོད་གསལ་བ་ལ་ཕྱག་འཚལ་ལོ། །དེ་བཞིན་གཤེགས་པ་གསེར་འོད་གསལ་བ་ལ་ཕྱག་འཚལ་ལོ། །དེ་བཞིན་གཤེགས་པ་ཉི་མ་ཟིལ་གྱིས་གནོན་པ་ཀུན་དུ་འོད་གསལ་
བ་ལ་ཕྱག་འཚལ་ལོ། །དེ་བཞིན་གཤེགས་པ་ཆོས་ཀྱི་དབྱིངས་འོད་གསལ་བ་ལ་ཕྱག་འཚལ་ལོ། །དེ་བཞིན་གཤེགས་པ་ནམ་མཁའི་དབྱིངས་འོད་གསལ་བ་ལ་ཕྱག་འཚལ་ལོ། །དེ་བཞིན་གཤེགས་པ་ཡོན་ཏན་རྒྱལ་
པོ་འོད་གསལ་བ་ལ་ཕྱག་འཚལ་ལོ། །དེ་བཞིན་གཤེགས་པ་ཆོས་ཐམས་ཅད་ཀྱི་ཚུལ་ལས་འབར་བའི་གཟི་བརྗིད་འོད་གསལ་བ་ལ་ཕྱག་འཚལ་ལོ། །དེ་བཞིན་གཤེགས་པ་ཉི་འོད་དམ་པའི་དཔལ་གཟི་བརྗིད་ཀྱི་རྒྱལ་

62-1-17a

པོ་འོད་གསལ་བ་ལ་ཕྱག་འཚལ་ལོ། །དེ་བཞིན་གཤེགས་པ་རྣམ་པ་སྣ་ཚོགས་ཀྱི་དཔལ་གྱི་གཟི་བརྗིད་འོད་གསལ་བ་ལ་ཕྱག་འཚལ་ལོ། །དེ་བཞིན་གཤེགས་པ་བཻ་དཱུརྱ་འབར་བའི་འོད་གསལ་བ་ལ་ཕྱག་
འཚལ་ལོ། །དེ་བཞིན་གཤེགས་པ་དཔལ་གྱི་སྙིང་པོ་ནོར་བུ་འོད་གསལ་བ་ལ་ཕྱག་འཚལ་ལོ། །དེ་བཞིན་གཤེགས་པ་གསེར་མཆོག་འོད་གསལ་བ་ལ་ཕྱག་འཚལ་ལོ། །དེ་བཞིན་གཤེགས་པ་རིན་ཆེན་འོད་གསལ་བ་
ལ་ཕྱག་འཚལ་ལོ། །བཅོམ་ལྡན་འདས་དེ་བཞིན་གཤེགས་པ་ཕྱོགས་བཅུར་རྒྱས་པར་ཡོན་ཏན་གྲགས་པ་ཟད་མི་ཤེས་པའི་འོད་ཟེར་ལ་ཕྱག་འཚལ་ལོ། །དེ་བཞིན་གཤེགས་པ་དགའ་བའི་རྒྱ་མཚོའི་ཤུགས་ཡོན་
ཏན་གྲགས་པའི་དབང་ཕྱུག་འོད་ཟེར་ལ་ཕྱག་འཚལ་ལོ། །དེ་བཞིན་གཤེགས་པ་ཕྱིར་མི་ལྡོག་པའི་ཡོན་ཏན་རྒྱ་མཚོ་འོད་ཟེར་ལ་ཕྱག་འཚལ་ལོ། །དེ་བཞིན་གཤེགས་པ་རྣམ་པར་གྲོལ་བའི་བརྩོན་འགྲུས་ཉི་མའི་འོད་ཟེར་
ལ་ཕྱག་འཚལ་ལོ། །དེ་བཞིན་གཤེགས་པ་རྩོལ་བ་ཐམས་ཅད་རྣམ་པར་དག་པས་མྱོས་པའི་འོད་ཟེར་ལ་ཕྱག་འཚལ་ལོ། །དེ་བཞིན་གཤེགས་པ་ཟླ་བ་བཟང་པོའི་སྨོན་ལམ་ཚུལ་འོད་ཟེར་ལ་ཕྱག་འཚལ་ལོ། །
དེ་བཞིན་གཤེགས་པ་ཡེ་ཤེས་གྱེན་དུ་འབྱུང་བའི་འོད་ཟེར་ལ་ཕྱག་འཚལ་ལོ། །དེ་བཞིན་གཤེགས་པ་ཡེ་ཤེས་འོད་ཟེར་ལ་ཕྱག་འཚལ་ལོ། །དེ་བཞིན་གཤེགས་པ་ཡི་གེ་སྟོང་པའི་འོད་ཟེར་ལ་ཕྱག་འཚལ་ལོ། །
དེ་བཞིན་གཤེགས་པ་བཅུ་ལས་འདྲི་བའི་འོད་ཟེར་ལ་ཕྱག་འཚལ་ལོ། །དེ་བཞིན་གཤེགས་པ་གཞལ་མེད་འོད་ཟེར་ལ་ཕྱག་འཚལ་ལོ། །དེ་བཞིན་གཤེགས་པ་དྲི་མ་མེད་པའི་འོད་ཟེར་ལ་ཕྱག་འཚལ་ལོ། །དེ་བཞིན་
གཤེགས་པ་དབང་པོ་བདེན་པའི་འོད་ཟེར་ལ་ཕྱག་འཚལ་ལོ། །དེ་བཞིན་གཤེགས་པ་ཟླ་བ་འཕགས་པའི་འོད་ཟེར་ལ་ཕྱག་འཚལ་ལོ། །དེ་བཞིན་གཤེགས་པ་སྣང་བའི་འོད་ཟེར་ལ་ཕྱག་འཚལ་ལོ། །དེ་བཞིན་གཤེགས་པ་

62-1-17b

ཀུན་ཏུ་སྤྲོས་པའི་འོད་ཟེར་ལ་ཕྱག་འཚལ་ལོ། །དེ་བཞིན་གཤེགས་པ་ཀུན་དུ་འདྲི་བའི་འོད་ཟེར་ལ་ཕྱག་འཚལ་ལོ། །དེ་བཞིན་གཤེགས་པ་བླ་ན་མེད་པ་མཐའ་ཡས་འོད་ཟེར་ལ་ཕྱག་འཚལ་ལོ། །དེ་བཞིན་གཤེགས་པ་སྟོང་ལས་
འདའ་བའི་འོད་ཟེར་ལ་ཕྱག་འཚལ་ལོ། །དེ་བཞིན་གཤེགས་པ་ལན་མི་ལོན་པའི་འོད་ཟེར་ལ་ཕྱག་འཚལ་ལོ། །དེ་བཞིན་གཤེགས་པ་ནམ་མཁའི་དཀྱིལ་འཁོར་འོད་ཟེར་ལ་ཕྱག་འཚལ་ལོ། །དེ་བཞིན་གཤེགས་པ་གདོན་མི་
ཟ་བའི་འོད་ཟེར་ལ་ཕྱག་འཚལ་ལོ། །དེ་བཞིན་གཤེགས་པ་རབ་ཏུ་གྲོལ་བའི་འོད་ཟེར་ལ་ཕྱག་འཚལ་ལོ། །དེ་བཞིན་གཤེགས་པ་སངས་རྒྱས་མེ་ཏོག་འོད་ཟེར་ལ་ཕྱག་འཚལ་ལོ། །དེ་བཞིན་གཤེགས་པ་དྲ་བའི་འོད་
ཟེར་ལ་ཕྱག་འཚལ་ལོ། །དེ་བཞིན་གཤེགས་པ་སྤྲིན་ཆེན་འོད་ཟེར་ལ་ཕྱག་འཚལ་ལོ། །དེ་བཞིན་གཤེགས་པ་མུ་མེད་འོད་ཟེར་ལ་ཕྱག་འཚལ་ལོ། །དེ་བཞིན་གཤེགས་པ་འོད་ཟེར་གྱི་སྒོ་ལ་ཕྱག་འཚལ་ལོ། །
དེ་བཞིན་གཤེགས་པ་འོད་ཟེར་ཉིད་ལ་ཕྱག་འཚལ་ལོ། །དེ་བཞིན་གཤེགས་པ་མེ་ཏོག་འོད་ཟེར་ལ་ཕྱག་འཚལ་ལོ། །དེ་བཞིན་གཤེགས་པ་ཀུན་དུ་འོད་ཟེར་ལ་ཕྱག་འཚལ་ལོ། །དེ་བཞིན་གཤེགས་པ་རབ་ཏུ་མང་པའི་འོད་ཟེར་ལ་
ཕྱག་འཚལ་ལོ། །དེ་བཞིན་གཤེགས་པ་ཐམས་ཅད་མངོན་དུ་མཁྱེན་པའི་འོད་ཟེར་ལ་ཕྱག་འཚལ་ལོ། །དེ་བཞིན་གཤེགས་པ་ཆོས་ཀྱི་འོད་ཟེར་ལ་ཕྱག་འཚལ་ལོ། །དེ་བཞིན་གཤེགས་པ་དྲི་རབ་ཏུ་གཏོང་བའི་འོད་ཟེར་ལ་
ཕྱག་འཚལ་ལོ། །དེ་བཞིན་གཤེགས་པ་ཆོས་ཀྱི་དབྱིངས་རྣམ་པར་བསྟན་པའི་འོད་ཟེར་ལ་ཕྱག་འཚལ་ལོ། །དེ་བཞིན་གཤེགས་པ་ཡེ་ཤེས་ཆེན་པོ་རྣམ་པར་རྒྱལ་བའི་འོད་ཟེར་ལ་ཕྱག་འཚལ་ལོ། །བཅོམ་ལྡན་འདས་དེ་
བཞིན་གཤེགས་པ་རིན་ཆེན་མཚན་གྱིས་རྣམ་པར་བརྒྱན་པའི་རི་རབ་ལ་ཕྱག་འཚལ་ལོ། །དེ་བཞིན་གཤེགས་པ་ཡེ་ཤེས་ཀུན་དུ་བཟང་བའི་རི་རབ་ལ་ཕྱག་འཚལ་ལོ། །དེ་བཞིན་གཤེགས་པ་ཀུན་གྱི་སྒོ་མོ་བཟང་བའི་རི་རབ་

62-1-18a

ལ་ཕྱག་འཚལ་ལོ། །དེ་བཞིན་གཤེགས་པ་ཀུན་དུ་ཡེ་ཤེས་གསལ་བའི་རི་རབ་ལ་ཕྱག་འཚལ་ལོ། །དེ་བཞིན་གཤེགས་པ་རྣམ་པར་སྣང་བའི་དཔལ་རི་རབ་ལ་ཕྱག་འཚལ་ལོ། །དེ་བཞིན་གཤེགས་པ་ཆོས་ཀྱི་མར་མེ་དཔལ་རི་རབ་
ལ་ཕྱག་འཚལ་ལོ། །དེ་བཞིན་གཤེགས་པ་དཔལ་རི་རབ་བཟང་ལ་ཕྱག་འཚལ་ལོ། །དེ་བཞིན་གཤེགས་པ་དཔལ་གྱི་རི་རབ་ལ་ཕྱག་འཚལ་ལོ། །དེ་བཞིན་གཤེགས་པ་ཡོན་ཏན་རི་རབ་ལ་ཕྱག་འཚལ་ལོ། །དེ་བཞིན་གཤེགས་པ་ནོར་བུ་
རི་རབ་ལ་ཕྱག་འཚལ་ལོ། །དེ་བཞིན་གཤེགས་པ་རི་རབ་ཉིད་ལ་ཕྱག་འཚལ་ལོ། །དེ་བཞིན་གཤེགས་པ་རིན་ཆེན་རི་རབ་ལ་ཕྱག་འཚལ་ལོ། །དེ་བཞིན་གཤེགས་པ་རི་རབ་ཆེན་པོ་ལ་ཕྱག་འཚལ་ལོ། །དེ་བཞིན་གཤེགས་པ་རི་རབ་ཆེན་
པོ་བཟང་པོ་ལ་ཕྱག་འཚལ་ལོ། །དེ་བཞིན་གཤེགས་པ་མཚན་ཉིད་རི་རབ་ལ་ཕྱག་འཚལ་ལོ། །དེ་བཞིན་གཤེགས་པ་བསོད་ནམས་རི་རབ་ལ་ཕྱག་འཚལ་ལོ། །དེ་བཞིན་གཤེགས་པ་བསོད་ནམས་ཆེན་པོའི་རི་རབ་ལ་ཕྱག་འཚལ་
ལོ། །དེ་བཞིན་གཤེགས་པ་ཤིན་དུ་མཐོ་བའི་རི་རབ་ལ་ཕྱག་འཚལ་ལོ། །དེ་བཞིན་གཤེགས་པ་བརྗོད་པའི་རི་རབ་ལ་ཕྱག་འཚལ་ལོ། །དེ་བཞིན་གཤེགས་པ་རིན་ཆེན་རི་བོ་འོད་ཟེར་རི་རབ་ལ་ཕྱག་འཚལ་ལོ། །དེ་བཞིན་
གཤེགས་པ་གཞན་གྱིས་མི་ཐུབ་རི་རབ་ལ་ཕྱག་འཚལ་ལོ། །དེ་བཞིན་གཤེགས་པ་མངོན་དུ་འཕགས་པའི་རི་རབ་ལ་ཕྱག་འཚལ་ལོ། །དེ་བཞིན་གཤེགས་པ་ནམ་མཁའི་རི་རབ་ལ་ཕྱག་འཚལ་ལོ། །དེ་བཞིན་གཤེགས་
པ་རྒྱ་མཚོའི་རི་རབ་ལ་ཕྱག་འཚལ་ལོ། །དེ་བཞིན་གཤེགས་པ་དྲིའི་རི་རབ་ལ་ཕྱག་འཚལ་ལོ། །དེ་བཞིན་གཤེགས་པ་དྲི་མཆོག་རི་རབ་ལ་ཕྱག་འཚལ་ལོ། །དེ་བཞིན་གཤེགས་པ་རྣམ་པར་དག་པའི་རི་རབ་ལ་ཕྱག་
འཚལ་ལོ། །དེ་བཞིན་གཤེགས་པ་ལན་མི་ལྡོན་པའི་རི་རབ་ལ་ཕྱག་འཚལ་ལོ། །དེ་བཞིན་གཤེགས་པ་དམ་པའི་རི་རབ་ལ་ཕྱག་འཚལ་ལོ། །དེ་བཞིན་གཤེགས་པ་ཚངས་པའི་རི་རབ་ལ་ཕྱག་འཚལ་ལོ། །དེ་བཞིན་

62-1-18b

གཤེགས་པ་རི་རབ་ལྟ་བུ་ལ་ཕྱག་འཚལ་ལོ། །དེ་བཞིན་གཤེགས་པ་གཙོ་བོ་ལ་ཕྱག་འཚལ་ལོ། །དེ་བཞིན་གཤེགས་པ་མཚན་ཉིད་དཔལ་གྱི་རི་བོ་ལ་ཕྱག་འཚལ་ལོ། །དེ་བཞིན་གཤེགས་པ་གསེར་གྱི་རི་བོ་ལ་ཕྱག་འཚལ་
ལོ། །དེ་བཞིན་གཤེགས་པ་ཞི་བའི་འོད་ཟབ་མོ་བརྩེགས་པ་ལ་ཕྱག་འཚལ་ལོ། །དེ་བཞིན་གཤེགས་པ་དཔལ་བརྩེགས་པ་ལ་ཕྱག་འཚལ་ལོ། །དེ་བཞིན་གཤེགས་པ་ཆོས་ཀྱི་མཐུ་དཔལ་བརྩེགས་པ་ལ་ཕྱག་འཚལ་ལོ། །
དེ་བཞིན་གཤེགས་པ་སྤོབས་པ་བརྩེགས་པ་ལ་ཕྱག་འཚལ་ལོ། །དེ་བཞིན་གཤེགས་པ་གསེར་རིན་ཆེན་འབྱུང་གནས་གདུགས་བརྩེགས་པ་ལ་ཕྱག་འཚལ་ལོ། །དེ་བཞིན་གཤེགས་པ་རི་བོ་བརྩེགས་པ་ལ་ཕྱག་འཚལ་ལོ། །
དེ་བཞིན་གཤེགས་པ་དྲི་བརྩེགས་པ་ལ་ཕྱག་འཚལ་ལོ། །དེ་བཞིན་གཤེགས་པ་དཔའ་བོ་བརྩེགས་པ་ལ་ཕྱག་འཚལ་ལོ། །དེ་བཞིན་གཤེགས་པ་གཅིག་ཏུ་བརྩེགས་པ་ལ་ཕྱག་འཚལ་ལོ། །དེ་བཞིན་གཤེགས་པ་རིན་ཆེན་མེ་
ཏོག་པད་མོ་བརྩེགས་པ་ལ་ཕྱག་འཚལ་ལོ། །དེ་བཞིན་གཤེགས་པ་མེ་ཏོག་བརྩེགས་པ་ལ་ཕྱག་འཚལ་ལོ། །དེ་བཞིན་གཤེགས་པ་འོད་བརྩེགས་པ་ལ་ཕྱག་འཚལ་ལོ། །དེ་བཞིན་གཤེགས་པ་མཐའ་ཡས་འོད་ལ་ཕྱག་འཚལ་
ལོ། །དེ་བཞིན་གཤེགས་པ་རྒྱ་ཆེ་བའི་འོད་ལ་ཕྱག་འཚལ་ལོ། །དེ་བཞིན་གཤེགས་པ་དཔའ་བོའི་འོད་ལ་ཕྱག་འཚལ་ལོ། །དེ་བཞིན་གཤེགས་པ་ཟླ་བའི་འོད་ལ་ཕྱག་འཚལ་ལོ། །དེ་བཞིན་གཤེགས་པ་བཟང་པོའི་འོད་ལ་
ཕྱག་འཚལ་ལོ། །དེ་བཞིན་གཤེགས་པ་ཀུན་དུ་སྣང་བའི་འོད་ལ་ཕྱག་འཚལ་ལོ། །དེ་བཞིན་གཤེགས་པ་མངོན་དུ་འཕགས་པའི་འོད་ལ་ཕྱག་འཚལ་ལོ། །དེ་བཞིན་གཤེགས་པ་ཤིན་དུ་ཡངས་པའི་འོད་ལ་ཕྱག་འཚལ་ལོ། །དེ་བཞིན་གཤེགས་
པ་རིན་ཆེན་འོད་ལ་ཕྱག་འཚལ་ལོ། །དེ་བཞིན་གཤེགས་པ་རིན་ཆེན་པད་མོ་འོད་ལ་ཕྱག་འཚལ་ལོ། །དེ་བཞིན་གཤེགས་པ་ཞི་བའི་འོད་ལ་ཕྱག་འཚལ་ལོ། །དེ་བཞིན་གཤེགས་པ་རྡོ་རྗེ་འོད་ལ་ཕྱག་འཚལ་ལོ། །དེ་བཞིན་གཤེགས་པ་

62-1-19a

གཙུག་གི་དཀྱིལ་འཁོར་འོད་ལ་ཕྱག་འཚལ་ལོ། །དེ་བཞིན་གཤེགས་པ་ཡོན་ཏན་བསམ་གྱིས་མི་ཁྱབ་པའི་འོད་ལ་ཕྱག་འཚལ་ལོ། །དེ་བཞིན་གཤེགས་པ་དྲི་མ་མེད་པའི་འོད་ལ་ཕྱག་འཚལ་ལོ། །དེ་བཞིན་གཤེགས་པ་
འཛམ་བུའི་གསེར་གྱི་རྒྱལ་མཚན་སེར་འོད་ལ་ཕྱག་འཚལ་ལོ། །དེ་བཞིན་གཤེགས་པ་ཀུན་དུ་དཔལ་མེ་ཏོག་གཟི་བརྗིད་འོད་ལ་ཕྱག་འཚལ་ལོ། །དེ་བཞིན་གཤེགས་པ་ཆོས་ཀྱི་སྒོ་ཀུན་དུ་གསུང་བ་རྩེ་མོའི་འོད་ལ་ཕྱག་འཚལ་ལོ། །
དེ་བཞིན་གཤེགས་པ་ཆོས་ཀྱི་འོད་ཟེར་རི་རབ་རྩེ་མོའི་འོད་ལ་ཕྱག་འཚལ་ལོ། །དེ་བཞིན་གཤེགས་པ་དྲི་མ་མེད་པའི་ཆོས་ཀྱི་རི་ཡེ་ཤེས་རྩེ་མོའི་འོད་ལ་ཕྱག་འཚལ་ལོ། །དེ་བཞིན་གཤེགས་པ་རིན་ཆེན་ཐམས་ཅད་ཁ་དོག་སྣ་ཚོགས་ནོར་བུ་གདུགས་
ཀྱི་འོད་ལ་ཕྱག་འཚལ་ལོ། །དེ་བཞིན་གཤེགས་པ་ཆོས་ཀྱི་རྒྱ་མཚོ་ཤིན་དུ་གྲགས་པའི་བློ་གྲོས་ལ་ཕྱག་འཚལ་ལོ། །དེ་བཞིན་གཤེགས་པ་འོད་དཔལ་གྱི་རྒྱལ་པོའི་བློ་གྲོས་ལ་ཕྱག་འཚལ་ལོ། །དེ་བཞིན་གཤེགས་པ་གཏོང་བར་གྲགས་
པར་མཛད་པའི་བློ་གྲོས་ལ་ཕྱག་འཚལ་ལོ། །དེ་བཞིན་གཤེགས་པ་ཟད་མི་ཤེས་པའི་བློ་གྲོས་ལ་ཕྱག་འཚལ་ལོ། །དེ་བཞིན་གཤེགས་པ་མི་ཆགས་པའི་བློ་གྲོས་ལ་ཕྱག་འཚལ་ལོ། །དེ་བཞིན་གཤེགས་པ་སྨིན་མཚམས་དཔལ་སྣང་
བའི་བློ་གྲོས་ལ་ཕྱག་འཚལ་ལོ། །དེ་བཞིན་གཤེགས་པ་ཕྱོགས་མཚམས་སུ་ཡེ་ཤེས་འོད་དཔལ་གྱི་བློ་གྲོས་ལ་ཕྱག་འཚལ་ལོ། །དེ་བཞིན་གཤེགས་པ་སྣང་བའི་བློ་གྲོས་ལ་ཕྱག་འཚལ་ལོ། །དེ་བཞིན་གཤེགས་པ་རྗེས་སུ་སོང་བའི་
ཆོས་ཀྱི་བློ་གྲོས་ལ་ཕྱག་འཚལ་ལོ། །དེ་བཞིན་གཤེགས་པ་རབ་ཏུ་ཞི་བའི་བློ་གྲོས་ལ་ཕྱག་འཚལ་ལོ། །དེ་བཞིན་གཤེགས་པ་རྒྱ་མཚོའི་བློ་གྲོས་ལ་ཕྱག་འཚལ་ལོ། །དེ་བཞིན་གཤེགས་པ་ཚད་མེད་དཔལ་གྱི་རྒྱལ་པོ་བློ་གྲོས་ལ་
ཕྱག་འཚལ་ལོ། །དེ་བཞིན་གཤེགས་པ་ཡེ་ཤེས་བློ་གྲོས་ལ་ཕྱག་འཚལ་ལོ། །དེ་བཞིན་གཤེགས་པ་རྗེས་སུ་འཛིན་པའི་བློ་གྲོས་ལ་ཕྱག་འཚལ་ལོ། །དེ་བཞིན་གཤེགས་པ་མི་ཐོགས་པའི་བློ་གྲོས་ལ་ཕྱག་འཚལ་ལོ། །དེ་བཞིན་གཤེགས་

62-1-19b

པ་མི་དམན་པའི་བློ་གྲོས་ལ་ཕྱག་འཚལ་ལོ། །དེ་བཞིན་གཤེགས་པ་ལྷའི་བློ་གྲོས་ལ་ཕྱག་འཚལ་ལོ། །དེ་བཞིན་གཤེགས་པ་རྡོ་རྗེའི་བློ་གྲོས་ལ་ཕྱག་འཚལ་ལོ། །དེ་བཞིན་གཤེགས་པ་རྣམ་པར་བསྒོམས་པའི་བློ་གྲོས་ལ་
ཕྱག་འཚལ་ལོ། །དེ་བཞིན་གཤེགས་པ་དམ་པའི་བློ་གྲོས་ལ་ཕྱག་འཚལ་ལོ། །དེ་བཞིན་གཤེགས་པ་རྣམ་པར་དག་པའི་བློ་གྲོས་ལ་ཕྱག་འཚལ་ལོ། །དེ་བཞིན་གཤེགས་པ་བློ་གྲོས་ཉིད་ལ་ཕྱག་འཚལ་ལོ། །དེ་བཞིན་གཤེགས་
པ་བཟང་པོའི་བློ་གྲོས་ལ་ཕྱག་འཚལ་ལོ། །དེ་བཞིན་གཤེགས་པ་ཚངས་པའི་བློ་གྲོས་ལ་ཕྱག་འཚལ་ལོ། །དེ་བཞིན་གཤེགས་པ་འཇིག་རྟེན་གྱི་ཁམས་ཀུན་གྱི་དབང་ཕྱུག་གི་རྒྱལ་པོ་ལ་ཕྱག་འཚལ་ལོ། །དེ་བཞིན་གཤེགས་པ་
ཆོས་ཀྱི་དབང་ཕྱུག་གི་རྒྱལ་པོ་ལ་ཕྱག་འཚལ་ལོ། །དེ་བཞིན་གཤེགས་པ་ཡེ་ཤེས་དབང་ཕྱུག་རྒྱལ་པོ་ལ་ཕྱག་འཚལ་ལོ། །དེ་བཞིན་གཤེགས་པ་དབང་ཕྱུག་ཉིད་ལ་ཕྱག་འཚལ་ལོ། །དེ་བཞིན་གཤེགས་པ་དབང་ཕྱུག་ཆེན་
པོ་ལ་ཕྱག་འཚལ་ལོ། །དེ་བཞིན་གཤེགས་པ་མཆོག་གི་དབང་ཕྱུག་ལ་ཕྱག་འཚལ་ལོ། །དེ་བཞིན་གཤེགས་པ་འཇིག་རྟེན་དབང་ཕྱུག་ལ་ཕྱག་འཚལ་ལོ། །དེ་བཞིན་གཤེགས་པ་སྙིང་པོའི་དབང་ཕྱུག་ལ་ཕྱག་འཚལ་ལོ། །
དེ་བཞིན་གཤེགས་པ་འཇིགས་མེད་ཀུན་དུ་གཟིགས་ཀྱི་དབང་ཕྱུག་ལ་ཕྱག་འཚལ་ལོ། །དེ་བཞིན་གཤེགས་པ་ཡོན་ཏན་སྙིང་པོའི་དབང་ཕྱུག་ལ་ཕྱག་འཚལ་ལོ། །དེ་བཞིན་གཤེགས་པ་ཆོས་མངོན་དུ་འཕགས་པའི་དབང་ཕྱུག་ལ་ཕྱག་འཚལ་
ལོ། །དེ་བཞིན་གཤེགས་པ་བླ་མེད་ཆོས་ཀྱི་དབང་ཕྱུག་ལ་ཕྱག་འཚལ་ལོ། །དེ་བཞིན་གཤེགས་པ་མི་ཕྱེད་དབང་ཕྱུག་ལ་ཕྱག་འཚལ་ལོ། །དེ་བཞིན་གཤེགས་པ་གཟི་བརྗིད་དབང་ཕྱུག་ལ་ཕྱག་འཚལ་ལོ། །དེ་བཞིན་གཤེགས་པ་
ཚངས་པའི་དབང་ཕྱུག་ལ་ཕྱག་འཚལ་ལོ། །དེ་བཞིན་གཤེགས་པ་ཚོགས་ཀྱི་དབང་ཕྱུག་ལ་ཕྱག་འཚལ་ལོ། །དེ་བཞིན་གཤེགས་པ་དབྱངས་ཀྱི་དབང་ཕྱུག་ལ་ཕྱག་འཚལ་ལོ། །དེ་བཞིན་གཤེགས་པ་རྒྱ་ཆེར་སྤྲུལ་པའི་དབང་ཕྱུག་ལ་

62-1-20a

ཕྱག་འཚལ་ལོ། །དེ་བཞིན་གཤེགས་པ་ཟླ་འོད་ཁམས་ཀྱི་དབང་པོའི་དབང་ཕྱུག་ལ་ཕྱག་འཚལ་ལོ། །དེ་བཞིན་གཤེགས་པ་པད་མོའི་དབང་ཕྱུག་ལ་ཕྱག་འཚལ་ལོ། །དེ་བཞིན་གཤེགས་པ་བློ་གྲོས་དབང་ཕྱུག་ལ་ཕྱག་འཚལ་ལོ། །
དེ་བཞིན་གཤེགས་པ་འོད་དྲི་མ་མེད་པའི་སྙིང་པོ་ལ་ཕྱག་འཚལ་ལོ། །དེ་བཞིན་གཤེགས་པ་མེ་ཏོག་སྙིང་པོ་ལ་ཕྱག་འཚལ་ལོ། །དེ་བཞིན་གཤེགས་པ་ཡོན་ཏན་པད་མོ་དཔལ་གྱི་སྙིང་པོ་ལ་ཕྱག་འཚལ་ལོ། །དེ་བཞིན་གཤེགས་པ་
པད་མོའི་སྙིང་པོ་ལ་ཕྱག་འཚལ་ལོ། །དེ་བཞིན་གཤེགས་པ་ཟླ་བའི་སྙིང་པོ་ལ་ཕྱག་འཚལ་ལོ། །དེ་བཞིན་གཤེགས་པ་ཉི་མའི་སྙིང་པོ་ལ་ཕྱག་འཚལ་ལོ། །དེ་བཞིན་གཤེགས་པ་པད་མོ་དཔལ་གྱི་སྙིང་པོ་ལ་ཕྱག་འཚལ་ལོ། །
དེ་བཞིན་གཤེགས་པ་ལྷའི་དབང་པོའི་སྙིང་པོ་ལ་ཕྱག་འཚལ་ལོ། །དེ་བཞིན་གཤེགས་པ་ལྷའི་དཔལ་གྱི་སྙིང་པོ་ལ་ཕྱག་འཚལ་ལོ། །དེ་བཞིན་གཤེགས་པ་རྡོ་རྗེའི་སྙིང་པོ་ལ་ཕྱག་འཚལ་ལོ། །དེ་བཞིན་གཤེགས་པ་ཀུན་དུ་འཆར་བའི་
སྙིང་པོ་ལ་ཕྱག་འཚལ་ལོ། །དེ་བཞིན་གཤེགས་པ་དཔལ་གྱི་མེ་ཏོག་སྙིང་པོ་ལ་ཕྱག་འཚལ་ལོ། །དེ་བཞིན་གཤེགས་པ་ཡེ་ཤེས་ཀུན་དུ་སྣང་བ་རིན་ཆེན་པད་མོའི་འོད་ཀྱི་སྙིང་པོ་ལ་ཕྱག་འཚལ་ལོ། །དེ་བཞིན་གཤེགས་པ་ཆོས་ཀྱི་ཡེ་
ཤེས་འབྱུང་བ་ཀུན་དུ་གཟུགས་བརྙན་སྙིང་པོ་ལ་ཕྱག་འཚལ་ལོ། །དེ་བཞིན་གཤེགས་པ་གསེར་འོད་བརྒྱར་རབ་ཏུ་གསལ་བའི་སྙིང་པོ་ལ་ཕྱག་འཚལ་ལོ། །དེ་བཞིན་གཤེགས་པ་འོད་ཚད་མེད་པར་སྤྲུལ་པའི་གཟུགས་བརྙན་སྙིང་
པོ་ལ་ཕྱག་འཚལ་ལོ། །དེ་བཞིན་གཤེགས་པ་ཡོན་ཏན་རིན་ཆེན་གཟི་བརྗིད་དཔལ་གྱི་སྙིང་པོ་ལ་ཕྱག་འཚལ་ལོ། །དེ་བཞིན་གཤེགས་པ་ལྷ་དབང་ནོར་བུའི་སྙིང་པོ་ལ་ཕྱག་འཚལ་ལོ། །དེ་བཞིན་གཤེགས་པ་དཔལ་འོད་སྣ་ཚོགས་རི་
རབ་སྙིང་པོ་ལ་ཕྱག་འཚལ་ལོ། །དེ་བཞིན་གཤེགས་པ་ས་ལའི་རྒྱལ་པོ་དཔལ་གྱི་སྙིང་པོ་ལ་ཕྱག་འཚལ་ལོ། །དེ་བཞིན་གཤེགས་པ་རིན་ཆེན་པད་མོ་ཀུན་དུ་སྣང་བའི་སྙིང་པོ་ལ་ཕྱག་འཚལ་ལོ། །དེ་བཞིན་གཤེགས་པ་རྣམ་པར་སྣང་

62-1-20b

བའི་དཔལ་གྱི་སྙིང་པོ་ལ་ཕྱག་འཚལ་ལོ། །དེ་བཞིན་གཤེགས་པ་རིན་ཆེན་མཚན་གྱིས་བརྒྱན་པའི་རི་རབ་ལ་ཕྱག་འཚལ་ལོ། །དེ་བཞིན་གཤེགས་པ་རིན་ཆེན་འོད་ཟེར་རི་བོ་ལ་ཕྱག་འཚལ་ལོ། །དེ་བཞིན་གཤེགས་པ་རིན་ཆེན་གཙོ་བོ་ལ་ཕྱག་འཚལ་
ལོ། །དེ་བཞིན་གཤེགས་པ་རིན་ཆེན་འབྱུང་ལ་ཕྱག་འཚལ་ལོ། །དེ་བཞིན་གཤེགས་པ་རིན་ཆེན་མེ་ལ་ཕྱག་འཚལ་ལོ། །དེ་བཞིན་གཤེགས་པ་རིན་ཆེན་མེའི་འཁོར་ལོ་ལ་ཕྱག་འཚལ་ལོ། །དེ་བཞིན་གཤེགས་པ་རིན་ཆེན་སྔོན་པོ་ལ་ཕྱག་འཚལ་ལོ། །
དེ་བཞིན་གཤེགས་པ་རིན་ཆེན་འོད་ཟེར་ལ་ཕྱག་འཚལ་ལོ། །དེ་བཞིན་གཤེགས་པ་རིན་ཆེན་གཙུག་ཏོར་ལ་ཕྱག་འཚལ་ལོ། །དེ་བཞིན་གཤེགས་པ་རིན་ཆེན་ཕུང་པོ་ལ་ཕྱག་འཚལ་ལོ། །དེ་བཞིན་གཤེགས་པ་རིན་ཆེན་མཆོག་ལ་ཕྱག་འཚལ་
ལོ། །དེ་བཞིན་གཤེགས་པ་རིན་ཆེན་ཉིད་ལ་ཕྱག་འཚལ་ལོ། །དེ་བཞིན་གཤེགས་པ་རིན་ཆེན་རི་བོ་ལ་ཕྱག་འཚལ་ལོ། །དེ་བཞིན་གཤེགས་པ་རིན་ཆེན་ཡོན་ཏན་མཚན་གྱིས་བརྒྱན་པའི་འོད་ལ་ཕྱག་འཚལ་ལོ། །དེ་བཞིན་གཤེགས་པ་རིན་
ཆེན་གྲགས་པ་ལ་ཕྱག་འཚལ་ལོ། །དེ་བཞིན་གཤེགས་པ་རིན་ཆེན་འབྱུང་གནས་ལ་ཕྱག་འཚལ་ལོ། །དེ་བཞིན་གཤེགས་པ་རིན་ཆེན་ཤིན་དུ་གསལ་བ་ལ་ཕྱག་འཚལ་ལོ། །དེ་བཞིན་གཤེགས་པ་རིན་ཆེན་ཤིན་དུ་སྐར་མདའ་ལ་ཕྱག་
འཚལ་ལོ། །དེ་བཞིན་གཤེགས་པ་རིན་ཆེན་འོད་གསལ་བ་ལ་ཕྱག་འཚལ་ལོ། །དེ་བཞིན་གཤེགས་པ་ཡེ་ཤེས་འོད་ཟེར་དཔལ་གྱི་རྒྱ་མཚོ་ལ་ཕྱག་འཚལ་ལོ། །དེ་བཞིན་གཤེགས་པ་ཡོན་ཏན་དཔལ་གྱི་རྒྱ་མཚོ་ལ་ཕྱག་འཚལ་ལོ། །
དེ་བཞིན་གཤེགས་པ་ཁྱད་པར་བློ་གྲོས་རྒྱ་མཚོ་ལ་ཕྱག་འཚལ་ལོ། །དེ་བཞིན་གཤེགས་པ་སྣང་བྱེད་ཡོན་ཏན་རྒྱ་མཚོ་ལ་ཕྱག་འཚལ་ལོ། །དེ་བཞིན་གཤེགས་པ་ཕ་རོལ་དུ་ཕྱིན་པ་ཀུན་ལ་མ་ཆགས་པའི་ཡོན་ཏན་རྒྱ་མཚོ་ཀུན་ལ་
ཕྱག་འཚལ་ལོ། །དེ་བཞིན་གཤེགས་པ་དྲི་འོད་དགའ་བའི་སྟོབས་ཀྱི་རྒྱ་མཚོ་ལ་ཕྱག་འཚལ་ལོ། །དེ་བཞིན་གཤེགས་པ་ཆོས་རྒྱ་མཚོ་འབྱུང་བའི་དབྱངས་ལ་ཕྱག་འཚལ་ལོ། །དེ་བཞིན་གཤེགས་པ་ཆོས་རྒྱ་མཚོ་སྤྲིན་འབྱུང་དབྱངས་

62-1-21a

ལ་ཕྱག་འཚལ་ལོ། །དེ་བཞིན་གཤེགས་པ་ཡོན་ཏན་རྒྱ་མཚོ་ལ་ཕྱག་འཚལ་ལོ། །དེ་བཞིན་གཤེགས་པ་དཔལ་རྒྱ་མཚོ་ལ་ཕྱག་འཚལ་ལོ། །དེ་བཞིན་གཤེགས་པ་རྒྱ་མཚོ་སྒོ་ལ་ཕྱག་འཚལ་ལོ། །དེ་བཞིན་གཤེགས་པ་
ཆོས་རྒྱ་མཚོ་ལ་ཕྱག་འཚལ་ལོ། །དེ་བཞིན་གཤེགས་པ་དཀའ་ཐུབ་རྒྱ་མཚོ་ལ་ཕྱག་འཚལ་ལོ། །དེ་བཞིན་གཤེགས་པ་གཏི་མུག་མ་བྲལ་བར་སྨྲ་བའི་བློ་གྲོས་འཇོམས་པར་རྣམ་པར་འཕར་བ་ལ་ཕྱག་འཚལ་ལོ། །དེ་བཞིན་
གཤེགས་པ་དོན་དམ་པར་རྣམ་པར་འཕར་བ་ལ་ཕྱག་འཚལ་ལོ། །དེ་བཞིན་གཤེགས་པ་ཤིན་དུ་རྣམ་པར་འབར་བའི་རྣམ་པར་འཕར་བ་ལ་ཕྱག་འཚལ་ལོ། །དེ་བཞིན་གཤེགས་པ་སེང་གེ་རྣམ་པར་འཕར་བ་ལ་ཕྱག་འཚལ་ལོ། །
དེ་བཞིན་གཤེགས་པ་རྡོ་རྗེ་རྣམ་པར་འཕར་བ་ལ་ཕྱག་འཚལ་ལོ། །དེ་བཞིན་གཤེགས་པ་རི་རབ་རྣམ་པར་འཕར་བ་ལ་ཕྱག་འཚལ་ལོ། །དེ་བཞིན་གཤེགས་པ་པད་མོ་རྣམ་པར་འཕར་བ་ལ་ཕྱག་འཚལ་ལོ། །དེ་བཞིན་གཤེགས་པ་
རྣམ་པར་འཕར་བ་ལ་ཕྱག་འཚལ་ལོ། །དེ་བཞིན་གཤེགས་པ་རིན་ཆེན་པད་མོ་རྣམ་པར་འཕར་བ་ལ་ཕྱག་འཚལ་ལོ། །དེ་བཞིན་གཤེགས་པ་ཕ་རོལ་གནོན་པ་རྣམ་པར་འཕར་བ་ལ་ཕྱག་འཚལ་ལོ། །དེ་བཞིན་གཤེགས་པ་
སྟོབས་ཀྱི་ལྷ་ལ་ཕྱག་འཚལ་ལོ། །དེ་བཞིན་གཤེགས་པ་ཚངས་པའི་ལྷ་ལ་ཕྱག་འཚལ་ལོ། །དེ་བཞིན་གཤེགས་པ་ཚངས་པ་མཆོག་གི་ལྷ་ལ་ཕྱག་འཚལ་ལོ། །དེ་བཞིན་གཤེགས་པ་ཤིན་དུ་མཐོ་བའི་ལྷ་ལ་ཕྱག་
འཚལ་ལོ། །དེ་བཞིན་གཤེགས་པ་དྲང་སྲོང་ལྷ་ལ་ཕྱག་འཚལ་ལོ། །དེ་བཞིན་གཤེགས་པ་བདེན་པའི་ལྷ་ལ་ཕྱག་འཚལ་ལོ། །དེ་བཞིན་གཤེགས་པ་དབང་ཕྱུག་གི་ལྷ་ལ་ཕྱག་འཚལ་ལོ། །དེ་བཞིན་གཤེགས་པ་དབང་
ཕྱུག་ཆེན་པོའི་ལྷ་ལ་ཕྱག་འཚལ་ལོ། །དེ་བཞིན་གཤེགས་པ་འཇུག་སེལ་གྱི་ལྷ་ལ་ཕྱག་འཚལ་ལོ། །དེ་བཞིན་གཤེགས་པ་རྒྱ་ཆེ་བའི་ལྷ་ལ་ཕྱག་འཚལ་ལོ། ། དེ་བཞིན་གཤེགས་པ་སྲོན་གྱི་ལྷ་ལ་ཕྱག་འཚལ་ལོ། །

62-1-21b

དེ་བཞིན་གཤེགས་པ་ཉི་མའི་ལྷ་ལ་ཕྱག་འཚལ་ལོ། །དེ་བཞིན་གཤེགས་པ་ལྷའི་ལྷ་ལ་ཕྱག་འཚལ་ལོ། །དེ་བཞིན་གཤེགས་པ་རྒྱལ་བའི་དབང་པོ་ལ་ཕྱག་འཚལ་ལོ། །དེ་བཞིན་གཤེགས་པ་མི་ཚུགས་པའི་སྟོབས་ཀྱི་དབང་པོ་ལ་
ཕྱག་འཚལ་ལོ། །དེ་བཞིན་གཤེགས་པ་མེའི་དབང་པོ་ལ་ཕྱག་འཚལ་ལོ། །དེ་བཞིན་གཤེགས་པ་དབང་པོ་ཆེན་པོ་ལ་ཕྱག་འཚལ་ལོ། །དེ་བཞིན་གཤེགས་པ་འོད་འཕྲོ་དབང་པོ་ཆེན་པོ་ལ་ཕྱག་འཚལ་ལོ། །དེ་བཞིན་གཤེགས་
པ་ཚོགས་ཀྱི་དབང་པོ་ལ་ཕྱག་འཚལ་ལོ། །དེ་བཞིན་གཤེགས་པ་ཚོགས་ཆེན་པོའི་དབང་པོ་ལ་ཕྱག་འཚལ་ལོ། །དེ་བཞིན་གཤེགས་པ་རྗེས་སུ་འཛིན་པའི་དབང་པོ་ལ་ཕྱག་འཚལ་ལོ། །དེ་བཞིན་གཤེགས་པ་འཇིག་རྟེན་དབང་
པོ་ལ་ཕྱག་འཚལ་ལོ། །དེ་བཞིན་གཤེགས་པ་འཇིག་རྟེན་ཐམས་ཅད་ཀྱི་དབང་པོ་ལ་ཕྱག་འཚལ་ལོ། །དེ་བཞིན་གཤེགས་པ་ཟླ་བའི་དབང་པོ་ལ་ཕྱག་འཚལ་ལོ། །དེ་བཞིན་གཤེགས་པ་རིན་ཆེན་དབང་པོ་ལ་ཕྱག་འཚལ་ལོ། །
དེ་བཞིན་གཤེགས་པ་ཟླ་བ་མངོན་དུ་འཕགས་པ་ལ་ཕྱག་འཚལ་ལོ། །དེ་བཞིན་གཤེགས་པ་བརྗོད་དུ་མེད་པར་མངོན་དུ་འཕགས་པ་ལ་ཕྱག་འཚལ་ལོ། །དེ་བཞིན་གཤེགས་པ་སྨན་མངོན་དུ་འཕགས་པ་ལ་ཕྱག་འཚལ་
ལོ། །དེ་བཞིན་གཤེགས་པ་ཆོས་མངོན་དུ་འཕགས་པ་ལ་ཕྱག་འཚལ་ལོ། །དེ་བཞིན་གཤེགས་པ་པད་མོ་མངོན་དུ་འཕགས་པ་ལ་ཕྱག་འཚལ་ལོ། །དེ་བཞིན་གཤེགས་པ་ལས་མངོན་དུ་འཕགས་པ་ལ་ཕྱག་འཚལ་ལོ། །
དེ་བཞིན་གཤེགས་པ་ཡེ་ཤེས་འོད་ཟེར་ཡོན་ཏན་རྒྱ་མཚོ་ལ་ཕྱག་འཚལ་ལོ། །བཅོམ་ལྡན་འདས་དེ་བཞིན་གཤེགས་པ་ཡེ་ཤེས་དམ་པ་ལ་ཕྱག་འཚལ་ལོ། །དེ་བཞིན་གཤེགས་པ་སྨན་དམ་པ་ལ་ཕྱག་འཚལ་ལོ། །
དེ་བཞིན་གཤེགས་པ་རྒྱལ་མཚན་དམ་པ་ལ་ཕྱག་འཚལ་ལོ། །དེ་བཞིན་གཤེགས་པ་འཇམ་པ་དམ་པ་ལ་ཕྱག་འཚལ་ལོ། །དེ་བཞིན་གཤེགས་པ་བདེ་བ་དམ་པ་ལ་ཕྱག་འཚལ་ལོ། །དེ་བཞིན་གཤེགས་པ་ཀླུ་དམ་པ་ལ་

62-1-22a

ཕྱག་འཚལ་ལོ། །དེ་བཞིན་གཤེགས་པ་རྒྱུད་དམ་པ་ལ་ཕྱག་འཚལ་ལོ། །དེ་བཞིན་གཤེགས་པ་དཔལ་དམ་པ་ལ་ཕྱག་འཚལ་ལོ། །དེ་བཞིན་གཤེགས་པ་འཛམ་བུའི་གསེར་དམ་པ་ལ་ཕྱག་འཚལ་ལོ། །
དེ་བཞིན་གཤེགས་པ་ཟླ་བ་དམ་པ་ལ་ཕྱག་འཚལ་ལོ། །དེ་བཞིན་གཤེགས་པ་ཆོས་དམ་པ་ལ་ཕྱག་འཚལ་ལོ། །དེ་བཞིན་གཤེགས་པ་ནམ་མཁའ་དམ་པ་ལ་ཕྱག་འཚལ་ལོ། །དེ་བཞིན་གཤེགས་པ་དབྱངས་དམ་པ་ལ་ཕྱག་འཚལ་ལོ། །
དེ་བཞིན་གཤེགས་པ་པད་མོ་དམ་པ་ལ་ཕྱག་འཚལ་ལོ། །དེ་བཞིན་གཤེགས་པ་དྲི་དམ་པ་ལ་ཕྱག་འཚལ་ལོ། །དེ་བཞིན་གཤེགས་པ་རྒྱལ་བ་དམ་པ་ལ་ཕྱག་འཚལ་ལོ། །དེ་བཞིན་གཤེགས་པ་རིན་ཆེན་དམ་པ་ལ་ཕྱག་འཚལ་ལོ། །
དེ་བཞིན་གཤེགས་པ་ཤིན་དུ་སྐྱེས་པ་ལ་ཕྱག་འཚལ་ལོ། །དེ་བཞིན་གཤེགས་པ་ཤིན་དུ་སྒྲོལ་བ་ལ་ཕྱག་འཚལ་ལོ། །དེ་བཞིན་གཤེགས་པ་ཤིན་དུ་སྐར་མ་ལ་ཕྱག་འཚལ་ལོ། །དེ་བཞིན་གཤེགས་པ་ཤིན་དུ་རྣམ་པར་འབྱེད་པ་ལ་ཕྱག་
འཚལ་ལོ། །དེ་བཞིན་གཤེགས་པ་ཤིན་དུ་སྣང་བ་ལ་ཕྱག་འཚལ་ལོ། །དེ་བཞིན་གཤེགས་པ་ཤིན་དུ་གནས་པ་ལ་ཕྱག་འཚལ་ལོ། །དེ་བཞིན་གཤེགས་པ་རྒོལ་བ་ཤིན་དུ་བཅོམ་པ་ལ་ཕྱག་འཚལ་ལོ། །དེ་བཞིན་གཤེགས་པ་ཤིན་
དུ་རྣམ་པར་འགྲོ་བ་ལ་ཕྱག་འཚལ་ལོ། །དེ་བཞིན་གཤེགས་པ་ཤིན་དུ་ལྷ་མཚམས་ལ་ཕྱག་འཚལ་ལོ། །དེ་བཞིན་གཤེགས་པ་ཤིན་དུ་མཁས་པ་ལ་ཕྱག་འཚལ་ལོ། །དེ་བཞིན་གཤེགས་པ་ཤིན་དུ་བཟང་བ་ལ་ཕྱག་འཚལ་
ལོ། །དེ་བཞིན་གཤེགས་པ་ཤིན་དུ་ཡིད་བདེ་བ་ལ་ཕྱག་འཚལ་ལོ། །དེ་བཞིན་གཤེགས་པ་ཤིན་དུ་བདེ་བར་གནས་པ་ལ་ཕྱག་འཚལ་ལོ། །དེ་བཞིན་གཤེགས་པ་ཤིན་དུ་ཡོངས་སུ་དག་པའི་ཡོན་ཏན་རིན་ཆེན་རབ་ཏུ་གནས་པ་ལ་
ཕྱག་འཚལ་ལོ། །དེ་བཞིན་གཤེགས་པ་ཤིན་དུ་སེམས་བདེ་བ་ལ་ཕྱག་འཚལ་ལོ། །དེ་བཞིན་གཤེགས་པ་ཤིན་དུ་ཚངས་པ་ལ་ཕྱག་འཚལ་ལོ། །དེ་བཞིན་གཤེགས་པ་རྡུལ་མེད་དྲི་མེད་ཏིང་ངེ་འཛིན་རྣམ་པར་འབར་བ་ལ་ཕྱག་

62-1-22b

འཚལ་ལོ། །དེ་བཞིན་གཤེགས་པ་ཀུན་དུ་རིན་ཆེན་ཡོན་ཏན་རྣམ་པར་འབར་བ་ལ་ཕྱག་འཚལ་ལོ། །དེ་བཞིན་གཤེགས་པ་དགྲ་མེད་གོམ་པ་རྣམ་པར་འབར་བ་ལ་ཕྱག་འཚལ་ལོ། །དེ་བཞིན་གཤེགས་པ་རིན་ཆེན་དབྱིབས་
མང་ཀུན་དུ་སྣང་བ་རྣམ་པར་འབར་བ་ལ་ཕྱག་འཚལ་ལོ། །དེ་བཞིན་གཤེགས་པ་ཡེ་ཤེས་མངོན་དུ་འཕགས་པ་ལ་ཕྱག་འཚལ་ལོ། །དེ་བཞིན་གཤེགས་པ་ཡེ་ཤེས་སྙོམས་པ་མངོན་དུ་འཕགས་པ་ལ་ཕྱག་འཚལ་ལོ། །དེ་བཞིན་
གཤེགས་པ་གཟི་བརྗིད་མངོན་དུ་འཕགས་པ་ལ་ཕྱག་འཚལ་ལོ། །དེ་བཞིན་གཤེགས་པ་ཆོས་ཀྱི་རང་བཞིན་མངོན་དུ་འཕགས་པ་ལ་ཕྱག་འཚལ་ལོ། །དེ་བཞིན་གཤེགས་པ་མཚུངས་མེད་ཆོས་མཆོག་ཆོས་དབྱིངས་མངོན་དུ་འཕགས་
པ་ལ་ཕྱག་འཚལ་ལོ། །དེ་བཞིན་གཤེགས་པ་བསོད་ནམས་ཐམས་ཅད་འབྱིན་པ་མངོན་དུ་འཕགས་པ་ལ་ཕྱག་འཚལ་ལོ། །དེ་བཞིན་གཤེགས་པ་སྤྱོད་པ་ཐམས་ཅད་ཀྱི་འོད་མངོན་དུ་འཕགས་པ་ལ་ཕྱག་འཚལ་ལོ། །དེ་བཞིན་གཤེགས་
པ་ཡེ་ཤེས་ཀྱི་འབྱུང་གནས་ལ་ཕྱག་འཚལ་ལོ། །དེ་བཞིན་གཤེགས་པ་གསེར་གྱི་འབྱུང་གནས་ལ་ཕྱག་འཚལ་ལོ། །དེ་བཞིན་གཤེགས་པ་ཡོན་ཏན་འབྱུང་གནས་ལ་ཕྱག་འཚལ་ལོ། །དེ་བཞིན་གཤེགས་པ་རིན་ཆེན་
འབྱུང་གནས་ལ་ཕྱག་འཚལ་ལོ། །དེ་བཞིན་གཤེགས་པ་པད་མོའི་འབྱུང་གནས་ལ་ཕྱག་འཚལ་ལོ། །དེ་བཞིན་གཤེགས་པ་དབང་པོའི་འབྱུང་གནས་ལ་ཕྱག་འཚལ་ལོ། །དེ་བཞིན་གཤེགས་པ་ཆོས་དཀར་པོ་
ཐམས་ཅད་ཀྱི་འབྱུང་གནས་ལ་ཕྱག་འཚལ་ལོ། །དེ་བཞིན་གཤེགས་པ་བསོད་ནམས་ཐམས་ཅད་ཀྱི་འབྱུང་གནས་ལ་ཕྱག་འཚལ་ལོ། །དེ་བཞིན་གཤེགས་པ་འོད་ཀྱི་འབྱུང་གནས་ལ་ཕྱག་འཚལ་ལོ། །དེ་བཞིན་
གཤེགས་པ་གསེར་གྱི་མེ་ཏོག་འབྱུང་གནས་ལ་ཕྱག་འཚལ་ལོ། །དེ་བཞིན་གཤེགས་པ་བྱང་ཆུབ་ཡན་ལག་མེ་ཏོག་གི་འབྱུང་གནས་ལ་ཕྱག་འཚལ་ལོ། །དེ་བཞིན་གཤེགས་པ་ཆོས་ཉིད་ཀྱི་འབྱུང་གནས་ལ་ཕྱག་འཚལ་ལོ། །

62-1-23a

དེ་བཞིན་གཤེགས་པ་ཀུན་དུ་ཐུབ་པའི་སྐུ་ལ་ཕྱག་འཚལ་ལོ། །དེ་བཞིན་གཤེགས་པ་དང་བའི་སྐུ་ལ་ཕྱག་འཚལ་ལོ། །དེ་བཞིན་གཤེགས་པ་ཤིན་དུ་ངེས་པའི་སྐུ་ལ་ཕྱག་འཚལ་ལོ། །དེ་བཞིན་གཤེགས་པ་འོད་ཟེར་
དཀྱིལ་འཁོར་གྱི་སྐུ་ལ་ཕྱག་འཚལ་ལོ། །དེ་བཞིན་གཤེགས་པ་རིན་ཆེན་མེ་ཏོག་ཤིན་དུ་རྒྱས་པའི་སྐུ་ལ་ཕྱག་འཚལ་ལོ། །དེ་བཞིན་གཤེགས་པ་ཤིན་དུ་དགྱེས་པའི་སྐུ་ལ་ཕྱག་འཚལ་ལོ། །དེ་བཞིན་གཤེགས་པ་རིན་ཆེན་པད་མོ་
རབ་ཏུ་རྒྱས་པའི་སྐུ་ལ་ཕྱག་འཚལ་ལོ། །དེ་བཞིན་གཤེགས་པ་ཆོས་ཀྱི་པད་མོ་རབ་ཏུ་རྒྱས་པའི་སྐུ་ལ་ཕྱག་འཚལ་ལོ། །དེ་བཞིན་གཤེགས་པ་མཚན་གྱིས་རྣམ་པར་བརྒྱན་པའི་སྐུ་ལ་ཕྱག་འཚལ་ལོ། །དེ་བཞིན་གཤེགས་པ་
འོད་ཟེར་གདོན་མི་ཟ་བར་རབ་ཏུ་རྒྱས་པའི་སྐུ་ལ་ཕྱག་འཚལ་ལོ། །དེ་བཞིན་གཤེགས་པ་ཆོས་ཀྱི་སྣང་བ་རབ་ཏུ་རྒྱས་པའི་སྐུ་ལ་ཕྱག་འཚལ་ལོ། །དེ་བཞིན་གཤེགས་པ་ཤིན་དུ་འཕྲོས་པའི་སྐུ་ལ་ཕྱག་འཚལ་ལོ། །
བཅོམ་ལྡན་འདས་དེ་བཞིན་གཤེགས་པ་ཚངས་པའི་ང་རོ་ལ་ཕྱག་འཚལ་ལོ། །དེ་བཞིན་གཤེགས་པ་སྤྲིན་གྱི་ང་རོ་ལ་ཕྱག་འཚལ་ལོ། །དེ་བཞིན་གཤེགས་པ་འཐུན་པའི་ང་རོ་ལ་ཕྱག་འཚལ་ལོ། །དེ་བཞིན་གཤེགས་པ་ཟབ་
མོའི་ང་རོ་ལ་ཕྱག་འཚལ་ལོ། །དེ་བཞིན་གཤེགས་པ་རྔ་དབྱངས་ང་རོ་ལ་ཕྱག་འཚལ་ལོ། །དེ་བཞིན་གཤེགས་པ་སྤྲིན་གྱི་རྔའི་ང་རོ་ལ་ཕྱག་འཚལ་ལོ། །དེ་བཞིན་གཤེགས་པ་སྤྲིན་གྱི་ང་རོ་ལ་ཕྱག་འཚལ་ལོ། །དེ་བཞིན་
གཤེགས་པ་ནམ་མཁའི་ང་རོ་ལ་ཕྱག་འཚལ་ལོ། །དེ་བཞིན་གཤེགས་པ་རྣམ་པར་དག་པའི་སྒྲའི་ང་རོ་ལ་ཕྱག་འཚལ་ལོ། །དེ་བཞིན་གཤེགས་པ་ཆོས་ཐམས་ཅད་ཤིན་དུ་བསྒྲགས་པའི་ང་རོ་ལ་ཕྱག་འཚལ་ལོ། །དེ་བཞིན་
གཤེགས་པ་ཡེ་ཤེས་མཐའ་ཡས་ཆོས་ཀྱི་དབྱིངས་ཀྱི་ང་རོ་ལ་ཕྱག་འཚལ་ལོ། །དེ་བཞིན་གཤེགས་པ་འོད་ཟེར་གྱི་ཕུང་པོ་ཆེན་པོ་ལ་ཕྱག་འཚལ་ལོ། །དེ་བཞིན་གཤེགས་པ་གཞལ་མེད་ཕུང་པོ་ལ་ཕྱག་འཚལ་ལོ། །དེ་བཞིན་གཤེགས་

62-1-23b

པ་ཆོས་ནོར་རྩེ་མོའི་ཕུང་པོ་ལ་ཕྱག་འཚལ་ལོ། །དེ་བཞིན་གཤེགས་པ་ཡེ་ཤེས་བརྟན་པའི་འོད་ཟེར་དྲ་བ་དབྱིབས་ཀྱི་ཕུང་པོ་ལ་ཕྱག་འཚལ་ལོ། །དེ་བཞིན་གཤེགས་པ་ཉེ་བར་བསགས་པའི་ཕུང་པོ་ལ་ཕྱག་འཚལ་ལོ། །དེ་བཞིན་གཤེགས་པ་
ས་ལའི་དབང་པོའི་ཕུང་པོ་ལ་ཕྱག་འཚལ་ལོ། །དེ་བཞིན་གཤེགས་པ་ཐུབ་པའི་ཕུང་པོ་ལ་ཕྱག་འཚལ་ལོ། །དེ་བཞིན་གཤེགས་པ་དྲི་མ་མེད་པའི་ཕུང་པོ་ལ་ཕྱག་འཚལ་ལོ། །དེ་བཞིན་གཤེགས་པ་ཀུན་རྫོབ་ཀྱི་ཕུང་པོ་ལ་ཕྱག་འཚལ་ལོ། །
དེ་བཞིན་གཤེགས་པ་ཟླ་བའི་ཕུང་པོ་ལ་ཕྱག་འཚལ་ལོ། །དེ་བཞིན་གཤེགས་པ་ཀུན་དུ་དང་བའི་ཕུང་པོ་ལ་ཕྱག་འཚལ་ལོ། །དེ་བཞིན་གཤེགས་པ་མེ་ཏོག་སྦྱིན་ལ་ཕྱག་འཚལ་ལོ། །དེ་བཞིན་གཤེགས་པ་སྨིན་མཚམས་སྦྱིན་ལ་ཕྱག་འཚལ་ལོ། །
དེ་བཞིན་གཤེགས་པ་བླ་མ་སྦྱིན་ལ་ཕྱག་འཚལ་ལོ། །དེ་བཞིན་གཤེགས་པ་ཤིན་དུ་སྦྱིན་ལ་ཕྱག་འཚལ་ལོ། །དེ་བཞིན་གཤེགས་པ་ཚངས་མཆོག་སྦྱིན་ལ་ཕྱག་འཚལ་ལོ། །དེ་བཞིན་གཤེགས་པ་ཚངས་པ་སྦྱིན་ལ་ཕྱག་འཚལ་ལོ། །
དེ་བཞིན་གཤེགས་པ་སྣང་བ་སྦྱིན་ལ་ཕྱག་འཚལ་ལོ། །དེ་བཞིན་གཤེགས་པ་གཏོང་བ་སྦྱིན་ལ་ཕྱག་འཚལ་ལོ། །དེ་བཞིན་གཤེགས་པ་ཀླུ་སྦྱིན་ལ་ཕྱག་འཚལ་ལོ། །དེ་བཞིན་གཤེགས་པ་སངས་རྒྱས་སྦྱིན་ལ་ཕྱག་འཚལ་ལོ། །
དེ་བཞིན་གཤེགས་པ་དཔའ་བོ་སྦྱིན་ལ་ཕྱག་འཚལ་ལོ། །དེ་བཞིན་གཤེགས་པ་རིན་ཆེན་མཐའ་ཡས་ལ་ཕྱག་འཚལ་ལོ། །དེ་བཞིན་གཤེགས་པ་དྲི་མ་མེད་པ་མཐའ་ཡས་ལ་ཕྱག་འཚལ་ལོ། །དེ་བཞིན་གཤེགས་པ་རྣམ་
པར་རྒྱས་པ་མཐའ་ཡས་ལ་ཕྱག་འཚལ་ལོ། །དེ་བཞིན་གཤེགས་པ་འོད་མཐའ་ཡས་ལ་ཕྱག་འཚལ་ལོ། །དེ་བཞིན་གཤེགས་པ་བཟང་བ་མཐའ་ཡས་ལ་ཕྱག་འཚལ་ལོ། །དེ་བཞིན་གཤེགས་པ་ཕྱག་མཐའ་ཡས་ལ་ཕྱག་
འཚལ་ལོ། །དེ་བཞིན་གཤེགས་པ་གདན་མཐའ་ཡས་ལ་ཕྱག་འཚལ་ལོ། །དེ་བཞིན་གཤེགས་པ་དཔལ་དམ་པ་མཐའ་ཡས་ལ་ཕྱག་འཚལ་ལོ། །དེ་བཞིན་གཤེགས་པ་དགེ་བ་མཐའ་ཡས་ལ་ཕྱག་འཚལ་ལོ། །

62-1-24a

དེ་བཞིན་གཤེགས་པ་གདུགས་མཐའ་ཡས་ལ་ཕྱག་འཚལ་ལོ། །དེ་བཞིན་གཤེགས་པ་དབྱངས་མཐའ་ཡས་ལ་ཕྱག་འཚལ་ལོ། །དེ་བཞིན་གཤེགས་པ་བློ་བསྐལ་པ་གྲངས་མེད་པར་བསགས་པ་ལ་ཕྱག་འཚལ་
ལོ། །དེ་བཞིན་གཤེགས་པ་བློ་རྣམ་པར་རྒྱས་པ་ལ་ཕྱག་འཚལ་ལོ། །དེ་བཞིན་གཤེགས་པ་བློ་རྣམ་པར་དག་པ་ལ་ཕྱག་འཚལ་ལོ། །དེ་བཞིན་གཤེགས་པ་བློ་དཔག་ཏུ་མེད་པ་ལ་ཕྱག་འཚལ་ལོ། །དེ་བཞིན་གཤེགས་
པ་བློ་ཟླ་བ་ལྟ་བུ་ལ་ཕྱག་འཚལ་ལོ། །དེ་བཞིན་གཤེགས་པ་བློ་ནམ་མཁའ་ལྟ་བུ་ལ་ཕྱག་འཚལ་ལོ། །དེ་བཞིན་གཤེགས་པ་བློ་ཤིན་དུ་མི་ཚུགས་པའི་ཡེ་ཤེས་འབྱུང་བ་ལ་ཕྱག་འཚལ་ལོ། །དེ་བཞིན་གཤེགས་པ་ཚད་
མེད་པའི་སྟོབས་འབྱུང་བའི་བློ་སེང་གེའི་གཟི་བརྗིད་ལ་ཕྱག་འཚལ་ལོ། །དེ་བཞིན་གཤེགས་པ་རིན་ཆེན་མཚན་གྱིས་བརྒྱན་པ་ཟླ་བའི་བློ་ལ་ཕྱག་འཚལ་ལོ། །དེ་བཞིན་གཤེགས་པ་ཆོས་ཀྱི་དཀྱིལ་འཁོར་འོད་གསལ་
གཙུག་ཏོར་ལ་ཕྱག་འཚལ་ལོ། །དེ་བཞིན་གཤེགས་པ་ཀུན་དུ་གཟུགས་བརྙན་འོད་གཙུག་ཏོར་ལ་ཕྱག་འཚལ་ལོ། །དེ་བཞིན་གཤེགས་པ་སངས་རྒྱས་ནམ་མཁའ་སྣང་གཙུག་ཏོར་ལ་ཕྱག་འཚལ་ལོ། །དེ་བཞིན་གཤེགས་
པ་ཀུན་དུ་འོད་སྣང་གཙུག་ཏོར་ལ་ཕྱག་འཚལ་ལོ། །དེ་བཞིན་གཤེགས་པ་དྲིའི་འོད་ཟེར་སྣང་བའི་གཙུག་ཏོར་ལ་ཕྱག་འཚལ་ལོ། །དེ་བཞིན་གཤེགས་པ་འོད་འཕྲོ་གཙུག་ཏོར་ལ་ཕྱག་འཚལ་ལོ། །དེ་བཞིན་གཤེགས་པ་ཡེ་ཤེས་
འབྱུང་གནས་གཙུག་ཏོར་ལ་ཕྱག་འཚལ་ལོ། །དེ་བཞིན་གཤེགས་པ་ལྷའི་དབང་པོའི་གཙུག་ཏོར་ལ་ཕྱག་འཚལ་ལོ། །དེ་བཞིན་གཤེགས་པ་རྣམ་པ་སྣ་ཚོགས་ཀྱི་གཙུག་ཏོར་ལ་ཕྱག་འཚལ་ལོ། །དེ་བཞིན་གཤེགས་པ་ནོར་
བུའི་གཙུག་ཏོར་ལ་ཕྱག་འཚལ་ལོ། །དེ་བཞིན་གཤེགས་པ་འཇིགས་པ་མེད་པར་མཛད་པ་ལ་ཕྱག་འཚལ་ལོ། །དེ་བཞིན་གཤེགས་པ་འཇིགས་པར་སྟོན་པ་ལ་ཕྱག་འཚལ་ལོ། །དེ་བཞིན་གཤེགས་པ་ཤིན་དུ་འཇིགས་པ་

62-1-24b

ལ་ཕྱག་འཚལ་ལོ། །དེ་བཞིན་གཤེགས་པ་འཇིགས་པ་དང་ཐ་མི་དད་པ་ལ་ཕྱག་འཚལ་ལོ། །དེ་བཞིན་གཤེགས་པ་འཇིགས་པ་མངོན་དུ་འཕགས་པ་ལ་ཕྱག་འཚལ་ལོ། །དེ་བཞིན་གཤེགས་པ་འཇིགས་པ་མངོན་ལ་ཕྱག་འཚལ་ལོ། །
དེ་བཞིན་གཤེགས་པ་འཇིགས་པ་ཉིད་ལ་ཕྱག་འཚལ་ལོ། །དེ་བཞིན་གཤེགས་པ་འཇིགས་པའི་སྟོབས་ལ་ཕྱག་འཚལ་ལོ། །དེ་བཞིན་གཤེགས་པ་འཇིགས་པའི་འོད་ཟེར་ལ་ཕྱག་འཚལ་ལོ། །དེ་བཞིན་གཤེགས་པ་འཇིགས་
པའི་དབྱངས་ལ་ཕྱག་འཚལ་ལོ། །དེ་བཞིན་གཤེགས་པ་རྣམ་པར་ཟིལ་གྱིས་གནོན་པ་ལ་ཕྱག་འཚལ་ལོ། །དེ་བཞིན་གཤེགས་པ་ཐམས་ཅད་ཟིལ་གྱིས་གནོན་པ་ལ་ཕྱག་འཚལ་ལོ། །དེ་བཞིན་གཤེགས་པ་མེ་ཏོག་ཟིལ་
གྱིས་གནོན་པ་ལ་ཕྱག་འཚལ་ལོ། །དེ་བཞིན་གཤེགས་པ་ཡེ་ཤེས་ཟིལ་གྱིས་གནོན་པ་ལ་ཕྱག་འཚལ་ལོ། །དེ་བཞིན་གཤེགས་པ་གཟི་བརྗིད་ཟིལ་གྱིས་གནོན་པ་ལ་ཕྱག་འཚལ་ལོ། །དེ་བཞིན་གཤེགས་པ་མཐའ་ཡས་
དབྱངས་ཟིལ་གྱིས་གནོན་པ་ལ་ཕྱག་འཚལ་ལོ། །དེ་བཞིན་གཤེགས་པ་མི་མཐོང་ཟིལ་གྱིས་གནོན་པ་ལ་ཕྱག་འཚལ་ལོ། །དེ་བཞིན་གཤེགས་པ་སྙིང་པོ་ཟིལ་གྱིས་གནོན་པ་ལ་ཕྱག་འཚལ་ལོ། །དེ་བཞིན་གཤེགས་པ་
མངོན་པར་ཤེས་པའི་ཡེ་ཤེས་ཟིལ་གྱིས་གནོན་པ་ལ་ཕྱག་འཚལ་ལོ། །དེ་བཞིན་གཤེགས་པ་དབང་པོ་ཞི་བ་ལ་ཕྱག་འཚལ་ལོ། །དེ་བཞིན་གཤེགས་པ་ཡིད་ཞི་བ་ལ་ཕྱག་འཚལ་ལོ། །དེ་བཞིན་གཤེགས་པ་ཞི་བ་ཉིད་
ལ་ཕྱག་འཚལ་ལོ། །དེ་བཞིན་གཤེགས་པ་ཞི་བ་དམ་པ་ལ་ཕྱག་འཚལ་ལོ། །དེ་བཞིན་གཤེགས་པ་ཞི་བའི་དཔལ་ལ་ཕྱག་འཚལ་ལོ། །དེ་བཞིན་གཤེགས་པ་རབ་ཏུ་ཞི་བ་ལ་ཕྱག་འཚལ་ལོ། །དེ་བཞིན་གཤེགས་པ་
འདུལ་བ་ལ་ཕྱག་འཚལ་ལོ། །དེ་བཞིན་གཤེགས་པ་འདྲི་བ་དམ་པ་ལ་ཕྱག་འཚལ་ལོ། །དེ་བཞིན་གཤེགས་པ་མི་ཐུབ་པ་ལ་ཕྱག་འཚལ་ལོ། །དེ་བཞིན་གཤེགས་པ་ཤིན་དུ་ཐུབ་པ་ལ་ཕྱག་འཚལ་ལོ། །དེ་བཞིན་

62-1-25a

གཤེགས་པ་རྡོ་རྗེ་ལ་ཕྱག་འཚལ་ལོ། །དེ་བཞིན་གཤེགས་པ་རྡོ་རྗེའི་བསམ་པ་ལ་ཕྱག་འཚལ་ལོ། །དེ་བཞིན་གཤེགས་པ་རྡོ་རྗེ་གཙང་མ་ལ་ཕྱག་འཚལ་ལོ། །དེ་བཞིན་གཤེགས་པ་རྡོ་རྗེ་ཡེ་ཤེས་རི་བོ་ལ་ཕྱག་
འཚལ་ལོ། །དེ་བཞིན་གཤེགས་པ་རྡོ་རྗེ་ནོར་བུ་རིས་ལ་ཕྱག་འཚལ་ལོ། །དེ་བཞིན་གཤེགས་པ་རྡོ་རྗེ་རི་བོ་ལ་ཕྱག་འཚལ་ལོ། །དེ་བཞིན་གཤེགས་པ་རྡོ་རྗེས་རི་བོ་འཇོམས་པར་མཛད་པ་ལ་ཕྱག་འཚལ་ལོ། །དེ་བཞིན་གཤེགས་
པ་རྡོ་རྗེའི་ལྟེ་བ་ལ་ཕྱག་འཚལ་ལོ། །དེ་བཞིན་གཤེགས་པ་རྡོ་རྗེ་འཇོམས་པ་ལ་ཕྱག་འཚལ་ལོ། །དེ་བཞིན་གཤེགས་པ་རྡོ་རྗེ་པད་མོ་བླ་མ་ལ་ཕྱག་འཚལ་ལོ། །དེ་བཞིན་གཤེགས་པ་རྡོ་རྗེ་ཟླ་བའི་བླ་མ་ལ་ཕྱག་འཚལ་ལོ། །
དེ་བཞིན་གཤེགས་པ་པད་མོ་ཉིད་ཀྱི་བླ་མ་ལ་ཕྱག་འཚལ་ལོ། །དེ་བཞིན་གཤེགས་པ་ཚངས་པའི་བླ་མ་ལ་ཕྱག་འཚལ་ལོ། །དེ་བཞིན་གཤེགས་པ་ཡན་ལག་བླ་མ་ལ་ཕྱག་འཚལ་ལོ། །དེ་བཞིན་གཤེགས་པ་ཆོས་ཀྱི་རང་བཞིན་
བླ་མ་ལ་ཕྱག་འཚལ་ལོ། །དེ་བཞིན་གཤེགས་པ་རྡོ་རྗེ་པད་མོ་ཉིད་ཀྱི་བླ་མ་ལ་ཕྱག་འཚལ་ལོ། །དེ་བཞིན་གཤེགས་པ་གྲགས་པའི་བླ་མ་ལ་ཕྱག་འཚལ་ལོ། །དེ་བཞིན་གཤེགས་པ་བླ་མ་ཉིད་ལ་ཕྱག་འཚལ་ལོ། །དེ་བཞིན་
གཤེགས་པ་ཞི་འོད་དཔལ་གྱི་བླ་མ་ལ་ཕྱག་འཚལ་ལོ། །དེ་བཞིན་གཤེགས་པ་ཡེ་ཤེས་ཀུན་དུ་སྣང་བར་འཕར་བའི་སེང་གེ་ལ་ཕྱག་འཚལ་ལོ། །དེ་བཞིན་གཤེགས་པ་མི་འཇིགས་པའི་རྡོ་རྗེ་མཐུ་ཆེན་སེང་གེ་ལ་ཕྱག་འཚལ་ལོ། །
དེ་བཞིན་གཤེགས་པ་ཆོས་ནམ་མཁའ་གསལ་འོད་ཀྱི་སེང་གེ་ལ་ཕྱག་འཚལ་ལོ། །དེ་བཞིན་གཤེགས་པ་ཏིང་ངེ་འཛིན་རྒྱ་མཚོ་ཐམས་ཅད་སྣང་བའི་སེང་གེ་ལ་ཕྱག་འཚལ་ལོ། །དེ་བཞིན་གཤེགས་པ་ཆོས་ཀྱི་མར་མེ་འབར་
བའི་ཡེ་ཤེས་སེང་གེ་ལ་ཕྱག་འཚལ་ལོ། །དེ་བཞིན་གཤེགས་པ་སྙིང་རྗེ་ཆེན་པོའི་སེང་གེ་ལ་ཕྱག་འཚལ་ལོ། །དེ་བཞིན་གཤེགས་པ་སེང་གེ་རྣམ་པར་སྒྲོགས་པ་ལ་ཕྱག་འཚལ་ལོ། །དེ་བཞིན་གཤེགས་པ་སེང་གེ་སྒྲ་ལ་

62-1-25b

ཕྱག་འཚལ་ལོ། །དེ་བཞིན་གཤེགས་པ་སེང་གེ་སྟབས་ལ་ཕྱག་འཚལ་ལོ། །དེ་བཞིན་གཤེགས་པ་རྣམ་པར་སྣང་མཛད་ལ་ཕྱག་འཚལ་ལོ། །དེ་བཞིན་གཤེགས་པ་རྒྱ་མཚོ་རྣམ་པར་སྣང་མཛད་ལ་ཕྱག་འཚལ་ལོ། །དེ་བཞིན་
གཤེགས་པ་མཚན་ཐམས་ཅད་རྣམ་པར་སྣང་མཛད་ལ་ཕྱག་འཚལ་ལོ། །དེ་བཞིན་གཤེགས་པ་ཆོས་ནམ་མཁའ་དཔལ་རྣམ་པར་སྣང་མཛད་ལ་ཕྱག་འཚལ་ལོ། །དེ་བཞིན་གཤེགས་པ་གཙང་བསྙེམས་རྣམ་པར་སྣང་མཛད་ལ་
ཕྱག་འཚལ་ལོ། །དེ་བཞིན་གཤེགས་པ་འོད་མང་རྣམ་པར་སྣང་མཛད་ལ་ཕྱག་འཚལ་ལོ། །དེ་བཞིན་གཤེགས་པ་སྤྱན་མི་འཛུམས་པ་རྣམ་པར་སྣང་མཛད་ལ་ཕྱག་འཚལ་ལོ། །དེ་བཞིན་གཤེགས་པ་དཔལ་འབར་པད་མོས་
རོལ་པ་ཤིན་དུ་རྣམ་པར་སྣང་མཛད་ལ་ཕྱག་འཚལ་ལོ། །དེ་བཞིན་གཤེགས་པ་ཀུན་དུ་འོད་གསལ་ནམ་མཁའ་དབྱངས་རྣམ་པར་སྣང་མཛད་ལ་ཕྱག་འཚལ་ལོ། །བཅོམ་ལྡན་འདས་དེ་བཞིན་གཤེགས་པ་ལྷའི་རྒྱུད་ལས་རྣམ་
པར་འཕར་བ་ལ་ཕྱག་འཚལ་ལོ། །དེ་བཞིན་གཤེགས་པ་བདེ་བར་བཞུད་པ་ལ་ཕྱག་འཚལ་ལོ། །དེ་བཞིན་གཤེགས་པ་ཤིན་དུ་ཞི་བའི་གཟུགས་སུ་བཞུད་པ་ལ་ཕྱག་འཚལ་ལོ། །དེ་བཞིན་གཤེགས་པ་སྤྱོད་
པར་བཞུད་པ་ལ་ཕྱག་འཚལ་ལོ། །དེ་བཞིན་གཤེགས་པ་ཡང་དག་པར་བཞུད་པ་ལ་ཕྱག་འཚལ་ལོ། །དེ་བཞིན་གཤེགས་པ་ཕ་རོལ་དུ་བཞུད་པ་ལ་ཕྱག་འཚལ་ལོ། །དེ་བཞིན་གཤེགས་པ་མི་ཆུང་བར་བཞུད་པ་ལ་ཕྱག་
འཚལ་ལོ། །དེ་བཞིན་གཤེགས་པ་ཞི་བའི་ཕ་རོལ་དུ་བཞུད་པ་ལ་ཕྱག་འཚལ་ལོ། །དེ་བཞིན་གཤེགས་པ་དཔལ་དཔག་དུ་མེད་པའི་ཡོན་ཏན་མང་བས་འདས་པའི་རྒྱན་ལྟ་བུ་ལ་ཕྱག་འཚལ་ལོ། །དེ་བཞིན་གཤེགས་པ་
རིན་ཆེན་ཡོན་ཏན་དཔལ་རྒྱན་གཟི་བརྗིད་ཕུང་པོ་ལྟ་བུ་ལ་ཕྱག་འཚལ་ལོ། །དེ་བཞིན་གཤེགས་པ་འོད་ཟེར་འབར་བའི་རི་བོ་དཔལ་རྒྱན་ལ་ཕྱག་འཚལ་ལོ། །དེ་བཞིན་གཤེགས་པ་རི་བོ་དཔལ་རྒྱན་ལ་ཕྱག་འཚལ་ལོ། །

62-1-26a

དེ་བཞིན་གཤེགས་པ་སྣང་བའི་རྒྱ་མཚོའི་རྒྱན་ལ་ཕྱག་འཚལ་ལོ། །དེ་བཞིན་གཤེགས་པ་འོད་རྒྱན་ལ་ཕྱག་འཚལ་ལོ། །དེ་བཞིན་གཤེགས་པ་རྒྱན་ཆེན་པོ་ལ་ཕྱག་འཚལ་ལོ། །དེ་བཞིན་གཤེགས་པ་བསོད་
ནམས་མི་ཟད་པའི་རྒྱ་མཚོ་རབ་རྒྱན་ལ་ཕྱག་འཚལ་ལོ། །དེ་བཞིན་གཤེགས་པ་གྲགས་ལྡན་ལ་ཕྱག་འཚལ་ལོ། །དེ་བཞིན་གཤེགས་པ་གྲགས་ཆེན་ལྡན་ལ་ཕྱག་འཚལ་ལོ། །དེ་བཞིན་གཤེགས་པ་གྲགས་པ་མཐའ་ཡས་
ལྡན་ལ་ཕྱག་འཚལ་ལོ། །དེ་བཞིན་གཤེགས་པ་གྲགས་པ་མཐའ་ཡས་ལྡན་ལ་ཕྱག་འཚལ་ལོ། །དེ་བཞིན་གཤེགས་པ་གྲགས་པའི་འོད་ལ་ཕྱག་འཚལ་ལོ། །དེ་བཞིན་གཤེགས་པ་འཇིགས་གྲགས་ལ་ཕྱག་འཚལ་ལོ། །
དེ་བཞིན་གཤེགས་པ་ཟླ་མཛེས་གྲགས་ལྡན་ལ་ཕྱག་འཚལ་ལོ། །དེ་བཞིན་གཤེགས་པ་དྲི་མ་མེད་པའི་ཟླ་བ་གྲགས་པ་ལ་ཕྱག་འཚལ་ལོ། །དེ་བཞིན་གཤེགས་པ་མཐུ་ཆེན་རྡོ་རྗེ་བརྩོན་འགྲུས་ལ་ཕྱག་འཚལ་ལོ། །དེ་བཞིན་
གཤེགས་པ་མཐུ་ཆེན་བརྩོན་འགྲུས་འབྱིན་པ་ལ་ཕྱག་འཚལ་ལོ། །དེ་བཞིན་གཤེགས་པ་མཐུ་ཆེན་བརྩོན་འགྲུས་ལ་ཕྱག་འཚལ་ལོ། །དེ་བཞིན་གཤེགས་པ་བརྩོན་འགྲུས་ཆེན་པོ་ལ་ཕྱག་འཚལ་ལོ། །དེ་བཞིན་གཤེགས་པ་
བརྩོན་འགྲུས་རྩོམ་པ་ལ་ཕྱག་འཚལ་ལོ། །དེ་བཞིན་གཤེགས་པ་བརྩོན་འགྲུས་མཐའ་ཡས་པ་ལ་ཕྱག་འཚལ་ལོ། །དེ་བཞིན་གཤེགས་པ་བརྩོན་འགྲུས་མང་བ་ལ་ཕྱག་འཚལ་ལོ། །དེ་བཞིན་གཤེགས་པ་བརྩོན་འགྲུས་ཆེ་བ་ལ་
ཕྱག་འཚལ་ལོ། །དེ་བཞིན་གཤེགས་པ་འཇིག་རྟེན་ཐམས་ཅད་དགའ་བར་སྟོན་པར་མངོན་དུ་འཕགས་པའི་བརྩོན་འགྲུས་ཆེན་པོ་ལ་ཕྱག་འཚལ་ལོ། །དེ་བཞིན་གཤེགས་པ་ཤིན་དུ་རྣམ་པར་དག་པ་དྲི་མ་མེད་པར་འབར་བ་ལ་ཕྱག་
འཚལ་ལོ། །དེ་བཞིན་གཤེགས་པ་བསམ་པ་ཆེན་པོར་འབར་བ་ལ་ཕྱག་འཚལ་ལོ། །དེ་བཞིན་གཤེགས་པ་འོད་ཟེར་འབར་བ་ལ་ཕྱག་འཚལ་ལོ། །དེ་བཞིན་གཤེགས་པ་ཡོན་ཏན་འབར་བ་ལ་ཕྱག་འཚལ་ལོ། །དེ་བཞིན་

62-1-26b

གཤེགས་པ་ཡོན་ཏན་འབར་བ་ཉིད་ལ་ཕྱག་འཚལ་ལོ། །དེ་བཞིན་གཤེགས་པ་རྣམ་པར་རྒྱལ་བར་འབར་བ་ལ་ཕྱག་འཚལ་ལོ། །དེ་བཞིན་གཤེགས་པ་གྲོལ་བར་འབར་བ་ལ་ཕྱག་འཚལ་ལོ། །དེ་བཞིན་གཤེགས་པ་ཏ་མ་
ལའི་ལོ་མ་ཙན་དན་དྲི་ལ་ཕྱག་འཚལ་ལོ། །དེ་བཞིན་གཤེགས་པ་དྲི་ཐམས་ཅད་འབར་བའི་སྒོ་ལ་ཕྱག་འཚལ་ལོ། །དེ་བཞིན་གཤེགས་པ་ཀུན་དུ་དྲི་ལ་ཕྱག་འཚལ་ལོ། །དེ་བཞིན་གཤེགས་པ་ཀུན་དུ་དྲི་མ་ཡིན་པ་ལ་ཕྱག་འཚལ་ལོ། །
དེ་བཞིན་གཤེགས་པ་ཀུན་དུ་དྲི་མེད་ལ་ཕྱག་འཚལ་ལོ། །དེ་བཞིན་གཤེགས་པ་དྲི་ཞལ་ལ་ཕྱག་འཚལ་ལོ། །དེ་བཞིན་གཤེགས་པ་བསྒོམས་པའི་དྲི་ལ་ཕྱག་འཚལ་ལོ། །དེ་བཞིན་གཤེགས་པ་མི་ཚུགས་པའི་དྲི་ལ་ཕྱག་འཚལ་ལོ། །
དེ་བཞིན་གཤེགས་པ་དྲིའི་བན་ལང་ལ་ཕྱག་འཚལ་ལོ། །དེ་བཞིན་གཤེགས་པ་ཀུན་དུ་ཤིན་དུ་རྣམ་པར་དག་པའི་ཡེ་ཤེས་མེ་ཏོག་ལ་ཕྱག་འཚལ་ལོ། །དེ་བཞིན་གཤེགས་པ་ཆོས་དབྱིངས་མེ་ཏོག་ལ་ཕྱག་འཚལ་ལོ། །དེ་བཞིན་
གཤེགས་པ་ཀུན་དུ་འབར་བའི་མེ་ཏོག་ལ་ཕྱག་འཚལ་ལོ། །དེ་བཞིན་གཤེགས་པ་རིན་ཆེན་མེ་ཏོག་ལ་ཕྱག་འཚལ་ལོ། །དེ་བཞིན་གཤེགས་པ་ཀུན་དུ་གཏོར་བའི་མེ་ཏོག་ལ་ཕྱག་འཚལ་ལོ། །དེ་བཞིན་གཤེགས་པ་ཀུན་དུ་ཐུལ་
བའི་མེ་ཏོག་ལ་ཕྱག་འཚལ་ལོ། །དེ་བཞིན་གཤེགས་པ་མེ་ཏོག་ཉིད་ལ་ཕྱག་འཚལ་ལོ། །དེ་བཞིན་གཤེགས་པ་མེ་ཏོག་ཕུང་པོ་ལ་ཕྱག་འཚལ་ལོ། །དེ་བཞིན་གཤེགས་པ་རྣམ་པར་བརྒྱན་པ་ལ་ཕྱག་འཚལ་ལོ། །དེ་བཞིན་
གཤེགས་པ་དཀར་བའི་ཡན་ལག་ལ་ཕྱག་འཚལ་ལོ། །དེ་བཞིན་གཤེགས་པ་དགའ་བའི་ཡན་ལག་ལ་ཕྱག་འཚལ་ལོ། །དེ་བཞིན་གཤེགས་པ་མི་སྨོན་པའི་ཡན་ལག་ལ་ཕྱག་འཚལ་ལོ། །དེ་བཞིན་གཤེགས་པ་སྤྲུལ་པའི་
ཡན་ལག་ལ་ཕྱག་འཚལ་ལོ། །དེ་བཞིན་གཤེགས་པ་ཡན་ལག་ཉིད་ལ་ཕྱག་འཚལ་ལོ། །དེ་བཞིན་གཤེགས་པ་རྣམ་པར་ཕྱེ་བའི་ཡན་ལག་ལ་ཕྱག་འཚལ་ལོ། །དེ་བཞིན་གཤེགས་པ་མཛེས་པའི་མཚན་གྱིས་བརྒྱན་པའི་

62-1-27a

ཡན་ལག་ལ་ཕྱག་འཚལ་ལོ། །དེ་བཞིན་གཤེགས་པ་དོན་ཐམས་ཅད་གཟིགས་པ་ལ་ཕྱག་འཚལ་ལོ། །དེ་བཞིན་གཤེགས་པ་ཐམས་ཅད་དུ་གཟིགས་པ་ལ་ཕྱག་འཚལ་ལོ། །དེ་བཞིན་གཤེགས་པ་སྒྲིབ་པ་
མེད་པར་གཟིགས་པ་ལ་ཕྱག་འཚལ་ལོ། །དེ་བཞིན་གཤེགས་པ་དོན་གཅིག་ཏུ་གཟིགས་པ་ལ་ཕྱག་འཚལ་ལོ། །དེ་བཞིན་གཤེགས་པ་གདོན་མི་ཟ་བར་གཟིགས་པ་ལ་ཕྱག་འཚལ་ལོ། །དེ་བཞིན་གཤེགས་པ་དོན་དུ་
གཟིགས་པ་ལ་ཕྱག་འཚལ་ལོ། །དེ་བཞིན་གཤེགས་པ་བདེན་པ་གཟིགས་པ་ལ་ཕྱག་འཚལ་ལོ། །དེ་བཞིན་གཤེགས་པ་ཆོས་གཟིགས་པ་ལ་ཕྱག་འཚལ་ལོ། །དེ་བཞིན་གཤེགས་པ་འཇིགས་པ་མེད་པ་ལ་ཕྱག་འཚལ་ལོ། །
དེ་བཞིན་གཤེགས་པ་གང་དུ་འང་མི་འཇིགས་པ་ལ་ཕྱག་འཚལ་ལོ། །དེ་བཞིན་གཤེགས་པ་འཇིགས་པ་མེད་པར་མཛད་པ་ལ་ཕྱག་འཚལ་ལོ། །དེ་བཞིན་གཤེགས་པ་འཇིགས་བྲལ་ལ་ཕྱག་འཚལ་ལོ། །དེ་བཞིན་གཤེགས་པ་
འཇིགས་པ་རྣམ་པར་སྤངས་པ་ལ་ཕྱག་འཚལ་ལོ། །དེ་བཞིན་གཤེགས་པ་འཇིགས་པ་ཐམས་ཅད་ཀྱི་ཕ་རོལ་དུ་ཕྱིན་པ་ལ་ཕྱག་འཚལ་ལོ། །སངས་རྒྱས་ཀྱི་མཚན་ལྔ་སྟོང་བཞི་བརྒྱ་ལྔ་བཅུ་རྩ་གསུམ་པ།  བམ་པོ་གསུམ་པ། 
དེ་བཞིན་གཤེགས་པ་འཇིགས་པ་ཐམས་ཅད་རྣམ་པར་བསལ་བ་ལ་ཕྱག་འཚལ་ལོ། །དེ་བཞིན་གཤེགས་པ་མང་དུ་ལྡན་པ་ལ་ཕྱག་འཚལ་ལོ། །དེ་བཞིན་གཤེགས་པ་ཕུན་སུམ་ལྡན་པ་ལ་ཕྱག་འཚལ་ལོ། །དེ་བཞིན་
གཤེགས་པ་ཕུན་སུམ་ཉིད་ལ་ཕྱག་འཚལ་ལོ། །དེ་བཞིན་གཤེགས་པ་ཕུན་སུམ་འབྱུང་བ་ལ་ཕྱག་འཚལ་ལོ། །དེ་བཞིན་གཤེགས་པ་ཕུན་སུམ་རྣམ་པར་འབྱུང་བ་ལ་ཕྱག་འཚལ་ལོ། །དེ་བཞིན་གཤེགས་པ་སྣང་
བར་འགྱུར་བ་ལ་ཕྱག་འཚལ་ལོ། །དེ་བཞིན་གཤེགས་པ་ཕུན་སུམ་མ་སྤངས་པ་ལ་ཕྱག་འཚལ་ལོ། །དེ་བཞིན་གཤེགས་པ་ཡོན་ཏན་ཐམས་ཅད་འབྱུང་བ་ལ་ཕྱག་འཚལ་ལོ། །དེ་བཞིན་གཤེགས་པ་རབ་ཏུ་འཕྲོ་

62-1-27b

བའི་སྐུ་ལ་ཕྱག་འཚལ་ལོ། །དེ་བཞིན་གཤེགས་པ་ཤིན་དུ་སྦྱངས་པའི་གནས་ལ་ཕྱག་འཚལ་ལོ། །དེ་བཞིན་གཤེགས་པ་ནམ་མཁའ་གནས་ལ་ཕྱག་འཚལ་ལོ། །དེ་བཞིན་གཤེགས་པ་སྤྲུལ་པ་ལ་ཕྱག་འཚལ་ལོ། །
དེ་བཞིན་གཤེགས་པ་ཤིན་དུ་སྤྲུལ་པ་ལ་ཕྱག་འཚལ་ལོ། །དེ་བཞིན་གཤེགས་པ་ལྟེ་བ་མཆོག་ལ་ཕྱག་འཚལ་ལོ། །དེ་བཞིན་གཤེགས་པ་རབ་ཏུ་ཞི་བ་དྲི་མཆོག་གི་ལྟེ་བ་ལ་ཕྱག་འཚལ་ལོ། །དེ་བཞིན་གཤེགས་པ་དུས་
གསུམ་ཆུབ་ལ་ཕྱག་འཚལ་ལོ། །དེ་བཞིན་གཤེགས་པ་ཉེ་བར་ཞི་བ་ལ་ཕྱག་འཚལ་ལོ། །དེ་བཞིན་གཤེགས་པ་ཡིད་ཀྱི་རྩེ་མོ་ལ་ཕྱག་འཚལ་ལོ། །དེ་བཞིན་གཤེགས་པ་ཡིད་ཀྱི་མཆོག་ལ་ཕྱག་འཚལ་ལོ། །དེ་བཞིན་
གཤེགས་པ་སེམས་ཀྱི་མཆོག་ལ་ཕྱག་འཚལ་ལོ། །དེ་བཞིན་གཤེགས་པ་ནམ་མཁའ་སེམས་ལ་ཕྱག་འཚལ་ལོ། །དེ་བཞིན་གཤེགས་པ་ཡིད་དུ་འོང་བར་གསུང་བ་ལ་ཕྱག་འཚལ་ལོ། །དེ་བཞིན་གཤེགས་པ་འཁོར་
ལོ་གསུང་ལ་ཕྱག་འཚལ་ལོ། །དེ་བཞིན་གཤེགས་པ་གསུང་བརྟན་ལ་ཕྱག་འཚལ་ལོ། །དེ་བཞིན་གཤེགས་པ་བརྗིད་པ་ལ་ཕྱག་འཚལ་ལོ། །དེ་བཞིན་གཤེགས་པ་ཤིན་དུ་བརྗིད་པ་ལ་ཕྱག་འཚལ་ལོ། །དེ་བཞིན་
གཤེགས་པ་སྟོན་པ་ལ་ཕྱག་འཚལ་ལོ། །དེ་བཞིན་གཤེགས་པ་རབ་ཏུ་སྟོན་པ་ལ་ཕྱག་འཚལ་ལོ། །དེ་བཞིན་གཤེགས་པ་ཀུན་དུ་མཆོད་པ་ལ་ཕྱག་འཚལ་ལོ། །དེ་བཞིན་གཤེགས་པ་ཚངས་པའི་ལྷས་མཆོད་པ་ལ་
ཕྱག་འཚལ་ལོ། །དེ་བཞིན་གཤེགས་པ་དཔའ་བརྟན་པའི་སྡེ་འཇོམས་དགྲ་སྤངས་ལ་ཕྱག་འཚལ་ལོ། །དེ་བཞིན་གཤེགས་པ་འདོད་པ་སྤངས་པ་ལ་ཕྱག་འཚལ་ལོ། །དེ་བཞིན་གཤེགས་པ་ཅི་བཞིན་པ་རྗེས་སུ་སྟོན་པ་ལ་ཕྱག་
འཚལ་ལོ། །དེ་བཞིན་གཤེགས་པ་ཡིད་དུ་འོང་བ་ལ་ཕྱག་འཚལ་ལོ། །དེ་བཞིན་གཤེགས་པ་བཟང་པོ་ལ་ཕྱག་འཚལ་ལོ། །དེ་བཞིན་གཤེགས་པ་སྨོན་པ་མེད་པ་ལ་ཕྱག་འཚལ་ལོ། །དེ་བཞིན་གཤེགས་པ་ཆོས་རྒྱ་མཚོ་

62-1-28a

འབྱུང་བར་གསུང་བ་ལ་ཕྱག་འཚལ་ལོ། །དེ་བཞིན་གཤེགས་པ་འོད་སྲུངས་ལ་ཕྱག་འཚལ་ལོ། །དེ་བཞིན་གཤེགས་པ་དགྲ་ཐུལ་བ་ལ་ཕྱག་འཚལ་ལོ། །དེ་བཞིན་གཤེགས་པ་ཐོག་མར་སེམས་བསྐྱེད་པའི་ཐེ་
ཚོམ་གཅོད་པ་ཉོན་མོངས་པ་སྤོང་བ་ལ་ཕྱག་འཚལ་ལོ། །དེ་བཞིན་གཤེགས་པ་ཡི་དམ་ཀུན་བསྒྲགས་ཐེ་ཚོམ་གཅོད་པ་ལ་ཕྱག་འཚལ་ལོ། །དེ་བཞིན་གཤེགས་པ་བདེ་ཆེན་ཐོབ་པ་ལ་ཕྱག་འཚལ་ལོ། །དེ་བཞིན་གཤེགས་པ་
ཚངས་པས་མཆོད་ལ་ཕྱག་འཚལ་ལོ། །དེ་བཞིན་གཤེགས་པ་ཉི་མ་ལ་ཕྱག་འཚལ་ལོ། །དེ་བཞིན་གཤེགས་པ་རྡུལ་མེད་ལ་ཕྱག་འཚལ་ལོ། །དེ་བཞིན་གཤེགས་པ་ཡོངས་སུ་མྱ་ངན་ལས་འདས་པ་ལ་ཕྱག་འཚལ་ལོ། །དེ་བཞིན་
གཤེགས་པ་རྡུལ་དང་བྲལ་བ་ལ་ཕྱག་འཚལ་ལོ། །དེ་བཞིན་གཤེགས་པ་རབ་ཏུ་སྙེམས་པ་ལ་ཕྱག་འཚལ་ལོ། །དེ་བཞིན་གཤེགས་པ་ཚངས་པ་ལ་ཕྱག་འཚལ་ལོ། །དེ་བཞིན་གཤེགས་པ་ཀཽཎྚི་ནྱ་ལ་ཕྱག་འཚལ་ལོ། །
དེ་བཞིན་གཤེགས་པ་མི་འཁྲུགས་པ་ལ་ཕྱག་འཚལ་ལོ། །དེ་བཞིན་གཤེགས་པ་སྐྲག་པའི་སྙིང་པོ་ལ་ཕྱག་འཚལ་ལོ། །དེ་བཞིན་གཤེགས་པ་བྱིན་གྱིས་རློབ་པ་ལ་ཕྱག་འཚལ་ལོ། །དེ་བཞིན་གཤེགས་པ་ཀུན་དུ་མཚན་སྨོས་
ལ་ཕྱག་འཚལ་ལོ། །དེ་བཞིན་གཤེགས་པ་མཛེས་པའི་རིགས་ཅན་ལ་ཕྱག་འཚལ་ལོ། །དེ་བཞིན་གཤེགས་པ་ཐུགས་རྗེ་ཆེན་པོ་ལ་ཕྱག་འཚལ་ལོ། །དེ་བཞིན་གཤེགས་པ་རྟག་ཏུ་ནན་ཏན་མཛད་པ་ལ་ཕྱག་འཚལ་ལོ། །
དེ་བཞིན་གཤེགས་པ་བྱམས་པ་ལ་ཕྱག་འཚལ་ལོ། །དེ་བཞིན་གཤེགས་པ་ཟླ་འོད་ཤར་བསིལ་ལ་ཕྱག་འཚལ་ལོ། །དེ་བཞིན་གཤེགས་པ་མེ་ཏོག་མ་རིའི་དྲི་བསྲུང་ལ་ཕྱག་འཚལ་ལོ། །དེ་བཞིན་གཤེགས་པ་འཇིགས་
པའི་ཚུལ་འཛིན་སྒྲ་འབྱིན་དབྱངས་སྙན་སྐར་མའི་རྒྱལ་པོ་མེ་ཏོག་མངོན་པར་མཁྱེན་པ་ལ་ཕྱག་འཚལ་ལོ། །དེ་བཞིན་གཤེགས་པ་ཐེ་ཙོམ་རྣམ་པར་འབྱེད་པ་ལ་ཕྱག་འཚལ་ལོ། །དེ་བཞིན་གཤེགས་པ་གཅིག་ཏུ་མ་ངེས་པ་ལ་ཕྱག་

62-1-28b

འཚལ་ལོ། །དེ་བཞིན་གཤེགས་པ་རྩེ་མོ་ལྡན་ལ་ཕྱག་འཚལ་ལོ། །དེ་བཞིན་གཤེགས་པ་གསེར་གྱི་དྲ་བས་སྐུ་བརྒྱན་པ་ལ་ཕྱག་འཚལ་ལོ། །དེ་བཞིན་གཤེགས་པ་སོ་སོར་དམིགས་པས་བརྒྱན་ལ་ཕྱག་འཚལ་ལོ། །དེ་བཞིན་གཤེགས་
པ་དཀར་བ་ཉིད་ལ་ཕྱག་འཚལ་ལོ། །དེ་བཞིན་གཤེགས་པ་རབ་ཏུ་སྣང་བ་འགྱེད་ལ་ཕྱག་འཚལ་ལོ། །དེ་བཞིན་གཤེགས་པ་ཙན་དན་ལ་ཕྱག་འཚལ་ལོ། །དེ་བཞིན་གཤེགས་པ་རྒྱས་པ་ལ་ཕྱག་འཚལ་ལོ། །དེ་བཞིན་གཤེགས་པ་
གསུང་བ་ཆེན་པོ་ལ་ཕྱག་འཚལ་ལོ། །དེ་བཞིན་གཤེགས་པ་ཐོས་པར་མཛད་ལ་ཕྱག་འཚལ་ལོ། །དེ་བཞིན་གཤེགས་པ་རྣམ་པར་གཟིགས་ལ་ཕྱག་འཚལ་ལོ། །དེ་བཞིན་གཤེགས་པ་བདུད་འཚེ་བ་ལ་ཕྱག་འཚལ་ལོ། །དེ་བཞིན་གཤེགས་
པ་སྨྲེད་བ་ལ་ཕྱག་འཚལ་ལོ། །དེ་བཞིན་གཤེགས་པ་སེམས་ཅན་ནམ་མཁའི་གཟུགས་བརྙེན་གྱི་གཟུགས་ལ་ཕྱག་འཚལ་ལོ། །དེ་བཞིན་གཤེགས་པ་མི་ཚུགས་པ་ལ་ཕྱག་འཚལ་ལོ། །དེ་བཞིན་གཤེགས་པ་དཔའ་བ་ཅན་ལ་ཕྱག་
འཚལ་ལོ། །དེ་བཞིན་གཤེགས་པ་འདུལ་དཀའ་བ་ལ་ཕྱག་འཚལ་ལོ། །དེ་བཞིན་གཤེགས་པ་དགྲ་མེད་ལ་ཕྱག་འཚལ་ལོ། །དེ་བཞིན་གཤེགས་པ་འདུ་ཤེས་ཅན་ལ་ཕྱག་འཚལ་ལོ། །དེ་བཞིན་གཤེགས་པ་ཡེ་ཤེས་འོད་ཟེར་འབར་བའི་སྐུ་ལ་
ཕྱག་འཚལ་ལོ། །དེ་བཞིན་གཤེགས་པ་དཔེར་སྟག་ལྟ་བུ་ལ་ཕྱག་འཚལ་ལོ། །དེ་བཞིན་གཤེགས་པ་ཚེ་འཛིན་ལ་ཕྱག་འཚལ་ལོ། །དེ་བཞིན་གཤེགས་པ་འགྲོ་རྣམས་དགའ་ལ་ཕྱག་འཚལ་ལོ། །དེ་བཞིན་གཤེགས་པ་དགའ་བ་ཅན་ལ་
ཕྱག་འཚལ་ལོ། །དེ་བཞིན་གཤེགས་པ་དགའ་བ་སྐྱེད་པ་ལ་ཕྱག་འཚལ་ལོ། །དེ་བཞིན་གཤེགས་པ་སྤྱན་བཟང་ལ་ཕྱག་འཚལ་ལོ། །དེ་བཞིན་གཤེགས་པ་ཟླ་འོད་ལ་ཕྱག་འཚལ་ལོ། །དེ་བཞིན་གཤེགས་པ་རྣམ་པར་བསྐྱེད་པ་ལ་ཕྱག་འཚལ་ལོ། །
དེ་བཞིན་གཤེགས་པ་རྣམ་པར་སྦྱོར་བ་ལ་ཕྱག་འཚལ་ལོ། །དེ་བཞིན་གཤེགས་པ་རྣམ་པ་དུ་མར་མཛད་པ་ལ་ཕྱག་འཚལ་ལོ། །དེ་བཞིན་གཤེགས་པ་མཐོར་གཤེགས་པ་ལ་ཕྱག་འཚལ་ལོ། །དེ་བཞིན་གཤེགས་པ་ནོར་བུ་རབ་ལ་ཕྱག་

62-1-29a

འཚལ་ལོ། །དེ་བཞིན་གཤེགས་པ་ཁ་ལོ་སྒྱུར་བ་ལ་ཕྱག་འཚལ་ལོ། །དེ་བཞིན་གཤེགས་པ་ཡེ་ཤེས་སྒོ་དབྱངས་མཛོད་མང་པོ་ལ་ཕྱག་འཚལ་ལོ། །དེ་བཞིན་གཤེགས་པ་ཀུན་དུ་སྤྱོད་པའི་ཡེ་ཤེས་ཀུན་མི་ནོར་བ་ལ་ཕྱག་འཚལ་
ལོ། །དེ་བཞིན་གཤེགས་པ་རིན་ཆེན་བཟང་ལ་ཕྱག་འཚལ་ལོ། །དེ་བཞིན་གཤེགས་པ་འགོག་པར་གཞོལ་ལ་ཕྱག་འཚལ་ལོ། །དེ་བཞིན་གཤེགས་པ་ཤིན་དུ་རྫོགས་པའི་ཞལ་ལ་ཕྱག་འཚལ་ལོ། །དེ་བཞིན་གཤེགས་པ་གཞན་གྱིས་
མི་ཚུགས་ཡེ་ཤེས་གནས་ལ་ཕྱག་འཚལ་ལོ། །དེ་བཞིན་གཤེགས་པ་གཙོ་བོ་ལ་ཕྱག་འཚལ་ལོ། །དེ་བཞིན་གཤེགས་པ་བསམ་གྱིས་མི་ཁྱབ་པ་ལ་ཕྱག་འཚལ་ལོ། །དེ་བཞིན་གཤེགས་པ་མེ་ཏོག་ཟེ་བ་ལ་ཕྱག་འཚལ་ལོ། །
དེ་བཞིན་གཤེགས་པ་རྣམ་པར་བརྗིད་པ་ལ་ཕྱག་འཚལ་ལོ། །དེ་བཞིན་གཤེགས་པ་རྒྱན་པ་ལ་ཕྱག་འཚལ་ལོ། །དེ་བཞིན་གཤེགས་པ་སྤྱོད་པ་ཐམས་ཅད་སྤྱོད་པ་ལ་ཕྱག་འཚལ་ལོ། །དེ་བཞིན་གཤེགས་པ་བལ་གླང་རྣ་ལ་
ཕྱག་འཚལ་ལོ། །དེ་བཞིན་གཤེགས་པ་བལ་གླང་ལ་ཕྱག་འཚལ་ལོ། །དེ་བཞིན་གཤེགས་པ་ནམ་མཁའི་མཛོད་ལ་ཕྱག་འཚལ་ལོ། །དེ་བཞིན་གཤེགས་པ་ཤིན་དུ་གདུལ་དཀའ་བ་ལ་ཕྱག་འཚལ་ལོ། །དེ་བཞིན་
གཤེགས་པ་ཙན་དན་རྩེ་མོ་ལ་ཕྱག་འཚལ་ལོ། །དེ་བཞིན་གཤེགས་པ་དྲི་མ་བྱང་བ་ལ་ཕྱག་འཚལ་ལོ། །དེ་བཞིན་གཤེགས་པ་ཆོས་དགོངས་པ་ལ་ཕྱག་འཚལ་ལོ། །དེ་བཞིན་གཤེགས་པ་ཆོས་ཀྱི་སྤྱན་བདེན་པ་ལ་ཕྱག་
འཚལ་ལོ། །དེ་བཞིན་གཤེགས་པ་རྣམ་པར་འཕར་བ་ལ་ཕྱག་འཚལ་ལོ། །དེ་བཞིན་གཤེགས་པ་ཉི་མའི་གཟིས་བརྒྱན་པ་ལ་ཕྱག་འཚལ་ལོ། །དེ་བཞིན་གཤེགས་པ་རྩོལ་བ་ལ་ཕྱག་འཚལ་ལོ། །དེ་བཞིན་གཤེགས་པ་
སེམས་རྩེ་གཅིག་ཏུ་ཐུབ་པ་ལ་ཕྱག་འཚལ་ལོ། །དེ་བཞིན་གཤེགས་པ་བདེན་པར་གསུང་བ་ལ་ཕྱག་འཚལ་ལོ། །དེ་བཞིན་གཤེགས་པ་བདེ་བར་གནས་པ་ལ་ཕྱག་འཚལ་ལོ། །དེ་བཞིན་གཤེགས་པ་བདུད་སྡེ་རབ་ཏུ་འཇོམས་པ་ལ་

62-1-29b

ཕྱག་འཚལ་ལོ། །དེ་བཞིན་གཤེགས་པ་མ་རིག་རྣམ་པར་འཇོམས་པ་ལ་ཕྱག་འཚལ་ལོ། །དེ་བཞིན་གཤེགས་པ་རབ་ཏུ་བརྗིད་པ་ལ་ཕྱག་འཚལ་ལོ། །དེ་བཞིན་གཤེགས་པ་ཕྱོགས་བཅུར་གྲགས་པའི་གོ་ཆ་ལ་ཕྱག་འཚལ་ལོ། །དེ་བཞིན་
གཤེགས་པ་ཏ་མ་ལའི་ལོ་མ་ལ་ཕྱག་འཚལ་ལོ། །དེ་བཞིན་གཤེགས་པ་མཐའ་ཡས་རྣམ་པར་སྤྲུལ་ལ་ཕྱག་འཚལ་ལོ། །དེ་བཞིན་གཤེགས་པ་མཚན་མ་མེད་ལ་ཕྱག་འཚལ་ལོ། །དེ་བཞིན་གཤེགས་པ་བལ་གླང་འགྱིང་བའི་འགྲོས་བཞིན་
ལ་ཕྱག་འཚལ་ལོ། །དེ་བཞིན་གཤེགས་པ་རྒྱལ་མཚན་འགྱེས་ལ་ཕྱག་འཚལ་ལོ། །དེ་བཞིན་གཤེགས་པ་བློ་གྲོས་ཐོགས་པ་མེད་ལ་ཕྱག་འཚལ་ལོ། །དེ་བཞིན་གཤེགས་པ་གསུང་རབ་ཆེན་པོ་ལ་ཕྱག་འཚལ་ལོ། །དེ་བཞིན་གཤེགས་པ་མུན་
བསལ་ལ་ཕྱག་འཚལ་ལོ། །དེ་བཞིན་གཤེགས་པ་འཁོར་སྐྱང་ལ་ཕྱག་འཚལ་ལོ། །དེ་བཞིན་གཤེགས་པ་འཕགས་སྐྱེས་པོ་ལ་ཕྱག་འཚལ་ལོ། །དེ་བཞིན་གཤེགས་པ་དགྱེས་པ་ལ་ཕྱག་འཚལ་ལོ། །དེ་བཞིན་གཤེགས་པ་ཞི་བ་ལ་ཕྱག་
འཚལ་ལོ། །དེ་བཞིན་གཤེགས་པ་ཆུ་བོ་འཛམ་བུ་གསེར་ལ་ཕྱག་འཚལ་ལོ། །དེ་བཞིན་གཤེགས་པ་རྩ་བ་ལ་ཕྱག་འཚལ་ལོ། །དེ་བཞིན་གཤེགས་པ་ཨུཏྤ་ལ་ལ་ཕྱག་འཚལ་ལོ། །དེ་བཞིན་གཤེགས་པ་ཆུ་སྟོད་ལ་ཕྱག་འཚལ་ལོ། །དེ་བཞིན་
གཤེགས་པ་སྩལ་ལ་ཕྱག་འཚལ་ལོ། །དེ་བཞིན་གཤེགས་པ་ཡེ་ཤེས་གཙོ་བོ་ལ་ཕྱག་འཚལ་ལོ། །དེ་བཞིན་གཤེགས་པ་བདག་ཉིད་བསྒོམས་པ་ལ་ཕྱག་འཚལ་ལོ། །དེ་བཞིན་གཤེགས་པ་འདྲ་བ་མེད་པ་ལ་ཕྱག་འཚལ་ལོ། །དེ་བཞིན་
གཤེགས་པ་རབ་ཏུ་བརྗིད་པ་ལ་ཕྱག་འཚལ་ལ། །དེ་བཞིན་གཤེགས་པ་ཉེ་བར་ཞི་བ་ལ་ཕྱག་འཚལ་ལོ། །དེ་བཞིན་གཤེགས་པ་པད་མ་རྒྱ་ཆེན་ལ་ཕྱག་འཚལ་ལོ། །དེ་བཞིན་གཤེགས་པ་བྱང་ཆུབ་སེམས་དཔའ་འདུལ་ལ་ཕྱག་
འཚལ་ལོ། །དེ་བཞིན་གཤེགས་པ་དབུ་ན་རིན་ཆེན་ལ་ཕྱག་འཚལ་ལོ། །དེ་བཞིན་གཤེགས་པ་སོ་སོར་དམིགས་པའི་རྒྱན་སེམས་ལ་ཕྱག་འཚལ་ལོ། །དེ་བཞིན་གཤེགས་པ་སེང་གེ་བརླང་བ་ལ་ཕྱག་འཚལ་ལོ། །དེ་བཞིན་གཤེགས་པ་

62-1-30a

འབྱོར་པ་ལ་ཕྱག་འཚལ་ལོ། །དེ་བཞིན་གཤེགས་པ་བདེ་བར་སྦྱིན་པ་ལ་ཕྱག་འཚལ་ལོ། །དེ་བཞིན་གཤེགས་པ་བདུད་རྩི་ལ་ཕྱག་འཚལ་ལོ། །དེ་བཞིན་གཤེགས་པ་ཚངས་པའི་གནས་ལ་ཕྱག་འཚལ་ལོ། །དེ་བཞིན་གཤེགས་པ་
དབྱངས་རྣམ་པར་བསྒྲགས་ལ་ཕྱག་འཚལ་ལོ། །དེ་བཞིན་གཤེགས་པ་གདོན་མི་ཟ་བའི་གཟི་བརྗིད་ལ་ཕྱག་འཚལ་ལོ། །དེ་བཞིན་གཤེགས་པ་བདུད་སྡེའི་དགྲ་རྣམ་པར་འཇོམས་པ་ལ་ཕྱག་འཚལ་ལོ། །དེ་བཞིན་གཤེགས་པ་བཞུགས་པ་ལ་ཕྱག་འཚལ་
ལོ། །དེ་བཞིན་གཤེགས་པ་དགྱེས་པ་ལ་ཕྱག་འཚལ་ལོ། །དེ་བཞིན་གཤེགས་པ་འབར་བ་ལ་ཕྱག་འཚལ་ལོ། །དེ་བཞིན་གཤེགས་པ་འཁོར་དམ་པ་ཅན་ལ་ཕྱག་འཚལ་ལོ། །དེ་བཞིན་གཤེགས་པ་འཁོར་དམ་པ་རྣམས་རབ་ཏུ་སྒྲོལ་བ་ལ་ཕྱག་
འཚལ་ལོ། །དེ་བཞིན་གཤེགས་པ་ཉི་མ་འབྱུང་ལ་ཕྱག་འཚལ་ལོ། །དེ་བཞིན་གཤེགས་པ་ཆོས་ཀྱི་རང་བཞིན་ངེས་པ་ལ་ཕྱག་འཚལ་ལོ། །གང་གིས་བསོད་ནམས་མཐའ་མེད་གྲངས་མེད་པ་ལས་བྱུང་བའི་དེ་བཞིན་གཤེགས་པའི་མཚན་མང་
པོ་འདི་དག་འཛིན་ཏམ། ཀློག་གམ། ཀུན་ཆུབ་པར་བྱེད་དམ། རྗེས་སུ་དྲན་ཞིང་བསྒོམས་ན། དེ་དག་ལ་མིག་ནད་མེད་པར་འགྱུར། རྣ་ནད་མེད། སྣ་ནད་མེད། ལྕེ་ནད་མེད། ལུས་ནད་མེད་ཅིང་སྒྲིབ་པ་ཐམས་ཅད་རྣམ་པར་འབྱང་། 
མི་དང་མི་མ་ཡིན་པ་ཐམས་ཅད་ཀྱིས་གནོད་པ་བྱེད་པ་མི་འབྱུང་། བླ་ན་མེད་པ་ཡང་དག་པར་རྫོགས་པའི་བྱང་ཆུབ་ལས་སླར་མི་ལྡོག་པར་འགྱུར། ཕྱོགས་ཐམས་ཅད་ཀྱི་སངས་རྒྱས་བཅོམ་ལྡན་འདས་རྣམས་ཀྱིས་དགོངས་པར་འགྱུར། དེ་དག་
གིས་དེ་ལ་རྟག་ཏུ་བསྲུང་བ་དང་། བསྐྱབ་པ་དང་། སྦེད་པར་མཛད་དོ། །མངོན་དུ་འམ་ཆུང་ངུ་ན་རྨྱི་ལམ་དུ་ཡང་རུང་སྟེ། བསམ་གྱིས་མི་ཁྱབ་པའི་ཤེས་རབ་དང་། ཐབས་ལ་མཁས་པར་མངོན་དུ་སྟོན་ཏེ། ཅི་ནས་མྱུར་དུ་ཏིང་ངེ་འཛིན་དང་། 
གཟུངས་ཀྱི་སྒོ་མོ་སོ་སོར་ཐོབ་པར་མཛད་དོ། །ནམ་ཡང་སངས་རྒྱས་བཅོམ་ལྡན་འདས་དང་། སངས་རྒྱས་ཀྱི་བསྟན་པ་དང་བྲལ་བར་མི་འགྱུར། རིན་པོ་ཆེའི་པད་མོ་ལས་རྫུས་ཏེ་སྐྱེ་བར་འོང་། ནམ་ཡང་སྐྱེས་བུ་ཆེན་པོའི་མཚན་སུམ་བཅུ་རྩ་གཉིས་

62-1-30b

དང་། དཔེ་བྱད་བཟང་པོ་བརྒྱད་བཅུ་དང་ལྡན་པར་འགྱུར། མངོན་པར་ཤེས་པ་རྣམས་དང་། སྤྱན་ལྔ་དང་། སེམས་ཅན་སྨིན་པར་བྱ་བ་དང་། སངས་རྒྱས་ཀྱི་ཞིང་ཡོངས་སུ་སྦྱོང་བ་དང་། ཕ་རོལ་དུ་ཕྱིན་པ་དྲུག་དང་། བྱང་ཆུབ་ཀྱི་ཕྱོགས་ཀྱི་ཆོས་
སུམ་བཅུ་རྩ་བདུན་དང་། བསམ་གཏན་དང་། ཚད་མེད་པ་རྣམས་དང་། གཟུགས་མེད་པའི་སྙོམས་པར་འཇུག་པ་རྣམས་དང་ལྡན་པར་འགྱུར་རོ། །སྟོབས་དང་མི་འཇིགས་པ་དང་། སོ་སོ་ཀུན་དུ་རིག་པ་དང་། སངས་རྒྱས་ཀྱི་
ཆོས་མ་འདྲེས་པ་དང་། བྱམས་པ་ཆེན་པོ་དང་། སྙིང་རྗེ་ཆེན་པོ་དང་། དགའ་བ་ཆེན་པོ་དང་། བཏང་སྙོམས་ཆེན་པོ་དང་ལྡན་པར་འགྱུར། སངས་རྒྱས་ཀྱི་ཆོས་གྲངས་མེད་ཚད་མེད་པ་གཞན་དག་དང་ཡང་ལྡན་པར་འགྱུར་ཏེ། ཇི་ལྟར་སངས་རྒྱས་
བཅོམ་ལྡན་འདས་འདི་དག་གི་ཡོན་ཏན་དང་། གྲགས་པ་ཕུན་སུམ་ཚོགས་པ་དེ་བཞིན་དུ་དེ་དག་ལ་ཡང་ཡོན་ཏན་དུ་མི་འགྱུར་བ་མ་ཡིན་ཏེ། དེ་དག་ལ་ཡང་ཕུན་སུམ་ཚོགས་པ་རིང་པོར་མི་ཐོགས་པར་འགྱུར་ཞིང་བླ་ན་མེད་པ་ཡང་དག་པར་རྫོགས་པའི་
བྱང་ཆུབ་བདེ་བར་མྱུར་དུ་མངོན་སུམ་བར་བྱང་ཆུབ་པར་འགྱུར་རོ། །བཅོམ་ལྡན་འདས་དེ་བཞིན་གཤེགས་པ་སྤོབས་པའི་དཔལ་ལ་ཕྱག་འཚལ་ལོ། །དེ་བཞིན་གཤེགས་པ་རིན་ཆེན་མེ་ལ་ཕྱག་འཚལ་ལོ། །དེ་བཞིན་གཤེགས་པ་སྤྱན་ཆེན་པོ་
ལ་ཕྱག་འཚལ་ལོ། །དེ་བཞིན་གཤེགས་པ་ཆོས་དབྱིངས་ཀྱི་གཟུགས་བརྙན་ལ་ཕྱག་འཚལ་ལོ། །ཏདྱ་ཐཱ། དྷ་རེ་དྷ་རེ་དྷརྨ་དྷཱ་ཏུ་པྲ་ཏིཥྛཱི་ཏེ་སྭཱ་ཧཱ། དེ་བཞིན་གཤེགས་པ་ཕྱོགས་ཐམས་ཅད་ཏུ་མར་མེའི་འོད་ཀྱི་རྒྱལ་པོ་ལ་ཕྱག་འཚལ་ལོ། །
ཏདྱ་ཐཱ། པྲ་དཱི་པེ་པྲ་དཱི་པེ་ཛྙཱ་ན་པྲ་དཱི་པེ་སྭཱ་ཧཱ། ཏདྱ་ཐཱ། ཏེ་ཛེ་ཏེ་ཛེ། ཛྙཱ་ན་ཏེ་ཛེ་བུད་དྷ་ཏེ་ཛེ། དྷརྨ་ཏེ་ཛེ། སང་གྷ་ཏེ་ཛེ་སྭཱ་ཧཱ། དེ་བཞིན་གཤེགས་པ་དཀའ་ཐུབ་རྒྱ་མཚོ་ལ་ཕྱག་འཚལ་ལོ། །ཏདྱ་ཐཱ། པྲ་ཏེ་པྲ་ཏེ། སརྦ་པྲ་ཏེ། པ་རི་པུ་ར་ཎི་བུད་དྷ་བར་ཤེ་
ཎེ་སྭཱ་ཧཱ། དེ་བཞིན་གཤེགས་པ་བརྗོད་པའི་དཀྱིལ་འཁོར་མར་མེ་ལ་ཕྱག་འཚལ་ལོ། །ཏདྱ་ཐཱ། ཀྵི་ཎེ་ཀྵི་ཎེ་སརྦ་ཀརྨ་ཨཱ་བ་ར་ཎ་ནཱི། བུད་དྷ་སད་ཏེ་ན། དྷརྨ་སད་ཏེ་ན། སང་གྷ་སད་ཏེ་ན་སྭཱ་ཧཱ། དེ་བཞིན་གཤེགས་པ་ཆོས་ཀྱི་དཀྱིལ་འཁོར་འོད་

62-1-31a

ལ་ཕྱག་འཚལ་ལོ། །ཏདྱ་ཐཱ། ཙན་དྲ་སཱུརྱ་ཤ་ཏ་སྭཱ་ཧཱ། ཏི་རེ་ཀ་བ་བྷེ།  བི་ཤོ་དྷཱ་ཡ་ཛྙཱ་ན་ཙཀྵུ་སྭཱ་ཧཱ། དེ་བཞིན་གཤེགས་པ་ཀུན་དུ་སྣང་བ་མང་བ་ལ་ཕྱག་འཚལ་ལོ། །ཏདྱ་ཐཱ། དྷརྨ་བྱུ་ཧེ། ག་ག་ན་བྱཱུ་ཧེ་ཛྙཱ་ན་བྱུ་ཧེ་སྭཱ་ཧཱ། དེ་བཞིན་
གཤེགས་པ་ཞི་འོད་རྒྱལ་པོ་ལ་ཕྱག་འཚལ་ལོ། །ཏདྱ་ཐཱ། ད་ར་ད་ར། ཛྙཱ་ན་ཀཱ་ཡ་པ་རི་ཤོ་དྷ་ནི། ཛྙཱ་ན་པ་རི་པུ་ར་ཎི་ཏ་ཐཱ་ཏ་ཨ་བ་བོ་དཱ་ནི་ཤི་གཱུ་མ་སྭཱ་ཧཱ། དེ་བཞིན་གཤེགས་པ་དྲི་མ་མེད་པར་གྲགས་པ་ལ་ཕྱག་འཚལ་ལོ། །ཏདྱ་ཐཱ། བི་བུ་
ལ་གོ་ཙ་རེ་པཱུ་ར་ཡཱ་པཱུ་ར་ཡཱ། སརྦ་ཨ་ཤ་ཛྙཱན་ཨ་དྷིཥྛཱི་ཏེ། སརྦ་བུད་དྷ་ཨ་དྷིཥྛཱི་ཏེ། སརྦ་བོ་དྷི་སཏྭ་ཨ་དྷི་ཨ་དྷིཥྛཱི་ཏེ་སྭཱ་ཧཱ། དེ་བཞིན་གཤེགས་པ་ཆོས་རྒྱ་མཚོ་ཤུགས་རྡུལ་མེད་ལ་ཕྱག་འཚལ་ལོ། །ཏདྱ་ཐཱ། བེ་གེ་བེ་གེ། དྷརྨ་ས་མུ་དྲ་བེ་གེ། 
ན་ས་མུ་དྲ་བེ་གེ། པཱ་ར་མི་ཏཱ་བེ་གེ། སརྦ་ཨ་ཤཱ་པི་ར་པུ་ར་བེ་གེ། བུད་དྷ་ཨ་དྷིཥྛཱི་ཏེ་སྭཱ་ཧཱ། སངས་རྒྱས་འདི་དག་སྔོན་བྱང་ཆུབ་སེམས་དཔར་གྱུར་པའི་ཚེ་སྨོན་ལམ་འདི་སྐད་ཅེས་གསུངས་ཏེ། ནམ་བདག་ཅག་བྱང་ཆུབ་ཏུ་མངོན་པར་
སངས་རྒྱས་པ་ན་སེམས་ཅན་གང་གིས་ངེད་ཀྱི་མིང་ཐོས་སམ། འཛིན་ཏམ། ཀླགས་ན་དེ་དག་ཐམས་ཅད་ཕྱིར་མི་ལྡོག་པར་གྱུར་ཅིག །མི་ཁོམ་པ་བརྒྱད་ལས་ཡོངས་སུ་འདས་ཤིང་སངས་རྒྱས་དང་བྱང་ཆུབ་སེམས་དཔའ་ཐམས་ཅད་ཀྱིས་
མངོན་སུམ་དུ་དགོངས་ཏེ་ཡོངས་སུ་དག་པའི་སངས་རྒྱས་ཀྱི་ཞིང་དུ་སྐྱེ་བར་ཤོག་ཤིག །དེ་ནས་ཤི་འཕོས་ནས། ཡང་ལྷར་བཅས་པས་ཡོངས་སུ་འཛིན་པར་ཤོག་ཤིག །འཇིགས་པ་ཐམས་ཅད་ལས་ཤིན་དུ་འདས་པར་ཤོག་ཤིག །གང་གིས་
དེ་བཞིན་གཤེགས་པ་འདི་དག་གི་མཚན་འཛིན་པ་དེ་དག་གིས་གཟུངས་སྔགས་ཀྱི་ཚིག་འདི་ཡང་རྟག་ཏུ་རྒྱུན་མི་འཆད་པར་ཟུང་ཤིག །དེ་སྟེ་བྱང་ཆུབ་སེམས་དཔའ་བྱམས་པ་མཐོང་བར་འདོད་ན་དེས་ཅི་ནུས་པར་མཆོད་པ་བྱས་ཏེ་འབུམ་
བཟླས་པར་བྱའོ། །དེ་སྟེ་ཀུན་དུ་བཟང་པོ་མཐོང་བར་འདོད་ན་ཡང་དེ་བཞིན་མཆོད་དེ་ཉིས་འབུམ་བཟླས་པར་བྱའོ། །དེ་སྟེ་ཡང་དེ་བཞིན་གཤེགས་པ་རྣམ་པར་སྣང་མཛད་མཐོང་བར་འདོད་ན། དེ་ལྟར་མཆོད་དེ་སུམ་འབུམ་བཟླས་པར་

62-1-31b

བྱའོ། །ཀུན་དུ་ཡང་གཙང་ཞིང་བྱམས་པའི་སེམས་སུ་བཅས་ལ། ང་རྒྱལ་དང་། དྲེགས་པ་དང་། ཁྲོ་བ་དང་། སྡིག་པ་ཐམས་ཅད་དང་བྲལ་བར་བྱའོ། །དེ་བཞིན་གཤེགས་པ་ཉི་མའི་མཆོག་འོད་གསལ་དཔལ་གཟི་བརྗིད་སྣང་བ་ལ་ཕྱག་
འཚལ་ལོ། །ཏདྱ་ཐཱ། སུརྱེ་སུརྱེ། ཛྙཱ་ན་སུརྱེ་སྭཱ་ཧཱ། དེ་བཞིན་གཤེགས་པ་གཟི་བརྗིད་ཆེན་པོ་རྣམ་པ་དུ་མའི་རྒྱལ་པོ་དཔལ་འོད་གསལ་ལ་ཕྱག་འཚལ་ལོ། །ཏདྱ་ཐཱ། ཤི་རི་ཤི་རི། ཏེ་ཛ་ཤི་རི་སྭཱ་ཧཱ། དེ་བཞིན་གཤེགས་པ་
བསྐལ་པ་བྱེ་བ་གྲངས་མེད་པར་བསགས་པའི་སངས་རྒྱས་ལ་ཕྱག་འཚལ་ལོ། །ཏདྱ་ཐཱ། ས་མུ་ད་ཡེ་ས་མུ་ད་ཡེ། ཛྙཱ་ན་ས་མུ་ད་ཡེ་སྭཱ་ཧཱ། དེ་བཞིན་གཤེགས་པ་ཆོས་ཚུལ་ཐམས་ཅད་རྣམ་པར་སྤྲུལ་པའི་གཟི་བརྗིད་འོད་གསལ་
ལ་ཕྱག་འཚལ་ལོ། །ཏདྱ་ཐཱ། གརྦྷེ་གརྦྷེ། ཛྙཱ་ན་གརྦྷེ་སྭཱ་ཧཱ། དེ་བཞིན་གཤེགས་པ་གསེར་བཟང་ནམ་མཁའ་སྒྲ་མང་གཟི་བརྗིད་འོད་གསལ་ལ་ཕྱག་འཚལ་ལོ། །ཏདྱ་ཐཱ། ག་ག་ན་ག་ག་ན། ག་ག་ན་བི་ཤུད་དྷེ་སྭཱ་ཧཱ། དེ་བཞིན་
གཤེགས་པ་རིན་ཆེན་རི་རབ་ལ་ཕྱག་འཚལ་ལོ། །ཏདྱ་ཐཱ། མེ་རུ་མེ་རུ་རད་ན་མེ་རུ་སྭཱ་ཧཱ། དེ་བཞིན་གཤེགས་པ་ཡོན་ཏན་རྒྱ་མཚོ་ལ་ཕྱག་འཚལ་ལོ། །ཏདྱ་ཐཱ། གུ་ཎ་གུ་ཎ། གུ་ཎ་སུ་མུ་དྲེ་སྭཱ་ཧཱ། དེ་བཞིན་གཤེགས་པ་
ཆོས་དབྱིངས་དཔལ་ལ་ཕྱག་འཚལ་ལོ། །ཏདྱ་ཐཱ། གེ་ཐུ་གེ་ཐུ། ཛྙཱ་ན་གེ་ཐུ་སྭཱ་ཧཱ། དེ་བཞིན་གཤེགས་པ་ཆོས་རྒྱ་མཚོ་སྒྲ་འབྱིན་ལ་ཕྱག་འཚལ་ལོ། །ཏདྱ་ཐཱ། ས་མུ་དྲེ་ས་མུ་དྲེ། ཛྙཱ་ན་ས་མུ་དྲེ་སྭཱ་ཧཱ། དེ་བཞིན་
གཤེགས་པ་ཆོས་ཀྱི་རྒྱལ་མཚན་ལ་ཕྱག་འཚལ་ལོ། །ཏདྱ་ཐཱ། དྷཱ་ཛེ་དྷཱ་ཛེ་དྷརྨ་དྷཱ་ཛེ་སྭཱ་ཧཱ། དེ་བཞིན་གཤེགས་པ་གཟི་བརྗིད་ལ་ཕྱག་འཚལ་ལོ། །ཏདྱ་ཐཱ། དྷ་རེ་དྷ་རེ། དྷ་ར་ནི་མུ་དྲེ་སྭཱ་ཧཱ། དེ་བཞིན་གཤེགས་པ་
ཆོས་སྟོབས་འོད་ལ་ཕྱག་འཚལ་ལོ། །ཏདྱ་ཐཱ། པྲ་དྷེ་པྲ་དྷེ་དྷརྨ་པྲ་དྷེ་སྭཱ་ཧཱ། དེ་བཞིན་གཤེགས་པ་སངས་རྒྱས་ནམ་མཁའ་ལ་ཕྱག་འཚལ་ལོ། །ཏད་ཡ་ཐཱ། བུད་དྷེ་བུད་དྷེ། སུ་བུད་དྷེ་སྭཱ་ཧཱ། དེ་བཞིན་གཤེགས་པ་འོད་ཆོས་

62-1-32a

ཀྱི་འོད་ཟེར་རི་རབ་རྩེ་མོ་སྣང་བ་ལ་ཕྱག་འཚལ་ལོ། །ཏདྱ་ཐཱ། ཨརྩི་ཨརྩི། ཛྙཱ་ན་ཨརྩི་སྭཱ་ཧཱ། དེ་བཞིན་གཤེགས་པ་སྤྲིན་གྱི་རྩེ་མོ་ལ་ཕྱག་འཚལ་ལོ། །ཏདྱ་ཐཱ། མེ་གྷ་མེ་གྷ། མ་ཧཱ་མེ་གྷ་སྭཱ་ཧཱ། དེ་བཞིན་གཤེགས་པ་ཉི་
མ་མར་མེ་དཔལ་རྩེ་མོ་ལ་ཕྱག་འཚལ་ལོ། །ཏདྱ་ཐཱ། པྲ་དཱི་པེ་པྲ་དཱི་པེ། ཛྙཱ་ན་པྲ་དཱི་པེ་སྭཱ་ཧཱ། དེ་བཞིན་གཤེགས་པ་ཞིང་དུ་སངས་རྒྱས་པ་ལ་ཕྱག་འཚལ་ལོ། །ཏདྱ་ཐཱ། ས་མེ་ས་མེ། ས་མ་སྟི་ཏེ་སྭཱ་ཧཱ། དེ་བཞིན་གཤེགས་པ་ཤིང་གི་རྒྱལ་པོ་ལ་
ཕྱག་འཚལ་ལོ། །ཏདྱ་ཐཱ། དྲུ་མེ་དྲུ་མེ། ཛྙཱ་ན་དྲུ་མེ་སྭཱ་ཧཱ། དེ་བཞིན་གཤེགས་པ་ཡོན་ཏན་རི་རབ་ལ་ཕྱག་འཚལ་ལོ། །ཏདྱ་ཐཱ། གུ་ཎ་གུ་ཎ། གུ་ཎ་མེ་རུ་ཤི་ཀ་རེ་སྭཱ་ཧཱ། དེ་བཞིན་གཤེགས་པ་སྤྲིན་ཆེན་སྤྱན་ལ་ཕྱག་འཚལ་ལོ། །ཏདྱ་ཐཱ། ནི་མེ་ནི་མེ། 
ཛྙཱ་ན་ནི་མེ་སྭཱ་ཧཱ། དེ་བཞིན་གཤེགས་པ་རྣམ་པར་སྣང་མཛད་ལ་ཕྱག་འཚལ་ལོ། །ཏདྱ་ཐཱ། བི་རི་བི་རི། བེ་རོ་ཙ་ན་སྭཱ་ཧཱ། དེ་བཞིན་གཤེགས་པ་འོད་མང་པོ་ལ་ཕྱག་འཚལ་ལོ། །ཏདྱ་ཐཱ། བྱུ་ཧེ་བྱུ་ཧེ། ཛྙཱ་ན་བྱུ་ཧེ་སྭཱ་ཧཱ། དེ་བཞིན་གཤེགས་པ་ཆོས་རྒྱ་མཚོ་
ལ་ཕྱག་འཚལ་ལོ། །ཏདྱ་ཐཱ། ས་མ་ས་མ་མུ་དྲ་བི་ཀྲ་མ་ནེ་སྭཱ་ཧཱ། དེ་བཞིན་གཤེགས་པ་གཟི་བརྗིད་དབུ་ལ་ཕྱག་འཚལ་ལོ། །ཏདྱ་ཐཱ། ཏེ་ཛེ་ཏེ་ཛེ། ཛྙཱ་ན་ཏེ་ཛེ་སྭཱ་ཧཱ། དེ་བཞིན་གཤེགས་པ་འཇིག་རྟེན་མགོན་པོ་ལ་ཕྱག་འཚལ་ལོ། །ཏདྱ་ཐཱ། 
ཨིན་དྲེ་ཨིན་དྲེ། ཨིན་དྲེ་བེ་ཀྲ་མེ་སྭཱ་ཧཱ། དེ་བཞིན་གཤེགས་པ་གཟི་བརྗིད་དཔལ་བཟང་ལ་ཕྱག་འཚལ་ལོ། །ཏདྱ་ཐཱ། བྷ་དྲེ་བྷ་དྲེ། སུ་བྷ་དྲེ་སྭཱ་ཧཱ། དེ་བཞིན་གཤེགས་པ་ཆོས་ཀུན་འོད་རྒྱལ་པོ་ལ་ཕྱག་འཚལ་ལོ། །ཏདྱ་ཐཱ། པྲ་བྷེ་
པྲ་བྷེ། ཛྙཱ་ན་པྲ་བྷེ་སྭཱ་ཧཱ། དེ་བཞིན་གཤེགས་པ་རྡོ་རྗེ་རིན་ཆེན་སྣང་ལ་ཕྱག་འཚལ་ལོ། །ཏདྱ་ཐཱ། བཛྲ་བཛྲ། བཛྲ་ཨུད་ཏ་རེ་སྭཱ་ཧཱ། དེ་བཞིན་གཤེགས་པ་མི་ཚུགས་སྟོབས་ལྡན་ལ་ཕྱག་འཚལ་ལོ། །ཏདྱ་ཐཱ། ཨ་སང་གེ་ཨ་སང་ག ། 
བུད་དྷེ་སྭཱ་ཧཱ། དེ་བཞིན་གཤེགས་པ་ཆོས་དབྱིངས་གཟུགས་བརྙན་ལ་ཕྱག་འཚལ་ལོ། །ཏདྱ་ཐཱ། དྷརྨ་དྷརྨ། དྷརྨ་དྷ་རེ་སྭཱ་ཧཱ། དེ་བཞིན་གཤེགས་པ་ཕྱོགས་ཀུན་དུ་མར་མེ་འོད་ཀྱི་རྒྱལ་པོ་ལ་ཕྱག་འཚལ་ལོ། །ཏདྱ་ཐཱ། དེ་ནི་དེ་ནི། དེ་ནི་ཀ་

62-1-32b

ར་ཎེ་སྭཱ་ཧཱ། དེ་བཞིན་གཤེགས་པ་སྙིང་རྗེའི་གཟི་བརྗིད་ལ་ཕྱག་འཚལ་ལོ། །ཏདྱ་ཐཱ། ཏེ་ཛེ་ཏེ་ཛེ། མ་ཧཱ་ཏེ་ཛེ་སྭཱ་ཧཱ། དེ་བཞིན་གཤེགས་པ་དཀའ་ཐུབ་རྒྱ་མཚོ་ལ་ཕྱག་འཚལ་ལོ། །ཏདྱ་ཐཱ། པྲ་ཏེ་པྲ་ཏེ། པྲ་ཏ་པ་རི་པུ་ར་ཎེ་སྭཱ་ཧཱ། དེ་བཞིན་
གཤེགས་པ་བཟོད་པའི་དཀྱིལ་འཁོར་མར་མེ་ལ་ཕྱག་འཚལ་ལོ། །ཏདྱ་ཐཱ། ཀྵ་མེ་ཀྵ་མེ། ཛྙཱ་ན་ཀྵ་མེ་སྭཱ་ཧཱ། དེ་བཞིན་གཤེགས་པ་ཆོས་ཀྱི་དཀྱིལ་འཁོར་འོད་ལ་ཕྱག་འཚལ་ལོ། །ཏདྱ་ཐཱ། པྲ་བྷེ་པྲ་བྷེ། ཛྙཱ་ན་མཎྜ་ལ་པྲ་བྷེ་སྭཱ་ཧཱ། 
དེ་བཞིན་གཤེགས་པ་ཀུན་དུ་སྣང་བའི་རྒྱ་མཚོ་མངལ་ཕྱག་འཚལ་ལོ། །ཏདྱ་ཐཱ། ས་ར་ས་ར། སརྦ་བུད་དྷ་ཨ་དྷིཥྛཱི་ཏེ་སྭཱ་ཧཱ། དེ་བཞིན་གཤེགས་པ་ཞི་འོད་རྒྱལ་པོ་ལ་ཕྱག་འཚལ་ལོ། །ཏདྱ་ཐཱ། པྲ་ཤན་ཏེ་པྲ་ཤན་ཏེ། ཨུ་པྲ་ཤན་ཏེ་སྭཱ་ཧཱ། 
དེ་བཞིན་གཤེགས་པ་གྲགས་པ་རྣམ་པར་རྒྱས་པ་ལ་ཕྱག་འཚལ་ལོ། །ཏདྱ་ཐཱ། བི་པུ་ལེ་བི་པུ་ལེ། ཛྙཱ་ན་བི་པུ་ལེ་སྭཱ་ཧཱ། དེ་བཞིན་གཤེགས་པ་ཆོས་རྒྱ་མཚོ་ཤུགས་ཀྱི་རྩེ་མོ་རྒྱལ་པོ་ལ་ཕྱག་འཚལ་ལོ། །ཏདྱ་ཐཱ། ས་མ་ས་མ། ས་མ་
སྟི་ཏེ་སྭཱ་ཧཱ། དེ་བཞིན་གཤེགས་པ་ཆོས་དབང་རྒྱལ་པོ་ལ་ཕྱག་འཚལ་ལོ། །ཏདྱ་ཐཱ། མ་ར་མ་ར། མ་ར་ཏི་ཀ་རེ་སྭཱ་ཧཱ། དེ་བཞིན་གཤེགས་པ་ཡོན་ཏན་སྤྲིན་ལ་ཕྱག་འཚལ་ལོ། །ཏདྱ་ཐཱ། གྷུ་མེ་གྷུ་མེ། གྷུ་མ་གྷུ་མེ་སྭཱ་ཧཱ། དེ་བཞིན་
གཤེགས་པ་ཆོས་ཀྱི་དཔལ་ལ་ཕྱག་འཚལ་ལོ། །ཏདྱ་ཐཱ། ཤི་རི་ཤི་རི། ཤི་ར་ཡཱ་སྭཱ་ཧཱ། དེ་བཞིན་གཤེགས་པ་ལྷའི་ཅོད་པན་ལ་ཕྱག་འཚལ་ལོ། །ཏདྱ་ཐཱ། མ་ཁུ་ཏེ་མ་ཁུ་ཏེ་དྷརྨ་མ་ཁུ་ཏེ་སྭཱ་ཧཱ། དེ་བཞིན་གཤེགས་པ་ཡེ་ཤེས་འོད་ཟེར་
གཟི་བརྗིད་དཔལ་ལ་ཕྱག་འཚལ་ལོ། །ཏདྱ་ཐཱ། ཛ་ཡེ་ཛ་ཡེ། ཛ་ཡ་བ་ཏི་སྭཱ་ཧཱ། དེ་བཞིན་གཤེགས་པ་རྐང་གཉིས་དབང་པོ་ལ་ཕྱག་འཚལ་ལོ། །ཏདྱ་ཐཱ། དྷུ་མ་དྷུ་མ། མ་ཧཱ་དྷུ་མེ་སྭཱ་ཧཱ། དེ་བཞིན་གཤེགས་པ་ནམ་མཁའ་སྒྲ་
ལ་ཕྱག་འཚལ་ལོ། །ཏདྱ་ཐཱ། ག་ག་ནེ་ག་ག་ནེ་ག་ག་ན་ས་མེ་སྭཱ་ཧཱ། དེ་བཞིན་གཤེགས་པ་ཀུན་དུ་འབྱུང་བའི་མར་མེ་ལ་ཕྱག་འཚལ་ལོ། །ཏདྱ་ཐཱ། སམ་བྷ་བ་སམ་བྷ་བ་བུད་དྷ་ས་ཏེ་ན་སྭཱ་ཧཱ། དེ་བཞིན་གཤེགས་པ་སྨིན་

62-1-33a

མཚམས་དཔལ་སྣང་ལ་ཕྱག་འཚལ་ལོ། །ཏདྱ་ཐཱ། ཨུ་མེ་ཨུ་མེ་ཨུ་མ་བ་ཏི་སྭཱ་ཧཱ། དེ་བཞིན་གཤེགས་པ་ཞི་བ་གྲགས་པར་མཛད་པ་ལ་ཕྱག་འཚལ་ལོ། །ཏདྱ་ཐཱ། གྷོ་ཥེ་གྷོ་ཥེ་བུད་དྷ་གྷོ་ཥེ་སྭཱ་ཧཱ། དེ་བཞིན་གཤེགས་པ་རྒྱ་
མཚོ་དཔལ་ལ་ཕྱག་འཚལ་ལོ། །ཏདྱ་ཐཱ། ས་ར་ས་ར་ས་ར་ཤི་བེ་སྭཱ་ཧཱ། དེ་བཞིན་གཤེགས་པ་ཉི་མའི་གཟི་བརྗིད་ལ་ཕྱག་འཚལ་ལོ། །ཏདྱ་ཐཱ། ཏེ་ཛེ་ཏེ་ཛེ་ཏེ་ཛ་བ་ཏི་སྭཱ་ཧཱ། དེ་བཞིན་གཤེགས་པ་དབང་ཕྱུག་ལ་ཕྱག་འཚལ་ལོ། །
ཏདྱ་ཐཱ། ཤི་བི་ཤི་བི་པུ་སྭཱ་ཧཱ། དེ་བཞིན་གཤེགས་པ་མཚན་ཉིད་རི་རབ་ལ་ཕྱག་འཚལ་ལོ། །ཏདྱ་ཐཱ། ཀྵ་ཡེ་ཀྵ་ཡེ་ཀརྨ་ཀྵ་ཡེ་སྭཱ་ཧཱ། དེ་བཞིན་གཤེགས་པ་སྤྲིན་སྒྲ་དབྱངས་ལ་ཕྱག་འཚལ་ལོ། །ཏདྱ་ཐཱ། རུ་ཧེ་རུ་ཧེ་གྷོ་ཥ་
རུ་ཧེ་སྭཱ་ཧཱ། དེ་བཞིན་གཤེགས་པ་ཆོས་དབང་རྒྱལ་པོ་ལ་ཕྱག་འཚལ་ལོ། །ཏདྱ་ཐཱ། ཨིན་དྲེ་ཨིན་དྲེ་ཨིན་དྲ་བ་ཏི་སྭཱ་ཧཱ། དེ་བཞིན་གཤེགས་པ་ཡོན་ཏན་རྒྱལ་པོ་ལ་ཕྱག་འཚལ་ལོ། །ཏདྱ་ཐཱ། གུ་ཎི་གུ་ཎི་གུ་ཎ་ས་མུ་ཏི་ཏེ་
སྭཱ་ཧཱ། དེ་བཞིན་གཤེགས་པ་བསོད་ནམས་རི་བོ་ལ་ཕྱག་འཚལ་ལོ། །ཏདྱ་ཐཱ། པུ་ར་ཡ་པུ་ར་ཡ། སརྦ་མ་ནོ་ར་ཐ་ནཱོ་སྭཱ་ཧཱ། དེ་བཞིན་གཤེགས་པ་གསུང་ཞི་ལ་ཕྱག་འཚལ་ལོ། །ཏདྱ་ཐཱ། ཤ་མེ་ཤ་མེ་ཤ་མ་ནི་སྭཱ་ཧཱ། 
དེ་བཞིན་གཤེགས་པ་འོད་ཀྱི་རྒྱལ་པོ་ལ་ཕྱག་འཚལ་ལོ། །ཏདྱ་ཐཱ། པྲ་ས་ར་པྲ་ས་ར་པྲ་ས་ར་ཎི་སྭཱ་ཧཱ། དེ་བཞིན་གཤེགས་པ་མེ་ཏོག་བཟང་བ་བཞིན་དགོངས་པ་ལ་ཕྱག་འཚལ་ལོ། །ཏདྱ་ཐཱ། ཀུ་མུ་ཀུ་མུ་ཀུ་མུ་ཏེ་སྭཱ་ཧཱ། དེ་བཞིན་
གཤེགས་པ་རྒྱ་མཚོའི་སྙིང་པོ་ལ་ཕྱག་འཚལ་ལོ། །ཏདྱ་ཐཱ། གརྦྷེ་གརྦྷེ། ཏ་ཐཱ་ག་ཏ་གརྦྷེ་སྭཱ་ཧཱ། དེ་བཞིན་གཤེགས་པ་རིགས་པའི་དཔལ་ལ་ཕྱག་འཚལ་ལོ། །ཏདྱ་ཐཱ། སམ་བྷ་བ་སམ་བྷ་བ་པྲ་ཎི་དྷ་ན་སམ་བྷ་བ་སྭཱ་ཧཱ། 
དེ་བཞིན་གཤེགས་པ་ལྷའི་དབང་པོ་གཙུག་ཏོར་ནོར་བུ་སྙིང་པོ་ལ་ཕྱག་འཚལ་ལོ། །ཏདྱ་ཐཱ། དེ་བེ་དེ་བེ། དེ་བེ་ན་དྲ་པུ་ཙི་ཏེ་སྭཱ་ཧཱ། དེ་བཞིན་གཤེགས་པ་གསེར་གྱི་རི་བོ་ལ་ཕྱག་འཚལ་ལོ། །ཏདྱ་ཐཱ། ཀན་ཙ་ནེ་ཀ་ན་ཙ་ནེ་

62-1-33b

ཀན་ཙ་ན་ས་ཏྲི་ཤེ་སྭཱ་ཧཱ། དེ་བཞིན་གཤེགས་པ་རིན་ཆེན་ཕུང་པོ་ལ་ཕྱག་འཚལ་ལོ། །ཏདྱ་ཐཱ། རཏ་ནེ་རཏ་ནེ། ཛྙཱ་ན་རཏ་ནེ་སྭཱ་ཧཱ། དེ་བཞིན་གཤེགས་པ་ཆོས་ཀྱི་རྒྱལ་མཚན་ལ་ཕྱག་འཚལ་ལོ། །ཏདྱ་ཐཱ། དྷ་མ་དྷ་མ། དྷ་མ་
དྷ་མ་སྭཱ་ཧཱ། དེ་བཞིན་གཤེགས་པ་ནོར་གྱི་དཔལ་ལ་ཕྱག་འཚལ་ལོ། །ཏདྱ་ཐཱ། ཤི་རི་ཏེ་ཛེ་ཤི་རི་ཏེ་ཤི་རི་སྭཱ་ཧཱ། དེ་བཞིན་གཤེགས་པ་ཡེ་ཤེས་བློ་གྲོས་ལ་ཕྱག་འཚལ་ལོ། །ཏདྱ་ཐཱ། ཛེ་བེ་ཛེ་བེ། ཛེ་བེ་ནེ་སྭཱ་ཧཱ། 
དེ་བཞིན་གཤེགས་པ་ཞི་བའི་རྒྱལ་མཚན་ལ་ཕྱག་འཚལ་ལོ། །ཏདྱ་ཐཱ། ཤཱན་ཏེ་ཤཱན་ཏེ། པྲ་ཤ་མ་ནེ་སྭཱ་ཧཱ། དེ་བཞིན་གཤེགས་པ་ཞི་གནས་དཔལ་ལ་ཕྱག་འཚལ་ལོ། །ཏདྱ་ཐཱ། ཀི་རི་ཀི་རི། ཀི་རི་རཱ་ཛ་སྭཱ་ཧཱ། 
དེ་བཞིན་གཤེགས་པ་ཞི་བའི་མར་མེ་སྤྲིན་དཔལ་ལ་ཕྱག་འཚལ་ལོ། །ཏདྱ་ཐཱ། པྲ་ཤ་མ་རི་པུ་པྲ་ཤ་མ་རི་པུ་ཤན་ཏོ་བྷ་བ་ཧི་བུ་སྭཱ་ཧཱ། དེ་བཞིན་གཤེགས་པ་སྣང་མཛད་འོད་ཀྱི་རྒྱལ་པོ་ལ་ཕྱག་འཚལ་ལོ། །
ཏདྱ་ཐཱ། ཨ་བ་བྷ་སེ་ཨ་བ་བྷ་སེ། ཨ་བ་བྷ་སེ་ཀ་ར་ཎེ་སྭཱ་ཧཱ། དེ་བཞིན་གཤེགས་པ་སྤྲིན་ཤོལ་བ་ལ་ཕྱག་འཚལ་ལོ། །ཏདྱ་ཐཱ། བི་བི་བི་བི་མ་ལེ་ཏེ་སྭཱ་ཧཱ། དེ་བཞིན་གཤེགས་པ་ཉི་མའི་གཟི་བརྗིད་ལ་ཕྱག་
འཚལ་ལོ། །ཏདྱ་ཐཱ། སུ་རུ་སུ་རུ་སཱུརྱ་ཏི་ཏེ་སྭཱ་ཧཱ། དེ་བཞིན་གཤེགས་པ་ཆོས་ཀྱི་མར་མེ་དཔལ་རི་རབ་ལ་ཕྱག་འཚལ་ལོ། །ཏདྱ་ཐཱ། དཱི་པེ་དཱི་པེ། དྷརྨ་པྲ་ཏི་སྭཱ་ཧཱ། དེ་བཞིན་གཤེགས་པ་འོད་ཟེར་དཔལ་ལ་
ཕྱག་འཚལ་ལོ། །ཏདྱ་ཐཱ། ཙི་རི་ཙི་རི། ཙི་རི་ཙི་སྭཱ་ཧཱ། དེ་བཞིན་གཤེགས་པ་ལྷའི་དཔལ་གྱི་སྙིང་པོ་ལ་ཕྱག་འཚལ་ལོ། །ཏདྱ་ཐཱ། དེ་བ་དེ་བ། དེ་བ་པུ་ཙི་ཏི་སྭཱ་ཧཱ། དེ་བཞིན་གཤེགས་པ་སེང་གེ་བསྒྲགས་
གློག་གི་མར་མེ་ལ་ཕྱག་འཚལ་ལོ། །ཏདྱ་ཐཱ། སི་མེ་སི་མེ། བུད་དྷ་སིང་ཧ་སི་མེ་སྭཱ་ཧཱ། དེ་བཞིན་གཤེགས་པ་ཀུན་དུ་ཡོན་ཏན་མང་པོའི་སྤྲིན་ལ་ཕྱག་འཚལ་ལོ། །ཏདྱ་ཐཱ། མེ་རུ་མེ་རུ། བུད་དྷ་མེ་རུ་སྭཱ་ཧཱ། དེ་བཞིན་གཤེགས་

62-1-34a

པ་ནམ་མཁའི་སེམས་ལ་ཕྱག་འཚལ་ལོ། །ཏདྱ་ཐཱ། ག་ག་ག་ག །ག་ཏ་ཡ་སྭཱ་ཧཱ། དེ་བཞིན་གཤེགས་པ་ཤིན་དུ་རིགས་པ་མང་པོ་ལ་ཕྱག་འཚལ་ལོ། །ཏདྱ་ཐཱ། སམ་བྷ་བ་སམ་བྷ་བེ། སམ་བྷ་བེ་བྱུ་ཧེ་པུ་
སྭཱ་ཧཱ། དེ་བཞིན་གཤེགས་པ་གྲགས་པ་རྒྱ་མཚོ་དབྱངས་ལ་ཕྱག་འཚལ་ལོ། །ཏདྱ་ཐཱ། གརྫ་གརྫ་ནི་སྭཱ་ཧཱ། དེ་བཞིན་གཤེགས་པ་ཆོས་དབྱིངས་ང་རོ་དབྱངས་ལ་ཕྱག་འཚལ་ལོ། །ཏདྱ་ཐཱ། དྷ་ར་དྷ་ར་ཎི་བན་དྷེ་སྭཱ་ཧཱ། དེ་བཞིན་
གཤེགས་པ་སྩལ་བའི་སྤྲིན་ལ་ཕྱག་འཚལ་ལོ། །ཏདྱ་ཐཱ། ནི་མེ་ནི་མེ། ཛྙཱ་ན་ནི་མེ་སྭཱ་ཧཱ། དེ་བཞིན་གཤེགས་པ་ལྷ་སྒྲ་དཔལ་ལ་ཕྱག་འཚལ་ལོ། །ཏདྱ་ཐཱ། ས་རེ་ས་རེ་བུད་དྷ་ས་རེ་སྭཱ་ཧཱ། དེ་བཞིན་གཤེགས་པ་ཕྱོགས་བཅུ་ཀུན་གྱི་གཟི་
བརྗིད་ལ་ཕྱག་འཚལ་ལོ། །ཏདྱ་ཐཱ། ཏ་ར་ཏ་ར། བུད་དྷ་ཨ་དྷིཥྛཱ་ཎ་ནེ་སྭཱ་ཧཱ། དེ་བཞིན་གཤེགས་པ་ཆོས་ཀྱི་རྒྱ་མཚོ་ལ་ཕྱག་འཚལ་ལོ། །ཏདྱ་ཐཱ། ས་མུ་དྲེ་ས་མུ་དྲེ། དྷརྨ་དྷཱ་ཏུ་ས་མུ་དྲེ་སྭཱ་ཧཱ། དེ་བཞིན་གཤེགས་པ་འབྱུང་བའི་
གསུང་ལ་ཕྱག་འཚལ་ལོ། །ཏདྱ་ཐཱ། སམ་བྷ་བེ་སམ་བྷ་བེ། སམ་བྷ་བ་ཏུ། བུད་དྷ་ཨ་དྷིཥྛཱ་ཎ་ནེ་སྭཱ་ཧཱ། དེ་བཞིན་གཤེགས་པ་ཡོན་ཏན་རྒྱ་མཚོ་ལ་ཕྱག་འཚལ་ལོ། །ཏདྱ་ཐཱ། གུ་ཎེ་གུ་ཎེ་བུད་དྷ་སམ་བྷ་བ་གུ་ཎེ་སྭཱ་ཧཱ། 
དེ་བཞིན་གཤེགས་པ་དཔལ་གྱི་མར་མེ་ལ་ཕྱག་འཚལ་ལོ། །ཏདྱ་ཐཱ། ཤི་རི་ཤི་རི། པྲ་དི་པྲ་ཤི་རི་སྭཱ་ཧཱ། དེ་བཞིན་གཤེགས་པ་རྒྱལ་བའི་ཉི་མ་ལ་ཕྱག་འཚལ་ལོ། །ཏདྱ་ཐཱ། ཛི་ན་ཛི་ན་སཱུརྱ་སྭཱ་ཧཱ། དེ་བཞིན་གཤེགས་
པ་སྤྲིན་རྣམ་པར་མང་བའི་འོད་ལ་ཕྱག་འཚལ་ལོ། །ཏདྱ་ཐཱ། བི་པུ་ལེ་བི་པུ་ལེ། ག་ག་ན་བི་པུ་ལེ་སྭཱ་ཧཱ། དེ་བཞིན་གཤེགས་པ་རིན་ཆེན་དཔལ་མར་མེའི་ཡོན་ཏན་གཟི་བརྗིད་ལ་ཕྱག་འཚལ་ལོ། །ཏདྱ་ཐཱ། པྲ་དཱི་པེ་པྲ་དཱི་བེ། 
ཤི་རི་ཏེ་ཛ་པྲ་དཱི་པེ་སྭཱ་ཧཱ། དེ་བཞིན་གཤེགས་པ་དཀའ་ཐུབ་གྲུབ་ལ་ཕྱག་འཚལ་ལོ། །ཏདྱ་ཐཱ། སིད་དྷེ་སུ་སིད་དྷེ། མོ་ཙ་ནི་མོ་ཀྵ་ནི། མུག་ཏེ་(བེ་མུག་ཏེ་)བི་མུག་ཏེ། ཨ་མ་ལེ། བི་མ་ལེ། ནི་ར་མ་ལེ། མང་ག་ལྱ། ཧིར་ཎྱ་

62-1-34b

ག་རེ་བྷེ་རཏྣ་ག་ར་བྷེ། སརྦ་ཨརྠ་སཱ་དྷ་ནི་མ་ར་མ་ར་དྷ་སཱ་དྷ་ནི། མ་ན་སེ་མ་ཧཱ་མཱ་ན་སེ། ཨད་བྷུ་ཏ་ཨད་བྷུ་ཏེ། བི་ཏ་བྷ་ཡེ། སུ་བ་ནི་བྲྃ་མ་ཡོ་ན། བྲྃ་མ་ཨདྷྱཱ་ཤི་ཏེ། སརྦ་ཨ་ཏེ། སྭ་པ་ར་ཛིད་ཏེ། སརྦ་ཏྲ་ཨ་པྲ་ཏི་ཧ་ཏེ། ཙ་ཏུ་ཤ་བྷཱུ་ཏ་ཀོ་ཊི་པ་
སི་ཏེ། ནམཿ སརྦ་སིད་དྷི་ན་མ་ཏ་ཐཱ་ག་ཏ་ནཱ་མཿསྭཱ་ཧཱ། གཟུངས་འདི་བརྗོད་པའི་ཚེ་སངས་རྒྱས་བཅོམ་ལྡན་འདས་དེ་དག་ཐམས་ཅད་ཀྱིས་ལེགས་སོ་ཞེས་བྱ་བ་བྱིན་ཏེ། ལེགས་སོ། །སྐྱེས་བུ་དམ་པ་ཁྱོད་ཀྱིས་དེ་ལྟར་འདྲི་བའི་གཟུངས་
སྔགས་ཟབ་མོ་བརྗོད་པ་ནི་ལེགས་སོ། །གང་གིས་གཟུངས་སྔགས་འདི་འཛིན་ཏམ། སྒོམ་འམ། རྟག་ཏུ་རྒྱུན་མི་འཆད་པར་རྒྱས་པར་ཡིད་ལ་བྱེད་ན། རིགས་ཀྱི་བུ་ཕོ་དེ་ལ་སངས་རྒྱས་བཅོམ་ལྡན་འདས་དེ་དག་གིས་
བསམ་པ་ཐམས་ཅད་ཡོངས་སུ་རྫོགས་པར་མཛད་དོ། །དེ་ནས་དེ་བཞིན་གཤེགས་པ་དྲི་མེད་འོད་གསལ་གྱིས་ལྗགས་ཀྱི་དབང་པོས་སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་ཡོག་པར་མཛད་ནས་བྱང་ཆུབ་སེམས་དཔའ་
དུང་ཕྱུར་ཕྲག་བདུན་བཅུ་རྣམས་ལ་བཀའ་སྩལ་པ། རིགས་ཀྱི་བུ་ཕོ་འམ། རིགས་ཀྱི་བུ་མོ་གང་གིས་གཟུངས་སྔགས་ཀྱི་ཚིག་འདི་འཆང་བ་དང་། ཀློག་པ་དང་། ཅི་ནུས་སུ་མཆོད་པར་བྱེད་པ་དེ་དག་ལ་སངས་རྒྱས་བཅོམ་
ལྡན་འདས་དེ་དག་གིས་ཇི་ལྟར་བསམས་པ་ཐམས་ཅད་ཡོངས་སུ་རྫོགས་པར་མཛད་དོ། །དེ་ནས་དེ་བཞིན་གཤེགས་པ་དྲི་མེད་འོད་གསལ་ལ་བྱང་ཆུབ་སེམས་དཔའ་སེམས་དཔའ་ཆེན་པོ་ཀུན་དུ་གླེང་བ་ཞེས་བྱ་བས་འདི་
སྐད་ཅེས་གསོལ་ཏོ། །བཅོམ་ལྡན་འདས་ཇི་ལྟ་བུར་ན་དེ་བཞིན་གཤེགས་པ་དེ་དག་ལ་མཆོད་པ་བགྱིས་པར་འགྱུར། དེ་སྐད་ཅེས་གསོལ་བ་དང་། བཅོམ་ལྡན་འདས་ཀྱིས་ཀུན་དུ་གླེང་བའི་བྱང་ཆུབ་སེམས་དཔའ་ལ་འདི་སྐད་
ཅེས་བཀའ་སྩལ་ཏོ། །རིགས་ཀྱི་བུ་གང་སུ་ཡང་རུང་སྟེ། ལས་དང་པོ་པའི་བྱང་ཆུབ་སེམས་དཔའ་བསམ་པ་ཐམས་ཅད་ཡོངས་སུ་རྫོགས་པར་འདོད་ན། ནང་པར་སྔར་ལངས་ཏེ་ལྕི་བས་དཀྱིལ་འཁོར་བྱས་ལ། མེ་ཏོག་དང་། 

62-1-35a

བདུག་པ་དང་། དྲི་དང་། ཕྲེང་བ་དང་། བྱུག་པས་ཅི་ནུས་སུ་མཆོད་པ་བྱས་ཏེ། འདུ་འཛི་མང་པོ་སྤངས་ལ་ཉིན་གསུམ་དབེན་མཚན་གསུམ་དབེན་པར་དེ་བཞིན་གཤེགས་པ་དེ་དག་གི་མཚན་དང་། གཟུངས་
སྔགས་ཀྱི་ཚིག་འདི་དྲན་པར་བྱས་པ་དང་། དེ་བཞིན་གཤེགས་པ་དེ་དག་གི་བདེན་པའི་ཚིག་གིས་བྱིན་གྱིས་བརླབས་པས་ན། དེའི་ད་ལྟར་གྱི་ཚེ་འདི་ཉིད་ལ་ལས་ཀྱི་སྒྲིབ་པ་ཐམས་ཅད་ཡོངས་སུ་འབྱང་བར་འགྱུར་རོ། །དེ་བཞིན་གཤེགས་
པ་ཟླ་འོད་ལ་ཕྱག་འཚལ་ལོ། །ཏདྱ་ཐཱ། ཙན་དྲེ་སུ་ཙན་དྲེ་མ་ཧཱ་ཙན་དྲེ། ཙན་དྲ་ཀི་རི་ཎི། མི་ལི་མི་ལི། བུདྡྷ་ཨ་དྷིཥྛཱི་ཏེ། སི་ལི་སི་ལི། དྷརྨ་ཨ་དྷིཥྛཱི་ཏེ། ཀི་ལི་ཀི་ལི་སཾ་གྷ་ཨ་དྷིཥྛཱི་ཏེ་སྭཱ་ཧཱ། རིགས་ཀྱི་བུ་ཕོ་འམ། རིགས་ཀྱི་བུ་མོ་གང་
སུ་ཡང་རུང་བ་དེ་བཞིན་གཤེགས་པ་དེའི་མཚན་བརྗོད་པ་འཆང་ཞིང་རྟག་ཏུ་རྒྱུན་མི་འཆད་པར་ནང་པར་ལངས་ཤིང་ཡིད་ལ་བྱེད་ན་དེ་བསྐལ་པ་སྟོང་ཕྲག་བཞི་བཅུར་ཚེ་རབས་དྲན་པར་འོང་ངོ་། །ནམ་དུ་ཡང་བྱང་ཆུབ་ཀྱི་སེམས་མི་
བརྗེད་པར་འགྱུར་རོ། །དེ་བཞིན་གཤེགས་པ་འགྲོ་བ་ཐམས་ཅད་ཡོངས་སུ་སྦྱོང་བའི་རྒྱལ་པོ་ལ་ཕྱག་འཚལ་ལོ། །ཏདྱ་ཐཱ། ཤོ་དྷ་ནེ་ཤོ་དྷ་ནེ་སརྦ་པཱ་པྃ་བི་ཤོ་དྷ་ནི། ཤུདྡྷེ་བི་ཤུདྡྷེ། སརྦ་ཀརྨ་ཨ་བ་ར་ཎ་བི་ཤུདྡྷེ་སྭཱ་ཧཱ། གང་
གིས་དེ་བཞིན་གཤེགས་པ་དེའི་མཚན་འཆང་ཞིང་རྟག་ཏུ་རྒྱུན་མི་འཆད་པར་ཡིད་ལ་བྱས་ན་དེ་ད་ལྟར་གྱི་ཚེ་འདི་ཉིད་དུ་ལས་ཐམས་ཅད་དང་སྡིག་པ་ཐམས་ཅད་ཡོངས་སུ་འབྱང་བར་འགྱུར་རོ། །མཐར་ཕྱིན་པར་འགྱུར་རོ། །
སངས་རྒྱས་ཀྱི་བྱིན་གྱི་བརླབས་ཀྱིས་ལོ་བྱེ་བ་ཕྲག་བཅུ་བཞིའི་བར་དུ་ཚེ་རབས་དྲན་པར་འགྱུར་ཏེ། མཐར་བྱང་ཆུབ་ཀྱི་དཀྱིལ་འཁོར་ལ་ཐུག་གི་བར་དུ་དེའི་དགེ་བའི་རྩ་བ་ཟད་པར་མི་འགྱུར་རོ། །དེ་བཞིན་གཤེགས་པ་མིག་ཡོངས་
སུ་སྦྱོང་བའི་རྒྱལ་པོ་ལ་ཕྱག་འཚལ་ལོ། །ཏདྱ་ཐཱ། ཙཀྵུ་ཙཀྵུ། ཛྙཱ་ན་ཙཀྵུ་སྭཱ་ཧཱ། གང་གིས་དེ་བཞིན་གཤེགས་པ་འདིའི་མཚན་འཛིན་ན་དེ་ལྷ་དང་འཇིག་རྟེན་དུ་བཅས་པའི་མིག་ལྟ་བུར་འགྱུར་ཏེ། བསྐལ་པ་བཞི་བཅུར་ཚེ་རབས་དྲན་པར་

62-1-35b

འགྱུར་ཏེ། དགེ་བའི་རྩ་བ་ནི་བྱང་ཆུབ་ཀྱི་དཀྱིལ་འཁོར་དུ་ཐུག་གི་བར་དུ་མི་ཟད་དོ། །དེ་བཞིན་གཤེགས་པ་བལ་གླང་དྲི་འོད་གསལ་རྒྱལ་པོ་ལ་ཕྱག་འཚལ་ལོ། །ཏདྱ་ཐཱ། གཱ་ཛེ་གཱ་ཛེ། གཱ་ཛེ་ཨིནྡྲི་སྭཱ་ཧཱ། བཅོམ་ལྡན་འདས་ལ་བྱང་ཆུབ་
སེམས་དཔའ་རྒྱལ་བའི་ཕུང་པོས་འདི་སྐད་ཅེས་གསོལ་ཏོ། །རིགས་ཀྱི་བུ་ཕོ་འམ། རིགས་ཀྱི་བུ་མོ་གང་གིས་དེ་བཞིན་གཤེགས་པ་དྲི་འོད་གསལ་རྒྱལ་པོ་དེའི་མཚན་བརྗོད་པ་འཛིན་ན་དེའི་ལུས་ལས་ལོ་བརྒྱ་ཕྲག་བཅུ་གསུམ་གྱི་བར་དུ་
དྲི་འབྱུང་བར་འགྱུར་རོ། །བྱང་ཆུབ་ཀྱི་སེམས་ནམ་དུ་ཡང་བརྗེད་པར་མི་འགྱུར་རོ། །དེ་བཞིན་གཤེགས་པ་མེ་ཏོག་དཔལ་ལ་ཕྱག་འཚལ་ལོ། །ཏདྱ་ཐཱ། པུཥྤེ་པུཥྤེ། སུ་པུཥྤེ་སྭཱ་ཧཱ། དེའི་ཆོ་ག་ནི་མེ་ཏོག་ཇི་ལྟ་བུར་བཤམས་པ་དེ་
ལ་ལན་ཉི་ཤུ་རྩ་གཅིག་ཏུ་བསྔགས་ཏེ། དེ་བཞིན་གཤེགས་པའི་མཆོད་རྟེན་ལ་གཏོར་ན། དེའི་བསམས་པ་ཐམས་ཅད་རྫོགས་པར་འགྱུར། ལས་ཀྱི་སྒྲིབ་པ་ཐམས་ཅད་འབྱང་བར་འོང་། དེ་བཞིན་གཤེགས་པ་ས་འཛིན་རྒྱལ་པོ་ལ་ཕྱག་
འཚལ་ལོ། །ཏདྱ་ཐཱ། དྷ་རེ་དྷ་རེ། དྷ་ར་ཎི་བནྡྷེ་སྭཱ་ཧཱ། གང་གིས་དེ་བཞིན་གཤེགས་པ་དེའི་མཚན་དང་། གཟུངས་སྔགས་ཀྱི་ཚིག་འདི་འཛིན་ན། དེས་བསམ་པ་ཐམས་ཅད་ཡོངས་སུ་རྫོགས་པར་འགྱུར་རོ། །མཚམས་བབ་པར་འོང་། སྔགས་
ཀྱི་ཚིག་འདི་བརྒྱ་རྩ་བརྒྱད་དུ་བཟླས་ཏེ་བྱིན་ན་ཅི་སྙེད་པ་མི་ཁྱམས། དེ་བཞིན་དུ་སྨོན་ལམ་ཐམས་ཅད་ཀྱང་འགྲུབ་པར་འགྱུར་རོ། །དེ་བཞིན་གཤེགས་པ་གཅིག་ཏུ་མང་བ་ལ་ཕྱག་འཚལ་ལོ། །དེ་བཞིན་གཤེགས་པ་རྣམ་པར་འཕར་བའི་
ཁྱུ་མཆོག་རྒྱལ་པོ་ལ་ཕྱག་འཚལ་ལོ། །དེ་བཞིན་གཤེགས་པ་རྣམ་པར་འཕར་བས་ཤིན་དུ་རྣམ་པར་འབར་བའི་ཁྱུ་མཆོག་རྒྱལ་པོ་ལ་ཕྱག་འཚལ་ལོ། །དེ་བཞིན་གཤེགས་པ་རི་རབ་ཕུང་པོ་ལ་ཕྱག་འཚལ་ལོ། །དེ་བཞིན་གཤེགས་པ་བདེན་པའི་དོན་
ལ་ཕྱག་འཚལ་ལོ། །དེ་བཞིན་གཤེགས་པ་རྩེ་མོ་མང་ལ་ཕྱག་འཚལ་ལོ། །དེ་བཞིན་གཤེགས་པ་ཚོགས་མཆོག་ལ་ཕྱག་འཚལ་ལོ། །དེ་བཞིན་གཤེགས་པ་ནམ་མཁར་འཐུན་ལ་ཕྱག་འཚལ་ལོ། །དེ་བཞིན་གཤེགས་པ་གྲགས་པའི་སྟོབས་

62-1-36a

ཀྱི་རྒྱལ་པོ་ལ་ཕྱག་འཚལ་ལོ། །དེ་བཞིན་གཤེགས་པ་འོད་རབ་ཏུ་འགྱེད་པ་ལ་ཕྱག་འཚལ་ལོ། །དེ་བཞིན་གཤེགས་པ་ལས་འབྱུང་ཡོན་ཏན་ལ་ཕྱག་འཚལ་ལོ། །དེ་བཞིན་གཤེགས་པ་མེ་ཏོག་སྣ་ཚོགས་དཔལ་ལ་ཕྱག་འཚལ་
ལོ། །དེ་བཞིན་གཤེགས་པ་བ་སྤུ་ལྡང་བ་དང་བྲལ་བ་ལ་ཕྱག་འཚལ་ལོ། །དེ་བཞིན་གཤེགས་པ་ཡེ་ཤེས་དཔལ་ལ་ཕྱག་འཚལ་ལོ། །དེ་བཞིན་གཤེགས་པ་ཙན་དན་དྲི་ལ་ཕྱག་འཚལ་ལོ། །དེ་བཞིན་གཤེགས་པ་རབ་ཏུ་གསལ་བའི་སྤྱན་ལ་ཕྱག་
འཚལ་ལོ། །དེ་བཞིན་གཤེགས་པ་དྲིའི་བལ་གླང་ལ་ཕྱག་འཚལ་ལོ། །དེ་བཞིན་གཤེགས་པ་འཁོར་འདྲེན་ལ་ཕྱག་འཚལ་ལོ། །དེ་བཞིན་གཤེགས་པ་རི་རབ་ཕུང་པོ་ལ་ཕྱག་འཚལ་ལོ། །དེ་བཞིན་གཤེགས་པ་གདུགས་གཅིག་པ་ལ་ཕྱག་
འཚལ་ལོ། །དེ་བཞིན་གཤེགས་པ་མི་ཚུགས་པའི་འཁོར་ལོ་ལ་ཕྱག་འཚལ་ལོ། །དེ་བཞིན་གཤེགས་པ་ཙན་དན་དྲི་ལ་ཕྱག་འཚལ་ལོ། །དེ་བཞིན་གཤེགས་པ་ཀུན་རྫོབ་ཕུང་པོ་ལ་ཕྱག་འཚལ་ལོ། །དེ་བཞིན་གཤེགས་པ་དྲ་བའི་འོད་ལ་ཕྱག་
འཚལ་ལོ། །དེ་བཞིན་གཤེགས་པ་ཨུད་པ་ལ་དམར་པོའི་དཔལ་ལ་ཕྱག་འཚལ་ལོ། །དེ་བཞིན་གཤེགས་པ་ཡེ་ཤེས་མེ་ཏོག་འོད་དཔལ་ལ་ཕྱག་འཚལ་ལོ། །དེ་བཞིན་གཤེགས་པ་ཟླ་བ་ལས་འབྱུང་བའི་འོད་ཟེར་ལ་ཕྱག་འཚལ་ལོ། །
དེ་བཞིན་གཤེགས་པ་འཇིགས་པ་ཐམས་ཅད་སྐྲག་ཅིང་འཇོམས་པར་མཛད་པ་ལ་ཕྱག་འཚལ་ལོ། །དེ་བཞིན་གཤེགས་པ་བདེ་བའི་རྒྱལ་པོ་ལ་ཕྱག་འཚལ་ལོ། །དེ་བཞིན་གཤེགས་པ་ཆོས་ཀྱི་འབྱུང་གནས་ལ་ཕྱག་འཚལ་ལོ། །
དེ་བཞིན་གཤེགས་པ་འོད་ཟེར་བཅུས་ལྷག་པ་ལ་ཕྱག་འཚལ་ལོ། །དེ་བཞིན་གཤེགས་པ་མེའི་འོད་ལ་ཕྱག་འཚལ་ལོ། །དེ་བཞིན་གཤེགས་པ་རིན་ཆེན་འོད་ཟེར་མངོན་དུ་འཕགས་པ་ལ་ཕྱག་འཚལ་ལོ། །དེ་བཞིན་གཤེགས་པ་
མཐའ་ཡས་འོད་ལ་ཕྱག་འཚལ་ལོ། །དེ་བཞིན་གཤེགས་པ་མི་ཚུགས་དབྱངས་ལ་ཕྱག་འཚལ་ལོ། །དེ་བཞིན་གཤེགས་པ་དྲ་བ་འོད་ལ་ཕྱག་འཚལ་ལོ། །དེ་བཞིན་གཤེགས་པ་སངས་རྒྱས་མཐའ་ཡས་ལ་ཕྱག་འཚལ་ལོ། །

62-1-36b

དེ་བཞིན་གཤེགས་པ་མཐའ་ཡས་ཁྱུ་མཆོག་ལ་ཕྱག་འཚལ་ལོ། །དེ་བཞིན་གཤེགས་པ་ཨུད་པ་ལའི་དཔལ་ལ་ཕྱག་འཚལ་ལོ། །དེ་བཞིན་གཤེགས་པ་ཡེ་ཤེས་རབ་ཏུ་གནས་པ་ལ་ཕྱག་འཚལ་ལོ། །དེ་བཞིན་གཤེགས་པ་ཤཱཀྱ་ཐུབ་
པ་ལ་ཕྱག་འཚལ་ལོ། །དེ་བཞིན་གཤེགས་པ་ཡེ་ཤེས་རྣམ་པར་བསྒྲགས་པ་ལ་ཕྱག་འཚལ་ལོ། །དེ་བཞིན་གཤེགས་པ་ས་ལའི་དབང་པོ་རྒྱལ་པོ་ལ་ཕྱག་འཚལ་ལོ། །དེ་བཞིན་གཤེགས་པ་རིན་ཆེན་ས་ལ་ཕྱག་འཚལ་ལོ། །དེ་བཞིན་
གཤེགས་པ་ཁ་ལོ་སྒྱུར་བ་ལ་ཕྱག་འཚལ་ལོ། །དེ་བཞིན་གཤེགས་པ་རིན་ཆེན་སིལ་སྙན་ལ་ཕྱག་འཚལ་ལོ། །དེ་བཞིན་གཤེགས་པ་གདོན་མི་ཟ་བར་ཡོངས་སུ་གྲགས་པ་ལ་ཕྱག་འཚལ་ལོ། །དེ་བཞིན་གཤེགས་པ་དཔལ་འབྱུང་ལ་
ཕྱག་འཚལ་ལོ། །དེ་བཞིན་གཤེགས་པ་རྣམ་པར་གྲགས་པའི་རྒྱལ་པོ་ལ་ཕྱག་འཚལ་ལོ། །དེ་བཞིན་གཤེགས་པ་བལྟ་དཀའ་བ་ལ་ཕྱག་འཚལ་ལོ། །དེ་བཞིན་གཤེགས་པ་དྲིའི་འོད་གསལ་བ་ལ་ཕྱག་འཚལ་ལོ། །དེ་བཞིན་གཤེགས་པ་
ཐོགས་པ་མེད་པའི་སྒྲ་དབྱངས་ལ་ཕྱག་འཚལ་ལོ། །དེ་བཞིན་གཤེགས་པ་སྒྲ་འབྱིན་འོད་ཟེར་ལ་ཕྱག་འཚལ་ལོ། །དེ་བཞིན་གཤེགས་པ་རིན་ཆེན་རྩེ་མོ་མངོན་དུ་འཕགས་པའི་རྒྱལ་པོ་ལ་ཕྱག་འཚལ་ལོ། །དེ་བཞིན་གཤེགས་པ་རིན་ཆེན་
མངོན་དུ་འཕགས་པའི་དཔལ་ལ་ཕྱག་འཚལ་ལོ། །དེ་བཞིན་གཤེགས་པ་པད་མོའི་དཔལ་ལ་ཕྱག་འཚལ་ལོ། །དེ་བཞིན་གཤེགས་པ་རིན་ཆེན་མངོན་དུ་འཕགས་པ་ལ་ཕྱག་འཚལ་ལོ། །དེ་བཞིན་གཤེགས་པ་དྲི་འོད་གསལ་ལ་ཕྱག་
འཚལ་ལོ། །དེ་བཞིན་གཤེགས་པ་ཕྱོགས་བཅུར་གྲགས་པའི་གོ་ཆ་ལ་ཕྱག་འཚལ་ལོ། །དེ་བཞིན་གཤེགས་པ་ཀུན་དུ་ཡོན་ཏན་དབང་པོ་ལ་སྤྲིན་ཕྱུག་མར་མེ་ལ་ཕྱག་འཚལ་ལོ། །དེ་བཞིན་གཤེགས་པ་རིན་ཆེན་འོད་འབར་ལ་
ཕྱག་འཚལ་ལོ། །དེ་བཞིན་གཤེགས་པ་འོད་མཐའ་ཡས་ཡེ་ཤེས་འབྱུང་གནས་ལ་ཕྱག་འཚལ་ལོ། །དེ་བཞིན་གཤེགས་པ་རྣམ་པ་མང་དུ་སྤྲུལ་པ་ལ་ཕྱག་འཚལ་ལོ། །དེ་བཞིན་གཤེགས་པ་མང་པོའི་མཆོག་མངའ་བ་ལ་ཕྱག་

62-1-37a

འཚལ་ལོ། །དེ་བཞིན་གཤེགས་པ་སངས་རྒྱས་མེ་ཏོག་ཚོགས་ཀྱི་དཔལ་ལ་ཕྱག་འཚལ་ལོ། །དེ་བཞིན་གཤེགས་པ་སངས་རྒྱས་མེ་ཏོག་འབྱུང་བའི་རྒྱལ་པོ་ལ་ཕྱག་འཚལ་ལོ། །དེ་བཞིན་གཤེགས་པ་
རིན་ཆེན་སྐུ་ལ་ཕྱག་འཚལ་ལོ། །དེ་བཞིན་གཤེགས་པ་གདོན་མི་ཟ་བའི་དཔལ་ཀུན་དུ་གྲགས་པ་ལ་ཕྱག་འཚལ་ལོ། །དེ་བཞིན་གཤེགས་པ་ཡོན་ཏན་བརྩོན་འགྲུས་མཐའ་ཡས་པའི་གོ་ཆ་ལ་ཕྱག་འཚལ་ལོ། །
དེ་བཞིན་གཤེགས་པ་སེམས་བསྐྱེད་མ་ཐག་ཏུ་སེམས་ཅན་ཀུན་གྱི་སེམས་ཀྱི་རྒྱུན་དུ་འགྱུར་བ་ལ་ཕྱག་འཚལ་ལོ། །དེ་བཞིན་གཤེགས་པ་ཟླ་འོད་ལ་ཕྱག་འཚལ་ལོ། །དེ་བཞིན་གཤེགས་པ་འོད་ཀྱི་དཀྱིལ་འཁོར་ལ་ཕྱག་འཚལ་ལོ། །
དེ་བཞིན་གཤེགས་པ་ཡོན་ཏན་རྒྱལ་པོ་འོད་ལ་ཕྱག་འཚལ་ལོ། །དེ་བཞིན་གཤེགས་པ་ཡོན་ཏན་ཕ་རོལ་ཕྱིན་པ་ལ་ཕྱག་འཚལ་ལོ། །དེ་བཞིན་གཤེགས་པ་མར་མེ་མཛད་པ་ལ་ཕྱག་འཚལ་ལོ། །དེ་བཞིན་གཤེགས་པ་ལྷའི་རྒྱལ་པོ་
ལ་ཕྱག་འཚལ་ལོ། །དེ་བཞིན་གཤེགས་པ་འོད་མཛད་ལ་ཕྱག་འཚལ་ལོ། །དེ་བཞིན་གཤེགས་པ་འཇིགས་མེད་ལ་ཕྱག་འཚལ་ལོ། །དེ་བཞིན་གཤེགས་པ་ཐ་མི་དད་པའི་ཤིང་རྟ་ལ་ཕྱག་འཚལ་ལོ། །དེ་བཞིན་གཤེགས་པ་པད་
མོའི་འོད་ལས་འདས་པ་ལ་ཕྱག་འཚལ་ལོ། །དེ་བཞིན་གཤེགས་པ་ཡེ་ཤེས་ཨུད་པ་ལའི་དཔལ་ལ་ཕྱག་འཚལ་ལོ། །དེ་བཞིན་གཤེགས་པ་རིན་ཆེན་འབྱུང་གནས་ལ་ཕྱག་འཚལ་ལོ། །དེ་བཞིན་གཤེགས་པ་སྨོན་ལམ་
མཐའ་ཡས་གོ་ཆ་ལ་ཕྱག་འཚལ་ལོ། །དེ་བཞིན་གཤེགས་པ་ཡོན་ཏན་མཐའ་ཡས་བརྟན་པའི་རྒྱལ་པོ་ལ་ཕྱག་འཚལ་ལོ། །དེ་བཞིན་གཤེགས་པ་རིན་ཆེན་དཔུང་མགོ་ལ་ཕྱག་འཚལ་ལོ། །དེ་བཞིན་གཤེགས་པ་ས་
ལའི་དབང་པོ་རྒྱལ་པོ་ལ་ཕྱག་འཚལ་ལོ། །དེ་བཞིན་གཤེགས་པ་རིན་ཆེན་འོད་འབྱུང་ལ་ཕྱག་འཚལ་ལོ། །དེ་བཞིན་གཤེགས་པ་རིན་ཆེན་བརྩེགས་པ་ལ་ཕྱག་འཚལ་ལོ། །དེ་བཞིན་གཤེགས་པ་ཡོན་ཏན་མཐའ་ཡས་པའི་

62-1-37b

རྒྱན་ལ་ཕྱག་འཚལ་ལོ། །དེ་བཞིན་གཤེགས་པ་ཀུན་དུ་སྤྱན་རས་གཟིགས་དབྱངས་ལ་ཕྱག་འཚལ་ལོ། །དེ་བཞིན་གཤེགས་པ་རི་རབ་འོད་གསལ་ལ་ཕྱག་འཚལ་ལོ། །དེ་བཞིན་གཤེགས་པ་སྡེ་མཐའ་ཡས་པ་ལ་ཕྱག་འཚལ་
ལོ། །དེ་བཞིན་གཤེགས་པ་མངོན་དུ་འཕགས་པ་བཞུད་པ་ལ་ཕྱག་འཚལ་ལོ། །དེ་བཞིན་གཤེགས་པ་རིན་ཆེན་མེ་ཏོག་འབྱུང་བའི་དཔལ་ལ་ཕྱག་འཚལ་ལོ། །དེ་བཞིན་གཤེགས་པ་མཐའ་ཡས་པར་འཕར་བ་ལ་ཕྱག་འཚལ་ལོ། །
དེ་བཞིན་གཤེགས་པ་སེམས་ཅན་ཐམས་ཅད་མོས་པའི་གོ་ཆ་བགོས་པ་ལ་ཕྱག་འཚལ་ལོ། །དེ་བཞིན་གཤེགས་པ་རིན་ཆེན་གདུགས་མངོན་དུ་འཕགས་པ་ལ་ཕྱག་འཚལ་ལོ། །དེ་བཞིན་གཤེགས་པ་འཁོར་མཆོག་མངའ་བ་ལ་ཕྱག་
འཚལ་ལོ། །དེ་བཞིན་གཤེགས་པ་བདུད་རྩི་མེ་ཏོག་ལ་ཕྱག་འཚལ་ལོ། །དེ་བཞིན་གཤེགས་པ་རིན་ཆེན་ཁྱུ་མཆོག་ལ་ཕྱག་འཚལ་ལོ། །དེ་བཞིན་གཤེགས་པ་ཟླ་བ་མངོན་དུ་འཕགས་པའི་དཔལ་ལ་ཕྱག་འཚལ་ལོ། །
དེ་བཞིན་གཤེགས་པ་སེམས་བསྐྱེད་མ་ཐག་དུ་ཆོས་ཀྱི་འཁོར་ལོ་བསྐོར་བ་ལ་ཕྱག་འཚལ་ལོ། །དེ་བཞིན་གཤེགས་པ་ཕྱོགས་ཀུན་དུ་བསྒྲགས་པ་ལ་ཕྱག་འཚལ་ལོ། །དེ་བཞིན་གཤེགས་པ་ཀ་ལིང་ཀའི་རྒྱལ་པོ་ལ་ཕྱག་འཚལ་ལོ། །
དེ་བཞིན་གཤེགས་པ་ཉི་མའི་དཀྱིལ་འཁོར་མར་མེ་ལ་ཕྱག་འཚལ་ལོ། །དེ་བཞིན་གཤེགས་པ་རིན་ཆེན་དམ་པ་ལ་ཕྱག་འཚལ་ལོ། །དེ་བཞིན་གཤེགས་པ་ཡེ་ཤེས་འབྱུང་བའི་དཔལ་ལ་ཕྱག་འཚལ་ལོ། །དེ་བཞིན་གཤེགས་པ་སོ་
སོར་བརྟན་པའི་ཡོན་ཏན་རྒྱལ་པོ་ལ་ཕྱག་འཚལ་ལོ། །དེ་བཞིན་གཤེགས་པ་ཐོགས་པ་མེད་པའི་སྤྱན་ལ་ཕྱག་འཚལ་ལོ། །དེ་བཞིན་གཤེགས་པ་མི་འཇིགས་པ་སྦྱིན་པ་ལ་ཕྱག་འཚལ་ལོ། །དེ་བཞིན་གཤེགས་པ་ཡེ་ཤེས་དཔལ་ལ་
ཕྱག་འཚལ་ལོ། །དེ་བཞིན་གཤེགས་པ་དམིགས་པ་མེད་པའི་གོ་ཆ་ལ་ཕྱག་འཚལ་ལོ། །དེ་བཞིན་གཤེགས་པ་འོད་ཀྱི་དཀྱིལ་འཁོར་གྱི་གཟི་བརྗིད་ཀྱི་རྒྱལ་པོ་ལ་ཕྱག་འཚལ་ལོ། །དེ་བཞིན་གཤེགས་པ་བློ་གྲོས་རི་རབ་ལ་ཕྱག་འཚལ་ལོ། །

62-1-38a

དེ་བཞིན་གཤེགས་པ་མཐུ་ཆེན་ལ་ཕྱག་འཚལ་ལོ། །དེ་བཞིན་གཤེགས་པ་དྲི་མ་མེད་པའི་དཔལ་ལ་ཕྱག་འཚལ་ལོ། །དེ་བཞིན་གཤེགས་པ་རྡོ་རྗེ་མོས་ལ་ཕྱག་འཚལ་ལོ། །དེ་བཞིན་གཤེགས་པ་རྣམ་པར་དག་པའི་བློ་གྲོས་
ལ་ཕྱག་འཚལ་ལོ། །དེ་བཞིན་གཤེགས་པ་ཕན་པར་དགོངས་པ་ལ་ཕྱག་འཚལ་ལོ། །དེ་བཞིན་གཤེགས་པ་ཤིན་དུ་བརྟགས་པའི་འོད་ལ་ཕྱག་འཚལ་ལོ། །དེ་བཞིན་གཤེགས་པ་དགྲ་རབ་ཏུ་འཇོམས་པ་ལ་ཕྱག་འཚལ་ལོ། །དེ་བཞིན་
གཤེགས་པ་ཨུད་པ་ལའི་དཔལ་ལ་ཕྱག་འཚལ་ལོ། །དེ་བཞིན་གཤེགས་པ་རྣམ་པར་གྲགས་པའི་སྟོབས་ཀྱི་རྒྱལ་པོ་ལ་ཕྱག་འཚལ་ལོ། །དེ་བཞིན་གཤེགས་པ་རི་རབ་འོད་མཐའ་ཡས་དྲིའི་རྒྱལ་པོ་ལ་ཕྱག་འཚལ་ལོ། །དེ་བཞིན་གཤེགས་
པ་མེ་ཏོག་སྣ་ཚོགས་ཅན་ལ་ཕྱག་འཚལ་ལོ། །དེ་བཞིན་གཤེགས་པ་འོད་དཔག་མེད་ལ་ཕྱག་འཚལ་ལོ། །དེ་བཞིན་གཤེགས་པ་བུད་མེད་སྐྱེས་པར་བསྒྱུར་བ་ལ་ཕྱག་འཚལ་ལོ། །དེ་བཞིན་གཤེགས་པ་དྲི་མཆོག་དཔལ་ལ་ཕྱག་འཚལ་ལོ། །
དེ་བཞིན་གཤེགས་པ་རིན་ཆེན་མངོན་དུ་འཕགས་པའི་རྒྱལ་པོ་ལ་ཕྱག་འཚལ་ལོ། །དེ་བཞིན་གཤེགས་པ་སྤོས་ཀྱི་རི་རབ་ལ་ཕྱག་འཚལ་ལོ། །དེ་བཞིན་གཤེགས་པ་སེམས་ཅན་ཀུན་གྱི་སེམས་དད་པར་འགྱུར་བའི་ཡེ་ཤེས་སྟོན་པ་ལ་ཕྱག་འཚལ་
ལོ། །དེ་བཞིན་གཤེགས་པ་མཚན་མ་མེད་པའི་གཟུངས་ལ་ཕྱག་འཚལ་ལོ། །དེ་བཞིན་གཤེགས་པ་ཡེ་ཤེས་ཟླ་བའི་དཔལ་ལ་ཕྱག་འཚལ་ལོ། །དེ་བཞིན་གཤེགས་པ་མི་ཚུགས་པའི་དབྱངས་ལ་ཕྱག་འཚལ་ལོ། །དེ་བཞིན་གཤེགས་པ་སྟོབས་རབ་ཏུ་
གནོན་པ་ལ་ཕྱག་འཚལ་ལོ། །དེ་བཞིན་གཤེགས་པ་འོད་སྲུངས་ལ་ཕྱག་འཚལ་ལོ། །དེ་བཞིན་གཤེགས་པ་ཀུན་དུ་རྩོལ་བ་ཁྱུ་མཆོག་སྟོན་པ་ལ་ཕྱག་འཚལ་ལོ། །དེ་བཞིན་གཤེགས་པ་དོན་གྲུབ་ལ་ཕྱག་འཚལ་ལོ། །དེ་བཞིན་གཤེགས་པ་དཔལ་
འབྱུང་བ་ལ་ཕྱག་འཚལ་ལོ། །སངས་རྒྱས་ཀྱི་མཚན་ལྔ་སྟོང་བཞི་བརྒྱ་ལྔ་བཅུ་རྩ་གསུམ་པ། བམ་པོ་བཞི་པ། དེ་བཞིན་གཤེགས་པ་གྲགས་ལྡན་ལ་ཕྱག་འཚལ་ལོ། །དེ་བཞིན་གཤེགས་པ་ཀུན་ཡོད་འཇོམས་ཞིང་འཇིགས་པ་

62-1-38b

ལ་ཕྱག་འཚལ་ལོ། །དེ་བཞིན་གཤེགས་པ་དཔལ་གྱི་ཡེ་ཤེས་ལ་ཕྱག་འཚལ་ལོ། །དེ་བཞིན་གཤེགས་པ་སྐར་མའི་རྒྱལ་པོ་ལ་ཕྱག་འཚལ་ལོ། །དེ་བཞིན་གཤེགས་པ་བདུད་རྩི་དཔལ་ལ་ཕྱག་འཚལ་ལོ། །དེ་བཞིན་གཤེགས་པ་ཙན་
དན་ལ་ཕྱག་འཚལ་ལོ། །དེ་བཞིན་གཤེགས་པ་དྲ་བ་འོད་ལ་ཕྱག་འཚལ་ལོ། །དེ་བཞིན་གཤེགས་པ་ཚངས་པའི་དབྱངས་ལ་ཕྱག་འཚལ་ལོ། །དེ་བཞིན་གཤེགས་པ་བདུད་རྩིར་འགྱུར་བ་ལ་ཕྱག་འཚལ་ལོ། །དེ་བཞིན་གཤེགས་པ་ཐམས་
ཅད་དགའ་བར་རྩོལ་བ་ལ་ཕྱག་འཚལ་ལོ། །དེ་བཞིན་གཤེགས་པ་སྦྱོར་བ་ཀུན་གཅོད་པའི་གོ་ཆ་ལ་ཕྱག་འཚལ་ལོ། །དེ་བཞིན་གཤེགས་པ་རྣམ་པར་སྤྲུལ་པ་མཐའ་ཡས་ལ་ཕྱག་འཚལ་ལོ། །དེ་བཞིན་གཤེགས་པ་ཆོས་ཐམས་ཅད་
གཟིགས་པ་ལ་ཕྱག་འཚལ་ལོ། །དེ་བཞིན་གཤེགས་པ་ཆོས་ཐམས་ཅད་སྟོན་པ་ལ་ཕྱག་འཚལ་ལོ། །དེ་བཞིན་གཤེགས་པ་ཡོན་ཏན་དཔག་ཏུ་མེད་པ་ལ་ཕྱག་འཚལ་ལོ། །དེ་བཞིན་གཤེགས་པ་ཡེ་ཤེས་མངོན་དུ་འཕགས་པའི་རྒྱལ་པོ་ལ་ཕྱག་
འཚལ་ལོ། །དེ་བཞིན་གཤེགས་པ་པད་མོ་ལས་བྱུང་བའི་རྒྱལ་པོ་ལ་ཕྱག་འཚལ་ལོ། །དེ་བཞིན་གཤེགས་པ་ཕྱོགས་ཀུན་ནས་འབྱུང་བ་ལ་ཕྱག་འཚལ་ལོ། །དེ་བཞིན་གཤེགས་པ་མེ་ཏོག་འབྱུང་བའི་དཔལ་ལ་ཕྱག་འཚལ་ལོ། །
དེ་བཞིན་གཤེགས་པ་སེམས་ཅན་སྙིང་པོ་ལ་ཕྱག་འཚལ་ལོ། །དེ་བཞིན་གཤེགས་པ་ཡེ་ཤེས་འོད་ལ་ཕྱག་འཚལ་ལོ། །དེ་བཞིན་གཤེགས་པ་ཡེ་ཤེས་གནས་ལ་ཕྱག་འཚལ་ལོ། །དེ་བཞིན་གཤེགས་པ་རྣམ་པར་བྲལ་
བའི་སྙིང་པོ་ལ་ཕྱག་འཚལ་ལོ། །དེ་བཞིན་གཤེགས་པ་སྨན་པའི་རྒྱལ་པོ་ལ་ཕྱག་འཚལ་ལོ། །དེ་བཞིན་གཤེགས་པ་ཆོ་ག་ཐ་དད་པ་ལ་ཕྱག་འཚལ་ལོ། །དེ་བཞིན་གཤེགས་པ་ཡེ་ཤེས་མཐའ་ཡས་པར་གྲགས་པ་ལ་
ཕྱག་འཚལ་ལོ། །དེ་བཞིན་གཤེགས་པ་ཙན་དན་དྲི་དཔལ་ལ་ཕྱག་འཚལ་ལོ། །དེ་བཞིན་གཤེགས་པ་སངས་རྒྱས་མེ་ཏོག་དཔེ་མེད་པའི་དཔལ་ལ་ཕྱག་འཚལ་ལོ། །དེ་བཞིན་གཤེགས་པ་ཤིན་དུ་བརྗེད་པའི་རྒྱལ་པོ་ལ་ཕྱག་

62-1-39a

འཚལ་ལོ། །དེ་བཞིན་གཤེགས་པ་ཟླ་བ་ལས་མངོན་དུ་འཕགས་པའི་འོད་ལ་ཕྱག་འཚལ་ལོ། །དེ་བཞིན་གཤེགས་པ་ཁ་ལོ་སྒྱུར་བ་ལ་ཕྱག་འཚལ་ལོ། །དེ་བཞིན་གཤེགས་པ་རྒྱལ་བར་མཛད་པ་ལ་ཕྱག་
འཚལ་ལོ། །དེ་བཞིན་གཤེགས་པ་སྐྱོན་མེད་རྣམ་པར་སྐྱེ་བ་ལ་ཕྱག་འཚལ་ལོ། །དེ་བཞིན་གཤེགས་པ་གྲགས་པའི་བཤེས་གཉེན་ལ་ཕྱག་འཚལ་ལོ། །དེ་བཞིན་གཤེགས་པ་གྲགས་པར་མཛད་པ་ལ་ཕྱག་འཚལ་ལོ། །
དེ་བཞིན་གཤེགས་པ་མྱ་ངན་དང་བྲལ་བ་ལ་ཕྱག་འཚལ་ལོ། །དེ་བཞིན་གཤེགས་པ་པད་མོ་ལས་མངོན་དུ་འཕགས་པའི་དཔལ་ལ་ཕྱག་འཚལ་ལོ། །དེ་བཞིན་གཤེགས་པ་མེ་ཏོག་རབ་ཏུ་འཐོར་བའི་དཔལ་ལ་ཕྱག་འཚལ་ལོ། །
དེ་བཞིན་གཤེགས་པ་དྲི་འོད་ཀུན་དུ་འབར་བ་ལ་ཕྱག་འཚལ་ལོ། །དེ་བཞིན་གཤེགས་པ་སྤྱན་རབ་ཏུ་མཛེས་པ་ལ་ཕྱག་འཚལ་ལོ། །དེ་བཞིན་གཤེགས་པ་འོད་ཟེར་སྤྲོས་པ་ལ་ཕྱག་འཚལ་ལོ། །དེ་བཞིན་གཤེགས་པ་རི་རབ་འོད་ལ་
ཕྱག་འཚལ་ལོ། །དེ་བཞིན་གཤེགས་པ་རིན་ཆེན་འོད་ཁྱབ་ལ་ཕྱག་འཚལ་ལོ། །དེ་བཞིན་གཤེགས་པ་མཚན་མ་བྲལ་བའི་རྩེ་མོ་ལ་ཕྱག་འཚལ་ལོ། །དེ་བཞིན་གཤེགས་པ་ཁམས་གསུམ་ཁྱུ་མཆོག་རྣམ་པར་འབར་བ་ལ་
ཕྱག་འཚལ་ལོ། །དེ་བཞིན་གཤེགས་པ་འོད་ཀྱི་དཀྱིལ་འཁོར་ལ་ཕྱག་འཚལ་ལོ། །དེ་བཞིན་གཤེགས་པ་ནམ་མཁའི་རིགས་ཁྱུ་མཆོག་ལ་ཕྱག་འཚལ་ལོ། །དེ་བཞིན་གཤེགས་པ་གནོད་སྦྱིན་ཁྱུ་མཆོག་ལ་ཕྱག་
འཚལ་ལོ། །དེ་བཞིན་གཤེགས་པ་རྔ་དབྱངས་ལ་ཕྱག་འཚལ་ལོ། །དེ་བཞིན་གཤེགས་པ་ཀུན་དུ་སྣང་བའི་ཁྱུ་མཆོག་ལ་ཕྱག་འཚལ་ལོ། །དེ་བཞིན་གཤེགས་པ་ཡེ་ཤེས་རྣམ་པར་བསྒྲགས་པ་ལ་ཕྱག་འཚལ་ལོ། །
དེ་བཞིན་གཤེགས་པ་ཤིན་དུ་སོ་སོར་བསྟན་པ་ལ་ཕྱག་འཚལ་ལོ། །དེ་བཞིན་གཤེགས་པ་སངས་རྒྱས་ཁྱུ་མཆོག་ལ་ཕྱག་འཚལ་ལོ། །དེ་བཞིན་གཤེགས་པ་ཡོན་ཏན་ཀུན་གྱི་འབྱུང་གནས་ལ་ཕྱག་འཚལ་ལོ། །

62-1-39b

དེ་བཞིན་གཤེགས་པ་ཡོན་ཏན་རིན་ཆེན་མཐའ་ཡས་ལྡན་ལ་ཕྱག་འཚལ་ལོ། །དེ་བཞིན་གཤེགས་པ་ཡེ་ཤེས་མངོན་དུ་འཕགས་པའི་དཔལ་ལ་ཕྱག་འཚལ་ལོ། །དེ་བཞིན་གཤེགས་པ་ཡེ་ཤེས་མངོན་དུ་འཕགས་པའི་འོད་ཟེར་
དཔལ་ལ་ཕྱག་འཚལ་ལོ། །དེ་བཞིན་གཤེགས་པ་པད་མོ་འབྱུང་བའི་དཔལ་ལ་ཕྱག་འཚལ་ལོ། །དེ་བཞིན་གཤེགས་པ་དྲི་དམ་པ་ཁྱུ་མཆོག་ལ་ཕྱག་འཚལ་ལོ། །དེ་བཞིན་གཤེགས་པ་ཟླ་འོད་དཔལ་ལ་ཕྱག་འཚལ་ལོ། །
དེ་བཞིན་གཤེགས་པ་སྤོས་ཀྱི་བན་གླང་ལ་ཕྱག་འཚལ་ལོ། །དེ་བཞིན་གཤེགས་པ་བདུད་རྩིའི་འོད་ལ་ཕྱག་འཚལ་ལོ། །དེ་བཞིན་གཤེགས་པ་པད་མོ་བརྩེགས་པ་ལ་ཕྱག་འཚལ་ལོ། །དེ་བཞིན་གཤེགས་པ་པད་མོ་དཔལ་
འབྱུང་བ་ལ་ཕྱག་འཚལ་ལོ། །དེ་བཞིན་གཤེགས་པ་ཙན་དན་གྱི་དཔལ་ལ་ཕྱག་འཚལ་ལོ། །དེ་བཞིན་གཤེགས་པ་རིན་ཆེན་བརྩེགས་པ་ལ་ཕྱག་འཚལ་ལོ། །དེ་བཞིན་གཤེགས་པ་མཁྱེན་པའི་དམ་པ་ལ་ཕྱག་
འཚལ་ལོ། །དེ་བཞིན་གཤེགས་པ་བདེ་བར་མཛད་པ་ལ་ཕྱག་འཚལ་ལོ། །དེ་བཞིན་གཤེགས་པ་ཡོན་ཏན་མཐའ་ཡས་པའི་དཔལ་ལ་ཕྱག་འཚལ་ལོ། །དེ་བཞིན་གཤེགས་པ་འོད་ཀྱི་དཔལ་ལ་ཕྱག་འཚལ་ལོ། །དེ་བཞིན་
གཤེགས་པ་ཡོན་ཏན་འབྱུང་གནས་ལ་ཕྱག་འཚལ་ལོ། །དེ་བཞིན་གཤེགས་པ་ཡོན་ཏན་ཐམས་ཅད་འབྱུང་བའི་དཔལ་ལ་ཕྱག་འཚལ་ལོ། །དེ་བཞིན་གཤེགས་པ་པད་མོའི་དཔལ་ལ་ཕྱག་འཚལ་ལོ། །དེ་བཞིན་གཤེགས་
པ་སྐར་མདའ་འཛིན་ལ་ཕྱག་འཚལ་ལོ། །དེ་བཞིན་གཤེགས་པ་རིན་ཆེན་མངོན་དུ་འཕགས་པ་ལ་ཕྱག་འཚལ་ལོ། །དེ་བཞིན་གཤེགས་པ་མངོན་དུ་འཕགས་པའི་རྒྱལ་པོ་ལ་ཕྱག་འཚལ་ལོ། །དེ་བཞིན་གཤེགས་པ་སྐར་མའི་
དབང་པོ་ལ་ཕྱག་འཚལ་ལོ། །དེ་བཞིན་གཤེགས་པ་རི་རབ་མཐའ་ཡས་ལ་ཕྱག་འཚལ་ལོ། །དེ་བཞིན་གཤེགས་པ་ནམ་མཁའི་དཀྱིལ་འཁོར་རྣམ་པར་དག་པའི་རྒྱལ་པོ་ལ་ཕྱག་འཚལ་ལོ། །དེ་བཞིན་གཤེགས་པ་གསུང་རབ་

62-1-40a

བདུད་རྩི་ལ་ཕྱག་འཚལ་ལོ། །དེ་བཞིན་གཤེགས་པ་རབ་ཏུ་སྣང་བའི་བདུད་རྩི་ལ་ཕྱག་འཚལ་ལོ། །དེ་བཞིན་གཤེགས་པ་རིན་ཆེན་རི་རབ་ལ་ཕྱག་འཚལ་ལོ། །དེ་བཞིན་གཤེགས་པ་རིན་ཆེན་སྣ་ཚོགས་ཀྱི་མེ་ཏོག་ཤིན་དུ་
རྒྱས་པ་ལ་ཕྱག་འཚལ་ལོ། །དེ་བཞིན་གཤེགས་པ་འཁོར་མཆོག་དང་ལྡན་པ་ལ་ཕྱག་འཚལ་ལོ། །དེ་བཞིན་གཤེགས་པ་རྡུལ་མེད་རྡུལ་དང་བྲལ་བ་རྣམ་པར་གྲོལ་བའི་གོ་ཆ་ལ་ཕྱག་འཚལ་ལོ། །དེ་བཞིན་གཤེགས་པ་གསེར་གྱི་མེ་
ཏོག་ལ་ཕྱག་འཚལ་ལོ། །དེ་བཞིན་གཤེགས་པ་རིན་ཆེན་རྟེན་ལ་ཕྱག་འཚལ་ལོ། །དེ་བཞིན་གཤེགས་པ་མེ་ཏོག་སྣ་ཚོགས་འབྱུང་བ་ལ་ཕྱག་འཚལ་ལོ། །དེ་བཞིན་གཤེགས་པ་ཡི་གེའི་དཔལ་ལ་ཕྱག་འཚལ་ལོ། །དེ་བཞིན་གཤེགས་
པ་མེ་ཏོག་འབྱུང་བ་ལ་ཕྱག་འཚལ་ལོ། །དེ་བཞིན་གཤེགས་པ་པད་མོའི་གདུགས་ལ་ཕྱག་འཚལ་ལོ། །དེ་བཞིན་གཤེགས་པ་གདོན་མི་ཟ་བའི་གོ་ཆ་ལ་ཕྱག་འཚལ་ལོ། །དེ་བཞིན་གཤེགས་པ་སྟོབས་རྣམ་པར་སྙོམས་པའི་རྒྱལ་
པོ་ལ་ཕྱག་འཚལ་ལོ། །དེ་བཞིན་གཤེགས་པ་སྒྲ་ལ་ཕྱག་འཚལ་ལོ། །དེ་བཞིན་གཤེགས་པ་ཁྱུ་མཆོག་དམ་པ་ལ་ཕྱག་འཚལ་ལོ། །དེ་བཞིན་གཤེགས་པ་ཡོན་ཏན་དཔག་ཏུ་མེད་པ་དང་ལྡན་པ་ལ་ཕྱག་འཚལ་ལོ། །དེ་བཞིན་
གཤེགས་པ་ཁ་ལོ་སྒྱུར་བ་ལ་ཕྱག་འཚལ་ལོ། །དེ་བཞིན་གཤེགས་པ་གཞན་གྱིས་མི་ཚུགས་པའི་འཁོར་ལོ་ལ་ཕྱག་འཚལ་ལོ། །དེ་བཞིན་གཤེགས་པ་འགྲོ་བ་ཐམས་ཅད་རྣམ་པར་འཇོམས་པར་མཛད་པ་ལ་ཕྱག་འཚལ་ལོ། །
དེ་བཞིན་གཤེགས་པ་བློ་གྲོས་ངན་པ་རྣམས་འཇོམས་པ་ལ་ཕྱག་འཚལ་ལོ། །དེ་བཞིན་གཤེགས་པ་མཚན་མ་མེད་པར་གསུང་བ་ལ་ཕྱག་འཚལ་ལོ། །དེ་བཞིན་གཤེགས་པ་ཡོན་ཏན་མཐའ་ཡས་པ་དང་ལྡན་པ་ལ་ཕྱག་འཚལ་ལོ། །
དེ་བཞིན་གཤེགས་པ་དཀོན་མཆོག་འབྱུང་བའི་དཔལ་ལ་ཕྱག་འཚལ་ལོ། །དེ་བཞིན་གཤེགས་པ་པད་མོ་ལས་མངོན་དུ་འཕགས་པའི་དཔལ་ལ་ཕྱག་འཚལ་ལོ། །དེ་བཞིན་གཤེགས་པ་རིན་ཆེན་དམ་པ་ལ་ཕྱག་འཚལ་ལོ། །དེ་བཞིན་གཤེགས་

62-1-40b

པ་འདས་པ་དང་ཕྱིས་འབྱུང་བ་དང་ད་ལྟར་གྱི་དུས་སུ་མ་ཆགས་པའི་གོ་ཆ་ལ་ཕྱག་འཚལ་ལོ། །དེ་བཞིན་གཤེགས་པ་འོད་དཔག་ཏུ་མེད་པ་ལ་ཕྱག་འཚལ་ལོ། །དེ་བཞིན་གཤེགས་པ་རིན་ཆེན་རི་རབ་ལ་ཕྱག་འཚལ་ལོ། །དེ་བཞིན་གཤེགས་པ་ཉི་
མའི་མར་མེ་ལ་ཕྱག་འཚལ་ལོ། །དེ་བཞིན་གཤེགས་པ་དཔག་ཏུ་མེད་པའི་སྤྱན་ལ་ཕྱག་འཚལ་ལོ། །དེ་བཞིན་གཤེགས་པ་ཕྱོགས་ཀྱི་མར་མེ་ལ་ཕྱག་འཚལ་ལོ། །དེ་བཞིན་གཤེགས་པ་ས་ལའི་དབང་པོའི་རྒྱལ་པོ་ལ་ཕྱག་འཚལ་ལོ། །
དེ་བཞིན་གཤེགས་པ་མེ་ཏོག་སྙིང་པོ་ལ་ཕྱག་འཚལ་ལོ། །དེ་བཞིན་གཤེགས་པ་རིན་ཆེན་རི་རབ་ལ་ཕྱག་འཚལ་ལོ། །དེ་བཞིན་གཤེགས་པ་རྣམ་པར་གཟིགས་པ་ལ་ཕྱག་འཚལ་ལོ། །དེ་བཞིན་གཤེགས་པ་སྨན་པའི་རྒྱལ་
པོ་ལ་ཕྱག་འཚལ་ལོ། །དེ་བཞིན་གཤེགས་པ་དཔལ་བཟང་པོ་ལ་ཕྱག་འཚལ་ལོ། །དེ་བཞིན་གཤེགས་པ་བསྐྱེད་མི་ནུས་པ་ལ་ཕྱག་འཚལ་ལོ། །དེ་བཞིན་གཤེགས་པ་གསུང་དམ་པའི་དཔལ་ལ་ཕྱག་འཚལ་ལོ། །དེ་བཞིན་
གཤེགས་པ་གསུང་དམ་པ་ལ་ཕྱག་འཚལ་ལོ། །དེ་བཞིན་གཤེགས་པ་ཙན་དན་གྱི་གནས་ལ་ཕྱག་འཚལ་ལོ། །དེ་བཞིན་གཤེགས་པ་བརྩོན་འགྲུས་མཐའ་ཡས་པ་ལ་ཕྱག་འཚལ་ལོ། །དེ་བཞིན་གཤེགས་པ་མི་འཇིགས་
པའི་མེ་ཏོག་པད་མོ་ལས་མངོན་དུ་འཕགས་པའི་རྒྱལ་པོ་ལ་ཕྱག་འཚལ་ལོ། །དེ་བཞིན་གཤེགས་པ་རིན་ཆེན་གཙུག་ཏོར་ལ་ཕྱག་འཚལ་ལོ། །དེ་བཞིན་གཤེགས་པ་རབ་ཏུ་བརྗིད་པའི་རྒྱལ་པོ་ལ་ཕྱག་འཚལ་ལོ། །
དེ་བཞིན་གཤེགས་པ་དྲི་དམ་པའི་ཕྱག་ལ་ཕྱག་འཚལ་ལོ། །དེ་བཞིན་གཤེགས་པ་བདེ་བ་ཐམས་ཅད་མངོན་དུ་སྟོབས་པ་ལ་ཕྱག་འཚལ་ལོ། །དེ་བཞིན་གཤེགས་པ་རྩོལ་བ་ཐམས་ཅད་སྟོན་པ་ལ་ཕྱག་འཚལ་ལོ། །
དེ་བཞིན་གཤེགས་པ་འོད་རྣམ་པར་བསྒྲགས་པ་ལ་ཕྱག་འཚལ་ལོ། །དེ་བཞིན་གཤེགས་པ་སོ་སོར་ཤིན་དུ་བརྟེན་པ་ལ་ཕྱག་འཚལ་ལོ། །དེ་བཞིན་གཤེགས་པ་ཡོན་ཏན་མཐའ་ཡས་པར་བརྒྱན་པའི་དཔལ་ལ་ཕྱག་འཚལ་ལོ། །

62-1-41a

དེ་བཞིན་གཤེགས་པ་བདེ་བས་བརྒྱན་པ་ལ་ཕྱག་འཚལ་ལོ། །དེ་བཞིན་གཤེགས་པ་ནམ་མཁའི་དཔལ་ལ་ཕྱག་འཚལ་ལོ། །དེ་བཞིན་གཤེགས་པ་མཆོག་ཏུ་བཟང་པོའི་དཔལ་ལ་ཕྱག་འཚལ་ལོ། །དེ་བཞིན་གཤེགས་པ་ཁྱུ་
མཆོག་ལ་ཕྱག་འཚལ་ལོ། །དེ་བཞིན་གཤེགས་པ་རྣམ་པར་དག་པའི་སྤྱན་ལ་ཕྱག་འཚལ་ལོ། །དེ་བཞིན་གཤེགས་པ་ཁ་ལོ་སྒྱུར་བའི་མཆོག་ལ་ཕྱག་འཚལ་ལོ། །དེ་བཞིན་གཤེགས་པ་དཔལ་མངོན་དུ་འཕགས་པའི་རི་རབ་ལ་ཕྱག་འཚལ་
ལོ། །དེ་བཞིན་གཤེགས་པ་གཞན་གྱིས་མི་ཚུགས་པའི་རྒྱལ་མཚན་ལ་ཕྱག་འཚལ་ལོ། །དེ་བཞིན་གཤེགས་པ་མངོན་དུ་ཤེས་པར་མཛད་པ་ལ་ཕྱག་འཚལ་ལོ། །དེ་བཞིན་གཤེགས་པ་མཐའ་ཡས་མུ་མེད་པ་རི་རབ་སྤོ་ལ་ཕྱག་འཚལ་ལོ། །
དེ་བཞིན་གཤེགས་པ་ཟླ་བའི་དཀྱིལ་འཁོར་རྣམ་པར་དག་པའི་རྒྱལ་པོ་ལ་ཕྱག་འཚལ་ལོ། །དེ་བཞིན་གཤེགས་པ་རྣམ་པར་དག་པའི་རྒྱལ་པོ་ལ་ཕྱག་འཚལ་ལོ། །དེ་བཞིན་གཤེགས་པ་རྣམ་པར་དག་པའི་རི་རབ་ལ་ཕྱག་འཚལ་ལོ། །དེ་བཞིན་
གཤེགས་པ་ཤིན་དུ་བཟང་བའི་རིན་ཆེན་དཔལ་ལ་ཕྱག་འཚལ་ལོ། །དེ་བཞིན་གཤེགས་པ་ཚངས་པའི་དཔལ་ལ་ཕྱག་འཚལ་ལོ། །དེ་བཞིན་གཤེགས་པ་བར་ཆད་མེད་པའི་སྤྱན་ལ་ཕྱག་འཚལ་ལོ། །དེ་བཞིན་གཤེགས་པ་ཡོན་ཏན་
མཐའ་ཡས་བརྩེགས་པ་ལ་ཕྱག་འཚལ་ལོ། །དེ་བཞིན་གཤེགས་པ་གཟི་བརྗིད་དཔལ་ལ་ཕྱག་འཚལ་ལོ། །དེ་བཞིན་གཤེགས་པ་སྨོན་ལམ་བསམ་གྱིས་མི་ཁྱབ་པ་ཡོངས་སུ་རྫོགས་པ་ལ་ཕྱག་འཚལ་ལོ། །དེ་བཞིན་གཤེགས་པ་
དཀྱིལ་འཁོར་རྣམ་པར་དག་པའི་རྒྱལ་པོ་ལ་ཕྱག་འཚལ་ལོ། །དེ་བཞིན་གཤེགས་པ་ཡེ་ཤེས་གསང་བ་ཅན་ལ་ཕྱག་འཚལ་ལོ། །དེ་བཞིན་གཤེགས་པ་རྒྱལ་བའི་སྡེ་ལ་ཕྱག་འཚལ་ལོ། །དེ་བཞིན་གཤེགས་པ་ཡེ་ཤེས་བརྩེགས་
པ་ལ་ཕྱག་འཚལ་ལོ། །དེ་བཞིན་གཤེགས་པ་མར་མེ་མཛད་ལ་ཕྱག་འཚལ་ལོ། །དེ་བཞིན་གཤེགས་པ་བདེ་བ་ཅན་ལ་ཕྱག་འཚལ་ལོ། །དེ་བཞིན་གཤེགས་པ་རྡུལ་མེད་དམ་པ་ལ་ཕྱག་འཚལ་ལོ། །དེ་བཞིན་གཤེགས་པ་རབ་ཏུ་བྱུང་

62-1-41b

བའི་དཔལ་ལ་ཕྱག་འཚལ་ལོ། །དེ་བཞིན་གཤེགས་པ་སེམས་ཅན་གྱི་བསམ་པ་བཞིན་སྟོན་པའི་ཁྱུ་མཆོག་ལ་ཕྱག་འཚལ་ལོ། །དེ་བཞིན་གཤེགས་པ་རིན་ཆེན་དཔག་ཏུ་མེད་པ་ལ་ཕྱག་འཚལ་ལོ། །དེ་བཞིན་གཤེགས་པ་ཐམས་ཅད་མཁྱེན་ཅིང་
ཁྱུ་མཆོག་ལ་ཕྱག་འཚལ་ལོ། །དེ་བཞིན་གཤེགས་པ་སངས་རྒྱས་ཀྱི་ཐབས་ལས་བྱུང་བའི་འོད་ཐོགས་པ་མེད་པའི་དཔལ་ལ་ཕྱག་འཚལ་ལོ། །དེ་བཞིན་གཤེགས་པ་བདུད་ཐམས་ཅད་སངས་རྒྱས་ཀྱི་གཟུགས་སུ་སྟོན་པའི་བདུད་ཐམས་ཅད་
འདུལ་བའི་ཁྱུ་མཆོག་ལ་ཕྱག་འཚལ་ལོ། །དེ་བཞིན་གཤེགས་པ་མཚན་དང་ལྡན་པའི་དབྱངས་ལ་ཕྱག་འཚལ་ལོ། །དེ་བཞིན་གཤེགས་པ་མཚན་མ་མེད་པའི་དབྱངས་ལ་ཕྱག་འཚལ་ལོ། །དེ་བཞིན་གཤེགས་པ་པད་མོ་ལས་འདས་
པ་ལ་ཕྱག་འཚལ་ལོ། །དེ་བཞིན་གཤེགས་པ་རིན་ཆེན་འབྱུང་བའི་དཔལ་ལ་ཕྱག་འཚལ་ལོ། །དེ་བཞིན་གཤེགས་པ་རྡུལ་དང་བྲལ་བའི་བློ་གྲོས་ལ་ཕྱག་འཚལ་ལོ། །དེ་བཞིན་གཤེགས་པ་ཡེ་ཤེས་མེ་ཏོག་ཀུན་དུ་འབྱུང་བ་ལ་ཕྱག་
འཚལ་ལོ། །དེ་བཞིན་གཤེགས་པ་གཟི་བརྗིད་མཆོག་ཏུ་འཕགས་པའི་རྒྱལ་པོ་ལ་ཕྱག་འཚལ་ལོ། །དེ་བཞིན་གཤེགས་པ་རབ་ཏུ་ཞི་བ་ལ་ཕྱག་འཚལ་ལོ། །དེ་བཞིན་གཤེགས་པ་རྡུལ་དང་བྲལ་བའི་ཁྱུ་མཆོག་ལ་ཕྱག་འཚལ་ལོ། །
དེ་བཞིན་གཤེགས་པ་འགྲོ་བ་ཐམས་ཅད་སོ་སོར་བདེ་བར་མཛད་པ་ལ་ཕྱག་འཚལ་ལོ། །དེ་བཞིན་གཤེགས་པ་ཡོན་ཏན་བསམ་གྱིས་མི་ཁྱབ་པའི་དཔལ་ལ་ཕྱག་འཚལ་ལོ། །དེ་བཞིན་གཤེགས་པ་དགའ་བ་འབྱུང་བའི་དཔལ་ལ་
ཕྱག་འཚལ་ལོ། །དེ་བཞིན་གཤེགས་པ་འཇིགས་པ་མེད་པར་གཤེགས་པ་ལ་ཕྱག་འཚལ་ལོ། །དེ་བཞིན་གཤེགས་པ་མོས་པའི་དྲི་དང་ལྡན་པ་ལ་ཕྱག་འཚལ་ལོ། །དེ་བཞིན་གཤེགས་པ་ཀུན་དུ་གཟིགས་པ་ལ་ཕྱག་འཚལ་ལོ། །
དེ་བཞིན་གཤེགས་པ་འཇིགས་པ་མེད་པ་ལ་ཕྱག་འཚལ་ལོ། །དེ་བཞིན་གཤེགས་པ་འཇིགས་པ་མེད་པ་ཐོབ་པ་ལ་ཕྱག་འཚལ་ལོ། །དེ་བཞིན་གཤེགས་པ་ཟླ་བའི་མར་མེ་ལ་ཕྱག་འཚལ་ལོ། །དེ་བཞིན་གཤེགས་པ་ཉི་མའི་མར་མེ་ལ་ཕྱག་

62-1-42a

འཚལ་ལོ། །དེ་བཞིན་གཤེགས་པ་རབ་ཏུ་བརྗིད་པ་ལ་ཕྱག་འཚལ་ལོ། །དེ་བཞིན་གཤེགས་པ་ཤིན་དུ་མཐོ་བར་གཤེགས་པ་ལ་ཕྱག་འཚལ་ལོ། །དེ་བཞིན་གཤེགས་པ་འཁོར་དམ་པ་དང་ལྡན་པ་ལ་ཕྱག་འཚལ་ལོ། །དེ་བཞིན་
གཤེགས་པ་རྣམ་པར་འཕར་བའི་རྡོ་རྗེ་ལ་ཕྱག་འཚལ་ལོ། །དེ་བཞིན་གཤེགས་པ་ཡེ་ཤེས་དབང་ཕྱུག་རྒྱལ་པོ་ལ་ཕྱག་འཚལ་ལོ། །དེ་བཞིན་གཤེགས་པ་ཡེ་ཤེས་ཀྱི་སྟོབས་རྣམ་པར་གྲགས་པ་ལ་ཕྱག་འཚལ་ལོ། །དེ་བཞིན་གཤེགས་པ་
བདེ་བ་དམ་པ་ཅན་ལ་ཕྱག་འཚལ་ལོ། །དེ་བཞིན་གཤེགས་པ་ཡོན་ཏན་རྒྱལ་པོ་འོད་གསལ་བ་ལ་ཕྱག་འཚལ་ལོ། །དེ་བཞིན་གཤེགས་པ་བཟང་པོའི་དཔལ་ལ་ཕྱག་འཚལ་ལོ། །དེ་བཞིན་གཤེགས་པ་ཚངས་པའི་སྒྲ་དབྱངས་ལ་ཕྱག་འཚལ་ལོ། །
དེ་བཞིན་གཤེགས་པ་རིན་ཆེན་མེ་ཏོག་ལ་ཕྱག་འཚལ་ལོ། །དེ་བཞིན་གཤེགས་པ་པད་མོ་འབྱུང་བའི་དཔལ་ལ་ཕྱག་འཚལ་ལོ། །དེ་བཞིན་གཤེགས་པ་མེ་ཏོག་སྣ་ཚོགས་ལ་ཕྱག་འཚལ་ལོ། །དེ་བཞིན་གཤེགས་པ་བདེ་བའི་རྒྱལ་པོ་ལ་ཕྱག་འཚལ་
ལོ། །དེ་བཞིན་གཤེགས་པ་པད་མོ་ལས་མངོན་དུ་འཕགས་པའི་དཔལ་ལ་ཕྱག་འཚལ་ལོ། །དེ་བཞིན་གཤེགས་པ་དུས་ཀྱི་ཕུང་པོ་ལ་ཕྱག་འཚལ་ལོ། །དེ་བཞིན་གཤེགས་པ་སྨན་གྱི་རྒྱལ་པོ་ལ་ཕྱག་འཚལ་ལོ། །དེ་བཞིན་གཤེགས་པ་
སྩོལ་ཞིང་སྤྱོད་པ་མཐའ་ཡས་པ་ལ་ཕྱག་འཚལ་ལོ། །དེ་བཞིན་གཤེགས་པ་མཐའ་ཡས་པའི་ཁྱུ་མཆོག་ལ་ཕྱག་འཚལ་ལོ། །དེ་བཞིན་གཤེགས་པ་འོད་མཐའ་ཡས་པ་ལ་ཕྱག་འཚལ་ལོ། །དེ་བཞིན་གཤེགས་པ་སྤྱན་མཐའ་ཡས་
པ་ལ་ཕྱག་འཚལ་ལོ། །དེ་བཞིན་གཤེགས་པ་རྩོལ་བ་ཐམས་ཅད་ཀྱི་ཁྱུ་མཆོག་ལ་ཕྱག་འཚལ་ལོ། །དེ་བཞིན་གཤེགས་པ་འཁོར་དམ་པ་མཐའ་ཡས་པའི་ཁྱུ་མཆོག་ལ་ཕྱག་འཚལ་ལོ། །དེ་བཞིན་གཤེགས་པ་སྐར་མའི་རྒྱལ་
པོ་ལ་ཕྱག་འཚལ་ལོ། །དེ་བཞིན་གཤེགས་པ་དྲི་དམ་པའི་དཔལ་ལ་ཕྱག་འཚལ་ལོ། །དེ་བཞིན་གཤེགས་པ་ནམ་མཁའི་དཔལ་ལ་ཕྱག་འཚལ་ལོ། །དེ་བཞིན་གཤེགས་པ་མངོན་དུ་འཕགས་པའི་དཔལ་ལ་ཕྱག་འཚལ་ལོ། །

62-1-42b

དེ་བཞིན་གཤེགས་པ་ཚིག་གིས་རྒོལ་བར་མཛད་པ་ལ་ཕྱག་འཚལ་ལོ། །དེ་བཞིན་གཤེགས་པ་མངོན་དུ་འཕགས་པའི་རི་རབ་ལ་ཕྱག་འཚལ་ལོ། །དེ་བཞིན་གཤེགས་པ་འགོག་པ་མེད་པའི་སྤྱན་ལ་ཕྱག་འཚལ་ལོ། །དེ་བཞིན་
གཤེགས་པ་དྲི་མ་དང་བྲལ་བའི་ཟླ་བའི་གཟི་བརྗིད་རྒྱལ་པོ་ལ་ཕྱག་འཚལ་ལོ། །དེ་བཞིན་གཤེགས་པ་ཡེ་ཤེས་ཀྱི་དཔལ་ལ་ཕྱག་འཚལ་ལོ། །དེ་བཞིན་གཤེགས་པ་རྣམ་པར་གྲགས་པའི་སྟོབས་ཀྱི་རྒྱལ་པོ་ལ་ཕྱག་འཚལ་ལོ། །
དེ་བཞིན་གཤེགས་པ་ཡོན་ཏན་གྱི་རྒྱལ་པོ་འོད་གསལ་བ་ལ་ཕྱག་འཚལ་ལོ། །དེ་བཞིན་གཤེགས་པ་རིན་པོ་ཆེའི་གནས་ལ་ཕྱག་འཚལ་ལོ། །དེ་བཞིན་གཤེགས་པ་དོགས་པ་ཐམས་ཅད་གཏན་དུ་བསལ་བ་ལ་ཕྱག་འཚལ་ལོ། །
དེ་བཞིན་གཤེགས་པ་འོད་ཟེར་རབ་ཏུ་གཏོང་བ་ལ་ཕྱག་འཚལ་ལོ། །དེ་བཞིན་གཤེགས་པ་བྱམས་པ་ལ་ཕྱག་འཚལ་ལོ། །དེ་བཞིན་གཤེགས་པ་པད་མོ་ཀུན་དུ་སྣང་བ་ལ་ཕྱག་འཚལ་ལོ། །དེ་བཞིན་གཤེགས་པ་དེས་པར་སྤྱོད་པ་ལ་
ཕྱག་འཚལ་ལོ། །དེ་བཞིན་གཤེགས་པ་དཔག་ཏུ་མེད་པར་འཕར་བ་ལ་ཕྱག་འཚལ་ལོ། །དེ་བཞིན་གཤེགས་པ་རི་རབ་རྒྱ་མཚོ་ལས་མངོན་དུ་འཕགས་པ་ལ་ཕྱག་འཚལ་ལོ། །དེ་བཞིན་གཤེགས་པ་ཤཱཀྱ་ཐུབ་པ་ལ་ཕྱག་འཚལ་ལོ། །
དེ་བཞིན་གཤེགས་པ་གདོན་མི་ཟ་བར་སྟོན་པ་ལ་ཕྱག་འཚལ་ལོ། །དེ་བཞིན་གཤེགས་པ་ཐོགས་པ་མེད་པའི་སྒྲ་དབྱངས་ལ་ཕྱག་འཚལ་ལོ། །དེ་བཞིན་གཤེགས་པ་ཡོན་ཏན་དཔག་ཏུ་མེད་པའི་དཔལ་ལ་ཕྱག་འཚལ་ལོ། །
དེ་བཞིན་གཤེགས་པ་མི་ཚུགས་པའི་གོ་ཆ་ལ་ཕྱག་འཚལ་ལོ། །དེ་བཞིན་གཤེགས་པ་དཔག་ཏུ་མེད་པའི་འོད་ལ་ཕྱག་འཚལ་ལོ། །དེ་བཞིན་གཤེགས་པ་སྤྱན་བཟང་པོ་ལ་ཕྱག་འཚལ་ལོ། །དེ་བཞིན་གཤེགས་པ་རིན་པོ་ཆེའི་
མཛོད་གཅིག་པོ་ལ་ཕྱག་འཚལ་ལོ། །དེ་བཞིན་གཤེགས་པ་རྡུལ་མེད་རྡུལ་དང་བྲལ་བ་རྣམ་པར་གྲོལ་བ་དུས་གསུམ་པོར་མ་ཆགས་པའི་གོ་ཆ་ལ་ཕྱག་འཚལ་ལོ། །དེ་བཞིན་གཤེགས་པ་བདུད་རྩི་མེ་ཏོག་ལ་ཕྱག་འཚལ་ལོ། །

62-1-43a

དེ་བཞིན་གཤེགས་པ་བདུད་རྩི་འོད་ལ་ཕྱག་འཚལ་ལོ། །དེ་བཞིན་གཤེགས་པ་དཔག་ཏུ་མེད་པའི་རྒྱན་ལ་ཕྱག་འཚལ་ལོ། །དེ་བཞིན་གཤེགས་པ་དཔག་ཏུ་མེད་པའི་འོད་ཟེར་ལ་ཕྱག་འཚལ་ལོ། །
དེ་བཞིན་གཤེགས་པ་དཔག་ཏུ་མེད་པའི་སྣང་བ་ལ་ཕྱག་འཚལ་ལོ། །དེ་བཞིན་གཤེགས་པ་བདུད་རྩིའི་ཁྱུ་མཆོག་ལ་ཕྱག་འཚལ་ལོ། །དེ་བཞིན་གཤེགས་པ་འོད་དཔག་ཏུ་མེད་པར་འཕར་བ་ལ་ཕྱག་འཚལ་ལོ། །དེ་བཞིན་
གཤེགས་པ་གདུགས་གཅིག་པ་ལ་ཕྱག་འཚལ་ལོ། །དེ་བཞིན་གཤེགས་པ་སྐར་མའི་རབ་ལ་ཕྱག་འཚལ་ལོ། །དེ་བཞིན་གཤེགས་པ་རིན་པོ་ཆེའི་གདུགས་ལ་ཕྱག་འཚལ་ལོ། །དེ་བཞིན་གཤེགས་པ་སྐར་མའི་རྒྱལ་
པོ་ལ་ཕྱག་འཚལ་ལོ། །དེ་བཞིན་གཤེགས་པ་སྐར་མ་བཟང་བ་ལ་ཕྱག་འཚལ་ལོ། །དེ་བཞིན་གཤེགས་པ་འོད་གསལ་བའི་དཀྱིལ་འཁོར་ལ་ཕྱག་འཚལ་ལོ། །དེ་བཞིན་གཤེགས་པ་འོད་ཀྱི་དབང་པོ་ལ་ཕྱག་འཚལ་
ལོ། །དེ་བཞིན་གཤེགས་པ་འོད་མངོན་དུ་འཕགས་པའི་དཔལ་ལ་ཕྱག་འཚལ་ལོ། །དེ་བཞིན་གཤེགས་པ་འོད་ཟེར་དཔག་ཏུ་མེད་པ་ལ་ཕྱག་འཚལ་ལོ། །དེ་བཞིན་གཤེགས་པ་ཁྱུ་མཆོག་དམ་པ་ལ་ཕྱག་འཚལ་ལོ། །དེ་བཞིན་
གཤེགས་པ་མཐའ་ཡས་པར་འཕར་བའི་ཁྱུ་མཆོག་ལ་ཕྱག་འཚལ་ལོ། །དེ་བཞིན་གཤེགས་པ་ཆགས་པ་མེད་པའི་དབྱངས་ལ་ཕྱག་འཚལ་ལོ། །དེ་བཞིན་གཤེགས་པ་སྤྲིན་ཆེན་པོའི་འོད་ཟེར་ལ་ཕྱག་འཚལ་ལོ། །
དེ་བཞིན་གཤེགས་པ་དྲ་བའི་འོད་ཟེར་ལ་ཕྱག་འཚལ་ལོ། །དེ་བཞིན་གཤེགས་པ་སངས་རྒྱས་མེ་ཏོག་འོད་ཟེར་ལ་ཕྱག་འཚལ་ལོ། །དེ་བཞིན་གཤེགས་པ་ཁྱུ་མཆོག་པད་མོའི་མེ་ཏོག་ལ་ཕྱག་འཚལ་ལོ། །
དེ་བཞིན་གཤེགས་པ་རི་བོའི་རྒྱལ་པོ་ལ་ཕྱག་འཚལ་ལོ། །དེ་བཞིན་གཤེགས་པ་ཟླ་བའི་ཡོན་ཏན་དབང་པོ་ལ་ཕྱག་འཚལ་ལོ། །དེ་བཞིན་གཤེགས་པ་འོད་ཟེར་རབ་ཏུ་སྤོས་པ་ལ་ཕྱག་འཚལ་ལོ། །དེ་བཞིན་གཤེགས་པ་བཟང་པོར་

62-1-43b

བསྒོམས་པའི་ཕུང་པོ་ལ་ཕྱག་འཚལ་ལོ། །དེ་བཞིན་གཤེགས་པ་ངེས་པར་སྟོན་པ་ལ་ཕྱག་འཚལ་ལོ། །དེ་བཞིན་གཤེགས་པ་གཙུག་ལས་མངོན་དུ་འཕགས་པའི་རྒྱལ་པོ་ལ་ཕྱག་འཚལ་ལོ། །དེ་བཞིན་གཤེགས་པ་ངེས་པར་སྒྲོལ་
བ་ལ་ཕྱག་འཚལ་ལོ། །དེ་བཞིན་གཤེགས་པ་གདོན་མི་ཟ་བར་རྣམ་པར་འབར་བ་ལ་ཕྱག་འཚལ་ལོ། །དེ་བཞིན་གཤེགས་པ་ངེས་པར་མི་མཐུན་པ་ལ་ཕྱག་འཚལ་ལོ། །དེ་བཞིན་གཤེགས་པ་བརྩོན་འགྲུས་མཐའ་ཡས་པ་ལ་ཕྱག་
འཚལ་ལོ། །དེ་བཞིན་གཤེགས་པ་ས་ལའི་རྒྱལ་པོ་ལ་ཕྱག་འཚལ་ལོ། །དེ་བཞིན་གཤེགས་པ་བརྟན་པ་དཔག་ཏུ་མེད་པ་ལ་ཕྱག་འཚལ་ལོ། །དེ་བཞིན་གཤེགས་པ་རིན་པོ་ཆེའི་གྲོགས་ལ་ཕྱག་འཚལ་ལོ། །དེ་བཞིན་གཤེགས་པ་གདུགས་
གཅིག་པ་ལ་ཕྱག་འཚལ་ལོ། །དེ་བཞིན་གཤེགས་པ་སྐར་མའི་རྒྱན་ལ་ཕྱག་འཚལ་ལོ། །དེ་བཞིན་གཤེགས་པ་རིན་ཆེན་འབྱུང་གནས་ལ་ཕྱག་འཚལ་ལོ། །དེ་བཞིན་གཤེགས་པ་ཙན་དན་གྱི་གནས་ལ་ཕྱག་འཚལ་ལོ། །དེ་བཞིན་
གཤེགས་པ་ཙན་དན་གྱི་དྲི་རབ་ཏུ་གསལ་བ་ལ་ཕྱག་འཚལ་ལོ། །དེ་བཞིན་གཤེགས་པ་མཐའ་ཡས་པར་སྣང་བ་ལ་ཕྱག་འཚལ་ལོ། །དེ་བཞིན་གཤེགས་པ་རབ་ཏུ་གསལ་བའི་དཀྱིལ་འཁོར་ལ་ཕྱག་འཚལ་ལོ། །དེ་བཞིན་གཤེགས་
པ་རྣམ་པར་དག་པའི་རི་རབ་ལ་ཕྱག་འཚལ་ལོ། །དེ་བཞིན་གཤེགས་པ་ཐོགས་པ་མེད་པའི་སྤྱན་ལ་ཕྱག་འཚལ་ལོ། །དེ་བཞིན་གཤེགས་པ་མཐའ་ཡས་པའི་སྤྱན་ལ་ཕྱག་འཚལ་ལོ། །དེ་བཞིན་གཤེགས་པ་རིན་ཆེན་འབྱུང་བ་ལ་ཕྱག་
འཚལ་ལོ། །དེ་བཞིན་གཤེགས་པ་ཐམས་ཅད་ཀྱི་དཔལ་ལ་ཕྱག་འཚལ་ལོ། །དེ་བཞིན་གཤེགས་པ་སངས་རྒྱས་མེ་ཏོག་འབྱུང་བའི་དཔལ་ལ་ཕྱག་འཚལ་ལོ། །དེ་བཞིན་གཤེགས་པ་བློ་གྲོས་ཤིན་དུ་བརྟན་པ་ལ་ཕྱག་འཚལ་ལོ། །
དེ་བཞིན་གཤེགས་པ་མུ་མེད་རྣམ་པར་འཕར་བ་ལ་ཕྱག་འཚལ་ལོ། །དེ་བཞིན་གཤེགས་པ་གདོན་མི་ཟ་བའི་དཔལ་ལ་ཕྱག་འཚལ་ལོ། །དེ་བཞིན་གཤེགས་པ་རིན་ཆེན་རྣམ་པར་འཕར་བ་ལ་ཕྱག་འཚལ་ལོ། །དེ་བཞིན་གཤེགས་པ་མཐའ་ཡས་

62-1-44a

གོ་ཆ་ལ་ཕྱག་འཚལ་ལོ། །དེ་བཞིན་གཤེགས་པ་རྒྱན་དཔག་ཏུ་མེད་པ་ལ་ཕྱག་འཚལ་ལོ། །དེ་བཞིན་གཤེགས་པ་ནམ་མཁའི་དཀྱིལ་འཁོར་འོད་ཟེར་ལ་ཕྱག་འཚལ་ལོ། །དེ་བཞིན་གཤེགས་པ་མཚན་མ་མེད་པའི་དབྱངས་ལ་ཕྱག་
འཚལ་ལོ། །དེ་བཞིན་གཤེགས་པ་སྨན་གྱི་རྒྱལ་པོ་ལ་ཕྱག་འཚལ་ལོ། །དེ་བཞིན་གཤེགས་པ་འཛེམ་པ་མེད་པ་ལ་ཕྱག་འཚལ་ལོ། །དེ་བཞིན་གཤེགས་པ་འཇིགས་པ་དང་བྲལ་བའི་བ་སྤུ་ལངས་པ་ལ་ཕྱག་འཚལ་ལོ། །དེ་བཞིན་གཤེགས་པ་ཡོན་ཏན་
རྒྱལ་པོ་འོད་གསལ་བ་ལ་ཕྱག་འཚལ་ལོ། །དེ་བཞིན་གཤེགས་པ་ཀུན་དུ་སྤྱན་རས་གཟིགས་ཀྱི་བློ་ངེས་པའི་མེ་ཏོག་ལ་ཕྱག་འཚལ་ལོ། །དེ་བཞིན་གཤེགས་པ་ནམ་མཁའི་རིགས་ལ་ཕྱག་འཚལ་ལོ། །དེ་བཞིན་གཤེགས་པ་ནམ་མཁའི་
རྒྱན་གྱི་དབྱངས་ལ་ཕྱག་འཚལ་ལོ། །དེ་བཞིན་གཤེགས་པ་སྤྱན་ཆེ་བ་ལ་ཕྱག་འཚལ་ལོ། །དེ་བཞིན་གཤེགས་པ་དཔལ་གྱི་དམ་པ་ལ་ཕྱག་འཚལ་ལོ། །དེ་བཞིན་གཤེགས་པ་པད་མོའི་དཔལ་འབྱུང་བ་ལ་ཕྱག་འཚལ་ལོ། །དེ་བཞིན་
གཤེགས་པ་དཔལ་གྱི་སེང་གེ་ལ་ཕྱག་འཚལ་ལོ། །དེ་བཞིན་གཤེགས་པ་དོན་གྲུབ་ལ་ཕྱག་འཚལ་ལོ། །དེ་བཞིན་གཤེགས་པ་གསང་བའི་དཔལ་ལ་ཕྱག་འཚལ་ལོ། །དེ་བཞིན་གཤེགས་པ་སེང་གེ་སྒྲ་ལ་ཕྱག་འཚལ་ལོ། །དེ་བཞིན་
གཤེགས་པ་སོ་སོར་ཤིན་དུ་བརྟན་པ་ལ་ཕྱག་འཚལ་ལོ། །དེ་བཞིན་གཤེགས་པ་ཚངས་པའི་རི་རབ་ལ་ཕྱག་འཚལ་ལོ། །དེ་བཞིན་གཤེགས་པ་རྣམ་པར་དག་པའི་སྤྱན་ལ་ཕྱག་འཚལ་ལོ། །དེ་བཞིན་གཤེགས་པ་ངེས་པའི་ཚིག་རྣམ་
པར་འཕར་བ་ལ་ཕྱག་འཚལ་ལོ། །དེ་བཞིན་གཤེགས་པ་དྲིའི་གླང་པོ་ལ་ཕྱག་འཚལ་ལོ། །དེ་བཞིན་གཤེགས་པ་དྲིའི་དཔལ་ལ་ཕྱག་འཚལ་ལོ། །དེ་བཞིན་གཤེགས་པ་དྲིའི་རི་རབ་ལ་ཕྱག་འཚལ་ལོ། །དེ་བཞིན་གཤེགས་
པ་ཚད་མེད་པའི་སྤྱན་ལ་ཕྱག་འཚལ་ལོ། །དེ་བཞིན་གཤེགས་པ་དྲི་བརྩེགས་པ་ལ་ཕྱག་འཚལ་ལོ། །དེ་བཞིན་གཤེགས་པ་རིན་ཆེན་རི་རབ་ལ་ཕྱག་འཚལ་ལོ། །དེ་བཞིན་གཤེགས་པ་སོ་སོར་ཤིན་དུ་གནས་པ་ལ་ཕྱག་འཚལ་ལོ། །

62-1-44b

དེ་བཞིན་གཤེགས་པ་སོ་སོར་ཤིན་དུ་གནས་པའི་རྒྱལ་པོ་ལ་ཕྱག་འཚལ་ལོ། །དེ་བཞིན་གཤེགས་པ་ས་ལའི་དབང་པོ་རྒྱལ་པོ་ལ་ཕྱག་འཚལ་ལོ། །དེ་བཞིན་གཤེགས་པ་འོད་ཀྱི་དཀྱིལ་འཁོར་འཛིན་པ་ལ་ཕྱག་འཚལ་ལོ། །
དེ་བཞིན་གཤེགས་པ་སྣང་བའི་མར་མེ་ལ་ཕྱག་འཚལ་ལོ། །དེ་བཞིན་གཤེགས་པ་སྐར་མདའི་མར་མེ་ལ་ཕྱག་འཚལ་ལོ། །དེ་བཞིན་གཤེགས་པ་གདོན་མི་ཟ་བའི་བརྩོན་འགྲུས་ལ་ཕྱག་འཚལ་ལོ། །དེ་བཞིན་གཤེགས་པ་ཤིན་
དུ་བརྟགས་པའི་གོ་ཆ་ལ་ཕྱག་འཚལ་ལོ། །དེ་བཞིན་གཤེགས་པ་སེང་གེ་ལ་ཕྱག་འཚལ་ལོ། །དེ་བཞིན་གཤེགས་པ་སེམས་ཅན་གྱི་ཁ་ལོ་སྒྱུར་བ་ལ་ཕྱག་འཚལ་ལོ། །དེ་བཞིན་གཤེགས་པ་གཙོ་བོ་རབ་ཏུ་བརྟན་པའི་རྒྱལ་པོ་ལ་
ཕྱག་འཚལ་ལོ། །དེ་བཞིན་གཤེགས་པ་ཡུལ་མཐའ་ཡས་པ་ལས་མངོན་དུ་འཕགས་པའི་རྒྱལ་པོ་ལ་ཕྱག་འཚལ་ལོ། །དེ་བཞིན་གཤེགས་པ་བརྩོན་འགྲུས་ལས་མངོན་དུ་འཕགས་པའི་རྒྱལ་པོ་ལ་ཕྱག་འཚལ་ལོ། །
དེ་བཞིན་གཤེགས་པ་ཐེ་ཙོམ་ཡོངས་སུ་འཇོམས་པ་ལ་ཕྱག་འཚལ་ལོ། །དེ་བཞིན་གཤེགས་པ་སྐར་མ་བཟང་བའི་རྒྱལ་པོ་ལ་ཕྱག་འཚལ་ལོ། །དེ་བཞིན་གཤེགས་པ་སྣང་བར་མཛད་པའི་རྒྱལ་པོ་ལ་ཕྱག་འཚལ་ལོ། །དེ་བཞིན་གཤེགས་
པ་འོད་གསལ་བར་མཛད་པ་ལ་ཕྱག་འཚལ་ལོ། །དེ་བཞིན་གཤེགས་པ་རི་རབ་འོད་ལ་ཕྱག་འཚལ་ལོ། །དེ་བཞིན་གཤེགས་པ་འོད་ཀྱི་དཀྱིལ་འཁོར་ལ་ཕྱག་འཚལ་ལོ། །དེ་བཞིན་གཤེགས་པ་རྣམ་པར་དག་པའི་འོད་ལ་ཕྱག་
འཚལ་ལོ། །དེ་བཞིན་གཤེགས་པ་དཀྱིལ་འཁོར་གྱི་གདུགས་ལ་ཕྱག་འཚལ་ལོ། །དེ་བཞིན་གཤེགས་པ་དྲིའི་གདུགས་ལ་ཕྱག་འཚལ་ལོ། །དེ་བཞིན་གཤེགས་པ་རིན་པོ་ཆེའི་གདུགས་ལ་ཕྱག་འཚལ་ལོ། །དེ་བཞིན་གཤེགས་
པ་རིན་པོ་ཆེའི་ཕྲེང་བ་ལ་ཕྱག་འཚལ་ལོ། །དེ་བཞིན་གཤེགས་པ་ཙན་དན་དྲི་ལ་ཕྱག་འཚལ་ལོ། །དེ་བཞིན་གཤེགས་པ་ཙན་དན་གྱི་དཔལ་ལ་ཕྱག་འཚལ་ལོ། །དེ་བཞིན་གཤེགས་པ་རི་རབ་ཕུང་པོ་ལ་ཕྱག་འཚལ་ལོ། །

62-1-45a

དེ་བཞིན་གཤེགས་པ་རིན་ཆེན་གསལ་སྣང་ལ་ཕྱག་འཚལ་ལོ། །དེ་བཞིན་གཤེགས་པ་ས་ལ་དབང་གི་རྒྱལ་པོ་ལ་ཕྱག་འཚལ་ལོ། །དེ་བཞིན་གཤེགས་པ་ཚངས་པའི་དཔལ་ལ་ཕྱག་འཚལ་ལོ། །དེ་བཞིན་
གཤེགས་པ་རྣམ་པར་དག་པའི་སྤྱན་ལ་ཕྱག་འཚལ་ལོ། །དེ་བཞིན་གཤེགས་པ་དོགས་པ་མེད་པ་ལ་ཕྱག་འཚལ་ལོ། །དེ་བཞིན་གཤེགས་པ་འཇིགས་པ་དང་བྲལ་བའི་སྤུ་འགྲེང་བ་ལ་ཕྱག་འཚལ་ལོ། །དེ་བཞིན་གཤེགས་
པ་རིན་པོ་ཆེའི་གོ་ཆ་ལ་ཕྱག་འཚལ་ལོ། །དེ་བཞིན་གཤེགས་པ་ལན་མི་ལྡོན་པའི་འོད་ཟེར་ལ་ཕྱག་འཚལ་ལོ། །དེ་བཞིན་གཤེགས་པ་དྲ་བ་འོད་ཀྱི་དཔལ་ལ་ཕྱག་འཚལ་ལོ། །དེ་བཞིན་གཤེགས་པ་རྒྱུའི་རྒྱལ་པོ་ལ་ཕྱག་འཚལ་
ལོ། །དེ་བཞིན་གཤེགས་པ་སངས་རྒྱས་ཀྱི་སྐུ་སྟོན་པའི་དཔལ་ལ་ཕྱག་འཚལ་ལོ། །དེ་བཞིན་གཤེགས་པ་པད་མོ་རྒྱན་གྱི་ཁྱུ་མཆོག་ལ་ཕྱག་འཚལ་ལོ། །དེ་བཞིན་གཤེགས་པ་དྲ་བ་འོད་ལ་ཕྱག་འཚལ་ལོ། །དེ་བཞིན་གཤེགས་པ་
སངས་རྒྱས་མེ་ཏོག་འོད་འབྱུང་མཐའ་ཡས་པ་ལ་ཕྱག་འཚལ་ལོ། །དེ་བཞིན་གཤེགས་པ་རིན་ཆེན་སྐར་མ་ཁྱུ་མཆོག་སྨན་གྱི་རྒྱལ་པོ་ལ་ཕྱག་འཚལ་ལོ། །དེ་བཞིན་གཤེགས་པ་སྨན་ལ་ཕྱག་འཚལ་ལོ། །དེ་བཞིན་གཤེགས་པ་ཡེ་
ཤེས་དམ་པ་ལ་ཕྱག་འཚལ་ལོ། །དེ་བཞིན་གཤེགས་པ་མངོན་དུ་འཕགས་པའི་གོ་ཆ་ལ་ཕྱག་འཚལ་ལོ། །དེ་བཞིན་གཤེགས་པ་བླ་ན་མེད་པའི་རི་རབ་ལ་ཕྱག་འཚལ་ལོ། །དེ་བཞིན་གཤེགས་པ་སེམས་བསྐྱེད་མ་ཐག་ཏུ་ཆོས་ཀྱི་འཁོར་
ལོ་བསྐོར་བ་ལ་ཕྱག་འཚལ་ལོ། །དེ་བཞིན་གཤེགས་པ་མེ་ཏོག་བརྩེགས་པ་ལ་ཕྱག་འཚལ་ལོ། །དེ་བཞིན་གཤེགས་པ་རབ་ཏུ་གཏོར་བའི་མེ་ཏོག་ལ་ཕྱག་འཚལ་ལོ། །དེ་བཞིན་གཤེགས་པ་རྟག་ཏུ་མཛེས་པའི་འོད་ཟེར་ལ་ཕྱག་འཚལ་ལོ། །
དེ་བཞིན་གཤེགས་པ་བླ་ན་མེད་པའི་འོད་ཟེར་ལ་ཕྱག་འཚལ་ལོ། །དེ་བཞིན་གཤེགས་པ་སྟོབས་ཀྱི་གོམ་པ་རྣམ་པར་འཕར་བ་ལ་ཕྱག་འཚལ་ལོ། །དེ་བཞིན་གཤེགས་པ་གོམ་པ་རྣམ་པར་འཕར་བ་མཐའ་ཡས་པ་ལ་ཕྱག་འཚལ་ལོ། །

62-1-45b

དེ་བཞིན་གཤེགས་པ་སྨོན་ལམ་མཐའ་ཡས་པ་ལ་ཕྱག་འཚལ་ལོ། །དེ་བཞིན་གཤེགས་པ་སྤོབས་པ་ཚད་མེད་པ་ལ་ཕྱག་འཚལ་ལོ། །དེ་བཞིན་གཤེགས་པ་མཐའ་ཡས་པའི་ཁྱུ་མཆོག་ལ་ཕྱག་འཚལ་ལོ། །དེ་བཞིན་གཤེགས་པ་མ་ངེས་པའི་
སྨོན་ལམ་ལ་ཕྱག་འཚལ་ལོ། །དེ་བཞིན་གཤེགས་པ་སྐྱེ་བ་སྒྱུར་བ་ལ་ཕྱག་འཚལ་ལོ། །དེ་བཞིན་གཤེགས་པ་སྒྱུར་བའི་སྨོན་ལམ་མི་སྐྱེ་བ་ལ་ཕྱག་འཚལ་ལོ། །དེ་བཞིན་གཤེགས་པ་ཀུན་དུ་རྩོལ་བའི་གོ་ཆ་ལ་ཕྱག་འཚལ་ལོ། །དེ་བཞིན་གཤེགས་
པ་སངས་རྒྱས་ནམ་མཁའ་ལ་ཕྱག་འཚལ་ལོ། །བཅོམ་ལྡན་འདས་དེ་བཞིན་གཤེགས་པ་དཔལ་ལ་ཕྱག་འཚལ་ལོ། །དེ་བཞིན་གཤེགས་པ་དོན་གྲུབ་པ་ལ་ཕྱག་འཚལ་ལོ། །དེ་བཞིན་གཤེགས་པ་གོ་ཆ་གྲུབ་པ་ལ་ཕྱག་འཚལ་ལོ། །དེ་བཞིན་གཤེགས་
པ་གཙུག་ཏོར་ལ་ཕྱག་འཚལ་ལོ། །དེ་བཞིན་གཤེགས་པ་ཤིན་དུ་བརྟན་པའི་གོ་ཆ་ལ་ཕྱག་འཚལ་ལོ། །དེ་བཞིན་གཤེགས་པ་མཐའ་ཡས་པའི་གོ་ཆ་ལ་ཕྱག་འཚལ་ལོ། །དེ་བཞིན་གཤེགས་པ་མཚན་ཉིད་ཀྱི་གོ་ཆ་ལ་ཕྱག་འཚལ་ལོ། །དེ་བཞིན་
གཤེགས་པ་དཔག་ཏུ་མེད་པའི་གོ་ཆ་ལ་ཕྱག་འཚལ་ལོ། །དེ་བཞིན་གཤེགས་པ་ཀུན་དུ་དུལ་བའི་གོ་ཆ་ལ་ཕྱག་འཚལ་ལོ། །དེ་བཞིན་གཤེགས་པ་མར་མེ་མཛད་ལ་ཕྱག་འཚལ་ལོ། །དེ་བཞིན་གཤེགས་པ་སྣང་བ་མཛད་ལ་ཕྱག་འཚལ་ལོ། །དེ་བཞིན་
གཤེགས་པ་མཛོད་གཅིག་པ་ལ་ཕྱག་འཚལ་ལོ། །དེ་བཞིན་གཤེགས་པ་སྐུ་མཐའ་ཡས་པ་ལ་ཕྱག་འཚལ་ལོ། །དེ་བཞིན་གཤེགས་པ་དྲ་བ་འོད་ཟེར་ལ་ཕྱག་འཚལ་ལོ། །དེ་བཞིན་གཤེགས་པ་བརྩོན་འགྲུས་དཔག་ཏུ་མེད་པ་ལ་ཕྱག་འཚལ་ལོ། །
དེ་བཞིན་གཤེགས་པ་སྤྱི་བོ་ནས་མངོན་དུ་འཕགས་པ་ལ་ཕྱག་འཚལ་ལོ། །དེ་བཞིན་གཤེགས་པ་འོད་ཀྱི་དཀྱིལ་འཁོར་ལ་ཕྱག་འཚལ་ལོ། །དེ་བཞིན་གཤེགས་པ་རྣམ་པར་གཟིགས་ལ་ཕྱག་འཚལ་ལོ། །དེ་བཞིན་གཤེགས་པ་གདོན་མི་ཟ་བར་གྲགས་པ་
ལ་ཕྱག་འཚལ་ལོ། །དེ་བཞིན་གཤེགས་པ་འཇིགས་ཤིང་བག་ཚ་བ་ཐམས་ཅད་རྣམ་པར་འཇོམས་པ་ལ་ཕྱག་འཚལ་ལོ། །དེ་བཞིན་གཤེགས་པ་ཡོན་ཏན་མཐའ་ཡས་རབ་ཏུ་གསལ་བའི་རྒྱལ་པོ་ལ་ཕྱག་འཚལ་ལོ། །དེ་བཞིན་གཤེགས་པ་རྒོལ་བ་

62-1-46a

ཐམས་ཅད་ཤིན་དུ་འཇོམས་པ་ལ་ཕྱག་འཚལ་ལོ། །དེ་བཞིན་གཤེགས་པ་བདུད་ཀྱི་ཡུལ་ཐམས་ཅད་ཤིན་དུ་ནོན་པ་ལ་ཕྱག་འཚལ་ལོ། །དེ་བཞིན་གཤེགས་པ་གཞལ་དུ་མེད་པའི་མེ་ཏོག་ལ་ཕྱག་འཚལ་ལོ། །དེ་བཞིན་གཤེགས་པ་
བདུད་རྩི་འཛིན་པ་ལ་ཕྱག་འཚལ་ལོ། །དེ་བཞིན་གཤེགས་པ་སྒྲ་དབྱངས་དཔག་ཏུ་མེད་པ་ལ་ཕྱག་འཚལ་ལོ། །དེ་བཞིན་གཤེགས་པ་འོད་ཟེར་བརྩེགས་པ་ལ་ཕྱག་འཚལ་ལོ། །དེ་བཞིན་གཤེགས་པ་ཀུན་དུ་སྣང་བའི་དཔལ་ལ་ཕྱག་འཚལ་ལོ། །
དེ་བཞིན་གཤེགས་པ་འཇིགས་པ་དང་བྲལ་བའི་དཀྱིལ་འཁོར་ལ་ཕྱག་འཚལ་ལོ། །དེ་བཞིན་གཤེགས་པ་སངས་རྒྱས་བདུད་རྩི་མེ་ཏོག་འོད་ཟེར་ལ་ཕྱག་འཚལ་ལོ། །དེ་བཞིན་གཤེགས་པ་བདུད་རྩི་དབྱངས་ལ་ཕྱག་འཚལ་ལོ། །དེ་བཞིན་
གཤེགས་པ་རི་རབ་འོད་ལ་ཕྱག་འཚལ་ལོ། །དེ་བཞིན་གཤེགས་པ་ཤིན་དུ་སྟོན་པ་ལ་ཕྱག་འཚལ་ལོ། །དེ་བཞིན་གཤེགས་པ་སྤྱན་བཟང་པོ་ལ་ཕྱག་འཚལ་ལོ། །དེ་བཞིན་གཤེགས་པ་འཁོར་མཆོག་དང་ལྡན་པ་ལ་ཕྱག་འཚལ་ལོ། །
དེ་བཞིན་གཤེགས་པ་རིན་ཆེན་མེ་ཏོག་ལ་ཕྱག་འཚལ་ལོ། །དེ་བཞིན་གཤེགས་པ་རིན་ཆེན་འབྱུང་བ་ལ་ཕྱག་འཚལ་ལོ། །དེ་བཞིན་གཤེགས་པ་ཟླ་བའི་མེ་ཏོག་ལ་ཕྱག་འཚལ་ལོ། །དེ་བཞིན་གཤེགས་པ་ཐམས་ཅད་ཀྱི་གོ་ཆ་ལ་ཕྱག་འཚལ་ལོ། །
དེ་བཞིན་གཤེགས་པ་སྙིང་པོ་ཐམས་ཅད་ཟློས་པ་ལ་ཕྱག་འཚལ་ལོ། །དེ་བཞིན་གཤེགས་པ་སྤོབས་པ་མཐའ་ཡས་པ་ལ་ཕྱག་འཚལ་ལོ། །དེ་བཞིན་གཤེགས་པ་འཛེམ་པ་མེད་པའི་གཟུགས་ལ་ཕྱག་འཚལ་ལོ། །དེ་བཞིན་གཤེགས་པ་ཐམས་ཅད་
དུ་སྤོབས་པ་རྩོལ་བར་སྤྱོད་པ་ལ་ཕྱག་འཚལ་ལོ། །དེ་བཞིན་གཤེགས་པ་ཀུན་དུ་གསུང་བའི་འོད་ལ་ཕྱག་འཚལ་ལོ། །དེ་བཞིན་གཤེགས་པ་བན་གླང་ལ་ཕྱག་འཚལ་ལོ། །དེ་བཞིན་གཤེགས་པ་དྲིའི་ཁྱུ་མཆོག་ལ་འཚལ་ལོ། །དེ་བཞིན་གཤེགས་པ་
དྲིའི་གནས་ལ་ཕྱག་འཚལ་ལོ། །དེ་བཞིན་གཤེགས་པ་འོད་ཀྱི་དཀྱིལ་འཁོར་ལ་ཕྱག་འཚལ་ལོ། །དེ་བཞིན་གཤེགས་པ་འོད་ཟེར་གྱི་རྒྱལ་པོ་ལ་ཕྱག་འཚལ་ལོ། །དེ་བཞིན་གཤེགས་པ་པད་མོ་ལས་མངོན་དུ་འཕགས་པའི་རྒྱལ་པོ་ལ་ཕྱག་འཚལ་ལོ། །

62-1-46b

དེ་བཞིན་གཤེགས་པ་སངས་རྒྱས་ཁྱུ་མཆོག་ལ་ཕྱག་འཚལ་ལོ། །དེ་བཞིན་གཤེགས་པ་རིན་ཆེན་ཁྱུ་མཆོག་ལ་ཕྱག་འཚལ་ལོ། །དེ་བཞིན་གཤེགས་པ་གོ་ཆ་ཤིན་ཏུ་བགོས་པ་ལ་ཕྱག་འཚལ་ལོ། །དེ་བཞིན་གཤེགས་པ་གོ་ཆ་ཤིན་དུ་བགོས་པའི་དཔལ་
ལ་ཕྱག་འཚལ་ལོ། །དེ་བཞིན་གཤེགས་པ་མེ་ཏོག་རབ་ཏུ་གཏོར་བ་ལ་ཕྱག་འཚལ་ལོ། །དེ་བཞིན་གཤེགས་པ་མེ་ཏོག་གདུགས་ཀྱི་འཁོར་ལོ་ལ་ཕྱག་འཚལ་ལོ། །དེ་བཞིན་གཤེགས་པ་མེ་ཏོག་འཁྲུང་བ་ལ་ཕྱག་འཚལ་ལོ། །དེ་བཞིན་གཤེགས་པ་
གསེར་གྱི་མེ་ཏོག་ལ་ཕྱག་འཚལ་ལོ། །དེ་བཞིན་གཤེགས་པ་དྲིའི་མེ་ཏོག་ལ་ཕྱག་འཚལ་ལོ། །དེ་བཞིན་གཤེགས་པ་རི་རབ་རྒྱལ་པོ་ལ་ཕྱག་འཚལ་ལོ། །དེ་བཞིན་གཤེགས་པ་སེམས་ཅན་ལས་མངོན་དུ་འཕགས་པའི་གོ་ཆ་ལ་ཕྱག་འཚལ་ལོ། །
དེ་བཞིན་གཤེགས་པ་སེམས་ཅན་ཐམས་ཅད་མི་སྐྱོ་བར་ཟློག་པ་ལ་ཕྱག་འཚལ་ལོ། །དེ་བཞིན་གཤེགས་པ་དགེ་བར་སྤྱོད་པའི་གོ་ཆ་ལ་ཕྱག་འཚལ་ལོ། །དེ་བཞིན་གཤེགས་པ་མེ་ཏོག་བཟང་ལ་ཕྱག་འཚལ་ལོ། །དེ་བཞིན་གཤེགས་པ་འོད་
ཟེར་ཀུན་དུ་རབ་ཏུ་གཏོང་བ་ལ་ཕྱག་འཚལ་ལོ། །དེ་བཞིན་གཤེགས་པ་མེ་ཏོག་རབ་ཏུ་འཐོར་བར་འབྱུང་བའི་དཔལ་ལ་ཕྱག་འཚལ་ལོ། །དེ་བཞིན་གཤེགས་པ་རིན་ཆེན་དྲ་བ་ལ་ཕྱག་འཚལ་ལོ། །དེ་བཞིན་གཤེགས་པ་མངོན་དུ་
འཕགས་པའི་རྒྱལ་པོ་ལ་ཕྱག་འཚལ་ལོ། །དེ་བཞིན་གཤེགས་པ་གདུགས་གཅིག་གིས་གཡོགས་པའི་སངས་རྒྱས་ཀྱི་ཞིང་ལ་ཕྱག་འཚལ་ལོ། །དེ་བཞིན་གཤེགས་པ་སྐར་མའི་རྒྱལ་པོ་ལ་ཕྱག་འཚལ་ལོ། །དེ་བཞིན་གཤེགས་པ་ཤིན་དུ་
སྒྱུར་བའི་ཕུང་པོ་ལ་ཕྱག་འཚལ་ལོ། །དེ་བཞིན་གཤེགས་པ་ཤིན་དུ་ཆགས་པའི་རྒྱལ་པོ་ལ་ཕྱག་འཚལ་ལོ། །དེ་བཞིན་གཤེགས་པ་དྲི་དང་ལྡན་པ་ལ་ཕྱག་འཚལ་ལོ། །དེ་བཞིན་གཤེགས་པ་ཡེ་ཤེས་མཐའ་ཡས་པའི་ཁྱུ་མཆོག་
ལ་ཕྱག་འཚལ་ལོ། །དེ་བཞིན་གཤེགས་པ་གདོན་མི་ཟ་བའི་གོ་ཆ་བགོས་པ་ལ་ཕྱག་འཚལ་ལོ། །དེ་བཞིན་གཤེགས་པ་གདོན་མི་ཟ་བར་སྟོན་པ་ལ་ཕྱག་འཚལ་ལོ། །དེ་བཞིན་གཤེགས་པ་སྒྲིབ་པ་མེད་པའི་སྤྱན་ལ་ཕྱག་འཚལ་ལོ། །

62-1-47a

དེ་བཞིན་གཤེགས་པ་སེམས་དང་པོ་བསྐྱེད་མ་ཐག་ཏུ་མི་འཁྲུགས་པ་ལ་ཕྱག་འཚལ་ལོ། །དེ་བཞིན་གཤེགས་པ་མཐའ་ཡས་པའི་སྤྱན་ལ་ཕྱག་འཚལ་ལོ། །དེ་བཞིན་གཤེགས་པ་མར་མེ་བདག་པོ་ལ་ཕྱག་འཚལ་ལོ། །
དེ་བཞིན་གཤེགས་པ་ཀུན་དུ་གསལ་བར་མཛད་པ་ལ་ཕྱག་འཚལ་ལོ། །དེ་བཞིན་གཤེགས་པ་ཀུན་དུ་གསལ་བའི་འོད་ལ་ཕྱག་འཚལ་ལོ། །དེ་བཞིན་གཤེགས་པ་སངས་རྒྱས་ཀྱི་ཞིང་ཀུན་དུ་སེམས་ཅན་ཐམས་ཅད་ལ་སྤོབས་པ་མི་གཅོད་
པ་ལ་ཕྱག་འཚལ་ལོ། །དེ་བཞིན་གཤེགས་པ་རྡུལ་མེད་རྡུལ་དང་བྲལ་བའི་རྣམ་པར་འཕར་བ་ལ་ཕྱག་འཚལ་ལོ། །དེ་བཞིན་གཤེགས་པ་གོམ་པ་རྣམ་པར་འཕར་བ་ལ་ཕྱག་འཚལ་ལོ། །དེ་བཞིན་གཤེགས་པ་མྱ་ངན་རྣམ་པར་སེལ་བ་
ལ་ཕྱག་འཚལ་ལོ། །དེ་བཞིན་གཤེགས་པ་མྱ་ངན་ཡོངས་སུ་བྲལ་བ་ལ་ཕྱག་འཚལ་ལོ། །དེ་བཞིན་གཤེགས་པ་དཔལ་འབྱུང་བ་ལ་ཕྱག་འཚལ་ལོ། །དེ་བཞིན་གཤེགས་པ་ཡོན་ཏན་གྱི་རྒྱལ་པོ་རབ་ཏུ་སྣང་བ་ལ་ཕྱག་འཚལ་ལོ། །དེ་བཞིན་
གཤེགས་པ་རི་རབ་ཀྱི་རྩེ་མོ་ལ་ཕྱག་འཚལ་ལོ། །དེ་བཞིན་གཤེགས་པ་མོས་པའི་དྲི་ལ་ཕྱག་འཚལ་ལོ། །དེ་བཞིན་གཤེགས་པ་ཀཽཎྜི་ནྱ་ལ་ཕྱག་འཚལ་ལོ། །དེ་བཞིན་གཤེགས་པ་གནས་ཀྱི་དཔལ་ལ་ཕྱག་འཚལ་ལོ། །དེ་བཞིན་
གཤེགས་པ་རིན་ཆེན་ཨུད་པ་ལའི་དཔལ་ལ་ཕྱག་འཚལ་ལོ། །དེ་བཞིན་གཤེགས་པ་མེ་ཏོག་ཀུ་མུ་ཏ་འབྱུང་བ་ལ་ཕྱག་འཚལ་ལོ། །དེ་བཞིན་གཤེགས་པ་ཀུན་གྱིས་བཀུར་བའི་སྤྱན་ལ་ཕྱག་འཚལ་ལོ། །དེ་བཞིན་གཤེགས་པ་
འཁོར་དམ་པ་དང་ལྡན་པ་ལ་ཕྱག་འཚལ་ལོ། །དེ་བཞིན་གཤེགས་པ་མཐའ་ཡས་པར་སྣང་བ་ལ་ཕྱག་འཚལ་ལོ། །དེ་བཞིན་གཤེགས་པ་ཟླ་བ་ལས་བྱུང་བའི་འོད་ལ་ཕྱག་འཚལ་ལོ། །དེ་བཞིན་གཤེགས་པ་ཕྱོགས་ཀུན་
དུ་གྲགས་པ་ལ་ཕྱག་འཚལ་ལོ། །དེ་བཞིན་གཤེགས་པ་སྐར་མའི་རྒྱལ་པོ་ཚོགས་ཀྱི་དབང་པོ་ལ་ཕྱག་འཚལ་ལོ། །དེ་བཞིན་གཤེགས་པ་དཔག་ཏུ་མེད་པར་སྣང་བའི་དཔལ་ལ་ཕྱག་འཚལ་ལོ། །དེ་བཞིན་གཤེགས་པ་དྲི་དམ་པའི་རི་རབ་

62-1-47b

ལ་ཕྱག་འཚལ་ལོ། །དེ་བཞིན་གཤེགས་པ་འཇིགས་པ་མེད་པ་ལ་ཕྱག་འཚལ་ལོ། །དེ་བཞིན་གཤེགས་པ་བདེ་བ་འབྱུང་བའི་དཔལ་ལ་ཕྱག་འཚལ་ལོ། །དེ་བཞིན་གཤེགས་པ་ཡོན་ཏན་དཔག་ཏུ་མེད་པར་སྤྱོད་པ་འབྱུང་བའི་དཔལ་ལ་
ཕྱག་འཚལ་ལོ། །དེ་བཞིན་གཤེགས་པ་ཡོན་ཏན་ཐམས་ཅད་ཀྱིས་བརྒྱན་པ་ལ་ཕྱག་འཚལ་ལོ། །དེ་བཞིན་གཤེགས་པ་མེ་ཏོག་གི་རྒྱལ་པོ་ལ་ཕྱག་འཚལ་ལོ། །དེ་བཞིན་གཤེགས་པ་གཞན་གྱིས་མི་ཚུགས་པའི་རྒྱལ་མཚན་ལ་ཕྱག་འཚལ་
ལོ། །དེ་བཞིན་གཤེགས་པ་གསང་བ་ལ་དབང་བའི་འོད་ལ་ཕྱག་འཚལ་ལོ། །དེ་བཞིན་གཤེགས་པ་མི་འཇིགས་པའི་པད་མོ་ལས་མངོན་དུ་འཕགས་པའི་རྒྱལ་པོ་ལ་ཕྱག་འཚལ་ལོ། །དེ་བཞིན་གཤེགས་པ་སྤྱོད་པ་སྣ་ཚོགས་
པ་འབྱུང་བ་ལ་ཕྱག་འཚལ་ལོ། །དེ་བཞིན་གཤེགས་པ་ཀུན་རྫོབ་ཀྱི་དབྱངས་ལ་ཕྱག་འཚལ་ལོ། །དེ་བཞིན་གཤེགས་པ་ནམ་མཁའི་དཀྱིལ་འཁོར་རྣམ་པར་དག་པ་ལ་ཕྱག་འཚལ་ལོ། །དེ་བཞིན་གཤེགས་པ་མཚན་
མ་མེད་པའི་དབྱངས་འཇོམས་པ་ལ་ཕྱག་འཚལ་ལོ། །དེ་བཞིན་གཤེགས་པ་དཔལ་མངོན་དུ་འཕགས་པ་ལ་ཕྱག་འཚལ་ལོ། །དེ་བཞིན་གཤེགས་པ་ཚངས་པའི་དཔལ་ལ་ཕྱག་འཚལ་ལོ། །དེ་བཞིན་གཤེགས་པ་
གཞན་གྱིས་མི་ཚུགས་པའི་དྲི་བན་གླང་ལ་ཕྱག་འཚལ་ལོ། །དེ་བཞིན་གཤེགས་པ་རི་རབ་རབ་ཏུ་སྣང་བ་ལ་ཕྱག་འཚལ་ལོ། །དེ་བཞིན་གཤེགས་པ་རབ་ཏུ་མར་མེ་མཛད་པ་ལ་ཕྱག་འཚལ་ལོ། །དེ་བཞིན་གཤེགས་པ་པད་མོ་དམ་པའི་འོད་ལ་ཕྱག་
འཚལ་ལོ། །དེ་བཞིན་གཤེགས་པ་གྲགས་པ་སྡུད་པ་ལ་ཕྱག་འཚལ་ལོ། །དེ་བཞིན་གཤེགས་པ་གྲགས་པའི་བཤེས་གཉེན་ལ་ཕྱག་འཚལ་ལོ། །དེ་བཞིན་གཤེགས་པ་ས་ལའི་དབང་པོ་རྒྱལ་པོ་ལ་ཕྱག་འཚལ་ལོ། །དེ་བཞིན་གཤེགས་པ་འོད་
དཔག་ཏུ་མེད་པ་ལ་ཕྱག་འཚལ་ལོ། །དེ་བཞིན་གཤེགས་པ་ལོག་པར་དད་སེལ་ལ་ཕྱག་འཚལ་ལོ། །དེ་བཞིན་གཤེགས་པ་གསེར་ཐུབ་ལ་ཕྱག་འཚལ་ལོ། །དེ་བཞིན་གཤེགས་པ་འོད་སྲུང་ལ་ཕྱག་འཚལ་ལོ། །དེ་བཞིན་གཤེགས་པ་ཤཱཀྱ་ཐུབ་པ་ལ་ཕྱག་

62-1-48a

འཚལ་ལོ། །དེ་བཞིན་གཤེགས་པ་བྱམས་པ་ལ་ཕྱག་འཚལ་ལོ། །དེ་བཞིན་གཤེགས་པ་སེང་གེ་ལ་ཕྱག་འཚལ་ལོ། །དེ་བཞིན་གཤེགས་པ་སྒྲོན་མ་བྱིན་ལ་ཕྱག་འཚལ་ལོ། །དེ་བཞིན་གཤེགས་པ་ཐུབ་པ་ལ་ཕྱག་འཚལ་ལོ། །
དེ་བཞིན་གཤེགས་པ་མེ་ཏོག་ལ་ཕྱག་འཚལ་ལོ། །དེ་བཞིན་གཤེགས་པ་མེ་ཏོག་ཆེན་པོ་ལ་ཕྱག་འཚལ་ལོ། །དེ་བཞིན་གཤེགས་པ་མེ་ཏོག་གི་རྒྱལ་མཚན་ལ་ཕྱག་འཚལ་ལོ། །དེ་བཞིན་གཤེགས་པ་སྐར་མ་བཟང་བ་ལ་ཕྱག་འཚལ་ལོ། །དེ་བཞིན་
གཤེགས་པ་སྤྱན་བཟང་ལ་ཕྱག་འཚལ་ལོ། །དེ་བཞིན་གཤེགས་པ་དེད་དཔོན་ཆེན་པོ་ལ་ཕྱག་འཚལ་ལོ། །དེ་བཞིན་གཤེགས་པ་སྟོབས་ཆེན་པོ་ལ་ཕྱག་འཚལ་ལོ། །དེ་བཞིན་གཤེགས་པ་སྐར་མའི་རྒྱལ་པོ་ལ་ཕྱག་འཚལ་ལོ། །དེ་བཞིན་
གཤེགས་པ་སྨན་ལ་ཕྱག་འཚལ་ལོ། །དེ་བཞིན་གཤེགས་པ་ཟླ་བའི་སྐར་མདའ་ལ་ཕྱག་འཚལ་ལོ། །དེ་བཞིན་གཤེགས་པ་སྣང་བ་ཆེན་པོ་ལ་ཕྱག་འཚལ་ལོ། །དེ་བཞིན་གཤེགས་པ་གྲགས་པའི་དཔལ་ལ་ཕྱག་འཚལ་ལོ། །དེ་བཞིན་
གཤེགས་པ་ཟླ་བའི་དཔལ་ལ་ཕྱག་འཚལ་ལོ། །དེ་བཞིན་གཤེགས་པ་སྣང་བ་དཔག་ཏུ་མེད་པ་ལ་ཕྱག་འཚལ་ལོ། །དེ་བཞིན་གཤེགས་པ་ཐུབ་པའི་ཕུང་པོ་ལ་ཕྱག་འཚལ་ལོ། །དེ་བཞིན་གཤེགས་པ་གྲོལ་བའི་ཕུང་པོ་ལ་ཕྱག་འཚལ་
ལོ། །དེ་བཞིན་གཤེགས་པ་ཕུང་པོ་ཉིད་ལ་ཕྱག་འཚལ་ལོ། །དེ་བཞིན་གཤེགས་པ་རྣམ་པར་སྣང་མཛད་ལ་ཕྱག་འཚལ་ལོ། །དེ་བཞིན་གཤེགས་པ་ཉི་མའི་སྙིང་པོ་ལ་ཕྱག་འཚལ་ལོ། །དེ་བཞིན་གཤེགས་པ་ཟླ་བ་ལ་ཕྱག་
འཚལ་ལོ། །དེ་བཞིན་གཤེགས་པ་འོད་ཟེར་ཅན་ལ་ཕྱག་འཚལ་ལོ། །དེ་བཞིན་གཤེགས་པ་འོད་ཟེར་བཟང་ལ་ཕྱག་འཚལ་ལོ། །དེ་བཞིན་གཤེགས་པ་མྱ་ངན་མེད་པ་ལ་ཕྱག་འཚལ་ལོ། །དེ་བཞིན་གཤེགས་པ་སྐྲག་པ་ལ་ཕྱག་
འཚལ་ལོ། །དེ་བཞིན་གཤེགས་པ་སྒྲོན་མ་མཛད་ལ་ཕྱག་འཚལ་ལོ། །དེ་བཞིན་གཤེགས་པ་ཕྲེང་བ་འཛིན་ལ་ཕྱག་འཚལ་ལོ། །དེ་བཞིན་གཤེགས་པ་ཡོན་ཏན་རབ་ཏུ་གསལ་བ་ལ་ཕྱག་འཚལ་ལོ། །དེ་བཞིན་གཤེགས་པ་དོན་སྟོན་

62-1-48b

པ་ལ་ཕྱག་འཚལ་ལོ། །དེ་བཞིན་གཤེགས་པ་སྣང་བ་ལྡན་ལ་ཕྱག་འཚལ་ལོ། །དེ་བཞིན་གཤེགས་པ་མང་བ་ལ་ཕྱག་འཚལ་ལོ། །དེ་བཞིན་གཤེགས་པ་མི་ཐུབ་པ་ལ་ཕྱག་འཚལ་ལོ། །དེ་བཞིན་གཤེགས་པ་འོད་ཟེར་ལྡན་ལ་ཕྱག་འཚལ་ལོ། །
དེ་བཞིན་གཤེགས་པ་དཔའ་བོ་ལ་ཕྱག་འཚལ་ལོ། །དེ་བཞིན་གཤེགས་པ་ཤིན་དུ་རྫོགས་པ་ལ་ཕྱག་འཚལ་ལོ། །དེ་བཞིན་གཤེགས་པ་མཐོ་པ་ལ་ཕྱག་འཚལ་ལོ། །དེ་བཞིན་གཤེགས་པ་སྲ་བ་ལ་ཕྱག་འཚལ་ལོ། །དེ་བཞིན་གཤེགས་པ་
སྲ་བའི་དཔལ་ལ་ཕྱག་འཚལ་ལོ། །དེ་བཞིན་གཤེགས་པ་དཔལ་གྱི་གཟི་བརྗིད་ལ་ཕྱག་འཚལ་ལོ། །དེ་བཞིན་གཤེགས་པ་ཚུགས་དཀའ་བ་ལ་ཕྱག་འཚལ་ལོ། །དེ་བཞིན་གཤེགས་པ་ཡོན་ཏན་གཟི་བརྗིད་ལ་ཕྱག་འཚལ་ལོ། །དེ་བཞིན་གཤེགས་
པ་ཅི་ཡང་མི་གྲགས་པ་ལ་ཕྱག་འཚལ་ལོ། །དེ་བཞིན་གཤེགས་པ་ཚོགས་ཀྱི་དབང་པོ་ལ་ཕྱག་འཚལ་ལོ། །དེ་བཞིན་གཤེགས་པ་འཁོར་དང་ལྡན་པ་ལ་ཕྱག་འཚལ་ལོ། །དེ་བཞིན་གཤེགས་པ་ཚངས་པར་སྦྱོར་བ་ལ་ཕྱག་འཚལ་ལོ། །
དེ་བཞིན་གཤེགས་པ་བརྟན་པར་སྦྱོར་བ་ལ་ཕྱག་འཚལ་ལོ། །དེ་བཞིན་གཤེགས་པ་མཐོ་བར་མི་སེམས་པ་ལ་ཕྱག་འཚལ་ལོ། །དེ་བཞིན་གཤེགས་པ་དྲེགས་པ་མེད་པ་ལ་ཕྱག་འཚལ་ལོ། །དེ་བཞིན་གཤེགས་པ་འོད་མཛད་ལ་ཕྱག་
འཚལ་ལོ། །དེ་བཞིན་གཤེགས་པ་རི་རབ་ཆེན་པོ་ལ་ཕྱག་འཚལ་ལོ། །དེ་བཞིན་གཤེགས་པ་དཔལ་ལ་ཕྱག་འཚལ་ལོ། །དེ་བཞིན་གཤེགས་པ་ཀུན་དུ་རྒྱལ་བ་ལ་ཕྱག་འཚལ་ལོ། །དེ་བཞིན་གཤེགས་པ་འཇིགས་པ་མེད་པ་ལ་ཕྱག་འཚལ་
ལོ། །དེ་བཞིན་གཤེགས་པ་རིན་པོ་ཆེ་ལ་ཕྱག་འཚལ་ལོ། །དེ་བཞིན་གཤེགས་པ་ཚེ་དང་ལྡན་པ་ལ་ཕྱག་འཚལ་ལོ། །དེ་བཞིན་གཤེགས་པ་པད་མ་ལ་ཕྱག་འཚལ་ལོ། །དེ་བཞིན་གཤེགས་པ་སྟོབས་ཀྱི་སྡེ་ལ་ཕྱག་འཚལ་ལོ། །དེ་བཞིན་
གཤེགས་པ་རིན་ཆེན་མེ་ཏོག་ལ་ཕྱག་འཚལ་ལོ། །དེ་བཞིན་གཤེགས་པ་མེ་ཏོག་ལ་ཕྱག་འཚལ་ལོ། །དེ་བཞིན་གཤེགས་པ་ཚེ་དགའ་བ་ལ་ཕྱག་འཚལ་ལོ། །དེ་བཞིན་གཤེགས་པ་གཟི་བརྗིད་ཆེན་པོ་ལ་ཕྱག་འཚལ་ལོ། །དེ་བཞིན་གཤེགས་

62-1-49a

པ་ཚངས་པ་ལ་ཕྱག་འཚལ་ལོ། །དེ་བཞིན་གཤེགས་པ་ཚངས་རིས་ལྡན་ལ་ཕྱག་འཚལ་ལོ། །དེ་བཞིན་གཤེགས་པ་ཚེ་དཔག་ཏུ་མེད་པ་ལ་ཕྱག་འཚལ་ལོ། །དེ་བཞིན་གཤེགས་པ་འོད་དཔག་ཏུ་མེད་པ་ལ་ཕྱག་འཚལ་
ལོ། །དེ་བཞིན་གཤེགས་པ་ཀླུའི་མཆེ་བ་ལ་ཕྱག་འཚལ་ལོ། །དེ་བཞིན་གཤེགས་པ་ཀླུའི་སོ་ལ་ཕྱག་འཚལ་ལོ། །དེ་བཞིན་གཤེགས་པ་བརྟན་པར་འཕར་བ་ལ་ཕྱག་འཚལ་ལོ། །དེ་བཞིན་གཤེགས་པ་ངེས་པར་སྟོན་པ་ལ་ཕྱག་འཚལ་ལོ། །
དེ་བཞིན་གཤེགས་པ་བརྩོན་འགྲུས་སྦྱིན་པ་ལ་ཕྱག་འཚལ་ལོ། །དེ་བཞིན་གཤེགས་པ་བཟང་སྐྱོང་ལ་ཕྱག་འཚལ་ལོ། །དེ་བཞིན་གཤེགས་པ་ངེས་པ་སྐྱོང་ལ་ཕྱག་འཚལ་ལོ། །དེ་བཞིན་གཤེགས་པ་ཀུན་དགའ་བོ་ལ་ཕྱག་འཚལ་ལོ། །
དེ་བཞིན་གཤེགས་པ་འཆི་འཕོ་མེད་པ་ལ་ཕྱག་འཚལ་ལོ། །དེ་བཞིན་གཤེགས་པ་གྱེན་དུ་འབྱུང་བ་ལ་ཕྱག་འཚལ་ལོ། །དེ་བཞིན་གཤེགས་པ་སེང་གེ་རྒྱལ་མཚན་ལ་ཕྱག་འཚལ་ལོ། །དེ་བཞིན་གཤེགས་པ་རྒྱལ་བ་ལ་ཕྱག་འཚལ་ལོ། །
དེ་བཞིན་གཤེགས་པ་ཆོས་ལ་ཕྱག་འཚལ་ལོ། །དེ་བཞིན་གཤེགས་པ་དགའ་བའི་རྒྱལ་པོ་ལ་ཕྱག་འཚལ་ལོ། །དེ་བཞིན་གཤེགས་པ་ཁ་ལོ་སྒྱུར་བ་ལ་ཕྱག་འཚལ་ལོ། །དེ་བཞིན་གཤེགས་པ་མཛེས་པའི་ཡན་ལག་ལ་ཕྱག་འཚལ་ལོ། །
དེ་བཞིན་གཤེགས་པ་ཆུའི་དབང་པོ་ལ་ཕྱག་འཚལ་ལོ། །དེ་བཞིན་གཤེགས་པ་ཡོན་ཏན་སྤྱོད་པ་ལ་ཕྱག་འཚལ་ལོ། །དེ་བཞིན་གཤེགས་པ་སྤོས་ཀྱི་བན་གླང་ལ་ཕྱག་འཚལ་ལོ། །དེ་བཞིན་གཤེགས་པ་རྣམ་པར་གཟིགས་པའི་སྤྱན་ལ་
ཕྱག་འཚལ་ལོ། །དེ་བཞིན་གཤེགས་པ་དཔལ་ཀུན་དུ་འབྱུང་བ་ལ་ཕྱག་འཚལ་ལོ། །དེ་བཞིན་གཤེགས་པ་དྲི་མ་མེད་པར་འབྱུང་བ་ལ་ཕྱག་འཚལ་ལོ། །དེ་བཞིན་གཤེགས་པ་ཕྱོགས་སུ་འབྱུང་བ་ལ་ཕྱག་འཚལ་ལོ། །
སངས་རྒྱས་ཀྱི་མཚན་ལྔ་སྟོང་བཞི་བརྒྱ་ལྔ་བཅུ་རྩ་གསུམ་པ། བམ་པོ་ལྔ་པ། དེ་བཞིན་གཤེགས་པ་ཉི་མ་འབྱིན་ལ་ཕྱག་འཚལ་ལོ། །དེ་བཞིན་གཤེགས་པ་ཐུབ་པ་འབྱིན་ལ་ཕྱག་འཚལ་ལོ། །དེ་བཞིན་གཤེགས་པ་དཔལ་འབྱིན་ལ་

62-1-49b

ཕྱག་འཚལ་ལོ། །དེ་བཞིན་གཤེགས་པ་རིན་ཆེན་ཐམས་ཅད་ཀྱིས་རབ་ཏུ་བརྒྱན་པའི་གཟུགས་འཛིན་ལ་ཕྱག་འཚལ་ལོ། །དེ་བཞིན་གཤེགས་པ་ཟླ་བ་སྐར་མདའ་འཛིན་ལ་ཕྱག་འཚལ་ལོ། །དེ་བཞིན་གཤེགས་པ་སྐར་མདའ་ཆེན་པོ་
འཛིན་ལ་ཕྱག་འཚལ་ལོ། །དེ་བཞིན་གཤེགས་པ་སྐར་མདའ་འཛིན་ལ་ཕྱག་འཚལ་ལོ། །དེ་བཞིན་གཤེགས་པ་ཤུགས་དྲག་འཛིན་ལ་ཕྱག་འཚལ་ལོ། །དེ་བཞིན་གཤེགས་པ་ཐོགས་པ་མེད་པའི་སྟོབས་འཛིན་ལ་ཕྱག་འཚལ་ལོ། །
དེ་བཞིན་གཤེགས་པ་མཐུ་འཛིན་ལ་ཕྱག་འཚལ་ལོ། །དེ་བཞིན་གཤེགས་པ་མཐའ་ཡས་པར་མི་ཚུགས་པའི་སྟོབས་ལ་ཕྱག་འཚལ་ལོ། །དེ་བཞིན་གཤེགས་པ་དཔལ་ཆེན་པོའི་སྟོབས་ལ་ཕྱག་འཚལ་ལོ། །དེ་བཞིན་གཤེགས་
པ་སྟོབས་ཆེན་པོ་ལ་ཕྱག་འཚལ་ལོ། །དེ་བཞིན་གཤེགས་པ་བཟང་སྟོབས་ལ་ཕྱག་འཚལ་ལོ། །དེ་བཞིན་གཤེགས་པ་གཟི་བརྗིད་སྟོབས་ལ་ཕྱག་འཚལ་ལོ། །དེ་བཞིན་གཤེགས་པ་ཆོས་སྟོབས་ལ་ཕྱག་འཚལ་ལོ། །དེ་བཞིན་
གཤེགས་པ་རིན་ཆེན་རི་རབ་གྱི་སྟོབས་ལ་ཕྱག་འཚལ་ལོ། །དེ་བཞིན་གཤེགས་པ་ཆོས་དབྱིངས་རྒྱ་ཆེན་ཡེ་ཤེས་སྟོབས་ལ་ཕྱག་འཚལ་ལོ། །དེ་བཞིན་གཤེགས་པ་སེམས་ཅན་ཐམས་ཅད་ཀྱི་སེམས་རྒྱུན་གནོན་པའི་ཡེ་ཤེས་ལ་ཕྱག་
འཚལ་ལོ། །དེ་བཞིན་གཤེགས་པ་རྣམ་པར་བསྒྲགས་པའི་ཡེ་ཤེས་ལ་ཕྱག་འཚལ་ལོ། །དེ་བཞིན་གཤེགས་པ་རིག་པའི་ཡེ་ཤེས་ལ་ཕྱག་འཚལ་ལོ། །དེ་བཞིན་གཤེགས་པ་ཏིང་ངེ་འཛིན་གྱི་རྩེ་མོ་འབྱུང་བའི་ཡེ་ཤེས་ལ་ཕྱག་འཚལ་ལོ། །
དེ་བཞིན་གཤེགས་པ་ཀུན་དུ་གཟིགས་པའི་ཡེ་ཤེས་ལ་ཕྱག་འཚལ་ལོ། །དེ་བཞིན་གཤེགས་པ་དུས་གསུམ་དུ་རྣམ་པར་རྒྱས་པའི་ཡེ་ཤེས་ལ་ཕྱག་འཚལ་ལོ། །དེ་བཞིན་གཤེགས་པ་ཀླུ་དགའ་ལ་ཕྱག་འཚལ་ལོ། །དེ་བཞིན་གཤེགས་པ་དགའ་
མཆོག་ལ་ཕྱག་འཚལ་ལོ། །དེ་བཞིན་གཤེགས་པ་རྡོ་རྗེ་དགའ་ལ་ཕྱག་འཚལ་ལོ། །དེ་བཞིན་གཤེགས་པ་སྙིང་པོ་དགའ་ལ་ཕྱག་འཚལ་ལོ། །དེ་བཞིན་གཤེགས་པ་རྣམ་པར་དགའ་ལ་ཕྱག་འཚལ་ལོ། །དེ་བཞིན་གཤེགས་པ་དཔའ་བོ་དགའ་ལ་ཕྱག་

62-1-50a

འཚལ་ལོ། །དེ་བཞིན་གཤེགས་པ་སྟོབས་འཛིན་ལ་ཕྱག་འཚལ་ལོ། །དེ་བཞིན་གཤེགས་པ་ཕྲེང་བ་འཛིན་ལ་ཕྱག་འཚལ་ལོ། །དེ་བཞིན་གཤེགས་པ་བློ་གྲོས་འཛིན་ལ་ཕྱག་འཚལ་ལོ། །དེ་བཞིན་གཤེགས་པ་ཆོས་འཛིན་ལ་ཕྱག་འཚལ་
ལོ། །དེ་བཞིན་གཤེགས་པ་ས་འཛིན་ལ་ཕྱག་འཚལ་ལོ། །དེ་བཞིན་གཤེགས་པ་མ་ཆགས་སྟོབས་འཛིན་ལ་ཕྱག་འཚལ་ལོ། །དེ་བཞིན་གཤེགས་པ་རྣམ་པར་དག་པའི་ལྷ་ལ་ཕྱག་འཚལ་ལོ། །དེ་བཞིན་གཤེགས་པ་ཡོངས་སུ་དག་པའི་ལྷ་ལ་
ཕྱག་འཚལ་ལོ། །དེ་བཞིན་གཤེགས་པ་ནམ་མཁའ་གཙང་ལ་ཕྱག་འཚལ་ལོ། །དེ་བཞིན་གཤེགས་པ་དབྱངས་ཀྱི་ཡན་ལག་གཙང་ལ་ཕྱག་འཚལ་ལོ། །དེ་བཞིན་གཤེགས་པ་ཡེ་ཤེས་གཙང་ལ་ཕྱག་འཚལ་ལོ། །དེ་བཞིན་གཤེགས་པ་བསམ་པ་
གཙང་ལ་ཕྱག་འཚལ་ལོ། །དེ་བཞིན་གཤེགས་པ་དབྱངས་ཀྱི་ཡན་ལག་དཔའ་ལ་ཕྱག་འཚལ་ལོ། །དེ་བཞིན་གཤེགས་པ་ཀུན་དུ་ཡེ་ཤེས་རྒྱལ་མཚན་དཔའ་ལ་ཕྱག་འཚལ་ལོ། །དེ་བཞིན་གཤེགས་པ་ཞི་བ་དཔའ་ལ་ཕྱག་འཚལ་ལོ། །དེ་བཞིན་
གཤེགས་པ་ཡེ་ཤེས་དཔའ་ལ་ཕྱག་འཚལ་ལོ། །དེ་བཞིན་གཤེགས་པ་ཚོགས་དབང་དཔའ་ལ་ཕྱག་འཚལ་ལོ། །དེ་བཞིན་གཤེགས་པ་ཆོས་བཟང་དཔའ་ལ་ཕྱག་འཚལ་ལོ། །དེ་བཞིན་གཤེགས་པ་ཆོས་དབྱིངས་པད་མོ་ལ་ཕྱག་འཚལ་ལོ། །
དེ་བཞིན་གཤེགས་པ་ཆོས་རྒྱ་མཚོ་པད་མོ་ལ་ཕྱག་འཚལ་ལོ། །དེ་བཞིན་གཤེགས་པ་རྒྱའི་པད་མོ་ལ་ཕྱག་འཚལ་ལོ། །དེ་བཞིན་གཤེགས་པ་གསེར་གྱི་པད་མོ་ལ་ཕྱག་འཚལ་ལོ། །དེ་བཞིན་གཤེགས་པ་པད་མོ་སྙིང་པོ་ལ་ཕྱག་འཚལ་ལོ། །
དེ་བཞིན་གཤེགས་པ་པུན་དྷ་རི་ཀ་ལ་ཕྱག་འཚལ་ལོ། །དེ་བཞིན་གཤེགས་པ་བྱང་ཆུབ་ཀྱི་ཡན་ལག་མེ་ཏོག་ལ་ཕྱག་འཚལ་ལོ། །དེ་བཞིན་གཤེགས་པ་གསེར་གྱི་མེ་ཏོག་ལ་ཕྱག་འཚལ་ལོ། །དེ་བཞིན་གཤེགས་པ་མེ་ཏོག་རྒྱས་པ་ལ་ཕྱག་
འཚལ་ལོ། །དེ་བཞིན་གཤེགས་པ་ཡིད་དུ་འོང་བའི་མེ་ཏོག་ལ་ཕྱག་འཚལ་ལོ། །དེ་བཞིན་གཤེགས་པ་མཐའ་ཡས་པའི་མེ་ཏོག་ལ་ཕྱག་འཚལ་ལོ། །དེ་བཞིན་གཤེགས་པ་མེ་ཏོག་བཟང་ལ་ཕྱག་འཚལ་ལོ། །དེ་བཞིན་གཤེགས་པ་དཔའ་བའི་སྡེ་ལ་

62-1-50b

ཕྱག་འཚལ་ལོ། །དེ་བཞིན་གཤེགས་པ་རྡོ་རྗེའི་སྡེ་ལ་ཕྱག་འཚལ་ལོ། །དེ་བཞིན་གཤེགས་པ་ཐོབ་པའི་སྡེ་ལ་ཕྱག་འཚལ་ལོ། །དེ་བཞིན་གཤེགས་པ་སྟོབས་ཆེན་སྡེ་ལ་ཕྱག་འཚལ་ལོ། །དེ་བཞིན་གཤེགས་པ་དཔའ་མྱུར་བའི་སྡེ་ལ་ཕྱག་འཚལ་ལོ། །
དེ་བཞིན་གཤེགས་པ་འཇིག་རྟེན་དབང་པོ་གཟི་བརྗིད་བཟང་དཔལ་ལ་ཕྱག་འཚལ་ལོ། །དེ་བཞིན་གཤེགས་པ་གསེར་གྱི་ནོར་བུ་རི་གཟི་བརྗིད་བཟང་ལ་ཕྱག་འཚལ་ལོ། །དེ་བཞིན་གཤེགས་པ་ཡོངས་ཀྱིས་སྐུ་བཟང་ལ་ཕྱག་འཚལ་ལོ། །དེ་བཞིན་
གཤེགས་པ་མུ་མེད་བཟང་ལ་ཕྱག་འཚལ་ལོ། །དེ་བཞིན་གཤེགས་པ་ཤིན་དུ་བཟང་ལ་ཕྱག་འཚལ་ལོ། །དེ་བཞིན་གཤེགས་པ་སྐུ་བཟང་ལ་ཕྱག་འཚལ་ལོ། །དེ་བཞིན་གཤེགས་པ་རྒྱལ་བ་ལ་ཕྱག་འཚལ་ལོ། །དེ་བཞིན་གཤེགས་པ་རྒྱལ་བ་ཆེན་པོ་ལ་
ཕྱག་འཚལ་ལོ། །དེ་བཞིན་གཤེགས་པ་རྣམ་པར་རྒྱལ་བ་མཐའ་ཡས་ལ་ཕྱག་འཚལ་ལོ། །དེ་བཞིན་གཤེགས་པ་རྣམ་པར་རྒྱལ་བའི་དབང་པོ་ལ་ཕྱག་འཚལ་ལོ། །དེ་བཞིན་གཤེགས་པ་རྣམ་པར་རྒྱལ་བར་མཛད་ལ་ཕྱག་འཚལ་ལོ། །དེ་བཞིན་
གཤེགས་པ་རྣམ་པར་རྒྱལ་བར་འདུལ་བ་ལ་ཕྱག་འཚལ་ལོ། །དེ་བཞིན་གཤེགས་པ་མར་མེ་མཛད་ལ་ཕྱག་འཚལ་ལོ། །དེ་བཞིན་གཤེགས་པ་བདེ་བར་མཛད་ལ་ཕྱག་འཚལ་ལོ། །དེ་བཞིན་གཤེགས་པ་འོད་མཛད་ལ་ཕྱག་འཚལ་ལོ། །དེ་བཞིན་
གཤེགས་པ་དགའ་མཛད་ལ་ཕྱག་འཚལ་ལོ། །དེ་བཞིན་གཤེགས་པ་སྣང་མཛད་ལ་ཕྱག་འཚལ་ལོ། །དེ་བཞིན་གཤེགས་པ་མེ་ཏོག་སྣང་མཛད་ལ་ཕྱག་འཚལ་ལོ། །བཅོམ་ལྡན་འདས་དེ་བཞིན་གཤེགས་པ་ཤཱཀྱ་ཐུབ་པ་ལ་ཕྱག་འཚལ་ལོ། །
དེ་བཞིན་གཤེགས་པ་གསེར་ཐུབ་ལ་ཕྱག་འཚལ་ལོ། །དེ་བཞིན་གཤེགས་པ་ཀླུ་ཐུབ་ལ་ཕྱག་འཚལ་ལོ། །དེ་བཞིན་གཤེགས་པ་ཐུབ་པ་ཉིད་ལ་ཕྱག་འཚལ་ལོ། །དེ་བཞིན་གཤེགས་པ་ཐུབ་མཆོག་ལ་ཕྱག་འཚལ་ལོ། །དེ་བཞིན་གཤེགས་
པ་རྣམ་པར་དག་པའི་ཞལ་ལ་ཕྱག་འཚལ་ལོ། །དེ་བཞིན་གཤེགས་པ་ཟླ་བའི་ཞལ་ལ་ཕྱག་འཚལ་ལོ། །དེ་བཞིན་གཤེགས་པ་ཉི་མའི་ཞལ་ལ་ཕྱག་འཚལ་ལོ། །དེ་བཞིན་གཤེགས་པ་ཚངས་པའི་ཞལ་ལ་ཕྱག་འཚལ་ལོ། །དེ་བཞིན་གཤེགས་

62-1-51a

པ་སྤྱན་བཟང་གཙང་མའི་ཞལ་ལ་ཕྱག་འཚལ་ལོ། །དེ་བཞིན་གཤེགས་པ་གསེར་གྱི་ཁ་དོག་ལ་ཕྱག་འཚལ་ལོ། །དེ་བཞིན་གཤེགས་པ་ཚངས་པའི་ཁ་དོག་ལ་ཕྱག་འཚལ་ལོ། །དེ་བཞིན་གཤེགས་པ་མ་ལུས་ཁ་དོག་ལ་ཕྱག་འཚལ་ལོ། །
དེ་བཞིན་གཤེགས་པ་གསལ་བའི་ཁ་དོག་ལ་ཕྱག་འཚལ་ལོ། །དེ་བཞིན་གཤེགས་པ་ཙམ་པ་ཀའི་ཁ་དོག་ལ་ཕྱག་འཚལ་ལོ། །དེ་བཞིན་གཤེགས་པ་བརྟན་པ་ལ་ཕྱག་འཚལ་ལོ། །དེ་བཞིན་གཤེགས་པ་བརྟན་པར་འཕར་བ་ལ་ཕྱག་འཚལ་ལོ། །
དེ་བཞིན་གཤེགས་པ་བརྟན་པར་སེམས་པ་ལ་ཕྱག་འཚལ་ལོ། །དེ་བཞིན་གཤེགས་པ་བསམ་པ་བརྟན་པ་ལ་ཕྱག་འཚལ་ལོ། །དེ་བཞིན་གཤེགས་པ་བརྟན་ལ་དཔའ་བའི་སྡེ་འཇོམས་པ་ལ་ཕྱག་འཚལ་ལོ། །དེ་བཞིན་གཤེགས་པ་དགའ་བ་རྣམ་པར་མཛད་
པར་གྲགས་པ་ལ་ཕྱག་འཚལ་ལོ། །དེ་བཞིན་གཤེགས་པ་ཆོས་ལས་བྱུང་བར་གྲགས་པ་ལ་ཕྱག་འཚལ་ལོ། །དེ་བཞིན་གཤེགས་པ་ཡོན་ཏན་གྲགས་པ་ལ་ཕྱག་འཚལ་ལོ། །དེ་བཞིན་གཤེགས་པ་རིན་ཆེན་གྲགས་པ་ལ་ཕྱག་འཚལ་ལོ། །
དེ་བཞིན་གཤེགས་པ་མཐའ་ཡས་གྲགས་པ་ལ་ཕྱག་འཚལ་ལོ། །དེ་བཞིན་གཤེགས་པ་དྲི་མ་མེད་པའི་དཔུང་ལ་ཕྱག་འཚལ་ལོ། །དེ་བཞིན་གཤེགས་པ་དཔུང་བཟང་ལ་ཕྱག་འཚལ་ལོ། །དེ་བཞིན་གཤེགས་པ་དཔུང་པ་རིང་ལ་ཕྱག་འཚལ་ལོ། །
དེ་བཞིན་གཤེགས་པ་ཡོན་ཏན་དཔུང་པ་ལ་ཕྱག་འཚལ་ལོ། །དེ་བཞིན་གཤེགས་པ་དཔུང་པ་ཆེན་པོ་ལ་ཕྱག་འཚལ་ལོ། །བཅོམ་ལྡན་འདས་དེ་བཞིན་གཤེགས་པ་འོད་ཀྱི་དཀྱིལ་འཁོར་ལ་ཕྱག་འཚལ་ལོ། །དེ་བཞིན་གཤེགས་པ་ཀུན་དུ་ཡི་
ཤེས་བཟང་བའི་དཀྱིལ་འཁོར་ལ་ཕྱག་འཚལ་ལོ། །དེ་བཞིན་གཤེགས་པ་ཡོན་ཏན་དཀྱིལ་འཁོར་ལ་ཕྱག་འཚལ་ལོ། །དེ་བཞིན་གཤེགས་པ་དཀའ་ཐུབ་དཀྱིལ་འཁོར་ལ་ཕྱག་འཚལ་ལོ། །དེ་བཞིན་གཤེགས་པ་རྨང་ལྟ་བུ་ལ་ཕྱག་འཚལ་ལོ། །
དེ་བཞིན་གཤེགས་པ་ངེས་པའི་རྨང་ལ་ཕྱག་འཚལ་ལོ། །དེ་བཞིན་གཤེགས་པ་དགྲ་རྨང་ལ་ཕྱག་འཚལ་ལོ། །དེ་བཞིན་གཤེགས་པ་འབར་བའི་རྨང་ལ་ཕྱག་འཚལ་ལོ། །དེ་བཞིན་གཤེགས་པ་མི་ཚུགས་པའི་ཡོན་ཏན་ཤར་བ་ལ་ཕྱག་འཚལ་ལོ། །

62-1-51b

དེ་བཞིན་གཤེགས་པ་ཕ་རོལ་དུ་ཕྱིན་པ་ཡོན་ཏན་འབྱུང་ལ་ཕྱག་འཚལ་ལོ། །དེ་བཞིན་གཤེགས་པ་ཡོན་ཏན་སྩོགས་ལ་ཕྱག་འཚལ་ལོ། །དེ་བཞིན་གཤེགས་པ་ཡོན་ཏན་མང་ལ་ཕྱག་འཚལ་ལོ། །དེ་བཞིན་གཤེགས་པ་ཤིན་དུ་སྤྲུལ་པས་འདུལ་བ་ལ་ཕྱག་
འཚལ་ལོ། །དེ་བཞིན་གཤེགས་པ་ཞི་བས་འདུལ་བ་ལ་ཕྱག་འཚལ་ལོ། །དེ་བཞིན་གཤེགས་པ་ངེས་པར་འདུལ་བ་ལ་ཕྱག་འཚལ་ལོ། །དེ་བཞིན་གཤེགས་པ་རོལ་པས་འདུལ་བ་ལ་ཕྱག་འཚལ་ལོ། །དེ་བཞིན་གཤེགས་པ་སྤྲིན་ཞི་བ་ལ་ཕྱག་འཚལ་ལོ། །
དེ་བཞིན་གཤེགས་པ་རྣམ་པར་སྒྲ་འབྱིན་ལ་ཕྱག་འཚལ་ལོ། །དེ་བཞིན་གཤེགས་པ་དྲང་སྲོང་སྒྲ་འབྱིན་ལ་ཕྱག་འཚལ་ལོ། །དེ་བཞིན་གཤེགས་པ་རེ་བ་བཞིན་ཡོངས་སུ་རྫོགས་པར་མཛད་པ་ལ་ཕྱག་འཚལ་ལོ། །དེ་བཞིན་གཤེགས་པ་བཟང་བ་ཡོངས་སུ་
རྫོགས་པ་ལ་ཕྱག་འཚལ་ལོ། །དེ་བཞིན་གཤེགས་པ་ཡོན་ཏན་ཐམས་ཅད་ཡོངས་སུ་རྫོགས་པ་ལ་ཕྱག་འཚལ་ལོ། །དེ་བཞིན་གཤེགས་པ་རྣམ་པར་འཇོམས་པ་ལ་ཕྱག་འཚལ་ལོ། །དེ་བཞིན་གཤེགས་པ་རབ་ཏུ་འཇོམས་པ་ལ་ཕྱག་འཚལ་ལོ། །
དེ་བཞིན་གཤེགས་པ་རབ་ཏུ་འཇོམས་པའི་ཕ་རོལ་དུ་ཕྱིན་པ་ལ་ཕྱག་འཚལ་ལོ། །དེ་བཞིན་གཤེགས་པ་རྡུལ་སྤྲུགས་པ་ལ་ཕྱག་འཚལ་ལོ། །དེ་བཞིན་གཤེགས་པ་རྡུལ་དང་བྲལ་བ་ལ་ཕྱག་འཚལ་ལོ། །དེ་བཞིན་གཤེགས་པ་འདོད་ཆགས་ཀྱི་
རྡུལ་བཅོམ་པ་ལ་ཕྱག་འཚལ་ལོ། །དེ་བཞིན་གཤེགས་པ་བཤེས་གཉེན་དམ་པ་ལ་ཕྱག་འཚལ་ལོ། །དེ་བཞིན་གཤེགས་པ་འགྲོ་བའི་བཤེས་གཉེན་ལ་ཕྱག་འཚལ་ལོ། །དེ་བཞིན་གཤེགས་པ་མ་ལུས་པའི་བཤེས་གཉེན་ལ་ཕྱག་
འཚལ་ལོ། །དེ་བཞིན་གཤེགས་པ་བསམ་གྱིས་མི་ཁྱབ་པའི་དོན་ལ་ཕྱག་འཚལ་ལོ། །དེ་བཞིན་གཤེགས་པ་སྣ་ཚོགས་དོན་ལ་ཕྱག་འཚལ་ལོ། །དེ་བཞིན་གཤེགས་པ་མི་ཚུགས་དོན་ལ་ཕྱག་འཚལ་ལོ། །དེ་བཞིན་གཤེགས་པ་ཉི་མ་ལ་
ཕྱག་འཚལ་ལོ། །དེ་བཞིན་གཤེགས་པ་རྒྱལ་བའི་ཉི་མ་ལ་ཕྱག་འཚལ་ལོ། །དེ་བཞིན་གཤེགས་པ་ཁྱབ་པའི་ཉི་མ་ལ་ཕྱག་འཚལ་ལོ། །དེ་བཞིན་གཤེགས་པ་རྣམ་པར་སྒྲ་འབྱིན་ལ་ཕྱག་འཚལ་ལོ། །དེ་བཞིན་གཤེགས་པ་ཡེ་ཤེས་སྒྲ་ལ་

62-1-52a

ཕྱག་འཚལ་ལོ། །དེ་བཞིན་གཤེགས་པ་ཡེ་ཤེས་ལ་ཕྱག་འཚལ་ལོ། ། དེ་བཞིན་གཤེགས་པ་དོན་གྲུབ་པ་ལ་ཕྱག་འཚལ་ལོ། །དེ་བཞིན་གཤེགས་པ་གོ་ཆ་གྲུབ་པ་ལ་ཕྱག་འཚལ་ལོ། །དེ་བཞིན་གཤེགས་པ་གཙུག་ཏོར་ལ་ཕྱག་འཚལ་
ལོ། །དེ་བཞིན་གཤེགས་པ་ཤིན་དུ་བརྟན་པའི་གོ་ཆ་ལ་ཕྱག་འཚལ་ལོ། །དེ་བཞིན་གཤེགས་པ་མཐའ་ཡས་པའི་གོ་ཆ་ལ་ཕྱག་འཚལ་ལོ། །དེ་བཞིན་གཤེགས་པ་མཚན་ཉིད་ཀྱི་གོ་ཆ་ལ་ཕྱག་འཚལ་ལོ། །དེ་བཞིན་གཤེགས་པ་དཔག་ཏུ་མེད་
པའི་གོ་ཆ་ལ་ཕྱག་འཚལ་ལོ། །དེ་བཞིན་གཤེགས་པ་ཀུན་དུ་དུལ་བའི་གོ་ཆ་ལ་ཕྱག་འཚལ་ལོ། །དེ་བཞིན་གཤེགས་པ་མར་མེ་མཛད་ལ་ཕྱག་འཚལ་ལོ། །དེ་བཞིན་གཤེགས་པ་སྣང་བ་མཛད་ལ་ཕྱག་འཚལ་ལོ། །དེ་བཞིན་གཤེགས་པ་
མཛོད་གཅིག་པ་ལ་ཕྱག་འཚལ་ལོ། །དེ་བཞིན་གཤེགས་པ་སྐུ་མཐའ་ཡས་པ་ལ་ཕྱག་འཚལ་ལོ། །དེ་བཞིན་གཤེགས་པ་དྲ་བ་འོད་ཟེར་ལ་ཕྱག་འཚལ་ལོ། །དེ་བཞིན་གཤེགས་པ་བརྩོན་འགྲུས་དཔག་ཏུ་མེད་པ་ལ་ཕྱག་འཚལ་ལོ། །
དེ་བཞིན་གཤེགས་པ་སྤྱི་བོ་ནས་མངོན་དུ་འཕགས་པ་ལ་ཕྱག་འཚལ་ལོ། །དེ་བཞིན་གཤེགས་པ་འོད་ཀྱི་དཀྱིལ་འཁོར་ལ་ཕྱག་འཚལ་ལོ། །དེ་བཞིན་གཤེགས་པ་རྣམ་པར་གཟིགས་པ་ལ་ཕྱག་འཚལ་ལོ། །དེ་བཞིན་གཤེགས་པ་གདོན་མི་ཟ་
བར་གྲགས་པ་ལ་ཕྱག་འཚལ་ལོ། །དེ་བཞིན་གཤེགས་པ་འཇིགས་ཤིང་བག་ཚ་བ་ཐམས་ཅད་རྣམ་པར་འཇོམས་པ་ལ་ཕྱག་འཚལ་ལོ། །དེ་བཞིན་གཤེགས་པ་ཡོན་ཏན་མཐའ་ཡས་རབ་ཏུ་གསལ་བའི་རྒྱལ་པོ་ལ་ཕྱག་འཚལ་ལོ། །དེ་བཞིན་
གཤེགས་པ་རྒོལ་བ་ཐམས་ཅད་ཤིན་དུ་འཇོམས་པ་ལ་ཕྱག་འཚལ་ལོ། །དེ་བཞིན་གཤེགས་པ་བདུད་ཀྱི་ཡུལ་ཐམས་ཅད་ཤིན་དུ་ནོན་པ་ལ་ཕྱག་འཚལ་ལོ། །དེ་བཞིན་གཤེགས་པ་གཞལ་དུ་མེད་པའི་མེ་ཏོག་ལ་ཕྱག་འཚལ་ལོ། །དེ་བཞིན་
གཤེགས་པ་བདུད་རྩི་འཛིན་པ་ལ་ཕྱག་འཚལ་ལོ། །དེ་བཞིན་གཤེགས་པ་སྒྲ་དབྱངས་དཔག་ཏུ་མེད་པ་ལ་ཕྱག་འཚལ་ལོ། །དེ་བཞིན་གཤེགས་པ་འོད་ཟེར་བརྩེགས་པ་ལ་ཕྱག་འཚལ་ལོ། །དེ་བཞིན་གཤེགས་པ་ཀུན་དུ་སྣང་བའི་དཔལ་ལ་ཕྱག་འཚལ་ལོ། །

62-1-52b

དེ་བཞིན་གཤེགས་པ་འཇིགས་པ་དང་བྲལ་བའི་དཀྱིལ་འཁོར་ལ་ཕྱག་འཚལ་ལོ། །དེ་བཞིན་གཤེགས་པ་སངས་རྒྱས་བདུད་རྩི་མེ་ཏོག་འོད་ཟེར་ལ་ཕྱག་འཚལ་ལོ། །དེ་བཞིན་གཤེགས་པ་བདུད་རྩི་དབྱངས་ལ་ཕྱག་འཚལ་ལོ། །དེ་བཞིན་གཤེགས་པ་རི་རབ་
འོད་ལ་ཕྱག་འཚལ་ལོ། །དེ་བཞིན་གཤེགས་པ་ཤིན་ཏུ་སྟོན་པ་ལ་ཕྱག་འཚལ་ལོ། །དེ་བཞིན་གཤེགས་པ་སྤྱན་བཟང་བ་ལ་ཕྱག་འཚལ་ལོ། །དེ་བཞིན་གཤེགས་པ་འཁོར་མཆོག་དང་ལྡན་པ་ལ་ཕྱག་འཚལ་ལོ། །དེ་བཞིན་གཤེགས་པ་རིན་ཆེན་མེ་
ཏོག་ལ་ཕྱག་འཚལ་ལོ། །དེ་བཞིན་གཤེགས་པ་རིན་ཆེན་འབྱུང་བ་ལ་ཕྱག་འཚལ་ལོ། །དེ་བཞིན་གཤེགས་པ་ཟླ་བའི་མེ་ཏོག་ལ་ཕྱག་འཚལ་ལོ། །དེ་བཞིན་གཤེགས་པ་ཐམས་ཅད་ཀྱི་གོ་ཆ་ལ་ཕྱག་འཚལ་ལོ། །དེ་བཞིན་གཤེགས་པ་སྙིང་པོ་
ཐམས་ཅད་ཟློས་པ་ལ་ཕྱག་འཚལ་ལོ། །དེ་བཞིན་གཤེགས་པ་སྤོབས་པ་མཐའ་ཡས་པ་ལ་ཕྱག་འཚལ་ལོ། །དེ་བཞིན་གཤེགས་པ་འཇིམ་པ་མེད་པའི་གཟུགས་ལ་ཕྱག་འཚལ་ལོ། །དེ་བཞིན་གཤེགས་པ་ཐམས་ཅད་དུ་སྤོབས་པ་རྩོལ་
བར་སྤྱོད་པ་ལ་ཕྱག་འཚལ་ལོ། །དེ་བཞིན་གཤེགས་པ་ཀུན་དུ་གསུང་བའི་འོད་ལ་ཕྱག་འཚལ་ལོ། །དེ་བཞིན་གཤེགས་པ་བན་གླང་ལ་ཕྱག་འཚལ་ལོ། །དེ་བཞིན་གཤེགས་པ་དྲིའི་ཁྱུ་མཆོག་ལ་ཕྱག་འཚལ་ལོ། །དེ་བཞིན་གཤེགས་
པ་དྲིའི་གནས་ལ་ཕྱག་འཚལ་ལོ། །དེ་བཞིན་གཤེགས་པ་འོད་ཀྱི་དཀྱིལ་འཁོར་ལ་ཕྱག་འཚལ་ལོ། །དེ་བཞིན་གཤེགས་པ་འོད་ཟེར་གྱི་རྒྱལ་པོ་ལ་ཕྱག་འཚལ་ལོ། །དེ་བཞིན་གཤེགས་པ་པད་མོ་ལས་མངོན་དུ་འཕགས་པའི་
རྒྱལ་པོ་ལ་ཕྱག་འཚལ་ལོ། །དེ་བཞིན་གཤེགས་པ་སངས་རྒྱས་ཁྱུ་མཆོག་ལ་ཕྱག་འཚལ་ལོ། །དེ་བཞིན་གཤེགས་པ་རིན་ཆེན་ཁྱུ་མཆོག་ལ་ཕྱག་འཚལ་ལོ། །དེ་བཞིན་གཤེགས་པ་གོ་ཆ་ཤིན་དུ་བགོས་པ་ལ་ཕྱག་འཚལ་ལོ། །
དེ་བཞིན་གཤེགས་པ་རྣམ་པར་སྒྲ་འབྱིན་ལ་ཕྱག་འཚལ་ལོ། །དེ་བཞིན་གཤེགས་པ་དྲི་མ་མེད་པ་ལ་ཕྱག་འཚལ་ལོ། །དེ་བཞིན་གཤེགས་པ་དྲི་མ་མེད་པའི་གནས་ལ་ཕྱག་འཚལ་ལོ། །དེ་བཞིན་གཤེགས་པ་དྲི་མ་མེད་པ་གཅེས་པ་ལ་

62-1-53a

ཕྱག་འཚལ་ལོ། །དེ་བཞིན་གཤེགས་པ་གཟུགས་མཆོག་ལ་ཕྱག་འཚལ་ལོ། །དེ་བཞིན་གཤེགས་པ་ཀུན་དུ་བཟང་བའི་གཟུགས་ལ་ཕྱག་འཚལ་ལོ། །དེ་བཞིན་གཤེགས་པ་འགྲོ་བ་ཀུན་ལ་མངོན་དུ་འབྱུང་བའི་གཟུགས་ལ་
ཕྱག་འཚལ་ལོ། །དེ་བཞིན་གཤེགས་པ་གཙུག་ཏོར་ལ་ཕྱག་འཚལ་ལོ། །དེ་བཞིན་གཤེགས་པ་རིན་ཆེན་གཙུག་ཏོར་ལ་ཕྱག་འཚལ་ལོ། །དེ་བཞིན་གཤེགས་པ་མེ་ཏོག་གཙུག་ཏོར་ལ་ཕྱག་འཚལ་ལོ། །དེ་བཞིན་གཤེགས་པ་མཉམ་
པ་ལ་ཕྱག་འཚལ་ལོ། །དེ་བཞིན་གཤེགས་པ་མཉམ་པ་མེད་པ་ལ་ཕྱག་འཚལ་ལོ། །དེ་བཞིན་གཤེགས་པ་ཟླ་བ་མཉམ་པ་ལ་ཕྱག་འཚལ་ལོ། །དེ་བཞིན་གཤེགས་པ་བཀྲ་ཤིས་པ་ལ་ཕྱག་འཚལ་ལོ། །དེ་བཞིན་གཤེགས་པ་རྟག་ཏུ་
བཀྲ་ཤིས་པ་ལ་ཕྱག་འཚལ་ལོ། །དེ་བཞིན་གཤེགས་པ་གཞན་གྱིས་མི་ཚུགས་པ་ལ་ཕྱག་འཚལ་ལོ། །དེ་བཞིན་གཤེགས་པ་གཞན་གྱིས་མི་ཚུགས་པའི་རྒྱལ་མཚན་ལ་ཕྱག་འཚལ་ལོ། །དེ་བཞིན་གཤེགས་པ་སྐག་ལ་ཕྱག་འཚལ་ལོ། །
དེ་བཞིན་གཤེགས་པ་རྒྱལ་ལ་ཕྱག་འཚལ་ལོ། །དེ་བཞིན་གཤེགས་པ་དེད་དཔོན་ལ་ཕྱག་འཚལ་ལོ། །དེ་བཞིན་གཤེགས་པ་དེད་དཔོན་ཆེན་པོ་ལ་ཕྱག་འཚལ་ལོ། །དེ་བཞིན་གཤེགས་པ་ཕན་པར་དགོངས་པ་ལ་ཕྱག་འཚལ་ལོ། །དེ་བཞིན་
གཤེགས་པ་འཇིག་རྟེན་ཐམས་ཅད་ལ་ཕན་པར་དགོངས་པ་ལ་ཕྱག་འཚལ་ལོ། །དེ་བཞིན་གཤེགས་པ་རྗེ་བོ་གཙོ་ལ་ཕྱག་འཚལ་ལོ། །དེ་བཞིན་གཤེགས་པ་བླ་མེད་ཆོས་ཀྱི་སྤྱོད་ཡུལ་ལ་ཕྱག་འཚལ་ལོ། །དེ་བཞིན་གཤེགས་པ་མྱ་ངན་
མེད་པ་ལ་ཕྱག་འཚལ་ལོ། །དེ་བཞིན་གཤེགས་པ་མྱ་ངན་དང་བྲལ་བ་ལ་ཕྱག་འཚལ་ལོ། །དེ་བཞིན་གཤེགས་པ་ཀུན་དུ་ཡེ་ཤེས་འོད་དམ་པ་མཆོག་ལ་ཕྱག་འཚལ་ལོ། །དེ་བཞིན་གཤེགས་པ་ཉི་མ་སྐུ་དམ་པ་མཆོག་ལ་ཕྱག་འཚལ་
ལོ། །དེ་བཞིན་གཤེགས་པ་ཉི་མ་ཞལ་ལ་ཕྱག་འཚལ་ལོ། །དེ་བཞིན་གཤེགས་པ་ཀུན་དུ་ཞལ་ལ་ཕྱག་འཚལ་ལོ། །དེ་བཞིན་གཤེགས་པ་འཁོར་ལྡན་ལ་ཕྱག་འཚལ་ལོ། །དེ་བཞིན་གཤེགས་པ་འཁོར་ཆེན་ལྡན་ལ་ཕྱག་འཚལ་ལོ། །

62-1-53b

དེ་བཞིན་གཤེགས་པ་ཆོས་ཀྱི་ཤིང་རྟ་ལ་ཕྱག་འཚལ་ལོ། །དེ་བཞིན་གཤེགས་པ་ཚེ་ཞི་བའི་ཤིང་རྟ་ལ་ཕྱག་འཚལ་ལོ། །དེ་བཞིན་གཤེགས་པ་མི་ཚུགས་བརྟན་པ་ལ་ཕྱག་འཚལ་ལོ། །དེ་བཞིན་གཤེགས་པ་མི་ཚུགས་པའི་སྟོབས་ལ་ཕྱག་
འཚལ་ལོ། །དེ་བཞིན་གཤེགས་པ་མཚན་མ་མེད་པའི་ཤེས་རབ་ལ་ཕྱག་འཚལ་ལོ། །དེ་བཞིན་གཤེགས་པ་ནམ་མཁའི་ཤེས་རབ་ལ་ཕྱག་འཚལ་ལོ། །དེ་བཞིན་གཤེགས་པ་ཚིག་གཅོད་པ་ལ་ཕྱག་འཚལ་ལོ། །དེ་བཞིན་
གཤེགས་པ་ཚིག་རྗེས་སུ་གཏོང་བ་ལ་ཕྱག་འཚལ་ལོ། །དེ་བཞིན་གཤེགས་པ་མཐའ་ཡས་བསོད་ནམས་སྐྱེད་ལ་ཕྱག་འཚལ་ལོ། །དེ་བཞིན་གཤེགས་པ་བསོད་ནམས་སྐྱེད་ལ་ཕྱག་འཚལ་ལོ། །དེ་བཞིན་གཤེགས་པ་དྲང་སྲོང་
ཆེན་པོ་ལ་ཕྱག་འཚལ་ལོ། །དེ་བཞིན་གཤེགས་པ་དཔག་མེད་དྲང་སྲོང་ལ་ཕྱག་འཚལ་ལོ། །དེ་བཞིན་གཤེགས་པ་ལྷའི་གཙུག་ཏོར་ལ་ཕྱག་འཚལ་ལོ། །དེ་བཞིན་གཤེགས་པ་སྣང་བའི་གཙུག་ཏོར་ལ་ཕྱག་འཚལ་ལོ། །
དེ་བཞིན་གཤེགས་པ་འགྱིང་བ་ལ་ཕྱག་འཚལ་ལོ། །དེ་བཞིན་གཤེགས་པ་འགྱིང་བ་མེད་པ་ལ་ཕྱག་འཚལ་ལོ། །དེ་བཞིན་གཤེགས་པ་སའི་བློ་གྲོས་ལ་ཕྱག་འཚལ་ལོ། །དེ་བཞིན་གཤེགས་པ་ཞི་བ་ཉེས་མེད་འབྱིན་པའི་
བློ་གྲོས་ལ་ཕྱག་འཚལ་ལོ། །དེ་བཞིན་གཤེགས་པ་འཆི་མི་འཕོ་ལ་ཕྱག་འཚལ་ལོ། །དེ་བཞིན་གཤེགས་པ་འཆི་འཕོ་འཛིན་པ་ལ་ཕྱག་འཚལ་ལོ། །དེ་བཞིན་གཤེགས་པ་མཐུ་ཆེ་བ་ལ་ཕྱག་འཚལ་ལོ། །དེ་བཞིན་གཤེགས་
པ་ཕ་རོལ་སྒྲོལ་ལ་ཕྱག་འཚལ་ལོ། །དེ་བཞིན་གཤེགས་པ་དྲི་ཟ་སྐུ་ལ་ཕྱག་འཚལ་ལོ། །དེ་བཞིན་གཤེགས་པ་སྤྲིན་དབྱངས་ལ་ཕྱག་འཚལ་ལོ། །དེ་བཞིན་གཤེགས་པ་རབ་ཏུ་དགོངས་པ་ལ་ཕྱག་འཚལ་ལོ། །དེ་བཞིན་གཤེགས་
པ་ཡིད་ལ་རབ་ཏུ་དགོངས་པ་ལ་ཕྱག་འཚལ་ལོ། །དེ་བཞིན་གཤེགས་པ་དྲི་མ་མེད་པ་ལ་ཕྱག་འཚལ་ལོ། །དེ་བཞིན་གཤེགས་པ་ཟླ་བ་ལ་ཕྱག་འཚལ་ལོ། །དེ་བཞིན་གཤེགས་པ་ཟླ་བ་ཆེན་པོ་ལ་ཕྱག་འཚལ་ལོ། །དེ་བཞིན་གཤེགས་པ་

62-1-54a

སེང་གེ་ལ་ཕྱག་འཚལ་ལོ། །དེ་བཞིན་གཤེགས་པ་གྲགས་པ་ཆེན་པོ་ལ་ཕྱག་འཚལ་ལོ། །དེ་བཞིན་གཤེགས་པ་གཙུག་ཏོར་ཆེན་པོ་ལ་ཕྱག་འཚལ་ལོ། །དེ་བཞིན་གཤེགས་པ་དྲག་པོ་ལ་ཕྱག་འཚལ་ལོ། །དེ་བཞིན་གཤེགས་
པ་སེང་གེ་སྟབས་ལ་ཕྱག་འཚལ་ལོ། །དེ་བཞིན་གཤེགས་པ་ཤིང་ཆེན་པོ་ལ་ཕྱག་འཚལ་ལོ། །དེ་བཞིན་གཤེགས་པ་བཟོད་པ་ཅན་ལ་ཕྱག་འཚལ་ལོ། །དེ་བཞིན་གཤེགས་པ་རྣམ་པར་རྒྱལ་ཞིང་འདུལ་བ་ལ་ཕྱག་འཚལ་ལོ། །དེ་བཞིན་གཤེགས་
པ་རྣམ་པར་རྒྱལ་ཞིང་ཐུབ་པ་ལ་ཕྱག་འཚལ་ལོ། །དེ་བཞིན་གཤེགས་པ་ཤེས་རབ་བརྩེགས་པ་ལ་ཕྱག་འཚལ་ལོ། །དེ་བཞིན་གཤེགས་པ་གནས་པ་ལ་ཕྱག་འཚལ་ལོ། །དེ་བཞིན་གཤེགས་པ་ཇི་བཞིན་དགོངས་པ་ལ་ཕྱག་འཚལ་
ལོ། །དེ་བཞིན་གཤེགས་པ་གླང་པོ་ལ་ཕྱག་འཚལ་ལོ། །དེ་བཞིན་གཤེགས་པ་བདུད་རྩིའི་བློ་ལ་ཕྱག་འཚལ་ལོ། །དེ་བཞིན་གཤེགས་པ་གཟུགས་བཟང་ལ་ཕྱག་འཚལ་ལོ། །དེ་བཞིན་གཤེགས་པ་ཡེ་ཤེས་ལྡན་ལ་ཕྱག་འཚལ་ལོ། །
དེ་བཞིན་གཤེགས་པ་ཡེ་ཤེས་འོད་ལ་ཕྱག་འཚལ་ལོ། །དེ་བཞིན་གཤེགས་པ་འོད་བཟང་ལ་ཕྱག་འཚལ་ལོ། །དེ་བཞིན་གཤེགས་པ་དཀའ་ཐུབ་བརྟན་པ་ལ་ཕྱག་འཚལ་ལོ། །དེ་བཞིན་གཤེགས་པ་བཀྲ་ཤིས་པ་ལ་ཕྱག་འཚལ་ལོ། །
དེ་བཞིན་གཤེགས་པ་བདེན་པའི་སྐར་མདའ་ལ་ཕྱག་འཚལ་ལོ། །དེ་བཞིན་གཤེགས་པ་པད་མ་ལ་ཕྱག་འཚལ་ལོ། །དེ་བཞིན་གཤེགས་པ་མཐུ་བོ་ཆེ་ལ་ཕྱག་འཚལ་ལོ། །དེ་བཞིན་གཤེགས་པ་བདེ་བ་ཅན་ལ་ཕྱག་འཚལ་ལོ། །དེ་བཞིན་གཤེགས་
པ་ནོར་བཟངས་ལ་ཕྱག་འཚལ་ལོ། །དེ་བཞིན་གཤེགས་པ་ཡེ་ཤེས་འབྱུང་གནས་ལ་ཕྱག་འཚལ་ལོ། །དེ་བཞིན་གཤེགས་པ་འོད་ཟེར་འཁོར་གྱི་བདག་པོ་ལ་ཕྱག་འཚལ་ལོ། །དེ་བཞིན་གཤེགས་པ་ཚངས་པ་བྱིན་ལ་ཕྱག་འཚལ་ལོ། །
དེ་བཞིན་གཤེགས་པ་འཇིག་རྟེན་མར་མེ་མཛད་ལ་ཕྱག་འཚལ་ལོ། །དེ་བཞིན་གཤེགས་པ་ཐ་མི་དད་པ་ལ་ཕྱག་འཚལ་ལོ། །དེ་བཞིན་གཤེགས་པ་རིན་ཆེན་འབྱུང་གནས་ལ་ཕྱག་འཚལ་ལོ། །དེ་བཞིན་གཤེགས་པ་མེ་ཏོག་གི་ལྷ་ལ་ཕྱག་འཚལ་ལོ། །

62-1-54b

དེ་བཞིན་གཤེགས་པ་བདུད་རྩི་སེང་གེ་ལ་ཕྱག་འཚལ་ལོ། །དེ་བཞིན་གཤེགས་པ་དོན་ཤིན་དུ་དགོངས་པ་ལ་ཕྱག་འཚལ་ལོ། །དེ་བཞིན་གཤེགས་པ་ཆོས་ཀྱི་དབང་ཕྱུག་ལ་ཕྱག་འཚལ་ལོ། །དེ་བཞིན་གཤེགས་པ་གྲགས་པ་བློ་གྲོས་ལ་ཕྱག་འཚལ་ལོ། །
དེ་བཞིན་གཤེགས་པ་ཞི་བའི་བློ་གྲོས་ལ་ཕྱག་འཚལ་ལོ། །དེ་བཞིན་གཤེགས་པ་སྤོབས་པ་བརྩེགས་པ་ལ་ཕྱག་འཚལ་ལོ། །དེ་བཞིན་གཤེགས་པ་རྡོ་རྗེའི་རྒྱལ་མཚན་ལ་ཕྱག་འཚལ་ལོ། །དེ་བཞིན་གཤེགས་པ་ཕན་པར་དགོངས་པ་ལ་ཕྱག་འཚལ་ལོ། །
དེ་བཞིན་གཤེགས་པ་རྣམ་པར་རོལ་པ་དང་ལྡན་པ་ལ་ཕྱག་འཚལ་ལོ། །དེ་བཞིན་གཤེགས་པ་རྒྱལ་མཚན་དང་བྲལ་བ་ལ་ཕྱག་འཚལ་ལོ། །དེ་བཞིན་གཤེགས་པ་མུན་ནག་དང་བྲལ་བ་ལ་ཕྱག་འཚལ་ལོ། །དེ་བཞིན་གཤེགས་པ་མང་པོའི་ལྷ་ལ་ཕྱག་
འཚལ་ལོ། །དེ་བཞིན་གཤེགས་པ་སྒྲ་གཅན་གྱི་ལྷ་ལ་ཕྱག་འཚལ་ལོ། །དེ་བཞིན་གཤེགས་པ་རི་རབ་ཀྱི་རྒྱལ་མཚན་ལ་ཕྱག་འཚལ་ལོ། །དེ་བཞིན་གཤེགས་པ་འཁོར་གྱི་འོད་ལ་ཕྱག་འཚལ་ལོ། །དེ་བཞིན་གཤེགས་པ་འཁོར་གྱི་འོད་གསལ་བ་ལ་
ཕྱག་འཚལ་ལོ། །དེ་བཞིན་གཤེགས་པ་རིན་ཆེན་སྙིང་པོ་མཆོག་ལ་ཕྱག་འཚལ་ལོ། །དེ་བཞིན་གཤེགས་པ་པད་མོ་སྙིང་པོ་ལ་ཕྱག་འཚལ་ལོ། །དེ་བཞིན་གཤེགས་པ་ཤིན་དུ་མཐོ་བར་གཤེགས་པ་ལ་ཕྱག་འཚལ་ལོ། །དེ་བཞིན་གཤེགས་པ་
མངོན་དུ་འཕགས་པ་ལ་ཕྱག་འཚལ་ལོ། །དེ་བཞིན་གཤེགས་པ་སྟིས་སྣ་ཡ་ལ་ཕྱག་འཚལ་ལོ། །དེ་བཞིན་གཤེགས་པ་སྐག་ལ་ཕྱག་འཚལ་ལོ། །དེ་བཞིན་གཤེགས་པ་རིན་ཆེན་རྭ་ལ་ཕྱག་འཚལ་ལོ། །དེ་བཞིན་གཤེགས་པ་རྭ་ཆེན་པོ་ལ་ཕྱག་
འཚལ་ལོ། །དེ་བཞིན་གཤེགས་པ་འཇིག་རྟེན་གསུམ་གྱི་མགོན་པོ་ལ་ཕྱག་འཚལ་ལོ། །དེ་བཞིན་གཤེགས་པ་ཡོན་ཏན་གྲགས་པ་ལ་ཕྱག་འཚལ་ལོ། །དེ་བཞིན་གཤེགས་པ་ཟླ་བའི་སྐུ་ལ་ཕྱག་འཚལ་ལོ། །དེ་བཞིན་གཤེགས་པ་ཟླ་
བའི་སྐུ་འོད་གསལ་ལ་ཕྱག་འཚལ་ལོ། །དེ་བཞིན་གཤེགས་པ་ཉི་མའི་འོད་ལ་ཕྱག་འཚལ་ལོ། །དེ་བཞིན་གཤེགས་པ་ཉི་མའི་འོད་གསལ་ལ་ཕྱག་འཚལ་ལོ། །དེ་བཞིན་གཤེགས་པ་ཤིན་དུ་རྣོ་བ་ལ་ཕྱག་འཚལ་ལོ། །དེ་བཞིན་གཤེགས་པ་དྲི་མེད་

62-1-55a

ལྡན་ལ་ཕྱག་འཚལ་ལོ། །དེ་བཞིན་གཤེགས་པ་སེང་གེ་དཔལ་ལ་ཕྱག་འཚལ་ལོ། །དེ་བཞིན་གཤེགས་པ་དུས་ཀྱི་རྒྱལ་པོ་ལ་ཕྱག་འཚལ་ལོ། །དེ་བཞིན་གཤེགས་པ་དཔལ་གྱི་སྙིང་པོ་ལ་ཕྱག་འཚལ་ལོ། །དེ་བཞིན་གཤེགས་
པ་སྲིད་པའི་མཐའ་སྟོན་པ་ལ་ཕྱག་འཚལ་ལོ། །དེ་བཞིན་གཤེགས་པ་མཐའ་ཡས་པར་སྟོན་པ་ལ་ཕྱག་འཚལ་ལོ། །དེ་བཞིན་གཤེགས་པ་གློག་གི་འོད་གསལ་ལ་ཕྱག་འཚལ་ལོ། །དེ་བཞིན་གཤེགས་པ་གློག་གི་འོད་ལ་ཕྱག་འཚལ་ལོ། 
དེ་བཞིན་གཤེགས་པ་གསེར་གྱི་རི་བོ་ལ་ཕྱག་འཚལ་ལོ། །དེ་བཞིན་གཤེགས་པ་འཇིག་པ་བྱིན་ལ་ཕྱག་འཚལ་ལོ། །དེ་བཞིན་གཤེགས་པ་སེང་གེ་སྦྱིན་ལ་ཕྱག་འཚལ་ལོ། །དེ་བཞིན་གཤེགས་པ་གཞན་གྱིས་མི་ཚུགས་པའི་རྒྱལ་མཚན་ལ་
ཕྱག་འཚལ་ལོ། །དེ་བཞིན་གཤེགས་པ་རྒྱལ་བའི་དབང་པོ་ལ་ཕྱག་འཚལ་ལོ། །དེ་བཞིན་གཤེགས་པ་མིའི་དབང་པོ་ལ་ཕྱག་འཚལ་ལོ། །དེ་བཞིན་གཤེགས་པ་འཇིག་རྟེན་གསུམ་དུ་གྲགས་པ་ལ་ཕྱག་འཚལ་ལོ། །དེ་བཞིན་གཤེགས་པ་
སོ་སོར་གྲགས་པ་ལ་ཕྱག་འཚལ་ལོ། །དེ་བཞིན་གཤེགས་པ་བརྩོན་འགྲུས་བརྟན་པ་ལ་ཕྱག་འཚལ་ལོ། །དེ་བཞིན་གཤེགས་པ་གྲགས་པ་མི་ཆུང་བ་ལ་ཕྱག་འཚལ་ལོ། །དེ་བཞིན་གཤེགས་པ་གྲགས་པ་དཔེ་མེད་པ་ལ་ཕྱག་འཚལ་ལོ། །
དེ་བཞིན་གཤེགས་པ་འཇིགས་པ་དང་རྣམ་པར་བྲལ་བ་ལ་ཕྱག་འཚལ་ལོ། །དེ་བཞིན་གཤེགས་པ་དགྲ་བཅོམ་པའི་ལྷ་ལ་ཕྱག་འཚལ་ལོ། །དེ་བཞིན་གཤེགས་པ་མར་མེ་ཆེན་པོ་ལ་ཕྱག་འཚལ་ལོ། །དེ་བཞིན་གཤེགས་པ་འཇིག་རྟེན་
མར་མེ་ལ་ཕྱག་འཚལ་ལོ། །དེ་བཞིན་གཤེགས་པ་འཇིག་རྟེན་འོད་གསལ་བར་སྣང་བ་ལ་ཕྱག་འཚལ་ལོ། །དེ་བཞིན་གཤེགས་པ་དྲི་བསུང་ཤིན་དུ་ཞིམ་པ་ལ་ཕྱག་འཚལ་ལོ། །དེ་བཞིན་གཤེགས་པ་ཡོན་ཏན་གྱི་གཙོ་འཛིན་ལ་ཕྱག་
འཚལ་ལོ། །དེ་བཞིན་གཤེགས་པ་མུན་ནག་ཡོངས་སུ་སྤངས་པ་ལ་ཕྱག་འཚལ་ལོ། །དེ་བཞིན་གཤེགས་པ་བྲལ་བའི་མཆོག་ལ་ཕྱག་འཚལ་ལོ། །དེ་བཞིན་གཤེགས་པ་གཟུགས་བརྙན་ལ་ཕྱག་འཚལ་ལོ། །དེ་བཞིན་གཤེགས་པ་རང་བྱུང་

62-1-55b

བ་ལ་ཕྱག་འཚལ་ལོ། །དེ་བཞིན་གཤེགས་པ་སེང་གེའི་དཔུང་མགོ་ལ་ཕྱག་འཚལ་ལོ། །དེ་བཞིན་གཤེགས་པ་རིན་ཆེན་གྲགས་པ་ལ་ཕྱག་འཚལ་ལོ། །དེ་བཞིན་གཤེགས་པ་ཉེས་པ་ཞི་བ་ལ་ཕྱག་འཚལ་ལོ། །དེ་བཞིན་གཤེགས་པ་
བདུད་རྩི་འཆང་བ་ལ་ཕྱག་འཚལ་ལོ། །དེ་བཞིན་གཤེགས་པ་ཡིད་ལས་སྐྱེས་པའི་ཟླ་བ་ལ་ཕྱག་འཚལ་ལོ། །དེ་བཞིན་གཤེགས་པ་བདུད་རྩི་འཛིན་རྒྱལ་པོ་ལ་ཕྱག་འཚལ་ལོ། །དེ་བཞིན་གཤེགས་པ་བཟང་བར་སྣང་བ་ལ་ཕྱག་འཚལ་
ལོ། །དེ་བཞིན་གཤེགས་པ་སོ་སོར་རྒྱན་པ་ལ་ཕྱག་འཚལ་ལོ། །དེ་བཞིན་གཤེགས་པ་ནོར་བུ་འོད་གསལ་བ་ལ་ཕྱག་འཚལ་ལོ། །དེ་བཞིན་གཤེགས་པ་དཔལ་བརྩེགས་པའི་སྐར་མདའ་ལ་ཕྱག་འཚལ་ལོ། །དེ་བཞིན་གཤེགས་པ་
རི་བོ་བརྩེགས་པ་ལ་ཕྱག་འཚལ་ལོ། །དེ་བཞིན་གཤེགས་པ་ཆོས་ཀྱི་འབྱུང་གནས་ལ་ཕྱག་འཚལ་ལོ། །དེ་བཞིན་གཤེགས་པ་དོན་གཏན་ལ་འབེབས་པར་མཁྱེན་པ་ལ་ཕྱག་འཚལ་ལོ། །དེ་བཞིན་གཤེགས་པ་རེ་བ་སྦྱིན་པ་ལ་ཕྱག་འཚལ་
ལོ། །དེ་བཞིན་གཤེགས་པ་རིན་ཆེན་ཕུང་པོ་ལ་ཕྱག་འཚལ་ལོ། །དེ་བཞིན་གཤེགས་པ་སྐྱེ་བའི་དབང་པོར་གྱུར་པ་ལ་ཕྱག་འཚལ་ལོ། །དེ་བཞིན་གཤེགས་པ་རྣམ་པར་འཕར་ཞིང་བཞུད་པ་ལ་ཕྱག་འཚལ་ལོ། །དེ་བཞིན་གཤེགས་པ་རྟོགས་
པའི་བློ་ལ་ཕྱག་འཚལ་ལོ། །དེ་བཞིན་གཤེགས་པ་སོ་སོར་འབྱེད་པའི་གདུགས་ལ་ཕྱག་འཚལ་ལོ། །དེ་བཞིན་གཤེགས་པ་སོ་སོར་འབྱེད་པའི་ཕྱོགས་ལ་ཕྱག་འཚལ་ལོ། །དེ་བཞིན་གཤེགས་པ་ཀུན་གྱི་ཐུ་བོ་ལ་ཕྱག་འཚལ་ལོ། །
དེ་བཞིན་གཤེགས་པ་མངོན་དུ་འཕགས་པའི་དཔལ་ལ་ཕྱག་འཚལ་ལོ། །དེ་བཞིན་གཤེགས་པ་མངོན་དུ་འཕགས་པའི་རི་བོ་ལ་ཕྱག་འཚལ་ལོ། །དེ་བཞིན་གཤེགས་པ་སེང་གེའི་དབྱངས་ལ་ཕྱག་འཚལ་ལོ། །དེ་བཞིན་གཤེགས་པ་སེང་གེ་
དམ་པའི་དབྱངས་ལ་ཕྱག་འཚལ་ལོ། །དེ་བཞིན་གཤེགས་པ་རྣམ་པར་རོལ་པ་ལ་ཕྱག་འཚལ་ལོ། །དེ་བཞིན་གཤེགས་པ་ཀུན་དུ་འབར་བ་ལ་ཕྱག་འཚལ་ལོ། །དེ་བཞིན་གཤེགས་པ་སྐྱེས་བུ་དམ་པ་ལ་ཕྱག་འཚལ་ལོ། །དེ་བཞིན་གཤེགས་པ་ཀླུའི་

62-1-56a

འོད་ལ་ཕྱག་འཚལ་ལོ། །དེ་བཞིན་གཤེགས་པ་མེ་ཏོག་རི་བོ་ལ་ཕྱག་འཚལ་ལོ། །དེ་བཞིན་གཤེགས་པ་ཀླུ་སྒྲ་འབྱིན་པ་ལ་ཕྱག་འཚལ་ལོ། །དེ་བཞིན་གཤེགས་པ་དྲིའི་དབང་ཕྱུག་ལ་ཕྱག་འཚལ་ལོ། །དེ་བཞིན་གཤེགས་པ་
ཕྱོགས་སུ་གྲགས་པ་ལ་ཕྱག་འཚལ་ལོ། །དེ་བཞིན་གཤེགས་པ་སྟོབས་ཀྱི་ལྷ་ལ་ཕྱག་འཚལ་ལོ། །དེ་བཞིན་གཤེགས་པ་ཕྱག་བྱ་བ་ལ་ཕྱག་འཚལ་ལོ། །དེ་བཞིན་གཤེགས་པ་ཡོན་ཏན་གྱི་ནོར་བུ་ལ་ཕྱག་འཚལ་ལོ། །དེ་བཞིན་གཤེགས་པ་
ཡོན་ཏན་གྱི་འོད་ཟེར་ལ་ཕྱག་འཚལ་ལོ། །དེ་བཞིན་གཤེགས་པ་ཀླུའི་དཔུང་ལ་ཕྱག་འཚལ་ལོ། །དེ་བཞིན་གཤེགས་པ་ཀླུའི་དཔུང་དཔལ་བློ་གྲོས་ལ་ཕྱག་འཚལ་ལོ། །དེ་བཞིན་གཤེགས་པ་ཀླུའི་ཀློག་ལ་ཕྱག་འཚལ་ལོ། །དེ་བཞིན་གཤེགས་
པ་སོ་སོར་བརྒྱན་པ་མི་ཟད་པ་ལ་ཕྱག་འཚལ་ལོ། །དེ་བཞིན་གཤེགས་པ་ཤིན་དུ་སྦྱངས་པའི་སངས་རྒྱས་ལ་ཕྱག་འཚལ་ལོ། །དེ་བཞིན་གཤེགས་པ་ཀུན་དུ་སྤྱོད་པའི་སངས་རྒྱས་ལ་ཕྱག་འཚལ་ལོ། །དེ་བཞིན་གཤེགས་པ་བདུད་རྩིའི་སྤྱན་ལ་ཕྱག་
འཚལ་ལོ། །དེ་བཞིན་གཤེགས་པ་དྲང་སྲོང་ཆེན་པོ་ལ་ཕྱག་འཚལ་ལོ། །དེ་བཞིན་གཤེགས་པ་ཡེ་ཤེས་མངོན་དུ་འབྱུང་བ་ལ་ཕྱག་འཚལ་ལོ། །དེ་བཞིན་གཤེགས་པ་བདེན་པར་སྤོབས་པ་ལ་ཕྱག་འཚལ་ལོ། །དེ་བཞིན་གཤེགས་པ་ཉི་མའི་
སྣང་བ་ལ་ཕྱག་འཚལ་ལོ། །དེ་བཞིན་གཤེགས་པ་ངེས་པའི་སངས་རྒྱས་ལ་ཕྱག་འཚལ་ལོ། །དེ་བཞིན་གཤེགས་པ་གཟུགས་མཐའ་ཡས་པ་ལ་ཕྱག་འཚལ་ལོ། །དེ་བཞིན་གཤེགས་པ་སངས་རྒྱས་མཐའ་ཡས་པ་ལ་ཕྱག་འཚལ་ལོ། །
དེ་བཞིན་གཤེགས་པ་རྣམ་པར་སྣང་མཛད་ལ་ཕྱག་འཚལ་ལོ། །དེ་བཞིན་གཤེགས་པ་རིན་ཆེན་དཔལ་ལ་ཕྱག་འཚལ་ལོ། །དེ་བཞིན་གཤེགས་པ་ཐེ་ཙོམ་བྲལ་བ་ལ་ཕྱག་འཚལ་ལོ། །དེ་བཞིན་གཤེགས་པ་ཐེ་ཙོམ་སྤངས་པ་ལ་ཕྱག་
འཚལ་ལོ། །དེ་བཞིན་གཤེགས་པ་སེང་གེའི་གཟུགས་ལ་ཕྱག་འཚལ་ལོ། །དེ་བཞིན་གཤེགས་པ་སེམས་ཀྱི་རྒྱུད་བཞིན་ལ་ཕྱག་འཚལ་ལོ། །དེ་བཞིན་གཤེགས་པ་འོད་ཟེར་ཆེན་པོ་ལ་ཕྱག་འཚལ་ལོ། །དེ་བཞིན་གཤེགས་པ་རི་བོ་བཟང་

62-1-56b

ལ་ཕྱག་འཚལ་ལོ། །དེ་བཞིན་གཤེགས་པ་འཇིག་རྟེན་ལས་འདས་པའི་མེ་ཏོག་རྒྱས་པ་ལ་ཕྱག་འཚལ་ལོ། །དེ་བཞིན་གཤེགས་པ་འདོད་པ་ལས་རྣམ་པར་རྒལ་བ་ལ་ཕྱག་འཚལ་ལོ། །དེ་བཞིན་གཤེགས་པ་གཟུགས་འཛིན་ལ་ཕྱག་འཚལ་ལོ། །
དེ་བཞིན་གཤེགས་པ་རྣམ་པར་རིག་པར་མཛད་པ་ལ་ཕྱག་འཚལ་ལོ། །དེ་བཞིན་གཤེགས་པ་མེ་ཏོག་བཟང་གི་དཔལ་ལ་ཕྱག་འཚལ་ལོ། །དེ་བཞིན་གཤེགས་པ་རི་དབང་རྒྱལ་པོ་ལ་ཕྱག་འཚལ་ལོ། །དེ་བཞིན་གཤེགས་པ་མེ་ཏོག་ཀུ་མུ་ཏ་ལ་
ཕྱག་འཚལ་ལོ། །དེ་བཞིན་གཤེགས་པ་མཐའ་ཡས་པར་སྟོན་པ་ལ་ཕྱག་འཚལ་ལོ། །དེ་བཞིན་གཤེགས་པ་བདུད་རྩི་ལ་ཕྱག་འཚལ་ལོ། །དེ་བཞིན་གཤེགས་པ་བཟང་སྣང་ལ་ཕྱག་འཚལ་ལོ། །དེ་བཞིན་གཤེགས་པ་རིན་པོ་ཆེའི་གླིང་ལ་ཕྱག་འཚལ་
ལོ། །དེ་བཞིན་གཤེགས་པ་གཟི་བརྗིད་ཆེན་པོ་ལ་ཕྱག་འཚལ་ལོ། །དེ་བཞིན་གཤེགས་པ་བྱས་པའི་དོན་སྟོན་པ་ལ་ཕྱག་འཚལ་ལོ། །དེ་བཞིན་གཤེགས་པ་བདུད་རྩི་གྲགས་པ་ལ་ཕྱག་འཚལ་ལོ། །དེ་བཞིན་གཤེགས་པ་དགྲ་བཅོམ་པའི་ལྷ་
ལ་ཕྱག་འཚལ་ལོ། །དེ་བཞིན་གཤེགས་པ་དོན་བརྟན་པའི་ཤེས་རབ་ལ་ཕྱག་འཚལ་ལོ། །དེ་བཞིན་གཤེགས་པ་བློ་ཡོངས་སུ་རྫོགས་པ་ལ་ཕྱག་འཚལ་ལོ། །དེ་བཞིན་གཤེགས་པ་བརྩོན་འགྲུས་མི་ཞེན་པ་ལ་ཕྱག་འཚལ་ལོ། །དེ་བཞིན་
གཤེགས་པ་མྱ་ངན་མེད་པ་ཆེན་པོ་ལ་ཕྱག་འཚལ་ལོ། །དེ་བཞིན་གཤེགས་པ་དྲི་མ་དང་རྣམ་པར་བྲལ་བ་ལ་ཕྱག་འཚལ་ལོ། །དེ་བཞིན་གཤེགས་པ་ཚངས་པ་སྦྱིན་ལ་ཕྱག་འཚལ་ལོ། །དེ་བཞིན་གཤེགས་པ་རིན་ཆེན་དབང་ཕྱུག་ལ་ཕྱག་
འཚལ་ལོ། །དེ་བཞིན་གཤེགས་པ་ཚངས་པའི་ལྷ་ལ་ཕྱག་འཚལ་ལོ། །དེ་བཞིན་གཤེགས་པ་གཟུངས་སྔགས་ཀྱི་དབང་ཕྱུག་ལ་ཕྱག་འཚལ་ལོ། །དེ་བཞིན་གཤེགས་པ་མེ་ཏོག་སྤྱན་ལ་ཕྱག་འཚལ་ལོ། །དེ་བཞིན་གཤེགས་པ་
ཀླུ་ལས་རྣམ་པར་གྲོལ་བའི་སྐུ་ལ་ཕྱག་འཚལ་ལོ། །དེ་བཞིན་གཤེགས་པ་ཆོས་ཀྱི་འོད་ལ་ཕྱག་འཚལ་ལོ། །དེ་བཞིན་གཤེགས་པ་ཆོས་ཀྱི་འོད་གསལ་བ་ལ་ཕྱག་འཚལ་ལོ། །དེ་བཞིན་གཤེགས་པ་མ་ལུས་པར་སྟོན་པ་ལ་ཕྱག་

62-1-57a

འཚལ་ལོ། །དེ་བཞིན་གཤེགས་པ་ཡོན་ཏན་འོད་གསལ་བ་ལ་ཕྱག་འཚལ་ལོ། །དེ་བཞིན་གཤེགས་པ་ཡོན་ཏན་རབ་ཏུ་དང་བ་ལ་ཕྱག་འཚལ་ལོ། །དེ་བཞིན་གཤེགས་པ་འཇིག་རྟེན་གསུམ་གྱིས་མཆོད་པ་ལ་ཕྱག་
འཚལ་ལོ། །དེ་བཞིན་གཤེགས་པ་ཟླ་བ་གསལ་བ་ལ་ཕྱག་འཚལ་ལོ། །དེ་བཞིན་གཤེགས་པ་ཟླ་བའི་ཞལ་ལ་ཕྱག་འཚལ་ལོ། །དེ་བཞིན་གཤེགས་པ་བུ་བཞིན་དགོངས་པ་ལ་ཕྱག་འཚལ་ལོ། །དེ་བཞིན་གཤེགས་པ་གྲགས་པ་
མི་ཚུགས་པ་ལ་ཕྱག་འཚལ་ལོ། །དེ་བཞིན་གཤེགས་པ་འོད་བཟང་ལ་ཕྱག་འཚལ་ལོ། །དེ་བཞིན་གཤེགས་པ་རིན་ཆེན་འོད་གསལ་བ་ལ་ཕྱག་འཚལ་ལོ། །དེ་བཞིན་གཤེགས་པ་རིན་ཆེན་དཔལ་ལ་ཕྱག་འཚལ་ལོ། །དེ་བཞིན་གཤེགས་པ་བླ་
ན་མེད་པར་གྲགས་པ་ལ་ཕྱག་འཚལ་ལོ། །དེ་བཞིན་གཤེགས་པ་གྲགས་པའི་མཆོག་ལ་ཕྱག་འཚལ་ལོ། །དེ་བཞིན་གཤེགས་པ་འོད་བྱེད་ལ་ཕྱག་འཚལ་ལོ། །དེ་བཞིན་གཤེགས་པ་འོད་འཇོམས་ལ་ཕྱག་འཚལ་ལོ། །དེ་བཞིན་གཤེགས་པ་
གཟི་བརྗིད་དཔག་ཏུ་མེད་པ་ལ་ཕྱག་འཚལ་ལོ། །དེ་བཞིན་གཤེགས་པ་དུས་ལས་མི་ཡོལ་བ་ལ་ཕྱག་འཚལ་ལོ། །དེ་བཞིན་གཤེགས་པ་དུས་བཞིན་གྱི་རྒྱལ་པོ་ལ་ཕྱག་འཚལ་ལོ། །དེ་བཞིན་གཤེགས་པ་སེང་གེའི་འགྲོས་ལ་ཕྱག་འཚལ་ལོ། །དེ་བཞིན་
གཤེགས་པ་རྣམ་པར་རྒྱལ་བ་ལ་ཕྱག་འཚལ་ལོ། །དེ་བཞིན་གཤེགས་པ་གློག་འབྱིན་ལ་ཕྱག་འཚལ་ལོ། །དེ་བཞིན་གཤེགས་པ་གློག་རྒྱལ་ལ་ཕྱག་འཚལ་ལོ། །དེ་བཞིན་གཤེགས་པ་གློག་གི་བློ་གྲོས་ལ་ཕྱག་འཚལ་ལོ། །དེ་བཞིན་གཤེགས་པ་
རྒྱལ་བར་དཀའ་བ་ལ་ཕྱག་འཚལ་ལོ། །དེ་བཞིན་གཤེགས་པ་ཡོན་ཏན་ཕུང་པོ་ལ་ཕྱག་འཚལ་ལོ། །དེ་བཞིན་གཤེགས་པ་ཟླ་བའི་དཔལ་ལ་ཕྱག་འཚལ་ལོ། །དེ་བཞིན་གཤེགས་པ་ཚངས་པ་བརྟན་པ་ལ་ཕྱག་འཚལ་ལོ། །དེ་བཞིན་གཤེགས་པ་
དཔག་ཏུ་མེད་པར་འཕར་བ་ལ་ཕྱག་འཚལ་ལོ། །དེ་བཞིན་གཤེགས་པ་ཟླ་བ་ལ་ཕྱག་འཚལ་ལོ། །དེ་བཞིན་གཤེགས་པ་དྲི་མ་དང་བྲལ་བ་ལ་ཕྱག་འཚལ་ལོ། །དེ་བཞིན་གཤེགས་པ་དྲི་མ་དང་བྲལ་བའི་དོན་སྟོན་པ་ལ་ཕྱག་འཚལ་ལོ། །དེ་བཞིན་གཤེགས་

62-1-57b

པ་དཔའ་བོ་སྡེ་ལ་ཕྱག་འཚལ་ལོ། །དེ་བཞིན་གཤེགས་པ་རྫོགས་པའི་སངས་རྒྱས་ཀྱིས་མཆོད་པ་ལ་ཕྱག་འཚལ་ལོ། །དེ་བཞིན་གཤེགས་པ་རྫོགས་པའི་སངས་རྒྱས་ལ་ཕྱག་འཚལ་ལོ། །དེ་བཞིན་གཤེགས་པ་བསོད་ནམས་ལ་ཕྱག་འཚལ་ལོ། །
དེ་བཞིན་གཤེགས་པ་མར་མེ་མཆོག་ལ་ཕྱག་འཚལ་ལོ། །དེ་བཞིན་གཤེགས་པ་ཟླ་བ་ཉིད་ལ་ཕྱག་འཚལ་ལོ། །དེ་བཞིན་གཤེགས་པ་ཡོན་ཏན་འོད་ཟེར་ལ་ཕྱག་འཚལ་ལོ། །དེ་བཞིན་གཤེགས་པ་བློ་རྒྱ་ཆེན་པོ་ལ་ཕྱག་འཚལ་ལོ། །དེ་བཞིན་གཤེགས་པ་
ལེགས་པར་སྐྱེས་པ་ལ་ཕྱག་འཚལ་ལོ། །དེ་བཞིན་གཤེགས་པ་ལྷའི་རྟེན་ལ་ཕྱག་འཚལ་ལོ། །དེ་བཞིན་གཤེགས་པ་ཡིད་གཉིས་སྤངས་པ་ལ་ཕྱག་འཚལ་ལོ། །དེ་བཞིན་གཤེགས་པ་བདུད་རྩི་ལྡན་ལ་ཕྱག་འཚལ་ལོ། །དེ་བཞིན་གཤེགས་པ་མཆོག་
སྲེད་ལ་ཕྱག་འཚལ་ལོ། །དེ་བཞིན་གཤེགས་པ་ཐུབ་པ་མེད་པ་ལ་ཕྱག་འཚལ་ལོ། །དེ་བཞིན་གཤེགས་པ་གཞན་མ་ཡིན་པ་ལ་ཕྱག་འཚལ་ལོ། །དེ་བཞིན་གཤེགས་པ་རང་དབང་ཅན་ལ་ཕྱག་འཚལ་ལོ། །དེ་བཞིན་གཤེགས་པ་སངས་རྒྱས་ལ་ཕྱག་
འཚལ་ལོ། །དེ་བཞིན་གཤེགས་པ་འཁྱིལ་བ་ལ་ཕྱག་འཚལ་ལོ། །དེ་བཞིན་གཤེགས་པ་འཇོག་པ་ལ་ཕྱག་འཚལ་ལོ། །དེ་བཞིན་གཤེགས་པ་འཁོར་མང་པོའི་སྒོ་ལ་ཕྱག་འཚལ་ལོ། །དེ་བཞིན་གཤེགས་པ་འགྲོ་བའི་འོད་ཟེར་ལ་ཕྱག་
འཚལ་ལོ། །དེ་བཞིན་གཤེགས་པ་རབ་ཏུ་མང་བ་ལ་ཕྱག་འཚལ་ལོ། །དེ་བཞིན་གཤེགས་པ་བསོད་ནམས་ཀྱི་སྐུ་ལ་ཕྱག་འཚལ་ལོ། །དེ་བཞིན་གཤེགས་པ་དཔག་ཏུ་མེད་པའི་འོད་ཟེར་ལ་ཕྱག་འཚལ་ལོ། །དེ་བཞིན་གཤེགས་པ་
དོན་གྱི་བློ་གྲོས་ལ་ཕྱག་འཚལ་ལོ། །དེ་བཞིན་གཤེགས་པ་གཟི་བརྗིད་ཀྱི་རྒྱལ་པོ་ལ་ཕྱག་འཚལ་ལོ། །དེ་བཞིན་གཤེགས་པ་ལྷའི་རྒྱལ་པོ་ལ་ཕྱག་འཚལ་ལོ། །དེ་བཞིན་གཤེགས་པ་མ་ལུས་པར་སྤངས་པ་ལ་ཕྱག་འཚལ་ལོ། །དེ་བཞིན་གཤེགས་པ་
ནད་མེད་པ་ལ་ཕྱག་འཚལ་ལོ། །དེ་བཞིན་གཤེགས་པ་ཤིན་དུ་དུལ་བ་ལ་ཕྱག་འཚལ་ལོ། །དེ་བཞིན་གཤེགས་པ་གྲགས་པ་སྦྱིན་པ་ལ་ཕྱག་འཚལ་ལོ། །དེ་བཞིན་གཤེགས་པ་ཀུན་དུ་མེ་ཏོག་ལ་ཕྱག་འཚལ་ལོ། །དེ་བཞིན་གཤེགས་པ་མེ་ཏོག་སྦྱིན་

62-1-58a

ལ་ཕྱག་འཚལ་ལོ། །དེ་བཞིན་གཤེགས་པ་མེ་ཏོག་མཆོག་སྦྱིན་ལ་ཕྱག་འཚལ་ལོ། །དེ་བཞིན་གཤེགས་པ་སྐྱེས་བུ་སྦྱིན་ལ་ཕྱག་འཚལ་ལོ། །དེ་བཞིན་གཤེགས་པ་བཟང་པོའི་སྡེ་ལ་ཕྱག་འཚལ་ལོ། །དེ་བཞིན་གཤེགས་པ་དཔའོ་
སྡེ་ལ་ཕྱག་འཚལ་ལོ། །དེ་བཞིན་གཤེགས་པ་ཆེན་པོ་སྦྱིན་ལ་ཕྱག་འཚལ་ལོ། །དེ་བཞིན་གཤེགས་པ་ཞི་བར་བཞུད་པ་ལ་ཕྱག་འཚལ་ལོ། །དེ་བཞིན་གཤེགས་པ་ཞི་བའི་བློ་གྲོས་ལ་ཕྱག་འཚལ་ལོ། །དེ་བཞིན་གཤེགས་པ་གྲགས་པའི་བློ་གྲོས་ལ་
ཕྱག་འཚལ་ལོ། །དེ་བཞིན་གཤེགས་པ་དྲིའི་བན་གླང་ལ་ཕྱག་འཚལ་ལོ། །དེ་བཞིན་གཤེགས་པ་མཐུ་བོ་ཆེ་ལ་ཕྱག་འཚལ་ལོ། །དེ་བཞིན་གཤེགས་པ་རབ་ཏུ་དགའ་བ་ལ་ཕྱག་འཚལ་ལོ། །དེ་བཞིན་གཤེགས་པ་མི་ཚུགས་པ་ལ་ཕྱག་འཚལ་ལོ། །དེ་བཞིན་
གཤེགས་པ་སྐུ་བཟང་པོ་ལ་ཕྱག་འཚལ་ལོ། །དེ་བཞིན་གཤེགས་པ་གློག་གི་དཔལ་ལ་ཕྱག་འཚལ་ལོ། །དེ་བཞིན་གཤེགས་པ་ཕན་མེད་མ་ཡིན་པ་ལ་ཕྱག་འཚལ་ལོ། །དེ་བཞིན་གཤེགས་པ་དཔལ་ཆེན་པོ་ལ་ཕྱག་འཚལ་ལོ། །དེ་བཞིན་གཤེགས་པ་བདེན་
པའི་དཔལ་ལ་ཕྱག་འཚལ་ལོ། །དེ་བཞིན་གཤེགས་པ་ཡེ་ཤེས་ཉི་མ་ལ་ཕྱག་འཚལ་ལོ། །དེ་བཞིན་གཤེགས་པ་དོན་གྲུབ་པ་ལ་ཕྱག་འཚལ་ལོ། །དེ་བཞིན་གཤེགས་པ་རི་རབ་བརྩེགས་པ་ལ་ཕྱག་འཚལ་ལོ། །དེ་བཞིན་གཤེགས་པ་དགྲ་བོ་འདུལ་བ་ལ་
ཕྱག་འཚལ་ལོ། །དེ་བཞིན་གཤེགས་པ་པད་མོ་ལ་ཕྱག་འཚལ་ལོ། །དེ་བཞིན་གཤེགས་པ་དགྲ་བཅོམ་རོལ་པ་ལ་ཕྱག་འཚལ་ལོ། །དེ་བཞིན་གཤེགས་པ་ཡེ་ཤེས་འཕར་བ་ལ་ཕྱག་འཚལ་ལོ། །དེ་བཞིན་གཤེགས་པ་སྙེམས་པ་དང་བྲལ་བ་ལ་ཕྱག་འཚལ་
ལོ། །དེ་བཞིན་གཤེགས་པ་མི་གནས་པ་ལ་ཕྱག་འཚལ་ལོ། །དེ་བཞིན་གཤེགས་པ་གནས་པ་ལ་ཕྱག་འཚལ་ལོ། །དེ་བཞིན་གཤེགས་པ་དྲི་བསུང་ཞིམ་པོ་ལ་ཕྱག་འཚལ་ལོ། །དེ་བཞིན་གཤེགས་པ་འཁོར་མི་ཉུང་བ་ལ་ཕྱག་འཚལ་ལོ། །དེ་བཞིན་
གཤེགས་པ་གྲགས་པའི་རི་རབ་ལ་ཕྱག་འཚལ་ལོ། །དེ་བཞིན་གཤེགས་པ་རླུང་ལ་ཕྱག་འཚལ་ལོ། །དེ་བཞིན་གཤེགས་པ་བཟང་བ་ལ་ཕྱག་འཚལ་ལོ། །དེ་བཞིན་གཤེགས་པ་སྲིད་པའི་མཐའ་སྟོན་པ་ལ་ཕྱག་འཚལ་ལོ། །དེ་བཞིན་གཤེགས་པ་ཟླ་བ་ལ་

62-1-58b

ཕྱག་འཚལ་ལོ། །དེ་བཞིན་གཤེགས་པ་རིན་ཆེན་ཟླ་བ་ལ་ཕྱག་འཚལ་ལོ། །དེ་བཞིན་གཤེགས་པ་ཡོན་ཏན་ཆེན་པོ་ལ་ཕྱག་འཚལ་ལོ། །དེ་བཞིན་གཤེགས་པ་དབེན་པ་ཅན་ལ་ཕྱག་འཚལ་ལོ། །དེ་བཞིན་གཤེགས་པ་ཙན་དན་ཟླ་བ་ལ་ཕྱག་འཚལ་ལོ། །
དེ་བཞིན་གཤེགས་པ་སེང་གེ་རྒྱལ་མཚན་ལ་ཕྱག་འཚལ་ལོ། །དེ་བཞིན་གཤེགས་པ་རིན་ཆེན་དགའ་བ་ལ་ཕྱག་འཚལ་ལོ། །དེ་བཞིན་གཤེགས་པ་རྗེས་སུ་དཔག་པ་ལ་ཕྱག་འཚལ་ལོ། །དེ་བཞིན་གཤེགས་པ་བསམ་གཏན་གྱི་རྒྱལ་པོ་ལ་ཕྱག་འཚལ་ལོ། །དེ་བཞིན་
གཤེགས་པ་དཔེ་མེད་པ་ལ་ཕྱག་འཚལ་ལོ། །དེ་བཞིན་གཤེགས་པ་རྣམ་པར་རོལ་པ་ལ་ཕྱག་འཚལ་ལོ། །དེ་བཞིན་གཤེགས་པ་ཡོན་ཏན་རིན་ཆེན་ལ་ཕྱག་འཚལ་ལོ། །དེ་བཞིན་གཤེགས་པ་དགྲ་བཅོམ་པར་སྣང་བ་ལ་ཕྱག་འཚལ་ལོ། །དེ་བཞིན་གཤེགས་པ་
པད་མོའི་ཞགས་པ་ལ་ཕྱག་འཚལ་ལོ། །དེ་བཞིན་གཤེགས་པ་རིན་ཆེན་ཞགས་པ་ལ་ཕྱག་འཚལ་ལོ། །དེ་བཞིན་གཤེགས་པ་འོད་རྫོགས་པ་ལ་ཕྱག་འཚལ་ལོ། །དེ་བཞིན་གཤེགས་པ་སྨིན་མཚམས་སྦྱིན་པ་ལ་ཕྱག་འཚལ་ལོ། །དེ་བཞིན་གཤེགས་
པ་སྤོབས་པར་གྲགས་པ་ལ་ཕྱག་འཚལ་ལོ། །དེ་བཞིན་གཤེགས་པ་ནོར་བུ་རྡོ་རྗེ་ལ་ཕྱག་འཚལ་ལོ། །དེ་བཞིན་གཤེགས་པ་ཚེ་ཞི་བ་ལ་ཕྱག་འཚལ་ལོ། །དེ་བཞིན་གཤེགས་པ་བདུད་རྩི་རྒྱན་ལ་ཕྱག་འཚལ་ལོ། །དེ་བཞིན་གཤེགས་པ་ནོར་བུ་རྒྱན་
ལ་ཕྱག་འཚལ་ལོ། །དེ་བཞིན་གཤེགས་པ་པད་མོ་ཆེན་པོ་ལ་ཕྱག་འཚལ་ལོ། །དེ་བཞིན་གཤེགས་པ་མང་པོ་ལས་གྱེན་དུ་བྱུང་བ་ལ་ཕྱག་འཚལ་ལོ། །དེ་བཞིན་གཤེགས་པ་སའི་དབང་པོ་ལ་ཕྱག་འཚལ་ལོ། །དེ་བཞིན་གཤེགས་པ་ཡོན་ཏན་མཛད་
པ་ལ་ཕྱག་འཚལ་ལོ། །དེ་བཞིན་གཤེགས་པ་གྲགས་པའི་རི་རབ་ལ་ཕྱག་འཚལ་ལོ། །དེ་བཞིན་གཤེགས་པ་འོད་བཅུ་པ་ལ་ཕྱག་འཚལ་ལོ། །དེ་བཞིན་གཤེགས་པ་དགའ་བར་མཛད་པ་ལ་ཕྱག་འཚལ་ལོ། །དེ་བཞིན་གཤེགས་པ་ཀླུའི་མེ་ཏོག་
ལ་ཕྱག་འཚལ་ལོ། །དེ་བཞིན་གཤེགས་པ་གཞན་གྱིས་མི་ཚུགས་པ་ལ་ཕྱག་འཚལ་ལོ། །དེ་བཞིན་གཤེགས་པ་ཡིད་བཞིན་མཛད་པ་ལ་ཕྱག་འཚལ་ལོ། །དེ་བཞིན་གཤེགས་པ་རིན་ཆེན་ཟླ་བ་ལ་ཕྱག་འཚལ་ལོ། །དེ་བཞིན་གཤེགས་པ་ཞི་བར་འདུལ་བ་

62-1-59a

ལ་ཕྱག་འཚལ་ལོ། །དེ་བཞིན་གཤེགས་པ་སྐྱེ་བོ་སྒྲོལ་བའི་རྒྱལ་པོ་ལ་ཕྱག་འཚལ་ལོ། །དེ་བཞིན་གཤེགས་པ་རབ་ཏུ་སྣང་བའི་རྒྱལ་པོ་ལ་ཕྱག་འཚལ་ལོ། །དེ་བཞིན་གཤེགས་པ་ཁ་ལོ་སྒྱུར་བ་ལ་ཕྱག་འཚལ་ལོ། །དེ་བཞིན་གཤེགས་
པ་དགའ་བའི་དབང་ཕྱུག་ལ་ཕྱག་འཚལ་ལོ། །དེ་བཞིན་གཤེགས་པ་གཙུག་ན་རིན་ཆེན་ལ་ཕྱག་འཚལ་ལོ། །དེ་བཞིན་གཤེགས་པ་འཇིགས་པ་དང་བྲལ་བ་ལ་ཕྱག་འཚལ་ལོ། །དེ་བཞིན་གཤེགས་པ་རིན་ཆེན་སྙིང་པོ་ལ་ཕྱག་འཚལ་ལོ། །དེ་བཞིན་གཤེགས་པ་ཟླ་བ་
འགུགས་པ་ལ་ཕྱག་འཚལ་ལོ། །དེ་བཞིན་གཤེགས་པ་དྲི་མ་མེད་པར་གྲགས་པ་ལ་ཕྱག་འཚལ་ལོ། །དེ་བཞིན་གཤེགས་པ་ཟླ་བ་གཟི་བརྗིད་ལ་ཕྱག་འཚལ་ལོ། །དེ་བཞིན་གཤེགས་པ་ཞི་བའི་གཟི་བརྗིད་ལ་ཕྱག་འཚལ་ལོ། །དེ་བཞིན་གཤེགས་པ་དགའ་བའི་
དཔལ་ལ་ཕྱག་འཚལ་ལོ། །དེ་བཞིན་གཤེགས་པ་དགའ་བའི་ལྷའི་གནས་ལ་ཕྱག་འཚལ་ལོ། །དེ་བཞིན་གཤེགས་པ་སྒྲ་གཅན་གྱི་ལྷ་ལ་ཕྱག་འཚལ་ལོ། །དེ་བཞིན་གཤེགས་པ་ཐུན་བཟང་ལ་ཕྱག་འཚལ་ལོ། །དེ་བཞིན་གཤེགས་པ་རིན་ཆེན་སྲེད་ལ་ཕྱག་
འཚལ་ལོ། །དེ་བཞིན་གཤེགས་པ་མི་འཆི་སྲེད་ལ་ཕྱག་འཚལ་ལོ། །དེ་བཞིན་གཤེགས་པ་རིན་ཆེན་ཚོགས་ལ་ཕྱག་འཚལ་ལོ། །དེ་བཞིན་གཤེགས་པ་རིན་ཆེན་འཕར་བ་ལ་ཕྱག་འཚལ་ལོ། །དེ་བཞིན་གཤེགས་པ་རོལ་པས་འཕར་བ་ལ་ཕྱག་འཚལ་ལོ། །
དེ་བཞིན་གཤེགས་པ་སེང་གེའི་ཕྱོགས་པ་ལ་ཕྱག་འཚལ་ལོ། །དེ་བཞིན་གཤེགས་པ་ཤིན་དུ་མཐོ་བར་བཞུད་པ་ལ་ཕྱག་འཚལ་ལོ། །དེ་བཞིན་གཤེགས་པ་མིའི་དམ་པ་ལ་ཕྱག་འཚལ་ལོ། །དེ་བཞིན་གཤེགས་པ་རྒྱལ་བའི་དབང་པོ་ལ་ཕྱག་འཚལ་ལོ། །
དེ་བཞིན་གཤེགས་པ་བློ་གྲོས་བཟང་ལ་ཕྱག་འཚལ་ལོ། །དེ་བཞིན་གཤེགས་པ་འཇིག་རྟེན་གྱི་འོད་ལ་ཕྱག་འཚལ་ལོ། །དེ་བཞིན་གཤེགས་པ་འཇིག་རྟེན་གྱི་འོད་གསལ་བ་ལ་ཕྱག་འཚལ་ལོ། །དེ་བཞིན་གཤེགས་པ་འཁོར་རིན་ཆེན་ལ་ཕྱག་འཚལ་ལོ། །
དེ་བཞིན་གཤེགས་པ་ཤིང་རྟ་སྤེལ་བ་ལ་ཕྱག་འཚལ་ལོ། །དེ་བཞིན་གཤེགས་པ་ཀུན་དུ་རྒྱལ་བ་ལ་ཕྱག་འཚལ་ལོ། །དེ་བཞིན་གཤེགས་པ་རིན་ཆེན་གཟི་བརྗིད་ལ་ཕྱག་འཚལ་ལོ། །དེ་བཞིན་གཤེགས་པ་ཚིམ་པའི་བདུད་རྩི་ལ་ཕྱག་འཚལ་ལོ། །

62-1-59b

དེ་བཞིན་གཤེགས་པ་སྩོགས་པར་མཛད་པ་ལ་ཕྱག་འཚལ་ལོ། །དེ་བཞིན་གཤེགས་པ་དགའ་བའི་རྒྱན་ལ་ཕྱག་འཚལ་ལོ། །དེ་བཞིན་གཤེགས་པ་འཇིག་རྟེན་གྱི་འབྱུང་གནས་ལ་ཕྱག་འཚལ་ལོ། །དེ་བཞིན་གཤེགས་པ་དྲིའི་བན་གླང་མཆོག་ལ་ཕྱག་
འཚལ་ལོ། །དེ་བཞིན་གཤེགས་པ་འོད་ཟེར་ལྡན་ལ་ཕྱག་འཚལ་ལོ། །དེ་བཞིན་གཤེགས་པ་རི་རབ་རྒྱལ་མཚན་ལ་ཕྱག་འཚལ་ལོ། །དེ་བཞིན་གཤེགས་པ་སེམས་ཅན་རིན་ཆེན་ལ་ཕྱག་འཚལ་ལོ། །དེ་བཞིན་གཤེགས་པ་དྲི་བསུང་གཙང་ལ་ཕྱག་འཚལ་
ལོ། །དེ་བཞིན་གཤེགས་པ་གོ་ཆ་སྲ་བ་ལ་ཕྱག་འཚལ་ལོ། །དེ་བཞིན་གཤེགས་པ་གཟི་བརྗིད་ཀྱི་དམ་པ་ལ་ཕྱག་འཚལ་ལོ། །དེ་བཞིན་གཤེགས་པ་ནོར་བུའི་གོ་ཆ་ལ་ཕྱག་འཚལ་ལོ། །དེ་བཞིན་གཤེགས་པ་བློ་གྲོས་གོ་ཆ་ལ་ཕྱག་འཚལ་ལོ། །
དེ་བཞིན་གཤེགས་པ་བཟང་ལྡན་ལ་ཕྱག་འཚལ་ལོ། །དེ་བཞིན་གཤེགས་པ་བདེ་བར་གཤེགས་པའི་ཟླ་བ་ལ་ཕྱག་འཚལ་ལོ། །དེ་བཞིན་གཤེགས་པ་ཚངས་པའི་དབྱངས་ལ་ཕྱག་འཚལ་ལོ། །དེ་བཞིན་གཤེགས་པ་མི་འདྲེན་མགོན་པོ་ལ་ཕྱག་
འཚལ་ལོ། །དེ་བཞིན་གཤེགས་པ་དབྱངས་མང་པོ་ལ་ཕྱག་འཚལ་ལོ། །དེ་བཞིན་གཤེགས་པ་སེང་གེའི་ཟླ་བ་ལ་ཕྱག་འཚལ་ལོ། །དེ་བཞིན་གཤེགས་པ་གཟི་བརྗིད་དཔལ་ལ་ཕྱག་འཚལ་ལོ། །དེ་བཞིན་གཤེགས་པ་མི་ཐུབ་ཟླ་བ་ལ་ཕྱག་འཚལ་ལོ། །
དེ་བཞིན་གཤེགས་པ་ཞི་བའི་དབང་པོ་ལ་ཕྱག་འཚལ་ལོ། །དེ་བཞིན་གཤེགས་པ་སྟོན་ཀ་ལྡན་ལ་ཕྱག་འཚལ་ལོ། །དེ་བཞིན་གཤེགས་པ་པད་མོ་ལ་ཕྱག་འཚལ་ལོ། །དེ་བཞིན་གཤེགས་པ་སྒྱུ་མ་ལ་ཕྱག་འཚལ་ལོ། །དེ་བཞིན་གཤེགས་པ་དགེ་
བར་སྐྱེས་པ་ལ་ཕྱག་འཚལ་ལོ། །དེ་བཞིན་གཤེགས་པ་མི་ཐུབ་པའི་ཟླ་བ་ལ་ཕྱག་འཚལ་ལོ། །དེ་བཞིན་གཤེགས་པ་གྲགས་པ་དཔག་ཏུ་མེད་པ་ལ་ཕྱག་འཚལ་ལོ། །དེ་བཞིན་གཤེགས་པ་བདེན་པ་ལ་ཕྱག་འཚལ་ལོ། །དེ་བཞིན་གཤེགས་པ་
དཀའ་ཐུབ་ཆེན་པོ་ལ་ཕྱག་འཚལ་ལོ། །དེ་བཞིན་གཤེགས་པ་རི་རབ་ཀྱི་འོད་ལ་ཕྱག་འཚལ་ལོ། །དེ་བཞིན་གཤེགས་པ་ཡོན་ཏན་བརྩེགས་པ་ལ་ཕྱག་འཚལ་ལོ། །དེ་བཞིན་གཤེགས་པ་གྲགས་པ་དཔག་ཏུ་མེད་པ་ལ་ཕྱག་འཚལ་ལོ། །

62-1-60a

དེ་བཞིན་གཤེགས་པ་སའི་སྐྱེ་བོ་ལ་ཕྱག་འཚལ་ལོ། །དེ་བཞིན་གཤེགས་པ་ཆོས་བསྔགས་པ་ལ་ཕྱག་འཚལ་ལོ། །དེ་བཞིན་གཤེགས་པ་ཚུལ་གྱི་འོད་ལ་ཕྱག་འཚལ་ལོ། །དེ་བཞིན་གཤེགས་པ་གློག་སྦྱིན་ལ་ཕྱག་འཚལ་ལོ། །དེ་བཞིན་
གཤེགས་པ་བདེན་པའི་འབྱུང་གནས་ལ་ཕྱག་འཚལ་ལོ། །དེ་བཞིན་གཤེགས་པ་བདེན་པར་གསུང་བ་ལ་ཕྱག་འཚལ་ལོ། །དེ་བཞིན་གཤེགས་པ་འཚོ་བ་ཅན་ལ་ཕྱག་འཚལ་ལོ། །དེ་བཞིན་གཤེགས་པ་འཐུན་བཟང་ལ་ཕྱག་འཚལ་ལོ། །
དེ་བཞིན་གཤེགས་པ་འཁོར་བཟང་ལ་ཕྱག་འཚལ་ལོ། །དེ་བཞིན་གཤེགས་པ་ངེས་པའི་བློ་གྲོས་ལ་ཕྱག་འཚལ་ལོ། །དེ་བཞིན་གཤེགས་པ་སྲིད་པའི་མཐའི་བློ་གྲོས་དྲི་མ་ལ་ཕྱག་འཚལ་ལོ། །དེ་བཞིན་གཤེགས་པ་དགའ་བར་རྒྱལ་བ་ལ་ཕྱག་
འཚལ་ལོ། །དེ་བཞིན་གཤེགས་པ་སེང་གེའི་འོད་ལ་ཕྱག་འཚལ་ལོ། །དེ་བཞིན་གཤེགས་པ་བླ་ན་མེད་པར་གྲགས་པ་ལ་ཕྱག་འཚལ་ལོ། །དེ་བཞིན་གཤེགས་པ་ཤིན་དུ་མཁས་པ་ལ་ཕྱག་འཚལ་ལོ། །དེ་བཞིན་གཤེགས་པ་ནོར་བུའི་ཟླ་
བ་ལ་ཕྱག་འཚལ་ལོ། །དེ་བཞིན་གཤེགས་པ་བླ་ན་མེད་པར་གྲགས་པ་ལ་ཕྱག་འཚལ་ལོ། །དེ་བཞིན་གཤེགས་པ་མཐུ་བོ་ཆེའི་ཡན་ལག་གི་རི་རབ་རྒྱལ་པོ་ལ་ཕྱག་འཚལ་ལོ། །དེ་བཞིན་གཤེགས་པ་ཟླ་བ་མང་པོ་ལ་ཕྱག་འཚལ་ལོ། །
དེ་བཞིན་གཤེགས་པ་འོད་ཟེར་དྲག་པོ་ཅན་ལ་ཕྱག་འཚལ་ལོ། །དེ་བཞིན་གཤེགས་པ་དཀའ་ཐུབ་མི་དམན་པ་ཅན་ལ་ཕྱག་འཚལ་ལོ། །དེ་བཞིན་གཤེགས་པ་མེ་དང་ལྡན་པ་ལ་ཕྱག་འཚལ་ལོ། །དེ་བཞིན་གཤེགས་པ་ནོར་བུ་འཁོར་ལོ་ལ་ཕྱག་
འཚལ་ལོ། །དེ་བཞིན་གཤེགས་པ་འཇིག་རྟེན་གྱི་བླ་མ་ལ་ཕྱག་འཚལ་ལོ། །དེ་བཞིན་གཤེགས་པ་འཇིག་རྟེན་བཟང་བ་ལ་ཕྱག་འཚལ་ལོ། །དེ་བཞིན་གཤེགས་པ་སེང་གེའི་ལག་པ་ལ་ཕྱག་འཚལ་ལོ། །དེ་བཞིན་གཤེགས་པ་ཡོན་ཏན་
གྱིས་བརྒྱན་པ་ལ་ཕྱག་འཚལ་ལོ། །དེ་བཞིན་གཤེགས་པ་རིན་ཆེན་འོད་ཟེར་ལ་ཕྱག་འཚལ་ལོ། །དེ་བཞིན་གཤེགས་པ་སྒྲ་གཅན་དབེན་པ་ལ་ཕྱག་འཚལ་ལོ། །དེ་བཞིན་གཤེགས་པ་དགྲ་བཅོམ་པ་ལ་ཕྱག་འཚལ་ལོ། །དེ་བཞིན་གཤེགས་པ་བྱང་ཆུབ་

62-1-60b

དབྱངས་ལ་ཕྱག་འཚལ་ལོ། །དེ་བཞིན་གཤེགས་པ་འོད་མཚུངས་པ་ལ་ཕྱག་འཚལ་ལོ། །དེ་བཞིན་གཤེགས་པ་འོད་ཕན་པའི་འོད་ལ་ཕྱག་འཚལ་ལོ། །དེ་བཞིན་གཤེགས་པ་རབ་ཏུ་ཞི་བ་ལ་ཕྱག་འཚལ་ལོ། །དེ་བཞིན་གཤེགས་པ་འཇིག་རྟེན་བཞིན་
མཛད་པ་ལ་ཕྱག་འཚལ་ལོ། །དེ་བཞིན་གཤེགས་པ་བཟང་ལྡན་ལ་ཕྱག་འཚལ་ལོ། །དེ་བཞིན་གཤེགས་པ་ཐུགས་དན་མཛད་པ་ལ་ཕྱག་འཚལ་ལོ། །དེ་བཞིན་གཤེགས་པ་རབ་ཏུ་ཞི་བར་གཤེགས་པ་ལ་ཕྱག་འཚལ་ལོ། །དེ་བཞིན་གཤེགས་པ་
འཇིག་རྟེན་དཔའ་བ་ལ་ཕྱག་འཚལ་ལོ། །དེ་བཞིན་གཤེགས་པ་རིན་པོ་ཆེ་དམ་པ་ལ་ཕྱག་འཚལ་ལོ། །དེ་བཞིན་གཤེགས་པ་ཤུགས་དྲག་པོ་བཅུ་ལ་ཕྱག་འཚལ་ལོ། །དེ་བཞིན་གཤེགས་པ་སྟོབས་དགའ་ལ་ཕྱག་འཚལ་ལོ། །དེ་བཞིན་གཤེགས་པ་
གནས་ཀྱི་དཔལ་ལ་ཕྱག་འཚལ་ལོ། །དེ་བཞིན་གཤེགས་པ་གནས་ཐོབ་པ་ལ་ཕྱག་འཚལ་ལོ། །དེ་བཞིན་གཤེགས་པ་གནས་ཆེན་པོ་ལ་ཕྱག་འཚལ་ལོ། །དེ་བཞིན་གཤེགས་པ་འོད་ཟེར་ཆེན་པོ་ལ་ཕྱག་འཚལ་ལོ། །དེ་བཞིན་གཤེགས་པ་གློག་གི་
འོད་གས་ལ་བ་ལ་ཕྱག་འཚལ་ལོ། །དེ་བཞིན་གཤེགས་པ་ཡོན་ཏན་རྣམ་པར་ལྡན་པ་ལ་ཕྱག་འཚལ་ལོ། །དེ་བཞིན་གཤེགས་པ་རིན་པོ་ཆེའི་དཔལ་ལ་ཕྱག་འཚལ་ལོ། །དེ་བཞིན་གཤེགས་པ་འོད་མཆོག་ལ་ཕྱག་འཚལ་ལོ། །དེ་བཞིན་གཤེགས་
པ་སྨོན་པའི་དྲི་ལ་ཕྱག་འཚལ་ལོ། །དེ་བཞིན་གཤེགས་པ་རྒྱ་ཆེ་བ་ལ་ཕྱག་འཚལ་ལོ། །དེ་བཞིན་གཤེགས་པ་མཐུ་བོ་ཆེ་འཛིན་པ་ལ་ཕྱག་འཚལ་ལོ། །དེ་བཞིན་གཤེགས་པ་སྐྱེ་བོ་རྣམས་ཀྱིས་མཆོད་པ་ལ་ཕྱག་འཚལ་ལོ། །དེ་བཞིན་གཤེགས་པ་
རབ་ཏུ་མང་བ་ལ་ཕྱག་འཚལ་ལོ། །དེ་བཞིན་གཤེགས་པ་གོ་ཆ་སྦྱར་བ་ལ་ཕྱག་འཚལ་ལོ། །དེ་བཞིན་གཤེགས་པ་ཕྱག་གྲུབ་པ་ལ་ཕྱག་འཚལ་ལོ། །དེ་བཞིན་གཤེགས་པ་སེང་གེ་བན་གླང་ལ་ཕྱག་འཚལ་ལོ། །དེ་བཞིན་གཤེགས་པ་ཡོན་ཏན་
གྱི་སྙིང་པོ་ལ་ཕྱག་འཚལ་ལོ། །དེ་བཞིན་གཤེགས་པ་གསུང་ཚིག་བདེན་པ་ལ་ཕྱག་འཚལ་ལོ། །དེ་བཞིན་གཤེགས་པ་བདེ་བ་ལ་ཕྱག་འཚལ་ལོ། །དེ་བཞིན་གཤེགས་པ་བདེ་བ་དམ་པའི་རྒྱལ་པོ་ལ་ཕྱག་འཚལ་ལོ། །དེ་བཞིན་གཤེགས་པ་མེ་

62-1-61a

ཏོག་བཟང་བ་ལ་ཕྱག་འཚལ་ལོ། །དེ་བཞིན་གཤེགས་པ་རིན་ཆེན་ཐོབ་པ་ལ་ཕྱག་འཚལ་ལོ། །དེ་བཞིན་གཤེགས་པ་རྒྱ་མཚོ་ལ་ཕྱག་འཚལ་ལོ། །དེ་བཞིན་གཤེགས་པ་རི་རབ་རྒྱ་མཚོ་ལ་ཕྱག་འཚལ་ལོ། །དེ་བཞིན་གཤེགས་པ་ས་
འཛིན་ལ་ཕྱག་འཚལ་ལོ། །དེ་བཞིན་གཤེགས་པ་དོན་རྟོགས་པ་ལ་ཕྱག་འཚལ་ལོ། །དེ་བཞིན་གཤེགས་པ་ཡོན་ཏན་སྩོགས་པའི་དཔལ་ལ་ཕྱག་འཚལ་ལོ། །དེ་བཞིན་གཤེགས་པ་ཤིན་དུ་དགོངས་པ་ལ་ཕྱག་འཚལ་ལོ། །དེ་བཞིན་གཤེགས་
པ་ཆེ་བ་ལ་ཕྱག་འཚལ་ལོ། །དེ་བཞིན་གཤེགས་པ་ཚོགས་ཀྱི་འཁོར་ལོ་ལ་ཕྱག་འཚལ་ལོ། །དེ་བཞིན་གཤེགས་པ་རིན་ཆེན་གྱི་མེ་ལ་ཕྱག་འཚལ་ལོ། །དེ་བཞིན་གཤེགས་པ་དོན་མང་བ་ལ་ཕྱག་འཚལ་ལོ། །དེ་བཞིན་གཤེགས་པ་འཇིག་རྟེན་
དམ་པ་ལ་ཕྱག་འཚལ་ལོ། །དེ་བཞིན་གཤེགས་པ་འཇིག་རྟེན་གྱི་ཟླ་བ་ལ་ཕྱག་འཚལ་ལོ། །དེ་བཞིན་གཤེགས་པ་དབྱངས་འཇམ་པ་ལ་ཕྱག་འཚལ་ལོ། །དེ་བཞིན་གཤེགས་པ་ཚངས་པའི་དཔལ་ལ་ཕྱག་འཚལ་ལོ། །དེ་བཞིན་གཤེགས་
པ་པད་མོའི་དཔལ་ལ་ཕྱག་འཚལ་ལོ། །དེ་བཞིན་གཤེགས་པ་མང་པོའི་སྒོ་ལ་ཕྱག་འཚལ་ལོ། །དེ་བཞིན་གཤེགས་པ་ཡོན་ཏན་བསྡུ་བར་གྲུབ་པ་ལ་ཕྱག་འཚལ་ལོ། །དེ་བཞིན་གཤེགས་པ་སེང་གེའི་སྟོབས་ལ་ཕྱག་འཚལ་ལོ། །དེ་བཞིན་
གཤེགས་པ་དྲག་པོ་སྦྱིན་པ་ལ་ཕྱག་འཚལ་ལོ། །དེ་བཞིན་གཤེགས་པ་མཆོད་པ་ལ་ཕྱག་འཚལ་ལོ། །དེ་བཞིན་གཤེགས་པ་བཀྲ་ཤིས་པ་ལ་ཕྱག་འཚལ་ལོ། །དེ་བཞིན་གཤེགས་པ་གཟི་བརྗིད་ལ་ཕྱག་འཚལ་ལོ། །དེ་བཞིན་གཤེགས་
པ་ཆོས་དབྱིངས་ལ་ཕྱག་འཚལ་ལོ། །དེ་བཞིན་གཤེགས་པ་གཟི་བརྗིད་འོད་ལ་ཕྱག་འཚལ་ལོ། །དེ་བཞིན་གཤེགས་པ་འོད་ཆེན་པོ་ལ་ཕྱག་འཚལ་ལོ། །དེ་བཞིན་གཤེགས་པ་བསམ་པ་རིན་པོ་ཆེ་ལ་ཕྱག་འཚལ་ལོ། །དེ་བཞིན་གཤེགས་
པ་རི་བོ་ལ་ཕྱག་འཚལ་ལོ། །དེ་བཞིན་གཤེགས་པ་གཙོ་བོ་ལ་ཕྱག་འཚལ་ལོ། །དེ་བཞིན་གཤེགས་པ་འཁོར་གྱི་འོད་ལ་ཕྱག་འཚལ་ལོ། །དེ་བཞིན་གཤེགས་པ་མཐའ་ཡས་པར་གྲགས་པ་ལ་ཕྱག་འཚལ་ལོ། །དེ་བཞིན་གཤེགས་པ་

62-1-61b

གདོན་མི་ཟ་བའི་འོད་ལ་ཕྱག་འཚལ་ལོ། །དེ་བཞིན་གཤེགས་པ་དྲང་སྲོང་གི་ལྷ་ལ་ཕྱག་འཚལ་ལོ། །དེ་བཞིན་གཤེགས་པ་དབང་ཕྱུག་གི་ལྷ་ལ་ཕྱག་འཚལ་ལོ། །དེ་བཞིན་གཤེགས་པ་རྒྱལ་བའི་དབང་པོ་ལ་ཕྱག་འཚལ་ལོ། །དེ་བཞིན་
གཤེགས་པ་རྡོ་རྗེ་འཇོམས་པ་ལ་ཕྱག་འཚལ་ལོ། །དེ་བཞིན་གཤེགས་པ་སྐྱབས་བཟང་བའི་དཔལ་ལ་ཕྱག་འཚལ་ལོ། །དེ་བཞིན་གཤེགས་པ་ཟད་མི་ཤེས་པའི་གཟུགས་ལ་ཕྱག་འཚལ་ལོ། །དེ་བཞིན་གཤེགས་པ་དཔལ་ལ་ཕྱག་འཚལ་ལོ། །དེ་བཞིན་
གཤེགས་པ་མེ་ཏོག་གི་རྒྱལ་པོ་ལ་ཕྱག་འཚལ་ལོ། །དེ་བཞིན་གཤེགས་པ་ཆོས་ཀྱི་བློ་གྲོས་ལ་ཕྱག་འཚལ་ལོ། །དེ་བཞིན་གཤེགས་པ་གོ་ཆ་བློ་གྲོས་ལ་ཕྱག་འཚལ་ལོ། །དེ་བཞིན་གཤེགས་པ་མི་གནས་པའི་བློ་གྲོས་ལ་ཕྱག་འཚལ་ལོ། །
དེ་བཞིན་གཤེགས་པ་གྲགས་པ་ཤིན་དུ་དགོངས་པ་ལ་ཕྱག་འཚལ་ལོ། །དེ་བཞིན་གཤེགས་པ་བློ་གྲོས་ཤིན་དུ་འཆར་བ་ལ་ཕྱག་འཚལ་ལོ། །དེ་བཞིན་གཤེགས་པ་ཕུང་པོ་ཞི་བ་ལ་ཕྱག་འཚལ་ལོ། །སངས་རྒྱས་ཀྱི་མཚན་ལྔ་སྟོང་བཞི་བརྒྱ་ལྔ་བཅུ་རྩ་
གསུམ་པ། བམ་པོ་དྲུག་པ། དེ་བཞིན་གཤེགས་པ་ཕུང་པོ་ཆེན་པོ་ལ་ཕྱག་འཚལ་ལོ། །དེ་བཞིན་གཤེགས་པ་ཡོན་ཏན་ལེགས་པར་སྦྱིན་པ་ལ་ཕྱག་འཚལ་ལོ། །དེ་བཞིན་གཤེགས་པ་ཡོན་ཏན་བདེན་པ་ལ་ཕྱག་འཚལ་ལོ། །དེ་བཞིན་གཤེགས་པ་དོན་ཆུད་
པ་ལ་ཕྱག་འཚལ་ལོ། །དེ་བཞིན་གཤེགས་པ་མི་འཛེམ་པ་ལ་ཕྱག་འཚལ་ལོ། །དེ་བཞིན་གཤེགས་པ་འཛེམ་པ་ལ་ཕྱག་འཚལ་ལོ། །དེ་བཞིན་གཤེགས་པ་བརྟན་པའི་བློ་གྲོས་ལ་ཕྱག་འཚལ་ལོ། །དེ་བཞིན་གཤེགས་པ་བརྟན་པའི་གཙོ་བོ་ལ་ཕྱག་འཚལ་
ལོ། །དེ་བཞིན་གཤེགས་པ་ནོར་བུ་ལ་ཕྱག་འཚལ་ལོ། །དེ་བཞིན་གཤེགས་པ་རྒྱན་ལ་ཕྱག་འཚལ་ལོ། །དེ་བཞིན་གཤེགས་པ་ནོར་བུ་རྒྱན་ལ་ཕྱག་འཚལ་ལོ། །དེ་བཞིན་གཤེགས་པ་ཐར་བའི་གཟི་བརྗིད་ལ་ཕྱག་འཚལ་ལོ། །དེ་བཞིན་གཤེགས་
པ་ཕྱོགས་སུ་ཤིན་དུ་ཆགས་པ་ལ་ཕྱག་འཚལ་ལོ། །དེ་བཞིན་གཤེགས་པ་རིན་ཆེན་ཞགས་པ་ལ་ཕྱག་འཚལ་ལོ། །དེ་བཞིན་གཤེགས་པ་ཤིན་དུ་ཆུད་པ་ལ་ཕྱག་འཚལ་ལོ། །དེ་བཞིན་གཤེགས་པ་སྐག་ལ་ཕྱག་འཚལ་ལོ། །དེ་བཞིན་གཤེགས་པ་

62-1-62a

ཀུན་དུ་གཟི་བརྗིད་ལ་ཕྱག་འཚལ་ལོ། །དེ་བཞིན་གཤེགས་པ་ཡེ་ཤེས་མཆོག་ལ་ཕྱག་འཚལ་ལོ། །དེ་བཞིན་གཤེགས་པ་ཚངས་པའི་གནས་ལ་ཕྱག་འཚལ་ལོ། །དེ་བཞིན་གཤེགས་པ་ཚངས་པའི་ལམ་ལ་ཕྱག་འཚལ་ལོ། །
དེ་བཞིན་གཤེགས་པ་བདེན་པར་གཟུང་བ་ལ་ཕྱག་འཚལ་ལོ། །དེ་བཞིན་གཤེགས་པ་ཤིན་དུ་མཁྱེན་པ་ལ་ཕྱག་འཚལ་ལོ། །དེ་བཞིན་གཤེགས་པ་མི་ཚུགས་པ་ལ་ཕྱག་འཚལ་ལོ། །དེ་བཞིན་གཤེགས་པ་ཚུགས་པར་མཛད་པ་ལ་ཕྱག་འཚལ་ལོ། །
དེ་བཞིན་གཤེགས་པ་སེང་གེ་ལྟར་བཞུད་པ་ལ་ཕྱག་འཚལ་ལོ། །དེ་བཞིན་གཤེགས་པ་སེང་གེའི་སྟབས་སུ་གཤེགས་པ་ལ་ཕྱག་འཚལ་ལོ། །དེ་བཞིན་གཤེགས་པ་མེ་ཏོག་གི་དཔལ་ལ་ཕྱག་འཚལ་ལོ། །དེ་བཞིན་གཤེགས་པ་ཡེ་ཤེས་ཀྱི་འབྱུང་གནས་
ལ་ཕྱག་འཚལ་ལོ། །དེ་བཞིན་གཤེགས་པ་མེ་ཏོག་སྦྱིན་ལ་ཕྱག་འཚལ་ལོ། །དེ་བཞིན་གཤེགས་པ་ཡོན་ཏན་གྱི་སྙིང་པོ་ལ་ཕྱག་འཚལ་ལོ། །དེ་བཞིན་གཤེགས་པ་དཀའ་ཐུབ་བརྟན་པ་ལ་ཕྱག་འཚལ་ལོ། །དེ་བཞིན་གཤེགས་པ་དཔུང་བཟང་བ་ལ་ཕྱག་
འཚལ་ལོ། །དེ་བཞིན་གཤེགས་པ་རིན་ཆེན་བཟང་པོ་ལ་ཕྱག་འཚལ་ལོ། །དེ་བཞིན་གཤེགས་པ་ངོ་མཚར་ཅན་ལ་ཕྱག་འཚལ་ལོ། །དེ་བཞིན་གཤེགས་པ་མི་ཚུགས་པ་ལ་ཕྱག་འཚལ་ལོ། །དེ་བཞིན་གཤེགས་པ་འོད་ཀྱི་བློ་གྲོས་ལ་ཕྱག་འཚལ་ལོ། །
དེ་བཞིན་གཤེགས་པ་ཆུའི་གཟི་བརྗིད་ལ་ཕྱག་འཚལ་ལོ། །དེ་བཞིན་གཤེགས་པ་ཚངས་པ་ཐུབ་པ་ལ་ཕྱག་འཚལ་ལོ། །དེ་བཞིན་གཤེགས་པ་མཐར་གཤེགས་པ་ལ་ཕྱག་འཚལ་ལོ། །དེ་བཞིན་གཤེགས་པ་དཀའ་ཐུབ་ཐོབ་པ་ལ་ཕྱག་འཚལ་
ལོ། །དེ་བཞིན་གཤེགས་པ་ཟླ་བ་ཤར་བ་ལ་ཕྱག་འཚལ་ལོ། །དེ་བཞིན་གཤེགས་པ་ཚངས་པ་ལ་ཕྱག་འཚལ་ལོ། །དེ་བཞིན་གཤེགས་པ་འཕར་བའི་ལྷ་ལ་ཕྱག་འཚལ་ལོ། །དེ་བཞིན་གཤེགས་པ་ཡེ་ཤེས་དགའ་བ་ལ་ཕྱག་འཚལ་ལོ། །དེ་བཞིན་
གཤེགས་པ་བདེན་པའི་ལྷ་ལ་ཕྱག་འཚལ་ལོ། །དེ་བཞིན་གཤེགས་པ་ནོར་བུའི་སྙིང་པོ་ལ་ཕྱག་འཚལ་ལོ། །དེ་བཞིན་གཤེགས་པ་ཡེ་ཤེས་དཔལ་ལ་ཕྱག་འཚལ་ལོ། །དེ་བཞིན་གཤེགས་པ་དཀར་བ་ལ་ཕྱག་འཚལ་ལོ། །དེ་བཞིན་གཤེགས་པ་

62-1-62b

གཟི་བརྗིད་ལ་ཕྱག་འཚལ་ལོ། །དེ་བཞིན་གཤེགས་པ་ཚངས་པའི་གཟུགས་ལ་ཕྱག་འཚལ་ལོ། །དེ་བཞིན་གཤེགས་པ་དལ་ནས་བཞུད་པ་ལ་ཕྱག་འཚལ་ལོ། །དེ་བཞིན་གཤེགས་པ་བཙན་པ་ལ་ཕྱག་འཚལ་ལོ། །དེ་བཞིན་གཤེགས་པ་འོད་ཟེར་
གྱི་ཕུང་པོ་ལ་ཕྱག་འཚལ་ལོ། །དེ་བཞིན་གཤེགས་པ་གཟི་བརྗིད་ཆེ་བ་ལ་ཕྱག་འཚལ་ལོ། །དེ་བཞིན་གཤེགས་པ་མེ་ཏོག་ཙམ་པ་ཀའི་སྐུ་ལ་ཕྱག་འཚལ་ལོ། །དེ་བཞིན་གཤེགས་པ་གཟི་བརྗིད་མཐའ་ཡས་པ་ལ་ཕྱག་འཚལ་ལོ། །དེ་བཞིན་
གཤེགས་པ་འཁོར་བཟང་བ་ལ་ཕྱག་འཚལ་ལོ། །དེ་བཞིན་གཤེགས་པ་དམན་པ་ཅན་ལ་ཕྱག་འཚལ་ལོ། །དེ་བཞིན་གཤེགས་པ་བདེ་བར་གཤེགས་པ་ལ་ཕྱག་འཚལ་ལོ། །དེ་བཞིན་གཤེགས་པ་དབང་པོའི་རྒྱལ་མཚན་ལ་ཕྱག་འཚལ་ལོ། །
དེ་བཞིན་གཤེགས་པ་དགའ་བ་ཆེན་པོ་ལ་ཕྱག་འཚལ་ལོ། །དེ་བཞིན་གཤེགས་པ་བདེ་བར་འགྲོ་བའི་འོད་ལ་ཕྱག་འཚལ་ལོ། །དེ་བཞིན་གཤེགས་པ་བདེ་བར་འགྲོ་བའི་གཙོ་ལ་ཕྱག་འཚལ་ལོ། །དེ་བཞིན་གཤེགས་པ་ཡིད་བདེ་བའི་འོད་ལ་ཕྱག་འཚལ་
ལོ། །དེ་བཞིན་གཤེགས་པ་འཁོར་གྱི་འོད་ལ་ཕྱག་འཚལ་ལོ། །དེ་བཞིན་གཤེགས་པ་ནད་སེལ་བ་ལ་ཕྱག་འཚལ་ལོ། །དེ་བཞིན་གཤེགས་པ་ཚུལ་བཞིན་བཞུད་པ་ལ་ཕྱག་འཚལ་ལོ། །དེ་བཞིན་གཤེགས་པ་མོས་པའི་སྐུ་ལ་ཕྱག་འཚལ་ལོ། །
དེ་བཞིན་གཤེགས་པ་འོད་ཀྱི་འགྲོས་ལ་ཕྱག་འཚལ་ལོ། །དེ་བཞིན་གཤེགས་པ་ངེས་པའི་ཡུལ་ལ་ཕྱག་འཚལ་ལོ། །དེ་བཞིན་གཤེགས་པ་ཕན་པར་དགོངས་པ་ལ་ཕྱག་འཚལ་ལོ། །དེ་བཞིན་གཤེགས་པ་བདེ་བར་མཛད་པ་ལ་ཕྱག་འཚལ་ལོ། །དེ་བཞིན་
གཤེགས་པ་ཤིང་རྟ་ཆེན་པོ་ལ་ཕྱག་འཚལ་ལོ། །དེ་བཞིན་གཤེགས་པ་ཚེ་སྦྱིན་པ་ལ་ཕྱག་འཚལ་ལོ། །དེ་བཞིན་གཤེགས་པ་འཇིག་རྟེན་མགོན་ལ་ཕྱག་འཚལ་ལོ། །དེ་བཞིན་གཤེགས་པ་མཆོད་པ་ལ་ཕྱག་འཚལ་ལོ། །དེ་བཞིན་གཤེགས་པ་
རིན་ཆེན་དབང་ཕྱུག་ལ་ཕྱག་འཚལ་ལོ། །དེ་བཞིན་གཤེགས་པ་དཔའ་བོའི་སྡེ་ལ་ཕྱག་འཚལ་ལོ། །དེ་བཞིན་གཤེགས་པ་འོད་ཆེན་པོ་ལ་ཕྱག་འཚལ་ལོ། །དེ་བཞིན་གཤེགས་པ་གཟུངས་སྦྱིན་ལ་ཕྱག་འཚལ་ལོ། །དེ་བཞིན་གཤེགས་པ་བསོད་ནམས་

62-1-63a

སྣང་བར་མཛད་པ་ལ་ཕྱག་འཚལ་ལོ། །དེ་བཞིན་གཤེགས་པ་རིན་ཆེན་དབྱངས་ལ་ཕྱག་འཚལ་ལོ། །དེ་བཞིན་གཤེགས་པ་རྡོ་རྗེ་སེང་གེ་ལ་ཕྱག་འཚལ་ལོ། །དེ་བཞིན་གཤེགས་པ་ཕུན་སུམ་ཚོགས་པ་ལ་ཕྱག་འཚལ་ལོ། །དེ་བཞིན་གཤེགས་པ་
སེང་གེ་སྟོབས་ལ་ཕྱག་འཚལ་ལོ། །དེ་བཞིན་གཤེགས་པ་དྲི་མ་མེད་པའི་སྤྱན་ལ་ཕྱག་འཚལ་ལོ། །དེ་བཞིན་གཤེགས་པ་འོད་སྲུང་ལ་ཕྱག་འཚལ་ལོ། །དེ་བཞིན་གཤེགས་པ་ཀུན་དུ་མཁྱེན་པ་ལ་ཕྱག་འཚལ་ལོ། །དེ་བཞིན་གཤེགས་པ་གསལ་བར་
མཁྱེན་པ་ལ་ཕྱག་འཚལ་ལོ། །དེ་བཞིན་གཤེགས་པ་ཡེ་ཤེས་མེ་ཏོག་ལ་ཕྱག་འཚལ་ལོ། །དེ་བཞིན་གཤེགས་པ་ཡེ་ཤེས་རིམ་པ་ལ་ཕྱག་འཚལ་ལོ། །དེ་བཞིན་གཤེགས་པ་གཟི་བརྗིད་དྲག་པོ་ལ་ཕྱག་འཚལ་ལོ། །དེ་བཞིན་གཤེགས་པ་མདངས་ཆེན་པོ་ལ་ཕྱག་
འཚལ་ལོ། །དེ་བཞིན་གཤེགས་པ་ཉི་མའི་འོད་ལ་ཕྱག་འཚལ་ལོ། །དེ་བཞིན་གཤེགས་པ་དྲི་མ་མེད་པར་སྣང་བ་ལ་ཕྱག་འཚལ་ལོ། །དེ་བཞིན་གཤེགས་པ་དྲི་མ་མེད་པའི་སྐུ་ལ་ཕྱག་འཚལ་ལོ། །དེ་བཞིན་གཤེགས་པ་གཟི་བརྗིད་རྣམ་པར་འབྱེད་པ་
ལ་ཕྱག་འཚལ་ལོ། །དེ་བཞིན་གཤེགས་པ་དཔེར་འགྱུར་བ་ལ་ཕྱག་འཚལ་ལོ། །དེ་བཞིན་གཤེགས་པ་སྐུ་བཟང་བ་ལ་ཕྱག་འཚལ་ལོ། །དེ་བཞིན་གཤེགས་པ་ཟླ་བའི་འོད་ལ་ཕྱག་འཚལ་ལོ། །དེ་བཞིན་གཤེགས་པ་དཔེ་མེད་པ་ལ་ཕྱག་འཚལ་
ལོ། །དེ་བཞིན་གཤེགས་པ་དབྱངས་འབྱམ་པ་ལ་ཕྱག་འཚལ་ལོ། །དེ་བཞིན་གཤེགས་པ་ཟླ་བའི་འོད་གསལ་བ་ལ་ཕྱག་འཚལ་ལོ། །དེ་བཞིན་གཤེགས་པ་གློག་སྦྱིན་ལ་ཕྱག་འཚལ་ལོ། །དེ་བཞིན་གཤེགས་པ་རབ་ཏུ་ཞི་བར་བཞུད་པ་ལ་ཕྱག་
འཚལ་ལོ། །དེ་བཞིན་གཤེགས་པ་བསྐྱོད་མི་ནུས་པ་ལ་ཕྱག་འཚལ་ལོ། །དེ་བཞིན་གཤེགས་པ་དགྲ་བཅོམ་སར་བར་གྲགས་པ་ལ་ཕྱག་འཚལ་ལོ། །དེ་བཞིན་གཤེགས་པ་ཡོན་ཏན་གོ་ཆ་ལ་ཕྱག་འཚལ་ལོ། །དེ་བཞིན་གཤེགས་པ་རོལ་པའི་
ཞིང་ལ་ཕྱག་འཚལ་ལོ། །དེ་བཞིན་གཤེགས་པ་མང་པོའི་རྒྱལ་པོ་ལ་ཕྱག་འཚལ་ལོ། །དེ་བཞིན་གཤེགས་པ་མངོན་དུ་འཕགས་པ་ལ་ཕྱག་འཚལ་ལོ། །དེ་བཞིན་གཤེགས་པ་མེའི་འོད་ཟེར་ལ་ཕྱག་འཚལ་ལོ། །དེ་བཞིན་གཤེགས་པ་པད་

62-1-63b

མོའི་དཔལ་ལ་ཕྱག་འཚལ་ལོ། །དེ་བཞིན་གཤེགས་པ་རིན་ཆེན་མང་བ་ལ་ཕྱག་འཚལ་ལོ། །དེ་བཞིན་གཤེགས་པ་ཤིན་དུ་བཟང་བ་ལ་ཕྱག་འཚལ་ལོ། །དེ་བཞིན་གཤེགས་པ་རིན་ཆེན་མཆོག་ལ་ཕྱག་འཚལ་ལོ། །དེ་བཞིན་གཤེགས་པ་ཤིན་དུ་
མཁས་པ་ལ་ཕྱག་འཚལ་ལོ། །དེ་བཞིན་གཤེགས་པ་རི་རབ་གཙོ་ལ་ཕྱག་འཚལ་ལོ། །དེ་བཞིན་གཤེགས་པ་བདུད་རྩི་རབ་ཏུ་སྣང་བ་ལ་ཕྱག་འཚལ་ལོ། །དེ་བཞིན་གཤེགས་པ་རྒྱ་མཚོ་སྦྱིན་པ་ལ་ཕྱག་འཚལ་ལོ། །དེ་བཞིན་གཤེགས་པ་ཤིན་དུ་
བཟང་བ་སྦྱིན་ལ་ཕྱག་འཚལ་ལོ། །དེ་བཞིན་གཤེགས་པ་ཚངས་པའི་དཔལ་ལ་ཕྱག་འཚལ་ལོ། །དེ་བཞིན་གཤེགས་པ་ཟླ་བའི་གདུགས་ལ་ཕྱག་འཚལ་ལོ། །དེ་བཞིན་གཤེགས་པ་འོད་ཟེར་ལྡན་ལ་ཕྱག་འཚལ་ལོ། །དེ་བཞིན་གཤེགས་པ་
མཐུ་སྟོབས་ཅན་ལ་ཕྱག་འཚལ་ལོ། །དེ་བཞིན་གཤེགས་པ་དྲི་མ་མེད་པའི་རྒྱལ་པོ་ལ་ཕྱག་འཚལ་ལོ། །དེ་བཞིན་གཤེགས་པ་ཡེ་ཤེས་གྲགས་ལྡན་ལ་ཕྱག་འཚལ་ལོ། །དེ་བཞིན་གཤེགས་པ་རིན་ཆེན་དམ་པ་ལ་ཕྱག་འཚལ་ལོ། །དེ་བཞིན་གཤེགས་
པ་ཀུན་དུ་རྒྱལ་བ་ལ་ཕྱག་འཚལ་ལོ། །དེ་བཞིན་གཤེགས་པ་ཡོན་ཏན་རབ་ཏུ་སྣང་བ་ལ་ཕྱག་འཚལ་ལོ། །དེ་བཞིན་གཤེགས་པ་གྲགས་པ་རྣམ་པར་སྒྲོགས་པ་ལ་ཕྱག་འཚལ་ལོ། །དེ་བཞིན་གཤེགས་པ་སྒྲ་རྣམ་པར་སྒྲོགས་པ་ལ་ཕྱག་
འཚལ་ལོ། །དེ་བཞིན་གཤེགས་པ་ཟླ་བ་རྒྱས་པ་ལ་ཕྱག་འཚལ་ལོ། །དེ་བཞིན་གཤེགས་པ་སྐྱེས་བུའི་འོད་ལ་ཕྱག་འཚལ་ལོ། །དེ་བཞིན་གཤེགས་པ་པད་མོའི་འོད་ལ་ཕྱག་འཚལ་ལོ། །དེ་བཞིན་གཤེགས་པ་དཀའ་ཐུབ་བཟང་བ་ལ་ཕྱག་འཚལ་
ལོ། །དེ་བཞིན་གཤེགས་པ་མར་མེའི་རྒྱལ་པོ་ལ་ཕྱག་འཚལ་ལོ། །དེ་བཞིན་གཤེགས་པ་རྒྱན་གྱི་དཔལ་ལ་ཕྱག་འཚལ་ལོ། །དེ་བཞིན་གཤེགས་པ་གློག་གི་དཔལ་ལ་ཕྱག་འཚལ་ལོ། །དེ་བཞིན་གཤེགས་པ་འོད་ཀྱི་རྒྱལ་པོ་ལ་ཕྱག་འཚལ་ལོ། །
དེ་བཞིན་གཤེགས་པ་མེ་ལྡན་ལ་ཕྱག་འཚལ་ལོ། །དེ་བཞིན་གཤེགས་པ་ཡིད་བཞིན་གྲགས་པ་ལ་ཕྱག་འཚལ་ལོ། །དེ་བཞིན་གཤེགས་པ་དཔེ་མེད་པར་གྲགས་པ་ལ་ཕྱག་འཚལ་ལོ། །དེ་བཞིན་གཤེགས་པ་པད་མོའི་སྙིང་པོ་ལ་ཕྱག་འཚལ་ལོ། །

62-1-64a

དེ་བཞིན་གཤེགས་པ་རྒྱལ་ལ་ཕྱག་འཚལ་ལོ། །དེ་བཞིན་གཤེགས་པ་རྣམ་པར་སྣང་མཛད་ལ་ཕྱག་འཚལ་ལོ། །དེ་བཞིན་གཤེགས་པ་སྐྱེས་བུ་དམ་པ་ལ་ཕྱག་འཚལ་ལོ། །དེ་བཞིན་གཤེགས་པ་སྤྱོད་པའི་སྤྱན་ལ་ཕྱག་འཚལ་ལོ། །དེ་བཞིན་
གཤེགས་པ་མ་འདྲེས་པ་ལ་ཕྱག་འཚལ་ལོ། །དེ་བཞིན་གཤེགས་པ་སྡེའི་གཙོ་བོ་ལ་ཕྱག་འཚལ་ལོ། །དེ་བཞིན་གཤེགས་པ་བསོད་ནམས་གཟི་བརྗིད་ལ་ཕྱག་འཚལ་ལོ། །དེ་བཞིན་གཤེགས་པ་རྣམ་པར་འཕར་བ་ལ་ཕྱག་འཚལ་ལོ། །དེ་བཞིན་
གཤེགས་པ་ཆགས་པ་མེད་པའི་བློ་ལ་ཕྱག་འཚལ་ལོ། །དེ་བཞིན་གཤེགས་པ་སྒྲ་གཅན་གྱི་ལྷ་ལ་ཕྱག་འཚལ་ལོ། །དེ་བཞིན་གཤེགས་པ་ཡེ་ཤེས་འོད་ལ་ཕྱག་འཚལ་ལོ། །དེ་བཞིན་གཤེགས་པ་ཁ་ལོ་སྒྱུར་བ་ལ་ཕྱག་འཚལ་ལོ། །དེ་བཞིན་གཤེགས་པ་
ཡེ་ཤེས་དབང་པོ་ལྟ་བུ་ལ་ཕྱག་འཚལ་ལོ། །དེ་བཞིན་གཤེགས་པ་མེ་ཏོག་གི་དཔལ་ལ་ཕྱག་འཚལ་ལོ། །དེ་བཞིན་གཤེགས་པ་སྒྲ་གཅན་ལ་ཕྱག་འཚལ་ལོ། །དེ་བཞིན་གཤེགས་པ་སྨན་ཆེན་པོ་ལ་ཕྱག་འཚལ་ལོ། །དེ་བཞིན་གཤེགས་པ་
སྐར་མའི་རྒྱལ་པོ་ལ་ཕྱག་འཚལ་ལོ། །དེ་བཞིན་གཤེགས་པ་བསོད་ནམས་ཀྱི་ཡན་ལག་དམ་པ་ལ་ཕྱག་འཚལ་ལོ། །དེ་བཞིན་གཤེགས་པ་ཀུན་དུ་བསིལ་ལ་ཕྱག་འཚལ་ལོ། །དེ་བཞིན་གཤེགས་པ་རྣམ་པར་སྒྲོགས་པའི་རྒྱལ་པོ་ལ་ཕྱག་འཚལ་ལོ། །
དེ་བཞིན་གཤེགས་པ་ལྷའི་རྒྱལ་པོ་ལ་ཕྱག་འཚལ་ལོ། །དེ་བཞིན་གཤེགས་པ་བསོད་ནམས་ཀྱི་བན་གླང་ལ་ཕྱག་འཚལ་ལོ། །དེ་བཞིན་གཤེགས་པ་འཇོག་པ་ལ་ཕྱག་འཚལ་ལོ། །དེ་བཞིན་གཤེགས་པ་སྐྱིད་པ་རྣམ་པར་སྒྲོགས་པ་ལ་ཕྱག་
འཚལ་ལོ། །དེ་བཞིན་གཤེགས་པ་ཉི་མའི་འོད་ལ་ཕྱག་འཚལ་ལོ། །དེ་བཞིན་གཤེགས་པ་ཆོས་ཀྱི་མཛོད་ལ་ཕྱག་འཚལ་ལོ། །དེ་བཞིན་གཤེགས་པ་དགེ་བའི་བློ་གྲོས་ལ་ཕྱག་འཚལ་ལོ། །དེ་བཞིན་གཤེགས་པ་ཡོན་ཏན་རྣམ་པར་རྟོག་པ་ལ་
ཕྱག་འཚལ་ལོ། །དེ་བཞིན་གཤེགས་པ་ཡོན་ཏན་དབང་པོ་ཏོག་ལ་ཕྱག་འཚལ་ལོ། །དེ་བཞིན་གཤེགས་པ་རྡོ་རྗེ་སྡེ་ལ་ཕྱག་འཚལ་ལོ། །དེ་བཞིན་གཤེགས་པ་ཤེས་རབ་བརྩེགས་པ་ལ་ཕྱག་འཚལ་ལོ། །དེ་བཞིན་གཤེགས་པ་བདེ་བར་

62-1-64b

གཤེགས་པ་ལ་ཕྱག་འཚལ་ལོ། །དེ་བཞིན་གཤེགས་པ་ཀུན་དུ་སྤྱད་པའི་བློ་ལ་ཕྱག་འཚལ་ལོ། །དེ་བཞིན་གཤེགས་པ་ཚངས་པའི་དབྱངས་ལ་ཕྱག་འཚལ་ལོ། །དེ་བཞིན་གཤེགས་པ་ཀླུ་ལ་ཕྱག་འཚལ་ལོ། །དེ་བཞིན་གཤེགས་པ་སྒྲོགས་པའི་
དབྱངས་ལ་ཕྱག་འཚལ་ལོ། །དེ་བཞིན་གཤེགས་པ་ཡོན་ཏན་མཆོག་ལ་ཕྱག་འཚལ་ལོ། །དེ་བཞིན་གཤེགས་པ་ཡོན་ཏན་དགྱེས་པ་ལ་ཕྱག་འཚལ་ལོ། །དེ་བཞིན་གཤེགས་པ་ང་རོ་བསྒྲགས་པ་ལ་ཕྱག་འཚལ་ལོ། །དེ་བཞིན་གཤེགས་པ་
མངོན་དུ་ཤེས་པའི་དཔལ་ལ་ཕྱག་འཚལ་ལོ། །དེ་བཞིན་གཤེགས་པ་ཤེས་རབ་ཀྱི་ཕུང་པོ་ལ་ཕྱག་འཚལ་ལོ། །དེ་བཞིན་གཤེགས་པ་སྣང་བའི་དཔལ་ལ་ཕྱག་འཚལ་ལོ། །དེ་བཞིན་གཤེགས་པ་བདེ་བ་ཅན་ལ་ཕྱག་འཚལ་ལོ། །དེ་བཞིན་
གཤེགས་པ་ཚངས་པ་ལ་ཕྱག་འཚལ་ལོ། །དེ་བཞིན་གཤེགས་པ་གང་ཟག་ལ་ཕྱག་འཚལ་ལོ། །དེ་བཞིན་གཤེགས་པ་སྤྱན་གསལ་བ་ལ་ཕྱག་འཚལ་ལོ། །དེ་བཞིན་གཤེགས་པ་སྤྱན་ལ་ཕྱག་འཚལ་ལོ། །དེ་བཞིན་གཤེགས་པ་ཀླུ་སྦྱིན་ལ་
ཕྱག་འཚལ་ལོ། །དེ་བཞིན་གཤེགས་པ་གྲགས་པ་སྦྱིན་ལ་ཕྱག་འཚལ་ལོ། །དེ་བཞིན་གཤེགས་པ་བདེན་པའི་དཔལ་ལ་ཕྱག་འཚལ་ལོ། །དེ་བཞིན་གཤེགས་པ་བརྒྱན་པ་ལ་ཕྱག་འཚལ་ལོ། །དེ་བཞིན་གཤེགས་པ་གསལ་བ་ལ་ཕྱག་
འཚལ་ལོ། །དེ་བཞིན་གཤེགས་པ་དབྱངས་མཉེན་པ་ལ་ཕྱག་འཚལ་ལོ། །དེ་བཞིན་གཤེགས་པ་དབྱངས་མི་དམན་པ་ལ་ཕྱག་འཚལ་ལོ། །དེ་བཞིན་གཤེགས་པ་རིན་པོ་ཆེ་སྣང་བ་ལ་ཕྱག་འཚལ་ལོ། །དེ་བཞིན་གཤེགས་པ་རིན་པོ་ཆེའི་
ཞགས་པ་ལ་ཕྱག་འཚལ་ལོ། །དེ་བཞིན་གཤེགས་པ་དབྱངས་འབྱིན་པ་ལ་ཕྱག་འཚལ་ལོ། །དེ་བཞིན་གཤེགས་པ་ཟླ་བ་ཅན་ལ་ཕྱག་འཚལ་ལོ། །དེ་བཞིན་གཤེགས་པ་ཟླ་བའི་ལྟེ་བ་ལ་ཕྱག་འཚལ་ལོ། །དེ་བཞིན་གཤེགས་པ་སྣ་
ཚོགས་སུ་གསུང་བ་ལ་ཕྱག་འཚལ་ལོ། །དེ་བཞིན་གཤེགས་པ་ཟླ་བའི་གསུང་ལ་ཕྱག་འཚལ་ལོ། །དེ་བཞིན་གཤེགས་པ་ཡེ་ཤེས་དཔའ་བ་ལ་ཕྱག་འཚལ་ལོ། །དེ་བཞིན་གཤེགས་པ་པད་མོ་བརྩེགས་པ་ལ་ཕྱག་འཚལ་ལོ། །དེ་བཞིན་

62-1-65a

གཤེགས་པ་མེ་ཏོག་དགྱེས་པ་ལ་ཕྱག་འཚལ་ལོ། །དེ་བཞིན་གཤེགས་པ་རྣམ་པར་འཕར་ཞིང་བཞུད་པ་ལ་ཕྱག་འཚལ་ལོ། །དེ་བཞིན་གཤེགས་པ་མཆོད་པའི་འོད་ལ་ཕྱག་འཚལ་ལོ། །དེ་བཞིན་གཤེགས་པ་བསོད་ནམས་བརྩེགས་པ་
ལ་ཕྱག་འཚལ་ལོ། །དེ་བཞིན་གཤེགས་པ་གཟུགས་དམ་པ་ལ་ཕྱག་འཚལ་ལོ། །དེ་བཞིན་གཤེགས་པ་མཐུ་བོ་ཆེར་གྲགས་པ་ལ་ཕྱག་འཚལ་ལོ། །དེ་བཞིན་གཤེགས་པ་སྐར་མ་མཁན་ལ་ཕྱག་འཚལ་ལོ། །དེ་བཞིན་གཤེགས་པ་ཚངས་པས་
བྱིན་ལ་ཕྱག་འཚལ་ལོ། །དེ་བཞིན་གཤེགས་པ་ཤེས་རབ་སྦྱིན་ལ་ཕྱག་འཚལ་ལོ། །དེ་བཞིན་གཤེགས་པ་འཇམ་དབྱངས་ལ་ཕྱག་འཚལ་ལོ། །དེ་བཞིན་གཤེགས་པ་ཚུལ་བཞིན་མཛོད་ལ་ཕྱག་འཚལ་ལོ། །དེ་བཞིན་གཤེགས་པ་མ་
ཆགས་མཛོད་ལ་ཕྱག་འཚལ་ལོ། །དེ་བཞིན་གཤེགས་པ་དམ་པ་སྦྱིན་ལ་ཕྱག་འཚལ་ལོ། །དེ་བཞིན་གཤེགས་པ་ཡེ་ཤེས་དམ་པ་ལ་ཕྱག་འཚལ་ལོ། །དེ་བཞིན་གཤེགས་པ་དམ་པ་ཉིད་ལ་ཕྱག་འཚལ་ལོ། །དེ་བཞིན་གཤེགས་པ་
ཡེ་ཤེས་རྣམ་པར་འཕར་བ་ལ་ཕྱག་འཚལ་ལོ། །དེ་བཞིན་གཤེགས་པ་འོད་ཟེར་ཅན་ལ་ཕྱག་འཚལ་ལོ། །དེ་བཞིན་གཤེགས་པ་འོད་ཟེར་ཆེན་པོ་ལ་ཕྱག་འཚལ་ལོ། །དེ་བཞིན་གཤེགས་པ་དབང་པོ་ལྔ་ལ་ཕྱག་འཚལ་ལོ། །དེ་བཞིན་
གཤེགས་པ་སྨྲང་འཛིན་ལ་ཕྱག་འཚལ་ལོ། །དེ་བཞིན་གཤེགས་པ་གཟི་བརྗིད་ཅན་ལ་ཕྱག་འཚལ་ལོ། །དེ་བཞིན་གཤེགས་པ་འོད་མཆོག་ལ་ཕྱག་འཚལ་ལོ། །དེ་བཞིན་གཤེགས་པ་སྐྱིད་པའི་དཔལ་ལ་ཕྱག་འཚལ་ལོ། །
དེ་བཞིན་གཤེགས་པ་ཚུལ་ཁྲིམས་ལྡན་ལ་ཕྱག་འཚལ་ལོ། །དེ་བཞིན་གཤེགས་པ་གཟུགས་བཟང་ལ་ཕྱག་འཚལ་ལོ། །དེ་བཞིན་གཤེགས་པ་རིན་པོ་ཆེ་ལ་ཕྱག་འཚལ་ལོ། །དེ་བཞིན་གཤེགས་པ་རྒྱལ་པོ་ལ་ཕྱག་འཚལ་ལོ། །
དེ་བཞིན་གཤེགས་པ་དོན་གྲུབ་ལ་ཕྱག་འཚལ་ལོ། །དེ་བཞིན་གཤེགས་པ་སེང་གེ་ལ་ཕྱག་འཚལ་ལོ། །དེ་བཞིན་གཤེགས་པ་སེང་གེའི་སྡེ་ལ་ཕྱག་འཚལ་ལོ། །དེ་བཞིན་གཤེགས་པ་དབང་པོ་སྡེ་ལ་ཕྱག་འཚལ་ལོ། །

62-1-65b

དེ་བཞིན་གཤེགས་པ་གནས་སུ་འགྱུར་བ་ལ་ཕྱག་འཚལ་ལོ། །དེ་བཞིན་གཤེགས་པ་གྲགས་པ་ཅན་ལ་ཕྱག་འཚལ་ལོ། །དེ་བཞིན་གཤེགས་པ་རྒྱལ་བར་མཛད་པ་ལ་ཕྱག་འཚལ་ལོ། །དེ་བཞིན་གཤེགས་པ་སྙེམས་པ་ཆེ་བ་ལ་ཕྱག་
འཚལ་ལོ། །དེ་བཞིན་གཤེགས་པ་བསོད་ནམས་འོད་ལ་ཕྱག་འཚལ་ལོ། །དེ་བཞིན་གཤེགས་པ་མེ་ལྡན་ལ་ཕྱག་འཚལ་ལོ། །དེ་བཞིན་གཤེགས་པ་འོད་གསལ་བ་ལ་ཕྱག་འཚལ་ལོ། །དེ་བཞིན་གཤེགས་པ་རྣལ་འབྱོར་མཛད་པ་
ལ་ཕྱག་འཚལ་ལོ། །དེ་བཞིན་གཤེགས་པ་མར་མེའི་རྒྱལ་པོ་ལ་ཕྱག་འཚལ་ལོ། །དེ་བཞིན་གཤེགས་པ་ཡེ་ཤེས་བརྩེགས་པ་ལ་ཕྱག་འཚལ་ལོ། །དེ་བཞིན་གཤེགས་པ་བླ་མའི་ལྷ་ལ་ཕྱག་འཚལ་ལོ། །དེ་བཞིན་གཤེགས་པ་
ལྷའི་མཆོག་ལ་ཕྱག་འཚལ་ལོ། །དེ་བཞིན་གཤེགས་པ་གཞན་གྱི་དོན་སྒྲུབ་ལ་ཕྱག་འཚལ་ལོ། །དེ་བཞིན་གཤེགས་པ་རྣམ་པར་གྲོལ་བ་ལ་ཕྱག་འཚལ་ལོ། །དེ་བཞིན་གཤེགས་པ་བཞུད་པ་ལ་ཕྱག་འཚལ་ལོ། །དེ་བཞིན་
གཤེགས་པ་རྣམ་པར་གྲོལ་བར་བཞུད་པ་ལ་ཕྱག་འཚལ་ལོ། །དེ་བཞིན་གཤེགས་པ་ཁ་དོག་བཟང་ལ་ཕྱག་འཚལ་ལོ། །དེ་བཞིན་གཤེགས་པ་གཙུག་ལྡན་ལ་ཕྱག་འཚལ་ལོ། །དེ་བཞིན་གཤེགས་པ་གསེར་བརྩེགས་པ་ལ་ཕྱག་
འཚལ་ལོ། །དེ་བཞིན་གཤེགས་པ་སྒྲ་འབྱིན་ལ་ཕྱག་འཚལ་ལོ། །དེ་བཞིན་གཤེགས་པ་སྒྲ་གཅན་བཟང་ལ་ཕྱག་འཚལ་ལོ། །དེ་བཞིན་གཤེགས་པ་ཐུབ་པར་དགའ་ལ་ཕྱག་འཚལ་ལོ། །དེ་བཞིན་གཤེགས་པ་ཐུབ་པའི་འོད་ལ་ཕྱག་
འཚལ་ལོ། །དེ་བཞིན་གཤེགས་པ་ཐུབ་པ་ཉིད་ལ་ཕྱག་འཚལ་ལོ། །དེ་བཞིན་གཤེགས་པ་རབ་ཏུ་སངས་པ་ལ་ཕྱག་འཚལ་ལོ། །དེ་བཞིན་གཤེགས་པ་ཞི་བ་ལ་ཕྱག་འཚལ་ལོ། །དེ་བཞིན་གཤེགས་པ་ཞི་བའི་འོད་ལ་ཕྱག་འཚལ་ལོ། །
དེ་བཞིན་གཤེགས་པ་གསེར་གྱི་འོད་ལ་ཕྱག་འཚལ་ལོ། །དེ་བཞིན་གཤེགས་པ་ཤིན་དུ་དགྱེས་པ་ལ་ཕྱག་འཚལ་ལོ། །དེ་བཞིན་གཤེགས་པ་ཤིན་དུ་བཟངས་བ་ལ་ཕྱག་འཚལ་ལོ། །དེ་བཞིན་གཤེགས་པ་ཡོན་ཏན་རྒྱལ་པོ་ལ་ཕྱག་

62-1-65c

འཚལ་ལོ། །དེ་བཞིན་གཤེགས་པ་ལྷ་ལ་ཕྱག་འཚལ་ལོ། །དེ་བཞིན་གཤེགས་པ་འཁོར་གྱི་དབང་པོའི་ལྷ་ལ་ཕྱག་འཚལ་ལོ། །དེ་བཞིན་གཤེགས་པ་ཆོས་ཀྱི་གདུགས་ལ་ཕྱག་འཚལ་ལོ། །དེ་བཞིན་གཤེགས་པ་ཆོས་
མི་ཟད་པ་ལ་ཕྱག་འཚལ་ལོ། །དེ་བཞིན་གཤེགས་པ་བསོད་ནམས་ཆེན་པོ་ཅན་ལ་ཕྱག་འཚལ་ལོ། །དེ་བཞིན་གཤེགས་པ་དམ་པར་མཛད་པ་ལ་ཕྱག་འཚལ་ལོ། །དེ་བཞིན་གཤེགས་པ་བཙུད་པ་མེད་པ་ལ་ཕྱག་འཚལ་ལོ། །དེ་བཞིན་
གཤེགས་པ་ཚིམ་པར་མཛད་པ་ལ་ཕྱག་འཚལ་ལོ། །དེ་བཞིན་གཤེགས་པ་ཡེ་ཤེས་ཅན་ལ་ཕྱག་འཚལ་ལོ། །དེ་བཞིན་གཤེགས་པ་ཚིམ་པའི་ཡེ་ཤེས་ལ་ཕྱག་འཚལ་ལོ། །དེ་བཞིན་གཤེགས་པ་བློ་ཟབ་པ་ལ་ཕྱག་འཚལ་ལོ། །
དེ་བཞིན་གཤེགས་པ་ཐམས་ཅད་ཀྱི་གཟི་བརྗིད་ལ་ཕྱག་འཚལ་ལོ། །དེ་བཞིན་གཤེགས་པ་སྨན་ལ་ཕྱག་འཚལ་ལོ། །དེ་བཞིན་གཤེགས་པ་སྐར་མའི་དབང་པོ་ལ་ཕྱག་འཚལ་ལོ། །དེ་བཞིན་གཤེགས་པ་རྣམ་པར་གྲོལ་བའི་དཔལ་ལ་
ཕྱག་འཚལ་ལོ། །དེ་བཞིན་གཤེགས་པ་འོད་ཀྱི་མཛོད་ལ་ཕྱག་འཚལ་ལོ། །དེ་བཞིན་གཤེགས་པ་ཡེ་ཤེས་ཀྱི་དབང་པོ་ལ་ཕྱག་འཚལ་ལོ། །དེ་བཞིན་གཤེགས་པ་སྣང་བ་ལ་ཕྱག་འཚལ་ལོ། །དེ་བཞིན་གཤེགས་པ་ངོ་མཚར་ཅན་ལ་ཕྱག་
འཚལ་ལོ། །དེ་བཞིན་གཤེགས་པ་འཇིགས་པར་གྲགས་པ་ལ་ཕྱག་འཚལ་ལོ། །དེ་བཞིན་གཤེགས་པ་མདངས་ཅན་ལ་ཕྱག་འཚལ་ལོ། །དེ་བཞིན་གཤེགས་པ་འོད་སྤངས་པ་ལ་ཕྱག་འཚལ་ལོ། །དེ་བཞིན་གཤེགས་པ་གྲགས་པ་
ལ་ཕྱག་འཚལ་ལོ། །དེ་བཞིན་གཤེགས་པ་མ་ཆགས་པར་གྲགས་པ་ལ་ཕྱག་འཚལ་ལོ། །དེ་བཞིན་གཤེགས་པ་དྲི་མ་མེད་པའི་འོད་ལ་ཕྱག་འཚལ་ལོ། །དེ་བཞིན་གཤེགས་པ་བདེན་པའི་འོད་ལ་ཕྱག་འཚལ་ལོ། །དེ་བཞིན་
གཤེགས་པ་རྨད་དུ་བྱུང་བ་ལ་ཕྱག་འཚལ་ལོ། །དེ་བཞིན་གཤེགས་པ་བདེན་པའི་ཕུང་པོ་ལ་ཕྱག་འཚལ་ལོ། །དེ་བཞིན་གཤེགས་པ་ང་རོ་གསལ་བ་ལ་ཕྱག་འཚལ་ལོ། །དེ་བཞིན་གཤེགས་པ་འཁོར་གྱི་དབང་པོ་ལ་ཕྱག་

62-1-65d

འཚལ་ལོ། །དེ་བཞིན་གཤེགས་པ་བསྐལ་པ་ལ་ཕྱག་འཚལ་ལོ། །དེ་བཞིན་གཤེགས་པ་རི་དབང་བསྐལ་བ་ལ་ཕྱག་འཚལ་ལོ། །དེ་བཞིན་གཤེགས་པ་ཆོས་བརྩེགས་པ་ལ་ཕྱག་འཚལ་ལོ། །དེ་བཞིན་གཤེགས་པ་ཐར་པའི་གཟི་
བརྗིད་ལ་ཕྱག་འཚལ་ལོ། །དེ་བཞིན་གཤེགས་པ་བཟང་བ་ལ་ཕྱག་འཚལ་ལོ། །དེ་བཞིན་གཤེགས་པ་སྐུ་བཟང་བ་ལ་ཕྱག་འཚལ་ལོ། །དེ་བཞིན་གཤེགས་པ་སྐུ་རབ་ཏུ་ཞི་བའི་སྐུ་ལ་ཕྱག་འཚལ་ལོ། །དེ་བཞིན་གཤེགས་པ་
བཀྲ་ཤིས་པའི་སྐུ་ལ་ཕྱག་འཚལ་ལོ། །དེ་བཞིན་གཤེགས་པ་སྐུ་ལ་ཕྱག་འཚལ་ལོ། །དེ་བཞིན་གཤེགས་པ་གསུང་འཇམ་པ་ལ་ཕྱག་འཚལ་ལོ། །དེ་བཞིན་གཤེགས་པ་ཡིད་དུ་འོང་བར་གསུང་བ་ལ་ཕྱག་འཚལ་ལོ། །དེ་བཞིན་
གཤེགས་པ་འཁོར་སེང་གེ་ཅན་ལ་ཕྱག་འཚལ་ལོ། །དེ་བཞིན་གཤེགས་པ་སེང་གེའི་མཆེ་བ་ལ་ཕྱག་འཚལ་ལོ། །དེ་བཞིན་གཤེགས་པ་དགག་པ་མེད་པ་ལ་ཕྱག་འཚལ་ལོ། །དེ་བཞིན་གཤེགས་པ་ཆུ་ལ་ཕྱག་འཚལ་ལོ། །
དེ་བཞིན་གཤེགས་པ་ཐུབ་པ་མེད་པ་ལ་ཕྱག་འཚལ་ལོ། །དེ་བཞིན་གཤེགས་པ་སྐྱེ་བོས་མཆོད་པ་ལ་ཕྱག་འཚལ་ལོ། །དེ་བཞིན་གཤེགས་པ་ལྗོངས་ཀྱི་དབང་པོ་ལ་ཕྱག་འཚལ་ལོ། །དེ་བཞིན་གཤེགས་པ་མཆོད་པ་ལ་ཕྱག་འཚལ་ལོ། །དེ་བཞིན་
གཤེགས་པ་བསོད་ནམས་ལ་ཕྱག་འཚལ་ལོ། །དེ་བཞིན་གཤེགས་པ་སེང་གེ་ཕྱོགས་ལ་ཕྱག་འཚལ་ལོ། །དེ་བཞིན་གཤེགས་པ་སེང་གེའི་རོ་སྟོད་ལ་ཕྱག་འཚལ་ལོ། །དེ་བཞིན་གཤེགས་པ་སེང་གེའི་སྟབས་ལ་ཕྱག་འཚལ་ལོ། །དེ་བཞིན་
གཤེགས་པ་ཆོས་རྣམ་པར་འཕར་བ་ལ་ཕྱག་འཚལ་ལོ། །དེ་བཞིན་གཤེགས་པ་ཆོས་བཞིན་བཞུད་པ་ལ་ཕྱག་འཚལ་ལོ། །དེ་བཞིན་གཤེགས་པ་བདེ་བའི་སྐུ་ལ་ཕྱག་འཚལ་ལོ། །དེ་བཞིན་གཤེགས་པ་མི་རྒུལ་བའི་ཁ་དོག་ལ་ཕྱག་འཚལ་ལོ། །
དེ་བཞིན་གཤེགས་པ་གཟི་བརྗིད་རྒྱལ་པོ་ལ་ཕྱག་འཚལ་ལོ། །དེ་བཞིན་གཤེགས་པ་དང་བ་ལ་ཕྱག་འཚལ་ལོ། །དེ་བཞིན་གཤེགས་པ་རྨ་མེད་པ་ལ་ཕྱག་འཚལ་ལོ། །དེ་བཞིན་གཤེགས་པ་གཞན་གྱིས་མི་ཚུགས་པ་ལ་ཕྱག་འཚལ་ལོ། །དེ་བཞིན་

62-1-66a

གཤེགས་པ་ཁ་དོག་གཟི་བརྗིད་ལ་ཕྱག་འཚལ་ལོ། །དེ་བཞིན་གཤེགས་པ་སྤུངས་པ་ལ་ཕྱག་འཚལ་ལོ། །དེ་བཞིན་གཤེགས་པ་སངས་རྒྱས་ལ་ཕྱག་འཚལ་ལོ། །དེ་བཞིན་གཤེགས་པ་བགེགས་མེད་པ་ལ་ཕྱག་འཚལ་ལོ། །དེ་བཞིན་གཤེགས་པ་
སྤྱན་བཟང་ལ་ཕྱག་འཚལ་ལོ། །དེ་བཞིན་གཤེགས་པ་བློ་བརྟན་པར་གནས་པ་ལ་ཕྱག་འཚལ་ལོ། །དེ་བཞིན་གཤེགས་པ་འོད་གསལ་བ་ལ་ཕྱག་འཚལ་ལོ། །དེ་བཞིན་གཤེགས་པ་དྲིའི་གཟི་བརྗིད་ལ་ཕྱག་འཚལ་ལོ། །དེ་བཞིན་གཤེགས་པ་མགུ་བར་མཛད་པ་ལ་ཕྱག་
འཚལ་ལོ། །དེ་བཞིན་གཤེགས་པ་གདོན་མི་ཟ་བར་བཞུད་པ་ལ་ཕྱག་འཚལ་ལོ། །དེ་བཞིན་གཤེགས་པ་གདོན་མི་ཟ་བར་རྣམ་པར་འཕར་བ་ལ་ཕྱག་འཚལ་ལོ། །དེ་བཞིན་གཤེགས་པ་ཤེས་རབ་ཕུང་པོ་ལ་ཕྱག་འཚལ་ལོ། །དེ་བཞིན་གཤེགས་པ་ཐལ་བ་
ཁྲོ་བོ་ལ་ཕྱག་འཚལ་ལོ། །དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཡོན་ཏན་རིན་ཆེན་དཔག་ཏུ་མེད་པ་བཀོད་པའི་གཟི་བརྗིད་ཀྱི་རྒྱལ་པོ་ལྟ་བུ་ལ་ཕྱག་འཚལ་ལོ། །དེ་བཞིན་གཤེགས་པ་དགྲ་བཅོམ་པ་ཡང་དག་པར་
རྫོགས་པའི་སངས་རྒྱས་ཡོན་ཏན་རིན་ཆེན་དཔལ་བཀོད་པའི་གཟི་བརྗིད་ཀྱི་རྒྱལ་པོ་ལ་ཕྱག་འཚལ་ལོ། །དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཆོས་ཐམས་ཅད་སྤོབས་པ་བཀོད་པའི་དཔལ་ལ་ཕྱག་འཚལ་ལོ། །
དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་སྤོབས་པ་དཔག་ཏུ་མེད་པ་བཀོད་པ་ཡང་དག་པར་སྤྱད་པའི་བློ་ལ་ཕྱག་འཚལ་ལོ། །དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་འབྲུག་སྟོང་
བསྒྲགས་པའི་སྒྲ་སྐད་ཀྱི་རྒྱལ་པོ་ལ་ཕྱག་འཚལ་ལོ། །དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་གསེར་མཆོག་འོད་དཔལ་ལ་ཕྱག་འཚལ་ལོ། །དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་
གཟི་བརྗིད་ཀྱི་རྒྱལ་པོ་རྣམ་མང་དཔལ་སྣང་ལ་ཕྱག་འཚལ་ལོ། །དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་བསྐལ་པ་བྱེ་བ་གྲངས་མེད་པར་བྱང་ཆུབ་ཡང་དག་པར་སྒྲུབ་པ་ལ་ཕྱག་འཚལ་ལོ། །དེ་བཞིན་གཤེགས་

62-1-66b

པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་གསེར་བཟང་པོ་དང་ནམ་མཁའ་ངེས་པར་སྒྲོགས་པ་བཀོད་པའི་འོད་ལ་ཕྱག་འཚལ་ལོ། །དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཆོས་ཐམས་ཅད་ཀྱི་ཚུལ་ལ་
རྣམ་པར་སྤྲུལ་པའི་གཟི་བརྗིད་ཀྱི་འོད་ལ་ཕྱག་འཚལ་ལོ། །བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རིན་ཆེན་རྒྱལ་བའི་མཛོད་ལ་ཕྱག་འཚལ་ལོ། །དེ་བཞིན་གཤེགས་པ་དགྲ་བཅོམ་པ་ཡང་དག་
པར་རྫོགས་པའི་སངས་རྒྱས་རིན་ཆེན་འོད་ཀྱི་རྒྱལ་པོ་མེ་འོད་རབ་ཏུ་གསལ་ལ་ཕྱག་འཚལ་ལོ། །དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་སྤོས་དང་མེ་ཏོག་ལ་དབང་བ་སྟོབས་ཀྱི་རྒྱལ་པོ་ལ་ཕྱག་འཚལ་ལོ། །
དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་བྱེ་བ་ཕྲག་བརྒྱའི་གང་གཱའི་བྱེ་མ་སྙེད་ཀྱི་གྲངས་དང་མཉམ་པར་ངེས་པ་ལ་ཕྱག་འཚལ་ལོ། །དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་
གཟི་བརྗིད་ངེས་པར་གནོན་པ་ལ་ཕྱག་འཚལ་ལོ། །དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རྡོ་རྗེ་དཔའ་བརྟན་དུལ་བ་ཞི་བ་ཕ་རོལ་གྱི་སྟོབས་རབ་ཏུ་འཇོམས་པ་ལ་ཕྱག་འཚལ་ལོ། །དེ་བཞིན་གཤེགས་པ་
དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རིན་ཆེན་ཟླ་འོད་སྐྱབས་གནས་དམ་པ་སྒྲའི་རྒྱལ་པོ་ལ་ཕྱག་འཚལ་ལོ། །དེ་བཞིན་གཤེགས་པ་གཟུགས་དམ་པ་ལ་ཕྱག་འཚལ་ལོ། །
དེ་བཞིན་གཤེགས་པ་གཟུགས་མེད་པ་ལ་ཕྱག་འཚལ་ལོ། །དེ་བཞིན་གཤེགས་པ་ཤིན་དུ་འཕར་བ་ལ་ཕྱག་འཚལ་ལོ། །དེ་བཞིན་གཤེགས་པ་ཕྱག་བྱ་བ་ལ་ཕྱག་འཚལ་ལོ། །དེ་བཞིན་གཤེགས་པ་ཕྱག་མང་དུ་བྱ་བ་ལ་ཕྱག་འཚལ་ལོ། །
དེ་བཞིན་གཤེགས་པ་གྲགས་པ་ལ་ཕྱག་འཚལ་ལོ། །དེ་བཞིན་གཤེགས་པ་ཕྱག་བྱ་བར་གྲགས་པ་ལ་ཕྱག་འཚལ་ལོ། །དེ་བཞིན་གཤེགས་པ་དབྱངས་པ་ལ་ཕྱག་འཚལ་ལོ། །དེ་བཞིན་གཤེགས་པ་མར་མེ་ལ་ཕྱག་འཚལ་ལོ། །དེ་བཞིན་གཤེགས་པ་

62-1-67a

མར་མེ་ཆེན་པོ་ལ་ཕྱག་འཚལ་ལོ། །དེ་བཞིན་གཤེགས་པ་དབྱངས་པའི་འོད་ལ་ཕྱག་འཚལ་ལོ། །དེ་བཞིན་གཤེགས་པ་ཉི་མ་ལ་ཕྱག་འཚལ་ལོ། །དེ་བཞིན་གཤེགས་པ་ལྷའི་ཉི་མ་ལ་ཕྱག་འཚལ་ལོ། །དེ་བཞིན་གཤེགས་པ་དྲི་མ་
མེད་པའི་ཤེས་རབ་ལ་ཕྱག་འཚལ་ལོ། །དེ་བཞིན་གཤེགས་པ་གཅིག་ཏུ་ཐུབ་པའི་སྐུ་ལ་ཕྱག་འཚལ་ལོ། །དེ་བཞིན་གཤེགས་པ་གཟི་བརྗིད་མདངས་ཅན་ལ་ཕྱག་འཚལ་ལོ། །དེ་བཞིན་གཤེགས་པ་གཟི་བརྗིད་སྐུ་ལ་ཕྱག་འཚལ་ལོ། །དེ་བཞིན་
གཤེགས་པ་རྒྱལ་རིགས་ལ་ཕྱག་འཚལ་ལོ། །དེ་བཞིན་གཤེགས་པ་བྷ་གིར་ཐ་ཡ་ལ་ཕྱག་འཚལ་ལོ། །དེ་བཞིན་གཤེགས་པ་བྷ་གིར་ས་ཡ་ལ་ཕྱག་འཚལ་ལོ། །དེ་བཞིན་གཤེགས་པ་གསེར་ལ་ཕྱག་འཚལ་ལོ། །དེ་བཞིན་གཤེགས་
པ་གསེར་གྱི་འོད་ལ་ཕྱག་འཚལ་ལོ། །དེ་བཞིན་གཤེགས་པ་དམ་པ་ལ་ཕྱག་འཚལ་ལོ། །དེ་བཞིན་གཤེགས་པ་རྣམ་པར་གྲོལ་བ་ལ་ཕྱག་འཚལ་ལོ། །དེ་བཞིན་གཤེགས་པ་གཙུག་ཏོར་ལ་ཕྱག་འཚལ་ལོ། །དེ་བཞིན་གཤེགས་པ་གསེར་དམ་པ་
ལ་ཕྱག་འཚལ་ལོ། །དེ་བཞིན་གཤེགས་པ་རྣམ་པར་གྲོལ་བའི་གཙུག་ཏོར་ལ་ཕྱག་འཚལ་ལོ། །དེ་བཞིན་གཤེགས་པ་ཆོས་སྦྱིན་ལ་ཕྱག་འཚལ་ལོ། །དེ་བཞིན་གཤེགས་པ་བཞུགས་བཞིན་གཤེགས་པ་ལ་ཕྱག་འཚལ་ལོ། །དེ་བཞིན་གཤེགས་
པ་བཞུགས་བཞིན་དྲི་ལ་ཕྱག་འཚལ་ལོ། །དེ་བཞིན་གཤེགས་པ་ཚིམ་པར་འདུལ་བ་ལ་ཕྱག་འཚལ་ལོ། །དེ་བཞིན་གཤེགས་པ་ཕན་པར་འདུལ་བ་ལ་ཕྱག་འཚལ་ལོ། །དེ་བཞིན་གཤེགས་པ་ཡེ་ཤེས་སྣོད་ལ་ཕྱག་འཚལ་ལོ། །དེ་བཞིན་
གཤེགས་པ་ཚངས་པའི་སྟབས་ལ་ཕྱག་འཚལ་ལོ། །དེ་བཞིན་གཤེགས་པ་ཙན་དན་ལ་ཕྱག་འཚལ་ལོ། །དེ་བཞིན་གཤེགས་པ་མྱ་ངན་མེད་པ་ལ་ཕྱག་འཚལ་ལོ། །དེ་བཞིན་གཤེགས་པ་མཚན་མ་མེད་པ་ལ་ཕྱག་འཚལ་ལོ། །དེ་བཞིན་གཤེགས་
པ་བྱང་བའི་སྐུ་ལ་ཕྱག་འཚལ་ལོ། །དེ་བཞིན་གཤེགས་པ་ཉིད་ཀྱིས་མཁྱེན་པ་ལ་ཕྱག་འཚལ་ལོ། །དེ་བཞིན་གཤེགས་པ་འཁོར་གྱི་རྒྱུ་ལ་ཕྱག་འཚལ་ལོ། །དེ་བཞིན་གཤེགས་པ་འཁོར་གྱི་དཔལ་ལ་ཕྱག་འཚལ་ལོ། །དེ་བཞིན་གཤེགས་

62-1-67b

པ་པད་མོའི་འབྱུང་གནས་ལ་ཕྱག་འཚལ་ལོ། །དེ་བཞིན་གཤེགས་པ་གཟི་བརྗིད་མཐའ་ཡས་པ་ལ་ཕྱག་འཚལ་ལོ། །དེ་བཞིན་གཤེགས་པ་ལྷའི་འོད་ལ་ཕྱག་འཚལ་ལོ། །དེ་བཞིན་གཤེགས་པ་ལྷའི་སྙིང་པོ་ལ་ཕྱག་འཚལ་ལོ། །
དེ་བཞིན་གཤེགས་པ་བསོད་ནམས་མེ་ཏོག་ལ་ཕྱག་འཚལ་ལོ། །དེ་བཞིན་གཤེགས་པ་ཤེས་རབ་མེ་ཏོག་ལ་ཕྱག་འཚལ་ལོ། །དེ་བཞིན་གཤེགས་པའི་སྐུ་ལ་ཕྱག་འཚལ་ལོ། །དེ་བཞིན་གཤེགས་པའི་གཟུགས་ལ་ཕྱག་འཚལ་ལོ། །
དེ་བཞིན་གཤེགས་པ་འབིགས་པ་ལ་ཕྱག་འཚལ་ལོ། །དེ་བཞིན་གཤེགས་པ་ཕུན་སུམ་ཚོགས་པ་གཏོང་བ་ལ་ཕྱག་འཚལ་ལོ། །དེ་བཞིན་གཤེགས་པ་ཕུན་སུམ་ཚོགས་པར་མཁྱེན་པ་ལ་ཕྱག་འཚལ་ལོ། །དེ་བཞིན་གཤེགས་པ་ཚངས་པ་
ལ་ཕྱག་འཚལ་ལོ། །དེ་བཞིན་གཤེགས་པ་ལྷ་མ་ཡིན་ལ་ཕྱག་འཚལ་ལོ། །དེ་བཞིན་གཤེགས་པ་ང་རྒྱལ་ཅན་ལ་ཕྱག་འཚལ་ལོ། །དེ་བཞིན་གཤེགས་པ་ཚངས་པའི་གནས་ལ་ཕྱག་འཚལ་ལོ། །དེ་བཞིན་གཤེགས་པ་རིན་པོ་ཆེའི་ལག་ལ་ཕྱག་
འཚལ་ལོ། །དེ་བཞིན་གཤེགས་པ་དབང་པོ་ལ་ཕྱག་འཚལ་ལོ། །དེ་བཞིན་གཤེགས་པ་མི་འཛུམ་པ་ལ་ཕྱག་འཚལ་ལོ། །དེ་བཞིན་གཤེགས་པ་དཔེ་མེད་མགུ་བར་མཛད་པ་ལ་ཕྱག་འཚལ་ལོ། །དེ་བཞིན་གཤེགས་པ་སྒྱུ་མའི་དབང་པོ་ལ་ཕྱག་
འཚལ་ལོ། །དེ་བཞིན་གཤེགས་པ་དཔེ་མེད་པའི་མཐའ་ལ་ཕྱག་འཚལ་ལོ། །དེ་བཞིན་གཤེགས་པ་རྒོལ་བའི་གཙོ་ལ་ཕྱག་འཚལ་ལོ། །དེ་བཞིན་གཤེགས་པ་བསོད་ནམས་ཀྱི་གཟི་བརྗིད་ལ་ཕྱག་འཚལ་ལོ། །དེ་བཞིན་གཤེགས་པ་མཆོད་པའི་
གཞི་ལ་ཕྱག་འཚལ་ལོ། །དེ་བཞིན་གཤེགས་པ་མི་ཚུགས་པ་ལ་ཕྱག་འཚལ་ལོ། །དེ་བཞིན་གཤེགས་པ་ཉི་མ་བཞིན་གནས་པ་ལ་ཕྱག་འཚལ་ལོ། །དེ་བཞིན་གཤེགས་པ་འདམ་ལས་རྒལ་བ་ལ་ཕྱག་འཚལ་ལོ། །དེ་བཞིན་གཤེགས་
པ་མ་རིག་སྐྱོང་ལ་ཕྱག་འཚལ་ལོ། །དེ་བཞིན་གཤེགས་པ་གྲུབ་པའི་རྒྱལ་པོ་ལ་ཕྱག་འཚལ་ལོ། །དེ་བཞིན་གཤེགས་པ་སེང་གེ་ལ་ཕྱག་འཚལ་ལོ། །དེ་བཞིན་གཤེགས་པ་རྨ་མེད་པ་ལ་ཕྱག་འཚལ་ལོ། །དེ་བཞིན་གཤེགས་པ་ཆོས་

62-1-68a

སུ་འཛུད་པ་ལ་ཕྱག་འཚལ་ལོ། །དེ་བཞིན་གཤེགས་པ་ཕན་པར་མཛད་པ་ལ་ཕྱག་འཚལ་ལོ། །དེ་བཞིན་གཤེགས་པ་དགྲ་ཐུལ་ལ་ཕྱག་འཚལ་ལོ། །དེ་བཞིན་གཤེགས་པ་རེ་བའི་དྲ་བ་ལ་ཕྱག་འཚལ་ལོ། །དེ་བཞིན་
གཤེགས་པ་འོད་ལ་ཕྱག་འཚལ་ལོ། །དེ་བཞིན་གཤེགས་པ་མི་ནོན་པ་ལ་ཕྱག་འཚལ་ལོ། །དེ་བཞིན་གཤེགས་པ་མཁྱེན་པ་ཅན་ལ་ཕྱག་འཚལ་ལོ། །དེ་བཞིན་གཤེགས་པ་མི་འཇིགས་པ་ལ་ཕྱག་འཚལ་ལོ། །དེ་བཞིན་གཤེགས་པ་
དྲ་བ་འོད་ལ་ཕྱག་འཚལ་ལོ། །དེ་བཞིན་གཤེགས་པ་སྤྱན་མི་འདྲེན་ལ་ཕྱག་འཚལ་ལོ། །དེ་བཞིན་གཤེགས་པ་བཻ་དཱུརྱའི་སྙིང་པོ་ལ་ཕྱག་འཚལ་ལོ། །དེ་བཞིན་གཤེགས་པ་མེ་ཏོག་ལ་ཕྱག་འཚལ་ལོ། །དེ་བཞིན་གཤེགས་པ་ལྷ་ལ་ཕྱག་འཚལ་ལོ། །
དེ་བཞིན་གཤེགས་པ་བསྔགས་པ་ཅན་ལ་ཕྱག་འཚལ་ལོ། །དེ་བཞིན་གཤེགས་པ་རང་གི་འོད་ལ་ཕྱག་འཚལ་ལོ། །དེ་བཞིན་གཤེགས་པ་ལེགས་པའི་འོད་ལ་ཕྱག་འཚལ་ལོ། །དེ་བཞིན་གཤེགས་པ་ཡོན་ཏན་ཀུན་གྱི་འོད་ལ་ཕྱག་འཚལ་ལོ། །
དེ་བཞིན་གཤེགས་པ་མི་འཁྲུལ་བ་ལ་ཕྱག་འཚལ་ལོ། །དེ་བཞིན་གཤེགས་པ་དྲན་པ་རབ་ཏུ་སྣང་བ་ལ་ཕྱག་འཚལ་ལོ། །དེ་བཞིན་གཤེགས་པ་ལེགས་པར་རབ་ཏུ་སྣང་བ་ལ་ཕྱག་འཚལ་ལོ། །དེ་བཞིན་གཤེགས་པ་རིན་ཆེན་དཔལ་ལ་ཕྱག་འཚལ་
ལོ། །དེ་བཞིན་གཤེགས་པ་མེ་ཏོག་ཟླ་བ་ལ་ཕྱག་འཚལ་ལོ། །དེ་བཞིན་གཤེགས་པ་སྐྱེས་བུ་ཟླ་བ་ལ་ཕྱག་འཚལ་ལོ། །དེ་བཞིན་གཤེགས་པ་བདུད་རྩི་སྐྱོང་ལ་ཕྱག་འཚལ་ལོ། །དེ་བཞིན་གཤེགས་པ་བདུད་རྩི་འོད་ལ་ཕྱག་འཚལ་ལོ། །
དེ་བཞིན་གཤེགས་པ་ཤིན་དུ་ཡིད་འཛིན་ལ་ཕྱག་འཚལ་ལོ། །དེ་བཞིན་གཤེགས་པ་ཡེ་ཤེས་ལ་ཕྱག་འཚལ་ལོ། །དེ་བཞིན་གཤེགས་པ་མི་སྡུག་པ་ལ་ཕྱག་འཚལ་ལོ། །དེ་བཞིན་གཤེགས་པ་འོད་ལ་ཕྱག་འཚལ་ལོ། །དེ་བཞིན་གཤེགས་པ་དཀར་
བའི་ཡང་དཀར་བ་ལ་ཕྱག་འཚལ་ལོ། །དེ་བཞིན་གཤེགས་པ་ཡེ་ཤེས་འཛིན་ལ་ཕྱག་འཚལ་ལོ། །དེ་བཞིན་གཤེགས་པ་རི་བོ་ལ་ཕྱག་འཚལ་ལོ། །དེ་བཞིན་གཤེགས་པ་ཡོན་ཏན་རྒྱས་པ་ལ་ཕྱག་འཚལ་ལོ། །དེ་བཞིན་གཤེགས་པ་སྟོབས་

62-1-68b

བརྩེགས་པ་ལ་ཕྱག་འཚལ་ལོ། །དེ་བཞིན་གཤེགས་པ་སྤྱན་མཛེས་པ་ལ་ཕྱག་འཚལ་ལོ། །དེ་བཞིན་གཤེགས་པ་དབྱངས་སྙན་པ་ལ་ཕྱག་འཚལ་ལོ། །དེ་བཞིན་གཤེགས་པ་བརྟན་པ་ལ་ཕྱག་འཚལ་ལོ། །དེ་བཞིན་གཤེགས་པ་
དགའ་བར་མཛད་པ་ལ་ཕྱག་འཚལ་ལོ། །དེ་བཞིན་གཤེགས་པ་སྒྲ་གཅན་འཛིན་ལ་ཕྱག་འཚལ་ལོ། །དེ་བཞིན་གཤེགས་པ་འོད་དཀར་པོར་སྣང་བ་ལ་ཕྱག་འཚལ་ལོ། །དེ་བཞིན་གཤེགས་པ་འཇིག་རྟེན་གྱི་བླ་ན་མེད་པ་ལ་ཕྱག་འཚལ་
ལོ། །དེ་བཞིན་གཤེགས་པ་མེའི་འོད་ལ་ཕྱག་འཚལ་ལོ། །དེ་བཞིན་གཤེགས་པ་གསུང་ཤར་བ་ལ་ཕྱག་འཚལ་ལོ། །དེ་བཞིན་གཤེགས་པ་ཡེ་ཤེས་རྒྱ་མཚོ་ལ་ཕྱག་འཚལ་ལོ། །དེ་བཞིན་གཤེགས་པ་ཆོས་ཀྱི་དབང་ཕྱུག་རིའི་
དབང་པོ་ལ་ཕྱག་འཚལ་ལོ། །དེ་བཞིན་གཤེགས་པ་མིའི་གཙོ་བོ་ལ་ཕྱག་འཚལ་ལོ། །དེ་བཞིན་གཤེགས་པ་བྱང་ཆུབ་ཡོན་ཏན་སྟོབས་ལ་ཕྱག་འཚལ་ལོ། །དེ་བཞིན་གཤེགས་པ་ཆོས་ཀྱི་དབང་ཕྱུག་ལ་ཕྱག་འཚལ་ལོ། །
དེ་བཞིན་གཤེགས་པ་དབྱངས་ལ་ཕྱག་འཚལ་ལོ། །དེ་བཞིན་གཤེགས་པ་ཤིན་དུ་མགུ་བ་ཅན་ལ་ཕྱག་འཚལ་ལོ། །དེ་བཞིན་གཤེགས་པ་དོན་བརྟན་པ་ལ་ཕྱག་འཚལ་ལོ། །དེ་བཞིན་གཤེགས་པ་ཡོན་ཏན་གཟི་བརྗིད་ལྡན་ལ་
ཕྱག་འཚལ་ལོ། །དེ་བཞིན་གཤེགས་པ་ཀུན་མཁྱེན་པ་ལ་ཕྱག་འཚལ་ལོ། །དེ་བཞིན་གཤེགས་པ་གསུང་མཐའ་ཡས་པ་ལ་ཕྱག་འཚལ་ལོ། །དེ་བཞིན་གཤེགས་པ་རང་བཞིན་ཅན་ལ་ཕྱག་འཚལ་ལོ། །དེ་བཞིན་གཤེགས་པ་འཇིག་
རྟེན་ལས་འདས་པར་ཤིན་དུ་མཁྱེན་པ་ལ་ཕྱག་འཚལ་ལོ། །དེ་བཞིན་གཤེགས་པ་མི་སྤྱོད་པར་དགོངས་པ་ལ་ཕྱག་འཚལ་ལོ། །དེ་བཞིན་གཤེགས་པ་དབྱངས་བཙུན་པ་ལ་ཕྱག་འཚལ་ལོ། །དེ་བཞིན་གཤེགས་པ་རོལ་པའི་མཆོག་ཏུ་
བཞུད་པ་ལ་ཕྱག་འཚལ་ལོ། །དེ་བཞིན་གཤེགས་པ་འཇིག་རྟེན་རབ་ཏུ་ཞི་བར་མཛད་པ་ལ་ཕྱག་འཚལ་ལོ། །དེ་བཞིན་གཤེགས་པ་ཉེས་པ་མེད་པ་ལ་ཕྱག་འཚལ་ལོ། །དེ་བཞིན་གཤེགས་པ་བཟང་སྤྱོད་བྱང་ཆུབ་བློ་ལ་ཕྱག་འཚལ་ལོ། །

62-1-69a

དེ་བཞིན་གཤེགས་པ་འོད་གསལ་བ་ལ་ཕྱག་འཚལ་ལོ། །དེ་བཞིན་གཤེགས་པ་སྤོབས་པ་བསྔགས་པ་ལ་ཕྱག་འཚལ་ལོ། །དེ་བཞིན་གཤེགས་པ་ཡོན་ཏན་རྟེན་དམ་པ་ལ་ཕྱག་འཚལ་ལོ། །དེ་བཞིན་གཤེགས་པ་ཡོན་ཏན་རྒྱ་
མཚོ་ལ་ཕྱག་འཚལ་ལོ། །དེ་བཞིན་གཤེགས་པ་འཇིགས་པ་དང་བྲལ་བ་ལ་ཕྱག་འཚལ་ལོ། །དེ་བཞིན་གཤེགས་པ་ཡེ་ཤེས་དགྱེས་པ་ལ་ཕྱག་འཚལ་ལོ། །དེ་བཞིན་གཤེགས་པ་སྤོབས་པའི་སྤྱན་ལ་ཕྱག་འཚལ་ལོ། །དེ་བཞིན་གཤེགས་
པ་དམ་པ་མཁྱེན་པ་ལ་ཕྱག་འཚལ་ལོ། །དེ་བཞིན་གཤེགས་པ་ཟླ་བ་ལ་ཕྱག་འཚལ་ལོ། །དེ་བཞིན་གཤེགས་པ་རིན་ཆེན་ཟླ་བ་སྣང་ལ་ཕྱག་འཚལ་ལོ། །དེ་བཞིན་གཤེགས་པ་དངོས་པོ་མེད་པ་ལ་ཕྱག་འཚལ་ལོ། །དེ་བཞིན་གཤེགས་པ་ཆེན་པོ་
སྟོན་པ་ལ་ཕྱག་འཚལ་ལོ། །དེ་བཞིན་གཤེགས་པ་ཚངས་པ་ལྟ་བུ་ལ་ཕྱག་འཚལ་ལོ། །དེ་བཞིན་གཤེགས་པ་དབྱངས་སྙན་ལ་ཕྱག་འཚལ་ལོ། །དེ་བཞིན་གཤེགས་པ་ཤེས་རབ་ཀྱི་རྟེན་ཆེན་པོ་ལ་ཕྱག་འཚལ་ལོ། །དེ་བཞིན་གཤེགས་པ་
ཀུན་དུ་མཁྱེན་པ་ལ་ཕྱག་འཚལ་ལོ། །དེ་བཞིན་གཤེགས་པ་རྡོ་རྗེ་མང་བ་ལ་ཕྱག་འཚལ་ལོ། །དེ་བཞིན་གཤེགས་པ་བློ་ལྡན་ལ་ཕྱག་འཚལ་ལོ། །དེ་བཞིན་གཤེགས་པ་ཤིང་གི་དབང་པོ་ལ་ཕྱག་འཚལ་ལོ། །དེ་བཞིན་གཤེགས་པ་གསུང་མི་
ཉམས་པ་ལ་ཕྱག་འཚལ་ལོ། །དེ་བཞིན་གཤེགས་པ་བསོད་ནམས་སྤེལ་བ་ལ་ཕྱག་འཚལ་ལོ། །དེ་བཞིན་གཤེགས་པ་དཔལ་བརྟེན་པ་ལ་ཕྱག་འཚལ་ལོ། །དེ་བཞིན་གཤེགས་པ་འཕགས་པར་དགྱེས་པ་ལ་ཕྱག་འཚལ་ལོ། །
དེ་བཞིན་གཤེགས་པ་རབ་ཏུ་ཤར་བ་ལ་ཕྱག་འཚལ་ལོ། །དེ་བཞིན་གཤེགས་པ་མིའི་ཤིང་རྟ་ལ་ཕྱག་འཚལ་ལོ། །དེ་བཞིན་གཤེགས་པ་རྔའི་སྤྲིན་སྒྲ་ལ་ཕྱག་འཚལ་ལོ། །དེ་བཞིན་གཤེགས་པ་དགའ་བའི་སྤྱན་ལ་ཕྱག་འཚལ་ལོ། །
དེ་བཞིན་གཤེགས་པ་ཤིན་དུ་མཁྱེན་པ་ལ་ཕྱག་འཚལ་ལོ། །དེ་བཞིན་གཤེགས་པ་འཇིག་རྟེན་གྱི་དམ་པ་ལ་ཕྱག་འཚལ་ལོ། །དེ་བཞིན་གཤེགས་པ་ཡོན་ཏན་དཔུང་སྦྱིན་ལ་ཕྱག་འཚལ་ལོ། །དེ་བཞིན་གཤེགས་པ་འཇིག་རྟེན་དམ་པར་

62-1-69b

དགྱེས་པ་ལ་ཕྱག་འཚལ་ལོ། །དེ་བཞིན་གཤེགས་པ་ཆོས་ཀྱི་རྒྱལ་མཚན་ལ་ཕྱག་འཚལ་ལོ། །དེ་བཞིན་གཤེགས་པ་ཡེ་ཤེས་དབྱངས་ལ་ཕྱག་འཚལ་ལོ། །དེ་བཞིན་གཤེགས་པ་འཇིག་རྟེན་གཙོ་བོ་ལ་ཕྱག་འཚལ་ལོ། །དེ་བཞིན་
གཤེགས་པ་ཤེས་རབ་རྣམ་པར་གྲོལ་བའི་དབྱངས་ལ་ཕྱག་འཚལ་ལོ། །དེ་བཞིན་གཤེགས་པ་ཡོན་ཏན་གཟི་བརྗིད་འོད་ལ་ཕྱག་འཚལ་ལོ། །དེ་བཞིན་གཤེགས་པ་སྡེའི་དབང་པོ་ལ་ཕྱག་འཚལ་ལོ། །དེ་བཞིན་གཤེགས་པ་མཐུ་པོ་ཆེ་ལ་
ཕྱག་འཚལ་ལོ། །དེ་བཞིན་གཤེགས་པ་འཁོར་ལོ་ལ་ཕྱག་འཚལ་ལོ། །དེ་བཞིན་གཤེགས་པ་ཟླ་བ་དང་ཐ་མི་དད་པ་ལ་ཕྱག་འཚལ་ལོ། །དེ་བཞིན་གཤེགས་པ་དགེ་བར་དགོངས་པ་ལ་ཕྱག་འཚལ་ལོ། །དེ་བཞིན་གཤེགས་པ་ཡོན་ཏན་རྒྱ་མཚོ་ལ་
ཕྱག་འཚལ་ལོ། །དེ་བཞིན་གཤེགས་པ་ཡོན་ཏན་སྩོགས་པ་ལ་ཕྱག་འཚལ་ལོ། །དེ་བཞིན་གཤེགས་པ་བློ་གྲོས་དཔལ་ལ་ཕྱག་འཚལ་ལོ། །དེ་བཞིན་གཤེགས་པ་བསོད་ནམས་ཀྱི་རྒྱལ་མཚན་ལ་ཕྱག་འཚལ་ལོ། །དེ་བཞིན་གཤེགས་པ་
འཁོར་སྤྲོས་པ་ཅན་ལ་ཕྱག་འཚལ་ལོ། །དེ་བཞིན་གཤེགས་པ་རིན་ཆེན་རབ་ཏུ་སྦྱིན་པ་ལ་ཕྱག་འཚལ་ལོ། །དེ་བཞིན་གཤེགས་པ་དགའ་བའི་ཟླ་བ་ལ་ཕྱག་འཚལ་ལོ། །དེ་བཞིན་གཤེགས་པ་སེང་གེའི་སྟོབས་ལ་ཕྱག་འཚལ་ལོ། །
དེ་བཞིན་གཤེགས་པ་དབང་བྱེད་རྒྱལ་པོ་ལ་ཕྱག་འཚལ་ལོ། །དེ་བཞིན་གཤེགས་པ་རྒྱལ་པོ་ལ་ཕྱག་འཚལ་ལོ། །དེ་བཞིན་གཤེགས་པ་བདུད་རྩི་སྤངས་ལ་ཕྱག་འཚལ་ལོ། །དེ་བཞིན་གཤེགས་པ་བདུད་རྩི་ལ་ཕྱག་འཚལ་ལོ། །
དེ་བཞིན་གཤེགས་པ་དགའ་བར་མཛད་པ་ལ་ཕྱག་འཚལ་ལོ། །དེ་བཞིན་གཤེགས་པ་ཆེ་བར་བཅས་པ་ལ་ཕྱག་འཚལ་ལོ། །དེ་བཞིན་གཤེགས་པ་རྟོག་པ་ལ་ཕྱག་འཚལ་ལོ། །དེ་བཞིན་གཤེགས་པ་ཏིང་ངེ་འཛིན་སྙོམས་པ་ལ་
ཕྱག་འཚལ་ལོ། །དེ་བཞིན་གཤེགས་པ་མི་འཁྲུགས་པ་ལ་ཕྱག་འཚལ་ལོ། །དེ་བཞིན་གཤེགས་པ་དྲི་མ་རབ་ཏུ་ཞི་བ་ལ་ཕྱག་འཚལ་ལོ། །དེ་བཞིན་གཤེགས་པ་ཕྱོགས་མི་འཁྲུག་པ་ལ་ཕྱག་འཚལ་ལོ། །དེ་བཞིན་གཤེགས་པ་

62-1-70a

འགོག་པ་མེད་པ་ལ་ཕྱག་འཚལ་ལོ། །དེ་བཞིན་གཤེགས་པ་ཞལ་བཟང་ལ་ཕྱག་འཚལ་ལོ། །དེ་བཞིན་གཤེགས་པ་རལ་པ་ལ་ཕྱག་འཚལ་ལོ། །དེ་བཞིན་གཤེགས་པ་ཤིན་དུ་བཟང་བ་ལ་ཕྱག་འཚལ་ལོ། །དེ་བཞིན་གཤེགས་
པ་རང་བཞིན་དུ་མྱུར་བ་ལ་ཕྱག་འཚལ་ལོ། །དེ་བཞིན་གཤེགས་པ་མཁྱེན་པ་ཅན་ལ་ཕྱག་འཚལ་ལོ། །དེ་བཞིན་གཤེགས་པ་ཚོགས་ཀྱི་དབང་པོ་ལ་ཕྱག་འཚལ་ལོ། །དེ་བཞིན་གཤེགས་པ་ལྷ་ཆེན་པོ་ལ་ཕྱག་འཚལ་ལོ། །དེ་བཞིན་གཤེགས་
པ་གསུང་གི་དབང་པོ་ལ་ཕྱག་འཚལ་ལོ། །དེ་བཞིན་གཤེགས་པ་གཟི་བརྗིད་ཆེ་བ་ལ་ཕྱག་འཚལ་ལོ། །དེ་བཞིན་གཤེགས་པ་བློ་གྲོས་ཟབ་པ་ལ་ཕྱག་འཚལ་ལོ། །དེ་བཞིན་གཤེགས་པ་བདུད་རྩི་ལ་ཕྱག་འཚལ་ལོ། །དེ་བཞིན་གཤེགས་
པ་ཆོས་ཀྱི་སྟོབས་ལ་ཕྱག་འཚལ་ལོ། །དེ་བཞིན་གཤེགས་པ་མཆོད་པ་ལ་ཕྱག་འཚལ་ལོ། །དེ་བཞིན་གཤེགས་པ་མེ་ཏོག་ལ་ཕྱག་འཚལ་ལོ། །དེ་བཞིན་གཤེགས་པ་འོད་ལ་ཕྱག་འཚལ་ལོ། །དེ་བཞིན་གཤེགས་པ་ཁམས་གསུམ་ལ་
ཕྱག་འཚལ་ལོ། །དེ་བཞིན་གཤེགས་པ་ཤེས་རབ་ལ་ཕྱག་འཚལ་ལོ། །དེ་བཞིན་གཤེགས་པ་དགྲ་མེད་ལ་ཕྱག་འཚལ་ལོ། །དེ་བཞིན་གཤེགས་པ་ཉི་མ་ལ་ཕྱག་འཚལ་ལོ། །དེ་བཞིན་གཤེགས་པ་སྙིང་པོ་ལ་ཕྱག་འཚལ་ལོ། །དེ་བཞིན་
གཤེགས་པ་གཟུགས་མེད་པ་ལ་ཕྱག་འཚལ་ལོ། །དེ་བཞིན་གཤེགས་པ་ཐུབ་པ་མེད་པ་ལ་ཕྱག་འཚལ་ལོ། །དེ་བཞིན་གཤེགས་པ་བསོད་ནམས་རབ་ཏུ་སྣང་བ་ལ་ཕྱག་འཚལ་ལོ། །དེ་བཞིན་གཤེགས་པ་བྱམས་པ་ལ་ཕྱག་འཚལ་ལོ། །
དེ་བཞིན་གཤེགས་པ་གངས་དཀར་བའི་སྙིང་པོ་ལ་ཕྱག་འཚལ་ལོ། །དེ་བཞིན་གཤེགས་པ་ལྷས་མཆོད་པ་ལ་ཕྱག་འཚལ་ལོ། །དེ་བཞིན་གཤེགས་པ་ཐར་པའི་རྒྱལ་མཚན་ལ་ཕྱག་འཚལ་ལོ། །དེ་བཞིན་གཤེགས་པ་བཀྲ་ཤིས་
གཙུག་ལ་ཕྱག་འཚལ་ལོ། །དེ་བཞིན་གཤེགས་པ་བདུད་རྩི་འབར་ལ་ཕྱག་འཚལ་ལོ། །དེ་བཞིན་གཤེགས་པ་རབ་ཏུ་དང་བ་ལ་ཕྱག་འཚལ་ལོ། །དེ་བཞིན་གཤེགས་པ་བདུད་རྩི་སྣང་བ་ལ་ཕྱག་འཚལ་ལོ། །དེ་བཞིན་གཤེགས་པ་

62-1-70b

རྡོ་རྗེ་ལ་ཕྱག་འཚལ་ལོ། །དེ་བཞིན་གཤེགས་པ་དགའ་མེད་བརྟེན་པ་ལ་ཕྱག་འཚལ་ལོ། །དེ་བཞིན་གཤེགས་པ་བརྟན་པ་ལ་ཕྱག་འཚལ་ལོ། །དེ་བཞིན་གཤེགས་པ་རིན་ཆེན་ཕུང་པོ་ལ་ཕྱག་འཚལ་ལོ། །དེ་བཞིན་གཤེགས་པ་
གསལ་བ་ལ་ཕྱག་འཚལ་ལོ། །དེ་བཞིན་གཤེགས་པ་རོལ་བཞིན་འཕར་བ་ལ་ཕྱག་འཚལ་ལོ། །དེ་བཞིན་གཤེགས་པ་ཉི་མ་ཟེར་ལ་ཕྱག་འཚལ་ལོ། །དེ་བཞིན་གཤེགས་པ་འོད་དང་བ་ལ་ཕྱག་འཚལ་ལོ། །དེ་བཞིན་གཤེགས་པ་འོད་
ལ་ཕྱག་འཚལ་ལོ། །དེ་བཞིན་གཤེགས་པ་ཡོན་ཏན་བརྩེགས་པ་ལ་ཕྱག་འཚལ་ལོ། །དེ་བཞིན་གཤེགས་པ་ཡོན་ཏན་གཙུག་ལ་ཕྱག་འཚལ་ལོ། །དེ་བཞིན་གཤེགས་པ་དཔེ་མེད་པ་ལ་ཕྱག་འཚལ་ལོ། །དེ་བཞིན་གཤེགས་པ་
སེང་གེ་འགྲོས་ལ་ཕྱག་འཚལ་ལོ། །དེ་བཞིན་གཤེགས་པ་སྒྱུ་མ་མཆོག་ལ་ཕྱག་འཚལ་ལོ། །དེ་བཞིན་གཤེགས་པ་གྱེན་དུ་གཤེགས་པ་ལ་ཕྱག་འཚལ་ལོ། །དེ་བཞིན་གཤེགས་པ་མེ་ཏོག་སྦྱིན་ལ་ཕྱག་འཚལ་ལོ། །དེ་བཞིན་
གཤེགས་པ་མེ་ཏོག་སྦྱིན་མེད་ལ་ཕྱག་འཚལ་ལོ། །དེ་བཞིན་གཤེགས་པ་གྲོལ་བའི་འོད་ལ་ཕྱག་འཚལ་ལོ། །དེ་བཞིན་གཤེགས་པ་སྐུ་རབ་ཏུ་སྣང་བ་ལ་ཕྱག་འཚལ་ལོ། །དེ་བཞིན་གཤེགས་པ་པད་མོ་ལ་ཕྱག་འཚལ་ལོ། །
དེ་བཞིན་གཤེགས་པ་ཡེ་ཤེས་དགྱེས་ལ་ཕྱག་འཚལ་ལོ། །དེ་བཞིན་གཤེགས་པ་རོལ་པ་མང་ལ་ཕྱག་འཚལ་ལོ། །དེ་བཞིན་གཤེགས་པ་ངེས་པར་སྤྱོད་ལ་ཕྱག་འཚལ་ལོ། །དེ་བཞིན་གཤེགས་པ་འོད་འཇོམས་པ་ལ་ཕྱག་
འཚལ་ལོ། །དེ་བཞིན་གཤེགས་པ་དཔལ་གྱི་རྒྱལ་མཚན་ལ་ཕྱག་འཚལ་ལོ། །དེ་བཞིན་གཤེགས་པ་བདེ་བར་དགོངས་པ་ལ་ཕྱག་འཚལ་ལོ། །དེ་བཞིན་གཤེགས་པ་རྣམ་པར་ཐར་པར་དགྱེས་པ་ལ་ཕྱག་འཚལ་ལོ། །
དེ་བཞིན་གཤེགས་པ་དེས་པའི་རིན་པོ་ཆེ་ལ་ཕྱག་འཚལ་ལོ། །དེ་བཞིན་གཤེགས་པ་ཚུལ་བཞིན་མཁྱེན་པ་ལ་ཕྱག་འཚལ་ལོ། །དེ་བཞིན་གཤེགས་པ་མ་ཐོས་པའི་སྙིང་པོ་ལ་ཕྱག་འཚལ་ལོ། །དེ་བཞིན་གཤེགས་པ་དཔའ་

62-1-71a

བའི་སྙིང་པོ་ལ་ཕྱག་འཚལ་ལོ། །སངས་རྒྱས་ཀྱི་མཚན་ལྔ་སྟོང་བཞི་བརྒྱ་ལྔ་བཅུ་རྩ་གསུམ་པ། ། བམ་པོ་བདུན་པ། དེ་བཞིན་གཤེགས་པ་རིན་ཆེན་འཛིན་ལ་ཕྱག་འཚལ་ལོ། །དེ་བཞིན་གཤེགས་པ་མི་རྟག་པ་ལ་
ཕྱག་འཚལ་ལོ། །དེ་བཞིན་གཤེགས་པ་མི་དམན་པ་ལ་ཕྱག་འཚལ་ལོ། །དེ་བཞིན་གཤེགས་པ་ཡེ་ཤེས་མགུ་བར་མཛད་པ་ལ་ཕྱག་འཚལ་ལོ། །དེ་བཞིན་གཤེགས་པ་སྒྱུ་མ་མ་ཡིན་པ་ལ་ཕྱག་འཚལ་ལོ། །དེ་བཞིན་གཤེགས་
པ་དཔེར་འགྱུར་བ་ལ་ཕྱག་འཚལ་ལོ། །དེ་བཞིན་གཤེགས་པ་འགྲོ་བ་དགའ་བར་མཛད་པ་ལ་ཕྱག་འཚལ་ལོ། །དེ་བཞིན་གཤེགས་པ་རྨ་བྱ་དབྱངས་ལ་ཕྱག་འཚལ་ལོ། །དེ་བཞིན་གཤེགས་པ་ཕོངས་པ་མེད་པ་ལ་ཕྱག་འཚལ་ལོ། །
དེ་བཞིན་གཤེགས་པ་སྲིད་པའི་སྲེད་པ་སྤངས་པ་ལ་ཕྱག་འཚལ་ལོ། །དེ་བཞིན་གཤེགས་པ་རྟེན་ལ་ཕྱག་འཚལ་ལོ། །དེ་བཞིན་གཤེགས་པ་ལྷ་མང་པོས་བསྔགས་པ་ལ་ཕྱག་འཚལ་ལོ། །དེ་བཞིན་གཤེགས་པ་རིན་ཆེན་འཕར་བ་
ལ་ཕྱག་འཚལ་ལོ། །དེ་བཞིན་གཤེགས་པ་ཕྱག་ན་པད་མོ་ལ་ཕྱག་འཚལ་ལོ། །དེ་བཞིན་གཤེགས་པ་དཔལ་ལ་ཕྱག་འཚལ་ལོ། །དེ་བཞིན་གཤེགས་པ་དགྲ་འདུལ་བ་ལ་ཕྱག་འཚལ་ལོ། །དེ་བཞིན་གཤེགས་པ་གྲགས་པ་
ཕུན་སུམ་ཚོགས་པ་ལ་ཕྱག་འཚལ་ལོ། །དེ་བཞིན་གཤེགས་པ་འཁོར་བཟང་བ་ལ་ཕྱག་འཚལ་ལོ། །དེ་བཞིན་གཤེགས་པ་མེ་ཏོག་གསལ་བ་ལ་ཕྱག་འཚལ་ལོ། །དེ་བཞིན་གཤེགས་པ་སེང་གེ་དབྱངས་ལ་ཕྱག་འཚལ་ལོ། །དེ་བཞིན་
གཤེགས་པ་ཟླ་བ་ཤར་བ་ལ་ཕྱག་འཚལ་ལོ། །དེ་བཞིན་གཤེགས་པ་ཐལ་པའི་གཙོ་ལ་ཕྱག་འཚལ་ལོ། །དེ་བཞིན་གཤེགས་པ་བསྟོད་པ་ཅན་ལ་ཕྱག་འཚལ་ལོ། །དེ་བཞིན་གཤེགས་པ་མི་གཡོ་བ་ལ་ཕྱག་འཚལ་ལོ། །དེ་བཞིན་གཤེགས་
པ་ཀུན་དུ་ཕན་པར་མཛད་པ་ལ་ཕྱག་འཚལ་ལོ། །དེ་བཞིན་གཤེགས་པ་མཆོད་པ་ལ་ཕྱག་འཚལ་ལོ། །དེ་བཞིན་གཤེགས་པ་མར་མེའི་སྙིང་པོ་ལ་ཕྱག་འཚལ་ལོ། །དེ་བཞིན་གཤེགས་པ་དྲན་པར་མཛད་པ་ལ་ཕྱག་འཚལ་ལོ། །དེ་བཞིན་

62-1-71b

གཤེགས་པ་བསོད་ནམས་མར་མེ་ལ་ཕྱག་འཚལ་ལོ། །དེ་བཞིན་གཤེགས་པ་དྲན་པའི་གཙུག་ལ་ཕྱག་འཚལ་ལོ། །དེ་བཞིན་གཤེགས་པ་གཽ་ཏ་མི་ལ་ཕྱག་འཚལ་ལོ། །དེ་བཞིན་གཤེགས་པ་མདངས་ཀྱི་སྟོབས་ལ་ཕྱག་འཚལ་ལོ། །དེ་བཞིན་
གཤེགས་པ་བློ་བརྟན་པའི་ཐབས་ལ་ཕྱག་འཚལ་ལོ། །དེ་བཞིན་གཤེགས་པ་དགྲའི་མཆོག་ལ་ཕྱག་འཚལ་ལོ། །དེ་བཞིན་གཤེགས་པ་ཟླ་བ་བཟང་ལ་ཕྱག་འཚལ་ལོ། །དེ་བཞིན་གཤེགས་པ་བྱང་ཆུབ་ཡན་ལག་མེ་ཏོག་ལ་ཕྱག་འཚལ་ལོ། །
དེ་བཞིན་གཤེགས་པ་དགེ་བའི་མེ་ཏོག་ལ་ཕྱག་འཚལ་ལོ། །དེ་བཞིན་གཤེགས་པ་དགེ་བ་ལ་ཕྱག་འཚལ་ལོ། །དེ་བཞིན་གཤེགས་པ་ལྷ་ཡང་དག་པ་ལ་ཕྱག་འཚལ་ལོ། །དེ་བཞིན་གཤེགས་པ་ཡེ་ཤེས་གཟི་བརྗིད་སྟོབས་ལ་ཕྱག་འཚལ་ལོ། །
དེ་བཞིན་གཤེགས་པ་མཁས་པའི་གཟི་བརྗིད་ལ་ཕྱག་འཚལ་ལོ། །དེ་བཞིན་གཤེགས་པ་མར་མེ་ལ་ཕྱག་འཚལ་ལོ། །དེ་བཞིན་གཤེགས་པ་མར་མེ་ཆེན་པོ་ལ་ཕྱག་འཚལ་ལོ། །དེ་བཞིན་གཤེགས་པ་མཁས་པའི་འོད་ལ་ཕྱག་འཚལ་ལོ། །དེ་བཞིན་གཤེགས་
པ་བརྟན་པར་འཕར་བ་ལ་ཕྱག་འཚལ་ལོ། །དེ་བཞིན་གཤེགས་པ་ལྷའི་གསུང་ལ་ཕྱག་འཚལ་ལོ། །དེ་བཞིན་གཤེགས་པ་ལྷའི་གསུང་གསལ་བ་ལ་ཕྱག་འཚལ་ལོ། །དེ་བཞིན་གཤེགས་པ་ལྷ་དགའ་ལ་ཕྱག་འཚལ་ལོ། །དེ་བཞིན་གཤེགས་པ་རབ་ཏུ་
ཞི་བ་ལ་ཕྱག་འཚལ་ལོ། །དེ་བཞིན་གཤེགས་པ་ཉི་མ་ལ་ཕྱག་འཚལ་ལོ། །དེ་བཞིན་གཤེགས་པ་ཉི་མ་དང་ཐ་མི་དད་པ་ལ་ཕྱག་འཚལ་ལོ། །དེ་བཞིན་གཤེགས་པ་ཐར་པར་དགྱེས་པ་ལ་ཕྱག་འཚལ་ལོ། །དེ་བཞིན་གཤེགས་པ་ཐར་པའི་དཀའ་ཐུབ་
ལ་ཕྱག་འཚལ་ལོ། །དེ་བཞིན་གཤེགས་པ་ཚུལ་ཁྲིམས་མཆོག་གི་འོད་ལ་ཕྱག་འཚལ་ལོ། །དེ་བཞིན་གཤེགས་པ་དཔལ་འོད་ལ་ཕྱག་འཚལ་ལོ། །དེ་བཞིན་གཤེགས་པ་དཀའ་ཐུབ་བརྟན་པ་ལ་ཕྱག་འཚལ་ལོ། །དེ་བཞིན་གཤེགས་པ་རྡུལ་མེད་ལ་
ཕྱག་འཚལ་ལོ། །དེ་བཞིན་གཤེགས་པ་སྙིང་པོ་ལ་ཕྱག་འཚལ་ལོ། །དེ་བཞིན་གཤེགས་པ་བརྟན་པ་ལ་ཕྱག་འཚལ་ལོ། །དེ་བཞིན་གཤེགས་པ་སྙིང་པོ་འཕགས་པ་ལ་ཕྱག་འཚལ་ལོ། །དེ་བཞིན་གཤེགས་པ་མི་ཤེས་གསལ་བ་ལ་ཕྱག་འཚལ་

62-1-72a

ལོ། །དེ་བཞིན་གཤེགས་པ་ལུང་སྩོལ་བ་ལ་ཕྱག་འཚལ་ལོ། །དེ་བཞིན་གཤེགས་པ་སྟོབས་སྦྱིན་ལ་ཕྱག་འཚལ་ལོ། །དེ་བཞིན་གཤེགས་པ་དྲི་ཟ་བ་ལ་ཕྱག་འཚལ་ལོ། །དེ་བཞིན་གཤེགས་པ་དྲི་འོད་ལ་ཕྱག་འཚལ་ལོ། །
དེ་བཞིན་གཤེགས་པ་རྟག་ཏུ་དུས་སྦྱིན་སྒྲོགས་པ་ལ་ཕྱག་འཚལ་ལོ། །དེ་བཞིན་གཤེགས་པ་དུས་སུ་མི་གཏོང་བ་ལ་ཕྱག་འཚལ་ལོ། །དེ་བཞིན་གཤེགས་པ་བློ་གྲོས་དབང་པོ་ལ་ཕྱག་འཚལ་ལོ། །དེ་བཞིན་གཤེགས་པ་བཟང་པོ་ཉིད་ལ་ཕྱག་
འཚལ་ལོ། །དེ་བཞིན་གཤེགས་པ་དབང་པོ་བཟང་བ་ལ་ཕྱག་འཚལ་ལོ། །དེ་བཞིན་གཤེགས་པ་མ་ཆགས་པའི་རྒྱལ་མཚན་ལ་ཕྱག་འཚལ་ལོ། །དེ་བཞིན་གཤེགས་པ་མ་ཆགས་པའི་བྲམ་ཟེ་ལ་ཕྱག་འཚལ་ལོ། །དེ་བཞིན་གཤེགས་པ་བློ་
རབ་ལ་ཕྱག་འཚལ་ལོ། །དེ་བཞིན་གཤེགས་པ་གར་ཡང་མི་བཞུད་པ་ལ་ཕྱག་འཚལ་ལོ། །དེ་བཞིན་གཤེགས་པ་བློ་མཆོག་གིས་བཞུད་པ་ལ་ཕྱག་འཚལ་ལོ། །དེ་བཞིན་གཤེགས་པ་མི་སྤོང་བ་ལ་ཕྱག་འཚལ་ལོ། །དེ་བཞིན་གཤེགས་པ་
སྤོང་བ་ལ་ཕྱག་འཚལ་ལོ། །དེ་བཞིན་གཤེགས་པ་རིན་ཆེན་དགྱེས་ལ་ཕྱག་འཚལ་ལོ། །དེ་བཞིན་གཤེགས་པ་ཆོས་ཅན་ལ་ཕྱག་འཚལ་ལོ། །དེ་བཞིན་གཤེགས་པ་སྤྱོད་པ་སྤངས་པ་ལ་ཕྱག་འཚལ་ལོ། །དེ་བཞིན་གཤེགས་པ་དགྱེས་པ་
ཅན་ལ་ཕྱག་འཚལ་ལོ། །དེ་བཞིན་གཤེགས་པ་འཕགས་པས་བསྟོད་པ་ལ་ཕྱག་འཚལ་ལོ། །དེ་བཞིན་གཤེགས་པ་རྣམ་པ་དུ་མའི་གཟི་བརྗིད་ལ་ཕྱག་འཚལ་ལོ། །དེ་བཞིན་གཤེགས་པ་བཤེས་གཉེན་ཆེན་པོ་ལ་ཕྱག་འཚལ་ལོ། །
དེ་བཞིན་གཤེགས་པ་བཤེས་གཉེན་བཟང་པོ་ལ་ཕྱག་འཚལ་ལོ། །དེ་བཞིན་གཤེགས་པ་རབ་ཏུ་ཞི་བར་བཞུད་པ་ལ་ཕྱག་འཚལ་ལོ། །དེ་བཞིན་གཤེགས་པ་ཞི་བར་བཞུད་པ་ལ་ཕྱག་འཚལ་ལོ། །དེ་བཞིན་གཤེགས་པ་བདུད་རྩིའི་
བདག་པོ་ལ་ཕྱག་འཚལ་ལོ། །དེ་བཞིན་གཤེགས་པ་རི་རབ་འོད་ལ་ཕྱག་འཚལ་ལོ། །དེ་བཞིན་གཤེགས་པ་རྒྱལ་བའི་བློ་གྲོས་ལ་ཕྱག་འཚལ་ལོ། །དེ་བཞིན་གཤེགས་པ་གཟི་བརྗིད་མཐའ་ཡས་པ་ལ་ཕྱག་འཚལ་ལོ། །

62-1-72b

དེ་བཞིན་གཤེགས་པ་བློ་གྲོས་ཤར་བ་ལ་ཕྱག་འཚལ་ལོ། །དེ་བཞིན་གཤེགས་པ་གཟི་བརྗིད་འབར་བ་ལ་ཕྱག་འཚལ་ལོ། །དེ་བཞིན་གཤེགས་པ་ཟླ་བའི་མར་མེ་ལ་ཕྱག་འཚལ་ལོ། །དེ་བཞིན་གཤེགས་པ་སྣང་བར་སྟོན་པ་ལ་ཕྱག་
འཚལ་ལོ། །དེ་བཞིན་གཤེགས་པ་ཤིན་དུ་སྤྱད་པ་རྣམ་པར་སྨིན་པ་ལ་ཕྱག་འཚལ་ལོ། །དེ་བཞིན་གཤེགས་པ་ཤིན་དུ་བྱམས་པ་ལ་ཕྱག་འཚལ་ལོ། །དེ་བཞིན་གཤེགས་པ་ཤིན་དུ་སྲིད་པ་ལ་ཕྱག་འཚལ་ལོ། །དེ་བཞིན་གཤེགས་པ་མྱ་ངན་དང་
བྲལ་བ་ལ་ཕྱག་འཚལ་ལོ། །དེ་བཞིན་གཤེགས་པ་རྟེན་དགའ་བ་ལ་ཕྱག་འཚལ་ལོ། །དེ་བཞིན་གཤེགས་པ་རིན་ཆེན་འོད་གསལ་བ་ལ་ཕྱག་འཚལ་ལོ། །དེ་བཞིན་གཤེགས་པ་སྤྱོད་པ་ཅན་ལ་ཕྱག་འཚལ་ལོ། །དེ་བཞིན་གཤེགས་པ་བསོད་ནམས་
གནོན་ལ་ཕྱག་འཚལ་ལོ། །དེ་བཞིན་གཤེགས་པ་ཡོན་ཏན་རྒྱ་མཚོ་ལ་ཕྱག་འཚལ་ལོ། །དེ་བཞིན་གཤེགས་པ་སྐུ་བཀྲ་བ་ལ་ཕྱག་འཚལ་ལོ། །དེ་བཞིན་གཤེགས་པ་མཆོད་རྟེན་ལ་ཕྱག་འཚལ་ལོ། །དེ་བཞིན་གཤེགས་པ་བདུད་
སྤངས་པ་ལ་ཕྱག་འཚལ་ལོ། །དེ་བཞིན་གཤེགས་པ་བདུད་འདུལ་བ་པོ་ལ་ཕྱག་འཚལ་ལོ། །དེ་བཞིན་གཤེགས་པ་གནོད་པ་སྒྲོལ་བ་ལ་ཕྱག་འཚལ་ལོ། །དེ་བཞིན་གཤེགས་པ་གནོད་པ་ལས་རྒལ་བ་ལ་ཕྱག་འཚལ་ལོ། །དེ་བཞིན་
གཤེགས་པ་མི་ཕྱེད་པའི་བློ་ལ་ཕྱག་འཚལ་ལོ། །དེ་བཞིན་གཤེགས་པ་དྲེགས་པ་མེད་པ་ལ་ཕྱག་འཚལ་ལོ། །དེ་བཞིན་གཤེགས་པ་དེས་པ་ལ་ཕྱག་འཚལ་ལོ། །དེ་བཞིན་གཤེགས་པ་འཁོར་གྲོལ་བའི་རྒྱལ་པོ་ལ་ཕྱག་འཚལ་ལོ། 
དེ་བཞིན་གཤེགས་པ་དགའ་བའི་འོད་ལ་ཕྱག་འཚལ་ལོ། །དེ་བཞིན་གཤེགས་པ་བློའི་རྒྱལ་མཚན་ལ་ཕྱག་འཚལ་ལོ། །དེ་བཞིན་གཤེགས་པ་ཡེ་ཤེས་དབྱངས་ལ་ཕྱག་འཚལ་ལོ། །དེ་བཞིན་གཤེགས་པ་ཤིན་དུ་དཔལ་ལ་ཕྱག་
འཚལ་ལོ། །དེ་བཞིན་གཤེགས་པ་ཚངས་པ་ལ་ཕྱག་འཚལ་ལོ། །དེ་བཞིན་གཤེགས་པ་ཚངས་པ་ཐུབ་པ་ལ་ཕྱག་འཚལ་ལོ། །དེ་བཞིན་གཤེགས་པ་རྣམ་པར་ཤེས་པ་དགྱེས་པ་ལ་ཕྱག་འཚལ་ལོ། །དེ་བཞིན་གཤེགས་པ་ཡེ་ཤེས་

62-1-73a

དགྱེས་པ་ལ་ཕྱག་འཚལ་ལོ། །དེ་བཞིན་གཤེགས་པ་རྫུ་འཕྲུལ་གྱི་དཔལ་ལ་ཕྱག་འཚལ་ལོ། །དེ་བཞིན་གཤེགས་པ་རྒྱལ་བའི་དབང་པོ་ལྟ་ལ་ཕྱག་འཚལ་ལོ། །དེ་བཞིན་གཤེགས་པ་ས་འཛིན་ལ་ཕྱག་འཚལ་ལོ། །
དེ་བཞིན་གཤེགས་པ་ཉི་མ་ཤར་བ་ལ་ཕྱག་འཚལ་ལོ། །དེ་བཞིན་གཤེགས་པ་ཉི་མ་དགྱེས་པ་ལ་ཕྱག་འཚལ་ལོ། །དེ་བཞིན་གཤེགས་པ་སྒྲ་གཅན་ཟླ་བ་ལ་ཕྱག་འཚལ་ལོ། །དེ་བཞིན་གཤེགས་པ་མེ་ཏོག་གསལ་བ་ལ་ཕྱག་
འཚལ་ལོ། །དེ་བཞིན་གཤེགས་པ་མེ་ཏོག་འོད་ལ་ཕྱག་འཚལ་ལོ། །དེ་བཞིན་གཤེགས་པ་ངན་སོང་འབྱེད་པ་ལ་ཕྱག་འཚལ་ལོ། །དེ་བཞིན་གཤེགས་པ་རིག་པའི་དབང་པོ་ལ་ཕྱག་འཚལ་ལོ། །དེ་བཞིན་གཤེགས་པ་མདངས་
འཛིན་པ་ལ་ཕྱག་འཚལ་ལོ། །དེ་བཞིན་གཤེགས་པ་བསོད་ནམས་དགྱེས་པ་ལ་ཕྱག་འཚལ་ལོ། །དེ་བཞིན་གཤེགས་པ་དགྱེས་པའི་སྟོབས་ལ་ཕྱག་འཚལ་ལོ། །དེ་བཞིན་གཤེགས་པ་དབྱངས་སྙན་ལ་ཕྱག་འཚལ་ལོ། །
དེ་བཞིན་གཤེགས་པ་ཆོས་ཀྱི་དབང་ཕྱུག་ལ་ཕྱག་འཚལ་ལོ། །དེ་བཞིན་གཤེགས་པ་ཚངས་པའི་དབྱངས་ལ་ཕྱག་འཚལ་ལོ། །དེ་བཞིན་གཤེགས་པ་ཤིན་དུ་རོལ་བ་ལ་ཕྱག་འཚལ་ལོ། །དེ་བཞིན་གཤེགས་པ་མཐུ་བོ་ཆེའི་གཙོ་
ལ་ཕྱག་འཚལ་ལོ། །དེ་བཞིན་གཤེགས་པ་མི་འཁྲུལ་བའི་བློ་ལ་ཕྱག་འཚལ་ལོ། །དེ་བཞིན་གཤེགས་པ་དགེ་བའི་ཟླ་བ་ལ་ཕྱག་འཚལ་ལོ། །དེ་བཞིན་གཤེགས་པ་མང་པོས་ཕྱག་བྱ་བ་ལ་ཕྱག་འཚལ་ལོ། །དེ་བཞིན་གཤེགས་པ་
སྐྱིད་པར་གྲགས་པ་ལ་ཕྱག་འཚལ་ལོ། །དེ་བཞིན་གཤེགས་པ་སྤོབས་པ་མཐའ་ཡས་པ་ལ་ཕྱག་འཚལ་ལོ། །དེ་བཞིན་གཤེགས་པ་བློ་གྲོས་དཔལ་ལ་ཕྱག་འཚལ་ལོ། །དེ་བཞིན་གཤེགས་པ་རྣམ་པར་གྲགས་པའི་གཟི་བརྗིད་ལ་
ཕྱག་འཚལ་ལོ། །དེ་བཞིན་གཤེགས་པ་འགྲོ་བའི་དབང་ཕྱུག་ལ་ཕྱག་འཚལ་ལོ། །དེ་བཞིན་གཤེགས་པ་ཤིང་རྒྱལ་ལ་ཕྱག་འཚལ་ལོ། །དེ་བཞིན་གཤེགས་པ་སྟོང་པའི་མ་ལ་ཕྱག་འཚལ་ལོ། །དེ་བཞིན་གཤེགས་པ་བདུད་རྩི་ལ་

62-1-73b

ཕྱག་འཚལ་ལོ། །དེ་བཞིན་གཤེགས་པ་ཤིན་དུ་ཟླ་བ་བཟང་ལ་ཕྱག་འཚལ་ལོ། །དེ་བཞིན་གཤེགས་པ་སྤོབས་པ་མཐའ་ཡས་པ་ལ་ཕྱག་འཚལ་ལོ། །དེ་བཞིན་གཤེགས་པ་དཀའ་ཐུབ་རོལ་པ་ལ་ཕྱག་འཚལ་ལོ། །དེ་བཞིན་གཤེགས་པ་རོལ་
པའི་འོད་ལ་ཕྱག་འཚལ་ལོ། །དེ་བཞིན་གཤེགས་པ་མཆོད་པ་ལ་ཕྱག་འཚལ་ལོ། །དེ་བཞིན་གཤེགས་པ་མཆོད་པ་ལས་འདས་པར་གྲགས་པ་ལ་ཕྱག་འཚལ་ལོ། །དེ་བཞིན་གཤེགས་པ་མྱ་ངན་ལས་རྒལ་བ་ལ་ཕྱག་འཚལ་ལོ། །དེ་བཞིན་
གཤེགས་པ་བདེ་བར་དགྱེས་པ་ལ་ཕྱག་འཚལ་ལོ། །དེ་བཞིན་གཤེགས་པ་འགྲོ་བའི་ཡིད་དུ་འོང་བ་ལ་ཕྱག་འཚལ་ལོ། །དེ་བཞིན་གཤེགས་པ་དགའ་བ་ཅན་ལ་ཕྱག་འཚལ་ལོ། །དེ་བཞིན་གཤེགས་པ་སྤྱོད་པ་མངོན་དུ་དགྱེས་པ་ཅན་ལ་ཕྱག་
འཚལ་ལོ། །དེ་བཞིན་གཤེགས་པ་སྤྱོད་པ་ལ་མངོན་དུ་བྱུང་བ་ལ་ཕྱག་འཚལ་ལོ། །དེ་བཞིན་གཤེགས་པ་མེ་ཏོག་ཨུད་པ་ལ་ལ་ཕྱག་འཚལ་ལོ། །དེ་བཞིན་གཤེགས་པ་མེ་ཏོག་ཕྲེང་བ་ལ་ཕྱག་འཚལ་ལོ། །དེ་བཞིན་གཤེགས་པ་
མེ་ཏོག་དམ་པ་ལ་ཕྱག་འཚལ་ལོ། །དེ་བཞིན་གཤེགས་པ་སྤོབས་པ་མཐའ་ཡས་པའི་འོད་ལ་ཕྱག་འཚལ་ལོ། །དེ་བཞིན་གཤེགས་པ་དྲང་སྲོང་ལ་ཕྱག་འཚལ་ལོ། །དེ་བཞིན་གཤེགས་པ་གཙོ་བོ་ལ་ཕྱག་འཚལ་ལོ། །དེ་བཞིན་
གཤེགས་པ་དེ་དང་འདིས་མཉེས་པ་ལ་ཕྱག་འཚལ་ལོ། །དེ་བཞིན་གཤེགས་པ་བརྩོན་འགྲུས་ཅན་ལ་ཕྱག་འཚལ་ལོ། །དེ་བཞིན་གཤེགས་པ་ཡོན་ཏན་བརྩོན་འགྲུས་ལ་ཕྱག་འཚལ་ལོ། །དེ་བཞིན་གཤེགས་པ་གཟི་བརྗིད་ལ་
ཕྱག་འཚལ་ལོ། །དེ་བཞིན་གཤེགས་པ་རླུང་གི་དབང་པོ་ལ་ཕྱག་འཚལ་ལོ། །དེ་བཞིན་གཤེགས་པ་གསུང་སྒྲ་ཆེན་པོ་ལ་ཕྱག་འཚལ་ལོ། །དེ་བཞིན་གཤེགས་པ་རིན་ཆེན་དབང་པོ་ལ་ཕྱག་འཚལ་ལོ། །དེ་བཞིན་གཤེགས་པ་རིན་ཆེན་དམ་
པ་ལ་ཕྱག་འཚལ་ལོ། །དེ་བཞིན་གཤེགས་པ་རབ་ཏུ་དང་བ་ལ་ཕྱག་འཚལ་ལོ། །དེ་བཞིན་གཤེགས་པ་བསྐལ་པའི་ཤིང་རྟ་ལ་ཕྱག་འཚལ་ལོ། །དེ་བཞིན་གཤེགས་པ་བསྐལ་པའི་ཕུང་པོ་ལ་ཕྱག་འཚལ་ལོ། །དེ་བཞིན་གཤེགས་པ་བསོད་

62-1-74a

ནམས་བློ་གྲོས་ལ་ཕྱག་འཚལ་ལོ། །དེ་བཞིན་གཤེགས་པ་མེ་ཟེར་འཕྲོ་བ་ལ་ཕྱག་འཚལ་ལོ། །དེ་བཞིན་གཤེགས་པ་ཡོན་ཏན་མཐའ་ཡས་པ་ལ་ཕྱག་འཚལ་ལོ། །དེ་བཞིན་གཤེགས་པ་གཟི་བརྗིད་འོད་ལ་ཕྱག་འཚལ་ལོ། །
དེ་བཞིན་གཤེགས་པ་ཡོན་ཏན་མཐའ་ཡས་པ་གཟི་བརྗིད་ཕུང་པོ་ལ་ཕྱག་འཚལ་ལོ། །དེ་བཞིན་གཤེགས་པ་སེང་གེ་རྣམ་པར་འཕར་བ་ལ་ཕྱག་འཚལ་ལོ། །དེ་བཞིན་གཤེགས་པ་སེང་གེ་རྣམ་པར་འཕར་བ་ལྟར་བཞུད་པ་ལ་ཕྱག་འཚལ་ལོ། །དེ་བཞིན་གཤེགས་
པ་སྟོབས་ལ་ཕྱག་འཚལ་ལོ། །དེ་བཞིན་གཤེགས་པ་རབ་ཏུ་དང་བ་ལ་ཕྱག་འཚལ་ལོ། །དེ་བཞིན་གཤེགས་པ་རབ་ཏུ་གསལ་བ་ལ་ཕྱག་འཚལ་ལོ། །དེ་བཞིན་གཤེགས་པ་སྤྱོད་པའི་འོད་ཟེར་ལ་ཕྱག་འཚལ་ལོ། །དེ་བཞིན་གཤེགས་པ་དཀའ་ཐུབ་སྤྱད་པ་
ལ་ཕྱག་འཚལ་ལོ། །དེ་བཞིན་གཤེགས་པ་ང་རོ་བྱང་བ་ལ་ཕྱག་འཚལ་ལོ། །དེ་བཞིན་གཤེགས་པ་ཀླུའི་ང་རོ་ལ་ཕྱག་འཚལ་ལོ། །དེ་བཞིན་གཤེགས་པ་ཀླུ་དགའ་ལ་ཕྱག་འཚལ་ལོ། །དེ་བཞིན་གཤེགས་པ་འཁོར་འཛིན་ལ་ཕྱག་འཚལ་ལོ། །
དེ་བཞིན་གཤེགས་པ་ཁོ་ར་ཁོར་ཡུག་ལ་ཕྱག་འཚལ་ལོ། །དེ་བཞིན་གཤེགས་པ་ཁ་དོག་མཆོག་དགྱེས་པ་ལ་ཕྱག་འཚལ་ལོ། །དེ་བཞིན་གཤེགས་པ་ཆོས་ཀྱི་ཟླ་བ་ལ་ཕྱག་འཚལ་ལོ། །དེ་བཞིན་གཤེགས་པ་སའི་མཆོག་ལ་ཕྱག་འཚལ་ལོ། །
དེ་བཞིན་གཤེགས་པ་ཆོས་ཀྱི་མགོ་ལ་ཕྱག་འཚལ་ལོ། །དེ་བཞིན་གཤེགས་པ་གྲགས་པ་རིན་ཆེན་མཐའ་ཡས་ལ་ཕྱག་འཚལ་ལོ། །དེ་བཞིན་གཤེགས་པ་སྤྲིན་གྱི་རྒྱལ་མཚན་ལ་ཕྱག་འཚལ་ལོ། །དེ་བཞིན་གཤེགས་པ་འདུལ་བར་གཤེགས་པ་ལ་
ཕྱག་འཚལ་ལོ། །དེ་བཞིན་གཤེགས་པ་ཤེས་རབ་ཀྱི་འགྲོས་ལ་ཕྱག་འཚལ་ལོ། །དེ་བཞིན་གཤེགས་པ་དྲི་ཞི་བ་ལ་ཕྱག་འཚལ་ལོ། །དེ་བཞིན་གཤེགས་པ་ནམ་མཁའ་དབྱངས་ལ་ཕྱག་འཚལ་ལོ། །དེ་བཞིན་གཤེགས་པ་མཆོག་ལ་ཕྱག་
འཚལ་ལོ། །དེ་བཞིན་གཤེགས་པ་ལྷའི་རྒྱལ་པོ་ལ་ཕྱག་འཚལ་ལོ། །དེ་བཞིན་གཤེགས་པ་ནོར་བུ་དང་བ་ལ་ཕྱག་འཚལ་ལོ། །དེ་བཞིན་གཤེགས་པ་མཐུ་བོ་ཆེའི་མཆོག་ལ་ཕྱག་འཚལ་ལོ། །དེ་བཞིན་གཤེགས་པ་ནོར་བུ་ཕྱུག་ལ་ཕྱག་འཚལ་ལོ། །

62-1-74b

དེ་བཞིན་གཤེགས་པ་མར་མེའི་མཆོག་ལ་ཕྱག་འཚལ་ལོ། །དེ་བཞིན་གཤེགས་པ་མར་མེ་ལ་ཕྱག་འཚལ་ལོ། །དེ་བཞིན་གཤེགས་པ་རིན་ཆེན་མཆོག་ལ་ཕྱག་འཚལ་ལོ། །དེ་བཞིན་གཤེགས་པ་རིན་ཆེན་དབྱངས་ལ་ཕྱག་འཚལ་ལོ། །དེ་བཞིན་
གཤེགས་པ་འགྲོ་དབང་རྒྱལ་པོ་ལ་ཕྱག་འཚལ་ལོ། །དེ་བཞིན་གཤེགས་པ་དགྲ་བཅོམ་གསང་ལ་ཕྱག་འཚལ་ལོ། །དེ་བཞིན་གཤེགས་པ་བདེ་བ་ཅན་ལ་ཕྱག་འཚལ་ལོ། །དེ་བཞིན་གཤེགས་པ་སེང་གེ་ལྟར་བཞུད་པ་ལ་ཕྱག་འཚལ་ལོ། །
དེ་བཞིན་གཤེགས་པ་སེང་གེའི་བློ་གྲོས་ལ་ཕྱག་འཚལ་ལོ། །དེ་བཞིན་གཤེགས་པ་རིན་ཆེན་ལ་ཕྱག་འཚལ་ལོ། །དེ་བཞིན་གཤེགས་པ་སྐྱིད་པ་ལ་ཕྱག་འཚལ་ལོ། །དེ་བཞིན་གཤེགས་པ་དོན་གྲུབ་པ་ལ་ཕྱག་འཚལ་ལོ། །དེ་བཞིན་གཤེགས་
པ་བསྟན་པ་གྲུབ་པ་ལ་ཕྱག་འཚལ་ལོ། །དེ་བཞིན་གཤེགས་པ་སྲིད་པའི་སྐྱེས་བུ་དམ་པ་ལ་ཕྱག་འཚལ་ལོ། །དེ་བཞིན་གཤེགས་པ་བསྒོམས་པའི་མེ་ཏོག་རྒྱས་པ་ལ་ཕྱག་འཚལ་ལོ། །དེ་བཞིན་གཤེགས་པ་སྤོབས་པ་རྫོགས་པའི་རྒྱལ་པོ་
ལ་ཕྱག་འཚལ་ལོ། །དེ་བཞིན་གཤེགས་པ་སྨིན་མཚམས་སྣང་བ་ལ་ཕྱག་འཚལ་ལོ། །དེ་བཞིན་གཤེགས་པ་སྤོབས་པ་མཉམ་མེད་རྒྱལ་པོ་ལ་ཕྱག་འཚལ་ལོ། །དེ་བཞིན་གཤེགས་པ་ཡེ་ཤེས་སོ་སོར་འབྱེད་པའི་དབྱངས་ལ་ཕྱག་འཚལ་
ལོ། །དེ་བཞིན་གཤེགས་པ་སེང་གེ་ལྟར་གཟིགས་པ་ལ་ཕྱག་འཚལ་ལོ། །དེ་བཞིན་གཤེགས་པ་སེང་གེ་མཆེ་བ་ལ་ཕྱག་འཚལ་ལོ། །དེ་བཞིན་གཤེགས་པ་རོལ་ཅིང་འཕར་བ་ལ་ཕྱག་འཚལ་ལོ། །དེ་བཞིན་གཤེགས་པ་བསོད་ནམས་
མར་མེའི་ཟླ་བ་ལ་ཕྱག་འཚལ་ལོ། །དེ་བཞིན་གཤེགས་པ་བཀྲ་ཤིས་པ་ལ་ཕྱག་འཚལ་ལོ། །དེ་བཞིན་གཤེགས་པ་མྱ་ངན་མེད་པ་ལ་ཕྱག་འཚལ་ལོ། །དེ་བཞིན་གཤེགས་པ་ཆོས་རིག་དཀར་བ་ལ་ཕྱག་འཚལ་ལོ། །དེ་བཞིན་གཤེགས་པ་
འཁོར་མྱ་ངན་མེད་པ་ལ་ཕྱག་འཚལ་ལོ། །དེ་བཞིན་གཤེགས་པ་མིའི་ཟླ་བ་ལ་ཕྱག་འཚལ་ལོ། །དེ་བཞིན་གཤེགས་པ་ཟླ་བའི་འོད་ལ་ཕྱག་འཚལ་ལོ། །དེ་བཞིན་གཤེགས་པ་ཉི་མའི་འོད་ལ་ཕྱག་འཚལ་ལོ། །དེ་བཞིན་གཤེགས་པ་རྣམ་པར་

62-1-75a

འཕར་བ་ཆེན་པོ་ལ་ཕྱག་འཚལ་ལོ། །དེ་བཞིན་གཤེགས་པ་འཁོར་ཅན་ལ་ཕྱག་འཚལ་ལོ། །དེ་བཞིན་གཤེགས་པ་བློ་གྲོས་བརྟགས་པ་ལ་ཕྱག་འཚལ་ལོ། །དེ་བཞིན་གཤེགས་པ་བློའི་སྤྱན་ལ་ཕྱག་འཚལ་ལོ། །
དེ་བཞིན་གཤེགས་པ་ཆོས་ཀྱི་རོ་ལ་ཕྱག་འཚལ་ལོ། །དེ་བཞིན་གཤེགས་པ་མངོན་དུ་སྟོན་པ་ལ་ཕྱག་འཚལ་ལོ། །དེ་བཞིན་གཤེགས་པ་མྱུར་བར་བཞུད་པ་ལ་ཕྱག་འཚལ་ལོ། །དེ་བཞིན་གཤེགས་པ་སྟོབས་མཆོག་ལ་ཕྱག་འཚལ་ལོ། །
དེ་བཞིན་གཤེགས་པ་ཤེས་རབ་ཀྱི་མེ་ཏོག་ལ་ཕྱག་འཚལ་ལོ། །དེ་བཞིན་གཤེགས་པ་བརྟན་པར་སྒྲོལ་བ་ལ་ཕྱག་འཚལ་ལོ། །དེ་བཞིན་གཤེགས་པ་བདེ་འཇམ་ལ་ཕྱག་འཚལ་ལོ། །དེ་བཞིན་གཤེགས་པ་ཤིན་དུ་རྩེ་གཅིག་པ་ལ་ཕྱག་
འཚལ་ལོ། །དེ་བཞིན་གཤེགས་པ་དོན་དུ་གསུང་བ་ལ་ཕྱག་འཚལ་ལོ། །དེ་བཞིན་གཤེགས་པ་དཀའ་ཐུབ་ཤིན་དུ་སྤྱད་པ་ལ་ཕྱག་འཚལ་ལོ། །དེ་བཞིན་གཤེགས་པ་དཔལ་འགྲེང་བ་ལ་ཕྱག་འཚལ་ལོ། །དེ་བཞིན་གཤེགས་པ་ཉོན་
མོངས་རབ་ཏུ་སྤངས་པ་ལ་ཕྱག་འཚལ་ལོ། །དེ་བཞིན་གཤེགས་པ་འོད་ཆེན་པོ་ལ་ཕྱག་འཚལ་ལོ། །དེ་བཞིན་གཤེགས་པ་ཐུབ་པའི་སྙིང་པོ་ལ་ཕྱག་འཚལ་ལོ། །དེ་བཞིན་གཤེགས་པ་དགྱེས་གསལ་བ་ལ་ཕྱག་འཚལ་ལོ། །
དེ་བཞིན་གཤེགས་པ་ཨི་རི་ལོ་མའི་གདུགས་ལ་ཕྱག་འཚལ་ལོ། །དེ་བཞིན་གཤེགས་པ་མིའི་སེང་གེ་ལ་ཕྱག་འཚལ་ལོ། །དེ་བཞིན་གཤེགས་པ་སྐྱོང་བའི་དེད་དཔོན་ལ་ཕྱག་འཚལ་ལོ། །དེ་བཞིན་གཤེགས་པ་སེང་གེའི་སྟབས་ལ་ཕྱག་
འཚལ་ལོ། །དེ་བཞིན་གཤེགས་པ་མེ་ཏོག་ཙམ་པ་རིན་ཆེན་ལ་ཕྱག་འཚལ་ལོ། །དེ་བཞིན་གཤེགས་པ་གཡང་ས་ཆེ་བ་ལ་ཕྱག་འཚལ་ལོ། །དེ་བཞིན་གཤེགས་པ་ཕ་རོལ་པོའི་དབྱངས་ལ་ཕྱག་འཚལ་ལོ། །དེ་བཞིན་གཤེགས་པ་
འོད་ཟེར་མཐའ་ཡས་པ་ལ་ཕྱག་འཚལ་ལོ། །དེ་བཞིན་གཤེགས་པ་ཡིད་དུ་འོང་བར་སྟོན་པ་ལ་ཕྱག་འཚལ་ལོ། །དེ་བཞིན་གཤེགས་པ་ཁ་ལོ་སྒྱུར་བ་ལ་ཕྱག་འཚལ་ལོ། །དེ་བཞིན་གཤེགས་པ་འོད་ཟེར་མངོན་དུ་འཕགས་པ་ལ་ཕྱག་འཚལ་

62-1-75b

ལོ། །དེ་བཞིན་གཤེགས་པ་བདེ་བ་སྦྱིན་པར་མཛད་པ་ལ་ཕྱག་འཚལ་ལོ། །དེ་བཞིན་གཤེགས་པ་བདེན་པ་སྟོན་པ་ལ་ཕྱག་འཚལ་ལོ། །དེ་བཞིན་གཤེགས་པ་གྲགས་པ་ཆེ་བ་ལ་ཕྱག་འཚལ་ལོ། །དེ་བཞིན་གཤེགས་པ་སེང་གེ་བློ་གྲོས་ལ་
ཕྱག་འཚལ་ལོ། །དེ་བཞིན་གཤེགས་པ་དབྱངས་སྦྱིན་ལ་ཕྱག་འཚལ་ལོ། །དེ་བཞིན་གཤེགས་པ་ལམ་གྲོགས་དེད་པ་ལ་ཕྱག་འཚལ་ལོ། །དེ་བཞིན་གཤེགས་པ་མི་ཁྲེལ་བའི་གསུང་ལ་ཕྱག་འཚལ་ལོ། །དེ་བཞིན་གཤེགས་པ་གཙུག་ལ་ཕྱག་
འཚལ་ལོ། །དེ་བཞིན་གཤེགས་པ་མོས་པ་ཅན་ལ་ཕྱག་འཚལ་ལོ། །དེ་བཞིན་གཤེགས་པ་དྲི་ཤིན་དུ་བསྲུང་བ་ལ་ཕྱག་འཚལ་ལོ། །དེ་བཞིན་གཤེགས་པ་གློག་གི་མར་མེ་ལ་ཕྱག་འཚལ་ལོ། །དེ་བཞིན་གཤེགས་པ་པད་མོའི་འོད་ལ་ཕྱག་འཚལ་
ལོ། །དེ་བཞིན་གཤེགས་པ་མར་མེ་ཆེན་པོ་ལ་ཕྱག་འཚལ་ལོ། །དེ་བཞིན་གཤེགས་པ་ཚངས་པའི་དབྱངས་ལ་ཕྱག་འཚལ་ལོ། །དེ་བཞིན་གཤེགས་པ་ཐེ་ཙོམ་སྤངས་པ་ལ་ཕྱག་འཚལ་ལོ། །དེ་བཞིན་གཤེགས་པ་གཟི་བརྗིད་མཐའ་ཡས་
པ་ལ་ཕྱག་འཚལ་ལོ། །དེ་བཞིན་གཤེགས་པ་ཟླ་བའི་ཞལ་ལ་ཕྱག་འཚལ་ལོ། །དེ་བཞིན་གཤེགས་པ་སྣང་བ་མཐའ་ཡས་པ་ལ་ཕྱག་འཚལ་ལོ། །དེ་བཞིན་གཤེགས་པ་གཟི་བརྗིད་ཡིད་དུ་འོང་བ་ལ་ཕྱག་འཚལ་ལོ། །དེ་བཞིན་གཤེགས་པ་
ཐེ་ཙོམ་རྣམ་པར་གཏོར་བ་ལ་ཕྱག་འཚལ་ལོ། །དེ་བཞིན་གཤེགས་པ་བསོད་ནམས་མར་མེ་ལ་ཕྱག་འཚལ་ལོ། །དེ་བཞིན་གཤེགས་པ་བཟང་དུ་སྣང་བ་ལ་ཕྱག་འཚལ་ལོ། །དེ་བཞིན་གཤེགས་པ་མདངས་ཡིད་དུ་འོང་བ་ལ་ཕྱག་
འཚལ་ལོ། །དེ་བཞིན་གཤེགས་པ་བདུད་རྩིའི་མཛོད་ལ་ཕྱག་འཚལ་ལོ། །དེ་བཞིན་གཤེགས་པ་སྣང་བས་རོལ་པ་ལ་ཕྱག་འཚལ་ལོ། །དེ་བཞིན་གཤེགས་པ་དྲི་མ་མེད་པར་གྲགས་པ་ལ་ཕྱག་འཚལ་ལོ། །དེ་བཞིན་གཤེགས་པ་རྒྱལ་མཚན་
དང་བྲལ་བ་ལ་ཕྱག་འཚལ་ལོ། །དེ་བཞིན་གཤེགས་པ་འཕགས་པས་གནོན་པ་ལ་ཕྱག་འཚལ་ལོ། །དེ་བཞིན་གཤེགས་པ་ཀུན་དུ་སྟོན་པ་ལ་ཕྱག་འཚལ་ལོ། །དེ་བཞིན་གཤེགས་པ་བདུད་ལས་རྒྱལ་བ་ལ་ཕྱག་འཚལ་ལོ། །དེ་བཞིན་

62-1-76a

གཤེགས་པ་གཟི་བརྗིད་འབར་བ་ལ་ཕྱག་འཚལ་ལོ། །དེ་བཞིན་གཤེགས་པ་བརྟན་པར་འཕར་བ་ལ་ཕྱག་འཚལ་ལོ། །དེ་བཞིན་གཤེགས་པ་ཡིད་དུ་འོང་བར་གྲགས་པ་ལ་ཕྱག་འཚལ་ལོ། །དེ་བཞིན་གཤེགས་པ་གཟུགས་
མཐའ་ཡས་པ་ལ་ཕྱག་འཚལ་ལོ། །དེ་བཞིན་གཤེགས་པ་གསལ་བ་ཆེན་པོ་ལ་ཕྱག་འཚལ་ལོ། །དེ་བཞིན་གཤེགས་པ་དབྱངས་འཇམ་པ་ལ་ཕྱག་འཚལ་ལོ། །དེ་བཞིན་གཤེགས་པ་འབར་བའི་སྟོབས་ལ་ཕྱག་འཚལ་ལོ། །དེ་བཞིན་
གཤེགས་པ་རྒྱན་མཐའ་ཡས་པ་ལ་ཕྱག་འཚལ་ལོ། །དེ་བཞིན་གཤེགས་པ་གཟི་བརྗིད་ཀྱི་ཕུང་པོ་ལ་ཕྱག་འཚལ་ལོ། །དེ་བཞིན་གཤེགས་པ་བློ་བརྟན་པ་ལ་ཕྱག་འཚལ་ལོ། །དེ་བཞིན་གཤེགས་པ་བརྟན་པ་ཉིད་ལ་ཕྱག་
འཚལ་ལོ། །དེ་བཞིན་གཤེགས་པ་ཐར་པར་དགྱེས་པ་ལ་ཕྱག་འཚལ་ལོ། །དེ་བཞིན་གཤེགས་པ་བདུད་རྩི་མཛོད་ལ་ཕྱག་འཚལ་ལོ། །དེ་བཞིན་གཤེགས་པ་ཀུན་དུ་གཟིགས་ལ་ཕྱག་འཚལ་ལོ། །དེ་བཞིན་གཤེགས་པ་སྡིག་པ་ཆེན་པོ་
གཏོང་བ་ལ་ཕྱག་འཚལ་ལོ། །དེ་བཞིན་གཤེགས་པ་ཐམས་ཅད་གཟི་བརྗིད་ལ་ཕྱག་འཚལ་ལོ། །དེ་བཞིན་གཤེགས་པ་ཕྱོགས་ཀྱིས་མཆོད་པ་ལ་ཕྱག་འཚལ་ལོ། །དེ་བཞིན་གཤེགས་པ་སྣང་བའི་དཔལ་ལ་ཕྱག་འཚལ་ལོ། །
དེ་བཞིན་གཤེགས་པ་བརྗོད་པའི་བླ་མ་ལ་ཕྱག་འཚལ་ལོ། །དེ་བཞིན་གཤེགས་པ་སྣང་བའི་རྒྱན་ལ་ཕྱག་འཚལ་ལོ། །དེ་བཞིན་གཤེགས་པ་སེང་གེའི་བརླན་ལ་ཕྱག་འཚལ་ལོ། །དེ་བཞིན་གཤེགས་པ་ཐེ་ཙོམ་སྤོང་བ་ལ་ཕྱག་འཚལ་
ལོ། །དེ་བཞིན་གཤེགས་པ་བཟང་པོར་སྣང་བ་ལ་ཕྱག་འཚལ་ལོ། །དེ་བཞིན་གཤེགས་པ་བདུད་རྩི་འཕར་བ་ལ་ཕྱག་འཚལ་ལོ། །དེ་བཞིན་གཤེགས་པ་ཟླ་བའི་འོད་ལ་ཕྱག་འཚལ་ལོ། །དེ་བཞིན་གཤེགས་པ་གྲགས་པ་ཆེན་པོ་ལ་
ཕྱག་འཚལ་ལོ། །དེ་བཞིན་གཤེགས་པ་དབང་པོ་དབེན་པ་ལ་ཕྱག་འཚལ་ལོ། །དེ་བཞིན་གཤེགས་པ་དབྱངས་གསལ་བ་ལ་ཕྱག་འཚལ་ལོ། །དེ་བཞིན་གཤེགས་པ་མི་ཚུགས་པའི་འཁོར་ལོ་ལ་ཕྱག་འཚལ་ལོ། །དེ་བཞིན་

62-1-76b

གཤེགས་པ་བདུད་རྩིའི་དབྱངས་ལ་ཕྱག་འཚལ་ལོ། །དེ་བཞིན་གཤེགས་པ་རྒྱལ་བའི་མཆོད་རྟེན་ལ་ཕྱག་འཚལ་ལོ། །དེ་བཞིན་གཤེགས་པ་སྐྱེ་བོའི་མཆོད་རྟེན་ལ་ཕྱག་འཚལ་ལོ། །དེ་བཞིན་གཤེགས་པ་རྫུ་འཕྲུལ་གྱི་གཟི་བརྗིད་ལ་ཕྱག་འཚལ་ལོ། །
དེ་བཞིན་གཤེགས་པ་ཡོན་ཏན་གྱི་རྒྱལ་པོ་ལ་ཕྱག་འཚལ་ལོ། །དེ་བཞིན་གཤེགས་པ་ཁ་དོག་དཔག་ཏུ་མེད་པ་ལ་ཕྱག་འཚལ་ལོ། །དེ་བཞིན་གཤེགས་པ་སྟོབས་ཆེན་པོ་ལ་ཕྱག་འཚལ་ལོ། །དེ་བཞིན་གཤེགས་པ་རོལ་པའི་རྒྱན་ལ་ཕྱག་
འཚལ་ལོ། །དེ་བཞིན་གཤེགས་པ་སྒྲིབ་པ་མེད་པར་སྟོན་པ་ལ་ཕྱག་འཚལ་ལོ། །དེ་བཞིན་གཤེགས་པ་སེང་གེའི་དྲི་ལ་ཕྱག་འཚལ་ལོ། །དེ་བཞིན་གཤེགས་པ་ཀུན་དུ་རྣམ་པར་གཟིགས་པ་ལ་ཕྱག་འཚལ་ལོ། །དེ་བཞིན་གཤེགས་པ་
འཕར་བར་སྦྱིན་པ་ལ་ཕྱག་འཚལ་ལོ། །དེ་བཞིན་གཤེགས་པ་ལེགས་པར་སྟོན་པ་ལ་ཕྱག་འཚལ་ལོ། །དེ་བཞིན་གཤེགས་པ་གཟུགས་བཟང་བ་ལ་ཕྱག་འཚལ་ལོ། །དེ་བཞིན་གཤེགས་པ་གྲགས་པའི་བློ་གྲོས་ལ་ཕྱག་འཚལ་ལོ། །
དེ་བཞིན་གཤེགས་པ་རིན་ཆེན་རྒྱན་ལ་ཕྱག་འཚལ་ལོ། །དེ་བཞིན་གཤེགས་པ་འོད་སྣང་བར་འབར་བ་ལ་ཕྱག་འཚལ་ལོ། །དེ་བཞིན་གཤེགས་པ་ཐར་པར་འབར་བ་ལ་ཕྱག་འཚལ་ལོ། །དེ་བཞིན་གཤེགས་པ་རྒྱན་གྱི་ཡོན་ཏན་ལ་
ཕྱག་འཚལ་ལོ། །དེ་བཞིན་གཤེགས་པ་སངས་རྒྱས་སུ་ངེས་པ་ལ་ཕྱག་འཚལ་ལོ། །དེ་བཞིན་གཤེགས་པ་ཡེ་ཤེས་དཔལ་ལ་ཕྱག་འཚལ་ལོ། །དེ་བཞིན་གཤེགས་པ་སངས་རྒྱས་སྟོབས་ལ་ཕྱག་འཚལ་ལོ། །དེ་བཞིན་གཤེགས་པ་
རྣམ་པར་དཔྱོད་པའི་བློ་གྲོས་ལ་ཕྱག་འཚལ་ལོ། །དེ་བཞིན་གཤེགས་པ་གཟུགས་མཛེས་པ་ལ་ཕྱག་འཚལ་ལོ། །དེ་བཞིན་གཤེགས་པ་དབེན་པ་དགྱེས་པ་ལ་ཕྱག་འཚལ་ལོ། །དེ་བཞིན་གཤེགས་པ་མེའི་དབྱངས་ལ་ཕྱག་འཚལ་ལོ། །
དེ་བཞིན་གཤེགས་པ་བཟང་བར་སྣང་བ་ལ་ཕྱག་འཚལ་ལོ། །དེ་བཞིན་གཤེགས་པ་མདངས་མཐའ་ཡས་པ་ལ་ཕྱག་འཚལ་ལོ། །དེ་བཞིན་གཤེགས་པ་ཡིད་དུ་འོང་བར་དགོངས་པ་ལ་ཕྱག་འཚལ་ལོ། །དེ་བཞིན་གཤེགས་པ་དགྲ་བཅོམ་

62-1-77a

པར་གྲགས་པ་ལ་ཕྱག་འཚལ་ལོ། །དེ་བཞིན་གཤེགས་པ་ཡོན་ཏན་མེ་ཏོག་ལ་ཕྱག་འཚལ་ལོ། །དེ་བཞིན་གཤེགས་པ་མེ་ཏོག་འོད་ཟེར་ལ་ཕྱག་འཚལ་ལོ། །དེ་བཞིན་གཤེགས་པ་ཆོས་རིག་པར་དཀའ་བ་ལ་ཕྱག་འཚལ་ལོ། །
དེ་བཞིན་གཤེགས་པ་དབྱངས་སྒྲ་འཇམ་པ་ལ་ཕྱག་འཚལ་ལོ། །དེ་བཞིན་གཤེགས་པ་དགེ་བར་སྣང་བ་ལ་ཕྱག་འཚལ་ལོ། །དེ་བཞིན་གཤེགས་པ་འགྲོ་བའི་མཆོད་རྟེན་ལ་ཕྱག་འཚལ་ལོ། །དེ་བཞིན་གཤེགས་པ་འོད་ཆེན་པོ་ལ་ཕྱག་འཚལ་ལོ། །
དེ་བཞིན་གཤེགས་པ་དཔེ་མེད་པར་འཕར་བ་ལ་ཕྱག་འཚལ་ལོ། །དེ་བཞིན་གཤེགས་པ་གློག་གསལ་བ་ལ་ཕྱག་འཚལ་ལོ། །དེ་བཞིན་གཤེགས་པ་ང་རོ་འཇམ་པ་ལ་ཕྱག་འཚལ་ལོ། །དེ་བཞིན་གཤེགས་པ་མེའི་འོད་ལ་ཕྱག་འཚལ་ལོ། །
དེ་བཞིན་གཤེགས་པ་ཟླ་བའི་མར་མེ་ལ་ཕྱག་འཚལ་ལོ། །དེ་བཞིན་གཤེགས་པ་ཡེ་ཤེས་མེ་ཏོག་ལ་ཕྱག་འཚལ་ལོ། །དེ་བཞིན་གཤེགས་པ་བསོད་ནམས་ཀྱི་རྒྱན་ལ་ཕྱག་འཚལ་ལོ། །དེ་བཞིན་གཤེགས་པ་བསོད་ནམས་ཀྱི་འོད་
སྣང་བ་ལ་ཕྱག་འཚལ་ལོ། །དེ་བཞིན་གཤེགས་པ་ཡེ་ཤེས་འབྱུང་གནས་ལ་ཕྱག་འཚལ་ལོ། །དེ་བཞིན་གཤེགས་པ་སྲིད་པའི་མཐའ་སྟོན་པ་ལ་ཕྱག་འཚལ་ལོ། །དེ་བཞིན་གཤེགས་པ་མཐོང་ན་དགའ་བ་ལ་ཕྱག་འཚལ་ལོ། །དེ་བཞིན་
གཤེགས་པ་འོད་མཐའ་ཡས་པ་ལ་ཕྱག་འཚལ་ལོ། །དེ་བཞིན་གཤེགས་པ་སྒྲ་ཡིད་དུ་འོང་བ་ལ་ཕྱག་འཚལ་ལོ། །དེ་བཞིན་གཤེགས་པ་ཉི་མའི་འོད་ཟེར་ལ་ཕྱག་འཚལ་ལོ། །དེ་བཞིན་གཤེགས་པ་ཚུལ་ཁྲིམས་འབར་བ་ལ་
ཕྱག་འཚལ་ལོ། །དེ་བཞིན་གཤེགས་པ་འཁོར་ལྷ་ཆེན་པོ་ལ་ཕྱག་འཚལ་ལོ། །དེ་བཞིན་གཤེགས་པ་སྐག་དགྱེས་པ་ལ་ཕྱག་འཚལ་ལོ། །དེ་བཞིན་གཤེགས་པ་འོད་ཟེར་མཐའ་ཡས་པ་ལ་ཕྱག་འཚལ་ལོ། །དེ་བཞིན་
གཤེགས་པ་སྲིད་པ་སྦྱིན་ལ་ཕྱག་འཚལ་ལོ། །དེ་བཞིན་གཤེགས་པ་རི་རབ་ཆེན་པོ་ལ་ཕྱག་འཚལ་ལོ། །དེ་བཞིན་གཤེགས་པ་དགེ་བའི་བློ་གྲོས་ལ་ཕྱག་འཚལ་ལོ། །དེ་བཞིན་གཤེགས་པ་མཚོན་གྱི་མཆོག་ལ་ཕྱག་འཚལ་ལོ། །

62-1-77b

དེ་བཞིན་གཤེགས་པ་རྒྱན་ཆེན་པོ་ལ་ཕྱག་འཚལ་ལོ། །དེ་བཞིན་གཤེགས་པ་ངེས་པར་དངོས་པོ་ལ་ཕྱག་འཚལ་ལོ། །དེ་བཞིན་གཤེགས་པ་པད་མོའི་སྙིང་པོ་ལ་ཕྱག་འཚལ་ལོ། །དེ་བཞིན་གཤེགས་པ་མཐུ་བོ་ཆེ་ལ་ཕྱག་
འཚལ་ལོ། །དེ་བཞིན་གཤེགས་པ་རྟག་ཏུ་བློ་མ་འཁྲུག་པ་ལ་ཕྱག་འཚལ་ལོ། །དེ་བཞིན་གཤེགས་པ་འོད་ཟེར་མཐའ་ཡས་པ་ལ་ཕྱག་འཚལ་ལོ། །དེ་བཞིན་གཤེགས་པ་སེང་གེ་སྒྲ་ལ་ཕྱག་འཚལ་ལོ། །དེ་བཞིན་གཤེགས་
པ་རྒྱལ་བའི་སྒྲ་ལ་ཕྱག་འཚལ་ལོ། །དེ་བཞིན་གཤེགས་པ་བློ་ཡིད་དུ་འོང་བ་ལ་ཕྱག་འཚལ་ལོ། །དེ་བཞིན་གཤེགས་པ་བསོད་ནམས་རབ་ཏུ་སྣང་བ་ལ་ཕྱག་འཚལ་ལོ། །དེ་བཞིན་གཤེགས་པ་ཟླ་བ་འོད་སྣང་བ་ལ་ཕྱག་འཚལ་ལོ། །
དེ་བཞིན་གཤེགས་པ་ཡན་ལག་བཟང་བ་ལ་ཕྱག་འཚལ་ལོ། །དེ་བཞིན་གཤེགས་པ་དོན་འཁྲུག་པ་མེད་པ་ལ་ཕྱག་འཚལ་ལོ། །དེ་བཞིན་གཤེགས་པ་དགྲ་བཅོམ་པའི་གཟི་བརྗིད་ལ་ཕྱག་འཚལ་ལོ། །དེ་བཞིན་གཤེགས་པ་
བློ་བརྟན་པའི་དོན་ལ་ཕྱག་འཚལ་ལོ། །དེ་བཞིན་གཤེགས་པ་གུས་པའི་དཔལ་ལ་ཕྱག་འཚལ་ལོ། །དེ་བཞིན་གཤེགས་པ་མི་རིགས་པ་སྤོང་བ་ལ་ཕྱག་འཚལ་ལོ། །དེ་བཞིན་གཤེགས་པ་འོད་ཤིན་དུ་འཇེབས་པ་ལ་ཕྱག་འཚལ་ལོ། །
དེ་བཞིན་གཤེགས་པ་གདོན་མི་ཟ་བར་དགོངས་པ་ལ་ཕྱག་འཚལ་ལོ། །དེ་བཞིན་གཤེགས་པ་བདེན་པར་གསུང་བ་ལ་ཕྱག་འཚལ་ལོ། །དེ་བཞིན་གཤེགས་པ་མདངས་བརྗིད་པ་ལ་ཕྱག་འཚལ་ལོ། །དེ་བཞིན་གཤེགས་པ་མེ་
ཏོག་གཟི་བརྗིད་ལ་ཕྱག་འཚལ་ལོ། །དེ་བཞིན་གཤེགས་པ་འཁོར་དམ་པ་ཅན་ལ་ཕྱག་འཚལ་ལོ། །དེ་བཞིན་གཤེགས་པ་སྐྱིད་པའི་དཔལ་ལ་ཕྱག་འཚལ་ལོ། །དེ་བཞིན་གཤེགས་པ་ཡོན་ཏན་གསལ་བ་ལ་ཕྱག་འཚལ་ལོ། །
དེ་བཞིན་གཤེགས་པ་ཆོས་ཀྱི་མར་མེ་ལ་ཕྱག་འཚལ་ལོ། །དེ་བཞིན་གཤེགས་པ་དཔལ་གསལ་བ་ལ་ཕྱག་འཚལ་ལོ། །དེ་བཞིན་གཤེགས་པ་འཁོར་ལོ་དགྱེས་པའི་སྡེ་དཔོན་ལ་ཕྱག་འཚལ་ལོ། །དེ་བཞིན་གཤེགས་པ་སེང་གེ་འཕར་

62-1-78a

བ་ལྟར་བཞུད་པ་ལ་ཕྱག་འཚལ་ལོ། །དེ་བཞིན་གཤེགས་པ་སྐྱེ་བོ་མཆོད་རྟེན་ལ་ཕྱག་འཚལ་ལོ། །དེ་བཞིན་གཤེགས་པ་བློ་རྒྱ་མཚོ་ལ་ཕྱག་འཚལ་ལོ། །དེ་བཞིན་གཤེགས་པ་པད་མོའི་གཙོ་བོ་ལ་ཕྱག་འཚལ་ལོ། །
དེ་བཞིན་གཤེགས་པ་གདུགས་བཟང་བའི་སྡེ་ལ་ཕྱག་འཚལ་ལོ། །དེ་བཞིན་གཤེགས་པ་སའི་རྒྱལ་པོ་ལ་ཕྱག་འཚལ་ལོ། །དེ་བཞིན་གཤེགས་པ་ཞི་བའི་དབང་པོ་ལ་ཕྱག་འཚལ་ལོ། །དེ་བཞིན་གཤེགས་པ་ཉི་མའི་འོད་ལ་ཕྱག་འཚལ་
ལོ། །དེ་བཞིན་གཤེགས་པ་ཉི་མ་སྣང་བར་མཛད་པ་ལ་ཕྱག་འཚལ་ལོ། །དེ་བཞིན་གཤེགས་པ་བྱང་ཆུབ་བྲོ་བ་ལ་ཕྱག་འཚལ་ལོ། །དེ་བཞིན་གཤེགས་པ་པུན་ཏ་རི་ཀའི་དྲི་ལ་ཕྱག་འཚལ་ལོ། །དེ་བཞིན་གཤེགས་པ་རི་རབ་ཀྱི་འོད་ལ་ཕྱག་
འཚལ་ལོ། །དེ་བཞིན་གཤེགས་པ་ཟླ་བ་འགུག་པ་ལ་ཕྱག་འཚལ་ལོ། །དེ་བཞིན་གཤེགས་པ་རོལ་ཅིང་བཞུད་པ་ལ་ཕྱག་འཚལ་ལོ། །དེ་བཞིན་གཤེགས་པ་ཕྱོགས་བཅུ་ཀུན་དུ་གཟིགས་པ་ལ་ཕྱག་འཚལ་ལོ། །དེ་བཞིན་གཤེགས་པ་ཆོས་
ཀྱི་འོད་ལ་ཕྱག་འཚལ་ལོ། །དེ་བཞིན་གཤེགས་པ་ཚུལ་ཁྲིམས་དང་བ་ལ་ཕྱག་འཚལ་ལོ། །དེ་བཞིན་གཤེགས་པ་བློ་དཔག་ཏུ་མེད་པ་ལ་ཕྱག་འཚལ་ལོ། །དེ་བཞིན་གཤེགས་པ་གཟུགས་དཔག་ཏུ་མེད་པ་ལ་ཕྱག་འཚལ་ལོ། །དེ་བཞིན་གཤེགས་
པ་བརྩོན་འགྲུས་བརྟན་པ་ལ་ཕྱག་འཚལ་ལོ། །དེ་བཞིན་གཤེགས་པ་བལྟར་མི་ངོམས་པ་ལ་ཕྱག་འཚལ་ལོ། །དེ་བཞིན་གཤེགས་པ་ཀུན་དུ་སངས་རྒྱས་ལ་ཕྱག་འཚལ་ལོ། །དེ་བཞིན་གཤེགས་པ་འོད་བརྒྱར་སྤྲོ་བ་ལ་ཕྱག་འཚལ་ལོ། །
དེ་བཞིན་གཤེགས་པ་མིའི་གཟི་བརྗིད་མ་ཡིན་པ་ལ་ཕྱག་འཚལ་ལོ། །དེ་བཞིན་གཤེགས་པ་བསོད་ནམས་དམ་པའི་རྟན་ལ་ཕྱག་འཚལ་ལོ། །དེ་བཞིན་གཤེགས་པ་བརྩོན་འགྲུས་མི་འགྱུར་བ་ལ་ཕྱག་འཚལ་ལོ། །དེ་བཞིན་གཤེགས་པ་
གྲགས་པའི་རྒྱལ་མཚན་ལ་ཕྱག་འཚལ་ལོ། །དེ་བཞིན་གཤེགས་པ་དགྲ་བཅོམ་པའི་དཔལ་ལ་ཕྱག་འཚལ་ལོ། །དེ་བཞིན་གཤེགས་པ་ཀུན་དུ་འོད་གསལ་བ་ལ་ཕྱག་འཚལ་ལོ། །དེ་བཞིན་གཤེགས་པ་གཟི་བརྗིད་ཆེན་པོ་ལ་ཕྱག་འཚལ་ལོ། །

62-1-78b

དེ་བཞིན་གཤེགས་པ་མཆོད་པར་རིག་པ་ལ་ཕྱག་འཚལ་ལོ། །དེ་བཞིན་གཤེགས་པ་དཔལ་དམ་པ་ལ་ཕྱག་འཚལ་ལོ། །དེ་བཞིན་གཤེགས་པ་དོན་གྲུབ་པར་དགོངས་པ་ལ་ཕྱག་འཚལ་ལོ། །དེ་བཞིན་གཤེགས་པ་དགའ་བས་མཆོད་པ་ལ་ཕྱག་འཚལ་ལོ། །
དེ་བཞིན་གཤེགས་པ་ཀུན་དུ་དབེན་པ་ལ་ཕྱག་འཚལ་ལོ། །དེ་བཞིན་གཤེགས་པ་བྱང་ཆུབ་དང་བ་ལ་ཕྱག་འཚལ་ལོ། །དེ་བཞིན་གཤེགས་པ་བསམ་པ་དགོངས་པ་ལ་ཕྱག་འཚལ་ལོ། །དེ་བཞིན་གཤེགས་པ་བློ་རྣམ་པར་འཛེག་པ་ལ་ཕྱག་འཚལ་ལོ། །
དེ་བཞིན་གཤེགས་པ་དཔལ་གྱི་དབྱངས་ལ་ཕྱག་འཚལ་ལོ། །དེ་བཞིན་གཤེགས་པ་ཉི་ཟེར་སྣ་ཚོགས་ལ་ཕྱག་འཚལ་ལོ། །དེ་བཞིན་གཤེགས་པ་འབྲུག་སྒྲ་ལ་ཕྱག་འཚལ་ལོ། །དེ་བཞིན་གཤེགས་པ་མཐུ་ཆེན་གྱི་ཕུང་པོ་ལ་ཕྱག་འཚལ་ལོ། །
དེ་བཞིན་གཤེགས་པ་རི་བོ་བརྩེགས་པ་ལ་ཕྱག་འཚལ་ལོ། །དེ་བཞིན་གཤེགས་པ་མྱ་ངན་མེད་པར་དགྱེས་པ་ལ་ཕྱག་འཚལ་ལོ། །དེ་བཞིན་གཤེགས་པ་ལྷའི་གནས་ལ་ཕྱག་འཚལ་ལོ། །དེ་བཞིན་གཤེགས་པ་སེང་གེ་སྒྲ་དབྱངས་ལ་ཕྱག་འཚལ་
ལོ། །དེ་བཞིན་གཤེགས་པ་མཐའ་ཡས་པར་འོད་སྣང་བ་ལ་ཕྱག་འཚལ་ལོ། །དེ་བཞིན་གཤེགས་པ་མཐོང་ན་དགའ་བ་ལ་ཕྱག་འཚལ་ལོ། །དེ་བཞིན་གཤེགས་པ་མར་མེའི་རྒྱལ་པོ་ལ་ཕྱག་འཚལ་ལོ། །དེ་བཞིན་གཤེགས་པ་དཔལ་གྱི་
དཔལ་ལ་ཕྱག་འཚལ་ལོ། །དེ་བཞིན་གཤེགས་པ་ཕྱོགས་སུ་གྲགས་པ་ལ་ཕྱག་འཚལ་ལོ། །དེ་བཞིན་གཤེགས་པ་མིག་ཏུ་མཛེས་པ་ལ་ཕྱག་འཚལ་ལོ། །དེ་བཞིན་གཤེགས་པ་ཟླ་བའི་དཔལ་ལ་ཕྱག་འཚལ་ལོ། །དེ་བཞིན་གཤེགས་པ་མི་
འཇིགས་པ་སྦྱིན་ལ་ཕྱག་འཚལ་ལོ། །དེ་བཞིན་གཤེགས་པ་སྐར་མའི་རྒྱལ་པོ་ལ་ཕྱག་འཚལ་ལོ། །དེ་བཞིན་གཤེགས་པ་ཟླ་བའི་ལྷ་ལ་ཕྱག་འཚལ་ལོ། །དེ་བཞིན་གཤེགས་པ་འོད་བསམ་གྱིས་མི་ཁྱབ་པ་ལ་ཕྱག་འཚལ་ལོ། །དེ་བཞིན་
གཤེགས་པ་སྐྱིད་པ་ཆེན་པོ་ལ་ཕྱག་འཚལ་ལོ། །དེ་བཞིན་གཤེགས་པ་དབྱངས་མཉེན་པ་ལ་ཕྱག་འཚལ་ལོ། །དེ་བཞིན་གཤེགས་པ་བཤེས་ན་དགྱེས་པ་ལ་ཕྱག་འཚལ་ལོ། །དེ་བཞིན་གཤེགས་པ་སྐྱིད་པ་བླ་ན་མེད་པ་ལ་ཕྱག་འཚལ་ལོ། །དེ་བཞིན་

62-1-79a

གཤེགས་པ་ལྷའི་རྒྱལ་པོ་ལ་ཕྱག་འཚལ་ལོ། །དེ་བཞིན་གཤེགས་པ་འོད་འཇམ་པར་སྣང་བ་ལ་ཕྱག་འཚལ་ལོ། །དེ་བཞིན་གཤེགས་པ་ཕྱག་བྱ་བར་བདེ་བ་ལ་ཕྱག་འཚལ་ལོ། །དེ་བཞིན་གཤེགས་པ་དགོས་པ་དགྱེས་པ་ལ་ཕྱག་
འཚལ་ལོ། །དེ་བཞིན་གཤེགས་པ་གསལ་བའི་ས་ལ་ཕྱག་འཚལ་ལོ། །དེ་བཞིན་གཤེགས་པ་ཉེས་པ་ཞི་བ་ལ་ཕྱག་འཚལ་ལོ། །དེ་བཞིན་གཤེགས་པ་སྐར་མའི་དབང་པོ་ལ་ཕྱག་འཚལ་ལོ། །དེ་བཞིན་གཤེགས་པ་འཇིགས་པ་དང་བྲལ་བ་ལ་ཕྱག་འཚལ་
ལོ། །དེ་བཞིན་གཤེགས་པ་བློ་གདང་བ་ལ་ཕྱག་འཚལ་ལོ། །དེ་བཞིན་གཤེགས་པ་ཐེ་ཙོམ་རྣམ་པར་འཐོར་བ་ལ་ཕྱག་འཚལ་ལོ། །དེ་བཞིན་གཤེགས་པ་བྱམས་པའི་དཔལ་ལ་ཕྱག་འཚལ་ལོ། །དེ་བཞིན་གཤེགས་པ་གཙོ་བོ་དམ་པ་ལ་ཕྱག་
འཚལ་ལོ། །དེ་བཞིན་གཤགས་པ་ཉི་ཟེར་སྣ་ཚོགས་ལ་ཕྱག་འཚལ་ལོ། །དེ་བཞིན་གཤེགས་པ་ཀུན་དུ་སྟོན་པ་ལ་ཕྱག་འཚལ་ལོ། །དེ་བཞིན་གཤེགས་པ་སྟོན་པའི་ཟླ་བ་ལ་ཕྱག་འཚལ་ལོ། །དེ་བཞིན་གཤེགས་པ་བདུད་ཟིལ་གྱིས་གནོན་པ་ལ་
ཕྱག་འཚལ་ལོ། །དེ་བཞིན་གཤེགས་པ་ཟས་མི་གདོལ་བ་ལ་ཕྱག་འཚལ་ལོ། །དེ་བཞིན་གཤེགས་པ་སེང་གེ་འཕར་བ་ལྟར་གཤེགས་པ་ལ་ཕྱག་འཚལ་ལོ། །དེ་བཞིན་གཤེགས་པ་འོད་སྣུམ་པ་ལ་ཕྱག་འཚལ་ལོ། །དེ་བཞིན་གཤེགས་པ་ཀུན་དུ་
གསང་བ་ལ་ཕྱག་འཚལ་ལོ། །དེ་བཞིན་གཤེགས་པ་དོན་གྲུབ་པར་འཕར་བ་ལ་ཕྱག་འཚལ་ལོ། །དེ་བཞིན་གཤེགས་པ་གཉི་འོད་ལ་ཕྱག་འཚལ་ལོ། །དེ་བཞིན་གཤེགས་པ་ཕུང་པོ་སྣང་བ་ལ་ཕྱག་འཚལ་ལོ། །དེ་བཞིན་གཤེགས་པ་བློ་གྲོས་
རྣམ་པར་དག་པ་ལ་ཕྱག་འཚལ་ལོ། །དེ་བཞིན་གཤེགས་པ་དྲི་བསྲུང་བ་ལ་ཕྱག་འཚལ་ལོ། །དེ་བཞིན་གཤེགས་པ་གསལ་བའི་ནོར་བུ་ལ་ཕྱག་འཚལ་ལོ། །དེ་བཞིན་གཤེགས་པ་ཡོན་ཏན་རབ་ཏུ་སྣང་བ་ལ་ཕྱག་འཚལ་ལོ། །དེ་བཞིན་
གཤེགས་པ་ཉི་མའི་མར་མེ་ལ་ཕྱག་འཚལ་ལོ། །དེ་བཞིན་གཤེགས་པ་སངས་རྒྱས་འོད་ལ་ཕྱག་འཚལ་ལོ། །དེ་བཞིན་གཤེགས་པ་གཤེགས་པར་སྦྱོར་བ་ལ་ཕྱག་འཚལ་ལོ། །དེ་བཞིན་གཤེགས་པ་དོན་ཤིན་དུ་དགོངས་པ་ལ་ཕྱག་འཚལ་ལོ། །

62-1-79b

དེ་བཞིན་གཤེགས་པ་ཀུན་དུ་སྣང་བ་ལ་ཕྱག་འཚལ་ལོ། །དེ་བཞིན་གཤེགས་པ་སེང་གེའི་རྒྱལ་མཚན་ལ་ཕྱག་འཚལ་ལོ། །དེ་བཞིན་གཤེགས་པ་ཀུན་དུ་གནས་པ་ལ་ཕྱག་འཚལ་ལོ། །དེ་བཞིན་གཤེགས་པ་ཆེར་འཕར་བ་ལ་ཕྱག་འཚལ་ལོ། །
དེ་བཞིན་གཤེགས་པ་དགྲ་འབིགས་པའི་པད་མོ་སྤྱན་ལ་ཕྱག་འཚལ་ལོ། །དེ་བཞིན་གཤེགས་པ་ཉི་འོད་བཙུན་པ་ལ་ཕྱག་འཚལ་ལོ། །དེ་བཞིན་གཤེགས་པ་བདུད་རྩི་གསལ་བ་ལ་ཕྱག་འཚལ་ལོ། །དེ་བཞིན་གཤེགས་པ་གཟུགས་མཐའ་ཡས་པ་ལ་
ཕྱག་འཚལ་ལོ། །དེ་བཞིན་གཤེགས་པ་ལྷའི་གདུགས་ལ་ཕྱག་འཚལ་ལོ། །དེ་བཞིན་གཤེགས་པ་རིན་པོ་ཆེའི་འོད་ལ་ཕྱག་འཚལ་ལོ། །དེ་བཞིན་གཤེགས་པ་ཁ་ལོ་སྒྱུར་བའི་གནས་ལ་ཕྱག་འཚལ་ལོ། །དེ་བཞིན་གཤེགས་པ་ཤིན་དུ་སྟོན་པ་ལ་
ཕྱག་འཚལ་ལོ། །དེ་བཞིན་གཤེགས་པ་མཚན་སྙན་ལ་ཕྱག་འཚལ་ལོ། །དེ་བཞིན་གཤེགས་པ་ཤིང་རྟ་ལྡན་ལ་ཕྱག་འཚལ་ལོ། །དེ་བཞིན་གཤེགས་པ་ཉི་མ་འགུག་ལ་ཕྱག་འཚལ་ལོ། །དེ་བཞིན་གཤེགས་པ་སྤྱན་ཐོགས་པ་མེད་པ་ལ་ཕྱག་
འཚལ་ལོ། །དེ་བཞིན་གཤེགས་པ་སེང་གེའི་སྟབས་ལ་ཕྱག་འཚལ་ལོ། །དེ་བཞིན་གཤེགས་པ་མར་མེ་ཆེན་པོ་ལ་ཕྱག་འཚལ་ལོ། །དེ་བཞིན་གཤེགས་པ་ཡོན་ཏན་དང་བ་ལ་ཕྱག་འཚལ་ལོ། །དེ་བཞིན་གཤེགས་པ་བསོད་ནམས་ཀྱི་སྙིང་པོ་ལ་
ཕྱག་འཚལ་ལོ། །དེ་བཞིན་གཤེགས་པ་ཆོས་ལ་ཕྱག་འཚལ་ལོ། །དེ་བཞིན་གཤེགས་པ་རླུང་ལ་དགྱེས་པ་ལ་ཕྱག་འཚལ་ལོ། །དེ་བཞིན་གཤེགས་པ་མི་འཇིགས་པར་དགྱེས་པ་ལ་ཕྱག་འཚལ་ལོ། །དེ་བཞིན་གཤེགས་པ་ཤེས་རབ་
ཀྱི་རྒྱལ་མཚན་ལ་ཕྱག་འཚལ་ལོ། །དེ་བཞིན་གཤེགས་པ་འོད་གདང་ལ་ཕྱག་འཚལ་ལོ། །དེ་བཞིན་གཤེགས་པ་ཟླ་བས་བྱིན་ལ་ཕྱག་འཚལ་ལོ། །དེ་བཞིན་གཤེགས་པ་ཡོན་ཏན་གནས་པ་ལ་ཕྱག་འཚལ་ལོ། །དེ་བཞིན་གཤེགས་
པ་སྣང་བ་མཐའ་ཡས་པ་ལ་ཕྱག་འཚལ་ལོ། །དེ་བཞིན་གཤེགས་པ་ཤིན་དུ་དགྱེས་པ་ཅན་ལ་ཕྱག་འཚལ་ལོ། །དེ་བཞིན་གཤེགས་པ་གྲགས་པའི་དཔལ་ལ་ཕྱག་འཚལ་ལོ། །དེ་བཞིན་གཤེགས་པ་ཕྱག་བྱ་བའི་འོད་ལ་ཕྱག་འཚལ་ལོ། །དེ་བཞིན་

62-1-80a

གཤེགས་པ་ཀུན་དུ་དཔའ་བའི་ཡོན་ཏན་ལ་ཕྱག་འཚལ་ལོ། །དེ་བཞིན་གཤེགས་པ་བརྟུལ་བའི་དཔལ་ལ་ཕྱག་འཚལ་ལོ། །དེ་བཞིན་གཤེགས་པ་མཐུ་བོ་ཆེ་ལ་ཕྱག་འཚལ་ལོ། །དེ་བཞིན་གཤེགས་པ་རིན་ཆེན་གསལ་བ་ལ་ཕྱག་
འཚལ་ལོ། །དེ་བཞིན་གཤེགས་པ་ཀུན་དུ་སྤེལ་བ་ལ་ཕྱག་འཚལ་ལོ། །དེ་བཞིན་གཤེགས་པ་ཤིན་དུ་དགོངས་པའི་བློ་གྲོས་ལ་ཕྱག་འཚལ་ལོ། །དེ་བཞིན་གཤེགས་པ་དགེ་བའི་བློ་གྲོས་ལ་ཕྱག་འཚལ་ལོ། །དེ་བཞིན་གཤེགས་པ་བདུད་རྩིའི་གཟི་
བརྗིད་ལ་ཕྱག་འཚལ་ལོ། །དེ་བཞིན་གཤེགས་པ་སེང་གེའི་དཔུང་ལ་ཕྱག་འཚལ་ལོ། །དེ་བཞིན་གཤེགས་པ་སྣང་བར་མཛད་པའི་བློ་གྲོས་ལ་ཕྱག་འཚལ་ལོ། །དེ་བཞིན་གཤེགས་པ་རྒྱལ་པོའི་ལྷ་ལ་ཕྱག་འཚལ་ལོ། །དེ་བཞིན་གཤེགས་པ་བདེན་
པའི་དཔལ་ལ་ཕྱག་འཚལ་ལོ། །དེ་བཞིན་གཤེགས་པ་བློ་གྲོས་ཤིན་དུ་བརྟན་པ་ལ་ཕྱག་འཚལ་ལོ། །དེ་བཞིན་གཤེགས་པ་བདུད་རྩིའི་ལྷ་ལ་ཕྱག་འཚལ་ལོ། །དེ་བཞིན་གཤེགས་པ་འཕགས་པའི་མེ་ཏོག་ལ་ཕྱག་འཚལ་ལོ། །དེ་བཞིན་
གཤེགས་པ་སྦྱིན་པ་ཆེན་པོ་སྦྱིན་པ་ལ་ཕྱག་འཚལ་ལོ། །དེ་བཞིན་གཤེགས་པ་དཔལ་ཆེན་པོ་ལ་ཕྱག་འཚལ་ལོ། །དེ་བཞིན་གཤེགས་པ་འོད་ཀྱི་ཉི་མ་ལ་ཕྱག་འཚལ་ལོ། །དེ་བཞིན་གཤེགས་པ་ཆོས་ཉིད་ལ་ཕྱག་འཚལ་ལོ། །དེ་བཞིན་གཤེགས་པ་ཟླ་
བ་སྣང་བ་ལ་ཕྱག་འཚལ་ལོ། །དེ་བཞིན་གཤེགས་པ་རབ་ཏུ་དགྱེས་པ་ལ་ཕྱག་འཚལ་ལོ། །དེ་བཞིན་གཤེགས་པ་འཆི་མེད་རབ་ཏུ་སྦྱིན་པ་ལ་ཕྱག་འཚལ་ལོ། །དེ་བཞིན་གཤེགས་པ་རིན་ཆེན་སྣང་བ་ལ་ཕྱག་འཚལ་ལོ། །དེ་བཞིན་གཤེགས་པ་རྨ་བྱ་
དབྱངས་ལ་ཕྱག་འཚལ་ལོ། །དེ་བཞིན་གཤེགས་པ་ཀུན་དུ་རྣམ་པར་རྒྱལ་བ་ལ་ཕྱག་འཚལ་ལོ། །དེ་བཞིན་གཤེགས་པ་འོད་ཕུན་སུམ་ཚོགས་པ་ལ་ཕྱག་འཚལ་ལོ། །དེ་བཞིན་གཤེགས་པ་དགྱེས་པ་མཐའ་ཡས་པ་ལ་ཕྱག་འཚལ་ལོ། །
དེ་བཞིན་གཤེགས་པ་སྐྱིད་པའི་དཔལ་ལ་ཕྱག་འཚལ་ལོ། །དེ་བཞིན་གཤེགས་པ་ཤིན་དུ་དབེན་པ་ལ་ཕྱག་འཚལ་ལོ། །དེ་བཞིན་གཤེགས་པ་འཆི་མེད་གསལ་བ་ལ་ཕྱག་འཚལ་ལོ། །དེ་བཞིན་གཤེགས་པ་འཕར་བའི་བདུད་རྩི་ལ་ཕྱག་འཚལ་ལོ། །

62-1-80b

དེ་བཞིན་གཤེགས་པ་འཁོར་ལྷར་ལྡན་པ་ལ་ཕྱག་འཚལ་ལོ། །དེ་བཞིན་གཤེགས་པ་ལྷའི་འོད་ལ་ཕྱག་འཚལ་ལོ། །དེ་བཞིན་གཤེགས་པ་འཁོར་ལོ་གསལ་བ་ལ་ཕྱག་འཚལ་ལོ། །དེ་བཞིན་གཤེགས་པ་བསོད་ནམས་དགྱེས་པ་ལ་ཕྱག་
འཚལ་ལོ། །དེ་བཞིན་གཤེགས་པ་སེང་གེ་བློ་གྲོས་ལ་ཕྱག་འཚལ་ལོ། །དེ་བཞིན་གཤེགས་པ་བཞིན་གསལ་བ་ལ་ཕྱག་འཚལ་ལོ། །དེ་བཞིན་གཤེགས་པ་རིན་ཆེན་གསལ་བ་ལ་ཕྱག་འཚལ་ལོ། །དེ་བཞིན་གཤེགས་པ་འོད་བཟང་བ་ལ་ཕྱག་
འཚལ་ལོ། །དེ་བཞིན་གཤེགས་པ་ཉི་མ་སྣ་ཚོགས་ལ་ཕྱག་འཚལ་ལོ། །དེ་བཞིན་གཤེགས་པ་ཟླ་བ་དགྱེས་པ་ལ་ཕྱག་འཚལ་ལོ། །དེ་བཞིན་གཤེགས་པ་ཟླ་བའི་གདུགས་ལ་ཕྱག་འཚལ་ལོ། །དེ་བཞིན་གཤེགས་པ་ཀུན་དུ་གཟིགས་པ་ལ་
ཕྱག་འཚལ་ལོ། །དེ་བཞིན་གཤེགས་པ་དགོངས་པ་མེད་པ་ལ་ཕྱག་འཚལ་ལོ། །དེ་བཞིན་གཤེགས་པ་སྐྱིད་པའི་མཆོག་ལ་ཕྱག་འཚལ་ལོ། །དེ་བཞིན་གཤེགས་པ་ཟླ་བ་འགུག་པ་ལ་ཕྱག་འཚལ་ལོ། །དེ་བཞིན་གཤེགས་པ་ཀླུའི་ལྷ་ལ་ཕྱག་འཚལ་ལོ། །
དེ་བཞིན་གཤེགས་པ་ཡོན་ཏན་འོད་ལ་ཕྱག་འཚལ་ལོ། །དེ་བཞིན་གཤེགས་པ་ཡོན་ཏན་བློ་ལ་ཕྱག་འཚལ་ལོ། །དེ་བཞིན་གཤེགས་པ་མེ་ཏོག་དམ་པ་ལ་ཕྱག་འཚལ་ལོ། །དེ་བཞིན་གཤེགས་པ་འཇིག་རྟེན་དགྱེས་པ་ལ་ཕྱག་འཚལ་ལོ། །
དེ་བཞིན་གཤེགས་པ་བདུད་རྩིའི་གཟི་བརྗིད་ལ་ཕྱག་འཚལ་ལོ། །དེ་བཞིན་གཤེགས་པ་བདེན་པའི་དཔལ་ལ་ཕྱག་འཚལ་ལོ། །དེ་བཞིན་གཤེགས་པ་ཉི་མའི་འོད་ལ་ཕྱག་འཚལ་ལོ། །དེ་བཞིན་གཤེགས་པ་བདུད་རྩིའི་འོད་ལ་ཕྱག་འཚལ་ལོ། །
དེ་བཞིན་གཤེགས་པ་གཤེགས་པར་དགྱེས་པ་ལ་ཕྱག་འཚལ་ལོ། །དེ་བཞིན་གཤེགས་པ་དགྲ་བཅོམ་པར་དགྱེས་པ་ལ་ཕྱག་འཚལ་ལོ། །དེ་བཞིན་གཤེགས་པ་སའི་འོད་ལ་ཕྱག་འཚལ་ལོ། །དེ་བཞིན་གཤེགས་པ་བསོད་ནམས་ཀྱི་
དབྱངས་ལ་ཕྱག་འཚལ་ལོ། །དེ་བཞིན་གཤེགས་པ་བསོད་ནམས་ཀྱི་དཔལ་ལ་ཕྱག་འཚལ་ལོ། །དེ་བཞིན་གཤེགས་པ་ཡོན་ཏན་སྤྱོད་པ་ལ་ཕྱག་འཚལ་ལོ། །དེ་བཞིན་གཤེགས་པ་ཆོས་ཀྱི་མར་མེ་ལ་ཕྱག་འཚལ་ལོ། །དེ་བཞིན་

62-1-81a

གཤེགས་པ་ཀུན་གྱི་འོད་ལ་ཕྱག་འཚལ་ལོ། །དེ་བཞིན་གཤེགས་པ་རྒྱན་ཆེན་པོ་ལ་ཕྱག་འཚལ་ལོ། །དེ་བཞིན་གཤེགས་པ་ཐར་པའི་ཉི་མ་ལ་ཕྱག་འཚལ་ལོ། །དེ་བཞིན་གཤེགས་པ་བརྩོན་འགྲུས་བརྗིད་པ་ལ་ཕྱག་
འཚལ་ལོ། །དེ་བཞིན་གཤེགས་པ་བློ་རྒྱས་པ་ལ་ཕྱག་འཚལ་ལོ། །དེ་བཞིན་གཤེགས་པ་ཡོན་ཏན་གྲགས་པ་ལ་ཕྱག་འཚལ་ལོ། །དེ་བཞིན་གཤེགས་པ་བློ་བཟང་བ་ལ་ཕྱག་འཚལ་ལོ། །དེ་བཞིན་གཤེགས་པ་རྒྱན་མཐའ་ཡས་པ་ལ་
ཕྱག་འཚལ་ལོ། །དེ་བཞིན་གཤེགས་པ་སེང་གེ་མཆེ་བ་ལ་ཕྱག་འཚལ་ལོ། །དེ་བཞིན་གཤེགས་པ་བསོད་ནམས་འཕར་བ་ལ་ཕྱག་འཚལ་ལོ། །དེ་བཞིན་གཤེགས་པ་སྤྱོད་པ་རྣམ་པར་གཟིགས་པ་ལ་ཕྱག་འཚལ་ལོ། །དེ་བཞིན་གཤེགས་
པ་རི་རབ་མཆོད་རྟེན་ལ་ཕྱག་འཚལ་ལོ། །དེ་བཞིན་གཤེགས་པ་གློག་གི་འོད་ལ་ཕྱག་འཚལ་ལོ། །དེ་བཞིན་གཤེགས་པ་རྒྱལ་བར་དགྱེས་པ་ལ་ཕྱག་འཚལ་ལོ། །དེ་བཞིན་གཤེགས་པ་རི་རབ་རྒྱལ་མཚན་ལ་ཕྱག་འཚལ་ལོ། །དེ་བཞིན་
གཤེགས་པ་མེ་ཏོག་འོད་ལ་ཕྱག་འཚལ་ལོ། །དེ་བཞིན་གཤེགས་པ་མཆོག་གི་བློ་གྲོས་ལ་ཕྱག་འཚལ་ལོ། །དེ་བཞིན་གཤེགས་པ་ང་མེད་དྲི་ལ་ཕྱག་འཚལ་ལོ། །དེ་བཞིན་གཤེགས་པ་འཕར་བ་ལ་ཕྱག་འཚལ་ལོ། །དེ་བཞིན་
གཤེགས་པ་བློ་གྲོས་ཁྱེད་པར་ཅན་ལ་ཕྱག་འཚལ་ལོ། །དེ་བཞིན་གཤེགས་པ་དྲང་སྲོང་གོ་ཆ་ལ་ཕྱག་འཚལ་ལོ། །སངས་རྒྱས་ཀྱི་མཚན་ལྔ་སྟོང་བཞི་བརྒྱ་ལྔ་བཅུ་རྩ་གསུམ་པ། བམ་པོ་བརྒྱད་པ་སྟེ་ཐ་མ། དེ་བཞིན་གཤེགས་པ་རིན་ཆེན་
མར་མེ་ལ་ཕྱག་འཚལ་ལོ། །དེ་བཞིན་གཤེགས་པ་གཟི་བརྗིད་འབར་བ་ལ་ཕྱག་འཚལ་ལོ། །དེ་བཞིན་གཤེགས་པ་དགའ་བའི་གནས་ལ་ཕྱག་འཚལ་ལོ། །དེ་བཞིན་གཤེགས་པ་རྒྱན་བཟང་པོ་ལ་ཕྱག་འཚལ་ལོ། །དེ་བཞིན་
གཤེགས་པ་ཡོན་ཏན་སྙིང་པོ་དཔལ་ལ་ཕྱག་འཚལ་ལོ། །དེ་བཞིན་གཤེགས་པ་གསལ་བར་སྟོན་པ་ལ་ཕྱག་འཚལ་ལོ། །དེ་བཞིན་གཤེགས་པ་མདངས་ཀྱི་སྟོབས་ལ་ཕྱག་འཚལ་ལོ། །དེ་བཞིན་གཤེགས་པ་སྤྱན་རྣམ་པར་

62-1-81b

དག་པ་ལ་ཕྱག་འཚལ་ལོ། །དེ་བཞིན་གཤེགས་པ་ཡེ་ཤེས་འོད་ལ་ཕྱག་འཚལ་ལོ། །དེ་བཞིན་གཤེགས་པ་འཕགས་པའི་སྤྱན་ལ་ཕྱག་འཚལ་ལོ། །དེ་བཞིན་གཤེགས་པ་ཐར་བར་དགྱེས་པ་ལ་ཕྱག་འཚལ་ལོ། །དེ་བཞིན་གཤེགས་
པ་དབྱངས་ཆེན་ལ་ཕྱག་འཚལ་ལོ། །དེ་བཞིན་གཤེགས་པ་འཁོར་དམ་པ་ཅན་ལ་ཕྱག་འཚལ་ལོ། །དེ་བཞིན་གཤེགས་པ་ཀུན་དུ་སྤྱད་པའི་འོད་ལ་ཕྱག་འཚལ་ལོ། །དེ་བཞིན་གཤེགས་པ་དྲན་པ་ལས་སུ་བྱས་པ་ལ་ཕྱག་འཚལ་ལོ། །
དེ་བཞིན་གཤེགས་པ་ཡོན་ཏན་དང་བ་ལ་ཕྱག་འཚལ་ལོ། །དེ་བཞིན་གཤེགས་པ་རྣམ་པར་སྣང་མཛད་དུ་གྲགས་པ་ལ་ཕྱག་འཚལ་ལོ། །དེ་བཞིན་གཤེགས་པ་སྒྱུ་མར་སྣང་བ་ལ་ཕྱག་འཚལ་ལོ། །དེ་བཞིན་གཤེགས་པ་མཛའ་བར་གཅུགས་པ་
ལ་ཕྱག་འཚལ་ལོ། །དེ་བཞིན་གཤེགས་པ་ཟླ་འོད་གསལ་བ་ལ་ཕྱག་འཚལ་ལོ། །དེ་བཞིན་གཤེགས་པ་དབྱངས་མཆོག་ལ་ཕྱག་འཚལ་ལོ། །དེ་བཞིན་གཤེགས་པ་བསོད་ནམས་ཀྱི་དཔལ་ལ་ཕྱག་འཚལ་ལོ། །དེ་བཞིན་གཤེགས་པ་ཚོགས་
རྣམ་པར་འཇིགས་པ་ལ་ཕྱག་འཚལ་ལོ། །དེ་བཞིན་གཤེགས་པ་མཚན་གྱི་རྒྱལ་པོ་ལ་ཕྱག་འཚལ་ལོ། །དེ་བཞིན་གཤེགས་པ་བློ་སྐྱོན་མེད་པ་ལ་ཕྱག་འཚལ་ལོ། །དེ་བཞིན་གཤེགས་པ་འཕགས་པ་འདུལ་བ་ལ་ཕྱག་འཚལ་ལོ། །
དེ་བཞིན་གཤེགས་པ་ཆོས་ཀྱི་གླིང་ལ་ཕྱག་འཚལ་ལོ། །དེ་བཞིན་གཤེགས་པ་བདུད་རྩིའི་ཡོན་ཏན་ལ་ཕྱག་འཚལ་ལོ། །དེ་བཞིན་གཤེགས་པ་གྲགས་པ་ཟིལ་གྱིས་མི་ནོན་པ་ལ་ཕྱག་འཚལ་ལོ། །དེ་བཞིན་གཤེགས་པ་བདུད་རྩིའི་དྲི་
ལ་ཕྱག་འཚལ་ལོ། །དེ་བཞིན་གཤེགས་པ་ཟླ་བ་སྣང་བ་ལ་ཕྱག་འཚལ་ལོ། །དེ་བཞིན་གཤེགས་པ་འབྲུག་སྒྲ་ལ་ཕྱག་འཚལ་ལོ། །དེ་བཞིན་གཤེགས་པ་བདེ་བའི་ཉི་མ་ལ་ཕྱག་འཚལ་ལོ། །དེ་བཞིན་གཤེགས་པ་འཇིགས་
མེད་ཐོབ་པ་ལ་ཕྱག་འཚལ་ལོ། །དེ་བཞིན་གཤེགས་པ་དགྱེས་པས་བརྒྱན་པ་ལ་ཕྱག་འཚལ་ལོ། །དེ་བཞིན་གཤེགས་པ་བློ་མི་འཁྲུལ་བ་ལ་ཕྱག་འཚལ་ལོ། །དེ་བཞིན་གཤེགས་པ་སྐྱེ་བོ་དགའ་བ་ལ་ཕྱག་འཚལ་ལོ། །དེ་བཞིན་གཤེགས་པ་མི་

62-1-82a

འཆི་བའི་དབང་པོ་ལ་ཕྱག་འཚལ་ལོ། །དེ་བཞིན་གཤེགས་པ་རྫུ་འཕྲུལ་གསལ་བ་ལ་ཕྱག་འཚལ་ལོ། །དེ་བཞིན་གཤེགས་པ་ལྷའི་གདུགས་ལ་ཕྱག་འཚལ་ལོ། །དེ་བཞིན་གཤེགས་པ་ཀླུའི་འོད་ལ་ཕྱག་འཚལ་ལོ། །དེ་བཞིན་གཤེགས་པ་
དྲག་པོར་འཕར་བ་ལ་ཕྱག་འཚལ་ལོ། །དེ་བཞིན་གཤེགས་པ་ཆོས་ཀྱི་གཟི་བརྗིད་ལ་ཕྱག་འཚལ་ལོ། །དེ་བཞིན་གཤེགས་པ་སྲིད་པའི་མཐའ་སྟོན་པ་ལ་ཕྱག་འཚལ་ལོ། །དེ་བཞིན་གཤེགས་པ་དཔལ་གྱི་འཁོར་ལོ་ལ་ཕྱག་འཚལ་ལོ། །དེ་བཞིན་
གཤེགས་པ་སྤྱན་ཀུན་དུ་གཟིགས་པ་ལ་ཕྱག་འཚལ་ལོ། །དེ་བཞིན་གཤེགས་པ་ཡོན་ཏན་འོད་ལ་ཕྱག་འཚལ་ལོ། །དེ་བཞིན་གཤེགས་པ་དགྲ་བཅོམ་པ་དམ་པ་ལ་ཕྱག་འཚལ་ལོ། །དེ་བཞིན་གཤེགས་པ་རྩེ་གཅིག་པའི་སྐུ་ལ་ཕྱག་འཚལ་ལོ། །
དེ་བཞིན་གཤེགས་པ་ཡོན་ཏན་གྱི་དཔལ་ལ་ཕྱག་འཚལ་ལོ། །དེ་བཞིན་གཤེགས་པ་འགྲོ་བའི་དབང་པོ་ལ་ཕྱག་འཚལ་ལོ། །དེ་བཞིན་གཤེགས་པ་འཇིགས་པ་མེད་པའི་གྲོགས་ལ་ཕྱག་འཚལ་ལོ། །དེ་བཞིན་གཤེགས་པ་སྡུད་པའི་བློ་ལ་ཕྱག་འཚལ་ལོ། །
དེ་བཞིན་གཤེགས་པ་རྒྱལ་བར་ནུས་པ་ལ་ཕྱག་འཚལ་ལོ། །དེ་བཞིན་གཤེགས་པ་རྒོལ་བའི་འོད་ལ་ཕྱག་འཚལ་ལོ། །དེ་བཞིན་གཤེགས་པ་དཔལ་བརྩེགས་ལ་ཕྱག་འཚལ་ལོ། །དེ་བཞིན་གཤེགས་པ་འོད་རྩེ་གཅིག་པ་ལ་ཕྱག་འཚལ་ལོ། །
དེ་བཞིན་གཤེགས་པ་མཐུ་བོ་ཆེ་རྣམ་པར་འཕར་བ་ལ་ཕྱག་འཚལ་ལོ། །དེ་བཞིན་གཤེགས་པ་སེང་གེ་བཞིན་སྤྱོད་པ་ལ་ཕྱག་འཚལ་ལོ། །དེ་བཞིན་གཤེགས་པ་ཚུལ་ཁྲིམས་དགྱེས་པ་ལ་ཕྱག་འཚལ་ལོ། །དེ་བཞིན་གཤེགས་པ་འཇིག་རྟེན་དགའ་བ་
ལ་ཕྱག་འཚལ་ལོ། །དེ་བཞིན་གཤེགས་པ་འོད་འབར་བ་ལ་ཕྱག་འཚལ་ལོ། །དེ་བཞིན་གཤེགས་པ་སེང་གེ་བསྒྱིངས་པ་བཞིན་སྒྲོགས་པ་ལ་ཕྱག་འཚལ་ལོ། །དེ་བཞིན་གཤེགས་པ་བློ་འཁྲུག་པ་མེད་པ་ལ་ཕྱག་འཚལ་ལོ། །དེ་བཞིན་གཤེགས་
པ་གསལ་བར་གྲགས་པ་ལ་ཕྱག་འཚལ་ལོ། །དེ་བཞིན་གཤེགས་པ་བློ་མི་གཡོ་བ་ལ་ཕྱག་འཚལ་ལོ། །དེ་བཞིན་གཤེགས་པ་གཏི་མུག་སྤངས་པ་ལ་ཕྱག་འཚལ་ལོ། །དེ་བཞིན་གཤེགས་པ་ཡོན་ཏན་གྱི་ཕུང་པོ་ལ་ཕྱག་འཚལ་ལོ། །

62-1-82b

དེ་བཞིན་གཤེགས་པ་བློའི་ཚོགས་ལ་ཕྱག་འཚལ་ལོ། །དེ་བཞིན་གཤེགས་པ་འབྱོར་བའི་ཤིང་རྟ་ཅན་ལ་ཕྱག་འཚལ་ལོ། །དེ་བཞིན་གཤེགས་པ་བདེན་པ་རྣམ་པར་འཕར་བ་ལ་ཕྱག་འཚལ་ལོ། །དེ་བཞིན་གཤེགས་པ་ཉི་ཟེར་སྣ་ཚོགས་ལ་ཕྱག་
འཚལ་ལོ། །དེ་བཞིན་གཤེགས་པ་ཕྱོགས་སུ་གཟིགས་པ་ལ་ཕྱག་འཚལ་ལོ། །དེ་བཞིན་གཤེགས་པ་གསལ་བར་ཆགས་པ་ལ་ཕྱག་འཚལ་ལོ། །དེ་བཞིན་གཤེགས་པ་ཐུབ་པ་ལ་བཟོད་པ་ལ་ཕྱག་འཚལ་ལོ། །དེ་བཞིན་གཤེགས་པ་ཆོས་
ཀྱི་གདུགས་ལ་ཕྱག་འཚལ་ལོ། །དེ་བཞིན་གཤེགས་པ་ལྷའི་མེ་ཏོག་ལ་ཕྱག་འཚལ་ལོ། །དེ་བཞིན་གཤེགས་པ་ལྷའི་པད་མོ་ལ་ཕྱག་འཚལ་ལོ། །དེ་བཞིན་གཤེགས་པ་ཀུན་དུ་གཟི་བརྗིད་ལ་ཕྱག་འཚལ་ལོ། །དེ་བཞིན་གཤེགས་པ་ཟླ་འོད་ལ་ཕྱག་
འཚལ་ལོ། །དེ་བཞིན་གཤེགས་པ་ཡོན་ཏན་གྱི་རྒྱན་ལ་ཕྱག་འཚལ་ལོ། །དེ་བཞིན་གཤེགས་པ་དོན་དུ་དགོངས་པ་ལ་ཕྱག་འཚལ་ལོ། །དེ་བཞིན་གཤེགས་པ་བསྲུང་བའི་རྒྱལ་པོ་ལ་ཕྱག་འཚལ་ལོ། །དེ་བཞིན་གཤེགས་པ་པད་མོ་འགུག་
པ་ལ་ཕྱག་འཚལ་ལོ། །དེ་བཞིན་གཤེགས་པ་སྐྱིད་པར་དགོངས་པ་ལ་ཕྱག་འཚལ་ལོ། །དེ་བཞིན་གཤེགས་པ་འོད་གཙང་བ་ལ་ཕྱག་འཚལ་ལོ། །དེ་བཞིན་གཤེགས་པ་སེང་གེ་ལྟར་འཕར་བ་ལ་ཕྱག་འཚལ་ལོ། །དེ་བཞིན་གཤེགས་པ་འཁོར་
གསལ་བ་ལ་ཕྱག་འཚལ་ལོ། །དེ་བཞིན་གཤེགས་པ་དྲི་བསུང་ཞིམ་པ་ལ་ཕྱག་འཚལ་ལོ། །དེ་བཞིན་གཤེགས་པ་རྣམ་པར་མཁྱེན་པར་གསལ་བ་ལ་ཕྱག་འཚལ་ལོ། །དེ་བཞིན་གཤེགས་པ་བསོད་ནམས་ཀྱི་རྟེན་ལ་ཕྱག་འཚལ་ལོ། །དེ་བཞིན་
གཤེགས་པ་ཤེས་རབ་སྣང་བ་ལ་ཕྱག་འཚལ་ལོ། །དེ་བཞིན་གཤེགས་པ་ཡེ་ཤེས་གོ་ཆ་ལ་ཕྱག་འཚལ་ལོ། །དེ་བཞིན་གཤེགས་པ་མདངས་ཀྱི་སྟོབས་ལ་ཕྱག་འཚལ་ལོ། །དེ་བཞིན་གཤེགས་པ་གཟི་བརྗིད་དྲག་པོ་ལ་ཕྱག་འཚལ་ལོ། །དེ་བཞིན་
གཤེགས་པ་སངས་རྒྱས་བསྔགས་པ་ལ་ཕྱག་འཚལ་ལོ། །དེ་བཞིན་གཤེགས་པ་གསལ་བར་རྒྱལ་བ་ལ་ཕྱག་འཚལ་ལོ། །དེ་བཞིན་གཤེགས་པ་དགྱེས་པར་དགོངས་པ་ལ་ཕྱག་འཚལ་ལོ། །དེ་བཞིན་གཤེགས་པ་ཐེ་ཙོམ་ལས་འདས་པ་ལ་

62-1-83a

ཕྱག་འཚལ་ལོ། །དེ་བཞིན་གཤེགས་པ་དོན་ཤིན་དུ་བརྟགས་པ་ལ་ཕྱག་འཚལ་ལོ། །དེ་བཞིན་གཤེགས་པ་རི་རབ་ཆེན་པོ་ལ་ཕྱག་འཚལ་ལོ། །དེ་བཞིན་གཤེགས་པ་འཕགས་པ་འདུལ་བ་ལ་ཕྱག་འཚལ་ལོ། །དེ་བཞིན་གཤེགས་
པ་གསལ་བར་བརྒྱན་པ་ལ་ཕྱག་འཚལ་ལོ། །དེ་བཞིན་གཤེགས་པ་བྱང་ཆུབ་ཀྱི་ཚོགས་ལ་ཕྱག་འཚལ་ལོ། །དེ་བཞིན་གཤེགས་པ་དབྱངས་མཉེན་པ་ལ་ཕྱག་འཚལ་ལོ། །དེ་བཞིན་གཤེགས་པ་དཀའ་བའི་སྐུ་ལ་ཕྱག་འཚལ་ལོ། །དེ་བཞིན་
གཤེགས་པ་སེང་གེ་སྒྱེགས་པ་ལ་ཕྱག་འཚལ་ལོ། །དེ་བཞིན་གཤེགས་པ་ཀུན་དུ་རིན་ཆེ་བ་ལ་ཕྱག་འཚལ་ལོ། །དེ་བཞིན་གཤེགས་པ་འཇིག་རྟེན་ཀུན་དུ་དགའ་བ་ལ་ཕྱག་འཚལ་ལོ། །དེ་བཞིན་གཤེགས་པ་སྲིད་པའི་རྡོ་རྗེ་ལ་ཕྱག་འཚལ་ལོ། །
དེ་བཞིན་གཤེགས་པ་སེང་གེ་སྒྲ་ལ་ཕྱག་འཚལ་ལོ། །དེ་བཞིན་གཤེགས་པ་མྱ་ངན་ལས་འདའ་བ་ལ་ཕྱག་འཚལ་ལོ། །དེ་བཞིན་གཤེགས་པ་ལམ་གྲོགས་དེད་པ་ལ་ཕྱག་འཚལ་ལོ། །དེ་བཞིན་གཤེགས་པ་མིའི་ཟླ་བ་ལ་ཕྱག་འཚལ་ལོ། །དེ་བཞིན་
གཤེགས་པ་རྒྱན་ཆེན་པོ་ལ་ཕྱག་འཚལ་ལོ། །དེ་བཞིན་གཤེགས་པ་ཉི་མ་འོད་ལ་ཕྱག་འཚལ་ལོ། །དེ་བཞིན་གཤེགས་པ་བཟང་བར་བརྒྱན་པ་ལ་ཕྱག་འཚལ་ལོ། །དེ་བཞིན་གཤེགས་པ་སྲིད་པའི་མཐའ་ལ་ཕྱག་འཚལ་ལོ། །དེ་བཞིན་གཤེགས་
པ་ཞི་བ་སྤྱོད་པ་ལ་ཕྱག་འཚལ་ལོ། །དེ་བཞིན་གཤེགས་པ་གྲགས་པ་སྡུད་པ་ལ་ཕྱག་འཚལ་ལོ། །དེ་བཞིན་གཤེགས་པ་ཚངས་པས་མཆོད་པ་ལ་ཕྱག་འཚལ་ལོ། །དེ་བཞིན་གཤེགས་པ་ཕྱག་བྱ་བ་ཆེན་པོ་ལ་ཕྱག་འཚལ་ལོ། །དེ་བཞིན་གཤེགས་
པ་གསལ་བར་བརྒྱན་པ་ལ་ཕྱག་འཚལ་ལོ། །དེ་བཞིན་གཤེགས་པ་སྨོན་ལམ་མཐའ་ཡས་པ་ལ་ཕྱག་འཚལ་ལོ། །དེ་བཞིན་གཤེགས་པ་འགྲོ་བའི་སྣང་བ་ལ་ཕྱག་འཚལ་ལོ། །དེ་བཞིན་གཤེགས་པ་བལྟ་བར་བཟོད་པ་ལ་ཕྱག་འཚལ་ལོ། །
དེ་བཞིན་གཤེགས་པ་བསྒོམས་པའི་སྐུ་ལ་ཕྱག་འཚལ་ལོ། །དེ་བཞིན་གཤེགས་པ་རྫུ་འཕྲུལ་གསལ་བ་ལ་ཕྱག་འཚལ་ལོ། །དེ་བཞིན་གཤེགས་པ་མཁས་པའི་བློ་ལ་ཕྱག་འཚལ་ལོ། །དེ་བཞིན་གཤེགས་པ་སས་བྱིན་པ་ལ་ཕྱག་འཚལ་ལོ། །

62-1-83b

དེ་བཞིན་གཤེགས་པ་དབྱངས་ཀྱི་རྒྱན་ལ་ཕྱག་འཚལ་ལོ། །དེ་བཞིན་གཤེགས་པ་ཀུན་སྟོན་པ་ལ་ཕྱག་འཚལ་ལོ། །དེ་བཞིན་གཤེགས་པ་ཟླ་འོད་ལ་ཕྱག་འཚལ་ལོ། །དེ་བཞིན་གཤེགས་པ་ངེས་པའི་གཟུགས་ལ་ཕྱག་འཚལ་ལོ། །དེ་བཞིན་
གཤེགས་པ་སྦྱོར་བར་དགོངས་པ་ལ་ཕྱག་འཚལ་ལོ། །དེ་བཞིན་གཤེགས་པ་ཤིང་རྟ་ཕུན་སུམ་ཅན་ལ་ཕྱག་འཚལ་ལོ། །དེ་བཞིན་གཤེགས་པ་དཔལ་གསལ་བ་ལ་ཕྱག་འཚལ་ལོ། །དེ་བཞིན་གཤེགས་པ་ཆོས་ཆུད་དཀའ་བ་ལ་ཕྱག་འཚལ་ལོ། །
དེ་བཞིན་གཤེགས་པ་ཀུན་དུ་སྣང་བ་ལ་ཕྱག་འཚལ་ལོ། །དེ་བཞིན་གཤེགས་པ་ཟླ་བའི་མར་མེ་ལ་ཕྱག་འཚལ་ལོ། །དེ་བཞིན་གཤེགས་པ་གསལ་བའི་དཔལ་ལ་ཕྱག་འཚལ་ལོ། །དེ་བཞིན་གཤེགས་པ་གསལ་བའི་ཟླ་བ་ལ་ཕྱག་འཚལ་ལོ། །དེ་བཞིན་
གཤེགས་པ་འགྲོ་བའི་མཆོད་རྟེན་ལ་ཕྱག་འཚལ་ལོ། །དེ་བཞིན་གཤེགས་པ་རི་བོ་གསལ་བ་ལ་ཕྱག་འཚལ་ལོ། །དེ་བཞིན་གཤེགས་པ་རིན་ཆེན་དམ་པ་ལ་ཕྱག་འཚལ་ལོ། །དེ་བཞིན་གཤེགས་པ་དཔལ་བཟང་པོ་ལ་ཕྱག་འཚལ་ལོ། །དེ་བཞིན་གཤེགས་
པ་རྣམ་པར་གཟིགས་པ་ལ་ཕྱག་འཚལ་ལོ། །དེ་བཞིན་གཤེགས་པ་སེང་གེ་མཆོད་པ་ལ་ཕྱག་འཚལ་ལོ། །དེ་བཞིན་གཤེགས་པ་རྣམ་པར་འཕར་བ་ཆེན་པོ་ལ་ཕྱག་འཚལ་ལོ། །དེ་བཞིན་གཤེགས་པ་ཀུན་དུ་གསལ་བ་ལ་ཕྱག་འཚལ་ལོ། །དེ་བཞིན་
གཤེགས་པ་དབྱངས་ཀྱི་སྣོད་ལ་ཕྱག་འཚལ་ལོ། །དེ་བཞིན་གཤེགས་པ་དཔལ་དགྱེས་པ་ལ་ཕྱག་འཚལ་ལོ། །དེ་བཞིན་གཤེགས་པ་ཀུན་དུ་གནས་པ་ལ་ཕྱག་འཚལ་ལོ། །དེ་བཞིན་གཤེགས་པ་ཀུན་མཁྱེན་པ་ལ་ཕྱག་འཚལ་ལོ། །དེ་བཞིན་
གཤེགས་པ་ཆེར་འཕར་བ་ལ་ཕྱག་འཚལ་ལོ། །དེ་བཞིན་གཤེགས་པ་ཟླ་བའི་དཔལ་ལ་ཕྱག་འཚལ་ལོ། །དེ་བཞིན་གཤེགས་པ་བརྩོན་པ་བརྟན་པ་ལ་ཕྱག་འཚལ་ལོ། །དེ་བཞིན་གཤེགས་པ་ལྷས་མཆོད་པ་ལ་ཕྱག་འཚལ་ལོ། །དེ་བཞིན་
གཤེགས་པ་འཇིགས་པར་མཛད་པ་ལ་ཕྱག་འཚལ་ལོ། །དེ་བཞིན་གཤེགས་པ་སྐྱིད་པ་དམ་པ་ལ་ཕྱག་འཚལ་ལོ། །དེ་བཞིན་གཤེགས་པ་ཡོན་ཏན་ཐམས་ཅད་རྫོགས་པ་ལ་ཕྱག་འཚལ་ལོ། །དེ་བཞིན་གཤེགས་པ་བློ་བརྟན་པ་ལ་ཕྱག་

62-1-84a

འཚལ་ལོ། །དེ་བཞིན་གཤེགས་པ་བདུད་རྩིའི་འོད་ལ་ཕྱག་འཚལ་ལོ། །དེ་བཞིན་གཤེགས་པ་གསུང་ཆེ་བ་ལ་ཕྱག་འཚལ་ལོ། །དེ་བཞིན་གཤེགས་པ་གསུང་དམ་པ་ལ་ཕྱག་འཚལ་ལོ། །དེ་བཞིན་གཤེགས་པ་སྟོབས་
ཆེ་བ་ལ་ཕྱག་འཚལ་ལོ། །དེ་བཞིན་གཤེགས་པ་ཆེར་འཕར་བ་ལ་ཕྱག་འཚལ་ལོ། །དེ་བཞིན་གཤེགས་པ་བདུད་རྩི་གསལ་བ་ལ་ཕྱག་འཚལ་ལོ། །དེ་བཞིན་གཤེགས་པ་བྱང་ཆུབ་ཏུ་འབར་བ་ལ་ཕྱག་འཚལ་ལོ། །དེ་བཞིན་གཤེགས་པ་གསུང་
དྲག་པོར་དགོངས་པ་ལ་ཕྱག་འཚལ་ལོ། །དེ་བཞིན་གཤེགས་པ་བློ་གྲོས་དྲག་པ་ལ་ཕྱག་འཚལ་ལོ། །དེ་བཞིན་གཤེགས་པ་ཡོན་ཏན་རྣམ་པར་འབར་བ་ལ་ཕྱག་འཚལ་ལོ། །དེ་བཞིན་གཤེགས་པ་དཀའ་ཐུབ་ཆེ་བ་ལ་ཕྱག་འཚལ་ལོ། །དེ་བཞིན་
གཤེགས་པ་འོད་རབ་ཏུ་འཇོམས་པ་ལ་ཕྱག་འཚལ་ལོ། །དེ་བཞིན་གཤེགས་པ་ཤིན་དུ་བརྟན་པར་གནས་པ་ལ་ཕྱག་འཚལ་ལོ། །དེ་བཞིན་གཤེགས་པ་ཉི་མའི་འོད་ལ་ཕྱག་འཚལ་ལོ། །དེ་བཞིན་གཤེགས་པ་དགྲ་མེད་པའི་བློ་ལ་ཕྱག་འཚལ་ལོ། །
དེ་བཞིན་གཤེགས་པ་སེང་གེ་དབྱངས་ལ་ཕྱག་འཚལ་ལོ། །དེ་བཞིན་གཤེགས་པ་རིན་ཆེན་བཟང་ལ་ཕྱག་འཚལ་ལོ། །དེ་བཞིན་གཤེགས་པ་ཤིན་དུ་བརྟན་པར་གནས་པ་ལ་ཕྱག་འཚལ་ལོ། །དེ་བཞིན་གཤེགས་པ་ཉི་མ་འོད་ལ་ཕྱག་འཚལ་ལོ། །
དེ་བཞིན་གཤེགས་པ་བདུད་རྩིའི་བདག་ལ་ཕྱག་འཚལ་ལོ། །དེ་བཞིན་གཤེགས་པ་བྱང་ཆུབ་རིག་པ་ལ་ཕྱག་འཚལ་ལོ། །དེ་བཞིན་གཤེགས་པ་རྒྱལ་བའི་གྲོགས་ལ་ཕྱག་འཚལ་ལོ། །དེ་བཞིན་གཤེགས་པ་བཟང་བར་སྣང་བ་ལ་ཕྱག་
འཚལ་ལོ། །དེ་བཞིན་གཤེགས་པ་མ་འདྲེས་པ་ལ་ཕྱག་འཚལ་ལོ། །དེ་བཞིན་གཤེགས་པ་དེས་པར་བཞུད་པ་ལ་ཕྱག་འཚལ་ལོ། །དེ་བཞིན་གཤེགས་པ་མིའི་ཟླ་བ་ལ་ཕྱག་འཚལ་ལོ། །དེ་བཞིན་གཤེགས་པ་རབ་ཏུ་སྣང་བ་དམ་པ་ལ་
ཕྱག་འཚལ་ལོ། །དེ་བཞིན་གཤེགས་པ་འོད་ཀུན་དུ་སྣང་བ་ལ་ཕྱག་འཚལ་ལོ། །དེ་བཞིན་གཤེགས་པ་རྒྱན་ཆེན་པོ་ལ་ཕྱག་འཚལ་ལོ། །དེ་བཞིན་གཤེགས་པ་སེང་གེ་རྣམ་པར་བསྒྱིངས་པ་ལྟར་བཞུད་པ་ལ་ཕྱག་འཚལ་ལོ། །དེ་བཞིན་གཤེགས་

62-1-84b

པ་རླུང་དགྱེས་པ་ལ་ཕྱག་འཚལ་ལོ། །དེ་བཞིན་གཤེགས་པ་དྲེགས་པ་ཞི་བ་ལ་ཕྱག་འཚལ་ལོ། །དེ་བཞིན་གཤེགས་པ་ཆེར་འཕར་བ་ལ་ཕྱག་འཚལ་ལོ། །དེ་བཞིན་གཤེགས་པ་དབྱངས་ཡིད་བཞིན་ལ་ཕྱག་འཚལ་ལོ། །དེ་བཞིན་གཤེགས་པ་
བསོད་ནམས་བརྩེགས་པ་ལ་ཕྱག་འཚལ་ལོ། །དེ་བཞིན་གཤེགས་པ་ཟླ་བའི་བློ་གྲོས་ལ་ཕྱག་འཚལ་ལོ། །དེ་བཞིན་གཤེགས་པ་སྤྱན་མཛེས་པ་ལ་ཕྱག་འཚལ་ལོ། །དེ་བཞིན་གཤེགས་པ་སྐྱིད་པར་བསྒྲགས་པ་ལ་ཕྱག་འཚལ་ལོ། །དེ་བཞིན་
གཤེགས་པ་དད་པའི་དཔལ་ལ་ཕྱག་འཚལ་ལོ། །དེ་བཞིན་གཤེགས་པ་བློ་སྦྱངས་པ་ལ་ཕྱག་འཚལ་ལོ། །དེ་བཞིན་གཤེགས་པ་རིན་ཆེན་གྱི་མཆོད་པ་ལ་ཕྱག་འཚལ་ལོ། །དེ་བཞིན་གཤེགས་པ་ཤེས་རབ་ཤིན་དུ་དགྱེས་པ་ལ་ཕྱག་འཚལ་ལོ། །
དེ་བཞིན་གཤེགས་པ་ཐོས་པ་ཞི་བ་ལ་ཕྱག་འཚལ་ལོ། །དེ་བཞིན་གཤེགས་པ་སྡེ་རྒྱལ་བ་ལ་ཕྱག་འཚལ་ལོ། །དེ་བཞིན་གཤེགས་པ་བློ་བདེན་པ་ལ་ཕྱག་འཚལ་ལོ། །དེ་བཞིན་གཤེགས་པ་བདུད་རྩིའི་གཟི་བརྗིད་ལ་ཕྱག་འཚལ་ལོ། །དེ་བཞིན་
གཤེགས་པ་ཐུབ་པ་བཟོད་པ་ལ་ཕྱག་འཚལ་ལོ། །དེ་བཞིན་གཤེགས་པ་ཟླ་བ་དམ་པ་ལ་ཕྱག་འཚལ་ལོ། །དེ་བཞིན་གཤེགས་པ་ཀླུར་འཕར་བ་ལ་ཕྱག་འཚལ་ལོ། །དེ་བཞིན་གཤེགས་པ་གསལ་བར་བརྒྱན་པ་ལ་ཕྱག་འཚལ་ལོ། །
དེ་བཞིན་གཤེགས་པ་བདེན་པ་དགྱེས་པ་ལ་ཕྱག་འཚལ་ལོ། །དེ་བཞིན་གཤེགས་པ་ཨུད་པ་ལའི་དྲི་ལ་ཕྱག་འཚལ་ལོ། །དེ་བཞིན་གཤེགས་པ་དྲིའི་དབང་ཕྱུག་ལ་ཕྱག་འཚལ་ལོ། །དེ་བཞིན་གཤེགས་པ་དམ་པ་ལྡན་ལ་ཕྱག་འཚལ་ལོ། །དེ་བཞིན་
གཤེགས་པ་ཀུན་དུ་འོད་ལ་ཕྱག་འཚལ་ལོ། །དེ་བཞིན་གཤེགས་པ་བཀྲ་ཤིས་དཔལ་ལ་ཕྱག་འཚལ་ལོ། །དེ་བཞིན་གཤེགས་པ་གཟི་བརྗིད་ཆེན་པོ་ལ་ཕྱག་འཚལ་ལོ། །དེ་བཞིན་གཤེགས་པ་ཉི་ཟེར་སྣ་ཚོགས་ལ་ཕྱག་འཚལ་ལོ། །དེ་བཞིན་
གཤེགས་པ་འདམ་ལས་རྒལ་བ་ལ་ཕྱག་འཚལ་ལོ། །དེ་བཞིན་གཤེགས་པ་མཐའ་ཡས་སྤྱན་ལ་ཕྱག་འཚལ་ལོ། །དེ་བཞིན་གཤེགས་པ་ཁྲེལ་བ་མེད་པའི་བློ་ལ་ཕྱག་འཚལ་ལོ། །དེ་བཞིན་གཤེགས་པ་དཔལ་གྱིས་མཆོད་པ་ལ་ཕྱག་འཚལ་ལོ། །

62-1-85a

དེ་བཞིན་གཤེགས་པ་དབྱངས་སྣང་མང་བ་ལ་ཕྱག་འཚལ་ལོ། །དེ་བཞིན་གཤེགས་པ་ཡོན་ཏན་མཛེས་པ་ལ་ཕྱག་འཚལ་ལོ། །དེ་བཞིན་གཤེགས་པ་གཙང་མར་གནས་པ་ལ་ཕྱག་འཚལ་ལོ། །དེ་བཞིན་གཤེགས་པ་དྲི་
ཞིམ་པར་བསུང་བ་ལ་ཕྱག་འཚལ་ལོ། །དེ་བཞིན་གཤེགས་པ་ཚུལ་ཁྲིམས་དྲི་བསུང་ལ་ཕྱག་འཚལ་ལོ། །དེ་བཞིན་གཤེགས་པ་མེ་ཏོག་བཟང་བའི་བློ་ལ་ཕྱག་འཚལ་ལོ། །དེ་བཞིན་གཤེགས་པ་བློ་གྲོས་དམ་པ་ལ་ཕྱག་འཚལ་ལོ། །
དེ་བཞིན་གཤེགས་པ་མཆོད་པ་རིགས་པ་ལ་ཕྱག་འཚལ་ལོ། །དེ་བཞིན་གཤེགས་པ་རི་དབང་བརྩེགས་པ་ལ་ཕྱག་འཚལ་ལོ། །དེ་བཞིན་གཤེགས་པ་སྣང་བ་རབ་ཏུ་འཛིན་པ་ལ་ཕྱག་འཚལ་ལོ། །དེ་བཞིན་གཤེགས་པ་བླ་མར་དགྱེས་པ་ལ་ཕྱག་
འཚལ་ལོ། །དེ་བཞིན་གཤེགས་པ་དབྱངས་མང་པོར་དགྱེས་པ་ལ་ཕྱག་འཚལ་ལོ། །དེ་བཞིན་གཤེགས་པ་དོན་དུ་དགྱེས་པ་ལ་ཕྱག་འཚལ་ལོ། །དེ་བཞིན་གཤེགས་པ་གསལ་བར་ཀུན་དུ་སྤྱོད་པ་ལ་ཕྱག་འཚལ་ལོ། །དེ་བཞིན་གཤེགས་པ་
དཔའ་བོ་སྤོང་བ་ལ་ཕྱག་འཚལ་ལོ། །དེ་བཞིན་གཤེགས་པ་རྣམ་པར་ཤེས་པའི་འོད་ལ་ཕྱག་འཚལ་ལོ། །དེ་བཞིན་གཤེགས་པ་མདངས་ཀྱི་སྟོབས་ལ་ཕྱག་འཚལ་ལོ། །དེ་བཞིན་གཤེགས་པ་དཔལ་གསལ་བ་ལ་ཕྱག་འཚལ་ལོ། །
དེ་བཞིན་གཤེགས་པ་གྲགས་པ་སྙོམས་པ་ལ་ཕྱག་འཚལ་ལོ། །དེ་བཞིན་གཤེགས་པ་རྣམ་པར་གྲོལ་བའི་འོད་ལ་ཕྱག་འཚལ་ལོ། །དེ་བཞིན་གཤེགས་པ་ཐེ་ཙོམ་ལས་རྣམ་པར་འཕར་བ་ལ་ཕྱག་འཚལ་ལོ། །དེ་བཞིན་གཤེགས་པ་དྲི་
མ་མེད་པའི་རྒྱལ་པོ་ལ་ཕྱག་འཚལ་ལོ། །དེ་བཞིན་གཤེགས་པ་མེ་ཏོག་མཆོག་ལ་ཕྱག་འཚལ་ལོ། །དེ་བཞིན་གཤེགས་པ་མེ་ཏོག་དཔལ་ལ་ཕྱག་འཚལ་ལོ། །དེ་བཞིན་གཤེགས་པ་དགྲ་སྤངས་པ་ལ་ཕྱག་འཚལ་ལོ། །དེ་བཞིན་གཤེགས་
པ་བླ་རེ་ཆེན་པོ་ལ་ཕྱག་འཚལ་ལོ། །དེ་བཞིན་གཤེགས་པ་སྐྱིད་པ་ཆེན་པོ་ལ་ཕྱག་འཚལ་ལོ། །དེ་བཞིན་གཤེགས་པ་བཞུད་པར་དགྱེས་པ་ལ་ཕྱག་འཚལ་ལོ། །དེ་བཞིན་གཤེགས་པ་བདུད་རྩི་རྣམ་པར་འཕར་བ་ལ་ཕྱག་འཚལ་ལོ། །དེ་བཞིན་

62-1-85b

གཤེགས་པ་ཉི་མའི་ཕུང་པོ་ལ་ཕྱག་འཚལ་ལོ། །དེ་བཞིན་གཤེགས་པ་ཟླ་བའི་དབྱངས་ལ་ཕྱག་འཚལ་ལོ། །དེ་བཞིན་གཤེགས་པ་ལྷའི་དཔལ་ལ་ཕྱག་འཚལ་ལོ། །དེ་བཞིན་གཤེགས་པ་འོད་རྣམ་པར་དག་པ་ལ་ཕྱག་འཚལ་ལོ། །དེ་བཞིན་
གཤེགས་པ་སྟོན་གྱི་ཉི་མ་ལ་ཕྱག་འཚལ་ལོ། །དེ་བཞིན་གཤེགས་པ་ཀུན་དུ་སྣང་བར་སྟོན་པ་ལ་ཕྱག་འཚལ་ལོ། །དེ་བཞིན་གཤེགས་པ་བློ་བརྟན་པ་ལ་ཕྱག་འཚལ་ལོ། །དེ་བཞིན་གཤེགས་པ་ཤིང་རྒྱལ་མེ་ཏོག་ལ་ཕྱག་འཚལ་ལོ། །དེ་བཞིན་
གཤེགས་པ་དམ་པའི་དབྱངས་ལ་ཕྱག་འཚལ་ལོ། །དེ་བཞིན་གཤེགས་པ་བདུད་རྩི་འབེབས་པ་ལ་ཕྱག་འཚལ་ལོ། །དེ་བཞིན་གཤེགས་པ་སེང་གེ་སྒྲ་ལ་ཕྱག་འཚལ་ལོ། །དེ་བཞིན་གཤེགས་པ་དགེ་བའི་ལྷ་ལ་ཕྱག་འཚལ་ལོ། །དེ་བཞིན་གཤེགས་
པ་དབྱངས་དམ་པ་ལ་ཕྱག་འཚལ་ལོ། །དེ་བཞིན་གཤེགས་པ་དགྱེས་པའི་དཔལ་ལ་ཕྱག་འཚལ་ལོ། །དེ་བཞིན་གཤེགས་པ་བདུད་རྩི་གྲགས་པ་ལ་ཕྱག་འཚལ་ལོ། །དེ་བཞིན་གཤེགས་པ་ཆོས་ཀྱི་མེ་ཏོག་ལ་ཕྱག་འཚལ་ལོ། །དེ་བཞིན་གཤེགས་པ་
རྒྱན་ཆེན་པོ་ལ་ཕྱག་འཚལ་ལོ། །དེ་བཞིན་གཤེགས་པ་འཇིག་རྟེན་གྱི་བླ་མ་ལ་ཕྱག་འཚལ་ལོ། །དེ་བཞིན་གཤེགས་པ་མཆོག་གི་བློ་གྲོས་ལ་ཕྱག་འཚལ་ལོ། །དེ་བཞིན་གཤེགས་པ་རི་རབ་འོད་ལ་ཕྱག་འཚལ་ལོ། །དེ་བཞིན་གཤེགས་པ་བདུད་
རྩིའི་འོད་ལ་ཕྱག་འཚལ་ལོ། །དེ་བཞིན་གཤེགས་པ་བྱང་ཆུབ་ཀྱི་གཟི་བརྗིད་ལ་ཕྱག་འཚལ་ལོ། །དེ་བཞིན་གཤེགས་པ་ཤིན་དུ་གཙང་མར་དགོངས་པ་ལ་ཕྱག་འཚལ་ལོ། །དེ་བཞིན་གཤེགས་པ་ཉི་མའི་དཔལ་ལ་ཕྱག་འཚལ་ལོ། །དེ་བཞིན་
གཤེགས་པ་དགྲ་རྣམ་པར་བཅོམ་པ་ལ་ཕྱག་འཚལ་ལོ། །དེ་བཞིན་གཤེགས་པ་བདུད་རྩིའི་མེ་ཏོག་ལ་ཕྱག་འཚལ་ལོ། །དེ་བཞིན་གཤེགས་པ་ཆེར་གྲགས་པ་ལ་ཕྱག་འཚལ་ལོ། །དེ་བཞིན་གཤེགས་པ་ཕན་པར་དགོངས་པ་ལ་ཕྱག་འཚལ་ལོ། །
དེ་བཞིན་གཤེགས་པ་བྱང་ཆུབ་པད་མོ་ལ་ཕྱག་འཚལ་ལོ། །དེ་བཞིན་གཤེགས་པ་མི་ཕན་མི་འཆི་བ་ལ་ཕྱག་འཚལ་ལོ། །དེ་བཞིན་གཤེགས་པ་འདམ་ལས་རྒལ་བ་ལ་ཕྱག་འཚལ་ལོ། །དེ་བཞིན་གཤེགས་པ་སྲིད་པ་སློན་

62-1-86a

པ་ལ་ཕྱག་འཚལ་ལོ། །དེ་བཞིན་གཤེགས་པ་ཆོས་ཀྱི་མེ་ཏོག་ལ་ཕྱག་འཚལ་ལོ། །དེ་བཞིན་གཤེགས་པ་ཆེ་བའི་དཔལ་ལ་ཕྱག་འཚལ་ལོ། །དེ་བཞིན་གཤེགས་པ་ཡིད་དུ་འོང་བའི་འོད་ལ་ཕྱག་འཚལ་ལོ། །དེ་བཞིན་གཤེགས་པ་མེ་འོད་ལ་
ཕྱག་འཚལ་ལོ། །དེ་བཞིན་གཤེགས་པ་མཐོང་ན་དགའ་བ་ལ་ཕྱག་འཚལ་ལོ། །དེ་བཞིན་གཤེགས་པ་སྣང་བར་དགྱེས་པ་ལ་ཕྱག་འཚལ་ལོ། །དེ་བཞིན་གཤེགས་པ་དབྱངས་སྒྲགས་པ་ལ་ཕྱག་འཚལ་ལོ། །དེ་བཞིན་གཤེགས་པ་
རྒྱལ་བར་སྦྱིན་པ་ལ་ཕྱག་འཚལ་ལོ། །དེ་བཞིན་གཤེགས་པ་བདེན་པར་འཕགས་པ་ལ་ཕྱག་འཚལ་ལོ། །དེ་བཞིན་གཤེགས་པ་མི་ཚུགས་པའི་བློ་ལ་ཕྱག་འཚལ་ལོ། །དེ་བཞིན་གཤེགས་པ་མདངས་ཐོབ་པ་ལ་ཕྱག་འཚལ་ལོ། །དེ་
བཞིན་གཤེགས་པ་ཟླ་བའི་སྙིང་པོ་ལ་ཕྱག་འཚལ་ལོ། །དེ་བཞིན་གཤེགས་པ་ཚངས་པའི་འོད་ལ་ཕྱག་འཚལ་ལོ། །དེ་བཞིན་གཤེགས་པ་རྒྱན་མང་བ་ལ་ཕྱག་འཚལ་ལོ། །དེ་བཞིན་གཤེགས་པ་འོད་བདེ་བ་ལ་ཕྱག་འཚལ་ལོ། །
དེ་བཞིན་གཤེགས་པ་འོད་རབ་ཏུ་འབར་བ་ལ་ཕྱག་འཚལ་ལོ། །དེ་བཞིན་གཤེགས་པ་ཞི་བའི་འོད་ལ་ཕྱག་འཚལ་ལོ། །དེ་བཞིན་གཤེགས་པ་ཐེ་ཙོམ་ལས་རྒལ་བ་ལ་ཕྱག་འཚལ་ལོ། །དེ་བཞིན་གཤེགས་པ་བློ་མི་འཁྲུལ་པ་
ལ་ཕྱག་འཚལ་ལོ། །དེ་བཞིན་གཤེགས་པ་དཀའ་ཐུབ་ཕུན་སུམ་ཚོགས་པ་ལ་ཕྱག་འཚལ་ལོ། །དེ་བཞིན་གཤེགས་པ་ཡན་ལག་བཟང་བ་ལ་ཕྱག་འཚལ་ལོ། །དེ་བཞིན་གཤེགས་པ་འཇིགས་པ་མེད་པ་ལ་ཕྱག་འཚལ་ལོ། །
དེ་བཞིན་གཤེགས་པ་དབྱངས་སྒྲགས་པ་ལ་ཕྱག་འཚལ་ལོ། །དེ་བཞིན་གཤེགས་པ་དབྱངས་ཆེན་པོ་ལ་ཕྱག་འཚལ་ལོ། །དེ་བཞིན་གཤེགས་པ་བརྩོན་པས་བསྩགས་པ་ལ་ཕྱག་འཚལ་ལོ། །དེ་བཞིན་གཤེགས་པ་ཆེར་དགོས་
པ་ལ་ཕྱག་འཚལ་ལོ། །དེ་བཞིན་གཤེགས་པ་གཟུགས་གསལ་བ་ལ་ཕྱག་འཚལ་ལོ། །དེ་བཞིན་གཤེགས་པ་ཆེར་འཕར་བ་ལ་ཕྱག་འཚལ་ལོ། །དེ་བཞིན་གཤེགས་པ་བདེ་བའི་སྤྱན་ལ་ཕྱག་འཚལ་ལོ། །དེ་བཞིན་གཤེགས་

62-1-86b

པ་མི་བསྐྱོན་དགྱེས་པ་ལ་ཕྱག་འཚལ་ལོ། །དེ་བཞིན་གཤེགས་པ་སྐྱབས་སུ་འགྲོ་བར་དགྱེས་པ་ལ་ཕྱག་འཚལ་ལོ། །དེ་བཞིན་གཤེགས་པ་ནད་མེད་པའི་བློ་ལ་ཕྱག་འཚལ་ལོ། །དེ་བཞིན་གཤེགས་པ་དགྲ་བཅོམ་པའི་མཆོད་རྟེན་ལ་ཕྱག་འཚལ་ལོ། །དེ་
བཞིན་གཤེགས་པ་ཤིན་དུ་བསྩགས་པའི་བློ་ལ་ཕྱག་འཚལ་ལོ། །དེ་བཞིན་གཤེགས་པ་ཀུན་དུ་གསལ་བ་ལ་ཕྱག་འཚལ་ལོ། །དེ་བཞིན་གཤེགས་པ་ཟླ་བའི་དཔལ་ལ་ཕྱག་འཚལ་ལོ། །དེ་བཞིན་གཤེགས་པ་འཆི་མེད་རྫོགས་པ་ལ་ཕྱག་
འཚལ་ལོ། །དེ་བཞིན་གཤེགས་པ་འཆི་མེད་དབྱངས་ལ་ཕྱག་འཚལ་ལོ། །དེ་བཞིན་གཤེགས་པ་མེ་ཏོག་གི་ཉི་མ་ལ་ཕྱག་འཚལ་ལོ། །དེ་བཞིན་གཤེགས་པ་བརྟན་པར་དགོངས་པ་ལ་ཕྱག་འཚལ་ལོ། །དེ་བཞིན་གཤེགས་པ་དཔལ་གསལ་
བ་ལ་ཕྱག་འཚལ་ལོ། །དེ་བཞིན་གཤེགས་པ་མེ་ཏོག་འོད་ལ་ཕྱག་འཚལ་ལོ། །དེ་བཞིན་གཤེགས་པ་འོད་ཀྱི་སྟོབས་ལ་ཕྱག་འཚལ་ལོ། །དེ་བཞིན་གཤེགས་པ་ཡོན་ཏན་གྱི་དགྱེས་པ་ལ་ཕྱག་འཚལ་ལོ། །དེ་བཞིན་གཤེགས་པ་ཆོས་
རྒྱས་པ་ལ་ཕྱག་འཚལ་ལོ། །དེ་བཞིན་གཤེགས་པ་གཟི་བརྗིད་ཀྱིས་རྒྱན་པ་ལ་ཕྱག་འཚལ་ལོ། །དེ་བཞིན་གཤེགས་པ་ཟླ་བའི་སྤྱོད་ཡུལ་ལ་ཕྱག་འཚལ་ལོ། །དེ་བཞིན་གཤེགས་པ་ལོངས་སྤྱོད་ཞི་བ་ལ་ཕྱག་འཚལ་ལོ། །དེ་བཞིན་
གཤེགས་པ་ཡོན་ཏན་ཀུན་དུ་ཁྱབ་པ་ལ་ཕྱག་འཚལ་ལོ། །དེ་བཞིན་གཤེགས་པ་རྣམ་པར་རྒྱལ་བའི་གཟི་བརྗིད་ལ་ཕྱག་འཚལ་ལོ། །དེ་བཞིན་གཤེགས་པ་ལྷས་མཆོད་པ་ལ་ཕྱག་འཚལ་ལོ། །དེ་བཞིན་གཤེགས་པ་ལྷའི་
དབྱངས་ལ་ཕྱག་འཚལ་ལོ། །དེ་བཞིན་གཤེགས་པ་འཁྲུལ་བ་མེད་པར་སྦྱོར་བ་ལ་ཕྱག་འཚལ་ལོ། །དེ་བཞིན་གཤེགས་པ་བརྩོན་འགྲུས་ཆེ་བ་ལ་ཕྱག་འཚལ་ལོ། །དེ་བཞིན་གཤེགས་པ་དབྱངས་ཡིད་དུ་འོང་བ་ལ་ཕྱག་
འཚལ་ལོ། །དེ་བཞིན་གཤེགས་པ་སྨོན་ལམ་དབྱངས་ལ་ཕྱག་འཚལ་ལོ། །དེ་བཞིན་གཤེགས་པ་མི་འཆི་བར་དགྱེས་པ་ལ་ཕྱག་འཚལ་ལོ། །དེ་བཞིན་གཤེགས་པ་ཤེས་རབ་ཀྱི་སྟོབས་ལ་ཕྱག་འཚལ་ལོ། །དེ་བཞིན་

62-1-87a

དེ་བཞིན་གཤེགས་པ་ཀུན་དུ་གཟིགས་པ་ལ་ཕྱག་འཚལ་ལོ། །དེ་བཞིན་གཤེགས་པ་མི་ཕན་ཚངས་པ་ལ་ཕྱག་འཚལ་ལོ། །དེ་བཞིན་གཤེགས་པ་ཐུབ་པའི་མེ་ཏོག་ལ་ཕྱག་འཚལ་ལོ། །དེ་བཞིན་གཤེགས་པ་ནམ་མཁའི་བློ་
ལ་ཕྱག་འཚལ་ལོ། །དེ་བཞིན་གཤེགས་པ་རླབས་སྲུབ་པ་ལ་ཕྱག་འཚལ་ལོ། །དེ་བཞིན་གཤེགས་པ་ཤེས་རབ་དཔེ་མེད་པ་ལ་ཕྱག་འཚལ་ལོ། །དེ་བཞིན་གཤེགས་པ་དགྲ་ཐུལ་བ་ལ་ཕྱག་འཚལ་ལོ། །དེ་བཞིན་
གཤེགས་པ་དགྲ་འཇོམས་པ་ལ་ཕྱག་འཚལ་ལོ། །དེ་བཞིན་གཤེགས་པ་དགྲ་བཅོམ་པ་དགྱེས་པ་ལ་ཕྱག་འཚལ་ལོ། །དེ་བཞིན་གཤེགས་པ་ཚུལ་ཁྲིམས་མཆོད་པ་ལ་ཕྱག་འཚལ་ལོ། །དེ་བཞིན་གཤེགས་པ་ཕྱོགས་
སྙོམས་པར་དགོངས་པ་ལ་ཕྱག་འཚལ་ལོ། །དེ་བཞིན་གཤེགས་པ་མི་འཇིགས་པར་གྲགས་པ་ལ་ཕྱག་འཚལ་ལོ། །དེ་བཞིན་གཤེགས་པ་བརྩོན་འགྲུས་གསལ་བ་ལ་ཕྱག་འཚལ་ལོ། །དེ་བཞིན་གཤེགས་པ་རྒྱ་ཆེར་
ནུས་པ་ལ་ཕྱག་འཚལ་ལོ། །དེ་བཞིན་གཤེགས་པ་ཐོས་པའི་བློ་ལ་ཕྱག་འཚལ་ལོ། །དེ་བཞིན་གཤེགས་པ་སྒྲིབ་པ་མེད་པར་དགོངས་པ་ལ་ཕྱག་འཚལ་ལོ། །དེ་བཞིན་གཤེགས་པ་འཇིགས་པ་མེད་པའི་འོད་ལ་ཕྱག་འཚལ་ལོ། །
དེ་བཞིན་གཤེགས་པ་བདུད་རྩིའི་གསུངས་ལ་ཕྱག་འཚལ་ལོ། །དེ་བཞིན་གཤེགས་པ་ཉི་ཟེར་སྣང་བ་མང་ལ་ཕྱག་འཚལ་ལོ། །དེ་བཞིན་གཤེགས་པ་དམ་པས་བརྒྱན་པ་ལ་ཕྱག་འཚལ་ལོ། །དེ་བཞིན་གཤེགས་པ་
འཇིགས་པ་མེད་པར་བཞུད་པ་ལ་ཕྱག་འཚལ་ལོ། །དེ་བཞིན་གཤེགས་པ་ཡོན་ཏན་རྒྱལ་པོ་ལ་ཕྱག་འཚལ་ལོ། །དེ་བཞིན་གཤེགས་པ་དབང་པོ་དབེན་པ་ལ་ཕྱག་འཚལ་ལོ། །དེ་བཞིན་གཤེགས་པ་བསམ་གཏན་གྱིས་
ཐར་པ་ལ་ཕྱག་འཚལ་ལོ། །དེ་བཞིན་གཤེགས་པ་འབར་བ་ཆེན་པོ་ལ་ཕྱག་འཚལ་ལོ། །དེ་བཞིན་གཤེགས་པ་ཙན་དན་དྲི་ལ་ཕྱག་འཚལ་ལོ། །དེ་བཞིན་གཤེགས་པ་གསལ་བར་སྣང་བ་ལ་ཕྱག་འཚལ་ལོ། །དེ་བཞིན་གཤེགས་

62-1-87b

པ་མུ་རྟེན་གྱེན་དུ་བྱུང་བ་ལ་ཕྱག་འཚལ་ལོ། །དེ་བཞིན་གཤེགས་པ་ཀུན་དུ་སྣང་བར་མཛད་པ་ལ་ཕྱག་འཚལ་ལོ། །དེ་བཞིན་གཤེགས་པ་བདུད་རྩིའི་བློ་ལ་ཕྱག་འཚལ་ལོ། །དེ་བཞིན་གཤེགས་པ་ཉི་མ་སྟོང་གི་དཔལ་ལ་ཕྱག་འཚལ་ལོ། །
དེ་བཞིན་གཤེགས་པ་ཁུར་བོར་བ་ལ་ཕྱག་འཚལ་ལོ། །དེ་བཞིན་གཤེགས་པ་གསལ་བར་གྲགས་པ་ལ་ཕྱག་འཚལ་ལོ། །དེ་བཞིན་གཤེགས་པ་ཕྱོགས་སུ་གྲགས་པ་ལ་ཕྱག་འཚལ་ལོ། །དེ་བཞིན་གཤེགས་པ་དབང་
དུ་གྱུར་པའི་རྒྱལ་པོ་ལ་ཕྱག་འཚལ་ལོ། །དེ་བཞིན་གཤེགས་པ་བློ་མཐའ་ཡས་པ་ལ་ཕྱག་འཚལ་ལོ། །དེ་བཞིན་གཤེགས་པ་འོད་རྣམ་པར་རྒྱས་པ་ལ་ཕྱག་འཚལ་ལོ། །དེ་བཞིན་གཤེགས་པ་བདུད་རྩིའི་གདང་བ་ལ་ཕྱག་
འཚལ་ལོ། །དེ་བཞིན་གཤེགས་པ་མཆོག་གི་སྤྱན་ལ་ཕྱག་འཚལ་ལོ། །དེ་བཞིན་གཤེགས་པ་ཐར་པའི་དཀའ་ཐུབ་ལ་ཕྱག་འཚལ་ལོ། །དེ་བཞིན་གཤེགས་པ་ཡིད་དུ་འོང་བའི་སྣང་བ་ལ་ཕྱག་འཚལ་ལོ། །དེ་བཞིན་གཤེགས་
པ་འོད་ཟེར་དམ་པ་ལ་ཕྱག་འཚལ་ལོ། །དེ་བཞིན་གཤེགས་པ་གསུང་ཆེན་པོ་ལ་ཕྱག་འཚལ་ལོ། །དེ་བཞིན་གཤེགས་པ་གཟི་བརྗིད་ཕུང་པོ་ཆེན་པོ་ལ་ཕྱག་འཚལ་ལོ། །དེ་བཞིན་གཤེགས་པ་འོད་ཀྱི་དཔལ་ལ་ཕྱག་འཚལ་ལོ། །
དེ་བཞིན་གཤེགས་པ་ཡོན་ཏན་གཟི་བརྗིད་ཕུང་པོ་ལ་ཕྱག་འཚལ་ལོ། །དེ་བཞིན་གཤེགས་པ་མཚན་གསལ་བ་ལ་ཕྱག་འཚལ་ལོ། །དེ་བཞིན་གཤེགས་པ་དྲང་སྲོང་ཆེན་པོ་ལ་ཕྱག་འཚལ་ལོ། །དེ་བཞིན་གཤེགས་པ་དགྲ་བཅོམ་
པ་གདང་བ་ལ་ཕྱག་འཚལ་ལོ། །དེ་བཞིན་གཤེགས་པ་བདེ་བར་གནས་པར་དགོངས་པ་ལ་ཕྱག་འཚལ་ལོ། །དེ་བཞིན་གཤེགས་པ་མུ་རྟེན་བཟང་བ་ལ་ཕྱག་འཚལ་ལོ། །དེ་བཞིན་གཤེགས་པ་ཡེ་ཤེས་འབྱུང་གནས་ལ་ཕྱག་
འཚལ་ལོ། །དེ་བཞིན་གཤེགས་པ་ཀུན་ཏུ་རིན་ཆེན་ལ་ཕྱག་འཚལ་ལོ། །དེ་བཞིན་གཤེགས་པ་ཉི་མའི་འོད་ཟེར་ལ་ཕྱག་འཚལ་ལོ། །དེ་བཞིན་གཤེགས་པ་གཤེགས་པའི་རྟེན་ལ་ཕྱག་འཚལ་ལོ། །དེ་བཞིན་གཤེགས་པ་ཐལ་བའི་ཕྱག་བརྙན་ལ་

62-1-88a

ཕྱག་འཚལ་ལོ། །དེ་བཞིན་གཤེགས་པ་སེང་གེའི་གཟུགས་ལ་ཕྱག་འཚལ་ལོ། །དེ་བཞིན་གཤེགས་པ་སྐྱིད་པའི་གྲོགས་པོ་ལ་ཕྱག་འཚལ་ལོ། །དེ་བཞིན་གཤེགས་པ་དབྱངས་རྣམ་པར་དག་པ་ལ་ཕྱག་འཚལ་ལོ། །དེ་བཞིན་གཤེགས་
པ་སྡུག་པ་བདེན་པ་ལ་ཕྱག་འཚལ་ལོ། །དེ་བཞིན་གཤེགས་པ་རབ་ཏུ་ཞི་བར་དབང་བ་ལ་ཕྱག་འཚལ་ལོ། །དེ་བཞིན་གཤེགས་པ་རིན་ཆེན་གཟི་བརྗིད་ལ་ཕྱག་འཚལ་ལོ། །དེ་བཞིན་གཤེགས་པ་གཟི་བརྗིད་བཟང་བ་ལ་ཕྱག་འཚལ་ལོ། །དེ་བཞིན་
གཤེགས་པ་འོད་བརྟགས་པ་ལ་ཕྱག་འཚལ་ལོ། །དེ་བཞིན་གཤེགས་པ་འཇིག་རྟེན་གྱི་མཆོད་རྟེན་ལ་ཕྱག་འཚལ་ལོ། །དེ་བཞིན་གཤེགས་པ་སྤྱོད་པ་གཙང་བ་ལ་ཕྱག་འཚལ་ལོ། །དེ་བཞིན་གཤེགས་པ་འཇིག་རྟེན་གྱི་གཟི་བརྗིད་བཟང་བ་ལ་
ཕྱག་འཚལ་ལོ། །དེ་བཞིན་གཤེགས་པ་ཆེར་རྣམ་པར་འཕར་བ་ལ་ཕྱག་འཚལ་ལོ། །དེ་བཞིན་གཤེགས་པ་གཟུགས་གཞལ་དུ་མེད་པ་ལ་ཕྱག་འཚལ་ལོ། །དེ་བཞིན་གཤེགས་པ་ཤེས་རབ་འཛིན་པ་ལ་ཕྱག་འཚལ་ལོ། །དེ་བཞིན་གཤེགས་
པ་ཡོན་ཏན་གྱི་རྟེན་ལ་ཕྱག་འཚལ་ལོ། །དེ་བཞིན་གཤེགས་པ་རི་རབ་འོད་ལ་ཕྱག་འཚལ་ལོ། །དེ་བཞིན་གཤེགས་པ་བློ་གྲོས་ཞི་བ་ལ་ཕྱག་འཚལ་ལོ། །དེ་བཞིན་གཤེགས་པ་རྣམ་པར་འཕར་བ་ཆེན་པོ་ལ་ཕྱག་འཚལ་ལོ། །དེ་བཞིན་
གཤེགས་པ་བཅིངས་མེད་རི་བ་མེད་པ་ལ་ཕྱག་འཚལ་ལོ། །དེ་བཞིན་གཤེགས་པ་དོན་གྲུབ་ལ་ཕྱག་འཚལ་ལོ། །དེ་བཞིན་གཤེགས་པ་ཕན་པར་དགྱེས་པ་ལ་ཕྱག་འཚལ་ལོ། །དེ་བཞིན་གཤེགས་པ་སྙོམས་པར་ཐུབ་པའི་ལྷ་ལ་
ཕྱག་འཚལ་ལོ། །དེ་བཞིན་གཤེགས་པ་དར་དྲག་སྤངས་པ་ལ་ཕྱག་འཚལ་ལོ། །དེ་བཞིན་གཤེགས་པ་ཡེ་ཤེས་མྱུར་བ་ལ་ཕྱག་འཚལ་ལོ། །དེ་བཞིན་གཤེགས་པ་གཞན་དུ་བསྒྱུར་བ་ལ་ཕྱག་འཚལ་ལོ། །དེ་བཞིན་གཤེགས་པ་ཐར་པ་བཟང་བ་ལ་
ཕྱག་འཚལ་ལོ། །དེ་བཞིན་གཤེགས་པ་རྣམ་པར་འཕར་བ་སྡུག་པ་ལ་ཕྱག་འཚལ་ལོ། །དེ་བཞིན་གཤེགས་པ་གཟི་བརྗིད་ཀུན་ཏུ་སྣང་བ་ལ་ཕྱག་འཚལ་ལོ། །དེ་བཞིན་གཤེགས་པ་བྱམས་པའི་སྟོབས་ལ་ཕྱག་འཚལ་ལོ། །དེ་བཞིན་གཤེགས་པ་ལ་

62-1-88b

ཟླ་བའི་དཔལ་ལ་ཕྱག་འཚལ་ལོ། །དེ་བཞིན་གཤེགས་པ་ཙན་དན་དཔལ་ལ་ཕྱག་འཚལ་ལོ། །དེ་བཞིན་གཤེགས་པ་ཞི་བའི་འོད་ལ་ཕྱག་འཚལ་ལོ། །དེ་བཞིན་གཤེགས་པ་དགའ་བའི་སྤྱན་ལ་ཕྱག་འཚལ་ལོ། །དེ་བཞིན་གཤེགས་པ་
ཚུལ་ཁྲིམས་དབྱངས་ལ་ཕྱག་འཚལ་ལོ། །དེ་བཞིན་གཤེགས་པ་མི་འཆི་བའི་གཟུགས་ལ་ཕྱག་འཚལ་ལོ། །དེ་བཞིན་གཤེགས་པ་ཆོས་ཀྱི་བློ་གྲོས་ལ་ཕྱག་འཚལ་ལོ། །དེ་བཞིན་གཤེགས་པ་ཟླ་བ་ཆེན་པོ་ལ་ཕྱག་འཚལ་ལོ། །
དེ་བཞིན་གཤེགས་པ་མི་ཚུགས་པའི་དབྱངས་ལ་འཚལ་ལོ། །དེ་བཞིན་གཤེགས་པ་མི་འཆི་བའི་མེ་ཏོག་ལ་ཕྱག་འཚལ་ལོ། །དེ་བཞིན་གཤེགས་པ་སྙོམས་པར་གཟིགས་པ་ལ་ཕྱག་འཚལ་ལོ། །དེ་བཞིན་གཤེགས་པ་ཆེ་བའི་
ཟླ་བ་ལ་ཕྱག་འཚལ་ལོ། །དེ་བཞིན་གཤེགས་པ་བསོད་ནམས་ཀྱི་བློ་ལ་ཕྱག་འཚལ་ལོ། །དེ་བཞིན་གཤེགས་པ་འོད་ཟེར་བཅུ་པ་ལ་ཕྱག་འཚལ་ལོ། །དེ་བཞིན་གཤེགས་པ་འོད་རྣམ་པ་མང་པོར་སྣང་བ་ལ་ཕྱག་འཚལ་ལོ། །དེ་བཞིན་
གཤེགས་པ་གླང་པོའི་སོ་ལ་ཕྱག་འཚལ་ལོ། །དེ་བཞིན་གཤེགས་པ་སྤྲིན་སྒྲ་ལ་ཕྱག་འཚལ་ལོ། །དེ་བཞིན་གཤེགས་པ་རྣམ་པར་འཕར་བའི་ཡོན་ཏན་ལ་ཕྱག་འཚལ་ལོ། །དེ་བཞིན་གཤེགས་པ་བསམ་པའི་ཡོན་ཏན་ལ་ཕྱག་
འཚལ་ལོ། །དེ་བཞིན་གཤེགས་པ་དབྱངས་པོ་ཆེ་ལ་ཕྱག་འཚལ་ལོ། །དེ་བཞིན་གཤེགས་པ་དབྱངས་གསོལ་བ་ལ་ཕྱག་འཚལ་ལོ། །དེ་བཞིན་གཤེགས་པ་ངན་སོང་སྤངས་པ་ལ་ཕྱག་འཚལ་ལོ། །དེ་བཞིན་གཤེགས་པ་ལྷའི་མེ་
ཏོག་ལ་ཕྱག་འཚལ་ལོ། །དེ་བཞིན་གཤེགས་པ་རོལ་པར་བཅས་པའི་སྤྱན་ལ་ཕྱག་འཚལ་ལོ། །དེ་བཞིན་གཤེགས་པ་མར་མེ་ཆེན་པོ་ལ་ཕྱག་འཚལ་ལོ། །དེ་བཞིན་གཤེགས་པ་གདོན་མི་ཟ་བའི་དཀའ་ཐུབ་ལ་ཕྱག་འཚལ་ལོ། །དེ་བཞིན་
གཤེགས་པ་བརྟན་པའི་སྦྱིན་ལ་ཕྱག་འཚལ་ལོ། །དེ་བཞིན་གཤེགས་པ་མྱོངས་བ་སྤངས་པ་ལ་ཕྱག་འཚལ་ལོ། །དེ་བཞིན་གཤེགས་པ་ཙན་དན་གྱི་མེ་ཏོག་ལ་ཕྱག་འཚལ་ལོ། །དེ་བཞིན་གཤེགས་པ་འོད་སྣང་བ་བསམ་གྱིས་མི་ཁྱབ་པ་ལ་ཕྱག་

62-1-89a

འཚལ་ལོ། །དེ་བཞིན་གཤེགས་པ་ཀུན་དུ་བཟང་བ་ལ་ཕྱག་འཚལ་ལོ། །དེ་བཞིན་གཤེགས་པ་ཟླ་བ་མཆོག་རབ་ལ་ཕྱག་འཚལ་ལོ། །དེ་བཞིན་གཤེགས་པ་ཚེམས་ཡིད་དུ་འོང་བ་ལ་ཕྱག་འཚལ་ལོ། །དེ་བཞིན་གཤེགས་པ་དབྱངས་སྙན་
པ་ལ་ཕྱག་འཚལ་ལོ། །དེ་བཞིན་གཤེགས་པ་བློ་གྲོས་དམ་པ་ལ་ཕྱག་འཚལ་ལོ། །དེ་བཞིན་གཤེགས་པ་འོད་མཛེས་པ་ལ་ཕྱག་འཚལ་ལོ། །དེ་བཞིན་གཤེགས་པ་མེ་ཏོག་སྙིང་པོ་ལ་ཕྱག་འཚལ་ལོ། །དེ་བཞིན་གཤེགས་པ་ཡིད་མི་འཆི་བ་ལ་
ཕྱག་འཚལ་ལོ། །དེ་བཞིན་གཤེགས་པ་སྦྱིན་པ་བྱིན་པ་ལ་ཕྱག་འཚལ་ལོ། །དེ་བཞིན་གཤེགས་པ་ཡིད་ལ་རེ་བ་རྫོགས་པ་ལ་ཕྱག་འཚལ་ལོ། །དེ་བཞིན་གཤེགས་པ་ཐར་བར་དགྱིས་པ་ལ་ཕྱག་འཚལ་ལོ། །དེ་བཞིན་གཤེགས་པ་འོད་པ་
ལས་རྣམ་པར་འཕར་བ་ལ་ཕྱག་འཚལ་ལོ། །དེ་བཞིན་གཤེགས་པ་དགྲ་བསྲེག་པ་ལ་ཕྱག་འཚལ་ལོ། །དེ་བཞིན་གཤེགས་པ་མ་ཡིན་པར་འགྲོ་བ་སྤངས་པ་ལ་ཕྱག་འཚལ་ལོ། །དེ་བཞིན་གཤེགས་པ་བདུད་རྩིའི་འོད་ལ་ཕྱག་
འཚལ་ལོ། །དེ་བཞིན་གཤེགས་པ་དྲི་མ་མེད་པར་དགོངས་པ་ལ་ཕྱག་འཚལ་ལོ། །དེ་བཞིན་གཤེགས་པ་བརྟན་པར་གསུང་བ་ལ་ཕྱག་འཚལ་ལོ། །དེ་བཞིན་གཤེགས་པ་མཐའ་ཡས་པའི་སྤྱན་ལ་ཕྱག་འཚལ་ལོ། །དེ་བཞིན་
གཤེགས་པ་དཀའ་ཐུབ་རྣམ་པར་འཕར་བ་ལ་ཕྱག་འཚལ་ལོ། །དེ་བཞིན་གཤེགས་པ་འོད་དམ་པར་འབར་བ་ལ་ཕྱག་འཚལ་ལོ། །དེ་བཞིན་གཤེགས་པ་ཡོན་ཏན་སྩོགས་པ་ལ་ཕྱག་འཚལ་ལོ། །དེ་བཞིན་གཤེགས་པ་དབྱངས་ཡིད་
དུ་འོང་བ་ལ་ཕྱག་འཚལ་ལོ། །དེ་བཞིན་གཤེགས་པ་ཆེར་དགོངས་པ་ལ་ཕྱག་འཚལ་ལོ། །དེ་བཞིན་གཤེགས་པ་ལྷ་དགའ་བར་འགྱུར་བ་ལ་ཕྱག་འཚལ་ལོ། །དེ་བཞིན་གཤེགས་པ་བདུད་རྩི་དགོངས་པ་ལ་ཕྱག་འཚལ་ལོ། །དེ་བཞིན་
གཤེགས་པ་བློ་གྲོས་ངེས་པ་ལ་ཕྱག་འཚལ་ལོ། །དེ་བཞིན་གཤེགས་པ་མར་མེ་དམ་པ་ལ་ཕྱག་འཚལ་ལོ། །དེ་བཞིན་གཤེགས་པ་བློ་གྲོས་ཆེན་པོ་ལ་ཕྱག་འཚལ་ལོ། །དེ་བཞིན་གཤེགས་པ་གྱེན་དུ་འཕར་བའི་སྟོབས་ལ་ཕྱག་འཚལ་ལོ། །དེ་བཞིན་

62-1-89b

གཤེགས་པ་ལྷ་མ་ཡིན་འབིགས་པ་མི་ཟད་པའི་ལོ་མ་ལ་ཕྱག་འཚལ་ལོ། །དེ་བཞིན་གཤེགས་པ་བྱང་ཆུབ་ཀྱི་འོད་ལ་ཕྱག་འཚལ་ལོ། །དེ་བཞིན་གཤེགས་པ་རྗེས་སུ་རིག་པར་མཛད་པའི་གསུང་ལ་ཕྱག་འཚལ་ལོ། །དེ་བཞིན་གཤེགས་པ་མདངས་ཀྱི་སྟོབས་ལ་ཕྱག་འཚལ་
ལོ། །དེ་བཞིན་གཤེགས་པ་མིའི་སྐྱིད་པ་ཅན་ལ་ཕྱག་འཚལ་ལོ། །དེ་བཞིན་གཤེགས་པ་དཔལ་གྱི་མེ་ཏོག་སྩོགས་པ་ལ་ཕྱག་འཚལ་ལོ། །དེ་བཞིན་གཤེགས་པ་གཙུག་ཏོར་ཆེན་པོ་ལ་ཕྱག་འཚལ་ལོ། །དེ་བཞིན་གཤེགས་པ་འཆི་བ་མེད་པའི་དབང་པོ་ལ་
ཕྱག་འཚལ་ལོ། །དེ་བཞིན་གཤེགས་པ་དོགས་པ་མེད་པར་སྤྱོད་པ་ལ་ཕྱག་འཚལ་ལོ། །དེ་བཞིན་གཤེགས་པ་དོགས་པ་དགྲ་བཅོམ་པའི་བློ་ལ་ཕྱག་འཚལ་ལོ། །དེ་བཞིན་གཤེགས་པ་མྱ་ངན་ཤིན་དུ་བཅོམ་པ་ལ་ཕྱག་འཚལ་ལོ། །དེ་བཞིན་གཤེགས་
པ་རྣམ་པར་སྤངས་པ་ལ་ཕྱག་འཚལ་ལོ། །དེ་བཞིན་གཤེགས་པ་ཟླ་བ་སྣང་བ་ལ་ཕྱག་འཚལ་ལོ། །དེ་བཞིན་གཤེགས་པ་སེམས་དཔའ་བ་ལ་ཕྱག་འཚལ་ལོ། །དེ་བཞིན་གཤེགས་པ་ཐར་པའི་ཤེས་རབ་ལ་ཕྱག་འཚལ་ལོ། །དེ་བཞིན་གཤེགས་
པ་འགྲོ་བ་མ་ཡིན་པ་བསྐྱེད་པ་ལ་ཕྱག་འཚལ་ལོ། །དེ་བཞིན་གཤེགས་པ་མེ་ཏོག་ཙམ་པ་ཀའི་མར་མེ་ལ་ཕྱག་འཚལ་ལོ། །དེ་བཞིན་གཤེགས་པ་མཆོད་པའི་དཔལ་ལ་ཕྱག་འཚལ་ལོ། །དེ་བཞིན་གཤེགས་པ་བློ་གྲོས་ཤིན་དུ་དགོངས་པ་ལ་
ཕྱག་འཚལ་ལོ། །དེ་བཞིན་གཤེགས་པ་གཟི་བརྗིད་ཐབས་ཀྱི་དཔལ་ལ་ཕྱག་འཚལ་ལོ། །དེ་བཞིན་གཤེགས་པ་འགྲོ་བ་དགའ་བར་འགྱུར་བ་ལ་ཕྱག་འཚལ་ལོ། །དེ་བཞིན་གཤེགས་པ་བློ་གྲོས་བླ་མ་ལ་ཕྱག་འཚལ་ལོ། །དེ་བཞིན་
གཤེགས་པ་ལྷ་གསལ་བར་དགའ་བ་ལ་ཕྱག་འཚལ་ལོ། །དེ་བཞིན་གཤེགས་པ་རབ་ཏུ་སྣང་བའི་པད་མོ་ལ་ཕྱག་འཚལ་ལོ། །དེ་བཞིན་གཤེགས་པ་དྲི་རབ་ཏུ་ཞིམ་པ་ལ་ཕྱག་འཚལ་ལོ། །དེ་བཞིན་གཤེགས་པ་དམ་པ་མི་དགྱེས་
པ་ལ་ཕྱག་འཚལ་ལོ། །དེ་བཞིན་གཤེགས་པ་མེ་ཏོག་སྣ་ཚོགས་ཅན་ལ་ཕྱག་འཚལ་ལོ། །དེ་བཞིན་གཤེགས་པ་དཔལ་གྱེན་དུ་འབྱུང་བ་ལ་ཕྱག་འཚལ་ལོ། །དེ་བཞིན་གཤེགས་པ་ནམ་མཁའ་ལྟ་བུ་ལ་ཕྱག་འཚལ་ལོ། །དེ་བཞིན་གཤེགས་པ་

62-1-90a

ལྷ་དགའ་བར་མཛད་པ་ལ་ཕྱག་འཚལ་ལོ། །དེ་བཞིན་གཤེགས་པ་མཆོད་རྟེན་གྱི་རྟེན་ལ་ཕྱག་འཚལ་ལོ། །དེ་བཞིན་གཤེགས་པ་ཟླ་འོད་སྣང་བ་ལ་ཕྱག་འཚལ་ལོ། །དེ་བཞིན་གཤེགས་པ་ཕུང་པོ་ཆེན་པོ་ལ་ཕྱག་འཚལ་ལོ། །དེ་བཞིན་གཤེགས་
པ་སྟོབས་ཤིན་དུ་ཆེ་བ་ལ་ཕྱག་འཚལ་ལོ། །དེ་བཞིན་གཤེགས་པ་ཡེ་ཤེས་ཀྱི་འཁོར་བ་ལ་ཕྱག་འཚལ་ལོ། །དེ་བཞིན་གཤེགས་པ་བློ་གྲོས་བཙན་པ་ལ་ཕྱག་འཚལ་ལོ། །དེ་བཞིན་གཤེགས་པ་རི་དབང་བློ་གྲོས་ལ་ཕྱག་འཚལ་ལོ། །དེ་བཞིན་
གཤེགས་པ་ཡན་ལག་བཟང་ལ་ཕྱག་འཚལ་ལོ། །དེ་བཞིན་གཤེགས་པ་དཔལ་དམ་པ་ལ་ཕྱག་འཚལ་ལོ། །དེ་བཞིན་གཤེགས་པ་དཔལ་གྱི་གྲོགས་ལ་ཕྱག་འཚལ་ལོ། །དེ་བཞིན་གཤེགས་པ་ཐེ་ཙོམ་སྤངས་པ་ལ་ཕྱག་འཚལ་ལོ། །དེ་བཞིན་
གཤེགས་པ་དགྲ་བཅོམ་པ་འཆར་བ་ལ་ཕྱག་འཚལ་ལོ། །དེ་བཞིན་གཤེགས་པ་དཔལ་གྱི་དྲི་ལ་ཕྱག་འཚལ་ལོ། །དེ་བཞིན་གཤེགས་པ་དགྲ་མེད་པར་སྤྱོད་པ་ལ་ཕྱག་འཚལ་ལོ། །དེ་བཞིན་གཤེགས་པ་ཡོན་ཏན་སྒོམ་པ་ལ་ཕྱག་འཚལ་
ལོ། །དེ་བཞིན་གཤེགས་པ་བརྩོན་འགྲུས་སྐྱེད་པར་དགོངས་པ་ལ་ཕྱག་འཚལ་ལོ། །དེ་བཞིན་གཤེགས་པ་འོད་འབར་བ་ལ་ཕྱག་འཚལ་ལོ། །དེ་བཞིན་གཤེགས་པ་གཡུལ་ལས་རྣམ་པར་འབར་བ་ལ་ཕྱག་འཚལ་ལོ། །དེ་བཞིན་
གཤེགས་པ་ཟབ་མོ་བསྒོམས་པར་དགོངས་པ་ལ་ཕྱག་འཚལ་ལོ། །དེ་བཞིན་གཤེགས་པ་དྲི་བསུང་དགྱེས་པ་ལ་ཕྱག་འཚལ་ལོ། །དེ་བཞིན་གཤེགས་པ་དྲིའི་བན་གླང་ལ་ཕྱག་འཚལ་ལོ། །དེ་བཞིན་གཤེགས་པ་བློ་དབེན་པ་ལ་ཕྱག་འཚལ་
ལོ། །དེ་བཞིན་གཤེགས་པ་བློ་གྲོས་དམ་པར་དགོངས་པ་ལ་ཕྱག་འཚལ་ལོ། །དེ་བཞིན་གཤེགས་པ་ཡོན་ཏན་གྱིས་བརྒྱན་པ་ལ་ཕྱག་འཚལ་ལོ། །དེ་བཞིན་གཤེགས་པ་སྐྱོབ་པའི་དབང་པོ་ལ་ཕྱག་འཚལ་ལོ། །དེ་བཞིན་གཤེགས་པ་
ཡེ་ཤེས་བློ་གྲོས་ལ་ཕྱག་འཚལ་ལོ། །དེ་བཞིན་གཤེགས་པ་ཡོན་ཏན་རི་རབ་ལ་ཕྱག་འཚལ་ལོ། །དེ་བཞིན་གཤེགས་པ་དབྱངས་སྙན་པ་ལ་ཕྱག་འཚལ་ལོ། །དེ་བཞིན་གཤེགས་པ་གཡུལ་འཇིག་པ་ལ་ཕྱག་འཚལ་ལོ། །དེ་བཞིན་གཤེགས་

62-1-90b

པ་གསལ་བའི་དཔལ་ལ་ཕྱག་འཚལ་ལོ། །དེ་བཞིན་གཤེགས་པ་ཟླ་བ་སྟོན་པ་ལ་ཕྱག་འཚལ་ལོ། །དེ་བཞིན་གཤེགས་པ་ཡོན་ཏན་ཕུང་པོ་རབ་ཏུ་སྣང་བ་ལ་ཕྱག་འཚལ་ལོ། །དེ་བཞིན་གཤེགས་པ་ཆོས་ཀྱི་སྟོབས་ལ་ཕྱག་འཚལ་ལོ། །དེ་བཞིན་
གཤེགས་པ་ཐེ་ཙོམ་རྣམ་པར་ཞི་བ་ལ་ཕྱག་འཚལ་ལོ། །དེ་བཞིན་གཤེགས་པ་རྣམ་པར་གྲགས་པའི་རྒྱལ་པོ་ལ་ཕྱག་འཚལ་ལོ། །དེ་བཞིན་གཤེགས་པ་དབང་པོ་དུལ་བ་ལ་ཕྱག་འཚལ་ལོ། །དེ་བཞིན་གཤེགས་པ་བློ་གྲོས་མཆོག་ལ་ཕྱག་
འཚལ་ལོ། །དེ་བཞིན་གཤེགས་པ་བདུད་རྩིའི་འོད་ལ་ཕྱག་འཚལ་ལོ། །དེ་བཞིན་གཤེགས་པ་བདུད་རྩིར་དགོངས་པ་ལ་ཕྱག་འཚལ་ལོ། །དེ་བཞིན་གཤེགས་པ་ཡོན་ཏན་འོད་ཀྱི་རྒྱལ་པོ་ལ་ཕྱག་འཚལ་ལོ། །དེ་བཞིན་གཤེགས་པ་གཙུག་
ཏོར་དགྱེས་པ་ལ་ཕྱག་འཚལ་ལོ། །དེ་བཞིན་གཤེགས་པ་ཕུན་སུམ་གྲགས་པ་ལ་ཕྱག་འཚལ་ལོ། །དེ་བཞིན་གཤེགས་པ་ཀུན་དུ་གསལ་བ་ལ་ཕྱག་འཚལ་ལོ། །དེ་བཞིན་གཤེགས་པ་རྒྱན་གྱི་རྒྱལ་པོ་ལ་ཕྱག་འཚལ་ལོ། །དེ་བཞིན་གཤེགས་
པ་བརྩོན་འགྲུས་མཐའ་ཡས་པ་ལ་ཕྱག་འཚལ་ལོ། །དེ་བཞིན་གཤེགས་པ་དགྱེས་པ་མཐའ་ཡས་པ་ལ་ཕྱག་འཚལ་ལོ། །དེ་བཞིན་གཤེགས་པ་གཟི་བརྗིད་འོད་ལ་ཕྱག་འཚལ་ལོ། །དེ་བཞིན་གཤེགས་པ་བྱང་ཆུབ་རྒྱལ་པོ་ལ་ཕྱག་འཚལ་ལོ། །
དེ་བཞིན་གཤེགས་པ་ཆགས་པ་མེད་པའི་བློ་ལ་ཕྱག་འཚལ་ལོ། །དེ་བཞིན་གཤེགས་པ་ཀུན་གྱི་སྤྱན་ལ་ཕྱག་འཚལ་ལོ། །དེ་བཞིན་གཤེགས་པ་ཚིམ་པར་མཛད་པའི་ཡོན་ཏན་ལ་ཕྱག་འཚལ་ལོ། །དེ་བཞིན་གཤེགས་པ་དབྱངས་
ཅན་ལ་ཕྱག་འཚལ་ལོ། །དེ་བཞིན་གཤེགས་པ་ཤེས་རབ་ཀྱི་མཛོད་ལ་ཕྱག་འཚལ་ལོ། །དེ་བཞིན་གཤེགས་པ་ཡེ་ཤེས་ཀྱི་འོད་ལ་ཕྱག་འཚལ་ལོ། །དེ་བཞིན་གཤེགས་པ་ཆོས་སྦྱིན་བཞུད་པ་ལ་ཕྱག་འཚལ་ལོ། །དེ་བཞིན་གཤེགས་པ་
ཕན་པར་མཛད་པ་ལ་ཕྱག་འཚལ་ལོ། །དེ་བཞིན་གཤེགས་པ་གཟུགས་འབྱིན་པ་ལ་ཕྱག་འཚལ་ལོ། །དེ་ནས་བཅོམ་ལྡན་འདས་ཀྱིས་དེའི་ཚེ་ཚིགས་སུ་བཅད་པ་འདི་དག་གསུངས་སོ། །རྒྱལ་བ་རྣམས་ཀྱི་མཚན་འདི་ཐོས་ན་ནི། །བག་ཡོད་རིམ་གྲོ་བསྐྱེད་

62-1-91a

ཅིང་རིག་པར་བྱ། །ཕུན་སུམ་འདི་ལ་མ་དད་སྤོང་ན་ནི། །ངན་སོང་སྡུག་བསྔལ་ཕྱིར་ཡང་མྱོང་ང་རེ། །རིམ་བཞིན་ཚུལ་ཁྲིམས་ལ་ནི་བརྟེན་ནས་སུ། །ཐོས་ལ་དད་ཅིང་རབ་ཏུ་དབེན་པར་ལྡན། །ཟབ་མོ་བཟོད་པ་ཡོངས་སུ་བཀངས་ནས་
ནི། །དེས་ནི་འཇིག་རྟེན་མགོན་པོ་འདི་ཀུན་མཐོང་། །ལས་ཀྱི་འབྲས་བུ་རྣམ་སྨིན་མི་ཤེས་ཏེ། །བསྐལ་པ་བྱེ་བར་སྡིག་པའི་ལས་བྱས་པས། །རྒྱལ་བ་རྣམས་ལ་མོས་པས་མཚན་བརྗོད་ན། དེ་དག་ཀུན་གྱི་སྲས་སུ་དེ་འགྱུར་རོ། །
སངས་རྒྱས་ཀྱི་མཚན་ལྔ་སྟོང་བཞི་བརྒྱ་ལྔ་བཅུ་རྩ་གསུམ་པ་རྫོགས་སོ།། །། རྒྱ་གར་སྐད་དུ། ཨཱརྱ་སམྱཀ་ཙཱརྱ་མྱཀྩཱཪྻ་བཱ་ད་བི་དྷི་ཁ་ག་ཛུ་བི་ན་ཡ་ཀྵཱན་ཏི་ནཱ་མ་མ་ཧཱ་ཡཱ་ན་
སཱུ་ཏྲ།  བོད་སྐད་དུ། འཕགས་པ་ཡང་དག་པར་སྤྱོད་པའི་ཚུལ་ནམ་མཁའི་མདོག་གིས་འདུལ་བའི་བཟོད་པ་ཞེས་བྱ་བ་ཐེག་པ་ཆེན་པོའི་མདོ། བམ་པོ་དང་པོ། སངས་རྒྱས་དང་། བྱང་ཆུབ་སེམས་དཔའ་ཐམས་ཅད་ལ་
ཕྱག་འཚལ་ལོ། །འདི་སྐད་བདག་གིས་ཐོས་པའི་དུས་གཅིག་ན། བཅོམ་ལྡན་འདས་བྱེད་པ་ཅན་ན་རྙོག་པ་སེལ་བ་ཞེས་བྱ་བའི་བྱེད་པ་ཅན་གྱི་གྲོང་རྡལ་དུ་སྣང་བ་འཕེལ་བ་ཞེས་བྱ་བའི་རི་ལ་དྲང་སྲོང་རྟ་རླུང་ཞེས་བྱ་བ་དཀའ་ཐུབ་ལ་གནས་པ་ན། 
དགེ་སློང་གི་དགེ་འདུན་བརྒྱ་ཕྲག་ཕྱེད་དང་བཅུ་གསུམ་གྱི་དགེ་སློང་གི་དགེ་འདུན་ཆེན་པོ་དང་། བྱང་ཆུབ་སེམས་དཔའ་སེམས་དཔའ་ཆེན་པོ་དེ་བཞིན་གཤེགས་པའི་སྤྱོད་ཡུལ་ལ་ཆགས་པ་མེད་པའི་ཡེ་ཤེས་ཀྱིས་རྣམ་པར་སྤྲུལ་
པ། ཚད་མེད་པའི་བྱམས་པ་ཆེན་པོའི་བྱིན་གྱིས་བརླབས་ཀྱིས་སྟོབས་རྗེས་སུ་ཐོབ་པ། ཚད་མེད་པའི་སྙིང་རྗེ་ཆེན་པོས་སེམས་ཅན་གྱི་ཆུ་བོ་ཀུན་དུ་འཆང་བར་རྣམ་པར་སྤྲུལ་པ། ཚད་མེད་པའི་དགའ་བའི་བྱིན་གྱིས་བརླབས་ཀྱི་
སྟོབས་ཀྱི་སེམས་ཅན་ཐམས་ཅད་ལ་བདེ་བའི་དྲན་པའི་ཆར་རབ་ཏུ་འབབ་པས་ཀུན་དུ་ངོམས་པ། ཚད་མེད་པའི་བཏང་སྙོམ་ཀྱི་ཡེ་ཤེས་ཀྱིས་ཆོས་ཐམས་ཅད་ནམ་མཁའ་དང་མཉམ་པར་འཇུག་པ་ལ་མཁས་པ། 

62-1-91b

ཆོས་ཀྱི་སྤྲིན་དང་། ལྷག་མཐོང་དང་། རིག་པ་དང་། ཡེ་ཤེས་ཀྱིས་མ་སྟོབས་ཀྱིས་མ་རིག་པའི་མུན་པ་ཆེན་པོ་རྣམ་པར་འཇིག་པ་ལ་མཁས་པ། བསྡུ་བ་རྣམ་པ་བཞིས་སེམས་ཅན་རྣམས་ཆུ་བོ་བཞི་ལས་བསྒྲལ་བར་བྱ་བའི་ཡེ་ཤེས་དང་། 
སེམས་ཅན་ཐམས་ཅད་ལ་མཚུངས་པར་སེམས་པའི་ཕྱིར་བྱམས་པ་དང་། ཁོང་ཁྲོ་བ་མེད་པས་བྱང་ཆུབ་ཀྱི་ཕྱོགས་ཀྱི་ལམ་ཡོངས་སུ་དག་པ། ཆོས་ཀྱིས་ཡང་དག་པར་འཇུག་པ། ཡེ་ཤེས་ཆེན་པོ་ལ་མཁས་པ། 
འཇིག་རྟེན་ལ་མཆོག་གི་ལམ་ཡང་དག་པར་སྟོན་པ། །སེམས་ཅན་རྣམ་པར་རྒྱས་ཤིང་དགེ་བའི་རྩ་བས་ཡོངས་སུ་སྲེག་པའི་ཆུ་བརྐམ་ཞིང་ཡེ་ཤེས་ཀྱི་ལས་ཀྱི་མཐའ་ལ་རབ་ཏུ་འཇུག་པ། མངོན་པར་ཤེས་པ་
ཆེན་པོའི་ཡེ་ཤེས་རྣམ་པར་རྩེ་བ་མངོན་པར་ཤེས་པ་ཟླ་བ་ལྟ་བུ། སེམས་ཅན་ཐམས་ཅད་ཀྱི་སེམས་མཚུངས་པར་ཤེས་པའི་བསམ་པ་མངོན་པར་ཡང་དག་པར་མགུ་བའི་ཕྱིར་ཐབས་ལ་མཁས་པ་འཕེལ་བ་ཡང་དག་པར་
སྟོན་པ། ནམ་མཁའ་དང་མཚུངས་པའི་གཟུངས་ཀྱིས་ཚད་མེད་པའི་སྣོད་ཆོས་རིན་པོ་ཆེས་ཡོངས་སུ་བཀང་ཞིང་བྱང་ཆུབ་སེམས་དཔའི་སྤྱོད་པའི་ཕྱིར་སྐྱེ་བོ་ཐམས་ཅད་ཀྱི་ཉེ་བར་འཚོ་བ། འཕགས་པའི་བདེན་པ་བཞིས་རྐང་པའི་
ཤུགས་ཆེན་པོས་ཆོས་ཀྱི་ཚུལ་གྱི་ལམ་ཟབ་མོའི་རྗེས་སུ་ཞུགས་པ། མཚུངས་པའི་ཆོས་ཀྱིས་གཞན་གྱི་རྒོལ་བ་ཐམས་ཅད་ཚར་གཅོད་པ། བསྐལ་པ་བརྒྱ་སྟོང་གྲངས་མེད་པའི་ཐར་བྱང་ཆུབ་སེམས་དཔའི་སྤྱོད་པ་ཐུག་པ་
མེད་ཅིང་རྒྱུན་མ་བཅད་པའི་ཡོན་ཏན་ཐམས་ཅད་འབྱུང་བ། རླུང་དང་མཚུངས་པའི་སེམས་འཇིག་རྟེན་པ་དང་འཇིག་རྟེན་ལས་འདས་པའི་ཆོས་ཐམས་ཅད་ཀྱིས་གོས་པ་མེད་པ། བག་ཆགས་ཐམས་ཅད་རྗེས་སུ་འབྲེལ་པའི་
ཉོན་མོངས་པ་རབ་ཏུ་སྤངས་པ། ཚད་མེད་གྲངས་མེད་པའི་ཏིང་ངེ་འཛིན་དང་། གཟུངས་དང་། བཟོད་པས་རྣམ་པར་རྩེ་བ་ལ་མཁས་པ་ཤ་སྟག་ལ་འདི་ལྟ་སྟེ། བྱང་ཆུབ་སེམས་དཔའ་རྟ་དང་གླང་པོ་ཆེ་མི་དཀར་བ་ཞེས་བྱ་

62-1-92a

བྱ་བ་དང་། བྱང་ཆུབ་སེམས་དཔའ་རི་རབ་ཀུན་དུ་སྣང་བ་ཞེས་བྱ་བ་དང་། བྱང་ཆུབ་སེམས་དཔའ་རི་རབ་ཟླ་བ་ཞེས་བྱ་བ་དང་། བྱང་ཆུབ་སེམས་དཔའ་རྣམ་པར་བསྒྱིངས་པ་མི་ཟད་པ་ཞེས་བྱ་བ་དང་། བྱང་ཆུབ་སེམས་
དཔའ་ཡེ་ཤེས་དཔལ་ཞེས་བྱ་བ་དང་། བྱང་ཆུབ་སེམས་དཔའ་མིག་སྔོན་པོ་ཞེས་བྱ་བ་དང་། བྱང་ཆུབ་སེམས་དཔའ་ངུར་སྨྲིག་སེང་གེ་སྒྲ་འབྱིན་ཅེས་བྱ་བ་དང་། བྱང་ཆུབ་སེམས་དཔའ་ནོར་གྱི་འོད་ཀྱི་ཚོགས་ཤེས་བྱ་བ་དང་། 
བྱང་ཆུབ་སེམས་དཔའ་རི་རབ་མཚམས་ཤེས་བྱ་བ་དང་། བྱང་ཆུབ་སེམས་དཔའ་རྒྱལ་མཚན་རྣམ་པར་སྤྲུལ་པའི་དབྱངས་ཤེས་བྱ་བ་དང་། བྱང་ཆུབ་སེམས་དཔའ་གློག་གི་ཕུང་པོ་ཞེས་བྱ་བ་དང་། བྱང་ཆུབ་སེམས་དཔའ་ཡོན་
ཏན་གྱི་གཟི་བརྗིད་དྲི་མ་མེད་པའི་རྒྱལ་པོ་ཞེས་བྱ་བ་དང་། བྱང་ཆུབ་སེམས་དཔའ་རི་རབ་སྟོབས་ཀུན་དུ་རྒྱས་པ་ཞེས་བྱ་བ་དང་། བྱང་ཆུབ་སེམས་དཔའ་གཏོགས་འདོད་མཐུ་བོ་ཆེ་ཞེས་བྱ་བ་དང་། བྱང་ཆུབ་སེམས་
དཔའ་བྱམས་པ་དང་། དེ་ལ་སོགས་པ་བྱང་ཆུབ་སེམས་དཔའ་སྟོང་ཕྲག་བཅུ་དང་། སྔོན་དུ་འགྲོ་བ་དྲང་སྲོང་རྟ་རླུང་དང་། དྲང་སྲོང་སྟོང་ཕྲག་སུམ་བཅུ་དང་། ལྷ་བྲན་བརྒྱ་སྟོང་ཕྲག་བཅུ་བརྒྱད་ཀྱིས་སངས་རྒྱས་
བཅོམ་ལྡན་འདས་ལ་ཡོངས་སུ་བསྐོར་ནས་ལྷན་ཅིག་དུ་འཁོད་དོ། །དེ་ནས་བཅོམ་ལྡན་འདས་ཀྱིས་ཚེ་དང་ལྡན་པ་ལེགས་པར་འོངས་པ་ལ་བཀའ་སྩལ་པ། ལེགས་པར་འོངས་པ་དེ་བཞིན་གཤེགས་པའི་སེང་གེའི་
ཁྲི་བཤམས་པ་དེ་ལ་བདག་འདུག་སྟེ། ཉན་ཐོས་རྣམས་ལ་ཉན་ཐོས་ཀྱི་གཏམ་སྨྲ་བར་འགྱུར་རོ། །བཅོམ་ལྡན་འདས་དེ་བཞིན་ནོ་ཞེས་གསོལ་པ་དང་། ཚེ་དང་ལྡན་པ་ལེགས་པར་འོངས་པ་ཕྱིར་མཉན་ཏོ། 
བཅོམ་ལྡན་འདས་ཀྱི་ཕྱིར་ཕོ་བྲང་ཟླུམ་པོ་བྱས་པར་གྱུར་ཏོ། །དེ་ནས་བཅོམ་ལྡན་འདས་ཀྱིས་འཁོར་ཐམས་ཅད་དང་ལྡན་པ་ལ་རྣམ་པར་ཀུན་དུ་བལྟས་ཏེ། ཕོ་བྲང་ཟླུམ་པོར་བཤམས་པ་ཉིད་དུ་བཞུགས་སོ། །དེ་ནས་

62-1-92b

དགེ་སློང་གཞན་དག་ཀྱང་སྟན་ལས་ལངས་ཏེ། བླ་གོས་ཕྲག་པ་གཅིག་ཏུ་བྱས་ནས་བཅོམ་ལྡན་འདས་གང་ན་བ་དེ་ལོགས་སུ་ཐལ་མོ་སྦྱར་ཏེ། ཕྱག་འཚལ་ནས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །
བཅོམ་ལྡན་འདས་འཇིག་རྟེན་ཞེས་བགྱི་བ་བཙུན་པ་བཅོམ་ལྡན་འདས་འཇིག་རྟེན་ཞེས་བགྱི་བ་ནི་གང་ལགས། དེ་བཞིན་གཤེགས་པས་འཇིག་རྟེན་དུ་བཏགས་པས་བཏགས་པ་ནི་ཇི་ལྟ་བུ་ལགས། དེ་སྐད་ཅེས་གསོལ་པ་དང་། བཅོམ་
ལྡན་འདས་ཀྱིས་དགེ་སློང་དེ་ལ་འདི་སྐད་ཅེས་བཀའ་སྩལ་ཏོ། །དགེ་སློང་དག་འཇིག་རྟེན་འཇིག་རྟེན་ཞེས་བྱ་བ་དང་། དེ་བཞིན་གཤེགས་པས་འཇིག་རྟེན་དུ་བཏགས་པས་བཏགས་པ་ནི་
ཇི་ཙམ་ཞེས་དགེ་སློང་ཁྱོད་དེ་སྐད་
འདྲི་འམ། བཅོམ་ལྡན་འདས་དེ་བཞིན་ནོ། །དེའི་ཕྱིར་དགེ་སློང་ཁྱོད་ལེགས་པར་ཉོན་ལ་ཤིན་དུ་ཡིད་ལ་ཟུང་ཤིག་དང་ངས་བཤད་དོ། །བཙུན་པ་དེ་བཞིན་ནོ་ཞེས་གསོལ་ཏེ་དགེ་སློང་དེ་བཅོམ་ལྡན་འདས་ལ་ཕྱིར་ཉན་པ་དང་། བཅོམ་
ལྡན་འདས་ཀྱིས་དེ་ལ་འདི་སྐད་ཅེས་བཀའ་སྩལ་ཏོ། །དགེ་སློང་འཇིག་རྟེན་ཞེས་བྱ་བ་ནི་འཇིག་རྟེན་རྣམ་པ་གཉིས་ཏེ། སྣོད་ཀྱི་འཇིག་རྟེན་དང་། འདུ་བྱེད་ཀྱི་འཇིག་རྟེན་ནོ། །དགེ་སློང་དེ་ལ་སྣོད་ཀྱི་འཇིག་རྟེན་ནི་གང་། 
འདུ་བྱེད་ཀྱི་འཇིག་རྟེན་ནི་གང་ཞེ་ན། སའི་ཁམས་དང་། ཆུའི་ཁམས་དང་། མེའི་ཁམས་དང་། རླུང་གི་ཁམས་ཇི་ཙམ་པ་ནི་སྣོད་ཅེས་བྱའོ། །དགེ་སློང་དེ་ལ་ནང་གི་སའི་ཁམས་ཡོད་དེ། དགེ་སློང་དེ་ལ་ནང་གི་སའི་
ཁམས་གང་ཞེ་ན། གང་ནང་གི་སྲ་བའི་སྲ་བ་ཉིད་ཟིན་པ་ནི་འདི་ལྟ་སྟེ། རུས་པ་དང་། སེན་མོ་དང་། སོའི་བར་དུ་སྟེ། འདི་དག་ནི་ནང་གི་སའི་ཁམས་ཤེས་བྱའོ། །དེ་ལ་ཕྱི་རོལ་གྱི་སའི་ཁམས་གང་ཞེ་ན། གང་ལུས་

62-1-93a

ཀྱི་ཕྱི་རོལ་གྱི་སའི་ཁམས་ནི་འདི་ལྟ་སྟེ། འགྲོན་བུ་དང་། གསེར་དང་། ནོར་བུ་དང་། མུ་ཏིག་དང་། བཻ་དཱུརྱ་དང་། དུང་དང་། རྡོ་དང་། བྱི་རུ་དང་། དངུལ་དང་། ས་ལེ་སྦྲམ་དང་། གྲམ་བུ་དང་། གསེག་མ་དང་། གྱོ་མོ་དང་། ཤིང་དང་། 
རྩྭ་དང་། སྨན་དང་། ཕྱག་དར་དང་། འདི་དག་ནི་ཕྱི་རོལ་གྱི་སའི་ཁམས་ཤེས་བྱའོ། །ཆུའི་ཁམས་གང་ཞེ་ན། ཕྱིར་རོལ་གྱི་ཆུའི་ཁམས་ཡོད་ན་ནང་གི་ཆུའི་ཁམས་ཀྱང་ཡོད་དེ། དེ་ལ་ནང་གི་ཆུའི་ཁམས་གང་ཞེ་ན། ལུས་འདི་ལ་
ཆུ་དང་། ཆུའི་ཁམས་ཀྱི་མཁྲིས་པ་དང་། བད་ཀན་དང་། རྣག་དང་། ཁྲག་དང་། གླད་པ་དང་། གླད་རྒྱས་དང་། མཆི་མ་དང་། རྡུལ་དང་། ངར་སྣབས་དང་། སྣབས་དང་། རྒྱུངས་པ་དང་། ལྒང་དང་། གཅིན་ཡོད་པ་ཀུན་དུ་ལེན་པ་འདི་ནི་
ནང་གི་ཆུའི་ཁམས་ཤེས་བྱའོ། །དེ་ལ་ཕྱི་རོལ་གྱི་ཆུའི་ཁམས་གང་ཞེ་ན། གང་ལུས་ཀྱི་ཕྱི་རོལ་གྱི་ཆུའི་ཁམས་ནི་འདི་ལྟ་སྟེ། ཆུ་དང་། ཆུའི་ཁམས་ཀྱི་སྣུམ་པ་དང་། འོ་མ་དང་། ཞོ་དང་། དར་བ་དང་། བུ་རམ་དང་། ཤིང་གི་རོ་དང་། ཆང་
དང་། རྩབ་མོ་དང་། བུ་རམ་ཆང་དང་། མེ་ཏོག་ཆང་དང་། ལུས་ཀྱི་ཕྱི་རོལ་གྱི་ཆུའི་ཁམས་ཇི་ཙམ་པ་ཀུན་དུ་ལེན་པ་འདི་ནི་ཕྱི་རོལ་གྱི་ཆུའི་ཁམས་སོ། །དེ་ལ་ནང་གི་མེའི་ཁམས་གང་ཞེ་ན། ལུས་ལ་གང་སྐྱེ་བོའི་མདོག་གི་དྲོ་བ་
ཀུན་དུ་ལེན་པ་དེས་ལུས་འདི་དྲོ་བ་ཉིད་དུ་བ་དང་། གདུངས་པ་དང་། རིམས་དང་། ཡོངས་སུ་ཚིག་པ་དང་། དེས་ཟོས་པ་དང་། འཐུངས་པ་དང་། འཆོས་པ་དང་། མྱངས་པ་དེའི་ཡང་དག་པར་ཡོངས་སུ་སྨིན་པར་འགྱུར་བ་འདི་ནི་
ནང་གི་མེའི་ཁམས་ཤེས་བྱའོ། །དེ་ལ་ཕྱི་རོལ་གྱི་མེའི་ཁམས་གང་ཞེ་ན། གང་མེའི་གདུང་བ་དང་། ཉི་མའི་གདུང་བ་དང་། ནོར་བུའི་གདུང་བ་དང་། འབྲུ་དང་། སྨན་དང་། ཤིང་དང་། རྩྭའི་དྲོ་བ་དང་། ལྕི་བའི་དྲོ་བ་དང་། ཕྱག་དར་གྱི་
དྲོ་བ་དང་འདི་དག་ནི་ཕྱི་རོལ་གྱི་མེའི་ཁམས་ཤེས་བྱའོ། །དེ་ལ་ནང་གི་རླུང་གི་ཁམས་གང་ཞེ་ན། གང་ལུས་འདི་ལ་གྱེན་དུ་རྒྱུ་བའི་རླུང་དང་། ཐུར་དུ་རྒྱུ་བའི་རླུང་དང་། མ་ཞུ་བའི་རླུང་དང་། ཡན་ལག་དང་། ཉིང་ལག་ཏུ་རྒྱུ་བའི་

62-1-93b

རླུང་དང་། འདི་ནི་ནང་གི་རླུང་རྣམས་ཤེས་བྱའོ། །དེ་ལ་ཕྱི་རོལ་གྱི་རླུང་གང་ཞེ་ན། གང་ཕྱི་རོལ་དུ་ཡང་དག་པར་རྒྱུ་བའི་རླུང་དང་། རྣམ་པར་རྒྱུ་བའི་རླུང་དང་། གྱེན་དུ་རྒྱུ་བ་དང་། གྲང་བ་དང་། དྲོ་བའི་དམུ་རླུང་ཕྱེད་པ་མང་པོ་དང་། ས་འཛིན་པའི་
རླུང་དང་ཕྱི་རོལ་གྱི་རླུང་གི་ཁམས་གང་ཡང་རུང་བ་འདི་ནི་ཕྱི་རོལ་གྱི་རླུང་གི་ཁམས་ཤེས་བྱ་སྟེ། དེ་ལྟར་ཕྱི་དང་ནང་གི་འབྱུང་བ་ཆེན་པོ་བཞི་པོ་འདི་ནི་སྣོད་ཀྱི་འཇིག་རྟེན་ཞེས་བྱའོ། །འདི་གང་གི་སྣོད་ཅེ་ན། ཉེ་བར་ལེན་པའི་ཕུང་པོ་ལྔའི་
སྣོད་དོ། །དགེ་སློང་དག་ཕྱི་དང་ནང་གི་འབྱུང་བ་ཆེན་པོ་བཞི་པོ་འདི་དག་ལ་གང་མོས་པ་འམ། དགའ་བ་འམ། བྱམས་པ་འམ། འཆགས་པ་འམ། རྒྱ་ཆེ་བ་འམ། ང་ཡིར་བྱ་བ་འམ། བདག་གིར་བྱ་བ་དེ་
ཐམས་ཅད་སྤང་བར་བྱའོ་ཞེས་སོ་སོར་བསླབ་པར་བྱའོ། །གང་ལ་ལ་འདས་པ་དང་། མ་འོངས་པ་དང་། ད་ལྟར་བྱུང་བའི་ཕྱི་དང་ནང་གི་འམ། ཆེ་བ་འམ། ཕྲ་བ་འམ། ངན་པ་འམ། བཟང་བ་འམ། གང་རིང་བ་འམ། 
གང་ཉེ་བ་འམ། འབྱུང་བ་ཆེན་པོ་བཞི་པོ་དེ་ཐམས་ཅད་དེ་བཞིན་དུ་སོ་སོར་བསླབ་པར་བྱའོ། །གང་ལ་ལ་འབྱུང་བ་ཆེན་པོ་བཞི་པོ་དེ་དག་ནི་བདག་གི་མ་ཡིན། བདག་ཀྱང་དེའི་མ་ཡིན། དེ་ཡང་བདག་མ་ཡིན་ནོ་
ཞེས་དེ་ལྟར་དེ་བཞིན་དུ་ཡང་དག་པའི་ཤེས་རབ་ཀྱིས་ཇི་ལྟ་བ་བཞིན་དུ་བལྟ་བར་བྱའོ། །དགེ་སློང་དག་དགེ་སློང་གང་ལ་ལ་འབྱུང་བ་ཆེན་པོ་བཞི་པོ་འདི་དག་ལ་དེ་བཞིན་དུ་ཡང་དག་པའི་ཤེས་རབ་ཀྱིས་ཤིན་དུ་བརྟན་པར་བྱེད་དོ། །
ཤིན་དུ་ཡིད་ལ་བྱས་པའི་དགེ་སློང་དེ་སྲེད་པ་དང་། རྒུད་པ་དང་། ལུས་ཀྱི་སྦྱོར་བའི་རྒྱུན་གཅོད་ཅིང་སྡུག་བསྔལ་གྱི་མཐར་བྱེད་པ་སྟེ། དགེ་སློང་དག་འདི་ནི་སྣོད་ཀྱི་འཇིག་རྟེན་ནོ། །དགེ་སློང་དག་དེ་ལ་འདུ་བྱེད་ཀྱི་འཇིག་རྟེན་
གང་ཞེ་ན། ཉེ་བར་ལེན་པའི་ཕུང་པོ་ལྔ་ནི་འདུ་བྱེད་ཅེས་བྱའོ། །ལྔ་གང་ཞེ་ན། འདི་ལྟ་སྟེ། གཟུགས་ཉེ་བར་ལེན་པའི་ཕུང་པོ་དང་། ཚོར་བ་དང་། འདུ་ཤེས་དང་། འདུ་བྱེད་དང་། རྣམ་པར་ཤེས་པ་ཉེ་བར་ལེན་པའི་

62-1-94a

ཕུང་པོ་སྟེ། དགེ་སློང་དག་འདི་ནི་འདུ་བྱེད་ཀྱི་འཇིག་རྟེན་ནོ། །དགེ་སློང་དག་སེམས་ཅན་ཇི་ཙམ་པ་གང་སེམས་ཅན་གྱི་བསྡུ་བས་ཡང་དག་པར་བསྡུས་པ་དེ་ཐམས་ཅད་ཕུང་པོ་འདི་དག་གིས་བསྡུས་པ་དང་། ལྡན་པ་འདི་ནི་
འདུ་བྱེད་ཀྱི་འཇིག་རྟེན་ཞེས་བྱའོ། །དགེ་སློང་དག་ཉེ་བར་ལེན་པའི་ཕུང་པོ་ལྔ་པོ་དེ་ལ་གང་མོས་པ་འམ། །དགའ་བ་འམ། བྱམས་པ་འམ། ཆགས་པ་འམ། རྒྱ་ཆེ་བ་འམ། ང་ཡིར་བྱ་བ་འམ། བདག་གིར་བྱ་བ་དེ་ཐམས་ཅད་
སྤང་བར་བྱའོ་ཞེས་སོ་སོར་བསླབ་པར་བྱའོ། །གང་ཅུང་ཟད་འདས་པ་དང་། མ་འོངས་པ་དང་། ད་ལྟར་བྱུང་བ་འམ། ཕྱིའི་འམ། ནང་གི་འམ། ཆེ་བ་འམ། ཕྲ་བ་འམ། ངན་པ་འམ། བཟང་བ་འམ། གང་རིང་བ་འམ། གང་ཉེ་
བའི་གཟུགས་དེ་ཐམས་ཅད་བདག་གི་མ་ཡིན། བདག་ཀྱང་དེའི་མ་ཡིན། དེ་ཡང་བདག་མ་ཡིན་ནོ་ཞེས་དེ་ལྟར་དེ་བཞིན་དུ་ཡང་དག་པའི་ཤེས་རབ་ཀྱིས་ཇི་ལྟ་བ་བཞིན་དུ་བལྟ་བར་བྱའོ། །གང་ལ་ལ་འདས་པ་དང་། མ་
འོངས་པ་དང་། ད་ལྟར་བྱུང་བ་འམ། ཕྱིའི་འམ། ནང་གི་འམ། ཆེ་བ་འམ། ཕྲ་བ་འམ། ངན་པ་འམ། བཟང་བ་འམ། གང་རིང་བ་འམ། གང་ཉེ་བ་ཚོར་བ་འམ། གང་ལ་ལ་འདུ་ཤེས་དང་། གང་ལ་ལ་འདུ་བྱེད་དང་། གང་ཅུང་
ཟད་རྣམ་པར་ཤེས་པ་དེ་ཐམས་ཅད་ནི་བདག་གི་མ་ཡིན། བདག་ཀྱང་དེ་ཡི་མ་ཡིན། དེ་བདག་མ་ཡིན་ནོ་ཞེས་དེ་ལྟར་དེ་བཞིན་དུ་ཡང་དག་པའི་ཤེས་རབ་ཀྱིས་ཇི་ལྟ་བ་བཞིན་དུ་བལྟ་བར་བྱ་བ་འདི་ནི་དགེ་སློང་དག་སྣོད་ཀྱི་འཇིག་རྟེན་དང་
འདུ་བྱེད་ཀྱི་འཇིག་རྟེན་ཞེས་བྱའོ། །དེ་ནས་བྱང་ཆུབ་སེམས་དཔའ་ཀུན་ཏུ་སྣང་བ་འཁོར་དེར་འདུས་པར་གྱུར་ཏེ་འདུག་པ་དེས་བྱང་ཆུབ་སེམས་དཔའ་ཕུང་པོ་རྣམ་པར་འཇིག་པ་ལ་སྨྲས་པ། ཚེ་དང་ལྡན་པ་ཕུང་པོ་རྣམ་པར་
འཇིག་པ་བཅོམ་ལྡན་འདས་ཀྱིས་ཕུང་པོ་ལྔ་པོ་འདི་འཇིག་རྟེན་དུ་བསྟན་པ་ནི་འདི་ལྟ་སྟེ། གཟུགས་ཀྱི་ཕུང་པོ་དང་། ཚོར་བའི་ཕུང་པོ་དང་། འདུ་ཤེས་དང་། འདུ་བྱེད་དང་། 

62-1-94b

རྣམ་པར་ཤེས་པའི་ཕུང་པོའོ། །ཚེ་དང་ལྡན་པ་ཕུང་པོ་ལྔ་པོ་དེ་དག་ནི་ཇི་ལྟ་བུ། གཟུགས་ཀྱི་ཕུང་པོ་ནི་གང་། འདོད་པའི་ཁམས་མིག་དང་གཟུགས་ཀྱི་འདོད་ཆགས་དང་བྲལ་བ་ཡང་དག་པར་གཞོལ་བ་དང་། རྣ་བ་དང་། སྣ་
དང་། ལྕེ་དང་། ལུས་དང་། ཡིད་ཀྱང་མིག་དང་། གཟུགས་ཀྱི་འགོག་པ་ཡང་དག་པར་གཞོལ་བ་ཞིག་གམ། གཟུགས་དང་། གཟུགས་མེད་པའི་ཁམས་ཀྱི་མིག་དང་། གཟུགས་ཀྱི་འདོད་ཆགས་དང་བྲལ་བ་ཡང་དག་པར་
གཞོལ་བ་དང་། དེ་བཞིན་དུ་རྣ་བ་དང་། སྣ་དང་། ལྕེ་དང་། ལུས་དང་ཡིད་ཀྱི་མིག་དང་། གཟུགས་ཀྱི་འདོད་ཆགས་དང་བྲལ་བས་ཡང་དག་པར་གཞོལ་བ་ནི་གང་། ཅི་གཟུགས་ཀྱི་ཕུང་པོ་འདོད་པའི་ཁམས་མིག་དང་། གཟུགས་
ཀྱི་འདོད་ཆགས་དང་བྲལ་བས་ཡང་དག་པར་གཞོལ་བ་དང་། །རྣ་བ་དང་། སྣ་དང་། ལྕེ་དང་། ལུས་དང་ཡིད་ཀྱང་མིག་དང་གཟུགས་ཀྱི་འདོད་ཆགས་དང་བྲལ་བ་ཡང་དག་པར་གཞོལ་བ་དང་། གཟུགས་དང་། གཟུགས་མེད་
པའི་ཁམས་མིག་དང་། གཟུགས་ཀྱི་འདོད་ཆགས་དང་བྲལ་བ་ཡང་དག་པར་གཞོལ་བ་འམ། འོན་ཏེ་ཚོར་བ་དང་། འདུ་ཤེས་དང་། འདུ་བྱེད་དང་། རྣམ་པར་ཤེས་པ་འདོད་པའི་ཁམས་མིག་དང་། གཟུགས་ཀྱི་འདོད་
ཆགས་དང་བྲལ་བ་ཡང་དག་པར་གཞོལ་བ་དང་། གཟུགས་དང་གཟུགས་མེད་པའི་ཁམས་མིག་དང་། གཟུགས་ཀྱི་འདོད་ཆགས་དང་བྲལ་བ་ཡང་དག་པར་གཞོལ་བ་དང་། གཟུགས་དང་གཟུགས་མེད་པའི་ཁམས་
མིག་དང་གཟུགས་ཀྱི་འདོད་ཆགས་དང་བྲལ་བ་ཡང་དག་པར་གཞོལ་བ་འམ། ཅི་འདས་པ་གཟུགས་ཀྱི་ཕུང་པོ་འམ། མིག་དང་། གཟུགས་ཀྱི་འདོད་ཆགས་དང་བྲལ་བ་ཡང་དག་པར་གཞོལ་བ་དང་། རྣ་བ་དང་། སྣ་དང་ལྕེ་དང་། ལུས་
དང་། ཡིད་ནས་མིག་གི་བར་དུ་འམ། གཟུགས་དང་། གཟུགས་མེད་པའི་ཁམས་མིག་དང་། གཟུགས་ཀྱི་འདོད་ཆགས་དང་བྲལ་བ་དང་། ཚོར་བ་དང་། འདུ་ཤེས་དང་། འདུ་བྱེད་དང་། རྣམ་པར་ཤེས་པ་ཡང་དག་པར་གཞོལ་

62-1-95a

བ་ཞིག་གམ། འོན་ཏེ་ད་ལྟར་བྱུང་བ་གཟུགས་ཀྱི་ཕུང་པོ་འམ། མིག་དང་གཟུགས་ཀྱི་འདོད་ཆགས་དང་བྲལ་བ་དང་། རྣ་བ་དང་། སྣ་དང་། ལྕེ་དང་། ལུས་དང་། ཡིད་ཀྱང་གཟུགས་དང་གཟུགས་མེད་པའི་མིག་ནས་ཡིད་ཀྱི་བར་དུ་ཡང་
དག་པར་གཞོལ་བ་ཞིག་གམ། འོན་ཏེ་ཚོར་བ་ནས་ཡིད་ཀྱི་བར་དུའམ། འོན་ཏེ་མ་འོངས་པ་གཟུགས་ཀྱི་ཕུང་པོ་འམ། མིག་དང་གཟུགས་ཀྱི་འདོད་ཆགས་དང་བྲལ་བ་དང་། དེ་རྣ་བ་ནས་ཡིད་ཀྱི་བར་དུ་ཡང་དག་
པར་གཞོལ་བ་ཞིག་གམ། དེ་ནས་བྱང་ཆུབ་སེམས་དཔའ་ཕུང་པོ་རྣམ་པར་འཇིག་པས་བྱང་ཆུབ་སེམས་དཔའ་ཀུན་དུ་སྣང་བ་ལ་འདི་སྐད་ཅེས་སྨྲས་སོ། །རིགས་ཀྱི་བུ་འགོད་པའི་ཆོས་ལྟོས། མིག་གི་བུ་གར་གཟུགས་ཀྱི་ཕུང་པོ་
དང་། །འདོད་ཆགས་དང་བྲལ་བ་འཕོས་པ་འང་མ་ཡིན། །མིག་གི་བུ་གར་ཚོར་བ་དང་། འདུ་ཤེས་དང་། འདུ་བྱེད་དང་། རྣམ་པར་ཤེས་པའི་ཕུང་པོ་དང་། འདོད་ཆགས་དང་བྲལ་བ་འཕོས་པ་ཡང་མ་ཡིན། སྐྱེ་མཆེད་ནི་མི་རྟོག་ཅིང་ལྡང་
བ་འང་མ་ཡིན། ཕུང་པོ་ནི་ངག་གི་ལམ་དང་། དབྱངས་དང་། སྒྲ་དང་བརྗོད་པ་ལས་ཡང་དག་པར་ཤིན་དུ་འདས་པའོ། །དེ་ཅིའི་ཕྱིར་ཞེ་ན། རིགས་ཀྱི་བུ་ཆོས་ཐམས་ཅད་ནི་སྐད་ཅིག་མ་སྟེ། དངོས་པོ་དང་བྲལ་བའོ། །ཆོས་ཐམས་ཅད་ནི་དབྱངས་
མེད་པའོ། །དབྱངས་དང་བྲལ་བའོ། །ཆོས་ཐམས་ཅད་ནི་ནམ་མཁའི་ལམ་སྟེ་མཚན་མ་མེད་པའོ། །ཆོས་ཐམས་ཅད་ནི་ཡི་གེ་མེད་པའོ། །སྨོན་པ་མེད་པའོ། །ཆོས་ཐམས་ཅད་ནི་སྐྱེ་བ་མེད་པའོ། །སྟོང་པའོ། །ཆོས་ཐམས་ཅད་
ནི་ཐོབ་པ་མེད་པའོ། །ཚིག་མེད་པའོ། །ཆོས་ཐམས་ཅད་ནི་རྟོག་པ་དང་བྲལ་བའོ། །མི་ཁོམ་པའོ། །ཆོས་ཐམས་ཅད་ནི་ཆགས་པ་དང་བྲལ་བའོ། །རྐྱེན་མེད་པའོ། །ཆོས་ཐམས་ཅད་ནི་སྦྱོར་བ་དང་བྲལ་བའོ། །དམིགས་པ་མེད་པའོ། །ཆོས་
ཐམས་ཅད་ནི་ལྟ་བ་དང་བྲལ་བའོ། །མཚན་ཉིད་དབེན་པའོ། །ཆོས་ཐམས་ཅད་ནི་དམིགས་པ་དང་བྲལ་བའོ། །བདག་མེད་པའོ། །ཆོས་ཐམས་ཅད་ནི་བདག་དང་བྲལ་བའོ། །བརྗོད་དུ་མེད་པའོ། །ཆོས་ཐམས་ཅད་ནི་ཡི་གེ་དང་བྲལ་བའོ། །

62-1-95b

རབ་ཏུ་ཞི་བའོ། །ཆོས་ཐམས་ཅད་ནི་ཆོས་ཉིད་མི་འཐོབ་པའོ། །མི་སྣང་བ་ཐོབ་པའོ། །ཆོས་ཐམས་ཅད་ནི་སྣང་བ་དང་བྲལ་བའོ། །ཤིན་དུ་ཡུལ་མེད་པའོ། །ཆོས་ཐམས་ཅད་ནི་ཡུལ་དང་བྲལ་བའོ། །ཤིན་དུ་རྩ་བ་མེད་པའོ། །ཆོས་ཐམས་ཅད་ནི་དབང་
པོ་མེད་པའོ། །ཤིན་དུ་རང་བཞིན་མེད་པའོ། །ཆོས་ཐམས་ཅད་ནི་སྤྱོད་པ་རྣམ་པར་དག་པའོ། །གཉེན་པོ་མེད་པའོ། །ཆོས་ཐམས་ཅད་ནི་སེམས་མེད་པའོ། །ཆགས་པ་དང་བྲལ་བའོ། །ཆོས་ཐམས་ཅད་ནི་ཤིན་དུ་འཕྲོས་པའོ། །ཕུན་སུམ་
ཚོགས་པ་དང་བྲལ་བའོ། །ཆོས་ཐམས་ཅད་ནི་འཇུངས་པ་མེད་པའོ། །སྤྲོས་པ་དང་བྲལ་བའོ། །ཆོས་ཐམས་ཅད་ནི་ཤིན་དུ་བསམ་གཏན་དང་ལྡན་པའོ། །གཡོ་བ་དང་བྲལ་བའོ། །ཆོས་ཐམས་ཅད་ནི་ཤིན་དུ་སྒྲིབ་པ་མེད་པའོ། །རྡུལ་དང་
བྲལ་བའོ། །ཤིན་དུ་བྲལ་བའོ། །ཆོས་ཐམས་ཅད་ནི་ཉོན་མོངས་པ་དང་བྲལ་བའོ། །སྟོབས་ཆུང་བའོ། །ཆོས་ཐམས་ཅད་ནི་རྩོད་པ་དང་བྲལ་བའོ། །དངོས་པོ་མེད་པའོ། །ཆོས་ཐམས་ཅད་ནི་དངོས་པོ་དང་བྲལ་བའོ། །བྱེད་པ་མེད་པའོ། །ཆོས་
ཐམས་ཅད་ནི་ལས་མི་སྟོན་པའོ། །ཚོར་བ་མེད་པའོ། །ཆོས་ཐམས་ཅད་ནི་ནམ་མཁའ་དང་ལྡན་པའོ། །ཐོས་པ་མེད་པའོ། །ཆོས་ཐམས་ཅད་ནི་དབྱངས་དང་བྲལ་བའོ། །
གཟུང་དུ་མེད་པའོ། །ཆོས་ཐམས་ཅད་ནི་རང་བཞིན་གྱིས་སྡུག་པའོ། །ཤེས་པ་མེད་པའོ། །ཆོས་ཐམས་ཅད་ནི་ཚོར་བ་ཆགས་པ་མེད་པའོ། །སྨིག་རྒྱུ་ལྟ་བུའོ། །ཆོས་ཐམས་ཅད་ནི་འདུ་ཤེས་དང་བྲལ་བའོ། །བྲག་ཆ་ལྟ་བུའོ། །ཆོས་
ཐམས་ཅད་ནི་ངོ་བོ་ཉིད་མེད་པའོ། །གཟུགས་བརྙན་ལྟ་བུའོ། །ཆོས་ཐམས་ཅད་ནི་རབ་ཏུ་སྣང་བའི་འོད་རྣམ་པར་དག་པ་ཆུ་ཟླ་ལྟ་བུའོ། །ཆོས་ཐམས་ཅད་ནི་གཟུགས་བརྙན་དང་བྲལ་བའོ། །གཟུགས་བརྙན་ལ་རྟན་པའོ། །ཆོས་ཐམས་ཅད་
ནི་སྤྲིན་མི་དམིགས་པའོ། །ནམ་མཁའ་དང་མཉམ་པའོ། །ཆོས་ཐམས་ཅད་ནི་གཟུགས་བརྙན་ནོ། །བསྟན་དུ་མེད་པའོ། །དངོས་པོ་མེད་པའོ། །དངོས་པོ་དང་བྲལ་བའོ། །མཚན་ཉིད་མེད་པ་ནས། མཚན་ཉིད་མེད་པ་དང་། མཚན་ཉིད་དང་

62-1-96a

བྲལ་བ་དང་། མཉམ་པའི་མཚན་ཉིད་དང་། མཚན་ཉིད་གཅིག་པ་དང་། མཚན་ཉིད་མེད་པའི་བར་དུའོ། །ཆོས་ཐམས་ཅད་ནི་བདག་མེད་པའོ། །ཆོས་ཐམས་ཅད་ནི་བདག་ཏུ་མི་དམིགས་པའོ། །ངར་སེམས་པ་མེད་པའོ། །རྟེན་མེད་པའོ། །བརྗོད་དུ་མེད་
པའོ། །ཆོས་ཐམས་ཅད་ནི་ཡི་གེ་མེད་པའོ། །རིགས་ཀྱི་བུ་འདུ་བྱེད་ཐམས་ཅད་ནི་སྐད་ཅིག་མ་ཟད་པ་དང་བྲལ་བའོ་ཞེས་ཉོན་མོངས་པ་དང་འཁྲུག་པ་མེད་པར་བྱ་བའི་ཕྱིར་བདག་དང་གཞན་ལ་གནོད་པ་མེད་པ་སྤྲོས་པ་མེད་པའི་བཟོད་པ་བསྒོམ་པར་བྱའོ། །
འདི་ལ་རིགས་ཀྱི་བུ་བྱང་ཆུབ་སེམས་དཔའ་དེའི་དབང་གི་བཟོད་པ་བསྒོམ་པ་ན་ཡང་དག་པར་སྤྱོད་པའི་ཚུལ་ནམ་མཁའི་མདོག་གིས་འདུལ་བའི་བཟོད་པ་ཞེས་བྱ་བ་ཐོབ་བོ། །བཟོད་པ་འདི་ཐོབ་པའི་བྱང་ཆུབ་སེམས་དཔའ་སྐད་ཅིག་མ་གཅིག་དང་ཡང་
དག་པར་ལྡན་པ་ཙམ་གྱིས་སངས་རྒྱས་ཀྱི་ཞིང་རྡུལ་ཤིན་ཏུ་ཕྲ་བ་སྙེད་ལས་ལྷག་པར་ལུས་ཡོངས་སུ་སྤྲུལ་ཏོ། །སངས་རྒྱས་ཀྱི་ཞིང་རྡུལ་ཤིན་དུ་ཕྲ་བ་སྙེད་
ཕྱོགས་བཅུ་སྟོང་པ་དང་། རྙོག་པ་ལྔའི་སངས་རྒྱས་ཀྱི་ཞིང་དུ་སོང་སྟེ། སངས་རྒྱས་ཀྱི་ཞིང་རེ་རེར་ཡང་རྡུལ་ཤིན་དུ་ཕྲ་བ་སྙེད་ཀྱི་རྣམ་པ་སྣ་ཚོགས་ཀྱི་ཆར་གཏོང་བ་ནི་འདི་ལྟ་སྟེ། ཟས་ཀྱི་ཆར་རམ། སྐོམ་གྱི་ཆར་རམ། གོས་སམ། ལྷབ་
ལྷུབ་བམ། དྲི་འམ། མེ་ཏོག་གམ། རིན་པོ་ཆེ་སྣ་ཚོགས་ཀྱི་ཆར་ཡང་རབ་ཏུ་འོང་ངོ་། །གང་སེམས་ཅན་ཟས་དང་། སྐོམ་དེ་ཡོངས་སུ་ཟོས་པས་ཟང་ཟིང་མེད་པའི་དགའ་བ་དང་། བདེ་བ་འཐོབ་པའི་སེམས་ཅན་དེ་འདུ་བྱེད་ཐམས་ཅད་ནི་མི་རྟག་པ། 
སྡུག་བསྔལ་བ། བདག་མེད་པ། སྟོང་པ་ཉིད་ཀྱི་དྲན་པ་དང་། ཚུལ་ཁྲིམས་ཐོབ་བོ། །ཁྱིམ་གྱི་བཅིངས་པ་ཐམས་ཅད་དང་། འདོད་པའི་ཡོན་ཏན་ལྔ་སྤངས་ཏེ་བྱུང་ནས་རིའི་སུལ་དང་། ཁྱིམ་མེད་པ་སྟོང་པའི་ནགས་ཚལ་སྟུག་
པོར་གནས་པར་འགྱུར་རོ། །དྲང་སྲོང་གི་ཆ་བྱེད་ཀྱི་རྩྭ་དང་། རྩ་བ་དང་འབྲས་བུའི་ཟས་ལ་གནས་པར་འགྱུར་རོ། །ཉེ་བར་ལེན་པའི་ཕུང་པོ་ལྔ་པོ་དེ་དག་ལ་མི་ཟད་པར་མོས་ཤིང་། བརྩོན་འགྲུས་རྩོམ་པ་ལ་སྦྱོར་བར་བྱེད་དོ། །

62-1-96b

ཉེ་བར་ལེན་པའི་ཕུང་པོ་ལྔ་པོ་འདི་དག་ལ་ནད་དང་། ཤུ་བ་དང་། ཟུག་རྔུ་དང་། མི་རྟག་པ་དང་། སྡུག་བསྔལ་བ་དང་། སྟོང་པ་དང་། བདག་མེད་པར་ཡིད་ལ་བྱེད་དོ། །མངོན་པར་ཤེས་པ་ལྔ་ཐོབ་བོ། །ཚངས་པ་དང་། འཇིག་རྟེན་ལ་གཞོལ་
བར་འགྱུར་རོ། །དེ་བཞིན་དུ་གོས་ནས་རིན་པོ་ཆེ་ཡོངས་སུ་སྦྱང་བའི་བར་དུ་ཡོངས་སུ་སྤྱོད་པར་བྱེད་དོ། །དེ་ཤེས་པས་ཟང་ཟིང་མེད་པའི་དགའ་བ་དང་། བདེ་བ་ཐོབ་པ་ནས་ཚངས་པ་དང་། འཇིག་རྟེན་གྱི་བར་དུ་གཞོལ་བར་འགྱུར་རོ། །
བྱང་ཆུབ་སེམས་དཔའ་དེ་ལྟར་དེ་བཞིན་དུ་གང་ཡང་དག་པར་སྤྱོད་པའི་ཚུལ་ནམ་མཁའི་མདོག་གིས་འདུལ་བའི་བཟོད་པ་འདི་དག་ཐོབ་པ་དེ་སྙིམ་པས་མེ་ཏོག་ནམ་མཁའ་ལ་གཏོར་བའི་མེ་ཏོག་དེ་ཕྱོགས་བཅུའི་སངས་རྒྱས་ཀྱི་ཞིང་རྡུལ་ཤིན་
དུ་ཕྲ་བ་སྙེད་ཀྱི་སྟོང་པ་དང་། རྙོག་པ་ལྔའི་སངས་རྒྱས་ཀྱི་ཞིང་དུ་སྐད་ཅིག་མ་གཅིག་གིས་སོང་བའི་མེ་ཏོག་རེ་རེ་ལ་ཡང་སངས་རྒྱས་ཀྱི་ཞིང་རྡུལ་ཤིན་དུ་ཕྲ་བ་སྙེད་ཀྱི་ཆོས་ཀྱི་སྒོ་བརྗོད་པའི་དབྱངས་འབྱུང་བ་ནི་འདི་ལྟ་སྟེ། ཆོས་
ཐམས་ཅད་དབྱངས་མེད་པའོ། །བདུད་བཞིའི་ཡུལ་ལས་འདའ་བའོ། །ཆོས་ཐམས་ཅད་ནི་ནམ་མཁའི་ལམ་མོ། །གནས་ཡང་དག་པར་སྤོང་བའོ། །ཡི་གེ་མེད་པའོ། །ཆོས་ཐམས་ཅད་ནི་ཆགས་པ་ཡང་དག་པར་
གཞོལ་བའོ། །མི་སྐྱེ་བའོ། །ཆོས་ཐམས་ཅད་ནི་ཉོན་མོངས་པ་ཡང་དག་པར་གཞོལ་བའོ། །མ་འགགས་པའོ། །ཆོས་ཐམས་ཅད་ཀྱི་སྔོན་གྱི་དམ་ཚིག་མི་གཏོང་བའོ། །མཚན་ཉིད་མེད་པའོ། །ཆོས་ཐམས་ཅད་ནི་
ཆགས་པ་ཡང་དག་པར་གཏོང་བའོ། །རྐྱེན་མེད་པའོ། །ཆོས་ཐམས་ཅད་ནི་ཀུན་དུ་སྦྱོར་བ་ཡང་དག་པར་གཏོང་བའི་གནས་མེད་པའོ། །ཆོས་ཐམས་ཅད་ནི་རྩོམ་པ་མེད་པའོ་ཆོས་ཐམས་ཅད་ནི་བདག་གིར་བྱ་བ་དང་། ང་ཡིར་བྱ་བ་ཡང་དག་པར་གཏོང་
བའོ། །ཆོས་ཐམས་ཅད་ནི་དབེན་པའོ། །འདུ་འཛི་ཡང་དག་པར་གཏོང་བའོ། །བདག་མེད་པའོ། །ཆོས་ཐམས་ཅད་ནི་བདག་དང་བྲལ་བ་ནས་བརྗོད་དུ་མེད་པའི་བར་དུའོ། །རབ་ཏུ་ཞི་བའོ། །མི་སྣང་བ་ཐོབ་པའོ། །མི་གནས་པའོ། །

62-1-97a

ཤིན་དུ་ཡུལ་མེད་པའོ། །ཤིན་དུ་རྩ་བ་མེད་པའོ། །ཤིན་དུ་རང་བཞིན་མེད་པའོ། །གཉེན་པོ་མེད་པའོ། ཁ་ཟས་མེད་པའོ། །ཤིན་དུ་འཐོར་བ་མེད་པའོ། །འཇུངས་པ་མེད་པའོ། །ཤིན་དུ་བསམ་གཏན་བྱེད་པའོ། །ཤིན་དུ་སྒྲིབས་པ་མེད་པའོ། །ཤིན་དུ་འོང་
བ་མེད་པའོ། །ཉམ་ཆུང་བའོ། །དངོས་པོ་མེད་པའོ། །བྱེད་པ་མེད་པའོ། །ཚོར་བ་མེད་པའོ། །ཟག་པ་མེད་པའོ། །འཛིན་པ་མེད་པའོ། །རྣམ་པར་ཤེས་པ་མེད་པའོ། །སྨིག་རྒྱུ་ལྟ་བུའོ། །བྲག་ཆ་ལྟ་བུའོ། །མིག་ཡོར་ལྟ་བུའོ། །
ཆུ་ཟླ་ལྟ་བུའོ། །གཟུགས་བརྙན་ལྟ་བུའོ། །ནམ་མཁའ་དང་མཉམ་པའོ། །དངོས་པོ་མེད་པའོ། །མཚན་ཉིད་མེད་པ་ནས་མཚན་ཉིད་མེད་པ་དང་། མཚན་ཉིད་དང་བྲལ་བ་དང་། མཉམ་པའི་མཚན་ཉིད་དང་། མཚན་
ཉིད་གཅིག་པ་དང་། མཚན་ཉིད་མེད་པའི་བར་དུའོ། །ཆོས་ཐམས་ཅད་ནི་བདག་མེད་པའོ། །ངར་སེམས་པ་མེད་པའོ། །གཟུང་དུ་མེད་པའོ། །བརྗོད་དུ་མེད་པའོ། །ཆོས་ཐམས་ཅད་ནི་སྐད་ཅིག་མའོ། །འདུ་བྱེད་ཟད་པ་
དང་བྲལ་བའོ་ཞེས་བཟོད་པའི་སེམས་བསྒོམ་པར་བྱའོ། །ཆོས་ཐམས་ཅད་ནི་སྐད་ཅིག་མ་ཞེས་ཞི་བའི་སེམས་བསྒོམ་པར་བྱའོ། །མཉམ་པའི་སེམས་དང་། རྣམ་པར་ཞི་བའི་སེམས་དང་། འཛིན་པ་མེད་པའི་སེམས་དང་། 
འབྱུང་བ་མེད་པའི་སེམས་དང་། སྒྲིབ་པ་མེད་པའི་སེམས་དང་། ཆོད་པ་མེད་པའི་སེམས་དང་། ཕྱིན་ཅི་མ་ལོག་པའི་སེམས་དང་། རྟེན་མེད་པའི་སེམས་དང་། མཉམ་པར་བཞག་པའི་སེམས་དང་། སྡུག་བསྔལ་གྱི་
སེམས་བསྒོམ་པར་བྱའོ། །དེ་བཞིན་དུ་ཉེ་བར་ཞི་བ་སྟོང་པ་ཕྱི་དང་ནང་གི་འཇིག་པ་བརྗོད་པའི་ཆོས་ཀྱི་སྒོ་དང་། ཚད་མེད་གྲངས་མེད་པའི་ཆོས་ཀྱི་སྒོ་མེ་ཏོག་དེ་དག་ལ་འབྱུང་བར་འགྱུར་རོ། །སེམས་ཅན་དེ་ཡང་ཆོས་ཀྱི་སྒོ་དེ་ཐོས་
ན་ཟང་ཟིང་མེད་པའི་དགའ་བ་དང་། བདེ་བ་ཐོབ་པ་དེ་འདུ་བྱེད་ཐམས་ཅད་ནི་མི་རྟག་པ། སྡུག་བསྔལ་བ། བདག་མེད་པ། སྟོང་པ་ཉིད་ཀྱི་དྲན་པ་དང་། ཚུལ་ཁྲིམས་ཐོབ་པོ། །ཁྱིམ་གྱི་བཅིངས་པ་ཐམས་

62-1-97b

ཅད་དང་། འདོད་པའི་ཡོན་ཏན་ལྔ་ཡང་དག་པར་སྤངས་ཏེ་བྱུང་ནས་རིའི་སུལ་དང་། ཁྱིམ་མེད་པ་སྟོང་པའི་ནགས་ཚལ་སྟུག་པོར་གནས་པར་འགྱུར་རོ། །དྲང་སྲོང་གི་ཆ་བྱད་ཀྱིས་འབྲས་བུ་དང་། རྩ་བ་དང་། རྩྭའི་ཟས་ལ་གནས་པར་
འགྱུར་རོ། །ཉེ་བར་ལེན་པའི་ཕུང་པོ་ལྔ་པོ་དེ་དག་ལ་མི་ཟད་པར་མོས་ཤིང་བརྩོན་འགྲུས་རྩོམ་པ་ལ་སྤྲོ་བར་བྱེད་དོ། །ཉེ་བར་ལེན་པའི་ཕུང་པོ་ལྔ་པོ་འདི་དག་ལ་ནད་དང་། ཤུ་བ་དང་། ཟུག་རྔུ་དང་། མི་རྟག་པ་དང་། སྡུག་བསྔལ་
བ་དང་། སྟོང་པ་དང་། བདག་མེད་པར་ཡིད་ལ་བྱེད་དོ། །མངོན་པར་ཤེས་པ་ལྔ་ཐོབ་བོ། །ཚངས་པའི་འཇིག་རྟེན་ལ་གཞོལ་བར་འགྱུར་རོ། །རིགས་ཀྱི་བུ་བྱང་ཆུབ་སེམས་དཔའ་འདི་འདྲ་བའི་བཟོད་པ་སྒོམ་པ་དེ་ནི་མིང་མི་དམིགས་སེམས་ཅན་
མི་དམིགས། སྲོག་མི་དམིགས། གསོ་བ་མི་དམིགས། གང་ཟག་མི་དམིགས། གཟུགས་མི་དམིགས། ཚོར་བ་མ་ཡིན། འདུ་ཤེས་མ་ཡིན། འདུ་བྱེད་མ་ཡིན། རྣམ་པར་ཤེས་པའང་མི་དམིགས། མིག་མི་
དམིགས། རྣ་བ་འང་མ་ཡིན། སྣ་འང་མ་ཡིན། ལྕེ་འང་མ་ཡིན། ལུས་ཀྱང་མི་དམིགས། ཡིད་ཀྱང་མི་དམིགས་སོ། །གཟུགས་མི་དམིགས། སྒྲ་མི་དམིགས། དྲི་མི་དམིགས། རོ་མི་དམིགས། རེག་བྱ་མི་
དམིགས། ཆོས་མི་དམིགས། ཡིད་མི་དམིགས། ལུས་མི་དམིགས། ཚིག་མི་དམིགས། སེམས་མི་དམིགས་སོ། །སྟོང་པ་ཉིད་མི་སྩོགས་པ། མཚན་མ་མེད་པ། ཐུབ་པ། ཁམས་གསུམ་གཏོང་བ་མེད་པ། 
མངོན་པར་འདུ་མི་བྱེད་པ། མ་སྐྱེས་པ། མ་སྒོམས་པ། མ་བྱང་བའི་བཟོད་པ་འདི་སྨྲས་སོ། །མ་བྱས་པ། བྱ་བ་མེད་པ་དེ་སྔོན་གྱི་མཐའ་ལ་བྱ་བ་མེད་པ། ཕྱི་མའི་མཐའ་ལ་འདས་པ་མེད་པ། དབུས་ཀྱི་མཐའ་
ལ་ཡང་དག་པར་མེད་པ། མི་གནས་པ། མི་དམིགས་པ། ཡིད་ལ་མི་བྱེད་པའི་བཟོད་པ་འདི་སྒོམ་པ་ན་བྱང་ཆུབ་སེམས་དཔའ་སེམས་དཔའ་ཆེན་པོ་ཡང་དག་པར་སྤྱོད་པའི་ཚུལ་ནམ་མཁའི་མདོག་གིས་འདུལ་བ་ཞེས་བྱ་

62-1-98a

བའི་བཟོད་པ་ཐོབ་པོ། །བྱང་ཆུབ་སེམས་དཔའ་བཟོད་པ་འདི་ཐོབ་པས་ཇི་ལྟ་བུར་གོང་དུ་བཤད་པའི་རྩལ་འདི་འདྲ་བ་བྱ་བར་འགྱུར་རོ། །བྱང་ཆུབ་སེམས་དཔའ་ཕུང་པོ་རྣམ་པར་འཇིག་པ་འདི་བསྟན་པ་སྟོན་
ཅིང་བརྗོད་པ་ན་བྱང་ཆུབ་སེམས་དཔའ་རྣམ་པར་མི་རྟོག་པ་ཞེས་བྱ་བས་ལེགས་སོ་ཞེས་བྱ་བ་བྱས་ཏེ། བྱང་ཆུབ་སེམས་དཔའ་མང་པོ་དག་ཅང་མི་སྨྲ་བར་གྱུར་ནས། བཅོམ་ལྡན་འདས་ཅང་མི་གསུང་བས་ཞལ་གྱིས་
བཞེས་པར་གྱུར་པ་དང་། དེ་ནས་དགེ་སློང་དྲུག་བཅུ་ཙམ་འདི་སྙམ་དུ་སེམས་ཏེ། རིགས་ཀྱི་བུ་ཕུང་པོ་རྣམ་པར་འཇིགས་པ་ཅི་ལ་བསམས་ཏེ་རྣམ་པ་འདི་ལྟ་བུའི་སྒྱུ་མ་འདྲ་བའི་འདུ་བྱེད་ཐམས་ཅད་སྟོན། གལ་ཏེ་
གཟུགས་བདག་མེད་པ། མི་སྣང་བ། ཀུན་ནས་ལྡང་བ་མེད་པ། ཡིད་ལ་མི་བྱེད་པ། མི་རྟོག་པ། རྣམ་པར་མི་རྟོག་པ། དམིགས་པ་མེད་པ། རྒྱུ་བ་མེད་པ་འམ། འོན་ཏེ་འདི་ལྟ་ཅི། སེམས་ཅན་ནམ། སྲོག་
གམ། སྐྱེ་བ་འམ། གསོ་བ་འམ། གང་ཟག་གམ། ཤེད་ལས་སྐྱེས་པ་འམ། ཤེད་ཅན་ནམ། བྱེད་པ་པོ་འམ། ཚོར་བ་པོ་འམ། ཚོར་བ་གཞན་ནམ། སྐྱེ་བ་འམ། ཡང་དག་པར་སྐྱེ་བ་འམ། གང་མི་
དགའ་བ་དང་། མི་འབྱུང་བ་མེད་པར་མི་འགྱུར་བ་འམ། དེ་བཞིན་གཤེགས་པ་ནི་གང་དུ་བྱུང་། སྙིང་རྗེ་ཆེན་པོ་ནི་གང་ན། ཆོས་འཆད་པ་ནི་སུ་ཞིག །ཆོས་ཀུན་ཤེས་པ་ནི་གང་ཞིག །བསླབ་པ་སྡོམ་པ་ནི་གང་ན་
གནས། གལ་ཏེ་ཕུང་པོར་མི་འགྱུར་ན་དེ་ལྟར་ཁམས་དང་སྐྱེ་མཆེད་རྣམས་ཀྱང་དགེ་བ་རྣམས་ཀྱི་ཆོས་ཀྱི་འབྲས་བུ་རྣམ་པར་སྨིན་པར་མི་འགྱུར་ན། ལེགས་པར་བྱས་པ་དང་། ཉེས་པར་བྱས་པའི་ལས་ཀྱི་འབྲས་བུ་ནི་
གང་དུ་སྨིན། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ནི་གང་དུ་འབྱུང་། ཉན་ཐོས་དང་། རང་རྒྱལ་བ་རྣམས་དང་། ལྷ་དང་མི་རྣམས་དང་། གང་གཞན་ཡང་སེམས་ཅན་གྱི་ལུས་

62-1-98b

སྐྱེ་མཆེད་དྲུག་གིས་བཟུང་བ་ནི་གང་དུ་བྱུང་། བདག་ནི་སྟན་ལས་ལངས་ཏེ་འགྲོ་བར་བྱ་སྙམ་མོ། །དེ་ནས་དགེ་སློང་དྲུག་བཅུ་ཙམ་སྟན་ལས་ལངས་ཏེ་དོང་ནས་དགེ་སློང་གཞན་དག་ཀྱང་ཅང་མི་སྨྲ་བར་གྱུར་པ་དང་། དེ་ནས་བྱང་ཆུབ་
སེམས་དཔའ་ཕུང་པོ་རྣམ་པར་འཇིག་པ་བཅོམ་ལྡན་འདས་ལ་ངོ་ཚ་ཞིང་མི་སྤོབས་པ་དང་གནོང་བར་གྱུར་ཏོ། །དེ་ནས་བྱང་ཆུབ་སེམས་དཔའ་ལག་ན་མར་མེ་འཁོར་དེ་ཉིད་དུ་འདུས་པར་གྱུར་པ་དེས། བྱང་ཆུབ་
སེམས་དཔའ་ཕུང་པོ་རྣམ་པར་འཇིག་པ་ལ་འདི་སྐད་ཅེས་སྨྲས་སོ། །དོན་གྱི་དབང་གང་མཐོང་ན་འཁོར་སྨྲ་བ་དང་བཅས་པ་ལ་ཆོས་ཀྱི་ཚུལ་རྣམ་པ་འདི་ལྟ་བུ་ཟབ་མོ་ཡང་དག་པར་སྟོན། རིགས་ཀྱི་བུ་
བཅོམ་ལྡན་འདས་ཀྱིས་མདོ་སྡེ་གཞན་དག་ལས་གང་ཟག་ལྔ་རྣམས་ལ་ཆོས་ཀྱི་གཏམ་དང་། གཏམ་ངན་པ་དང་། དད་པ་མེད་པ་ལ་དད་པའི་གཏམ་དང་། གཏམ་ངན་པ་དང་། འཇུངས་པ་ལ་གཏོང་བའི་གཏོམ་དང་། 
གཏམ་ངན་པ་དང་། ཚུལ་ཁྲིམས་ངན་པ་ལ་ཚུལ་ཁྲིམས་ཀྱི་གཏམ་དང་། གཏམ་ངན་པ་དང་། ལེ་ལོ་ལ་བརྩོན་འགྲུས་ཀྱི་གཏམ་དང་། གཏམ་ངན་པ་དང་། འཆལ་པའི་ཤེས་རབ་ལ་ཤེས་རབ་ཀྱི་གཏམ་དང་། གཏམ་
ངན་པའོ་ཞེས་འདི་ལྟར་གསུངས་སོ། །ཡང་བཅོམ་ལྡན་འདས་ཀྱིས་མདོ་སྡེ་གཞན་ལ་བསྟན་པ། མཚམས་མེད་པར་བྱེད་པ་རྣམས་ལ་སྟོང་པའི་གཏམ་མི་སྨྲ་བར་བྱའོ། །ལོག་པར་ལྟ་བའི་ལུས་ཅན་རྣམས་ལ་ལུས་
དྲན་པ་ཉེ་བར་གཞག་པ་མི་སྨྲ་བར་བྱའོ། །བརྐམ་པ་རྣམས་ལ་ཚོར་བ་དྲན་པ་ཉེ་བར་གཞག་པ་མི་སྨྲ་བར་བྱའོ། །ང་རྒྱལ་དང་། དྲེགས་པ་དང་། ཁ་ཟས་ལ་ཆགས་པ་རྣམས་ལ་སེམས་དྲན་པ་ཉེ་བར་གཞག་པ་མི་སྨྲ་
བར་བྱའོ། །ངོ་ཚ་བའི་ཆོས་ཀྱི་རྩ་བ་སྤོང་བ་རྣམས་ལ་ཆོས་དྲན་པ་ཉེ་བར་གཞག་པ་མི་སྨྲ་བར་བྱའོ། །མི་ཐོབ་པར་འདོད་པ་རྣམས་ལ་ལྷར་སྐྱེ་བའི་ཡོན་ཏན་མི་སྨྲ་བར་བྱའོ། །འདོད་པ་ལ་སྤྱོད་པའི་ལྷར་སྐྱེ་བ་ཡང་དག་པར་ཞུགས་པ་རྣམས་ལ་

62-1-99a

མདངས་འཕྲོག་པའི་གནོད་སྦྱིན་སྐྱེ་བའི་ཡོན་ཏན་མི་སྨྲ་བར་བྱའོ། །གཟུགས་ལ་སྤྱོད་པའི་ལྷར་སྐྱེ་བ་བཟུང་བ་རྣམས་ལ་འདོད་པ་སྤྱོད་པའི་ལྷ་དང་དཔལ་མི་སྨྲ་བར་བྱའོ། །གཟུགས་མེད་པའི་ཁམས་སུ་སྐྱེ་བ་ཡང་དག་པར་ཞུགས་པ་རྣམས་ལ་གཟུགས་ལ་སྤྱོད་པའི་སྐྱེད་པའི་
ཡོན་ཏན་མི་སྨྲ་བར་བྱའོ། །གཟུགས་ལ་སྤྱོད་པའི་ལྷར་སྐྱེ་བ་བཟུང་བ་རྣམས་ལ་འདོད་པ་སྤྱོད་པའི་ལྷའི་བདེ་བ་མི་སྨྲ་བར་བྱའོ། །ཉན་ཐོས་ཀྱི་ཐེག་པ་ལ་ཡང་དག་པར་ཞུགས་པ་རྣམས་ལ་རང་སངས་རྒྱས་ཀྱི་ཡོན་ཏན་མི་སྨྲ་བར་བྱའོ། །རང་སངས་རྒྱས་ཀྱི་ཐེག་པ་ལ་ཡང་
དག་པར་ཞུགས་པ་རྣམས་ལ་ཉན་ཐོས་ཀྱི་ཡོན་ཏན་དག་མི་སྨྲ་བར་བྱའོ། །ཐེག་པ་ཆེན་པོ་ལ་ཡང་དག་པར་ཞུགས་པ་རྣམས་ལ་སངས་རྒྱས་ཀྱི་ཡོན་ཏན་མི་སྨྲ་བར་བྱའོ། །བྱང་ཆུབ་སེམས་དཔའ་ཕ་རོལ་དུ་ཕྱིན་པ་ལ་མངོན་པར་བརྩོན་པ་རྣམས་
ལ་བསྡུ་བའི་དངོས་པོ་རྣམ་པ་བཞི་མི་སྨྲ་བར་བྱའོ། །བྱང་ཆུབ་སེམས་དཔའ་ཚངས་པའི་རྣམ་པར་སྤྱོད་པ་ལ་མངོན་པར་བརྩོན་པ་རྣམས་ལ་ཐ་དད་པ་ཡང་དག་པར་ཤེས་པ་བཞི་མི་སྨྲ་བར་བྱའོ། །བྱང་ཆུབ་སེམས་དཔའ་འཁོར་སྨྲ་
བ་མེད་པ་ལ་རྣམ་པ་འདི་ལྟ་བུ་ཟབ་མོ་ཞི་བ་སྟོང་པ་ཉིད་ཀྱི་གཏམ་སྨྲ་བར་བྱའོ། །ཉན་ཐོས་དང་། རང་སངས་རྒྱས་ཀྱི་ཐེག་པ་པའི་འཁོར་རྣམ་པ་འདི་ལྟ་བུ་སྨྲ་བ་དང་བཅས་པའི་མདུན་དུ་ཡང་དག་པར་སྤྱོད་པའི་ཚུལ་ནམ་མཁའི་
མདོག་གིས་འདུལ་བའི་བཟོད་པ་ཟབ་མོ་འདི་མི་སྨྲ་བར་བྱའོ། །དེ་ནས་བྱང་ཆུབ་སེམས་དཔའ་འཁོར་མང་པོ་དེ་ཐམས་ཅད་དང་ལྡན་པས་མགྲིན་གཅིག་ཏུ་ལེགས་སོ་ཞེས་བྱ་བ་བྱས་སོ། །བཅོམ་ལྡན་འདས་ཀྱིས་ཀྱང་བྱང་ཆུབ་
སེམས་དཔའ་ལག་ན་མར་མེ་ལ་ལེགས་སོ་ཞེས་བྱ་བའི་ཚིག་གིས་སྤྲོ་བ་ཡང་དག་པར་བསྐྱེད་དོ། །ལེགས་སོ་ལེགས་སོ་ཤེས་རབ་ཆེ། །རྣམ་པར་ཤེས་པས་མཆོག་གཅོད་པ། །མཚན་ཉིད་ཐབས་དང་ཆོས་རྣམས་ཀྱི། །དུས་ནི་ཁྱོད་ཀྱི་
རབ་ཏུ་ཤེས། །འཁོར་རྣམས་ཤེས་པ་ཅི་འདྲ་བ། །དེ་འདྲའི་ཚུལ་དུ་སྟོན་པར་བྱེད། །ཉན་ཐོས་རང་རྒྱལ་ཐེག་པ་ལ། །ཆོས་འདི་བརྗོད་པར་མི་བྱེད་དོ། །ནམ་མཁའ་མཚུངས་ཤིང་མཉམ་པ་ཡི། །བྱང་ཆུབ་སེམས་དཔའི་མདུན་དག་ཏུ། །

62-1-99b

ཆོས་འདི་རབ་ཏུ་བསྟན་པས་ན། །ཚུལ་འདི་ཀུན་དུ་ཤེས་པར་འགྱུར། །ནམ་མཁའ་ཇི་ལྟར་མཐོ་མེད་ལ། །དམའ་བ་མེད་ཅིང་གཟུགས་མེད་པ། །ཤེས་རབ་ཕ་རོལ་ཕྱིན་སྤྱོད་པའི། །བྱང་ཆུབ་སེམས་དཔའི་མཚན་ཉིད་མེད། །བསྐལ་པ་གྲངས་མེད་པ་དག་
གི། །འདས་པའི་རྒྱལ་བའི་སྤྱན་སྔར་ནི། །སྨྲ་བ་མེད་པའི་འཁོར་རྣམས་ལ། །ཁྱོད་ཀྱི་ཆོས་འདི་ཐོས་པ་དང་། །ཇི་ལྟར་རྒྱལ་བ་དེས་བསྟན་པའི། །གྲགས་པ་ཆེན་པོའི་བཟོད་པ་འདི། །བརྩོན་འགྲུས་བརྟན་པའི་སེམས་ཅན་ལ། །འཇིགས་
མེད་པ་འདི་རབ་ཏུ་བསྟན། །བྱང་ཆུབ་སེམས་དཔའ་རབ་དག་ཅིང་། །ཡོན་ཏན་རྒྱ་མཚོ་མཐའ་མེད་པ། །སྐལ་བ་ལྡན་པའི་མདུན་དུ་ནི། །ཆོས་འདི་ཡང་ནི་རབ་ཏུ་བསྟན། །ཉན་ཐོས་ཐེག་པ་མངོན་བརྩོན་དང་། །རང་རྒྱལ་དག་གི་མངོན་
དགའ་ལ། ཆོས་འདི་རབ་ཏུ་བསྟན་པས་ན། །དེ་ཉིད་འཚང་རྒྱར་མི་འགྱུར་རོ། །མི་ཤེས་པས་ནི་སྤོང་བ་དང་། །མོས་པ་མེད་པར་སྐྱེས་པས་ན། །བསོད་ནམས་མང་པོ་འབྱུང་མེད་ཅིང་། །ངན་འགྲོར་ཡང་ནི་མྱུར་དུ་འགྲོ། །ཏིང་འཛིན་བཟོད་
པ་གཟུངས་ཀྱིས་ནི། །གལ་ཏེ་དེ་ལུས་སྦྱང་བྱས་ཏེ། །བྱང་ཆུབ་ལམ་ལ་བརྩོན་བྱ་ཕྱིར། །ལ་ལ་ཐབས་དང་དེ་བྲལ་བ། །འཁོར་དང་གང་ཟག་རྣམས་ཀྱིས་ཀྱང་། །སེམས་ཀྱིས་རྟོག་པར་མི་བྱེད་དོ། །འཆལ་པའི་ཤེས་རབ་སྣོད་མིན་
ལ། །སྟོང་པ་ཞི་བ་སྨྲ་བར་བྱེད། །དེ་ཡང་མྱུར་དུ་སྤངས་པས་ན། །མུན་པའི་ཕུང་པོས་བསྒྲིབས་པ་དག །གཞན་དག་གི་ནི་གནས་བཅུ་ལ། །མྱུར་དུ་ཡང་ནི་འགྲོ་བར་འགྱུར། །དམྱལ་བ་ཡི་དགས་བྱོལ་སོང་དུ། །ལྷ་མ་ཡིན་དང་
ལུས་སྲུལ་པོ། །གནོད་སྦྱིན་སྲིན་པོ་གཏུམ་པ་ཡང་། །ཡང་དང་ཡང་ནི་འདིར་སྐྱེའོ། །མིར་གྱུར་དཀའ་བྱེད་ཐོབ་པ་དག །གལ་ཏེ་ཇི་ལྟར་ཐོབ་ན་ཡང་། །སྨད་པའི་གདོལ་པ་རྣམས་དང་ནི། །འོན་པ་ལོང་བ་ཞར་བ་དང་། །རྟག་ཏུ་ནད་
དང་ཉམ་ཆུང་བ། །སྐུར་པ་འདེབས་ཤིང་མཆོད་པ་མེད། །ཟས་དང་སྐོམ་དང་བྲལ་བ་སྟེ། །མཁས་པ་རྣམས་ཀྱིས་སྨད་པར་འགྱུར། །ཕ་དང་མ་ལ་བཀུར་སྟི་མེད། །ཉེས་པར་བྱས་པ་རྟག་ཏུ་སྤྱོད། །སེམས་ཅན་རྣམས་ལ་སྙིང་རྗེ་

62-1-100a

མེད། །ངན་འགྲོ་ཡང་ནི་འགྲོ་བར་འགྱུར། །འདིར་ནི་རབ་ཏུ་སོང་བ་ཡི། །དགེ་སློང་དྲུག་བཅུ་ཙམ་འདི་དག །ཡིད་ཀྱིས་རྟོག་པ་ཞེ་སྡང་བ། །ངན་འགྲོར་ཡང་ནི་མྱུར་དུ་འགྲོ། །ལུས་དབང་བྱས་པའི་སེམས་ཅན་འདི། །གང་གིས་
བཟོད་པ་འདི་བསྟན་ཅིང་། །ཐབས་ལ་མངོན་སུམ་མ་ཡིན་པ། །དེས་ནི་དགེ་སློང་དེ་སོང་ངོ་། །ཡེ་ཤེས་ཐབས་དང་ལྡན་པ་དག །ཕ་རོལ་སེམས་ལ་ལྟ་བ་ཡི། །འཇིག་རྟེན་ལ་ནི་སྒྲོན་འཛིན་པ། །སེམས་ཅན་ཀུན་ལ་སྨིན་པར་
སྨྲ། །ཐམས་ཅད་དོན་གྱི་རྗེས་ཤེས་པ། །ཐོག་མར་ཡང་ནི་འཁོར་ལྟོས་ལ། །ཅི་འདྲར་འགྱུར་བའི་འཁོར་རྣམས་ལ། །དེ་འདྲ་བའི་ཆོས་ཀྱང་ཤོད། །དེ་ནས་ཡང་བྱང་ཆུབ་སེམས་དཔའ་ལག་ན་རིན་པོ་ཆེས་འདི་སྐད་ཅེས་སྨྲས་སོ། །རིགས་
ཀྱི་བུ་ཇི་ལྟ་བུར་ཉན་ཐོས་ཀྱིས་བཅོམ་ལྡན་འདས་ཀྱི་སེང་གེའི་ཁྲི་བཤམས་ཏེ། ཉན་ཐོས་འདུལ་བའི་ཕྱིར་སྨྲ་བར་འགྱུར་རོ་ཞེས་བདག་གིས་ཡོངས་སུ་ཤེས་སོ། །རིགས་ཀྱི་བུ་ཡང་འདིས་སྔོན་མ་ཐོས་པ་ཡང་དག་པར་སྤྱོད་པའི་ཚུལ་
ནམ་མཁའི་མདོག་གིས་འདུལ་བའི་བཟོད་པ་བསྟན་པ་ན། ཡང་བཅོམ་ལྡན་འདས་ཀྱིས་ཇི་ལྟ་བུར་བདག་ལ་ཐུགས་བརྩེ་བའི་སླད་དུ་ཡང་དག་པར་སྤྱོད་པའི་ཚུལ་ནམ་མཁའི་མདོག་གིས་འདུལ་བའི་བཟོད་པ་ཡོན་ཏན་གྱིས་
དམིགས་པ་སྦྱོར་བ་རྒྱ་ཆེན་པོས་བཤད་པར་བདག་ཀྱང་བཅོམ་ལྡན་འདས་ལ་གསོལ་བ་གདབ་ཅིང་། །བདག་དང་སེམས་ཅན་གཞན་ལ་ཡང་ཐུགས་བརྩེ་བའི་སླད་དུ་རྗེས་སུ་གཟུང་བར་འགྱུར་སྙམ་མོ། །དེ་ནས་བྱང་ཆུབ་སེམས་
དཔའ་ལག་ན་མར་མེས་བྱང་ཆུབ་སེམས་དཔའ་ལག་ན་རིན་པོ་ཆེ་ལ་འདི་སྐད་ཅེས་སྨྲས་སོ། །རིགས་ཀྱི་བུ་གང་གི་དུས་ལ་བབ་པར་ཤེས། །དེ་ནས་བྱང་ཆུབ་སེམས་དཔའ་ལག་ན་མར་མེ་སྟན་ལས་ལངས་ཏེ། །བླ་གོས་ཕྲག་པ་
གཅིག་ཏུ་བྱས་ཏེ། །བཅོམ་ལྡན་འདས་གང་ན་བ་དེ་ལོགས་སུ་ཐལ་མོ་སྦྱར་ཏེ་ཕྱག་བྱས་ནས། བཅོམ་ལྡན་འདས་ལ་ཚིགས་སུ་བཅད་པ་འདི་དག་གིས་མངོན་པར་བསྟོད་པ། ཐུབ་པ་ཚངས་པ་རབ་ཏུ་དགའ་མཛད་པ། །ཡེ་ཤེས་ཉམས་པའི་འགྲོ་ལ་

62-1-100b

སྒྲོན་མ་འཛིན། །གྲོལ་དང་རིག་ལ་ཁྱོད་ནི་དང་བར་མཛད། །རྡུལ་དང་བྲལ་བའི་ཆོས་ཀྱི་སྒོ་འདི་སྟོན། །རྒྱལ་བ་ཉི་མ་གྲོལ་ལ་མར་མེ་མཛད། །སེམས་ཅན་དུ་མ་ལ་ནི་སྣང་མཛད་པ། །ལམ་རྣམས་རབ་བསྟན་ལམ་ནི་ཁྱོད་སྟོན་པ། །མཆོག་གི་ཆོས་
ཀྱི་སྒོ་འདི་བསྟན་པར་མཛོད། །ནམ་མཁའི་རང་བཞིན་ཡོངས་སུ་དག་པའི་ཐུགས། །ཐུགས་དམ་མི་གཡོ་ཇི་ལྟར་རི་བསྟན་བཞིན། །ཐུབ་པ་འཇིག་རྟེན་ཟླ་བའི་འོད་འདྲ་བ། །ཚུལ་མདོག་བཟོད་པའི་དགེ་བ་འདི་ཡང་སྟོན། །སྙིང་རྗེ་གནས་
ཤིང་འགྲོ་ལ་བཟོད་མཛོད་པ། །ཁྱོད་ཀྱི་ཆོག་ཤེས་པ་ནི་མཆོག་ཏུ་ཆེ། །རྒ་འཆི་ནད་གསུམ་རབ་ཏུ་ཞི་མཛད་པ། །བཟོད་པ་མཆོག་གི་ཡོན་ཏན་འདི་ཡང་སྟོན། །ཐུབ་པ་སེང་གེ་མུ་སྟེགས་འཇིགས་པར་མཛད། །འགྲོ་བ་དགའ་མཛད་ཀ་
ལ་པིང་ཀའི་སྐད། །མུ་སྟེགས་ཅན་གྱི་འཁོར་མངས་རྣམ་འཇིག་པ། །མར་མེའི་བཟོད་པ་འདི་ཡང་བསྟོན་པར་མཛོད། །ས་དང་མཉམ་པ་བཟོད་པ་མཆོག་གི་ཐུགས། །བདེ་དང་སྡུག་བསྔལ་རེག་ལ་ཁྲོ་མི་མཛད། །མཐོན་
པོ་མ་ཡིན་ད་ལྟར་མཐོ་མིན་པ། །ཡོངས་མིན་གཟིགས་ཏེ་བཟོད་པ་འདི་ཡང་གསུངས། །ཡེ་ཤེས་མཆོག་གིས་ང་ཡི་ང་རྒྱལ་གྱི། །རླུང་ལངས་ལྟ་བུའི་ཉོན་མོངས་དགྲ་ཡང་གཏོར། །དེས་ནི་བཟོད་པའི་དམ་པ་འདི་ཐོབ་པ། །
ལས་གྱི་མེ་ཡིས་སྲེད་པའི་ཆུ་ཡང་སྐམས། །ཁྱོད་ཀྱིས་ལྟ་བ་ལྕུག་མ་སྲེད་ཆུ་ཚིག །ཀླུ་ལྟ་བུར་ནི་ཆོས་ཀྱི་ཆར་གཏོང་བ། །དེས་ནི་འཁོར་འདི་དགའ་བར་གྱུར་པ་སྟེ། །ཡོངས་སུ་སྨིན་ལ་གཟིགས་ཤིང་བཟོད་འདི་གསུང་། །
སེམས་ཅན་རྣམས་ལ་རྣམ་གྲོལ་ཡོན་ཏན་སྐྱེད། །བཟོད་པ་མཆོག་གི་ཡོན་ཏན་འདི་སྟོན་ཅིང་། །གང་གི་བསམ་པ་དྲི་མ་མེད་བཟོད་འགྱུར། །དེ་ཐོབ་པ་ཡི་ཡོན་ཏན་འདི་མཐའ་ཡས། །སྤྱོད་ཡུལ་ནམ་མཁའི་མདོག་གིས་འདུལ་
བ་ཡི། །ཐུབ་པས་འདས་པའི་བཟོད་པ་འདི་གསུངས་དང་། །ད་ལྟར་གྱི་ཡང་བཟོད་པ་འདི་གསུངས་པ། །ཐུགས་རྗེར་དགོངས་ཁྱོད་བཟོད་པ་འདི་ཡང་གསུངས། །བཅོམ་ལྡན་འདས་ཀྱིས་བྱང་ཆུབ་སེམས་དཔའ་རིན་ཆེན་ལག་ལ་ཅང་མི་གསུང་བས་

62-1-101a

ཞལ་གྱིས་བཞེས་སོ། །དེ་ནས་བཅོམ་ལྡན་འདས་འདི་སྙམ་དུ་དགོངས་ཏེ། སྔོན་གྱི་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་དེ་དག་གང་ན་ཡང་དག་པར་སྤྱོད་པའི་ཚུལ་ནམ་མཁའི་མདོག་གིས་འདུལ་
བའི་བཟོད་པ་བསྟན་པར་ང་ཡང་དགོངས་སོ་སྙམ་མོ། །ལྷ་བྲན་གྱིས་གསོལ་པ། སྤོས་ཀྱི་ངད་ལྡང་བའི་རི་ལ་སྔོན་ཡང་དག་པར་རྫོགས་པའི་སངས་རྒྱས་ཀྱིས་བཟོད་པ་འདི་སྟན་ནས། ཇི་ལྟ་བུའི་སྤོས་ཀྱི་ངད་ལྡང་བའི་རི་ལ་སྔོན་གྱི་ཡང་
དག་པར་རྫོགས་པའི་སངས་རྒྱས་ཀྱིས་ཡང་དག་པར་སྤྱོད་པའི་ཚུལ་ནམ་མཁའི་མདོག་གིས་འདུལ་བའི་བཟོད་པ་འདི་བཤད་པར་འགྱུར་རོ་ཞེས་བཅོམ་ལྡན་འདས་བདག་ཉིད་ཡེ་ཤེས་བསྟན་པ་ལ་འཇུག་གོ། །དེ་ནས་ཡང་བཅོམ་ལྡན་
འདས་སྐར་མདའི་བདག་པོ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས་ཏིང་ངེ་འཛིན་དེས་བཅོམ་ལྡན་འདས་དྲང་སྲོང་གི་བརྟུལ་ཞུགས་དང་། སྤྱོད་ལམ་དང་། མཚན་མ་དང་། དབྱིབས་ཀུན་དུ་སྣང་སྟེ། དྲང་སྲོང་དེ་ཡང་རྒན་པོ་
དང་། རྒས་པ་དང་། འཁོགས་པ་དང་། སྐྲ་རིང་པོའི་རལ་པ་འཆང་བ་དང་། ཨག་ཙོམ་རིང་པོ་དང་། དབྱུག་པ་དང་། རིལ་བ་དང་། གཙང་མ་འཛིན་མེའི་སྦྱིན་བསྲེག་ཆེན་པོ་འབར་བར་བྱེད་དོ། །དེ་ལས་ཀྱང་འོད་ཀྱི་ཕུང་བོ་
ཁ་དོག་སྣ་ཚོགས་དང་། ཁ་དོག་མཐའ་ཡས་པ་དང་། ཁ་དོག་བརྒྱ་སྟོང་དུ་མ་དང་། ཁ་དོག་རྒྱ་ཆེན་པོ་ཤིན་དུ་ཡོངས་སུ་དག་པ་དྲི་མ་མེད་པའི་འོད་འབྱུང་ངོ་། །དེའི་འོད་སྣང་བས་ཕྱོགས་བཅུའི་ཞིང་སྟོང་པ་དང་། རྙོག་པ་ལྔའི་
སངས་རྒྱས་ཀྱི་ཞིང་མཐའ་ཡས་མུ་མེད་པའི་སྐར་མ་དང་། རིན་པོ་ཆེ་དང་། གློག་དང་། འོད་དང་། ལྷ་དང་། ཀླུ་དང་། གནོད་སྦྱིན་དང་། ལྷ་མ་ཡིན་གྱི་འོད་ཀྱང་མི་མངོན་མི་སྣང་ངོ་། སེམས་ཅན་དམྱལ་བ་དང་། བྱོལ་སོང་
དང་། ཡི་དགས་ཀྱི་ལྟ་བ་ཡང་མི་མངོན་མི་སྣང་ངོ་། །དེའི་ཚེ་དྲང་སྲོང་ཐུབ་པ་མ་གཏོགས་པར་སེམས་ཅན་རྣམས་ཀྱི་སྒྲ་དང་། བརྗོད་པ་དང་། དབྱངས་དང་། ཚིག་དང་། ཡི་གེ་དང་། ཆུང་ངུ་ན་ས་དང་། ཆུ་དང་མེ་དང་། རླུང་གི་སྒྲ་ཡང་མི་གྲག་

62-1-101b

གོ། །དེའི་ཚེ་ན་ཕྱོགས་བཅུའི་སངས་རྒྱས་ཀྱི་ཞིང་མཐའ་ཡས་མུ་མེད་པ་ན་སེམས་ཅན་གང་ལ་ལ་ཐེག་པ་ཆེན་པོ་ལ་ཡང་དག་པར་ཞུགས་པ་དེ་ཐམས་ཅད་དྲང་སྲོང་གི་བརྟུལ་ཞུགས་དང་། ལུས་དང་མཚན་མ་དང་། དབྱིབས་ཀུན་དུ་སྣང་ངོ་། །ཡང་
ཐེག་པ་ཆེན་པོ་ལ་ཡང་དག་པར་ཞུགས་པའི་དྲང་སྲོང་མ་གཏོགས་པར་ཉན་ཐོས་སམ། །རང་རྒྱལ་བའི་ཐེག་པ་པའི་དྲང་སྲོང་ནི་ཀུན་དུ་མི་སྣང་ངོ་། །ཡང་ཐེག་པ་ཆེན་པོ་ལ་ཡང་དག་པར་ཞུགས་པའི་དྲང་སྲོང་དེས་ཉན་ཐོས་དང་། 
རང་སངས་རྒྱས་མི་མཐོང་ཞིང་ཉན་ཐོས་དང་། རང་སངས་རྒྱས་ཀྱི་ཐེག་པ་པ་ཡང་མི་མཐོང་ངོ་། །དེའི་ཚེ་ན་གང་ཡང་ཉན་ཐོས་འཁོར་དེར་འདུག་པ་དེ་དེ་བཞིན་གཤེགས་པ་མི་མཐོང་ཞིང་། 
དེ་བྱང་ཆུབ་སེམས་དཔའ་ཡང་དག་པར་རྗེས་སུ་མི་མཐོང་ངོ་། །གང་ཡང་འདིར་འདུག་འདུག་པ་འདུས་པར་གྱུར་པ་གཞན་དུ་ན་ཅུང་ཟད་གཟུགས་སྣང་བ་ཡང་ཡང་དག་པར་རྗེས་སུ་མི་མཐོང་ངོ་། །སྣང་བ་རྒྱ་ཆེན་པོས་ནི་འཇིག་རྟེན་ཐམས་
ཅད་ཁྱབ་པར་ཡང་དག་པར་རྗེས་སུ་མི་མཐོང་ངོ་། དེ་ནས་ཉན་ཐོས་ཆེན་པོ་དེས་ཀུན་ཤེས་ཀཽ་དི་ནྱ་ལ་སྨྲས་པ། གནས་བརྟན་ཀཽ་དི་ནྱ་བཅོམ་ལྡན་འདས་གང་ན། ཀཽ་དི་ནྱས་སྨྲས་པ། བཅོམ་ལྡན་འདས་ད་ལྟར་གང་ན་ཞེས་
བྱ་བ་ནི་མི་ཤེས་སོ། །མི་མཐོང་ངོ་། །དེ་ནས་ཉན་ཐོས་ཆེན་པོ་དེས་འོད་སྲུང་ཆེན་པོ་ལ་སྨྲས་པ། སྦྱངས་པ་སྨྲ་བའི་ནང་ན་བཅོམ་ལྡན་འདས་ཀྱིས་ཁྱོད་མཆོག་ཏུ་བསྟན་ན། བཅོམ་ལྡན་འདས་ད་ལྟར་གང་ན་བ་སོམས་ཤིག །
འོད་སྲུང་ཆེན་པོས་སྨྲས་པ། བཅོམ་ལྡན་འདས་ད་ལྟར་གང་ན་ཞེས་བྱ་བ་མི་ཤེས་སོ། །མི་མཐོང་ངོ་། །དེ་ནས་ཉན་ཐོས་ཆེན་པོ་དེས་ཚེ་དང་ལྡན་པ་ཤཱ་ར་དྭ་ཏིའི་བུ་ལ་སྨྲས་པ། གནས་བརྟན་ཤཱ་རིའི་བུ་ཤེས་རབ་དང་ལྡན་པའི་ནང་ན་
བཅོམ་ལྡན་འདས་ཀྱིས་ཁྱོད་མཆོག་ཏུ་བསྟན་ན། བཅོམ་ལྡན་འདས་གང་ན་བ་སོམས་ཤིག །ཤཱ་རིའི་བུས་སྨྲས་པ། ཚེ་དང་ལྡན་པ་སངས་རྒྱས་ཀྱི་ཞིང་མཐའ་མེད་པས་བཅོམ་ལྡན་འདས་དེ་ལྟར་གང་ན་ཞེས་བྱ་བ་མི་ཤེས་སོ། །

62-1-102a

མི་མཐོང་ངོ་། །དེ་ནས་ཉན་ཐོས་ཆེན་པོ་དེས་མཽད་གལ་ཡ་ན་ལ་སྨྲས་པ། ཚེ་དང་ལྡན་པ་མཽད་གལ་ཡ་ན་རྫུ་འཕྲུལ་དང་ལྡན་པའི་ནང་ན་བཅོམ་ལྡན་འདས་ཀྱིས་ཁྱོད་ཀྱང་མཆོག་ཏུ་བསྟན་ན། བཅོམ་ལྡན་འདས་ད་ལྟར་གང་ན་བ་
སོམས་ཤིག །མཽད་གལ་ཡ་ནས་སྨྲས་པ། གང་གི་ཚེ་ཚེ་དང་ལྡན་པ་འོད་སྲུང་ཆེན་པོས་སྨྲས་པ་དེ་ཉིད་ན་བདག་གིས་སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་ནི་རྫུ་འཕྲུལ་གྱི་སྟོབས་ཀྱིས་རྗེས་སུ་ཤེས་ཀྱི། བཅོམ་ལྡན་
འདས་ད་ལྟར་གང་ན་བཞུགས་པ་གང་དུ་བཞུད་ཅེས་བྱ་བ་ནི་མི་མཐོང་ངོ་། །མི་ཤེས་སོ། །དེ་ནས་ཉན་ཐོས་ཆེན་པོ་དེས་ཚེ་དང་ལྡན་པ་མ་འགགས་པ་ལ་སྨྲས་པ། ལྷའི་མིག་གི་ནང་ན་བཅོམ་ལྡན་འདས་ཀྱིས་ཁྱོད་ཀྱང་
མཆོག་ཏུ་བསྟན་ན། བཅོམ་ལྡན་འདས་ད་ལྟར་གང་དུ་བཞུད། གང་ན་གནས། སྤྱོད་པ་ནི་ཅི་འདྲ་ཅི་འདྲར་སྤྱོད། ཁྱོད་ཀྱི་ལྷའི་མིག་གིས་ལྟོས། མ་འགགས་པས་སྨྲས་པ། ཁོ་བོས་འཕགས་པའི་ཤེས་རབ་ཀྱི་མིག་གིས་མཐའ་
ཡས་མུ་མེད་པའི་སངས་རྒྱས་ཀྱི་ཞིང་རྣམ་པར་བལྟས་ན། བཅོམ་ལྡན་འདས་ད་ལྟར་གང་ན་བཞུགས། གང་དུ་བཞུད་ཅེས་བྱ་བ་དག་ཀྱང་མི་ཤེས་སོ། །མི་མཐོང་ངོ་། །དེས་སྨྲས་པ། ཡང་ཐ་དད་པར་ཡང་དག་པར་ཤེས་པ་ཐོབ་པའི་
ཉན་ཐོས་ཀྱི་ཡེ་ཤེས་གང་ལ་འང་མི་འཇུག་གི། བཟོད་པ་ཐོབ་པའི་བྱང་ཆུབ་སེམས་དཔའི་ཡེ་ཤེས་ནི་དེ་ལ་འཇུག་གོ། །བདག་གིས་བཅོམ་ལྡན་འདས་ད་ལྟར་གང་དུ་བཞུད། གང་ན་བཞུགས་ཤེས་བྱང་ཆུབ་སེམས་དཔའ་ལ་དྲི་
སྙམ་པ་དང་། དེ་ནས་ཉན་ཐོས་ཆེན་པོ་དེས་བྱང་ཆུབ་སེམས་དཔའ་གཅིག་ཀྱང་ཡང་དག་པར་རྗེས་སུ་མ་མཐོང་ངོ་། །ཚེ་དང་ལྡན་པ་ཤཱ་རིའི་བུས་སྨྲས་པ། ཚེ་དང་ལྡན་པ་འདི་ལ་རིགས་ཀྱི་བུ་གཞན་ཞིག་གིས་ཕུང་པོ་བཤད་པར་བྱས་པ་
དེ་ན་དགེ་སློང་དྲུག་ཅུ་ཙམ་པོ་སྟན་ལས་ལངས་ཏེ་དོང་བས། ཚེ་དང་ལྡན་པ་བཅོམ་ལྡན་འདས་ཐུགས་མི་དགྱེས་ནས་བཏང་སྙོམས་ཤིང་འཕགས་པ་སངས་རྒྱས་ཀྱི་སྤྱོད་པས་རིགས་ཀྱི་བུ་དང་ཐབས་གཅིག་ཏུ་སྤྱོད་དོ། །བདག་ཅག་ནི་རང་

62-1-102b

རང་གི་སྤྱིལ་པོར་ཞུགས་ཤིང་བསམ་གཏན་བྱ་སྙམ་སྟེ། དེ་ནས་ཉན་ཐོས་ཆེན་པོ་དེ་དག་རང་རང་གི་སྤྱིལ་པོར་ཞུགས་ནས་བསམ་གཏན་བྱེད་དོ། ། བམ་པོ་གཉིས་པ། དེ་ནས་དེའི་ཚེ་དེའི་དུས་ན་ཕྱོགས་བཅུའི་སངས་རྒྱས་ཀྱི་ཞིང་ཚད་
མེད་གྲངས་མེད་པ་ན་ཐེག་པ་ཆེན་པོ་ལ་ཡང་དག་པར་ཞུགས་པའི་སེམས་ཅན་དེ་བདག་དྲང་སྲོང་གི་ཆ་བྱད་དུ་མཐོང་ནས་དེ་འདི་སྙམ་དུ་སེམས་ཏེ། གལ་ཏེ་བདག་ཅག་དྲང་སྲོང་དུ་གྱུར་པ་ན། གང་དྲང་སྲོང་ལས་ཤིན་དུ་ཁྱད་པར་དུ་འཕགས་པ་དེ་བདག་
ཅག་གི་མཁན་པོར་བཟུང་ངོ་ཞེས། །བདག་ཅག་རྣམ་པར་བལྟ་བར་བྱའོ་སྙམ་པ་དེ་ཐམས་ཅད་རྙོག་པ་སེལ་བ་ཞེས་བྱ་བ་བྱེད་པ་ཅན་གྱི་གྲོང་རྡལ་ན་དྲང་སྲོང་ཆེན་པོ་ཤཱཀྱ་ཐུབ་པ་རྒས་པ། འཁོགས་པ། བདུག་པ་རྣམས་དང་། མེ་ཏོག་དང་། 
འབྲས་བུ་དང་། སྨན་དང་། ཟས་དང་། སྐོམ་རྣམ་པ་སྣ་ཚོགས་ཀྱིས་མེ་ལ་གཏོར་བ་ཐག་མི་རིང་བར་མཐོང་ནས། དེ་འདི་སྙམ་དུ་སེམས་ཏེ། དྲང་སྲོང་ཆེན་པོ་འདི་ནུས་པ་ཆེན་པོ་མཐུ་ཆེན་པོ་འདིའི་མཐུས་སྣང་བ་ཆེན་པོ་འབྱུང་ངོ་། །
དྲང་སྲོང་འདི་གང་ན་བ་དེ་ལོགས་སུ་ཉེ་བར་འགྲོ་ཞིང་དྲང་སྲོང་གི་བརྟུལ་ཞུགས་དང་སྤྱོད་པའི་རྗེས་སུ་བསླབ་པར་བྱ་སྙམ་མོ། །དེ་ནས་དེའི་ཚེ་དེའི་དུས་ན་བྱང་ཆུབ་སེམས་དཔའ་དྲང་སྲོང་བྱེ་བ་ཁྲག་ཁྲིག་བརྒྱ་སྟོང་བཅོམ་ལྡན་འདས་ཀྱི་ཐད་དུ་
ཉེ་བར་དང་ངོ་། །དེ་ནས་བྱང་ཆུབ་སེམས་དཔའ་དྲང་སྲོང་ཏིང་ངེ་འཛིན་དང་། བཟོད་པ་དང་། གཟུངས་དབང་དུ་བྱས་པ་དེ་སེམས་རྩེ་གཅིག་པའི་སྟོབས་ཀྱིས་བཅོམ་ལྡན་འདས་ལ་མཆོད་པའི་ལས་ཀྱི་ཕྱིར་བརྩོན་པ་དེ་ཉིད་ཀྱི་ཚེ། མི་མཇེད་
འཇིག་རྟེན་གྱི་ཁམས་འདིར་གང་ལྷ་དང་། ཀླུ་དང་། གནོད་སྦྱིན་དང་། ལྷ་མ་ཡིན་དང་། ནམ་མཁའ་ལྡིང་དང་། མིའམ་ཅི་དང་། ལྟོ་འཕྱེ་ཆེན་པོ་དང་། མི་དང་། མི་མ་ཡིན་པ་ལ་ལ་ཐེག་པ་ཆེན་པོ་ལ་ཡང་དག་པར་ཞུགས་པ་དེ་ཐམས་ཅད་
དྲང་སྲོང་གི་ཆ་བྱད་ཀྱིས་དྲང་སྲོང་ཤཱཀྱ་ཐུབ་པའི་ཐད་དུ་དེར་ཉེ་བར་དོང་ངོ་། །འཁོར་ཐམས་ཅད་དང་ལྡན་པ་དེ་བཅོམ་ལྡན་འདས་ཇི་ལྟ་བུར་སྤོས་ཀྱི་ངད་ལྡང་བའི་རི་ལ་བཞུད་ནས་དེ་ན་ཡང་དག་པར་སྤྱོད་པའི་ཚུལ་ནམ་མཁའི་མདོག་གིས་

62-1-103a

འདུལ་བའི་བཟོད་པ་འདི་བསྟན་པའི་ཕྱིར་ཆོས་གྱི་འཁོར་ལོ་གཉིས་པ་ལ་ཡང་འཇུག་པར་བཞེད་པའི་བཅོམ་ལྡན་འདས་ཀྱི་ཐུགས་སེམས་ཀྱི་ཤེས་སོ། །བདག་ཅག་ནི་བཅོམ་ལྡན་འདས་ཀྱི་དོན་གྱི་ཕྱིར་ལམ་བརྒྱན་པ་
སྦྱང་བར་བྱ་ཞིང་ལམ་དེས་དྲང་སྲོང་གི་མཆོག་སྤོས་ཀྱི་ངད་ལྡང་བའི་རི་ལ་ཉེ་བར་འགྲོ་བར་བྱའོ་སྙམ་སྟེ། དེ་ནས་ཀླུའི་རྒྱལ་པོ་དགའ་བོ་དང་། བསྙེན་དགའ་བོ་དང་། རྒྱ་མཚོ་དང་། ནོར་མདོག་དང་། འཇོག་པོ་དང་། ཡིད་ཡོད་ལ་སོགས་
པ་ཀླུའི་རྒྱལ་པོ་བྱེ་བ་ཕྲག་དྲུག་བཅུ་ཙམ་ལྷན་ཅིག་ཏུ་དྲང་སྲོང་གི་ཆ་བྱད་ཀྱིས་ལྷ་རྫས་ཀྱི་རིན་པོ་ཆེ་གསེར་དང་། དངུལ་དང་། བཻ་དཱུརྱ་དང་། ཤེལ་དང་། བྱི་རུ་དང་། ཨ་སྨྲ་གར་བ་དང་། མུ་ས་ར་གལ་བ་ལ་སོགས་པ་རིན་པོ་ཆེ་སྣ་
བདུན་གྱི་ཤིང་ཏ་ལའི་ཕྲེང་བ་གསེར་གྱི་ཤིང་ལ་དངུལ་གྱི་ལོ་མ་དང་། མེ་ཏོག་དང་། འབྲས་བུ་དངུལ་གྱི་ཤིང་ལ་གསེར་གྱི་ལོ་མ་དང་། མེ་ཏོག་དང་། འབྲས་བུ་ནས་མུ་ས་ར་གལ་བའི་ཤིང་གི་བར་དུ་རིན་པོ་ཆེ་སྣ་བདུན་
གྱི་ལོ་མ་དང་། མེ་ཏོག་དང་། འབྲས་བུའི་ཕྲེང་བའི་རྒྱན་གྱིས་ལམ་དེ་བརྒྱན་པར་སྤྲུལ་ཏོ། །ཤིང་ཏ་ལའི་ཕྲེང་བ་དེ་ལ་ལྷ་རྫས་ཀྱི་གོས་སྟོང་ཕྲག་བྱེ་བ་རྣམ་པ་དུ་མ་རྣམ་པ་སྣ་ཚོགས་མངོན་པར་རབ་ཏུ་འཕྱང་ངོ་། །ལྷ་
དེ་དག་ཀྱང་དྲང་སྲོང་གི་ཆ་བྱད་ཀྱིས་དཀའ་ཐུབ་ཀྱི་གནས་ནས་སྤོས་ཀྱི་ངད་ལྡང་བའི་རིའི་བར་དུ་ལམ་གྱི་ཞིང་དཔག་ཚད་བཅུ་པ་སྦྱངས་སོ། །ལམ་གྱི་མུ་གཉིས་སུ་ལྷ་རྫས་ཀྱི་གསེར་ནས། མུ་ས་ར་གལ་བའི་བར་དུ་
རིན་པོ་ཆེ་སྣ་བདུན་གྱི་སྟེགས་བུར་སྤྲུལ་ཏོ། །གསེར་གྱི་ཤིང་རྟ་ལ་དངུལ་གྱི་སྙིང་པོ་འཕྱང་བ་ནས། མུ་ས་ར་གལ་བའི་བར་དུ་སྨྲ་བར་བྱའོ། །འོག་ལོགས་སུ་བཻ་དཱུརྱ་བཟང་པོ་ནས། གོང་ལོགས་ཀྱི་གནས་སུ་
ཤེལ་གྱི་བར་དུ་རྒྱ་ཆེན་པོས་སྨྲ་བར་བྱའོ། །སྤྲིན་གྱི་ལྷའི་བུ་དྲང་སྲོང་གི་ཆ་བྱད་ཀྱིས་ལམ་གྱི་མུ་གཉིས་སུ་རྫིང་རྙོག་པ་མེད་པ་རིན་པོ་ཆེ་སྣ་བདུན་གྱི་ཐེམ་སྐས་ཅན་གྱི་རྫིང་དེ་དག་ལ་གསེར་གྱི་ཕྱེ་མ་བདལ་བ། རྫིང་དེ་དག་

62-1-103b

ལ་ཡང་ལྷ་རྫས་ཀྱི་མེ་ཏོག་ཨུད་པ་ལ་དང་། པད་མ་དང་། ཀུ་མུ་ད་དང་། པུན་ད་རི་ཀ་དང་། ཨ་ཏི་མུག་ཏ་ཀ་དང་ཙམ་པ་ཀ་དང་། ཨ་ཤོ་ཀ་དང་། མུ་ཙུ་ཀུ་ད་དང་། མན་འཛུ་ཤ་ཀ་དང་། བ་ཏ་ལི་དང་། པ་རི་ཤ་ཀ་དང་། གྷན་དྷ་ད་ནུ་པ་སྐ་རི་དང་། 
སུ་མ་དང་། ཨ་མྲ་དང་། འཛམ་བུ་དང་། མྲི་ན་ལ་དང་། མཆོག་ཏུ་དྲི་ཞིམ་པ་རྣམ་པ་སྣ་ཚོགས་སུ་མངོན་པར་སྤྲུལ་ཏོ། །ས་བླ་ན་གནམ་གྱི་གནོད་སྦྱིན་དྲང་སྲོང་གི་ཆ་བྱད་ཀྱིས་ལམ་སྦྱོང་བར་བྱེད་དོ། །གཞན་འཕྲུལ་དབང་བྱེད་ཀྱི་ལྷའི་བུ་ཡང་
དྲང་སྲོང་གི་ཆ་བྱད་ཀྱིས་ལམ་གྱི་མུ་གཉིས་ལ་ལྷ་རྫས་ཀྱི་རིན་པོ་ཆེ་སྣ་བདུན་གྱི་རྒྱལ་མཚན་མཆོག་འཛིན་ཏོ། །རྒྱལ་མཚན་གྱི་མཆོག་དེ་དག་ལ་ལྷ་རྫས་གྱི་གོས་དང་། དོ་ཤལ་དང་། རྒྱན་རབ་ཏུ་འཕྱང་ངོ་། །འཕྲུལ་དགའི་ལྷའི་
བུ་ཡང་དྲང་སྲོང་གི་ཆ་བྱད་ཀྱིས་ལྷ་རྫས་ཀྱི་རིན་པོ་ཆེ་སྣ་བདུན་གྱི་ཁང་བུ་བརྩེག་མ་མངོན་པར་སྤྲུལ་ཏོ། །ཁང་བུ་བརྩེག་མ་དེ་དག་གི་ཕྱོགས་བཞི་ཀུན་དུ་རིན་པོ་ཆེ་སྣ་བདུན་གྱིས་བྱས་སོ། །ཁང་བུ་བརྩེག་མ་དེ་ལ་
ཡང་ལྷ་རྫས་ཀྱི་དོ་ཤལ་སྣ་ཚོགས་དང་། གོས་སྣ་ཚོགས་དང་། རྒྱན་སྣ་ཚོགས་མངོན་པར་རབ་ཏུ་འཕྱང་ངོ་། །མེ་ཏོག་སྣ་ཚོགས་ཀྱིས་ཀུན་དུ་གཏོར་ཏོ། །ཁང་བུ་བརྩེག་མ་དེ་ལ་ལྷ་རྫས་ཀྱི་རོལ་མོ་རྒྱ་ཆེན་པོ་ཡིད་དུ་འོང་བ་སྣ་
ཚོགས་བྱུང་ངོ་། །སངས་རྒྱས་ཀྱི་བྱིན་གྱི་བརླབས་ཀྱིས་རོལ་མོ་དཀྲོལ་བ་དང་། གླུའི་སྒྲ་བསྒྲགས་པ་དེས་སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་འདི་ཐམས་ཅད་སྒྲས་ཁྱབ་པར་གྱུར་ཏོ། །ཀླུའི་བུ་མོ་བརྒྱ་སྟོང་ཕྲག་དྲུག་བཅུ་རྩ་
བརྒྱད་ལམ་མཛེས་པས་བཅོམ་ལྡན་འདས་ལ་མཆོད་པའི་ལས་ཀྱི་ཕྱིར་དྲང་སྲོང་གི་རྒྱན་ཐམས་ཅད་ཀྱིས་བརྒྱན་ནས་རིན་པོ་ཆེ་སྣ་ཚོགས་ཀྱི་ཆར་ཕབ་བོ། །དགའ་ལྡན་གྱི་ལྷའི་བུ་བརྒྱ་སྟོང་དུ་མ་ཡང་དྲང་སྲོང་གི་ཆ་བྱད་གྱི་
འདི་ལྟ་སྟེ། ལྷ་རྫས་ཀྱི་མེ་ཏོག་མན་དཱ་ར་བ་དང་། མན་དཱ་ར་བ་ཆེན་པོ་དང་། ཙམ་པ་ཀ་དང་། བ་རི་ཡ་ཏྲ་དང་། འཛོ་ཤ་དང་། འཛོ་ཤ་ཀ་ཆེན་པོ་དང་། རོ་ཙ་དང་། རོ་ཙ་ཀ་ཆེན་པོ་དང་། བལ་ལ་དང་བལ་ལ་ཆེན་པོ་དང་། ཙཀྲ་དང་། 

62-1-104a

ཙཀྲ་ཆེན་པོའི་འོད་དྲི་མ་མེད་པ། འདབ་མ་བརྒྱ་པ། འདབ་མ་སྟོང་པ། འདབ་མ་བརྒྱ་སྟོང་པ། ཀུན་ནས་འོད། ཀུན་ནས་དྲི། ཀུན་ནས་རྣམ་པར་རྒྱུ་བའི་དྲི། རྟག་ཏུ་མེ་ཏོག་འོད་སྣང་བ། ཁ་དོག་མཐའ་མེད་པ། བལྟར་འོས་པ་མིག་གིས་
མངོན་པར་དགའ་བ་རྣམ་པ་སྣ་ཚོགས་ཀྱིས་བཅོམ་ལྡན་འདས་ཀྱི་དོན་དང་། བཅོམ་ལྡན་འདས་ཀྱི་མཆོད་པའི་ལས་ཀྱི་ཕྱིར་ལམ་མཛེས་པར་བྱས་སོ། །ཆར་པའི་སྤྲིན་གྱི་ལྷའི་བུ་བརྒྱ་སྟོང་དུ་མ་དག་ཀྱང་དྲང་སྲོང་གི་ཆ་བྱད་
ཀྱིས་ཆུ་ལས་སྐྱེས་པ་དང་། ཐང་ལས་སྐྱེས་པའི་ཆར་རབ་ཏུ་ཕབ་བོ། །ཀླུའི་གླང་པོ་བརྒྱ་སྟོང་དུ་མ་ཡང་དྲང་སྲོང་གི་ཆ་བྱད་ཀྱིས་ཡང་དག་པར་གནས་ཤིང་འདི་ལྟ་སྟེ། མུ་ཏིག་སྔོན་པོའི་ཆར་དང་། གོ་ཤིར་ཤའི་སྙིང་པོའི་ཆར་ལ་སོགས་ཏེ། 
ཆར་སྣ་ཚོགས་རབ་ཏུ་ཕབ་བོ། །གང་ལ་ལ་སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་འདིར་སྔོན་བྱང་ཆུབ་ཏུ་སེམས་བསྐྱེད་པའི་ལྷ་འམ། ལྷའི་དབང་པོ་འམ། ཀླུ་འམ། ཀླུའི་དབང་པོ་འམ། གནོད་སྦྱིན་དང་། 
སྲིན་པོ་དང་། ལྷ་མ་ཡིན་དང་། ནམ་མཁའ་ལྡིང་དང་། མི་འམ་ཅི་དང་། ལྟོ་འཕྱེ་ཆེན་པོ་དང་། ཡི་དགས་དང་། ཤ་ཟ་དང་། གྲུལ་བུམ་དང་། གྲུལ་བུམ་གྱི་དབང་པོ་དང་། བརྒྱ་བྱིན་དང་། ཚངས་པ་དང་། འཇིག་རྟེན་སྐྱོང་
བའི་བར་དུ་དེ་ཐམས་ཅད་དྲང་སྲོང་གི་ཆ་བྱད་ཀྱིས་མེ་ཏོག་སྣ་ཚོགས་དང་། ཕྲེང་བ་སྣ་ཚོགས་དང་། དྲི་སྣ་ཚོགས་དང་། བྱུག་པ་སྣ་ཚོགས་དང་། རོལ་མོ་དཀྲོལ་བ་སྣ་ཚོགས་དང་། བརྡུང་བ་དང་། གླུ་སྣ་ཚོགས་ཡོངས་སུ་བཟུང་ནས་བཅོམ་
ལྡན་འདས་སྤྱན་མི་འཛུམས་པའི་ཞལ་ལ་རྣམ་པར་ལྟ་བའི་ཕྱིར་འཁོད་དོ། །གང་ལ་ལ་སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་འདིར་ལྷའི་བུ་མོ་འམ། གནོད་སྦྱིན་གྱི་བུ་མོ་འམ། ནམ་མཁའ་ལྡིང་གི་བུ་མོ་འམ། 
ལྷ་མ་ཡིན་གྱི་བུ་མོ་འམ། མི་འམ་ཅིའི་བུ་མོ་འམ་ལྟོ་འཕྱེ་ཆེན་པོའི་བུ་མོ་དེ་ཐམས་ཅད་དྲང་སྲོང་གི་ཆ་བྱད་ཀྱིས་བཅོམ་ལྡན་འདས་ལ་མཆོད་པའི་ལས་ཀྱི་ཕྱིར་རོལ་མོ་བརྡུང་བ་དང་། དཀྲོལ་བ་དང་། ཀླུ་ཡོངས་སུ་བཟུང་སྟེ། 

62-1-104b

དམར་པོ་དང་། དཀར་པོ་དང་། ལེ་བརྒན་དང་། ཤེལ་གྱི་ཁ་དོག་གི་གོས་ཀྱི་ཆར་ཁྱོད་ཀྱིས་རབ་ཏུ་ཕབ་པོ། །མི་འམ་ཅིའི་བུ་མོ་བརྒྱ་སྟོང་དུ་མ་ཡང་དྲང་སྲོང་གི་ཆ་བྱད་ཀྱིས་བཅོམ་ལྡན་འདས་ལ་མཆོད་པ་སྣ་ཚོགས་ཀྱི་ལས་ཀྱི་ཕྱིར་བརྩོན་ནོ། །ཚངས་པའི་དབང་པོ་
སྔོན་བྱང་ཆུབ་ཏུ་སེམས་བསྐྱེད་པ་བྱེ་བ་ཁྲག་ཁྲིག་བརྒྱ་སྟོང་དུ་མ་ཡང་དྲང་སྲོང་གི་ཆ་བྱད་ཀྱིས་བཅོམ་ལྡན་འདས་ལ་བསྟོད་ཅིང་སྤྱན་སྔར་འཁོད་དོ། །བརྒྱ་བྱིན་གྱི་དབང་པོ་བརྒྱ་སྟོང་དུ་མ་ཡང་དྲང་སྲོང་གི་ཆ་བྱད་ཀྱིས་ཕྱག་འཚལ་བར་བྱེད་ཅིང་། མི་འམ་ཅིའི་
དབང་པོ་བརྒྱ་སྟོང་དུ་མ་ཡང་བསྟོད་ཅིང་ཕྱག་འཚལ་ལོ། །དྲི་ཟའི་དབང་པོ་བརྒྱ་སྟོང་དུ་མ་ཡང་དྲང་སྲོང་གི་ཆ་བྱད་ཀྱིས་རབ་ཏུ་གསལ་བའི་སེམས་ཀྱིས་ཞལ་ལ་རྣམ་པར་ལྟའོ། །ཀླུའི་དབང་པོ་བརྒྱ་སྟོང་དུ་མ་ཡང་དྲང་སྲོང་གི་ཆ་བྱད་ཀྱིས་དུས་དང་འཐུན་པའི་
ཙན་དན་གྱི་ཕྱེ་མའི་ཆར་ཆེན་པོ་རབ་ཏུ་འབེབས་སོ། །ལྷ་མ་ཡིན་གྱི་དབང་པོ་བརྒྱ་སྟོང་དུ་མ་ཡང་དྲང་སྲོང་གི་ཆ་བྱད་ཀྱིས་ཕྱོགས་བཞིར་རླུང་མཆོག་ཏུ་འཇམ་པས་ཀུན་དུ་རེག་པ། མཆོག་ཏུ་དྲི་ཞིམ་པ། མཆོག་ཏུ་འཇམ་པ་གཏོང་ངོ་། །གནོད་སྦྱིན་
གྱི་དབང་པོ་བརྒྱ་སྟོང་དུ་མ་ཡང་དྲང་སྲོང་གི་ཆ་བྱད་ཀྱིས་མེ་ཏོག་གི་གདུགས་འཛིན་ཏོ། །གནོད་སྦྱིན་གྱི་དབང་པོ་བརྒྱ་སྟོང་དུ་མ་ཡང་དྲང་སྲོང་རྒན་པོར་གྱུར་པ་གསེར་གྱི་དབྱུག་པའི་གདུགས་འཛིན་ཅིང་བཅོམ་ལྡན་འདས་ཀྱི་གཡས་ལོགས་སུ་འཁོད་དེ། 
བཅོམ་ལྡན་འདས་ལ་དེ་བཞིན་དུ་ལྟའོ། །གྲུལ་བུམ་བརྒྱ་སྟོང་དུ་མའང་དྲང་སྲོང་རྒན་པོའི་ཆ་བྱད་ཀྱིས་གསེར་གྱི་དབྱུག་པའི་གདུགས་འཆང་ཞིང་བཅོམ་ལྡན་འདས་ཀྱི་གཡོན་ལོགས་སུ་འཁོད་དེ། བཅོམ་ལྡན་འདས་ལ་དེ་བཞིན་དུ་ལྟའོ། །
ནམ་མཁའ་ལྡིང་གི་དབང་པོ་བརྒྱ་སྟོང་དུ་མ་ཡང་དྲང་སྲོང་གི་ཆ་བྱད་ཀྱིས་ནམ་མཁའི་དཀྱིལ་དུ་གསེར་གྱི་འཕྲེང་བ་འཕྱང་བར་གྱུར་ཏོ། །ལྷའི་བུ་མོ་བརྒྱ་སྟོང་དུ་མ་ཡང་དྲང་སྲོང་གི་ཆ་བྱེད་ཀྱིས་མེ་ཏོག་གི་ཆུན་པོའི་ཆར་ཆེན་པོ་མངོན་པར་རབ་ཏུ་
འབེབས་སོ། །ཀླུའི་བུ་མོ་བརྒྱ་སྟོང་དུ་མ་ཡང་དྲང་སྲོང་གི་ཆ་བྱད་ཀྱིས་མུ་ཏིག་དམར་པོའི་ཆར་མངོན་པར་རབ་ཏུ་འབེབས་སོ། །དྲི་ཟའི་བུ་མོ་བརྒྱ་སྟོང་དུ་མ་ཡང་དྲང་སྲོང་གི་ཆ་བྱད་ཀྱིས་མུ་ཏིག་དམར་པོའི་ཆར་མངོན་པར་རབ་ཏུ་འབེབས་སོ། །

62-1-105a

གནོད་སྦྱིན་གྱི་བུ་མོ་བརྒྱ་སྟོང་དུ་མ་ཡང་དྲང་སྲོང་གི་ཆ་བྱད་ཀྱིས་ཙན་དན་གྱི་ཕྱེ་མའི་ཆར་མངོན་པར་རབ་ཏུ་འབེབས་སོ། །ལྷ་མ་ཡིན་གྱི་བུ་མོ་བརྒྱ་སྟོང་དུ་མ་ཡང་དྲང་སྲོག་གི་ཆ་བྱད་ཀྱིས་རྒྱན་གྱི་ཆར་མངོན་པར་རབ་ཏུ་འབེབས་སོ། །
ནམ་མཁའ་ལྡིང་གི་བུ་མོ་བརྒྱ་སྟོང་དུ་མ་ཡང་དྲང་སྲོང་གི་ཆ་བྱད་ཀྱིས་འཛམ་བུ་ཆུ་ཀླུང་གི་གསེར་གྱི་ཆར་མངོན་པར་རབ་ཏུ་འབེབས་སོ། །ལྟོ་འཕྱེ་ཆེན་པོའི་བུ་མོ་བརྒྱ་སྟོང་དུ་མ་ཡང་དྲང་སྲོང་གི་ཆ་བྱད་ཀྱིས་ནམ་མཁའི་དཀྱིལ་བརྒྱན་
པར་བྱེད་དོ། །སའི་གནོད་སྦྱིན་བརྒྱ་སྟོང་དུ་མ་ཡང་དྲང་སྲོང་གི་ཆ་བྱད་ཀྱིས་དབྱངས་གཏོང་བར་བྱེད་དོ། །བར་སྣང་གི་གནོད་སྦྱིན་བརྒྱ་སྟོང་དུ་མ་ཡང་དྲང་སྲོང་གི་ཆ་བྱད་ཀྱིས་ནམ་མཁའ་ལ་འཕྱེན་ཏོ། །བདུད་བརྒྱ་སྟོང་དུ་མ་ཡང་དྲང་སྲོང་
གི་ཆ་བྱད་ཀྱིས་ལྷུང་ལྷུང་ལྡེགས་ཀྱི་སྒྲ་འབྱིན་པ་ལ་འཇུག་གོ། །དྲང་སྲོང་ལྷ་བརྒྱ་སྟོང་ཕྲག་བརྒྱད་བཅུ་རྩ་བཞི་རང་བཞིན་གྱིས་བརྟན་པའི་བརྟུལ་ཞུགས་ཡང་དག་པར་སྤྱོད་པ་དང་། དྲང་སྲོང་སྟོང་ཕྲག་བརྒྱད་བཅུ་རྩ་བཞི་རང་
བཞིན་གྱིས་བརྟན་པའི་བརྟུལ་ཞུགས་ཡང་དག་པར་སྤྱོད་པ་དག་ལྷ་རྫས་ཀྱི་མེ་ཏོག་མན་དཱ་ར་བ་ཆེན་པོ་བླངས་ཏེ། བཅོམ་ལྡན་འདས་ཀྱི་དོན་གྱི་ཕྱིར་རྙོག་པ་སེལ་བ་ནས་སྤོས་ཀྱི་ངད་ལྡང་བའི་རིའི་བར་དུ་མཚམས་སྦྱོར་
བའི་ཆར་རབ་ཏུ་འབྱིན་ཏོ། །དེ་ནས་བཅོམ་ལྡན་འདས་བཞུད་པའི་ཞབས་ཀྱིས་མེ་ཏོག་གི་སྙིང་པོ་ཀུན་དུ་གནོན་པར་གྱུར་ཏོ། །ལྷའི་བུ་ཉི་མ་དང་ཟླ་བ་བརྒྱ་སྟོང་དུ་མ་ཡང་དྲང་སྲོང་གི་ཆ་བྱད་ཀྱིས་མེ་ཏོག་གི་ཆུན་པོའི་ཆར་
མངོན་པར་རབ་ཏུ་འབེབས་སོ། །དྲི་ཟ་བྱེ་བ་ཁྲག་ཁྲིག་བརྒྱ་སྟོང་དུ་མ་ཡང་དྲང་སྲོང་གི་ཆ་བྱད་ཀྱིས་རོལ་མོ་དཀྲོལ་བས་དྲང་སྲོང་ཐུབ་པའི་སྐུ་ལ་འོད་ཟེར་བྱེ་བ་བརྒྱ་སྟོང་འབྱུང་ངོ་། །དེ་ནས་ལྷ་ཡོན་ཏན་ཅན་ཞེས་བྱ་བ་སྤོས་ཀྱི་ངད་ལྡན་བའི་
རི་ལ་གནས་པ་ལྷ་བྲན་བརྒྱ་སྟོང་ཕྲག་བརྒྱད་བཅུ་རྩ་བཞི་དང་ལྷན་ཅིག་ཏུ་དྲང་སྲོང་གི་ཆ་བྱད་ཀྱིས་བཅོམ་ལྡན་འདས་གང་ན་བ་དེ་ལོགས་སུ་ཐལ་མོ་སྦྱར་ཏེ། ཕྱག་འཚལ་ནས་བཅོམ་ལྡན་འདས་ལ་མགྲིན་གཅིག་ཏུ་ཚིགས་སུ་

62-1-105b

བཅད་པ་འདི་དག་གིས་མངོན་པར་བསྟོད་དོ། །སེམས་ཅན་མི་སྲུན་གྲོལ་བྱེད་རྐང་གཉིས་མཆོག །མཉེས་དཀའ་རྒྱལ་བ་གཟུངས་ངན་འདྲེན་མཛད་ཅིང་། །སྡུག་བསྔལ་གཟིར་ལ་བདེ་བའི་མཆོག་སྦྱིན་པ། །རྒྱལ་བ་རྐང་གཉིས་དམ་པ་འདིར་
གཤེགས་གསོལ། །སྲེད་པ་རབ་སྤངས་རྣམ་ཐར་གསུམ་སྟོན་ཅིང་། །འགྲོ་ལ་དུས་གསུམ་ནང་ན་ཡེ་ཤེས་ཀྱིས། །བསླབ་པ་གསུམ་སྟོན་དྲི་མ་གསུམ་སྤངས་པ། །ཁམས་གསུམ་ལས་འདས་ཐུབ་པ་འདིར་གཤེགས་གསོལ། །
འགྲོ་ལ་ཕྱིན་ཅི་ལོག་བཞི་རྣམ་པར་གྲོལ། །འཁོར་བཞི་དག་གིས་ཞབས་ལ་བསྙེན་བཀུར་ཞིང་། །འགྲོ་ལ་འཕགས་པའི་བདེན་བཞི་རབ་སྟོན་པ། །ཟླ་བ་བས་ཀྱང་ལྷག་པ་འདིར་གཤེགས་གསོལ། །ཐུབ་པ་ཕུང་པོ་ལྔ་འདི་རབ་སྟོན་པ། །
འདོད་པ་ལྔ་ལས་སྐྱེ་བོ་རྣམ་གྲོལ་ཞིང་། །འཕགས་པའི་ཤེས་རབ་ཡན་ལག་ལྔ་སྟོན་པ། །འགྲོ་བ་ལྔ་ཡི་བཙོན་ར་རྣམ་པར་བཀྲོལ། །དབང་པོ་དྲུག་འདུལ་གནས་པ་སྐྱོན་མེད་ཅིང་། །སྲེད་ལུས་དྲུག་ལ་ཤིན་ཏུ་རྣམ་གྲོལ་ཤེས། །སུམ་བཅུ་
རྩ་དྲུག་དྲན་སྟོན་སེམས་ཅན་མཆོག །སྤོས་ཀྱི་ངད་ལྡན་རི་འདིར་གཤེགས་སུ་གསོལ། །རྒྱལ་བ་མཉམ་བཞག་རབ་ཏུ་དུལ་བའི་ཐུགས། །ཤིན་དུ་བསྒོམས་པ་བྱང་ཆུབ་དམ་པ་མཆོག །ཡེ་ཤེས་སེམས་ཅན་བྱེ་བ་རབ་དུལ་
མཛད། ཁ་ལོ་རབ་སྒྱུར་སྤོས་ངད་རི་འདིར་སྤྱོན། །རྒྱལ་བ་ཡེ་ཤེས་སེམས་ཅན་རབ་བསྟོན་པ། །ཡེ་ཤེས་ཀྱིས་ནི་འཇིག་རྟེན་སྣང་མཛད་ནས། །ཁྱོད་ནི་མུན་པས་བསྒྲིབས་ལ་ཡེ་ཤེས་སྟོན། །ཐུབ་པ་དགོན་པའི་གནས་འདིར་གཤེགས་སུ་
གསོལ། །འཛམ་བུའི་གླིང་འདིར་སངས་རྒྱས་འབྱུང་བ་དག །འདི་ལ་སྔོན་གྱུར་ལ་ལ་ཐར་འདོད་ཅིང་། །མི་ཡི་དབང་པོ་བྱང་ཆུབ་འདིར་ཐོབ་པ། །མི་ཡི་འདྲེན་མཁན་ཁྱོད་ནི་འདིར་གཤེགས་གསོལ། །སྦྱིན་དང་འདུལ་བ་གཏོང་ཞིང་
དུལ་བའི་ཐུགས། །སེམས་ཅན་ནང་ན་གཙོ་བོ་སྟོབས་བཅུའི་མཆོག །སེམས་ཅན་དབུལ་ལ་གཉེན་པ་འཕགས་པ་ཁྱོད། །སྤོས་ཀྱི་ངད་ལྡང་རི་འདིར་གཤེགས་སུ་གསོལ། །བར་འགའ་ཁྱོད་ཀྱིས་ལོ་དྲུག་དཀའ་མཛད་ཅིང་། །

62-1-106a

བར་འགར་རྒྱལ་བ་བདུད་ཕྱིར་ཤིང་ལ་བཞུགས། །དཔའ་བོ་ཚུལ་གཅིག་ཏུ་ནི་ལམ་སྟོན་པ། །ཐུབ་པ་འདིར་གཤེགས་བཟོད་པ་རབ་ཏུ་སྟོན། །བཱ་རཱ་ཎ་སཱིར་འཁོར་ལོ་དམ་པ་བསྐོར། །ཤེས་རབ་དམ་པ་དག་གི་མཛོད་གཅིག་གསུངས། །
འཇིག་རྟེན་ཐམས་ཅད་འདི་ལ་ཁུར་བོར་བ། །སྤོས་ཀྱི་ངད་ལྡང་རི་འདིར་བཟོད་པ་གསུངས། །དེ་ནས་བཅོམ་ལྡན་འདས་ལ་ལྷ་དུ་མས་མདུན་དུ་བདར་ཅིང་བྱང་ཆུབ་སེམས་དཔའ་དུ་མས་སྐོར་ནས་གདན་ལས་བཞེངས་པ་དང་། 
དེ་ཉིད་ཀྱི་ཚེ་ན་སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་ལན་དྲུག་ཏུ་རབ་ཏུ་གཡོས་སོ། །སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་འདིར་གང་སེམས་ཅན་ཉན་ཐོས་སམ། ཉན་ཐོས་ཀྱི་ཐེག་པ་པ་འམ། རང་སངས་
རྒྱས་སམ། རང་སངས་རྒྱས་ཀྱི་ཐེག་པ་པ་འམ། གང་ཡང་སེམས་ཅན་གཞན་ཐམས་ཅད་གང་ནམ་མཁའ་ལ་རྒྱུ་བ་འམ། གང་ས་ལ་རྒྱུ་བ་འམ། གང་ཆུ་ལ་རྒྱུ་བ་དེ་ཐམས་ཅད་དྲན་པ་རྒྱ་ཆེན་པོ་སོ་སོར་ཐོབ་བོ། །སྟོང་གསུམ་
གྱི་སྟོང་ཆེན་པོའི་འཇིག་རྟེན་གྱི་ཁམས་འདི་ལག་འཐིལ་དུ་སྐྱེས་པ་སྣང་བ་རྒྱ་ཆེན་པོས་ཁྱབ་པར་མཐོང་ངོ་། །མིག་གི་གཟུགས་ལ་ནི་ཅུང་ཟད་ཀྱང་སྣང་བར་མི་འགྱུར་རོ། །གང་ཡང་སེམས་ཅན་དཀའ་ཐུབ་ངན་པའི་རྣལ་འབྱོར་
དང་ལྡན་པ་དེ་ཡང་ངོ་མཚར་ཆེན་པོ་ཐོབ་བོ། །འདི་ལྟ་སྟེ། མེའི་བརྟུལ་ཞུགས་ཅན་དང་། ཟླ་བའི་བརྟུལ་ཞུགས་ཅན་དང་། ཉི་མའི་བརྟུལ་ཞུགས་ཅན་དང་། འཇིག་རྟེན་གསུམ་གྱི་བརྟུལ་ཞུགས་ཅན་དང་། དེ་ལ་སོགས་
པའི་སེམས་ཅན་གང་ལ་ལ་ལྟ་བ་ཉམ་ང་བ་རྣམ་པ་སྣ་ཚོགས་ཐོབ་པ། ལོག་པ་ལ་ལྟ་བ་ཅན་དེ་ཐམས་ཅད་དཀའ་ཐུབ་ངན་པ་སྤངས་ནས་ཕྱོགས་དང་ཕྱོགས་མཚམས་སུ་བལྟས་སོ། །ཅིའི་རྒྱུ་ཅིའི་རྐྱེན་གྱིས་ན་རྣམ་པ་དེ་ལྟ་བུའི་ས་གཡོ་
བ་འདི་དང་། སྣང་བ་ཆེན་པོ་འདི་འཇིག་རྟེན་དུ་འབྱུང་བར་འགྱུར། དེ་ནས་བཅོམ་ལྡན་འདས་དྲང་སྲོང་ཆེན་པོའི་སྤྱན་སྔར་གང་མེའི་ཕུང་པོ་ཆེན་པོ་འདུག་པ་དེ་ཡུངས་ཀར་གྱི་འབྲུ་ཙམ་དུ་མངོན་པར་སྤྲུལ་ཏེ། ཕྱོགས་བཅུའི་སངས་རྒྱས་

62-1-106b

ཀྱི་ཞིང་རྣམ་པར་དག་པ་དང་། མ་དག་པ་ཚད་མེད་གྲངས་མེད་པ་རྣམས་སུ་གཏོར་ཏོ། །སངས་རྒྱས་ཀྱི་ཞིང་འདིར་གང་སངས་རྒྱས་བཅོམ་ལྡན་འདས་དག་བཞུགས་ཏེ་འཚོ་སྐྱོང་བའི་སངས་རྒྱས་དེ་དག་གི་སྤྱན་སྔར་
མེར་སྣང་བ་དེ་མེ་ཏོག་མན་དཱ་ར་བ་ཆེན་པོར་ཀུན་དུ་གནས་པར་འདུག་པར་གྱུར་ཏོ། །འཁོར་ཇི་ཙམ་པ་འདུས་པ་དང་། གང་སྔོན་བྱང་ཆུབ་ཏུ་སེམས་བསྐྱེད་པ་དེ་ཐམས་ཅད་དྲང་སྲོང་གི་ཆ་བྱད་ཀྱི་སངས་རྒྱས་བཅོམ་ལྡན་འདས་དེ་དག་གི་སྤྱན་
སྔར་འཁོད་དོ། །ཤར་ཕྱོགས་ཀྱི་སངས་རྒྱས་ཀྱི་ཞིང་འདི་ནས་སངས་རྒྱས་ཀྱི་ཞིང་ཆུ་བོ་གང་གཱ་གཉིས་ཀྱི་བྱེ་མ་སྙེད་ལས་ཤིན་དུ་འདས་ཏེ། །དེ་ན་རྒྱལ་མཚན་དང་ལྡན་པ་ཞེས་བྱ་བའི་འཇིག་རྟེན་གྱི་ཁམས་དེར་དེ་བཞིན་གཤེགས་པ་དབང་གི་
རྒྱལ་མཚན་གྱི་དཔལ་ཞེས་བྱ་བ་བཞུགས་ཏེ་འཚོ་སྐྱོང་བ་ཆོས་ཀྱང་སྟོན་ཏོ། །དེ་ན་དེ་བཞིན་གཤེགས་པ་དབང་གི་རྒྱལ་མཚན་གྱི་འཁོར་དེ་ལས་བྱང་ཆུབ་སེམས་དཔའ་སེམས་དཔའ་ཆེན་པོ་ཡེ་ཤེས་དཔལ་ཞེས་བྱ་བ་དང་། བྱང་ཆུབ་སེམས་དཔའ་
སེམས་དཔའ་ཆེན་པོ་བཟའ་ཤིང་ར་བའི་དཔལ་ཞེས་བྱ་བ་དེ་དྲང་སྲོང་གི་གཟུགས་དང་། ལུས་དང་། དབྱིབས་ཀྱིས་བདག་མཐོང་ངོ་། །གཞན་ཡང་ཐེག་པ་ཆེན་པོ་ལ་ཡང་དག་པར་ཞུགས་པའི་རིགས་ཀྱི་བུ་ཐམས་ཅད་དྲང་སྲོང་གི་
གཟུགས་དང་ལུས་དང་དབྱིབས་ཀྱིས་མཐོང་ངོ་། །མཐོང་ནས་དེ་བཞིན་གཤེགས་པ་དབང་གི་རྒྱལ་མཚན་གྱི་དཔལ་ལ་ཡོངས་སུ་ཞུས་པ། བཅོམ་ལྡན་འདས་ཅིའི་རྒྱུ། ཅིའི་རྐྱེན་གྱིས་ན་གང་མེ་ཏོག་མེར་སྣང་བ་བཻ་དཱུརྱའི་དབྱིག་པ་
འདི་བཅོམ་ལྡན་འདས་ཀྱི་སྤྱན་སྔར་འདུག་པར་གྱུར། ཐེག་པ་ཆེན་པོ་འདི་དག་ལ་ཡང་དག་པར་ཞུགས་པའི་རིགས་ཀྱི་བུ་དེ་ཐམས་ཅད་དྲང་སྲོང་གི་ཆ་བྱད་འཛིན་པར་གྲུབ། དེ་ནས་བཅོམ་ལྡན་འདས་དེ་བཞིན་གཤེགས་པ་དབང་གི་རྒྱལ་མཚན་
གྱི་དཔལ་གྱིས་རིགས་ཀྱི་བུ་དེ་དག་ལ་འདི་སྐད་ཅེས་བཀའ་སྩལ་ཏོ། །རིགས་ཀྱི་བུ་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཤཱཀྱ་ཐུབ་པ་ཞེས་བྱ་བ་ནུབ་ཕྱོགས་ཀྱི་མི་མཇེད་ཀྱི་འཇིག་རྟེན་གྱི་ཁམས་ན་འདུག་ཅིང་

62-1-107a

རྙོག་པ་ལྔའི་འཇིག་རྟེན་དུ་འཇུག་པ་ན་དགེ་སློང་དང་། དགེ་སློང་མ་དང་། དགེ་བསྙེན་དང་། དགེ་བསྙེན་མ་འཁོར་བཞི་དག་ལ་ཐེག་པ་གསུམ་གྱི་ཆོས་སྟོན་པར་བྱེད་དོ། །དེ་བཞིན་གཤེགས་པ་དེ་ད་ལྟར་ཡང་དག་པར་སྤྱོད་པའི་ཚུལ་ནམ་མཁའི་མདོག་གིས་འདུལ་
བའི་བཟོད་པ་བསྟན་པར་འདོད་པས་དེ་བཞིན་གཤེགས་པ་སྒྲོན་མ་དང་ལྡན་པ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས་དེའི་རྫུ་འཕྲུལ་རྣམ་པར་སྤྲུལ་ཏོ། །གསོལ་པ་བཟོད་པ་འདི་ཐོག་མ་དང་ཐ་མ་ཇི་ལྟ་བུ་ཞིག །བཀའ་སྩལ་པ། བཟོད་པ་འདི་ནི་མུ་སྟེགས་ཅན་
ཐམས་ཅད་ལ་འཇུག་པའོ། །ད་ལྟར་མི་མཇེད་ཀྱི་སངས་རྒྱས་ཀྱི་ཞིང་དེར་སེམས་ཅན་ཆུ་བོ་བཞིས་ཁྱེར་བ་རྣམས་ལས་སྒྲོལ་བར་བྱེད་པའོ། །ཆུ་བོ་བཞི་གང་ཞེ་ན། འདོད་པའི་ཆུ་བོ་དང་། ལྟ་བའི་ཆུ་བོ་དང་། སྲིད་པའི་ཆུ་བོ་དང་། མ་རིག་པའི་ཆུ་བོ་འདི་དག་ལས་
སེམས་ཅན་སྒྲོལ་བར་བྱེད་པའོ། །དད་པ་མི་ཕྱེད་པ་བཞི་ཡང་དག་པར་ལེན་དུ་འཇུག་པ། འཇུག་པར་བྱེད་པ། སོ་སོར་དགོད་པར་བྱེད་པའོ། །བཞི་གང་ཞེ་ན། སངས་རྒྱས་ལ་དད་པ་མི་ཕྱེད་པ། སེམས་ཅན་རྣམས་ཡང་དག་པར་ལེན་དུ་འཇུག་པ། 
འཇུག་པར་བྱེད་པ། སོ་སོར་དགོད་པར་བྱེད་པའོ། །བསྡུ་བའི་དངོས་པོ་རྣམ་པ་བཞི་ལ་སེམས་ཅན་རྣམས་སྦྱོར་བར་བྱེད་པའོ། །ཚུལ་ཁྲིམས་ཀྱི་ཕུང་པོས་སེམས་ཅན་རྣམས་འདོད་པའི་ཆུ་བོ་ལས་སྒྲོལ་བར་བྱེད་པའོ། །ཏིང་ངེ་འཛིན་གྱི་ཕུང་པོས་སེམས་
ཅན་རྣམས་ལྟ་བའི་ཆུ་བོ་ལས་སྒྲོལ་བར་བྱེད་པའོ། །ཤེས་རབ་ཀྱི་ཕུང་པོས་སེམས་ཅན་རྣམས་མ་རིག་པའི་ཆུ་བོ་ལས་སྒྲོལ་བར་བྱེད་པའོ། །རྣམ་པར་གྲོལ་བའི་ཕུང་པོས་སེམས་ཅན་རྣམས་སྲིད་པའི་ཆུ་བོ་ལས་སྒྲོལ་བར་བྱེད་པའོ། །སངས་རྒྱས་
དད་པ་མི་ཕྱེད་པས་སེམས་ཅན་རྣམས་ཐེག་པ་ཆེན་པོས་སྒྲོལ་བར་བྱེད་པའོ། །ཆོས་ལ་དད་པ་མི་ཕྱེད་པས་སེམས་ཅན་རྣམས་རང་སངས་རྒྱས་ཀྱི་ཐེག་པས་སྒྲོལ་བར་བྱེད་པའོ། །དགེ་འདུན་ལ་དད་པ་མི་ཕྱེད་པས་སེམས་ཅན་རྣམས་ཉན་
ཐོས་ཀྱི་ཐེག་པས་སྒྲོལ་བར་བྱེད་པའོ། །འཕགས་པ་ཡིད་དུ་འོང་བའི་ཚུལ་ཁྲིམས་ཀྱིས་ལྟ་བར་སོང་བ་ཐམས་ཅད་སྤོང་བ་ལ་སྟོན་པར་བྱེད་པའོ། །སྦྱིན་པས་སེམས་ཅན་རྣམས་ཚེའི་རྒྱ་མཚོ་ལས་སྒྲོལ་བར་བྱེད་པའོ། །ངག་སྙན་པས་

62-1-107b

ལྟ་བའི་རྒྱ་མཚོ་ལས་སྒྲོལ་བར་བྱེད་པའོ། །དོན་བྱ་བས་སེམས་ཅན་རྣམས་ཉོན་མོངས་པའི་རྒྱ་མཚོ་ལས་སྒྲོལ་བར་བྱེད་པའོ། །དོན་འཐུན་པས་སེམས་ཅན་རྣམས་ཤེས་རབ་ཀྱི་ཕ་རོལ་དུ་སྒྲོལ་བར་བྱེད་པའོ། །བྱང་ཆུབ་སེམས་དཔའ་དེ་དག་གིས་གསོལ་པ། 
བཙུན་པ་བཅོམ་ལྡན་འདས་བདག་ཅག་ལ་བཀའ་སྩལ་དུ་གསོལ། །དེ་བཞིན་གཤེགས་པ་ཤཱཀྱ་ཐུབ་པ་དེ་ལ་བལྟ་བ་དང་། ཕྱག་འཚལ་བ་དང་། བསྙེན་བཀུར་བའི་ཕྱིར་བདག་ཅག་ཉེ་བར་མཆིའོ། །དེ་བཞིན་གཤེགས་པ་དབང་གི་རྒྱལ་
མཚན་གྱི་དཔལ་དེས་ཡང་རིགས་ཀྱི་བུ་གང་གི་དུས་ལ་དབབ་པར་ཤེས་ན་ཞེས་བཀའ་སྩལ་པ་དང་། དེ་ནས་རིགས་ཀྱི་བུ་ཡེ་ཤེས་དཔལ་དང་། བཟའ་ཤིང་གི་ར་བའི་དཔལ་དེ་གཉིས་དང་། བྱང་ཆུབ་སེམས་དཔའ་བྱེ་བ་ཕྲག་དྲུག་བཅུ་ལྷན་
གཅིག་ཏུ་བཅོམ་ལྡན་འདས་དེ་བཞིན་གཤེགས་པ་དབང་གི་རྒྱལ་མཚན་གྱི་དཔལ་དེ་ལ་དྲང་སྲོང་གི་ཆ་བྱེད་ཀྱིས་རྐང་པ་གཉིས་ལ་སྤྱི་བོས་ཕྱག་འཚལ་ནས་གཡས་ཕྱོགས་ནས་བསྐོར་བ་བྱས་ཏེ་འཁོད་དོ། །སྐད་ཅིག་མ་ཅིག་ཙམ་
གྱིས་མི་མཇེད་ཀྱི་སངས་རྒྱས་ཀྱི་ཞིང་དུ་ལྷགས་ནས། བཅོམ་ལྡན་འདས་དྲང་སྲོང་ཤཱཀྱ་ཐུབ་པའི་སྤྱན་སྔར་འདུག་སྟེ། ཐལ་མོ་སྦྱར་ནས་ཕྱག་འཚལ་ཏེ་འཁོད་པར་གྱུར་ཏོ། །དེ་ལ་སོགས་པ་བྱང་ཆུབ་སེམས་དཔའ་ཚད་མེད་
གྲངས་མེད་པ་རྣམས་དྲང་སྲོང་གི་ཆ་བྱད་ཀྱིས་ཤར་ཕྱོགས་ཀྱི་ཞིང་རྣམ་པར་དག་པ་དང་། རྣམ་པར་མ་དག་པ་ཚད་མེད་གྲངས་མེད་པ་འདིར་སྐད་གཅིག་མ་གཅིག་གིས་ལྷགས་སོ། །དེ་བཞིན་དུ་གཡས་ཕྱོགས་ཀྱི་སངས་རྒྱས་ཀྱི་
ཞིང་འདི་ནས་སངས་རྒྱས་ཀྱི་ཞིང་ཆུ་བོ་གང་གཱའི་བྱེ་མ་སྙེད་ལས་ཤིན་དུ་འདས་ཏེ། དེ་ན་རི་རབ་ཀྱི་རྒྱལ་མཚན་ཞེས་བྱ་བའི་འཇིག་རྟེན་གྱི་ཁམས་དེར་དེ་བཞིན་གཤེགས་པ་རི་རབ་ཆེན་པོ་ཞེས་བྱ་བ་བཞུགས་ཏེ། 
འཚོ་སྐྱོང་བ་ཆོས་ཀྱང་སྟོན་ཏོ། །སངས་རྒྱས་ཀྱི་ཞིང་དེ་ན་བྱང་ཆུབ་སེམས་དཔའ་མངོན་པར་ཤེས་པ་ཞེས་བྱ་བ་དང་། བྱང་ཆུབ་སེམས་དཔའ་གློག་གི་མཆོག་ཅེས་བྱ་བ་དང་། བྱང་ཆུབ་སེམས་དཔའ་དེ་གཉིས་དྲང་སྲོང་གི་

62-1-108a

ཆ་བྱེད་དང་། ལུས་དང་། གཟུགས་དང་། དབྱིབས་ཀྱིས་བདག་མཐོང་ངོ་། །སྔོན་མ་བྱུང་བའི་ཐུབ་པ་ཆེན་པོ་གཞན་ཡང་དྲང་སྲོང་གི་ཆ་བྱད་ཀྱིས་མཐོང་ནས་དེ་བཞིན་གཤེགས་པ་རི་རབ་ཆེན་པོ་དེ་ལ་ཡོངས་སུ་ཞུས་པ་དེ་
བཞིན་དུ་ཇི་ལྟ་བུར་གོང་དུ་བཤད་པ་ནས་དེ་བཞིན་དུ་ནུབ་ཕྱོགས་ཀྱི་སངས་རྒྱས་ཀྱི་ཞིང་འདི་ལས་ཤིན་དུ་འདས་པའི་བར་དུ་སྟེ། དེ་ན་འདུས་པ་ཞེས་བྱ་བའི་འཇིག་རྟེན་གྱི་ཁམས་དེར་དེ་བཞིན་གཤེགས་པ་དཔལ་སྣང་བ་ཞེས་
བྱ་བ་བཞུགསྟེ་འཚོ་སྐྱོང་བ་ཆོས་ཀྱང་སྟོན་ཏོ། །དེ་ན་བྱང་ཆུབ་སེམས་དཔའ་སེམས་དཔའ་ཆེན་པོ་དོན་ཡོད་པར་མཐོང་བ་དང་། ཀུ་མུ་དའི་གླང་པོ་ཞེས་བྱ་བ་གཉིས་ཀྱང་ཇི་ལྟར་གོང་དུ་བཤད་པ་ནས། བྱང་ཕྱོགས་ཀྱི་སངས་རྒྱས་ཀྱི་ཞིང་
འདི་ནས་སངས་རྒྱས་ཀྱི་ཞིང་ཆུ་བོ་གང་གཱ་གསུམ་གྱི་བྱེ་མ་སྙེད་ལས་ཤིན་དུ་འདས་པའི་བར་དུ་སྟེ། དེ་ན་རྒྱན་གཅིག་ཅེས་བྱ་བའི་འཇིག་རྟེན་གྱི་ཁམས་དེར་དེ་བཞིན་གཤེགས་པ་རྒྱན་པོ་ཆེ་ཞེས་བྱ་བ་བཞུགས་ཏེ་འཚོ་སྐྱོང་བ་ཆོས་
ཀྱང་སྟོན་ཏོ། །དེ་ན་བྱང་ཆུབ་སེམས་དཔའ་སེམས་དཔའ་ཆེན་པོ་རྡུལ་དང་བྲལ་བའི་འོད་དང་། ཚངས་པའི་འོད་ཅེས་བྱ་བ་གཉིས་ཀྱང་ཇི་ལྟར་གོང་དུ་བཤད་པ་ནས། འོག་གི་ཕྱོགས་ཀྱི་སངས་རྒྱས་ཀྱི་ཞིང་འདི་ནས་སངས་
རྒྱས་ཀྱི་ཞིང་ཆུ་བོ་གང་གཱ་གཅིག་གི་བྱེ་མ་ལས་ཤིན་དུ་འདས་པའི་བར་དུ་སྟེ། དེ་ན་མེ་ཏོག་ཆེན་པོ་ཞེས་བྱ་བའི་འཇིག་རྟེན་གྱི་ཁམས་དེར་དེ་བཞིན་གཤེགས་པ་ཡེ་ཤེས་ཀྱི་རྒྱལ་མཚན་ཆེན་པོ་ཞེས་བྱ་བ་བཞུགས་ཏེ་འཚོ་སྐྱོང་
བ་ཆོས་ཀྱང་སྟོན་ཏོ། །དེ་ན་བྱང་ཆུབ་སེམས་དཔའ་ཡེ་ཤེས་དཔལ་ཞེས་བྱ་བ་དང་། བྱང་ཆུབ་སེམས་དཔའ་དཔལ་ཆེན་པོ་ཞེས་བྱ་བ་གཉིས་ཀྱང་ཇི་ལྟར་གོང་དུ་བཤད་པ་ནས། ཡང་སྟེང་གི་ཕྱོགས་ཀྱི་སངས་རྒྱས་ཀྱི་ཞིང་འདི་ནས་
སངས་རྒྱས་ཀྱི་ཞིང་ཆུ་བོ་གང་གཱ་བདུན་གྱི་བྱེ་མ་སྙེད་ནས་ཤིན་དུ་འདས་པའི་བར་དུ་སྟེ། དེ་ན་འོད་སྣང་བ་ཞེས་བྱ་བའི་འཇིག་རྟེན་གྱི་ཁམས་དེ་ན་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཉི་མའི་སྙིང་

62-1-108b

པོ་ཞེས་བྱ་བ་བཞུགས་ཏེ་འཚོ་སྐྱོང་བ་ཆོས་ཀྱང་སྟོན་ཏོ། །དེ་ན་བྱང་ཆུབ་སེམས་དཔའ་ཆོས་ཀྱི་དབྱངས་དང་། བདུད་རྩི་དབྱངས་ཤེས་བྱ་བའི་བྱང་ཆུབ་སེམས་དཔའ་གཉིས་ཀྱང་ཇི་སྙེད་གོང་དུ་བཤད་པ་བཞིན་ནོ། །དེའི་ཚེ་བྱང་ཆུབ་སེམས་
དཔའ་དྲང་སྲོང་གི་ཆ་བྱད་འཛིན་པས་མི་མཇེད་ཀྱི་སངས་རྒྱས་ཀྱི་ཞིང་ཐམས་ཅད་དང་ལྡན་པ་འདི་ཀུན་དུ་རྒྱས་ནས། དེ་བཞིན་གཤེགས་པ་དྲང་སྲོང་ཤཱཀྱ་ཐུབ་པ་གང་ན་བ་དེ་ལོགས་སུ་ཐལ་མོ་སྦྱར་ཏེ་ཕྱག་འཚལ་ནས་འཁོད་དོ། །
མི་མཇེད་ཀྱི་སངས་རྒྱས་ཀྱི་ཞིང་འདིར་སེམས་ཅན་གང་ལ་ལ་ཐེག་པ་ཆེན་པོ་ལ་ཡང་དག་པར་མ་ཞུགས་པ་ནི་དྲང་སྲོང་གི་ཆ་བྱད་ཀྱིས་མ་གྱུར་པའོ། །རྒྱན་དེ་དག་ལ་ཉན་ཐོས་སམ། ཉན་ཐོས་ཀྱི་ཐེག་པ་པ་འམ། རང་སངས་རྒྱས་
སམ། རང་སངས་རྒྱས་ཀྱི་ཐེག་པ་པས་ཀྱང་མི་མཐོང་ན་སེམས་ཅན་གཞན་གྱི་མཐོང་བར་མི་འགྱུར་བ་ལྟ་ཅི་སྨོས། དེ་ནས་བཅོམ་ལྡན་འདས་དྲང་སྲོང་ཆེན་པོ་གདན་དེ་ལས་བཞེངས་ཏེ། ཐུབ་པ་དབང་པོའི་འགྲོས་དང་། ཚངས་པ་དབང་
པོའི་འགྲོས་དང་། ཚངས་པ་དྲང་སྲོང་གི་འགྲོས་དང་། གཉའ་ཤིང་དུ་ལྟ་བའི་འགྲོས་དང་། ཉེ་བར་ཞི་བའི་འགྲོས་དང་། རབ་ཏུ་ཞི་བའི་འགྲོས་དང་། དགེ་སློང་རྣམས་མོས་པ་ཆེན་པོའི་འགྲོས་དང་། ལྷ་དགའ་བའི་འགྲོས་དང་། གནོད་སྦྱིན་དུལ་བའི་
འགྲོས་དང་། ལྷ་མ་ཡིན་དགའ་བར་བྱེད་པའི་འགྲོས་དང་། ཀླུ་དུལ་བའི་འགྲོས་དང་། རྒྱལ་བ་ཉོན་མོངས་པ་མེད་པའི་འགྲོས་དང་། རྣམ་པར་གྲོལ་བའི་འགྲོས་ཅི་འདྲ་བ་དེ་འདྲ་བའི་འགྲོས་སུ་བཞུད་ཅིང་སངས་རྒྱས་ཆེན་པོར་རྣམ་པར་
འཕྲུལ་པའི་འགྲོས་དང་། རྒྱན་ཆེན་པོའི་འགྲོས་དང་། སངས་རྒྱས་ཀྱི་བྱིན་བརླབས་ཆེན་པོའི་འགྲོས་སུ་བཅོམ་ལྡན་འདས་སྤོས་ཀྱི་ངད་ལྡང་བའི་རི་ལ་མེ་ཏོག་གི་ཟེ་བ་ལ་ཞབས་འདེགས་པ་དང་འདོར་བས་བཞུད་ནས་སྤོས་ཀྱི་ངད་ལྡང་བའི་
རི་ལ་བྱོན་ཏོ། །དཀའ་ཐུབ་ཀྱི་གནས་གཙང་མའི་དྲི་ཐ་དད་པ་མེད་ཅིང་དྲི་མ་མེད་པའི་ཕྱོགས་སུ་འགྲོ་སེལ་གྱི་ལྷ་མོ་ཆེན་མོ་འོད་འདྲེས་པ་ཞེས་བྱ་བ་གང་ན་བ་དེ་ན་བཅོམ་ལྡན་འདས་བཞུགས་ཏེ། གླང་པོའི་རྣམ་པར་ལྟ་བའི་ཚུལ་གྱིས་རྣམ་

62-1-109a

པར་ལྟས་པར་གྱུར་པ་དེའི་དུས་ན་ཡང་འདི་བརྗོད་དོ། །ལ་ལ་གང་འདིར་བསྟན་དང་ལྡན་པ་ལ། །བྱང་ཆུབ་དམ་པ་མཆོག་ཏུ་སེམས་བསྐྱེད་པ། །བདག་གིས་ཡང་དག་སྤྱད་པ་བསྟན་པའི་ཕྱིར། །དེ་དག་ཐམས་ཅད་བདག་གི་མདུན་དུ་འོངས། །
བྱང་ཆུབ་སེམས་དཔའ་ཉོན་མོངས་སྤངས་མེད་གང་། །ད་དུང་དུ་ཡང་འཁོར་བའི་བདེ་འདོད་ཅིང་། །ཆོས་ལ་བདག་མེད་རབ་ཏུ་མི་ཤེས་པ། །བདག་ནི་དེ་དག་ཐམས་ཅད་འོང་ན་སྟོན། །ཀུན་དུ་སྦྱོར་བ་སྤངས་མེད་གང་དག་དང་། སྒྱུ་མའི་ཕུང་ལྟར་
ཤིན་ཏུ་སྔོན་མཐོང་ཞིང་། །ཐབས་ལ་མཁས་པར་ཡང་ནི་མི་ཤེས་པ། །དེ་དག་ཐམས་ཅད་འོང་ན་བདག་སྟོན་ཏོ། །བརྩོན་འགྲུས་ལྡན་པ་བསོད་ནམས་མཛོད་མངས་པོ། །ཐབས་ལ་མཁས་པས་སེམས་ཅན་རྣམས་འདུལ་ཞིང་། །ཤེས་
རབ་ཕ་རོལ་ཕྱིན་མཆོག་རྟག་སྤྱོད་པ། །བཟོད་ཉན་ཐོས་ཕྱིར་དེ་དག་ཐམས་ཅད་འོང་། །གང་གིས་སངས་རྒྱས་དུ་མ་སྔོན་སྙེན་བཀུར། །འདུས་བྱས་ཐམས་ཅད་འདི་ལ་རྟེན་པ་མེད། །ཆུ་ཟླ་ལྟ་བུར་རབ་ཏུ་སུ་སྟོན་པ། །རང་བཞིན་
རྣམ་པར་འཇུག་པ་འདིར་ཡང་འོང་། །གང་རྣམས་ཐབས་དང་ཡང་དག་སྦྱོར་ཕྱིར་ཞུགས། །ཐམས་ཅད་དངོས་ལ་སེམས་དཔའ་རྟེན་མེད་ཅིང་། །མཚན་མ་སྤངས་ལ་རྟོག་པར་འགྱུར་མེད་པ། །དྲན་པར་བྱེད་པ་དག་ནི་འདིར་ཡང་འོང་། །བདག་
གིས་བཟོད་པ་མཆོག་འདི་རབ་བསྟན་ནས། །ཇི་ལྟར་སྡུག་བསྔལ་ཀུན་ལ་མི་གནས་པ། །ཆོས་ཀྱི་འཁོར་ལོ་ལ་ཡང་ཁྱོད་མྱུར་འཇུག །སྲིད་མཚོ་ལས་ཀྱང་སེམས་ཅན་རབ་ཐར་བྱེད། །ཕྱོགས་བཅུར་ཐུབ་པའི་དབང་པོ་གང་དག་ཀྱང་། །
འགྲོ་བ་རྣམས་ལ་ཕན་ཕྱིར་འཁོར་ལོ་སྐོར། །ད་དུང་ཐེག་པའི་དམ་ཚིག་གང་འདོད་པ། །བདག་གི་གན་དུ་བྱང་ཆུབ་སེམས་དཔའ་མཐོང་། །ལན་གཉིས་སུ་ཡང་འཁོར་ལོ་བདག་སྐོར་ཏེ། །ཕྱིར་མི་ལྡོག་ལ་སེམས་ཅན་བྱེ་བཀོད་པ། །རྣམ་པར་
གྲོལ་བའི་བློ་མཚན་རབ་ཐོགས་ཤིང་། །བདག་བདག་ཞིང་རྣམས་སུ་ཡང་འགྲོ་བར་འགྱུར། །སངས་རྒྱས་ཞིང་འདིར་འོངས་པ་གང་དག་ཀྱང་། །བྱང་ཆུབ་མཆོག་གི་སྤྱོད་ཕྱིར་བཟོད་པ་བསྟན། །ཉན་ཐོས་རང་རྒྱལ་ཐེག་པ་ཅན་མཐོང་སྟེ། །དེ་བས་

62-1-109b

མུ་སྟེགས་གཞན་ཀུན་འདིར་འདུལ་ལོ། །སངས་རྒྱས་བཅོམ་ལྡན་འདས་ཀྱི་དབྱངས་ཀྱི་དཀྱིལ་འཁོར་དེ་ཡང་དེ་ལྟར་བཅོམ་ལྡན་འདས་ཀྱི་ཡི་གེ་དང་། དོན་དང་། ཚིག་བརྗོད་པའི་དབྱངས་ཀྱི་དཀྱིལ་འཁོར་ཕྱོགས་བཅུའི་སངས་རྒྱས་ཀྱི་ཞིང་
མཐའ་ཡས་མུ་མེད་པར་སོང་ངོ་། །དེ་ན་སེམས་ཅན་གང་ལ་ལ་ཐེག་པ་ཆེན་པོ་ལ་ཡང་དག་པར་ཞུགས་པ་དེ་ཐམས་ཅད་ཉན་ཅིང་དེ་ཕྱོགས་བཅུར་ཡང་ལྟ་བར་འགྱུར་རོ། །བདག་ཅག་གིས་བལྟ་བའི་སེམས་ཅན་དེ་སེམས་ཅན་གང་གི་དབྱངས་
ཀྱི་དཀྱིལ་འཁོར་དེ་ལྟར་ཡིད་དུ་འོང་བ་དེ་ལྟར་དགའ་བ། དེ་ལྟར་མངོན་པར་དགའ་བ། དེ་ལྟར་ཟབ་ཅིང་སེམས་ཅན་གྱི་དབུགས་འབྱིན་པ། དེ་ལྟར་ཚིམ་པ། དེ་ལྟར་འཁོར་བའི་ཕ་རོལ་ཏུ་འགྲོ་བ། དོན་དང་ཚིགས་དང་། ཡི་གེ་བརྗོད་པའི་དབྱངས་
ཀྱི་དཀྱིལ་འཁོར་དེ་བཞིན་དུ་སྨྲ་བར་བྱ་བ་ཇི་ལྟ་བ་དེར་དེ་ཕྱོགས་བཞི་ཀུན་དུ་བལྟས་ཏེ། སངས་རྒྱས་ཀྱི་མཐུས་སྤོས་ཀྱི་ངད་ལྡང་བའི་རི་ལ་དྲང་སྲོང་ཐུབ་པ་དབང་པོ་ཞི་ཞིང་ཐུགས་ཞི་བ། དུལ་བ་དང་། ཞི་བའི་མཆོག་ཐོབ་པ། གསེར་གྱི་ཕུང་
པོ་ཇི་ལྟར་འབར་བ་ལ་དྲང་སྲོང་བྱེ་བ་ཁྲག་ཁྲིག་བརྒྱ་སྟོང་མང་པོས་མངོན་སུམ་དུ་ཕྱག་འཚལ་ཏེ། ཧ་ཅང་ཡང་མི་རིང་བར་མཐོང་ངོ་། །མཐོང་ནས་ཀྱང་དེ་དག་འདི་སྙམ་དུ་སེམས་ཏེ། དྲང་སྲོང་འདི་ནི་མཐུ་ཆེན་པོ་དྲང་སྲོང་གི་འཁོར་ཆེན་
པོ་འདི་ནི་སྙིང་རྗེ་ཆེན་པོ་དང་ལྡན་པར་འགྱུར་བ་ཞིག་སྙམ་སྟེ། གལ་ཏེ་སྙིང་རྗེ་དང་ལྡན་པར་འགྱུར་བ་དེའི་རྗེས་སུ་འགྲོའོ། །དྲང་སྲོང་གི་ཆ་བྱད་དང་། ལུས་དང་། དབྱིབས་ཀྱིས་བདག་གི་ལུས་སུ་གྱུར་པ་དེ་དག་
མཐོང་ནས། དེ་དག་འདི་སྙམ་དུ་སེམས་ཏེ། བདག་ཅག་ཀྱང་དྲང་སྲོང་དུ་གྱུར་ན། དྲང་སྲོང་ཆེན་པོ་དེ་ལ་བསྙེན་བསྐུར་བ་དང་། ཕྱག་འཚལ་བའི་ཕྱིར་ཉེ་བར་འགྲོའོ། །དེ་དག་ཀྱང་སེམས་བསྐྱེད་མ་ཐག་པས་ཕྱོགས་བཅུའི་སངས་
རྒྱས་ཀྱི་ཞིང་ཚད་མེད་གྲངས་མེད་པ་ལས་དྲང་སྲོང་གི་ཆ་བྱད་ཚད་མེད་གྲངས་མེད་བསམ་གྱིས་མི་ཁྱབ། མཚུངས་པ་མེད་ཅིང་དཔག་ཏུ་མེད་པ། ཆུ་བོ་གང་གཱའི་བྱེ་མ་སྙེད་ཀྱི་བྱང་ཆུབ་སེམས་དཔའ་སངས་རྒྱས་ཀྱི་ཞིང་འདིར་མངོན་པར་ལྷགསོ། །

62-1-110a

བྱང་ཆུབ་སེམས་དཔའི་རྣམ་པར་འཕྲུལ་པའི་ཚོགས་སྣ་ཚོགས་ཀྱི་དྲང་སྲོང་ཐུབ་པ་ལ་མཆོད་པ་བྱས་ནས། དྲང་སྲོང་ཐུབ་པ་གང་ན་བ་དེ་ལོགས་སུ་ཐལ་མོ་སྦྱར་ཏེ། ཕྱག་འཚལ་ནས་བསྟོད་དེ་འཁོད་དོ། །ལ་ལ་སྨོན་ལམ་གྱི་དབང་
དང་། ལ་ལ་ངན་དུ་སྤྱོད་པའི་རྐྱེན་གྱིས་གང་ཡང་ངན་སོང་དུ་སྐྱེས་པ་དེ་དག་སངས་རྒྱས་ཀྱི་མཐུས་དྲན་པ་སོ་སོར་ཐོབ་ནས་དྲང་སྲོང་གི་ཆ་བྱད་ཀྱིས་ཀུན་དུ་འཁོད་དོ། །དྲང་སྲོང་ཆེན་པོ་ཐུབ་པའི་དབང་པོ་གང་ན་བ་དེ་ལོགས་སུ་ཡང་ཐལ་མོ་སྦྱར་ཏེ་འཁོད་
དོ། །དེ་ནས་བྱང་ཆུབ་སེམས་དཔའ་བློ་གྲོས་ཀྱི་ཚོགས་མཐའ་ཡས་པའི་རྒྱལ་པོ་སངས་རྒྱས་ཀྱི་མཐུས་འདི་སྙམ་དུ་སེམས་ཏེ། ཤཱཀྱ་ཐུབ་པ་བཞུགས་ཤིང་ཇི་ལྟ་བུར་འཁོར་ཡང་དག་པར་འོངས་པ་ལ་ཡང་དག་པར་སྤྱོད་པའི་ཚུལ་ནམ་
མཁའི་མདོག་གིས་འདུལ་བའི་བཟོད་པ་འདི་གང་ན་སྟོན་པར་འགྱུར། དེ་ནས་དེ་ཉིད་ཀྱི་ཚེ་ན་ཤར་ཕྱོགས་ཀྱི་ནམ་མཁའི་ལམ་ལས་ཁང་པ་བརྩེགས་པ་བལྟ་ན་སྡུག་པ། རིན་པོ་ཆེ་སྣ་བདུན་གྱིས་གང་བ་སྣ་ཚོགས་འདི་ལྟ་སྟེ། དཔེར་ན་བརྒྱ་
བྱིན་ལྷའི་དབང་པོ་ཞེས་བྱ་བའི་ཁང་པ་བརྩེགས་པ་ལྟ་བུ་བྱེ་བ་ཁྲག་ཁྲིག་བརྒྱ་སྟོང་ཕྲག་དྲུག་བཅུ་ལྷགས་སོ། །དེ་ནས་བྱང་ཆུབ་སེམས་དཔའ་བློ་གྲོས་ཀྱི་ཚོགས་མཐའ་ཡས་པའི་རྒྱལ་པོ་ཁང་པ་བརྩེགས་པ་དེ་མཐོང་ནས་དེ་འདི་
སྙམ་དུ་སེམས་ཏེ། བདག་གིས་ཁང་པ་བརྩེགས་པ་འདི་ལྟ་སྟེ། དཔེར་ན་ཚངས་པ་མི་མཇེད་ཀྱི་བདག་པོའི་ཁང་པ་བརྩེགས་པ་དབྱངས་ཞི་བ་འདི་འདྲ་བར་སྤྲུལ་ཏེ། དྲང་སྲོང་ཐུབ་པ་གང་ན་བཞུགས་པ་དེར་བདག་བཟོད་པ་
འདི་བསྟན་སྙམ་པ་དང་། དེ་ཉིད་ཀྱི་ཚེ་ན་ལྷོ་ཕྱོགས་ནས་ནམ་མཁའི་ལམ་ལས་ཁང་པ་བརྩེགས་པ་བལྟ་ན་སྡུག་པ། རིན་པོ་ཆེ་སྣ་བདུན་གྱིས་གང་བ་སྣ་ཚོགས་འདི་ལྟ་སྟེ། དཔེར་ན་ཚངས་པ་མི་མཇེད་ཀྱི་བདག་པོའི་ཁང་པ་
བརྩེགས་པ་དབྱངས་ཞི་བ་ལྟ་བུ་བྱེ་བ་ཁྲག་ཁྲིག་བརྒྱ་སྟོང་ཕྲག་དྲུག་བཅུ་ལྷགས་པ་མཐོང་ནས། བྱང་ཆུབ་སེམས་དཔའ་བློ་གྲོས་ཀྱི་ཚོགས་མཐའ་ཡས་པའི་རྒྱལ་པོ་དེ་འདི་སྙམ་དུ་སེམས་ཏེ། བདག་གིས་འདི་ལྟ་སྟེ་

62-1-110b

དཔེར་ན་ཚངས་པ་ཆེན་པོ་གློག་གི་འོད་ཅེས་བྱ་བའི་ཁང་པ་བརྩེགས་པ་དེ་འདྲ་བར་མངོན་པར་སྤྲུལ་ཏེ། བཅོམ་ལྡན་འདས་དེ་ན་བཞུགས་ཤིང་ཆོས་སྟོན་ཏོ་སྙམ་པ་དང་། དེ་ནས་དེ་ཉིད་ཀྱི་ཚེ་ན་ནུབ་ཕྱོགས་ནས་ནམ་མཁའི་ལམ་ལས་
འདི་ལྟ་སྟེ། དཔེར་ན་ཚངས་པ་གློག་གི་འོད་ཅེས་བྱ་བའི་ཁང་པ་གརྩེགས་པ་བལྟ་ན་སྡུག་པ་རིན་པོ་ཆེ་སྣ་བདུན་གྱིས་གང་བ་སྣ་ཚོགས་ཁྲག་ཁྲིག་བརྒྱ་སྟོང་ཕྲག་དྲུག་བཅུ་ལྷགས་སོ། །དེ་ནས་བྱང་ཆུབ་སེམས་དཔའ་བློ་གྲོས་ཀྱི་ཚོགས་
མཐའ་ཡས་པའི་རྒྱལ་པོ་འདི་སྙམ་དུ་སེམས་ཏེ་བདག་གིས་ཁང་པ་བརྩེགས་པ་འདི་ལྟ་སྟེ། དཔེར་ན་ཚངས་པ་རི་རབ་ཀྱི་འོད་ཅེས་བྱ་བའི་ཁང་པ་བརྩེགས་པ་དེ་ནས་དེ་ཉིད་ཀྱི་ཚེ་ན་བྱང་ཕྱོགས་ནས་ནམ་མཁའི་ལམ་ལས་ཁང་པ་
བརྩེགས་པ་བལྟ་ན་སྡུག་པ། རིན་པོ་ཆེ་སྣ་བདུན་གྱིས་གང་བ་སྣ་ཚོགས་འདི་ལྟ་སྟེ། དཔེར་ན་ཚངས་པ་ཆེན་པོ་རི་རབ་ཀྱི་འོད་ཅེས་བྱ་བའི་ཁང་པ་བརྩེགས་པ་དོར་བ་མེད་པ་དང་ལྡན་པ་ཁྲག་ཁྲིག་བརྒྱ་སྟོང་ཕྲག་དྲུག་
བཅུ་ལྷགས་སོ། །དེ་ནས་ཡང་དེའི་ཚེ་ན་ཁང་པ་བརྩེགས་པ་ཁྲག་ཁྲིག་བརྒྱ་སྟོང་དུ་མ་ནམ་མཁའ་ལ་འཁོད་དོ། །དེ་ནས་བྱང་ཆུབ་སེམས་དཔའ་བྱམས་པ་འདི་སྙམ་དུ་སེམས་ཏེ། ཁང་པ་བརྩེགས་པ་དེ་དག་ཏུ་བཅོམ་ལྡན་འདས་ཀྱི་
དོན་གྱི་ཕྱིར་སེང་གེའི་ཁྲི་ལ་རྣམ་པར་བལྟས་ཏེ། བཅོམ་ལྡན་འདས་ཀྱི་དོན་གྱི་ཕྱིར་སེང་གེའི་ཁྲི་བཤམས་པའི་ཁང་པ་བརྩེགས་པ་གང་ཞིག་སྙམ་སྟེ། དེ་ནས་བྱང་ཆུབ་སེམས་དཔའ་བྱམས་པས་བྱང་ཆུབ་སེམས་དཔའ་གཟི་
བརྗིད་དྲི་མ་མེད་པ་ལ་འདི་སྐད་ཅེས་སྨྲས་སོ། །རིགས་ཀྱི་བུ་ཁང་པ་བརྩེགས་པ་འདི་དག་གང་དུ་ལྷགས། སུ་ཡི་བྱིན་གྱིས་བརླབས། བྱང་ཆུབ་སེམས་དཔའ་གཟི་བརྗིད་དྲི་མ་མེད་པས་བྱང་ཆུབ་སེམས་དཔའ་བྱམས་པ་ལ་སྨྲས་
པ། རིགས་ཀྱི་བུ་དེ་བས་ན་ཆོས་ཀྱི་སྒོས་ཆགས་པ་ཐམས་ཅད་རྒྱུན་བཅད་པའི་ཕྱིར་ད་དུང་མི་སྒྲུབ་ཀྱི། འདི་གཉིས་ཀྱིས་འཁོར་བ་འཁྱིལ་པའི་སྒྲུབ་པའོ། །རིགས་ཀྱི་བུ་འདི་གཉིས་ནི་འགྲོ་བ་དང་འོང་བའོ། །འདི་གཉིས་ནི་

62-1-111a

འབྱུང་བ་དང་འཇིག་པ་ཞེས་བྱ་སྟེ་གང་མི་སྐྱེ་མི་འབྱུང་བ་དེ་འགྲོ་བ་དང་འོང་བའི་འདུ་ཤེས་ཀྱང་མེད་དོ། །དེ་འཇིག་པ་ཐམས་ཅད་སྤངས་ནས་མི་སྐྱེ་བའི་ཆོས་ལ་བཟོད་པ་ཐོབ་བོ། །འཁོར་བའི་རྒྱུན་གཅོད་པ་འདི་ནི་གཉིས་སུ་མེད་པའི་ཆོས་
ཀྱི་སྒོའོ། །གང་འགྲོ་བ་དང་འོང་བ་ཞེས་བྱ་བ་འདི་གཉིས་ནི་འགྲོ་བ་དང་འོང་བའོ། །རིགས་ཀྱི་བུ་གང་བདག་ཏུ་སྒྲོ་འདོགས་པ་མེད་པ་དང་། སྲོག་དང་། གསོ་བ་དང་། གང་ཟག་དང་། ཤེད་ལས་སྐྱེས་པ་དང་། ཤེད་ཅན་དང་། འགྲོ་
བ་དང་། འོང་བའི་འདུ་ཤེས་སུ་འཇུག་པ་མེད་པ་འདི་ནི་གཉིས་སུ་མེད་པའི་ད་ནི་གཉིས་སུ་མེད་པའི་ཆོས་ཀྱི་སྒོ་ལ་འཇུག་པའོ། །རིགས་ཀྱི་བུ་གང་སྐྱེས་པ་འམ། མ་སྐྱེས་པར་རྟོག་པ་འདི་ནི་གཉིས་པའོ། །གང་འབྱུང་བ་དང་། འགོག་པར་རྣམ་
པར་མི་རྟོག་ཅིང་འགྲོ་བ་དང་འོང་བར་དམིགས་པ་མེད་པ་དང་། ཐ་དད་པར་བྱ་བ་མེད་པ་དང་། འགྱུར་བ་མེད་པ་དང་། རྣམ་པར་བྱང་བ་འདི་ནི་རིགས་ཀྱི་བུ་གཉིས་སུ་མེད་པའི་ཆོས་ཀྱི་སྒོ་ལ་འཇུག་པའོ། །ཉོན་མོངས་པ་དང་། རྣམ་པར་བྱང་
བ་དང་ཕུང་པོ་སྐྱེ་བ་དང་། འཇིག་པའི་མཚན་ཉིད་འདི་ནི་གཉིས་པའོ། །གང་ཕུང་པོ་ཡོངས་སུ་ཤེས་ཤིང་སྐྱེ་བ་དང་། འཇིག་པའི་མཚན་ཉིད་སྤངས་པ་རློམ་སེམས་ཐམས་ཅད་བཅོམ་པ། གཟུགས་ཀྱི་འགོག་པར་འགྲོ་བའི་ལམ་འདི་ནི་གཉིས་
སུ་མེད་པའི་ཆོས་ཀྱི་སྒོ་ལ་འཇུག་པའོ། །འགུལ་བ་དང་། རློམ་ཞིང་སེམས་པར་རིག་པ་འདི་ནི་གཉིས་པའོ། །གང་ཚོར་བའི་འགུལ་བ་མེད་ཅིང་རློམ་སེམས་མེད་པ། གཡོ་བ་མེད་ཅིང་ཡིད་ལ་མི་བྱེད་པ་འདི་ནི་གཉིས་སུ་མེད་པའི་
ཆོས་ཀྱི་སྒོ་ལ་འཇུག་པའོ། །རིགས་ཀྱི་བུ་གང་ཚོར་བར་ཤེས་པ་དང་། ཚོར་བ་ཀུན་འབྱུང་བར་ཤེས་པ་དང་། ཚོར་བའི་འགོག་པར་ཤེས་པ་དང་། ཚོར་བ་འགོག་པར་འགྲོ་བའི་ལམ་དུ་ཤེས་པ་འདི་ནི་གཉིས་པའོ། །རིགས་ཀྱི་
བུ་གང་ཡང་ཚོར་བ་ཀུན་འབྱུང་བར་འགོག་པར་འགྲོ་བར་མི་ཤེས་པ་དང་། གཟུགས་ཀྱི་ཕུང་པོ་དང་། ཚོར་བའི་ཕུང་པོའི་མཚན་ཉིད་ཐ་དད་པར་མི་ཤེས་པ་དང་། མཉམ་པའི་མཚན་ཉིད་དང་། མཚན་ཉིད་མེད་པ་དང་།  མཚན་ཉིད་གཅིག་

62-1-111b

པ་དང་། མཚན་ཉིད་མང་པོར་མི་ཤེས་པ་འདི་ཡང་རིགས་ཀྱི་བུ་གཉིས་སུ་མེད་པའི་ཆོས་ཀྱི་སྒོ་ལ་འཇུག་པའོ། །ཡང་རིགས་ཀྱི་བུ་གང་ཕུང་པོ་དང་། ཁམས་དང་། སྐྱེ་མཆེད་ལ་ཉན་ཐོས་དང་། རང་བྱང་ཆུབ་འདོད་པ་དང་། བླ་ན་མེད་པ་ཐམས་ཅད་མཁྱེན་པའི་ཡེ་ཤེས་འདོད་པ་འདི་ནི་གཉིས་པའོ། །རིགས་
ཀྱི་བུ་གང་ཡང་ཉན་ཐོས་དང་། རང་སངས་རྒྱས་ཀྱི་ཐེག་པ་དང་། ཐམས་ཅད་མཁྱེན་པའི་ཡེ་ཤེས་དང་། ཕུང་པོ་དང་ཁམས་དང་། སྐྱེ་མཆེད་ལ་བརྟེན་པར་མི་ཤེས་པ་དང་། ཡི་གེའི་ཚིག་གི་ལམ་ཐམས་ཅད་ནི་གནས་མེད་པ། ཡི་གེ་མེད་པ། སྤྲོས་པ་མེད་པར་རབ་ཏུ་ཤེས་པ་འདི་ཡང་རིགས་ཀྱི་བུ་
གཉིས་སུ་མེད་པའི་ཆོས་ཀྱི་སྒོ་ལ་འཇུག་པའི། །རིགས་ཀྱི་བུ་གང་དགེ་བ་དང་། མི་དགེ་བར་འདུ་ཤེས་ཀུན་དུ་ཤེས་པ་དང་། ཕ་རོལ་དང་ཚུ་རོལ་དུ་འདུ་ཤེས་པ་འདི་ནི་གཉིས་པའོ། རིགས་ཀྱི་བུ་གང་དགེ་བ་མི་དགེ་
བ་འདི་ཡང་མཚན་མ་མེད་པ་ཀུན་ནས་ལྡང་བ་དང་། མི་ཟད་པ་ཀུན་དུ་རྟོག་པ་འདི་ཡང་རིགས་ཀྱི་བུ་གཉིས་སུ་མེད་པའི་ཆོས་ཀྱི་སྒོ་ལ་འཇུག་པའོ། །རིགས་ཀྱི་བུ་གཞན་ཡང་ཚུ་རོལ་ནི་ཟག་པའོ། །ཕ་རོལ་ནི་ཕྱིན་ཅི་ལོག་སྟེ་
གང་ཚུ་རོལ་དང་ཕ་རོལ་ལ་རྟོག་པ་དང་། འཛིན་པ་དང་བཀོལ་བ་འདི་ནི་གཉིས་པའོ། །གང་ཡང་ཚུ་རོལ་དང་ཕ་རོལ་ལ་འཛིན་པ་མེད་པ་དང་། བཀྲོལ་བ་མེད་པ་དང་། ཅི་ལ་ཡང་བཏགས་པ་མེད་པ་དང་། བཏང་བ་མེད་པ་
འདི་ནི་གཉིས་སུ་མེད་པའི་ཆོས་ཀྱི་སྒོ་ལ་འཇུག་པའོ། །རིགས་ཀྱི་བུ་གཞན་ཡང་གང་ཕུང་པོ་དང་། ཁམས་དང་། སྐྱེ་མཆེད་ལ་ཟག་པ་དང་བཅས་པ་འམ། ཟག་པ་མེད་པ་ཞེས། རྟོག་པ་འདི་ནི་གཉིས་པའོ། །གང་ཡང་
ཁམས་དང་། སྐྱེ་མཆེད་ལ་ཟག་པ་དང་བཅས་པ་ཞེས་རྟོག་པ་མེད་པ་དང་། ཟག་པ་མེད་པའི་འདུ་ཤེས་སུ་བྱ་བ་འང་མེད་པ་དང་། འདུ་ཤེས་དང་འདུ་ཤེས་མེད་མིན་ཐོབ་པ་འང་མད་པ་འདི་ཡང་གཉིས་སུ་མེད་པའི་ཆོས་
ཀྱི་སྒོ་ལ་འཇུག་པའོ། །རིགས་ཀྱི་བུ་གང་ཕུང་པོ་དང་། ཁམས་དང་། སྐྱེ་མཆེད་ལ་འདུས་བྱས་དང་། འདུས་མ་བྱས་སུ་རྟོག་པ་འདི་ནི་གཉིས་པའོ། །གང་ཡང་འདུ་བྱེད་སྐྱེ་མཆེད་ཐམས་ཅད་ལ་མི་རྟོག་ཅིང་རྣམ་པར་

62-1-112a

མི་རྟོག་པ་དང་། ཆོས་ཐམས་ཅད་ནམ་མཁའ་དང་མཉམ་པར་ཡང་དག་པར་རྗེས་སུ་མཐོང་བ་འདི་ཡང་རིགས་ཀྱི་བུ་གཉིས་སུ་མེད་པའི་ཆོས་ཀྱི་སྒོ་ལ་འཇུག་པའོ། །རིགས་ཀྱི་བུ་གང་ཡང་འཇིག་རྟེན་པ་དང་། འཇིག་རྟེན་ལས་འདས་
པའི་ཆོས་ལ་སྙེམས་པ་འདི་ནི་གཉིས་པའོ། །གང་ལ་ལ་འཇིག་རྟེན་པ་དང་། འཇིག་རྟེན་ལས་འདས་པའི་ཆོས་ལ་མི་འཇུག་མི་འགྲོ། རྣམ་པར་མི་འགྲོ། མི་རྒལ་ཞིང་འགྲོ་བ་ཡང་མེད། རྣམ་པར་འགྲོ་བ་མེད་པ་འདི་ཡང་གཉིས་སུ་མེད་པའི་
ཆོས་ལ་འཇུག་པའོ། །རིགས་ཀྱི་བུ་གཞན་ཡང་གང་ལ་ལ་མིང་དང་གཟུགས་ལས་ཕུང་པོ་དང་། ཁམས་དང་། སྐྱེ་མཆེད་འབྱུང་བར་རབ་ཏུ་ཤེས་པ་འདི་ནི་གཉིས་པའོ། །ཕུང་པོ་དང་། ཁམས་དང་། སྐྱེ་མཆེད་དང་། མིང་དང་གཟུགས་
བྲལ་བ་ལ་སྒྱུ་མའི་རང་བཞིན་གྱི་ལྟ་བ་ཀུན་དུ་འགྲོ་ཞིང་ཀུན་དུ་མི་འགྲོ། ཡོངས་སུ་མྱ་ངན་ལས་མ་འདས་པ་འདི་ཡང་བྱང་ཆུབ་སེམས་དཔའི་གཉིས་སུ་མེད་པའི་ཆོས་ཀྱི་སྒོ་ལ་འཇུག་པའོ། །རིག་ཀྱི་བུ་གཞན་ཡང་གང་རྣམ་པར་ཤེས་པ་
འབྱུང་བར་རབ་ཏུ་ཤེས་པ་འདི་ནི་གཉིས་པའོ། །གང་ཡང་འབྱུང་བ་མེད་པ་སྐད་ཅིག་མ་དང་སྐད་ཅིག་མ་མ་ཡིན་པ་ལ་འདུས་བྱས་ཐམས་ཅད་དུ་མྱུར་དུ་རབ་ཏུ་ཤེས་པ་འདི་ཡང་གཉིས་སུ་མེད་པའི་ཆོས་ཀྱི་སྒོ་ལ་འཇུག་པའོ། །རིགས་ཀྱི་བུ་གཞན་
ཡང་བདག་གིར་བྱ་བ་དང་། རྣམ་པར་ཤེས་པར་ཡོངས་སུ་ཤེས་པ་དང་། ང་ཡིར་བྱ་བ་དང་། སྐྱེ་མཆེད་ལ་ཆགས་པ་འདི་ནི་གཉིས་པའོ། །གང་ལ་ལ་བདག་དང་བྲལ་བའི་རྣམ་པར་ཤེས་པ་ཐོབ་པ་བདག་གི་རང་བཞིན་ལྟ་བ་
གཉིས་དང་བྲལ་བ། སྐྱེ་མཆེད་ཉམས་པ་མེད་པ། བདག་གིར་བྱ་བ་དང་། ང་ཡིར་བྱ་བ་དང་བྲལ་བ་འདི་ཡང་གཉིས་སུ་མེད་པའི་ཆོས་ཀྱི་སྒོ་ལ་འཇུག་པའོ། །གང་ལ་ལ་རིག་པ་དང་། རྣམ་པར་གྲོལ་བར་རྟོག་པ་འདི་ནི་གཉིས་
པའོ། །རིགས་ཀྱི་བུ་མ་རིག་པ་ནི་རྒྱུ་བ་མེད་ཅིང་བདག་མེད་པའོ། །མ་རིག་པ་ནི་གློག་གི་རང་བཞིན་ཅན་ནོ། །རྣམ་པར་གྲོལ་བ་ཡང་ནམ་མཁའོ། །ནམ་མཁའ་ཡང་མི་རྟོག་པ། རྟོག་པར་བྱེད་པ་མེད་པ། སྤྲོས་པ་མེད་པ་འདི་ཡང་

62-1-112b

གཉིས་སུ་མེད་པའི་ཆོས་ཀྱི་སྒོ་ལ་འཇུག་པའོ། །གང་རྣམ་པར་ཤེས་པ་དང་། གཟུགས་ཀུན་དུ་སྤྱོད་པ་འདི་ནི་གཉིས་པའོ། །གཟུགས་ཉིད་ཀྱང་ནམ་མཁའ་བཞིན་དུ་སྟོང་སྟེ། ནམ་མཁའ་ཡང་འཇིག་པ་མེད་དོ། །གཟུགས་
འཇིག་པ་སྟོང་པ་ཉིད་གཟུགས་ཀྱི་མཚན་ཉིད་རབ་ཏུ་རྒྱུ་བ་སྟོང་པ་ཉིད་ཀྱི་རང་བཞིན་ཡང་སྟོང་པ་ཉིད་དོ། །ཚོར་བ་དང་། འདུ་ཤེས་དང་། འདུ་བྱེད་ཀྱང་དེ་བཞིན་ནོ། །རྣམ་པར་ཤེས་པ་རབ་ཏུ་རྒྱུ་བ་མེད་པ་ནི་ནམ་མཁའ་ཇི་ལྟ་བུར་མུན་པ་
མེད་ཅིང་སྣང་བ་མེད་པ་རྣམ་པར་ཤེས་པ་འང་དེ་བཞིན་ནོ། །རྣམ་པར་ཤེས་པའི་འཇིག་པ་སྟོང་པ་མ་ཡིན་ཏེ། རྣམ་པར་ཤེས་པའི་རང་བཞིན་ཉིད་ཀྱང་སྟོང་པའོ། །དེ་བཞིན་དུ་ཉེ་བར་ལེན་པའི་ཕུང་པོ་ལྔ་ཡང་ནམ་མཁའི་རང་བཞིན་
ལྟར་སྟོང་ངོ་། །ནམ་མཁའ་ཇི་ལྟ་བུར་འདོད་ཆགས་མེད། ཞེ་སྡང་མེད། གཏི་མུག་མེད། མི་མཐོ་མི་དམའ། མི་རྟོག་རྣམ་པར་མི་རྟོག །མི་འགྲོ་རྣམ་པར་མི་འགྲོ་བར་དེ་ལྟར་སེམས་པའི་བྱང་ཆུབ་སེམས་དཔའ་ནི་ཆོས་
ཐམས་ཅད་ཇི་ལྟ་བ་བཞིན་དུ་རབ་ཏུ་ཤེས་སོ། །ཕུང་པོ་དང་། ཁམས་དང་། སྐྱེ་མཆེད་ལ་ཡང་འདོད་ཆགས་མེད། ཞེ་སྡང་མེད། གཏི་མུག་མེད། མི་མཐོ་མི་དམའ། མི་རྟོག་རྣམ་པར་མི་རྟོག །མི་འགྲོ་རྣམ་པར་མི་འགྲོ་ཞིང་
ཉན་ཐོས་དང་། རང་སངས་རྒྱས་དང་། བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཀྱང་མི་རྟོག་རྣམ་པར་མི་རྟོག་གོ། །མི་འགྲོ་རྣམ་པར་མི་འགྲོ་བ་འདི་ནི་རིགས་ཀྱི་བུ་བྱང་ཆུབ་སེམས་དཔའི་གཉིས་སུ་མེད་པའི་ཆོས་ཀྱི་སྒོ་
ལ་འཇུག་པའོ། །བྱང་ཆུབ་སེམས་དཔའ་གཟི་བརྗིད་དྲི་མ་མེད་པས་འདི་བསྟན་པ་བསྟོད་པ་ན་བྱང་ཆུབ་སེམས་དཔའ་ཁྲག་ཁྲིག་ཕྲག་དགུ་བཅུ་རྩ་གཉིས་ཀྱིས་མི་སྐྱེ་བའི་ཆོས་ཀྱི་བཟོད་པ་ཐོབ་པར་གྱུར་ཏོ། །བྱང་ཆུབ་
སེམས་དཔའ་ཁྲག་ཁྲིག་ཕྲག་བཞི་བཅུ་རྩ་དྲུག་གཉིས་སུ་མེད་པའི་ཆོས་ཀྱི་སྒོ་ལ་འཇུག་པ་ཐོབ་པར་གྱུར་ཏོ། །བཅོམ་ལྡན་འདས་ཀྱང་སྒྲོན་མ་དང་ལྡན་པ་ཞེས་བྱ་བའི་ཏིང་ངེ་འཛིན་ལས་བཞེངས་ནས། བཅོམ་ལྡན་འདས་ཀྱི་དྲང་སྲོང་

62-1-113a

གི་ཆ་བྱད་ཇི་ཙམ་པ་མི་སྣང་བར་གྱུར་ཏེ། སངས་རྒྱས་ཀྱི་སྐུ་མཚན་རབ་སུམ་བཅུ་རྩ་གཉིས་ཀྱིས་སྐུ་ཡང་དག་པར་བརྒྱན་ཏེ་བཞུགས་སོ། །དེ་ལྟར་དེ་བཞིན་དུ་གང་གཞན་ལ་ལ་དག་ཀྱང་དྲང་སྲོང་གི་ཆ་བྱད་མི་སྣང་བར་གྱུར་
ཏེ། སྔོན་གྱི་ལུས་ཇི་ལྟ་བ་བཞིན་དུ་འཁོད་ནས་བཅོམ་ལྡན་འདས་ཀྱིས་ཡང་བྱང་ཆུབ་སེམས་དཔའ་གཟི་བརྗིད་དྲི་མ་མེད་པ་ལ་ལེགས་སོ་ཞེས་བྱ་བ་བྱིན་ཏེ། རིགས་ཀྱི་བུ་ཁྱོད་ཀྱིས་ཇི་ལྟ་བུར་བསྟན་པ་དེ་བཞིན་དུ་གཉིས་
སུ་མེད་པའི་སྒོ་འདི་བསྟན་པར་བྱ་བ་ལེགས་སོ་ལེགས་སོ། །རིགས་ཀྱི་བུ་ཁྱོད་ནི་ཆོས་ཀྱི་སྒོ་འདི་ལ་ལུས་དཔང་དུ་གཅུགས་ཏེ། དེ་ལྟར་ཁྱོད་ཀྱིས་ཚད་མེད་པའི་སེམས་ཅན་རྣམས་བླ་ན་མེད་པ་ཡང་དག་པར་རྫོགས་
པའི་བྱང་ཆུབ་ཏུ་བཀོད་དོ། །གཞན་ཡང་ལྷ་དང་། ཀླུ་དང་། གནོད་སྦྱིན་དང་། ལྷ་མ་ཡིན་དང་། ནམ་མཁའ་ལྡིང་དང་། མི་འམ་ཅི་དང་། མི་དང་མི་མ་ཡིན་པ་རྣམས་བཅོམ་ལྡན་འདས་ལ་མཆོད་པ་སྣ་ཚོགས་བྱས་སོ། ། བམ་
པོ་གསུམ་པ། དེ་ནས་དེའི་ཚེ་ན་འཇམ་དཔལ་གཞོན་ནུར་གྱུར་པ་བླ་གོས་ཕྲག་པ་གཅིག་ཏུ་གཟར་ནས། བཅོམ་ལྡན་འདས་གང་ན་བ་དེ་ལོགས་སུ་ཐལ་མོ་སྦྱར་ཏེ། ཕྱག་འཚལ་ནས་བཅོམ་ལྡན་འདས་ལ་ཆོས་བསྟན་
དུ་གསོལ་བའི་ཕྱིར་ཚིགས་སུ་བཅད་པའི་ཡོན་ཏན་འདི་དག་གིས་བསྟོད་དོ། །རྒྱལ་བ་མི་མཉམ་ཞིང་མངས་དག་ཁྱབ་པ། །ཉོན་མོངས་དགྲ་ཞི་འདི་ལ་མངོན་པར་གནས། །ཐུབ་པ་ཤིན་དུ་རྣམ་གྲོལ་འདིར་ཞུགས་ཤིང་། །
ཁྱོད་ཀྱིས་འགྲོ་ལ་བཟོད་པའི་མཆོག་འདི་བསྟོན། །རབ་ཏུ་ཞི་ཐུགས་བརྟུལ་ཞུགས་ཡོངས་སུ་དག །ཐུབ་པ་མཆོད་སྦྱིན་བགྱིས་པ་བཟོད་དགེ་གསུངས། །འགྲོ་ལ་བདེ་སྦྱིན་དྲང་སྲོང་ཤེས་རབ་འཆང་། །གཏི་མུག་འཇིག་
མཛད་འདི་ལ་བདུད་རྩི་ཆར། །འདི་ལ་ལྷ་ཀླུ་སེམས་ཅན་མི་མང་པོ། །ཤིན་དུ་གསལ་ཡིད་མྱུར་དུ་ཞིང་གང་བ། །འགྲོ་བ་ཐམས་ཅད་ཁྱོད་ཞལ་ལྟ་ཞིང་འདུག །ཉོན་མོངས་ཡོངས་སུ་སྤངས་ཏེ་དམ་ཆོས་སྲུངས། །སྔོན་ཆད་

62-1-113b

རྒྱལ་བ་ཁྱོད་ཀྱང་ཀུན་སྤྱོད་བསྟན། །མི་གཉིས་རྐང་པ་ལག་པ་ལྕེ་བྱིན་ཞིང་། །ལྤགས་པ་མགོ་ཁྲག་ཡན་ལག་དམ་འབྲུ་ནོར། །གླང་རྟ་བུ་གྲོང་ཤིང་རྟ་རིན་ཆེན་རྣམ་མང་བྱིན། །ཟས་སྐོམ་མལ་དང་བྲན་ཕོ་བྲན་མོ་བྱིན། །གཉེན་དང་
འགྲོ་ལ་སྡུག་སྔལ་རྟག་ཐར་བྱེད། །བསམ་པ་རྫོགས་ཤིང་སེམས་ཅན་དགའ་མཛད་པ། །ཁྱོད་ཀྱིས་མཆོད་སྦྱིན་བརྒྱ་བྱས་སེམས་ཅན་ཕྱིར། །སངས་རྒྱས་མང་ལ་སྔོན་ཆད་དགེ་མཆོད་བྱས། །བྱམས་སེམས་རྟག་པས་ཐེར་ཟུག་སྦྱིན་
ལ་དགའ། །བརྟུལ་ཞུགས་བརྟན་པས་རི་རབ་ཇི་བཞིན་འབར། །འགྲོ་ལ་བརྟན་ཕྱིར་བཟོད་པ་འདི་བསྟན་གསོལ། །ངན་སོང་གསུམ་སྤངས་སེམས་ཅན་མཐོ་རིས་ཁྲིད། །ཁྱོད་ཀྱིས་བསྟན་པའི་སྨོན་ལམ་སྔོན་རྟག་བྱས། །
འགྲོ་བ་བྱང་ཆུབ་སྡུག་བསྔལ་ཞི་མཆོག་རིག །རྒྱལ་བ་སྔོན་ཆད་ཅི་བཞིན་བྱང་ཆུབ་དེ་ཐོབ་བོ། །སྙིང་རྗེ་དཔལ་ཆུས་ས་རྣམས་མ་ལུས་གང་། །ཉོན་མོངས་དྲི་གསུམ་ཐེ་ཙོམ་ཐམས་ཅད་ཞི། །ལམ་གང་ཞི་བས་བྱང་ཆུབ་ཐོབ་སྟོན་
པ། །ཇི་ལྟར་ཆོས་རྟོགས་འདི་ལ་ཁྱོད་ཀྱིས་དུས། །ཤིན་ཏུ་སྐོམ་ཡིད་འགྲོ་ལ་ཆོས་ཆར་ཕོབ། །བདུད་རྩིའི་རོས་ངོམས་ཡང་དག་ཡོན་ཏན་གསུངས། །ལམ་གང་ཞི་དེས་འགྲོ་བ་བྱང་ཆུབ་རེག །ཞིང་མངས་འདི་ལ་སེམས་ཅན་
གང་དག་འོངས། །རྒ་ཤི་དག་ལས་རྣམ་ཐར་གང་ཡོད་པ། །ཐུབ་པ་ཆེན་པོ་ཆོས་འདི་གསུང་དུ་གསོལ། །ནམ་མཁའི་མདོག་གིས་འདུལ་བའི་བཟོད་པ་སྟོན། །དེ་ནི་སྒྱུ་མ་སྨིག་རྒྱུ་སྤྲོས་པར་འགྲོ། །འཇམ་དཔལ་གཞོན་ནུར་གྱུར་པ་ལ་
བཅོམ་ལྡན་འདས་ཅང་མི་གསུང་བས་ཞལ་གྱིས་བཞེས་ནས། དེ་ནས་བཅོམ་ལྡན་འདས་འདི་སྙམ་དུ་དགོངས་ཏེ། བདག་རྣམ་པ་དེ་ལྟ་བུའི་ཏིང་ངེ་འཛིན་ལ་སྙོམས་པར་ཞུགས་ནས་ཏིང་ངེ་འཛིན་ལ་སྙོམས་པར་ཞུགས་པ་གང་གིས་ཁང་པ་བརྩེགས་པ་ཇི་སྙེད་པ་དེ་སྙེད་དུ་ལུས་
མངོན་པར་སྤྲུལ་ནས་ཁང་པ་བརྩེགས་པ་ཐམས་ཅད་ན་འདུག་སྟེ། འཁོར་འདི་དག་ཀྱང་ཡང་དག་པར་དགའ་ཞིང་སྐྱོ་བར་བྱའོ་སྙམ་པ་དང་། དེ་ནས་བཅོམ་ལྡན་འདས་འོད་ཤིན་དུ་རྣམ་པར་བཀོད་པ་ཞེས་བྱ་བའི་ཏིང་ངེ་འཛིན་ལ་སྙོམས་

62-1-114a

པར་ཞུགས་ཏེ། མཉམ་པར་བཞག་པའི་ཐུགས་ཀྱིས་ཁང་པ་བརྩེགས་པ་ཇི་སྙེད་པ་དེ་སྙེད་དུ་སངས་རྒྱས་བཅོམ་ལྡན་འདས་རང་རང་ཞུགས་ཏེ་བཞུགས་སོ། །དེ་ནས་བྱང་ཆུབ་སེམས་དཔའ་ངོ་མཚར་དང་ལྡན་པས་བྱང་ཆུབ་སེམས་
དཔའ་དགྲ་རྣམ་པར་འགྲེལ་པ་ལ་འདི་སྐད་ཅེས་སྨྲས་སོ། །རིགས་ཀྱི་བུ་ཁང་པ་བརྩེགས་པ་ཚད་མེད་པ་འདི་དག་ནི་གང་ན་རིགས་ཀྱི་བུ་དེ་བཞིན་གཤེགས་པ་བདག་ཁང་པ་བརྩེགས་པ་ན་བཞུགས་པ་ནི་གང་། སངས་རྒྱས་ཀྱི་བྱིན་གྱིས་
བརླབས་ཀྱི་ཁང་པ་བརྩེགས་པར་སངས་རྒྱས་ཀྱིས་བཞུགས་པར་ཡང་དག་པར་མཐོང་བ་ནི་གང་། དེ་ནས་བྱང་ཆུབ་སེམས་དཔའ་དགྲ་རྣམ་པར་འགྲེལ་པས་བྱང་ཆུབ་སེམས་དཔའ་ངོ་མཚར་དང་ལྡན་པ་ལ་འདི་སྐད་ཅེས་སྨྲས་སོ། །
རིགས་ཀྱི་བུ་དེ་བཞིན་གཤེགས་པ་ཞེས་བྱ་བའི་ཚིག་འདི་ནི་སྨྲ་བ་མེད་པའོ། །མ་རིག་པ་ཡང་སངས་རྒྱས་ཀྱི་ཆོས་ལ་སྤྲོས་པ་མེད་དོ། །རིགས་ཀྱི་བུ་ཅི་འདས་པའི་སེམས་ཀྱིས་བྱང་ཆུབ་ཐོབ་བམ། སྨྲས་པ། རིགས་ཀྱི་
བུ་མ་ཡིན་ནོ། །སྨྲས་པ། ཅི་མ་འོངས་པའི་སེམས་ཀྱིས་བྱང་ཆུབ་ཐོབ་བམ། སྨྲས་པ། རིགས་ཀྱི་བུ་མ་ཡིན་ནོ། །སྨྲས་པ། ཅི་ད་ལྟར་བྱུང་བའི་སེམས་དང་། བསམ་པའི་གནས་པ་ཡོད་དམ། སྨྲས་པ། རིགས་ཀྱི་བུ་
མེད་དོ། །སྨྲས་པ། གལ་ཏེ་རེ་ཤིག་སེམས་དང་། བསམ་པའི་གནས་པ་མེད་ན་རྣམ་པར་མི་གནས་པའི་དངོས་པོ་ལ་ཇི་ལྟར་བྱང་ཆུབ་ཐོབ་བམ། སྨྲས་པ། རིགས་ཀྱི་བུ་ཅི་དུས་གསུམ་གྱི་ཆོས་ཐམས་ཅད་སྤངས་ནས། དེའི་ཚེ་ཅིས་
ཀྱང་ཆོས་ཁོང་དུ་ཆུད་པ་མེད་དམ། སྨྲས་པ། རྟག་པ་དང་ཆད་པ་ཡོངས་སུ་སྤངས་པ། མི་འགྲོ་བ། མི་སྐྱེ་བ། མི་འགོག་པ། མི་རེག་པ། འདུས་བྱས་དང་། འདུས་མ་བྱས་ལ་གནས་པ་མེད་པའོ། །དངོས་པོ་ཐམས་
ཅད་ནམ་མཁའ་དང་མཉམ་པ་ལ་བྱང་ཆུབ་འགྲོ་བ་མེད་དོ། །ཇི་ལྟར་ནམ་མཁའ་ལ་འདས་པ་དང་། མ་འོངས་པ་དང་། ད་ལྟར་བྱུང་བ་མེད་ཅིང་སྙེམས་པ་མེད་པ་དེ་བཞིན་དུ་བྱང་ཆུབ་ཀྱང་འདས་པ་དང་། མ་འོངས་པ་དང་། 

62-1-114b

ད་ལྟར་བྱུང་བ་མེད་དོ། །ཇི་ལྟར་ནམ་མཁའ་ལ་རྟོག་པ་མེད་ཅིང་རྣམ་པར་རྟོག་པ་མེད་པ་དེ་བཞིན་དུ་སངས་རྒྱས་ཀྱི་བྱང་ཆུབ་ཀྱང་རྟོག་པ་མེད་ཅིང་རྣམ་པར་རྟོག་པ་འང་མེད་དོ། །ཇི་ལྟར་ནམ་མཁའ་ལ་མུན་པ་མེད་ཅིང་སྣང་བ་མེད་པ་
དེ་བཞིན་དུ་སངས་རྒྱས་ཀྱི་ཆོས་རྣམས་ཀྱང་མུན་པ་མེད་ཅིང་སྣང་བ་འང་མེད་དོ། །ཇི་ལྟར་ནམ་མཁའ་ལ་གཟུགས་མེད་ཅིང་བསྟན་དུ་མེད་པ་དེ་བཞིན་དུ་སངས་རྒྱས་ཀྱི་ཆོས་རྣམས་ཀྱང་གཟུགས་མེད་ཅིང་བསྟན་དུ་ཡང་མེད་དོ། །ཇི་ལྟར་
ནམ་མཁའ་མ་སྐྱེས་མ་འགགས་པ་དེ་བཞིན་དུ་སངས་རྒྱས་ཀྱི་ཆོས་རྣམས་ཀྱང་མ་སྐྱེས། མ་འགགས་སོ། །ཇི་ལྟར་ནམ་མཁའ་ལ་འགྲོ་བ་མེད་པ་དེ་བཞིན་དུ་སངས་རྒྱས་ཀྱི་ཆོས་རྣམས་ཀྱང་འགྲོ་བར་དམིགས་པ་མེད་དོ། །
ཇི་ལྟར་ནམ་མཁའ་ལ་གནས་པ་མེད་པ་དེ་བཞིན་དུ་སངས་རྒྱས་ཀྱི་ཆོས་རྣམས་ཀྱང་གནས་པ་མེད་དོ། །ཇི་ལྟར་ནམ་མཁའ་ལ་རེག་པ་མེད་པ་དེ་བཞིན་དུ་སངས་རྒྱས་ཀྱི་ཆོས་རྣམས་ཀྱང་རེག་པ་མེད་དོ། །ཇི་ལྟར་ནམ་
མཁའ་ལ་ལམ་དུ་དམིགས་པ་མེད་པ་དེ་བཞིན་དུ་སངས་རྒྱས་ཀྱི་ཆོས་རྣམས་ཀྱང་ཅི་ལ་འང་ལམ་དུ་དམིགས་པ་མེད་དོ། །ཇི་ལྟར་ནམ་མཁའ་ལ་དངོས་པོ་མེད་ཅིང་མཚན་ཉིད་མེད་པ་དེ་བཞིན་དུ་སངས་རྒྱས་ཀྱི་ཆོས་རྣམས་
ཀྱང་དངོས་པོ་མེད་ཅིང་མཚན་ཉིད་མེད་དོ། །ཇི་ལྟར་ནམ་མཁའ་ལ་བརྗོད་དུ་མེད་ཅིང་ཡི་གེ་མེད་པ་དེ་བཞིན་དུ་སངས་རྒྱས་ཀྱི་བྱང་ཆུབ་ཀྱང་བརྗོད་དུ་མེད་ཅིང་ཡི་གེ་མེད་དོ། །ཇི་ལྟར་ནམ་མཁའ་ལ་རྟག་པ་མེད་ཅིང་ཆད་པ་མེད་པ་
དེ་བཞིན་དུ་སངས་རྒྱས་ཀྱི་ཆོས་རྣམས་ཀྱང་རྟག་པ་མེད་ཅིང་མ་ཆད་པ་མེད་དོ། །ཇི་ལྟར་ནམ་མཁའ་ལ་ལུས་མེད་ཅིང་འབྱུང་བ་མེད་པ་དེ་བཞིན་དུ་སངས་རྒྱས་ཀྱི་ཆོས་རྣམས་ཀྱང་ལུས་མེད་ཅིང་འབྱུང་བ་མེད་དོ། །ཇི་
ལྟར་ནམ་མཁའ་ལ་གཟུང་བ་མེད་ཅིང་གནས་པ་མེད་པ་དེ་བཞིན་དུ་སངས་རྒྱས་ཀྱི་ཆོས་རྣམས་ཀྱང་གཟུང་བ་མེད་ཅིང་གནས་པ་མེད་དོ། །ཇི་ལྟར་ནམ་མཁའ་ལ་བརྟེན་པ་མེད་པ། གནས་པ་མེད་པ། དམིགས་པ་

62-1-115a

མེད་པ། རྣམ་པར་རྟོག་པ་མེད་པ། འདེག་པ་མེད་པ། རྣམ་པར་རིག་པ་མེད་པ། འགྲོ་བ་མེད་པ། འོང་བ་མེད་པ། རྩ་བ་མེད་པ། མཐའ་མེད་པ། འཁྲུག་པ་མེད་པ། ཡོངས་སུ་གདུངས་པ་མེད་པ། བརྟགས་
པ་མེད་པ། བཀྲོལ་བ་མེད་པ། མཐོང་བ་མེད་པ། རྟོག་པ་མེད་པ། མུན་པ་མེད་པ། དངོས་པོ་མེད་པ། མཚན་མ་མེད་པ། སྤྲུལ་པ་མེད་པ་དེ་བཞིན་དུ་རིགས་ཀྱི་བུ་སངས་རྒྱས་ཀྱི་ཆོས་རྣམས་ཀྱང་རྟེན་པ་མེད་པ་ནས་མཚན་མ་མེད་པའི་
བར་དུའོ། །རིགས་ཀྱི་བུ་སངས་རྒྱས་ཀྱི་ཆོས་རྣམས་ནི་མི་སྐྱེ་བར་བསྒྲགས་པའོ། །སངས་རྒྱས་ཀྱི་ཆོས་རྣམས་ནི་གཉིས་སུ་མེད་པའི་ཆ་ཤས་སོ། །ཆོས་ཀྱི་དབྱིངས་ལ་གནས་པའོ། །སངས་རྒྱས་ཀྱི་
ཆོས་རྣམས་ནི་སེམས་ཅན་གྱི་ཁམས་སུ་ཡང་དག་པར་འདུས་པའོ། །སངས་རྒྱས་ཀྱི་ཆོས་རྣམས་ནི་ནམ་མཁའི་ཁམས་སུ་ཡང་དག་པར་འདུས་པའོ། །རིགས་ཀྱི་བུ་སངས་རྒྱས་ཀྱི་ཆོས་རྣམས་ནི་རྟོགས་
པ་དང་ཀུན་དུ་རྟོག་པ་ལ་ཡང་དག་པར་འདུས་པའོ། །སངས་རྒྱས་ཀྱི་ཆོས་རྣམས་ནི་གནས་པ་དང་། རྣམ་པའི་གནས་དང་། རབ་ཀྱི་གནས་སུ་ཡང་དག་པར་འདུས་པའོ། །སངས་རྒྱས་ཀྱི་ཆོས་རྣམས་ནི་ཤེས་པ་དང་། 
རབ་ཏུ་ཤེས་པ་དང་། རྣམ་པར་ཤེས་པ་དང་། ཉེ་བར་ཤེས་པ་ལ་ཡང་དག་པར་འདུས་པའོ། །སངས་རྒྱས་ཀྱི་ཆོས་རྣམས་ནི་མཚན་མ་མེད་པ་ཡང་དག་པའི་མཚན་ཉིད་དང་། རྣམ་པའི་མཚན་ཉིད་དང་། ཉེ་བའི་
མཚན་ཉིད་དང་། རྗེས་སུ་མཚན་ཉིད་ལ་ཡང་དག་པར་འདུས་པའོ། །སངས་རྒྱས་ཀྱི་ཆོས་རྣམས་ནི་འདས་པ་མེད་པ་དང་། རྣམ་པར་འདས་པ་དང་། འདས་པ་དང་། རྗེས་སུ་འདས་པ་ལ་ཡང་དག་པར་འདུས་
པའོ། །སངས་རྒྱས་ཀྱི་ཆོས་རྣམས་ནི་བླངས་པ་དང་། དོར་བ་དང་། ཀུན་དུ་བླང་བ་དང་། ཉེ་བར་བླང་བ་ལ་ཡང་དག་པར་འདུས་པའོ། །སངས་རྒྱས་ཀྱི་ཆོས་རྣམས་ནི་སྣང་བ་དང་། ཀུན་དུ་སྣང་བ་དང་། རྗེས་སུ་སྣང་བ་དང་། ཡང་དག་པར་སྣང་བ་

62-1-115b

མེད་པ་དང་། རབ་ཏུ་སྣང་བ་མེད་པ་ལ་ཡང་དག་པར་འདུས་པའོ། །སངས་རྒྱས་ཀྱི་ཆོས་རྣམས་ནི་ཡང་དག་པ་དང་། ཤིན་དུ་ཡང་དག་པ་དང་། རྗེས་སུ་ཡང་དག་པ་དང་། ཀུན་དུ་ཡང་དག་པ་མ་ཡིན་པ་དང་། རབ་ཏུ་ཡང་དག་པ་མ་ཡིན་
པ་ལ་ཡང་དག་པར་འདུས་པའོ། །སངས་རྒྱས་ཀྱི་ཆོས་རྣམས་ནི་ཀུན་དུ་སྨྲ་བ་དང་། རྣམ་པར་སྨྲ་བ་དང་། ཤིན་དུ་སྨྲ་བ་དང་། རྗེས་སུ་སྨྲ་བ་དང་། རབ་ཏུ་སྨྲ་བ་དང་། ཉེ་བར་སྨྲ་བ་ལ་ཡང་དག་པར་འདུས་པའོ། །སངས་རྒྱས་ཀྱི་ཆོས་
རྣམས་ནི་ཀུན་དུ་རིག་པ་དང་། རྣམ་པར་རིག་པ་དང་མཚུངས་པར་རིག་པ་དང་རྗེས་སུ་རིག་པ་ལ་ཡང་དག་པར་འདུས་པའོ། །སངས་རྒྱས་ཀྱི་ཆོས་རྣམས་ནི་ཀུན་དུ་གཟུགས་དང་། རྣམ་པར་གཟུགས་དང་། མཚུངས་པར་གཟུགས་དང་། ཡང་དག་པར་
གཟུགས་མེད་པ་དང་། ཉེ་བའི་གཟུགས་ལ་ཡང་དག་པར་འདུས་པའོ། །རིགས་ཀྱི་བུ་སངས་རྒྱས་ཀྱི་བྱང་ཆུབ་ནི་ཀུན་དུ་སྤྱོད་པ་དང་། རྣམ་པར་སྤྱོད་པ་དང་། ཚུངས་པར་སྤྱོད་པ་དང་། རྗེས་སུ་སྤྱོད་པ་དང་། ཉེ་བར་སྤྱོད་པ་ལ་ཡང་དག་པར་
འདུས་པའོ། །རིགས་ཀྱི་བུ་བྱང་ཆུབ་ནི་ཀུན་དུ་བརྗོད་པ་དང་། རྣམ་པར་བརྗོད་པ་དང་། རྗེས་སུ་བརྗོད་པ་དང་། མཚུངས་པར་བརྗོད་པ་དང་། ཉེ་བར་བརྗོད་པ་ལ་ཡང་དག་པར་འདུས་པའོ། །རིག་ཀྱི་བུ་བྱང་ཆུབ་ནི་བགྲང་བ་དང་། 
རྣམ་པར་བགྲང་བ་དང་། མཚུངས་པར་བགྲང་བ་དང་། རྗེས་སུ་བགྲང་བ་ལ་ཡང་དག་པར་འདུས་པའོ། །བྱང་ཆུབ་ནི་ཀུན་དུ་ཡོད་པ་དང་། རྣམ་པར་ཡོད་པ་དང་། རྗེས་སུ་ཡོད་པ་དང་། ཉེ་བར་ཡོད་པ་ལ་ཡང་དག་པར་
འདུས་པའོ། །རིགས་ཀྱི་བུ་བྱང་ཆུབ་ནི་སྤྲོས་པ་དང་། རྣམ་པར་སྤྲོས་པ་དང་། སྤྲོས་པ་དང་བྲལ་བ་དང་། རྗེས་སུ་སྤྲོས་པ་དང་། ཉེ་བར་སྤྲོས་པ་ལ་ཡང་དག་པར་འདུས་པའོ། །རིགས་ཀྱི་བུ་ཇི་ལྟར་ནམ་མཁའི་ཁམས་
ལ་གཟུངས་དུ་མེད་པ་དེ་ལྟར་སངས་རྒྱས་ཀྱི་བྱང་ཆུབ་བལྟ་བར་བྱའོ། །རིགས་ཀྱི་བུ་ལ་ལ་ནམ་མཁའ་སྤྲོས་པར་བྱ་བ་དང་། ཚད་དུ་བྱ་བ་དང་། རྣམ་པར་འགྲན་པར་བྱ་བ་དང་། བརྒྱན་པར་བྱ་བ་དང་། རི་མོར་བྱ་བར་ནུས་སམ། 

62-1-116a

རིགས་ཀྱི་བུ་མི་ནུས་སོ། །སྨྲས་པ། རིགས་ཀྱི་བུ་ནམ་མཁའ་ཇི་ལྟ་བ་དེ་ལྟར་སངས་རྒྱས་ཀྱི་ཆོས་ཀྱང་དེ་བཞིན་ཏེ། ནམ་མཁའ་ཅིས་ཀྱང་སྤྲོས་པར་མི་ནུས་པ་ཇི་ལྟ་བ་དེ་ལྟར་སངས་རྒྱས་ཀྱི་ཆོས་ཀྱང་དེ་བཞིན་དུ་ཅིས་ཀྱང་
སྤྲོས་པར་མི་ནུས་སོ། །རིགས་ཀྱི་བུ་ཁང་པ་བརྩེགས་པར་བཅོམ་ལྡན་འདས་བདག་བཞུགས་པ་ནི་གང་། སངས་རྒྱས་ཀྱི་སྐུ་བཞུགས་པ་ནི་གང་། ཞེས་བྱ་བ་ཁྱོད་ཅིའི་ཕྱིར་དེ་སྐད་སྨྲ། དེ་ལྟར་སྤྲོས་པར་བྱེད་ཅེས་བྱང་
ཆུབ་སེམས་དཔའ་དགྲ་རྣམ་པར་འགྲེལ་པས་གཉིས་སུ་མེད་པའི་ཆོས་ཀྱི་སྒོ་འདི་བསྟན་པ་ན། བྱང་ཆུབ་སེམས་དཔའ་ཁྲག་ཁྲིག་ཕྲག་ལྔ་བཅུ་རྩ་བདུན་མི་སྐྱེ་བའི་ཆོས་ཀྱི་བཟོད་པ་ཐོབ་པར་གྱུར་ཏོ། །བྱང་ཆུབ་སེམས་
དཔའ་ཁྲག་ཁྲིག་ཕྲག་བཞི་བཅུ་རྩ་གཉིས་དེ་བཞིན་གཤེགས་པའི་གསང་བའི་རྗེས་སུ་འཇུག་པ་གཉིས་སུ་མེད་པའི་ཆོས་ཀྱི་སྒོ་སོ་སོར་ཐོབ་ཅིང་སངས་རྒྱས་ཀྱི་ཞིང་ཐམས་ཅད་ཀྱང་རྒྱས་པར་གྱུར་ཏོ། །ས་དང་ནམ་
མཁའ་ལ་གནས་པའི་སེམས་ཅན་གྱིས་ལེགས་སོ་ཞེས་བྱ་བ་བྱིན་ཏེ། སྐྱེས་བུ་དམ་པ་དེ་བཞིན་གཤེགས་པའི་གསང་བའི་རྗེས་སུ་འཇུག་པ་གཉིས་སུ་མེད་པའི་ཆོས་ཀྱི་སྒོ་འདི་སྟོན་པ་བསྟན་པ་ལེགས་པར་བཤད་པ་ལེགས་
སོ་ལེགས་སོ། །དེ་ནས་དེ་ཉིད་ཀྱི་ཚེ་ན་བཅོམ་ལྡན་འདས་འོད་ཟེར་འབྱུང་བའི་བདག་པོ་ཞེས་བྱ་བའི་ཏིང་ངེ་འཛིན་ལས་བཞེངས་ཏེ། ཁང་པ་བརྩེགས་པ་གཅིག་ན་བཅོམ་ལྡན་འདས་བཞུགས་པར་ཡང་དག་པར་
མཐོང་བ་མ་གཏོགས་པར་སངས་རྒྱས་ཀྱི་སྐུ་དེ་དག་དང་། ཁང་པ་བརྩེགས་པ་དེ་དག་ཀྱང་མི་སྣང་བར་གྱུར་ནས། འཁོར་ཐམས་ཅད་དང་ལྡན་པ་དེ་ངོ་མཚར་ཐོབ་པར་གྱུར་ཏོ། །དེ་ནས་བྱང་ཆུབ་སེམས་དཔའ་རྒྱལ་པོ་མང་
པོའི་མཆོག་གིས་བྱང་ཆུབ་སེམས་དཔའ་དྲང་སྲོང་རྣམ་པར་འགྲེལ་པ་ལ་འདི་སྐད་ཅེས་སྨྲས་སོ། །རིགས་ཀྱི་བུ་ཁང་པ་བརྩེགས་པ་འདི་དག་ནི་གང་ནས་འོངས། ཡང་གང་དུ་འགྲོ། དེ་ནས་བྱང་ཆུབ་སེམས་དཔའ་

62-1-116b

དྲང་སྲོང་རྣམ་པར་འགྲེལ་པས་བྱང་ཆུབ་སེམས་དཔའ་རྒྱལ་པོ་མང་པོའི་མཆོག་ལ་འདི་སྐད་ཅེས་སྨྲས་སོ། །རིགས་ཀྱི་བུ་ཁྱོད་ད་དུང་འགྲོ་བ་དང་། འོང་བའི་འདུ་ཤེས་སུ་འཇུག་གོ། །བྱང་ཆུབ་སེམས་དཔའ་རྒྱལ་པོ་མང་པོའི་མཆོག་
གིས་སྨྲས་པ། རིགས་ཀྱི་བུ་འདི་ལྟར་འོངས་སོ་ཞེས་བྱ་བ་འདི་ནི་གློ་བུར་གྱི་ཚིག་གོ། །རིགས་ཀྱི་བུ་འགྲོའོ་ཞེས་བྱ་བ་འདི་ནི་བདག་མེད་པའི་ཚིག་གོ། །བྱང་ཆུབ་སེམས་དཔའ་དགྲ་རྣམ་པར་འགྲེལ་པས་སྨྲས་པ། རིགས་ཀྱི་བུ་གློ་
བུར་གྱི་ཚིག་དང་། རིགས་ཀྱི་བུ་བདག་མེད་པའི་ཚིག་ཀྱང་རིགས་ཀྱི་བུ་ང་ཡིར་བྱ་བ་དང་། བདག་གིར་བྱ་བའི་ཚིག་གོ། །སྐྱེས་བུ་གང་ཟག་ང་ཡིར་བྱ་བ་དང་། བདག་གིར་བྱ་བ་ལ་ཆགས་པས་ཕྱིན་ཅི་ལོག་བཞི་སྟེ། རྟགས་པ་ལ་མི་རྟག་
པར་འདུ་ཤེས་པ་དང་། སྡུག་བསྔལ་བ་ལ་བདེ་བར་འདུ་ཤེས་པ་རྣལ་འབྱོར་གྱི་རྗེས་སུ་ལྡན་པ་དང་། མི་གཙང་བ་ལ་གཙང་བར་འདུ་ཤེས་པ་དང་། བདག་མེད་པ་ལ་བདག་ཏུ་འདུ་ཤེས་པར་རྣལ་འབྱོར་གྱི་རྗེས་སུ་ལྡན་པ་ལ་
ཞུགས་པའོ། །སྐྱེས་བུ་གང་ཟག་སེམས་ཕྱིན་ཅི་ལོག་ལ་ཞུགས་པས་སྒྲིབ་པ་ལྔར་འགྱུར་རོ། །ལྔ་གང་ཞེ་ན་འདི་ལྟ་སྟེ། འདོད་པ་ལ་སྲེད་པའི་སྒྲིབ་པ་དང་། གནོད་སེམས་དང་། རྨུགས་པ་དང་། གཉིད་དང་། ལེ་ལོ་དང་། 
རྒོད་པ་དང་། ཐེ་ཙོམ་གྱི་སྒྲིབ་པ་སྤངས་པ་མེད་པར་འགྱུར་རོ། །རིགས་ཀྱི་བུ་གང་ལ་ལ་སྒྲིབ་པ་ལྔ་པོ་འདི་དག་ཏུ་འགྱུར་བ་དེ་མཚམས་མེད་པ་ལྔ་ཡང་དག་པར་སྤྱོད་དོ། །མཚམས་མེད་པ་ལྔ་མ་སྤངས་པའི་སྐྱེ་བུ་གང་ཟག་ལྷ་དང་
མིའི་ནང་དུ་འགྲོ་བར་ཡང་དག་པར་རྗེས་སུ་མི་མཐོང་ན་ཉན་ཐོས་ཀྱི་སངས་རྒྱས་ལྟ་ཅི་སྨོས། གང་ལ་ཉན་ཐོས་ཀྱི་བྱང་ཆུབ་མེད་པ་དེ་ལ་རང་སངས་རྒྱས་ཀྱི་བྱང་ཆུབ་དང་། སངས་རྒྱས་ཀྱི་བྱང་ཆུབ་ལྟ་ཡང་ཅི་སྨོས་གང་ལ་ང་ཡིར་བྱ་
བ་དང་། བདག་གིར་བྱ་བ་མ་སྤངས་པ་དེ་ལ་རྟག་པ་དང་། ཆད་པ་ཡང་སྤངས་པ་མེད་དོ། །གང་གང་ཟག་ཆད་པར་ལྟ་བ་ཅན་དུ་འགྱུར་བ་དེ་དགེ་བའི་ལས་དང་། དགེ་བ་ལ་སྤྱོད་པའི་མཚུངས་པར་སྤྱོད་པར་ལྟ་ག་ལ་འགྱུར། གང་ཡང་རྟག་པར་ལྟ་བ་ཅན་

62-1-117a

དུ་འགྱུར་བ་དེ་ཐར་བ་ལ་བསྔོས་པ་མཚུངས་པར་སྤྱོད་པ་དང་། དགེ་བ་ལ་སྤྱོད་པར་ལྟ་ག་ལ་འགྱུར། རྟག་པར་ལྟ་བ་དང་། ཆད་པར་ལྟ་བའི་སྐྱེས་བུ་གང་ཟག་ནི་ལྷ་དང་། མིའི་ནང་དུ་སྐྱེ་བར་ཡང་དག་པར་རྗེས་སུ་མི་མཐོང་ན། ཉན་ཐོས་
དང་། རང་བྱང་ཆུབ་ལྟ་ཅི་སྨོས་ཏེ། བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཀྱང་ག་ལ་མཐོང་། ང་ཡིར་བྱ་བ་དང་། བདག་གིར་བྱ་བ་ལྟ་བར་སོང་བ་གནས་པ་མེད་པས་ཉན་ཐོས་དང་། རང་སངས་རྒྱས་ཀྱི་ཐེག་
པས་མ་འདྲེས་པའི་འཁོར་ཇི་ལྟ་བུར་ཡང་དག་པར་འོངས་པ་སྨྲ་བ་མེད་པ་དེ་དང་རིགས་ཀྱི་བུ་ཁྱོད་ཀྱང་སྨྲ་བ་མེད་པར་མཐོང་ངོ་། །བྱང་ཆུབ་སེམས་དཔའ་ལག་བཟངས་ཀྱི་སྨྲས་པ། རིགས་ཀྱི་བུ་ཅི་འགྲོ་བ་དང་འོང་བར་འདུ་ཤེས་པ་ཡིད་ལ་མི་བྱ་བའམ། གལ་ཏེ་
ཡིད་ལ་མི་བྱ་ན་བྱང་ཆུབ་སེམས་དཔའི་སྦྱིན་པའི་གནས་རྣམས་ལ་བྱིན་ལེན་དང་ཡོ་བྱད་ཀྱིས་ཇི་ལྟར་བསྙེན་བཀུར་བྱ། ཕ་དང་མ་རྣམས་རིམ་གྲོའི་གནས་དང་། ནད་པ་རྣམས་ལ་ཇི་ལྟར་བསྙེན་བཀུར་བྱ། སྨྲས་པ། 
རིགས་ཀྱི་བུ་སྤྲོས་པ་མེད་པ་ནི་འདི་ལྟ་སྟེ། གནས་དང་། ཉེ་བའི་གནས་དང་། རབ་ཀྱི་གནས་དང་། གནས་གཞན་དང་། རིམ་གྲོའི་གནས་དང་། ཀུན་དུ་འགྲོ་བ་དང་། ལྷག་པར་འགྲོ་བ་དང་། ཉེ་བར་འགྲོ་བ་དང་། རྗེས་སུ་
འགྲོ་བ་དང་། གཞན་དུ་འགྲོ་བ་འདིའི་ཚིག་དེ་དག་ཐམས་ཅད་ནི་སྤྲོས་པ་མེད་པའོ། །དེ་ཅིའི་ཕྱིར་ཞེ་ན། རིགས་ཀྱི་བུ་རྟོག་པ་དང་། རྣམ་པར་རྟོག་པ་དང་། རྗེས་སུ་རྟོག་པ་དང་། ཉེ་བར་རྟོག་པ་དང་། རབ་ཏུ་རྟོག་པ་འདི་དག་གིས་
འཁོར་བ་འདྲེན་ནོ། །གཞོག་གོ།། སྒྲུབ་བོ། །མེ་ཏོག་ནི་ལྷ་དང་། མིར་སྐྱེས་བའོ། །འབྲས་བུ་ནི་ངན་སོང་གསུམ་དུ་འགྲོ་བ་ལ་ཡང་དང་ཡང་དུ་འཆི་འཕོ་སྐྱེ་བ་དང་། སྐད་ཅིག་མའི་ཆོས་བརྒྱད་ལ་ཡང་དག་པར་གཞོལ་
བ་དང་འདི་དག་ནི་ཉེས་པའོ། །གང་སྤྱོད་པ་དང་། རྣམ་པར་སྤྱོད་པ་དང་། ཉེ་བར་སྤྱོད་པ་དང་། རྗེས་སུ་སྤྱོད་པ་འདི་དག་གི་དངོས་པོ་ཐམས་ཅད་ནི་འཕགས་པའི་བཟོད་པ་སྤོང་བའི་ཕྱིར་སྒྲུབ་བོ། །སྨྲས་པ། རིགས་ཀྱི་བུ་

62-1-117b

གང་སངས་རྒྱས་ཀྱི་ཡོན་ཏན་སྒྲུབ་པའི་ཕྱིར་དགེ་བ་ལ་སྤྱོད་པ་དེ་ཅི་འཕགས་པའི་བཟོད་པ་འཁྲུག་པར་འགྱུར་རམ། སྨྲས་པ་རིགས་ཀྱི་བུ་གང་དགེ་བའི་ཆོས་ལ་ཉུང་ངུ་འདོད་ཅིང་སྡིག་པ་ལ་མང་དུ་འདོད་པ་ནི་འཕགས་པའི་བཟོད་པ་ལ་འཁྲུག་
པའོ། །རྣམ་པར་འཇིག་པའོ། །འཐོར་བའོ། །གཏི་མུག་པའོ། །གང་དེ་དགེ་བའི་ཆོས་ཡོངས་སུ་སྤངས་པ་དེ་འདོད་པའི་རྟོག་པ་ཞེས་སྨྲས་སོ། །གང་འདོད་པའི་རྟོག་པ་དེ་ཀུན་དུ་སྤྱོད་པའི་བཟོད་པ་ལ་འཁྲུག་པ་དང་འཇིག་པའོ། །
དེ་བཟོད་པའི་ཚོགས་མེད་པ་འདི་ནི་ཡོངས་སུ་སྤོང་བའོ། །རིགས་ཀྱི་བུ་ངག་དང་། ཡིད་དང་། དྲུག་གི་སྐྱེ་མཆེད་ཀྱི་སྡོམ་པ་དང་། མངོན་པར་འདུ་མི་བྱེད་པ་དང་། བརྗོད་དུ་མེད་པ་དང་། རྩོལ་བ་མེད་པ་དང་། རྟོག་པ་མེད་པ་དང་། རྣམ་པར་
རྟོག་པ་མེད་པ་དང་། དམིགས་པ་མེད་པ་དང་། སེམས་དང་ཡིད་ཀྱིས་དམིགས་པ་མེད་པ་དེ་ནི་འཕགས་པའི་བཟོད་པའི་ཚོགས་སོ། །གང་ཡང་སེམས་ཀྱི་རྣམ་པར་ལས་དང་། ལུས་ཀྱི་རྣམ་པར་ལས་དང་། ངག་གི་
རྣམ་པར་ལས་དེ་ཐམས་ཅད་འཕགས་པའི་བཟོད་པ་ལ་གཏི་མུག་དང་། ཡོངས་སུ་སྤོང་བའི་ཕྱིར་སྒྲུབ་བོ། །གཞན་ཡང་ཆོས་ཀྱི་བྱ་བ་འམ། མི་འགུལ་བ་འམ། མཚན་ཉིད་དམ། རྟོག་པ་དེ་འཕགས་པའི་བཟོད་པ་
ལ་གཏི་མུག་དང་ཡོངས་སུ་སྤངས་བའི་ཕྱིར་སྒྲུབ་བོ། །གང་ཡང་ལུས་དང་། ངག་དང་། ཡིད་ཀྱི་བྱ་བ་མེད་པ་དང་། འགྱུར་བ་མེད་པ་དང་། མཚན་ཉིད་མེད་པ་དང་། རྟོག་པ་མེད་པ་དེ་འཕགས་པའི་བཟོད་པའི་
ཚོགས་སྒོམ་པའོ། །གཉིས་སུ་མེད་པའི་ཆོས་ཀྱི་མཐའི་རྗེས་སུ་ཞུགས་ཤིང་ཡང་དག་པའི་མཐའ་དང་ལྡན་ནོ། །ཅུང་ཟད་དུ་ཉོན་མོངས་པ་ཐམས་ཅད་ཀྱི་མཐའ་དང་། ཆོས་ཐམས་ཅད་ཀྱི་ཡང་མཐའོ། །གང་དེ་ལྟར་
རབ་ཏུ་ཤེས་པ་དེ་བཟོད་པ་སྒོམ་པའོ། །གང་ཡི་གེ་ལ་འཁྲུག་པ་མེད་པ་དང་། ཉོན་མོངས་པ་ཐམས་ཅད་ཐུལ་བ་དང་། བརྗོད་དུ་མེད་པ་ལ་གཡོ་བ་མེད་པ་དང་། སྨྲ་བ་ཐམས་ཅད་ལ་ཆགས་པ་མེད་པ་དང་། གང་མི་སྐྱེ་བ་

62-1-118a

མི་འབྱུང་བར་བསྒྲགས་པའི་ཆོས་རབ་ཏུ་ཤེས་པ་དེ་བཟོད་པ་སྒོམ་པའོ། །གང་ཆོས་ཀྱི་ཁམས་ལ་གནས་པ་དང་། སེམས་ཅན་གྱི་ཁམས་ལ་ཡང་དག་པར་གཞོལ་བ་དང་། ཆོས་ཀྱི་ཁམས་དང་སེམས་ཅན་གྱི་ཁམས་ཀྱང་མཚུངས་པའི་ཁམས་
སུ་བཟུང་སྟེ་ཐ་དད་པར་མི་བྱེད་པ་དང་། མཚན་ཉིད་ཀྱི་ཁམས་ཀྱང་འཁྲུག་པར་མི་བྱེད་པ་དེ་བཟོད་པ་སྒོམ་པའོ། །གང་ཆོས་ཐམས་ཅད་དམིགས་པ་མེད་ཅིང་བདག་དང་གཞན་མེད་པ་མི་སྐྱེ་བའི་ཕྱིར་སྣང་བ་མེད་པ། གཟུང་དུ་མེད་
པ་ཀུན་ནས་ལྡང་བ་མེད་པ། ལུས་མེད་པ། བསྒོམ་པ་མེད་པ། སྐྱེ་བ་མི་འབྱུང་བ། འཆི་འཕོ་མེད་པ། བརྟེན་པ་མེད་པ། གཡོ་བ་མེད་པ། འགྱུར་བ་མེད་པ། ཡོད་པར་རྟོག་པ་དང་། མེད་པར་རྟོག་པ་དང་། བྲལ་
བ། སྣོད་མ་ཡིན་པ། ཡོངས་སུ་རྟོག་པ་མེད་པ། འདོད་ཆགས་དང་བྲལ་བ། རྡུལ་དང་བྲལ་བ། རིགས་སྤངས་པ། རང་བཞིན་ཡོངས་སུ་དག་པ། དྲི་མ་མེད་པ། ཉོན་མོངས་པ་མེད་པ། སྒྲོ་བཏགས་པ་མེད་པ། 
ཀུན་ནས་ལངས་པ་མེད་པ། འཁྲུག་པ་མེད་པའི་ཆོས་ཐམས་ཅད་མེད་པར་ཇི་ལྟ་བ་བཞིན་དུ་རབ་ཏུ་ཤེས་པ་དེ་བཟོད་པ་སྒོམ་མོ། །གང་རྐྱེན་དང་བྲལ་བ་དང་། རབ་ཏུ་རྒྱུ་བ་ཉེ་བར་ཞི་བ་དང་། ལམ་མ་རུངས་པ་ལས་
ཡང་དག་པར་ཤིན་དུ་འདས་པ་དང་། འབྱུང་བ་མེད་པ་དང་། འཇུག་པ་མེད་པ་དང་། རིངས་པ་མེད་པ་དང་། ཡུལ་ཐམས་ཅད་ལ་རྣམ་པར་དམིགས་པ་མེད་པ་དང་། རྣམ་པར་ཤེས་པའི་ལམ་ལས་ཡང་དག་པར་
ཤིན་དུ་འདས་པ་དང་། བཏགས་པ་མེད་པ་དང་། བཀྲོལ་བ་མེད་པ་དང་། འོང་བ་མེད་པ་དང་། གནས་མེད་པ་དང་། གནས་པ་མེད་པ་དང་། ས་བོན་མེད་པ་དང་། རྩ་བ་མེད་པ་དང་། ཡིད་བརྟན་པ་ཉེ་བར་ཞི་ཞིང་རབ་ཏུ་ཞི་བ་དང་། ཡོངས་སུ་གདུངས་པ་མེད་
པ་དང་། ཤིན་དུ་མཐར་ཐུག་པ་དང་། ཡང་སྲིད་པ་ཀུན་ནས་ལྡང་བ་མེད་པ་དང་། མྱ་ངན་ལས་འདའ་བ་ལ་མངོན་པར་དགའ་བ་དང་འདི་འདྲ་བར་ཡིད་ལ་བྱས་པས་བཟོད་པ་ཡོངས་སུ་རྫོགས་པར་འགྱུར་རོ། །

62-1-118b

རྟོག་པ་དང་། རྣམ་པར་རྟོག་པ་དང་། ཀུན་དུ་རྟོག་པ་དང་། ཡང་དག་པར་རྟོག་པ་དང་། ཉེ་བར་རྟོག་པ་དང་། འགྲོ་བ་དང་། ཀུན་ཏུ་འགྲོ་བ་དང་། མངོན་པར་འགྲོ་བ་དང་། ཉེ་བར་འགྲོ་བར་ཡིད་ལ་བྱེད་པས་བཟོད་པ་སྒོམ་པར་མི་འགྱུར་
རོ། །རིགས་ཀྱི་བུ་འོང་བ་ཞེས་བྱ་བ་འདི་ནི་ཡང་དག་པར་འདྲེན་པའི་ཚིག་གོ། །རིགས་ཀྱི་བུ་གང་ལ་འདྲེན་པ་མེད་ཅིང་ཡང་དག་པར་འདྲེན་པ་མེད་པ་དེ་ལ་འགྲོ་བ་མེད་ཅིང་འོང་བ་ཡང་མེད་དོ། །འགྲོ་བ་མེད་པ་དང་། འོང་བ་མེད་པའི་
ཀུན་གཞི་ཀུན་དུ་གཞོམ་པའི་ཕྱིར་གཉིས་སུ་མེད་པའི་ཆོས་ཀྱི་སྒོའི་བཟོད་པ་བསྒོམ་མོ། །རིགས་ཀྱི་བུ་འོང་ངོ་ཞེས་བྱ་བ་ལས་ཀྱི་མཚན་ཉིད་ལ་དམིགས་པ་འདི་ནི་བཟོད་པ་སྒོམ་པ་ཡོངས་སུ་སྤང་བའི་ཕྱིར་ཡང་དག་པར་
སྒྲུབ་བའོ། །རིགས་ཀྱི་བུ་འགྲོའོ་ཞེས་བྱ་བའི་ལས་ཀྱི་མཚན་ཉིད་ཀྱི་རྒྱུ་འདི་ནི་མཚན་ཉིད་མེད་པ། མཚན་ཉིད་དང་བྲལ་བའི་བཟོད་པ་སྒོམ་པ་ཞེས་བྱ་བའོ། །འོང་ངོ་ཞེས་བྱ་བའི་སྨོན་ལམ་མཚན་ཉིད་ཀྱི་རྒྱུ་འདི་ནི་བཟོད་
པ་འགོག་པའི་ཕྱིར་ཡང་དག་པར་སྒྲུབ་ཀྱི་འདི་ནི་བཟོད་པ་སྒོམ་པ་མ་ཡིན་ནོ། །རིགས་ཀྱི་བུ་འགྲོའོ་ཞེས་བྱ་བ་འདི་ནི་སྨོན་ལམ་ཟད་པ་དང་། མེད་པ་དང་། ཞི་བའི་བཟོད་པ་སྒོམ་པ་ཞེས་བྱའོ། །རིགས་ཀྱི་བུ་འོང་
ངོ་ཞེས་བྱ་བ་འབྱུང་བའི་མཚན་ཉིད་འདི་ནི་བཟོད་པ་ལས་གཏི་མུག་པ་ཡིན་གྱི་བཟོད་པ་སྒོམ་པ་མ་ཡིན་ནོ། །རིགས་ཀྱི་བུ་འགྲོའོ་ཞེས་བྱ་བ་དམིགས་པ་མེད་པ་དང་། འགལ་བའི་མཚན་ཉིད་འདི་ནི་བཟོད་པ་སྒོམ་པ་ཞེས་
སྨྲས་སོ། །རིགས་ཀྱི་བུ་འོང་ངོ་ཞེས་བྱ་བ་རྣམ་པར་དམིགས་པའི་སྒོའི་མཚན་ཉིད་འདི་ནི་བཟོད་པ་ལ་སྒོམ་པ་མ་ཡིན་གྱི་བཟོད་པ་ལ་འཁྲུག་པ་ཡིན་ནོ། །འགྲོའོ་ཞེས་བྱ་བ་རྣམ་པར་དམིགས་པ་ཟད་པའི་མཚན་ཉིད་དང་། 
ཉེ་བར་ཞི་བ་འདི་ནི་བཟོད་པ་སྒོམ་པ་ཞེས་སྨྲས་སོ། །རིགས་ཀྱི་བུ་འོང་ངོ་ཞེས་བྱ་བའི་ཀུན་གཞིའི་མཚན་ཉིད་འདི་ནི་བཟོད་པ་ལ་འཇུག་པ་ཡིན་གྱི་བཟོད་པ་སྒོམ་པ་ནི་མ་ཡིན་ནོ། །རིགས་ཀྱི་བུ་འགྲོའོ་ཞེས་བྱ་བའི་ཀུན་གཞི་ནུབ་པ་དང་ཞི་བ་

62-1-119a

འདི་ནི་བཟོད་པ་སྒོམ་པ་ཞེས་སྨྲས་སོ། །རིགས་ཀྱི་བུ་འོང་ངོ་ཞེས་བྱ་བ་འབྱུང་བའི་མཚན་ཉིད་འདི་ནི་བཟོད་པ་ཡོངས་སུ་སྤངས་པ་ཡིན་གྱི་བཟོད་པ་སྒོམ་པ་ནི་མ་ཡིན་ནོ། །འགྲོའོ་ཞེས་བྱ་བ་རྒྱུ་ཟད་པའི་མཚན་ཉིད་འདི་དང་། རྣམ་
པར་ཞི་བ་འདི་ནི་བཟོད་པ་སྒོམ་པའོ་ཞེས་སྨྲས་སོ། །རིགས་ཀྱི་བུ་འོང་ངོ་ཞེས་བྱ་བ་བརྡ་དང་ཐ་སྙད་ཀྱི་ཚིག་གི་མཚན་ཉིད་འདི་ནི་བཟོད་པ་སྒོམ་པ་མ་ཡིན་ནོ། །འགྲོའོ་ཞེས་བྱ་བ་ཐ་སྙད་རྣམ་པར་ཞི་བའི་གནས་འདི་ནི་བཟོད་པ་སྒོམ་
པའོ་ཞེས་སྨྲས་སོ། །རིགས་ཀྱི་བུ་འོང་ངོ་ཞེས་བྱ་བ་སྔོན་གྱི་མཐའ་དང་། ཕྱི་མའི་མཐའ་མི་ཤེས་པའི་ཆུ་བོར་བྱིང་བ་འདི་ནི་བཟོད་པ་ལ་གཏི་མུག་པ་ཡིན་གྱི་བཟོད་པ་སྒོམ་པ་ནི་མ་ཡིན་ནོ། །འགྲོའོ་ཞེས་བྱ་བ་སྔོན་གྱི་
མཐའ་དང་། ཕྱི་མའི་མཐའ་ཤེས་པ་དང་། མི་ཤེས་པ་རབ་ཏུ་སྤངས་སྟེ། རྒྱ་ཆེན་པོ་ཉེ་བར་ཞི་བ་འདི་ནི་བཟོད་པ་བསྒོམ་པའོ་ཞེས་སྨྲས་སོ། །རིགས་ཀྱི་བུ་འོང་ངོ་ཞེས་བྱ་བ་ལུས་དང་། ངག་དང་། ཡིད་
ཀུན་སྤྱོད་པའི་མཚན་ཉིད་འདི་ནི་བཟོད་པ་བསྒོམ་པ་མ་ཡིན་ནོ། །འགྲོའོ་ཞེས་བྱ་བ་སྲེད་པའི་འདུ་བྱེད་ཉེ་བར་ཞི་བ་འདི་ནི་བཟོད་པ་སྒོམ་པའོ་ཞེས་སྨྲས་སོ། །རིགས་ཀྱི་བུ་འོང་ངོ་ཞེས་བྱ་བ་རྣམ་པར་ཤེས་པ་
ཉེ་བར་ཞི་བ་དང་། རྣམ་པར་སྤྱོད་པ་ཆགས་པ་མེད་པའི་ཚིག་གི་མཚན་ཉིད་འདི་ནི་བཟོད་པ་སྒོམ་པ་མ་ཡིན་ནོ། །འགྲོའོ་ཞེས་བྱ་བ་རྣམ་པར་ཤེས་པ་རྣམ་པར་དམིགས་པ་དང་། རྣམ་པར་སྤྱོད་པ་ནུབ་
པ་འདི་ནི་བཟོད་པ་སྒོམ་པའོ་ཞེས་སྨྲས་སོ། །འོང་ངོ་ཞེས་བྱ་བ་མིང་དང་གཟུགས་ཀུན་ནས་ལྡང་བའི་ཚིག་གི་མཚན་ཉིད་འདི་ནི་བཟོད་པ་སྒོམ་པ་མ་ཡིན་ནོ། །འགྲོའོ་ཞེས་བྱ་བ་མིང་དང་གཟུགས་ཉེ་བར་ཞི་བ་འདི་
ནི་བཟོད་པ་སྒོམ་པའོ་ཞེས་སྨྲས་སོ། །འོང་ངོ་ཞེས་བྱ་བ་འདུལ་བ་དང་། ཀུན་ནས་ལྡང་ཞིང་འདོད་པའི་ཡོན་ཏན་གྱི་གནས་ཀྱི་མཚན་ཉིད་འདི་ནི་བཟོད་པ་སྒོམ་པ་མ་ཡིན་ནོ། །འགྲོའོ་ཞེས་བྱ་བ་དབང་པོ་དྲུག་ཉེ་བར་ཞི་ཞིང་ནུབ་པ་འདི་ནི་བཟོད་པ་

62-1-119b

སྒོམ་པའོ་ཞེས་སྨྲས་སོ། །འགྲོའོ་ཞེས་བྱ་བ་རེག་པའི་ཆུ་བོ་སྒོམ་པ་གཞན་གྱི་ཚིག་གི་མཚན་ཉིད་འདི་ནི་བཟོད་པ་སྒོམ་པ་མ་ཡིན་ནོ། འགྲོའོ་ཞེས་བྱ་བ་རེག་པའི་ཆུ་བོར་ཉེ་བར་འགྲོ་བ་འདི་ནི་བཟོད་པ་སྒོམ་པའོ་ཞེས་སྨྲས་སོ། །འགྲོའོ་ཞེས་བྱ་བ་ཚོར་བ་
གསུམ་གྱི་རྒྱུན་གཅོད་པ་འདི་ནི་བཟོད་པ་སྒོམ་པའོ་ཞེས་སྨྲས་སོ། །འོང་ངོ་ཞེས་བྱ་བ་སྲེད་པའི་ཀུན་གཞི་ལ་འཇུག་པ་འདི་ནི་བཟོད་པ་སྒོམ་པ་མ་ཡིན་ནོ། །འགྲོའོ་ཞེས་བྱ་བ་སྲེད་པ་གཏོང་བ་དང་། ནུབ་པ་འདི་ནི་བཟོད་པ་སྒོམ་པའོ་
ཞེས་སྨྲས་སོ། །རིག་ཀྱི་བུ་འོང་ངོ་ཞེས་བྱ་བ་ཉེ་བར་ལེན་པ་ལ་འཇུག་པའི་ཚིག་གི་མཚན་ཉིད་འདི་ནི་བཟོད་པ་སྒོམ་པ་མ་ཡིན་ནོ། །འགྲོའོ་ཞེས་བྱ་བ་ཉེ་བར་ལེན་པ་སེལ་བ་འདི་ནི་བཟོད་པ་སྒོམ་པའོ་ཞེས་སྨྲས་སོ། །འོང་ངོ་ཞེས་
བྱ་བ་སྒོམ་པ་མངོན་པར་འཇུག་པའི་ཚིག་གི་མཚན་ཉིད་འདི་ནི་བཟོད་པ་སྒོམ་པ་མ་ཡིན་ནོ། །འགྲོའོ་ཞེས་བྱ་བ་ཁོང་དུ་ཆུད་པ་ཆགས་པའི་ལམ་འདི་ནི་བཟོད་པ་བསྒོམ་པའོ་ཞེས་སྨྲས་སོ། །རིགས་ཀྱི་བུ་འོང་ངོ་ཞེས་བྱ་བ་
ཡང་དང་ཡང་སྙིང་པོར་འཇུག་པའི་ཚིག་གི་མཚན་ཉིད་འདི་ནི་བཟོད་པ་སྒོམ་པ་མ་ཡིན་ནོ། །འགྲོའོ་ཞེས་བྱ་བ་སྐྱེ་བ་ཟད་པ་འདི་ནི་བཟོད་པ་སྒོམ་པའོ་ཞེས་སྨྲས་སོ། །འོང་ངོ་ཞེས་བྱ་བ་ཡང་དང་ཡང་དགའ་བར་འཇུག་པའི་ཚིག་གི་མཚན་ཉིད་
འདི་ནི་བཟོད་པ་སྒོམ་པ་མ་ཡིན་ནོ། །འགྲོའོ་ཞེས་བྱ་བ་རྒ་བ་ཟད་པ་སྤང་བའི་ཕྱིར་བཟོད་པ་སྒོམ་པའོ་ཞེས་སྨྲས་སོ། །རིགས་ཀྱི་བུ་འོང་ངོ་ཞེས་བྱ་བ་ཡང་དང་ཡང་ཤི་བའི་ཆུའི་ཆུ་བོར་ལྟུང་བའི་གནས་ཀྱི་མཚན་ཉིད་
འདི་ནི་བཟོད་པ་སྒོམ་པ་མ་ཡིན་ནོ། །འགྲོའོ་ཞེས་བྱ་བ་ཤི་བའི་ཆུ་བོ་ལས་རྒལ་བ་འདི་ནི་བཟོད་པ་སྒོམ་པའོ་ཞེས་སྨྲས་སོ། །རིགས་ཀྱི་བུ་འོང་ངོ་ཞེས་བྱ་བ་མྱ་ངན་དང་། སྨྲེ་སྔགས་འདོན་པ་དང་། ཡིད་མི་བདེ་བ་དང་། འཁྲུག་པར་འཇུག་པའི་གནས་ཀྱི་མཚན་ཉིད་འདི་ནི་བཟོད་པ་སྒོམ་
པ་མ་ཡིན་ནོ། །འགྲོའོ་ཞེས་བྱ་བ་སྡུག་བསྔལ་བ་དང་། འཁྲུག་པ་ཐམས་ཅད་ཉེ་བར་ཞི་བ་འདི་ནི་བཟོད་པ་སྒོམ་པའོ་ཞེས་སྨྲས་སོ། །རིགས་ཀྱི་བུ་འོང་ངོ་ཞེས་བྱ་བ་འདུ་བྱེད་ཀྱི་སྡུག་བསྔལ་ཐམས་ཅད་སྐྱེ་བ་དང་། རྒ་ཤི་དང་འཆི་འཕོ་སྐྱེ་བ་དང་། ཕྲད་པ་དང་། འབྲལ་བའི་སྡུག་བསྔལ་སྐྱེ་བའི་གནས་ཀྱི་མཚན་ཉིད་འདི་ནི་བཟོད་

62-1-120a

པ་སྒོམ་པ་མ་ཡིན་ནོ། །འགྲོའོ་ཞེས་བྱ་བ་འདུ་བྱེད་ཀྱི་སྡུག་བསྔལ་ཐམས་ཅད་ཉེ་བར་ཞི་བ་འདི་ནི་བཟོད་པ་སྒོམ་པའོ། །རིགས་ཀྱི་བུ་འོང་ངོ་ཞེས་བྱ་བ་ནི་སྡུག་བསྔལ་ཐམས་ཅད་སྐྱེ་ཞིང་ཕྱིན་ཅི་ལོག་བཞི་ཀུན་ནས་ལྡང་བའི་རང་བཞིན་ཏེ། 
དགེ་བ་ཐམས་ཅད་སྒོམ་པ་ལ་གེགས་བྱེད་པའོ། །རིགས་ཀྱི་བུ་འགྲོའོ་ཞེས་བྱ་བ་ནི་ཐམས་ཅད་ཉེ་བར་ཞི་བའོ། །སྡུག་བསྔལ་གྱི་ཕྱིན་ཅི་ལོག་གི་གཉེན་པའོ། །རིགས་ཀྱི་བུ་དེ་བས་ན་འོང་ངོ་ཞེས་བྱ་བའི་ཚིག་ནི་ཉོན་
མོངས་པ་ཐམས་ཅད་ཀུན་དུ་འདྲེན་པའོ་ཞེས་སྨྲས་པ་ཡིན་ནོ། །འགྲོའོ་ཞེས་བྱ་བ་ནི་ཉོན་མོངས་པའི་བག་ཆགས་ཀྱི་རྗེས་སུ་འབྲེལ་པ་ཐམས་ཅད་འདྲེན་པ་མེད་པའོ་ཞེས་སྨྲས་པ་ཡིན་ནོ། །རིགས་ཀྱི་བུ་དེ་བས་ན་
བརྗོད་དུ་མེད་པ་ལ་གཡོ་བ་མེད་དོ། །བརྗོད་པ་ཐམས་ཅད་ལ་ཡང་ཆགས་པ་མེད་དོ། །ཡི་གེའི་ཆོས་ཀྱི་དབྱིངས་ལ་འཁྲུག་པ་མེད་དོ། །བཟུང་བ་མེད་པ་དང་། ཀུན་ནས་ལྡང་བ་མེད་པ་དང་། ལུས་མེད་
པ་དང་། འབྱུང་བ་མེད་པ་དང་། འདུ་བྱེད་ཐམས་ཅད་ལ་དམིགས་པའི་རྒྱུན་ཆད་པ་དང་། ཡོད་པར་རྟོག་པ་དང་། མེད་པར་རྟོག་པ་དང་བྲལ་བའི་བྱང་ཆུབ་སེམས་དཔའ་བཟོད་པ་ཡོངས་སུ་རྫོགས་པར་བྱེད་དོ། །
བྱང་ཆུབ་སེམས་དཔའ་དགྲ་རྣམ་པར་འགྲེལ་བས་འདི་སྟོན་པ་བསྟན་པ་ན་སྔོན་དུ་འགྲོ་བ་ལག་བཟངས་ལ་སོགས་པ་བྱང་ཆུབ་སེམས་དཔའ་བྱེ་བ་ཁྲག་ཁྲིག་བརྒྱ་སྟོང་ཕྲག་དགུ་བཅུ་རྩ་དགུ་མི་སྐྱེ་བའི་ཆོས་ཀྱི་བཟོད་པ་ཐོབ་བོ། །སངས་རྒྱས་
ཀྱི་ཞིང་ཐམས་ཅད་དང་ལྡན་པའི་ས་དང་ནམ་མཁའ་ཁྱབ་པ་འདི་ལ་གནས་པས་མགྲིན་གཅིག་ཏུ་ལེགས་སོ་ཞེས་བྱ་བ་བྱིན་ཏེ། རིགས་ཀྱི་བུ་ཇི་ལྟ་བུར་ཁྱོད་ཀྱང་ཆོས་ཟབ་མོའི་ཚུལ་གྱི་རྗེས་སུ་ཞུགས་ཤིང་བྱང་ཆུབ་སེམས་དཔའི་
ཀུན་ནས་ཡོན་ཏན་རྣམ་པར་རོལ་པ་མངོན་པར་ཤེས་པ་ཆགས་པ་མེད་པའི་སྤོབས་པ་དང་ལྡན་པ་གང་གི་ཕྱིར་ཁྱོད་ཀྱིས་བདག་ཅག་ལ་འདི་འདྲ་བའི་ཆོས་ཀྱི་ཆར་རབ་ཏུ་ཕབ་པ་ལེགས་སོ། །ལེགས་སོ། །དེ་ཉིད་ཀྱི་ཚེ་ན་ཕྱོགས་

62-1-120b

བཅུ་ནས་འདུས་པའི་ལྷ་དང་། ཀླུ་དང་། གནོད་སྦྱིན་དང་། ལྷ་མ་ཡིན་དང་། ནམ་མཁའ་ལྡིང་དང་། མི་འམ་ཅི་དང་། ལྟོ་འཕྱེ་ཆེན་པོ་མང་པོ་ལྷ་རྣམས་ཀྱི་མེ་ཏོག་དང་། ཕྲེང་བ་དང་། དྲི་དང་། བྱུག་པས་བྱང་ཆུབ་སེམས་
དཔའ་དགྲ་རྣམ་པར་འགྲེལ་པ་ལ་མཆོད་པའི་ལས་ཀྱི་ཕྱིར་འདུན་ཅིང་བརྩོན་ནོ། །དེའི་ལུས་ལ་མེ་ཏོག་དང་། ཕྲེང་བ་དང་། དྲི་དང་། བྱུག་པས་གཏོར་བས་རིགས་ཀྱི་བུ་ཡང་དེ་ལྟར་ཏིང་ངེ་འཛིན་གྱི་སྟོབས་ཀྱིས་རིན་པོ་ཆེ་སྣ་ཚོགས་
སུ་བྱིན་གྱིས་བརླབས་ཏེ་ཕུང་པོ་ཕྱོགས་གཅིག་ཏུ་བཞགས་ནས། བཅོམ་ལྡན་འདས་ཀྱི་སླད་དུ་རིན་པོ་ཆེ་སྣ་བདུན་གྱི་སེང་གེའི་ཁྲི་འཕང་དུ་དཔག་ཚད་སྟོང་ཞེང་དུ་དཔག་ཚད་བཅུ་པ་ལྷ་རྫས་ཀྱི་གོས་ཀྱི་སྟིང་བ། བལྟ་ན་སྡུག་པ་རྣམ་
པ་སྣ་ཚོགས་བྱུང་ངོ་། །སངས་རྒྱས་ཀྱི་ཞིང་འདིར་མུ་སྟེགས་ཅན་གཞན་དཀའ་ཐུབ་དང་། བརྟུལ་ཞུགས་དང་། སྤྱོད་པ་དང་། སྤྱོད་ལམ་ལ་བརྩོན་པར་བྱིན་གྱི་བརླབས་པ་ཇི་སྙེད་པ་དང་། གང་ཡང་ཕྱོགས་བཅུའི་ཞིང་སྟོང་
པ་དང་། རྙོག་པ་ལྔའི་སངས་རྒྱས་ཀྱི་ཞིང་མཐའ་ཡས་མུ་མེད་པ་ན་མུ་སྟེགས་གཞན་དཀའ་ཐུབ་དང་། བརྟུལ་ཞུགས་དང་། སྤྱོད་པ་དང་། སྤྱོད་ལམ་ལ་བརྩོན་པ་བྱིན་གྱིས་བརླབས་པ། དཀའ་ཐུབ་ངན་པ་
དེ་དག་ཐམས་ཅད་ཀྱིས་རིན་པོ་ཆེ་སྣ་བདུན་གྱི་སེང་གེའི་ཁྲི་ཡང་དག་པར་མཐོང་ངོ་། །ལ་ལ་དཀའ་ཐུབ་ལྔ་པ་དག་ཉི་མ་དང་ཟླ་བ་ལ་ཕྱག་འཚལ་བར་ཡང་དག་པར་མཐོང་ངོ་། །ལ་ལ་ཆུ་འཛིན་པ་དང་། འདམ་
འཛིན་པ་དང་། ཆུ་དང་འདམ་འཛིན་པ་དང་། ལ་ལ་སྐྲ་འཛིན་པ་དང་། ཨག་ཚོམ་འཛིན་པ་དང་། སྐྲ་དང་ཨག་ཚོམ་འཛིན་པ་དང་། ལ་ལ་རྐང་པ་འདེགས་པ་དང་ལག་པ་འདེགས་པ་དང་། ལ་ལ་ནགས་ཚལ་གྱི་རྩ་བ་དང་འདབ་མ་ཟ་བ་དང་། 
ཚེར་མའི་སྟེང་དུ་ཉལ་བ་དང་། ལ་ལ་རུས་པའི་ཕྱེ་མས་ལུས་བསྐུས་པ་དང་། མིའི་མགོ་བོའི་ཕྲེང་བ་དང་། མགོ་ལག་འཐིལ་ན་འཆང་བས་ཡང་དག་པར་མཐོང་ངོ་། །ལ་ལ་ཕྱུགས་ཀྱི་བརྟུལ་

62-1-121a

ཞུགས་ཅན་དང་། ཁྱིའི་བརྟུལ་ཞུགས་ཅན་དང་། ཕག་གི་བརྟུལ་ཞུགས་ཅན་དང་། རི་དགས་གྱི་བརྟུལ་ཞུགས་ཅན་དང་། བྱའི་བརྟུལ་ཞུགས་ཅན་དང་། མེའི་བརྟུལ་ཞུགས་ཅན་དང་། ཟླ་བའི་བརྟུལ་ཞུགས་ཅན་དང་། 
ཉི་མའི་བརྟུལ་ཞུགས་ཅན་དང་། ཆུའི་བརྟུལ་ཞུགས་ཅན་དང་། འཛེག་པའི་བརྟུལ་ཞུགས་ཅན་དང་། དཀའ་ཐུབ་རྣམ་པ་སྣ་ཚོགས་ཀྱི་ནད་གསོས། དེ་ལ་སོགས་པ་མུ་སྟེགས་ཅན་གཞན་ལ་ལ་དཀའ་ཐུབ་དང་། 
བརྟུལ་ཞུགས་དང་། སྤྱོད་པ་དང་། སྤྱོད་ལམ་ལ་བརྩོན་པར་བྱིན་གྱིས་བརླབས་པ། དཀའ་ཐུབ་ངན་པ་སྣ་ཚོགས་དེ་དག་ཐམས་ཅད་དེའི་ཚེ་ན། དེར་སེང་གེའི་ཁྲི་ཡང་དག་པར་མཐོང་ངོ་། །སེང་གེའི་ཁྲི་དེའི་སྟེང་གི་
བར་སྣང་ན་རིན་པོ་ཆེ་སྣ་བདུན་གྱི་གདུགས་ཞེང་དུ་དཔག་ཚད་སྟོང་ཕྲག་བཅུ་པར་བྱིན་གྱིས་བརླབས་སོ། །གདུགས་དེ་ལ་ལྷ་རྫས་ཀྱི་རིན་པོ་ཆེའི་རྒྱན་སྣ་ཚོགས་སུ་ཡང་དག་པར་མཐོང་ངོ་། །རྒྱན་དེ་དག་ལས་ལོག་པའི་
ཚིག་གི་ཐ་སྙད་སྣ་ཚོགས་བྱུང་བ་ནི་འདི་ལྟ་སྟེ། ཆད་པར་ལྟ་བ་དང་། རྟག་པར་ལྟ་བ་དང་། འཇིག་ཚོགས་ཀྱི་ལྟ་བ་དང་། མཐར་འཛིན་པའི་ལྟ་བ་དང་། ཚུལ་ཁྲིམས་དང་བརྟུལ་ཞུགས་སྙེམས་པའི་ལྟ་
བ་དང་། འདོད་པ་ལ་བདེ་བ་སྐྱེ་བའི་ལྟ་བ་བྱུང་ངོ་། །འཐབ་ཅིང་གཅིག་ལ་གཅིག་འཚོག་པ་དང་། མགོ་གཅོད་པ་དང་། མིག་འབྱིན་པའི་ལྟ་བ་དང་། དགེ་བ་བཅུའི་ལས་ཀྱི་ལམ་དུ་ལྟ་བ་སྤྲོས་པས་ལྟ་བར་སོང་བ་དྲུག་བཅུ་རྩ་གཉིས་ཀྱི་ལྟ་
བའི་ཚིག་གིས་ཐ་སྙད་ཀྱི་དབྱངས་བྱུང་ངོ་། །གང་ཡང་ཕྱོགས་བཅུའི་སངས་རྒྱས་ཀྱི་ཞིང་ཡོངས་སུ་དག་པ་ཚད་མེད་གྲངས་མེད་པ་དག་ནས་སངས་རྒྱས་ཀྱི་ཞིང་འདིར་ལྷགས་པའི་བྱང་ཆུབ་སེམས་དཔའ་དེ་དག་སྒྲ་དེ་ཉན་ཏོ། །
སེང་གེའི་ཁྲི་ལ་སེམས་ཅན་ཚུལ་ཁྲིམས་དང་། བརྟུལ་ཞུགས་ངན་པ་སྣ་ཚོགས་སྦྱོར་བའི་རྗེས་སུ་ལྡན་པ་དེ་དག་ཀྱང་ལྟའོ། །ཀྱེ་མ་ཀྱི་ཧུད་ལྟ་བ་ཉོན་མོངས་པ་ཐོབ་པ་འདི་དག་རྙོག་པ་ལྔའི་མི་མཇེད་ཀྱི་སངས་རྒྱས་

62-1-121b

ཀྱི་ཞིང་དུ་ཡང་དག་དགའ་བར་མཐོང་བ་གང་ཞིག་ཅེས་དེ་མཆོག་ཏུ་སྐྱོ་བའི་ཡིད་ཀྱིས་འདི་སྙམ་དུ་སེམས་པར་གྱུར་ཏོ། །བདག་ཅག་རང་རང་གི་སངས་རྒྱས་ཀྱི་ཞིང་དུ་འགྲོའོ་སྙམ་སྟེ། དེ་དག་སངས་རྒྱས་ཀྱི་ཞིང་འདི་ལས་
འགྲོ་བར་འདོད་ཀྱང་དེ་དག་རང་རང་གི་ཕྱོགས་གང་དུ་འགྲོ་བར་མི་ཤེས་ན། དེ་དག་གིས་བྱང་ཆུབ་སེམས་དཔའ་དགྲ་རྣམ་པར་འགྲེལ་པ་གང་ན་བ་དེ་ལོགས་སུ་ཐལ་མོ་སྦྱར་ཏེ་ཕྱག་འཚལ་ནས་འདི་སྐད་ཅེས་སྨྲས་སོ། །རིགས་ཀྱི་
བུ་བདག་ཅག་ནི་སངས་རྒྱས་ཀྱི་ཞིང་འདི་ནས་རང་རང་གི་སངས་རྒྱས་ཀྱི་ཞིང་དུ་འགྲོ་བར་འདོད་པ་ནི་རིགས་ཀྱི་བུ་སངས་རྒྱས་ཀྱི་ཞིང་འདི་ཤིན་དུ་ལྟ་བ་སྟུག་པོས་བསྒྲིབས་ཤིང་དོག་པ་ཐོབ་པས། བདག་ཅག་ཀྱང་ཅུང་ཟད་ལུས་དང་
ངག་དང་། ཡིད་ཀྱིས་འཕྲུལ་པར་འགྱུར་བ་དེའི་ཕྱིར་བདག་ཅག་མྱུར་དུ་འགྲོ་བར་འདོད་དོ། །བདག་ཅག་ཀྱང་ཕྱོགས་ཐམས་ཅད་མགོ་འཁོར་བར་གྱུར་ནས། ཡང་བདག་ཅག་རང་རང་གི་ཕྱོགས་གང་དུ་འགྲོ་བ་མི་ཤེས་
ན། དེའི་ཕྱིར་རིགས་ཀྱི་བུ་ཁྱོད་བདག་ཅག །རང་རང་གི་སངས་རྒྱས་ཀྱི་ཞིང་དུ་འགྲོ་བར་ནུས་པ་ཉམས་སུ་ལོངས་ཤིག །དེ་ནས་བྱང་ཆུབ་སེམས་དཔའ་དགྲ་རྣམ་པར་འགྲེལ་བས་ཕྱོགས་བཅུའི་སངས་རྒྱས་ཀྱི་
ཞིང་དུ་བྱང་ཆུབ་སེམས་དཔའ་ཡང་དག་པར་ལྷགས་པ་དེ་དག་ལ་སྨྲས་པ། རིགས་ཀྱི་བུ་ཅི་ཁྱེད་ཅག་ཐེག་པ་ཆེན་པོ་ལ་ཡང་དག་པར་མ་ཞུགས་སམ། སྨྲས་པ། རིགས་ཀྱི་བུ་བདག་ཅག་ནི་བླ་ན་མེད་པ་
ཡང་དག་པར་རྫོགས་པའི་བྱང་ཆུབ་ཏུ་ཡང་དག་པར་ཞུགས་ནས་ཡུན་རིང་ངོ་། །རིགས་ཀྱི་བུ་བྱང་ཆུབ་འདོད་པ་རྣམས་འདུལ་བའི་སེམས་ཅན་ཡོངས་སུ་སྨིན་པར་བྱ་བའི་ཕྱིར་སྨོན་ལམ་གྱི་དབང་གིས་སེམས་ཅན་དམྱལ་
བར་སྐྱེ་བ་ལ་བརྩོན་པ་ནི་གོར་མ་ཆག །དེ་བཞིན་དུ་བྱོལ་སོང་དང་། ཡི་དགས་དང་། རྙོག་པ་ལྔའི་སངས་རྒྱས་ཀྱི་ཞིང་དང་། གནོད་སྦྱིན་དབུལ་པོ་དང་། མི་དབུལ་པོ་དང་། གཤེད་པོ་དབུལ་པོ་དང་། 

62-1-122a

དེ་བཞིན་དུ་ལྟ་བ་ཐ་དད་པར་སོང་ཞིང་དོགས་པ་རྙེད་པའི་མུ་སྟེགས་ཅན་གཞན་ལ་སེམས་ཅན་ཡོངས་སུ་སྨིན་པར་བྱ་བའི་ཕྱིར་སྨོན་ལམ་གྱི་དབང་གིས་དེར་སྐྱེ་བ་བླངས་པ་འདི་ནི་བྱང་ཆུབ་སེམས་དཔའ་རྣམས་ཀྱི་རྩལ་པོ་ཆེ་
ཞེས་སྨྲས་སོ། །ཇི་ལྟ་བུར་གནས་དེ་དང་དེ་དག་ཏུ་བརྩོན་འགྲུས་བརྟན་པ་ཕ་རོལ་དུ་གནོན་པས་ཉེ་བར་ཕྱིན་ཏོ། །སེམས་ཅན་རྣམས་ནི་མི་ཤེས་པའི་རྩ་བ་དང་ལྷན་གཅིག་ཏུ་འགྲོགས་པ། ཚེའི་དགོན་པར་ཡང་དག་པར་རྫོགས་པའི་ཞི་བའི་
ལམ་རབ་ཏུ་ཉམས་པའོ། །སེམས་ཅན་རྣམས་ནི་སྲོག་ཆགས་སུ་གྱུར་པ་ལ་མི་དགེ་བ་བཅུའི་ལས་ལ་བརྩོན་པའོ། །ལྟ་བ་ངན་པ་རྫོགས་པ་དང་། འཇིག་རྟེན་ཕ་རོལ་གྱིས་འཇིགས་པ་མེད་པར་ལྟ་བ་དང་། རྟག་པ་དང་ཆད་པར་ལྟ་བ་ཡང་
དག་པར་རྫོགས་པའི་སེམས་ཅན་ལ་སྙིང་བརྩེ་བའི་ཕྱིར་བདག་གི་ལུས་དང་སེམས་ཀྱི་སྡུག་བསྔལ་ལ་མོས་སོ། །སེམས་ཅན་ཐམས་ཅད་ཡོངས་སུ་སྨིན་པར་བྱ་བའི་ཕྱིར་སེམས་ཅན་གཅིག་ཀྱང་ཕ་རོལ་དུ་ཕྱིན་པ་དྲུག་ལ་རབ་ཏུ་
མོས་པར་ནུས་པ་དང་། དགེ་བ་བཅུའི་ལས་ཀྱི་ལམ་ལ་ལས་ཀྱི་ལམ་གཅིག་གིས་ཀྱང་ས་བོན་བསྐྱེད་ཅིང་འདུག་པ་དང་། ལེགས་པར་སྨྲ་བ་གཅིག་གིས་ཀྱང་རྣ་བར་གོ་བར་ནུས་པས་སེམས་ཅན་རེ་རེའི་ཕྱིར་ཡང་སྡུག་བསྔལ་
རྣམ་པ་མང་པོ་བསྐལ་པ་བྱེ་བ་ཁྲག་ཁྲིག་བརྒྱ་སྟོང་མང་པོ་རྣམ་པ་དུ་མ་སྣ་ཚོགས་སུ་མངོན་པར་བརྩོན་ནོ། །རིགས་ཀྱི་བུ་བྱང་ཆུབ་སེམས་དཔའ་རྣམས་ཀྱི་གོ་ཆ་གཉིས་ཏེ། བྱང་ཆུབ་སེམས་དཔའི་གོ་ཆ་གང་གིས་བགོས་པ་ནི་
བདུད་བཞི་འཛིན་ཅིང་བྱང་ཆུབ་སེམས་དཔའ་ཞེས་ཀྱང་བྱའོ། །གཉིས་གང་ཞེ་ན། སེམས་ཅན་གྱི་གོ་ཆ་དང་། སངས་རྒྱས་ཀྱི་ཞིང་གི་ཡོན་ཏན་གྱི་གོ་ཆའོ། །རིགས་ཀྱི་བུ་དེ་ལ་བྱང་ཆུབ་སེམས་དཔའ་རྣམས་ཀྱི་སེམས་ཅན་གྱི་
གོ་ཆ་གང་ཞེ་ན། རིགས་ཀྱི་བུ་གང་བྱང་ཆུབ་སེམས་དཔའ་རྣམས་ཤིན་དུ་བརྟན་པའི་བརྩོན་འགྲུས་ཀྱིས་མོས་ཤིང་ཕ་རོལ་གནོན་པར་འགྱུར་བ་དང་། ཕ་རོལ་ཏུ་ཕྱིན་པ་དྲུག་ལ་བརྩོན་ཞིང་བྱམས་པ་སྒོམ་པས་ཕོངས་པ་

62-1-122b

ཐམས་ཅད་དང་། མི་དགེ་བའི་རྩ་བ་དང་འགྲོགས་པ་དང་། མཚམས་མེད་པ་བྱེད་པ་དང་། དམ་པའི་ཆོས་སྤངས་པ་དང་། འཕགས་པ་ལ་སྐུར་པ་འདེབས་པ་དང་། ཡོངས་སུ་དག་པའི་སངས་རྒྱས་ཀྱི་ཞིང་ཐམས་ཅད་ལས་དཀར་བའི་སེམས་ཅན་ཡོངསུ་
སྨིན་པར་བྱེད་དོ། །སྙིང་རྗེ་ཆེན་པོས་ལྟ་བར་སོང་བ་དྲུག་བཅུ་རྩ་གཉིས་ལས་ཡོངས་སུ་གྲོལ་བར་བྱེད་པ་བདག་གིས་ཀྱང་ཡང་དེ་བཞིན་དུ་སེམས་ཅན་ཉོན་མོངས་པའི་སྐྱབས་སུ་བསླབ་པར་བྱའོ། །བསྡུ་བའི་དངོས་པོ་རྣམ་པ་བཞི་སྟེ། སྦྱིན་
པ་དང་། ངག་སྙན་པ་དང་། དོན་བྱ་བ་དང་། དོན་འཐུན་པས་སེམས་ཅན་མགུ་བར་བྱའོ། །སྦྱིན་པའི་བསྡུ་བའི་དངོས་པོས་སེམས་ཅན་མགུ་བར་བྱེད་པ་ནི་འདི་ལྟ་སྟེ། ཟས་དང་། སྐོམ་ནས་མགོའི་བར་དུ་སྦྱིན་པས་གང་བྱིན་པའི་བྱང་
ཆུབ་སེམས་དཔའ་དེ་ནི་ཐབས་ལ་མཁས་པས་ཡོངས་སུ་བསྔོས་ཏེ། ཕ་རོལ་ཏུ་ཕྱིན་པ་དྲུག་ཡོངས་སུ་རྫོགས་པར་བྱེད་དོ། །གང་སྦྱིན་པ་བྱིན་པའི་བྱང་ཆུབ་སེམས་དཔའ་དེ་ནི་མཚན་མ་ཡོངས་སུ་བྱིན་པ་འདི་ནི་སྦྱིན་པའི་ཕ་རོལ་དུ་ཕྱིན་
པའོ། །གང་དེ་ནི་དངོས་པོ་ལ་དམིགས་པ་རབ་ཏུ་ཞི་བ་འདི་ནི་ཚུལ་ཁྲིམས་ཀྱི་ཕ་རོལ་ཏུ་ཕྱིན་པའོ། །གང་དངོས་པོ་ཐམས་ཅད་ཡོངས་སུ་བཏང་སྟེ། ལས་ཐམས་ཅད་ལས་ཀུན་དུ་མི་སྤྱོད་པ་འདི་ཡང་བྱང་ཆུབ་སེམས་དཔའི་
བསམ་གཏན་གྱི་ཕ་རོལ་དུ་ཕྱིན་པའོ། །གང་ཡུལ་ལ་མི་བཟོད་པ་མེད་པ་འདི་ནི་བྱང་ཆུབ་སེམས་དཔའི་བཟོད་པའི་ཕ་རོལ་དུ་ཕྱིན་པའོ། །གང་དངོས་པོ་ཡོངས་སུ་བསྟང་སྟེ། དབེན་པར་སྤྱོད་པའི་ཕྱིར་འབྱུང་བ་འདི་ནི་བྱང་ཆུབ་
སེམས་དཔའི་བརྩོན་འགྲུས་ཀྱི་ཕ་རོལ་དུ་ཕྱིན་པའོ། །གང་དངོས་པོ་ཡོངས་སུ་བཏང་སྟེ་ལས་ཐམས་ཅད་ལ་ཀུན་དུ་མི་སྤྱོད་པ་འདི་ཡང་བྱང་ཆུབ་སེམས་དཔའི་བསམ་གཏན་གྱི་ཕ་རོལ་དུ་ཕྱིན་པའོ། །གང་དངོས་པོ་ཡོངས་སུ་སྦྱིན་པའི་
ཕྱིར་བདག་གི་ཡིད་ལ་མི་སེམས་ཤིང་དངོས་པོ་དེ་ལ་དབེན་པར་སེམས་པ་ལ་རྣམ་པར་སྨིན་པར་མི་འདོད་པས་ལེན་པ་དང་། སྦྱིན་པ་གཉིས་མ་བྱུང་། རྣམ་པར་མི་རྟོག །ཀུན་ནས་མི་ལྡང་། དངོས་པོ་མེད། རྣམ་པར་

62-1-123a

བསལ་བ་མེད་པ་འདི་ཡང་བྱང་ཆུབ་སེམས་དཔའི་རང་བཞིན་མི་སྐྱེ་བའི་ཆོས་ཀྱི་བཟོད་པའི་ཤེས་རབ་ཀྱི་ཕ་རོལ་དུ་ཕྱིན་པའོ། །ཡང་བྱང་ཆུབ་སེམས་དཔའ་ཐབས་ལ་མཁས་པས་དོང་ཚེ་གཅིག་བྱིན་པས་ཀྱང་ཕ་རོལ་དུ་
ཕྱིན་པ་དྲུག་ཇི་ལྟར་ཡོངས་སུ་རྫོགས་པར་བྱེད། །རིགས་ཀྱི་བུ་འདི་ལ་བྱང་ཆུབ་སེམས་དཔའ་མཚན་མ་དང་ལྷན་ཅིག་པས་འདི་ལྟར་སློབ་ཏེ། ལུས་མེད་པའི་ཕྱིར་ལོངས་སྤྱོད་ཆེན་པོའི་སྦྱིན་པ་རྣམ་པར་མི་སྒྲུབ། ལོངས་
སྤྱོད་ཆེན་པོའི་རྒྱུར་སྦྱིན་པ་རྣམ་པར་མི་སྤོང་། ལོངས་སྤྱོད་ཆེན་པོའི་སྦྱིན་པ་ཡང་དག་པར་མི་ཤེས་ཏེ། རང་བཞིན་གྱིས་སྟོབས་འཛིན་པ་འདི་ཡང་སྦྱིན་པའི་ཕ་རོལ་དུ་ཕྱིན་པའོ། །གང་འདོད་པའི་ཁམས་ཀྱི་རྣམ་པར་སྨིན་
པ་མི་འདོད་པས། སྦྱིན་པ་བྱིན་པའི་རྒྱུན་བཅད་པ་དང་། དེ་བཞིན་དུ་གཟུགས་དང་གཟུགས་མེད་པའི་རྣམ་པར་སྨིན་པ་མི་འདོད་པས་སྦྱིན་པའི་རྒྱུན་བཅད་པ་དང་། བརྩོན་འགྲུས་ཀྱིས་མཚན་ཉིད་ལ་མི་འཇུག་པ་དང་། 
དྲན་པའི་སྟོབས་མི་སྐྱེ་མི་འགོག་པ་ལ་དམིགས་པས་སྦྱིན་པ་བྱིན་པ་འདི་ཡང་ཚུལ་ཁྲིམས་ཀྱི་ཕ་རོལ་དུ་ཕྱིན་པའོ། །གང་སྦྱིན་པ་ནི་གཡེང་བའི་མཚན་ཉིད་དང་། དྲན་པའི་ཡུལ་ལ་ཡང་དག་པར་རྒྱས་པ་དང་། ལེན་པ་དང་དོར་བ་མེད་
པའི་རང་བཞིན་ཅན་གྱི་ཡུལ་ལ་མི་ཁོམ་པར་དམིགས་ཤིང་སྙེམས་པ་མེད་པ་འདི་ནི་བཟོད་པའི་ཕ་རོལ་དུ་ཕྱིན་པའོ། །གང་ཡང་སྦྱིན་པ་དེ་དམིགས་པ་ཐམས་ཅད་ཀུན་ལྡང་བ་དྲན་པ་ཉེ་བར་གཞག་པའི་ཡེ་ཤེས་དང་། རྣམ་པར་སྤྱོད་
པས་ལམ་མི་མཐུན་པ་ཡོངས་སུ་སྤངས་པའི་ཡེ་ཤེས་དང་། ཉན་ཐོས་དང་། རང་སངས་རྒྱས་ཀྱི་ལམ་ལ་རེག་པ་མེད་པའི་ཡེ་ཤེས་དང་། དམའ་ཞིང་རབ་ཏུ་ཉམས་པའི་ལམ་དང་། ཚིག་པས་གདུངས་པ་རྣམས་སྙིང་རྗེ་
ཐམས་ཅད་ཀྱིས་ཡོངས་སུ་བསྐྱབས་ཏེ་ཞི་བའི་ལམ་དུ་བཞག་པ་དང་། དབེན་པར་སྤྱོད་པ་ལ་བདག་བདེ་བ་སྐྱེད་ཅིང་ཐེག་པ་ཆེན་པོ་ཡོངས་སུ་བཟུང་བའི་ཕྱིར་སྦྱིན་པ་བྱིན་པ་འདི་ནི་བྱང་ཆུབ་སེམས་དཔའི་བརྩོན་འགྲུས་ཀྱི་ཕ་རོལ་

62-1-123b

དུ་ཕྱིན་པའོ། །གང་སྦྱིན་པ་དེ་ལས་ཐམས་ཅད་ལ་འཚན་ཉིད་མཚུངས་ཤིང་ཡུལ་ཐམས་ཅད་ལ་ཏིང་ངེ་འཛིན་སྒྲུབས་པས་སྟོང་པའི་གྲོང་བཞིན་དུ་རྟོག་པ་དང་། མཚན་མ་ཐམས་ཅད་བློ་མེད་ཅིང་དངོས་པོ་མེད་པར་རྟོག་པ་དང་། འདོད་ཆགས་ཐམས་
ཅད་རྐྱེན་ལ་རག་ལས་ཤིང་བླ་ན་མེད་པ་དང་། རྟོག་པ་ཐམས་ཅད་ལུས་མེད་ཅིང་མཚན་ཉིད་སྐད་ཅིག་དུ་འཇིག་པ་དང་། གནས་ཐམས་ཅད་ཡོད་པ་མ་ཡིན་ཞིང་མི་འགྲོ་རྣམ་པར་མི་འགྲོ། ཀུན་ནས་མི་ལྡང་བའི་མཚན་ཉིད་དུ་
རྟོག་པ་འདི་ནི་བྱང་ཆུབ་སེམས་དཔའི་བསམ་གཏན་གྱི་ཕ་རོལ་དུ་ཕྱིན་པའོ། །གང་སྦྱིན་པ་དེ་བདག་ལ་སེམས་པ་དང་། དབེན་པར་སེམས་པ་དང་། རྣམ་པར་སྨིན་པ་འདོད་པར་སེམས་པ་དང་། ལེན་པ་རྣམ་པར་
རྟོག་པར་སེམས་པ་དེ་ལས་འདོད་པའི་ཁམས་ཀྱི་ཕུང་པོ་ལ་མི་གནས་པའི་ཕྱིར་སྦྱིན་པ་དང་། སའི་ཁམས་ལ་ལེན་པ་དང་དོར་བ་མེད་པའི་སྦྱིན་པ་དང་། ཆུ་དང་། མེ་དང་། རླུང་དང་། ནམ་མཁའ་དང་། རྣམ་པར་ཤེས་པའི་
ཁམས་ལ་བླང་བ་དང་དོར་བ་མེད་པའི་སྦྱིན་པ་དང་། ཉན་ཐོས་དང་། རང་སངས་རྒྱས་འདུལ་བའི་ཕྱིར་མི་རྟོག་ཅིང་རྣམ་པར་མི་རྟོག་པའི་སྦྱིན་པ་དང་། ཕུང་པོ་དང་། ཁམས་ལ་ནམ་མཁའ་ཀུན་ནས་ལྡང་བ་དང་། 
གཟུགས་ཀྱི་རང་བཞིན་ལ་རྣམ་པར་མི་དམིགས་པ་དང་། རྣ་བ་དང་། སྣ་དང་། ལྕེ་དང་། ལུས་དང་། ཡིད་དང་། རྣམ་པར་ཤེས་པ་དང་། ཆོས་ལ་རང་བཞིན་རྣམ་པར་མི་དམིགས་པའི་སྦྱིན་པ་དང་། དྲན་པའི་སྟོབས་ཀྱིས་སྦྱིན་པ་དང་། 
བརྩོན་འགྲུས་ཀྱི་སྟོབས་ཀྱིས་རྣམ་པར་མི་རྟོག་པའི་ཕྱིར་མཚན་མ་རྒྱུན་མི་གཅད་པར་སྦྱིན་པ་བྱིན་པ་དང་། སྦྱིན་པ་དེ་སྒྲོལ་བའི་རྣམ་པར་མི་དམིགས། མ་སྐྱེས་མ་བྱུང་བའི་ཕྱིར་འདྲེས་པ་མེད་ཅིང་འཆི་
འཕོ་བ་དང་། སྐྱེ་བའི་སྦྱིན་པ་བྱིན་པ་འདི་ནི་བྱང་ཆུབ་སེམས་དཔའི་ཤེས་རབ་ཀྱི་ཕ་རོལ་དུ་ཕྱིན་པ་ཞེས་སྨྲས་སོ། །གཞན་ཡང་སྦྱིན་པ་དེ་བདག་མི་ཤེས་ཤིང་ལོངས་སྤྱོད་ཐམས་ཅད་གདོན་མི་ཟ་བར་འགྲུབ་པ་

62-1-124a

བདེ་བ་ཐམས་ཅད་སྐྱེ་བ་ལ་བཟོད་པ་འདྲེན་པ་དང་། བརྩོན་འགྲུས་ཀྱིས་སེམས་ཅན་ལ་མཐའ་ཐུག་པ་མེད་ཅིང་རྣམ་པར་མི་རྟོག་པ་དང་། མཚན་མ་ཐམས་ཅད་ལ་བླངས་བ་དང་། དོར་བ་མེད་པ་དང་། བསམ་གཏན་ལ་འདུག་
པ་མེད་པ་དང་། ཁམས་གསུམ་ལ་ཤེས་རབ་དང་། དམྱིགས་པ་ཐམས་ཅད་དང་བྲལ་བ་དེ་དག་གི་ཐབས་ཀྱིས་བྱང་ཆུབ་སེམས་དཔའ་དོང་ཚེ་གཅིག་སྦྱིན་པ་བྱིན་ཏེ། རྣམ་པ་དེ་ལྟ་བུའི་སེམས་སྐྱེད་པས་ཡོངས་སུ་
བསྔོས་པས་ཕ་རོལ་དུ་ཕྱིན་པ་དྲུག་པོ་འདི་དག་ཐམས་ཅད་ལ་གནས་པར་འགྱུར་རོ། །ཉན་ཐོས་དང་། རང་སངས་རྒྱས་འདུལ་བའི་ཕྱིར་ཤིན་ཏུ་བརྟན་པར་མོས་པར་འགྱུར་རོ། །ཉན་ཐོས་དང་། རང་སངས་རྒྱས་ཀྱི་ཐེག་པ་ལ་
རེ་བ་སྐྱེད་པར་མི་བྱེད་དོ། །མུ་སྟེགས་ཅན་འདུལ་བའི་ཕྱིར་འགྲོ་བ་ཐམས་ཅད་ལ་འཇུག་གི། ལྟ་བ་ལོག་པར་ནི་མི་འགྱུར་རོ། །སེམས་ཅན་ཐམས་ཅད་ཉེ་བར་འཚོ་བར་བྱ་བའི་ཕྱིར་སྦྱིན་པའི་ལས་ཐམས་ཅད་དང་། 
ཐམས་ཅད་མཁྱེན་པའི་སྒྲུབ་པའི་དགེ་བ་བཅུའི་རྩ་བ་ཡོངས་སུ་སྔོ་བར་བྱེད་དོ། །བདག་གིར་བྱ་བའི་ལྟ་བ་ཐོབ་པ་དེ་ཚུལ་ཁྲིམས་ལ་ནན་ཏན་དུ་བྱེད་ཅིང་དཀའ་ཐུབ་དང་། བརྟུལ་ཞུགས་ཡང་དག་
པར་སྤྱོད་པར་འགྱུར་རོ། །སེམས་ཅན་དམྱལ་བ་དང་། བྱོལ་སོང་གི་སྐྱེ་གནས་དང་གཤིན་རྗེའི་འཇིག་རྟེན་པའི་སེམས་ཅན་ཡོངས་སུ་སྨིན་པར་བྱ་བ་དང་། སྡུག་བསྔལ་ཡོངས་སུ་ཐར་བར་བྱ་བའི་ཕྱིར་
དགེ་བའི་རྩ་བ་ཡོངས་སུ་སྔོ་བར་བྱེད་དོ། །བདག་སེམས་ཅན་དམྱལ་བ་དང་། བྱོལ་སོང་གི་སྐྱེ་གནས་དང་། གཤིག་རྗེའི་འཇིག་རྟེན་པའི་སྡུག་བསྔལ་གྱིས་འཇིགས་པས་སྐྲག་པར་མི་འགྱུར་རོ། །
བདག་ཀྱང་དེ་བཞིན་དུ་སྙིང་རྗེ་ཆེན་པོའི་བརྩོན་འགྲུས་བརྟན་པ་ཕ་རོལ་གནོན་པའི་སྨོན་ལམ་གྱི་དབང་གིས་དེར་བསམས་བཞིན་དུ་སྐྱེ་བ་མཚུངས་པར་འཛིན་ཏོ། །སེམས་ཅན་ཐམས་ཅད་ཡོངས་སུ་སྨིན་པར་བྱ་བའི་

62-1-124b

ཕྱིར་བཟོད་པ་ཐམས་ཅད་དང་ལྡན་པར་འགྱུར་རོ། །སྐད་ཅིག་མའི་འདུ་བྱེད་ཐམས་ཅད་བརྟག་པར་བྱའོ། །ཡུལ་གཅེས་པ་ཐམས་ཅད་ཡང་དག་པར་མཐོང་ངོ་། །སེམས་ཅན་ཐམས་ཅད་ཡོངས་སུ་སྨིན་པར་བྱ་བའི་ཕྱིར་དགེ་
བའི་རྩ་བ་ཐམས་ཅད་ལ་བརྟན་པའི་བརྩོན་འགྲུས་ཕ་རོལ་གནོན་པར་འགྱུར་རོ། །སེམས་ཅན་ཐམས་ཅད་ཡོངས་སུ་སྨིན་པར་བྱ་བའི་ཕྱིར་སློབ་དཔོན་དང་སློབ་དཔོན་མ་ཡིན་པ་ཐམས་ཅད་ལ་འཇུག་ཅིང་བསམ་གཏན་དང་། ཏིང་
ངེ་འཛིན་ལ་སྙོམས་པར་འཇུག་པའི་རྣལ་འབྱོར་ལ་མངོན་པར་བརྩོན་པར་འགྱུར་རོ། །མངོན་པར་འདུ་མི་བྱེད་པར་བརྟགས་ནས་ཡུལ་ཐམས་ཅད་ཀྱི་བདུད་ཀྱི་ལམ་སྤྱོད་པས་བདག་ཏུ་ལྟ་བར་བྱེད་དོ། །སེམས་ཅན་
འདུལ་བའི་ཕྱིར་ཤེས་རབ་འབྱུང་བར་འགྱུར་རོ། །བྱིས་པའི་ཡུལ་ལ་སྤྱོད་པ་ཐམས་ཅད་ལའང་བདག་ཏུ་ལྟ་བར་བྱེད་དོ། །སེམས་ཅན་ཡོངས་སུ་སྨིན་པར་བྱ་བའི་ཕྱིར་འཇིག་རྟེན་ཐམས་ཅད་ཀྱི་ཡུལ་ལས་ཤིན་དུ་འདས་
ཤིང་བསམ་གཏན་བྱེད་དོ། །འཇིག་རྟེན་ཐམས་ཅད་ཀྱི་ཡུལ་གྱི་སྤྱོད་པ་ལ་ཡང་དག་པར་མཐོང་ངོ་། །སེམས་ཅན་ཐམས་ཅད་ཡོངས་སུ་སྨིན་པར་བྱ་བའི་ཕྱིར་དངོས་པོ་ཐམས་ཅད་ཡོངས་སུ་གཏོང་བར་འགྱུར་རོ། །སེམས་
ཅན་ཐམས་ཅད་ཡོངས་སུ་མགུ་བར་བྱ་བའི་ཕྱིར་རིགས་ཀྱི་བུ་རྣམ་པ་དེ་ལྟ་བུའི་སེམས་ཅན་གྱི་གོ་ཆ་དང་། སེམས་ཅན་ཡོངས་སུ་སྨིན་པའི་རྒྱན་དང་། བྱང་ཆུབ་སེམས་དཔའ་བསྡུ་བའི་དངོས་པོས་སེམས་ཅན་དབུལ་
པོ་དབུལ་བ་ལས་ཡོངས་སུ་ཐར་བར་བྱའོ། །རིགས་ཀྱི་བུ་གཞན་ཡང་འདི་ནི་སེམས་ཅན་ཡོངས་སུ་སྨིན་པར་བྱེད་ཅིང་བྱང་ཆུབ་སེམས་དཔའ་རྣམས་ལ་སྦྱིན་པ་བྱིན་པ་འདི་ནི་སྦྱིན་པའི་ཕ་རོལ་དུ་ཕྱིན་པའོ། །ཇི་ལྟ་བུར་བསམ་པས་
སེམས་ཅན་ཡོངས་སུ་མགུ་བར་བྱེད་པ་དང་། ཡང་ན་ནི་ཟང་ཟིང་གི་བསམ་པའི་སེམས་ཅན་རྣམས་ཟང་ཟིང་གིས་ཡོངས་སུ་སྨིན་པར་བྱེད་པ་དང་། ཆོས་འདོད་པའི་སེམས་ཅན་རྣམས་ཇི་ལྟ་བུར་སེམས་ཅན་རྣམས་

62-1-125a

ལ་གཟུགས་དང་འཐུན་པར་ཆོས་བསྟན་པས་ཡོངས་སུ་མགུ་བར་བྱེད་ཅིང་། ཡོངས་སུ་སྨིན་པར་བྱེད་པ་འདི་ཡང་བྱང་ཆུབ་སེམས་དཔའི་སྦྱིན་པའི་ཕ་རོལ་དུ་ཕྱིན་པའོ། །རིགས་ཀྱི་བུ་གཞན་ཡང་
སེམས་ཅན་ཡོངས་སུ་སྨིན་པས་ཟང་ཟིང་གི་སྦྱིན་པ་ཡང་སྦྱིན་པའི་ལེན་པ་དེ་དག་ལ་བྱམས་པ་དང་འཐུན་པར་སེམས་བསྐྱེད་པར་བྱ་བ་དེ་ཉིད་ཀྱིས་དེ་དག་ཡོངས་སུ་སྨིན་པར་བྱེད་དོ། །རབ་ཏུ་དགའ་བ་སྐྱེ་བའི་བློ་དང་ལྡན་
པའི་སེམས་སྐྱེ་བར་འགྱུར་བ་དེ་ཉིད་ཀྱིས་དེ་དག་ཡོངས་སུ་སྨིན་པར་བྱེད་དོ། །སྙིང་རྗེ་ཅི་བྱའོ་ཅོག་བྱེད་པ་ལ་བརྩོན་པ་དགེ་བའི་སེམས་སྐྱེ་བ་དང་ལྡན་པར་ཡང་འགྱུར་རོ། །བཏང་སྙོམས་ཤིང་སྡིག་པ་མི་བྱེད་པ་དགེ་
བའི་སེམས་སྐྱེ་བར་འགྱུར་བ་དེ་ཉིད་ཀྱིས་དེ་དག་ཡོངས་སུ་སྨིན་པར་བྱེད་དོ། །ཏིང་ངེ་འཛིན་དང་འཐུན་པ་དང་ལྡན་པ་སེམས་སྐྱེ་བར་འགྱུར་བ་དེ་ཉིད་ཀྱིས་དེ་དག་ཡོངས་སུ་སྨིན་པར་བྱེད་དོ། །དོན་ལ་རྟོན་པ་བདག་མེད་པ་
དང་ལྡན་པའི་སེམས་སྐྱེ་བར་འགྱུར་བ་དེ་ཉིད་ཀྱིས་དེ་དག་ཡོངས་སུ་སྨིན་པར་བྱེད་དོ། །དེ་ཡང་སྦྱིན་པ་བྱིན་པའི་ལེན་པ་རྣམས་ཀྱི་སེམས་དང་བསམ་པ་ལ་དང་པོར་བྱང་ཆུབ་ཏུ་སེམས་བསྐྱེད་པ་དེ་ཉིད་ཀྱིས་དེ་དག་ཡོངས་
སུ་སྨིན་པར་བྱེད་དོ། །ལ་ལ་ལེན་པ་རྣམས་ལ་བྱང་ཆུབ་སྤྱད་པ་སྤྱོད་པ་དེ་དག་སྐྱོ་བ་སྐྱེད་པར་བྱེད་པ་དེ་ཉིད་ཀྱིས་དེ་དག་ཡོངས་སུ་སྨིན་པར་བྱེད་དོ། །ལ་ལ་ཡང་ཡུན་རིང་པོ་ནས་བྱང་ཆུབ་སེམས་དཔའི་སྤྱད་པ་སྤྱོད་པ་
རྣམས་ལ་ཇི་ལྟར་བྱང་ཆུབ་སེམས་དཔའ་དེ་དག་གིས་ཉན་ཐོས་དང་། རང་སངས་རྒྱས་ཀྱི་ཐེག་པ་ལ་སྤྱོད་པའི་རྒྱུན་བཅད་ཅིང་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ལས་ཕྱིར་མི་ལྡོག་པར་འགྱུར་བ་དེ་ལྟ་
བུའི་ཆོས་སྟོན་ཅིང་རབ་ཏུ་སྟོན་པ་དེ་ཉིད་ཀྱིས་དེ་དག་ཡོངས་སུ་སྨིན་པར་བྱེད་དོ། །ལ་ལ་ཡང་ཕྱིར་མི་ལྡོག་པ་རྣམས་ལ་ཇི་ལྟ་བུར་སྐྱེས་བུ་དམ་པའི་ཏིང་ངེ་འཛིན་དང་། བཟོད་པའི་གཟུངས་ཐོབ་པས་མི་རྟག་པ་དང་། སྡུག་བསྔལ་

62-1-125b

བ་དང་། སྟོང་པ་དང་། བདག་མེད་པ་དང་ལྡན་པ་རྣམ་པ་དེ་ལྟ་བུའི་ཆོས་སྟོན་ཅིང་རབ་ཏུ་སྟོན་པ་དེ་ཉིད་ཀྱིས་དེ་དག་ཡོངས་སུ་སྨིན་པར་བྱེད་དོ། །ལ་ལ་ཡང་བྱང་ཆུབ་སེམས་དཔའ་རྣམས་ལ་ཇི་ལྟར་བྱང་ཆུབ་སེམས་དཔའ་དེ་དག་གིས་སངས་
རྒྱས་ཀྱི་ཞིང་ཡོངས་སུ་དག་པ་རྣམས་རྒྱུན་བཅད་ཅིང་ཉོན་མོངས་པ་དང་། རྙོག་པ་ལྔའི་སངས་རྒྱས་ཀྱི་ཞིང་དུ་སྙིང་རྗེ་ཆེན་པོ་སྐྱེད་པ་དེ་ལྟ་བུའི་ཆོས་སྟོན་ཅིང་རབ་ཏུ་སྟོན་པ་དེ་ན་སྨོན་ལམ་བྱེད་དོ། །དེ་ན་བླ་ན་མེད་པ་ཡང་དག་པར་རྫོགས་
པའི་བྱང་ཆུབ་ཏུ་མངོན་པར་རྫོགས་པར་འཚང་རྒྱ་ཞིང་ལྟ་བ་ངན་པ་དོགས་པ་རྙོག་པའི་སེམས་ཅན་རྣམས་ཐེག་པ་གསུམ་ལ་སྦྱོར་བར་བྱེད་དོ། །ཡོངས་སུ་མྱ་ངན་ལས་འདའ་བར་བྱེད་དོ། །ཐབས་དེས་སེམས་ཅན་བྱེ་བ་ཁྲག་
ཁྲིག་བརྒྱ་སྟོང་མང་པོ་སྨིན་པར་བྱེད་དོ། །རིགས་ཀྱི་བུ་བྱང་ཆུབ་སེམས་དཔའི་བ་སྤུའི་ཁུང་བུ་ཇི་སྙེད་པ་དེ་སྙེད་ཀྱི་སྦྱིན་པའི་དངོས་པོ་རྣམས་ཡང་ན་ནི་ཟང་ཟིང་གི་སྦྱིན་པ་འམ། ཡང་ན་ནི་ཆོས་ཀྱི་སྦྱིན་པའི་ཐབས་ཀྱིས་སེམས་ཅན་
ཡོངས་སུ་སྨིན་པར་བྱེད་དོ། ། བམ་པོ་བཞི་པ། རིགས་ཀྱི་བུ་གཞན་ཡང་བྱང་ཆུབ་སེམས་དཔའ་ངག་སྙན་པའི་བསྡུ་བའི་དངོས་པོས་ཀྱང་སེམས་ཅན་ཡོངས་སུ་སྨིན་པར་བྱེད་དོ། །རིགས་ཀྱི་བུ་
དེ་ན་གང་བྱང་ཆུབ་སེམས་དཔའ་དགའ་བའི་མིག་གིས་ལྟ་བ་དང་། ཚིག་སྙན་པས་དགའ་བར་བྱ་བ་དང་། ངག་འཇམ་པས་སློང་བ་པོ་དང་། ཆོས་ཉན་པ་རྣམས་སྙན་པ་ལ་སྦྱོར་བར་བྱེད་དོ། །སེམས་ཅན་ཡོངས་སུ་སྤྱད་
པས་སྡིག་པ་ལས་ཕྱིར་བཟློག་པར་བྱེད། ལྟ་བར་སོང་བ་ཐམས་ཅད་ལས་ཕྱིར་ལྡོག་པར་བྱེད་དོ། །བྲལ་བ་བཞིའི་སེམས་ཅན་རྣམས་བཞི་ལ་དགོད་པར་བྱེད་དོ། །བཞི་གང་ཞེ་ན། ཚུལ་ཁྲིམས་དང་བྲལ་བའི་སེམས་ཅན་
རྣམས་ངག་སྙན་པ་དང་འཇམ་པས་ཚུལ་ཁྲིམས་ལ་འགོད་པར་བྱེད་པ་དང་། སེམས་ཅན་ལྟ་བ་དང་བྲལ་བ་རྣམས་ཡང་དག་པའི་ལྟ་བ་ལ་འགོད་པར་བྱེད་པ་དང་། སེམས་ཅན་བསམ་པ་དང་བྲལ་བ་རྣམས་བསམ་པ་ཡོངས་སུ་

62-1-126a

སྦྱང་བར་བྱེད་པ་དང་། སེམས་ཅན་ཆོ་ག་དང་བྲལ་བ་རྣམས་ཡང་དག་པའི་ཆོ་ག་ལ་འགོད་པར་བྱེད་པའོ། །རིགས་ཀྱི་བུ་དེ་ན་སེམས་ཅན་ཚུལ་ཁྲིམས་དང་བྲལ་བ་རྣམས་བྱང་ཆུབ་སེམས་དཔའི་ངག་སྙན་པའི་བསྡུ་བའི་དངོས་
པོས་འཕགས་པའི་ཚུལ་ཁྲིམས་ལ་ཇི་ལྟར་འགོད་པར་བྱེད། ཡང་བྱང་ཆུབ་སེམས་དཔའ་བདེན་པ་ཚིག་མི་རྩུབ་པ་དེའི་དྲུང་དུ་སློང་བ་པོ་ཉེ་བར་ཕྱིན་པའི་སེམས་ཅན་དེ་དག་ཀྱང་བསམ་པ་ཤིན་དུ་ཡོངས་སུ་མགུ་བར་བྱེད་དོ། །
དེ་དག་ལ་མཚུངས་པར་ངག་སྙན་པས་གཏམ་སྨྲ་བར་བྱེད་དོ། །དེ་དག་ཀྱང་འདུལ་བར་བྱེད་དོ། །སེམས་ཅན་གང་དགེ་བ་བཅུའི་ལས་ཀྱི་ལམ་དང་ལྡན་པར་འགྱུར་བ་དེ་དག་ཐམས་ཅད་ངག་སྙན་པས་དགེ་བ་བཅུའི་ལས་ཀྱི་ལམ་ལ་
ཡང་དག་པར་གཞོག་པར་བྱེད། འགོད་པར་བྱེད་དོ། །ཚུལ་ཁྲིམས་ངན་པའི་སེམས་ཅན་རྣམས་ཚུལ་ཁྲིམས་ལ་ཡང་དག་པར་གཞོག་པར་བྱེད་འགོད་པར་བྱེད་འཛུད་པར་བྱེད་དོ། །སེམས་ཅན་ལེ་ལོ་ཅན་རྣམས་ཉན་ཐོས་ཀྱི་
ཐེག་པ་ལ་ཡང་དག་པར་གཞོག་པར་བྱེད། འགོད་པར་བྱེད་འཛུད་པར་བྱེད་དོ། །སེམས་ཅན་བདག་བདེ་བར་འདོད་པ་རྣམས་རང་སངས་རྒྱས་ཀྱི་ཐེག་པ་ལ་ཡང་དག་པར་གཞོག་པར་བྱེད། འགོད་པར་བྱེད། འཛུད་
པར་བྱེད་དོ། །གཞན་ཡང་སེམས་ཅན་ལེ་ལོ་ཅན་རྣམས་བརྩོན་འགྲུས་རྩོམ་པ་ལ་འགོད་པར་བྱེད་དོ། །མ་དད་པ་རྣམས་དད་པའི་བརྩོན་འགྲུས་ལ་འགོད་པར་བྱེད་དོ། །ཐོས་པ་ཉུང་བ་རྣམས་མང་དུ་ཐོས་པ་དང་། 
འཆལ་པའི་ཤེས་རབ་ཅན་རྣམས་ཤེས་རབ་ཕུན་སུམ་ཚོགས་པ་དང་། མི་འགྲོགས་པའི་སེམས་ཅན་རྣམས་འགྲོགས་པ་ལ་སྦྱོར་བར་བྱེད་དོ། །གཞན་ཡང་སེམས་ཅན་ཕར་མི་ཤེས་ཤིང་མར་མི་ཤེས་ཏེ་མ་གུས་པ་
རྣམས་ཕ་མ་ལ་གུས་ཤིང་ནད་པ་ལ་བསྙེན་བཀུར་བ་དང་། དྲང་སྲོང་ལ་སྦྱོར་བར་བྱེད། འགོད་པར་བྱེད། སེམས་རྩུབ་པ་རྣམས་བྱམས་པ་ལ་སྦྱོར་བར་བྱེད། སྙིང་རྗེ་མེད་པའི་སེམས་ཅན་རྣམས་

62-1-126b

སྙིང་རྗེ་ལ་སྦྱོར་བར་བྱེད། སེམས་དམའ་བ་ཅན་རྣམས་དགའ་བ་ལ་སྦྱོར་བར་བྱེད། སེམས་གྱིས་ཆགས་པ་རྣམས་བཏང་སྙོམས་ལ་སྦྱོར་བར་བྱེད། སེམས་ཅན་ངན་སོང་གསུམ་དུ་འགྲོ་བ་རྣམས་ཚུལ་ཁྲིམས་ལ་
བཀོད་པས་ལྷའི་བདེ་བ་སྐྱེ་བ་ལ་སྦྱོར་བར་བྱེད་དོ། །འདོད་པ་ལ་སྤྱོད་པའི་སེམས་ཅན་གྱི་ནང་ན་ལྷར་འགྲོ་བའི་སེམས་ཅན་རྣམས་བསམ་གཏན་ལ་བཀོད་པས་གཟུགས་ལ་སྤྱོད་པའི་ལྷའི་བསམ་གཏན་བདེ་བ་ལ་སྦྱོར་བར་བྱེད་དོ། །སེམས་
ཅན་བསམ་གཏན་ལ་ཆགས་པ་རྣམས་གཟུགས་ལ་འཇུག་པ་སྙོམས་པར་སྦྱོར་བར་བྱེད། གཟུགས་མེད་པའི་ཁམས་སུ་སྙོམས་པར་འཇུག་པ་ལ་མངོན་པར་ཆགས་པའི་སེམས་ཅན་རྣམས་མི་རྟག་པ་དང་། སྡུག་བསྔལ་
བ་དང་། སྟོང་པ་དང་། བདག་མེད་པ་ལ་སྦྱོར་བར་བྱེད་དོ། །སེམས་ཅན་བདག་ཏུ་འདུ་ཤེས་པ་ལ་མངོན་པར་ཆགས་པ་རྣམས་ཉེ་བར་ལེན་པའི་ཕུང་པོ་ལྔ་ལ་མི་འཇིགས་ཤིང་དབུ་བ་དང་། སྨིག་རྒྱུ་ལྟ་བུ་དང་། མདའ་དང་། 
རལ་གྲིས་འཕངས་ཏེ་གསོད་པའི་སྐྱེས་བུ་ལྟ་བུའི་སེམས་ཅན་རྣམས་ལ་སྟོན་པར་བྱེད་དོ། །རྒྱུན་དུ་ཞུགས་པའི་འབྲས་བུ་ལ་འགོད་པར་བྱེད་པ་ནས། དགྲ་བཅོམ་པའི་བར་དུ་འགོད་པར་བྱེད་དོ། །གཞན་ཡང་སེམས་ཅན་
བསྟན་པ་ངན་པ་ལ་རབ་ཏུ་མོས་ཤིང་སངས་རྒྱས་དང་། ཆོས་དང་དགེ་འདུན་ལ་མངོན་པར་མོས་པ་མེད་པའི་སེམས་ཅན་དེ་དག་སངས་རྒྱས་ཀྱི་ཡོན་ཏན་སྟོན་པར་བྱེད། སངས་རྒྱས་ལ་མི་ཕྱེད་པར་རབ་ཏུ་མོས་པ་ལ་རབ་
ཏུ་གཞོག་པར་བྱེད། རབ་ཏུ་འགོད་པར་བྱེད་པ་ནས་ཆོས་དང་དགེ་འདུན་གྱི་བར་དུའོ། །གང་ལོག་པ་ལ་ལྟ་བའི་སེམས་ཅན་ལོག་པར་སྟོན་ཅིང་ཕྱི་རོལ་གྱི་མུ་སྟེགས་ཅན་གྱི་ཚུལ་ཁྲིམས་ལ་ཡང་དག་པར་ཞུགས་པའི་སེམས་
ཅན་དེ་དག་སྐྱབས་གསུམ་དུ་འགྲོ་བ་ལ་སྦྱོར་བར་བྱེད། དགེ་བསྙེན་པའི་སྡོམ་པ་དང་། རབ་ཏུ་བྱུང་བའི་སྡོམ་པ་དང་། འཕགས་པའི་འཇིག་རྟེན་པ་དང་། འཇིག་རྟེན་ལས་འདས་པའི་ཚུལ་ཁྲིམས་ལ་སྦྱོར་བར་བྱེད་འགོད་པར་བྱེད་དོ། །དགེ་བ་བཅུའི་ལས་ཀྱི་ལམ་

62-1-127a

ནི་འཇིག་རྟེན་པའི་ཚུལ་ཁྲིམས་འཕགས་པའི་སློབ་པ་ལ་སྡོམ་པ་ནི་འཇིག་རྟེན་ལས་འདས་པའི་ཚུལ་ཁྲིམས་ཏེ། མུ་སྟེགས་ཅན་གཞན་གྱི་ཚུལ་ཁྲིམས་ཀྱིས་ངན་སོང་གསུམ་དུ་འགྲོ་བའི་སེམས་ཅན་དག་གང་གིས་ལྷ་
དང་མིར་སྐྱེ་བ་ཐོབ་པའི་འཇིག་རྟེན་པའི་སེམས་ཅན་ལ་མངོན་པར་འགོད་པར་བྱེད་དོ། །འདོད་པའི་ཁམས་ཀྱི་ལྷ་རྣམས་ལ་ཡང་དེ་ཉིད་ཀྱིས་དེ་དག་ཡོངས་སུ་སྨིན་པར་བྱེད་དོ། །སེམས་ཅན་འཇིག་རྟེན་པའི་ཚུལ་ཁྲིམས་ལ་
ཞུགས་པ་རྣམས་འཕགས་པའི་སློབ་པའི་སྡོམ་པའི་ཚུལ་ཁྲིམས་ལ་འགོད་པར་བྱེད་དོ། །གང་གིས་ཟག་པ་མེད་པའི་ལམ་གྱི་འབྲས་བུ་ཐོབ་པ་དེ་ཉིད་ཀྱིས་དེ་དག་ཡོངས་སུ་སྨིན་པར་བྱེད་དོ། །སེམས་ཅན་ཉན་ཐོས་ཀྱི་ཐེག་པ་པ་
རྣམས་གང་སངས་རྒྱས་ཀྱི་ཐེག་པ་ལ་སྦྱོར་བར་བྱེད་པ་དེ་ཉིད་ཀྱིས་དེ་དག་ཡོངས་སུ་སྨིན་པར་བྱེད་དོ། །རང་སངས་རྒྱས་ཀྱི་ཐེག་པ་པ་རྣམས་ཀྱང་བྱང་ཆུབ་སེམས་དཔའི་ཡོན་ཏན་གྱི་ཡུལ་ཕ་རོལ་དུ་ཕྱིན་པ་དྲུག་གི་ཚུལ་ཁྲིམས་ལ་སྦྱོར་བར་བྱེད། 
འགོད་པར་བྱེད་པ་དེ་ཉིད་ཀྱིས་དེ་དག་ཡོངས་སུ་སྨིན་པར་བྱེད་དོ། །བྱང་ཆུབ་སེམས་དཔའ་ཐབས་ལ་མཁས་པས་སེམས་ཅན་ཉན་ཐོས་དང་། རང་སངས་རྒྱས་ཀྱི་ཐེག་པ་པ་རྣམས་འཕགས་པ་བྱང་ཆུབ་སེམས་དཔའི་ཚུལ་ཁྲིམས་ལ་
སྦྱོར་བར་བྱེད་དོ། །རིགས་ཀྱི་བུ་དེ་ལ་འཕགས་པ་བྱང་ཆུབ་སེམས་དཔའི་ཚུལ་ཁྲིམས་གང་ཞེ་ན། སེམས་ཅན་ཕ་རོལ་ལ་གནོད་པ་ཅན་གྱི་ནང་ན་བྱང་ཆུབ་སེམས་དཔའ་ཐམས་ཅད་ལ་གནོད་པ་མེད་པར་གནས་པ་དང་། སེམས་
ཅན་མ་བྱིན་པར་ལེན་པ་རྣམས་ཀྱི་ནང་ན་བྱང་ཆུབ་སེམས་དཔའ་གཞན་གྱི་ནོར་ལ་མི་རྐུ་བའི་སེམས་ཀྱིས་གནས་པ་ནས་ཕ་རོལ་གྱི་ཆུང་མ་ལ་མི་གཡེམ་པ་དང་། བརྫུན་དུ་སྨྲ་བ་ལ་མི་སླུ་བའི་བར་དུའོ། །སེམས་ཅན་ཐམས་
ཅད་ལ་ཕྲ་མ་མི་ཟེར་བ་ནས་ངག་མི་རྩུབ་པའི་བར་དུ་སྟེ། ཚིག་ཀྱལ་པ་ཟེར་བ་སྤངས་པ་དང་། གནོད་སེམས་འདོད་པ་སྤངས་པ་དང་། ཆགས་སེམས་སྤངས་པ་དང་། སེམས་ཀྱི་རྙོག་པ་སྤང་བའི་

62-1-127b

པའི་ཕྱིར་གཞན་གྱི་བསྟན་པ་སྤངས་པ་དང་། སངས་རྒྱས་དང་། ཆོས་དང་། དགེ་འདུན་གྱི་ཡོན་ཏན་ལ་གུས་པར་བྱ་བ་ལ་མི་ཟད་པར་མོས་ཤིང་ཉན་པར་འདོད་པ་དང་། སླབ་པ་ལ་མི་ཟད་པར་གུས་པ་སྐྱེས་པ་དང་། ཁ་ན་མ་ཐོ་བ་ཅུང་
ཟད་ཙམ་ལ་འཇིགས་པར་ལྟ་བ་དང་། ཐེག་པ་གཞན་མི་འདོད་པས་ཚུལ་ཁྲིམས་མ་ཞིག་པ་དང་། མ་རུང་བ་སྐྱེ་བ་ལ་ཡང་དག་པར་གནས་པ་རྣམས་སྐྱོ་བས་ཚུལ་ཁྲིམས་མ་རལ་བ་དང་། ཉོན་མོངས་པའི་བག་ཆགས་སྤངས་པས་
ཚུལ་ཁྲིམས་འདྲེས་མ་མེད་པ་དང་། ཆོས་དཀར་པོ་འཕེལ་བས་མཁས་པས་མི་དམོད་པ་དང་། དྲན་པས་སྨྲ་བ་དང་། ཏིང་ངེ་འཛིན་ཁ་ན་མ་ཐོ་བ་མེད་པ་དང་། དབང་པོ་དྲུག་སྲུང་བ་དང་། འདོད་པ་དང་ཆགས་སེམས་ཀྱི་
འདོད་པ་རབ་ཏུ་སྤངས་པས་བསམ་པ་བསྔགས་པའོ། །ལྷ་དང་མི་མངོན་པར་མོས་པར་བྱ་བའི་ཕྱིར་རྩོད་པ་དང་ཐབ་མོའི་འདུ་འཛི་ཅན་ཡོངས་སུ་སྤངས་པ་དེ་ཉིད་ཀྱིས་དེ་དག་ཡོངས་སུ་སྨིན་པར་བྱེད་པའོ། །སེམས་ཅན་
ཡོངས་སུ་བསྐྱབ་པའི་ཕྱིར་སེམས་ཅན་སྙིང་རྗེ་མེད་པའི་ནང་ན་འདུག་པ་ལ་བྱམས་པ་སྤྱོད་པར་འགྱུར་རོ། །སྡུག་བསྔལ་ཐམས་ཅད་བཟོད་པའི་སེམས་དང་། ངན་འགྲོར་འགྲོ་བ་ལ་ཞུམ་པ་མེད་པའི་སེམས་དང་། 
བདག་འཁྲུལ་པ་ཕྱིར་འབྱིན་པ་དང་། གཞན་འཁྲུལ་པ་ལ་ནི་རྩོད་ཅིང་འདོར་བ་དེ་ཉིད་ཀྱིས་དེ་དག་ཡོངས་སུ་སྨིན་པར་བྱེད་དོ། །ཉོན་མོངས་པ་དང་། རྙོག་པ་ལྔའི་སངས་རྒྱས་ཀྱི་ཞིང་འདིར་སེམས་ཅན་མཐའ་མེད་པར་
བྱེད་པ་དང་། དམ་པའི་ཆོས་སྤོང་བ་དང་། འཕགས་པ་ལ་སྐུར་པ་འདེབས་པ་དང་། ལེ་ལོ་ཅན་དང་། མི་དགེ་བའི་རྩ་བ་དང་ལྷན་ཅིག་ཏུ་འགྲོགས་པའི་ནང་ན་བྱང་ཆུབ་སེམས་དཔའ་དགེ་བའི་བརྩོན་འགྲུས་
བརྩམས་པར་འགྱུར་རོ། །ལུས་དང་། ངག་དང་། ཡིད་ཡོངས་སུ་སྦྱོང་བའི་ཕྱིར་ཚུལ་ཁྲིམས་དང་། ཐོས་པ་དང་། གཏོང་བ་དང་། བསམ་གཏན་དང་། ཚད་མེད་པའི་ལས་དང་། གཟུགས་མེད་

62-1-128a

པའི་ཁམས་ཀྱི་དགེ་བའི་རྩ་བ་ལ་བརྩོན་འགྲུས་བརྩམས་པར་འགྱུར་རོ། །འདོད་པའི་ཁམས་དང་། གཟུགས་དང་། གཟུགས་མེད་པའི་ཕུང་པོ་ཉོན་མོངས་པའི་བག་ཆགས་ཀྱི་ལྟ་བ་ཀུན་དུ་སྦྱོར་བ་དང་། ཚུལ་
འཆོས་པ་དང་། ཁ་གསག་གི་མཚན་མ་དང་། འཇིག་ཚོགས་ཀྱི་མཚན་མ་དང་། མཐར་འཛིན་པའི་ལྟ་བ་ཡོངས་སུ་སྦྱང་བ་དང་། རབ་ཏུ་སྤངས་པའི་ཕྱིར་རྩོལ་བ་དེ་དང་དེ་དག་གི་དགེ་བའི་རྩ་བ་ལ་ཡང་སེམས་ཅན་
སྦྱོར་བར་བྱེད། འགོད་པར་བྱེད་པ་དེ་ཉིད་ཀྱིས་སེམས་ཅན་ཡོངས་སུ་སྨིན་པར་བྱེད་པ་སྟེ། རིགས་ཀྱི་བུ་བྱང་ཆུབ་སེམས་དཔའ་རྣམས་སེམས་ཅན་ཡོངས་སུ་སྨིན་པར་བྱ་བའི་ཕྱིར་བརྩོན་འགྲུས་དང་ཚུལ་ཁྲིམས་ཀྱི་སེམས་
ཀྱི་གོ་ཆ་ལ་བརྩོན་པ་འདི་ཡང་འཇིག་རྟེན་པའི་ངག་སྙན་པའི་བསྡུ་བའི་དངོས་པོའོ། །གང་གིས་གོ་ཆའི་ཐབས་ལ་མཁས་པས་ཉོན་མོངས་པ་དང་། རྙོག་པ་ལྔའི་སངས་རྒྱས་ཀྱི་ཞིང་འདིར་བྱང་ཆུབ་སེམས་དཔའ་སྐྱེས་བུ་ཆེན་པོའི་རྩལ་
ཀྱིས་སེམས་ཅན་མཚམས་མེད་པ་བྱེད་པ་དང་། དམ་པའི་ཆོས་སྤོངས་པ་དང་། འཕགས་པ་ལ་སྐུར་པ་འདེབས་པ་དང་། མི་དགེ་བའི་རྩ་བ་དང་ལྷན་ཅིག་འགྲོགས་པ་དག་ཡོངས་སུ་སྨིན་པར་འགྱུར་རོ། །ཇི་ལྟར་
སངས་རྒྱས་ཀྱི་ཞིང་ཡོངས་སུ་མ་དག་པར་བྱང་ཆུབ་སེམས་དཔའ་རྣམས་རྣམ་པ་དེ་ལྟ་བུའི་སྐྱེས་བུའི་རྩལ་ཡོད་དོ། །རིགས་ཀྱི་བུ་དེའི་ཚེ་གཞུང་འདིས་གང་ཉོན་མོངས་པ་དང་། རྙོག་པ་ལྔའི་སངས་རྒྱས་ཀྱི་ཞིང་དུ་བྱང་ཆུབ་སེམས་
དཔའ་ཕ་རོལ་དུ་ཕྱིན་པ་དྲུག་སྤྱད་པ་སྤྱོད་ཅིང་སྙིང་རྗེ་ཆེན་པོ་དང་ལྡན་པ་དེ་དག་བྱང་ཆུབ་སེམས་དཔའ་ཞེས་བྱ་བར་དེ་ལྟར་རིག་པར་བྱའོ། །བྱང་ཆུབ་སེམས་དཔའི་བ་སྤུའི་ཁུང་བུ་ཇི་སྙེད་པ་དེ་སྙེད་ཀྱི་ངག་སྙན་པའི་བསྡུ་བའི་
དངོས་པོས་སེམས་ཅན་ཡོངས་སུ་སྨིན་པར་བྱེད་དོ། །རིགས་ཀྱི་བུ་དེ་ལ་བྱང་ཆུབ་སེམས་དཔའ་རྣམས་ཀྱི་འཇིག་རྟེན་ལས་འདས་པའི་ཚུལ་ཁྲིམས་དང་། སེམས་ཅན་ཡོངས་སུ་སྨིན་པ་དང་། དོན་བྱ་བའི་བསྡུ་བའི་དངོས་པོ་གང་ཞེ་ན། 

62-1-128b

རིགས་ཀྱི་བུ་ཉོན་མོངས་པ་དང་། རྙོག་པ་ལྔའི་སངས་རྒྱས་ཀྱི་ཞིང་འདིར་བྱང་ཆུབ་སེམས་དཔའ་བརྟན་པའི་སྙིང་རྗེ་ཆེན་པོས་བཅིངས་པ་དང་། བདག་གི་སྨོན་ལམ་གྱི་ཁྱད་པར་གྱིས་བཅིངས་པ་ནི་འདི་ལྟ་སྟེ། 
དཔེར་ན་ཕྱུགས་ཤིང་ལ་བཏགས་པ་ལྟར་སྡུག་བསྔལ་མྱོང་བས་ན་སེམས་དང་བསམ་པ་ལ་འཇིགས་པ་འམ། སྐྲག་པ་འམ། ཡོངས་སུ་བསྡིགས་པ་སྐྱེ་བར་མི་འགྱུར་རོ། །དེ་ཆུང་ངུ་ན་སེམས་ཀྱི་སྐད་ཅིག་མ་གཅིག་གིས་ཀྱང་སེམས་ཅན་ཡོངསུ་
སྨིན་པར་བྱ་བའི་ཕྱིར་སྙིང་རྗེ་ཆེན་པོ་འདི་སྒོམ་པ་ན་དེ་ལྟར་བསླབ་བོ། །དེ་འདི་སྙམ་དུ་སེམས་ཏེ། སེམས་ཅན་འདི་གང་སེམས་ཅན་འདི་མིང་ཙམ་ཞིག་གམ། སེམས་ཅན་འདི་ཕྱིན་ཅི་ལོག་ཙམ་ཞིག་གམ། །གཏི་མུག་པ་ཙམ་འམ། ཐ་སྙད་ཙམ་འམ། 
ཐོག་མར་དག་པ་འདི་སེམས་ཅན་ཞེས་བྱ་བ་འམ། ཡང་དག་པ་མ་ཡིན་པར་གཏི་མུག་པ་མ་གཏོགས་པར་ཤིན་དུ་མངོན་པར་མི་སྒྲུབ་པ་དང་། འདུ་བྱེད་སྣ་ཚོགས་ཀྱི་ཕྱིན་ཅི་ལོག་ཀུན་ནས་ལྡང་བ་རྣམས་མངོན་པར་འདུ་བྱ་བ་ན་སྡུག་བསྔལ་
བ་དང་། ཡིད་མི་བདེ་བ་མྱོང་བ་དང་། འདུས་བྱས་ཐམས་ཅད་ཀྱི་དངོས་པོ་གར་མཁན་གྱི་ཚོན་འདྲ་བ་དང་། རྨི་ལམ་ལྟ་བུ་དང་། རང་བཞིན་གྱིས་སྨིག་རྒྱུ་ལྟ་བུ་དང་། འཁོར་བ་ལ་ཆགས་པ་རྣམ་བདེ་བར་འདོད་ཅིང་མངོན་
པར་འདུ་བྱ་བ་དེས་སྡུག་བསྔལ་རྣམ་པ་སྣ་ཚོགས་མྱོང་བ་དང་། ཆོས་ཐམས་ཅད་ནམ་མཁའི་རང་བཞིན་དུ་མི་ཤེས་པ་ན་ཀུན་ཏུ་སྦྱོར་བས་འཁྲུལ་པ་དང་། མྱོས་པའི་སྡུག་བསྔལ་སྣ་ཚོགས་ཀྱི་ནད་འབྱུང་བར་འགྱུར་
བ་དང་། གང་གི་འགྲོ་བ་ལྔའི་འཁོར་བ་ལ་འཁོར་ལོ་སྟུག་པོ་ལྟ་བུའི་སྡུག་བསྔལ་གྱིས་ཡོངས་སུ་འཁོར་བ་དེ་དག་ཀྱང་བདག་ཅག་གིས་ཕྱིན་ཅི་ལོག་བཞི་སྤངས་ཏེ། ཇི་ལྟ་བ་བཞིན་དུ་ཞི་བའི་ལམ་ལ་
དགོད་པར་བྱ་ཞིང་ཡང་དག་པའི་སྡུག་བསྔལ་ཐམས་ཅད་ཀྱིས་ཡོངས་སུ་སྨིན་པར་བྱ་བ་ཞིག་སྙམ་པ་དང་། དེ་སེམས་ཅན་རྣམས་ལ་ཚུལ་བཞིན་དུ་རྟོགས་ཏེ། སེམས་ཅན་རྣམས་ལ་དམིགས་པ་འང་མེད་དོ། །སྲོག་དང་། 

62-1-129a

གསོ་བ་དང་། གང་ཟག་དང་། ཤེད་ལས་སྐྱེས་པ་དང་། ཤེད་ཅན་དུ་དམིགས་པ་འང་མེད་དོ། །སེམས་ཅན་ཡོངས་སུ་སྨིན་པར་བྱ་བའི་ཕྱིར་སྙིང་རྗེ་ཆེན་པོ་ཡང་རྣམ་པར་མི་སྤོང་ངོ་། །བསྟན་པ་ལ་མོས་པས་
སེམས་ཅན་རྣམས་འཇིག་རྟེན་ལས་འདས་པའི་ཚུལ་ཁྲིམས་ལ་སྦྱོར་བར་བྱེད། ཐབས་ལ་མཁས་པས་འགོད་པར་བྱེད། དགོན་པ་དང་། ནགས་འདབ་དུ་འདུག་པའི་ཕྱིར་སྤྱོད་པར་འགྱུར་རོ། །འདུ་འཛི་ཡོངས་སུ་
སྤང་བའི་ཕྱིར་བརྩོན་འགྲུས་བརྩམས་པས་ཉེ་བར་ལེན་པའི་ཕུང་པོ་ལྔ་ལ་ལྷ་དང་མི་མངོན་པར་མོས་པར་བྱ་བའི་ཕྱིར་ཡིད་ལ་བྱེད་པའི་རྣལ་འབྱོར་དང་ལྡན་པར་འགྱུར་རོ། །གང་ཡང་ཕྱག་འཚལ་བ་དང་། བསྙེན་བཀུར་
བ་དང་། འདུ་འཛི་སྤང་བའི་ཕྱིར་སེམས་ཅན་དེ་དག་གི་དྲུང་དུ་ཉེ་བར་ཕྱིན་ནས་ཆོས་སྟོན་ཏེ། བག་ལ་ཉལ་བ་སྤང་བའི་ཕྱིར་འགྲོ་བ་ལྔ་ལ་མངོན་པར་ཆགས་པ་རྗེས་སུ་སྨོན་པ་རྣམ་པར་བྱང་བའི་ཕྱོགས་ལ་སྦྱོར་བར་བྱེད་དོ། །
ཉེས་པ་མང་པོའི་ལྟ་བ་དང་། ང་ཡིར་བྱ་བ་དང་། བདག་གིར་བྱ་བ་དང་། རྟག་པ་དང་ཆད་པ་ཡོངས་སུ་སྤང་བའི་ཕྱིར་དགོན་པའི་གནས་དང་། སྦྱངས་པའི་ཡོན་ཏན་བཅུ་གཉིས་ལ་རབ་ཏུ་གནས་པར་བྱེད་པ་དེ་དག་
གི་གན་དུ་གུས་པ་སྐྱེ་བར་འགྱུར་རོ། །དེ་དག་ལ་འང་འཇིག་རྟེན་ལས་འདས་པའི་ཚུལ་མཁྲིམས་སྟོན་པར་བྱེད་པ་དེ་ནི་སངས་རྒྱས་ཀྱིས་གནང་བ་འཇིག་རྟེན་ལས་འདས་པའི་ཚུལ་ཁྲིམས་འདིའོ། །གང་དང་ལྡན་
པའི་སེམས་ཅན་ཐམས་ཅད་འདོད་པའི་འདོད་ཆགས་འཇིག་པར་བྱེད་དོ། །གཟུགས་དང་གཟུགས་མེད་པའི་འདོད་ཆགས་ཐམས་ཅད་འཇིག་པར་བྱེད་དོ། །བག་ལ་ཉལ་བ་དང་། ང་ཡིར་བྱ་བ་དང་། བདག་གིར་
བྱ་བ་ཐམས་ཅད་འཇིག་པར་བྱེད་དོ། །མྱུར་དུ་ཆོས་ཟབ་མོ་གཏིང་དཔག་དཀའ་བའི་བཟོད་པ་ཐོབ་བོ། །མྱུར་དུ་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་མངོན་པར་འཚང་རྒྱའོ། །སེམས་ཅན་འཇིག་རྟེན་པའི་ཚུལ་

62-1-129b

ཁྲིམས་ཅན་ཡང་དང་ཡང་དུ་སྡུག་བསྔལ་གྱི་ཟིལ་གྱི་ནོན་ཅིང་འགྲོ་བ་ལྔའི་འཁོར་ལོ་ལ་ཡང་དག་པར་གནས་པ་ང་ཡིར་བྱ་བ་དང་། བདག་གིར་བྱ་བ་ལ་རྟེན་པ་དག་བྱང་ཆུབ་ཀྱི་ལམ་རབ་ཏུ་མི་ཤེས་སོ། །དེ་བཞིན་དུ་རྫུ་འཕྲུལ་ཆེན་པོ་འཇིག་
རྟེན་ལས་འདས་པའི་ཚུལ་ཁྲིམས་ཀྱིས་སེམས་ཅན་རྣམས་དགོས་པ་མེད་པ་ནི་གང་ན་བདག་གི་གནས་མེད་ཅིང་སེམས་ཅན་དང་། སྲོག་དང་། གསོ་བ་དང་། གང་ཟག་དང་། ཤེད་ལས་སྐྱེས་པ་དང་། ཤེད་ཅན་གྱི་གནས་མེད་པ་དང་། 
གཟུགས་ཀྱི་གནས་མེད་པ་དང་། ཚོར་བ་དང་། འདུ་ཤེས་དང་། འདུ་བྱེད་དང་། རྣམ་པར་ཤེས་པའི་གནས་མེད་པ་དང་། སའི་ཁམས་ཀྱི་གནས་མེད་པ་དང་། ཆུ་དང་མེ་དང་། རླུང་དང་མིག་དང་། གཟུགས་ཀྱི་མཚན་མ་ལ་མི་གནས་ཤིང་
རྣ་བ་དང་། སྒྲའི་མཚན་མ་ལ་མི་གནས། ལྕེ་དང་། རོའི་མཚན་མ་ལ་མི་གནས། ལུས་དང་། རེག་བྱའི་མཚན་མ་ལ་མི་གནས། ཡིད་དང་ཆོས་ཀྱི་མཚན་མ་ལ་མི་གནས། ལུས་དང་ངག་དང་ཡིད་ཀྱི་མཚན་མ་ལ་མི་གནས། ང་ཡིར་བྱ་
བའི་རང་བཞིན་གྱི་མཚན་མ་ལ་མི་གནས། རྟག་པ་དང་། ཆད་པའི་མཚན་མ་ལ་མི་གནས། འཇིག་ཚོགས་ཀྱི་ལྟ་བ་དང་། མཐར་འཛིན་པའི་ལྟ་བ་ལ་མི་གནས་རྟོག་པ་དང་རྣམ་པར་རྟོག་པ་དང་། ཀུན་དུ་རྟོག་པ་དང་། རབ་ཏུ་རྟོག་པ་དང་། 
ཉེ་བར་རྟོག་པ་ལ་མི་གནས། མྱ་ངན་དང་ཉེ་བའི་མྱ་ངན་དང་རྗེས་སུ་མྱ་ངན་དང་ཟད་པའི་མྱ་ངན་དང་གཉིས་པའི་མྱ་ངན་ལ་མི་གནས། སྟོང་པ་ཉིད་དང་། སྨོན་པ་མེད་པ་དང་། མཚན་མ་མེད་པ་དང་། ཁམས་གསུམ་གྱི་རྒྱུད་ལ་མི་གནས། 
མངོན་པར་འདུ་མི་བྱེད། མ་སྐྱེས། མ་བྱུང་། མ་བྱས། མངོན་པར་མ་བྱས་པ་ལ་མི་གནས། དུས་གསུམ་ལ་མི་གནས། སེམས་དང་ཡིད་ཀྱི་མཚན་ཉིད་ལ་མི་གནས། ཉོན་མོངས་པ་དང་། རྣམ་པར་བྱང་བ་དང་། 
ཚིག་པ་དང་རྗེས་སུ་ཚིག་པ་དང་། སྐད་ཅིག་དུ་འཇིག་པའི་མཐའི་རྡུལ་ལ་མི་གནས། མངོན་པར་མི་ཤེས་པ་དང་། འཐུན་པ་ལ་མི་གནས། ཉན་ཐོས་ཀྱི་ཐེག་པ་སྡོམ་པ་ལ་མི་གནས། རང་སངས་རྒྱས་ཀྱི་ཐེག་པ་ལ་མི་གནས། 

62-1-130a

མཚན་མ་ལ་མི་གནས་ཤིང་ཕ་རོལ་དུ་ཕྱིན་པ་དྲུག་ལ་སྙེམས་པར་མི་གནས་ཀྱི་སེམས་དང་། ཡིད་ཀྱི་རྣམ་པར་ཤེས་པའི་རྣམ་པར་སྤྱོད་པ་ནམ་མཁའ་བཞིན་དུ་གནས་ཤིང་ཡང་དག་པ་དང་ཡང་དག་པ་མ་ཡིན་པའི་རྣམ་པར་
དཔྱོད་པ་ལ་མཚུངས་པར་གནས་སོ། །ཞེན་པ་གཉིས་སུ་མེད་པ་རྣམ་པར་དཔྱོད་པ་དང་། ཆགས་པ་གཉིས་སུ་མེད་པ་རྣམ་པར་དཔྱོད་པ་དང་། ཡེ་ཤེས་གཉིས་སུ་མེད་པ་རྣམ་པར་དཔྱོད་པ་དང་། རྣལ་འབྱོར་གཉིས་སུ་མེད་པ་རྣམ་
པར་དཔྱོད་པ་དང་། ཕ་རོལ་ཏུ་ཕྱིན་པ་གཉིས་སུ་མེད་པ་རྣམ་པར་དཔྱོད་པ་དང་། རྟོག་པ་གཉིས་སུ་མེད་པ་རྣམ་པར་དཔྱོད་པ་དང་། ཟག་པ་དང་བཅས་པ་གཉིས་སུ་མེད་པ་རྣམ་པར་དཔྱོད་པ་དང་། ཉོན་མོངས་པ་མེད་པའི་འདྲེན་པ་གཉིས་སུ་མེད་པ་
རྣམ་པར་དཔྱོད་པ་སྟེ། རིགས་ཀྱི་བུ་རྣམ་པ་དེ་ལྟ་བུའི་ཚུལ་ཁྲིམས་དང་ལྡན་པས་རིགས་ཀྱི་བུ་ཆོས་ཟབ་མོའི་བཟོད་པ་ཐོབ་བོ། །ཐོག་མ་མེད་པའི་སྟོང་པ་ཉིད་རབ་ཏུ་འབྱེད་པའི་ཡེ་ཤེས་ལ་མཁས་པར་འགྱུར་རོ། །ཤེས་རབ་སྣང་བས་
བྱང་ཆུབ་ཀྱི་ལམ་རྣམ་པར་སྦྱོང་བར་བྱེད་དོ། །འཇིག་རྟེན་གྱི་ཆོས་ཀྱིས་གོས་པ་འང་མེད་དོ། །བདུད་ཀྱི་ལས་ཀྱིས་གོས་པ་འང་མེད་དོ། །བག་ཆགས་ཀྱི་རྗེས་སུ་འབྲེལ་བའི་ཉོན་མོངས་པས་གོས་པ་འང་མེད་དོ། །ཕྱོགས་བཅུར་ཤེས་རབ་ཀྱི་སྣང་བས་
ལྡན་པར་འགྱུར་རོ། །ཤེས་རབ་ཀྱི་སྟོབས་སྐྱེས་པས་ཡུལ་ཐམས་ཅད་ཡོངས་སུ་ཤེས་པར་འགྱུར་རོ། །སངས་རྒྱས་ཀྱི་ཆོས་ཐམས་ཅད་ལ་སྣང་བ་ཐོབ་པར་འགྱུར་རོ། །འདོད་ཆགས་ཀྱི་འཁོར་བས་ལྡན་པ་དང་། མྱ་ངན་ལས་
འདས་པ་དང་དངོས་པོ་དང་དངོས་པོ་མེད་པ་ཐམས་ཅད་ཀྱི་ཉོན་མོངས་པ་དང་། རྣམ་པར་བྱང་བ་ཡོངས་སུ་ཤེས་པ་དང་། ཆགས་པ་ཐམས་ཅད་ལས་ཡང་དག་པར་ཤིན་ཏུ་འདས་པ་དང་། མྱ་ངན་ལས་འདའ་བར་འགྲོ་བའི་སྤྱོད་ཡུལ་དུ་འགྱུར་
ཞིང་འཁོར་བའི་ཡུལ་དུ་ཡང་ཡང་དག་པར་མཐོང་ངོ་། །དབེན་པའི་སྤྱོད་ཡུལ་དུ་འང་འགྱུར་ཞིང་འདུ་འཛི་ཐམས་ཅད་ལ་མངོན་པར་ཆགས་པར་ཡང་ཡང་དག་པར་མཐོང་ངོ་། །བསམ་གཏན་གྱི་སྤྱོད་ཡུལ་དུ་འང་འགྱུར་ཞིང་

62-1-130b

བཙུན་མོའི་འཁོར་དུ་ཡང་ཡང་དག་པར་མཐོང་ངོ་། །མངོན་པར་འདུ་མི་བྱེད་པའི་སྤྱོད་ཡུལ་དུ་འང་འགྱུར་ཞིང་འདུ་བྱེད་ཐམས་ཅད་ཀྱི་ཡུལ་དུ་འང་ཡང་དག་པར་མཐོང་ངོ་། །མ་སྐྱེས་པའི་སྤྱོད་ཡུལ་དུ་འང་འགྱུར་ཞིང་བདུད་བཞིའི་ཡུལ་གྱི་སྤྱོད་ཡུལ་དུ་འང་
ཡང་དག་པར་མཐོང་ངོ་། །འཕགས་པའི་སྐྱེ་བོའི་སྤྱོད་ཡུལ་དུ་འང་འགྱུར་ཞིང་། འཕགས་པའི་སྐྱེ་བོའི་སྤྱོད་ཡུལ་མ་ཡིན་པར་ཡང་ཡང་དག་པར་མཐོང་ངོ་། །འཇིག་རྟེན་གྱི་ཡུལ་ལས་ཡང་དག་པར་ཤིན་དུ་འདས་པར་ཡང་འགྱུར་
ཞིང་འཇིག་རྟེན་ཐམས་ཅད་ཀྱི་ཡུལ་གྱི་སྤྱོད་ཡུལ་དུ་འང་ཡང་དག་པར་མཐོང་ངོ་། །ཡེ་ཤེས་ཀྱི་སྤྱོད་ཡུལ་དུ་འང་འགྱུར་ཞིང་བྱིས་པའི་ཡུལ་གྱི་སྤྱོད་ཡུལ་དུ་འང་ཡང་དག་པར་མཐོང་ངོ་། །ཡང་དག་པའི་མཐའི་ཡུལ་མངོན་དུ་འང་འགྱུར་ཞིང་ཉན་ཐོས་དང་། 
རང་སངས་རྒྱས་ཀྱི་ཡུལ་གྱི་སྤྱོད་པ་ལ་ཡང་དག་པར་དགའ་བས་ཀྱང་བྱང་ཆུབ་སེམས་དཔའི་ཡུལ་ལ་སྤྱད་པ་སྤྱོད་དོ། །ཡུལ་ཐམས་ཅད་མཚན་ཉིད་མེད་པའི་སྤྱོད་ཡུལ་ལ་ཤེས་རབ་ཀྱི་ཕ་རོལ་དུ་ཕྱིན་པ་སྒོམ་པར་བྱེད། སྤྱོད་པར་བྱེད། 
མཚན་དང་། དཔེ་བྱད་དང་། སངས་རྒྱས་ཀྱི་ཡུལ་ལ་ཡང་དག་པར་གཞོལ་བའི་རྣམ་པར་ཤེས་པ་ལ་བརྩོན་པས་བདུད་བཞིའི་ཡུལ་ལ་དབྱེ་བར་འཇུག་པ་ཤེས་པར་འགྱུར་རོ། །དེ་བཞིན་གཤེགས་པ་ལ་
མཆོད་ཅིང་རིམ་གྲོ་བྱ་བའི་ཕྱིར་སངས་རྒྱས་ཀྱི་ཞིང་ཐམས་ཅད་དུ་ཉེ་བར་འགྲོ་བ་ལ་བརྩོན་པར་འགྱུར་ཞིང་དེ་བཞིན་གཤེགས་པ་ཐམས་ཅད་ཀྱི་བསྟན་པ་འང་བྱེད་དོ། །སངས་རྒྱས་ཀྱི་ཡུལ་ཐམས་ཅད་ཡོངས་སུ་རྫོགས་
པར་བྱེད་ཅིང་ཐམས་ཅད་མཁྱེན་པའི་ཡེ་ཤེས་ཀྱི་ཡུལ་ལ་ཡང་འཇུག་པར་བྱེད་དོ། །དམིགས་པ་ཐམས་ཅད་ཀྱི་དགེ་བ་སྤྱོད་པ་ལ་སེམས་ཅན་ཡོངས་སུ་སྨིན་པར་བྱེད་དོ། །ཉོན་མོངས་པའི་རི་རྣམ་པར་ཕྱེ་མར་བྱེད་དོ། །
སྤྲོས་པ་ཐམས་ཅད་རབ་ཏུ་དེང་བར་བྱེད་དོ། །ལྟ་བ་ཐམས་ཅད་རྣམ་པར་འཇིག་པར་བྱེད་དོ། །སངས་རྒྱས་ཀྱི་ཆོས་ཐམས་ཅད་ལ་ཡང་འགོད་པར་བྱེད་དོ། །རིགས་ཀྱི་བུ་ཉོན་མོངས་པ་དང་། རྙོག་པ་ལྔའི་སངས་རྒྱས་

62-1-131a

ཀྱི་ཞིང་ན་སེམས་ཅན་མི་དགེ་བའི་རྩ་བ་དང་ལྷན་ཅིག་ཏུ་འགྲོགས་པ་རྣམས་ཀྱི་ནང་ན་བྱང་ཆུབ་སེམས་དཔའ་རྣམ་པ་དེ་ལྟ་བུས་ཕ་རོལ་དུ་ཕྱིན་པ་དྲུག་སྤྱད་པ་སྤྱོད་པའི་ཚེ། རྣམ་པ་དེ་ལྟ་བུའི་དོན་བྱ་བ་བསྡུ་བའི་དངོས་པོས་
སེམས་ཅན་རྣམས་འཇིག་རྟེན་ལས་འདས་པའི་ཚུལ་ཁྲིམས་ལ་སྦྱོར་བར་བྱེད་འགོད་པར་བྱེད་དོ། །ཡོན་ཏན་གྱིས་སངས་རྒྱས་ཀྱི་ཡོན་ཏན་དོན་བྱ་བ་ལ་སེམས་ཅན་རྣམས་འགོད་པར་བྱེད་པ་འདི་དག་ཀྱང་བྱང་ཆུབ་སེམས་དཔའི་
སྐྱེས་བུ་ཆེན་པོའི་ཁུར་ཏོ། །སེམས་ཅན་གྱི་བསྡུ་བའོ། སེམས་ཅན་གྱི་ཚོགས་སོ། །སེམས་ཅན་ཡོངས་སུ་སྨིན་པར་བྱེད་པའོ། །གང་སེམས་ཅན་ཤིན་དུ་དབུལ་པོ་ལས་ཡོངས་སུ་ཐར་བར་བྱེད་པའོ། །རྣམ་པར་
ཐར་པའི་སྒོ་གསུམ་ལ་འགོད་པར་བྱེད་པའོ། །ཇི་ལྟ་བུར་སངས་རྒྱས་ཀྱི་ཞིང་རྣམ་པར་མ་དག་པར་བྱང་ཆུབ་སེམས་དཔའ་ལ་ལ་རྣམ་པ་དེ་ལྟ་བུའི་རྩལ་བྱེད་ཅིང་། བྱང་ཆུབ་སེམས་དཔའི་བ་སྤུའི་ཁུང་བུ་ཇི་སྙེད་པ་
དེ་སྙེད་ཀྱི་དོན་བྱ་བས་སེམས་ཅན་ཡོངས་སུ་སྨིན་པར་འགྱུར་རོ། །རིགས་ཀྱི་བུ་གཞན་ཡང་བྱང་ཆུབ་སེམས་དཔའི་དོན་འཐུན་པ་སེམས་ཅན་ཡོངས་སུ་སྨིན་པའི་རྩ་ལ་ཆེན་པོ་གང་ཞེ་ན། རིགས་ཀྱི་བུ་ཉོན་མོངས་པ་དང་རྙོག་
པ་ལྔའི་སངས་རྒྱས་ཀྱི་ཞིང་འདིར་བྱང་ཆུབ་སེམས་དཔའ་ཕ་རོལ་དུ་ཕྱིན་པ་དྲུག་སྤྱད་པ་སྤྱོད་པ་ན། གང་གི་ཚེ་བདག་བརྩོན་པར་འགྱུར་བ་ཡང་ན་ནི་སྦྱིན་པའི་ཕ་རོལ་དུ་ཕྱིན་པ་དང་། ཡང་ན་ནི་ཚུལ་ཁྲིམས་དང་། 
བཟོད་པ་དང་། བརྩོན་འགྲུས་དང་། བསམ་གཏན་དང་། ཤེས་རབ་ཀྱི་ཕ་རོལ་དུ་ཕྱིན་པ་ལ་བརྩོན་པར་འགྱུར་བ་དེ་དང་དེར་སེམས་ཅན་རྣམས་སྦྱོར་བར་བྱེད་དོ། །གལ་ཏེ་ཡང་བྱང་ཆུབ་སེམས་དཔའ་སྦྱིན་པ་བྱིན་པས་
ཟས་སམ་སྐོམ་ནས། ཡན་ལག་གི་དམ་པ་མགོའི་བར་དུ་གཏོང་བར་འགྱུར་བ་དེ་དེ་ལྟར་སེམས་ཅན་རྣམས་ལ་སྦྱིན་པའི་ཕ་རོལ་དུ་ཕྱིན་པའི་ཡོན་ཏན་སྟོན་པ་དེ་ལ་སྦྱོར་བར་བྱེད་དོ། །གང་གི་ཚེ་བྱང་ཆུབ་སེམས་དཔའ་

62-1-131b

སྲོག་གཅོད་པ་སྤངས་ཤིང་སེམས་ཅན་རྣམས་ལ་སྙིང་རྗེ་བ་དེ་དེ་ལྟར་སྲོག་གཅོད་པ་ཟློག་པར་བྱེད། སེམས་ཅན་ཐམས་ཅད་ལ་སྙིང་རྗེ་བར་སྦྱོར་བར་བྱེད་དོ། །འཇིག་རྟེན་ལས་འདས་པའི་ཚུལ་ཁྲིམས་ལ་འགོད་པར་བྱེད་པ་ནས། 
ཡང་དག་པར་ལྟ་བའི་བར་དུ་སྨྲ་བར་བྱའོ། །ཇི་ལྟར་ཡང་བྱང་ཆུབ་སེམས་དཔའ་བདག་བཟོད་པའི་ཡོན་ཏན་ལྔ་དང་ལྡན་པར་འགྱུར་བ་དང་། བག་ལ་ཉལ་བ་སྤངས་པའི་ཕྱིར་བཟོད་པ་སྒོམ་པར་བྱེད་པ་ནས། མི་སྐྱེ་བའི་ཆོས་
ཀྱི་བཟོད་པ་ཐོབ་པའི་བར་དུ་དེ་ལ་སེམས་ཅན་རྣམས་སྦྱོར་བར་བྱེད་ཅིང་མི་སྐྱེ་བའི་ཆོས་ཀྱི་བཟོད་པའི་བར་དུ་འགོད་པར་བྱེད་དོ། །ཇི་ལྟར་བྱང་ཆུབ་སེམས་དཔའ་བདག་བརྩོན་འགྲུས་བརྩམས་ནས་སེམས་ཅན་ཡོངས་སུ་སྨིན་
པར་བྱ་བའི་ཕྱིར་དགེ་བའི་ལུས་ཀྱི་ལས་བྱིན་གྱིས་བརླབས་པ་དང་། དགེ་བའི་ངག་གི་ལས་དང་། ཡིད་ཀྱི་ལས་བྱིན་གྱིས་བརླབས་པ་ནས་དགེ་བའི་རྒྱུར་འདུ་ཤེས་པ་དང་། ཞི་བ་དང་། སྙིང་རྗེ་ཆེན་པོའི་རྒྱུར་འདུས་བྱས་རྣམས་
རྣམ་པར་མི་སྤོང་བ་དེ་ལ་སེམས་ཅན་རྣམས་སྦྱོར་བར་བྱེད། འགོད་པར་བྱེད་དོ། །ཇི་ལྟ་བུར་བྱང་ཆུབ་སེམས་དཔའ་ཉན་ཐོས་དང་། རང་རྒྱལ་བ་འདུལ་བའི་ཕྱིར་ཉན་ཐོས་དང་། རང་སངས་རྒྱས་ཀྱི་ཐེག་པ་ལ་
གནས་ཏེ། བསམ་གཏན་ལ་བསམ་གཏན་དུ་བྱེད་དོ། །དེ་བཞིན་གཤེགས་པའི་ཏིང་ངེ་འཛིན་ཡོངས་སུ་རྫོགས་པར་བྱ་བའི་ཕྱིར་ཉན་ཐོས་དང་། རང་རྒྱལ་བ་དང་བྲལ་བའི་བསམ་གཏན་ལ་བསམ་གཏན་དུ་བྱེད་དོ། །
བྱང་ཆུབ་སེམས་དཔའ་བདག་མེད་པའི་བསམ་གཏན་ལ་བསམ་གཏན་དུ་བྱེད་པ་ནས་འཁྱིལ་བ་དང་། ལྡོག་པའི་བསམ་གཏན་ཐོབ་པའི་བར་དུ་དེ་ལ་སེམས་ཅན་རྣམས་དེ་དང་དེ་དག་གི་ཡོན་ཏན་ལ་སྦྱོར་བར་བྱེད། འགོད་པར་བྱེད་དོ། །
ཇི་ལྟ་བུར་བྱང་ཆུབ་སེམས་དཔའ་བདག་ཤེས་རབ་ཀྱི་ཕ་རོལ་དུ་ཕྱིན་པ་ལ་མངོན་པར་བརྩོན་པ་ན་ཐབས་སྣ་ཚོགས་ཀྱིས་ཤེས་རབ་ཀུན་འབྱུང་བར་བྱེད་དོ། །ཇི་ལྟར་བདག་མངོན་སུམ་དུ་འགྱུར་བ་དེ་ལྟར་

62-1-132a

རྣམས་སྦྱོར་བར་བྱེད་དོ། །ཇི་ལྟ་བུར་ཆོས་ཐམས་ཅད་ལ་ཡེ་ཤེས་ཐོབ་ཅིང་ཕ་རོལ་མ་ཡིན་པའི་རྐྱེན་མངོན་པར་ཤེས་པ་དེ་ལྟར་སེམས་ཅན་གྱི་རྒྱུའི་ཕྱིར་ཆོས་འདི་དག་འབྱུང་བ་འདི་ནི་སེམས་ཅན་ཡོངས་སུ་སྨིན་པར་སྦྱོར་
བའི་ཐབས་ལ་མཁས་པའི་ཡེ་ཤེས་ཏེ། གང་གི་ལས་ཀྱིས་སེམས་ཅན་རྣམས་དགེ་བའི་རྩ་བ་སྐྱེད་པར་ནུས་པ་དེའི་བར་དུ་སྦྱོར་བའི་བྱིན་གྱིས་བརླབས་པའི་ཕྱིར་ཆགས་པ་ཡང་མེད་དོ། །སེམས་ཅན་ཉན་ཐོས་ཀྱི་ཐེག་པ་པ་
རྣམས་ཉན་ཐོས་ཀྱི་ཐེག་པ་ལ་སྦྱོར་བར་བྱེད་དོ། །སེམས་ཅན་རང་སངས་རྒྱས་ཀྱི་ཐེག་པ་པ་རྣམས་རང་སངས་རྒྱས་ཀྱི་ཐེག་པ་ལ་སྦྱོར་བར་བྱེད་དོ། །སེམས་ཅན་རྣམས་ཇི་ལྟ་བུར་ཕྲ་བའི་ཆོས་ལ་ཡེ་ཤེས་མངོན་སུམ་དུ་འབྱུང་
བར་འགྱུར་བ་དེ་ལྟར་བྱང་ཆུབ་ཀྱི་སྤྱོད་པ་ཟབ་མོ་ལ་སྦྱོར་བར་བྱེད་དོ། །ལས་ཀྱི་རྣམ་པར་སྨིན་པ་ལ་མཁས་པའི་ཡེ་ཤེས་དང་ལྡན་པའི་དྲན་པ་རྣམ་པར་མི་སྤོང་བ་འདི་ཡང་བྱང་ཆུབ་སེམས་དཔའི་ཐབས་ལ་མཁས་པས་རབ་ཏུ་འབྱེད་
པའི་ཡེ་ཤེས་མངོན་པར་བསྒྲུབས་པའོ། །གང་བྱང་ཆུབ་སེམས་དཔའ་ཆོས་དང་སེམས་ལ་དབང་བྱེད་པར་རབ་ཏུ་ཤེས་ཤིང་སྐད་ཅིག་མར་འཇིག་པའི་མཚན་ཉིད་ལ་ཡང་རྟོག་པ་དང་། སེམས་ཅན་ལ་སྙིང་རྗེ་ཆེན་པོ་རྣམ་
པར་མི་སྤོང་བ་འདི་ཡང་བྱང་ཆུབ་སེམས་དཔའི་ཐབས་ལ་མཁས་པས་སེམས་ཅན་ཡོངས་སུ་སྨིན་པ་མངོན་པར་བསྒྲུབས་པའོ། །གང་བྱང་ཆུབ་སེམས་དཔའ་སེམས་ཅན་སྟོང་པ་ཉིད་དང་། དོན་དམ་པ་སྟོང་པ་ཉིད་ལ་
སྤྱོད་པ་ཐམས་ཅད་ཀྱི་མཚན་ཉིད་དུ་དམིགས་པ་ཡང་མེད་ཅིང་སེམས་ཅན་རྣམས་ཐེག་པ་གསུམ་ལ་སྦྱོར་བར་བྱེད་པ་དང་། སེམས་ཅན་ཡོངས་སུ་སྨིན་པར་སྦྱོར་བའི་རྒྱུན་མ་བཅད་པ་འདི་ཡང་བྱང་ཆུབ་སེམས་དཔའི་
ཐབས་ལ་མཁས་པས་སེམས་ཅན་ཡོངས་སུ་སྨིན་པར་མངོན་པར་བསྒྲུབས་པའོ། །གང་བྱང་ཆུབ་སེམས་དཔའ་ལུས་དང་ངག་དང་ཡིད་ཀྱི་འདུ་བྱེད་བདག་མེད་པ་དང་ལྡན་པས་ཆོས་སྟོན་པ་ལ་དམིགས་པ་མེད་པ་དང་། 

62-1-132b

ཉན་པ་དང་། སྒྲ་དང་དབྱངས་ལ་དམིགས་པ་མེད་པ་དང་། ལས་ཀྱི་འབྲས་བུ་རྣམ་པར་སྨིན་པ་ལ་དམིགས་པ་མེད་པ་དང་། སེམས་ཅན་རྣམས་ལ་སྙིང་རྗེ་བའི་ཕྱིར་ཡང་སེམས་ཅན་ཕྱིན་ཅི་ལོག་ལ་ཡང་དག་པར་འདུ་བ་མེད་པ་
རྣམས་ལ་སེམས་ཅན་གྱི་མཚན་ཉིད་གྱི་རྗེས་སུ་འབྲེལ་པ་སྟོན་པ་འདི་ཡང་བྱང་ཆུབ་སེམས་དཔའི་ཐབས་ལ་མཁས་པས་སེམས་ཅན་ཡོངས་སུ་སྦྱང་བ་མངོན་པར་བསྒྲུབས་པའོ། །བྱང་ཆུབ་སེམས་དཔའ་རང་བཞིན་གྱིས་
འདུ་བྱེད་པར་མི་དམིགས་ཤིང་གཏོང་བར་ཡང་མི་དམིགས་པ་དང་ལེན་པ་དང་རྣམ་པར་སྨིན་པའི་འབྲས་བུ་ཡང་མ་ཡིན་ལ། སེམས་ཅན་ལ་སྙིང་རྗེ་བའི་ཕྱིར་ཡང་སྦྱིན་པ་བྱིན་པར་འགྱུར་ལ་སེམས་ཅན་རྣམས་ལ་སྦྱིན་པའི་འབྲས་བུ་རྣམས་པར་སྨིན་
པར་ཡང་སྟོན་པར་བྱེད་པ་དང་། སྦྱིན་པ་པོ་བསོད་ནམས་བྱ་བའི་དངོས་པོ་ལ་སྦྱོར་བར་བྱེད་པ་འདི་ཡང་བྱང་ཆུབ་སེམས་དཔའི་ཐབས་ལ་མཁས་པས་སེམས་ཅན་ཡོངས་སུ་སྨིན་པ་མངོན་པར་བསྒྲུབས་པའོ། །ཡང་
བྱང་ཆུབ་སེམས་དཔའ་ཇི་ལྟར་སེམས་ཅན་གྱི་ལུས་སྤྱོད་པ་མེད་པ་དང་། འགྱུར་བ་མེད་པ་དང་། མི་གཙང་བའི་གཟུགས་བརྙན་ལྟ་བུར་རབ་ཏུ་ཤེས་པ་དང་། སེམས་བྲག་ཆ་ལྟ་བུར་བརྟག་པ་དང་། འདུ་བྱེད་
སྒྱུ་མའི་རང་བཞིན་ལྟ་བུར་རབ་ཏུ་ཤེས་པ་དང་། སེམས་ཅན་རྣམས་ལ་སྙིང་རྗེ་ཆེན་པོ་རབ་ཏུ་སྦྱོར་བ་རྣམ་པར་མི་སྤོང་བ་དང་། སེམས་ཅན་རྣམས་ལུས་དང་ངག་དང་། ཡིད་ཀྱི་འདུ་བྱེད་ལ་སྦྱོར་བར་
བྱེད་པ་དང་། རྒྱུ་དང་འབྲས་བུ་ཡང་དག་པར་སྟོན་པར་བྱེད་པ་འདི་ཡང་བྱང་ཆུབ་སེམས་དཔའི་ཐབས་ལ་མཁས་པས་སེམས་ཅན་ཡོངས་སུ་སྨིན་པ་མངོན་པར་བསྒྲུབས་པའོ། །ཡང་བྱང་ཆུབ་སེམས་དཔའ་ཇི་ལྟ་བུར་
བདག་མེད་ཅིང་མངོན་པར་འདུ་མི་བྱེད་པའི་ཚུལ་ཁྲིམས་ལ་རྟོག་པར་བྱེད་པ་དང་། སྤྱོད་པའི་མཚན་ཉིད་ཀྱང་རབ་ཏུ་ཤེས་པ་དང་། འདི་ལ་སེམས་ཅན་གྱི་བཏང་སྙོམས་སུ་རབ་ཏུ་སྦྱོར་བར་མི་འགྱུར་བ་དང་། 

62-1-133a

སེམས་ཅན་རྣམས་དང་ཕུང་པོ་གསུམ་ལ་སྦྱོར་བར་བྱེད་པ་འདི་ནི་ལྷག་པའི་ཚུལ་ཁྲིམས་སུ་སློབ་པ་དང་ལྷག་པའི་སེམས་དང་ལྷག་པའི་ཤེས་རབ་ལ་སྦྱོར་བར་བྱེད་པ་འདི་ཡང་བྱང་ཆུབ་སེམས་དཔའི་ཐབས་ལ་མཁས་པས་
སེམས་ཅན་ཡོངས་སུ་སྨིན་པ་བསྒྲུབས་པའོ། །ཡང་བྱང་ཆུབ་སེམས་དཔའ་འདི་ལྟར་ལུས་དང་ངག་དང་ཡིད་ཀྱི་འདུ་བྱེད་སྐད་ཅིག་ཏུ་འཇིག་པའི་མཚན་ཉིད་དུ་ཤེས་ཏེ། འདུས་མ་བྱས་ཀྱི་གནས་དང་བྲལ་བར་ཡང་དག་པར་
རྗེས་སུ་མཐོང་ཞིང་སེམས་ཅན་རྣམས་ལ་ཏིང་ངེ་འཛིན་དང་། བཟོད་པའི་རྒྱུ་དང་། འབྲས་བུ་མཚུངས་པར་སྟོན་པ་དེ་ལ་སེམས་ཅན་རྣམས་སྦྱོར་བར་བྱེད་པ་འདི་ཡང་བྱང་ཆུབ་སེམས་དཔའི་ཐབས་ལ་མཁས་པས་
སེམས་ཅན་ཡོངས་སུ་སྨིན་པ་མངོན་པར་བསྒྲུབས་པའོ། །བྱང་ཆུབ་སེམས་དཔའ་ཇི་ལྟར་ཡང་བླང་བ་མེད་པ་དང་དོར་བ་མེད་པའི་འདུ་བྱེད་ཐམས་ཅད་ཤེས་ཤིང་རྒྱུ་དང་འབྲས་བུར་ཡང་རྟོག་པ་དང་། ཆོས་ཐམས་
ཅད་སྐྱེ་བ་དང་། འགོག་པར་དམིགས་པ་མེད་པ་དང་། རྒྱུ་དང་རྐྱེན་གྱི་འབྲས་བུ་རྣམ་པར་སྨིན་པ་དང་བྲལ་བར་རབ་ཏུ་མི་ཤེས་པ་དང་། སེམས་ཅན་རྣམས་ཡོངས་སུ་སྨིན་པར་བྱེད་པ་དང་། སྙིང་རྗེ་ཆེན་པོའི་རྒྱུན་མི་གཅོད་པ་དང་། 
ཡང་སེམས་ཅན་རྣམས་ཀྱི་ཉོན་མོངས་པ་རབ་ཏུ་སྤངས་པ་དང་། ཕུང་པོ་ཡོངས་སུ་ཤེས་པ་དང་། ཡེ་ཤེས་མངོན་སུམ་དུ་བྱ་བའི་ཕྱིར་བརྩོན་འགྲུས་བརྩམ་པ་དང་། རྒྱུའི་འབྲས་བུ་སྟོན་པར་བྱེད་པ་དང་། སེམས་ཅན་
ལེ་ལོ་ཅན་རྣམས་བརྩོན་འགྲུས་ལ་དམིགས་པའི་སྡུག་བསྔལ་འཛིན་པ་ལ་སྦྱོར་བ་འདི་ཡང་བྱང་ཆུབ་སེམས་དཔའི་ཐབས་ལ་མཁས་པས་སེམས་ཅན་ཡོངས་སུ་སྨིན་པ་མངོན་པར་བསྒྲུབས་པའོ། །བྱང་ཆུབ་སེམས་དཔའ་ཇི་
ལྟར་ཡང་བསམ་གཏན་ལ་བསམ་གཏན་དུ་བྱེད་ཅིང་འདུ་བྱེད་ཐམས་ཅད་མི་རྟག་པར་ཡང་དག་པར་རྗེས་སུ་མཐོང་བ་དང་། སྡུག་བསྔལ་བ་དང་། བདག་མེད་པ་དང་། མྱོང་བ་མེད་པ་དང་། བྱས་པ་མེད་པ་དང་། བྱ་བ་མེད་པ་དང་། ཀུན་ནས་

62-1-133b

ལྡང་བ་མེད་པ་དང་། སྐད་ཅིག་ཏུ་ཟད་པ་མེད་པའི་ཡེ་ཤེས་ལ་མཁས་པའི་འདུ་བྱེད་རྣམས་ཡང་དག་པར་རྗེས་སུ་མཐོང་བ་དང་། སེམས་ཅན་རྣམས་ལ་ཡང་ཕུང་པོ་ལ་རྟེན་པའི་བསམ་གཏན་ཚངས་པར་སྤྱོད་པ་མངོན་པར་ཤེས་པ་
ཐོབ་པའི་རྒྱུ་དང་འབྲས་བུ་སྟོན་པ་དང་། བསམ་གཏན་གྱིས་ཉོན་མོངས་པ་སྤང་བར་བྱོས་ཤིག་ཅེས་དེ་ལྟར་ལས་གཞན་མ་ཡིན་པས་སེམས་ཅན་རྣམས་བསམ་གཏན་ལ་སྦྱོར་བར་བྱེད་པ་དང་། ཐོབ་པ་ཆེན་པོ་ཐོབ་པར་བྱོས་
ཤིག་ཅེས་བསམ་གཏན་ལ་སེམས་སྦྱོར་བར་བྱེད་པ་འདི་ཡང་བྱང་ཆུབ་སེམས་དཔའི་ཐབས་ལ་མཁས་པས་སེམས་ཅན་ཡོངས་སུ་སྨིན་པའི་མངོན་པར་སྒྲུབས་པའོ། །ཡང་བྱང་ཆུབ་སེམས་དཔའ་ཇི་ལྟར་བླང་བ་མེད་
ཅིང་དོར་བ་མེད་པ་དང་། ཆགས་པ་དང་། ཁོང་ཁྲོ་བ་གཉི་ག་དང་བྲལ་བས་ཐམས་ཅད་བཏང་སྙོམས་ཐོབ་པ་དང་། ནན་ཏན་དང་། བདག་ཤེས་པ་དང་། མི་སྐྱེ་བའི་ཆོས་ཀྱི་བཟོད་པ་དང་། བསམ་གཏན་གྱི་དབང་པོ་ལ་ཡིད་ཀྱི་འདུ་
བྱེད་རྣམས་རྟོག་པར་མི་བྱེད། རྣམ་པར་རྟོག་པར་མི་བྱེད་པ་དང་། སེམས་ཅན་རྣམས་ལ་སྙིང་རྗེ་ཆེན་པོ་རབ་ཏུ་སྦྱར་བ་ཡོངས་སུ་འགྲུབ་པ་རབ་ཏུ་མི་སྤོང་བ་དང་། ཤེས་རབ་སྒོམ་པ་ལ་བརྩོན་པས་སེམས་ཅན་རྣམས་འཁོར་བའི་བཙོན་
ར་ལས་རབ་ཏུ་ཐར་བར་སྟོན་པ་དང་། སེམས་ཅན་རྣམས་ཐོས་པ་དང་བསམ་གཏན་ལ་བརྩོན་ཞིང་ཚོལ་བ་བསྒོམ་པ་ལ་སྦྱོར་བར་བྱེད་པ་དང་། ཡང་བྱང་ཆུབ་སེམས་དཔའ་ཇི་ལྟ་ཇི་ལྟ་བུར་དགེ་བའི་ཆོས་ཀྱི་ཁྱད་པར་ཁོང་དུ་
ཆུད་པས་འཁོར་བའི་འདམ་ལས་རྒལ་བར་འགྱུར་བ་དེ་ལྟ་དེ་ལྟ་བུར་སེམས་ཅན་རྣམས་ཆོས་དེ་དང་དེ་དག་ལ་ཡང་དག་པར་གཞོག་པར་བྱེད་སྦྱོར་བར་བྱེད། འགོད་པར་བྱེད་པ་འདི་ཡང་བྱང་ཆུབ་སེམས་དཔའི་ཡེ་ཤེས་ཀྱི་
ཐབས་ལ་མཁས་པས་སེམས་ཅན་རྣམས་ཡོངས་སུ་སྨིན་པར་བྱ་བའི་ཕྱིར་དོན་འཐུན་པའི་བསྡུ་བའི་དངོས་པོ་མངོན་པར་བསྒྲུབས་པའོ། །རིགས་ཀྱི་བུ་བྱང་ཆུབ་སེམས་དཔའི་བ་སྤུའི་ཁུང་བུ་ཇི་སྙེད་པ་དེ་སྙེད་ཀྱི་སེམས་ཅན་ཡོངས་སུ་

62-1-134a

སྨིན་པ་དོན་འཐུན་པའི་བསྡུ་བའི་དངོས་པོའོ། །གཞན་ཡང་ཉོན་མོངས་པ་རྙོག་པ་ལྔའི་སངས་རྒྱས་ཀྱི་ཞིང་དུ་ངན་སོང་གསུམ་དང་། ངན་སོང་དུ་སྤྱོད་པའི་ཉེས་པ་དང་། སེམས་ཅན་ཉོན་མོངས་པ་དང་། ཚེ་དང་ལྟ་བ་དང་། བསྐལ་པའི་རྙོག་པས་བྱང་
ཆུབ་སེམས་དཔའ་རྙོག་པ་ལྔའི་སངས་རྒྱས་ཀྱི་ཞིང་འདི་ལས་སྨོན་ལམ་གྱི་རྒྱུན་མི་གཅོད་ཅིང་སངས་རྒྱས་ཀྱི་ཞིང་གི་ཡོན་ཏན་གྱི་ཚོགས་ལ་མངོན་པར་མི་འདོད་པ་དང་། སངས་རྒྱས་ཀྱི་ཞིང་ཡོངས་སུ་དག་པར་སྨོན་ལམ་མི་བྱེད་དོ། །ཡང་ཉོན་
མོངས་པ་དང་། རྙོག་པ་ལྔའི་སངས་རྒྱས་ཀྱི་ཞིང་དུ་ཕ་རོལ་དུ་ཕྱིན་པ་དྲུག་གིས་བྱང་ཆུབ་ཀྱི་སྤྱད་པ་སྤྱོད་པ་ན། སེམས་ཅན་མཚམས་མེད་པ་བྱེད་པ་དང་། དམ་པའི་ཆོས་སྤོང་བ་དང་། འཕགས་པ་ལ་སྐུར་པ་འདེབས་པ་དང་། མི་དགེ་བའི་
རྩ་བ་དང་ལྷན་ཅིག་ཏུ་འགྲོགས་པ་རྣམས་བསྡུ་བའི་དངོས་པོ་རྣམ་པ་བཞི་པོ་འདི་དག་གིས་སེམས་ཅན་རྣམས་ཡོངས་སུ་སྨིན་པ་སྐྱེད་པར་བྱེད་དོ། །ཐེག་པ་གསུམ་ལ་སྦྱོར་བར་བྱེད་དོ། །ཕ་རོལ་དུ་ཕྱིན་པ་དྲུག་ལ་འགོད་པར་བྱེད་དོ། །
དེ་ཡང་འདིར་དེ་ཙམ་གྱིས་བྱང་ཆུབ་ཀྱི་སྤྱད་པ་སྤྱོད་ཅིང་སེམས་ཅན་ཡོངས་སུ་སྨིན་པར་བྱེད་དོ། །འདིར་ཡང་འདུལ་བ་འཛིན་པ་ནས་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་མངོན་པར་འཚང་རྒྱ་བའི་བར་དུའོ། །བྱང་ཆུབ་
ཐོབ་པ་ན་ཡང་སེམས་ཅན་མཚམས་མེད་པ་བྱེད་པ་ནས་མི་དགེ་བའི་རྩ་བ་དང་ལྷན་ཅིག་ཏུ་འགྲོགས་པའི་བར་དུ་ཡོངས་སུ་སྨིན་པར་འགྲོ་ཞིང་སེམས་ཅན་རྣམས་ཐེག་པ་གསུམ་ལ་ཡོངས་སུ་སྨིན་པར་བྱེད་པ་ཉོན་མོངས་པའི་ལྟ་བ་
ཐམས་ཅད་ལས་ཡོངས་སུ་ཐར་བར་བྱེད་པ་འདིའང་རིགས་ཀྱི་བུ་ཉོན་མོངས་པ་དང་། རྙོག་པ་ལྔའི་སངས་རྒྱས་ཀྱི་ཞིང་འདིར་བྱང་ཆུབ་སེམས་དཔའ་རྩལ་ཆེན་པོས་ཡོངས་སུ་སྨིན་པའི་གོ་ཆའོ། །གང་བྱང་ཆུབ་སེམས་དཔའ་ལ་ལས་
སངས་རྒྱས་ཀྱི་ཞིང་ཡོངས་སུ་དག་པར་སེམས་ཅན་གྱི་གོ་ཆ་རྣམ་པ་དེ་ལྟ་བུས་སེམས་ཅན་ཡོངས་སུ་སྨིན་པར་བྱ་བར་མི་ནུས་པ་འདི་ཡང་རིགས་ཀྱི་བུ་བྱང་ཆུབ་སེམས་དཔའ་སེམས་དཔའ་ཆེན་པོ་གོ་ཆ་དེ་ལྟ་བུ་དང་ལྡན་པས་

62-1-134b

སེམས་ཅན་ཡོངས་སུ་སྨིན་པའོ། །ཡང་དག་པར་སྤྱོད་པའི་ཚུལ་ནམ་མཁའི་མདོག་གིས་འདུལ་བའི་བཟོད་པ་ཞེས་བྱ་བ་ཐེག་པ་ཆེན་པོའི་མདོ་ལེའུ་གསུམ་པའོ།། །། རིགས་ཀྱི་བུ་དེ་ལ་བྱང་ཆུབ་སེམས་དཔའ་རྣམ་
ཀྱི་སངས་རྒྱས་ཀྱི་ཞིང་གི་ཡོན་ཏན་གྱི་ཚོགས་གང་ཞེ་ན། རིགས་ཀྱི་བུ་ཉོན་མོངས་པ་དང་། རྙོག་པ་ལྔའི་སངས་རྒྱས་ཀྱི་ཞིང་འདིར་བྱང་ཆུབ་སེམས་དཔའ་སེམས་དཔའ་ཆེན་པོ་སྙིང་རྗེ་ཆེན་པོ་དང་ལྡན་པ་བར་འགའ་ཇི་ཞིག་ཏུ་སྐྱེས་པ་ན་སེམས་ཅན་
མཚམས་མེད་པ་བྱེད་པ་དང་། དམ་པའི་ཆོས་སྤོངས་པ་དང་། འཕགས་པ་རྣམས་ལ་སྐུར་པ་འདེབས་པ་དང་། མི་དགེ་བའི་རྩ་བ་དང་ལྷན་ཅིག་འགྲོགས་པ་རྣམས་ཡོངས་སུ་སྨིན་པར་བྱེད། དགེ་བའི་ཆོས་ཐམས་ཅད་
ལ་སྦྱོར་བར་བྱེད། ཉོན་མོངས་པ་དང་། ལྟ་བའི་བག་ཆགས་ཐམས་ཅད་ལས་སེམས་ཅན་ཡོངས་སུ་སྨིན་པར་བྱེད་ཅིང་། སེམས་ཅན་རེ་རེའི་དོན་གྱི་ཕྱིར་བསྐལ་པའི་སྡུག་བསྔལ་མང་པོ་བཟོད་པ་ནས། སེམས་
ཅན་དེ་འཁོར་བའི་འདམ་ལས་སྒྲོལ་བ་དང་། སངས་རྒྱས་གཅིག་གི་ཐད་དུ་ཕུལ་བ་ནས། སངས་རྒྱས་བྱེ་བ་ཁྲག་ཁྲིག་བརྒྱ་སྟོང་གི་ཐད་ཀྱི་བར་དུ་ཕུལ་ལོ། །གང་གི་ཚེ་སེམས་ཅན་དགེ་བའི་རྩ་བ་ལ་བརྟེན་པར་འགྱུར་
བ་དེ་སངས་རྒྱས་བཅོམ་ལྡན་འདས་ལ་བྱ་བ་བྱས་པ་དང་། རྣམ་པར་རོལ་པ་མངོན་པར་ཤེས་པ་ཏིང་ངེ་འཛིན་གྱི་སྟོབས་ཀྱི་ཕ་རོལ་དུ་ཕྱིན་པ་ཐོབ་པས་ཕྱོགས་བཅུའི་སངས་རྒྱས་ཀྱི་ཞིང་ཆུ་བོ་གང་གཱའི་བྱེ་མ་སྙེད་དུ་རྫུ་
འཕྲུལ་གྱི་སྟོབས་ཀྱིས་ཉེ་བར་འགྲོ་བར་ནུས་པར་འགྱུར་རོ། །དེ་ན་སངས་རྒྱས་བཅོམ་ལྡན་འདས་ལ་བསྙེན་བཀུར་ཏོ། །དེ་ན་སངས་རྒྱས་ཀྱི་ཞིང་གི་ཡོན་ཏན་གྱི་ཚོགས་ཉེ་བར་རྟོགས་སོ། །དེ་ན་ཡོངས་སུ་
དག་པའི་སངས་རྒྱས་ཀྱི་ཞིང་གི་ཡོན་ཏན་གྱི་ཚོགས་ཆེན་པོ་ཡང་ཅི་འདྲ་བ་ཡང་དག་པར་རྗེས་སུ་མཐོང་ངོ་། །དེ་ན་ཡང་རིགས་ཀྱི་བུ་དེའི་ཤིན་ཏུ་སྲེད་པ་དང་ལྡན་པ་སྐྱེ་བར་འགྱུར་རོ། །རིགས་ཀྱི་བུ་དེས་ཡང་དེ་བཞིན་

62-1-135a

གཤེགས་པ་དེ་དག་ལ་ཡོངས་སུ་ཞུས་པ། ལས་ཅིས་ན་བྱང་ཆུབ་སེམས་དཔའ་སངས་རྒྱས་ཀྱི་ཞིང་ཡོངས་སུ་དག་པར་སྐྱེ་བར་འགྱུར། སངས་རྒྱས་ལ་བལྟ་བ་དང་། ཆོས་མཉན་པ་དང་། དགེ་འདུན་ལ་བསྙེན་
བཀུར་བས་བྲལ་བ་མེད་པར་འགྱུར་རོ། །ཉན་ཐོས་དང་། རང་སངས་རྒྱས་ཀྱི་ཐེག་པ་པས་འདྲེས་པ་མེད་པའོ། །ཉོན་མོངས་པ་ཐམས་ཅད་ཀྱིས་འདྲེས་པ་མེད་པའོ། །ཏིང་ངེ་འཛིན་དང་གཟུངས་ཐམས་ཅད་ཀྱིས་
འབྲལ་བ་མེད་པར་འགྱུར་རོ། །ཡང་ཉོན་མོངས་པ་དང་། རྙོག་པ་ལྔའི་སངས་རྒྱས་ཀྱི་ཞིང་དུ་མི་སྐྱེ་བ་ཅི་ཙམ་པ་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་འཚང་མི་རྒྱའོ། །བྱང་ཆུབ་ཐོབ་པའི་སངས་རྒྱས་ཀྱི་
ཞིང་དེ་རྒྱ་ཆེ་ཞིང་སངས་རྒྱས་ཀྱི་ཞིང་གི་ཡོན་ཏན་གྱི་ཚོགས་ཀྱིས་རྒྱས་པར་འགྱུར་རོ། །བྱང་ཆུབ་སེམས་དཔའ་ཐེག་པ་ཆེན་པོ་དག་ལ་ཡང་དག་པར་ཞུགས་པས་སངས་རྒྱས་ཀྱི་ཞིང་དེ་ཁྱབ་པར་འགྱུར་རོ། །ཉན་ཐོས་དང་རང་
སངས་རྒྱས་ཀྱི་ཐེག་པ་པའི་སེམས་ཅན་གྱིས་སངས་རྒྱས་ཀྱི་ཞིང་བྲལ་བར་འགྱུར་རོ། །སངས་རྒྱས་བཅོམ་ལྡན་འདས་དེ་དག་གིས་རིགས་ཀྱི་བུ་དེ་ལ་ཇི་ལྟ་བ་བཞིན་དུ་གསུངས་པ། ལས་གང་དང་གང་སྤྱོད་པ་དང་། 
ནན་ཏན་གང་གིས་ཡོན་ཏན་དེ་དག་ཐོབ་པར་འགྱུར་བ་དེ་ཡང་རིགས་ཀྱི་བུ་ཚེ་རབས་སུ་ཡོན་ཏན་དང་སྤྱོད་པའི་ནན་ཏན་ལ་བརྩོན་པར་འགྱུར་བ་ནས། དེར་སྐྱེ་བར་འགྱུར་བའི་བར་དུའོ། །ཡོན་ཏན་ཇི་
ཙམ་པ་ཐམས་ཅད་ཡོངས་སུ་རྫོགས་ཤིང་སངས་རྒྱས་ཀྱི་ཞིང་གི་ཡོན་ཏན་གྱི་ཚོགས་རྒྱ་ཆེན་པོ་ཐམས་ཅད་ཀྱིས་སངས་རྒྱས་ཀྱི་ཞིང་དུ་ཁྱབ་པར་འགྱུར་རོ། །གང་ན་རིགས་ཀྱི་བུ་བླ་ན་མེད་པ་ཡང་དག་པར་རྫོགས་པའི་
བྱང་ཆུབ་ཏུ་མངོན་པར་འཚང་རྒྱ་བ་དེ་ཉན་ཐོས་དང་རང་སངས་རྒྱས་ཀྱི་ཐེག་པ་རྣམ་པར་སྤངས་པ་སྟེ། བྱང་ཆུབ་སེམས་དཔའ་སེམས་དཔའ་ཆེན་པོ་དག་པ་རྣམས་ལ་ཐེག་པ་ཆེན་པོ་དག་པའི་གཏམ་སྨྲ་བར་བྱེད་ཀྱི་

62-1-135b

ཉན་ཐོས་དང་། རང་སངས་རྒྱས་ཀྱི་གཏམ་ནི་མ་ཡིན་ནོ། །སེམས་ཅན་དགེ་བའི་རྩ་བ་སྐྱེད་པ་དང་། ཡོངས་སུ་སྦྱོང་བ་བྱས་པ་དང་། བྱང་ཆུབ་སེམས་དཔའི་ཡོན་ཏན་བསོད་དང་ལྡན་པ་དང་། སངས་རྒྱས་ཀྱི་ཡོན་ཏན་ཚད་མེད་
པ་ལ་འཇུག་པའི་ཡེ་ཤེས་ལ་མཁས་པ་རྣམས་ལ་ཆོས་སྟོན་པར་བྱེད་དོ། །གང་དག་ལ་ཆོས་སྟོན་པ་དེ་དག་ཐམས་ཅད་སངས་རྒྱས་ཀྱི་ཞིང་ཡོངས་སུ་དག་པར་སྐྱེ་བར་བྱ་བའི་ཕྱིར་སྟོན་གྱི་ཡོངས་སུ་མ་དག་པར་མ་ཡིན་ནོ། །
ཕ་རོལ་ཏུ་ཕྱིན་པ་དྲུག་ཡོངས་སུ་རྫོགས་པར་བྱ་བའི་ཕྱིར་སངས་རྒྱས་ཀྱི་ཞིང་ཡོངས་སུ་དག་པར་བྱང་ཆུབ་ཀྱི་སྤྱོད་པ་བསྔགས་པར་བྱེད་ཀྱི་ཡོངས་སུ་མ་དག་པར་ནི་བསྔགས་པར་མི་བྱེད་དོ། །སེམས་ཅན་གྱི་བསམ་པ་
ཡོངས་སུ་དག་པས་དགེ་བའི་བཤེས་གཉེན་དེ་དག་དང་འགྲོགས་ཤིང་སྟེན་པ་དང་། སྡོམ་པ་ལ་དགོད་པ་དང་། ཡོན་སྦྱོང་བ་བསྔགས་པར་བྱེད་ཀྱི་ཡོངས་སུ་མ་དག་པ་མ་ཡིན་ནོ། །རིགས་ཀྱི་བུ་གང་སངས་རྒྱས་ཀྱི་
ཞིང་ཡོངས་སུ་དག་པར་འདས་པའི་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་དེ་དག་ཐམས་ཅད་ཀྱིས་སྔོན་རྙོག་པ་ལྔའི་སངས་རྒྱས་ཀྱི་ཞིང་ཡོངས་སུ་མ་དག་པར་ཐོག་མར་ས་བོན་
བསྐྱེད་ནས་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་སེམས་བསྐྱེད་དོ། །གང་ཡང་ཕྱོགས་བཅུའི་སངས་རྒྱས་ཀྱི་ཞིང་ཡོངས་སུ་དག་པ་ཚད་མེད་གྲངས་མེད་པར་ད་ལྟར་གྱི་སངས་རྒྱས་བཅོམ་ལྡན་འདས་
བཞུགས་ཤིང་འཚོ་སྐྱོང་བ་བྱང་ཆུབ་སེམས་དཔའ་ཐེག་པ་ཆེན་པོ་དག་ལ་ཡང་དག་པར་ཞུགས་པ་རྣམས་ལ་ཐེག་པ་ཆེན་པོ་དག་པའི་གཏམ་སྨྲ་བའི་དེ་བཞིན་གཤེགས་པ་དེ་དག་ཐམས་ཅད་ཀྱིས་སྔོན་ཉོན་མོངས་པ་དང་རྙོག་
པ་ལྔའི་སངས་རྒྱས་ཀྱི་ཞིང་འདིར་ཐོག་མར་ས་བོན་བསྐྱེད་ནས་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་སེམས་བསྐྱེད་དོ། །འདིར་ཡང་སྔོན་དགེ་བའི་རྩ་བ་ལ་བསྟན་པར་གྱུར་ཏོ། །མངོན་པར་ཤེས་པ་གང་གིས་

62-1-136a

སངས་རྒྱས་ཀྱི་ཞིང་ཡོངས་སུ་དག་པ་ནས་སངས་རྒྱས་ཀྱི་ཞིང་གཞན་དུ་འགྲོ་བའི་མངོན་པར་ཤེས་པ་ཐོབ་པར་གྱུར་ཏོ། །གང་ན་སངས་རྒྱས་ཀྱི་ཞིང་གི་ཡོན་ཏན་གྱི་ཚོགས་ཚད་བཟུང་བ་དང་བརྟགས་པ་དེར་ཕྱིན་ཆད་ཀྱང་སྐྱེ་བར་སྨོན་ལམ་
བྱས་པས། དེར་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཀྱི་བར་དུ་མངོན་པར་འཚང་རྒྱའོ། །ཡང་ཕྱོགས་བཅུའི་སངས་རྒྱས་ཀྱི་ཞིང་ཡོངས་སུ་དག་པར་ཕྱིས་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་མངོན་པར་
འཚང་རྒྱ་བ་དེ་དག་ཐམས་ཅད་ཀྱིས་རྙོག་པ་ལྔའི་སངས་རྒྱས་ཀྱི་ཞིང་ཡོངས་སུ་མ་དག་པར་ཐམས་ཅད་ཀྱི་ཐོག་མར་དགེ་བའི་རྩ་བའི་ས་བོན་བསྐྱེད་ནས་བླ་ན་མེད་པ་ཡང་དག་པར་རྫོགས་པར་བྱང་ཆུབ་བོ། །གང་གི་ཚེ་སེམས་བསྐྱེད་པས་
མངོན་པར་ཤེས་པ་ཐོབ་པ་ནི་ས་རབ་ནས། སངས་རྒྱས་ཀྱི་ཞིང་ཡོངས་སུ་དག་པར་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་མངོན་པར་འཚང་རྒྱ་བའི་བར་དུའོ། །གང་ཡང་ཕྱོགས་བཅུའི་སངས་རྒྱས་ཀྱི་ཞིང་ཡོངས་སུ་དག་པར་
བྱང་ཆུབ་སེམས་དཔའ་དག་ད་ལྟར་ཆོས་ཀྱི་སྒྲ་སྣ་ཚོགས་ཀྱིས་ཉོན་མོངས་པ་སྣ་ཚོགས་དང་བྲལ་ཞིང་ཆོས་ཟབ་མོའི་ཚུལ་ལ་འཇུག་པའི་ཡེ་ཤེས་ལ་མཁས་པ་དང་། ཕྱིར་མི་ལྡོག་པ་དང་། གང་ཡང་ཆོས་ཟབ་མོའི་བཟོད་པ་
ཐོབ་པས་དགའ་བ་དང་བདེ་བ་མྱོང་བར་འགྱུར་རོ། །གང་ཡང་ད་ལྟར་ཁྱེད་ཅག་སངས་རྒྱས་ཀྱི་ཞིང་ཡོངས་སུ་དག་པ་ནས་དེ་བཞིན་གཤེགས་པ་ཤཱཀྱ་ཐུབ་པའི་སངས་རྒྱས་ཀྱི་ཞིང་མི་མཇེད་ཀྱི་རྙོག་པ་ལྔའི་སངས་
རྒྱས་ཀྱི་ཞིང་འདིར་མངོན་པར་ལྷགས་པ་ཁྱེད་ཅག་ཐམས་ཅད་ཀྱི་སྔོན་ཐམས་ཅད་ཀྱི་ཐོག་མར་ཉོན་མོངས་པ་དང་རྙོག་པ་ལྔའི་སངས་རྒྱས་ཀྱི་ཞིང་དུ་དགེ་བའི་རྩ་བའི་ས་བོན་བསྐྱེད་ནས་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་སེམས་བསྐྱེད་དོ། །ཐམས་
ཅད་ཀྱི་ཐོག་མར་ཕ་རོལ་ཏུ་ཕྱིན་པ་དྲུག་ལ་བརྩོན་པར་བྱས་པ་དེ་ལ་ཡང་མངོན་པར་ཤེས་པ་གང་གིས་ཕྱིས་ཕྱོགས་བཅུའི་སངས་རྒྱས་ཀྱི་ཞིང་ཡོངས་སུ་དག་པ་གཞན་དུ་འགྲོ་བའི་མངོན་པར་ཤེས་པ་ཐོབ་པར་གྱུར་ཏོ། །

62-1-136b

གང་ན་སངས་རྒྱས་ཀྱི་ཞིང་གི་ཡོན་ཏན་གྱི་ཚོགས་ཀུན་དུ་ཤེས་ཤིང་རྟོགས་པ་དེར་ཕྱིས་སྐྱེ་བ་མངོན་པར་ཤེས་པའི་སྨོན་ལམ་བྱས་པས་དེ་དག་ཉིད་ཀྱི་ནན་ཏན་གྱིས་ཞུགས་པས་བསམ་པ་ཇི་སྙེད་པ་ཡོངས་སུ་རྫོགས་སོ། །སངས་རྒྱས་ཀྱི་
ཞིང་ཡོངས་སུ་དག་པ་དེར་སྐྱེས་པ་རྣམས་སངས་རྒྱས་གཞན་འཕེལ་བའི་ཕྱིར་ཡང་རྙོག་པ་ལྔའི་སངས་རྒྱས་ཀྱི་ཞིང་ཡོངས་སུ་མ་དག་པ་འདི་ནི་མི་འདོད་དོ། །ཉོན་མོངས་པས་བསྒྲིབས་པ་དང་། །ལྟ་བ་དོག་པར་ཐོབ་པ་འདི་
དག་དམོད་ཅིང་འདི་ལ་སྙིང་རྗེ་ཆེན་པོ་མི་སྐྱེད་པ་དེ་དག་བྱང་ཆུབ་སེམས་དཔའ་ཞེས་བྱའི། སེམས་དཔའ་ཆེན་པོ་ཞེས་མི་བྱའོ། །རིགས་ཀྱི་བུ་འདི་ལྟ་སྟེ་དཔེར་ན་གཏར་མཁན་མཁས་པ་ལ་ལ་མཆོག་ཏུ་དྲི་མི་ཞིམ་པ་
དང་ལྡན་པའི་སྨན་གྱི་ཡོ་བྱད་ཀྱིས་མི་ཞར་བ་དང་ལོང་བ་རྣམས་ཀྱི་མིག་གི་ནད་ཅུང་ཟད་ཙམ་རབ་ཏུ་ཞི་བར་བྱེད་དོ། །ཞི་བར་ཤེས་ནས་དེ་དག་གཅིག་ལ་གཅིག་སྨྲས་པ། བདག་ཅག་གིས་གཟུགས་ཀྱི་སྣང་བ་ལ་ལྟ་བར་བརྩམ་
ཏེ། བདག་ཅག་སྒྲོན་མར་གྱུར་པའི་སྨན་པའི་ཁྱིམ་འདི་ནས་བྱུང་ལ་འགྲོ་བར་བྱའོ་སྙམ་ནས་ཕྱིར་འོང་བ་ཡང་མེད་པ་མང་པོ་དེ་དག་ཀྱང་གང་སྨན་པའི་ཁྱིམ་དེ་ལས་འབྱུང་བར་འགྱུར་རོ། །ཇི་ལྟ་བུར་ནད་འདི་རབ་ཏུ་
ཞི་བ་མེད་པ་དེ་དག་མིག་གི་ནད་ཡུན་རིང་པོར་གནས་པ་བལྟས་ནས་ཡང་འོང་ངོ་། །དེ་དག་ཀྱང་སྨན་པའི་ཁྱིམ་དེར་གནས་པར་འགྱུར་རོ། །དེ་དག་ཡུན་མི་རིང་བས་ཀྱང་ནད་ཐམས་ཅད་གྲོལ་བར་འགྱུར་རོ། །རིགས་ཀྱི་
བུ་དེ་བཞིན་དུ་གང་བྱང་ཆུབ་སེམས་དཔའ་ཉོན་མོངས་པ་དང་། རྙོག་པ་ལྔའི་སངས་རྒྱས་ཀྱི་ཞིང་དུ་གང་ལ་འདོད་ཆགས་དང་། ཞེ་སྡང་དང་། གཏི་མུག་དང་། ང་རྒྱལ་དང་། རྒྱགས་པ་དང་། ལྟ་བ་ངན་པས་རྟག་
ཏུ་གཙེ་བའི་སེམས་ཅན་རྣམས་དེ་ལ་ལ་ལ་དགེ་བའི་བཤེས་གཉེན་གྱིས་ཡོངས་སུ་བཟུང་བར་འགྱུར་བ་དེ་དག་ཀྱང་ཇི་ལྟར་ཡོན་ཏན་ཁོང་དུ་ཆུད་པ་དེ་ལྟར་རྙོག་པ་ལྔའི་སངས་རྒྱས་ཀྱི་ཞིང་དེ་ལས་འབྱོལ་བར་འདོད་དོ། །

62-1-137a

གང་ཡང་དེ་ལས་འདས་ཤིང་སངས་རྒྱས་ཀྱི་ཞིང་ཡོངས་སུ་དག་པར་རྣམ་པར་སྤྱོད་པ་དེ་ཉོན་མོངས་པ་དང་། རྙོག་པ་ལྔའི་སངས་རྒྱས་ཀྱི་ཞིང་དུ་གདོན་མི་ཟ་བར་འགྲོ་བར་འདོད་དོ། །དེ་དག་ཀྱང་སངས་རྒྱས་ཀྱི་ཞིང་དཔག་ཏུ་
མེད་པ་གྲངས་མེད་པ་རྡུལ་ཤིན་དུ་ཕྲ་བ་སྙེད་ལས་ཤིན་ཏུ་འདས་པས་ཡུན་རིང་པོར་སྡུག་བསྔལ་འདོད་པར་འགྱུར་རོ། །གང་གི་ཚེ་དེ་དག་སངས་རྒྱས་ཀྱི་ཞིང་ཡོངས་སུ་དག་པ་དེར་བླ་ན་མེད་པ་ཡང་དག་པར་རྫོགས་
པའི་བྱང་ཆུབ་ཏུ་མངོན་པར་འཚང་མི་རྒྱ་བ་འདི་ཡང་བྱང་ཆུབ་སེམས་དཔའ་རྣམས་ཀྱི་སངས་རྒྱས་ཀྱི་ཞིང་གི་ཡོན་ཏན་གྱི་ཚོགས་ཡོངས་སུ་དག་པའོ། །རིགས་ཀྱི་བུ་དེ་ཅིའི་ཕྱིར་ཞེ་ན། ཉོན་མོངས་པ་དང་། 
རྙོག་པ་ལྔའི་སངས་རྒྱས་ཀྱི་ཞིང་དུ་སྔ་དྲོའི་དུས་གཅིག་གིས་ཀྱང་ཚུལ་ཁྲིམས་བསྲུངས་སོ། །ཚུལ་ཁྲིམས་བསྒོམས་སོ་སྦྱིན་པ་བྱིན་ནོ། །བསམ་གཏན་ལ་བསམ་གཏན་དུ་བྱེད་དོ། །བརྩོན་འགྲུས་བརྩམས་
སོ། །བཟོད་པ་བསྒོམས་སོ། །ཤེས་རབ་ཀྱི་ཡོན་ཏན་བརྩམས་སོ། །སངས་རྒྱས་ཀྱི་ཞིང་ཡོངས་སུ་དག་པར་བསྐལ་པ་བརྒྱ་སྟོང་དུ་འང་ཕ་རོལ་དུ་ཕྱིན་པ་དྲུག་ལ་བརྩོན་པས་སྤྱད་པ་སྤྱོད་པ་ཡང་མ་ཡིན་
ནོ། །རིགས་ཀྱི་བུ་དེ་ཅིའི་ཕྱིར་ཞེ་ན། གང་ཡང་ཉོན་མོངས་པ་དང་། རྙོག་པ་ལྔའི་སངས་རྒྱས་ཀྱི་ཞིང་དུ་ཐམས་ཅད་ཀྱི་ཐོག་མར་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་ས་བོན་བསྐྱེད་དོ། །ཡང་རྙོག་པ་ལྔའི་
སངས་རྒྱས་ཀྱི་ཞིང་དེར་འགྲོ་ཞིང་འདིར་དེ་ཙམ་གྱི་བརྩོན་འགྲུས་བརྩམས་པའི་བརྩོན་འགྲུས་ཀྱིས་དགེ་བའི་ཆོས་ཡོངས་སུ་ཚོལ་བ་ལ་མངོན་པར་བརྩོན་པར་གནས་སོ། །གང་དེ་ལྟ་བུའི་ཡེ་
ཤེས་སྣང་བ་ཐོབ་པ་དེ་ཐམས་ཅད་ཡུལ་སྨྲ་བ་རྣམ་པར་དཔྱོད་པའི་ཡེ་ཤེས་གཡོ་བ་མེད་པར་འགྱུར་རོ། །འཇིག་རྟེན་གྱི་ཆོས་རྣམས་ལས་འཕགས་པར་འགྱུར་རོ། །སངས་རྒྱས་ཐམས་ཅད་ཀྱི་ཞིང་ལྟ་བ་

62-1-137b

སྣང་བར་འགྱུར་རོ། །སེམས་ཅན་གྱི་སྤྱོད་པ་བརྗོད་དུ་མེད་པ་མངོན་པར་ཤེས་པའི་ཡེ་ཤེས་ལ་མཁས་པར་འགྱུར་རོ། །སེམས་ཅན་ལུས་མ་རུངས་པ་དང་། མི་དགེ་བའི་རྩ་བ་རྣམས་དང་ལྷན་ཅིག་ཏུ་འགྲོགས་པ་རྣམས་ལ་
ཡོངས་སུ་གཏོང་བ་ཡང་མེད། སེམས་ཅན་ལུས་ཉོན་མོངས་པས་དཀྲུགས་པ་རྣམས་ཅི་འདྲ་བར་མཐོང་བ་ལ་སེམས་ཀྱི་ནད་ཅི་ཕན་དུ་རབ་ཏུ་ཞི་བར་བྱ་བའི་ཕྱིར་དེ་འདྲ་བའི་སེམས་ཀྱི་སྨན་གྱི་ཡོ་བྱད་རབ་ཏུ་སྟོན་པར་བྱེད་དོ། །
གང་གི་ཉོན་མོངས་པས་སེམས་ཅན་ངན་དུ་སྤྱོད་པ་དང་ལྡན་པར་མཐོང་བའི་ཉོན་མོངས་པ་དེ་དག་བདག་གིས་སྤངས་ཏེ། སེམས་ཅན་དེ་ལ་སྙིང་རྗེ་ཆེན་པོ་སྐྱེད་དོ། །ཉོན་མོངས་པ་དེ་དག་སྤངས་པའི་ཕྱིར་བརྩོན་
པས་སེམས་ཅན་རྣམས་འདུལ་བར་བྱེད་དོ། །ཇི་ལྟར་ཉོན་མོངས་པ་ལས་ཡོངས་སུ་ཐར་བར་བྱ་ཞེས་འདོད་ཆགས་སྤྱོད་པ་རྣམས་མི་མཛེས་པ་ལ་རབ་ཏུ་སྦྱོར་བས་རབ་ཏུ་ཞི་བར་བྱེད་དོ། །ཞེ་སྡང་སྤྱོད་པ་རྣམས་
བྱམས་པར་རབ་ཏུ་སྦྱོར་བ་དང་། གཏི་མུག་སྤྱོད་པ་རྣམས་རྟེན་ཅིང་འབྲེལ་པར་སྦྱོར་བ་དང་། སྐལ་བ་དང་བཅས་པར་སྤྱོད་པ་རྣམས་དབུགས་ཕྱི་ནང་དུ་རྒྱུ་བ་དྲན་པར་རབ་ཏུ་སྦྱོར་བ་དང་། འདོད་ཆགས་སྣྲེལ་ཞིར་སྤྱོད་པ་
རྣམས་བྱམས་པ་དང་། མི་དགའ་བར་རབ་ཏུ་སྦྱོར་བ་དང་། ཞེ་སྡང་སྣྲེལ་ཞིར་སྤྱོད་པ་རྣམས་མི་མཛེས་པ་དང་། བྱམས་པར་རབ་ཏུ་སྦྱོར་བ་དང་། གཏི་མུག་སྣྲེལ་ཞིར་སྤྱོད་པ་རྣམས་མི་མཛེས་པ་དང་། རྟེན་ཅིང་འབྲེལ་
བར་རབ་ཏུ་སྦྱོར་བ་དང་། ལྟ་བ་ངན་པ་ཐོབ་པ་རྣམས་སྟོང་པ་ཉིད་རབ་ཏུ་ཐོབ་པ་དང་། རྐྱེན་སྟོབས་ཅན་རྣམས་ལ་རྗེས་སུ་སྲུང་བ་དང་ལྡན་པ་རབ་ཏུ་སྦྱོར་བ་དང་། རབ་ཏུ་གཟུང་དུ་མེད་ཅིང་དངོས་པོ་མེད་པ་
དང་། སྒྲོག་པ་མེད་པར་ཤེས་པ་རྣམས་ཟབ་མོ་རྣམ་པར་ཞི་བར་རབ་ཏུ་སྦྱོར་བ་དང་། སྤྲོས་པར་ཤེས་པ་རྣམས་ལྷག་མཐོང་སྤྲོས་པའི་གཏམ་རབ་ཏུ་སྦྱོར་བས་ཞི་བར་བྱེད་དོ། །ངེས་པར་འདོད་པ་རྣམས་རིམ་གྱི་སྨྲ་བ་དང་། 

62-1-138a

ཚིག་ཟད་པ་རྣམས་བསྡུ་བ་རབ་ཏུ་སྦྱོར་ཞིང་ཞི་གནས་དང་ལྷག་མཐོང་དུ་རབ་ཏུ་སྦྱོར་བ་དང་། ལྷག་མཐོང་ལ་གུས་པ་ཅན་རྣམས་ནམ་མཁའ་མཐའ་ཡས་སྐྱེ་མཆེད་ལ་རབ་ཏུ་སྦྱོར་བ་དང་ནམ་མཁའ་མཐའ་ཡས་
སྐྱེ་མཆེད་ལ་གུས་པ་ཅན་རྣམས་རྣམ་ཤེས་མཐའ་ཡས་སྐྱེ་མཆེད་ལ་རབ་ཏུ་སྦྱོར་བ་དང་། རྣམ་ཤེས་མཐའ་ཡས་སྐྱེ་མཆེད་ལ་གུས་པ་ཅན་རྣམས་ཅུང་ཟད་མེད་པའི་སྐྱེ་མཆེད་དུ་སྦྱོར་བ་དང་། ཅུང་ཟད་མེད་
པའི་སྐྱེ་མཆེད་ལ་གུས་པ་ཅན་རྣམས་མཚན་མ་མེད་པར་རབ་ཏུ་སྦྱོར་བ་དང་། སྨོན་ལམ་ལ་གུས་པ་ཅན་རྣམས་སྨོན་པ་མེད་པར་སྨྲ་བར་རབ་ཏུ་སྦྱོར་བ་དང་། ཚུལ་ཁྲིམས་ལ་གུས་པ་ཅན་རྣམས་ངན་གསུམ་ལས་ཡོངས་སུ་ཐར་
བར་རབ་ཏུ་སྦྱོར་བ་དང་། ཐོས་པ་ལ་ང་རྒྱལ་ཅན་རྣམས་སྲེད་པ་ཐམས་ཅད་འབྱུང་བ་མེད་པར་རབ་ཏུ་སྦྱོར་བ་དང་། དགོན་པ་པ་ལ་ང་རྒྱལ་མངོན་པར་བརྩོན་པ་རྣམས་དང་། སྦྱངས་པའི་ཡོན་ཏན་ཅན་ལ་ང་རྒྱལ་མངོན་པར་
བརྩོན་པ་རྣམས་ཚད་མེད་པར་རབ་ཏུ་སྦྱོར་བ་དང་། ཕུང་པོ་ལ་རྟག་པར་འདུ་ཤེས་པ་རྣམས་འབྱུང་བ་དང་ཟད་པར་རབ་ཏུ་སྦྱོར་བ་དང་། ཁམས་ལ་བདག་གིར་བྱ་བ་ཡོངས་སུ་སྤངས་པ་རྣམས་སྨིག་རྒྱུ་བར་རབ་ཏུ་སྦྱོར་བ་
དང་། སྐྱེ་མཆེད་ཡོངས་སུ་སྤངས་པ་རྣམས་ལྦུ་བའི་ཕུང་པོར་རབ་ཏུ་སྦྱོར་བ་དང་། འདོད་པའི་ཁམས་ཡོངས་སུ་སྤངས་པ་རྣམས་ཆུ་ཤིང་གི་སྙིང་པོ་མེད་པར་རབ་ཏུ་སྦྱོར་བ་དང་། གཟུགས་ཀྱི་ཁམས་
ཡོངས་སུ་སྤངས་པ་རྣམས་འདུ་བྱེད་མི་རྟག་པར་རབ་ཏུ་སྦྱོར་བ་དང་། གཟུགས་མེད་པའི་ཁམས་ཡོངས་སུ་སྤངས་པ་རྣམས་འདུ་བྱེད་ཐམས་ཅད་སྡུག་བསྔལ་བར་རབ་ཏུ་སྦྱོར་བ་དང་། བསམ་གཏན་ལ་དགའ་བ་དང་བདེ་
བ་ཡོངས་སུ་སྤངས་པ་རྣམས་ཆོས་ཐམས་ཅད་ལ་བདག་མེད་པར་རབ་ཏུ་སྦྱོར་བ་དང་། འཁོར་བའི་སྡུག་བསྔལ་འདོད་པ་རྣམས་མྱ་ངན་ལས་འདའ་བ་ཞི་བར་རབ་ཏུ་སྦྱོར་བ་དང་། གཞན་ཡང་ལམ་ངན་པ་ཡོངས་སུ་སྤངས་པ་རྣམས་

62-1-138b

དགེ་བ་བཅུའི་ལས་ཀྱི་ལམ་ལ་རབ་ཏུ་སྦྱར་བས་ལྟ་བ་དེ་དག་རབ་ཏུ་ཞི་བར་བྱའོ། །ཡིད་དུ་འོང་བའི་སྐྱེ་བོ་ཡོངས་སུ་སྤངས་པ་རྣམས་མི་མཛེས་པར་རབ་ཏུ་སྦྱོར་བ་དང་། གཟུགས་ལ་ཆགས་པ་ཡོངས་སུ་སྤངས་པ་རྣམས་རོ་སྔོན་པོར་རབ་ཏུ་
སྦྱར་བ་དང་། རེག་པ་ལ་ཆགས་པ་ཡོངས་སུ་སྤངས་པ་རྣམས་བྲག་ཅ་འབྱུང་བ་དང་ཟད་པར་རབ་ཏུ་སྦྱོར་བ་དང་། དྲི་ལ་ཆགས་པ་ཡོངས་སུ་སྤངས་པ་རྣམས་རླུང་དུ་རྟོག་པར་རབ་ཏུ་སྦྱོར་བ་དང་། རོ་ལ་ཆགས་པ་ཡོངས་སུ་སྤངས་པ་རྣམས་མི་མཛེས་པ་སྣ་ཚོགས་རབ་ཏུ་སྦྱོར་བ་དང་། རེག་པ་ལ་ཆགས་
པ་ཡོངས་སུ་སྤངས་པ་རྣམས་མི་གཙང་བའི་ཡན་ལག་སུམ་བཅུ་རྩ་དྲུག་རབ་ཏུ་སྦྱོར་བ་དང་། སྙིང་རྗེ་མེད་པ་རྣམས་བྱམས་པར་རབ་ཏུ་སྦྱོར་བ་དང་། གཏོང་བ་མེད་པ་རྣམས་སྦྱིན་པ་ཆེན་པོ་ལྔ་རབ་ཏུ་སྦྱོར་བ་དང་། གཏི་མུག་གིས་སྒྲིབས་པ་རྣམ་ཁ་ཏོན་དུ་རབ་ཏུ་སྦྱོར་བ་དང་། འདུལ་
བ་རྣམས་འཕགས་པའི་རིགས་ལ་དགའ་བར་རབ་ཏུ་སྦྱོར་བ་དང་། སྡུག་བསྔལ་འདུལ་བ་རྣམས་རིམ་གྱིས་སེམས་རྩེ་གཅིག་ཏུ་འདུས་པར་རབ་ཏུ་སྦྱོར་བ་དང་། འདུ་བྱེད་ཐམས་ཅད་ཀྱིས་མངོན་པར་སྤྲོས་པ་རྣམས་རིམ་གྱིས་སེམས་རྩེ་གཅིག་ཏུ་འདུས་
པར་རབ་ཏུ་སྦྱོར་བ་དང་། འདུ་བྱེད་ཐམས་ཅད་ཀྱིས་མངོན་པར་སྤྲོས་པ་རྣམས་སྒྱུ་མ་ལྟ་བུར་རབ་ཏུ་སྦྱོར་བས་ཉོན་མོངས་པ་དེ་དག་ཞི་བར་འགྱུར་རོ།             ། བམ་པོ་ལྔ་པ། གཞན་ཡང་སེམས་ཅན་ལྷ་
དང་མིར་སྐྱེ་སྐ་བར་བསམ་པ་རྣམས་ལ་དགེ་བ་བཅུའི་ལས་ཡོངས་སུ་དག་པར་སྦྱོར་བར་བྱེད་དོ། །ཉན་ཐོས་ཀྱི་ཐེག་པར་བསམ་པ་རྣམས་ལ་འཕགས་པའི་བདེན་པ་བཞི་དང་ལྡན་པར་ཡིད་ལ་བྱེད་པ་སྦྱོར་བར་བྱེད་དོ། །རང་སངས་
རྒྱས་ཀྱི་ཐེག་པར་བསམ་པ་རྣམས་ལ་རྟེན་ཅིང་འབྲེལ་པར་སྨྲ་བ་ཡིད་ལ་བྱེད་པ་སྦྱོར་བར་བྱེད་དོ། །སེམས་ཅན་ཐེག་པ་ཆེན་པོ་ལ་ཡང་དག་པར་ཞུགས་པ་རྣམས་ལ་ཕ་རོལ་ཏུ་ཕྱིན་པ་དྲུག་སྦྱོར་བར་བྱེད་དོ། །ཐོག་མར་
སེམས་བསྐྱེད་པ་རྣམས་ལ་ལྷག་པའི་བསམ་པ་ཕྱིར་མི་ལྡོག་པའི་སེམས་སྦྱོར་བར་བྱེད་དོ། །སེམས་ཅན་ཕ་རོལ་དུ་ཕྱིན་པ་དྲུག་སྤྱོད་པ་ལ་ཡང་དག་པར་ཞུགས་པ་རྣམས་སྙིང་རྗེ་ཆེན་པོ་ལ་ཡོངས་སུ་མི་སྐྱོ་བས་སེམས་

62-1-139a

ཡོངས་སུ་སྨིན་པར་བྱ་བའི་ཕྱིར་སྦྱོར་བར་བྱེད་དོ། །བྱང་ཆུབ་སེམས་དཔའ་ཕྱིར་མི་ལྡོག་པ་རྣམས་ལ་དེའི་འོག་ཏུ་སངས་རྒྱས་ཀྱི་ཞིང་གི་ཡོན་ཏན་གྱི་ཚོགས་ཡོངས་སུ་དག་པར་སྦྱོར་བར་བྱེད་དོ། །ཇི་ལྟ་བུར་སངས་རྒྱས་
ཀྱི་ཞིང་ཡོངས་སུ་དག་པ་གཞན་དུ་རྣམ་པར་སྤྱོད་ཅིང་སངས་རྒྱས་ཀྱི་ཞིང་གི་ཡོན་ཏན་གྱི་ཚོགས་ཡོངས་སུ་དག་པར་སྦྱོར་བར་བྱེད་པ་དེ་དག་དེའི་འོག་ཏུ་མངོན་པར་
ཤེས་པས་རྣམ་པར་རྩེའོ། །ཇི་ལྟ་བུར་སངས་རྒྱས་ཀྱི་ཞིང་ཡོངས་སུ་དག་པ་གཞན་དུ་རྣམ་པར་སྤྱོད་ཅིང་སངས་རྒྱས་ཀྱི་ཞིང་གི་ཚོགས་མངོན་པར་འདོད་པ་དེ་དག་དེའི་འོག་ཏུ་མངོན་པར་ཤེས་པ་རྣམ་པར་རྩེ་བ་དེ་ལ་སྐྱེ་བར་འདོད་པ་ཇི་སྙེད་
པ་དེར་སྐྱེའོ། །ཡང་སངས་རྒྱས་ཀྱི་ཞིང་ཉོན་མོངས་པར་རྣམ་པར་མི་སྤྱོད་ཅིང་སངས་རྒྱས་ཀྱི་ཞིང་གི་ཡོན་ཏན་གྱི་ཚོགས་ཡོངས་སུ་དག་པ་འདོད་པ་ཡང་མེད་པ་དེར་སྐྱེ་བར་འདོད་པ་དེ་ཅི་ཙམ་པ་དེར་སྐྱེའོ། །ཡང་ཉོན་མོངས་
པའི་སངས་རྒྱས་ཀྱི་ཞིང་དུ་འགྲོ་བར་མི་འདོད་པ་དེ་ལ་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་མངོན་པར་འཚང་རྒྱ་བའི་དུའོ། །རྙོག་པ་ལྔའི་སངས་རྒྱས་ཀྱི་ཞིང་དུ་སེམས་ཅན་ལྟ་བ་དོག་པ་རྙེད་
པ་དང་། མཚམས་མེད་པ་བྱེད་པ་དང་། དམ་པའི་ཆོས་སྤོང་བ་དང་། འཕགས་པ་ལ་སྐུར་པ་འདེབས་པ་དང་། མི་དགེ་བའི་རྩ་བ་དང་ལྷན་ཅིག་ཏུ་འགྲོགས་པ་རྣམས་རྒྱུན་གཅོད་དོ། །སངས་རྒྱས་ཀྱི་
ཞིང་ཡོངས་སུ་དག་པར་སེམས་ཅན་བསམ་པ་ཡོངས་སུ་དག་པ་རྣམས་ལ་སངས་རྒྱས་ཀྱི་བྱ་བ་བྱེད་ཅིང་། བྱང་ཆུབ་སེམས་དཔའ་སངས་རྒྱས་ཀྱི་ཆོས་ཚད་མེད་གྲངས་མེད་པ་རྣམས་ལ་འཇུག་པའི་ཡེ་ཤེས་ལ་མཁས་
པ་རྣམས་ལ་ཆོས་སྟོན་པར་བྱེད་དོ། །ཡང་བྱང་ཆུབ་སེམས་དཔའ་རྙོག་པ་ལྔའི་སངས་རྒྱས་ཀྱི་ཞིང་འདིར་རྣམ་པ་དེ་ལྟ་བུའི་རྩལ་བྱེད་ཀྱང་གང་བྱང་ཆུབ་སེམས་དཔའ་ལ་ལ་སངས་རྒྱས་ཀྱི་ཞིང་ཡོངས་སུ་དག་

62-1-139b

པར་རྣམ་པ་དེ་ལྟ་བུའི་རྩལ་བྱེད་མི་ནུས་སོ། །ཡང་རྙོག་པ་ལྔའི་སངས་རྒྱས་ཀྱི་ཞང་འདིར་གལ་ཏེ་བྱང་ཆུབ་སེམས་དཔའ་སེམས་ཅན་གཅིག་གི་འདོད་ཆགས་ཀྱི་སྤྱད་པ་སྟོང་ཕྲག་ཉི་ཤུ་རྩ་གཅིག་རབ་ཏུ་ཤེས་པ་དེ་ལྟར་ཐབས་རབ་ཏུ་སྦྱོར་བ་
སྟོང་ཕྲག་ཉི་ཤུ་རྩ་གཅིག་གིས་འདོད་ཆགས་རབ་ཏུ་ཞི་བར་བྱེད་པ་དང་། གལ་ཏེ་སེམས་ཅན་གཅིག་གི་ཞེ་སྡང་སྤྱོད་པ་སྟོང་ཕྲག་ཉི་ཤུ་རྩ་གཅིག་རབ་ཏུ་ཤེས་པ་དེ་ལྟར་ཐབས་ལ་མཁས་པ་སྟོང་ཕྲག་ཉི་ཤུ་རྩ་གཅིག་གིས་ཞེ་སྡང་ཞི་
བར་བྱེད་པ་དང་། གལ་ཏེ་བྱང་ཆུབ་སེམས་དཔའ་སེམས་ཅན་གཅིག་གི་སྐལ་བ་དང་བཅས་པར་སྤྱོད་པ་སྟོང་ཕྲག་ཉི་ཤུ་རྩ་གཅིག་རབ་ཏུ་ཤེས་པ་དེ་བཞིན་དུ་ཐབས་ལ་མཁས་པ་སྟོང་ཕྲག་ཉི་ཤུ་རྩ་གཅིག་གིས་ཞི་བར་བྱེད་པ་
དང་། བྱང་ཆུབ་སེམས་དཔའ་གང་གིས་སེམས་ཅན་གཅིག་གི་སྐལ་བ་དང་བཅས་པར་སྤྱོད་པ་ཉོན་མོངས་པ་ཀུན་ནས་ལྡང་བ་རབ་ཏུ་ཞི་བར་ནུས་པ་དེ་ལྟར་བྱང་ཆུབ་སེམས་དཔའ་རྩལ་ཆེན་པོ་བྱེད་དོ། །གང་སེམས་ཅན་
གཅིག་གི་ཉོན་མོངས་པའི་རྒྱུ་སྤྱོད་པ་སྟོང་ཕྲག་བརྒྱད་བཅུ་རྩ་བཞི་རབ་ཏུ་ཤེས་པའི་བྱང་ཆུབ་སེམས་དཔའ་དེ་ཡང་སེམས་ཅན་གཅིག་གི་དགོས་པས་བརྩོན་འགྲུས་བརྟན་པ་ལ་མོས་ཤིང་ཕ་རོལ་གནོན་པ་ན་ཐབས་ལ་མཁས་པ་སྟོང་
ཕྲག་བརྒྱད་བཅུ་རྩ་བཞི་རབ་ཏུ་སྦྱོར་བ་ཕ་རོལ་གནོན་པས་གཟིར་བ་རྣམས་བྱང་ཆུབ་སེམས་དཔའི་རྩལ་ཆེན་པོ་འདི་ལ་ལྟོས་ཤིག །ཇི་ལྟར་སེམས་ཅན་གཅིག་གི་ཉོན་མོངས་པ་རབ་ཏུ་ཞི་བར་ནུས་པ་དེ་ལྟར་
གཉིས་དང་། གསུམ་དང་། བཞི་ནས་གླིང་གཅིག་གི་སེམས་ཅན་ཡོངས་སུ་ཚང་བ་རེ་རེའི་དགོས་པས་ཉོན་མོངས་པ་སྤྱོད་པའི་མཚན་ཉིད་སྟོང་ཕྲག་བརྒྱད་བཅུ་རྩ་བཞི་རབ་ཏུ་ཞི་བར་བྱེད་ཅིང་གླིང་གཉིས་པ་དང་གླིང་བཞི་
པ་ནས་ཕྱོགས་བཅུའི་སངས་རྒྱས་ཀྱི་ཞིང་ཆུ་བོ་གང་གཱའི་བྱེ་མ་སྙེད་དུ་སེམས་ཅན་ཐམས་ཅད་ཉོན་མོངས་པ་ཐམས་ཅད་ལས་ཡོངས་སུ་ཐར་བར་བྱེད་པ་དེ་ལྟར་བྱང་ཆུབ་སེམས་དཔའ་རྙོག་པ་ལྔའི་སངས་རྒྱས་ཀྱི་ཞིང་དུ་བཟོད་པ་ཐོབ་

62-1-140a

པ་ཞེས་བྱའོ། །ཇི་ལྟར་ཡང་བྱང་ཆུབ་སེམས་དཔའ་སེམས་ཅན་རེ་རེའི་ཉོན་མོངས་པའི་དབང་པོ་སྤྱོད་པ་སྟོང་ཕྲག་བརྒྱད་བཅུ་རྩ་བཞིས་འཇུག་པ་དེ་ལྟར་སེམས་ཅན་གཅིག་གི་མོས་པ་སྟོང་ཕྲག་བརྒྱད་བཅུ་རྩ་
བཞི་རབ་ཏུ་ཤེས་ཤིང་བྲི་བའི་མཚན་ཉིད་རབ་ཏུ་ཤེས་པ་དང་། འཕེལ་བའི་མཚན་ཉིད་རབ་ཏུ་ཤེས་པ་དང་། གནས་པའི་མཚན་ཉིད་རབ་ཏུ་ཤེས་པ་དང་། རྟོགས་པའི་མཚན་ཉིད་རབ་ཏུ་ཤེས་པ་དང་། མི་རྟག་
པའི་མཚན་ཉིད་རབ་ཏུ་ཤེས་པ་དང་། སྡུག་བསྔལ་གྱི་མཚན་ཉིད་རབ་ཏུ་ཤེས་པ་དང་། བདག་མེད་པའི་མཚན་ཉིད་རབ་ཏུ་ཤེས་པ་དང་། སེམས་ཅན་གྱི་མཚན་ཉིད་རབ་ཏུ་ཤེས་པ་དང་། སྟོང་པའི་མཚན་ཉིད་རབ་ཏུ་ཤེས་
པ་དང་། དབེན་པའི་མཚན་ཉིད་རབ་ཏུ་ཤེས་པ་ནས་དེ་བཞིན་དུ་མཚན་ཉིད་མེད་པའི་བར་དུ་འདུ་ཤེས་པ་དང་། མྱ་ངན་ལས་འདའ་བའི་མཚན་ཉིད་རབ་ཏུ་ཤེས་པ་དང་། སེམས་ཅན་རེ་རེའི་ཆགས་པའི་མཚན་ཉིད་སྣ་ཚོགས་
བརྒྱད་ཅུ་རྩ་བཞི་རབ་ཏུ་ཤེས་པས་དེ་ལྟར་བྱང་ཆུབ་སེམས་དཔའ་སེམས་ཅན་གྱི་སྤྱོད་པའི་མཚན་ཉིད་མངོན་པར་ཤེས་པར་འགྱུར་རོ། །བསམ་པའི་ཚུལ་ཤེས་པས་སེམས་ཅན་ཉོན་མོངས་པ་དམ་པོས་བཅིངས་པ་ལས་ཡོངས་སུ་
ཐར་བར་ནུས་སོ། །དེ་བཞིན་དུ་བྱང་ཆུབ་སེམས་དཔའ་ཉོན་མོངས་པ་དང་། རྙོག་པ་ལྔའི་སངས་རྒྱས་ཀྱི་ཞིང་དུ་སེམས་ཅན་ཡོངས་སུ་སྨིན་པར་བྱེད་དོ། །བྱང་ཆུབ་སེམས་དཔའ་སེམས་ཅན་མི་དགེ་བའི་རྩ་བ་དང་། 
ལྷན་ཅིག་ཏུ་འགྲོགས་པ་རྣམས་ལ་སྙིང་རྗེ་ཆེན་པོ་རྒྱུན་མི་གཅོད་ཅིང་ཡོངས་སུ་སྨིན་པར་བྱ་བའི་ཕྱིར་འདུག་པ་འདི་ཡང་བྱང་ཆུབ་སེམས་དཔའི་རྩལ་ཆེན་པོའོ། །ཡང་བྱང་ཆུབ་སེམས་དཔའ་དགྲ་རྣམ་པར་འགྲེལ་བས་འདི་བསྟན་པ་
སྟོན་པ་ན། ཕྱོགས་བཅུའི་སངས་རྒྱས་ཀྱི་ཞིང་ཚད་མེད་པར་བྱང་ཆུབ་སེམས་དཔའ་ཡང་དག་པར་ལྷགས་པ་དང་། བྱང་ཆུབ་སེམས་དཔའ་ཆུ་བོ་གང་གཱ་སུམ་བཅུའི་བྱེ་མ་སྙེད་མི་སྐྱེ་བའི་ཆོས་ཀྱི་བཟོད་པ་ཐོབ་པར་གྱུར་ཏོ། །

62-1-140b

བྱང་ཆུབ་སེམས་དཔའ་ཆུ་བོ་གང་གཱའི་བྱེ་མ་སྙེད་ཀྱིས་དགའ་བ་བྱེད་པ་ཞེས་བྱ་བའི་ཏིང་ངེ་འཛིན་ཐོབ་པ་དེ་དག་དེ་བཞིན་གཤེགས་པ་ཤཱཀྱ་ཐུབ་པ་གང་ན་བ་དེ་ལོགས་སུ་ཐལ་མོ་སྦྱར་ཏེ་ཕྱག་འཚལ་ནས་མགྲིན་གཅིག་ཏུ་འདི་ཆེད་དུ་བརྗོད་པ་ཆེད་དུ་
བརྗོད་དོ། །ཆུ་བོ་གང་རྣམས་བལྟ་དཀའ་ཆུ་བོས་ཁྱེར། །ང་རྒྱལ་མངོན་པའི་ང་རྒྱལ་ཡུལ་ལས་ཤེས། །ཉོན་མོངས་རྒྱ་མཚོ་ལས་ནི་མཐར་ཕྱིན་མེད། །ལམ་གྱིས་བདག་ཅག་ཀྱང་ནི་རྣམ་པར་གནས། །སེམས་ཅན་གང་
རྣམས་ཉོན་མོངས་གཏུམ་པས་གདུངས། །ཉོན་མོངས་སངས་རྒྱས་ཞིང་དུ་རྟག་རྣམ་མྱོས། །ངན་སོང་འགྲོ་བར་རྟག་ཏུ་སྡུག་བསྔལ་བསགས། །འཆད་མཁན་དམ་པའི་དོན་གྱི་ཐེག་པ་སྟོན། །བདག་ཅག་ཉོན་མོངས་སེམས་ཅན་
གང་དགོངས་པས། །སངས་རྒྱས་ཞིང་དེར་སྨོན་ལམ་བྱེད་འགྱུར་བ། །ཉོན་མོངས་ཞིང་དུ་བདག་ཅག་སྤྱད་པ་སྤྱོད། །སེམས་ཅན་ཉོན་མོངས་དམ་བཅིངས་གྲོལ་བར་བྱེད། །གང་དག་འདོད་ཆགས་ཞེ་སྡང་ང་རྒྱལ་དྲེགས། །གཏི་མུག་
ལམ་སྟོར་སྡིག་པ་རབ་བྱེད་པ། །སྡིག་པ་ཐམས་ཅད་ལས་ནི་བདག་ཅག་བཟློག །འཁོར་བའི་དགོན་པ་འཇིགས་ལས་རབ་ཏུ་སྒྲོལ། །གང་དམྱལ་བྱོལ་སོང་ཡི་དགས་འཇིག་རྟེན་དུ། རྟག་ཏུ་འདོད་མེད་སྡུག་བསྔལ་མྱོང་
བ་དག །བདག་ཅག་སྡུག་བསྔལ་ཐམས་ཅད་ལས་གྲོལ་བྱེད། །ཉོན་མོངས་སངས་རྒྱས་ཞིང་དུ་བྱང་ཆུབ་སྤྱོད། །ཡང་སངས་རྒྱས་ཀྱི་ཞིང་མ་ལུས་པར་ཁྱབ་པའི་འཁོར་ཐམས་ཅད་དང་ལྡན་པ་དེས་ཀྱང་ལེགས་སོ་ཞེས་
བྱ་བ་བྱིན་ཏེ། སྐྱེས་བུ་དམ་པ་ལེགས་པར་སྤོབས་ཤིང་མཆོག་ཏུ་རྒྱ་ཆེ་བའི་བརྩོན་འགྲུས་བརྟན་པ་ལ་བརྩོན་པ་ཕ་རོལ་གནོན་པ་སེམས་ཅན་ཡོངས་སུ་སྨིན་པའི་ཆོས་ཀྱི་སྒོ་བསྟན་པ་ལེགས་སོ་ལེགས་སོ། །གང་ཆུ་བོ་གང་གཱའི་བྱེ་མ་སྙེད་ཀྱི་སྐྱེས་
བུ་དམ་པ་འདིས་སངས་རྒྱས་ཀྱི་ཞིང་ཡོངས་སུ་དག་པར་བྱང་ཆུབ་ཀྱི་སྤྱོད་པ་བོར་ཏེ་རྙོག་པ་ལྔའི་སངས་རྒྱས་ཀྱི་ཞིང་དུ་སྤྱོད་པ་ལ་བརྩོན་ནོ། །སེམས་ཅན་མཚམས་མེད་པར་བྱེད་པ་དང་། དམ་པའི་ཆོས་སྤོང་བ་དང་། འཕགས་པ་ལ་

62-1-141a

སྐུར་པ་འདེབས་པ་དང་། ལུས་ཚིག་པ་དང་། མི་དགེ་བའི་རྩ་བ་དང་ལྷན་ཅིག་ཏུ་འགྲོགས་པ་རྣམས་ཡོངས་སུ་སྨིན་པར་བྱ་བའི་ཕྱིར་སྙིང་རྗེ་ཆེན་པོ་བསྐྱེད་དོ། །ཉོན་མོངས་པའི་སངས་རྒྱས་ཀྱི་ཞིང་བླ་ན་མེད་པའི་སངས་
རྒྱས་ཀྱི་ཞིང་དུ་སྟོན་ཏོ། །ལུས་མེད་པ་ཕུང་པོ་སྤོང་བའི་མཐའ་སྟོན་ཏོ། །ཚིག་ཙམ་གྱིས་སྐྱེས་བུ་དེ་དག་བརྩོན་པར་འགྱུར་བ་དེ་དག་ལ་གང་ལྷ་དང་འཇིག་རྟེན་དུ་བཅས་པས་མཆོད་པ་མཆོག་ཏུ་རྒྱ་ཆེན་པོ་བྱེད་ན་དེ་དག་གི་བརྟན་པའི་བརྩོན་
འགྲུས་ཕ་རོལ་གནོན་པ་འདི་ལ་བརྩོན་པ་ལྟ་ཅི་སྨོས་ཏེ། ཇི་ལྟར་ཚིག་གིས་དམ་བཅས་པ་དེ་ལྟར་དགོས་པ་ཐམས་ཅད་ཡོངས་སུ་རྫོགས་པར་འགྱུར་རོ། །དེ་ནས་དེ་ཉིད་ཀྱི་ཚེ་ན་དེ་བཞིན་གཤེགས་པ་ཤཱཀྱ་ཐུབ་པས་ལེགས་
སོ་ཞེས་བྱ་བ་བྱིན་ཏེ་སྐྱེས་བུ་དམ་པ་ལེགས་སོ་ལེགས་སོ། །རིགས་ཀྱི་བུ་ཇི་ལྟར་སྨྲ་བའི་ཚིག་ཙམ་གྱིས་རྩོམ་པར་འགྱུར་བ་དེ་དེ་བཞིན་ཏེ། དེ་དག་ལ་གང་ལྷ་དང་འཇིག་རྟེན་དུ་བཅས་པས་མཆོད་པ་མཆོག་ཏུ་རྒྱ་ཆེན་
པོ་བྱེད་ན་དེའི་ཤེས་པས་ཉོན་མོངས་པ་དང་རྙོག་པ་ལྔའི་སངས་རྒྱས་ཀྱི་ཞིང་དུ་རྣམ་པ་དེ་ལྟ་བུའི་དེ་དག་གི་རྩལ་ཆེན་པོ་བྱ་བར་འགྱུར་བ་ལྟ་ཅི་སྨོས་ཏེ། མཚམས་མེད་པར་བྱེད་པ་ནས་མི་དགེ་བའི་རྩ་བ་དང་ལྷན་ཅིག་ཏུ་འགྲོགས་
པའི་བར་དུ་རྣམ་པ་དེ་ལྟ་བུའི་བརྟན་པའི་བརྩོན་འགྲུས་ཕ་རོལ་གནོན་པའི་ཐབས་ལ་མཁས་པས་ཡོངས་སུ་སྨིན་པར་འགྱུར་རོ། །ཇི་ལྟར་བྱང་ཆུབ་སེམས་དཔའ་དགྲ་རྣམ་པར་འགྲེལ་བས་དེ་ལྟར་སེམས་ཅན་ཡོངས་སུ་
སྨིན་པ་ཤེས་རབ་ཀྱི་ཐབས་ལ་མཁས་པའི་ཆོས་ཀྱི་སྒོ་བསྟན་ནས། བཅོམ་ལྡན་འདས་ཀྱིས་ཚིག་འདི་བརྗོད་མ་ཐག་ཏུ་དེ་ནས་དེ་ཉིད་ཀྱི་ཚེ་ན་སྟོང་གསུམ་གྱི་སྟོང་ཆེན་པོའི་སངས་རྒྱས་ཀྱི་ཞིང་གི་ས་ཆེན་པོ་འདི་ལན་དྲུག་
དུ་གཡོས་སོ། །ལྷ་རྫས་ཀྱི་མེ་ཏོག་གི་ཆར་ཡང་རབ་ཏུ་ཕབ་བོ། །ལྷ་རྫས་ཀྱི་རོལ་མོ་ཡང་རབ་ཏུ་དཀྲོལ་ཏོ། །ལྷ་དང་། དྲི་ཟ་དང་། མིའི་འཁོར་ཐམས་ཅད་དང་ལྡན་པ་དེ་དག་ཀྱང་བྱང་ཆུབ་སེམས་དཔའ་དགྲ་རྣམ་པར་འགྲེལ་

62-1-141b

པ་དང་། བྱང་ཆུབ་སེམས་དཔའ་ཆུ་བོ་གང་གཱའི་བྱེ་མ་སྙེད་པོ་དེ་དག་ལ་མཆོག་ཏུ་རྒྱ་ཆེ་བའི་མཆོད་པའི་ལས་ཀྱི་ཕྱིར་བརྩོན་ནོ། །ཇི་སྙེད་ཡེ་ཤེས་མཛོད་འདི་བསྟན་དུ་གསོལ། །ཡེ་ཤེས་ཕྱིར་ཡང་སྟོན་པ་འདི་ཉིད་སྟོན། །མཁྱེན་པ་ཁྱེད་
ཀྱི་གང་གི་སློབ་སྟོན་པ། །ཐུབ་པ་ཤེས་པའི་སྨྲ་བ་འདི་ལ་འཇུག །མཁྱེན་པ་ཅན་གྱི་ཞིང་མང་བྱེ་བ་ལ། །ཐོབ་པའི་ཡེ་ཤེས་སྟོན་པ་འདི་ལ་འཇུག །བདག་ནི་ཡེ་ཤེས་འབྲོག་ས་མྱུར་གནས་ཤིང་། །ཚུལ་འདི་ལ་ཡང་ཡེ་ཤེས་ལམ་
རབ་སྟོན། །ཇི་ལྟར་བྱང་ཆུབ་སྤྱོད་ཕྱིར་ཤེས་འགྱུར་བ། །རྒྱལ་བ་ཡེ་ཤེས་རྒྱལ་མཚན་འདི་ལ་འཇུག །ཇི་ལྟར་ནམ་མཁའ་དྲི་མེད་སྟོང་པའི་ཆོས། །བདག་དང་འཐུན་པའི་གཏམ་དག་བསྟན་དུ་གསོལ། །སྟོན་མཁན་
མི་ཡི་གཙོ་བོ་འདི་ལ་མཆོག །མཆོག་ཏུ་ཡིད་དུ་འོང་ཞིང་མཛེས་པ་སྟོན། །སྟོང་པ་ཉིད་ཀྱིས་ཉོན་མོངས་དགྲ་ཟིལ་གནོན། །རྟག་པ་དང་ནི་ཆད་པ་ཐལ་བར་བྱས། །དཔའ་དང་རྟུལ་ཕོད་གང་ཟག་དམ་པ་མཆོག ། སྲིད་པ་ཞི་བ་གང་ཟག་དམ་པ་མཆོག །
སྲེད་པ་ཞི་ཞིང་ཞི་གནས་རབ་ཏུ་སྟོན། །རྒྱལ་བ་རབ་ཏུ་ཞི་བ་འདི་ལ་འཇུག །རྒྱལ་བ་སྟོང་པ་ཉིད་ཞི་རབ་བསྟན་གསོལ། །རྒྱལ་བ་སྟོང་པ་ཉིད་འདི་ལ་ཡང་འཇུག །ཁ་དོག་དུང་དང་ཁ་བ་འདྲ་བ་ཡི། །ཞི་བ་མཛེས་
པའི་སྟོང་པ་ཉིད་བསྟན་གསོལ། །ཉན་ཐོས་ཀྱི་ནི་འདི་ལ་ཚོགས་རྣམས་སྤངས། །སྟོན་གྱི་ཉི་མ་ཟླ་བའི་དཀྱིལ་འཁོར་ལྟར། །གཙོ་བོ་དག་གིས་ཤིན་དུ་གསལ་ཤིང་མཛེས། །འདིར་ནི་ལམ་ཞི་སྟོང་པ་ཉིད་བསྟན་གསོལ། །
བརྒྱ་བྱིན་ཚངས་པའི་སྐད་ལྟར་སྒྲ་དབྱངས་སྙན། །སེམས་ཅན་དམའ་ལ་ཐུགས་བརྩེ་ཆེན་པོ་ཡིས། །ཐུབ་པ་འདི་ནི་སྟོང་པ་ཉིད་ལ་འཇུག །མྱ་ངན་དང་བྲལ་འགྲོ་བ་འདི་ལ་ཚིམ། །དམའ་བ་སྤྱོད་པ་རྟག་ཏུ་བྱིན་བརླབས་
པས། །ཤེས་རབ་མང་གཟིགས་སྟོང་པ་ཉིད་ཞི་གསུངས། །སྡིག་པ་བཅོམ་ཞིང་ཉེས་ཚོགས་དྲི་མ་མེད། འདི་ནི་འགྲོ་ལ་ཐེག་པ་ངན་པ་སྤངས། །དགེ་བའི་མཚན་ཉིད་སྤྱོད་ཡུལ་རབ་ཉམས་པས། །ཀྱེ་མའོ་

62-1-142a

ད་ལྟར་སྟོང་པ་ཉིད་ཞི་གསུངས། །རྨ་བྱ་ངང་པ་ནེ་ཙོ་སྐེ་ཀ་དབྱངས། །ཉམས་པའི་ཕྱོགས་ཆ་ཅན་གྱི་སྒྲ་རྣམས་འཇིག །ཚིགས་སུ་བཅད་པ་འདི་དག་གིས་མངོན་པར་བསྟོད་ནས་ལྷ་རྫས་ཀྱི་མེ་ཏོག་ཨུད་པ་ལ་དང་། པད་
མོ་དང་། ཀུ་མུ་ད་དང་། པུན་ད་རི་ཀས་མངོན་པར་གཏོར་ཏོ། །འཕགས་པ་ཡང་དག་པར་སྤྱོད་པའི་ཚུལ་ནམ་མཁའི་མདོག་གིས་འདུལ་བའི་བཟོད་པ་ཞེས་བྱ་བ་ཐེག་པ་ཆེན་པོའི་མདོ་ལེའུ་བཞི་པའོ།།             །།
དེ་ནས་བྱང་ཆུབ་སེམས་དཔའ་བློ་གྲོས་མཐའ་ཡས་པའི་ཚོགས་ཀྱི་རྒྱལ་པོས་བཅོམ་ལྡན་འདས་ཇི་ཙམ་དུ་ཁང་པ་བརྩེགས་པ་ན་མི་བཞུགས་པ་དེ་ཙམ་གྱིས་བཅོམ་ལྡན་འདས་ཀྱི་དོན་གྱི་སླད་དུ་ལྷ་རྫས་ཀྱི་གསེར་དང་། ལྷ་
རྫས་ཀྱི་བཻ་དཱུརྱ་སྔོན་པོའི་སྐས་མངོན་པར་སྤྲུལ་ཏེ་སྐས་དེ་དག་གི་ངོས་གཉིས་ལ་བྲམ་ཟེའི་བྱིས་པ་ཚེ་ལོ་སུམ་བཅུ་པ་ལྟ་བུ་ཚངས་དབྱངས་དང་ལྡན་པ་གསེར་གྱི་དབྱིག་པ་དང་གདུགས་འཛིན་པ། ཚངས་པའི་སྤྱོད་ལམ་དང་ལྡན་
པ་སྟོང་ཕྲག་བརྒྱད་བཅུ་རྩ་བཞི་མངོན་པར་སྤྲུལ་ཏོ། །དེ་ནས་བྲམ་ཟེའི་བྱིས་པ་དེ་དག་བཅོམ་ལྡན་འདས་ག་ལ་བ་དེ་ལོགས་སུ་ཐལ་མོ་སྦྱར་ཏེ་ཕྱག་འཚལ་ནས་བཅོམ་ལྡན་འདས་ལ་ཚིགས་སུ་བཅད་པ་འདི་དག་གིས་
མངོན་པར་བསྟོད་དོ། །ཁྱོད་ནི་རབ་ཉོན་མོངས་ལ་སྔོན་ཐུགས་བསྐྱེད། །ཉོན་མོངས་ཐེག་ལ་བྱང་ཆུབ་ཕན་པའི་རྒྱུ། །ཉོན་མོངས་ཞི་ཕྱིར་རྒྱལ་བ་བསྙེན་ཀྱང་བཀུར། །ཉོན་མོངས་ཐབས་མཛད་རྒྱལ་བ་འདིར་གཤེགས་
གསོལ། །ཉོན་མོངས་སྤྱོད་པ་ཐམས་ཅད་ཁྱོད་ཀྱིས་སྤངས། །སེམས་ཅན་ཉོན་མོངས་ལ་ནི་རྟག་ཏུ་གཉེན། ཁྱོད་ནི་ཉོན་མོངས་ལས་ལས་འགྲོ་བ་བཟློག །ཉོན་མོངས་རྒལ་བའི་རྒྱུས་ནི་རྟག་ཏུ་མྱོས། །ཉོན་མོངས་མ་
ལུས་ཁྱོད་ཀྱིས་རབ་ཏུ་ཞི། །བདག་གི་བློས་ནི་ཉོན་མོངས་དྲ་བ་བཅད། །འགྲོ་བ་རྟག་ཏུ་ཉོན་མོངས་ཆུ་ལས་སྒྲོལ། །ཉོན་མོངས་སུན་འབྱིན་རྒྱལ་བ་འདིར་གཤེགས་གསོལ། །ཉོན་མོངས་ཞིང་དུ་བྱང་ཆུབ་དམ་པར་རེག །ཡེ་ཤེས་སྒྲོན་

62-1-142b

འཆང་འགྲོ་ཤེས་ཉམས་པ་ཡི། །སེམས་ཅན་ཐམས་ཅད་ལ་ནི་ཐར་སྟོན་པ། །ཉོན་མོངས་ཉོན་མོངས་ཞི་ཕྱིར་འདིར་གཤེགས་གསོལ། །ཡེ་ཤེས་འོད་ཟེར་གྱིས་ནི་རྣམ་ཐར་སྟོན། ཁྱོད་ཐུགས་བརྩེ་བས་འགྲོ་བས་ཤེས་ཉམས་ཁྱབ། །
ཡེ་ཤེས་ཀྱིས་ནི་འགྲོ་ལ་མིག་ལྡན་པས། །རྒྱལ་བ་ཡེ་ཤེས་ཉི་མ་འདིར་གཤེགས་གསོལ། །མཁྱེན་པས་ལྷ་དང་མི་མང་ཐར་བར་མཛད། །ཁྱོད་ཀྱི་ཡེ་ཤེས་སྲོག་དང་གང་ཟག་མེད། །ཐུབ་པ་ཡེ་ཤེས་དཔའ་བ་འདི་ལ་འཇུག །ཉོན་མོངས་
པ་ལ་སྦྱིན་མཛོད་དྲན་པ་གསུངས། །ཉི་མ་ཟླ་བ་མཆོག་ཏུ་མཛེས་པའི་སྤྱན། །རྒྱལ་བ་སེམས་ཅན་ཐལ་མོ་སྦྱར་ལ་གསུངས། །ཐུབ་པ་བྱང་ཆུབ་མཆོག་ཕྱིར་བསྟན་དུ་གསོལ། །འཕགས་པ་ཐུབ་པ་འདི་ལ་འཇུག་པ་གསུངས། །
རྒྱལ་བ་བྱང་ཆུབ་རྒྱུ་ཅན་མཛེས་གཟིགས་པ། །ཕྱོགས་བཞི་འདིར་ནི་ཡང་དག་ལྷགས་མང་ལ། །སྟོང་པ་ཉིད་དང་བཟོད་སྤྱོད་ཤེས་གྱུར་གསུངས། །རྒྱལ་བ་དཔའ་གཏོད་འདི་ལ་ཤིན་ཏུ་འདུག །བྲམ་ཟེའི་བྱིས་པ་དེ་དག་གིས་བཅོམ་ལྡན་
འདས་ཀྱི་ཡོན་ཏན་འདི་སྨྲས་མ་ཐག་ཏུ་བཅོམ་ལྡན་འདས་ཀྱིས་ལེགས་སོ་ཞེས་བྱ་བ་བྱིན་ཏེ། དེ་ནས་དྲང་སྲོང་ཐུབ་པ་གདན་དེ་ལས་བཞེངས་པ་དང་། དེ་ཉིད་ཀྱི་ཚེ་ན་ཐམས་ཅད་དང་ལྡན་པའི་སངས་རྒྱས་ཀྱི་ཞིང་ཆེན་པོ་འདི་ལན་དྲུག་ཏུ་
གཡོས་སོ། །ལྷ་དང་ཀླུ་དང་། གནོད་སྦྱིན་དང་། ལྷ་མ་ཡིན་དང་། མི་འམ་ཅི་དང་། ལྟོ་འཕྱེ་ཆེན་པོ་དུ་མས་ཀྱང་མི་མཇེད་ཀྱི་སངས་རྒྱས་ཀྱི་ཞིང་མ་ལུས་པར་ལྷ་རྫས་ཀྱི་མེ་ཏོག་གི་ཆར་མངོན་པར་ཕབ་བོ། །ལྷ་རྫས་ཀྱི་ཨ་ག་རུ་
དང་། ཏ་ག་ར་དང་། དུས་དང་འཐུན་པའི་ཙན་དན་གྱི་ཆར་མངོན་པར་ཕབ་བོ། །ལྷ་རྫས་ཀྱི་གོས་དང་། རྒྱན་དང་ཡིད་བཞིན་གྱི་གོས་དང་། ནོར་བུ་དང་། མུ་ཏིག་གི་སེ་མོ་དོ་དང་རིན་པོ་ཆེའི་ཆར་མངོན་པར་ཕབ་བོ། །ལྷ་རྫས་ཀྱི་རོལ་མོ་རྡུང་བ་མངོན་
པར་དཀྲོལ་ཏོ། །དབྱངས་ཀྱིས་ལྷུང་ལྷུང་ལྡེགས་ཀྱི་སྒྲ་ཕྱུང་ནས་འདི་སྐད་ཅེས་གསོལ་ཏོ། །བདག་ཅག་སྔོན་མ་བསྟན་པའི་ཆོས་མཉན་པར་བགྱིའོ། །བདུད་ཀྱི་ཡུལ་ལས་ཡང་དག་པར་ཤིན་དུ་འདའ་བར་བགྱིའོ། །ཉོན་མོངས་པའི་

62-1-143a

ཡུལ་གཞོམ་པར་བགྱིའོ། །ཡེ་ཤེས་ཀྱི་ཡུལ་ཁོང་དུ་ཆུད་པར་བགྱིའོ། །ཟབ་མོ་སྟོང་པ་ཉིད་ཀྱི་ལམ་ཁོང་དུ་ཆུད་པར་བགྱིའོ་ཞེས་གསོལ་པ་དང་། དེ་ནས་བཅོམ་ལྡན་འདས་ཁང་པ་བརྩེགས་པ་དེ་དག་ལ་འཛེགས་ཏེ། 
སེང་གེའི་ཁྲི་བཤམས་པ་དེ་ཉིད་ལ་བཞུགས་ནས་མི་མཇེད་ཀྱི་སངས་རྒྱས་ཀྱི་ཞིང་ཐམས་ཅད་དང་ལྡན་པ་ས་དང་ནམ་མཁའ་ཁྱབ་པའི་འཁོར་ཀུན་ཅང་མི་སྨྲ་བར་གྱུར་ནས་ཐལ་མོ་སྦྱར་ཏེ་སེམས་རྩེ་གཅིག་ཏུ་དྲང་སྲོང་ཐུབ་པ་ལ་ལྟ་བར་
གྱུར་ཏོ། །དེ་ནས་བཅོམ་ལྡན་འདས་ཀྱིས་སངས་རྒྱས་ཀྱི་ཞིང་ཐམས་ཅད་དང་ལྡན་པ་མ་ལུས་པར་ས་དང་ནམ་མཁའ་ཁྱབ་པའི་འཁོར་ལ་རྣམ་པར་གཟིགས་ནས་དེའི་ཚེ་ཚིགས་སུ་བཅད་པ་འདི་དག་གསུངས་སོ། །སེམས་ཅན་ཇི་
སྙེད་འདིར་ནི་ཀུན་ལྷགས་པ། །བྱང་ཆུབ་འདོད་རྣམས་ཡོངས་སུ་ཆོས་ཚོལ་ན། །བྱང་ཆུབ་མཆོག་གི་སྤྱོད་པ་རབ་བསྟན་གྱིས། །དེ་དག་ཐམས་ཅད་རྩེ་གཅིག་སེམས་སུ་ཉོན། །སེམས་ཅན་ལ་ལ་གཏི་མུག་སྲེད་པས་བསྒྲིབས། །
ཕུང་པོ་དག་ལ་འང་ལྟ་བ་རྣམ་མི་སྤོང་། །གང་དག་ད་དུང་བྱང་ཆུབ་མཆོག་སྤྱོད་བརྩོན། །ཡང་ཡང་འདི་ལ་ཡོན་ཏན་ཅུང་ཟད་སྤྱོད། །དབང་པོ་དྲུག་ལ་སྟོང་པ་མི་ལྟ་སྟེ། །མཚན་མ་མེད་པའི་འཛིན་པ་བདག་ལ་ཟུང་། །
བྱང་ཆུབ་ཕྱིར་ནི་ཅུང་ཟད་བརྩོན་སྤྱོད་ཀྱི། །ཤེས་རབ་ཡོན་ཏན་ཐམས་ཅད་སྤྱོད་པ་མེད། །ཇི་ལྟར་མེ་འདོད་ཁྱིམ་གྱི་ནང་དུ་ནི། །བཙལ་བས་ཀྱང་ནི་མེ་དག་རྙེད་མ་གྱུར། །དེ་ལྟར་སེམས་ཅན་ལ་ལ་བྱང་ཆུབ་འདོད། །སྟོང་མ་
བསྒོམས་པར་ཤེས་རབ་ཐོབ་པ་མེད། །དེ་བས་གང་དག་བྱང་ཆུབ་སྡུག་འདོད་པ། །ཕུང་པོ་ཁམས་དང་སྐྱེ་མཆེད་མཚན་མ་དག །རྨི་ལམ་སྨིག་རྒྱུ་ལྟ་བུར་ཐམས་ཅད་ལྟོས། །འདི་ནི་བྱང་ཆུབ་དམ་པ་མཆོག་གི་ལམ། །
དེ་ནས་བཅོམ་ལྡན་འདས་ཀྱིས་བྱང་ཆུབ་སེམས་དཔའ་བཟང་སྐྱོང་ལ་བཀའ་སྩལ་པ། རིགས་ཀྱི་བུ་ཡང་དག་པར་སྤྱོད་པའི་ཚུལ་ནམ་མཁའི་མདོག་གིས་འདུལ་བའི་བཟོད་པ་འདི་ལ་གནས་པའི་བྱང་ཆུབ་སེམས་དཔའ་བདུད་ཀྱི་

62-1-143b

ཡུལ་ཐམས་ཅད་ལས་ཡང་དག་པར་ཤིན་དུ་འདས་ཏེ་ང་ཡིར་བྱ་བ་དང་། བདག་གིར་བྱ་བ་ཐམས་ཅད་ཀྱི་སྲིད་པའི་བག་ལ་ཉལ་བ་དང་། མཚན་མ་མེད་པ་དང་། མ་རིག་པར་ལྟ་བ་ཐམས་ཅད་སྤངས་པར་འགྱུར་རོ། །འཇིག་རྟེན་གྱི་ཁམས་ཐམས་
ཅད་འདྲེས་པ་མེད་པ་དང་། སེམས་ཅན་གྱི་གོ་ཆ་དང་། སེམས་སྒྱུ་མ་ལྟ་བུ་དང་། ཚོར་བ་དུ་བ་དང་། རྡུལ་དང་། ནམ་མཁའ་དང་། སྤྲིན་ལྟ་བུར་རབ་ཏུ་ཤེས་སོ། །མཚན་མ་དང་མཚན་ཉིད་ཐམས་ཅད་ནམ་མཁའ་སྤྲོས་པ་ལྟ་བུར་
རབ་ཏུ་ཤེས་སོ། །དགེ་བའི་རྩ་བ་ཐམས་ཅད་ལས་འདུས་པར་འགྱུར་རོ། །ལས་ཡོངས་སུ་ཟད་ཅིང་སེམས་ཅན་ཉེ་བར་འཚོ་བར་ཡང་འགྱུར་རོ། །དགེ་བའི་རྩ་བ་བསྐྱེད་པ་དང་མ་བསྐྱེད་པའི་གཉེན་ལྟ་བུར་འགྱུར་རོ། །སངས་རྒྱས་ཀྱི་ཆོས་
ཐམས་ཅད་ལ་སྒྲིབ་པ་མེད་པ་སྟོན་པར་འགྱུར་རོ། །ཕ་རོལ་གྱི་རྒོལ་བ་ཐམས་ཅད་ནམ་མཁའ་དང་མཚུངས་པར་ཐལ་བ་མེད་པར་འགྱུར་རོ། །སངས་རྒྱས་ཀྱི་ཆོས་ཐམས་ཅད་ཡོངས་སུ་རྒྱས་པ་སེང་གེ་ལྟ་བུ་དང་། རྒྱ་མཚོ་ཆེན་
པོའི་ཆར་གྱི་ཆུ་བོ་རབ་ཏུ་གཏོང་བ་དང་། འཁྲུལ་བ་མེད་པའི་མངོན་པར་ཤེས་པ་དང་། ཆགས་པ་མེད་པའི་སྤོབས་པ་དང་ལྡན་པ་དང་། བསྟོད་པ་དང་རབ་ཏུ་བསྔགས་པར་འགྱུར་རོ། །རིགས་ཀྱི་བུ་བཟོད་པ་འདི་སྒོམས་པ་
ནས་ལུས་དཔང་དུ་བཙུགས་པའི་བར་དུ་འདི་ལས་སངས་རྒྱས་ཀྱི་ཡོན་ཏན་བསམ་གྱིས་མི་ཁྱབ་པར་འགྱུར་རོ། །རིགས་ཀྱི་བུ་དེ་ལ་བཟོད་པ་འདི་རྣམ་པ་གཉིས་ཏེ། ཡང་དག་པར་སྤྱོད་པའི་ཚུལ་གྱི་བཟོད་པ་དང་། ནམ་མཁའི་
མདོག་གིས་འདུལ་བའི་བཟོད་པར་འགྱུར་རོ། །རིགས་ཀྱི་བུ་དེ་ལ་ཡང་དག་པར་སྤྱོད་པའི་ཚུལ་གྱི་བཟོད་པ་གང་ཞེ་ན། རྣམ་པ་ལྔ་སྟེ། རིགས་ཀྱི་བུ་ཡང་དག་པར་སྤྱོད་པའི་ཚུལ་གྱི་བཟོད་པ་རྣམ་པ་ལྔ་གང་ཞེ་ན། འདི་ལྟ་
སྟེ། གཟུགས་དང་། ཚོར་བ་དང་། འདུ་ཤེས་དང་། འདུ་བྱེད་དང་། རྣམ་པར་ཤེས་པ་ཞེས་བྱའོ། །རིགས་ཀྱི་བུ་དེ་ལ་གཟུགས་ཀྱི་ཕུང་པོ་གང་ཞེ་ན། རིགས་ཀྱི་བུ་རྣམ་པ་བརྒྱད་དེ། བྱང་ཆུབ་སེམས་དཔའ་

62-1-144a

ས་ཚུལ་བཞིན་ཡིད་ལ་བྱེད་པ་བརྟགས་པའི་བཟོད་པ་བསྒོམ་པར་བྱའོ། །རིགས་ཀྱི་བུ་བརྒྱད་གང་ཞེ་ན། གཟུགས་ཤེས་བྱ་བ་ནི་འབྱུང་བ་ཆེན་པོ་བཞིའོ། །གཟུགས་ཤེས་བྱ་བ་ནི་ནད་དོ། །འདོད་ཆགས་ཤེས་བྱ་བ་ནི་
རྣམ་པར་འཇིག་པའི་ཆོས་ཀྱི་མཚན་ཉིད་དོ། །གང་རྣམ་པར་འཇིག་པའི་རང་བཞིན་དེ་ནི་མི་རྟག་པའོ། །དེའི་རང་བཞིན་ནི་དངོས་པོ་མེད་པའི་སྟོང་པ་ཉིད་ཡོངས་སུ་ཆད་པའོ། །ཕྱི་དང་ནང་གི་རབ་འབྲིང་ཐ་མའི་ཉོན་མོངས་པའི་རྒྱུན་བཅད་དོ། །
ནམ་མཁའ་ཇི་ལྟར་ཐམས་ཅད་དང་ལྡན་པ་དེ་བཞིན་དུ་མི་རྟག་པ་དང་། སྡུག་བསྔལ་བ་དང་། བདག་མེད་པ་དང་། སྟོང་པའི་མཚན་ཉིད་དང་ལྡན་པའི་བཟོད་པ་སྒོམ་པར་བྱེད་དོ། །འདི་ནི་བྱང་ཆུབ་སེམས་དཔའི་སེམས་ཅན་
ཡོངས་སུ་སྨིན་པ་ཉེ་བར་འཚོ་བའི་བཟོད་པར་བལྟ་བར་བྱའོ། །རིགས་ཀྱི་བུ་གཞན་ཡང་གཟུགས་དེ་ཡང་འབྱུང་བ་ཆེན་པོ་བཞི་སྟེ། རིགས་ཀྱི་བུ་འབྱུང་བ་ཆེན་པོ་བཞི་པོ་འདི་དག་ནང་གི་འམ། ཕྱི་རོལ་གྱི་འམ། ཆེ་བ་འམ། 
ཕྲ་བ་འམ། དམའ་བ་འམ། བདེ་བ་འམ། གལ་ཏེ་རིང་བ་འམ། གལ་ཏེ་ཉེ་བ་དེ་དག་ཐམས་ཅད་མི་འགྲོ། རྣམ་པར་མི་འགྲོ། མི་སྐྱེ། མི་འབྱུང་བདག་མེད། བདག་གི་མེད་པར་བརྟག་པར་བྱའོ། །ཟད་པའི་
ཚུལ་དང་། ཞི་གནས་ཀྱི་མཚན་ཉིད་ཀྱི་ཚུལ་དང་། རྟོག་པ་མེད་པ་དང་། སྨོན་པ་མེད་པའི་ཚུལ་དང་། འབྱུང་བ་མེད་ཅིང་མཚན་མ་མེད་པའི་ཚུལ་གྱིས་བརྟག་པར་བྱའོ། །ཇི་ལྟར་རྡུལ་ཤིན་དུ་ཕྲ་བ་ཀུན་འབྱུང་བ་དང་། 
ལུས་ཀུན་འབྱུང་བའི་ཕྱིར་ནང་གི་སའི་ཁམས་སྲ་བར་བརྟག་པར་བྱའོ། །ཤིན་དུ་ཕྲ་བའི་རྡུལ་གཅིག་པོ་དེ་ལ་ཇི་ལྟར་ལྷག་མཐོང་ཕྲ་མོས་བརྟག །རྡུལ་ཕྲ་མོ་གཅིག་པོ་དེ་ལ་ཇི་ལྟར་མཚན་ཉིད་མེད་པའི་ཉོན་མོངས་པ་ཐམས་ཅད་ཀྱི་སྤྱོད་ལམ་དུ་
གྱུར་པར་རབ་ཏུ་ཤེས། བདག་མེད་པ་དང་། རྣམ་པ་དང་བྲལ་བར་རབ་ཏུ་ཤེས། དངོས་པོ་མེད་པ་དང་། ཚིག་གི་ལམ་དང་བྲལ་བ་དང་། དམིགས་པ་མེད་པ་དང་སྒྲ་དབྱངས་ཐམས་ཅད་དང་བྲལ་བར་རབ་ཏུ་ཤེས། བདག་མེད་པ་དང་བྲལ་བ་དང་། བདུད་ཀྱི་མཚན་ཉིད་རབ་དུ་ཤེས། 

62-1-144b

ཡི་གེ་མེད་པ་དང་། རྒྱུ་དང་རྐྱེན་དང་བྲལ་བར་རབ་ཏུ་ཤེས། དངོས་པོ་མེད་པ་དང་། རྒྱུ་དང་རྐྱེན་དང་བྲལ་བར་རབ་ཏུ་ཤེས། མཚན་མ་མེད་པ་ལས་རྡུལ་ཤིན་དུ་ཕྲ་བར་རབ་ཏུ་ཤེས། ཇི་ལྟར་འདུ་བྱེད་ཐམས་ཅད་རབ་ཏུ་ཞི་བ་ལ་རྣམ་པ་བརྒྱད་པོ་དེ་
དག་གིས་རྡུལ་ཤིན་དུ་ཕྲ་མོ་གཅིག་དུ་བརྟག་གོ། །དེ་བཞིན་དུ་གཉིས་པ་དང་། དེ་བཞིན་དུ་གསུམ་པ་ནས་ནང་གི་ལུས་ཐམས་ཅད་ཀྱི་བར་དུ་གཅིག་ལ་ཡང་སོ་སོར་རྣམ་པ་བརྒྱད་པོ་འདི་དག་གིས་རྡུལ་ཤིན་དུ་ཕྲ་མོ་གཅིག་ཏུ་བརྟག་གོ། །
ནང་གི་ལུས་ཇི་ལྟ་བ་དེ་བཞིན་དུ་ཕྱི་རོལ་གྱི་ལུས་ཀྱི་སའི་ཁམས་ཀྱང་རྣམ་པ་བརྒྱད་པོ་འདི་དག་གིས་སོ་སོར་རྡུལ་ཤིན་དུ་ཕྲ་བར་བརྟག་གོ། །མཚན་ཉིད་མེད་པ་ནས་མཚན་མ་མེད་པའི་བར་དུ་སའི་ཁམས་ཐམས་ཅད་ནང་གི་འམ། ཕྱི་
རོལ་གྱི་འམ། ཆེ་བ་འམ་ཕྲ་བ་འམ། དམའ་བ་འམ། བདེ་བ་འམ། གང་རིང་བ་འམ། གང་ཉེ་བ་དེ་དག་ཐམས་ཅད་ཟད་པའི་ཆོས་སུ་ཡང་དག་པར་རྗེས་སུ་མཐོང་ངོ་། །གང་ཟད་པ་འདི་ནི་མི་རྟག་པའོ། །གང་མི་
རྟག་པ་འདི་ཡང་སྡུག་བསྔལ་བའོ། །གང་མི་འབྱུང་བ་དེ་བདག་མེད་པའོ། །གང་འདུ་བྱེད་ཐམས་ཅད་ཀྱི་ཚིག་གི་ལམ་དང་ཕྲལ་བ་དེ་ཡང་སྟོང་པ་སྟེ། ཇི་ལྟར་ཕྱི་དང་ནང་གི་སའི་ཁམས་ཇི་ལྟ་བ་བཞིན་དུ་སྟོང་པར་རབ་ཏུ་ཤེས་པ་དེ་
ལྟར་རབ་འབྲིང་དང་ཐ་མའི་ཉོན་མོངས་པ་ཉེ་བར་ཞི་བར་འགྱུར་རོ། །ནམ་མཁའ་ཇི་ལྟར་འདུ་ཤེས་མེད་ཅིང་ཚོར་བ་མེད་པ་དེ་བཞིན་དུ་སའི་ཁམས་ཀྱང་འདུ་ཤེས་མེད་ཅིང་ཚོར་བ་མེད་པ་དང་། མི་རྟག་པ་དང་། སྡུག་བསྔལ་
བ་དང་། སྟོང་པ་དང་། བདག་མེད་པའི་མཚན་ཉིད་དང་ལྡན་པའི་བཟོད་པ་སྒོམ་པར་བྱེད་པ་འདི་ཡང་བྱང་ཆུབ་སེམས་དཔའི་སེམས་ཅན་ཐམས་ཅད་ཡོངས་སུ་སྨིན་པ་ཉེ་བར་འཚོ་བའི་བཟོད་པར་བལྟ་བར་བྱའོ། །རིགས་ཀྱི་བུ་
གཞན་ཡང་ལུས་འདི་ལ་གཤེར་བའི་མཚན་ཉིད་ནི་ཆུ་སྟེ། ཆུའི་མཚན་ཉིད་ཕྲན་ཚེགས་སུ་ན་སྐྲའི་རྩེ་མོའི་ཆ་ཤས་ཙམ་དུ་ནང་གི་ལུས་ཆུའི་ཁམས་ཐམས་ཅད་སོ་སོར་ཐིགས་པ་ཙམ་དུ་ལྷག་མཐོང་གི་ཚུལ་གྱིས་བརྟག་གོ། །ཆེ་བ་འམ། 

62-1-145a

ཕྲ་བ་འམ། དམའ་བ་འམ། བདེ་བའི་མཚན་ཉིད་མེད་པ་ཉོན་མོངས་པ་ཐམས་ཅད་བྲལ་བ་ཇི་ལྟ་བ་བཞིན་དུ་རབ་ཏུ་ཤེས་པ་ནས་མཚན་མ་མེད་པའི་བར་དུ་དེ་དག་ཐིགས་པ་ཙམ་དུ་འདུ་བྱེད་ཐམས་ཅད་ཉེ་བར་ཞི་བར་རབ་ཏུ་
ཤེས་པ་ཇི་ལྟ་བུར་ཐིགས་པ་གཅིག་ལ་རྣམ་པ་བརྒྱད་པོ་དེ་དག་གིས་ཇི་ལྟ་བ་བཞིན་དུ་བརྟག་གོ། །དེ་བཞིན་དུ་གཉིས་པ་དང་། དེ་བཞིན་དུ་གསུམ་པ་ནས་ནང་གི་ལུས་ཀྱི་ཆུའི་ཁམས་ཐམས་ཅད་རྣམ་པ་བརྒྱད་པོ་དེ་དག་གིས་སོ་སོ་རེ་རེ་ལ་
ཐིགས་པ་ཕྲ་བ་ཇི་ལྟ་བ་བཞིན་དུ་བརྟག་གོ། །མཚན་ཉིད་མེད་པ་ནས་མཚན་མ་མེད་པའི་བར་དུ་ནང་གི་ཆུའི་ཁམས་ཇི་ལྟ་བ་དེ་བཞིན་དུ་ཕྱི་རོལ་གྱི་ཆུའི་ཁམས་ཆེ་བ་འམ། ཕྲ་བ་འམ། དམའ་བ་འམ། བདེ་བ་འམ། གང་རིང་
བ་འམ། གང་ཉེ་བ་དེ་དག་ཐམས་ཅད་ཟད་པའི་ཆོས་སུ་ཡང་དག་པར་རྗེས་སུ་མཐོང་ངོ་། །གང་ཟད་པའི་ཆོས་དེའང་མི་རྟག་པའོ། །དེའང་རྟོག་པ་མེད་པའོ། །གང་རྟོག་པ་མེད་པ་དེའང་སྡུག་བསྔལ་བའོ། །གང་འབྱུང་བ་མེད་པ་
དེའང་བདག་མེད་པའོ། །གང་འདུ་བྱེད་ཐམས་ཅད་ཀྱི་ཚིག་གི་ལམ་དང་བྲལ་བ་དེ་འང་སྟོང་པ་སྟེ། ཇི་ལྟར་ནང་དང་ཕྱི་རོལ་གྱི་ཆུའི་ཁམས་ཇི་ལྟ་བ་བཞིན་དུ་སྟོང་པར་ཤེས་པ་དེ་ལྟར་རབ་འབྲིང་དང་ཐ་མའི་ཉོན་མོངས་པ་ཞི་བར་འགྱུར་
རོ། །ནམ་མཁའ་ཇི་ལྟར་གནས་མེད་ཅིང་སྤྲོས་པ་མེད་པ་དེ་བཞིན་དུ་ཕྱི་དང་ནང་གི་ཆུའི་ཁམས་ཀྱང་སྤྲོས་པ་མེད་ཅིང་གནས་མེད་པ་དང་། མི་རྟག་པ་དང་། སྡུག་བསྔལ་བ་དང་། སྟོང་པ་དང་། བདག་མེད་པའི་མཚན་ཉིད་དང་ལྡན་
པའི་བཟོད་པ་སྒོམ་པར་བྱེད་པ་འདི་ཡང་བྱང་ཆུབ་སེམས་དཔའི་སེམས་ཅན་ཡོངས་སུ་སྨིན་པ་ཉེ་བར་འཚོ་བ་སྟེ། སའི་ཁམས་དང་། ཆུའི་ཁམས་ཇི་ལྟ་བ་དེ་བཞིན་དུ་མེའི་ཁམས་དང་། རླུང་གི་ཁམས་རྒྱ་ཆེན་པོས་བྱའོ། །རིགས་ཀྱི་བུ་
གཞན་ཡང་འབྱུང་བ་ཆེན་པོ་བཞི་ལས་གཟུགས་ནི་ཐེ་ཙོམ་ཅན་གྱི་རྒྱུ་ལྟ་བུ་སྟེ། །ནང་གི་འམ། ཕྱི་རོལ་གྱི་འམ། ཆེ་བ་འམ། ཕྲ་བ་འམ། དམའ་བ་འམ། བདེ་བ་འམ། གང་རིང་བ་འམ། གང་ཉེ་བ་དེ་དག་ཐམས་ཅད་དངོས་པོ་

62-1-145b

མེད་ཅིང་གཟུགས་བརྙན་ལྟ་བུ་དང་། དྲུག་གི་སྐྱེ་མཆེད་དབང་དུ་གྱུར་པ། སའི་ཁམས་ནས་རྣམ་པར་ཤེས་པའི་རྒྱུའི་བར་དུའོ། །གང་སྐད་ཅིག་སྐད་ཅིག་ཏུ་འབྱུང་བ་ཟད་པའི་ཆོས་ཉིད་དབང་པོ་དེ་ལ་ཟད་པ་དང་། འགོག་པ་དེ་ནི་འབྱུང་བ་
ཟད་པ་ཉིད་དུ་བརྟག་གོ། །དངོས་པོ་མེད་པ་དང་བདག་མེད་པར་དམིགས་པ། ཚིག་གི་ལམ་མེད་པ་དང་། རྣམ་པར་མི་འགྲོ་བ་དང་། མ་སྐྱེས་པ་དང་། མ་བྱུང་བ་དང་། བདག་མེད་པ། བདག་གི་མེད་པ་དང་། ཞི་གནས་གྱི་མཚན་
ཉིད་ཀྱི་ཚུལ་དང་། རྟོག་པ་མེད་ཅིང་སྨོན་པ་མེད་པའི་ཚུལ་དང་། མཚན་མ་མེད་པའི་ཚུལ་དང་། ལྷག་མཐོང་གི་ཚུལ་གྱིས་བརྟག་པར་བྱའོ། །མཚན་ཉིད་མེད་པ་དང་། ཉོན་མོངས་པ་ཐམས་ཅད་དང་བྲལ་བ་དང་། རྣམ་པ་དང་བྲལ་
བ་དང་། བདག་མེད་པ་དང་། ཡིད་ཀྱི་འདུ་བྱེད་དང་བྲལ་བ་དང་། ཡི་གེ་མེད་པ་དང་། རྒྱུ་དང་རྐྱེན་བྲལ་བར་རབ་ཏུ་ཤེས་སོ། །དངོས་པོ་མེད་པ་ཤིན་དུ་སྐད་ཅིག་མ་དང་བྲལ་བར་རབ་ཏུ་ཤེས་སོ། །འདུ་བྱེད་ཐམས་ཅད་མཚན་མ་
མེད་པ་དང་། ཡུན་རྒྱུན་ཆད་པ་མེད་པར་རབ་ཏུ་ཤེས་སོ། །འདུ་བྱེད་ཐམས་ཅད་གནས་མེད་ཅིང་ཉེ་བར་ཞི་བར་རབ་ཏུ་ཤེས་སོ། །རྣམ་པ་འདི་དག་གིས་གཟུགས་དངོས་པོ་མེད་པ་དབུ་བའི་ཕུང་པོ་ལྟར་བརྟག་གོ། །མཚན་ཉིད་
མེད་པ་དང་མཚན་མ་མེད་པའི་བར་དུ་དེ་དག་ཐམས་ཅད་ཟད་པའི་ཆོས་སུ་ཡང་དག་པར་རྗེས་སུ་མཐོང་ངོ་། །གང་ཟད་པའི་ཆོས་དེ་མི་རྟག་པའོ། །གང་མི་རྟག་པ་དེ་ནི་རྟོག་པ་མེད་པའོ། །གང་རྟོག་པ་
མེད་པ་དེ་ཡང་སྡུག་བསྔལ་བའོ། །གང་འབྱུང་བ་མེད་པ་དེ་འང་བདག་མེད་པའོ། །གང་འདུ་བྱེད་ཐམས་ཅད་ཀྱི་ལམ་དང་བྲལ་བ་དེ་ཡང་སྟོང་པའོ། །གང་ནང་དང་ཕྱི་རོལ་གྱི་གཟུགས་དེ་དག་ལྦུ་བའི་ཕུང་པོ་ལྟ་བུ་དངོས་པོ་མེད་
ཅིང་གཟུགས་བརྙན་ལྟ་བུར་སྟོང་པ་ཇི་ལྟ་བ་བཞིན་དུར་རབ་ཏུ་ཤེས་པ་དེ་ལྟར་རབ་འབྲིང་དང་ཐ་མའི་ཉོན་མོངས་པ་ཉེ་བར་ཞི་བར་འགྱུར་རོ། །ནམ་མཁའ་ཇི་ལྟར་དམིགས་པ་མེད་ཅིང་འདུས་བྱས་པ་མེད་པ་དེ་བཞིན་དུ་གཟུགས་

62-1-146a

ཀྱང་ལྦུ་བ་ལྟ་བུར་འདུ་ཤེས་པ་མེད་ཅིང་འགྱུར་བ་མེད་པ་དང་། ཚོར་བ་མེད་པ་དང་། མི་རྟག་པ་དང་། སྡུག་བསྔལ་བ་དང་། བདག་མེད་པ་དང་། སྟོང་པའི་མཚན་ཉིད་དང་བྲལ་བའི་བཟོད་པ་སྒོམ་པར་བྱེད་པ་འདི་དང་། བྱང་ཆུབ་
སེམས་དཔའི་སེམས་ཅན་ཡོངས་སུ་སྨིན་པ་ཉེ་བར་འཚོ་བའི་བཟོད་པ་བལྟ་བར་བྱའོ། །རིགས་ཀྱི་བུ་གཞན་ཡང་གཟུགས་ནི་ཕྱི་རོལ་དང་ནང་གི་ནས་གང་ཉེ་བའི་བར་དུ་རང་བཞིན་གྱིས་གཟུགས་བརྙན་ལྟ་བུའི་རྒྱུ་འདྲ་བ་མངོན་པར་མི་
འགྱུར་བ་དང་། སྒྱུ་མ་ལྟ་བུ་དང་། ལུས་མངོན་པའི་མཚན་ཉིད་དུ་བརྟག་གོ། །གཟུགས་ནི་ཅི་ལ་འང་ཆགས་པ་མེད། སྙེམས་པ་འང་མེད། བླང་བ་དང་དོར་བ་མེད་པར་ཤེས་ཏེ། གཟུགས་ནི་གཉིས་སུ་མེད་དོ། །
ཆོས་ཐམས་ཅད་ཆོས་ཀྱི་དབྱིངས་ལ་ཡང་དག་པར་གཞོལ་བར་ཤེས་པས་འབྱུང་བ་ཆེན་པོ་བཞིའི་གཟུགས་ཐམས་ཅད་ཅུང་ཟད་ཀྱང་དབྱེར་མེད་དོ། །ཚིག་གི་ལམ་ཐམས་ཅད་གནས་མེད་པར་ཡང་དག་པར་ཤེས་སོ། །གཟུགས་ནི་
གཞན་དུ་སོང་བ་འང་མེད་ཅིང་ཡུལ་མེད་པ་དང་། གློ་བུར་གྱི་སྡུག་བསྔལ་བ་དང་། རྒྱུན་བཅད་པ་དང་རྒྱུན་མ་བཅད་པའི་མདུད་པ་གཉིས་དང་བྲལ་བ་དང་། གཟུགས་བརྙན་ལྟ་བུ་དང་། གནས་མེད་པར་བརྟག་གོ། །གཟུགས་
ཐམས་ཅད་ཀྱི་མཚན་ཉིད་ནི་ལྦུ་བའི་ཕུང་པོ་ལྟ་བུར་དམིགས་པ་མེད་པ་དང་། ཀུན་འབྱུང་བ་མེད་པ་དང་། ཤིན་དུ་རང་བཞིན་མེད་པར་བརྟག་གོ། །འབྱུང་བ་ཆེན་པོ་བཞི་རྣམས་ནི་རྣམ་པར་དག་པ། རྣམ་པར་མི་རྟོག་པ། 
མི་འབྱུང་བ། མངོན་པར་མི་སྒྲུབ་པ། ཆོས་ཐམས་ཅད་སྲོས་པའི་རྒྱུན་བཅད་པ་ཐམས་ཅད་དུ་ཞུགས་པ་མེད་པར་བརྟག་གོ། །འབྱུང་བ་ཆེན་པོ་བཞིའི་གཟུགས་ཀྱི་ཕུང་པོའི་མཚན་ཉིད་ནི་སྙེམས་པ་མེད་པ་དང་། 
གཏོང་བ་མེད་པ་དང་། མུན་པ་མེད་པ་དང་། སྣང་བ་མེད་པ་དང་། ཡིད་ལ་མི་བྱེད་པ་དང་། གཉིས་སུ་མེད་པ་དང་། སོགས་པ་མེད་པ་དང་། སྤྲོས་པ་མེད་པ་དང་། གཟུགས་བརྙན་ལྟ་བུ་དབྱེར་མེད་

62-1-146b

པ་དང་། དངོས་པོ་མེད་པར་བརྟག་གོ། །གཟུགས་འབྱུང་བ་ཆེན་པོ་བཞི་ནི་ཤིན་དུ་རྣམ་པར་མི་རྟོག་པ་དང་། ཟད་པ་དང་། ལྦུ་བ་ལྟ་བུར་བལྟའོ། །རྣམ་པ་འདི་དག་གིས་གཟུགས་ལ་དངོས་པོ་མེད་པར་གཟུགས་བརྙན་ལྟ་བུར་རྟོག་གོ། མཚན་
ཉིད་མེད་པ་ནས་མཚན་མ་མེད་པའི་བར་དུ་འདུ་བྱེད་ཐམས་ཅད་ཟད་པའི་ཆོས་སུ་ཡང་དག་པར་རྗེས་སུ་མཐོང་ངོ་། །གང་ཟད་པའི་ཆོས་དེ་མི་རྟག་པའོ། །གང་མི་རྟག་པ་དེ་རྟོག་པ་མེད་པའོ། །གང་རྟོག་པ་མེད་པ་དེ་སྡུག་བསྔལ་བའོ། །གང་
འབྱུང་བ་མེད་པ་དེའང་བདག་མེད་པའོ། །གང་འདུ་བྱེད་ཐམས་ཅད་ཀྱི་ཚིག་གི་ལམ་དང་བྲལ་བ་དེ་ཡང་སྟོང་པ་སྟེ། ཇི་ལྟར་ཕྱི་དང་ནང་གི་གཟུགས་ལྦུ་བ་འདྲ་བ་སྟོང་པ་ཇི་ལྟ་བ་བཞིན་དུ་རབ་ཏུ་ཤེས་པ་དེ་ལྟར་རབ་འབྲིང་དང་ཐ་མའི་
ཉོན་མོངས་པ་འང་ཉེ་བར་ཞི་བར་འགྱུར་རོ། །ནམ་མཁའ་ཇི་ལྟར་ཟད་པ་མེད་ཅིང་གཟུགས་མེད་པ་དང་བསྟན་དུ་མེད་པ་དེ་བཞིན་དུ་ཟད་པ་མེད་ཅིང་མཚན་ཉིད་མེད་པ་དང་། གཟུགས་མེད་པ་དང་། བསྟན་དུ་མེད་པ་དང་། ལྦུ་བ་ལྟ་
བུར་མི་རྟག་པ་དང་། སྡུག་བསྔལ་བ་དང་། བདག་མེད་པ་དང་། སྟོང་པའི་མཚན་ཉིད་ལ་དམིགས་པའི་མཚན་ཉིད་དང་བྲལ་བའི་བཟོད་པ་སྒོམ་པར་བྱེད་པ་འདི་ཡང་བྱང་ཆུབ་སེམས་དཔའི་སེམས་ཅན་ཡོངས་སུ་སྨིན་པ་ཉེ་བར་
འཚོ་བར་བལྟའོ། །རིགས་ཀྱི་བུ་གཞན་ཡང་གཟུགས་འབྱུང་བ་ཆེན་པོ་བཞིའི་མཚན་ཉིད་ནང་གི་ནས་ཉེ་བའི་བར་དུ་གང་སྨྲས་པ་དེའི་གཟུགས་ཀྱི་མཚན་ཉིད་ནི་མིག་ཡོར་ལྟ་བུ་དང་། གྲིབ་མ་ལྟ་བུ་དང་། ལྦུ་བ་ལྟ་བུ་གནས་མེད་པ་
དང་། ནམ་མཁའ་ལྟ་བུ་ཆགས་པ་མེད་པ་དང་། བརྗོད་དུ་མེད་པ་དང་། སྩོགས་པ་མེད་པ་ནས་ཁམས་གསུམ་གྱི་འཁོར་བ་བདག་མེད་པ་ལྟ་བུ་དང་། དུས་གསུམ་གྱི་མཚན་ཉིད་ཐོབ་པ་དང་། དམིགས་པ་མེད་པ་དང་། ཡི་གེ་
མེད་པ་དང་། གཉིས་སུ་མེད་པའི་མཐའ་དང་། རྟག་པའི་མཐའ་དང་། ཀུན་དུ་བཟུང་བའི་མཐའ་དང་། ཟད་པ་མེད་པར་སྤྱོད་པའི་མཐའ་དང་། ཉོན་མོངས་པ་མེད་པའི་མཐའ་དང་། །ཡུལ་མེད་པའི་མཐའ་དང་། 

62-1-147a

རབ་ཏུ་རྒྱུ་བ་མེད་པའི་མཐའ་དང་། སྨྲ་བ་མེད་པའི་མཐའ་དང་། གཟུགས་བརྙན་ལྟ་བུར་གཟུགས་དེའི་མཚན་ཉིད་དུ་རབ་ཏུ་ཤེས་སོ། །འདོད་པའི་ཁམས་དང་གཟུགས་ཀྱི་ཁམས་དེ་གཉིས་ཀྱི་གཟུགས་ཀྱི་སྣང་བ་ནམ་
མཁའ་ལྟ་བུར་བརྟག་གོ། །མིག་ཡོར་གྱི་མཚན་ཉིད་ནམ་མཁའ་ལྟ་བུར་དངོས་པོར་དམིགས་པ་མེད་པ་སྟེ། ནམ་མཁའ་ཇི་ལྟ་བུར་གཟུང་དུ་མེད་ཅིང་ཀུན་ནས་ལྡང་བ་མེད་པ་དང་། དངོས་པོ་མེད་པ་དེ་ལྟར་དེ་བཞིན་དུ་གཟུགས་ཀྱི་མཚན་ཉིད་ཀྱང་
མིག་ཡོར་ལྟ་བུ་དང་། ཚུ་རོལ་དང་ཕ་རོལ་བྲལ་བའི་གནས་མེད་པའོ། །གཟུགས་ཀྱི་མཚན་ཉིད་ནི་མཉམ་པའི་མཚན་ཉིད་དང་། །སྒྲ་བརྙན་ལྟ་བུ་དང་། ལྦུ་བའི་ཕུང་པོ་ལྟ་བུ་དང་། ཆོས་ཀྱི་དབྱིངས་དང་། ནམ་མཁའི་ཁམས་
ཀྱི་གཟུགས་ཀྱི་སྒྲ་བརྙན་ནི་ཁམས་མེད་པ་དང་། ཐ་དད་པ་མེད་པ་དང་། མཚུངས་པ་མེད་པ་དང་། འཁྲུག་པ་མེད་པའོ། །དེ་ལྟར་དེ་བཞིན་དུ་ཆོས་འདི་དག་ཀྱང་ནམ་མཁའ་ལྟ་བུའོ། །གཟུགས་ཀྱི་སྣང་བ་དེ་ཡང་གཟུང་དུ་
མེད་པ་དང་། བསགས་པ་མེད་པ་དང་། སྐྱེ་བ་མེད་པ་དང་། འབྱུང་བ་མེད་པ་དང་། གཡོ་བ་མེད་པ་དང་། འགྱུར་བ་མེད་པ་དང་། འཆི་འཕོ་བ་མེད་པ་དང་། མི་གནས་པ་དང་། བདག་དང་གཞན་གྱི་ལ་མི་
ལེན་པ་དང་། ཡོངས་སུ་མི་རྟོག་པ་དང་། ཆགས་པ་མེད་པ་དང་། བྱས་པ་མེད་པ་ཐམས་ཅད་གཟུགས་ཀྱི་སྣང་བའོ། །དེ་ལྟར་དེ་བཞིན་དུ་འདུ་བྱེད་ཐམས་ཅད་ཀྱི་ལམ་ལས་ཤིན་དུ་འདས་ཤིང་མིག་གི་རྣམ་པར་
ཤེས་པའི་ལམ་ཀུན་ནས་ལྡང་བ། ལྦུ་བའི་ཕུང་པོ་ལྟ་བུའི་གཟུགས་ཀྱི་སྣང་བ་མིག་གི་རྣམ་པར་ཤེས་པས་སྣང་བ་དེ་ཡང་མིག་འབྱུང་བ་ཆེན་པོ་བཞིའི་རྒྱུའོ། །བདག་མེད་པའི་ཕྱིར་འབྱུང་བ་ཆེན་པོ་བཞི་པོ་དེ་དག་
ཀྱང་སྟོང་པ་སྟེ། ཇི་ལྟར་གོང་དུ་བཤད་པ་བཞིན་དུ་བདག་ཏུ་དམིགས་པ་འང་མེད་དོ། །མིག་གཉིས་ནི་དགུན་འབྲུམ་ཙམ་སྟེ། མིག་རེ་རེ་ལ་འང་ཚད་མེད་པའི་རྡུལ་ཤིན་དུ་ཕྲ་བའོ། །རྡུལ་ཤིན་དུ་ཕྲ་བ་ལ་འང་འབྱུང་བ་ཆེན་པོ་བཞི་པོ་

62-1-147b

སོགས་སོ། །འབྱུང་བ་ཆེན་པོ་བཞི་པོ་རེ་རེ་ལ་འང་བདག་ཏུ་མི་དམིགས་ཤིང་སེམས་ཅན་དུ་མི་དམིགས་ན། དེ་ལ་རྣམ་པར་ཤེས་པའི་གནས་སམ། ཀུན་ནས་ལྡང་བ་འང་ལམ་དུ་ཤེས་པར་ལྟ་ཅི་སྨོས། རྡུལ་ཤིན་དུ་ཕྲ་བ་དེ་དང་དེ་དག་ལ་ཇི་
ལྟ་བ་བཞིན་དུ་མིག་འབྱུང་བ་ཆེན་པོ་བསགས་པ་དང་། དགུན་འབྲུམ་ཙམ་དུ་ཡོངསུ་བརྟག་གོ། །ཡོངས་སུ་བརྟགས་པ་དེས་དེ་ལ་མིག་གི་རྣམ་པར་ཤེས་པའི་གནས་པ་དང་ལམ་ཡང་མེད་དོ། །དེས་ཡང་དག་པར་ཡོངས་སུ་བརྟགས་པས་
སེམས་ཅན་མིག་ཡོངས་སུ་བརྟགས་པར་འགྱུར་རོ། །གང་མིག་གི་རྣམ་པར་ཤེས་པ་སྟོང་པ་ཇི་ལྟ་བ་བཞིན་དུ་ཤེས་པ་དེ་དག་འདོད་ཆགས་དང་བྲལ་བར་འགྲོའོ། །ཇི་ལྟར་ཡང་མིག་གི་རྣམ་པར་ཤེས་པ་སྟོང་པར་ཇི་ལྟ་བ་བཞིན་དུ་རབ་ཏུ་ཤེས་པ་དེ་བཞིན་
དུ་ཁམས་གསུམ་གྱི་མིག་མིག་གི་རྣམ་པར་ཤེས་པས་སྟོང་པ་ཇི་ལྟ་བ་བཞིན་དུ་ཤེས་པར་བྱའོ། །ཇི་ལྟར་ཡང་མིག་གིས་གཟུགས་ཀྱི་སྣང་བ་ལྦུ་བའི་ཕུང་པོ་ལྟ་བུ་ཕྱི་དང་ནང་གི་གཟུགས་ཀྱི་མཚན་ཉིད་སྣང་བ་ནས་ཉེ་བའི་བར་དུ་དེ་དག་
ཐམས་ཅད་ལྦུ་བའི་ཕུང་པོ་གཟུགས་ཀྱི་སྣང་བ་འབྱུང་བ་ཆེན་པོ་ནམ་མཁའ་ལ་མི་རྟེན་པར་འགྱུར་རོ། །ནམ་མཁའ་ཇི་ལྟར་དངོས་པོ་མེད་ཅིང་མཚན་ཉིད་མེད་པ་དང་། མཚན་ཉིད་ཀྱིས་སྟོང་པ་ལྟར་གཟུགས་ཀྱི་མཚན་ཉིད་སྣང་བ་ལྦུ་
བའི་ཕུང་པོ་ལྟ་བུ་དེ་དག་ཐམས་ཅད་ཀྱང་སྣང་བའོ། །ཇི་ལྟར་གཟུགས་གཞན་གྱི་ནམ་མཁའ་སྟོང་པ་ལྟར་ནང་དང་ཕྱིའི་ལུས་ཀྱི་མཚན་ཉིད་ལྦུ་བ་ལྟ་བུར་སྣང་བ་ནས་ཉེ་བའི་བར་དུ་དེ་དག་ཐམས་ཅད་གཟུགས་ཀྱི་མཚན་ཉིད་སྣང་བའང་སྟོང་
པའོ། །ཇི་ལྟར་མིག་མིགི་རྣམ་པར་ཤེས་པས་སྟོང་པ་དེ་བཞིན་དུ་རྣ་བ་དང་། སྣ་དང་། ལྕེ་དང་། ལུས་ཀྱང་ལུས་ཀྱི་རྣམ་པར་ཤེས་པས་སྟོང་ངོ་། །འདོད་པའི་ཁམས་དང་གཟུགས་ཀྱི་ཁམས་ཐམས་ཅད་ཀྱི་མིག་ཀྱང་མིག་
དང་མྱིག་གི་རྣམ་པར་ཤེས་པས་སྟོང་པས་སྟོང་པ་ཇི་ལྟ་བ་བཞིན་དུ་རབ་ཏུ་ཤེས་སོ། །དེ་བཞིན་དུ་རྣ་བ་དང་། སྣ་དང་། ལྕེ་དང་། ལུས་དང་། ལུས་ཀྱང་ལུས་དང་ལུས་ཀྱི་རྣམ་པར་ཤེས་པ་སྟོང་པ་ཉིད་ཀྱིས་སྟོང་

62-1-148a

པ་ཉིད་ཀྱིས་སྟོང་པ་ཇི་ལྟ་བ་བཞིན་དུ་རབ་ཏུ་ཤེས་སོ། །འབྱུང་བ་ཆེན་པོ་ལྟ་བུ་མི་རྟོག་རྣམ་པར་མི་རྟོག་ཅིང་དམིགས་པར་ཡང་དག་པར་རྗེས་སུ་མི་འཐོང་ངོ་། །སེམས་ཅན་དང་། སྲོག་དང་། གསོ་བ་དང་། གང་ཟག་དང་། 
ཤེད་ལས་སྐྱེས་པ་དང་། ཤེད་ཅན་དང་། བྱེད་པ་པོ་དང་། བྱེད་དུ་འཇུག་པ་དང་། ཚོར་བ་པོ་དང་། ཚོར་བར་འཇུག་པ་དང་། སྐྱེ་བ་དང་། ཀུན་དུ་སྐྱེ་བ་དང་། ཀུན་ནས་ལྡང་བར་ཡང་དག་པར་རྗེས་སུ་མི་མཐོང་ངོ་། །གཟུགས་ཀྱི་མཚན་
ཉིད་སྣང་བའི་མཚན་མས་མཚན་མ་ལས་དམིགས་པ་འང་མེད་དོ། །སེམས་ཀྱི་གཟུང་བ་དང་། བཏང་བ་དང་། མངོན་སུམ་དུ་བྱ་བ་དང་། ཁོང་དུ་ཆུད་པ་དང་། གནས་དང་། ཀུན་ནས་ལྡང་བའི་གནས་དང་། ཡིད་ལ་བྱེད་པའི་
གཟུགས་ཀྱི་མཚན་ཉིད་སྣང་བ་དམིགས་པ་མེད་པ་སྟོང་པ་ཉིད་ཀྱིས་སྟོང་པ་ཇི་ལྟ་བ་བཞིན་དུ་རབ་ཏུ་ཤེས་སོ། །གཟུགས་ཀྱི་ཕུང་པོ་དང་། ནམ་མཁའ་དང་། སེམས་ཀྱི་རྣམ་པར་ཤེས་པ་ཐ་དད་པར་རབ་ཏུ་མི་ཤེས་སོ། ཁམས་
གསུམ་ཐམས་ཅད་སྟོང་པ་ཉིད་ཀྱིས་སྟོང་པར་རབ་ཏུ་ཤེས་སོ། །གང་ཕྱི་རོལ་དང་ནང་གི་ནས་ཉེ་བའི་བར་དུ་གཟུགས་ཀྱི་མཚན་ཉིད་སྣང་བ་ཐམས་ཅད་ལྦུ་བའི་ཕུང་པོ་ལྟ་བུར་སྟོང་པ་ཉིད་དང་། ཟད་པའི་ཚུལ་དང་། ཞི་གནས་ལ་འཚེ་
བ་མེད་པའི་ཚུལ་དང་། རྟོག་པ་མེད་པའི་ཚུལ་དང་། མི་སྐྱེ་བ་དང་། མི་འགོག་པ་དང་། འབྱུང་བ་མེད་པ་དང་། མཚན་མ་མེད་པའི་ཚུལ་གྱིས་རྟོག་གོ། །ནམ་མཁའ་དང་བྲལ་ཞིང་གནས་མེད་པ་དང་། ཚིག་གི་ལམ་ལ་བྲལ་བར་རབ་
ཏུ་ཤེས་སོ། །ནང་དང་ཕྱི་རོལ་གྱི་འདུ་བྱེད་ནས་ཉེ་བའི་བར་དུ་གཟུགས་ཀྱི་མཚན་ཉིད་ཐམས་ཅད་འཇིག་པའི་ཆོས་དང་། ཟད་པའི་ཆོས་དང་། དངོས་པོའི་རྒྱུན་ཆད་པ་སྟོང་པ་དང་། འཁྲུག་པ་རྒྱུན་ཆད་པ་ཇི་ལྟ་བ་བཞིན་དུ་རབ་དུ་ཤེས་སོ། །གང་གཟུགས་
ཀྱི་མཚན་ཉིད་ཐམས་ཅད་ཟད་པའི་ཆོས་དེ་འང་མི་རྟག་པའོ། །གང་རྟག་པ་མེད་པ་དེའང་སྡུག་བསྔལ་བའོ། །གང་འབྱུང་བ་མེད་པ་དེའང་བདག་མེད་པའོ། །གང་འདུ་བྱེད་ཐམས་ཅད་ཀྱི་ཚིག་གི་མཚན་ཉིད་ཀྱི་ལམ་དང་བྲལ་བ་དེའང་སྟོང་པ་སྟེ། 

62-1-148b

གང་ཕྱི་དང་ནང་གི་ནས་ཉེ་བའི་བར་དུ་གཟུགས་ཀྱི་མཚན་ཉིད་སྟོང་པ་ཐམས་ཅད་ཇི་ལྟ་བ་བཞིན་དུ་རབ་དུ་ཤེས་པ་དེ་ལྟར་རབ་འབྲིང་དང་ཐ་མའི་ཉོན་མོངས་པ་ཞི་བར་འགྱུར་རོ། །འདི་ནི་མངོན་པར་འདུ་བྱེད་པའི་མཚན་ཉིད་རྒྱུན་གཅོད་པ་མེད་པའི་བཟོད་
པའོ། །ནམ་མཁའ་ཇི་ལྟར་རླུང་མེད་པ་དེ་བཞིན་དུ་བག་ལ་ཉལ་བ་དང་བྲལ་བའི་བཟོད་པའོ། །ནམ་མཁའ་ཇི་ལྟར་འགྱུར་བ་མེད་པ་དེ་བཞིན་དུ་གཟུགས་ཀྱི་མཚན་ཉིད་སྣང་བ་མེད་པའི་བཟོད་པའོ། །ནམ་མཁའ་ཇི་ལྟར་བརྩེགས་པ་
མེད་ཅིང་གནོད་པ་མེད་པ་དེ་བཞིན་དུ་སེམས་དང་རྣམ་པར་རྟོག་པ་དང་རྣམ་པར་དཔྱོད་པས་གཙེས་པ་མེད་ཅིང་གནོད་པ་མེད་པའི་བཟོད་པའོ། །ནམ་མཁའ་ཇི་ལྟར་བག་ལ་ཉལ་བ་ཐམས་ཅད་དང་བྲལ་བ་དེ་བཞིན་དུ་ཚིག་གི་ལམ་ཐམས་ཅད་
བག་ལ་ཉལ་བ་དང་བྲལ་བའི་བཟོད་པའོ། །ནམ་མཁའ་ཇི་ལྟར་མ་སྐྱེས་མ་བྱུང་བ་དེ་བཞིན་དུ་མཚན་ཉིད་ཐམས་ཅད་སྔར་མ་སྐྱེས་མ་བྱུང་བའི་བཟོད་པ་བསྒྲུབས་པའོ། །ནམ་མཁའ་ཇི་ལྟར་སྤྲོས་པ་མེད་པ་དེ་བཞིན་དུ་ཁམས་གསུམ་
གྱི་བག་ལ་ཉལ་བ་ཐམས་ཅད་སྤྲོས་པ་མེད་པའི་བཟོད་པའོ། །ནམ་མཁའ་ཇི་ལྟར་ཁམས་གསུམ་པར་གཏོགས་པ་དེ་བཞིན་དུ་གཟུགས་ཀྱི་མཚན་ཉིད་སྣང་བ་ཁམས་གསུམ་པར་གཏོགས་པ་ཡང་མི་རྟག་པ་དང་། སྡུག་བསྔལ་བ་
དང་། སྟོང་པ་དང་། བདག་མེད་པ་མཚན་ཉིད་དམིགས་པ་མེད་པའི་མཚན་ཉིད་དང་བྲལ་བའི་བཟོད་པ་སྒོམ་པར་བྱེད་པ་འདི་ཡང་བྱང་ཆུབ་སེམས་དཔའི་སེམས་ཅན་ཉེ་བར་འཚོ་བའི་བཟོད་པར་བལྟ་བར་བྱའོ། །ཡང་དག་པར་སྤྱོད་
པའི་ཚུལ་ནམ་མཁའི་མདོག་གིས་འདུལ་བའི་བཟོད་པ་ཞེས་བྱ་བ་ཐེག་པ་ཆེན་པོའི་མདོའི་ལེའུ་སྟེ་ལྔ་པའོ།།               །། རིགས་ཀྱི་བུ་གཞན་ཡང་བྱང་ཆུབ་སེམས་དཔས་ཚོར་བའི་ཕུང་པོ་ཡང་ཚུལ་བཞིན་དུ་བརྟག་པར་བྱའོ། །
དེ་ལ་ཚོར་བའི་ཕུང་པོ་གང་ཞེ་ན། འདི་ལྟ་སྟེ། ཚོར་བའི་ཚོགས་རྣམ་པ་དྲུག་སྟེ། མིག་གི་འདུས་ཏེ་རེག་པ་ལས་སྐྱེས་པའི་ཚོར་བ་དང་། རྣ་བ་དང་། སྣ་དང་། ལྕེ་དང་། ལུས་དང་། ཡིད་ཀྱི་འདུས་ཏེ་རེག་པ་ལས་སྐྱེས་པའི་ཚོར་

62-1-149a

བ་སྟེ། འདི་དག་ནི་ཚོར་བའི་ཕུང་པོ་ཞེས་བྱའོ། །ཚོར་བའི་ཕུང་པོ་དེ་ལ་ཚོར་བ་རྣམ་པ་གསུམ་དུ་ཤེས་པར་འགྱུར་ཏེ། གསུམ་གང་ཞེ་ན། བདེ་བར་ཚོར་བ་དང་། སྡུག་བསྔལ་བར་ཚོར་བ་དང་། བདེ་བ་དང་སྡུག་བསྔལ་དུའང་མི་
ཤེས་པར་ཚོར་བ་སྟེ། འདི་དག་རྣམ་གསུམ་ནི་ཚོར་བའི་ཕུང་པོ་ཞེས་བྱའོ། །རིགས་ཀྱི་བུ་དེ་ལ་བྱང་ཆུབ་སེམས་དཔའ་རྣམ་པ་བརྒྱད་པོ་འདི་དག་གིས་ཚོར་བའི་ཕུང་པོ་ཚུལ་བཞིན་དུ་བརྟག་པར་བྱའོ། །དེ་ལ་བརྒྱད་གང་ཞེ་ན། རིགས་
ཀྱི་བུ་ཉོན་མོངས་པའི་རྩ་བ་གསུམ་སྟེ། འདོད་ཆགས་དང་། ཞེ་སྡང་དང་། གཏི་མུག་ཅེས་བྱའོ། །ཉོན་མོངས་པའི་རྩ་བ་གསུམ་པོ་འདི་དག་གིས་སེམས་ཅན་ཉོན་མོངས་པ་རྣམས་འདོད་ཆགས་དང་བྲལ་བ་ཟག་པ་ཟད་
པ་དང་བཅས་པར་མི་འགྱུར་རོ། །ཉོན་མོངས་པའི་རྩ་བ་གསུམ་པོ་འདི་དག་ཚོར་བ་རྣམ་པ་གསུམ་ལ་ཞུགས་པ་དེ་ལ་ཉོན་མོངས་པ་རྣམ་པ་ཐ་དད་པར་འགྱུར་རོ། །དེ་ལ་ཚོར་བའི་ཚོགས་དྲུག་གིས་ཚོར་བ་རྣམ་གསུམ་ཚུལ་
བཞིན་དུ་བརྟག་པར་བྱའོ། །ཚོར་བ་རྣམ་གསུམ་གྱི་ཉོན་མོངས་པའི་རྩ་བ་འབྱུང་བ་དང་། ལས་ཀྱི་རྩ་བ་དང་། ཟད་པའི་རྩ་བ་ནུབ་པ་ཚུལ་བཞིན་དུ་བརྟག་པར་བྱའོ། །དེ་མིག་གིས་གཟུགས་ཀྱི་མཚན་ཉིད་སྣང་བ་དམའ་བ་འམ། 
བདེ་བ་འམ། ཆེ་བ་འམ། ཕྲ་བ་འམ། གང་ཉེ་བ་འམ། གང་རིང་བར་མཐོང་བ་དེ་ལ་ཚོར་བ་འབྱུང་ངོ་། །གང་གཟུགས་བདེ་བ་འམ། ཆེ་བ་འམ། ཕྲ་བ་འམ། གང་རིང་བ་འམ། ཉེ་བར་མཐོང་བ་དེ་ལ་ཚོར་བ་སྲེད་པའི་
གནས་ཆུའི་ཆུ་བུར་ལྟ་བུ་དང་། མངོན་པར་དགའ་བ་འབྱུང་བར་འགྱུར་བ་དེ་ལ་ཡང་ཚུལ་བཞིན་དུ་བརྟག་པར་བྱའོ། །ཇི་ལྟར་ཡང་མིག་མིག་གིས་སྟོང་པ་ནས་ཇི་ལྟར་གང་དུ་བཤད་པའི་བར་དུ་དེ་གློ་བུར་དང་། ལུས་མ་ཡིན་པ་
དང་། གནས་མེད་པ་དང་། གཟུགས་མེད་པ་དང་། བསྟན་དུ་མེད་པ་དང་། དངོས་པོ་མེད་པ་དང་། ཡི་གེ་མེད་པ་ཚོར་བ་ཆུའི་ཆུ་བུར་ལྟ་བུར་འབྱུང་ངོ་། །འདོད་ཆགས་ཀྱིས་ཀུན་དུ་བསྒྲིབས་པ་འབྱུང་ངོ་། །

62-1-149b

སློང་བ་པོ་འམ། དགོད་པ་པོ་འམ། ཀུན་དུ་རྒྱུ་བ་པོ་འམ། སོགས་པར་ཡང་མི་ཤེས་སོ། །འབྱུང་བའི་མཚན་ཉིད་བདག་པོ་མེད་པ་དང་། འགོག་པ་ལ་ཡང་བདག་པོ་མེད་པ་དང་། མཚན་ཉིད་ཚོར་བ་ལ་ཡང་བདག་པོ་མེད་པ་སྟེ། 
མཚན་ཉིད་མེད་པའི་ཆོས་འདི་དག་ཐམས་ཅད་ལ་ཡང་སྲོག་མེད་པ་དང་། སྲོག་དང་བྲལ་བ་དང་། སེམས་ཅན་མེད་པ་དང་། སེམས་ཅན་དང་བྲལ་བ་དང་། གསོ་བ་མེད་པ་དང་། གསོ་བ་དང་བྲལ་བ་དང་། གང་ཟག་མེད་པ་དང་། 
གང་ཟག་དང་བྲལ་བ་དང་། འདོད་པ་མེད་པ་དང་། དངོས་པོ་མེད་པ་དང་། མཚན་ཉིད་མེད་པ་དང་། བདག་པོ་མེད་པ་དང་། མཚན་ཉིད་འཇིགས་པ་དང་། ཟད་པའི་འདུ་བྱེད་ཀྱི་སྡུག་བསྔལ་དངོས་པོ་མེད་པ་དང་། 
དུས་གསུམ་གྱི་འདོད་ཆགས་དང་བྲལ་བའི་མཐའ་ལ་དེས་དེ་དག་སྟོང་ངོ་། །བརྗོད་དུ་མེད་པ་འདོད་ཆགས་ཀྱི་མཐའ་ལ་དེས་དེ་དག་སྟོང་ངོ་། །གཉིས་སུ་མེད་པའི་འདོད་ཆགས་ཀྱི་མཐའ་ལ་དེས་དེ་དག་སྟོང་ངོ་། །རྒྱུན་ཆད་
པ་མེད་པ་འདོད་ཆགས་ཀྱི་མཐའ་ལ་དེས་དེ་དག་སྟོང་ངོ་། །རྟག་པ་མེད་པ་འདོད་ཆགས་ཀྱི་མཐའ་ལ་དེས་དེ་དག་སྟོང་ངོ་། །མཚན་མ་མེད་པ་འདོད་ཆགས་ཀྱི་མཐའ་ལ་དེས་དེ་དག་སྟོང་ངོ་། །སྨོན་པ་མེད་པ་འདོད་
ཆགས་ཀྱི་མཐའ་ལ་དེས་དེ་དག་སྟོང་ངོ་། །ཚོར་བ་མེད་པ་འདོད་ཆགས་ཀྱི་མཐའ་ལ་དེས་དེ་དག་སྟོང་ངོ་། །བྱེད་པ་པོའི་རྣམ་པ་མེད་པ་འདོད་ཆགས་ཀྱི་མཐའ་ལ་དེས་དེ་དག་སྟོང་ངོ་། །ཤེས་པ་མེད་པ་འདོད་
ཆགས་ཀྱི་མཐའ་ལ་དེས་དེ་དག་སྟོང་ངོ་། །ལེན་པ་མེད་པ་འདོད་ཆགས་ཀྱི་མཐའ་ལ་དེས་དེ་དག་སྟོང་ངོ་། །གྲོལ་བ་མེད་པ་འདོད་ཆགས་ཀྱི་མཐའ་ལ་དེས་དེ་དག་སྟོང་ངོ་། །དངོས་པོ་མེད་པ་འདོད་ཆགས་ཀྱི་
མཐའ་ལ་དེས་དེ་དག་སྟོང་ངོ་། །མུན་པ་མེད་པ་འདོད་ཆགས་ཀྱི་མཐའ་ལ་དེས་དེ་དག་སྟོང་ངོ་། །སྣང་བ་མེད་པ་འདོད་ཆགས་ཀྱི་མཐའ་ལ་དེས་དེ་དག་སྟོང་ངོ་། །དུས་གསུམ་གྱི་འདོད་ཆགས་དམིགས་པ་རྣམ་པར་སོགས་སོ། །གནས་སམ། 

62-1-150a

བྱེད་དུ་འཇུག་པ་འམ། སོགས་པར་བྱ་བ་ཡང་དག་པར་རྗེས་སུ་མི་མཐོང་ངོ་། །སེམས་སྒྱུ་མ་ལྟ་བུ་དང་། དུས་གསུམ་གྱི་འདོད་ཆགས་དངོས་པོ་དང་དངོས་པོ་མེད་པ་ཡོངས་སུ་ཆད་པར་ཡང་རྣམ་པར་མི་རྟོག་གོ། །ཇི་ལྟ་བ་
བཞིན་དུ་ཤེས་པ་ཅི་ལ་ཡང་ཆགས་པ་མེད་དོ། །ཐམས་ཅད་ལ་མི་རྟེན་པ་དང་མི་གནས་པ་དང་། ལེན་པ་མེད་པ་དང་། འཕོས་པ་མེད་པ་ལ་གཉིས་སུ་མི་བྱེད་དོ། །ཆོས་ཐམས་ཅད་ཆོས་ཀྱི་དབྱིངས་སུ་ཡང་དག་པར་གཞོལ་
བར་ཤེས་པས་ཅུང་ཟད་ཀྱང་དབྱེ་བར་མི་བྱེད་དོ། །དེ་ཆགས་པའི་གཟུགས་ལ་སེམས་རྟོགས་པ་དང་། གཟུགས་དང་། ཚོར་བ་གཉིས་དང་བྲལ་བའོ། །གང་ཆགས་པའི་གཟུགས་ལ་ཚོར་བ་གང་ཆུའི་ཆུ་བུར་ལྟ་བུ་དང་། གང་འབྱུང་
བ་ཟད་པ་འཇིག་པར་བརྟག་པ་འདི་དག་ནི་འདུ་བྱེད་བརྟག་པ་མེད་པའོ། །ཁམས་གསུམ་ལས་འབྱུང་བ་འདི་ཡང་སྨོན་པ་མེད་པ་རྣམ་པར་ཐར་བའི་སྒོའོ། །གང་འདོད་ཆགས་དེ་ལ་བརྗོད་དུ་མེད་པའི་ཚོར་བ་དང་། དུས་གསུམ་
གྱི་བསྒོམ་པ་ཐོབ་པ་འདི་ཡང་འདུ་བྱེད་སྡུག་བསྔལ་རབ་ཏུ་བྱེད་པའི་སྒོའོ། །ཁམས་གསུམ་གྱི་འདོད་ཆགས་ཀྱི་ཀུན་གཞི་ཚོར་བ་པོ་མེད་པ་དང་། ཉོན་མོངས་པ་མེད་པ་འདི་ཡང་མཚན་མ་མེད་པ་རྣམ་པར་ཐར་བའི་སྒོའོ། །
གང་འདོད་ཆགས་ཀྱི་ཀུན་གཞི་ཚོར་བ་བླང་བ་མེད་ཅིང་དོར་བ་མེད་པ་དང་། ཚིག་གི་ལམ་བདག་མེད་པ་དང་། ཡི་གེར་དམིགས་པ་མེད་པ་དང་། ཁམས་གསུམ་གྱི་ཚོར་བ་ཡུལ་མེད་ཅིང་མིག་ཡོར་མེད་པ་འདི་ཡང་འདུ་བྱེད་རྣམ་པར་
ཞི་བའི་ཕྱིར་རོ། །བདག་མེད་པ་སྟོང་པ་ཉིད་རྣམ་པར་ཐར་པའི་སྒོའོ། །གང་ཁམས་གསུམ་ཐམས་ཅད་ལ་ཚོར་བ་དངོས་པོ་མེད་པ་དང་། སྣང་བ་མེད་པ་དང་། ཡི་གེ་མེད་པ་དང་། བརྗོད་དུ་མེད་པ་དང་། ཟད་པ་
མེད་པ་དང་། ཅི་ལ་ཡང་ཆགས་པ་མེད་པ་དེ། དེ་ལྟར་རབ་འབྲིང་དང་ཐ་མའི་ཉོན་མོངས་པ་རྒྱུན་ཆད་པར་འགྱུར་རོ། །ནམ་མཁའ་ཇི་ལྟར་སྦྱོར་བ་མེད་པ་དེ་བཞིན་དུ་འདོད་ཆགས་ཀུན་ནས་ལྡང་བ་དང་། ཚོར་བ་སྦྱོར་བ་

62-1-150b

མེད་ཅིང་བརྗོད་དུ་མེད་པ་དང་། གཉིས་སུ་མེད་པ་དང་། སེམས་དང་ཡིད་ཀྱི་རྣམ་པར་ཤེས་པ་ལ་ཁམས་གསུམ་གྱི་ཚོར་བ་ཅི་ལ་ཡང་ཆགས་པ་མེད་པ་དང་། མི་རྟག་པ་དང་། སྡུག་བསྔལ་བ་དང་། སྟོང་པ་དང་། བདག་མེད་པ་
དང་། འདོད་ཆགས་ཀྱི་ཀུན་གཞི་ཚོར་བ་མཚན་ཉིད་དམིགས་པ་མེད་པ་དང་། མཚན་ཉིད་དང་བྲལ་བའི་བཟོད་པ་སྒོམ་པར་བྱེད་པ་འདི་ཡང་བྱང་ཆུབ་སེམས་དཔའི་སེམས་ཅན་ཉེ་བར་འཚོ་བའི་བཟོད་པར་བལྟ་བར་བྱའོ། །
དེ་བཞིན་རྣ་བ་ལ་སྒྲ། སྣ་ལ་དྲི། ལྕེ་ལ་རོ། ལུས་ལ་རེག །ཡིད་ལ་ཆོས་ཏེ། གང་ཡིད་ཀྱིས་འདས་པ་དང་། མ་འོངས་པ་དང་། ད་ལྟར་བྱུང་བའི་འདོད་ཆགས་ཀྱི་ཀུན་གཞི་ཀུན་ནས་ལྡང་བ་ཡིད་དུ་འོང་བའི་
ཆོས་རྣམ་པར་ཤེས་ཤིང་གཟུགས་དང་། སྒྲ་དང་། དྲི་དང་། རོ་དང་། རེག་པ་མངོན་པར་དགའ་བ་རྗེས་སུ་དྲན་པ་དེ་ལ་ཡང་ཡིད་ཀྱི་རྣམ་པར་ཤེས་པ་འབྱུང་ངོ་། །ཚོར་བ་འདོད་ཆགས་ཀྱི་ཀུན་གཞིས་བསྐྱེད་དོ། །
དེ་ལ་ཡང་བྱང་ཆུབ་སེམས་དཔའ་དེ་བཞིན་དུ་ཡིད་ཀྱི་རྣམ་པར་ཤེས་པ་དང་། ཚོར་བ་འདོད་ཆགས་ཀྱི་ཀུན་གཞི་ཚུལ་བཞིན་དུ་རྟོག་གོ། །གཟུགས་ཀྱི་དངོས་པོ་རང་བཞིན་ཀྱིས་སྒྱུ་མ་ལྟ་བུའི་སེམས་དང་། 
ཡིད་ཀྱི་རྣམ་པར་ཤེས་པ་ཞེས་བྱ་བ་འདི་སེམས་དང་། ཡིད་ཀྱི་སྒྲས་བརྗོད་དོ། །གང་འདས་པའི་སེམས་དེ་འགགས་པ་དང་། མ་འོངས་པའི་མ་བྱུང་བ་དང་། ད་ལྟར་བྱུང་བའི་སེམས་དང་། ཡིད་ཀྱི་རྣམ་པར་
ཤེས་པ་གནས་པའང་མེད་དོ། །སྐད་ཅིག་ཏུ་འཇིག་པ་དང་། མི་རྟག་པ་དང་། ལུས་མེད་པ་དང་། ངོ་བོ་ཉིད་མེད་པ་དང་། ཡི་གེ་མེད་པ་དང་། མཚན་ཉིད་མེད་པ་དང་། བྱ་བ་མེད་པ་དང་། འགྱུར་བ་མེད་པ་དང་། གཟུང་དུ་མེད་པ་དང་གཏོང་
བ་མེད་པ་དང་། མུན་པ་མེད་པ་དང་། སྣང་བ་མེད་པ་དང་། གཅིག་པུ་མ་ཡིན་པ་དང་། ཐ་མི་དད་པ་དང་། གཉིས་སུ་མེད་པ་དང་། གཉིས་ལྟ་བུ་མེད་པ་དང་། དངོས་པོ་མེད་པ་དང་། སྙེམས་པ་མེད་པ་དང་། སྤྲོས་པ་མེད་པ་དང་། ཕུལ་བ་མེད་པ་དང་། 

62-1-151a

སེལ་བ་མེད་པ་དང་། ཀུན་གཞི་ཐམས་ཅད་དང་བྲལ་བ་དང་། ཆུ་ཟླ་ལྟ་བུ་དང་། འདས་པ་དང་། མ་འོངས་པ་དང་། ད་ལྟར་བྱུང་བའི་ཆའི་གནས་མངོན་པར་དགའ་བའི་ཕྱི་རོལ་གྱི་དངོས་པོ་སེམས་དང་ཡིད་ཀྱི་རྣམ་པར་
ཤེས་པ་རྐྱེན་ཇི་ལྟ་བ་བཞིན་དུ་སྣང་བར་འགྱུར་རོ། ནམ་མཁའ་ཇི་ལྟར་ཉི་མ་དང་། ཟླ་བ་ལ་སྣང་བ་མེད་པའི་ནམ་མཁའ་དང་སྣང་བ་གཉིས་ཀྱི་མཚན་ཉིད་མེད་པ་དེ་མིང་ཙམ་གྱིས་བརྗོད་པ་དེ་བཞིན་དུ་སེམས་དང་ཡིད་ཀྱི་རྣམ་པར་
ཤེས་པ་ལ་འདོད་ཆགས་ཀྱི་གནས་སྣང་བ་དང་། བརྗོད་དུ་མེད་པ་གཉིས་ཀྱི་མཚན་ཉིད་ཀྱང་མིང་ཙམ་གྱིས་བརྗོད་པ་ཡང་གཉིས་སུ་མེད་པ་དང་། གནས་པ་མེད་པ་དང་། གཟུགས་མེད་པ་དང་། བསྟན་དུ་མེད་པ་དང་། ངོ་བོ་ཉིད་
མེད་པ་དང་། ཡི་གེ་མེད་པ་དང་། སློང་བ་པོ་མེད་པ་ནས། སྟོན་པའི་བར་དུ་འདོད་ཆགས་ཀྱི་མཐའ་ལ་དེས་དེ་དག་སྟོང་ངོ་། །དུས་གསུམ་གྱི་འདོད་ཆགས་ལ་ཀུན་གཞི་རྣམ་པར་སོགས་སོ། །འདི་ལ་གནས་མེད་པས་
ཅིའང་ཆགས་པ་མེད་པའི་བར་དུ་དེ་ལྟར་རབ་འབྲིང་དང་ཐ་མའི་ཉོན་མོངས་པ་ཉེ་བར་ཞི་བར་འགྱུར་རོ། །ནམ་མཁའ་ཇི་ལྟར་མུན་པ་མེད་ཅིང་སྣང་བ་མེད་པ་དང་མཚན་ཉིད་མེད་པ་དེ་བཞིན་དུ་ཡིད་ཀྱི་རྣམ་པར་ཤེས་པ་འདོད་
ཆགས་ཀྱི་ཀུན་གཞི་ཡང་མུན་པ་མེད་ཅིང་སྣང་བ་མེད་པ་དང་། མཚན་ཉིད་མེད་པ་ངོ་བོ་ཉིད་མེད་པ་དང་། སེམས་དང་ཡིད་ཀྱི་རྣམ་པར་ཤེས་པ་ཅི་ལ་ཡང་མ་ཆགས་པ་དང་། ཡིད་ཀྱི་རྣམ་པར་ཤེས་པ་ཅི་ལ་ཡང་མ་ཆགས་
པ་དང་། ཁམས་གསུམ་གྱི་འདོད་ཆགས་ཀྱི་ཀུན་གཞི་ཚོར་བ་མི་རྟག་པ་དང་། སྡུག་བསྔལ་བ་དང་། སྟོང་པ་དང་། བདག་མེད་པའི་མཚན་ཉིད་དང་བྲལ་བའི་བཟོད་པ་བསྒོམ་པར་བྱ་བ་འདི་ཡང་བྱང་
ཆུབ་སེམས་དཔའི་སེམས་ཅན་ཡོངསུ་སྨིན་པ་ཉེ་བར་འཚོ་བའི་བཟོད་པར་ཡོངསུ་བལྟ་བར་བྱའོ། །དེ་བཞིན་དུ་འདོད་ཆགས་ཀྱི་རྒྱུན་གཅོད་པར་ཡང་འགྱུར་རོ། །རིགས་ཀྱི་བུ་གཞན་ཡང་བྱང་ཆུབ་སེམས་དཔས་ཞེ་སྡང་སྐྱེ་བ་ཉོན་མོངས་པའི་རྩ་བ་

62-1-151b

ལས་ཟད་པར་ནུས་པའི་ཚུལ་བཞིན་དུ་བརྟག་པར་བྱའོ། །གང་མིག་གིས་གཟུགས་ཀྱི་མཚན་ཉིད་སྣང་བ་ཡིད་དུ་འོང་བ་དམའ་བ་ནས་ཉེ་བའི་བར་དུ་དེ་ལ་ཚོར་བ་ཆུའི་ཆུ་བུར་ལྟ་བུར་མི་སྡུག་པ་མངོན་པར་དགའ་བ་མེད་པར་འབྱུང་བའི་
ཚོར་བ་སྟེ། དེ་ལ་ཡང་བྱང་ཆུབ་སེམས་དཔའ་ཚུལ་བཞིན་དུ་རྟོག་གོ། །ཇི་ལྟར་མིག་མིག་གིས་སྟོང་པ་དང་། མིག་གཟུགས་རྣམ་པར་ཤེས་པས་སྟོང་པ་ནས་ཇི་ལྟར་གོང་དུ་བཤད་པའི་བར་དུའོ། །སྐད་ཅིག་འཇིག་པ་ཟད་པའི་འདུ་
བྱེད་དུས་གསུམ་གྱི་ཞེ་སྡང་གི་མཐའ་ལ་དེས་དེ་སྟོང་པ་ནས་སྣང་བ་མེད་པའི་བར་དུ་ཞེ་སྡང་གི་མཐའ་ལ་དེས་དེ་སྟོང་སྟེ་དུས་གསུམ་གྱི་ཞེ་སྡང་དམིགས་པ་རྣམ་པར་སོགས་སོ། །ཞེ་སྡང་གནས་པ་མེད་པ་ནས་ཞེ་སྡང་ཅན་
གྱི་གཟུགས་སྣང་བ་ལ་སེམས་གཞོག་པ་དང་། ཞེ་སྡང་གི་ཚོར་བ་དང་གཉིས་བྲལ་བར་འགྱུར་བའི་བར་དུའོ། །གང་ཞེ་སྡང་ཅན་གྱི་གཟུགས་ལ་ཞེ་སྡང་གི་ཀུན་གཞི་འབྱུང་བ་དང་། ཚོར་བ་ཆུའི་ཆུ་བུར་འབྱུང་བ་ཟད་པ་འཇིག་
པར་བརྟག་པ་འདི་དག་ཀྱང་འདུ་བྱེད་མི་རྟག་པ་ཞེས་བྱ་བའི་བར་དུ་བཟོད་པ་བལྟ་བར་བྱའོ། །དེ་བཞིན་དུ་རྣ་བས་སྒྲ་ནས་ཡིད་ཀྱིས་ཆོས་ཀྱི་བར་དུ་ཡིད་ཀྱིས་གང་མི་སྡུག་པ་དང་། མི་མཛེས་པའི་ཆོས་རྣམ་པར་ཤེས་པ་དེ་ལ་ཡང་
ཞེ་སྡང་གི་ཀུན་གཞི་ཀུན་ནས་ལྡང་བའི་ཚོར་བ་ཀུན་ནས་འབྱུང་བར་འགྱུར་རོ། །དེ་ལ་ཡང་བྱང་ཆུབ་སེམས་དཔའ་ཞེ་སྡང་གི་ཀུན་གཞི་ཡིད་བཞིན་གྱི་ཚུལ་ཀུན་དུ་རྟོག་པར་བྱ་སྟེ། འདི་དག་ནི་གཟུགས་མེད་པ་ལས་ཇི་
ལྟ་བུར་གང་མ་བཤད་པའི་བར་དུའོ། །ནམ་མཁའ་ཇི་ལྟར་ཁྲོ་བ་མེད་ཅིང་གཤེ་བ་མེད་པ་ལྟར་ཞེ་སྡང་གི་ཀུན་གཞི་འང་དེ་བཞིན་ནོ། །ཡིད་ཀྱི་རྣམ་པར་ཤེས་པ་ཞི་བ་དེ་ལ་ཞེ་སྡང་
མེད་ཅིང་གཤེ་བ་མེད་པ་དང་། ཅི་ལ་ཡང་ཆགས་པ་མེད་པ་དང་། ཁམས་གསུམ་ཐམས་ཅད་ཀྱི་ཞེ་སྡང་གི་ཀུན་གཞི་ཚོར་བ་མི་རྟག་པ་དང་། སྡུག་བསྔལ་བ་དང་། སྟོང་པ་དང་། བདག་མེད་པ་དང་། མཚན་ཉིད་དང་བྲལ་བ། བདག་མེད་པ་མཚན་ཉིད་དང་བྲལ་བའི་

62-1-152a

བཟོད་པ་སྒོམ་པར་བྱེད་པ་འདི་ཡང་བྱང་ཆུབ་སེམས་དཔའི་སེམས་ཅན་ཐམས་ཅད་ཡོངས་སུ་སྨིན་པ་ཉེ་བར་འཚོ་བའི་བཟོད་པ་ཡོངས་སུ་སྨིན་པར་བྱའོ།               ། བམ་པོ་དྲུག་པ། རིགས་ཀྱི་བུ་གཞན་ཡང་བྱང་ཆུབ་སེམས་དཔའ་མིག་
གིས་ནང་གི་འམ་ཕྱིའི་གཟུགས་གང་ཇི་སྙེད་ཡོད་པ་དག་མཐོང་ནས། གང་ཡང་འདི་ལ་འདས་པ་དང་། མ་འོངས་པ་དང་། ད་ལྟར་བྱུང་བའི་གཟུགས་ཡང་དག་པ་མ་ཡིན་པའི་གཟུགས་ཡང་དག་པ་མ་ཡིན་པར་ཀུན་དུ་རྟོག་པ་མུན་པར་
གྱུར་པ། འདོད་ཆགས་ཀྱི་གནས། ཞེ་སྡང་གི་གནས། རྟག་པ་དང་། བདེ་བ་དང་། ཐེར་ཟུག་པ་དང་། བདག་དང་། མི་གཡོ་བའི་འདུ་བྱེད་དུ་དམིགས་ལ་ཁམས་གསུམ་ལ་དམིགས་པའི་ཉོན་མོངས་པའི་རྐུན་པོ་སྐྱེ་ཞིང་
འཕེལ་བ་དང་། ཁམས་གསུམ་པོ་ཐམས་ཅད་བསྡུས་ནས་རྣམ་པ་གཉིས་སུ་ཉེ་བར་འགྲོ། །ཉེ་བར་ལེན། བྱིན་གྱིས་རློབ། མངོན་པར་ཆགས་ཤིང་རྒྱུ་དང་རྐྱེན་གྲངས་མེད་དཔག་དུ་མེད་པ་ལ་དམིགས་ཤིང་ཉེ་བར་
འཛིན་ཏེ། དེ་ལ་རང་བཞིན་གྱིས་མི་རྟག་པ་དང་། སྡུག་བསྔལ་བ་དང་། སྟོང་པ་དང་། བདག་མེད་པར་མི་སྟོན། སྐྱེ་བ་དང་། འགོག་པ་དང་། འཇིག་པར་ཡང་ཉེ་བར་མི་རྟོག་གོ། བདག་དང་། སྲོག་དང་། གསོ་བ་དང་། 
གང་ཟག་དུ་དམིགས་ཤིང་རྟག་པ་དང་ཆད་པར་སྙེམས་ཏེ། ནང་དང་ཕྱིའི་རྐྱེན་ལ་ཕུང་པོ་དང་། ཁམས་དང་། སྐྱེ་མཆེད་རྣམས་ཀྱང་ཡང་དག་པ་ཇི་ལྟ་བ་བཞིན་དུ་རབ་ཏུ་ཤེས། རྒྱུ་དང་། འབྲས་བུ་དང་། ལས་དང་། 
རྣམ་པར་སྨིན་པའི་ཀུན་ནས་ལྡང་བ་ལ་དམིགས་པ་དང་། རྣམ་པར་དཔྱོད་པ་དང་། རྣམ་པར་དཔྱོད་པ་མེད་པ་དང་། འཁྲུག་པ་དང་། མ་འཁྲུགས་པ་དང་། ཉེ་བར་ཞི་བ་དང་། ཡང་དག་པར་རྟོག་པ་དང་། 
ཡང་དག་པ་ཇི་ལྟ་བ་བཞིན་དུ་རབ་དུ་ཤེས་ཤིང་བདེ་བ་དང་། སྡུག་བསྔལ་གྱི་ཚོར་བ་དང་བྲལ་བ་ཤེས་རབ་ཀྱི་དབང་པོ་མ་སྐྱེས་པས་ཆོས་ལ་རྣམ་པར་རྟོག་པ་འདི་ཡང་སྡུག་བསྔལ་བ་ཡང་མེད། བདེ་བ་ཡང་མེད་པའི་ཚོར་བའོ། །

62-1-152b

དེ་ལ་བྱང་ཆུབ་སེམས་དཔས་ནང་དང་ཕྱིའི་མཚན་ཉིད་དུ་སྣང་བ་དང་། གཟུགས་ཀྱི་མཚན་ཉིད་དུ་སྣང་བ་གང་ཇི་སྙེད་ཡོད་པ་དག་ལ་ཡང་དག་པ་ཉིད་དང་། དེ་ཁོ་ན་ཉིད་དུ་བརྟག་པར་བྱའོ། །གང་ཇི་ལྟར་སྔར་བསྟན་པའི་འདོད་
ཆགས་ཀྱི་གནས་དང་། ཞེ་སྡང་གི་གནས་ལ་འདི་ལྟར་རྟག་པ་འམ། སྐད་ཅིག་གིས་འཇིག་པའི་ཚུལ་དང་། རྟག་པ་འམ། མི་རྟག་པའི་ཚུལ་དང་། བདེ་བ་འམ། སྡུག་བསྔལ་གྱི་ཚུལ་དང་། བདག་གམ་བདག་མེད་པའི་ཚུལ་དང་། ཁམས་
གསུམ་པོ་ཐམས་ཅད་ཀྱི་འདུ་བྱེད་དང་། ཉོན་མོངས་པའི་རྒྱུན་མ་ཞི་བ་དང་། རྒྱུ་མེད་པ་དང་། བདག་པོ་མེད་པའི་རྒྱུན་མ་ཞི་བ་དང་། གཉིས་དང་བྲལ་བ་མི་སྐྱེ་བ་ལ་མངོན་པར་མི་ཆགས་པའི་ཚུལ་གྱིས་ཡོངས་སུ་རྟོག་པ་དང་། ཁམས་
གསུམ་པོ་ཐམས་ཅད་དང་། དུས་གསུམ་གྱི་སྡུག་བསྔལ་ཡང་མེད། བདེ་བ་ཡང་མེད་པའི་ཚོར་བ་མི་སྐྱེ་བ་ནི་ཚོར་བ་གཉིས་མི་སྐྱེ་བའི་མཐར་ཁོང་དུ་ཆུད་པར་བྱའོ། །དེ་དག་ནི་རྟག་པ་མེད་པའི་མཐའ་དང་། ཆད་པ་མེད་པའི་མཐའ་དང་། 
བརྗོད་དུ་མེད་པའི་རྗེས་ཀྱི་རྒྱུན་གྱི་མཐའ་དང་། ལུས་མེད་པའི་མཐའ་དང་། གནས་མེད་པའི་མཐར་ཁོང་དུ་ཆུད་པར་བྱའོ། །ཚིག་གི་ལམ་དང་བྲལ་བའི་བག་ལ་ཉལ་གྱི་སེམས་དང་། ཡིད་དང་རྣམ་པར་ཤེས་པ་ལ་སྡུག་བསྔལ་ཡང་
མེད་བདེ་བ་ཡང་མེད་པའི་ཚོར་བ་མི་དམིགས་པར་སོ་སོར་བརྟག་པར་བྱའོ། །ཡང་དེ་ལྟར་ཞི་གནས་ཀྱི་ཚུལ་གྱིས་རྒྱུ་དང་། རྐྱེན་དང་རྒྱུ་མེད་པ་དང་། རྐྱེན་མེད་པའི་ལྷག་མཐོང་རྣམ་པ་བཅུ་གཉིས་ནི་ཡང་དག་པའི་ཤེས་རབ་ཀྱིས་གཏི་
མུག་གི་མུན་པར་བལྟའོ། །འདི་ལ་མ་རིག་པའི་གནས་ཚུལ་བཞིན་མ་ཡིན་པ་ཡིད་ལ་བྱེད་པ་ནི་གང་། ཚུལ་བཞིན་མ་ཡིན་པ་ཡིད་ལ་བྱེད་པ་ནི་གང་ལ་དམིགས། ལུས་དང་། ངག་དང་། 
ཡིད་ཀྱི་འདུ་བྱེད་ལ་དམིགས་ན་ནི་ལུས་དེ་ཡང་འབྱུང་བ་ཆེན་པོ་བཞི་ལ་གནས་པ། འབྱུང་བ་ཆེན་པོ་བཞི་པོ་དེ་དག་ཀྱང་གཡོ་བ་མེད་པ་

62-1-153a

འགྱུར་བ་མེད་པ། བདག་མེད་པ། བདག་གི་མེད་པ་སྟེ། ཇི་ལྟར་སྔར་བསྟན་པ་བཞིན་ནོ། །ཚིག་གི་ལམ་ཡང་དམིགས་སུ་མེད་པ། ཡི་གེ་མེད་པ་སྟེ། བདག་མི་དམིགས་པའི་ཕྱིར་གནས་མེད་པའོ། །ཡིད་ཀྱི་རྣམ་པར་
ཤེས་པ་ཡང་གནས་མེད་པ། མི་གནས་པ་ཚིག་གི་ལམ་ཙམ་དུ་བརྗོད་པ་སྟེ། འདི་ལ་བདག་དང་། ཡན་ལག་ཅན་དང་། གང་ཟག་མེད་དོ། །ལུས་དང་། ངག་དང་། ཡིད་ཀྱི་དམིགས་པ་གཉི་ག་སྟོང་པ་སྟེ། དེས་ན་མ་རིག་པ་ཡང་སྟོང་པའོ། །
ལུང་དུ་མ་བསྟན་པའི་སེམས་ཀྱི་རྒྱུད་ཀྱང་འགྲོ་བ་མེད་པའོ། །མཚན་ཉིད་དུ་སྣང་བ་ཡང་བརྗོད་དུ་མེད་པའོ། །མ་རིག་པ་དང་། སྲིད་པའི་སྲེད་པ་དང་། སེམས་དང་། ཡིད་ཀྱི་རྣམ་པར་ཤེས་པ་དང་། ཁམས་གསུམ་དང་། 
དུས་གསུམ་ལ་དམིགས་པ་ཡང་ཡང་དག་པའི་མཐས་མི་དམིགས་ལ། དགེ་བ་དང་མི་དགེ་བ་དང་། དགེ་བའི་མཚན་ཉིད་ཀྱིས་མེད་དེ། དེས་ན་མ་རིག་པ་ནི་སྟོང་པའོ། །ཡང་མ་རིག་པ་ནི་ཤིན་དུ་བྱང་ནས་འདུ་བྱེད་ལ་རྟོག་སྟེ། 
སྐད་ཅིག་མ་གང་ལ་མ་རིག་པ་སྐྱེ་བ་སྐད་ཅིག་མ་དེ་ཉིད་ལ་མི་གནས་ཤིང་འགག་སྟེ་སྐད་ཅིག་མ་གཉིས་ལ་མི་གནས་སོ། །སྐད་ཅིག་མ་གཅིག་ལ་གཉི་ག་སྐྱེ་བ་འམ་འགག་པ་མེད་ཀྱི་མ་རིག་པ་འགགས་ནས་སྐད་ཅིག་མ་གཉིས་པ་ལ་འདུ་བྱེད་སྐྱེ་སྟེ། དེས་ན་མ་
རིག་པ་སྟོང་པ་སྟེ་བདག་མེད་པའི་ངོ་བོའོ། །ཡང་སྐད་ཅིག་མ་གང་ལ་འདུ་བྱེད་སྐྱེ་བ་དེ་ལ་ལུས་ཀྱི་འདུ་བྱེད་དང་། ངག་གི་འདུ་བྱེད་དང་། ཡིད་ཀྱི་འདུ་བྱེད་དང་། འདུ་བྱེད་གསུམ་འགག་གོ། །ཡང་ལུས་ཀྱི་འདུ་བྱེད་
སྐྱེས་ནས། འདོད་ཆགས་དང་བྲལ་བའི་མཐའི་གནས་ན་ངག་གི་འདུ་བྱེད་སྐྱེའོ། །ཡང་རྣམ་པར་གྲོལ་བའི་མཐའ་ཡང་ཡིད་ཀྱི་འདུ་བྱེད་ཀྱི་རྗེས་ཀྱི་རྒྱུན་གྱིས་ངག་གི་འདུ་བྱེད་ལ་འཇུག་གོ། །ལུས་ཀྱི་འདུ་
བྱེད་དེ་མ་སྐྱེས་ན་ངག་དང་ཡིད་ཀྱི་འདུ་བྱེད་ཀྱི་འཇུག་པ་མི་སོགས་སོ། །འདུ་བྱེད་ཉེ་བར་ལེན་པ་ཡང་དག་པར་རྟོག་པ་དང་། ལུས་ཀྱི་འདུ་བྱེད་ཉེ་བར་འཚོ་བ་ལ་རྣམ་པར་དཔྱོད་ཅིང་ཆགས་པར་ཡང་མི་འགྱུར་རོ། །ཡིད་

62-1-153b

ཀྱི་འདུ་བྱེད་མ་སྐྱེས་ན་ལུས་དང་ངག་གི་འདུ་བྱེད་རྣམས་ཀྱི་དུས་གསུམ་གྱི་འཇུག་པ་བསགས་པ་བསལ་དུ་འང་མེད་དོ། །ངག་གི་འདུ་བྱེད་མ་སྐྱེས་ན་ལུས་དང་། ཡིད་ཀྱི་འདུ་བྱེད་རྣམས་ཀྱི་དུས་གསུམ་གྱི་འཇུག་པ་བསགས་པ་
བསལ་དུ་འང་མེད་དོ། །ཡང་འདུ་བྱེད་གསུམ་གྱི་མཚན་ཉིད་ཀྱི་གནས་དེ་འདྲ་བས་ཁམས་གསུམ་ན་སྤྱོད་པའི་རྣམ་པར་ཤེས་པའི་གནས་དང་སྣང་བ་ཐོབ་བར་བྱེད་པ་ཡང་མེད། སེལ་བར་བྱེད་པ་ཡང་མེད་དེ། དེས་ན་དེ་དག་
སྟོང་པའོ། །འདུ་བྱེད་ཀྱི་མཐའ་ལས་སྐྱེས་པ་ཡང་རང་བཞིན་གྱིས་བསལ་བས་རྣམ་པར་དག་པ་གཉིས་སུ་མེད་པའི་རྗེས་སུ་སོང་བ། སྨོན་པ་མེད་པ། འདུ་བྱེད་རྣམ་པར་གཞག་པ། ནམ་མཁའ་ལྟར་སྟོང་པའོ། །
ལུས་ཀྱི་འདུ་བྱེད་ཀྱང་ཡང་དག་པའི་མཐའི་རང་བཞིན་བདག་མེད་པ་སྟེ། སྔོན་གྱི་མཐའ་དང་། ཕྱི་མའི་མཐའ་དང་། བར་དུ་ཡང་མ་བྱུང་བ་དང་། གནས་མེད་པའི་ཕྱིར་སྟོང་པའོ། །ངག་གི་འདུ་བྱེད་ཀྱང་ཚིག་གི་
ལམ་དང་བྲལ་བའི་རྗེས་སུ་འགྲོ་བ། །ནམ་མཁའ་ལྟར་སྒྲོ་གཏགས་པ་སྟེ། ཁམས་གསུམ་དང་གཉིས་དང་བྲལ་བས་སྟོང་པའོ། །ཡིད་ཀྱི་འདུ་བྱེད་ཀྱང་ཐོབ་པ་མེད་པ། མངོན་སུམ་དུ་བྱ་བ་མེད་པ། དུས་གསུམ་
ཐམས་ཅད་ཀྱི་མཚན་ཉིད་དང་བྲལ་བ་སེམས་ཅན་མེད་པ་ནས། གང་ཟག་གི་བར་དུ་བྱེད་པ་མེད་པ་ལ་རྣམ་པར་རྟོག་པ་གཏི་མུག་གིས་རྣམ་པར་བསྒྲུབ་པ། མུན་པ་མེད་པ། སྣང་བ་མེད་པ། བླང་བ་མེད་པ། 
སྤྲོས་པ་མེད་པ། ཡི་གེ་མེད་པ། སྟོང་པ། ནམ་མཁའ་དང་མཚུངས་པའོ། །འདུ་བྱེད་ཀྱི་རྐྱེན་གྱིས་རྣམ་པར་ཤེས་པ་ལ་ཡོངས་སུ་རྟོག་པར་བྱེད་དེ། འདུ་བྱེད་རྣམས་ནི་སྐྱེས་ནས་འགག་པ་ཡིན་གྱི། རྣམ་པར་
ཤེས་པའི་རྒྱུན་ནི་བཀྲི་བར་བྱ་བ་མེད་པ་སྟེ། རྣམ་པར་ཤེས་པའི་ཚོགས་དྲུག་པོ་འདི་དག་ཀྱང་འདྲ་བ་དང་། མི་འདྲ་བ་དང་། བདག་པོ་མེད་པ་དང་། སྐད་ཅིག་མ་དང་། འགོད་པའི་མཚན་ཉིད་ལ་མི་གནས་ཡང་རྣམ་པར་ཤེས་པ་ནི་རྣམ་

62-1-154a

པར་དཔྱོད་པའི་མཚན་ཉིད་མི་དམིགས་པ་དང་། ནང་དང་ཕྱི་མི་དམིགས་པ་དང་། དགེ་བ་དང་། མི་དགེ་བ་དང་། ཟག་པ་དང་བཅས་པ་དང་། ཟག་པ་མེད་པ་མི་དམིགས་པ་དང་། འདུས་བྱས་དང་། འདུས་མ་བྱས་མི་དམིགས་
པ་དང་། རྒྱུ་དང་རྐྱེན་གྱི་དམིགས་པ་དང་། མི་དམིགས་པ་དང་། ཁམས་གསུམ་གྱི་དང་། དུས་གསུམ་གྱི་ཚོར་བ་མི་དམིགས་པ་དང་། འདོད་པ་ལྔའི་ཡོན་ཏན་ཉམས་པ་མི་དམིགས་པ་དང་། འབྱུང་བ་ཆེན་པོ་བཞི་
མི་དམིགས་པ་དང་། ཁམས་དྲུག་མི་དམིགས་པ་དང་། བསྒོམ་པ་དང་། ཚུལ་བཞིན་ཡིད་ལ་བྱེད་པ་དང་། བར་ཆད་མེད་པའི་ལམ་ནས་ཕུང་པོའི་ལྷག་མ་དང་བཅས་པ་དང་། ཕུང་པོའི་ལྷག་མ་མ་ལུས་པའི་བར་གྱི་རྣམ་
པར་ཤེས་པ་མི་དམིགས་པས་གཟུགས་ལ་ཉེ་བར་བཀྲི་བ་མེད་པ་ནས། །ཡིད་ཀྱི་བར་ལ་ཉེ་བར་བཀྲི་བ་མེད་པ་སྒྱུ་མ་སྣང་བ་ལྟ་བུར་རང་བཞིན་མེད་པ། ལུས་མེད་པ་གནས་མེད་པའོ། །རྣམ་པར་ཤེས་པ་ནི་སྔོན་གྱི་
མཐའ་དང་། ཕྱི་མའི་མཐའ་དང་། བར་གྱི་མཐའི་ཡང་དག་པའི་མཐའ་བྱུང་བ་མེད་པས་གཟུགས་ཀྱི་མཚན་ཉིད་གང་དུ་ཡང་རྣམ་པར་བརྟག་པའི་གནས་སུ་སྣང་བ་དང་། སྤྱོད་པ་ཤེས་པར་མི་ནུས་ཏེ། དེས་ན་རྣམ་
པར་ཤེས་པ་ནི་སྟོང་པའོ། །ཡང་རྣམ་པར་ཤེས་པའི་རྐྱེན་གྱིས་མིང་དང་གཟུགས་ལ་རྟོག་པར་བྱེད་དེ། སྐད་ཅིག་མ་གཅིག་ལ་རྣམ་པར་ཤེས་པ་སྐྱེས་ཤིང་འགགས་ནས་མིང་དང་གཟུགས་སྐྱེའོ། །མིང་ཡང་ཚོར་བ་
དང་། འདུ་ཤེས་དང་། འདུ་བྱེད་དང་། རྣམ་པར་ཤེས་པ་དང་། གཟུགས་མེད་པའི་ཕུང་པོ་འདི་དག་གོ། །ཕུང་པོ་ཡང་རྫས་མེད་པའི་དོན་ཏེ། གཟུགས་ཀྱི་མཚན་ཉིད་དང་། དབྱིབས་ཀྱི་སྣང་བ་ལ་མི་འཇུག་པས་
དེ་དག་ནི་མིང་ཞེས་བྱའོ། །གཟུགས་ཤེས་བྱ་བ་ནི་འབྱུང་བ་ཆེན་པོ་བཞི་ལ་གཟུགས་ཤེས་བྱའོ། །གཟུགས་མེད་པའི་ཕུང་པོ་བཞི་པོ་འདི་དག་ཀྱང་དངོས་པོ་མེད་པ། གནས་མེད་པ། རྫས་མེད་པ། མཚན་ཉིད་

62-1-154b

མེད་པ། མཚན་ཉིད་དང་བྲལ་བ་སྟེ། ཚོར་བའི་རྣམ་པར་སྨིན་པའི་མཚན་ཉིད་རབ་ཏུ་མི་ཤེས་པའོ། །རྒྱུ་དང་རྐྱེན་ལ་དམིགས་པ་དང་འབྲས་བུ་འགྲུབ་པར་རབ་ཏུ་མི་ཤེས་པའོ། །ཆོས་འདི་དག་ནི་ཕན་ཚུན་ནས་འདུ་བ་
དང་གནས་རྣམ་པར་དབྱེ་བ་རབ་ཏུ་མི་ཤེས་པའོ། །འདུ་ཤེས་དང་། འདུ་བྱེད་དང་། རྣམ་པར་ཤེས་པའི་ཕུང་པོའི་རྣམ་པར་སྨིན་པ་ནས་རྣམ་པར་ཕྱེ་བའི་བར་དུ་རབ་ཏུ་མི་ཤེས་པའོ། །དེ་ཅིའི་ཕྱིར་ཞེ་ན། ཆོས་འདི་དག་
ཐམས་ཅད་ནི་ཁམས་གསུམ་ལས་གྲོལ་བ། དུས་གསུམ་ལས་ཤིན་དུ་འདས་པ། མཉམ་པ་མེད་པ། ཡོངས་སུ་འཛིན་པ་མེད་པ། ཁ་ཟས་མེད་པ། དངོས་པོ་མེད་པ། ཆགས་ཤིང་རྣམ་པར་རྟོག་པ་མེད་པ། སྒྲ་མེད་
པ། འབྱུང་བ་མེད་པ། གཉིས་སུ་མེད་པ། རྒྱུ་བ་མེད་པ། ཀུན་གཞི་མེད་པ། དབང་དུ་གྱུར་པ་མེད་པ། འཆི་འཕོ་མེད་པ། རྐྱེན་མེད་པ། མཚན་ཉིད་མེད་པ། བྱས་པ་མེད་པ། རྒྱུ་མེད་པ། བདག་གི་མེད་པ། 
བརྗོད་དུ་མེད་པ། ཆད་པ་མེད་པ། བརྟག་པ་མེད་པ། བྱ་བ་མེད་པ། མིང་མེད་པའོ། །གནས་མེད་པས་གཟུགས་མེད་པའོ། །ཡིད་མེད་པའོ། །རྣམ་པར་རྟོག་པ་མེད་པའོ། །རྣམ་པར་སྨིན་པ་མེད་པའོ། །རྣམ་
པར་ཤེས་པར་བྱ་བ་མེད་པའོ། །གཞལ་བ་མེད་པའོ། །མངོན་པར་འགྲུབ་པ་མེད་པའོ། །དུས་གསུམ་དང་ཁམས་གསུམ་ཐམས་ཅད་ཀྱི་གཟུགས་མེད་པའོ། །ཕུང་པོ་བཞི་པོ་འདི་དག་ནི་ནམ་མཁའ་དང་
འཚུངས་པའོ། །མཚན་ཉིད་མེད་པའོ། །རླུང་དང་མཚུངས་པའོ། །རྟོག་པ་མེད་པའོ། །མིག་གི་ལམ་དུ་བརྗོད་པའི་མཚན་ཉིད་དོ། །དུས་གསུམ་ཐ་དད་པ་མེད་ཅིང་འགྲོ་བ་མེད་པའི་ཚུལ་གྱིས་ཡང་དག་པའི་
མཐའི་རྗེས་སུ་མ་ཞུགས་པའོ། །འཇུག་པ་མེད་པའོ། །མུན་པ་མེད་པའོ། །སྣང་བ་མེད་པའོ། །རང་བཞིན་མེད་པའོ། །ངོ་བོ་ཉིད་ཀྱིས་རྩ་བ་མེད་པའོ། །ཡི་གེ་མེད་པའོ། །དེ་དག་ནི་གང་དུ་ཡང་བསྒོམ་པ་དང་སྐྱེས་པ་དང་མ་སྐྱེས་

62-1-155a

པ་དང་། འོང་བ་དང་། འགྲོ་བ་དང་། བསགས་པ་མེད་པའོ། །ཁམས་གསུམ་ཐམས་ཅད་ན་གཏམ་གྱི་དངོས་པོར་གདགས་པའི་མཚན་ཉིད་ཀྱི་འཇུག་པ་མེད་པའོ། །བླང་བ་མེད་པའོ། །དོར་བ་མེད་པའོ། །གཟུགས་མེད་
པའི་ཕུང་པོ་བཞི་པོ་འདི་དག་ནི་མཚན་ཉིད་ཀྱི་འཇུག་པ་མེད་པའོ། །ཕུང་པོ་འདི་དག་ནི་མིག་གི་གནས་ཀྱི་དབྱིབས་སུ་མི་གནས་པ་ནས། ལུས་ཀྱི་གནས་ཀྱི་བར་གྱི་དབྱིབས་སུ་མི་གནས་པ་ཡིན་ནོ། །ལུས་ཀྱི་རྣམ་པར་ཤེས་པའི་
གནས་ཀྱི་དབྱིབས་སུ་གནས་པ་མ་ཡིན། སེམས་དང་། ཡིད་དང་། རྣམ་པར་ཤེས་པའི་གནས་སེལ་བའི་བརྡ་དང་། མཚན་མ་རྣམ་པར་གཞག་པར་རྣམ་པར་གཞག་པ་མ་ཡིན་ནོ། །གཟུགས་མེད་པའི་ཕུང་པོ་བཞི་པོ་འདི་
དག་ནི་གནས་ཀྱི་དབྱིབས་སུ་གནས་ཀྱང་གཟུགས་མེད་པའི་ཕུང་པོ་བཞི་པོ་འདི་དག་ནི་གཟུགས་ཀྱི་ཕུང་པོའི་གནས་ཀྱི་དབྱིབས་སུ་གནས་པ་མ་ཡིན་ནོ། །ཁམས་གསུམ་གྱི་ལས་ཀྱི་མཚན་ཉིད་རྣམ་པར་དཔྱོད་པའི་རྗེས་སུ་
འབྲེལ་པ་གཟུགས་མེད་པའི་ཕུང་པོ་བཞི་པོ་འདི་དག་ནི་གནས་ཀྱི་དབྱིབས་སུ་མི་གནས་པའོ། །དེ་དག་ནི་བདག་མེད་པ་ནས་གང་ཟག་གི་བར་དུ་མེད་པའོ། །བརྗོད་དུ་མེད་པའོ། །ཡི་གེ་མེད་པའོ། །གཟུགས་མེད་པའི་ཕུང་
པོ་བཞི་པོ་འདི་དག་ནི་སྟོང་པའི་མཚན་ཉིད་ཀྱིས་ཤིན་དུ་སྐད་གཅིག་གིས་འཇིག་པ་ཐེར་ཟུག་མ་ཡིན་པའོ། །གནས་མི་དམིགས་པས་མཚན་མ་མེད་པའོ། །སྐད་ཅིག་གིས་སྐྱེ་ཞིང་འབྲི་བའི་ཚུལ་གྱིས་སྨོན་པ་མེད་པའོ། །
འགོག་པ་མེད་པས་ཆགས་པ་མེད་པའི་ཤེས་རབ་འཇུག་པ་སྟེ། དེས་ན་ཕུང་པོ་བཞི་པོ་འདི་དག་ནི་སྟོང་པའོ། །གཟུགས་ཀྱི་ཕུང་པོ་འབྱུང་བ་ཆེན་པོ་འདི་དག་ཀྱང་ཇི་ལྟར་སྔར་བསྟན་པ་བཞིན་དུ་སྟོང་པའོ། །ཉེ་བར་ལེན་
པའི་ཕུང་པོ་ལྔ་པོ་འདི་དག་ཀྱང་སྐད་ཅིག་མའི་རྒྱུན་གྱི་ཚུལ་གྱིས་སྐྱེ་བ་མ་ཡིན། ཕན་ཚུན་ལས་ཤིན་དུ་འདས་ཤིང་མི་གནས་པའི་ཚུལ་གྱིས་མ་ཡིན། ཕན་ཚུན་དུ་ཉེ་བར་ཉོན་མོངས་པ་མ་ཡིན། ཕན་ཚུན་ལས་ཤིན་

62-1-155b

དུ་འདས་པ་མ་ཡིན་ནོ། །སྐད་ཅིག་མ་དང་པོ་ལ་གཟུགས་མེད་པར་མི་སྐྱེ་བ་མ་ཡིན། སྐད་ཅིག་མ་གཉིས་པའི་གནས་ལ་མིང་མེད་པར་གཟུགས་སྐྱེ་བ་མ་ཡིན་གྱི། སྐད་ཅིག་མ་གཅིག་གི་གནས་ལ་ཉེ་བར་ལེན་པའི་ཕུང་པོ་
ལྔ་པོ་འདི་དག་ཐམས་ཅད་སྐྱེ་ཞིང་འགག་སྟེ། སྐད་ཅིག་མ་ལྷག་མ་གཉིས་པ་ལ་གནས་པ་མ་ཡིན་ནོ། །དེ་ཅིའི་ཕྱིར་ཞེ་ན། ཇི་ལྟར་སེམས་ལས་བྱུང་བའི་ཆོས་མྱུར་དུ་འགྱུར་བ་བཞིན་དུ་བསྒྲུབ་པར་སླ་བ་ཡིན་ཏེ། དེ་དག་
ཀྱང་དངོས་པོ་མེད་པ་སྐད་ཅིག་གིས་འཇིག་པར་གནས་པ་མ་ཡིན་ནོ། །ཡང་མིང་དང་གཟུགས་ཀྱི་རྐྱེན་གྱིས་སྐྱེ་མཆེད་དྲུག་ལ་རྟོག་པར་བྱེད་དེ། མིང་དང་གཟུགས་ལ་སྐྱེས་ཤིང་འགགས་ནས་སྐད་ཅིག་མ་གཉིས་པ་ལ་
སྐྱེ་མཆེད་དྲུག་སྐྱེ་སྟེ། །སྐྱེ་མཆེད་དྲུག་པོ་འདི་དག་ནི་མིག་དང་། རྣ་བ་དང་། སྣ་དང་། ལྕེ་དང་། ལུས་དང་། ཡིད་དོ། །མིག་གི་རྣམ་པར་ཤེས་པ་ཡང་རྣ་བའི་རྣམ་པར་ཤེས་པ་དང་འདྲེ་བ་དང་འབྲེལ་བའི་ལ་སོགས་པ་མ་ཡིན། གཅིག་
ལ་གཅིག་འབྲེལ་པ་སེལ་བ་མ་ཡིན། མིག་གི་རྣམ་པར་ཤེས་པའི་ལས་ཀྱི་དམིགས་པ་སྐྱེས་པ་རྣ་བའི་རྣམ་པར་ཤེས་པའི་སྐད་ཅིག་མར་བྱ་བར་མི་ནུས། རྣ་བའི་རྣམ་པར་ཤེས་པའི་དམིགས་པ་ཡང་མིག་གི་རྣམ་པར་ཤེས་པའི་
དམིགས་པའི་རྒྱུར་མི་སྐྱེད་པ་ནས། ཡིད་ཀྱི་རྣམ་པར་ཤེས་པའི་བར་དུ་བརྗོད་པར་བྱའོ། །མིག་གི་རྣམ་པར་ཤེས་པ་ཡང་རྟག་པ་དང་མི་རྟག་པ་དང་འདྲེས་ཏེ་འབྱུང་བ་མ་ཡིན། ཁམས་གསུམ་གྱི་ཆད་པ་དང་རྟག་པའི་མཐའ་དང་
འདྲེས་ཏེ་འབྱུང་བ་མ་ཡིན། ཆོས་ཐམས་ཅད་དུས་གསུམ་དང་། ཐ་མི་དད་པའི་མཐའ་ཉེ་བར་ལེན་པ་མ་ཡིན་པ་ནས། ཡིད་ཀྱི་རྣམ་པར་ཤེས་པའི་བར་དུ་བརྗོད་པར་བྱའོ། །མིག་གི་རྣམ་པར་ཤེས་པ་ནི་བདེ་བ་དང་སྡུག་བསྔལ་གྱི་དངོས་
པོའི་བདག་གི་མཐའ་དང་འདྲེས་ཏེ་འབྱུང་བ་མ་ཡིན། བདག་དང་བདག་མེད་པ་མ་ཡིན། སྡུག་པ་དང་མི་སྡུག་པ་མ་ཡིན། འདུས་བྱས་དང་འདུས་མ་བྱས་མ་ཡིན། ཆད་པ་དང་རྟག་པ་མ་ཡིན། མཚན་མ་དང་མཚན་མ་མེད་པ་མ་ཡིན། 

62-1-156a

གཉིས་སུ་མ་ཡིན། གཉིས་སུ་མེད་པའི་མཐའ་མ་ཡིན། ཡང་དག་པའི་མཐའ་ཉེ་བར་འཛིན་པ་མ་ཡིན་པ་ནས། ཡིད་ཀྱི་རྣམ་པར་ཤེས་པའི་བར་དག་ཀྱང་ངོ་། །མིག་གི་རྣམ་པར་ཤེས་པ་ལ་གཟུགས་ཀྱི་མཚན་ཉིད་སྟོང་
པ་འམ་མི་སྟོང་པ་ཞེས་ཆགས་པ་མེད། སེལ་བ་མེད། ཐ་དད་པ་མེད། བདེ་བ་དང་། སྡུག་བསྔལ་བ་དང་། ནང་དང་ཕྱིའི་རྣམ་པར་སྨིག་རྒྱུ་བ་ལྟ་བུ་དང་འདྲེས་ཏེ་འབྱུང་བ་མ་ཡིན། ཐེག་པ་གསུམ་དང་། མི་ཁོམ་པའི་
མཐའ་དང་། འཇིག་ཚོགས་ཀྱི་མཐའ་སེལ་བ་མ་ཡིན། གསུམ་གྱིས་གུས་པའི་ཚུལ་དུ་བྱེད་པ་མ་ཡིན། ཟད་མི་ཤེས་པའི་མཐའ་རྣམ་པར་འཁྱམ་པ་མ་ཡིན་པ་ནས། ཡིད་ཀྱི་རྣམ་པར་ཤེས་པ་ལ་ཚོར་བ་
སྐད་ཅིག་མ་བདེན་པ་དང་། མི་བདེན་པ་ཉེ་བར་འགྲོ་བ་མེད། སྐྱེད་པ་མེད་པ་ནས། ཡིད་ཀྱི་རྣམ་པར་ཤེས་པའི་བར་དུ་བརྗོད་པར་བྱའོ། །སྒྱུ་མ་ལྟ་བུའི་མིག་གི་རྣམ་པར་ཤེས་པ་ཡོད་པ་མ་ཡིན་པ་འདི་ལ་སྐད་
ཅིག་མའི་སྤྱོད་པ་མེད། ཤེས་པ་མེད། སྣང་བ་མེད། ཡི་གེ་མེད་དེ། སྐད་ཅིག་མའི་མི་སྐྱེ་བ་དང་། འགོག་པ་དང་། ཆོས་འདི་དག་ནི་སྐད་ཅིག་མ་གཅིག་ལ་སྐྱེ་ཞིང་འགག་སྟེ། འདི་ལ་བྱེད་པ་པོ་
དང་། བྱེད་དུ་འཇུག་པ་དང་། ཚོར་བ་པོ་དང་། ཚོར་བར་བྱེད་པ་པོ་དང་། སྐྱེད་པ་པོ་དང་། སྐྱེད་པར་བྱེད་པ་དང་། ལྡང་བར་བྱེད་པ་དང་། ལྡང་བར་བྱེད་དུ་འཇུག་པ་དང་། བྱིན་གྱིས་རློབ་པ་པོ་དང་། རྣམ་པར་
འཇིག་པ་པོ་མེད་དོ། །དེ་དག་ནི་སྐད་ཅིག་མ་དང་པོ་ལ་སྐྱེས་ལ་སྐད་ཅིག་མ་གཉིས་པ་ལ་གནས་པ། མ་ཡིན། སྐྱེས་ནས་ཕན་ཚུན་ཐ་དད་པར་བྱེད་པ་མ་ཡིན། རྒྱུ་མེད་པ་ལས་བྱུང་བ་མ་ཡིན་ཏེ། ཆོས་དེ་
དག་ནི་སྐད་ཅིག་གིས་འཇིག་པའི་མཚན་ཉིད་པས་དེས་ན་དེ་དག་ནི་སྟོང་པའོ། །ཡང་དག་པ་མ་ཡིན་པ་ཀུན་དུ་རྟོག་པ་ལས་སྐྱེས་ཤིང་འགག་སྟེ། དེས་ན་དེ་དག་ནི་སྟོང་པའོ། །སྐྱེ་མཆེད་དྲུག་གི་རྐྱེན་གྱིས་རེག་པ་ལ་རྟོག་པར་

62-1-156b

བྱེད་དེ། རྣམ་པར་ཤེས་པ་དྲུག་གི་ཚོགས་སྐྱེས་ཤིང་འགགས་པ་དང་། སྐད་ཅིག་མ་གཉིས་པའི་གནས་ལ་མིག་གི་འདུས་ཏེ་རེག་པ་ནས། ཡིད་ཀྱི་འདུས་ཏེ་རེག་པའི་བར་དག་གི་འདུས་ཏེ་རེག་པ་དྲུག་གི་ཚོགས་སྐྱེ་བའི་
རྒྱུ་མེད་དོ། །དེ་ལ་མིག་གི་འདུས་ཏེ་རེག་པ་ནི་མིག་གི་རྣམ་པར་ཤེས་པས་ཡུལ་ལ་རེག་པ་ལ་གནས་པའི་བྱ་བ་སྟེ། ཆགས་པར་བྱ་བའི་ཕྱིར་སྐད་ཅིག་མ་གཉིས་པ་ལ་འབྱུང་བའོ། །དེ་ནི་གཉིས་ཀ་ཡང་དངོས་པོ་མེད་པ་
སྟེ། ནམ་མཁའ་ལ་བརྟག་པའི་མཚན་ཉིད་ལྟ་བུའོ། །མིག་གི་ཡུལ་གྱི་རེག་པ་ནི་མིག་གི་རྣམ་པར་ཤེས་པ་ལ་གནས་པའི་ཆགས་པར་བྱ་བའི་དོན་དུ་སྐད་ཅིག་མ་གཉིས་ལ་འབྱུང་བ་ནི་མ་ཡིན་ནོ། །དེ་བཞིན་དུ་རྣ་བ་དང་། 
སྣ་དང་། ལྕེ་དང་། ལུས་དང་ཡིད་ཀྱང་བརྗོད་པར་བྱའོ། །མིག་གི་རྣམ་པར་ཤེས་པའི་རྐྱེན་ཀྱང་གཟུགས་ཀྱི་འདུས་ཏེ་རེག་པ་ལ་དམིགས་པ་ལ་ཡོད་པའི་མཚན་ཉིད་ཀྱི་རང་བཞིན་དུ་ཆགས་པར་བྱ་བའི་ཕྱིར་སྐད་ཅིག་མ་
གཉིས་ལ་འབྱུང་བ་ནི་མ་ཡིན་ནོ། །དེ་ནི་གཉིས་ཀ་ཡང་དངོས་པོ་མེད་པ་སྟེ། ནམ་མཁའ་ལ་བརྟག་པ་ལྟ་བུའོ། །དེ་བཞིན་དུ་ཚོར་བ་དང་། འདུ་ཤེས་དང་། འདུ་བྱེད་རྣམས་དང་། རྣམ་པར་ཤེས་པ་ཡང་བརྗོད་པར་བྱའོ། །
མིག་ནི་མིག་གིས་གཉིས་སུ་མེད་དེ། གཉིས་ཀ་ཡང་དངོས་པོ་མེད་པའི་ཕྱིར་རོ། །མིག་ནི་མིག་གི་རྣམ་པར་ཤེས་པས་གཉིས་སུ་མེད་དེ། གཉིས་ཀ་ཡང་དངོས་པོ་མེད་པའི་ཕྱིར་རོ། །མིག་གི་རྣམ་པར་ཤེས་པ་
ཡང་ཡུལ་གྱི་འདུས་ཏེ་རེག་པ་དང་གཉིས་སུ་མེད་དེ། གཉིས་ག་ཡང་དངོས་པོ་མེད་པའི་ཕྱིར་རོ། །དེ་བཞིན་དུ་གནས་པའི་བྱ་བ་ཡང་ཆགས་པར་བྱ་བས་གཉིས་སུ་མེད་ཅིང་དངོས་པོ་མེད་དེ། ནམ་མཁའ་ལ་བརྟག་པའི་
མཚན་ཉིད་ལྟ་བུའི་ཕྱིར་རོ། །དངོས་པོ་འདི་དག་ནི་མཚན་ཉིད་མེད་པར་རྣམ་པར་བརྟག་སྟེ། བྱ་བ་མེད་པ། ཆགས་པ་མེད་པའི་མཚན་ཉིད་ཞེན་པ་མེད་པའོ། །དུས་གསུམ་དང་ཁམས་གསུམ་དེ་དག་ཐམས་ཅད་ནི་ཆོས་ཀྱི་

62-1-157a

དབྱིངས་རྣམ་པར་མི་རྟོག་པ་ཆོས་ངེས་པར་སེམས་དཔའ། ཤེས་པ་མེད་པ་སྦྱོར་བ་ལས་རྣམ་པར་བཟློག་པ། དཀའ་བ་མེད་པ། བྱིས་པ་སེམས་ཅན་ཇི་ལྟ་བ་བཞིན་དུ་མིང་མེད་པ། རྐྱེན་མེད་པ། ཁ་དོག་དང་མཚན་
མ་མེད་པ། གནས་པ་མེད་པ། རྣམ་པར་དམིགས་པ་མེད་པ། བརྗོད་དུ་མེད་པ་ཡིན་ན། ནམ་མཁའི་རང་བཞིན་ལྟ་བུ་ལ་ཆོས་དང་ཆོས་ཀྱི་དབྱིངས་ཐ་དད་དུ་འབྱེད་དོ། །རང་གི་རྒྱུད་ཀྱི་ཡོངས་སུ་རྟོག་པས་ཆོས་
ཀྱི་དབྱིངས་གཅིག་ལ་ཚུལ་སྣ་ཚོགས་ཀྱིས་དེ་ལྟར་ཐ་དད་དུ་འབྱེད་དོ། །མིང་དང་། རྐྱེན་དང་། ཁ་དོག་དང་། མཚན་དང་དབྱིབས་སུ་འདོགསོ། །འདོད་པའི་ཡོན་ཏན་ལྔ་ནི་སྐྱེ་བ་མེད་པ། ལྡང་བ་མེད་པ་མཚན་
ཉིད་མེད་པ། རྣམ་པར་གཞག་པ་མེད་པ། རྣམ་པར་ཐར་པ་གསུམ་ནི་དབྱིངས་གཅིག་པའི་རང་བཞིན་གྱི་ངོ་བོ་ཉིད་དེ་དུས་གསུམ་ཐམས་ཅད་ལ་རྣམ་པར་མི་རྟོག་པའི་ཆོས་ཀྱི་དབྱིངས་ནམ་མཁའི་ལམ་ལྟ་བུར་
རྣམ་པར་དཔྱད་པ་སྟེ། དེས་ནི་མིག་གི་ཡུལ་དང་། མིག་གི་རྣམ་པར་ཤེས་པའི་ཡུལ་གྱི་འདུས་ཏེ་རེག་པ་དང་། ཁམས་གསུམ་ཐམས་ཅད་ལ་འཇུག་པ་དང་། མཚན་དང་ཁ་དོག་དང་། དབྱིབས་དང་བྲལ་བ་
ནམ་མཁའ་ལ་བརྟག་པའི་མཚན་ཉིད་ལྟ་བུ་ལ་འཇུག་པ་ཐམས་ཅད་ཀྱང་ཆོས་ཀྱི་དབྱིངས་སོ། །དེ་བཞིན་དུ་རྣ་བ་དང་། སྣ་དང་། ལྕེ་དང་། ལུས་དང་། ཡིད་ཀྱི་རྣམ་པར་ཤེས་པའི་འདུས་ཏེ་རེག་པ་ཡང་གཉིས་
སུ་མེད་པ་སྟེ། གཉི་ག་ཡང་དངོས་པོ་མེད་པའི་ཕྱིར་རོ། །དེས་ན་རྣམ་པར་ཤེས་པ་དང་འདུས་ཏེ་རེག་པ་ལྡང་བ་ཇི་སྙེད་པ་ཐམས་ཅད་དང་། ཁམས་གསུམ་ཐམས་ཅད་དང་། ཁོང་དུ་ཆུད་པ་དང་། ཁ་དོག་
དང་། མཚན་དང་། དབྱིབས་ཁོང་དུ་ཆུད་པ་དང་། ནམ་མཁའ་ལ་བརྟག་པ་ལ་འཇུག་པ་ཡང་ཆོས་ཀྱི་དབྱིངས་སོ། །གང་རེག་པའི་སྐྱེ་མཆེད་དྲུག་ལ་རྣམ་པར་དཔྱོད་ཅིང་འབྲེལ་པར་འབྱུང་བ་

62-1-157b

ཀུན་དུ་སློང་བའི་རྣམ་པར་དཔྱོད་པ་ཁོང་དུ་ཆུད་པ་ཆགས་པ་ཐམས་ཅད་བརྗོད་པས་བཅིངས་པས། བདུད་ཀྱི་དབང་དུ་སོང་བ་ནི་བདུད་ཀྱི་འདོད་པ་ཇི་ལྟ་བ་བཞིན་དུ་བྱེད་པའོ། །གང་རེག་པའི་སྐྱེ་མཆེད་དྲུག་ལ་མི་དཔྱོད་ཅིང་
མི་སྐྱེ་བ་ཀུན་དུ་སློང་བ་དང་། ཁ་དོག་དང་། དབྱིབས་ཐམས་ཅད་སེལ་བ་དང་། སྐད་ཅིག་གིས་འཇིག་པ། ནམ་མཁའ་ལ་རྟག་པའི་མཚན་ཉིད་ལྟ་བུ་འདི་ནི་འཇིག་རྟེན་ལས་འདས་པ་བརྗོད་དུ་མེད་པའི་ཡེ་ཤེས་
ཁོང་དུ་ཆུད་པའོ། །གང་གཟུགས་ལ་རོ་མྱང་ཞིང་རེག་པའི་སྐྱེ་མཆེད་དྲུག་དང་། འདོད་པའི་ཡོན་ཏན་ལྔ་ལ་རྟག་པ་འམ། མི་རྟག་པ་ཞེས་དཔྱོད་པ་ཁོང་དུ་ཆུད་ཅིང་ཆགས་པ་ཐམས་ཅད་བརྗོད་པའི་བར་དག་ཀྱང་བདུད་
ཀྱི་འདོད་པ་ཇི་ལྟ་བ་བཞིན་བྱེད་པའོ། །གང་ཡང་གཟུགས་ལ་རོ་མྱང་བ་དང་འདོད་པ་ལྔའི་ཡོན་ཏན་དང་རེག་པའི་སྐྱེ་མཆེད་དྲུག་ལ་རྟག་པ་འམ། མི་རྟག་པ་ཞེས་རྣམ་པར་དཔྱོད་པར་ནུས་པ། ཀུན་དུ་སློང་བའི་མཚན་ཉིད་
ཡིད་ལ་བྱེད་པ་དེ་ནི་ཆགས་པ་ཐམས་ཅད་ཡོངས་སུ་གཅོད་པ་འཇིག་རྟེན་ལས་འདས་པ་བརྗོད་དུ་མེད་པ་ཁོང་དུ་ཆུད་པའི་བྱང་ཆུབ་ཀྱི་ལམ་རྣམ་པར་སྦྱོང་བའོ། །དེ་བཞིན་དུ་ཚོར་བ་དང་། འདུ་ཤེས་དང་། འདུ་བྱེད་རྣམས་
དང་། གང་ཡང་རྣམ་པར་ཤེས་པ་དང་། རེག་པའི་སྐྱེ་མཆེད་དྲུག་ལ་རྟག་པ་འམ། མི་རྟག་པ་ཞེས་དཔྱོད་པ་ཁོང་དུ་ཆུད་པ་ཆགས་པ་ཐམས་ཅད་བརྗོད་པའི་བར་དེ་ཡང་བདུད་ཀྱི་འདོད་པ་ཇི་ལྟ་བ་བཞིན་དུ་བྱེད་པའོ་གང་
ཡང་ཡིད་ཀྱི་རྣམ་པར་ཤེས་པ་དང་རེག་པའི་སྐྱེ་མཆེད་དྲུག་ལ་འདོད་པའི་ཡོན་ཏན་ལྔའི་རོ་མྱང་བར་མི་བྱེད་ཅིང་མུན་པ་ཡང་མེད་པ། སྣང་བ་ཡང་མེད་དེ་ནམ་མཁའ་ལྟར་གཉིས་ལྟ་བུར་བྱ་བ་མ་ཡིན་པ་འདི་ཡང་འཇིག་རྟེན་ལས་འདས་པ་བརྗོད་
དུ་མེད་པ་ཁོང་དུ་ཆུད་པའི་བྱང་ཆུབ་ཀྱི་ལམ་རྣམ་པར་སྦྱོང་བའོ། །ཆོས་འདི་དག་ནི་འདུ་ཤེས་དང་སེམས་པ་དང་སྐད་ཅིག་མའི་རྒྱུན་གྱིས་འཇུག་པ་མ་ཡིན་ནོ། །རེག་པ་ཕན་ཚུན་འདྲེས་ནས་འབྱུང་བར་བྱེད་པའི་མ་ཡིནོ། །སྐད་ཅིག་མའི་རྒྱུན་ཀྱིས་ཕན་ཚུན་སྐྱེད་པར་བྱེད་པ་ཡང་མ་ཡིནོ། །

62-1-158a

འགོག་པར་བྱེད་པ་ཡང་མ་ཡིན་ནོ། །ཆོས་འདི་དག་ནི་སྐད་ཅིག་མ་དང་པོ་ལ་སྐྱེས་ནས་སྐད་ཅིག་མ་འདི་ཉིད་ལ་འཇིག་སྟེ། སྐད་ཅིག་མ་གཉིས་པ་ལ་གནས་པ་མ་ཡིན་ནོ། །དེ་འགགས་ཏེ་རེག་པའི་སྐྱེ་
མཆེད་དྲུག་དང་། འདུ་ཤེས་དང་སེམས་པ་འཇིག་པའི་སྐད་ཅིག་མ་གཉིས་པ་ལ་ཚོར་བ་སྐྱེའོ། །དེ་ལ་ཚོར་བ་གང་ཞེ་ན། ཚོར་བའི་ཚོགས་དྲུག་གོ། མིག་གིས་རེག་ནས་ཚོར་བ་སྐྱེ་སྟེ། རྣ་བ་དང་། སྣ་དང་། ལྕེ་དང་། ལུས་དང་། ཡིད་ཀྱི་འདུས་ཏེ་རེག་
པ་ལས་སྐྱེས་པའི་ཚོར་བ་སྐྱེ་སྟེ། དེ་ཡང་སྐད་ཅིག་མ་གཅིག་མ་ཡིན། ལས་གཅིག་རྣམ་པར་དམིགས་པའི་སྐད་ཅིག་མ་མ་ཡིན། ཚོར་བ་གསུམ་ནི་བདེ་བའི་ཚོར་བ་དང་། སྡུག་བསྔལ་གྱི་ཚོར་བ་དང་། བདེ་བ་ཡང་མེད་སྡུག་བསྔལ་ཡང་
མེད་པའི་ཚོར་བ་སྟེ། དུས་གསུམ་དང་། ཁམས་གསུམ་ཐམས་ཅད་ཀྱི་རེག་པའི་སྐྱེ་མཆེད་དྲུག་ལ་ཚོར་བ་རྣམ་པ་གསུམ་པོ་སྟོང་པར་ཁོང་དུ་ཆུད་པར་བྱ་སྟེ། ཇི་ལྟར་སྔར་བསྟན་པ་བཞིན་ནོ། ཡང་ལ་ལ་དག་འདི་སྐད་ཅེས་རེག་པའི་སྐྱེ་
མཆེད་དྲུག་ལས་ཚོར་བ་རྣམ་གསུམ་སྐྱེ་སྟེ། སྐལ་བ་མཉམ་པར་ཕུང་པོ་ལ་རྣམ་པར་དཔྱོད་པ་ལས་གནས་པ་དེ་ལྟ་བུ་ནི་རྟག་པར་ལྟ་བ་ཞེས་འཛེར་ཏོ། ཡང་གང་དག་འདི་སྐད་ཅེས་གང་རེག་པའི་སྐྱེ་མཆེད་དྲུག་ལས་ཚོར་བ་རྣམ་གསུམ་
སྐྱེ་སྟེ། ཕུང་པོ་མེད་པའི་ཚིག་ལ་གནས་པ་དེ་ལྟ་བུའི་ཆད་པ་ཞེས་ཟེར་ཏེ། གཉི་ག་ཡང་ཡོངས་སུ་སྤང་བར་བྱའོ། །དེ་ཅིའི་ཕྱིར་ཞེ་ན། ཕུང་པོ་རྣམས་ནི་རྣམ་པར་མི་རྟོག་པ་སྟེ། ཕྱིར་ལྡོག་པ་ལ་གནས་པ་འདི་ནི་བཟོད་པའོ། །འདི་ལྟ་
སྟེ་དཔེར་ན་འབྱུང་བ་ཆེན་པོའི་ལུས་ཀྱི་ཕྱི་རོལ་སེམས་མེད་པ་དེ་ལ་ནི་བསྐྱེད་པར་བྱ་བའི་གཟུགས་དང་། མི་བྱ་བའི་གཟུགས་ཀྱི་གློག་གིས་སྣང་བར་བྱེད། ལུས་ཀྱི་ནང་དུ་ནི་སྣང་བར་མི་བྱེད། གློག་ནི་གཟུགས་ཀྱི་རྐྱེན་ལས་སྐྱེས་པ་མ་
ཡིན། གཟུགས་རྣམ་པར་དམིགས་པ་མ་ཡིན། གཟུགས་ཀྱི་གནས་མ་ཡིན། གཟུགས་ཀྱི་རོ་མྱོང་བར་བྱེད་པ་མ་ཡིན། གློག་གི་གཟུགས་ཕན་ཚུན་ལ་འཇུག་པ་མ་ཡིན། གཟུགས་མཚན་མར་འཛིན་པ་མ་ཡིན། གཟུགས་སྤངས་ནས་སྣང་

62-1-158b

བར་བྱེད་པ་མ་ཡིན་ནོ། །གློག་གི་གཟུགས་ཀྱི་ས་དང་འཐུན་པར་འབྲེལ་ཏེ་བྱུང་བ་མ་ཡིན། གཟུགས་ལ་སོགས་པ་དང་། འགག་པ་མ་ཡིན་པ་དེ་བཞིན་དུ་མྱུར་བའི་ཕྱིར་རེག་པའི་སྐྱེ་མཆེད་དྲུག་ལ་གཟུགས་མེད་པའི་ཕུང་པོ་བཞི་སྣང་བར་བྱེད་དེ། 
འདི་ལ་ཚོར་བ་གསུམ་དང་། འདུ་ཤེས་དང་། འདུ་བྱེད་རྣམས་དང་། རྣམ་པར་ཤེས་པ་འཇུག་གོ། །འདུ་ཤེས་དང་། འདུ་བྱེད་དང་། རྣམ་པར་ཤེས་པའི་རྣམ་པར་རིག་པས་འདུ་བྱེད་ཀྱི་སྡུག་བསྔལ་སྐྱེད་པ་ནི་མ་ཡིན་ནོ། །ཚོར་བ་ལ་གནས་པ་མ་ཡིན་ནོ། །
ཚོར་བ་བསྒྲུབ་པ་མ་ཡིན་ནོ། །ཚོར་བའི་རྗེས་སུ་འགྲོ་བ་མ་ཡིན་ནོ། །ཚོར་བ་འཕེལ་བར་བྱེད་པ་མ་ཡིན་ནོ། །ཚོར་བའི་རོ་མྱང་བའི་ཕྱིར་མ་ཡིན་ནོ། །ཚོར་བ་མཚན་མར་འཛིན་པའི་ཕྱིར་མ་ཡིན་ནོ། །ཚོར་བ་ལ་ཀུན་ཏུ་དམིགས་པའི་
ཕྱིར་མ་ཡིན་ནོ། །ཚོར་བའི་རོ་མྱང་བ་དང་མཚུངས་ཤིང་འདྲ་བའི་ཕུང་པོ་ལ་འདུ་བྱེད་ཀྱི་སྡུག་བསྔལ་དང་། སྡུག་བསྔལ་བའི་སྡུག་བསྔལ་སྐྱེད་པ་མ་ཡིན་ནོ། །ཚོར་བ་སྐྱེས་པ་ན་འདུ་བྱེད་འགག་པ་མ་ཡིན་ནོ། །ཚོར་བ་འགགས་པ་ན་
འདུ་བྱེད་སོགས་པ་མ་ཡིན་ནོ། །འདི་ལྟ་སྟེ་དཔེར་ན་གློག་ནི་ནམ་མཁའ་བོར་ནས་གཟུགས་རྣམས་ལ་སྣང་བར་བྱེད་པ་མ་ཡིན་ཏེ། ནམ་མཁའ་དང་གློག་གཉིས་ག་ཡང་རྫས་མེད་ཅིང་བརྗོད་དུ་མེད་པ་དེ་བཞིན་དུ་ཆོས་རྣམས་དང་། མིང་དང་
གཟུགས་དང་། ཚོར་བ་རྣམས་ཀྱང་ཕན་ཚུན་ཐ་དད་པར་མི་བྱེད་དོ། ཁམས་གསུམ་ཐམས་ཅད་ཀྱང་རྫས་མེད་པ། བརྗོད་དུ་མེད་པ། ཡི་གེ་མེད་པ་སྟེ། སྐད་ཅིག་མའི་རྒྱུན་གྱིས་གནས་པ་མ་ཡིན། ཕན་ཚུན་དུ་སོགས་ཤིང་འཕེལ་བས་
ཆོས་ཀྱི་དབྱིངས་ཐ་དད་དུ་བྱེད་པ་མ་ཡིན་ཏེ། དེས་ན་དེ་དག་ནི་སྟོང་པའོ། །སྐད་ཅིག་མ་གང་ལ་སྐྱེས་པ་སྐད་ཅིག་མ་དེ་ཉིད་ལ་འགག་སྟེ། སྐད་ཅིག་མའི་རྒྱུན་ལ་གནས་པ་མ་ཡིན་ནོ། །དེས་ན་ཁམས་གསུམ་དང་། དུས་གསུམ་དང་། 
ཕུང་པོ་དང་། ཁམས་དང་། སྐྱེ་མཆེད་ཐམས་ཅད་འབྱུང་བ་མེད་པ། སྤྱོད་པ་མེད་པ། བརྗོད་དུ་མེད་པ། སྟོང་པའོ། །མེ་ཏོག་གི་གློག་གིས་བརྒྱན་པ་འདི་ནི་རྒྱ་མཚོའི་ཕྱག་རྒྱ་ཟད་མི་ཤེས་པ་སྣང་བའི། ཆོས་ཀྱི་སྒོའི་

62-1-159a

གནས་ཀྱི་ཚུལ་ཞེས་བྱའོ། །སྐད་ཅིག་མ་དང་པོ་ལ་ཚོར་བ་སྐྱེས་ཏེ་འགགས་ནས་སྐད་ཅིག་མ་གཉིས་པ་ལ་སྲེད་པ་སྐྱེའོ། །དེ་ལ་སྲེད་པ་གང་ཞེ་ན། སྲེད་པའི་ཚོགས་དྲུག་སྟེ། མིག་གི་འདུས་ཏེ་རེག་པ་ནས་ཡིད་ཀྱི་འདུས་ཏེ་རེག་
པའི་བར་གྱི་སྲེད་པ་འབྱུང་ངོ་། །གང་གཟུགས་ལ་མངོན་པར་དགའ་བ། གཏི་མུག་གི་དྲ་བསྒྲུབ་པ། ལུས་དང་། གཟུགས་དང་། སྒྲ་དང་། དྲི་དང་། རོ་དང་། རེག་བྱ་ལ་འཇུག་པ་ཐིབས་པོ་ནི་ནམ་མཁའ་བཞིན་ནོ། །གཟུགས་ལ་ཡོངས་སུ་མི་རྟོག་
པའི་ཚོར་བ་ནི་གློག་དང་ནམ་མཁའ་བཞིན་ནོ། །འདུ་ཤེས་ནི་རླུང་དང་། ནམ་མཁའ་བཞིན་ནོ། །འདུ་བྱེད་རྣམས་ནི་སྤྲིན་མེད་པའི་ནམ་མཁའ་བཞིན་ནོ། །རྣམ་པར་ཤེས་པ་ནི་སྨིག་རྒྱུ་བ་དང་ནམ་མཁའ་བཞིན་ནོ། །གཟུགས་ལ་ཡོངས་སུ་མི་
རྟོག་ཅིང་ཐེར་ཟུག་ཏུ་མོས་ཏེ། མི་རྟག་པ་ཉིད་ཡོངས་སུ་མི་རྟོག་པ་འདི་ནི་སྲིད་པ་ཞེས་བྱའོ། །གཞན་ཡང་གཟུགས་ལ་སྡུག་བསྔལ་དུ་ཡོངས་སུ་མི་རྟོག་པ་དང་། སྒྲ་དང་དྲི་ལ་ཀུན་འབྱུང་བ་དང་། འགོག་པར་ཡོངས་སུ་མི་རྟོག་པ་དང་། རོ་ལ་ལམ་དུ་
ཡོངས་སུ་མི་རྟོག་པ་དང་། རེག་བྱ་ལ་སྐྱེ་བ་དང་། འགོག་པ་བརྗོད་དུ་མེད་པར་ཡོངས་སུ་མི་རྟོག་པ་འདི་ནི་སྲིད་པའི་གནས་ལ་ཆགས་པ། ཁམས་གསུམ་ཐམས་ཅད་དུ་འཕྲོ་བ། དུས་གསུམ་གྱི་དངོས་པོ་ལ་སྲེད་པའི་གནས་ཤེས་བྱའོ། །བྱིས་
པ་སོ་སོའི་སྐྱེ་བོ་ངན་པ་རྣམས་ནི་འཁོར་བའི་ཆུ་ཀླུང་གི་རྒྱུན་གྱི་ཤུགས་འབབ་པ་ལ་མངོན་པར་བརྩོན་པ་སྟེ། དེ་ལ་བྱང་ཆུབ་སེམས་དཔས་གཟུགས་ལ་འདི་ལྟར་ཚུལ་བཞིན་གྱིས་སོ་སོར་བརྟག་པར་བྱ་སྟེ། འབྱུང་བ་ཆེན་པོ་བཞིའི་གཟུགས་
འདི་ནི་ནང་དང་། འགོད་པའི་མཚན་ཉིད་དོ། །གང་རབ་ཏུ་རྣམ་པར་འཇིགས་པའི་མཚན་ཉིད་དེ་ནི་མི་རྟག་པ་སྟེ། ཇི་ལྟར་འབྱུང་བ་ཆེན་པོ་ཡོངས་སུ་བརྟག་པ་སྔར་བསྟན་པ་དེ་བཞིན་དུ་སོ་སོར་བརྟག་གོ། །འདོད་པའི་ཡོན་ཏན་ལྔ་ལ་ནི་སྡོང་པོའི་
ཚུལ་དུ་སོ་སོར་བརྟག་པར་བྱ་སྟེ། ཇི་ལྟར་སྡོང་པོ་ནམ་མཁའ་ལ་གནས་བཅས་ཏེ་མི་གནས་ཤིང་ས་ལ་བརྟེན་ཏེ། གནས་པ་དེ་བཞིན་དུ་གཟུགས་ནི་དབུ་བའི་གོང་བུ་ལྟ་བུ་སྟེ། གཟུགས་དང་གཟུགས་མེད་པའི་རྣམ་པར་དམིགས་པས་

62-1-159b

གཟུགས་དང་གཟུགས་མེད་པ་ལ་འཇུག །གཟུགས་དང་གཟུགས་མེད་པ་དང་མི་འབྲལ། གཟུགས་དང་གཟུགས་མེད་པའི་ལས་དང་། གཟུགས་དང་གཟུགས་མེད་པ་སྤངས་ནས་དབུ་བའི་གོང་བུ་ལྟར་སྙིང་པོ་མེད་པར་བརྟགས་
ན་སྟོང་པ་སྟེ། འཇུག་པ་དང་མི་འཇུག་པ་ནི་ཇི་ལྟར་རླུང་འདུས་པའི་རྐྱེན་གྱིས་ཁ་ནས་སྒྲ་འབྱུང་བ། ཡི་གེ་མེད་ཅིང་བརྗོད་དུ་མེད་པ་དེ་བཞིན་དུ་ཁམས་གསུམ་གྱི་སྒྲ་ཡང་སྟོང་པར་ཁོང་དུ་ཆུད་པར་བྱའོ། །ཇི་ལྟར་རླུང་འདུས་པ་དང་། ནམ་
མཁའི་རླུང་དང་། ནམ་མཁའི་དྲི་མེད་དེ་སྟོང་པ་དེ་བཞིན་དུ་ཁམས་གསུམ་ཡང་དྲི་ལྟ་བུར་ཁོང་དུ་ཆུད་པར་བྱའོ། །ཇི་ལྟར་བུམ་པ་ཆར་པའི་ཐིགས་པས་གང་བ་ཡང་དེའི་ནང་དུ་སུས་ཀྱང་ཐིགས་པ་བླུགས་པ་མེད། བསྒྲུབས་པ་མེད། 
བྱས་པ་མེད། བྱེད་དུ་བཅུག་པ་མེད་དེ། ཐམས་ཅད་ཡོངས་སུ་བཟུང་བ་དང་། ཉེ་བར་སྤྱོད་པ་དང་། བྲལ་བ་དེ་བཞིན་དུ་ཁམས་གསུམ་བདག་དང་བཅས་པའི་རོའི་ཡོན་ཏན་ཡང་སྟོང་པར་ཁོང་དུ་ཆུད་པར་བྱའོ། །ཇི་ལྟར་བུམ་པ་
གང་ཡང་ནམ་མཁའ་དང་འདྲེས་པར་བསྒྲུབས་པ་མེད་དེ། ཇི་ལྟར་ནམ་མཁའ་ལ་མ་ཡིན། ནམ་མཁའ་དང་བུམ་པ་ཕན་ཚུན་རེག་པ་དང་བྲལ་བ་སེམས་མེད་པ་དེ་བཞིན་དུ་ཁམས་གསུམ་གྱི་རེག་པ་ཡང་སྟོང་པར་ཁོང་དུ་ཆུད་པར་
བྱའོ། །འདོད་པའི་ཡོན་ཏན་ལྔ་ལ་གཏི་མུག་གི་འཁོར་ལོས་བུང་བ་མེ་ཏོག་གི་དྲི་ལ་ཆགས་པ་དེ་བཞིན་དུ་གང་ཡང་འདོད་པའི་སྲེད་པ་དང་། གང་ཡང་གཟུགས་ཀྱི་སྲེད་པ་འདི་དག་ནི་འདོད་པའི་ཡོན་ཏན་ལྔའི་ཚུལ་གྱིས་སྟོང་
པར་ཁོང་དུ་ཆུད་པར་བྱའོ། །གང་ཡང་གཟུགས་མེད་པའི་ཕུང་པོ་བཞི་ལ་སྲེད་པ་གཟུགས་མེད་པ་ནི་ཡི་གེ་མེད་པ་རང་བཞིན་མེད་པ་སྟེ། ཅུང་ཟད་མ་ཡོད་པའི་ཚུལ་གྱིས་ཇི་ལྟར་སྔར་བསྟན་པ་བཞིན་དུ་
སྟོང་པར་ཁོང་དུ་ཆུད་པར་བྱའོ། །ཇི་ལྟར་ནམ་མཁའ་ལ་བརྟེན་ཏེ། རླུང་རྒྱུ་བ་ནི་ནམ་མཁའ་ལ། རླུང་གིས་འདྲེས་པར་བྱས་ཤིང་ཆགས་པ་ཡང་

62-1-160a

མེད་དེ། ནམ་མཁའ་ལས་ཀྱང་རླུང་ལ་མ་ཡིན་ཞིང་གཉི་ག་ཡང་བརྗོད་དུ་མེད་ཅིང་ཡི་གེ་མེད་པ་དེ་བཞིན་དུ་གཟུགས་མེད་པའི་ཕུང་པོ་ཡང་ཕན་ཚུན་དངོས་པོ་མེད་པར་འགྲུབ་ཅིང་ལྡན་པ་སྟེ། ཕན་ཚུན་གནོད་པ་
དང་། སྦྱོར་བ་དང་། འདྲེ་བ་དང་། ཆགས་པ་དང་། གནོད་པར་བྱེད་པ་མེད་པ་དེ་བཞིན་དུ་ཕུང་པོ་འདི་དག་ཀྱང་ཆོས་ཐམས་ཅད་མི་སྐྱེ་བའི་ཚུལ་གྱིས་དངོས་པོའི་མཚན་ཉིད་དུ་ཉེ་བར་མི་འགྲོ་ཞིང་སྐྱེད་པ་མེད་པར་ཁོང་དུ་ཆུད་པར་བྱའོ། །
ཇི་ལྟར་ནམ་མཁའ་དང་། རླུང་དང་། གློག་ཡི་གེ་མེད་ཅིང་བརྗོད་དུ་མེད་དེ་ལྷན་ཅིག་ཏུ་རྒྱུ་ཡང་ཕན་ཚུན་ཆགས་པ་མེད་པ་བཞིན་དུ་མྱ་ངན་ལས་འདས་པ་ཡང་ཟད་པ་མེད་དོ། །ཇི་ལྟར་མྱ་ངན་ལས་འདས་པ་ཟད་པ་ཡང་
མ་ཡིན་མི་ཟད་པ་ཡང་མ་ཡིན་པ་དེ་བཞིན་དུ་ཆོས་ཐམས་ཅད་ཀྱང་མྱ་ངན་ལས་འདས་པ་དང་མཉམ་སྟེ། མཉམ་པ་ཡང་མེད། མི་མཉམ་པ་ཡང་མེད་ལ་གཉེན་པོ་མི་དམིགས་ཏེ། གཉིས་སུ་བྱ་བ་མ་ཡིན་ཞིང་ཆོས་ཐམས་
ཅད་ཆོས་ཀྱི་དབྱིངས་དང་མཚུངས་པར་སྤྱོད་པར་ཤེས་ནས་ཆོས་ཀྱི་དབྱིངས་དང་ཡང་དག་པའི་མཐའ་ལ་སྐྱེ་བ་འམ། འགག་པ་ཅུང་ཟད་མི་སེམས་ཏེ། དེས་ན་ཆོས་ཀྱི་དབྱིངས་ནི་གནས་མེད་པའི་མཐའ་སྟེ། དེ་ནི་ཡང་དག་པའི་
མཐའོ། །གང་ཡང་དག་པའི་མཐའ་དེ་ནི་ཆོས་ཐམས་ཅད་ཀྱི་མཐའོ། །དེ་ནི་དཀྱིལ་འཁོར་གསུམ་ཡོངས་སུ་གཅོད་པའི་མཐའོ། །དེ་ནི་གཅོད་པ་མེད་ཅིང་བྱེད་པ་མེད་པའི་མཐའོ། །དེ་ནི་ཆད་པ་མེད་ཅིང་རྟག་པ་མེད་པའི་
མཐའོ། །ཇི་ལྟ་བ་བཞིན་གྱི་མཐའ་སྟེ། མཐའ་དེས་ཆོས་ཐམས་ཅད་མཐར་གྱུར་པ་སྟེ། མཐའ་ཇི་སྙེད་པ་དང་། མཐའ་མེད་པ་ནི་མི་གཉིས་པ་སྟེ། སྲིད་པའི་སྲེད་པ་མི་དམིགས་པའི་ཕྱིར་རོ། །སྲོག་དང་འགྲོ་
བ་དང་། གསོ་བ་དང་། གང་ཟག་ཐམས་ཅད་ནི་གཉིས་སུ་མེད་པའི་མཐའོ། །ཡང་དག་པའི་མཐའ་དང་། འཇིག་ཚོགས་ཀྱི་མཐའ་དང་། སྲེད་པ་སེལ་བ་ཡང་མི་གཉིས་པའི་མཐའོ། །དེ་ལྟར་ན་འཇིག་ཚོགས་ཀྱི་མཐའ་དང་འདོད་

62-1-160b

པ་གཅོད་པ་ཡོད་དོ། །དེ་ལྟར་རབ་ཏུ་ཤེས་ན་འཇིག་ཚོགས་ལ་ལྟ་བའི་ཆ་ཉི་ཤུར་འགྱུར་རོ། །ཡང་དག་པའི་མཐའ་ནི་སྲེད་པའི་འཇུག་པ་དང་མཚུངས་པ་ཉིད་མ་ཡིན་ནོ། །ཡང་དག་པའི་མཐའ་ནི་སོང་བ་མེད་དོ། །ནམ་སོང་
བ་ན་ཟད་པ་མེད་འགོད་པ་མེད་དེ་ཤིན་ཏུ་མཐར་གྱུར་པ་དེ་བཞིན་དུ་སྲེད་པ་ཡང་མི་ཟད་པའི་སྒོ་སྟེ། ཆོས་ཐམས་ཅད་ཀྱང་མི་ཟད་པའི་རང་བཞིན་མེད་པའོ། །ཆོས་ཐམས་ཅད་མ་སྐྱེས་པར་ཤེས་ནས་ཀུན་ནས་བསྐོར་
བ་ཐམས་ཅད་གཅོད་པ་ནི་བརྗོད་དུ་མེད་པའི་དོན་སངས་རྒྱས་ཀྱི་སྐུ་མཐའ་ཡས་པ་ཡོངས་སུ་འགྲུབ་པ་སྒྲུབ་པའི་བཟོད་པའི་སྒོའི་གཏེར་གྱི་གཟུངས་རབ་ཏུ་ཐོབ་བོ། །གཟུངས་དེ་རབ་ཏུ་ཐོབ་ནས་བྱང་ཆུབ་སེམས་
དཔའ་ཕྱོགས་བཅུའི་སངས་རྒྱས་ཀྱི་སྐུ་མངོན་པར་གྲུབ་པ་སྟོན་ཏེ། མིག་གི་མཉམ་པ་ཉིད་ལས་མི་གཡོ་བར་སེམས་ཅན་རྣམས་ལ་འཆི་འཕོ་དང་སྐྱེ་བ་ཡང་སྟོན་ལ། འཆི་འཕོ་ཡང་མེད་སྐྱེ་བ་ཡང་མེད། 
གང་དུ་ཡང་འགྲོ་ཞིང་འོང་བར་འཇུག་པ་ཡང་མེད། འདུ་བྱེད་རྣམས་ལ་རྣམ་པར་རྟོག་པ་ཡང་མེད་དོ། །དེ་ལྟར་དོན་དུ་གཉེར་ཞིང་མངོན་པར་རྟོག་པའི་བྱང་ཆུབ་སེམས་དཔའ་རྣམས་སྐད་ཅིག་ལ་སྲེད་པ་
ཞུགས་ནས་སྐད་ཅིག་མ་གཉིས་པ་ལ་ལེན་པ་མངོན་པར་འགྲུབ་བོ། །ལེན་པ་གང་ཞེ་ན། ལེན་པ་བཞི་སྟེ། གཟུགས་ཀྱི་ལེན་པ་དང་། ལྟ་བའི་ལེན་པ་དང་། ཚུལ་ཁྲིམས་ཀྱི་ལེན་པ་དང་། བདག་ཏུ་སྨྲ་བའི་ལེན་པ་
འོ། །དེ་ལ་འདོད་པའི་ལེན་པ་གང་ཞེ་ན། འདོད་པའི་རོ་མྱང་བར་བྱེད་པ་དང་། བདེ་བ་ལ་མངོན་པར་དགའ་ཞིང་མངོན་པར་ཆགས་ཞེན་པ་འདི་ནི་འདོད་པའི་ལེན་པ་ཞེས་བྱའོ། །དེ་ལ་ལྟ་བའི་ལེན་པ་གང་ཞེ་ན། ཆད་པ་འམ་རྟག་པ་ཞེས་བྱ་
བ་ནས་ལྟ་བར་སོང་བ་དྲུག་བཅུ་རྩ་གཉིས་ཀྱི་བར་དེ་ནི་ལྟ་བའི་ལེན་པ་ཞེས་བྱའོ། །དེ་ལ་ཚུལ་ཁྲིམས་ཀྱི་ལེན་པ་གང་ཞེ་ན། གང་དག་འཕགས་པའི་བསྟན་པའི་ཚུལ་ཁྲིམས་དང་བརྟུལ་ཞུགས་དང་དཀའ་ཐུབ་དང་ཚངས་པར་སྤྱོད་པའི་གནས་དང་སྦྱངས་པའི་ཡོན་ཏན་དང་། 

62-1-161a

ཡོ་བྱད་བསྙུངས་པ་དང་གང་ཡང་ཞགས་པ་འཐུབ་པ་དགུ་བཅུ་རྩ་ལྔའི་ཚུལ་ཁྲིམས་དང་། བརྟུལ་ཞུགས་དང་། དཀའ་ཐུབ་དང་། ཚངས་པར་སྤྱོད་པའི་གནས་དང་། སྦྱང་པའི་ཡོན་ཏན་དང་། ཡོ་བྱད་བསྙུངས་པ་འདི་ནི་ཚུལ་ཁྲིམས་ཀྱི་
ལེན་པའོ། །གང་དག་འདི་སྙམ་དུ་སེམས་ཏེ། བདག་དང་། སེམས་ཅན་དང་། སྲོག་དང་། འགྲོ་བ་དང་། ཤེད་ལས་སྐྱེས་པ་དང་། ཤེད་ཅན་དང་། བྱེད་པ་པོ་དང་། བྱེད་དུ་འཇུག་པ་དང་། ལྡང་བར་བྱེད་པ་དང་། ལྡང་བར་བྱེད་དུ་འཇུག་པ་
དང་། ཚོར་བ་པོ་དང་། སྐྱེད་པ་པོ་དང་། སྐྱེད་དུ་འཇུག་པ་འབྱུང་ཞིང་འབྱུང་བ་ཡོད་དོ་སྙམ་པ་འདི་ནི་བདག་ཏུ་སྨྲ་བའི་ལེན་པ་ཞེས་བྱ་སྟེ། དེ་དག་ནི་ལེན་པ་བཞིའོ། །དེ་ལ་བྱང་ཆུབ་སེམས་དཔའ་བརྗོད་དུ་མེད་པའི་ཚུལ་གྱིས་ཡང་དག་པ་མ་ཡིན་
པ་དང་མ་བྱུང་བར་རྟོག་གོ། །ཆོས་ཐམས་ཅད་མཚན་ཉིད་གཅིག་སྟེ། དབྱེར་མེད་པའི་ཚུལ་གྱིས་དངོས་པོ་མེད་པ་དང་། བརྗོད་དུ་མེད་པ་དང་། ཚིག་གི་ལམ་མ་ཡིན་པ་དང་། ཆུའི་ཟླ་བ་ལྟ་བུ་དང་། ནམ་མཁའ་ལ་རྟག་པའི་མཚན་ཉིད་དང་། 
ཆོས་ཀྱི་དབྱིངས་དབྱེར་མེད་པར་ཡོངས་སུ་རྟོག་གོ། །གང་ལ་འདོད་པའི་རོ་མྱང་ཞིང་མངོན་པར་དགའ་བ་དེ་ནི་སྡུག་བསྔལ་ལ་མངོན་པར་དགའ་བའོ། །འདོད་པའི་གནས་སོ། །མངོན་པར་ཞེན་པའོ། །བྱང་ཆུབ་སེམས་དཔའ་གང་མིག་གིས་ཤེས་པར་
བྱ་བའི་གཟུགས་མཛེས་པ་སྡུག་པ་ཡིད་དུ་འོང་བ་མཐོང་ན། མིག་གི་རྣམ་པར་ཤེས་པ་ལ་མེའི་ཕུང་པོ་ཇི་ལྟ་བ་བཞིན་དུ་ཚུལ་གྱིས་རྟོག་སྟེ། མིག་གི་རྣམ་པར་ཤེས་པས་བརྟག་ཏུ་མེད་པའི་ཕུང་པོ་དེ་ཡང་རྫས་མེད་པ། བརྗོད་དུ་མེད་
པ་ཡི་གེ་མེད་པ། དངོས་པོ་མི་དམིགས་པར་རྟོག་གོ། །མིག་གི་རྣམ་པར་ཤེས་པ་དེ་ཡང་དངོས་པོ་མི་དམིགས་པའི་ཕྱིར་རྫས་མེད་པ། མཚན་ཉིད་མེད་པའོ། །ནམ་མཁའ་དང་། མེ་དང་། མིག་དེ་ཡང་དངོས་པོ་མི་དམིགས་པས་བརྗོད་དུ་
མེད་ཅིང་ཡི་གེ་མེད་པ་དེ་བཞིན་དུ་གཟུགས་སྡུག་པ་ནས་འདོད་པ་དང་ལྡན་པའི་བར་དུ་མཐོང་ན་མིག་གི་རྣམ་པར་ཤེས་པ་དེ་དང་། གཟུགས་དེ་གཉི་ག་དང་། བར་གྱི་ནམ་མཁའི་བར་དུ་ཡང་དངོས་པོ་མི་དམིགས་སོ། །གང་གིས་མེ་

62-1-161b

མཐོང་བར་མིག་གི་རྣམ་པར་ཤེས་པ་སྐྱེས་ནས་དེ་འགགས་ཏེ་སྐད་ཅིག་མ་གཉིས་པ་ལ་གནས་པ་མ་ཡིན་ནོ། །སྐད་ཅིག་མ་གཉིས་པ་ལ་ཚོར་བ་སྐྱེ་སྟེ། ཇི་ལྟར་འོད་འཕྲོ་བའི་ཕུང་པོ་བཞིན་དུ་དམིགས་སོ། །ཚོར་བ་དེ་ཡང་བརྗོད་དུ་མེད་
པ། ཡི་གེ་མེད་པ། མཚན་མ་དང་བྲལ་བའོ། །ཚོར་བ་སྐྱེས་ཏེ་འགགས་ནས་སྐད་ཅིག་མ་གཞན་གྱི་གནས་ལ་འདུ་ཤེས་སྐྱེ་སྟེ། མེ་ལྕེ་འབར་བའི་འོད་འཕྲོ་བ་བཞིན་དུ་ཤེས་པར་བྱའོ། །དེ་ཡང་འདུ་ཤེས་ནས་འགགས་པའི་བར་དུ་སྟེ། 
སྐད་ཅིག་མ་གཉིས་པའི་གནས་ལ་འདུ་བྱེད་རྣམས་སྐྱེ་སྟེ། གང་ཆུང་ངུ་དང་། ཚད་མེད་པ་དང་། གང་རིང་བ་དང་། གང་ཉེ་བའི་འོད་འཕྲོ་བ་བཞིན་དུ་རབ་ཏུ་ཤེས་ཏེ། འདུ་བྱེད་རྣམས་སྐྱེས་ནས་འགགས་པའི་བར་དུའོ། །སྐད་ཅིག་མ་
གཞན་ལ་རྣམ་པར་ཤེས་པ་སྐྱེ་སྟེ། ཇི་ལྟར་འོད་འཕྲོའི་ཕུང་པོ་སྐྱེ་བ་དང་འཇིག་པ་བཞིན་དུ་རབ་ཏུ་ཤེས་ཏེ། རྣམ་པར་ཤེས་པ་དེ་ཡང་བརྗོད་དུ་མེད་པ། ཡི་གེ་མེད་པར་གནས་པ། སྐད་ཅིག་གིས་འཇིག་པ་སྟེ། ནམ་མཁའ་
ལ་བརྟག་པ་ལྟ་བུའོ། །དེ་ལ་མེའི་བར་གྱི་ནམ་མཁའ་དེ་ཡང་རྫས་མེད་པ། བརྗོད་དུ་མེད་པ། ཡི་གེ་མེད་པའོ། །གལ་ཏེ་འོད་འཕྲོ་བའི་ཕུང་པོ་གང་སྐྱེས་ནས་འབར་བ་དང་། འགག་པ་མཐོང་བ་ཐམས་ཅད་ཀྱང་ནམ་མཁའ་
དང་མཚུངས་པའི་མཚན་ཉིད་དེ། བརྗོད་དུ་མེད་པ་དངོས་པོ་མེད་པ་སྟེ། འོད་འཕྲོ་བ་གཅིག་ཀྱང་རྐྱེན་མེད་པ། གྲངས་མེད་པའོ། །ཆོས་འདི་དག་ཐམས་ཅད་སྐྱེ་ཞིང་འགག་པ་དེ་བཞིན་དུ་བྱང་ཆུབ་སེམས་དཔས་འདོད་པའི་ཡོན་
ཏན་ལྔ་ལ་སྐྱེ་བ་དང་། འགག་པ་དང་། ནམ་མཁའ་ལ་བརྟག་པ་ལྟ་བུ་དང་། བརྗོད་དུ་མེད་པ་དང་། དངོས་པོ་མེད་པར་བརྟག་ཅིང་བཟོད་པ་བསྒོམ་པར་བྱའོ། །དོན་འདི་དག་ནི་བཅོམ་ལྡན་འདས་ཀྱིས་གསུངས་ཏེ། དེ་ལ་འདི་
སྐད་ཅེས་བྱའོ། །གཟུགས་ནི་མེ་ཡི་ཕུང་པོ་འདྲ། །འདོད་པ་ཡང་དག་ཉིད་མཐོང་ནས། །མིག་གི་རྣམ་ཤེས་འདུས་མ་བྱས། །མིག་ནི་འོད་འཕྲོ་འདྲ་བར་ཤེས། །གཉི་ག་རྫས་དང་བྲལ་བ་སྟེ། །བརྗོད་དུ་

62-1-162a

མེད་ཅིང་ཡི་གེ་མེད། །འོད་འཕྲོ་སྨིག་རྒྱུ་འདྲ་བ་སྟེ། །རྣམ་པར་ཤེས་པ་སྒྱུ་མ་འདྲ། །མྱུར་དུ་སྐྱེ་ཞིང་འཇིག་པ་ཡང་། །གཉི་ག་དངོས་པོ་མེད་པ་སྟེ། །སྐད་ཅིག་གཉིས་པར་འོད་འཕྲོ་ཡི། །དྲོ་བ་ཐ་དད་ཤེས་པ་མེད། །སྐྱེས་ནས་སྐད་ཅིག་
འཇིག་པ་ཡི། །ཚོར་བ་ཆུ་ཡི་ཆུ་བུར་འདྲ། །འདུ་ཤེས་དེ་ཡང་མེ་ལྕེ་ལྟར། །རབ་ཏུ་ཤེས་ཏེ་མཚན་ཉིད་མེད། །འདུ་ཤེས་དང་ནི་འདུ་བྱེད་རྣམས། །སྐད་ཅིག་གཉིས་ལ་འགོག་པའོ། །ཚད་མེད་དག་དང་ཆུང་ངུ་ཡང་། །འོད་འཕྲོའི་ཕུང་པོ་འདྲ་བར་ཤེས། །
འདུ་བྱེད་རྣམས་ནི་འགོག་པ་ལྟར། །དེ་ལྟར་རྣམ་ཤེས་རྗེས་སུ་འགྲོ། །འགགས་ནས་ཀྱང་ནི་ཡང་སྐྱེ་སྟེ། །འོད་འཕྲོ་ཕུང་པོ་འདྲ་བར་ཤེས། །དེ་ལྟར་འོད་འཕྲོ་རྫས་མེད་དེ། །གཟུགས་རྣམས་མཐོང་བ་སྒྱུ་མ་བཞིན། །མྱུར་ཞིང་གཡོ་བ་མེད་བཞིན་དུ། །
ཕུང་པོ་ལྔ་རྣམས་རྗེས་སུ་འཇུག །ནམ་མཁའ་ལ་ནི་རྒྱུ་བ་ཀུན། །མེ་ཡི་ཕུང་པོ་འབར་བ་འདྲ། །རྫས་ཡོད་མ་ཡིན་བརྗོད་མེད་དེ། །དེ་དག་ཐམས་ཅད་དངོས་པོ་མེད། །དེ་ལྟར་འདོད་པའི་ལེན་པ་ཡང་། །འདོད་པའི་ཡོན་ཏན་ལྔ་ལ་དགའ། །སྐད་
ཅིག་འཇིག་པའི་རྒྱུན་དག་ཀྱང་། །ཐམས་ཅད་སྟོང་པ་དངོས་པོ་མེད། །བྱང་ཆུབ་སེམས་དཔའ་འཇིགས་མེད་པ། །དེ་ལྟར་འདོད་པ་རྣམས་བརྟག་ནས། །འདོད་སེམས་ཡོངས་སུ་ཟད་བྱེད་ཅིང་། །ཚུལ་བཞིན་དུ་ནི་བཟོད་པ་སྒོམ། །འདོད་
པ་རྣམས་ནི་མེ་འདྲ་སྟེ། །རོ་མྱང་བྱ་བའི་མི་རིགས་སྟོན། །སྒྱུ་མ་སྨིག་རྒྱུ་ཚུལ་གྱིས་ནི། །ཚོར་བ་ཆུ་ཡི་ཆུ་བུར་འདྲ། །གང་གིས་འདོད་པ་ཤེས་བྱེད་པའི། །རྣམ་པར་ཤེས་པ་སྒྱུ་མ་འདྲ། །ཐམས་ཅད་ནམ་མཁའ་འདྲ་བར་ཡང་། །དེ་ལྟར་བཟོད་
པ་རྣམ་པར་སྒོམ། །རིགས་ཀྱི་བུ་དེ་ལ་ལྟ་བའི་ལེན་པ་གང་ཞེ་ན། རིགས་ཀྱི་བུ་གང་ཕུང་པོ་ལྔ་ལ་བརྟག་པར་ལྟ་བ་སྟེ། གནས་སུ་སྙེམས་པ་དང་། ཡང་དག་པ་མ་ཡིན་པ་ཀུན་ཏུ་རྟོག་པ་དང་། གཏི་མུག་གིས་
རྣམ་པར་བསྒྲུབས་པས་གཟུགས་ལ་རྣམ་པར་རྟོག །གཟུགས་ལ་མངོན་པར་ཆགས། གཟུགས་ཀྱི་རོ་མྱང་བར་བྱེད། བདེ་བ་དང་སྡུག་བསྔལ་རློམ་ཞིང་སྙེམས་སོ། །ཚོར་བ་དང་། འདུ་ཤེས་དང་། འདུ་བྱེད་རྣམས་དང་། རྣམ་

62-1-162b

པར་ཤེས་པ་ལ་ཡང་རྟོག་པ་ནས་སྙེམས་པའི་བར་འདི་ནི་རྟག་པར་ལྟ་བ་ཞེས་བྱའོ། །རིགས་ཀྱི་བུ་དེ་ལ་ཆད་པར་ལྟ་བ་ནི་གང་ལེགས་པར་བྱས་པ་དང་། ཉེས་པར་བྱས་པ་རྣམས་ཀྱི་རྒྱུ་དང་འབྲས་བུ་དང་། རྐྱེན་ཆུད་གསོན་པ་སྟེ། 
མདོར་ན་གང་ཅུང་ཟད་འཇིག་རྟེན་དང་། འཇིག་རྟེན་ལས་འདས་པ་དང་། ཟག་པ་དང་བཅས་པ་དང་། ཟག་པ་མེད་པ་རྣམས་ཀྱི་རྒྱུ་ལ་དམིགས་པའི་ལས་དང་། བྱ་བ་དང་། འབྲས་བུ་དང་། སྤྱོད་པ་ཁོང་དུ་ཆུད་པ་སྙེམས་པར་འགྱུར་བ་འདི་
ནི་ཆད་པར་ལྟ་བ་སྟེ། ལྟ་བར་སོང་བ་དྲུག་བཅུ་རྩ་གཉིས་ཀྱི་བར་དག་ཀྱང་ངོ་། །གང་ཡང་འཇིག་རྟེན་གྱི་དང་། འཇིག་རྟེན་ལས་འདས་པ་དང་། ཟག་པ་དང་བཅས་པ་དང་། ཟག་པ་མེད་པ་དང་། ལྟ་བ་ཐམས་ཅད་ལ་གནས་པའི་
རྟོག་པ་སྐད་ཅིག་མས་ཀླས་པ། སྐད་ཅིག་མས་འཇལ་བ། དངོས་པོ་ཐམས་ཅད་དང་མ་འདྲེས་པ། གནས་ཁོང་དུ་ཆུད་པ་སྟེ། གང་གནས་མེད་པ་དེ་ནི་དངོས་པོ་མེད་པའོ། །དེ་མི་འགྲོ་བའོ། །གང་མི་འགྲོ་བ་དེ་ཀུན་ནས་ཉོན་
མོངས་པ་མ་ཡིན། རྣམ་པར་བྱང་བ་མ་ཡིན། འབྱུང་བ་མ་ཡིན། འཇུག་པ་མ་ཡིན་ནོ། །གང་འབྱུང་བ་མ་ཡིན། འཇུག་པ་མ་ཡིན་པ་དེ་ནི་རྫས་མེད་པའོ། །སྣང་བ་མེད་པའོ། །རྟོག་པ་མེད་པའོ། །འགྲོ་བ་མེད་པའོ། །
འོང་བ་མེད་པའོ། །དུས་གསུམ་ཐམས་ཅད་ལ་སྐད་ཅིག་སྐད་ཅིག་ཏུ་རྟོག་པའོ། །སྤྱོད་པ་མེད་པའོ། །སྟོང་པའོ། །བརྗོད་དུ་མེད་པའོ། །ཇི་ལྟར་རྫས་ཀྱི་མཚན་ཉིད་ཀྱིས་དུས་གསུམ་ཐམས་ཅད་ཀྱི་སྐད་ཅིག་མ་དང་། 
ཤིན་དུ་སྐད་ཅིག་མས་སྟོང་པ་དེ་བཞིན་དུ་རིགས་ཀྱི་བུ་གང་ལ་ལ་འཕགས་པ་དང་། འཕགས་པ་མ་ཡིན་པ་དང་། འཇིག་རྟེན་གྱི་དང་། འཇིག་རྟེན་ལས་འདས་པ་དང་། ལྟ་བ་ཀུན་ནས་བསྐོར་བ་དང་། རྣམ་པར་མི་རྟོག་པ་དང་། ཀུན་
ཏུ་རྟོག་པ་དང་། ཉེ་བར་རྟོག་པ་དང་། རྒྱུ་དང་། སྐྱེ་བ་དང་། ལུས་དང་། སྣོད་དང་། ལྟ་བ་སྙེམས་པ་ཐམས་ཅད་སྐད་ཅིག་མ་སྟེ། དུས་གསུམ་གྱི་ལྟ་བ་ནི་ཤིན་དུ་སྟོང་པའོ། །བརྗོད་དུ་མེད་པའོ། །འདུལ་བར་ཡང་དག་པར་འདུལ་བ་མ་ཡིན་པའོ། །

62-1-163a

འདུ་བ་མ་ཡིན་པར་ཡང་མ་ཡིན་ནོ། །ཚུལ་ཁྲིམས་དང་། ལེན་པ་དང་། བརྩོན་འགྲུས་དང་། དགའ་བ་དང་། ལེ་ལོ་ཡང་དག་པར་འདུལ་བ་མ་ཡིན་ནོ། །ཆགས་པ་སེལ་བ་དང་། ཤེས་རབ་མ་ཡིན་ནོ། །འཆལ་པའི་ཤེས་རབ་མ་ཡིན་
ནོ། །ལྟུང་བ་མ་ཡིན་ནོ། །ལྟུང་བ་མེད་པ་དང་གཡོ་བ་ཡང་དག་པར་འདུ་བ་མ་ཡིན་ནོ། །ཐོབ་པ་མ་ཡིན་ནོ། །ཐོབ་པ་མེད་པ་དང་གཡོ་བ་མ་ཡིན་ནོ། །འཇིག་རྟེན་གྱི་དང་། འཇིག་རྟེན་ལས་འདས་པ་དང་། རྣམ་པར་དཔྱོད་པ་དང་། གཡོ་བ་ཡང་དག་
པར་འདུ་བ་མ་ཡིན་ནོ། །གནས་ལ་རྣམ་པར་རྟོག་པའི་ལམ་མ་ཡིན་ནོ། །འདོད་པའི་ཡོན་ཏན་ལྔ་རྣམས་དང་། གཟུགས་དང་གཟུགས་མེད་པའི་ཁམས་དང་། ཕུང་པོ་ནི་བླང་བ་མེད་པ་མང་པོ་ལྟ་བུའི་མཚན་ཉིད་བསྡུ་བའི་མཚན་མ་
ཡིན་ནོ། །ཕུང་པོ་དང་ཁམས་དང་སྐྱེ་མཆེད་ལ་ལྟ་བ་དང་། གཡོ་བ་ཡང་དག་པར་འདུ་བ་མ་ཡིན་ནོ། །ལྟ་བ་ཐམས་ཅད་ནི་གཉིས་སུ་མེད་པའོ། །སྟོང་པའོ། །རྫས་མེད་པའོ། །བརྗོད་དུ་མེད་པའོ་འདི་ལྟ་སྟེ་དཔེར་ན་མེ་ལོང་གི་དཀྱིལ་འཁོར་ལ་བཞིན་གྱི་དཀྱིལ་འཁོར་
སྣང་བ་ཡང་བཞིན་གྱི་དཀྱིལ་འཁོར་དེ་ཕུང་པོས་བསྐྱེད་པ་མ་ཡིན། ཁམས་ཀྱིས་བསྐྱེད་པ་མ་ཡིན། སྐྱེ་མཆེད་ཀྱིས་བསྐྱེད་པ་མ་ཡིན་གྱི་ཚུལ་གཅིག་སྟེ། ཡི་གེ་མེད་ཅིང་བརྗོད་དུ་མེད་པ་དེ་བཞིན་དུ་རིགས་ཀྱི་བུ་འཕགས་པ་དང་། འཕགས་པ་མ་
ཡིན་པ་དང་། འཇིག་རྟེན་གྱི་དང་། འཇིག་རྟེན་ལས་འདས་པ་གང་ཡང་རུང་སྟེ། དེ་དག་ཐམས་ཅད་ནི་ཕུང་པོས་བསྐྱེད་པ་མ་ཡིན། ཁམས་ཀྱིས་བསྐྱེད་པ་མ་ཡིན། སྐྱེ་མཆེད་ཀྱིས་བསྐྱེད་པ་མ་ཡིན་ཏེ། ལྟ་བ་ཐམས་ཅད་ནི་བརྗོད་དུ་མེད་ཅིང་ཡི་གེ་མེད་པ་
འོ། །རིགས་ཀྱི་བུ་འདི་ལྟ་སྟེ་དཔེར་ན་ཉི་མའི་རྐྱེན་གྱིས་སྨིག་རྒྱུ་བ་སྣང་བར་འགྱུར་བ་ཡང་། སྨིག་རྒྱུ་བ་ཕུང་པོ་ལ་གནས་པ་མ་ཡིན། ཁམས་ལ་གནས་པ་མ་ཡིན། སྐྱེ་མཆེད་ལ་གནས་པ་མ་ཡིན་པ་དེ་བཞིན་དུ་རིགས་ཀྱི་བུ་འཕགས་པ་དང་། 
འཕགས་པ་མ་ཡིན་པ་དང་། འཇིག་རྟེན་གྱི་དང་། འཇིག་རྟེན་ལས་འདས་པའི་ལྟ་བ་གང་ཡང་རུང་སྟེ། ལེན་པ་དང་བཅས་པ་གཏི་མུག་གིས་རྣམ་པར་བསྒྲུབས་པའི་རྐྱེན་གྱིས་བརྗོད་དུ་མེད་པ་ཡི་གེ་མེད་པའོ། །དོན་འདི་དག་ནི་བཅོམ་ལྡན་འདས་ཀྱིས་

62-1-163b

གསུངས་ཏེ། དེ་ལ་འདི་སྐད་ཅེས་བྱའོ། །རྐྱེན་གྱིས་རྣམས་ནི་རྐྱེན་བཅུ་སྟེ། །ལྟ་བ་སྐྱེད་པ་མཁས་པ་ཡིན། །ཆོས་རྣམས་སྟོང་པར་མི་ཤེས་ཏེ། །ལོག་པར་ལྟ་བའི་སྤྱོད་ཡུལ་ལོ། །ལྟ་བ་དག་ནི་བརྗོད་མེད་ཅིང་། །ཡི་གེ་ཡོད་པ་མ་ཡིན་པས། །དུས་གསུམ་མཉམ་
པ་ཉིད་དག་ནི། །ལྟ་བའི་གཟུགས་ཀྱི་ལྟ་མ་ཡིན། །བཅུ་གསུམ་རྐྱེན་ལ་རག་ལས་པ། །ཆོས་ཉིད་ཐ་དད་མ་ཡིན་ཏེ། །མཉམ་པ་ཉིད་དང་འགལ་མེད་ལ། །ལྟ་བ་སྐྱེད་ཅིང་རྟོག་པར་བྱེད། །ལྟ་བའི་ལེན་པ་སྨིག་རྒྱུ་འདྲ། །ཐ་དད་མ་ཡིན་ཡི་གེ་མེད། །བྱིས་པ་
དཀའ་བ་བྱེད་པ་དག །ཀུན་ཏུ་རྟོག་པར་བྱིན་གྱིས་རློབ། །རྐྱེན་གྱི་རྣམ་པ་བཅུ་གསུམ་མཉམ། །ཆད་མེད་རྟག་པ་མེད་པ་ཡི། །རྣམ་པར་ཐར་གསུམ་རྣམས་སྒོམ་པས། །མཁས་པ་འགལ་བར་མི་བྱེད་དོ། །ལྟ་བ་ཐམས་ཅད་རྒྱུ་བ་མེད། །མཚན་མ་མེད་པས་
བསྐྱེད་པ་སྟེ། །ཇི་ལྟར་གཟུགས་རྣམས་མེ་ལོང་ལ། །དེ་ལྟར་ཆོས་ཀྱི་ཆོས་ཉིད་དོ། །ཆོས་རྣམས་ཐམས་ཅད་ཚུལ་གཅིག་སྟེ། དབེན་པ་སྟོང་པ་ཉིད་ལ་གནས། །མཁས་པ་ལྟ་བ་ཐམས་ཅད་ཀྱི། ཀུན་ནས་ལྡང་ལ་མི་རྟོག་གོ། །རིགས་ཀྱི་བུ་དེ་ལ་ཚུལ་ཁྲིམས་
ཀྱི་ལེན་པ་གང་ཞེ་ན། གང་ཅུང་ཟད་ཚུལ་ཁྲིམས་དང་། དཀའ་ཐུབ་དང་། བརྟུལ་ཞུགས་དང་། ཚངས་པར་སྤྱོད་པ་སྙེམས་ཤིང་རྣམ་པར་དམིགས་ཏེ། གནས་ལ་མངོན་པར་ཆགས་པ་དེ་དག་ཐམས་ཅད་ནི་ལུས་དང་ངག་དང་། ཡིད་ཀྱི་ལས་རྣམ་པར་གཞིག་པའི་
དོན་གྱི་ཕྱིར་འཁོར་བ་ལས་བསྒྲལ་བའི་དོན་གྱི་ཕྱིར། ཁམས་གསུམ་ལས་འབྱུང་བའི་དོན་གྱི་ཕྱིར། དེ་དང་དེར་ལུས་ལ་གནོད་པ་དང་། ལྡན་པའི་རྗེས་སུ་སྦྱོར་བ་དང་། སྡོམ་པ་དང་། སྡོམ་པ་མ་ཡིན་པ་ལ་སྦྱོར་བ་འདི་ནི་ཚུལ་ཁྲིམས་ཀྱི་ལེན་པའོ། །རིགས་
ཀྱི་བུ་དེ་ལ་གང་ལུས་ལ་གནོད་པ་དང་ལྡན་པ་ལ་འཇུག་པ་དག་ནི་ཚོར་བ་གསུམ་འདྲེས་པར་བྱེད་པ། འཕགས་པ་མ་ཡིན་པ། དོན་མ་ཡིན་པ་དང་ལྡན་པ་འདི་ཉིད་བདེན་གྱི། གཞན་ནི་གཏི་མུག་གོ་སྙམ་པ་ནི་ལུས་ཀྱི་ཚུལ་ཁྲིམས་སྙེམས་པའོ། །དེ་ཅིའི་ཕྱིར་
ཞེ་ན། ལུས་འདི་ནི་གཡོ་བ་མེད་པ། འགྱུར་བ་མེད་པ་ཉོན་མོངས་པ་ཐམས་ཅད་དང་མ་འདྲེས་པའི་ཕྱིར་རོ། །རིགས་ཀྱི་བུ་འདི་ལྟ་སྟེ་དཔེར་ན་ཆུ་ཀླུང་གང་གཱའི་བྱེ་མ་ནི་གཡོ་བ་མེད་ཅིང་འགྱུར་བ་མེད་པ་སྟེ། འོན་ཀྱང་རླུང་གི་རང་བཞིན་གྱིས་འདྲིལ་བ་དེ་

62-1-164a

བཞིན་དུ་ཆེན་པོ་བཞི་ལས་གྱུར་པའི་ལུས་ཀྱང་གཡོ་བ་མེད་ཅིང་འགྱུར་བ་མེད་པ་སྟེ། འོན་ཀྱང་གློ་བུར་གྱི་རེག་པའི་རྐྱེན་ཉེ་བར་ལེན་པ་དང་བཅས་པ་སྟེ། ལུས་དེ་ལ་གནོད་པ་དང་འབྲེལ་པ་སྣ་ཚོགས་ལ་འདི་ལྟ་སྟེ། ཞགས་པ་འཐུབ་པ་དགུ་
བཅུ་རྩ་ལྔའི་སེམས་ཅན་ལ་སོགས་པ་མཆོག་དམ་པར་སྦྱོར་རོ། །གང་དུས་གསུམ་གྱི་ལུས་དང་ངག་དང་། ཡིད་ཀྱི་འདུ་བྱེད་ལ་སྙེམས་པ་དང་། གང་ཚུལ་གཅིག་པ་མཉམ་པ་ཉིད་མི་ཤེས་ཤིང་ལུས་དང་ངག་དང་ཡིད་སྡོམ་པའི་ངལ་བ་མི་སྐྱེད་པ་
འདི་ཡང་ཟག་པ་དང་བཅས་ཤིང་ཉེ་བར་ལེན་པ་དང་བཅས་པའི་འདུ་བྱེད་ཀྱི་སྡུག་བསྔལ་བཟོད་པ་འཁྲུགས་པར་བྱེད་པའོ། །རིགས་ཀྱི་བུ་དེ་ལ་ཚུལ་གཅིག་པ་མཉམ་པ་ཉིད་ཀྱི་བཟོད་པ་བསྒོམ་པ་གང་ཞེ་ན། གང་སྡོམ་པ་གསུམ་རྡུལ་
ཙམ་ཡང་མི་སྐྱེད་པ་འདི་ནི་ཚུལ་གཅིག་པ་མཉམ་པ་ཉིད་ཀྱི་བཟོད་པ་བསྒོམ་པའོ། །གང་འདི་ལ་ཉེ་བར་ལེན་པ་དང་བཅས་པའི་སྡོམ་པ་གསུམ་གྱི་འདུ་ཤེས་སྙེམས་པ་འདི་ཡང་ཟག་པ་དང་བཅས་ཤིང་ཉེ་བར་ལེན་པ་དང་བཅས་པའི་འདུ་
བྱེད་ཀྱི་སྡུག་བསྔལ་བཟོད་པ་འཁྲུགས་པར་བྱེད་པའོ། །གང་འདི་ལ་དུས་གསུམ་རོ་གཅིག་ཅིང་ཐ་མི་དད་པ་དང་། སྡོམ་པ་གསུམ་གྱི་སྐྱེད་པ་དང་། རྒྱུ་བ་མེད་པ་དང་། ཀུན་ནས་ཉོན་མོངས་པ་མེད་པ་དང་། རྣམ་པར་བྱང་བ་མེད་པའི་
འདུ་བྱེད་རྣམས་ལ་རྣམ་པར་རྟོག་པ་འདི་ནི་ཚུལ་གཅིག་པ་མཉམ་པ་ཉིད་བསྒོམ་པའོ། །གང་ཡང་ཕ་རོལ་དུ་ཕྱིན་པ་དྲུག་པོ་མི་གཉིས་པའི་གནས་འདི་དག་ལ་གནས་སུ་དམིགས་པ་དང་། དངོས་པོར་དམིགས་པ་དང་། ཡེ་ཤེས་
འཕེལ་བར་རྟོག་པ་དང་། དུས་གསུམ་ཡང་དག་པར་བསྒྲུབས་པ་སྙེམས་པ་འདི་ཡང་དག་པ་དང་བཅས་ཤིང་ཉེ་བར་ལེན་པ་དང་བཅས་པའི་འདུ་བྱེད་ཀྱི་སྡུག་བསྔལ་བཟོད་པ་འཁྲུགས་པར་བྱེད་པའོ། །གང་ཕ་རོལ་དུ་ཕྱིན་པ་དྲུག་
པོ་འདི་དག་ལ་གཉིས་སུ་མེད་པའི་གནས་དང་། དུས་གསུམ་ཐ་མི་དད་པ་དང་། མི་སྐྱེ་བ་དང་མི་འགག་པ་དང་། ཆད་པ་མེད་པ་དང་། རྟག་པ་མེད་པ་དང་། འཕེལ་བ་མེད་པར་སྙེམས་པ་འདི་ནི་ཚུལ་གཅིག་པ་མཉམ་པ་ཉིད་ཀྱི་བཟོད་པ་བསྒོམ་

62-1-164b

པའོ།         ། བམ་པོ་བདུན་པ། གང་ཡང་ཉན་ཐོས་དང་། རང་སངས་རྒྱས་ཀྱི་ཐེག་པ་སྤངས་ཏེ་ཐེག་པ་ཆེན་པོ་བཙལ་ནས་རོ་མྱང་བའི་ཡོན་ཏན་ལ་མངོན་པར་ཆགས་ཤིང་རེག་ནས་སྣོད་དང་སྣོད་མ་ཡིན་པར་ཆར་འབེབས་པ་དང་། 
སྡོམ་པ་དང་སྡོམ་པ་མེད་པ་ལ་རྣམ་པར་རྟོག་པ་དང་། སེམས་ཅན་དང་སྲོག་དང་། སྐྱེ་བ་དང་། གསོ་བ་དང་། གང་ཟག་དང་། བྱེད་པ་པོ་དང་། བྱེད་དུ་འཇུག་པ་ལ་རྒྱུ་དང་རྐྱེན་དུ་དམིགས་པ་དང་། དགེ་བ་དང་མི་དགེ་བའི་འབྲས་བུ་ལ་གནས་
ཤིང་སྙེམས་པ་འདི་དག་ཀྱང་ཟག་པ་དང་བཅས་པ་ཉེ་བར་ལེན་པའི་འདུ་བྱེད་ཀྱིས་སྡུག་བསྔལ་ལ་བཟོད་པ་རྣམ་པར་འཇིག་པའོ། །གང་ཡང་ཉན་ཐོས་དང་། རང་སངས་རྒྱས་ཀྱི་ཐེག་པའི་དུས་གསུམ་གྱི་སྡོམ་པ་ལ་རྟོག་པ་མེད་
པ་དང་། རྣམ་པར་རྟོག་པ་མེད་པ་དང་། འཛིན་པ་མེད་པ་དང་། གཏོང་བ་མེད་པ་དང་། བསྐྱེད་པ་མེད་པ་དང་། བསྐྱུང་བ་མེད་པ་དང་། བླ་ན་མེད་པའི་ཐེག་པ་ཆེན་པོའི་དུས་གསུམ་གྱི་སྡོམ་པ་ལ་ཡང་རྟོག་པ་མེད་པ་དང་། རྣམ་པར་
རྟོག་པ་མེད་པ་དང་། འཛིན་པ་མེད་པ་དང་། གཏོང་བ་མེད་པ་དང་། བསྐྱེད་པ་མེད་པ་དང་། བསྐྱུང་བ་མེད་པ་དང་། ཚངས་པར་སྤྱོད་པའི་དངོས་པོ་ལ་དམིགས་པ་མེད་པ་དང་། འདུ་བྱེད་ཐམས་ཅད་ཀྱི་ཚིག་གི་ལམ་ལ་
སྙེམས་པ་མེད་པའི་མཚན་ཉིད་ལ་མི་དམིགས་པ་འདི་དག་ཀྱང་ཚུལ་གཅིག་གི་མཉམ་པ་ཉིད་ཀྱི་ཆོས་ཐམས་ཅད་མངོན་སུམ་དུ་འབྱུང་བ་མེད་པར་སྟོང་པར་སྟོན་པའི་བཟོད་པ་ཡོངས་སུ་རྫོགས་པ་ཡིན་ནོ། །འདི་ཡང་
ཚུལ་ཁྲིམས་ཉེ་བར་ལེན་པ་ལ་འབྱུང་བ་མེད་ཅིང་འགོག་པ་མེད་པར་བལྟའོ། །བཅོམ་ལྡན་འདས་ཀྱིས་བཟོད་པ་བསྒོམ་པའི་དོན་དུ་གསུངས་པ་དེ་ནི་འདི་སྐད་བརྗོད་དོ། །རིགས་དང་མི་རིགས་ཞུགས་པ་རྣམས། །
འདུ་བྱེད་རྟག་པའི་བློ་གྲོས་ཏེ། །ཚུལ་ཁྲིམས་བརྟུལ་ཞུགས་བྱིན་བརླབས་ལས། །ཡོངས་སུ་འཁྱམས་པས་རབ་སྡུག་བསྔལ། །དངོས་པོ་མེད་པའི་ཕུང་པོ་རྣམས། །སྟོང་པའི་ཆོས་ལ་བྱེད་པ་མེད། །བདག་མེད་ཆོས་ལ་འཇུག་པ་རྣམས། །

62-1-165a

ཇི་ལྟར་བྱེ་མ་བཞིན་དུ་མཐོང་། །འདུ་བྱེད་རྣམས་ལ་སྙེམས་པ་ཡི། །བརྟུལ་ཞུགས་རྣལ་འབྱོར་སྤྱོད་ཀྱིས་མཐོང་། །འདི་ལ་སྙིང་རྗེ་བསྐྱེད་པས་ན། །སེམས་ཅན་བྱེ་བ་རྣམ་པར་འདུལ། །སྒྱུ་མ་སྨིག་རྒྱུ་རྨི་ལམ་དང་། །ལུས་
མེད་ཅིང་ནི་གནས་མེད་པ། །བདག་མེད་ཕུང་པོ་སྟོན་པ་དང་། །སྲོག་ཆགས་རྣམས་ལ་ཆོས་ཀྱང་སྟོན། །ཆོས་ཀུན་ཚུལ་གཅིག་བདག་མེད་པས། །སྟོང་པ་ཉིད་པས་སྐྱེ་འགོག་མེད། །སྲོག་ཆགས་རྣམས་ལ་བཟོད་པ་སྟོན། །རྟོག་པར་
རྣམ་རྟོག་ཐེ་ཙོམ་བཅད། །བཟོད་པ་མ་ནོར་དེ་བཞིན་ཉིད། །ཚུལ་ཁྲིམས་བརྟུལ་ཞུགས་སྙེམས་པ་ཡིས། །བཅིངས་པ་ཐམས་ཅད་གཅོད་པར་འགྱུར། །ཇི་ལྟར་མེ་མར་མུན་པ་ལ། །བྱུང་ནས་མུན་པ་བསལ་བ་ལ། །བཅིངས་པ་
ཐམས་ཅད་མཐོང་བ་བཞིན། །བཟོད་པ་ཉི་ཤུ་བས་པ་ཡིས། །མུན་ནག་དེར་ནི་རབ་ཞུགས་ཀྱང་། །དེ་ནི་སྲེད་པ་སྐྱེ་མི་འགྱུར། །བཟོད་པ་སྒོམ་ལ་དཔའ་བ་ཡིས། །སྲེད་པ་ཐམས་ཅད་ཟད་པར་བྱེད། །འཁོར་བ་ན་ནི་ཡུན་རིང་པོར། །
འཁོར་བར་གྱུར་པའི་མི་རྣམས་ཀྱང་། །སྲེད་པ་ལས་ནི་རྣམ་པར་གྲོལ། །དེ་དག་མྱ་ངན་འདས་པ་ནི། །བགྲང་བར་ཡང་ནི་མི་ཆོག་སྟེ། །མཚོན་ཆ་ཤིན་ཏུ་བསླབས་པས་ན། །དགྲ་རྣམས་ཀུན་ལ་འཇིགས་པ་མེད། །བཟོད་པ་ཤིན་དུ་
བསྒོམས་པ་དེས། །ཉོན་མོངས་ཐམས་ཅད་རབ་ཏུ་འཇོམས། །རིགས་ཀྱི་བུ་དེ་ལ་བདག་ཏུ་སྨྲ་བའི་ཉེ་བར་ལེན་པ་གང་ཞེ་ན། བདག་ནི་རང་བཞིན་གྱིས་མེད་པ་ཡིན་མོད་ཀྱི། འོན་ཀྱང་འདོད་པའི་ཡོན་ཏན་ལྔ་ལ་བདག་དུ་སྨྲ་བས་རྨོངས་
ནས་བདག་སྐྱེད་དེ། མིག་ནི་བདག་དུ་རབ་དུ་ཤེས། མིག་གི་རྣམ་པར་ཤེས་པ་ཡང་བདེ་བ་དང་སྡུག་བསྔལ་ལ་འཇུག་པ་སྐྱེ་བ་ལ་མངོན་པར་ཆགས་པར་བྱེད་པ་ནས། ཡིད་བདག་ཏུ་རབ་ཏུ་ཤེས་ཤིང་ཡིད་ཀྱི་རྣམ་པར་ཤེས་པ་བདེ་
བ་དང་སྡུག་བསྔལ་ལ་འཇུག་པ་སྐྱེ་བ་ལ་མངོན་པར་ཆགས་པར་བྱེད་པའི་བར་དུ་འདི་དག་ནི་བདེན་གྱི་གཞན་ནི་གཏི་མུག་སྙམ་པའོ། །དེ་ཅིའི་ཕྱིར་ཞེ་ན། སྐྱེ་མཆེད་དྲུག་རང་གི་ཡུལ་ལས་བདེན་པ་སྟེ། རིགས་ཀྱི་བུ་མིག་ནི་འདི་ལྟར་བདག་ནི་བདག་མ་

62-1-165b

ཡིན་ཏེ། བདག་བདག་གི་མ་ཡིན་པས་འདི་ལྟར་བདག་ནི་བདག་གིས་བསྐྱེད་པར་མི་འགྱུར་ཞིང་། བདག་གང་ཡིན་པ་བདག་གི་འང་ཡིན་ཏེ། བདག་དང་བདག་གི་མིག་ཡིན་ནོ། །དེ་ལྟར་མིག་ཀྱང་བདག་ཡིན་པར་རྣམ་པར་ཤེས་པ་བསྐྱེད་ནས་
ལུས་ཀྱི་རེག་པའི་བར་དུ་ཤེས་པར་བྱའོ་སྙམ་པ་མི་སེམས་ཏེ། འོན་ཀྱང་མིག་གིས་གཟུགས་མ་བསྐྱེད་དེ། སྒྲས་ཀྱང་རྣ་བ་མ་བསྐྱེད་པ་ནས། ལུས་ཀྱིས་རེག་པའི་བར་དུ་མ་བསྐྱེད་དེ། རེག་པས་ལུས་མ་བསྐྱེད། མིག་གིས་གཟུགས་མ་སྐྱེད་
དེ་མིག་གིས་གཟུགས་དང་། ཚོར་བ་དང་། འདུ་ཤེས་དང་། འདུ་བྱེད་རྣམས་མ་བསྐྱེད་དེ། མིག་གིས་མིག་གི་རྣམ་པར་ཤེས་པ་ཡང་མ་བསྐྱེད། མིག་གི་རྣམ་པར་ཤེས་པས་ཀྱང་མིག་མ་བསྐྱེད་དེ། ཡང་མིག་གིས་རྣ་བའི་ཡུལ་རབ་ཏུ་མི་ཤེས་ཏེ། 
རྣ་བས་ཀྱང་མིག་གི་ཡུལ་རབ་ཏུ་མི་ཤེས་པ་ནས། ཡིད་ཀྱིས་ཆོས་ཀྱི་ཡུལ་རབ་ཏུ་མི་ཤེས་ཏེ། ཆོས་ཀྱིས་ཀྱང་ཡིད་ཀྱི་ཡུལ་རབ་ཏུ་མི་ཤེས་སོ། །སྐྱེ་མཆེད་འདི་དག་ཐམས་ཅད་ནི་འདོད་པའི་ཡོན་ཏན་ལྔ་དང་། ཕུང་པོ་ལྔ་རྣམས་ཀྱི་རྒྱུ་
དང་རྐྱེན་ལ་དམིགས་པའི་ངོ་བོ་ཉིད་ལས་ཕྱི་དང་ནང་གི་ཕུང་པོ་དང་། སྐྱེ་མཆེད་འདི་དག་ཐམས་ཅད་ནི་གཅིག་ལ་གཅིག་རྣམ་པར་རྟོག་པའི་རྒྱུས་སྟོང་པར་འགྱུར་ཏེ། འདོད་པའི་ཡོན་ཏན་ལྔ་དང་ཕུང་པོ་ལྔ་རྣམས་གཅིག་ལ་
གཅིག་རྒྱུ་དང་རྐྱེན་དུ་དམིགས་ཤིང་། རྣམ་པར་རྟོག་པའི་ངོ་བོ་ཉིད་ཀྱིས་གཅིག་གིས་གཅིག་སྟོང་སྟེ། གང་ནང་གི་ཕུང་པོ་དང་། སྐྱེ་མཆེད་རྣམས་ནི་གཅིག་གི་ཡུལ་དུ་གཅིག་མི་འགྱུར་ཏེ། དེ་བཞིན་དུ་ནང་དང་ཕྱིའི་དངོས་པོར་
མ་ཡིན་ཏེ། ཕྱིའི་ཡང་ནང་གི་ཕུང་པོ་དང་སྐྱེ་མཆེད་རྣམས་ཡུལ་དུ་མི་འགྱུར་རོ། །དེ་ལྟར་ཕྱི་དང་ནང་གི་དངོས་པོ་ཐམས་ཅད་གཅིག་གི་ཡུལ་གཅིག་མ་ཡིན་ཞིང་། གཅིག་ལ་གཅིག་རྒྱུ་དང་རྐྱེན་དུ་དམིགས་ཤིང་རྣམ་པར་རྟོག་པའི་ཡུལ་དུ་མི་
འགྱུར་མོད་ཀྱི། འོན་ཀྱང་སྲིད་པའི་ཚུལ་དུ་སྟོན་ཏེ། དེ་ཡང་སྒྱུ་མའི་ཚུལ་ལོ། །སྒྱུ་མའི་ཚུལ་གང་ཡིན་པ་དེ་ནི་དེ་བཞིན་ཉིད་མ་ཡིན་ནོ། །གང་དེ་བཞིན་ཉིད་ཀྱི་ཚུལ་མ་ཡིན་པ་དེ་ནི་མེད་དེ། གང་མེད་པ་དེ་ལ་ནི་སྐྱེ་བ་མེད་དོ། །གང་སྐྱེ་བ་མེད་པ་དེ་ནི་འགག་

62-1-166a

པ་མེད་དེ་རིགས་ཀྱི་བུ་ཆོས་ཐམས་ཅད་ལ་ནི་སྐྱེ་བ་དང་འགག་པ་མེད་དོ། །འོན་ཀྱང་བྱིས་པ་སོ་སོའི་སྐྱེ་བོ་ཐམས་ཅད་ནི་དཀའ་བར་བྱེད་པ་སྟེ། གང་ལ་བདག་མེད་པ་དེ་སྐྱེད་ཅིང་དེ་ལྟར་མི་དགེ་བའི་རྒྱུ་དང་རྐྱེན་ལ་དམིགས་ནས་
གཟུགས་བསྐྱེད་ནས་ཐར་པ་དེ་ལས་ཡོངས་སུ་འཁྱམས་ནས་ངན་སོང་དུ་ཡུན་རིང་པོར་མི་འདོད་པའི་འབྲས་བུ་སོ་སོར་མྱོང་བར་འགྱུར་རོ། །རིགས་ཀྱི་བུ་འདི་ལྟ་སྟེ་དཔེར་ན་ཤིང་ནི་མེ་མ་ཡིན་ལ་ཤིང་ལ་མེ་ཡང་མེད་དེ། ཤིང་དང་མེར་
འདྲེས་པ་ཡང་མ་ཡིན་མོད་ཀྱི། འོན་ཀྱང་མེ་འདོད་པའི་མི་ཞིག་གིས་ལག་པ་གཉིས་ཀྱིས་ཤིང་ལ་ཤིང་སྦྱར་བ་དང་དེ་ལས་མེ་ཕྱུང་ནས་ཤིང་དེ་ཉིད་ཚིག་པར་འགྱུར་རོ། །རིགས་ཀྱི་བུ་དེ་བཞིན་དུ་ཕྱི་ནང་གི་དངོས་པོ་དེ་དག་ཐམས་ཅད་
ཀྱང་གཅིག་གིས་གཅིག་སྟོང་ཞིང་གཅིག་གི་ཡུལ་གཅིག་མ་ཡིན་ལ། ཚུལ་གཅིག་ཅིང་བདག་མེད་དེ། སྟོང་མོད་ཀྱི་འོན་ཀྱང་བྱིས་པ་སོ་སོའི་སྐྱེ་བོ་དཀའ་བ་བྱེད་པ་རྣམས་ཀྱིས་བདག་མེད་པའི་ཆོས་སྟོང་པ་ལ་ཆགས་ནས། 
ཕན་ཚུན་ནས་བསྡུས་པས་ན་ལོག་པར་སྤྱོད་པ་གསུམ་གྱི་རྒྱུ་དང་རྐྱེན་བསྐྱེད་དེ། རྒྱུ་དང་རྐྱེན་དེས་ངན་སོང་གསུམ་དུ་མི་འདོད་པའི་འབྲས་བུ་སོ་སོར་མྱོང་ནས་འཁོར་བ་ན་ཡུན་རིང་པོར་འཁོར་བར་འགྱུར་རོ། །འོན་ཀྱང་གང་
ཕྱི་ནང་གི་ཆོས་ཐམས་ཅད་ཀྱི་ངོ་བོ་ཉིད་བདག་མེད་ཅིང་སྟོང་པར་རབ་ཏུ་ཤེས་པ་དེ་དག་ནི་ཡང་དག་པར་སྤྱོད་པའི་ཚུལ་གྱིས་བཟོད་པ་འདི་ཡོངས་སུ་རྫོགས་ནས་མྱུར་དུ་བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་
འཚང་རྒྱའོ། །བཅོམ་ལྡན་འདས་ཀྱིས་དོན་འདི་བསྡུས་ཏེ་གསུངས་པ་དེ་ལ་འདི་སྐད་ཅེས་བཀའ་སྩལ་ཏོ། །བདག་དང་བདག་གིས་བྱིན་བརླབས་པས། །འདོད་པའི་ཡོན་ཏན་ལྔ་ལ་ཆགས། །མིག་ནི་བདག་ཏུ་རབ་ཏུ་ཤེས། །རྣ་བ་སྣ་དང་
དེ་ལྟར་ཡིད། །བདེ་དང་སྡུག་བསྔལ་རབ་ཏུ་ཤེས། །འདུ་བྱེད་ཀུན་ལ་སྙེམས་པས་ན། །ངན་སོང་རྣམས་ཀྱང་རབ་ཏུ་བསྐྱེད། །དེ་བས་དེ་དག་དཀའ་བར་བྱེད། །ཆོས་རྣམས་འདི་དག་བྱེད་མེད་པ། །སྤྲོས་མེད་ཡི་གེ་མེད་པ་སྟེ། །ཇི་ལྟར་འཇིགས་པའི་མེ་ལས་

62-1-166b

ནི། །ངན་སོང་རྣམས་ནི་བསྐྱེད་པར་འགྱུར། །འདིར་ཚོགས་གནས་པ་ཇི་སྙེད་པ། །དགེ་བ་ཁྱེད་ལ་བརྗོད་པར་བྱ། །ཆོས་རྣམས་ཀུན་གྱི་དེ་ཉིད་ལ། །བསྒོམས་ལ་བཟོད་པ་རྟོགས་པར་བྱོས། །འདུ་བྱེད་རྣམས་ལ་རྒྱུ་མེད་དེ། །བདག་གི་རང་བཞིན་
མེད་པས་ན། །ལས་ཀྱི་རྒྱུ་དང་རྐྱེན་རྣམས་ཀྱང་། །གཅིག་ནས་གཅིག་ཏུ་མི་ཤེས་སོ། །ཕྱི་རོལ་དང་ནི་ནང་རྣམས་ཀྱི། །ཆོས་རྣམས་ཀུན་ལ་བདག་མེད་དེ། །ཟབ་ཅིང་ཞི་བའི་ཆོས་ཉིད་ནི། །བུས་པ་འདིས་ནི་མི་ཤེས་སོ། །ཇི་ལྟར་
ནམ་མཁའི་ཆོས་རྣམས་ལ། །ཐམས་ཅད་ཉེ་བར་རྟོག་པ་མེད། །མཚན་དང་མཚན་མ་མེད་པ་ཡི། །དེ་བཞིན་བཟོད་པ་རྣམ་པར་བསྒོམ། །ཕྱི་རོལ་དང་ནི་ནང་དག་གི། །ནམ་མཁའ་ལ་ནི་སྙེམས་པ་མེད། །སྟོང་པའི་བཟོད་པ་དེ་
བསྒོམས་པ། །དེ་བཞིན་འདུ་བྱེད་བལྟ་བར་བྱ། །སངས་རྒྱས་ཐམས་ཅད་མཐོང་བ་ནི། །ཐམས་ཅད་ཆོས་ལ་གཏི་མུག་མེད། །དགེ་བ་དྲན་ལྡན་འགྱུར་བ་དག །གང་ནི་དེ་བཞིན་བཟོད་པ་བསྒོམ། །ཆོས་ཀྱི་སྦྱིན་པ་ཅུང་ཟད་ཀྱང་། །
ཀུན་དུ་འཛིན་ཅིང་མཐོང་བ་མེད། །དེ་ལྟར་བཟོད་པ་གང་སྒོམ་པ། །སྙིང་པོ་ལ་ནི་གནས་ཤེས་བྱ། །ཉེ་བར་ལེན་པའི་རྐྱེན་གྱིས་ཀྱང་སྲིད་པ་རྟོགས་ཏེ་ཉེ་བར་ལེན་པ་འདི་བཞི་ནི་སྐད་ཅིག་མའོ། །དེ་ལ་སྐྱེ་ཞིང་འགག་པའི་ཉེ་བར་ལེན་པའི་སྐད་
ཅིག་མ་གཉིས་པོས་ནི་སྲིད་པ་ཉེ་བར་སྐྱེད་དོ། །སྲིད་པ་གསུམ་ནི་འདོད་པའི་སྲིད་པ་དང་། གཟུགས་ཀྱི་སྲིད་པ་དང་། གཟུགས་མེད་པའི་སྲིད་པའོ། དེ་ལ་འདོད་པའི་སྲིད་པ་ནི་སེམས་ཅན་རྣམས་ལ་རྣམ་པར་སླུ་བ་སྟེ། སེམས་
ཅན་དམྱལ་བ་ཆེན་པོ་བརྒྱད་དང་། བྱོལ་སོང་དང་། ཡི་དགས་དང་། གླིང་ཆེན་པོ་བཞི་དང་། འདོད་པ་ན་སྤྱོད་པའི་ལྷའི་གནས་དྲུག་པོ་འདི་དག་ནི་གླིང་བཞི་པའི་འདོད་པའི་སྲིད་པ་ཞེས་བྱའོ། །གཟུགས་ཀྱི་སྲིད་པ་ནི་གཟུགས་ལ་སྤྱོད་
པའི་ལྷའི་གནས་བཅུ་དྲུག་སྟེ། འདི་ནི་གཟུགས་ཀྱི་སྲིད་པ་ཞེས་བྱའོ། །དེ་ལ་གཟུགས་མེད་པའི་སྲིད་པ་ནི་གཟུགས་མེད་པ་ལ་སྤྱོད་པའི་ལྷའི་གནས་བཞི་སྟེ། འདི་ནི་གླིང་བཞི་པའི་གཟུགས་མེད་པའི་སྲིད་པ་ཞེས་བྱའོ། །དེ་ལ་

62-1-167a

རིགས་ཀྱི་བུ་གང་རྒྱུ་དང་རྐྱེན་ལ་དམིགས་ནས་ངན་སོང་གསུམ་དུ་སྲིད་པ་དེ་ནི་གཅིག་ཏུ་ཚུལ་བཞིན་མེད་པའི་ཡིད་ལ་བྱེད་པ་ཟག་པ་དང་བཅས་པ་འདོད་པའི་ཡོན་ཏན་ལྔ་ལ་སྙེམས་པ་འདི་ལ་སྲིད་པ་འབྱུང་བར་འགྱུར། 
གང་ཡང་གཟུགས་ཀྱི་ཁམས་ཀྱི་གནས་གཞན་བཅུ་གཅིག་གི་སྲིད་པ་འབྱུང་བ་དེ་ཡང་ཟག་པ་དང་བཅས་པ་དགེ་བའི་རྒྱུའི་སྲིད་པ་སྟེ། གང་འདི་ལ་གཟུགས་ཀྱི་ཁམས་ཀྱི་གནས་གཞན་ལྔའི་སྲིད་པ་འབྱུང་བའི་རྒྱུ་དེ་དགེ་བ་ལ་
དམིགས་པའི་རྒྱུ་བཟོད་པ་ལ་དམིགས་པའི་དངོས་པོ་རྣམས་དང་པོ་ནས་ས་བདུན་པའི་བར་དུ་དེ་ལ་སྐྱེ་བར་འགྱུར་རོ། །གང་ཡང་གཅིག་ཏུ་དགེ་བའི་རྒྱུ་སྟོང་པ་ཉིད་སྒོམ་པའི་ཕྱིར་བཟོད་པ་ཡོངས་སུ་རྫོགས་པ་ནི་ས་བརྒྱད་པ་དང་། 
ས་དགུ་པ་དང་། ས་བཅུ་པ་གཅིག་ཏུ་དགེ་བའི་རྒྱུ་དེ་ལ་སྲིད་པ་འབྱུང་བར་འགྱུར། འདི་ནི་དགེ་བ་དང་མི་དགེ་བའི་རྒྱུས་གཟུགས་ཀྱི་དངོས་པོ་མངོན་པར་འབྱུང་བ་དེ་བཞིན་དུ་ཉོན་མོངས་པའི་རྙོག་པ་ལྔའི་སངས་རྒྱས་ཀྱི་སྲིད་པ་འབྱུང་
བ་རྣམ་པར་དག་པ་དང་། ཡང་སངས་རྒྱས་ཀྱི་ཞིང་གཅིག་གི་དགེ་བའི་རྒྱུའི་སྲིད་པ་འབྱུང་ངོ་། །དངོས་པོ་དང་། དངོས་པོ་མེད་པ་ཐམས་ཅད་བསྡུས་པ་དང་བྲལ་བ་འདི་ནི་བཟོད་པ་སྒོམ་པའོ། །དེ་ཅིའི་ཕྱིར་ཞེ་ན། ཇི་ལྟ་
བུར་དངོས་པོ་ཡོད་པ་དང་། དངོས་པོ་མེད་པའི་རང་བཞིན་ལ་རྟོག་པ་མེད་པ་དང་། རྣམ་པར་རྟོག་པ་མེད་པ་དང་། ཀུན་ནས་སྤྱོད་པ་མེད་པ་འདིའི་རྒྱུ་དང་རྐྱེན་ལ་དམིགས་པ་དང་། འདྲེས་པ་མེད་པ་དང་། འབྱུང་བ་
མེད་པ་དང་། འགོག་པ་མེད་པར་འགྱུར་རོ། །དེ་ལ་ཡང་ཇི་ལྟར་བྱང་ཆུབ་སེམས་དཔའ་ནམ་མཁའི་རང་བཞིན་དག་དངོས་པོ་ཐམས་ཅད་ལས་ལྡོག་པའི་འདུ་བྱེད་ཐམས་ཅད་དུས་གསུམ་ཀུན་དུ་སྤྱོད་པའི་བཟོད་པ་སྒོམ་པར་བྱེད་
པ་ནི་དངོས་པོ་དང་། དངོས་པོ་མེད་པ་ཐམས་ཅད་ཅེས་བྱའོ། །སངས་རྒྱས་ཀྱི་ཞིང་ཐམས་ཅད་ཀྱི་གནས་གཞན་ཆུའི་ཟླ་བ་དང་མཉམ་པར་མཐོང་བ་ནི་གཞན་གྱི་དྲིང་མི་འཇོག་པའི་གློག་མགྱོགས་པ་ཡིན་ནོ། །དུས་གསུམ་གྱི་དགེ་

62-1-167b

བའི་རྩ་བ་ཐམས་ཅད་ཀྱི་ཕྱི་མའི་མཐའི་ཡེ་ཤེས་ལ་མཁས་པར་འགྱུར་རོ། །རིགས་ཀྱི་བུ་ཉོན་མོངས་པའི་སངས་རྒྱས་ཀྱི་ཞིང་འདི་ལ་བྱང་ཆུབ་སེམས་དཔའ་པུན་འདའ་རི་ཀ་སྐྱེ་བར་འགྱུར་རོ། །སྙིང་རྗེ་ཆེན་པོས་བརྒྱན་པ་བརྟན་
པའི་བརྩོན་འགྲུས་ཡང་དག་པར་ལེན་པའི་ཕུང་པོ་ཐམས་ཅད་ལ་དམིགས་པ་མེད་པ། གཟུགས་ཐམས་ཅད་ལས་ཕྱིར་ལོག་པ། ཆོས་ཐམས་ཅད་འབྱུང་བ་དང་། ཟད་པ་ལ་གནས་པ་མེད་ཅིང་སྤྱོད་པ་མེད་དོ། །འདུ་བྱེད་ཐམས་ཅད་
ལ་ཡང་ཡིད་དང་། མཚན་མ་གཉིས་ཀ་འང་འབྱུང་བ་མེད་པར་འགྱུར་རོ། །གཉིས་ལྟ་བུ་མེད་པའི་དུས་གསུམ་ཐམས་ཅད་ལ་དམིགས་པ་མེད་པ་དང་། ཉོན་མོངས་པ་མེད་པའི་ཆོས་ཀྱི་དབྱིངས་དང་། ཡང་དག་པའི་མཐའ་མངོན་དུ་
བྱེད་པར་འགྱུར་རོ། །དངོས་པོ་གང་ལ་ཡང་འཕེལ་བ་དང་འབྲི་བར་རྣམ་པར་རྟོག་པར་འགྱུར་བ་འང་མེད། ཚད་མེད་པའི་སེམས་དང་ཡིད་གཉིས་རྣམ་པར་དམིགས་པ་དང་བྲལ་བ་ལ་འཇུག་པ་མེད་པ་དང་། དུས་གསུམ་ཐམས་
ཅད་ཀྱི་ཆོས་ཀྱི་དབྱིངས་ཚུལ་གཅིག་པར་རབ་ཏུ་ཤེས་སོ། །འདི་ལ་རིགས་ཀྱི་བུ་བྱང་ཆུབ་སེམས་དཔའི་གཟུགས་དང་ལྡན་པའི་ཆོས་ལ་གནས་ཤིང་དམིགས་པ་མེད་པ་དང་། ཆོས་ཐམས་ཅད་བདག་མེད་པ་དང་། གང་ཟག་
མེད་པའི་ཕྱིར་རྣམ་པར་ཤེས་སོ། །ཁམས་གསུམ་ཐམས་ཅད་ལ་བདག་པོ་མེད་པའི་དུས་གསུམ་ཐམས་ཅད་ལ་ང་རོ་དང་སྒྲ་དབྱངས་འབྱུང་བ་ལ་སོ་སོར་གནས་ཤིང་འབྱུང་བ་མེད་པར་འགྱུར། སྲིད་པ་ཐམས་ཅད་ཚུལ་གཅིག་གིས་
དངོས་པོ་མེད་པའི་ཀུན་གཞི་མེད་པ་དང་། རྒྱུ་དང་རྐྱེན་མེད་པ་རྟག་ཏུ་འདུ་བྱེད་ཐམས་ཅད་དང་བྲལ་བ་ལ་ཡང་རྟོག་པ་མེད་པ་དང་། རྣམ་པར་རྟོག་པ་མེད་པ་དང་། འབྱུང་བ་མེད་པ་དང་། འགོག་པ་མེད་ཅིང་མངོན་སུམ་དུ་མི་བྱེད་དོ། །ཉན་ཐོས་
དང་། རང་སངས་རྒྱས་ཀྱི་ཐེག་པ་ལ་ཡང་རྟོག་པ་མེད་པ་དང་། རྣམ་པར་རྟོག་པ་མེད་དོ། །སེམས་ཅན་རྣམས་ལ་འཁོར་བ་དང་འཆི་འཕོ་དམིགས་པ་མེད་དོ། །རྟག་པ་དང་ཆད་པ་སྤངས་པའི་བྱང་ཆུབ་ཀྱི་སེམས་སྙིང་རྗེ་ཆེན་པོ་ལ་དམིགས་པ་དོར་བ་མེད་

62-1-168a

པ་དང་། རྒྱུ་མེད་པ་ཐམས་ཅད་ཀུན་ནས་བསླང་བ་རྣམ་པར་སྤྱོད་པ་སྟོང་པར་ཁོང་དུ་ཆུད་པས་བཟོད་པ་སྒོམ་པར་བྱེད། དེ་ནས་སྲིད་པ་ཐམས་ཅད་རྣམ་པར་སྤྱོད་པ་སྟུག་པོ་གཏོང་བར་བྱེད། སངས་རྒྱས་ཀྱི་ཞིང་ཐམས་ཅད་ཀྱི་
གནས་གཞན་དག་ཆུའི་ཟླ་བ་དང་འདྲ་བར་མཐོང་བ་ནི་གཞན་གྱི་དྲིང་མི་འཇོག་པའི་གློག་མགྱོགས་པར་འགྱུར་རོ། དགེ་བའི་རྩ་བ་ཐམས་ཅད་དུས་གསུམ་གྱི་ཕྱི་མའི་མཐའི་ཡེ་ཤེས་ལ་མཁས་པར་འགྱུར་རོ། །འདི་ལྟ་སྡེ་དཔེར་ན་རིགས་
ཀྱི་བུ་མ་དྲོས་པའི་ཆུས་འཁོར་བའི་ཆུ་ཡོངས་སུ་ཟག་པའི་སའི་ཕྱོགས་ཡང་དག་པར་འཚོ་བའི་མིག་ཅེས་བྱ་བའི་མེ་ཏོག་ཆེན་པོ་མཆོག་ཏུ་བལྟ་ན་སྡུག་པའི་དྲི་ཞིམ་པོས་གང་བ། ཅུང་ཟད་ལྷ་དང་། ཀླུ་དང་གནོད་སྦྱིན་རྣམས་ཀྱི་ལུས་ཀྱི་ཉེས་པ་སྦོམ་
པར་འགྱུར་བ་དེ་ཡང་མ་དྲོས་པར་འགྲོ་ཞིང་དེ་ཡང་དག་པར་འཚོ་བའི་མིག་མེ་ཏོག་ཆེན་པོའི་སྨན་གྱི་དྲི་མ་སྣམས་པས་མིག་གི་ཉེས་པ་སྦོམ་པོ་ཐམས་ཅད་ཀྱི་ནད་དང་། ལུས་ཀྱི་ཉེས་པ་སྦོམ་པོའི་ནད་ཀྱིས་ཀྱང་དེ་ཡོངས་སུ་དག་པར་
འགྱུར་རོ། །མེ་ཏོག་ཆེན་པོའི་སྨན་གྱི་དྲིས་ཉམས་པ་མེད་པ་དང་། སྟོབས་མེད་པས་རྟོག་པ་མེད་པ་དང་། རྣམ་པར་རྟོག་པ་མེད་པ་དང་དགའ་བ་མེད་པ་དང་། ཁྲོ་བ་མེད་པ་འདི་ལ་དེ་བཞིན་དུ་དགའ་བ་ཡང་མེད་པར་འགྱུར་རོ། །བདག་འདི་ལྟར་
ཡོན་ཏན་དང་ལྡན་པས་སེམས་ཅན་རྣམས་ནད་རབ་ཏུ་ཞི་བ་དེ་བཞིན་དུ་རིགས་ཀྱི་བུ་སྙིང་རྗེ་ཆེན་པོ་དང་ལྡན་པའི་བྱང་ཆུབ་སེམས་དཔའ་སྒྲིབ་པ་མེད་པའི་ཡེ་ཤེས་སྟོང་པ་ཉིད་ཀྱི་བཟོད་པའི་གོ་སྐབས་འདོད་པར་འགྱུར། 
སྲིད་པ་ཐམས་ཅད་ཀྱི་དངོས་པོ་སྙིང་པོ་ལ་གནས་པ། འཆི་འཕོ་དང་སྐྱེ་བ་སྤྱོད་པ་ཤིན་དུ་འདོད་པར་འགྱུར། དེ་སྐྱེ་བ་སླུ་བར་བྱེད། གང་སྐྱེ་བ་སླུ་བར་བྱེད་པ་དེ་ཆོས་ཐམས་ཅད་སླུ་བར་བྱེད་གང་ཆོས་ཐམས་ཅད་སླུ་
བར་བྱེད་པ་དེ་ཐེག་པ་གསུམ་སྤྱོད་པའི་ལམ་ལ་འཇུག་པའི་སྟོབས་ཀྱི་རྗེས་སུ་ཐོབ་པ་སླུ་བར་བྱེད་དོ། །དེ་ཅིའི་ཕྱིར་ཞེ་ན། ཕུང་པོ་གཅིག་ནས་གཅིག་དུ་རྣམ་པར་སྤྱོད་པའི་བྱིན་གྱིས་བརླབས་པ་ལ་བྱིན་གྱིས་རློབ་པའང་མེད་གཅིག་

62-1-168b

ནས་གཅིག་ཏུ་ཡང་དག་པར་འདུ་བ་འང་མེད། བདག་གི་ཡུལ་ལ་གནས་པ་འང་མེད། གཅིག་ནས་གཅིག་ཏུ་གནས་ལ་འདུག་པ་འང་མེད། སྐད་ཅིག་མར་ཀུན་ཏུ་སྤྱོད་པ་འང་མེད། སྐད་ཅིག་མའི་རྒྱུད་ལ་གནས་པ་འང་མེད། དུས་གསུམ་
ཐམས་ཅད་ཀྱི་གཟུགས་དང་། གཟུགས་མེད་པ་དང་། ཚད་མེད་པ་དང་། མི་ཆུང་བའི་ཆོས་ཀྱང་མེད། གང་གཅིག་ནས་གཅིག་ཏུ་ཉེ་བར་ལེན་པ་དང་། བྱིན་གྱིས་རློབ་པ་དང་། འཇུག་པ་དང་། འཛིན་པ་དང་། འགེབས་པ་དང་། ཉམས་པ་
དང་། རབ་ཏུ་སྣང་བ་ནི་རིགས་ཀྱི་བུ་འདི་ལྟ་སྟེ་དཔེར་ན་ནམ་མཁའ་ལ་རླུང་སྐྱེ་བ་མེད་པ་དང་། བྱིན་གྱིས་བརླབས་པ་མེད་པ་ནས། རྣམ་པར་རྟོག་པ་མེད་པའི་བར་དུའོ། །ཡང་རླུང་ལ་ནམ་མཁའ་སྐྱེ་བ་མེད་པ་ནས་རྣམ་པར་རྟོག་པ་
མེད་པའི་བར་དུ་སྟེ། རིགས་ཀྱི་བུ་དེ་ལྟར་དེ་བཞིན་དུ་ཆོས་ཐམས་ཅད་ལ་གཅིག་ནས་གཅིག་ཏུ་ཆུང་ཟད་ཀྱང་སྐྱེ་བ་མེད་པ་ནས་རྣམ་པར་རྟོག་པ་མེད་པའི་བར་དུ་ཇི་ལྟར་ཆོས་ཐམས་ཅད་ལ་རྒྱུ་བ་མེད་པ་དང་། ཉེ་བར་སྤྱོད་པ་མེད་པ་དང་། 
ཐ་དད་པ་མེད་པ་དང་། སྣང་བ་མེད་པ་དང་། སྐྱེ་བ་མེད་པ་དང་། འགག་པ་མེད་པ་དང་། ཆད་པ་མེད་པ་དང་། རྟག་པ་མེད་པ་དང་། རྟོག་པ་མེད་པ་དང་། རྣམ་པར་རྟོག་པ་མེད་པ་དེ་ཐམས་ཅད་སྐྱེ་བར་མི་ཤེས་པ་དང་། ཉེ་བར་སྐྱེ་བ་མེད་པ་
དང་། རྗེས་སུ་སྐྱེ་བ་མེད་པ་དང་། བདག་པོར་རབ་ཏུ་མི་ཤེས་སོ། །ཇི་ལྟ་བུར་ནམ་མཁའ་ལ་རླུང་སྐྱེ་བ་དང་འགོག་པ་མེད་པ་དེ་ལྟར་དེ་བཞིན་དུ་ཕུང་པོ་རྣམས་སྐྱེ་བ་ཟད་པར་རབ་ཏུ་ཤེས་སོ་དེ་སྐྱེ་བ་དང་། ཡི་གེ་མེད་པ་ཐམས་ཅད་དང་། 
དངོས་པོ་མེད་པར་རབ་ཏུ་ཤེས་སོ། །དེ་ཆོས་ཐམས་ཅད་ཀྱི་རྗེས་སུ་སོང་བ་དང་། ཡང་དག་པར་སོང་བ་མི་ཤེས་པ་དང་། ཤིན་དུ་འདས་པ་གཅིག་ནས་གཅིག་ཏུ་རྣམ་པར་སྤྱོད་པར་ཡང་དག་པར་རྗེས་སུ་མི་མཐོང་ངོ་། །ཅི་ལ་ཡང་
ཆགས་པ་མེད་དོ། །བཏགས་པ་མེད་དོ། །བཏང་བ་མེད་དོ། །ཆོས་ཐམས་ཅད་ཐ་མི་དད་པར་ཡང་དག་པར་རྗེས་སུ་མི་མཐོང་ངོ་། །དེ་དུས་གསུམ་ཐམས་ཅད་ཀྱི་ཆོས་ཐམས་ཅད་ཀྱི་ཆོས་ཐམས་ཅད་གནས་པའི་སྒོ་སྐྱེ་བར་ཡང་དག་པར་རྗེས་སུ་མི་མཐོང་ངོ་། །

62-1-169a

གང་དེ་ལྟར་སྐྱེ་བ་དང་ལྟ་བ་བྲལ་བ་དེ་ཆོས་ཐམས་ཅད་གཞན་ལ་རག་མ་ལས་པའི་ཡེ་ཤེས་ཀྱི་མཛོད་ཀྱི་ཆོས་དང་ལྡན་པ་གཉིས་མངོན་དུ་མ་བྱུང་ཞིང་བདུད་བཞི་ལས་ཤིན་དུ་འདས་པ་དེ་ཆོས་ཐམས་ཅད་སོགས་པ་ཡང་དག་པར་རྗེས་སུ་མི་
མཐོང་ངོ་། །དེ་ཆོས་ཐམས་ཅད་དང་བྲལ་བས་ཁམས་གསུམ་ཐམས་ཅད་ཀྱི་སྐྱེ་བ་ལས་ཤིན་དུ་འདས་པ་ནི་ཡང་སྐྱེ་བ་མེད། འཁོགས་པ་མེད། འཆི་འཕོ་བ་མེད། འབྱུང་བ་ཡང་མེད་དོ། །ཞིང་ཐམས་ཅད་སྤྲིན་མགྱོགས་པ་
དང་མཉམ་པར་མཐོང་ཞིང་སེམས་ཅན་རྣམས་ཡོངས་སུ་སྨིན་པའི་ཕྱིར་ཉེ་བར་སོང་ངོ་། །རིགས་ཀྱི་བུ་དེ་ལྟར་བྱང་ཆུབ་སེམས་དཔའ་སྐྱེ་བ་ལས་ཤིན་དུ་བཟླ་བའི་ཕྱིར་ཡང་དག་པར་སྤྱོད་པའི་བཟོད་པ་བསྒོམ་པར་བྱའོ། །དེ་ལ་རིགས་
ཀྱི་བུ་གང་གཏི་མུག་སྐྱེ་བའི་རྐྱེན་གྱིས་རྒ་ཤི་ལ་རྟོག་པར་འགྱུར། སྐད་ཅིག་མ་དང་ལྡན་པའི་སྐྱེ་བས་རྒལ་བ་ལ་འཚེ་བར་བྱེད། །སྐྱེས་བུ་གཏི་མུག་པ་འདིའི་འདུ་བྱེད་རྣམས་ཕྱི་དང་ནང་གི་སླུ་བ་དང་། གཞན་ཡང་གཉིས་སུ་མེད་པའི་ཚོར་བ་
ཇི་སྙེད་པ་རྣམ་པར་ཤེས་པས་རྒ་ཤི་དང་བྲལ་བ་ནས་འཁྲུག་པ་དང་བྲལ་བའི་བར་དུ་རྟོག་པ་མེད། རྣམ་པར་རྟོག་པ་མེད་ཅིང་སླུ་བ་མེད་པ་དེ་ལྟར་དེ་བཞིན་དུ་ཚེའི་རླབས་པ་ཡང་རྣམ་པར་ཤེས་པ་ནམ་མཁའ་འདྲ་
བར་མཉམ་པ་རྣམ་པར་རྟོག་པ་མེད་པའི་མཉམ་པ་ཉིད་དང་། གཉིས་སུ་མེད་པའི་ལུས་ལ་སླུ་བ་མེད་པས་འཕགས་པ་མ་ཡིན་པའི་བརྫུན་གཉིས་དང་བྲལ་བའོ། །ཇི་ལྟར་ཆོས་ཐམས་ཅད་ཀྱི་དབྱིངས་རང་བཞིན་གྱིས་ཉོན་མོངས་པ་མེད་པའི་རྒ་
ཤི་འདྲེས་པ་མེད་པ་དེ་བཞིན་དུ་མིག་གི་རྣམ་པར་ཤེས་པ་རྒ་ཤི་སླུ་བའི་འདོད་ཆགས་ལ་ཐུག་པ་ནས་འཁྲུག་པའི་བར་དུའོ། །དེ་བཞིན་དུ་རྣ་བའི་རྣམ་པར་ཤེས་པ་ཇི་སྙེད་པ་ནས། ཡིད་ཀྱི་རྣམ་པར་ཤེས་པ་རྒ་ཤི་སླུ་བས་ན་འདོད་ཆགས་འཁྲུག་པ་ལ་ཐུག་
པའི་བར་དུ་དེ་ལྟར་འདྲེས་པ་མེད་དོ། །ཡང་མིག་གི་རྣམ་པར་ཤེས་པ་རྒ་ཤི་སླུ་བ་འདོད་ཆགས་མེད་པའི་མཐའ་ནས་འཁྲུག་པའི་བར་དུའོ། །དེ་བཞིན་དུ་ཚོར་བ་དང་། འདུ་ཤེས་དང་། འདུ་བྱེད་དང་རྣམ་པར་ཤེས་པ་ལ་འདྲེས་པ་མེད་པ་དེ་བཞིན་དུ་རྒ་

62-1-169b

ཤི་སླུ་བའི་མཐའ་ནས། འཁྲུག་པའི་བར་དུའོ། །ཡང་མིག་རྒ་བ་ནས། འཁྲུག་པའི་བར་དུ་ཡང་དག་པར་འདུས་པ་མེད་དོ། །དེ་ཁོ་ན་ཉིད་ལ་དམིགས་པས་ན་དེ་བཞིན་དུ་སྣ་དང་། ལྕེ་དང་། ལུས་དང་། ཡིད་ཀྱི་རྒ་ཤི་ནས་
འཁྲུག་པའི་བར་དུ་ཡང་དག་པར་འདུས་པ་མེད་དོ། །དེ་ཁོ་ན་ཉིད་ལ་དམིགས་པས་ན་གཟུགས་ཀྱི་རྒ་ཤི་ནས་འཁྲུག་པའི་བར་དུ་ཡང་དག་པར་འདུས་པ་མེད་དོ། །དེ་ཁོ་ན་ཉིད་ལ་དམིགས་པས་ན་རྣམ་པར་ཤེས་པའི་རྒ་ཤི་འདི་ཇི་སྙེད་པ་
ནས། འཁྲུག་པའི་བར་དུ་ཀུན་དུ་ཆད་པ་འདོད་ཆགས་དང་བྲལ་བའི་མཐའ་དད་པ་མེད་དོ། །ཚེའི་རླངས་པ་ཡང་རྣམ་པར་ཤེས་པའི་རྒ་ཤི་ནས་འཁྲུགས་པའི་བར་དུ་འདོད་ཆགས་དང་བྲལ་བའི་མཐའ་ཀུན་དུ་ཆད་པའོ། །རིགས་ཀྱི་བུ་འདི་
ལ་ཡང་ཚོར་བའི་ཕུང་པོ་རྣམས་དེ་བཞིན་བྱང་ཆུབ་སེམས་དཔས་ཚོར་བའི་ཕུང་པོ་བསྒོམ་པར་བྱའོ། །གང་ཁམས་གསུམ་ན་དུས་གསུམ་གྱི་ཚོར་བ་མེད་པ་འབྱུང་བ་ཟད་པ་ལ་མི་རྟག་པ་དང་། སྡུག་བསྔལ་བ་དང་། སྟོང་པའི་བཟོད་པ་འདི་
བསྒོམ་པར་བྱེད་པ་འདི་ལ་ཡང་བྱང་ཆུབ་སེམས་དཔའ་སེམས་ཅན་ཐམས་ཅད་ཡོངས་སུ་སྨིན་པ་ཉེ་བར་འཚོ་བའི་བཟོད་པ་ལ་བལྟ་བར་བྱའོ། །གཞན་ཡང་རིགས་ཀྱི་བུ་བྱང་ཆུབ་སེམས་དཔས་འདུ་ཤེས་ཀྱི་ཕུང་པོ་ལ་ཡང་ཚུལ་བཞིན་དུ་བརྟག་
པའི་ཕྱིར་བཟོད་པ་བསྒོམ་པར་བྱའོ། །དེ་ལ་འདུ་ཤེས་ཀྱི་ཕུང་པོ་གང་ཞེ་ན། འདུ་ཤེས་ཀྱི་ཚོགས་དྲུག་སྟེ། མིག་གི་འདུས་ཏེ་རེག་པ་དང་། རྣ་བ་དང་། སྣ་དང་། ལྕེ་དང་། ལུས་དང་། ཡིད་ཀྱི་འདུས་ཏེ་རེག་པའི་འདུ་ཤེས་སོ། །དེ་ལ་མིག་
གི་འདུས་ཏེ་རེག་པ་ནི་གསུམ་འདུས་པའི་རེག་པ་སྟེ། གང་མིག་དང་། རྣམ་པར་ཤེས་པ་དང་། གཟུགས་ཀྱི་འདུ་ཤེས་འབྱུང་བར་བྱེད་པ་འདི་ནི་གསུམ་འདུས་པ་རེག་པའི་རྐྱེན་གྱིས་འདུ་ཤེས་ཀུན་འབྱུང་བར་འགྱུར་རོ། །གང་མིག་གི་གཟུགས་ལ་ཡང་བྱེད་པ་
མེད་པ་དང་། རྣམ་པ་མེད་པ་དང་། ལྦུ་བའི་ཕུང་པོ་ལྟ་བུར་དུས་གསུམ་ཐམས་ཅད་ཀྱི་འདུ་བྱེད་སྟོང་པ་ཇི་ལྟ་བ་བཞིན་དུ་རབ་ཏུ་སྦྱོར་བ་གསུངས་སོ། །གང་མིག་གི་རྣམ་པར་ཤེས་པ་ནི་ཇི་ལ་ཡང་འོང་བ་དང་འགྲོ་བ་སྙེམས་པར་རབ་ཏུ་མི་ཤེསོ། །

62-1-170a

ཁམས་གསུམ་ཐམས་ཅད་ཡུལ་དང་གནས་མེད་པ་མིག་གི་རྣམ་པར་ཤེས་པ་དེས་སྟོང་པ་ནས། ཡིད་ཀྱི་རྣམ་པར་ཤེས་པས་སྟོང་པའི་བར་དུ་ཤེས་པར་བྱའོ། །གང་སྐྱེ་མཆེད་དྲུག་གི་འདུ་ཤེས་འབྱུང་བ་དེ་ཚོར་བའོ། །གང་ཚོར་
བ་དེ་རྟོག་པའོ། །གང་རྟོག་པ་དེ་སྙེམས་པའོ། །གང་སྙེམས་པ་དེ་ཉེ་བར་ལེན་པའོ། །གང་ཉེ་བར་ལེན་པ་འབྱུང་བ་ནས། འཁྲུག་པའི་བར་དུ་ཀུན་ནས་ལྡང་སྟེ། དེ་བས་ན་བྱང་ཆུབ་སེམས་དཔའ་འདུ་ཤེས་ཚུལ་བཞིན་དུ་བརྟག་པའི་ཕྱིར་བཟོད་
པ་བསྒོམ་པའི་རེག་པ་ཡོངས་སུ་ཤེས་པའི་ཕྱིར་འདུ་ཤེས་ཡོངས་སུ་ཤེས་པ་ཡིན་ནོ། །ཡིད་ཀྱི་འདུ་ཤེས་ཀྱི་བར་དུ་བཟོད་པ་དེ་བསྒོམས་པས་འདུ་ཤེས་ཀྱི་ཚོགས་དྲུག་བཟོད་པ་དེ་སྒོམ་པ་ཡོངས་སུ་ཤེས་པ་ལ་རྟོག་པ་མེད། རྣམ་པར་རྟོག་པ་མེད། ཉེ་
བར་མི་འགྲོ། ཉེ་བར་ལེན་པ་མེད། བྱིན་གྱིས་རློབ་པ་མེད། མངོན་པར་ཆགས་པ་འང་མེད་དོ། །འདུ་ཤེས་ཐམས་ཅད་རང་བཞིན་མེད་པ་ཡོངས་སུ་ཆད་པའི་བཟོད་པ་དེ་བསྒོམས་པའི་རྗེས་སུ་འབྱུང་བ་ཇི་ལྟ་བ་བཞིན་ཡོངས་སུ་ཤེས་པ་ཅི་ལ་
ཡང་ཆགས་པ་མེད་དོ། །ཁམས་གསུམ་ཐམས་ཅད་ཀྱི་དུས་གསུམ་གནས་པ་མེད་པ་དང་། གནས་མེད་པ་དང་། འཁྲུལ་པ་མེད་པ་དང་། ཞིག་པ་མེད་པ་དང་། བླང་བ་མེད་པ་དང་། དོར་བ་མེད་པ་དང་། གཉིས་སུ་བྱ་བ་མེད་པའི་ཆོས་ཀྱི་
དབྱིངས་ལ་ཡང་དག་པར་གཞོལ་བའི་འདུ་ཤེས་ཐམས་ཅད་ཤེས་པ་ནི་ཅིས་ཀྱང་དབྱེ་བ་མེད་དོ། །དེ་འདུ་ཤེས་ཐམས་ཅད་ཉེ་བར་ལེན་པ་མེད་པའི་ཡིད་ཅི་ལ་འང་དམིགས་པ་མེད་པ་ནི་སོ་སོ་ཡང་དག་པར་སྤྱོད་པའི་ཚུལ་གྱི་བཟོད་པ་ལ་སྒོམ་པ་
ཞེས་བྱའོ། །འདུ་ཤེས་ཐམས་ཅད་ནི་མི་རྟག་པ་དང་། སྡུག་བསྔལ་བ་དང་། སྟོང་པའི་བཟོད་པ་སྒོམ་པར་བྱེད་པ་འདི་ལ་ཡང་བྱང་ཆུབ་སེམས་དཔའ་སེམས་ཅན་ཐམས་ཅད་ཡོངས་སུ་སྨིན་པ་ཉེ་བར་འཚོ་བའི་བཟོད་པ་ལ་བལྟ་བར་བྱའོ། །
རིགས་ཀྱི་བུ་བྱང་ཆུབ་སེམས་དཔས་ཡང་འདུ་བྱེད་ཡོངས་སུ་ཤེས་པའི་བཟོད་པ་བསྒོམ་པར་བྱའོ། །དེ་ལ་འདུ་བྱེད་གང་ཞེ་ན་འདི་ལྟ་སྟེ་འདུ་བྱེད་རྣམ་པ་གསུམ་མོ། །གསུམ་གང་ཞེ་ན། ལུས་ཀྱི་འདུ་བྱེད་དང་། ངག་གི་འདུ་བྱེད་དང་། ཡིད་ཀྱི་

62-1-170b

འདུ་བྱེད་དོ། །ལུས་ཀྱི་འདུ་བྱེད་ནི་དབུགས་ཕྱི་ནང་དུ་རྒྱུ་བའོ། །ངག་གི་འདུ་བྱེད་ནི་རྣམ་པར་རྟོག་པ་དང་། རྣམ་པར་དཔྱོད་པའོ། །ཡིད་ཀྱི་འདུ་བྱེད་ནི་འདུ་ཤེས་རྟོགས་པའོ། །དེ་ལ་རིགས་ཀྱི་བུ་ལུས་ཀྱི་འདུ་བྱེད་དབུགས་ཕྱི་ནང་དུ་རྒྱུ་བ་
ཚུལ་བཞིན་དུ་བརྟག་པར་བྱའོ། །ལུས་ཐམས་ཅད་སྟོང་ཕྲག་དགུ་བཅུ་རྩ་གཉིས་སམ། བ་སྤུའི་ཁུང་བུ་བྱེ་བ་ཁྲག་ཁྲིག་བརྒྱ་སྟོང་ཕྲག་དགུ་བཅུ་རྩ་དགུ་ལྷག་ཙམ་གྱི་ལུས་ཐམས་ཅད་ཤིན་དུ་ཕྲ་བའི་རྡུལ་དགུ་བཅུ་རྩ་དགུའི་ཁའི་སྒོ་ནས་ཤིན་དུ་ཕྲ་བའི་
རྡུལ་བརྒྱ་སྟོང་ཕྲག་བཅུ་བསགས་སོ། །ཉེས་པ་མེད་པའི་མིའི་བ་སྤུའི་ཁུང་བུ་འདི་གཅིག་འགྲངས་བས་ལུས་ཐམས་ཅད་ཀྱི་བ་སྤུའི་ཁུང་བུ་ཐམས་ཅད་ཀྱི་སྒོ་སྟོང་ཕྲག་དགུ་བཅུ་རྩ་དགུ་ཇི་ལྟ་བུར་ཁའི་སྒོ་ནས་དབུགས་རྒྱུ་བ་དེ་ལྟ་བུར་བ་སྤུའི་ཁུང་བུ་ཐམས་
ཅད་ནས་དབུགས་རྒྱུའོ་ཞེས་དབུགས་ཕྱི་ནང་དུ་རྒྱུ་བ་ཐམས་ཅད་ཤེས་པར་བྱའོ། །ཁའི་སྒོ་ཐམས་ཅད་ནས་དབུགས་ཕྱི་ནང་དུ་རྒྱུ་བའི་ཕུང་པོ་ལྔ་དག་འབྱུང་བ་དང་ཟད་པ་བརྟག་པའི་ཕྱིར་བཟོད་པ་བསྒོམ་པར་བྱའོ། །དེ་ལ་ངག་གི་འདུ་བྱེད་གང་ཞེ་
ན། གང་རྣམ་པར་རྟོག་པ་དང་། རྣམ་པར་དཔྱོད་པ་སྐད་ཅིག་མར་འབྱུང་ཞིང་འགོག་པ་འདི་ལ་ཡང་སྐད་ཅིག་མ་ཉི་མ་གཅིག་ལ་ཡང་མི་བརྒྱ་སྟོང་ཕྲག་དྲུག་བཅུ་རྩ་ལྔ་སྐད་ཅིག་མར་འོང་བར་འགྱུར་རོ། །དེ་རེ་རེ་ལ་ཡང་རྣམ་པར་རྟོག་པ་
དང་། རྣམ་པར་དཔྱོད་པ་སྐད་ཅིག་མ་འབྱུང་བའི་ཕུང་པོ་ལྔ་ཐམས་ཅད་འབྱུང་ངོ་། །འགོག་གོ། །ཕུང་པོ་དེ་རེ་རེ་ལ་འང་ཚོར་བ་རྣམ་གསུམ་འབྱུང་ངོ་། །འགོག་གོ། །ཚོར་བ་དེ་རེ་རེ་ལ་ཡང་། འབྱུང་བའི་ཡན་ལག་བཅུ་
གཉིས་ཐམས་ཅད་འབྱུང་ངོ་། །འགོག་གོ། །འབྱུང་བའི་ཡན་ལག་དེ་རེ་རེ་ལ་ཡང་བག་ལ་ཉལ་བ་དགུ་བཅུ་རྩ་བརྒྱད་འབྱུང་བར་འགྱུར་རོ། །བག་ལ་ཉལ་བ་དེ་རེ་རེ་ལ་ཡང་
ཁམས་གསུམ་ཐམས་ཅད་ན་སྤྱོད་པ་ཉོན་མོངས་པ་ཀུན་འབྱུང་བ་ལ་བལྟ་བར་བྱའོ། །འདི་དག་ནི་ངག་གི་འདུ་བྱེད་དོ། །དེ་འདུ་ཤེས་གང་ཞེ་ན། དབུགས་ཕྱི་ནང་དུ་རྒྱུ་བ་ལ་

62-1-171a

རྣམ་པར་རྟོག་པ་དང་། ཀུན་དུ་ཉོན་མོངས་པ་དང་། དེ་ཕྱིན་ཅི་ལོག་ཐམས་ཅད་ཀྱི་མཚན་མས་ཀུན་དུ་ཉོན་མོངས་པ་འདི་འདུ་ཤེས་སོ། །དེ་ལ་སེམས་པ་གང་ཞེ་ན། གང་སེམས་པ་དང་། ཚོར་བ་དང་། ཕུང་པོ་
དང་། རྣམ་པར་དཔྱོད་པ་དང་། དབང་པོ་དྲུག་དང་། རྣམ་པར་འཕེལ་བ་འདི་ནི་སེ་གོལ་གཏོགས་པ་ཙམ་གྱིས་ཀྱང་འདོད་ཆགས་ཀྱི་ཀུན་གཞི་ཉོན་མོངས་པའི་དབང་པོ་བརྒྱ་ལས་འདས་པ་འབྱུང་བར་འགྱུར། ཞེ་སྡང་གི་ཀུན་གཞི་བརྒྱ་
ལས་འདས་པ་འབྱུང་བར་འགྱུར། ཆ་ཤས་དཔྱོད་པའི་ཉོན་མོངས་པ་བརྒྱ་ལས་འདས་པ་འབྱུང་བར་འགྱུར་བ་འདི་ནི་རིགས་ཀྱི་བུ་ལུས་དང་། ངག་དང་། ཡིད་དོ། །འདུ་བྱེད་དང་། དཔྱོད་པ་དང་། རྣམ་པར་དཔྱོད་པ་དང་། དབུགས་
ཕྱི་ནང་དུ་རྒྱུ་བ་འདི་དག་ལ་རྣམ་པར་རྟོག་པས་འདུ་ཤེས་སུ་སེམས་པ་དང་། བསམ་པའི་རྗེས་སུ་སོང་བ་ལ་བྱིན་གྱིས་བརླབས་པ་དེ་ལ། བྱང་ཆུབ་སེམས་དཔའི་དངོས་པོ་དེ་ལྟར་རང་བཞིན་དང་དུས་གསུམ་ནི་ལུས་དང་། ངག་དང་། 
ཡིད་དོ། །འདུ་བྱེད་ལ་དངོས་པོ་མེད་པ་དང་མི་ཟད་པ་ནི་ཆོས་ཀྱི་དབྱིངས་ལ་ཉོན་མོངས་པ་མེད་པ་དང་། ཆོས་ཀྱི་དབྱིངས་ཡོངས་སུ་ཤེས་པ་ནི་རྣམ་པར་དག་པ་རྗེས་སུ་འོང་བ་དེ་ཅིར་དགོས་ཤེས་ན། ཆོས་ཀྱི་མཚན་ཉིད་རྣམ་པར་
དག་པ་དེ་མཚན་ཉིད་མི་རྙེད་པ་དང་། མི་འཛིན་པ་དང་། ཆོས་ཀྱི་དབྱིངས་སུ་མི་འབྱུང་བར་འགྱུར་བ་དེ་ཡང་དག་པའི་མཐའ་མི་སོགས་སོ། །འདུ་བྱེད་ཀྱི་མཐར་མི་རྙེད་པ་དང་། མི་འཛིན་པ་འགོག་པར་འགྱུར་བ་ནི་དེ་བཞིན་
དུ་འདུ་བྱེད་ཀྱི་མཐའ་དང་། དེ་ཆོས་ཀྱི་དབྱིངས་སུ་སྙེམས་པ་ཡང་དག་པའི་མཐའ་དང་། དེ་ཆོས་ཐམས་ཅད་ཀྱི་མཐའ་དང་། གང་ཆོས་ཐམས་ཅད་ཀྱི་མཐའ་དང་། དེ་འདུ་བྱེད་གསུམ་དང་། དུས་གསུམ་ཡོངས་སུ་
གཅོད་པའི་མཐའ་དང་། དེ་མཐའ་ཡས་པ་མི་གཅོད་པའི་མཐའ་དང་། རྗེས་སུ་མི་གཅོད་པའི་མཐའ་དང་། མི་རྟག་པའི་མཐའ་དང་། དེ་ལྟ་བུའི་མཐའ་ནི་དུས་གསུམ་དང་མཉམ་པའི་མཐའ་དང་། མཐར་འགྲོ་བ་དང་། 

62-1-171b

དུས་གསུམ་དང་། ལུས་དང་ངག་དང་། ཡིད་གཉིས་སུ་མེད་པའི་མཐའ་དང་། དུས་གསུམ་ཐམས་ཅད་ཀྱི་མཐའ་ནི་འདུ་བྱེད་གསུམ་ཡང་དག་པའི་མཐའ་ལ་གཉིས་སུ་མེད་པའི་དབང་དང་། ཅི་འང་མ་ཡིན་པའི་མཐའ་དང་། རེག་པ་ཡོངས་
སུ་ཤེས་པ་གཉིས་སུ་མེད་པའི་མཐའ་དང་། འཇིག་པ་དང་བྲལ་བའི་མཐའ་དང་། དེ་བཞིན་དུ་དབུགས་ཕྱི་ནང་དུ་རྒྱུ་བ་ཡོངས་སུ་ཤེས་པའི་མཐའ་དང་། དེ་བཞིན་དུ་ཉི་ཤུའི་མཐའ་དང་། རྣམ་པར་རྟོག་པ་དང་། རྣམ་པར་དཔྱོད་པ་
དང་། ཤིང་ཏ་ལའི་མགོ་བཅད་པའི་མཐའ་དང་། འདུ་ཤེས་སུ་མི་ཆགས་པར་སེམས་པ་དང་། སྐད་ཅིག་མའི་མཐར་སེམས་པའི་མཐའ་དང་། དེ་ལྟར་ཡོངས་སུ་ཤེས་པ་ནི་འདུ་བྱེད་གསུམ་ལ་རྣམ་པར་མི་གཅོད་པའི་མཐར་ཡོངས་སུ་
ཤེས་པ་ནི་འདི་ལ་དངོས་པོ་དང་། དངོས་པོ་མ་ཡིན་པར་སྐྱེ་བའོ། །ཡང་དངོས་པོ་ལས་འདས་པ་ཞེས་བྱ་བ་ནི་འདུ་བྱེད་ཐམས་ཅད་ལ་རྣམ་པར་ཤེས་པ་མེད་པ་དང་། འདུ་བྱེད་ཐམས་ཅད་ལ་གཉིས་དང་། གཉིས་སུ་མེད་པ་ནི་
ཡང་དག་པའི་མཐའི་ཆོས་ཀྱི་དབྱིངས་ལ་འཇུག་པ་དང་། སོགས་པ་དང་། ཉེ་བར་སོགས་པ་དང་བྲལ་བར་འགྱུར་རོ། །འདི་ལ་འདུ་བྱེད་ཐམས་ཅད་ལ་བྱིན་གྱིས་མི་རློབ་པའི་མཐའ་དང་། དུས་གསུམ་དུ་ཕྱག་འཚལ་བ་དང་
བྲལ་བ་དེ་ཡང་དག་པར་ཡོངས་སུ་ཤེས་པ་དང་། ཡང་དག་པའི་མཐར་ཡོངས་སུ་ཤེས་པ་དང་། ཡང་དག་པའི་མཐར་ཡོངས་སུ་ཤེས་པ་དེ་ནི་ཆོས་ཐམས་ཅད་ཡོངས་སུ་ཤེས་པ་ཞེས་བྱའོ། །ཡོངས་སུ་བསྐོར་བའི་འདུ་བྱེད་
གསུམ་ཡོངས་སུ་ཆད་པའོ། །རིགས་ཀྱི་བུ་གང་དུས་གསུམ་གྱི་འདུ་བྱེད་གསུམ་མི་གཅོད་པའི་མཚན་མ་ལ་དམིགས་པས་བཟོད་པ་སྒོམ་པ་ཡོངས་སུ་འཛིན་ཏོ། །རིགས་ཀྱི་བུ་འདུ་བྱེད་གསུམ་དང་། མཚན་མ་མི་གཅོད་པ་
དམིགས་པ་སྤངས་པས་གཉིས་སུ་མེད་པའི་བཟོད་པ་བསྒོམ་མོ། །རིགས་ཀྱི་བུ་དེའི་ཕྱིར་དུས་གསུམ་དང་། འདུ་བྱེད་གསུམ་པོ་ཡོངས་སུ་ཤེས་པའི་བཟོད་པ་འདི་ནི་སོ་སོ་ཡང་དག་པར་སྤྱོད་པའི་ཚུལ་གྱིས་བཟོད་པ་བསྒོམ་པར་

62-1-172a

བྱའོ། །རིགས་ཀྱི་བུ་གང་འདུ་བྱེད་ནི་མི་རྟག་པ་དང་། སྡུག་བསྔལ་བ་དང་། སྟོང་པ་དང་། བདག་མེད་པར་བཟོད་པ་བསྒོམ་པར་བྱའོ། །འདི་ཡང་བྱང་ཆུབ་སེམས་དཔའི་ཉེ་བར་འཚོ་བས་སེམས་ཅན་ཡོངས་སུ་སྨིན་
པའི་བཟོད་པ་བསྒོམ་པར་བལྟ་བར་བྱའོ། །དེ་ལ་རིགས་ཀྱི་བུ་རྣམ་པར་ཤེས་པ་འབྱུང་བའི་ཕུང་པོ་གང་ཞེ་ན། རྣམ་པར་ཤེས་པ་དྲུག་གི་ལུས་དང་། མིག་དང་། རེག་པའི་རྣམ་པར་ཤེས་པ་ཞེས་བྱའོ། །གང་ཡང་རྣམ་པར་
ཤེས་པའི་ལུས་དྲུག་དག་དུས་གསུམ་གྱི་རེག་པས་རྣམ་པར་གནས་པ་དང་། དུས་གསུམ་འབྱུང་བས་རྣམ་པར་ཤེས་པ་དང་། དུས་གསུམ་གྱི་རྣམ་པར་ཤེས་པས་རྣམ་པར་གནས་པ་དེ་ཕན་ཚུན་དུ་རྟོག་པ་དང་། རྣམ་པར་རྟོག་
པ་དང་། ཀུན་ནས་ལྡང་བར་འགྱུར་རོ། །གང་ཡུལ་གྱི་སྲེད་པ་ལ་རྟོག་པ་དང་། དམིགས་པས་བཟོད་པར་སྨྲ་བ་ཡོངས་སུ་འཁྲུག་པའོ། །གང་མིག་དང་གཟུགས་ཀྱི་ཡུལ་ལ་སྲེད་པ་ལ་རྣམ་པར་རྟོག་པས་བཟོད་པ་
ཡོངས་སུ་སྤངས་པའོ། །འཁྲུག་པའོ། །རེག་པ་དང་ཚོར་བ་ལ་རྗེས་སུ་གདུངས་པས་དེ་ཡུལ་ལ་སྲེད་པའི་བཟོད་པ་ཡོངས་སུ་སྤངས་པའོ། །རྣམ་པར་འཇིག་པའོ། །ཡིད་ལ་རྣམ་པར་དམིགས་པས་འདུ་ཤེས་ཀྱི་
ཞིང་ལ་སྲེད་པའི་བཟོད་པ་ཡོངས་སུ་སྤངས་པའོ། །འཁྲུག་པའོ། །དུས་གསུམ་དང་། འདུ་བྱེད་གསུམ་ལ་ཉེ་བར་ཆད་པའི་ཡུལ་ལ་སྲེད་པའི་བཟོད་པ་ཡོངས་སུ་སྤངས་པའོ། །འཁྲུག་པའོ། །འདུ་བྱེད་གསུམ་དག་མཚན་
མར་ཉེ་བར་འཛིན་པ་དང་། རང་གི་ཡུལ་གྱི་སྲེད་པའི་བཟོད་པ་ཡོངས་སུ་སྤངས་པའོ། །འཁྲུག་པའོ། །འདུ་བྱེད་དག་ཀུན་ནས་ལྡང་ལ་དམིགས་པ་རང་གི་ཡུལ་ལ་སྲེད་པའི་བཟོད་པ་ཡོངས་སུ་སྤངས་པ་ནི་ཆོས་ཀྱི་
དབྱིངས་ལ་ཅི་འང་མ་ཡིན་པའི་ཉོན་མོངས་པའི་བཟོད་པ་ཐམས་ཅད་ཡོངས་སུ་སྤངས་པའོ། །རིགས་ཀྱི་བུ་ཆོས་ཀྱི་དབྱིངས་ལ་ཀུན་དུ་ཉོན་མོངས་པ་མེད་པའི་བཟོད་པ་དེ་སྒོམ་པ་དང་། རྣམ་པར་ཤེས་པའི་ལུས་དྲུག་གི་ཡུལ་དུ་

62-1-172b

ཡིད་ལ་མི་བྱེད་དོ། །དེ་བཟོད་པ་བསྒོམས་པའི་རང་བཞིན་དང་། སྒྱུ་མ་ལྟ་བུའི་སེམས་ཀྱི་ཡུལ་ལ་ཡང་དག་པར་གཞོལ་བས་ཡུལ་ཐམས་ཅད་ལ་རྟོག་པར་འགྱུར་རོ། །དེ་ལ་སོ་སོ་ཡང་དག་པར་སྤྱོད་པའི་ཚུལ་གྱི་
བཟོད་པ་བསྒོམས་པས་དེ་ལ་བྱང་ཆུབ་སེམས་དཔའི་སྔོན་གྱི་ལས་ལ་བརྩོན་པར་བྱའོ། །གང་ཡང་བྱང་ཆུབ་སེམས་དཔས་རྣམ་པར་དབྱེ་བ་ཡོངས་སུ་བྱས་པ་དང་། མཆོག་གི་དགེ་བའི་རྩ་བ་ཡོངས་སུ་ལྡང་བ་འདི་ནི་ནམ་མཁའ་
ལ་འགྲོ་བས་འདུལ་བའི་བཟོད་པ་ཡོངས་སུ་རྒྱས་པར་བསྒོམ་པའི་ཕྱིར་འདི་ནི་དུས་གསུམ་དང་། འདུ་བྱེད་ཐམས་ཅད་ཀྱི་ཡུལ་དུ་ཡིད་ལ་མི་བྱེད་དོ། །སྙེམས་པ་མེད་དོ། །དུས་གསུམ་དང་། འདུ་བྱེད་ཐམས་ཅད་དག་ཀུན་ནས་ལྡང་བའི་ལམ་
ཐམས་ཅད་དུ་ཡིད་ཀྱི་རྣམ་པར་ཤེས་པ་ཡང་དག་པར་སྤྱོད་དོ། །དེ་བཞིན་ཉིད་ནི་དངོས་པོ་མེད་པའོ། །དུས་གསུམ་དང་། འདུ་བྱེད་ཀྱི་རྗེས་སུ་འཇུག་པ་དང་། ཆོས་ཐམས་ཅད་ནི་བསྒོམ་པར་རབ་ཏུ་ཤེས་པ་དང་། བསྒོམ་པ་དང་བྲལ་བ་
དང་། དབྱངས་མ་ཡིན་པ་དང་། ངག་གི་ལམ་མ་ཡིན་པ་དང་། ཡི་གེ་མ་ཡིན་པ་དང་། རྗེས་སུ་འབྱུང་བ་མེད་པ་དང་། འགོག་པ་མེད་པ་དང་། མཚན་ཉིད་མ་ཡིན་པ་དང་། སོ་སོའི་ཐེག་པ་མ་ཡིན་པ་དང་། དམིགས་པ་མེད་
པ་དང་། མཚན་མ་མེད་པ་དང་། ཤིན་དུ་དབེན་པ་མ་ཡིན་པ་དང་། བརྗོད་པ་མེད་པ་དང་། ཤིན་དུ་འཇུངས་པ་མེད་པ་དང་། ཤིན་དུ་ཞི་བ་དང་། སྐད་ཅིག་མར་ཤིན་དུ་དམིགས་པས་རྣམ་པར་བྲལ་བ་དང་། ཤིན་དུ་ཟད་པ་དང་། ཀུན་གཞི་
ལས་ཤིན་དུ་བྲལ་བ་དང་། ཤིན་དུ་རྣམ་པར་གནས་པ་དང་། ཡུལ་ཤིན་དུ་མེད་པ་དང་། གཏོང་བའི་སེམས་ཤིན་དུ་མེད་པ་དང་། རྩ་བ་ཤིན་དུ་མེད་པ་དང་། དབང་པོ་ཤིན་དུ་མ་ཡིན་པ་དང་། ཤིན་དུ་རྣམ་པར་མ་དག་པ་དང་། ཤིན་དུ་བྲལ་
བ་དང་། གཉེན་པོ་ཤིན་དུ་མེད་པ་དང་། མཚན་མ་དང་དངོས་པོ་མེད་པ་དང་། ཤིན་དུ་འཕྲོག་པ་མེད་པ་དང་། ཤིན་དུ་འཐོར་བ་དང་། ཆོས་ཐམས་ཅད་ལ་ཤིན་དུ་དངོས་པོ་མེད་པར་རབ་ཏུ་ཤེས་པ་ནི་བྱེད་པ་པོ་མེད་པ་དང་། ཚོར་བ་པོ་མེད་པ་

62-1-173a

དང་། ཉན་པ་མེད་པ་དང་། འཛིན་པ་མེད་པ་དང་། སྨིག་རྒྱུ་བ་ལྟ་བུར་སོ་སོར་སྣང་བ་དང་། ཆུ་ཟླ་ལྟ་བུ་དང་། གཟུགས་བརྙན་ལྟ་བུ་ནམ་མཁའི་རང་བཞིན་ཆུང་ཟད་ཀྱང་མེད་པ་དང་། ཆོས་ཐམས་ཅད་ལ་བདག་
མེད་པ་ནི་མཚན་ཉིད་ཀྱི་གཞི་དང་མཉམ་པའི་མཚན་ཉིད་དང་། མཚན་ཉིད་གཅིག་པ་དང་། མཚན་ཉིད་མེད་པ་ལ་བརྟེན་པ་དེ་ཆོས་ཐམས་ཅད་ལ་ཀུན་དུ་ལྟའོ། །དེ་ལྟར་ཤིན་དུ་འདུ་བྱེད་ཐམས་ཅད་ནི་དེ་བཞིན་དུ་དུས་གསུམ་ལ་
ཀུན་དུ་སྤྱོད་པའི་དངོས་པོ་དེའི་བར་དུ་ཆོས་ཐམས་ཅད་ལ་དེ་བཞིན་ཉིད་དུ་རྟེན་པ་ལ་ཀུན་དུ་ལྟའོ། །འདི་ལ་ཡང་བྱང་ཆུབ་སེམས་དཔའི་ཉེ་བར་འཚོ་བས་སེམས་ཅན་ཐམས་ཅད་ཡོངས་སུ་རྒྱས་པ་ནི་སོ་སོ་ཡང་དག་པར་སྤྱོད་པའི་ཚུལ་
ནམ་མཁའ་ལ་འགྲོ་བའི་འོད་ཀྱིས་འདུལ་བའི་བཟོད་པར་བལྟ་བར་བྱའོ། །རིགས་ཀྱི་བུ་བྱང་ཆུབ་སེམས་དཔའ་དེ་བཞིན་དུ་གཟུགས་ཀྱི་བཟོད་པ་བསྒོམ་པའི་ཕྱིར་ཕྱི་ནང་གི་འཇམ་པ་དཔུང་ཙམ་ཐམས་ཅད་ཀྱིས་ཉོན་མོངས་པ་རྣམ་
པར་སེལ་བར་ཐམས་ཅད་དུ་སེམས་པ་དང་། ཡིད་བཞིན་ཡོངས་སུ་རྒྱས་པར་འགྱུར་རོ། །འདི་ལ་བཟོད་པ་ཐམས་ཅད་ནི་ཉན་ཐོས་དང་རང་སངས་རྒྱས་ཀྱི་ཆོས་ལས་ཀུན་དུ་འདས་པའོ། །འདི་ལ་བཟོད་པ་ཐམས་ཅད་ནི་
བྱང་ཆུབ་སེམས་དཔའི་སྤྱོད་པའི་ཡོན་ཏན་ཡོངས་སུ་རྫོགས་པར་བྱེད་དོ། །འདི་ལ་བཟོད་པ་ཐམས་ཅད་ནི་སངས་རྒྱས་ཀྱི་ཆོས་ཀྱི་ཡོན་ཏན་ཀུན་ནས་སྡུད་དོ། །འདི་ལ་བཟོད་པ་ཐམས་ཅད་ནི་གཞན་གྱི་རྒོལ་བའི་ཆོས་དང་ལྷན་
ཅིག་པར་འཛིན་ཏོ། །འདི་ལ་བཟོད་པ་ཐམས་ཅད་ནི་གཏི་མུག་གི་མུན་པ་མུན་ནག་འཇིག་པའི་ཡིད་དོ། །སངས་རྒྱས་ཀྱི་ཆོས་ལ་དགའ་བར་བྱེད། བསྒྲིབས་པ་དང་། སྒྲིབ་པ་ཐམས་ཅད་ཀུན་དུ་ཟད་པར་བྱེད་དེ། སངས་རྒྱས་
ཀྱི་ཞིང་ཐམས་ཅད་སྣང་བར་བྱེད། སངས་རྒྱས་ཐམས་ཅད་ལ་དད་པར་བྱེད། ཕ་རོལ་དུ་ཕྱིན་པ་ཐམས་ཅད་ཀྱི་ཕ་རོལ་དུ་འགྲོ་བ། མངོན་པར་ཤེས་པ་ཐམས་ཅད་ལ་རྣམ་པར་རོལ་པར་བྱེད་པ། ཏིང་ངེ་འཛིན་

62-1-173b

གྱི་གཟུངས་ཀྱི་བཟོད་པ་སྒྲུབ་པར་བྱེད་པ་འདི་ནི་སོ་སོར་ཡང་དག་པར་སྤྱོད་པའི་ཚུལ་ནམ་མཁའ་ལ་འགྲོ་བའི་འོད་ཀྱིས་འདུལ་བའི་བཟོད་པའོ། །དེ་ལ་ཡང་དྲང་སྲོང་ཐུབ་པ་ལ་སོ་སོར་ཡང་དག་པར་སྤྱོད་པའི་ཚུལ་ནམ་མཁའ་ལ་འགྲོ་བའི་
འོད་ཀྱིས་འདུལ་བའི་བཟོད་པ་བརྗོད་པ་དང་། འཆད་པ་ནི་བརྒྱ་སྟོང་ཕྲག་དྲུག་བཅུ་རྩ་བརྒྱད་ཀྱི་ཆུ་བོ་གང་གཱའི་བྱེ་མ་སྙེད་ཀྱི་ཕྱོགས་བཅུའི་ཁུང་བུར་མཉམ་པར་འགྲོ་བ་ནི་བྱང་ཆུབ་སེམས་དཔའི་གོམས་པས་སོ་སོར་ཡང་དག་སྤྱོད་
པའི་ཚུལ་ནམ་མཁའ་ལ་འགྲོ་བའི་འོད་ཀྱིས་འདུལ་བ་སོ་སོར་ཐོབ་པར་འགྱུར་རོ། །བྱང་ཆུབ་སེམས་དཔའ་མེ་བཅུ་རྡུལ་ཡལ་སུམ་བཅུ་རྩ་གཅིག་གི་ཏིང་ངེ་འཛིན་གྱི་སྐར་མདའི་བདག་པོ་སོ་སོར་ཐོབ་པར་འགྱུར་རོ། །བྱང་
ཆུབ་སེམས་དཔའ་ས་ཡ་ཕྲག་དགུ་བཅུ་རྩ་གཉིས་རྣམས་དཔའ་བར་འགྲོ་བའི་ཏིང་ངེ་འཛིན་སོ་སོར་ཐོབ་པར་འགྱུར་རོ། །བྱང་ཆུབ་སེམས་དཔའ་མདོར་ན་དེའི་བར་དུ་ཆུ་བོ་གང་གཱའི་བྱེ་མ་སྙེད་ཀྱི་བར་དུ་རྣམ་པ་སྣ་ཚོགས་དང་། 
རྣམ་པ་ཐ་དད་པ་ཐམས་ཅད་ཀྱི་ཏིང་ངེ་འཛིན་གྱི་གཟུངས་ཀྱི་བཟོད་པའི་ཆོས་ཀྱི་སྒོ་སོ་སོར་ཐོབ་པར་འགྱུར་རོ། །དེ་ནས་ཡང་བཅོམ་ལྡན་འདས་ཀྱིས་སྔགས་ཀྱི་ཚིག་འདི་བརྗོད་དོ། །པྲ་མ་ད་ཏེ། བཛྲི་མ་བྷ་ཨུ་ད་པ་ད་ཏེ། 
ཨུ་ད་པ་ད་ཏ། ཨུ་ད་མ་ད་ཏེ། ཛ་ས་མ་བཛྲི་མ་བྷ་སྭཱ་ཧཱ། ལྷ་ས་ཡ་ཁྲག་ཁྲིག་བརྒྱ་སྟོང་ཕྲག་དགུ་བཅུ་རྩ་བརྒྱད་འདིས་སོ་སོར་ཡང་དག་པར་སྤྱོད་པའི་ཚུལ་ནམ་མཁའ་ལ་འགྲོ་བའི་འོད་ཀྱིས་འདུལ་བའི་བཟོད་པ་སོ་སོར་
ཐོབ་པར་འགྱུར་རོ། །ཆུ་བོ་གང་གཱའི་བྱེ་མ་དང་མཉམ་པའི་ལྷ་རྣམས་ཀྱིས་ཕྱིར་མི་ལྡོག་པའི་བྱང་ཆུབ་སོ་སོར་ཐོབ་པར་འགྱུར་རོ། །ཡང་བཅོམ་ལྡན་འདས་ཀྱིས་སྔགས་འདི་བརྗོད་དོ། །ཏད་ཡ་ཐཱ། ས་མུ་དྲ་བ་ཏེ། མ་རུ་
བ་དེ་ན་པི་ན་པི་ནི་གཽ་ར་བྷེ་ཥ་དེ་ནི་ཨི་བི་ཛ་སོ་ཧ་ཛ་བི་བྷེ་ད་སང་སྐ་ར་བྷྲ་སྭཱ་ཧཱ། ས་ཡ་ཕྲག་བདུན་བཅུ་རྩ་བདུན་གྱི་ཀླུ་རྣམས་ལ་འདི་དག་བཤད་པ་འཆད་པས་བཟོད་པ་སོ་སོར་ཐོབ་པར་འགྱུར་རོ། །ཆུ་བོ་གང་གཱའི་བྱེ་མ་

62-1-174a

དང་མཉམ་པའི་ཀླུ་རྣམས་ཀྱིས་བྱང་ཆུབ་ཀྱིས་ཕྱིར་མི་ལྡོག་པ་སོ་སོར་ཐོབ་པར་འགྱུར་རོ། །དེ་ལ་བཅོམ་ལྡན་འདས་ཀྱིས་སྔགས་ཀྱི་ཚིག་འདི་བརྗོད་དོ། །ཏད་ཡ་ཐཱ། ཛ་ན་མི་བྷཱ་བ། སུ་བྷཱ་བ། སུ་བྷཱ་བ་སུ་བྷཱ་
བ། བྷ་བ་བོ། བྲ་བོ་བ་བྲ་ཁ་ག་བ་ཨ་ཁ་ག་བ་བི་བྷ་ཛ་ཡ་བྷྱོ་སྭཱ་ཧཱ། ས་ཡ་སྟོང་ཕྲག་ཉི་ཤུ་རྩ་གཉིས་ཀྱི་གནོད་སྦྱིན་རྣམས་ལ་བཤད་པ་འཆད་པས་ཕྱིར་མི་ལྡོག་པའི་ས་ལ་འཇུག་པར་འགྱུར་རོ། །སྟོང་ཕྲག་བརྒྱའི་གནོད་སྦྱིན་
རྣམས་ཚད་མེད་པ་ཕྱིར་མི་ལྡོག་པའི་ས་ཐོབ་པར་འགྱུར་རོ། །བྱེ་བ་ཁྲག་ཁྲིག་བརྒྱ་ཕྲག་སྟོང་གི་ལྷ་མ་ཡིན་རྣམས་ཚད་མེད་པ་ཕྱིར་མི་ལྡོག་པའི་ས་ལ་ཞུགས་སོ། །ས་ཡ་ཕྲག་བརྒྱ་སྟོང་གི་ནམ་མཁའ་ལྡིང་དང་། མི་འམ་ཅི་དང་། ལྟོ་
འཕྱེ་ཆེན་པོ་རྣམས་ཚད་མེད་པ་ཕྱིར་མི་ལྡོག་པའི་ས་ལ་འཇུག་པར་འགྱུར་རོ། །འདི་ལ་བཅོམ་ལྡན་འདས་ཀྱིས་འཆད་པ་བཤད་ནས་ཕྱོགས་བཅུ་མཐའ་ཡས་པའི་ས་ཆེན་པོ་རྣམ་པ་དྲུག་ཏུ་གཡོས་སོ། །ལྷ་བྲན་བྱེ་བ་ཁྲག་ཁྲིག་བརྒྱ་ཕྲག་
སྟོང་ཚད་མེད་གྲངས་མེད་པ་རྣམས་ནམ་མཁའ་ལས་ལྷ་རྫས་ཀྱི་མེ་ཏོག་གི་ཆར་འབེབས་སོ། །གང་ཕྱོགས་བཅུ་ཚད་མེད་པ་གྲངས་མེད་པའི་སངས་རྒྱས་ཀྱི་ཞིང་བྱེ་བ་ཁྲག་ཁྲིག་བརྒྱ་སྟོང་གི་སངས་རྒྱས་ཀྱི་ཞིང་འདིར་དེ་འོངས་ཤིང་ལྷ་
དང་ཀླུ་དང་། གནོད་སྦྱིན་དང་། ལྷ་མ་ཡིན་དང་། ནམ་མཁའ་ལྡིང་དང་། མི་འམ་ཅི་དང་། ལྟོ་འཕྱེ་ཆེན་པོ་དང་། མི་དང་མི་མ་ཡིན་པའི་འཁོར་ཐམས་ཅད་དང་ལྡན་པ་དེ་ཡང་དག་པར་འོངས་ནས། དེ་ཐམས་ཅད་ཀྱིས་དབྱངས་གཅིག་ཏུ་
ལེགས་སོ་ཞེས་བྱ་བ་བྱས་ཏེ། དེ་བཞིན་དུ་ཚིག་འདི་རྗོད་པར་བྱེད་དོ། །ལེགས་སོ་ལེགས་སོ། །བཅོམ་ལྡན་འདས་ལུས་ཐམས་ཅད་རྣམ་པར་འཇིག་པ་དང་། ཡུལ་ཐམས་ཅད་རབ་ཏུ་འཇིག་པའི་བཟོད་པ་བཤད་པ་དང་། གཞན་ལ་རག་
མ་ལས་པ་བདུད་བཞིའི་ཆོས་ཀྱི་བཟོད་པ་ལྷག་པར་བཤད་པ་ངོ་མཚར་ཆེན་པོ་འདི་སྔོན་མ་ཐོས་སོ། །འདི་ལ་ཡང་བྱང་ཆུབ་སེམས་དཔའ་སེམས་དཔའ་ཆེན་པོ་དག་གི་སྤྱོད་པ་དང་། བྱ་བའི་གནས་ཀྱི་ས་ལས་ཤིན་དུ་འདས་པའི་ཚོགས་འདྲེན་པར་

62-1-174b

བྱེད་དོ། །བྱང་ཆུབ་ཀྱི་ཕྱོགས་སུམ་བཅུ་རྩ་བདུན་གྱི་རིན་པོ་ཆེའི་གཏེར་ཐམས་ཅད་ཐོབ་པར་བྱེད་པའི་བཟོད་པ་སྟོན་པ་དང་། ཐམས་ཅད་མཁྱེན་པའི་ཡེ་ཤེས་ཐམས་ཅད་ཤེས་པར་བྱེད་པ་རྣམས་ཐམས་ཅད་ཀྱི་བཟོད་པ་བསྒོམ་
པ་འདི་བཤད་པ་ནི་བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་བརྗོད་དུ་མེད་པའི་དོན་སྙིང་རྗེ་ཆེན་པོ་ཐོབ་པ་ལ་འཇུག་གོ། །ཐབས་ལ་མཁས་པ་སེམས་ཅན་ཐམས་ཅད་ཡོངས་སུ་སྨིན་པའི་ཡེ་ཤེས་ཆེན་པོ་ཀུན་དུ་བསགས་པའི་
བརྩོན་འགྲུས་དང་། སྟོབས་ཀྱི་བཟོད་པ་རབ་ཏུ་བསྟན་ཏོ། །སོ་སོར་ཡང་དག་པར་སྤྱོད་པའི་ཚུལ་ནམ་མཁའ་ལ་འགྲོ་བའི་འོད་ཀྱིས་འདུལ་བའི་བཟོད་པ་ཞེས་བྱ་བ་ཐེག་པ་ཆེན་པོའི་མདོ་ལེའུ་དྲུག་གོ།           །། 
དེ་ནས་དེ་ཉིད་ཀྱི་ཚེ་ན་ཤཱཀྱ་ཐུབ་པ་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རྣམས་སྐར་མདའ་ཉི་ཤུ་པའི་རྒྱུན་བཅད་དེ། དེ་བཞིན་གཤེགས་པའི་གཟུགས་སུ་བརྩམས་ནས་སེམས་ཅན་
རྣམས་ལ་ཆོས་སྟོན་ཏོ། །ལྷ་དང་། དྲི་ཟ་དང་། མིའི་འཁོར་དེ་ཐམས་ཅད་དང་ལྡན་པ་དེ་ཇི་ལྟ་བུར་སྔོན་གྱི་གཟུགས་ཀྱི་ལུས་ཀྱིས་གནས་པར་འགྱུར་རོ། །དེ་ནས་བཅོམ་ལྡན་འདས་ཡང་འཁོར་བའི་དཀྱིལ་འཁོར་ཞེས་
བྱ་བའི་ཏིང་ངེ་འཛིན་ལ་མཉམ་པར་བཞིག་སྟེ། ཡང་བཅོམ་ལྡན་འདས་འཁོར་བའི་དཀྱིལ་འཁོར་གྱི་ཏིང་ངེ་འཛིན་ལ་མཉམ་པར་ཞུགས་མ་ཐག་ཏུ་དེ་ནས་དེ་ཉིད་ཀྱི་ཚེ་བཅོམ་ལྡན་འདས་ཀྱི་སྨིན་མཚམས་ཀྱི་མཛོད་སྤུ་ནས་
ཁ་དོག་དུ་མ་ཁ་དོག་སྣ་ཚོགས་ཀྱི་འོད་ཟེར་བྱུང་སྟེ། འོད་ཟེར་དེས་ཕྱོགས་བཅུ་ཆུ་བོ་གང་གཱའི་བྱེ་མ་སྙེད་ཀྱི་རྙོག་པ་ལྔའི་སངས་རྒྱས་ཀྱི་ཞིང་གི་རང་སངས་རྒྱས་ཀྱི་ཐེག་པ་པ་ཀུན་སྣང་བར་བྱས་སོ། །ཇི་ལྟར་སེམས་ཅན་
རྣམས་འོད་ཟེར་དེ་ལུས་ལ་རེག་པ་དེ་ལྟར་འདོད་ཆགས་དང་། ཞེ་སྡང་དང་། གཏི་མུག་གི་ཀུན་གཞི་སྤངས་པས་དེ་ཡང་དེ་ལྟར་ལུས་ཀྱི་གཟུགས་ཀྱི་བདེ་བ་དང་ལྡན་པར་འགྱུར་རོ། །འདི་ལྟ་སྟེ། དཔེར་ན། བསམ་གཏན་

62-1-175a

གཉིས་ལ་ཡང་དག་པར་ཞུགས་པའི་དགེ་སློང་དག་དེ་ཡང་ཕྱོགས་བཞིའི་རྣམ་པར་སྣང་བའི་ཕྱིར་བདག་གང་དུ་རྣམ་པ་འདི་འདྲ་བའི་བདེ་བ་དང་། ཚོར་བ་འབྱུང་བར་འགྱུར་བ་དེ་ཡང་སངས་རྒྱས་ཀྱི་མཐུས་ན། དཔག་ཚད་ཕྱེད་ཙམ་ན་ཤཱཀྱ་ཐུབ་
པ་དེ་བཞིན་གཤེགས་པ་འཁོར་དང་བཅས་པ་མི་རིང་བར་མཐོང་ངོ་། །མཆོག་ཏུ་དང་བ་ཐོབ་པ་དེ་སངས་རྒྱས་ཀྱི་མཐུས་ཆུང་ཟད་ཙམ་གྱིས་ཀྱང་བཅོམ་ལྡན་འདས་ཀྱི་དྲུང་དུ་ཉེ་བར་ཕྱིན་ཏོ། །དེ་ནས་དེའི་དུས་ན་ཡང་ཕྱོགས་བཅུའི་རྙོག་པ་ལྔའི་སངས་
རྒྱས་ཀྱི་ཞིང་སྟོང་པ་མེ་བཅུ་རྡུལ་ཡལ་བྱེ་བ་ཁྲག་ཁྲིག་བརྒྱ་སྟོང་ཕྲག་བརྒྱད་བཅུ་རྩ་བཞིའི་རང་སངས་རྒྱས་ཀྱི་ཐེག་པ་པའི་སེམས་ཅན་འདི་དག་དེ་ལྟར་ཤཱཀྱ་ཐུབ་པ་དེ་བཞིན་གཤེགས་པའི་དྲུང་དུ་ཉེ་བར་ཕྱིན་ནས། བཅོམ་ལྡན་འདས་ཀྱི་ཞབས་
གཉིས་ལ་སྤྱི་བོས་ཕྱག་འཚལ་ཏེ། བཅོམ་ལྡན་འདས་ཀྱི་སྤྱན་སྔར་ཆོས་མཉན་པའི་ཕྱིར་འདུག་གོ། །དེ་ལ་བཅོམ་ལྡན་འདས་ཀྱིས་ཡང་བྱང་ཆུབ་སེམས་དཔའ་གདུལ་དཀའ་བ་བོས་སོ། །ཡུལ་ལ་ཆགས་པའི་རིགས་ཀྱི་བུ། །རྟག་ཏུ་
དགའ་བའི་བྱ་བ་བྱེད། །ཤིན་དུ་ཤེས་མེད་བྱིས་པ་དག །བདེ་བའི་ལམ་དུ་དེ་མི་ཤེས། །མུན་པའི་ཕུང་པོས་དེ་གཡོགས་སོ། །འཁོར་བ་ཡང་ནི་མི་འདོར་རོ། །ཆུང་བའི་འདུ་བྱེད་སྤྱོད་ཡུལ་ལ། །འདོད་པའི་ཡོན་ཏན་ལྔ་ལ་ཞེན། །དེ་དག་
ཚེ་ཡང་མངོན་པར་འདོད། །དུག་གི་ཆུ་ཡང་དེ་ལྟར་འཐུངས། །སྡུག་བསྔལ་ཚོར་བ་རྗེས་སུ་མྱོང་། །འཁོར་བ་ལ་ཡང་མངོན་པར་འདོད། །ཤ་དང་ཁྲག་ལ་ཡང་ནི་ཟ། །འཁོར་ལོ་དེ་ལྟར་རྣམ་པར་གནས། །ཡང་དང་ཡང་དུ་འཁོར་
བ་ནི། །མི་ཟད་ཡོན་ཏན་དུ་ནི་ཤེས། །ལོངས་སྤྱོད་རྙེད་མེད་མི་ཟད་པ། །འདི་ལ་གཏེར་གྱི་མཐའ་ཡང་མེད། །མི་དགེ་མཛའ་བོ་སྤངས་པ་ནི། །མཚོན་པའི་སྡུག་བསྔལ་རབ་ཏུ་ཞི། །བཟོད་པ་བསྒོམ་ལ་མཁས་པ་ནི། །ཉོན་མོངས་ཐམས་
ཅད་རབ་ཏུ་ཞི། །སྲོག་ཆགས་བྱེ་བ་འདུལ་བྱེད་པ། །གཏེར་བཞི་ཡང་ནི་ཐོབ་པའོ། །སེམས་ཅན་སྡུག་བསྔལ་བདེ་བར་བཀོད། །དེ་ནི་ཆུ་ཟླ་འདྲ་བར་འགྱུར། །འགྲོ་བའི་མཆོག་ནི་མྱ་ངན་འདས། །དེ་ནས་ཡང་བྱང་ཆུབ་སེམས་དཔའ་

62-1-175b

སྤོས་ཤེས་པས། བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས་རིགས་ཀྱི་བུ་ཕོ་འམ། རིགས་ཀྱི་བུ་མོ་དག་མི་འཇིགས་པའི་ལོངས་སྤྱོད་སོ་སོར་ཐོབ་བམ། མི་འཇིགས་པའི་བསོད་ནམས་དང་། 
མི་ཟད་པའི་ཤེས་རབ་དང་། མི་ཟད་པའི་སྤོབས་པ་སོ་སོར་ཐོབ་བམ་ཞེས་དེ་སྐད་ཅེས་གསོལ་པ་དང་། བཅོམ་ལྡན་འདས་ཀྱིས་བྱང་ཆུབ་སེམས་དཔའ་སྤོས་ཤེས་པ་ལ་འདི་སྐད་ཅེས་བཀའ་སྩལ་ཏོ། །གང་རིགས་ཀྱི་བུ་ཕོ་འམ། 
རིགས་ཀྱི་བུ་མོ་སུ་ཞིག་འདུ་བྱེད་ཐམས་ཅད་ལ་མི་འགྲོ་བ་དང་མི་འཛིན་པར་ཤེས་པ་དེ་ལྟར་འདུ་བྱེད་ཐམས་ཅད་ལ་བདག་པོ་དང་། རྒྱུ་དང་རྐྱེན་མེད་པ། མི་སྒྲུབ་པ། བྱེད་པ་ཉེ་བར་ལྟ་བར་འགྱུར་རོ། །དེ་ལ་དངོས་པོ་མེད་པའི་ཆོས་ཡོད་
པ་དེ་འདུ་བྱེད་ཐམས་ཅད་ལ་རྟོག་པ། རྣམ་པར་རྟོག་པ། མཚན་མར་འཛིན་པ་མ་ཡིན་པར་འགྱུར། དཔེ་བྱད་བཟང་པོས་མ་ཡིན། འཇིག་རྟེན་ལ་ཆུང་ཟད་ཀྱང་འཛིན་པ་མ་ཡིན། གཟུགས་ལ་འཛིན་པ་མ་ཡིན། དེ་ནི་སྒྲ་དང་། 
དྲི་དང་། རོ་དང་། རེག་ལ་འཛིན་པ་མ་ཡིན། འདོད་པའི་ཡོན་ཏན་ལྔ་ཉེ་བར་མི་ལེན། སྲིད་པ་ཐམས་ཅད་སྐྱེ་བ་མ་ཡིན། གང་ཆགས་པ་དང་བྲལ་བ་ཐམས་ཅད་སྐྱེ་བ་མ་ཡིན། དེ་དངོས་པོ་མ་ཡིན། ཡིད་ལ་བྱེད་པ་མ་ཡིན། གང་
དངོས་པོ་མེད་པ་དང་། ཡིད་ལ་མི་བྱེད་པ་དེ་ནི་ཆགས་པ་མེད་པའོ། །གང་ཆགས་པ་མེད་པ་དེ་ནི་ཡི་གེ་དང་བྲལ་བའོ། །གང་ཡི་གེ་དང་བྲལ་བ་དེ་ནི་ཕྱིར་མི་འོང་བའོ། །དེ་ཁམས་གསུམ་ཐམས་ཅད་གྲངས་མེད་པའི་དུས་གསུམ་དང་
བྲལ་བའི་སེམས་སོ། །གང་དེ་ལྟར་ཆོས་ནི་འོང་བ་ཡང་མེད། ཉེ་བར་འོང་བ་མེད་པ་ཐོབ་པ་ནི་གང་ཚུལ་གཅིག་གི་ཆོས་ཀྱི་ཚུལ་རབ་ཏུ་ཤེས་སོ། །འགྲོ་བ་དང་འོང་བ་མེད་པ། ཉེ་བར་ཐོབ་པ་མེད་དོ། །ཆུང་ཟད་ཀྱང་ཆགས་
པར་མི་བྱེད་དོ། །བཅིངས་པ་འང་མེད། གྲོལ་བ་འང་མེད། འདུག་པ་འང་མེད། གནས་པ་འང་མེད་པ་དེ་ཆོས་ཐམས་ཅད་སོ་སོར་མི་གནས་པའི་སྒོར་རབ་ཏུ་ཤེས་སོ། །གང་ཆོས་ཐམས་ཅད་སོ་སོར་གནས་པའི་སྒོར་རབ་ཏུ་ཤེས་སོ། །

62-1-176a

འཆི་འཕོ་མེད་པ་དང་། སྐྱེ་བ་མེད་པ་གང་དེ་ལྟར་ཆོས་ཉེ་བར་ཐོབ་པ་ལ་རྟེན་པར་རབ་ཏུ་ཤེས་སོ། །གང་ཆོས་ཐམས་ཅད་ལ་རྟེན་པ་མེད་པས་རྣམ་པ་སྣ་ཚོགས་ཐམས་ཅད་དང་བྲལ་ལོ། །གང་རྣམ་པ་སྣ་ཚོགས་ཐམས་
ཅད་དང་བྲལ་བས་དེ་འཚོ་བ་དང་། གསོ་བ་དང་། གང་ཟག་དང་། ཤེད་ཅན་དང་། ཤེད་བདག་དང་བྲལ་ལོ། །གང་འཚོ་བ་དང་། གསོ་བ་དང་། གང་ཟག་དང་། ཤེད་ཅན་དང་། ཤེད་བདག་དང་བྲལ་བས་དེ་གསོག་དང་། སྟོང་པ་ལས་མ་འདས་པ་ནི་
ཚད་མེད་པའི་སྟོང་པ་འདུ་བྱེད་ཐམས་ཅད་དུ་ལྟའོ། །གང་རིགས་ཀྱི་བུ་ཚད་མེད་པའི་སྟོང་པའི་ཕྱིར་དེ་སེམས་ལ་ཤིན་དུ་སྒོམ་པར་བྱེད་དོ། །འདི་ལ་ཟད་པ་མེད་པའི་ཆོ་ག་བཞི་སོ་སོར་ཐོབ་བོ། །དེ་ཟད་པ་མེད་པས་མཉམ་པར་ལེན་པའི་ལོངས་
སྤྱོད་དུ་འགྱུར་རོ། །སེམས་ཅན་ཡོངས་སུ་སྨིན་པས་བསོད་ནམས་མི་ཟད་པར་འགྱུར་རོ། །སྤོབས་པ་ཟད་པ་མེད་པས་ཆོས་སྟོན་པར་འགྱུར་རོ། །ཐབས་མི་ཟད་པས་ཡེ་ཤེས་ལ་མཁས་པར་འགྱུར་རོ། །སེམས་ཅན་ཡོངས་སུ་སྨིན་པའི་
དོན་གྱིས་སེམས་ཅན་རྣམ་པར་ཐར་པའི་སྒོ་ཡོངས་སུ་བསགས་པས་ཡང་དག་པའི་མཐའ་མངོན་སུམ་དུ་བྱེད་དོ། །ཆོས་ཐམས་ཅད་ལ་བདག་མེད་པར་རབ་ཏུ་ཤེས་སོ། །སྙིང་རྗེ་ཆེན་པོའི་གོ་ཆས་སེམས་ཅན་ཡོངས་སུ་སྨིན་པ་མི་འདོར་རོ། །
སངས་རྒྱས་ཀྱི་ཞིང་ཐམས་ཅད་ཆུ་ཟླ་དང་མཉམ་པ་སེམས་ཅན་ཡོངས་སུ་སྨིན་པའི་དོན་ལ་འཇུག་གོ། །ཆོས་ཐམས་ཅད་ལ་བདག་མེད་པས་སེམས་ཅན་གྱི་ཚུལ་ཁྲིམས་ཏིང་ངེ་འཛིན་དུ་སྒྲུབ་པ་ལ་མཁས་པས་སེམས་ཅན་ཡོངས་སུ་སྨིན་
ཏོ། །འཚོ་བར་འགྲོ་བ་དང་། གསོ་བ་དང་། གང་ཟག་ལ་རྟག་ཏུ་གཅོད་པའི་ཆུ་བོ་ལས་རྒལ་བར་འགྱུར་རོ། །དུས་གསུམ་ཐམས་ཅད་ཀྱི་ལུས་དང་། ངག་ཡིད་ཀྱི་འདུ་བྱེད་མེད་པས་སེམས་ཅན་གྱི་ཚེ་རྒྱ་མཚོ་ལས་རྒལ་བར་འགྱུར་
བ་འདི་ནི་བྱང་ཆུབ་སེམས་དཔའ་སྒྲིབ་པ་མེད་པའི་ཡེ་ཤེས་སྟོན་པ་ཞེས་བྱའོ། །བྱང་ཆུབ་སེམས་དཔའ་བརྒྱ་སྟོང་ཕྲག་ས་ཡ་དྲུག་བཅུ་རྩ་བརྒྱད་ལ་འདི་དག་འཆད་པ་བཤད་པས་ཆོས་ཀྱི་རྗེས་སུ་བཟོད་པ་ཐོབ་པར་འགྱུར་རོ། །རང་སངས་

62-1-176b

རྒྱས་ཀྱི་ཐེག་པ་ལ་སེམས་ཅན་བརྒྱ་སྟོང་ཕྲག་བྱེ་བ་བརྒྱད་བཅུ་རྩ་བཞི་དག་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་སེམས་བསྐྱེད་དོ། །ཕྱིར་མི་ལྡོག་པའི་སར་སེམས་བསྐྱེད་དོ། །ཕྱིར་མི་ལྡོག་པའི་ས་ལ་སོ་སོར་གནས་པར་འགྱུར་རོ། །
བཅོམ་ལྡན་འདས་ཀྱིས་ཡང་བྱང་ཆུབ་སེམས་དཔའ་གཉེན་དུ་ལྟ་བ་དེ་ལ་བོས་སོ། །རིགས་ཀྱི་བུ་དེ་བཞིན་གཤེགས་པ་འབྱུང་བ་དང་། མི་འབྱུང་བ་ལ་གནས་པའི་ཆོས་ཉིད་དང་། ཆོས་ཀྱི་དབྱིངས་དང་། ཆོས་ལ་གནས་པ་ནི་འདི་
ལྟ་སྟེ། མ་རིག་པའི་རྐྱེན་དང་། འདུ་བྱེད་དེའི་བར་དུ་འབའ་ཤིག་ཏུ་སྡུག་བསྔལ་གྱི་ཕུང་པོ་ཆེན་པོ་ཀུན་དུ་འབྱུང་བར་འགྱུར་རོ། །འདི་ལྟ་སྟེ། མ་རིག་པ་འགགས་པས་འདུ་བྱེད་འགགས་པ་དེའི་བར་དུ་སྡུག་བསྔལ་གྱི་ཕུང་པོ་
འགགས་པར་འགྱུར་རོ། །དེ་ལྟར་དེ་བཞིན་གཤེགས་པའི་རྗེས་སུ་འབྱུང་བས། སེམས་ཅན་མངོན་སུམ་དུ་བྱས་པ་འདི་དག་ཆོས་ཀྱི་རྐྱེན་གྱིས་བྱང་ཆུབ་ཐོབ་བོ། །འདི་ལ་ཆོས་གཞན་དག་རྣམ་པར་རྒྱས་པར་ཀུན་དུ་མི་སྒྲོགས་
པར་འགྱུར་རོ། །གང་ལ་ཡང་དེ་བཞིན་གཤེགས་པ་འཇིག་རྟེན་དུ་འབྱུང་བས་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཀྱིས་དེའི་དུས་ན་སེམས་ཅན་རྣམ་པར་རྒྱས་པར་རབ་ཏུ་སྒྲོག་གོ། །སྟོན་ཏོ། །ཡང་དག་པ་དེ་ལྟར་
གཞན་མ་ཡིན་པའི་སེམས་ཅན་འཁོར་བའི་ཆུ་བོ་ལས་རྒལ་བར་འགྱུར་རོ། །ཞི་བ་དང་བདེ་བ་དང་མྱ་ངན་ལས་འདས་པའི་ལམ་ལ་སོ་སོར་གནས་སོ། །འདི་ལ་ཡང་ལུང་བསྟན་བཤད་པས་མེ་བཅུ་རྡུལ་ཡལ་ཁྲག་ཁྲིག་བརྒྱ་སྟོང་ཕྲག་
བརྒྱད་བཅུའི་སེམས་ཅན་དག་རང་སངས་རྒྱས་ཀྱི་རྡུལ་དང་བྲལ་བའི་ཏིང་ངེ་འཛིན་སོ་སོར་ཐོབ་པར་འགྱུར་རོ། །རང་སངས་རྒྱས་ཀྱི་ཐེག་པ་སོ་སོར་ཐོབ་པར་འགྱུར་རོ། །
སོ་སོར་ཡང་དག་པར་སྤྱོད་པའི་ཚུལ་ནམ་མཁའ་ལ་འགྲོ་བའི་འོད་ཀྱིས་འདུལ་བའི་བཟོད་པ་ཞེས་བྱ་བ་ཐེག་པ་ཆེན་པོའི་མདོ་ལེའུ་བདུན་ནོ།།             །། བམ་པོ་བརྒྱད་པ། དེ་ནས་བཅོམ་ལྡན་འདས་ཀྱིས་མི་སྣང་བའི་རྒྱན་

62-1-177a

གྱི་ཏིང་ངེ་འཛིན་དུ་ཞུགས་སོ། །དེའི་ཕྱིར་དེ་བཞིན་གཤེགས་པ་ཏིང་ངེ་འཛིན་དུ་ཞུགས་ནས། བཅོམ་ལྡན་འདས་ཀྱི་ཞལ་གྱི་སྒོར་ཁ་དོག་སྣ་ཚོགས་ཀྱི་འོད་བྱུང་ངོ་། །ཕྱོགས་བཅུ་ཀུན་ནས་ཆུ་བོ་གང་གཱའི་བྱེ་མ་དང་མཉམ་པའི་
རྙོག་པ་ལྔ་ན་སངས་རྒྱས་ཀྱི་ཞིང་ལས་འོད་བྱུང་ངོ་། །ཕྱོགས་བཅུ་ཀུན་ནས་ཆུ་བོ་གང་གཱའི་བྱེ་མ་དང་མཉམ་པའི་རྙོག་པ་ལྔ་ན་སངས་རྒྱས་ཀྱི་ཞིང་གི་འོད་དུ་འགྲོའོ། །གང་དེ་ལ་ཉན་ཐོས་དང་། ཉན་ཐོས་ཀྱི་ཐེག་པ་ལ་འགྲོ་བའི་སེམས་ཅན་
འོད་ལ་རེག་ནས། ཉན་ཐོས་དང་། ཉན་ཐོས་ཀྱི་ཐེག་པ་དེ་ལ་སེམས་ཅན་དེ་བཞིན་དུ་གཟུགས་དང་། ལུས་དང་། བདེ་བའི་ཚོར་བ་འབྱུང་བར་འགྱུར་རོ། །འདི་ལྟ་སྟེ། བསམ་གཏན་གསུམ་པའི་ཏིང་ངེ་འཛིན་དུ་འཇུག་པ་དགའ་བ་མེད་
པའི་དགེ་སློང་དེས་ཕྱོགས་བཞིར་བལྟས་ནས། བཅོམ་ལྡན་འདས་ཤཱཀྱ་ཐུབ་པས་དཔག་ཚད་ཕྱེད་ཚུན་ཆད་དུ་བལྟས་ན་སྤོས་ཀྱི་ངད་ལྡང་བའི་རི་བརྒྱན་པ་ཐམས་ཅད་ལྟ་བར་དེ་ལྟར་བ་སྔོན་གསུངས་སོ། །རིན་པོ་ཆེ་བདུན་
གྱི་རང་བཞིན་གྱི་སྤོས་ཀྱི་ངད་ལྡང་བའི་རི་བྱང་ཆུབ་སེམས་དཔས་གང་བ་ལ་ལྟའོ། །བཅོམ་ལྡན་འདས་ཀྱི་མཐུས་དེ་དག་བཅོམ་ལྡན་འདས་ཤཱཀྱ་ཐུབ་པ་གང་ན་བ་དེར་དོང་སྟེ། སྐད་ཅིག་ཡུད་ཙམ་གྱིས་སྐབས་ཕྱེ་ནས་བྱང་ཆུབ་སེམས་དཔའ་
རྣམས་བཅོམ་ལྡན་འདས་ཀྱི་སྤྱན་སྔར་འཁོད་པར་གྱུར་ཏོ། །ཉན་ཐོས་པ་རྣམས་དང་། ཉན་ཐོས་པའི་ཐེག་པ་ཅན་རྣམས་ཀྱི་སེམས་ཅན་རྣམས་ཀྱང་བཅོམ་ལྡན་འདས་གང་ན་བ་དེར་དོང་སྟེ་ཕྱིན་ནས་ཆོས་མཉན་པའི་ཕྱིར་བཅོམ་ལྡན་འདས་
ཀྱི་སྤྱན་སྔར་འཁོད་དོ། །གང་ཡང་ཉན་ཐོས་ཆེན་པོའི་ཐེག་པ་དེ་ཀུ་རུའི་གྲོང་རྡལ་དུ་སོ་སོ་ནས་བསྡུས་ཏེ་ཐིམ་པར་གནས་སོ། །དེ་ཡང་འོད་དེ་ཡང་དག་པར་ཤེས་པ་དང་། དེ་ཡང་ཟང་ཟིང་མེད་པའི་དགའ་བ་དང་བདེ་བས་ཚིམ་
པར་བྱས་པ་ཡོད་པ་དེ་ལས་ལྷན་ཅིག་ཏུ་ལངས་ཏེ་བཅོམ་ལྡན་འདས་སྤོས་ཀྱི་ངད་ལྡང་བའི་རི་ལ་བཞུགས་པ་མཐོང་ངོ་། །བྱང་ཆུབ་སེམས་དཔའི་ཚོགས་དང་། ཉན་ཐོས་ཀྱི་ཚོགས་ཀྱིས་བསྐོར་ཅིང་མདུན་དུ་བྱས་ཏེ། རྒྱན་ཆེན་

62-1-177b

པོ་མཐོང་ནས་དེ་དག་གཞན་ཡང་ཡང་དག་པར་ཤེས་སོ། །བཙུན་པ་དགོངས་ཤིག །བདག་ནི་ད་ལྟར་དེ་བཞིན་གཤེགས་པ་སྤོས་ཀྱི་ངད་ལྡང་བའི་རི་ལ་བཞུགས་ཤིང་རྒྱན་ཆེན་པོ་དང་ཚོགས་ཆེན་པོའི་འཁོར་གྱིས་བདག་ཀྱང་ཆོས་མཉན་
པའི་ཕྱིར་བཅོམ་ལྡན་འདས་གང་ན་བ་དེར་ཉེ་བར་སོང་ངོ་། །དེ་ནས་མི་མཇེད་ཀྱི་སངས་རྒྱས་ཀྱི་ཞིང་འདིའི་ཉན་ཐོས་ཆེན་པོ་ཇི་སྙེད་པ་དང་ཉན་ཐོས་དང་ཉན་ཐོས་ཀྱི་ཐེག་པ་པ་ཇི་སྙེད་པ་དེ་དག་ཀྱང་བཅོམ་ལྡན་འདས་ལ་ཆོས་མཉན་པའི་
ཕྱིར་འཁོད་དོ། །ཚད་མེད་གྲངས་མེད་དཔག་ཏུ་མེད་པའི་ཉན་ཐོས་དང་། ཚད་མེད་གྲངས་མེད་དཔག་ཏུ་མེད་པའི་ཉན་ཐོས་ཀྱི་ཐེག་པ་པའི་སེམས་ཅན་རྣམས་ཆོས་མཉན་པའི་ཕྱིར་བཅོམ་ལྡན་འདས་ཀྱི་སྤྱན་སྔར་འཁོད་དོ། །
དེ་ནས་བཅོམ་ལྡན་འདས་ཀྱིས་ཚེ་དང་ལྡན་པ་རབ་འབྱོར་ལ་བོས་ཏེ་རབ་འབྱོར་འདི་ནི་སྨིན་པ་དང་རྣམ་པར་སྨིན་པ་ཞེས་བྱའོ། །རབ་འབྱོར་དེ་ཙམ་གྱི་བར་དུ་རྣམ་པར་སྨིན་པ་ཞེས་བྱའོ། རབ་འབྱོར་གྱིས་གསོལ་པ། 
གང་བཅོམ་ལྡན་འདས་རྣམ་པར་སྨིན་པའི་མཚན་ཉིད་འབྱུང་བ་དེ་བཞིན་དུ་དེ་བཞིན་གཤེགས་པའི་མཚན་ཉིད་རྣམ་པར་སྨིན་པ་ནམ་མཁའི་མཛོད་རྒྱས་པ་སེམས་ཅན་གཅིག་ཀྱང་མྱ་ངན་ལས་འདས་པར་མི་འགྱུར་རོ། །དེ་ཅིའི་
ཕྱིར་ཞེ་ན། སེམས་ཅན་དེ་ཐམས་ཅད་ཀྱང་འཇིགས་ཤིང་འཇིགས་པར་འགྱུར་བས་གཅིག་གིས་ཀྱང་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་སེམས་བསྐྱེད་པ་ཆུང་ཟད་ཀྱང་མེད་དོ། །དེ་ལྟར་དེ་བཞིན་གཤེགས་པ་ཚད་མེད་
པའི་མཚན་ཉིད་དེ་རེ་རེ་ལ་ཡང་མཚན་ཉིད་རྣམ་པར་སྨིན་པ་ལ་གཟུགས་མེད་པ་དང་། མཚན་ཉིད་མེད་པ་དང་། དངོས་པོ་མེད་པའི་ལུས་ཐམས་ཅད་མཚན་ཉིད་དང་བྲལ་ཞིང་སངས་རྒྱས་ཀྱི་ཆོས་ཐམས་ཅད་ནམ་མཁའ་
དང་འདྲ་བར་མཉམ་ཞིང་གཟུགས་མེད་པ་ལ་སོ་སོར་དགོད་པ་མེད་པ་ནི་སངས་རྒྱས་ཀྱི་ཆོས་ཀྱི་བར་དུ་རྣམ་པར་ཤེས་པ་ལ་སོ་སོར་དགོད་དོ། །སངས་རྒྱས་ཀྱི་ཆོས་ལ་མིག་གི་ཁམས་དགོད་པ་མེད་པ་ནི་སངས་རྒྱས་ཀྱི་

62-1-178a

ཆོས་རྣམ་པར་སྨིན་པ་དེའི་བར་དུ་ཡིད་ཀྱི་ཁམས་ལ་དགོད་པ་མེད་པས་སངས་རྒྱས་ཀྱི་ཆོས་རྣམ་པར་སྨིན་པའོ། །གཟུགས་ཀྱི་ཁམས་ལ་དགོད་པ་མེད་པས་སངས་རྒྱས་ཀྱི་ཆོས་རྣམ་པར་སྨིན་པ་དེའི་བར་དུ་རེག་པ་སོ་
སོར་དགོད་པ་མེད་པའོ། །ཡང་སའི་ཁམས་སོ་སོར་དགོད་པ་མེད་པས་སངས་རྒྱས་ཀྱི་ཆོས་རྣམ་པར་སྨིན་པ་དེའི་བར་དུ་རླུང་སོ་སོར་དགོད་དུ་མེད་པས་སངས་རྒྱས་ཀྱི་ཞིང་རྣམ་པར་སྨིན་པའོ། །འདོད་པའི་ཁམས་སོ་སོར་དགོད་པ་མེད་
པས་སངས་རྒྱས་ཀྱི་ཆོས་རྣམ་པར་སྨིན་པ་དེའི་བར་དུ་གཟུགས་ཀྱི་ཁམས་སོ་སོར་དགོད་པ་མེད་པས་སངས་རྒྱས་ཀྱི་ཆོས་རྣམ་པར་སྨིན་པའོ། །བདག་དང་གཞན་དུ་མི་རྟེན་པ་དང་། ང་རྒྱལ་ལ་མི་རྟེན་པ་དང་། ཡིད་ལ་བྱེད་པ་ལ་མི་རྟེན་
པ་དང་། རྟག་པ་ལ་མི་རྟེན་པ་དང་། ཆད་པ་ལ་མི་རྟེན་པས་སངས་རྒྱས་ཀྱི་ཆོས་རྣམ་པར་སྨིན་པའོ། །ཡི་གེའི་ཕྱི་མོ་དང་། མཚན་མ་ལ་མི་རྟེན་པས་སངས་རྒྱས་ཀྱི་ཆོས་རྣམ་པར་སྨིན་པའོ། །དེ་ཅིའི་ཕྱིར་ཞེ་ན། བཅོམ་
ལྡན་འདས་མཚན་ཉིད་མེད་པས་བཅོམ་ལྡན་འདས་ཀྱིས་ཆོས་ཐམས་ཅད་བཤད་པ་ནི་རང་གི་མཚན་ཉིད་དང་བྲལ་བ་སྟོང་པའི་ཚུལ་གྱི་སྤྱོད་ཡུལ་ལོ། །བཅོམ་ལྡན་འདས་ཀྱིས་བཀའ་སྩལ་པ། ལེགས་སོ་ལེགས་སོ། །རབ་འབྱོར་
ཁྱོད་དེ་ལྟར་དེ་བཞིན་དུ་ཤིན་དུ་སྨྲས་པ་ནི་རབ་འབྱོར་གང་ཡང་དེ་བཞིན་གཤེགས་པའི་རྣམ་པར་སྨིན་པ་སྒྲུབ་པ་ནི་མཚན་ཉིད་མེད་པར་འགྱུར་རོ། །དེ་ཡང་དེ་བཞིན་གཤེགས་པའི་སེམས་ཅན་དུ་འཛིན་པར་འགྱུར་རོ། །སྲོག་ཏུ་
འཛིན་པ་དང་། གསོ་བར་འཛིན་པ་དང་། གང་ཟག་ཏུ་འཛིན་པ་དེ་ཡང་རབ་འབྱོར་དེ་བཞིན་གཤེགས་པའི་སེམས་ཅན་དུ་འཛིན་པའི་མཚན་ཉིད་དུ་འགྱུར་རོ། །དེའི་བར་དུ་གང་ཟག་ཏུ་འཛིན་པར་འགྱུར་རོ། །ཡང་
དེ་བཞིན་གཤེགས་པ་དང་། ཉན་ཐོས་དང་། རང་སངས་རྒྱས་ཀྱི་ཁྱད་པར་དུ་འཕགས་པ་མ་ཡིན། ཡེ་ཤེས་ལ་མཁས་པར་འགྱུར་རོ། །གང་རབ་འབྱོར་བྱང་ཆུབ་སེམས་དཔའི་ཐོག་མར་སེམས་བསྐྱེད་པས་དགེ་བའི་རྩ་བའི་

62-1-178b

མཚན་ཉིད་རྣམ་པར་སྨིན་པ་དབེན་པའི་མཚན་ཉིད་ལ་རྣམ་པར་རྟོག་པར་བྱང་ཆུབ་སེམས་དཔས་བརྗོད་དོ། །དེ་ཅིའི་ཕྱིར་ཞེ་ན། གང་དེ་ལ་རབ་འབྱོར་བྱང་ཆུབ་སེམས་དཔའི་མཚན་ཉིད་ཀྱི་འདུ་ཤེས་དང་། དེ་ལ་སྤྲོས་པ་ཡོངས་
སུ་འཛིན་པའི་འདུ་ཤེས་དང་། གང་ལས་སྤྲོས་པ་ཡོངས་སུ་འཛིན་པའི་འདུ་ཤེས་དང་། ང་རྒྱལ་གྱི་འདུ་ཤེས་དང་། མི་རྟག་པའི་འདུ་ཤེས་དང་། དེ་ལ་ཐམས་ཅད་བདེ་བར་འདོད་པའི་འདུ་ཤེས་དང་། གང་ལ་བདེ་བར་འདོད་པའི་འདུ་
ཤེས་དེ་ལ་བྱམས་པ་ཆེན་པོ་དང་སྙིང་རྗེ་ཆེན་པོར་མི་འགྱུར་རོ། །རབ་འབྱོར་གང་ལ་བྱམས་པ་ཆེན་པོ་དང་སྙིང་རྗེ་ཆེན་པོར་བསམ་པ་དང་སེམས་པར་མི་འགྱུར་རོ། །དེ་ལ་ཐར་བར་ཡོངས་སུ་བསྔོས་པས་དགེ་བའི་རྩ་བ་མི་ལྡང་བ་
ལས་ཀྱང་ཐར་ཏོ། །དེ་བས་ན་རབ་འབྱོར་འཁོར་གསུམ་ཡོངས་སུ་དག་པ་དང་ཕ་རོལ་དུ་ཕྱིན་པ་དྲུག་ལ་མ་འཁྲུགས་པས་ཐར་བར་ཡོངས་སུ་བསྔོས་པ་དགེ་བའི་རྩ་བར་བརྗོད་དོ། །དེ་ལྟར་ནམ་མཁའ་ལ་མི་རྟོག་གོ། །རྣམ་པར་མི་
རྟོག་པ་དེ་ལྟར་དེ་བཞིན་དུ་རྟོག་པ་དང་རྣམ་པར་རྟོག་པ་ཐམས་ཅད་སྤོང་བར་བྱང་ཆུབ་སེམས་དཔས་བརྗོད་དོ། །འདི་ལྟ་སྟེ། ཡང་རབ་འབྱོར་ཟླ་བ་འཕེལ་བ་ཞེས་བྱ་བའི་སྨན་གྱི་རྒྱལ་པོས་ནད་དང་ན་བ་ཐམས་ཅད་སེལ་བ་ལ་ཟླ་
བ་འཕེལ་བའི་སྨན་གྱི་རྒྱལ་པོས་དེ་བཞིན་དུ་མི་རྟོག་པར་འགྱུར་རོ། །བདག་གིས་ནད་ཐམས་ཅད་བསལ་བས་ཡང་དེའི་ནད་དེ་བཞིན་དུ་རྟོག་པར་ཡང་མི་འགྱུར་རོ། །བདག་གི་ལུས་འདི་ལ་སྨན་གྱིས་སེལ་བར་འགྱུར་རོ། །ཕན་
ཚུན་དུ་རྣམ་པར་རྟོག་པ་མེད་ཅིང་མི་རྟོག་པས་ནད་ཐམས་ཅད་ཞི་བ་དེ་ལྟར་དེ་བཞིན་དུ་རབ་འབྱོར་གང་བྱང་ཆུབ་སེམས་དཔས་ཆུང་ངུ་ནའང་ཕ་རོལ་དུ་ཕྱིན་པ་དྲུག་ཀུན་དུ་སྤྱོད་དོ། །གལ་ཏེ་སྦྱིན་པ་བྱིན་པ་དང་ཤེས་རབ་ཇི་སྙེད་པ་སྒོམ་མོ། །
དངོས་པོ་དེ་ལ་རྟོག་པ་འང་མེད། ལེན་པ་འང་མེད། དེ་བས་རྣམ་པར་སྨིན་པ་ལ་རྟོག་པ་འང་མེད། ཡང་གཟུགས་ལ་རྟེན་པ་ཀུན་དུ་སྤྱོད་པ་ཡང་མེད་པ་ནས་རྣམ་པར་ཤེས་པའི་བར་དུ་རྟེན་ཅིང་ཀུན་དུ་སྤྱོད་པ་འང་མེད། 

62-1-179a

ཡང་གཟུགས་ལ་རྟེན་ཅིང་ཀུན་དུ་སྤྱོད་པ་མེད་པ་ནས། རེག་པའི་བར་དུ་རྟེན་ཅིང་ཀུན་དུ་སྤྱོད་པ་འང་མེད་དོ། །དེའི་མིང་དུ་ཡང་འཛིན་པར་མི་འགྱུར་བ་ནས་གང་ཟག་གི་བར་དུ་ཡང་འཛིན་པར་མི་འགྱུར་རོ། །གང་ཁམས་
གསུམ་ཐམས་ཅད་ཡུལ་མེད་པ་དང་། གཡོ་བ་དང་ཆུང་ངུ་ཞེས་བྱ་བ་ནི་ཕ་རོལ་དུ་ཕྱིན་པ་དྲུག་སྤྱོད་དོ། །འདི་ལ་ཡང་བྱང་ཆུབ་སེམས་དཔའ་རྟོག་པ་མེད་ཅིང་རྣམ་པར་རྟོག་པ་མེད་པ་ནམ་མཁའ་ཇི་ལྟ་བ་དེ་བཞིན་དུ་ཚད་མེད་པའི་ཤེས་
རབ་ཀྱི་ཕུང་པོར་འགྱུར་རོ། ཁམས་གསུམ་ཐམས་ཅད་ན་ཉོན་མོངས་པ་སྤངས་པས་མྱུར་དུ་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་འཚང་རྒྱའོ། །རབ་འབྱོར་དེ་བས་ན་ཐར་པའི་ལམ་ལ་འདོད་པས་སེམས་ཅན་གྱི་འདུ་
ཤེས་ཀྱི་དགེ་བ་ཀུན་དུ་སྤྱོད་པར་མི་བྱ་བ་ནས་གང་ཟག་གི་འདུ་ཤེས་ཀྱིས་དགེ་བ་ཀུན་དུ་སྤྱོད་པར་མི་བྱའོ། །ཕུང་པོའི་འདུ་ཤེས་དང་། ཁམས་དང་། སྐྱེ་མཆེད་ཀྱི་འདུ་ཤེས་ཀྱིས་དགེ་བ་ཀུན་དུ་སྤྱོད་པར་མི་བྱའོ། །ང་ཡིར་བྱ་བ་དང་
བདག་གིར་བྱ་བའི་འདུ་ཤེས་ཀྱིས་དགེ་བ་ཀུན་དུ་སྤྱོད་པར་མི་བྱའོ། །འདོད་པའི་འདུ་ཤེས་དང་། གཟུགས་ཡོད་པའི་འདུ་ཤེས་དང་། གཟུགས་མེད་པའི་འདུ་ཤེས་ཀྱིས་དགེ་བ་ཀུན་དུ་སྤྱོད་པར་མི་བྱའོ། །དེ་ཅིའི་ཕྱིར་ཞེ་ན། 
རབ་འབྱོར་དེ་ལྟར་སེམས་ཅན་དང་ནམ་མཁའ་དང་། ཐར་པ་དང་། རྣམ་པར་སྨིན་པའི་མཚན་ཉིད་ལ་བདག་མེད་པ་ཞེས་བྱ་བ་ནི་མ་ལུས་པ་དང་ཐ་མི་དད་པར་སྟོང་པ་མྱ་ངན་ལས་འདས་པ་ཞེས་བྱའོ། །འདི་ལ་བཅོམ་ལྡན་འདས་
ཀྱིས་ལུང་བསྟན་པ་འདི་སྨྲས་པའི་ཚེ་ཉན་ཐོས་དང་། ཉན་ཐོས་ཀྱི་ཐེག་པ་པའི་སེམས་ཅན་མེ་བཅུ་རྡུལ་ཡལ་བྱེ་བ་ཁྲག་ཁྲིག་བརྒྱ་སྟོང་ཕྲག་དགུ་བཅུ་རྩ་གཉིས་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་སེམས་སྐྱེས་
པར་གྱུར་ཏོ། །ཕྱིར་མི་ལྡོག་པའི་ས་སོ་སོར་ཐོབ་པར་གྱུར་ཏོ། །དེ་ནས་བཅོམ་ལྡན་འདས་ཀྱིས་ཚེ་དང་ལྡན་པ་རབ་འབྱོར་ལ་བཀའ་སྩལ་པ། རབ་འབྱོར་རྐྱེན་གྱི་འདུ་ཤེས་ལྟ་བུས་ཆོས་ཐམས་ཅད་ཤེས་ཏེ། འཇིག་རྟེན་

62-1-179b

གྱི་སེམས་ཅན་རྣམས་རྐྱེན་དང་འདུ་བ་ཚོགས་ཏེ་བྱུང་བའི་ཤེས་རབ་ཏུ་ཤེས་པས་ཚེ་རྒྱ་མཚོ་ལས་འདས་སོ། །མུན་པའི་ཕུང་པོ་ཐམས་ཅད་འཇིག་གོ། །འདི་ལྟ་སྟེ། མུན་པའི་ཟླ་བ་རྣམས་མུན་པའི་མཐའ་ཟད་དོ། །
སྣང་བ་ནི་ཟླ་བའི་རྐྱེན་ཏོ། །སྣང་བའི་རྐྱེན་ནི་འདུ་ཤེས་སོ། །འདུ་ཤེས་ཀྱི་རྐྱེན་ནི་འདུ་བྱེད་དོ། །འདུ་བྱེད་ཀྱི་རྐྱེན་ནི་རྣམ་པར་ཤེས་པ་སྟེ། དེའི་བར་དུ་སྡུག་བསྔལ་གྱི་ཕུང་པོ་འབྱུང་བར་འགྱུར་རོ། །དེ་ལ་ནམ་མཁའ་སྣང་བར་
མི་རྟོག་གོ། །ནམ་མཁའ་སྣང་བ་མ་ཡིན། འདུ་ཤེས་སྣང་བ་མ་ཡིན་པར་མི་ཤེས་སོ། །འདུ་ཤེས་སྣང་བར་མི་རྟོག་གོ། །འདི་ལ་སྣང་བ་འགོག་པས་འདུ་ཤེས་འགོག་གོ། །འདུ་ཤེས་འགོག་པས་འདུ་བྱེད་འགོག་པ་དེའི་
བར་དུ་སྡུག་བསྔལ་གྱི་ཕུང་པོ་ཆེན་པོ་ཡང་འགོག་པར་འགྱུར་རོ། །དེའི་དུས་གཅིག་ན་ཡང་བཅོམ་ལྡན་འདས་ཀྱིས་ལུང་བསྟན་པ་བཤད་པ་ན་ས་ཡ་བརྒྱ་སྟོང་ཕྲག་བརྒྱད་བཅུའི་ཉན་ཐོས་ཀྱི་ཐེག་པའི་སེམས་ཅན་རྣམས་རང་སངས་
རྒྱས་ཀྱི་ཐེག་པ་ལ་སེམས་བསྐྱེད་དོ། །རྡུལ་དང་བྲལ་བའི་ཏིང་ངེ་འཛིན་སོ་སོར་ཐོབ་པར་གྱུར་ཏོ། །རང་སངས་རྒྱས་ཀྱི་ཐེག་པ་ལས་ཕྱིར་མི་ལྡོག་པར་གྱུར་ཏོ། །དེ་ནས་བཅོམ་ལྡན་འདས་ཀྱིས་ཡང་ཚེ་དང་ལྡན་པ་
རབ་འབྱོར་ལ་བཀའ་སྩལ་པ། རབ་འབྱོར་དགེ་སྦྱོང་གི་ཆོས་ལ་དགེ་སྦྱོང་གི་ཆོས་ཤེས་བྱ་བ་ཇི་ཙམ་གྱི་བར་དུ་དགེ་སྦྱོང་ཞེས་བྱ། རབ་འབྱོར་གྱིས་གསོལ་པ། བཅོམ་ལྡན་འདས་དགེ་སྦྱོང་གི་ཆོས་ཤེས་བགྱི་བ་ནི་བསླབ་པ་
གསུམ་ནི་བཅོམ་ལྡན་འདས་དགེ་སྦྱོང་གི་ཆོས་ཤེས་བགྱིའོ། །བཅོམ་ལྡན་འདས་ཀྱིས་བཀའ་སྩལ་པ། དེ་ལྟར་དེ་བཞིན་ནོ། །རབ་འབྱོར་ལྷག་པའི་ཚུལ་ཁྲིམས་དང་། ལྷག་པའི་སེམས་དང་། ལྷག་པའི་ཤེས་
རབ་ཏུ་སློབ་པ་ནི་དགེ་སྦྱོང་གི་ཆོས་ཤེས་བྱའོ། །འདི་ལ་ལྷག་པའི་ཚུལ་ཁྲིམས་ཀྱི་བསླབ་པ་གང་ཞེ་ན། དགེ་སྦྱོང་སོ་སོར་ཐར་པ་ལ་བསྡམ་པ་སྡོམ་པར་འགྱུར་བ་དང་། སྤྱོད་པའི་སྤྱོད་ཡུལ་གྱི་རྡུལ་ཕུན་སུམ་ཚོགས་པ་ཁ་ན་

62-1-180a

མ་ཐོ་བས་འཇིགས་པ་ལ་བལྟ་བ་དང་། ཀུན་ནས་འབྱུང་བ་ལ་བསླབ་པ་ལ་སློབ་པའི་ཚིག་འདི་དག་ནི་རབ་འབྱོར་ལྷག་པའི་ཚུལ་ཁྲིམས་སློབ་པ་ཞེས་བྱའོ། །ལྷག་པའི་སེམས་སློབ་པ་ནི་ཚངས་པའི་གནས་བཞི་ལ་
གནས་པ་འདིའི་ཕྱིར་བྱམས་པའི་སེམས་དང་ལྡན་པ་འཇིག་རྟེན་ཐམས་ཅད་འགེངས་པ་དེའི་བར་དུ་རྣམ་པར་རྒྱས་པར་བརྗོད་པ་འདི་ནི་ལྷག་པའི་སེམས་སློབ་པ་ཞེས་བྱའོ། །ལྷག་པའི་ཤེས་རབ་སློབ་པ་གང་ཞེ་ན། འདི་ནི་
འཕགས་པའི་བདེན་པ་བཞི་སྟེ། བཞི་གང་ཞེ་ན། འདི་ལྟ་སྟེ་འཕགས་པའི་བདེན་པའི་སྡུག་བསྔལ་དང་། ཀུན་འབྱུང་བའི་སྡུག་བསྔལ་དང་། འགོག་པའི་སྡུག་བསྔལ་དང་། འགོག་པ་ལ་ནན་ཏན་དུ་འགྲོ་བའི་འཕགས་པའི་
བདེན་པའོ། །སྡུག་བསྔལ་ལོ། །འཕགས་པའི་བདེན་པའི་སྡུག་བསྔལ་གང་ཞེ་ན། འདི་ལྟ་སྟེ་སྐྱེ་བའི་སྡུག་བསྔལ་དང་། རྒས་པའི་སྡུག་བསྔལ་དང་། ནད་ཀྱི་སྡུག་བསྔལ་དང་། འཆི་བའི་སྡུག་བསྔལ་དང་། མི་མཛའ་བ་
དང་ཕྲད་པའི་སྡུག་བསྔལ་དང་། མཛའ་བ་དང་བྲལ་བའི་སྡུག་བསྔལ་དང་། འདོད་པ་མི་རྙེད་པའི་སྡུག་བསྔལ་དང་། མདོར་ན་ཉེ་བར་ལེན་པའི་ཕུང་པོའི་སྡུག་བསྔལ་འདི་ནི་འཕགས་པའི་བདེན་པའི་སྡུག་བསྔལ་ཞེས་བྱའོ། །ཀུན་ནས་
འབྱུང་བའི་སྡུག་བསྔལ་གང་ཞེ་ན། གང་ལ་ལ་སྨོན་པའི་འདོད་ཆགས་དང་ལྡན་པ་དེ་དང་དེར་འགྱུར་རོ། །འགོག་པའི་སྡུག་བསྔལ་གང་ཞེ་ན། སྨོན་པ་མངོན་པར་འགྱུར་བ་འདི་མ་ལུས་པར་སོ་སོར་སྤོང་བ། ཤིན་དུ་མི་འབྱུང་བ། ཟད་པ་
མེད་པ། འདོད་ཆགས་དང་བྲལ་བ། ཉེ་བར་ཞི་བ་འདི་ཞེས་བྱའོ། །སྡུག་བསྔལ་འགོག་པར་འགྲོ་བ་ལ་ནན་ཏན་བྱེད་པའི་འཕགས་པའི་བདེན་པ་གང་ཞེ་ན། འདི་ལྟ་སྟེ་དེ་བཞིན་དུ་འཕགས་པའི་ལམ་གྱི་ཡན་ལག་ནི་འདི་ལྟ་སྟེ། 
ཡང་དག་པའི་ལྟ་བ་དང་། ཡང་དག་པའི་རྟོག་པ་དང་། ཡང་དག་པའི་ངག་དང་། ཡང་དག་པའི་ལས་ཀྱི་མཐའ་དང་། ཡང་དག་པའི་འཚོ་བ་དང་། ཡང་དག་པའི་རྩོལ་བ་དང་། ཡང་དག་པའི་དྲན་པ་དང་། ཡང་དག་པའི་ཏིང་ངེ་

62-1-180b

འཛིན་འདི་ནི་བདེན་པའི་གཏམ་བརྒྱད་ཅེས་བྱའོ། །གང་ཅུང་ཟད་ཀྱང་འདས་པའི་དུས་སུ་འགྱུར་བ་འདི་ནི་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་དེ་དག་དེ་བཞིན་གཤེགས་པའི་ཡང་དེ་བཞིན་དུ་ཉན་
ཐོས་ཀྱིས་ཡང་དག་པའི་ཕུལ་བཤད་པ་ནི་འདི་ལྟ་སྟེ། འཕགས་པའི་བདེན་པ་བཞིའོ། །དེ་བས་ན་གང་ཅུང་ཟད་ཀྱང་ཕྱོགས་བཅུའི་སངས་རྒྱས་ཀྱི་ཞིང་ཚད་མེད་གྲངས་མེད་པ་ལ་དེ་བཞིན་གཤེགས་པ་དགྲ་བཅོམ་པ་ཡང་དག་པར་
རྫོགས་པའི་སངས་རྒྱས་བཞུགས་སོ། །འཚོའོ། །སྐྱོང་ངོ་། །རྙོག་པ་ལྔའི་སངས་རྒྱས་ཀྱི་ཞིང་གི་སེམས་ཅན་ལ་ཆོས་འཆད་དོ། །དེ་དག་དེ་བཞིན་གཤེགས་པས་གཟུགས་དེ་བཞིན་དུ་ཉན་ཐོས་ཀྱིས་ཡང་དག་པའི་
ཕུལ་གྱི་ཆོས་བཤད་པ་ནི་འདི་ལྟ་སྟེ། འཕགས་པའི་བདེན་པ་བཞིའོ། །གང་ཅུང་ཟད་ཀྱང་འདས་པའི་དུས་སུ་འགྱུར་བ་དེ་ནི་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་དེ་དག་ཀྱང་དེ་བཞིན་
གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཀྱིས་གཟུགས་དེ་བཞིན་དུ་ཉན་ཐོས་ཀྱིས་ཡང་དག་པའི་ཕུལ་གྱི་ཆོས་བཤད་པར་འགྱུར་བ་ནི་འདི་ལྟ་སྟེ། འདི་ནི་འཕགས་པའི་བདེན་པ་བཞིའོ། །གང་གི་ཚེ་
འདས་པ་དང་། མ་འོངས་པ་དང་། ད་ལྟར་བྱུང་བ་ཐམས་ཅད་དེ་བཞིན་གཤེགས་བ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་འདི་ནི་བདེན་པའི་ཚིག་གོ། །དེ་བས་ན་འདི་ནི་འཕགས་པའི་བདེན་པ་བཞིའི་བར་དུ་
ལྷག་པའི་ཤེས་རབ་བསླབ་པ་འདི་ལ་ཡང་བཅོམ་ལྡན་འདས་ཀྱིས་འཕགས་པའི་བདེན་པ་ལུང་བསྟན་པར་བཤད་པས་གང་སེམས་ཅན་བྱེ་བ་ཁྲག་ཁྲིག་སྟོང་ཕྲག་བརྒྱ་ཚད་མེད་གྲངས་མེད་པའི་ཉན་ཐོས་ཀྱི་ཐེག་པའི་སེམས་ཅན་
དག་མི་སྐྱེ་བའི་རྗེས་སུ་ས་ཐོབ་པ་ཁ་ཅིག་གིས་ནི་སྤྱི་བོ། ཁ་ཅིག་གིས་ནི་བཟོད་པ། ཁ་ཅིག་གིས་ནི་འཇིག་རྟེན་གྱི་མཆོག་གི་ཆོས་རྣམས་ཁོང་དུ་ཆུད་དོ། །ཁ་ཅིག་གིས་ནི་རྒྱུན་དུ་ཞུགས་པའི་འབྲས་བུ་ཐོབ་བོ། །

62-1-181a

ཁ་ཅིག་གིས་ནི་ལན་ཅིག་ཕྱིར་འོང་བའི་འབྲས་བུ་དང་། ཁ་ཅིག་གིས་ནི་ཕྱིར་མི་འོང་བའི་འབྲས་བུ་དང་། ཁ་ཅིག་གིས་ནི་ཉོན་མོངས་པ་ཐམས་ཅད་དང་བྲལ་བ་དགྲ་བཅོམ་པའི་འབྲས་བུ་ཐོབ་པར་རྫོགས་སོ།། །།
སོ་སོར་ཡང་དག་པར་སྤྱོད་པའི་ཚུལ་ནམ་མཁའ་ལ་འགྲོ་བའི་འོད་ཀྱིས་འདུལ་བའི་བཟོད་པ་ཞེས་བྱ་བ་ཐེག་པ་ཆེན་པོའི་མདོ་ལེའུ་བརྒྱད་དོ།།             །། དེ་ནས་བཅོམ་ལྡན་འདས་ཀྱིས་ཤིན་དུ་རྣམ་པར་ཕྱེ་བ་སྤྱོད་པ་དང་ལྡན་པའི་
ཏིང་ངེ་འཛིན་དུ་ཞུགས་ནས་ཏིང་ངེ་འཛིན་ལོགས་སུ་བཅོམ་ལྡན་འདས་ཀྱི་སྐུའི་བ་སྤུའི་ཁུང་བུ་ཐམས་ཅད་ནས་ཁ་དོག་སྣ་ཚོགས་དང་། ཁ་དོག་དུ་མ་དང་། བརྒྱ་སྟོང་དུ་མའི་ཁ་དོག་གི་འོད་ཟེར་དུ་མ་སྐུ་ལས་བྱུང་ངོ་། །དེ་ནས་ཡང་
བཅོམ་ལྡན་འདས་ཀྱིས་རྣམ་པ་སྣ་ཚོགས་ལ་དཀའ་ཐུབ་དང་བརྟུལ་ཞུགས་ངན་པ་དག་དྲང་སྲོང་གི་ཆ་བྱད་ལ་ཀུན་དུ་ལྟའོ། དེ་ལ་འོད་བྱུང་བས་ཕྱོགས་བཅུའི་སངས་རྒྱས་ཀྱི་ཞིང་ཆུ་བོ་གང་གཱའི་བྱེ་མ་དང་མཉམ་པའི་འཇིག་རྟེན་གྱི་རྙོག་པ་
ལྔའི་སངས་རྒྱས་ཀྱི་ཞིང་སྣང་བར་བྱེད་དོ། །གང་ཡང་ཆུ་བོ་གང་གཱའི་བྱེ་མ་ལྟ་བུའི་རྙོག་པ་ལྔའི་སངས་རྒྱས་ཀྱི་ཞིང་བརྟུལ་ཞུགས་དང་། དཀའ་ཐུབ་ངན་པ་དང་། མུ་སྟེགས་ཅན་གཞན་རྣམས་གང་དེ་དག་བྲམ་ཟེ་ལ་དད་པར་
འཇུག་པས་གང་སངས་རྒྱས་བྲམ་ཟེར་སྤྲུལ་ཏེ་གནས་སོ། །དེ་ནས་བྲམ་ཟེ་ལ་དད་པར་སྨྲས་པ་དེ་བཞིན་ནོ། །བདག་ཅག་སློབ་པ་འདི་ནི་བྲམ་ཟེ་ལ་དད་པས་བདག་ཀྱང་བྲམ་ཟེ་ལ་ལྟའོ། །དགའ་བ་དང་ཡིད་བདེ་བ་སྐྱེས་
ནས་མྱུར་དུ་ལངས་ཏེ་བྲམ་ཟེའི་རྐང་པ་ལ་སྤྱི་བོས་ཕྱག་འཚལ་ཏེ་བྲམ་ཟེ་ལ་ཐལ་མོ་སྦྱར་ཏེ་ཕྱག་བྱས་ནས་འདི་སྐད་ཅེས་སྨྲས་སོ། །བཅོམ་ལྡན་འདས་ལ་བལྟ་བ་དང་། ཕྱག་བགྱི་བ་དང་། བསྙེན་བཀུར་བའི་ཕྱིར་བདག་ཅག་
གི་འཁོར་དེ་བཞིན་དུ་ཡུན་རིང་པོ་ནས་ཁྱོད་ཀྱི་སློབ་མར་འདྲེན་ཏོ། །བྲམ་ཟེ་སྤྲུལ་པ་དེས་སྨྲས་པ། བདག་ཀྱང་གཞན་ཚངས་པ་ཆེན་པོ་བདག་གི་བླ་མར་ཡོད་པའི་ལག་པ་བསྟན་པའི་ཕྱིར་བཅོམ་ལྡན་འདས་ཤཱཀྱ་ཐུབ་པ་དེ་

62-1-181b

བཞིན་དུ་མི་རིང་བར་ཞུགས་སོ། །སྨྲས་པ། བཅོམ་ལྡན་འདས་ཀྱི་མཐུས་ན་སེམས་ཅན་དེ་ཡང་བཅོམ་ལྡན་འདས་ཤཱཀྱ་ཐུབ་པ་བྲམ་ཟེ་ཆེན་པོ་སྤོས་ཀྱི་ངད་ལྡང་བའི་རི་ལ་དཔག་ཚད་ཕྱེད་ཙམ་ན་བཞུགས་པ་ལ་ལྟའོ། །
དེ་ཡང་མཆོག་ཏུ་དགའ་བ་དང་། ཡིད་བདེ་བ་སྐྱེད་པ་དེས་ཡུད་ཙམ་གྱིས་ན་སྤོས་ཀྱི་ངད་ལྡང་བའི་རི་ལ་གནས་པ་དག་ཤཱཀྱ་ཐུབ་པ་བྲམ་ཟེ་ཆེན་པོའི་རྐང་པ་གཉིས་ལ་སྤྱི་བོས་ཕྱག་འཚལ་ཏེ། བཅོམ་ལྡན་འདས་ཀྱི་སྤྱན་སྔར་
ཆོས་མཉན་པའི་ཕྱིར་འཁོད་དོ། །གང་དབང་ཕྱུག་ལ་དད་པ་དང་། གང་བརྒྱ་བྱིན་ལ་དད་པ་དང་། གང་རྒྱལ་ཆེན་བཞི་ལ་དད་པ་དང་། གང་ཉི་མ་དང་ཟླ་བ་ལ་དད་པ་དང་། གང་ནག་པོ་དང་། ནག་པོ་ཆེན་པོ་གཞོན་ནུ་ལ་དད་པ་
ནས་མེ་ལ་དད་པའི་བར་དུ་བསྡུས་ཏེ་དེ་ལྟར་མདུན་དུ་འོད་འཕྲོ་བའི་ཕུང་པོ་བྱུང་བར་གྱུར་ཏོ། །འོད་འཕྲོ་བའི་ཕུང་པོ་དེ་ལས་ལྷའི་བུ་ལུས་དང་གོས་ཀྱི་ཁ་དོག་དཀར་པོ་གཟུགས་བཟང་པོ་མཆོག་གི་ཁ་དོག་རྒྱས་པ་དང་ལྡན་པ་བྱུང་བར་
གྱུར་ཏེ། མེའི་ལྷའི་བུས་འདི་སྐད་ཅེས་སྨྲས་སོ། ཁྱོད་ནི་བདག་གི་སློབ་མར་གོར་མ་ཆག །དེས་སྨྲས་པ། བཅོམ་ལྡན་འདས་དེ་བཞིན་ནོ། །ལྷའི་བུས་སྨྲས་པ། བདག་ལ་ཡང་མེའི་བདག་པོ་གཞན་བླ་མར་བྱེད་པ་
ཡོད་པས་དེ་ལྟར་ལགས་པས་སྟོན་པར་བྱེད་དོ། །བཅོམ་ལྡན་འདས་ཀྱི་མཐུས་ན་སེམས་ཅན་དེ་ཡང་བཅོམ་ལྡན་འདས་ཤཱཀྱ་ཐུབ་པ་སྤོས་ཀྱི་ངད་ལྡང་བའི་རི་ལ་དཔག་ཚད་ཕྱེད་ཙམ་ནས་དེ་བཞིན་དུ་མི་རིང་བར་བཞུགས་པ་
ལ་ལྟའོ། །མེའི་ཕུང་པོ་ཆེན་པོ་དེའི་ནང་ནས་ལུས་དང་སྐྲ་དང་། གོས་ཀྱི་ཁ་དོག་དཀར་པོ་གཟུགས་བཟང་པོ་བལྟ་ན་མཛེས་པ། ཁ་དོག་མཆོག་ཏུ་རྒྱས་པ་དང་ལྡན་པའི་སྤྱན་སྔར་དེའང་ཇི་སྙེད་པ་ཆོས་མཉན་པའི་
སླད་དུ་འཁོད་དོ། །དེ་ནས་ཡང་དེའི་ཚེ་དེའི་དུས་ན་ཚད་མེད་གྲངས་མེད་པའི་ཆུ་བོ་གང་གཱའི་བྱེ་མ་སྙེད་ཀྱི་མུ་སྟེགས་ཅན་ཚུལ་ཁྲིམས་དང་བརྟུལ་ཞུགས་ངན་པ་རྣམས་བཅོམ་ལྡན་འདས་ཀྱི་སྤྱན་སྔར་ཆོས་མཉན་པའི་ཕྱིར་འཁོད་

62-1-182a

དོ། །དེ་ལ་གང་བྲམ་ཟེ་ལ་དད་པ་དེ་བྲམ་ཟེ་ལ་དད་པའི་བྲམ་ཟེའི་གཟུགས་ཀྱིས་བཅོམ་ལྡན་འདས་ལ་བལྟའོ། །དེ་ལྟར་དེ་བཞིན་དུ་སེམས་དང་སེམས་ལས་སྐྱེས་པས་གལ་ཏེ་བྲམ་ཟེ་ཆེན་པོ་དང་བདག་གཏམ་བྱའོ། །
གང་བདག་གི་ཐེ་ཙོམ་དང་ནེམ་ནུར་དག་བཅོམ་ལྡན་འདས་བྲམ་ཟེ་ཆེན་པོ་ལ་བདག་ཡོངས་སུ་ཞུའོ། །ཇི་ལྟར་འཁོར་ཐམས་ཅད་དང་ལྡན་པ་འདི་བྲམ་ཟེ་ཆེན་པོ་ལ་དད་པར་འགྱུར་རོ། །གང་དེ་མེའི་བརྟུལ་ཞུགས་ཅན་ནས་མེའི་ཕུང་
པོ་ཆེན་པོའི་ནང་ནས་ལྷའི་བུ་ལུས་དང་། སྐྲ་དང་། གོས་དཀར་པོ་གཟུགས་བཟང་པོ་བལྟ་ན་སྡུག་པ་ཁ་དོག་མཆོག་ཏུ་རྒྱས་པས་ལྡན་པའི་བར་དུ་བལྟའོ། །དེ་ལྟར་དེ་བཞིན་དུ་སེམས་དང་སེམས་ལས་སྐྱེས་པ་ནས། ཇི་ལྟར་འཁོར་
ཐམས་ཅད་དང་ལྡན་པའི་བར་དུ་མེའི་བརྟུལ་ཞུགས་ཅན་དུ་འགྱུར་རོ། །དེ་ནས་དྲི་མ་མེད་པའི་གོས་གཞོན་ནུར་གྱུར་པས་འཁོར་ཐམས་ཅད་དང་ལྡན་པ་ལ་སྐད་ཀྱི་དབྱངས་ཀྱིས་གསོལ་པ། བཟང་པོའི་ཞལ་འདིར་བྲམ་ཟེ་ཆེན་
པོ་ཇི་སྙེད་ཡང་དག་པར་བྱོན་པ་རྣམས་གསོན་ཅིག །དེ་ལྟར་དྲང་སྲོང་ཆེན་པོ་ཤཱཀྱ་ཐུབ་པ་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་མཁྱེན་པ་དང་ཞབས་སུ་ལྡན་པ། བདེ་བར་གཤེགས་པ། 
འཇིག་རྟེན་མཁྱེན་པ་བླ་ན་མེད་པ་སྐྱེས་བུ་འདུལ་བའི་ཁ་ལོ་སྒྱུར་བ། ལྷ་དང་མིའི་མཁན་པོ། སངས་རྒྱས་བཅོམ་ལྡན་འདས་ཚོལ་བ། སེམས་ཅན་ཐམས་ཅད་དང་ཆོས་ཐམས་ཅད་ཀྱི་ཕ་རོལ་དུ་འགྲོ་བ། བྱང་ཆུབ་སེམས་དཔའ་
རྣམས་ཀྱི་ཕ། དཀའ་ཐུབ་དང་བརྟུལ་ཞུགས་དང་ཚངས་པ་སྤྱོད་པ་ཐམས་ཅད་སྟོན་པ། ཟག་པ་ཐམས་ཅད་ཡོངས་སུ་ཟད་པ། འཕགས་པའི་གང་ཟག་གི་རྒྱལ་པོ། སེམས་ཅན་ཐམས་ཅད་དེར་སེམས་པ་མེད་པ། དེད་དཔོན་མྱ་ངན་
ལས་འདས་པར་འགྲོ་བ། དུས་གསུམ་གྱི་སངས་རྒྱས་ཐམས་ཅད་ཡོངས་སུ་ཤེས་པ། བསོད་ནམས་སུ་འགྲོ་བའི་བསོད་ནམས་ཀྱི་མཛོད་ཚད་མེད་པའི་ཡེ་ཤེས་ཀྱིས་སེམས་ཅན་ཐམས་ཅད་ཀྱི་བསམ་པ་རྣམ་པར་ཤེས་པ། གྲངས་མེད་

62-1-182b

པའི་སྤོབས་པས་མ་རིག་པའི་མུན་པ་ཐམས་ཅད་སེལ་བར་བྱེད་པ། རྣམ་པར་དག་པའི་ང་རོ་དང་དབྱངས་ཡོད་པས་བཟོད་པས་བརྒྱན་པ། མེ་ཏོག་གི་མཚན་ཉིད་ཅན་ལུས་དཔེ་བྱད་བཟང་པོས་བྲིས་པ། གཏང་དུ་མི་བྲ་བའི་
གཟུགས་སྟོན་པ། རིགས་དང་མི་མཐུན་པར་སྟོན་པ། གཟུགས་ཀྱི་སྤྱོད་ཡུལ་དག་དགའ་བར་བྱེད་པ། དགེ་བར་མོས་པ་ལ་མངོན་པར་དགའ་བ། ཤེས་རབ་མངོན་དུ་བྱུང་བ་མེད་པ། སྲིད་པའི་འགྲོ་བ་ཐམས་ཅད་སྐམ་པར་
བྱེད་པ། གཙུག་ལག་ཐམས་ཅད་ཀྱི་དམ་ཚིག་དུལ་བ་མེད་པ། སྐུ་མཉམ་པ་མེད་པ། འདོད་པས་གོས་པ་མེད་པ། གཟུགས་དང་། མཚན་མ་དང་། མཚན་ཉིད་ཐམས་ཅད་ལ་གོས་པ་མེད་པ། གཟུགས་མེད་པ་ལས་
ཡང་དག་པར་ཤིན་དུ་འདས་པ། སྡུག་བསྔལ་ཐམས་ཅད་གྲོལ་བ། མདུད་པ་སྤངས་པ། འཆི་འཕོ་དང་སྐྱེ་བ་ཐམས་ཅད་ལས་ཕྱིར་ལྡོག་པ། སེམས་ཅན་ཐམས་ཅད་ལ་སྨན་པར་གྱུར་ཅིང་སྡུག་བསྔལ་རབ་ཏུ་གཏོང་བར་
བྱེད་པ། དུས་གསུམ་གྱི་ཕུང་པོ་རྣམ་པར་གྲོལ་བ། སྐྱེ་མཆེད་དང་། སྲེད་པ་ཟད་པ་ལ་ཆགས་པ་མེད་པ། ཆུ་བོ་བཞི་ལས་རྒལ་བ། ཡེ་ཤེས་ཀྱིས་ངོམས་པ་མེད་པ། ཡང་དག་པའི་མཐའ་ལ་སོ་སོར་གནས་པ། 
རིག་པ་བསྒྲུབས་པས་རིག་པ་ཐམས་ཅད་དང་ལྡན་པ། གཏོང་བ། སྙིང་རྗེ་ཆེན་པོ་ཅན། སེམས་ཅན་རྣམས་མྱ་ངན་ལས་འདས་པའི་ལམ་ལ་འགོད་པ། བདུད་བཞིའི་ཡུལ་ལས་ཡང་དག་པར་ཤིན་དུ་འདས་པ། སེམས་ཅན་
ཆེན་པོ་བརྗོད་དུ་མེད་པར་ཁོང་དུ་ཆུད་པ་དེ་ཐམས་ཅད་ཁྱོད་དགའ་བར་སྐྱེད་ཅིང་བྱམས་པ་འབྱུང་བར་བྱོས་ཤིག །མི་ཐོབ་པ་རྙེད་དཀའ་བ་དང་། སྐད་ཅིག་མའི་དུས་རྙེད་དཀའ་བ་དང་། དགེ་བ་ལ་མོས་པ་རྙེད་དཀའ་བ་དང་། དགེ་བའི་
གྲོགས་པོ་རྙེད་དཀའ་བ་དང་། ཚངས་པར་སྤྱོད་པའི་གནས་རྙེད་དཀའ་བ་དང་། དབང་པོ་ཡོངས་སུ་རྒྱས་པ་རྙེད་དཀའ་བ་དང་། ཆོས་འདོད་པའི་འཁོར་འདི་འདྲ་བ་རྙེད་དཀའ་བ་དང་། དགེ་བའི་གྲོགས་པོ་ལ་དམིགས་པའི་གཙུག་

62-1-183a

ལག་འདི་འདྲ་བ་རྙེད་དཀའ་བ་དང་། ཆོས་མཉན་པ་ལ་དམིགས་པ་འདི་འདྲ་བ་རྙེད་དཀའ་བ་ཁྱོད་ཀྱིས་ཐོབ་པ་ཇི་ལྟར་སྔོན་མ་ཐོས་པ་ད་ཉོན་ཅིག །སུས་ཡོངས་སུ་མ་ཤེས་པ་ཡོངས་སུ་ཤེས་པར་འགྱུར་རོ། །
ལམ་སྔོན་ཁོང་དུ་མ་ཆུད་པ་ཁོང་དུ་ཆུད་པར་གྱུར་ཅིག །ཁྱོད་སྔོན་ཕུང་པོ་དང་། ཁམས་དང་། སྐྱེ་མཆེད་མངོན་སུམ་དུ་མ་ཡིན་པ་དེ་ད་མངོན་སུམ་དུ་བྱུང་བར་གྱུར་ཅིག །ཁྱོད་སྔོན་འཕགས་པའི་ལམ་གྱི་ཡན་ལག་བརྒྱད་མ་བསྒོམས་པ་
དེ་ད་སེམས་བསྒོམས་པར་གྱུར་ཅིག །ཁྱོད་ཟག་པ་མ་ཟད་པར་འགྱུར་བ་དང་མུན་པ་མུན་ནག་དུ་གྱུར་པའི་འཁོར་བ་རྣམས་ཤེས་རབ་ཆེན་པོའི་སྣང་བ་དང་ལྡན་པར་གྱུར་ཅིག །དེ་ནས་ཁྱོད་དེ་མ་ཐག་ཏུ་དཀའ་ཐུབ་དང་། བརྟུལ་ཞུགས་དང་། 
ཚངས་པར་སྤྱོད་པ་ཐམས་ཅད་ཀྱི་འབྲས་བུ་རྣམ་པར་སྨིན་པ་དེ་བཞིན་དུ་ཉོན་ཅིག །ཇི་ལྟར་བཅོམ་ལྡན་འདས་དྲང་སྲོང་ཆེན་པོ་ད་ལྟར་སེམས་རྩེ་གཅིག་ཏུ་སྟོན་ཏོ། །དེ་ནས་མུ་སྟེགས་ཅན་དེ་དག་ཐམས་ཅད་མགུ་ཞིང་རངས་པ་དང་། 
རབ་ཏུ་དགའ་བའི་སེམས་ཀྱིས་སེམས་རྩེ་གཅིག་ཏུ་ཐལ་མོ་སྦྱར་ཏེ། བཅོམ་ལྡན་འདས་ལ་མིག་མི་འཛུམས་པར་ལྟ་བར་གྱུར་ཏོ། །བཅོམ་ལྡན་འདས་ཀྱིས་དྲི་མ་མེད་པའི་གོས་གཞོན་ནུར་གྱུར་པ་ལ་བཀའ་སྩལ་པ། །རིགས་ཀྱི་
བུ་ཅི་འདྲ་བའི་ཚུལ་གྱིས་ན་བཟོད་པ་སོ་སོར་ཐོབ། དམ་པའི་ཆོས་ཅི་འདྲ་བའི་ཚུལ་གང་དང་གང་གིས་ན་སེམས་ཅན་སྙིང་པོར་གནས་པ་ལ་གྲོལ་བར་འགྱུར་རམ། ཚུལ་ཐམས་ཅད་ཟད་པའི་ཕ་རོལ་དུ་འགྲོ་བར་འགྱུར་རམ། 
ཅི་རལ་པས་ཡོངས་སུ་གྲོལ་བར་འགྱུར་རམ། འོན་ཏེ་རུས་སམ། ལུད་ཀྱིས་བྱུག་པ་དང་། ཐལ་བའི་མལ་གྱིས་ཡོངས་སུ་གྲོལ་བར་འགྱུར་རམ། འོན་ཏེ་བརྒྱ་བྱིན་དང་། ཟླ་བ་དང་། ཉི་མ་དང་། མེ་དང་སྟེན་
པའི་བར་དུ་སྙིང་པོར་གནས་པ་ལ་ཡོངས་སུ་གྲོལ་བར་འགྱུར་རམ། འཇིགས་པ་རྣམ་པ་ཐམས་ཅད་ཟད་པའི་ཕ་རོལ་དུ་འགྲོ་བར་འགྱུར་རམ། དེ་སྐད་ཅེས་བཀའ་སྩལ་པ་དང་། དྲི་མ་མེད་པའི་གོས་གཞོན་ནུར་

62-1-183b

གྱུར་པས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཙུན་པ་བཅོམ་ལྡན་འདས་སེམས་ཅན་ལྟ་བའི་རྙེད་པ་འདིས་སྙིང་པོར་གནས་པ་ལ་འགྲོ་བར་མི་འགྱུར་རོ། །འཆི་འཕོ་དང་སྐྱེ་བ་ཤིན་དུ་སྲིད་པ་འགྲོ་བ་ལ་བརྟག་པ་ན་སྲིད་པ་ཀུན་
དུ་སྦྱོར་བའི་ཕ་རོལ་དུ་འགྲོ་བར་མི་འགྱུར་རོ། །སེམས་ཅན་གྱི་མཐའ་འདི་གཉིས་ཀྱིས་གང་སོ་སོར་ཡང་དག་པར་སྤྱོད་པའི་ཚུལ་ནམ་མཁའ་ལ་འགྲོ་བའི་འོད་ཀྱིས་འདུལ་བའི་བཟོད་པ་འདི་ཡོངས་སུ་ཉམས་པར་འགྱུར་རོ། །གང་ཡང་
འདོད་པ་དང་འདོད་པ་བདེ་བའི་རྗེས་སུ་སྦྱོར་བ་རང་བཞིན་གྱིས་འགྲོ་བ་ངན་པའི་མི་ལ་བརྩོན་ནོ། །གང་ཡང་བདག་ལ་གནོད་པར་སྦྱོར་བའི་ཞགས་པ་འཐུབ་པ་དགུ་བཅུ་རྩ་ལྔ་ཚུལ་ཁྲིམས་དང་བརྟུལ་ཞུགས་ངན་པ་འཕགས་པ་མ་ཡིན་པ་དང་། 
དོན་དུ་མི་འགྱུར་བ་འདི་གཉིས་ཀྱི་བཟོད་པ་ཡོངས་སུ་ཉམས་པའི་ཕྱིར་འཇིག་པར་འགྱུར་རོ། །ཉོན་མོངས་པའི་ཕུང་པོ་ཆེན་པོ་འབྱུང་བར་འགྱུར་རོ། །བཙུན་པ་བཅོམ་ལྡན་འདས་དེ་འདི་བཟོད་པ་སྒོམ་པ་དག །གང་གིས་བཟོད་པ་ཐོབ་
བ་མི་ཤེས་སོ། །གང་ལ་འདོད་ཆགས་ཞེ་སྡང་དང་། ང་རྒྱལ་འཆང་བར་རབ་ཏུ་གནས། །ཕུང་པོ་ལྔ་དང་མི་ལྡན་པས། །བྱས་པ་ཤེས་ལ་མེད་པར་འགྲོལ། །ཕ་མ་དགྲ་བཅོམ་སྟོང་པ་སྟེ། །སྟོང་པའི་ཆོས་ལ་བསྟེན་པས་
ན། །དངོས་པོ་མེད་ཅིང་འདྲེས་མེད་པ། །ཚུལ་གཅིག་གིས་ནི་གྲོལ་བར་འགྱུར། །ཚོར་བ་རྣམ་གསུམ་འདྲེས་མེད་ཅིང་། །འདུ་བྱེད་གསུམ་ཡང་སྙེམས་པ་མེད། །ཇི་ལྟར་ཤེས་པ་མཆོག་གི་ཕྱིར། །སྲིད་པ་ཟད་ལ་
འགྲོལ་བར་འགྱུར། ཁམས་གསུམ་དག་ནི་སྙེམས་མེད་པ། །རིག་པ་གསུམ་ནི་རབ་ཏུ་བསླབས། །ཚོར་བ་རྣམ་གསུམ་ཡོངས་ཤེས་ཤིང་། །དུས་གསུམ་ལ་ནི་ཆགས་པ་མེད། །སྨོན་པའི་འདོད་ཆགས་ཟད་པ་དང་། །
བརྗོད་དུ་མེད་ལ་གྲོལ་བར་འགྱུར། །ཇི་ལྟར་ཉི་ཟླ་ནམ་མཁའ་རྣམས། །རྒྱུ་བ་ལ་ནི་ཆགས་པ་མེད། །མཐའ་གཉིས་རྣམ་པར་སྤངས་ནས་ནི། །སྐྱེ་བ་ཟད་ལ་འགྲོལ་བར་འགྱུར། །སྙིང་རྗེ་ཆེན་པོ་རྣམ་གཉིས་

62-1-184a

སྤོང་། །སྡུག་བསྔལ་ཐམས་ཅད་རབ་ཏུ་བཀྲོལ། །བློ་གྲོས་རྟོག་པ་སྤངས་པས་ན། །སྙིང་པོར་གནས་པ་རྣམ་པར་བཀྲོལ། །རྟོག་དང་རྣམ་རྟོག་སྤངས་པ་ནི། །བསོད་ནམས་ཆགས་པའི་སྡིག་པ་མེད། །སེམས་
ཅན་རྣམས་ནི་སྙིང་བརྩེའི་ཕྱིར། །སྤྱོད་པ་ཆགས་པ་འགྲོལ་བར་འགྱུར། །ལྷ་དང་དྲི་ཟ་མི་རྣམས་ཀྱིས། །དྲང་པོའི་ལམ་ནི་མི་ཤེས་སོ། །དེ་ལྟར་ཤིན་དུ་རྟོགས་པའི་ཕྱིར། །སྤྱོད་ལ་ཆགས་པ་འགྲོལ་བར་འགྱུར། །སྙིང་རྗེ་
དང་ལྡན་ཡིད་གཞུངས་པ། །སེམས་ཅན་སྤྱོད་པ་རབ་མི་ཤེས། །ཡེ་ཤེས་མཆོག་དང་ལྡན་པས་ན། །སེམས་ཅན་སངས་རྒྱས་རབ་ཏུ་འགྲོལ། །ཡང་དྲི་མ་མེད་པའི་གོས་གཞོན་ནུར་གྱུར་པས་འདི་བསྟན་པའི་ཚེ་ཡོངས་སུ་སྦྱང་བ་སྔོན་བྱས་
པའི་མུ་སྟེགས་ཅན་གཞན་ཁྲག་ཁྲིག་ཕྲག་དགུ་བཅུ་རྩ་བརྒྱད་ཀྱིས་སོ་སོར་ཡང་དག་པར་སྤྱོད་པའི་ཚུལ་ནམ་མཁའ་ལ་འགྲོ་བའི་འོད་ཀྱིས་འདུལ་བའི་བཟོད་པ་འདི་སོ་སོར་ཐོབ་པར་གྱུར་ཏོ། །མུ་སྟེགས་ཅན་གཞན་མེ་བཅུ་རྡུལ་ཡལ་སྟོང་བླ་ན་
མེད་པ་ཡང་དག་པར་རྫོགས་པའི་བྱང་ཆུབ་ཏུ་སེམས་སྐྱེས་པར་གྱུར་ཏོ། །ཕྱིར་མི་ལྡོག་པའི་ས་ཐོབ་པར་གྱུར་ནས་ལྷ་དང་། དྲི་ཟ་དང་། མིའི་འཁོར་ཐམས་ཅད་དང་ལྡན་པ་དེས་དྲི་མ་མེད་པའི་གོས་གཞོན་ནུར་གྱུར་པ་ལ་ལེགས་སོ་ཞེས་
བྱ་བ་བྱིན་ནོ། །སྐྱེས་བུ་དམ་པས་ཤིན་དུ་ལེགས་པར་བཤད་པ་ལེགས་སོ་ལེགས་སོ། །བཅོམ་ལྡན་འདས་དེས་ཀྱང་དྲི་མ་མེད་པའི་གོས་གཞོན་ནུར་གྱུར་པ་ལ་ལེགས་སོ་ཞེས་བྱ་བ་བྱིན་ནོ། །སྐྱེས་བུ་དམ་པ་ཁྱོད་ཀྱིས་སེམས་ཅན་མང་པོ་
ཡོངས་སུ་སྨིན་པར་བྱས་པ་དང་ལེགས་པར་བཤད་པ་ལེགས་ལེགས་སོ། །དེ་ནས་བཅོམ་ལྡན་འདས་ཀྱིས་སྒྲ་ཀུན་དུ་འཚོ་བའི་མེའི་བརྟུལ་ཞུགས་ཅན་ལ་བཀའ་སྩལ་པ། སྒྲ་ཀུན་དུ་འཚོ་བ་ལས་ཀྱི་སྒྲིབ་པ་རྣམ་པར་དག་པ་ལས་ཀྱི་སྒྲིབ་
པ་རྣམ་པར་དག་པ་ཞེས་བྱ་བ་ནི་ལས་རྣམ་པར་སྨིན་པ་ཡིད་ཀྱིས་བྱ་བ་ལ་ཆགས་པ་མེད་པའོ། །ཆོས་ཐམས་ཅད་ལ་སྙེམས་པ་མེད་པའོ། །འདོད་ཆགས་ཀྱི་མཐའ་ལ་སོགས་པ་མེད་པའོ། །ཞེ་སྡང་དང་། གཏི་མུག་གི་མཐའ་ལ་

62-1-184b

སོགས་པ་མེད་པའོ། །སྙེམས་པ་མེད་པའོ། །ཉེ་བར་འགྲོ་བ་མེད་པའོ། །ཉེ་བར་ལེན་པ་མེད་པའོ། །དེ་ཡང་དག་པའི་མཐའ་མངོན་སུམ་དུ་མི་བྱེད་པའོ། །གང་མངོན་སུམ་དུ་མི་བྱེད་པ་དེ་རློམ་ཞིང་སེམས་པ་མེད་པའོ། །
གང་རློམ་ཞིང་སེམས་པ་མེད་པ་དེ་གཟུང་བ་མེད་པའོ། །གཟུང་དུ་མེད་པ་དེ་ཆགས་པ་མེད་པའོ། །གང་ཆགས་པ་མེད་པ་དེ་དངོས་པོ་མེད་པའོ། །གང་དངོས་པོ་མེད་པ་དེ་ཤེས་པ་མེད་པའོ། །གང་ཤེས་པ་མེད་པ་དེ་ཚུ་རོལ་དང་
ཕ་རོལ་དུའོ། །གང་ཚུ་རོལ་དང་ཕ་རོལ་པོ་དེ་བརྗོད་དུ་མེད་པའོ། །གང་བརྗོད་དུ་མེད་པ་དེ་དངོས་པོ་མེད་པའོ། །གང་དངོས་པོ་མེད་པ་དེ་འབྱུང་བ་མེད་པའོ། །གང་འབྱུང་བ་མེད་པ་དེ་འགོག་པ་མེད་པའོ། །གང་འགོག་པ་མེད་
པ་དེ་ཡི་གེ་མེད་པའོ། །གང་ཡི་གེ་མེད་པ་དེ་དུས་གསུམ་དང་སྐད་ཅིག་མར་བྲལ་བའོ། །གང་དུས་གསུམ་དང་སྐད་ཅིག་མར་བྲལ་བ་དེ་སོ་སོར་ཡང་དག་པར་སྤྱོད་པའི་ཚུལ་ནམ་མཁའ་ལ་འགྲོ་བའི་འོད་ཀྱིས་འདུལ་བའི་བཟོད་པ་དང་
ལྡན་པ་གང་བྱང་ཆུབ་སེམས་དཔས་བདུད་ཐམས་ཅད་ཀྱི་ལམ་ལ་ཡོངས་སུ་སྦྱོར་བར་བྱེད་དོ། །གཞན་ཡང་སྒྲ་ཀུན་དུ་འཚོ་བ་གང་བྱང་ཆུབ་སེམས་དཔའ་ཉན་ཐོས་དང་། རང་སངས་རྒྱས་ཀྱི་ཐེག་པ་ལ་རེག་པར་མི་བྱེད། འདུས་
བྱས་ཀྱི་ཆོས་ལ་སྙེམས་པ་མེད་ཅིང་རེག་པར་མི་བྱེད། འདི་ལྟ་སྟེ། དཔེར་ན་ནམ་མཁའ་དང་ཆོས་ཐམས་ཅད་ལ་སྙེམས་པ་མེད་ཅིང་རེག་པ་མེད་པ་དེ་ལྟར་དེ་བཞིན་དུ་བྱང་ཆུབ་སེམས་དཔའི་ཆོས་ལ་སྙེམས་པ་མེད་ཅིང་རེག་པ་མེད་དེ། 
དེ་ནས་ལས་ཀྱི་སྒྲིབ་པ་རྣམ་པར་སྦྱོང་བར་བྱེད་དོ། །འདི་སྟོན་པ་བསྟན་པའི་ཚེ་ཆུ་བོ་གང་གཱའི་བྱེ་མ་སྙེད་ཀྱི་ལས་སྔོན་བྱས་པའི་མུ་སྟེགས་ཅན་གཞན་སོ་སོར་ཡང་དག་པར་སྤྱོད་པའི་ཚུལ་ནམ་མཁའ་ལ་འགྲོ་བའི་འོད་ཀྱིས་འདུལ་བའི་
བཟོད་པ་ཞེས་བྱ་སོ་སོར་ཐོབ་པར་གྱུར་ཏོ། །ཆུ་བོ་གང་གཱ་བདུན་གྱི་བྱེ་མ་སྙེད་ཀྱི་མུ་སྟེགས་ཅན་གཞན་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་སེམས་སྐྱེས་པར་གྱུར་ཏོ། །ཕྱིར་མི་ལྡོག་པའི་ས་ཐོབ་པར་གྱུར་ཏོ། །

62-1-185a

དེ་ནས་བཅོམ་ལྡན་འདས་ཀྱིས་བདུད་སྤོང་བ་ཀུན་དུ་རྒྱུ་ལ་བཀའ་སྩལ་པ། བདུད་སྤོང་བ་གང་ཁྱིམ་གྱི་གནས་ནས་བྱུང་སྟེ་ཐར་པ་ལ་མངོན་པར་བརྩོན་པའི་རྐྱེན་གྱིས་ཆོས་དང་ཆོས་ཉིད་ཀྱི་རྗེས་སུ་རབ་ཏུ་མི་ཤེས་སོ། །
ཡོངསུ་གྲོལ་བ་མེད་དོ། །སྐྱེ་བ་དང་། རྒ་ཤི་དང་། མྱ་ངན་དང་། སྨྲེ་སྔགས་འདོན་པ་དང་། སྡུག་བསྔལ་བ་དང་། ཡིད་མི་བདེ་བ་དང་། འཁྲུག་པ་རྣམས་ཡོངས་སུ་ཐར་པ་མེད་དོ། །ཕུང་པོ། 
ཁམས་དང་། སྐྱེ་མཆེད་རྣམས་རྟག་ཏུ་ཕྱི་མའི་མཐའ་འཁོར་བའི་ཆུ་ཀླུང་རྟག་ཏུ་འབབ་བོ། །ཅི་འདྲ་བའི་ཡིད་མ་བགྱིས་ན་རྐྱེན་གྱིས་རབ་ཏུ་མི་ཤེས། འདི་ལྟ་སྟེ། དེ་བཞིན་དུ་ཁྱོད་ཀྱི་གཟུགས་དཀའ་ཐུབ་དང་། བརྟུལ་
ཞུགས་དང་། ཚངས་པར་སྤྱོད་པའི་འབྲས་བུ་མེད་པ། འཕགས་པ་ལ་དམོད་པ་ནི་ཇི་ལྟར་ལ་ལ་གོས་མེད་པ་དང་། ལ་ལ་གོས་བོར་བ་དང་། ལ་ལ་རུས་པའི་རྡུལ་གྱིས་བྱུགས་པ་དང་། ལ་ལ་ཐལ་བས་
བྱུགས་པ་དང་། ལ་ལ་སྣག་ཚས་བྱུགས་པ་དང་། ལ་ལ་ཁུ་ཆུ་བྱུང་བས་བྱུགས་པ་དང་། ལ་ལ་བད་ཀན་གྱིས་བྱུགས་པ་དང་། ལ་ལ་ཉལ་ཉིལ་གྱིས་བྱུགས་པས་འཁོད་དོ། །ལ་ལ་སྐྲའི་སྣམ་བུ་གྱོན་ཏོ། །
ལ་ལ་བལ་གྱི་སྣམ་བུ་དང་། ལ་ལ་སྨྱིག་མའི་གོས་དང་། ལ་ལ་རྩྭའི་འདབ་མའི་གོས་དང་། ལ་ལ་དུར་ཁྲོད་པའི་གོས་དང་། ལ་ལ་མིང་མཁན་ཙམ་གྱི་གོས་དང་། ལ་ལ་བྱའི་གོས་དང་། ལ་ལ་བ་ལང་གི་སླུད་བུ་དང་། ལ་ལ་
ཕྱག་དར་ཁྲོད་ཀྱི་གོས་དང་། ལ་ལ་ལྤགས་པ་དང་། རྙིང་པའི་གོས་གྱོན་ཏོ། །ལ་ལ་ཚོད་མ་ཟ་བར་འགྱུར་རོ། །ལ་ལ་ནས་ཟ་བ་དང་། ནས་ལས་བྱས་པ་ཟ་བ་དང་། སྦུན་པ་ཟ་བ་དང་། བྱ་ཟ་བ་དང་། རི་དགས་ཟ་བ་དང་། 
དུག་ཟ་བ་དང་། མར་ཟ་བ་དང་། འབྲས་བུ་ཟ་བ་དང་། རྩྭ་ཟ་བ་དང་། ཤུན་ཕྲགས་ཟ་བ་དང་། འདབ་མ་ཟ་བ་དང་། མེ་ཏོག་ཟ་བ་དང་། ལ་ལ་ཡང་འབྲས་བུའི་རོ་ཟ་བ་དང་། ལ་ལ་ཡང་པད་མོའི་རྩ་བའི་ཚལ་པ་ཟ་བ་དང་། 

62-1-185b

རླུང་ཟ་བ་དང་། ལྤགས་པ་ཟ་བ་དང་། ཁྲག་ཟ་བ་དང་། ལ་ལ་ཡང་ངན་སྐྱུགས་སྐམ་པོ་ཟ་བར་འགྱུར་བ་དེ་ཉིན་མཚན་ཤིན་དུ་གཏོང་བར་བྱེད་དོ། །ལ་ལ་དེ་བཞིན་དུ་ས་ཁར་ཟ་བ་ལེན་པ་མེད་ཅིང་ལག་པས་མ་ཡིན། ཁས་མ་ཡིན། 
ལྷུང་བཟེད་ལས་མ་ཡིན། འབྲེང་བུས་མ་ཡིན། གཏུན་བུའི་བར་ལས་མ་ཡིན། རྩྭ་ལས་མ་ཡིན་ཞིང་ཉིང་རུམ་ལས་ཟ་བ་སོ་སོར་ལེན་པ་མེད་དོ། །རྗེའུ་རིགས་ཀྱི་ལག་པ་ནས་ཟ་བ་སོ་སོར་ལེན་པ་མེད་དོ། །བྲམ་ཟེའི་
ལག་པ་ནས་མ་ཡིན། མཐའ་མེད་པའི་ལག་པ་ནས་མ་ཡིན། བྱོལ་སོང་བའི་སྐྱེ་གནས་ཀྱི་ཁ་ནས་མ་ཡིན། ཆུར་བོར་བ་ལས་མ་ཡིན། ས་ལ་བཞག་པ་ལས་མ་ཡིན། རིའི་ཁ་ལས་མ་ཡིན། སྣོད་གཅིག་ཏུ་གཉིས་ཟ་
ཟ་བ་མ་ཡིན། བཟའ་བ་ལག་པས་ལེན་པ་མེད་དོ། །ལ་ལ་གཤེར་བ་ལས་ཟ་བ་མེད་དོ། །གང་ལ་བུད་མེད་སྦྲུམ་པ་མེད་པ་དང་། གང་ལ་ཁྱིམ་གནས་པ་དང་། གང་ན་ཆོ་ག་མེད་པ་དང་། གང་ན་སྦྲང་མ་རྒྱུ་བ་འདི་ལ་
ཟ་བ་མེད་དོ། །བཙུན་པ་ཁྱོད་ཀྱི་ཕྱིར་གང་སུ་ཞིག་གིས་མཆོད་སྟོན་དེ་ལྟར་བྱས་སོ་ཞེས་དེ་བཞིན་སྨྲས་པ་འདི་ཟོས་པ་མེད་དོ། །མར་མེད་པ་དང་། ཤ་མེད་པ་དང་། སྒོག་པ་མེད་པ་ཆེད་ཀར་བྱས་ཏེ་ཟོས་པ་མེད་དོ། །ཆང་
འཐུངས་པ་མེད་དོ། །སྦྲང་རྩི་དང་། བུ་རམ་དང་། དགུན་ཆང་དང་། མར་འཐུང་ཞིང་ཟས་དང་སྐོམ་གཞན་ལེན་པ་འང་མེད་དོ། །ཁྱིམ་གཅིག་ཏུ་ཐམས་ཅད་ཟའོ། །ལ་ལ་ཡང་རིལ་པོ་གཅིག་གིས་ཉིན་མཚན་ཤིན་དུ་
གཏོང་བར་བྱེད། ལ་ལ་རིལ་པོ་གཉིས་ལས་བདུན་གྱི་བར་དུ་ཉིན་མཚན་ཤིན་དུ་གཏོང་བར་བྱེད། ལ་ལ་ཡང་རིལ་པོ་གཅིག་གིས་ཉིན་མཚན་ཤིན་དུ་གཏོང་བར་བྱེད། ལ་ལ་ཉིན་མཚན་གསུམ་དང་། ལ་ལ་བཞི་དང་། 
ལ་ལ་ལྔ་དང་། ལ་ལ་དྲུག་དང་། ལ་ལ་ཡང་ཉིན་མཚན་བདུན་གྱིས་ཤིན་དུ་གཏོང་བར་བྱེད། ལ་ལ་ཡང་སློང་བ་གཅིག་གིས་ཉིན་མཚན་ཤིན་དུ་གཏོང་བར་བྱེད། ལ་ལ་གཉིས་དང་གསུམ་ནས་བདུན་གྱི་བར་དུ་

62-1-186a

སློང་བས་ཉིན་མཚན་ཤིན་དུ་གཏོང་བར་བྱེད། ལ་ལ་ཚེར་མའི་ནང་དུ་མལ་བྱེད་པ་དང་། ལ་ལ་ཞིང་གི་རོལ་དང་། ལ་ལ་རུས་པ་དང་། ལ་ལ་ཐལ་བ་དང་། ལ་ལ་གྲམ་བུ་དང་། ལ་ལ་རྡོ་བ་དང་། 
ལ་ལ་གཏུན་བུའི་སྡུག་བསྔལ་གྱི་ནང་དུ་མལ་བྱེད་པར་འགྱུར་རོ། །ལ་ལ་སྟན་གྱིས་ཡོངས་སུ་བསྐོར་བ་དང་། ལ་ལ་ལག་པ་གྱེན་དུ་ཉིན་མཚན་ཤིན་དུ་གཏོང་བར་བྱེད། ལ་ལ་ལག་པ་ཡན་ལག་ལ་འཇུས་ཤིང་ཉིན་
མཚན་ཤིན་དུ་གཏོང་བར་བྱེད། ལ་ལ་སྐྲ་དང་། ཨག་ཙོམ་དང་། ལ་ལ་རྐང་པ་ཡན་ལག་ལ་འཇུས་ཤིང་ཉིན་མཚན་ཤིན་དུ་གཏོང་བར་བྱེད། ལ་ལ་ཆུའི་ནང་དུ་ཞུགས་ཏེ་ཉིན་མཚན་ཤིན་དུ་གཏོང་བར་བྱེད། ལ་ལ་
རྐང་པ་གཅིག་གིས་ཟླ་བ་བསྟོད་པས་ན་ཉིན་མཚན་ཤིན་དུ་གཏོང་བར་བྱེད། ཉི་མས་སྐེམས་པས་ན་ཉིན་མཚན་ལྔས་ཤིན་དུ་གཏོང་བར་བྱེད། ལ་ལ་སྐྲ་དང་ཨག་ཙོམ་འཐོག་པ་དང་ལྡན་པས་ཉིན་མཚན་ཤིན་དུ་གཏོང་
བར་བྱེད། ལ་ལ་རལ་པ་ཡང་འཛིན་པར་བྱེད། ཆུ་ཡང་འཛིན་པར་བྱེད། དབྱིག་པ་གསུམ་སྤྱོད་པར་བྱེད། ལ་ལ་རི་ལ་ལྟུང་བར་བྱེད། ལ་ལ་མེ་ལ་ལྟུང་བར་བྱེད། ལ་ལ་ཆུ་ལ་འཇུག་པར་བྱེད། ལ་ལ་རི་དང་
ཤིང་དང་ལྟེང་ཀའི་ལྷ་བྲན་ལ་ཕྱག་བྱ་བས་ཉིན་མཚན་ཤིན་དུ་གཏོང་བར་བྱེད། ལ་ལ་བྱོལ་སོང་གི་སྐྱེ་གནས་ཀྱི་བརྟུལ་ཞུགས་ཀྱིས་ཉིན་མཚན་ཤིན་དུ་གཏོང་བར་བྱེད། སྡིག་པ་སྤོང་བ་ཁྱོད་ཀྱིས་གཟུགས་དེ་བཞིན་
དུ་དཀའ་ཐུབ་དང་། བརྟུལ་ཞུགས་དང་། ཚངས་པར་སྤྱོད་པ་ལ་གནས་པ་ཕྱོགས་དང་མི་མཐུན་པའི་མྱ་ངན་ལས་མ་འདས་ཤིང་འཕགས་པས་དམོད་གོར་མ་ཆག །བཙུན་པ་བཅོམ་ལྡན་འདས་དེ་བཞིན་ནོ། །བཅོམ་ལྡན་
འདས་ཀྱིས་བཀའ་སྩལ་པ། སྡིག་པ་སྤོང་བ་ཁྱོད་ཐར་པ་ལ་ཡང་ཕྱོགས་དང་མི་མཐུན་པའི་མྱ་ངན་ལས་འདས་པས་འཕགས་པ་ལ་དམོད་པ་ནི་འདི་ལྟ་སྟེ། དྲི་མས་དྲི་མ་བཀྲུས་པ་དང་། དམར་པོས་དམར་པོ་བཀྲུས་པ་དང་། 

62-1-186b

མུན་པས་མུན་པ་ལ་ཞུགས་པ་དང་། དུག་གིས་དུག་ཟོས་པ་དང་། ཚིག་པས་མེའི་ནང་དུ་བཅུག་པ་དེ་ལྟར་དེ་བཞིན་དུ་ཁྱོད་སྡུག་བསྔལ་མྱ་ངན་ལས་འདའ་བའི་ཐར་པ་ལ་བརྩོན་པས་ཉོན་མོངས་པ་ལས་ཐར་བར་བྱ་བའི་
ཕྱིར་ཁྱོད་ཀྱི་གཟུགས་དེ་བཞིན་དུ་མཆོག་ཏུ་དཀའ་བ་སྤྱོད་པ་བདག་ལ་གནོད་པའི་རྗེས་སུ་སྦྱོར་བར་འགྱུར་རོ། །ཕྱི་ཕྱིར་ཡང་ཉོན་མོངས་པ་སྟུག་པོས་བཅིངས་ཤིང་བཏགས་པར་འགྱུར་རོ། །སྡིག་པ་སྤོང་བ་བདག་ནི་གྲངས་
མེད་པའི་བསྐལ་པ་ལས་ཤིན་དུ་འདས་པ་དང་། ཤིན་དུ་གྲངས་མེད་ཚད་མེད་པའི་རྣམ་པར་རྒྱས་པར་མངོན་པར་ཤེས་སོ། །གང་བདག་དེའི་དུས་དེའི་ཚེ་ན་རྙོག་པ་ལྔའི་སངས་རྒྱས་ཀྱི་ཞིང་གི་རྒྱལ་པོ་བསོད་ནམས་ཀྱི་འོད་ཟེར་གྱི་
མཛོད་ཅེས་བྱ་བ་དང་། དབུ་མའི་གླིང་བཞི་དང་། འཛམ་བུའི་གླིང་གི་དབང་པོ་ཡང་ལོ་སྟོང་གི་བར་དུ་སྐྱེ་བར་གྱུར་ཏོ། །དེའི་ཚེ་ན་ཡང་སེམས་ཅན་རྣམས་ཤིན་དུ་རྒ་ཤིའི་བགེགས་སུ་གྱུར་ཏོ། །དེའི་ཚེ་ན་སངས་རྒྱས་འབྱུང་བ་
མེད་པ་དང་། སངས་རྒྱས་ཀྱི་བསྟན་པ་མེད་པས་ཡང་དེའི་ཚེ་ན་རང་སངས་རྒྱས་སུ་གྱུར་པ་ཡང་མེད་དོ། །དྲང་སྲོང་ཡང་མེད་དེ་ཕྱི་མའི་དུས་ན་བདག་དགོན་པ་དང་ནགས་འདབ་ནས་འབྱུང་བར་གྱུར་ཏོ། །ལ་ལ་ལྷའི་བྱ་བ་
ཁ་དོག་བཞི་དང་། ལུས་ཀྱི་སྟོབས་དང་ལྷན་ཅིག་པ་སྐྱིལ་མོ་དཀྲུང་བཅས་པ་དེ་ལ་བདག་དང་སེམས་ཅན་བྱེ་བ་ཁྲག་ཁྲིག་བརྒྱ་སྟོང་མང་པོ་བལྟ་བར་གྱུར་ཏོ། །ཟླ་བ་དང་ཉི་མས་བསྟོད་པ་དེ་ལ་བདག་གིས་དྲིས་པ། གང་བདག་གིས་
བཟུང་ཞིང་བཏང་སྟེ། དགོན་པ་དང་ནགས་འདབ་དུ་སྤྱོད་ཅིག་ཅེས་ཁྱོད་ལ་སྟོན་པ་སུ། དེས་སྨྲས་པ། བདག་ནི་རྒ་ཤིའི་བགེགས་སོ། །ཤུ་བས་ཡོངས་སུ་བཟུང་བ་དང་། ནད་ཀྱིས་ཡོངས་སུ་བཟུང་བ་དང་། ཟུག་རྔུས་
ཡོངས་སུ་བཟུང་བ་སྟེ། ཡོངས་སུ་བཟུང་བ་དེ་ཐམས་ཅད་བདག་གིས་གཏོང་བ་དང་། ནགས་འདབ་ཏུ་ཐར་པའི་ཐབས་མི་ཤེས་པས་ཉིན་མཚན་ཤིན་དུ་གཏོང་བར་གྱུར་ཏོ། །དེ་ལ་བདག་གིས་དྲི་བ་དྲིས་པ། ཁྱོད་ལ་

62-1-187a

སྟོན་པ་སུ་དེས་སྨྲས་པ། ཉི་མ་དང་ཟླ་བ་གཉིས་བདག་གིས་བསྟན་ཏེ། རྒ་ཤི་འབྱུང་བ་ལ་བསྟེན་པར་ཡང་མི་ཤེས་སོ། །བདག་དེ་ལྟར་སེམས་སྐྱེས་པས་བདག་གིས་སེམས་ཅན་ཡོངས་སུ་སྨིན་པར་འགྱུར་རོ། །
བདག་གང་ན་བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་འཚང་རྒྱ། གང་བདག་ནི་སེམས་ཅན་རྣམས་ཀྱི་ལམ་འདི་མཐོང་བ་འང་མེད་དོ། །བདག་ནི་མ་འོངས་པའི་དུས་ན་སྒྲིབ་པ་མེད་པའི་ཡེ་ཤེས་རྣམ་པར་གྲོལ་
བའི་ལས་ཀྱི་སྒྲིབ་པ་འང་མེད་དོ། །བདག་དེ་ལས་ཕྱིར་ལོག་སྟེ། རང་རྒྱལ་པོའི་ཕོ་བྲང་དུ་ཞུགས་ཏེ་བདག་གིས་བུད་མེད་ཀྱི་རྩེ་བའི་རང་བཞིན་ཐམས་ཅད་སྤངས་ཤིང་རྒྱལ་པོའི་དགོས་པ་ཐམས་ཅད་བོར་ཏེ་ཉིན་མཚན་བདུན་དུ་ཁ་
ཟས་མེད་པར་སོ་སོ་ནས་བསྡུས་ཏེ་ཐིམ་པ་ཅིག་ཏུ་སྤྱོད་པར་འགྱུར་རོ། །བདག་དེ་བཞིན་དུ་སྨོན་ལམ་བསྐྱེད་དོ། །གལ་ཏེ་བདག་སངས་རྒྱས་བྱེ་བ་ཁྲག་ཁྲིག་བརྒྱ་སྟོང་མང་པོའི་མདུན་དུ་དགེ་བའི་རྩ་བ་བསྐྱེད་པ་ནི་བླ་ན་མེད་
པ་ཡང་དག་པར་རྫོགས་པའི་བྱང་ཆུབ་ཏུ་བསྔོས་པར་འགྱུར་རོ། །དེ་འདི་སངས་རྒྱས་བཅོམ་ལྡན་འདས་དག་དགོངས་ཤིང་བདག་ནི་གང་ཕྱོགས་བཅུའི་ཚད་མེད་གྲངས་མེད་པའི་འཇིག་རྟེན་གྱི་ཁམས་ན་གནས་སོ། །འཚོའོ། །
སྐྱོང་ངོ་། །སྙིང་རྗེ་ཆེན་པོ་དང་ལྡན་པའི་སེམས་ཅན་རྣམས་ལ་ཆོས་སྟོན་ཏོ། །སངས་རྒྱས་བཅོམ་ལྡན་འདས་དེའི་སྒྲིབ་པ་མེད་པའི་ཡེ་ཤེས་སྟོན་ཅིང་བདག་གི་རེ་བ་ཡོངས་སུ་རྫོགས་པར་བྱེད་དོ། །ཇི་ལྟར་བདག་དེ་འདྲ་བའི་
ཉེ་བར་ལེན་པའི་རྙེད་པར་གྱུར་པ་གང་གི་ཐབས་ཀྱིས་གང་ལ་བདག་དེ་ལྟར་སེམས་ཅན་རྣམས་ཀྱི་གཉེན་དུ་གྱུར། སེམས་ཅན་རྣམས་རྒ་ཤིའི་ལམ་མཐོང་བར་གྱུར། གལ་ཏེ་བདག་སངས་རྒྱས་བཅོམ་ལྡན་འདས་
ཀྱི་དགོངས་པ་མེད་པས་དེ་ལྟར་བདག་ཟས་དང་སྐོམ་ཡོངས་སུ་མི་ཟ་བ་ནས་བཀྲེས་ཤིང་སྐོམ་པས་ཤི་བར་བྱས་པའི་བར་དུ་མནར་མེད་པའི་དམྱལ་བ་ཆེན་པོ་མི་བཟད་པར་དྲག་ཅིང་ཚ་བའི་སྡུག་བསྔལ་གྱི་ཚོར་བ་རྣམས་ཚོར་བར་འགྱུར་ཞིང་

62-1-187b

སེམས་ཅན་ཐམས་ཅད་ཕྱི་མའི་མཐའ་ལ་ཐུག་གི་བར་དུ་འཁོར་བ་ནི་ཆུང་ངུ་ན་སེམས་ཅན་གཅིག་ཀྱང་འཁོར་བ་ལས་གྲོལ་བ་མེད་དོ། །བདག་ཀྱང་དམྱལ་བ་ལས་ཡོངས་སུ་གྲོལ་བ་མེད་པ་ནི་གང་སྔོན་གྱི་མཐའ་ལ་ཐུག་པ་དང་། 
ཕྱི་མའི་མཐའ་ལ་ཐུག་པའི་སེམས་ཅན་རྣམས་ཉོན་མོངས་པ་སྐྱེ་བ་དང་། སྡུག་བསྔལ་སྐྱེ་བ་དང་སེམས་ཅན་གྱི་སྒྲིབ་པ་དང་། ཉོན་མོངས་པའི་སྒྲིབ་པ་དང་། ལས་ཀྱི་སྒྲིབ་པ་དང་། ཆོས་ཀྱི་སྒྲིབ་པ་བོར་བར་འགྱུར་རོ། །
ཡོངས་སུ་སྨིན་པ་མེད་པ་དང་། ཉམས་པ་མེད་པ་ཡོད་པས་ངན་འགྲོ་གསུམ་གྱི་ཆོས་རྣམ་པར་སྨིན་པ་དེ་ཐམས་ཅད་སེམས་ཅན་རྣམས་ཀྱི་དཀའ་བར་བྱས་པ་བདག་གི་ལུས་དམྱལ་བར་སྐྱེས་པས་རྣམ་པར་སྨིན་པར་འགྱུར་རོ། །གང་ཡང་ཕྱི་
མའི་མཐའ་ལ་ཐུག་པའི་སེམས་ཅན་རྣམས་ངན་པར་བྱས་པའི་ལས་བོར་ཏེ། དེ་ཡང་བདག་གི་ལུས་དེ་ལྟར་མནར་མེད་པར་སྐྱེས་པ་རྣམ་པར་སྨིན་པར་འགྱུར། གང་བདག་གིས་དགེ་བ་བསགས་པ་དེ་སེམས་ཅན་རྣམས་དགེ་བའི་ལས་
མངོན་པར་བྱེད་པས་བདག་གིས་བསྔོས་སོ། །ཇི་ལྟར་སེམས་ཅན་ཐམས་ཅད་འཇིགས་པ་མེད་པའི་ཁང་པར་གནས་པ་མེད་པར་གྱུར་པ། དེ་ལྟར་བདག་མནར་མེད་པའི་དམྱལ་བ་ཆེན་པོ་ལས་ཡོངས་སུ་གྲོལ་བ་མེད་དོ། །སྡིག་པ་
སྤོང་བ་དེ་ཉིན་མཚན་བདུན་དུ་ཁ་ཟས་མེད་པར་སྨོན་ལམ་གྱི་ཁྱད་པར་སྤྱོད་དོ། །དེའི་དུས་ན་སྡིག་པ་སྤོང་བ་བྱང་ཕྱོགས་སུ་སོང་སྟེ། སངས་རྒྱས་ཀྱི་ཞིང་བྱེ་བ་ལས་ཤིན་དུ་འདས་པར་གྱུར་ཏོ། །དེ་ལ་རྙོག་པ་ལྔའི་སངས་རྒྱས་ཀྱི་ཞིང་
དགེ་བ་ཞེས་བྱ་བའི་སངས་རྒྱས་ཀྱི་ཞིང་དུ་གྱུར་ཏོ། །དེ་ལ་སངས་རྒྱས་བཅོམ་ལྡན་འདས་བཟོད་པའི་མཆོག་དཔལ་བརྩེགས་པའི་རྒྱལ་པོ་ཞེས་བྱ་བ་གནས་སོ། །འཚོའོ། །སྐྱོང་ངོ་། །དེ་ཐེག་པ་གསུམ་གྱི་ཆོས་རྣམས་ཀྱང་
འཆད་དོ།           ། བམ་པོ་དགུ་པ། དེ་ནས་བཅོམ་ལྡན་འདས་དེ་བཞིན་གཤེགས་པ་བཟོད་པའི་མཆོག་དཔལ་གྱི་ཕུང་པོའི་རྒྱལ་པོས་བྱང་ཆུབ་སེམས་དཔའ་གཟི་བརྗིད་དྲི་མ་མེད་པའི་འོད་དང་། བྱང་ཆུབ་སེམས་དཔའ་དེ་དག་

62-1-188a

ལ་བཀའ་སྩལ་པ། རིགས་ཀྱི་བུ་ཁྱོད་ལྷོ་ཕྱོགས་ཀྱི་སངས་རྒྱས་ཀྱི་ཞིང་བྱེ་བ་དགུ་བཅུ་རྩ་གཉིས་ཀྱི་སངས་རྒྱས་ཀྱི་ཞིང་འདི་ལས་འདས་ཏེ་སོང་ཤིག་དང་། དེ་ན་སངས་རྒྱས་ཀྱི་ཞིང་རབ་ཏུ་རྣམ་པར་ཕྱེ་བ་ཞེས་བྱ་
བ་ན་གླིང་བཞི་པའི་དབུས་ཀྱི་རྒྱལ་པོ་བསོད་ནམས་འོད་ཟེར་གྱི་མཛོད་ཅེས་བྱ་བ་ཞིག་ཡོད་ཀྱིས་དེ་ལ་མེ་ཏོག་བན་དུའི་ཆུན་པོ་འདི་གཉིས་བྱིན་ཏེ་བཟོད་པའི་ཆོས་ཀྱི་གཞུང་འདི་ཁྲོལ་ཅིག །ནམ་མཁའི་མདོག་གི་སྔགས་ཀྱི་ཚིག་
འདི་རྗོད་ཅིག་དང་སྔགས་ཀྱི་ཚིག་དེས་རྒྱལ་པོ་དེ་ཡང་དག་པར་སྤྱོད་པའི་ཚུལ་ནམ་མཁའི་མདོག་གིས་འདུལ་བའི་བཟོད་པ་ཐོབ་བོ། །བཟོད་པ་དེས་རྒྱལ་པོ་དེ་དང་། སེམས་ཅན་ཐམས་ཅད་ཀྱི་ཉོན་མོངས་པ་སྐྱེ་བ་དང་། 
སྡུག་བསྔལ་སྐྱེ་བ་དང་། སེམས་ཅན་གྱི་སྒྲིབ་པ་དང་། ཉོན་མོངས་པའི་སྒྲིབ་པ་དང་། ཆོས་ཀྱི་སྒྲིབ་པ་དང་། ལས་དང་ཉོན་མོངས་པའི་སྒྲིབ་པ་རབ་དང་། འབྲིང་དང་ཐ་མ་མ་ལུས་པར་ཡོངས་སུ་ཟད་པར་འགྱུར་རོ། །རྒྱལ་པོ་དེ་
ཡང་སེམས་ཅན་བྱེ་བ་ཁྲག་ཁྲིག་བརྒྱ་སྟོང་དགེ་བའི་བཤེས་གཉེན་དུ་ལམ་སྟོན་པ་བསྟན་པར་གྱུར་ཏོ། །རྒྱལ་པོ་དེ་ཡང་སེམས་ཅན་བྱེ་བ་ཁྲག་ཁྲིག་བརྒྱ་སྟོང་ཐེག་པ་གསུམ་གྱིས་ཡོངས་སུ་སྨིན་ཅིང་མྱུར་དུ་བླ་ན་མེད་པ་
ཡང་དག་པར་རྫོགས་པའི་བྱང་ཆུབ་ཏུ་མངོན་པར་རྫོགས་པར་འཚང་རྒྱ་བར་བྱེད་དོ། །དེ་དག་དང་བྱང་ཆུབ་སེམས་དཔའ་གཟི་བརྗིད་དྲི་མ་མེད་པའི་འོད་ཆེན་པོ་དང་། ལྷ་དང་། དྲི་ཟའི་འཁོར་ཐམས་ཅད་དང་ལྡན་པ་དེ་ཡང་བཟོད་
པའི་མཆོག་དཔལ་གྱི་ཕུང་པོའི་རྒྱལ་པོ་དེ་ལ་ཕྱིར་མཉན་ནས་དེ་བཞིན་གཤེགས་པ་བཟོད་པའི་མཆོག་དཔལ་གྱི་ཕུང་པོའི་རྒྱལ་པོས་བཀའ་སྩལ་པ། རིགས་ཀྱི་བུ་རྒྱལ་པོ་བསོད་ནམས་འོད་ཟེར་གྱི་མཛོད་དེ་ལ་འདི་སྐད་ཅེས་སྨྲོས་
ཤིག །རྒྱལ་པོ་ཆེན་པོ་ཇི་ལྟར་རང་བཞིན་གྱིས་ཉོན་མོངས་པ་མེད་པའི་ཆོས་ཀྱི་དབྱིངས་གཉིས་སུ་མེད་པའི་ཆོས་ཀྱི་སྒོས་ཡོངས་སུ་ཤེས་པར་བྱ་བ་དེ་ལྟར་མིག་གི་གཟུགས་ཀྱི་སྒོ་འཕོས་པ་མེད་ཅིང་རྣམ་པར་ཕྱེ་བ་མེད་པ་གཉིས་སུ་

62-1-188b

མེད་པ་སྟོན་པར་འགྱུར་བ་ནས་ཡིད་ཀྱི་རྣམ་པར་ཤེས་པའི་བར་དུ་འཕོས་པ་མེད་ཅིང་རྣམ་པར་ཕྱེ་བ་མེད་པ་གཉིས་སུ་མེད་པར་སྟོན་པར་འགྱུར་རོ། །དེ་ཅིའི་ཕྱིར་ཞེ་ན། ཆོས་ཐམས་ཅད་སེམས་ཅན་མེད་པ་ནི་སེམས་ཅན་དང་
བྲལ་བའོ། །ཆོས་ཐམས་ཅད་སྲོག་མེད་པ་ནི་སྲོག་གི་སྒྲས་བསྟན་པའོ། །ཆོས་ཐམས་ཅད་གསོ་བ་མེད་པ་ནི་གསོ་བའི་སྒྲས་བསྐྱེད་པའོ། །ཆོས་ཐམས་ཅད་གང་ཟག་མེད་པ་ནི་གང་ཟག་གི་སྒྲས་རྣམ་པར་བརྗོད་པའོ། །ཆོས་ཐམས་
ཅད་བསམ་གྱིས་མི་ཁྱབ་པ་ནི་བསམ་གྱིས་མི་ཁྱབ་པ་དང་བྲལ་བའོ། །ཆོས་ཐམས་ཅད་འདོད་ཆགས་དང་བྲལ་བའི་མཐའ་ནི་དངོས་པོ་མེད་པའོ། །ཆོས་ཐམས་ཅད་ཉེས་པ་མེད་པ་ནི་རིམས་དང་བྲལ་བའོ། །ཆོས་ཐམས་ཅད་གཏི་མུག་
མེད་པ་ནི་ལུས་དང་བྲལ་བའོ། །ཆོས་ཐམས་ཅད་གནས་པ་མེད་པ་ནི་གནས་པར་དམིགས་པ་མེད་པའོ། །ཆོས་ཐམས་ཅད་གནས་པ་མེད་པ་ནི་ནམ་མཁའི་རང་བཞིན་ལྟ་བུའོ། །ཆོས་ཐམས་ཅད་གསོག་ནི་ཡུལ་ལ་དམིགས་པ་མེད་
པའོ། །ཆོས་ཐམས་ཅད་གསོ་བ་ནི་ཉོན་མོངས་པ་དང་བྲལ་བའོ། །ཆོས་ཐམས་ཅད་འགྲོ་བ་མེད་པ་ནི་བྱེད་པ་པོ་དང་བྲལ་བའོ། །ཆོས་ཐམས་ཅད་བླང་བ་མེད་པ་ནི་སེམས་པའོ། །ཆོས་ཐམས་ཅད་རློམ་སེམས་མེད་པ་ནི་
སྒྱུ་མ་དང་བྲལ་བའོ། །ཆོས་ཐམས་ཅད་སྤྲོས་པ་མེད་པ་ནི་ལུས་དང་ངག་དང་ཡིད་ཀྱི་འདུ་བྱེད་དང་བྲལ་བའོ། །ཏད་ཡ་ཐཱ། བེ་དི་ནི། བེ་དི་ནི། བེ་དི་ནི། པཎ་ཌི་ནི། པཎ་ཌི་ནི། པཎ་ཌི་ནི། ཏྲི་ཛྙ་ནི། ཏྲི་ཛྙ་ནི། ཏྲི་ཛྙ་ནི། ཨུ་པ་
དཱ་ནི། ཨུ་པ་དཱ་ནི། ཨུ་པ་དཱ་ནི། ན་པཱི་ནི། ན་པཱི་ནི། ན་པཱི་ནི། མུ་ཛི་ནི། མུ་ཛི་ནི། མུ་ཛི་ནི། ཨ་རིཥྛ། བ་རིཥྛ། ཧེ་ཏང་གྲ་མ། མ་ཧུ་ཤོ་ཙ། དྷ་རི་དྷ་རི། དྷཥྚེ་པྲ་དྷཥྚེ། ཨུ་རུ་ཀཱན་ཏེ། གམ་བྷི་རི། ཨ་བརྟ་
ནི་བརྟ་ནི། མེ་བ་ཨ་བརྟ་ནི། ཨི་ཧ་ནི། བརྟ་ནི། ཀཱན་ཏེ། སརྦ་ཀཱན་ཏེ། ཧྲྀ་ད་ཡ་ཀཱན་ཏི། བི་ར་ཛེ། བ་ར་ཛེ། བ་ར་བི་ར་ཛེ། སྐན་དྷ་བ་མེ། ཨ་ཡ་ཏ་ན་ར་ཧེ་བྷ་ཏུ་ས་རེ། དཪྤ་ཕལྐུ། དྷརྨ་རཱ་ཛེ་ར་པྲེ་ཥི་ཏེ་

62-1-189a

སྭཱ་ཧཱ། སེམས་ཅན་ངན་པ་རྣམས་ལྟ་བ་དང་འདུལ་བའི་ཕྱིར་འགྲོའོ། །བཅོམ་ལྡན་འདས་ཀྱིས་བཀའ་སྩལ་པ། རིགས་ཀྱི་བུ་གང་གི་དུས་ལ་དབབ་པར་ཤེས་ན་སོང་ཤིག །དེ་ནས་བྱང་ཆུབ་སེམས་
དཔའ་དེ་དག་དང་། བྱང་ཆུབ་སེམས་དཔའ་གཟི་བརྗིད་དྲི་མ་མེད་པའི་འོད་ལ་མེ་ཏོག་བན་དུ་ཆུན་པོ་གཉིས་པོ་སྐྲའི་རལ་པ་ལ་བཏགས་ཏེ། རིགས་ཀྱི་བུ་སྟོང་ཕྲག་དགུ་བཅུ་རྩ་ལྔ་དང་ལྷན་ཅིག་ཏུ་དེ་བཞིན་གཤེགས་པ་
དཔལ་གྱི་ཕུང་པོ་དེ་ལ་རྐང་པ་གཉིས་ས་ལ་བཙུགས་ཏེ་སྤྱི་བོས་ཕྱག་འཚལ་ནས་གཡས་ཕྱོགས་ནས་ལན་གསུམ་བསྐོར་བ་བྱས་ཏེ། ཡུད་ཙམ་གྱིས་སངས་རྒྱས་ཀྱི་ཞིང་ཤིན་དུ་རྣམ་པར་ཕྱེ་བ་ནས་གྲོང་ཁྱེར་གང་ལ་
གླིང་བཞི་པའི་དབུས་ཀྱི་རྒྱལ་པོ་དེ་འདུག་པ་དེར་ཉེ་བར་ཕྱིན་ནས། དེ་ནུབ་བདུན་པའི་ཐ་མ་ན་དེ་དག་གི་མདུན་ན་འདུག་པར་གྱུར་ནས་དེ་དག་ལ་བལྟས་ཏེ་འདི་སྐད་ཅེས་སྨྲས་སོ། །རྒྱལ་པོ་ཆེན་པོ་ཚུར་སྤྱོན། རྒྱལ་པོ་ཆེན་པོ་ལེགས་
སོ། །བྱང་ཕྱོགས་ཀྱི་སངས་རྒྱས་ཀྱི་ཞིང་བྱེ་བ་ཕྲག་དགུ་བཅུ་རྩ་གཉིས་ཀྱི་སངས་རྒྱས་ཀྱི་ཞིང་འདི་ལས་འདས་པ་དེ་ན་འཇིག་རྟེན་གྱི་ཁམས་བཟོད་པ་ཞེས་བྱ་བ་ཡོད་དེ། དེ་ན་དེ་བཞིན་གཤེགས་པ་བཟོད་པའི་མཆོག་དཔལ་གྱི་
ཕུང་པོའི་རྒྱལ་པོ་ཞེས་བྱ་བ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་བཞུགས་ཤིང་འཚོ་སྐྱོང་ལ་ཆོས་ཀྱང་སྟོན་ཏོ། །དེ་བཞིན་གཤེགས་པ་དེས་ཆོས་ཀྱི་གཞུང་འདི་བསྟན་པའི་ཕྱིར་བདག་ཅག་ཁྱོད་ཀྱི་གན་དུ་བཏང་ངོ་། །
རྒྱལ་པོ་ཆེན་པོ་ཇི་ལྟར་ཆོས་ཐམས་ཅད་ཀྱི་དབྱིངས་རང་བཞིན་གྱིས་ཉོན་མོངས་པ་མེད་པ་གཉིས་སུ་མེད་པའི་སྒོས་ཡོངས་སུ་ཤེས་པར་བྱ་ཞིང་ཆོས་ཀྱི་དབྱིངས་ཇི་ལྟ་བ་དེ་ལྟར་བདག་གི་ཁམས་དང་དེ་ལྟར་སེམས་ཅན་གྱི་ཁམས་
ཀྱང་གཉིས་སུ་མེད་པའི་སྒོས་ཡོངས་སུ་ཤེས་པར་བྱའོ། །དེ་ལྟར་མིག་གིས་གཟུགས་ཀྱི་སྒོ་ལ་ཡང་འཕོས་པ་མེད་ཅིང་རྣམ་པར་ཕྱེ་བ་མེད་པ་གཉིས་སུ་མེད་པའི་ཆོས་སྟོན་པར་འགྱུར་བ་ནས་ཡིད་ཀྱི་རྣམ་པར་ཤེས་པའི་སྒོའི་བར་དུ་

62-1-189b

འཕོས་པ་མེད་ཅིང་རྣམ་པར་ཕྱེ་བ་མེད་པས་གཉིས་སུ་མེད་པའི་ཆོས་སྟོན་པར་འགྱུར་རོ། །དེ་ཅིའི་ཕྱིར་ཞེ་ན། རྒྱལ་པོ་ཆེན་པོ་ཆོས་ཐམས་ཅད་སེམས་ཅན་མེད་པ་ནི་སེམས་ཅན་དང་བྲལ་བའོ། །ཆོས་ཐམས་ཅད་སྲོག་མེད་པ་ནི་སྲོག་
གི་སྒྲས་བསྟན་པ་ནས་ཆོས་ཐམས་ཅད་སྤྲོས་པ་ནི་ལུས་དང་ངག་དང་ཡིད་ཀྱི་འདུ་བྱེད་དང་བྲལ་བའི་བར་དུའོ། །ཏད་ཡ་ཐཱ། བེ་དི་ནི། བེ་དི་ནི། བེ་དི་ནི། པཎ་ཌི་ནི། པཎ་ཌི་ནི། པཎ་ཌི་ནི། ཏྲི་ཛྙ་ནི། ཏྲི་ཛྙ་ནི། ཏྲི་ཛྙ་ནི། ཨུ་པ་ད་ནི། 
ཨུ་པ་ད་ནི། ཨུ་པ་ད་ནི། ན་པི་ནི། ན་པི་ནི། ན་པི་ནི། མུ་ཛི་ནི། མུ་ཛི་ནི། མུ་ཛི་ནི། ཨ་རིཥྛ་བ་རིཥྛ། ཧེ་ཏང་གྲ་མ། མ་ཧུ་ཤོ་ཙ། དྷ་རི་དྷ་རི། དྷཥྚེ་པྲ་དྷཥྚེ། ཨུ་རུ་ཀཱན་ཏེ། གམ་བྷི་རེ། ཨ་བརྟ་ནི། བརྟ་ནི། མེ་བ་ཨ་བརྟ་
ནི། ཨི་ཧ་ནི་བརྟ་ནི། ཀཱན་ཏེ། སརྦ་ཀཱན་ཏེ། ཧྲྀ་ད་ཡ་ཀཱན་ཏེ། བི་ར་ཛེ། བ་ར་ཛེ། བ་ར་ཛེ། བ་ར་བི་ཛེ། སྐན་དྷ་བ་མེ། ཨ་ཡ་ཏ་ན་ར་ཧེ། བྷ་ཏུ་ས་རེ། དཪྤ་ཕལྐུ། དྷརྨ་ར་ཛེ་ར་པྲཀྵི་སྭཱ་ཧཱ། རྒྱལ་པོ་བསོད་ནམས་ཀྱི་འོད་ཟེར་
མཛོད་ལ་སེམས་ཅན་དེ་དག་གིས་སྔགས་ཀྱི་ཚིག་འདི་དག་བརྗོད་མ་ཐག་ཏུ་དེ་ནས་དེ་ཉིད་ཀྱི་ཚེ་ན་སངས་རྒྱས་ཀྱི་ཞིང་ཤིན་དུ་རྣམ་པར་ཕྱེ་བ་ལན་དྲུག་ཏུ་གཡོས་སོ། །སིལ་སྙན་བྱེ་བ་ཁྲག་ཁྲིག་བརྒྱ་སྟོང་མ་བརྡབས་པར་རང་འཁྲོལ་ལོ་
ལྷ་རྫས་ཀྱི་མེ་ཏོག་དང་སྤོས་ཀྱི་ཕྱེ་མའི་ཆར་དག་ཀྱང་ཕབ་བོ། །སངས་རྒྱས་ཀྱི་ཞིང་དེ་ན་ལྷ་དང་མི་ཐམས་ཅད་ཀུན་དུ་དགའ་སྟེ། བ་སྤུའི་ཁུང་བུ་གཡོས་ཤིང་རྒ་ཤི་ལས་ཐར་པར་བསམས་པར་གྱུར་ཏོ། །དེ་དག་ཀྱང་བདག་གི་
ལུས་ལས་མེ་ཏོག་བན་དུའི་ཐོར་ཚུགས་བཀྲོལ་ཏེ་རྒྱལ་པོ་བསོད་ནམས་འོད་ཟེར་གྱི་མཛོད་ལ་ཕུལ་ནས་སྨྲས་པ། དེ་བཞིན་གཤེགས་པ་དེས་མེ་ཏོག་བན་དུ་བཏང་ཞིང་མུ་སྟེགས་ཅན་སྒྲིབ་པའི་ཕྱིར་ནམ་མཁའི་མདོག་གིས་
འདུལ་བའི་བཟོད་པའི་སྔགས་ཀྱི་ཚིག་བརྗོད་པ་འདི་དག་ཀྱང་བཏང་ངོ་། །རྒྱལ་པོ་ཆེན་པོ་ཁྱོད་སྔགས་ཀྱི་ཚིག་འདི་སྒོམས་ཤིག་དང་། རྒྱལ་པོ་ཆེན་པོ་སྔགས་ཀྱི་ཚིག་འདི་དག་གིས་ཡང་དག་པར་སྤྱོད་པའི་ཚུལ་ནམ་མཁའི་

62-1-190a

མདོག་གིས་འདུལ་བའི་བཟོད་པ་ཐོབ་པར་འགྱུར་རོ། །རྒྱལ་པོ་ཆེན་པོ་ཁྱོད་བཟོད་པ་དེས་སེམས་ཅན་གྱི་སྒྲིབ་པ་དང་། འཁྲུག་པ་དང་། ཉོན་མོངས་པའི་སྒྲིབ་པ་དང་། ལས་ཀྱི་སྒྲིབ་པ་དང་། ཆོས་ཀྱི་སྒྲིབ་པ་དང་། ཉོན་མོངས་པའི་
ལས་ཀྱི་སྒྲིབ་པ་རབ་དང་། འབྲིང་དང་། ཐ་མ་ཐམས་ཅད་མ་ལུས་པར་ཡོངས་སུ་ཟད་པར་འགྱུར་རོ། །རྒྱལ་པོ་ཆེན་པོ་ཁྱོད་ཀྱང་སེམས་ཅན་བྱེ་བ་ཁྲག་ཁྲིག་བརྒྱ་སྟོང་མང་པོ་ལ་དགེ་བའི་བཤེས་གཉེན་དུ་ལམ་བསྟན་པ་སྟོན་པར་གྱུར་ཏོ། །
རྒྱལ་པོ་ཆེན་པོ་ཁྱོད་སེམས་ཅན་བྱེ་བ་ཁྲག་ཁྲིག་བརྒྱ་སྟོང་གྲངས་མེད་པ་མང་པོ་ལ་ཐེག་པ་གསུམ་གྱིས་ཡོངས་སུ་སྨིན་པར་འགྱུར་ཞིང་མྱུར་དུ་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་མངོན་པར་འཚང་རྒྱ་བར་འགྱུར་རོ། །དེ་དག་
གི་ཚིག་ངས་ཐོས་པས་མཆོག་ཏུ་མགུ་རངས་རབ་ཏུ་དགའ་ཞིང་ཡིད་བདེ་བ་སྐྱེས་པར་གྱུར་ནས་བྱང་ཆུབ་སེམས་དཔའ་དེ་དག་ལ་མེ་ཏོག་དང་། ཕྲེང་བ་དང་། དྲི་དང་། སྤོས་དང་། བྱུག་པ་དང་། གདུགས་དང་། རྒྱལ་མཚན་དང་། བ་དན་དང་། 
རོལ་མོ་དཀྲོལ་བ་མཆོག་ཏུ་རྒྱ་ཆེ་བ་རྣམ་པ་སྣ་ཚོགས་ཀྱིས་དེ་དག་ལ་མཆོད་པ་བྱས་ནས་རྐང་པ་གཉིས་ས་ལ་བཙུགས་ཏེ། སྤྱི་བོས་ཕྱག་འཚལ་ནས་མེ་ཏོག་བན་དུའི་ཆུན་པོ་དེ་གཉིས་བླངས་ཏེ་དེའི་རལ་པ་ལ་བཏགས་ནས་རྣམ་པ་
དེ་ལྟ་བུའི་བརྩོན་འགྲུས་ཀྱི་རང་བཞིན་མཆོག་ཏུ་རྒྱ་ཆེ་བའི་སྟོབས་དང་མཐུ་དང་དྲན་པ་ཡང་ཐོབ་བོ། །ཇི་ལྟར་བཀྲེས་པ་དང་སྐོམ་པ་ཐམས་ཅད་ཀྱིས་ཐམས་ཅད་རྒྱུན་བཅད་ནས་བྱང་ཆུབ་སེམས་དཔའ་དེ་དག་གི་མདུན་དུ་ཆོས་
ཆོས་མཉན་པའི་ཕྱིར་འདུག་པས་དེ་མཆོག་ཏུ་དགའ་བར་གྱུར་ཏོ། །རྣམ་པ་དེ་ལྟ་བུའི་བརྩོན་འགྲུས་ཀྱིས་ཡང་དག་པར་སྤྱོད་པའི་ཚུལ་ནམ་མཁའི་མདོག་གིས་འདུལ་བའི་བཟོད་པ་བསྒོམ་པར་འགྱུར་བ་ནི་གང་ཞེས་བྱས་པ་དང་། དེ་དག་
གིས་སྨྲས་པ། རྒྱལ་པོ་ཆེན་པོ་ཆོས་བཞི་དང་ལྡན་ན་རིགས་ཀྱི་བུ་བཟོད་པ་འདི་སྒོམ་པར་བྱེད་དོ། །བཞི་གང་ཞེ་ན། ཕུང་པོ་དང་ཁམས་དང་སྐྱེ་མཆེད་ལ་རྟེན་པ་མེད་པ་དང་། སྙིང་རྗེ་ཆེན་པོའི་ཐབས་ལ་མཁས་པ་རྒྱུན་མི་གཅོད་

62-1-190b

པ་དང་། རྟག་པ་དང་ཆད་པ་མེད་པ་དང་། ཉན་ཐོས་དང་རང་སངས་རྒྱས་ཀྱི་ཐེག་པ་ལ་མི་འདོད་པ་དང་། ཚུལ་གཅིག་གིས་ཆོས་ཐམས་ཅད་ནམ་མཁའི་རང་བཞིན་ལྟ་བུར་ཤེས་པ་སྟེ། རིགས་ཀྱི་བུ་ཆོས་འདི་བཞི་དང་ལྡན་ན་ཡང་དག་པར་སྤྱོད་
པའི་ཚུལ་ནམ་མཁའི་མདོག་གིས་འདུལ་བའི་བཟོད་པ་འདི་ཐོབ་བོ། །འདི་ལ་ལུང་བསྟན་པ་ན། རྒྱལ་པོ་དེ་སྟན་དེ་ལ་འདུག་སྟེ་རིགས་དང་འཐུན་པའི་སྒོ་ནས་འོད་ཟེར་འབྱུང་བའི་བཟོད་པ་ཐོབ་པར་གྱུར་ནས་བྱང་ཆུབ་སེམས་དཔའ་
དེ་དག་ལ་རྐང་པ་གཉིས་ས་ལ་བཙུགས་ཏེ་སྤྱི་བོས་ཕྱག་འཚལ་ནས་མཆོད་པ་སྣ་ཚོགས་བྱས་ཏེ་གཡས་ཕྱོགས་ནས་ལན་གསུམ་བསྐོར་བ་བྱས་ནས་འདུག་གོ། །བྱང་ཆུབ་སེམས་དཔའ་དེ་དག་ཀྱང་རང་རང་གི་སངས་རྒྱས་
ཀྱི་ཞིང་དུ་ཡང་དག་པར་ཞུགས་སོ། །དེ་ནས་ངས་ཞང་ལོན་དང་། བློན་པོ་དང་། ཞམ་རིང་བ་འཁོར་ལ་ཤེས་པར་བྱས་པ། ང་ཉིན་ཞག་བདུན་དུ་སྲིད་དང་། ཕྱུག་པོ་དང་། ལོངས་སྤྱོད་དང་། ཀུན་དུ་སྤྱོད་པ་དང་། ཁྱིམ་པའི་མཚན་མ་
ཐམས་ཅད་སྤངས་ཏེ། དཀའ་ཐུབ་ཀྱི་ནགས་ཚལ་དུ་འགྲོ་ཞིང་རྒ་ཤིའི་ཕ་རོལ་དུ་འགྲོ་བར་གྲོགས་པོ་དག་ཤེས་པར་གྱིས་ཤིག །དེ་སྐད་ཅེས་བཀའ་སྩལ་པ་དང་། ཞང་ལོན་དང་། བློན་པོ་དང་། ཞམ་རིང་བའི་འཁོར་དེས་འདི་སྐད་
ཅེས་གསོལ་ཏོ། །རབ་ཏུ་བྱུང་བའི་ལྷའི་དུས་དེ་ནི་དེ་ལྟ་མ་ལགས་སོ། །དེ་ཅིའི་སླད་དུ་ཞེ་ན། གང་སེམས་ཅན་བྱེ་བ་ཁྲག་ཁྲིག་བརྒྱ་སྟོང་མང་པོ་དེ་དག་རྒ་ཤིའི་འཇིགས་པས་དཀའ་ཐུབ་ཀྱི་ནགས་ཚལ་དུ་དོང་སྟེ་བསྟན་པ་རྣམས་
ལ་དམིགས་པར་ཡང་མི་འགྱུར་རོ། །གང་ལ་ལ་སེམས་ཅན་གཅིག་ཀྱང་འཕགས་པ་བླ་མ་མིའི་ཆོས་ཀྱི་ཁྱད་པར་མ་ལུས་པར་ཁོང་དུ་ཆུད་པ་ཡང་མེད་དོ། །ངས་ཡང་འདི་སྐད་ཅེས་སྨྲས་སོ། །ང་ནི་སེམས་ཅན་ཐམས་ཅད་
ཀྱི་བསྟན་པར་འགྱུར་ཞིང་རྒ་ཤིའི་ཕ་རོལ་གྱི་ལམ་སྟོན་པའོ། །ངས་སེམས་ཅན་ཐམས་ཅད་འབོད་པའི་ཕྱིར་ཚིག་འདི་བརྗོད་མ་ཐག་ཏུ་དེ་ནས་དེ་ཉིད་ཀྱི་ཚེ་ན་སྟོང་གསུམ་གྱི་སྟོང་ཆེན་པོའི་ས་ལན་དུ་མ་གཡོས་སོ། །ལྷ་བྱེ་བ་ཁྲག་ཁྲིག་

62-1-191a

བརྒྱ་སྟོང་ཕྲག་མང་པོས་ཀྱང་ལེགས་སོ་ཞེས་བྱ་བ་བྱིན་ནོ། །ལྷ་རྫས་ཀྱི་རོལ་མོ་བརྡུང་བ་བྱེ་བ་ཁྲག་ཁྲིག་བརྒྱ་སྟོང་གིས་རབ་ཏུ་དཀྲོལ་ཏོ། །ལྷ་རྫས་ཀྱི་མེ་ཏོག་དང་། སྤོས་དང་། དྲི་དང་། ཕྱེ་མ་དང་། བྱུག་པའི་ཆར་སྣ་ཚོགས་
རབ་ཏུ་བབ་ནས་ལྷ་བྱེ་བ་ཁྲག་ཁྲིག་མང་པོས་མགྲིན་གཅིག་ཏུ་འདི་སྐད་ཅེས་གསོལ་ཏོ། །སྐྱེས་བུ་དམ་པ་ཁྱོད་ཀྱིས་རྣམ་པ་དེ་ལྟ་བུའི་རྩལ་ཆེན་པོ་བྱ་བར་ནུས་ཤིང་སྐྱེས་བུ་དམ་པ་ཁྱོད་ཀྱིས་ལེགས་པར་བཤད་པ་ལེགས་སོ་ལེགས་
སོ། །སྐྱེས་བུ་དམ་པ་ཁྱོད་དང་བདག་ཅག་ནི་བྱམས་པའི་རྗེས་སུ་འབྲང་བའི་གྲོགས་པོར་འགྱུར་རོ། །དེ་ལྟར་སྐྱེས་བུ་དམ་པ་ཁྱེད་རྒ་ཤིའི་ཕ་རོལ་གྱི་ལམ་བསྟན་པ་སྟོན་པར་གྱུར་ཅིག །སྡིག་པ་སྤོང་བ་དེ་ང་ནི་ཞག་བདུན་པ་གཉིས་ཀྱི་བར་དུ་
དབེན་པས་རྗེས་སུ་རྟོག་ཅིང་གནས་པས་ཞག་བདུན་ན་དེ་དག་གིས་ཡང་དག་པར་སྤྱོད་པའི་ཚུལ་ནམ་མཁའི་མདོག་གིས་འདུལ་བའི་བཟོད་པ་འདི་ཐོབ་པར་གྱུར་ཏོ། །ཞག་བདུན་པ་དེ་ལས་ཤིན་དུ་འདས་ནས་གནོད་སྦྱིན་བྱེ་བ་མང་པོ་སངས་རྒྱས་
ཀྱི་ཞིང་ཤིན་དུ་རྣམ་པར་ཕྱེ་བ་ཐམས་ཅད་དུ་སྒྲ་འབྱིན་པར་གྱུར་ཏོ། །དབྱངས་ཀྱི་རྗེས་སུ་ཉན་པར་གྱུར་ཏོ། །སེམས་ཅན་རྣམས་ལ་སྐྱོ་བ་སྐྱེད་པར་བྱེད་པ་ནི་ཀྱེ་སེམས་ཅན་རྣམས་ལོངས་ཤིག །གླིང་བཞི་པའི་དབུས་ཀྱི་རྒྱལ་པོ་
བསོད་ནམས་འོད་ཟེར་གྱི་མཛོད་གང་ན་བ་དེར་ཉེ་བར་སོང་ཤིག་དང་། དེ་ཞག་བདུན་ན་བྱུང་སྟེ་དཀའ་ཐུབ་ཀྱི་ནགས་ཚལ་དུ་སོང་ནས་སེམས་ཅན་རྣམས་ལ་རྒ་ཤིའི་ཕ་རོལ་དུ་འགྲོ་བ་ཞི་བའི་ལམ་སྟོན་པར་འགྱུར་རོ། །དེ་ང་ནི་མཁར་གྱི་རྒྱལ་པོ་
དྲུག་བཅུ་རྩ་བཞི་དང་བུ་དང་བཅས་པ་དང་། མཁར་གྱི་རྒྱལ་པོའི་བུ་ཁྲག་ཁྲིག་དགུ་བཅུ་རྩ་གཉིས་དང་། བགྲང་བ་ལས་ཤིན་དུ་འདས་པའི་སེམས་ཅན་དང་ལྷན་ཅིག་དུ་ཉི་མ་བདུན་པ་དེ་ལས་ཤིན་དུ་འདས་ནས་བྱུང་སྟེ། ཁྱིམ་གྱི་ལོངས་སྤྱོད་དང་། 
ཀུན་དུ་སྤྱོད་པ་ཐམས་ཅད་དང་། ཁྱིམ་པའི་མཚན་མ་ཐམས་ཅད་སྤངས་ཤིང་སྐྲ་དང་ཁ་སྤུ་བྲེགས་ནས་མེ་ཏོག་བན་དུ་ཇི་སྙེད་པ་རལ་པ་ལ་བཏགས་ཏེ་གོས་ཁ་དོག་བསྒྱུར་བ་གྱོན་ནས། དཀའ་ཐུབ་ཀྱི་ནགས་ཚལ་དུ་དོང་སྟེ། དེ་ཡང་དེ་ལ་

62-1-191b

གནས་ནས་བགྲང་བ་ལས་ཤིན་དུ་འདས་པའི་སེམས་ཅན་རྣམས་ལ་ཡང་དག་པར་སྤྱོད་པའི་ཚུལ་ནམ་མཁའི་མདོག་གིས་འདུལ་བའི་བཟོད་པ་འདི་བསྒོམ་པའི་ལམ་སྟོན་ཏོ། །སེམས་ཅན་བྱེ་བ་ཁྲག་ཁྲིག་བརྒྱ་སྟོང་མང་པོ་ཡུན་མི་རིང་བས་ཡང་དག་པར་སྤྱོད་པའི་
ཚུལ་ནམ་མཁའི་མདོག་གིས་འདུལ་བའི་བཟོད་པ་འདི་ཐོབ་པར་གྱུར་ཏོ། །དེ་ན་ངས་བགྲང་བ་ལས་ཤིན་དུ་འདས་པའི་སེམས་ཅན་རྣམས་ཉན་ཐོས་ཀྱི་ཐེག་པ་ལ་སྦྱོར་བར་གྱུར་ཏོ། །དེ་ན་ངས་བགྲང་བ་ལས་ཤིན་དུ་འདས་པའི་སེམས་ཅན་རྣམས་རང་སངས་
རྒྱས་ཀྱི་ཐེག་པ་ལ་སྦྱོར་བར་གྱུར་ཏོ། །བགྲང་བ་ལས་ཤིན་དུ་འདས་པའི་སེམས་ཅན་རྣམས་ལྷ་དང་མི་ལ་སྦྱོར་བར་གྱུར་ཏོ། །དེས་བགྲང་བ་ལས་ཤིན་དུ་འདས་པའི་སེམས་ཅན་རྣམས་ཕྱོགས་བཅུའི་སངས་རྒྱས་བཅོམ་ལྡན་འདས་ལ་བསྙེན་བཀུར་བར་
གྱུར་ཏོ། །དེ་ནས་སངས་རྒྱས་བཅོམ་ལྡན་འདས་དེ་དག་གི་སྤྱན་སྔར་ངས་རྣམ་པ་འདི་ལྟ་བུའི་སྨོན་ལམ་བཏབ་སྟེ། བདག་ད་ལྟར་སངས་རྒྱས་ཀྱི་ཞིང་ཤིན་དུ་རྣམ་པར་ཕྱེ་བ་ན་སེམས་ཅན་རྣམས་རྒ་ཤིའི་ཕ་རོལ་དུ་འགྲོ་བའི་བཟོད་པའི་ལམ་སྟོན་ཅིང་ཕྱོགས་
བཅུའི་ཉོན་མོངས་པ་དང་། རྙོག་པ་ལྔའི་སངས་རྒྱས་ཀྱི་ཞིང་ཆུ་བོ་གང་གཱའི་བྱེ་མ་སྙེད་ན་སེམས་ཅན་རྣམས་ལ་རྒ་ཤིའི་ཕ་རོལ་དུ་ཕྱིན་པའི་བཟོད་པའི་ལམ་བསྟན་པར་བྱའོ། །སྡིག་པ་སྤོང་བ་ཇི་ལྟར་ཡང་ང་རྣམ་པ་དེ་ལྟ་བུའི་སྤྱོད་ལམ་ལ་བརྩོན་པ་འདིས་
རྩལ་ཆེན་པོ་བྱས་པར་གྱུར་ཏོ། །དེ་བཞིན་དུ་བསྐལ་པ་བར་མ་བདུན་ལས་ཤིན་དུ་འདས་པའི་ཕྱོགས་བཅུ་ཀུན་ནས་ཉོན་མོངས་པ་དང་། རྙོག་པ་ལྔའི་སངས་རྒྱས་ཀྱི་ཞིང་ཆུ་བོ་གང་གཱའི་བྱེ་མ་སྙེད་ཐམས་ཅད་དུ་ཀུན་དུ་རྒྱུའི་ཆ་བྱད་ཀྱིས་རྣམ་པ་དེ་ལྟ་བུའི་
རྩལ་ཆེན་པོ་བྱས་སོ། །ངས་སངས་རྒྱས་ཀྱི་ཞིང་རེ་རེ་ལ་བགྲང་བ་ལས་ཤིན་དུ་འདས་པའི་སེམས་ཅན་རྣམས་ཡང་དག་པར་སྤྱོད་པའི་ཚུལ་ནམ་མཁའི་མདོག་གིས་འདུལ་བའི་བཟོད་པ་ལ་བཀོད་དོ། །ངས་བགྲང་བ་ལས་ཤིན་དུ་འདས་པའི་སེམས་
ཅན་རྣམས་བྱང་ཆུབ་ཀྱི་སེམས་སུ་སྦྱོར་བར་གྱུར་ཏོ། །དེ་བཞིན་དུ་ཉན་ཐོས་ཀྱི་ཐེག་པ་དང་། རང་སངས་རྒྱས་ཀྱི་ཐེག་པ་དང་། ལྷ་དང་མིའི་ཐེག་པ་ལ་སྦྱོར་བར་གྱུར་ཏོ། །སྡིག་པ་སྤོང་བ་དེ་ང་བསྐལ་པ་བར་མ་བདུན་གྱིས་ཕྱོགས་བཅུའི་ཞིང་སྟོང་པ་དང་། 

62-1-192a

རྙོག་པ་ལྔའི་སངས་རྒྱས་ཀྱི་ཞིང་ཆུ་བོ་གང་གཱའི་བྱེ་མ་སྙེད་ཀྱི་སངས་རྒྱས་ཀྱི་ཞིང་འདི་རེ་རེ་ལ་ཀུན་དུ་རྒྱུའི་ཆ་བྱད་ཀྱིས་རྣམ་པ་དེ་ལྟ་བུའི་རྩལ་ཆེན་པོ་བྱས་ཏེ། ཕྱིས་གླིང་བཞི་པ་དེ་དག་ཏུ་བདུད་དུ་གྱུར་ཏོ། །དེ་ན་སེམས་ཅན་ལ་ལའི་མདུན་དུ་
ཚངས་པའི་གཟུགས་ཀྱིས་འདུག་པར་གྱུར་པ་ནི་དེ་དག་རྟག་པར་ལྟ་བ་ལོག་པར་བཟུང་བ་ལས་ཐར་བར་བྱ་སྟེ། ལ་ལ་བརྒྱ་བྱིན་གྱི་གཟུགས་དང་། ལ་ལ་ཟླ་བ་དང་ཉི་མ་དང་། དབང་ཕྱུག་གི་གཟུགས་ནས། ལ་ལ་འོད་འཕྲོ་བའི་ཕུང་པོའི་བར་དུ་
གཟུགས་ཀྱིས་མདུན་དུ་འདུག་པར་གྱུར་ཏོ། །ངས་ཇི་ལྟར་སྔོན་ཀུན་དུ་རྒྱུའི་གཟུགས་ཀྱིས་ཡང་དག་པར་སྤྱོད་པའི་ཚུལ་ནམ་མཁའི་མདོག་གིས་འདུལ་བའི་བཟོད་པ་འདི་བསྒོམ་པ་སྟོན་ཅིང་ཇི་ལྟར་རང་བཞིན་གྱིས་ཉོན་མོངས་པའི་ཆོས་ཀྱི་དབྱིངས་གཉིས་
སུ་མེད་པའི་སྒོས་ཡོངས་སུ་ཤེས་པར་བྱ་བ་དང་། བདག་གི་ཁམས་ཇི་ལྟ་བ་དེ་ལྟར་སེམས་ཅན་གྱི་ཁམས་གཉིས་སུ་མེད་པའི་སྒོས་ཡོངས་སུ་ཤེས་པར་བྱ་ཞིང་། དེ་ལྟར་མིག་གི་གཟུགས་ཀྱི་སྒོ་འཕོས་པ་མེད་ཅིང་རྣམ་པར་ཕྱེ་བ་མེད་པ་གཉིས་
སུ་མེད་པའི་ཆོས་བསྟན་པར་འགྱུར་རོ། །དེ་ཅིའི་ཕྱིར་ཞེ་ན། ཆོས་ཐམས་ཅད་སེམས་ཅན་མེད་པ་ནི་སེམས་ཅན་དང་བྲལ་བ་ནས་ཆོས་ཐམས་ཅད་སྤྲོས་པ་མེད་པ་ནི་ལུས་དང་ངག་དང་ཡིད་ཀྱི་འདུ་བྱེད་དང་བྲལ་བའི་བར་དུའོ། །རྒྱལ་པོ་ཆེན་པོ་བསོད་
ནམས་ཀྱི་འོད་ཟེར་གྱི་མཛོད་ངས་ཀུན་དུ་རྒྱུའི་ཆ་བྱད་ཀྱིས་རྣམ་པ་དེ་ལྟ་བུའི་བདེ་བའི་ལམ་འདི་སྒོམ་པ་ན་སེམས་ཅན་རྣམས་ཡོངས་སུ་སྨིན་པར་བྱ་བའི་ཕྱིར་ལྟ་བ་སྐྱེད་དོ། །དེའི་འོག་དུ་གླིང་བཞི་པ་ཆགས་པ་མེད་པ་དེ་དག་ན་སེམས་ཅན་དེ་དག་ལ་
བདུད་ལ་ལ་ཚངས་པའི་གཟུགས་ནས་མེའི་ཁ་དོག་གི་བར་གྱི་གཟུགས་ཀྱིས་ཉེ་བར་ཕྱིན་ཏོ། །སེམས་ཅན་མཆོག་ཏུ་མ་རུངས་པའི་ལྟ་བར་སོང་བ་དེ་དག་ལ་རྣམ་པ་དེ་ལྟ་བུའི་ལམ་སྟོན་ཏོ། །ལ་ལ་ལ་འདི་སྐད་ཅེས་སྨྲས་སོ། །ཀྱེ་སེམས་ཅན་
རྣམས་ཚུར་ཤོག །ཀྱེ་སེམས་ཅན་རྣམས་ལེགས་སོ། །འཁོར་བའི་ཕ་རོལ་དུ་འགྲོ་བ་དང་རྒ་ཤི་ལས་ཐར་པར་བྱ་བའི་ཕྱིར་ཁྱོད་དགེ་བའི་རྩ་བ་ལ་བརྩོན་པར་གྱིས་ཤིག །ཁྱོད་འབའ་ཤིག་མྱ་ངན་ལས་འདའ་བར་འགྲོ་བ་ཡོངས་སུ་རྫོགས་པའི་ཕྱིར་

62-1-192b

བདག་ནི་ཁྱོད་མྱ་ངན་ལས་འདའ་བར་འགྲོ་བའི་ལམ་བསྟན་པར་འགྱུར་རོ། །ཁྱོད་གོས་མེད་པར་ཉིན་མཚན་དེ་དག་ལས་ཡང་དག་པར་ཤིན་དུ་འདའ་བར་བྱོས་ཤིག །དེས་ཐར་པ་ཐོབ་པར་བྱོས་ཤིག །ཡང་ལ་ལ་ལ་འདི་སྐད་ཅེས་སྨྲས་སོ། །ཁྱོད་འདི་
ལ་གྲོལ་ཞིང་གོས་མེད་པར་འགྱུར་བ་ནས་ལྤགས་པའི་གོས་ཀྱི་བར་དུ་གྱོན་ཅིག །ཡང་ལ་ལ་ལ་འདི་སྐད་ཅེས་སྨྲས་སོ། །ཀྱེ་ཚུར་ཤོག་ལོ་མ་ཟ་བ་ནས་མ་ཞུ་བ་དང་ངན་སྐྱུགས་ཀྱི་བར་དུ་ཟ་བར་བྱོས་ཤིག །ཡང་ལ་ལ་ལ་འདི་སྐད་ཅེས་སྨྲས་སོ། །
ཀྱེ་ཚུར་ཤོག་ཁྱེད་ཅག་དེ་བཞིན་དུ་བུམ་པའི་ཁ་ནས་ཟས་མ་ལེན་ཅིག་པ་ནས་ཟས་ཟ་ཅིག་གི་བར་དུ་ཟོ་ཤིག །ཡང་ལ་ལ་ལ་འདི་སྐད་ཅེས་སྨྲས་སོ། །ཚུར་ཤོག་ཁྱོད་སློང་བ་གཅིག་གིས་ཉིན་མཚན་ཡང་དག་པར་ཤིན་དུ་འདའ་བར་བྱོས་ཤིག །ཡང་
ལ་ལ་ལ་འདི་སྐད་ཅེས་སྨྲས་སོ། །ཚེར་མའི་མལ་དང་སྟན་ལ་འདུག་པ་ནས་ཙོག་པུའི་མལ་གྱི་བར་དུ་བྱོས་ཤིག །ཡང་ལ་ལ་ལ་འདི་སྐད་ཅེས་སྨྲས་སོ། །སྟན་སྤངས་པར་གྱུར་པ་ནས་རྐང་པ་གཉིས་ཤིང་གི་ཡལ་ག་ལ་འཁྱུད་པའི་བར་དུ་ཉིན་མཚན་
ཤིན་དུ་ཡང་དག་པར་འདའ་བར་བྱོས་ཤིག །ཡང་ལ་ལ་ལ་འདི་སྐད་ཅེས་སྨྲས་སོ། །ཚུར་ཤོག་ཁྱེད་ཅག་ཆུའི་ནང་དུ་ཞུགས་པ་ནས་ཉི་མ་ལྔ་པས་ཡོངས་སུ་སྐེམས་པ་ན་ཉིན་མཚན་ཡང་དག་པར་འདའ་བར་བྱོས་ཤིག །ཡང་ལ་ལ་ལ་འདི་སྐད་ཅེས་
སོ། །ཁྱེད་ཅག་ཚུར་ཤོག་སྐྲ་དང་ཁ་སྤུ་བྲེགས་པའི་རྗེས་སུ་སྦྱོར་བ་དང་ལྡན་པ་རྣམས་ཉིན་མཚན་ཡང་དག་པར་ཤིན་དུ་འདའ་བ་ནས་ལ་ལ་ཆུའི་འདམ་གཅིག་གི་བར་དུ་ཡང་འདི་ལྟར་སློབ་བོ། །ཁྱེད་ཅག་རི་བོའི་གཡང་ས་དེ་ལས་བདག་རང་ལྷུང་བ་ནས་
ཆུའི་བར་དུ་ལྷུང་བར་བྱོས་ཤིག །ལ་ལ་ཡང་དེ་ལྟར་སློབ་ཏུ་བཅུག་གོ། །ཁྱེད་ཅག་ཚུར་ཤོག །རི་དང་། ཤིང་དང་། ལྟེང་ཀའི་ལྷ་མོ་ལ་ཕྱག་འཚལ་བར་བྱོས་ཤིག །ལ་ལ་གནོད་སྦྱིན་གྱི་བརྟུལ་ཞུགས་ནས་བྱོལ་སོང་གི་སྐྱེ་གནས་ཀྱི་
བརྟུལ་ཞུགས་ཀྱི་བར་དུ་སློབ་ཅིང་ཐར་པ་ཐོབ་པར་བྱོས་ཤིག །ཡང་ལ་ལ་ལ་འདི་སྐད་ཅེས་སྨྲས་སོ། །ཚུར་ཤོག་ཁྱེད་ཅག་རབ་བསྐོར་བ་དེ་ལ་སེམས་ཅན་དུ་མ་སོད་ལ་དེས་ཐར་པ་ཐོབ་པར་བྱོས་ཤིག །ལ་ལ་དེ་ལྟར་སློབ་བོ། །ཁྱེད་ཅག་

62-1-193a

འདི་ལ་ལུས་སྣ་ཚོགས་བསད་པ་དེས་ཐར་པ་ཐོབ་པར་གྱུར་ཅིག །ཡང་ལ་ལ་ལ་འདི་སྐད་ཅེས་སྨྲས་སོ། །མྱ་ངན་ལས་འདས་པ་ཁོང་དུ་ཆུད་པའི་ལམ་འདི་ནི་འདི་ལྟ་སྟེ། ལས་ཐམས་ཅད་ཟད་པ་ཐར་པའོ། །དེ་ཇི་ལྟ་ཞེས་
བྱས་ན་ཇི་ལྟར་སྐྱེས་བུ་འདིས་མི་དགེ་བའི་ལས་ཟད་པར་འགྱུར་བ་དེ་བཞིན་དུ་བསོད་ནམས་ཀྱང་ཟད་པར་འགྱུར་རོ། །གང་གི་ཚེ་བསོད་ནམས་དང་སྡིག་པ་འདི་གཉིས་ཀྱིས་མ་ལུས་པར་ཡོངས་སུ་ཟད་པར་འགྱུར་བ་དེའི་ཚེ་ཕྱིས་བྱང་ཆུབ་
ཐོབ་པར་འགྱུར་རོ། །ལ་ལ་དེ་ལྟར་སློབ་བོ། །དེ་གཉིས་སྦྱོར་བ་དང་འབྱུང་བར་གྱུར་པ་དེ་ཐར་པ་སྟེ། ལ་ལ་དེ་ལྟར་སློབ་ཏུ་བཅུག་གོ། །དངོས་པོ་མེད་པ་དེ་གཉིས་ནི་དངོས་པོ་ཡོད་པ་མ་ཡིན་ནོ། །གཉིས་གང་ཞེ་ན། ཆོས་དང་ཆོས་མ་
ཡིན་པ་ཞེས་བྱ་བ་ནི་ཚིག་གི་ལྷག་མའོ། །ལུས་འདིའི་ལུས་གཞན་གྱིས་ཆགས་པ་མེད་པའི་ཡེ་ཤེས་འབྱུང་བར་འགྱུར་བ་དེ་ཡང་དེ་བཞིན་དུ་ཐར་པ་སྟེ། ལ་ལ་ཇི་ཙམ་པ་དེ་ལྟར་སློབ་པར་བྱེད་དོ། །ཁྱོད་ཀྱིས་འདི་ལ་སྲོག་གཅད་པར་བྱ་
བ་དང་། མ་བྱིན་པར་ལེན་པ་བླང་བར་བྱ་བ་ནས་ལོག་པ་ལ་ལྟ་བའི་བར་དུ་གྱུར་ཅིག་ཅེས་དེ་སྐད་དུ་སྨྲས་པས་ན་ལྷག་མ་མེད་དོ། །འཇིག་རྟེན་ན་དགྲ་བཅོམ་པ་འང་མེད་དོ། །འཇིག་རྟེན་ཕ་རོལ་དང་འཇིག་རྟེན་འདིར་ཡང་དག་པར་སོང་
བ་དང་། ཡང་དག་པར་ཞུགས་པར་བདག་མངོན་པར་ཤེས་ནས་མངོན་སུམ་དུ་བྱས་པ་ཉེ་བར་བསྒྲུབས་ཏེ་རབ་ཏུ་ཤེས་སོ། །བདག་གི་ཚེ་ཟད་ནས་ཚངས་པར་སྤྱོད་པ་ལ་སྤྱོད་དོ། །བྱ་བ་བྱས་སོ། །སྲིད་པར་ཀུན་དུ་སྦྱོར་བ་ཡོངས་སུ་
ཟད་པའོ། །ཡང་དག་པའི་བཀའ་ཤིན་དུ་རྣམ་པར་གྲོལ་བའི་སེམས་སོ་ཞེས་བྱ་བ་དེས་ཐར་པ་ཐོབ་པར་འགྱུར་རོ་ཞེས་བྱ་བ་ནས་གྲངས་ཅན་ཁྱོད་རང་བཞིན་གྱིས་སྐྱེས་བུ་དེའི་ཡེ་ཤེས་ལས་ཐར་པ་ཐོབ་པར་འགྱུར་རོ། །ཞེས་བྱ་བའི་
བར་དུ་སྔོན་བདུད་ཀྱིས་དེ་བཞིན་དུ་སློབ་ཏུ་བཅུག་གོ། །དེ་ལ་རང་བཞིན་ཞེས་བྱ་བ་ནི་འཁོར་བའི་རྒྱུ་རྣམས་སྐྱེས་བུ་དང་བདག་གི་དོན་གཞན་མ་ཡིན་ནོ། དེ་ལ་གང་གི་ཚེ་རང་བཞིན་གྱིས་བདག་ཏུ་ལྟ་བ་དང་། རང་བཞིན་གྱིས་བདག་ཏུ་འགྱུར་

62-1-193b

བ་དེའི་ཚེ་ཐར་པ་ཐོབ་པ་དེ་བཞིན་དུ་གྲངས་ཅན་ཁྱོད་ཀྱིས་ཐར་པའོ། །དེ་བཞིན་དུ་ཁྱོད་ཁྱིམ་གྱི་གནས་ནས་བྱུང་ཞིང་ཆོས་དང་ཆོས་མ་ཡིན་པ་དེ་ཉིད་དུ་རབ་ཏུ་ཤེས་སོ། །དེས་ཁྱེད་ཅག་ཐར་པར་མི་འགྱུར་རོ་ཞེས་བཅོམ་ལྡན་འདས་ཀྱིས་ཀུན་
དུ་རྒྱུ་སྡིག་པ་སྤོང་བ་ལ་བཀའ་སྩལ་པ་དང་ཀུན་དུ་རྒྱུས་གསོལ་པ་བཅོམ་ལྡན་འདས་དེ་དེ་བཞིན་ཏེ་བདེ་བར་གཤེགས་པ་དེ་བཞིན་ནོ། །བཅོམ་ལྡན་འདས་ཀྱིས་བཀའ་སྩལ་པ། སྡིག་པ་སྤོང་བ་གང་ལ་ལ་ལོག་པ་ལ་ལྟ་བ་ཅན་ཐར་པར་འདོད་
པར་བྱེད་པ་དེ་ཡང་བདུད་ཀྱི་ཞགས་པས་བཏགས་པར་འགྱུར་བ་ནི་ཉོན་མོངས་པའི་བདུད་དང་། ཕུང་པོའི་བདུད་དང་། འཆི་བའི་བདུད་དང་། དབང་སྒྱུར་བའི་བདུད་ཀྱི་ཞགས་པས་བཏགས་པར་འགྱུར་རོ། །སྡིག་པ་སྤོང་བ་གང་ལ་ལ་བདུད་བཞི་ལ་
ཆགས་པ་དེ་དག་གི་ཚངས་པར་སྤྱོད་པར་གནས་པ་ལ་འདྲེས་པའོ། །གང་དག་ཚངས་པར་སྤྱོད་པར་གནས་པ་ལ་འདྲེས་པ་དེ་དག་རྟག་ཏུ་ཡོངས་སུ་ཆད་པར་བྱས་པ་རྒ་ཤིའི་ཆུ་བོ་བཞིས་ཁྱེར་རོ། །དེས་ཁྱེད་ཅག་ཚངས་པར་སྤྱོད་པ་ལ་གནས་པ་
འབྲས་བུ་མེད་ཅིང་འཕགས་པ་ལ་དམོད་པ་འདི་ཐར་པའི་སླུ་བར་བྱོས་ཤིག །སྡིག་པ་སྤོང་བ་དེ་ལ་ཆོས་དང་ཆོས་མ་ཡིན་པ་ནི་འདི་ལྟ་སྟེ། རྟག་པ་མེད་ཅིང་ཆད་པ་མེད་པའོ། །ལུས་ནམ་མཁའ་དང་མཚུངས་པའོ། །ནང་མེད་ཅིང་ཕྱི་རོལ་མེད་
པའོ། །འདུ་བྱེད་ཐམས་ཅད་མི་དམིགས་པའོ། །སེམས་ཤེས་བྱ་བ་འདི་ནི་མིང་ཙམ་མོ། །ནམ་མཁའ་ཀུན་དུ་རྟོག་པའི་མཚན་ཉིད་ལ་འཇུག་པའོ། །དགེ་བ་དང་མི་དགེ་བའི་ཆོས་ལ་སེམས་དམིགས་པ་མེད་ཅིང་སེམས་ལ་དགེ་བ་དང་མི་དགེ་བའི་ཆོས་
དམིགས་པ་ཡང་མེད་དོ། །ཇི་ལྟར་ཤིང་ལ་རྟོག་པ་མེད་པ་དེ་ལ་མེ་ཏོག་དང་འབྲས་བུར་རྟོག་པ་ཡང་མེད་དོ། །དེ་ལ་ཡང་མེ་ཏོག་དང་འབྲས་བུ་དང་ཤིང་རྟོག་པ་ཡང་མི་བྱེད་པ་དེ་བཞིན་དུ་དངོས་པོ་དང་དངོས་པོ་མེད་པ་འདི་དག་མི་སྨྲ་
བར་བྱའོ། །གང་གི་ཕྱིར་གཅིག་ལ་གཅིག་མི་རྟོག་ཅིང་རྣམ་པར་མི་རྟོག་པ་དེས་ཆོས་ཐམས་ཅད་ཡུལ་མེད་པའོ། །ཆོས་ཐམས་ཅད་གཉིས་སུ་མེད་ཅིང་གཉིས་ལྟ་བུར་མེད་པ་དང་། མི་རྟོག་ཅིང་རྣམ་པར་མི་རྟོག་པའོ། །ཚེ་དང་

62-1-194a

རླངས་དང་། རྣམ་པར་ཤེས་པ་སྨིག་རྒྱུ་བ་ལྟ་བུར་དམིགས་པ་མེད་པའི་ཚུལ་དང་། བརྗོད་དུ་མེད་པའི་ཡང་བརྗོད་དུ་མེད་པའི་ཚུལ་གྱིས་སྒོམ་པར་བྱའོ། །ཆོས་ཐམས་ཅད་བྱ་བ་མེད་པར་འཇུག་པ་ནི་བྱེད་པ་པོ་དམིགས་པ་མེད་
པ་མེད་པ་ལས་དམིགས་པ་མེད་པའི་ཚུལ་གྱིས་བསྒོམ་པར་བྱའོ། །ཆོས་ཐམས་ཅད་མི་ཤེས་པས་ནི་སྲོག་ཏུ་དམིགས་པ་མེད་པ་ལས་ཀུན་དུ་རྟོག་པ་མེད་པའི་ཚུལ་གྱིས་བསྒོམ་པར་བྱའོ། །ཆོས་ཐམས་ཅད་དམིགས་པ་མེད་པ་ནི་ཀུན་དུ་
དམིགས་པའི་ཚུལ་གྱིས་བསྒོམ་པར་བྱའོ། །ཆོས་ཐམས་ཅད་དྲན་པ་དང་བྲལ་བ་ནི་དྲན་པ་ལ་དམིགས་པས་བསྒོམ་པར་བྱའོ། །ཆོས་ཐམས་ཅད་རང་བཞིན་གྱིས་ཡང་དག་པར་ཞུགས་པ་ཅན་ནི་ཕྱི་དང་ནང་གི་དམིགས་པའི་ལྟ་བ་རྣམ་པར་སྤངས་
པས་བཟོད་པ་འདི་སྒོམས་ཤིག །འདི་ནི་སྟོང་པ་ཉིད་དང་། མཚན་མ་མེད་པ་དང་། སྨོན་པ་མེད་པའི་བཟོད་པའོ། །འདི་ནི་ལུས་དང་ངག་དང་ཡིད་ཀྱི་ལས་ཀྱི་འདུ་བྱེད་བག་ཡངས་ཀྱི་བཟོད་པའོ། །འདི་ནི་ཉོན་མོངས་པའི་དབང་རབ་དང་འབྲིང་དང་ཐ་མ་
བག་ཡངས་པའི་བཟོད་པའོ། །འདི་ནི་ལོག་པར་ལྟ་བ་དང་། ལོག་པའི་ལམ་ཐམས་ཅད་སྨོན་ལམ་གྱིས་རྣམ་པར་ཆད་པར་བྱེད་པའི་བཟོད་པའོ། །འདི་ནི་ལྟ་བ་ངན་པ་ལམ་དོག་པ་རྙེད་པ་དང་། ལམ་ངན་པར་ཞུགས་པ་དང་། བསྟན་པ་ངན་པ་ཡི་
དམ་ཡོངས་སུ་སྨིན་པའི་བཟོད་པའོ། །འདི་ནི་འཕགས་པ་ཕ་རོལ་དུ་ཕྱིན་པ་ཡོངས་སུ་རྫོགས་པར་བྱེད་པའི་བཟོད་པའོ། །འདི་ནི་མངོན་པར་ཤེས་པས་རྣམ་པར་རྩེ་བར་བྱེད་པའི་བཟོད་པའོ། །འདི་ནི་སངས་རྒྱས་ཀྱི་ཞིང་གྲངས་མེད་པ་ན་རྣམ་
པར་དཔྱོད་པའི་བཟོད་པའོ། །འདི་ནི་བཅོམ་ལྡན་འདས་གྲངས་མེད་པ་ལ་བསྙེན་བཀུར་བྱེད་པའི་བཟོད་པའོ། །འདི་ནི་སངས་རྒྱས་བཅོམ་ལྡན་འདས་གཅིག་ལ་དེ་བཞིན་དུ་ཞུ་བ་གྲངས་མེད་པ་ཡོངས་སུ་ཞུ་བར་བྱེད་པའི་བཟོད་པའོ། །འདི་ནི་ཆགས་
པ་མེད་པའི་སྤོབས་པ་གྲངས་མེད་པ་ལ་སྣང་བར་བྱེད་པའི་བཟོད་པའོ། །འདི་ནི་བྱང་ཆུབ་ཀྱི་ཕྱོགས་ཀྱི་སུམ་བཅུ་རྩ་བདུན་གྱི་ཆོས་ལ་སྒྲིབ་པ་མེད་པའི་ཡེ་ཤེས་ཐོབ་པར་བྱེད་པའི་བཟོད་པའོ། །འདི་ནི་བདུད་བཞི་རྣམ་པར་འཇིག་པའི་བཟོད་པའོ། །

62-1-194b

འདི་ནི་ཆོས་ཀྱི་འཁོར་ལོ་འཇུག་པར་བྱེད་པའི་བཟོད་པའོ། །འདི་ནི་མུ་སྟེགས་ཅན་དང་བཅས་པའི་ཆོས་ཀྱི་གནོད་པར་བྱེད་པའི་བཟོད་པའོ། །འདི་ནི་སངས་རྒྱས་ཀྱི་དགོངས་པ་མ་ལུས་པར་ཡོངས་སུ་ཐོབ་པར་བྱེད་པའི་བཟོད་པའོ། །འདི་ནི་
མྱ་ངན་ལས་འདའ་བར་བྱེད་པ་ཆེན་པོའི་བཟོད་པའོ། །འདི་ནི་ལུས་ཕྱེ་མར་བྱེད་པའི་བཟོད་པའོ། །འདི་ནི་རིགས་ཀྱི་བུ་ཁྱེད་ཅག་གདོན་མི་ཟ་བར་ཉན་པར་བྱེད་པའི་བཟོད་པའོ། །སྔོན་གྱི་ཚུལ་བསྟན་པ་འདི་ལུང་སྟོན་པ་བསྟན་པ་ན་མུ་
སྟེགས་ཅན་གཞན་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་སེམས་བརྟན་པར་བྱས་པ་ཉི་ཤུ་རྩ་བཞི་བཟོད་པ་འདི་ཐོབ་པར་གྱུར་ཏོ། །སྔོན་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་སེམས་མ་བསྐྱེད་པ་དགུ་བཅུ་རྩ་གཉིས་
བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་སེམས་བསྐྱེད་པ་དེ་ལས་ཕྱིར་མི་ལྡོག་པར་གྱུར་ཏོ། །ཁྲག་ཁྲིག་བརྒྱ་སྟོང་ཕྲག་བརྒྱད་བཅུ་རྩ་བཞི་རིགས་དང་འཐུན་པའི་བཟོད་པ་ཐོབ་པར་གྱུར་ཏོ། །དེ་ནས་བཅོམ་ལྡན་འདས་ལ་ཀུན་དུ་འཚོ་
མེ་ཏོག་འོད་ཀྱིས་འདི་སྐད་ཅེས་གསོལ་ཏོ། །བཙུན་པ་བཅོམ་ལྡན་འདས་དྲན་པ་ཅི་འདྲ་བ་ལ་རྣལ་འབྱོར་དུ་བགྱི། དྲན་པ་དང་ལྡན་པ་གང་གིས་རང་སངས་རྒྱས་ཀྱི་ཐེག་པ་ཐོབ་པར་འགྱུར། བཅོམ་ལྡན་འདས་ཀྱིས་བཀའ་སྩལ་པ། ཀྱེ་ཀུན་དུ་
འཚོ་ཅི་ཁྱོད་རྐྱེན་གྱི་ཆོས་དང་ཆོས་ཀྱི་རྗེས་རབ་ཏུ་མི་ཤེས་སམ། གསོལ་པ། བཙུན་པ་བཅོམ་ལྡན་འདས་བཤད་ཏུ་གསོལ། བཅོམ་ལྡན་འདས་ཀྱིས་བཀའ་སྩལ་པ། ཀྱེ་ཅི་ཁྱོད་མིག་མིག་གིས་ཆགས་སམ། འོན་ཏེ་མིག་མིག་གི་རྣམ་
པར་ཤེས་པས་ཆགས་སམ། འོན་ཏེ་མིག་གི་རྣམ་པར་ཤེས་པ་མིག་གིས་ཆགས་པ་ནས་ཡིད་ཆོས་ཀྱིས་ཆགས་སམ། འོན་ཏེ་ཆོས་ཡིད་ཀྱིས་ཆགས་པའི་བར་དུ་མངོན་པར་ཤེས་སམ། གསོལ་པ། བཙུན་པ་བཅོམ་ལྡན་འདས་མིག་མིག་
གིས་ཆགས་པ་ནས་ཆོས་ཡིད་ཀྱིས་ཆགས་པ་མེད་པའི་བར་དུ་འཚལ་ཏོ། །བཀའ་སྩལ་པ། ཀྱེ་ཁྱོད་འདི་ལ་ཆགས་པ་ནི་ཆད་པར་ལྟ་བར་འགྱུར་རོ། །ཀྱེ་སྐྱེས་བུ་གང་ཟག་གི་ཆད་པར་ལྟ་བ་ནི་རྒ་ཤིའི་ཕ་རོལ་དུ་མི་འགྲོའོ། །ཡུལ་བཅུ་

62-1-195a

གཉིས་པོ་འདི་དག་ཏུ་སོང་བ་ན་གཅིག་ལ་གཅིག་རྐྱེན་གྱི་རྗེས་སུ་འབྲེལ་བའོ། །གསོལ་པ། བཙུན་པ་བཅོམ་ལྡན་འདས་ཅི་ཀྱེ་མེ་ཏོག་འོད་ཅེས་བྱ་བ་དང་། མིག་མིག་གི་རྣམ་པར་ཤེས་པའི་གནས་ལ་འདུག་པ་ནས་བཅོམ་ལྡན་
འདས་ཅི་ཆོས་ཡིད་ཀྱི་རྣམ་པར་ཤེས་པའི་བར་གྱི་གནས་ལ་འཇུག་གམ། མེ་ཏོག་འོད་ཀྱེ་ཞེས་བྱ་བ་ནི་སྐྱེས་བུ་གང་ཟག་གི་ཐ་སྙད་དེ། དེ་ནི་དེའི་རྟག་པར་ལྟ་བར་འགྱུར་རོ། །མེ་ཏོག་འོད་སྐྱེས་བུ་གང་ཟག་གི་རྟག་པར་ལྟ་བ་ནི་
རྒ་ཤིའི་ཕ་རོལ་དུ་མི་འགྲོའོ། །མེ་ཏོག་འོད་ཆོས་རྣམས་ཀྱི་ཆོས་ཉིད་ཡོད་པ་འདི་དག་མཉན་ནས་རབ་ཏུ་གསོལ་པ་ལ་མངོན་པར་ཆགས་པ་ནི་རྟག་པ་དང་ཆད་པ་མེད་པའི་དབུས་ཀྱི་ལམ་མོ། །མིག་བརྟེན་པའི་གཟུགས་སྣང་བ་འབྱུང་བ་དེ་
ལ་མིག་དང་། རྣམ་པར་ཤེས་པ་དང་། གཟུགས་རྣམས་འདྲེས་ནས་དུས་གསུམ་དུ་འདྲེས་པར་འདུག་གོ། །མིག་མིག་གི་རྣམ་པར་ཤེས་པ་ལ་འདྲེས་ནས་དུས་གསུམ་དུ་འདྲེས་ཤིང་འདུག་པ་ཡང་མེད་དོ། །མིག་གི་རྣམ་པར་ཤེས་པ་ནི་
གང་ནས་ཀྱང་མི་འོང་གང་དུ་ཡང་མི་འགྲོའི་འཇིག་པའི་མཚན་ཉིད་འབྱུང་བའི་རྗེས་སུ་ནུས་ན་འབྱུང་བ་དང་། རྐྱེན་འགོག་པ་ལས་འགོག་པ་ནི་མིག་གི་རྣམ་པར་ཤེས་པའོ། །ཀྱེ་མེ་ཏོག་འོད་རྣམ་པ་དེ་དག་ནི་མིག་དང་གཟུགས་ལ་བརྟེན་
པ་སྟེ། མིག་དང་གཟུགས་ཀྱི་རྐྱེན་གྱིས་རྣམ་པར་ཤེས་པ་དང་གསུམ་འདུས་པའི་རྐྱེན་གྱིས་རེག་པར་འགྱུར་རོ། །རེག་པའི་རྐྱེན་གྱིས་ཚོར་བ་ནས་སྡུག་བསྔལ་གྱི་ཕུང་པོ་ཆེན་པོའི་བར་དུ་ཀུན་འབྱུང་བར་འགྱུར་རོ། །མིག་
འགགས་པས་གཟུགས་འགག །མིག་དང་གཟུགས་འགགས་པས་མིག་གི་རྣམ་པར་ཤེས་པ་འགག་སྟེ། མིག་གི་རྣམ་པར་ཤེས་པ་འགགས་པ་ནས་སྡུག་བསྔལ་གྱི་ཕུང་པོ་ཆེན་པོའི་བར་དུ་འགག་པར་འགྱུར་རོ། །
དེ་བཞིན་དུ་རྣ་བ་དང་། སྣ་དང་། ལྕེ་དང་། ལུས་དང་། ཡིད་ཀྱི་རྐྱེན་དང་། ཆོས་ཀྱི་རྐྱེན་གྱིས་ཡིད་ཀྱི་རྣམ་པར་ཤེས་པ་འབྱུང་བ་ལས་གསུམ་འདུས་པ་ནི་རེག་པ་སྟེ། རེག་པའི་རྐྱེན་གྱིས་ཚོར་བ་ནས་སྡུག་བསྔལ་གྱི་ཕུང་པོ་ཆེན་པོའི་

62-1-195b

བར་དུ་ཀུན་འབྱུང་བར་འགྱུར་རོ། །ཡིད་འགགས་ཤིང་ཆོས་འགགས་པས་ཡིད་ཀྱི་རྣམ་པར་ཤེས་པ་ཡང་འགག་གོ། །ཡིད་ཀྱི་རྣམ་པར་ཤེས་པ་འགགས་པས་རེག་པ་འགག་པ་ནས་སྡུག་བསྔལ་གྱི་ཕུང་པོ་ཆེན་པོའི་བར་དུ་འགག་
པར་འགྱུར་རོ། །མེ་ཏོག་འོད་དབུས་ཀྱི་ལམ་ཞེས་བྱ་བ་ནི་བྱང་ཆུབ་ཀྱི་ཕྱོགས་ཅན་གྱི་ཡེ་ཤེས་ཁོང་དུ་ཆུད་པར་བྱ་བའི་ཕྱིར་རབ་ཏུ་གསལ་བར་བྱ་སྟེ། བཅོམ་ལྡན་འདས་ཀྱིས་འདི་བསྟན་པ་སྟོན་པ་ན་ཀུན་དུ་འཚོ་མེ་ཏོག་འོད་དང་མུ་
སྟེགས་ཅན་གཞན་ཁྲག་ཁྲིག་དགུ་བཅུ་རྩ་གཉིས་དང་ལྷན་ཅིག་ཏུ་རང་སངས་རྒྱས་ཀྱི་ཐེག་པ་ལ་སེམས་བསྐྱེད་པར་གྱུར་ཏོ། །རང་སངས་རྒྱས་ཀྱི་ཐེག་པ་ལ་ཡེ་ཤེས་ཐོབ་པར་བྱ་བའི་ཕྱིར་ཕྱིར་མི་ལྡོག་པའི་ས་ཡང་ཐོབ་པར་
གྱུར་ཏོ། །ཡང་བཅོམ་ལྡན་འདས་ཀྱིས་སངས་རྒྱས་ཀྱི་ཞིང་མ་ལུས་པར་ས་དང་ནམ་མཁས་ཁྱབ་པ་ལ་གནས་པའི་འཁོར་ཐམས་ཅད་དང་ལྡན་པ་ལ་ཤེས་པར་བྱས་པ། བཞིན་བཟངས་འདིར་ཡང་དག་པར་ལྷགས་པ་
ཇི་ཙམ་པ་ཉོན་ཅིག །དེ་ནས་སངས་རྒྱས་ཀྱི་ཞིང་མ་ལུས་པར་ས་དང་ནམ་མཁས་ཁྱབ་པ་ལ་གནས་པའི་འཁོར་ཐམས་ཅད་དང་ལྡན་པ་དང་། ལྷ་དང་། དྲི་ཟ་དང་། མི་དང་། ལྷ་མ་ཡིན་དུ་བཅས་པའི་འཇིག་རྟེན་དག་ཐལ་མོ་སྦྱར་ཏེ། 
ཁ་དོག་དང་། གཟུགས་དང་། དབྱིབས་སྣ་ཚོགས་དཀའ་ཐུབ་དང་། བརྟུལ་ཞུགས་སྤྱོད་པའི་སྤྱོད་ལམ་གྱིས་བཅོམ་ལྡན་འདས་དྲང་སྲོང་ཆེན་པོ་ལ་ལྟའོ། །དེ་ནས་བཅོམ་ལྡན་འདས་ཏིང་ངེ་འཛིན་ལས་བཞེངས་ཏེ། སྔོན་ཇི་ལྟ་བུ་
སངས་རྒྱས་ཀྱི་སྐུ་གཟུགས་ཀྱིས་ཡང་དག་པར་མཐོང་ནས་སངས་རྒྱས་ཀྱི་ཞིང་མ་ལུས་པར་ས་དང་། ནམ་མཁས་ཁྱབ་པ་ལ་གནས་པའི་འཁོར་ཐམས་ཅད་དང་ལྡན་པས་ལན་གསུམ་བསྐོར་བ་བྱས་ཏེ། མགྲིན་
གཅིག་ཏུ་གསོལ་པ། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ལ་ཕྱག་འཚལ་ལོ། །དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ལ་ཕྱག་འཚལ་ལོ། །

62-1-196a

ཕྱག་འཚལ་ལོ། །རྣམ་པ་དེ་ལྟ་བུའི་འདུས་པ་ལ་ཐེག་པ་གསུམ་གྱིས་སེམས་ཅན་ཡོངས་སུ་སྨིན་ཏོ་ཞེས་ལུང་ཆེན་པོ་བསྟན་པ་སྔོན་མ་མཐོང་མ་ཐོས་སོ། །ཡང་དག་པར་སྤྱོད་པའི་ཚུལ་ནམ་མཁའི་མདོག་གིས་
འདུལ་བའི་བཟོད་པ་ཞེས་བྱ་བ་ཐེག་པ་ཆེན་པོའི་མདོ་ལེའུ་དགུའོ།།              །། བཅོམ་ལྡན་འདས་ཀྱིས་བཀའ་སྩལ་པ། གང་སྔོན་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་སུ་
གྱུར་པ་གང་གིས་ཉོན་མོངས་པ་དང་། རྙོག་པ་ལྔའི་སངས་རྒྱས་ཀྱི་ཞིང་དུ་བྱུང་ནས་སངས་རྒྱས་ཀྱི་ཞིང་བྱ་བ་བྱས་པའི་སངས་རྒྱས་བཅོམ་ལྡན་འདས་དེ་དག་ཐམས་ཅད་ཀྱིས་སེམས་ཅན་རྣམས་ལ་ཡང་དག་པར་སྤྱོད་པའི་
ཚུལ་ནམ་མཁའི་མདོག་གིས་འདུལ་བའི་བཟོད་པ་འདི་སྟོན་ཏོ། །གང་ཡང་མ་འོངས་པའི་དུས་ན་ཉོན་མོངས་པ་དང་། རྙོག་པ་ལྔའི་སངས་རྒྱས་ཀྱི་ཞིང་དུ་འབྱུང་བར་འགྱུར་ཞིང་སངས་རྒྱས་ཀྱི་བྱ་བ་བྱེད་
པར་འགྱུར་བའི་སངས་རྒྱས་བཅོམ་ལྡན་འདས་དེ་དག་ཐམས་ཅད་ཀྱིས་སེམས་ཅན་རྣམས་ཡོངས་སུ་སྨིན་པར་བྱ་བའི་ཕྱིར་ཡང་དག་པར་སྤྱོད་པའི་ཚུལ་ནམ་མཁའི་མདོག་གིས་འདུལ་བའི་བཟོད་པ་འདི་སྟོན་པར་འགྱུར་
རོ། །གང་ཡང་ད་ལྟར་གྱི་སངས་རྒྱས་བཅོམ་ལྡན་འདས་ཕྱོགས་བཅུའི་ཉོན་མོངས་པ་དང་། རྙོག་པ་ལྔའི་སངས་རྒྱས་ཀྱི་ཞིང་ཚད་མེད་པ་ན་བཞུགས་ཤིང་འཚོ་སྐྱོང་སྟེ། སེམས་ཅན་རྣམས་ལ་ཆོས་སྟོན་པའི་སངས་
རྒྱས་བཅོམ་ལྡན་འདས་དེ་དག་ཐམས་ཅད་ཀྱིས་སེམས་ཅན་ཡོངས་སུ་སྨིན་པར་བྱ་བའི་ཕྱིར་ཡང་དག་པར་སྤྱོད་པའི་ཚུལ་ནམ་མཁའི་མདོག་གིས་འདུལ་བའི་བཟོད་པ་འདི་སྟོན་ཏོ། །བཞིན་བཟངས་བྱང་ཆུབ་སེམས་དཔའ་
རྣམས་ཀྱི་དགེ་བའི་རྩ་བ་སྤེལ་བའི་ཕྱིར་བཟོད་པ་འདི་མང་དུ་བྱེད་དོ། །བྱང་ཆུབ་སེམས་དཔའ་གང་གིས་དགེ་བའི་རྩ་བ་ཆེན་པོ་ཡོངས་སུ་སྦྱང་བར་བྱས་པ་ནི་སེམས་དཔའ་ཆེན་པོ་ཞེས་བྱ་སྟེ། འདུ་བྱེད་ཐམས་ཅད་ལས་

62-1-196b

ཡང་དག་པར་ཤིན་དུ་འདས་པར་ཡང་འགྱུར་རོ། །སེམས་ཅན་རྣམས་ཡོངས་སུ་སྨིན་པར་བྱ་བའི་ཕྱིར་འདུ་བྱེད་ཐམས་ཅད་ཀྱི་སྤྱོད་ཡུལ་དུ་འགྱུར་ཞིང་མྱ་ངན་ལས་འདས་པའི་ཡུལ་དུ་སོང་བར་ཡང་དག་པར་མཐོང་ངོ་། །ངོ་བོ་ཉིད་
མེད་པ་དང་། ཚིག་གི་ལམ་མེད་པ་དང་། སྟོང་པ་ཉིད་དང་། དངོས་པོ་མེད་པ་དང་། མཚན་མ་མེད་པ་དང་། མཚན་ཉིད་མེད་པ་དང་། སྨོན་པ་མེད་པ་དང་། ཁམས་གསུམ་ལས་ཡང་དག་པར་ཤིན་དུ་འདས་པའི་ཆོས་མཚུངས་
པ་ཉིད་དུ་ཤེས་ཏེ། དབེན་པ་ཆགས་པ་མེད་པའི་ཡུལ་དུ་འགྱུར་ཞིང་འདུ་འཛིའི་ཡུལ་དུ་ཡང་ཡང་དག་པར་མཐོང་ངོ་། །བསམ་གཏན་གྱི་ཡུལ་ལ་ཆགས་པར་འགྱུར་ཞིང་བཙུན་མོའི་འཁོར་གྱི་དབུས་ཀྱི་ཡུལ་དུ་སོང་བར་
ཡང་ཡང་དག་པར་མཐོང་ངོ་། །མངོན་པར་འདུ་མི་བྱེད་པའི་ཡུལ་དུ་འགྱུར་ཞིང་ཡུལ་ཐམས་ཅད་ཀྱི་སྤྱོད་ཡུལ་དུ་ཡང་ཡང་དག་པར་མཐོང་ངོ་། །ཡུལ་ལས་ཤིན་དུ་འདས་པར་འགྱུར་ཞིང་བདུད་བཞིའི་ལམ་གྱི་ཡུལ་དུ་
ཡང་ཡང་དག་པར་མཐོང་ངོ་། །འཕགས་པའི་སྐྱེ་བོའི་ཡུལ་དུ་འགྱུར་ཞིང་འཕགས་པ་མ་ཡིན་པའི་སྐྱེ་བོའི་ཡུལ་དུ་ཡང་ཡང་དག་པར་མཐོང་ངོ་། །འཇིག་རྟེན་གྱི་ཡུལ་ལས་ཡང་དག་པར་ཤིན་དུ་འདས་པར་འགྱུར་ཞིང་
འཇིག་རྟེན་ཐམས་ཅད་སྤྱོད་པའི་ཡུལ་དུ་ཡང་ཡང་དག་པར་མཐོང་ངོ་། །རྣམ་པར་ཤེས་པའི་ཡུལ་ལ་སྤྱོད་ཡུལ་དུ་འགྱུར་ཞིང་བྱིས་པ་ཐམས་ཅད་ཀྱི་ཡུལ་དུ་ཡང་ཡང་དག་པར་མཐོང་ངོ་། །དེ་བཞིན་དུ་འདི་ནི་ཡོན་ཏན་
མང་པོ་ཐམས་ཅད་ཀྱི་རྗེས་སུ་སྟོན་པའི་བཟོད་པའོ། །མངལ་གྱི་གནས་ཐམས་ཅད་ལས་ཡོངས་སུ་ཐར་ནས་སྐྱེ་བ་ཡང་མེད་དོ། །རྒས་པ་ཡང་མེད་དོ། །འཆི་འཕོ་ཡང་མེད་དོ། །འབྱུང་བ་ཡང་མེད་དེ་ཡིད་ཀྱི་རང་
བཞིན་དུ་འགྱུར་རོ། །ལུས་ཀྱིས་སངས་རྒྱས་ཀྱི་ཞིང་ཐམས་ཅད་ན་ཆུ་ཟླ་ལྟ་བུར་ཡང་དག་པར་མཐོང་ངོ་། །གཟུགས་དང་། ཁ་དོག་དང་། མཚན་མ་དང་། དབྱིབས་སྣ་ཚོགས་ཀྱི་སྤྱོད་ལམ་གྱིས་སེམས་ཅན་རྣམས་

62-1-197a

ལ་ཆོས་སྟོན་ཏོ། །སེམས་ཅན་རྣམས་ཡོངས་སུ་སྨིན་པར་བྱེད་དོ། །བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་སངས་རྒྱས་ཀྱི་ཡོན་ཏན་ཟབ་མོ་བསྒྲུབ་པར་བྱ་བའི་ཕྱིར་དེ་བཞིན་དུ་བཟོད་པ་འདི་ལ་
ཡོན་ཏན་མང་ཞིང་སྨོན་པ་མང་ངོ་། །གལ་ཏེ་བྱང་ཆུབ་སེམས་དཔའི་རྣ་བར་བཟོད་པ་འདི་འབའ་ཤིག་ཡང་དག་པར་ཤིན་དུ་གསལ་བར་འགྱུར་ན་འདུ་བྱེད་ཐམས་ཅད་ལ་སེམས་སྐད་ཅིག་ཏུ་གནས་པར་འགྱུར་རོ། །བདག་དང་
གཞན་ལ་བཟོད་པས་བདག་ཏུ་དམིགས་པ་མེད་པ་ནས། གང་ཟག་གི་བར་དུ་དམིགས་པ་ཡང་མེད་དོ། །ཇི་ལྟར་སྨྲ་བ་དེ་ལྟར་བྱེད་པས་ཕན་པའི་སེམས་སུ་འགྱུར་རོ། །ཆོས་ཐམས་ཅད་ཉེ་བར་རྟོགས་པས་ཕྱིར་མི་ལྡོག་
པའི་སེམས་སུ་འགྱུར་རོ། །སྡིག་པ་ཐམས་ཅད་མི་བྱེད་པས་དགེ་བའི་སེམས་སུ་འགྱུར་རོ། །སེམས་ཅན་ཐམས་ཅད་ཀྱི་ཁུར་བསྐུར་བས་སེམས་ཆེན་པོར་འགྱུར་རོ། །ངན་འགྲོ་ཐམས་ཅད་ཚིམ་པས་བྱམས་པ་ཆེན་པོའི་
སེམས་སུ་འགྱུར་རོ། །ཐེག་པ་གཞན་མི་འདོད་པས་ཞི་བའི་སེམས་དང་། ཉོན་མོངས་པའི་རྙོག་པ་ཐམས་ཅད་སེལ་བས་ཉོན་མོངས་པ་མེད་པའི་སེམས་དང་། རང་བཞིན་གྱིས་རབ་ཏུ་གསལ་བས་རབ་ཏུ་གསལ་བའི་སེམས་
དང་། དངོས་པོ་མེད་པས་སྒྱུ་མ་ལྟ་བུའི་སེམས་སུ་སོང་བས་དངོས་པོ་མེད་པའི་སེམས་སུ་འགྱུར་རོ། །ཕ་རོལ་གྱི་བདུད་ཐམས་ཅད་ཀྱི་རྒོལ་བ་ལ་གཡོ་བ་མེད་པས་བརྟན་པའི་སེམས་སུ་འགྱུར་རོ། །བཞིན་བཟངས་བྱང་ཆུབ་
སེམས་དཔའ་རྣམས་མཉན་པ་ཙམ་གྱིས་བཟོད་པ་འདི་མང་དུ་བྱེད་ན་སྒོམ་པའི་རྣལ་འབྱོར་དང་ལྡན་པས་ལྟ་ཅི་སྨོས་ཏེ། ཚངས་པར་ཡོངས་སུ་རྫོགས་པ་ཤིན་དུ་སྒོམ་པ་ལྟ་སྨོས་ཀྱང་ཅི་དགོས། འདི་ལ་བསྟན་པ་སྟོན་པ་ན་སེམས་
ཅན་བྲུག་གཡོས་སྟོང་ཕྲག་བརྒྱད་བཅུ་རྩ་བཞི་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་སེམས་སྐྱེས་སོ། །ཉན་ཐོས་ཀྱི་ཐེག་པ་དཔག་ཏུ་མེད་པ་དང་། རང་སངས་རྒྱས་ཀྱི་ཐེག་པ་དཔག་ཏུ་མེད་པ་ལ་སྐྱེས་པར་

62-1-197b

གྱུར་ཏོ། །དེ་ནས་གང་སྔོན་དེ་བཞིན་གཤེགས་པ་བཟོད་པའི་མཆོག་དཔལ་གྱི་ཕུང་པོའི་རྒྱལ་པོ་དེས། རྒྱལ་པོ་བསོད་ནམས་ཀྱི་འོད་ཟེར་དེ་ལ་མེ་ཏོག་བན་དུ་བསྐུར་བ་དེ་དག་ཅི་འདྲ་བར་གྱུར་ཅེས་སྲོག་ཆགས་མང་པོ་
དེ་བཞིན་དུ་སེམས་དང་བསམ་པ་སྐྱེས་སོ། །དེ་ནས་བཅོམ་ལྡན་འདས་ཀྱི་ཐུགས་ཀྱིས་སེམས་ཅན་དེ་དག་གི་སེམས་སོ་སོར་རྣམ་པར་རྟོག་པ་མཁྱེན་ནས་འཇམ་དཔལ་གཞོན་ནུར་གྱུར་པ་ལ་བཀའ་སྩལ་པ། འཇམ་
དཔལ་ཤར་ཕྱོགས་ཀྱི་སངས་རྒྱས་བཅོམ་ལྡན་འདས་དེ་དག་ཇི་ཙམ་པ་ལྷ་རྫས་ཀྱི་མིག་སྒྲིབ་པ་མེད་ཅིང་ཡེ་ཤེས་སྟོན་པས་མཐོང་ངམ། གང་ངས་སྔོན་རྒྱལ་པོ་བསོད་ནམས་འོད་ཟེར་གྱི་མཛོད་དུ་གྱུར་པས་བྱུང་སྟེ། 
ཀུན་དུ་རྒྱུའི་ཆ་བྱད་ཀྱིས་སེམས་ཅན་ཡོངསུ་སྨིན་པར་བྱས་སོ། །ངས་ཐོག་མར་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་སེམས་བསྐྱེད་དུ་བཅུག་གོ། །ངས་ཐམས་ཅད་ཀྱི་ཐོག་མར་སྦྱིན་པ་ནས་ཤེས་རབ་
ཀྱི་བར་དུ་སྦྱོར་དུ་བཅུག་གོ། །འཇམ་དཔལ་གྱིས་གསོལ་པ། བཅོམ་ལྡན་འདས་ཅིའི་རྐྱེན་གྱིས་ཀུན་དུ་འདྲི། བཀའ་སྩལ་པ། འཇམ་དཔལ་མངོན་དུ་བྱ་བའི་ཕྱིར་རོ། །འཇམ་དཔལ་གྱིས་གསོལ་
པ། བཙུན་པ་བཅོམ་ལྡན་འདས་ཅི་ལ་ཡང་བྱ་སླ་བའི་ཚད་གཟུང་དུ་མ་མཆིས་པ་ནི་འདི་ལྟ་སྟེ། འདི་དག་ནི་བརྒྱའོ། །འདི་དག་ནི་སྟོང་ངོ་། །འདི་དག་ནི་བྱེ་བའོ། །འདི་དག་ནི་ཁྲིགས་ཁྲིགས་སོ། །འདི་དག་
ནི་བཏང་ཡས་སོ། །འདི་དག་ནི་བྲུག་གཡོས་སོ། །འདི་དག་ནི་བྲུག་གཡོས་བྱེ་བ་ཁྲག་ཁྲིག་བརྒྱ་སྟོང་སྟེ། ཤར་ཕྱོགས་ན་ད་ལྟར་གྱི་སངས་རྒྱས་བཅོམ་ལྡན་འདས་དེ་དག་བཞུགས་ཤིང་མཚོ་སྐྱོང་བ་སེམས་ཅན་
རྣམས་ལ་ཆོས་ཀྱང་སྟོན་ཏོ། །སངས་རྒྱས་ཀྱི་ཞིང་ཡོངས་སུ་དག་པ་དང་། ཡོངས་སུ་མ་དག་པ་དེར་བཞུགས་ཤིང་ཆོས་སྟོན་པ་ཁྱོད་ཀྱིས་གང་ཐམས་ཅད་ཀྱི་ཐོག་མར་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་

62-1-198a

སེམས་བསྐྱེད་དུ་བཅུག་གོ། །ཁྱོད་ཀྱིས་ཐམས་ཅད་ཀྱི་ཐོག་མར་སྦྱིན་པ་ནས་ཤེས་རབ་ཀྱི་བར་དུ་བཙུད་དོ། །བཙུན་པ་བཅོམ་ལྡན་འདས་དེ་བཞིན་དུ་ལྷོ་དང་། ནུབ་དང་། བྱང་གི་ཕྱོགས་དང་། སྟེང་དང་། འོག་གི་
ཕྱོགས་སུ་འདི་དག་ནི་ཁྲིམས་ཁྲིགས་ནས། ཐམས་ཅད་ཀྱི་ཐོག་མར་ཤེས་རབ་ལ་བཙུད་པའི་བར་དུ་ཅི་ལ་ཡང་བྱ་སླ་བའི་ཚད་གཟུང་མི་ནུས་སོ། །བཅོམ་ལྡན་འདས་ཀྱིས་བཀའ་སྩལ་པ། འཇམ་དཔལ་དེ་བཞིན་དུ་ཤར་
ཕྱོགས་ཀྱི་སངས་རྒྱས་ཀྱི་ཞིང་ཡོངས་སུ་དག་པ་དང་མ་དག་པ་ན་ཤེས་རབ་མངོན་དུ་བྱ་བའི་ཕྱིར་གང་ངས་ཐམས་ཅད་ཀྱི་ཐོག་མར་བྱང་ཆུབ་ཏུ་སེམས་བསྐྱེད་དུ་བཅུག་པ་དང་། བཙུད་པ་དང་། བཀོད་པའི་སངས་རྒྱས་བཅོམ་ལྡན་
འདས་དེ་དག་ནི་ངས་ལྷ་རྫས་ཀྱི་མིག་གིས་མཐོང་ངོ་། །འཇམ་དཔལ་ཁྱོད་ཀྱིས་ཡོངས་སུ་དྲིས་པ་རྒྱལ་པོ་བསོད་ནམས་འོད་ཟེར་གྱི་མཛོད་ངས་ཀུན་དུ་རྒྱུའི་ཆ་བྱད་ཀྱིས་སེམས་ཅན་རྣམས་ཡོངས་སུ་སྨིན་པར་བྱས་པ་ཇི་ལྟ་ཡང་
བྱ་སླ་བའི་ཚད་གཟུང་མི་ནུས་སོ། །ཡང་ཕྱོགས་བཅུའི་སངས་རྒྱས་ཀྱི་ཞིང་ཡོངས་སུ་དག་པ་དང་ཡོངས་སུ་མ་དག་པ་ཐ་དད་པ་ན་ད་ལྟར་གྱི་སངས་རྒྱས་དེ་དག་བཞུགས་ཤིང་འཚོ་སྐྱོང་ངོ་། །གང་རྒྱལ་པོ་བསོད་ནམས་འོད་
ཟེར་གྱི་མཛོད་ངས་ཀུན་དུ་རྒྱུའི་ཆ་བྱད་ཀྱིས་ཐམས་ཅད་ཀྱི་ཐོག་མར་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ལ་ཡོངས་སུ་བཙུད་དོ། །བཀོད་དོ། །དེ་བཞིན་དུ་སྦྱིན་པ་ནས་ཤེས་རབ་ཀྱི་བར་དུ་བཙུད་དོ། །བཀོད་པར་
འགྱུར་རོ། །སངས་རྒྱས་བཅོམ་ལྡན་འདས་དེ་དག་ཐམས་ཅད་སྔོན་བདག་གི་ཡོ་བྱད་ཤེས་པའི་རྗེས་སུ་དྲན་པར་འགྱུར་བས་ཇི་ལྟར་འཁོར་ཐམས་ཅད་དང་ལྡན་པ་མངོན་སུམ་དུ་འགྱུར་ན་སངས་རྒྱས་རེ་རེས་ཀྱང་བདག་ལ་མེ་ཏོག་
བན་དུ་བསྐུར་ཅིག །བཅོམ་ལྡན་འདས་ཀྱིས་ཚིག་འདི་བཤད་མ་ཐག་ཏུ་ཕྱོགས་བཅུ་ཇི་ཙམ་པ་ནས་ནམ་མཁའ་ལ་མེ་ཏོག་དམར་པོ་ཡང་མ་ཡིན་མི་དམར་བ་ཡང་མ་ཡིན་པའི་སྤྲིན་ཆེན་པོ་འོངས་པ་མཐོང་ནས། སྐྱེ་བོའི་

62-1-198b

ཚོགས་ཆེན་པོའི་ངོ་མཚར་དེ་ལྟ་བུ་འབྱུང་བ་འདི་ཅིར་འགྱུར་ཞེས་བྱས་པ་དང་། དེ་ནས་མེ་ཏོག་གི་ཆར་འབབ་པར་ཡང་དག་པར་བརྩམས་ནས། མེ་ཏོག་དམར་པོ་ཡང་མ་ཡིན། དཀར་པོ་ཡང་མ་ཡིན་པར་སྣང་བ་མཆོག་ཏུ་ཤིན་དུ་
འཇམ་པ་མཉེན་པ་ཀ་ཙ་ལིན་ད་ལྟ་བུས་ཀུན་དུ་རེག་པ། བུང་བ་དང་། ཤིང་ཤུ་ཀ་ལྟ་བུའི་ཁ་དོག་གི་མེ་ཏོག་གི་ཆར་དེ་དག་གླིང་བཞི་པར་མ་ལུས་པར་རབ་ཏུ་བབ་པོ། །སྐྱེས་བུའི་ཚད་ཙམ་དུས་ཐམས་ཅད་ཁེབས་སོ། །བཅོམ་ལྡན་
འདས་ཀྱིས་བཀའ་སྩལ་པ། བཞིན་བཟངས་ཕྱོགས་བཅུའི་སངས་རྒྱས་ཐ་མི་དད་པ་ན་མེ་ཏོག་བན་དུ་ཇི་ཙམ་པ་དེ་ཙམ་གྱི་ད་ལྟར་གྱི་སངས་རྒྱས་བཅོམ་ལྡན་འདས་དེ་དག་བཞུགས་ཤིང་འཚོ་སྐྱོང་བ་ཆོས་ཀྱང་འཆད་དོ། །དེའི་ཚེ་
རྒྱལ་པོ་བསོད་ནམས་འོད་ཟེར་གྱི་མཛོད་ངས་ཀུན་དུ་རྒྱུའི་ཆ་བྱད་ཀྱིས་ཐོག་མར་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་སེམས་བསྐྱེད་དུ་བཅུག་གོ། །ངས་ཐམས་ཅད་ཀྱི་ཐོག་མར་སྦྱིན་པའི་ཕ་རོལ་དུ་ཕྱིན་པ་ནས་
ཤེས་རབ་ཀྱི་ཕ་རོལ་དུ་ཕྱིན་པའི་བར་དུ་ཡང་དག་པར་བཞག་གོ། །བཙུད་དོ། །བཀོད་དོ། །སངས་རྒྱས་བཅོམ་ལྡན་འདས་དེ་དག་ཐམས་ཅད་ད་ལྟར་སྔོན་གྱི་ཆོ་ག་ཤེས་པའི་རྗེས་སུ་དྲན་པས་སངས་རྒྱས་རེ་རེས་ཀྱང་མེ་ཏོག་
བན་དུ་རེ་རེ་བདག་ལ་བསྐུར་རོ། །ཁྱེད་ཅག་ཐམས་ཅད་མངོན་སུམ་དུ་གྱུར་པར་གྱུར་ནས་ཡང་དག་པར་སྤྱོད་པའི་ཚུལ་ནམ་མཁའི་མདོག་གིས་འདུལ་བའི་བཟོད་པ་དེ་འདི་སྒོམས་ཤིག །བཟོད་པ་འདིའི་མཐུས་གང་འདས་པའི་དུས་ན་
ཕྱོགས་བཅུའི་སངས་རྒྱས་ཀྱི་ཞིང་ཐ་དད་པར་བྱང་ཆུབ་སེམས་དཔའ་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་མངོན་པར་སངས་རྒྱས་པ། སེམས་ཅན་ལ་ཆོས་ཀྱི་འཁོར་ལོ་བསྐོར་བ། སངས་རྒྱས་ཀྱི་དགོངས་པ་ཀུན་ཟད་
པར་བྱས་པ། འབྱུང་བ་མེད་པ། མྱ་ངན་ལས་འདའ་བའི་ཁམས་ན་འདུག་པ། མེ་ཏོག་བན་དུའི་ཆར་འདི་དག་ཇི་ཙམ་པ་འདི་ཙམ་གྱི་སེམས་ཅན་ངས་ཚེ་གཅིག་གིས་ཡོངས་སུ་སྨིན་པར་བྱས་སོ། །འདས་པའི་དུས་ན་མེ་ཏོག་

62-1-199a

བན་དུའི་ཆར་འདི་དག་ཇི་ཙམ་པ་དེ་ཙམ་གྱི་བྱང་ཆུབ་སེམས་དཔའ་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་མངོན་པར་རྫོགས་པར་འཚང་རྒྱ་བར་འགྱུར་བ་དག་དེའི་ཚེ་གང་རྒྱལ་པོ་བསོད་ནམས་འོད་ཟེར་གྱི་
མཛོད་ངས་ཐམས་ཅད་ཀྱི་ཐོག་མར་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་སེམས་བསྐྱེད་དུ་བཅུག་གོ། །ངས་ཐམས་ཅད་ཀྱི་ཐོག་མར་སྦྱིན་པ་ལ་སྦྱོར་བར་བྱེད་ཅིང་བཀོད་པ་ནས་ཤེས་རབ་ཀྱི་བར་དུ་སྦྱོར་བར་བྱེད་ཅིང་བཀོད་དོ། །
བཞིན་བཟངས་མཐུ་ཆེན་པོ་ཡང་དག་པར་སྤྱོད་པའི་ཚུལ་ནམ་མཁའི་མདོག་གིས་འདུལ་བའི་བཟོད་པ་འདི་ལྟོས་ཤིག །རིགས་ཀྱི་བུ་ཕོ་དང་རིགས་ཀྱི་བུ་མོ་བྱང་ཆུབ་འདོད་པ་རྣམས་མྱུར་དུ་བླ་ན་མེད་པ་ཡང་དག་པར་རྫོགས་པའི་བྱང་ཆུབ་
ཏུ་མངོན་པར་རྫོགས་པར་འཚང་རྒྱ་བར་འདོད་པས་ཡང་དག་པར་སྤྱོད་པའི་ཚུལ་ནམ་མཁའི་མདོག་གིས་འདུལ་བའི་བཟོད་པ་འདི་བསྒོམ་པར་བྱ་བ་འདི་ལ་ཚུལ་བཞིན་དུ་བྱའོ། །ཡང་དག་པར་སྤྱོད་པའི་ཚུལ་ནམ་མཁའི་མདོག་གིས་འདུལ་བའི་
བཟོད་པ་ཞེས་བྱ་བ་ཐེག་པ་ཆེན་པོའི་མདོ་ལེའུ་བཅུ་པའོ།།             །། བམ་པོ་བཅུ་པ། དེ་ནས་ཀུན་དུ་རྒྱུ་ཤིན་དུ་རྣམ་པར་ཕྱེ་བའི་འོད་ཟེར་འཆང་བ་ཞེས་བྱ་བ་དེ་བཅོམ་ལྡན་འདས་གང་ན་བ་དེ་ལོགས་སུ་ཐལ་མོ་སྦྱར་ཏེ་
ཕྱག་འཚལ་ནས་བཅོམ་ལྡན་འདས་ལ་ཚིགས་སུ་བཅད་པ་འདི་དག་གསོལ་ཏོ། །ཤིན་དུ་རྐང་གཉིས་མཆོག་གིས་བདེ་བྱིན་པ། །ལྟ་བ་ལོག་ཞུགས་འགྲོ་ལ་སྒྲོན་མ་འཛིན། །ཆོས་ཀྱི་འཁོར་ལོ་དག་གི་སྒྲ་འཇུག་པ། །ཇི་ལྟར་ལྟ་
བའི་དྲ་བ་སྔོན་ཆད་འགྱུར། །དྲི་མ་གསུམ་སྤངས་མིག་གསུམ་གཏོང་ཕོད་པ། །ཆོས་ཀྱིས་འགྲོ་བ་ཐམས་ཅད་ཚིམ་མཛད་པ། །ཁམས་གསུམ་འགྲོ་བ་ལ་ནི་སྒྲོན་འཛིན་པ། །ཇི་ལྟར་ལྟ་བའི་དྲ་བ་སྲབས་པར་འགྱུར། །འགྲོ་བ་
དག་ལ་གསེར་དང་ཟླ་བ་བཞིན། །སྤྱན་ནི་རབ་མཛེས་ཤིན་དུ་གསལ་བའི་ཞལ། །བཟོད་པ་ཇི་ལྟར་ཐོབ་པའི་སྤྱོད་པ་གསུངས། །ཇི་ལྟར་ལྟ་བའི་རྒྱུ་རྣམས་འཇིག་པར་འགྱུར། །སེམས་ཅན་འགྲོ་བའི་སྡིག་པ་ལས་

62-1-199b

ཟློག་མཛད། སྡིག་པའི་བསམ་བྲལ་ལྟ་བ་དགེ་བ་ལ། །ཚེ་ཡི་ཆུ་བོ་སྡིག་པ་སེམས་འགྱུར་བ། །སྡིག་པའི་ལྟ་གསུམ་ཇི་ལྟར་ཐར་བར་བྱེད། །དྲང་སྲོང་ཆེན་པོ་དབང་པོ་ཐམས་ཅད་བསྡམས། །དད་པས་མོས་
པ་ལྟར་ནི་གཞན་ལ་གནས། །རྣམ་པར་སྤྱོད་བཅས་རྩ་བ་ཤིན་སྤང་ཕྱིར། །ལྟ་བའི་མདུད་ཡོང་ཇི་ལྟར་ཟད་པར་འགྱུར། །ཐམས་ཅད་འགྲོ་ལ་ཁྱོད་ནི་བློ་གྲོས་ཅན། །མཆོག་གི་བཟོད་པ་དག་གི་ལམ་སྟོན་པ། །
བསམ་པ་ཐམས་ཅད་ཀྱིས་ནི་འགྲོ་འདི་མགུ། །སྡིག་པར་ལྟ་བ་ཇི་ལྟར་འཇིག་པར་འགྱུར། །འཕགས་པའི་རྒྱལ་པོ་ཉོན་མོངས་དགྲ་སྲེག་པ། །ལམ་གྱི་ཡན་ལག་བརྒྱད་ནི་ཉེ་བར་སྟོན། །འགྲོ་ལ་ལྷ་དང་ཟླ་བ་ཀུན་
སྤངས་པ། །ལྟ་བའི་མུན་པ་དག་པར་ཇི་ལྟར་འགྱུར། །མི་འདུལ་ཁ་ལོ་སྒྱུར་ཞིང་ཐུགས་རབ་དགྱེས། །མི་མཆོག་རྒྱལ་པོ་འགྲོ་ལ་བཀྲ་ཤིས་མཛད། །ལྟ་བ་དགེ་ལ་འགྲོ་བ་འཇུག་པ་མེད། །སྡིག་པ་ལྟ་ལ་གང་དག་
རྒྱུན་གཅོད་མེད། །བདེ་གཤེགས་འདུལ་དང་བཟོད་དང་སྡོམ་ལ་དགྱེས། །འགྲོ་བའི་ཐེ་ཙོམ་སྣ་ཚོགས་དེ་གཟིགས་ཏེ། །ཟླ་བར་གྱུར་པའི་ཆོས་ཀྱི་ཟླ་བ་བྱིན། །སྡིག་པའི་ལྟ་ཀུན་ཇི་བཞིན་འགྱུར་བ་མེད། །གཅིག་
ཏུ་སྤྱད་པ་རྟག་ཏུ་བསམ་གཏན་དགྱེས། །དེ་བཞིན་འདིར་གནས་དཔག་མེད་འཁོར་དག་ལ། །སྡིག་པའི་ལྟ་བ་ཇི་ལྟར་ཡང་རེག་མེད། །ཆགས་མེད་རྒྱལ་མཚན་དོན་འདི་བཤད་དུ་གསོལ། །འཁོར་བའི་སྡུག་བསྔལ་
རབ་ཏུ་ཞི་བར་མཛད། །བ་ར་ན་སིར་དགེ་བའི་འཁོར་ལོ་བསྐོར། །སྲོག་ཆགས་བྱེ་མང་ལྟ་ལས་ཐར་མཛད་པ། །ལྟ་བར་སོང་བ་ཐར་མཛད་ཆོས་གསུངས་གསོལ། །ལྟ་བ་སྤྱོད་ཅིང་སྡིག་པའི་བློ་གྲོས་ཅན། །
སྲོག་ཆགས་བྱེ་སྟོང་ཕྲག་བཅུ་འདི་དག་གནས། །སྡིག་བའི་ལྟ་ཀུན་ཇི་བཞིན་འགྱུར་མེད་པ། །བདེ་གཤེགས་ཡོངས་སུ་བསྔོ་བ་ཇི་ལྟར་འགྱུར། །དེ་ནས་བཅོམ་ལྡན་འདས་ཀྱིས་བྱང་ཆུབ་སེམས་དཔའ་ནམ་མཁའི་

62-1-200a

རང་བཞིན་ཅན་ལ་བཀའ་སྩལ་པ། རིགས་ཀྱི་བུ་གང་གི་ཚེ་བསྐལ་པ་ཚད་མེད་པ་ལས་ཤིན་དུ་འདས་པར་སྟོན་པ་དེའི་ཚེ་དེའི་དུས་ན་ལྷོ་ཕྱོགས་ན་སངས་རྒྱས་ཀྱི་ཞིང་སྟོང་ཕྲག་ཉི་ཤུ་ལས་ཤིན་དུ་འདས་པ་
དེ་ན་སངས་རྒྱས་ཀྱི་ཞིང་བློ་གྲོས་དབྱངས་ཤེས་བྱ་བ་རྙོག་པ་ལྔས་ཤིན་དུ་གང་ཞིང་ལྟ་བ་ཐ་དད་པར་སོང་བ་དོག་པ་རྙེད་པར་གྱུར་ཅིང་། སེམས་ཅན་ཀུན་དུ་གཟིར་བར་གྱུར་པ་དེ་ལ་དེའི་ཚེ་དེའི་དུས་ན། བཅོམ་ལྡན་
འདས་དེ་བཞིན་གཤེགས་པ་ཚངས་པའི་དབང་པོ་ཞེས་བྱ་བ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་སུ་གྱུར་པ་དེའི་སྟོང་གསུམ་གྱི་ཉན་ཐོས་ཀྱི་ཚོགས་འདུས་པ་ཆེན་པོར་གྱུར་པ་དྲན་ནམ། ཇི་ལྟར་ད་
ལྟར་རྒྱལ་པོ་འབི་འབི་ས་ར་ངའི་ཡོན་བདག་ཆེན་པོ་ཡིན་པས་དེ་ན་ང་འོད་འཛིན་པའི་རྒྱལ་པོ་ཆེན་པོར་གྱུར་ཅིང་དེ་བཞིན་གཤེགས་པ་ཚངས་པའི་དབང་པོར་ཡང་གྱུར་ཏོ། །དེ་བཞིན་གཤེགས་པ་ཚངས་པའི་དབང་
པོ་འཁོར་དང་བཅས་པ་ལ་དེ་ལྟར་བདག་ཉི་མ་རེ་རེ་ཞིང་ཡང་མེ་ཏོག་སྣ་ཚོགས་དང་། དྲི་སྣ་ཚོགས་དང་། རིན་པོ་ཆེའི་གདུགས་སྣ་ཚོགས་དང་། རོལ་མོ་སྣ་ཚོགས་ཀྱིས་མཆོད་པ་བྱས་སོ། །ཡང་བཅོམ་ལྡན་འདས་དེ་ལ་
དེ་བཞིན་དུ་ཉན་ཐོས་ཀྱི་དགེ་འདུན་དང་བཅས་པས་ཟླ་བ་གསུམ་དུ་ཡོ་བྱད་ཀྱིས་སྤྱན་དྲངས་ཏེ། ལམ་སྲང་གང་ན་མི་ཡོད་པ་དག་ཁ་ན་མ་ཐོ་བའི་སྟོན་པ་བྱའོ་ཞེས་ལམ་སྲང་དུ་སྒྲ་འབྱིན་དུ་ཡང་བཅུག་གོ། །ལམ་སྲང་དེ་ན་བྲམ་ཟེ་གང་
གཱ་ཞེས་བྱ་བ་ཉི་མ་ལ་དད་པ་ཅན་དུ་གྱུར་པ་རྐང་པ་གཅིག་གིས་ཉི་མ་ལ་དགའ་ཞིང་ཉིན་མཚན་སྟོན་པ་ན་མངོན་པར་ཤེས་པ་དེ་བཅོམ་ལྡན་འདས་ལ་སྐྱབས་སུ་འགྲོ་བར་མི་འདོད་ནས། དེ་ངས་སྦྲན་པར་བྱས་སོ། །བྲམ་ཟེ་འདིས་ངའི་བྱ་བ་
ལ་ནན་ཏན་དུ་མ་བྱས་པས་ཉི་མ་བདུན་དུ་མཆོག་ཏུ་གནོད་ནས་གཙེའོ་ཞེས་བྱས་ནས་རྒྱལ་པོའི་ཞབས་རིང་བས་བཟུང་སྟེ་བཙོན་རར་བཅུག་པ་དང་། བྲམ་ཟེ་དེས་རྟག་ཏུ་ཉིན་མཚན་བདུན་དུ་འདི་ལྟ་བུའི་སྨོན་ལམ་བཏབ་བོ། །

62-1-200b

གལ་ཏེ་དེ་བཞིན་དུ་ཚངས་པའི་དབང་པོ་མགོ་རེག་སྣམ་བུ་དམར་པོ་ཅན་ཐམས་ཅད་ཤེས་པར་འགྱུར་བ་དེ་སྦེད་པའི་གནས་འདིར་བདག་གི་གན་དུ་ཤོག་ཤིག །དེའི་འོག་ཏུ་ཉི་མ་ཐམས་ཅད་ཤེས་པར་གྱུར་པ་གང་བདག་བཙོན་
ར་ནས་ཐར་བར་བྱེད་པ་དེ་བཙོན་ར་འདིར་ཞུགས་ཤིང་གང་གི་མཐུས་བདག་འཚོ་བ་རྙེད་པ་དེ་ལ་བདག་སྐྱབས་སུ་འགྲོའོ། །དེ་ནས་ཉིན་མཚན་བདུན་པའི་ཐ་མ་འདས་པ་ན་སྔ་དྲོའི་དུས་ཀྱི་ཚེ་བཅོམ་ལྡན་འདས་དེ་བཞིན་གཤེགས་པ་ཚངས་
པའི་དབང་པོའི་གཡས་ཕྱོགས་ན་ནི་ཉི་མའི་ལྷའི་བུ་ཕྱག་འཚལ་ཞིང་འདུག །གཡོན་ཕྱོགས་ན་ནི་ཟླ་བའི་ལྷའི་བུ་ཕྱག་འཚལ་ཞིང་འདུག །མདུན་ན་ནི་བརྒྱ་བྱིན་དང་། ཚངས་པ་ཕྱག་འཚལ་ཞིང་འདུག་པ་བཙོན་རར་བཞུད་ནས་དེ་བཞིན་
གཤེགས་པ་དེས་བྲམ་ཟེ་ཉི་མ་ལ་དད་པ་ཅན་ལ་བཀའ་སྩལ་པ། བྲམ་ཟེ་ང་ནི་མིར་གྱུར་པ་ཐམས་ཅད་ཀྱིས་ཤེས་པའོ། །ཐམས་ཅད་ལ་སྟོན་པའོ། །ལྷ་ཐམས་ཅད་ཀྱིས་ཡིད་ལ་བྱེད་པའོ། །སེམས་ཅན་ཐམས་ཅད་ལ་
བྱམས་ཤིང་སྙིང་རྗེ་བའོ། །འཁོར་བའི་བཙོན་ར་དང་རྒ་ཤི་ཐམས་ཅད་ལས་ཡོངས་སུ་ཐར་བར་བྱེད་པའོ། །བྲམ་ཟེ་ལྟ་བ་ལོག་པའི་རྒྱུན་ཆོད་ཅིག །བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་སྨོན་ལམ་ཐོབ་ཤིག་
ཆོས་ཀྱི་རོས་སེམས་ཅན་ཐམས་ཅད་བོས་ཤིག །ལྷ་དང་། མི་དང་། སྐྱེ་དགུའི་ནང་ན་སེམས་ཅན་ལྟ་བ་དོག་པ་རྙེད་པ་རྣམས་ཡོངས་སུ་ཐར་བར་བྱོས་ཤིག །དེ་ནས་བྲམ་ཟེ་དེ་དགའ་མགུ་ཡིད་བདེ་བ་སྐྱེས་ནས་དེ་བཞིན་གཤེགས་
པ་ཚངས་པའི་དབང་པོའི་ཞབས་གཉིས་ཀྱི་དྲུང་དུ་འོངས་ནས་གསོལ་པ། བཙུན་པ་བཅོམ་ལྡན་འདས་སྡིག་པའི་ལྟ་བར་སོང་བའི་ནོངས་པ་སྤངས་ཏེ། བཅོམ་ལྡན་འདས་དང་། ཆོས་དང་། དགེ་འདུན་ལ་བདག་ནི་འདི་ལྟར་སྐྱབས་
སུ་མཆིའོ། །དེ་བཞིན་གཤེགས་པས་བཀའ་སྩལ་པ། བྲམ་ཟེ་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་ཁྱོད་ཀྱིས་བསམ་པ་ཐམས་ཅད་ཡོངས་སུ་རྫོགས་པ་ལེགས་སོ་ལེགས་སོ། །གང་གི་ཕྱིར་འདི་

62-1-201a

ལ་བྲམ་ཟེའི་ཡོན་ཏན་ཐམས་ཅད་ཡོངས་སུ་རྫོགས་པར་འདོད་པ་དང་། སེམས་ཅན་ཐམས་ཅད་ལ་བདེ་བ་སྐྱེད་པར་འདོད་པ་དང་། ཁམས་གསུམ་ཐམས་ཅད་ཟིལ་གྱིས་གནོན་པར་འདོད་པ་དང་། སངས་རྒྱས་
ཐམས་ཅད་ལ་མཆོད་པར་འདོད་པ་དང་། སྐྱེ་དགུ་ཐམས་ཅད་ཟིལ་གྱིས་གནོན་པར་འདོད་པ་དང་། རྒ་ཤི་ལས་ཐར་བར་བྱ་བར་འདོད་པས་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་སེམས་བསྐྱེད་པར་བྱ་བ་དེ་ལྟར་ཁྱོད་གྲགས་པ་
བརྗོད་པའི་ཡོན་ཏན་དང་ལྡན་པར་འགྱུར་རོ། །དེས་གསོལ་པ། བཙུན་པ་བཅོམ་ལྡན་འདས་བདག་བཅོམ་ལྡན་འདས་གཤེགས་པའི་བར་དུ་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་སེམས་བསྐྱེད་པར་བྱའོ་ཞེས་ངས་
ཐོས་ནས་ངས་བྲམ་ཟེ་དེ་ཡོ་བྱད་ཐམས་ཅད་ཀྱིས་བོས་པ་དང་། བྲམ་ཟེ་དེ་ཡང་ཞག་བདུན་དུ་དབེན་པར་ཞུགས་ནས་སྨོན་ལམ་གདབ་པར་བསམས་པ་དང་། ཞག་བདུན་པ་དེ་ལས་ཤིན་དུ་འདས་ནས་བཅོམ་ལྡན་འདས་
དེ་བཞིན་གཤེགས་པ་ཚངས་པའི་དབང་པོ་དེར་ཉེ་བར་ཕྱིན་ཏེ་བཅོམ་ལྡན་འདས་དེའི་སྤྱན་སྔར་སྨོན་ལམ་བཏབ་པོ། །བཅོམ་ལྡན་འདས་ཀྱིས་བཀའ་སྩལ་པ། ནམ་མཁའི་རང་བཞིན་ཅན་གང་བྲམ་ཟེ་ཉི་མ་ལ་དད་པ་
ཅན་དུ་གྱུར་པས་བཙོན་རར་བཅུག་པ་དེ་ནི་གང་། བྱང་ཆུབ་སེམས་དཔའ་ནམ་མཁའི་རང་བཞིན་ཅན་གྱིས་གསོལ་པ། བཅོམ་ལྡན་འདས་བདག་ནི་བྲམ་ཟེ་ཉི་མ་ལ་དད་པ་ཅན་དུ་གྱུར་ཏེ། བདག་ཀྱང་བཅོམ་ལྡན་འདས་
དེ་བཞིན་གཤེགས་པ་ཚངས་པའི་དབང་པོ་དེའི་སྤྱན་སྔར་སྨོན་ལམ་བཏབ་བོ། །བཅོམ་ལྡན་འདས་ཀྱིས་བཀའ་སྩལ་པ། རིགས་ཀྱི་བུ་གང་སྔོན་བཅོམ་ལྡན་འདས་དེ་བཞིན་གཤེགས་པ་ཚངས་པའི་དབང་པོའི་སྤྱན་སྔར་སྨོན་ལམ་
བཏབ་པར་གྱུར་པ་དེ་རྗོད་ཅིག །གསོལ་པ། བཙུན་པ་བཅོམ་ལྡན་འདས་གང་གི་ཚེ་བདག་སངས་རྒྱས་མཆོད་པ་དང་། ཆོས་མཉན་པ་དང་། དགེ་འདུན་ལ་བསྙེན་བཀུར་བྱ་བའི་ཕྱིར་སྟན་ལས་ལྡང་བར་འདོད་པ་བདག་གི་སྨོན་

62-1-201b

ལམ་དེ་བཞིན་དུ་གྱུར་ཏོ། །གང་གི་ཚེ་བདག་སྟན་ལས་ལངས་ནས་བདག་གི་ལུས་ལ་སའི་ཁམས་ཀྱི་རྡུལ་ཕྲ་མོ་ཤིན་དུ་ཕྲ་བའི་ཚད་ཇི་ཙམ་དུ་འགྱུར་བ་དེ་ཙམ་གྱི་སེམས་ཅན་ཐམས་ཅད་ལས་སེམས་ཅན་རེ་རེའི་རྟག་པར་ལྟ་བ་
དང་། ཆད་པར་ལྟ་བ་དང་། ཕྱིན་ཅི་ལོག་བཞི་ཀུན་ནས་ལྡང་བའི་ལྟ་བ་དང་། སྲིད་པའི་ལྟ་བ་དང་། སྲིད་པ་དང་བྲལ་བའི་ལྟ་བ་དང་། འཇིག་ཚོགས་ཀྱི་ལྟ་བ་དང་། མཐར་འཛིན་པའི་ལྟ་བ་དང་དེ་ལ་སོགས་པ་དང་། གང་ལ་ལ་
འཇིག་རྟེན་པའི་ཟག་པ་དང་བཅས་པའི་ཉེ་བར་ལེན་པའི་ལྟ་བ་རྣམས་དང་། དེ་ཙམ་གྱི་སེམས་ཅན་གཅིག་གི་སྔོན་གྱི་མཐའི་མུ་ལ་ལྟ་བ་ཐམས་ཅད་མ་ལུས་པར་མངོན་པར་འདུས་བྱས་སུ་འགྱུར་བ་དང་། དེ་ཙམ་གྱི་སེམས་ཅན་
རེ་རེའི་འཁོར་བ་བསྐལ་པ་བྱེ་བ་ཁྲག་ཁྲིག་བརྒྱ་སྟོང་སྐམས་པར་གྱུར་ཅིག་ཅེས་བདག་གི་སྨོན་ལམ་དེ་བཞིན་དུ་བཏབ་བོ། །སེམས་ཅན་གཅིག་གི་སེམས་དང་བསམ་པ་ལ་ཡང་དེ་ལ་སོགས་པའི་ལྟ་བ་བླ་ན་མེད་པ་ཡང་
དག་པར་རྫོགས་པའི་བྱང་ཆུབ་ཏུ་མངོན་པར་རྫོགས་པར་སངས་རྒྱས་པའི་བར་དུ་སྐྱེ་བར་མ་གྱུར་ཅིག །ཡང་བདག་གི་དེ་ཙམ་གྱི་མཐའི་མུ་བརྩམས་པ་ནས་བླ་ན་མེད་པར་མྱ་ངན་ལས་འདའ་བའི་བར་གྱི་ཕྱིར་དེ་ལ་སོགས་པའི་
ལྟ་བ་ཀུན་འཕགས་པར་གྱུར་པ་དེ་ལ་སོགས་པའི་ལྟ་བ་དེ་དག་ཀྱང་མ་ལུས་པར་སེམས་དང་བསམ་པ་ལ་མ་འཇུག་ཅིག །བཅོམ་ལྡན་འདས་གང་གི་ཚེ་བདག་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་མངོན་པར་
རྫོགས་པར་འཚང་རྒྱ་བ་དེའི་ཚེ། སེམས་ཅན་ཐམས་ཅད་ལས་སེམས་ཅན་རེ་རེའི་དེ་ཙམ་གྱི་ལྟ་བ་མ་ལུས་པར་སེལ་བ་འདི་ནི་བཅོམ་ལྡན་འདས་བདག་གི་སྨོན་ལམ་དུ་གྱུར་ཏོ། །གང་གི་ཚེ་སངས་རྒྱས་ལ་ལྟ་བ་ནས་དགེ་
འདུན་ལ་བསྙེན་བཀུར་བའི་བར་གྱི་ཕྱིར་བདག་སྟན་ལས་ལངས་པ་དེའི་ཚེ་སེམས་འདི་ལྟར་བསྐྱེད་དེ། བདག་གི་ལུས་ཀྱི་སྐྲའི་རྩེ་མོའི་ཆ་ཤས་ཙམ་གྱིས་ཆུའི་ཁམས་གཏོར་བར་འགྱུར་བ་ཇི་ཙམ་པ་དེ་ཙམ་གྱི་སེམས་ཅན་

62-1-202a

ཐམས་ཅད་ལས་སེམས་ཅན་རེ་རེའི་ལས་ཀྱི་སྒྲིབ་པ་མ་ལུས་པར་ཡོངས་སུ་ཟད་པར་འགྲོའོ། །སྔོན་གྱི་མཐའི་མུ་ཇི་ཙམ་པ་ལ་ཕ་རོལ་གྱི་ཕ་རོལ་དུ་ཕྱིན་པ་དྲུག་སྒྲིབ་པ་བྱས་པར་འགྱུར་བ་དང་། ལས་ཀྱི་སྒྲིབ་པ་དང་། 
སེམས་ཅན་གྱི་སྒྲིབ་པ་དང་། དགེ་བའི་སྒྲིབ་པ་དག་འཕགས་ཤིང་འདོར་བར་མ་གྱུར་ཏོ། །ཕྱི་མའི་མཐའི་མུ་ནས་བླ་ན་མེད་པར་ཡོངས་སུ་མྱ་ངན་ལས་འདའ་བའི་བར་དུ་ཕ་རོལ་གྱི་སྒྲིབ་པར་བྱེད་པ་མ་ལུས་པར་འཕང་བར་
འགྱུར་རོ། །གང་ཡང་བདག་གི་སྔོན་གྱི་མཐའི་མུ་ལ་སྤྱད་པས་ཕ་རོལ་གྱི་ཕ་རོལ་དུ་ཕྱིན་པ་དྲུག་ལ་སྒྲིབ་པར་བྱས་པར་འགྱུར་ཞིང་། ཆོས་ཀྱི་སྒྲིབ་པ་དང་། སེམས་ཀྱི་སྒྲིབ་པ་དང་། དགེ་བའི་སྒྲིབ་པར་འགྱུར་བ་དག་ཕྱིས་
སེམས་ཅན་རྣམས་ཡོངས་སུ་སྨིན་པའི་རྒྱུས་སྤང་བ་ནས་ཡོངས་སུ་མྱ་ངན་ལས་འདའ་བའི་བར་དུ་དེ་དག་ཐམས་ཅད་མ་ལུས་པར་ཡོངས་སུ་ཟད་པར་འགྲོའོ། །གང་གི་ཚེ་བདག་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་
མངོན་པར་རྫོགས་པར་འཚང་རྒྱ་བ་དེའི་ཚེ། སེམས་ཅན་ཐམས་ཅད་ལས་སེམས་ཅན་རེ་རེའི་དེ་སྙེད་ཀྱི་རྣམ་པ་དེ་ལྟ་བུའི་སྒྲིབ་པའི་ཆོས་མ་ལུས་པར་འཕང་བར་བྱ་ཞིང་སེམས་ཅན་རེ་རེ་ལ་ཡང་མྱུར་དུ་དེ་དེ་ཙམ་གྱི་ཏིང་ངེ་འཛིན་
གྱི་གཟུངས་བཀོད་པར་བྱའོ། །སེམས་ཅན་ཐམས་ཅད་མངལ་གྱི་གནས་ལས་ཡོངས་སུ་གྲོལ་བར་བྱའོ། །སེམས་ཅན་ཐམས་ཅད་རྒ་ཤི་འབྱུང་བའི་རྒྱ་མཚོ་ལས་བསྒྲལ་བར་བྱའོ་ཞེས་གང་གི་ཚེ་བདག་དགེ་འདུན་ལ་བསྙེན་
བཀུར་བའི་བར་གྱི་ཕྱིར་སྟན་ལས་ལྡང་བར་བྱ་བ་འདི་ནི་བཙུན་པ་བཅོམ་ལྡན་འདས་བདག་གི་སྨོན་ལམ་དུ་གྱུར་ཏོ། །གང་གི་ཚེ་བདག་སྟན་གྱི་ལོངས་སྤྱོད་དང་བདེ་བའི་ཡོ་བྱད་སྤངས་ཏེ། བདག་གི་ལུས་ཀྱི་སྐྲའི་རྩེ་མོའི་ཆ་ཤས་
ཙམ་དུ་མེའི་ཁམས་གྱུར་པ་ཇི་ཙམ་པ་དེ་ཙམ་གྱི་སེམས་ཅན་ཐམས་ཅད་ལས་སེམས་ཅན་རེ་རེའི་སྔོན་གྱི་མཐའི་མུ་ནས་ད་ལྟར་གྱི་སྐྱེ་བའི་བར་དུ་གཞན་ལ་ལས་ཀྱིས་མ་ལུས་པར་མངོན་པར་འདུས་བྱས་པར་འགྱུར་རོ། །གང་གི་ཚེ་

62-1-202b

ཕྱི་མའི་མཐའི་མུ་ནས་བླ་ན་མེད་པ་མྱ་ངན་ལས་འདའི་བར་དུ་འཕངས་ཤིང་སེམས་ཅན་རེ་རེའི་དེ་ཙམ་གྱི་ངན་སོང་གི་ལས་མ་ལུས་པར་སྒྲུབ་པར་འགྱུར་བ་ནས་བླ་ན་མེད་པར་མྱ་ངན་ལས་འདའ་བའི་བར་དུ་བྲལ་བ་མེད་པར་འགྱུར་རོ། །
འཕགས་པའི་གདན་འདི་ནས་བྱང་ཆུབ་ཀྱི་སྙིང་པོའི་གདན་གྱི་བར་དུ་བྲལ་བ་མེད་པར་འགྱུར་རོ། །གང་ཡང་བདག་གིས་སྔོན་གྱི་མཐའི་མུ་ལ་རྣམ་པ་དེ་ལྟ་བུའི་ལས་བསྒྲུབས་པ་མངོན་པར་འདུས་བྱས་པར་འགྱུར་རོ། །
གང་ཡང་མངོན་པར་འདུ་བྱེད་པ་ནས་བླ་ན་མེད་པར་མྱ་ངན་ལས་འདའ་བའི་བར་དུ་ཐམས་ཅད་ཀྱི་སྐྱེ་བ་མ་ལུས་པར་ཡོངས་སུ་ཟད་པར་འགྱུར་རོ། །གང་གི་ཚེ་བདག་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་
མངོན་པར་རྫོགས་པར་སངས་རྒྱས་པ་དེའི་ཚེ་སེམས་ཅན་སྤྱོད་ཡུལ་ངན་པ་དང་། དམའ་བའི་ངན་འགྲོར་གནས་པ་དག་ཡོངས་སུ་ཐར་བར་བྱ་བ་ནས་ཕ་རོལ་དུ་ཕྱིན་པ་དྲུག་ལ་དགོད་པར་བྱ་བའི་བར་དུ་འདི་ནི་བཙུན་པ་བཅོམ་
ལྡན་འདས་བདག་གི་སྨོན་ལམ་དུ་གྱུར་ཏོ། །གང་གི་ཚེ་བདག་སངས་རྒྱས་ལ་ལྟ་བ་ནས་དགེ་འདུན་ལ་བསྙེན་བཀུར་བའི་ཕྱིར་སྟན་ལས་ལངས་ཏེ་སྨོན་ལམ་འདི་ལྟ་བུ་བྱས་ཏེ། རླུང་གི་ཁམས་བདག་གི་ལུས་གྱི་སྐྲའི་རྩེ་མོའི་ཆ་
ཤས་ཙམ་དུ་འགྱུར་བ་ཇི་ཙམ་གྱི་སེམས་ཅན་ཐམས་ཅད་ལས་སེམས་ཅན་རེ་རེའི་དེ་ཙམ་གྱི་མཐའི་མུའི་བར་དུ་གཞན་ལ་ཁམས་མཚུངས་པ་མེད་པའི་འཁྲུག་པར་བྱེད་པའི་ལས་དེ་དག་ཐམས་ཅད་མ་ལུས་པར་འདུས་
བྱས་པར་འགྱུར་རོ། །ཡང་འཁོར་བ་ན་འཁོར་བ་ནས་བླ་ན་མེད་པར་ཡོངས་སུ་མྱ་ངན་ལས་འདའ་བའི་བར་དུ་ཁམས་འཁྲུག་པའི་ནད་དུ་གྱུར་ཅིག །གང་ཡང་བདག་གིས་སྔོན་གྱི་མཐའི་མུ་བརྩམས་ཏེ་གཞན་ལ་ཁམས་
འཁྲུག་པར་བྱེད་པའི་ལས་མ་ལུས་པར་མངོན་པར་འདུ་བྱ་བར་འགྱུར་བ་ནས་བླ་ན་མེད་པ་ཡོངས་སུ་མྱ་ངན་ལས་འདའ་བའི་བར་དུ་འཕང་བར་བྱའོ། །གང་གི་ཚེ་བདག་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་མངོན་པར་

62-1-203a

འཚང་རྒྱ་བ་དེའི་ཚེ་སེམས་ཅན་ཐམས་ཅད་ལས་སེམས་ཅན་རེ་རེ་ལ་ཡང་ཇི་ཙམ་གྱི་ཏིང་ངེ་འཛིན་སྒྲུབ་པའི་ཚུལ་གྱིས་ཁམས་འཁྲུག་པ་མ་ལུས་པར་སེལ་བར་བྱའོ། །སེམས་ཅན་ཐམས་ཅད་
ལས་སེམས་ཅན་རེ་རེ་ལ་ཡང་དེ་ཙམ་གྱི་བརྩོན་འགྲུས་ལ་དམིགས་པ་ཐབས་ལ་མཁས་པའི་ཡེ་ཤེས་བསླབ་པར་བྱ་ཞིང་དེ་ཙམ་གྱི་ཆོས་ཀྱི་སྒོ་སྟོང་ཡང་རབ་ཏུ་བསྟན་པར་བྱའོ། །དེ་ཙམ་གྱི་སྦྱིན་པའི་ཕ་རོལ་དུ་ཕྱིན་པ་
ལ་སྦྱོར་བར་བྱ་བ་ནས་ཤེས་རབ་ཀྱི་ཕ་རོལ་དུ་ཕྱིན་པའི་བར་དུ་སྦྱོར་བར་བྱའོ། །ཕྱིར་མི་ལྡོག་པའི་ས་ལ་དགོད་པར་བྱའོ། །དེ་ཙམ་གྱི་སངས་རྒྱས་བཅོམ་ལྡན་འདས་རྣམས་ཀྱི་སེམས་ཅན་རེ་རེ་ལ་ཡང་བཅོལ་ཞིང་གདམས་
པར་བྱ་བ་འདི་ནི་བཙུན་པ་བཅོམ་ལྡན་འདས་བདག་གི་སྨོན་ལམ་དུ་གྱུར་ཏོ། །གང་གི་ཚེ་བདག་སངས་རྒྱས་ལ་བལྟ་བ་ནས་དེ་བཞིན་དུ་སྨོན་ལམ་བྱས་པའི་བར་དུ་རྐང་ལག་གཉིས་ས་ལ་གཞག་པར་བྱའོ། །གང་གི་ཚེ་བདག་ནམ་མཁའི་
ཁམས་མཐའ་ཡས་མུ་མེད་པ་ཉོན་མོངས་པས་བཅིངས་པའི་བག་ལ་ཉལ་བ་ཐམས་ཅད་ཀྱིས་ཉོན་མོངས་པ་མེད་པ་ཇི་ཙམ་པ་ལ་ནམ་མཁའ་ལ་ཆགས་པ་མེད་པར་འགྲོ་བ་ན་སེམས་ཅན་ཐམས་ཅད་ལ་སེམས་ཅན་རེ་རེ་ལ་ཡང་དེ་ཙམ་
གྱི་ཉོན་མོངས་པས་བཅིངས་པའི་བག་ལ་ཉལ་བ་གྲངས་མེད་པ་བརྗོད་དུ་མེད་པ་མ་ལུས་པར་གྱུར་ཅིག །དེ་ཙམ་གྱི་ཆོས་ཐམས་ཅད་ཀྱི་ཚུལ་ནམ་མཁའི་རང་བཞིན་ལྟ་བུ་ལ་ཞུགས་པ་ནས་བླ་ན་མེད་པར་ཡོངས་སུ་མྱ་ངན་ལས་འདའ་
བའི་བར་དུ་ཉོན་མོངས་པ་ཐམས་ཅད་དང་འདྲེས་པ་མེད་པར་གྱུར་ཅིག །ཆོས་ཐམས་ཅད་མ་དྲན་པ་མེད་པར་འགྱུར་བ་ནས་ནམ་མཁའི་ཁམས་མཐའ་ཡས་མུ་མེད་པའི་ཉོན་མོངས་པས་བཅིངས་པའི་བག་ལ་ཉལ་བས་ཉོན་མོངས་
པ་མེད་པའི་བར་དུ་དེ་ཙམ་གྱི་ཉོན་མོངས་པས་བཅིངས་པའི་བག་ལ་ཉལ་བ་ཐམས་ཅད་མ་ལུས་པར་དག་པར་གྱུར་ཅིག །དེ་ཙམ་གྱི་ཆོས་ཐམས་ཅད་ཀྱི་ཚུལ་ནམ་མཁའི་རང་བཞིན་ལྟ་བུ་ནས་བླ་ན་མེད་པར་ཡོངས་སུ་མྱ་ངན་

62-1-203b

ལས་འདའ་བའི་བར་དུ་འཇུག་པར་བྱའོ། །བདག་ནི་ནམ་མཁའ་ལ་ཀུན་དུ་རྟོག་པས་འཁོར་བ་ན་བདག་བླ་ན་མེད་པའི་ཡེ་ཤེས་ཐོབ་པར་བྱ་བའི་ཕྱིར་བྱང་ཆུབ་ཀྱི་སྤྱོད་པ་སྤྱད་པར་བྱའོ། །སེམས་ཅན་ཐམས་ཅད་ཀྱི་ཉོན་མོངས་པའི་
རྙོག་པ་སྦྱང་བར་བྱ་བ་ནས་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་མངོན་པར་རྫོགས་པར་འཚང་རྒྱ་བར་བྱ་བའི་བར་དུ། སེམས་ཅན་ཐམས་ཅད་ལས་སེམས་ཅན་རེ་རེ་ལ་ཡང་དེ་ཙམ་གྱི་དགེ་བའི་ཆོས་མཐའ་ཡས་
མུ་མེད་པ་བསྟན་པར་བྱའོ། །ནམ་མཁའི་རང་བཞིན་ལྟ་བུའི་ཕ་རོལ་དུ་ཕྱིན་པ་དྲུག་ལ་བསླབ་པར་བྱ་ཞིང་དགོད་པར་བྱ་བ་ནས་བླ་ན་མེད་པར་ཡོངས་སུ་མྱ་ངན་ལས་འདས་པའི་བར་དུ་སེམས་ཅན་དེ་དག་ཆོས་ཀྱི་སྒོ་ནམ་མཁའི་རང་
བཞིན་ཅན་ཕ་རོལ་དུ་ཕྱིན་པ་དང་ལྡན་པ་བྱེ་བ་ཁྲག་ཁྲིག་བརྒྱ་སྟོང་དེ་དག་ཏུ་དྲན་པ་ཉམས་པར་མ་གྱུར་པ་འདི་ནི། བཙུན་པ་བཅོམ་ལྡན་འདས་བདག་གི་སྨོན་ལམ་དུ་གྱུར་ཏོ། །གང་གི་ཚེ་བདག་སངས་རྒྱས་བལྟ་བ་དང་། ཆོས་
མཉན་པ་དང་། དགེ་འདུན་ལ་བསྙེན་བཀུར་བའི་ཕྱིར་ཉེ་བར་འགྲོ་བ་ཡང་དེ་བཞིན་དུ་སྨོན་ལམ་བཏབ་སྟེ་སྤྱད་པ་ན་བདག་གི་རྐང་པ་གཉིས་ཀྱི་མཐིལ་ས་ལ་རེག་པ་ཇི་ཙམ་པ་དང་། གླིང་བཞི་པའི་ས་ནས་བཟུང་སྟེ། བླ་ན་མེད་པའི་རྡུལ་ཤིན་
དུ་ཕྲ་བར་འགྱུར་བ་ཇི་ཙམ་པ་དེ་ཙམ་གྱི་སེམས་ཅན་ཐམས་ཅད་ལས་སེམས་ཅན་རེ་རེ་ལ་ཡང་ཕྱི་མའི་མཐའི་མུ་ནས་བཟུང་སྟེ། ཕ་རོལ་གྱི་གན་ན་ཡན་ལག་མ་ཚང་བ་འདོད་པ་མེད་པར་འགྱུར་བ་ཡོད་ཅིང་ལས་ཀྱི་སྒྲིབ་པས་འཕངས་
པར་འགྱུར་བ་སེམས་ཅན་རེ་རེ་ལ་ཡང་དེ་ཙམ་གྱི་ལས་དེ་དག་མ་ལུས་པར་འགྱུར་ཞིང་། འཁོར་བ་ན་འཁོར་བ་ནས་བླ་ན་མེད་པར་ཡོངས་སུ་མྱ་ངན་ལས་འདའ་བའི་བར་དུ་ཡན་ལག་མ་ཚང་བ་མེད་པར་གྱུར་ཅིག །གང་ཡང་བདག་གིས་
སྔོན་གྱི་མཐའི་མུ་ནས་བཟུང་སྟེ། ཕ་རོལ་གྱི་གན་དུ་ཡན་ལག་མ་ཚང་བའི་ལས་ཀྱི་སྒྲིབ་པ་ཇི་ཙམ་པ་དེ་ཙམ་འཕངས་པར་འགྱུར་བ་དེ་དག་ཐམས་ཅད་མ་ལུས་པར་ཡོངས་སུ་ཟད་པར་གྱུར་ཅིག །བདག་བླ་ན་མེད་པའི་ཡེ་ཤེས་ཆེན་པོ་

62-1-204a

ཐོབ་པའི་རྒྱུར་བྱས་ཏེ་སྟོབས་ལྔའི་ཡན་ལག་དང་བྲལ་བ་མེད་པར་འགྱུར་རོ། །གང་གི་ཚེ་བདག་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་མངོན་པར་རྫོགས་པར་འཚང་རྒྱ་བ་དེའི་ཚེ། སེམས་ཅན་ཐམས་ཅད་ལས་
སེམས་ཅན་རེ་རེ་ལ་ཡང་དེ་ཙམ་གྱི་དབང་པོ་དང་། སྟོབས་དང་། བྱང་ཆུབ་ཀྱི་ཡན་ལག་ཡོངས་སུ་བཀང་བར་བྱ་བའི་ཕྱིར་ཏིང་ངེ་འཛིན་གྱི་སྒོ་བསྟན་པར་བྱའོ། །སེམས་ཅན་ཐམས་ཅད་ཐེག་པ་གསུམ་ལ་ལུང་སྟོན་ཅིང་
ཕྱིར་མི་ལྡོག་པའི་ས་ལ་ཡང་དགོད་པར་བྱ་བ་འདི་ནི་བཙུན་པ་བཅོམ་ལྡན་འདས་བདག་གི་སྨོན་ལམ་དུ་གྱུར་ཏོ། །གང་གི་ཚེ་བདག་སངས་རྒྱས་མཐོང་ཞིང་ཆོས་སྨྲ་བ་དང་དགེ་སློང་གི་དགེ་འདུན་མཐོང་ནས་ཀྱང་དེ་བཞིན་དུ་སྨོན་ལམ་བཏབ་
བོ་བདེ་འགྲོ་བ་ལྔ་དང་། གནས་གསུམ་དང་། སྐྱེ་གནས་བཞི་ལ་རྣམ་པར་ཤེས་པའི་ཁམས་སུ་འགྱུར་བ་ཇི་ཙམ་པ་དེ་ཙམ་གྱི་སེམས་ཅན་ཐམས་ཅད་ལས་སེམས་ཅན་རེ་རེ་ལ་ཡང་སྔོན་གྱི་མཐའི་མུ་ནས་བཟུང་སྟེ། གཞན་ལ་
དབང་པོ་དྲུག་མ་ཚང་བའི་ལས་ཐམས་ཅད་མ་ལུས་པར་འཕངས་པར་གྱུར་ཅིག །ཕྱི་མའི་མཐའི་མུ་འཕང་བ་ནས་མཆོག་ཏུ་རྒྱ་ཆེ་བ་དགའ་བར་བྱེད་པའི་དབང་པོ་དྲུག་ཡོངས་སུ་རྫོགས་པ་ཐོབ་པར་གྱུར་པ་བླ་ན་མེད་
པར་ཡོངས་སུ་མྱ་ངན་ལས་འདའ་བའི་བར་དུ་དབང་པོ་དྲུག་མ་ཚང་བ་མེད་པར་གྱུར་ཅིག །གང་ཡང་བདག་གིས་སྔོན་གྱི་མཐའི་མུ་ནས་བཟུང་སྟེ། གཞན་ལ་དབང་པོ་ཉམས་པའི་ལས་མངོན་པར་འདུས་བྱས་པ་
འཕངས་པར་འགྱུར་བ་མ་ལུས་པར་འདོར་བ་མེད་པར་གྱུར་ཅིག །སེམས་ཅན་རྣམས་བླ་ན་མེད་པའི་ཡེ་ཤེས་ཆེན་པོ་ཐོབ་པའི་བར་གྱི་ཕྱིར་མཆོག་ཏུ་རྒྱ་ཆེ་བ་བལྟ་ན་སྡུག་པ་དགའ་བར་བྱེད་པའི་དབང་པོ་དྲུག་ཡོངས་སུ་
ཚང་བས་བྲལ་བ་མེད་པར་གྱུར་ཅིག །གང་གི་ཚེ་བདག་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་མངོན་པར་རྫོགས་པར་འཚང་རྒྱ་བ་དེའི་ཚེ། བདག་གིས་སེམས་ཅན་ཐམས་ཅད་ལས་སེམས་ཅན་རེ་རེ་ལ་

62-1-204b

ཡང་ལས་ཀྱི་སྒྲིབ་པ་མ་ལུས་པར་ཐལ་བར་བྱས་པ་འདི་ནི་བཅོམ་ལྡན་འདས་བདག་གི་སྨོན་ལམ་དུ་གྱུར་ཏོ། །གང་གི་ཚེ་བདག་སངས་རྒྱས་དང་། ཆོས་སྨྲ་བ་དང་། དགེ་འདུན་གྱི་སྤྱན་སྔར་པུས་མོ་གཡས་པའི་ལྷ་ང་ས་ལ་
བཙུགས་ནས་འདི་ལྟར་སེམས་བསྐྱེད་པར་བྱའོ། །བདག་གིས་སྔོན་གྱི་མཐའི་མུ་ནས་བཟུང་སྟེ། སྐད་ཅིག་ཐང་ཅིག་ཡུད་ཙམ་གྱིས་སོང་བར་གྱུར་པ་ཇི་ཙམ་པ་སེམས་ཅན་ཐམས་ཅད་ལས་སེམས་ཅན་རེ་རེ་ལ་ཡང་དེ་ཙམ་
གྱི་སྔོན་གྱི་མཐའི་མུ་ནས་བཟུང་བ་ནས། བདག་མི་དགེ་བ་བཅུའི་ལས་ཀྱི་ལམ་ཡང་དག་པར་བཟུང་སྟེ། རྣམ་པར་མ་སྨིན་པར་འཇུག་ཅིང་འདོར་བ་མེད་པར་བྱས་པའི་བར་དུ་མ་ལུས་པར་རྣམ་པར་མ་སྨིན་པར་གྱུར་ཅིག །
ཡང་སེམས་ཅན་རེ་རེ་ལ་ཡང་ཕ་རོལ་དུ་ཕྱིན་པ་དྲུག་རྫོགས་པར་བྱ་བའི་ཕྱིར། དེ་ཙམ་གྱི་ལུས་དང་ངག་དང་ཡིད་ཀྱི་འདུ་བྱེད་རྣམས་དགེ་བ་ལ་མངོན་པར་འདུས་བྱས་སུ་གྱུར་ཅིག །གང་ཡང་བདག་གིས་སྔོན་གྱི་མཐའི་མུ་
ནས་བཟུང་སྟེ། དགེ་བ་བཅུའི་ལས་ཀྱི་ལམ་ལ་རྣམ་པར་སྨིན་པར་འཇུག་ཅིང་འདོར་བ་མེད་པར་འགྱུར་བ་མ་ལུས་པར་རྣམ་པར་སྨིན་པར་གྱུར་ཅིག །བདག་ནི་རྟག་ཏུ་དགེ་བ་བཅུའི་ལས་ཀྱི་ལམ་གྱིས་འབྲལ་བ་མེད་པར་འགྱུར་
བ་ནས། བདག་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་མངོན་པར་རྫོགས་པར་འཚང་རྒྱ་བའི་བར་དུ་སེམས་ཅན་ཐམས་ཅད་ལས་སེམས་ཅན་རེ་རེ་ལ་ཡང་དེ་ཙམ་གྱི་དགེ་བ་དང་མི་དགེ་བའི་འདུས་བྱས་ཀྱི་ཆོས་
རབ་ཏུ་བསྟན་ཅིང་། ཐེག་པ་གསུམ་གྱིས་ལུང་བསྟན་པར་བྱ་བ་འདི་ནི་བཅོམ་ལྡན་འདས་བདག་གི་སྨོན་ལམ་དུ་གྱུར་ཏོ། །གང་གི་ཚེ་བདག་སངས་རྒྱས་ཀྱི་སྤྱན་སྔར་པུས་མོ་གཡས་པའི་ལྷ་ང་ས་ལ་བཙུགས་ཤིང་
ཆོས་སྨྲ་བའི་མདུན་དུ་པུས་མོ་གཡས་པའི་ལྷ་ང་ས་ལ་བཙུགས་ཏེ་དེ་ལྟ་བུའི་སྨོན་ལམ་བཏབ་པས་བདག་སྔོན་གྱི་མཐའི་མུ་ནས་བཟུང་སྟེ། ཉིན་མཚན་མེད་པ་ཇི་ཙམ་པ་སེམས་ཅན་རྣམས་ལས་སེམས་ཅན་རེ་རེ་ལ་

62-1-205a

ཡང་དེ་ཙམ་གྱི་ངན་འགྲོ་གསུམ་སྒྲུབ་པའི་ལས་ཀྱི་སྒྲིབ་པ་མ་ལུས་པར་ཟད་པར་གྱུར་ཅིག །གང་ཕ་རོལ་ལ་སྐྱེད་པར་འགྱུར་བ་བདེ་འགྲོ་གསུམ་ལ་ཉོན་མོངས་པ་མེད་པར་འགྱུར་བ་ནས་བླ་ན་མེད་པར་ཡོངས་སུ་
མྱ་ངན་ལས་འདའ་བའི་བར་དུ་ངན་འགྲོར་སྐྱེ་བར་མ་གྱུར་ཅིག །གང་ཡང་བདག་གིས་སྔོན་གྱི་མཐའི་མུ་ནས་བཟུང་སྟེ། ངན་འགྲོ་གསུམ་སྒྲུབ་པའི་ལས་མངོན་པར་འདུས་བྱས་པ་འདོར་བ་མེད་པ་མ་ལུས་པར་ཟད་པར་གྱུར་ཅིག །
སྨོན་ལམ་གཞན་གྱི་དབང་གིས་སེམས་ཅན་ཡོངས་སུ་སྨིན་པར་བྱ་བའི་ཕྱིར་བླ་ན་མེད་པར་ཡོངས་སུ་མྱ་ངན་ལས་འདའ་བའི་བར་དུ་ངན་འགྲོ་གསུམ་གྱི་ངན་འགྲོར་སྐྱེ་བར་མི་བྱའོ། །གང་གི་ཚེ་བདག་བླ་ན་མེད་པ་ཡང་དག་པར་རྫོགས་པའི་
བྱང་ཆུབ་ཏུ་མངོན་པར་འཚང་རྒྱ་བ་དེའི་ཚེ། སེམས་ཅན་རྣམས་ངན་འགྲོ་གསུམ་ལས་ཡོངས་སུ་ཐར་བར་བྱ་བའི་ཕྱིར་སྐྱབས་གསུམ་ལས་རྣམ་པར་དགོད་པར་བྱ་བ་འདི་ནི་བཙུན་པ་བཅོམ་ལྡན་འདས་བདག་གི་སྨོན་ལམ་དུ་གྱུར་ཏོ། །གང་གི་ཚེ་
བདག་སངས་རྒྱས་དང་། ཆོས་དང་། དགེ་འདུན་ལ་ཡན་ལག་ལྔས་ཕྱག་འཚལ་བར་བྱེད་པ་དེ་བཞིན་དུ་ཡང་བདག་གིས་སྨོན་ལམ་བཏབ་བོ། །ཕྱོགས་བཅུའི་སའི་ཁམས་མཐའ་ཡས་མུ་མེད་པ་འདི་རེ་རེ་ལ་ཡང་རྡུལ་ཤིན་དུ་ཕྲ་བ་ཇི་
ཙམ་པ་ལྟར་ཆུའི་ཁམས་དང་། མེའི་ཁམས་དང་། རླུང་གི་ཁམས་དང་། རྣམ་པར་ཤེས་པའི་ཁམས་ཀྱང་དེ་བཞིན་ཏེ། སེམས་ཅན་ཐམས་ཅད་ལས་སེམས་ཅན་རེ་རེ་ལ་ཡང་སྔོན་གྱི་མཐའི་མུ་ནས་བཟུང་སྟེ། མ་རིག་པའི་
ནས་རྒ་ཤིའི་བར་དུ་ལས་ཀྱི་མངོན་པར་འདུ་བྱེད་པ་མངོན་པར་འདུས་བྱས་ཤིང་འདོར་བ་མེད་པར་འགྱུར་བ་མ་ལུས་པར་ཟད་པར་གྱུར་ཅིག །སེམས་ཅན་རེ་རེ་ལ་ཡང་དེ་ཙམ་གྱི་རྟེན་ཅིང་འབྲེལ་པར་འབྱུང་བའི་ཆོས་ཀྱི་སྒོའི་ཚུལ་
ཤེས་པ་དེ་ཆོས་ལ་སུ་ཡང་བླ་ན་མེད་པར་ཡོངས་སུ་མྱ་ངན་ལས་འདའ་བའི་བར་དུ་མ་བརྗེད་ཅིག །གང་ཡང་བདག་གིས་སྔོན་གྱི་མཐའི་མུ་ནས་བཟུང་སྟེ། མ་རིག་པའི་རྒྱུ་ནས་རྒ་ཤིའི་རྒྱུའི་བར་དུ་དེ་ཙམ་གྱི་ལས་ཀྱི་

62-1-205b

མངོན་པར་འདུ་བྱེད་པ་མངོན་པར་འདུས་བྱས་པར་གྱུར་པ་མ་ལུས་པར་ཡོངས་སུ་ཟད་པར་གྱུར་ཅིག །ཡང་བླ་ན་མེད་པའི་ཡེ་ཤེས་ཆེན་པོ་ཐོབ་པར་བྱ་བའི་བར་གྱི་ཕྱིར་རྟེན་ཅིང་འབྲེལ་པར་འབྱུང་བའི་ཆོས་ཀྱི་ཤེས་པར་
བྱ་བ་དྲན་པར་བྱའོ། །གང་གི་ཚེ་བདག་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་མངོན་པར་རྫོགས་པར་འཚང་རྒྱ་བ་དེའི་ཚེ། སེམས་ཅན་ཐམས་ཅད་ལས་སེམས་ཅན་རེ་རེ་ལ་ཡང་དེ་ཙམ་གྱི་རྟེན་ཅིང་འབྲེལ་
པར་འབྱུང་བའི་ཆོས་ལ་འཇུག་པར་བྱ་བ་འདི་ནི་བཅོམ་ལྡན་འདས་བདག་གི་སྨོན་ལམ་དུ་གྱུར་ཏོ། །གང་གི་ཚེ་བདག་སངས་རྒྱས་དང་ཆོས་སྨྲ་བའི་སྤྱན་སྔར་པུས་མོ་གཡས་པའི་ལྷ་ང་ས་ལ་བཙུགས་ཏེ། ལག་པ་གཉིས་ཐལ་
མོ་སྦྱར་ནས་མཆོག་ཏུ་དགའ་བའི་མིག་དང་། བཞིན་དང་། དབང་པོ་ཐམས་ཅད་གཅིག་ཏུ་འདུས་པས་སྦྱིན་པའི་གནས་དེ་ལ་རྟག་ཏུ་མཆོད་པར་བྱ་བའི་ཕྱིར་ཉེ་བར་ཕྱིན་ཏེ་བདག་ཉིད་ཀྱི་ལུས་ཀྱི་བ་སྤུའི་ཁུང་བུ་ཇི་ཙམ་པ་དང་། 
སེམས་ཅན་ཐམས་ཅད་ཀྱི་བ་སྤུའི་ཁུང་བུར་གྱུར་པ་ཅི་ཙམ་པ་དེ་ཙམ་གྱི་སེམས་ཅན་ཐམས་ཅད་ལས་སེམས་ཅན་རེ་རེ་ཞིང་ཡང་དེ་ཙམ་གྱི་ལས་ཀྱི་འབྲས་བུ་ཐམས་ཅད་ཟད་པར་གྱུར་ཅིག །ཉོན་མོངས་པའི་དྲི་མ་ཐམས་
ཅད་སྤངས་པར་གྱུར་ཅིག །གཏི་མུག་གི་དྲི་མ་ཐམས་ཅད་སྤངས་པར་གྱུར་ཅིག །ཡེ་ཤེས་ཀྱི་དྲི་མ་ཐམས་ཅད་སེལ་བར་གྱུར་ཅིག །སེམས་ཅན་རེ་རེ་ལ་ཡང་དེ་ཙམ་གྱི་བསོད་ནམས་ཀྱིས་ཡང་དག་པར་བརྒྱན་པར་
གྱུར་ཅིག །སེམས་ཅན་རེ་རེ་ལ་ཡང་དེ་ཙམ་གྱི་འཁོར་བ་བརྒྱ་སྟོང་གྲངས་མེད་པ་ཕྱིར་ཕྱོགས་པར་གྱུར་ཅིག །སེམས་ཅན་རེ་རེ་ལ་ཡང་དེ་ཙམ་གྱི་རྫུ་འཕྲུལ་གྱི་ཡུལ་ལ་ཏིང་ངེ་འཛིན་གྱི་སྒོ་སྒྲུབ་པ་རྣམ་པར་རྩེ་
བར་གྱུར་ཅིག །སེམས་ཅན་རེ་རེ་ལ་ཡང་དེ་ཙམ་གྱི་སངས་རྒྱས་བཅོམ་ལྡན་འདས་ལ་བསྙེན་བཀུར་བར་གྱུར་ཅིག །སངས་རྒྱས་རེ་རེ་ལ་ཡང་ཆོས་ཀྱི་སྒོ་བརྒྱ་སྟོང་འཇུག་པར་གྱུར་ཅིག །སངས་རྒྱས་རེ་རེའི་སྤྱན་སྔར་

62-1-206a

ཡང་དེ་ཙམ་གྱི་སངས་རྒྱས་ཀྱི་ཞིང་གི་ཡོན་ཏན་ཚོགས་ཀྱི་སྨོན་ལམ་དག་འཛིན་པར་གྱུར་ཅིག །སེམས་ཅན་རེ་རེ་ལ་ཡང་སེམས་ཅན་རེ་རེས་དེ་ཙམ་གྱི་དགེ་བའི་རྩ་བ་ལ་སྦྱོར་བར་གྱུར་ཅིག་སེམས་ཅན་རེ་རེ་ཞིང་ཡང་གཅིག་
ལ་གཅིག་དེ་ཙམ་གྱི་དགའ་བ་དང་། ཡིད་བདེ་བ་ཐོབ་པར་གྱུར་ཅིག །སེམས་ཅན་རྣམས་རེ་རེ་ལ་ཡང་དེ་ཙམ་གྱི་སངས་རྒྱས་ཀྱི་ཞིང་གི་ཡོན་ཏན་གྱི་ཚོགས་ལས་སངས་རྒྱས་ཀྱི་ཞིང་ཕུན་སུམ་ཚོགས་པར་གྱུར་ཅིག །སེམས་ཅན་
རེ་རེ་ལ་ཡང་སྲིད་པར་སྐྱེ་བ་མ་ལུས་པར་སྤངས་པར་གྱུར་ཅིག །སེམས་ཅན་ཐམས་ཅད་མྱུར་དུ་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་མངོན་པར་རྫོགས་པར་འཚང་རྒྱ་བར་གྱུར་ཅིག །དེ་ཙམ་གྱི་བདག་གི་ལས་
ཀྱི་སྟོབས་ཟད་པར་གྱུར་ཅིག །དེ་ཙམ་གྱི་ཉོན་མོངས་པའི་དྲི་མ་བྱང་བར་གྱུར་ཅིག །བདག་གིས་དེ་ཙམ་གྱི་ཆུ་བོའི་སྟོབས་ཉམས་པར་གྱུར་ཅིག །བདག་གིས་དེ་ཙམ་གྱི་ཡེ་ཤེས་ཀྱི་སྟོབས་ཉམས་པ་མེད་པར་གྱུར་ཅིག །བདག་དེ་
ཙམ་གྱི་བསོད་ནམས་དང་བསོད་ནམས་ཀྱི་མཛོད་དུ་གྱུར་ཅིག །བདག་གིས་དེ་ཙམ་གྱི་འཁོར་བ་བརྒྱ་སྟོང་གྲངས་མེད་པའི་ཕྱི་ཕྱོགས་སུ་གྱུར་ཅིག །དེ་ཙམ་གྱི་རྫུ་འཕྲུལ་གྱི་ཡུལ་ལ་ཏིང་ངེ་འཛིན་གྱི་སྒོ་སྒྲུབ་པ་རྣམ་པར་ཕྱེ་བར་
གྱུར་ཅིག །ཡུད་ཙམ་གྱིས་ན་དེ་ཙམ་གྱི་ཕྱོགས་བཅུའི་སངས་རྒྱས་བཅོམ་ལྡན་འདས་བཞུགས་ཤིང་འཚོ་སྐྱོང་བ་ལ་བསྙེན་བཀུར་བར་བྱའོ། །སངས་རྒྱས་རེ་རེ་ལས་ཀྱང་དེ་ཙམ་གྱི་ཆོས་ཀྱི་སྒོ་སྟོང་ལ་འཇུག་པར་བྱའོ། །
སེམས་ཅན་རེ་རེ་ལ་འང་སེམས་ཅན་ཐམས་ཅད་ཀྱིས་དེ་ཙམ་གྱི་དགེ་བའི་རྩ་བས་བརྒྱན་པར་བྱའོ། །སེམས་ཅན་རྣམས་ཡོངས་སུ་སྨིན་པར་བྱ་བའི་ཕྱིར་བདག་ཀྱང་ལུས་དང་ངག་དང་ཡིད་དེ་ཙམ་གྱི་སྙན་པ་དང་། དགའ་བར་
བྱ་བའི་དགེ་བའི་རྩ་བས་བརྒྱན་པར་འགྱུར་རོ། །སེམས་ཅན་དེ་དང་བདག་ལྷན་ཅིག་ཏུ་བྱང་ཆུབ་ཀྱི་སྤྱད་པ་སྤྱོད་པ་ན། བདག་གིས་བརྗོད་པ་ཙམ་གྱིས་ཀྱང་སེམས་ཅན་དེ་དག་གི་དེ་ཙམ་གྱི་སྲིད་པ་སྐྱེ་བ་མ་ལུས་པར་ཟད་པར་

62-1-206b

བྱའོ། །དེ་ཙམ་གྱི་ལྟ་བ་ལོག་པའི་རྙོག་པ་འདི་རབ་ཏུ་ཞི་བར་བྱའོ། །དེ་ཙམ་གྱི་ཉོན་མོངས་པའི་ནད་འདི་རབ་ཏུ་ཞི་བར་བྱའོ། །དེ་ཙམ་གྱི་སེམས་ཅན་ལུས་དང་། བསམ་གཏན་དང་། དབང་པོ་མ་ཚང་བ་ཚིག་གིས་སྙིང་རིང་བ་
རབ་ཏུ་ཞི་བར་བྱ་བ་གཅིག་བརྗོད་པ་ཙམ་གྱིས་ན། སེམས་ཅན་ཐམས་ཅད་ལས་སེམས་ཅན་རེ་རེ་ཞིང་དེ་ཙམ་གྱི་སྦྱིན་པ་དགེ་བའི་རྩ་བ་ལ་དགོད་པར་བྱ་བ་ནས་ཤེས་རབ་ཀྱི་བར་དུ་དགེ་བའི་རྩ་བ་ལ་དགོད་པར་བྱའོ། །བདག་དང་
སེམས་ཅན་ཐམས་ཅད་ཀྱི་བ་སྤུའི་ཁུང་བུ་ཇི་ཙམ་དུ་གྱུར་པ་བདག་གིས་གཅིག་བརྗོད་པས་དེ་ཙམ་གྱི་སེམས་ཅན་ཐམས་ཅད་ལས་སེམས་ཅན་རེ་རེ་ཞིང་སྦྱིན་པའི་དགེ་བའི་རྩ་བ་ལ་དགོད་པར་བྱ་བ་འདི་ནི་བཙུན་པ་བཅོམ་ལྡན་འདས་བདག་
གི་སྨོན་ལམ་དུ་གྱུར་ཏོ། །གང་གི་ཚེ་བདག་ཟས་དང་། སྐོམ་གྱིས་སངས་རྒྱས་སམ། ཆོས་སྨྲ་བ་འམ། དགེ་སློང་གི་དགེ་འདུན་ནམ། དགེ་སློང་གཅིག་གམ། དགེ་སློང་མ་གཅིག་གམ། དགེ་བསྙེན་ཕ་འམ། དགེ་བསྙེན་མ་འམ། 
ཕ་འམ། མ་འམ། ཕྱི་རོལ་གྱི་དྲང་སྲོང་ངམ། ལ་ལ་རིགས་ཀུན་ནས་བསྙེན་བཀུར་བའི་མིར་གྱུར་པ་ལ་སྟོབས་ཤིང་། ཆུང་ངུ་ན་བྱོལ་སོང་གི་སྐྱེ་གནས་སུ་སོང་བ་ལ་ཡང་ཟས་དང་སྐོམ་བྲིམ་པར་བྱ་བ་དེ་བཞིན་དུ་ཡང་སྨོན་ལམ་
བཏབ་པ་ནས་སེམས་ཅན་འདུལ་བ་ཡོངས་སུ་སྨིན་པར་བྱ་བའི་བར་གྱི་ཕྱིར་བདག་ཡུན་རིང་པོར་འཁོར་བ་ན་འཁོར་བར་བྱའོ། །གང་ཆུང་ངུ་ན་སྐྲའི་ཉག་མ་གཅིག་ཙམ་གྱི་ཟས་དང་སྐོམ་ཡང་ཡོངས་སུ་ལེན་ཏོ། །སེམས་ཅན་
བརྒྱ་སྟོང་ནས་ཆུ་བོ་གང་གཱའི་བྱེ་མ་ཙམ་པོ་ཟས་དང་སྐོམ་འདོད་པ་ཡང་དག་པར་ལྷགས་པ་བདག་གི་གན་དུ་ཉེ་བར་འོངས་པ་ཇི་ཙམ་པ་དང་། ཁ་དོག་གིས་འདོད་པ་ཇི་ཙམ་པ་དེ་ཙམ་པ་དང་། རོ་ཇི་ཙམ་གྱིས་དོན་ཇི་ལྟར་འདོད་པ་དེ་ཙམ་
གྱི་ཕུན་སུམ་ཚོགས་པར་འདོད་དོ། །གལ་ཏེ་ཁ་དོག་དམར་པོ་གཅིག་དང་། སྐྱ་བོ་གཉིས་འདོད་པ་ནས་ཁ་དོག་སྟོང་ཕྲག་བརྒྱད་བཅུ་གཅིག་ལ་གཅིག་འདོད་པ་དེ་ཙམ་གྱི་ཕུན་སུམ་ཚོགས་པར་འགྱུར་ཞིང་། གཅིག་ལ་གཅིག་ཉམས་

62-1-207a

པ་མེད་པར་འགྱུར་རོ། །བདག་ནི་སེམས་ཅན་དེ་དག་ཇི་ཙམ་པ་དེ་ཙམ་གྱི་ཟས་དང་སྐོམ་ཟད་པ་མེད་པ་ཇི་ཙམ་འདོད་པ་བྲིམ་པར་བྱའོ། །གང་བདག་གི་ལག་ནས་ཟས་དང་སྐོམ་བླངས་པ་དེ་དག་ཐམས་ཅད་ཀྱི་ལུས་
ཀྱི་ནད་རབ་ཏུ་ཞི་བར་འགྱུར་རོ། །གང་ཡང་ཟས་དང་སྐོམ་དེ་ཡོངས་སུ་ཟོས་པ་དེ་ཐམས་ཅད་ཀྱི་ཡིད་ཀྱི་ནད་རབ་ཏུ་ཞི་བར་འགྱུར་རོ། །སྡིག་པའི་ལྟ་བ་ཐམས་ཅད་རབ་ཏུ་ཞི་བར་འགྱུར་རོ། །འགྲོ་བ་ཐམས་ཅད་ལ་སེམས་ཅན་གྱི་
མངལ་གྱི་གནས་རྒྱུན་གཅོད་པར་བྱ་བ་ནས། གང་བདག་གི་ཟས་དང་སྐོམ་ཟོས་ཤིང་། དེ་བཞིན་དུ་གོས་དང་། མལ་སྟན་དང་། མེ་ཏོག་དང་། ཕྲེང་བ་དང་། བྱུག་པ་དང་། སྨན་དང་། གནས་དང་། ནད་གཡོག་དང་། ཆུང་ངུ་ན་སྐྲའི་རྩེ་
མོའི་ཆ་ཙམ་གྱི་བར་དུ་བདག་གིས་གཞན་ལ་བྱིན་པ་གང་གིས་བླངས་པ་དེའི་མངལ་གྱི་གནས་ཇི་ཙམ་པ་ཐམས་ཅད་ལས་བླ་ན་མེད་པར་ཡོངས་སུ་མྱ་ངན་ལས་འདའ་བའི་བར་དུ་ཡོངས་སུ་ཐར་བར་འགྱུར་ཞིང་བདག་གིས་འདུལ་བ་
ཐམས་ཅད་ཡོངས་སུ་མྱ་ངན་ལས་འདའ་བར་གྱུར་ཅིག་པ་འདི་ནི་བཙུན་པ་བཅོམ་ལྡན་འདས་བདག་གི་སྨོན་ལམ་དུ་གྱུར་ཏོ། །གང་གི་ཚེ་ཡང་ཉོན་མོངས་པ་དང་རྙོག་པ་ལྔ་དང་སངས་རྒྱས་ཀྱི་ཞིང་དུ་བདག་འཁོར་བ་ན་བྱང་ཆུབ་ཀྱི་སྤྱོད་པ་
སྤྱད་པར་བྱ་ཞིང་སེམས་ཅན་རྣམས་དམའ་བར་སྤྱོད་པ་ལས་ཡོངས་སུ་ཐར་བར་བྱ་བ་དེའི་ཚེ་ཉོན་མོངས་པ་དང་། རྙོག་པ་ལྔའི་སངས་རྒྱས་ཀྱི་ཞིང་སོ་སོར་བདག་སྤྱོད་པ་དང་། དཀའ་ཐུབ་དང་། བརྟུལ་ཞུགས་ཡང་དག་པར་སྤྱོད་པ་བསླབ་པར་
བྱའོ། །གང་གི་ཚེ་དགའ་ལྡན་གྱི་ཁང་པ་ན་བདག་སྐྱེ་བ་གཅིག་གིས་ཐོགས་ནས་མི་བཟད་པའི་སྤྱོད་ལམ་དང་། མི་བཟད་པའི་བརྟུལ་ཞུགས་དང་། མི་བཟད་པའི་དཀའ་བ་ཡང་དག་པར་སྤྱོད་པས་བརྩོན་འགྲུས་བརྟན་པ་ལ་ཡི་དམ་དུ་སྤྱད་པར་
བྱའོ། །ཇི་ལྟར་སངས་རྒྱས་ཀྱི་ཞིང་དེ་ནས་སའི་རོ་ཐིགས་པའི་བག་ཆགས་ཤེས་བྱ་བ་ས་ལ་བུ་ག་ཙམ་ཡང་བྲལ་བ་མེད་པར་འབྱུང་བས་སངས་རྒྱས་ཀྱི་ཞིང་དེ་ན་གང་སེམས་ཅན་ཤ་ཟ་བ་དེ་རྨའི་མཚན་མས་ས་རྐོའོ། །ཤ་ཡོངས་སུ་

62-1-207b

སྤངས་པས་སའི་རོ་ཐིགས་པའི་བག་ཆགས་དེ་ཟོས་ནས་ཤིན་དུ་ཞིམ་ཞིང་དྲི་ཤིན་དུ་ཞིམ་པ་སྟོང་དུ་འགྱུར་བ། གང་གི་ཕྱིར་འདོད་པ་དང་། གང་ལ་འདོད་པ་དང་། ཇི་ཙམ་གྱི་ཕྱིར་འདོད་པ་དེ་ལྟར་ཐོབ་པར་འགྱུར་རོ། །གང་ཡང་སའི་རོ་
ཐིགས་པའི་བག་ཆགས་དེ་ཡོངས་སུ་ཟོས་ཤིང་གང་ཆུང་ངུ་ན་བྱ་དང་རི་དགས་ཀྱིས་ཀྱང་ཟོས་པས་དེ་དག་ཐམས་ཅད་ཀྱི་ལུས་ཀྱི་གནས་ངན་ལེན་དང་། ངག་གི་གནས་ངན་ལེན་དང་། ཡིད་ཀྱི་གནས་ངན་ལེན་དང་། ཉོན་མོངས་པའི་བག་
ཆགས་ཀྱི་རྗེས་ཀྱི་མཚམས་ཀྱང་ཐམས་ཅད་ཀྱིས་ཐམས་ཅད་ཀྱི་རྒྱུན་བཅད་པར་འགྱུར་རོ། །སངས་རྒྱས་ཀྱི་ཞིང་ཐམས་ཅད་ན་ལ་ལ་ཤ་ཡོངས་སུ་མི་ཟ་ཞིང་ཆུང་ངུ་ན་བྱ་དང་རི་དགས་ཀྱིས་ཀྱང་ཁྲག་མི་འཐུང་བར་འགྱུར་
བ་དེ་དག་གི་ཤིང་རོ་ཧི་ནི་རྣམ་པར་རྒྱལ་བ་ཞེས་བྱ་བ་བྱུང་བར་གྱུར་ཏོ། །གང་དེའི་ལོ་མ་དང་། ལྕུག་མ་དང་། ཡལ་ག་བཅད་པ་དེ་ལས་ཁྲག་དོག་དང་ལྡན་པ། དྲི་དང་ལྡན་པ། རོ་དང་ལྡན་པ་འབྱུང་བར་འགྱུར་བ་ལ་ཆུང་ངུ་ན་བྱ་དང་རི་
དགས་ཀྱིས་ཀྱང་ཁྲག་འཐུངས་པས་དེ་དག་གི་ལུས་ཀྱི་གནས་ངན་ལེན་དང་། ངག་གི་གནས་ངན་ལེན་དང་། ཡིད་ཀྱི་གནས་ངན་ལེན་དང་། ཉོན་མོངས་པའི་བག་ཆགས་ཀྱི་མཚམས་ཐམས་ཅད་ཐམས་ཅད་ཀྱིས་ཐམས་ཅད་ཀྱི་
རྒྱུན་བཅད་པར་འགྱུར་གྱི། ཇི་ལྟར་སངས་རྒྱས་ཀྱི་ཞིང་དེ་ཐམས་ཅད་ན་ལ་ལ་ཁྲག་མི་འཐུང་ན་ནི་བྱ་དང་རི་དགས་ཀྱིས་ཀྱང་འཐུང་བར་མི་འགྱུར་རོ། །གང་ཡང་སངས་རྒྱས་ཀྱི་ཞིང་འདིར་འོ་མ་འཐུང་བར་འདོད་པ་དེ་དག་གི་ཕྱིར་སངས་
རྒྱས་ཀྱི་ཞིང་དེ་ན་ཤིང་རྡུལ་དང་བྲལ་བ་དེ་སྐྱེས་པར་འགྱུར་རོ། །སངས་རྒྱས་ཀྱི་ཞིང་གང་ན་འོ་མ་འཐུང་བར་འདོད་པ་དེ་ཤིང་དེའི་ལོ་མ་འམ། ལྕུག་མ་འམ། ཡལ་ག་བཅད་པ་དེ་ལས་འོ་མ་མཆོག་ཏུ་གསལ་བ། ཁ་དོག་དང་ལྡན་
པ། དྲི་དང་ལྡན་པ། རོ་དང་ལྡན་པར་འབྱུང་བར་འགྱུར་བ་དེ་ལ་གང་བྱ་དང་རི་དགས་ཀྱི་བར་དུ་ཡོངས་སུ་འཐུངས་པས་དེའི་ལུས་ཀྱི་གནས་ངན་ལེན་དང་། ངག་གི་གནས་ངན་ལེན་དང་། ཡིད་ཀྱི་གནས་ངན་ལེན་དང་། ཉོན་མོངས་པའི་བག་

62-1-208a

ཆགས་ཀྱི་མཚམས་ཐམས་ཅད་ཐམས་ཅད་ཀྱིས་ཐམས་ཅད་ཀྱི་རྒྱུན་བཅད་པར་འགྱུར་གྱི། ཇི་ལྟར་སངས་རྒྱས་ཀྱི་ཞིང་ཐམས་ཅད་ལ་ལ་ཤིང་གི་འོ་མ་དེ་མ་གཏོགས་པར་འོ་མ་གཞན་ནི་ཡོངས་སུ་མི་མཐོང་
ངོ་། །སངས་རྒྱས་ཀྱི་ཞིང་དེ་ན་ཆུའི་རྫིང་དུ་སེམས་ཅན་སྐྱེའི་མངལ་གྱི་གནས་ནི་མ་ཡིན་ནོ། །སངས་རྒྱས་ཀྱི་ཞིང་དེར་སེམས་ཅན་དམྱལ་བ་ཐམས་ཅད་དང་། གཤིན་རྗེའི་འཇིག་རྟེན་རྒྱུན་ཆད་པར་གྱུར་པ་དེ་ཙམ་ན་དགའ་ལྡན་ན་
མི་བཟད་པའི་བརྟུལ་ཞུགས་དང་། ཡང་དག་པར་སྤྱོད་པའི་ཡི་དམ་གྱིས་ཡང་དག་པར་སྤྱད་པར་བྱའོ། །སངས་རྒྱས་ཀྱི་ཞིང་དེ་ན་ཇི་ལྟར་བུད་མེད་ཡོངས་སུ་དག་པའི་སེམས་ཀྱི་མཐའ་དང་ལྡན་པ་ཐོབ་པར་བྱ་བའི་ཕྱིར་བུད་མེད་
ཀྱི་ཕྲག་དོག་དང་། འཇུངས་པའི་གནས་སུ་གྱུར་པ་དང་། སླུ་བའི་ལས་ཀྱི་གནས་ཡོངས་སུ་ཟད་པར་འགྱུར་རོ། །སངས་རྒྱས་ཀྱི་ཞིང་དེ་ན་བུད་མེད་ཀྱི་ལུས་ཐོབ་པར་འགྱུར་བ་དེ་ལ་སེམས་ཅན་འཁྲིག་པའི་ཆོས་བྲལ་བར་
གྱུར་ཅིང་། ཐབ་མོ་དང་། འཁྲུག་པ་དང་། བརྫུན་དུ་སྨྲ་བ་དང་། བརྫུན་དང་། ཕྲ་མ་དང་། ཞེ་གཅོད་པ་དང་། ཚིག་ཀྱལ་པ་དང་། གནོད་སེམས་དང་། ཆགས་སེམས་དང་། ལོག་པར་ལྟ་བ་དང་། མུ་གེ་དང་། ཆར་མི་འབབ་པ་དང་། 
རྐུན་པོ་དང་། ལྕགས་སྒྲོག་དང་། ཤིང་སྒྲོག་དང་། རྐང་སྒྲིལ་དང་། མ་རུངས་པར་ཚོལ་བ་དང་། རྟག་ཏུ་གཞན་ལ་གནོད་པར་བྱེད་པ་དང་བྲལ་བ་སངས་རྒྱས་ཀྱི་ཞིང་དེར་རབ་ཏུ་ཞི་བར་འགྱུར་རོ། །གང་གི་ཚེ་བདག་དགའ་ལྡན་གྱི་ཁང་
པར་འཇུག་པར་བྱ་ཞིང་དེ་ན་ཟླ་བ་བཅུ་མའི་མངལ་ན་གནས་པའི་ཚེ། སངས་རྒྱས་ཀྱི་ཞིང་ཐམས་ཅད་དུ་མངོན་པར་ཤེས་པ་རྣམ་པར་རྩེ་བར་འགྱུར་ཞིང་ཐམས་ཅད་ཀྱང་སྔོན་བྱས་པའི་དགེ་བའི་རྩ་བ་རྗེས་སུ་དྲན་པར་འགྱུར་རོ། །
ནམ་བདག་ཟླ་བ་བཅུ་འདས་ནས་མའི་མངལ་ནས་བྱུང་བ་དེ་ན་བྱང་ཆུབ་ལ་ཞག་བདུན་པ་བདུན་གྱི་བར་དུ་སྤྱོད་པར་བྱའི་སངས་རྒྱས་ཀྱི་ཞིང་དེ་ན་དེ་ལྟར་སེམས་ཅན་ཐམས་ཅད་ཡོངས་སུ་སྨིན་པར་བྱའོ། །ཇི་ལྟར་བྱ་དང་རི་དགས་ཀྱི་བར་དུ་

62-1-208b

ཡང་རྒ་ཤིའི་ཐམས་ཅད་ལ་སྐྱོ་བས་མི་བཟད་པའི་བརྟུལ་ཞུགས་དང་། ཡོན་ཏན་ཡང་དག་པར་སྤྱོད་ཅིང་དཀའ་ཐུབ་ཀྱི་ནགས་ཚལ་དུ་མངོན་པར་ཆགས་པའི་སེམས་སུ་འགྱུར་རོ། །གང་གི་ཚེ་བདག་ཞག་བདུན་པ་བདུན་ལས་
འདས་ནས་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་མངོན་པར་འཚང་རྒྱ་བར་བྱ་བ་ཞག་དེ་ཉིད་ལ་ཆོས་ཀྱི་འཁོར་ལོ་བསྐོར་བར་བྱའོ། །ཆོས་ཀྱི་འཁོར་ལོ་བསྐོར་བ་དེ་ལ་སེམས་ཅན་བྱེ་བ་ཁྲག་ཁྲིག་བརྒྱ་སྟོང་གྲངས་
མེད་མཐའ་ཡས་མུ་མེད་པ་ཐེག་པ་གསུམ་གྱིས་ཡོངས་སུ་སྨིན་པར་བྱའོ། །སངས་རྒྱས་ཀྱི་ཞིང་ཐམས་ཅད་ན་ལྷ་ཐམས་ཅད་ལ་ཆོས་ཀྱི་འཁོར་ལོ་བསྐོར་བ་བསྟན་པར་བྱའོ། །གླིང་ཐམས་ཅད་ན་སེམས་ཅན་རྣམས་བཟོད་པ་དང་། 
ཏིང་ངེ་འཛིན་དང་། གཟུངས་ཀྱིས་བརྒྱན་པར་བྱ་བ་ནས་གླིང་ཐམས་ཅད་དུ་ཞག་བདུན་པ་བདུན་གྱི་བར་དུ་སེམས་ཅན་རྣམས་ལ་ཆོས་བསྟན་པར་བྱའོ། །གང་གི་ཚེ་སངས་རྒྱས་ཀྱི་ཞིང་དེ་ན་སེམས་ཅན་བྱོལ་སོང་གི་སྐྱེ་གནས་ཐམས་
ཅད་བྱོལ་སོང་གི་སྐྱེ་གནས་ལས་ཡོངས་སུ་ཐར་བར་འགྱུར་ཞིང་མིའི་འཇིག་རྟེན་ཐོབ་པར་འགྱུར་རོ། །སངས་རྒྱས་ཀྱི་ཞིང་དེ་ན་དེ་དག་ལ་བདག་ཉི་མ་བདུན་པ་བདུན་དུ་ཏིང་ངེ་འཛིན་དང་། གཟུངས་དང་། བཟོད་པ་བསྟེན་པར་བྱ་བས་ཐམས་
ཅད་བྱོལ་སོང་གི་སྐྱེ་གནས་དང་། གཤིན་རྗེའི་འཇིག་རྟེན་པར་མི་འགྱུར་ཞིང་ཐམས་ཅད་དེ་ལས་ཤི་འཕོས་ནས་སངས་རྒྱས་ཀྱི་ཞིང་དེར་སྐྱེ་བར་འགྱུར་རོ། །ཆུང་ངུ་ན་སེམས་ཅན་གཅིག་ཀྱང་དེ་ན་ངན་སོང་གསུམ་ལས་ཤི་འཕོས་
ནས་སངས་རྒྱས་ཀྱི་ཞིང་དེར་སྐྱེ་བར་འགྱུར་རོ། །ཆུང་ངུ་ན་སེམས་ཅན་གཅིག་ཀྱང་གང་ཡོན་ཏན་འདི་དག་གིས་ཡང་དག་པར་བརྒྱན་པར་བྱས་པ་མེད་པར་སངས་རྒྱས་ཀྱི་ཞིང་དེར་གཏོང་བར་མི་བྱ་སྟེ། ཞག་བདུན་པ་བདུན་པ་དེ་ལས་
འདས་པས་མྱ་ངན་ལས་འདས་པའི་ཁམས་སུ་ཕུང་པོའི་ལྷག་མ་མ་ལུས་པར་མྱ་ངན་ལས་འདའ་བར་བྱ་བར་ཚངས་པའི་དབང་པོ་དེའི་སྤྱན་སྔར་བདག་གིས་སྨོན་ལམ་དེ་བཞིན་དུ་བཏབ་པར་གྱུར་ཏོ། །བཙུན་པ་བཅོམ་ལྡན་འདས་གལ་ཏེ་

62-1-209a

བདག་གི་རྣམ་པ་དེ་ལྟ་བུའི་སྨོན་ལམ་གྲུབ་པས་མ་འོངས་པའི་དུས་ན་རྣམ་པ་དེ་ལྟ་བུའི་རྩལ་ཆེན་པོ་བྱ་བར་ཡང་ནུས་པར་འགྱུར་རོ། །བཙུན་པ་བཅོམ་ལྡན་འདས་བདག་སྔོན་ལྟ་བ་ཅན་དེ་དག་གི་རྒྱུན་བཅད་དེ། །ཇི་ལྟར་
འཁོར་ཐམས་ཅད་དང་ལྡན་པ་ཇི་ལྟར་མངོན་དུ་གྱུར་པར་འགྱུར་བ་ལ། དེ་ལྟར་བདག་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་ལུང་བསྟན་པར་བགྱིའོ། །དེ་བཞིན་གཤེགས་པ་ཚངས་པའི་དབང་པོ་དེས་ཡང་བདག་ལ་བཀའ་
སྩལ་པ། ཤིན་དུ་ཟབ་མོ། ཤིན་དུ་ངོ་མཚར་བ། ཤིན་དུ་རྒྱ་ཆེ་བའི་སྨོན་ལམ་བཏབ་པ་ནི་ནམ་མཁའ་ལ་འབྲུག་ཟེར་བས་ཆུས་སེམས་ཅན་རྣམས་ཚིམ་པར་བྱེད། ཆུའི་རྫིང་དང་། ལྟེང་ཀའི་སྒོར་ཡོངས་སུ་རྫོགས་པར་བྱེད། 
ཤིན་དུ་དྲོ་བས་གདུངས་པའི་སེམས་ཅན་རྣམས་དང་། སྨན་དང་། ལོ་མ་དང་། ནགས་ཚལ་དང་། ཤིང་གེལ་པ་རྣམས་ཚིམ་པར་བྱེད་དོ། །རིགས་ཀྱི་བུ་ནམ་མཁའ་ལ་འབྲུག་ས་སྒྲགས་པ་དེ་བཞིན་དུ་ཤིན་དུ་ཟབ་མོའི་སྨོན་
ལམ་འདིས་འཁོར་ཐམས་ཅད་དང་ལྡན་པ་འདི་དག་ལ་གཞོག་པར་བྱེད་དོ། །རིགས་ཀྱི་བུ་མི་བཟད་པར་བརྩོན་པའི་སྨོན་ལམ་གྱིས་རྣམ་པ་དེ་ལྟ་བུའི་སྨོན་ལམ་འགྲུབ་པར་འགྱུར་རོ། །མ་འོངས་པའི་དུས་ན་ཁྱོད་སངས་རྒྱས་
ཀྱི་ཞིང་ཀུན་ནས་གཟི་བརྗིད་དུ་བསྐལ་པའི་འོད་ཆེན་པོར་འགྱུར་རོ། །དེ་ན་ཡང་རིགས་ཀྱི་བུ་ཁྱོད་འཇིག་རྟེན་དུ་སངས་རྒྱས་སུ་སྐྱེ་ཞིང་། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་མཁྱེན་པ་
དང་ཞབས་སུ་ལྡན་པ། བླ་ན་མེད་པ་སྐྱེས་བུ་འདུལ་ཞིང་ཁ་ལོ་སྒྱུར་བ། ལྷ་དང་མིའི་སྟོན་པ་སངས་རྒྱས་བཅོམ་ལྡན་འདས་དེ་བཞིན་གཤེགས་པ་དབྱངས་མ་ལུས་པའི་གནས་དབང་ཕྱུག་གི་རྒྱལ་པོ་ཞེས་བྱ་བར་འགྱུར་
རོ། །དེ་བཞིན་གཤེགས་པ་ཚངས་པའི་དབང་པོ་དེ་ལ་ཡན་ལག་ལྔས་ཞབས་གཉིས་ལ་སྤྱི་བོས་ཕྱག་འཚལ་མ་ཐག་ཏུ་བདག་གི་སྤྱི་བོས་ས་ལ་རེག་པ་ཙམ་གྱིས་ན། དེ་ན་དེ་ཉིད་ཀྱི་ཚེ་ན་སངས་རྒྱས་ཀྱི་ཞིང་སྟོང་ཕྲག་

62-1-209b

བཅུའི་ས་ཆུ་ཟླ་བཞིན་དུ་རབ་ཏུ་གཡོས་སོ། །ལྷ་དང་། དྲི་ཟ་དང་། ལྷ་མ་ཡིན་དང་། མིའི་འཁོར་ཐམས་ཅད་དང་ལྡན་པ་འདིས་ལེགས་སོ་ཞེས་བྱ་བ་བྱིན་ཏེ། འདི་སྐད་ཅེས་སྨྲས་སོ། །སྐྱེས་བུ་དམ་པ་ཆོས་ཆེན་པོ། སྙིང་རྗེ་ཆེན་
པོ་ཅན། བརྩོན་འགྲུས་བརྟེན་པ་དང་། བརྩོན་པ་དང་མཐུ་ཆེན་པོ་ཤིན་དུ་དཀའ་བའི་སྨོན་ལམ་བཏབ་པ་ལེགས་སོ་ལེགས་སོ། །བཙུན་པ་བཅོམ་ལྡན་འདས་ཁྱོད་དེ་ན་ཡོ་བྱད་ཐམས་ཅད་ཀྱིས་དེ་བཞིན་གཤེགས་པ་ཚངས་པའི་
དབང་པོ་ཉན་ཐོས་ཀྱི་འཁོར་དང་བཅས་པ་ལ་ཟླ་བ་གསུམ་དུ་བསྙེན་བཀུར་བྱས་པ་དེ་ལྟར་བདག་ཉི་མ་རེ་རེ་ཞིང་ཡང་བཅོམ་ལྡན་འདས་ལ་མེ་ཏོག་དང་། དྲི་དང་། ཕྲེང་བ་དང་། སྤོས་སྣ་ཚོགས་ཀྱིས་མཆོད་པས་མཆོད་པའི་
གནས་སུ་བྱས་པར་གྱུར་ཏོ། །བཙུན་པ་བཅོམ་ལྡན་འདས་ཇི་ལྟར་ཁྱོད་ཟླ་བ་གསུམ་པ་དེ་དག་ལས་ཤིན་དུ་འདས་ནས་རྒྱལ་པོའི་ལོངས་སྤྱོད་དང་། ཀུན་དུ་སྤྱོད་པ་ཐམས་ཅད་སྤངས་ཏེ། དེ་བཞིན་གཤེགས་པ་ཚངས་པའི་
དབང་པོ་དེའི་སྤྱན་སྔར་སྲོག་ཆགས་སྟོང་ཕྲག་བཅུ་དང་ཐབས་གཅིག་ཏུ་སྐྲ་དང་ཁ་སྤུ་བྲེགས་ཏེ་གོས་ངུར་སྨྲིག་གྱོན་ནས། ཡང་དག་པར་དད་པས་རབ་ཏུ་བྱུང་བ་དེ་བཞིན་དུ་བདག་ཀྱང་རབ་ཏུ་བྱུང་བ་ནས་བཅོམ་ལྡན་འདས་
དེ་བཞིན་གཤེགས་པ་ཡུལ་གཞན་དུ་རྒྱུ་ཞིང་གཤེགས་པའི་བར་དུ་དེ་ནས་བདག་ཀྱང་གྲོང་རྡལ་གཞན་དུ་བསོད་སྙོམས་ཀྱི་ཕྱིར་ཕྱིན་ཏེ། གྲོང་རྡལ་དེར་མཆོད་སྦྱིན་ཆེན་པོ་སོ་སོར་གནས་པར་གྱུར་ཏོ། །དེ་ལ་ཡང་སྲོག་
ཆགས་མང་པོ་གསད་པར་བྱ་བར་འདོད་པ་དེ་ལ་གལ་ཏེ་བདག་སེམས་ཅན་འདི་དག་གསོད་པ་ལས་ཡོངས་སུ་མ་ཐར་ན། བདག་ཉིད་ཀྱང་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་མངོན་པར་འཚང་རྒྱ་བར་མི་བྱ་
ཞིང་རྒ་ཤིའི་ཆུ་བོ་ལས་སེམས་ཅན་ཡོངས་སུ་སྨིན་པར་མི་ནུས་སོ་ཞེས་སྙིང་རྗེ་ཆེན་པོ་སྐྱེས་ཏེ། དེར་ཉེ་བར་ཕྱིན་ནས་དྲིས་པ། ཀྱེ་གང་གི་ཕྱིར་མཆོད་སྦྱིན་འདི་བྱ། དེ་དག་གིས་སྨྲས་པ། ཡུལ་འདིར་ཆར་མི་འབབ་པར་

62-1-210a

འགྱུར་ཞིང་། མུ་གེ་ཡང་འབྱུང་བ་དང་། འདིར་སེམས་ཅན་མང་པོ་ནད་ཀྱིས་གོས་པ་དང་། ལོང་བ་དང་། ཞར་བར་འགྱུར་བ་དང་། ནང་འཁྲུག་འབྱུང་བ་དང་། རྒྱལ་པོའི་ཞམ་རིང་བ་དང་། བློན་པོ་དང་། 
གྲོང་དང་། ལྗོངས་དང་། མིའི་མཆོག་གཅིག་ལ་གཅིག་འཁྲུག་པ་རྣམ་པ་དེ་ལྟ་བུའི་ལྟས་ངན་པ་དེ་དག་མེད་པར་བྱ་བ་དང་། ནད་རབ་ཏུ་ཞི་བར་བྱ་བ་དང་། ཀུན་འདུས་པར་བྱ་བའི་ཕྱིར་མཆོད་སྦྱིན་འདི་བྱའོ། །དེ་ནས་དེ་དག་
ལ་བདག་གིས་འདི་སྐད་ཅེས་སྨྲས་སོ། །བཞིན་བཟངས་སེམས་ཅན་འདི་དག་གསོད་པ་ལས་ཡོངས་སུ་ཐར་བར་ནུས་ཀྱིས་མཆོད་སྦྱིན་གྱི་ར་བ་འདིར་མ་གསོད་ཅིག །བདག་གིས་ཁྱོད་ལ་མུ་གེ་དང་། ཆར་མི་
འབབ་པ་དང་། ནད་དང་། ནང་གི་འཁྲུག་པ་ཐམས་ཅད་ཡོངས་སུ་ཞི་བར་བྱའོ། །དེ་དག་གིས་སྨྲས་པ། དགེ་སྦྱོང་མགོ་རེག་ནུས་སམ་ཞེས་པ་དང་། བདག་གིས་སེམས་ཅན་དེ་དག་ལ་མཆོད་སྦྱིན་གྱི་ར་བ་མི་སྣང་བར་བྱས་སོ། །
དེ་ལ་ཡང་བདག་གིས་སྨོན་ལམ་འདི་ལྟ་བུ་བཏབ་སྟེ། བཅོམ་ལྡན་འདས་མད་པར་གསུངས་པས་བདག་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་མངོན་པར་རྫོགས་པར་འཚང་རྒྱ་བར་ལུང་བསྟན་པ་དེ་ལྟ་བུའི་སྨོན་
ལམ་ཡོངས་སུ་རྫོགས་པར་གྱུར་ཅིག །གལ་ཏེ་མཆོད་སྦྱིན་འདིའི་ཕྱིར་སྨོན་ལམ་ཡོངས་སུ་དག་པས་བདག་བསད་དེ། བདག་གིས་ལུས་ཐམས་ཅད་ཀྱི་བ་སྤུའི་ཁུང་བུ་ཇི་ཙམ་པ་དེ་ཙམ་གྱི་ལྷ་དང་། ཀླུ་དང་། གནོད་སྦྱིན་ཡུལ་
ཡོངས་སུ་སྐྱོང་བ་ལ་ལུས་འདི་དབུལ་བར་བྱ་ཞིང་བདག་གི་ཁྲག་ཤིན་དུ་རྒྱ་ཆེ་བ་མདངས་ཅན་འབྱུང་བར་གྱུར་ནས་ཡུལ་ཡོངས་སུ་སྐྱོང་བ་དེ་དག་ཀྱང་ཁྲག་འདི་ལ་ཡོངས་སུ་འཐུང་བར་གྱུར་ཅིག །ཡོངས་སུ་འཐུངས་པས་
ཡུལ་སྐྱོང་བ་རེ་རེ་ལ་ཡང་ཡུལ་འདིར་དེ་ཙམ་གྱི་ལྟས་ངན་རབ་ཏུ་ཞི་བར་གྱུར་ཅིག །དེ་ཙམ་གྱིས་བདེ་བ་དང་། ལོ་ལེགས་པ་དང་། ནད་མེད་པས་ཐབ་མོ་བཅིང་བ་དང་། གནོད་པ་དང་། རྩོད་པ་ལ་འཇུག་པའི་

62-1-210b

གཉེན་པོར་ཕུན་སུམ་ཚོགས་པར་གྱུར་ཅིག །སེམས་ཅན་རེ་རེ་ཞིང་ཡང་འདིར་དེ་ཙམ་གྱི་བདེ་བ་དང་། ཡིད་བདེ་བ་སྐྱེས་པར་གྱུར་ཅིག །སེམས་ཅན་རྣམས་ཀྱི་ཡུལ་འདིར་དེ་ཙམ་གྱི་ལུས་ཀྱི་གནས་ངན་ལེན་
དང་། ཡུལ་གྱི་གནས་ངན་ལེན་མེད་པར་གྱུར་ཅིག །ཡུལ་ཇི་ཙམ་པ་འདིར་སེམས་ཅན་ཐམས་ཅད་དེ་ཙམ་གྱི་མཆོག་ཏུ་བདེ་བས་ཚིམ་པར་གྱུར་ཅིག །གང་གི་ཚེ་བདག་བླ་ན་མེད་པ་ཡང་དག་པར་རྫོགས་པའི་
བྱང་ཆུབ་ཏུ་མངོན་པར་རྫོགས་པར་འཚང་རྒྱ་བ་དེའི་ཚེ་སེམས་ཅན་འདི་ཐམས་ཅད་རྒ་ཤི་ལས་ཡོངས་སུ་ཐར་པར་བྱའོ། །སེམས་ཅན་ཐམས་ཅད་ཀྱི་སྤུའི་ཁུང་བུ་ཇི་ཙམ་པར་གྱུར་པ་དེ་ཙམ་གྱི་བསྐལ་པ་ཆེན་པོའི་
གླིང་བཞི་པ་རེ་རེ་ལ་མཆོད་སྦྱིན་གྱི་ར་བར་མཆོད་སྦྱིན་གྱི་ཕྱིར་བདག་བསད་ལ། གང་མི་དག་མཆོད་སྦྱིན་གྱི་ར་བའི་ཕྱིར་གསད་པར་འགྱུར་བ་དང་། གང་བྱོལ་སོང་གི་སྐྱེ་གནས་ཅན་ཐམས་ཅད་ཀྱི་ཕྱིར་བདག་མཆོད་སྦྱིན་
གྱི་ར་བ་དེ་དག་ཏུ་གསད་པར་བྱོས་ཤིག །དེ་ནས་ཡུལ་འདིར་བདག་གི་ལུས་མི་སྣང་བར་གྱུར་ཅིག །ཡུལ་དེ་ན་གསོད་པ་དང་། ནད་དང་། མུ་གེ་དང་། ཆར་མི་འབབ་པ་དང་། འཁྲུག་པ་གཉིས་དང་། ཤིན་དུ་གྲང་བ་དང་། ཤིན་དུ་
དྲོ་བ་དང་། དུག་དང་། བྱད་སྟེམ་དང་། དུས་མ་ཡིན་པའི་རླུང་དང་། དུས་མ་ཡིན་པའི་ཆར་དང་། དུས་མ་ཡིན་པའི་སྦྲང་མ་དང་། ཤ་སྦྲང་དང་། སྦྲུལ་གདུག་པ་དང་། ཕྱེ་མ་ལེབ་གསོད་པ་དང་། སྡོམ་པ་མེད་པའི་ལོངས་སྤྱོད་ཡོངས་སུ་
ཚོལ་བ་དང་། ཆོས་མ་ཡིན་པ་ལ་ཆགས་པ་དང་། སླུ་བ་དང་། ཕྲ་མ་དང་། ཞེ་གཅོད་པ་དང་། ཚིག་ཀྱལ་པ་དང་། ཆགས་སེམས་དང་། གནོད་སེམས་དང་། ལོག་པར་ལྟ་བ་ཞེས་བྱ་བ་འདི་དག་གི་དངོས་པོ་རབ་ཏུ་ཞི་བར་གྱུར་ཅིག །
དེ་ན་སེམས་ཅན་རྣམས་གཅིག་ལ་གཅིག་དགའ་བའི་སེམས་དང་། འཇམ་པའི་སེམས་དང་། ལས་སུ་རུང་བའི་སེམས་དང་། གཟུང་དུ་མེད་པའི་སེམས་དང་། ས་དང་མཚུངས་པ་བྲལ་བ་མེད་པའི་སེམས་

62-1-211a

དང་། སྦྱིན་པའི་སེམས་སུ་གྱུར་ཅིག །དེ་ན་སེམས་ཅན་རྣམས་འབྱུང་བའི་སེམས་དང་། ཚུལ་ཁྲིམས་ཀྱི་སེམས་དང་། ཞི་གནས་ཀྱི་སེམས་དང་། བརྩོན་འགྲུས་ཀྱི་སེམས་དང་། བཟོད་པའི་སེམས་
དང་། བསམ་གཏན་གྱི་སེམས་དང་། ཤེས་རབ་ཀྱི་བསྒོམ་པ་ཡོངས་སུ་ཚོལ་བའི་སེམས་སུ་གྱུར་ཅིག །གང་ལ་བདག་མཆོད་སྦྱིན་གྱི་ཕྱིར་གསད་པར་བྱ་བ་ནས་ཕྱོགས་བཅུའི་སངས་རྒྱས་ཀྱི་ཞིང་སྟོང་པ་དང་
རྙོག་པ་ལྔའི་སངས་རྒྱས་ཀྱི་ཞིང་ཆུ་བོ་གང་གཱའི་བྱེ་མ་སྙེད་དུ་རྩལ་ཆེན་པོ་བྱ་བའི་བར་དུ་བདག་གི་སྔོན་གྱི་ལྟས་དེ་དག་བྱུང་བར་གྱུར་ཅིག །ནམ་མཁའ་ལས་ཆར་འབབ་པར་གྱུར་ཅིག་ཅེས་བདག་གིས་ཚིག་དེ་བརྗོད་
མ་ཐག་ཏུ་དེ་ནས་དེ་ཉིད་ཀྱི་ཚེ་ན་བདག་གི་ལུས་ཐམས་ཅད་ཀྱི་བ་སྤུའི་ཁུང་བུ་ལས་འོ་མ་ཟག་ཅིང་ནམ་མཁའ་ལས་ཆར་ཀྱང་རབ་ཏུ་འབབ་བོ། །དེ་ན་ཡང་མཆོད་སྦྱིན་ཅན་དེས་མི་གསད་པར་བཅོམ་ལྡན་འདས་ལ་འདིར་
དཔང་དུ་གསོལ་ཏེ། ཡུལ་དེ་ན་ཐམས་ཅད་ཀྱང་དཔལ་ཕུན་སུམ་ཚོགས་པ་བདེ་བའི་ཡོ་བྱད་དང་འཐུན་པར་གྱུར་ཏོ། །ནད་དང་། ཐབ་མོ་དང་། མུ་གེ་དང་། ཆར་མི་འབབ་པ་མི་སྣང་བར་བྱས་ཏེ། གང་བདག་མིར་གྱུར་པས་
ཆུ་བོ་གང་གཱའི་བྱེ་མ་སྙེད་ཀྱི་མཆོད་སྦྱིན་གྱི་ར་བ་ལ་མཆོད་སྦྱིན་བྱས་པ་བཅོམ་ལྡན་འདས་དཔང་དུ་གསོལ་ལོ། །བལ་གླང་གི་གཟུགས་ཀྱིས་ཆུ་བོ་གང་གཱའི་བྱེ་མ་སྙེད་ཀྱི་མཆོད་སྦྱིན་བྱས་པ་ནས་རྟའི་གཟུགས་
དང་། གཡག་གི་གཟུགས་དང་། གླང་གི་གཟུགས་དང་། ཕག་གི་གཟུགས་དང་། སྤྱང་ཀིའི་གཟུགས་དང་། ཕྱུགས་ཀྱི་གཟུགས་དང་། བསེའི་གཟུགས་དང་། མ་ཧེའི་གཟུགས་དང་། ཝ་བའི་གཟུགས་
བསྡུས་པས་བདག་བྱོལ་སོང་གི་སྐྱེ་གནས་སྟོང་ཕྲག་བརྒྱད་བཅུ་རྩ་བཞི་ལ་སྐྱེ་གནས་རེ་རེ་ཐོབ་པས་ཆུ་བོ་གང་གཱའི་བྱེ་མ་སྙེད་ཀྱི་འཁོར་ལ་མཆོད་སྦྱིན་བྱས་སོ། །ཕྱོགས་བཅུ་ཀུན་ནས་ཉོན་མོངས་པ་དང་། རྙོག་

62-1-211b

པ་ལྔའི་སངས་རྒྱས་ཀྱི་ཞིང་ཆུ་བོ་གང་གཱའི་བྱེ་མ་སྙེད་དུ་རྣམ་པ་དེ་ལྟ་བུའི་བདེ་བའི་ཡོ་བྱད་ཐམས་ཅད་ཀྱིས་སེམས་ཅན་རྣམས་བདེ་བས་ཚིམ་པར་བྱས་པ་རྣམ་པ་དེ་ལྟ་བུའི་རྩལ་ཆེན་པོ་བྱས་སོ།         ། བམ་པོ་བཅུ་གཅིག་པ་སྟེ་ཐ་མ། 
ཡང་བཙུན་པ་བཅོམ་ལྡན་འདས་ངན་པའི་དུས་ཀྱི་ཚེ་ནད་པ་ལ་ལ་ཞིག་གི་དོན་དུ་རའི་གཙང་ཤ་འཚལ་བར་གྱུར་ལ། ཡུལ་དེ་ན་ར་མ་མཆིས་ན་དེ་ལ་བདག་གིས་སྨོན་ལམ་འདི་ལྟ་བུ་བཏབ་སྟེ། གལ་ཏེ་བདག་བླ་ན་མེད་པའི་ཤེས་རབ་
ཆེན་པོ་མ་ཐོབ་ཀྱི་བར་དུ་བདག་གི་སྨོན་ལམ་འདི་གྲུབ་པར་གྱུར་ཅིག །བདག་ཤིང་ཆེན་པོ་འདི་ལ་འཛེགས་ཏེ། བདག་མཆོངས་ནས་རྫུས་ཏེ་རར་སྐྱེས་ལ། ལྷས་མི་རྣམས་ལ་བསྒོ་བ་འདི་ནི་ནད་པ་རྣམས་ཀྱི་སྨན་དུ་གྱུར་པ་ཡིན་
གྱིས་སེམས་ཅན་དེ་དག་གིས་ཤ་ཟོ་ཤིག་དང་། དེ་དག་གི་ནད་དེ་ཞི་བར་འགྱུར་རོ། །སངས་རྒྱས་ཀྱི་ཞིང་གང་དུ་བདག་འཇིག་རྟེན་དུ་སངས་རྒྱས་སུ་གྱུར་པ་དེར་སེམས་ཅན་རྣམས་ཤ་ཟ་བར་མ་གྱུར་ཅིག །དེ་ན་ནད་ཀྱིས་རེག་པ་རྣམས་ལ་
སྨན་དུ་མ་གྱུར་པའི་དངོས་པོ་མེད་པར་གྱུར་ཅིག །ཡིད་དུ་མི་འོང་བའི་སྒྲ་མི་གྲག་པར་གྱུར་ཅིག །སངས་རྒྱས་ཀྱི་ཞིང་དེ་ན་སེམས་ཅན་རྣམས་ཀྱི་ལོངས་སྤྱོད་དང་ཀུན་དུ་སྤྱོད་པས་ཕོངས་པར་འགྱུར་བའི་སྒྲ་མི་གྲག་པར་གྱུར་ཅིག །
བདག་ད་ལྟར་རའི་གཟུགས་ཀྱིས་ནད་པ་རྣམས་བསྙེན་བཀུར་བྱེད་པ་དེ་བཞིན་དུ་ཇི་སྲིད་དུ་ཡུན་རིང་པོར་འཁོར་བ་ན་སེམས་ཅན་རྣམས་ནད་ཀྱིས་རེག་པར་གྱུར་པ་ལ་ཤ་དང་། ཁྲག་དང་། འོ་མ་དང་། མར་གྱིས་སེམས་ཅན་རྣམས་ཀྱི་
ནད་ཞི་བར་འགྱུར་བ་དེ་སྲིད་ཀྱི་ཡུན་རིང་པོར་སེམས་ཅན་རྣམས་ཀྱི་ནད་ཞི་བར་བགྱི་བའི་སླད་དུ་བྱོལ་སོང་གི་སྐྱེ་གནས་སུ་གྱུར་ཅིག །བདག་ཤིང་དེ་ལས་འཛེགས་ནས་བདག་མཆོངས་ཏེ། དེ་ནས་སྟོང་གསུམ་གྱི་སྟོང་ཆེན་
པོའི་འཇིག་རྟེན་གྱི་ཁམས་ཐམས་ཅད་རྣམ་པ་དྲུག་ཏུ་གཡོས་ལ། བརྒྱ་བྱིན་དང་། ཚངས་པ་དང་། ལྷ་བྱེ་བ་ཁྲག་ཁྲིག་བརྒྱ་སྟོང་གིས་ལྷ་རྫས་ཀྱི་མེ་ཏོག་དང་། སྤོས་དང་། ཕྲེང་བ་དང་། ཨ་ག་རུ་དང་། ཏ་ཀ་ར་དང་། དུས་དང་

62-1-212a

འཐུན་པའི་ཙན་དན་གྱི་ཕྱེ་མའི་ཆར་རབ་ཏུ་ཕབ་ནས་བདག་གི་མདུན་དུ་ཐལ་མོ་སྦྱར་ཏེ་འདུག་ལ་འདི་སྐད་ཅེས་སྨྲས་ཏེ། སྐྱེས་བུ་དམ་པ་སེམས་ཅན་ནོ་ཅོག་གིས་བདག་མ་གསད་ཅིག་དང་། བདག་ཅག་གིས་སངས་
རྒྱས་ཀྱི་ཞིང་ཐམས་ཅད་ན་སེམས་ཅན་ནད་པ་རྣམས་ནད་ཐམས་ཅད་ལས་ཡོངས་སུ་ཐར་བར་བྱའོ། །ཆར་མི་འབབ་ཅིང་མུ་གེ་འབྱུང་བ་ཐམས་ཅད་དང་། ན་བ་དང་། འཆི་བ་དང་། ཐབ་མོ་དང་། རྩོད་པ་ནས་མི་དགེ་བ་བཅུའི་ལས་ཀྱི་
ལམ་གྱི་བར་ལས་ཀྱང་ཐར་བར་བྱ་སྟེ། དགེ་བ་བཅུའི་ལས་ཀྱི་ལམ་ལ་སེམས་ཅན་རྣམས་སྦྱར་བར་བྱའོ། །བདག་ཤིང་དེ་ལས་མཆོངས་པ་ལྷ་རྣམས་ཀྱིས་བདག་ནམ་མཁའ་བར་སྣང་ལས་བཟུང་སྟེ། དེ་ན་བདག་གིས་
སེམས་ཅན་རྣམས་ལ་བསླབས་ནས་སེམས་ཅན་རྣམས་ཆོས་ལ་སྦྱོར་བར་བྱས་སོ། །དེ་ན་བདག་གིས་སེམས་ཅན་ཁྲག་ཁྲིག་བརྒྱ་སྟོང་ཕྲག་མང་པོ་ལྔ་མངོན་པར་ཤེས་པ་དང་ལྡན་པར་བྱས་སོ། །བདག་གི་ཚིག་གིས་ལྷ་རྣམས་
ཀྱིས་སངས་རྒྱས་ཀྱི་ཞིང་དེ་དག་ཐམས་ཅད་དུ་སེམས་ཅན་རྣམས་དགེ་བ་བཅུའི་ལས་ཀྱི་ལམ་གྱི་བར་ལ་བཙུད་ཅིང་སོ་སོར་བཀོད་དོ། །བཙུན་པ་བཅོམ་ལྡན་འདས་བདག་གི་སྨོན་ལམ་ནི་དེ་ལྟ་བུ་ལགས་སོ། །དེ་ནས་བཅོམ་ལྡན་
འདས་ཀྱིས་བྱང་ཆུབ་སེམས་དཔའ་ནམ་མཁའི་དབྱངས་ལ་ལེགས་སོ་ཞེས་བྱ་བ་བྱིན་ནས་རིགས་ཀྱི་བུ་ཁྱོད་ཀྱི་སྨོན་ལམ་དེ་ལྟ་བུར་གྱུར་ཏེ། སྤྱད་པར་དཀའ་བ་སྤྱོད་པའི་སེང་གེའི་སྒྲ་དེ་ལྟ་བུ་བསྒྲགས་པ་ནི་ལེགས་སོ་
ལེགས་སོ། །རིགས་ཀྱི་བུ་ཁྱོད་ཇི་ལྟར་སྔོན་ལན་འགའི་ཞེས་བྱ་བ་ཉི་མ་ལ་དགའ་བར་གྱུར་པ་དེ་ངས་བསྐུལ་ནས་ཐོག་མར་བྱང་ཆུབ་ཏུ་སེམས་བསྐྱེད་པར་མ་གྱུར་ཏམ། གསོལ་པ། བཙུན་པ་བཅོམ་ལྡན་འདས་བདག་
སྔོན་ལན་འགའ་ཡང་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་སེམས་བསྐྱེད་པར་གྱུར་པ་མ་མཆིས་སོ། །བཙུན་པ་བཅོམ་ལྡན་འདས་བདག་ཐོག་མ་བྱང་ཆུབ་སེམས་དཔར་གྱུར་པ་ནི་འདི་ལགས་ཏེ། བཙུན་པ་བཅོམ་

62-1-212b

ལྡན་འདས་བདག་དེ་བཞིན་གཤེགས་པ་ཚངས་པའི་དབང་པོའི་ཐད་དུ་མཆིས་ཏེ། དེའི་ཚེ་ད་ལྟར་ཇི་སྐད་དུ་བརྗོད་པའི་སྨོན་ལམ་དེ་ལྟ་བུ་བཏབ་བོ། །བཅོམ་ལྡན་འདས་ཀྱིས་བཀའ་སྩལ་པ། རིགས་ཀྱི་བུ་ཁྱོད་གལ་ཏེ་སྔོན་བྱང་ཆུབ་
ཏུ་སེམས་བསྐྱེད་པར་མ་གྱུར་ན་སྨོན་ལམ་དེ་ལྟ་བུ་སུས་བསླབས། གསོལ་པ། དེ་ན་བདག་དབེན་པ་ཞིག་ཏུ་མཆིས་ཏེ། དོག་ས་ལ་མཆིས་ནས་སྨོན་ལམ་ཞིག་གདབ་པར་སེམས་པ་དེ་ན་བདག་གི་རྨི་ལམ་དུ་དེ་བཞིན་གཤེགས་པ་ཚངས་
པའི་དབང་པོས་སྨོན་ལམ་དེ་དག་བསྒོ་བ་དང་། དེས་དེ་བཞིན་གཤེགས་པ་དེའི་སྤྱན་སྔར་སྨོན་ལམ་བཏབ་བོ། །དེ་ན་བདག་སེམས་ཅན་རྣམས་ལ་སྙིང་རྗེ་སྐྱེས་ཏེ་འཁོར་བའི་སྐྱོན་རྟོགས་སོ། །དེ་ཕྱིས་རྗེས་སུ་དཔག་པ་དེས་མཆོད་
སྦྱིན་སྨྲ་བ་བདག་གིས་ཡོངས་སུ་བཏང་བ་བགྱིས་ཏེ། སྨོན་ལམ་དེ་ལྟ་བུ་བཏབ་བོ། །བཅོམ་ལྡན་འདས་ཀྱིས་བཀའ་སྩལ་པ། ཅི་ཁྱོད་ལྟ་བར་སོང་བ་དེ་དག་ཏུ་ཞུགས་སམ། གསོལ་པ། མ་ལགས་སོ། སུ་ཞིག་གི་མཐུས། 
གསོལ་པ། བཙུན་པ་བཅོམ་ལྡན་འདས་སྨོན་ལམ་གྱི་ཁྱད་པར་གྱིས་སོ། །བཅོམ་ལྡན་འདས་ཀྱིས་བཀའ་སྩལ་པ། རིགས་ཀྱི་བུ་དེ་དེ་བཞིན་ཏེ། སྨོན་ལམ་གྱི་ཁྱད་པར་གྱིས་སེམས་ཅན་རྣམས་ལྟ་བར་སོང་བ་ཐམས་ཅད་
ལས་ཡོངས་སུ་དགྲོལ་གྱི། གཞན་གང་གི་མཐུས་ཀྱང་སེམས་ཅན་རྣམས་ལྟ་བར་སོང་བ་ཐམས་ཅད་ལས་ཡོངས་སུ་གྲོལ་བར་མི་འགྱུར་རོ། །རིགས་ཀྱི་བུ་བྱང་ཆུབ་ཀྱི་ཕྱིར་ལུང་བསྟན་པ་འདི་སུ་ཞིག་གི་དུས་གསུམ་གྱི་
གཟུགས་ཀྱི་ཕུང་པོ་ནས་རྣམ་པར་ཤེས་པའི་ཕུང་པོའི་བར་དུ་ཡིན་ནམ། འོན་ཏེ་དུས་གསུམ་གྱི་བདེ་བ་དང་། སྡུག་བསྔལ་དང་། བདེ་བ་ཡང་མེད་སྡུག་བསྔལ་ཡང་མེད་པ་ཚོར་བའི་སྐྱེ་མཆེད་དྲུག་པོ་འདི་དག་གི་ཡིན་ནམ། འོན་ཏེ་
ཚོར་བ་མེད་པ་ཡིན་ནམ། བྱང་ཆུབ་ཀྱི་ཕྱིར་ལུང་བསྟན་པ་ཞེས་བྱ་བ་འདི་སུ་ཞིག་གི་ཡིན། གསོལ་པ། བཙུན་པ་བཅོམ་ལྡན་འདས་འདི་ལྟ་སྟེ། བདག་ལུང་བསྟན་པར་གསོལ་བ་འམ་བདག་ལུང་སྟོན་པ་འམ། བདག་བླ་ན་མེད་པ་

62-1-213a

ཡང་དག་པར་རྫོགས་པའི་བྱང་ཆུབ་ཏུ་ལུང་བསྟན་པ་དེ་མ་མཆིས་སོ། །དེ་ཅིའི་སླད་དུ་ཞེ་ན། ཇི་ལྟར་ནམ་མཁའ་འདི་རྫས་མ་མཆིས། དངོས་པོ་མ་མཆིས། རང་བཞིན་མ་མཆིས། ཅུང་ཟད་ཀྱང་མ་མཆིས། 
ཡི་གེ་མ་མཆིས། ཐོབ་པ་མ་མཆིས། བརྗོད་དུ་མ་མཆིས་པ་དེ་བཞིན་དུ་ཆོས་འདི་དག་ཀྱང་རྫས་མ་མཆིས་ཤིང་དངོས་པོ་མ་མཆིས་པ་ནས། བརྗོད་དུ་མ་མཆིས་ཤིང་མ་སྐྱེས་པའི་བར་དུའོ། །བཙུན་པ་བཅོམ་ལྡན་འདས་དུས་གསུམ་གྱི་གཟུགས་
འབྱུང་བ་མ་མཆིས་ཏེ་ལྟ་བའི་མཚན་ཉིད་དང་ཉེ་བར་བྲལ་བ་ནས་རྣམ་པར་ཤེས་པའི་བར་དུ་ཡང་མ་སྐྱེས་པའོ། །བཙུན་པ་བཅོམ་ལྡན་འདས་དུས་གསུམ་གྱི་མིག་འབྱུང་བ་མ་མཆིས་ཤིང་ལྟ་བའི་མཚན་ཉིད་དང་
ཉེ་བར་བྲལ་བ་ནས་དུས་གསུམ་གྱི་ནང་གི་ཡིད་ཀྱི་བར་དང་། བདེ་བ་དང་། སྡུག་བསྔལ་བ་དང་། བདེ་བ་ཡང་མ་མཆིས་སྡུག་བསྔལ་བ་ཡང་མ་མཆིས་པའི་ཚོར་བ་ཡང་མ་སྐྱེས་པ་ནས་ལྟ་བའི་མཚན་ཉིད་དང་བྲལ་
བའི་བར་དུའོ། །བཙུན་པ་བཅོམ་ལྡན་འདས་བདག་གིས་ནི་དུས་གསུམ་གྱི་གཟུགས་ཀྱི་ཡང་དག་པའི་མཐའ་དང་། ཆོས་ཉིད་ལ་སྐྱེ་བ་འམ། གནས་པ་འམ། འཇིག་པ་མི་དམིགས་སོ། །ཆོས་ཀྱི་དབྱིངས་
ལ་མང་གནས་པར་མི་དམིགས་ཏེ། མིང་དང་གཟུགས་ཀྱང་ཡང་དག་པར་རྗེས་སུ་མི་མཐོང་ངོ་། །བརྡར་བཏགས་པ་ཙམ་དུ་ཡང་གཟུགས་ཀྱི་མཚན་ཉིད་ཡང་དག་པར་རྗེས་སུ་མི་མཐོང་སྟེ། དེ་བཞིན་དུ་ཚོར་བ་
དང་། འདུ་ཤེས་དང་། འདུ་བྱེད་རྣམས་དང་། བཙུན་པ་བཅོམ་ལྡན་འདས་བདག་གིས་ནི་དུས་གསུམ་གྱི་རྣམ་པར་ཤེས་པའི་ཡང་དག་པའི་མཐའི་བར་ལ་ཡང་བརྡར་བཏགས་པ་ཙམ་དུ་ཡང་རྣམ་པར་ཤེས་པའི་མཚན་ཉིད་
ཡང་དག་པར་རྗེས་སུ་མི་མཐོང་སྟེ། བཅོམ་ལྡན་འདས་བདག་གིས་ནི་དུས་གསུམ་གྱི་མིག་གི་ཡང་དག་པའི་མཐའ་ནས་བརྡ་ཙམ་དུ་བཏགས་པའི་མིག་གི་མཚན་ཉིད་ནས་དུས་གསུམ་གྱི་ནང་གི་ཡིད་ཀྱི་འདུས་ཏེ་རེག་པ་བདེ་

62-1-213b

བ་དང་། སྡུག་བསྔལ་དང་། བདེ་བ་ཡང་མ་མཆིས། སྡུག་བསྔལ་ཡང་མ་མཆིས་པའི་བར་དུ་ཡང་ཡང་དག་པར་རྗེས་སུ་མི་མཐོང་ངོ་། །བཙུན་པ་བཅོམ་ལྡན་འདས་བདག་གིས་ནི་ཡང་དག་པའི་མཐའ་དང་། ཆོས་ཉིད་དང་། ཆོས་
སྐྱོན་མེད་པ་ཉིད་ཀྱི་སྐྱེ་བ་དང་། གནས་པ་དང་། འགོག་པ་མི་དམིགས་སོ། །ཡིད་དང་ཆོས་ཀྱི་ཁམས་ཀྱང་མི་དམིགས་སོ། །བདག་གིས་ནི་ཡིད་རྣམ་པར་གནས་པའི་མཚན་ཉིད་ཀྱང་ཡང་དག་པར་རྗེས་སུ་མི་མཐོང་ངོ་། །དེ་ཅིའི་ཕྱིར་
ཞེ་ན། ཆོས་ཐམས་ཅད་ནི་བྲག་ཆ་ལྟ་བུ་སྟེ། ནམ་མཁའ་ལ་བརྟག་པའི་མཚན་ཉིད་ལྟ་བུ་འོང་བ་མེད་ཅིང་འགྲོ་བ་མེད་པ་གང་ལ་གང་གིས་ཀྱང་མ་བཟུང་བའོ། །ཆོས་ཐམས་ཅད་ནི་མིག་ཡོར་ལྟ་བུ། སྨིག་རྒྱུ་ལྟ་བུ། 
རྨྱི་ལམ་ལྟ་བུ། ཆུ་ཟླ་ལྟ་བུ་སྟེ། ནམ་མཁའ་ལ་བརྟག་པའི་མཚན་ཉིད་ལྟ་བུ་འོང་བ་མེད་ཅིང་འགྲོ་བ་མེད་པ་གང་ལ་གང་གིས་ཀྱང་མ་བཟུང་བའོ། །བཙུན་པ་བཅོམ་ལྡན་འདས་བྱང་ཆུབ་སེམས་དཔའ་སེམས་དཔའ་ཆེན་
པོའི་ཏིང་ངེ་འཛིན་སྤངས་པའི་མཚན་ཉིད་བཟུང་བ་མ་མཆིས་པ་ཞེས་བགྱི་བ་ཞིག་མཆིས་ཏེ། ཉན་ཐོས་དང་། རང་སངས་རྒྱས་ཐམས་ཅད་དང་ཐུན་མོང་བ་མ་ལགས་སོ། །དེ་ལ་གཟུགས་ཀྱི་མཚན་ཉིད་དང་བྲལ་
ཞིང་ཡོངས་སུ་གཟུང་དུ་མ་མཆིས་པའི་ཏིང་ངེ་འཛིན་གང་ཞེ་ན། འདི་ལྟ་སྟེ། ནང་སྟོང་པ་ཉིད་དང་། ཕྱི་སྟོང་པ་ཉིད་དང་། ཕྱི་ནང་སྟོང་པ་ཉིད་དང་། སྟོང་པ་ཉིད་སྟོང་པ་ཉིད་དང་། ཆེན་པོ་སྟོང་པ་ཉིད་དང་། དོན་དམ་པ་སྟོང་
པ་ཉིད་དང་། འདུས་བྱས་སྟོང་པ་ཉིད་དང་། འདུས་མ་བྱས་སྟོང་པ་ཉིད་དང་། རབ་ཏུ་སྟོང་པ་ཉིད་དང་། ཐོག་མ་དང་ཐ་མ་མེད་པ་སྟོང་པ་ཉིད་དང་། མི་འགྱུར་བ་སྟོང་པ་ཉིད་དང་། རང་བཞིན་སྟོང་པ་ཉིད་དང་། རང་གི་མཚན་ཉིད་
སྟོང་པ་ཉིད་དང་། ཆོས་ཐམས་ཅད་སྟོང་པ་ཉིད་དང་། མི་དམིགས་པ་སྟོང་པ་ཉིད་དང་། དངོས་པོ་མེད་པ་སྟོང་པ་ཉིད་དང་། ངོ་བོ་ཉིད་སྟོང་པ་ཉིད་དང་། དངོས་པོ་མེད་པའི་ངོ་བོ་ཉིད་སྟོང་པ་ཉིད་དག་བཟུང་བ་དེ་ནི་མཚན་ཉིད་

62-1-214a

དང་བྲལ་བ་ཡོངས་སུ་བཟུང་བ་མ་མཆིས་པ་ཞེས་བགྱི་བའི་ཏིང་ངེ་འཛིན་ཏེ། ཉན་ཐོས་དང་། རང་སངས་རྒྱས་ཐམས་ཅད་དང་ཐུན་མོང་བ་མ་ལགས་སོ། །བཙུན་པ་བཅོམ་ལྡན་འདས་དེ་ནི་རྣམ་
གྲངས་འདིས་ཀྱང་དེ་སྐད་བརྗོད་པར་བགྱི་སྟེ། འདི་ལྟ་སྟེ། དེ་ནི་མ་མཆིས་པའི་ཚིག་བླ་དགས་སོ། །འདི་ལྟ་སྟེ། བདག་ལ་ནི་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་ལུང་བསྟན་ཏོ། །ལུང་སྟོན་པར་འགྱུར་
རོ། །ལུང་བསྟན་ཏོ་སྙམ་དུ་མི་སེམས་སོ། །དེ་ཅིའི་ཕྱིར་ཞེ་ན། བདག་ནི་ལུང་བསྟན་པ་ཡང་དག་པར་རྗེས་སུ་མི་མཐོང་། བརྗོད་པ་དང་ལུང་བསྟན་པ་དང་འཁོར་བ་ཡང་ཡང་དག་པར་རྗེས་སུ་མི་མཐོང་། མྱ་ངན་
ལས་འདའ་བ་དང་། ལམ་དང་། ལམ་མ་ལགས་པ་དང་། རྣལ་འབྱོར་དང་། རྣལ་འབྱོར་མ་ལགས་པ་དང་། ལམ་དང་། ལམ་མ་ལགས་པ་ཡང་ཡང་དག་པར་རྗེས་སུ་མི་མཐོང་ངོ་། །འདི་ལྟ་སྟེ། དཔེར་ན་དེ་བཞིན་ཉིད་
ཀྱི་ལམ་མ་མཆིས་ཤིང་ཕྱིན་ཅི་མ་ལོག་པ་དེ་བཞིན་ཉིད་དང་། ཆོས་ཀྱི་དབྱིངས་དང་། ཆོས་ཉིད་དང་། ཆོས་སྐྱོན་མེད་པ་ཉིད་ཀྱི་ལམ་ཡང་དག་པར་རྗེས་སུ་མི་མཐོང་བ་དེ་བཞིན་དུ་གཟུགས་སུ་ཡང་དག་པར་རྗེས་སུ་མི་
མཐོང་བ་ནས། རྣམ་པར་ཤེས་པའི་བར་དུ་ཡང་དག་པར་རྗེས་སུ་མི་མཐོང་ངོ་། །མིག་ཡང་དག་པར་རྗེས་སུ་མི་མཐོང་བ་ནས། ཡིད་ཀྱི་རྣམ་པར་ཤེས་པའི་བར་གྱི་ལམ་ཡང་ཡང་དག་པར་རྗེས་སུ་མི་
མཐོང་ངོ་། །ལུང་བསྟན་པ་བརྗོད་པ་འདིའི་སྐབས་དང་གོ་སྐབས་ཀྱང་ཡང་དག་པར་རྗེས་སུ་མི་མཐོང་ངོ་། །གང་གཟུགས་ཀྱི་ལུང་བསྟན་པ་ནས། རྣམ་པར་ཤེས་པའི་བར་དང་། མིག་ནས་ཡིད་ཀྱི་བར་གྱི་ལུང་བསྟན་
པ་དང་། གང་བྱང་ཆུབ་ཏུ་ལུང་བསྟན་པ་ཡང་དག་པར་རྗེས་སུ་མི་མཐོང་ངོ་། །བཅོམ་ལྡན་འདས་ཀྱིས་བྱང་ཆུབ་སེམས་དཔའ་ཤིན་དུ་བསྟན་པ་འདི་བཤད་པ་ན། ཀུན་དུ་རྒྱུ་ཤིན་དུ་རྣམ་པར་ཕྱེ་བའི་སས་ཀྱང་དེ་ཡང་

62-1-214b

ཡང་དག་པར་རྗེས་སུ་མ་མཐོང་ནས། ཡང་དག་པར་སྤྱོད་པའི་ཚུལ་ནམ་མཁའི་མདོག་གིས་འདུལ་བའི་བཟོད་པ་རབ་ཏུ་ཐོབ་པར་གྱུར་ཏོ། །སེམས་ཅན་གཞན་མུ་སྟེགས་ཅན་ང་རྒྱལ་བཅོམ་པ་སྟོང་ཕྲག་བཅུ་གསུམ་
པོ་དེ་དག་ནི་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་སེམས་བསྐྱེད་ནས་ཕྱིར་མི་ལྡོག་པའི་ས་རབ་ཏུ་ཐོབ་པར་གྱུར་ཏོ། །ཡང་དག་པར་སྤྱོད་པའི་ཚུལ་ནམ་མཁའི་མདོག་གིས་འདུལ་བའི་བཟོད་པ་ཞེས་བྱ་
བ་ཐེག་པ་ཆེན་པོའི་མདོ་ལེའུ་བཅུ་གཅིག་པའོ།།               །། དེ་ནས་བཅོམ་ལྡན་འདས་སྒྲ་ཐམས་ཅད་ལ་འཇུག་པ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་སོ། །ཏིང་ངེ་འཛིན་དེས་སེམས་ཅན་གྱི་སྐྱེ་གནས་
སྟོང་ཕྲག་བརྒྱད་བཅུ་རྩ་བཞི་པོ་དེ་དག་གི་སྒྲ་བརྗོད་པའི་ཚིག་སྟོང་ཕྲག་བརྒྱད་བཅུ་རྩ་བཞི་པོ་ཏིང་ངེ་འཛིན་དེས་སྐྱེ་གནས་དང་སྒྲ་དབྱངས་ཀྱི་ཚིག་བརྗོད་པ་ཐམས་ཅད་ཚིམ་པར་བྱེད་དོ། །དེ་ལ་བཅོམ་ལྡན་འདས་ཀྱིས་
ཡི་གེ་དང་སྨྲས་པ་ཉོན་ཅིག །གྲོགས་པོ་དག་ཉོན་ཅིག །གྲོགས་པོ་དག་ལྷ་དང་མིར་སྐྱེ་བ་ཐོབ་པར་འགྱུར་བ་དང་། ལམ་གང་གིས་ཉན་ཐོས་ཀྱི་ཐེག་པ་རྙེད་དེ་སྡུག་བསྔལ་ཐམས་ཅད་ཟད་པར་འགྱུར་བ་དང་། རང་སངས་
རྒྱས་ཀྱི་ཐེག་པ་རྙེད་པ་དང་། བླ་ན་མེད་པ་ཡང་དག་པར་རྫོགས་པའི་བྱང་ཆུབ་རྙེད་པར་འགྱུར་བ་བདེ་བ་དང་ཞི་བའི་ལམ་སྟོན་ཅིག །བཅོམ་ལྡན་འདས་ཀྱིས་སྒྲ་དབྱངས་བརྗོད་པ་དེ་ཕྱོགས་བཅུ་ཀུན་དུ་སྐད་དང་ཚིག་གཅིག་བརྗོད་
པས་ཡི་གེ་དང་སྒྲ་དབྱངས་བརྗོད་པ་སྟོང་ཕྲག་བརྒྱད་བཅུ་རྩ་བཞི་བརྗོད་པའི་གྲངས་སུ་འགྲོའོ། །ཡི་གེ་དང་སྒྲ་དབྱངས་བརྗོད་པ་དེས་སེམས་ཅན་ཐམས་ཅད་རང་རང་གི་ཚིག་ཁོང་དུ་ཆུད་པར་འགྱུར་རོ། །ཕྱོགས་བཅུ་ཐམས་ཅད་ཀྱི་སངས་
རྒྱས་ཀྱི་ཞིང་སྟོང་པ་རྙོག་པ་ལྔ་དང་ལྡན་པ་ཆུ་བོ་གང་གཱའི་བྱེ་མ་སྙེད་སྒྲ་དབྱངས་ཀྱིས་རྒྱས་པར་བྱེད་དོ། །ཆུ་བོ་གང་གཱའི་བྱེ་མ་སྙེད་ཀྱི་སངས་རྒྱས་ཀྱི་ཞིང་སྟོང་པ་རྙོག་པ་ལྔ་དང་ལྡན་པ་དེའི་སེམས་ཅན་ངན་པར་སོང་བ་རྣམས་ཀྱིས་རྣ་ལམ་

62-1-215a

དུ་ཡང་གྲག་གོ། །དེ་ནས་སེམས་ཅན་དེ་དག་རང་རང་གི་ཚིག་ཀུན་དུ་ཤེས་ནས་འདི་སྙམ་དུ་སེམས་ཏེ། འདི་ལྟར་ཡིད་དུ་འོང་བ་འདི་ལྟར་སྙན་པ། འདི་ལྟར་དགའ་བར་འགྱུར་བ་འདི་སུའི་ཚིག་བདག་ཅག་ལ་ཞི་བ་དང་
བདེ་བའི་ལམ་སྟོན་པའི་སེམས་ཅན་གྱི་སྙིང་པོ་འདི་སུ་ཞིག །ལམ་གང་བསྟན་པས་ན་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཀྱི་བར་དུ་འཐོབ། ཉན་ཐོས་ཀྱིས་ནི་ཅི་འདྲ་བ་ཞིག །རང་སངས་རྒྱས་ཀྱི་ས་འང་ཅི་འདྲ་བ་
ཞིག །བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཀྱི་སའང་ཅི་འདྲ་བ་ཞིག །ལམ་གང་ཐོབ་ན་བདག་ཅག་ལུས་གྱི་བདེ་བའི་ཚོར་བ་ཐམས་ཅད་བྱང་ཞིང་སྡུག་བསྔལ་ཐམས་ཅད་བྱང་སྟེ། ལུས་ཀྱི་གཡེང་བ་ཐམས་
ཅད་སྲབ་པར་གྱུར། དེ་བས་ན་བདག་ཅག་གིས་སྟི་སྟང་དུ་བྱས་ཏེ་མཉན་པར་བྱ་སྙམ་མོ། །བཅོམ་ལྡན་འདས་ཀྱིས་ཡང་བཀའ་སྩལ་པ། གྲོགས་པོ་དག་བཅུ་པོ་འདི་དག་ནི་དགེ་བའི་ལས་ཀྱི་ལམ་སྟེ། དེས་ལྷ་དང་མིར་སྐྱེ་བ་རབ་ཏུ་
འཐོབ། སྡུག་བསྔལ་ཐམས་ཅད་ཟད་པར་འགྱུར་བ་ཉན་ཐོས་གྱི་ཐེག་པ་ཡང་འཐོབ། སྡུག་བསྔལ་ཐམས་ཅད་ཟད་པར་འགྱུར་བ་འཐོབ་བོ། །དགེ་བའི་ལས་ཀྱི་ལམ་དེས་སེམས་ཅན་ཐམས་ཅད་ཀྱི་མཆོག་དམ་པ་
ཁྱད་པར་ཅན་ཕུལ། བྱམས་པ་ཆེན་པོ། སྙིང་རྗེ་ཆེན་པོ་ཐམས་ཅད་མཁྱེན་པའི་ཡེ་ཤེས་ཆེན་པོ་འཐོབ་པར་འགྱུར་རོ། །སེམས་ཅན་ཐམས་ཅད་ལ་སྙིང་བརྩེ་ཞིང་ཕན་པར་བྱེད་པར་འགྱུར་རོ། །དེ་ལ་དགེ་བའི་ལས་
ཀྱི་ལམ་བཅུ་པོ་གང་ཞེ་ན། དགེ་བའི་ལས་ཀྱི་ལམ་གང་དང་ལྡན་ན་སེམས་ཅན་རྣམས་མྱུར་དུ་ལྷ་དང་མིར་སྐྱེ་བ་འཐོབ་པ་ནས། བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཀྱི་བར་དུ་འཐོབ་པར་འགྱུར་བ་སྟེ། དེ་ལ་
གྲོགས་པོ་དག་ལྷ་དང་མི་རྙེད་ནས་དགེ་བའི་ལས་ཀྱི་ལམ་ལ་བརྩོན་པར་བྱའོ། །སྦྱིན་པ་སྦྱིན་ནོ། །ཚུལ་ཁྲིམས་སྲུང་ངོ་། །འདུ་ཤེས་བཅུ་བསྒོམ་པར་བྱའོ། །བཅུ་གང་ཞེ་ན། འདི་ལྟ་སྟེ་རྣམ་པར་བམ་པར་འདུ་ཤེས་བསྒོམ་པར་

62-1-215b

བྱའོ། །གང་གིས་རྒྱུན་དུ་ཞུགས་པའི་འབྲས་བུ་ནས། དགྲ་བཅོམ་པའི་འབྲས་བུའི་བར་དུ་ཐོབ་ཅིང་སྡུག་བསྔལ་ཐམས་ཅད་ཟད་པར་འགྱུར་བ་དང་། རྣམ་པར་རྣགས་པར་འདུ་ཤེས་པ་དང་། རྣམ་པར་སྔོས་པར་འདུ་ཤེས་པ་
དང་རྣམ་པར་དམར་བར་འདུ་ཤེས་པ་དང་། འབུས་གང་བར་འདུ་ཤེས་པ་དང་། རྣམ་པར་ཟོས་པར་འདུ་ཤེས་པ་དང་། རྣམ་པར་འཐོར་བར་འདུ་ཤེས་པ་དང་། ཀེང་རུས་སུ་འདུ་ཤེས་པ་དང་། རྣམ་པར་ཚིག་པར་འདུ་ཤེས་པ་དང་། འཆི་བར་
འདུ་ཤེས་པ་བསྒོམ་པར་བྱའོ། །གང་གིས་རྒྱུན་དུ་ཞུགས་པའི་འབྲས་བུ་ནས། དགྲ་བཅོམ་པའི་འབྲས་བུའི་བར་དུ་ཐོབ་ཅིང་སྡུག་བསྔལ་ཐམས་ཅད་ཟད་པ་ཐོབ་སྟེ། མིར་གྱུར་པ་ཐོབ་ནས་ཀྱང་ཡང་གང་གིས་རང་སངས་རྒྱས་
ཀྱི་ས་རྗེས་སུ་འཐོབ་པར་འགྱུར་བའི་འདུ་ཤེས་བཅུ་གཉིས་བསྒོམ་པར་བྱ་སྟེ། བཅུ་གཉིས་གང་ཞེ་ན། བསམ་གཏན་བཞི་དང་། ཚད་མེད་པ་བཞི་དང་། གཟུགས་མེད་པའི་སྙོམས་པར་འཇུག་པ་བཞི་དང་། སངས་རྒྱས་རྗེས་སུ་
དྲན་པ་དང་། ཆོས་རྗེས་སུ་དྲན་པ་དང་། དགེ་འདུན་རྗེས་སུ་དྲན་པ་དང་། ཚུལ་ཁྲིམས་རྗེས་སུ་དྲན་པ་དང་། གཏོང་བ་རྗེས་སུ་དྲན་པ་དང་། སྐྱོ་བ་རྗེས་སུ་དྲན་པ་དང་། ཞི་གནས་རྗེས་སུ་དྲན་པ་དང་། དབུགས་རྒྱུ་བ་རྗེས་སུ་དྲན་པ་དང་། 
ལྷག་མཐོང་རྗེས་སུ་དྲན་པའི་འདུ་ཤེས་འདི་བསྒོམ་པར་བྱའོ། །གང་གིས་རང་སངས་རྒྱས་ཀྱི་ས་རྗེས་སུ་ཐོབ་ཅིང་མིར་གྱུར་པ་ཐོབ་ནས་ཀྱང་སྦྱིན་པ་དང་། དུལ་བ་དང་། སྡོམ་པས་སེམས་ཅན་ཐམས་ཅད་ལ་བདུད་རྩིའི་རོར་འགྲོན་
བྱ་བར་བྱའོ། །ཕ་རོལ་དུ་ཕྱིན་པ་དྲུག་ཡོངས་སུ་རྫོགས་པར་བྱའོ། །དྲུག་གང་ཞེ་ན། སྦྱིན་པའི་ཕ་རོལ་དུ་ཕྱིན་པ་ཡོངས་སུ་རྫོགས་པ་ནས། ཤེས་རབ་ཀྱི་ཕ་རོལ་དུ་ཕྱིན་པའི་བར་དུ་ཡོངས་སུ་རྫོགས་ལ། བླ་ན་མེད་པ་ཡང་
དག་པར་རྫོགས་པའི་བྱང་ཆུབ་ཏུ་མངོན་པར་སངས་རྒྱས་ནས་རྣམ་པ་དེ་ལྟ་བུའི་སྒྲ་སྐད་དང་། དབྱངས་བརྗོད་པས་སེམས་ཅན་ཐམས་ཅད་ལ་དགེ་བའི་གཉེན་དུ་འདི་ལྟ་སྟེ། ད་ལྟར་གྱི་བཞིན་དུ་བདེ་བ་སྦྱིན་པར་འགྱུར་རོ། །

62-1-215c

སེམས་ཅན་དེ་དག་འདི་སྙམ་དུ་སེམས་ཏེ། བདག་ཅག་རྣམས་ནི་གོར་མ་ཆག་པར་སྙིང་རྗེ་ཆེན་པོ་དང་ལྡན་པའི་དགེ་བའི་སྤོབས་པ་མཐོང་ངོ་སྙམ་མོ། །དེ་ནས་བཅོམ་ལྡན་འདས་ཀྱིས་སེམས་ཅན་དེ་དག་གི་སེམས་
ཀྱི་རྣམ་པར་རྟོག་པ་ཐུགས་ཀྱིས་མཁྱེན་ནས་དེའི་ཚེ་དཔའ་བར་འགྲོ་བ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས། ཏིང་ངེ་འཛིན་དེས་ཕྱོགས་བཅུའི་ཆུ་ཀླུང་གང་གཱའི་བྱེ་མ་དང་མཉམ་པ་སྟོང་པར་གྱུར་པའི་རྙོག་པ་
ལྔའི་སེམས་ཅན་གྱི་ཁམས་ཇི་སྙེད་པ་དེ་སྙེད་དུ་སྤྲུལ་པའི་ཕྱིར་སེམས་ཅན་ཚངས་པ་ལ་མོས་པ་དེ་དག་གི་མདུན་དུ་ནི་ཚངས་པའི་གཟུགས་སུ་སོ་སོར་གནས་ཤིང་ཆོས་སྟོན་ཏོ། །ལ་ལ་དག་ནི་བླ་ན་མེད་པ་ཡང་དག་པར་རྫོགས་
པའི་བྱང་ཆུབ་ཡང་དག་པར་ལེན་དུ་འཛུད་ལ་འཇུག་པར་བྱེད་ཅིང་སོ་སོར་འགོད་དོ། །སེམས་ཅན་ལ་ལ་དག་ནི་རང་སངས་རྒྱས་ཀྱི་ཐེག་པ་ལའོ། །ལ་ལ་དག་ནི་ཉན་ཐོས་ཀྱི་ཐེག་པ་ལའོ། །ལ་ལ་དག་ནི་དགེ་བའི་
ལས་ཀྱི་ལམ་ལ་སྦྱོར་བས་ལྷ་དང་མི་རྣམས་ཀྱི་ཕྱིར་རོ། །གང་དབང་ཕྱུག་ལ་མོས་པ་ནས། གླང་པོ་ལ་གླང་པོའི་གཟུགས་ཀྱི་བར་དང་། རྟ་ལ་རྟའི་གཟུགས་དང་། ཡི་དགས་ལ་ཡི་དྭགས་ཀྱི་གཟུགས་དང་། སེམས་ཅན་
དམྱལ་བ་པ་ལ་སེམས་ཅན་དམྱལ་བ་པའི་གཟུགས་ཀྱིས་དེ་དག་གི་མདུན་དུ་འདུག་སྟེ་ཆོས་སྟོན་ཏོ། །སེམས་ཅན་དམྱལ་བ་པའི་སེམས་ཅན་ལ་ལ་དག་ནི་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཡང་དག་པར་འཛིན་
དུ་འཇུག་པ་ནས་ལྷ་དང་མིའི་བར་དག་ལ་ཡང་སྦྱོར་ཏེ། སེམས་ཅན་གང་དག་དེར་སྔོན་དགེ་བའི་རྩ་བ་འདི་དག་བསྐྱེད་པ་དེ་དག་ནི་དེ་བས་ཀྱང་བརྟན་པར་བྱས་སོ། །སེམས་ཅན་གང་དག་སྔོན་དགེ་བའི་རྩ་བ་མ་བསྐྱེད་པ་རྣམས་ནི་དེར་
བསྐྱེད་དོ། །སེམས་ཅན་གང་དད་པའི་རྒྱུ་དེས་ངན་སོང་གསུམ་པོ་དེ་དག་ལས་ཤི་འཕོས་ནས་ལྷ་དང་མིར་སྐྱེས་པ་དེའི་ཚེ་དེའི་དུས་ན། ཕྱོགས་བཅུའི་ཆུ་ཀླུང་གང་གཱའི་བྱེ་མ་སྙེད་ཀྱི་རྙོག་པ་ལྔའི་སངས་རྒྱས་ཀྱི་ཞིང་དག་ན་

62-1-215d

སངས་རྒྱས་ཀྱི་ཞིང་རེ་རེར་ཡང་ཚད་མེད་གྲངས་མེད་པའི་ཆུ་ཀླུང་གང་གཱའི་བྱེ་མ་སྙེད་ཀྱི་སེམས་ཅན་བྱེ་བ་ཁྲག་ཁྲིག་བརྒྱ་སྟོང་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་སེམས་བསྐྱེད་དེ་དགེ་བའི་རྩ་བ་བསྐྲུན་ཏོ། །ལ་ལ་
དག་ནི་ཕྱིར་མི་ལྡོག་པའི་ས་རབ་ཏུ་ཐོབ་བོ། །ལ་ལ་དག་ནི་དེ་ལྟ་བུའི་བཟོད་པ་དང་། ཏིང་ངེ་འཛིན་དང་། གཟུངས་རབ་ཏུ་ཐོབ་སྟེ། བཟོད་པ་དང་། གཟུངས་ཇི་སྙེད་ཐོབ་པའི་སྟོབས་དང་། རྫུ་འཕྲུལ་གྱིས་མི་མཇེད་ཀྱི་སངས་རྒྱས་ཀྱི་
ཞིང་འདིར་དེ་བཞིན་གཤེགས་པ་ཤཱཀྱ་ཐུབ་པའི་གན་དུ་ལྷགས་སོ། །གང་རྐྱེན་ལ་འཇུག་པའི་ཐེག་པ་ལ་སེམས་བསྐྱེད་དེ་དགེ་བའི་རྩ་བ་བསྐྲུན་པའི་སེམས་ཅན་བྱེ་བ་ཁྲག་ཁྲིག་བརྒྱ་སྟོང་ཆུ་ཀླུང་གང་གཱའི་གྲངས་མེད་དཔག་ཏུ་
མེད་པའི་བྱེ་མ་སྙེད་དག་ལས་ཁ་ཅིག་ནི་གང་ན་སངས་རྒྱས་བཅོམ་ལྡན་འདས་བཞུགས་ཏེ་འཚོ་ཞིང་སྐྱོང་ལ། སེམས་ཅན་རྣམས་ལ་ཆོས་ཀྱང་སྟོན་པའི་སངས་རྒྱས་ཀྱི་ཞིང་གཞན་དུ་དོང་ངོ་། །ཁ་ཅིག་ནི་ཕྱིར་མི་ལྡོག་པའི་ས་ལ་གནས་སོ། །
དེ་བཞིན་དུ་གང་ཉན་ཐོས་ཀྱི་ཐེག་པར་སེམས་བསྐྱེད་ཅིང་དགེ་བའི་རྩ་བ་བསྐྲུན་པའི་སེམས་ཅན་བྱ་བ་ཁྲག་ཁྲིག་བརྒྱ་སྟོང་ཆུ་ཀླུང་གང་གཱ་གྲངས་མེད་དཔག་ཏུ་མེད་པའི་བྱེ་མ་སྙེད་དང་། དེ་བཞིན་དུ་སེམས་ཅན་བྱེ་བ་ཁྲག་
ཁྲིག་བརྒྱ་སྟོང་ཆུ་ཀླུང་གང་གཱ་གྲངས་མེད་པའི་བྱེ་མ་སྙེད་དང་། གང་སངས་རྒྱས་ཀྱི་ཞིང་རེ་རེའི་སེམས་ཅན་གང་དགེ་བ་བཅུའི་ལས་ཀྱི་ལམ་ལ་རྣམ་པར་གནས་པ་ལྷ་དང་མིའི་ལམ་ཐོབ་པར་གྱུར་པ་ཆུ་ཀླུང་གང་གཱ་གྲངས་
མེད་དཔག་ཏུ་མེད་པའི་བྱེ་མ་སྙེད་དང་། སངས་རྒྱས་ཀྱི་ཞིང་རེ་རེའི་སེམས་ཅན་བྱེ་བ་ཁྲག་ཁྲིག་བརྒྱ་སྟོང་སྨོན་ལམ་གྱི་དབང་གིས་དེ་ནས་ཤི་འཕོས་ནས་དེ་བཞིན་གཤེགས་པ་ཤཱཀྱ་ཐུབ་པའི་སངས་རྒྱས་ཀྱི་ཞིང་འདིར་སྐྱེས་སོ། །
ལ་ལ་དག་ནི་སྨོན་ལམ་གྱི་དབང་གིས་དེ་ནས་ཤི་འཕོས་ནས་གང་ན་སངས་རྒྱས་བཅོམ་ལྡན་འདས་བཞུགས་ཏེ་འཚོ་སྐྱོང་ཞིང་བྱང་ཆུབ་སེམས་དཔའ་དག་པའི་ཚོགས་ཀྱིས་བསྐོར་ཏེ། ཆོས་ཀྱང་སྟོན་པའི་སངས་རྒྱས་ཀྱི་ཞིང་

62-1-216a

ཡོངས་སུ་དག་པ་གཞན་དག་ཏུ་སྐྱེས་ནས། སངས་རྒྱས་ཀྱི་ཞིང་དེ་དང་དེ་དག་ཏུ་སེམས་ཅན་རྣམས་ཀྱི་ལོངས་སྤྱོད་དང་། ཀུན་ཏུ་སྤྱོད་པ་དང་། བདེ་བའི་ཡོ་བྱད་སྣ་ཚོགས་ཆོ་མ་ཆོ་དགུ་གྲངས་མེད་དཔག་ཏུ་མེད་པ་བྱུང་ངོ་། །དེ་ནས་
བཅོམ་ལྡན་འདས་ཏིང་ངེ་འཛིན་དེ་ལས་བཞེངས་ནས། དེའི་ཚེ་ཆེད་དུ་བརྗོད་པ་འདི་ཆེད་དུ་བརྗོད་དོ། །འཇིག་རྟེན་དག་ན་མཁས་པ་གང་། །བློ་དང་ལྡན་ཞིང་འཇིགས་མེད་པ། །བྱང་ཆུབ་ཏུ་ནི་སེམས་བསྔོས་ཤིང་། །བྱ་བར་དཀའ་
བ་རྣམས་ཀྱང་སྤྱོད། །ཕ་ཡི་དངོས་པོ་རྣམ་པར་སྟོན། །སེམས་ཅན་སྡུག་བསྔལ་སྨིན་པར་བྱེད། །བདུད་བཞི་དག་ཀྱང་འདུལ་བར་བྱེད། །མྱ་ངན་འདས་པ་ཞི་བ་ཐོབ། །སྦྱིན་པ་སྡོམ་པ་སྡོམ་པ་ཡིས། །སེམས་ཅན་རྣམས་ལ་ལས་སྟོན་
ཅིང་། །ཐེག་པ་གསུམ་ལ་སྦྱོར་བ་ཡིས། །དེ་དག་ཐར་པའི་སྐལ་བ་ཐོབ། །གང་དག་ངན་འགྲོ་གསུམ་གནས་པ། །སྡུག་བསྔལ་གནོད་ལས་ཐར་བྱེད་ཅིང་། །དེ་དག་སེམས་ནི་དང་བྱས་ནས། །ལྷ་དང་མིར་ནི་རབ་ཏུ་ཁྲིད། །དགེ་བའི་ཆོས་ལ་རབ་
སྦྱོར་ཞིང་། །གང་དང་གང་ལ་མོས་པ་དག །ཕ་རོལ་ཕྱིན་དྲུག་རྫོགས་བྱས་ནས། །དེ་དག་སངས་རྒྱས་འཐུན་པར་འགྱུར། །དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་བྱམས་པ་སྟན་ལས་ལངས་ཏེ། བཅོམ་ལྡན་འདས་གང་ན་བ་དེ་
ལོགས་སུ་ཐལ་མོ་སྦྱར་ནས་ཕྱག་འཚལ་ཏེ། བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས་གང་གི་ཚེ། བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་མངོན་པར་སངས་རྒྱས་ནས། བཅོམ་ལྡན་འདས་འདི་ནི་ཆོས་ཀྱི་འཁོར་
ལོ་རབ་ཏུ་བསྐོར་བ་གཉིས་པ་སྟེ། བཅོམ་ལྡན་འདས་ཆོས་ཀྱི་རྣམ་གྲངས་འདི་བྱིན་གྱིས་བརླབ་ཏུ་གསོལ། བཅོམ་ལྡན་འདས་ཅང་མི་གསུང་བར་གྱུར་པ་དང་། ལྷ་རྫས་ཀྱི་སྙིལ་སྙན་བྱེ་བ་ཁྲག་ཁྲིག་བརྒྱ་སྟོང་ཡང་རབ་ཏུ་འཁྲོལ། མེ་ཏོག་གི་ཆར་
ཡང་རབ་ཏུ་བབ། ཨ་ག་རུ་དང་། ཏ་ག་ར་དང་། དུས་དང་འཐུན་པའི་ཙན་དན་དང་། སྦྲུལ་གྱི་སྙིང་པོ་ཙན་དན་གྱི་ཕྱེ་མའི་ཆར་དག་ཀྱང་རབ་ཏུ་བབ། ལྷ་རྫས་ཀྱི་ན་བཟའ་དང་། ཡིད་བཞིན་གྱི་ན་བཟའ་དང་། དར་གྱི་ལྡ་ལྡིའི་ཕྲེང་བ་དང་། གསེར་གྱི་

62-1-216b

ལྕག་པོད་དང་། མུ་ཏིག་ག་སེ་མོ་དོ་དང་། དཔུང་རྒྱན་གྱིས་ནམ་མཁའི་དབྱིངས་ཀྱང་བརྒྱན་ཏོ། །ཀླུ་བྱེ་བ་ཁྲག་ཁྲིག་བརྒྱ་སྟོང་མང་པོ་བཅོམ་ལྡན་འདས་ལ་མཆོད་པའི་ལས་ལ་བརྩོན་པས་མུ་ཏིག་གི་སེ་མོ་དོ་རྣམ་པ་སྣ་ཚོགས་ཆོ་མ་ཆོ་དགུའི་ཆར་ཀྱང་
རབ་ཏུ་ཕབ་བོ། །བྱམས་པ་དང་འཇམ་དཔལ་དང་། ཀུན་དུ་བཟང་པོ་ལ་སོགས་པ་ཡང་བྱང་ཆུབ་སེམས་དཔའ་ཕྱོགས་བཅུ་ནས་འདུས་པ་ཐམས་ཅད་དང་ལྷན་ཅིག་ཏུ་སྟན་ལས་ལངས་ཏེ། བཅོམ་ལྡན་འདས་གང་ན་བ་དེ་ལོགས་སུ་ཐལ་མོ་
སྦྱར་ནས་བཅོམ་ལྡན་འདས་ལ་ཚིག་འཐུན་པར་འདི་སྐད་ཅེས་གསོལ་ཏོ། །བཙུན་པ་བཅོམ་ལྡན་འདས་འགྲོ་བ་སླད་མ་དག་ལ་ཐུགས་བརྩེ་བའི་སླད་དུ་ཆོས་ཀྱི་རྣམ་གྲངས་འདི་བྱིན་གྱིས་བརླབ་ཏུ་གསོལ། བཅོམ་ལྡན་འདས་ཀྱིས་བཀའ་
སྩལ་པ། བཞིན་བཟངས་དག་དེ་སྐད་མ་ཟེར་ཅིག །མ་འོངས་པའི་དུས་ཐ་མ་ལྔ་བརྒྱའི་དུས་ཀྱི་བར་དག་ཏུ་གང་དེ་དག་རིགས་བཞིའི་འཁོར་མི་དད་པ་དག་འབྱུང་སྟེ། སྤྱོད་པ་ངན་པ། ཚུལ་ཁྲིམས་ངན་པ། གཞོག་སློངས་བྱེད་པ། ཐོས་པ་
ཉུང་བ། སེར་སྣ་ཅན། སྤྱོད་པ་མ་རུངས་པ། སྡིག་པའི་ལྟ་བར་གནས་པ། རྟག་པ་དང་ཆད་པ་ལ་ལྟ་བ་ཕལ་ཆེར་འབྱུང་ངོ་། །འཇིག་རྟེན་ཕ་རོལ་ལ་འཇིགས་པར་མི་ལྟ་བ། རྒྱུ་དང་འབྲས་བུ་ཡོད་པར་མི་འདོད་པ། གཅིག་ལ་གཅིག་
ངན་དུ་སེམས་ཤིང་བདག་སྟོང་པ་ནས་མི་དགེ་བ་བཅུའི་ལས་ཀྱི་ལམ་གྱི་བར་དང་ལྡན་པ་དག་འབྱུང་ངོ་། །རྒྱལ་པོ་ཡང་ཆོས་དང་ལྡན་པ་མི་འབྱུང་སྟེ། འདོད་པ་ཡོངས་སུ་ཚོལ་བས་མི་ངོམས་པ་གཞན་གྱི་འཁྲུལ་པའི་སྐབས་ཚོལ་
བ། དགེ་སྦྱོང་དང་། བྲམ་ཟེ་དང་། ཁྱིམ་ན་གནས་པ་མཆོད་པར་འོས་པ་དག་ལ་བརྙས་པ་ཤིན་དུ་བྱེད་ཅིང་མཆོད་པའི་འོས་མ་ཡིན་པ་ལ་དད་དེ། གཞོགས་སློང་ཅན། གཡོ་སྒྱུ་ཅན། ཚུལ་ཁྲིམས་ངན་པ་ཅན། ཐོས་པ་ཉུང་བ་བསོད་ནམས་
ཆུང་བ། སྙིང་རྗེ་ཆུང་བ། ཡིད་མི་གཞུངས་པ། ལོག་པར་ཞུགས་པའི་དགེ་སྦྱོང་དང་། བྲམ་ཟེ་དང་། ཁྱིམ་བདག་རྣམས་ལ་རྒྱལ་པོ་གུས་པར་བྱེད་ཅིང་ཞེ་ས་བྱེད། བླ་མར་བྱེད། རི་མོར་བྱེད་ཅིང་ཀུན་དུ་འཛིན་ཏོ། །དེ་དག་ཀྱང་ཉིན་དང་མཚན་དུ་

62-1-217a

མཚན་དུ་བདེ་བ་འདོར་ཞིང་འཕྲལ་གང་དུ་རྒྱལ་པོའི་དགོས་པ་མ་རུངས་པ་དག་སྤྱོད་དེ། རྒྱལ་པོ་ཡང་འཇིག་རྟེན་ཕ་རོལ་ལ་འཇིགས་པར་མི་ལྟ་བ་བརྫུན་དུ་སྨྲ་བ་མང་བ་འབྱུང་སྟེ། རྒྱལ་པོའི་སྐྱོན་དེ་ལྟ་བུས་བྱང་ཆུབ་
སེམས་དཔའ་ལ་ལ་ནི་འཇིག་རྟེན་གྱི་ཁམས་གཞན་དུ་འགྲོའོ། །བྱང་ཆུབ་སེམས་དཔའ་སེམས་དཔའ་ཆེན་པོ་ལ་ལ་ནི་དགོན་པ་དང་། ནགས་ཚལ་གྱི་གནས་སུ་སྦྱངས་པའི་ཡོན་ཏན་དང་། ཆོག་ཤེས་པ་དང་། བཏང་སྙོམས་ལ་གནས་
སོ། །གང་ཡུལ་དེ་ཡོངས་སུ་སྐྱོང་བའི་ལྷ་དེ་དག་ཀྱང་ཡིད་མི་དགའ་བར་གྱུར་ཏེ། ཡུལ་གྱི་ཕན་པ་དང་། དགོས་པ་ཐམས་ཅད་ཡལ་བར་འདོར་རོ། །ཡུལ་དེ་ཡང་འཁོར་གཉིས་ཀྱིས་འཁྲུག་པར་འགྱུར་རོ། །རྒྱལ་པོའི་ཉེས་པས་དེ་
ན་སེམས་ཅན་རྣམས་ནད་མང་བར་འགྱུར་ཏེ། ཚོགས་དང་བྲལ་བ། དྲན་པ་ཉམས་པ། ཆོས་མ་ཡིན་པ་ཚོལ་བ། མྱུར་དུ་རྒ་བ། མྱུར་དུ་འཁོགས་པ། མྱུར་དུ་འཆི་བར་འགྱུར་རོ། །མ་འོངས་པའི་དུས་ཐ་མ་ལྔ་བརྒྱའི་བར་དག་ཏུ་འདི་
ལྟ་བུའི་ཡུལ་འཁྲུག་པར་འགྱུར་ན། ཆོས་ཀྱི་རྣམ་གྲངས་འདི་སུ་ལ་ཡོངས་སུ་གཏང་། མ་འོངས་པའི་དུས་ཐ་མ་ལྔ་བརྒྱའི་བར་དག་ཏུ་རི་མོར་བྱ་བར་མི་འོས་པ་འཆལ་པའི་ཤེས་རབ་ཅན། བརླང་བ། བརྐམ་པ། ནོར་ལ་དགའི་ཆོས་ལ་མི་དགའ་
བ་ཚིག་ལ་དད་ཀྱི་དགོས་པ་ལ་མ་ཡིན་པ། མི་སེམས་པ། གཞོག་སློངས་ཅན། བརྫུན་ཆེ་ཞིང་གཞན་འདྲིད་པར་སེམས་པ་དག་འབྱུང་ངོ་། །གང་དགེ་སྦྱོང་དང་། བྲམ་ཟེ་དང་། ཁྱིམ་ན་གནས་པ། མཁས་པ་ཆོས་འདོད་པ། ཆོས་སྨྲ་བ་དེ་དག་ལ་
རི་མོར་མི་བྱེད། མི་ལྟའི། བརྫུན་ཟེར་བའི་ཚིག་ལ་དགའ་ཞིང་བསྙས་པ། ཆོས་མ་ཡིན་པའི་ཚིག་ཐོས་ན་བྱ་བར་སེམས་པ་འབྱུང་ངོ་། །གང་བསོད་ནམས་ཆུང་བ་དང་། ཤེས་རབ་ཆུང་བ་དང་། ཚུལ་ཁྲིམས་ངན་པ་ཅན་དང་། གཞོག་སློངས་
ཅན་དང་། བརླང་བ་དང་། བདག་སྟོད་པ་དང་། གཞན་སྨོད་པ་དང་། ལྟ་བ་མ་རུངས་པ་དང་། འཕྲལ་གང་དུ་སེམས་ཀྱི་ལུས་དང་ངག་མི་སྡོམ་པ་དང་། ཆོས་འཛིན་པའི་སེམས་མེད་པ་དང་། སྡིག་པ་ལ་དགའ་བའི་སེམས་དང་ལྡན་པ་དང་། དགེ་སྦྱོང་དང་། 

62-1-217b

བྲམ་ཟེ་དང་། ཁྱིམ་ན་གནས་པ་དེ་དག་ཀྱང་རི་མོར་བྱ་བ་མ་ཡིན་པའི་རྒྱལ་པོ་དང་། རྒྱལ་པོའི་ཞབས་རིང་བ་ལ་ནོར་གྱི་ཕུང་པོས་རྗེས་སུ་འཛིན་པར་བྱེད་པར་འགྱུར་རོ། །ནོར་གྱི་སྟོབས་དེ་དང་། བརྫུན་དུ་སྨྲ་བའི་སྟོབས་དེས་རི་མོར་བྱ་བ་མ་
ཡིན་པའི་རྒྱལ་པོའི་ཞབས་རིང་བ་རྣམས་ལ་ཡང་མཆོད་ཅིང་རིམ་གྲོ་བྱེད་པར་འགྱུར་རོ། །རི་མོར་བྱ་བ་མ་ཡིན་པའི་རྒྱལ་བའི་ཞབ་རིང་བའི་ཚིག་ཉན་ཅིང་བྱེད་དེ་མཆོད་པ་ནས་རྒྱལ་པོ་ལ་མཆོད་པར་གནས་པར་འགྱུར་བའི་བར་དུ་
འོ། །རི་མོར་བྱ་བ་མ་ཡིན་པའི་བར་གྱི་ཉེས་པས་ཆོས་ཀྱི་ཕྱོགས་ཚར་གཅོད་པར་འགྱུར་རོ། །ཆོས་མ་ཡིན་པའི་ཕྱོགས་བསླང་བར་འགྱུར་ཏེ། བྱང་ཆུབ་སེམས་དཔའ་སེམས་དཔའ་ཆེན་པོ་འདི་དག་ཀྱང་བཏང་སྙོམས་ཀྱི་
བར་ལ་བསམ་གཏན་བྱེད་པར་འགྱུར་ན་ངས་ཆོས་ཀྱི་རྣམ་གྲངས་འདི་སུ་ཞིག་ལ་གཏད་པར་བྱ། གང་ཡང་མ་འོངས་པའི་དུས་ཐ་མ་ལྔ་བརྒྱའི་བར་དམ་པའི་ཆོས་ཀྱི་གཟུགས་བརྙན་གྱི་ཚེ་ན་ཁྱིམ་གྱི་གནས་ནས་བྱུང་སྟེ། 
བདག་བརྩོན་པར་སེམས་ཤིང་དེ་དག་མི་དད་པ་དང་། ཚུལ་ཁྲིམས་ངན་པ་དང་། ཤེས་རབ་འཆལ་ཅིང་ཁྱིམ་དང་། རིགས་དང་། གནས་དང་། རྙེད་པས་ཆོས་ལ་སེར་སྣ་བྱེད་པར་འགྱུར་རོ། །གཅིག་ལ་གཅིག་གནོད་པར་སེམས་
པ་དང་། གཞན་གྱི་འཁྲུལ་པའི་སྐབས་ཚོལ་བ་དང་། གཞན་ལས་རྙེད་ཅིང་རིམ་གྲོ་བྱས་ནས་ཡིད་དགའ་བ་དང་། ཡུལ་དམ་པ་རྙེད་པའི་དགེ་སློང་རྣམས་ལ་དམོད་པ་དང་། གཞན་གྱི་གནས་དང་། གྲོང་ཁྱེར་དང་། མཁན་པོ་དང་། 
སློབ་དཔོན་ལ་སླུ་བ་འབྱུང་བར་འགྱུར་རོ། །རྣལ་འབྱོར་ཡིད་ལ་བྱེད་པ་དང་། སོ་སོར་རྟོག་པ་ཞི་བ་དང་བདེ་བའི་རྒྱུན་གཅོད་པ་དང་། ཟས་དང་། སྐོམ་གྱི་རོ་ལ་བརྐམ་པ་དང་། རྙེད་པ་དང་། བཀུར་སྟི་ལ་བརྩོན་པ་འབྱུང་ངོ་། །ཁྱིམ་ན་
གནས་པ་རྣམས་ལ་མཆོད་པ་བྱེད་པར་འགྱུར་ཏེ། །ཆོས་འདོད་པ་རྣམས་ལ་བརྙས་པ་ཤིན་དུ་བྱེད་པས་ཆོས་སྨྲ་བའི་དགེ་འདུན་རྣམས་གཙུག་ལག་ཁང་གི་གནས་སྤངས་ཏེ། དགོན་པ་བས་མཐའི་མལ་སྟན་དག་ན་བཏང་

62-1-218a

སྙོམས་ལ་བསམ་གཏན་འཆའ་བར་འགྱུར་རོ། །དེ་ལྟར་ཆོས་མ་ཡིན་པའི་ཕྱོགས་ཀྱི་ཚེ་བྱང་ཆུབ་སེམས་དཔའ་སེམས་དཔའ་ཆེན་པོ་ལ་ལ་དག་ནི་འཇིག་རྟེན་གྱི་ཁམས་གཞན་དུ་དོང་ངོ་། །ལ་ལ་དག་ནི་དགོན་པར་
བཏང་སྙོམས་ཀྱི་བར་ལ་གནས་སོ། །གང་ཡུལ་དེ་ཡོངས་སུ་སྐྱོང་བའི་ལྷ་དེ་དག་ཀྱང་བཏང་སྙོམས་ལ་གནས་སོ། །ཡུལ་དེར་མུ་གེ་དང་། ནད་དང་། ཐབ་མོ་ཡང་འབྱུང་ངོ་། །དེར་སེམས་ཅན་རྣམས་གཅིག་ལ་གཅིག་འཆིང་ཞིང་གསོད་
དེ། དེ་དག་གཅིག་ལ་གཅིག་འཇིགས་པས་ལོག་པར་ལྟ་བ་གཞན་ལ་སྐྱབས་སུ་འགྲོ་ན། ངས་འདི་ལྟ་བུའི་ཟབ་མོ་ཆོས་ཐམས་ཅད་ཀྱི་ཚུལ་གྱི་བཟོད་པ་འདི་སུ་ཞིག་ལ་ཡོངས་སུ་གཏད་པར་བྱ། དེ་ནས་བྱང་ཆུབ་སེམས་དཔའི་
འཁོར་ཐམས་ཅད་དང་ཉན་ཐོས་ཆེན་པོ་དེ་དག་དང་། ལྷ་དང་། དྲི་ཟ་དང་། ལྷ་མ་ཡིན་མཐུ་ཆེན་པོ་དེ་དག་གིས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས་ཟབ་མོའི་ཆོས་ཀྱི་ཚུལ་ལ་བཟོད་པ་འདི་བདག་ཅག་གི་
སུག་པར་གཏད་དུ་གསོལ། ཕོ་བྲང་འཁོར་གང་དང་ཡུལ་གང་ན་ཟབ་མོའི་ཆོས་ཀྱི་ཚུལ་ལ་བཟོད་པ་འདི་རབ་ཏུ་སྤྱོད་པར་འགྱུར་བའི་ཡུལ་དེར་བདག་ཅག་འཐབ་པ་དང་། རྩོད་པ་དང་། མུ་གེ་འབྱུང་བ་དང་། དགུང་ཆར་མི་འབབ་པ་
དང་། བྲོ་ནད་དང་། གཞན་གྱི་འཁོར་བཟློག་པ་ལ་སྤྲོ་བར་བགྱིའོ། །ཆོས་སྨྲ་བ་དང་། ཆོས་འཚལ་བ་དང་། ཆོས་དགོད་པའི་གང་ཟག་རྣམས་བསྲུང་བར་བགྱིའོ། །རྒྱལ་པོ་དང་། བློན་པོ་དང་། ཞབས་རིང་བ་དང་། གྲོང་རྡལ་དང་། ལྗོངས་
ན་གནས་པ་རྣམས་ཆོས་དང་ལྡན་པ་ལ་སྦྱར་བར་བགྱིའོ། །བཅོམ་ལྡན་འདས་ཀྱིས་བཀའ་སྩལ་པ། བཞིན་བཟངས་དག་ལེགས་སོ་ལེགས་སོ། །སྤོབས་པ་བཟང་ངོ་། །བརྩོན་པ་བཟང་ངོ་། །འཇིགས་པ་མེད་པ། ཁྲོ་བ་མི་སྙན་པ། 
བརྙས་མ་ཤིན་བྱེད་པ། བཀྲེས་པ། སྐོམ་པ། དབྱུག་པས་འཚོག་པ། གྲང་བ་དང་། ཚ་བ་དང་། རླུང་གིས་གདུངས་ཀྱང་དམ་པའི་ཆོས་ཀྱི་མིག་གནས་ཀྱི་བར་དུ་ཡུལ་དང་། གྲོང་ཁྱེར་དང་། གྲོང་རྡལ་དང་། འོར་གྱི་གྲོང་དང་། སངས་རྒྱས་

62-1-218b

ཀྱི་ཞིང་ཐམས་ཅད་དུ་ཆོས་ཀྱི་མིག་འདི་ལ་བརྩོན་པར་བྱ་བ་དང་། ཟབ་མོ་ཆོས་ཐམས་ཅད་ཀྱི་སྒོའི་གཞི་དང་། བཟོད་པ་འདི་རབ་ཏུ་བསྟན་པ་དང་། བཟོད་པ་འདི་ལ་སེམས་ཅན་ཡང་རབ་ཏུ་སྦྱོར་བ་དང་། གང་བཟོད་པ་འདི་བསྒོམ་པ་དང་
ཀློག་པ་དང་། གཞན་ལ་འང་ལུང་འབོག་པ་དང་། ཀློག་ཏུ་འཇུག་པ་དང་། གང་ཡང་ཉན་པ་དང་། འབྲི་བ་དང་། འདྲིར་འཇུག་པ་དེ་དག་ལ་སྤྲོ་བར་བྱ་བ་དང་། ཆོས་དང་ལྡན་པ་དེ་དག་ཀྱང་བསྲུང་བ་དང་། བསྐྱབ་པ་དང་། བྱེད་པ་སྒྲུབ་པར་ཁྱེད་ལས་སུ་
དག་སྤྲོ་བར་འགྱུར། དེའི་ཚེ་བྱམས་པ་ལ་སོགས་པ་བྱང་ཆུབ་སེམས་དཔའ་སྟོང་ཕྲག་བཅུ་སྟན་ལས་ལངས་ཏེ། བཅོམ་ལྡན་འདས་ག་ལ་བ་དེ་ལོགས་སུ་ཐལ་མོ་སྦྱར་ཏེ་ཕྱག་འཚལ་ནས་འདི་སྐད་ཅེས་གསོལ་ཏོ། །བཙུན་པ་བཅོམ་ལྡན་
འདས་བདག་ཅག་ནི་དམ་པའི་ཆོས་ཀྱི་སྦྱིན་གནས་ཀྱི་བར་དུ་སངས་རྒྱས་ཀྱི་ཞིང་ཐམས་ཅད་དུ་སེམས་ཅན་རྣམས་སྦྱར་བར་བགྱི་བའི་བར་དང་། གང་ཆོས་ཀྱི་རྣམ་གྲངས་འདི་གླེགས་བམ་ལ་འབྲིར་སྩལ་བ་དེ་དག་བདག་ཅག་ཆོས་དང་ལྡན་
པ་ལ་སྦྱོར་བ་བགྱི་བར་སྤྲོའོ། །བཅོམ་ལྡན་འདས་ཀྱིས་བཀའ་སྩལ་པ། རིགས་ཀྱི་བུ་དག་སྐྱེས་བུ་ཆེན་པོའི་བྱེད་པ་བྱ་བ་དང་། ཇི་ལྟར་རིགས་ཀྱི་བུ་ཁྱེད་ཡང་དག་པར་སྤྱོད་པའི་ཚུལ་ནམ་མཁའི་མདོག་གིས་འདུལ་བའི་བཟོད་པ་འདི་
ཐོབ་པ་ནི་ལེགས་སོ་ལེགས་སོ། །རིགས་ཀྱི་བུ་ཇི་ཙམ་དུ་བཟོད་པ་འདིའི་སྟོབས་དང་། བརྩོན་པ་ཡང་དག་པར་འཛིན་ཅིང་བརྩོན་པ་ལ་དམིགས་པ་དེ་ཙམ་དུ་སྟོབས་དང་བརྩོན་པ་ཡང་དག་པར་འཛིན་པ་ལ་བརྩོན་པར་དམིགས་པས་
སངས་རྒྱས་ཀྱི་ཞིང་ཐམས་ཅད་དང་། གླིང་བཞི་པ་ཐམས་ཅད་དང་། ཡུལ་དང་། གྲོང་དང་། གྲོང་ཁྱེར་དང་། གྲོང་རྡལ་དང་། ལྗོངས་ཐམས་ཅད་དུ་སེམས་ཅན་རྣམས་ཡོངས་སུ་སྨིན་པར་བྱོས་ཤིག །རྒྱལ་པོ་ལ་མ་གཡོ་བར་བྱོས་ཤིག །བློན་པོ་དང་། 
ཞབས་རིང་བ་རྣམས་ཀྱང་ཡལ་བར་མ་གཏང་ཤིག །རིགས་ཀྱི་བུ་གང་རྙོག་པ་ལྔའི་སངས་རྒྱས་ཀྱི་ཞིང་དུ་ད་ལྟར་ནས་ཆོས་ཀྱི་རྒྱལ་མཚན་འཕེལ་བར་འགྱུར་གྱིས་བར་དུ་སེམས་ཅན་ཡོངས་སུ་སྨིན་པར་བྱ་བ་ལ་མི་སྐྱོ་བར་སྤྲོ་ཞིང་སྡིག་

62-1-219a

པ་འདོད་པ་ལོག་པར་ལྟ་བའི་སེམས་ཅན་རྣམས་དགེ་བ་བཅུའི་ལས་ཀྱི་ལམ་ལ་འཇུག་པ་དང་། རབ་ཏུ་དགོད་པ་དང་། ཉེས་པ་མང་བའི་ཤས་ཆེ་བའི་སེམས་ཅན་རྣམས་ཁྱིམ་གྱི་གནས་ནས་ཕྱུང་སྟེ། ཞི་བ་ཡང་དག་པར་
འཛིན་དུ་འཇུག་ཅིང་སྦྱོར་བ་དང་། བསླབ་པའི་གནས་ལ་རབ་ཏུ་འགོད་པ་དང་། ཉེས་པ་མང་པོས་ཉེན་ལ། ལུས་དང་། ངག་དང་། ཡིད་སྡོམ་པའི་ཚུལ་ཅན་གྱི་སེམས་ཅན་རྣམས་བསམ་གཏན་དང་། རྣམ་པར་ཐར་པ་དང་། གཟུངས་
དང་། བཟོད་པ་ལ་སྦྱོར་ཞིང་སོ་སོར་འགོད་པ་དང་དགོན་པ་བས་མཐའི་མལ་སྟན་ལ་མངོན་པར་དགའ་ལ། སེམས་ཅན་ཡང་དེ་ལ་སྦྱོར་ཞིང་དེ་དག་ཕན་པ་ལ་སྦྱོར་བ་དང་། སེར་སྣ་ཅན་རྣམས་སྦྱིན་པ་ལ་སྦྱོར་བ་ནས། འཆལ་པའི་ཤེས་
རབ་ཅན་སྡིག་པའི་བས་མཐའི་སྤྱོད་ཡུལ་དང་ལྡན་པ། ལྟ་བའི་ཐིབས་པོ་ལ་གནས་པ་རྣམས་འཕགས་པའི་ཤེས་རབ་ཀྱི་སྟོབས་ལ་སྦྱོར་ཞིང་སོ་སོར་འགོད་དེ། སེམས་ཅན་སྡུག་བསྔལ་སྣ་ཚོགས་ཀྱིས་ནོན་པ་རྣམས་ཡོངས་སུ་
ཐར་བར་བྱེད་པ་ནི་བསོད་ནམས་ཀྱི་ཕུང་པོ་རབ་ཏུ་མང་བར་འཕེལ་ལོ། །འདི་ལ་གང་ཉོན་མོངས་པ་རྙོག་པ་ལྔའི་སངས་རྒྱས་ཀྱི་ཞིང་དུ་དམ་པའི་ཆོས་འཇིག་པའི་དུས་ཉིན་མཚན་བདུན་དུ་སེམས་ཅན་ཡོངས་སུ་སྨིན་པར་བྱ་བའི་
ཕྱིར་སྐྱོ་བ་བཟོད་ཅིང་བཟོད་པའི་སྟོབས་ཀྱི་མཐུ་འདིས་སེམས་ཅན་ཡོངས་སུ་སྨིན་པར་བྱེད་ཅིང་ཆུང་ངུ་ན་བཟོད་པ་འདི་ཡང་དག་པར་ལེན་དུ་འཛུད་དེ། སེམས་ཅན་རྣམས་ལ་སྟོན་ཅིང་ཚིག་ཏུ་འདོན་པ་དང་། གླེགས་བམ་ལ་འདྲིར་
འཇུག་པ་ནི་བསོད་ནམས་རབ་ཏུ་མང་དུ་འཕེལ་ཏེ། ཡོངས་སུ་དག་པའི་སངས་རྒྱས་ཀྱི་ཞིང་དག་ཏུ་བྱང་ཆུབ་སེམས་དཔའ་གྲངས་མེད་པ་ཆུ་ཀླུང་གང་གཱའི་བཅུའི་བྱེ་མ་སྙེད་ཀྱིས་ཕ་རོལ་ཏུ་ཕྱིན་པ་དྲུག་སྤྱད་པ་ནི་བསོད་ནམས་ཀྱི་ཕུང་པོ་དེ་སྙེད་
དུ་མི་འཕེལ་ལོ། །དེ་ཅིའི་ཕྱིར་ཞེ་ན། འདི་ལྟར་བྱང་ཆུབ་སེམས་དཔའ་དེ་དག་ནི་རང་བཞིན་གྱིས་སྙིང་རྗེ་ཆེན་པོ་དང་ལྡན་པའོ། །སེམས་ཅན་ཆེན་པོ་དེ་དག་ནི་དགོས་པ་ཆེན་པོ་ལ་བརྩོན་པ་དང་ལྡན་པའོ། །སེམས་ཅན་ཆེན་པོ་དེ་དག་ནི་

62-1-219b

བརྩོན་འགྲུས་ཆེ་བ། ཤེས་རབ་ཀྱིས་བརྒྱན་པའོ། །བྱང་ཆུབ་སེམས་དཔའ་སེམས་དཔའ་ཆེན་པོ་དེ་དག་ནི་རབ་ཏུ་མྱུར་བར་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་མངོན་པར་འཚང་རྒྱ་བའོ། །གང་ཉོན་མོངས་པ་རྙོག་པ་
ལྔའི་སངས་རྒྱས་ཀྱི་ཞིང་དུ་ཡང་དག་པར་སྤྱོད་པའི་ཚུལ་ནམ་མཁའི་མདོག་གིས་འདུལ་བའི་བཟོད་པའི་སྟོབས་བསྐྱེད་པ་འདིས་སེམས་ཅན་ཡོངས་སུ་སྨིན་པར་བྱེད་པ་ནས། གླེགས་བམ་ལ་འབྲིར་འཇུག་པའི་བར་དུ་སྦྱོར་ཞིང་
དམ་པའི་ཆོས་འཇིག་པ་ན་ཆོས་ཀྱི་སྒྲོན་མ་འབར་བར་བྱེད་པས་ན་དེའི་ཕྱིར་བྱང་ཆུབ་སེམས་དཔའ་སྙིང་རྗེ་ཆེན་པོ་དང་ལྡན་པ་ཞེས་བྱ་སྟེ། མྱུར་དུ་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་འཚང་རྒྱའོ། །བཅོམ་ལྡན་འདས་ཀྱིས་
ཉོན་མོངས་པའི་སངས་རྒྱས་ཀྱི་ཞིང་གི་བྱང་ཆུབ་སེམས་དཔའི་སྤྱོད་པ་འདི་བསྔགས་པ་དེའི་ཚེ་བྱང་ཆུབ་སེམས་དཔའ་སེམས་དཔའ་ཆེན་པོ་ཆུ་ཀླུང་གང་གཱའི་བྱེ་མ་སྙེད་ཀྱིས་བཅོམ་ལྡན་འདས་ཤཱཀྱ་ཐུབ་པ་གང་ན་བ་དེ་ལོགས་སུ་ཐལ་མོ་
སྦྱར་ཏེ་ཕྱག་འཚལ་ནས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཙུན་པ་བཅོམ་ལྡན་འདས་བདག་ཅག་རྣམས་ནི་སངས་རྒྱས་ཀྱི་ཞིང་ཡོངས་སུ་དག་པ་གྲངས་མ་མཆིས་པ་དག་ཏུ་མཆིས་ཏེ། བྱང་ཆུབ་སེམས་དཔའི་
སྤྱད་པ་སྤྱོད་པར་བརྩམས་ཏེ། ད་ལྟར་ནས་མ་མཆིས་པའི་དུས་ཀྱི་བར་དུ་ཉོན་མོངས་པ་རྙོག་པ་ལྔའི་སངས་རྒྱས་ཀྱི་ཞིང་དེ་དག་གི་སེམས་ཅན་དགེ་བའི་རྩ་བ་དང་བྲལ་བ་ཐམས་ཅད་བཏང་སྟེ། སངས་རྒྱས་ཀྱི་ཞིང་ཡོངས་སུ་དག་པར་
མཆི་བར་སྡོམ་པ་བླངས་པ་ལས་ད་ནི་བདག་ཅག་རྣམས་བཅོམ་ལྡན་འདས་ཀྱི་སྤྱན་སྔར་སྡོམ་པ་བླངས་ཏེ་མ་མཆིས་པའི་དུས་ན། སླར་ཞིང་སངས་རྒྱས་ཀྱི་ཞིང་ཡོངས་སུ་དག་པར་བྱང་ཆུབ་ཀྱི་སྤྱད་པ་སྤྱོད་པར་མི་བགྱིད་དོ། །སྨོན་ལམ་
གྱི་དབང་གིས་བདག་ཅག་རྣམས་ཡོངས་སུ་མ་དག་པ་ཉོན་མོངས་པ་རྙོག་པ་ལྔའི་སངས་རྒྱས་ཀྱི་ཞིང་དུ་སྤྱད་པ་སྤྱོད་པར་བགྱིའོ། །དགེ་བའི་རྩ་བ་མ་མཆིས་པའི་སེམས་ཅན་ཐམས་ཅད་ཡོངས་སུ་སྨིན་པར་བགྱིའོ། །བཅོམ་ལྡན་འདས་

62-1-220a

ཀྱིས་བཀའ་སྩལ་པ། སྐྱེས་བུ་དམ་པ་དག་བརྩོན་འགྲུས་ཆེན་པོ་ལ་དམིགས་ཏེ་བྱང་ཆུབ་སེམས་དཔའ་གང་དེ་དག་དགེ་བའི་རྩ་བ་དང་བྲལ་བའི་སེམས་ཅན་ཐམས་ཅད་ཡོངས་སུ་སྨིན་པར་བྱེད་པ་ལེགས་སོ་ལེགས་སོ། །སྙིང་རྗེ་
ཆེན་པོ་དང་ལྡན་ཞིང་ཕ་རོལ་དུ་ཕྱིན་པ་ཆེན་པོ་སྤྱད་དེ་མངོན་པར་ཤེས་པ་དང་། བསྡུ་བའི་དངོས་པོ་ཆེན་པོ་ལ་གཞན་ལ་རག་མ་ལུས་ཤིང་ཡེ་ཤེས་ཆེན་པོའི་འབྱུང་གནས་དང་ལྡན་པ་དེ་དག་ནི་བྱང་ཆུབ་སེམས་དཔའ་སེམས་དཔའ་ཆེན་
པོ་གང་ཡོངས་སུ་མ་དག་ཅིང་ཉོན་མོངས་པ་རྙོག་པ་ལྔའི་སངས་རྒྱས་ཀྱི་ཞིང་དག་ཏུ་ཕ་རོལ་དུ་ཕྱིན་པ་དྲུག་སྤྱོད་ཅིང་དགེ་བའི་རྩ་བ་ཐམས་ཅད་ཡོངས་སུ་ཉམས་པའི་སེམས་ཅན་རྣམས་དང་། སྡུག་བསྔལ་ཐམས་ཅད་ཀྱིས་ཉེན་
པའི་སེམས་ཅན་རྣམས་ཡོངས་སུ་སྨིན་པར་བྱེད་པ་དེ་དག་ནི་བྱང་ཆུབ་སེམས་དཔའ་སེམས་དཔའ་ཆེན་པོ་ཞེས་བྱའོ། །རིགས་ཀྱི་བུ་དེ་ལྟ་བས་ན་ཅི་ནས་ཀྱང་ཡང་དག་པར་སྤྱོད་པའི་ཚུལ་ནམ་མཁའི་མདོག་གིས་འདུལ་བའི་བཟོད་པ་
འདིས་སེམས་ཅན་ཡོངས་སུ་སྨིན་པར་གྱིས་ཤིག །རིགས་ཀྱི་བུ་ཡུལ་གང་ན་ཡང་དག་པར་སྤྱོད་པའི་ཚུལ་ནམ་མཁའི་མདོག་གིས་འདུལ་བའི་བཟོད་པ་འདི་རབ་ཏུ་འཆད་པའི་ཡུལ་དེར་ཡོན་ཏན་གྱི་ཁྱད་པར་དང་། དཔལ་ཕུན་སུམ་
ཚོགས་པ་སྣ་ཚོགས་འབྱུང་བར་འགྱུར་རོ། །དེའི་རྒྱལ་པོ་ཡོན་ཏན་དང་བསྔགས་པ་བཞི་འབྱུང་སྟེ། བཞི་གང་ཞེ་ན། རྒྱལ་པོ་ནད་མེད་པར་འགྱུར་བ་དང་། གནོད་པ་ཉུང་ཞིང་ཚེ་རིང་བར་འགྱུར་བ་དང་། རྡུལ་དང་བྲལ་ཞིང་རྒོལ་བ་དང་དགྲ་
མེད་པར་འགྱུར་བ་དང་། སྟོབས་དང་རྩལ་ཐགས་ཐོགས་མེད་ཅིང་དགའ་བ་མང་ལ་ཆོས་འདོད་པར་འགྱུར་རོ། །དེ་ཅིའི་ཕྱིར་ཞེ་ན། འདི་ལྟར་ཀླུ་དང་། བརྒྱ་བྱིན་དང་། ཚངས་པ་དང་། འཇིག་རྟེན་སྐྱོང་བ་དང་། གནོད་སྦྱིན་གྱི་བདག་པོ་
རྣམས་ཀྱིས་རབ་ཏུ་སྲུང་བར་འགྱུར་ཏེ། བཞིན་བཟངས་དག་དང་དེ་ལ་དེ་ལྟར་མཉམ་པ་མེད་དོ། །བརྒྱ་བྱིན་དང་། ཚངས་པ་དང་། འཇིག་རྟེན་སྐྱོང་བ་དང་། གནོད་སྦྱིན་གྱི་བདག་པོ་རྣམས་ཀྱིས་ཚིག་འཐུན་པར་གསོལ་པ། བཅོམ་ལྡན་

62-1-220b

འདས་དེ་ལྟ་ལགས་ཏེ། ཡུལ་གང་དུ་བཟོད་པ་འདི་འཆད་པར་འགྱུར་བའི་ཡུལ་དེའི་རྒྱལ་པོར་འགྱུར་བ་དེའི་སླད་བཞིན་དུ་བདག་ཅག་འབྲང་ཞིང་གནོད་པ་ལས་བསྐྱབ་པར་བགྱིའོ། །བྲོ་ནད་ཞི་བར་བགྱིའོ། །དེའི་ཚེ་བསྐྱང་བར་བགྱིའོ། །
དེ་དགྲ་ལས་བསྐྱབ་པར་བགྱིའོ། །དཔལ་དང་སྐལ་པ་བཟང་པོ་དང་ཆོས་ལ་དགའ་བ་ཉེ་བར་བསྟན་པར་བགྱིའོ། །སྟོབས་དང་རྩལ་ཐགས་ཐོགས་མ་མཆིས་པ་ཕུན་སུམ་ཚོགས་པར་བགྱིའོ། །བཅོམ་ལྡན་འདས་ཀྱིས་བཀའ་སྩལ་པ། བཞིན་
བཟངས་དག་ལེགས་སོ་ལེགསོ། །ཁྱོད་ཇི་སྐད་སྨྲས་པ་བཞིན་དུ་ཉམས་སུ་ལོང་ཤིག །དེ་ཅིའི་ཕྱིར་ཞེ་ན། འདི་ལྟར་འོས་དང་ལྡན་པའི་རྒྱལ་པོ་ཡུལ་གང་དུ་ཆོས་དང་ལྡན་པར་འགྱུར་བར་བདག་ཅག་མདངས་དང་། སྟོབས་དང་། བཟི་བརྗིད་དང་། 
འཁོར་འཕེལ་བར་འགྱུར་རོ། །དེ་དག་གིས་གསོལ་པ། བཅོམ་ལྡན་འདས་དེ་དེ་ལྟ་ལགས་ཏེ། ཡུལ་གང་དུ་བཟོད་པ་འདི་རབ་ཏུ་འཆད་པར་འགྱུར་བའི་ཡུལ་དེར་རྒྱལ་པོའི་ཞབས་རིང་བ་དང་། བློན་པོ་རྣམས་ཀྱི་ཡོན་ཏན་དང་། ལེགས་པ་བཞི་འབྱུང་
སྟེ། བཞི་གང་ཞེ་ན། ཡུལ་དེར་རྒྱལ་པོའི་ཞབས་རིང་བ་དང་། བློན་པོ་རྣམས་ཕན་ཚུན་བཟོད་པ་དང་། དེས་པ་དང་། དགའ་བ་དང་། གུས་པའི་སེམས་སུ་འགྱུར་བ་དང་། རྒྱལ་པོ་ཡང་བྱམས་པར་འགྱུར་བ་དང་། དགེ་སྦྱོང་དང་། བྲམ་ཟེ་དང་། གྲོང་རྡལ་གྱི་མི་
དང་། ལྗོངས་ཀྱི་མི་སྐྱེས་པ་དང་། བུད་མེད་དང་། ཁྱེའུ་དང་། བུ་མོ་རྣམས་ཀྱི་ཡིད་དུ་འོང་ཞིང་དགའ་བར་འགྱུར་བ་དང་། ཆོས་འདོད་པར་འགྱུར་གྱི་རྙེད་པ་མི་འདོད་དེ། ཕྱོགས་བཅུར་གྲགས་པའི་སྒྲ་དང་། ཚིགས་སུ་བཅད་པ་རྒྱ་ཆེར་གྲགས་ཤིང་ཚེ་རིང་
བ་དང་། བདེ་བ་དང་། ཡིད་བདེ་བ་མང་བར་འགྱུར་བ་སྟེ། ཡུལ་གང་དུ་བཟོད་པ་འདི་འཆད་པར་འགྱུར་བ་དེ་ནི་རྒྱལ་པོའི་ཞབས་རིང་བ་དང་། བློན་པོ་རྣམས་ཀྱི་ཡོན་ཏན་དང་བསྔགས་པར་འགྱུར་བ་ནི་དེ་དག་གོ། །གཞན་ཡང་ཡུལ་གང་དུ་
བཟོད་པ་འདི་འཆད་པར་འགྱུར་བའི་ཡུལ་དེར་དགེ་སྦྱོང་དང་། བྲམ་ཟེ་རྣམས་ཀྱི་ཡོན་ཏན་དང་བསྔགས་པ་བཞི་འབྱུང་སྟེ། བཞི་གང་ཞེ་ན། ཡུལ་དེར་དགེ་སྦྱོང་དང་བྲམ་ཟེ་རྣམས་ཆོས་གོས་དང་། བསོད་སྙོམས་དང་། མལ་ཆ་དང་། ན་བའི་གསོས་

62-1-221a

སྨན་དང་། ཡོ་བྱད་དག་རྙེད་པར་འགྱུར་བ་དང་། བསམ་གཏན་བྱེད་པ་ལ་བརྩོན་པར་འགྱུར་བ་དང་། རི་ལ་མངོན་པར་དགའ་ཞིང་རབ་ཏུ་དབེན་པར་འགྱུར་བ་དང་། སེམས་ལས་བྱུང་བའི་བདེ་བ་བཞི་ལ་གནས་པ་རྙེད་པར་འགྱུར་རོ། །
ཡུལ་གང་དུ་བཟོད་པ་འདི་འཆད་པར་འགྱུར་བའི་ཡུལ་དེའི་གྲོང་རྡལ་དང་ལྗོངས་ཀྱི་མི་རྣམས་ལེགས་པ་བཞི་འབྱུང་བར་འགྱུར་ཏེ། བཞི་གང་ཞེ་ན། ཁྲོན་པ་དང་། ཆུ་མིག་དང་ལྡན་པར་འགྱུར་བ་དང་། གནོད་པ་མེད་པར་འགྱུར་བ་དང་། ལས་ཀྱི་
མཐའ་གྲུབ་པར་འགྱུར་བ་དང་། སྦྱིན་པའི་གནས་སྣོད་དུ་གྱུར་པ་རྣམས་དང་མི་འབྲལ་བར་འགྱུར་བའོ། །གཞན་ཡང་ཡུལ་གང་དུ་བཟོད་པ་འདི་འཆད་པར་འགྱུར་བའི་ཡུལ་དེར་བུད་མེད་རྣམས་ཀྱི་ལེགས་པ་བཞི་འབྱུང་བར་འགྱུར་ཏེ། 
བཞི་གང་ཞེ་ན། ཡུལ་དེའི་བུད་མེད་ཕྲག་དོག་དང་ཁྲོ་བ་རྣམ་པར་སྤོང་བར་འགྱུར་བ་དང་། སྐྱེ་བོ་ཐམས་ཅད་ལ་བཟོད་པར་འགྱུར་བ་དང་། བུ་རྙེད་པར་འགྱུར་བ་དང་། ནད་ཉུང་བར་འགྱུར་བའོ། །གཞན་ཡང་བུད་མེད་གང་བཟོད་པ་འདི་ཉན་
པ་དེ་ལ་དད་པ་རྙེད་ཅིང་ཆོས་སྨྲ་བ་ལ་ཕན་པར་ཟེར་བ་དེ་ནི་བུད་མེད་དུ་གྱུར་པའི་ཐ་མ་ཡིན་ཏེ། སྙིང་པོ་བྱང་ཆུབ་ཀྱི་བར་དུ་བུད་མེད་ཐོབ་པར་མི་འགྱུར་ཏེ། གཞན་དུ་ན་བདག་ཉིད་ཀྱིས་འདོད་པ་ནི་མ་གཏོགས་སོ། །གཞན་ཡང་ཡུལ་གང་དུ་
བཟོད་པ་འདི་འཆད་པར་འགྱུར་བ་དག་ན་གཞན་གྱི་འཁོར་དང་། ནང་གི་འཁོར་གྱིས་ཡུལ་ལ་གནོད་པར་མི་འགྱུར་རོ། །ཆར་མི་འབབ་པ་དང་། མུ་གེ་འབྱུང་བ་དང་། དུས་མ་ཡིན་པའི་རླུང་དང་། ཆར་དང་། གྲང་དྲོ་དང་། ཤ་སྦྲང་དང་། སྦྲང་བུ་མཆུ་སྨྱུང་
དང་། སྦྲང་མ་དང་། བྱི་བ་དང་། འགྲོ་བ་ཁྲོ་བོ་དང་། སྦྲུལ་ཁྲོ་བོ་དང་། གཅན་གཟན་ཁྲོ་བོ་དང་། རོ་བྲོ་བ་མེད་པ་དང་། རྩུབ་པ་དང་། སྲེ་མོ་དང་། མི་བདེ་བར་རེག་པ་དང་། བཟའ་བ་དང་། བཏུང་བ་དང་། གོས་དང་། ལྕགས་སྒྲོགས་དང་། ཤིང་སྒྲོག་དང་། དབྱིག་པ་
དང་། གཤེ་བ་དང་། མི་སྙན་པར་ཟེར་བ་དང་། རྡེག་པ་དང་། དུས་མ་ཡིན་པར་འཆི་བ་དང་། ནད་ཀྱི་གནོད་པ་ཡུལ་དེ་ན་མེད་པར་འགྱུར་རོ། །ལྷ་དང་། ཀླུ་དང་། གནོད་སྦྱིན་དང་། ལྷ་མ་ཡིན་དང་། ནམ་མཁའ་ལྡིང་དག་གིས་ཀྱང་ཡུལ་དེ་ཤིན་དུ་

62-1-221b

སྲུང་ཞིང་སྐྱོབ་པར་འགྱུར་རོ། །རིགས་ཀྱི་བུ་དག་ཡུལ་གང་དུ་ཡང་དག་པར་སྤྱོད་པའི་ཚུལ་ནམ་མཁའི་མདོག་གིས་འདུལ་བའི་བཟོད་པ་འདི་འཆད་ཅིང་སྟོན་པར་འགྱུར་བའི་ཡུལ་དེར་གནོད་པ་བཅུ་པོ་དེ་དག་གི་ཡུལ་ཐམས་ཅད་མི་གཙེ་
བར་འགྱུར་རོ། །དེ་ཅིའི་ཕྱིར་ཞེ་ན། རིགས་ཀྱི་བུ་བཟོད་པ་འདི་ནི་བྱང་ཆུབ་སེམས་དཔའ་ཐམས་ཅད་ཀྱི་བྱང་ཆུབ་ཀྱི་སྤྱོད་པ་མཐའ་དག་ཡོངས་སུ་རྫོགས་པར་བྱེད་པ། ཕ་རོལ་ཏུ་ཕྱིན་པ་དྲུག་ཡོངས་སུ་རྫོགས་པར་བྱེད་པ་ནས་སངས་
རྒྱས་ཀྱི་དགོངས་པ་མཐའ་དག་ཡོངས་སུ་ཐོབ་པར་བྱེད་པའོ། །བཟོད་པ་འདིའི་མིང་འབའ་ཤིག་གང་གི་རྣ་ལམ་དུ་ཐོས་པ་ཡང་སྙིང་པོ་བྱང་ཆུབ་ཀྱི་བར་དུ་གང་ཟག་དེ་མི་ཁོམ་པ་བརྒྱད་དང་བྲལ་བར་འགྱུར་རོ། །གང་གིས་བཟོད་པ་
བསྒོམ་པ་འདི་ཐོག་ཐག་ཉན་པ་ནི་སངས་རྒྱས་ཀྱིས་བྱིན་གྱིས་བརླབས་ཏེ་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ལས་ཕྱིར་མི་ལྡོག་པར་འགྱུར་ཏེ། དེ་ལྟར་མཐུ་ཆེ་བའོ། །རིགས་ཀྱི་བུ་དེ་ལྟར་བྱང་ཆུབ་སེམས་དཔའ་རྣམས་
ཀྱི་དགའ་བར་བྱེད་པ། རྒྱུན་དུ་བྱེད་པ། ཕྱིར་མི་ལྡོག་པར་བྱེད་པ། རྣམ་པར་རྩེན་པར་བྱེད་པ། འཇུག་པར་བྱེད་པ། གཟུགས་ཞི་བར་བྱེད་པ། ཡོངས་སུ་སྨིན་པར་བྱེད་པ། བྲལ་བར་བྱེད་པ། བྱང་ཆུབ་སེམས་དཔའ་རྣམས་ཡོངས་སུ་མྱ་ངན་
ལས་འདའ་བར་བྱེད་པའོ། །བཟོད་པ་འདི་དེ་ལྟར་བསྟན་པ་ན་ཕྱོགས་བཅུའི་སངས་རྒྱས་ཀྱི་ཞིང་ནས་ལྷགས་པའི་བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་ཀྱིས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཙུན་པ་བཅོམ་
ལྡན་འདས་རང་རང་གི་སངས་རྒྱས་ཀྱི་ཞིང་དུ་ཡང་དག་པར་སྤྱོད་པའི་ཚུལ་ནམ་མཁའི་མདོག་གིས་འདུལ་བའི་བཟོད་པ་འདི་སེམས་ཅན་རྣམས་ལ་བཤད་དེ། བླ་ན་མེད་པ་ཡང་དག་པར་རྫོགས་པའི་བྱང་ཆུབ་ལས་ཕྱིར་མི་ལྡོག་པར་དགོད་པར་
བགྱིའོ། །བཅོམ་ལྡན་འདས་ཀྱིས་བཀའ་སྩལ་པ། རིགས་ཀྱི་བུ་དག་ད་གང་གི་དུས་ལ་བབ་པར་སེམས་ནའོ། །དེ་ནས་ཕྱོགས་བཅུ་ནས་འདུས་པའི་བྱང་ཆུབ་སེམས་དཔའ་སེམས་དཔའ་ཆེན་པོ་དེ་དག་གིས་བྱང་ཆུབ་སེམས་དཔའི་རྫུ་འཕྲུལ་ཆེན་

62-1-222a

པོ་དང་། བྱང་ཆུབ་སེམས་དཔའི་རྣམ་པར་འཕྲུལ་པ་ཆེན་པོས། བཅོམ་ལྡན་འདས་ལ་མཆོད་པ་བྱས་ནས་འདི་སྐད་ཅེས་གསོལ་ཏོ། །བཙུན་པ་བཅོམ་ལྡན་འདས་མེ་ཏོག་བན་དུ་འདི་བྱིན་གྱིས་བརླབ་དུ་གསོལ། གནས་དང་། གྲོང་དང་གྲོང་
ཁྱེར་དང་། ལྗོངས་གང་དུ་བཟོད་པ་འདི་འཆད་པར་འགྱུར་བ་དེ་དག་ཏུ་མེ་ཏོག་བན་དུ་འདི་རབ་ཏུ་སྤྱོད་པར་འགྱུར་རོ། །བཅོམ་ལྡན་འདས་ཀྱིས་བཀའ་སྩལ་པ། རིགས་ཀྱི་བུ་དག་དེ་ལྟར་དེ་བཞིན་དུ་གཉི་ག་བྱིན་གྱིས་བརླབ་པར་བྱའོ། །སངས་རྒྱས་
ཀྱི་ཞིང་གང་ན་རིགས་ཀྱི་བུ་ཕོ་འམ། རིགས་ཀྱི་བུ་མོ་དེ་དག་བྱང་ཆུབ་དོན་དུ་གཉེར་བར་འགྱུར་བ་དང་། གླིང་བཞི་པ་གྲོང་དང་། ཡུལ་དང་གྲོང་ཁྱེར་དང་། གྲོང་དང་ལྗོངས་དང་། འོར་གྱི་གྲོང་དག་ཏུ་རིགས་ཀྱི་བུ་ཕོ་འམ། རིགས་ཀྱི་བུ་མོ་དག་བྱང་
ཆུབ་དོན་དུ་གཉེར་བར་འགྱུར་བ་དེ་དག་ཏུ་བཟོད་པ་འདི་སྒོམ་པ་དང་། འཆད་པ་དང་། སྟོན་པ་དང་འབྲི་བ་དང་། ཀློག་པ་དང་དྲན་པ་དང་སྤྱོད་པར་འགྱུར་རོ། །བཟོད་པ་འདི་གང་ན་སྤྱོད་པ་དེར་མེ་ཏོག་བན་དྷུ་འདི་སྤྱོད་པར་འགྱུར་རོ། །བཅོམ་ལྡན་འདས་ཀྱིས་དེ་
སྐད་ཅེས་བཀའ་སྩལ་པ་དང་། ཕྱོགས་བཅུ་ནས་ལྷགས་པའི་བྱང་ཆུབ་སེམས་དཔའ་དང་། ལྷ་དང་མི་དང་ལྷ་མ་ཡིན་དང་དྲི་ཟར་བཅས་པའི་འཁོར་གྱི་འཇིག་རྟེན་ཐམས་ཅད་བཅོམ་ལྡན་འདས་ཀྱིས་གསུངས་པ་ལ་རབ་ཏུ་དགའ་སྟེ་མངོན་
པར་བསྟོད་དོ། །ཡང་དག་པར་སྤྱོད་པའི་ཚུལ་ནམ་མཁའི་མདོག་གིས་འདུལ་བའི་བཟོད་པ་ཞེས་བྱ་བ་ཐེག་པ་ཆེན་པོའི་མདོ་རྫོགས་སྷོ།། །།ཞུས་དག་གོ། །ལན་གཉིས་ཞུསོ། །  བོད་སྐད་དུ། འཕགས་པ་ཐར་པ་ཆེན་པོ་ཕྱོགས་སུ་རྒྱས་པ་འགྱོད་ཚངས་ཀྱིས་སྡིག་སྦྱངས་
ཏེ་སངས་རྒྱས་སུ་གྲུབ་པར་རྣམ་པར་བཀོད་པ་ཞེས་བྱ་བ་ཐེག་པ་ཆེན་པོའི་མདོ། སངས་རྒྱས་དང་། བྱང་ཆུབ་སེམས་དཔའ་ཐམས་ཅད་ལ་ཕྱག་འཚལ་ལོ། །འདི་སྐད་བདག་གིས་ཐོས་པ་དུས་གཅིག་ན། བཅོམ་ལྡན་འདས་རྒྱལ་པོའི་ཁབ་ཀྱི་
གྲོང་ཁྱེར་ཆེན་པོ་ན། དགེ་སློང་གི་དགེ་འདུན་ཆེན་པོ་བརྒྱད་ཁྲི་དང་། བྱང་ཆུབ་སེམས་དཔའི་དགེ་འདུན་སུམ་ཁྲི་དྲུག་སྟོང་དང་ཐབས་གཅིག་ཏུ་བཞུགས་ཏེ། དེ་དག་ཀུན་ཀྱང་སྐྱེ་བ་གཅིག་གིས་ཐོགས་པ། སྒྲིབ་པ་ཐམས་ཅད་དང་ཡོངས་སུ་བྲལ་བ། 

62-1-222b

གཟི་བརྗིད་དང་དཔལ་གྱི་དབང་ཕྱུག་དང་ལྡན་པ། དེ་བཞིན་གཤེགས་པ་ལ་གསོང་བའི་དོན་ཐབས་ཀྱིས་བསྐུལ་བ། སངས་རྒྱས་ཀྱི་ཞིང་ཡོངས་སུ་དག་པར་བྱེད་པ། སངས་རྒྱས་ཀྱི་བྱ་བ་ལྷུན་གྱིས་གྲུབ་པ། སངས་རྒྱས་རྣམས་ཀྱི་བྱིན་གྱི་
བརླབས་ཀྱིས་རྣམ་པར་བཀོད་པ། ཆོས་ཀྱི་སྡེ་སྣོད་སྲུང་ཞིང་སྐྱོབ་པའི་ཕྱིར་ཐེག་པ་ཆེན་པོའི་མདོ་གཟུངས་སུ་འཛིན་ཅིང་སེང་གེའི་སྒྲས་ཕྱོགས་བཅུར་ཆོས་ཀྱི་འབྲུག་སྒྲ་ཆེན་པོ་སྒྲོགས་པ། དེ་དག་གི་ཡོན་ཏན་གྱི་གོ་འཕང་ནི་རི་རབ་དང་འདྲ་
བ་ཤེས་རབ་ཟབ་ཅིང་རྒྱ་ཆེ་བ་ནི་རྒྱ་མཚོ་དང་འདྲ་སྟེ། བདུད་ཀྱི་སྡེ་དཔུང་དང་བཅས་པར་བཏུལ་བ། མུ་སྟེགས་ཐམས་ཅད་སྡུད་ཅིང་སེམས་རྣམ་པར་བྱང་བ་ལ་འཇོག་པ། མཐུ་སྟོབས་དང་ལྡན་པས་རྣམ་པར་གྲོལ་བ་ལ་ཐོགས་པ་མེད་པ། མཉམ་
པ་ཉིད་ལ་བདེ་བར་གནས་པ། དྲན་པ་དང་ཏིང་ངེ་འཛིན་ཀུན་དུ་བཟུང་བ། བསྟན་པ་ལ་མོས་ཤིང་བློ་གྲོས་དང་ལྡན་པ། བསྡུ་བའི་དངོས་པོ་བཞི་དང་། ཕ་རོལ་དུ་ཕྱིན་པ་དྲུག་དང་། ཐབས་ལ་མཁས་པ་དཔག་ཏུ་མེད་པས་ཆོས་ཐམས་ཅད་ཀྱི་དོན་དང་མི་ལྡན་
པ་མེད་པ། སྐྱེ་བོ་རྣམས་ཀྱི་ཡིད་བཞིན་དུ་ཕྱིར་མི་ལྡོག་པའི་འཁོར་ལོ་བསྐོར་བ། ཡོད་པ་དང་མེད་པ་ཤེས་པའི་ཤེས་རབ་དང་ལྡན་པས་ཆོས་ཀྱི་རྣམ་གྲངས་ལ་མཁས་པ། མངོན་པར་ཤེས་པའི་ཏིང་ངེ་འཛིན་ལ་བཞུགས་ཏེ་སྤྱན་ལྔས་སེམས་ཅན་རྣམས་
ཀྱི་དབང་པོ་རྟོགས་པ། གཟི་བརྗིད་དང་དཔལ་དཔག་ཏུ་མེད་པ་སྐྱེ་བོ་མང་པོ་རྣམས་བསམ་གཏན་དང་ཤེས་རབ་ཀྱིས་སེམས་སུ་སྦྱངས་ཏེ་མཚན་དང་དཔེ་བྱད་བཟང་པོས་བརྒྱན་ཅིང་མཆོག་དང་ལྡན་པར་བྱེད་པ། སེམས་ནམ་མཁའ་དང་འདྲ་བ། འཇིག་རྟེན་
གྱི་གཟུགས་དང་ཁ་དོག་ཡོངས་སུ་བཏང་སྟེ། ཆོས་རྣམས་ཀྱི་ཆོས་ཉིད་ལ་མཁས་པ། རང་གི་རིག་པ་དང་ལྡན་པའི་ཤེས་རབ་ཀྱིས་སེམས་ཅན་གང་ནས་གང་དུ་འཁོར་བར་ཤེས་པ། ཏིང་ངེ་འཛིན་ཐམས་ཅད་དང་ལྡན་པས་མཉམ་པ་མེད་པ་ལ་བསྙེན་པ། 
དགེ་བའི་རྩ་བ་ཡུན་རིང་པོ་ནས་བསྐྱེད་པས་སངས་རྒྱས་ཀྱི་དབང་ཕྱུག་ཐོབ་པ། ཡེ་ཤེས་དང་། སྟོབས་བཅུ་དང་། མི་འཇིགས་པ་བཞི་དང་། མ་འདྲེས་པ་བཅྭ་བརྒྱད་དང་ལྡན་པ། བཟང་འགྲོའི་སྒོ་ནི་ཕྱེ། ངན་འགྲོ་རྣམས་ཀྱི་སྒོ་ནི་བཀག་སྟེ། སེམས་ཅན་ཀུན་ལ་

62-1-223a

བུ་གཅིག་དང་འདྲ་བར་སྙོམས་པར་བསྟན་པའི་ཕྱིར་ལམ་རྒྱུད་ལྔར་སྐྱེ་ཞིང་ལུས་སྟོན་པར་བྱེད་པ། སེམས་ཅན་རྣམས་ཉོན་མོངས་པ་ལས་བསྒྲལ་བའི་ཕྱིར་སྨན་པའི་རྒྱལ་པོ་ལྟར་རྫུ་ཞིང་འཁོར་བ་ལ་གནས་ཏེ། ནད་གསོ་བའི་ཆོ་ག་ལ་མཁས་
པས་ནད་ཀྱི་རྐྱེན་བཞིན་དུ་སྨན་བྱིན་ནས་འཁོར་བ་ལས་ཡོངས་སུ་ཐར་བར་བྱེད་པ། གང་གིས་ཐོས་ཀྱང་མ་གྲོལ་བ་མེད་པ་དེ་ལྟ་བུའི་ཡོན་ཏན་ཚད་མེད་པ་དང་ལྡན་པ། སྔོན་འདས་པའི་སངས་རྒྱས་གྲངས་མེད་པ་ལ་མཆོད་པ་མྱོང་བ། སངས་རྒྱས་ཀྱི་ངོ་བོ་ཉིད་
ཤིན་དུ་རིག་པ། དེ་བཞིན་གཤེགས་པ་ཡུན་དུ་གནས་པར་ཤེས་པ། རྟག་པར་ཡང་སེམས་ཅན་ལ་སངས་རྒྱས་ཀྱི་ངོ་བོ་ཉིད་ཡོད་པར་བཤད་པ་ཤ་སྟག་ལ་འདི་ལྟ་སྟེ། བྱང་ཆུབ་སེམས་དཔའ་སེམས་དཔའ་ཆེན་པོ་འཇམ་དཔལ་དང་། བྱང་ཆུབ་སེམས་
དཔའ་འོད་མི་གཡོ་དང་། བྱང་ཆུབ་སེམས་དཔའ་ཀླུ་ཤིང་ལྗོན་པ་དང་། བྱང་ཆུབ་སེམས་དཔའ་སྤྱན་རས་གཟིགས་དབང་ཕྱུག་དང་། བྱང་ཆུབ་སེམས་དཔའ་མཐུ་ཆེན་ཐོབ་དང་། བྱང་ཆུབ་སེམས་དཔའ་སྨན་གྱི་རྒྱལ་པོ་དང་། བྱང་ཆུབ་སེམས་དཔའ་སྨན་གྱི་བླ་དང་། བྱང་ཆུབ་
སེམས་དཔའ་ཀུན་དུ་བཟང་པོ་དང་། བྱང་ཆུབ་སེམས་དཔའ་ཆོས་ཀྱི་དབང་ཕྱུག་རྒྱལ་པོ་དང་། བྱང་ཆུབ་སེམས་དཔའ་སེང་གེའི་སྒྲ་དང་། བྱང་ཆུབ་སེམས་དཔའ་གཟུངས་འཛིན་དང་། བྱང་ཆུབ་སེམས་དཔའ་རིན་ཆེན་མཛོད་དང་། བྱང་ཆུབ་སེམས་དཔའ་རྟག་འགྲུས་
དང་། བྱང་ཆུབ་སེམས་དཔའ་རྒྱུན་མི་གཏོང་དང་། བྱང་ཆུབ་སེམས་དཔའ་མཚན་ཉིད་ལ་དད་པ་དང་། བྱང་ཆུབ་སེམས་དཔའ་ཐུབ་མེད་དང་། བྱང་ཆུབ་སེམས་དཔའ་བྱམས་པ་ལ་སོགས་པ་བྱང་ཆུབ་སེམས་དཔའ་སེམས་དཔའ་ཆེན་པོ་སུམ་ཁྲི་དྲུག་སྟོང་
དང་། མཐུ་སྟོབས་དང་ལྡན་པའི་ལྷ་བྱེ་བ་ཁྲག་ཁྲིག་ཕྲག་བརྒྱད་བཅུ་དང་། དགེ་སློང་དང་། དགེ་སློང་མ་དང་། དགེ་བསྙེན་དང་། དགེ་བསྙེན་མ་རྣམས་དང་། ལྷ་དང་། ཀླུ་དང་། གནོད་སྦྱིན་དང་། མི་དང་མི་མ་ཡིན་པ་ལ་སོགས་པ་དང་། ཚངས་པ་དང་། བརྒྱ་བྱིན་
ལ་སོགས་ཏེ་གྲངས་མེད་དཔག་ཏུ་མེད་པའི་ལྷ་དང་ལྷན་ཅིག་ཏུ་ནམ་མཁའ་ལ་འཁོད་དེ། ལྷའི་རིན་པོ་ཆེའི་མེ་ཏོག་གི་ཆར་ཕབ་ནས་རོལ་མོ་སིལ་སྙན་ཡང་གྲངས་མེད་དཔག་ཏུ་མེད་པ་སྒྲ་རང་འབྱིན་པ་བྱས་ཏེ། ལྷ་ཚངས་པས་སམ་བ་རའི་སྤོས་

62-1-223b

ཀྱི་བདུག་པ་དྲི་ཞིམ་པོས་བདུགས་ཏེ། དེ་བཞིན་གཤེགས་པ་ལ་མཆོད་པའི་སྤྲིན་ཕུང་ཕྱོགས་བཅུའི་འཇིག་རྟེན་གྲངས་མེད་པའི་ཁམས་ཀུན་ཁྱབ་པར་གྱུར་ཏེ། ཕྱོགས་བཅུའི་སངས་རྒྱས་ཐམས་ཅད་དང་། ཕྱོགས་བཅུའི་ཆོས་
ཐམས་ཅད་དང་། ཕྱོགས་བཅུའི་བྱང་ཆུབ་སེམས་དཔའི་དགེ་འདུན་ཐམས་ཅད་ལ་ཀུན་དུ་མཆོད་ཡོན་གསོལ་བར་གྱུར་ཏོ། །དེ་ལྟར་ལྷ་རྣམས་ཀྱིས་མཆོད་པ་ཕུལ་ནས་ཐེག་པ་ཆེན་པོ་བླ་ན་མེད་པའི་ལམ་ཚོལ་བའི་ཕྱིར་རོ། །དེ་ནས་དེའི་ཚེ་
དེའི་དུས་ན་བཅོམ་ལྡན་འདས་འཁོར་ཆེན་པོ་གྲངས་མེད་དཔག་ཏུ་མེད་པས་བཀོར་བ་དེ་དག་དང་ཐབས་གཅིག་ཏུ་ཤིང་ས་ལ་ཆེན་པོ་ག་ལ་བ་དེ་ལོགས་སུ་གཤེགས་ནས་དཔྱིད་ཟླ་འབྲིང་པོའི་ཚེས་བཅྭ་ལྔ་ལ་མྱ་ངན་ལས་འདའ་བའི་ཁར། དེ་
བཞིན་གཤེགས་པའི་བྱིན་གྱི་བརླབས་ཀྱིས་བྱམས་པ་ཆེན་པོས་སེམས་ཅན་ཐམས་ཅད་སྡུད་ཅིང་སྐྱོབ་པར་དགོངས་ཏེ། གསུང་དབྱངས་ཆེན་པོ་ཕྱུང་ནས་སྒྲ་དེས་ཕྱོགས་བཅུ་ཀུན་དུ་ཁྱབ་པར་སོ་སོའི་སྐད་བཞིན་དུ་སེམས་ཅན་ཐམས་ཅད་
ལ་བཀའ་སྩལ་པ། དེང་ནི་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཀྱིས་སེམས་ཅན་ལ་ཐུགས་བརྩེ་བར་དགོངས་སོ། །སེམས་ཅན་ལ་སྲུང་ཞིང་སྐྱོབ་པར་དགོངས་སོ། །སེམས་ཅན་སྡུད་ཅིང་གཞེས་པར་
དགོངས་སོ། །སེམས་ཅན་ལ་སྙོམས་པར་གཟིགས་པ་ནི་དཔེར་ན་བུ་གཅིག་ལ་ལྟ་བ་དང་འདྲ་བར་རྟེན་མེད་པ་ལ་རྟེན་བྱའོ། །སངས་རྒྱས་ཀྱི་བདག་ཉིད་མ་མཐོང་བ་ནི་མཐོང་བར་བྱའོ། །ཉོན་མོངས་པ་དང་མ་བྲལ་བ་ནི་བྲལ་བར་བྱའོ། །བདེ་བ་མེད་
པ་ནི་བདེ་བར་བྱའོ། །མ་གྲོལ་བ་ནི་རྣམ་པར་གྲོལ་བར་བྱའོ། །ལོངས་སྤྱོད་མེད་པ་ནི་ལོངས་སྤྱོད་དང་ལྡན་པར་བྱའོ། །ཐེ་ཙོམ་དང་མ་བྲལ་བ་ནི་ཐེ་ཙོམ་དང་བྲལ་བར་བྱའོ། །འགྱོད་ཚངས་མ་བྱས་པ་ནི་འགྱོད་པ་ཚངས་པར་བྱའོ། །མྱ་ངན་ལས་མ་འདས་པ་ནི་
མྱ་ངན་ལས་བཟླ་བར་བྱའོ་ཞེས་བཀའ་སྩལ་པ་དང་། དེའི་ཚེ་དེའི་དུས་ན་ལམ་གྱི་གཡས་གཡོན་དུ་ས་གཞི་མཉམ་པ་ཐང་བཟང་པོ་ཡོངས་སུ་དག་པ། བཀྲ་ཤིས་ཀྱི་ས་ཆུ་ཞེང་དུ་མཉམ་པར་དཔག་ཚད་སྟོང་ཕྲག་བཅུ་བཅུ་ཡོད་པར་བཅོམ་ལྡན་

62-1-224a

འདས་ཀྱིས་གཟིགས་ནས་མོད་ལ་དེར་གཞེས་ཏེ། དགེ་སློང་རྣམས་ལ་འདི་སྐད་ཅེས་བཀའ་སྩལ་ཏོ། །གནས་འདི་ནི་ཆོས་བཤད་པའི་སར་འོས་སོ་ཞེས་བཀའ་སྩལ་པ་དང་། དགེ་སློང་ཀུན་དགའ་བོས་བཅོམ་ལྡན་འདས་ལ་འདི་
སྐད་ཅེས་གསོལ་ཏོ། །བཅོམ་ལྡན་འདས་དེ་བཞིན་གཤེགས་པ་ནི་སྔོན་རྟག་ཏུ་རི་དང་། ཚལ་དང་། ཆབ་གཙང་མ་འབབ་པ་དང་། བཟའ་ཤིང་གི་ར་བ་དང་། མེ་ཏོག་དག་མཆིས་པ་ལ་དགྱེས་ན་དེང་འདིར་ནི་ཆབ་འབབ་པ་ཡང་མ་མཆིས། ཤིང་དང་ཚལ་ཡང་མ་མཆིས། 
གྲོང་ཁྱིམ་དང་། བཟའ་ཤིང་གི་ར་བ་དང་། མི་ཕལ་ཡང་མ་མཆིས་པར་བཅོམ་ལྡན་འདས་འདིར་ཅི་ལ་དགྱེས་ཏེ་བཞུགས་ཤིང་ཆོས་བཤད་ཅེས་གསུངས། ཕལ་ཤུལ་རིང་པོ་ནས་མཆི་བ། བཀྲེས་སྐོམ་པའི་སྡུག་བསྔལ་གྱིས་གདུངས་པའི་སེམས་ཅན་
རྣམས་སྲོག་ཀྱང་མི་འཚོ་སྟེ། ཟས་མཆིས་ན་ནི་སྲོག་མཆིས། སྲོག་མཆིས་ན་ནི་ལུས་མཆིས། ལུས་མཆིས་ན་ནི་ཆོས་ལམ་ཡང་མཆིས་སོ། །ཟས་མ་མཆིས་ན་སྲོག་མ་མཆིས། སྲོག་མ་མཆིས་ན་ལུས་མ་མཆིས། ལུས་མ་མཆིས་ན་ཆོས་ལམ་
ཡང་མ་མཆིས་པ་ལགས་ན་ད་འདིའི་ནང་དུ་འདི་ལྟ་བུའི་ཡིད་ལ་བབ་པ་གང་ཡང་མ་མཆིས་པར་བཅོམ་ལྡན་འདས་ཅིའི་སླད་དུ་འདིར་ཆོས་བཤད་ཅེས་གསུངས། དེ་ནས་ཤེས་རབ་ཆེན་པོ་ཤཱ་ར་དྭ་ཏིའི་བུས་སངས་རྒྱས་ཀྱི་བྱིན་གྱིས་བརླབས་ཀྱིས་ཀུན་དགའ་
བོ་ལ་སྨྲས་པ། སྔར་ཆོས་ཀྱི་ཕྱིར་ཞུ་བའི་རིགས་ཀྱི་གཞན་ནི་བསམ་མི་དགོས་སོ། །དེ་བཞིན་གཤེགས་པ་ནི་སྟོབས་བཅུ་དང་། མི་འཇིགས་པ་བཞིར་མ་ཟད་ཀྱི་དེ་བཞིན་གཤེགས་པ་ལ་སྟོབས་དཔག་ཏུ་མེད་པ་དང་། ཅེས་ཀྱང་མི་བསྙེངས་པ་
ཐམས་ཅད་མཁྱེན་པའི་ཡེ་ཤེས་དཔག་ཏུ་མེད་པ་དང་། གཟི་བརྗིད་དང་། རྫུ་འཕྲུལ་དཔག་ཏུ་མེད་པ་མངའ་སྟེ། གང་བརྟེན་མེད་པ་ནི་རྟེན་དུ་མཛད། སངས་རྒྱས་ཀྱི་ངོ་བོ་ཉིད་མ་མཐོང་བ་ནི་མཐོང་བར་མཛད། ཉོན་མོངས་པ་དང་མ་བྲལ་བ་ནི་
བྲལ་བར་མཛད། བདེ་བ་མེད་པ་ནི་བདེ་བ་ལ་རེག་པར་མཛད། མ་གྲོལ་བ་ནི་རྣམ་པར་གྲོལ་བར་མཛད། ལོངས་སྤྱོད་དང་མི་ལྡན་པ་ནི་ལོངས་སྤྱོད་དང་ལྡན་པར་མཛད། མྱ་ངན་ལས་མ་འདས་པ་ནི་ཡོངས་སུ་མྱ་ངན་ལས་བཟླ་བར་མཛད་དེ། དེ་

62-1-224b

བཞིན་གཤེགས་པ་ལ་འདི་ལྟ་བུ་ལ་སོགས་པའི་རྫུ་འཕྲུལ་དཔག་ཏུ་མེད་པ་དང་ལྡན་ན་དེ་བཞིན་གཤེགས་པ་ལ་རང་འབྱུང་མེད་པའི་མྱ་ངན་བྱ་ཅི་དགོས། བདག་དྲན་པ་སྔོན་དྲ་མ་ཆེན་པོ་དྲི་མ་མེད་པར་གྲགས་པས་ཕལ་མང་པོ་ལ་
ཆོས་བསྟན་པ་ན་འཇིག་རྟེན་གྱི་ཁམས་གཞན་ནས་འོངས་པའི་བྱང་ཆུབ་སེམས་དཔའ་དང་། ཉན་ཐོས་དང་། རང་སངས་རྒྱས་དང་། མཐུ་སྟོབས་དང་ལྡན་པའི་ལྷ་དང་། ཀླུ་ལ་སོགས་པའི་ཕལ་མང་པོ་ཁང་པའི་ནང་དུ་འདུས་སྟེ་འཁོད་
པའི་ཚེ་ཟས་དག་མི་སྣང་ནས། བདག་དེའི་ཚེ་ཕལ་མང་པོ་འདི་རྣམས་ཀྱི་ཟས་ཇི་ལྟར་འབྱོར་སྙམ་བསམས་པ་ལས་དྲི་མ་མེད་པར་གྲགས་པས་བདག་ལ་སྨྲས་པ། ཉན་ཐོས་ཤེས་རབ་དམན་པ་ཡང་དག་པའི་ཆོས་བསམ་པའི་
རིགས་ཀྱི་ཐོག་མ་ནས་ཟས་དང་། གོས་དང་། ཁྲི་སྟན་ལ་སོགས་པ་སྒྱུ་མའི་རྫས་ལ་ཅིའི་ཕྱིར་རྣམ་པར་རྟོག་ཅེས་དྲ་མ་ཆེན་པོ་དྲི་མ་མེད་པར་གྲགས་པས་དེ་སྐད་སྨྲས་པའི་ཚེ་ལྷ་དང་། མི་རྣམས་ནི་ཆོས་ལམ་ཐོབ་བདག་ནི་སྐྱེངས་ཏེ་
ཁྱོད་ད་ལྟར་སྨྲས་པ་ཡང་དེ་དང་འདྲའོ། །དེ་ནས་བཅོམ་ལྡན་འདས་ཀྱིས་ཀུན་དགའ་བོ་ལ་བཀའ་སྩལ་པ། དགའ་བོ་བློ་གྲོས་ཀྱི་མཆོག་ཤཱ་ར་དྭ་ཏིའི་བུས་སྨྲས་པ་བདེན་ཏེ། ཐེག་པ་ཆེན་པོ་བསམ་པའི་རིགས་ཀྱི་ལུས་བདེ་བའི་ཕྱིར་བསམ་
པ་མ་ཡིན་ནོ། །དེ་སྐད་ཅེས་བཀའ་སྩལ་མ་ཐག་ཏུ་ཏིང་ངེ་འཛིན་དུ་ཞུགས་ནས་བྱིན་གྱིས་བརླབས་ཀྱི་མོད་ལ་ས་དེར་གསེར་གྱི་མེ་ཏོག་གཅིག་འབུས་ནས་བྱུང་སྟེ། འཕང་དུ་དཔག་ཚད་ཁྲི་ཕྲག་བཞི་བཅུ་ཡོད་ལ། སྟོང་ཁམས་ཀུན་ཀྱང་
ཆུབ་པར་གཡོགས་ནས་བཻ་དཱུརྱའི་དྲ་བས་ཀྱང་གསེར་གྱི་མེ་ཏོག་ཁྱབ་པར་གཡོགས་ཏེ། མེ་ཏོག་དེའི་འོག་ཏུ་རིན་པོ་ཆེའི་ཁྲུས་ཀྱི་རྫིང་བུ་ཡོན་ཏན་བརྒྱད་དང་ལྡན་པའི་ཆུ་ཞེས་བྱ་བས་ཡོངས་སུ་གང་བ། དེའི་ངོས་བཞིར་མེ་ཏོག་སྣ་
ཚོགས་རྣམ་པ་མང་པོ་ལ་འདི་ལྟ་སྟེ། མེ་ཏོག་ཨུད་པ་ལ་དང་། ཀུ་མུ་ད་དང་། པད་མ་དང་། པུན་ཏ་རི་ཀ་ལ་སོགས་པ་རྣམ་པ་མང་པོ་དཔག་ཏུ་མེད་པས་རིན་པོ་ཆེའི་རྫིང་རྣམ་པར་བརྒྱན་པ་བྱུང་ནས། གང་ལ་ལ་ཞིག་གིས་གསེར་གྱི་མེ་ཏོག་དང་། 

62-1-225a

རིན་པོ་ཆེའི་རྫིང་བུ་མཐོང་བ་ཙམ་གྱིས་ཆོས་ཀྱི་མིག་རྣམ་པར་དག་པ་ཐོབ་ན་ནང་དུ་ཞུགས་ཏེ་ཁྲུས་བྱས་པ་ལྟ་ཅི་སྨོས། གལ་ཏེ་ཞུགས་ཏེ་ཁྲུས་བྱས་པ་ནི་རྣམ་པར་དག་པ་དང་། མི་སྐྱེ་བའི་ཆོས་ལ་བཟོད་པ་ཐོབ་བོ། །གསེར་གྱི་
མེ་ཏོག་དེའི་འོག་ཏུ་སེང་གེའི་ཁྲི་རིན་པོ་ཆེ་ལས་བྱས་པ། འཕང་དུ་དཔག་ཚད་བརྒྱ་པ་བྱུང་སྟེ། དེ་ནས་བཅོམ་ལྡན་འདས་ཀྱིས་རིན་པོ་ཆེའི་ཁྲི་དེ་ལ་བཞུགས་ནས་སྐུའི་བ་སྤུའི་བུ་ག་དང་། ཡན་ལག་ཀུན་ནས་འོད་ཟེར་ཆེན་པོ་བཏང་སྟེ། དེ་བཞིན་
གཤེགས་པའི་འོད་ཟེར་ཡང་གསེར་གྱི་མེ་ཏོག་གི་ཁ་དོག་དང་འཐུན་པར་ཕྱོགས་བཞིར་བྱུང་བས་ཕྱོགས་བཅུར་སངས་རྒྱས་ཀྱི་ཞིང་ཐམས་ཅད་དུ་ཁྱབ་པར་སྣང་བར་བྱས་པའི་གནས་ཐམས་ཅད་དུ་རི་ལུང་དང་། ཡུལ་ས་ཀུན་ཀྱང་མཉམ་
པར་གྱུར་ནས་ཐམས་ཅད་གསེར་གྱི་ཁ་དོག་ཏུ་གྱུར་ཏེ། སྨེ་བཙོགས་པ་ཡང་མེད་ལ་སེམས་ཅན་དམྱལ་བ་ཡང་ཞི་ནས་ཡི་དགས་ཀྱང་རྣམ་པར་གྲོལ་ཏེ། ལོག་སྤྱོད་དང་དམ་པའི་ཆོས་ལ་ཡོད་པ་ནི་མ་གཏོགས་སོ། །དེ་བཞིན་གཤེགས་པའི་བྱིན་གྱི་
བརླབས་ཀྱིས་འཇིག་རྟེན་གྱི་ཁམས་གཞན་དང་། དབུས་ཀྱི་ཁམས་འདི་དང་འདྲ་བར་གྱུར་ནས་ཐ་དད་པ་མེད་དོ། །ཕྱོགས་བཅུའི་སངས་རྒྱས་ཀྱིས་ཀྱང་འོད་ཟེར་དེ་གཟིགས་ནས་སོ་སོ་ནས་ཚིག་འཐུན་པར་བཅོམ་ལྡན་འདས་ཤཱཀྱ་
ཐུབ་པ་ལ་ལེགས་སོ་ཞེས་པས་བསྟོད་ནས་ལེགསོ་ལེགས་སོ། །བཅོམ་ལྡན་འདས་བྱམས་པ་ཆེན་པོས་འོད་ཟེར་བཏང་བ་འདི་ནི་སྔོན་གྱི་འོད་ཟེར་དང་མི་འདྲ་སྟེ། སྔོན་ཆད་ཀྱི་འོད་ནི་ཤར་ཕྱོགས་སུ་སྔར་ཤར་ན། དེང་གི་འོད་ནི་ཕྱོགས་བཞི་
ནས་དུས་གཅིག་ཏུ་ཕྱོགས་བཅུར་ཁྱབ་པར་ཤར་བ་ལས་བལྟས་ན་འོད་དེས་ནི་སྡུག་བསྔལ་བའི་སེམས་ཅན་ཐམས་ཅད་ཁམས་གསུམ་ནས་བཏོན་ཏེ། མྱ་ངན་ལས་བཟླ་བར་མངོན་ནོ་ཞེས་གསུངས་སོ། །དེ་ནས་ཕྱོགས་བཅུའི་སངས་རྒྱས་
རྣམས་ཀྱིས་སོ་སོའི་འཁོར་གྱི་བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་ལ་བཀའ་སྩལ་པ། རིགས་ཀྱི་བུ་དག་འདི་ལྟ་སྟེ། འཇིག་རྟེན་གྱི་ཁམས་མི་མཇེད་ནས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་

62-1-225b

རྒྱས་ཤཱཀྱ་ཐུབ་པས་འོད་ཟེར་ཆེན་པོ་གཏོང་བ་ནི་གདོན་མི་ཟ་བར་དམ་པའི་ཆོས་བསྟན་ཅིང་སེམས་ཅན་རྣམས་སྡུག་བསྔལ་བ་ལས་བསྒལ་གྱི་ཆ་ན། ཁྱེད་རྣམས་འཇིག་རྟེན་གྱི་ཁམས་དེར་སོང་ལ། སངས་རྒྱས་དེ་ལ་མཆོད་པ་ཕུལ་ནས་
ཐེ་ཙོམ་རྣམས་ཞུ་ཞིང་ཆོས་ཀྱི་རྣམ་གྲངས་ཉན་ཅིང་གསོལ་བའི་རིགས་སོ། །འཇིག་རྟེན་གྱི་ཁམས་དེའི་སེམས་ཅན་ཡོངས་ཀྱིས་ངན་ཅིང་ཁྲོ་ལ་རྫུན་སྒྱུ་ཅན་ཏེ། ཐེག་པ་གཅིག་ལ་མ་དད་པས་དེ་བཞིན་གཤེགས་པ་ཤཱཀྱ་ཐུབ་པས་བྱམས་པ་
ཆེན་པོས་ཐབས་སྣ་ཚོགས་ཀྱིས་ཐེག་པ་གསུམ་དུ་ཕྱེ་སྟེ། སྲིད་པ་གསུམ་རྣམ་པར་གྲོལ་བར་བྱེད་དོ། །ཐེག་པ་གསུམ་དུ་བསྟན་གྱིས་ཀྱང་ཐོག་མར་དགེ་བ། བར་དུ་དགེ་བ། ཐ་མར་དགེ་བ། དོན་བཟང་པོ། ཚིག་འབྲུ་བཟང་པོ། མ་འདྲེས་པ། 
ཡོངས་སུ་དག་པ། ཡོངས་སུ་དཀར་བ་སྟེ། སངས་རྒྱས་བཅོམ་ལྡན་འདས་དེ་ནི་བསྐལ་པ་ཁྲི་ཕྲག་བརྒྱ་སྟོང་དུ་ཡང་མཐོང་བར་མི་འགྱུར། ཆོས་ཀྱི་རྣམ་གྲངས་བཤད་དོ་ཅོག་ཀྱང་ཐོས་པར་མི་འགྱུར། འཁོར་དེ་དག་ཀྱང་ཚོགས་འདུས་པར་མི་འགྱུར། 
བཅོམ་ལྡན་འདས་ཤཱཀྱ་ཐུབ་པའི་གདན་ཁྲི་དང་། གསེར་གྱི་མེ་ཏོག་ཁྱད་པར་ཅན་ལ་བཞུགས་པ་ཡང་མཐོང་བར་མི་འགྱུར་རོ། །དེ་བས་ན་ཁྱེད་རྣམས་འཇིག་རྟེན་དེར་སོང་ལ། སངས་རྒྱས་དེ་མཐོང་ཞིང་ཐེ་ཙོམ་དག་ཞུ་ན་ཁྱེད་རྣམས་ཀྱང་བསོད་ནམས་
ཐོབ་ལ། སྐྱེ་བོ་ཀུན་ལ་ཕན་པ་དང་། བདེ་བར་འགྱུར་རོ། །དེ་སྐད་ཅེས་བཀའ་སྩལ་མ་ཐག་ཏུ་ཕྱོགས་བཅུའི་སངས་རྒྱས་ཀྱི་ཞིང་རེ་རེ་ནས་བྱང་ཆུབ་སེམས་དཔའ་བྱེ་བ་ཕྲག་བཅུ་བཅུ་རང་རང་གི་གནས་ནས་ལངས་ཏེ། སོ་སོའི་སངས་རྒྱས་ལ་ཕྱག་འཚལ་
ནས། ཐབས་གཅིག་ཏུ་དོང་སྟེ། བྱང་ཆུབ་སེམས་དཔའ་རེ་རེ་ཡང་རོལ་མོ་རྣམ་པ་བརྒྱ་སྟོང་ཐོགས་ཏེ། མེ་ཏོག་རིན་པོ་ཆེ་མཆོག་ཏུ་བཟང་པོའི་ཆར་ཕབ་ནས་བཅོམ་ལྡན་འདས་ཤཱཀྱ་ཐུབ་པ་ག་ལ་བ་དེར་ཕྱིན་ཏེ། བཅོམ་ལྡན་འདས་ལ་ཕྱག་འཚལ་ནས་
ལན་བདུན་བསྐོར་བ་བྱས་ནས་ཕྱོགས་གཅིག་ཏུ་འདུག་གོ། །དེ་ནས་སོ་སོ་ནས་ཚིག་གཅིག་དང་། ང་གཅིག་དང་། སྒྲ་གཅིག་གིས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས་བདག་ཅག་གསོལ་ཞིང་ཞུ་བ་ཞིག་མཆིས་ན་སྐྱེ་བོ་རྣམས་

62-1-226a

ལ་སྨན་པ་དང་བདེ་བའི་སླད་དུ་བཅོམ་ལྡན་འདས་ཀྱིས་སྐབས་དབྱེ་ཞིང་བཤད་པར་སྨོན་ཏོ། །དེ་ནས་བཅོམ་ལྡན་འདས་ཀྱིས་ཕས་བྱིན་པའི་བྱང་ཆུབ་སེམས་དཔའ་རྣམས་ལ་བཀའ་སྩལ་པ། རིགས་ཀྱི་བུ་དག་ཐེ་ཙོམ་ཡོད་ན་དེ་ཀུན་དྲིས་
ཤིག་དང་། ངས་ཁྱེད་རྣམས་ལ་བྱེ་བྲག་ཕྱེད་པར་བཤད་དོ། །དེ་ནས་བྱང་ཆུབ་སེམས་དཔའ་རྣམས་ཀྱིས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས་བདག་ཅག་གི་དེ་བཞིན་གཤེགས་པ་ནི་ཐེག་པ་གཅིག་ལས་
མི་བཤད་ན། འདིར་བཅོམ་ལྡན་འདས་ཀྱིས་ཅིའི་སླད་དུ་བཤད་ཅེས་གསོལ་པ་དང་། དེ་ནས་བཅོམ་ལྡན་འདས་ཀྱིས་ཐོགས་པ་མེད་པའི་ཡེ་ཤེས་ཀྱིས་བྱང་ཆུབ་སེམས་དཔའ་རྣམས་ལ་བཀའ་སྩལ་པ། རིགས་ཀྱིས་བུ་ཁྱེད་
རྣམས་སེམས་ཅན་ལ་ཕན་པ་དང་བདེ་བའི་ཕྱིར་དོན་འདི་ལྟ་བུ་འདྲི་བ་ལེགས་ཀྱིས་ཉོན་ཅིག་རིགས་ཀྱི་བུ་རྣམས་དཔེར་ན་མི་གཅིག་ལ་མིང་གསུམ་ཡོད་པ་ལྟ་བུ་སྟེ། ཆུང་ངུའི་ཚེ་ན་ནི་བྱིས་པ་ཞེས་བྱ། ལོ་ཉི་ཤུ་ཡན་ཆད་ལ་ནི་སྐྱེས་བུ་ཞེས་བྱ། ལོ་བརྒྱད་
བཅུ་ཡན་ཆད་འདས་པ་ནི་རྒན་པོ་ཞེས་བྱའོ། །ངའི་ཐེག་པ་གསུམ་ཡང་དེ་དང་འདྲ་སྟེ། སེམས་རྒྱ་ཆུང་ངུ་ཉན་ཐོས་ལ་ནི་ཐེག་པ་ཆུང་ངུ་བསྟན། སེམས་རྒྱ་འབྲིང་པོ་རང་སངས་རྒྱས་ལ་ནི་ཐེག་པ་འབྲིང་པོ་བསྟན། བྱང་ཆུབ་སེམས་དཔའ་
སེམས་དཔའ་ཆེན་པོ་ལམ་ཆེན་པོ་ལ་ཞུགས་པ་ལ་ནི་ཐེག་པ་ཆེན་པོ་བསྟན་ཏོ། །རིགས་ཀྱི་བུ་ཁྱེད་རྣམས་ཡང་ཉོན་ཅིག །མདོར་མཐའ་གཉིས་མེད་པ་དང་ཕྱོགས་གཅིག་ཏུ་འཐུན་ཏེ། ཤེས་པའི་སྒོ་ཐ་དད་ཀྱང་མཐའ་གཅིག་ཏུ་འདུའོ། །མདོ་ནི་ཐེག་པ་
གཅིག་སྟེ། ཐབས་དཔྱད་པས་གསུམ་དུ་བགོས་སོ། ཉན་ཐོས་དང་། རང་སངས་རྒྱས་ཀྱི་ཐེག་པ་ཡང་ཐེག་པ་ཆེན་པོའི་ནང་དུ་འདུ། ཐེག་པ་ཆེན་པོ་ནི་སངས་རྒྱས་ཀྱི་ཐེག་པའོ། །དེ་བས་ན་ཐེག་པ་གསུམ་ཡང་ཐེག་པ་གཅིག་གོ་ཞེས་ཆོས་འདི་བསྟན་
པའི་ཚེ་བྱང་ཆུབ་སེམས་དཔའ་སྟོང་ཕྲག་བཅུ་མི་སྐྱེ་བའི་ཆོས་ལ་བཟོད་པ་ཐོབ་བོ། །དགེ་སློང་བརྒྱད་བརྒྱ་ནི་དགྲ་བཅོམ་པའི་འབྲས་བུ་ཐོབ། ལྷ་ཉི་ཁྲིས་ནི་ཆོས་ཀྱི་མིག་རྣམ་པར་དག་པ་ཐོབ། མི་ལས་ཁྲི་ཕྲག་བརྒྱ་སྟོང་ནི་མོད་ལ་བླ་ན་མེད་པ་ཡང་དག་

62-1-226b

པར་རྫོགས་པའི་བྱང་ཆུབ་ཏུ་སེམས་བསྐྱེད་དོ། །དེ་ནས་ཕྱོགས་བཅུ་ནས་ཕྱིན་པའི་བྱང་ཆུབ་སེམས་དཔའ་རྣམས་ཀྱིས་བཅོམ་ལྡན་འདས་ག་ལ་བ་དེ་ལོགས་སུ་ཐལ་མོ་སྦྱར་བ་བཏུད་ནས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །
བཅོམ་ལྡན་འདས་བདག་ཅག་ནི་དེ་བཞིན་གཤེགས་པའི་མཐུ་དང་། བྱིན་གྱི་བརླབས་ཀྱིས་ཁམས་འདིར་ཕྱིན་ཅིང་བཅོམ་ལྡན་འདས་ཀྱི་ཞལ་མཐོང་བའི་སྟེང་དུ་ཐེག་པ་ཆེན་པོའི་ཆོས་ཀྱང་ཐོས་ན་ཆོས་ཀྱི་རྣམ་གྲངས་འདི་བདག་ཅག་གིས་བླངས་ཏེ་
གཟུངས་སུ་འཛིན་པར་གནང་བར་མཛད་དུ་གསོལ། དེ་བཞིན་གཤེགས་པ་མྱ་ངན་ལས་འདས་པའི་སླད་ན་འཇིག་རྟེན་གྱི་ཁམས་འདི་དང་། འཇིག་རྟེན་གྱི་ཁམས་གཞན་དུ་རི་དང་། ནགས་དང་། ཚལ་དང་། ཤིང་དྲུང་དང་། རིག་པ་འཛིན་པའི་གནས་དང་། གྲོང་
ཁྱེར་དང་། གྲོང་རྡལ་དང་། ལྗོངས་དང་། དགོན་པ་དང་། དུར་ཁྲོད་དང་། མཆོད་རྟེན་དང་། གཙུག་ལག་ཁང་དང་། དགེ་འདུན་གྱི་གནས་ཁང་དང་། ཆོས་སྟོན་པའི་ས་མང་པོ་འདུ་བ་དང་། ཁྱིམ་པའི་གནས་སོ་སོའི་ཁྱིམ་ཁྱིམ་དུ་རྒྱ་ཆེར་སྤེལ་ཞིང་རྒྱུན་མི་འཆད་
པར་བགྱིའོ། །དེ་ཅིའི་སླད་དུ་ཞེ་ན། ཆོས་ཀྱི་རྣམ་གྲངས་འདི་ཡུན་རིང་དུ་གནས་ན་ངན་འགྲོ་ཀུན་བཀག་པར་འགྱུར་རོ། །སྔོན་དེ་བཞིན་གཤེགས་པས་བཏུད་པས་སེམས་ཅན་དམྱལ་བའི་སྒོ་བཅད་ཅེས་ཐོས་ཏེ། གང་གིས་མདོ་སྡེ་འདི་ལས་ཚིག་
གཅིག་བཏོན་ན་ལྷ་རྣམས་རབ་ཏུ་དགའ་བ་དང་ཚིམ་པ་སྐྱེས་ཏེ། རྟག་ཏུ་བསྙེན་བཀུར་བགྱིད་ཅིང་རང་བཞིན་གྱིས་དགེ་བ་སྤྱོད་དོ། །གང་ལ་ལས་ཐར་པ་ཆེན་པོ་ཕྱོགས་སུ་རྒྱས་པའི་མདོ་འདི་ཐོས་ཏེ། དགའ་བ་སྐྱེས་ནས་དད་པ་དང་གུས་པའི་
སེམས་ཀྱིས་ཡི་གེར་འབྲི་འམ། ཡི་གེར་འདྲིར་འཇུག་གམ། ཀློག་གམ། ཁ་ཏོན་དུ་བྱས་སམ། བླངས་སམ། འཆང་ངམ། ཕྱག་འཚལ་ཞིང་ཆོས་ཀྱི་རྣམ་གྲངས་འདིའི་ནང་གི་སངས་རྒྱས་ཀྱི་མཚན་གཅིག་གམ། བྱང་ཆུབ་སེམས་དཔའི་
མིང་གཅིག་བརྗོད་ན་གང་ཟག་དེ་ནི་ཚེ་འདི་ཉིད་ལ་བདེ་བ་ཐོབ་སྟེ། སྡིག་པ་རྣམས་མི་མཐོང་ཞིང་ཚེ་ཟད་དེ་འཆི་འཕོས་ན་ཡང་བྱང་ཆུབ་སེམས་དཔའ་བདག་ཅག་རྣམས་ཀྱིས་སྔོན་དུ་ལམ་དྲངས་ཏེ། བདག་ཅག་གི་འཇིག་རྟེན་

62-1-227a

གྱི་ཁམས་རྣམ་པར་དག་པར་གནས་གཅིག་ཏུ་སྐྱེ་བར་བགྱིའོ། །དེ་ཅིའི་སླད་དུ་ཞེ་ན། མདོ་སྡེ་འདི་བླངས་པ་དང་། གཟུངས་སུ་འཛིན་པའི་སླད་དུའོ། །མདོ་སྡེ་འདི་བླངས་ཏེ། གཟུངས་སུ་འཛིན་པ་ནི་སངས་རྒྱས་ཀྱི་
སྐུ་འཛིན་པའོ། །སངས་རྒྱས་ཀྱི་སྐུ་འཛིན་པ་ནི་བྱང་ཆུབ་སེམས་དཔའ་ལགས་པར་མངོན་ཏེ། དེ་བས་ན་དེ་དག་ནི་བདག་ཅག་དང་བསླབ་པ་གཅིག་གོ། །རྒྱུ་དང་རྐྱེན་དེས་ན་མདོ་སྡེ་འདི་གཟུངས་སུ་འཛིན་པ་རྣམས་གནས་གཅིག་ཏུ་སྐྱེ་
ཞིང་མི་འབྲལ་བར་སྨོན་ཏོ། །དེ་ནས་ཚངས་པ་ཆེན་པོ་དང་། སུམ་བཅུ་རྩ་གསུམ་གྱི་ལྷ་རྣམས་དང་། འཇིག་རྟེན་སྐྱོང་བ་རྒྱལ་པོ་ཆེན་པོ་བཞི་དང་། གསང་བ་པའི་བདག་པོ་ལག་ན་རྡོ་རྗེ་དང་། གནོད་སྦྱིན་གྱི་སྡེ་དཔོན་ཆེན་པོ་ཡང་དག་ཤེས་ལ་སོགས་
པ་དང་། ཀླུའི་རྒྱལ་པོ་དགའ་བོ་དང་། ཉེ་དགའ་བོ་དང་། ལྷ་མ་ཡིན་དང་། ནམ་མཁའ་ལྡིང་དང་། དབྱིངས་ཅན་དང་། འཕྲོག་མ་མོ་དང་། རིའི་ལྷ་དང་། ཤིང་གི་ལྷ་དང་། ཀླུང་གི་ལྷ་དང་། མཚོའི་ལྷ་དང་། སའི་ལྷ་དང་། ཆུའི་ལྷ་དང་། མེའི་ལྷ་དང་། རླུང་གི་ལྷ་ལ་སོགས་
པ་གྲངས་མེད་དཔག་ཏུ་མེད་པ་དག་རང་རང་གི་སྟན་ལས་ལངས་ཏེ། བཅོམ་ལྡན་འདས་ག་ལ་བ་དེ་ལོགས་སུ་ཐལ་མོ་སྦྱར་ཅིང་གུས་པར་ཕྱག་འཚལ་ནས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས་བདག་ཅག་ནི་བཅོམ་
ལྡན་འདས་ཀྱིས་བསྟན་པའི་མདོ་སྡེ་ཐར་པ་ཆེན་པོ་ཕྱོགས་སུ་རྒྱས་པ་འདི་ལ་རྟག་ཏུ་བསྲུང་ཞིང་འཛིན་པར་བགྱིའོ། །མདོ་སྡེ་འདི་གང་དུ་གནས་པ་དེར་བདག་ཅག་གིས་རྟག་ཏུ་མདུན་དུ་བདར་ཏེ་ཡོངས་སུ་དག་པར་བགྱིའོ། །མདོ་སྡེ་འདི་མཆོད་རྟེན་དུ་
འམ་གནས་ཁང་དུ་འམ། ཁྱིམ་པའི་ཁྱིམ་དུ་འམ། དགོན་པ་ན་གནས་ཀྱང་རུང་སྟེ། གལ་ཏེ་གང་ཟག་འགའ་ཞིག་གིས་སུག་པ་མི་གཙང་བས་མདོ་སྡེ་འདི་བཟུང་ངམ། མ་གུས་པར་བླགས་སམ། ཁ་ཏོན་དུ་བགྱིས་ན་བདག་ཅག་གིས་གང་
ཟག་དེ་འགྲོ་སྡོད་འདུག་ཉལ་སྤྱོད་ལམ་རྣམ་བཞིར་ལུས་དང་སེམས་མི་བདེ་བར་བགྱིའོ། །དེ་གང་དུ་གནས་པ་དེར་འཇིགས་ཤིང་སྐྲག་པ་དང་། གློ་བུར་དུ་གནོད་པ་འབྱུང་བར་བགྱིའོ། །ཚེ་འདི་ལ་མི་བདེ་བ་སྣ་ཚོགས་དང་། ཚེ་འཕོས་ན་ཡང་སེམས་ཅན་

62-1-227b

དམྱལ་བར་ལྟུང་བར་བགྱིའོ། །གང་ལ་ལ་ཞིག་གིས་མདོ་སྡེ་འདི་ལ་གུས་པར་བགྱིས་ཏེ། སུག་པ་གཙང་མས་བླངས་ཤིང་འཆང་ངམ། ཁྲུས་བགྱིས་ཏེ་བདུག་སྤོས་ཀྱིས་བདུག་ཅིང་བླགས་སམ། ཁ་ཏོན་དུ་བགྱིས་སམ། འཆང་ངམ་འཛིན་
ཏམ། ཡི་གེར་འབྲི་འམ། ཡི་གེར་འབྲིར་འཇུག་གམ། རྗེས་སུ་དྲན་ནམ་སྡིག་པའི་ཆོས་རྣམས་མ་སྤྱད་ན་བདག་ཅག་གིས་མདོ་སྡེ་འདི་བསྲུང་བའི་སླད་དུ་གང་ཟག་དེའི་རིམ་གྲོ་བགྱིའོ། །བསྲུང་བར་བགྱིའོ། །གང་ཟག་དེ་ཉལ་ན་ཡང་དེའི་མདུན་དུ་
མཆིས་ཏེ། ལྟས་ངན་པ་རྣམས་མི་འབྱུང་བར་བགྱིའོ། །ཡང་གཅིག་ཏུ་ན་དགྲ་མ་རུངས་པ་དང་། གདོན་མ་རུངས་པ་རྣམས་ཀྱི་གནོད་པས་མི་ཚུགས་པར་བགྱིའོ། །དེ་གང་དུ་གནས་པའི་ཁང་ཁྱིམ་ཡང་བསྲུང་བར་བགྱིའོ། །དེ་སྟེ་འགྲོན་དུ་མཆི་ན་བདག་
ཅག་རྣམས་ཀྱིས་རྟག་ཏུ་ཕྱིན་འབྲང་ཞིང་ཅི་འཚལ་བ་སྦྱར་བར་བགྱིའོ། །ཕྱོགས་བཞིར་གང་དུ་མཆི་ན་ཡང་བགེགས་མ་མཆིས་པར་རྒྱུན་དུ་དགེ་བའི་ཆོས་མཐོང་ཞིང་ཚེ་འཕོས་ན་ཡང་ལྷར་སྐྱེ་བར་བགྱིའོ། །རྒྱུ་དེ་དང་རྐྱེན་དེས་ནི་སངས་རྒྱས་
མཐོང་ཞིང་ཐེག་པ་ཆེན་པོ་མི་སྟོང་བར་བགྱིའོ་ཞེས་གསོལ་པ་དང་། བཅོམ་ལྡན་འདས་ཀྱིས་བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་དང་། ལྷ་དང་། ལྷ་མ་ཡིན་གྱི་བདག་པོ་ལ་སོགས་པ་ལ་བཀའ་སྩལ་པ། དེ་དེ་བཞིན་ནོ། །དེ་དེ་
བཞིན་ཏེ། ཁྱེད་རྣམས་ཀྱིས་བཤད་པ་བཞིན་ཏེ། མདོ་སྡེ་འདི་ཐོས་པར་ཡང་མི་འགྱུར་ན་མཐོང་བར་ལྟ་ག་ལ་འགྱུར། གལ་ཏེ་མདོ་སྡེ་འདི་བླངས་ཏེ་བཟུང་ངམ། འཆང་ངམ། ཀློག་གམ། ཁ་ཏོན་དུ་བྱེད་པར་འདོད་ན་ཁྲུས་དག་པར་བྱས་ལ་
གོས་གཙང་མ་བགོས་ཏེ། ཁང་པ་དབེན་པ་གཙང་མའི་ནང་དུ་བ་དན་དང་། རྒྱལ་མཚན་དང་། གདུགས་ཀྱིས་བརྒྱན་ནས་བདུག་པ་སྣ་ཚོགས་དང་། ཙན་དན་དང་། ཕྱེ་མ་དང་། བྱུག་པས་མཆོད་ཅིང་ཕྱག་འཚལ་ནས་དེ་ལྟར་ཉིན་མཚན་
དུས་དྲུག་ཏུ་ཐོག་མར་མགོ་བཙུགས་ནས་ཉིན་ཞག་བདུན་གྱི་བར་དུ་ཉིན་རེ་རེ་ཞིང་མདོ་སྡེ་འདི་བཀླགས་ཏེ། སེམས་མི་གཡེང་བ་དང་། དྲན་པ་མི་གཡེང་བ་དང་། རྟོག་པ་མི་གཡེང་བ་དང་། བསམ་པ་མི་གཡེང་བ་དང་། གཟུངས་སུ་འཛིན་པ་མི་

62-1-228a

གཡེང་བ་དང་། སྤྱོད་པ་མི་གཡེང་བ་དང་། བསྟན་ཅིང་བསླབ་པ་མི་གཡེང་བར་ཉིན་མཚན་དུས་དྲུག་ཏུ་མདོ་སྡེ་འདིའི་ནང་ནས་འབྱུང་བའི་སངས་རྒྱས་དང་། བྱང་ཆུབ་སེམས་དཔའ་དང་། མདོ་སྡེ་བཅུ་གཉིས་རྣམས་ལ་ཕྱག་
འཚལ་ཞིང་ཀློག་པ་འམ་ཁ་ཏོན་དུ་འདོན་ཅིང་མོས་པ་དང་གུས་པར་བྱེད་ནུས་ན་མདོ་སྡེ་འདིའི་ནང་ནས་འབྱུང་བ་བཞིན་དུ་སྡིག་ལྕི་བ་ཀུན་འབྱང་བར་འགྱུར་གྱིས། དེ་ལ་ཐེ་ཙོམ་འམ་ཡིད་གཉིས་སུ་མ་བྱེད་ཅིག །དེ་ཅིའི་ཕྱིར་ཞེ་ན། ཐར་པ་ཆེན་པོ་ཕྱོགས་
སུ་རྒྱས་པའི་མདོ་སྡེ་འདི་ནི་ཕྱོགས་བཅུའི་སངས་རྒྱས་ཀྱི་སྤྱད་པ་སྤྱོད་པའོ། །འདི་ནི་བསྲུང་ཞིང་སྐྱོབ་པ་སྟེ། སངས་རྒྱས་ཐམས་ཅད་ཀྱི་ཡུམ་མོ། །འདི་ནི་མདོ་སྡེ་ཀུན་གྱི་རྒྱལ་པོའོ། །འདི་ནི་དོན་དམ་པའི་སྙིང་པོའོ། །འདི་ནི་བྱང་ཆུབ་སེམས་
དཔའ་རྣམས་ཀྱི་ལམ་མོ། །ཐར་པ་ཆེན་པོ་ཕྱོགས་སུ་རྒྱས་པའི་མདོ་སྡེ་ཟབ་མོ་འདི་ནི་འཇིག་རྟེན་ན་ཆེན་པོ་དྲུག་དང་འདྲ་སྟེ། བསམ་གྱིས་མི་ཁྱབ་བོ། །དྲུག་གང་ཞེ་ན། ས་ཆེན་པོ་དང་། ཆུ་ཆེན་པོ་དང་། མེ་ཆེན་པོ་དང་། རླུང་ཆེན་པོ་དང་། 
ཉི་མ་ཆེན་པོ་དང་། ནམ་མཁའ་ཆེན་པོའོ། །མདོ་སྡེ་འདི་ནི་ས་ཆེན་པོ་དང་འདྲ་སྟེ། གཙང་སྨེ་དང་། བཟང་ངན་ཐམས་ཅད་ཐེག་པར་བྱེད་དོ། །མདོ་སྡེ་འདི་ནི་ཆུ་ཆེན་པོ་དང་འདྲ་སྟེ། སྨེ་བཙོག་ཐམས་ཅད་འཁྲུ་བར་བྱེད་དོ། །མདོ་སྡེ་འདི་མེ་ཆེན་པོ་དང་འདྲ་སྟེ། 
ཉོན་མོངས་པ་དང་། བཙོག་པ་དང་། ལྗན་ལྗིན་ཐམས་ཅད་ཚིག་པར་བྱེད་དོ། །མདོ་སྡེ་འདི་ནི་རླུང་ཆེན་པོ་དང་འདྲ་སྟེ། སྨེ་བཙོག་ཐམས་ཅད་འབུད་པར་བྱེད་དོ། །མདོ་སྡེ་འདི་ནི་ཉི་མ་ཆེན་པོ་དང་འདྲ་སྟེ། མུན་ནག་ཡོད་དོ་ཅོག་སྣང་བར་བྱེད་དོ། །མདོ་སྡེ་འདི་
ནམ་མཁའ་དང་འདྲ་སྟེ། བཟང་ངན་ཡོད་དོ་ཅོག་ཐམས་ཅད་ཤོང་བར་བྱེད་དོ། །དེ་ལྟ་བུའི་ཐེག་པ་ཆེན་པོའི་མདོ་སྡེ་ཐར་པ་ཆེན་པོ་ཕྱོགས་སུ་རྒྱས་པ་འདི་རྒྱ་ཆེ་བ་ནི་དཔེ་ཟླ་མེད་དེ། ཡར་བྱང་ཆུབ་སེམས་དཔའ་དང་། བར་དུ་ཉན་ཐོས་དང་། མར་འཇིག་
ཚོགས་ཀྱི་གཟུགས་ཅན་ནོ་ཅོག་མི་ཤོང་བ་མེད་དོ། །དེ་བས་ན་ཁྱེད་རྣམས་ཀྱིས་མདོ་སྡེ་འདི་གཟུངས་སུ་བཟུང་སྟེ། ཆོངས་ཤིག །ཀུན་དུ་སྤེལ་བར་གྱིས་ཤིག །དད་ཅིང་གུས་པར་བྱོས་ཤིག་དང་། ཁྱེད་བྱང་ཆུབ་སེམས་དཔའ་སེམས་དཔའ་ཆན་

62-1-228b

པོ་རྣམས་སངས་རྒྱས་ཀྱི་ཡེ་ཤེས་ཐུགས་སུ་ཆུད་པ་དང་། སངས་རྒྱས་ཀྱི་བདག་ཉིད་མངོན་དུ་མཐོང་བར་བྱའོ། །ཁྱེད་ལྷ་རྣམས་ཀྱང་མདོ་སྡེ་འདི་བླངས་ཏེ། འཆང་ན་རྒྱུན་དུ་ང་ཡང་མཐོང་ལ། མ་བྱོན་པའི་སངས་རྒྱས་ཐམས་ཅད་མཐོང་བ་དང་། 
ཆོས་ཀྱི་འཁོར་ལོ་བསྐོར་བ་དང་། དཀྱིལ་འཁོར་ཆེན་པོ་ལ་ཞུགས་པར་བྱའོ་ཞེས་བཀའ་སྩལ་པ་དང་། དེ་ནས་འཁོར་མང་པོའི་ནང་ནས་བྱང་ཆུབ་སེམས་དཔའ་མཚན་ཉིད་དད་པ་ཞེས་བྱ་བ་དེ་འཁོར་འདུས་པའི་ནང་ནས་སྟན་ལས་ལངས་ཏེ། 
བླ་གོས་ཕྲག་པ་གཅིག་ཏུ་བགོས་ནས་བཅོམ་ལྡན་འདས་ཀྱི་ཞབས་ལ་མགོ་བོས་ཕྱག་འཚལ་ཏེ། བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས་བདག་ཅག་རྣམས་གསོལ་ཞིང་ཞུ་བ་མཆིས་ན་དཔག་ཏུ་མ་མཆིས་པའི་སྐྱེ་བོ་ལ་
སྨན་པ་དང་། བདེ་བའི་སླད་དུ་བཅོམ་ལྡན་འདས་སྐབས་དབྱེ་ཞིང་བཤད་པར་སྨོན་ཏོ། །དེ་ནས་བཅོམ་ལྡན་འདས་ཀྱིས་བྱང་ཆུབ་སེམས་དཔའ་མཚན་ཉིད་དད་པ་ལ་བཀའ་སྩལ་པ། ཤིན་དུ་ལེགས་སོ་ལེགས་སོ། །རིགས་ཀྱི་བུ་དྲི་བ་ཡོད་ན་ཅི་འདོད་པ་
བཞིན་དྲིས་ཤིག་དང་། ངས་ཁྱོད་ལ་བྱེ་བྲག་ཕྱེད་པར་བཤད་དོ། །ཁྱོད་ཀྱིས་དྲིས་པ་དེ་ཡང་སེམས་ཅན་དཔག་ཏུ་མེད་པ་ལ་ཕན་པ་དང་བདེ་བར་འགྱུར་རོ། །དེ་ནས་བྱང་ཆུབ་སེམས་དཔའ་མཚན་ཉིད་དད་ཀྱིས་བཅོམ་ལྡན་འདས་ལ་འདི་སྐད་ཅེས་གསོལ་
ཏོ། །བདག་དྲན་པ་སྔོན་ཡུན་རིང་པོ་འདས་པ་ན། དེ་བཞིན་གཤེགས་པ་མཚན་རིན་ཆེན་གཙུག་ཕུད་ཅེས་བགྱི་བ་དེའི་མཚན་ལན་ཅིག་ཐོས་ན་ལྷར་སྐྱེ་བ་ཐོབ་བོ་ཞེས་ཐོས་ཏེ། དེ་ལས་ཡུན་མི་རིང་བ་ཞིག་ན་རྒྱལ་པོ་ལྷའི་དབང་ཕྱུག་འོད་ཀྱི་
ཡུལ་ཁམས་ན་དགོན་པའི་ནང་ཞིག་ལ་རྫིང་ཆེན་པོ་ཞིག་མཆིས་པའི་ཆབ་སྐམས་ནས་དེ་ན་ཉ་ཆེན་པོ་སྟོང་ཕྲག་བཅུ་ཞིག་མཆིས་པ་གདུགས་ཀྱིས་གདུངས་ཏེ་འགུམ་དུ་ཉེ་བ་ལས། དྲ་མ་ཆུ་འབེབས་ཞེས་བགྱི་བས་ཉ་དེ་དག་མཐོང་ནས་སེམས་
ཅན་ལ་ཤིན་དུ་བྱམས་པ་དང་། སྙིང་རྗེ་སྐྱེས་ཏེ། ཆབ་དང་ཁ་ཟས་སྩལ་ཀྱང་དགུང་འགའ་ཙམ་ཞིག་ནི་གསོན་འགྲང་ན། ཚེ་རིང་པོར་མི་ཐོགས་པར་འཚལ་བས་བཅོམ་ལྡན་འདས་རིན་ཆེན་གཙུག་ཕུད་ཀྱི་མཚན་ལན་གསུམ་བརྗོད་པ་ཉ་དེ་དག་

62-1-229a

གིས་ཐོས་མ་ཐག་ཏུ་དུས་ལས་འདས་ཏེ། སུམ་བཅུ་རྩ་གསུམ་གྱི་ལྷར་སྐྱེས་སོ་ཞེས་གདའ་ན་དེང་བཅོམ་ལྡན་འདས་འཁོར་འདི་དག་དང་། དུས་སླད་མའི་སེམས་ཅན་རྣམས་ཀྱི་སླད་དུ་སངས་རྒྱས་རྣམས་ཀྱི་མཚན་བསྟན་ཅིང་བཅོམ་ལྡན་འདས་
ཤཱཀྱ་ཐུབ་པའི་མཚན་ཐོས་ན་ཚད་མ་མཆིས་དཔག་ཏུ་མ་མཆིས་པའི་སྐྱེ་བོ་ལ་སྨན་པ་དང་བདེ་བ་དང་། དཔག་ཏུ་མ་མཆིས་པའི་བསོད་ནམས་དང་། རྟག་ཏུ་ལོངས་སྤྱོད་ཕུན་སུམ་ཚོགས་པ་དང་། སངས་རྒྱས་ཀྱི་བདག་ཉིད་ཀྱང་མངོན་སུམ་
དུ་རྟོགས་པར་འགྱུར་བའི་སླད་དུ་བཤད་དུ་གསོལ། སྡོམ་པའི་རྩ་བ་ཉམས་པ་དང་། ཉོན་མོངས་པས་འཁྲུལ་པའི་སེམས་ཅན་རྣམས་ཡོངས་སུ་གྲོལ་བར་འགྱུར་བའི་སླད་དུ་བཤད་པར་སྨོན་ཏོ། །དེ་ནས་བཅོམ་ལྡན་འདས་ཀྱིས་བྱང་
ཆུབ་སེམས་དཔའ་སེམས་དཔའ་ཆེན་པོ་མཚན་ཉིད་དད་ལ་འདི་སྐད་ཅེས་བཀའ་སྩལ་ཏོ། །རིགས་ཀྱི་བུ་གལ་ཏེ་ངས་ཕྱོགས་བཅུའི་སངས་རྒྱས་ཀྱི་མཚན་རྒྱ་ཆེར་བཤད་ན་བསྐལ་པ་བརྒྱ་སྟོང་ཁྲིའི་བར་དུ་བཤད་ཀྱང་མི་རྫོགས་ཏེ། 
འདི་ལྟར་ཆུ་ཐམས་ཅད་ཀྱི་ཐིགས་པ་ནི་བགྲང་ཞིང་ཤེས་པར་རུང་གིས་སངས་རྒྱས་ཐམས་ཅད་ཀྱི་མཚན་ནི་གྲངས་སུ་ཤེས་པ་མེད་དོ། །རི་རབ་ཐམས་ཅད་ནི་སྲང་གྲངས་སུ་བགྲང་དུ་རུང་གི་སངས་རྒྱས་ཐམས་ཅད་ཀྱི་མཚན་ནི་གྲངས་སུ་ཤེས་
པ་མེད་དོ། །ནམ་མཁའི་མཚམས་དང་མཐའ་ཐུག་པར་ཤེས་པར་རུང་གི་སངས་རྒྱས་ཐམས་ཅད་ཀྱི་མཚན་ནི་གྲངས་སུ་ཤེས་པ་མེད་དོ། །ངས་ཁྱོད་ལ་དུས་གསུམ་གྱི་སངས་རྒྱས་རྣམས་ཀྱི་མཚན་མདོ་ཙམ་ཞིག་བསྟན་གྱིས་གང་གིས་རྣ་བར་ལན་
ཅིག་ཐོས་ན་གང་ཟག་དེ་ཚེ་འཕོས་མ་ཐག་ཏུ་ལྷའི་གནས་སུ་སྐྱེ་བར་འགྱུར་རོ། །ཐོས་ནས་ཀྱང་མོས་པ་དང་གུས་པར་བྱས་ཏེ། ཡི་གེར་བྲིས་ལ་མཚན་ནས་བརྗོད་ཅིང་ཕྱག་འཚལ་ན་བསྐལ་པ་གྲངས་མེད་པ་ནས་འཁོར་བའི་སྡིག་པ་ཀུན་འབྱང་
བར་འགྱུར། བསོད་ནམས་དཔག་ཏུ་མེད་པ་འཐོབ་པར་འགྱུར་རོ། །གང་ཟག་དེ་དུས་ཟད་ན་ཡང་ཕྱོགས་བཅུའི་འཇིག་རྟེན་གྱི་ཁམས་གང་ནས་གང་དུ་དད་པ་དེ་དང་དེར་སྐྱེ་བར་འགྱུར། ང་ཡང་མཐོང་ལ་དུས་མ་འོངས་པ་ན་བསྐལ་པ་བཟང་པོའི་

62-1-229b

སངས་རྒྱས་རྣམས་ཀྱང་མཐོང་བར་འགྱུར་རོ། །དེ་ནས་བཅོམ་ལྡན་འདས་ཀྱིས་ཡང་འཁོར་མང་པོ་རྣམས་ལ་བཀའ་སྩལ་པ། ཁྱེད་རྣམས་ཚུལ་བཞིན་དུ་གོས་ཚགས་བཅོས་ལ། ལུས་མི་གཡེང་བ་དང་། སེམས་མི་གཡེང་བ་དང་། དྲན་པ་མི་གཡེང་བ་དང་། 
རྟོག་པ་མི་གཡེང་བར་བྱོས་ལ་ཆོས་ཐོས་པར་འདོད་ན་སེམས་རྩེ་གཅིག་ཏུ་བསྡུས་ཤིག །བཅོམ་ལྡན་འདས་མར་མེ་རི་རབ་རྒྱལ་པོ་ལ་ཕྱག་འཚལ་ལོ། །བཅོམ་ལྡན་འདས་རིན་ཆེན་རྒྱལ་པོ་ལ་ཕྱག་འཚལ་ལོ། །བཅོམ་ལྡན་འདས་རིན་ཆེན་གཙུག་ཕུད་
ལ་ཕྱག་འཚལ་ལོ། །བཅོམ་ལྡན་འདས་ཚེ་དཔག་མེད་ལ་ཕྱག་འཚལ་ལོ། །བཅོམ་ལྡན་འདས་རྣམ་པར་གཟིགས་ལ་ཕྱག་འཚལ་ལོ། །བཅོམ་ལྡན་འདས་རིན་ཆེན་མང་ལ་ཕྱག་འཚལ་ལོ། །བཅོམ་ལྡན་འདས་ཤཱཀྱ་ཐུབ་པ་ལ་ཕྱག་འཚལ་ལོ། །
བཅོམ་ལྡན་འདས་ཆོས་ཐམས་ཅད་སྡུད་ཅིང་འཛིན་པ་ལ་ཕྱག་འཚལ་ལོ། །བརྗོད་དཔག་འདས་ལ་ཕྱག་འཚལ་ལོ། །དཔེ་ཟླ་མེད་ལ་ཕྱག་འཚལ་ལོ། །མུ་མེད་ཆོས་ལ་ཕྱག་འཚལ་ལོ། །བསམ་ཁྱབ་དཀའ་ལ་ཕྱག་འཚལ་ལོ། །སྟོབས་ལ་གནས་
པའི་སྟོབས་ཀྱི་སྟོབས་ལ་ཕྱག་འཚལ་ལོ། །འཇིག་པ་མེད་པའི་སྟོབས་བཅུ་ལ་ཕྱག་འཚལ་ལོ། །འཇིག་རྟེན་གསུམ་གྱི་གཙོ་ལ་ཕྱག་འཚལ་ལོ། །ཐམས་ཅད་འདྲེན་པའི་སྟོན་པ་ཆེན་པོ་ལ་ཕྱག་འཚལ་ལོ། །འཆིང་བ་ཀུན་གཅོད་ལ་ཕྱག་འཚལ་ལོ། །
ཕ་རོལ་མཐར་ཕྱིན་ལ་ཕྱག་འཚལ་ལོ། །འཇིག་རྟེན་ཀུན་ལས་འདས་ཟིན་པ་ལ་ཕྱག་འཚལ་ལོ། །འཁོར་བའི་རྒྱུད་དང་ཡོངས་སུ་བྲལ་བ་ལ་ཕྱག་འཚལ་ལོ། །ཏིང་ངེ་འཛིན་རྣམ་པར་གྲོལ་བ་ལ་ཕྱག་འཚལ་ལོ། །ནམ་མཁའ་ལྟར་དམིགས་སུ་མེད་པ་
ལ་ཕྱག་འཚལ་ལོ། །མང་པོའི་ནང་ན་ཆོས་ཀྱི་རྒྱལ་པོ་ལ་ཕྱག་འཚལ་ལོ། །བདུད་བཞིའི་ཚོགས་འཇོམས་ལ་ཕྱག་འཚལ་ལོ། །བུ་གཅིག་གི་ཕ་ལྟར་བྱམས་པ་ཆེན་པོ་ལ་ཕྱག་འཚལ་ལོ། །ཚེ་རབས་འཆི་འཕོས་གར་བྱུང་གར་སྐྱེས་ཀྱང་
སངས་རྒྱས་ཀྱི་ཞལ་རྟག་ཏུ་མཐོང་ཞིང་སངས་རྒྱས་ཀྱི་བདག་ཉིད་མངོན་པར་རྟོགས་ལ་མྱ་ངན་ལས་འདས་པ་ཆེན་པོར་ཕྱིན་པར་གྱུར་ཅིག །དེ་ཅིའི་ཕྱིར་ཞེ་ན། འཇིག་ཚོགས་ཅན་ཀུན་ལ་སངས་རྒྱས་ཀྱི་བདག་ཉིད་ཡོད་པའི་ཕྱིར་རོ། །ཀྱེ་

62-1-230a

འཁོར་མང་པོ་རྣམས་སོར་མོ་བཅུའི་ཐལ་མོ་སྦྱོར་ལ་ཡང་དག་པར་མཉན་ཅིང་སེམས་ཐག་པ་ནས་མཆོད་པ་ཕུལ་ཅིག །ངས་ནི་ཕྱོགས་བཅུ་དུས་གསུམ་གྱི། །སངས་རྒྱས་མཚན་རྣམས་བཤད་ཀྱིས་ཉོན། །སྡིག་པ་
མཚམས་མེད་ལྔ་པོ་ཡང་། །རྣམ་གྲོལ་མཚན་ཉིད་བསྐྱེད་པར་བྱ། །དགེ་རྩ་མེད་པའི་གང་ཟག་ལ། །ངས་ནི་དགྲོལ་ཞིང་བཤད་ཀྱིས་ཀྱང་། །དེས་ཀྱང་ཆུད་པར་མི་ནུས་ཏེ། །ས་བོན་ཚིག་རྣམས་རང་བཞིན་དོང་། །གྲུང་བརྟན་འབའ་ཞིག་
གནས་པར་འགྱུར། །ཐེག་པ་ཆུང་ངུ་བསལ་ནས་སུ། །ཐེག་ཆེན་ཉི་ཚེ་ཡོད་པར་འགྱུར། །ཐེག་པ་གཉིས་པོ་བསལ་ནས་སུ། ཐེག་པ་གཅིག་པུ་ཡོད་པར་འགྱུར། །དགེ་རྩ་མེད་པའི་གང་ཟག་གིས། །སྒྲ་འདི་ཐོས་པར་མི་འགྱུར་ཏེ། །
སངས་རྒྱས་གྲངས་མེད་མཆོད་མྱོང་བས། །གདོད་དེས་སངས་རྒྱས་མཚན་ཐོས་སོ། །ལེན་ཅིང་འཛིན་པར་བྱེད་པ་ནི། །ཕྱོགས་ཙམ་རྣམ་པར་གྲོལ་བ་སྟེ། །རྣམ་དག་ས་ལ་བདེ་བར་གནས། །ད་ཡང་ང་ཡི་ཆོས་འདི་ལ། །སངས་རྒྱས་སྤྱད་པ་
ཀུན་སྤྱད་དེ། །སངས་རྒྱས་མཚན་ལ་ཕྱག་འཚལ་ཞིང་། །མདོ་འདི་བླང་ཞིང་ཀློག་འཆང་ན། །བདུད་ཀྱི་ལས་དང་བྲལ་བར་འགྱུར། །རྩ་བ་བཞི་དང་མཚམས་མེད་དང་། །ལོག་སྤྱོད་རྣམས་ཀྱི་སྡིག་ཀྱང་འབྱང་། །མ་འོངས་དུས་ན་གང་ཟག་དེ། །
འཕགས་པའི་ལམ་ཡང་ངེས་པར་འགྲུབ། །གང་ཞིག་དད་པ་མ་སྐྱེས་ན། །ངན་སོང་གསུམ་དུ་ལྟུང་ཡང་དག །དད་སྐྱེས་བརྩོན་འགྲུས་ཕྱག་འཚལ་ན། །ཚད་མེད་སངས་རྒྱས་མཐོང་བར་འགྱུར། །དེ་བས་རྩེ་གཅིག་ཕྱག་འཚལ་ཞིང་། །
སྡིག་པ་དཔག་མེད་བྱང་བར་སྨོན། །དེ་ཕྱིར་གུས་པར་ཕྱག་འཚལ་ལོ། །དེ་ནས་འཁོར་མང་པོ་རྣམས་ཐལ་མོ་སྦྱར་ཏེ། ཡང་དག་པར་མཉན་ནས་ལུས་དང་སེམས་རྩེ་གཅིག་ཏུ་བསྡུས་ཏེ། གཡེལ་ཞིང་འགྱུར་བ་མེད་པར་ཡན་ལག་
ལྔ་ས་ལ་གཏུགས་ཏེ་སེམས་ཐག་པ་ནས་ཉན་ཏོ། །དེ་ནས་བཅོམ་ལྡན་འདས་ཀྱིས་སངས་རྒྱས་ཀྱི་མཚན་ནས་བརྗོད་ཅིང་བསྒྲགས་པ་ལས་འདས་པའི་སངས་རྒྱས་དཔག་ཏུ་མེད་པ་ལ་ཕྱག་འཚལ་ལོ། །སངས་རྒྱས་ཉི་ཟླ་མར་མེ་

62-1-230b

གསལ་ཉི་ཁྲི་ལ་ཕྱག་འཚལ་ལོ། །སངས་རྒྱས་མར་མེ་མཛད་སུམ་ཁྲི་ལ་ཕྱག་འཚལ་ལོ། །སངས་རྒྱས་ཐོགས་མེད་ཡེ་ཤེས་མཆོག་ལ་ཕྱག་འཚལ་ལོ། །སངས་རྒྱས་རྒྱལ་བུ་བཅུ་དྲུག་ལ་ཕྱག་འཚལ་ལོ། །སངས་རྒྱས་
ནམ་མཁའི་རྒྱལ་པོ་ལ་ཕྱག་འཚལ་ལོ། །སངས་རྒྱས་རིན་ཆེན་མང་ལ་ཕྱག་འཚལ་ལོ། །སངས་རྒྱས་སྤྲིན་དབང་མར་མེ་རྒྱལ་པོ་ལ་ཕྱག་འཚལ་ལོ། །སངས་རྒྱས་བྱིན་སྒྲ་རྒྱལ་པོ་ལ་ཕྱག་འཚལ་ལོ། །སངས་རྒྱས་འོད་དཔག་མེད་ལ་
ཕྱག་འཚལ་ལོ། །སངས་རྒྱས་དགེ་བར་བསམས་ལ་ཕྱག་འཚལ་ལོ། །སངས་རྒྱས་སྐུ་སྤྲུལ་ལ་ཕྱག་འཚལ་ལོ། །སངས་རྒྱས་ཉི་ཟླ་གསལ་གྱི་དཔལ་ལ་ཕྱག་འཚལ་ལོ། །སངས་རྒྱས་པད་མ་དག་པ་རྒྱུ་སྐར་རྒྱལ་པོ་ཡེ་ཤེས་ལ་
ཕྱག་འཚལ་ལོ། །སངས་རྒྱས་རྣམ་དག་བརྒྱན་པའི་རྒྱལ་པོ་ལ་ཕྱག་འཚལ་ལོ། །སངས་རྒྱས་ཀླུ་བཙུན་རྒྱལ་པོ་ལ་ཕྱག་འཚལ་ལོ། །སངས་རྒྱས་སྤྲིན་འབྲུག་སྒྲ་རྒྱལ་པོ་ལ་ཕྱག་འཚལ་ལོ། །སངས་རྒྱས་སྤྲིན་འབྲུག་སྒྲ་རྒྱུ་སྐར་
རྒྱལ་པོ་ཡེ་ཤེས་པད་མ་ལ་ཕྱག་འཚལ་ལོ། །སངས་རྒྱས་རིན་ཆེན་རྒྱལ་པོ་ལ་ཕྱག་འཚལ་ལོ། །སངས་རྒྱས་ཤིང་ས་ལ་རྒྱལ་པོ་ལ་ཕྱག་འཚལ་ལོ། །སངས་རྒྱས་རིན་ཆེན་བླ་མ་དཔལ་གཟི་བརྗིད་རྒྱལ་པོ་ལ་ཕྱག་འཚལ་ལོ། །
སངས་རྒྱས་འོད་སྣང་རྒྱལ་པོ་ལ་ཕྱག་འཚལ་ལོ། །སངས་རྒྱས་འོད་མི་གཡོ་འབུམ་ཕྲག་བརྒྱ་ལ་ཕྱག་འཚལ་ལོ། །སངས་རྒྱས་འོད་རྒྱང་རིང་ལ་ཕྱག་འཚལ་ལོ། །སངས་རྒྱས་ཟླ་འོད་ལ་ཕྱག་འཚལ་ལོ། །སངས་རྒྱས་སྤོས་ཙན་དན་
ལ་ཕྱག་འཚལ་ལོ། །སངས་རྒྱས་རི་ལེགས་རྒྱལ་པོ་ལ་ཕྱག་འཚལ་ལོ། །སངས་རྒྱས་རི་རབ་ལྷའི་ཐོར་ཚུགས་ཅན་ལ་ཕྱག་འཚལ་ལོ། །སངས་རྒྱས་འོད་སྙོམས་རི་རབ་ལ་ཕྱག་འཚལ་ལོ། །སངས་རྒྱས་ཟླ་གཟུགས་ལ་ཕྱག་
འཚལ་ལོ། །སངས་རྒྱས་ཡང་དག་པའི་དྲན་པ་ལ་ཕྱག་འཚལ་ལོ། །སངས་རྒྱས་དྲི་མ་བྲལ་ལ་ཕྱག་འཚལ་ལོ། །སངས་རྒྱས་ཆགས་མེད་ལ་ཕྱག་འཚལ་ལོ། །སངས་རྒྱས་ཀླུའི་ལྷ་ལ་ཕྱག་འཚལ་ལོ། །སངས་རྒྱས་ས་མི་གཡོ་བའི་

62-1-231a

ས་ལ་ཕྱག་འཚལ་ལོ། །སངས་རྒྱས་མེ་ཏོག་མཆོག་ལ་ཕྱག་འཚལ་ལོ། །སངས་རྒྱས་བཻ་དཱུརྱའི་མེ་ཏོག་མཆོག་ལ་ཕྱག་འཚལ་ལོ། །སངས་རྒྱས་བཻ་དཱུརྱ་དང་གསེར་གྱི་ཁ་དོག་ལ་ཕྱག་འཚལ་ལོ། །སངས་རྒྱས་གསེར་
མཛོད་ལ་ཕྱག་འཚལ་ལོ། །སངས་རྒྱས་སའི་གདུང་ལ་ཕྱག་འཚལ་ལོ། །སངས་རྒྱས་ཟླ་བའི་གཟུགས་བརྙན་ལ་ཕྱག་འཚལ་ལོ། །སངས་རྒྱས་ཉི་མའི་དབྱངས་ལ་ཕྱག་འཚལ་ལོ། །སངས་རྒྱས་པད་མ་རྣམ་གྲོལ་ལ་ཕྱག་
འཚལ་ལོ། །སངས་རྒྱས་འོད་ཟེར་རྣམ་པར་བརྒྱན་ལ་ཕྱག་འཚལ་ལོ། །སངས་རྒྱས་བློ་རྒྱ་མཚོ་མངོན་པར་ཤེས་པ་ལ་ཕྱག་འཚལ་ལོ། །སངས་རྒྱས་ཆུ་འོད་ལ་ཕྱག་འཚལ་ལོ། །སངས་རྒྱས་དབྱངས་ཆེན་པོ་ལ་ཕྱག་འཚལ་
ལོ། །སངས་རྒྱས་དྲི་མ་སྒྱུ་མ་དང་བྲལ་བ་ལ་ཕྱག་འཚལ་ལོ། །སངས་རྒྱས་ཡིད་སྐྱོ་སྤངས་ལ་ཕྱག་འཚལ་ལོ། །སངས་རྒྱས་རིན་པོ་ཆེ་འབར་བ་ལ་ཕྱག་འཚལ་ལོ། །སངས་རྒྱས་གཙུག་དམ་པ་ལ་ཕྱག་འཚལ་ལོ། །སངས་
རྒྱས་དཔའ་བར་འཛུགས་ལ་ཕྱག་འཚལ་ལོ། །སངས་རྒྱས་ཤེས་རབ་ཡོན་ཏན་འཛིན་ལ་ཕྱག་འཚལ་ལོ། །སངས་རྒྱས་ཉི་ཟླའི་འོད་སྒྲིབ་ལ་ཕྱག་འཚལ་ལོ། །སངས་རྒྱས་ཉི་ཟླ་བཻ་དཱུརྱའི་འོད་ལ་ཕྱག་འཚལ་ལོ། །སངས་རྒྱས་
བླ་མེད་བཻ་དཱུརྱའི་འོད་ལ་ཕྱག་འཚལ་ལོ། །སངས་རྒྱས་རབ་མཆོག་གཙོ་ལ་ཕྱག་འཚལ་ལོ། །སངས་རྒྱས་བྱང་ཆུབ་མེ་ཏོག་ལ་ཕྱག་འཚལ་ལོ། །སངས་རྒྱས་ཟླ་གསལ་ལ་ཕྱག་འཚལ་ལོ། །སངས་རྒྱས་ཉི་འོད་ལ་ཕྱག་འཚལ་
ལོ། །སངས་རྒྱས་མེ་ཏོག་མདོག་གི་རྒྱལ་པོ་ལ་ཕྱག་འཚལ་ལོ། །སངས་རྒྱས་ཐེ་ཚོམ་མུན་སེལ་ལ་ཕྱག་འཚལ་ལོ། །སངས་རྒྱས་སྡུག་བསྔལ་བསྒྲལ་ལ་ཕྱག་འཚལ་ལོ། །སངས་རྒྱས་མོས་པ་དང་བ་ལ་ཕྱག་འཚལ་ལོ། །སངས་རྒྱས་སྔོན་
ལེགས་ལ་ཕྱག་འཚལ་ལོ། །སངས་རྒྱས་རྫུ་འཕྲུལ་གཟི་བརྗིད་ལ་ཕྱག་འཚལ་ལོ། །སངས་རྒྱས་ཆོས་ཀྱི་ཤེས་རབ་ལ་ཕྱག་འཚལ་ལོ། །སངས་རྒྱས་བཞད་སྒྲ་ལ་ཕྱག་འཚལ་ལོ། །སངས་རྒྱས་སེང་གེ་སྒྲ་ལ་ཕྱག་འཚལ་ལོ། །སངས་རྒྱས་

62-1-231b

ཀླུའི་སྒྲ་ལ་ཕྱག་འཚལ་ལོ། །སངས་རྒྱས་འཇིག་རྟེན་གནས་ལ་ཕྱག་འཚལ་ལོ། །སངས་རྒྱས་དབང་ཕྱུག་ལ་ཕྱག་འཚལ་ལོ། །སངས་རྒྱས་འོད་མཐའ་ཡས་ལ་ཕྱག་འཚལ་ལོ། །སངས་རྒྱས་འོད་ཐོགས་མེད་ལ་ཕྱག་འཚལ་ལོ། །
སངས་རྒྱས་འོད་ཟླ་མེད་ལ་ཕྱག་འཚལ་ལོ། །སངས་རྒྱས་འོད་འབར་རྒྱལ་པོ་ལ་ཕྱག་འཚལ་ལོ། །སངས་རྒྱས་འབར་བའི་འོད་ལ་ཕྱག་འཚལ་ལོ། །སངས་རྒྱས་རབ་ཏུ་དགའ་བའི་འོད་ལ་ཕྱག་འཚལ་ལོ། །སངས་རྒྱས་ཤེས་རབ་འོད་ལ་
ཕྱག་འཚལ་ལོ། །སངས་རྒྱས་འོད་རྒྱུན་མི་འཆད་ལ་ཕྱག་འཚལ་ལོ། །སངས་རྒྱས་འོད་བསམ་དཀའ་ལ་ཕྱག་འཚལ་ལོ། །སངས་རྒྱས་འོད་བརྗོད་མེད་ལ་ཕྱག་འཚལ་ལོ། །སངས་རྒྱས་ཉི་ཟླའི་འོད་འཕགས་ལ་ཕྱག་འཚལ་ལོ། །
སངས་རྒྱས་མཚན་བཟངས་གསེར་བཙོ་མའི་མདོག་ལ་ཕྱག་འཚལ་ལོ། །སངས་རྒྱས་རིང་དུ་བརྟག་པ་ལ་ཕྱག་འཚལ་ལོ། །སངས་རྒྱས་རིན་པོ་ཆེའི་མཛོད་ལ་ཕྱག་འཚལ་ལོ། །སངས་རྒྱས་དབྱངས་དཔག་མེད་ལ་ཕྱག་འཚལ་ལོ། །སངས་རྒྱས་
ཟིལ་དངར་གྱི་རོ་ལ་ཕྱག་འཚལ་ལོ། །སངས་རྒྱས་ཀླུའི་རྒྱལ་བ་ལ་ཕྱག་འཚལ་ལོ། །སངས་རྒྱས་རྒྱལ་བའི་སྟོབས་ལ་ཕྱག་འཚལ་ལོ། །སངས་རྒྱས་སེང་གེའི་དབྱངས་ལ་ཕྱག་འཚལ་ལོ། །སངས་རྒྱས་དྲི་མ་དང་བྲལ་བའི་འོད་ལ་ཕྱག་
འཚལ་ལོ། །སངས་རྒྱས་དཔལ་མཆོག་ལ་ཕྱག་འཚལ་ལོ། །སངས་རྒྱས་འཇམ་དཔལ་རི་ལ་ཕྱག་འཚལ་ལོ། །སངས་རྒྱས་རྡོ་རྗེ་རྒྱལ་པོ་ལ་ཕྱག་འཚལ་ལོ། །སངས་རྒྱས་མེ་ཏོག་བླ་མ་ལ་ཕྱག་འཚལ་ལོ། །སངས་རྒྱས་
འཇིགས་མེད་སྟོབས་ཀྱི་རྒྱལ་པོ་ལ་ཕྱག་འཚལ་ལོ། །སངས་རྒྱས་ཀླུ་རྗེ་དབང་ཕྱུག་ལ་ཕྱག་འཚལ་ལོ། །སངས་རྒྱས་སེང་གེའི་གཟི་བརྗིད་རྒྱལ་པོ་ལ་ཕྱག་འཚལ་ལོ། །སངས་རྒྱས་དབང་ཕྱུག་རྒྱལ་པོ་ལ་ཕྱག་འཚལ་ལོ། །སངས་རྒྱས་འོད་ཁྱབ་ལ་ཕྱག་འཚལ་ལོ། །སངས་རྒྱས་ཀུན་
དུ་སྣང་ལ་ཕྱག་འཚལ་ལོ། །སངས་རྒྱས་ཀུན་དུ་གཙང་ལ་ཕྱག་འཚལ་ལོ། །སངས་རྒྱས་སྤོས་ཏ་མ་ར་བར་ཙན་དན་ལ་ཕྱག་འཚལ་ལོ། །སངས་རྒྱས་སྤོས་ཙན་དན་ལ་ཕྱག་འཚལ་ལོ། །སངས་རྒྱས་ནོར་བུའི་རྒྱལ་མཚན་ལ་

62-1-232a

ཕྱག་འཚལ་ལོ། །སངས་རྒྱས་དཀོན་མཆོག་བརྩེགས་རབ་ཏུ་དགའ་བའི་སྙིང་པོ་ལ་ཕྱག་འཚལ་ལོ། །སངས་རྒྱས་བརྩོན་འགྲུས་ཆེན་པོ་བླ་ན་མེད་པ་ལ་ཕྱག་འཚལ་ལོ། །སངས་རྒྱས་ནོར་བུའི་རྒྱལ་མཚན་མར་མེའི་འོད་
ལ་ཕྱག་འཚལ་ལོ། །སངས་རྒྱས་ཤེས་རབ་སྒྲོན་མ་སྣང་ལ་ཕྱག་འཚལ་ལོ། །སངས་རྒྱས་རྒྱ་མཚོའི་དཔལ་འོད་སྣང་ལ་ཕྱག་འཚལ་ལོ། །སངས་རྒྱས་རྡོ་རྗེ་སྲ་བརྟན་ལ་ཕྱག་འཚལ་ལོ། །སངས་རྒྱས་གསེར་འོད་ཀུན་དུ་དགྲམ་ལ་
ཕྱག་འཚལ་ལོ། །སངས་རྒྱས་བརྩོན་འགྲུས་ཆེ་བཙན་ལ་ཕྱག་འཚལ་ལོ། །སངས་རྒྱས་དཔའ་བརྟུལ་ལ་ཕྱག་འཚལ་ལོ། །སངས་རྒྱས་ཐུགས་རྗེའི་འོད་ལ་ཕྱག་འཚལ་ལོ། །སངས་རྒྱས་ཐུགས་རྗེ་སྟོབས་ཀྱི་རྒྱལ་པོ་ལ་ཕྱག་
འཚལ་ལོ། །སངས་རྒྱས་བྱམས་པའི་སྙིང་པོའི་རྒྱལ་པོ་ལ་ཕྱག་འཚལ་ལོ། །སངས་རྒྱས་ཙན་དན་གྱི་ཕུག་རྣམ་པར་བཀོད་པའི་རྒྱལ་པོ་ལ་ཕྱག་འཚལ་ལོ། །སངས་རྒྱས་བཟང་ལེགས་གཙོ་ལ་ཕྱག་འཚལ་ལོ། །སངས་རྒྱས་ལེགས་
པར་སད་ལ་ཕྱག་འཚལ་ལོ། །སངས་རྒྱས་རྣམ་པར་བཀོད་པའི་རྒྱལ་པོ་ལ་ཕྱག་འཚལ་ལོ། །སངས་རྒྱས་གསེར་གྱི་རི་བོ་རིན་པོ་ཆེའི་གདུགས་ལ་ཕྱག་འཚལ་ལོ། །སངས་རྒྱས་གསེར་གྱི་མེ་ཏོག་འབར་བའི་འོད་ཀྱི་མཚན་མ་ལ་
ཕྱག་འཚལ་ལོ། །སངས་རྒྱས་སྒྲོན་ཆེན་འོད་སྣང་ལ་ཕྱག་འཚལ་ལོ། །སངས་རྒྱས་རིན་པོ་ཆེའི་བླ་རེ་སྟོང་པ་ཉིད་དུ་བརྟན་པའི་དབང་ཕྱུག་རྒྱལ་པོ་ལ་ཕྱག་འཚལ་ལོ། །སངས་རྒྱས་གསེར་གྱི་མེ་ཏོག་གི་འོད་ལ་ཕྱག་འཚལ་ལོ། །
སངས་རྒྱས་ནམ་མཁའི་རིན་ཆེན་མེ་ཏོག་གི་འོད་ལ་ཕྱག་འཚལ་ལོ། །སངས་རྒྱས་བཻ་དཱུརྱ་རྣམ་པར་བཀོད་པའི་རྒྱལ་པོ་ལ་ཕྱག་འཚལ་ལོ། །སངས་རྒྱས་སྐུ་ཀུན་དུ་མངོན་པར་སྟོན་པའི་འོད་ལ་ཕྱག་འཚལ་ལོ། །སངས་རྒྱས་ཡེ་ཤེས་
འོད་མི་འགྱུར་ལ་ཕྱག་འཚལ་ལོ། །སངས་རྒྱས་བདུད་ཀྱི་རྒྱལ་པོ་རྣམས་ཚར་གཅོད་ལ་ཕྱག་འཚལ་ལོ། །སངས་རྒྱས་འོད་སྣང་སྟོང་ལ་ཕྱག་འཚལ་ལོ། །སངས་རྒྱས་བྱམས་པའི་ཤེས་རབ་རྒྱལ་བ་ལ་ཕྱག་འཚལ་ལོ། །སངས་རྒྱས་

62-1-232b

བྱམས་པའི་འོད་གསལ་ལ་ཕྱག་འཚལ་ལོ། །སངས་རྒྱས་འཇིག་རྟེན་དག་པའི་འོད་ལ་ཕྱག་འཚལ་ལོ། །སངས་རྒྱས་དགེ་དབེན་ཟླ་བའི་དབྱངས་ལ་ཕྱག་འཚལ་ལོ། །སངས་རྒྱས་མཆོག་བཙུན་ཡེ་ཤེས་རྒྱལ་པོ་ལ་ཕྱག་
འཚལ་ལོ། །སངས་རྒྱས་གདུགས་རིན་པོ་ཆེའི་རྒྱལ་པོར་གནས་པ་ལ་ཕྱག་འཚལ་ལོ། །སངས་རྒྱས་ཀླུའི་རིགས་བླ་ན་མེད་པ་ཡེ་ཤེས་གཙོ་བོའི་རྒྱལ་པོ་ལ་ཕྱག་འཚལ་ལོ། །སངས་རྒྱས་ཉི་ཟླའི་འོད་ལ་ཕྱག་འཚལ་ལོ། །སངས་རྒྱས་ཉི་ཟླ་
ནོར་བུའི་འོད་ལ་ཕྱག་འཚལ་ལོ། །སངས་རྒྱས་ཡེ་ཤེས་ཀྱི་བ་དན་མཆོག་ཏུ་བརྒྱན་པའི་རྒྱལ་པོ་ལ་ཕྱག་འཚལ་ལོ། །སངས་རྒྱས་དྲི་མེད་མཛོད་ཀྱི་རྒྱལ་པོ་ལ་ཕྱག་འཚལ་ལོ། །སངས་རྒྱས་འོད་སྣང་མཚན་མ་ལ་ཕྱག་འཚལ་ལོ། །སངས་རྒྱས་
གསེར་འབར་བའི་འོད་སྣང་ལ་ཕྱག་འཚལ་ལོ། །སངས་རྒྱས་གསེར་འོད་སྣང་བའི་མཛོད་ལ་ཕྱག་འཚལ་ལོ། །སངས་རྒྱས་སེང་གེའི་སྒྲའི་སྟོབས་ཀྱི་དབང་ཕྱུག་རྒྱལ་པོ་ལ་ཕྱག་འཚལ་ལོ། །སངས་རྒྱས་མཆོག་དབྱངས་དམ་པའི་རྒྱལ་པོ་
ལ་ཕྱག་འཚལ་ལོ། །སངས་རྒྱས་བ་དན་འོད་རྟག་ལ་ཕྱག་འཚལ་ལོ། །སངས་རྒྱས་འཇིག་རྟེན་རྣམ་པར་རྟོག་པའི་མར་མེའི་རྒྱལ་པོ་ལ་ཕྱག་འཚལ་ལོ། །སངས་རྒྱས་ཤེས་རབ་ཀྱི་ན་བཟའི་རྒྱལ་པོ་ཐོབ་པ་ལ་ཕྱག་འཚལ་ལོ། །
སངས་རྒྱས་ཆོས་ཀྱི་མཚན་ཉིད་དམ་པའི་རྒྱལ་པོ་ལ་ཕྱག་འཚལ་ལོ། །སངས་རྒྱས་རི་རབ་འོད་ལ་ཕྱག་འཚལ་ལོ། །སངས་རྒྱས་མེ་ཏོག་སུ་མ་ནའི་འོད་ལ་ཕྱག་འཚལ་ལོ། །སངས་རྒྱས་མེ་ཏོག་ཨུད་པ་ལའི་འོད་ལ་ཕྱག་འཚལ་ལོ། །
སངས་རྒྱས་སྟོབས་བཙན་དམ་པའི་རྒྱལ་པོ་ལ་ཕྱག་འཚལ་ལོ། །སངས་རྒྱས་ཤེས་རབ་ཀྱི་སྟོབས་ཀྱི་རྒྱལ་པོ་ལ་ཕྱག་འཚལ་ལོ། །སངས་རྒྱས་རབ་ཏུ་དགའ་བའི་འཁྲུག་མེད་ཀྱི་འོད་ལ་ཕྱག་འཚལ་ལོ། །སངས་རྒྱས་སྒྲ་དབྱངས་
དཔག་མེད་རྒྱལ་པོ་ལ་ཕྱག་འཚལ་ལོ། །སངས་རྒྱས་བློ་གྲོས་འོད་ལ་ཕྱག་འཚལ་ལོ། །སངས་རྒྱས་གསེར་གྱི་རྒྱ་མཚོའི་འོད་ལ་ཕྱག་འཚལ་ལོ། །སངས་རྒྱས་ཤེས་རབ་ཀྱི་རི་དང་རྒྱ་མཚོའི་དབང་ཕྱུག་གི་རྒྱལ་པོ་ལ་ཕྱག་འཚལ་ལོ། །

62-1-233a

སངས་རྒྱས་ཐར་པ་ཆེན་པོའི་འོད་ལ་ཕྱག་འཚལ་ལོ། །སངས་རྒྱས་ཆོས་ཐམས་ཅད་རྟག་ཏུ་གང་བའི་རྒྱལ་པོ་ལ་ཕྱག་འཚལ་ལོ། །སངས་རྒྱས་བླུན་མི་སྟོན་ལ་ཕྱག་འཚལ་ལོ། །འདས་པའི་སངས་རྒྱས་སྤྲུལ་པའི་
སྐུ་ཐམས་ཅད་ལ་ཕྱག་འཚལ་ལོ། །འདས་པའི་སངས་རྒྱས་གཅིག །སངས་རྒྱས་བཅུ། སངས་རྒྱས་བརྒྱ། སངས་རྒྱས་སྟོང་། སངས་རྒྱས་ཁྲི་ལ་ཕྱག་འཚལ་ན་བསྐལ་པ་གྲངས་མེད་དཔག་ཏུ་མེད་པའི་འཁོར་བ་ནས་སྡིག་
བགྱིས་པའི་མི་བཟད་པ་ཐམས་ཅད་འབྱང་བར་འགྱུར་རོ། །སངས་རྒྱས་འབུམ་ཕྲག་གཅིག །འབུམ་ཕྲག་བཅུ། འབུམ་ཕྲག་བརྒྱ། འབུམ་ཕྲག་སྟོང་། འབུམ་ཕྲག་ཁྲི། བྱེ་བ་ཁྲག་ཁྲིག་གང་གཱའི་བྱེ་མ་སྙེད་གྲངས་
མེད་དཔག་ཏུ་མེད་པའི་སངས་རྒྱས་ལ་གུས་པར་ཕྱག་འཚལ་ལོ། །གལ་ཏེ་གང་ཟག་ལ་ལས་འདས་པའི་སངས་རྒྱས་གྲངས་མེད་དཔག་ཏུ་མེད་པའི་མཚན་ཐོས་ན་དེ་བསྐལ་པ་ཁྲི་ཕྲག་བརྒྱད་ཅུའི་བར་དུ་སེམས་ཅན་དམྱལ་
བའི་སྡུག་བསྔལ་དུ་མི་ལྟུང་སྟེ། དེ་བས་ན་གུས་པར་ཕྱག་འཚལ་ལོ། །གང་གིས་སངས་རྒྱས་འདས་པའི་མཚན། །དེ་ལ་གུས་པར་ཕྱག་འཚལ་ན། །སེམས་ཉིད་ཐོབ་ཅིང་སྡིག་ཀྱང་འབྱང་། །མི་དགེ་བཅུ་དང་མཚམས་
མེད་ལྔ། །ཕྱིན་ཆད་མི་བྱེད་སྡོམ་པར་ནུས། །དམ་པའི་ཆོས་ནི་རྟག་ཏུ་ཐོས། །ཐེག་ཆེན་ཚུལ་ཁྲིམས་ལྡན་པ་སྟེ། །དེ་ཕྱིར་ད་ལྟར་ཕྱག་ཀྱང་འཚལ། །རྣམ་པ་གཉིས་ཤིག་མ་གཏོགས་ཏེ། །ཐེག་ཆེན་ཆོས་ལ་དམོད་པ་དང་། །
ལོག་སྤྱོད་ཕྱོགས་སུ་ལྟ་བའོ། །གང་ཞིག་སེམས་ཉིད་རྣམ་དག་ན། །ལོག་སྤྱོད་ཅེས་སུ་མི་བྱ་སྟེ། །སངས་རྒྱས་དཔག་མེད་རྟག་ཏུ་མཐོང་། །སྡིག་པའི་རྩ་བ་བཞི་པོ་དང་། །མཚམས་མེད་ལྔར་བཅས་གང་བྱས་པ། །རྣམ་དག་
སེམས་ཀྱིས་འགྱོད་ནུས་ན། །དེ་ནི་ཚུལ་བཞིན་གནས་པ་ཡིན། །དེ་ཡང་གུས་པར་ཕྱག་འཚལ་ཕྱིར། །མི་དགེ་བཅུའི་ལས་འབྱང་ཞིང་། །ཐེག་ཆེན་ཚུལ་ཁྲིམས་ཐོབ་པས་ན། །དེ་བས་གུས་པར་ཕྱག་འཚལ་ལོ། །

62-1-233b

འདས་པའི་སངས་རྒྱས་རྣམས་ཀྱི་མཚན་དེ་དག་བཤད་པའི་ཚེ་བྱང་ཆུབ་སེམས་དཔའ་སྟོང་ཕྲག་བཅུ་མི་སྐྱེ་བའི་ཆོས་ལ་བཟོད་པ་ཐོབ་བོ། །ཉན་ཐོས་བརྒྱད་བརྒྱས་ནི་ཐེག་པ་ཆེན་པོའི་སེམས་ཤེས་ཙམ་སྐྱེས་སོ། །དགེ་སློང་ལྔ་སྟོང་
ནི་དགྲ་བཅོམ་པར་གྲུབ་པོ། །ལྷ་དང་མི་ཁྲི་ཕྲག་བཅུ་ཞིག་ཆོས་ཀྱི་མིག་རྣམ་པར་དག་པ་ཐོབ་བོ། །ད་ལྟར་བཞུགས་པའི་སངས་རྒྱས་གྲངས་མེད་དཔག་ཏུ་མེད་པ་ལ་ཕྱག་འཚལ་ལོ། །སངས་རྒྱས་གསལ་རྒྱལ་འབུམ་ཕྲག་
བཅུ་ལ་ཕྱག་འཚལ་ལོ། །སངས་རྒྱས་གསེར་གཙོ་མའི་མདོག་དང་བྲལ་ལ་ཕྱག་འཚལ་ལོ། །སངས་རྒྱས་སྣང་བ་དཔག་མེད་ལ་ཕྱག་འཚལ་ལོ། །སངས་རྒྱས་ཉི་མའི་དཀྱིལ་འཁོར་འོད་སྣང་རྒྱལ་པོ་ལ་ཕྱག་འཚལ་ལོ། །
སངས་རྒྱས་སྤོས་བརྩེགས་ལ་ཕྱག་འཚལ་ལོ། །སངས་རྒྱས་སེང་གེ་འབུམ་གཟུགས་ལ་ཕྱག་འཚལ་ལོ། །སངས་རྒྱས་སེང་གེ་རྣམ་པར་རོལ་པ་ལ་ཕྱག་འཚལ་ལོ། །སངས་རྒྱས་ཡོན་ཏན་ཀུན་དུ་འོད་ཀྱི་རིའི་རྒྱལ་པོ་ལ་ཕྱག་
འཚལ་ལོ། །སངས་རྒྱས་ཡོན་ཏན་བདེ་གནས་རིན་པོ་ཆེའི་རྒྱལ་པོ་ལ་ཕྱག་འཚལ་ལོ། །སངས་རྒྱས་རིན་པོ་ཆེའི་མེ་ཏོག་རྣམ་པར་བརྒྱན་པའི་རྒྱལ་པོ་ལ་ཕྱག་འཚལ་ལོ། །སངས་རྒྱས་དཀའ་ཐུབ་ལ་ཕྱག་འཚལ་ལོ། །སངས་
རྒྱས་རི་རབ་མཚན་མ་ལ་ཕྱག་འཚལ་ལོ། །སངས་རྒྱས་རི་རབ་རྒྱལ་པོ་ཐོབ་ལ་ཕྱག་འཚལ་ལོ། །སངས་རྒྱས་རིན་ཆེན་དཔལ་ལ་ཕྱག་འཚལ་ལོ། །སངས་རྒྱས་རིན་ཆེན་ཟླ་བ་ལ་ཕྱག་འཚལ་ལོ། །སངས་རྒྱས་རིན་ཆེན་འབར་བ་
ལ་ཕྱག་འཚལ་ལོ། །སངས་རྒྱས་རིན་པོ་ཆེའི་རྒྱན་ལ་ཕྱག་འཚལ་ལོ། །སངས་རྒྱས་དཀའ་ཐུབ་སེང་གེའི་ང་རོ་ལ་ཕྱག་འཚལ་ལོ། །སངས་རྒྱས་འོད་ཆེན་རྒྱལ་པོ་ལ་ཕྱག་འཚལ་ལོ། །སངས་རྒྱས་མི་འགྱུར་ལ་ཕྱག་འཚལ་ལོ། །
སངས་རྒྱས་སྨན་གྱི་རྒྱལ་པོ་ལ་ཕྱག་འཚལ་ལོ། །སངས་རྒྱས་རྣམ་པར་བརྒྱན་ལ་ཕྱག་འཚལ་ལོ། །སངས་རྒྱས་ལྡིང་ཁང་ཕྱིན་ལ་ཕྱག་འཚལ་ལོ། །སངས་རྒྱས་ཟླ་བའི་གདུགས་ལ་ཕྱག་འཚལ་ལོ། །སངས་རྒྱས་འོད་ཁྱབ་ལ་ཕྱག་

62-1-234a

འཚལ་ལོ། །སངས་རྒྱས་རིན་ཆེན་རྒྱལ་པོ་ལ་ཕྱག་འཚལ་ལོ། །སངས་རྒྱས་རྣམ་པར་གཟིགས་ལ་ཕྱག་འཚལ་ལོ། །སངས་རྒྱས་གཙུག་ཏོར་ཅན་ལ་ཕྱག་འཚལ་ལོ། །སངས་རྒྱས་ཐམས་ཅད་སྐྱོབ་ལ་
ཕྱག་འཚལ་ལོ། །སངས་རྒྱས་ལོག་པར་དད་སེལ་ལ་ཕྱག་འཚལ་ལོ། །སངས་རྒྱས་གསེར་ཐུབ་ལ་ཕྱག་འཚལ་ལོ། །སངས་རྒྱས་འོད་སྲུང་ལ་ཕྱག་འཚལ་ལོ། །སངས་རྒྱས་འབྲུག་སྒྲའི་རྒྱལ་པོ་ལ་ཕྱག་
འཚལ་ལོ། །སངས་རྒྱས་ཙན་དན་མེ་ཏོག་ལ་ཕྱག་འཚལ་ལོ། །སངས་རྒྱས་ཙན་དན་འདབ་མ་ལ་ཕྱག་འཚལ་ལོ། །སངས་རྒྱས་ཡིད་མཆོག་ལ་ཕྱག་འཚལ་ལོ། །སངས་རྒྱས་ཐུབ་ཟླ་མེད་ལ་ཕྱག་འཚལ་ལོ། །སངས་རྒྱས་ཟིལ་
མངར་རྔ་ལ་ཕྱག་འཚལ་ལོ། །སངས་རྒྱས་རྣམ་པར་གཟིགས་ལ་ཕྱག་འཚལ་ལོ། །སངས་རྒྱས་ཉི་ཟླའི་འོད་སྣང་ལ་ཕྱག་འཚལ་ལོ། །སངས་རྒྱས་ཐུབ་མེད་འོད་ལ་ཕྱག་འཚལ་ལོ། །སངས་རྒྱས་རྣམ་པར་བརྒྱན་དང་ལྡན་པའི་
རྒྱན་དང་ལྡན་པའི་རྒྱལ་པོ་ལ་ཕྱག་འཚལ་ལོ། །སངས་རྒྱས་འོད་ཟེར་ཀུན་དུ་ཁྱབ་པའི་ཡོན་ཏན་གྱི་རྒྱལ་པོ་ལ་ཕྱག་འཚལ་ལོ། །སངས་རྒྱས་བདུད་བཞི་འཇོམས་པའི་སེང་གེའི་སྒྲའི་རྒྱལ་པོ་ལ་ཕྱག་འཚལ་ལོ། །སངས་རྒྱས་རྡོ་རྗེ་
འཇིགས་མེད་ལ་ཕྱག་འཚལ་ལོ། །སངས་རྒྱས་བཻ་དཱུརྱའི་འོད་ལ་ཕྱག་འཚལ་ལོ། །སངས་རྒྱས་རི་རབ་རྒྱལ་པོ་ལ་ཕྱག་འཚལ་ལོ། །སངས་རྒྱས་འོད་ཟེར་གཙང་མའི་རྒྱལ་པོ་ལ་ཕྱག་འཚལ་ལོ། །སངས་རྒྱས་དགེ་དཔལ་ལ་ཕྱག་
འཚལ་ལོ། །སངས་རྒྱས་འོད་ཟེར་དཔག་མེད་ལ་ཕྱག་འཚལ་ལོ། །སངས་རྒྱས་གཟུངས་རྣམ་པར་རོལ་པ་ལ་ཕྱག་འཚལ་ལོ། །སངས་རྒྱས་དཔའ་བར་འགྲོ་བའི་ཏིང་ངེ་འཛིན་གྱི་སྟོབས་ཀྱི་རྒྱལ་པོ་ལ་ཕྱག་འཚལ་ལོ། །སངས་རྒྱས་དགེ་མཐོང་ཏིང་ངེ་
འཛིན་གྱི་དབང་ཕྱུག་རྒྱལ་པོ་ལ་ཕྱག་འཚལ་ལོ། །སངས་རྒྱས་ཡོན་ཏན་བླ་མེད་ལ་ཕྱག་འཚལ་ལོ། །སངས་རྒྱས་རྫུ་འཕྲུལ་དབང་ཕྱུག་ལ་ཕྱག་འཚལ་ལོ། །སངས་རྒྱས་མཚན་མའི་གཟུགས་མེད་ལ་ཕྱག་འཚལ་ལོ། །སངས་རྒྱས་གཟུགས་

62-1-234b

ཐོར་ལ་ཕྱག་འཚལ་ལོ། །སངས་རྒྱས་དྲི་མཚན་མེད་ལ་ཕྱག་འཚལ་ལོ། །སངས་རྒྱས་བྲོ་མཚན་མེད་ལ་ཕྱག་འཚལ་ལོ། །སངས་རྒྱས་རེག་མཚན་མེད་ལ་ཕྱག་འཚལ་ལོ། །སངས་རྒྱས་ཏིང་ངེ་འཛིན་གྱི་དབང་ཕྱུག་ལ་ཕྱག་འཚལ་ལོ། །སངས་རྒྱས་ཤེས་རབ་ཏིང་ངེ་འཛིན་གྱི་དབང་ཕྱུག་ལ་ཕྱག་
འཚལ་ལོ། །སངས་རྒྱས་རིན་པོ་ཆེའི་གཟུགས་ཀྱི་དབང་ཕྱུག་ལ་ཕྱག་འཚལ་ལོ། །སངས་རྒྱས་ཀུན་དུ་སྡུད་ལ་ཕྱག་འཚལ་ལོ། །སངས་རྒྱས་དྲིན་དཔལ་ཀུན་དུ་འོད་ལ་ཕྱག་འཚལ་ལོ། །སངས་རྒྱས་གཙུག་ཏོར་ཅན་ལ་ཕྱག་འཚལ་ལོ། །
སངས་རྒྱས་ཐམས་ཅད་སྐྱོབ་ལ་ཕྱག་འཚལ་ལོ། །སངས་རྒྱས་ལོག་པར་དད་སེལ་ལ་ཕྱག་འཚལ་ལོ། །སངས་རྒྱས་གསེར་ཐུབ་ལ་ཕྱག་འཚལ་ལོ། །སངས་རྒྱས་འོད་སྲུངས་ལ་ཕྱག་འཚལ་ལོ། །སངས་རྒྱས་ཡིད་སྒྲ་སྙན་
སྲེད་ལ་ཕྱག་འཚལ་ལོ། །སངས་རྒྱས་རབ་ཏུ་དགའ་བ་ལ་ཕྱག་འཚལ་ལོ། །སངས་རྒྱས་མི་འཁྲུགས་པ་ལ་ཕྱག་འཚལ་ལོ། །སངས་རྒྱས་རི་རབ་མཚན་མ་ལ་ཕྱག་འཚལ་ལོ། །སངས་རྒྱས་སེང་གེ་དབྱངས་ལ་ཕྱག་འཚལ་ལོ། །
སངས་རྒྱས་སེང་གེའི་མཚན་མ་ལ་ཕྱག་འཚལ་ལོ། །སངས་རྒྱས་སྤྲིན་དབང་ཕྱུག་ལ་ཕྱག་འཚལ་ལོ། །སངས་རྒྱས་རྟག་ཏུ་ཞི་ལ་ཕྱག་འཚལ་ལོ། །སངས་རྒྱས་དབང་པོའི་མཚན་མ་ལ་ཕྱག་འཚལ་ལོ། །སངས་རྒྱས་སྣང་བ་
མཐའ་ཡས་ལ་ཕྱག་འཚལ་ལོ། །སངས་རྒྱས་ཚངས་པའི་མཚན་མ་ལ་ཕྱག་འཚལ་ལོ། །སངས་རྒྱས་འཇིག་རྟེན་གྱི་སྡུག་བསྔལ་ཐམས་ཅད་ལས་འདས་པ་ལ་ཕྱག་འཚལ་ལོ། །སངས་རྒྱས་ཏ་མ་ར་བར་ཙན་དན་གྱི་སྤོས་ལ་ཕྱག་
འཚལ་ལོ། །སངས་རྒྱས་རི་རབ་ཀྱི་གཟུགས་ལ་ཕྱག་འཚལ་ལོ། །སངས་རྒྱས་སྤྲིན་དབང་ཕྱུག་རྒྱལ་པོ་ལ་ཕྱག་འཚལ་ལོ། །སངས་རྒྱས་འཇིག་རྟེན་གྱི་འཇིགས་པ་ཐམས་ཅད་བཅོམ་པ་ལ་ཕྱག་འཚལ་ལོ། །སངས་རྒྱས་
སྤྲུལ་པའི་སྐུ་ཤཱཀྱ་ཐུབ་པ་ལ་ཕྱག་འཚལ་ལོ། །ད་ལྟར་བཞུགས་པའི་སངས་རྒྱས་གཅིག །སངས་རྒྱས་བཅུ། སངས་རྒྱས་བརྒྱ། སངས་རྒྱས་སྟོང་། སངས་རྒྱས་ཁྲི་ལ་གུས་པར་ཕྱག་འཚལ་ན་བསྐལ་པ་གྲངས་མེད་པ་

62-1-235a

ནས་འཁོར་བའི་སྡིག་ལྕི་བ་ཐམས་ཅད་འབྱང་བར་འགྱུར་རོ། །སངས་རྒྱས་འབུམ་ཕྲག་གཅིག །འབུམ་ཕྲག་བཅུ། འབུམ་ཕྲག་བརྒྱ། འབུམ་ཕྲག་སྟོང་། འབུམ་ཕྲག་ཁྲི། བྱེ་བ་ཁྲག་ཁྲིག་གང་གཱའི་ཀླུང་གི་
བྱེ་མ་སྙེད་གྲངས་མེད་དཔག་ཏུ་མེད་པའི་སངས་རྒྱས་ལ་ཕྱག་འཚལ་ལོ། །གང་ལ་ལས་ད་ལྟར་བཞུགས་པའི་སངས་རྒྱས་གྲངས་མེད་དཔག་ཏུ་མེད་པའི་མཚན་ཐོས་ན་དེ་ནི་བསྐལ་པ་ཁྲི་ཕྲག་དྲུག་བཅུའི་བར་དུ་སེམས་ཅན་དམྱལ་བར་མི་
ལྟུང་སྟེ། དེ་བས་གུས་པར་ཕྱག་འཚལ་ལོ། །ད་ལྟར་ཕྱོགས་བཅུར་བཞུགས་པ་ཡི། །སངས་རྒྱས་རྣམས་ལ་ཕྱག་འཚལ་ན། །ལས་ངན་ཀུན་ལས་རྣམ་པར་གྲོལ། །མཚམས་མེད་ལྔ་པོའི་སྡིག་ཀྱང་འབྱང་། །རྣམ་དག་ས་ལ་རྟག་ཏུ་གནས། །
ཤཱཀྱའི་ཆོས་ལ་འང་བདེ་གནས་ཤིང་། །དེ་རྣམས་ངན་སོང་གསུམ་དང་བྲལ། །སངས་རྒྱས་བྱམས་པ་འང་མཐོང་བ་དང་། །སངས་རྒྱས་སྟོང་ཡང་མཐོང་བར་འགྱུར། །དེ་བས་ད་ལྟར་ཕྱག་ཀྱང་འཚལ། །ཕྱོགས་བཅུའི་སངས་རྒྱས་ཡང་
མཐོང་སྟེ། །རྣམ་དག་ཞིང་དུ་རྟག་པར་སྐྱེ། །དམ་པའི་ཆོས་ཀྱང་ཐོས་གྱུར་ཅིང་། །སངས་རྒྱས་རྟག་པ་འང་མངོན་པར་རྟོགས། །ད་ལྟར་བཞུགས་པའི་སངས་རྒྱས་རྣམས་ཀྱི་མཚན་བཤད་པའི་ཚེ་ཆུ་བོ་གང་གཱ་གཉིས་ཀྱི་བྱེ་མ་སྙེད་ཀྱི་བྱང་
ཆུབ་སེམས་དཔའ་གཟུངས་ཀྱི་སྒོར་ཆུད་པར་གྱུར། ལྷ་དང་མི་འབུམ་ཕྲག་བཞི་བཅུ་རྩ་གཉིས་ནི་བླ་ན་མེད་པའི་བྱང་ཆུབ་ཏུ་སེམས་བསྐྱེད་དོ། །བསྐལ་པ་བཟང་པོའི་སངས་རྒྱས་མ་བྱོན་པ་དཔག་ཏུ་མེད་པ་ལ་ཕྱག་འཚལ་ལོ། །
སངས་རྒྱས་བྱམས་པ་ལ་ཕྱག་འཚལ་ལོ། །སངས་རྒྱས་རྣམ་དག་སྐུ་ལ་ཕྱག་འཚལ་ལོ། །སངས་རྒྱས་མེ་ཏོག་འོད་ལ་ཕྱག་འཚལ་ལོ། །སངས་རྒྱས་མེ་ཏོག་རྫོགས་ལ་ཕྱག་འཚལ་ལོ། །སངས་རྒྱས་འོད་སྣང་ལ་ཕྱག་འཚལ་ལོ། །
སངས་རྒྱས་མིང་དང་མཚན་མ་ལ་ཕྱག་འཚལ་ལོ། །སངས་རྒྱས་འཛམ་བུ་ན་དའི་གསེར་འོད་ལ་ཕྱག་འཚལ་ལོ། །སངས་རྒྱས་ཆོས་སྣང་ལ་ཕྱག་འཚལ་ལོ། །སངས་རྒྱས་རིན་ཆེན་སྣང་ལ་ཕྱག་འཚལ་ལོ། །སངས་རྒྱས་ཁྱབ་སྣང་ལ་

62-1-235b

ཕྱག་འཚལ་ལོ། །སངས་རྒྱས་ཀུན་དུ་མཚན་མ་ལ་ཕྱག་འཚལ་ལོ། །སངས་རྒྱས་ཀུན་དུ་འོད་ལ་ཕྱག་འཚལ་ལོ། །སངས་རྒྱས་ཤེས་རབ་རི་དང་རྒྱ་མཚོ་ལ་ཕྱག་འཚལ་ལོ། །སངས་རྒྱས་རྫུ་འཕྲུལ་གྱི་དབང་ཕྱུག་གི་རྒྱལ་པོ་ལ་ཕྱག་
འཚལ་ལོ། །སངས་རྒྱས་རིན་པོ་ཆེ་རྣམ་པར་བཀོད་པ་ལ་ཕྱག་འཚལ་ལོ། །སངས་རྒྱས་སྐྱེས་བུ་དམ་པ་ལ་ཕྱག་འཚལ་ལོ། །སངས་རྒྱས་དབང་ཕྱུག་ཐོབ་པའི་རྒྱལ་པོ་འབུམ་ཕྲག་བརྒྱ་ལ་ཕྱག་འཚལ་ལོ། །སངས་རྒྱས་རིན་པོ་
ཆེའི་མཚན་ཉིད་ལ་ཕྱག་འཚལ་ལོ། །སངས་རྒྱས་མཐོང་དགའ་ལ་ཕྱག་འཚལ་ལོ། །སངས་རྒྱས་འོད་ཀྱི་མཚན་མས་རྣམ་པར་བརྒྱན་པའི་རྒྱལ་པོ་ཉི་ཁྲི་ལ་ཕྱག་འཚལ་ལོ། །སངས་རྒྱས་མཚན་མཐུན་པ་ཀུན་དུ་དཔལ་སུམ་ཁྲི་ལ་
ཕྱག་འཚལ་ལོ། །སངས་རྒྱས་འབྲུག་སྒྲའི་རྒྱལ་པོ་ལ་ཕྱག་འཚལ་ལོ། །སངས་རྒྱས་འོད་མི་འགྱུར་བཞི་ཁྲི་བརྒྱད་སྟོང་ལ་ཕྱག་འཚལ་ལོ། །སངས་རྒྱས་ཟླ་བ་རིན་པོ་ཆེའི་རྒྱལ་པོ་ལ་ཕྱག་འཚལ་ལོ། །སངས་རྒྱས་དྲི་མ་
དང་བྲལ་བའི་འོད་ལ་ཕྱག་འཚལ་ལོ། །སངས་རྒྱས་གཟུགས་དམ་པ་ལ་ཕྱག་འཚལ་ལོ། །སངས་རྒྱས་གཟུགས་དམ་པའི་འོད་ཟེར་ལ་ཕྱག་འཚལ་ལོ། །སངས་རྒྱས་བགེགས་ཀྱི་ཚོགས་ཐམས་ཅད་བཅོམ་པ་ལ་ཕྱག་
འཚལ་ལོ། །སངས་རྒྱས་དྲིའི་ཚོགས་ལ་ཕྱག་འཚལ་ལོ། །སངས་རྒྱས་སྒྲའི་ཚོགས་ལ་ཕྱག་འཚལ་ལོ། །སངས་རྒྱས་འོད་ཟེར་རྣམ་པར་བཀོད་པ་སྟོང་ཕྲག་བརྒྱད་ཅུ་ལ་ཕྱག་འཚལ་ལོ། །སངས་རྒྱས་འོད་ཟེར་རྣམ་པར་
བཀོད་པ་འབུམ་ཕྲག་བརྒྱད་ཅུ་ལ་ཕྱག་འཚལ་ལོ། །སངས་རྒྱས་རིན་པོ་ཆེའི་མེ་ཏོག་རྣམ་པར་བརྒྱན་པ་ལ་ཕྱག་འཚལ་ལོ། །སངས་རྒྱས་ཡོན་ཏན་མཆོག་གི་རྒྱལ་པོ་ལ་ཕྱག་འཚལ་ལོ། །སངས་རྒྱས་གསེར་བཙོ་མའི་
འོད་སྣང་ལ་ཕྱག་འཚལ་ལོ། །སངས་རྒྱས་ལུང་བསྟན་པ་པད་མའི་འོད་ལྔ་བརྒྱ་ལ་ཕྱག་འཚལ་ལོ། །སངས་རྒྱས་མི་འཇིགས་སྲེད་མེད་ཀྱི་བུ་ལ་ཕྱག་འཚལ་ལོ། །སངས་རྒྱས་མེ་ཏོག་བཟང་པོས་རྣམ་པར་བརྒྱན་པ་ལ་ཕྱག་འཚལ་ལོ། །

62-1-236a

ལོ། །སངས་རྒྱས་རྡོ་རྗེ་ཏིང་ངེ་འཛིན་གྱི་དབང་ཕྱུག་ལ་ཕྱག་འཚལ་ལོ། །མ་བྱོན་པའི་སངས་རྒྱས་གཅིག །སངས་རྒྱས་བཅུ། སངས་རྒྱས་བརྒྱ། སངས་རྒྱས་སྟོང་། སངས་རྒྱས་ཁྲི་ལ་ཕྱག་འཚལ་ན། བསྐལ་པ་གྲངས་མེད་དཔག་ཏུ་
མེད་པའི་འཁོར་བ་ནས་སྡིག་ལྕི་བ་རྣམས་འབྱང་བར་འགྱུར་རོ། །སངས་རྒྱས་འབུམ་ཕྲག་གཅིག །འབུམ་ཕྲག་བཅུ། འབུམ་ཕྲག་བརྒྱ། འབུམ་ཕྲག་སྟོང་། འབུམ་ཕྲག་ཁྲི་བྱེ་བ་ཁྲག་ཁྲིག་གང་གཱའི་བྱེ་མ་སྙེད་དཔག་ཏུ་མེད། 
གྲངས་མེད་པའི་སངས་རྒྱས་ཀྱི་མཚན་གང་ཟག་གང་ལ་ལས་ཐོས་པར་གྱུར་ན་བསྐལ་པ་ཁྲི་ཕྲག་བཞི་བཅུའི་བར་དུ་སེམས་ཅན་དམྱལ་བར་མི་ལྟུང་སྟེ། དེ་བས་ད་ལྟར་ཕྱག་འཚལ་ལོ། །གང་ཞིག་སངས་རྒྱས་མ་བྱོན་རྣམས། །དེ་ལ་
གུས་པར་ཕྱག་འཚལ་ན། །ལོག་སྤྱོད་རྣམས་ནི་མ་གཏོགས་ཏེ། །སྒྲིབ་པ་གསུམ་དང་མཚམས་མེད་ལྔ། །སྡིག་པ་དེ་རྣམས་འབྱང་བར་འགྱུར། །སངས་རྒྱས་ཆོས་ལ་བདེ་གནས་ཤིང་། །དཔག་མེད་སངས་རྒྱས་མཐོང་བར་འགྱུར། །དམ་པའི་
ཆོས་ཀྱང་རྟག་ཏུ་ཐོས། །དེ་བས་ད་ལྟར་གུས་ཕྱག་འཚལ། །གང་ཞིག་ཕྱོགས་བཅུ་དུས་གསུམ་གྱིས། །སངས་རྒྱས་རྣམས་ལ་ཕྱག་འཚལ་ན། །ཁ་ན་མ་ཐོ་འདས་པ་དང་། །མ་འོངས་པ་དང་ད་ལྟར་གྱི། །ལས་ངན་བཅུ་པོ་བྱས་པ་ཡང་། །ད་ལྟར་མངོན་
དུ་བྱང་བར་འགྱུར། །ཕྱི་མའི་དུས་ལ་སངས་རྒྱས་ཀྱི། །ངོ་བོ་ཉིད་ཀྱང་མཐོང་བར་འགྱུར། །དེ་བས་དེ་ལ་མོས་པར་བྱོས། །ཁ་ཏོན་འདྲི་ཀློག་ཕྱག་འཚལ་ན། །ཚེ་རབས་གར་བྱུང་གར་སྐྱེས་ཀྱང་། །ལྟ་བ་ལོག་པར་མི་སྐྱེའོ། །རྣམ་པར་གྲོལ་པ་
རྒྱུན་དུ་ཐོབ། །མཐའ་འཁོབ་ས་རུ་ཡོང་མི་སྐྱེ། །ངན་པའི་ཡུལ་དུ་འང་མི་སྐྱེ་ཞིང་། །རྒྱལ་པོ་མ་རུངས་མཐོང་མི་འགྱུར། །བསྐལ་པ་འབུམ་ཕྲག་བཞི་ཁྲིའི་བར། །སེམས་ཅན་དམྱལ་བར་མི་སྐྱེའོ། །དེ་བས་གུས་པར་ཕྱག་འཚལ་ན། །མི་དགེ་
བཅུའི་ལས་འབྱང་ཞིང་། །གཟུངས་ཆེན་རབ་ཏུ་ཐོབ་པར་འགྱུར། །བཅོམ་ལྡན་འདས་ཀྱིས་སངས་རྒྱས་མ་བྱོན་པ་རྣམས་ཀྱི་མཚན་བསྒྲགས་པའི་ཚེ་བྱང་ཆུབ་སེམས་དཔའ་ལྔ་ཁྲིས་ཕྱིར་མི་ལྡོག་པའི་སར་གནས་སོ། །དགེ་སློང་མ་བདུན་བརྒྱས་




62-1-236b

ནི་དགྲ་བཅོམ་བར་གྲུབ་བོ། །ལྷ་དང་མི་འབུམ་ཕྲག་དྲུག་ཅུ་རྩ་གཉིས་ནི་ཆོས་ཀྱི་མིག་རྣམ་པར་དག་པ་ཐོབ་བོ། །གཟུངས་ཆེན་པོ་དང་། མདོ་སྡེ་བཅུ་གཉིས་ལ་ཕྱག་འཚལ་ལོ། །མདོ་ཡི་སྡེ་ལ་ཕྱག་འཚལ་ལོ། །ལུང་དུ་བསྟན་པའི་སྡེ་ལ་ཕྱག་འཚལ་
ལོ། །ཚིགས་སུ་བཅད་པའི་སྡེ་ལ་ཕྱག་འཚལ་ལོ། །དབྱངས་ཀྱིས་བསྙད་པའི་སྡེ་ལ་ཕྱག་འཚལ་ལོ། །ཆེད་དུ་བརྗོད་པའི་སྡེ་ལ་ཕྱག་འཚལ་ལོ། །གླིང་གཞིའི་སྡེ་ལ་ཕྱག་འཚལ་ལོ། །རྟོགས་པ་བརྗོད་པའི་སྡེ་ལ་ཕྱག་འཚལ་ལོ། །འདས་པ་བརྗོད་
པའི་སྡེ་ལ་ཕྱག་འཚལ་ལོ། །སྐྱེས་པ་རབས་ཀྱི་སྡེ་ལ་ཕྱག་འཚལ་ལོ། །ཤིན་དུ་རྒྱས་པའི་སྡེ་ལ་ཕྱག་འཚལ་ལོ། །རྨད་དུ་བྱུང་བའི་སྡེ་ལ་ཕྱག་འཚལ་ལོ། །གཏན་ལ་ཕབ་པར་བསྟན་པའི་སྡེ་ལ་ཕྱག་འཚལ་ལོ། །ཐེག་པ་ཆེན་པོའི་སྡེ་སྣོད་ཐམས་
ཅད་ལ་ཕྱག་འཚལ་ལོ། །གང་གིས་མདོ་སྡེ་བཅུ་གཉིས་དང་། ཕ་རོལ་དུ་ཕྱིན་པ་རྣམས་ཀྱི་མཚན་ཐོས་ན་བསྟོད་པ་བྱས་སམ། ཕྱག་འཚལ་ལམ། བརྗོད་དམ། མོས་པ་བསྐྱེད་དམ། བླངས་སམ། འཆང་བར་བྱེད་ན་གང་ཟག་དེ་བསྐལ་པ་ཁྲི་ཕྲག་
ཉི་ཤུའི་བར་དུ་སེམས་ཅན་དམྱལ་བར་མི་ལྟུང་སྟེ། ཚེ་སྔ་ཕྱི་དྲན་པའི་ཡེ་ཤེས་དང་ལྡན་པར་འགྱུར་རོ། །དེའི་ཕྱིར་གུས་པས་ཕྱག་འཚོལ་ཅིག །བཅོམ་ལྡན་འདས་ཀྱིས་མདོ་སྡེ་བཅུ་གཉིས་ཀྱི་མཚན་བཤད་པའི་ཚེ་བྱང་ཆུབ་སེམས་དཔའ་བརྒྱད་ཁྲི་ལྔ་
སྟོང་རྡོ་རྗེའི་ཏིང་ངེ་འཛིན་ཐོབ་བོ། །ཉན་ཐོས་འབུམ་ཕྲག་བཅུ་ཐེག་པ་ཆེན་པོའི་སེམས་བསྐྱེད་དོ། །དགེ་སློང་དང་། དགེ་སློང་མ་སྟོང་ཕྲག་བཅུས་དགྲ་བཅོམ་པའི་འབྲས་བུ་ཐོབ་བོ། །ལྷ་དང་མི་དཔག་ཏུ་མེད་པ་ཞིག་ནི་ཆོས་ཀྱི་མིག་རྣམ་པར་དག་པ་ཐོབ་བོ། །
ཕྱོགས་བཅུའི་བྱང་ཆུབ་སེམས་དཔའ་སེམས་དཔའ་ཆེན་པོ་ཐམས་ཅད་ལ་ཕྱག་འཚལ་ལོ། །བྱང་ཆུབ་སེམས་དཔའ་འཇམ་དཔལ་གཞོན་ནུར་གྱུར་པ་ལ་ཕྱག་འཚལ་ལོ། །བྱང་ཆུབ་སེམས་དཔའ་སྤྱན་རས་གཟིགས་དབང་ཕྱུག་ལ་ཕྱག་འཚལ་ལོ། །
བྱང་ཆུབ་སེམས་དཔའ་མཐུ་ཆེན་ཐོབ་ལ་ཕྱག་འཚལ་ལོ། །བྱང་ཆུབ་སེམས་དཔའ་བརྩོན་འགྲུས་རྟག་ལ་ཕྱག་འཚལ་ལོ། །བྱང་ཆུབ་སེམས་དཔའ་རྒྱུན་མི་གཏོང་ལ་ཕྱག་འཚལ་ལོ། །བྱང་ཆུབ་སེམས་དཔའ་རིན་ཆེན་ལག་ལ་ཕྱག་འཚལ་ལོ། །

62-1-237a

བྱང་ཆུབ་སེམས་དཔའ་སྨིན་གྱི་རྒྱལ་པོ་ལ་ཕྱག་འཚལ་ལོ། །བྱང་ཆུབ་སེམས་དཔའ་དཔའ་བར་རྒྱན་ལ་ཕྱག་འཚལ་ལོ། །བྱང་ཆུབ་སེམས་དཔའ་རིན་ཆེན་ཟླ་བ་ལ་ཕྱག་འཚལ་ལོ། །བྱང་ཆུབ་སེམས་དཔའ་ཟླ་འོད་ལ་ཕྱག་འཚལ་ལོ། །
བྱང་ཆུབ་སེམས་དཔའ་ཟླ་གང་ལ་ཕྱག་འཚལ་ལོ། །བྱང་ཆུབ་སེམས་དཔའ་སྟོབས་པོ་ཆེ་ལ་ཕྱག་འཚལ་ལོ། །བྱང་ཆུབ་སེམས་དཔའ་སྟོབས་དཔག་ཏུ་མེད་པ་ལ་ཕྱག་འཚལ་ལོ། །བྱང་ཆུབ་སེམས་དཔའ་ཁམས་གསུམ་འཕགས་ལ་ཕྱག་
འཚལ་ལོ། །བྱང་ཆུབ་སེམས་དཔའ་བཟང་སྐྱོང་ལ་ཕྱག་འཚལ་ལོ། །བྱང་ཆུབ་སེམས་དཔའ་བྱམས་པ་ལ་ཕྱག་འཚལ་ལོ། །བྱང་ཆུབ་སེམས་དཔའ་རིན་ཆེན་བརྩེགས་ལ་ཕྱག་འཚལ་ལོ། །བྱང་ཆུབ་སེམས་དཔའ་འདྲེན་མཁན་ལ་ཕྱག་འཚལ་ལོ། །བྱང་ཆུབ་སེམས་དཔའ་དཔལ་གྱི་སྙིང་པོ་ལ་
ཕྱག་འཚལ་ལོ། །བྱང་ཆུབ་སེམས་དཔའ་འཆད་མོས་ལ་ཕྱག་འཚལ་ལོ། །བྱང་ཆུབ་སེམས་དཔའ་ཀླུའི་སྡོང་པོ་ལ་ཕྱག་འཚལ་ལོ། །བྱང་ཆུབ་སེམས་དཔའ་ཙན་དན་རིན་པོ་ཆེའི་མེ་ཏོག་ལ་ཕྱག་འཚལ་ལོ། །བྱང་ཆུབ་སེམས་དཔའ་སྤྱོད་པ་
བླ་མ་ལ་ཕྱག་འཚལ་ལོ། །བྱང་ཆུབ་སེམས་དཔའ་སྤྱོད་པ་མཐའ་ཡས་ལ་ཕྱག་འཚལ་ལོ། །བྱང་ཆུབ་སེམས་དཔའ་སྤྱོད་པ་རྣམ་པར་བཀོད་པ་ལ་ཕྱག་འཚལ་ལོ། །བྱང་ཆུབ་སེམས་དཔའ་སྤྱོད་པ་རྣམ་དག་ལ་ཕྱག་འཚལ་ལོ། །བྱང་ཆུབ་སེམས་
དཔའ་གཟུངས་འཛིན་ལ་ཕྱག་འཚལ་ལོ། །བྱང་ཆུབ་སེམས་དཔའ་རྡོ་རྗེ་སྲེད་མེད་ལ་ཕྱག་འཚལ་ལོ། །བྱང་ཆུབ་སེམས་དཔའ་རྟག་པར་གུས་ལ་ཕྱག་འཚལ་ལོ། །བྱང་ཆུབ་སེམས་དཔའ་སྔོན་གྱིས་རྒྱལ་པོའི་མེ་ཏོག་ལ་ཕྱག་འཚལ་ལོ། །
བྱང་ཆུབ་སེམས་དཔའ་མཐོང་ན་དགའ་བ་ལ་ཕྱག་འཚལ་ལོ། །བྱང་ཆུབ་སེམས་དཔའ་དབྱངས་དམ་པ་ལ་ཕྱག་འཚལ་ལོ། །བྱང་ཆུབ་སེམས་དཔའ་བརྩོན་འགྲུས་ཡོན་ཏན་གྱི་སྟོབས་ལ་ཕྱག་འཚལ་ལོ། །བྱང་ཆུབ་སེམས་དཔའ་བློ་
གྲོས་མི་ཟད་པ་ལ་ཕྱག་འཚལ་ལོ། །བྱང་ཆུབ་སེམས་དཔའ་སྙིང་པོ་རྣམ་དག་ལ་ཕྱག་འཚལ་ལོ། །བྱང་ཆུབ་སེམས་དཔའ་སྤྱན་རྣམ་དག་ལ་ཕྱག་འཚལ་ལོ། །བྱང་ཆུབ་སེམས་དཔའ་ཀུན་དུ་བཟང་པོ་ལ་ཕྱག་འཚལ་ལོ། །བྱང་ཆུབ་

62-1-237b

སེམས་དཔའ་འཇམ་དཔལ་ལ་ཕྱག་འཚལ་ལོ། །བྱང་ཆུབ་སེམས་དཔའ་བྱམས་པ་ལ་ཕྱག་འཚལ་ལོ། །བྱང་ཆུབ་སེམས་དཔའ་བསམ་ལེགས་ལ་ཕྱག་འཚལ་ལོ། །བྱང་ཆུབ་སེམས་དཔའ་སྟོང་མེད་ལ་ཕྱག་འཚལ་ལོ། །བྱང་ཆུབ་
སེམས་དཔའ་རྫུ་འཕྲུལ་མེ་ཏོག་ལ་ཕྱག་འཚལ་ལོ། །བྱང་ཆུབ་སེམས་དཔའ་འོད་གསལ་ལ་ཕྱག་འཚལ་ལོ། །བྱང་ཆུབ་སེམས་དཔའ་ཤེས་རབ་འོད་གསལ་ལ་ཕྱག་འཚལ་ལོ། །བྱང་ཆུབ་སེམས་དཔའ་ཤེས་རབ་བླ་མ་ལ་ཕྱག་འཚལ་ལོ། །
བྱང་ཆུབ་སེམས་དཔའ་ཡེ་ཤེས་རྒྱལ་མཚན་ལ་ཕྱག་འཚལ་ལོ། །བྱང་ཆུབ་སེམས་དཔའ་དབང་པོ་ཞི་བ་ལ་ཕྱག་འཚལ་ལོ། །བྱང་ཆུབ་སེམས་དཔའ་ཤེས་རབ་སྨོན་ལམ་ལ་ཕྱག་འཚལ་ལོ། །བྱང་ཆུབ་སེམས་དཔའ་སྤོས་ཀྱི་གཟུགས་བརྙན་
ལ་ཕྱག་འཚལ་ལོ། །བྱང་ཆུབ་སེམས་དཔའ་རིན་ཆེན་གསལ་ལ་ཕྱག་འཚལ་ལོ། །བྱང་ཆུབ་སེམས་དཔའ་དབུང་གནས་ལ་ཕྱག་འཚལ་ལོ། །བྱང་ཆུབ་སེམས་དཔའ་འགོག་སྤྱོད་ལ་ཕྱག་འཚལ་ལོ། །བྱང་ཆུབ་སེམས་དཔའ་རྣམ་གྲོལ་ལ་
ཕྱག་འཚལ་ལོ། །བྱང་ཆུབ་སེམས་དཔའ་ཆོས་ཀྱི་སྙིང་པོ་ལ་ཕྱག་འཚལ་ལོ། །བྱང་ཆུབ་སེམས་དཔའ་མཉམ་པར་རྟོག་ལ་ཕྱག་འཚལ་ལོ། །བྱང་ཆུབ་སེམས་དཔའ་མཉམ་མི་རྟོག་ལ་ཕྱག་འཚལ་ལོ། །བྱང་ཆུབ་སེམས་དཔའ་
མཉམ་མི་མཉམ་རྟོག་ལ་ཕྱག་འཚལ་ལོ། །བྱང་ཆུབ་སེམས་དཔའ་ཏིང་ངེ་འཛིན་གྱི་དབང་ཕྱུག་གིས་རྒྱལ་པོ་ལ་ཕྱག་འཚལ་ལོ། །བྱང་ཆུབ་སེམས་དཔའ་ཆོས་ཀྱི་དབང་ཕྱུག་གི་རྒྱལ་པོ་ལ་ཕྱག་འཚལ་ལོ། །བྱང་ཆུབ་སེམས་དཔའ་ཆོས་ཀྱི་མཚན་
ཉིད་ལ་ཕྱག་འཚལ་ལོ། །བྱང་ཆུབ་སེམས་དཔའ་འོད་ཀྱི་མཚན་མ་ལ་ཕྱག་འཚལ་ལོ། །བྱང་ཆུབ་སེམས་དཔའ་འོད་ཀྱིས་བརྒྱན་པ་ལ་ཕྱག་འཚལ་ལོ། །བྱང་ཆུབ་སེམས་དཔའ་རྒྱན་ཆེན་པོ་ལ་ཕྱག་འཚལ་ལོ། །བྱང་ཆུབ་སེམས་དཔའ་དཀོན་
མཆོག་བརྩེགས་ལ་ཕྱག་འཚལ་ལོ། །བྱང་ཆུབ་སེམས་དཔའ་བློ་བརྩེགས་ལ་ཕྱག་འཚལ་ལོ། །བྱང་ཆུབ་སེམས་དཔའ་རིན་ཆེན་ལག་ལ་ཕྱག་འཚལ་ལོ། །བྱང་ཆུབ་སེམས་དཔའ་ལག་ན་རིན་པོ་ཆེའི་ཕྱག་རྒྱ་ལ་ཕྱག་འཚལ་ལོ། །བྱང་ཆུབ་

62-1-238a

སེམས་དཔའ་ལག་རྒྱུན་དུ་བཏེག་ལ་ཕྱག་འཚལ་ལོ། །བྱང་ཆུབ་སེམས་དཔའ་ལག་རྒྱུན་དུ་ཕབ་ལ་ཕྱག་འཚལ་ལོ། །བྱང་ཆུབ་སེམས་དཔའ་རྟག་ཏུ་བརྩེ་བ་ཅན་ལ་ཕྱག་འཚལ་ལོ། །བྱང་ཆུབ་སེམས་དཔའ་དགའ་
བའི་དབང་པོ་ལ་ཕྱག་འཚལ་ལོ། །བྱང་ཆུབ་སེམས་དཔའ་དགའ་བའི་རྒྱལ་པོ་ལ་ཕྱག་འཚལ་ལོ། །བྱང་ཆུབ་སེམས་དཔའ་བློའི་དབྱངས་ལ་ཕྱག་འཚལ་ལོ། །བྱང་ཆུབ་སེམས་དཔའ་ནམ་མཁའི་སྙིང་པོ་ལ་ཕྱག་འཚལ་ལོ། །བྱང་
ཆུབ་སེམས་དཔའ་རིན་ཆེན་སྒྲོན་མ་འཛིན་ལ་ཕྱག་འཚལ་ལོ། །བྱང་ཆུབ་སེམས་དཔའ་རིན་ཆེན་དཔའ་བོ་ལ་ཕྱག་འཚལ་ལོ། །བྱང་ཆུབ་སེམས་དཔའ་རིན་ཆེན་བལྟ་བ་ལ་ཕྱག་འཚལ་ལོ། །བྱང་ཆུབ་སེམས་དཔའ་བདེན་པའི་
དྲ་བ་ལ་ཕྱག་འཚལ་ལོ། །བྱང་ཆུབ་སེམས་དཔའ་དྲ་བ་སྣང་ལ་ཕྱག་འཚལ་ལོ། །བྱང་ཆུབ་སེམས་དཔའ་རྐྱེན་མེད་རྟོག་ལ་ཕྱག་འཚལ་ལོ། །བྱང་ཆུབ་སེམས་དཔའ་ཤེས་རབ་བརྩེགས་ལ་ཕྱག་འཚལ་ལོ། །བྱང་ཆུབ་སེམས་
དཔའ་རིན་ཆེན་གཙུག་ཕུད་ལ་ཕྱག་འཚལ་ལོ། །བྱང་ཆུབ་སེམས་དཔའ་ལྷའི་རྒྱལ་པོ་ལ་ཕྱག་འཚལ་ལོ། །བྱང་ཆུབ་སེམས་དཔའ་བདུད་རྣམ་པར་འཇོམས་པ་ལ་ཕྱག་འཚལ་ལོ། །བྱང་ཆུབ་སེམས་དཔའ་གློག་གི་དཔལ་ལ་
ཕྱག་འཚལ་ལོ། །བྱང་ཆུབ་སེམས་དཔའ་དབང་ཕྱུག་རྒྱལ་པོ་ལ་ཕྱག་འཚལ་ལོ། །བྱང་ཆུབ་སེམས་དཔའ་ཡོན་ཏན་གྱི་མཚན་ཉིད་དུ་རྣམ་པར་བརྒྱན་པ་ལ་ཕྱག་འཚལ་ལོ། །བྱང་ཆུབ་སེམས་དཔའ་སེང་གེ་སྒྲ་ལ་ཕྱག་འཚལ་
ལོ། །བྱང་ཆུབ་སེམས་དཔའ་འབྲུག་སྒྲ་ལ་ཕྱག་འཚལ་ལོ། །བྱང་ཆུབ་སེམས་དཔའ་མཚན་མ་རི་སྒུལ་བའི་སྒྲ་ལ་ཕྱག་འཚལ་ལོ། །བྱང་ཆུབ་སེམས་དཔའ་སྤོས་ཀྱི་གླང་པོ་ཆེ་ལ་ཕྱག་འཚལ་ལོ། །བྱང་ཆུབ་སེམས་དཔའ་སྤོས་ཀྱི་གླང་པོ་
ཆེ་དཀར་པོ་ལ་ཕྱག་འཚལ་ལོ། །བྱང་ཆུབ་སེམས་དཔའ་དམ་པ་སྐྱེས་ལ་ཕྱག་འཚལ་ལོ། །བྱང་ཆུབ་སེམས་དཔའ་མེ་ཏོག་རྒྱན་ལ་ཕྱག་འཚལ་ལོ། །བྱང་ཆུབ་སེམས་དཔའ་ཚངས་པའི་དྲ་བ་ལ་ཕྱག་འཚལ་ལོ། །བྱང་ཆུབ་སེམས་དཔའ་

62-1-238b

རིན་པོ་ཆེའི་དབྱུག་པ་ལ་ཕྱག་འཚལ་ལོ། །བྱང་ཆུབ་སེམས་དཔའ་ཐུབ་མེད་ལ་ཕྱག་འཚལ་ལོ། །བྱང་ཆུབ་སེམས་དཔའ་ཞིང་གི་རྒྱན་ལ་ཕྱག་འཚལ་ལོ། །བྱང་ཆུབ་སེམས་དཔའ་གསེར་གྱི་གཙུག་པུད་ལ་ཕྱག་འཚལ་ལོ། །བྱང་ཆུབ་
སེམས་དཔའ་ནོར་བུའི་གཙུག་ཕུད་ལ་ཕྱག་འཚལ་ལོ། །བྱང་ཆུབ་སེམས་དཔའ་གཞོན་ནུ་བརྒྱན་པའི་འོད་ལ་ཕྱག་འཚལ་ལོ། །བྱང་ཆུབ་སེམས་དཔའ་འཇིག་རྟེན་འཛིན་ལ་ཕྱག་འཚལ་ལོ། །བྱང་ཆུབ་སེམས་དཔའ་སྣང་ཤར་ལ་
ཕྱག་འཚལ་ལོ། །བྱང་ཆུབ་སེམས་དཔའ་དཀའ་རྒྱལ་ལ་ཕྱག་འཚལ་ལོ། །བྱང་ཆུབ་སེམས་དཔའ་དགེ་བའི་ཡོན་ཏན་ལ་ཕྱག་འཚལ་ལོ། །བྱང་ཆུབ་སེམས་དཔའ་མེ་ཏོག་གི་འོད་ལ་ཕྱག་འཚལ་ལོ། །བྱང་ཆུབ་སེམས་དཔའ་རིན་
པོ་ཆེའི་ཙན་དན་གྱི་མེ་ཏོག་ལ་ཕྱག་འཚལ་ལོ། །བྱང་ཆུབ་སེམས་དཔའ་ཆོས་གསོང་བ་ལ་ཕྱག་འཚལ་ལོ། །བྱང་ཆུབ་སེམས་དཔའ་ཆོས་ཀྱི་དབང་ཕྱུག་ལ་ཕྱག་འཚལ་ལོ། །བྱང་ཆུབ་སེམས་དཔའ་དཔལ་གྱི་གཙོ་ལ་ཕྱག་འཚལ་
ལོ། །བྱང་ཆུབ་སེམས་དཔའ་མིག་མི་འཛུམས་ལ་ཕྱག་འཚལ་ལོ། །བྱང་ཆུབ་སེམས་དཔའ་དཔལ་གྱི་གཙུག་ཏོར་ལ་ཕྱག་འཚལ་ལོ། །བྱང་ཆུབ་སེམས་དཔའ་སྔོན་གྱི་དགེ་བ་ལ་ཕྱག་འཚལ་ལོ། །བྱང་ཆུབ་སེམས་དཔའ་དགེ་
བའི་རྩ་བ་ལ་ཕྱག་འཚལ་ལོ། །བྱང་ཆུབ་སེམས་དཔའ་དཔུང་མཆོག་ལ་ཕྱག་འཚལ་ལོ། །བྱང་ཆུབ་སེམས་དཔའ་སྐྱེས་བུ་དམ་པ་ལ་ཕྱག་འཚལ་ལོ། །བྱང་ཆུབ་སེམས་དཔའ་སེང་གེ་ལ་ཕྱག་འཚལ་ལོ། །བྱང་ཆུབ་སེམས་དཔའ་
སེང་གེའི་དབྱངས་ལ་ཕྱག་འཚལ་ལོ། །བྱང་ཆུབ་སེམས་དཔའ་གཙང་ཤེས་ལ་ཕྱག་འཚལ་ལོ། །བྱང་ཆུབ་སེམས་དཔའ་ལེགས་ལྡན་སྲེད་མེད་ལ་ཕྱག་འཚལ་ལོ། །བྱང་ཆུབ་སེམས་དཔའ་དགེ་ཡིད་ལ་ཕྱག་འཚལ་ལོ། །བྱང་ཆུབ་སེམས་
དཔའ་མངོན་སུམ་མཐོང་ལ་ཕྱག་འཚལ་ལོ། །བྱང་ཆུབ་སེམས་དཔའ་ཀུན་དུ་སྲུང་ལ་ཕྱག་འཚལ་ལོ། །བྱང་ཆུབ་སེམས་དཔའ་གློག་གི་འོད་ལ་ཕྱག་འཚལ་ལོ། །བྱང་ཆུབ་སེམས་དཔའ་མཐོང་ན་དགའ་བ་ལ་ཕྱག་འཚལ་ལོ། །བྱང་ཆུབ་

62-1-239a

སེམས་དཔའ་སྣང་བའི་མཚན་མ་ལ་ཕྱག་འཚལ་ལོ། །བྱང་ཆུབ་སེམས་དཔའ་དམ་པའི་ཡིད་ལ་ཕྱག་འཚལ་ལོ། །བྱང་ཆུབ་སེམས་དཔའ་བློ་གྲོས་མི་ཟད་པ་ལ་ཕྱག་འཚལ་ལོ། །བྱང་ཆུབ་སེམས་དཔའ་ཤེས་རབ་ཟབ་མོ་ལ་ཕྱག་
འཚལ་ལོ། །བྱང་ཆུབ་སེམས་དཔའ་ཞི་བའི་མཚན་མ་ལ་ཕྱག་འཚལ་ལོ། །བྱང་ཆུབ་སེམས་དཔའ་ཐོགས་མེད་ལ་ཕྱག་འཚལ་ལོ། །བྱང་ཆུབ་སེམས་དཔའ་དགེ་བའི་བླ་མ་ལ་ཕྱག་འཚལ་ལོ། །བྱང་ཆུབ་སེམས་དཔའ་བསོད་ནམས་ཀྱི་ཞིང་ལ་
ཕྱག་འཚལ་ལོ། །བྱང་ཆུབ་སེམས་དཔའ་པད་མའི་རྒྱན་ལ་ཕྱག་འཚལ་ལོ། །བྱང་ཆུབ་སེམས་དཔའ་ཡོན་ཏན་གྱི་སྙིང་པོ་ལ་ཕྱག་འཚལ་ལོ། །བྱང་ཆུབ་སེམས་དཔའ་ཟླ་བའི་བླ་མ་ལ་ཕྱག་འཚལ་ལོ། །བྱང་ཆུབ་སེམས་དཔའ་ལག་ན་རིན་པོ་ཆེའི་
ཕྱག་རྒྱ་ལ་ཕྱག་འཚལ་ལོ། །བྱང་ཆུབ་སེམས་དཔའ་ནོར་བུའི་གཙུག་ཏོར་གྱི་རྒྱལ་པོ་ལ་ཕྱག་འཚལ་ལོ། །བྱང་ཆུབ་སེམས་དཔའ་བདེན་མོས་ལ་ཕྱག་འཚལ་ལོ། །བྱང་ཆུབ་སེམས་དཔའ་ཤེས་རབ་མཐོང་ལ་ཕྱག་འཚལ་ལོ། །བྱང་ཆུབ་སེམས་
དཔའ་རྒྱལ་པོ་ཐོབ་ལ་ཕྱག་འཚལ་ལོ། །བྱང་ཆུབ་སེམས་དཔའ་རྒྱལ་པོ་ཟབ་ལ་ཕྱག་འཚལ་ལོ། །བྱང་ཆུབ་སེམས་དཔའ་རྒྱལ་པོ་མེ་ཏོག་ལ་ཕྱག་འཚལ་ལོ། །བྱང་ཆུབ་སེམས་དཔའ་གཟུགས་དམ་པ་ལ་ཕྱག་འཚལ་ལོ། །བྱང་ཆུབ་
སེམས་དཔའ་འདྲི་མཁས་ལ་ཕྱག་འཚལ་ལོ། །བྱང་ཆུབ་སེམས་དཔའ་ལན་ལྡོན་མཁས་ལ་ཕྱག་འཚལ་ལོ། །བྱང་ཆུབ་སེམས་དཔའ་མཚན་ཉིད་མངོན་དུ་རྟོགས་ལ་ཕྱག་འཚལ་ལོ། །བྱང་ཆུབ་སེམས་དཔའ་ངེས་པའི་མཚན་མ་ལ་ཕྱག་འཚལ་
ལོ། །བྱང་ཆུབ་སེམས་དཔའ་ངེས་པར་བརྩེགས་ལ་ཕྱག་འཚལ་ལོ། །བྱང་ཆུབ་སེམས་དཔའ་དགའ་བ་སྐྱེད་ལ་ཕྱག་འཚལ་ལོ། །བྱང་ཆུབ་སེམས་དཔའ་བདེ་བར་གནས་ལ་ཕྱག་འཚལ་ལོ། །བྱང་ཆུབ་སེམས་དཔའ་བདུད་སྐྲག་ལ་ཕྱག་
འཚལ་ལོ། །བྱང་ཆུབ་སེམས་དཔའ་སྐྱབས་མཛད་ལ་ཕྱག་འཚལ་ལོ། །བྱང་ཆུབ་སེམས་དཔའ་ཤེས་རབ་གོ་འཕང་འཕགས་ལ་ཕྱག་འཚལ་ལོ། །བྱང་ཆུབ་སེམས་དཔའ་སྦྱིན་པ་དཔའ་ལ་ཕྱག་འཚལ་ལོ། །བྱང་ཆུབ་སེམས་

62-1-239b

དཔའ་ཡེ་ཤེས་དམིགས་ལ་ཕྱག་འཚལ་ལོ། །བྱང་ཆུབ་སེམས་དཔའ་ཤེས་རབ་སྨོན་ལམ་ལ་ཕྱག་འཚལ་ལོ། །བྱང་ཆུབ་སེམས་དཔའ་བསྡུ་བ་རྣམ་བཞི་ལ་ཕྱག་འཚལ་ལོ། །བྱང་ཆུབ་སེམས་དཔའ་དབྱངས་སྟོན་ལ་ཕྱག་འཚལ་ལོ། །
བྱང་ཆུབ་སེམས་དཔའ་རྒྱ་མཚོ་མཆོག་ལ་ཕྱག་འཚལ་ལོ། །བྱང་ཆུབ་སེམས་དཔའ་ཆོས་དགའ་ལ་ཕྱག་འཚལ་ལོ། །བྱང་ཆུབ་སེམས་དཔའ་བྱང་ཆུབ་ཀྱི་ལམ་ལ་ཕྱག་འཚལ་ལོ། །བྱང་ཆུབ་སེམས་དཔའ་མདོ་འཛིན་ལ་ཕྱག་
འཚལ་ལོ། །བྱང་ཆུབ་སེམས་དཔའ་བྱམས་པའི་རྒྱལ་པོ་ལ་ཕྱག་འཚལ་ལོ། །བྱང་ཆུབ་སེམས་དཔའ་དབང་ཕྱུག་ཆེན་པོ་ལ་ཕྱག་འཚལ་ལོ། །བྱང་ཆུབ་སེམས་དཔའ་ཚངས་པའི་དབྱངས་ལ་ཕྱག་འཚལ་ལོ། །བྱང་ཆུབ་སེམས་
དཔའ་ཁ་དོག་དམ་པ་ལ་ཕྱག་འཚལ་ལོ། །བྱང་ཆུབ་སེམས་དཔའ་ཙན་དན་ཚལ་ལ་ཕྱག་འཚལ་ལོ། །བྱང་ཆུབ་སེམས་དཔའ་སེང་གེའི་དབྱངས་ལ་ཕྱག་འཚལ་ལོ། །བྱང་ཆུབ་སེམས་དཔའ་སྒྲ་མཆོག་ལ་ཕྱག་འཚལ་ལོ། །
བྱང་ཆུབ་སེམས་དཔའ་ཁ་དོག་དམ་པའི་གཟུགས་ལ་ཕྱག་འཚལ་ལོ། །བྱང་ཆུབ་སེམས་དཔའ་རྣམ་པ་སྣ་ཚོགས་བརྒྱན་པ་ལ་ཕྱག་འཚལ་ལོ། །བྱང་ཆུབ་སེམས་དཔའ་ཤཱཀྱའི་རྒྱལ་མཚན་ལ་ཕྱག་འཚལ་ལོ། །བྱང་ཆུབ་
སེམས་དཔའ་སྤྱི་བོ་སྐྱེས་ལ་ཕྱག་འཚལ་ལོ། །བྱང་ཆུབ་སེམས་དཔའ་སྣང་བའི་རྒྱལ་པོ་ལ་ཕྱག་འཚལ་ལོ། །བྱང་ཆུབ་སེམས་དཔའ་འོད་ཆེན་ལ་ཕྱག་འཚལ་ལོ། །བྱང་ཆུབ་སེམས་དཔའ་འཇིགས་མེད་ལ་ཕྱག་འཚལ་ལོ། །བྱང་ཆུབ་
སེམས་དཔའ་གསང་བ་བརྩེགས་ལ་ཕྱག་འཚལ་ལོ། །བྱང་ཆུབ་སེམས་དཔའ་མེ་ཏོག་འཚེར་ལ་ཕྱག་འཚལ་ལོ། །བྱང་ཆུབ་སེམས་དཔའ་གཙོ་མཆོག་ལ་ཕྱག་འཚལ་ལོ། །བྱང་ཆུབ་སེམས་དཔའ་ལུས་ཀུན་དུ་མངོན་པར་སྟོན་
ལ་ཕྱག་འཚལ་ལོ། །བྱང་ཆུབ་སེམས་དཔའ་མངོན་པར་ཤེས་ལ་ཕྱག་འཚལ་ལོ། །བྱང་ཆུབ་སེམས་དཔའ་རྒྱ་མཚོ་དཔལ་ལ་ཕྱག་འཚལ་ལོ། །བྱང་ཆུབ་སེམས་དཔའ་མཐའ་ཡས་ལ་ཕྱག་འཚལ་ལོ། །བྱང་ཆུབ་སེམས་དཔའ་

62-1-240a

སྨན་གྱི་རྒྱལ་པོའི་དབང་ཕྱུག་ལ་ཕྱག་འཚལ་ལོ། །བྱང་ཆུབ་སེམས་དཔའ་འོད་སྲུངས་ལ་ཕྱག་འཚལ་ལོ། །བྱང་ཆུབ་སེམས་དཔའ་དྲི་མེད་མཛོད་ཀྱི་རྒྱལ་པོ་ལ་ཕྱག་འཚལ་ལོ། །བྱང་ཆུབ་སེམས་དཔའ་ཐམས་ཅད་སྐྱོབ་ལ་ཕྱག་
འཚལ་ལོ། །བྱང་ཆུབ་སེམས་དཔའ་མཐོ་བཙུན་དཔལ་གྱི་རྗེ་ལ་ཕྱག་འཚལ་ལོ། །བྱང་ཆུབ་སེམས་དཔའ་བཻ་དཱུརྱའི་འོད་ལ་ཕྱག་འཚལ་ལོ། །བྱང་ཆུབ་སེམས་དཔའ་འཇིགས་མེད་ལ་ཕྱག་འཚལ་ལོ། །བྱང་ཆུབ་སེམས་དཔའ་རྒྱ་མཚོའི་
རྒྱལ་པོ་ལ་ཕྱག་འཚལ་ལོ། །བྱང་ཆུབ་སེམས་དཔའ་སེང་གེའི་སྒྲ་ལ་ཕྱག་འཚལ་ལོ། །བྱང་ཆུབ་སེམས་དཔའ་མཚན་ཉིད་དད་ལ་ཕྱག་འཚལ་ལོ། །བྱང་ཆུབ་སེམས་དཔའ་ས་ཆེན་འཛིན་ལ་ཕྱག་འཚལ་ལོ། །བྱང་ཆུབ་སེམས་དཔའ་
འོད་རྒྱན་ལ་ཕྱག་འཚལ་ལོ། །བྱང་ཆུབ་སེམས་དཔའ་འོད་ཟེར་ལ་ཕྱག་འཚལ་ལོ། །བྱང་ཆུབ་སེམས་དཔའ་སྤོབས་པ་ཆེན་པོ་ལ་ཕྱག་འཚལ་ལོ། །བྱང་ཆུབ་སེམས་དཔའ་བྱམས་པའི་སྟོབས་ལ་ཕྱག་འཚལ་ལོ། །བྱང་ཆུབ་སེམས་
དཔའ་སྙིང་རྗེ་ཆེན་པོ་ལ་ཕྱག་འཚལ་ལོ། །བྱང་ཆུབ་སེམས་དཔའ་རྟེན་པའི་རྒྱལ་པོ་ལ་ཕྱག་འཚལ་ལོ། །བྱང་ཆུབ་སེམས་དཔའ་རྟེན་པའི་སྟོབས་ལ་ཕྱག་འཚལ་ལོ། །བྱང་ཆུབ་སེམས་དཔའ་རྟེན་པའི་དཔལ་ལ་ཕྱག་འཚལ་ལོ། །བྱང་ཆུབ་
སེམས་དཔའ་ཀུན་དུ་ཕན་གདགས་ལ་ཕྱག་འཚལ་ལོ། །བྱང་ཆུབ་སེམས་དཔའ་ཀུན་དུ་བཟུང་ལ་ཕྱག་འཚལ་ལོ། །བྱང་ཆུབ་སེམས་དཔའ་འོད་མི་འགྱུར་ལ་ཕྱག་འཚལ་ལོ། །བྱང་ཆུབ་སེམས་དཔའ་ཀུན་དུ་འོད་ལ་ཕྱག་འཚལ་ལོ། །
བྱང་ཆུབ་སེམས་དཔའ་ཡང་དག་པའི་འོད་ལ་ཕྱག་འཚལ་ལོ། །བྱང་ཆུབ་སེམས་དཔའ་ལོག་པར་དད་སེལ་ལ་ཕྱག་འཚལ་ལོ། །བྱང་ཆུབ་སེམས་དཔའ་ལྷའི་འོད་ལ་ཕྱག་འཚལ་ལོ། །བྱང་ཆུབ་སེམས་དཔའ་རིན་པོ་ཆེའི་རྒྱལ་པོ་ལ་ཕྱག་
འཚལ་ལོ། །བྱང་ཆུབ་སེམས་དཔའ་འོད་ཆུབ་ལ་ཕྱག་འཚལ་ལོ། །བྱང་ཆུབ་སེམས་དཔའ་སྟོན་པའི་མཁན་པོ་ལ་ཕྱག་འཚལ་ལོ། །བྱང་ཆུབ་སེམས་དཔའ་བཟོད་པ་ཆེན་པོ་ལ་ཕྱག་འཚལ་ལོ། །བྱང་ཆུབ་སེམས་དཔའ་མེ་ཏོག་རྒྱལ་པོ་ལ་

62-1-240b

ཕྱག་འཚལ་ལོ། །བྱང་ཆུབ་སེམས་དཔའ་མེ་ཏོག་བརྩེགས་ལ་ཕྱག་འཚལ་ལོ། །བྱང་ཆུབ་སེམས་དཔའ་ཤེས་རབ་འོད་ལ་ཕྱག་འཚལ་ལོ། །བྱང་ཆུབ་སེམས་དཔའ་ཤེས་རབ་རྒྱ་མཚོ་ལ་ཕྱག་འཚལ་ལོ། །བྱང་ཆུབ་སེམས་དཔའ་བློ་བརྟན་
ལ་ཕྱག་འཚལ་ལོ། །བྱང་ཆུབ་སེམས་དཔའ་ཤཱཀྱའི་རིགས་ལ་ཕྱག་འཚལ་ལོ། །བྱང་ཆུབ་སེམས་དཔའ་གསེར་གྱི་འོད་ལ་ཕྱག་འཚལ་ལོ། །བྱང་ཆུབ་སེམས་དཔའ་གསེར་གྱི་སྙིང་
པོ་ལ་ཕྱག་འཚལ་ལོ། །བྱང་ཆུབ་སེམས་དཔའ་རྟག་ཏུ་སྙིང་རྗེ་ལ་ཕྱག་འཚལ་ལོ། །བྱང་ཆུབ་སེམས་དཔའ་ཆོས་བླ་མ་ལ་ཕྱག་འཚལ་ལོ། །བྱང་ཆུབ་སེམས་དཔའ་ནོར་གྱི་དབྱིག་ལ་ཕྱག་འཚལ་ལོ། །བྱང་ཆུབ་སེམས་དཔའ་རིའི་འོད་ལ་ཕྱག་
འཚལ་ལོ། །བྱང་ཆུབ་སེམས་དཔའ་ཤེས་རབ་རི་ལ་ཕྱག་འཚལ་ལོ། །བྱང་ཆུབ་སེམས་དཔའ་སྣང་བ་ཆེན་པོ་ལ་ཕྱག་འཚལ་ལོ། །བྱང་ཆུབ་སེམས་དཔའ་ཀུན་འཛིན་ལ་ཕྱག་འཚལ་ལོ། །བྱང་ཆུབ་སེམས་དཔའ་རི་ངར་ཅན་ལ་ཕྱག་འཚལ་ལོ། །
བྱང་ཆུབ་སེམས་དཔའ་རིའི་རྩེ་ལ་ཕྱག་འཚལ་ལོ། །བྱང་ཆུབ་སེམས་དཔའ་རིའི་རྒྱལ་མཚན་ལ་ཕྱག་འཚལ་ལོ། །བྱང་ཆུབ་སེམས་དཔའ་རིའི་རྒྱལ་པོ་ལ་ཕྱག་འཚལ་ལོ། །བྱང་ཆུབ་སེམས་དཔའ་བདུད་འདུལ་ལ་ཕྱག་འཚལ་ལོ། །
བྱང་ཆུབ་སེམས་དཔའ་འབྲུག་སྒྲ་ལ་ཕྱག་འཚལ་ལོ། །བྱང་ཆུབ་སེམས་དཔའ་ཆར་པའི་རྒྱལ་པོ་ལ་ཕྱག་འཚལ་ལོ། །བྱང་ཆུབ་སེམས་དཔའ་འབྲུག་གི་རྒྱལ་པོ་ལ་ཕྱག་འཚལ་ལོ། །བྱང་ཆུབ་སེམས་དཔའ་འཁོར་ལོ་རིན་པོ་ཆེ་ལ་ཕྱག་
འཚལ་ལོ། །བྱང་ཆུབ་སེམས་དཔའ་རིན་ཆེན་འཚེར་ལ་ཕྱག་འཚལ་ལོ། །བྱང་ཆུབ་སེམས་དཔའ་རིན་ཆེན་གཙོ་ལ་ཕྱག་འཚལ་ལོ། །བྱང་ཆུབ་སེམས་དཔའ་རིན་པོ་ཆེའི་མཛོད་ལ་ཕྱག་འཚལ་ལོ། །བྱང་ཆུབ་སེམས་དཔའ་རིན་ཆེན་སྣང་
ལ་ཕྱག་འཚལ་ལོ། །བྱང་ཆུབ་སེམས་དཔའ་རིན་ཆེན་མི་འགྱུར་ལ་ཕྱག་འཚལ་ལོ། །བྱང་ཆུབ་སེམས་དཔའ་རིན་པོ་ཆེའི་ཕྱག་རྒྱ་ལ་ཕྱག་འཚལ་ལོ། །བྱང་ཆུབ་སེམས་དཔའ་རིན་པོ་ཆེའི་དཀྱིལ་འཁོར་ལ་ཕྱག་འཚལ་ལོ། །བྱང་ཆུབ་

62-1-241a

སེམས་དཔའ་རིན་པོ་ཆེའི་རྒྱན་ལ་ཕྱག་འཚལ་ལོ། །བྱང་ཆུབ་སེམས་དཔའ་རིན་ཆེན་ཆུ་ལ་ཕྱག་འཚལ་ལོ། །བྱང་ཆུབ་སེམས་དཔའ་རིན་ཆེན་འོད་ལ་ཕྱག་འཚལ་ལོ། །བྱང་ཆུབ་སེམས་དཔའ་རིན་ཆེན་འབར་ལ་ཕྱག་འཚལ་ལོ། །
བྱང་ཆུབ་སེམས་དཔའ་རིན་ཆེན་སྟོན་ལ་ཕྱག་འཚལ་ལོ། །བྱང་ཆུབ་སེམས་དཔའ་རིན་ཆེན་བྱེད་ལ་ཕྱག་འཚལ་ལོ། །བྱང་ཆུབ་སེམས་དཔའ་ཆོས་མོས་ལ་ཕྱག་འཚལ་ལོ། །བྱང་ཆུབ་སེམས་དཔའ་རྒྱལ་པོ་རྣམ་དག་ལ་ཕྱག་འཚལ་ལོ། །བྱང་ཆུབ་
སེམས་དཔའ་གཙུག་ཏོར་གྱི་མཚན་མ་ལ་ཕྱག་འཚལ་ལོ། །བྱང་ཆུབ་སེམས་དཔའ་གསེར་འོད་ལ་ཕྱག་འཚལ་ལོ། །བྱང་ཆུབ་སེམས་དཔའ་རིན་པོ་ཆེའི་ཐོར་ཚུགས་ལ་ཕྱག་འཚལ་ལོ། །བྱང་ཆུབ་སེམས་དཔའ་འོད་སྟོང་ལ་ཕྱག་འཚལ་
ལོ། །བྱང་ཆུབ་སེམས་དཔའ་ཡང་བ་ལ་ཕྱག་འཚལ་ལོ། །བྱང་ཆུབ་སེམས་དཔའ་བློ་རིག་ལ་ཕྱག་འཚལ་ལོ། །བྱང་ཆུབ་སེམས་དཔའ་ཟླ་བ་རྟོགས་ལ་ཕྱག་འཚལ་ལོ། །བྱང་ཆུབ་སེམས་དཔའ་ཟླ་འོད་ལ་ཕྱག་འཚལ་ལོ། །བྱང་ཆུབ་
སེམས་དཔའ་ཆོས་ཀྱི་འཁོར་ལོ་ལ་ཕྱག་འཚལ་ལོ། །བྱང་ཆུབ་སེམས་དཔའ་རྣམ་དག་འོད་ལ་ཕྱག་འཚལ་ལོ། །བྱང་ཆུབ་སེམས་དཔའ་སྦྱིན་བརྟག་ལ་ཕྱག་འཚལ་ལོ། །བྱང་ཆུབ་སེམས་དཔའ་ཀུན་དུ་དཔལ་ལ་ཕྱག་འཚལ་ལོ། །བྱང་ཆུབ་
སེམས་དཔའ་སྣང་ཁྱབ་ལ་ཕྱག་འཚལ་ལོ། །བྱང་ཆུབ་སེམས་དཔའ་རྒྱལ་མཚན་དམ་པ་ལ་ཕྱག་འཚལ་ལོ། །བྱང་ཆུབ་སེམས་དཔའ་མཉེན་པའི་དབྱངས་ལ་ཕྱག་འཚལ་ལོ། །བྱང་ཆུབ་སེམས་དཔའ་དཔལ་འབར་ལ་ཕྱག་འཚལ་ལོ། །
བྱང་ཆུབ་སེམས་དཔའ་མཚན་མའི་འོད་ལ་ཕྱག་འཚལ་ལོ། །བྱང་ཆུབ་སེམས་དཔའ་རྒྱ་མཚོའི་ཟླ་བ་ལ་ཕྱག་འཚལ་ལོ། །བྱང་ཆུབ་སེམས་དཔའ་རྒྱ་མཚོའི་སྙིང་པོ་ལ་ཕྱག་འཚལ་ལོ། །བྱང་ཆུབ་སེམས་དཔའ་ཟླ་བ་དམ་པ་ལ་ཕྱག་འཚལ་ལོ། །
བྱང་ཆུབ་སེམས་དཔའ་ཤེས་རབ་གཙང་མ་ལ་ཕྱག་འཚལ་ལོ། །བྱང་ཆུབ་སེམས་དཔའ་འོད་འཕགས་ལ་ཕྱག་འཚལ་ལོ། །བྱང་ཆུབ་སེམས་དཔའ་ཟླ་བའི་དཔལ་ལ་ཕྱག་འཚལ་ལོ། །བྱང་ཆུབ་སེམས་དཔའ་ཉི་མའི་འོད་ལ་ཕྱག་འཚལ་ལོ། །

62-1-241b

བྱང་ཆུབ་སེམས་དཔའ་རྡོ་རྗེ་ལ་ཕྱག་འཚལ་ལོ། །བྱང་ཆུབ་སེམས་དཔའ་འབར་བའི་རྒྱལ་མཚན་ལ་ཕྱག་འཚལ་ལོ། །བྱང་ཆུབ་སེམས་དཔའ་དཔལ་བཙུན་ལ་ཕྱག་འཚལ་ལོ། །བྱང་ཆུབ་སེམས་དཔའ་རྒྱ་མཚོ་གསལ་ལ་ཕྱག་འཚལ་ལོ། །
བྱང་ཆུབ་སེམས་དཔའ་རྒྱ་མཚོ་ཆེ་ལ་ཕྱག་འཚལ་ལོ། །བྱང་ཆུབ་སེམས་དཔའ་ཡུལ་རྣམ་པར་བརྟག་ལ་ཕྱག་འཚལ་ལོ། །བྱང་ཆུབ་སེམས་དཔའ་ཤེས་རབ་གསལ་ལ་ཕྱག་འཚལ་ལོ། །བྱང་ཆུབ་སེམས་དཔའ་སྣང་ཐར་ལ་ཕྱག་འཚལ་ལོ། །
བྱང་ཆུབ་སེམས་དཔའ་གསང་བ་སྟོན་ལ་ཕྱག་འཚལ་ལོ། །བྱང་ཆུབ་སེམས་དཔའ་རབ་ཏུ་སྦྱིན་ལ་ཕྱག་འཚལ་ལོ། །བྱང་ཆུབ་སེམས་དཔའ་གཟུགས་སྟོབས་ལ་ཕྱག་འཚལ་ལོ། །བྱང་ཆུབ་སེམས་དཔའ་རབ་ཏུ་འདུལ་ལ་ཕྱག་འཚལ་ལོ། །བྱང་
ཆུབ་སེམས་དཔའ་ལུས་སྦེད་ལ་ཕྱག་འཚལ་ལོ། །བྱང་ཆུབ་སེམས་དཔའ་གཅིག་དང་། བཅུ་དང་། བརྒྱ་དང་། སྟོང་དང་། ཁྲི་ལ་ཕྱག་འཚལ་ལོ། །བྱང་ཆུབ་སེམས་དཔའ་ཁྲི་ཕྲག་བརྒྱ། ཁྲི་ཕྲག་ཉིས་བརྒྱ། ཁྲི་ཕྲག་སུམ་བརྒྱ། ཁྲི་ཕྲག་
བཞི་བརྒྱ། ཁྲི་ཕྲག་ལྔ་བརྒྱ། ཁྲི་ཕྲག་དྲུག་བརྒྱ། ཁྲི་ཕྲག་བདུན་བརྒྱ། ཁྲི་ཕྲག་བརྒྱད་བརྒྱ། ཁྲི་ཕྲག་དགུ་བརྒྱ། ཁྲི་ཕྲག་སྟོང་རྣམས་ལ་ཕྱག་འཚལ་ན་བསྐལ་པ་དཔག་ཏུ་མེད་པ་ཚུན་ཆད་ཀྱི་འཁོར་བའི་སྡིག་ལྕི་བ་འབྱང་བར་འགྱུར་རོ། །
བྱང་ཆུབ་སེམས་དཔའ་སེམས་དཔའ་ཆེན་པོ་འབུམ་ཕྲག་གཅིག །འབུམ་ཕྲག་བཅུ། འབུམ་ཕྲག་བརྒྱ། འབུམ་ཕྲག་སྟོང་། འབུམ་ཕྲག་ཁྲི། འབུམ་ཕྲག་ཁྲི་ཕྲག་ཁྲི་ལ་ཕྱག་འཚལ་ན། བསྐལ་པ་དཔག་ཏུ་མེད་པ་ཚུན་ཆད་ཀྱི་འཁོར་བའི་
སྡིག་པ་མི་ཟད་པ་ཐམས་ཅད་འབྱང་བར་འགྱུར་རོ། །བྱང་ཆུབ་སེམས་དཔའ་སེམས་དཔའ་ཆེན་པོ་གང་གཱ་གཅིགི་བྱེ་མ་སྙེད་ལ་ཕྱག་འཚལ་ལོ། །གང་གཱ་གཉིས་ཀྱི་བྱེ་མ་སྙེད་ལ་ཕྱག་འཚལ་ལོ། །གང་གཱ་གསུམ་གྱི་བྱེ་མ་སྙེད་ལ་ཕྱག་འཚལ་ལོ། །གང་གཱ་བཞིའི་བྱེ་མ་སྙེད་ལ་ཕྱག་འཚལ་ལོ། །
གང་གཱ་ལྔའི་བྱེ་མ་སྙེད་ལ་ཕྱག་འཚལ་ལོ། །གང་གཱ་དྲུག་གི་བྱེ་མ་སྙེད་ལ་ཕྱག་འཚལ་ལོ། །གང་གཱ་བདུན་གྱི་བྱེ་མ་སྙེད་ལ་ཕྱག་འཚལ་ལོ། །གང་གཱ་བརྒྱད་ཀྱི་བྱེ་མ་སྙེད་ལ་ཕྱག་འཚལ་ལོ། །གང་གཱ་དགུའི་བྱེ་མ་སྙེད་ལ་ཕྱག་འཚལ་ལོ། །གང་

62-1-242a

གང་གཱ་བཅུའི་བྱེ་མ་སྙེད་ལ་ཕྱག་འཚལ་ལོ། །གང་གཱ་བརྒྱའི་བྱེ་མ་སྙེད་ལ་ཕྱག་འཚལ་ལོ། །གང་གཱ་སྟོང་གི་བྱེ་མ་སྙེད་ལ་ཕྱག་འཚལ་ལོ། །གང་གཱ་ཁྲིའི་བྱེ་མ་སྙེད་ལ་ཕྱག་འཚལ་ལོ། །གང་གཱ་བྱེ་བ་ཁྲག་ཁྲིག་ཕྲག་བརྒྱ་སྟོང་དུ་མའི་
བྱེ་མ་སྙེད་ལ་ཕྱག་འཚལ་ལོ། །དེ་རྣམས་ལ་ཕྱག་འཚལ་ན་བསྐལ་པ་གྲངས་མེད་དཔག་ཏུ་མེད་པ་ཚུན་ཆད་ཀྱི་འཁོར་བའི་སྡིག་ལྕི་བ་ཐམས་ཅད་ཡོངས་སུ་འབྱང་བར་འགྱུར་རོ། །གང་ལ་ལ་ཞིག་གིས་བྱང་ཆུབ་སེམས་དཔའ་སེམས་དཔའ་
ཆེན་པོའི་མཚན་འདི་དག་ཐོས་ན་བསྐལ་པ་སྟོང་ཕྲག་བཞི་བཅུའི་བར་དུ་སེམས་ཅན་དམྱལ་བའི་སྡུག་བསྔལ་དུ་མི་ལྟུང་ཞིང་སྲིད་པ་གསུམ་གྱི་ཁམས་སུ་མི་གཏོགས་ཏེ། རྟག་ཏུ་རྣམ་པར་གྲོལ་བའི་ཁམས་སུ་གཏོགས་པར་འགྱུར་རོ། །མཐའ་འཁོབ་
ཏུ་མི་སྐྱེ། ཡུལ་ངན་པར་མི་སྐྱེ། ལུས་ངན་པ་མི་ལེན། ལོག་པར་མི་ལྟ། རིགས་ངན་དུ་མི་སྐྱེ། མུ་སྟེགས་ཅན་དུ་མི་སྐྱེ། དབང་པོ་ཡན་ལག་ཚང་བར་འགྱུར། དམ་པའི་ཆོས་རྟག་ཏུ་ཐོས་པར་འགྱུར། སྡོམ་པའི་ཚུལ་ཁྲིམས་མ་མནོས་ཀྱང་
ཁྲིམས་དང་རྟག་ཏུ་ལྡན་པར་འགྱུར། ཐེག་པ་ཆེན་པོ་སྤྱོད་ལམ་མཛེས་པ་དང་། སངས་རྒྱས་ཀྱི་བདག་ཉིད་ཀྱང་མཐོང་བར་འགྱུར། དེ་བས་གུས་པར་ཕྱག་འཚལ་ཏེ། སངས་རྒྱས་ཀྱི་ཆོས་ལ་བདེ་པར་གནས་ཤིང་ཕྱི་མའི་ཚེ་སངས་རྒྱས་
གྲུབ་པ་ཐོབ་པར་འགྱུར་རོ། །བྱང་ཆུབ་སེམས་དཔའ་སེམས་དཔའ་ཆེན་པོ་དེ་དག་གི་མཚན་བཤད་པའི་ཚེ་རིགས་ཀྱི་བུ་འམ་རིགས་ཀྱི་བུ་མོ་དད་པ་ཅན་འབུམ་ཕྲག་བརྒྱད་ཅུ་རྩ་བརྒྱད་ཀྱིས་ནི་ཕྱིར་མི་འོང་བའི་འབྲས་བུ་ཐོབ་བོ། །ལྷ་འབུམ་
ཕྲག་དགུ་བཅུ་རྩ་བཞིས་ནི་ལན་ཅིག་ཕྱིར་འོང་བའི་འབྲས་བུ་ཐོབ་བོ། །དགེ་སློང་སེམས་སྟོར་བ་འབུམ་ཕྲག་བདུན་ཅུ་རྩ་བརྒྱད་ནི་སེམས་ཀྱི་བདག་ཉིད་སླར་རྙེད་དེ་དགྲ་བཅོམ་པའི་འབྲས་བུ་ཐོབ་པོ། །བྱང་ཆུབ་སེམས་དཔའ་འབུམ་ཕྲག་བཅུས་ནི་
གཟུངས་ཆེན་པོ་ཐོབ་སྟེ། མ་འོངས་པའི་དུས་ན་མངོན་པར་འཚང་རྒྱའོ། །དེ་ནས་བཅོམ་ལྡན་འདས་ཀྱིས་བྱང་ཆུབ་སེམས་དཔའ་སེམས་དཔའ་ཆེན་པོ་མཚན་ཉིད་དད་ལ་བཀའ་སྩལ་པ། རིགས་ཀྱི་བུ་འདས་པའི་སངས་རྒྱས་བཅོམ་ལྡན་

62-1-242b

འདས་རིན་ཆེན་གཙུག་ཕུད་ཅེས་བྱ་བ་དེའི་མཚན་སེམས་ཅན་སྡུག་བསྔལ་གྱིས་གཟིར་བ་ཅན་རྣམས་ཀྱིས་ལན་ཅིག་ཐོས་ན་འཆི་འཕོས་པའི་ཚེ་ལྷར་སྐྱེའོ་ཞེས་ཁྱོད་ཉིད་ཀྱིས་བཤད་པ་དང་། ད་ཡང་ང་ལ་སངས་རྒྱས་ཐམས་ཅད་ཀྱི་མཚན་བཤད་
པར་གསོལ་ཞིང་སེམས་ཅན་ཀུན་སྡུག་བསྔལ་དང་བྲལ་ཞིང་འཇིག་རྟེན་ལས་བཟླ་བར་འདོད་པ་དེའི་ཕྱིར་ངས་ཀྱང་ཁྱོད་དང་སྐྱེ་བོ་ཀུན་ལ་དཀོན་མཆོག་གསུམ་གྱི་མཚན་རྫོགས་པར་བཤད་ཀྱིས། དོན་དམ་པར་ན་དཀོན་མཆོག་གཅིག་ལ་བཀྲི་བའི་
དབང་གིས་གསུམ་དུ་བཤད་པ་གང་ལ་ལས་དེའི་མཚན་ཐོས་ནས་སེམས་ཐག་པ་ནས་དྲན་པར་བྱས་ཏེ། འཆི་ཀར་དགེ་བའི་བཤེས་གཉེན་འགའ་ཞིག་གིས་དཀོན་མཆོག་གསུམ་གྱི་མཚན་ལན་གསུམ་དུ། ན་མོ་བུད་དྷཱ་ཡ། ན་མོ་དྷརྨཱ་ཡ། 
ན་མཿསྃགྷཱ་ཡ་ཞེས་དེ་སྐད་ཆེད་དུ་བརྗོད་དུ་བཅུག་ན་མི་འདི་འཆི་འཕོས་ནས་ངན་སོང་གསུམ་དུ་མི་འགྲོ་སྟེ། ཕྱོགས་བཅུའི་འཇིག་རྟེན་གྱི་ཁམས་གང་ནས་གང་དུ་དད་པ་དེ་དང་དེར་སྐྱེ་བར་འགྱུར་རོ། །སངས་རྒྱས་ཐམས་ཅད་ལ་མཐར་གྱིས་རིམ་
གྲོ་བྱེད་པར་འགྱུར། བྱང་ཆུབ་སེམས་དཔའ་ཐམས་ཅད་མཐོང་བར་འགྱུར། འཇམ་དཔལ་དང་ཀུན་དུ་བཟང་པོས་ཐེག་པ་ཆེན་པོའི་ཕྱོགས་སུ་རྒྱས་པ་བཤད་པ་འང་ཐོས་པར་འགྱུར། ཐོས་ནས་ཀྱང་དེ་མ་ཐག་ཏུ་སྐྱེ་བ་མེད་པའི་ཆོས་ལ་བཟོད་པ་ཐོབ་
པར་འགྱུར་རོ། །རིགས་ཀྱི་བུ་གང་ཟག་དེ་ཡང་བསྐལ་པ་གྲངས་མེད་པ་ནས་དགེ་བའི་རྩ་བ་ཤིན་དུ་བསྩགས་པས་གདོད་དཀོན་མཆོག་གསུམ་གྱི་མཚན་ཐོས་པ་ཡིན་ནོ། །དེ་ནས་བཅོམ་ལྡན་འདས་ལ་བྱང་ཆུབ་སེམས་དཔའ་མཚན་ཉིད་
དད་ཀྱིས་འདི་སྐད་ཅེས་གསོལ་ཏོ། །བཅོམ་ལྡན་འདས་ཇི་ལྟར་ན་དཀོན་མཆོག་གསུམ་ཞེས་བགྱི། དངོས་པོ་གཅིག་གམ། དངོས་པོ་གཉིས་སམ། དངོས་པོ་གསུམ་དུ་བགྱི། ཅི་སྟེ་དངོས་པོ་གཅིག་ན་ནི་སྐྱབས་གཅིག་ཏུ་སོང་བས་དངོས་
པོ་གསུམ་ལགས་ན་ནི་སྐྱབས་གསུམ་དུ་གྱུར་པས་སྐྱབས་གསུམ་དུ་གྱུར་ན་ནི་སངས་རྒྱས་དང་ཆོས་ཀྱང་དབྱིངས་ཐ་དད་པར་འགྱུར་ཏེ། དགེ་འདུན་ཡང་དེ་བཞིན་ནོ། །གལ་ཏེ་སྐྱབས་གསུམ་ཞིག་ལགས་ན་ནི་སྐྱེ་བོ་རྣམས་རྣམ་པ་གསུམ་དུ་མཐོང་

62-1-243a

བས་བསྐལ་པ་གསུམ་གྱི་བར་ཆོས་སྤྱོད་ཀྱང་ཐེག་པ་གཅིག་ཏུ་བརྡ་མི་མཇལ་བར་མཆི་ན། བཅོམ་ལྡན་འདས་སེམས་ཅན་རྣམས་ལ་སྨན་པ་དང་བདེ་བའི་སླད་དུ་བདག་ལ་བཤད་དུ་གསོལ། བདག་འདི་ཐོས་ནས་ཀྱང་སྐྱེ་བོ་ཀུན་ལ་
བྱེ་བྲག་ཕྱེད་པར་བཤད་པར་འཚལ་ལོ། །བཅོམ་ལྡན་འདས་མྱ་ངན་ལས་འདས་པའི་སླད་ན་གང་ལ་ལས་མཚན་ཐོས་ན། བླ་ན་མེད་པའི་བྱང་ཆུབ་ཀྱི་གནས་ཐོབ་པར་ཡང་འགྱུར་རོ། །ཞེས་གསོལ་པ་དང་། བཅོམ་ལྡན་འདས་ཀྱིས་
བྱང་ཆུབ་སེམས་དཔའ་མཚན་ཉིད་དད་ལ་ལེགས་སོ་ཞེས་བྱ་བ་བྱིན་ཏེ། རིགས་ཀྱི་བུ་ལེགས་སོ་ལེགས་སོ། །དོན་ཆེན་པོ་འདི་ལྟ་བུ་ང་ལ་ཞུ་བར་ནུས་པ་ནི་ཤིན་དུ་ལེགས་སོ་ལེགས་སོ། །རིགས་ཀྱི་བུ་ཁྱོད་འདི་ལྟ་བུའི་དོན་ཆེན་པོ་འདྲི་བ་
ཡང་ས་དང་པོ་དང་། ས་གཉིས་པ་དང་། ས་གསུམ་པ་དང་། ས་བཞི་པ་དང་། ས་ལྔ་པ་དང་། ས་དྲུག་པ་དང་། ས་བདུན་པ་དང་། ས་བརྒྱད་པ་ལ་གནས་པ་མ་ཡིན་ཏེ། ས་བཅུ་ཆོས་ཀྱི་སྤྲིན་ལ་གནས་པའི་སྐྱེས་བུ་ཆེན་པོ་ནི་དེ་བཞིན་གཤེགས་པ་ལ་དོན་ཆེན་
པོ་འདི་ལྟ་བུ་འདྲི་བ་ཡིན་ནོ། །ཁྱོད་ལེགས་པར་ཉོན་ཅིག །ངས་བྱེ་བྲག་ཕྱེད་པར་བཤད་དོ། །རིགས་ཀྱི་བུ་སྐྱེ་བོ་ཐམས་ཅད་ནི་ཐོག་མ་མེད་པ་ནས་མ་རིག་པས་བསྒྲིབས་ཏེ། ཁམས་གསུམ་གྱི་བཙོན་ར་ན་འཁོར་ཞིང་སྡུག་བསྔལ་སྣ་ཚོགས་
ཀྱིས་གཟིར་ཏེ། ལམ་རྒྱུད་དྲུག་ཏུ་ཕན་ཚུན་རྣམ་པར་རྒྱུ་བ་ལ་སྐྱབས་དང་རྟེན་པའི་གནས་མེད་ནས་ལྷ་མ་སྲིན་ལ་ཕྱོགས་ཏེ་སྐྱབས་ཚོལ་བ། མུ་སྟེགས་རྣམས་རང་གི་རྐང་ལག་བཅིངས་ཤིང་སྲོག་བཏང་སྟེ། སྐྱབས་ཚོལ་ན་ཡང་སྡུག་བསྔལ་
ལས་ཐར་པ་མེད་དོ། །མེ་དང་མཚོའི་ནང་དུ་མཆོངས་ཏེ་སྲོག་བཏང་ཡང་འཁོར་བ་ལས་ཐར་པའི་དུས་མེད་དོ། །དེའི་ཕྱིར་མགོན་པོ་ཆེན་པོ་དེ་བཞིན་གཤེགས་པས་བྱམས་པའི་ཏིང་ངེ་འཛིན་གྱིས་སྐྱེ་བོ་རྒྱུན་དུ་འཁྲུལ་པ་རྣམས་ལ་ཐུགས་བརྩེ་
བར་དགོངས་ཏེ། དཀོན་མཆོག་གསུམ་གྱི་མཚན་བསྟན་ཅིང་ཡང་དག་པའི་རྟེན་གནས་སུ་བྱ་བའི་ཕྱིར་བསླབ་པ་དང་པོ་ཉན་ཐོས་དང་། རང་བྱང་ཆུབ་པ་རྣམས་ལ་ཐེམ་སྐས་དང་འདྲ་བར་དཀོན་མཆོག་གསུམ་ཡང་དངོས་པོ་ཐ་དད་པར་བཤད་དོ། །

62-1-243b

དེའི་འོག་ཏུ་རྒྱུན་རིང་དུ་ཚངས་པར་སྤྱད་པའི་སྐྱེས་བུ་དམ་པ་ལ་ཡང་དག་པ་མཐར་ཕྱིན་པའི་དཀོན་མཆོག་གསུམ་དངོས་པོ་གཅིག་པར་ཡང་བཤད་དེ། སངས་རྒྱས་དཀོན་མཆོག་གཅིག་གི་ནང་ན་ཆོས་དང་དགེ་འདུན་གྱི་དཀོན་མཆོག་ཀྱང་ཡོད་པར་བཤད་དོ། །
རིགས་ཀྱི་བུ་ཅིའི་ཕྱིར་དཀོན་མཆོག་ཅེས་བྱ་ཞེ་ན། དཔེར་ན་འཇིག་རྟེན་གྱི་རིན་པོ་ཆེ་སྣ་བདུན་པོ་ཕོངས་པ་རྣམས་ལ་འཚོ་བ་བསྟངས་པ་དང་འདྲ་བར་དཀོན་མཆོག་གསུམ་ཡང་འཇིག་རྟེན་ན་སྐྱེ་བོ་རྣམས་ཀྱི་ཆོས་ཀྱི་སྐུ་བསྐྱེད་པ་དང་། ཡེ་ཤེས་
སྤེལ་བར་བྱེད་པས་དཀོན་མཆོག་ཅེས་བྱའོ། །དཀོན་མཆོག་གསུམ་དངོས་པོ་ཐ་དད་པ་ནི་སངས་རྒྱས་རྒྱལ་པོའི་ཁབ་ཏུ་སྐུ་སྤྲུལ་ཅིང་བྱང་ཆུབ་སེམས་དཔའ་ཡིན་པ་སྐད་དུ་སེམས་ཅན་བསྒྲལ་བའི་ཕྱིར་བརྟུལ་ཞུགས་དང་དཀའ་ཐུབ་སྤྱད་དེ། བྱང་ཆུབ་
ཀྱི་ཤིང་དྲུང་དུ་མངོན་པར་བྱང་ཆུབ་ནས་བདག་དང་གཞན་གྱི་དོན་མཛད་ཅེས་བྱ་བ་ནི་སངས་རྒྱས་ཞེས་བྱའོ། །སངས་རྒྱས་ནི་མ་རིག་པའི་གཉིད་ལས་སད་པའོ། །དགེ་འདུན་ཞེས་བྱ་བ་ནི་མཆོད་པའི་གནས་སོ། །སྟོན་པ་ལས་སློབ་མས་དོན་རྙེད་
པའི་ཕྱིར་དགེ་འདུན་ཞེས་བྱའོ། །དགེ་འདུན་ལ་རྣམ་པ་གཉིས་ཏེ། འཐུན་པ་དང་། འདུས་མ་བྱས་པའོ། །འདུས་མ་བྱས་པ་ཐོབ་པ་ནི་ཡང་དག་པའི་སྟོང་པ་ཉིད་ཀྱིས་ཤེས་རབ་ཀྱི་མཚན་ཉིད་སྟོང་པ་ཉིད་གྲོལ་བ་ནི་འདུས་མ་བྱས་པའོ། །འཁྲུལ་པ་
བར་མི་ཆད་པར་འབྱུང་བའི་ཟག་པ་ཟད་པ་ཡང་འདུས་མ་བྱས་ཞེས་བྱའོ། །ཟག་པ་ཐམས་ཅད་འགགས་ནས་འཕགས་པ་རྣམས་དང་གནས་གཅིག་ཏུ་འཐུན་ཏེ། རྩོད་པ་མེད་པ་ནི་འཐུན་པ་སྟེ། དོན་དེ་གཉིས་དང་ལྡན་པ་ནི་དགེ་འདུན་ཞེས་བྱའོ། །
རིགས་ཀྱི་བུ་ཆོས་ནི་དགེ་སྡིག་གི་ཆོས་ཐམས་ཅད་དང་། འདུས་བྱས་དང་། འདུས་མ་བྱས་རྣམས་སོ། །སྡིག་པའི་ཆོས་ནི་སྤང་བར་བྱ། དགེ་བའི་ཆོས་ནི་འཕེལ་བར་བྱའོ། །དེ་ཡང་སེམས་ཀྱིས་དམིགས་སོ་ཅོག་ཆོས་ཀྱི་དཀོན་མཆོག་ཅེས་
བྱའོ། །དེའི་ཕྱིར་སངས་རྒྱས་དང་། དགེ་འདུན་གཉིས་དངོས་པོ་ཡང་མི་གཅིག་ལ། ངོ་བོ་ཉིད་ཀྱང་ཐ་དད་དོ། །ཆོས་ནི་དགེ་འདུན་དང་སངས་རྒྱས་སུ་དབྱིངས་འཐུན་ཏེ་སོ་སོར་དབྱེ་བར་དཀའོ། །ཇི་ལྟར་སོ་སོར་དབྱེ་བར་དཀའ་ཞེ་ན། །གལ་ཏེ་

62-1-244a

སངས་རྒྱས་དང་དགེ་འདུན་གཉིས་ཀྱི་མཚན་བླ་དགས་སུ་བཏགས་ཏེ། རྣམ་པར་དཔྱོད་པ་བས་རྣམ་པར་གྲོལ་བའི་ཕུང་པོ་ཐོབ་པ་དང་། དགེ་བའི་ཡོན་ཏན་ཐམས་ཅད་ཆོས་ཀྱི་དཀོན་མཆོག་གོ་ཞེས་བྱ་བར་དོན་དེ་ལྟ་བུ་ཡང་མ་ཡིན་ཏེ། 
དེ་ཅིའི་ཕྱིར་ཞེ་ན། དགེ་བའི་ཡོན་ཏན་དང་བསོད་ནམས་ཀྱི་དབང་གིས་མི་ལུས་ཐོབ་པ་ཡིན་ནོ། །ཆོས་དང་བྲལ་ན་མི་བྱེད། མི་ལས་གུད་ན་ཡང་ཆོས་ཀྱི་དཀོན་མཆོག་ཅེས་བྱ་བ་ག་ལ་ཡོད། །དེང་འདིར་གླེང་བ་ནི་མི་དང་ཆོས་སུ་གཅིག་ཏུ་འཐུན་ལ་ཐ་དད་
པ་ཡང་ཡོད་དེ། ཆོས་ཀྱི་དབང་གིས་མིར་གྲུབ། མིའི་དབང་དུ་ཆོས་འགྲོ་བས་དེའི་ཕྱིར་རྣམ་པར་གྲོལ་བའི་ཕུང་པོ་དང་། སྟོབས་བཅུ་དང་། མི་འཇིགས་པ་བཞི་དང་། མཚན་སུམ་བཅུ་རྩ་གཉིས་དང་། དཔེ་བྱད་བཟང་པོ་བརྒྱད་ཅུ་དང་། ཕ་རོལ་ཏུ་
ཕྱིན་པ་ལ་སོགས་ཏེ། ཏིང་ངེ་འཛིན་གྲངས་མེད་པ་ཡང་སངས་རྒྱས་དཀོན་མཆོག་ཏུ་བཤད་དོ། །ཉན་ཐོས་ཀྱི་རྣམ་པར་གྲོལ་བའི་ཕུང་པོ་ནི་དགེ་འདུན་དཀོན་མཆོག་ཏུ་བཤད་དོ། །ཡོན་ཏན་འདི་རྣམས་འདུས་བྱས་དང་འདུས་མ་བྱས་པའི་ཆོས་ཀྱི་རྣམ་
གྲངས་དང་། གཏན་ཚིགས་སུ་དམིགས་པའི་སྦྱོར་བ་ནི་ཆོས་ཀྱི་དཀོན་མཆོག་ཅེས་བྱའོ། །ཡེ་ནི་དབྱིངས་གཅིག་སྟེ། དོན་གཉིས་སུ་བཤད་ཀྱིས་ཀྱང་ཆོས་ཀྱི་དབྱིངས་ལ་སངས་རྒྱས་དང་དགེ་འདུན་ཐ་དད་པ་ཡང་ཡོད་དེ། དེ་ཡང་ཆོས་ཀྱི་དཀོན་མཆོག་ཏུ་བསྡུའོ། །
དེ་ལྟར་ན་འཁོར་བའི་སྤྱོད་པ་ཐམས་ཅད་ཀྱིས་སྡུག་བསྔལ་སྦོམ་པོ་ལས་ཐར་གྱིས་ཀྱང་སྡུག་བསྔལ་ཕྲ་མོ་མ་ཟད་དེ། དེའི་ཕྱིར་ཡང་དག་པ་མཐར་ཕྱིན་པའི་དཀོན་མཆོག་གསུམ་བཤད་པར་བྱའོ། །སྔོན་བཤད་པ་ལ་སངས་རྒྱས་ལ་སྡུག་བསྔལ་མངའོ། །
ཆོས་ནི་མི་རྟག་གོ། །དགེ་འདུན་ཡང་མི་རྟག་སྟེ། སྡུག་བསྔལ་ཡིན་པས་ཡང་དག་པའི་རྟེན་གནས་མ་ཡིན་ཞེས་ཟེར་ན་དེང་འདིར་བཤད་པ་ནི་རྟག་ཏུ་གནས་པ་ནི་རྣལ་འབྱོར་སྤྱོད་པ་པ་རྣམས་ཀྱིས་ཆོས་ཉིད་སྟོང་པ་ཉིད་དུ་མངོན་པར་ཆུད་ཅིང་། ཕྱིན་ཅི་
ལོག་བརྒྱད་དང་བྲལ་བ། སྐྱེ་འགག་མེད་པ་ཡང་དག་པའི་རྟེན་གནས་སུ་གྱུར་པ་དེ་ནི་སངས་རྒྱས་དཀོན་མཆོག་ཅེས་བྱའོ། །རྟག་པའི་ཆོས་རྙེད་དོ་ཅོག་དམིགས་པའི་མཐར་ཕྱིན་པར་སྤྱད་པ་ནི་ཡང་དག་པའི་ཆོས་དཀོན་མཆོག་ཅེས་བྱའོ། །

62-1-244b

སྤྱོད་པ་པ་རྣམས་ཀྱིས་ཡང་དག་པའི་ཆོས་ཀྱི་ཆོས་ཉིད་ཁོང་དུ་ཆུད་ཅིང་རྟག་ཏུ་འདུས་མ་བྱས་པའི་གནས་སུ་གྲུབ་པ་ནི་དགེ་འདུན་ཞེས་བྱའོ། །ཡང་ཕྱིན་ཅི་ལོག་བརྒྱད་གཏན་དུ་བྲལ་བས་འཕགས་པ་དང་སྐྱེ་བོ་ཐམས་ཅད་འཐུན་ཞིང་ནམ་དུ་
ཡང་རྩོད་པ་མེད་པ་ནི་དགེ་འདུན་དཀོན་མཆོག་ཅེས་བྱའོ། །སྔོན་དཀོན་མཆོག་གསུམ་མི་དང་ཆོས་སུ་ཐ་དད་པར་བཤད། དེང་འདིར་ནི་སངས་རྒྱས་དངོས་པོ་གཅིག་ལ་ཆོས་དང་དགེ་འདུན་ཡང་དེར་བྱུང་བས་དོན་དེའི་ཕྱིར་ངས་ཁྱོད་ལ་དངོས་པོ་གཅིག་པའི་དཀོན་
མཆོག་གསུམ་བཤད་དེ། སྐྱེ་བོ་ཀུན་ཐེག་པ་གཅིག་ཏུ་ཕྱོགས་པར་བྱའོ། །དེ་ནས་བཅོམ་ལྡན་འདས་ལ་བྱང་ཆུབ་སེམས་དཔའ་མཚན་ཉིད་དད་ཀྱིས་འདི་སྐད་ཅེས་གསོལ་ཏོ། །སངས་རྒྱས་བཅོམ་ལྡན་འདས་གང་ལ་རྣམ་པར་རྟོག་
སྟེ་ཐེག་པ་ཆེན་པོ་བསྒྲུབ་པར་བགྱི། བཅོམ་ལྡན་འདས་ཀྱིས་བཀའ་སྩལ་པ། རིགས་ཀྱི་བུ་ཁམས་གསུམ་མི་རྟག་པར་བསམས་ཏེ་ཐེག་པ་ཆེན་པོར་བསྒྲུབ་བོ། །བྱང་ཆུབ་སེམས་དཔའ་མཚན་ཉིད་དད་ཀྱིས་གསོལ་པ། 
ཇི་ལྟར་ན་མི་རྟག་པ་ལ་རྣམ་པར་རྟོག་པར་བགྱི། བཀའ་སྩལ་པ། མི་རྟག་པ་ལ་རྣམ་པར་རྟོག་པར་བྱ་ན་ཉོན་མོངས་པ་རྣམ་པར་སྦྱངས་ཏེ་ཡང་དག་པའི་དྲན་པ་མངོན་དུ་བཞག་ལ་བྱམས་པ་དང་སྙིང་རྗེ་ཐོག་མར་འགྲོ་བར་བྱ་སྟེ། 
སྐྱེ་བོ་རྣམས་ལ་ཆོས་བཤད་ཅིང་བསྒྲལ་ན་ཡང་ལན་མི་རེ་བ་ནི་བྱང་ཆུབ་སེམས་དཔའ་ཞེས་བྱའོ། །དེ་ལྟར་སེམས་ཅན་ཡོངས་སུ་མི་གཏོང་སྟེ་ཐེག་པ་ཆེན་པོ་བསྒྲུབ་པར་བྱའོ། །རིགས་ཀྱི་བུ་དཔེར་ན་གྲོང་ཁྱེར་ཆེན་པོ་གཅིག་འཁོར་
རྒྱ་དཔག་ཚད་གཅིག་ལ། སྒོ་མང་པོ་ཞིག་ཡོད་པ་དེར་འགྲོར་ནི་ལམ་ན་གཡང་ས་དང་། མུན་ནག་པ་དང་། ཤིན་དུ་འཇིགས་པའི་ས་ཆེར་ཡོད་ཀྱིས་ཀྱང་། གྲོང་ཁྱེར་དེར་ཕྱིན་ན་ཤིན་དུ་བདེ་སྐྱིད་པར་འགྱུར་བས་སྐྱེས་བུ་
མི་གཅིག་ལ་བུ་གཅིག་པུ་ཞིག་ཡོད་པ་ཤིན་དུ་ཡང་སྡུག་མོད་ཀྱི། གྲོང་ཁྱེར་དེ་ན་བདེ་སྐྱིད་པའི་ལོངས་སྤྱོད་དཔག་ཏུ་མེད་པ་ཡོད་དོ་ཞེས་ཐོས་པས་བུ་སྡུག་པ་དེར་འགྲོ་འདོད་པའི་ཕྱིར་ཐབས་སྣ་ཚོགས་ཀྱིས་ལམ་འཇིགས་

62-1-245a

ས་རྒལ་ནས་གྲོང་ཁྱེར་དེའི་སྒོར་ཕྱིན་པ་དང་། རྐང་པ་ཡ་གཅིག་ནང་དུ་བཅུག་སྟེ། རྐང་པ་ཡ་གཅིག་མ་བཏེག་པའི་བར་དུ་བུ་དེ་དྲན་ནས་འདི་ལྟར་བསམས་སོ། །བདག་ལ་བུ་གཅིག་པུ་ཡོད་པ་བདག་ཆས་པའི་
ཁར་ཅི་སྟེ་མ་ཁྲིད། ད་སུ་ཞིག་སླད་ན་གསོ་ཞིག་གུ་ཞེས་བསམས་ནས་གྲོང་ཁྱེར་དེ་བཏང་སྟེ་སླར་བུའི་ཐད་དུ་ཆས་སོ། །རིགས་ཀྱི་བུ་བྱང་ཆུབ་སེམས་དཔའི་བྱམས་པ་དང་སྙིང་རྗེ་ཡང་དེ་དང་འདྲ་སྟེ་བྱམས་ཤིང་སྙིང་བརྩེ་བའི་ཕྱིར་
མངོན་པར་ཤེས་པ་ལྔ་བསྒོམ་པར་བྱེད་དོ། །བསྒོམས་ཏེ་ཟག་པ་ཟད་ནས་ཡང་མི་ཤེས་གྲུབ་པ་མི་ལེན་ཏེ། དེ་ཅིའི་ཕྱིར་ཞེ་ན། སེམས་ཅན་ལ་སྙིང་བརྩེ་བའི་ཕྱིར་ཟག་པ་ཟད་པ་དང་། མངོན་པར་ཤེས་པ་སྤོང་སྟེ། སོ་སོའི་
སྐྱེ་བོའི་སར་བགྲོད་པར་བྱའོ། །རིགས་ཀྱི་བུ་དཔེར་གྲོང་ཁྱེར་བདེ་སྐྱིད་པ་ཞེས་བྱ་བ་ནི་རྣམ་པར་ཐར་པ་ཆེན་པོ་ལ་བྱའོ། །དཔེར་སྒོ་མང་པོ་ཞེས་བྱ་བ་ནི་ཏིང་ངེ་འཛིན་གྱི་སྒོ་བརྒྱད་ཁྲི་བཞི་སྟོང་ལ་བྱའོ། །དཔེར་ལམ་
འཇིགས་ས་ཆེན་པོ་ཞེས་བྱ་བ་ནི་བདུད་དང་བགེགས་ལྟ་བུ་ལ་བྱའོ། །དཔེར་གྲོང་ཁྱེར་གྱི་སྒོར་ཕྱིན་ཞེས་བྱ་བ་ནི་མངོན་པར་ཤེས་པ་ལྔ་ཐོབ་པ་ལ་བྱའོ། །དཔེར་རྐང་པ་ཡ་གཅིག་བཏེག་སྟེ་ཐེམ་པའི་ནང་དུ་འཇུག་པ་ནི་ཡེ་ཤེས་ལ་
བྱའོ། །དཔེར་རྐང་པ་ཡ་གཅིག་མ་བཏེག་པ་ནི་བྱང་ཆུབ་སེམས་དཔའ་གཞན་རྣམ་པར་མ་གྲོལ་བ་ལ་བྱའོ། །དཔེར་བུ་གཅིག་པུ་ལུས་ཞེས་སྨྲ་བ་ནི་ལམ་རྒྱུད་ལྔའི་སེམས་ཅན་ལ་བྱའོ། །དཔེར་བུ་ལ་དྲན་པ་ནི་སྙིང་རྗེ་ཆེན་པོ་
ལ་བྱའོ། །དཔེར་བུའི་ཐད་དུ་ལོག་པ་ནི་སེམས་ཅན་འདུལ་ཞིང་རྣམ་པར་གྲོལ་བ་ཐོབ་པར་བྱེད་པ་ལ་བྱའོ། །དཔེར་ལན་དང་འགྲུབ་པ་མི་རེ་བ་ནི་ཐབས་མཁས་པ་ལ་བྱའོ། །རིགས་ཀྱི་བུ་བྱང་ཆུབ་སེམས་དཔའ་སེམས་དཔའ་
ཆེན་པོའི་བྱམས་པ་ཆེན་པོ་དང་སྙིང་རྗེ་ཆེན་པོས་བསྡུས་ཏེ། མི་གཏོང་བ་ནི་བསམ་གྱིས་མི་ཁྱབ་བོ། །རིགས་ཀྱི་བུ་ཡང་འདི་ལྟ་སྟེ། བྱང་ཆུབ་སེམས་དཔའ་སྐྱེས་བུ་དམ་པ་དང་པོ་སེམས་བསྐྱེད་པ་ནས་བྱང་ཆུབ་ཀྱི་སྙིང་པོ་ལ་ཐུག་

62-1-245b

གི་བར་དུ་སེམས་ཅན་ལ་རྟག་ཏུ་དགེ་བ་བཅུ་དཔོག་པར་བྱའོ། །བཅུ་པོ་གང་ཞེ་ན། སྲོག་མི་གཅོད་པ་དང་། མ་བྱིན་པར་མི་ལེན་པ་དང་། འདོད་པས་ལོག་པར་མི་གཡེམ་པ་དང་། བརྫུན་དུ་མི་སྨྲ་བ་དང་། ཕྲ་མ་དང་དབྱེན་མི་བྱེད་པ་དང་། 
ངག་རྩུབ་པོ་མི་སྨྲ་བ་དང་། དོན་མེད་པའི་གཏམ་ཚིག་ཁྱལ་བ་མི་སྨྲ་བ་དང་། བརྣབ་སེམས་མི་བྱེད་པ་དང་། གནོད་སེམས་མི་བྱེད་པ་དང་། ལོག་པར་མི་ལྟ་བ་སྟེ། བྱང་ཆུབ་སེམས་དཔའ་དེ་བཞིན་དུ་བྱམས་པ་དང་། སྙིང་རྗེ་ཕུན་
སུམ་ཚོགས་པར་སྤྱད་ན་བྱམས་པས་ནི་དགེ་བ་སྟོན་ཅིང་བདེ་བ་ལ་འགོད་པར་བྱེད། སྙིང་རྗེས་ནི་སྡུག་བསྔལ་ལས་ཐར་བ་དང་། དམྱལ་བ་ལས་སྒྲོལ་བར་བྱེད་དོ། །སྐྱེ་བོ་རྣམས་མྱ་ངན་ལས་འདའ་བར་བསྒྲུབ་འདོད་པའི་
སྒོ་མ་ཤེས་པ་མཐོང་ན་བྱང་ཆུབ་སེམས་དཔས་སྐྱེ་བོ་དེ་དག་ལ་སྙིང་རྗེ་བའི་སེམས་བསྒོམ་པར་བྱའོ། །སྙིང་རྗེ་བའི་དབང་གིས་སེམས་ཅན་ཐམས་ཅད་མྱ་ངན་ལས་འདའ་བའི་སྒོ་འབྱེད་པས་བདེ་བའི་གནས་མངོན་པར་སྟོན་ཏེ། ཐེག་
པ་ཆེན་པོའི་འབྲས་བུ་ཐོབ་པར་བྱེད་པ་ནི་བྱང་ཆུབ་སེམས་དཔའ་སེམས་དཔའ་ཆེན་པོའི་སྤྱད་པ་སྤྱོད་པ་ཞེས་བྱའོ། །དེ་ནས་བཅོམ་ལྡན་འདས་ལ་བྱང་ཆུབ་སེམས་དཔའ་མཚན་ཉིད་དད་ཀྱིས་འདི་སྐད་ཅེས་གསོལ་ཏོ། །བཅོམ་ལྡན་
འདས་ཡང་དག་པའི་དྲན་པ་ཞེས་བགྱི་བ་གང་། བཀའ་སྩལ་པ། མི་སྐྱེ་མི་འགག་པའི་ཆོས་སྤྱད་པའོ། །གསོལ་པ། བཅོམ་ལྡན་འདས་ཆོས་མི་སྐྱེ་བ་ནི་གང་། མི་འགག་པ་ནི་གང་། བཀའ་སྩལ་པ། རིགས་ཀྱི་བུ་སྡིག་པའི་ཆོས་ནི་མི་སྐྱེ་བར་བྱ། དགེ་བའི་
ཆོས་ནི་མི་འགག་པར་བྱའོ། །དེ་ལྟ་བུའི་སྤྱོད་པ་ཁམས་གསུམ་དུ་སྤྱད་པ་ནི་འདོད་པ་རྣམ་པ་ལྔའི་བག་ཆགས་ཀྱི་དྲི་མས་གོས་པར་མི་འགྱུར་རོ། །རིགས་ཀྱི་བུ་ཁམས་གསུམ་ན་བགྲོད་ཅིང་སེམས་ཅན་བསྒྲལ་བར་འདོད་ན་ཆོས་རྣམས་པ་
བཅུ་པོ་འདིས་ཁམས་གསུམ་དུ་བགྲོད་པར་བྱ་སྟེ། ཀུན་རྫོབ་ཀྱི་ཚིག་དང་། ཡི་གེའི་རྗེས་སུ་ཁམས་གསུམ་ཡོད་པར་བཤད་མོད་ཀྱི། བླ་ན་མེད་པའི་བྱང་ཆུབ་ནི་དུས་གསུམ་དུ་མི་གནས་ལ། མཐར་ཕྱིན་པའི་བྱང་ཆུབ་རྣམ་གྲངས་སུ་

62-1-246a

མི་ལྟུང་ན་དུས་གསུམ་དང་ཁམས་གསུམ་ལྟ་ཅི་སྨོས། ཆོས་བཅུ་པོ་གང་ཞེ་ན། སྟོད་པ་དང་སྨད་པ་ལ་སེམས་སྐྱེ་བྲི་མེད་པ་དང་། སྙན་པ་དང་མི་སྙན་པར་ཐོས་པ་ལ་སེམས་རྣམ་པར་མི་རྟོག་པ་དང་། ཤེས་རབ་ཅན་དང་། 
གཏི་མུག་ཅན་ལ་འདྲ་བར་སྙིང་རྗེ་བསྐྱེད་པ་དང་། སེམས་ཅན་བླ་འོག་གང་ཡང་རུང་སྟེ། སྙོམས་པར་ལྟ་བ་དང་མཆོད་པ་གུས་མ་གུས་ལ་སེམས་རྣམ་པ་གཉིས་སུ་མི་འབྱེད་པ་དང་། གཞན་གྱི་ཉེས་སྐྱོན་ལ་འཕྱས་མི་འདོགས་པ་དང་། 
ཐེག་པ་རྣམ་པ་སྣ་ཚོགས་སུ་མཐོང་ན་ཡང་ཐེག་པ་གཅིག་ཏུ་ལྟ་བ་དང་། ངན་སོང་གསུམ་གྱི་སྒྲ་ཐོས་ན་ཡང་འཇིགས་པ་དང་སྐྲག་པ་མི་སྐྱེད་པ་དང་། བྱང་ཆུབ་སེམས་དཔའ་རྣམས་ལ་དེ་བཞིན་གཤེགས་པ་དང་འདྲ་བར་བལྟ་བ་དང་། 
བསྐལ་པ་སྙིགས་མ་ཅན་གྱི་དུས་སུ་སངས་རྒྱས་འབྱུང་བ་ལ་ངོ་མཚར་རྨད་དུ་བྱུང་བའི་འདུ་ཤེས་བསྐྱེད་པ་དང་བཅུ་སྟེ། ཆོས་བཅུ་པོ་དེ་དག་དང་ལྡན་ན་བྱང་ཆུབ་སེམས་དཔའི་ཉོན་མོངས་པའི་བག་ཆགས་ཀྱིས་ཉོན་མོངས་
པར་མི་འགྱུར་རོ། །བྱང་ཆུབ་སེམས་དཔའ་སྐྱེས་བུ་དམ་པ་ཁམས་གསུམ་ན་བགྲོད་པའི་ཚེ་སྙིང་རྗེ་ཆེན་པོས་གཞི་བྱས་ན་མནོལ་བའི་ཞིང་དེར་འོད་འདྲེས་ཀྱང་རྡུལ་མི་གཅིག་སྟེ། དེ་བས་ན་བསམ་གྱིས་ཁྱབ་དཀའ་ཞེས་བྱའོ། །
གང་ཞིག་འཇིག་རྟེན་རྣམ་དག་ན། །བསྐལ་པ་གཅིག་གི་བར་དག་ཏུ། །ཚུལ་ཁྲིམས་དམ་དུ་བསྲུང་བ་ནི། །སྐྱེས་བུ་དེ་ནི་སྐད་ཅིག་ཙམ། །བྱམས་པ་སྤྱད་པས་དམ་པ་མཆོག །གང་ཞིག་
འཇིག་རྟེན་འདི་རུ་ནི། །ལུས་དང་ངག་ཡིད་སྡིག་སྤྱད་དེ། །ངན་སོང་གསུམ་དུ་ལྟུང་ངེས་དག །བྱམས་སེམས་དེ་ཡིས་འཕྲལ་དུ་འབྱང་། །བྱང་ཆུབ་སེམས་དཔའ་འགའ་ཞིག་གིས། །འཇིག་རྟེན་ངན་པར་སྐྱེས་ན་ཡང་། །འཇིགས་
དང་དོགས་པ་མ་སྐྱེད་ཅིག །ངན་སོང་ལྟུང་བའི་སྡིག་ཡོད་ཀྱང་། །མགོ་བོ་ན་བ་ཙམ་གྱིས་འབྱང་། །གང་ཞིག་འཆིང་བ་གཅོད་འདོད་དམ། །ཉོན་མོངས་སྒྲིབ་པ་སྤང་འདོད་པ། །འཇིག་རྟེན་ངན་འདིར་སྐྱེས་ན་ཡང་། །དམ་ཆོས་

62-1-246b

བསྲུང་བས་ཤེས་རབ་འཕེལ། །རྣམ་དག་ཞིང་དུ་བསྐལ་པ་འབུམ། །ཚུལ་ཁྲིམས་རྣམ་དག་སྤྱད་པ་བས། །དེང་ནས་སང་གི་བར་དག་ཏུ། །འཇིག་རྟེན་འདི་ན་གནས་ཀྱང་སླ། །དེ་ཅིའི་ཕྱིར་ཞེ་ན། ངས་ནི་མི་འཁྲུགས་འཇིག་རྟེན་དང་། །
བདེ་བ་ཅན་གྱི་འཇིག་རྟེན་གཉིས། །ཤིན་དུ་རྣམ་དག་མཐོང་བ་ན། །སྡུག་བསྔལ་བྱ་བའི་མིང་ཡང་མེད། །ཁམས་དེར་བསོད་ནམས་བྱ་བ་ནི། །དཀའ་བ་སྙམ་དུ་མི་མཛད་དེ། །གང་ཞིག་འཇིག་རྟེན་འདི་དག་ཏུ། །རང་གིས་མི་བཟོད་
བཟོད་བྱ་སྟེ། །ཕ་རོལ་པོ་ཡང་བཟོད་བཅུག་ན། །དེ་ནི་བསོད་ནམས་དམ་པ་མཆོག །དེ་ཕྱིར་བྱང་ཆུབ་སེམས་དཔའ་རྣམས། །འཇིག་རྟེན་ངན་འདིར་བགྲོད་པའི་ཚེ། །ཉོན་མོངས་མྱ་ངན་མ་བྱེད་པར། །སེམས་ཅན་ཐམས་ཅད་འདྲེན་བྱ་
སྟེ། །བརྩོན་འགྲུས་བརྟན་པའི་སེམས་བསྐྱེད་ན། །བླ་མེད་བྱང་ཆུབ་མྱུར་དུ་ཐོབ། །དེ་ནས་བཅོམ་ལྡན་འདས་ལ་བྱང་ཆུབ་སེམས་དཔའ་སེམས་དཔའ་ཆེན་པོ་ནམ་མཁའི་སྙིང་པོས་འདི་སྐད་ཅེས་གསོལ་ཏོ། །བཅོམ་ལྡན་འདས་བདག་
ཅག་རྣམས་ཀྱིས་དེང་འདིར་བྱང་ཆུབ་སེམས་དཔའ་བྱང་ཆུབ་ཀྱི་རྒྱུ་དང་རྐྱེན་ཞིག་ཞུ་ཞིང་མཆིས་ན། དེ་བཞིན་གཤེགས་པས་སྐབས་དབྱེ་བར་གནང་ན་སྤོབས་པ་བསྐྱེད་དེ་ཞུ་བར་བགྱིའོ་ཞེས་གསོལ་པ་དང་། བཅོམ་ལྡན་འདས་ཀྱིས་
བཀའ་སྩལ་པ། ལེགས་སོ། །རིགས་ཀྱི་བུ་ཁྱོད་སྔོན་སངས་རྒྱས་བརྒྱ་སྟོང་དུ་མ་ལ་དགེ་བའི་རྩ་བ་རྣམས་བསྐྱེད་པ། བྱང་ཆུབ་སེམས་དཔའ་ཐམས་ཅད་ཀྱི་ཕྱིར་བྱང་ཆུབ་སྤྱོད་པའི་བརྩོན་འགྲུས་བརྟན་པ་དྲི་བ་ལེགས་ཀྱིས་འདོད་པ་
བཞིན་དྲིས་ཤིག །ངས་ཁྱོད་ལ་བྱེ་ཕྲག་ཕྱེད་པར་བཤད་དོ། །བཅོམ་ལྡན་འདས་ཀྱིས་སྐབས་དབྱེ་བར་གནང་ནས་བཅོམ་ལྡན་འདས་ལ་ནམ་མཁའི་སྙིང་པོས་འདི་སྐད་ཅེས་གསོལ་ཏོ། །བཅོམ་ལྡན་འདས་བྱང་ཆུབ་སེམས་དཔས་
ཅི་བགྱིས་ན་བརྟུལ་ཞུགས་དང་དཀའ་ཐུབ་ཀྱི་སེམས་ལ་གདུང་བ་མ་མཆིས་པར་འགྱུར། བྱང་ཆུབ་སེམས་དཔས་ཅི་བགྱིས་ན་ངེས་པའི་ཚིག་ལ་འགྱོད་པ་མ་མཆིས་པར་འགྱུར། བྱང་ཆུབ་སེམས་དཔས་ཅི་བགྱིས་ན་དགེ་

62-1-247a

བའི་རྩ་བ་འཕེལ་བར་འགྱུར། བྱང་ཆུབ་སེམས་དཔས་ཅི་བགྱིས་ན་འཇིགས་པ་མ་མཆིས་ཤིང་ཚུལ་མི་གཡོ་བར་འགྱུར། བྱང་ཆུབ་སེམས་དཔས་ཅི་བགྱིས་ན་དམ་པའི་ཆོས་ཡོངས་སུ་འགྲུབ་པར་འགྱུར། བྱང་ཆུབ་སེམས་
དཔས་ཅི་བགྱིས་ན་ས་གཅིག་ནས་ས་བཅུའི་བར་དུ་ལེགས་པར་འཚལ་བར་འགྱུར། བྱང་ཆུབ་སེམས་དཔས་ཅི་བགྱིས་ན། ཐབས་ལ་ཤིན་དུ་མཁས་པར་འགྱུར། བྱང་ཆུབ་སེམས་དཔས་ཅི་བགྱིས་ན་སེམས་ཅན་གྱི་སྟོན་པ་བགྱིད་པར་འགྱུར། 
བྱང་ཆུབ་སེམས་དཔས་ཅི་བགྱིས་ན་ཚེ་རབས་སུ་བྱང་ཆུབ་ཀྱི་སེམས་ཆུད་མི་གཟོན་པར་འགྱུར། བྱང་ཆུབ་སེམས་དཔས་ཅི་བགྱིས་ན་སེམས་སྤྱོད་པ་རྣམས་གཅིག་ལས་རྣམ་པ་སྣ་ཚོགས་སུ་སྤྱོད་པ་མ་མཆིས་པར་འགྱུར། 
བྱང་ཆུབ་སེམས་དཔས་ཅི་བགྱིས་ན་ཆོས་རིན་པོ་ཆེས་ལེགས་པར་སྒྲུབ་པར་འགྱུར། བྱང་ཆུབ་སེམས་དཔས་ཅི་བགྱིས་ན་ཚུལ་ཁྲིམས་དང་འདུལ་བ་ལས་བཅས་པའི་ཁ་ན་མ་ཐོ་བ་ལས་འབྱུང་བར་འགྱུར། བྱང་ཆུབ་སེམས་
དཔས་ཅི་བགྱིས་ན་ཉོན་མོངས་པ་རྣམས་འགག་པར་འགྱུར། བྱང་ཆུབ་སེམས་དཔས་ཅི་བགྱིས་ན་ཚོགས་མང་པོ་ཀུན་དང་འཐུན་པར་འགྱུར། བྱང་ཆུབ་སེམས་དཔས་ཅི་བགྱིས་ན་ཆོས་ཀྱི་སྦྱིན་པའི་སྒོ་ལེགས་པར་འབྱེད་
པར་འགྱུར། བྱང་ཆུབ་སེམས་དཔས་ཅི་བགྱིས་ན་སྔོན་གྱི་དབང་གི་མཐུས་དགེ་བའི་རྩ་བ་མི་སྟོར་བར་འགྱུར། བྱང་ཆུབ་སེམས་དཔས་ཅི་བགྱིས་ན་གཞན་གྱིས་བསྟན་པ་ལ་རག་མི་ལུས་པར་རང་བཞིན་གྱིས་ཕ་རོལ་ཏུ་
ཕྱིན་པ་དྲུག་སྤྱད་པར་འགྱུར། བྱང་ཆུབ་སེམས་དཔས་ཅི་བགྱིས་ན་བསམ་གཏན་དང་ཏིང་ངེ་འཛིན་བཏང་སྟེ། འདོད་པའི་ཁམས་སུ་སྐྱེ་བར་འགྱུར། བྱང་ཆུབ་སེམས་དཔས་ཅི་བགྱིས་ན་སངས་རྒྱས་ཀྱི་ཆོས་ལས་ཕྱིར་མི་
ལྡོག་པར་འགྱུར། བྱང་ཆུབ་སེམས་དཔས་ཅི་བགྱིས་ན་དགེ་བའི་རྩ་བ་འཕེལ་བ་དང་། ཁམས་གསུམ་དུ་བགྲོད་ཅིང་སེམས་ཅན་ལ་སྟོན་པ་བགྱིད་དེ། སངས་རྒྱས་ཀྱི་ངོ་བོ་ཉིད་བར་མི་འཆད་པར་འགྱུར། 

62-1-247b

དེ་ནས་བཅོམ་ལྡན་འདས་ཀྱིས་བྱང་ཆུབ་སེམས་དཔའ་ནམ་མཁའི་སྙིང་པོ་ལ་ལེགས་སོ་ཞེས་བྱ་བ་བྱིན་ཏེ། ཁྱོད་དེ་བཞིན་གཤེགས་པ་ལ་བྱང་ཆུབ་སེམས་དཔའི་བྱ་བ་རྣམས་ཞུ་ནུས་པ་ཡང་ཤིན་དུ་ལེགས་སོ་ལེགས་སོ། །
ཁྱོད་ལེགས་པར་ཉོན་ལ་དྲན་པ་མངོན་དུ་ཞོག་ཤིག །གསོལ་པ། བཅོམ་ལྡན་འདས་བཀའ་བཞིན་དུ་ཐོས་པར་སྨོན་ཏེ། མཉན་ཅིང་མནོས་པར་འཚལ་ལོ་ཞེས་གསོལ་པ་དང་། བཅོམ་ལྡན་འདས་ཀྱིས་བྱང་ཆུབ་སེམས་
དཔའ་ནམ་མཁའི་སྙིང་པོ་ལ་བཀའ་སྩལ་པ། རིགས་ཀྱི་བུ་བྱང་ཆུབ་སེམས་དཔའ་ཆོས་བཞི་དང་ལྡན་ན་བརྟུལ་ཞུགས་དང་དཀའ་ཐུབ་ཀྱིས་སེམས་མི་གདུང་བར་འགྱུར་རོ། །ཆོས་བཞི་གང་ཞེ་ན། སེམས་ཅན་ཐམས་
ཅད་ལ་སྙིང་རྗེ་ཆེར་བསྐྱེད་པ་དང་། བརྩོན་འགྲུས་བསྐྱེད་ཅིང་ལེ་ལོ་མི་བྱེད་པ་དང་། སྐྱེ་ཤིའི་འཁོར་བ་རྨྱི་ལམ་ཙམ་དང་འདྲ་བར་ཤེས་པ་དང་། ཡང་དག་པའི་ཡིད་ཀྱིས་སངས་རྒྱས་ཀྱི་ཡེ་ཤེས་བསམ་པ་དང་བཞི་སྟེ། བྱང་ཆུབ་
སེམས་དཔའ་ཆོས་བཞི་པོ་དེ་དག་དང་ལྡན་ན་དཀའ་ཐུབ་དང་བརྟུལ་ཞུགས་ཀྱི་སེམས་གདུང་བ་མེད་པར་འགྱུར་རོ། །བྱང་ཆུབ་སེམས་དཔའ་ཡང་ཆོས་བཞི་དང་ལྡན་ན་ངེས་པའི་ཚིག་ལ་བར་མ་དོར་འགྱོད་པར་མི་འགྱུར་རོ། །བཞི་
གང་ཞེ་ན། ངེས་པའི་ཚིག་ཆོས་ལ་བདག་མེད་པར་མངོན་པར་ཆུད་ཅེས་བརྗོད་པ་དང་། ངེས་པའི་ཚིག་སྐྱེ་གནས་སོ་ཅོག་ལ་དད་པའི་འདུ་ཤེས་བསྐྱེད་པ་མི་རིགས་ཞེས་བརྗོད་པ་དང་། ངེས་པའི་ཚིག་གིས་ཐེག་པ་ཆེན་པོ་ལ་རྒྱུན་དུ་
བསྔགས་པ་བརྗོད་པ་དང་། ངེས་པའི་ཚིག་གིས་ལས་དགེ་སྡིག་གི་འབྲས་བུ་མི་རླག་ཅེས་བརྗོད་པ་དང་བཞིའོ། །བྱང་ཆུབ་སེམས་དཔའ་ཡང་ཆོས་བཞི་དང་ལྡན་ན་དགེ་བའི་རྩ་བ་རྣམ་པར་འཕེལ་བར་འགྱུར་རོ། །བཞི་གང་ཞེ་ན། 
ཚུལ་ཁྲིམས་བསྲུང་བ་དང་། མང་དུ་ཐོས་པ་དང་། སྦྱིན་པ་བྱིན་པ་དང་། རབ་ཏུ་བྱུང་བ་དང་བཞིའོ། །བྱང་ཆུབ་སེམས་དཔའ་ཡང་ཆོས་བཞི་དང་ལྡན་ན་འཇིགས་པ་མེད་ཅིང་ཚུལ་ལས་མི་གཡོ་བར་འགྱུར་རོ། །བཞི་གང་ཞེ་ན། ཁེ་སྟོར་བ་དང་མི་

62-1-248a

སྙན་པར་གྲགས་པ་དང་། སྨད་ཅིང་དམའ་དབབ་པ་དང་། སྡུག་བསྔལ་གྱིས་ནོན་ཀྱང་མི་གཡོ་བ་དང་བཞིའོ། །བྱང་ཆུབ་སེམས་དཔའ་ཡང་ཆོས་བཞི་དང་ལྡན་ན་ཆོས་དཀར་པོ་ཡོངས་སུ་འགྲུབ་པར་འགྱུར་རོ། །བཞི་གང་ཞེ་ན། 
ཕ་རོལ་པོ་ལ་ལས་དགེ་སྡིག་ཡིད་ཆེས་པར་སྟོན་པ་དང་། སྦྱིན་པ་ལ་ལན་མི་རེ་བ་དང་། དམ་པའི་ཆོས་བསྲུང་ཞིང་སྐྱོང་བ་དང་། ཤེས་རབ་ཆེན་པོས་བྱང་ཆུབ་སེམས་དཔའ་ཐམས་ཅད་ལ་བསྟོད་པར་བྱེད་པ་དང་བཞིའོ། །རིགས་ཀྱི་བུ་བྱང་ཆུབ་སེམས་
དཔའ་ཡང་ཆོས་བཞི་དང་ལྡན་ན་ས་གཅིག་ནས་ས་བཅུའི་བར་དུ་ལེགས་པར་འགྱུར་རོ། །ཆོས་བཞི་གང་ཞེ་ན། དགེ་བའི་རྩ་བ་ཡུན་དུ་བསྐྱེད་པ་དང་། ཉེས་སྐྱོན་ཐམས་ཅད་སེལ་བ་དང་། ཐབས་ལ་ཤིན་ཏུ་མཁས་པ་དང་། དགེ་བའི་བརྩོན་
འགྲུས་ཅི་སྤྱད་པ་བྱང་ཆུབ་ཏུ་བསྔོ་བ་དང་བཞིའོ། །བྱང་ཆུབ་སེམས་དཔའ་ཡང་ཆོས་བཞི་དང་ལྡན་ན་ཐབས་ལ་ཤིན་དུ་མཁས་པར་འགྱུར་རོ། །བཞི་གང་ཞེ་ན། སེམས་ཅན་གྱི་ཡིད་དང་འཐུན་པར་བྱེད་པ་དང་། གཞན་གྱི་བསོད་ནམས་དང་
ཡོན་ཏན་ལ་རྗེས་སུ་ཡི་རང་བའི་སེམས་སྐྱེད་པ་དང་། སྡིག་ཡོད་ན་འགྱོད་ཚངས་བྱེད་པ་དང་། དེ་བཞིན་གཤེགས་པ་ཐམས་ཅད་ལ་ཆོས་ཀྱི་འཁོར་ལོ་བསྐོར་བར་གསོལ་བ་འདེབས་པ་དང་བཞིའོ། །བྱང་ཆུབ་སེམས་དཔའ་ཡང་
ཆོས་བཞི་དང་ལྡན་ན་སེམས་ཅན་གྱི་སྟོན་པ་བྱེད་པར་འགྱུར་རོ། །བཞི་གང་ཞེ་ན། རྟག་ཏུ་སེམས་ཅན་ལ་ཕན་པ་དང་བདེ་བ་བསྒྲུབ་པར་བྱེད་པ་དང་། རང་གི་དགའ་བ་ཡོངས་སུ་འདོར་བ་དང་། མཉེན་དེས་བྱས་ཏེ་བཟོད་པ་
བསྒོམ་པ་དང་ལེ་ལོ་སྤོང་བ་དང་བཞིའོ། །བྱང་ཆུབ་སེམས་དཔའ་ཆོས་བཞི་དང་ལྡན་ན་ཚེ་རབས་སུ་བྱང་ཆུབ་ཀྱི་སེམས་ཆུད་མི་ཟོས་པར་འགྱུར་རོ། །བཞི་གང་ཞེ་ན། ཕྱོགས་བཅུའི་སངས་རྒྱས་ཐམས་ཅད་རྟག་ཏུ་དྲན་པར་
བྱེད་པ་དང་། བསོད་ནམས་བྱས་སོ་ཅོག་སེམས་ཅན་གྱི་ཕྱིར་བླ་ན་མེད་པའི་བྱང་ཆུབ་ཏུ་བསྔོ་བ་དང་། དགེ་བའི་བཤེས་གཉེན་ལ་བརྟེན་པ་དང་། ཐེག་པ་ཆེན་པོ་ཡོངས་སུ་སྒྲོག་པར་བྱེད་པ་དང་བཞིའོ། །བྱང་ཆུབ་སེམས་དཔའ་ཡང་ཆོས་བཞི་དང་

62-1-248b

ལྡན་ན་སེམས་སྤྱོད་པ་རྣམ་པ་གཅིག་ལས་རྣམ་པ་སྣ་ཚོགས་སུ་མི་སྤྱོད་པར་འགྱུར་རོ། །བཞི་གང་ཞེ་ན། ཉན་ཐོས་ཀྱི་སེམས་སྤང་བ་དང་། རང་སངས་རྒྱས་ཀྱི་སེམས་སྤང་བ་དང་། ཆོས་སྒྲུབ་པས་སྐྱོ་མི་ངས་པ་དང་། ཆོས་ཅི་ཐོས་པ་གཞན་
ལ་སྟོན་པར་བྱེད་པ་དང་བཞིའོ། །བྱང་ཆུབ་སེམས་དཔའ་ཡང་ཆོས་བཞི་དང་ལྡན་ན་ཆོས་རིན་པོ་ཆེ་ལེགས་པར་བསྒྲུབ་པར་འགྱུར་རོ། །བཞི་གང་ཞེ་ན། ཐེག་པ་ཆེན་པོ་ཆོས་དཀོན་པའི་ཕྱིར་རིན་པོ་ཆེ་དང་འདྲ་བར་འདུ་ཤེས་བསྐྱེད་པ་དང་། 
ཐེག་པ་ཆེན་པོའི་ཆོས་སེམས་ཀྱི་ནད་ཐམས་ཅད་སེལ་བའི་ཕྱིར་སྨན་དང་འདྲ་བར་ལྟ་བ་དང་། ཐེག་པ་ཆེན་པོའི་ཆོས་ནམ་ཡང་མི་རླག་པའི་ཕྱིར་ནོར་གྱི་དབྱིག་དང་འདྲ་བར་ལྟ་བ་དང་། ཐེག་པ་ཆེན་པོའི་ཆོས་མྱ་ངན་ལས་འདའ་བར་བྱེད་པའི་
ཕྱིར་སྡུག་བསྔལ་འགོག་པར་ལྟ་བ་དང་བཞིའོ། །བྱང་ཆུབ་སེམས་དཔའ་ཡང་ཆོས་བཞི་དང་ལྡན་ན་ཚུལ་ཁྲིམས་ཉམས་པ་དང་། ཉོན་མོངས་པའི་ཁ་ན་མ་ཐོ་བ་ལས་འབྱུང་བར་འགྱུར་རོ། །བཞི་གང་ཞེ་ན། ཆོས་རྣམས་འོང་བ་མེད་
པའི་ཕྱིར་ཆོས་ལ་མི་སྐྱེ་བའི་བཟོད་པ་ཐོབ་པ་དང་། ཆོས་རྣམས་སོང་བ་མེད་པའི་ཕྱིར་ཆོས་ལ་མི་འགོག་པའི་བཟོད་པ་ཐོབ་པ་དང་། ཆོས་རྣམས་རྒྱུ་དང་རྐྱེན་ལས་སྐྱེ་བར་ཤེས་པའི་ཕྱིར་ཆོས་ལ་རྟེན་ཅིང་འབྲེལ་བར་འབྱུང་བའི་བཟོད་པ་
ཐོབ་པ་དང་། ཐ་དད་པའི་སེམས་རྒྱུད་མེད་པའི་ཕྱིར་མི་གནས་པའི་བཟོད་པ་ཐོབ་པ་དང་བཞིའོ། །བྱང་ཆུབ་སེམས་དཔའ་ཡང་ཆོས་བཞི་དང་ལྡན་ན་ཉོན་མོངས་པ་རྣམས་འགག་པར་འགྱུར་རོ། །བཞི་གང་ཞེ་ན། ཡང་དག་པའི་
དྲན་པ་མངོན་དུ་གཞག་པ་དང་། དབང་པོ་རྣམས་བསྡམ་པ་དང་། དགེ་བའི་ཆོས་ཀྱི་སྟོབས་བསྐྱེད་ནུས་པ་དང་། དབེན་པའི་གནས་སུ་དད་ཅིང་འདུ་འཛི་སྤང་བར་བྱ་བ་དང་བཞིའོ། །བྱང་ཆུབ་སེམས་དཔའ་ཡང་ཆོས་བཞི་དང་ལྡན་ན་ཚོགས་མང་
པོ་ཀུན་དང་འཐུན་པར་འགྱུར་རོ། །བཞི་གང་ཞེ་ན། བདག་ཆོས་སྒྲུབ་ན་ཡང་ཁྱད་པར་ཐོབ་པར་མི་སྒྲུབ་པ་དང་། ལེ་ལོ་མེད་པར་རྟག་ཏུ་བཀུར་སྟི་དང་གུས་པའི་སེམས་སྐྱེད་པ་དང་། ཆོས་ཀྱི་ཕན་པ་འབའ་ཞིག་ཚོལ་གྱི་བདག་མི་སྤྱོམ་པ་དང་། གཞན་

62-1-249a

ལ་དགེ་བའི་ཆོས་བསྟན་ཀྱང་རྙེད་པ་དང་། བཀུར་སྟི་དང་། གྲགས་པ་མི་ཚོལ་བ་དང་བཞིའོ། །བྱང་ཆུབ་སེམས་དཔའ་ཡང་ཆོས་བཞི་དང་ལྡན་ན་ཆོས་ཀྱི་སྦྱིན་པའི་སྒོ་ལེགས་པར་འབྱེད་པར་འགྱུར་རོ། །བཞི་གང་ཞེ་ན། དམ་པའི་ཆོས་
ཡོངས་སུ་བསྲུང་ཞིང་བསྐྱབ་པ་དང་། རང་གི་ཤེས་རབ་ལ་ཕན་པར་བྱེད་ཅིང་གཞན་ལ་སྟོན་པར་བྱེད་པ་དང་། རྟག་ཏུ་ཡ་རབས་ཀྱི་ཆོས་སྤྱོད་པ་དང་། རྣམ་པར་དག་པ་དང་མ་དག་པའི་ཆོས་ལ་མི་རྟོག་པ་དང་བཞིའོ། །བྱང་ཆུབ་སེམས་དཔའ་ཡང་ཆོས་
བཞི་དང་ལྡན་ན་སྔོན་གྱི་དབང་གི་མཐུས་དགེ་བའི་རྩ་བ་མི་རླག་པར་འགྱུར་རོ། །བཞི་གང་ཞེ་ན། ཕ་རོལ་པོའི་ཉེས་སྐྱོན་ལ་དབང་མི་བཟའ་བ་དང་། ཞེ་སྡང་ཅན་ལ་རྟག་ཏུ་བྱམས་སེམས་བསྒོམ་པ་དང་། རྟག་ཏུ་ཆོས་ཐམས་ཅད་རྟེན་འབྲེལ་དུ་
བཤད་པ་དང་། བླ་ན་མེད་པའི་བྱང་ཆུབ་རྟག་ཏུ་དྲན་པར་བྱ་བ་དང་བཞིའོ། །བྱང་ཆུབ་སེམས་དཔའ་ཡང་ཆོས་བཞི་དང་ལྡན་ན་གཞན་གྱིས་བསྟན་པ་ལ་རག་མ་ལུས་པར་རང་བཞིན་གྱིས་ཕ་རོལ་དུ་ཕྱིན་པ་དྲུག་སྤྱོད་པར་འགྱུར་རོ། །བཞི་གང་
ཞེ་ན། རྟག་ཏུ་ཆོས་ཀྱི་སྦྱིན་པ་གཞན་ལ་སྦྱིན་པ་དང་། གཞན་གྱི་ཁ་ན་མ་ཐོ་བ་མི་བརྗོད་པ་དང་། ཆོས་ཀྱིས་བསྡུས་ཏེ་སེམས་ཅན་གྱི་སྟོན་པ་ལ་མཁས་པ་དང་། ཆོས་ཟབ་མོ་ཆུབ་པར་ཤེས་པ་དང་བཞིའོ། །བྱང་ཆུབ་སེམས་
དཔའ་ཡང་ཆོས་བཞི་དང་ལྡན་ན་བསམ་གཏན་དང་ཏིང་ངེ་འཛིན་བཏང་སྟེ་འདོད་པའི་ཁམས་སུ་མངོན་དུ་སྐྱེ་བར་འགྱུར་རོ། །བཞི་གང་ཞེ་ན། སེམས་མཉེན་དེས་སུ་བྱ་བ་དང་། དགེ་བའི་རྩ་བའི་མཐུ་རྙེད་པར་བྱ་བ་དང་། སེམས་ཅན་ཐམས་
ཅད་མི་གཏོང་བ་དང་། ཤེས་རབ་དང་ཐབས་མཁས་པའི་མཐུ་སྟོབས་རྒྱུན་དུ་བསྒོམ་ནུས་པ་དང་བཞིའོ། །བྱང་ཆུབ་སེམས་དཔའ་ཡང་ཆོས་བཞི་དང་ལྡན་ན། སངས་རྒྱས་ཀྱི་ཆོས་ལས་ཕྱིར་མི་ལྡོག་པར་འགྱུར་རོ། །བཞི་གང་ཞེ་ན། 
སྐྱེ་ཤིའི་འཁོར་བ་གྲངས་མེད་པར་མྱོང་ན་ཡང་སྐྱོ་བའི་སེམས་མི་སྐྱེད་པ་དང་། རྟག་ཏུ་སངས་རྒྱས་ཚད་མེད་པ་ལ་མཆོད་པ་བྱ་བ་དང་། བྱམས་སེམས་ཚད་མེད་པ་བསྒོམ་པར་བྱ་བ་དང་། སངས་རྒྱས་ཀྱི་ཡེ་ཤེས་ཚད་མེད་པ་ལ་མོས་པ་

62-1-249b

བསྐྱེད་པ་དང་བཞིའོ། །རིགས་ཀྱི་བུ་བྱང་ཆུབ་སེམས་དཔའ་ཡང་ཆོས་བཞི་དང་ལྡན་ན་སངས་རྒྱས་ཀྱི་བདག་ཉིད་རྒྱུན་མི་འཆད་པར་འགྱུར་རོ། །བཞི་གང་ཞེ་ན། སེམས་ཅན་ཐམས་ཅད་ཀྱི་ཕྱིར་སྨོན་ལམ་མི་གཏོང་བ་དང་། སྦྱིན་པའི་སྤྱོད་ལམ་ལ་
དད་པ་དང་། བརྩོན་འགྲུས་ཆེན་པོ་ལ་འདུན་པ་དང་། སངས་རྒྱས་ཀྱི་ཆོས་ལ་སེམས་ཟབ་མོས་རྒྱུན་དུ་སྤྱོད་པ་དང་བཞི་སྟེ། བྱང་ཆུབ་སེམས་དཔའ་སེམས་དཔའ་ཆེན་པོས་ཁམས་གསུམ་དུ་བགྲོད་ཅིང་སྤྱོད་པ་རྣམ་པ་བཞི་པོའི་རྣམ་གྲངས་
སྤྱད་དེ། སེམས་ཅན་ལ་ཕན་པ་དང་བདེ་བར་བྱས་ཤིང་འཇིག་རྟེན་ལས་བཟླ་བར་བསྒོམས་ན་སངས་རྒྱས་ཀྱི་བདག་ཉིད་རྒྱུན་མི་འཆད་པར་འགྱུར་རོ། །དེའི་ཚེ་ཐེག་པ་ཆེན་པོའི་ཆོས་རྣམ་པ་བཞི་བཞིར་བཤད་པའི་ཚེ་ན་ལྷ་བཞི་ཁྲི་ནི་
བླ་ན་མེད་པའི་བྱང་ཆུབ་ཏུ་སེམས་བསྐྱེད་དོ། །མི་ལས་ཉི་ཁྲི་ལྔ་སྟོང་ནི་ཆོས་ལ་མི་སྐྱེ་བའི་བཟོད་པ་ཐོབ་བོ། །བྱང་ཆུབ་སེམས་དཔའ་བཞི་ཁྲི་བརྒྱད་སྟོང་ནི་ཆོས་ཀྱི་ཁམས་ཀྱི་བཟོད་པའི་ཕ་རོལ་ཏུ་ཕྱིན་པ་ཐོབ་སྟེ་སངས་རྒྱས་ཀྱི་ཡེ་ཤེས་
ལ་མངོན་པར་ཆུད་དོ། །དེའི་ཚེ་དེའི་དུས་ན་ཡང་བཅོམ་ལྡན་འདས་ཀྱིས་བྱང་ཆུབ་སེམས་དཔའ་སེམས་དཔའ་ཆེན་པོ་ནམ་མཁའི་སྙིང་པོ་ལ་འདི་སྐད་ཅེས་བཀའ་སྩལ་ཏོ། །རིགས་ཀྱི་བུ་ཁྱོད་མདོ་སྡེ་འདི་ལེགས་པར་ཟུང་ཤིག །ཆོངས་ཤིག་ཅེས་
བཀའ་སྩལ་ནས་བྱང་ཆུབ་སེམས་དཔའ་ནམ་མཁའི་སྙིང་པོས་འདི་སྐད་ཅེས་གསོལ་ཏོ། །བཅོམ་ལྡན་འདས་མདོ་སྡེ་འདིའི་མིང་ཅི་ལགས། འདི་ཇི་ལྟར་གཟུང་བར་བགྱི། བཅོམ་ལྡན་འདས་གྱིས་བཀའ་སྩལ་པ། མདོ་སྡེ་འདིའི་མིང་ནི་ཐར་
པ་ཆེན་པོ་ཕྱོགས་སུ་རྒྱས་པ་བདུད་ཀྱི་ཡུལ་འཇོམས་པ། མུ་སྟེགས་ཀྱི་དཔུང་དང་བཅས་པར་གཞིག་པ། ཉོན་མོངས་པ་ཐམས་ཅད་སེལ་བ། ལོག་པར་ལྟ་བ་དང་། འདོད་པ་རྣམ་པ་ལྔའི་འཆིང་བ་འགྲོལ་བ། ཁམས་གསུམ་གྱི་བཙོན་ར་འདྲིལ་བ། 
འཁོར་བ་ལས་ཐར་ཅིང་མྱ་ངན་ལས་འདའ་བའི་ཕྱོགས་སུ་བསྒྲོལ་བ། ས་བོན་དམ་པའི་རྒྱུ་སྐམས་པ་རླན་པར་བྱེད་པ། རྒྱུ་རྐྱེན་ཆེན་པོ་ཕ་རོལ་དུ་ཕྱིན་པ་དྲུག་གི་ཆོས་ཀྱི་ཆར་འབེབས་པ། སེམས་ཅན་ཐེག་པ་གསུམ་གྱི་མྱུ་གུ་དང་མེ་ཏོག་རྒྱས་

62-1-250a

ཤིང་འཕེལ་བར་བྱེད་པ། བྱང་ཆུབ་ཀྱི་འབྲས་བུ་མཆོག་ཐེག་པ་གཅིག་ཏུ་འགྲུབ་པར་བྱེད་པ་ཞེས་བྱ་བར་ཟུང་ཤིག །དེ་ནས་བཅོམ་ལྡན་འདས་ལ་བྱང་ཆུབ་སེམས་དཔའ་ནམ་མཁའི་སྙིང་པོས་འདི་སྐད་ཅེས་གསོལ་ཏོ། །བཅོམ་ལྡན་
འདས་བདག་སྔོན་འདས་པའི་སངས་རྒྱས་གྲངས་མ་མཆིས་པའི་སྤྱན་སྔ་དང་། འདུས་པ་གྲངས་མ་མཆིས་པ་དང་། ཚོགས་དཔག་ཏུ་མ་མཆིས་པའི་ནང་དུ་ཆོས་རྣམ་པ་སྣ་ཚོགས་དང་། དོན་རྣམ་པ་སྣ་ཚོགས་དང་། མཚན་མ་རྣམ་པ་སྣ་ཚོགས་དང་། 
ཐེག་པ་རྣམ་པ་སྣ་ཚོགས་ཀྱང་ཐོས་ན་ངོ་མཚར་རྨད་དུ་བྱུང་བའི་ཆོས་དེ་ལྟ་བུ་དང་། ངོ་མཚར་རྨད་དུ་བྱུང་བའི་དོན་དེ་ལྟ་བུ་དང་། ངོ་མཚར་རྨད་དུ་བྱུང་བའི་མཚན་མ་དེ་ལྟ་བུ་དང་། ངོ་མཚར་རྨད་དུ་བྱུང་བའི་ཐེག་པ་ཆེན་པོ་དེ་ལྟ་བུ་ནི་ཐོས་མ་མྱོང་སྟེ། དེང་ཐོས་པ་
འདི་དག་རྒྱུན་མི་འཆད་པར་བགྱིའོ། །བཅོམ་ལྡན་འདས་དེ་བཞིན་གཤེགས་པ་ནི་རྟག་ལ་ཆོས་དང་དགེ་འདུན་ནི་འགག་པར་མི་འགྱུར་ཏེ། ཁམས་གསུམ་གྱི་སེམས་ཅན་རང་སྐྱེ་ཞིང་རང་འགག་པར་གྱུར་ནས་དེ་བཞིན་གཤེགས་པ་མ་མཐོང་བ་དང་། ཆོས་
དང་དགེ་འདུན་མ་མཐོང་བས་མྱ་ངན་ལས་འདས་ཏེ་འགག་པར་འགྱུར་རོ་ཞེས་བརྗོད་དོ། །བདག་ཅག་དེ་བཞིན་གཤེགས་པའི་བྱིན་གྱི་བརླབས་ཀྱིས་ཁམས་གསུམ་དུ་བགྲོད་ཅིང་སོ་སོའི་སྐྱེ་བོའི་རྗེས་སུ་སྙེགས་ཏེ། མྱ་ངན་ལས་འདའོ་ཞེས་བླ་དགས་སུ་
བརྗོད་པ་ལགས་སོ། །བཅོམ་ལྡན་འདས་དེ་བཞིན་གཤེགས་པ་མྱ་ངན་ལས་འདས་པའི་སླད་ན། བདག་ཅག་རྣམས་ཀྱིས་ཐེག་པ་བརྒྱད་ཁྲིས་སངས་རྒྱས་ཀྱི་ཡེ་ཤེས་སུ་ཆུད་པར་སྐྱེས་བུ་ཆེན་པོའི་ཆོས་ཀྱི་སྐུ་ཐོབ་པར་བགྱིའོ། །ཆོས་ཀྱི་ཁམས་སུ་
གཏོགས་པའི་སེམས་ཅན་རྣམས་ལ་མདོ་སྡེ་འདི་སྤེལ་བར་བགྱིའོ། །གཟུང་ཞིང་འཆང་བ་དང་། ཀློག་པ་དང་། ཁ་ཏོན་དུ་འདོན་པར་བགྱིའོ། །ཇི་ལྟར་བཤད་པ་བཞིན་བསྒོམས་ཏེ། དུས་གཅིག་ཏུ་སངས་རྒྱས་སུ་འགྲུབ་པར་བགྱིའོ། །མི་གཏོང་བར་བགྱིའོ། །
བཅོམ་ལྡན་འདས་རིགས་ཀྱི་བུ་དང་། རིགས་ཀྱི་བུ་མོ་གང་ལ་ལས་བཅོམ་ལྡན་འདས་མྱ་ངན་ལས་འདས་པའི་སླད་ན་སྙིགས་མ་ཅན་གྱི་དུས་སུ་མདོ་སྡེ་འདི་གཟུངས་སུ་བཟུང་ཞིང་ཀློག་གམ། ཁ་ཏོན་དུ་བགྱིད་དམ། གླེགས་བམ་དུ་ཡི་གེར་འབྲི་འམ། 

62-1-250b

ཡི་གེར་འབྲིར་འཇུག་ན་བསོད་ནམས་ཇི་ཙམ་ཞིག་ཐོབ་པར་འགྱུར། བཅོམ་ལྡན་འདས་ཀྱིས་བཀའ་སྩལ་པ། རིགས་ཀྱི་བུ་གང་ལ་ལས་སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་ནོར་བུ་རིན་པོ་ཆེས་ཡོངས་སུ་བཀང་སྟེ་སྦྱིན་པ་བྱིན་པ་བས་
མདོ་སྡེ་འདིའི་མིང་ཙམ་ཐོས་པས་བསོད་ནམས་དཔག་ཏུ་མེད་པར་ཆེའོ། །གང་ལ་ལས་འཇིག་རྟེན་གྱི་ཁམས་སྟོང་ཕྲག་བཅུར། ནོར་བུ་རིན་པོ་ཆེས་ཡོངས་སུ་བཀང་སྟེ་སྦྱིན་པ་བྱིན་པ་བས་མདོ་སྡེ་འདི་གླེགས་བམ་དུ་བྱས་ཏེ་འཆང་བ་ཙམ་གྱིས་བསོད་
ནམས་དཔག་ཏུ་མེད་པར་ཆེའོ། །གང་ལ་ལས་ཕྱོགས་བཅུའི་འཇིག་རྟེན་གྱི་ཁམས་སུ་ནོར་བུ་རིན་པོ་ཆེས་ཡོངས་སུ་བཀང་སྟེ་སྦྱིན་པ་བྱིན་པ་བས་ཐེག་པ་ཆེན་པོ་ཕྱོགས་སུ་རྒྱས་པའི་མདོ་སྡེ་འདིའི་ནང་ན་ཡི་གེ་འབྲུ་གཅིག་གམ། ཚིགས་བཅད་གཅིག་
གམ། ཤུ་ལོ་ག་གཅིག་འབྲི་འམ། འབྲིར་འཇུག་ན་དེ་བས་ཀྱང་བསོད་ནམས་དཔག་ཏུ་མེད་པར་ཆེའོ། །འཇིག་རྟེན་གྲངས་མེད་པའི་ཁམས་སུ་རིན་པོ་ཆེས་ཡོངས་སུ་བཀང་སྟེ་སྦྱིན་པ་བྱིན་པ་བས་སེམས་ཐག་པ་ནས་མདོ་སྡེ་འདི་ཤུ་ལོ་ག་གཅིག་ཀློག་
གམ་ཁ་ཏོན་བྱས་ན་བསོད་ནམས་དེ་བས་ཀྱང་དཔག་ཏུ་མེད་པར་ཆེའོ། །སྟོང་ཁམས་ཡོངས་སུ་གང་བའི་སེམས་ཅན་གྱི་སྲོག་གི་སྐྱབས་བྱིན་པ་བས་ཀྱང་གང་གིས་སེམས་ཐག་པ་ནས་མདོ་སྡེ་འདིའི་དོན་ཚིག་གཅིག་ཤེས་ཏེ། གཞན་ལ་ཚིག་གཅིག་གམ། 
ཤུ་ལོ་ག་གཅིག་གི་དོན་བསྟན་ན་བསོད་ནམས་དེ་བས་ཀྱང་དཔག་ཏུ་མེད་པར་ཆེའོ། །དེ་ཅིའི་ཕྱིར་ཞེ་ན། ཟང་ཟིང་གི་སྦྱིན་པ་ནི་ཉན་ཐོས་ཀྱི་སྦྱིན་པ་ཡིན་ཏེ། ཚེ་དང་ལོངས་སྤྱོད་བསྐྱེད་པར་ཟད་ཀྱི་འཁོར་བ་ལས་མི་ཐར་རོ། །ཐེག་པ་ཆེན་པོ་ཆོས་ཀྱི་སྦྱིན་པ་
ནི་སེམས་ཅན་རྣམས་ཀྱི་བྱང་ཆུབ་ཀྱི་རྩ་བ་བསྐྱེད་པ་དང་། ཐེག་པ་གསུམ་གྱི་ཡེ་ཤེས་ཀྱི་སྲོག་སྡུད་པར་བྱེད་པའོ། །རིགས་ཀྱི་བུ་མདོ་སྡེ་འདི་ཀློག་པ་དང་འཆང་བ་ནི་སྔོན་སྡིག་ཅན་མ་རུངས་པ་ཡིན་ན་ཡང་ད་དགེ་བ་དང་ལྡན་པའོ། །སྔོན་སྡུག་བསྔལ་ཅན་
ཡིན་ན་ཡང་ད་ལོངས་སྤྱོད་དང་ལྡན་པའོ། །སྔོན་འཆིང་བ་ཅན་ཡིན་ན་ཡང་ད་གྲོལ་ཐར་པ་དང་ལྡན་པར་འགྱུར་རོ། །སྔོན་མ་རྒལ་བ་ཡིན་ན་ཡང་ད་རྒལ་བ་ཅན་ནོ། །སྔོན་བླུན་པ་ཞིག་ཡིན་ན་ཡང་ད་ནི་སློབ་དཔོན་དུ་ཆུད་པའོ། །སྔོན་ཟག་པ་དང་བཅས་པ་ཞིག་ན་

62-1-251a

ཡང་ད་ནི་ཟག་པ་མེད་པའོ། །སྔོན་སོ་སོའི་སྐྱེ་བོའི་སྤྱོད་པ་ཅན་ཞིག་ཡིན་ན་ཡང་ད་ནི་འཕགས་པའི་སྤྱོད་པ་དང་ལྡན་པའོ། །སྔོན་ཆོས་ལམ་དང་འགལ་བ་ཞིག་ཡིན་ན་ཡང་ད་ནི་འཕགས་པའི་ལམ་ལ་ཆུད་པའོ། །ལུས་སྐྱེ་བོའི་ལུས་ཅན་ཡིན་ན་
ཡང་མདོ་སྡེ་འདི་ཀློག་པ་དང་འཆང་བའི་ཕྱིར་བློ་ནི་འཕགས་པའི་ཡེ་ཤེས་དང་འདྲའོ། །སྔོན་ཉོན་མོངས་པ་ཅན་ཞིག་ཡིན་ན་ཡང་ད་མདོ་སྡེ་འདི་ཀློག་པ་དང་འཆང་བའི་ཕྱིར་སངས་རྒྱས་བཅོམ་ལྡན་འདས་དང་འདྲ་བར་མྱ་ངན་ལས་འདའ་བ་ཅན་ནོ་ཞེས་བཀའ་
ནས། བྱང་ཆུབ་སེམས་དཔའ་ནམ་མཁའི་སྙིང་པོས་འདི་སྐད་ཅེས་གསོལ་ཏོ། །བཅོམ་ལྡན་འདས་དེ་བཞིན་གཤེགས་པས་བཤད་པ་ལྟར་ན། སྔོན་སོ་སོའི་སྐྱེ་བོ་ལགས་ཀྱང་ད་ནི་འཕགས་པའི་སྤྱོད་པ་དང་ལྡན་ནོ་ཞེས་བགྱི་བ་དང་། སྔོན་
ཉོན་མོངས་པ་ཅན་ལགས་ན་ཡང་ད་ནི་མདོ་སྡེ་འདི་ཀློག་པ་དང་། འཆང་བས་སངས་རྒྱས་བཅོམ་ལྡན་འདས་དང་འདྲ་བར་མྱ་ངན་ལས་འདའ་བ་ཅན་ནོ། །ཞེས་བྱུང་ན་ཚུལ་ཁྲིམས་ཞིག་པ་དང་། མཚམས་མ་མཆིས་པར་སྤྱད་པ་དང་། དམ་པའི་ཆོས་ལ་
སྐུར་པ་བཏབ་པ་ཡང་ཅི་མདོ་སྡེ་འདི་ཀློག་པ་ཙམ་གྱིས་ཉོན་མོངས་པ་སྤོང་སྟེ། མྱ་ངན་ལས་འདའ་བ་དང་འཐུན་པ་ཞིག་ལགས་སམ། དོན་དེ་རིག་པར་དཀའ་ཞིང་མཆིས་ན་བཅོམ་ལྡན་འདས་བྱེ་བྲག་ཕྱེད་པར་བསྟན་དུ་གསོལ་ཞེས་བགྱིས་པ་
དང་། བཅོམ་ལྡན་འདས་ཀྱིས་བཀའ་སྩལ་པ། ལེགས་སོ་ལེགས་སོ། །རིགས་ཀྱི་བུ་ཁྱོད་ཀྱིས་ལེགས་པར་ཞུས་པས་ངས་ཀྱང་ལེགས་པར་བཤད་པར་བྱའོ། །རིགས་ཀྱི་བུ་སེམས་ཅན་ཐམས་ཅད་སངས་རྒྱས་མ་མཐོང་བའི་
ཕྱིར་ལོག་པར་ལྟ་བ་དང་། ཚུལ་ཁྲིམས་ཉམས་པ་དང་། དམ་པའི་ཆོས་ལ་སྐུར་པ་བཏབ་པ་ཡིན་ནོ། །སངས་རྒྱས་འཇིག་རྟེན་དུ་བཞུགས་པ་ན་ཚུལ་ཁྲིམས་ཉམས་པ་དང་། དམ་པའི་ཆོས་ལ་སྐུར་པ་བཏབ་པ་ཡོང་མེད་དོ། །དེ་ཇི་ལྟ་ཞེ་ན། 
དཔེར་ན་དྲི་མ་མི་གཅིག་ལ་བུ་གཅིག་པུ་ཞིག་ཡོད་པ་དེ་ཤིན་དུ་འང་ཕངས་ཤིང་སྡུག་ན་ཕ་ཡོད་པའི་ཚེ་ན་ནི་ཉིན་མཚན་དུ་བསྟན་ཅིང་བསླབས་པས་བྱས་སོ་ཅོག་ལ་འགལ་བ་མེད་བུ་ཡང་ཕ་ལ་སྲི་ཞུ་ཆེ་སྟེ། ཕའི་ངག་ཉན་ཅིང་ཉེས་པ་ཡོང་མ་བྱུང་

62-1-251b

ངོ་། །རེ་ཤིག་དུས་གཅིག་ན་ཕ་ལམ་རིང་པོར་འདྲོན་དུ་སོང་བ་ལས་རིང་དུ་ལོན་ཏེ་སླར་མ་འཁོར་བའི་བར་དུ་བུ་དེ་ཕའི་བསྟན་ངག་བརྗེད་ནས་ཉེས་པ་ཡང་མང་དུ་བྱུང་ངོ་། །ཕ་རིང་དུ་ལོན་ཏེ་སླར་མ་འཁོར་བའི་ཕྱིར་ཕ་ཤི་བ་སྐད་དུ་བརྗོད་དེ་ངུད་
མོ་དག་བྱེད་ཅིང་ཁད་ཀྱིས་འཆལ་དུ་བྱེད་དོ། །མྱ་ངན་གྱིས་ནོན་ཏེ་སེམས་སྟོར་ནས་ཕའི་བསྟན་པ་ཡང་བརྗེད་དེ་ཆོས་ལ་སྐུར་པ་དང་འདྲ་བར་འགལ་བ་ཤ་སྟག་བྱེད་དོ། །ཕ་དེ་ཡུན་རིང་མོ་ཞིག་ལོན་ནས་དུས་གཅིག་ན་སླར་ཁྱིམ་དུ་ལོག་པའི་
ཚེ་བུ་ཡང་ཤིན་དུ་དགའ་བ་དང་ཚིམ་པ་སྐྱེས་ནས་ཕའི་བསྟན་ངག་ཀྱང་དྲན་ཏེ་གཟུངས་སུ་བཟུང་ནས་ཉེས་པ་ཡང་མ་བྱུང་ངོ་། །ཕ་མཐོང་བའི་ཕྱིར་ཕ་མ་ཤི་བར་ཡང་ཡིད་ཆེས་ནས་ལོག་པར་ལྟུང་བ་ཅན་ཞེས་ཀྱང་མི་བྱའོ། །ཕའི་བཀའ་བཞིན་དུ་
མི་འགལ་བར་སྤྱད་པས་སྐུར་པ་ཅན་ཞེས་ཀྱང་མི་བྱ་སྟེ། རིགས་ཀྱི་བུ་དྲ་མ་ཞེས་བྱ་བ་ནི་དེ་བཞིན་གཤེགས་པའོ། །བུ་གཅིག་པུ་ཞེས་པ་ནི་སེམས་ཅན་ཐམས་ཅད་དོ། །ཕས་བསྟན་ཅིང་བསླབས་ཤེས་བྱ་བ་ནི་ཚུལ་ཁྲིམས་སོ། །ལམ་
རིང་པོར་སོང་ཞེས་བྱ་བ་ནི་དེ་བཞིན་གཤེགས་པ་ཁམས་གཞན་དུ་ཆོས་ཀྱི་འཁོར་ལོ་བསྐོར་བར་གཤེགས་པའོ། །ཕ་མ་མཐོང་ཞེས་བྱ་བ་ནི་ཚེ་འདས་སོ་ཞེས་བརྗོད་པའོ། །མྱ་ངན་གྱིས་ནོན་པ་ནི་སྒྲིབ་པས་བསྒྲིབས་པའོ། །གཟུངས་སུ་མི་
འཛིན་པ་ནི་ཚུལ་ཁྲིམས་ཞིག་པའོ། །ཤི་བ་སྐད་བརྗོད་པའི་ཕྱིར་སྡིག་སྤྱོད་པའོ། །དོན་འཁྲུལ་པའི་ཕྱིར་སྐུར་པ་བཏབ་པའོ། །དེ་བཞིན་གཤེགས་པས་ཁམས་གཞན་ནས་སླར་གཤེགས་ཏེ། སེམས་ཅན་གྱིས་མཐོང་བ་ནི་སངས་རྒྱས་
མྱ་ངན་ལས་མི་འདའ་བར་ཡིད་ཆེས་པའོ། །སངས་རྒྱས་ཀྱིས་ཆོས་བསྟན་ནས་སེམས་ཀྱི་རང་བཞིན་སླར་རྙེད་པས་ཚུལ་ཁྲིམས་མི་ཉམས་པའོ། །མྱ་ངན་ལས་མི་འདའ་བར་ཡིད་ཆེས་པ་ནི་ལྟུང་བ་མེད་པའོ། །བསྟན་པ་དང་མི་འགལ་བར་སྤྱོད་
ཅིང་དོན་ཤེས་པ་ནི་ཆོས་ལ་མི་སྐུར་པ་ཡིན་ནོ། ། རིགས་ཀྱི་བུ་མདོ་སྡེ་འདི་ཀློག་པ་དང་འཆང་བ་ནི་འཁོར་བ་གྲངས་མེད་པའི་ཉོན་མོངས་པའི་སྡིག་ལྕི་བ་ཀུན་འབྱང་བར་འགྱུར་རོ། །གང་མདོ་སྡེ་འདི་ཐོས་པ་ནི་སངས་རྒྱས་ཀྱི་མཚན་ཐོས་པའོ། །

62-1-252a

གང་མདོ་སྡེ་འདི་མཐོང་བ་ནི་སངས་རྒྱས་ཀྱི་ཞལ་མཐོང་བའོ། །གང་མདོ་སྡེ་འདི་འཛིན་པ་ནི་སངས་རྒྱས་ཀྱི་སྐུ་འཛིན་པའོ། །གང་མདོ་སྡེ་འདི་སྤྱོད་པ་ནི་སངས་རྒྱས་ཀྱི་མཛད་པ་སྤྱོད་པའོ། །གང་མདོ་སྡེ་འདི་བཤད་པ་ནི་སངས་རྒྱས་ཀྱི་མཛད་པ་
བཤད་པའོ། །གང་མདོ་སྡེ་འདིའི་དོན་ཤེས་པ་ནི་སངས་རྒྱས་ཀྱི་དོན་ཤེས་པའོ། །གང་སངས་རྒྱས་ཀྱི་མཛད་པ་སྤྱོད་པ་དང་། སངས་རྒྱས་ཀྱི་དོན་ལེགས་པར་ཁྲོལ་བ་དེ་ནི་ཉོན་མོངས་པ་གཏན་མེད་པར་འགྱུར་རོ། །དེ་ཅིའི་ཕྱིར་ཞེ་ན། མདོ་སྡེ་འདི་
ལག་ཏུ་འོངས་པའི་ཕྱིར་ཉོན་མོངས་པ་ཡོངས་སུ་སྤང་བར་འགྱུར་བའོ། །རིགས་ཀྱི་བུ་བསྐལ་པ་བརྒྱད་ཁྲི་ལ་ཉིན་ཞག་གཅིག་ཏུ་བརྩི་བ། ཞག་སུམ་བཅུ་ལ་ཟླ་བ་གཅིག །ཟླ་བ་བཅུ་གཉིས་ལ་ལོ་གཅིག་ཏུ་བསྒྲེས་པའི་བསྐལ་པ་བརྒྱ་སྟོང་བྱེ་
བ་ཁྲག་ཁྲིག་འདས་པ་ལ་སངས་རྒྱས་གཅིག་འབྱུང་བ་དང་ཕྲད་དོ། །ཡང་བསྐལ་པ་གྲངས་དེ་དང་འདྲ་བ་འདས་ནས་སངས་རྒྱས་གཅིག་འབྱུང་བ་དང་ཕྲད་ཀྱང་མདོ་སྡེ་འདི་དང་ཕྲད་པ་ནི་ཕྱོགས་བཅུ་དུས་གསུམ་གྱི་སངས་རྒྱས་ཐམས་ཅད་དང་ཕྲད་པ་དང་འདྲའོ། །དེའི་ཕྱིར་བློ་དང་
ལྡན་པས་མདོ་སྡེ་འདི་བླང་བ་དང་། འཆང་བ་དང་། ཀློག་པ་དང་། ཁ་ཏོན་དུ་འདོན་པ་དང་། ཡི་གེར་འབྲི་བ་དང་། འབྲིར་འཇུག་པ་དང་། གཞན་ལ་ཡང་བསྟན་ན་ལོག་པར་ལྟ་བ་དང་། མ་རིག་པའི་ཉོན་མོངས་པ་དང་། ཟག་པ་དང་བཅས་པའི་སྡིག་པ་ཡོངས་སུ་
འབྱང་བར་འགྱུར། བསོད་ནམས་ཀྱི་ཞིང་ལ་གནས་པར་འགྱུར། འཇིག་རྟེན་གྱི་མཆོད་ཡོན་དཔག་ཏུ་མེད་པ་ཡང་འཇུ་བར་འགྱུར་རོ། །ཞེས་བཀའ་སྩལ་པ་དང་། ནམ་མཁའི་སྙིང་པོས་གསོལ་པ། བཅོམ་ལྡན་འདས་རང་སངས་རྒྱས་ཀྱང་འཇིག་རྟེན་
གྱི་ཡོན་འཇུ་བ་སྐད་མི་གདའ་ན་སོ་སོའི་སྐྱེ་བོ་ལྟ་བ་ཞིག་ཡོན་འཇུ་བར་འགྱུར་རམ། བཅོམ་ལྡན་འདས་ཀྱིས་བཀའ་སྩལ་པ། རང་སངས་རྒྱས་ཡོན་མི་འཇུ་མི་སྲིད་དེ། སེམས་ཅན་ལ་ཆོས་བཤད་ཅིང་བསྒྲལ་མི་ནུས་ན་ཡང་བསམ་གཏན་
དང་ཏིང་ངེ་འཛིན་ལ་འཇུག་པས་ཏིང་ངེ་འཛིན་ལས་ལངས་ཏེ། རྫུ་འཕྲུལ་ཆེན་པོ་རྣམ་པར་སྤྲུལ་ཅིང་སེམས་ཅན་རྣམས་སྒྲོལ་བར་བྱེད་པས་མཆོད་ཡོན་འཇུ་བར་འགྱུར་རོ། །དེ་ནས་བཅོམ་ལྡན་འདས་ལ་བྱང་ཆུབ་སེམས་

62-1-252b

དཔའ་ནམ་མཁའི་སྙིང་པོས་འདི་སྐད་ཅེས་གསོལ་ཏོ། །བཅོམ་ལྡན་འདས་མདོ་སྡེ་ཁ་ཅིག་ལས་བྱུང་བ་ལྟ་བ་ལོག་པ་དང་། ཚུལ་ཁྲིམས་ཞིག་པ་རྣམས་ཁམས་གཅིག་ཏུ་ལྷན་ཅིག་གནས་སུ་ཡང་མི་རུང་བ་དང་། ཆུ་ཀླུང་གཅིག་ལ་ཆབ་
འཚལ་དུ་ཡང་མི་རུང་ངོ་ཞེས་བྱུང་ལ་གསོ་སྦྱོང་གི་ཚེ་གང་ཟག་དེ་འཕགས་པའི་ལམ་སྟོར་བ་ལགས་ཏེ། དགེ་འདུན་གྱི་ནང་དུ་འང་མི་ཆུད་ཅེས་འབྱུང་ན་ཅིའི་སླད་དུ་དེང་འདིར་ཚུལ་ཁྲིམས་ཞིག་པ་རྣམས་ཀྱང་མཆོད་ཡོན་འཇུ་བར་འགྱུར་ཞེས་
གསུངས། གལ་ཏེ་དེ་དག་མཆོད་ཡོན་འཇུ་བར་འགྱུར་ན་ནི་དེ་བཞིན་གཤེགས་པ་དང་ཡང་ཐ་མི་དད་ལ། འཕགས་པ་དགྲ་བཅོམ་པ་དང་། རང་སངས་རྒྱས་དང་འདྲ་ན་བཅོམ་ལྡན་འདས་དེ་ཙམ་ཞིག་བྱེ་བྲག་ཕྱེད་པར་བཤད་པར་སྨོན། བདག་
ཀྱང་དེ་ཐོས་ནས་དེ་བཞིན་དུ་སེམས་ཅན་རྣམས་ལ་བསྟན་པར་བགྱིའོ། །རྣམ་པར་དགྲོལ་བར་བགྱིའོ། །བཅོམ་ལྡན་འདས་ཀྱིས་བྱང་ཆུབ་སེམས་དཔའ་ནམ་མཁའི་སྙིང་པོ་ལ་བཀའ་སྩལ་པ། ལེགས་སོ་ལེགས་སོ། །རིགས་ཀྱི་
བུ་ཁྱེད་ལ་སོགས་པ་དེང་འདིར་བྱམས་པ་དང་། སྙིང་རྗེ་ཕུན་སུམ་ཚོགས་པར་ལྡན་པས་སེམས་ཅན་རྣམས་ལ་སྙིང་བརྩེ་བར་བསམས་ཏེ། དོན་དེ་ཞུ་བ་ནི་རབ་ཏུ་འང་ལེགས་ཏེ་ངས་ཀྱང་བྱེ་བྲག་ཕྱེད་པར་བཤད་ཀྱིས་ལེགས་པར་སོམས་ལ་
ཉོན་ཅིག །ཆོས་ཀྱི་རྣམ་གྲངས་འདིའི་སྤྱོད་ཡུལ་ནི་ཉན་ཐོས་དང་། རང་སངས་རྒྱས་རྣམས་ཀྱིས་རིག་པར་ཡང་མི་འགྱུར་ལ། བདུད་དང་། མུ་སྟེགས་དང་། སོ་སོའི་སྐྱེ་བོ་རྣམས་ཀྱི་བསམ་པའི་གནས་ཀྱང་མ་ཡིན་ཏེ། དེ་ནི་སངས་རྒྱས་
མཁྱེན་པ་དང་ཁྱོད་ཀྱི་ཁོང་དུ་ཆུད་པར་ཟད་དོ། །རིགས་ཀྱི་བུ་ངས་རྟག་ཏུ་བྱང་ཆུབ་ཏུ་སེམས་བསྐྱེད་པ་རྣམས་ལ་བསྟན་པ། སེམས་ཅན་བཟང་ངན་རྣམ་པར་མི་རྟོག་པར་སྦྱིན་པ་བྱས་ན་བསོད་ནམས་ཀྱི་ཚོགས་ཡོངས་སུ་འགྲུབ་པོ་
ཞེས་བཤད་དེ། བྱོལ་སོང་ལ་སྦྱིན་པ་བྱིན་པས་ནི་བསོད་ནམས་ཀྱི་ཡོན་ཏན་བརྒྱ་ཐོབ་པར་འགྱུར་རོ། །ལོག་སྤྱོད་ལ་སྦྱིན་པ་བྱིན་པས་ནི་བསོད་ནམས་ཀྱི་ཡོན་ཏན་ལན་སྟོང་ཐོབ་པར་འགྱུར་རོ། །རིགས་ཀྱི་བུ་དགེ་བའི་རྩ་བ་རྒྱུན་ཆད་པ་ནི་འཆི་

62-1-253a

འཕོས་ནས་ལོག་སྤྱོད་ཀྱི་རྒྱུད་དུ་འགྲོའོ། །དྲིན་མི་གཟོ་བ་དང་ཁྲེལ་མེད་པ་ནི་འཆི་འཕོས་ན་བྱོལ་སོང་གི་རྒྱུད་དུ་འགྲོའོ། །ལོག་སྤྱོད་ཀྱི་འབྲས་བུ་རྣམ་པར་སྨིན་པ་ཡང་བསོད་ནམས་ཅན་གྱི་ཡོན་འཇུ་ན་མདོ་སྡེ་འདི་ཀློག་པ་དང་། 
འཆང་བའི་གང་ཟག་ལྟ་ཞིག་ཅི་སྨོས། དེ་བས་ན་ཐེག་པ་ཆེན་པོའི་མདོ་སྡེ་ཐར་པ་ཆེན་པོའི་ཕྱོགས་སུ་རྒྱས་པའི་མཐུ་དང་བྱིན་གྱི་བརླབས་བསམ་གྱིས་མི་ཁྱབ་བོ། །ཚུལ་ཁྲིམས་འཇིག་པ་དང་། མཚམས་མེད་པར་འགྲོ་བ་དང་། 
དམ་པའི་ཆོས་ལ་སྐུར་པ་དང་། ལོག་པར་ལྟ་བ་དང་། ཉོན་མོངས་པ་ཅན་གྱི་སྡིག་པ་ཡོངས་སུ་འབྱང་བར་བྱེད་པས་ན་མཆོད་ཡོན་ཡང་འཇུ་བར་ནུས་སོ། །བཅོམ་ལྡན་འདས་ལ་བྱང་ཆུབ་སེམས་དཔའ་ནམ་མཁའི་སྙིང་པོས་གསོལ་པ། 
བཅོམ་ལྡན་འདས་དེ་བཞིན་གཤེགས་པ་ཡང་བསམ་གྱིས་མི་ཁྱབ། ཐར་པ་ཆེན་པོ་ཕྱོགས་སུ་རྒྱས་པའི་མཐུ་དང་བྱིན་ཡང་བསམ་གྱིས་མི་ཁྱབ། མདོ་སྡེ་འདི་འཛིན་པ་དང་། ཀློག་པའི་གང་ཟག་དེའི་ཡོན་ཏན་ཡང་བསམ་གྱིས་མི་ཁྱབ་བོ། །
བཅོམ་ལྡན་འདས་ཀྱིས་བཀའ་སྩལ་པ། དེ་དེ་བཞིན་ནོ། །རིགས་ཀྱི་བུ་དེ་དེ་བཞིན་ནོ། །ཁྱོད་ཀྱིས་བཤད་པ་བཞིན་ཏེ། ཡོན་ཏན་བསམ་གྱིས་མི་ཁྱབ་པ་མཐའ་ཡས་པ་ཐོབ་པར་འགྱུར་རོ་ཞེས་གསོལ་པ་དང་། དེ་ནས་བཅོམ་ལྡན་འདས་ཀྱིས་
བྱང་ཆུབ་སེམས་དཔའ་ནམ་མཁའི་སྙིང་པོ་ལ་འདི་སྐད་ཅེས་བཀའ་སྩལ་ཏོ། །ངས་དྲན་པ་སྔོན་འདས་པའི་བསྐལ་པ་རྣམ་པར་དག་པ་ཞེས་བྱ་བ་ན་ང་དེའི་ཚེ་སངས་རྒྱས་བྱེ་བ་ཁྲག་ཁྲིག་དགུ་བཅུ་རྩ་གཉིས་ལ་མཆོད་པ་ཕུལ་ཏེ། བསྙེན་བཀུར་
བྱས་ན་ཡང་ཉན་ཐོས་ཀྱི་ཚུལ་དུ་སྤྱད་པས་ཉེས་སྐྱོན་མང་དུ་བྱུང་བ་དང་། ཚུལ་ཁྲིམས་ཉམས་པ་དཔག་ཏུ་མེད་པ་དག་བྱུང་བའི་ཕྱིར་དེ་བཞིན་གཤེགས་པ་དེ་དག་གིས་ཀྱང་ང་ལ་ལུང་བསྟན་པར་མ་གྱུར་ཏོ། །བསྐལ་པ་དེ་འདས་ནས་བསྐལ་པ་
མཐོང་བར་མོས་པ་ཞེས་བྱ་བ་ན་ང་དེའི་ཚེ་སངས་རྒྱས་བྱེ་བ་ཕྲག་བཞི་བཅུ་ལ་མཆོད་པ་ཕུལ་ཏེ། བསྙེན་བཀུར་བྱས་ན་ཡང་སངས་རྒྱས་དེ་དག་གིས་ང་ལ་ལུང་མ་བསྟན་ཏོ། །བསྐལ་པ་དེ་འདས་ནས་ཀྱང་བསྐལ་པ་ཚངས་པའི་དབྱངས་ཤེས་བྱ་བ་ན་ང་དེའི་

62-1-253b

ཚེ་སངས་རྒྱས་བྱེ་བ་ཕྲག་ཉི་ཤུ་རྩ་གཉིས་ལ་མཆོད་པ་ཕུལ་ཏེ། བསྙེན་བཀུར་བྱས་ན་ཡང་སངས་རྒྱས་དེ་དག་གིས་ང་ལ་ལུང་མ་བསྟན་ཏོ། །བསྐལ་པ་དེ་འདས་ནས་ཡང་བསྐལ་པ་སེམས་དགའ་ཞེས་བྱ་བ་ན་ང་དེའི་ཚེ་སངས་རྒྱས་བརྒྱད་ཁྲི་བཞི་
སྟོང་ལ་མཆོད་པ་ཕུལ་ཏེ། བསྙེན་བཀུར་བྱས་ན་ཡང་སངས་རྒྱས་དེ་དག་གིས་ལུང་མ་བསྟན་ཏོ། །བསྐལ་པ་དེ་འདས་ནས་ཡང་བསྐལ་པ་སྡུག་བསྔལ་སྐྱབས་ཞེས་བྱ་བ་དང་། འཇིག་རྟེན་རྣམ་པར་བརྒྱན་པ་ཞེས་བྱ་བ་ན་དེ་བཞིན་གཤེགས་
པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་མཁྱེན་པ་དང་ཞབས་སུ་ལྡན་པ། བདེ་བར་གཤེགས་པ། འཇིག་རྟེན་མཁྱེན་པ། སྐྱེས་བུ་འདུལ་བའི་ཁ་ལོ་སྒྱུར་བ་བླ་ན་མེད་པ། ལྷ་དང་མི་རྣམས་ཀྱི་སྟོན་པ། སངས་རྒྱས་བཅོམ་
ལྡན་འདས་སྦྱིན་པ་ཆེན་པོ་ཞེས་བྱ་བ་བྱུང་སྟེ། ང་དེའི་ཚེ་སངས་རྒྱས་བྱེ་བ་ཕྲག་བཞི་བཅུ་ལ་མཆོད་པ་ཕུལ་ཏེ། བསྙེན་བཀུར་བྱས་ནས་གདོད་མདོ་སྡེ་འདིའི་མིང་ཐོས་ཏེ། ཉོན་མོངས་པ་ཡོངས་སུ་སྤངས་ཀྱིས་ཀྱང་མདོ་སྡེ་འདི་ད་དུང་མ་མཐོང་
སྟེ། ང་དེའི་ཚེ་དེའི་དུས་ན་མཆོད་པའི་ཡོ་བྱད་བསམ་གྱིས་མི་ཁྱབ་པ་རྣམ་པ་སྣ་ཚོགས་བསྩགས་ཏེ། མཆོད་པ་ཕུལ་ན་ཡང་དེ་བཞིན་གཤེགས་པ་དེ་དག་གིས་ཀྱང་ང་ལ་ལུང་བསྟན་པར་མ་གྱུར་ཏོ། །རིགས་ཀྱི་བུ་ང་སྔོན་བསྐལ་པ་དེ་སྙེད་
དུ་སངས་རྒྱས་དེ་སྙེད་ལ་མཆོད་པ་དེ་སྙེད་ཅིག་ཕུལ་བ་དང་། བསྙེན་བཀུར་དང་བསྟོད་པ་བྱས་ནས་ཉོན་མོངས་པ་རྣམ་པར་སྤངས་ཏེ། ཉན་ཐོས་ཀྱི་སྡོམ་པ་དང་། ཚུལ་ཕུན་སུམ་ཚོགས་པ་ཚངས་པར་སྤྱད་ཅིང་སྦྱིན་པ་བྱིན་པ་དང་། ཚུལ་ཁྲིམས་
བསླབ་པ་དང་ང་རྒྱལ་དང་། ཞེ་སྡང་དང་། གཏི་མུག་སྤངས་ཏེ། སྦྱངས་པའི་ཡོན་ཏན་སྤྱད་པ་དང་། བཟོད་པ་དང་། བྱམས་པའི་སེམས་དང་། ཇི་ལྟར་ཐོས་པ་བཞིན་བརྩོན་འགྲུས་སུ་བཤད་པ་དང་། ཐོས་སོ་ཅོག་ཐམས་ཅད་མི་བརྗེད་པ་དང་། 
འདུ་འཛི་སྤངས་ཏེ་དབེན་པ་ལ་གནས་པ་དང་། བསམ་གཏན་དང་ཏིང་ངེ་འཛིན་ལ་འཇུག་པ་དང་། བསམ་གཏན་ལས་བྱུང་ནས་ཆོས་ཉན་པ་དང་། ཀློག་པ་དང་། ཁ་ཏོན་དུ་འདོན་པ་དང་། བསམ་པ་ལ་སོགས་པ་བྱས་ཀྱང་རྒྱལ་བ་དེ་དག་གིས་

62-1-254a

ང་ལ་ལུང་མ་བསྟན་སྟེ། དེ་ཅིའི་ཕྱིར་ཞེ་ན། སྡོམ་པ་མནོས་སོ་ཅོག་འཇིག་པ་དང་། ཉམས་པ་མང་དུ་བྱུང་བའི་ཕྱིར་རོ། །ཉན་ཐོས་དང་། རང་སངས་རྒྱས་ཀྱི་ཐེག་པ་ལ་ཆགས་པའི་ཕྱིར་རོ། །ཐེག་པ་
ཆེན་པོའི་མདོ་སྡེ་ཐར་པ་ཆེན་པོ་ཕྱོགས་སུ་རྒྱས་པ་འདི་མ་ཐོས་པའི་ཕྱིར་རོ། །དེ་བས་ན་བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་ཀྱིས་ཉན་ཐོས་དང་། རང་སངས་རྒྱས་ཀྱི་སྤྱོད་ལམ་སྤང་བར་བྱ། ཐེག་པ་ཆེན་པོའི་མདོ་སྡེ་
ཐར་པ་ཆེན་པོ་ཕྱོགས་སུ་རྒྱས་པ་བསྒོམ་པར་བྱས་ན་ལུང་བསྟན་པ་ཐོབ་པར་འགྱུར་རོ། །གལ་ཏེ་ངས་བསྐལ་པ་གཅིག་ནས་བསྐལ་པ་གཅིག་གི་བར་དུ་སངས་རྒྱས་ཀྱི་མཚན་བཤད་ན་ཡང་རྫོགས་པར་མི་ནུས་ཏེ། རིགས་ཀྱི་བུ་
བསྐལ་པ་དེ་དག་འདས་པའི་འོག་ཏུ་དེ་བཞིན་གཤེགས་པ་འོད་མི་འགྱུར་གྱིས་ཚོགས་ཆེན་པོ་དཔག་ཏུ་མེད་པ་ལ་ཐེག་པ་ཆེན་པོའི་མདོ་སྡེ་ཐར་པ་ཆེན་པོ་ཕྱོགས་སུ་རྒྱས་པའི་ཆོས་ཀྱི་རྣམ་གྲངས་འདི་བཤད་པ་དེར་མཐོང་ནས་ང་དེའི་ཚེ་དེའི་དུས་
ན་གདོད་ཐོས་པ་དང་མཐོང་བར་གྱུར་ཏོ། །རྒྱལ་བ་དེ་ལས་བླངས་ཏེ་འཛིན་པ་དང་། ཀློག་པ་དང་། ཁ་ཏོན་དུ་བྱ་བ་དང་། དོན་བསམ་པ་ལ་སོགས་པ་བྱས་ནས་དེ་མ་ཐག་ཏུ་ཆོས་ལ་མི་སྐྱེ་བའི་བཟོད་པ་ཐོབ་བོ། །དེ་བཞིན་
གཤེགས་པ་འོད་མི་འགྱུར་གྱིས་ང་ལ་ལུང་བསྟན་པ། ཁྱོད་མ་འོངས་པའི་དུས་ན་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཤཱཀྱ་ཐུབ་པ་ཞེས་བྱ་བར་འགྱུར་རོ་ཞེས་ལུང་བསྟན་ཏོ། །དེ་བས་ན་རིགས་ཀྱི་
བུ་ཆོས་ཀྱི་རྣམ་གྲངས་འདི་བླངས་ཏེ། འཆང་བ་དང་། ཀློག་པ་ལ་སོགས་པ་བྱས་ན་སངས་རྒྱས་ཀྱི་ས་ཡང་མྱུར་དུ་ཐོབ་པར་འགྱུར་ན། འཇིག་རྟེན་ན་ལྷ་དང་མིར་བཅས་པའི་མཆོད་ཡོན་འཇུ་བར་འགྱུར་བ་ལྟ་ཅི་སྨོས། རིགས་ཀྱི་བུ་དེའི་ཕྱིར་ངས་ཐེག་
པ་ཆེན་པོའི་ཆོས་ཀྱི་རྣམ་གྲངས་ཀྱི་མཐུ་སྟོབས་རིན་པོ་ཆེའི་སྙིང་པོ་དང་འདྲ་བ་བསམ་གྱིས་མི་ཁྱབ་པ་ཚུལ་ཁྲིམས་འཇིག་པ་དང་། དབུལ་ཕོངས་པ་རྣམས་ཀྱི་ཚུལ་དང་རིན་པོ་ཆེའི་ནོར་བུ་སྦྱིན་པར་བྱེད་པ་ལ་བསྟོད་པའི་ཚིགས་སུ་བཅད་པ་

62-1-254b

བརྗོད་པར་བྱའོ། །ཐེག་ཆེན་དཔེ་ཚད་རྒྱ་མཚོ་བཞིན། །ཐེག་པ་ཆུང་ངུ་བ་རྗེས་ཆུ། །ཐེག་ཆེན་དཔེ་ཚད་རི་རབ་ལྷུན། །ཐེག་པ་ཆུང་ངུ་གྲོག་མའི་མཁར། །ཐེག་ཆེན་དཔེ་ཚད་ཉི་ཟླ་བཞིན། །ཐེག་པ་ཆུང་ངུ་མེ་སྟག་ཙམ། །ཐེག་པ་
འདི་ནི་ཐེག་ཆེན་ཡིན། །བསམ་གྱིས་མི་ཁྱབ་ཐེག་པའོ། །དཔེར་ན་ནམ་མཁའ་དང་འདྲ་བ། །སེམས་ཅན་ཐམས་ཅད་གོ་འབྱེད་དོ། །ཐེག་པ་ཐམས་ཅད་ཀུན་གྱི་ནང་། །ཐེག་པ་འདི་ལས་འདའ་བ་མེད། །ཐེག་པ་ཆེན་པོ་འདི་
ནང་ནས། །ཐེག་པ་རྣམ་པ་སྣ་ཚོགས་འབྱུང་། །དཔག་པའི་གྲངས་ཤིག་ཡོད་ན་ནི། །ཐམས་ཅད་བསྒྲལ་བར་མི་ནུས་སོ། །ཐེག་པ་བླ་ན་མེད་པ་འདི། །སེམས་ཅན་ཡོངས་སུ་བསྒྲལ་ནུས་པ། །ནམ་མཁའ་འདྲ་བའི་ཐེག་ཆེན་ལ། །
གང་གིས་དཔག་མེད་འདི་སྤྱད་པ། །ནམ་མཁའ་དཔག་ཏུ་མེད་པ་བཞིན། །གཟུགས་དང་དབྱིབས་ཀྱང་ཡོང་མེད་དོ། །ཐེག་པ་ཆེན་པོའང་དེ་བཞིན་ཏེ། །ཐོགས་པ་མེད་ཅིང་དཔག་ཏུ་མེད། །སེམས་ཅན་ཐམས་ཅད་དེ་དག་ཀུན། །ཐེག་པ་
ཆེན་པོ་འདི་ཞོན་ལ། །ཐེག་པའི་མཚན་མ་རྣམ་རྟོག་ན། །གཏོས་རྒྱ་ཆེ་ཞིང་མང་དུ་ཤོང་། །གལ་ཏེ་ཐེག་ཆེན་ཡོན་ཏན་དང་། །ཐེག་པ་གཅིག་ཏུ་སྤྱོད་པ་ནི། །བསྐལ་པ་དཔག་མེད་རབ་བཤད་ཀྱང་། །མཐའ་རུ་རྫོགས་པར་ཡང་མི་ནུས། །ཐེག་པ་ཐམས་
ཅད་ཀུན་གྱི་ནང་། །ཐེག་པ་ཆེན་པོ་དམ་པ་མཆོག །སེམས་ཐག་ཐེག་ཆེན་འདི་བླངས་ན། །བྱང་ཆུབ་ཤིང་དྲུང་མངོན་པར་འགྲོ། །འཆིང་བ་མེད་ཅིང་ཐོགས་མེད་པ། །བླ་ན་མེད་པའི་ཐེག་པ་འདི། །ཐེག་པ་དམན་པའི་མཆོག་འགྱུར་བས། །བྱང་ཆུབ་དཀྱིལ་དུ་
འདུག་པར་འོང་། །རྟེན་འབྲེལ་བཅུ་གཉིས་རྣམ་རྟག་སྟེ། །སེམས་ཅན་རྣམས་ལ་སྙིང་བརྩེའི་ཕྱིར། །ཕྱོགས་བཅུའི་སེམས་ཅན་ཐམས་ཅད་ལ། །ཐེག་ཆེན་མདོ་སྡེ་བཤད་པར་བྱ། །གང་ཞིག་ཐེག་ཆེན་ཐེག་པ་ནི། །འཕེལ་བའམ་འགྲིབ་པ་ཡོང་མེད་དེ། །ནམ་
མཁའ་བཞིན་དུ་ཀུན་ཤོང་བས། །ཐེག་པ་ཆེན་པོ་བསམ་མི་ཁྱབ། །དེ་ཕྱིར་སེམས་ཅན་ཐམས་ཅད་ཀྱིས། །བརྩོན་འགྲུས་སུ་ནི་བསྒོམ་བྱ་སྟེ། །མངོན་པར་ཤེས་པ་རྣམས་དང་ནི། །ཡེ་ཤེས་ཆེན་པོ་ཐོབ་པར་བྱ། །ལྷ་ཡི་ཚོགས་དང་ལྷའི་བདུད། །མུ་སྟེགས་

62-1-255a

ཉོན་མོངས་སེལ་འདོད་ན། །ཐེག་པ་ཆེན་པོའི་སྐྱབསོང་ལ། །མངོན་ཤེས་དྲུག་དང་ལྡན་པར་བྱོས། །རིག་པ་གསུམ་དང་རྣམ་ཐར་གསུམ། །དེས་ནི་བདུད་དང་མུ་སྟེགས་འཇོམས། །ལོག་པར་ལྟ་བ་འང་འཇིལ་བས་ན། །ཐེག་པ་ཆེན་
པོ་མཆོག་ཏུ་དགོས། །ཉོན་མོངས་ཐམས་ཅད་འཇིག་པ་དང་། །དགེ་རྩ་ཕུན་སུམ་ཚོགས་འགྱུར་བས། །ཐེག་ཆེན་མཐུ་ནི་བསམ་མི་ཁྱབ། །དེ་བས་དཔག་པ་འང་རབ་ཏུ་དཀའ། །འཇིག་རྟེན་པའི་ཆོས་རྣམས་དང་། །འཇིག་རྟེན་འདས་པའི་ཆོས་ཐམས་
ཅད། །སློབ་དང་མི་སློབ་དེ་དག་ཀུན། །ཐེག་པ་ཆེན་པོར་ཀུན་འདུས་སོ། །སེམས་ཅན་གང་ཞིག་ངན་འགྲོར་སྤྱོད་པ་ནི། །ལོག་པར་ལྟ་བ་དང་ནི་སྡིག་གྲོགས་བསྟེན། །གང་ཞིག་ཐེག་པ་ཆེན་པོར་མ་དད་པ། །དེས་ནི་ཉོན་མོངས་བདུད་རྣམས་
འཇོམས་མི་ནུས། །དེ་རྣམས་སྤངས་ཏེ་ཐེག་ཆེན་སྐྱབས་སོང་བ། །གྲོལ་ཐར་འདོད་པས་ཐེག་པ་ཆེན་པོ་སློབ། །སྐྱེས་བུ་གང་ཞིག་དོན་འདི་ཤེས་འདོད་པ། །ཐེག་ཆེན་བཤད་པ་ཐོས་ན་དགའ་བ་སྐྱེ། །དེ་ནི་ཐེག་ཆེན་མི་ནི་ཡིན་པར་མངོན། །ཞི་
གནས་སེམས་ནི་མངོན་པར་ཤེས་དང་ལྡན། །དེ་ཡང་ཐེག་ཆེན་དབང་གིས་རྣམ་པར་བརྒྱན། །གང་ཞིག་ཐེག་པ་ཆེན་པོར་སྤྱོད་ནུས་པ། །དེ་ནི་དཀོན་མཆོག་གསུམ་གྱི་རིགས་མི་ཆད། །གང་ཞིག་དཀོན་མཆོག་གསུམ་ལ་ཕྱོགས་པ་ནི། །དེ་ནི་བསོད་ནམས་དཔག་
མེད་ཐོབ་པའོ། །ཕྱོགས་བཅུའི་འཇིག་རྟེན་ཁམསུ་ཕྱིན་པ་དང་། །ཕྱོགས་བཅུའི་རྒྱལ་བ་དཔག་མེད་མཆོད་པ་དང་། །དེ་བཞིན་ཐེག་ཆེན་ཕྱོགས་སུ་རྒྱས་པའི་མདོ། །མཆོད་ན་འཇིག་རྟེན་ཐེག་པས་ཐུབ་པ་མེད། །དཔལ་དང་གཟི་བརྗིད་ལྡན་ཞིང་འཁོར་བ་
འཇོམས། །དེ་ཕྱིར་ཐེག་པ་ཆེན་པོ་བསམ་ཁྱབ་དཀའ། །བྱད་གཟུགས་སྟོབས་དང་དབང་ཕྱུག་ཐོབ་པར་འགྱུར། །ཕུན་སུམ་ཚོགས་ལྡན་ཆོས་སྐུ་མངོན་པར་འགྲུབ། །གང་ཞིག་ཐེག་ཆེན་འདི་ལ་ཞོན་པ་ནི། །བླ་ན་མེད་པའི་དགའ་བ་མྱོང་བ་ཡིན། །ལུས་
ཀྱི་སྦྱིན་པས་སྙིང་རྗེ་བྱམས་བསྒོམས་ན། །དེ་ཕྱིར་ཐེག་པ་བླ་མེད་ཐོབ་པར་འགྱུར། །ཚུལ་ཁྲིམས་བརྩོན་འགྲུས་ཚངས་པར་སྤྱོད་པ་ནི། །རྫུ་འཕྲུལ་མངོན་དུ་ཉི་ཟླ་སྒྲིབ་ཀྱང་ནུས། །དེ་ཡང་ཐེག་ཆེན་སྤྱོད་པའི་དབང་གིས་སོ། །རང་གི་སེམས་

62-1-255b

ཀྱིས་བརྩོན་འགྲུས་རྒྱུན་སྤྱོད་པ། །དེས་ནི་ཐེག་པ་ཆེན་པོ་ཐོབ་པའོ། །སྡུག་བསྔལ་ནོན་པའི་སྒྲིབ་པ་ཡོད་ན་ཡང་། །ཐེག་ཆེན་བསྒོམས་པས་དེ་དག་ཀུན་ཀྱང་འབྱང་། །གང་ཞིག་ཐེག་ཆེན་ཆོས་ལ་བདེ་གནས་པ། །དེ་ནི་ཚེ་དང་ལོངསྤྱོད་
སངས་རྒྱས་བཞིན། །ཡང་དག་དྲན་པ་བརྩོན་པར་ལྡན་པ་ནི། །རྫུ་འཕྲུལ་རྐང་པ་བཞི་ཡི་སྟོབས་ཀྱང་རྙེད། །དམ་ཆོས་ཡང་དག་དོན་ལ་བརྟེན་པ་ཡང་། །ཐེག་པ་ཆེན་པོ་བསྒོམས་པའི་དབང་གིས་སོ། །མི་འཇིགས་དང་ནི་སྟོབས་བཅུ་ལྡན་པ་དང་། །
མཚན་བཟང་སུམ་བཅུ་རྩ་གཉིས་བརྒྱན་པ་དང་། །རྡོ་རྗེ་ཏིང་འཛིན་ཡེ་ཤེས་ཐམས་ཅད་ཀྱང་། །ཐེག་པ་ཆེན་པོ་བསྒོམ་པའི་དབང་གིས་སོ། །རིགས་ཀྱི་བུ་གང་ལ་ལས་ཐེག་པ་ཆེན་པོ་ཆོས་ཀྱི་རྣམ་གྲངས་འདི་བཟུང་སྟེ། འབྲུ་གཅིག་གམ། 
ཚིག་གཅིག་གམ། ཚིགས་བཅད་གཅིག་འཆང་ངམ་ཀློག་ན་བསོད་ནམས་འདི་ལྟ་བུ་དང་ལྡན་པར་འགྱུར་རོ། །གང་ཞེ་ན། འདི་ལྟ་སྟེ། གང་གིས་མདོ་སྡེ་འདི་འཛིན་པ། །སྡུག་བསྔལ་ཀུན་དང་ཡོང་བྲལ་ལོ། །ནམ་དུ་འང་ངན་འགྲོར་མི་ལྟུང་སྟེ། །
བདེ་བའི་གནས་སུ་ཕྱིན་པར་འགྱུར། །གང་གིས་མདོ་སྡེ་འདི་ཐོས་པ། །ཕྱི་མ་མ་འོངས་དུས་ངན་ཚེ། །མཐའ་རུ་སངས་རྒྱས་འགྲུབ་པར་ཡང་། །ངས་ནི་ལུང་དུ་བསྟན་པར་བྱ། །གང་གིས་རྒྱལ་བ་རྟག་གཞོལ་བ། །རྒྱལ་བ་འང་རྟག་ཏུ་དེ་ལ་གཞོལ། །
གང་གིས་རྒྱལ་བའི་ཆོས་བསྲུངས་ན། །རྒྱལ་བ་འང་དེ་ལ་བསྲུང་བར་འགྱུར། །རྫུ་འཕྲུལ་ཆེན་པོ་ཐོབ་པ་དང་། །ཆོས་ཀྱི་འཁོར་ལོ་བསྐོར་བར་ནུས། །འཁོར་བའི་རྒྱུད་ལས་བསྒྲལ་བ་དང་། །བདུད་ཀྱི་དཔུང་བཅས་འཇིལ་ཡང་ནུས། །རྒྱལ་བ་
འོད་མི་འགྱུར་དེ་ལས། །ངས་ནི་མདོ་སྡེ་འདི་ཐོས་ནས། །བཟོད་པར་གནས་ཏེ་ལུང་བསྟན་པ། །ཤཱཀྱ་ཐུབ་ཅེས་བྱ་བར་གྲུབ། །ང་ནི་མྱ་ངན་འདས་འོག་ན། །གང་ཞིག་མདོ་སྡེ་འདི་འཆང་བ། །མངོན་པར་རྫོགས་པར་འཚང་རྒྱ་བར། །ངས་ཀྱང་ལུང་དུ་
བསྟན་པར་བྱ། །གང་གིས་མ་འོངས་དུས་ཀྱི་ཚེ། །མདོ་སྡེ་འདི་ཡི་དོན་ཤེས་ཏེ། །བླུན་པོ་རྣམས་ལ་རབ་བཤད་པ། །དཀོན་མཆོག་གསུམ་གྱི་རིགས་མི་འཆད། །སངས་རྒྱས་འཇིག་རྟེན་མི་བཞུག་ཀྱང་། །མདོ་འདི་འཇིག་རྟེན་གང་ན་བར། །གནས་པའི་

62-1-256a

མཆོད་གནས་དེ་དག་ཏུ། །སངས་རྒྱས་མངོན་སུམ་བཞུགས་པ་བཞིན། །དེ་ཅིའི་ཕྱིར་ཞེ་ན། ངས་སྔོན་དེ་བཞིན་གཤེགས་པ་དཔག་ཏུ་མེད་པ་ལས་མདོ་སྡེ་འདི་མནོས་ཏེ་འཆང་བ་དང་། བསྐལ་པ་འཇིག་པའི་ཚེ་གཞན་ལ་རྒྱ་
ཆེར་བཤད་པས་ན་མཚན་སུམ་བཅུ་རྩ་གཉིས་ཀྱང་དེ་ལྟར་ཐོབ་བོ། །དེ་ནས་བཅོམ་ལྡན་འདས་ལ་བྱང་ཆུབ་སེམས་དཔའ་ནམ་མཁའི་སྙིང་པོས་འདི་སྐད་ཅེས་གསོལ་ཏོ། །བཅོམ་ལྡན་འདས་དེ་བཞིན་གཤེགས་པ་ཐམས་ཅད་ཀྱིས་ཀྱང་སྐྱེས་བུ་ཆེན་
པོའི་མཚན་སུམ་བཅུ་རྩ་གཉིས་བཤད། དེང་འདིར་ཡང་བཅོམ་ལྡན་འདས་ཀྱིས་མཚན་སུམ་བཅུ་རྩ་གཉིས་བཤད་ན། ལས་ཀྱི་རྒྱུ་གང་དང་གང་གི་དབང་གིས་དེ་དག་འགྲུབ་པར་འགྱུར་བ་བཅོམ་ལྡན་འདས་ཀྱིས་སྐབས་དབྱེ་ཞིང་བསྟན་དུ་གསོལ་ཞེས་
བགྱིས་པ་དང་། བཅོམ་ལྡན་འདས་ཀྱིས་བཀའ་སྩལ་པ། རིགས་ཀྱི་བུ་དེ་བཞིན་གཤེགས་པ་ནི་ཡོན་ཏན་དཔག་ཏུ་མེད་པ་བསྒྲུབས་པས་མཚན་སུམ་བཅུ་རྩ་གཉིས་འགྲུབ་པ་ཡིན་ཏེ། གལ་ཏེ་ངས་རྒྱ་ཆེར་བཤད་དུ་བསྐལ་པའི་བར་དུ་ཡང་བཤད་པ་མི་
རྫོགས་པས་དེང་མདོ་ཙམ་ཞིག་ཁྱོད་ལ་བཤད་དོ། །དེ་དག་གང་ཞེ་ན། འདི་ལྟ་སྟེ་སེམས་ཐག་པ་ནས་ཚུལ་ཁྲིམས་དག་པར་བསྲུང་བ་དང་། ཡི་དམ་ལ་བརྟན་པས་ཞབས་ཤིན་དུ་གནས་པའི་མཚན་དང་ལྡན་པར་འགྱུར་བ་དང་། བླ་མ་ལ་
བསུ་སྐྱལ་དང་། ཆོས་ཉན་པ་དང་། གཙུག་ལག་ཁང་དང་། མཆོད་རྟེན་བསྒྲུབ་པ་ལ་ཕུ་དུད་དུ་བྱས་པས་ཕྱག་དང་ཞབས་འཁོར་ལོའི་མཚན་རྩིབས་སྟོང་དང་ལྡན་པར་འགྱུར་བ་དང་། སེམས་ཅན་ཐམས་ཅད་ལ་མ་བརྙས་པས་རྟིང་
པ་ཡངས་པའི་མཚན་དང་ལྡན་པར་འགྱུར་བ་དང་། དམ་པའི་ཆོས་ཡོངས་སུ་བསྲུང་བས་སོར་མོ་རིང་བའི་མཚན་དང་ལྡན་པར་འགྱུར་བ་དང་། བསྡུ་བ་རྣམ་བཞི་གོམས་པར་བྱས་པས་ཕྱག་དང་ཞབས་དྲ་བས་སོར་མོ་བར་འབྲེལ་བའི་མཚན་དང་
ལྡན་པར་འགྱུར་བ་དང་། གོས་བཟང་པོ་སྦྱིན་པ་བྱིན་པས། ཕྱག་དང་ཞབས་གཞོན་ཞིང་འཇམ་པའི་མཚན་དང་ལྡན་པར་འགྱུར་བ་དང་། བཟའ་བ་དང་། བཏུང་བ་དང་། ཞིམ་པོ་དང་། གཙང་མ་དང་། ཉམས་སུ་བདེ་བ་བྱིན་པས། བདུན་ཤིན་དུ་མཐོ་

62-1-256b

བའི་མཚན་དང་ལྡན་པར་འགྱུར་བ་དང་། སངས་རྒྱས་ཀྱི་ཆོས་ལ་ཐོས་པར་དགའ་བས་རི་དགས་ཨེ་ན་ཡའི་བྱིན་པ་ལྟ་བུའི་མཚན་དང་ལྡན་པར་འགྱུར་བ་དང་། གཞན་གྱི་གཡོ་དང་མཚང་སྦེད་ཅིང་བཅབས་པས་གསང་བའི་གནས་
སྦུབས་སུ་ནུབ་པའི་མཚན་དང་ལྡན་པར་འགྱུར་བ་དང་། དགེ་བ་བཅུ་སྒོམས་པས་སེང་གེའི་རོ་སྟོད་ལྟ་བུའི་མཚན་དང་ལྡན་པར་འགྱུར་བ་དང་། དགེ་བའི་ཆོས་ཡང་དག་པར་བླངས་ཏེ་སེམས་ཅན་ལ་རྟག་ཏུ་སྟོན་པས་ཕྲག་སོ་ཤིན་དུ་རྒྱས་པའི་མཚན་
དང་ལྡན་པར་འགྱུར་བ་དང་། འཇིགས་པ་རྣམས་ཀྱི་མགོན་དང་སྐྱབས་བྱས་པས་ཕྲག་པའི་ལྷུན་མཛེས་པར་གྲུབ་པའི་མཚན་དང་ལྡན་པར་འགྱུར་བ་དང་། གཞན་གྱི་གཙུག་ལག་ཁང་ངམ། མཆོད་རྟེན་བསྒྲུབ་པའི་གྲོགས་བྱེད་པར་མོས་པ་དང་། 
སློང་བ་རྣམས་ལ་བདོག་པ་མེད་ཅེས་མ་བྱས་པས་ཕྱག་བརླ་དྲང་པོར་པུས་མོའི་ལྷ་ང་ལ་སླེབ་པའི་མཚན་དང་ལྡན་པར་འགྱུར་བ་དང་། རྟག་ཏུ་དགེ་བའི་ཆོས་ཐམས་ཅད་བསྒྲུབ་པ་དང་། སྲོག་གི་རིམ་གྲོ་བྱས་པས་སྐུ་ཆེ་ཞིང་དྲང་བའི་མཚན་
དང་ལྡན་པར་འགྱུར་བ་དང་། ན་བ་རྣམས་ཀྱི་རྩི་སྨན་དང་། རིམ་གྲོ་དང་། ཉམས་སུ་ཕན་པའི་ཟས་བྱིན་པས་རོ་བྲོ་བའི་མཆོག་ཐོབ་པའི་མཚན་དང་ལྡན་པར་འགྱུར་བ་དང་། ཡུན་རིང་པོ་ནས་ཚིག་ཁྱལ་པ་སྤངས་ཤིང་དུས་སུ་སྨྲ་བས་སེང་གེའི་
འགྲམ་པ་ལྟ་བུའི་མཚན་དང་ལྡན་པར་འགྱུར་བ་དང་། སེམས་ཅན་ཐམས་ཅད་ལ་སེམས་མཉམ་པར་སྙོམས་པས་ཚེམས་མཉམ་ཞིང་བཞི་བཅུ་ཚང་བའི་མཚན་དང་ལྡན་པར་འགྱུར་བ་དང་། རྩོད་པ་རྣམས་སྡུམ་པ་ལ་དགའ་བས་ཚེམས་
ཐགས་བཟང་བའི་མཚན་དང་ལྡན་པར་འགྱུར་བ་དང་། རིན་པོ་ཆེའི་སྦྱིན་པ་བྱས་པས་ཚེམས་མཉམ་པའི་མཚན་དང་ལྡན་པར་འགྱུར་བ་དང་། ལུས་དང་ངག་ཡིད་ཡོངསུ་དག་པས་ཚེམས་ཤིན་དུ་དཀར་བའི་མཚན་དང་ལྡན་པར་འགྱུར་བ་དང་། ངག་གི་ཉེས་
པ་བསྡམས་པས་ལྗགས་ཤིན་དུ་ཡངས་ཤིང་སྲབ་པའི་མཚན་དང་ལྡན་པར་འགྱུར་བ་དང་། སེམས་ཅན་རྣམས་ལ་རྟག་ཏུ་ཚིག་འཇམ་པོ་སྨྲ་བས་ཚངས་པའི་དབྱངས་ཀྱི་མཚན་དང་ལྡན་པར་འགྱུར་བ་དང་། བྱམས་པའི་སེམས་བསྒོམས་ཏེ་རྨོངས་པ་མེད་

62-1-257a

པའི་མིག་གིས་བལྟ་ལྟ་བས་སྤྱན་དཀར་ནག་འབྱེས་པའི་མཚན་དང་ལྡན་པར་འགྱུར་བ་དང་། སེམས་ཐག་པ་ནས་བླ་ན་མེད་པའི་བྱང་ཆུབ་ཏུ་སྒྲུབ་པས་བའི་རྫི་མ་ལྟ་བུའི་མཚན་དང་ལྡན་པར་འགྱུར་བ་དང་། གཞན་ལ་བསོད་ནམས་
དང་ཡོན་ཏན་ཡོད་པ་རྗེས་སུ་ཡི་རང་ཞིང་བསྔགས་པས་ཞལ་མཛོད་སྤུས་བརྒྱན་པའི་མཚན་དང་ལྡན་པར་འགྱུར་བ་དང་། ཕ་དང་། མ་དང་། མཁན་པོ་དང་། སློབ་དཔོན་ལ་སོགས་པ་བླ་མ་རྣམས་ལ་ཚུལ་བཞིན་དུ་རིམ་གྲོ་དང་། བཙུན་པར་བྱས་པས་
དབུ་སྤྱི་གཙུག་དང་ལྡན་པའི་མཚན་དང་ལྡན་པར་འགྱུར་བ་དང་། ཐེག་པ་ཆེན་པོའི་ཆོས་བསྟན་པ་ལ་མོས་པས་མདོག་ཤིན་དུ་འཇམ་པའི་མཚན་དང་ལྡན་པར་འགྱུར་བ་དང་། སྟན་དང་། གོས་དང་། ཁང་པ་དང་། གནས་བཟང་པོ་བྱིན་པས་གསེར་གྱི་ཁ་དོག་དང་
ལྡན་པའི་མཚན་དང་ལྡན་པར་འགྱུར་བ་དང་། འཇིག་རྟེན་གྱི་གཏམ་སྣ་ཚོགས་དེ་སྨྲ་བ་སྤངས་པས་བ་སྤུ་རེ་རེ་ནས་གཡས་ཕྱོགས་སུ་འཁྱིལ་པའི་མཚན་དང་ལྡན་པར་འགྱུར་བ་དང་། དགེ་བའི་བཤེས་གཉེན་དང་། མཁན་པོ་དང་། བླ་མ་རྣམས་ཀྱིས་བསྟན་པའི་ཚིག་
ཡང་དག་པར་བླངས་པ་དང་། བཟུང་བ་མངོན་དུ་སྤེལ་ཞིང་འགྲིབ་པར་མ་བྱས་པས་ཡན་ལག་གི་སྤུ་གྱེན་དུ་འཁྱིལ་པའི་མཚན་དང་ལྡན་པར་འགྱུར་བ་དང་། ཡོན་ཏན་དཔག་ཏུ་མེད་པར་བསྒྲུབས་པས་ཞབས་ལེགས་པར་མཐོ་བའི་མཚན་དང་ལྡན་པར་འགྱུར་བ་དང་། 
སེམས་ཅན་རྣམས་ཏིང་ངེ་འཛིན་བསྒོམ་པར་བསྐུལ་བས་ཤིང་ནྱ་གྲོ་དྷ་ལྟར་ཆུ་ཞེང་གབ་པའི་མཚན་དང་ལྡན་པར་འགྱུར་བ་སྟེ། རིགས་ཀྱི་བུ་བྱང་ཆུབ་སེམས་དཔའ་སེམས་དཔའ་ཆེན་པོས་དེ་ལྟར་དཔག་ཏུ་མེད་པའི་ཡོན་ཏན་བསྒྲུབས་ན་མཚན་སུམ་བཅུ་རྩ་
གཉིས་དེ་ལྟ་བུ་དག་དང་ལྡན་པར་འགྱུར་རོ་ཞེས་དེ་སྐད་ཅེས་བཀའ་སྩལ་པ་དང་། བྱང་ཆུབ་སེམས་དཔའ་ནམ་མཁའི་སྙིང་པོས་འདི་སྐད་ཅེས་གསོལ་ཏོ། །བཅོམ་ལྡན་འདས་ཆོས་ཐམས་ཅད་ལ་བདག་གིས་བརྟགས་ན་གང་ཡང་དངོས་པོ་དང་མཚན་
མར་མ་གྲུབ་སྟེ་མ་མཆིས་ལ། དེ་བཞིན་གཤེགས་པ་ལ་བརྟགས་ན་ཡང་དེ་བཞིན་གཤེགས་པའི་སྤྱོད་ལམ་དེ་མ་ལགས་ན་ཅིའི་སླད་དུ་སྤྱོད་ལམ་རྒྱ་ཆེར་གྲུབ་ཅེས་གསུངས། དཀོན་མཆོག་གསུམ་དང་། བདེན་པ་བཞི་དང་། ཕུང་པོ་དང་། སྐྱེ་

62-1-257b

མཆེད་དང་། ཁམས་དང་། རྟེན་འབྲེལ་བཅུ་གཉིས་དང་། ཕ་རོལ་དུ་ཕྱིན་པའི་ཆོས་རྣམས་ལ་བདག་གིས་བརྟགས་ན་ཡང་ཕྱི་ནང་གི་རྒྱུ་འབྲས་ཀུན་སྟོང་པ་ཉིད་དེ། མཚན་མ་མ་མཆིས། སྨོན་པ་མ་མཆིས། སྐྱེ་ཞིང་འབྱུང་བ་ཡང་མ་མཐོང་། 
འགག་ཅིང་ནུབ་པ་ཡང་མ་མཐོང་། སྒྱུ་མ་དང་འདྲ་བ། སྤྲུལ་པ་དང་འདྲ་བ། འབར་བ་དང་འདྲ་བ། བྲག་ཅ་དང་འདྲ་བ། ཆབ་ཀྱི་ཟླ་བ་དང་འདྲ་བ། རུས་སྦལ་གྱི་སྤུ་དང་འདྲ་བ། རི་བོང་གི་རྭ་དང་འདྲ་བ། ནམ་མཁའི་མེ་ཏོག་དང་འདྲ་བ། མོ་གཤམ་གྱི་བུ་
དང་འདྲ་བ། གཟུགས་བརྙན་གྱི་གོས་གྱོན་ཞིང་སྒྱུ་མའི་གླང་པོ་ཆེ་ལ་འཚལ་བ་དང་འདྲ་བ། མཆིས་པ་ཡང་འདྲ་བ། མ་མཆིས་པ་ཡང་འདྲ་བ། དེ་དག་ནི་མཆིས་པ་དང་མ་མཆིས་པ། མཆིས་པ་ཡང་མ་ལགས། མ་མཆིས་པ་ཡང་མ་
ལགས། རྟག་པ་མ་ལགས། ཆད་པ་མ་ལགས། སྐྱེ་བ་མ་ལགས། འགག་པ་མ་ལགས། ནང་དུ་མ་ལགས། སླད་རོལ་མ་ལགས། མཐོང་བ་མ་ལགས། ཤེས་པ་མ་ལགས། དཔེར་ན་ནམ་མཁའ་དང་འདྲ་བ་ལ་བཅོམ་ལྡན་
འདས་ཅིའི་སླད་དུ་ངས་ནི་སྤྱོད་ལམ་དེ་དག་སྤྱད་ཅེས་གསུངས། དེ་བཞིན་གཤེགས་པ་ལ་བདག་གིས་བརྟགས་ན་བདག་མ་ལགས། སེམས་ཅན་མ་ལགས། སྲོག་མ་ལགས། གསོ་བ་མ་ལགས། སྐྱེས་བུ་མ་ལགས། གང་ཟག་མ་ལགས། 
ཤེད་ཅན་མ་ལགས། ཤེད་བདག་མ་ལགས། བྱེད་པ་པོ་ལ་སོགས་པ་མ་ལགས། མིག་མ་ལགས། གཟུགས་མ་ལགས། མིག་དང་གཟུགས་ཀྱི་མཚན་ཉིད་ཀྱི་སྤྱོད་ཡུལ་མ་ལགས། རྣ་བ་མ་ལགས། སྒྲ་མ་ལགས། རྣ་བ་དང་
སྒྲའི་མཚན་ཉིད་ཀྱི་སྤྱོད་ཡུལ་མ་ལགས། སྣ་མ་ལགས། དྲི་མ་ལགས། སྣ་དང་དྲིའི་མཚན་ཉིད་ཀྱི་སྤྱོད་ཡུལ་མ་ལགས། ལྕེ་མ་ལགས། རོ་མ་ལགས། ལྕེ་དང་རོའི་མཚན་ཉིད་ཀྱི་སྤྱོད་ཡུལ་མ་ལགས། ལུས་མ་ལགས། རེག་བྱ་མ་
ལགས། ལུས་དང་རེག་བྱའི་མཚན་ཉིད་ཀྱི་སྤྱོད་ཡུལ་མ་ལགས། ཡིད་མ་ལགས། ཆོས་མ་ལགས། ཡིད་དང་ཆོས་ཀྱི་མཚན་ཉིད་ཀྱི་སྤྱོད་ཡུལ་མ་ལགས། རྣམ་པར་ཤེས་པ་མ་ལགས། གཟུགས་མ་ལགས། རྣམ་པར་ཤེས་པ་

62-1-258a

དང་གཟུགས་ཀྱི་མཚན་ཉིད་ཀྱི་སྤྱོད་ཡུལ་ཡང་མ་ལགས། གཟུགས་མ་ལགས། སྡུག་བསྔལ་མ་ལགས། གཟུགས་དང་སྡུག་བསྔལ་གྱི་མཚན་ཉིད་ཀྱི་སྤྱོད་ཡུལ་ཡང་མ་ལགས། བདག་མ་ལགས། བདག་གི་མ་
ལགས། འགྲོ་བ་མ་ལགས། གཟུགས་ཅན་མ་ལགས། ཕུང་པོ་མ་ལགས། བདེན་པ་མ་ལགས། བརྫུན་པ་མ་ལགས། བསྡུས་པ་མ་ལགས། གཏོར་བ་མ་ལགས། འབྱུང་བ་མ་ལགས། འཇུག་པ་མ་ལགས་ཏེ། ཚོར་བ་དང་། 
འདུ་ཤེས་དང་། འདུ་བྱེད་དང་། རྣམ་པར་ཤེས་པ་རྣམས་ཀྱང་དེ་བཞིན་ནོ། །ཕར་བཞུད་པ་མ་ལགས། ཚུར་བྱོན་པ་མ་ལགས། བཞུགས་པའི་གནས་ཀྱང་མི་མངའ། སེམས་དང་ཡིད་དང་རྣམ་པར་ཤེས་པ་ཡང་མི་མངའ། ལུས་དང་
ངག་དང་ཡིད་ཀྱི་ལས་མི་མངའ། གཅིག་པ་ཡང་མ་ལགས། ཐ་དད་པ་འང་མ་ལགས། འདས་པ་ཡང་མ་ལགས། མ་བྱོན་པ་ཡང་མ་ལགས། ད་ལྟར་བྱུང་བ་ཡང་མ་ལགས། དྲི་མ་ཅན་མ་ལགས། ཡོངས་སུ་དག་པ་མ་ལགས། 
བདག་མ་ལགས། སེམས་ཅན་མ་ལགས། སྲོག་དང་། སྐྱེས་བུ་དང་། གང་ཟག་ལ་སོགས་པ་ཡང་མ་ལགས། རྟག་པ་མ་ལགས། ཆད་པ་མ་ལགས། སྐྱེ་བ་མ་མཆིས། འགག་པ་མ་མཆིས། སྒོམ་དུ་མ་མཆིས། སྤྱོད་དུ་མ་
མཆིས། དོར་དུ་མ་མཆིས། བླང་དུ་མ་མཆིས། མཐའ་ལས་འདས་པ། ཡུན་དུ་བཞུགས་པ་ལ་གང་གི་སླད་དུ་སྤྱོད་ལམ་རྒྱ་ཆེར་བསྒྲུབས་ཤེས་གསུངས་ཤེས་གསོལ་པ་དང་། དེ་ནས་བཅོམ་ལྡན་འདས་ཀྱིས་བྱང་ཆུབ་སེམས་དཔའ་
སེམས་དཔའ་ཆེན་པོ་ནམ་མཁའི་སྙིང་པོ་ལ་ལེགས་སོ་ཞེས་བྱ་བ་བྱིན་ནས་ལེགས་སོ་ལེགས་སོ། །རིགས་ཀྱི་བུ་ཁྱོད་སྔོན་འདས་པའི་དུས་ན་སངས་རྒྱས་གྲངས་མེད་དཔག་ཏུ་མེད་པ་རྣམས་ལ་བྱ་བ་བྱས་པ། དགེ་བའི་རྩ་བ་བསྐྲུན་པ། ཡུན་
རིང་པོ་ནས་ཐེག་པ་ཆེན་པོ་བླ་ན་མེད་པའི་དོན་ཆུབ་པར་ཆུད་དེ། ཆོས་སོ་ཅོག་ཀུན་ཀྱང་སྟོང་པ་ཉིད་དུ་མངོན་པར་ཤེས་པ་དང་། དེ་བཞིན་གཤེགས་པ་ཡང་དག་པའི་མཐའ་ལས་འདས་ཏེ། ཡུན་དུ་གནས་པར་ཡང་ཤེས་པས་རིགས་ཀྱི་བུ་འདི་ལྟ་སྟེ། 

62-1-258b

དཔེར་ན། ནོར་བུ་རིན་པོ་ཆེ་བཻ་དཱུརྱ་ཤིན་དུ་དང་བ་གསལ་བ། འདམ་རྫབ་ཀྱི་ནང་དུ་ལོ་སྟོང་གི་བར་དུ་བཞག་ཀྱང་། རང་བཞིན་ཡོང་གིས་དག་པས་ཕྱིར་ཕྱུང་ན་ཡང་སྔ་མཁོ་བཞིན་ཏེ། ཁྱོད་ཀྱང་དེ་དང་འདྲ་བར་ཆོས་ཀྱི་མཚན་ཉིད་མངོན་པར་
རྟོགས་ལ། རང་བཞིན་རྣམ་པར་དག་པས། ཁྱེད་རྣམས་ད་ལྟར་ཁམས་གསུམ་ན་སྙིགས་མ་ཅན་རྣམ་ལྔའི་འདམ་རྫབ་ཏུ་གནས་ཏེ། དེ་བཞིན་གཤེགས་པ་དང་། སེམས་ཅན་གྱི་དོན་བྱས་ཀྱིས་ཀྱང་འདམ་རྫབ་ཀྱིས་མ་གོས་པས་ན་དོན་འདི་ལྟ་བུ་
དག་འདྲི་ནུས་པ་ཡིན་ནོ། །རིགས་ཀྱི་བུ་ཁྱོད་ཡང་ཉོན་ཅིག །འདི་ལྟ་སྟེ། ཆོས་སོ་ཅོག་ཐམས་ཅད་ཡང་དག་པར་ན་དངོས་པོ་མེད་དེ། ཡི་གེ་ཡོད་པའི་ཕྱིར་ཆོས་ཡོད་ཅེས་བཤད། ཆོས་ཀྱི་ནང་དུ་ཡི་གེ་མེད་ལ་ཡི་གེའི་ནང་དུ་ཡང་ཆོས་མེད་དོ། །ཀུན་དུ་སྤེལ་
བའི་ཕྱིར་ཡི་གེ་བསྟན་ཏོ། །ཡི་གེའི་ནང་དུ་ནི་བྱང་ཆུབ་ཀྱང་མེད། བྱང་ཆུབ་ཀྱི་ནང་དུ་ནི་ཡི་གེ་ཡང་མེད་མོད་ཀྱི། དོན་དམ་པར་ནི་ཡི་གེ་མེད་ཀྱང་ཀུན་རྫོབ་ཏུ་ཡི་གེ་ཡོད་པར་བཤད་པས་སེམས་ཅན་ལ་སངས་རྒྱས་ཀྱི་ངོ་བོ་ཉིད་དང་། བླ་ན་མེད་པའི་བྱང་ཆུབ་ཀྱང་
ཡི་གེ་ལས་གུད་ན་མི་རྙེད་དོ། །རིགས་ཀྱི་བུ་ཁྱོད་ཟེར་བ་འང་བདེན་ཏེ། དེ་བཞིན་གཤེགས་པ་ལ་ཟད་པ་མེད། སྐྱེ་བ་མེད། མི་བསྒོམ་མི་སྤྱོད། བསྒོམ་སྤྱོད་རྣམས་དང་བྲལ་བ། ཡང་དག་པའི་ཆོས་ལ་མི་འཇུག །དེ་ལས་ལྡོག་ཅིང་འགྱུར་བ་འང་
མ་ཡིན། སྐྱེ་བ་གཅིག་གིས་དགའ་ལྡན་གྱི་གནས་སུ་ཡང་མ་སྐྱེས། དེ་ལས་བབས་ཏེ་ཡུམ་གྱི་ལྷུམས་སུ་ཡང་མ་གནས། ཆོས་ཐམས་ཅད་ལ་སེམས་མི་གནས་པས་ང་ནི་སྐྱེ་རྒ་ན་འཆི་ལས་འདས་སོ་ཞེས་ཀྱང་མ་བྱས། ཕྱོགས་བཞིར་
གོམ་པ་བདུན་བདུན་ཡང་མ་བོར། ང་ནི་འཇིག་རྟེན་ན་བླ་ན་མེད་པའི་བཙུན་པ་ཡིན་ནོ་ཞེས་ཀྱང་མ་བརྗོད། གྲོང་ཁྱེར་མཆོག་ཏུ་ན་ཅུང་བཟང་མོ་དང་ཡང་མ་རྩེན། འཇིག་རྟེན་གྱི་བྱ་བ་ཡིག་རྩིས་ལ་སོགས་པ་ཡང་མ་བསླབས། སྟོབས་དང་འཕོང་
རྩོལ་ཡང་མ་བསྒྲུན། སེམས་ཅན་ཡོངས་སུ་མྱ་ངན་ལས་བཟླ་བའི་ཕྱིར་རྒན་པོ་མངོན་སུམ་དུ་བསྟན་པ་ནི་ལུས་ལ་ཆགས་པ་རྣམས་བཀག་པའོ། །ནད་པ་མངོན་སུམ་དུ་བསྟན་པ་ནི་ཚེ་ལ་ཆགས་པ་རྣམས་བཀག་པའོ། །ཤི་བའི་

62-1-259a

མཚན་མ་མངོན་སུམ་དུ་བསྟན་པ་ནི་འདོད་ཆགས་དང་ང་དང་ངར་འཛིན་པ་རྣམས་བཀག་པའོ། །དགེ་སློང་མངོན་སུམ་དུ་བསྟན་པ་ནི་སེམས་ཅན་རྣམས་ཚངས་པ་དང་བརྒྱ་བྱིན་གྱི་ལུས་སུ་མི་སྨོན་པར་འཇིག་རྟེན་ལས་འདས་པ་བླ་ན་
མེད་པའི་ཆོས་བརྩོན་པར་བསྒྲུབ་པར་བྱ་བའོ། །གྲོང་ཁྱེར་མཆོག་ནས་བྱུང་སྟེ་གཤེགས་པ་ནི་ཁམས་གསུམ་གྱི་བཙོན་ར་ནས་ཐར་པ་དང་འབྲས་བུ་མ་ཡིན་པ་རྣམས་བསྟན་པའོ། །སླར་གཟིགས་པ་ནི་བྱམས་སྡང་མི་མངའ་བར་བསྟན་པའོ། །
དེའི་ཕྱིར་མཚན་སུམ་བཅུ་རྩ་གཉིས་ཀྱིས་སྐུ་རྣམ་པར་བརྒྱན་ཅིང་སེམས་ཅན་གྱི་བསོད་ནམས་ཀྱི་ཞིང་དུ་བྱ་བའོ། །དབུ་བྲེག་པ་དང་། རྒྱན་རྣམས་སྤངས་པ་དང་། རྟ་ཙན་ཏ་ཀ་ཞབས་རིང་དད་པ་ཅན་ལ་སླར་བསྐུར་བ་ནི་ཉོན་མོངས་པ་ཐམས་ཅད་
དང་དབྲལ་བར་བསྟན་པའོ། །ཁ་སྤུ་བྲེགས་པ་ནི་ཆོས་ཐམས་ཅད་ལ་མི་ཆགས་པར་བསྟན་པའོ། །ཀ་ཤ་ངུར་སྨྲིག་གྱོན་པ་ནི་སེམས་ཅན་འདུལ་བར་བསྟན་པའོ། །དྲང་སྲོང་ཨུ་ཏ་ཀ་དང་། ཨ་རན་ཏ་ལ་ཆོས་འདྲི་རྟོག་བྱ་བ་ནི་རང་གི་ང་རྒྱལ་གྱི་
སེམས་འཇོམས་པར་བསྟན་པའོ། །ལོ་དྲུག་གི་བར་དུ་དཀའ་ཐུབ་སྤྱད་པ་ནི་མུ་སྟེགས་འདུལ་བའོ། །ཞལ་ཟས་བླངས་པ་ནི་འཇིག་རྟེན་པའི་ཆོས་ཀྱི་རྗེས་སུ་འབྲང་བའོ། །རྩྭ་ས་སྟི་ཀ་བསླངས་པ་ནི་ཆོག་ཤེས་པར་བསྟན་པའོ། །རྩྭ་བཏིང་
བའི་སྟེང་དུ་བཞུགས་པ་ནི་ཉམ་རངས་དང་གཡེལ་བ་རྣམས་འཇོམས་པར་བསྟན་པའོ། །ལྷ་ཀླུ་ཀུན་གྱིས་བསྟོད་ཅིང་བསྔགས་པ་དང་བསྙེན་བཀུར་བྱས་པ་ནི་ཡོན་ཏན་གྱི་འབྲས་བུ་ལ་བཀོད་པར་བསྟན་པའོ། །བདུད་རྣམས་བཏུལ་
བ་ནི་དཔའ་བའི་མཐུ་བསྟན་པའོ། །ཕྱག་གཡས་པ་ས་ལ་བསྟན་པ་ནི་བསོད་ནམས་ཀྱི་མཐུ་བསྟན་པའོ། །ས་ཆེན་པོ་ཀུན་དུ་གཡོ་བ་ནི་དྲིན་གྱི་ལན་ལྡོན་པར་བསྟན་པའོ། །དེ་ལྟར་མཚན་མ་མེད་པར་བསྒོམས་པའི་ཕྱིར་བླ་ན་
མེད་པའི་བྱང་ཆུབ་ཀྱི་ལམ་ཐོབ་པ་ཡིན་ནོ། །འདི་ལྟར་ཆོས་ཐམས་ཅད་ཀྱི་མཚན་ཉིད་མངོན་སུམ་དུ་མཁྱེན་ནས། ཆོས་ཀུན་མཉམ་པ་ཉིད་དུ་བསྟན་པ་ནི་སངས་རྒྱས་ཤེས་བྱའོ། །སངས་རྒྱས་ཀྱི་ཡེ་ཤེས་ལ་ཐུབ་པ་མེད་དེ། ཆོས་བསྟན་

62-1-259b

ཏོ་ཅོག་ལ་སངས་རྒྱས་སུ་འགྲུབ་པའི་དོན་བསྟན་པས་ན་དེ་བཞིན་གཤེགས་པ་ཞེས་བྱའོ། །དུས་གསུམ་གྱི་བྱ་བ་དགེ་བ་དང་མི་དགེ་བའི་ཆོས་མངོན་དུ་གསལ་བར་གཟིགས་ཤིང་མཁྱེན་པས་ན་ཐམས་ཅད་མཁྱེན་པ་ཞེས་བྱའོ། །བདེན་
པ་དང་ཡང་དག་པར་གསུངས་པའི་ཕྱིར་ལྷ་དང་མིའི་མཁན་པོ་ཞེས་བྱའོ། །གང་ཞིག་དེ་ལྟར་བསླབ་ཅིང་རྟོག་པ་ནི་བྱང་ཆུབ་སེམས་དཔའ་ཞེས་བྱའོ། །དེ་ལ་ལོག་པར་རྟོག་པ་ནི་བྱང་ཆུབ་སེམས་དཔའ་ཞེས་མི་བྱ་སྟེ། སངས་རྒྱས་
ཐམས་ཅད་ལ་བསླུ་བ་ཅན་ཞེས་བྱའོ། །རིགས་ཀྱི་བུ་སངས་རྒྱས་ཐམས་ཅད་ནི་མི་འབྱུང་མི་འཇུག་མི་སྐྱེ་མི་འགོག་སྟེ། སེམས་ཅན་ཐམས་ཅད་མྱ་ངན་ལས་བཟླ་བའི་ཕྱིར་འཇིག་རྟེན་དུ་འབྱུང་ངོ་ཞེས་བརྗོད་པ་དང་། སངས་རྒྱས་མྱ་ངན་ལས་འདའོ་
ཞེས་བརྗོད་པ་ཡིན་ནོ། །དེ་ནས་བཅོམ་ལྡན་འདས་ལ་བྱང་ཆུབ་སེམས་དཔའ་ནམ་མཁའི་སྙིང་པོས་འདི་སྐད་ཅེས་གསོལ་ཏོ། །བཅོམ་ལྡན་འདས་བདག་ཀྱང་ཡང་དག་པར་ན་ཆོས་ཐམས་ཅད་ཀྱི་ངོ་བོ་ཉིད་ནི་སྟོང་པ་ཉིད་དུ་རྟོགས་ཏེ། 
དེ་བཞིན་གཤེགས་པ་ལ་འབྱུང་བ་འམ་ནུབ་པ་མི་མངའ་བས་རྒྱལ་པོའི་ཕོ་བྲང་དུ་ཡང་མ་བལྟམ། བྱང་ཆུབ་ཀྱི་ཤིང་དྲུང་དུ་ཡང་མྱ་ངན་ལས་མ་འདས། མཐའ་ལས་འདས་ཏེ་ཡུན་དུ་གནས་པ། སེམས་ཅན་ཡོངས་སུ་བསྒྲལ་
པར་མཛད་པའི་སླད་དུ་དཀའ་ཐུབ་སྤྱད་ཅིང་མྱ་ངན་ལས་འདའ་བར་བསྟན་ཀྱང་ཡང་དག་པར་ན་འགྱུར་བ་འམ་སྤྲོས་པ་མི་མངའ་ཞིང་དེ་བཞིན་གཤེགས་པའི་སྤྱོད་ཡུལ་དུ་གནས་ཏེ། ཁམས་གསུམ་ན་སྐུ་འབྱུང་བ་ཡང་ཆོས་ཀྱི་སྐུ་
རྣམ་པ་ལྔ་འབྱུང་ངོ་། །ལྔ་པོ་གང་ཞེ་ན། འདི་ལྟ་སྟེ། སྐུ་ཡང་དག་པའི་ངོ་བོ་ཉིད་དང་། སྐུ་ཡོན་ཏན་དང་། སྐུ་ཆོས་ཀྱི་ངོ་བོ་ཉིད་ལས་སྐྱེས་པ་དང་། སྐུ་སྤྲུལ་ཅིང་འབྱུང་བ་དང་། སྐུ་ནམ་མཁའ་ལྟ་བུ་དང་ལྔ་སྟེ། དེ་ལ་སྐུ་ཡང་དག་
པའི་ངོ་བོ་ཉིད་ཅེས་བགྱི་བ་ནི་ཡང་དག་པའི་འབྲས་བུའི་མཆོག་མཚན་མ་ཐམས་ཅད་ལས་འདས་པ་རང་གི་དབྱིངས་ལ་ཡུན་དུ་གནས་པས་ན་སྐུ་ཡང་དག་པའི་ངོ་བོ་ཉིད་ཅེས་བགྱིའོ། །སྐུ་ཡོན་ཏན་ཅན་ཞེས་བགྱི་བ་ནི་སེམས་ཅན་མྱ་ངན་

62-1-260a

ལས་བཟླ་བའི་སླད་དུ་སྤྱོད་པ་རྣམ་པ་སྣ་ཚོགས་མཛད་ཅིང་དགེ་བ་ཐམས་ཅད་ཕུན་སུམ་ཚོགས་པར་མཛད་པས་ན་སྐུ་ཡོན་ཏན་ཅན་ཞེས་བགྱིའོ། །སྐུ་ཆོས་ཀྱི་ངོ་བོ་ཉིད་ལས་སྐྱེས་ཞེས་བགྱི་བ་ནི་ཆོས་ཀྱི་མཚན་
ཉིད་ཐམས་ཅད་ཐུགས་སུ་ཆུད་དེ་མི་མཁྱེན་མི་མངའ། སྤྱོད་ཡུལ་དེ་ལ་ཡང་དག་པར་མཁྱེན་པའི་སྟོང་པ་ཉིད་ལས་སྐྱེས་ཏེ། ཡང་དག་པར་རྫོགས་པས་ན་སྐུ་ཆོས་ཀྱི་ངོ་བོ་ཉིད་ལས་སྐྱེས་ཞེས་བགྱིའོ། །སྐུ་སྤྲུལ་ཅིང་
འབྱུང་བ་ཞེས་བགྱི་བ་ནི་དེ་བཞིན་གཤེགས་པ་འཇིག་རྟེན་དུ་འབྱུང་ཡང་ལམ་རྒྱུད་ལྔར་དགེ་སྡིག་ཀུན་ལ་མངོན་པར་བསྟན་ཅིང་སྐྱབས་སུ་མི་མཛད་པ་མ་མཆིས་ཏེ། སྤྲུལ་པའི་རྫས་ལས་མཚན་དུ་འགྱུར་བས་ན་སྐུ་སྤྲུལ་
ཅིང་འབྱུང་བ་ཞེས་བགྱིའོ། །སྐུ་ནམ་མཁའ་ལྟ་བུ་ཞེས་བགྱི་བ་ནི་ནམ་མཁའ་མཐའ་ཡས་པས་ན་ཆོས་ཀྱི་སྐུ་ཡང་མཐའ་ཡས་སོ། །ནམ་མཁའ་ལ་དཔག་པ་དང་གཞལ་དུ་མ་མཆིས་པས་ན་ཆོས་ཀྱི་སྐུ་ཡང་དཔག་ཅིང་གཞལ་
དུ་མ་མཆིས་ཏེ། དེ་བཞིན་གཤེགས་པའི་སྐུ་ཡང་ནམ་མཁའ་ཆེན་པོ་དང་འདྲ་བ་སེམས་ཅན་ཡོངས་སུ་མྱ་ངན་ལས་འདའ་བའི་སླད་དུ་སྐུ་རྣམ་པ་ལྔར་སྟོན་པས་ན་དེ་བཞིན་གཤེགས་པ་ལ་སྐྱེ་བ་མི་མངའ། འགག་པ་མི་མངའ་བར་
མངོན་ནོ། །ཆོས་ཐམས་ཅད་ཀྱང་དེ་བཞིན་ཏེ་སེམས་ཅན་ཡོངས་སུ་མྱ་ངན་ལས་བཟླ་བའི་སླད་དུ་སངས་རྒྱས་མངོན་དུ་སྤྲུལ་ཅིང་ཆོས་རྣམ་པར་སྤེལ་བ་ལགས་སོ་ཞེས་གསོལ་པ་དང་། དེ་ནས་བཅོམ་ལྡན་འདས་ཀྱིས་
བྱང་ཆུབ་སེམས་དཔའ་ནམ་མཁའི་སྙིང་པོ་ལ་འདི་སྐད་ཅེས་བཀའ་སྩལ་ཏོ། །རིགས་ཀྱི་བུ་ཁྱོད་ནི་དེ་བཞིན་གཤེགས་པ་དང་འདྲ་བར་ཆོས་ཀྱི་མཚན་ཉིད་ལ་མཁས་པས་སྤྱོད་ཡུལ་ཐམས་ཅད་ལ་བར་དུ་ཆོད་པ་འམ་ཐོགས་པ་
མེད་དེ། རིགས་ཀྱི་བུ་ཁྱོད་མ་འོངས་པའི་དུས་ན་བསྐལ་པ་སྟོང་རྣམ་པར་དག་པ་ཞེས་བྱ་བ་དང་། འཇིག་རྟེན་ལོངས་སྤྱོད་ཅན་ཞེས་བྱ་བ་དེར་བྱང་ཆུབ་སེམས་དཔའ་སེམས་དཔའ་ཆེན་པོ་ཤེ་དག་ཐེག་པ་ཆེན་པོ་འབའ་ཤིག་སྤྱོད་དེ། ཉན་

62-1-260b

ཐོས་དང་། རང་སངས་རྒྱས་ཀྱི་ཐེག་པའི་མིང་རྣ་བའི་ཐོག་མར་ཡང་མི་གྲག་ན་ངན་སོང་ལྟ་ཅི་ཞིག་སྨོས། ཁྱོད་བསྐལ་པ་དེ་དང་འཇིག་རྟེན་དེར་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རྒྱན་རྣམ་པར་དག་པ་
ཞེས་བྱ་བ་འབྱུང་སྟེ། འཇིག་རྟེན་གཞན་ནས་སྐྱེས་བུ་ཆེན་པོ་དག་ཀྱང་དེར་ཕྱིན་ཅིང་ཐེག་པ་ཆེན་པོ་ཐར་པ་ཕྱོགསུ་རྒྱས་པའི་མདོ་སྡེ་མཉན་པ་དང་། བླངས་པ་དང་། བཅངས་པར་འགྱུར་རོ། །དེ་བས་ན་སེམས་ཅན་གང་ལ་ལས་བྱང་
ཆུབ་སེམས་དཔའ་ནམ་མཁའི་སྙིང་པོའི་མིང་ཐོས་ཏེ་ཕྱག་འཚལ་ཞིང་མཆོད་པ་བྱས་ན་འཇིག་རྟེན་ལོངས་སྤྱོད་ཅན་གྱི་ཁམས་དེར་སྐྱེ་བར་འགྱུར་རོ། །སེམས་ཅན་གང་ལ་ལས་ཐེག་པ་ཆེན་པོའི་ཆོས་སྒྲུབ་ན་ཡང་མི་སྐྱེ་བའི་ཆོས་ལ་བཟོད་པ་
ཐོབ་པར་འགྱུར། གང་ཆོས་ཀྱི་རྣམ་གྲངས་འདི་བླང་ཞིང་བཅངས་པ་དེས་ནི་སངས་རྒྱས་འབྱུང་བ་བཅུ་མ་འདས་པར་ལུང་བསྟན་པ་ཡང་ཐོབ་པར་འགྱུར་རོ། །དེའི་ཚེ་དེའི་དུས་ན་བཅོམ་ལྡན་འདས་ཤཱཀྱ་ཐུབ་པ་ལ་བྱང་ཆུབ་སེམས་དཔའ་མཚན་ཉིད་
དད་ཀྱིས་བདག་དང་སེམས་ཅན་ཐམས་ཅད་ཀྱི་དོན་གྱི་ཕྱིར་ཞུས་ནས་བཅོམ་ལྡན་འདས་ཀྱིས་ཕྱོགས་བཅུ་དུས་གསུམ་གྱི་སངས་རྒྱས་ཀྱི་མཚན་དང་། མདོ་སྡེ་བཅུ་གཉིས་ཀྱི་མཚན་དང་། བྱང་ཆུབ་སེམས་དཔའི་དགེ་འདུན་རྣམས་ཀྱི་མཚན་བསྟན་ནས་
ཡང་སེང་གེའི་སྒྲ་ཆེན་པོ་སྒྲོགས་ཏེ། སེང་གེའི་སྒྲ་ཞེས་བྱ་བ་ནི་ངེས་པའི་ཚིག་བསྟན་པའོ། །ངེས་པའི་ཚིག་བསྟན་པ་ནི་དེ་བཞིན་གཤེགས་པ་རྟག་པར་འཚོ་སྐྱོང་ཞིང་གཞེས་ཏེ། མྱ་ངན་ལས་མི་འདའ་བར་རིག་པའོ་ཡང་སེམས་ཅན་ཐམས་ཅད་ལ་
སངས་རྒྱས་ཀྱི་ངོ་བོ་ཉིད་ཡོད་དོ་ཞེས་བསྟན་པ་དང་། ལྷའི་བདུད་མུ་སྟེགས་ལ་སོགས་པ་སྤ་སྐོང་སྟེ། སྐྱབས་ཀྱི་དབང་དུ་གྱུར་པས་ན་སེང་གེའི་སྒྲ་ཞེས་བྱའོ། །དེ་ལྟར་བསྟན་ནས་ལྗགས་ཀྱི་མཚན་རྒྱ་ཆེན་པོས་སྟོང་གསུམ་གྱི་སྟོང་ཆེན་པོའི་
ཁམས་ཀུན་ཁེབས་པར་གཡོག་ནས། འཇིག་རྟེན་གྱི་ཁམས་ཐམས་ཅད་རྣམ་པ་དྲུག་ཏུ་གཡོསོ། །རྣམ་པ་དྲུག་ཏུ་གཡོས་ཞེས་བྱ་བ་ནི་ཤར་ཕྱོགས་མཐོ་ན་ནུབ་ཕྱོགས་དམའ། ནུབ་ཕྱོགས་མཐོ་ན་ཤར་ཕྱོགས་དམའ། ལྷོ་ཕྱོགས་མཐོ་ན་བྱང་ཕྱོགས་དམའ། བྱང་ཕྱོགས་

62-1-261a

མཐོ་ན་ལྷོ་ཕྱོགས་དམའ། དབུས་མཐོ་ན་མཐའ་དམའ། མཐའ་མཐོ་ན་དབུས་དམའ་བ་ནི་ས་རྣམ་པ་དྲུག་ཏུ་གཡོས་ཞེས་བྱའོ། །ལྗགས་ཀྱི་དྲུང་ནས་འོད་ཟེར་ཆེན་པོ་བཏང་སྟེ་ཕྱོགས་བཅུར་སྣང་བ་ཆེན་པོ་བྱས་སོ། །སྣང་བ་
ཆེན་པོ་དེས་མི་རྟག་པ་ནི་རྟག་པར་བྱས། མ་དག་པ་ནི་དག་པར་བྱས། སྡུག་བསྔལ་ཅན་ནི་བདེ་བར་བྱས། མ་རིག་པ་ནི་རིག་པར་བྱས། དེའི་ཚེ་སངས་རྒྱས་ཀྱི་འོད་ཀྱིས་རེག་ཅིང་སྣང་ངོ་ཅོག་ལ་རི་དང་། ནགས་ཚལ་དང་། ཡུལ་ས་དང་། ཆུ་བོའི་ཀླུང་དང་། 
རྒྱ་མཚོ་དང་། ལྕགས་ཀྱི་རི་ཁོར་ཡུག་དང་། དམྱལ་བ་ལ་སོགས་པ་ཐམས་ཅད་ཀྱང་མཐོ་དམའ་མེད་པར་མཉམ་པར་གྱུར་ཅིང་ཉལ་ཉིལ་དང་། ལྗན་ལྗིན་མེད་དེ། ཀུན་ཀྱང་ཡོངས་སུ་དག་པར་གྱུར་ནས་འདི་ལྟ་སྟེ། དཔེར་ན་ཤར་ཕྱོགས་ན་འཇིག་རྟེན་
ཟླ་གང་རྣམ་དག་ཡོངས་སུ་བརྒྱན་དང་འདྲའོ། །དེའི་ཚེ་དེའི་དུས་ན་བཅོམ་ལྡན་འདས་ཤཱཀྱ་ཐུབ་པའི་སྐུ་སྤྲུལ་པ་ནི་ནམ་མཁའ་ནས་བབ་པ་ནི་མེ་ཏོག་གི་ཆར་བབ་པ་དང་འདྲའོ། །ས་འོག་ནས་བྱུང་བ་ནི་སྤྲིན་དང་། ན་བུན་བྱུང་བ་དང་འདྲ་
བར་ནམ་མཁའ་ཡོངས་སུ་གང་སྟེ་ནམ་མཁའ་སྟོང་པ་ཅུང་ཟད་ཀྱང་མེད་དོ། །སྤྲུལ་པའི་ཞལ་སོ་སོ་ནས་ཚིག་འཐུན་པར་དེ་བཞིན་གཤེགས་པ་ནི་རྟག་པར་འཚོ་སྐྱོང་ཞིང་གཞེས་ཏེ་མྱ་ངན་ལས་མི་འདའོ། །སེམས་ཅན་ཐམས་ཅད་ལ་སངས་
རྒྱས་ཀྱི་ངོ་བོ་ཉིད་ཡོད་དོ་ཞེས་གསུངས། ཡང་ཆོས་ཐམས་ཅད་ནི་སྟོང་པ་ཉིད་དོ་ཞེས་གསུངས་སོ། །སྤྱོད་ལམ་དེ་དག་གི་རྒྱུ་འབྲས་ནི་ཐེག་པ་གཅིག་ཏུ་ཟད་པ་ལས་སེམས་ཅན་གྱིས་ཐེག་པ་རྣམ་པ་གསུམ་དུ་མཐོང་ཞེས་བཤད་ནས་དེ་མ་ཐག་ཏུ་ཀུན་
མི་སྣང་བར་གྱུར་ནས་བཅོམ་ལྡན་འདས་གདན་ལ་བཞུགས་པ་ཉི་ཚེ་སྣང་སྟེ། དེའི་ཚེ་ཚོགས་མང་པོ་ཐམས་ཅད་ཀྱིས་སྐུ་སྤྲུལ་པ་དེ་དག་མཐོང་བ་ནི་བཅོམ་ལྡན་འདས་ཤཱཀྱ་ཐུབ་པའི་བྱིན་གྱི་བརླབས་ཀྱི་མཐུ་སྟེ། ཤཱཀྱ་ཐུབ་པ་ཡང་བྱམས་པས་
འདི་འདྲ་བའི་རྫུ་འཕྲུལ་དང་། གཟི་བརྗིད་མངོན་པར་སྤྲུལ་པའི་ཚེ་ཚོགས་ཀྱི་ནང་ནས་བྱང་ཆུབ་སེམས་དཔའ་གང་གཱའི་ཀླུང་བཞི་བཅུའི་བྱེ་མ་སྙེད་ཀྱིས་ནི་མི་སྐྱེ་བའི་ཆོས་ལ་བཟོད་པ་ཐོབ་བོ། །ཉན་ཐོས་བརྒྱད་ཁྲི་ཞིག་ནི་ཐེག་པ་ཆེན་པོའི་སེམས་

62-1-261b

བསྐྱེད་དོ། །དགེ་སློང་སྟོང་ཕྲག་བཅུ་ཞིག་ནི་དགྲ་བཅོམ་པའི་ལམ་ཐོབ་བོ། །དགེ་སློང་མ་ཁྲི་བརྒྱད་སྟོང་ཞིག་གིས་ནི་ཕྱིར་མི་འོང་བའི་ལམ་ཐོབ་བོ། །དགེ་བསྙེན་ཁྲི་ཕྲག་བཞི་བཅུས་ནི་ལན་ཅིག་ཕྱིར་འོང་བའི་ལམ་ཐོབ་བོ། །དགེ་བསྙེན་མ་འབུམ་ཕྲག་བཅུ་
ཞིག་ནི་རྒྱུན་དུ་ཞུགས་པའི་ལམ་ཐོབ་བོ། །ལྷ་དང་མི་གྲངས་མེད་པ་ཞིག་ནི་ཆོས་ཀྱི་མིག་རྡུལ་མེད་པ་དྲི་མ་དང་བྲལ་བ་རྣམ་པར་དག་པ་ཐོབ་སྟེ། རང་གི་ཚེ་སྔ་ཕྱི་ཤེས་པ་དང་འདུས་བྱས་ཀྱི་ཆོས་ཐམས་ཅད་མི་རྟག་པར་མཐོང་ངོ་། །དེ་ནས་ཚོགས་ཀྱི་
ནང་ནས་བྱང་ཆུབ་སེམས་དཔའ་སེམས་དཔའ་ཆེན་པོ་སེང་གེའི་སྒྲ་སྟན་ལས་ལངས་ཏེ། བླ་གོས་ཕྲག་པ་གཅིག་ཏུ་བགོས་ནས་བཅོམ་ལྡན་འདས་ཀྱི་ཞབས་ལ་སྤྱི་བོས་གཏུགས་ཏེ་ཕྱག་འཚལ་ནས་བཅོམ་ལྡན་འདས་ལ་འདི་སྐད་ཅེས་གསོལ་
ཏོ། །བཅོམ་ལྡན་འདས་ཀྱིས་གོང་དུ་བསྟན་པ་བཞིན་ན་ནི་སངས་རྒྱས་ཀྱི་མཚན་ཐོས་ན་ཡང་སྡིག་འབྱང་། ཆོས་ཀྱི་མཚན་ཐོས་ན་ཡང་སྡིག་འབྱང་། དགེ་འདུན་གྱི་མཚན་ཐོས་ན་ཡང་སྡིག་འབྱང་བར་འགྱུར་རོ། །ཞེས་འབྱུང་ན་སངས་རྒྱས་
ཀྱི་མཐུ་ལགས་སམ། ཆོས་ཀྱི་མཐུ་ལགས་སམ། དགེ་འདུན་གྱི་མཐུ་ལགས་སམ། སངས་རྒྱས་ཀྱི་མཐུ་ལགས་ན་ནི་སངས་རྒྱས་ལ་གསོལ་བ་བགྱི། ཆོས་ཀྱི་མཐུ་ལགས་ན་ནི་ཆོས་ལ་གསོལ་བ་བགྱི། དགེ་འདུན་གྱི་མཐུ་ལགས་ན་ནི་
དགེ་འདུན་ལ་གསོལ་བ་བགྱི་བ་ལགས་ན་གསུམ་ཆར་ལ་གསོལ་བ་བགྱི་ཅི་འཚལ། གོང་ན་གསུངས་པ་ཐེག་པ་གཅིག་ལ་སོ་སོའི་སྐྱེ་བོས་རྣམ་པ་གསུམ་དུ་མཐོང་ངོ་ཞེས་བྱུང་ན། བཅོམ་ལྡན་འདས་ཉིད་ཀྱིས་ཀྱང་གསུམ་དུ་བཤད་ན་
སེམས་ཅན་ལྟ་ཅི་ཞིག་སྨོས་ཞེས་གསོལ་པ་དང་། བཅོམ་ལྡན་འདས་ཀྱིས་བྱང་ཆུབ་སེམས་དཔའ་སེམས་དཔའ་ཆེན་པོ་སེང་གེའི་སྒྲ་ལ་འདི་སྐད་ཅེས་བཀའ་སྩལ་ཏོ། །ལེགས་སོ་ལེགས་སོ། །རིགས་ཀྱི་བུ་སེམས་ཅན་ལ་ཕན་
པ་དང་། བདེ་བའི་ཕྱིར་དོན་དེ་ལྟ་བུ་འདྲི་བ་ཡང་ཤིན་དུ་ལེགས་པར་ཉོན་ཅིག་ངས་ཁྱོད་ལ་བྱེ་བྲག་ཕྱེད་པར་བཤད་དོ། །སངས་རྒྱས་ཀྱི་མཐུ་འབའ་ཤིག་ཀྱང་མ་ཡིན། ཆོས་ཀྱི་མཐུ་འབའ་ཞིག་ཀྱང་མ་ཡིན། དགེ་འདུན་གྱི་མཐུ་འབའ་ཞིག་ཀྱང་མ་

62-1-262a

ཡིན་ཏེ། ཀུན་ཚོགས་པའི་མཐུས་སངས་རྒྱས་ནི་སེམས་ཅན་གྱི་མགོན་གྱི་སྐྱབས་ཀྱི་ཕ་མ། བྱང་ཆུབ་སེམས་དཔའ་ནི་དགེ་བའི་བཤེས་གཉེན་ཡིན་ནོ། །སེམས་ཅན་བསླད་པ་ཅན་སེམས་སྟོར་བ་སླར་རྙེད་དེ་འཁོར་བ་ལས་
སྐྱོ་ནས་དྲན་པའི་མཐུ་མང་པོས་ཁམས་གསུམ་ན་ཉོན་མོངས་པའི་རྒྱ་མཚོ་ལས་བསྒྲལ་བར་འདོད་ན་ཕྱོགས་སུ་རྒྱས་པའི་མདོ་སྡེ་འདིས་བསྒྲལ་བའི་གྲུ་ཆེན་པོ་བྱེད་དོ། །དེ་བས་ན་རིགས་ཀྱི་བུ་སངས་རྒྱས་ཀྱང་ཆོས་སོ། །ཆོས་ཀྱང་དགེ་འདུན་ནོ། །དགེ་འདུན་ནི་
འདུས་མ་བྱས་པའོ། །འདུས་མ་བྱས་པ་ནི་སྟོང་པ་ཉིད་དེ། འདུས་མ་བྱས་པའི་སྟོང་པ་ཉིད་དང་། འདུས་བྱས་ཀྱི་སྟོང་པ་ཉིད་དང་། ནང་གི་སྟོང་པ་ཉིད་དང་། ཕྱིའི་སྟོང་པ་ཉིད་དང་། ཆེན་པོ་སྟོང་པ་ཉིད་དང་། ཆུང་ངུའི་སྟོང་པ་ཉིད་ཀྱང་སྟོང་པ་ཉིད་དུ་འདྲ་སྟེ། 
དེ་ལས་གཞན་མེད་དོ། །རིགས་ཀྱི་བུ་ཁྱོད་ཟེར་བ་ལྟ་ན། རྣམ་པ་གཅིག་ཏུ་བསྒྲུབ་པའི་རིགས་ཀྱི་རྣམ་པ་གསུམ་དུ་བསྒྲུབ་ཅི་དགོས་ཞེས་བྱ་བ་ནི་རིགས་ཀྱི་བུ་འདི་ལྟ་སྟེ། དཔེར་ན་མི་གཅིག་ནམ་མཁའ་སྟོང་པས་སྐྲག་སྟེ། གར་ཕྱིན་དགུར་གབ་ཀྱང་
ནམ་མཁའ་དང་ཡོང་མ་བྲལ་ལོ། །རིགས་ཀྱི་བུ་ཕྱོགས་བཅུའི་དེ་བཞིན་གཤེགས་པས་བཤད་པ་དང་། ངས་བཤད་དོ་ཅོག་དགེ་བ་ཐམས་ཅད་ཀྱི་རྒྱུ་རྐྱེན་དང་། དཀོན་མཆོག་གསུམ་དང་། ཐེག་པ་གསུམ་ཡང་གཅིག་ལས་མི་འདའོ། །བྱང་
ཆུབ་སེམས་དཔའ་སེང་གེ་སྒྲས་གསོལ་པ། ལེགས་སོ་ལེགས་སོ། ། བཅོམ་ལྡན་འདས་འཕགས་པས་བསྟན་པ་ལྟར་ན་བདག་སྔ་ནས་འཚལ་ཏེ་སེམས་ཅན་རྣམས་ཀྱི་སླད་དུ་དོན་དེ་ཞུ་བ་ལགས་སོ། །བཅོམ་ལྡན་འདས་ཀྱིས་བཀའ་
སྩལ་པ་བཞིན་དུ་མི་གཉིས་མི་གསུམ་མོ། །ཕྱོགས་སུ་རྒྱས་པའི་ཆོས་ཀྱི་རྣམ་གྲངས་འདི་ནི་སངས་རྒྱས་རྣམས་ཀྱི་ནི་ཡུམ། བྱང་ཆུབ་སེམས་དཔའ་རྣམས་ཀྱི་ནི་ཤུལ་ཆེན་པོ། རྣལ་འབྱོར་པ་རྣམས་ཀྱི་མིག་སྟེ། ལྟ་བ་ལོག་པ་རྣམས་
སྡུད་པ་དང་། སེམས་སྟོར་བ་རྣམས་སྐྱོང་བ་དང་། ངན་སོང་གསུམ་གྱི་སྒོ་གཅོད་པ་དང་། བླ་ན་མ་མཆིས་པའི་བྱང་ཆུབ་ཀྱི་སྒོ་འབྱེད་པ་དང་། ཉན་ཐོས་རྣམས་བཟློག་པ་སྟེ། ཐེག་པ་ཆེན་པོར་འཛུད་པའི་སླད་དུ་བདག་གིས་གཟུངས་ཆེན་མོའི་

62-1-262b

སྔགས་ཀྱིས་བསྲུང་ཞིང་བསྐྱབ་པར་བགྱིའོ། །སྡོམ་པ་མ་ཉམས་པ་དང་། མདོ་སྡེ་འདི་ལ་སྒོམ་ཞིང་བསླབ་པར་བགྱིད་པ་དེ་ལ་ཡང་སྲུང་ཞིང་བསྐྱབ་པར་བགྱིའོ། །གལ་ཏེ་གང་ཟག་གང་ལ་ལས་མདོ་སྡེ་འདི་ལ་བསྙེན་བཀུར་བགྱིད་ཅིང་དགུང་བདུན་
གྱི་བར་དུ་སྤྱད་པ་སྤྱོད་པ་ལ་བདུད་སྡིག་ཅན་གྱིས་འཁྲུག་ཅིང་གླགས་ལྟ་བ་མཆིས་བདུད་སྡིག་ཅན་གྱིས་གླགས་ཀྱི་སྐབས་མི་རྙེད་པར་བགྱིའོ། །བཅོམ་ལྡན་འདས་བདག་མདོ་སྡེ་འདི་ལ་རིམ་གྲོ་བགྱིས་ཏེ། ཡུན་རིང་པོར་གནས་པར་བགྱི་བ་ཡང་
བྱང་ཆུབ་ཀྱི་སྙིང་པོ་ལ་མཆིས་ཀྱི་བར་དུ་གནས་པར་བགྱིའོ། །བཅོམ་ལྡན་འདས་གྱིས་བཀའ་སྩལ་པ། རིགས་ཀྱི་བུ་ཁྱོད་མདོ་སྡེ་འདི་ལ་རིམ་གྲོ་བྱ་བ་ནི་དཀོན་མཆོག་གསུམ་ལ་རིམ་གྲོ་བྱ་བ་དང་འདྲའོ། །སྟོན་པ་ལ་ཡང་རིམ་གྲོ་བྱ་བ་དང་
འདྲའོ། །དེ་ནས་བྱང་ཆུབ་སེམས་དཔའ་སེང་གེ་སྒྲས་བཅོམ་ལྡན་འདས་ཀྱི་སྤྱན་སྔར་གཟུངས་སྔགས་འདི་སྐད་ཅེས་སྨྲས་སོ། །ན་མོ་བུད་དྷཱ་ཡ། ན་མོ་དྷརྨཱ་ཡ། ན་མཿསང་གྷཱ་ཡ། ཨ་དན་ཏི་ད་ར་ནི། ཏ་ཐ་ཏ། ཨཱ་ཀཱ་
ཤ་ནི་བ་ནི། སརྦ་དྷརྨཱ་ནི་བ་ནི། ཨི་ཤ་མ་ད། པི་པ་ཤ་ན། བི་མ་ལ་སུ་པ་རི། དྷརྨ་ནི་ཁ་ན། བ་ར་རུ་ནི་ཙ་ཡ་ཏ་མ་ལེ། ཙ་ལེ། ཧུ་ལུ་ཧུ་ལུ། ཤི་བི་ཏེ། མནྟྲ་མནྟྲ། མནྟྲཿསྭཱ་ཧཱ། སྔགས་འདི་དུས་གཅིག་ལ་
ལན་བརྒྱ་རྩ་བརྒྱད་བཟླས་ཤིང་མཆོད་རྟེན་ལ་ལན་བདུན་བསྐོར་བ་བགྱི། དེ་ལྟར་གདུགས་བདུན་གྱི་བར་དུ་མདོ་སྡེ་གཞན་ལ་མི་བསམ་པར་གདུགས་གཅིག་ཀྱང་དུས་གསུམ་དུ་ཕྱོགས་སུ་རྒྱས་པའི་མདོ་སྡེ་འདི་ལ་སེམས་རྩེ་གཅིག་ཏུ་བགྱི་སྟེ་
སེམས་གཞན་དུ་མི་གཡེང་བར་བགྱིའོ། །བཅོམ་ལྡན་འདས་གཟུངས་སྔགས་འདི་ནི་སངས་རྒྱས་ཁྲི་ཕྲག་བརྒྱད་བརྒྱས་གསུངས་པ་སྟེ། དེང་འདིར་བདག་གིས་ཀྱང་བརྗོད་པ་ལགས་སོ། །གལ་ཏེ་འགའ་ཞིག་གཟུངས་འདི་ལ་སྨོད་པ་
མཆིས་ན་སངས་རྒྱས་དེ་དག་ལ་སྨོད་པར་འགྱུར་རོ། །གཟུངས་འདི་ལ་སྨོད་པ་ནི་ཚེ་རབས་དུ་མའི་བར་དུ་བྱང་ཆུབ་ཏུ་བསྒྲུབ་ཀྱང་འགྲུབ་པར་མི་འགྱུར་ཏེ། སྲིད་པ་གསུམ་ལས་ཀྱང་མི་འདའོ། །དེ་ཅིའི་སླད་དུ་ཞེ་ན། སྔགས་འདི་ནི་སེམས་དྲན་པ་

62-1-263a

ཉམས་པ་རྣམས་སླར་རྙེད་པ་དང་། གཟུངས་འདི་ལན་ཅིག་ཙམ་རྣ་བར་ཐོས་སམ། ཐོས་ནས་ཡི་གེར་བྲིས་ཏེ། ཤ་དང་ཆང་མི་འཚལ་བར་སྡོམ་པ་ལ་གནས་ཤིང་བདག་ཉིད་རྩེན་འཇོ་ལ་སོགས་པ་སྤངས་ཏེ། འདུ་
འཛིའི་ནང་དུ་མི་འཇུག་ལ། རྒྱུན་དུ་བྱམས་པ་ཆེན་པོ་སྤྱོད་ཅིང་བསམ་གཏན་ལ་གཅེས་པར་འཛིན་ན་གང་ཟག་དེ་དཔག་ཏུ་མ་མཆིས་པའི་སྒྲིབ་པ་གསུམ་གྱི་སྡིག་ལྕི་བ་རྣམས་འབྱང་བར་འགྱུར་རོ། །གཟུངས་འདི་ཐོས་མ་ཐག་ཏུ་སེམས་ཐག་
པ་ནས་བླང་བ་དང་། བཅང་བ་དང་། ཉིན་རེ་ཞིང་ཀློག་པ་དང་། ཁ་ཏོན་དུ་བགྱིད་པ་དང་། ཡི་དམ་དུ་མི་བསྐྱུད་པར་བགྱིད་ན་གང་ཟག་དེ་མངོན་པར་བྱང་མ་ཆུབ་ཀྱི་བར་དུ་ངན་སོང་གསུམ་དུ་ལྟུང་བར་མི་འགྱུར་རོ་ཞེས་གསོལ་པ་དང་། བཅོམ་ལྡན་འདས་
ཀྱིས་བྱང་ཆུབ་སེམས་དཔའ་སེང་གེ་སྒྲ་ལ་བཀའ་སྩལ་པ། ལེགས་སོ་ལེགས་སོ། །རིགས་ཀྱི་བུ་ཁྱོད་དཀོན་མཆོག་གསུམ་གྱི་རིམ་གྲོ་བྱ་བ་དང་། བྱམས་པའི་སེམས་ཀྱིས་སེམས་ཅན་རྣམས་སྲིད་པ་གསུམ་ལས་འདོན་པ་དང་། བསླབ་པ་
མང་པོ་གྲངས་མེད་པ་ལ་ཕན་པ་དང་། བདེ་བ་ཆེན་པོ་བྱ་བའི་ཕྱིར་སྟོན་པའི་སྒོ་འབྱེད་ཅིང་ལོག་པར་ལྟ་བ་རྣམས་བཟློག་སྟེ་ཡང་དག་པར་ལྟ་བ་ལ་འཛུད་པའི་ཕྱིར་གཟུངས་སྔགས་འདི་བཤད་པ་ནི་ཤིན་དུ་འང་ལེགས་སོ། །རིགས་ཀྱི་བུ་སེམས་ཅན་
ཐམས་ཅད་ཁྱོད་ཀྱི་མིང་དང་སྔགས་ཀྱི་སྒྲ་ཐོས་ནས་དད་པ་དང་གུས་པ་བསྐྱེད་དེ་མི་སྨོད་ན་གང་ཟག་དེ་ཚེ་འདི་ཉིད་ལ་ཡང་བདེ་ལ། འཆི་འཕོས་ན་ཡང་རྟག་ཏུ་སངས་རྒྱས་ཐམས་ཅད་མཐོང་ཞིང་ང་ཡང་མཐོང་ལ། ཁྱོད་ལ་སོགས་པ་བྱང་ཆུབ་སེམས་
དཔའ་ཐམས་ཅད་ཀྱང་མཐོང་བར་འགྱུར་རོ། །མངོན་པར་འཚང་རྒྱ་བར་ཡང་ངེས་པར་རང་གིས་རིག་སྟེ་ཐེ་ཙོམ་མེད་དོ། །ཀུན་ནས་ཉོན་མོངས་པ་སྤངས་པ་དང་། །དགེ་བ་ཀུན་གྱི་ལམ་བསྒྲུབས་ཏེ། །སངས་རྒྱས་རང་བཞིན་མཐོང་བ་ཡང་། །རྣམ་དག་དད་པའི་
དབང་གིས་སོ། །ཡང་བཅོམ་ལྡན་འདས་ཀྱིས་འདི་སྐད་ཅེས་བཀའ་སྩལ་ཏོ། །ང་མྱ་ངན་ལས་འདས་པའི་འོག་ཏུ་རིགས་ཀྱི་བུ་འམ། རིགས་ཀྱི་བུ་མོ་གང་ལ་ལས་ཉན་གཅིག་གམ། དུས་གཅིག་གམ། མཚན་གཅིག་གམ། སྐད་ཅིག་མ་

62-1-263b

གཅིག་ལ་ཕྱོགས་བཅུ་དུས་གསུམ་དུ་གཤེགས་པའི་སངས་རྒྱས་དང་། མདོ་སྡེ་བཅུ་གཉིས་དང་། བྱང་ཆུབ་སེམས་དཔའི་དགེ་འདུན་ཆེན་པོ་རྣམས་ལ་ཕྱག་འཚལ་ཞིང་ཐེག་པ་ཆེན་པོ་ཚུལ་བཞིན་དུ་ཡིད་ལ་བྱེད་པ་དང་། དོན་དམ་པའི་བདེན་པ་ལ་བསམས་
ན་གང་ཟག་དེ་ནི་སྐད་ཅིག་མ་སེ་གོལ་གཏོགས་པ་ཙམ་གྱིས་མི་དགེ་བ་བཅུ་དང་། མཚམས་མེད་པ་ལྔ་དང་། མཉམ་པ་ཉིད་ལ་སྐུར་པ་དང་། ཀུན་ནས་ཉོན་མོངས་པའི་ལས་ཐམས་ཅད་ཡོངས་སུ་མ་ལུས་པར་འབྱང་བར་འགྱུར་རོ། །གལ་ཏེ་དགེ་སློང་ངམ། དགེ་སློང་
མ་འམ། བྱང་ཆུབ་སེམས་དཔའ་འམ། དགེ་སྦྱོང་ངམ། དགེ་སྦྱོང་མས་སེམས་ཀྱི་རང་བཞིན་སྟོར་ནས་རྩ་བ་བཞི་དང་། སྡོམ་པ་བརྒྱད་ཉམས་པ་དང་། མི་དགེ་བ་བཅུ་དང་། མཚམས་མེད་པ་ལྔ་བྱས་པ་དང་། མཉམ་པ་ཉིད་ལ་སྐུར་པ་རྣམས་ཕྱོགས་བཅུ་དུས་གསུམ་
དུ་གཤེགས་པའི་སངས་རྒྱས་ཀྱི་མཚན་ལ་དད་པ་བསྐྱེད་དེ་ཕྱག་འཚལ་ན་འདི་ལྟ་བུའི་ལས་ངན་པ་ཀུན་མ་ལུས་པར་འབྱང་བར་འགྱུར་རོ། །དེ་སྐད་ཅེས་བཀའ་སྩལ་མ་ཐག་ཏུ་སྔོན་སངས་རྒྱས་འོད་མི་འགྱུར་གྱི་དུས་ན་རྒྱལ་བུ་དགེ་མཐོང་ཞེས་བྱ་བ་
དེའི་ཚེ་མི་སུམ་སྟོང་དང་ལྷན་ཅིག་ཏུ་སྐད་ཅིག་མ་དེར་ལྷགས་ནས་བཅོམ་ལྡན་འདས་ཀྱི་ཞབས་ལ་མགོ་བོས་གཏུགས་ཏེ་ཕྱག་འཚལ་ནས་ཚིག་འཐུན་པར་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བདག་ཅག་བསྐལ་པ་གྲངས་མ་
མཆིས་པ་ནས་ཀུན་ནས་ཉོན་མོངས་པའི་ལས་བགྱིས་པ་ལྟ་ཞིག་བཤད་ཀྱིས་མི་རྫོགས་ཏེ། མི་དགེ་བ་བཅུ་དང་། མཚམས་མ་མཆིས་པ་ལྔ་དང་མཉམ་པ་ཉིད་ལ་སྐུར་པའི་སྡིག་གྲངས་མ་མཆིས་པར་བགྱིས་པ་དེ་དག་དེ་བཞིན་གཤེགས་
པའི་མདོ་སྡེ་བཅུ་གཉིས་ལ་བརྟེན་ནས་བྱང་ཆུབ་སེམས་དཔའི་དགེ་འདུན་རྣམས་ཀྱི་སྤྱན་སྔར་མཐོལ་ཏེ། འགྱོད་ཚངས་སུ་གསོལ་ཞིང་མཆིས་ན་སྐབས་དབྱེ་ཞིང་ཅི་གནང་ཞེས་གསོལ་པ་དང་། བཅོམ་ལྡན་འདས་ཀྱིས་བཀའ་སྩལ་པ། 
ལེག་སོ་ལེགས་སོ། །རིགས་ཀྱི་བུ་འཇིགས་པའི་སེམས་བསྐྱེད་པ་འང་དཀའ་ལ། དགེ་བའི་རྩ་བ་བསྐྱེད་པ་འང་དཀའ་སྟེ། མི་དགེ་བ་བཅུ་དང་། མཚམས་མེད་པ་ལྔ་འཐོལ་ཞིང་འཆགས་པར་འདོད་པ་ནི་ལོངས་སྤྱོད་ལ་སོགས་པ་ཡང་

62-1-264a

སངས་རྒྱས་ཀྱི་བདག་ཉིད་མཐོང་དུ་ཉེ་བས་ཡིད་ལ་དྲན་པ་བཞིན་དུ་མཐོལ་ཞིང་ཤོགས་ཤིག །དེ་ནས་རྒྱལ་བུ་དགེ་མཐོང་ལ་སོགས་པ་མི་སུམ་སྟོང་གིས་བཅོམ་ལྡན་འདས་ཀྱིས་སྐབས་དབྱེ་བར་གནང་བ་བྱམས་པའི་གསུང་ཐོས་ནས་
གོས་ཚགས་བཅོས་ཏེ་ཐལ་མོ་སྦྱར་ཅིང་ཕྱག་འཚལ་ནས་བླ་གོས་ཕྲག་པ་གཡས་སུ་གཟར་ཏེ། པུས་མོ་གཡས་པའི་ལྷ་ང་ས་ལ་བཙུགས་ནས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས་བདག་ཅག་ཕྱོགས་བཅུའི་
སངས་རྒྱས་ལ་སྐྱབས་སུ་མཆིའོ། །ཕྱོགས་བཅུའི་ཆོས་ལ་སྐྱབས་སུ་མཆིའོ། །ཕྱོགས་བཅུའི་དགེ་འདུན་ལ་སྐྱབས་སུ་མཆིའོ། །ཡང་འདི་ལྟ་སྟེ། ཤར་ཕྱོགས་ཀྱི་སངས་རྒྱས་འཁྲུག་པ་མི་མངའ་ལ་ཕྱག་འཚལ་ཞིང་སྐྱབས་སུ་མཆིའོ། །
ལྷོ་ཕྱོགས་ཀྱི་སངས་རྒྱས་རིན་ཆེན་འབྱུང་གནས་ལ་ཕྱག་འཚལ་ཞིང་སྐྱབས་སུ་གསོལ་ལོ། །ནུབ་ཕྱོགས་ཀྱི་སངས་རྒྱས་འོད་དཔག་མེད་ལ་ཕྱག་འཚལ་ཞིང་སྐྱབས་སུ་གསོལ་ལོ། །བྱང་ཕྱོགས་ཀྱི་སངས་རྒྱས་དོན་ཡོད་གྲུབ་པ་ལ་ཕྱག་འཚལ་
ཞིང་སྐྱབས་སུ་གསོལ་ལོ། །བླ་མ་ཕྱོགས་ཀྱི་སངས་རྒྱས་དྲི་བརྩེགས་ལ་ཕྱག་འཚལ་ཞིང་སྐྱབས་སུ་གསོལ་ལོ། །འོག་མ་ཕྱོགས་ཀྱི་སངས་རྒྱས་གཟུགས་བརྙན་འབུམ་ལ་ཕྱག་འཚལ་ཞིང་སྐྱབསུ་གསོལ་ལོ། །ཡང་ཤར་ཕྱོགས་ན་སྐྱེས་བུ་ཆེན་
པོ་ཀུན་དུ་བཟང་པོ་ལ་ཕྱག་འཚལ་ཞིང་སྐྱབས་སུ་གསོལ་ལོ། །ལྷོ་ཕྱོགས་ན་སྐྱེས་བུ་ཆེན་པོ་འཇིན་རྟེན་འཛིན་ལ་ཕྱག་འཚལ་ཞིང་སྐྱབས་སུ་གསོལ་ལོ། །ནུབ་ཕྱོགས་ན་ཀུན་དུ་སྤྱན་རས་གཟིགས་དབང་ཕྱུག་ལ་ཕྱག་འཚལ་ཞིང་སྐྱབསུ་གསོལ་ལོ། །
བྱང་ཕྱོགས་ན་ཟླ་གང་ལ་ཕྱག་འཚལ་ཞིང་སྐྱབས་སུ་གསོལ་ལོ། །བླ་མ་ཕྱོགས་ན་ནམ་མཁའི་སྙིང་པོ་ལ་ཕྱག་འཚལ་ཞིང་སྐྱབས་སུ་གསོལ་ལོ། །འོག་མ་ཕྱོགས་ན་སྐྱེས་བུ་ཆེན་པོ་བརྟན་དཔལ་ལ་ཕྱག་འཚལ་ཞིང་སྐྱབསུ་གསོལ་
ལོ། །ཡང་བདག་ཅག་གི་མཁན་པོ་དེ་བཞིན་གཤེགས་པ་འོད་མི་འགྱུར་ལ་ཕྱག་འཚལ་ཞིང་སྐྱབས་སུ་གསོལ་ལོ། །མ་བྱོན་པའི་སངས་རྒྱས་ཀྱི་བདག་ཉིད་ལ་ཕྱག་འཚལ་ཞིང་སྐྱབས་སུ་གསོལ་ལོ། །ཕྱོགས་གཞན་ན་སངས་རྒྱས་སྤྲུལ་

62-1-264b

པའི་སྐུ་ལ་ཡང་ཕྱག་འཚལ་ཞིང་སྐྱབས་སུ་གསོལ་ལོ། །ད་ལྟར་བདག་ཅག་གི་མཁན་པོ་བཅོམ་ལྡན་འདས་ཤཱཀྱ་ཐུབ་པ་ལ་ཡང་ཕྱག་འཚལ་ཞིང་སྐྱབས་སུ་གསོལ་ལོ། །སྐྱེས་བུ་ཆེན་པོ་དྲི་མ་མེད་པར་གྲགས་པ་དང་འཇམ་དཔལ་
གཞོན་ནུར་གྱུར་པ་ལ་ཕྱག་འཚལ་ཞིང་སྐྱབས་སུ་གསོལ་ལོ། །འཕགས་པ་དགའ་བོ་དང་འོད་སྲུང་ལ་ཡང་ཕྱག་འཚལ་ཞིང་སྐྱབས་སུ་གསོལ་ལོ། །འཕགས་པའི་འབྲས་བུ་རྣམ་བཞི་མངོན་པར་འབྱུང་བ་རྣམས་ལ་ཡང་ཕྱག་འཚལ་ཞིང་
སྐྱབས་སུ་གསོལ་ལོ། །བྱང་ཆུབ་ཀྱི་སེམས་དང་པོ་བསྐྱེད་པ་རྣམས་ལ་ཡང་ཕྱག་འཚལ་ཞིང་སྐྱབས་སུ་གསོལ་ལོ། །སྡེ་སྣོད་ཆེན་པོ་གསུང་རབ་མདོ་སྡེ་བཅུ་གཉིས་དང་མཉམ་པ་ཉིད་ཡང་དག་པའི་མདོ་སྡེ་གཞན་བཞུགས་སོ་འཚལ་ལ་ཡང་
ཕྱག་འཚལ་ཞིང་སྐྱབས་སུ་གསོལ་ལོ། །ཆ་བརྒྱད་དུ་བགོས་པའི་སྐུ་གདུང་དང་རིང་བསྲེལ་དང་བཅས་པའི་མཆོད་རྟེན་ལ་ཡང་ཕྱག་འཚལ་ཞིང་སྐྱབས་སུ་གསོལ་ལོ། །ད་ལྟ་ན་སྐུ་གཟུགས་བཞུགས་པ་ཐམས་ཅད་ལ་ཡང་ཕྱག་འཚལ་ཞིང་
སྐྱབས་སུ་གསོལ་ལོ། །ཕྱོགས་བཞིའི་རྒྱལ་པོ་ཆེན་པོ་བཞི་དང་། ཚངས་པ་དང་། བརྒྱ་བྱིན་དང་། སུམ་བཅུ་རྩ་གསུམ་གྱི་ལྷའི་དབང་ཕྱུག་དང་། བར་སྣང་ལ་གནས་པའི་ལྷ་དང་། སའི་ལྷ་དང་། རི་དང་། ནགས་ཚལ་དང་། ཤིང་དྲུང་གི་
ལྷ་དང་། དྲང་སྲོང་དང་། རྫུ་འཕྲུལ་གྱི་རྐང་པ་དང་ལྡན་པ་རྣམས་དང་། ལྷའི་སྤྱན་མངའ་བ་རྣམས་དང་། ལྷའི་སྙན་མངའ་བ་ཐམས་ཅད་ཀྱིས་སྙན་གྱིས་གསན་ཅིང་མཁྱེན་པར་མཛོད་ཅིག །ཀུན་དབང་དུ་གསོལ་ཏེ། སེམས་ཅན་
ཐམས་ཅད་ལ་མ་མཐོལ་མ་བཤགས་པ་ཞིག་མཆིས་ན་ཡང་སྡིག་པ་ཐམས་ཅད་བྱང་བར་གྱུར་ཅིག །ཡང་དེ་སྐད་ཅེས་སྨྲས་པ་དང་། བདག་ཅག་ཐོག་མ་མ་མཆིས་པ་ནས་ད་ལྟར་གྱི་ལུས་ངན་པ་འདི་ཐོབ་པའི་བར་དུ་ནོར་ཅིང་འཁྲུལ་
པའི་སེམས་ཀྱིས་ཕྱིན་ཅི་ལོག་ཏུ་ལྟ་བ་དཔག་ཏུ་མ་མཆིས་པ་ཉོན་མོངས་པ་དང་མི་དགེ་བའི་ལས། བགྱིས་པ་བརྗོད་ཀྱིས་མི་ལང་སྟེ། སྡིག་པའི་ཚོགས་བགྱིས་སོ་འཚལ་རང་གིས་མ་ཚོར་མ་རིག་པས་ངན་སེམས་རབ་ཏུ་རྒྱས་

62-1-265a

ཏེ། ཚེ་ཕྱི་མ་མ་མཐོང་ཞིང་ཚེ་འདི་འབའ་ཞིག་མཐོང་བས་ཉོན་མོངས་པའི་བག་ཆགས་ལ་མོས་ཏེ། དགེ་བའི་རྩ་བ་དང་རིང་དུ་གྱུར་ཅིང་ལས་ངན་པས་བར་དུ་ཆོད་ནས་སྡིག་པའི་གྲོགས་པོ་དང་བསྟེན་ཅིང་དགེ་སློང་དང་། 
དགེ་སློང་མ་ལ་མི་རིགས་མི་ཚུལ་བའི་ལས་བགྱིས་པ་དང་། ཕ་དང་མ་ལ་མི་རིགས་མི་ཚུལ་བའི་ལས་བགྱིས་པ་དང་། ཡང་བདག་རང་ཉམས་ཀྱི་དབང་གིས་དགེ་འདུན་གྱི་དཀོར་ནོར་ཐུགས་ཐུབ་ཏུ་སྤྱད་པ་དང་། དགེ་འདུན་སྡེ་ལྔ་ལ་
མི་རིགས་མི་ཚུལ་བར་བགྱིས་པ་དང་། འཇིག་རྟེན་པའི་ཀུན་ནས་ཉོན་མོངས་པའི་འབྲས་བུ་དཔག་ཏུ་མ་མཆིས་པར་བཤད་པ་འམ། བྱང་ཆུབ་ཀྱི་དགེ་བའི་རྩ་བ་དང་ལྡན་པའི་སེམས་ཅན་བཀུམ་པ་འམ། ཆོས་ཀྱི་སློབ་དཔོན་
ལ་སྐུར་ཏེ། ཆོས་ལ་ཆོས་མ་ལགས་ཞེས་སྐུར། ཆོས་མ་ལགས་པ་ནི་ཆོས་ལགས་ཞེས་བརྗོད། དེ་བཞིན་གཤེགས་པ་ལ་ནི་མི་རྟག་ཅེས་བགྱིས། དམ་པའི་ཆོས་ལ་ཡང་མི་རྟག་གོ་ཞེས་བགྱིས། དགེ་འདུན་དཀོན་མཆོག་
ཀྱང་མི་རྟག་གོ་ཞེས་བགྱིས། སྦྱིན་པ་དང་ཤེས་རབ་ལ་ནི་མ་མོས། ལོག་པའི་ཆོས་ལ་དད་ཅིང་འཛིན་པ་དེ་དག་གི་སླད་དུ་དེང་འཇིགས་ཤིང་སྐྲག་པ་དཔག་ཏུ་མ་མཆིས། ཁྲེལ་ཞིང་ངོ་ཚ་བ་ཡང་དཔག་ཏུ་མ་མཆིས་ཏེ། དཀོན་
མཆོག་གསུམ་ལ་སྐྱབས་སུ་གསོལ་ལོ། །སངས་རྒྱས་བཅོམ་ལྡན་འདས་ནི་བྱམས་པ་དང་ཐུགས་རྗེ་མངའ་སྟེ། ཕྱོགས་སུ་སྙོམས་པའི་ཡབ་ཡུམ་ལགས། བྱང་ཆུབ་སེམས་དཔའ་རྣམས་ནི་དགེ་བའི་བཤེས་གཉེན་ལགས་
ན་བདག་ཅག་གི་སྡིག་པ་བསྐལ་པ་གྲངས་མ་མཆིས་པ་ནས་འཁོར་བ་ནས་བགྱིས་པ་མཐོལ་ཞིང་བཤགས་པར་འཚལ་ན་གནང་བའི་སྐབས་དབྱེ་བར་གསོལ་ཞིང་སླན་ཆད་ཀྱང་མི་བགྱིད་པར་སྨོན་ཏོ། །ཡང་འདི་ལྟ་སྟེ། བཅོམ་ལྡན་
འདས་བདག་ཅག་བསྐལ་པ་དཔག་ཏུ་མ་མཆིས་པ་ཚུན་ཆད་མཚམས་མ་མཆིས་པ་ལྔ་བགྱིས་པ་དང་། སངས་རྒྱས་དུས་གསུམ་དུ་གཤེགས་པའི་བསླབ་པ་ཞིག་བགྱིས་པ་དང་། ལོག་སྤྱོད་ཀྱི་སྤྱད་པ་སྤྱོད་པ་དང་། ངག་རྩུབ་མོ་གཏོང་བ་

62-1-265b

དང་། དམ་པའི་ཆོས་ལ་སྐུར་པའི་ལས་ངན་པ་དེ་དག་འགྱོད་ཅིང་མཐོལ་མ་མྱོང་སྟེ། སེམས་ལ་གནོང་བ་འམ། ངོ་ཚ་བ་མ་མཆིས་པར་མི་དགེ་བ་བཅུ་དང་། མཚམས་མ་མཆིས་པ་ལྔ་ལ་སོགས་པའི་སྡིག་པ་མི་དགེ་བའི་ལས་ལྕི་བ་
ངེས་པར་བགྱིས་པར་རང་གིས་འཚལ་ཀྱང་ནོངས་པ་བཅབས་ནས་འཇིགས་ཤིང་སྐྲག་པ་དང་། གནོང་ཞིང་ངོ་ཚ་བའི་སེམས་ཐོག་མ་ནས་མ་མཆིས་པར་དད་པ་ཅན་གྱི་མཆོད་པ་བླངས་ནས་མཐོལ་ཞིང་བཤགས་མ་མྱོང་སྟེ། དམ་པའི་ཆོས་
ཡུན་དུ་བཙུགས་ཏེ་རིམ་གྲོ་བགྱི་བའི་སེམས་མ་མཆིས་པར་རྟག་ཏུ་སྨོས་ཤིང་བརྙས་པ་དང་། ངག་གི་སྒོ་ནས་ཀུན་ནས་ཉོན་མོངས་པའི་ནོངས་པ་མང་པོ་བགྱིས་པ་དང་། ཆེད་ན་དཀོན་མཆོག་གསུམ་ཡང་མེད་དོ། །ཞེས་བརྗོད་པ་དང་། མི་
དགེ་བ་བཅུ་དང་། མཚམས་མ་མཆིས་པའི་སྡིག་དེ་དག་བགྱིས་པའི་སླད་དུ་དེང་འཇིགས་ཤིང་སྐྲག་པ་དཔག་ཏུ་མ་མཆིས། གནོང་ཞིང་ཁྲེལ་པ་དཔག་ཏུ་མ་མཆིས་ཏེ་དཀོན་མཆོག་གསུམ་ལ་སྐྱབས་སུ་གསོལ་ལོ། །སངས་རྒྱས་བཅོམ་
ལྡན་འདས་ནི་བྱམས་པ་དང་ཐུགས་རྗེ་མངའ་སྟེ་ཕྱོགས་སུ་སྙོམས་པའི་ཡབ་ཡུམ་ལགས། བྱང་ཆུབ་སེམས་དཔའ་རྣམས་ནི་དགེ་བའི་བཤེས་གཉེན་ལགས་ན་བདག་ཅག་གི་སྡིག་བསྐལ་པ་གྲངས་མ་མཆིས་པའི་འཁོར་བ་ནས་
བགྱིས་པ་མི་འཆབ་པའི་སེམས་ཀྱིས་མཐོལ་ཞིང་བཤགས་པར་འཚལ་ན། གནང་བའི་སྐབས་དབྱེ་བར་གསོལ། སླན་ཆད་ཀྱང་མི་བགྱིད་པར་སྨོན་ཡང་འདི་ལྟ་སྟེ། བཅོམ་ལྡན་འདས་བདག་ཅག་བསྐལ་པ་གྲངས་མ་མཆིས་
པ་ཚུན་ཆད་ཕྱིན་ཅི་ལོག་ཏུ་ལྟ་ལྟ་སྟེ། རྩ་བ་བཞི་ནི་སྦོམ་པོར་བཤད། སྦོམ་པོ་ནི་རྩ་བ་བཞིར་བཤད། ཞིག་པ་རྣམས་ནི་མ་ཞིག་པར་བཤད། མ་ཞིག་པ་རྣམས་ནི་ཞིག་པར་བཤད། ལྕི་བ་རྣམས་ནི་ཡང་བར་བཤད། ཡང་བ་
རྣམས་ནི་ལྕི་བར་བཤད། དག་པ་རྣམས་ནི་མ་དག་པར་བཤད། མ་དག་པ་རྣམས་ནི་དག་པར་བཤད་པ་དང་། ཡང་ལོག་པར་ལྟ་བས་འཇིག་རྟེན་པའི་གཙུག་ལག་ལ་བསྟོད་ཅིང་བསྔགས་ནས་ཆོས་དང་མདོ་སྡེ་ལ་ནི་མ་གུས་ཏེ་སྨྲེ་ངན་གྱི་

62-1-266a

གཏམ་རྟག་ཏུ་གླེང་ཞིང་བརྗོད་པ་དང་། མ་བརྟགས་པའི་རྣམ་པ་བརྒྱད་པོ་འཆང་བ་དང་། དེ་བཞིན་གཤེགས་པའི་བཀའ་ཡང་དག་པ་ནི། བདུད་ཀྱི་ཚིག་གོ་ཞེས་བགྱིས་པ་དང་། བདུད་ཀྱི་ཚིག་ཡང་དག་པ་ནི་དེ་བཞིན་
གཤེགས་པའི་བཀའ་ཞེས་བགྱིས་པ་དང་། མུ་སྟེགས་མཁན་གྱི་ཚིག་ལ་ཡིད་ཆེས་པར་འཛིན་པ་དང་། དེ་བཞིན་གཤེགས་པ་མཐར་མྱ་ངན་ལས་འདས་ཏེ་མེད་པས་དཀོན་མཆོག་གསུམ་ཡང་མི་རྟག་གོ་ཞེས་བགྱིས་ནས་ལུས་དང་སེམས་
འཁྲུལ་ཅིང་ཕྱིན་ཅི་ལོག་ཏུ་ལྟ་བ་དཔག་ཏུ་མ་མཆིས་པའི་སླད་དུ་དེང་འཇིགས་ཤིང་སྐྲག་པ་དཔག་ཏུ་མ་མཆིས། གནོང་ཞིང་ངོ་ཚ་བ་ཡང་དཔག་ཏུ་མ་མཆིས་ཏེ། དཀོན་མཆོག་གསུམ་ལ་སྐྱབས་སུ་གསོལ་ལོ། །སངས་རྒྱས་བཅོམ་ལྡན་
འདས་ནི་བྱམས་པ་དང་ཐུགས་རྗེ་མངའ་སྟེ། ཕྱོགས་སུ་སྙོམས་པའི་ཡབ་ཡུམ་ལགས། བྱང་ཆུབ་སེམས་དཔའ་རྣམས་ནི་དགེ་བའི་བཤེས་གཉེན་ལགས་ན་བདག་ཅག་གི་སྡིག་པ་བསྐལ་པ་གྲངས་མ་མཆིས་པའི་འཁོར་བ་ནས་བགྱིས་
པ་དེ་དག་མི་འཆབ་པའི་སེམས་ཀྱིས་འཐོལ་ཞིང་བཤགས་པར་འཚལ་ན་གནང་བའི་སྐབས་དབྱེ་བར་གསོལ། སླན་ཆད་ཀྱང་མི་བགྱིད་པར་སྨོན་ཏོ། །ཡང་འདི་ལྟ་སྟེ། བཅོམ་ལྡན་འདས་བདག་ཅག་བསྐལ་པ་དཔག་ཏུ་མ་མཆིས་པ་
ནས་ཚེ་ལུས་འདི་ལ་ཐུག་གི་བར་དུ་དགེ་འདུན་སྤྱིའི་ནོར་རམ། ཕྱོགས་བཅུའི་དགེ་འདུན་གྱི་ནོར་རམ། །ད་ལྟར་བཞུགས་པའི་དགེ་འདུན་གྱི་ནོར་རམ། དགེ་འདུན་སྡེ་ལྔའི་ནོར་རམ། དགེ་སློང་གང་ཟག་གི་ནོར་རམ། ཡོན་བདག་ཐམས་
ཅད་ཀྱི་ནོར་རྫས་ལ་བརྐུས་པ་འམ། རང་ཉམ་དུ་སྤྱོད་པ་དང་། ཡང་རང་སྨོས་ཏེ། བདག་དམ་པའི་ཆོས་བསམ་གཏན་བཞི་འམ། འབྲས་བུ་བཞི་མ་ཐོབ་པར་ཐོབ་བོ་ཞེས་སྨྲས་པ་ལ་སོགས་པ་རྐྱེན་དེ་ལྟ་བུའི་ལས་ངན་པ་མི་དགེ་བའི་རྒྱུ་རྐྱེན་དུ་
གྱུར་ཏེ་ཁྱིམ་ནས་ཁྱིམ་མེད་པར་རབ་ཏུ་བྱུང་ན་ཡང་ཕམ་པ་བཞི་དང་། སྡོམ་པ་བརྒྱད་དང་། དྲུག་དང་། དགེ་འདུན་གྱི་ལྷག་མ་བཅུ་གསུམ་དང་། མ་ངེས་པའི་ཆོས་གཉིས་དང་། སྤང་བའི་ལྟུང་བ་སུམ་བཅུ་དང་། ལྟུང་བ་དགུ་བཅུ་དང་། སོ་སོར་བཤགས་

62-1-266b

པ་བཞི་དང་། བསླབ་པ་མང་པོ་དང་། བདུན་ཤིན་དུ་ལྕི་བའི་ཆོས་རྣམས་ཏེ། ཚུལ་ཁྲིམས་དེ་དག་རེ་རེ་ལ་ཉེས་བྱས་ནས་ཕམ་པ་ལ་ཐུག་གི་བར་དུ་ཉམས་པ་དང་། མཚམས་མ་མཆིས་པ་ལྔ་བགྱིས་པ་དང་། དམ་པའི་ཆོས་དང་། མདོ་སྡེ་ཟབ་མོ་ལ་སྐུར་
པ་དང་། ལོག་སྤྱོད་ཀྱི་སྤྱད་པ་སྤྱོད་པ་ནས་ནོངས་པ་བཅབས་ཏེ་འགྱོད་ཅིང་མཐོལ་མ་མྱོང་བས་ཉིན་མཚན་དུ་འཕེལ་ཞིང་སྐྱེ་བ་སྔོན་རྒྱལ་བ་དག་བཤད་པ་ལས་ཐོས་པ་ནི་དམ་པའི་ཆོས་ལ་སྐུར་པ་འམ། མཚམས་མ་མཆིས་པ་ལྔ་བགྱིས་པ་འམ། རྩ་བ་
བཞི་ཕམ་པར་གྱུར་པ་རྣམས་མ་བཤགས་མ་མཐོལ་ན་སེམས་ཅན་དམྱལ་བར་ངེས་པར་ལྟུང་སྟེ། དེ་བཞིན་གཤེགས་པ་དང་། བྱང་ཆུབ་སེམས་དཔའ་རྣམས་དང་། ཉན་ཐོས་དང་། རང་སངས་རྒྱས་ཀྱིས་ཀྱང་སྐྱབས་མཛད་པར་མི་འགྱུར། དགེ་འདུན་དང་། 
ཕ་མ་དང་། ལྷ་རྣམས་དང་། མི་རྣམས་ཀྱིས་ཀྱང་སྐྱབས་དང་འོར་བ་བགྱིད་མི་ནུས་སོ་ཞེས་བྱུང་བས་ན་དེའི་སླད་དུ་དེང་འཇིགས་ཤིང་སྐྲག་པ་དཔག་ཏུ་མ་མཆིས། གནོང་ཞིང་ངོ་ཚ་བ་དཔག་ཏུ་མ་མཆིས་ཏེ། དེའི་སླད་དུ་དེང་དཀོན་མཆོག་གསུམ་དང་། 
འདས་པའི་སངས་རྒྱས་རིན་ཆེན་མང་དང་། མ་འོངས་པའི་སངས་རྒྱས་སྟོང་དང་། ད་ལྟར་བཞུགས་པའི་སངས་རྒྱས་སྤྲུལ་པའི་སྐུ་ཤཱཀྱ་ཐུབ་པ་ལ་སྐྱབསུ་གསོལ་ལོ། །སངས་རྒྱས་བཅོམ་ལྡན་འདས་ནི་བྱམས་པ་དང་ཐུགས་རྗེའི་མངའ་བདག་སྟེ། 
ཕྱོགས་སུ་སྙོམས་པའི་ཡབ་ཡུམ་ལགས། བྱང་ཆུབ་སེམས་དཔའ་རྣམས་ནི་དགེ་བའི་བཤེས་གཉེན་ལགས་ན་བདག་ཅག་བསྐལ་པ་དཔག་ཏུ་མ་མཆིས་པ་ཚུན་ཆད་ཀྱི་ཉོན་མོངས་པའི་སྒྲིབ་པ་དང་། ལས་ཀྱི་སྒྲིབ་པ་དང་། ཤེས་བྱའི་སྒྲིབ་པ་
དང་། ཕམ་པ་བཞི་དང་། མཚམས་མ་མཆིས་པ་དང་། མི་དགེ་བ་བཅུ་ལ་སོགས་པའི་སྡིག་ལྕི་བ་རྣམས་མཐོལ་ཞིང་བཤགས་པར་འཚལ་ན་གནང་བའི་སྐབས་དབྱེ་བར་གསོལ། ཡང་འདི་ལྟ་སྟེ། བཅོམ་ལྡན་འདས་དེང་བདག་ཅག་
གིས་སེམས་ཅན་རྣམས་དང་། བདག་ཅག་རང་རང་གི་སླད་དུ་ཕྱོགས་བཅུའི་རྒྱལ་བའི་སྤྱན་སྔར་ད་མཐོལ་ཞིང་བཤགས་པར་འཚལ་ལོ། །སེམས་ཅན་ཐམས་ཅད་ཀྱིས་བསྐལ་པ་དཔག་ཏུ་མ་མཆིས་པ་ཚུན་ཆད་དེ་བཞིན་གཤེགས་པ་

62-1-267a

རྣམས་དང་། ཕ་མའི་དྲིན་གློ་བར་མ་ཆུད་པ་དང་། རྣམ་པར་བྱང་བའི་ཆོས་མ་མཚལ་ཏེ། མི་དགེ་བ་སྣ་ཚོགས་བགྱིས་པ་དང་། རང་གི་རིགས་སྙེམས་ཏེ། དྲེགས་ཤིང་རྒྱགས་པའི་ཚེ་ཀུན་ནས་ཉོན་མོངས་པའི་ལས་ཉམ་
བག་ཏུ་བགྱིས་ཀྱང་ནོངས་པར་མ་མཐོང་བས་སྐྱེ་བོ་བླུན་པོའི་ལས་བགྱིས་པ་དང་། སྡིག་པའི་བཤེས་གཉེན་ལ་བསྟེན་ཅིང་ཉོན་མོངས་པའི་སེམས་འཁྲུགས་པ་དང་། འདོད་པ་ལྔའི་ཡོན་ཏན་ལ་ཆོག་མ་འཚལ་ཏེ། མི་དགེ་བའི་ལས་
རྣམས་བགྱིས་པ་དང་། འགྲོ་བ་བཟང་མོས་བསླུས་ཏེ་འདོད་ཆགས་དང་། ཞེ་སྡང་དང་། གཏི་མུག་གི་ཉོན་མོངས་པས་གཟིར་ཅིང་སེམས་འཁྲུགས་ཏེ། སྤྲོས་པ་དང་། ལུས་དང་། ངག་དང་ཡིད་གསུམ་གྱི་སྒོ་ནས་བསྩོགས་པའི་ལས་
མི་དགེ་བ་བདག་རང་གིས་བགྱིས་པ་དང་། གཞན་བགྱིད་དུ་སྩལ་པ་དང་། བགྱིད་པ་ལ་རྗེས་སུ་ཡི་རང་བ་དེ་དག་ཐམས་ཅད་དེང་སོ་སོར་འཆགས་སོ། །མཐོལ་ལོ། །མི་འཆབ་བོ། །སངས་རྒྱས་དང་། ཆོས་དང་། འཕགས་པའི་
དགེ་འདུན་ལ་བསྙེན་བཀུར་མ་བགྱིས་པའི་སྡིག་པ་ཡང་དེང་སོ་སོར་ཤགས་སོ་མཐོལ་ལོ། །མི་འཆབ་བོ། །བྱང་ཆུབ་སེམས་དཔའ་དང་། རང་སངས་རྒྱས་ལ་ཡང་བསྙེན་བཀུར་མ་བགྱིས་པའི་སྡིག་པ་ཡང་དེང་སོ་སོར་འཆགས་སོ། །མཐོལ་ལོ་
མི་འཆབ་བོ། །མ་རིག་པའི་དབང་གིས་དམ་པའི་ཆོས་ལ་སྐུར་པ་བཏབ་པ་དང་། ཕ་མ་དང་། མཁན་པོ་དང་། སློབ་དཔོན་གྱི་དྲིན་གློ་བར་མ་ཆུད་པའི་སླད་དུ་བསྙེན་བཀུར་མ་བགྱིས་པའི་སྡིག་པ་དེ་དག་ཀྱང་དེང་སོ་སོར་འཆགས་སོ། །
མཐོལ་ལོ། །མི་འཆབ་བོ། །བླུན་ཞིང་རྨོངས་པས་བསྒྲིབས་ཏེ། ཉམ་རངས་དང་རྒྱགས་པས་མི་དགེ་བ་སྣ་ཚོགས་བགྱིས་པའི་སྡིག་པ་དེ་དག་ཀྱང་དེང་སོ་སོར་འཆགས་སོ། །མཐོལ་ལོ། །མི་འཆབ་བོ། །སླན་ཆད་ཀྱང་མི་བགྱིད་དོ། །ཕྱོགས་
བཅུའི་སངས་རྒྱས་ཐམས་ཅད་ལ་བདག་ཅག་གིས་ཡོན་ཕུལ་ཞིང་མཆོད་པས་ནི་མ་ལུས་པའི་སེམས་ཅན་དེ་དག་ཀུན་ས་བཅུ་ལ་འཁོད་དེ། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་བྱང་ཆུབ་ཏུ་མངོན་པར་རྫོགས་པར་

62-1-267b

འཚང་རྒྱ་བར་གྱུར་ཅིག །དེ་ནས་བཅོམ་ལྡན་འདས་ཀྱིས་རྒྱལ་བུ་དགེ་མཐོང་ལ་འདི་སྐད་ཅེས་བཀའ་སྩལ་ཏོ། །ལེགས་སོ་སྐྱེས་བུ་ཆེན་པོ་རང་གི་ལས་ལེགས་ཉེས་ཀྱི་རྟོག་པ་ལ་མཁས་ཏེ། ཀུན་ནས་ཉོན་མོངས་པའི་ལས་ལ་
འཇིགས་པ་དང་སྐྲག་པ་སྐྱེས་ནས་ཉེས་པ་རྣམས་མངོན་པར་མཐོལ་བའི་སྟེང་དུ་སེམས་ཅན་གྱི་སྡིག་མང་པོ་ཡང་ཁྱོད་ཀྱིས་མཐོལ་ཞིང་འཆགས་པའི་ཕྱིར་ཁྱོད་ནི་སྐྱེས་བུ་དམ་པ་ཡང་དག་པ་ཞེས་བྱའོ། །རང་གི་ཉོན་མོངས་པ་སྤོང་བའི་སྟེང་དུ་
སེམས་ཅན་ཀུན་ནས་ཉོན་མོངས་པ་ཡང་རིང་དུ་དབྲལ་བར་བྱས་པས་དེའི་ཕྱིར་ཁྱོད་ནི་སྐྱེས་བུ་དམ་པ་ཡང་དག་པ་ཞེས་བྱ་བ་ཡིན་ཏེ། རང་གི་དོན་དུ་སྨོན་པ་མ་ཡིན་ཏེ། ཐོག་མར་སེམས་ཅན་ཐམས་ཅད་ཀྱི་དོན་དུ་བླ་ན་མེད་པ་ཡང་དག་པར་རྫོགས་
པའི་བྱང་ཆུབ་ཏུ་མངོན་པར་རྫོགས་པར་འཚང་རྒྱ་བར་སྨོན་ལམ་བཏབ་པའི་ཕྱིར་ཁྱོད་ནི་སྐྱེས་བུ་དམ་པ་ཡང་དག་པ་སྐྱེས་བུ་དམ་པ་ཡང་དག་པ་ཞེས་བྱའོ། །དེ་ནས་རྒྱལ་བུ་དགེ་མཐོང་ལ་སོགས་པ་མི་སུམ་སྟོང་གིས་འགྱོད་ཚངས་བགྱིས་པའི་
འོག་ཏུ་བཅོམ་ལྡན་འདས་ལ་ཚིགས་སུ་བཅད་དེ་འདི་སྐད་ཅེས་བསྟོད་དོ། །བཅོམ་ལྡན་ཉག་ཅིག་གཙོ་བོ་ཁྱོད། །ཁམས་གསུམ་ཕ་མ་ཐམས་ཅད་མཁྱེན། །ཐམས་ཅད་མི་མཉམ་མཉམ་པ་ཉིད། །བཅོམ་ལྡན་དཀོན་ལ་ཕྱག་
འཚལ་ལོ། །སྐྱེ་བོ་སྦྱིན་གཏོང་རང་གི་ཕྱིར། །ནོར་རྫས་བྱིན་ཅིང་ལན་ཡང་རེ། །བྱམས་ཆེན་རྒྱལ་བ་དེ་མིན་ཏེ། །དགྲ་གཉེན་བྱམས་དང་ཕན་སྙོམས་མཛད། །རྐང་གཉིས་ནང་ན་རྒྱལ་བ་བཙུན། །ཤེས་རབ་སྤྱན་གྱིས་མཁྱེན་གཟིགས་ལ། །
བརྩོན་འགྲུས་ཆེ་བདག་སྐྱབས་སུ་མཆི། །ལྷ་གཞན་ཤེས་རབ་དེ་མ་འཚལ། །འདས་དང་མ་བྱོན་ད་ལྟར་བཞུགས། །རྒྱལ་བ་ཀུན་ལ་བདག་ཕྱག་འཚལ། །དེ་བཞིན་རྒྱལ་ལ་སྐྱབས་གསོལ་པ་འང་། །དུས་གསུམ་རྒྱལ་བ་མཆོད་པ་བཞིན། །དེ་ནས་
ཕྱོགས་བཅུའི་སངས་རྒྱས་རྣམས་ཀྱིས་རྒྱལ་བུ་དགེ་མཐོང་དང་མི་སུམ་སྟོང་ལ་ཚིགས་སུ་བཅད་དེ་བསྟོད་པ། གང་ཞིག་སངས་རྒྱས་འགྲུབ་འདོད་པ། །མང་དུ་ཐོས་ལ་འབྲང་བར་བྱོས། །སློབ་དཔོན་དགེ་ལ་བཀུར་བྱས་ན། །སངས་རྒྱས་འགྲུབ་

62-1-268a

ལ་ཡུན་མི་རིང་། །གང་ཞིག་ཚུལ་ཁྲིམས་རྣམ་དག་སྤྱོད། །དེ་ནི་དགེ་སློང་ཡང་དག་ཡིན། །གང་ཞིག་སྟོང་པར་སྒོམ་ནུས་པ། །དེ་ནི་ཏིང་འཛིན་ཐོབ་ཅེས་བྱ། །གང་ཞིག་བརྩོན་འགྲུས་སྤྱོད་ནུས་པ། །དེ་ནི་བྱང་ཆུབ་སྤྱོད་པའོ། །གང་ཞིག་མྱ་
ངན་འདའ་འགྱུར་བ། །དེ་ནི་དགའ་བ་ཡང་དག་པའོ། །ཚུལ་ཁྲིམས་འཛིན་པའི་དགེ་སློང་དང་། །རྣམ་དག་ཁྲིམས་འཛིན་དགེ་སློང་མ། །ཟླ་བ་ཕྱེད་ཅིང་གསོ་སྦྱོང་བྱོས། །ཆོས་གོས་རྣམ་པ་ལུས་གྱོན་ཏེ། །ལྷུང་བཟེད་གསེག་གཤང་ཐོགས་ནས་སུ། །རྣམ་དག་
བསོད་སྙོམས་འགྲོ་བྱས་ན། །ལྷ་རྣམས་ཀུན་ཀྱང་དགའ་འགྱུར་བས། །ཐལ་མོ་སྦྱར་ཅིང་གུས་ཕྱག་འཚལ། །ངས་ཀྱང་ལྷ་དང་མི་རྣམས་ཀུན། །དེ་ཡི་བྱ་བ་བྱེད་དུ་གཞུག །དཔེར་ན་ལྷ་བྲན་ཐམས་ཅད་ཀྱིས། །ལྷ་ཡི་དབང་པོ་བརྒྱ་བྱིན་ལ། །
རིམ་གྲོ་གུས་པར་བྱེད་པ་བཞིན། །ད་ལྟར་འཕྲལ་དུ་འང་ལན་ཐོབ་སྟེ། །ཕྱི་མའི་དུས་སུ་འང་དཔག་ཏུ་མེད། །རབ་ཏུ་བྱུང་ཞིང་ཁྲིམས་འཛིན་པ། །སངས་རྒྱས་དྲིན་ལན་ལོན་ཞེས་བྱ། །རྒྱལ་བུ་དགེ་མཐོང་འདི་ལྟ་སྟེ། །ང་དང་སེམས་དཔའ་
མ་གཏོགས་པར། །འཇིག་རྟེན་པ་ཡི་མི་ཀུན་ཀྱང་། །རྣམ་དག་དད་པའི་སེམས་བསྐྱེད་དོ། །ཕྱོགས་བཅུའི་སངས་རྒྱས་དེ་དག་ཀུན། །མྱ་ངན་མི་འདའ་རྟག་ཏུ་བཞུགས། །ཆོས་དང་དགེ་འདུན་དེ་བཞིན་ཏེ། །དེ་ལྟར་མངོན་པར་ཤེས་པ་ནི། །
སངས་རྒྱས་དྲིན་ལན་ལོན་ཞེས་བྱ། །རྒྱལ་བུ་དགེ་མཐོང་འདི་ལྟ་སྟེ། །འཇིག་རྟེན་པ་ཡི་མི་དག་ཀུན། །རྣམ་པར་འབྱེད་པའི་སེམས་མེད་ཅིང་། །ཐེག་པ་གཅིག་ལམ་མངོན་པར་ཤེས། །འདས་པ་དང་ནི་མ་འོངས་པ། །ཕྱོགས་བཅུ་དང་ནི་ད་
ལྟའི་རྣམས། །སངས་རྒྱས་ཐེག་ཆེན་གཅིག་པུ་ལ། །གཉིས་སམ་གསུམ་ཞེས་བྱ་མེད་པར། །དེ་ལྟར་ཡིད་ལ་བསྐྱེད་ནས་སུ། །སེམས་ཀྱིས་རྣམ་པར་མི་རྟོག་ན། །དེ་ལྟ་བུ་ཡི་མི་རྣམས་ནི། །རྒྱལ་བའི་དྲིན་ལན་ལོན་ཞེས་བྱ། །རྒྱལ་བུ་
དགེ་མཐོང་འདི་ལྟ་སྟེ། །གང་ཟག་ལ་ལ་འགའ་ཞིག་གིས། །སངས་རྒྱས་མྱ་ངན་འདས་ཕྱི་ན། །རྟག་ཏུ་དད་པའི་སེམས་བསྐྱེད་དེ། །སེམས་ཅན་ཀུན་ལ་སངས་རྒྱས་ཀྱི། །བདག་ཉིད་ཡོད་པར་བཤད་པ་ནི། །དེ་ལྟ་བུ་ཡི་གང་ཟག་རྣམས། །

62-1-268b

རྒྱལ་བའི་དྲིན་ལན་ལོན་ཞེས་བྱ། །གང་ཞིག་སྐད་ཅིག་དགེ་སྤྱོད་ཅིང་། །ལྷ་ཡི་འབྲས་བུ་མི་རེ་སྟེ། །ཅིག་ཅར་བླ་མེད་ལམ་བསྒྲུབས་ན། །རྒྱལ་བའི་དྲིན་ལན་ལོན་ཞེས་བྱ། །རྒྱལ་བུ་དགེ་མཐོང་འདི་ལྟ་སྟེ། །སངས་རྒྱས་མྱ་ངན་འདས་ཕྱི་ན། །
གལ་ཏེ་གང་ཟག་འགའ་ཞིག་གིས། །ཡུད་ཙམ་མདོ་སྡེ་འདི་བཀླགས་ཏེ། །དཀོན་མཆོག་གསུམ་ལ་གུས་བྱས་ཤིང་། །མཁན་ལ་སྲིད་ཞུ་མཆོད་བྱས་ན། །དེ་ལྟ་བུ་ཡི་གང་ཟག་རྣམས། །རྒྱལ་བའི་དྲིན་ལན་ལོན་ཞེས་བྱ། །གང་ཞིག་ནོར་
རྫས་སྣ་འགའ་འམ། །ཁ་ཟས་དང་ནི་གོས་ཀྱི་རྣམས། །ཀུན་ལ་ཁྱབ་པར་སྦྱིན་བྱས་ན། །རྒྱལ་བའི་དྲིན་ལན་ལོན་ཞེས་བྱ། །རྒྱལ་བུ་དགེ་མཐོང་འདི་ལྟ་སྟེ། །ང་ཡི་ཆོས་རྣམས་འཇིགས་པ་ན། །གང་ཞིག་འགའ་ལ་བློ་བརྟན་ནས། །ཡུད་ཙམ་
མདོ་སྡེ་འདི་མཉན་ན། །བྱང་ཆུབ་སེམས་དཔའ་འབུམ་བརྒྱ་ལ། །མཆོད་པ་ཕུལ་བས་དེ་ལྷག་གོ། །ཐེག་ཆེན་མདོ་སྡེ་འདི་དག་ཀྱང་། །སངས་རྒྱས་བྱང་ཆུབ་ཀུན་གྱི་ཡུམ། །སངས་རྒྱས་བྱང་ཆུབ་སེམས་དཔའ་དང་། །མདོ་སྡེ་འདི་ལ་དྲན་བྱས་ཏེ། །
སྙོམས་སེམས་ཕན་ཚུན་གཉིས་མེད་ན། །རྒྱལ་བའི་དྲིན་ལན་ལོན་ཞེས་བྱ། །རྒྱལ་བུ་དགེ་མཐོང་འདི་ལྟ་སྟེ། །གང་ཞིག་ཆོས་འདི་འཇིགས་པའི་ཚེ། །རྒྱལ་བའི་དྲིན་ལན་བླན་འདོད་པས། །སྐད་ཅིག་ཡུད་ཙམ་སྒོམ་བྱེད་པ། །སྟོང་ཁམས་གང་
བའི་སེམས་ཅན་གྱི། །སྲོག་གི་སྦྱིན་པ་བྱིན་པ་བས། །བསམ་གཏན་བསྒོམ་པ་ཡོན་ཏན་ཆེ། །གང་ཞིག་བསྒོམ་ལ་སྐུར་པ་དང་། །དགེ་འདུན་འཁྲུགས་པར་བྱེད་པ་ནི། །སྟོང་ཁམས་གསུམ་པོ་གང་བ་ཡི། །མི་རྣམས་ཀྱི་ནི་སྲོག་བཅད་དང་། །སྲོག་
ཆགས་ཐམས་ཅད་བསད་དང་འདྲ། །དེ་སྡིག་ཡང་ནི་དེ་བཞིན་ནོ། །གང་ཞིག་དགེ་སྤྱོད་མཐོང་བ་ལ། །སྐུར་པ་འདེབས་ཤིང་མ་དད་པ། །དཀོན་མཆོག་གསུམ་གྱི་རིགས་གཅོད་པས། །དེ་ནི་རྒྱལ་བའི་ལན་མི་ལྡོན། །དེ་ནས་རྒྱལ་བུ་དགེ་མཐོང་དང་མི་སུམ་
སྟོང་པོ་བཅོམ་ལྡན་འདས་རྣམས་ཀྱིས་བསྟན་པར་གནང་བ་དགའ་བས་ཚིམ་ནས་བསྟན་པ་ཉིད་སྤྱི་བོས་བླངས་ཏེ། ཚིགསུ་བཅད་པ་འདི་སྐད་ཅེས་གསོལ་ཏོ། །བཅོམ་ལྡན་འདས་ཀྱི་བསྟན་པ་ལ། །གང་མང་ལགས་ཤིང་གང་མི་མང་། །མང་དང་མི་མང་གཉི་ག་ཡང་། །

62-1-269a

དངོས་པོ་དམིགས་སུ་ཡོང་མ་མཆིས། །ཡང་དག་མཚན་ཉིད་དེ་ལྟ་བུ། །ཆོས་རྣམས་ཀུན་དང་མི་འགལ་ལོ། །སེམས་ཅན་ཀུན་ལ་བྱམས་སླད་དུ། །ཐབས་ཀྱིས་ཆོས་ཀྱི་འཁོར་ལོ་བསྐོར། །འཕགས་པ་གང་ནས་བྱོན་པ་ནས། །དེ་བཞིན་གཤེགས་པ་
འང་དེ་ནས་བྱོན། །ཡང་དག་མཚན་ཉིད་ཇི་ལྟ་བ། །དེ་བཞིན་གཤེགས་པ་འང་དེ་བཞིན་ནོ། །འཕགས་པ་ཀུན་གྱི་བདེན་ཚིག་ལྟར། །དེ་བཞིན་གཤེགས་པ་འང་དེ་བཞིན་བཤད། །དེ་ཡི་སླད་དུ་རྒྱལ་བའི་མཚན། །དེ་བཞིན་གཤེགས་ཤེས་བགྱི་བ་ལགས། །
བཟོད་པའི་གོ་ཆ་བརྟན་པའི་སེམས། །སྲ་བའི་གཞུ་སྟོབས་བརྩོན་འགྲུས་ཆེ། །རྣོ་བའི་མདའ་ནི་ཤེས་རབ་མགྱོགས། །ལེ་ལོའི་དགྲ་རྣམས་འཇོམས་མཛད་ཅིང་། །འཇིག་རྟེན་ལྷ་དང་མི་རྣམས་ཀྱི། །མཆོད་ཡོན་ཕུལ་བ་བཞེས་པས་ན། །དེ་ཡི་
སླད་དུ་རྒྱལ་བའི་མཚན། །དགྲ་བཅོམ་ཞེས་ནི་བགྱི་བ་ལགས། །རབ་ཏུ་སྡུག་བསྔལ་མཚན་ཉིད་མཁྱེན། །སྡུག་བསྔལ་རྒྱུ་ཡང་ཤིན་དུ་མཁྱེན། །སྡུག་བསྔལ་ཞི་བའི་མཚན་ཉིད་ལ། །ཞི་བའི་ཚུལ་ཡང་རབ་ཏུ་མཁྱེན། །འཕགས་པའི་བདེན་བཞི་
མཁྱེན་པས་ན། །འགྱུར་བ་མ་མཆིས་བདེན་པར་ངེས། །དེ་བས་ཕྱོགས་བཅུའི་ནང་ན་ཡང་། །མཚན་ནི་ཡང་དག་རྫོགས་ཞེས་བགྱི། །རིག་པ་གསུམ་པོ་མཆོག་བརྙེས་པས། །སྤྱོད་ལམ་རྣམ་དག་དང་ཡང་ལྡན། །དེ་སླད་མཚན་ནི་བཅོམ་ལྡན་
འདས། །མཁྱེན་དང་ཞབས་སུ་ལྡན་ཞེས་བགྱི། །ཆོས་རྣམས་ཐམས་ཅད་ཀུན་མཁྱེན་ཅིང་། །དམ་པའི་ཆོས་ཉིད་རབ་བརྙེས་པས། །ཐམས་ཅད་ཀུན་ལ་བྱམས་སླད་དུ། །དུས་སྐབས་སྦྱར་ཞིང་ཐབས་ཀྱིས་བཤད། །སྐྱེ་རྒ་ན་འཆི་
རབ་བསལ་ཅིང་། །བདེ་བའི་གནས་སུ་ཕྱིན་པར་མཛད། །དེ་ཡི་སླད་དུ་རྒྱལ་བའི་མཚན། །བདེ་བར་གཤེགས་ཤེས་བགྱི་བ་ལགས། །འཇིག་རྟེན་གང་ནས་མཆིས་པ་དང་། །འཇིག་རྟེན་བས་པའི་མཐའ་ཡང་མཁྱེན། །དེ་ཡི་སླད་དུ་རྒྱལ་བའི་
མཚན། །འཇིག་རྟེན་མཁྱེན་ཞེས་བགྱི་བ་ལགས། །ཐུགས་རྗེ་ཆེན་པོས་སེམས་ཅན་བསྒྲལ། །མཉེན་དེས་དགེ་བ་བསྟན་ཅིང་བཏུལ། །དེ་ཡི་སླད་དུ་རྒྱལ་བའི་མཚན། །སྐྱེས་བུ་འདུལ་བའི་ཁ་ལོ་སྒྱུར། །ཚུལ་ཁྲིམས་ཏིང་འཛིན་ཤེས་རབ་སྤྱན། །

62-1-269b

ཐུབ་ཅིང་བླ་རུ་འདའ་བ་མེད། །དེ་ཡི་སླད་དུ་རྒྱལ་བའི་མཚན། །བླ་ན་མེད་ཅེས་བགྱི་བ་ལགས། །ཉོན་མོངས་མི་མངའ་ཤེས་རབ་ལྡན། །རྣམ་གྲོལ་དམ་པ་མཆོག་བཤད་པས། །དེ་ཡི་སླད་དུ་རྒྱལ་བའི་མཚན། །ལྷ་དང་མི་ཡི་སྟོན་ཞེས་བགྱི། །དུས་གསུམ་
གཡོ་འམ་མི་གཡོ་བ། །བས་སམ་མ་བས་ཆོས་ཀུན་ཡང་། །བྱང་ཆུབ་ཤིང་དྲུང་ཀུན་མཁྱེན་པས། །དེ་ཡི་སླད་དུ་མཚན་སངས་རྒྱས། །དེ་ནས་ཕྱོགས་བཅུའི་སངས་རྒྱས་རྣམས་རྫུ་འཕྲུལ་ཆེན་པོའི་ཏིང་ངེ་འཛིན་དུ་ཞུགས་ནས་སྐུ་ནམ་མཁའ་ལ་འཕགས་ཏེ་ཞལ་སོ་སོ་ནས་
ཚིག་འཐུན་པར་འདི་སྐད་ཅེས་བཀའ་སྩལ་ཏོ། །ཀྱེ་རྒྱལ་བུ་དགེ་མཐོང་དང་མི་སུམ་སྟོང་པོ་ཁྱེད་རྣམས་ཀྱི་སྡིག་གི་རང་བཞིན་ནི་ནང་ན་ཡང་མི་གནས། ཕྱི་རོལ་ན་ཡང་མི་གནས། བར་ན་ཡང་མི་གནས་སོ། །སེམས་བརྟན་པའི་ཕྱིར་དགེ་བའི་མཐུ་ཡང་བརྟན་ནོ། །
རྣམ་པར་གྲོལ་བའི་ཕྱིར་སྡིག་གི་རང་བཞིན་ཡང་རྣམ་པར་གྲོལ་ལོ། །ཤེས་རབ་སྟོང་པ་ཉིད་ཀྱི་ཕྱིར་སྡིག་གི་རང་བཞིན་ཡང་སྟོང་པ་ཉིད་དོ། །དད་པའི་མཐུ་ཆེ་བའི་ཕྱིར་བསོད་ནམས་ཀྱི་མཐུ་ཡང་ཆེའོ། །དེ་བཞིན་དུ་མཐོལ་བཤགས་ཏེ་འགྱོད་ཚངས་ནུས་པ་ནི་ངེད་
རྣམས་མཐོང་བའི་སྟེང་དུ་སངས་རྒྱས་རིན་ཆེན་མང་དང་། སྤྲུལ་པའི་སྐུ་ཐམས་ཅད་ཀྱང་མཐོང་བར་འགྱུར་རོ། །འགྱོད་ཚངས་ཀྱིས་སྡིག་སྦྱངས་པས་རྒྱུན་དུ་ང་ཡང་མཐོང་ལ། དེང་བྱང་ཆུབ་སེམས་དཔའ་རྣམས་ལ་བསྟན་བཅོས་པ་དང་འདྲ་བར་དེ་བཞིན་དུ་འགྱོད་ཚངས་
བྱས་པ་ནི་ང་དང་སྤྲུལ་པ་རྣམས་དང་། འདས་པའི་སངས་རྒྱས་རིན་ཆེན་མང་ལ་སོགས་པ་ཐམས་ཅད་ཀྱང་དགྱེས་པར་འགྱུར་རོ། །ཕྱོགས་བཅུ་དུས་གསུམ་གྱི་སངས་རྒྱས་མཐོང་བ་དང་། མཆོད་པ་བྱས་པར་འགྱུར་རོ། །དེ་དག་ཀྱང་དགྱེས་
པར་འགྱུར་ཏེ། ཐེག་པ་ཆེན་པོའི་མདོ་སྡེ་འདིའི་རྗེས་སུ་བྱང་ཆུབ་ཏུ་ཆུད་པར་འགྱུར་རོ། །བཅོམ་ལྡན་འདས་ཀྱིས་འཁོར་ཞབས་རིང་བ་རྣམས་ལ་བཀའ་སྩལ་པ། སྡིག་ཅན་རྣམས་ཀྱིས་སྡིག་བཤགས་པར་འདོད་ན། རྒྱལ་བུ་
དགེ་མཐོང་བཞིན་དུ་དུས་གསུམ་གྱི་སངས་རྒྱས་དང་། མདོ་སྡེ་བཅུ་གཉིས་དང་། བྱང་ཆུབ་སེམས་དཔའི་དགེ་འདུན་ཆེན་པོ་རྣམས་ལ། རེ་རེ་ནས་དམིགས་ཏེ་ཕྱག་འཚལ་བ་ང་དང་ཕྲད་པ་དང་འདྲ་བ་འམ། མཐོང་བ་

62-1-270a

དང་འདྲ་བར་འདུ་ཤེས་བསྐྱེད་དེ། སངས་རྒྱས་གཅིག་གམ། སངས་རྒྱས་གཉིས་སམ། སངས་རྒྱས་བཅུ་འམ། སངས་རྒྱས་བརྒྱ་འམ། སངས་རྒྱས་སྟོང་ངམ། སངས་རྒྱས་ཁྲི་འམ། སངས་རྒྱས་གྲངས་མེད་པའི་འདུ་ཤེས་སུ་
བསྐྱེད་དེ། མཐོང་བ་དང་འདྲ་བར་དམིགས་ལ། དེ་བཞིན་དུ་རེ་རེ་ནས་སེམས་ཀྱིས་ཕྱག་འཚལ་ན་དེ་དག་གིས་བསོད་ནམས་དཔག་ཏུ་མེད་པ་ཡང་ཐོབ་པར་འགྱུར་ལ། འཁོར་བའི་སྡིག་ལྕི་བ་ཐམས་ཅད་ཀྱང་སེལ་བར་བྱེད་དོ། །བསྐལ་པ་གྲངས་མེད་
པའི་བར་དུ་ངན་སོང་གསུམ་དུ་ལྟུང་བར་མི་འགྱུར། སངས་རྒྱས་ཀྱི་ཆོས་ལ་བདེ་བར་གནས་པར་འགྱུར་བར་ཡང་ངེས་ཏེ་ཐེ་ཙོམ་མེད་དོ། །དེའི་ཕྱིར་སྡིག་པ་རྣམས་མཐོལ་ཞིང་བཤགས་པར་བྱས་ལ་སེམས་ཐག་པ་ནས་དད་པ་བསྐྱེད་ན་གདོན་མི་
ཟ་བར་སྡིག་འབྱང་བར་འགྱུར་རོ། །དེ་ནས་རྒྱལ་བུ་དགེ་མཐོང་དང་མི་སུམ་སྟོང་གིས་ཅིག་ཅར་དུ་སྐད་བསྐྱེད་དེ། བཅོམ་ལྡན་འདས་ལ་ཚིགས་སུ་བཅད་དེ་བསྟོད་པ་འདི་སྐད་ཅེས་གསོལ་ཏོ། །བཅོམ་ལྡན་བྱམས་ཤིང་ཐུགས་རྗེ་ཆེ། །ཤཱ་ཀྱའི་
གདུང་རིགས་ཆོས་ཀྱི་རྗེ། །ཚོགས་ཀྱི་ནང་ན་སེང་གེའི་སྒྲས། །ཁྱབ་པར་སེམས་ཅན་བསྡུས་པ་ནི། །ཕ་ལ་གཟིགས་པ་བུ་གཅིག་བཞིན། །རྣམ་པར་འབྱེད་པ་ཡོང་མ་མཆིས། །དེ་ལྟ་བུ་ཡི་བླ་མེད་པ། །མཐོང་ནས་དེ་སླད་གུས་ཕྱག་འཚལ། །
དེ་ནས་བཅོམ་ལྡན་འདས་ཀྱིས་རྒྱལ་བུ་དགེ་མཐོང་དང་མི་སུམ་སྟོང་རྣམས་ལ་འདི་སྐད་ཅེས་བཀའ་སྩལ་ཏོ། །རིགས་ཀྱི་བུ་དག་ཁྱེད་རྣམས་འདི་ལྟར་འགྱོད་ཚངས་བྱས་ཏེ། མི་འཆབ་པའི་སེམས་ཀྱིས་མཐོལ་ཞིང་བཤགས་པས་ད་ནི་བྱང་
ཆུབ་སེམས་དཔའ་ཞེས་བྱའོ། །ཁྱེད་རྣམས་མ་འོངས་པའི་དུས་ན་གདོན་མི་ཟ་བར་སངས་རྒྱས་སུ་འགྲུབ་བོ། །རིགས་ཀྱི་བུ་ཡང་འདི་ལྟ་སྟེ། ང་མྱ་ངན་ལས་འདས་པའི་འོག་ཏུ་གང་ཞིག་སེམས་ཐག་པ་ནས་ཕྱོགས་བཅུའི་དེ་བཞིན་གཤེགས་པ་རྣམས་
དང་། མདོ་སྡེ་བཅུ་གཉིས་དང་། བྱང་ཆུབ་སེམས་དཔའི་དགེ་འདུན་རྣམས་ལ་ཕྱག་འཚལ་བར་ནུས་པ་ནི་དཀོན་མཆོག་གསུམ་གྱི་དྲིན་གྱི་ལན་ལོན་ཞེས་བྱ་བ་སྟེ། དེ་མ་ཐག་ཏུ་མི་དགེ་བ་བཅུ་དང་། མཚམས་མེད་པ་ལྔ་དང་། མཉམ་པ་ཉིད་ལ་བསྐུར་པའི་

62-1-270b

སྡིག་བྱང་བར་གྱུར་ནས་རྒྱུན་དུ་ཞུགས་པར་འོས་པ་ནི། རྒྱུན་དུ་ཞུགས་པའི་འབྲས་བུ་སྦྱིན་ནོ། །ལན་ཅིག་ཕྱིར་འོང་བར་འོས་པ་ནི་ལན་ཅིག་ཕྱིར་འོང་བའི་འབྲས་བུ་སྦྱིན་ནོ། །ཕྱིར་མི་འོང་བར་འོས་པ་ནི་ཕྱིར་མི་འོང་བའི་འབྲས་བུ་སྦྱིན་ནོ། །
དགྲ་བཅོམ་པར་འོས་པ་ནི་དགྲ་བཅོམ་པའི་འབྲས་བུ་སྦྱིན་ནོ། །རང་སངས་རྒྱས་སུ་འོས་པ་ནི་རང་སངས་རྒྱས་ཀྱི་འབྲས་བུ་སྦྱིན་ནོ། །བྱང་ཆུབ་སེམས་དཔར་འོས་པ་ནི། བྱང་ཆུབ་སེམས་
དཔའི་འབྲས་བུ་སྦྱིན་ནོ། །ད་ལྟར་མདོ་སྡེ་འདིའི་ནང་ན། བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་སྐྱེ་བ་གཅིག་གིས་ཡང་དག་པའི་མཚན་ཉིད་ཐོབ་པ་ཡང་ཕྱོགས་བཅུ་དུས་གསུམ་
གྱི་སངས་རྒྱས་ལ་ཕྱག་འཚལ་བའི་ཡོན་ནོ། །བྱང་ཆུབ་སེམས་དཔའ་སྐྱེ་བ་གཉིས་ཀྱིས་ཆོས་ཀྱི་དབྱིངས་ཐོབ་པ་ཡང་དུས་གསུམ་གྱི་སངས་རྒྱས་རྣམས་ལ་ཕྱག་འཚལ་བའི་ཡོན་ནོ། །བྱང་ཆུབ་སེམས་དཔའ་ཡང་དག་པའི་མཐར་ཕྱིན་པའི་ཡེ་ཤེས་
ཐོབ་པ་ཡང་དུས་གསུམ་གྱི་སངས་རྒྱས་རྣམས་ལ་ཕྱག་འཚལ་བའི་ཡོན་ནོ། །བྱང་ཆུབ་སེམས་དཔའ་ལ་ལས་དོན་དམ་པའི་བདེན་པ་ཁོང་དུ་ཆུད་པ་ཡང་དུས་གསུམ་གྱི་སངས་རྒྱས་རྣམས་ལ་ཕྱག་འཚལ་བའི་ཡོན་ནོ། །བྱང་ཆུབ་སེམས་དཔའ་
དཔའ་བར་འགྲོ་བའི་ཏིང་ངེ་འཛིན་དང་ལྡན་པ་ཡང་དུས་གསུམ་གྱི་སངས་རྒྱས་རྣམས་ལ་ཕྱག་འཚལ་བའི་ཡོན་ནོ། །བྱང་ཆུབ་སེམས་དཔའ་ནམ་མཁའི་ཏིང་ངེ་འཛིན་དང་། ཡེ་ཤེས་ཀྱི་ཕྱག་རྒྱའི་ཏིང་ངེ་འཛིན་དང་ལྡན་པ་ཡང་དུས་གསུམ་གྱི་སངས་
རྒྱས་རྣམས་ལ་ཕྱག་འཚལ་བའི་ཡོན་ནོ། །བྱང་ཆུབ་སེམས་དཔའ་ལ་ལས་ཕྱིར་མི་ལྡོག་པའི་བཟོད་པ་དང་། ཆོས་སྦྱིན་གྱི་བཟོད་པ་དང་། ཆོས་བཞིན་གྱི་དབྱིངས་ལྡན་པ་ཡང་དུས་གསུམ་གྱི་སངས་རྒྱས་རྣམས་ལ་ཕྱག་འཚལ་བའི་ཡོན་ནོ། །བྱང་ཆུབ་
སེམས་དཔའ་ལ་ལས་གཟུངས་དྲན་པ་ཆེན་པོའི་སེམས་དང་། རང་གིས་རིག་པའི་ཡེ་ཤེས་དང་ལྡན་པ་ཡང་དུས་གསུམ་གྱི་སངས་རྒྱས་རྣམས་ལ་ཕྱག་འཚལ་བའི་ཡོན་ནོ། །བྱང་ཆུབ་སེམས་དཔའ་ལ་ལས་སེང་གེའི་སྒྲའི་ཏིང་ངེ་འཛིན་དང་། རྡོ་རྗེའི་ཏིང་ངེ་འཛིན་

62-1-271a

དང་། ཡེ་ཤེས་ལྔའི་ཕྱག་རྒྱའི་ཏིང་ངེ་འཛིན་དང་ལྡན་པ་ཡང་དུས་གསུམ་དུ་གཤེགས་པའི་སངས་རྒྱས་རྣམས་ལ་ཕྱག་འཚལ་བའི་ཡོན་ནོ། །བྱང་ཆུབ་སེམས་དཔའ་ལ་ལས་མཉམ་པ་ཉིད་ཀྱི་ཏིང་ངེ་འཛིན་དང་། བྱམས་པ་ཆེན་པོ་དང་། 
སྙིང་རྗེ་ཆེན་པོ་དང་། བླ་ན་མེད་པ་ཡང་དག་པར་རྫོགས་པའི་སངས་རྒྱས་ཀྱི་སྤྱོད་ལམ་དང་ལྡན་པ་ཡང་དུས་གསུམ་དུ་གཤེགས་པའི་སངས་རྒྱས་རྣམས་ལ་ཕྱག་འཚལ་བའི་ཡོན་ནོ། །དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་ཆོས་ཀྱི་རྗེ་
འཇམ་དཔལ་གྱིས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས་སེམས་ཅན་ཐམས་ཅད་ནོར་ཅིང་འཁྲུལ་པའི་སེམས་འཁྲུགས་ཏེ། མི་དགེ་བ་དང་མཚམས་མ་མཆིས་པ་བགྱིས་པ་རྣམས་ཇི་ལྟར་བགྱིས་ན་སྡིག་རྣམས་འབྱང་
བར་འགྱུར། བཅོམ་ལྡན་འདས་ཀྱིས་འཇམ་དཔལ་ལ་བཀའ་སྩལ་པ། གོང་དུ་བསྟན་པ་ཡིན་ཏེ། གང་ལ་ལས་ཕྱོགས་སུ་རྒྱས་པའི་ཆོས་ཀྱི་རྣམ་གྲངས་འདི་དང་། ཕྱོགས་བཅུ་དུས་གསུམ་གྱི་སངས་རྒྱས་དང་། མདོ་སྡེ་བཅུ་གཉིས་དང་། བྱང་ཆུབ་སེམས་དཔའ་རྣམས་ཀྱི་མཚན་
ཐོས་ནས་དགའ་བ་དང་། རབ་ཏུ་དགའ་བ་བསྐྱེད་ལ་དད་པ་དང་གུས་པ་དཔག་ཏུ་མེད་པས་བླངས་སམ། འཆང་ངམ། ཀློག་གམ། འདོན་ཏམ། ཡི་གེར་བྲིས་སམ། ཀུན་ཆུབ་པར་བྱས་ཏེ། དབེན་པའི་གནས་ཁང་གཅིག་གི་ནང་དུ་དཀྱིལ་འཁོར་བྱས་ལ་དྲི་
ཆུས་ཆག་ཆག་བཏབ་སྟེ། འཕན་གདུགས་བཟང་པོས་བརྒྱན་ཅིང་པོག་སྤོས་ཞིམ་པོ་བསྲེགས་ནས་རྒྱལ་བ་རྣམས་སྤྱན་དྲང་ཞིང་གཤེགས་སུ་གསོལ་བ་མང་ཡང་རུང་། ཉུང་ཡང་རུང་སྤྱན་དྲངས་ནས་བདག་ཁྲུས་དག་པར་བྱས་ལ། གོས་གཙང་
མ་གྱོན་ཅིང་ལན་ཅིག་ཕྱི་རོལ་ཆེ་ཆུང་དུ་འགྲོ་ན་ཁྲུས་ལན་གཅིག་བྱས་ཏེ་སེང་གེའི་ཁྲི་བཙུགས་ཏེ་ཆོས་ཀྱི་རྣམ་གྲངས་འདི་ཡུན་རིང་དུ་བསྒོམས་ལ། ཆོས་ཀྱི་མཚན་ཉིད་ལ་བདག་དང་། གང་ཟག་དང་། སེམས་ཅན་ལ་སོགས་པའི་ལྟ་བ་མེད་པར་མངོན་
པར་རྟོགས་པར་བྱ་སྟེ། དང་པོ་པས་བྱེ་བྲག་ཕྱེད་ཅིང་གསལ་བར་བརྗོད་པར་བྱའོ། །དེ་ནས་དྲི་སྤོས་ཞིམ་པོ་བསྲེགས་ལ་འཁྲུལ་སེམས་བསལ་ཅིང་དྲན་པ་ཡང་དག་པ་དང་བསམ་པ་ཡང་དག་པས་དེ་བཞིན་གཤེགས་པ་ལ་སེམས་རྩེ་གཅིག་ཏུ་བསམ་མོ། །དེ་

62-1-271b

ལྟར་སྤྱོད་པ་རྣམས་འཐུན་ཞིང་འདུམ་པ་ནི་མཆོག་སྟེ། དེ་ལ་མི་འཐུན་ཞིང་རྩོད་པ་ནི་མཐོལ་ཚངསུ་མི་འགྱུར་རོ། །ཁྲོ་བ་དེས་ཀུན་འཇིག་པར་བྱེད་དེ་སྤྱོད་ལམ་དང་ཡང་འགལ་བར་འགྱུར་རོ། །ཐེག་པ་ཆེན་པོ་དྲན་ཞིང་དོན་དམ་པ་བསམས་ལ་ཉིན་
མཚན་བདུན་གྱི་བར་དུ་ཉལ་ཞིང་གཉིད་ལོག་ཏུ་མི་རུང་ངོ་། །ཉིན་གཅིག་ཀྱང་དུས་གསུམ་མདོ་སྡེ་འདི་ཁ་ཏོན་ནམ། ཀློག་པ་ཉིན་མཚན་དུས་དྲུག་ཏུ་བྱས་ལ་དྲི་བསྲུང་གིས་མཆོད་ཅིང་ཕྱག་འཚལ་ནས་མཐོལ་ཚངས་སུ་བྱས་ཏེ། མདོ་སྡེ་འདི་
ཉན་ན་སངས་རྒྱས་དང་། བྱང་ཆུབ་སེམས་དཔའ་དང་། མདོ་སྡེ་བཅུ་གཉིས་ཀྱི་མཚན་བརྗོད་ཅིང་སེམས་ཐག་པ་ནས་མི་འཁྲུགས་པ་དང་། སེམས་ཐག་པ་ནས་མི་ནོར་བ་དང་། སེམས་ཐག་པ་ནས་མི་གཡེང་བ་དང་། སེམས་ཐག་པ་ནས་དུས་ཀྱིས་འགྲུས་
པ་དང་། སེམས་ཐག་པ་ནས་ཉིན་གཅིག་པས་ཉིན་གཅིག་འགྲུས་པ་དང་། སེམས་ཐག་པ་ནས་དད་པ་བསྐྱེད་པ་དང་། སེམས་ཐག་པ་ནས་དགའ་བ་བསྐྱེད་པ་དང་། སེམས་ཐག་པ་ནས་རིམ་པ་བསྐྱེད་པ་དང་། སེམས་ཐག་པ་ནས་རྒྱུན་མི་བཅད་པ་
དང་། སེམས་ཐག་པ་ནས་གཟབ་པ་དང་། སེམས་ཐག་པ་ནས་མི་འབྲལ་བ་དང་། སེམས་ཐག་པ་ནས་སྡིག་མི་བསམས་པ་དང་། སེམས་ཐག་པ་ནས་སངས་རྒྱས་དྲན་པ་དང་། སེམས་ཐག་པ་ནས་ཆོས་དྲན་པ་དང་། སེམས་ཐག་པ་ནས་དགེ་འདུན་
དྲན་པ་དང་། སེམས་ཐག་པ་ནས་ཚུལ་ཁྲིམས་དྲན་པ་དང་། སེམས་ཐག་པ་ནས་གཏོང་བ་དྲན་པ་དང་། སེམས་ཐག་པ་ནས་དོན་དམ་པའི་ལྷ་དྲན་པ་སྟེ། དེ་དག་དེ་བཞིན་དུ་ཀློག་པ་དང་། དེ་བཞིན་དུ་ཕྱག་བྱ་བ་དང་། དེ་བཞིན་དུ་སེམས་ཐག་པ་ནས་སོ་སོར་
འཆགས་ཤིང་མཐོལ་བ་ཐོག་མའི་ཉིན་པར་ནས་ཞག་དྲུག་ཏུ་ལོན་པའི་ནང་པར་དྲི་ཆུས་ཡང་ཆག་ཆག་བཏབ་སྟེ། ལུས་ཡང་སྤོས་ཆུས་བཀྲུ་བར་བྱའོ། །པོག་སྤོས་བཟང་པོ་བསྲེག་ཅིང་སེམས་ཐག་པས་མཆོད་པ་བྱས་པ་དེ་དག་དེ་ལྟ་བུར་
སེམས་ཐག་པ་ནས་སོ་སོར་མཐོལ་ཞིང་བཤགས་པས་ཕྱོགས་བཅུར་བསྐུལ་པར་གྱུར་ཏེ། ང་དེའི་ཚེ་དེའི་དུས་ན་སངས་རྒྱས་དཔག་ཏུ་མེད་པ་གང་གཱའི་ཀླུང་གི་བྱེ་མ་སྙེད་དང་། བྱང་ཆུབ་སེམས་དཔའ་དཔག་ཏུ་མེད་པ་གང་གཱའི་ཀླུང་གི་བྱེ་མ་སྙེད་དང་འགྲོགས་ཏེ་

62-1-272a

སྒྲ་དབྱངས་ཀྱི་རྗེས་སུ་ཁང་བུ་དེའི་ནང་དུ་ཕྱིན་ཅིང་མངོན་དུ་གྲུབ་པའི་དབང་བྱའོ། །དེ་བཞིན་དུ་ཉིན་མཚན་བདུན་གྱི་བར་དུ་བྱས་ན་གདོན་མི་ཟ་བར་སྡིག་འབྱང་བར་འགྱུར་རོ། །ཇི་ལྟར་སྡིག་འབྱང་བར་ཤེས་ཤེ་ན། སོ་སོའི་སྐྱེ་བོ་རྣམས་
ཀྱི་དོན་དམ་པར་ད་དུང་མ་གྲུབ་པས་རྨྱི་ལྟས་ཀྱི་མཚན་མ་ལ་བརྟག་ཏུ་བྱས་ཏེ། རྨྱི་ལམ་རྣམ་གཅིག་རྨྱིས་ན་མཚམས་མེད་པ་རྣམ་གཅིག་འབྱང་ངོ་། །རྨྱི་ལམ་རྣམ་ལྔ་རྨྱིས་ན་མཚམས་མེད་པ་རྣམ་ལྔ་འབྱང་སྟེ། དེས་ནུབ་མོའི་རྨྱི་ལམ་ན་ཆུ་ཀླུང་
ཆེན་པོ་བརྒལ་བར་འདོད་དེ་ཟམ་པ་ཆེན་པོའི་སྟེང་དུ་འགྲོ་བར་རྨྱིས་ན་དེ་ནི་ངེས་པར་རྣམ་པར་གྲོལ་བ་ཐོབ་པ་ཡིན་ནོ། །གལ་ཏེ་དེའི་རྨྱི་ལམ་ན་གཞན་གྱིས་བདག་ལ་ཁྲུས་བྱ་བ་དང་། ལུས་ལ་ཆར་བབ་པར་རྨྱིས་ན་དེ་ནི་ངེས་པར་རྣམ་པར་དག་པ་ཐོབ་པ་
ཡིན་ནོ། །གལ་ཏེ་དེའི་རྨྱི་ལམ་ན་བདག་དགེ་འདུན་མང་པོའི་ནང་དུ་ཞུགས་ཏེ། གྲལ་དུ་འདུག་པར་རྨྱིས་ན་དེ་ནི་ངེས་པར་སངས་རྒྱས་ཀྱི་སློབ་མ་ཡང་དག་པར་གྱུར་ཏོ། །གལ་ཏེ་དེའི་རྨྱི་ལམ་ན་བདག་མཆོད་རྟེན་ནམ། གཙུག་ལག་ཁང་དུ་
ཞུགས་ཏེ། སངས་རྒྱས་དང་བྱང་ཆུབ་སེམས་དཔའི་གཟུགས་བརྙན་མཐོང་བར་རྨྱིས་ན་དེ་ནི་ཆོས་ཀྱི་སྒོ་མོ་དམ་པར་ཞུགས་པར་གྱུར་ཏོ། །གལ་ཏེ་རང་གིས་ཤིང་ཐོག་རྙེད་ཅིང་ཟ་བར་རྨྱིས་ན་དེའི་ཚེ་འདི་ཉིད་ལ་ཡོན་ཏན་གྱི་འབྲས་བུ་འགྲུབ་པར་
མངོན་ནོ། །ཡང་བཅོམ་ལྡན་འདས་ཀྱིས་འཇམ་དཔལ་ལ་བཀའ་སྩལ་པ། གལ་ཏེ་དགེ་སློང་ངམ། དགེ་སློང་མ་འམ། དགེ་སྦྱོང་ངམ། དགེ་སྦྱོང་མ་འམ། བྱང་ཆུབ་སེམས་དཔའ་དད་པ་ཅན་གང་ལ་ལས་དྲན་པ་ཉམས་ཏེ། ནོར་
ཅིང་འཁྲུལ་པས་སྡོམ་པའི་ཚུལ་ཁྲིམས་རེ་རེ་ནས་ཞིག་པ་འམ། ཉམས་པ་དེ་བཞིན་དུ་སོ་སོར་འཆགས་ཤིང་མཐོལ་ན་སྡིག་མི་འབྱང་མི་སྲིད་དེ། སེམས་ཐག་པ་ནས་མ་བྱས་པ་ནི་མ་གཏོགས་སོ། །དེ་ནས་བཅོམ་ལྡན་འདས་ལ་
འཇམ་དཔལ་གྱིས་འདི་སྐད་ཅེས་ཞུས་སོ། །བཅོམ་ལྡན་འདས་ཆོ་ག་འདི་ལྟར་བགྱི་བའི་ཚེ་མི་མང་ན་རུང་ངམ་མི་རུང་། བཅོམ་ལྡན་འདས་ཀྱིས་བཀའ་སྩལ་པ། མི་གཅིག་ཡན་ཆད་ཉི་ཤུ་མན་ཆད་རུང་ངོ་། །ཆོ་ག་འདི་ལྟར་སྤྱོད་པའི་ཚེ་མདོ་སྡེ་

62-1-272b

གཞན་མི་བསམ་མོ། །དེ་ལྟར་མཐོལ་ཚངས་བགྱིས་པའི་འོག་ཏུ་ཕྱིན་ཆད་ཉེས་པ་མི་བྱེད་ན་དེ་ནི་མཐོལ་ཚངས་ཞེས་བྱའོ། །དེ་ལྟར་དྲན་པར་གྱིས་ཤིག །བདག་ཅག་རྣམས་ད་ལྟར་འཆི་བ་ལས་སླར་འཚོ་བ་དང་འདྲ་བས་ད་ནི་བདག་ཚུལ་ཁྲིམས་བསྲུང་ངོ་། །ད་ནི་བདག་
བརྩོན་འགྲུས་སུ་སྤྱོད་དོ། །ད་ནི་བདག་ཐེག་པ་ཆེན་པོའི་མདོ་སྡེ་ཀློག་པ་དང་། ཁ་ཏོན་བགྱིའོ་ཞེས་དེའི་ཚེ་དེའི་དུས་ན་དྲན་པ་དེ་ལྟར་གྱིས་ཤིག །བདག་དེང་ནས་སྡོམ་པ་བཟུང་བ་ནི་རྡོ་རྗེ་དང་འདྲ་བར་སྲན་ཐུབ་པར་སྨོན་ཏོ། །དེས་དེ་ལྟར་དྲན་པའི་ཚེ་སྐྱེས་བུ་དམ་
པ་དྲི་མ་མེད་པར་གྲགས་པ་དང་། བྱང་ཆུབ་སེམས་དཔའ་དཔག་ཏུ་མེད་པ་དང་ལྷན་ཅིག་ཏུ་དེའི་མདུན་དུ་འགྲེང་སྟེ་དཔང་དུ་བྱེད་དོ། །འཕགས་པ་ཀུན་དུ་བཟང་པོ་ཡང་འགྱོད་ཚངས་ཀྱི་མཁན་པོ་བྱེད་དོ། །འཕགས་པ་འོད་སྲུངས་ཀྱང་ཞུ་གནས་ཀྱི་རྟེན་
བྱེད་དོ། །འཇམ་དཔལ་འདི་ནི་སྡིག་པ་སྦྱངས་པ་ཞེས་བྱའོ། །འདི་ནི་རྣམ་པར་གྲོལ་བ་ཞེས་བྱའོ། །འདི་ནི་ཚུལ་ཁྲིམས་དང་ལྡན་པ་ཞེས་བྱའོ། །འདི་ནི་གནས་ཐོབ་པ་ཞེས་བྱའོ། །བཅོམ་ལྡན་འདས་ཀྱིས་ཡང་བྱང་ཆུབ་སེམས་དཔའ་སེམས་དཔའ་
ཆེན་པོ་འཇམ་དཔལ་ལ་འདི་སྐད་ཅེས་བཀའ་སྩལ་ཏོ། །གང་ལ་ལ་ཞིག་གིས་རྩ་བ་བཞི་དང་། སྡོམ་པ་བརྒྱད་དང་། སྡོམ་པ་ཕྱེད་ཅན་དང་། ཁྲིམས་བཅུ་དང་། གསུམ་ལ་སྐྱབས་སུ་སོང་བ་དང་། ཁྲིམས་ལྔ་དང་། དགེ་བ་བཅུ་དང་། ཚུལ་ཁྲིམས་དང་འདུལ་
བ་རེ་རེ་ནས་ཞིག་པ་འམ། ཉམས་པ་འམ། མཚམས་མེད་པ་ལྔ་བྱས་པ་འམ། མཉམ་པ་ཉིད་ལ་སྐུར་པའི་སྡིག་བྱས་པ་ཞིག་ཡོད་པ་དེ་ལོག་སྤྱོད་མ་གཏོགས་པར་སོ་སོར་མ་བཤགས་མ་མཐོལ་ན་མི་དེ་ཚེ་འཕོས་མ་ཐག་ཏུ་གདོན་མི་ཟ་བར་
མནར་མེད་པའི་སེམས་ཅན་དམྱལ་བར་ལྟུང་བར་འགྱུར་རོ། །འཇམ་དཔལ་གྱིས་གསོལ་པ། བཅོམ་ལྡན་འདས་ཅིའི་སླད་དུ་མནར་མེད་པའི་དམྱལ་བ་ཞེས་བགྱི། དེ་བཞིན་གཤེགས་པས་སེམས་ཅན་ཐམས་ཅད་ཀྱི་དོན་གྱི་སླད་དུ་དེ་ཅིའི་རྒྱུ་ཅིའི་
རྐྱེན་གྱིས་ལྟུང་བ་དང་། དམྱལ་བའི་དབྱིབས་ཆེ་ཆུང་དང་། རྣམ་པར་སྨིན་པའི་སྡུག་བསྔལ་བསྐལ་པའི་གྲངས་ཇི་ཙམ་གྱི་བར་དུ་གནས་པར་འགྱུར་བ་བཤད་དུ་གསོལ་ཞེས་བགྱིས་པ་དང་། བཅོམ་ལྡན་འདས་ཀྱིས་བཀའ་སྩལ་པ། 

62-1-273a

འཇམ་དཔལ་ཤིན་དུ་འང་མཁས་སོ། །ཤིན་དུ་འང་མཁས་སོ། །དོན་འདི་ལྟ་བུ་འདྲི་བ་ཡང་ཤིན་དུ་མཁས་ཏེ། ལེགས་པར་ཉོན་ལ་ཕལ་མང་པོ་རྣམས་ཀྱང་ལེགས་པར་སོམས་ཤིག །ངས་བྱེ་བྲག་ཕྱེད་པར་བཤད་དོ། །ཇི་ལྟར་
མནར་མེད་པའི་སེམས་ཅན་དམྱལ་བ་ཞེས་བྱ་ཞེ་ན། སྐད་ཅིག་ཀྱང་མནར་ཞིང་བསྟིར་མེད་པའི་ཕྱིར་མནར་མེད་པའི་དམྱལ་བ་ཞེས་བྱའོ། །གཅིག་ཏུ་ན་དགག་པ་འམ། འོར་བར་བྱ་བ་ཡང་མེད། འགྱུར་བ་འང་མེད་དེ། ཚ་བ་ནི་རབ་ཏུ་
ཚ། སྡུག་བསྔལ་བ་ནི་ཤིན་དུ་འང་མི་བཟད་པ་སྐད་ཅིག་ཀྱང་མི་དལ། སྐད་ཅིག་ཀྱང་མི་སྡོད་ཅིང་བར་སྐབས་མེད་པའི་ཕྱིར་མནར་མེད་པའི་དམྱལ་བ་ཞེས་བྱའོ། །ཡང་རྣམ་པ་གཅིག་ཏུ་ན། མེ་ཆེན་པོ་འབར་བ། རབ་ཏུ་ཚ་བ། ཀུན་དུ་འབར། 
རབ་ཏུ་འབར་ཞིང་། མཆེད་པ་ཁོང་དུ་ཞུགས་པའི་ཕྱིར་མནར་མེད་པའི་དམྱལ་བ་ཞེས་བྱའོ། །བཅོམ་ལྡན་འདས་ཀྱིས་ཡང་འཇམ་དཔལ་ལ་བཀའ་སྩལ་པ། རིགས་ཀྱི་བུ་དམྱལ་བ་ཆེན་པོ་མནར་མེད་པའི་དབྱིབས་ནི་གྲུ་བཞི་ལྷམ་པ་དཔག་
ཚད་བརྒྱད་ཁྲི་ཡོད་དེ། ལྕགས་ཀྱི་ར་བ་རིམ་པ་བདུན་གྱིས་བསྐོར་ཅིང་སྟེང་དུ་ཡང་ལྕགས་ཀྱི་དྲ་བ་རིམ་པ་བདུན་གྱིས་གཡོགས་ཏེ། འོག་ཏུ་བར་ཆད་བཅྭ་བརྒྱད་ཡོད་དོ། །དེའི་ཁོ་ར་ཁོར་ཡུག་ཏུ་རལ་གྲིའི་ཚལ་རིམ་པ་བདུན་གྱིས་བསྐོར་ཏོ། །
ལྕགས་ཀྱི་ར་བ་རིམ་པ་བདུན་གྱི་ནང་ལོགས་སུ་ནགས་ཚལ་རལ་གྲི་ལོ་མ་ཅན་ཡོད་དོ། །ལྕགས་ཀྱི་ཁང་པ་བར་ཆད་བཅྭ་བརྒྱད་པོ་བརྩེག་མར་འདུག་སྟེ། རིམ་པ་བརྒྱད་ཁྲི་བཞི་སྟོང་ཡོད་དོ། །དེའི་གྲྭ་བཞིར་ཟངས་ཀྱི་ཁྱི་ཆེན་པོ་བཞི་འདུག་པ་ལུས་ཀྱི་
བོང་ཚད་ནི་འཕང་དུ་དཔག་ཚད་བཞི་བཅུ་ལ། མིག་ནི་ཀློག་གི་འོད་བཞིན། མཆེ་བ་ནི་རལ་གྲིའི་སྡོང་པོ་དང་འདྲ། སོ་ནི་སྤུ་གྲི་གཏམས་པའི་རི་དང་མཚུངས། ལྕེ་ནི་ལྕགས་ཀྱི་མཆིལ་བ་བཞིན། སྡེར་མོ་ནི་ལྕགས་ཀྱི་གསལ་ཤིང་དང་
མཚུངས། མཇུག་མ་ནི་ལྕགས་ཀྱི་སྦྲུལ་དང་འདྲ། སྤུའི་བུ་གུ་རེ་རེ་ནས་འབར་བའི་མེ་ཤིན་དུ་མཆེད་ཅིང་ཀུན་དུ་འབར་རབ་ཏུ་འབར་བ་འབྱུང་སྟེ། དེའི་དུད་པ་མནམ་པ་ནི་འཇིག་རྟེན་གྱི་རྫས་མནམ་པ་གང་དང་ཡང་བསྒྲུན་དུ་མེད་དོ། །དམྱལ་བ་

62-1-273b

དེའི་སྒོ་བཞི་ལ་དེའི་སྒོ་རེ་རེ་ན་དམྱལ་བའི་སྲུང་མ་བཅྭོ་བརྒྱད་འདུག་གོ། །མགོ་ནི་སྲིན་པོའི་མགོ། ཁ་ནི་སྲིན་པོའི་ཁ་དང་འདྲ་སྟེ། མགོ་ལ་རྭ་བཅྭ་བརྒྱད་ཡོད་པ། ལག་ན་ལྕགས་ཀྱི་གསལ་ཤིང་ཐོགས་སོ། །ར་བ་རིམ་པ་བདུན་གྱི་ནང་ལོགས་
སུ་ལྕགས་ཀྱི་རྒྱལ་མཚན་གྲངས་མེད་པ་ཞིག་ཡོད་དེ། རྒྱལ་མཚན་གྱི་མགོར་མེ་བྱུང་བ་ནི་ཆུ་མིག་དང་འདྲ་བར་འབྱུང་ངོ་། །ལྕགས་འཇུ་བའི་ཁུ་བ་འབབ་པ་ནི་ཀུན་དུ་ཁྱབ་པར་འབབ་སྟེ། དམྱལ་བའི་སྒོ་བཞིར་སྒོ་རེ་རེའི་སྟེང་ན་ཟངས་པོ་
ཆེ་བཅྭ་བརྒྱད་ཡོད་པའི་ནང་ན་ལྕགས་ཁོལ་བའི་ཁུ་བ་ཁར་ལུད་ཅིང་སྒོ་བཞིར་བབ་པ། དམྱལ་བའི་ནང་དུ་གང་བར་འབབ་བོ། །ཁང་པ་བར་ཆད་རེ་རེའི་ནང་ན་ཡང་ལྕགས་ཀྱི་སྦྲུལ་ཆེན་པོ་བརྒྱད་ཁྲི་བཞི་སྟོང་ཡོད་པས་ཁར་གདུག་པའི་མེ་སྐྱུག་ཅིང་
ར་བ་ཀུན་དུ་གང་བར་གཏོང་ངོ་། །སྦྲུལ་གྱི་སྒྲ་སྒྲོགས་པ་ནི་འབྲུག་སྒྲ་ཆེན་པོ་ཟེར་བ་བཞིན་ནོ། །ལྕགས་ཀྱི་ཐུ་ལུམ་ཆེན་པོའི་ཆར་བབ་པ་ཡང་མནར་མེད་པ་ཀུན་དུ་གང་ངོ་། །དེར་སྡུག་བསྔལ་མི་བཟད་པ་ནི་འབུམ་ཕྲག་བརྒྱད་ཁྲིའི་སྡུག་བསྔལ་
གྱི་ནང་ན་སྡུག་བསྔལ་མི་བཟད་པའི་ནང་ན་མི་བཟད་པ་ཀུན་ཀྱང་དེར་འདུས་ཏེ་དཔེ་ཟླ་མེད་དོ། །མནར་མེད་པའི་དམྱལ་བ་དེའི་སྒོ་བཞིར་སྒོ་རེ་རེའི་ཕྱི་རོལ་དུ་འབར་བའི་མེ་ཤིན་དུ་མཆེད་ཅིང་འབར་བ་ལྷོ་བྱང་ཤར་ནུབ་བསྣོལ་ཞིང་ཕྱད་པར་རྒྱུའོ། །འབར་
བ་ཡང་ལྕགས་ཀྱི་ར་བ་ཁོ་ར་ཁོར་ཡུག་དཔག་ཚད་བརྒྱད་ཁྲི་ནས་སྟེང་ལྕགས་ཀྱི་དྲ་བ་ལ་ཐུག་གི་བར་དུ་ཡར་ཐལ་མར་ཐལ་ཞིང་བླ་ཟ་འོག་དང་། ཕྱོགས་བཞིར་ཀུན་ཏུ་འབར། རབ་ཏུ་འབར་བར་གྱུར་ཏེ། སྡུག་བསྔལ་ཅིག་ཅར་ལྡང་བ་
ནི་གོང་དུ་སྨོས་པ་བཞིན་ནོ། །རྩ་བ་བཞི་དང་། སྡོམ་པ་བརྒྱད་འཇིག་པ་དང་། མཚམས་མེད་པ་ལྔ་དང་། མཉམ་པ་ཉིད་ལ་སྐུར་པ་འདེབས་པ་རྣམས་མདོ་སྡེ་འདི་ལས་འབྱུང་བ་བཞིན་མཐོལ་ཚངས་མ་བྱས་ན་གནང་བསྐུར་བ་འམ། 
ཁྲེལ་བ་མེད་ན་མི་དེ་ཚེ་འདི་འཕོས་མ་ཐག་ཏུ་སྟོབས་ཚན་པོ་ཆེའི་དཔུང་པ་བརྐྱང་ཞིང་བསྐུམས་པ་ཙམ་གྱིས་མནར་མེད་པའི་དམྱལ་བར་ལྟུང་བར་འགྱུར་རོ། །ལུས་ཀྱང་དེའི་ནང་དུ་གང་སྟེ། ཚ་བའི་གཟིར་བས་ཕོངས་ནས་ཁ་གདངས་

62-1-274a

མིག་བཙུམས་ཀྱང་ཁ་འཐམས་པས་སྨྲ་མ་ནུས་སོ། །དེ་སྡིག་མང་བའི་ཕྱིར་རལ་གྲི་འཁོར་ལོ་གྲངས་མེད་པ་དུ་མ་ཞིག་ནམ་མཁའ་ནས་ཆར་བཞིན་འབབ་སྟེ། གླད་པར་ཕོག་ཅིང་རྐང་པར་བྱུང་བའི་སྡུག་བསྔལ་ཐམས་ཅད་ནི་སྔར་གོང་དུ་
བཤད་པ་བཞིན་བརྒྱ་སྟོང་ཁྲི་ཕྲག་ཏུ་བསྒྱུར་བའོ། །གང་ལ་ལ་རྩ་བ་བཞི་པོ་ཚང་བར་ཞིག་པར་གྱུར་ན་སྡུག་བསྔལ་ཆེན་པོ་ཉམས་སུ་མྱོང་བ་ནི་བསྐལ་པ་ཆེན་པོ་ལྔ་རྫོགས་ཀྱི་བར་དུའོ། །སྡོམ་པ་བརྒྱད་འཇིག་པ་ནི་དེ་ལས་གྱུར་ཅིག་གིས་མང་
ངོ་། །མཚམས་མེད་པ་ལྔ་ཡང་གྱུར་ཅིག་གིས་མང་ངོ་། །མཉམ་པ་ཉིད་ཀྱི་མདོ་སྡེ་ལ་སྐུར་པ་འདེབས་པ་ཡང་གྱུར་ཅིག་གིས་མང་ངོ་། །དཀོན་མཆོག་གསུམ་ལ་དམོད་པ་དང་། དགེ་འདུན་གྱི་ནོར་བརྐུས་པ་དང་། དགེ་སློང་དང་། དགེ་སློང་མ་
ཚངས་པར་སྤྱད་པ་ལ་དྲི་མ་ཅན་དུ་སྤྱོད་པ་དང་། མཁན་པོ་དང་སློབ་དཔོན་ལ་དབང་ཟ་བ་དང་། མ་ལ་གཡེམ་པ་རྣམས་གོང་མ་དག་ལས་ཀྱང་གྱུར་ཅིག་གིས་བསྐྱེད་དོ། །ལོག་སྤྱོད་ཀྱི་རྣམས་ནི་དགེ་བའི་རྩ་བ་གཏན་ཆད་པས་ནམས་ཀྱང་མནར་མེད་
པའི་དམྱལ་བ་ནས་མི་ཐར་བ་ནི་དེར་མ་གཏོགས་སོ། །དེ་ལ་སོགས་པའི་སྡིག་ཅན་རྣམས་སྡུག་བསྔལ་ཉམས་སུ་མྱོང་བའི་ཚེ་འབར་བའི་མེ་ཤིན་དུ་མཆེད་པ་ཁོང་དུ་ཞུགས་ཏེ། རྨུགས་ནས་འཆིའོ། །དེ་ནས་སྲིན་པོ་དམྱལ་བའི་སྲུངས་
མས་ལྕགས་ཀྱི་གསལ་ཤིང་ས་ལ་བརྡབས་ཏེ། སོས་སོས་ཞེས་བོས་པ་དང་། བོས་པའི་སྒྲ་བཞིན་དུ་ཡང་སོས་ཡང་སོས་ནས་ཉིན་མཚན་གཅིག་ལ་ལན་ཁྲི་ནི་འཆི། ལན་ཁྲི་ནི་འཚོ་སྟེ། སྡུག་བསྔལ་མི་བཟད་པ་ཆེན་པོ་ཉམས་སུ་མྱོང་
བ་ནི་གོང་དུ་བསྟན་པ་བཞིན་ནོ། །ནམ་ཞིག་མནར་མེད་པའི་དམྱལ་བ་ནས་སླར་ཕྱིན་ན་ཡང་ཚུལ་ཁྲིམས་བཤིག་པ་དང་། ཡོན་བདག་དད་པ་ཅན་གྱི་ཡོན་བླངས་པའི་ལས་ཀྱིས་ཡང་དམྱལ་བ་ཆུང་ངུ་རྣམས་ཀྱི་ནང་དུ་འཇུག་སྟེ། དེ་ལ་དམྱལ་བ་
གྲང་སྦྲེབས་པ་དང་། དམྱལ་བ་མུན་ནག་པ་དང་། དམྱལ་བ་རབ་ཏུ་ཚ་བ་དང་། དམྱལ་བ་སྤུ་གྲི་སོ་གཏམས་པ་དང་། དམྱལ་བ་རལ་གྲི་འཁོར་ལོ་དང་། དམྱལ་བ་མེའི་ཤིང་རྟ་ཅན་དང་། དམྱལ་བ་ཕྱི་སའི་འདམ་དང་། དམྱལ་བ་ཆུ་ཚན་དང་། 

62-1-274b

དམྱལ་བ་མེ་མུར་ཀླུང་དང་། དམྱལ་བ་ནགས་ཚལ་རལ་གྲི་ལོ་མ་ཅན་དང་། དམྱལ་བ་ལྕགས་ཀྱི་འཁྲུལ་འཁོར་དང་། དམྱལ་བ་ལྕགས་ཀྱི་ཤལ་མ་རི་ཀ་བ་ཅན་དང་། དམྱལ་བ་ལྕགས་ཀྱི་ཁྲི་ཅན་དང་། དམྱལ་བ་ལྕགས་ཀྱི་འཁོར་
ལོ་ཅན་དང་། དམྱལ་བ་ལྕགས་ཀྱི་ཕུག་དང་། དམྱལ་བ་ལྕགས་ཀྱི་ཐུ་ལུམ་དང་། དམྱལ་བ་བསྡུས་འཇོམས་ཐུག་རི་ཅན་དང་། དམྱལ་བ་ཟངས་ཁོལ་དང་། འདི་རྣམས་སོ་སོར་རེ་རེའི་ནང་དུ་ཡང་ལོ་ཁྲི་ཕྲག་བརྒྱད་བརྒྱའི་བར་དུ་ཉོན་མོངས་
ནས་གཟོད་ཐར་ཏེ། འོན་ཀྱང་རྟག་ཏུ་མ་རབས་སུ་སྐྱེས་ལ། ཚེ་རབས་ལྔ་བརྒྱའི་བར་དུ་དཀོན་མཆོག་གསུམ་གྱི་སྒྲ་མི་ཐོས་སོ། །བརྒྱ་ལ་དགེ་བའི་བཤེས་གཉེན་དང་ཕྲད་ན་ནི་བྱང་ཆུབ་ཏུ་སེམས་བསྐྱེད་ཀྱང་སྲིད། དགེ་བའི་བཤེས་
གཉེན་དང་མ་ཕྲད་ན་ནི་སླར་ཡང་དམྱལ་བར་ལྟུང་ངོ་། །ཉེས་བྱས་ཀྱི་སྡིག་པ་རྣམས་མ་མཐོལ་མ་བཤགས་ན་དམྱལ་བར་སྡུག་བསྔལ་མྱོང་བ་ཡང་རྒྱལ་ཆེན་རིས་བཞིའི་ལྷའི་ལོ་གྲངས་ལྟ་བུར་ལོ་ཁྲི་ཕྲག་བརྒྱད་བརྒྱའི་བར་དུ་
ཉམས་སུ་མྱོང་བར་འགྱུར་རོ། །དེ་ལ་ལྟུང་བ་རྣམས་ཀྱི་སྡིག་པ་ནི་དེ་ལས་ཉིས་གྱུར་དུ་བསྐྱེད་དོ། །དགེ་འདུན་གྱི་ལྷག་མ་ཡང་དེ་ལས་ཉིས་གྱུར་དུ་བསྐྱེད་དོ། །སྡིག་ཅན་དེ་དག་གིས་སྡུག་བསྔལ་ཉམས་སུ་མྱོང་བའི་ཚེ་ཚིག་གཞན་མི་
ཕྱིན་ཏེ། ཨཱྃ་པ་པ། ཨཱྃ་ཏ་ཏ། ཨཱྃ་ལ་ལ། ཨཱྃ་བ་བ་འབའ་ཞིག་ཟེར་ཞིང་འདུག་གོ། །དེ་བས་ན་སྡིག་ཅན་རྣམས་རིངས་པར་སོ་སོར་མཐོལ་ཞིང་བཤགས་ལ། དཀོན་མཆོག་གསུམ་གྱི་སྐྱབས་སུ་སོང་བར་གྱིས་ཤིག །
འཇམ་དཔལ་ཡང་འདི་ལྟ་སྟེ། སྡིག་པ་མྱུར་དུ་བསལ་ཅིང་། འབྱང་བར་འདོད་ན་མདོ་སྡེ་འདིའི་ནང་ནས་འབྱུང་བ་བཞིན་དུ་སོ་སོར་མཐོལ་བཤགས་ཏེ་འགྱོད་ཚངས་བྱོས་ཤིག །ཆོ་ག་ཉིན་ཞག་བདུན་གྱི་བར་དུ་ཉིན་གཅིག་ཟ་གཅིག་
ཏུ་བྱས་ལ། ཡང་དག་པའི་རྟོག་པ་དང་། ཡང་དག་པའི་དྲན་པས་དེ་བཞིན་གཤེགས་པ་སངས་རྒྱས་སུ་འགྲུབ་པའི་ཚེ་མི་ཆེན་པོའི་མཚན་དང་། མངོན་པར་འཚང་རྒྱ་བའི་མཚན་དང་། མི་གཡོ་བའི་མཚན་དང་། རྣམ་པར་

62-1-275a

གྲོལ་བའི་མཚན་དང་། འོད་ཟེར་ཅན་གྱི་མཚན་དང་། ཡེ་ཤེས་ཡོངས་སུ་རྒྱས་པའི་མཚན་དང་། ཕ་རོལ་དུ་ཕྱིན་པ་རྣམས་དང་ལྡན་པའི་མཚན་དང་། དཔའ་བར་འགྲོ་བ་ལ་སོགས་པའི་ཏིང་ངེ་འཛིན་རྒྱ་མཚོའི་
མཚན་རྣམས་བསམ་པར་བྱའོ། །ཡང་གཅིག་ཏུ་ན་བྱང་ཆུབ་སེམས་དཔའ་སེམས་དཔའ་ཆེན་པོ་བྱམས་པའི་ཡིད་དམ་ཏིང་ངེ་འཛིན་ལས་ལངས་ཏེ། ཡིད་འགོག་པའི་ཏིང་ངེ་འཛིན་དུ་འཇུག་པར་བྱའོ། །ཡིད་འགོག་པའི་ཏིང་ངེ་འཛིན་
ལས་ལངས་ཏེ་སླར་དཔའ་བར་འགྲོ་བའི་ཏིང་ངེ་འཛིན་ལ་འཇུག་པར་བྱའོ། །དཔའ་བར་འགྲོ་བའི་ཏིང་ངེ་འཛིན་ལས་ལངས་ཏེ་ཤེས་རབ་སྒྲོན་མའི་ཏིང་ངེ་འཛིན་ལ་འཇུག །ཤེས་རབ་སྒྲོན་མ་ལས་ལངས་ཏེ་ཆོས་རྣམས་ཀྱི་མཚན་ཉིད་
ཀྱི་ཏིང་ངེ་འཛིན་ལ་འཇུག །ཆོས་རྣམས་ཀྱི་མཚན་ཉིད་ལས་ལངས་ཏེ་མཚན་མ་འོད་ཟེར་ཅན་གྱི་ཏིང་ངེ་འཛིན་ལ་འཇུག །མཚན་མ་འོད་ཟེར་ཅན་ལས་ལངས་ཏེ་སེང་གེའི་ང་རོའི་ཏིང་ངེ་འཛིན་ལ་འཇུག །སེང་གེ་ང་རོའི་ཏིང་ངེ་
འཛིན་ལས་ལངས་ཏེ་སེང་གེ་སྤྲུག་པའི་ཏིང་ངེ་འཛིན་ལ་འཇུག །སེང་གེ་སྤྲུག་པ་ལས་ལངས་ཏེ་རྒྱ་མཚོ་ཡིད་ཀྱི་ཏིང་ངེ་འཛིན་ལ་འཇུག །རྒྱ་མཚོ་ཡིད་ལས་ལངས་ཏེ་ཀུན་དུ་ཡེ་ཤེས་ཀྱི་ཏིང་ངེ་འཛིན་ལ་འཇུག །ཀུན་དུ་ཡེ་ཤེས་ཀྱི་ལས་
ལངས་ཏེ་གཟུངས་ཀྱི་ཕྱག་རྒྱའི་ཏིང་ངེ་འཛིན་ལ་འཇུག །གཟུངས་ཀྱི་ཕྱག་རྒྱ་ལས་ལངས་ཏེ་ཀུན་དུ་སྣང་བའི་ལུས་གཟུགས་ཅན་གྱི་ཏིང་ངེ་འཛིན་ལ་འཇུག །ཀུན་དུ་སྣང་བའི་ལུས་གཟུགས་ཅན་ལས་ལངས་ཏེ་ཆོས་ཀྱི་དབྱིངས་
ཉིད་ཀྱི་ཏིང་ངེ་འཛིན་ལ་འཇུག །ཆོས་ཀྱི་དབྱིངས་ཉིད་ལས་ལངས་ཏེ་སེང་གེའི་རྒྱལ་པོའི་ཏིང་ངེ་འཛིན་ལ་འཇུག །སེང་གེའི་རྒྱལ་པོ་ལས་ལངས་ཏེ་ཆོས་ཀྱི་རྒྱལ་པོའི་ཏིང་ངེ་འཛིན་ལ་འཇུག །ཆོས་ཀྱི་རྒྱལ་པོ་ལས་ལངས་ཏེ་བདུད་རྣམས་
ཀྱི་མཚན་མ་འགོག་པའི་ཏིང་ངེ་འཛིན་ལ་འཇུག །བདུད་རྣམས་ཀྱི་མཚན་མ་འགོག་པ་ལས་ལངས་ཏེ་སྟོང་པ་ཉིད་ཀྱི་ཤེས་རབ་ཀྱི་ཏིང་ངེ་འཛིན་ལ་འཇུག །སྟོང་པ་ཉིད་ཀྱི་ཤེས་རབ་ལས་ལངས་ཏེ་སྟོང་པ་ཉིད་ཀྱི་མཚན་ཉིད་དུ་ཤེས་པའི་ཏིང་ངེ་

62-1-275b

འཛིན་ལ་འཇུག །སྟོང་པ་ཉིད་ཀྱི་མཚན་ཉིད་དུ་ཤེས་པ་ལས་ལངས་ཏེ་ཆེན་པོ་སྟོང་པ་ཉིད་ཀྱི་ཡེ་ཤེས་ཀྱི་ཏིང་ངེ་འཛིན་ལ་འཇུག །ཆེན་པོ་སྟོང་པ་ཉིད་ཀྱི་ཡེ་ཤེས་ལས་ལངས་ཏེ་གནས་ཐམས་ཅད་དུ་ཁྱབ་པའི་ལུས་གཟུགས་ཅན་གྱི་ཏིང་ངེ་
འཛིན་ལ་འཇུག །གནས་ཐམས་ཅད་དུ་ཁྱབ་པའི་ལུས་གཟུགས་ཅན་ལས་ལངས་ཏེ་སེམས་ཀྱི་མཚན་ཉིད་ལ་རྣམ་པར་རྟོག་པའི་ཏིང་ངེ་འཛིན་ལ་འཇུག །སེམས་ཀྱི་མཚན་ཉིད་ལ་རྣམ་པར་རྟོག་པ་ལས་ལངས་ཏེ་བྱང་ཆུབ་སེམས་དཔའ་
སེམས་དཔའ་ཆེན་པོ་རྡོ་རྗེའི་མཚན་ཉིད་ཀྱི་ཏིང་ངེ་འཛིན་ལ་འཇུག །བྱང་ཆུབ་སེམས་དཔའ་སེམས་དཔའ་ཆེན་པོ་རྡོ་རྗེའི་མཚན་ཉིད་ཀྱི་ཏིང་ངེ་འཛིན་ལས་ལངས་ཏེ་རྡོ་རྗེའི་གཙུག་ཏོར་གྱི་ཏིང་ངེ་འཛིན་ལ་འཇུག །རྡོ་རྗེ་གཙུག་ཏོར་ལས་ལངས་ཏེ་རྒྱ་
མཚོ་ཐམས་ཅད་ཀྱི་ཏིང་ངེ་འཛིན་ལ་འཇུག །རྒྱ་མཚོ་ཐམས་ཅད་ལས་ལངས་ཏེ་གཟུངས་ཐམས་ཅད་ཀྱི་རྒྱ་མཚོའི་ཏིང་ངེ་འཛིན་ལ་འཇུག །གཟུངས་ཐམས་ཅད་ཀྱི་རྒྱ་མཚོའི་ཏིང་ངེ་འཛིན་ལས་ལངས་ཏེ་སངས་རྒྱས་ཐམས་ཅད་ཀྱི་སྤྱོད་
ཡུལ་གྱི་རྒྱ་མཚོའི་ཏིང་ངེ་འཛིན་ལ་འཇུག །སངས་རྒྱས་ཐམས་ཅད་ཀྱི་སྤྱོད་ཡུལ་རྒྱ་མཚོ་ལས་ལངས་ཏེ་སངས་རྒྱས་ཐམས་ཅད་ཀྱི་རྣམ་པར་གྲོལ་བ་དང་། རྣམ་པར་གྲོལ་བའི་ཡེ་ཤེས་གཟིགས་པའི་རྒྱ་མཚོའི་ཏིང་ངེ་འཛིན་ལ་འཇུག །སངས་
རྒྱས་ཐམས་ཅད་ཀྱི་རྣམ་པར་གྲོལ་བ་དང་། རྣམ་པར་གྲོལ་བའི་ཡེ་ཤེས་གཟིགས་པའི་རྒྱ་མཚོ་ལས་ལངས་ཏེ་གདོད་ཐབས་ཀྱི་ཏིང་ངེ་འཛིན་མཐའ་མེད་མུ་མེད་པའི་རྒྱ་མཚོའི་སྒོར་འཇུག་པར་བྱའོ། །མཐའ་མེད་མུ་མེད་པའི་རྒྱ་མཚོའི་
སྒོ་ནས་ལངས་ཏེ་ཡིད་འགོག་པ་དང་ཞི་བའི་ཏིང་ངེ་འཛིན་ལ་འཇུག །ཡིད་འགོག་པ་དང་ཞི་བ་ལས་ལངས་ཏེ་རྡོ་རྗེ་གདོན་མི་ཟ་བའི་རྣམ་པར་གྲོལ་བ་ཆེན་པོའི་ཏིང་ངེ་འཛིན་ལ་འཇུག་པར་བྱའོ། །འཇམ་དཔལ་ང་མྱ་ངན་ལས་འདས་པའི་འོག་ཏུ་
རིགས་ཀྱི་བུ་འམ། རིགས་ཀྱི་བུ་མོ་གང་ལ་ལས་དད་པ་སྐད་ཅིག་མའི་སེམས་བསྐྱེད་དེ། མདོ་འདི་ཡི་གེར་འདྲི་བ་འམ། ཀློག་པ་འམ། ཁ་ཏོན་དུ་སྐད་ཅིག་མར་དྲན་ཏེ། བསམ་པའི་འདུ་ཤེས་དང་། དྲན་པའི་འདུ་ཤེས་དང་། རྟོགས་པའི་འདུ་ཤེས་སུ་

62-1-276a

དད་པའི་སེམས་གྲུབ་ན་སྐད་ཅིག་མར་བསྐལ་པ་བྱེ་བ་ཁྲག་ཁྲིག་འབུམ་ཕྲག་དགུ་བཅུའི་གང་གཱའི་བྱེ་མ་སྙེད་ཀྱི་འཁོར་བའི་སྡིག་ཕྱིར་བསྙིལ་བར་འགྱུར་རོ། །མ་རིག་པའི་སྒྲིབ་པ་ཡང་གཏན་བྲལ་བར་འགྱུར་རོ། །དེ་བས་ན་དེ་
བཞིན་གཤེགས་པ་རྟག་ཏུ་འཚོ་སྐྱོང་ཞིང་གཞེས་ཏེ་མྱ་ངན་ལས་མི་འདའ་བར་མངོན་ནོ། །དེ་ནས་བཅོམ་ལྡན་འདས་ཀྱིས་འཁོར་མང་པོ་རྣམས་ལ་ཚིགས་སུ་བཅད་དེ་བཀའ་སྩལ་པ། ཡི་དགས་མཐུ་ཆེན་ཐམས་ཅད་དང་། །དུད་འགྲོ་གླང་པོ་མ་
རུངས་དང་། །བུད་མེད་གཡེམ་དང་མ་རུངས་ཀླུ། །དཔག་ཏུ་མེད་པའི་མ་རུངས་རྣམས། །བ་སུ་དང་ནི་མ་སྐྱེས་དགྲ། །ལྷ་སྦྱིན་དང་ནི་སོར་མོའི་ཕྲེང་། །ལུས་དང་སེམས་ཀྱིས་སྡིག་སྤྱད་པས། །དམྱལ་བ་མནར་མེད་ལྟུང་འོས་ཀྱང་། །ཕྱོགས་བཅུ་དུས་
གསུམ་རྒྱལ་བ་ལ། །དད་པ་བསྐྱེད་དེ་ཕྱག་འཚལ་ཕྱིར། །ཐུབ་པ་མྱ་ངན་འདའ་བའི་ཁར། །བསྐལ་པ་གྲངས་མེད་ཕྱིར་བཤོལ་ལོ། །མ་ག་དྷ་ཡི་སྐྱེ་བོ་དག །ཀུན་ཀྱང་བྱང་ཆུབ་སེམས་བསྐྱེད་པ་འང་། །ཕྱོགས་བཅུ་དུས་གསུམ་རྒྱལ་བ་ལ། །གུས་པར་ཕྱག་
བྱའི་དབང་གིས་སོ། །ཀཽ་དི་ནྱ་ལ་སོགས་དང་། །ཉན་ཐོས་ལྔ་བརྒྱ་རྣམ་དག་གིས། །མ་འོངས་དུས་སུ་འཚང་རྒྱ་བ་འང་། །ཕྱོགས་བཅུ་དུས་གསུམ་རྒྱལ་བ་ལ། །གུས་པར་ཕྱག་བྱའི་དབང་གིས་སོ། །མུ་སྟེགས་དང་ནི་བྲམ་ཟེ་དང་། །སྔགས་
འཆང་ཆེན་པོ་དྲང་སྲོང་བཅུ། །ད་ལྟར་དགྲ་བཅོམ་གྲུབ་པ་ཡང་། །འདས་པའི་ཕྱོགས་བཅུ་དུས་གསུམ་གྱི། །རྒྱལ་བ་རྣམས་ལ་ཕྱག་བྱའི་ཡོན། །དམ་པའི་དོན་ལ་ཆུད་པ་དང་། །ཕྱོགས་བཅུ་རྒྱལ་བའི་ཞིང་རྣམས་ལ། །བྱང་ཆུབ་སེམས་དཔའི་
ཚོགས་ཐམས་ཅད། །ཚེ་དཔག་མེད་པར་སྐྱེས་པ་ཡང་། །ཕྱོགས་བཅུ་དུས་གསུམ་རྒྱལ་བ་ལ། །གུས་པར་ཕྱག་བྱའི་དབང་གིས་སོ། །རྒྱལ་བུ་དགེ་མཐོང་འདི་ལྟ་སྟེ། །སྔོན་ང་རྒྱལ་པོར་བྱེད་པའི་ཚེ། །དྲང་སྲོང་ཆེན་པོ་སྦྱིན་ཞེས་བྱ། །དེ་ཚེ་སངས་
རྒྱས་མ་བྱུང་སྟེ། །བྲམ་ཟེ་ལྔ་བརྒྱ་རྣམས་ཞིག་ལ། །ཁ་ཟས་དང་ནི་གོས་རྣམས་དང་། །ཁང་ཁྱིམ་དང་ནི་མལ་ཆའི་བར། །རབ་ཏུ་བྱུང་བའི་མཆོད་པ་ཕུལ། །དེས་ནི་དེ་ཚེ་བསྐོས་པ་ལ། །ཁྱེད་རྣམས་བྱང་ཆུབ་སེམས་བསྐྱེད་ཅིག །བྲམ་ཟེ་ལྔ་

62-1-276b

བརྒྱ་དེ་དག་གིས། །མཆོད་པ་ཕུལ་བ་བླངས་ཀྱིས་ཀྱང་། །དཀོན་མཆོག་གསུམ་ལ་མ་དད་པས། །མོད་བཞིན་ང་ལ་སླར་སྨྲས་པ། །འཇིག་རྟེན་ནང་ན་བྱང་ཆུབ་དང་། །རྣམ་པར་གྲོལ་བ་མེད་དོ་ཞེས། །དེ་སྐད་སྨྲས་པར་ངས་ཐོས་ནས། །
མཉམ་ཉིད་མདོ་སྡེ་བསྲུང་བའི་ཕྱིར། །བྲམ་ཟེ་ལྔ་བརྒྱའི་སྲོག་བཅད་དོ། །བྲམ་ཟེ་དེ་དག་ཚེ་འཕོས་ནས། །དམྱལ་བ་མནར་མེད་ལྟུང་བར་འགྱུར། །སེམས་ཅན་དམྱལ་བར་ལྷུང་ནས་སུ། །དྲན་པ་རྣམ་གསུམ་གཡོས་ནས་ཀྱང་། །དུས་གསུམ་
རྒྱལ་ལ་ཕྱག་བྱས་སོ། །མཉམ་པ་ཉིད་ཀྱི་མདོ་སྡེ་དང་། །བྱང་ཆུབ་དགེ་འདུན་དད་བསྐྱེད་དེ། །དྲན་པ་རྣམ་གསུམ་བྱས་ནས་སུ། །མོད་ལ་དམྱལ་ནས་བྱུང་སྟེ་དོང་། །འཇིག་རྟེན་ཟིལ་མངར་ལྔ་རུ་སྐྱེས། །ཚེ་ནི་བསྐལ་པ་ཆུང་བཅུ་
ཐོབ། །དེ་ཡང་གུས་པའི་སེམས་ཀྱིས་སུ། །ཕྱོགས་བཅུའི་རྒྱལ་ལ་ཕྱག་བྱའི་ཡོན། །བྲམ་ཟེ་དེ་དག་ཐམས་ཅད་ཀྱིས། །ཐོག་མར་སྐུར་པས་དམྱལ་ལྟུང་ཡང་། །ཕྱིས་ནི་དད་པས་མོད་ལ་ཐར། །བྱང་ཆུབ་སེམས་དཔའ་ཁྱེད་རྣམས་
ནི། །ཁྲེལ་དང་ལྡན་པ་སྨོས་ཅི་དགོས། །སྡིག་གི་རང་བཞིན་ཐོག་མ་ནས། །མེད་པས་སེམས་ཅན་རྣམས་ཀྱི་ཕྱིར། །རྩ་བ་བཞི་པོ་སྡོམ་པ་དང་། །མཚམས་མེད་ལྔ་པོའི་སྡིག་རྣམས་དང་། །ལོག་སྤྱོད་བར་དུ་མཐོལ་བཤགས་སོ། །
སོ་སོའི་སྐྱེ་བོ་ལ་ལ་ཞིག །དེ་ལྟ་བུ་ཡི་སྡིག་བྱས་པ། །དེ་བཞིན་མཐོལ་ཚངས་བྱེད་ནུས་ན། །རྩ་བ་བཞི་དང་མཚམས་མེད་ལྔ། །ལོག་སྤྱོད་བར་དུ་སྡིག་འབྱང་སྟེ། །སངས་རྒྱས་འགྲུབ་པ་འང་གདོན་མི་ཟ། །མ་དད་པ་ནི་དེར་མ་
གཏོགས། །གང་ཞིག་དད་པའི་སེམས་ཤེས་ཏེ། །རྒྱལ་བ་རྣམས་ལ་ཕྱག་བྱས་ན། །ཆོས་ལམ་མི་འགྲུབ་མི་སྲིད་དོ། །དེ་ནས་རྒྱལ་བུ་དགེ་མཐོང་དང་། །སུམ་སྟོང་པོ་ཡི་མི་རྣམས་ཀྱིས། །བཅོམ་ལྡན་འདས་ལ་ཚིག་འཐུན་
པར། །འདི་སྐད་གསོལ་ཏེ་བདག་ཅག་རྣམས། །སངས་རྒྱས་གྲུབ་ནས་སྐྱེ་ཤི་ལས། །འཁོར་བའི་རྣམ་དག་བསྒྲལ་བར་སྨོན། །ལྷ་མིའི་ནང་ན་བཙུན་བཞུགས་པས། །བྱེ་བྲག་ཕྱེད་པར་བཤད་དུ་གསོལ། །དེ་ལ་གཟུངས་སུ་བཟུང་བ་དང་། །

62-1-277a

ཡི་གེར་བྲིས་ཤིང་ཀློག་འཆང་བ། །དེ་ཡི་བསོད་ནམས་ཇི་ཙམ་མཆིས། །བཅོམ་ལྡན་འདས་ཀྱིས་བཀའ་སྩལ་པ། །བྱེ་བྲག་ཕྱེད་པར་ངས་བཤད་ཀྱིས། །རྒྱལ་བུ་དགེ་མཐོང་ལེགས་པར་ཉོན། །གང་ཞིག་རིན་ཆེན་སྣ་བདུན་
གྱིས། །སྟོང་ཁམས་གང་བའི་སེམས་ཅན་ལ། །སྦྱིན་པ་བྱས་ཤིང་ཡོན་ཕུལ་ནས། །དེ་ཡི་སྟེང་དུ་ཆོས་བཤད་ཅིང་། །དགྲ་བཅོམ་འབྲས་བུ་ཐོབ་བྱས་པས། །ལ་ལ་ཞིག་གིས་རྒྱལ་བའི་མཚན། །ཐོས་ནས་དད་པའི་སེམས་བསྐྱེད་དེ། །
དེ་ཡི་བསོད་ནམས་དེ་བས་འདའ། །ཡི་གེར་བྲིས་ཤིང་ཀློག་འཆང་བ། །དད་པས་ཕྱག་འཚལ་སྨོས་ཅི་དགོས། །དེ་ཡི་བསོད་ནམས་དཔག་ཏུ་མེད། །གང་གིས་ཡི་གེར་བྲིས་པ་དང་། །ཀློག་པ་དང་ནི་འདོན་པ་དང་། །དུས་སུ་ཕྱག་
འཚལ་སེམས་བསྐྱེད་ན། །མཆོད་རྟེན་སྟོང་ཁམས་ཆུབ་བར་རུ། །བརྩིགས་པའི་བསོད་ནམས་པས་ནི་ཆེ། །དེ་ནས་འོད་སྲུངས་ཆེན་པོ་དང་། །ཤཱ་རིའི་བུ་དང་ཀུན་དགའ་བོ། །འཇིག་རྟེན་བསྲུང་བ་མཐུ་བོ་ཆེ། །ཚངས་ལྷ་རྣམས་
དང་ལྷ་དབང་པོ། །འཁོར་ལོས་སྒྱུར་དང་རྒྱལ་ཆེན་བཞིས། །བཅོམ་ལྡན་ཞབས་ལ་མགོས་བཏུད་ནས། །ཚིག་འཐུན་པར་ནི་འདི་སྐད་གསོལ། །བཅོམ་ལྡན་མྱ་ངན་འདས་སླད་ན། །བདག་ཅག་རྣམས་ཀྱིས་སེམས་ཅན་ལ། ཁྱབ་པར་
སྤེལ་ཞིང་བསྟན་པར་བགྱི། །ལུས་སེམས་རྟག་ཏུ་བདེ་བའི་ཕྱིར། །ཕྱག་འཚལ་རྣམས་ལ་བསྲུང་བར་བགྱི། །གང་ཞིག་སྡོམ་པ་ཞིག་པ་དང་། །མཚམས་མེད་ལྔའི་སྡིག་པ་དང་། །མཉམ་པ་ཉིད་ལ་སྐུར་པ་རྣམས། །སངས་རྒྱས་དེ་དག་
མཚན་ཐོས་པས། །རྣམ་དག་ས་རུ་བདེ་བར་གནས། །དཔེར་ན་རྒྱལ་བུ་དགེ་མཐོང་བཞིན། །ད་དུང་མ་འོངས་ཕྱི་དུས་ལ། །སངས་རྒྱས་རང་བཞིན་མཐོང་བར་རོ། །དེ་ནས་བཅོམ་ལྡན་འདས་ཤཱཀྱ་ཐུབ་པས་ཚོགས་ཆེན་པོ་རྣམས་
ལ་འདི་སྐད་ཅེས་བཀའ་སྩལ་ཏོ། །ཁྱེད་རྣམས་ལེགས་པར་ཉོན་ཅིག །ཁྱེད་རྣམས་ལ་སྔོན་བྱུང་བའི་ལས་ཀྱི་རྒྱུ་རྐྱེན་བཤད་པར་བྱའོ། །ང་སྔོན་བསྐལ་པ་དཔག་ཏུ་མེད་པ་འདས་པའི་སྔོན་རོལ་ན་དེ་བཞིན་གཤེགས་པ་དགྲ་བཅོམ་པ་ཡང་དག་པར་

62-1-277b

རྫོགས་པའི་སངས་རྒྱས་མཛེས་པའི་འོད་ཅེས་བྱ་བ་ལས་ཕྱོགས་བཅུ་དུས་གསུམ་གྱི་སངས་རྒྱས་ཀྱི་མཚན་ཐོས་ནས་ཤིན་དུ་དགའ་བའི་སེམས་སྐྱེས་ཏེ། ཐལ་མོ་སྦྱར་ཅིང་སྤྱི་བོས་བླངས་སོ། །བླངས་ནས་ཀྱང་སེམས་ཅན་གང་ནས་གང་དུ་གནས་
པ་དེ་དང་དེར་དཔག་ཏུ་མེད་པ་མཐའ་ཡས་པའི་སེམས་ཅན་རྣམས་ལ་རྒྱ་ཆེར་སྤེལ་ཞིང་བསྟན་ཏེ་སངས་རྒྱས་ཀྱི་མཚན་ཐོས་པར་བྱས་སོ། །དེའི་ཚེ་དེའི་དུས་ན་ཚོགས་རྣམས་ཀྱི་ནང་དུ་མི་སུམ་སྟོང་ཉི་ཚེ་ཞིག་ངའི་ཆོས་ཀྱི་དོན་དང་འཐུན་ཏེ་
དད་པའི་སེམས་དཔག་ཏུ་མེད་པ་སྐྱེས་ནས་ངའི་ཐད་དུ་སངས་རྒྱས་དེ་རྣམས་ཀྱི་མཚན་ནས་བརྗོད་ཅིང་ཕྱག་བྱས་པས། ད་ལྟར་ཕྱོགས་བཅུར་སྣང་ཞིང་མངོན་པར་འཚང་རྒྱ་བ་ཡིན་ནོ། །རིགས་ཀྱི་བུ་དག་རྩ་བ་བཞི་དང་། མཚམས་
མེད་པའི་སྡིག་ལྕི་བ་དང་། མཉམ་པ་ཉིད་ལ་སྐུར་པ་དང་། ལོག་སྤྱོད་ཀྱི་བར་དུ་སྡིག་འབྱང་བར་འདོད་ན་དད་པའི་སེམས་ཀྱི་དབང་དུ་འགྲོ་བར་བྱའོ། །རིགས་ཀྱི་བུ་ཡང་འདི་ལྟ་སྟེ། གང་ལ་ལས་མ་དད་ཅིང་མ་གུས་པས་མདོ་སྡེ་བཅུ་
གཉིས་ལ་སྐུར་ཅིང་དབང་བཟས་པ་དང་། རྡོ་རྗེའི་སྐུ་དང་། སྐྱེས་བུ་དམ་པ་འཇམ་དཔལ་དང་། ཕྱོགས་བཅུའི་རྒྱལ་བ་རྣམས་ལ་སྐུར་ཅིང་དབང་བཟའ་བ་རྣམས་གདོན་མི་ཟ་བར་སེམས་ཅན་དམྱལ་བར་ལྟུང་སྟེ། བརྫུན་པ་མ་ཡིན་ནོ། །
དེ་ཅིའི་ཕྱིར་ཞེ་ན། དེ་མ་དད་པའི་ཕྱིར་རོ། །དམ་པའི་ཆོས་ལ་སྐུར་པའི་ཕྱིར་རོ། །བླ་མ་རྣམས་ལ་བརྙས་པའི་ཕྱིར་རོ། །ཕྱོགས་བཅུ་དུས་གསུམ་གྱི་སངས་རྒྱས་ལ་སྨད་པའི་ཕྱིར་ཏེ། ངེས་པར་དམྱལ་བར་ལྟུང་ངོ་། །སངས་རྒྱས་ཀྱི་
མཚན་དེ་དག་ལ་དད་ཅིང་སེམས་ཐག་པ་ནས་ཕྱག་འཚལ་ན་མི་དགེ་བ་བཅུ་དང་། མཚམས་མེད་པ་ལྔ་དང་། མཉམ་པ་ཉིད་ལ་སྐུར་པའི་སྡིག་ལྟ་ཞིག་མི་འབྱང་མི་སྲིད་དེ་མ་དད་པ་དང་། མ་གུས་པ་དང་། དགེ་བའི་རྩ་བ་རྒྱུན་ཆད་པ་
དང་། ལོག་སྤྱོད་རྣམས་ནི་དེར་མ་གཏོགས་སོ། །རིགས་ཀྱི་བུ་དག་ཤཱཀྱ་ཐུབ་པའི་སྐུ་འབུམ་ཕྲག་བརྒྱར་སྤྲུལ་པ་ཡང་འཇིག་རྟེན་རེ་རེ་ན་སྟོན་པ་མཛད་ཅིང་བཞུགས་ཏེ་ཐ་མའི་སྐུ་ནི་ང་ཡིན་ནོ། །དེའི་ཚེ་ང་དང་འགྲོགས་པའི་མི་སུམ་

62-1-278a

སྟོང་པོ་ཀུན་ད་ལྟར་སངས་རྒྱས་སུ་གྲུབ་སྟེ། སྟོང་དང་པོའི་གཙོ་བོ་ནི་སངས་རྒྱས་པད་མའི་འོད་ཅེས་བྱ། སྟོང་བར་མའི་གཙོ་བོ་ནི་སངས་རྒྱས་རྡོ་རྗེའི་སྐུ་ཞེས་བྱ། སྟོང་ཐ་མའི་གཙོ་བོ་ནི་སངས་རྒྱས་བྱམས་པ་ཞེས་བྱའོ། །
དེ་བས་ན་ཁྱེད་རྣམས་ཀྱང་དེ་བཞིན་དུ་ཕྱོགས་བཅུ་དུས་གསུམ་གྱི་སངས་རྒྱས་ཀྱི་མཚན་བརྗོད་ཅིང་ཕྱག་འཚལ་བའི་རིགས་སོ། །ཁྱེད་རྣམས་མ་འོངས་པའི་དུས་ན་ཚོགས་མང་པོ་རྣམས་ལ་སྟོན་པ་རྒྱ་ཆེར་བྱེད་ཅིང་མཐའ་མེད་པའི་སེམས་
ཅན་རྣམས་ལ་ཕན་གདགས་ཏེ། ཁམས་གསུམ་ནས་བཟླས་ཤིང་ཞི་བ་དང་དབེན་པའི་གནས་སུ་དཀྱིལ་འཁོར་གྱིས་ལ་ང་དང་འདྲ་བར་བྱོས་ཤིག །དེ་ནས་བྱང་ཆུབ་སེམས་དཔའ་གཟུངས་འཛིན་སྟན་ལས་ལངས་ཏེ། བླ་གོས་
ཕྲག་པ་གཅིག་ཏུ་གཟར་ནས་པུས་མོ་གཡས་པའི་ལྷ་ང་ས་ལ་གཙུགས་ཏེ། བཅོམ་ལྡན་འདས་ག་ལ་བ་དེ་ལོགས་སུ་ཐལ་མོ་སྦྱར་ཅིང་ཕྱག་འཚལ་ནས། བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས་ཆོས་
ཀྱི་རྣམ་གྲངས་འདིའི་མིང་ཅི་ལགས། ཇི་ལྟར་གཟུང་བར་བགྱི། ཇི་ལྟར་བསྒོམ་ཞིང་སྤྱད་པར་བགྱི། དེ་སྐད་ཅེས་གསོལ་པ་དང་། བཅོམ་ལྡན་འདས་ཀྱིས་བཀའ་སྩལ་པ། རིགས་ཀྱི་བུ་ཆོས་ཀྱི་རྣམ་གྲངས་འདིའི་མིང་ནི་
སྡོམ་པ་ལྕི་བ་རྣམས་ལ་ཕན་གདགས་པའོ་ཞེས་བྱ་བར་ཟུང་ཤིག །རྡོ་རྗེ་རིན་པོ་ཆེའི་སྙིང་པོ་ཞེས་བྱ་བར་ཟུང་ཤིག །སྡེ་སྣོད་ཀྱི་སྒོ་དཔག་ཏུ་མེད་པའོ་ཞེས་བྱ་བར་ཟུང་ཤིག །ཐམས་ཅད་ཀུན་དུ་བསྡུས་པའོ་ཞེས་བྱ་བར་ཟུང་
ཤིག །རྒྱན་ཆེན་པོ་དཔེ་ཟླ་མེད་པའོ་ཞེས་བྱ་བར་ཟུང་ཤིག །མི་སུམ་སྟོང་སངས་རྒྱས་སུ་གྲུབ་པར་རྣམ་པར་བཀོད་པ་ཞེས་བྱ་བར་ཟུང་ཤིག །འགྱོད་ཚངས་ཀྱིས་སྡིག་སྦྱངས་དེ་བསོད་ནམས་ཐོབ་པའོ་ཞེས་བྱ་བར་ཟུང་ཤིག །
ཐར་པ་ཆེན་པོ་ཕྱོགས་སུ་རྒྱས་པ་ཞེས་བྱ་བར་ཟུང་ཤིག །བེ་ནས་བཅོམ་ལྡན་འདས་ལ་བྱང་ཆུབ་སེམས་དཔའ་གཟུངས་འཛིན་གྱིས་འདི་སྐད་ཅེས་གསོལ་ཏོ། །བཅོམ་ལྡན་འདས་དེ་བཞིན་གཤེགས་པས་བསྟན་

62-1-278b

པ་ལྟར་ན། ཆོས་ཀྱི་རྣམ་གྲངས་འདི་ནི་སེམས་ཅན་དཔག་ཏུ་མ་མཆིས་པ་རྣམས་ལ་སྨན་པ་དང་། བདེ་བ་ཆེན་པོ་མཛད་པའི་སླད་དུ་སྡིག་སྦྱངས་པ་དང་། སངས་རྒྱས་སུ་འགྲུབ་པར་མཛད་པའི་མདོ་འདི་ནི་སངས་རྒྱས་ཐམས་ཅད་ཀྱི་ནི་
ཡུམ་མོ། །བྱང་ཆུབ་སེམས་དཔའ་ཐམས་ཅད་ཀྱི་ནི་ལམ་མོ། །ཉན་ཐོས་རྣམས་ཀྱི་ནི་མིག་གོ། །ལྷ་དང་མི་རྣམས་ཀྱི་ནི་ཁང་ཁྱིམ་ལགས་ཏེ། དེ་ལྟ་བུའི་བསམ་གྱིས་མི་ཁྱབ་པའི་དོན་དང་ལྡན་པ་
བདག་གིས་གཟུངས་སུ་བཟུང་བར་བགྱིའོ། །ལྷ་དང་མི་གང་ནས་གང་དུ་གནས་པ་དེ་དང་དེར་རྒྱ་ཆེར་སྤེལ་བར་བགྱིའོ། །རྒྱུན་མི་འཆད་ཅིང་ཡུན་དུ་གནས་པར་བགྱིའོ། །བཅོམ་ལྡན་འདས་ཀྱིས་བཀའ་སྩལ་པ། ལེགས་སོ་
ལེགས་སོ། །ཁྱོད་ནི་སྐྱེས་བུ་དམ་པ་ཡིན་ཏེ། སྡེ་སྣོད་ཆེན་པོ་དཔག་ཏུ་མེད་པ་ཐམས་ཅད་གཟུངས་སུ་འཛིན་པ་ལགས་ཏེ། ཁྱོད་མ་འོངས་པའི་དུས་ན་ང་འགྲོ་བའི་གནས་སུ་ཁྱོད་འགྲོ་ཤིག །ང་འདུག་པའི་གནས་སུ་ཁྱོད་འདུག་ཤིག །
བཅོམ་ལྡན་འདས་ཀྱིས་ཆོས་ཀྱི་རྣམ་གྲངས་འདི་བསྟན་པའི་ཚེ། བྱང་ཆུབ་སེམས་དཔའ་དཔག་ཏུ་མེད་པ་ཞིག་ཕྱིར་མི་ལྡོག་པ་དང་མི་འགྱུར་བའི་སར་གནས་སོ། །ཉན་ཐོས་བརྒྱད་ཁྲི་ཞིག་ཐེག་པ་ཆེན་པོའི་སེམས་བསྐྱེད་དོ། །
དགེ་སློང་སྟོང་ཕྲག་བཅུ་ཞིག་དགྲ་བཅོམ་པའི་འབྲས་བུ་ཐོབ་བོ། །ལྷ་དང་མི་བརྒྱད་ཁྲི་བཞི་སྟོང་ཞིག་ཆོས་ཀྱི་མིག་རྣམ་པར་དག་པ་ཐོབ་བོ། །སེམས་ཅན་སྟོང་ཕྲག་བརྒྱ་ཞིག་ནི་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་
སེམས་བསྐྱེད་དོ། །དེ་ནས་བཅོམ་ལྡན་འདས་ཀྱིས་མདོ་སྡེ་འདི་བཤད་ཟིན་ནས། ཤིང་སཱ་ལ་ག་ལ་བ་དེ་ལོགས་སུ་གཤེགས་སོ། །གཤེགས་ནས་གསེར་གྱི་མེ་ཏོག་རིན་པོ་ཆེའི་རྫིང་བུ་དང་བཅས་པར་མི་སྣང་བར་གྱུར་ཏེ། དེ་བཞིན་
གཤེགས་པའི་འོད་ཀྱང་བསྡུས་ནས། མི་མཇེད་ཀྱི་འཇིག་རྟེན་གྱི་ཁམས་མཐོ་དམའ་དང་། གཙང་སྨེ་ཡང་སྔོན་བཞིན་ནོ། །མི་རྣམས་ཉེས་བྱས་པའི་ཕྱིར་དམྱལ་བ་ཡང་སྔོན་བཞིན་ནོ། །བཅོམ་ལྡན་འདས་ཀྱིས་དེ་

62-1-279a

སྐད་ཅེས་བཀའ་སྩལ་ནས། བྱང་ཆུབ་སེམས་དཔའི་ཚོགས་ཐམས་ཅད་དང་། ལྷ་དང་། མི་དང་། ལྷ་མ་ཡིན་དང་། དྲི་ཟར་བཅས་པའི་འཇིག་རྟེན་ཡི་རངས་ཏེ། བཅོམ་ལྡན་འདས་ཀྱིས་གསུངས་པ་ལ་མངོན་
པར་བསྟོད་དོ། །འཕགས་པ་ཐར་པ་ཆེན་པོ་ཕྱོགས་སུ་རྒྱས་པ་འགྱོད་ཚངས་ཀྱི་སྡིག་སྦྱང་བ་སྟེ་སངས་རྒྱས་ཡོངསུ་གྲུབ་པ་བཀོད་པ་ཞེས་བྱ་བ་ཐེག་པ་ཆེན་པོའི་མདོ་རྫོགས་སྷོ།། །།རྒྱ་ནག་གི་འགྱུར་ཤུ་ལོ་ག་བདུན་བརྒྱ་རྩ་བཅུ་གཉིས་ཏེ་
བམ་པོ་གཉིས་དང་ཤུ་ལོ་ག་བརྒྱ་བཅུ་གཉིས།       ། སངས་རྒྱས་དང་བྱང་ཆུབ་སེམས་དཔའ་ཐམས་ཅད་ལ་ཕྱག་འཚལ་ལོ། ། འཕགས་པ་རྟོགས་པ་ཆེན་པོ་ཡོངས་སུ་རྒྱས་པའི་མདོ་ལས། ཕྱག་འཚལ་བའི་ཆོ་ག་དང་། འགྱོད་ཚངས་ཀྱི་ལེའུ་ཉི་ཚེ། ཕྱག་འཚལ་བའི་ཆོ་ག་དང་། 
མཚན་ནས་བརྗོད་པའི་ཡོན་ཏན་གྱི་གླེང་གཞི་དང་། དུས་གསུམ་གྱི་དེ་བཞིན་གཤེགས་པ་རྣམས་ཀྱི་མཚན་དང་། མདོ་སྡེ་བཅུ་གཉིས་དང་། བྱང་ཆུབ་སེམས་དཔའ་རྣམས་ཀྱི་མཚན་ནས་བརྗོད་ཅིང་ཕྱག་འཚལ་བ་དང་། བཤགས་པའི་ལེའུ་
རྣམས་འབྱུང་བ་ཉི་ཚེ་བཅོས་ཤིང་བསྒྱུར་བ། དེ་ནས་ཕྱོགས་བཅུ་ནས་ལྷགས་པའི་བྱང་ཆུབ་སེམས་དཔའ་རྣམས་ཀྱིས་ལྷན་གཅིག་ཏུ་ཐལ་མོ་སྦྱར་ཏེ། བཅོམ་ལྡན་འདས་ལ་གསོལ་པ། བདག་ཅག་རྣམས་ཕྱོགས་བཅུའི་སངས་
རྒྱས་དེ་དག་གི་མཐུ་དང་བྱིན་གྱི་བརླབས་ཀྱིས་འཇིག་རྟེན་གྱི་ཁམས་འདིར་མཆིས་ཏེ་བཅོམ་ལྡན་འདས་ཀྱི་ཞལ་མཐོང་ལ། ཐེག་པ་ཆེན་པོའི་ཆོས་ཐོས་ནས་བདག་ཅག་དང་། ལྷ་དང་མིས་མདོ་སྡེ་གསུང་རབ་འདི་ལེན་ཅིང་འཛིན་པ་
དང་། འཆང་བར་གསོལ་ཏེ། གནང་བར་འཚལ་ན་བཅོམ་ལྡན་འདས་ཡོངས་སུ་མྱ་ངན་ལས་འདས་པའི་སླད་ན་ཡུལ་ཁམས་འདི་དང་། ཕྱོགས་གཞན་དུ་རི་དང་། ཚལ་དང་། ཤིང་དྲུང་གི་རིག་སྔགས་འཆང་བའི་གནས་
དང་། གྲོང་དང་། གྲོང་ཁྱེར་དང་གནས་དང་། ཁྱིམ་དང་། དགོན་པའི་གནས་དང་། དུར་ཁྲོད་དང་། ཤིང་དྲུང་དང་། བླ་གབ་མེད་པ་དང་། མཆོད་རྟེན་དང་། གཙུག་ལག་ཁང་དང་། དགེ་འདུན་གྱི་ཀུན་དགའ་ར་བ་དང་། མི་མང་པོ་འདུ་པའི་

62-1-279b

ཆོས་བཤད་པའི་གནས་དང་། མི་ཕལ་གྱི་གནས་དང་། མིར་གྱུར་པ་ཐམས་ཅད་ལ་རྒྱ་ཆེར་ཁྱབ་པར་བསྟན་ཏེ་རྒྱུན་མི་འཆད་པར་བགྱིའོ། །དེ་ཅིའི་སླད་དུ་ཞེ་ན། དམ་པའི་ཆོས་ཡུན་རིང་དུ་གནས་ན་ངན་འགྲོ་རྣམས་གཏན་དུ་བཀག་
པའི་སླད་དུའོ། །ཇི་ལྟ་ཞེ་ན། བཅོམ་ལྡན་འདས་ཀྱི་བསྟན་པས་སེམས་ཅན་དམྱལ་བའི་སྒོ་བཀུམ་ཞེས་ཐོས་ཏེ། ཆོས་ཀྱི་གཞུང་འདི་ལས་ཚིག་འབྲུ་གཅིག་ཙམ་ཁ་ཏོན་དུ་བཏོན་ན་ལྷ་རྣམས་ཀྱང་དགའ་ཞིང་མགུ་སྟེ། རྟག་ཏུ་བསྙེན་ཞིང་
མཆིས་ནས་རང་ཡང་དགེ་བ་སྤྱོད་པར་བགྱིད་ལགས་སོ། །མི་ལ་ལ་དག་ཀྱང་རྟོགས་པ་ཆེན་པོས་ཡོངས་སུ་རྒྱས་པའི་ཆོས་ཀྱི་གཞུང་འདི་ཐོས་ནས་དགའ་ཞིང་མགུ་ལ་མོས་ཤིང་གུས་ཏེ་ཡི་གེར་འབྲི་ལ་འདོན་ཅིང་ཀློག་པ་དང་། འཛིན་ཅིང་
འཆང་ལ་ཕྱག་འཚལ་ཏེ་ཆོས་ཀྱི་གཞུང་འདི་ལས་བསྟན་པའི་དེ་བཞིན་གཤེགས་པ་འགའི་མཚན་དང་། བྱང་ཆུབ་སེམས་དཔའ་འགའི་མིང་ནས་བརྗོད་ན་ཡང་མི་དེས་ཚེ་འདི་ལ་བདེ་ཞིང་སྐྱིད་པ་དང་། སྡིག་པ་མི་དགེ་བ་མི་འབྱུང་ལ། 
ནམ་འགུམ་པའི་ཚེ་ན་ཡང་བདག་ཅག་བྱང་ཆུབ་སེམས་དཔའ་དང་། ལྷ་རྣམས་ཀྱིས་དེའི་སྔོན་དུ་ཤུལ་འདྲེན་ཅིང་སངས་རྒྱས་ཀྱི་ཞིང་ཡོངས་སུ་དག་པ་དག་མཐོང་ལ། དད་ནས་གནས་གཅིག་ཏུ་སྐྱེ་བར་འགྱུར་རོ། །དེ་ཅིའི་སླད་དུ་ཞེ་ན། ཆོས་ཀྱི་
གཞུང་འདི་ལེན་ཅིང་ཡོངས་སུ་བཟུང་བའི་སླད་དུའོ། །མདོ་སྡེ་འདི་ལེན་ཅིང་ཡོངས་སུ་འཛིན་པ་ནི་སངས་རྒྱས་ཀྱི་སྐུ་ཡོངས་སུ་འཛིན་པ་ལགས་སོ། །དེ་བཞིན་གཤེགས་པའི་སྐུ་ཡོངས་སུ་འཛིན་པ་དེ་ནི་བྱང་ཆུབ་སེམས་དཔའ་
ལགས་ཏེ། དེ་བས་ན་བདག་ཅག་དང་སློབ་པ་གཅིག་སྟེ། རྒྱུ་དེའི་སླད་དུ་ཆོས་ཀྱི་གཞུང་འདི་ཡོངས་སུ་བཟུང་བས་གནས་གཅིག་ཏུ་སྐྱེ་ཞིང་གཅིག་གིས་གཅིག་མི་སྤོང་ཞིང་མི་འབྲལ་བས་སྨོན་ལམ་གཅིག་པ་ལགས་སོ། །
དེ་ནས་ཡང་ལྷ་མ་སྲིན་རྣམས་ཀྱི་རྒྱལ་པོ་དང་ཚངས་པ་ཆེན་པོའི་རྒྱལ་པོ་དང་སུམ་བཅུ་རྩ་གསུམ་གྱི་ལྷ་དང་། འཇིག་རྟེན་སྐྱོང་བ་ཕྱོགས་བཞིའི་རྒྱལ་པོ་ཆེན་པོ་བཞི་དང་། ཕྱག་བརྙན་ལག་ན་རྡོ་རྗེ་དག་དང་སྡེ་དཔོན་ཆེན་

62-1-280a

པོ་ལ་སོགས་པ་དང་ཀླུའི་རྒྱལ་པོ་དགའ་བོ་དང་བསྙེན་དགའ་བོ་དང་། ལྷ་མ་ཡིན་གྱི་རྒྱལ་པོ་དང་ནམ་མཁའ་ལྡིང་གི་རྒྱལ་པོ་དང་། མི་འམ་ཅིའི་རྒྱལ་པོ་དང་། བུ་དགུ་མའི་ལྷ་དང་རིའི་ལྷ་དང་ཤིང་གི་ལྷ་དང་འབབ་ཆུའི་ལྷ་
དང་མཚོའི་ལྷ་དང་སའི་ལྷ་དང་མེའི་ལྷ་དང་། རླུང་གི་ལྷ་ལ་སོགས་པའི་རྒྱལ་པོ་དང་དེ་དག་ལ་སོགས་པ་ཚད་མེད་གྲངས་མེད་པ་དག་དང་། ལྷ་ཆེན་པོ་རྣམས་དང་འཁོད་པ་ལས་ལངས་ཏེ། གདོང་དང་སྤྱི་བོས་ཕྱག་འཚལ་ནས་ཐལ་མོ་སྦྱར་ཏེ་
རྗེས་སུ་དང་གུས་པར་བཅས་པས་བཅོམ་ལྡན་འདས་ལ་གསོལ་པ། བཅོམ་ལྡན་འདས་བདག་ཅག་ལ་སོགས་པས་སླན་ཆད་རྟག་ཏུ་བཅོམ་ལྡན་འདས་ཀྱིས་གསུངས་པའི་རྟོགས་པ་ཆེན་པོས་ཡོངསུ་རྒྱས་པའི་ཆོས་ཀྱི་གཞུང་འདི་ཡོངསུ་
བཟུང་སྟེ། མདོ་སྡེ་འདི་གང་ན་གནས་པར་བདག་ཅག་ལྷའི་རྒྱལ་པོ་རྣམས་རྟག་ཏུ་དེའི་མདུན་དུ་མཆིས་ཏེ། གཙང་ཞིང་དག་པར་བགྱིས་ལ། མཆོད་རྟེན་གྱི་ནང་ངམ། མི་ཕལ་གྱི་གནས་སམ། དབེན་པའི་ཕྱོགས་ན་
གནས་སམ། ཡང་ན་མདོ་སྡེ་འདི་གཙང་སྦྲ་མ་ཕྱེད་པའི་ཡན་ལག་གིས་འཛིན་ཀྱང་རུང་། བདག་ཅག་གིས་མི་དེ་ལ་མི་རིགས་པའི་གནོད་པས་མི་ཚུགས་པར་བགྱིའོ། །དེ་མཆིས་པའི་གནས་ཁྱིམ་གྱི་རིམ་གྲོ་ཡང་བགྱིའོ། །བདག་
ཅག་ལྷའི་རྒྱལ་པོ་ལ་སོགས་པ་ཐམས་ཅད་ཀྱིས་དེ་ཕན་ཚུན་མཆི་ན་ཡང་དེའི་མདུན་དུ་འདོན་ཅིང་ཤུལ་སེལ་བ་དང་། ཅི་འཚལ་བ་བསྒྲུབ་པར་བགྱིའོ། །དེ་ཕྱོགས་བཞི་དག་ཏུ་མཆིས་ན་ཡང་སྒྲིབ་ཅིང་ཆགས་པ་མ་མཆིས་ལ། རྟག་ཏུ་
དགེ་བའི་ཆོས་མཐོང་ཞིང་ཚེ་རྗེས་ན་ལྷའི་ནང་དུ་སྐྱེ་བ་དང་། དེའི་བསོད་ནམས་ཀྱིས་སངས་རྒྱས་འབྱུང་བ་དང་མཇལ་ཞིང་ཐེག་པ་ཆེན་པོ་ལས་མི་ཉམས་པར་བགྱིད་དོ། །དེ་ནས་བཅོམ་ལྡན་འདས་ཀྱིས་བྱང་ཆུབ་སེམས་དཔའ་སེམས་
དཔའ་ཆེན་པོ་དེ་དག་དང་། ལྷ་མ་སྲིན་གྱི་རྒྱལ་པོ་ལ་སོགས་པ་དག་ལ་བཀའ་སྩལ་པ། དེ་དེ་བཞིན་ནོ། །དེ་དེ་བཞིན་ཏེ། ཁྱོད་ཀྱིས་སྨྲས་པ་དེ་བཞིན་ཏེ། ཆོས་ཀྱི་གཞུང་འདི་ལྟ་བུ་འདི་ཐོས་པར་ཡང་དཀའ་ན་རྟོགས་པར་ལྟ་སྨྲོས་

62-1-280b

ཀྱང་ཅི་དགོས། ཆོས་ཀྱི་གཞུང་འདི་ལེན་ཅིང་འཛིན་ལ། འདོན་ཅིང་ཀློག་པར་བྱད་ན་གཙང་སྦྲ་དང་། ཁྲུས་ཀྱིས་དག་ཅིང་དད་པར་བྱས་ལ། གོས་གཙང་མ་བགོས་ཏེ། གནས་གཙང་མར་བྱས་ལ། 
དར་གྱི་བླ་རེ་དང་བ་དན་ལ་སོགས་པས་གནས་ཀྱི་ནང་བཟང་པོར་བརྒྱན་ལ། སྤོས་མཆོག་ཏུ་དྲི་ཞིམ་པ་ཙན་དན་དང་། ཕྱེ་མ་དག་གིས་བྱུག་པ་དང་། སྤོས་རྣམ་པ་མང་པོ་བསྲེགས་ནས་ཕྱག་འཚལ་ཏེ། ཉིན་ཞག་
གཅིག་ལ་ཉིན་ལན་གསུམ་མཚན་ལན་གསུམ་དུ་དེ་ལྟ་བུར་ཉིན་ཞག་བདུན་གྱི་བར་དུ་ཆོས་ཀྱི་གཞུང་འདི་ཀློག་ཅིང་འདོན་ཏེ་སེམས་དང་ཡིད་མི་གཡེང་བ་དང་། དྲན་པ་མི་གཡེལ་ཞིང་གཅིག་ཏུ་བརྟན་པ་དང་། བསམ་པ་དྲང་བ་དང་། དྲན་པ་ཉེ་
བར་གཞག་ཅིང་འགྲོ་བ་དང་ལེན་ཅིང་འཛིན་པ་མ་འཁྲུལ་པ་དང་། སྤྱོད་ལམ་བརྟན་པ་དང་འདོན་ཅིང་ཟློས་པ་ཕྱིན་ཅི་མ་ལོག་པ་དེ་ལྟ་བུའི་ཚུལ་དུ་མདོ་སྡེ་འདི་ལས་བསྟན་པའི་དེ་བཞིན་གཤེགས་པ་རྣམས་དང་། མདོ་སྡེ་བཅུ་གཉིས་དང་། བྱང་
ཆུབ་སེམས་དཔའ་རྣམས་ཀྱི་མཚན་ནས་བརྗོད་ཅིང་ཀླགས་ལ། མོས་ཤིང་གུས་པས་དེ་ལྟར་ཕྱག་འཚལ་ཞིང་འཆང་བ་ནི་མདོ་སྡེ་འདི་ལས་བཤད་པ་བཞིན་དུ་སྡིག་ལྕི་བ་ཐམས་ཅད་ཡང་དག་པར་བསལ་བར་འགྱུར་རོ། །དེ་ཅིའི་ཕྱིར་
ཞེ་ན། རྟོགས་པ་ཆེན་པོས་ཡོངས་སུ་རྒྱས་པའི་ཆོས་ཀྱི་གཞུང་འདི་ནི་ཕྱོགས་བཅུའི་སངས་རྒྱས་ཐམས་ཅད་ཀྱིས་ཀྱང་སྤྱད་ཅིང་སྦྱངས་ལ། བྱིན་གྱིས་བརླབས་ནས་ཡོངས་སུ་བཟུང་བ་སྟེ། སངས་རྒྱས་ཐམས་ཅད་ཀྱི་ནི་ཡུམ་མོ། །མདོ་སྡེ་
རྣམས་ཀྱི་ནི་རྒྱལ་པོའོ། །མཆོག་གི་གཞུང་གི་ནི་མཛོད་དོ། །བྱང་ཆུབ་སེམས་དཔའ་རྣམས་ཀྱི་ནི་ལམ་མོ། །རྟོགས་པ་ཆེན་པོས་ཡོངས་སུ་རྒྱས་པ་འདི་མཆོག་ཏུ་ཟབ་པའི་ཆོས་ཀྱི་གཞུང་གི་སྙིང་པོའོ། །གཅིག་ཏུ་དཔེར་ན་འཇིག་
རྟེན་ན་ཆེན་པོ་བཞི་ལ་སོགས་པ་རྣམ་པ་དྲུག་དང་མཚུངས་ཤིང་བསམ་གྱིས་མི་ཁྱབ་སྟེ། དྲུག་གང་ཞེ་ན། ས་ཆེན་པོ་དང་། ཆུ་ཆེན་པོ་དང་། མེ་ཆེན་པོ་དང་རླུང་ཆེན་པོ་སྟེ་ཆེན་པོ་བཞི་དང་། ཉི་མ་དང་སྟོང་པ་སྟེ་དྲུག་གོ། །དེ་ལ་མདོ་སྡེ་འདི་

62-1-281a

ནི་དཔེར་ན་ས་ཆེན་པོ་དང་འདྲ་སྟེ། ཅང་སྨེ་དང་། བཟང་ངན་ཆེ་ཆུང་ཐམས་ཅད་ཐེག་པ་ཡིན་ནོ། །ཡང་མདོ་སྡེ་འདི་ནི་དཔེར་ན་ཆུ་ཆེན་པོ་དང་འདྲ་བར་མི་གཙང་བའི་ལྗན་ལྗིན་དང་། དྲི་མ་ཐམས་ཅད་དག་པར་
འཁྲུ་བ་ཡིན་ནོ། །ཡང་མདོ་སྡེ་འདི་ནི་དཔེར་ན་མེ་ཆེན་པོ་དང་འདྲ་བར་ལས་དང་ཉོན་མོངས་པའི་དྲི་མ་མི་གཙང་བའི་སྦར་སྦུར་ཐམས་ཅད་སྲེག་པ་ཡིན་ནོ། །ཡང་མདོ་སྡེ་འདི་ནི་དཔེར་ན་རླུང་ཆེན་པོ་དང་འདྲ་བར་མི་གཙང་བའི་ཕྱག་དར་ཐམས་ཅད་
འཐོར་ཞིང་འབུད་པ་ཡིན་ནོ། །ཡང་མདོ་སྡེ་འདི་ནི་དཔེར་ན་ཉི་མ་དང་འདྲ་སྟེ། མ་རིག་པའི་མུན་ནག་ཐམས་ཅད་ཀུན་དུ་སྣང་བར་བྱེད་པ་ཡིན་ནོ། །ཡང་མདོ་སྡེ་འདི་ནི་དཔེར་ན་ནམ་མཁའ་སྟོང་པ་དང་འདྲ་བར་དངོས་པོ་མ་ལུས་པ་ཐམས་ཅད་
གོ་འབྱེད་ཅིང་ཤོང་བར་བྱེད་དོ། །ཐེག་པ་ཆེན་པོའི་མདོ་སྡེ་རྟོགས་པ་ཆེན་པོས་ཡོངས་སུ་རྒྱས་པའི་མདོ་འདི་རྒྱ་ཆེ་བ་ནི་ཟླ་མེད་པ་ཡིན་ཏེ། བྱང་ཆུབ་སེམས་དཔའ་མན་ཆད་ཉན་ཐོས་དང་། འདོད་པ་དང་གཟུགས་དང་། གཟུགས་མེད་པ་ལ་ཐུག་
པ་ཐམས་ཅད་ཤོང་བར་བྱེད་དོ། །དེ་བས་ན་ཁྱེད་ཀྱིས་མདོ་སྡེ་འདི་ལོང་ལ་ཡོངས་སུ་བཟུང་བ་དང་། རྒྱ་ཆེར་སྤེལ་ཞིང་ཁྱབ་པར་གྱིས་ཤིག །མདོ་སྡེ་འདི་ལ་མོས་ཤིང་གུས་པར་གྱིས་ཏེ། ཁྱེད་ལ་སོགས་པ་བྱང་ཆུབ་སེམས་དཔའ་སེམས་
དཔའ་ཆེན་པོ་རྣམས་ཀྱིས་རྟག་པར་སངས་རྒྱས་ཀྱི་ཡེ་ཤེས་ཁོང་དུ་ཆུད་ལ། དེ་བཞིན་གཤེགས་པའི་ངོ་བོ་ཉིད་མཐོང་བར་གྱིས་ཤིག །ཁྱེད་ལྷའི་རྒྱལ་པོ་དག་མདོ་སྡེ་འདི་ལེན་ཅིང་ཡོངས་སུ་འཛིན་པ་རྣམས་ཀྱིས་རྟག་ཏུ་ང་དང་མ་བྱོན་པའི་
སངས་རྒྱས་ཐམས་ཅད་མངོན་པར་རྫོགས་པར་བྱང་ཆུབ་སྟེ། ཆོས་ཀྱི་འཁོར་ལོ་ཆེན་པོ་བསྐོར་བ་མཐོང་བར་གྱིས་ཤིག །དེ་ནས་འཁོར་མང་པོའི་ནང་ནས་བྱང་ཆུབ་སེམས་དཔའ་མོས་པའི་མཚན་ཞེས་བྱ་བ་སྟན་ལས་ལངས་ཏེ། 
གོས་ལེགས་པར་བགོས་ནས་བཅོམ་ལྡན་འདས་ཀྱི་ཞབས་ལ་སྤྱི་བོས་ཕྱག་འཚལ་ཏེ། བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས་བདག་ཅག་ལ་སོགས་པས་སྐྱེ་བོ་མང་པོ་ལ་སྨན་པ་དང་བདེ་བའི་སླད་དུ་

62-1-281b

གསོལ་ཞིང་ཞུ་ན་གནང་བའི་སྐབས་དབྱེ་བར་གསོལ། དེ་ནས་བཅོམ་ལྡན་འདས་ཀྱིས་བྱང་ཆུབ་སེམས་དཔའ་མོས་པའི་མཚན་ལ་བཀའ་སྩལ་པ། མོས་པའི་མཚན་ཁྱོད་ཀྱིས་སྐྱེ་བོ་མང་པོ་ལ་ཕན་པ་དང་བདེ་བའི་ཕྱིར་ཞུ་བ་ཞུས་པ་
ལེགས་སོ་ལེགས་སོ། །ཁྱོད་ཀྱིས་ཅི་དང་ཅི་ཞུས་པ་ཉོན་ཅིག་དང་ངས་ཁྱོད་ལ་བཤད་པར་བྱའོ། །ཁྱོད་ཀྱིས་ཞུས་པ་ཡང་དཔག་ཏུ་མེད་པའི་སྐྱེ་བོ་ལ་ཕན་པ་དང་བདེ་བའི་ཕྱིར་རོ། །དེ་ནས་བཅོམ་ལྡན་འདས་ལ་བྱང་ཆུབ་སེམས་
དཔའ་མོས་པའི་མཚན་གྱིས་འདི་སྐད་ཅེས་གསོལ་ཏོ། །བཅོམ་ལྡན་འདས་བདག་དྲན་པ་སྔོན་འདས་པའི་དུས་ན། བཅོམ་ལྡན་འདས་ཀྱི་མཚན་རིན་ཆེན་གཙུག་ཏོར་ཅན་ཞེས་བགྱི་བ་དེའི་མཚན་ལན་གཅིག་ཐོས་པ་ཙམ་
གྱིས་ཀྱང་ལྷར་སྐྱེ་བ་ཐོབ་བོ། །སླད་ཀྱིས་ཡུན་མི་རིང་བ་ཞིག་ན། རྒྱལ་པོ་ལྷའི་དབང་ཕྱུག་འོད་ཅེས་བགྱི་བའི་ཡུལ་ཁམས་དགོན་པའི་ནང་ཞིག་ལ་ལུ་མ་ཆེན་པོ་ཞིག་མཆིས་པའི་ཆབ་སྐམས་ཏེ་དེའི་ནང་ན་ཆབ་ཉ་སྟོང་ཕྲག་བཅུ་ཞིག་གདུགས་
ཀྱིས་གདུངས་ནས་འགུམ་དུ་ཉེ་བ་ཞིག་མཆིས་པ་ལ། ཚོང་དཔོན་གྱི་བུ་ཆུ་འབེབས་ཞེས་བགྱི་བ་ཞིག་གིས་ཆབ་ཉ་དེ་དག་མཐོང་བ་དང་། སྙིང་རྗེ་བའི་སེམས་སྐྱེས་ཏེ། ཆབ་དང་ཟས་ཀྱི་སྦྱིན་པ་སྩལ་ནས་དགུང་མང་པོ་མི་ཐུབ་ཅིང་འཚོ་
བ་ཡུན་མི་རིང་བར་འཚལ་ཏེ། དེ་ནས་ཚོང་དཔོན་གྱི་བུ་ཆུ་འབེབས་ཀྱིས་བཅོམ་ལྡན་འདས་རིན་ཆེན་གཙུག་ཏོར་ཅན་གྱི་མཚན་ལན་གསུམ་བརྗོད་པས་ཉ་དེ་རྣམས་ཀྱིས་ཐོས་པས་ཚེ་འཕོས་མ་ཐག་ཏུ་སུམ་བཅུ་རྩ་གསུམ་གནམ་གྱི་ལྷར་
སྐྱེས་སོ། །དེ་ལྟ་བས་ན་བཅོམ་ལྡན་འདས་འཁོར་འདི་དག་དང་། མ་འོངས་པའི་སྐྱེ་བོ་རྣམས་ལ་སྨན་པའི་སླད་དུ། བཅོམ་ལྡན་འདས་རྣམས་ཀྱི་མཚན་བསྟན་ཅིང་བསྒྲགས་པར་གསོལ། བཅོམ་ལྡན་འདས་ཤཱཀྱ་ཐུབ་པའི་
མཚན་ཀྱང་ཐོས་ན་དཔག་ཏུ་མ་མཆིས་ཤིང་། བརྗོད་དུ་མ་མཆིས་པའི་སྐྱེ་བོ་མང་པོ་ལ་སྨན་པ་དང་། བདེ་བ་ཐོབ་ཅིང་རྟག་ཏུ་ལོངས་སྤྱོད་ཕུན་སུམ་ཚོགས་པ་དང་ལྡན་པ་དང་། དཔག་ཏུ་མ་མཆིས་པའི་བསོད་ནམས་ཀྱི་གཏེར་རྙེད་ཅིང་

62-1-282a

དེ་བཞིན་གཤེགས་པའི་བདག་ཉིད་ཀྱང་མངོན་སུམ་དུ་རྟོགས་པར་འགྱུར་བའི་སླད་དུ་གསོལ་པ་དང་། ཚུལ་ཁྲིམས་ཀྱི་རྩ་བ་ཉམས་ཤིང་ཉོན་མོངས་པས་འཁྲུལ་པའི་སེམས་ཅན་རྣམས་ཡོངསུ་ཐར་བར་འགྱུར་བའི་སླད་དུ་བསྟན་
པར་གསོལ། དེ་ནས་བཅོམ་ལྡན་འདས་ཀྱིས་བྱང་ཆུབ་སེམས་དཔའ་མོས་པའི་མཚན་ལ་བཀའ་སྩལ་པ། རིགས་ཀྱི་བུ་གལ་ཏེ་ཕྱོགས་བཅུའི་སངས་རྒྱས་ཐམས་ཅད་ཀྱི་མཚན་རྫོགས་པར་བསྟན་ན་བསྐལ་པ་ཁྲི་ཕྲག་བརྒྱ་སྟོང་གི་བར་
དུ་བསྟན་ཀྱང་རྫོགས་པའི་མཐའ་མེད་དོ། །ཆུ་ཐམས་ཅད་ཀྱི་ཐིགས་པའི་གྲངས་ནི་བགྲང་ཞིང་ཤེས་པར་རུང་གི་སངས་རྒྱས་ཐམས་ཅད་ཀྱི་མཚན་ནི་བགྲང་ཞིང་ཤེས་པར་མི་ནུས་སོ། །རི་རབ་ལྷུན་པོ་རྣམས་ཀྱང་སྲང་ལ་གཞལ་ཞིང་
བགྲང་བར་རུང་གི། སངས་རྒྱས་བཅོམ་ལྡན་འདས་ཐམས་ཅད་ཀྱི་མཚན་ནི་བགྲང་ཞིང་ཤེས་པར་མི་ནུས་སོ། །འཇིག་རྟེན་ཐམས་ཅད་ཀྱི་རྡུལ་ཐམས་ཅད་ནི་བགྲང་ཞིང་ཤེས་པར་རུང་གི་སངས་རྒྱས་བཅོམ་ལྡན་འདས་ཐམས་ཅད་ཀྱི་མཚན་ནི་
བགྲང་ཞིང་ཤེས་པར་མི་ནུས་སོ། །ནམ་མཁའི་ཁམས་དང་མཐའ་ནི་ཤེས་པར་རུང་གི་སངས་རྒྱས་བཅོམ་ལྡན་འདས་ཐམས་ཅད་ཀྱི་མཚན་ནི་བརྗོད་ཅིང་ཤེས་པར་མི་ནུས་སོ། །དེ་ལྟ་བས་ན་ངས་ཁྱོད་ལ་དུས་གསུམ་གྱི་སངས་རྒྱས་
བཅོམ་ལྡན་འདས་རྣམས་ཀྱི་མཚན་མདོ་ཙམ་ཞིག་བསྟན་ཏེ། དེ་གང་ཟག་ལ་ལའི་རྣ་བར་ལན་ཅིག་ཐོས་ན་མི་དེ་ཚེ་འཕོས་མ་ཐག་ཏུ་ལྷའི་གནས་སུ་སྐྱེའོ། །ཐོས་ནས་མོས་པ་དང་། གུས་པ་བྱས་ལ་ཡི་གེར་བྲིས་སམ། མཚན་
ནས་བརྗོད་ཅིང་ཕྱག་འཚལ་ན། འཁོར་བ་དཔག་ཏུ་མེད་པའི་སྡིག་ལྕི་བ་འབྱང་སྟེ། བསོད་ནམས་ཚད་མེད་པ་ཐོབ་པས་གང་ཟག་དེ་དུས་ཟད་ན་འང་ཕྱོགས་བཅུའི་སངས་རྒྱས་ཀྱི་ཞིང་དུ་ཡིད་ལ་སྨོན་པ་བཞིན་དུ་སྐྱེ་སྟེ། ང་ཡང་མཐོང་
ལ་མ་འོངས་པའི་བསྐལ་པ་བཟང་པོའི་སངས་རྒྱས་རྣམས་ཀྱང་མཐོང་བར་འགྱུར་རོ། །དེ་ནས་བཅོམ་ལྡན་འདས་ཀྱིས་འཁོར་མང་པོ་རྣམས་ལ་བཀའ་སྩལ་པ། ཁྱེད་ལ་སོགས་པ་རྣམས་ཆོས་ཐོས་པར་འདོད་ན། ཚུལ་བཞིན་དུ་གོས་

62-1-282b

ལེགས་པར་བགོས་པ། ལུས་བསྲང་སྟེ་སེམས་མི་གཡེང་ཞིང་། དྲན་པ་མི་གཡེལ་བར་ཤིན་དུ་ཡིད་ལ་བྱོས་ཏེ། སེམས་རྩེ་གཅིག་ཏུ་བསྡུས་ལ་ཕྱག་ཚོལ་ཅིག །དེ་བཞིན་གཤེགས་པ་རི་རབ་མར་མེའི་རྒྱལ་པོ་ལ་གུས་པར་
ཕྱག་འཚལ་ལོ། །དེ་བཞིན་གཤེགས་པ་རིན་ཆེན་རྒྱལ་པོ་ལ་གུས་པར་ཕྱག་འཚལ་ལོ། །དེ་བཞིན་གཤེགས་པ་རིན་ཆེན་རྒྱལ་བ་ལ་གུས་པར་ཕྱག་འཚལ་ལོ། །དེ་བཞིན་གཤེགས་པ་སྣང་བ་མཐའ་ཡས་ལ་གུས་པར་ཕྱག་འཚལ་ལོ། །
དེ་བཞིན་གཤེགས་པ་རྣམ་པར་གཟིགས་ལ་གུས་པར་ཕྱག་འཚལ་ལོ། །དེ་བཞིན་གཤེགས་པ་རིན་ཆེན་མང་ལ་གུས་པར་ཕྱག་འཚལ་ལོ། །དེ་བཞིན་གཤེགས་པ་ཤཱཀྱ་ཐུབ་པ་ལ་གུས་པར་ཕྱག་འཚལ་ལོ། །དེ་བཞིན་གཤེགས་པ་ཆོས་
ཐམས་ཅད་བསྡུས་ཤིང་འཛིན་པ་ལ་གུས་པར་ཕྱག་འཚལ་ལོ། །དཔག་ཅིང་གཞལ་བ་ལས་འདས་པ་ལ་གུས་པར་ཕྱག་འཚལ་ལོ། །ཟླ་དང་དཔེ་མེད་པ་ལ་གུས་པར་ཕྱག་འཚལ་ལོ། །ཆོས་མུ་མེད་པ་ལ་གུས་པར་ཕྱག་འཚལ་ལོ། །
བསམ་དཔག་དཀའ་བ་ལ་གུས་པར་ཕྱག་འཚལ་ལོ། །སྟོབས་ཀྱི་སྟོབས་ལ་གནས་པའི་སྟོབས་ལ་གུས་པར་ཕྱག་འཚལ་ལོ། །སྟོབས་བཅུ་དང་མི་འཇིགས་པ་ལ་གུས་པར་ཕྱག་འཚལ་ལོ། །ཁམས་གསུམ་ན་བཙུན་པ་ལ་གུས་པར་ཕྱག་
འཚལ་ལོ། །ཐམས་ཅད་ཀྱི་ལམ་སྟོན་པ་ཆེན་པོ་ལ་གུས་པར་ཕྱག་འཚལ་ལོ། །ཉོན་མོངས་པའི་འཆིང་བ་ཐམས་ཅད་གཅོད་པར་མཁས་པ་ལ་གུས་པར་ཕྱག་འཚལ་ལོ། །ཕ་རོལ་གྱི་མཐར་ཕྱིན་པ་ལ་གུས་པར་ཕྱག་འཚལ་ལོ། །འཇིག་
རྟེན་རྣམས་ལས་ཐར་ཅིང་གྲོལ་བ་ལ་གུས་པར་ཕྱག་འཚལ་ལོ། །འཆི་འཕོ་བའི་ལམ་དང་ཡོངསུ་བྲལ་བ་ལ་གུས་པར་ཕྱག་འཚལ་ལོ། །ཏིང་ངེ་འཛིན་ཀྱི་རྣམ་པར་གྲོལ་བ་མངོན་དུ་བརྙེས་པ་ལ་གུས་པར་ཕྱག་འཚལ་ལོ། །ནམ་མཁའ་ལྟར་
ཅི་ལ་ཡང་མི་གནས་པ་ལ་གུས་པར་ཕྱག་འཚལ་ལོ། །མང་པོའི་ནང་ན་ཆོས་ཀྱི་རྒྱལ་པོ་ཆེན་པོ་ལ་གུས་པར་ཕྱག་འཚལ་ལོ། །བདུད་བཞིའི་ཚོགས་བཅོམ་པ་ལ་གུས་པར་ཕྱག་འཚལ་ལོ། །བུ་གཅིག་པའི་ཕ་ལྟར་བྱམས་པ་

62-1-283a

ཆེན་པོ་ལ་གུས་པར་ཕྱག་འཚལ་ལོ། །ཚེ་རབས་གར་བྱུང་གར་སྐྱེས་ཀྱང་སངས་རྒྱས་ཐམས་ཅད་མཐོང་ཞིང་དེ་བཞིན་གཤེགས་པའི་རང་བཞིན་མངོན་པར་རྟོགས་ལ་མྱ་ངན་ལས་འདས་པ་ཆེན་པོ་ཉིད་དུ་ཕྱིན་པར་སྨོན་ཏོ། །དེ་ཅིའི་
ཕྱིར་ཞེ་ན། ལུས་ཅན་ཐམས་ཅད་གང་ལ་ཡང་དེ་བཞིན་གཤེགས་པའི་སྙིང་པོ་ཡོད་པའི་ཕྱིར་རོ། །དེ་ནས་འཁོར་མང་པོ་རྣམས་སོར་མོ་བཅུའི་ཐལ་མོ་སྦྱར་ཏེ། སེམས་རྩེ་གཅིག་ཏུ་གུས་པར་མཆོད་ཅིང་། ལེགས་པར་ཉོན་ལ་ཡིད་ལ་ཟུང་
ཤིག །ངས་ཕྱོགས་བཅུ་དུས་གསུམ་གྱི་སངས་རྒྱས་རྣམས་ཀྱི་མཚན་བརྗོད་པས། མཚམས་མེད་ལྔ་པོའི་སྡིག་ལས་ཀྱང་། །རྣམ་པར་གྲོལ་བར་སེམས་བསྐྱེད་ཅིག །དགེ་བའི་རྩ་བ་མེད་པ་ཡི། །མི་དེའི་ཕྱིར་ཡང་ངས་བཤད་དེ། །དེ་ཡིས་
རྟོགས་པར་མ་ནུས་ཀྱང་། །ས་བོན་ཚིག་པར་རང་འབྱུང་ངོ་། །ཡང་དག་བདེན་པ་འབའ་ཞིག་ཡོད། །ཐེག་པ་ཆུང་ངུའི་མཚན་སྩལ་ན། །ཐེག་པ་ཆེན་པོ་དེ་ཉིད་ཡོད། །ཐེག་པ་རྣམ་གཉིས་བསལ་བས་ན། །ཐེག་པ་གཅིག་པུ་ཁོ་ན་
ཡོད། །དགེ་བའི་རྩ་བ་མེད་པའི་མིས། །ཚིག་འདི་ཐོས་པར་མི་འགྱུར་ཏེ། །སངས་རྒྱས་གྲངས་མེད་སྔོན་མཆོད་པས། །ད་ལྟར་བཅོམ་ལྡན་མཚན་ཐོས་སོ། །ལེན་ཅིང་འཛིན་པའི་གང་ཟག་ནི། །ཕྱོགས་ཙམ་ལས་ནི་རྣམ་གྲོལ་ཏེ། 
རྣམ་དག་ས་ལ་འང་བདེ་བར་གནས། །ད་ལྟར་ང་ཡི་ཆོས་འདི་ལ། །ལེན་འཛིན་ཀློག་ཅིང་འདོན་པ་དང་། །བཅོམ་ལྡན་མཚན་ལ་ཕྱག་བྱས་ཤིང་། །སངས་རྒྱས་མཛད་ལ་བསྒྲུབས་པ་ཡིས། །བདུད་ཚོགས་ལས་དང་བྲལ་བར་འགྱུར། །
ཕས་ཕམ་བཞི་དང་མཚམས་མེད་ལྔ། །འདོད་ཆེན་པོ་ཡང་བྱང་གྱུར་ནས། །མ་འོངས་དུས་ན་མི་དེ་དག །བྱང་ཆུབ་འཚང་རྒྱ་གདོན་མི་ཟ། །གང་ཞིག་མོས་པར་མི་བྱེད་ན། །ངན་སོང་གསུམ་དུ་ངེས་པར་ལྟུང་། །ཕྱག་འཚལ་
བརྩོན་ཞིང་མོས་བསྐྱེད་ན། །སངས་རྒྱས་གྲངས་མེད་མཐོང་འགྱུར་བས། །རྩེ་གཅིག་སེམས་ཀྱིས་ཕྱག་འཚལ་རིགས། །སྡིག་པ་ཐམས་ཅད་བྱང་འགྱུར་ཏེ། །དེ་བས་གུས་ཤིང་མོས་པར་གྱིས། །དེ་ནས་འཁོར་མང་པོ་རྣམས་ཐལ་

62-1-283b

མོ་སྦྱར་ཏེ། ལུས་དང་སེམས་ནན་ཏན་དུ་བསྡུས་ཤིང་བཟུང་ནས་མི་གཡོ་ཞིང་མི་འགྱུར་བར་ལུས་ཀྱི་ཡན་ལག་ལྔ་ས་ལ་གཏུགས་ནས་སེམས་རྩེ་གཅིག་གིས་ཤིན་དུ་ལེགས་པར་ཉན་ཏོ། །དེ་ནས་བཅོམ་ལྡན་འདས་ཀྱིས་མཚན་ནས་བརྗོད་
དེ་བཀའ་སྩལ་པ། སྔ་མ་འདས་པའི་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་གྲངས་མེད་པ་རྣམས་ལ་གུས་པར་ཕྱག་འཚལ་ལོ། །དེ་བཞིན་གཤེགས་པ་ཉི་ཟླ་མར་མེ་སྣང་སྟོང་ཕྲག་ཉི་ཤུ་ལ་གུས་པར་
ཕྱག་འཚལ་ལོ། །དེ་བཞིན་གཤེགས་པ་མར་མེ་མཛད་སྟོང་ཕྲག་སུམ་བཅུ་ལ་གུས་པར་ཕྱག་འཚལ་ལོ། །དེ་བཞིན་གཤེགས་པ་རབ་ཏུ་རྟོགས་ཆེན་ཡེ་ཤེས་རྒྱལ་བ་ལ་གུས་པར་ཕྱག་འཚལ་ལོ། །དེ་བཞིན་གཤེགས་པ་རྒྱལ་བུ་བཅུ་དྲུག་
ལ་གུས་པར་ཕྱག་འཚལ་ལོ། །དེ་བཞིན་གཤེགས་པ་སྟོང་པའི་རྒྱལ་པོ་ལ་གུས་པར་ཕྱག་འཚལ་ལོ། །དེ་བཞིན་གཤེགས་པ་རིན་ཆེན་མང་ལ་གུས་པར་ཕྱག་འཚལ་ལོ། །དེ་བཞིན་གཤེགས་པ་
གཟི་བརྗིད་དབྱངས་ཀྱི་རྒྱལ་པོ་ལ་གུས་པར་ཕྱག་འཚལ་ལོ། །དེ་བཞིན་གཤེགས་པ་སྤྲིན་དབང་མར་མེའི་རྒྱལ་པོ་ལ་ཕྱག་འཚལ་ལོ། །དེ་བཞིན་གཤེགས་པ་དགོངས་པ་ཤིན་དུ་རྣམ་པར་དག་པ་ལ་
ཕྱག་འཚལ་ལོ། །དེ་བཞིན་གཤེགས་པ་འོད་གྲངས་མེད་པ་ལ་ཕྱག་འཚལ་ལོ། །དེ་བཞིན་གཤེགས་པ་སྤྲུལ་པའི་སྐུ་ཐམས་ཅད་ལ་ཕྱག་འཚལ་ལོ། །དེ་བཞིན་གཤེགས་པ་ཡོན་ཏན་ཉི་ཟླ་ལྟར་དང་ཞིང་སྣང་བ་ལ་ཕྱག་འཚལ་ལོ། །
དེ་བཞིན་གཤེགས་པ་པད་མོ་རྣམ་དག་ཡོངས་སུ་མཁྱེན་པའི་རྒྱལ་པོ་ལ་ཕྱག་འཚལ་ལོ། །དེ་བཞིན་གཤེགས་པ་གཙང་མས་བརྒྱན་པའི་རྒྱལ་པོ་ལ་ཕྱག་འཚལ་ལོ། །དེ་བཞིན་གཤེགས་པ་ཀླུ་དབང་རྒྱལ་པོ་ལ་ཕྱག་འཚལ་ལོ། །
དེ་བཞིན་གཤེགས་པ་འབྲུག་སྒྲ་སྤྲིན་གྱི་རྒྱལ་པོ་ལ་ཕྱག་འཚལ་ལོ། །དེ་བཞིན་གཤེགས་པ་འབྲུག་སྒྲ་སྤྲིན་དབྱངས་སྔོན་གྱི་རྒྱལ་པོ་ཡེ་ཤེས་པད་མ་ལ་ཕྱག་འཚལ་ལོ། །དེ་བཞིན་གཤེགས་པ་རིན་ཆེན་རྒྱལ་པོ་ལ་ཕྱག་འཚལ་ལོ། །

62-1-284a

དེ་བཞིན་གཤེགས་པ་ཤིང་ས་ལའི་རྒྱལ་པོ་ལ་ཕྱག་འཚལ་ལོ། །དེ་བཞིན་གཤེགས་པ་གཟི་བརྗིད་མཆོག་རིན་ཆེན་རྒྱལ་པོ་ལ་ཕྱག་འཚལ་ལོ། །དེ་བཞིན་གཤེགས་པ་འོད་སྣང་རྣམ་དག་རྒྱལ་པོ་ལ་ཕྱག་འཚལ་ལོ། །དེ་བཞིན་གཤེགས་
པ་གདོན་མི་ཟ་བའི་འོད་འབུམ་ཕྲག་བརྒྱ་ལ་ཕྱག་འཚལ་ལོ། །དེ་བཞིན་གཤེགས་པ་རྒྱང་རིང་ལ་ཕྱག་འཚལ་ལོ། །དེ་བཞིན་གཤེགས་པ་ཟླ་འོད་ལ་ཕྱག་འཚལ་ལོ། །དེ་བཞིན་གཤེགས་པ་ཙན་དན་དྲི་ལ་ཕྱག་འཚལ་ལོ། །དེ་བཞིན་གཤེགས་
པ་དགེ་རི་རྒྱལ་པོ་ལ་ཕྱག་འཚལ་ལོ། །དེ་བཞིན་གཤེགས་པ་རི་རབ་ལྷའི་དབུ་རྒྱན་ལ་ཕྱག་འཚལ་ལོ། །དེ་བཞིན་གཤེགས་པ་སྣང་མཛད་རི་རབ་ལྷུན་མཉམ་ལ་ཕྱག་འཚལ་ལོ། །དེ་བཞིན་གཤེགས་པ་ཟླ་བའི་མདོག་ལ་ཕྱག་འཚལ་ལོ། །
དེ་བཞིན་གཤེགས་པ་ཡང་དག་དགོངས་ལ་ཕྱག་འཚལ་ལོ། །དེ་བཞིན་གཤེགས་པ་དྲི་མ་མེད་པ་ལ་ཕྱག་འཚལ་ལོ། །དེ་བཞིན་གཤེགས་པ་ཆགས་པ་མེད་པ་ལ་ཕྱག་འཚལ་ལོ། །དེ་བཞིན་གཤེགས་པ་ཀླུའི་ལྷ་ལ་ཕྱག་འཚལ་ལོ། །དེ་བཞིན་
གཤེགས་པ་མི་གཡོ་བའི་ས་ལ་ཕྱག་འཚལ་ལོ། །དེ་བཞིན་གཤེགས་པ་བཻ་དཱུརྱ་པད་མའི་མཆོག་ལ་ཕྱག་འཚལ་ལོ། །དེ་བཞིན་གཤེགས་པ་གསེར་མདོག་ལ་ཕྱག་འཚལ་ལོ། །དེ་བཞིན་གཤེགས་པ་གསེར་གྱིས་སྙིང་པོ་ལ་ཕྱག་འཚལ་ལོ། །དེ་བཞིན་
གཤེགས་པ་འོད་འཕྲོ་ལ་ཕྱག་འཚལ་ལོ། །དེ་བཞིན་གཤེགས་པ་དབང་པོ་འབར་ལ་ཕྱག་འཚལ་ལོ། །དེ་བཞིན་གཤེགས་པའི་སའི་གདུང་ལ་ཕྱག་འཚལ་ལོ། །དེ་བཞིན་གཤེགས་པ་ཟླ་བའི་གཟུགས་ལ་ཕྱག་འཚལ་ལོ། །དེ་བཞིན་
གཤེགས་པ་ཉི་ཟླའི་དབྱངས་ལ་ཕྱག་འཚལ་ལོ། །དེ་བཞིན་གཤེགས་པ་རྣམ་གྲོལ་པད་མ་ལ་ཕྱག་འཚལ་ལོ། །དེ་བཞིན་གཤེགས་པ་འོད་སྣང་བརྒྱན་ལ་ཕྱག་འཚལ་ལོ། །དེ་བཞིན་གཤེགས་པ་བློ་གྲོས་རྒྱ་མཚོ་མངོན་པར་མཁྱེན་
པ་ལ་ཕྱག་འཚལ་ལོ། །དེ་བཞིན་གཤེགས་པ་ཆུ་འོད་ལ་ཕྱག་འཚལ་ལོ། །དེ་བཞིན་གཤེགས་པ་གསུང་ཆེན་ལ་ཕྱག་འཚལ་ལོ། །དེ་བཞིན་གཤེགས་པ་དྲི་མ་བྲལ་ལ་ཕྱག་འཚལ་ལོ། །དེ་བཞིན་གཤེགས་པ་སྐྱོ་ཡིད་སྤངས་

62-1-284b

ལ་ཕྱག་འཚལ་ལོ། །དེ་བཞིན་གཤེགས་པ་རིན་ཆེན་འབར་ལ་ཕྱག་འཚལ་ལོ། །དེ་བཞིན་གཤེགས་པ་གཙུག་མཆོག་ལ་ཕྱག་འཚལ་ལོ། །དེ་བཞིན་གཤེགས་པ་རྩལ་གྱི་རྒྱལ་མཚན་ལ་ཕྱག་འཚལ་ལོ། །དེ་བཞིན་གཤེགས་པ་
ཤེས་རབ་ཡོན་ཏན་འཛིན་ལ་ཕྱག་འཚལ་ལོ། །དེ་བཞིན་གཤེགས་པ་ཉི་ཟླའི་འོད་ཟིལ་གྱིས་གནོན་པ་ལ་ཕྱག་འཚལ་ལོ། །དེ་བཞིན་གཤེགས་པ་ཉི་ཟླ་བཻ་དཱུརྱའི་འོད་ལ་ཕྱག་འཚལ་ལོ། །དེ་བཞིན་གཤེགས་པ་ཉི་ཟླ་བཻ་དཱུརྱའི་འོད་བླ་ན་
མེད་པ་ལ་ཕྱག་འཚལ་ལོ། །དེ་བཞིན་གཤེགས་པ་མཆོག་དམ་པ་ལ་ཕྱག་འཚལ་ལོ། །དེ་བཞིན་གཤེགས་པ་བྱང་ཆུབ་མེ་ཏོག་ལ་ཕྱག་འཚལ་ལོ། །དེ་བཞིན་གཤེགས་པ་སྣང་ཟླ་འོད་ལ་ཕྱག་འཚལ་ལོ། །དེ་བཞིན་གཤེགས་པ་
ཉི་ཟླ་འོད་ལ་ཕྱག་འཚལ་ལོ། །དེ་བཞིན་གཤེགས་པ་པད་མའི་མདོག་རྒྱལ་པོ་ལ་ཕྱག་འཚལ་ལོ། །དེ་བཞིན་གཤེགས་པ་ཆུ་ཟླའི་འོད་ལ་ཕྱག་འཚལ་ལོ། །དེ་བཞིན་གཤེགས་པ་ཐེ་ཙོམ་རྨུགས་པ་སེལ་ལ་ཕྱག་འཚལ་ལོ། །དེ་བཞིན་
གཤེགས་པ་སྡུག་བསྔལ་སྤྱོད་འདུལ་ལ་ཕྱག་འཚལ་ལོ། །དེ་བཞིན་གཤེགས་པ་མོས་པ་རྣམ་པར་དག་པ་ལ་ཕྱག་འཚལ་ལོ། །དེ་བཞིན་གཤེགས་པ་ཡོངས་སུ་དགེ་ལ་ཕྱག་འཚལ་ལོ། །དེ་བཞིན་གཤེགས་པ་བྱིན་གྱིས་
བརློབ་ལ་ཕྱག་འཚལ་ལོ། །དེ་བཞིན་གཤེགས་པ་ཤེས་རབ་ཆོས་ལ་ཕྱག་འཚལ་ལོ། །དེ་བཞིན་གཤེགས་པ་ཀ་ལ་པིང་ཀའི་དབྱངས་ལ་ཕྱག་འཚལ་ལོ། །དེ་བཞིན་གཤེགས་པ་སེང་གེའི་སྒྲ་ལ་ཕྱག་འཚལ་ལོ། །དེ་བཞིན་
གཤེགས་པ་ཀླུའི་དབྱངས་ལ་ཕྱག་འཚལ་ལོ། །དེ་བཞིན་གཤེགས་པ་འཇིག་རྟེན་ན་བཞུགས་པ་ལ་ཕྱག་འཚལ་ལོ། །དེ་བཞིན་གཤེགས་པ་དབང་ཕྱུག་ལ་ཕྱག་འཚལ་ལོ། །དེ་བཞིན་གཤེགས་པ་ཚེ་དཔག་མེད་ལ་ཕྱག་འཚལ་ལོ། །
དེ་བཞིན་གཤེགས་པ་འོད་མཐའ་ཡས་ལ་ཕྱག་འཚལ་ལོ། །དེ་བཞིན་གཤེགས་པ་ཐོགས་མེད་འོད་ལ་ཕྱག་འཚལ་ལོ། །དེ་བཞིན་གཤེགས་པ་འོད་ཟླ་མེད་ལ་ཕྱག་འཚལ་ལོ། །དེ་བཞིན་གཤེགས་པ་འོད་འཕྲོ་རྒྱལ་པོ་ལ་ཕྱག་

62-1-285a

འཚལ་ལོ། །དེ་བཞིན་གཤེགས་པ་རྣམ་དག་འོད་ལ་ཕྱག་འཚལ་ལོ། །དེ་བཞིན་གཤེགས་པ་དགའ་བའི་འོད་ལ་ཕྱག་འཚལ་ལོ། །དེ་བཞིན་གཤེགས་པ་ཤེས་རབ་འོད་ལ་ཕྱག་འཚལ་ལོ། །དེ་བཞིན་གཤེགས་པ་
འོད་མི་གཅོད་ལ་ཕྱག་འཚལ་ལོ། །དེ་བཞིན་གཤེགས་པ་དཔག་མེད་འོད་ལ་ཕྱག་འཚལ་ལོ། །དེ་བཞིན་གཤེགས་པ་གཞལ་མེད་འོད་ལ་ཕྱག་འཚལ་ལོ། །དེ་བཞིན་གཤེགས་པ་ཉི་ཟླ་འོད་ལས་འདས་པ་ལ་ཕྱག་འཚལ་ལོ། །
དེ་བཞིན་གཤེགས་པ་མཚན་བཟངས་གསེར་མདོག་ལ་ཕྱག་འཚལ་ལོ། །དེ་བཞིན་གཤེགས་པ་རིང་དུ་སྣང་ལ་ཕྱག་འཚལ་ལོ། །དེ་བཞིན་གཤེགས་པ་རིན་ཆེན་སྙིང་པོ་ལ་ཕྱག་འཚལ་ལོ། །དེ་བཞིན་གཤེགས་པ་གསུང་དཔག་ཏུ་མེད་པ་ལ་
ཕྱག་འཚལ་ལོ། །དེ་བཞིན་གཤེགས་པ་བདུད་རྩི་བྲོ་ལ་ཕྱག་འཚལ་ལོ། །དེ་བཞིན་གཤེགས་པ་ཀླུའི་རྒྱལ་པོ་ལ་ཕྱག་འཚལ་ལོ། །དེ་བཞིན་གཤེགས་པ་རྒྱལ་བ་སྟོབས་ལ་ཕྱག་འཚལ་ལོ། །དེ་བཞིན་གཤེགས་པ་སེང་གེའི་སྒྲ་ལ་ཕྱག་
འཚལ་ལོ། །དེ་བཞིན་གཤེགས་པ་དྲི་མ་མེད་པའི་འོད་ལ་ཕྱག་འཚལ་ལོ། །དེ་བཞིན་གཤེགས་པ་ཡོན་ཏན་གཙོ་བོ་ལ་ཕྱག་འཚལ་ལོ། །དེ་བཞིན་གཤེགས་པ་ཡོན་ཏན་རི་ལ་ཕྱག་འཚལ་ལོ། །དེ་བཞིན་གཤེགས་པ་མིའི་རྒྱལ་
པོ་ལ་ཕྱག་འཚལ་ལོ། །དེ་བཞིན་གཤེགས་པ་བླ་མེད་པད་མ་ལ་ཕྱག་འཚལ་ལོ། །དེ་བཞིན་གཤེགས་པ་འཇིགས་མེད་སྟོབས་ཀྱི་རྒྱལ་པོ་ལ་ཕྱག་འཚལ་ལོ། །དེ་བཞིན་གཤེགས་པ་ཀླུ་དབང་རྒྱལ་པོ་ལ་ཕྱག་འཚལ་ལོ། །དེ་བཞིན་
གཤེགས་པ་སེང་གེའི་གཟི་བརྗིད་རྒྱལ་པོ་ལ་ཕྱག་འཚལ་ལོ། །དེ་བཞིན་གཤེགས་པ་དབང་ཕྱུག་རྒྱལ་པོ་ལ་ཕྱག་འཚལ་ལོ། །དེ་བཞིན་གཤེགས་པ་ཀུན་ཏུ་འོད་ལ་ཕྱག་འཚལ་ལོ། །དེ་བཞིན་གཤེགས་པ་ཀུན་དུ་སྣང་བ་ལ་ཕྱག་འཚལ་
ལོ། །དེ་བཞིན་གཤེགས་པ་ཀུན་དུ་གསལ་ལ་ཕྱག་འཚལ་ལོ། །དེ་བཞིན་གཤེགས་པ་བཟངས་མདོག་ཙན་དན་དྲི་ལ་ཕྱག་འཚལ་ལོ། །དེ་བཞིན་གཤེགས་པ་ཙན་དན་བསུང་འོད་ལ་ཕྱག་འཚལ་ལོ། །དེ་བཞིན་གཤེགས་པ་ཡིད་བཞིན་

62-1-285b

རྒྱལ་མཚན་ལ་ཕྱག་འཚལ་ལོ། །དེ་བཞིན་གཤེགས་པ་དཀོན་མཆོག་བརྩེགས་རབ་དགའི་སྙིང་པོ་ལ་ཕྱག་འཚལ་ལོ། །དེ་བཞིན་གཤེགས་པ་བརྩོན་འགྲུས་བླ་མ་ཆེན་པོ་ལ་ཕྱག་འཚལ་ལོ། །དེ་བཞིན་གཤེགས་པ་ཡིད་བཞིན་རྒྱལ་མཚན་
མར་མེའི་འོད་ལ་ཕྱག་འཚལ་ལོ། །དེ་བཞིན་གཤེགས་པ་ཤེས་རབ་སྒྲོན་མ་སྣང་ལ་ཕྱག་འཚལ་ལོ། །དེ་བཞིན་གཤེགས་པ་ཡོན་ཏན་རྒྱ་མཚོའི་འོད་སྣང་ལ་ཕྱག་འཚལ་ལོ། །དེ་བཞིན་གཤེགས་པ་རྡོ་རྗེ་སྲ་བརྟན་ལ་ཕྱག་འཚལ་ལོ། །དེ་བཞིན་
གཤེགས་པ་གསེར་འོད་ཀུན་དུ་འཕྲོ་ལ་ཕྱག་འཚལ་ལོ། །དེ་བཞིན་གཤེགས་པ་རྒྱལ་བའི་བརྩོན་འགྲུས་ཆེ་ལ་ཕྱག་འཚལ་ལོ། །དེ་བཞིན་གཤེགས་པ་རབ་ཏུ་རྩལ་ལ་ཕྱག་འཚལ་ལོ། །དེ་བཞིན་གཤེགས་པ་ཐུགས་རྗེའི་འོད་ལ་ཕྱག་འཚལ་
ལོ། །དེ་བཞིན་གཤེགས་པ་ཐུགས་རྗེའི་སྟོབས་ཀྱི་རྒྱལ་པོ་ལ་ཕྱག་འཚལ་ལོ། །དེ་བཞིན་གཤེགས་པ་བྱམས་པའི་སྙིང་པོ་རྒྱལ་པོ་ལ་ཕྱག་འཚལ་ལོ། །དེ་བཞིན་གཤེགས་པ་ཙན་དན་དཔུང་བརྒྱན་རྒྱལ་བ་ལ་ཕྱག་འཚལ་ལོ། །དེ་བཞིན་
གཤེགས་པ་བཟང་པོའི་གཙོ་བོ་ལ་ཕྱག་འཚལ་ལོ། །དེ་བཞིན་གཤེགས་པ་དགེ་བའི་བློ་ལ་ཕྱག་འཚལ་ལོ། །དེ་བཞིན་གཤེགས་པ་བཀོད་པའི་རྒྱལ་པོ་ལ་ཕྱག་འཚལ་ལོ། །དེ་བཞིན་གཤེགས་པ་གསེར་རི་རིན་ཆེན་གདུགས་ལ་ཕྱག་འཚལ་ལོ། །དེ་བཞིན་གཤེགས་པ་གསེར་
གྱི་པདྨོ་འབར་མཚན་ལ་ཕྱག་འཚལ་ལོ། །དེ་བཞིན་གཤེགས་པ་འོད་སྣང་སྒྲོན་ཆེན་ལ་ཕྱག་འཚལ་ལོ། །དེ་བཞིན་གཤེགས་པ་རིན་ཆེན་མཁས་སྣང་མངའ་མཛད་སྟོབས་ཀྱི་རྒྱལ་པོ་ལ་ཕྱག་འཚལ་ལོ། །དེ་བཞིན་གཤེགས་པ་གསེར་གྱི་པད་མོའི་འོད་ལ་ཕྱག་འཚལ་ལོ། །
དེ་བཞིན་གཤེགས་པ་ནམ་མཁའ་རིན་ཆེན་པད་མའི་འོད་ལ་ཕྱག་འཚལ་ལོ། །དེ་བཞིན་གཤེགས་པ་བཻ་དཱུརྱ་བཀོད་པའི་རྒྱལ་པོ་ལ་ཕྱག་འཚལ་ལོ། །དེ་བཞིན་གཤེགས་པ་སྐུ་མདོག་ཀུན་དུ་སྟོན་པའི་འོད་ལ་ཕྱག་འཚལ་ལོ། །དེ་བཞིན་
གཤེགས་པ་ཡེ་ཤེས་འོད་མི་གཡོ་བ་ལ་ཕྱག་འཚལ་ལོ། །དེ་བཞིན་གཤེགས་པ་བདུད་ཀྱི་རྒྱལ་པོ་རྣམས་བཏུལ་བ་ལ་ཕྱག་འཚལ་ལོ། །དེ་བཞིན་གཤེགས་པ་ཡེ་ཤེས་འོད་སྟོང་ལ་ཕྱག་འཚལ་ལོ། །དེ་བཞིན་གཤེགས་པ་

62-1-286a

བྱམས་པ་ཤེས་རབ་རྒྱལ་བ་ལ་ཕྱག་འཚལ་ལོ། །དེ་བཞིན་གཤེགས་པ་བྱམས་པ་འོད་གསལ་ལ་ཕྱག་འཚལ་ལོ། །དེ་བཞིན་གཤེགས་པ་འཇིག་རྟེན་རྣམ་དག་འོད་ལ་ཕྱག་འཚལ་ལོ། །དེ་བཞིན་གཤེགས་པ་ཡོངསུ་དག་པའི་
འོད་ལ་ཕྱག་འཚལ་ལོ། །དེ་བཞིན་གཤེགས་པ་རབ་ཞི་ཟླ་འོད་ལ་ཕྱག་འཚལ་ལོ། །དེ་བཞིན་གཤེགས་པ་མཆོག་བཙན་ཡེ་ཤེས་རྒྱལ་པོ་ལ་ཕྱག་འཚལ་ལོ། །དེ་བཞིན་གཤེགས་པ་རིན་ཆེན་བླ་རེ་མར་མེའི་རྒྱལ་པོ་ལ་ཕྱག་འཚལ་ལོ། །
དེ་བཞིན་གཤེགས་པ་ཀླུའི་གདུང་བླ་མའི་ཡེ་ཤེས་གཙོ་བོའི་རྒྱལ་པོ་ལ་ཕྱག་འཚལ་ལོ། །དེ་བཞིན་གཤེགས་པ་ཉི་ཟླའི་འོད་ལ་ཕྱག་འཚལ་ལོ། །དེ་བཞིན་གཤེགས་པ་ཉི་ཟླ་འོད་འཕྲོ་ལ་ཕྱག་འཚལ་ལོ། །དེ་བཞིན་གཤེགས་པ་ཤེས་རབ་བ་
དན་བཀོད་པའི་རྒྱལ་པོ་ལ་ཕྱག་འཚལ་ལོ། །དེ་བཞིན་གཤེགས་པ་དྲི་མེད་སྙིང་པོ་ལ་ཕྱག་འཚལ་ལོ། །དེ་བཞིན་གཤེགས་པ་འོད་སྣང་མཚན་ལ་ཕྱག་འཚལ་ལོ། །དེ་བཞིན་གཤེགས་པ་གསེར་གྱི་འོད་འཕྲོ་སྣང་ལ་ཕྱག་འཚལ་ལོ། །དེ་བཞིན་
གཤེགས་པ་གསེར་གྱི་འོད་སྣང་བའི་སྙིང་པོ་ལ་ཕྱག་འཚལ་ལོ། །དེ་བཞིན་གཤེགས་པ་སེང་གེའི་སྒྲ་དབྱངས་དབང་ཕྱུག་སྲེད་མེད་ཀྱི་བུ་ལ་ཕྱག་འཚལ་ལོ། །དེ་བཞིན་གཤེགས་པ་རྒྱལ་བའི་གསུང་མཆོག་རྒྱལ་པོ་ལ་ཕྱག་འཚལ་ལོ། །དེ་བཞིན་
གཤེགས་པ་འོད་རྟག་རྒྱལ་མཚན་ལ་ཕྱག་འཚལ་ལོ། །དེ་བཞིན་གཤེགས་པ་སྤྱན་རས་གཟིགས་རྒྱལ་ཐབས་བརྙེས་ལ་ཕྱག་འཚལ་ལོ། །དེ་བཞིན་གཤེགས་པ་ཤེས་རབ་རྒྱལ་ཐབས་བརྙེས་པའི་ན་བཟའ་ལ་ཕྱག་འཚལ་ལོ། །དེ་བཞིན་
གཤེགས་པ་ཆོས་ཀྱི་མཚན་ཉིད་ཀྱིས་དགོངས་པའི་རྒྱལ་པོ་ལ་ཕྱག་འཚལ་ལོ། །དེ་བཞིན་གཤེགས་པ་རི་རབ་འོད་ལ་ཕྱག་འཚལ་ལོ། །དེ་བཞིན་གཤེགས་པ་མེ་ཏོག་སུམ་བན་དའི་འོད་ལ་ཕྱག་འཚལ་ལོ། །དེ་བཞིན་གཤེགས་པ་མེ་
ཏོག་ཨུད་པ་ལའི་འོད་ལ་ཕྱག་འཚལ་ལོ། །དེ་བཞིན་གཤེགས་པ་བརྩོན་པས་རྒྱལ་བ་སྟོབས་ཀྱི་རྒྱལ་པོ་ལ་ཕྱག་འཚལ་ལོ། །དེ་བཞིན་གཤེགས་པ་ཤེས་རབ་སྟོབས་ཀྱི་རྒྱལ་པོ་ལ་ཕྱག་འཚལ་ལོ། །དེ་བཞིན་གཤེགས་པ་རབ་དགའ་

62-1-286b

འཁྲུགས་མེད་འོད་ལ་ཕྱག་འཚལ་ལོ། །དེ་བཞིན་གཤེགས་པ་གསུང་དབྱངས་ཚད་མེད་རྒྱལ་པོ་ལ་ཕྱག་འཚལ་ལོ། །དེ་བཞིན་གཤེགས་པ་མཁས་པའི་འོད་ལ་ཕྱག་འཚལ་ལོ། །དེ་བཞིན་གཤེགས་པ་གསེར་གྱི་རྒྱ་མཚོའི་འོད་ལ་ཕྱག་འཚལ་ལོ། །
དེ་བཞིན་གཤེགས་པ་ཤེས་རབ་རི་དབང་རྒྱ་མཚོ་ཐོགས་མེད་རྒྱལ་པོ་ལ་ཕྱག་འཚལ་ལོ། །དེ་བཞིན་གཤེགས་པ་འོད་ཆེན་ཐོགས་མེད་ལ་ཕྱག་འཚལ་ལོ། །དེ་བཞིན་གཤེགས་པ་ཆོས་ཐམས་ཅད་རྟག་ཏུ་རྒྱས་པའི་རྒྱལ་པོ་ལ་ཕྱག་འཚལ་ལོ། །
དེ་བཞིན་གཤེགས་པ་མངོན་པར་རྨོངས་མི་མངའ་ལ་ཕྱག་འཚལ་ལོ། །འདས་པའི་དེ་བཞིན་གཤེགས་པ་སྤྲུལ་པའི་སྐུ་ཐམས་ཅད་ལ་ཕྱག་འཚལ་ལོ། །འདས་པའི་དེ་བཞིན་གཤེགས་པ་གཅིག་ལ་ཕྱག་འཚལ་ལོ། །དེ་བཞིན་གཤེགས་
པ་བཅུ་ལ་ཕྱག་འཚལ་ལོ། །དེ་བཞིན་གཤེགས་པ་བརྒྱ་ལ་ཕྱག་འཚལ་ལོ། །དེ་བཞིན་གཤེགས་པ་སྟོང་ལ་ཕྱག་འཚལ་ལོ། །དེ་བཞིན་གཤེགས་པ་ཁྲི་ལ་ཕྱག་འཚལ་ལོ། །དེ་རྣམས་ལ་ཕྱག་འཚལ་ན་བསྐལ་པ་གྲངས་མེད་པ་ཚུན་
ཆད་ཀྱི་འཁོར་བའི་སྡིག་ལྕི་བ་རྣམས་བསལ་བར་འགྱུར་རོ། །འདས་པའི་དེ་བཞིན་གཤེགས་པ་འབུམ་ཕྲག་གཅིག་ལ་ཕྱག་འཚལ་ལོ། །དེ་བཞིན་གཤེགས་པ་འབུམ་ཕྲག་བཅུ་ལ་ཕྱག་འཚལ་ལོ། །དེ་བཞིན་གཤེགས་པ་
འབུམ་ཕྲག་བརྒྱ་ལ་ཕྱག་འཚལ་ལོ། །དེ་བཞིན་གཤེགས་པ་འབུམ་ཕྲག་སྟོང་ལ་ཕྱག་འཚལ་ལོ། །དེ་བཞིན་གཤེགས་པ་འབུམ་ཕྲག་ཁྲི་ལ་ཕྱག་འཚལ་ལོ། །དེ་བཞིན་གཤེགས་པ་འབུམ་ཕྲག་ཁྲག་ཁྲིག་གང་གཱའི་ཀླུང་
གི་བྱེ་མ་སྙེད་དཔག་ཏུ་མེད་ཅིང་བགྲང་བ་ལས་འདས་པ་རྣམས་ལ་ཕྱག་འཚལ་ལོ། །གལ་ཏེ་གང་ཟག་ལ་ལས་སྔ་མ་འདས་པ་དཔག་ཏུ་མེད་ཅིང་བགྲང་བ་ལས་འདས་པའི་སངས་རྒྱས་བཅོམ་ལྡན་འདས་རྣམས་ཀྱི་མཚན་ཐོས་ན། 
མི་དེ་བསྐལ་པ་ཁྲི་ཕྲག་བརྒྱད་ཀྱི་བར་དུ་སེམས་ཅན་དམྱལ་བའི་སྡུག་བསྔལ་དུ་མི་ལྟུང་ངོ་། །དེ་བས་ན་གུས་པས་ཕྱག་འཚལ་ལོ། །འདས་པའི་སངས་རྒྱས་དེ་རྣམས་ལ། །གང་ཞིག་གུས་པར་ཕྱག་འཚལ་ན། །སྡིག་འབྱང་

62-1-287a

སེམས་ཀྱི་རང་བཞིན་ཐོབ། །མི་དགེ་བཅུ་དང་མཚམས་མེད་ལྔ། །ཕྱིན་ཆད་འདི་དག་མི་སྤྱོད་དེ། །ཡང་དག་ཆོས་ཐོས་རྒྱུན་མི་འཆད། །ཐེག་པ་ཆེན་པོའི་ཚུལ་ཁྲིམས་རྫོགས། །དེ་ཕྱིར་ད་ལྟར་གུས་ཕྱག་འཚལ། །
གང་ཟག་གཉིས་ནི་མ་གཏོགས་ཏེ། །གཅིག་ནི་ཕྱོགས་སྙོམས་ཆོས་ལ་སྐུར། །གཉིས་པོ་དེ་ནི་འདོད་ཆེན་པོ། །གལ་ཏེ་ལ་ལ་སེམས་དག་ན། །དེ་ནི་འདོད་ཆེན་མ་ཡིན་ཏེ། །སངས་རྒྱས་གྲངས་མེད་རྟག་ཏུ་མཐོང་། །ལ་ལས་རྩ་བ་
བཞི་ཉམས་ཤིང་། །མཚམས་མེད་ལྔ་པོར་བཅས་པ་དག །མོས་པ་རྣམ་དག་བྱ་ནུས་ན། །དེས་ཀྱང་ཆོས་བཞིན་གནས་པ་རུང་། །ཀུན་གྱིས་གུས་པར་ཕྱག་བྱས་པས། །མི་དགེ་བཅུ་ཡི་ལས་རྣམས་བསལ། །ཀུན་གྱིས་ཐེག་ཆེན་
ཁྲིམས་ཐོབ་སྟེ། །དེ་ཕྱིར་ད་ལྟར་གུས་ཕྱག་འཚལ། །འདས་པའི་སངས་རྒྱས་བཅོམ་ལྡན་འདས་དེ་རྣམས་ཀྱི་མཚན་བསྟན་པའི་ཚེ། བྱང་ཆུབ་སེམས་དཔའ་སྟོང་ཕྲག་བཅུས་མི་སྐྱེ་བའི་ཆོས་ལ་བཟོད་པ་སོ་སོར་ཐོབ་པོ། །ཉན་ཐོས་
བརྒྱད་བརྒྱས་ཀྱང་ཐེག་པ་ཆེན་པོའི་སེམས་ཅུང་ཟད་བསྐྱེད་དོ། །དགེ་སློང་ལྔ་སྟོང་གིས་དགྲ་བཅོམ་པའི་འབྲས་བུ་ཐོབ་པོ། །ལྷ་དང་མི་འབུམ་ནི་ཆོས་ལ་ཆོས་ཀྱི་མིག་རྣམ་པར་དག་གོ། །ད་ལྟར་བྱུང་བའི་སངས་རྒྱས་བཅོམ་ལྡན་
འདས་དཔག་ཏུ་མེད་པ་ཐམས་ཅད་ལ་ཕྱག་འཚལ་ལོ། །དེ་བཞིན་གཤེགས་པ་རྒྱལ་པོ་སྣང་འབུམ་ཕྲག་བཅུ་རྣམས་ལ་ཕྱག་འཚལ་ལོ། །དེ་བཞིན་གཤེགས་པ་དྲི་མེད་གསེར་ཕྱེ་མདོག་ལ་ཕྱག་འཚལ་ལོ། །དེ་བཞིན་གཤེགས་པ་
ཚད་མེད་སྣང་ལ་ཕྱག་འཚལ་ལོ། །དེ་བཞིན་གཤེགས་པ་ཉི་མའི་འཁོར་ལོ་འོད་སྣང་རྒྱལ་པོ་ལ་ཕྱག་འཚལ་ལོ། །དེ་བཞིན་གཤེགས་པ་གསུང་བརྩེགས་ལ་ཕྱག་འཚལ་ལོ། །དེ་བཞིན་གཤེགས་པ་སེང་གེ་མཐོང་ཀའི་མཚན་རྒྱལ་པོ་
ལ་ཕྱག་འཚལ་ལོ། །དེ་བཞིན་གཤེགས་པ་སེང་གེ་རོལ་པ་ལ་ཕྱག་འཚལ་ལོ། །དེ་བཞིན་གཤེགས་པ་ཀུན་དུ་འོད་ཡོན་ཏན་རིའི་རྒྱལ་པོ་ལ་ཕྱག་འཚལ་ལོ། །དེ་བཞིན་གཤེགས་པ་དགེ་གནས་ཡོན་ཏན་རིན་ཆེན་རྒྱལ་པོ་ལ་ཕྱག་འཚལ་ལོ། །

62-1-287b

དེ་བཞིན་གཤེགས་པ་རིན་ཆེན་པད་མས་བརྒྱན་པའི་རྒྱལ་པོ་ལ་ཕྱག་འཚལ་ལོ། །དེ་བཞིན་གཤེགས་པ་རྒྱལ་བར་དཀའ་ལ་ཕྱག་འཚལ་ལོ། །དེ་བཞིན་གཤེགས་པ་རི་རབ་མཚན་ལ་ཕྱག་འཚལ་ལོ། །དེ་བཞིན་གཤེགས་པ་རི་རབ་གནོན་
པའི་རྒྱལ་པོ་ལ་ཕྱག་འཚལ་ལོ། །དེ་བཞིན་གཤེགས་པ་དཀོན་མཆོག་ཡོན་ཏན་ལ་ཕྱག་འཚལ་ལོ། །དེ་བཞིན་གཤེགས་པ་རིན་ཆེན་ཟླ་བ་ལ་ཕྱག་འཚལ་ལོ། །དེ་བཞིན་གཤེགས་པ་རིན་ཆེན་འབར་བ་ལ་ཕྱག་འཚལ་ལོ། །དེ་བཞིན་
གཤེགས་པ་རིན་ཆེན་བརྒྱན་ལ་ཕྱག་འཚལ་ལོ། །དེ་བཞིན་གཤེགས་པ་སེང་གེའི་ང་རོ་རྒྱལ་བར་དཀའ་ལ་ཕྱག་འཚལ་ལོ། །དེ་བཞིན་གཤེགས་པ་འོད་ཆེན་རྒྱལ་པོ་ལ་ཕྱག་འཚལ་ལོ། །དེ་བཞིན་གཤེགས་པ་མི་གཡོ་བ་ལ་ཕྱག་འཚལ་ལོ། །
དེ་བཞིན་གཤེགས་པ་སྨན་གྱི་རྒྱལ་པོ་ལ་ཕྱག་འཚལ་ལོ། །དེ་བཞིན་གཤེགས་པ་བཀོད་པ་ལ་ཕྱག་འཚལ་ལོ། །དེ་བཞིན་གཤེགས་པ་མོས་པ་ལ་ཕྱག་འཚལ་ལོ། །དེ་བཞིན་གཤེགས་པ་ཟླ་བའི་བླ་རེ་ལ་ཕྱག་འཚལ་ལོ། །དེ་བཞིན་
གཤེགས་པ་ཀུན་དུ་འོད་ལ་ཕྱག་འཚལ་ལོ། །དེ་བཞིན་གཤེགས་པ་རིན་ཆེན་རྒྱལ་པོ་ལ་ཕྱག་འཚལ་ལོ། །དེ་བཞིན་གཤེགས་པ་རྣམ་པར་གཟིགས་ལ་ཕྱག་འཚལ་ལོ། །དེ་བཞིན་གཤེགས་པ་གཙུག་ཏོར་ཅན་ལ་ཕྱག་འཚལ་ལོ། །
དེ་བཞིན་གཤེགས་པ་ཐམས་ཅད་སྐྱོབ་ལ་ཕྱག་འཚལ་ལོ། །དེ་བཞིན་གཤེགས་པ་ལོག་པར་དད་སེལ་ལ་ཕྱག་འཚལ་ལོ། །དེ་བཞིན་གཤེགས་པ་གསེར་ཐུབ་ལ་ཕྱག་འཚལ་ལོ། །དེ་བཞིན་གཤེགས་པ་འོད་བསྲུང་ལ་ཕྱག་འཚལ་ལོ། །དེ་
བཞིན་གཤེགས་པ་འབྲུག་སྒྲའི་རྒྱལ་པོ་ལ་ཕྱག་འཚལ་ལོ། །དེ་བཞིན་གཤེགས་པ་ཆོས་ཀྱི་སྙིང་པོ་ཉིད་ལ་ཕྱག་འཚལ་ལོ། །དེ་བཞིན་གཤེགས་པ་ཙན་དན་མེ་ཏོག་ལ་ཕྱག་འཚལ་ལོ། །དེ་བཞིན་གཤེགས་པ་ཙན་དན་ལོ་མ་ལ་ཕྱག་འཚལ་ལོ། །
དེ་བཞིན་གཤེགས་པ་ཡིད་དམ་པ་ལ་ཕྱག་འཚལ་ལོ། །དེ་བཞིན་གཤེགས་པ་བླ་ན་མེད་པའི་རྒྱལ་པོ་ལ་ཕྱག་འཚལ་ལོ། །དེ་བཞིན་གཤེགས་པ་བདུད་རྩི་ལྔ་ལ་ཕྱག་འཚལ་ལོ། །དེ་བཞིན་གཤེགས་པ་རྣམ་པར་གཟིགས་ལ་ཕྱག་འཚལ་

62-1-288a

ལོ། །དེ་བཞིན་གཤེགས་པ་ཉི་ཟླ་འོད་སྣང་ལ་ཕྱག་འཚལ་ལོ། །དེ་བཞིན་གཤེགས་པ་འདི་ལས་ལྷག་མེད་འོད་ལ་ཕྱག་འཚལ་ལོ། །དེ་བཞིན་གཤེགས་པ་བཀོད་པ་ཕུན་སུམ་ཚོགས་པའི་རྒྱལ་པོ་ལ་ཕྱག་འཚལ་ལོ། །དེ་བཞིན་
གཤེགས་པ་ཀུན་དུ་འོད་སྣང་གསལ་བསོད་ནམས་ཀྱི་རྒྱལ་པོ་ལ་ཕྱག་འཚལ་ལོ། །དེ་བཞིན་གཤེགས་པ་སེང་གེའི་སྒྲས་བདུད་བཞི་བཅོམ་པའི་རྒྱལ་པོ་ལ་ཕྱག་འཚལ་ལོ། །དེ་བཞིན་གཤེགས་པ་རྡོ་རྗེ་མི་འཇིགས་ལ་
ཕྱག་འཚལ་ལོ། །དེ་བཞིན་གཤེགས་པ་བཻ་དཱུརྱའི་འོད་ལ་ཕྱག་འཚལ་ལོ། །དེ་བཞིན་གཤེགས་པ་རི་རབ་རིའི་རྒྱལ་པོ་ལ་ཕྱག་འཚལ་ལོ། །དེ་བཞིན་གཤེགས་པ་འོད་སྣང་རྣམ་དག་རྒྱལ་པོ་ལ་ཕྱག་འཚལ་ལོ། །དེ་བཞིན་གཤེགས་
པ་ལེགས་པའི་ཡོན་ཏན་ལ་ཕྱག་འཚལ་ལོ། །དེ་བཞིན་གཤེགས་པ་འོད་སྣང་དཔག་མེད་ལ་ཕྱག་འཚལ་ལོ། །དེ་བཞིན་གཤེགས་པ་གཟུགས་ཀྱིས་རོལ་པ་ལ་ཕྱག་འཚལ་ལོ། །དེ་བཞིན་གཤེགས་པ་དཔའ་བར་འགྲོ་བའི་ཏིང་ངེ་
འཛིན་ལ་མཉམ་པར་འཇུག་པའི་སྟོབས་ཀྱི་རྒྱལ་པོ་ལ་ཕྱག་འཚལ་ལོ། །དེ་བཞིན་གཤེགས་པ་སྟོབས་ཀྱི་རྒྱལ་པོ་ལ་ཕྱག་འཚལ་ལོ། །དེ་བཞིན་གཤེགས་པ་ལེགས་པར་གཟིགས་པའི་བསམ་གཏན་དབང་པོ་ལ་ཕྱག་འཚལ་ལོ། །
དེ་བཞིན་གཤེགས་པ་བསོད་ནམས་བླ་ན་མེད་པ་ལ་ཕྱག་འཚལ་ལོ། །དེ་བཞིན་གཤེགས་པ་རྫུ་འཕྲུལ་མངའ་མཛད་ལ་ཕྱག་འཚལ་ལོ། །དེ་བཞིན་གཤེགས་པ་གཟུགས་ཀྱི་མཚན་མ་མེད་པ་ལ་ཕྱག་འཚལ་ལོ། །དེ་བཞིན་གཤེགས་པ་
མཚན་མའི་སྤྲོས་པ་མེད་པ་ལ་ཕྱག་འཚལ་ལོ། །དེ་བཞིན་གཤེགས་པ་སྒྲའི་མཚན་མ་མེད་པ་ལ་ཕྱག་འཚལ་ལོ། །དེ་བཞིན་གཤེགས་པ་དྲིའི་མཚན་མ་མེད་པ་ལ་ཕྱག་འཚལ་ལོ། །དེ་བཞིན་གཤེགས་པ་རོའི་མཚན་མ་མེད་པ་ལ་ཕྱག་
འཚལ་ལོ། །དེ་བཞིན་གཤེགས་པ་རེག་གི་མཚན་མ་མེད་པ་ལ་ཕྱག་འཚལ་ལོ། །དེ་བཞིན་གཤེགས་པ་ཏིང་ངེ་འཛིན་ལ་མཉམ་པར་འཇུག་པའི་དབང་པོ་ལ་ཕྱག་འཚལ་ལོ། །དེ་བཞིན་གཤེགས་པ་ཏིང་ངེ་འཛིན་ཤེས་

62-1-288b

རབ་དབང་པོ་ལ་ཕྱག་འཚལ་ལོ། །དེ་བཞིན་གཤེགས་པ་རིན་ཆེན་མཚན་ཉིད་མངའ་མཛད་ལ་ཕྱག་འཚལ་ལོ། །དེ་བཞིན་གཤེགས་པ་ཐམས་ཅད་སྡུད་ལ་ཕྱག་འཚལ་ལོ། །དེ་བཞིན་གཤེགས་པ་དཔལ་ལྡན་ཀུན་དུ་འོད་ལ་ཕྱག་
འཚལ་ལོ། །དེ་བཞིན་གཤེགས་པ་གཙུག་ཏོར་ཅན་ལ་ཕྱག་འཚལ་ལོ། །དེ་བཞིན་གཤེགས་པ་ཐམས་ཅད་སྐྱོབ་ལ་ཕྱག་འཚལ་ལོ། །དེ་བཞིན་གཤེགས་པ་ལོག་པར་དད་སེལ་ལ་ཕྱག་འཚལ་ལོ། །དེ་བཞིན་གཤེགས་པ་གསེར་
ཐུབ་ལ་ཕྱག་འཚལ་ལོ། །དེ་བཞིན་གཤེགས་པ་འོད་བསྲུང་ལ་ཕྱག་འཚལ་ལོ། །དེ་བཞིན་གཤེགས་པ་རི་རབ་མནན་ལ་ཕྱག་འཚལ་ལོ། །དེ་བཞིན་གཤེགས་པ་རོལ་པའི་སྒྲ་བརྙན་སྙན་ལ་ཕྱག་འཚལ་ལོ། །དེ་བཞིན་གཤེགས་
པ་རབ་ཏུ་དགའ་བ་ལ་ཕྱག་འཚལ་ལོ། །དེ་བཞིན་གཤེགས་པ་འཁྲུགས་མེད་ལ་ཕྱག་འཚལ་ལོ། །དེ་བཞིན་གཤེགས་པ་རི་རབ་མཚན་ལ་ཕྱག་འཚལ་ལོ། །དེ་བཞིན་གཤེགས་པ་སེང་གེའི་སྒྲ་ལ་ཕྱག་འཚལ་ལོ། །དེ་བཞིན་གཤེགས་པ་
སེང་གེའི་མཚན་ལ་ཕྱག་འཚལ་ལོ། །དེ་བཞིན་གཤེགས་པ་དབང་ཕྱུག་སྤྲིན་ལ་ཕྱག་འཚལ་ལོ། །དེ་བཞིན་གཤེགས་པ་རྟག་ཏུ་ཞི་ལ་ཕྱག་འཚལ་ལོ། །དེ་བཞིན་གཤེགས་པ་གཙོ་བོའི་རྒྱལ་མཚན་ལ་ཕྱག་འཚལ་ལོ། །དེ་བཞིན་
གཤེགས་པ་སྣང་བ་མཐའ་ཡས་ལ་ཕྱག་འཚལ་ལོ། །དེ་བཞིན་གཤེགས་པ་ཚངས་པའི་མཚན་ལ་ཕྱག་འཚལ་ལོ། །དེ་བཞིན་གཤེགས་པ་སྡུག་བསྔལ་གྱིས་གདུངས་པའི་འཇིག་རྟེན་ཐམས་ཅད་སྒྲལ་བ་ལ་ཕྱག་འཚལ་ལོ། །དེ་
བཞིན་གཤེགས་པ་ཟངས་མདོག་ཙན་དན་དྲི་ལ་ཕྱག་འཚལ་ལོ། །དེ་བཞིན་གཤེགས་པ་རི་རབ་མཚན་ལ་ཕྱག་འཚལ་ལོ། །དེ་བཞིན་གཤེགས་པ་དབང་ཕྱུག་སྤྲིན་གྱི་རྒྱལ་པོ་ལ་ཕྱག་འཚལ་ལོ། །དེ་བཞིན་གཤེགས་པ་འཇིག་རྟེན་
ཐམས་ཅད་ཀྱི་འཇིགས་པ་སྤངས་པ་ལ་ཕྱག་འཚལ་ལོ། །དེ་བཞིན་གཤེགས་པ་ཤཱཀྱ་ཐུབ་པ་འབུམ་ཕྲག་བརྒྱ་ལ་ཕྱག་འཚལ་ལོ། །ད་ལྟར་བཞུགས་པའི་དེ་བཞིན་གཤེགས་པ་གཅིག་ལ་ཕྱག་འཚལ་ལོ། །དེ་བཞིན་

62-1-289a

གཤེགས་པ་བཅུ་ལ་ཕྱག་འཚལ་ལོ། །དེ་བཞིན་གཤེགས་པ་བརྒྱ་ལ་ཕྱག་འཚལ་ལོ། །དེ་བཞིན་གཤེགས་པ་སྟོང་ལ་ཕྱག་འཚལ་ལོ། །དེ་བཞིན་གཤེགས་པ་ཁྲི་ལ་ཕྱག་འཚལ་ལོ། །དེ་རྣམས་ལ་ཕྱག་འཚལ་ན་
བསྐལ་པ་དཔག་ཏུ་མེད་པའི་དུས་ན་འཁོར་བ་ན་འཁོར་བའི་ཚེ་སྡིག་ལྕི་བ་བྱས་པ་ཡང་གསལ་བར་འགྱུར་རོ། །དེ་བཞིན་གཤེགས་པ་འབུམ་ཕྲག་གཅིག་ལ་ཕྱག་འཚལ་ལོ། །དེ་བཞིན་གཤེགས་པ་འབུམ་ཕྲག་བཅུ་ལ་ཕྱག་འཚལ་ལོ། །
དེ་བཞིན་གཤེགས་པ་འབུམ་ཕྲག་བརྒྱ་ལ་ཕྱག་འཚལ་ལོ། །དེ་བཞིན་གཤེགས་པ་འབུམ་ཕྲག་སྟོང་ལ་ཕྱག་འཚལ་ལོ། །དེ་བཞིན་གཤེགས་པ་འབུམ་ཕྲག་ཁྲི་ལ་ཕྱག་འཚལ་ལོ། །དེ་བཞིན་གཤེགས་པ་ཁྲག་ཁྲིག་གང་གཱའི་བྱེ་མ་སྙེད་
སྙེད་དང་མཉམ་པ་དཔག་ཏུ་མེད་ཅིང་བགྲང་བ་ལས་འདས་པའི་དེ་བཞིན་གཤེགས་པ་རྣམས་ལ་ཕྱག་འཚལ་ལོ། །གལ་ཏེ་གང་ཟག་ལ་ལས་ད་ལྟར་བཞུགས་པའི་སངས་རྒྱས་དཔག་ཏུ་མེད་ཅིང་བགྲང་བ་ལས་འདས་པའི་མཚན་ཐོས་
ན་གང་ཟག་དེ་བསྐལ་པ་ཁྲི་ཕྲག་དྲུག་བཅུའི་བར་དུ་སེམས་ཅན་དམྱལ་བའི་སྡུག་བསྔལ་དུ་མི་ལྟུང་ངོ་། །དེ་བས་ན་ད་གུས་པར་ཕྱག་འཚལ་ལོ། །གང་གིས་ད་ལྟར་ཕྱོགས་བཅུ་ཡི། །བཅོམ་ལྡན་རྣམས་ལ་ཕྱག་འཚལ་ན། །མི་དགེའི་
ལམ་ལས་རྣམ་གྲོལ་ཞིང་། །མཚམས་མེད་ལྔ་ལ་སོགས་པ་འབྱང་། །རྣམ་དག་ས་ལ་རྟག་གནས་ཤིང་། །ཤཱཀྱའི་ཆོས་ལ་བདེ་བར་གནས། །ངན་སོང་གསུམ་ནི་ཡོངས་སུ་སྤངས། །སངས་རྒྱས་བྱམས་པ་མཐོང་བར་འགྱུར། །
སངས་རྒྱས་སྟོང་ཡང་མཐོང་གྱུར་ཏེ། །དེ་ཕྱིར་ད་ལྟར་གུས་ཕྱག་འཚལ། །ཕྱོགས་བཅུའི་སངས་རྒྱས་ཀུན་མཐོང་སྟེ། །རྟག་ཏུ་རྣམ་དག་ཞིང་དུ་སྐྱེ། །དམ་པའི་ཆོས་ཀྱང་ཐོས་པ་དང་། །དེ་བཞིན་གཤེགས་པ་རྟག་ཡིན་ཏེ། །ཕྱོགས་
བཅུ་འདི་ལྟར་བཞུགས་པའི་སངས་རྒྱས་བཅོམ་ལྡན་འདས་དེ་རྣམས་ཀྱི་མཚན་བསྟན་པའི་ཚེ། གང་གཱའི་ཀླུང་གཉིས་ཀྱི་བྱེ་མ་སྙེད་ཀྱི་བྱང་ཆུབ་སེམས་དཔས་གཟུངས་ཀྱི་སྒོར་འཇུག་པ་ཐོབ་བོ། །ལྷ་དང་མི་འབུམ་ཕྲག་

62-1-289b

བཞི་བཅུ་རྩ་གཉིས་ཀྱིས་བླ་ན་མེད་པའི་བྱང་ཆུབ་ཀྱི་སེམས་སྐྱེས་སོ། །མ་འོངས་པའི་བསྐལ་པ་བཟང་པོའི་དེ་བཞིན་གཤེགས་པ་དཔག་ཏུ་མེད་པ་རྣམས་ལ་ཕྱག་འཚལ་ལོ། །དེ་བཞིན་གཤེགས་པ་བྱམས་པ་ལ་ཕྱག་འཚལ་ལོ། །
དེ་བཞིན་གཤེགས་པ་དག་པའི་སྐུ་ལ་ཕྱག་འཚལ་ལོ། །དེ་བཞིན་གཤེགས་པ་པད་མའི་འོད་ལ་ཕྱག་འཚལ་ལོ། །དེ་བཞིན་གཤེགས་པ་པད་མའི་ཞབས་ལ་ཕྱག་འཚལ་ལོ། །དེ་བཞིན་གཤེགས་པ་འོད་ཀུན་ཏུ་སྣང་བ་ལ་ཕྱག་
འཚལ་ལོ། །དེ་བཞིན་གཤེགས་པ་མིང་དང་མཚན་མ་ལ་ཕྱག་འཚལ་ལོ། །དེ་བཞིན་གཤེགས་པ་འཛམ་གླིང་གསེར་འོད་ལ་ཕྱག་འཚལ་ལོ། །དེ་བཞིན་གཤེགས་པ་ཆོས་སྣང་བ་ལ་ཕྱག་འཚལ་ལོ། །དེ་བཞིན་གཤེགས་པ་
རིན་ཆེན་སྣང་བ་ལ་ཕྱག་འཚལ་ལོ། །དེ་བཞིན་གཤེགས་པ་ཀུན་དུ་སྣང་བ་ལ་ཕྱག་འཚལ་ལོ། །དེ་བཞིན་གཤེགས་པ་ཀུན་ནས་མཚན་ལ་ཕྱག་འཚལ་ལོ། །དེ་བཞིན་གཤེགས་པ་འོད་སྣང་ལ་ཕྱག་འཚལ་ལོ། །དེ་བཞིན་
གཤེགས་པ་ཀུན་དུ་འོད་ལ་ཕྱག་འཚལ་ལོ། །དེ་བཞིན་གཤེགས་པ་ཤེས་རབ་རིའི་རྒྱ་མཚོ་ལ་ཕྱག་འཚལ་ལོ། །དེ་བཞིན་གཤེགས་པ་ཐོགས་མེད་མངའ་དབང་རྒྱལ་པོ་ལ་ཕྱག་འཚལ་ལོ། །དེ་བཞིན་གཤེགས་པ་རིན་པོ་
ཆེས་བརྒྱན་པ་ལ་ཕྱག་འཚལ་ལོ། །དེ་བཞིན་གཤེགས་པ་སྐྱེས་བུ་དམ་པ་ལ་ཕྱག་འཚལ་ལོ། །དེ་བཞིན་གཤེགས་པ་འབུམ་ཕྲག་བརྒྱ་མངའ་མཛད་པའི་རྒྱལ་ཐབས་བརྙེས་ལ་ཕྱག་འཚལ་ལོ། །དེ་བཞིན་གཤེགས་པ་རིན་
ཆེན་མཚན་ལ་ཕྱག་འཚལ་ལོ། །དེ་བཞིན་གཤེགས་པ་མཐོང་ན་དགའ་བ་ལ་ཕྱག་འཚལ་ལོ། །དེ་བཞིན་གཤེགས་པ་འོད་མཚན་ཁྲི་ཕྲག་གཉིས་ཀྱིས་བརྒྱན་པའི་རྒྱལ་པོ་ལ་ཕྱག་འཚལ་ལོ། །དེ་བཞིན་གཤེགས་པ་ཁྲི་ཕྲག་
གསུམ་མཚན་མཐུན་ཀུན་དུ་ཡོན་ཏན་ལ་ཕྱག་འཚལ་ལོ། །དེ་བཞིན་གཤེགས་པ་འབྲུག་སྒྲ་རིན་ཆེན་རྒྱལ་པོ་ལ་ཕྱག་འཚལ་ལོ། །དེ་བཞིན་གཤེགས་པ་བཞི་ཁྲི་བརྒྱད་སྟོང་འོད་མི་འགྱུར་བ་ལ་ཕྱག་འཚལ་ལོ། །དེ་བཞིན་

62-1-290a

གཤེགས་པ་རིན་ཆེན་ཟླ་བའི་རྒྱལ་པོ་ལ་ཕྱག་འཚལ་ལོ། །དེ་བཞིན་གཤེགས་པ་མདོག་དམ་པ་ལ་ཕྱག་འཚལ་ལོ། །དེ་བཞིན་གཤེགས་པ་དྲི་མེད་འོད་ལ་ཕྱག་འཚལ་ལོ། །དེ་བཞིན་གཤེགས་པ་འོད་སྣང་དམ་པའི་
མཆོག་ལ་ཕྱག་འཚལ་ལོ། །དེ་བཞིན་གཤེགས་པ་བགེགས་ཀྱི་ཚོགས་ཐམས་ཅད་བཅོམ་པ་ལ་ཕྱག་འཚལ་ལོ། །དེ་བཞིན་གཤེགས་པ་དྲིའི་ཚོགས་ལ་ཕྱག་འཚལ་ལོ། །དེ་བཞིན་གཤེགས་པ་སྒྲའི་ཚོགས་ལ་ཕྱག་
འཚལ་ལོ། །དེ་བཞིན་གཤེགས་པ་སྟོང་ཕྲག་བཅུའི་འོད་སྣང་བས་བརྒྱན་པ་ལ་ཕྱག་འཚལ་ལོ། །དེ་བཞིན་གཤེགས་པ་འབུམ་ཕྲག་བརྒྱད་བཅུས་བརྒྱན་པའི་འོད་སྣང་བ་ལ་ཕྱག་འཚལ་ལོ། །དེ་བཞིན་གཤེགས་པ་རིན་ཆེན་
པད་མས་བརྒྱན་པ་ལ་ཕྱག་འཚལ་ལོ། །དེ་བཞིན་གཤེགས་པ་ཡོན་ཏན་གཙོ་བོའི་རྒྱལ་པོ་ལ་ཕྱག་འཚལ་ལོ། །དེ་བཞིན་གཤེགས་པ་གསེར་གྱི་མདོག་འོད་སྣང་བ་ལ་ཕྱག་འཚལ་ལོ། །དེ་བཞིན་གཤེགས་པ་ལུང་
བསྟན་པ་ལྔ་བརྒྱ་པད་མའི་རྒྱལ་པོ་ལ་ཕྱག་འཚལ་ལོ། །དེ་བཞིན་གཤེགས་པ་མཐུ་བོ་ཆེ་མི་འཇིགས་པ་ལ་ཕྱག་འཚལ་ལོ། །དེ་བཞིན་གཤེགས་པ་པད་མ་བཟང་པོས་བརྒྱན་པ་ལ་ཕྱག་འཚལ་ལོ། །དེ་བཞིན་གཤེགས་པ་
རྡོ་རྗེའི་ཏིང་ངེ་འཛིན་མངའ་དབང་ལ་ཕྱག་འཚལ་ལོ། །ད་དུང་མ་བྱོན་པའི་དེ་བཞིན་གཤེགས་པ་གཅིག་ལ་ཕྱག་འཚལ་ལོ། །དེ་བཞིན་གཤེགས་པ་བཅུ་ལ་ཕྱག་འཚལ་ལོ། །དེ་བཞིན་གཤེགས་པ་བརྒྱ་ལ་ཕྱག་འཚལ་ལོ། །
དེ་བཞིན་གཤེགས་པ་སྟོང་ལ་ཕྱག་འཚལ་ལོ། །དེ་བཞིན་གཤེགས་པ་ཁྲི་ལ་ཕྱག་འཚལ་ལོ། །དེ་རྣམས་ལ་ཕྱག་འཚལ་ན་བསྐལ་པ་དཔག་ཏུ་མེད་པ་ཚུན་ཆད་ཀྱི་འཆི་འཕོའི་སྡིག་ལྕི་བ་ཀུན་བསལ་བར་འགྱུར་རོ། །དེ་
བཞིན་གཤེགས་པ་འབུམ་ཕྲག་གཅིག་ལ་ཕྱག་འཚལ་ལོ། །དེ་བཞིན་གཤེགས་པ་འབུམ་ཕྲག་བཅུ་ལ་ཕྱག་འཚལ་ལོ། །དེ་བཞིན་གཤེགས་པ་འབུམ་ཕྲག་བརྒྱ་ལ་ཕྱག་འཚལ་ལོ། །དེ་བཞིན་གཤེགས་པ་

62-1-290b

འབུམ་ཕྲག་སྟོང་ལ་ཕྱག་འཚལ་ལོ། །དེ་བཞིན་གཤེགས་པ་འབུམ་ཕྲག་ཁྲི་ལ་ཕྱག་འཚལ་ལོ། །དེ་བཞིན་གཤེགས་པ་བྱེ་བ་ཁྲག་ཁྲིག་གང་གའི་ཀླུང་གི་བྱེ་མ་དང་མཉམ་པ་དཔག་ཏུ་མེད་ཅིང་བགྲང་བ་ལས་འདས་པ་ལ་ཕྱག་འཚལ་ལོ། །
གང་ཟག་ལ་ལ་ཞིག་གིས་ད་དུང་མ་བྱོན་པའི་སངས་རྒྱས་དཔག་ཏུ་མེད་ཅིང་བགྲང་བ་ལས་འདས་པའི་མཚན་འདི་ཐོས་ན་མི་དེ་བསྐལ་པ་ཁྲི་ཕྲག་བཞི་བཅུའི་བར་དུ་སེམས་ཅན་དམྱལ་བའི་སྡུག་བསྔལ་དུ་མི་ལྟུང་ངོ་། །དེ་བས་དེ་ནི་གུས་པར་ཕྱག་
འཚལ་ལོ། །ཕྱི་མའི་དུས་ཀྱི་སངས་རྒྱས་ལ། །ལ་ལས་གུས་པར་ཕྱག་འཚལ་ན། །སྒྲིབ་པ་གསུམ་དང་མཚམས་མེད་ལྔ། །འདོད་མངས་དག་ནི་མ་གཏོགས་པར། །ཀུན་ཀྱང་བསལ་ཅིང་བྱང་བར་འགྱུར། །སངས་རྒྱས་ཆོས་ལ་བདེ་བར་
གནས། །སངས་རྒྱས་ཚད་མེད་ཀུན་ཀྱང་མཐོང་། །ཡང་དག་ཆོས་ཀྱང་རྟག་ཏུ་ཐོས། །དེ་བས་ད་ལྟར་གུས་ཕྱག་འཚལ། །ལ་ལས་ཕྱོགས་བཅུ་དུས་གསུམ་གྱི། །བཅོམ་ལྡན་འདས་ལ་ཕྱག་འཚལ་ན། །འདས་པའི་ཁ་ན་མ་ཐོ་བསལ། །
མ་འོངས་པ་དང་ད་ལྟར་གྱི། །མི་དགེ་བཅུ་ཡི་ལས་བྱས་པ་འང་། །ད་ལྟར་སྔོན་དུ་བསལ་ཅིང་འབྱང་། །མ་འོངས་པ་ན་ཆོས་ཉིད་མཐོང་། །དེ་བས་ཡང་དག་མོས་པར་བྱ། །འབྲི་ཀློག་ཁ་ཏོན་ཕྱག་འཚལ་ན། །དེ་དག་ཚེ་རབས་གར་སྐྱེས་ཀྱང་། །
མི་དགེ་ལོག་པ་མཐོང་མི་འགྱུར། །རྟག་ཏུ་ཡང་དག་རྣམ་གྲོལ་འཐོབ། །མཐའ་ཁོབ་ཡུལ་དུ་ཡོང་མི་སྐྱེ། །རྒྱལ་པོ་ངན་པ་ཡོང་མི་མཐོང་། །བསྐལ་པ་འབུམ་ཕྲག་བཞི་ཁྲིར་ཡང་། །དམྱལ་བའི་སྡུག་བསྔལ་མི་ལྟུང་ངོ་། །དེ་
བས་ད་ལྟར་གུས་ཕྱག་འཚལ། །མི་དགེ་བཅུའི་ལས་སྦྱངས་གསལ། །གཟུངས་སུ་འཛིན་པ་ཆེན་པོ་འཐོབ། །ད་དུང་མ་བྱོན་པའི་སངས་རྒྱས་བཅོམ་ལྡན་འདས་དེ་དག་གི་མཚན་དེ་བསྒྲགས་པ་ན། བྱང་ཆུབ་སེམས་དཔའ་
སྟོང་ཕྲག་ལྔ་བཅུས་ཕྱིར་མི་ལྡོག་པའི་ས་ལ་གནས་སོ། །དགེ་སློང་མ་བདུན་བརྒྱས་དགྲ་བཅོམ་པའི་འབྲས་བུ་རྙེད་དོ། །ལྷ་དང་མི་འབུམ་ཕྲག་དྲུག་བཅུ་རྩ་གཉིས་ཀྱིས་ཆོས་ལ་ཆོས་ཀྱི་མིག་རྣམ་པར་དག་གོ། །མདོ་སྡེ་གཟུངས་སུ་

62-1-291a

འཛིན་པ་ཆེན་པོ་གསུང་རབ་ཡན་ལག་བཅུ་གཉིས་ལ་མདོའི་སྡེ་ལ་ཕྱག་འཚལ་ལོ། །ལུང་དུ་བསྟན་པའི་སྡེ་ལ་ཕྱག་འཚལ་ལོ། །ཚིགས་སུ་བཅད་པའི་སྡེ་ལ་ཕྱག་འཚལ་ལོ། །དབྱངས་ཀྱིས་བསྙད་པའི་སྡེ་
ལ་ཕྱག་འཚལ་ལོ། །ཆེད་དུ་བརྗོད་པའི་སྡེ་ལ་ཕྱག་འཚལ་ལོ། །གླེང་གཞིའི་སྡེ་ལ་ཕྱག་འཚལ་ལོ། །རྟོགས་པ་བརྗོད་པའི་སྡེ་ལ་ཕྱག་འཚལ་ལོ། །ད་ལྟར་དང་འདས་པའི་སྡེ་ལ་ཕྱག་འཚལ་ལོ། །སྐྱེས་པ་རབས་ཀྱི་སྡེ་ལ་ཕྱག་འཚལ་ལོ། །ཤིན་
དུ་རྒྱས་པའི་སྡེ་ལ་ཕྱག་འཚལ་ལོ། །ཆོས་རྨད་དུ་བྱུང་བའི་སྡེ་ལ་ཕྱག་འཚལ་ལོ། །གཏན་ལ་ཕབ་པའི་སྡེ་ལ་ཕྱག་འཚལ་ལོ། །མཛོད་ཆེན་པོ་འཚལ་ལ་ཕྱག་འཚལ་ལོ། །ཕ་རོལ་དུ་ཕྱིན་པ་རྣམས་ལ་ཕྱག་འཚལ་ལོ། །མི་གང་ལ་ལ་མདོ་སྡེ་བཅུ་
གཉིས་ཀྱི་མཚན་དང་། ཕ་རོལ་དུ་ཕྱིན་པ་རྣམས་ཐོས་ནས་ཀློག་པ་དང་། འཆང་བ་དང་། ཁ་ཏོན་དུ་འདོན་ཅིང་ཕྱག་འཚལ་བ་དང་། དད་ཅིང་མོས་པ་དང་། ལེན་ཅིང་འཛིན་པར་བྱེད་ན། མི་དེ་བསྐལ་པ་ཁྲི་ཕྲག་ཉི་ཤུའི་བར་དུ་
སེམས་ཅན་དམྱལ་བའི་སྡུག་བསྔལ་དུ་མི་ལྟུང་ལ། ཚེ་སྔ་མ་དྲན་པའི་ཤེས་པ་དང་ལྡན་པར་འགྱུར་རོ། །དེ་ལྟ་བས་ན་གུས་པར་ཕྱག་འཚལ་ལོ། །མདོ་སྟེ་བཅུ་གཉིས་ཀྱི་མཚན་དེ་བསྒྲགས་པའི་ཚེ། བྱང་ཆུབ་སེམས་
དཔའ་བརྒྱད་ཁྲི་ལྔ་སྟོང་གིས་རྡོ་རྗེ་ལྟ་བུའི་ཏིང་ངེ་འཛིན་ཐོབ་བོ། །ཉན་ཐོས་འབུམ་ཕྲག་བརྒྱད་བཅུས་ཐེག་པ་ཆེན་པོའི་སེམས་ཅུང་ཟད་སྐྱེས་སོ། །དགེ་སློང་ཕ་དང་དགེ་སློང་མ་སྟོང་ཕྲག་བཅུས་དགྲ་བཅོམ་པའི་འབྲས་བུ་ཐོབ་བོ། །
ཚད་མེད་པའི་ལྷ་དང་མིས་ཆོས་ལ་ཆོས་ཀྱི་མིག་རྣམ་པར་དག་གོ། །ཕྱོགས་བཅུའི་བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་ལ་ཕྱག་འཚལ་ལོ། །བྱང་ཆུབ་སེམས་དཔའ་འཇམ་དཔལ་གཞོན་ནུར་གྱུར་པ་ལ་ཕྱག་འཚལ་
ལོ། །བྱང་ཆུབ་སེམས་དཔའ་ཀུན་དུ་སྤྱན་རས་གཟིགས་དབང་པོ་ལ་ཕྱག་འཚལ་ལོ། །བྱང་ཆུབ་སེམས་དཔའ་མཐུ་ཆེན་ཐོབ་ལ་ཕྱག་འཚལ་ལོ། །བྱང་ཆུབ་སེམས་དཔའ་རྟག་ཏུ་བརྩོན་ལ་ཕྱག་འཚལ་ལོ། །བྱང་ཆུབ་

62-1-291b

སེམས་དཔའ་རྒྱུན་མི་གཏོང་ལ་ཕྱག་འཚལ་ལོ། །བྱང་ཆུབ་སེམས་དཔའ་ཕྱག་ན་རིན་ཆེན་ལ་ཕྱག་འཚལ་ལོ། །བྱང་ཆུབ་སེམས་དཔའ་སྨན་གྱི་རྒྱལ་པོ་ལ་ཕྱག་འཚལ་ལོ། །བྱང་ཆུབ་སེམས་དཔའ་མཐུ་ཆེན་འཕགས་ལ་ཕྱག་
འཚལ་ལོ། །བྱང་ཆུབ་སེམས་དཔའ་རིན་ཆེན་ཟླ་བ་ལ་ཕྱག་འཚལ་ལོ། །བྱང་ཆུབ་སེམས་དཔའ་ཟླ་འོད་ལ་ཕྱག་འཚལ་ལོ། །བྱང་ཆུབ་སེམས་དཔའ་ཟླ་རྒྱས་ལ་ཕྱག་འཚལ་ལོ། །བྱང་ཆུབ་སེམས་དཔའ་སྲེད་མེད་ཀྱི་བུ་ལ་ཕྱག་འཚལ་
ལོ། །བྱང་ཆུབ་སེམས་དཔའ་སྟོབས་དཔག་མེད་ལ་ཕྱག་འཚལ་ལོ། །བྱང་ཆུབ་སེམས་དཔའ་ཁམས་གསུམ་འདས་ལ་ཕྱག་འཚལ་ལོ། །བྱང་ཆུབ་སེམས་དཔའ་བཟང་སྐྱོང་ལ་ཕྱག་འཚལ་ལོ། །བྱང་ཆུབ་སེམས་དཔའ་
བྱམས་པ་ལ་ཕྱག་འཚལ་ལོ། །བྱང་ཆུབ་སེམས་དཔའ་དཀོན་མཆོག་བརྩེགས་ལ་ཕྱག་འཚལ་ལོ། །བྱང་ཆུབ་སེམས་དཔའ་ལམ་སྟོན་ལ་ཕྱག་འཚལ་ལོ། །བྱང་ཆུབ་སེམས་དཔའ་ཡོན་ཏན་སྙིང་པོ་ལ་ཕྱག་འཚལ་ལོ། །བྱང་
ཆུབ་སེམས་དཔའ་བཤད་པར་མོས་ལ་ཕྱག་འཚལ་ལོ། །བྱང་ཆུབ་སེམས་དཔའ་ཀླུའི་སྡོང་པོ་ལ་ཕྱག་འཚལ་ལོ། །བྱང་ཆུབ་སེམས་དཔའ་རིན་ཆེན་ཙན་དན་པད་མ་ལ་ཕྱག་འཚལ་ལོ། །བྱང་ཆུབ་སེམས་དཔའ་བླ་མའི་སྤྱོད་པ་
ལ་ཕྱག་འཚལ་ལོ། །བྱང་ཆུབ་སེམས་དཔའ་མུ་མེད་སྤྱོད་ལ་ཕྱག་འཚལ་ལོ། །བྱང་ཆུབ་སེམས་དཔའ་རྣམ་ཐར་སྤྱོད་ལ་ཕྱག་འཚལ་ལོ། །བྱང་ཆུབ་སེམས་དཔའ་མཛད་པ་རྣམ་པར་དག་ལ་ཕྱག་འཚལ་ལོ། །བྱང་ཆུབ་
སེམས་དཔའ་གཟུངས་ལ་ཕྱག་འཚལ་ལོ། །བྱང་ཆུབ་སེམས་དཔའ་རྡོ་རྗེ་སྟོབས་པོ་ཆེ་ལ་ཕྱག་འཚལ་ལོ། །བྱང་ཆུབ་སེམས་དཔའ་རྣམ་པར་མི་དམོད་ལ་ཕྱག་འཚལ་ལོ། །བྱང་ཆུབ་སེམས་དཔའ་སྔོན་གྱི་རྒྱལ་པོ་པད་མ་
ལ་ཕྱག་འཚལ་ལོ། །བྱང་ཆུབ་སེམས་དཔའ་མཐོང་ན་དགའ་ལ་ཕྱག་འཚལ་ལོ། །བྱང་ཆུབ་སེམས་དཔའ་དབྱངས་དམ་པ་ལ་ཕྱག་འཚལ་ལོ། །བྱང་ཆུབ་སེམས་དཔའ་བརྩོན་འགྲུས་ཡོན་ཏན་སྟོབས་ལ་ཕྱག་འཚལ་ལོ། །

62-1-292a

བྱང་ཆུབ་སེམས་དཔའ་བཤད་པར་མོས་ལ་ཕྱག་འཚལ་ལོ། །བྱང་ཆུབ་སེམས་དཔའ་བློ་གྲོས་མི་ཟད་པ་ལ་ཕྱག་འཚལ་ལོ། །བྱང་ཆུབ་སེམས་དཔའ་རྣམ་པར་དག་པའི་སྙིང་པོ་ལ་ཕྱག་འཚལ་ལོ། །བྱང་ཆུབ་སེམས་
དཔའ་དང་བའི་སྤྱན་ལ་ཕྱག་འཚལ་ལོ། །བྱང་ཆུབ་སེམས་དཔའ་ཀུན་དུ་བཟང་པོ་ལ་ཕྱག་འཚལ་ལོ། །བྱང་ཆུབ་སེམས་དཔའ་དམ་པའི་ཡོན་ཏན་ལ་ཕྱག་འཚལ་ལོ། །བྱང་ཆུབ་སེམས་དཔའ་བྱམས་པ་ལ་ཕྱག་འཚལ་ལོ། །བྱང་ཆུབ་
སེམས་དཔའ་བསམ་པ་རྣམ་པར་དག་པ་ལ་ཕྱག་འཚལ་ལོ། །བྱང་ཆུབ་སེམས་དཔའ་སྟོང་པ་མེད་པ་ལ་ཕྱག་འཚལ་ལོ། །བྱང་ཆུབ་སེམས་དཔའ་རྫུ་འཕྲུལ་པད་མ་ལ་ཕྱག་འཚལ་ལོ། །བྱང་ཆུབ་སེམས་དཔའ་འོད་རླབས་པོ་ཆེ་ལ་
ཕྱག་འཚལ་ལོ། །བྱང་ཆུབ་སེམས་དཔའ་ཤེས་རབ་བླ་མ་ལ་ཕྱག་འཚལ་ལོ། །བྱང་ཆུབ་སེམས་དཔའ་ཡེ་ཤེས་རྒྱལ་མཚན་ལ་ཕྱག་འཚལ་ལོ། །བྱང་ཆུབ་སེམས་དཔའ་དབང་པོ་ཞི་ལ་ཕྱག་འཚལ་ལོ། །བྱང་ཆུབ་སེམས་དཔའ་
ཤེས་རབ་སྨོན་ལམ་ལ་ཕྱག་འཚལ་ལོ། །བྱང་ཆུབ་སེམས་དཔའ་སྤོས་ཀྱི་མཚན་ལ་ཕྱག་འཚལ་ལོ། །བྱང་ཆུབ་སེམས་དཔའ་དཀོན་མཆོག་རླབས་པོ་ཆེ་ལ་ཕྱག་འཚལ་ལོ། །བྱང་ཆུབ་སེམས་དཔའ་དབུ་མར་གནས་ལ་ཕྱག་
འཚལ་ལོ། །བྱང་ཆུབ་སེམས་དཔའ་སྤྱོད་པ་བཀག་ལ་ཕྱག་འཚལ་ལོ། །བྱང་ཆུབ་སེམས་དཔའ་རྣམ་པར་གྲོལ་ལ་ཕྱག་འཚལ་ལོ། །བྱང་ཆུབ་སེམས་དཔའ་ཆོས་ཀྱི་སྡེ་སྣོད་ལ་ཕྱག་འཚལ་ལོ། །བྱང་ཆུབ་སེམས་དཔའ་
མཉམ་པར་གཟིགས་ལ་ཕྱག་འཚལ་ལོ། །བྱང་ཆུབ་སེམས་དཔའ་མི་མཉམ་གཟིགས་ལ་ཕྱག་འཚལ་ལོ། །བྱང་ཆུབ་སེམས་དཔའ་མཉམ་མི་མཉམ་གཟིགས་ལ་ཕྱག་འཚལ་ལོ། །བྱང་ཆུབ་སེམས་དཔའ་ཏིང་ངེ་
འཛིན་དབང་ཕྱུག་ལ་ཕྱུག་འཚལ་ལོ། །བྱང་ཆུབ་སེམས་དཔའ་ཆོས་ཀྱི་དབང་ཕྱུག་རྒྱལ་པོ་ལ་ཕྱག་འཚལ་ལོ། །བྱང་ཆུབ་སེམས་དཔའ་ཆོས་ཀྱི་རྒྱལ་མཚན་རྒྱལ་པོ་ལ་ཕྱག་འཚལ་ལོ། །བྱང་ཆུབ་སེམས་དཔའ་འོད་ཀྱི་

62-1-292b

མཚན་ལ་ཕྱག་འཚལ་ལོ། །བྱང་ཆུབ་སེམས་དཔའ་འོད་ཀྱིས་བརྒྱན་པ་ལ་ཕྱག་འཚལ་ལོ། །བྱང་ཆུབ་སེམས་དཔའ་བཀོད་པ་ཆེན་པོ་ལ་ཕྱག་འཚལ་ལོ། །བྱང་ཆུབ་སེམས་དཔའ་དཀོན་མཆོག་བརྩེགས་པ་ལ་ཕྱག་
འཚལ་ལོ། །བྱང་ཆུབ་སེམས་དཔའ་སྤོས་བརྩེགས་ལ་ཕྱག་འཚལ་ལོ། །བྱང་ཆུབ་སེམས་དཔའ་རིན་པོ་ཆེའི་ཕྱག་ལ་ཕྱག་འཚལ་ལོ། །བྱང་ཆུབ་སེམས་དཔའ་རིན་པོ་ཆེའི་ཕྱག་རྒྱའི་ཕྱག་ལ་ཕྱག་འཚལ་ལོ། །བྱང་ཆུབ་
སེམས་དཔའ་རྟག་པར་ཕྱག་བཏེགས་ལ་ཕྱག་འཚལ་ལོ། །བྱང་ཆུབ་སེམས་དཔའ་རྟག་པར་ཕྱག་ཕབ་ལ་ཕྱག་འཚལ་ལོ། །བྱང་ཆུབ་སེམས་དཔའ་རྟག་ཏུ་བརྩེ་བ་ཅན་ལ་ཕྱག་འཚལ་ལོ། །བྱང་ཆུབ་སེམས་དཔའ་དགའ་བའི་
དབང་པོ་ལ་ཕྱག་འཚལ་ལོ། །བྱང་ཆུབ་སེམས་དཔའ་དགའ་བའི་རྒྱལ་པོ་ལ་ཕྱག་འཚལ་ལོ། །བྱང་ཆུབ་སེམས་དཔའ་སྤོབས་པའི་དབྱངས་ལ་ཕྱག་འཚལ་ལོ། །བྱང་ཆུབ་སེམས་དཔའ་ནམ་མཁའི་སྙིང་པོ་ལ་ཕྱག་འཚལ་ལོ། །བྱང་
ཆུབ་རིན་པོ་ཆེའི་སྒྲོན་མ་འཛིན་པ་ལ་ཕྱག་འཚལ་ལོ། །བྱང་ཆུབ་སེམས་དཔའ་རིན་ཆེན་དཔལ་ལ་ཕྱག་འཚལ་ལོ། །བྱང་ཆུབ་སེམས་དཔའ་རིན་ཆེན་མཐོང་ལ་ཕྱག་འཚལ་ལོ། །བྱང་ཆུབ་སེམས་དཔའ་བདེན་པའི་དྲ་བ་ལ་ཕྱག་
འཚལ་ལོ། །བྱང་ཆུབ་སེམས་དཔའ་སྣང་བའི་དྲ་བ་ལ་ཕྱག་འཚལ་ལོ། །བྱང་ཆུབ་སེམས་དཔའ་མི་དམིགས་གཟིགས་ལ་ཕྱག་འཚལ་ལོ། །བྱང་ཆུབ་སེམས་དཔའ་ཤེས་རབ་བརྩེགས་ལ་ཕྱག་འཚལ་ལོ། །བྱང་ཆུབ་སེམས་དཔའ་
རིན་ཆེན་རྒྱལ་བ་ལ་ཕྱག་འཚལ་ལོ། །བྱང་ཆུབ་སེམས་དཔའ་ལྷའི་རྒྱལ་པོ་ལ་ཕྱག་འཚལ་ལོ། །བྱང་ཆུབ་སེམས་དཔའ་བདུད་བཅོམ་ལ་ཕྱག་འཚལ་ལོ། །བྱང་ཆུབ་སེམས་དཔའ་ཀློག་གི་ཡོན་ཏན་ལ་ཕྱག་འཚལ་ལོ། །
བྱང་ཆུབ་སེམས་དཔའ་དབང་ཕྱུག་རྒྱལ་པོ་ལ་ཕྱག་འཚལ་ལོ། །བྱང་ཆུབ་སེམས་དཔའ་བསོད་ནམས་ཀྱི་མཚན་གྱིས་བརྒྱན་པ་ལ་ཕྱག་འཚལ་ལོ། །བྱང་ཆུབ་སེམས་དཔའ་སེང་གེའི་སྒྲ་ལ་ཕྱག་འཚལ་ལོ། །བྱང་ཆུབ་སེམས་

62-1-293a

དཔའ་འབྲུག་སྒྲ་ལ་ཕྱག་འཚལ་ལོ། །བྱང་ཆུབ་སེམས་དཔའ་རི་བཏང་བཟུང་བསྐྱོད་པའི་སྒྲ་ལ་ཕྱག་འཚལ་ལོ། །བྱང་ཆུབ་སེམས་དཔའ་སྤོས་ཀྱི་གླང་པོ་ལ་ཕྱག་འཚལ་ལོ། །བྱང་ཆུབ་སེམས་དཔའ་སྤོས་
ཀྱི་གླང་པོ་དཀར་པོ་ལ་ཕྱག་འཚལ་ལོ། །བྱང་ཆུབ་སེམས་དཔའ་དམ་པ་སྐྱེས་ལ་ཕྱག་འཚལ་ལོ། །བྱང་ཆུབ་སེམས་དཔའ་པད་མའི་རྒྱན་ལ་ཕྱག་འཚལ་ལོ། །བྱང་ཆུབ་སེམས་དཔའ་ཚངས་པའི་དྲ་བ་ལ་ཕྱག་འཚལ་ལོ། །
བྱང་ཆུབ་སེམས་དཔའ་རིན་པོ་ཆེའི་ཕྱག་དཀར་ལ་ཕྱག་འཚལ་ལོ། །བྱང་ཆུབ་སེམས་དཔའ་དམིགས་པ་མེད་ལ་ཕྱག་འཚལ་ལོ། །བྱང་ཆུབ་སེམས་དཔའ་ཞིང་གི་བཀོད་པ་ལ་ཕྱག་འཚལ་ལོ། །བྱང་ཆུབ་སེམས་དཔའ་
གསེར་གྱི་གཙུག་ཏོར་ལ་ཕྱག་འཚལ་ལོ། །བྱང་ཆུབ་སེམས་དཔའ་ནོར་བུའི་གཙུག་ཏོར་ལ་ཕྱག་འཚལ་ལོ། །བྱང་ཆུབ་སེམས་དཔའ་འོད་རྒྱན་གཞོན་ནུ་ལ་ཕྱག་འཚལ་ལོ། །བྱང་ཆུབ་སེམས་དཔའ་འཇིག་རྟེན་གཟུངས་
ལ་ཕྱག་འཚལ་ལོ། །བྱང་ཆུབ་སེམས་དཔའ་དགེ་བའི་ཡོན་ཏན་ལ་ཕྱག་འཚལ་ལོ། །བྱང་ཆུབ་སེམས་དཔའ་དཀར་རྒྱལ་ལ་ཕྱག་འཚལ་ལོ། །བྱང་ཆུབ་སེམས་དཔའ་སྣང་ཤར་ལ་ཕྱག་འཚལ་ལོ། །བྱང་ཆུབ་
སེམས་དཔའ་པད་མའི་འོད་ལ་ཕྱག་འཚལ་ལོ། །བྱང་ཆུབ་སེམས་དཔའ་རིན་ཆེན་ཙན་དན་པདྨོ་ལ་ཕྱག་འཚལ་ལོ། །བྱང་ཆུབ་སེམས་དཔའ་དེད་དཔོན་ལ་ཕྱག་འཚལ་ལོ། །བྱང་ཆུབ་སེམས་དཔའ་ཆོས་གཙང་དང་བ་ལ་ཕྱག་
འཚལ་ལོ། །བྱང་ཆུབ་སེམས་དཔའ་ཆོས་ཀྱི་དབང་ཕྱུག་ལ་ཕྱག་འཚལ་ལོ། །བྱང་ཆུབ་སེམས་དཔའ་ཡོན་ཏན་གཙོ་བོ་ལ་ཕྱག་འཚལ་ལོ། །བྱང་ཆུབ་སེམས་དཔའ་སྤྱན་མི་འཛུམས་པ་ལ་ཕྱག་འཚལ་ལོ། །
བྱང་ཆུབ་སེམས་དཔའ་གཙུག་གི་ཡོན་ཏན་ལ་ཕྱག་འཚལ་ལོ། །བྱང་ཆུབ་སེམས་དཔའ་ཡོངས་སུ་དགེ་བ་ལ་ཕྱག་འཚལ་ལོ། །བྱང་ཆུབ་སེམས་དཔའ་དགེ་བའི་སྤྱན་ལ་ཕྱག་འཚལ་ལོ། །བྱང་ཆུབ་སེམས་དཔའ་དམ་

62-1-293b

པའི་ཕྱག་ལ་ཕྱག་འཚལ་ལོ། །བྱང་ཆུབ་སེམས་དཔའ་སྐྱེས་བུ་དམ་པ་ལ་ཕྱག་འཚལ་ལོ། །བྱང་ཆུབ་སེམས་དཔའ་སེང་གེ་ལ་ཕྱག་འཚལ་ལོ། །བྱང་ཆུབ་སེམས་དཔའ་སེང་གེའི་སྒྲ་ལ་ཕྱག་འཚལ་ལོ། །བྱང་ཆུབ་སེམས་དཔའ་མཁྱེན་
པ་རྣམ་པར་དག་པ་ལ་ཕྱག་འཚལ་ལོ། །བྱང་ཆུབ་སེམས་དཔའ་མཐུ་བོ་ཆེ་ལ་ཕྱག་འཚལ་ལོ། །བྱང་ཆུབ་སེམས་དཔའ་ཡིད་དགེ་བ་ལ་ཕྱག་འཚལ་ལོ། །བྱང་ཆུབ་སེམས་དཔའ་མངོན་སུམ་གཟིགས་ལ་ཕྱག་འཚལ་ལོ། །བྱང་ཆུབ་
སེམས་དཔའ་ཀུན་ཏུ་བསྲུང་ལ་ཕྱག་འཚལ་ལོ། །བྱང་ཆུབ་སེམས་དཔའ་གློག་གི་འོད་ལ་ཕྱག་འཚལ་ལོ། །བྱང་ཆུབ་སེམས་དཔའ་མཐོང་ན་དགའ་ལ་ཕྱག་འཚལ་ལོ། །བྱང་ཆུབ་སེམས་དཔའ་སྣང་བའི་མཚན་ལ་ཕྱག་འཚལ་ལོ། །
བྱང་ཆུབ་སེམས་དཔའ་ཡིད་དམ་པ་ལ་ཕྱག་འཚལ་ལོ། །བྱང་ཆུབ་སེམས་དཔའ་བློ་གྲོས་མི་བཟད་པ་ལ་ཕྱག་འཚལ་ལོ། །བྱང་ཆུབ་སེམས་དཔའ་ཤེས་རབ་ཟབ་མོ་ལ་ཕྱག་འཚལ་ལོ། །བྱང་ཆུབ་སེམས་དཔའ་མཚན་མ་ཞི་ལ་ཕྱག་འཚལ་
ལོ། །བྱང་ཆུབ་སེམས་དཔའ་ཐོག་མེད་ལ་ཕྱག་འཚལ་ལོ། །བྱང་ཆུབ་སེམས་དཔའ་དགེ་བའི་བླ་མ་ལ་ཕྱག་འཚལ་ལོ། །བྱང་ཆུབ་སེམས་དཔའ་དཔལ་གྱི་ཞིང་ལ་ཕྱག་འཚལ་ལོ། །བྱང་ཆུབ་སེམས་དཔའ་པད་མའི་རྒྱན་ལ་ཕྱག་
འཚལ་ལོ། །བྱང་ཆུབ་སེམས་དཔའ་ཡོན་ཏན་སྙིང་པོ་ལ་ཕྱག་འཚལ་ལོ། །བྱང་ཆུབ་སེམས་དཔའ་ཟླ་བའི་བླ་ལ་ཕྱག་འཚལ་ལོ། །བྱང་ཆུབ་སེམས་དཔའ་རིན་ཆེན་ཕྱག་རྒྱའི་ཕྱག་ལ་ཕྱག་འཚལ་ལོ། །བྱང་ཆུབ་སེམས་དཔའ་
གཙུག་ན་ནོར་བུའི་རྒྱལ་པོ་ལ་ཕྱག་འཚལ་ལོ། །བྱང་ཆུབ་སེམས་དཔའ་བདེན་མོས་ལ་ཕྱག་འཚལ་ལོ། །བྱང་ཆུབ་སེམས་དཔའ་ཤེས་རབ་གཟིགས་ལ་ཕྱག་འཚལ་ལོ། །བྱང་ཆུབ་སེམས་དཔའ་མར་མེའི་རྒྱལ་པོ་ལ་ཕྱག་འཚལ་ལོ། །
བྱང་ཆུབ་སེམས་དཔའ་ཟབ་མོའི་རྒྱལ་པོ་ལ་ཕྱག་འཚལ་ལོ། །བྱང་ཆུབ་སེམས་དཔའ་པད་མའི་རྒྱལ་པོ་ལ་ཕྱག་འཚལ་ལོ། །བྱང་ཆུབ་སེམས་དཔའ་མདོག་དམ་པ་ལ་ཕྱག་འཚལ་ལོ། །བྱང་ཆུབ་སེམས་དཔའ་ལེགས་པར་

62-1-294a

འདྲི་ལ་ཕྱག་འཚལ་ལོ། །བྱང་ཆུབ་སེམས་དཔའ་ལེགས་པར་ལན་ལྡོན་ལ་ཕྱག་འཚལ་ལོ། །བྱང་ཆུབ་སེམས་དཔའ་མཚན་ཉིད་མངོན་དུ་ཆུད་ལ་ཕྱག་འཚལ་ལོ། །བྱང་ཆུབ་སེམས་དཔའ་ངེས་པའི་མཚན་
ལ་ཕྱག་འཚལ་ལོ། །བྱང་ཆུབ་སེམས་དཔའ་དེས་པའི་མཚན་ལ་ཕྱག་འཚལ་ལོ། །བྱང་ཆུབ་སེམས་དཔའ་བརྩེགས་པར་ངེས་ལ་ཕྱག་འཚལ་ལོ། །བྱང་ཆུབ་སེམས་དཔའ་དགའ་སྐྱེད་ལ་ཕྱག་འཚལ་ལོ། །བྱང་
ཆུབ་སེམས་དཔའ་བདེ་གནས་ལ་ཕྱག་འཚལ་ལོ། །བྱང་ཆུབ་སེམས་དཔའ་བདུད་སྐྲག་ལ་ཕྱག་འཚལ་ལོ། །བྱང་ཆུབ་སེམས་དཔའ་ཤེས་རབ་སྦྱིན་ལ་ཕྱག་འཚལ་ལོ། །བྱང་ཆུབ་སེམས་དཔའ་སྐྱབས་གྲོལ་མཛད་ལ་ཕྱག་
འཚལ་ལོ། །བྱང་ཆུབ་སེམས་དཔའ་ཤེས་རབ་མར་མེ་ལ་ཕྱག་འཚལ་ལོ། །བྱང་ཆུབ་སེམས་དཔའ་དཔའ་བར་སྦྱིན་ལ་ཕྱག་འཚལ་ལོ། །བྱང་ཆུབ་སེམས་དཔའ་ཡེ་ཤེས་སྟོན་པ་ལ་ཕྱག་འཚལ་ལོ། །བྱང་ཆུབ་སེམས་
དཔའ་ཤེས་རབ་སྨོན་ལམ་ལ་ཕྱག་འཚལ་ལོ། །བྱང་ཆུབ་སེམས་དཔའ་བཞིས་སྡུད་ལ་ཕྱག་འཚལ་ལོ། །བྱང་ཆུབ་སེམས་དཔའ་སྟོན་པའི་གསུང་ལ་ཕྱག་འཚལ་ལོ། །བྱང་ཆུབ་སེམས་དཔའ་རྒྱ་མཚོ་དམ་པ་ལ་ཕྱག་
འཚལ་ལོ། །བྱང་ཆུབ་སེམས་དཔའ་ཆོས་དགའ་ལ་ཕྱག་འཚལ་ལོ། །བྱང་ཆུབ་སེམས་དཔའ་ཆོས་ལམ་ཁྱད་པར་ཅན་ལ་ཕྱག་འཚལ་ལོ། །བྱང་ཆུབ་སེམས་དཔའ་བྱང་ཆུབ་ཕྱོགས་ལ་ཕྱག་འཚལ་ལོ། །བྱང་ཆུབ་
སེམས་དཔའ་གཟུངས་ལ་ཕྱག་འཚལ་ལོ། །བྱང་ཆུབ་སེམས་དཔའ་བྱམས་པའི་རྒྱལ་པོ་ལ་ཕྱག་འཚལ་ལོ། །བྱང་ཆུབ་སེམས་དཔའ་དབང་ཕྱུག་ཆེན་པོ་ལ་ཕྱག་འཚལ་ལོ། །བྱང་ཆུབ་སེམས་དཔའ་ཚངས་པའི་དབྱངས་
ལ་ཕྱག་འཚལ་ལོ། །བྱང་ཆུབ་སེམས་དཔའ་གཟུགས་དམ་པ་ལ་ཕྱག་འཚལ་ལོ། །བྱང་ཆུབ་སེམས་དཔའ་ཙན་དན་ཚལ་ལ་ཕྱག་འཚལ་ལོ། །བྱང་ཆུབ་སེམས་དཔའ་སེང་གེའི་སྒྲ་ལ་ཕྱག་འཚལ་ལོ། །བྱང་ཆུབ་

62-1-294b

སེམས་དཔའ་དམ་པའི་གསུང་ལ་ཕྱག་འཚལ་ལོ། །བྱང་ཆུབ་སེམས་དཔའ་མདོག་དམ་པའི་དབྱིབས་ལ་ཕྱག་འཚལ་ལོ། །བྱང་ཆུབ་སེམས་དཔའ་སྣ་ཚོགས་བརྒྱན་ལ་ཕྱག་འཚལ་ལོ། །བྱང་ཆུབ་སེམས་དཔའ་
ཤག་གི་རྒྱལ་མཚན་ལ་ཕྱག་འཚལ་ལོ། །བྱང་ཆུབ་སེམས་དཔའ་གཙུག་ནས་བྱུང་ལ་ཕྱག་འཚལ་ལོ། །བྱང་ཆུབ་སེམས་དཔའ་སྣང་བའི་རྒྱལ་པོ་ལ་ཕྱག་འཚལ་ལོ། །བྱང་ཆུབ་སེམས་དཔའ་འོད་ཆེན་པོ་ལ་ཕྱག་འཚལ་ལོ། །བྱང་
བྱང་ཆུབ་སེམས་དཔའ་ཞི་བ་ལ་ཕྱག་འཚལ་ལོ། །བྱང་ཆུབ་སེམས་དཔའ་གསུང་བརྩེགས་ལ་ཕྱག་འཚལ་ལོ། །བྱང་ཆུབ་སེམས་དཔའ་པད་མ་འཚེར་ལ་ཕྱག་འཚལ་ལོ། །བྱང་ཆུབ་སེམས་དཔའ་གཙོ་བོའི་བླ་ལ་ཕྱག་འཚལ་ལོ། །
བྱང་ཆུབ་སེམས་དཔའ་གཟུགས་ཀྱི་སྐུ་ཀུན་དུ་བསྟན་པ་ལ་ཕྱག་འཚལ་ལོ། །བྱང་ཆུབ་སེམས་དཔའ་རྫུ་འཕྲུལ་ཕྱད་ལ་ཕྱག་འཚལ་ལོ། །བྱང་ཆུབ་སེམས་དཔའ་ཡོན་ཏན་རྒྱ་མཚོ་ལ་ཕྱག་འཚལ་ལོ། །བྱང་ཆུབ་སེམས་དཔའ་སྐུ་མཐའ་ཡས་ལ་
ཕྱག་འཚལ་ལོ། །བྱང་ཆུབ་སེམས་དཔའ་སྨན་པའི་རྒྱལ་པོ་ལ་ཕྱག་འཚལ་ལོ། །བྱང་ཆུབ་སེམས་དཔའ་འོད་སྲུང་ལ་ཕྱག་འཚལ་ལོ། །བྱང་ཆུབ་སེམས་དཔའ་དྲི་མེད་སྙིང་པོའི་རྒྱལ་པོ་ལ་ཕྱག་འཚལ་ལོ། །བྱང་ཆུབ་སེམས་དཔའ་ཐམས་
ཅད་གཟུངས་ལ་ཕྱག་འཚལ་ལོ། །བྱང་ཆུབ་སེམས་དཔའ་མཐོ་བཙུན་དཔལ་གྱི་རྒྱལ་པོ་ལ་ཕྱག་འཚལ་ལོ། །བྱང་ཆུབ་སེམས་དཔའ་བཻ་དཱུརྱའི་འོད་ལ་ཕྱག་འཚལ་ལོ། །བྱང་ཆུབ་སེམས་དཔའ་འཇིགས་མི་མངའ་ལ་ཕྱག་འཚལ་ལོ། །བྱང་ཆུབ་
སེམས་དཔའ་འཇིགས་པའི་རྒྱལ་པོ་ལ་ཕྱག་འཚལ་ལོ། །བྱང་ཆུབ་སེམས་དཔའ་སེང་གེའི་སྒྲ་ལ་ཕྱག་འཚལ་ལོ། །བྱང་ཆུབ་སེམས་དཔའ་མོས་པའི་རྒྱལ་མཚན་ལ་ཕྱག་འཚལ་ལོ། །བྱང་ཆུབ་
སེམས་དཔའ་ས་ཆེན་འཛིན་ལ་ཕྱག་འཚལ་ལོ། །བྱང་ཆུབ་སེམས་དཔའ་བཀོད་པའི་འོད་ལ་ཕྱག་འཚལ་ལོ། །བྱང་ཆུབ་སེམས་དཔའ་འོད་སྣང་ལ་ཕྱག་འཚལ་ལོ། །བྱང་ཆུབ་སེམས་དཔའ་རྟོགས་པ་ཆེན་པོ་

62-1-295a

ལ་ཕྱག་འཚལ་ལོ། །བྱང་ཆུབ་སེམས་དཔའ་བྱམས་པའི་སྟོབས་ལ་ཕྱག་འཚལ་ལོ། །བྱང་ཆུབ་སེམས་དཔའ་ཐུགས་རྗེ་ཆེན་པོ་ལ་ཕྱག་འཚལ་ལོ། །བྱང་ཆུབ་སེམས་དཔའ་རྟེན་པའི་རྒྱལ་པོ་ལ་ཕྱག་འཚལ་ལོ། །
བྱང་ཆུབ་སེམས་དཔའ་རྟེན་པའི་སྟོབས་ལ་ཕྱག་འཚལ་ལོ། །བྱང་ཆུབ་སེམས་དཔའ་ཡོན་ཏན་རྟེན་ལ་ཕྱག་འཚལ་ལོ། །བྱང་ཆུབ་སེམས་དཔའ་ཀུན་ནས་སྐྱོང་ལ་ཕྱག་འཚལ་ལོ། །བྱང་ཆུབ་སེམས་དཔའ་ཀུན་ནས་སྡུད་ལ་ཕྱག་འཚལ་ལོ། །
བྱང་ཆུབ་སེམས་དཔའ་ཏིང་ངེ་འཛིན་འོད་ལ་ཕྱག་འཚལ་ལོ། །བྱང་ཆུབ་སེམས་དཔའ་ཀུན་དུ་འོད་ལ་ཕྱག་འཚལ་ལོ། །བྱང་ཆུབ་སེམས་དཔའ་ཡང་དག་འོད་ལ་ཕྱག་འཚལ་ལོ། །བྱང་ཆུབ་སེམས་དཔའ་ལོག་པར་དད་སེལ་ལ་ཕྱག་འཚལ་ལོ། །
བྱང་ཆུབ་སེམས་དཔའ་ལྷའི་འོད་ལ་ཕྱག་འཚལ་ལོ། །བྱང་ཆུབ་སེམས་དཔའ་རིན་ཆེན་རྒྱལ་པོ་ལ་ཕྱག་འཚལ་ལོ། །བྱང་ཆུབ་སེམས་དཔའ་འོད་འཕྲོ་ལ་ཕྱག་འཚལ་ལོ། །བྱང་ཆུབ་སེམས་དཔའ་འོད་འཕྲོ་རྒྱལ་པོ་ལ་ཕྱག་འཚལ་ལོ། །
བྱང་ཆུབ་སེམས་དཔའ་ལམ་སྟོན་པ་ལ་ཕྱག་འཚལ་ལོ། །བྱང་ཆུབ་སེམས་དཔའ་བཟོད་པ་ཆེན་པོ་ལ་ཕྱག་འཚལ་ལོ། །བྱང་ཆུབ་སེམས་དཔའ་པད་མའི་རྒྱལ་པོ་ལ་ཕྱག་འཚལ་ལོ། །བྱང་ཆུབ་སེམས་དཔའ་པད་མ་བརྩེགས་པ་ལ་ཕྱག་འཚལ་
ལོ། །བྱང་ཆུབ་སེམས་དཔའ་ཤེས་རབ་འོད་ལ་ཕྱག་འཚལ་ལོ། །བྱང་ཆུབ་སེམས་དཔའ་ཤེས་རབ་རྒྱ་མཚོ་ལ་ཕྱག་འཚལ་ལོ། །བྱང་ཆུབ་སེམས་དཔའ་བློ་བརྟན་ལ་ཕྱག་འཚལ་ལོ། །བྱང་ཆུབ་སེམས་དཔའ་ཤག་གིས་ཕྱག་བྱས་པ་
ལ་ཕྱག་འཚལ་ལོ། །བྱང་ཆུབ་སེམས་དཔའ་གསེར་འོད་ལ་ཕྱག་འཚལ་ལོ། །བྱང་ཆུབ་སེམས་དཔའ་གསེར་གྱི་སྙིང་པོ་ལ་ཕྱག་འཚལ་ལོ། །བྱང་ཆུབ་སེམས་དཔའ་ཐུགས་རྗེ་རྒྱུན་མི་འཆད་ལ་ཕྱག་འཚལ་ལོ། །བྱང་ཆུབ་སེམས་
དཔའ་བླ་མེད་ཆོས་ལ་ཕྱག་འཚལ་ལོ། །བྱང་ཆུབ་སེམས་དཔའ་ཆོས་ཀྱི་དབྱིག་ལ་ཕྱག་འཚལ་ལོ། །བྱང་ཆུབ་སེམས་དཔའ་རི་འོད་ལ་ཕྱག་འཚལ་ལོ། །བྱང་ཆུབ་སེམས་དཔའ་ཤེས་རབ་རི་ལ་ཕྱག་འཚལ་ལོ། །བྱང་ཆུབ་

62-1-295b

སེམས་དཔའ་སྣང་བ་ཆེན་པོ་ལ་ཕྱག་འཚལ་ལོ། །བྱང་ཆུབ་སེམས་དཔའ་ཀུན་གྱི་གཟུངས་ལ་ཕྱག་འཚལ་ལོ། །བྱང་ཆུབ་སེམས་དཔའ་རིའི་ཟོམ་ལ་ཕྱག་འཚལ་ལོ། །བྱང་ཆུབ་སེམས་དཔའ་རྒྱལ་ཐབས་ཅན་ལ་ཕྱག་
འཚལ་ལོ། །བྱང་ཆུབ་སེམས་དཔའ་རི་རྩེ་ལ་ཕྱག་འཚལ་ལོ། །བྱང་ཆུབ་སེམས་དཔའ་རྒྱལ་མཚན་རི་ལ་ཕྱག་འཚལ་ལོ། །བྱང་ཆུབ་སེམས་དཔའ་རིའི་རྒྱལ་པོ་ལ་ཕྱག་འཚལ་ལོ། །བྱང་ཆུབ་སེམས་དཔའ་བདུད་འདུལ་
ལ་ཕྱག་འཚལ་ལོ། །བྱང་ཆུབ་སེམས་དཔའ་འབྲུག་སྒྲ་ལ་ཕྱག་འཚལ་ལོ། །བྱང་ཆུབ་སེམས་དཔའ་ཆར་པའི་རྒྱལ་པོ་ལ་ཕྱག་འཚལ་ལོ། །བྱང་ཆུབ་སེམས་དཔའ་འབྲུག་གི་རྒྱལ་པོ་ལ་ཕྱག་འཚལ་ལོ། །བྱང་ཆུབ་སེམས་
དཔའ་རིན་པོ་ཆེའི་འཁོར་ལོ་ལ་ཕྱག་འཚལ་ལོ། །བྱང་ཆུབ་སེམས་དཔའ་རིན་ཆེན་མཆོག་ལ་ཕྱག་འཚལ་ལོ། །བྱང་ཆུབ་སེམས་དཔའ་རིན་ཆེན་མགོ་ལ་ཕྱག་འཚལ་ལོ། །བྱང་ཆུབ་སེམས་དཔའ་རིན་ཆེན་སྙིང་པོ་ལ་
ཕྱག་འཚལ་ལོ། །བྱང་ཆུབ་སེམས་དཔའ་རིན་ཆེན་སྣང་བ་ལ་ཕྱག་འཚལ་ལོ། །བྱང་ཆུབ་སེམས་དཔའ་རིན་ཆེན་ཏིང་ངེ་འཛིན་ལ་ཕྱག་འཚལ་ལོ། །བྱང་ཆུབ་སེམས་དཔའ་རིན་ཆེན་ཕྱག་རྒྱ་ལ་ཕྱག་འཚལ་ལོ། །བྱང་ཆུབ་སེམས་དཔའ་
རིན་ཆེན་དཀྱིལ་འཁོར་ལ་ཕྱག་འཚལ་ལོ། །བྱང་ཆུབ་སེམས་དཔའ་རིན་ཆེན་བཀོད་པ་ལ་ཕྱག་འཚལ་ལོ། །བྱང་ཆུབ་སེམས་དཔའ་རིན་ཆེན་ཆུ་ལ་ཕྱག་འཚལ་ལོ། །བྱང་ཆུབ་སེམས་དཔའ་རིན་ཆེན་འོད་ལ་ཕྱག་འཚལ་ལོ། །བྱང་ཆུབ་
སེམས་དཔའ་རིན་ཆེན་གནོན་ལ་ཕྱག་འཚལ་ལོ། །བྱང་ཆུབ་སེམས་དཔའ་རིན་ཆེན་བརྟན་ལ་ཕྱག་འཚལ་ལོ། །བྱང་ཆུབ་སེམས་དཔའ་རིན་ཆེན་མཛད་ལ་ཕྱག་འཚལ་ལོ། །བྱང་ཆུབ་སེམས་དཔའ་རིན་ཆེན་ཆོས་མོས་ལ་ཕྱག་འཚལ་ལོ། །
བྱང་ཆུབ་སེམས་དཔའ་གཙང་མའི་རྒྱལ་པོ་ལ་ཕྱག་འཚལ་ལོ། །བྱང་ཆུབ་སེམས་དཔའ་གཙུག་གི་རྒྱལ་མཚན་ལ་ཕྱག་འཚལ་ལོ། །བྱང་ཆུབ་སེམས་དཔའ་གསེར་གྱི་འོད་ལ་ཕྱག་འཚལ་ལོ། །བྱང་ཆུབ་སེམས་དཔའ་བློ་དབྱིབས་ལ་ཕྱག་འཚལ་

62-1-296a

ལོ། །བྱང་ཆུབ་སེམས་དཔའ་རིན་ཆེན་གཙུག་ཏོར་ལ་ཕྱག་འཚལ་ལོ། །བྱང་ཆུབ་སེམས་དཔའ་འོད་སྟོང་དམིགས་ལ་ཕྱག་འཚལ་ལོ། །བྱང་ཆུབ་སེམས་དཔའ་ཟླ་བ་རྟོགས་ལ་ཕྱག་འཚལ་ལོ། །བྱང་ཆུབ་སེམས་དཔའ་
ཟླ་འོད་ལ་ཕྱག་འཚལ་ལོ། །བྱང་ཆུབ་སེམས་དཔའ་ཆོས་ཀྱི་དཀྱིལ་འཁོར་ལ་ཕྱག་འཚལ་ལོ། །བྱང་ཆུབ་སེམས་དཔའ་ངོས་གཟར་ལ་ཕྱག་འཚལ་ལོ། །བྱང་ཆུབ་སེམས་དཔའ་བློ་རྟོགས་ལ་ཕྱག་འཚལ་ལོ། །བྱང་ཆུབ་སེམས་
དཔའ་རྣམ་དག་འོད་ལ་ཕྱག་འཚལ་ལོ། །བྱང་ཆུབ་སེམས་དཔའ་རྟག་ཏུ་སྦྱིན་ལ་ཕྱག་འཚལ་ལོ། །བྱང་ཆུབ་སེམས་དཔའ་ཀུན་དུ་ཡོན་ཏན་ལ་ཕྱག་འཚལ་ལོ། །བྱང་ཆུབ་སེམས་དཔའ་ཀུན་དུ་སྣང་བ་ལ་ཕྱག་འཚལ་ལོ། །བྱང་ཆུབ་སེམས་
དཔའ་རྒྱལ་བའི་རྒྱལ་མཚན་ལ་ཕྱག་འཚལ་ལོ། །བྱང་ཆུབ་སེམས་དཔའ་འཇམ་པའི་དབྱངས་ལ་ཕྱག་འཚལ་ལོ། །བྱང་ཆུབ་སེམས་དཔའ་ཡོན་ཏན་འབར་ལ་ཕྱག་འཚལ་ལོ། །བྱང་ཆུབ་སེམས་དཔའ་མཚན་གྱི་འོད་ལ་ཕྱག་འཚལ་ལོ། །
བྱང་ཆུབ་སེམས་དཔའ་རྒྱ་མཚོའི་ཟླ་བ་ལ་ཕྱག་འཚལ་ལོ། །བྱང་ཆུབ་སེམས་དཔའ་རྒྱ་མཚོའི་སྙིང་པོ་ལ་ཕྱག་འཚལ་ལོ། །བྱང་ཆུབ་སེམས་དཔའ་རྒྱལ་བའི་ཟླ་བ་ལ་ཕྱག་འཚལ་ལོ། །བྱང་ཆུབ་སེམས་དཔའ་དང་བའི་ཤེས་རབ་ལ་ཕྱག་
འཚལ་ལོ། །བྱང་ཆུབ་སེམས་དཔའ་འོད་འདས་ལ་ཕྱག་འཚལ་ལོ། །བྱང་ཆུབ་སེམས་དཔའ་ཟླ་བའི་ཡོན་ཏན་ལ་ཕྱག་འཚལ་ལོ། །བྱང་ཆུབ་སེམས་དཔའ་ཉི་མའི་འོད་ལ་ཕྱག་འཚལ་ལོ། །བྱང་ཆུབ་སེམས་དཔའ་རྡོ་རྗེ་ལ་
ཕྱག་འཚལ་ལོ། །བྱང་ཆུབ་སེམས་དཔའ་འབར་བའི་རྒྱལ་མཚན་ལ་ཕྱག་འཚལ་ལོ། །བྱང་ཆུབ་སེམས་དཔའ་ཡོན་ཏན་བླ་མ་ལ་ཕྱག་འཚལ་ལོ། །བྱང་ཆུབ་སེམས་དཔའ་སྣང་བའི་སྙིང་པོ་ལ་ཕྱག་འཚལ་ལོ། །བྱང་ཆུབ་སེམས་
དཔའ་རྒྱ་མཚོའི་རྒྱལ་བ་ལ་ཕྱག་འཚལ་ལོ། །བྱང་ཆུབ་སེམས་དཔའ་སྤྱོད་ཡུལ་དམིགས་ལ་ཕྱག་འཚལ་ལོ། །བྱང་ཆུབ་སེམས་དཔའ་ཤེས་རབ་སྣང་ལ་ཕྱག་འཚལ་ལོ། །བྱང་ཆུབ་སེམས་དཔའ་བསོད་ནམས་སྣང་ལ་ཕྱག་འཚལ་ལོ། །

62-1-296b

བྱང་ཆུབ་སེམས་དཔའ་མངོན་དུ་རྟོགས་ལ་ཕྱག་འཚལ་ལོ། །བྱང་ཆུབ་སེམས་དཔའ་གསང་བ་སྟོན་ལ་ཕྱག་འཚལ་ལོ། །བྱང་ཆུབ་སེམས་དཔའ་རབ་ཏུ་སྦྱིན་ལ་ཕྱག་འཚལ་ལོ། །བྱང་ཆུབ་སེམས་དཔའ་གཟུགས་ཀྱི་སྟོབས་ལ་ཕྱག་འཚལ་ལོ། །
བྱང་ཆུབ་སེམས་དཔའ་ཁ་ལོ་སྒྱུར་ལ་ཕྱག་འཚལ་ལོ། །བྱང་ཆུབ་སེམས་དཔའ་གསང་བའི་སྐུ་ལ་ཕྱག་འཚལ་ལོ། །བྱང་ཆུབ་སེམས་དཔའ་གཅིག་ལ་ཕྱག་འཚལ་ལོ། །བྱང་ཆུབ་སེམས་དཔའ་བཅུ་ལ་ཕྱག་འཚལ་ལོ། །བྱང་
ཆུབ་སེམས་དཔའ་བརྒྱ་ལ་ཕྱག་འཚལ་ལོ། །བྱང་ཆུབ་སེམས་དཔའ་སྟོང་ལ་ཕྱག་འཚལ་ལོ། །བྱང་ཆུབ་སེམས་དཔའ་ཁྲི་ལ་ཕྱག་འཚལ་ལོ། །བྱང་ཆུབ་སེམས་དཔའ་ཁྲི་ཁྲག་བརྒྱ་ལ་ཕྱག་འཚལ་ལོ། །བྱང་
ཆུབ་སེམས་དཔའ་ཁྲི་ཁྲག་ཉིས་བརྒྱ་ལ་ཕྱག་འཚལ་ལོ། །བྱང་ཆུབ་སེམས་དཔའ་ཁྲི་ཕྲག་གསུམ་བརྒྱ་ལ་ཕྱག་འཚལ་ལོ། །བྱང་ཆུབ་སེམས་དཔའ་ཁྲི་ཕྲག་བཞི་བརྒྱ་ལ་ཕྱག་འཚལ་ལོ། །བྱང་ཆུབ་སེམས་དཔའ་ཁྲི་ཕྲག་ལྔ་བརྒྱ་ལ་ཕྱག་
འཚལ་ལོ། །བྱང་ཆུབ་སེམས་དཔའ་ཁྲི་ཕྲག་དྲུག་བརྒྱ་ལ་ཕྱག་འཚལ་ལོ། །བྱང་ཆུབ་སེམས་དཔའ་ཁྲི་ཕྲག་བདུན་བརྒྱ་ལ་ཕྱག་འཚལ་ལོ། །བྱང་ཆུབ་སེམས་དཔའ་ཁྲི་ཕྲག་བརྒྱད་བརྒྱ་ལ་ཕྱག་འཚལ་ལོ། །བྱང་ཆུབ་སེམས་དཔའ་
ཁྲི་ཕྲག་དགུ་བརྒྱ་ལ་ཕྱག་འཚལ་ལོ། །བྱང་ཆུབ་སེམས་དཔའ་ཁྲི་ཕྲག་སྟོང་གི་བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་ལ་ཕྱག་འཚལ་ལོ། །བྱང་ཆུབ་སེམས་དཔའ་དེ་རྣམས་ལ་ཕྱག་འཚལ་ན་བསྐལ་པ་དཔག་ཏུ་མེད་པ་ཚུན་
ཆད་ཀྱི་འཁོར་བའི་སྡིག་ལྕི་བ་ཡང་བསལ་བར་འགྱུར་རོ། །བྱང་ཆུབ་སེམས་དཔའ་སེམས་དཔའ་ཆེན་པོ་འབུམ་ཕྲག་གཅིག་ལ་ཕྱག་འཚལ་ལོ། །བྱང་ཆུབ་སེམས་དཔའ་འབུམ་ཕྲག་བཅུ་ལ་ཕྱག་འཚལ་ལོ། །བྱང་
ཆུབ་སེམས་དཔའ་འབུམ་ཕྲག་བརྒྱ་ལ་ཕྱག་འཚལ་ལོ། །བྱང་ཆུབ་སེམས་དཔའ་འབུམ་ཕྲག་སྟོང་ལ་ཕྱག་འཚལ་ལོ། །བྱང་ཆུབ་སེམས་དཔའ་འབུམ་ཕྲག་ཁྲི་ལ་ཕྱག་འཚལ་ལོ། །བྱང་ཆུབ་སེམས་དཔའ་

62-1-297a

འབུམ་ཕྲག་འབུམ་ལ་ཕྱག་འཚལ་ལོ། །བྱང་ཆུབ་སེམས་དཔའ་སེམས་དཔའ་ཆེན་པོ་དེ་རྣམས་ལ་ཕྱག་འཚལ་ན་བསྐལ་པ་དཔག་ཏུ་མེད་པ་ཚུན་ཆད་ཀྱི་འཁོར་བའི་སྡིག་ལྕི་བ་ཡང་འབྱང་བར་འགྱུར་རོ། །བྱང་ཆུབ་
སེམས་དཔའ་སེམས་དཔའ་ཆེན་པོ་ཁྲག་ཁྲིག་ཕྲག་གཅིག་ལ་ཕྱག་འཚལ་ལོ། །བྱང་ཆུབ་སེམས་དཔའ་ཁྲག་ཁྲིག་ཕྲག་བཅུ་ལ་ཕྱག་འཚལ་ལོ། །བྱང་ཆུབ་སེམས་དཔའ་ཁྲག་ཁྲིག་ཕྲག་བརྒྱ་ལ་ཕྱག་འཚལ་ལོ། །བྱང་ཆུབ་སེམས་དཔའ་
ཁྲག་ཁྲིག་ཕྲག་སྟོང་ལ་ཕྱག་འཚལ་ལོ། །བྱང་ཆུབ་སེམས་དཔའ་ཁྲག་ཁྲིག་ཕྲག་ཁྲི་ལ་ཕྱག་འཚལ་ལོ། །བྱང་ཆུབ་སེམས་དཔའ་ཁྲག་ཁྲིག་ཕྲག་འབུམ་ལ་ཕྱག་འཚལ་ལོ། །བྱང་ཆུབ་སེམས་དཔའ་སེམས་དཔའ་ཆེན་པོ་དེ་རྣམས་ལ་
ཕྱག་འཚལ་ན། བསྐལ་པ་དཔག་ཏུ་མེད་པ་ཚུན་ཆད་ཀྱི་འཁོར་བའི་སྡིག་ལྕི་བ་ཡང་བསལ་བར་འགྱུར་རོ། །བྱང་ཆུབ་སེམས་དཔའ་སེམས་དཔའ་ཆེན་པོ་གང་གཱ་གཅིག་གི་བྱེ་མ་སྙེད་ལ་ཕྱག་འཚལ་ལོ། །བྱང་ཆུབ་སེམས་དཔའ་སེམས་
དཔའ་གང་གཱ་གཉིས་ཀྱི་བྱེ་མ་སྙེད་ལ་ཕྱག་འཚལ་ལོ། །བྱང་ཆུབ་སེམས་དཔའ་གང་གཱ་གསུམ་གྱི་བྱེ་མ་སྙེད་ལ་ཕྱག་འཚལ་ལོ། །བྱང་ཆུབ་སེམས་དཔའ་གང་གཱ་བཞིའི་བྱེ་མ་སྙེད་ལ་ཕྱག་འཚལ་ལོ། །བྱང་ཆུབ་སེམས་དཔའ་གང་གཱ་ལྔའི་
བྱེ་མ་སྙེད་ལ་ཕྱག་འཚལ་ལོ། །བྱང་ཆུབ་སེམས་དཔའ་གང་གཱ་དྲུག་གི་བྱེ་མ་སྙེད་ལ་ཕྱག་འཚལ་ལོ། །བྱང་ཆུབ་སེམས་དཔའ་གང་གཱ་བདུན་གྱི་བྱེ་མ་སྙེད་ལ་ཕྱག་འཚལ་ལོ། །བྱང་ཆུབ་སེམས་དཔའ་གང་གཱ་བརྒྱད་ཀྱི་བྱེ་མ་སྙེད་ལ་ཕྱག་འཚལ་
ལོ། །བྱང་ཆུབ་སེམས་དཔའ་གང་གཱ་དགུའི་བྱེ་མ་སྙེད་ལ་ཕྱག་འཚལ་ལོ། །བྱང་ཆུབ་སེམས་དཔའ་གང་གཱ་བཅུའི་བྱེ་མ་སྙེད་ལ་ཕྱག་འཚལ་ལོ། །བྱང་ཆུབ་སེམས་དཔའ་གང་གཱ་བརྒྱའི་བྱེ་མ་སྙེད་ལ་ཕྱག་འཚལ་ལོ། །བྱང་
ཆུབ་སེམས་དཔའ་གང་གཱ་སྟོང་གི་བྱེ་མ་སྙེད་ལ་ཕྱག་འཚལ་ལོ། །བྱང་ཆུབ་སེམས་དཔའ་གང་གཱ་ཁྲིའི་བྱེ་མ་སྙེད་ལ་ཕྱག་འཚལ་ལོ། །བྱང་ཆུབ་སེམས་དཔའ་གང་གཱ་འབུམ་ཕྲག་བརྗོད་ཀྱིས་མི་ལང་བའི་བྱང་ཆུབ་སེམས་དཔའ་སེམས་

62-1-297b

དཔའ་ཆེན་པོ་རྣམས་ལ་ཕྱག་འཚལ་ལོ། །དེ་རྣམས་ལ་ཕྱག་འཚལ་ན་བསྐལ་པ་དཔག་ཏུ་མེད་པ་ཚུན་ཆད་ཀྱི་འཁོར་བའི་སྡིག་ལྕི་བ་ཡང་དག་པར་བསལ་བར་འགྱུར་རོ། །གང་ཟག་ལ་ལས་འཕགས་པ་བྱང་ཆུབ་སེམས་དཔའ་
སེམས་དཔའ་ཆེན་པོ་དེ་རྣམས་ཀྱི་མཚན་ཐོས་ན། མི་དེ་བསྐལ་པ་འབུམ་ཕྲག་བཞི་བཅུའི་བར་དུ་སེམས་ཅན་དམྱལ་བའི་སྡུག་བསྔལ་དུ་མི་ལྟུང་ཞིང་། ཁམས་གསུམ་གྱི་འཁོར་བ་ལ་མ་གཏོགས་ཏེ། རྟག་ཏུ་རྣམ་པར་ཐར་པའི་
རྒྱལ་པོའི་ཁམས་སུ་གཏོགས་པར་འགྱུར་རོ། །མཐའ་འཁོབ་ཡུལ་དུ་ཡོངས་མི་སྐྱེ། །དགེ་མེད་ཡུལ་དུའང་དེ་བཞིན་ཏེ། །ལུས་ངན་ལེན་པར་མི་འགྱུར་ཞིང་། །ལོག་པར་ལྟ་བར་མི་སྐྱེའོ། །མ་རབས་རིགས་སུ་མི་སྐྱེ་སྟེ། །
མུ་སྟེགས་ཅན་དུའང་མི་སྐྱེ་ཞིང་། །ལུས་ཀྱི་ཡན་ལག་ཀུན་དང་ལྡན། །དམ་པའི་ཆོས་ནི་རྟག་ཏུ་ཐོས། །དཀའ་ཐུབ་སྡོམ་པ་མ་བླངས་ཀྱང་། །འདི་དག་རྟག་ཏུ་ལྡན་འགྱུར་ཏེ། །ཐེག་པ་ཆེན་པོའི་སྤྱོད་ལམ་མཛེས། །རྟག་པར་
སངས་རྒྱས་བདག་ཉིད་མཐོང་། །དེ་ཕྱིར་གུས་པར་ཕྱག་འཚལ་ཏེ། །བཅོམ་ལྡན་ཆོས་ལ་བདེ་བར་གནས། །མ་འོངས་དུས་ན་སངས་རྒྱས་འགྲུབ། །བྱང་ཆུབ་སེམས་དཔའ་སེམས་དཔའ་ཆེན་པོ་དེ་རྣམས་ཀྱི་མཚན་བསྒྲགས་པ་
ན་རིགས་ཀྱི་བུ་དང་། རིགས་ཀྱི་བུ་མོ་འབུམ་ཕྲག་བརྒྱད་བཅུ་རྩ་བརྒྱད་ཀྱིས་ལན་ཅིག་ཕྱིར་འོང་བའི་འབྲས་བུ་ཐོབ་པར་གྱུར་ཏོ། །ལྷ་དང་མི་འབུམ་ཕྲག་བཞི་བཅུ་རྩ་དགུས་ཕྱིར་མི་འོང་བའི་འབྲས་བུ་ཐོབ་བོ། །སེམས་སྟོར་བའི་དགེ་སློང་འབུམ་
ཕྲག་བདུན་བཅུ་རྩ་བརྒྱད་ཀྱིས་སེམས་ཀྱི་བདག་ཉིད་སླར་རྙེད་དེ་དགྲ་བཅོམ་པའི་འབྲས་བུ་ཐོབ་བོ། །བྱང་ཆུབ་སེམས་དཔའ་འབུམ་ཕྲག་བཅུས་གཟུངས་ཆེན་པོ་རྙེད་ནས་མ་འོངས་པའི་དུས་ན་བྱང་ཆུབ་ཀྱི་སྙིང་པོར་མངོན་པར་འཚང་རྒྱའོ། །
དེ་ནས་བཅོམ་ལྡན་འདས་ལ་བྱང་ཆུབ་སེམས་དཔའ་སེམས་དཔའ་ཆེན་པོ་སེང་གེ་སྒྲས་འདི་སྐད་ཅེས་གསོལ་ཏོ། །བཅོམ་ལྡན་འདས་བཅོམ་ལྡན་འདས་ཀྱིས་བཀའ་སྩལ་པ་ལྟར་ན་ཐེག་པ་ཡང་གཅིག་ཏུ་བས་ཏེ་གཉིས་དང་གསུམ་དུ་མ་མཆིསོ། །

62-1-298a

རྟོགས་པ་ཆེན་པོ་ཡོངས་སུ་རྒྱས་པའི་འགྱོད་ཚངས་ཀྱི་མདོ་འདི་ནི་སངས་རྒྱས་བཅོམ་ལྡན་འདས་ཐམས་ཅད་ཀྱི་ཡུམ། །བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་ཀྱི་ནི་ལམ་ཆེན་པོའོ། །རྣལ་འབྱོར་པ་
ཐམས་ཅད་ཀྱི་ནི་མིག །ལྟ་བ་ལོག་པ་ཐམས་ཅད་ཀྱི་ནི་སྡུད་པ། སེམས་ཉམས་པ་རྣམས་ཀྱི་ནི་སྐྱོང་བ། ངན་འགྲོ་གསུམ་གྱི་སྒོ་ནི་གཅོད་པ། བླ་ན་མེད་པ་བྱང་ཆུབ་པའི་སྒོ་ནི་འབྱེད་པ། ཉན་ཐོས་རྣམས་ནི་རིམ་གྱིས་ཐེག་པ་ཆེན་པོ་ལ་
གཞོལ་བར་འགྱུར་བ་ལགས་ཏེ། ད་བདག་གིས་ཀྱང་གཟུངས་སྔགས་ཆེན་པོ་འདི་གཟུང་ཞིང་བསྐྱབ་པར་བགྱིའོ། །གང་ཟག་ལ་ལས་ཚུལ་ཁྲིམས་ཀྱི་སྡོམ་པ་དང་། མདོ་སྡེ་འདི་ལ་སྒོམ་ཞིང་ཀློག་པར་བྱེད་ན་དེ་ལ་ཡང་དེ་བཞིན་དུ་བསྲུང་ཞིང་
བསྐྱབ་པར་བགྱིའོ། །གང་ལ་ལ་ཞིག་མདོ་སྡེ་འདི་ལ་མཆོད་ཅིང་རིམ་གྲོར་བྱེད་པ་དང་། ཞག་བདུན་གྱི་བར་དུ་སྤྱོད་ཅིང་སྒོམ་པར་བྱེད་པ་ལ། བདུད་སྡིག་ཏོ་ཅན་དཀྲུག་པའི་སྐབས་ཚོལ་བ་མཆིས་ན་ཡང་། བདུད་དེས་ཀྱང་འཁྲུག་པའི་སྐབས་
མི་རྙེད་པར་བགྱིའོ། །བཅོམ་ལྡན་འདས་བདག་གིས་མདོ་སྡེ་འདི་ཡུན་དུ་གནས་པ་དང་། བྱང་ཆུབ་ཀྱི་ངོ་བོ་ཉིད་མཐར་ཐུག་པའི་བར་དུ་ཡང་བསྐྱབ་པར་བགྱིའོ། །དེ་ནས་བཅོམ་ལྡན་འདས་ཀྱིས་བཀའ་སྩལ་པ། རིགས་ཀྱི་བུ་མདོ་སྡེ་འདི་སྲུང་
བ་ནི་དཀོན་མཆོག་གསུམ་སྲུང་བ་ཡིན་ནོ། །ཡང་ངའི་བསྟན་པ་ཡང་སྲུང་བ་ཡིན་ནོ། །དེ་ནས་བྱང་ཆུབ་སེམས་དཔའ་སེང་གེའི་སྒྲས་བཅོམ་ལྡན་འདས་ཀྱི་སྤྱན་སྔར་གཟུངས་སྔགས་སྨྲས་པ། ན་མོ་བུད་དྷཱ་ཡ། ན་མོ་དྷརྨཱ་ཡ། ན་མཿསང་གྷཱ་
ཡ། ཨ་དན་ཏེ། དྷ་ར་ནི། ཏད་ཡ་ཐཱ། ཨ་ཀ་ཤ་ནི། སྭ་བྷཱ་བ། སརྦ་དྷརྨཱ་ནི་ས་སྭ་བྷཱ་བ། ཨི་ཤ་མད། པི་བ་ཤ་ན། བི་མ་ལ་སུ་པ་རི། དྷརྨ་ཨ་ཏི་ཀན། པ་ལ་ནིཤྩ། ཡ་ཐ་མ་ལེ། ཙཱ་ལེ་ཙཱ་ལེ། ཧུ་ལུ་ཧུ་ལུ། 
བཱི་ཤཱ་དེ་མནྟྲ། མན་ཏྲ་མན་ཏྲས་སྭཱ་ཧཱ། དུས་གཅིག་ལ་ལན་བརྒྱ་རྩ་བརྒྱད་བཟླས་ཤིང་ལན་བདུན་བསྐོར་བ་དང་། དེ་བཞིན་དུ་ཞག་བདུན་གྱི་བར་དུ་མདོ་སྡེ་གཞན་ལ་མི་བསམ་པར་རྟོགས་པ་ཆེན་པོ་ཡོངས་སུ་རྒྱས་པའི་འགྱོད་ཚངས་ཀྱི་

62-1-298b

མདོ་སྡེ་འདི་ལ་སེམས་རྩེ་གཅིག་ཏུ་བྱའི་གཞན་དུ་མི་གཡེང་བར་བྱའོ། །གཟུངས་སྔགས་འདི་སངས་རྒྱས་འབུམ་ཕྲག་བརྒྱད་བརྒྱས་གསུངས་ཏེ། བདག་གིས་ཀྱང་བཤད་དོ། །གལ་ཏེ་ལ་ལས་གཟུངས་འདི་ལ་སྐུར་ཅིང་དམད་པར་
བགྱིད་ན་སངས་རྒྱས་དེ་སྙེད་ལ་སྐུར་ཅིང་དམད་པ་ལགས་སོ། །གཟུངས་སྔགས་འདི་ལ་སྐུར་བའི་གང་ཟག་ནི་ཚེ་རབས་སུ་ཡང་བསྒྲུབས་པའི་འབྲས་བུ་མི་འགྲུབ་པར་འགྱུར་ཏེ། ཁམས་གསུམ་ལས་ཀྱང་མི་འདའོ། །དེ་ཅིའི་སླད་དུ་
གཟུངས་སྔགས་འདི་ནི་སེམས་སྟོར་བ་ལས་སླར་རྙེད་པར་འགྱུར་བ་དང་། གཟུངས་སྔགས་འདི་ལན་ཅིག་ཙམ་ཐོས་པ་འམ། ཐོས་ནས་ཡི་གེར་འདྲི་ཞིང་ཤ་དང་། ཆང་བཅད་དེ། ཟ་གཅིག་པར་བགྱིད་ཅིང་། ཁྲིམས་བསྲུང་པ་
བ་དང་། བག་མ་མཆིས་པའི་རྩེད་མོ་གཡེལ་བ་མི་བགྱིད་པ་དང་། འདུ་འཛིའི་ནང་དུ་མི་འཇུག་པ་དང་། རྟག་ཏུ་བྱམས་པ་ལ་སྒོམ་ཞིང་། བསམ་གཏན་ལ་དམ་པར་ལྟ་བའི་གང་ཟག་དེ་ནི་བསྐལ་པ་དཔག་ཏུ་མ་མཆིས་པ་ནས་
སོགས་སོགས་པའི་སྒྲིབ་པ་གསུམ་དང་། སྡིག་ལྕི་བ་ལ་སོགས་པ་ཡང་གཟུངས་སྔགས་འདི་ཐོས་ཏེ། སེམས་ཐག་པ་ནས་ཟློས་ཤིང་འཛིན་པ་དང་། ཉིན་གཅིག་བཞིན་ཀློག་ཅིང་ཁ་ཏོན་བགྱིད་པ་དང་། ཡི་དམ་དུ་མི་བརྗེད་པར་བགྱིད་
ན་གང་ཟག་དེ་མངོན་པར་བྱང་ཆུབ་པའི་བར་དུ་ངན་སོང་དུ་མི་ལྟུང་ངོ་། །དེ་ནས་ཡང་བཅོམ་ལྡན་འདས་ཀྱིས་བྱང་ཆུབ་སེམས་དཔའ་སེང་གེའི་སྒྲ་ལ་བཀའ་སྩལ་པ། ཁྱོད་དཀོན་མཆོག་གསུམ་སྐྱོང་བ་དང་། སྐྱེ་བོ་མང་པོ་ལ་ཕན་པར་
སེམས་ཤིང་། སྲིད་པ་གསུམ་ལས་བསྒྲལ་ཞིང་། གདོན་པ་དང་། སློབ་པ་གྲངས་མེད་པ་ལ་ཕན་པ་ཆེན་པོ་བྱེད་པ་དང་། ལོག་པར་ལྟ་བ་ཐམས་ཅད་བཟློག་པའི་ཕྱིར་གཟུངས་སྔགས་ཕྱེ་ཞིང་བསྟན་པ་ལེགས་སོ་
ལེགས་སོ། །རིགས་ཀྱི་བུ་ཁྱོད་ཀྱི་མིང་དང་། གཟུངས་སྔགས་ཀྱི་སྒྲ་འདི་སེམས་ཅན་ལ་ལས་ཐོས་ནས་མོས་པ་དང་གུས་པ་བསྐྱེད་དེ་མ་སྐུར་པའི་མི་དེ་ནི་ཚེ་འདི་ལ་ཡང་བདེ་བ་ནས་ཤི་འཕོས་ནས་ཀྱང་། རྟག་ཏུ་སངས་རྒྱས་

62-1-299a

མཐོང་ཞིང་ང་ཡང་མཐོང་ལ། ཁྱོད་དང་བྱང་ཆུབ་སེམས་དཔའ་གཞན་ཡང་མཐོང་བར་འགྱུར་རོ། །དེ་ཐམས་ཅད་ཀྱི་དེ་བཞིན་གཤེགས་པའི་སྙིང་པོ་སོ་སོ་རང་གིས་རིག་པ་མངོན་པར་འཚང་རྒྱ་བ་ཐེ་ཙོམ་མི་ཟ་བར་འགྱུར་རོ། །ཀུན་
ནས་ཉོན་མོངས་པ་ཐམས་ཅད་སྤངས་ཤིང་། དགེ་བ་ཐམས་ཅད་ཀྱིས་དེ་བཞིན་གཤེགས་པའི་ལམ་བསྒྲུབ་པ་ནི་ཀུན་ཀྱང་མོས་པ་དང་། དད་པའི་དབང་གིས་སོ། །ང་འདས་པའི་ཕྱི་ན་རིགས་ཀྱི་བུ་དང་། རིགས་ཀྱི་བུ་མོ་གང་ལ་ལ་ཞིག་གིས་
ཉིན་གཅིག་གམ། མཚན་གཅིག་གམ། དུས་གཅིག་གམ། སྐད་ཅིག་ལ་ཕྱོགས་བཅུ་ན་དུས་གསུམ་དུ་གཤེགས་པའི་སངས་རྒྱས་དང་། གསུང་རབ་མདོ་སྡེ་བཅུ་གཉིས་དང་། བྱང་ཆུབ་སེམས་དཔའ་རྣམས་ལ་ཕྱག་འཚལ་ནུས་ཤིང་
ཐེག་པ་ཆེན་པོ་ཚུལ་བཞིན་དུ་ཡིད་ལ་བྱེད་པ་དང་། དོན་དམ་པའི་བདེན་པ་ཇི་བཞིན་པར་ཡིད་ལ་བྱེད་པའི་གང་ཟག་དེ་ནི་ཐང་ཅིག་ཡུད་ཙམ་ཅིག་གིས་མི་དགེ་བ་བཅུ་དང་། མཚམས་མེད་པ་ལྔ་དང་། མཉམ་པ་ཉིད་ལ་སྐུར་བ་དང་། ཀུན་ནས་ཉོན་
མོངས་པའི་ལས་ཐམས་ཅད་ཀུན་མ་ལུས་པར་བྱང་བར་འགྱུར་རོ། །ཡང་དགེ་སློང་ཕ་འམ། དགེ་སློང་མ་འམ། བྱང་ཆུབ་སེམས་དཔའ་འམ། དགེ་ཚུལ་ཕ་འམ། དགེ་ཚུལ་མས་ངོ་བོ་ཉིད་ཀྱི་སེམས་སྟོར་བས་རང་གི་རྩ་བ་བཞི་གཞིག་པ་དང་། 
སྡོམ་པ་བརྒྱད་ཉམས་པ་དང་། ལྕི་བ་དྲུག་དང་། མི་དགེ་བ་བཅུ་དང་། མཚམས་མེད་པ་ལྔ་བྱས་པ་དང་། མཉམ་པ་ཉིད་ལ་སྐུར་བ་ཡང་ཕྱོགས་བཅུ་དུས་གསུམ་དུ་གཤེགས་པའི་སངས་རྒྱས་བཅོམ་ལྡན་འདས་རྣམས་ཀྱི་མཚན་ལ་མོས་པ་བསྐྱེད་དེ་
ཕྱག་འཚལ་ན་དེ་ལྟ་བུའི་ལས་མི་དགེ་བ་ཀུན་མ་ལུས་པར་འབྱང་བར་འགྱུར་རོ། །དེ་སྐད་ཅེས་བཀའ་སྩལ་མ་ཐག་ཏུ་དེ་ནས་སངས་རྒྱས་འོད་ངེས་པ་ཞེས་བྱ་བ་དེའི་ཚེ་རྒྱལ་བུ་དགེ་མཐོང་དང་མི་སུམ་སྟོང་པོ་རྣམས་བློ་བུར་དུ་སྐད་ཅིག་དུས་དེར་ལྷགས་ནས་
བཅོམ་ལྡན་འདས་ཀྱི་ཞབས་ལ་སྤྱི་བོས་གཏུགས་ཏེ། ཕྱག་འཚལ་ནས་མགྲིན་གཅིག་ཏུ་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས་བདག་ཅག་ལ་སོགས་པས་བསྐལ་པ་དཔག་ཏུ་མ་མཆིས་པ་ནས་མི་

62-1-299b

དགེ་བ་བཅུའི་ལས་བགྱིས་ཤིང་བསགས་པ་ནི་བརྗོད་ཀྱིས་ཀྱང་མི་རྫོགས་ཏེ། ལ་ལས་ནི་མི་དགེ་བ་བཅུ་བགྱིས། ལ་ལས་ནི་མཚམས་མ་མཆིས་པ་ལྔ་བགྱིས། ལ་ལས་ནི་མཉམ་པ་ཉིད་ཀྱི་ཆོས་ལ་སྐུར་པ་ལ་སོགས་པ་བསམ་གྱིས་
མི་ཁྱབ་བརྗོད་ཀྱིས་མི་ལང་བའི་སྡིག་བགྱིས་པ་དེ་དག་དུས་གསུམ་གྱི་དེ་བཞིན་གཤེགས་པ་རྣམས་དང་། གསུང་རབ་ཡན་ལག་བཅུ་གཉིས་ཀྱི་མདོ་སྡེ་ལ་བརྟེན་ནས། བྱང་ཆུབ་སེམས་དཔའ་མང་པོའི་མདུན་དུ་མཐོལ་ཞིང་བཤགས་པར་འཚལ་
ན་དེ་གནང་བར་གསོལ་ལོ། །དེ་ནས་བཅོམ་ལྡན་འདས་ཀྱིས་བཀའ་སྩལ་པ། འཇིགས་པའི་སེམས་བསྐྱེད་དཀའ་བ་དང་། དགེ་བའི་སེམས་བསྐྱེད་དཀའ་བ་ལས་བསྐྱེད་པ་ནི་ལེགས་སོ་ལེགས་སོ། །ཁྱོད་ཀྱིས་མི་དགེ་བ་བཅུ་བཤགས་
པ་དང་། མཚམས་མེད་པ་ལྔ་བཤགས་པ་དང་། འདོད་ཆེན་ལ་སོགས་པ་བཤགས་ནས་དེ་བཞིན་གཤེགས་པའི་སྙིང་པོ་དེ་མཐོང་བར་འདོད་པ་དེ་ལེགས་ཀྱིས་ཡིད་ལ་སེམས་པ་བཞིན་མཐོལ་ཅིག །དེ་ནས་རྒྱལ་བུ་དགེ་མཐོང་དང་མི་སུམ་
སྟོང་གིས་བཅོམ་ལྡན་འདས་ཀྱི་བྱམས་པའི་གསུང་ཐོས་ནས་ཆོས་གོས་ཚུལ་བཞིན་དུ་བགོས་ནས་ཐལ་མོ་སྦྱར་ཏེ་སྤྱི་བོས་བཏུད་ནས་ཕྲག་པ་གཡས་པ་ཆོས་བཞིན་དུ་ཕྱུང་། པུས་མོ་གཡས་པའི་ལྷ་ང་ས་ལ་བཙུགས་ཏེ། བཅོམ་ལྡན་འདས་
ལ་འདི་སྐད་ཅེས་གསོལ་ཏོ། །བདག་ཅག་ལ་སོགས་པ་ཕྱོགས་བཅུའི་སངས་རྒྱས་བཅོམ་ལྡན་འདས་རྣམས་ལ་ཕྱག་འཚལ་ཞིང་སྐྱབས་སུ་གསོལ་ལོ། །ཕྱོགས་བཅུའི་ཆོས་ལ་ཕྱག་འཚལ་ཞིང་སྐྱབས་སུ་གསོལ་ལོ། །ཕྱོགས་
བཅུའི་དགེ་འདུན་ལ་ཕྱག་འཚལ་ཞིང་སྐྱབས་སུ་གསོལ་ལོ། །ཡང་ཤར་ཕྱོགས་ཀྱི་དེ་བཞིན་གཤེགས་པ་འཁྲུགས་མི་མངའ་ལ་ཕྱག་འཚལ་ཞིང་སྐྱབས་སུ་གསོལ་ལོ། །ཡང་ལྷོ་ཕྱོགས་ཀྱི་དེ་བཞིན་གཤེགས་པ་རིན་ཆེན་འབྱུང་ལྡན་
ལ་ཕྱག་འཚལ་ཞིང་སྐྱབས་སུ་གསོལ་ལོ། །ཡང་ནུབ་ཕྱོགས་ཀྱི་དེ་བཞིན་གཤེགས་པ་སྣང་བ་མཐའ་ཡས་ལ་ཕྱག་འཚལ་ཞིང་སྐྱབས་སུ་གསོལ་ལོ། །ཡང་བྱང་ཕྱོགས་ཀྱི་དེ་བཞིན་གཤེགས་པ་གདོན་མི་ཟ་བར་གྲུབ་པ་ལ་

62-1-300a

ཕྱག་འཚལ་ཞིང་སྐྱབས་སུ་གསོལ་ལོ། །ཡང་སྟེང་གི་ཕྱོགས་ཀྱི་དེ་བཞིན་གཤེགས་པ་སྤོས་བརྩེགས་ལ་ཕྱག་འཚལ་ཞིང་སྐྱབས་སུ་གསོལ་ལོ། །ཡང་འོག་གི་ཕྱོགས་ན་དེ་བཞིན་གཤེགས་པ་འབུམ་གཟུགས་ལ་ཕྱག་
འཚལ་ཞིང་སྐྱབས་སུ་གསོལ་ལོ། །ཤར་ཕྱོགས་ན་འཕགས་པ་ཀུན་དུ་བཟང་པོ་ལ་ཡང་ཕྱག་འཚལ་ཞིང་སྐྱབས་སུ་གསོལ་ལོ། །ལྷོ་ཕྱོགས་ན་འཕགས་པ་འཇིག་རྟེན་གཟུངས་ལ་ཡང་ཕྱག་འཚལ་ཞིང་སྐྱབས་སུ་གསོལ་ལོ། །ནུབ་ཕྱོགས་
ན་འཕགས་པ་སྤྱན་རས་གཟིགས་དབང་ཕྱུག་ལ་ཡང་ཕྱག་འཚལ་ཞིང་སྐྱབས་སུ་གསོལ་ལོ། །བྱང་ཕྱོགས་ན་འཕགས་པ་ཟླ་རྒྱས་ལ་ཡང་ཕྱག་འཚལ་ཞིང་སྐྱབས་སུ་གསོལ་ལོ། །སྟེང་གི་ཕྱོགས་ན་འཕགས་པ་ནམ་མཁའི་སྙིང་པོ་ལ་ཡང་ཕྱག་
འཚལ་ཞིང་སྐྱབས་སུ་གསོལ་ལོ། །འོག་གི་ཕྱོགས་ན་འཕགས་པ་ཡོན་ཏན་བརྟན་པ་ལ་ཡང་ཕྱག་འཚལ་ཞིང་སྐྱབས་སུ་གསོལ་ལོ། །ཐོག་མའི་སྟོན་པ་བཅོམ་ལྡན་འདས་དེ་བཞིན་གཤེགས་པ་འོད་མི་འགྱུར་བ་ལ་ཡང་ཕྱག་འཚལ་ཞིང་
སྐྱབས་སུ་གསོལ་ལོ། །མ་བྱོན་པའི་དེ་བཞིན་གཤེགས་པའི་སྙིང་པོ་ལ་ཡང་ཕྱག་འཚལ་ཞིང་སྐྱབསུ་གསོལ་ལོ། །འཇིག་རྟེན་གྱི་ཁམས་གཞན་ན་སྤྲུལ་པའི་སྐུ་སངས་རྒྱས་བཅོམ་ལྡན་འདས་རྣམས་ལ་ཕྱག་འཚལ་ཞིང་སྐྱབསུ་གསོལ་
ལོ། །ད་ལྟར་བདག་གི་སྟོན་པ་བཅོམ་ལྡན་འདས་ཤཱཀྱ་ཐུབ་པ་ལ་ཡང་ཕྱག་འཚལ་ཞིང་སྐྱབས་སུ་གསོལ་ལོ། །བཅོམ་ལྡན་འདས་དྲི་མ་མེད་པར་གྲགས་པ་དང་། འཇམ་དཔལ་གཞོན་ནུར་གྱུར་པ་ལ་ཡང་ཕྱག་འཚལ་ཞིང་
སྐྱབས་སུ་གསོལ་ལོ། །ཀུན་དགའ་བོ་དང་འོད་སྲུང་ལ་ཡང་ཕྱག་འཚལ་ཞིང་སྐྱབས་སུ་གསོལ་ལོ། །འཕགས་པའི་ལམ་བཞིས་མངོན་དུ་བྱུང་བ་རྣམས་ལ་ཡང་ཕྱག་འཚལ་ཞིང་སྐྱབས་སུ་གསོལ་ལོ། །སེམས་བསྐྱེད་པ་དང་པོ་པ་
རྣམས་ལ་ཡང་ཕྱག་འཚལ་ཞིང་སྐྱབས་སུ་གསོལ་ལོ། །མཛོད་ཆེན་པོ་གསུང་རབས་མདོ་སྡེ་བཅུ་གཉིས་དང་། ཡང་དག་པ་མཉམ་པ་ཉིད་ཀྱི་མདོ་སྡེ་ལ་ཡང་ཕྱག་འཚལ་ཞིང་སྐྱབས་སུ་གསོལོ། །ཆོས་ཀྱི་མདོ་སྡེ་གཞན་ཇི་སྙེད་

62-1-300b

བཞུགས་པ་ལ་ཡང་ཕྱག་འཚལ་ཞིང་སྐྱབས་སུ་གསོལ་ལོ། །སྐུ་གདུང་བརྒྱད་དུ་བགོས་པའི་གཟུགས་རྣམས་ལ་ཡང་ཕྱག་འཚལ་ཞིང་སྐྱབས་སུ་གསོལ་ལོ། །ད་ལྟར་བཞུགས་པའི་སངས་རྒྱས་རྣམས་ཀྱི་ཆོས་ཀྱི་དོན་ལ་ཡང་ཕྱག་
འཚལ་ཞིང་སྐྱབས་སུ་གསོལ་ལོ། །ཕྱོགས་བཞིའི་རྒྱལ་པོ་ཆེན་པོ་བཞི་དང་། སུམ་བཅུ་རྩ་གསུམ་གནམ་གྱི་ལྷ་དང་། བརྒྱ་བྱིན་དང་། ཚངས་པ་དང་། བར་སྣང་གི་ལྷ་དང་། གནམ་གྱི་སྟེང་དང་། སའི་སྟེང་དང་། སའི་འོག་དང་། 
རིའི་ལྷ་དང་། ཚལ་གྱི་ལྷ་དང་། ཤིང་དྲུང་གི་ལྷ་དང་། རིག་སྔགས་འཆང་བ་དང་། རྫུ་འཕྲུལ་གྱི་རྐང་པ་དང་ལྡན་པ་རྣམས་དང་། ལྷའི་མིག་དང་ལྡན་པ་དང་། ལྷའི་རྣ་བ་དང་ལྡན་པ་དེ་དག་ཐམས་ཅད་ཀྱིས་གཟིགས་ཤིང་གསོན་ཏེ་ཀུན་གྱིས་
དབང་མཛད་པར་གསོལ་ལོ། །བདག་ཅག་ལ་སོགས་པ་སེམས་ཅན་ཐམས་ཅད་ལ་མ་མཐོལ་མ་བཤགས་པ་ཞིག་མཆིས་ན་ཡང་སྡིག་པ་ཐམས་ཅད་བྱང་བར་གྱུར་ཅིག །བདག་ཅག་ལ་སོགས་པ་སེམས་ཅན་ཐམས་ཅད་འཁོར་བའི་
ཁམས་ཚུན་ཆད་ནས། ད་ལྟར་གྱི་ལུས་ངན་པ་འདི་ཐོབ་པའི་བར་དུ་རྨོངས་ཤིང་བསླད་པའི་སེམས་ཀྱིས་ལོག་པར་མཐོང་བ་དཔག་ཏུ་མ་མཆིས་པས་ལས་དང་ཉོན་མོངས་པ་དང་། མི་དགེ་བའི་ལས་བགྱིས་པ་ནི་བརྗོད་ཀྱིས་མི་རྫོགས་ཏེ་སྡིག་
པ་མང་པོ་ཅི་བགྱིས་པ་རྣམས་བདག་ཉིད་ཀྱིས་མ་ཚོར་མ་རིག་པས་མི་དགེ་བའི་སེམས་རབ་ཏུ་རྒྱས་པའི་དབང་གིས་འཇིག་རྟེན་ཕ་རོལ་མ་མཐོང་ཞིང་། ཚེ་འདི་འབའ་ཞིག་མཐོང་བ་ལ་གནས་ཏེ། ཉོན་མོངས་པའི་བག་ཆགས་ལ་
མོས་པས་དགེ་བའི་རྩ་བ་དང་རིང་དུ་གྱུར་ཅིང་མི་དགེ་བའི་ལས་ཀྱིས་བར་ཆད་དུ་གྱུར་ཅིང་བསྒྲིབས་པ་འམ། སྡིག་པའི་གྲོག་པོ་ལ་བརྟེན་པས་དགེ་སློང་ཕ་དང་། དགེ་སློང་མ་ལ་མི་རིགས་ཤིང་ཚུལ་མ་ལགས་པའི་ལས་བགྱིས་པ་འམ། ཕ་དང་མ་
ལ་མི་རིགས་ཤིང་ཚུལ་མ་ལགས་པའི་ལས་བགྱིས་པ་འམ། ཡང་རང་ཉམས་ཀྱི་དབང་གིས་ཕྱོགས་བཅུའི་དགེ་འདུན་གྱི་ནོར་དང་། ཡོ་བྱད་ལ་སོགས་པ་སྤྱོད་པ་དང་དགེ་འདུན་སྡེ་ལྔ་ལ་ཡང་མི་རིགས་ཤིང་ཚུལ་མ་ལགས་པའི་ལས་བགྱིས་པ་འམ། འཇིག་རྟེན་གྱི་ཀུན་ནས་

62-1-301a

ཉོན་མོངས་པའི་འབྲས་བུ་རྙེད་བཤད་པ་དང་། བྱང་ཆུབ་ཀྱི་དགེ་བའི་རྩ་བའི་སེམས་ཅན་ལ་འང་ངན་དུ་དམད་པ་དང་། ཆོས་ཀྱི་མཁན་པོ་ལ་སྐུར་བ་འམ། དམ་པའི་ཆོས་ནི་ཆོས་མ་ལགས་པར་བཤད་པ་འམ། ཆོས་མ་
ལགས་པ་ནི་ཆོས་ལགས་པར་བཤད་པ་འམ། དེ་བཞིན་གཤེགས་པ་མི་རྟག་ཅེས་བགྱིས་པ་འམ། དམ་པའི་ཆོས་ཀྱང་མི་རྟག་གོ་ཞེས་བགྱིས་པ་འམ། དགེ་འདུན་དཀོན་མཆོག་ཀྱང་མི་རྟག་གོ་ཞེས་བགྱིས་པ་འམ། ཕན་པའི་སྦྱིན་
པ་ལ་མ་དད་པ་འམ། ཆོས་ལོག་པ་ལ་དད་ཅིང་འཛིན་པ་དེ་ལྟ་བུའི་སླད་དུ། ད་འཇིགས་ཤིང་སྐྲག་པ་ནི་དཔག་ཏུ་མ་མཆིས་འཛེམ་ཞིང་གནོང་བ་བསམ་གྱིས་མི་ཁྱབ་སྟེ། དཀོན་མཆོག་གསུམ་ལ་སྐྱབས་སུ་གསོལ་ལོ། །སངས་
རྒྱས་བཅོམ་ལྡན་འདས་རྣམས་ནི་ཐུགས་རྗེ་དང་བྱམས་པའི་སེམས་མངའ་བས་ཀུན་ལ་སྙོམས་པའི་ཡབ་ཡུམ་ལགས། བྱང་ཆུབ་སེམས་དཔའ་རྣམས་ནི་དགེ་བའི་བཤེས་གཉེན་ལགས་ན་བདག་ཅག་ལ་སོགས་པས་བསྐལ་པ་དཔག་ཏུ་མ་
མཆིས་པ་ནས་སྲིད་པ་ན་འཁོར་བའི་ཚེ། སྡིག་ལྕི་བ་བགྱིས་པ་དེ་དག་ཐམས་ཅད་འགྱོད་ཅིང་བཤགས་པས་ཚངས་པ་གནང་བར་གསོལ་ཏེ། སླན་ཆད་ཀྱང་མི་བགྱིད་པར་གྱུར་ཅིག །ཡང་བཅོམ་ལྡན་འདས་བདག་ཅག་ལ་སོགས་པས་
བསྐལ་པ་དཔག་ཏུ་མ་མཆིས་པ་ནས་མཚམས་མ་མཆིས་པ་ལྔ་བགྱིས་པ་ལས་འདས་པ་དང་། མ་བྱོན་པ་དང་། ད་ལྟར་བཞུགས་པའི་སངས་རྒྱས་བཅོམ་ལྡན་འདས་ཀྱི་སྡོམ་པ་དང་། ཚུལ་ཁྲིམས་ཉམས་པ་འམ། འདོད་ཆེན་
པའི་ལས་སྤྱད་པ་འམ། མི་དགེ་བའི་ཚིག་རྩུབ་པོ་སྨྲས་ནས་དགེ་བའི་ཆོས་ལ་སྐུར་བའི་སྡིག་ལྕི་བའི་ལས་བགྱིས་པ་ཡང་སླར་འགྱོད་ཅིང་བཤགས་མ་མྱོང་བ་དང་། ཡིད་ལ་འཛེམ་པ་དང་། ངོ་ཚ་བ་མ་མཆིས་པས་མི་དགེ་བ་བཅུ་དང་། 
མཚམས་མེད་པ་ལྔའི་དངོས་པོ་སྡིག་ལྕི་བ་ལ་སོགས་པ་བགྱིས་པ་འམ། མ་ཐོག་མ་ནས་ཡིད་ལ་འཇིགས་ཤིང་འཛེམ་པ་མ་མཆིས་པས་དེ་ལྟ་བུའི་སྡིག་ལྕི་བ་བགྱིས་བ་བདག་ཉིད་ཀྱིས་ངེས་པར་འཚལ་ཀྱང་། ནོངས་པ་བཅབས་ཤིང་དད་

62-1-301b

པས་བྱིན་པ་བླངས་པ་མཐོལ་ཤིང་བཤགས་མ་མྱོང་བ་འམ། དམ་པའི་ཆོས་ཡུན་རིང་དུ་གནས་པར་བགྱི་ཞིང་། རིམ་གྲོར་མཆོད་པའི་བསམ་པ་མ་མཆིས་ཏེ། དེ་ལ་མི་སྙན་པར་དམད་ཅིང་ཡང་ལང་པར་བལྟས་པ་འམ། ངག་གི་སྒོ་ནས་
ཀུན་ནས་ཉོན་མོངས་པའི་ཉེས་པ་མང་པོ་བགྱིས་པ་འམ། ཡང་འདི་སྐད་ཅེས་ཀྱང་སྨྲས་ཏེ། སངས་རྒྱས་དང་། ཆོས་དང་དགེ་འདུན་གསུམ་མ་མཆིས། ཤེས་གྱིས་པ་ལ་སོགས་པ་མི་དགེ་བ་བཅུ་དང་། མཚམས་མེད་པ་ལྔའི་སྡིག་ལྕི་བ་དེ་
ལྟ་བུ་བགྱིས་པའི་སླད་དུ། ད་འཇིགས་ཤིང་སྐྲག་པ་ནི་དཔག་ཏུ་མ་མཆིས། འཛེམ་ཞིང་གནོང་བ་ནི་བསམ་གྱིས་མི་ཁྱབ་སྟེ། དཀོན་མཆོག་གསུམ་ལ་སྐྱབས་སུ་གསོལ་ལོ། །སངས་རྒྱས་བཅོམ་ལྡན་འདས་རྣམས་ནི་ཀུན་ལ་སྙོམས་པའི་
ཡབ་ཡུམ་ལགས། བྱང་ཆུབ་སེམས་དཔའ་རྣམས་ནི་དགེ་བའི་བཤེས་གཉེན་ལགས་པས་ན་བདག་ལ་སོགས་པས་འགྱོད་ཅིང་མཐོལ་བཤགས་པས་ཚངས་པ་གནང་བར་གསོལ་ཏེ། བསྐལ་པ་དཔག་ཏུ་མ་མཆིས་པ་ནས་སྲིད་པ་ན་
འཁོར་བའི་ཚེ་སྡིག་ལྕི་བ་བགྱིས་པ་རྣམས་བསལ་ཅིང་སླན་ཆད་མི་བགྱིད་པར་གྱུར་ཅིག །ཡང་བཅོམ་ལྡན་འདས་བདག་ཅག་ལ་སོགས་པས་བསྐལ་པ་དཔག་ཏུ་མ་མཆིས་པ་ནས་ལོག་པར་མཐོང་བས་ལྕི་བ་བཞི་ནི་སྦོམ་པོར་བཤད། སྦོམ་པོ་ནི་
ལྕི་བ་བཞིར་བཤད་པ་འམ། ཞིག་པ་ནི་མ་ཞིག་པར་བཤད། མ་ཞིག་པ་ནི་ཞིག་པར་བཤད་པ་འམ། ལྕི་བ་ནི་ཡང་བར་བཤད། ཡང་བ་ནི་ལྕི་བར་བཤད་པ་འམ། གཙང་བ་ནི་མི་གཙང་བར་མཐོང་། མི་གཙང་བ་ནི་གཙང་བར་མཐོང་བ་ལ་
སོགས་པ་ལོག་པར་མཐོང་བ་འམ། འཇིག་རྟེན་གྱི་གཙུག་ལག་ནི་བཤད་ཅིང་བསྟོད། སངས་རྒྱས་བསྟན་པ་ལ་ནི་གུས་པར་མ་བགྱིས་ཤིང་མི་དགེ་བའི་དོན་རྣམས་ལ་གཞུང་བཟུང་ཞིང་བསལ་བ་དང་། མ་བརྟགས་པ་རྣམ་བརྒྱད་
འཆང་བ་འམ། དེ་བཞིན་གཤེགས་པའི་བཀའ་ཡང་དག་པ་ནི་བདུད་ཀྱི་ཚིག་ཅེས་བགྱིས། བདུད་ཀྱི་ཚིག་ཡང་དག་པ་ནི་དེ་བཞིན་གཤེགས་པའི་བཀའ་ཞེས་བགྱིས་པ་འམ། བར་འགའ་ནི་མུ་སྟེགས་ཀྱི་སྟོན་པ་དྲུག་གིས་རྣམ་

62-1-302a

པར་བཤད་པ་ལ་མོས་ཤིང་བཟུང་བ་འམ། དེ་བཞིན་གཤེགས་པ་ཡོངས་སུ་མྱ་ངན་ལས་འདས་པར་བཞུགས་ཏེ། དཀོན་མཆོག་གསུམ་ལ་རྟག་པ་མ་མཆིས་སྙམ། སེམས་ལ་འཁྲུལ་པ་བྱུང་བ་ལ་སོགས་པ་ལྟ་
བ་ལོག་པ་བསམ་གྱིས་མི་ཁྱབ་སྟེ། དེ་ལྟ་བས་ན་ད་འཇིགས་ཤིང་དོགས་པ་དང་འཛེམ་ཞིང་གནོང་བ་ཡང་བསམ་གྱིས་མི་ཁྱབ་སྟེ། དཀོན་མཆོག་གསུམ་ལ་སྐྱབས་སུ་གསོལ་ལོ། །སངས་རྒྱས་བཅོམ་ལྡན་འདས་རྣམས་ནི་ཀུན་ལ་སྙོམས་པའི་ཡབ་
ཡུམ་ལགས། བྱང་ཆུབ་སེམས་དཔའ་རྣམས་ནི་དགེ་བའི་བཤེས་གཉེན་ལགས་ཏེ། བདག་ཅག་ལ་སོགས་པས་འགྱོད་ཅིང་འཐོལ་བཤགས་པས་ཚངས་པར་གནང་བར་གསོལ་ཏེ་སླན་ཆད་ཀྱང་མི་བགྱིད་པར་གྱུར་ཅིག །བཅོམ་ལྡན་འདས་
ཀྱིས་བཀའ་སྩལ་པ་ལས་གལ་ཏེ་རྩ་བ་བཞི་འམ། མཚམས་མེད་པ་ལྔ་འམ། ཡང་དག་པའི་ཆོས་ལ་སྐུར་པ་བཏབ་པ་མ་མཐོལ་མ་བཤགས་ན་ངེས་པར་སེམས་ཅན་དམྱལ་བར་ལྟུང་སྟེ། དེ་བཞིན་གཤེགས་པ་རྣམས་དང་། 
བྱང་ཆུབ་སེམས་དཔའ་རྣམས་དང་། ཉན་ཐོས་རྣམས་དང་། རང་རྒྱལ་བ་རྣམས་ཀྱིས་ཀྱང་དེ་ལ་སྐྱབས་མཛད་པར་མི་སྤྱོད་དོ། །དགེ་འདུན་དང་། ཕ་མ་དང་། ལྷ་རྣམས་དང་། འཇིག་རྟེན་གྱི་མིས་ཀྱང་དེ་ལ་སྐྱབས་བྱེད་མི་ནུས་སོ་ཞེས་
ཐོས་པས་ན་དེའི་ཕྱིར་དགོས་པ་དང་། འཛེམ་ཞིང་གནོང་བ་ཡང་བསམ་གྱིས་མི་ཁྱབ་སྟེ། དཀོན་མཆོག་གསུམ་ལ་སྐྱབས་སུ་གསོལ་ལོ། །འདས་པའི་སངས་རྒྱས་རིན་ཆེན་མང་དང་། མ་གཤེགས་པའི་སངས་རྒྱས་སྟོང་དང་། 
ད་ལྟར་སྤྲུལ་པའི་ཤཱཀྱ་ཐུབ་པ་རྣམས་དང་། སངས་རྒྱས་བཅོམ་ལྡན་འདས་ཐམས་ཅད་ནི་ཐུགས་རྗེ་དང་། བྱམས་པའི་མངའ་བདག་སྟེ། ཀུན་ལ་སྙོམས་པའི་ཡབ་ཡུམ་ལགས། བྱང་ཆུབ་སེམས་དཔའ་རྣམས་ནི་དགེ་བའི་
བཤེས་གཉེན་ལགས་ན་བདག་ཅག་ལ་སོགས་པས་འགྱོད་ཅིང་འཐོལ་བཤགས་པས་ཚངས་པ་གནང་བར་གསོལ་ཏེ། བསྐལ་པ་དཔག་ཏུ་མ་མཆིས་པ་ནས་ཉོན་མོངས་པའི་སྒྲིབ་པ་འམ། ལས་ཀྱི་སྒྲིབ་པ་འམ། རྣམ་པར་

62-1-302b

སྨིན་པའི་སྒྲིབ་པ་འམ། ལྕི་བ་བཞི་དང་། མཚམས་མེད་པ་ལྔ་དང་། མི་དགེ་བ་བཅུ་ལ་སོགས་པའི་སྡིག་ལྕི་བ་རྣམས་བསལ་བར་གྱུར་ཅིག །ཡང་བཅོམ་ལྡན་འདས་བདག་ཅག་ལ་སོགས་པས་བསྐལ་པ་དཔག་ཏུ་མ་མཆིས་པ་
ནས་སྲིད་པ་ན་འཁོར་བའི་ཚེ་སྡིག་ལྕི་བ་བསལ་ཏེ་སླན་ཆད་མི་བགྱིད་པར་གྱུར་ཅིག །ཡང་བཅོམ་ལྡན་འདས་བདག་ཅག་ལ་སོགས་པས་བསྐལ་པ་དཔག་ཏུ་མ་མཆིས་པ་ནས་ད་ལྟར་གྱི་ཚེ་འདིའི་བར་དུ་དགེ་འདུན་གྱི་ནོར་དང་། ཕྱོགས་
བཅུའི་དགེ་འདུན་གྱི་ནོར་ལ་ཐུགས་ཐུབ་ཏུ་སྤྱད་པ་འམ། ད་ལྟར་གྱི་དགེ་འདུན་གྱི་ནོར་ལ་ཐུགས་ཐུབ་ཏུ་སྤྱད་པ་འམ། དགེ་འདུན་སྡེ་ལྔའི་ནོར་དང་། དགེ་སློང་ངོ་ཅོག་གི་ནོར་ལ་ཐུགས་ཐུབ་ཏུ་སྤྱད་པ་འམ། ཡོན་བདག་ཐམས་ཅད་
ཀྱི་རྫས་ལ་ཐུགས་ཐུབ་ཏུ་སྤྱད་པ་དང་། བདག་གིས་ཡང་དག་པའི་ཆོས་དང་། བསམ་གཏན་བཞི་དང་། འབྲས་བུ་བཞི་མ་ཐོབ་པར་ཐོབ་བོ་ཞེས་སྨྲས་པ་དེ་ལྟ་བུའི་ལས་ངན་པའི་རྒྱུ་དེས་ཀུན་ནས་ཉོན་མོངས་པར་གྱུར་ཏེ། ཁྱིམ་ནས་
རབ་ཏུ་བྱུང་ནས་རྩ་བ་བཞིའི་སྡོམ་པ་ཞིག་པ་དང་། ལྕི་བའི་ཆོས་བརྒྱད་དང་། སྡོམ་པ་དྲུག་དང་། དགེ་འདུན་གྱི་ལྷག་མ་བཅུ་གསུམ་དང་། མ་ངེས་པའི་ཆོས་གཉིས་དང་། སྤང་བའི་ལྟུང་བྱེད་སུམ་བཅུ་དང་། ལྟུང་བྱེད་དགུ་བཅུ་རྩ་
གཅིག་དང་། སོ་སོར་བཤགས་པ་བཞི་དང་། བསླབ་པའི་ཆོས་མང་པོ་རྣམས་དང་། ཤིན་དུ་ལྕི་བའི་ཆོས་བདུན་རྣམས་དང་། ནོངས་པ་བགྱིས་ནས་ཕས་ཕམ་པ་བཞི་དང་། མཚམས་མེད་པ་ལྔ་ལ་ཐུག་གི་བར་དུ་རེ་རེ་ནས་བགྱིས་
པ་འམ། ཡང་དག་པའི་ཆོས་ཉིད་དང་། མདོ་སྡེ་ཟབ་མོ་ལ་སྐུར་པ་འམ། འདོད་ཆེན་པའི་ལས་བགྱིས་པ་ཡང་བཅབས་ཤིང་གསངས་ནས་ཉིན་ཞག་རེ་རེ་ཞིང་འཕེལ་བར་འགྱུར་བ་དེ་དག་ལ་སོགས་པ་དེ་རིང་སྐྱེ་བོ་མང་པོ་ལ་སྨན་པའི་སླད་དུ། 
བདག་ཉིད་ཀྱིས་ཕྱོགས་བཅུའི་སངས་རྒྱས་ཀྱི་སྤྱན་སྔར་འགྱོད་ཅིང་བཤགས་པར་འཚལ་ལོ། །སོ་སོའི་སྐྱེ་བོ་ཐམས་ཅད་ཀྱིས་བསྐལ་པ་དཔག་ཏུ་མ་མཆིས་པ་ནས། སངས་རྒྱས་དང་། ཕ་མའི་དྲིན་གློ་བར་མ་ཆུད་ཅིང་རྣམ་པར་བྱང་

62-1-303a

བའི་ཆོས་མ་འཚལ་བས་མི་དགེ་བའི་ལས་སྣ་ཚོགས་བགྱིས་པ་འམ། བདག་གི་རིགས་སྙེམས་པས་དར་ཅིང་རྒྱགས་པའི་ཚེ་མི་དགེ་བའི་ལས་རྣམས་བསམས་པ་བཞིན་དུ་བགྱིས་ཀྱང་། ནོངས་པར་མ་མཐོང་བས་བྱིས་པ་
ལྟ་བུར་བླུན་པའི་སུག་ལས་བགྱིས་པ་འམ། མི་དགེ་བའི་གཤེས་གཉེན་གྱི་དྲུང་དུ་ཉེ་བར་མཆིས་ཤིང་ཉོན་མོངས་པས་སེམས་དཀྲུགས་པ་དང་། འདོད་པའི་ཡོན་ཏན་ལྔ་ལ་ཆོག་མ་འཚལ་ཏེ། མི་དགེ་བའི་ལས་རྣམས་བགྱིས་པ་
དང་། འགྲོ་བ་བཟང་མོས་བསླུས་པ་འམ། འདོད་ཆགས་དང་། ཞེ་སྡང་དང་། གཏི་མུག་གི་མདུད་པས་སེམས་དཀྲུགས་ཤིང་བསྐྱོད་པ་དང་། ལུས་དང་། ངག་དང་། ཡིད་ལ་སོགས་པས་རྣམ་པར་བསྡུས་པའི་སྡིག་མང་པོ་དེ་རྣམས་
འགྱོད་དེ་མ་ལུས་པར་བཤགས་སོ། །ཡང་སངས་རྒྱས་དང་། དམ་པའི་ཆོས་དང་། འཕགས་པའི་དགེ་འདུན་ལ་གུས་པའི་ཚུལ་གྱིས་བསྙེན་བཀུར་མ་བགྱིས་པ་དེ་ལྟ་བུའི་སྡིག་མང་པོ་དེ་དག་ཀུན་འགྱོད་དེ་མཐོལ་ཞིང་སོ་སོར་བཤགས་སོ། །
ཡང་བྱང་ཆུབ་སེམས་དཔའ་དང་། རང་སངས་རྒྱས་རྣམས་ལ་གུས་པའི་ཚུལ་གྱིས་རིམ་གྲོ་མ་བགྱིས་པ་དེ་ལྟ་བུའི་སྡིག་མང་པོ་དེ་དག་ཀུན་འགྱོད་དེ་མཐོལ་ཞིང་སོ་སོར་བཤགས་སོ། །གཏི་མུག་པས་རྨོངས་ཤིང་བསྒྲིབས་ཏེ། དྲེགས་ཤིང་
ལེ་ལོ་དང་། རང་ཉམ་གྱིས་མི་དགེ་བ་རྣམས་བགྱིས་པ་དེ་ལྟ་བུའི་སྡིག་མང་པོ་ཀུན་འགྱོད་དེ་མཐོལ་ཞིང་སོ་སོར་བཤགས་སོ། །ཕྱོགས་བཅུའི་སངས་རྒྱས་ཐམས་ཅད་ད་བདག་གིས་མཆོད་ནས་སེམས་ཅན་མ་ལུས་པ་ཐམས་ཅད་ས་
བཅུ་ལ་གནས་པར་བགྱིས་ཏེ། ཀུན་གྱིས་དེ་བཞིན་གཤེགས་པའི་ཡང་དག་པ་ཉིད་ཐུགས་སུ་ཆུད་པ་དང་ལྡན་པར་བགྱིས་པར་གྱུར་ཅིག །དེ་ནས་བཅོམ་ལྡན་འདས་ཀྱིས་རྒྱལ་བུ་དགེ་མཐོང་ལ་བཀའ་སྩལ་པ། ལེགས་སོ་
ལེགས་སོ། །རྒྱལ་རིགས་དྲ་མ་ཆེན་པོ་རབ་ཏུ་ལེགས་སོ། །རྒྱལ་རིགས་དྲ་མ་ཆེན་པོ་བདག་ཉིད་ཀྱིས་དགེ་སྡིག་གི་ལས་ལ་རྟོག་པ་མཁས་ཏེ། འཇིགས་ཤིང་སྐྲག་པ་ཆེན་པོས་འགྱོད་ནས་སྡིག་པའི་ལས་རྣམས་མངོན་པར་

62-1-303b

བཤགས་ཀྱི་སྟེང་དུ། སེམས་ཅན་ཐམས་ཅད་ཀྱི་ཕྱིར་ཡང་མཐོལ་ཞིང་སོ་སོར་བཤགས་པ་དེ་བས་ན་ཁྱོད་ནི་རྒྱལ་རིགས་དྲ་མ་ཆེན་པོ་ཉིད་ཡིན་ཏེ། བདག་སྡིག་པ་མི་དགེ་བ་དང་བྲལ་གྱི་སྟེང་དུ། སེམས་ཅན་ཐམས་ཅད་ཀྱང་སྡིག་
པ་དང་བྲལ་བར་བྱས་པ་དང་། བདག་ཉིད་ཀྱི་ཕྱིར་སྨོན་ལམ་མ་བཏབ་པས་སྔར་སེམས་ཅན་ཐམས་ཅད་ཀྱི་དོན་དུ་སྨོན་ལམ་བཏབ་སྟེ། དེ་བཞིན་གཤེགས་པའི་བཀའ་ཡང་དག་པ་ཉིད་ཐུགས་སུ་ཆུད་པ་དང་ལྡན་པར་བསྔོས་པས་ན་ཁྱོད་ནི་
རྒྱལ་རིགས་དྲ་མ་ཆེན་པོ་ཡང་དག་པ་ཡིན་ནོ། །དེ་ནས་རྒྱལ་བུ་དགེ་མཐོང་དང་། མི་སུམ་སྟོང་གིས་མཐོལ་བཤགས་ཟིན་ནས་བཅོམ་ལྡན་འདས་ལ་ཚིགས་སུ་བཅད་པས་བསྟོད་པ། བཅོམ་ལྡན་ཉག་གཅིག་རབ་ཀྱི་མཆོག །
ཁམས་གསུམ་རྒྱན་ལགས་ཡབ་ཡུམ་དང་། །ཐམས་ཅད་སྙོམས་པའི་ཡེ་ཤེས་ལགས། །ཀུན་ལ་སྙོམས་པའི་དཔེ་མ་མཆིས། །སངས་རྒྱས་དཀོན་ལ་ཕྱག་འཚལ་ལོ། །བྱིས་པས་ཤེས་རབ་བདག་ཕྱིར་སྤྱད། །ནོར་རྫས་
བྱིན་ལ་ལན་འདོད་ཕྱིར། །བྱམས་ཆེན་སངས་རྒྱས་དེ་མིན་ཏེ། །དགྲ་སྡང་ཉེ་བྱམས་སྙོམས་མཛད་པའི། །བརྩོན་འགྲུས་ཆེ་ལ་བདག་སྐྱབས་མཆི། །རྐང་གཉིས་ཀུན་ལ་སངས་རྒྱས་གཙོ། །ཤེས་རབ་སྤྱན་ལྡན་མཁྱེན་
གཟིགས་ཁྱབ། །ལྷ་རྣམས་ཤེས་རབ་དེ་མ་འཚལ། །དུས་གསུམ་སངས་རྒྱས་ཐམས་ཅད་ལ། །བདག་ཅག་ཀུན་གྱིས་གུས་ཕྱག་འཚལ། །དེ་བཞིན་སངས་རྒྱས་བདག་སྐྱབས་མཆི། །དུས་གསུམ་སངས་རྒྱས་མཆོད་
བྱས་འདྲ། །དེ་ནས་ཕྱོགས་བཅུའི་དེ་བཞིན་གཤེགས་པ་རྣམས་ཀྱིས་རྒྱལ་བུ་དགེ་མཐོང་དང་། མི་སུམ་སྟོང་ལ་ཚིགས་སུ་བཅད་དེ་བཀའ་སྩལ་པ། སངས་རྒྱས་ཆོས་ནི་ཚོལ་འདོད་ན། །ཐོས་པ་མང་པོའི་མི་ཕྱིར་འབྲོངས། །
དགེ་བས་མཁན་པོ་བཞིན་དུ་བཀུར། །སངས་རྒྱས་མྱུར་དུ་འགྲུབ་པར་འགྱུར། །ཚུལ་ཁྲིམས་རྣམ་དག་སྲུང་བྱེད་ན། །མིང་ནི་དགེ་སློང་དེས་པ་ཡིན། །སྟོང་ཉིད་གང་གིས་རྟོགས་ནུས་ན། །དེ་མིང་རྣལ་འབྱོར་སྒྲུབ་པ་ཡིན། །

62-1-304a

བརྩོན་འགྲུས་ལ་ལས་བསྒྲུབ་ནུས་ན། །དེ་མིང་འཕགས་ལམ་སྤྱོད་པ་ཡིན། །ལ་ལས་མྱ་ངན་འདས་བསྒྲུབས་ན། །དེ་མིང་ཡང་དག་བདེ་བ་ཡིན། །ཚུལ་ཁྲིམས་སྡོམ་པའི་དགེ་ཚུལ་དང་། །རྣམ་དག་ཁྲིམས་
འཛིན་དགེ་སློང་དག །ཟླ་བ་ཕྱེད་ཅིང་གསོ་སྦྱོང་བྱ། །ཆོས་གོས་བརྟགས་པ་རྣམ་བགོས་ཏེ། ལྷུང་བཟེད་འཁར་གསིལ་སོགས་བཀུར་ཞིང་། །དག་པས་བསོད་སྙོམས་གཙང་བླང་བྱ། །ལྷ་རྣམས་ཐམས་ཅད་དགའ་མགུ་སྟེ། །
གུས་པས་ཕྱག་འཚལ་ཐལ་སྦྱར་ནས། །ལྷ་རྣམས་ངེད་ཀྱིས་མི་འདི་དག །དེ་ཡི་མངག་གཞུག་བསྒྲུབ་པར་བྱ། །དཔེར་ན་ལྷ་དབང་བརྒྱ་བྱིན་ལ། །སུམ་བཅུ་རྩ་གསུམ་ལྷ་གཞན་རྣམས། །རིམ་གྲོ་གུས་པ་བྱེད་བཞིན་བྱ། །
ཚེ་འདིར་ལེགས་པ་ཉིད་འཐོབ་སྟེ། །ཚེ་རབས་གཞན་གྱི་འང་དཔག་མི་ཁྱབ། །རབ་ཏུ་བྱུང་ཞིང་ཚུལ་ཁྲིམས་སྡོམ། །སངས་རྒྱས་བཀའ་དྲིན་ལན་བསྒྲུབས་ཡིན། །རྒྱལ་བུ་དགེ་མཐོང་ད་ཡང་ཉོན། །ང་དང་བྱང་ཆུབ་མ་
གཏོགས་པར། །འཇིག་རྟེན་མི་རྣམས་ཐམས་ཅད་ཀྱིས། །མོས་པ་རྣམ་དག་སེམས་བསྐྱེད་དེ། །ཕྱོགས་བཅུའི་སངས་རྒྱས་རྟག་བཞུགས་པར། །མྱ་ངན་འདས་པར་མངོན་པར་ཤེས། །ཆོས་དང་དགེ་འདུན་དེ་བཞིན་ཏེ། །དེ་ལྟ་
བུ་ཡི་མི་རྣམས་ནི། །བཅོམ་ལྡན་དྲིན་ལ་ལན་བསྒྲུབས་ཡིན། །དེ་ཡང་རྒྱལ་བུ་དགེ་མཐོང་ཉོན། །འཇིག་རྟེན་མི་རྣམས་ཐམས་ཅད་ལ། །བྱེ་བྲག་དབྱེ་བའི་སེམས་མེད་པར། །ཐེག་པ་གཅིག་ཆོས་མངོན་ཤེས་ཏེ། །
ཕྱོགས་བཅུར་སྔ་མ་འདས་པ་དང་། །ད་ལྟར་མ་འོངས་དུས་རྣམས་ལ། །སངས་རྒྱས་ཐེག་ཆེན་གཅིག་པུ་ལས། །གཉིས་དང་གསུམ་ཞེས་བྱ་མེད་པར། །བྱེ་བྲག་དབྱེ་བའི་སེམས་མེད་དེ། །དེ་ལྟར་མོས་སེམས་བསྐྱེད་
ནུས་ན། །དེ་ལྟ་བུ་ཡི་མི་རྣམས་ནི། །སངས་རྒྱས་བཀའ་དྲིན་འཚོབ་པ་ཡིན། །རྒྱལ་བུ་དགེ་མཐོང་ད་ཡང་ཉོན། །ད་ནི་འདས་ཏེ་གཤེགས་ཕྱི་ན། །མི་ཡི་ནང་ན་ལ་ལ་ཞིག །སེམས་ཅན་རྣམ་པ་ཐམས་ཅད་ལ་འང་། །

62-1-304b

སངས་རྒྱས་སྙིང་པོ་ཉིད་ཡོད་ཅེས། །རྟག་ཏུ་མོས་པའི་སེམས་བསྐྱེད་ན། །དེ་ལྟ་བུ་ཡི་མི་རྣམས་ནི། །བཅོམ་ལྡན་བཀའ་དྲིན་ལན་བསྒྲུབ་ཡིན། །ལ་ལས་ཐང་ཅིག་དགེ་སྤྱད་དེ། །འབྲས་བུ་སྲིད་པ་མི་བསྒྲུབ་ལ། །
བླ་མེད་འབྲས་བུར་སྔོ་བྱེད་ན། །སངས་རྒྱས་བཀའ་དྲིན་འཚོབ་པ་ཡིན། །ད་ཡང་རྒྱལ་བུ་དགེ་མཐོང་ཉོན། །ང་ནི་མྱ་ངན་འདས་འོག་ན། །མི་ཡི་ནང་ན་ལ་ལ་དག །དཀོན་མཆོག་གསུམ་ལ་རིམ་གྲོ་གུས། །སྐད་ཅིག་མདོ་སྡེ་
འདི་བླགས་ཏེ། །མཁན་ལ་སྲི་ཞུ་ཡོན་ཕུལ་ན། །དེ་ལྟ་བུ་ཡི་མི་རྣམས་ནི། །བདེ་གཤེགས་དྲིན་ལ་ལེན་བསྒྲུབས་ཡིན། །ལ་ལས་ནོར་རྫས་སྣ་འགའ་དང་། །གོས་དང་ཁ་ཟས་བདོག་རྣམས་ཀྱིས། །ཀུན་ལ་ཁྱབ་པར་
སྦྱིན་བྱས་ན། །བཅོམ་ལྡན་བཀའ་དྲིན་འཚོབ་པ་ཡིན། །རྒྱལ་བུ་དགེ་མཐོང་ད་ཡང་ཉོན། །ང་ཡི་ཆོས་འདི་ཐ་མའི་ཚེ། །ལ་ལས་མི་འགའ་གྲོས་བཏབ་ཅིང་། །ཐང་ཅིག་མདོ་སྡེ་འདི་ཉན་ན། །བྱང་ཆུབ་སེམས་དཔའ་འབུམ་བརྒྱ་
ལ། །ཡོན་ཕུལ་བས་ནི་འདི་དོན་ཆེ། །ཐེག་མཆོག་མདོ་སྡེ་འདི་ལྟ་བུ། །སངས་རྒྱས་བྱང་ཆུབ་ཡུམ་ཡིན་པས། །སངས་རྒྱས་བྱང་ཆུབ་དད་བསམས་ཤིང་། །འདི་ལ་རིམ་གྲོ་གུས་བསྐྱེད་ལ། །གཉིས་མེད་ཕན་ཚུན་
སེམས་སྙོམས་ན། །སངས་རྒྱས་བཀའ་དྲིན་ལན་བསྒྲུབས་ཡིན། །རྒྱལ་བུ་དགེ་མཐོང་ད་ཡང་ཉོན། །ལ་ལས་ཆོས་འདི་ཐ་མའི་ཚེ། །སངས་རྒྱས་བཀའ་དྲིན་བསྒྲུབས་བསམས་ཏེ། །ཐང་ཅིག་སངས་རྒྱས་ཐུན་ཞུགས་ན། །
ཁམས་གསུམ་གནས་པའི་སེམས་ཅན་རྣམས། །སྲོག་བྱིན་པས་ནི་འདི་དོན་ཆེ། །དགེ་འདུན་བསམ་གཏན་དཀྲུགས་སྐུར་ན། །ཁམས་གསུམ་གང་བའི་མི་རྣམས་དང་། །སེམས་ཅན་ཐམས་ཅད་བསད་དང་མཚུངས། །བསམ་
གཏན་དགེ་འདུན་དཀྲུགས་སྐུར་ན། །དེ་ཡི་སྡིག་ཀྱང་དེ་བཞིན་ནོ། །ལ་ལས་དགེ་བ་སྤྱོད་མཐོང་ནས། །དཔྱས་ཤིང་སྐུར་ཏེ་མ་མོས་ན། །དཀོན་མཆོག་གསུམ་གྱི་རིགས་ཀྱང་གཅོད། །བཅོམ་ལྡན་བཀའ་དྲིན་བསྒྲུབས་པ་

62-1-305a

མིན། །དེ་ནས་རྒྱལ་བུ་དགེ་མཐོང་དང་། མི་སུམ་སྟོང་ལ་བཅོམ་ལྡན་འདས་ཀྱིས་གནང་སྟེ། ཆོས་བསྟན་ཟིན་ནས་དགའ་མགུ་ཡི་རངས་ཏེ་སྤྱི་བོས་བླངས་སོ། །འཕགས་པ་རྟོགས་པ་ཆེན་པོ་ཡོངས་སུ་རྒྱས་
པའི་མདོ་ལས་ཕྱག་འཚལ་བ་དང་། འགྱོད་ཚངས་ཀྱི་ལེའུ་ཉི་ཚེ་རྫོགས་སོ།། །།
༄༅།   །རྒྱ་གར་སྐད་དུ། ཨཱརྱ་ཀུ་སུ་མ་སན་ཙ་ཡཱ་ན་མ་མ་ཧཱ་ཡཱ་ན་སཱུ་ཏྲ།  བོད་སྐད་དུ། འཕགས་པ་མེ་ཏོག་གི་ཚོགས་ཤེས་བྱ་བ་ཐེག་པ་ཆེན་པོའི་མདོ། བམ་པོ་དང་པོ། སངས་རྒྱས་དང་བྱང་ཆུབ་སེམས་དཔའ་
ཐམས་ཅད་ལ་ཕྱག་འཚལ་ལོ། །འདི་སྐད་བདག་གིས་ཐོས་པ་དུས་གཅིག་ན། བཅོམ་ལྡན་འདས་རྒྱལ་པོའི་ཁབ་ན་བྱ་རྒོད་ཀྱི་ཕུང་པོའི་རི་ལ་དགེ་སློང་གི་དགེ་འདུན་ཆེན་པོ་བརྒྱ་ཕྲག་ཕྱེད་དང་བཅུ་གསུམ་གྱི་དགེ་སློང་དང་ཐབས་
གཅིག་ཏུ་བཞུགས་ཏེ། དེ་ནས་ཚེ་དང་ལྡན་པ་ཤཱ་རིའི་བུ་སྟན་ལས་ལངས་ནས་བླ་གོས་ཕྱོགས་གཅིག་ཏུ་གཟར་ཏེ། པུས་མོ་གཡས་པའི་ལྷ་ང་ས་ལ་བཙུགས་ནས། བཅོམ་ལྡན་འདས་ག་ལ་བ་དེ་ལོགས་སུ་ཐལ་
མོ་སྦྱར་བ་བཏུད་ནས། བཅོམ་ལྡན་འདས་ལ་འདི་སྐད་ཅེས་གསོལ་ཏོ། །ཡང་བཅོམ་ལྡན་འདས་ད་ལྟར་སངས་རྒྱས་བཅོམ་ལྡན་འདས་བཞུགས་ལ་འཚོ་ཞིང་གཞེས་ཏེ་ཆོས་ཀྱང་སྟོན་པ་ཇི་སྙེད་ཅིག་བཞུགས། དེ་སྐད་
ཅེས་གསོལ་པ་དང་། བཅོམ་ལྡན་འདས་ཀྱིས་ཚེ་དང་ལྡན་པ་ཤཱ་རིའི་བུ་ལ་འདི་སྐད་ཅེས་བཀའ་སྩལ་ཏོ། །ཤཱ་རིའི་བུ་དེའི་ཕྱིར་ལེགས་པར་ཤིན་དུ་ཉོན་ལ་ཡིད་ལ་ཟུང་ཤིག་དང་བཤད་དོ། །བཅོམ་ལྡན་འདས་ལེགས་སོ་ཞེས་
གསོལ་ནས། ཚེ་དང་ལྡན་པ་ཤཱ་རིའི་བུ་བཅོམ་ལྡན་འདས་ཀྱི་ལྟར་ཉན་ཏོ། །བཅོམ་ལྡན་འདས་ཀྱིས་བཀའ་སྩལ་པ། ཤཱ་རིའི་བུ་སངས་རྒྱས་ཀྱི་ཞིང་འདི་ནས་ཤར་ཕྱོགས་སུ་བྱེ་བ་བརྒྱ་ཕྲག་སྟོང་གི་ཡང་ཐ་མ་ན་སངས་རྒྱས་

62-1-305b

ཀྱི་ཞིང་མར་མེ་ཅན་ཞེས་བྱ་བའི་འཇིག་རྟེན་གྱི་ཁམས་ན། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རིན་ཆེན་འབྱུང་གནས་ཤེས་བྱ་བ་བཞུགས་ཏེ། ཤཱ་རིའི་བུ་ཡང་དེ་བཞིན་གཤེགས་པ་རིན་ཆེན་འབྱུང་
གནས་ཀྱི་མཚན་གང་དག་ཉན་པར་འགྱུར་བ་དང་། དད་པ་ཡང་སྐྱེད་པར་བྱེད་པ་དེ་དག་ཐམས་ཅད་ཡང་དག་པའི་བྱང་ཆུབ་ཀྱི་ཡན་ལག་རིན་པོ་ཆེ་བདུན་རྣམས་ཡོངསུ་འཛིན་པར་འགྱུར་བ་དང་། བླ་ན་མེད་པ་ཡང་དག་པར་རྫོགས་པའི་བྱང་ཆུབ་ལས་ཕྱིར་མི་
ལྡོག་པར་འགྱུར་རོ། །བསྐལ་པ་དྲུག་བཅུར་འཁོར་བ་ལ་རྒྱབ་ཀྱིས་ཕྱོགས་པ་བྱས་པར་འགྱུར་རོ། །འཇིག་རྟེན་གྱི་ཁམས་མར་མེ་ཅན་གྱི་མིའི་ཉི་མ་སངས་རྒྱས་རིན་ཆེན་འབྱུང་གནས་དེའི་མཚན་ཐོས་པར་དགའ་བ་ནི་བསྐལ་པ་དྲུག་
བཅུར་འཁོར་བར་མི་འགྱུར་རོ། །ཤཱ་རིའི་བུ་དེ་ལ་སོགས་པ་ཤར་ཕྱོགས་ན་སངས་རྒྱས་བཅོམ་ལྡན་འདས། གང་གཱའི་ཀླུང་གི་བྱེ་མ་སྙེད་ཀྱི་མཚན་རིན་ཆེན་འབྱུང་གནས་ཤེས་བྱ་བ་ད་ལྟར་བཞུགས་ཏེ་འཚོ་ཞིང་གཞེས་ལ་ཆོས་ཀྱང་སྟོན་ཏོ། །འདི་ནས་སངས་
རྒྱས་ཀྱི་ཞིང་བརྒྱའི་ཡང་ཐ་མ་ན་འཇིག་རྟེན་གྱི་ཁམས་རིན་པོ་ཆེ་དང་ལྡན་པ་ཞེས་བྱ་བ་ན། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རིན་ཆེན་དམ་པ་ཞེས་བྱ་བ་བཞུགས་ཏེ། ཡང་ཤཱ་རིའི་བུ་དེ་བཞིན་གཤེགས་པ་
རིན་ཆེན་དམ་པའི་མཚན་གང་དག་ཉན་པར་འགྱུར་བ་དང་དད་པ་ཡང་སྐྱེད་ཅིང་ཐལ་མོ་སྦྱོར་བར་བྱེད་པ་ནི་ཡང་ཤཱ་རིའི་བུ་གང་གིས་སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་འདི་རིན་པོ་ཆེ་སྣ་བདུན་གྱིས་རབ་ཏུ་གང་བར་བྱས་ཏེ། སངས་
རྒྱས་བཅོམ་ལྡན་འདས་ལ་ཉིན་གཅིག་ཏུ་སྦྱིན་པ་ཕུལ་བ་དེ་བཞིན་དུ་བསྐལ་པ་གང་གཱའི་ཀླུང་གི་བྱེ་མ་སྙེད་དུ་ཕུལ་བའི་བསོད་ནམས་ཀྱི་ཕུང་པོ་དེས་བསོད་ནམས་ཀྱི་ཕུང་པོ་འདིའི་བརྒྱའི་ཆར་ཡང་ཉེ་བར་མི་འགྲོའོ། །གྲངས་སུ་འམ། ཆ་འམ། 
དཔེར་རམ། རྒྱུར་ཡང་ཉེ་བར་མི་འགྲོའོ། །དེ་བཞིན་དུ་འཇིག་རྟེན་གྱི་ཁམས་རིན་པོ་ཆེ་དང་ལྡན་པ་ན་སངས་རྒྱས་རིན་ཆེན་དམ་པ་གཙོ་བོ་བཞུགས་ཏེ། དེའི་མཚན་ཐོས་པས་འདིར་སངས་རྒྱས་འབྱུང་བ་ཡིན་ནོ། །འདི་ནས་

62-1-306a

སངས་རྒྱས་ཀྱི་ཞིང་བརྒྱ་ཕྲག་དྲུག་བཅུ་ན་འཇིག་རྟེན་གྱི་ཁམས་སྤོས་ལྡན་ཞེས་བྱ་བ་ན་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རིན་ཆེན་འབྱུང་བ་ཞེས་བྱ་བ་བཞུགས་ཏེ། ཡང་ཤཱ་རིའི་
བུ་དེ་བཞིན་གཤེགས་པ་རིན་ཆེན་འབྱུང་བའི་མཚན་གང་དག་གིས་ཐོས་པ་དེ་དག་ནི་བསྐལ་པ་བཅྭ་ལྔར་འཁོར་བ་ལ་རྒྱབ་ཀྱིས་ཕྱོགས་པ་བྱས་པར་འགྱུར་རོ། །འདི་ནས་སངས་རྒྱས་ཀྱི་ཞིང་སྟོང་གི་ཡང་ཐ་མ་ན་འཇིག་རྟེན་གྱི་
ཁམས་འོད་ཟེར་ཅན་ཞེས་བྱ་བ་ན་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རིན་ཆེན་སྣང་བ་ཞེས་བྱ་བ་བཞུགས་ཏེ། ཡང་ཤཱ་རིའི་བུ་དེ་བཞིན་གཤེགས་པ་རིན་ཆེན་སྣང་བ་ཞེས་བྱ་བའི་མཚན་གང་
དག་ཐོས་པ་དང་དད་པ་བསྐྱེད་པ་དེ་དག་ནི་ངན་སོང་གསུམ་དུ་འགྲོ་བར་མི་འགྱུར་རོ། །འདི་ནས་སངས་རྒྱས་ཀྱི་ཞིང་སྟོང་ལྔ་བརྒྱ་བས་ཆེས་རིང་བ་འཇིག་རྟེན་གྱི་ཁམས་ཏོག་གི་རྒྱལ་མཚན་ཞེས་བྱ་བ་ན་དེ་བཞིན་གཤེགས་པ་དགྲ་བཅོམ་
པ་ཡང་དག་པར་རྫོགས་པའི་སངས་རྒྱས་རིན་ཆེན་ཏོག་ཅེས་བྱ་བ་བཞུགས་ཏེ། ཡང་ཤཱ་རིའི་བུ་དེ་བཞིན་གཤེགས་པ་རིན་ཆེན་ཏོག་གི་མཚན་གང་དག་ཐོས་པ་དང་། དད་པ་བསྐྱེད་ཅིང་དེ་བཞིན་གཤེགས་པ་དེ་ལ་རྗེས་སུ་དྲན་པར་
བྱེད་པ་དེ་དག་ཐམས་ཅད་དཀོན་མཆོག་དང་འདྲ་བར་འགྱུར་རོ། །འདི་ནས་སངས་རྒྱས་ཀྱི་ཞིང་སྟོང་གཉིས་ཀྱི་ཆེས་ཕ་རོལ་ན་འཇིག་རྟེན་གྱི་ཁམས་ཡོན་ཏན་ཐམས་ཅད་རབ་ཏུ་སྣང་བ་དང་ལྡན་པ་ཞེས་བྱ་བ་ན་དེ་བཞིན་གཤེགས་
པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རིན་ཆེན་རབ་སྣང་ཞེས་བྱ་བ་བཞུགས་ཏེ། ཡང་ཤཱ་རིའི་བུ་དེ་བཞིན་གཤེགས་པ་རིན་ཆེན་རབ་སྣང་གི་མཚན་གང་དག་ཐོས་པ་དང་། ཐོས་ནས་ཀྱང་ལྷག་པའི་བསམ་
པས་མོས་པར་བྱེད་ཅིང་ཡན་ལག་ལྔས་ཕྱག་འཚལ་བར་འགྱུར་བ་དེ་དག་ནི་བསྐལ་པ་ཉི་ཤུར་འཁོར་བ་ལ་རྒྱབ་ཀྱིས་ཕྱོགས་པ་བྱས་པར་འགྱུར་རོ། །འདི་ནས་སངས་རྒྱས་ཀྱི་ཞིང་སྟོང་བས་ཆེས་རིང་བ་འཇིག་རྟེན་གྱི་ཁམས་

62-1-306b

མངོན་པར་དགའ་བ་ཞེས་བྱ་བ་ན་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་མི་འཁྲུགས་པ་ཞེས་བྱ་བ་བཞུགས་ཏེ། ཡང་ཤཱ་རིའི་བུ་དེ་བཞིན་གཤེགས་པ་མི་འཁྲུགས་པ་དེའི་མཚན་གང་དག་ཐོས་པ་དང་
དད་པ་བསྐྱེད་པར་འགྱུར་བ་དེ་དག་ཐམས་ཅད་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ལས་ཕྱིར་མི་ལྡོག་ཅིང་བདུད་སྡིག་ཅན་རྣམས་ཀྱིས་ཀྱང་མི་འཁྲུགས་པར་འགྱུར་རོ། །ཡང་ཤཱ་རིའི་བུ་དེ་བཞིན་གཤེགས་པ་མི་འཁྲུགས་པ་
དེའི་མཚན་གང་དག་ཐོས་པ་དང་དད་པ་བསྐྱེད་པར་འགྱུར་བ་དེ་དག་ཐམས་ཅད་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ལས་ཕྱིར་མི་ལྡོག་ཅིང་བདུད་སྡིག་ཅན་རྣམས་ཀྱིས་ཀྱང་མི་འཁྲུགས་པར་འགྱུར་རོ། །ཡང་ཤཱ་རིའི་བུ་དེ་བཞིན་གཤེགས་པ་དེའི་མཚན་དང་ཡོན་ཏན་བརྗོད་པ་བཤད་པ་ན། བདུད་སྡིག་ཅན་གྱིས་ཐོས་ནས་དཔུང་གི་ཚོགས་
ཐམས་ཅད་དང་བཅས་ཏེ་ངའི་དྲུང་དུ་འོངས་ནས་འདི་སྐད་དུ་སྨྲསོ། །ཡང་བཅོམ་ལྡན་འདས་སངས་རྒྱས་སྟོང་གི་མཚན་ཡོངསུ་བརྗོད་པ་ནི་མི་མངའི་དེ་བཞིན་གཤེགས་པ་མི་འཁྲུགས་པའི་མཚན་ནི་དེ་ལྟ་མ་ལགསོ། །དེ་ཅིའི་སླད་དུ་ཞེ་ན། དེ་ནི་བདག་གི་ཡུལ་དུ་འགྱུར་བ་མ་ལགསོ། །དེ་བཞིན་གཤེགས་པ་དེའི་མཚན། གང་དག་ཉན་པར་འགྱུར་བ་དེ་ལ་
ཡང་བདག་གིས་བར་ཆད་བགྱིའོ། །དེ་སྐད་ཅེས་གསོལ་པ་དང་། བཅོམ་ལྡན་འདས་ཀྱིས་བདུད་སྡིག་ཅན་ལ་འདི་སྐད་ཅེས་བཀའ་སྩལ་ཏོ། །སྡིག་ཅན་ཁྱོད་ཀྱིས་གང་ཟག་གང་དག་ལ་བར་ཆད་བྱ་བ་དེ་དག་གང་ཡིན། གསོལ་
པ། བཅོམ་ལྡན་འདས་ཐེག་པ་ཆེན་པོ་ལ་ཞུགས་པ་གང་དག་དེ་བཞིན་གཤེགས་པ་དེའི་མཚན་ཐོས་པར་འགྱུར་བ་དེ་དག་ལགས་ཏེ། བཅོམ་ལྡན་འདས་འཇིག་རྟེན་གྱི་ཁམས་འདིར་གང་བཅོམ་ལྡན་འདས་དེའི་མཚན་དང་
ཡོན་ཏན་ཡོངས་སུ་བརྗོད་པས་བདག་ཚ་ཞིང་ཡོངས་སུ་གདུངས་སོ། །འོན་ཀྱང་བདག་གིས་མཚན་ཉན་པ་དེ་རྣམས་ལ་བར་ཆད་བགྱི་བའི་སླད་དུ་གོ་བགོ་བར་བགྱིའོ། །དེ་ཅིའི་སླད་དུ་ཞེ་ན། དེ་བཞིན་གཤེགས་པའི་
མཚན་གང་ཟག་གང་དག་གིས་ཐོས་པ་བདག་གི་དབང་དུ་མཆི་བར་འགྱུར་བ་དེ་མཆིས་སོ། །དེ་སྐད་ཅེས་གསོལ་པ་དང་། བཅོམ་ལྡན་འདས་ཀྱིས་བདུད་སྡིག་ཅན་ལ་འདི་སྐད་ཅེས་བཀའ་སྩལ་ཏོ། །སྡིག་ཅན་ཁྱོད་

62-1-307a

གོ་བགོ་བར་མ་བྱེད་ཅིག །ཁྱོད་ཀྱིས་ནི་སྐྱེས་བུ་དམ་པ་དེ་དག་ལ་བར་ཆད་བྱ་བར་མི་ནུས་སོ། །དེ་ཅིའི་ཕྱིར་ཞེ་ན། དེ་དག་ནི་ངས་དེ་བཞིན་གཤེགས་པ་མི་འཁྲུགས་པ་ལ་གཏད་པ་དང་། དེ་བཞིན་གཤེགས་པ་
གཞན་དག་ལ་ཡང་གཏད་པས། དེ་དག་དེ་བཞིན་གཤེགས་པ་མི་འཁྲུགས་པས་དགོངས་ཤིང་བྱིན་གྱིས་རློབ་པར་འགྱུར་རོ། །དེ་ནས་ཚེ་དང་ལྡན་པ་ཤཱ་རིའི་བུས། བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས་
བདུད་སྡིག་ཅན་དེ་བཞིན་གཤེགས་པའི་སྤྱན་སྔ་ན་སྔར་མཆིས་ནས། འདི་སྐད་དུ་སེང་གེའི་སྒྲ་སྒྲོགས་ན། དེ་བཞིན་གཤེགས་པ་མི་འཁྲུགས་པའི་མཚན་ཐོས་ལ་བདུད་སྡིག་ཅན་འདིའི་དབང་དུ་མཆི་བར་འགྱུར་བ་གང་དག་ལ་བར་
ཆད་བགྱི་བའི་སླད་དུ་བདུད་སྡིག་ཅན་གྱིས་གོ་བགོས་པའི་གང་ཟག་དེ་དག་གང་ལགས། དེ་སྐད་ཅེས་གསོལ་པ་དང་། བཅོམ་ལྡན་འདས་ཀྱིས་ཚེ་དང་ལྡན་པ་ཤཱ་རིའི་བུ་ལ་འདི་སྐད་ཅེས་བཀའ་སྩལ་ཏོ། །ཤཱ་རིའི་བུ་འདི་ལྟ་
སྟེ། དེ་བཞིན་གཤེགས་པ་མི་འཁྲུགས་པ་དེ་དང་དེའི་ཡོན་ཏན་ཡོངས་སུ་བརྗོད་པ་སེམས་ཅན་གང་དག་གིས་ཐོས་ནས་ད་ལྟར་སྤོང་བར་བྱེད་པ་རྣམས་སེམས་ཅན་དམྱལ་བར་འགྱུར་བའི་ཆོས་དམ་དུ་འཛིན་པར་འགྱུར་བ་ངས་
མཐོང་ངོ་། །གསོལ་པ། བཅོམ་ལྡན་འདས་ཡོངས་སུ་སྤོང་བར་བགྱིད་པའི་སེམས་ཅན་དུ་ཞིག་མཆིས་པ་ལེགས་པར་བཤད་དུ་གསོལ། བཀའ་སྩལ་པ། ཤཱ་རིའི་བུ་ཕྱོགས་བཅུར་དེ་བཞིན་གཤེགས་པ་དེའི་མཚན་
ཐོས་པར་འགྱུར་བ་དང་། དེ་ལྟར་འཇིག་རྟེན་གྱི་ཁམས་གཞན་ན་དེ་བཞིན་གཤེགས་པ་དེ་དག་གིས་དེ་དག་ལས་བརྩམས་ཏེ་ཆོས་སྟོན་ན་སེམས་ཅན་དེ་དག་ནི་ཤེས་རབ་ཆེ་ཞིང་ཤེས་རབ་རྒྱ་ཆེ་བས་དེའི་ཡོན་ཏན་ཡོངས་སུ་བརྗོད་
པ་བཤད་ཀྱང་ངོམས་པར་མི་འགྱུར་རོ། །ཤཱ་རིའི་བུ་གང་དག་གིས་དེ་བཞིན་གཤེགས་པ་མངོན་སུམ་དུ་མཐོང་བར་གྱུར་པ་དེ་དག་གིས་དེའི་ཡོན་ཏན་ཡོངས་སུ་བརྗོད་པ་ལ་སྤོང་བར་འགྱུར་བ་འདི་ནི་གནས་མ་ཡིན་སྐབས་མེད་དོ། །

62-1-307b

སངས་རྒྱས་བཅོམ་ལྡན་འདས་དེ་དག་ནི་ཉོན་མོངས་པའི་སྙིགས་མའི་དུས་སུ་འབྱུང་བ་ནི་གནས་མ་ཡིན་ནོ། །འདི་ལྟ་སྟེ་དཔེར་ན་ད་ལྟར་སྙིགས་མ་ལྔའི་དུས་སུ་ང་བྱུང་ན་མི་མཇེད་ཀྱི་འཇིག་རྟེན་གྱི་ཁམས་ཀྱི་སེམས་ཅན་རྣམས་
ཤེས་རབ་རབ་ཏུ་ཞན་པ་དེ་འདྲ་བདག་གིས་ཀྱང་ངས་བཤད་པའི་ཡོན་ཏན་ཁོང་དུ་ཆུད་ན། གང་དེ་བཞིན་གཤེགས་པ་མི་འཁྲུགས་པའི་སྟོང་གི་འཇིག་རྟེན་གྱི་ཁམས་ན་གནས་པས་ཤེས་པར་འགྱུར་བ་ལྟ་ཅི་སྨོས། ཤཱ་རིའི་
བུ་དེ་ལྟ་མོད་ཀྱིས་ཡོན་ཏན་འདི་ཡོངས་སུ་བརྗོད་པའི་ཆོས་ཀྱི་རྣམ་གྲངས་འདི་ནི་མཐར་གྱིས་བྱང་ཕྱོགས་སུ་འགྲོ་བར་འགྱུར་ཏེ། དེ་ན་སྐྱེས་བུ་དམ་པ་གང་དག་ཐེག་པ་ཆེན་པོ་ལ་ཞུགས་པ་དེ་དག་གིས་ཆོས་ཀྱི་རྣམ་གྲངས་འདི་རྒྱས་པར་བྱེད་པར་
འགྱུར་རོ། །དེ་ན་ཤཱ་རིའི་བུ་ཆོས་ཀྱི་རྣམ་གྲངས་འདི་ཉན་ཏོ། །ཐོས་ནས་ཀྱང་སྤོང་བར་འགྱུར་ཏེ་སྐྱེས་བུ་དམ་པ་མ་ཡིན་པ་དེ་དག་ཅི་འདྲ་བ་ཉོན་ཅིག །བཅོམ་ལྡན་འདས་ལགས་སོ་ཞེས་གསོལ་ནས་ཚེ་དང་ལྡན་པ་ཤཱ་རིའི་བུ་བཅོམ་
ལྡན་འདས་ཀྱི་ལྟར་ཉན་པ་དང་། བཅོམ་ལྡན་འདས་ཀྱིས་འདི་སྐད་ཅེས་བཀའ་སྩལ་ཏོ། །བྱང་ཕྱོགས་ན་ཡུལ་ཁམས་གན་དྷར་ཞེས་བྱ་བ་དེ་ན་ལོ་འབུམ་དུ་མནར་མེད་པའི་ལས་ཡོངས་སུ་འཛིན་པར་འགྱུར་བ་
ཡོད་དོ། །བྱང་ཕྱོགས་ཀྱི་རྒྱུད་དེ་ཉིད་ནས་ཁ་ཆེ་ཡུལ་གྱི་ལྗོངས་ཀྱི་ཕྱོགས་གང་ན་དམ་པའི་ཆོས་འདི་ཆེས་ཤིན་དུ་སྟོབས་དང་ལྡན་པར་འབར་བར་འགྱུར་བ་དེ་ན་སྤོང་བར་བྱེད་པ་ཁྲི་ཕྲག་ལྔ་འབྱུང་ངོ་། །སྤངས་ནས་ཀྱང་རིགས་ཀྱི་བུ་དེ་དག་
གང་དུ་གནོད་པར་འགྱུར་བའི་མཚམས་མེད་པར་འགྱུར་རོ། །གང་དུ་ཕལ་ཆེར་ཚོགས་ནས་མདོ་འདི་ལ་མངོན་དུ་སྨོད་པར་བྱེད་པ་དེ་དག་ཐམས་ཅད་མཚམས་མེད་པར་འགྲོ་བར་འགྱུར་རོ། །བྱང་ཕྱོགས་སུ་མདོ་འདི་ལ་བྱེ་བ་ཕྲག་བརྒྱད་
དང་ལྔ་འབུམ་སྤོང་བར་འགྱུར་ཏེ། སྤངས་ནས་མནར་མེད་པར་རབ་ཏུ་ལྟུང་བར་འགྱུར་རོ། །ཤར་ཕྱོགས་ན་ནི་དད་པར་འགྱུར་བ་ཉུང་ཟད་ཅིག་ཡོད་དེ། མནར་མེད་པའི་ལས་ཕལ་ཆེར་འཛིན་པར་འགྱུར་ཞིང་དེ་ན་བརྒྱ་སྟོང་

62-1-308a

ཕྲག་མང་པོ་མནར་མེད་པའི་སེམས་ཅན་དམྱལ་བར་འགྲོ་བར་འགྱུར་རོ། །ལྷོ་ཕྱོགས་སུ་སེམས་ཅན་ཉིས་འབུམ་གྱིས་ཆོས་ཀྱི་རྣམ་གྲངས་འདི་སྤོང་བར་འགྱུར་ཏེ། སྤངས་ནས་མནར་མེད་པའི་སེམས་ཅན་
དམྱལ་བ་ཆེན་པོར་འགྲོ་བར་འགྱུར་རོ། །ནུབ་ཕྱོགས་ནས་སེམས་ཅན་འབུམ་རྣམས་ཀྱིས་ཆོས་ཀྱི་རྣམ་གྲངས་འདི་སྤངས་ནས་མནར་མེད་པར་འགྲོ་བར་འགྱུར་རོ། །ཤཱ་རིའི་བུ་སངས་རྒྱས་ཀྱི་ཆོས་ནི་རང་སངས་
རྒྱས་རྣམས་ཀྱིས་ཀྱང་མ་ཡིན་ན་ཉན་ཐོས་རྣམས་ཀྱི་ལྟ་ཅི་སྨོས། སོ་སོའི་སྐྱེ་བོ་འཁོར་བ་འཕེལ་བར་བྱེད་པ་ལྟ་ཡང་ཅི་སྨོས། ཤཱ་རིའི་བུ་འདི་དང་འཚམ་པ་ནི་འདི་ཡིན་ཏེ། སངས་རྒྱས་ནི་བསམ་གྱིས་མི་
ཁྱབ་བོ། །སངས་རྒྱས་ཀྱི་ཆོས་རྣམས་ཀྱང་བསམ་གྱིས་མི་ཁྱབ་སྟེ། སངས་རྒྱས་ཀྱི་ཆོས་རྣམས་ནི་སངས་རྒྱས་ཀྱི་ཆོས་ཉིད་ཀྱིས་རབ་ཏུ་མཁྱེན་གྱི་བདག་གིས་མི་ཤེས་སོ། །མི་ཤེས་པར་ནི་སྤང་བར་མི་བྱ་སྟེ། 
མདོ་སྡེའི་ཚུལ་འདི་ལྟ་བུའི་ཚིག་བཞི་པའི་ཚིགས་སུ་བཅད་པ་ཙམ་ལ་ཡང་སྤང་བ་བྱས་ན་དེ་སྔ་མ་ཇི་ཙམ་དུ་གྱུར་པ་དེ་བཞིན་དུ་བསོད་ནམས་མ་ཡིན་པའི་ཕུང་པོ་ཡོངས་སུ་འཛིན་པར་འགྱུར་རོ། །ཤཱ་རིའི་བུ་དེ་བས་ན་
རིགས་ཀྱི་བུ་འམ། རིགས་ཀྱི་བུ་མོས་སྤང་བར་མི་བྱའོ། །དགའ་བར་བྱའོ། །མདོ་སྡེ་འདི་ལྟ་བུ་ལ་གང་བདག་གིས་མ་སྤངས་པས་བདག་བསྐལ་པར་གནས་པའི་ལས་ལས་གྲོལ་བར་གྱུར་
ཏེ། དམ་པའི་ཆོས་སྤོང་བར་བྱེད་པ་སེམས་ཅན་དམྱལ་བ་པ་དེ་དག་གི་དྲུང་དུ་ནི་བདག་གནས་པར་མི་བྱའོ་སྙམ་དུ་སེམས་ཏེ། གང་ཆོས་ཀྱི་རྣམ་གྲངས་འདི་ཉན་པ་དེ་དག་གིས་སངས་རྒྱས་ཀྱི་གསུང་དབྱངས་རབ་
ཏུ་འཛིན་པར་འགྱུར་རོ། །འདི་ནས་སངས་རྒྱས་ཀྱི་ཞིང་སྟོང་ཕྲག་བཅུ་ན་འཇིག་རྟེན་གྱི་ཁམས་དཔག་མེད་ལྡན་ཞེས་བྱ་བ་ན། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་

62-1-308b

འོད་ཆེན་པོ་ཞེས་བྱ་བ་བཞུགས་ཏེ། ཡང་ཤཱ་རིའི་བུ་འོད་ཆེན་པོའི་མཚན་གང་དག་ཉན་པར་འགྱུར་བ་དང་། དད་པ་ཡང་སྐྱེད་པ་དེ་དག་ཐམས་ཅད་སངས་རྒྱས་བཅོམ་ལྡན་འདས་དང་མི་འབྲལ་བར་འགྱུར་ཞིང་བླ་ན་མེད་པ་
ཡང་དག་པར་རྫོགས་པའི་བྱང་ཆུབ་ལས་ཀྱང་ཕྱིར་མི་ལྡོག་པར་འགྱུར་རོ། །འདི་ནས་སངས་རྒྱས་ཀྱི་ཞིང་སྟོང་ཕྲག་དྲུག་ན་འཇིག་རྟེན་གྱི་ཁམས་མེ་ཏོག་ཅན་ཞེས་བྱ་བ་ན་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་
པའི་སངས་རྒྱས་དབྱངས་དཔག་མེད་ཅེས་བྱ་བ་བཞུགས་ཏེ། ཡང་ཤཱ་རིའི་བུ་དེ་བཞིན་གཤེགས་པ་དབྱངས་དཔག་མེད་ཀྱི་མཚན་གང་དག་ཉན་པ་དང་། ཐོས་ནས་ཀྱང་དད་པ་སྐྱེད་ཅིང་དེ་བཞིན་གཤེགས་པ་དགྲ་
བཅོམ་པ་ཡང་དག་པར་རྫོགས་པའི་སངས་རྒྱས་དེ་ལ་ཕྱག་འཚལ་ལོ་ཞེས་ཆེད་དུ་བརྗོད་པ་ལན་གསུམ་བརྗོད་པ་དེ་དག་འདི་ལྟ་སྟེ། སངས་རྒྱས་ཀྱི་གསུང་དབྱངས་དཔག་ཏུ་མེད་པའི་དབྱངས་འཛིན་པར་འགྱུར་རོ། །
འདི་ནས་སངས་རྒྱས་ཀྱི་ཞིང་སྟོང་ཕྲག་བཞི་ན་འཇིག་རྟེན་གྱི་ཁམས་རྡུལ་མེད་ཅེས་བྱ་བ་ན། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་བདུད་རྩི་དབྱངས་ཤེས་བྱ་བ་བཞུགས་ཏེ། ཡང་ཤཱ་རིའི་
བུ་དེ་བཞིན་གཤེགས་པ་བདུད་རྩི་དབྱངས་ཀྱི་མཚན་གང་དག་ཐོས་པར་གྱུར་ལ་ཐོས་ནས་ཀྱང་མོས་པར་བྱེད་པ་དེ་དག་ནི། བསྐལ་པ་བཅུ་གཉིས་ཀྱི་བར་དུ་འཁོར་བ་ལ་རྒྱབ་ཀྱིས་ཕྱོགས་པ་བྱས་པར་འགྱུར་རོ། །འདི་ནས་
སངས་རྒྱས་ཀྱི་ཞིང་སྟོང་ཕྲག་ཉི་ཤུའི་ཕ་རོལ་ན་འཇིག་རྟེན་གྱི་ཁམས་གདུལ་དཀའ་ཞེས་བྱ་བ་དེ་ན་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་གྲགས་པ་ཆེན་པོ་ཞེས་བྱ་བ་བཞུགས་ཏེ། ཡང་ཤཱ་རིའི་
བུ་དེ་བཞིན་གཤེགས་པ་གྲགས་པ་ཆེན་པོའི་མཚན་གང་དག་ཉན་པར་འགྱུར་བ་དང་ཡོངས་སུ་སྒྲོགས་ཤིང་འཛིན་པ་ནི་བདུད་སྡིག་ཅན་གྱིས་རབ་ཏུ་གདུལ་དཀའ་བར་འགྱུར་རོ། །འདི་ནས་སངས་རྒྱས་ཀྱི་ཞིང་སྟོང་ཕྲག་བཅུ་གཉིས་

62-1-309a

ན་འཇིག་རྟེན་གྱི་ཁམས་བདེ་བ་ཅན་ན་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་གྲགས་པ་མཐའ་ཡས་ཤེས་བྱ་བ་བཞུགས་ཏེ། ཡང་ཤཱ་རིའི་བུ་དེ་བཞིན་གཤེགས་པ་གྲགས་
པ་མཐའ་ཡས་དེའི་མཚན་གང་དག་ཉན་པ་དང་། ཐལ་མོ་སྦྱོར་ཞིང་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་གྲགས་པ་མཐའ་ཡས་ལ་ཕྱག་འཚལ་ལོ་ཞེས་ཚིག་ཏུ་སྨྲ་བ་དེ་དག་ནི་བསོད་ནམས་ཀྱི་ཕུང་པོ་
ཚད་མེད་པར་འགྱུར་རོ། །རིན་པོ་ཆེའི་ཕུང་པོ་རི་རབ་དང་མཉམ་པ་ལོ་བརྒྱར་སྦྱིན་པ་བྱིན་པའི་བསོད་ནམས་ཀྱི་ཕུང་པོ་འདིས་སྔ་མ་དེའི་བརྒྱའི་ཆར་ཡང་ཉེ་བར་མི་འགྲོ་བ་ནས་རྒྱུའི་བར་དུ་ཡང་མི་བཟོད་དོ། །འདི་ནས་སངས་རྒྱས་ཀྱི་
ཞིང་སྟོང་ཕྲག་གསུམ་ན་འཇིག་རྟེན་གྱི་ཁམས་མན་ཤེལ་ཅན་ཞེས་བྱ་བ་ན་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རིན་ཆེན་སྣང་ཞེས་བྱ་བ་བཞུགས་ཏེ། ཡང་ཤཱ་རིའི་བུ་དེ་བཞིན་གཤེགས་པ་རིན་
ཆེན་སྣང་འདིའི་མཚན་གང་དག་འཛིན་པ་དེ་དག་ནི་བསྐལ་པ་བཅུར་འཁོར་བ་ལ་རྒྱབ་ཀྱིས་ཕྱོགས་པ་བྱས་པར་འགྱུར་རོ། །བླ་ན་མེད་པ་ཡང་དག་པར་རྫོགས་པའི་བྱང་ཆུབ་ལས་ཀྱང་ཕྱིར་མི་ལྡོག་པར་འགྱུར་རོ། །ཡང་གང་དག་དད་པར་
མི་བྱེད་པ་དེ་དག་ནི་བསྐལ་པར་མཚམས་མེད་པར་གནས་པའི་ལས་ཡོངསུ་འཛིན་པར་འགྱུར་རོ། །འདི་ནས་སངས་རྒྱས་ཀྱི་ཞིང་སྟོང་ཕྲག་བཅྭ་ལྔ་ན་འཇིག་རྟེན་གྱི་ཁམས་འོད་གསལ་ཞེས་བྱ་བ་ན་དེ་བཞིན་གཤེགས་པ་དགྲ་བཅོམ་པ་ཡང་
དག་པར་རྫོགས་པའི་སངས་རྒྱས་བདེ་བ་ཆེན་པོ་ཐོབ་པ་ཞེས་བྱ་བ་བཞུགས་ཏེ། ཡང་ཤཱ་རིའི་བུ་དེ་བཞིན་གཤེགས་པ་བདེ་བ་ཆེན་པོ་ཐོབ་པའི་མཚན་གང་དག་ཉན་པར་འགྱུར་བ་དེ་དག་ཐམས་ཅད་ཀྱིས་སེམས་ཅན་ཐམས་ཅད་བདེ་བར་སྒྲོལ་བར་བྱེད་
དོ། །བསོད་ནམས་ཀྱི་ཕུང་པོ་ཚད་མེད་པ་ཡང་ཡོངས་སུ་འཛིན་པར་འགྱུར་རོ། །འདི་ནས་སངས་རྒྱས་ཀྱི་ཞིང་སྟོང་ཕྲག་བདུན་ན་འཇིག་རྟེན་གྱི་ཁམས་ནོར་བུ་སྣང་བ་ཞེས་བྱ་བ་ན་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་

62-1-309b

སངས་རྒྱས་སྐར་མ་མར་མེ་སྣང་བ་ཞེས་བྱ་བ་བཞུགས་ཏེ། ཡང་ཤ་རིའི་བུ་དེ་བཞིན་གཤེགས་པ་སྐར་མ་མར་མེ་སྣང་བ་དེའི་ཚེ་མཚན་གང་དག་ཉན་པ་དང་། དད་པར་གྱུར་པ་དེ་དག་གང་འདི་དེ་བཞིན་གཤེགས་པའི་སྟོབས་ཤེས་བྱ་བའི་
སྟོབས་དེ་དག་རབ་ཏུ་འཛིན་པར་འགྱུར་རོ། །འདི་ནས་སངས་རྒྱས་ཞིང་སྟོང་ཕྲག་བརྒྱད་ན་འཇིག་རྟེན་གྱི་ཁམས་བདེ་ལྡན་ཞེས་བྱ་བ་ན་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་བདེན་པའི་དབྱངས་ཤེས་བྱ་བ་བཞུགས་
ཏེ། ཡང་ཤཱ་རིའི་བུ་དེ་བཞིན་གཤེགས་པ་བདེན་པའི་དབྱངས་དེའི་མཚན་གང་དག་ཉན་པར་འགྱུར་བ་དེ་དག་ཐམས་ཅད་ཀྱིས་བླ་ན་མེད་པ་ཡང་དག་པར་རྫོགས་པའི་བྱང་ཆུབ་འཐོབ་པར་འགྱུར་རོ། །འདི་ནས་སངས་རྒྱས་ཀྱི་ཞིང་བརྒྱ་ཕྲག་ཉི་ཤུ་
ན་འཇིག་རྟེན་གྱི་ཁམས་གསེར་ཅན་ཞེས་བྱ་བ་ན། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་དྲི་མེད་མཐའ་ཡས་ཤེས་བྱ་བ་བཞུགས་ཏེ། ཡང་ཤཱ་རིའི་བུ་གང་གིས་སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་
ཁམས་འདི་རིན་པོ་ཆེ་སྣ་བདུན་གྱིས་ཡོངས་སུ་བཀང་སྟེ་སྦྱིན་པ་བྱིན་པ་བས། དེ་བཞིན་གཤེགས་པ་དྲི་མེད་མཐའ་ཡས་ཀྱི་མཚན་ཉན་ཅིང་དད་པ་ཡང་སྐྱེད་པར་འགྱུར་བ་དེ་དག་ནི་དེ་བས་ཆེས་བསོད་ནམས་འདི་མང་དུ་འཕེལ་ལོ། །
བསོད་ནམས་ཆུང་ངུས་ནི་དེ་བཞིན་གཤེགས་པ་མཐའ་ཡས་དྲི་མེད་ཀྱི་མཚན་ཐོས་པར་མི་ནུས་སོ། །གང་དག་དེ་བཞིན་གཤེགས་པ་དྲི་མེད་མཐའ་ཡས་ཀྱི་མཚན་ཐོས་པ་དེ་དག་ནི་སངས་རྒྱས་གཅིག་ལ་དགེ་བའི་རྩ་བ་བསྐྱེད་པ་མ་ཡིན། 
གཉིས་དང་གསུམ་དང་བཞི་དང་ལྔ་ནས་བཅུའི་བར་དུ་མ་ཡིན་གྱི་སེམས་ཅན་དེ་དག་གིས་ནི་སངས་རྒྱས་བརྒྱ་ལ་དགེ་བའི་རྩ་བ་བསྐྱེད་པ་ཡིན་ནོ། །དེ་དག་ནི་བསྐལ་པ་ལྔ་བཅུ་རྩ་བརྒྱད་ཀྱི་བར་དུ་འཁོར་བ་ལ་རྒྱབ་ཀྱིས་ཕྱོགས་པ་བྱས་པར་
འགྱུར་རོ། །འདི་ནས་སངས་རྒྱས་ཀྱི་ཞིང་སྟོང་ཕྲག་དགུ་ན་འཇིག་རྟེན་གྱི་ཁམས་དབྱངས་ཅན་ཞེས་བྱ་བ་ན་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཟླ་བ་ལྟར་དཀར་བ་ཞེས་བྱ་བ་བཞུགས་ཏེ། ཡང་ཤཱ་རིའི་

62-1-310a

བུ་དེ་བཞིན་གཤེགས་པ་ཟླ་བ་ལྟར་དཀར་བའི་མཚན་ཉན་པ་དེ་དག་ཐམས་ཅད་ཀྱི་ཆོས་དཀར་པོ་ཡང་ཟླ་བ་ལྟ་བུར་འགྱུར་ཞིང་ཐམས་ཅད་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ལས་ཕྱིར་མི་ལྡོག་པར་
འགྱུར་རོ། །འདི་ནས་སངས་རྒྱས་ཀྱི་ཞིང་སྟོང་གི་ཐ་མ་ན་འཇིག་རྟེན་གྱི་ཁམས་ཉི་མ་ཅན་ན་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཟླ་འོད་ཅེས་བྱ་བ་བཞུགས་ཏེ། ཡང་ཤཱ་རིའི་བུ་དེ་བཞིན་གཤེགས་
པ་ཟླ་འོད་ཀྱི་མཚན་གང་དག་ཉན་ཅིང་ཐོས་ནས་ཀྱང་པུས་མོ་གཡས་པའི་ལྷ་ང་ས་ལ་བཙུགས་ཏེ། །དེ་བཞིན་གཤེགས་པ་ཟླ་འོད་དེ་ལ་ཕྱག་འཚལ་ལོ་ཞེས་ཆེད་དུ་བརྗོད་པ་ལན་གསུམ་དུ་བརྗོད་པ་དང་། ཡང་གང་དག་གིས་ཆེད་
དུ་བརྗོད་པར་བྱ་བ་རྗོད་པར་བྱེད་ན་མྱུར་དུ་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་ངེས་པར་འབྱུང་བར་འགྱུར་རོ། །འདི་ནས་སངས་རྒྱས་ཀྱི་ཞིང་སྟོང་ཕྲག་སུམ་བཅུ་ན་འཇིག་རྟེན་གྱི་ཁམས་དྲི་མ་མེད་པ་ཅན་ན་དེ་བཞིན་
གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་དྲི་མ་མེད་པའི་འོད་ཅེས་བྱ་བ་བཞུགས་ཏེ། ཡང་ཤཱ་རིའི་བུ་དེ་བཞིན་གཤེགས་པ་དྲི་མ་མེད་པའི་འོད་ཀྱི་མཚན་ལྷ་འམ་ཀླུ་འམ་མི་གང་དག་ཉན་པར་འགྱུར་བ་དེ་དག་ཐམས་ཅད་
བླ་ན་མེད་པ་ཡང་དག་པར་རྫོགས་པའི་བྱང་ཆུབ་ལས་ཕྱིར་མི་ལྡོག་པར་འགྱུར་རོ། །དེ་དག་ལོག་པར་ལྟུང་བའི་འཇིགས་པ་འང་དོགས་པར་མི་བྱའོ། །འདི་ནས་སངས་རྒྱས་ཀྱི་ཞིང་ཉིས་སྟོང་ལྔ་བརྒྱ་ན་འཇིག་རྟེན་གྱི་ཁམས་བཻ་དཱུརྱའི་
སྣང་བ་ཅན་ཞེས་བྱ་བ་ན་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་འོད་དག་པ་ཞེས་བྱ་བ་བཞུགས་ཏེ། ཡང་ཤཱ་རིའི་བུ་དེ་བཞིན་གཤེགས་པ་འོད་དག་པའི་མཚན་ལྷ་འམ། ཀླུ་འམ། གནོད་སྦྱིན་ནམ། 
དྲི་ཟ་འམ། མི་འམ་ཅི་འམ། ལྟོ་འཕྱེ་ཆེན་པོ་འམ། མི་འམ། མི་མ་ཡིན་པ་གང་དག་ཉན་པར་འགྱུར་བ་དེ་དག་ཐམས་ཅད་མིར་འགྱུར་བ་འཐོབ་པར་འགྱུར་རོ། །འདོད་ཆགས་དང་ཞེ་སྡང་དང་གཏི་མུག་ཀྱང་ཡོངསུ་སྤྱོད་པར་བྱེད་དོ། །

62-1-310b

ཤཱ་རིའི་བུ་གང་དག་དེ་བཞིན་གཤེགས་པ་འོད་དག་པ་དེའི་མཚན་ཐོས་པ་དང་ལྡན་པའི་དགེ་བའི་རྩ་བ་ལ་དེ་དག་དད་པར་མི་བྱེད་ཅིང་ཡིད་མ་ཆེས་པ་ལས་བྱུང་བ་མི་དགེ་བའི་ལས་ཀྱིས་དེ་ལྟ་བུར་ག་ལ་འགྱུར་ཞེས་ཚིག་ཏུ་འང་སྨྲས་ན། ལོ་སྟོང་
ཕྲག་དྲུག་བཅུར་དམྱལ་བ་ཆེན་པོ་འོ་དོད་འབོད་པ་ཞེས་བྱ་བར་བཙོ་བར་འགྱུར་རོ། །འདི་ནས་སངས་རྒྱས་ཀྱི་ཞིང་བརྒྱ་སྲིད་ན་འཇིག་རྟེན་གྱི་ཁམས་ལེགས་པར་ཐོབ་པ་དང་ལྡན་པ་ཞེས་བྱ་བ་ན་དེ་བཞིན་གཤེགས་པ་དགྲ་བཅོམ་པ་ཡང་དག་པར་
རྫོགས་པའི་སངས་རྒྱས་ཉི་འོད་ཅེས་བྱ་བ་བཞུགས་ཏེ། ཡང་ཤཱ་རིའི་བུ་གང་དག་དེ་བཞིན་གཤེགས་པ་ཉི་འོད་ལ་རྗེས་སུ་དྲན་པར་བྱེད་ན་དེ་དག་ཐམས་ཅད་ཀྱི་ཆོས་དཀར་པོ་ཉི་མའི་དཀྱིལ་འཁོར་ལྟ་བུར་འགྱུར་རོ། །བདུད་ཀྱི་སྡེ་ཐམས་ཅད་ཀྱང་
རྣམ་པར་འཇིག་པར་བྱེད་དོ། །མུ་སྟེགས་གཞན་ཡང་ཕམ་པར་བྱེད་དོ། །བསྐལ་པ་སུམ་བཅུར་འཁོར་བ་ལ་རྒྱབ་ཀྱིས་ཕྱོགས་པར་འགྱུར་རོ། །འདི་ནས་སངས་རྒྱས་ཀྱི་ཞིང་སྟོང་ཕྲག་དྲུག་བཅུ་བས་ཆེས་རིང་བ་འཇིག་རྟེན་གྱི་ཁམས་
བྱང་ཆུབ་ཀྱི་ཡན་ལག་རབ་ཏུ་བརྒྱན་པ་ཞེས་བྱ་བ་ན་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རིན་ཆེན་མཐའ་ཡས་ཤེས་བྱ་བ་བཞུགས་ཏེ། ཡང་ཤཱ་རིའི་བུ་དེ་བཞིན་གཤེགས་པ་རིན་ཆེན་མཐའ་
ཡས་ཀྱི་མཚན་གང་དག་ཉན་པ་དེ་དག་ཐམས་ཅད་ཀྱིས་བྱང་ཆུབ་ཀྱི་ཡན་ལག་འཐོབ་པར་འགྱུར་རོ། །སེམས་ཅན་ཡང་དཀོན་མཆོག་དམ་པ་ལ་འགོད་པར་བྱེད་དོ། །དེ་དག་ཉིན་མཚན་དུ་ཡང་བསོད་ནམས་ཀྱི་ཕུང་པོ་ཚད་མེད་པར་
འགྱུར་རོ། །འདི་ནས་སངས་རྒྱས་ཀྱི་ཞིང་ལྔ་བརྒྱ་སྙེད་ན་འཇིག་རྟེན་གྱི་ཁམས་པད་མ་ཅན་ཞེས་བྱ་བ་ན་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་པད་མོའི་བླ་མ་ཞེས་བྱ་བ་བཞུགས་ཏེ། ཡང་ཤཱ་རིའི་བུ་དེ་
བཞིན་གཤེགས་པ་པད་མོའི་བླ་མའི་མཚན་གང་དག་ཉན་པ་དང་། དད་པ་ཡང་སྐྱེད་ནི་འཇིག་རྟེན་ན་དེ་དག་ཐམས་ཅད་པད་མོ་དང་འདྲ་བར་འགྱུར་ཏེ། དགེ་བའི་ཆོས་ཀྱིས་མངོན་པར་འཕགས་པར་འགྱུར་རོ། །པད་མོ་

62-1-311a

ཆུའི་ནང་ནས་སྐྱེས་ཀྱང་ཆུ་མི་ཆགས་པ་བཞིན་དུ་བསྐལ་པ་ལྔ་བཅུ་རྩ་ལྔར་འཁོར་བ་ལ་རྒྱབ་ཀྱིས་ཕྱོགས་པ་བྱས་པར་འགྱུར་རོ། །འདི་ནས་སངས་རྒྱས་ཀྱི་ཞིང་བྱེ་བ་བརྒྱ་ཕྲག་སྟོང་བས་ཆེས་རིང་བ་འཇིག་རྟེན་གྱི་
ཁམས་མྱ་ངན་དང་གནོད་པ་ཐམས་ཅད་ལས་འདས་པ་ཞེས་བྱ་བ་ན་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཡན་ལག་བླ་མ་ཞེས་བྱ་བ་བཞུགས་ཏེ། ཡང་ཤཱ་རིའི་བུ་དེ་བཞིན་གཤེགས་པ་ཡན་ལག་བླ་མའི་
མཚན་གང་དག་ཉན་པར་འགྱུར་བ་དེ་དག་ཐམས་ཅད་ཀྱིས་སྲེད་པའི་ཆུའི་རྒྱ་མཚོ་ཆེན་པོ་ལས་འཇིག་རྟེན་གྱི་ཁམས་མྱ་ངན་དང་གནོད་པ་ཐམས་ཅད་ལས་སྒྲོལ་བ་ཞེས་བྱ་བར་སྒྲོལ་བར་བྱེད་དོ། །འཇིག་རྟེན་ཐམས་ཅད་ཀྱི་སྦྱིན་གནས་སུ་
ཡང་འགྱུར་རོ། །གང་དག་ཐོས་ནས་དད་པ་སྐྱེད་པ་དེ་དག་ཐམས་ཅད་མེ་ཏོག་དང་འདྲ་བར་གྱུར་ཏེ། འཇིག་རྟེན་ཐམས་ཅད་ཀྱི་སློབ་དཔོན་དུ་འགྱུར་རོ། །མཐུ་བོ་ཆེའི་ལུས་ལྟར་མཁྲེགས་པར་འགྱུར་རོ། །བླ་ན་མེད་པ་ཡང་དག་པར་
རྫོགས་པའི་བྱང་ཆུབ་ལས་ཀྱང་ཕྱིར་ལྡོག་པར་མི་འགྱུར་རོ། །ཡང་བུད་མེད་གང་དག་དེ་བཞིན་གཤེགས་པ་ཡན་ལག་བླ་མའི་མཚན་ཉན་ཅིང་ཐོས་ནས་ཀྱང་དད་པ་སྐྱེད་པ་ནི་དེས་བུད་མེད་ལས་བསྒྱུར་བར་འགྱུར་རོ། །ཤཱ་རིའི་བུ་
དེ་བས་ན་རིགས་ཀྱི་བུ་འམ་རིགས་ཀྱི་བུ་མོས་ཕན་ཡོན་འདི་དག་འདོད་པ་དང་སེམས་ཅན་སྡུག་བསྔལ་བ་རྣམས་དགྲོལ་བར་བྱ་བའི་ཕྱིར་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་སེམས་བསྐྱེད་པར་བྱ་ན། དེ་བཞིན་གཤེགས་པ་
ཡན་ལག་གི་བླ་མའི་མཚན་མཉན་པར་བྱའོ། །འདི་ནས་སངས་རྒྱས་ཀྱི་ཞིང་བརྒྱ་ཕྲག་ཉི་ཤུ་ན་འཇིག་རྟེན་གྱི་ཁམས་སྙིང་པོ་ཅན་ཞེས་བྱ་བ་ན་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་གསེར་འོད་དམ་
པ་ཞེས་བྱ་བ་བཞུགས་ཏེ། ཡང་ཤཱ་རིའི་བུ་དེ་བཞིན་གཤེགས་པ་གསེར་འོད་དམ་པའི་མཚན་གང་དག་ཉན་ཅིང་ཐོས་ནས་ཀྱང་དད་པ་སྐྱེད་པ་དེ་དག་ཐམས་ཅད་ཀྱིས་འོད་འཐོབ་པར་འགྱུར་ཏེ། གང་འདི་སངས་རྒྱས་ཀྱི་འོད་དང་སྟོབས་

62-1-311b

རྣམས་ཀྱང་རབ་ཏུ་འཛིན་པར་འགྱུར་རོ། །མི་འཇིགས་པ་རྣམས་དང་། སངས་རྒྱས་ཀྱི་ཕན་ཡོན་རྣམས་ཀྱང་རབ་ཏུ་ཐོབ་པར་འགྱུར་རོ། །སངས་རྒྱས་ཐམས་ཅད་ལ་དད་པར་བྱ་བ་དང་། བསོད་ནམས་རྒྱ་ཆེན་པོ་ཡང་བྱའོ། །
བསོད་ནམས་ཆུང་ངུས་ནི་འདི་ལ་རེ་བར་མི་བྱ་སྟེ། དེ་བཞིན་གཤེགས་པའི་བསྟན་པ་འདི་འདྲ་བས་རྡོ་རྗེ་ལྟ་བུའི་སེམས་བསྐྱེད་ནས་བྱང་ཆུབ་པར་བྱ་བའི་ཕྱིར་བྱང་ཆུབ་ཏུ་སེམས་སྐྱེད་པར་བྱེད་པ་ནི་མཚན་འདི་ཐོས་པར་མི་དཀའོ། །
བསྐལ་པ་བཅུ་གཉིས་སུ་འཁོར་བ་ལ་རྒྱབ་ཀྱིས་ཕྱོགས་པ་བྱས་པར་འགྱུར་རོ། །འདི་ནས་སངས་རྒྱས་ཀྱི་ཞིང་བཅྭོ་བརྒྱད་ན་འཇིག་རྟེན་གྱི་ཁམས་མུ་ཏིག་གི་དྲ་བ་ཡོངས་སུ་དག་པ་ན་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་
པའི་སངས་རྒྱས་ཚངས་པའི་དབང་ཕྱུག་རྒྱལ་པོ་ཞེས་བྱ་བ་བཞུགས་ཏེ། ཡང་ཤཱ་རིའི་བུ་དེ་བཞིན་གཤེགས་པ་ཚངས་པའི་དབང་ཕྱུག་རྒྱལ་པོའི་མཚན་གང་དག་ཐོས་པར་འགྱུར་ཞིང་ཐོས་ནས་ཀྱང་དད་པ་རབ་ཏུ་འཐོབ་པ་དང་། ཐལ་
མོ་སྦྱོར་བར་བྱེད་པ་དེ་དག་ཐམས་ཅད་དེ་བཞིན་གཤེགས་པ་དང་འབྲལ་བར་མི་འགྱུར་ཞིང་དེ་ནས་འཁོར་ལོས་སྒྱུར་བའི་རྒྱལ་པོ་བྱེད་པར་འགྱུར་ཏེ། ཐམས་ཅད་ཀྱང་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ལས་ཕྱིར་མི་ལྡོག་པར་
འགྱུར་རོ། །འདི་ནས་སངས་རྒྱས་ཀྱི་ཞིང་བརྒྱ་ཕྲག་ཉི་ཤུ་ན་འཇིག་རྟེན་གྱི་ཁམས་ཟླ་བ་ཅན་ཞེས་བྱ་བ་ན་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་གསེར་ལྟར་སྣང་བ་ཞེས་བྱ་བ་བཞུགས་ཏེ། 
ཡང་ཤཱ་རིའི་བུ་དེ་བཞིན་གཤེགས་པ་གསེར་ལྟར་སྣང་བའི་མཚན་གང་དག་ཐོས་པར་འགྱུར་བ་དེ་དག་ཐམས་ཅད་ཐ་ན་རྨི་ལམ་ན་ཡང་ཆོས་ཀྱི་རང་བཞིན་མིག་ཡོར་དང་འདྲ་བར་རྒྱ་ཆེར་སྟོན་པར་འགྱུར་རོ། །ལོག་པར་ལྟུང་བར་ཡང་མི་
འགྱུར་ཏེ། བསོད་ནམས་ཀྱི་ཕུང་པོ་ཆེན་པོ་དང་ལྡན་པར་འགྱུར་རོ། །སེམས་ཅན་ཚད་མེད་པ་རྣམས་ལ་ཡང་བདེ་བ་དང་ཡིད་བདེ་བར་བྱེད་པར་འགྱུར། འཇིག་རྟེན་འཛིན་པར་བྱེད། ཐེག་པ་ཆེན་པོས་ཀྱང་ངེས་པར་

62-1-312a

འབྱུང་བར་འགྱུར་རོ། །སངས་རྒྱས་ཀྱི་ཞིང་བཅུའི་ཐ་མ་ན་འཇིག་རྟེན་གྱི་ཁམས་མེ་སྒྲོན་ཞེས་བྱ་བ་ན་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་གསེར་གྱི་འབྱུང་གནས་ཤེས་བྱ་བ་བཞུགས་
ཏེ། ཡང་ཤཱ་རིའི་བུ་དེ་བཞིན་གཤེགས་པ་གསེར་གྱི་འབྱུང་གནས་ཀྱིས་སྔོན་བྱང་ཆུབ་སེམས་དཔའི་སྤྱད་པ་སྤྱོད་པ་ན། བདག་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་སངས་རྒྱས་པའི་སངས་རྒྱས་ཀྱི་ཞིང་དུ་སེམས་ཅན་གང་དག་སྐྱེ་
བར་འགྱུར་བ་དང་འཇིག་རྟེན་གྱི་ཁམས་གཞན་དག་གི་སེམས་ཅན་གང་དག་གིས་བདག་གི་མིང་ཐོས་པར་གྱུར་པ་དེ་ཐམས་ཅད་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ལས་ཕྱིར་མི་ལྡོག་པར་བྱ་བའི་ཕྱིར། དེ་ལྟར་བདག་གིས་སངས་རྒྱས་
ཀྱི་ཆོས་ཐམས་ཅད་ཡོངས་སུ་རྫོགས་པར་བྱའོ་ཞེས་དེ་སྙམ་དུ་བསམས་སོ། །འདི་ནས་སངས་རྒྱས་ཀྱི་ཞིང་བཅྭོ་བརྒྱད་ན་འཇིག་རྟེན་གྱི་ཁམས་སྦྲང་རྩི་ཅན་ན་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཀླུའི་
དབང་ཕྱུག་རྒྱལ་པོ་ཞེས་བྱ་བ་བཞུགས་ཏེ། ཡང་ཤཱ་རིའི་བུ་དེ་བཞིན་གཤེགས་པ་ཀླུའི་དབང་ཕྱུག་རྒྱལ་པོ་དེའི་མཚན་གང་དག་ཐོས་པར་འགྱུར་བ་ནི་ཀླུ་རྣམས་ཀྱིས་གང་གི་ཚེ་ན། གྲོང་ངམ་ཕྱོགས་སུ་ལྕེ་འབབ་པ་དེའི་ཚེ་ན། 
པུས་མོ་གཡས་པའི་ལྷ་ང་ས་ལ་བཙུགས་ཏེ་འདི་སྐད་དུ་སྨྲ་བར་བྱའོ། །བདེན་པ་གང་དང་བདེན་པའི་ཚིག་གིས་དེ་བཞིན་གཤེགས་པ་ཀླུའི་དབང་ཕྱུག་རྒྱལ་པོས་སྔོན་བྱང་ཆུབ་སེམས་དཔའི་སྤྱད་པ་སྤྱོད་པ་ན་ཀླུར་གྱུར་པས། 
གང་ཀླུ་རྣམས་ཀྱི་ཉམ་ང་བ་ལས་བྱུང་བ་དེ་དང་དེ་ལས་ཐར་པར་བྱས། ཀླུ་མང་པོ་དང་། ཀླུ་མང་པོ་བརྒྱ་དང་། ཀླུ་མང་པོ་སྟོང་དང་། ཀླུ་མང་པོ་བརྒྱ་སྟོང་རྣམས་ཉམ་ང་བ་ལས་ཐར་པར་བྱས་པས། དགེ་བའི་རྩ་བ་འདིས་
བདག་བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་སངས་རྒྱས་ནས་གནས་པ་འམ། ཡོངས་སུ་མྱ་ངན་ལས་འདས་ཀྱང་རུང་སྟེ། འཇིག་རྟེན་གྱི་ཁམས་གཞན་དག་ཏུ་ཡང་ཀླུ་གང་དག་གིས་

62-1-312b

ལྕེ་འབེབས་པ་འམ། གནོད་པའི་སེར་བསི་འབེབས་པར་འགྱུར་བ་འམ། འཇིགས་པ་འམ། ནད་དམ། གནོད་པ་འམ། ནད་འགོ་བ་གཏོང་བ་དེར་བདག་གི་མིང་བརྗོད་ན་གནོད་པ་དེ་དག་ཐམས་ཅད་མེད་པར་གྱུར་ཅིག །
བདེན་པའི་ཚིག་དེས་བདེ་བར་གྱུར་ཅེས་སྨོན་ལམ་བཏབ་སྟེ། ཤཱ་རིའི་བུ་བདེན་པ་དང་བདེན་པའི་ཚིག་དེས་སེམས་ཅན་དེ་རྣམས་ཀྱི་རྣམ་པར་སྨིན་པ་ཡང་བདེ་བ་ལ་གཞག་གོ། །ཀླུ་རྣམས་ལྕེ་གཏོང་བ་ཡང་མཚན་བརྗོད་
པ་ཙམ་གྱིས་མེད་པར་འགྱུར་ཏེ། ཀླུའི་སྐྱེ་གནས་དེ་ལས་ཤི་འཕོས་ནས་ཀྱང་སངས་རྒྱས་ཀྱི་ཞིང་དེར་སྐྱེ་བར་འགྱུར་ཞིང་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ལས་ཕྱིར་མི་ལྡོག་པར་འགྱུར་རོ། །གང་དག་ཡང་མོས་
པ་དང་མངོན་པར་དད་པར་བྱེད་པ་དེ་དག་ཀྱང་ཉིན་མཚན་དུ་བསོད་ནམས་ཀྱི་ཕུང་པོ་དཔག་ཏུ་མེད་པར་འགྱུར་རོ། །དེ་དག་ལ་སངས་རྒྱས་ཀྱི་ཡེ་ཤེས་རྙེད་དཀའ་བ་མ་ཡིན་ནོ། །འདི་ནས་སངས་རྒྱས་ཀྱི་ཞིང་བྱེ་བ་བརྒྱ་ཕྲག་སྟོང་གི་
འཇིག་རྟེན་གྱི་ཁམས་ཟླ་བ་ལྟ་བུ་ཞེས་བྱ་བ་ན་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་མེ་ཏོག་ཐམས་ཅད་ཀྱི་དྲིའི་དབང་ཕྱུག་རྒྱལ་པོ་ཞེས་བྱ་བ་བཞུགས་ཏེ། ཡང་ཤཱ་རིའི་བུ་གང་དག་དེ་བཞིན་གཤེགས་
པ་མེ་ཏོག་ཐམས་ཅད་ཀྱི་དྲིའི་དབང་ཕྱུག་རྒྱལ་པོ་དེའི་མཚན་ཐོས་པར་འགྱུར་བ་དེ་དག་ནི་འཇིག་རྟེན་གྱི་ཁམས་གང་གཱའི་ཀླུང་གི་བྱེ་མ་སྙེད་དུ་འདི་ལྟ་སྟེ། ཚུལ་ཁྲིམས་ཀྱི་སྤོས་ཀྱི་ངད་ལྡང་བར་འགྱུར་རོ། །ཡང་ཤཱ་རིའི་བུ་དེ་བཞིན་
གཤེགས་པ་བཞུགས་སམ། མྱ་ངན་ལས་འདས་ཀྱང་རུང་། དེའི་མཚན་གང་དག་ཐོས་པར་འགྱུར་བ་དེ་དག་ཐམས་ཅད་དེ་དག་གི་ཆོས་འདི་ལྟ་སྟེ། སངས་རྒྱས་ཀྱི་ཆོས་ཐམས་ཅད་ཐོབ་པ་དང་ལྡན་པར་འགྱུར་རོ། །དེ་ཅིའི་
ཕྱིར་ཞེ་ན། གང་འདི་ལྟ་སྟེ། དེ་བཞིན་གཤེགས་པ་དེ་ཉིད་ཀྱི་སྔོན་གྱི་སྨོན་ལམ་ཡིན་ནོ། །དེ་བས་ན་སངས་རྒྱས་བཅོམ་ལྡན་འདས་རྣམས་ལ་ལྷག་པའི་བསམ་པས་དད་པར་བྱའོ། །འདི་ལྟར་སངས་རྒྱས་བཅོམ་ལྡན་འདས་

62-1-313a

རྣམས་ལ་དད་པར་བྱེད་པ་ནི་དོན་ཆེན་པོ་དང་ལྡན་པར་འགྱུར་རོ། །སེམས་དད་པ་གཅིག་གིས་གང་འདོད་པ་དེ་ཐོབ་པར་འགྱུར་ཏེ། གང་འདི་འདྲ་བའི་དེ་བཞིན་གཤེགས་པ་དག་བཏམས་པ་འཛིན་པར་མཛད་པ་རྣམས་
ལ་གང་དག་སེམས་དད་པར་གཅིག་གིས་ཐལ་མོ་སྦྱར་ཏེ། སངས་རྒྱས་ལ་ཕྱག་འཚལ་ལོ་ཞེས་ཚིག་ཏུ་སྨྲས་ནས་བྱམས་པ་ལ་གནས་པར་བྱེད་པ་ནི་བླ་ན་མྱེད་པ་ཡང་དག་པར་རྫོགས་པའི་བྱང་ཆུབ་ལས་ཕྱིར་མི་ལྡོག་པར་འགྱུརོ། །
ལྷག་པའི་བསམ་པས་སེམས་དད་ན་ཆོས་འདི་དག་ཡོངས་སུ་རྫོགས་པར་འགྱུར་རོ། །དེ་བས་ན་དེ་བཞིན་གཤེགས་པའི་མཚན་རྒྱུན་མི་ཆད་པར་བརྗོད་པར་བྱའོ། །ཐེག་པ་དེས་འགྲོ་བར་འདོད་པས་དེ་བཞིན་གཤེགས་པ་དེའི་
ཡོན་ཏན་རྗེས་སུ་དྲན་པར་བྱས་ན་བསྐལ་པ་བཅུ་བཞིར་འཁོར་བ་ལ་རྒྱབ་ཀྱིས་ཕྱོགས་པ་བྱས་པར་འགྱུར་རོ། །འདི་ནས་སངས་རྒྱས་ཀྱི་ཞིང་བྱེ་བ་ཕྲག་ཉིས་སྟོང་ན་འཇིག་རྟེན་གྱི་ཁམས་སྐར་མའི་རྒྱལ་པོ་དང་ལྡན་པ་ཞེས་བྱ་
བ་ན། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ས་ལའི་རྒྱལ་པོ་ཞེས་བྱ་བ་བཞུགས་ཏེ། ཡང་ཤཱ་རིའི་བུ་དེ་བཞིན་གཤེགས་པ་ས་ལའི་རྒྱལ་པོའི་མཚན་གང་དག་ཐོས་ནས་དད་པར་མི་བྱེད་ཅིང་
འཕྱ་བ་དང་། སྟིང་པ་དེ་དག་ནི་ལོ་སྟོང་ཕྲག་དྲུག་བཅུར་སེམས་ཅན་དམྱལ་བ་ཆེན་པོ་བསྡུས་གཞོམ་དུ་བཙོ་བར་འགྱུར། མ་དད་དོ་ཞེས་ཚིག་ཏུ་སྨྲས་པས་ལོ་སྟོང་ཕྲག་བདུན་དུ་ཡི་དགས་མེ་མདག་ཟ་བའི་སྡུག་བསྔལ་མྱོང་བར་
འགྱུརོ། །འདི་ནས་སངས་རྒྱས་ཀྱི་ཞིང་ལྔ་བཅུ་རྩ་ལྔ་ན་འཇིག་རྟེན་གྱི་ཁམས་སྟོབས་ལྡན་ཞེས་བྱ་བ་ན། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་དཔའ་བརྟན་པའི་སྡེ་མཚོན་ཆས་ཉོན་མོངས་པ་
སེལ་བ་ཞེས་བྱ་བ་བཞུགས་ཏེ། ཡང་ཤཱ་རིའི་བུ་དེ་བཞིན་གཤེགས་པ་དཔའ་བརྟན་པའི་སྡེ་མཚོན་ཆས་ཉོན་མོངས་པ་སེལ་བའི་མཚན་གང་དག་ཐོས་པར་འགྱུར་བ་ནི་ཐ་ན་རྨི་ལམ་གྱི་ཚེ་ན་ཡང་རྡོ་རྗེ་ལྟ་བུར་འགྱུར། བདུད་དང་བདུད་

62-1-313b

ཀྱི་འཁོར་གྱིས་གདུལ་དཀའ་བར་འགྱུར། གཡུལ་ཆེན་པོ་ལས་ཀྱང་སྒྲོལ་བར་བྱེད་པ་དང་གང་འདི་ཐམས་ཅད་མཁྱེན་པའི་ཡེ་ཤེས་ཀྱང་འཐོབ་བོ། །ཡང་ཤཱ་རིའི་བུ་གང་དག་དེ་བཞིན་གཤེགས་པ་དེའི་མཚན་དྲན་པ་ཙམ་གྱིས་དད་པ་
སྐྱེད་པ་དང་། དགའ་བར་བྱེད་པའི་རིགས་ཀྱི་བུ་འམ་རིགས་ཀྱི་བུ་མོ་དེ་དག་བྱང་ཆུབ་ཀྱི་ཕྱིར་སྤྱད་པ་སྤྱོད་པ་ན། བདག་ཅག་གིས་དེ་བཞིན་གཤེགས་པ་མཐོང་བ་དང་། མཐར་ཕྱིན་པར་ཤེས་པར་བྱའོ། །ཡང་དེ་དག་གིས་བྱང་ཆུབ་
ཀྱི་སེམས་འདི་ལྟར་བསྐྱེད་པར་བྱ་སྟེ། བདག་ཅག་གི་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ལས་ཕྱིར་མི་ལྡོག་པར་བྱ། རྒྱ་ཆེར་སེམས་ཡང་དག་པར་རབ་ཏུ་དགའ་བར་བྱའོ། །གང་དག་ལས་བདག་ཅག་གིས་མཚན་འདི་རྣ་ལམ་
དུ་གྲག་ཅིང་ཐོས་པ་དང་། དགའ་བ་ཡང་དག་པར་བསྐྱེད་ནས་སེམས་ཅན་མང་པོའི་དོན་བྱེད་པར་འགྱུར་ཏེ། དེ་ལྟར་རྫུ་འཕྲུལ་ཆེའོ། །ཡང་ཤཱ་རིའི་བུ་དེ་བཞིན་གཤེགས་པའི་མཚན་གང་དག་ཉན་ཅིང་ཐོས་ནས་ཀྱང་མོས་པར་བྱེད་པ་དེའི་
བསོད་ནམས་ཀྱི་ཕུང་པོ་ཅི་ཡོད་པ་དེའི་ཕྱོགས་ཙམ་ཞིག་བཤད་པར་བྱའོ། །གང་ལ་ལ་ཞིག་གིས་འཇིག་རྟེན་གྱི་ཁམས་གང་གའི་ཀླུང་གི་བྱེ་མ་སྙེད་རིན་པོ་ཆེས་རབ་ཏུ་གང་བར་བྱས་ཏེ། སངས་རྒྱས་བཅོམ་ལྡན་འདས་གང་གའི་ཀླུང་གི་བྱེ་
མ་སྙེད་ལ་ཉིན་རེ་ཞིང་སྦྱིན་པ་ཕུལ་བ་དེ་ལྟར་གང་གཱའི་ཀླུང་གི་བྱེ་མ་སྙེད་དང་མཉམ་པའི་བསྐལ་པར་ཕུལ་བའི་བསོད་ནམས་ཀྱི་ཕུང་པོ་དེས། མཚན་ཐོས་པ་ལས་བྱུང་བའི་བསོད་ནམས་ཀྱི་ཕུང་པོ་འདིའི་ཆ་འགའ་ཙམ་དུ་བརྗོད་པར་མི་
བྱའོ། །གལ་ཏེ་ལ་ལ་ཞིག་གིས་མཚན་འདི་མཉན་པར་བྱའོ་སྙམ་ནས། འཇིག་རྟེན་གྱི་ཁམས་དེ་སྙེད་རིན་པོ་ཆེ་སྣ་བདུན་གྱིས་རབ་ཏུ་གང་བར་བྱས་ཏེ་སྦྱིན་པ་བྱིན་ན། དེ་ཡང་བསོད་ནམས་མ་བྱས་པས་དེ་ཐོས་པར་མི་ནུས་སོ། །དེ་ཅིའི་
ཕྱིར་ཞེ་ན། ཇི་སྟེ་བསོད་ནམས་མ་བྱས་པར་ཐོས་པར་འགྱུར་ན་ནི་སེམས་ཅན་དམྱལ་བ་དང་། དུད་འགྲོའི་སྐྱེ་གནས་དང་། གཤིན་རྗེའི་འཇིག་རྟེན་པ་རྣམས་དང་། ལྷ་ཚེ་རིངས་པོ་རྣམས་ཀྱིས་ཀྱང་ཐོས་པ་དང་། ཡོན་ཏན་བརྗོད་པ་འདི་ཤེས་

62-1-314a

པར་འགྱུར་ཏེ། དེ་དག་ཐམས་ཅད་བསོད་ནམས་ཀྱི་ཕུང་པོ་དེ་སྙེད་དང་ལྡན་པར་འགྱུར་རོ། །སངས་རྒྱས་ཀྱི་ཞིང་བཅུ་པའི་འཇིག་རྟེན་གྱི་ཁམས་དཔལ་ལྡན་ན་དེ་བཞིན་གཤེགས་པ་དགྲ་བཅོམ་པ་ཡང་དག་
པར་རྫོགས་པའི་སངས་རྒྱས་དཔལ་གྱི་སྙིང་པོ་སྣང་བ་ཞེས་བྱ་བ་བཞུགས་ཏེ། ཤཱ་རིའི་བུ་གང་དག་དེ་བཞིན་གཤེགས་པ་དེའི་མཚན་ཉན་པ་དང་། ལྷག་པའི་བསམ་པ་ལ་གནས་པའི་སེམས་ཀྱི་རྒྱུད་ཀྱིས་མོས་པ་དེ་དག་ཐམས་ཅད་བསོད་
ནམས་ཀྱི་ཕུང་པོ་དཔག་ཏུ་མེད་པ་འཛིན་པར་འགྱུར་རོ། །དེ་དག་ནི་ངན་སོང་གིས་འཇིགས་པར་མི་འགྱུར་ཏེ། སྨོན་ལམ་ཅི་འདྲ་བར་སྨོན་ལམ་འདེབས་པ་དེ་འདྲ་བས་སངས་རྒྱས་ཀྱི་ཐེག་པ་བླ་ན་མེད་པས་ཡོངས་སུ་མྱ་ངན་ལས་
འདའ་བར་འགྱུར་རོ། །དེ་བཞིན་གཤེགས་པ་བཞུགས་ཀྱང་རུང་། མྱ་ངན་ལས་འདས་ཀྱང་རུང་། གང་གིས་མཚན་ཐོས་པ་དེ་དག་ཐམས་ཅད་ཐེག་པ་ཆེན་པོའི་བདེ་བ་དང་། ཡིད་བདེ་བ་དང་ལྡན་པར་འགྱུར་རོ། །ལྷ་དང་
མིའི་ནང་ན་འཁོར་བ་ན་ཡང་སྨོན་ལམ་ཇི་ལྟར་བཏབ་པ་བཞིན་དུ་སངས་རྒྱས་ཀྱི་ཞིང་གི་ཡོན་ཏན་བཀོད་པ་ཆེན་པོས་ཡོངས་སུ་མྱ་ངན་ལས་འདའ་བར་འགྱུར་རོ། །སངས་རྒྱས་ལས་བྱུང་བའི་བསོད་ནམས་ཀྱི་ཕུང་པོ་ནི་དེ་
ལྟ་བུ་སྟེ། གང་དག་བསྐལ་པ་གང་གཱ་ཀླུང་གི་བྱེ་མ་སྙེད་དུ་ལོག་པར་ལྟུང་བར་འགྱུར་བ་དེ་དག་ཏུ་འགྲོ་བར་མི་འགྱུར་ཏེ། དེ་ལྟར་སངས་རྒྱས་ལ་དགེ་བའི་རྩ་བ་བསྐྱེད་པ་བསམ་གྱིས་མི་ཁྱབ་བོ། །མཚམས་མེད་པ་ལས་བྱུང་
བ་དང་། འཕགས་པ་ལ་སྐུར་པ་མ་གཏོགས་ཏེ། དེ་དག་ཀྱང་ཡུན་རིང་པོ་འདས་ནས་ཇི་ལྟར་སྨོན་ལམ་བཏབ་པ་བཞིན་དུ་ཡོངས་སུ་མྱ་ངན་ལས་འདའ་བར་འགྱུར་རོ། །ཤཱ་རིའི་བུ་སྡིག་པའི་ལས་ཐམས་ཅད་ནི་མི་བྱ་སྟེ། 
ཡང་ངས་སྡོང་དུམ་ཚིག་པ་ལ་ཡང་གནོད་སེམས་བསྐྱེད་པར་མི་བྱ་ན་མིར་གྱུར་པ་ལྟ་ལ་ཅི་སྨོས་ཤེས་བསྟན་པ་ཡིན་ཏེ། དེ་དག་ལ་ཡང་ཞེ་སྡང་བསྐྱེད་ན་སེམས་ཅན་དམྱལ་བ་ཆེན་པོའི་སྡུག་བསྔལ་རྣམ་པ་དུ་མའི་ལུས་ལེན་

62-1-314b

པར་འགྱུར་ན། དེ་བཞིན་གཤེགས་པའི་བསྟན་པ་ལ་མོས་པ་དད་པའི་རྗེས་སུ་འབྲང་བ་དང་ལྡན་པ་ལྟ་ལ་ཅི་སྨོས། གང་དེ་བཞིན་གཤེགས་པ་ཡེ་ཤེས་མཐའ་ཡས་པ་དང་ལྡན་པ་ལ་ཞེ་སྡང་སྐྱེད་པ་ལྟ་ཅི་སྨོས་ཏེ། སྐྱེས་བུ་གླེན་
པ་དེ་དག་བསྐལ་པ་གཅིག་གམ། གཉིས་སམ། གསུམ་ནས། བསྐལ་པ་བརྒྱའི་བར་དུ་ཡང་དེ་དག་ལྡང་བར་མ་མཐོང་སྟེ། དེ་དག་ནི་བསྐལ་པ་བྱེ་བ་བརྒྱ་སྟོང་དུ་ཡང་དེ་ལས་ལྡང་བ་མེད་དོ། །གང་སངས་རྒྱས་ཀྱི་བྱང་ཆུབ་
འདི་ལ་སྤོང་བ་དེ་དག་ནི་སྡུག་བསྔལ་བར་འགྱུར་རོ་ཞེས་ངས་བཤད་དོ། །གང་དག་ཡང་གཉིས་སུ་མི་གསུང་བའི་ཚིག་གི་ཆོས་ཀྱི་ཚུལ་རྣམ་པར་དག་པ་ལ་སྤོང་བར་མི་བྱེད་པ་དེ་དག་ཐམས་ཅད་ཀྱིས་ཕྱིར་མི་ལྡོག་པར་བྱས་ནས་གདོད་སངས་
རྒྱས་ཀྱི་ཡེ་ཤེས་སུ་འགྱུར་རོ་ཞེས་དེ་ལྟར་སེམས་བསྐྱེད་པར་བྱའོ། །སངས་རྒྱས་ཀྱི་ཞིང་བརྒྱད་བཅུ་པ་ན་འཇིག་རྟེན་གྱི་ཁམས་རྒྱ་མཚོའི་སྤོས་ཀྱིས་བདུགས་པ་ཞེས་བྱ་བ་ན་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་
སངས་རྒྱས་སྤོས་དཔག་མེད་སྣང་བ་ཞེས་བྱ་བ་བཞུགས་ཏེ། ཤཱ་རིའི་བུ་ཡང་དེ་བཞིན་གཤེགས་པ་སྤོས་དཔག་མེད་སྣང་བ་ཞེས་བྱ་བའི་མཚན་གང་དག་ཐོས་པར་འགྱུར་ཞིང་ཐོས་ནས་ཀྱང་ལྷག་པའི་བསམ་པས་མོས་པ་དང་ཡིད་ལ་བྱེད་ན། 
དེ་དག་ཐམས་ཅད་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ལས་ཕྱིར་མྱི་ལྡོག་པར་འགྱུར་རོ། །དེ་དག་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཐོབ་ནས་ཀྱང་བ་སྤུའི་གསེབ་ཐམས་ཅད་ནས་དྲི་ཡིད་དུ་འོང་ཞིང་ཕྱོགས་སུ་སྣང་བར་བྱེད་པ་
འབྱུང་བར་འགྱུར་རོ། །ཡང་ཤེས་རབ་དམན་པས་ནི་ཡེ་ཤེས་ཆེན་པོ་འདི་ལ་སྨོན་པར་མི་ནུས་སོ། །གང་དག་ཤེས་རབ་རྒྱ་ཆེ་བ་དེ་དག་གིས་ནི་མཚན་འདི་ཡོངས་སུ་བརྗོད་པ་ཐོས་ནས་དད་པར་འགྱུར་བ་དེ་དག་ངས་མཐོང་ངོ་། །དེ་དག་ནི་
སངས་རྒྱས་གཞན་དག་ལས་བསྐལ་པ་དུ་མར་ཤེས་རབ་ཡང་དག་པར་བསྒྲུབས་པར་འགྱུར་རོ། །ཤཱ་རིའི་བུ་གང་དག་གིས་སངས་རྒྱས་གཞན་དག་ལས་ཆོས་འདི་ཐོས་ན། དེ་དག་ལྔ་བརྒྱའི་ཐ་མ་ལ་འདི་ཐོས་ན་མ་དད་པ་དང་། ཡིད་མི་ཆེས་པར་

62-1-315a

འགྱུར་བ་དང་། ཁོང་དུ་མི་ཆུད་པར་འགྱུར་བའི་གནས་མ་ཡིན་གོ་སྐབས་མེད་དོ། །དེ་དག་ནི་བསྐལ་པ་བཞི་བཅུ་རྩ་ལྔར་འཁོར་བ་ལ་རྒྱབ་ཀྱིས་ཕྱོགས་པར་འགྱུར་བས་འདི་ནི་གནས་མ་ཡིན་ཞིང་སྐབས་མེད་དོ། །གང་དག་
འདི་ལ་མངོན་པར་དད་པར་འགྱུར་བ་དེ་དག་ནི་ཤེས་རབ་ཟླ་བ་ལྟ་བུ་དང་ལྡན་པ་དང་དེ་དག་ལྷ་དང་བཅས་པའི་འཇིག་རྟེན་གྱི་སྦྱིན་གནས་སུ་འགྱུར་རོ། །སངས་རྒྱས་ཀྱི་ཞིང་བཅྭ་ལྔ་པ་འཇིག་རྟེན་གྱི་ཁམས་ཀླུ་དང་ལྡན་པ་སྣང་བ་ཞེས་བྱ་བ་ན་དེ་བཞིན་
གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་སེང་གེའི་དབྱངས་ཤེས་བྱ་བ་བཞུགས་ཏེ། ཡང་ཤཱ་རིའི་བུ་དེ་བཞིན་གཤེགས་པ་སེང་གེའི་དབྱངས་དེའི་མཚན་གང་དག་ཐོས་པར་འགྱུར་ཞིང་ཚུལ་ཁྲིམས་རྗེས་སུ་དྲན་པར་
བྱེད་པ་དང་། མོས་པ་དང་ཡིད་ཆེས་པར་བྱེད་ན། དེ་དག་ཐམས་ཅད་དགེ་བའི་ཆོས་རྣམས་ལས་མི་བསྐྱོད་པ་དང་། བསྐལ་པ་ཉི་ཤུར་འཁོར་བ་ལ་རྒྱབ་ཀྱིས་ཕྱོགས་པ་བྱས་པར་འགྱུར་རོ། །དེ་བཞིན་གཤེགས་པ་དེའི་མཚན་བུད་མེད་
གང་གིས་ཐོས་པར་འགྱུར་བ་དེ་མཚན་འགྱུར་ཞིང་འཇིག་རྟེན་ན་མཆོད་རྟེན་དང་འདྲ་བར་འགྱུར་རོ། །སངས་རྒྱས་ཀྱི་ཞིང་སུམ་བཅུ་པ་ཡང་གར་བ་ཏིའི་འཇིག་རྟེན་གྱི་ཁམས་ན་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་
སངས་རྒྱས་མཐུ་ཆེན་པོའི་བརྩོན་འགྲུས་ཀྱིས་ངེས་པར་འབྱུང་བ་ཞེས་བྱ་བ་བཞུགས་ཏེ། ཡང་ཤཱ་རིའི་བུ་དེ་བཞིན་གཤེགས་པ་མཐུ་ཆེན་པོའི་བརྩོན་འགྲུས་ཀྱིས་ངེས་པར་འབྱུང་བའི་མཚན་གང་དག་ཉན་ཅིང་དད་པ་འང་སྐྱེད། པུས་
མོ་གཡས་པའི་ལྷ་ང་ས་ལ་བཙུགས་ཏེ། དེ་བཞིན་གཤེགས་པ་མཐུ་ཆེན་པོའི་བརྩོན་འགྲུས་ངེས་པར་འབྱུང་བ་དེ་ལ་ཕྱག་འཚལ་ལོ་ཞེས་ཐལ་མོ་སྦྱོར་ན། འཁོར་བ་ན་ཚེ་རབས་གཞན་དུ་དེ་དག་རྨོངས་པར་མི་འགྱུར་བ་དང་། བདུད་དང་
མུ་སྟེགས་གཞན་དུ་བཅས་པ་དང་། ཕ་རོལ་རྒོལ་བ་ཐམས་ཅད་ལ་མཚོན་ཆ་སྲ་བར་འགྱུར་རོ། །བསྐལ་པ་ཉི་ཤུ་རྩ་ལྔར་འཁོར་བ་ལ་རྒྱབ་ཀྱིས་ཕྱོགས་པ་བྱས་པར་འགྱུར་རོ། །སངས་རྒྱས་ཀྱི་ཞིང་བཞི་བཅུ་བརྒྱ་མཚོ་རབ་ཏུ་

62-1-315b

གནས་པ་ཞེས་བྱ་བའི་འཇིག་རྟེན་གྱི་ཁམས་ན། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་སྙིང་པོ་ཟིལ་གྱིས་གནོན་པ་ཞེས་བྱ་བ་བཞུགས་ཏེ། ཡང་ཤཱ་རིའི་བུ་གང་དག་དེ་བཞིན་གཤེགས་པ་སྙིང་པོ་ཟིལ་
གྱིས་གནོན་པ་དེའི་མཚན་ཉན་པ་དང་ཐོས་ནས་ཀྱང་དད་ཅིང་མོས་པ་དེ་དག་ཐམས་ཅད་སྙིང་པོ་ལ་རབ་ཏུ་གནས་པར་འགྱུར་རོ། །ཐེག་པ་མཆོག་ཐོབ་པར་འགྱུར་རོ། །འདི་ལྟར་ཆོས་ཀྱི་སྦྱིན་པ་ཐོབ་པ་དང་ལྡན་པ་ནི་ཉིན་མཚན་དུ་ཆོས་ཀྱི་
སྦྱིན་པའི་བསོད་ནམས་ཀྱི་ཕུང་པོ་ཚད་མེད་པར་འགྱུར་རོ། །སངས་རྒྱས་ཀྱི་ཞིང་སུམ་བཅུ་རྩ་དྲུག་གི་ཕ་རོལ་ན་འཇིག་རྟེན་གྱི་ཁམས་སྣང་བ་དང་ལྡན་པ་ཞེས་བྱ་བ་ན་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རྔ་དབྱངས་
རྒྱལ་པོ་ཞེས་བྱ་བ་བཞུགས་ཏེ། ཡང་ཤཱ་རིའི་བུ་གང་གིས་དེ་བཞིན་གཤེགས་པ་རྔ་དབྱངས་རྒྱལ་པོའི་མཚན་ཉན་ཅིང་སོར་མོ་བཅུའི་ཐལ་མོ་སྦྱར་ཏེ། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རྔ་དབྱངས་
རྒྱལ་པོ་ལ་ཕྱག་འཚལ་ལོ་ཞེས་ཟེར་ན་གང་གིས་སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་འདི་རིན་པོ་ཆེ་སྣ་བདུན་གྱིས་རབ་ཏུ་གང་བར་བྱས་ཏེ། རང་སངས་རྒྱས་ལ་ཉིན་རེ་ཞིང་སྦྱིན་པ་བྱིན་པ་དེ་ལྟར་བསྐལ་པ་གང་གཱའི་ཀླུང་གི་བྱེ་
མ་སྙེད་དུ་བྱིན་པའི་བསོད་ནམས་ཀྱི་ཕུང་པོ་འདིའི་བརྒྱའི་ཆར་ཡང་ཉེ་བར་མི་འགྲོ་བ་ནས། དཔེའི་བར་དུ་ཡང་མི་བཟོད་དོ། །སངས་རྒྱས་ཀྱི་ཞིང་བརྒྱ་ལྔ་བཅུའི་ཕ་རོལ་ན་འཇིག་རྟེན་གྱི་ཁམས་ཟླ་བ་ཅན་ཞེས་བྱ་བ་ན། དེ་
བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཟླ་བའི་བླ་མ་ཞེས་བྱ་བ་བཞུགས་ཏེ། ཡང་ཤཱ་རིའི་བུ་དེ་བཞིན་གཤེགས་པ་ཟླ་བའི་བླ་མ་ཞེས་བྱ་བའི་མཚན་གང་དག་ཉན་པ་ལྷ་དང་། ཀླུ་དང་། གནོད་སྦྱིན་དང་། 
མི་དང་། མི་མ་ཡིན་པ་དེ་དག་ཐམས་ཅད་མི་དགེ་བའི་ཆོས་ཀྱིས་མི་གོས་ཤིང་འཇིག་རྟེན་ན་པད་མ་ལྟ་བུར་འགྱུར་རོ། །གལ་ཏེ་བུད་མེད་ཉན་པར་བྱེད་དམ། མངོན་པར་དད་དམ། ལྷག་པའི་བསམ་པས་མོས་པར་བྱེད་ན་

62-1-316a

དེའི་བུད་མེད་ཀྱི་ལུས་ཀྱི་ཐ་མར་འགྱུར་རོ། །གང་དག་ཡིད་མི་ཆེས་ཤིང་ཡོངས་སུ་སྤོང་ན་དེ་དག་སངས་རྒྱས་ཀྱི་སྟོབས་སྤངས་པར་འགྱུར་ཏེ། བསྐལ་པ་ཉི་ཤུ་ཚང་བར་མཚམས་མེད་པའི་དམྱལ་བ་ཆེན་པོར་བཙོ་བར་འགྱུར་རོ། །
ཡང་ཤཱ་རིའི་བུ་གང་དག་སངས་རྒྱས་བཅོམ་ལྡན་འདས་རྣམས་ཀྱི་བསམ་གྱིས་མི་ཁྱབ་པ་ཉིད་ལ་ཡིད་ཆེས་པ་དང་། སེམས་པ་དང་མོས་པར་བྱེད་ན་དེ་ཉིད་ཀྱིས་བསྐལ་པ་བཅུ་དགུར་འཁོར་བ་ལ་རྒྱབ་ཀྱིས་ཕྱོགས་པ་བྱས་པར་འགྱུར་རོ། །
སངས་རྒྱས་ཀྱི་ཞིང་བྱེ་བ་བརྒྱ་སྟོང་ཕྲག་གསུམ་གྱི་ཕ་རོལ་ན་འཇིག་རྟེན་གྱི་ཁམས་ཙན་དན་གྱི་ཀ་བ་རབ་ཏུ་གནས་པ་ཞེས་བྱ་བ་ན། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་མེ་ཏོག་ཟིལ་གྱིས་གནོན་པ་ཞེས་བྱ་
བ་བཞུགས་ཏེ། ཡང་ཤ་རིའི་བུ་གང་གིས་དེ་བཞིན་གཤེགས་པ་མེ་ཏོག་ཟིལ་གྱིས་གནོན་པ་ཞེས་བྱ་བ་སྔོན་བྱང་ཆུབ་སེམས་དཔའི་སྤྱད་པ་སྤྱོད་པ་ན། དེ་འདི་སྙམ་དུ་གྱུར་ཏེ། བདག་བླ་ན་མེད་པ་ཡང་དག་པར་རྫོགས་པའི་བྱང་
ཆུབ་ཏུ་མངོན་པར་རྫོགས་པར་སངས་རྒྱས་པའི་སངས་རྒྱས་ཀྱི་ཞིང་དུ་མི་ཁོམ་པ་བརྒྱད་པོ་ཐམས་ཅད་འབྱུང་བར་མ་གྱུར་ཅིག་ཅེས་ཇི་ལྟར་སྨོན་ལམ་བཏབ་པ་བཞིན་དུ། དེ་བཞིན་གཤེགས་པ་དེའི་སངས་རྒྱས་ཀྱི་ཞིང་ཡོངས་སུ་
དག་སྟེ། སངས་རྒྱས་དེའི་ཞིང་གི་སེམས་ཅན་རྣམས་ཤིན་དུ་བདེ་བ་དང་ལྡན་ནོ། །ཡང་ཤཱ་རིའི་བུ་གང་དག་དེ་བཞིན་གཤེགས་པའི་མཚན་ཉན་ཅིང་དད་པ་ཡང་སྐྱེད་པར་བྱེད་པ་ནི་འཇིག་རྟེན་ན་ངོ་མཚར་དུ་གྱུར་ཏེ། མངོན་པར་
རྫོགས་པར་སངས་རྒྱས་ན་ཡང་། སངས་རྒྱས་ཀྱི་ཞིང་དུ་མི་ཁོམ་པ་བརྒྱད་མེད་པར་འགྱུར་རོ། །སངས་རྒྱས་ཀྱི་ཞིང་བྱེ་བ་བརྒྱ་སྟོང་ཕྲག་གཉིས་ཀྱི་ཕ་རོལ་ན་འཇིག་རྟེན་གྱི་ཁམས་འཛམ་བུའི་ཆུ་བོ་རབ་ཏུ་གནས་པ་ཞེས་བྱ་བ་ན། 
དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས། འཇིག་རྟེན་གྱི་སྒྲོན་མ་ཞེས་བྱ་བ་བཞུགས་ཏེ། ཡང་ཤཱ་རིའི་བུ་གང་དག་དེ་བཞིན་གཤེགས་པ་འཇིག་རྟེན་གྱི་སྒྲོན་མའི་མཚན་ཉན་ན། མཚམས་

62-1-316b

མེད་པའི་ལས་བྱས་པ་དང་། འཕགས་པ་ལ་སྐུར་པ་འདེབས་པ་མ་གཏོགས་པར་དེ་དག་ཐམས་ཅད་ངན་སོང་གི་གཞི་ལས་ཐར་བར་འགྱུར་རོ། །དཀོན་མཆོག་དམ་པ་འཐོབ་པའི་རྒྱུར་ཡང་འགྱུར་རོ། །གང་དག་མཚམས་
མེད་པའི་ལས་བྱེད་པ་དང་། འཕགས་པ་ལ་སྐུར་པ་འདེབས་པས་ཐོས་ན་ཡང་དེ་དག་ཀྱང་དེའི་ལས་ཟད་ནས་མཐར་གྱིས་སངས་རྒྱས་སུ་འགྱུར་རོ། །བསྐལ་པ་ཉི་ཤུར་འཁོར་བ་ལ་རྒྱབ་ཀྱིས་ཕྱོགས་པ་བྱས་པར་འགྱུར་རོ། །
བམ་པོ་གཉིས་པ། སངས་རྒྱས་ཀྱི་ཞིང་བྱེ་བ་བརྒྱ་སྟོང་ཕྲག་བརྒྱད་འདས་པ་ན། འཇིག་རྟེན་གྱི་ཁམས་འོད་གསལ་ཞེས་བྱ་བ་ན་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་
པའི་སངས་རྒྱས་མེ་ཞེས་བྱ་བ་བཞུགས་ཏེ། ཤཱ་རིའི་བུ་དེ་ཇི་སྙམ་དུ་སེམས། ཅིའི་ཕྱིར་འཇིག་རྟེན་གྱི་ཁམས་འོད་གསལ་ཞེས་བྱ་ཞེ་ན། སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་དེ་ཐམས་ཅད་ལག་མཐིལ་ལྟར་མཉམ་ལ་
པད་མོ་ལྟར་སྣང་སྟེ། ཤཱ་རིའི་བུ་འཇིག་རྟེན་གྱི་ཁམས་དེ་ན་ཡང་མུན་པའི་ནང་ན་མེའི་ཕུང་པོ་ལྟར་གཟི་བརྗིད་འབར་ཞིང་ལམ་མེ། ལྷན་ནེ། ལྷང་ངེ་ཞིང་ཆོས་སྟོན་པས་སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་
དབྱངས་ཀྱིས་གོ་བར་མཛད་དོ། །གང་ཡང་འདི་སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་གསེར་གྱི་སྤང་ལེབ་ཀྱིས་གཡོགས་པ། ཤིང་ཐམས་ཅད་གོས་ཀྱིས་བརྒྱན་ནས་སངས་རྒྱས་བཅོམ་ལྡན་འདས་གང་གཱའི་ཀླུང་གི་བྱེ་མ་སྙེད་
གྲངས་མེད་པ་ལ་ཉིན་རེ་ཞིང་སྦྱིན་པ་འབུལ་ཞིང་དེ་བཞིན་དུ་བསྐལ་པ་གང་གཱའི་ཀླུང་གི་བྱེ་མ་སྙེད་དུ་མཉམ་པར་ཕུལ་བ་བས། གང་གིས་དེ་བཞིན་གཤེགས་པ་དེའི་མཚན་ཐོས་ན་དེའི་བསོད་ནམས་ཀྱི་ཕུང་པོ་དེ་ལ་བསོད་ནམས་ཀྱི་ཕུང་པོ་ནི་
འདི་བརྒྱའི་ཆར་ཡང་ཉེ་བར་མི་འགྲོ་བ་ནས་རྒྱུའི་བར་དུ་ཡང་མི་འགྲོའོ། རྒྱུའི་བར་དུ་ཡང་མི་འགྲོའོ། །གང་དག་ཐོས་ནས་དགའ་བ་རྙེད་ཅིང་གང་འདོད་པ་དེ་ལ་ནན་ཏན་བྱེད་པ། བསྐལ་པ་དྲུག་བཅུར་འཁོར་བ་ལ་རྒྱབ་ཀྱིས་

62-1-317a

ཕྱོགས་པ་བྱས་པར་འགྱུར་རོ། །བླ་ན་མེད་པའི་སངས་རྒྱས་ཀྱི་ཞིང་ཡང་འཛིན་པར་འགྱུར་རོ། །ཤཱ་རིའི་བུ་ཤཱར་ཕྱོགས་ན་འཇིག་རྟེན་གྱི་ཁམས་ཀུན་དུ་བཀོད་པ་ཞེས་བྱ་བ་ཡོད་དེ། དེ་ན་དེ་བཞིན་གཤེགས་པ་དགྲ་
བཅོམ་པ་ཡང་དག་པར་རྫོགས་པའི་སངས་རྒྱས་རིན་པོ་ཆེའི་རྨང་ཞེས་བྱ་བ་བཞུགས་སོ། །ཤཱ་རིའི་བུ་ཤར་ཕྱོགས་ན་འཇིག་རྟེན་གྱི་ཁམས་སངས་རྒྱས་ཤེས་བྱ་བ་ཡོད་དེ། དེ་ན་དེ་བཞིན་གཤེགས་པ་དགྲ་བཅོམ་པ་ཡང་དག་པར་
རྫོགས་པའི་སངས་རྒྱས་རྟག་པར་ཡོངསུ་མྱ་ངན་ལས་འདས་པ་ཞེས་བྱ་བ་བཞུགས་ཏེ། ཕྱིར་མི་ལྡོག་པའི་ཆོས་ཀྱི་འཁོར་ལོ་རབ་ཏུ་བསྐོར་རོ། །ཤཱ་རིའི་བུ་ཤར་ཕྱོགས་ན་འཇིག་རྟེན་གྱི་ཁམས་རི་རབ་ཀྱི་ངོས་ཤེས་བྱ་བ་
ཡོད་དེ། དེ་ན་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཟུག་རྔུ་མེད་པའི་བློ་ཞེས་བྱ་བ་བཞུགས་སོ། །ཤཱ་རིའི་བུ་ཤར་ཕྱོགས་ན་འཇིག་རྟེན་གྱི་ཁམས་ཕོངས་པ་དང་བྲལ་བ་ཞེས་བྱ་བ་ཡོད་དེ། 
དེ་ན་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་སྤྲུལ་པ་ཚད་མེད་པར་སྣང་བ་ཞེས་བྱ་བ་བཞུགས་སོ། །ཤཱ་རིའི་བུ་ཤར་ཕྱོགས་ན་འཇིག་རྟེན་གྱི་ཁམས་གོས་ཀ་ཙ་ལིན་ད་ལྟར་རེག་ན་འཇམ་པ་ཞེས་བྱ་བ་ཡོད་དེ། 
དེ་ན་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རི་རབ་རྣམ་པར་གནོན་པ་ཞེས་བྱ་བ་བཞུགས་སོ། །ཤཱ་རིའི་བུ་ཤར་ཕྱོགས་ན་འཇིག་རྟེན་གྱི་ཁམས་མཉམ་པ་དམ་པའི་དཔལ་དང་ལྡན་པ་ཞེས་བྱ་བ་ཡོད་དེ། 
དེ་ན་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རིན་པོ་ཆེའི་གླང་པོ་དམ་པ་ཞེས་བྱ་བ་བཞུགས་སོ། །ཤཱ་རིའི་བུ་ཤར་ཕྱོགས་ན་འཇིག་རྟེན་གྱི་ཁམས་རིན་པོ་ཆེ་འབྱུང་བ་ཞེས་བྱ་བ་ཡོད་དེ། དེ་ན་དེ་བཞིན་
གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རིན་པོ་ཆེ་འདུས་པའི་དཔལ་ཞེས་བྱ་བ་བཞུགས་སོ། །ཤཱ་རིའི་བུ་ཤར་ཕྱོགས་ན་འཇིག་རྟེན་གྱི་ཁམས་རྣམ་པར་མ་དག་པ་དང་བྲལ་བ་ཞེས་བྱ་བ་ཡོད་དེ། དེ་ན་དེ་

62-1-317b

བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཕྱིར་མི་ལྡོག་པའི་འཁོར་ལོ་རིན་པོ་ཆེ་རྟག་ཏུ་དོན་དཔལ་ཞེས་བྱ་བ་བཞུགས་ཏེ། བྱང་ཆུབ་སེམས་དཔའི་དགེ་འདུན་གྱིས་བསྐོར་ནས་ཕྱིར་མི་ལྡོག་པའི་འཁོར་
ལོ་སྐོར་རོ། །ཤཱ་རིའི་བུ་ཤར་ཕྱོགས་ན་འཇིག་རྟེན་གྱི་ཁམས་རྣམ་པར་དག་པ་གནས་པ་ཞེས་བྱ་བ་ཡོད་དེ། །དེ་ན་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཀུན་དུ་རྣམ་པར་སྣང་མཛད་རྣམ་པར་དག་
པ་ཐོབ་པ་ཞེས་བྱ་བ་བཞུགས་ཏེ། ཤཱ་རིའི་བུ་ཤར་ཕྱོགས་ན་དེ་དག་ལ་སོགས་པ་ཚད་མེད་པའི་སངས་རྒྱས་བཅོམ་ལྡན་འདས་རྣམས་ད་ལྟར་བཞུགས་ཏེ་འཚོ་ཞིང་གཞེས་ལ་ཆོས་ཀྱང་སྟོན་ཏོ། །པུས་མོ་གཡས་པའི་ལྷ་ང་ས་ལ་བཙུགས་
ཏེ། སོར་མོ་བཅུའི་ཐལ་མོ་སྦྱར་ཏེ། དེ་རྣམས་ཀྱི་མཚན་ནས་ཡོངས་སུ་བརྗོད་ཅིང་ཡོན་ཏན་ཚད་མེད་པ་དང་ལྡན་པའི་སངས་རྒྱས་བཅོམ་ལྡན་འདས་དེ་དག་ལ་ཕྱག་འཚལ་ལོ་ཞེས་ཆེད་དུ་བརྗོད་པ་ལན་གསུམ་དུ་བརྗོད་པར་བྱའོ། །ཤར་ཕྱོགས་
ན་གང་དག་སྣང་བར་མཛད་པ་དེ་དག་གི་མཚན་ནས་ཡོངས་སུ་བརྗོད་པར་བྱས་ན་བསོད་ནམས་ཀྱི་ཕུང་པོ་ཚད་མེད་པར་འགྱུར་རོ། །ལྷོ་ཕྱོགས་ན་སངས་རྒྱས་ཀྱི་ཞིང་བྱེ་བ་བརྒྱ་ཕྲག་སྟོང་གི་ཐ་མ་ན་འཇིག་རྟེན་གྱི་ཁམས་གྲོལ་བ་ཅན་ན། དེ་བཞིན་
གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཉི་ཟླ་སྒྲོན་མ་ཞེས་བྱ་བ་བཞུགས་ཏེ། ཤཱ་རིའི་བུ་ཡང་གང་དག་ཉི་ཟླ་སྒྲོན་མ་དེའི་མཚན་ཉན་ཅིང་ཐོས་ནས་ཀྱང་དགའ་བ་ཆེར་སྐྱེད་ཅིང་མོས་པར་བྱེད་པ་དང་། དེ་བཞིན་གཤེགས་པའི་བཀའ་
ལ་རྣམ་པ་བརྒྱ་སྟོང་དུ་བསམས་ནས་བ་སྤུ་ཟིང་ཞེས་བྱེད་པ་དང་། མཆི་མ་ཡང་བླགས་ན་རིགས་ཀྱི་བུ་འམ་རིགས་ཀྱི་བུ་མོ་དེ་དག་གིས་འདི་ལྟར་དེ་བཞིན་གཤེགས་པ་དེ་ནི་བྱང་ཆུབ་སེམས་དཔའི་སྤྱད་པ་སྤྱོད་པ་ན་བདག་ཅག་གིས་མཐོང་ངོ་སྙམ་དུ་
རྟོགས་པར་བྱའོ། །བུད་མེད་ཀྱིས་ཀྱང་བཅོམ་ལྡན་འདས་དེ་བཞིན་གཤེགས་པ་ཉི་ཟླ་སྒྲོན་མ་དེའི་མཚན་བདག་གིས་ཐོས་ཀྱིས་བདག་གི་བུད་མེད་ཀྱི་ལུས་ཀྱི་མཐའ་མར་འགྱུར་རོ་སྙམ་དུ་སེམས་རབ་ཏུ་དགའ་བར་བྱ་སྟེ། དེ་དག་ཐམས་ཅད་

62-1-318a

ཀྱང་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་འགྱུར་རོ། །ཕྱོགས་བཅུའི་སེམས་ཅན་ཇི་སྙེད་ཀྱིས་ཐོས་པ་དེ་དག་ཐམས་ཅད་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ལས་ཕྱིར་མི་ལྡོག་པར་འགྱུར་ཏེ། 
སེམས་ཅན་འདི་དག་ལ་ཇི་ལྟ་བ་བཞིན་དུ་སེམས་ཅན་དེ་དག་ལ་སྒྲིབ་པར་མི་འགྱུར་རོ། །མི་མཇེད་ཀྱི་འཇིག་རྟེན་གྱི་ཁམས་ན་གང་ཡོད་པ་དེ་དག་ཀྱང་། རྩིས་པ་རྩིས་པ་ཆེན་པོ་སུས་ཀྱང་རྩི་བ་འམ་བསྡོམ་པར་བྱ་སླ་བ་མ་ཡིན་ནོ། །
འཇིག་རྟེན་གྱི་ཁམས་ཇི་སྙེད་དུ་དེའི་མཚན་གྲག་པའི་འཇིག་རྟེན་གྱི་ཁམས་དེ་དག་ཏུ་བདུད་སྡིག་ཅན་བར་ཆད་བྱེད་པར་མི་འགྱུར་ཏེ། དེ་བཞིན་གཤེགས་པ་ཉི་ཟླ་སྒྲོན་མ་དེའི་མཚན་ཇི་སྙེད་ཀྱིས་ཐོས་ཤིང་དད་པ་ཡང་རྙེད་པ་དེ་དག་གི་མཐར་
རྟོགས་པར་སླ་བ་མ་ཡིན་ནོ། །ཡང་ཤཱ་རིའི་བུ་མདོ་སྡེ་འདི་ལྟ་བུ་ཉན་པའི་སེམས་ཅན་རྣམས་ལ་འཇིག་རྟེན་གྱི་ཁམས་འདིའི་བདུད་སྡིག་ཅན་རྣམས་ཀྱིས་བར་ཆད་བྱ་བའི་ཕྱིར་དཔུང་དང་བཞོན་པར་བཅས་པས་བརྩོན་པར་བྱེད་དེ་
དེ་ནི་སྒྲིབ་པར་འགྱུར་བའི་ལས་བྱས་ཤིང་བསགས་པའི་ཕྱིར་རོ། །ཤཱ་རིའི་བུ་དུས་ཕྱི་མ་འདི་ལྟ་བུ་འབྱུང་སྟེ། དེའི་ཚེ་སེམས་ཅན་གང་མཚན་བརྗོད་པའི་བསོད་ནམས་འདི་ལ་མོས་ཤིང་དད་པའི་སེམས་ཅན་དེ་དག་ནི་ཨུ་དུམ་བ་
རའི་མེ་ཏོག་དང་འདྲ་སྟེ། འཇིག་རྟེན་གྱི་སྦྱིན་པར་འོས་པར་འགྱུར་རོ། །དེ་སྐད་ཅེས་བཀའ་སྩལ་པ་དང་། ཚེ་དང་ལྡན་པ་ཤཱ་རིའི་བུས། བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས་སླད་མའི་དུས་ན་འདི་
རབ་ཏུ་དགའ་བ་ལགས་ན། དེ་ན་སེམས་ཅན་ཇི་སྙེད་ཅིག་གིས་དེ་བཞིན་གཤེགས་པ་ཉི་ཟླ་སྒྲོན་མ་དེའི་མཚན་ཐོས་པར་འགྱུར་བ་དང་། སངས་རྒྱས་བཅོམ་ལྡན་འདས་གཞན་གྱི་མཚན་ཀྱང་ཐོས་ནས་དད་པ་ཡང་དག་པར་བསྐྱེད་པར་
འགྱུར་བ་ཇི་སྙེད་ཅིག་མཆིས། དེ་སྐད་ཅེས་གསོལ་པ་དང་། བཅོམ་ལྡན་འདས་ཀྱིས་ཚེ་དང་ལྡན་པ་ཤཱ་རིའི་བུ་ལ་འདི་སྐད་ཅེས་བཀའ་སྩལ་ཏོ། །ཤཱ་རིའི་བུ་གང་གིས་ཐོས་པར་འགྱུར་བ་དེ་དག་ངས་མཐོང་སྟེ། འདི་ལྟ་སྟེ་

62-1-318b

དཔེར་ན་ད་ལྟར་གྱི་སེམས་ཅན་དག་མཐོང་བ་བཞིན་ཏེ། ཤཱ་རིའི་བུ་དཔེར་ན་ད་ལྟར་གྱི་དགེ་སློང་གི་དགེ་འདུན་གོས་ངུར་སྨྲིག་བགོས་པའི་དྲུང་ན། ཁྱིམ་པ་གོས་དཀར་པོ་གྱོན་པ་གཅིག་ཡོད་པ་དེ་བཞིན་དུ་གང་འདིའི་མཚན་ཐོས་པར་འགྱུར་བའི་
སེམས་ཅན་དེ་དག་རྙེད་པར་དཀའོ། །ཐོས་ནས་ཀྱང་དད་པར་འགྱུར་བ་དེ་དག་ནི་ཤཱ་རིའི་བུ་བསོད་ནམས་ཀྱི་ཕུང་པོ་དཔག་ཏུ་མེད་པ་ཡོངས་སུ་འཛིན་པར་འགྱུར་རོ། །གང་དག་ཐོས་ནས་དད་པར་འགྱུར་བ་དེ་དག་ནི། ཤཱ་རིའི་བུ་ཕྱི་མའི་དུས་
ན་དེ་དག་ལ་རྣམ་པར་ལྟུང་བའི་འཇིགས་པ་མི་འབྱུང་ངོ་། །སངས་རྒྱས་བཅོམ་ལྡན་འདས་རྣམས་དང་མི་འབྲལ་བར་འགྱུར་རོ། །འཇིག་རྟེན་ཐམས་ཅད་ལས་བྱེ་བྲག་ཏུ་འཕགས་པར་འགྱུར་རོ། །སངས་རྒྱས་བཅོམ་ལྡན་འདས་ཀྱིས་ཀྱང་
དེ་དག་ལ་བརྩམས་ནས་ཆོས་སྟོན་པར་འགྱུར་ཏེ། དེ་དག་སེམས་ཅན་མང་པོའི་དོན་བྱེད་པར་འགྱུར་རོ། །ཆོས་བསྟན་པ་དེ་ལ་ཡང་གང་དག་ཉན་པ་དང་དད་པ་ཡང་དག་པ་སྐྱེད་པར་འགྱུར་བ་དེ་དག་ངའི་སངས་རྒྱས་ཀྱི་བྱང་ཆུབ་བསམ་པ་ཐག་
པ་ནས་འཛིན་པར་འགྱུར་ཏེ། བསྐལ་པ་བརྒྱར་འཁོར་བ་ལ་རྒྱབ་ཀྱིས་ཕྱོགས་པ་བྱས་པར་འགྱུར་རོ། །ཡང་གང་དག་དད་པར་མི་བྱེད་པ་དེ་དག་ཀྱང་ངས་མཐོང་སྟེ། དཔེར་ན་ད་ལྟར་ཁྱོད་མཐོང་བ་བཞིན་ནོ། །དེ་སྐད་ཅེས་བཀའ་སྩལ་
པ་དང་། ཚེ་དང་ལྡན་པ་ཤཱ་རིའི་བུས། བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས་སངས་རྒྱས་བཅོམ་ལྡན་འདས་དེ་དག་གི་མཚན་གང་དག་ཐོས་ནས་དེ་དག་དད་པར་མི་བགྱིད་ཅིང་སངས་རྒྱས་ཀྱི་བྱང་ཆུབ་
འདི་ཡང་སྤོང་བར་བགྱིད་པ་དེ་དག་ལ་བསོད་ནམས་མ་ལགས་པའི་ཕུང་པོ་ཇི་ཙམ་དུ་འགྱུར། བཅོམ་ལྡན་འདས་ཀྱིས་བཀའ་སྩལ་པ། ཤཱ་རིའི་བུ་དེ་དག་ནི་སེམས་ཅན་དམྱལ་བར་ལོ་བྱེ་བ་དྲུག་བཅུར་གནས་ཤིང་དེ་ན་སྡུག་བསྔལ་ཆེན་
པོའི་ཚོར་བ་མྱོང་བར་འགྱུར་རོ། །ཤཱ་རིའི་བུ་ཕྱོགས་གང་དུ་བསྟན་པ་རབ་ཏུ་འབར་བར་གྱུར་པ་དེ་ན། དམ་པའི་ཆོས་སྤོང་བའི་སྐྱེས་བུ་བླུན་པོ་ཤིན་དུ་མང་བར་འགྱུར་ཏེ། དེ་བས་ན་ཤཱ་རིའི་བུ་ཆོས་ཀྱི་རྣམ་གྲངས་འདི་ལ་སྤོང་བར་

62-1-319a

མི་བྱེད་པའི་རིགས་ཀྱི་བུ་འམ་རིགས་ཀྱི་བུ་མོ་དེ་དག་གིས་དགའ་བ་རྒྱ་ཆེན་པོ་ཡང་དག་པར་བསྐྱེད་ཅིང་། བདག་ནི་ངན་སོང་ཐམས་ཅད་ལས་ཐར་ཏོ། །སྙམ་ནས་བ་དན་བསྒྲེང་བར་བྱའོ། །གལ་ཏེ་ལ་
ལ་ཞིག་གིས་འདི་སྐད་དུ་སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་རིན་པོ་ཆེས་གང་བར་བྱས་ནས། མཚན་འདི་མཉན་པར་བྱའོ། །ཞེས་དེ་སྐད་ཟེར་ན། དེས་ཆུང་ངུ་ཞིག་སྨྲས་པ་ཡིན་ཏེ། ཐམས་ཅད་
མཁྱེན་པའི་ཡེ་ཤེས་ཁོང་དུ་ཆུད་པ་ལ་གནས་པར་འདོད་པས། འཇིག་རྟེན་གྱི་ཁམས་གང་གའི་བྱེ་མ་སྙེད་གྲངས་མེད་པ་རིན་པོ་ཆེས་ཡོངསུ་གང་བར་བྱས་ནས་མཉན་པར་བྱའོ། །སངས་རྒྱས་ཀྱི་ཞིང་སྟོང་ཕྲག་བཅུ་པ་ན་འཇིག་རྟེན་གྱི་
ཁམས་ཚུལ་ཁྲིམས་ཀྱི་འོད་དང་ལྡན་པ་ཞེས་བྱ་བ་ན། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རི་རབ་ཅེས་བྱ་བ་བཞུགས་ཏེ། ཡང་ཤཱ་རིའི་བུ་གང་གིས་དེ་བཞིན་གཤེགས་པ་རི་རབ་དེའི་མཚན་ཐོས་
པར་འགྱུར་བ་དེ་དག་ནི་ཐ་ན་རྨི་ལམ་ན་ཡང་འཕགས་པ་ལ་སྐུར་པ་འདེབས་པར་མི་འགྱུར་རོ། །ལྷག་པའི་བསམ་པ་ཡང་དག་པར་འགྱུར་རོ། །དེ་དག་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ལས་ཕྱིར་མི་ལྡོག་ཅིང་ཆོས་རྣམས་ལ་ཡང་
རྨི་ལམ་ལྟ་བུར་མྱུར་དུ་རབ་ཏུ་ཤེས་པར་འགྱུར་ཏེ། བསྐལ་པ་བརྒྱད་དུ་འཁོར་བ་ལ་རྒྱབ་ཀྱིས་ཕྱོགས་པ་བྱས་པར་འགྱུར་རོ། །སངས་རྒྱས་ཀྱི་ཞིང་ལྔ་སྟོང་པ་ན་འཇིག་རྟེན་གྱི་ཁམས་གཟུགས་གསེར་མདོག་བཟང་པོ་ཞེས་བྱ་བ་ན་དེ་བཞིན་
གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རི་རབ་མངོན་པ་ཞེས་བྱ་བ་བཞུགས་ཏེ། ཡང་ཤཱ་རིའི་བུ་གང་གིས་དེ་བཞིན་གཤེགས་པ་རི་རབ་མངོན་པའི་མཚན་ཐོས་པར་འགྱུར་བ་དང་། མཚན་རྒྱུན་མི་འཆད་པར་འཛིན་པ་
དེ་དག་ནི་བསྐལ་པ་བཅུར་འཁོར་བ་ལ་རྒྱབ་ཀྱིས་ཕྱོགས་པ་བྱས་པར་འགྱུར་རོ། །སངས་རྒྱས་ཀྱི་ཞིང་སྟོང་ཕྲག་ཉི་ཤུ་ན་འཇིག་རྟེན་གྱི་ཁམས་སྣང་བ་ཅན་ཞེས་བྱ་བ་ན། དེ་བཞིན་གཤེགས་པ་དགྲ་བཅོམ་པ་ཡང་དག་པར་

62-1-319b

རྫོགས་པའི་སངས་རྒྱས་རི་རབ་འདྲ་བ་ཞེས་བྱ་བ་བཞུགས་ཏེ། ཤཱ་རིའི་བུ་ཡང་གང་དག་དེ་བཞིན་གཤེགས་པ་རི་རབ་འདྲ་བ་དེའི་མཚན་ཉན་ཅིང་ཐོས་ནས་ཀྱང་ཐ་ན་སེ་གོལ་གཏོགས་པ་ཙམ་ཡང་། རི་མོ་བསྐྱེད་ནས་ཡིད་ལ་
བྱེད་པ་ནི། ཤཱ་རིའི་བུ་གང་གིས་སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་འདི་འཛམ་བུའི་ཆུ་བོའི་གསེར་གྱི་སྤང་ལེབ་བཏིང་ནས་སྦྱིན་པ་བྱིན་པ་བས། གང་གིས་དེ་བཞིན་གཤེགས་པ་འདི་ཡིད་ལ་བྱེད་ན། 
བསོད་ནམས་ཀྱི་ཕུང་པོ་འདིས་སྔ་མའི་བསོད་ནམས་ཀྱི་ཕུང་པོའི་བརྒྱའི་ཆར་ཡང་ཉེ་བར་མི་འགྲོ་བ་ནས། རྒྱུའི་བར་དུ་ཡང་མི་བཟོད་དོ། །དེ་ཅིའི་ཕྱིར་ཞེ་ན། དེ་ལྟར་སངས་རྒྱས་ཀྱི་སྒྲ་ནི་མཐུ་ཆེན་པོ་ཡིན་ཏེ། གང་
དེ་བཞིན་གཤེགས་པ་བཞུགས་པ་ལ་སྟི་སྟང་བྱེད་པ་དང་། མྱ་ངན་ལས་འདས་པའི་སྐུ་གདུང་ལ་མཆོད་པ་ལྟ་ཅི་སྨོས། སངས་རྒྱས་ཀྱི་ཞིང་སྟོང་ཕྲག་གྲངས་མེད་པ་འདས་ནས་འཇིག་རྟེན་གྱི་ཁམས་སྟོབས་ཀྱི་ཤུགས་ཐམས་ཅད་ཐོབ་
པ་ཞེས་བྱ་བ་ན། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཀུན་དུ་སྤོས་ཤེས་བྱ་བ་བཞུགས་ཏེ། ཡང་ཤཱ་རིའི་བུ་དེ་བཞིན་གཤེགས་པ་ཀུན་དུ་སྤོས་དེ་བྱང་ཆུབ་སེམས་དཔའི་སྤྱད་པ་སྤྱོད་པ་ན་སྨོན་
ལམ་འདི་ལྟར་བཏབ་སྟེ། གང་བདག་གིས་སངས་རྒྱས་ལ་བཀུར་སྟི་བྱས་པ་དང་། གང་ཡང་དེ་བཞིན་གཤེགས་པ་སྤྲིན་སྟུག་པོ་ལ་བདུག་སྤོས་ཀྱི་རིལ་བུ་ཡུངས་འབྲུ་ཙམ་བསྲེགས་པས་དགེ་བའི་རྩ་བ་བསྒྲུབས་པ། དགེ་བའི་
རྩ་བ་དེས་བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་སངས་རྒྱས་པ་ན། བ་སྤུའི་ཁུང་བུ་ཐམས་ཅད་ནས་དྲི་ཡིད་དུ་འོང་བ་འབྱུང་བར་གྱུར་ཅིག །བྱུང་ནས་ཀྱང་ཕྱོགས་བཅུའི་འཇིག་རྟེན་གྱི་ཁམས་གང་གཱའི་
ཀླུང་གི་བྱེ་མ་སྙེད་སྤོས་ཀྱི་སྤྲིན་གྱིས་རྒྱས་པར་གྱུར་ཏེ། གང་འཇིག་རྟེན་གྱི་ཁམས་དེ་དག་གི་སེམས་ཅན་རྣམས་ཀྱིས། དྲི་མ་རྣམས་ཤིང་མཚན་ཀྱང་ཐོས་པར་གྱུར་པ་དེ་དག་ཐམས་ཅད་བྱང་ཆུབ་ཐོབ་པའི་ཚེ་བ་སྤུའི་ཁུང་བུ་ནས་དྲི་

62-1-320a

ཡིད་དུ་འོང་བ་འབྱུང་བར་གྱུར་ཅིག་ཅེས་བྱས་སོ། །ཤཱ་རིའི་བུ་ཡང་དག་པར་བླངས་པ་གང་གིས་དེ་བཞིན་གཤེགས་པ་ཀུན་དུ་སྤོས་ངེས་པར་བྱུང་བའི་ཡང་དག་པར་བླངས་པ། དེས་ངེས་པར་འབྱུང་བར་འདོད་པའི་རིགས་
ཀྱི་བུ་འམ་རིགས་ཀྱི་བུ་མོས་ཞག་བདུན་དུ་ཟན་ཆད་དེ་ཁ་ཟས་མ་ཟོས་ཀྱང་མཚན་ཉན་པ་དེ་ལྟ་བུ་ནི་ཡོན་ཏན་ཡོངས་སུ་བརྗོད་པར་འགྱུར་རོ། །དེ་ཅིའི་ཕྱིར་ཞེ་ན། དེ་ཐོས་མ་ཐག་ཏུ་བསོད་ནམས་ཀྱི་ཕུང་པོ་ཚད་མེད་པ་ཡོངསུ་
འཛིན་པར་འགྱུར་རོ། །དེ་ནས་ཚེ་དང་ལྡན་པ་ཤཱ་རིའི་བུས། བཅོམ་ལྡན་འདས་ལ་འདི་སྐད་ཅེས་གསོལ་ཏོ། །དེ་བཞིན་གཤེགས་པ་ཀུན་དུ་སྤོས་ཀྱི་ཡོན་ཏན་བརྗོད་པ་ཉན་པའི་བསོད་ནམས་ཀྱི་ཚོགས་བཅོམ་ལྡན་འདས་ཀྱིས་
བརྗོད་དུ་གསོལ། དེ་ལ་སླད་མའི་དུས་ཀྱི་ཚེ་རིགས་ཀྱི་བུ་འམ། རིགས་ཀྱི་བུ་མོས་དེ་དག་ཐོས་ནས་དགའ་བ་དང་རངས་པ་རྒྱ་ཆེན་པོ་འཐོབ་པར་འགྱུར་རོ། །གང་ཇི་ལྟ་ཇི་ལྟ་བུར་སངས་རྒྱས་ཀྱི་ཆོས་ཉན་པ་དེ་ལྟ་དེ་ལྟ་བུར་བདུད་
སྡིག་ཅན་གྱིས་གླགས་མི་རྙེད་པར་འགྱུར་རོ། །དེ་ཅིའི་སླད་དུ་ཞེ་ན། འདི་ལྟར་དེ་དག་སངས་རྒྱས་ཀྱིས་དགོངས་པར་འགྱུར་ཏེ། དེའི་ཚེ་དེ་དག་བླ་ན་མེད་པ་ཡང་དག་པར་རྫོགས་པའི་བྱང་ཆུབ་མ་སྤངས་པར་འགྱུར་རོ། །བཅོམ་
ལྡན་འདས་ཀྱིས་བཀའ་སྩལ་པ། ཤཱ་རིའི་བུ་དེ་བཞིན་གཤེགས་པ་ཀུན་དུ་སྤོས་ཀྱི་བསོད་ནམས་ཀྱི་ཚོགས་གང་ཅི་ཡོད་པ་ཐམས་ཅད་ངས་ཁྱོད་ལ་བཤད་ན་སེམས་ཅན་རྣམས་མྱོས་པར་འགྱུར་ཏེ། དེ་དག་མཚན་ཐོས་པའི་དགེ་
བའི་རྩ་བ་ལ་མོས་པ་འམ་དད་པར་འགྱུར་བའི་བསོད་ནམས་དང་ལྡན་པ་མེད་དོ། །ཤཱ་རིའི་བུ་གང་དག་མོས་པ་དང་། དད་པ་དང་། དེ་བཞིན་དུ་སེམས་ཡང་དག་པར་དགའ་བར་བྱེད་ཅིང་བདག་ནི་སངས་རྒྱས་ཀྱི་ཆོས་ལས་ཕྱིར་མ་
ལོག་པའོ་སྙམ་དུ་སེམས་ན། ཤཱ་རིའི་བུ་བསོད་ནམས་ཀྱི་ཕུང་པོ་དེའི་ཕྱོགས་ཙམ་ཞིག་བསྟན་པར་བྱའོ། །མཁས་པ་དག་ཡེ་ཤེས་ཆེན་པོ་དང་ལྡན་པར་གྱུར་པ་དགོངས་ཏེ་གསུངས་པ་ལ་འཇུག་པར་འགྱུར་རོ། །

62-1-320b

ཡང་ཤ་རིའི་བུ་སངས་རྒྱས་ཀྱི་ཞིང་མི་མཇེད་ཙམ་གྱི་འཇིག་རྟེན་གྱི་ཁམས་བཅུ་རིན་པོ་སྣ་བདུན་གྱིས་ཡོངས་སུ་གང་བར་བྱས་ཏེ། ཚད་མེད་པའི་སངས་རྒྱས་ལ་བསྐལ་པ་ཚད་མེད་པར་ཉིན་རེ་ཞིང་སྦྱིན་པ་བྱིན་པ་བས་སྔ་མའི་བསོད་ནམས་
ཀྱི་ཕུང་པོའི་ཆ་གང་དུ་འང་བརྗོད་དུ་མི་རུང་ངོ་། །གང་གིས་ཚད་མེད་པ་དང་ལྡན་པའི་དེ་བཞིན་གཤེགས་པ་ལ་རྗེས་སུ་དྲན་ནས་ཡན་ལག་ལྔས་ཕྱག་བྱས་པའི་བསོད་ནམས་ཀྱི་ཕུང་པོ་ནི་བསོད་ནམས་ཀྱི་ཕུང་པོ་དེ་བས་ཆེས་ཚད་
མེད། གྲངས་མེད་པར་འགྱུར་ཏེ། དེ་དག་བསྐལ་པ་བརྒྱར་འཁོར་བ་ལ་རྒྱབ་ཀྱིས་ཕྱོགས་པ་བྱས་པར་འགྱུར་རོ། །སངས་རྒྱས་ཀྱི་ཞིང་བྱེ་བ་ཕྲག་བཅུ་འདས་ནས་འཇིག་རྟེན་གྱི་ཁམས་དྲི་མ་མེད་པའི་འོད་དང་ལྡན་
པ་ན། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་སྣང་བ་ཡོངས་སུ་དག་པ་ཞེས་བྱ་བ་བཞུགས་ཏེ། ཡང་ཤཱ་རིའི་བུ་གང་དག་དེ་བཞིན་གཤེགས་པ་འོད་ཡོངསུ་དགས་པ་དེའི་མཚན་ཉན་པ་དང་། 
སེ་གོལ་གཏོགས་པ་སྲིད་དུ་ཡང་བྱམས་པའི་སེམས་སྒོམ་ཞིང་མངོན་པར་དད་པར་བྱེད་པ་དང་། མོས་པར་བྱེད་ཅིང་བདག་གིས་དེ་བཞིན་གཤེགས་པའི་མཚན་ཐོས་པ་དང་། བྱམས་པའི་སེམས་བསྒོམས་པའི་བདག་གི་དགེ་བའི་རྩ་བ་
འདིས་སེམས་ཅན་ཐམས་ཅད་སངས་རྒྱས་ཀྱི་ཡེ་ཤེས་དང་ལྡན་པར་གྱུར་ཅིག་ཅེས་ཚིག་འདི་སྐད་དུ་སྨྲ་ན། ཤཱ་རིའི་བུ་དེའི་བསོད་ནམས་ཀྱི་ཕུང་པོ་ནི། ཤཱ་རིའི་བུ་གང་གི་འཇིག་རྟེན་གྱི་ཁམས་གང་གཱའི་ཀླུང་གི་བྱེ་མ་སྙེད་རིན་པོ་ཆེ་སྣ་
བདུན་གྱིས་རབ་ཏུ་གང་བར་བྱས་ཏེ། གང་གཱའི་ཀླུང་གི་བྱེ་མ་སྙེད་ཀྱི་སངས་རྒྱས་ལ་ཉིན་རེ་ཞིང་སྦྱིན་པ་ཕུལ་བ་དེ་བཞིན་དུ་བསྐལ་པ་གང་གཱའི་ཀླུང་གི་བྱེ་མ་སྙེད་དུ་སྦྱིན་པ་ཕུལ་བ་འདི་བས་སྔ་མའི་བསོད་ནམས་ཀྱི་ཕུང་པོ་ལ་
བསོད་ནམས་ཀྱི་ཕུང་པོ་འདིས་ཅིའི་ཆ་ཙམ་དུ་ཡང་མི་བཟོད་དོ། །དེ་ཅིའི་ཕྱིར་ཞེ་ན། བསོད་ནམས་ཀྱི་ཕུང་པོ་སྔ་མས་ནི་བྱང་ཆུབ་ཐོབ་པར་འགྱུར་རོ། །དེ་ཅིའི་ཕྱིར་ཞེ་ན། 

62-1-321a

ཤཱ་རིའི་བུ་གང་དག་ཆོས་ཀྱི་སྦྱིན་པ་ལ་འཛུད་པར་བྱེད་པའི་བྱང་ཆུབ་སེམས་དཔའ་ཆོས་ཀྱི་སྦྱིན་པ་ལ་དཔའ་བ་དེ་ནི་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་ཉེ་བར་གྱུར་པ་ཡིན་ནོ། །དེ་བས་ན་ཤཱ་རིའི་བུ་
ཆོས་ཀྱི་སྦྱིན་པ་མཆོག་ལ་གཟུད་པར་བྱའི་ཟང་ཟིང་གི་སྦྱིན་པ་ལ་གཟུད་པར་མི་བྱའོ། །གང་དག་སྐྱེས་བུ་དམ་པ་དེ་དག་ལ་སྦྱིན་པ་སྦྱིན་པར་བྱེད་ན་དེ་དག་གིས་ཆོས་ཀྱི་སྦྱིན་པ་ཉིད་སྦྱིན་པར་བྱའི། ཟང་ཟིང་གི་སྦྱིན་པ་ནི་མ་ཡིན་ཏེ། དེ་དག་བླ་ན་
མེད་པ་ཡང་དག་པར་རྫོགས་པའི་བྱང་ཆུབ་བསྙེན་པར་འགྱུར་རོ། །བསྐལ་པ་བརྒྱད་བཅུའི་བར་དུ་འཁོར་བ་ལ་རྒྱབ་ཀྱིས་ཕྱོགས་པ་བྱས་པར་འགྱུར་རོ། །སངས་རྒྱས་ཀྱི་ཞིང་སྟོང་ཕྲག་བརྒྱ་ན་འཇིག་རྟེན་གྱི་ཁམས་ཆོས་ལྡན་ཞེས་བྱ་བ་
ན་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཆོས་ཀྱི་བླ་མ་ཞེས་བྱ་བ་བཞུགས་ཏེ། ཡང་ཤཱ་རིའི་བུ་གང་དག་དེ་བཞིན་གཤེགས་པ་ཆོས་ཀྱི་བླ་མ་དེའི་མཚན་ཉན་པ་དང་། དད་པ་ཡང་སྐྱེད་པ་དང་། ཐལ་མོ་
སྦྱོར་བར་བྱེད་ཅིང་དེ་དག་ཐམས་ཅད་འདི་ལྟ་སྟེ། སངས་རྒྱས་ཀྱི་ཆོས་འདི་ལ་ཆོས་གྲུབ་པར་བྱ་བའི་ཕྱིར་སློབ་པར་འགྱུར་རོ། །ཕན་ཡོན་འདི་དག་འདོད་པས་རི་མོར་བྱས་ཏེ་མོས་པར་བྱའོ། །དེ་བཞིན་གཤེགས་པ་རྣམས་ཀྱི་ཡོན་ཏན་
ཡོངས་སུ་བརྗོད་པ་ལ་སོ་སོའི་སྐྱེ་བོའི་ཤེས་པས་དེ་བཞིན་གཤེགས་པའི་ཡེ་ཤེས་ལ་ཚད་གཟུང་བར་མི་བྱ་སྟེ། གང་སངས་རྒྱས་བཅོམ་ལྡན་འདས་རྣམས་ཀྱི་ཡེ་ཤེས་དེ་ནི་རང་སངས་རྒྱས་རྣམས་ཀྱིས་ཡང་མ་ཡིན་པས་ན། 
དཔེ་འདི་དག་ཐོས་པ་ལས་སངས་རྒྱས་ཀྱི་ཡེ་ཤེས་ལ་བརྙས་པར་མི་བྱ་སྟེ། སེམས་བསྐྱེད་པ་གཅིག་གམ། ངག་གི་ལས་གཅིག་གིས་སེམས་ཅན་དམྱལ་བ་ཆེན་པོའི་ལུས་རྣམ་པ་དུ་མར་འགྱུར་བའི་ལས་ཡོངས་སུ་གཟུང་བར་
མི་བྱའོ། །དེ་ཅིའི་ཕྱིར་ཞེ་ན། སངས་རྒྱས་བཅོམ་ལྡན་འདས་རྣམས་འཇིག་རྟེན་དུ་འབྱུང་བ་ཡང་དཀའ། མིར་འགྱུར་བ་དང་། དལ་བ་ཕུན་སུམ་ཚོགས་པ་བསྒྲུབ་པ་ཡང་ཤིན་དུ་དཀའོ། །དེའི་ཕྱིར་དཔེ་ཞིག་བསྟན་

62-1-321b

པར་བྱ་སྟེ། ཤཱ་རིའི་བུ་དཔེར་ན་ས་ཆེན་པོ་འདི་རྒྱ་མཚོ་ཆེན་པོ་གཅིག་ཏུ་གྱུར་ཏེ། དེའི་ནང་ན་གཉའ་ཤིང་བུ་ག་གཅིག་པ་ཞིག་ཡོད་ལ། རུས་སྦལ་ཞར་བ་ཞིག་ཀྱང་ཡོད་དེ། རྒྱ་མཚོ་ཆེན་པོ་དེ་ལ་རླུང་ཡར་ལྡང་བ་མར་ལྡང་བ་ཞེས་བྱ་བ་
ལྡང་བ་ལ། རུ་སྦལ་ཞར་བ་དེ་ཡང་ལོ་བརྒྱ་བརྒྱ་ཞིང་ལན་ཅིག་ཕྱིར་འབྱུང་བ་རབ་ཏུ་མྱུར་བར་གཉའ་ཤིང་གི་བུ་གཅིག་པ་དེར། རུས་སྦལ་ཞར་བ་ལོ་བརྒྱ་བརྒྱ་ཞིང་ཕྱིར་བྱུང་བའི་མགུལ་པ་ཆུད་པར་སྨྲའི། ལོག་པར་ལྟུང་བ་ལས་ཕྱིར་
ཡང་མིར་འགྱུར་བ་ནི་དེ་ལྟ་མ་ཡིན་ཏེ། དེ་ལྟར་ལོག་པར་ལྟུང་བ་རྣམས་ཀྱི་མིར་འགྱུར་བ་རབ་ཏུ་དཀའ་བ་ཡིན་ནོ། །གང་ཡང་མི་ཁོམ་པ་ལ་སོགས་པ་སྤངས་ཏེ། ད་ལྟར་མིར་འགྱུར་བ་ཐོབ་ནས་སངས་རྒྱས་བྱུང་བ་ལ་ཡང་མཉེས་
པར་བྱས་ཏེ། དེ་བཞིན་གཤེགས་པ་འཇིག་རྟེན་ཐམས་ཅད་ཀྱི་མཆོག་གི་ཡེ་ཤེས་དམ་པ་མངའ་བ་ལ་དད་པ་ཐོབ་ནས་བདག་གིས་མིར་འགྱུར་བ་ལེགས་པར་ཐོབ་ཀྱིས། དེ་བཞིན་གཤེགས་པ་ཐམས་ཅད་མཁྱེན་པའི་ཡེ་ཤེས་ཆེན་
པོ་དང་ལྡན་པ་ལ་བདག་གིས་སེམས་བསྐྱེད་པ་གཅིག་ཙམ་ཡང་མོས་པར་བྱའོ་སྙམ་ནས་བདག་ཉིད་ཡང་དག་པར་དགའ་བར་བྱའོ། །དེ་དག་གིས་བསྐལ་པ་སུམ་བཅུར་འཁོར་བ་ལ་རྒྱབ་ཀྱིས་ཕྱོགས་པ་བྱས་པར་འགྱུར་རོ། །སངས་
རྒྱས་ཀྱི་ཞིང་སྟོང་ཕྲག་ལྔ་བཅུ་རྩ་ལྔ་ན་འཇིག་རྟེན་གྱི་ཁམས་རྒྱུ་བའི་དབང་པོ་ཞེས་བྱ་བ་ན། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་སྤོས་ཀྱི་དབང་ཕྱུག་རྒྱལ་པོ་ཞེས་བྱ་བ་བཞུགས་ཏེ། ཡང་ཤཱ་རིའི་བུ་
གང་དེ་བཞིན་གཤེགས་པ་སྤོས་ཀྱི་དབང་ཕྱུག་རྒྱལ་པོའི་མཚན་ཉན་པ་དང་། དད་པ་སྐྱེད་པར་འགྱུར་བ་དང་། མོས་པར་བྱེད་ཅིང་ཐལ་མོ་སྦྱར་ཏེ་ཚིག་འདི་སྐད་དུ། བཅོམ་ལྡན་འདས་དེ་བཞིན་གཤེགས་པ་སྤོས་ཀྱི་དབང་ཕྱུག་རྒྱལ་པོ་ལ་ཕྱག་
འཚལ་ལོ་ཞེས་ཟེར་ན་དེ་དག་གི་བསོད་ནམས་ཀྱི་ཕུང་པོ་ཚད་མེད་པར་འགྱུར་ཏེ། དེའི་ཕྱོགས་ཙམ་ཞིག་བསྟན་པར་བྱའོ། །ཡང་ཤཱ་རིའི་བུ་གང་གིས་སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་འདི་རིན་པོ་ཆེ་སྣ་བདུན་གྱིས་རབ་ཏུ་གང་བར་

62-1-322a

བྱས་ནས་སངས་རྒྱས་བཅོམ་ལྡན་འདས་ལ་ཉིན་རེ་ཞིང་སྦྱིན་པ་ཕུལ་ཏེ། དེ་བཞིན་དུ་འབུལ་ཞིང་ལོ་སྟོང་དུ་ཕུལ་བ་བས། གང་གིས་དེ་བཞིན་གཤེགས་པའི་མཚན་ཐོས་ནས་དད་པ་ཡང་དག་པར་སྐྱེད་པ་དང་། 
མོས་པར་བྱེད་ཅིང་ཐལ་མོ་སྦྱར་ཏེ། བཅོམ་ལྡན་འདས་དེ་བཞིན་གཤེགས་པ་སྤོས་ཀྱི་དབང་ཕྱུག་རྒྱལ་པོ་ལ་ཕྱག་འཚལ་ལོ་ཞེས་ཚིག་དེ་སྐད་དུ་སྨྲ་བ་འདིའི་བསོད་ནམས་ཀྱི་ཕུང་པོ་ལ་སྔ་མའི་བསོད་ནམས་ཀྱི་ཕུང་པོས་བརྒྱའི་ཆར་ཡང་ཉེ་
བར་མི་འགྲོ་བ་ནས། དཔེར་ཡང་མི་བཟོད་དེ། བསྐལ་པ་སུམ་བཅུར་འཁོར་བ་ལ་རྒྱབ་ཀྱིས་ཕྱོགས་པ་བྱས་པར་འགྱུར་རོ། །སངས་རྒྱས་ཀྱི་ཞིང་སྟོང་ཕྲག་བཅུ་ན་འཇིག་རྟེན་གྱི་ཁམས་བདེན་པ་དང་ལྡན་པ་ཞེས་བྱ་བ་ན། 
དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཡོན་ཏན་ཆེན་པོ་ཞེས་བྱ་བ་བཞུགས་ཏེ། ཡང་ཤཱ་རིའི་བུ་གང་དེ་བཞིན་གཤེགས་པ་ཡོན་ཏན་ཆེན་པོ་དེའི་མཚན་ཉན་པར་འགྱུར་བ་ངེས་པ་ལ་ཞུགས་པ་མ་གཏོགས་
པར་དེ་དག་ཐམས་ཅད་སངས་རྒྱས་ཀྱི་ཆོས་ཐམས་ཅད་གྲུབ་པར་བྱེད་པར་འགྱུར་རོ། །སངས་རྒྱས་ཀྱི་ཞིང་སྟོང་ཕྲག་བརྒྱད་ན་འཇིག་རྟེན་གྱི་ཁམས་རྒྱན་ཆེན་པོ་དང་ལྡན་པ་ཞེས་བྱ་བ་ན། དེ་བཞིན་གཤེགས་པ་དགྲ་བཅོམ་པ་ཡང་དག་
པར་རྫོགས་པའི་སངས་རྒྱས་སྤོས་འོད་ཅེས་བྱ་བ་བཞུགས་ཏེ། ཤཱ་རིའི་བུ་དེ་བཞིན་གཤེགས་པ་སྤོས་འོད་བྱང་ཆུབ་སེམས་དཔའི་སྤྱད་པ་སྤྱོད་པ་ན་བདག་བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་སངས་རྒྱས་
པའི་མིང་གང་གིས་ཉན་པ་དང་། གང་ཉན་པ་དང་། ཐོས་ནས་ཀྱང་མོས་པར་འགྱུར་བ་དེ་དག་ཐམས་ཅད་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ལས་ཕྱིར་མི་ལྡོག་པར་གྱུར་ཅིང་། དེ་དག་ཕྱི་མ་ལ་ངན་སོང་དུ་འགྲོ་བར་མ་གྱུར་ཅིག་ཅེས་སྨོན་
ལམ་དེ་ལྟར་བཏབ་པར་གྱུར་ཏོ། །ཡང་ཤཱ་རིའི་བུ་དེ་བཞིན་གཤེགས་པ་དེའི་མཚན་གང་། ཉན་ཅིང་ཐོས་ནས་ཀྱང་། ལྷག་པའི་བསམ་པས་མོས་པར་བྱེད་པ་ནི་སྔོན་གྱི་སྨོན་ལམ་དེས་དེ་དག་ཐམས་ཅད་བླ་ན་མེད་པ་ཡང་དག་པར་རྫོགས་པའི་

62-1-322b

བྱང་ཆུབ་ལས་ཕྱིར་མི་ལྡོག་པར་འགྱུར་རོ། །སངས་རྒྱས་ཀྱི་ཞིང་སུམ་བཅུ་ན་འཇིག་རྟེན་གྱི་ཁམས་དྲི་མ་མེད་པ་དང་ལྡན་པ་ཞེས་བྱ་བ་ན། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་འོད་འཕྲོ་ཞེས་བྱ་བ་
བཞུགས་ཏེ། ཤཱ་རིའི་བུ་དེ་བཞིན་གཤེགས་པ་འོད་འཕྲོ་དེའི་མཚན་ཐོས་པར་འགྱུར་བ་ཉུང་སྟེ། ཐོས་ནས་མོས་པ་དང་དད་པར་འགྱུར་བ་དེ་དག་གི་བསོད་ནམས་ཀྱི་ཕུང་པོ་ཚད་མེད་པར་འགྱུར་རོ། །གང་ཉན་པར་མི་བྱེད་པ་དེ་དག་ནི་བསོད་
ནམས་མ་ཡིན་པའི་ཕུང་པོ་ཚད་མེད་པ་ཡོངས་སུ་འཛིན་པར་འགྱུར་རོ། །སངས་རྒྱས་ཀྱི་ཞིང་སྟོང་ཕྲག་བཅྭ་ལྔ་ན་འཇིག་རྟེན་གྱི་ཁམས་ཀུན་དགའ་བ་དང་ལྡན་པ་ཞེས་བྱ་བ་ན། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་
འོད་ཚད་མེད་ཅེས་བྱ་བ་བཞུགས་ཏེ། ཡང་ཤཱ་རིའི་བུ་གང་དེ་བཞིན་གཤེགས་པ་འོད་ཚད་མེད་དེའི་མཚན་ཉན་པར་འགྱུར་བ་དང་། ལྷག་པའི་བསམ་པས་དད་པར་བྱེད་པ་དེ་དག་ཐམས་ཅད་དེ་བཞིན་གཤེགས་པ་དེའི་འོད་ཐོབ་པར་འགྱུར་རོ། །
གང་དད་པར་མི་བྱེད་པ་དེ་དག་བསྐལ་པ་ཉི་ཤུར་ཚ་བའི་སེམས་ཅན་དམྱལ་བར་བཙོ་བར་འགྱུར་རོ། །སངས་རྒྱས་ཀྱི་ཞིང་སྟོང་ཕྲག་ཉི་ཤུ་ན། འཇིག་རྟེན་གྱི་ཁམས་སྙིང་པོ་དང་ལྡན་པ་ཞེས་བྱ་བ་ན། དེ་བཞིན་གཤེགས་པ་དགྲ་བཅོམ་པ་ཡང་དག་
པའ་རྫོགས་པའི་སངས་རྒྱས་འོད་བཏང་བ་ཞེས་བྱ་བ་བཞུགས་ཏེ། ཡང་ཤཱ་རིའི་བུ་གང་དེ་བཞིན་གཤེགས་པ་འོད་བཏང་བ་དེའི་མཚན་ཉན་པར་འགྱུར་བ་དང་། ཐོས་མ་ཐག་ཏུའང་དད་པ་སྐྱེད་པར་བྱེད་པ་དེ་དག་ཐམས་ཅད་བདུད་སྡིག་ཅན་གྱིས་ཐུབ་
དཀའ་བར་འགྱུར་རོ། །སངས་རྒྱས་ཀྱི་ཞིང་ཉིས་སྟོང་ལྔ་བརྒྱ་ན་འཇིག་རྟེན་གྱི་ཁམས་སྤུག་གི་ཤིང་ཏོག་དང་ལྡན་པ་ཞེས་བྱ་བ་ན། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཟླ་བའི་སྒྲོན་མ་ཞེས་བྱ་བ་བཞུགས་
ཏེ། ཤཱ་རིའི་བུ་ཡང་གང་དེ་བཞིན་གཤེགས་པ་ཟླ་བའི་སྒྲོན་མ་དེའི་མཚན་ཉན་པར་འགྱུར་བ་དེ་དག་ལྷ་དང་བཅས་པའི་འཇིག་རྟེན་གྱི་སྦྱིན་གནས་སུ་འགྱུར་རོ། །དེ་དག་ཡུལ་གང་ན་གནས་པའི་ཡུལ་དེ་ཡང་མཆོད་རྟེན་དུ་འགྱུར་རོ། །

62-1-323a

དེ་ཅིའི་ཕྱིར་ཞེ་ན། ཕྱི་མའི་དུས་ན་དེ་བཞིན་གཤེགས་པའི་མཚན་ཉན་པར་འགྱུར་བའི་སྐྱེས་བུ་དེ་དག་ནི་དཀོན་ཏོ། །སངས་རྒྱས་ཀྱི་ཞིང་སྟོང་ཕྲག་བརྒྱད་ན་འཇིག་རྟེན་གྱི་ཁམས་དྲི་མཆོག་ཅེས་བྱ་བ་ན། དེ་བཞིན་
གཤེགས་པ་ཟླ་འོད་ཅེས་བྱ་བ་བཞུགས་ཏེ། ཤཱ་རིའི་བུ་གང་དེ་བཞིན་གཤེགས་པ་ཟླ་འོད་དེའི་མཚན་ཉན་པར་འགྱུར་བ་དང་། ཐ་ན་རྨི་ལམ་གྱི་ཚེ་ཐོས་ན་ཡང་དད་པ་ཡང་དག་པར་སྐྱེད་པ་དེ་དག་ཐམས་ཅད་བསོད་ནམས་ཀྱི་ཕུང་པོ་ཆེན་པོ་
སྐྱེད་པར་འགྱུར་རོ། །རི་དང་འདྲ་བར་བདུད་ཐམས་ཅད་ཀྱིས་མི་བསྐྱོད་པར་འགྱུར་རོ། །སངས་རྒྱས་ཀྱི་ཞིང་ཕྲག་བཅུ་གཉིས་ན་འཇིག་རྟེན་གྱི་ཁམས་ཉི་མ་དང་ལྡན་པ་ཞེས་བྱ་བ་ན། དེ་བཞིན་གཤེགས་པ་དགྲ་བཅོམ་པ་ཡང་དག་པར་
རྫོགས་པའི་སངས་རྒྱས་ཟླ་བ་སྣང་བ་ཞེས་བྱ་བ་བཞུགས་ཏེ། ཤཱ་རིའི་བུ་དེ་བཞིན་གཤེགས་པ་ཟླ་བ་སྣང་བའི་སངས་རྒྱས་ཀྱི་ཞིང་ནང་ན་སོང་གི་གཞི་མེད་དོ། །ཤཱ་རིའི་བུ་དེ་བཞིན་གཤེགས་པ་དེའི་སྨོན་ལམ་སྔོན་འདི་ལྟར་བཏབ་སྟེ། 
བྱང་ཆུབ་ཐོབ་པའི་མཚན་དང་མྱ་ངན་ལས་འདས་པ་ཐོས་པ་དེ་དག་ཐམས་ཅད་ཀྱིས་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ལས་ཕྱིར་མི་ལྡོག་པར་གྱུར་ཅིག །བདག་གི་སངས་རྒྱས་ཀྱི་ཞིང་གི་བཀོད་པ་དེ་དག་གི་སངས་རྒྱས་
ཀྱི་ཞིང་གི་བཀོད་པ་ཡང་། ད་ལྟར་གྱི་བདག་གི་ཅི་འདྲ་བ་དེ་འདྲ་བར་གྱུར་ཅིག །ཤཱ་རིའི་བུ་གང་ལ་ལ་ཞིག་གིས་དེ་བཞིན་གཤེགས་པ་ཟླ་བ་སྣང་བའི་མཚན་ཉན་པར་འགྱུར་བ་དེ་དག་ཐམས་ཅད་ཀྱང་སྔོན་བྱང་ཆུབ་སེམས་དཔའི་སྤྱད་པ་
སྤྱོད་པ་ན་ཇི་ལྟར་སྨོན་ལམ་བཏབ་པ་དེ་བཞིན་དུ་འགྱུར་རོ། །སངས་རྒྱས་ཀྱི་ཞིང་སྟོང་ཕྲག་བཅྭ་བརྒྱད་ན་འཇིག་རྟེན་གྱི་ཁམས་གསེར་གྱི་ནོར་བུ་སྣང་བ་དང་ལྡན་པ་ཞེས་བྱ་བ་ན། དེ་བཞིན་གཤེགས་པ་དགྲ་བཅོམ་པ་ཡང་དག་པར་
རྫོགས་པའི་སངས་རྒྱས་མེ་འོད་ཅེས་བྱ་བ་བཞུགས་ཏེ་ཤཱ་རིའི་བུ་གང་དེ་བཞིན་གཤེགས་པ་མེ་འོད་ཀྱི་མཚན་ཉན་པར་འགྱུར་བ་དེ་དག་ཐམས་ཅད་ཆོས་ཀྱི་སྒྲོན་མ་ཐོགས་པར་འགྱུར། འཇིག་རྟེན་ཐམས་ཅད་དང་། སེམས་ཅན་རྣམས་འཁོར་བའི་

62-1-323b

རྒྱ་མཚོ་ལས་སྒྲོལ་བར་འགྱུར་རོ། །དེ་དག་གི་ཉིན་མཚན་སེམས་ཅན་རྣམས་ལ་ཕན་འདོགས་པ་ལ་ཞུགས་པས་འདའ་བར་འགྱུར་རོ། །དེ་དག་ཆོས་ཀྱི་སྦྱིན་པ་མངོན་པར་གཏོང་ངོ་། །དེ་དག་ནི་བདུད་ཐམས་ཅད་དང་མུ་སྟེགས་ཅན་གཞན་
གྱིས་མི་ཐུབ་པར་འགྱུར་རོ། །སངས་རྒྱས་ཀྱི་ཞིང་སྟོང་ཕྲག་བཅུ་ན་འཇིག་རྟེན་གྱི་ཁམས་གཟུགས་སྣང་བ་དང་ལྡན་པ་ཞེས་བྱ་བ་ན། དེ་བཞིན་གཤེགས་པ་རྣམ་པར་རྒྱལ་བའི་དབྱངས་ཞེས་བྱ་བ་བཞུགས་ཏེ། ཅིའི་ཕྱིར་འཇིག་རྟེན་
གྱི་ཁམས་དེ་གཟུགས་སྣང་བ་དང་ལྡན་པ་ཞེས་བྱ་ཞེ་ན། འཇིག་རྟེན་གྱི་ཁམས་དེར་སེམས་ཅན་གང་སུ་དག་སྐྱེས་པ་དང་། སྐྱེ་བ་དང་། སྐྱེ་བར་འགྱུར་བ་དེ་དག་ཐམས་ཅད་མིའི་ཁ་དོག་ལས་འདས་པར་གྱུར་པ་ཡིན། སེམས་ཅན་དེ་དག་ཐམས་
ཅད་གཟུགས་བཟང་ཞིང་མཛེས་པར་གྱུར་པ་ཡིན་ནོ། །ཤཱ་རིའི་བུ་གང་དག་དེ་བཞིན་གཤེགས་པ་རྣམ་པར་རྒྱལ་བའི་མཚན་ཉན་པ་དེ་དག་ཐམས་ཅད་བླ་ན་མེད་པའི་སངས་རྒྱས་ཀྱི་ཆོས་ཀྱིས་གཟུགས་བཟང་པོར་འགྱུར་རོ། །སངས་རྒྱས་
ཀྱི་ཞིང་སྟོང་ཕྲག་བཅུ་གསུམ་ན་འཇིག་རྟེན་གྱི་ཁམས་རྣམ་པར་རྒྱལ་བ་དང་ལྡན་པ་ན་དེ་བཞིན་གཤེགས་པ་མཆོག་མཛད་ཅེས་བྱ་བ་བཞུགས་ཏེ། ཡང་ཤཱ་རིའི་བུ་གང་དེ་བཞིན་གཤེགས་པ་མཆོག་མཛད་དེའི་མཚན་ཉན་པར་འགྱུར་བ་དང་། 
དད་པ་ཡང་སྐྱེད་པར་འགྱུར་བ་ནི་ལྷ་དང་མི་དང་ལྷ་མ་ཡིན་དུ་བཅས་པའི་འཇིག་རྟེན་གྱི་མཆོག་ཏུ་འགྱུར་རོ། །བསྐལ་པ་ཉི་ཤུར་འཁོར་བ་ལ་རྒྱབ་ཀྱིས་ཕྱོགས་པ་བྱས་པར་འགྱུར་རོ། །སངས་རྒྱས་ཀྱི་ཞིང་བྱེ་བ་བརྒྱ་སྟོང་གི་ཐ་མ་ན་འཇིག་
རྟེན་གྱི་ཁམས་གཡུལ་ལས་རྣམ་པར་རྒྱལ་ཏེ་རྒལ་བ་ཞེས་བྱ་བ་ན་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་མང་པོའི་བླ་མ་ཞེས་བྱ་བ་བཞུགས་ཏེ། ཤཱ་རིའི་བུ་གང་དེ་བཞིན་གཤེགས་པ་མང་པོའི་བླ་མའི་མཚན་
ལྷ་འམ། ཀླུ་འམ། གནོད་སྦྱིན་ནམ། མི་འམ། མི་མ་ཡིན་པ་ཉན་པར་འགྱུར་བ་དེ་ཉིད་དེ་དག་ཐམས་ཅད་ཀྱི་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཀྱི་རྒྱུར་འགྱུར་རོ། །དེ་དག་གིས་བསྐལ་པ་སུམ་བཅུར་འཁོར་བ་ལ་

62-1-324a

རྒྱབ་ཀྱིས་ཕྱོགས་པ་བྱས་པར་འགྱུར་རོ། །གང་དག་མཚན་འདི་ལ་དད་པར་མི་བྱེད་པ་དེ་དག་ནི་བསྐལ་པ་ཉི་ཤུ་དང་ལོ་སྟོང་དུ་དམྱལ་བར་བཙོ་བར་འགྱུར་རོ། །སངས་རྒྱས་ཀྱི་ཞིང་ལྔ་སྟོང་ན་འཇིག་རྟེན་གྱི་ཁམས་རིན་པོ་ཆེ་སྣ་
བདུན་ཞེས་བྱ་བ་ན། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་པད་མའི་སྡེ་ཞེས་བྱ་བ་བཞུགས་ཏེ། ཤཱ་རིའི་བུ་གང་དག་སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་རིན་པོ་ཆེས་རབ་ཏུ་གང་བར་བྱས་
ཏེ། སངས་རྒྱས་བཅོམ་ལྡན་འདས་ལ་ཉིན་རེ་ཞིང་སྦྱིན་པ་ཕུལ་ལ་དེ་བཞིན་དུ་བསྐལ་པ་གང་གཱའི་ཀླུང་གི་བྱེ་མ་སྙེད་དང་མཉམ་པར་སྦྱིན་པ་ཕུལ་ནས་དེ་འདི་སྙམ་དུ་སེམས་ཏེ། བདག་གིས་རིན་པོ་ཆེ་འདི་ཡོངས་སུ་བཏང་བ་འདིས་དེ་
བཞིན་གཤེགས་པ་པད་མའི་སྡེ་དེའི་མཚན་ཐོས་པར་གྱུར་ཅིག་སྙམ་སྟེ། གང་སངས་རྒྱས་མཐོང་བ་དེ་དག་གིས་ཐོས་པར་ནུས་སོ། །དེ་ཅིའི་ཕྱིར་ཞེ་ན། ཤཱ་རིའི་བུ་དེ་བཞིན་གཤེགས་པ་དེ་ནི་སྤྱོད་པ་བསམ་གྱིས་མི་ཁྱབ་པ་ལས་
ངེས་པར་བྱུང་བ་སྟེ། གང་དག་དེ་བཞིན་གཤེགས་པ་དེའི་མཚན་ཉན་པར་འགྱུར་བ་དང་། དད་པ་ཡང་སྐྱེད་པར་འགྱུར་བ་དེ་དག་ནི་པད་མ་ཆུ་ལས་བྱུང་བ་བཞིན་ཁམས་གསུམ་ཐམས་ཅད་ལས་མངོན་པར་འཕགས་པར་
འགྱུར་རོ། །སངས་རྒྱས་ཀྱི་ཞིང་སྟོང་ཕྲག་སུམ་བཅུ་ན་འཇིག་རྟེན་གྱི་ཁམས་ཟླ་བ་ཅན་ན་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་པད་མོའི་དབྱངས་ཤེས་བྱ་བ་བཞུགས་ཏེ། ཤཱ་རིའི་བུ་
དེ་ཡིད་ལ་ཇི་སྙམ་དུ་སེམས་ཅིའི་ཕྱིར་པད་མོའི་དབྱངས་ཤེས་བྱ་ཞེ་ན། དེ་བཞིན་གཤེགས་པ་དེ་པད་མ་ལ་བཞུགས་ནས་བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་སངས་རྒྱས་པ་དང་། 
སུམ་བཅུ་རྩ་གསུམ་པའི་ལྷ་རྣམས་ཀྱིས་ཀྱེ་མ་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་པད་མོའི་དབྱངས་བྱུང་ངོ་ཞེས་སྒྲ་བསྒྲགས་སོ། །ཤཱ་རིའི་བུ་གང་དེ་བཞིན་གཤེགས་པ་པད་མོའི་

62-1-324b

དབྱངས་ཀྱི་མཚན་ཉན་པ་དང་། དད་པ་སྐྱེད་པར་འགྱུར་བ་དང་། པུས་མོ་གཡས་པའི་ལྷ་ང་ས་ལ་བཙུགས་ནས་དེ་བཞིན་གཤེགས་པ་དེ་ལ་ཕྱག་འཚལ་ལོ་ཞེས་ཚིག་དེ་སྐད་དུ་སྨྲ་ན། འཚམས་མེད་པ་ལས་བྱུང་བ་དང་། 
འཕགས་པ་ལ་སྐུར་པ་འདེབས་པ་མ་གཏོགས་པར་དེ་དག་ཐམས་ཅད་ལོག་པར་མི་ལྟུང་བའི་ཆོས་ཅན་དུ་འགྱུར་རོ། །སངས་རྒྱས་ཀྱི་ཞིང་སྟོང་ཕྲག་སུམ་བཅུ་ན་འཇིག་རྟེན་གྱི་ཁམས་མཐུ་བོ་ཆེ་དང་ལྡན་པའི་ས་ན། དེ་བཞིན་
གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རིན་ཆེན་མང་ཞེས་བྱ་བ་བཞུགས་ཏེ། ཅིའི་ཕྱིར་རིན་ཆེན་མང་ཞེས་བྱ་ཞེ་ན། སངས་རྒྱས་ཀྱི་ཞིང་དེ་ན་བྱང་ཆུབ་སེམས་དཔའ་ཤིན་དུ་མང་སྟེ། ཉན་ཐོས་ཀྱི་ཐེག་པ་
ཅན་མང་བ་མ་ཡིན་ལ་ཉིན་རེ་ཞིང་ཡང་དེའི་བསྟན་པ་ཚད་མེད་པར་བྱུང་སྟེ། དེའི་ཕྱིར་དེ་བཞིན་གཤེགས་པ་དེ་རིན་ཆེན་མང་ཞེས་བྱའོ། །ཤཱ་རིའི་བུ་རིགས་ཀྱི་བུ་འམ། རིགས་ཀྱི་བུ་མོ་གང་པུས་མོ་གཡས་པའི་ལྷ་ང་ས་ལ་བཙུགས་
ཏེ། ཐལ་མོ་སྦྱར་ནས་དེ་བཞིན་གཤེགས་པ་རིན་ཆེན་མང་དེ་ལ་ཕྱག་འཚལ་ལོ་ཞེས་ཆེད་དུ་བརྗོད་པ་ལན་གསུམ་དུ་རྗོད་པར་བྱེད་ན། དེ་དག་ནི་དེ་བཞིན་གཤེགས་པའི་སྔོན་གྱི་སྨོན་ལམ་གྱི་སྤྱོད་པ་ཡོངས་སུ་རྫོགས་པར་
འགྱུར་ཏེ། དེ་ནི་གཡོག་རིན་པོ་ཆེ་དང་ལྡན་པར་འགྱུར་རོ། །སངས་རྒྱས་ཀྱི་ཞིང་སྟོང་ཕྲག་ཉི་ཤུ་ན་འཇིག་རྟེན་གྱི་ཁམས་མེ་ཏོག་ཅན་ཞེས་བྱ་བ་ནང་། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་
སེང་གེའི་ང་རོ་ཞེས་བྱ་བ་བཞུགས་ཏེ། ཤཱ་རིའི་བུ་གང་དག་དེ་བཞིན་གཤེགས་པ་སེང་གེའི་ང་རོའི་མཚན་ཉན་པ་དང་། པུས་མོ་གཡས་པའི་ལྷ་ང་ས་ལ་བཙུགས་ནས། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་
པའི་སངས་རྒྱས་སེང་གེའི་ང་རོ་དེ་ལ་ཕྱག་འཚལ་ལོ་ཞེས་ཆེད་དུ་བརྗོད་པ་ལན་གསུམ་དུ་རྗོད་པར་བྱེད་ན། དེ་དག་ཐམས་ཅད་སེམས་ཅན་ཐམས་ཅད་དགྲོལ་བའི་ཕྱིར་འཇིག་རྟེན་གསུམ་ཟིལ་གྱིས་མནན་ནས་སེང་གེའི་སྒྲར་སྒྲོགསོ། །

62-1-325a

བསྐལ་པ་ལྔར་འཁོར་བ་ལ་རྒྱབ་ཀྱིས་ཕྱོགས་པ་བྱས་པར་འགྱུར་རོ། །སངས་རྒྱས་ཀྱི་ཞིང་སྟོང་ཕྲག་བཅུ་ན་འཇིག་རྟེན་གྱི་ཁམས་དགོན་པ་ཅན་ན། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་
རྒྱས་སེང་གེའི་དབྱངས་ཤེས་བྱ་བ་བཞུགས་ཏེ། ཤཱ་རིའི་བུ་གང་དེ་བཞིན་གཤེགས་པ་སེང་གེའི་དབྱངས་ལ་རྗེས་སུ་དྲན་པར་བྱེད་ཅིང་ཐ་ན་ནམ་མཁའ་ལ་ཡང་མེ་ཏོག་གིས་འཐོར་བ་དང་། གང་གིས་དེ་བཞིན་གཤེགས་པའི་མཆོད་རྟེན་
བཙུགས་ནས་སྦྱིན་པ་ཡོངས་སུ་གཏོང་བས་དེ་བཞིན་གཤེགས་པ་དེ་ལ་མཆོད་པར་གྱུར་ཅིག་ཅེས་མོས་པ་ལྟ་ཅི་སྨོས་ཏེ། དེ་དག་ཐམས་ཅད་འཇིག་རྟེན་ན་མེ་ཏོག་ལྟ་བུར་འགྱུར་རོ། །གསུང་དབྱངས་དེ་ཐོབ་པར་འགྱུར་ཏེ་དེ་ནི་སངས་
རྒྱས་ཀྱི་གསུང་དབྱངས་སོ། །སངས་རྒྱས་ཀྱི་ཞིང་སྟོང་ཕྲག་བཅྭ་ལྔ་ན་འཇིག་རྟེན་གྱི་ཁམས་མྱ་ངན་མེད་པ་ན། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་དཔའ་བོའི་སྡེ་ཞེས་བྱ་བ་བཞུགས་
ཏེ། ཤཱ་རིའི་བུ་གང་དེ་བཞིན་གཤེགས་པ་དཔའ་བོའི་སྡེའི་མཚན་ཉན་པ་དང་། དད་པ་སྐྱེད་པར་འགྱུར་བ་དང་། ལྷག་པའི་བསམ་པས་འཇིག་རྟེན་གྱི་ཁམས་མྱ་ངན་མེད་པ་ལ་ཡང་མོས་པར་བྱེད་པ་དང་། དེ་བཞིན་གཤེགས་པ་
དེ་ལ་ལྷག་པའི་བསམ་པས་སེམས་བསྐྱེད་པ་ཙམ་ཡང་དད་པ་སྐྱེད་ན་དེ་དག་ཐམས་ཅད་ཀྱིས་དེ་བཞིན་གཤེགས་པ་ཆོས་སྟོན་པ་མཐོང་བར་འགྱུར་རོ། །དེ་ཅིའི་ཕྱིར་ཞེ་ན། བཅོམ་ལྡན་འདས་དེའི་སྔོན་གྱི་སྨོན་ལམ་གྱིས་ཏེ། 
འཇིག་རྟེན་གཞན་དུ་བྱང་ཆུབ་ཐོབ་པའི་མིང་ཐོས་ན་དེ་ནས་ཤི་འཕོས་ནས་དེ་དག་བདག་གི་སངས་རྒྱས་ཀྱི་ཞིང་དུ་སངས་རྒྱས་ཀྱི་ཆོས་ཐམས་ཅད་ཡོངསུ་རྫོགས་པར་གྱུར་ཅིག་ཅེས་སྨོན་ལམ་དེ་ལྟར་བཏབ་པར་གྱུར་ཏོ། །གང་དེ་
བཞིན་གཤེགས་པ་དེའི་མཚན་ཐོས་ནས་དད་པར་མི་བྱེད་ཅིང་སྤོང་བ་དང་། རྣ་བ་བླགས་ཏེ་ཉན་པར་མི་བྱེད་པ་དེ་དག་ནི་ལོ་བྱེ་བ་སྙེད་དུ་སེམས་ཅན་དམྱལ་བའི་ལས་ཡོངསུ་བཟུང་བར་འགྱུར་རོ། །སངས་རྒྱས་ཀྱི་ཞིང་

62-1-325b

སྟོང་ཕྲག་དྲུག་བཅུའི་ཐ་མ་ན་འཇིག་རྟེན་གྱི་ཁམས་འཇམ་དབྱངས་ཤེས་བྱ་བ་ན། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཡང་དག་པར་བླངས་པ་ཐམས་ཅད་ལས་རྒལ་བ་ཐེ་ཙོམ་གཅོད་
པ་ཞེས་བྱ་བ་བཞུགས་ཏེ། ཤཱ་རིའི་བུ་གང་དེ་བཞིན་གཤེགས་པ་ཡང་དག་པར་བླངས་པ་ཐམས་ཅད་ལས་རྒལ་བ་ཐེ་ཙོམ་གཅོད་པ་དེའི་མཚན་ཉན་པ་དང་། དད་པ་སྐྱེད་པར་འགྱུར་བ་དང་། མོས་པར་བྱེད་པ་དེ་དག་ནི་གང་ཡང་
དག་པར་བླངས་ནས་ཚིག་ཏུ་སྨྲ་བ་དེ་ལ་ཇི་ལྟར་སྨྲས་པ་དེ་ལྟར་བྱེད་པར་འགྱུར་རོ། །བདུད་ཐམས་ཅད་དང་ཕ་རོལ་རྒོལ་བ་ཐམས་ཅད་བཏུལ་ནས་ཐེ་ཙོམ་ཐམས་ཅད་གཅོད་པ་དང་། དེ་བཞིན་གཤེགས་པ་དགྲ་བཅོམ་པ་ཡང་
དག་པར་རྫོགས་པའི་སངས་རྒྱས་སུ་འགྱུར་རོ། །སངས་རྒྱས་ཀྱི་ཞིང་སྟོང་ཕྲག་བཅྭ་བརྒྱད་ན་འཇིག་རྟེན་གྱི་ཁམས་མེ་ཏོག་གི་དྲིས་བསྒོས་པ་ཞེས་བྱ་བ་ན། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་
སངས་རྒྱས་འཁོར་རིན་པོ་ཆེ་དང་མེ་ལྟ་བུ་ཞེས་བྱ་བ་བཞུགས་ཏེ། ཤཱ་རིའི་བུ་གང་དེ་བཞིན་གཤེགས་པ་འཁོར་རིན་པོ་ཆེ་དང་མེ་ལྟ་བུ་དེའི་མཚན་ཉན་པ་དང་། མཚན་ཐོས་མ་ཐག་ཏུ་དད་པ་སྐྱེད་པར་འགྱུར་བ་དེ་དག་
ཐམས་ཅད་འཁོར་རིན་པོ་ཆེ་དང་མེ་ལྟ་བུར་འགྱུར་ཞིང་། འཇིག་རྟེན་ལ་ཡང་ཆོས་ཀྱི་འཁོར་ལོ་མྱུར་དུ་སྐོར་བར་འགྱུར་རོ། །དེ་ལྟར་ན་སངས་རྒྱས་རྣམས་ལ་དད་པ་འདི་ནི་རྫུ་འཕྲུལ་ཆེ་སྟེ། དེ་དག་ཉན་ཐོས་ཀྱི་ཐེག་པས་
སམ། རང་སངས་རྒྱས་ཀྱི་ཐེག་པས་སམ། བླ་ན་མེད་པའི་ཐེག་པ་ཆེན་པོས་ཀྱང་རུང་། བསོད་ནམས་ཀྱི་ཕུང་པོ་ཇི་ལྟར་བསྔོས་པ་དེ་ལྟར་འགྲུབ་སྟེ། དེ་ལ་གང་དག་ཤེས་རབ་རྒྱ་ཆེ་བ་དེ་དག་ནི་སངས་རྒྱས་སུ་འགྲུབ་པར་བྱ་བའི་ཕྱིར་
ཐེག་པ་ཆེན་པོ་བླ་ན་མེད་པ་ཡོངས་སུ་འཛིན་ཏོ། །མོས་པ་དམན་པའི་ཤེས་རབ་ཅན་དག་ནི་སངས་རྒྱས་སུ་འགྲུབ་པ་ཚད་མེད་པ་དེ་ལྟ་བུ་བཏང་སྟེ། དེའི་འབྲས་བུ་འགྲུབ་པར་བྱ་བའི་ཕྱིར་ཉན་ཐོས་དང་། རང་སངས་རྒྱས་ཀྱི་ཐེག་

62-1-326a

པ་ཡོངས་སུ་འཛིན་ཏོ། །གཏེར་ཆེན་པོ་དེ་ལྟ་བུ་རྙེད་ནས་སེར་སྣ་མི་སྐྱེད་པ་དང་། དེ་བཞིན་གཤེགས་པ་ལ་ཡོན་ཕུལ་བ་ལ་མོས་པར་བྱས་ནས་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་སེམས་བསྐྱེད་
ཅིང་བསོད་ནམས་དེ་ཐམས་ཅད་ཀྱང་སེམས་ཅན་ཐམས་ཅད་ལ་ཕན་པ་དང་བདེ་བར་བྱ་བའི་ཕྱིར། ཡོངས་སུ་བསྔོ་བ་འདི་ནི་ངོ་མཚར་དུ་རིག་པར་གྱིས་ཤིག །ཤཱ་རིའི་བུ་གང་དེ་བཞིན་གཤེགས་པ་དེ་འམ། སངས་རྒྱས་གཞན་
རྣམས་ཀྱི་ཡོན་ཏན་ཡོངས་སུ་བརྗོད་པ་ལ་དད་པར་མི་བྱེད་པ་དེ་དག་ཐམས་ཅད་ལོ་སྟོང་ཕྲག་བཞི་བཅུར་སེམས་ཅན་དམྱལ་བ་ཆེན་པོ་ཐིག་ནག་པོར་གནས་པར་འགྱུར་རོ། །སངས་རྒྱས་ཀྱི་ཞིང་སྟོང་ཕྲག་དྲུག་བཅུའི་ཐ་མ་ན་འཇིག་
རྟེན་གྱི་ཁམས་དགའ་བ་དང་བཅས་པར་སྐྱེད་པ་ཞེས་བྱ་བ་ན། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་མྱ་ངན་མེད་པ་ཞེས་བྱ་བ་བཞུགས་ཏེ། ཤཱ་རིའི་བུ་གང་དེ་བཞིན་གཤེགས་པའི་མཚན་ཐོས་པ་
ཙམ་གྱིས་གང་དག་དགའ་བ་རབ་ཏུ་རྙེད་པ་དེ་དག་ཐམས་ཅད་ཉེ་བའི་ཉོན་མོངས་པས་མི་གོས་ཤིང་མྱ་ངན་མེད་པར་འགྱུར་རོ། །བྱང་ཆུབ་རྗེས་སུ་ཐོབ་ནས་སེམས་ཅན་མང་པོ་ཡང་མྱ་ངན་མེད་པར་བྱེད་དོ། །དེ་བཞིན་གཤེགས་པ་
བཞུགས་སམ། མྱ་ངན་ལས་འདས་ཀྱང་རུང་དེ་ལ་དད་པར་བྱེད་པའི་སེམས་ཅན་དེ་དག་ནི་འཇིག་རྟེན་ཐམས་ཅད་ཀྱི་མཆོག་ངོ་མཚར་དུ་གྱུར་པ་སྟེ། དེ་དག་གིས་བསོད་ནམས་ཀྱི་ཕུང་པོ་དཔག་ཏུ་མེད་པ་ཡོངས་སུ་བཟུང་བར་འགྱུར་
རོ། །སངས་རྒྱས་བཅོམ་ལྡན་འདས་རྣམས་དང་མི་འབྲལ་བར་འགྱུར་རོ། །སངས་རྒྱས་ཀྱི་ཞིང་སྟོང་ཕྲག་བཅུ་བཞི་ན་འཇིག་རྟེན་གྱི་ཁམས་འཚོ་བ་དང་ལྡན་པ་ན། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་
པའི་སངས་རྒྱས་དམ་པའི་དགའ་ལྡན་ཞེས་བྱ་བ་བཞུགས་ཏེ། ཤཱ་རིའི་བུ་གང་དག་དེ་བཞིན་གཤེགས་པ་དམ་པའི་དགའ་ལྡན་དེའི་མཚན་ཉན་ཅིང་ཐོས་ནས་ཀྱང་དགའ་བ་དང་རབ་ཏུ་དགའ་བ་ཆེར་ཐོབ་ནས། པུས་མོ་གཡས་པའི་ལྷ་ང་ས་ལ་བཙུགས་

62-1-326b

ཏེ། ཐལ་མོ་སྦྱར་ནས། དེ་བཞིན་གཤེགས་པ་དམ་པའི་དགའ་ལྡན་དེ་ལ་ཕྱག་འཚལ་ལོ་ཞེས་ཚིག་ཏུ་སྨྲ་བ་དེ་ཐམས་ཅད་ཐེག་པ་དམ་པ་འཐོབ་པར་འགྱུར་རོ། །སེམས་ཅན་མང་པོའི་དོན་ཀྱང་བྱེད་པར་འགྱུར་རོ། །དེ་དག་ལ་ལོག་པར་ལྟུང་
བའི་འཇིགས་པ་མི་འབྱུང་ངོ་། །སངས་རྒྱས་ཀྱི་ཞིང་སྟོང་ཕྲག་བརྒྱད་ན་འཇིག་རྟེན་གྱི་ཁམས་ཟླ་བ་སྣང་བ་ཞེས་བྱ་བ་ན། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་དབང་པོའི་འབྱུང་གནས་ཤེས་བྱ་བ་བཞུགས་
ཏེ། ཤཱ་རིའི་བུ་གང་དག་དེ་བཞིན་གཤེགས་པ་དབང་པོའི་འབྱུང་གནས་ཀྱི་མཚན་གཅིག་ནས་གཅིག་ཏུ་བརྒྱུད་པ་ལས་ཉན་པ་དེ་དག་ཀྱང་བསོད་ནམས་ཀྱི་ཕུང་པོ་ཚད་མེད་པ་ཡོངས་སུ་འཛིན་པར་འགྱུར་རོ། །མཚན་ཇི་ཙམ་དུ་བསྒྲགས་
པ་ལ། ལྷ་འམ། ཀླུ་འམ། གནོད་སྦྱིན་ནམ། མི་འམ། མི་མ་ཡིན་པ་ཉན་པར་འགྱུར་བ་དེ་དག་ཐམས་ཅད་ཡེ་ཤེས་ཆེན་པོ་ལས་ཕྱིར་མི་ལྡོག་པར་འགྱུར་རོ། །སངས་རྒྱས་ཀྱི་ཞིང་བྱེ་བ་བརྒྱ་སྟོང་ཕྲག་གཉིས་ན་འཇིག་རྟེན་གྱི་ཁམས་
སིལ་སྙེན་ཐམས་ཅད་ཀུན་མཐོ་བ་ན། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་དབྱངས་ཚད་མེད་པ་ཞེས་བྱ་བ་བཞུགས་ཏེ། ཤཱ་རིའི་བུ་གང་དག་དེ་བཞིན་གཤེགས་པ་དབྱངས་ཚད་མེད་ཀྱི་མཚན་
ཉན་ཅིང་བདག་གི་དགེ་བའི་རྩ་བ་འདིས་ཡེ་ཤེས་དམ་པ་དེ་ཐོབ་པར་གྱུར་ཅིག་ཅེས་དེ་ལྟར་སེམས་པ་དེ་དག་ཐམས་ཅད་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་འགྱུར་རོ། །འདི་ལ་དད་པར་མི་བྱེད་པ་དེ་དག་སངས་རྒྱས་ལ་
མི་མཉེས་པར་བྱེད་པའི་རྣམ་པར་སྨིན་པ་སེམས་ཅན་དམྱལ་བ་ན་གནས་པའི་ལས་བྱེད་པར་འགྱུར་རོ། །འཇིག་རྟེན་གྱི་ཁམས་དེ་ཅིའི་ཕྱིར་སིལ་སྙན་ཐམས་ཅད་ཀུན་ནས་མཐོང་བ་ཞེས་བྱ་ཞེ་ན། ཤཱ་རིའི་བུ་དེ་བཞིན་གཤེགས་པ་
དབྱངས་ཚད་མེད་དེ་དགའ་ལྡན་གྱི་གནས་ནས་འཆི་འཕོ་བ་ནས་མྱ་ངན་ལས་འདའ་བ་ཆེན་པོའི་བར་དུ། སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་འདིའི་ལྷ་དང་མི་རྣམས་ཀྱི་སིལ་སྙན་དེ་དག་རབ་ཏུ་དཀྲོལ་ཅིང་བླངས་སོ། །དེའི་ཕྱིར་

62-1-327a

འཇིག་རྟེན་གྱི་ཁམས་དེ་སིལ་སྙན་ཐམས་ཅད་ཀུན་ནས་མཐོ་བ་ཞེས་བྱའོ། །ཅིའི་ཕྱིར་དེ་བཞིན་གཤེགས་པ་དེ་དབྱངས་ཚད་མེད་ཅེས་བྱ་ཞེ་ན། ཤཱ་རིའི་བུ་དེ་བཞིན་གཤེགས་པ་དབྱངས་ཚད་མེད་དེ་ཆོས་སྟོན་པ་ན་ཕྱོགས་བཅུའི་
འཇིག་རྟེན་གྱི་ཁམས་བརྒྱ་ཕྲག་ཉི་ཤུ་སྙེད་དུ་དབྱངས་ཀྱིས་གོ་བར་མཛད་པས་ན། དེ་བཞིན་གཤེགས་པ་དེ་དབྱངས་ཚད་མེད་པ་ཞེས་བྱའོ། །སངས་རྒྱས་ཀྱི་ཞིང་བྱེ་བ་ཕྲག་སུམ་བརྒྱའི་ཐ་མ་ན་འཇིག་རྟེན་གྱི་ཁམས་རྣམ་པར་རྒྱལ་བའི་འོད་ཅེས་
བྱ་བ་ན། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་མར་མེ་མཛད་ཅེས་བྱ་བ་བཞུགས་ཏེ། ཤཱ་རིའི་བུ་དེ་བཞིན་གཤེགས་པ་མར་མེ་མཛད་དེའི་འོད་ཀྱིས་ཕྱོགས་བཅུའི་སངས་རྒྱས་ཀྱི་ཞིང་བྱེ་བ་བརྒྱ་སྟོང་ཀུན་
དུ་འོད་ཀྱི་སྣང་བས་ཁྱབ་པས་ན་དེའི་ཕྱིར་དེ་བཞིན་གཤེགས་པ་དེ་མར་མེ་མཛད་ཅེས་བྱའོ། །ཤཱ་རིའི་བུ་གང་དག་དེ་བཞིན་གཤེགས་པ་དེའི་མཚན་ཐོས་ནས་དད་པ་སྐྱེད་པ་དང་། དགའ་བ་དང་། རབ་ཏུ་དགའ་བ་རྒྱ་ཆེན་པོ་རྙེད་ཅིང་འབྱུང་བ་ལ་གཡོ་
དང་ལྡན་པར་མི་འགྱུར་རོ། །དེ་དག་ཐམས་ཅད་ཀྱིས་འོད་དེ་ཐོབ་པར་འགྱུར་རོ། །སངས་རྒྱས་ཀྱི་ཞིང་སྟོང་ཕྲག་བརྒྱད་བཅུའི་ཕ་རོལ་ན་འཇིག་རྟེན་གྱི་ཁམས་སྤོས་ཐམས་ཅད་སྣང་བ་དང་ལྡན་པ་ཞེས་བྱ་བ་ན། དེ་བཞིན་གཤེགས་པ་དགྲ་བཅོམ་པ་
ཡང་དག་པར་རྫོགས་པའི་སངས་རྒྱས་རིན་པོ་ཆེ་སྣང་བ་ཞེས་བྱ་བ་བཞུགས་ཏེ། ཤཱ་རིའི་བུ་གང་དག་དེ་བཞིན་གཤེགས་པ་རིན་པོ་ཆེ་སྣང་བ་དེའི་མཚན་ཉན་པ་དང་། ཐོས་ནས་ཀྱང་དད་པ་སྐྱེད་པར་འགྱུར་བ་དང་། ལྷག་པའི་བསམ་པས་དད་
པར་འགྱུར་བ་དེ་དག་ཐམས་ཅད་རིན་པོ་ཆེ་ལྟ་བུར་འགྱུར་བ་དང་། སངས་རྒྱས་ཀྱི་ཆོས་ལས་ཕྱིར་མི་ལྡོག་པ་དང་། སངས་རྒྱས་བཅོམ་ལྡན་འདས་དང་མི་འབྲལ་བར་འགྱུར་རོ། །བྱང་ཆུབ་སེམས་དཔའི་སྤྱད་པ་སྤྱོད་པ་ན་བསྐལ་པ་ལྔར་འཁོར་བ་
ལ་རྒྱབ་ཀྱིས་ཕྱོགས་པ་བྱས་པར་འགྱུར་རོ། །དེ་བས་ན་ཤཱ་རིའི་བུ་དེ་བཞིན་གཤེགས་པ་དང་། ཐེག་པ་ཆེན་པོ་ལ་ཞུགས་པའི་སྐྱེས་བུ་ཆེན་པོ་རྣམས་ལ་ཐ་བའི་ཞེ་སྡང་གི་སེམས་བསྐྱེད་པར་མི་བྱའོ། །ཤཱ་རིའི་བུ་གང་དག་དེ་བཞིན་གཤེགས་

62-1-327b

པ་དང་ཐེག་པ་ཆེན་པོ་ལ་ཞུགས་པའི་སྐྱེས་བུ་ཆེན་པོ་སྲས་ཐུ་བོ་པ་རྣམས་ལ་ཡིད་མི་ཆེས་པ་སྐྱེད་པ་དེ་དག་གི་ངེས་པ་ལ་ཞུགས་པ་དང་། མེ་ཏོག་གི་ཚོགས་ལ་མོས་པ་མ་གཏོགས་པར་སངས་རྒྱས་ཀྱི་བྱང་ཆུབ་ཉེ་བར་གྱུར་ཀྱང་རིང་དུ་བྱེད་པར་
འགྱུར་རོ། །བྱང་ཆུབ་སེམས་དཔའ་སེམས་དཔའ་ཆེན་པོའི་ཐད་ཏུ་འགྲོ་བར་མི་བྱ་སྟེ། སྐྱེས་བུ་དམ་པ་དེ་དག་ལ་གནོད་སེམས་བསྐྱེད་པ་དེ་དག་ནི་ལོ་བྱེ་བར་དམྱལ་བ་ཆེན་པོའི་སྡུག་བསྔལ་ཡོངས་སུ་འཛིན་པར་འགྱུར་རོ། །དུད་འགྲོའི་
སྐྱེ་གནས་སུ་གྱུར་པ་ལ་ཡང་གནོད་སེམས་མི་བསྐྱེད་དོ་ཞེས་གསུངས་ན་སྐྱེས་བུ་དམ་པ་དེ་དག་ལྟ་ཅི་སྨོས། ཤཱ་རིའི་བུ་གང་དག་སྐྱེས་བུ་ཆེན་པོ་དེ་དག་མེ་ཏོག་གི་ཚོགས་ལ་མོས་པ་དེ་དག་ལ་གནོད་པར་བྱེད་པ་དང་། ཡིད་ཆེས་པ་མི་སྐྱེད་པ་
དང་། འཁྲུག་པར་བྱེད་པ་དང་། བརྙས་པར་བྱེད་པ་དེ་དག་ཐམས་ཅད་སེམས་ཅན་དམྱལ་བའི་ལས་ཤིན་དུ་མི་བཟད་པ་ཡོངས་སུ་འཛིན་པར་འགྱུར་རོ། །དེ་ཅིའི་ཕྱིར་ཞེ་ན། སྐྱེས་བུ་དམ་པ་དེ་དག་བྱང་ཆུབ་ཏུ་སེམས་བསྐྱེད་ནས་དེ་ལས་ཕྱིར་མི་
ལྡོག་པ་མི་བྱང་ཆུབ་སེམས་དཔའ་དེ་དག་ནི་འཇིག་རྟེན་དུ་འབྱུང་བ་རབ་ཏུ་རྙེད་པར་དཀའོ། །དེ་བས་ན་གང་དག་ཡང་དག་པར་བླངས་པ་ལ་བརྟན་ཞིང་བྱང་ཆུབ་ཏུ་སེམས་བསྐྱེད་ནས་ཞུམ་པར་མི་བྱེད་ལ། བྱང་ཆུབ་མངོན་པར་རྫོགས་པར་
སངས་རྒྱས་ནས་ཇི་ལྟར་གཉེར་བ་རྣམས་ལ་ཆོས་ཀྱི་སྦྱིན་པས་ཚིམ་པར་བྱེད་པ་དེ་དག་ནི་ཨུ་དུམ་བ་རའི་མེ་ཏོག་དང་འདྲའོ་ཞེས་ངས་བཤད་དོ། །ཤཱ་རིའི་བུ་དེ་དག་ལ་སོགས་པ་ཚད་མེད་གྲངས་མེད་པའི་སངས་རྒྱས་བཅོམ་ལྡན་འདས་
རྣམས་ལྷོ་ཕྱོགས་ན་ད་ལྟར་བཞུགས་ཏེ་འཚོ་ཞིང་གཞེས་ལ་ཆོས་ཀྱང་སྟོན་པའི་ཕྱོགས་དེ་ལོགས་སུ་ཡན་ལག་ལྔས་ཕྱག་བྱས་ཏེ་མཆོད་ལ་མིང་ཇི་སྐད་དུ་བསྟན་པ་ཉན་ཅིང་། ཡོན་ཏན་ཡོངས་སུ་བསྒྲགས་པ་ཡིད་ལ་བྱས་ན་བསོད་
ནམས་ཀྱི་ཕུང་པོ་ཚད་མེད་པ་ཡོངས་སུ་འཛིན་པར་འགྱུར་རོ། །ནུབ་ཕྱོགས་ཀྱི་སངས་རྒྱས་ཞིང་བྱེ་བ་བརྒྱ་སྟོང་གི་ཐ་མ་ན་འཇིག་རྟེན་གྱི་ཁམས་བདེ་བ་ཅན་ན། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཚེ་དཔག་མེད་

62-1-328a

ཅེས་བྱ་བ་བཞུགས་ཏེ། ཤཱ་རིའི་བུ་གང་དག་དེ་བཞིན་གཤེགས་པ་ཚེ་དཔག་མེད་དེའི་མཚན་ཐོས་པ་ཙམ་གྱིས་དགའ་བ་ཆེན་པོ་སྐྱེད་པ་དང་། རྣམ་པ་བརྒྱ་སྟོང་དུ་ཡང་དག་པར་མོས་པར་འགྱུར་བ་དེ་དག་ཐམས་ཅད་བསོད་
ནམས་ཚད་མེད་པ་ཡོངས་སུ་འཛིན་པར་འགྱུར་རོ། །དེ་དག་ལ་ལོག་པར་ལྟུང་བའི་འཇིགས་པ་མ་འབྱུང་སྟེ་འདི་ནས་ཤི་འཕོས་ཏེ། ཤི་འཕོས་ནས་སངས་རྒྱས་ཀྱི་ཞིང་དུ་སྐྱེ་བར་འགྱུར་རོ། །གང་དག་རྒྱུན་དུ་ཡིད་ལ་བྱེད་པ་དེ་དག་ནི་
འཆི་བའི་ཚེ་དེ་བཞིན་གཤེགས་པ་འོད་དཔག་མེད་དགེ་སློང་གི་དགེ་འདུན་དང་ཐབས་གཅིག་ཏུ་མདུན་ན་བཞུགས་པར་འགྱུར་རོ། །དེ་ཅིའི་ཕྱིར་ཞེ་ན། དེ་བཞིན་གཤེགས་པ་ཐུགས་རྗེ་ཆེན་པོ་དེ་ནི་སེམས་ཅན་རྣམས་ལ་ཕན་པར་དགོངས་
པའི་ཕྱིར་འཇིག་རྟེན་གྱི་ཁམས་གཞན་ན་བཞུགས་ཀྱང་སེམས་ཅན་རྣམས་ལ་བདུད་སྡིག་ཅན་གྱིས་བར་ཆད་བྱེད་པར་འགྱུར་ཞེས་ནས་ཀུན་ནས་སྲུང་བར་མཛད་དེ། དེ་ནས་ཤི་འཕོས་པ་དང་འཇིག་རྟེན་གྱི་ཁམས་བདེ་བ་ཅན་དུ་སྐྱེ་བར་
འགྱུར་ཏེ། དེ་དག་ཐམས་ཅད་ཀྱིས་དེ་ཉིད་ཏུ་སངས་རྒྱས་ཀྱི་ཆོས་རྣམས་ཡོངས་སུ་རྫོགས་པར་འགྱུར་རོ། །དེ་ཅིའི་ཕྱིར་ཞེ་ན། འདི་ལྟར་དེ་བཞིན་གཤེགས་པ་དེས་བདག་བྱང་ཆུབ་ཐོབ་པའི་སངས་རྒྱས་ཀྱི་ཞིང་དུ་སེམས་ཅན་སྐྱེ་བ་
ཐེག་པ་ཆེན་པོ་ལ་ཞུགས་པ་དེ་དག་གི་བསམ་པ་ཐམས་ཅད་བདག་གིས་བཀང་བར་བྱ་སྟེ། དེ་ནི་གང་ལ་ལ་བྱང་ཆུབ་ཀྱི་ཆོས་བྱང་ཆུབ་བྱེད་པ་གང་ཅི་ཡོད་པའོ། །ཉན་ཐོས་ཀྱི་ཐེག་པ་ཅན་གང་དག་སངས་རྒྱས་ཀྱི་ཞིང་དུ་སྐྱེ་བར་འགྱུར་བ་དེ་ཉིད་དུ་
དགྲ་བཅོམ་པར་གྱུར་ཅིག་ཅེས་སྨོན་ལམ་དེ་ལྟར་བཏབ་བོ། །ཤཱ་རིའི་བུ་རིགས་ཀྱི་བུའམ་རིགས་ཀྱི་བུ་མོ་གང་ལ་ལ་ཞིག་ཕྱི་མའི་དུས་ན་འོད་དཔག་མེད་ཀྱི་ཡོན་ཏན་བརྗོད་པ་ལ་དད་པར་བྱེད་པ་དང་། ལྷག་པའི་བསམ་པས་དགའ་
བ་སྐྱེད་པ་དང་། དེ་བཞིན་གཤེགས་པ་དེ་ལ་ལྷག་པའི་བསམ་པས་རངས་པར་བྱེད་པ་ནི་སངས་རྒྱས་ཀྱི་ཞིང་དེར་སྐྱེས་ཏེ། དེ་ན་གནས་པ་རྣམས་བསམ་པ་ཐམས་ཅད་ཡོངས་སུ་རྫོགས་པར་འགྱུར་ཞིང་དེ་དག་ཇི་ལྟར་བརྗོད་པ་བཞིན་བྱང་

62-1-328b

ཆུབ་དུ་ཉེ་བར་འགྱུར་རོ། །དེ་བཞིན་གཤེགས་པ་འདུས་པ་དེ་ཡང་མཐོང་བར་འགྱུར་རོ། །སངས་རྒྱས་ཀྱི་ཞིང་དེར་སེམས་ཅན་སྐྱེས་པ་དེ་དག་མཐོང་བར་འགྱུར་རོ། །དེ་བཞིན་གཤེགས་པའི་ཡོན་ཏན་བརྗོད་པ་དེ་ལ་ཡིད་ཆེས་པར་མི་བྱེད་པ་དང་། འཕྱ་བ་དང་
སྤོང་བར་འགྱུར་བ་དེ་དག་ནི་བསྐལ་པ་ལྔར་སེམས་ཅན་དམྱལ་བའི་ལས་ཡོངས་སུ་བཟུང་བར་འགྱུར་རོ། །སངས་རྒྱས་ཀྱི་ཞིང་བརྒྱ་ཕྲག་སྟོང་གི་ཐ་མ་ན་འཇིག་རྟེན་གྱི་ཁམས་བདུད་ཐམས་ཅད་རབ་ཏུ་བཅོམ་པ་དང་ལྡན་པ་ན། དེ་བཞིན་
གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རྣམ་པར་རྒྱལ་བ་མངའ་བ་ཞེས་བྱ་བ་བཞུགས་ཏེ། ཤཱ་རིའི་བུ་གང་དག་དེ་བཞིན་གཤེགས་པ་རྣམ་པར་རྒྱལ་བ་མངའ་བ་དེའི་མཚན་ཉན་པར་འགྱུར་བ་དེ་དག་ནི་བདུད་ཀྱི་ཞགས་
པ་ཐམས་ཅད་བཅད་པར་འགྱུར། བསྐལ་པ་དྲུག་བཅུར་འཁོར་བ་ལ་རྒྱབ་ཀྱིས་ཕྱོགས་པ་བྱས་པར་འགྱུར་རོ། །སངས་རྒྱས་ཀྱི་ཞིང་བརྒྱ་ཕྲག་སྟོང་གི་ཐ་མ་ན་འཇིག་རྟེན་གྱི་ཁམས་བདུད་ཐམས་ཅད་རབ་ཏུ་འཇོམས་པ་ན། དེ་བཞིན་གཤེགས་
པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རྣམ་པར་རྒྱལ་བའི་དབྱངས་ཤེས་བྱ་བ་བཞུགས་ཏེ། གང་དག་དེ་བཞིན་གཤེགས་པ་དེའི་མཚན་ཉན་པར་འགྱུར་བ་དེ་དག་ནི་སྒྲ་དབྱངས་ཐམས་ཅད་ཀྱིས་སྨྲ་བ་དང་། བདུད་སྡིག་ཅན་ཡང་རྒྱང་
རིང་པོར་ཡོངས་སུ་སྤོང་བར་འགྱུར་རོ། །དེ་དག་བསྐལ་པ་བརྒྱད་ཏུ་འཁོར་བ་ལ་རྒྱབ་ཀྱིས་ཕྱོགས་པ་བྱས་པར་འགྱུར་རོ།         ། བམ་པོ་གསུམ་པ་སྟེ་ཐ་མ། དེ་ནས་བཅོམ་ལྡན་འདས་ལ་བྱང་ཆུབ་སེམས་
དཔའ་སེམས་དཔའ་ཆེན་པོ་མ་ཕམ་པས་འདི་སྐད་ཅེས་གསོལ་ཏོ། །བཅོམ་ལྡན་འདས་བྱང་ཆུབ་སེམས་དཔའ་སེམས་དཔའ་ཆེན་པོ་ཆོས་གཅིག་དང་ལྡན་ན། བླ་ན་མེད་པ་ཡང་དག་པར་རྫོགས་པའི་བྱང་ཆུབ་ལས་ཕྱིར་མི་ལྡོག་པར་
འགྱུར་ཞིང་། མྱུར་དུ་བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་འཚང་རྒྱ་བར་འགྱུར་བ་དེ་ལྟ་བུའི་ཆོས་འགའ་མཆིས་སམ། དེ་སྐད་ཅེས་གསོལ་པ་དང་། བཅོམ་ལྡན་འདས་ཀྱིས་བྱང་ཆུབ་སེམས་

62-1-329a

དཔའ་སེམས་དཔའ་ཆེན་པོ་མ་ཕམ་པ་ལ་འདི་སྐད་ཅེས་བཀའ་སྩལ་ཏོ། །མ་ཕམ་པ་ཡོད་དོ། །བྱང་ཕྱོགས་ཀྱི་ལོགས་ན་འཇིག་རྟེན་གྱི་ཁམས་དཔལ་བརྩེགས་པ་ན། དེ་བཞིན་གཤེགས་པ་དགྲ་བཅོམ་པ་ཡང་དག་
པར་རྫོགས་པའི་སངས་རྒྱས་དཔལ་གྱི་སྙིང་པོ་བརྩེགས་པ་རྣམ་པར་བསྒྲགས་པའི་རྒྱལ་པོ་ཞེས་བྱ་བ་བཞུགས་ཏེ། མ་ཕམ་པ་གང་དག་དེ་བཞིན་གཤེགས་པ་དཔལ་གྱི་སྙིང་པོ་བརྩེགས་པ་རྣམ་པར་བསྒྲགས་པའི་རྒྱལ་པོའི་མཚན་ཉན་པར་
འགྱུར་བ་དེ་དག་ཐམས་ཅད་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ལས་ཕྱིར་མི་ལྡོག་པར་འགྱུར་ཏེ། མྱུར་དུ་བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་འཚང་རྒྱ་བར་འགྱུར་རོ། །བསྐལ་པ་བྱེ་བ་ཚང་
བར་འཁོར་བ་ལ་རྒྱབ་ཀྱིས་ཕྱོགས་པ་བྱས་པར་འགྱུར་རོ། །མ་ཕམ་པ་གང་དག་དེ་བཞིན་གཤེགས་པ་དཔལ་གྱི་སྙིང་པོ་བརྩེགས་པ་རྣམ་པར་བསྒྲགས་པའི་རྒྱལ་པོའི་མཚན་ཉན་པ་ནི་སངས་རྒྱས་ལྔ་བཅུའི་དྲུང་དུ་སྤྱད་པ་མ་ཡིན་ཏེ། 
དེ་ནས་ཤི་འཕོས་ནས་ཀྱང་ནམ་དུ་ཡང་རྫུ་འཕྲུལ་དང་བྲལ་བར་མི་འགྱུར། མྱ་ངན་ལས་ཡོངས་སུ་མ་འདས་ཀྱི་བར་དུ་རྣ་བ་དང་ནམས་ཀྱང་བྲལ་བར་མི་འགྱུར། ནམ་དུའང་གཟུགས་ཕུན་སུམ་ཚོགས་པ་དང་བྲལ་བར་མི་འགྱུར། 
ནམ་དུ་འང་གསད་པ་དང་བཅིང་བར་མི་འགྱུར། རྣ་བའི་ནད་མི་འབྱུང་། སྣ་ནད་མི་འབྱུང་། ལྕེ་ནད་མི་འབྱུང་། ལུས་ཀྱི་ནད་མི་འབྱུང་སྟེ། མྱ་ངན་ལས་མ་འདས་ཀྱི་བར་དུ་དེ་དག་ནམ་དུ་ཡང་འཇིག་རྟེན་གྱི་ཁམས་སངས་རྒྱས་མེད་
པ་དང་། སངས་རྒྱས་འབྱུང་བ་དང་བྲལ་བར་མི་སྐྱེ་སྟེ། ནམ་དུ་འང་ཆོས་དང་བྲལ་བར་མི་འགྱུར། ནམ་དུ་འང་མི་ཁོམ་པར་སྐྱེ་བར་མི་འགྱུར། ནམ་དུ་འང་བསླབ་པ་དང་བྲལ་བར་མི་འགྱུར། ནམ་དུ་འང་དྲན་པ་དང་བྲལ་བར་མི་
འགྱུར། མྱ་ངན་ལས་མ་འདས་ཀྱི་བར་དུ་ནམ་དུ་འང་ཡེ་ཤེས་དང་བྲལ་བར་མི་འགྱུར་རོ། །མ་ཕམ་པ་གང་དེ་བཞིན་གཤེགས་པའི་མཚན་ཉན་པར་འགྱུར་བ་དང་། ངའི་ཐམས་ཅད་མཁྱེན་པ་ཉིད་ལ་ཡང་ཡིད་ཆེས་ཤིང་མོས་པ་དང་། 

62-1-329b

མངོན་པར་དད་པ་དེ་དག་ཐམས་ཅད་གནས་ཡོངསུ་གཟུང་བར་འགྱུར། འཇིག་རྟེན་ཐམས་ཅད་ཀྱི་མཆོག་དང་། དམ་པ་དང་། རབ་མཆོག་དང་། བླ་ན་མེད་པར་ཡང་འགྱུར་རོ། །དེ་བས་ན་གནས་ཐམས་ཅད་ཡོངས་སུ་འཛིན་པར་འདོད་
པ་དང་། འཇིག་རྟེན་ཐམས་ཅད་ལས་མཆོག་ཏུ་གྱུར་པར་གནས་པར་འདོད་པ་དང་། དམ་པ་དང་། རབ་མཆོག་ཏུ་གྱུར་པར་གནས་པར་འདོད་པ་དེས། དེ་བཞིན་གཤེགས་པ་འཇིག་རྟེན་ཐམས་ཅད་ཀྱི་མཆོག་ཏུ་གྱུར་པའི་མཚན་མཉན་
པར་བྱའོ། །ཐོས་ནས་ཀྱང་བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་དཔལ་གྱི་སྙིང་པོ་བརྩེགས་པ་རྣམ་པར་བསྒྲགས་པའི་རྒྱལ་པོ་དེ་ལ་ཕྱག་འཚལ་ལོ་ཞེས་ཕྱག་བྱའོ། །དེ་སྐད་ཅེས་
བཀའ་སྩལ་ནས། བྱང་ཆུབ་སེམས་དཔའ་སེམས་དཔའ་ཆེན་པོ་མ་ཕམ་པས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས་དེ་བཞིན་གཤེགས་པ་དེ་བཞུགས་པའི་འཇིག་རྟེན་གྱི་ཁམས་དེ་ཇི་ཙམ་དུ་རིང་། དེ་བཞིན་
གཤེགས་པ་དེ་བྱུང་ནས་ཇི་སྲིད་ལགས། དེ་སྐད་ཅེས་གསོལ་པ་དང་། བཅོམ་ལྡན་འདས་ཀྱིས་བྱང་ཆུབ་སེམས་དཔའ་སེམས་དཔའ་ཆེན་པོ་མ་ཕམ་པ་ལ་འདི་སྐད་ཅེས་བཀའ་སྩལ་ཏོ། །མ་ཕམ་པ་འདི་ལྟ་སྟེ་དཔག་ཚད་བརྒྱ་ཁོར་ཡུག་
ཏུ་བྱེ་མའི་ཕུང་པོར་གྱུར་པ་དེ་ལས་བྱེ་མའི་འབྲུ་རེ་རེ་བླངས་ཏེ། སངས་རྒྱས་ཀྱི་ཞིང་རེ་རེར་བཞག་པ་རྣམ་གྲངས་དེས་བྱེ་མ་དེ་དག་ཐམས་ཅད་རྣམ་པར་ཕྱེ་ལ་འཇིག་རྟེན་གྱི་ཁམས་གང་དུ་བྱེ་མ་བཞག་པ་ཇི་སྙེད་ཡོད་པ་ཐམས་ཅད་བྱེ་མས་ཡོངསུ་
གང་བར་གྱུར་ཏེ། འཇིག་རྟེན་གྱི་ཁམས་བྱེ་མས་གང་བ་དེ་དག་གི་བྱེ་མའི་རྡུལ་ཕྲ་རབ་ཇི་སྙེད་ཡོད་པ་དེ་བས་ཆེས་མང་ཞིང་ཆེས་གྲངས་མེད་པའི་འཇིག་རྟེན་གྱི་ཁམས་འདས་པ་ན། འཇིག་རྟེན་གྱི་ཁམས་དཔལ་གྱི་སྙིང་པོ་བརྩེགས་པ་
ཞེས་བྱ་བ་དེ་ཡོད་དེ། དེ་ན་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་དཔལ་གྱི་སྙིང་པོ་བརྩེགས་པ་རྣམ་པར་བསྒྲགས་པའི་རྒྱལ་པོ་དེ་བཞུགས་ཏེ། འཚོ་ཞིང་གཞེས་ལ་ཆོས་ཀྱང་སྟོན་ཏོ། །མ་ཕམ་པ་

62-1-330a

དེ་བཞིན་གཤེགས་པ་དཔལ་གྱི་སྙིང་པོ་བརྩེགས་པ་རྣམ་པར་བསྒྲགས་པའི་རྒྱལ་པོ་དེ་མངོན་པར་རྫོགས་པར་སངས་རྒྱས་ནས་བསྐལ་པར་ལོན་ཏེ། མ་ཕམ་པ་དེ་བཞིན་གཤེགས་པ་དེ་ཉན་ཐོས་ཀྱི་དགེ་འདུན་དང་
བཅས་པ་དང་། འཇིག་རྟེན་གྱི་ཁམས་དེ་ཡང་གདན་འདི་ཉིད་ལ་འདུག་བཞིན་དུ་ངས་ལྷན་ཅིག་སྐྱེས་པའི་ཤའི་མིག་གིས་མཐོང་ངོ་། །དེ་བཞིན་གཤེགས་པ་དེས་ཀྱང་འཇིག་རྟེན་གྱི་ཁམས་དེ་ན་གདན་ལ་བཞུགས་བཞིན་དུ་ལྷན་ཅིག་སྐྱེས་
པའི་ཤའི་སྤྱན་གྱིས་མི་མཇེད་ཀྱི་འཇིག་རྟེན་གྱི་ཁམས་འདི་དང་ང་དང་འཁོར་དུ་བཅས་པ་གཟིགསོ། །མ་ཕམ་པ་གང་དེ་བཞིན་གཤེགས་པའི་ལྷན་ཅིག་སྐྱེས་པའི་ཤའི་སྤྱན་འདི་ལ་ཡིད་ཆེས་པ་དང་མོས་པར་བྱེད་པ་དང་། མངོན་པར་
དད་པར་བྱེད་པ་དང་། ངའི་ཐམས་ཅད་མཁྱེན་པ་ཉིད་ལ་ཡང་དད་པར་བྱེད་པ་དང་། མངོན་པར་དད་པར་བྱེད་པ་དང་། དེ་བཞིན་གཤེགས་པ་དེའི་སྨོན་ལམ་གྱི་བྱིན་གྱི་བརླབས་ཡོངས་སུ་རྫོགས་པ་ལ་ཡིད་ཆེས་པར་བྱེད་པ་དང་། མོས་
པར་བྱེད་པ་དང་། ནེམ་ནུར་མི་བྱེད་པ་དང་། ཐེ་ཙོམ་མི་ཟ་བ་དེ་དག་གིས་འཇིག་རྟེན་ཐམས་ཅད་ལས་བྱེ་བྲག་ཏུ་འཕགས་པའི་ཆོས་ཐམས་ཅད་ཡོངས་སུ་བཟུང་བར་འགྱུར་རོ། །དེ་དག་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ལས་
ཀྱང་ཕྱིར་མི་ལྡོག་པར་འགྱུར་རོ། །དེ་བས་ན་མ་ཕམ་པ་རིགས་ཀྱི་བུ་འམ། རིགས་ཀྱི་བུ་མོས་དེ་བཞིན་གཤེགས་པ་དེའི་མཚན་དང་། དེ་བཞིན་གཤེགས་པ་དེའི་སྨོན་ལམ་གྱི་བྱིན་གྱི་བརླབས་མཉན་པའི་ཕྱིར་སྟོང་གསུམ་གྱི་སྟོང་ཆེན་
པོའི་འཇིག་རྟེན་གྱི་ཁམས་འདི་མེས་ཡོངས་སུ་གང་བ་ལས་ཀྱང་རྒལ་ཏེ་འགྲོ་བར་བྱའོ། །དེ་སྐད་ཅེས་བཀའ་སྩལ་པ་དང་། བཅོམ་ལྡན་འདས་ལ་བྱང་ཆུབ་སེམས་དཔའ་སེམས་དཔའ་ཆེན་པོ་མ་ཕམ་པས་འདི་སྐད་ཅེས་གསོལ་ཏོ། །
ཡང་བཅོམ་ལྡན་འདས་གཞན་ཡང་བྱང་ཆུབ་སེམས་དཔའ་སེམས་དཔའ་ཆེན་པོ་གང་ཆོས་གཅིག་དང་ལྡན་ན་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ལས་ཕྱིར་མི་ལྡོག་པར་འགྱུར་ཞིང་མྱུར་དུ་བླ་ན་མེད་པ་ཡང་དག་པར་རྫོགས་པའི་བྱང་

62-1-330b

ཆུབ་མངོན་པར་རྫོགས་པར་འཚང་རྒྱ་བར་འགྱུར་བ་མཆིས་སམ། དེ་སྐད་ཅེས་གསོལ་པ་དང་། བཅོམ་ལྡན་འདས་ཀྱིས་བྱང་ཆུབ་སེམས་དཔའ་སེམས་དཔའ་ཆེན་པོ་མ་ཕམ་པ་ལ་འདི་སྐད་ཅེས་བཀའ་སྩལ་ཏོ། །མ་ཕམ་པ་བྱང་
ཆུབ་སེམས་དཔའ་སེམས་དཔའ་ཆེན་པོ་ཆོས་གཅིག་དང་ལྡན་ན་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ལས་ཕྱིར་ལྡོག་པར་མི་འགྱུར་ཞིང་། མྱུར་དུ་བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་འཚང་
རྒྱ་བའི་ཆོས་གཅིག་པོ་ཡོད་དོ། །མ་ཕམ་པ་བྱང་ཕྱོགས་ལོགས་སུ་འཇིག་རྟེན་གྱི་ཁམས་ཚད་མེད་པ་འདས་ནས་འཇིག་རྟེན་གྱི་ཁམས་རྡོ་རྗེའི་སྙིང་པོ་ཅན་ཞེས་བྱ་བ་ན། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་
སངས་རྒྱས་རྡོ་རྗེས་རབ་ཏུ་འཇོམས་པ་ཞེས་བྱ་བ་བཞུགས་ཏེ་འཚོ་ཞིང་གཞེས་ལ་ཆོས་ཀྱང་སྟོན་ཏོ། །མ་ཕམ་པ་གང་དག་དེ་བཞིན་གཤེགས་པ་རྡོ་རྗེས་རབ་ཏུ་འཇོམས་པ་དེའི་མཚན་ཉན་པར་འགྱུར་བ་དེ་དག་བླ་ན་མེད་པ་ཡང་དག་པར་
རྫོགས་པའི་བྱང་ཆུབ་ལས་ཕྱིར་མི་ལྡོག་ཅིང་། བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་འཚང་རྒྱ་བར་འགྱུར་རོ། །བསྐལ་པ་བྱེ་བ་ཁྲག་ཁྲིག་བརྒྱ་སྟོང་ཕྲག་བཅུར་འཁོར་བ་ལ་རྒྱབ་ཀྱིས་ཕྱོགས་པར་
འགྱུར་རོ། །དེ་ལྟར་ན་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་འདི་མཐུ་ཆེའོ། །མ་ཕམ་པས་ངས་མངོན་པར་ཤེས་པ་དེ་བཞིན་གཤེགས་པ་མར་མེ་མཛད་ལས་དེ་བཞིན་གཤེགས་པ་དེའི་མཚན་
ཐོས་ནས་བསྐལ་པ་བྱེ་བ་ཁྲག་ཁྲིག་བརྒྱ་སྟོང་ཕྲག་བཅུར་འཁོར་བ་ལ་རྒྱབ་ཀྱིས་ཕྱོགས་པར་གྱུར་ཏོ། །མ་ཕམ་པ་གལ་ཏེ་ངས་དེ་བཞིན་གཤེགས་པ་མར་མེ་མཛད་པ་དེ་ལས་དེ་བཞིན་གཤེགས་པ་དེའི་མཚན་ཐོས་པར་མ་གྱུར་
ན། ང་འདི་ལྟར་བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་འཚང་རྒྱ་བར་མི་འགྱུར་རོ། །རྡོ་རྗེས་རབ་ཏུ་འཇོམས་པ་ཞེས་བྱ་བའི་ཚིག་གི་དོན་ཇི་ལྟ་བུ་ཞེ་ན། མ་ཕམ་པ་འདི་ལྟ་སྟེ། དཔེར་ན་

62-1-331a

ནོར་བུ་འམ། །རྡོ་བ་འམ། བོང་བ་འམ། གསེག་མ་འམ། གྱོ་མོ་འམ། ས་ཡང་རུང་རྡོ་རྗེས་བཅོམ་སྟེ་ནང་དུ་འགྲོ་བ་དེ་བཞིན་དུ། མ་ཕམ་པ་དེ་བཞིན་གཤེགས་པ་དེའི་མཚན་ཉན་པར་འགྱུར་
བ་དང་། འདིའི་བྱིན་གྱི་བརླབས་དང་། ངའི་ཐམས་ཅད་མཁྱེན་པ་ཉིད་ལ་དད་པར་འགྱུར་བ་དེ་དག་སོ་སོའི་སྐྱེ་བོའི་ས་དང་རང་སངས་རྒྱས་ཀྱི་ས་ཐམས་ཅད་ཀྱང་རྣམ་པར་གཏོར་ཅིང་རྣམ་པར་བཤིག་མངོན་པར་བཅོམ་ཞིང་དྲལ་ཏེ། 
ཐམས་ཅད་མཁྱེན་པ་ཉིད་རྗེས་སུ་འཐོབ་པར་འགྱུར་རོ། །དེའི་ཕྱིར་དེའི་མཚན་རྡོ་རྗེས་རབ་ཏུ་འཇོམས་པ་ཞེས་བྱ་སྟེ། དེ་ལྟར་སྨོན་ལམ་ཕུན་སུམ་ཚོགས་ཤིང་། དེ་བཞིན་གཤེགས་པ་དེ་བསམ་གྱིས་མི་ཁྱབ་པའི་ཡོན་ཏན་དང་
ལྡན་ནོ། །བྱང་ཕྱོགས་སུ་སངས་རྒྱས་ཀྱི་ཞིང་བྱེ་བ་བརྒྱ་སྟོང་གི་ཐ་མ་ན་འཇིག་རྟེན་གྱི་ཁམས་ནོར་བུ་སྣང་བ་ཅན་ཞེས་བྱ་བ་ན། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རིན་ཆེན་མེ་ཞེས་བྱ་བ་བཞུགས་
ཏེ། གང་དེ་བཞིན་གཤེགས་པ་དེའི་མཚན་ཉན་པར་འགྱུར་བ་ངེས་པ་ལ་ཞུགས་པ་དེ་དག་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ལས་ཕྱིར་མི་ལྡོག་པར་འགྱུར་རོ། །འཇིག་རྟེན་གྱི་ཁམས་དེ་ན་ཉན་ཐོས་ཀྱི་ཐེག་པ་ཅན་ནམ། 
རང་སངས་རྒྱས་ཀྱི་ཐེག་པ་ཅན་གང་ཡང་མེད་དེ། དེ་དག་ཐམས་ཅད་བྱང་ཆུབ་སེམས་དཔའ་སེམས་དཔའ་ཆེན་པོ་སྟེ། དེ་བཞིན་གཤེགས་པ་རིན་ཆེན་མེ་ལ་བསྙེན་བཀུར་བྱེད་དོ། །དེ་ནས་བཅོམ་ལྡན་འདས་ཀྱིས་ཚེ་དང་ལྡན་པ་འོད་སྲུང་ཆེན་
པོ་ལ་བཀའ་སྩལ་པ། འོད་སྲུང་སངས་རྒྱས་བཅོམ་ལྡན་འདས་ནི་མཐུ་བསམ་གྱིས་མི་ཁྱབ་པ་མངའོ། །འོད་སྲུང་སངས་རྒྱས་ཀྱི་ཞིང་སྟོང་ཕྲག་ལྔ་བཅུ་རྩ་ལྔའི་ཐ་མ་ན་འཇིག་རྟེན་གྱི་ཁམས་ཨ་ག་རུའི་དྲི་ཞེས་བྱ་བ་དེ་ན། དེ་བཞིན་གཤེགས་
པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཟླ་བའི་འོད་ཅེས་བྱ་བ་བཞུགས་ཏེ། འོད་སྲུང་གང་དེ་བཞིན་གཤེགས་པ་དེའི་མཚན་རིགས་ཀྱི་བུ་འམ། རིགས་ཀྱི་བུ་མོས་ཐོས་ན་སྐྱེ་བ་ལས་རྣམ་པར་ལོག་པའི་བྱིན་གྱི་

62-1-331b

བརླབས་ཤེས་བྱ་བའི་ཏིང་ངེ་འཛིན་རབ་ཏུ་ཐོབ་སྟེ། དེ་ལ་གནས་ན་གང་གཱའི་བྱེ་མ་སྙེད་ཀྱི་སངས་རྒྱས་གྲངས་མེད་པ་རྣམས་མཐོང་བ་དང་། དེ་དག་གིས་བཤད་པ་ཀུན་འཛིན་པ་དང་། ཆོས་ཅི་འདྲ་བ་ཉན་ཅིང་སྨྲ་བར་འདོད་པ་དེ་འདྲ་བར་ཐོས་ཤིང་སྨྲ་
བར་འགྱུར་རོ། །དེ་ཅིའི་ཕྱིར་ཞེ་ན། དེ་ནི་བཅོམ་ལྡན་འདས་དེའི་སྔོན་གྱི་སྨོན་ལམ་གྱི་སྟོབས་བསྐྱེད་པ་ཡིན་ཏེ། གང་དག་གིས་བདག་གི་མིང་ཐོས་ན་དེས་ཏིང་ངེ་འཛིན་འདི་ཐོབ་པར་གྱུར་ཅིག་ཅེས་དེའི་སྨོན་ལམ་དེ་ལྟར་བཏབ་བོ། །དེ་ནས་
བཅོམ་ལྡན་འདས་ཀྱིས་ཚིགས་སུ་བཅད་པ་འདི་དག་གསུངས་སོ། །འདི་ནས་སྟོང་ཕྲག་ལྔ་བཅུ་ན། །འཇིག་རྟེན་ཁམས་ནི་ལེགས་སྤྲུལ་པ། །ཨ་གུ་རུ་ཡི་དྲི་ཞེས་བྱ། །སྤོས་ངད་རྟག་ཏུ་ལྡང་བ་ན། །རིན་ཆེན་ཟླ་བ་དམ་པའི་འོད། །
རྫོགས་པའི་སངས་རྒྱས་དེ་ན་བཞུགས། །འཇིག་རྟེན་མགོན་པོ་སྐྱོབ་པ་ཡི། །གང་གིས་དེ་ཡི་མཚན་ཐོས་པ། །སྐྱེ་བ་གཅིག་གིས་ཐོགས་གྱུར་ཅིང་། །བྱིན་གྱིས་རློབ་ཅེས་བྱ་བ་ཡི། །ཏིང་འཛིན་དམ་པ་ཐོབ་པར་འགྱུར། །རྟག་པར་ཀུན་ཏུ་
སྣང་བར་བྱེད། །ཏིང་ངེ་འཛིན་འདི་ཐོབ་ནས་ནི། །སྲོག་ཆགས་ཀུན་ལ་ཕན་པའི་ཕྱིར། །གཞལ་མེད་ཆོས་ཀྱང་སྟོན་པ་ཡི། །འཇིག་རྟེན་འདྲེན་པ་རྣམས་ཀྱང་མཐོང་། །ཆོས་ཀུན་སྙིང་པོ་མེད་པར་ནི། །འཇིག་རྟེན་མགོན་པོས་རབ་ཏུ་བསྟན། །
ཚིག་འདི་ཡང་དག་འཛིན་པ་རྣམས། །སེམས་ཅན་དག་ནི་དགེ་བ་སྐྱེད། །ཁམས་ཀུན་དངོས་པོ་མེད་པར་ཡང་། །དེ་ཡི་ཁམས་ལ་རྣམ་པར་ལྟ། །ཆོས་གང་མཚན་ཉིད་མེད་པ་ལ། །དངོས་པོ་མེད་པར་ཡོངས་སུ་སྨྲ། །དངོས་པོ་དེ་ནི་མི་
རྙེད་དེ། །དངོས་པོ་མེད་པའང་དེ་འདྲ་ཞིང་། །བདག་མེད་པས་ན་སྙིང་པོ་མེད། །དེ་ལྟར་དེ་ནི་ཆོས་རྣམས་སྟོན། །ཆོས་གང་རབ་ཏུ་སྟོན་པ་ཡང་། །དེ་ནི་བདེན་པ་བླ་མེད་དེ། །དེ་ཕྱིར་དེ་ཡི་ཡེ་ཤེས་འཇུག །མི་ཤེས་པ་ལ་འང་
དེ་བཞིན་ནོ། །མི་ཤེས་པ་དང་ཡེ་ཤེས་དང་། །གཉིས་པོ་འདི་ནི་ཡོད་མ་ཡིན། །འདི་ལ་ཆོས་ནི་རྣམ་བྱང་མེད། །ཉོན་མོངས་པ་ཡང་ཡོད་མ་ཡིན། །ཆོས་ཀུན་གཏན་ལ་བབ་པར་ནི། །དེ་ལྟར་མགོན་པོ་རབ་ཏུ་སྟོན། །གནས་པ་

62-1-332a

མེད་པར་རབ་བཤད་ནས། །སངས་རྒྱས་གནས་པ་མེད་པར་འགྱུར། །གང་ཚེ་བྱང་ཆུབ་འགྱུར་བ་ལ། །ཆོས་རྣམས་དེ་ཡིས་མི་རྙེད་ཅིང་། །བྱང་ཆུབ་སེམས་དཔའ་མི་གནས་པ། །དེ་ལྟར་མང་དུ་གནས་པ་ཡིན། །
སྒྲ་དང་དོན་ཀྱང་མེད་པ་སྟེ། །མཁས་པ་དེ་ལ་མི་རྟོག་གོ། །མང་དུ་ཐོས་པས་དེ་རྒྱགས་ཤིང་། །འཇིག་རྟེན་དག་ན་མི་རྩོད་དོ། །འོད་སྲུང་བྱང་ཕྱོགས་ལོགས་སུ་སངས་རྒྱས་ཀྱི་ཞིང་སྟོང་ཕྲག་དྲུག་བཅུ་འདས་ནས། །འཇིག་རྟེན་གྱི་ཁམས་རབ་ཏུ་
དགའ་བ་ཞེས་བྱ་བ་ན། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་བཟང་པོ་དམ་པའི་དཔལ་ཞེས་བྱ་བ་བཞུགས་ཏེ། འོད་སྲུངས་དེ་བཞིན་གཤེགས་པ་དེའི་མཚན་ཐོས་ན་རིགས་ཀྱི་བུ་འམ། རིགས་ཀྱི་བུ་མོ་དག་ཕྱིར་
ལོོག་ཅིང་སྐྱེ་བོ་ཐམས་ཅད་ལ་སྡུག་པར་འགྱུར་བ་དང་། འདུ་བར་འགྱུར་བ་དང་། ཚིག་འཛིན་པར་འགྱུར་བའི་ལས་དེ་དག་གིས་ཡོངསུ་བཟུང་བར་འགྱུར་རོ། །སྤོབས་པ་ཡང་ཟབ་མོར་འགྱུར་རོ། །སེམས་ཅན་གང་དག་ལ་ཆོས་སྟོན་པ་དེ་དག་
ཆོས་སྟོན་པ་དེ་ལ་མོས་པར་འགྱུར་རོ། །བུད་མེད་ཀྱིས་ཀྱང་ཐོས་ན་དེ་བུད་མེད་ཀྱི་དངོས་པོའི་ཐ་མར་འགྱུར་རོ། །དེ་ནས་བཅོམ་ལྡན་འདས་ཀྱིས་དེའི་ཚེ་ཚིགས་སུ་བཅད་པ་འདི་དག་གསུངསོ། །སྟོང་ཕྲག་དག་ནི་དྲུག་བཅུར་ཡང་། 
ཚང་ཞིང་ཆད་པ་མེད་པའི་ཞིང་། །རབ་ཏུ་དགའ་ཞེས་བྱ་བ་ཡི། །འཇིག་རྟེན་ཁམས་ནི་ལེགས་པར་གནས། །དེ་ན་སངས་རྒྱས་བཞུགས་པ་ནི། །ཆོས་རྣམས་ཀུན་གྱི་ཕ་རོལ་ཕྱིན། །བཟང་མཆོག་དཔལ་ཞེས་བྱ་བ་ཡི། །འཇིག་རྟེན་
མགོན་པོ་བླ་ན་མེད། །ལྷར་གྱུར་པའི་སྐྱོབ་པ་སྟེ། །དེ་ཡི་མཚན་ནི་ཐོས་ནས་སུ། །གང་དང་གང་དུ་སྐྱེས་པར་ཡང་། །སྡུག་ཅིང་ཡིད་དུ་འོང་བར་འགྱུར། །ཚིག་བཙུན་ཤེས་རབ་མཆོག་དང་ལྡན། །སྲོག་ཆགས་རྣམས་ལ་ཆོས་སྟོན་ཏེ། །
ཆོས་དེ་རབ་ཏུ་ཐོས་ནས་ཀྱང་། །དགའ་བ་དམ་པ་ཐོབ་པར་འགྱུར། །སངས་རྒྱས་དག་ནི་མཚན་འདི་ནི། །བུད་མེད་དག་གིས་ཐོས་ན་ཡང་། །བུད་མེད་སྐྱེ་གནས་འཇིགས་ཆེན་གྱི། །སྐྱེ་གནས་ལས་ནི་ཡོངས་སུ་ཐར། །

62-1-332b

གང་ལ་འཇིག་རྟེན་མི་རྟོགས་པ། །ཟབ་ཅིང་ཤིན་དུ་མཁས་པ་དང་། །ཇི་ལྟར་དྲི་མེད་གོ་འཕང་བཞིན། །དེ་ལྟ་བུའི་སེམས་སུ་འགྱུར། །ཇི་བཞིན་པ་དང་ཇི་བཞིན་མིན། །དེ་དག་གཉི་ག་དངོས་པོ་མེད། །ཆོས་གང་
སྐྱོ་བར་གྱུར་པ་ལ། །དེ་ལ་བརྗོད་པ་ག་ལ་ཡོད། །འོད་སྲུང་འདི་ནས་བྱང་ཕྱོགས་ལོགས་སུ་སངས་རྒྱས་ཀྱི་ཞིང་སྟོང་ཕྲག་བརྒྱད་ཅུའི་ཕ་རོལ་ན་འཇིག་རྟེན་གྱི་ཁམས་ལེགས་པར་འཇུག་པ་ཞེས་བྱ་བ་དེ་ན། དེ་བཞིན་གཤེགས་པ་
དགྲ་བཅོམ་པ་ཡང་དག་པར་རྫོགས་པའི་སངས་རྒྱས་པད་མོ་ལ་བཞུད་པ་ཞེས་བྱ་བ་བཞུགས་ཏེ། རིགས་ཀྱི་བུ་འམ་རིགས་ཀྱི་བུ་མོས་དེའི་མཚན་ཐོས་ན། ཚེ་འཕོས་ནས་གཟུགས་བཟང་ཞིང་མཛེས་པ་དང་། སེམས་ཅན་རྣམས་
མཐོང་ན་དགའ་བ་དང་། སྡུག་ཅིང་ཡིད་དུ་འོང་བར་འགྱུར་རོ། །བསྐལ་པ་གྲངས་མེད་པ་རྗེས་སུ་དྲན་ཞིང་ཡང་དག་པ་ཇི་ལྟ་བ་བཞིན་དུ་རབ་ཏུ་ཤེས་སོ། །འགྲོ་བ་ཐམས་ཅད་དང་སྐྱེ་བ་ཐམས་ཅད་དུ་བླ་ན་མེད་པའི་སྤོབས་པ་དང་ལྡན་པར་འགྱུར་
ཞིང་རྟག་ཏུ་རྒྱུན་མི་འཆད་པར་ཆོས་སྟོན་ཏོ། །དེའི་སྨོན་ལམ་དང་མིག་ཀྱང་རྣམ་པར་དག་པར་འགྱུར་རོ། །དེ་ནས་བཅོམ་ལྡན་འདས་ཀྱིས་ཚིགས་སུ་བཅད་པ་འདི་དག་གསུངས་སོ། །སྟོང་ཕྲག་དག་ནི་བརྒྱད་བཅུ་ཡི། །སངས་རྒྱས་
ཞིང་ནི་ཚང་བ་ན། །བདེ་བར་འཇུག་པའི་འཇིག་རྟེན་ཁམས། །དེ་ནི་ཤིན་ཏུ་བཟང་བ་སྟེ། །དེ་ན་སངས་རྒྱས་བཞུགས་པ་ནི། །འཇིག་རྟེན་མགོན་པོ་བླ་མེད་པ། །རིན་ཆེན་པད་མོ་བཞུད་ཅེས་བྱ། །འཇིག་རྟེན་མགོན་པོ་འོད་
མཛད་པ། །དེ་ཡི་མཚན་ཀྱང་ཐོས་ནས་ནི། །དེ་ཡི་མིག་ནི་རྣམ་དག་ཅིང་། །གཟུགས་ཀྱང་ཤིན་དུ་བཟང་པོར་འགྱུར། །བལྟ་ན་སྡུག་པ་འང་དེ་བཞིན་ནོ། །མཉམ་པར་བཞག་པའི་སངས་རྒྱས་ཀྱི། །ཉན་ཐོས་རྣམས་ཀྱང་
གནས་པ་ནི། །རྣམ་པར་ཐར་པས་ཞི་བར་འགྱུར། །དེ་ལ་འཇིག་རྟེན་རྟོགས་མི་འགྱུར། །ལོ་སྟོང་དུ་ཡང་ཚང་བ་དང་། །ཏིང་ངེ་འཛིན་ལས་ལངས་ནས་ཀྱང་། །སངས་རྒྱས་དེ་ཡི་ཉན་ཐོས་རྣམས། །ཇི་ལྟར་

62-1-333a

གནས་པས་གནས་པར་བྱེད། །བཟང་མཆོག་སངས་རྒྱས་དེ་ཡི་མཚན། །ཐོས་ནས་དེ་འདྲ་དེ་ལྟར་འགྱུར། །དེ་ཡི་མཚན་འདི་འདིར་ཐོས་ནས། །དེ་དག་བསྐལ་པ་གྲངས་མེད་པར། །ཡོན་ཏན་རྗེས་སུ་
མྱོང་བར་འགྱུར། །དེ་ཚེ་དཔའ་བོས་ཡོན་ཏན་ཤེས། །སྤོབས་པ་ཕུན་སུམ་ཚོགས་པ་ཡིས། །མདོ་སྡེ་ཤིན་དུ་བཟང་པོ་རྣམས། །མ་ཆགས་ཐོགས་པ་མེད་པའི་ཚིག །སྲོག་ཆགས་རྣམས་ལ་ཆོས་སྟོན་ཏོ། །
ཡང་འོད་སྲུང་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་དེ་དག་གི་མཚན་རྣམས་རིགས་ཀྱི་བུ་འམ་རིགས་ཀྱི་བུ་མོས་གང་དག་ཉན་པ། འོད་སྲུང་བུད་མེད་ཀྱིས་དེ་བཞིན་གཤེགས་པའི་མཚན་ཐོས་ན། 
བུད་མེད་ཀྱི་དངོས་པོ་ལས་འགྱུར་བ་ངས་སྔར་བཤད་པ་དང་འདྲ་བས་རེ་ཤིག་གཞག་གོ། །ཇི་ལྟར་ཡོན་ཏན་བྱེ་བྲག་མེད་པར་བཤད་པ་དེ་དག་ཐམས་ཅད་ཀྱི་གོ་སྐབས་སུ་འགྱུར་ཏེ། མཚན་འདི་དག་ཐོས་ན་ཡོན་ཏན་གྱི་ཁྱད་པར་ཇི་སྐད་
དུ་བཤད་པ་རྣམས་འཛིན་ཏོ། །དེ་ནས་བཅོམ་ལྡན་འདས་ཀྱིས་ཚིགས་སུ་བཅད་པ་འདི་དག་གསུངས་སོ། །འདོད་པའི་སྲེད་པ་ཆགས་པ་དང་། །ཀུན་དུ་སྦྱོར་བ་ཟད་པ་ཡི། །སངས་རྒྱས་རྣམས་ཀྱི་མཚན་འདི་དག །
མཉན་ཅིང་རྟོགས་པར་བྱེད་པ་ནི། །ཡོན་ཏན་ཁྱད་པར་ཤིན་ཏུ་མང་། །ཚེ་འཕོས་ཡོན་ཏན་འདི་དག་འབྱུང་། །འཇིག་རྟེན་མགོན་པོ་སྐྱོབ་པ་ཡི། །མཚན་རྣམས་ཐོས་པར་གྱུར་ནས་ནི། །བུད་མེད་སྨོན་ལམ་འདི་
འདེབས་ན། །དེ་ཚེ་སྐྱེས་བུ་མཆོག་ཏུ་འགྱུར། །བུད་མེད་དངོས་པོ་འདོར་འདོད་པས། །འཇིག་རྟེན་མ་རུང་འགྱུར་བ་ཡི། །བུད་མེད་དངོས་པོ་རྣམ་པར་ལྡོག །མྱུར་དུ་སེམས་ཅན་རྣམས་ཀྱི་ནི། །བླ་མེད་དགེ་བའི་བཤེས་གཉེན་འགྱུར། །
མི་གང་འདོད་པ་སྤོང་བ་ནི། །བསོད་ནམས་རྣམ་པ་མང་པོ་སྐྱེད། །བདག་ཉིད་དང་ནི་ཕ་རོལ་དག །དགེ་བ་ལ་ནི་འཇོག་བྱེད་པ། །སྡུག་བསྔལ་དག་ལས་ཡོངས་སུ་འཐར། །བུད་མེད་ཡང་དང་ཡང་དུ་ནི། །བུད་མེད་དངོས་པོ་

62-1-333b

སྤང་བ་དང་། །ཡོངས་སུ་ཐར་བར་འདོད་པ་ནི། །ཇི་ལྟར་གྲོང་ཁྱེར་དབུས་སུ་ཡང་། །དུག་གི་ཤིང་ཆེན་ཡོད་པ་ལས། །དེ་ཡང་ཤིན་དུ་གཅད་གྱུར་ན། །སྲོག་ཆགས་རྣམས་ནི་བདེ་བར་འགྱུར། །དེ་བཞིན་དུག་གི་དངོས་པོ་ཡི། །བུད་མེད་
དངོས་པོ་སྡིག་པ་ལ། །སྡིག་པ་དེ་ནི་རབ་སྤངས་ན། །སངས་རྒྱས་ལམ་ལ་རབ་ཏུ་གནས། བདག་གི་དངོས་དང་སེམས་ཅན་དངོས། །འདི་དག་གཉིས་ཀ་མི་རྙེད་དེ། །གང་ལ་སྡོམ་པ་མི་རྙེད་པ། །དེ་ནི་བླ་ན་མེད་པའི་ལམ། །སྐྱེས་པ་
འམ་ཡང་ན་བུད་མེད་ཀྱང་། །དམ་པའི་དོན་དུ་ཡོད་མ་ཡིན། །གང་ལ་དངོས་པོ་མི་རྙེད་པ། །དེར་ནི་སྨོན་ལམ་སྦྱངས་པ་ཡིན། །སྨོན་ལམ་དག་ནི་མེད་པ་ལ། །རྣམ་པར་ཤེས་པ་འབྱུང་བ་མེད། །དེ་ནི་དམ་པའི་མཐའ་ཡིན་ཏེ། །དམིགས་པ་
མེད་པ་ཉིད་དུ་འགྱུར། །བུད་མེད་དངོས་པོ་སེམས་ཀྱིས་བརྟགས། །སེམས་དེ་ཉིད་ཀྱང་མི་རྙེད་དེ། །སེམས་ཉིད་དེ་ནི་མི་རྙེད་ན། །བླ་ན་མེད་པའི་སྨོན་ལམ་ཡིན། །བུད་མེད་དངོས་པོ་སྤངས་པའི་ཕྱིར། །གང་སུ་མངོན་པར་བརྩོན་བྱེད་
པ། །ཀུན་དུ་རྟོག་ལ་སྤྱོད་པ་སྟེ། །ཀུན་ནས་ལྡང་ལ་དེ་གནས་སོ། །བུད་མེད་དངོས་པོར་གང་བརྗོད་པ། །དངོས་པོ་དེ་ནི་ཡོད་མ་ཡིན། །དེ་ལྟར་རབ་ཏུ་ཤེས་པ་ནི། །བསྟན་པ་དག་ལ་དེ་སྦྱོར་རོ། །སྦྱོར་བ་དང་ནི་མི་སྦྱོར་
དང་། །དེ་དག་གཉི་ག་ཅི་ཡང་མེད། །ཆོས་རྣམས་ཡོད་པ་མ་ཡིན་པ། །དེ་ནི་སྦྱོར་བ་ཞེས་ཀྱང་བྱ། །འཇིག་རྟེན་མགོན་པོ་སྐྱོབ་པ་ཡི། །མཚན་འདི་རབ་ཏུ་ཐོས་ནས་ནི། །སངས་རྒྱས་ཀུན་གྱི་དྲུང་དུ་ཡང་། །དགེ་བ་མང་པོ་སྐྱེད་པར་
བྱེད། །ཐམས་ཅད་གཟིགས་ཀྱི་མཚན་ཀུན་དང་། །དེ་ལྟ་བུ་ཡི་མིང་ཐོས་ནས། །གང་དང་གང་དུ་སྐྱེས་པར་ཡང་། །ཡོན་ཏན་འདི་དག་ཡོངསུ་འཛིན། །གང་ཉན་དེ་དག་ངས་མཐོང་སྟེ། །ལུང་ནོད་པ་ཡང་ངས་མཐོང་ངོ་། །ངས་ནི་
དེ་དག་མང་མཐོང་བ། །དེ་ལ་གང་དག་མ་མོས་ཤིང་། །འདི་ནི་སངས་རྒྱས་མ་བཤད་ཅེས། །དེ་སྐད་གང་སྨྲ་ངས་མཐོང་སྟེ། །སངས་རྒྱས་ཆོས་རྣམས་སྤངས་ནས་སུ། །སེམས་ཅན་དམྱལ་བ་མང་པོར་འགྲོ། །འཇིག་རྟེན་

62-1-334a

གཉེན་གྱི་ཆོས་རྣམས་ནི། །རབ་ཏུ་སྤང་བ་བྱས་ནས་ཀྱང་། །སྡིག་པའི་ལས་རྣམས་བྱས་པས་ན། །སྡིག་པའི་འགྲོ་བ་དག་ཏུ་འགྲོ། །གླེན་ཞིང་ལྐུགས་ལ་བླུན་པ་དང་། །དབང་པོ་ཉམས་པ་འང་དེ་བཞིན་ཏེ། །
བྱང་ཆུབ་སེམས་ནི་རྣམ་སྤངས་ནས། །དེ་དག་སེམས་ཀྱང་གཡེངས་པར་འགྱུར། །དབང་ཐང་ཆུང་ཞིང་མདོག་ཀྱང་ངན། །གཟི་བརྗིད་ཉམས་ཤིང་བལྟ་མི་སྡུག །སྡིག་པ་དམན་པའི་སྐྱེ་གནས་སུ། །མི་དེ་སྐྱེ་བར་འགྱུར་བ་
ཡིན། །ཡང་དག་རྫོགས་པའི་སངས་རྒྱས་ཀྱིས། །བཤད་པའི་ཆོས་ནི་དེ་མི་ཤེས། །ཟབ་མོ་ལ་ཡང་མི་འཇུག་སྟེ། །འབྲས་བུ་ཆོས་ཀྱིས་འཕོངས་པར་འགྱུར། །ཆོས་ཀྱིས་ཕོངས་པ་ཐོས་ནས་ནི། །མི་དེ་ཤེས་རབ་འཆལ་
པར་འགྱུར། །འཇིག་རྟེན་མགོན་པོ་འོད་མཛད་པ། །ཡེ་ཤེས་ཆེན་པོ་མི་མཉེས་བྱེད། །དགེ་སློང་རྣམས་དང་དེ་བཞིན་དུ། །དགེ་བསྙེན་རྣམས་ལ་གོ་བར་བྱ། །ཆོས་ལ་འགལ་བར་གང་བྱེད་པ། །ཕོངས་པ་འདི་ནི་སྡུག་བསྔལ་
ལོ། །ཕྱོགས་བཅུ་ཡི་ནི་འཇིག་རྟེན་ན། །སངས་རྒྱས་འདྲེན་པ་རྣམས་བཞུགས་ཤིང་། །གང་ན་སྐྱེ་བོ་ཡོད་པ་དེར། །ཟབ་མོ་ཡི་ནི་ཆོས་སྟོན་ཏོ། །དེ་ཕྱིར་འཇིག་རྟེན་མགོན་པོ་ལ། །མོས་པ་དག་ཀྱང་རབ་ཏུ་སྐྱེད། །རྫོགས་པའི་
སངས་རྒྱས་ཆགས་མེད་ཆོས། །འདྲེན་པ་དག་ནི་ཆོས་གསུངས་ཏེ། །དེ་དག་གི་ནི་མཚན་འདི་ལ། །སུ་དག་མོས་པར་འགྱུར་བ་ནི། །མཁས་པ་དེ་དག་བསོད་ནམས་ཀྱང་། །དཔག་ཏུ་མེད་དང་ལྡན་པར་འགྱུར། །མི་གང་
འདིར་ནི་འདི་ལྟ་ཡིས། །མཚན་རྣམས་འཛིན་པར་འགྱུར་བ་ནི། །སྤོབས་པ་ཕུན་སུམ་ཚོགས་པ་དང་། །མཁས་པར་ཡང་ནི་རབ་ཏུ་འགྱུར། །འདི་ལྟ་བུ་ཡི་མཚན་རྣམས་ཀྱང་། །ཆགས་མེད་གྱུར་ནས་རབ་སྟོན་ན། །
འཇིག་རྟེན་ཀུན་གྱིས་བཀུར་བ་དང་། །ཚིག་བཙུན་པར་ཡང་རྟག་ཏུ་འགྱུར། །ཕྱོགས་བཞིར་དེ་ཡི་མཚན་འདི་རྣམས། །གང་དག་རབ་ཏུ་བརྗོད་པ་ནི། །གང་དག་གང་དུ་སྐྱེས་པར་ཡང་། །དེ་ནི་འཇིགས་པ་མེད་པར་འགྱུར། །

62-1-334b

སངས་རྒྱས་མཚན་རྣམས་ཐོས་ནས་ཀྱང་། །མི་གང་འདིར་ནི་འདི་ལྟ་ཡི། །མཚན་རྣམས་མཆོད་པར་བྱེད་པ་ནི། །དེ་ལ་བྱང་ཆུབ་རྒྱང་མི་རིང་། །སུ་དག་འདི་ལྟ་ཡི་མཚན་རྣམས་ལ། །སྐྱེ་བོ་མང་པོ་འཛུད་བྱེད་པ། །འཇིག་
རྟེན་མགོན་པོའི་སྤྱོད་ཡུལ་ནི། །དེ་ལ་རྙེད་པར་དཀའ་བ་ཡིན། །འོད་སྲུང་ཆོས་བཞི་དང་ལྡན་པའི་དགེ་སློང་ནི་མཚན་འདི་དག་ལ་མོས་པར་འགྱུར་རོ། །བཞི་གང་ཞེ་ན། དེས་སྔོན་སངས་རྒྱས་བཅོམ་ལྡན་འདས་ལ་བསྙེན་བཀུར་
བྱས་པ་ཡིན། ཟབ་མོ་ལ་མོས་པ་ཡིན། དབེན་པར་མོས་པ་ཡིན། དགེ་བའི་བཤེས་གཉེན་ལ་བརྟེན་ཅིང་དམ་པའི་ཆོས་ཀྱིས་ཕོངས་པར་འགྱུར་བའི་ལས་མ་བྱས་མ་བསགས་པ་ཡིན་ནོ། །འོད་སྲུང་ཆོས་བཞི་པོ་དེ་དག་དང་ལྡན་
པའི་དགེ་སློང་ནི་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་དག་གི་མཚན་རྣམས་ལ་མོས་པར་བྱེད་དོ། །དེ་ནས་བཅོམ་ལྡན་འདས་ཀྱིས་དེའི་ཚེ་ཚིགས་སུ་བཅད་པ་འདི་དག་གསུངས་སོ། །དེས་སྔོན་རྫོགས་
པའི་སངས་རྒྱས་རྣམས། །མཐོང་ཞིང་མཆོད་པ་བྱས་པ་ཡིན། །དགེ་བའི་རྩ་བ་དེ་ཉིད་ཀྱིས། །དེ་དག་མཚན་རྣམས་ཐོས་པར་འགྱུར། །ཟབ་མོ་ལ་ཡང་རབ་མོས་ཤིང་། །ང་ཡི་སངས་རྒྱས་ཆོས་ལ་ཉན། །སྔོན་གྱི་ལས་
རྣམས་ཡོངས་དག་པས། །དེ་ནས་འདིར་ནི་འོངས་པ་སྟེ། །སྔོན་ཡང་མདོ་སྡེ་བཤད་པ་ལ། །དེ་དག་ཡིད་གཉིས་ཡོང་མེད་དེ། །ཡང་དག་རྫོགས་པས་བཤད་པ་ཡི། །མདོ་སྡེ་དེ་ལ་འགལ་མི་བྱེད། །ཉི་ཚེ་བ་ཡི་བཟོད་པ་
ལ། །འདྲེན་པ་དག་ནི་མོས་པར་བྱེད། །ཤིན་དུ་དང་བའི་སེམས་ཀྱིས་ཀྱང་། །ངས་བཤད་པ་ལ་མཉན་པར་གྱིས། །གདམས་པ་དག་ལ་མངོན་དགའ་ཞིང་། །ཆོས་ཉིད་ལ་ནི་འབྲང་བར་བྱ། །དེ་དག་ཆོས་སུ་འདུ་ཤེས་
པས། །ཆོས་དེ་ཐམས་ཅད་སྡུད་པར་བྱེད། །འདུ་ཤེས་པ་དང་འདུ་ཤེས་མེད། །དེ་དག་ཡོད་པ་མ་ཡིན་ནོ། །སངས་རྒྱས་ཀུན་གྱི་ཡུལ་རྣམས་ནི། །བསམ་གྱིས་མི་ཁྱབ་རྟོག་པར་བྱེད། །དེ་དག་གི་ནི་

62-1-335a

ཆོས་ཉིད་འདི། །ཟབ་མོ་ལ་ནི་གང་མོས་ཤིང་། །མོས་པ་དག་ནི་མང་གྱུར་པ། །དེ་དག་ལ་ནི་རྩོད་པ་མེད། །ཟབ་མོ་སྤྱོད་པ་དེ་དག་ལ། །ཡིད་གཉིས་དག་ནི་ཡོང་མེད་དོ། །ནོར་ལ་སྲེད་པ་གཏེར་དང་ཡང་། །
འདྲ་བར་འགྱུར་བ་མ་ཡིན་ནོ། །འཇིག་རྟེན་གྱི་ནི་མགོན་པོ་ལ། །སུ་དག་ནེམ་ནུར་སྐྱེ་བ་ནི། །དབང་པོ་རྟུལ་ཞིང་མྱོས་པ་དང་། །མི་བརྩོན་པར་ནི་རིག་པར་བྱ། །གང་དག་མོས་པར་གྱུར་པ་ནི། །དེ་དག་ལ་ཡང་ཡིད་གཉིས་མེད། །
འདི་དག་འགོག་པར་བྱེད་པ་ནི། །མངོན་པར་བརྩོན་པའི་འབྲས་བུ་མེད། །སངས་རྒྱས་མཚན་ནི་ལེགས་བཤད་པ། །དེ་ལྟ་བུ་ཡི་མཚན་ཐོས་ནས། །སངས་རྒྱས་དག་གི་བསྔགས་པ་སྨྲ། །ཕྱོགས་བཅུ་དག་ན་འཇིག་རྟེན་མགོན། །
རྫོགས་པའི་སངས་རྒྱས་མཚན་བསྟོད་དེ། །ཡང་དང་ཡང་དུ་སངས་རྒྱས་ཀྱི། །མཚན་རྣམས་མི་གང་དྲན་བྱེད་པ། །དེ་ནི་མྱུར་དུ་དྲི་མེད་འགྱུར། །སྲོག་ཆགས་རྣམས་ཀྱིས་བཀུར་བ་ཡིན། །ཆགས་པ་མེད་པའི་སྤོབས་པ་ཡིས། །
སངས་རྒྱས་བྱང་ཆུབ་རབ་ཏུ་སྟོན། །འོད་སྲུང་སྟེང་གི་ཕྱོགས་ན་འཇིག་རྟེན་གྱི་ཁམས་ཟླ་བའི་བླ་མ་ཞེས་བྱ་བ་ཡོད་དེ། །དེ་ན་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་གསེར་སྣང་བས་རྣམ་པར་གནོན་
པ་ཞེས་བྱ་བ་བཞུགས་སོ། །འོད་སྲུང་སངས་རྒྱས་ཀྱི་ཞིང་འདི་ནས་སྟེང་གི་ཕྱོགས་ན་འཇིག་རྟེན་གྱི་ཁམས་རྩོད་པ་ལ་དགའ་བ་མདོག་ངན་བརྩེགས་པ་ཞེས་བྱ་བ་དེ་ན། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་
པའི་སངས་རྒྱས་མ་ཕམ་པའི་དཔལ་ཞེས་བྱ་བ་བཞུགས་སོ། །སྟེང་གི་ཕྱོགས་ན་འཇིག་རྟེན་གྱི་ཁམས་སློབ་དཔོན་དང་ལྡན་པ་ཞེས་བྱ་བ་ན། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཚད་
མེད་པའི་བླ་མ་བདེ་བར་གཤེགས་པ་རྒྱལ་པོ་ཞེས་བྱ་བ་བཞུགས་སོ། །སྟེང་གི་ཕྱོགས་ན་འཇིག་རྟེན་གྱི་ཁམས་རི་རབ་རྒྱལ་མཚན་ཞེས་བྱ་བ་ན། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་མ་

62-1-335b

རླན་པའི་གླང་པོ་དམ་པ་ཞེས་བྱ་བ་བཞུགས་སོ། །སྟེང་གི་ཕྱོགས་ན་འཇིག་རྟེན་གྱི་ཁམས་ཤིན་དུ་མཛེས་པ་རྟོག་པའི་བྱང་ཆུབ་ཅེས་བྱ་བ་དེ་ན། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་བརྩོན་འགྲུས་
གྲངས་མེད་པ་ལ་ཞུགས་པའི་དཔལ་ཞེས་བྱ་བ་བཞུགས་སོ། །སྟེང་གི་ཕྱོགས་ན་འཇིག་རྟེན་གྱི་ཁམས་ཡོངས་སུ་འཛིན་པ་མེད་པ་དེ་ན། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་དགོངས་པ་བརྗོད་ཀྱིས་
མི་ལང་བ་ཞེས་བྱ་བ་བཞུགས་སོ། །སྟེང་གི་ཕྱོགས་ན་འཇིག་རྟེན་གྱི་ཁམས་ཚངས་པར་སྤྱོད་པས་བརྒྱན་པ་ཞེས་བྱ་བ་དེ་ན། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་གཏི་མུག་མེད་པའི་སྤོས་
དཔལ་ཞེས་བྱ་བ་བཞུགས་སོ། །སྟེང་གི་ཕྱོགས་ན་འཇིག་རྟེན་གྱི་ཁམས་ཉི་མ་སྣང་བ་ཞེས་བྱ་བ་དེ་ན། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཟླ་བ་དཔལ་ཞེས་བྱ་བ་བཞུགསོ། །སྟེང་གི་ཕྱོགས་
ན་འཇིག་རྟེན་གྱི་ཁམས་ཆོས་མཆོག་ཅེས་བྱ་བ་དེ་ན། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རྣམ་པར་མི་རྟོག་པའི་འོད་ཅེས་བྱ་བ་བཞུགས་སོ། །སྟེང་གི་ཕྱོགས་ན་འཇིག་རྟེན་གྱི་ཁམས་
ཆོས་སྤྱོད་ཅེས་བྱ་བ་དེ་ན། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ནམ་མཁའ་སྣང་བ་ཞེས་བྱ་བ་བཞུགས་སོ། །སྟེང་གི་ཕྱོགས་ན་འཇིག་རྟེན་གྱི་ཁམས་དགེ་བ་སོགས་པ་ཞེས་བྱ་བ་དེ་ན། 
དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་སྤྱོད་པ་ཡོངས་སུ་དག་པའི་ཏོག་ཅེས་བྱ་བ་བཞུགས་སོ། །སྟེང་གི་ཕྱོགས་ན་འཇིག་རྟེན་གྱི་ཁམས་རྣམ་པར་རྒྱལ་བ་ཞེས་བྱ་བ་དེ་ན། དེ་བཞིན་གཤེགས་
པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་གཏེར་ལེགས་པར་གནས་པ་ཞི་བ་རྒྱལ་པོ་ཞེས་བྱ་བ་བཞུགས་སོ། །སྟེང་གི་ཕྱོགས་ན་འཇིག་རྟེན་གྱི་ཁམས་བརྩོན་འགྲུས་སྐྱེས་པ་ཞེས་བྱ་བ་དེ་ན། དེ་བཞིན་གཤེགས་པ་

62-1-336a

དགྲ་བཅོམ་པ་ཡང་དག་པར་རྫོགས་པའི་སངས་རྒྱས་དོན་ཐམས་ཅད་གྲུབ་པ་ཞེས་བྱ་བ་བཞུགས་སོ། །སྟེང་གི་ཕྱོགས་ན་འཇིག་རྟེན་གྱི་ཁམས་སྨོན་ལམ་གྱི་སྟོབས་ཞེས་བྱ་བ་དེ་ན། དེ་བཞིན་གཤེགས་པ་དགྲ་བཅོམ་པ་
ཡང་དག་པར་རྫོགས་པའི་སངས་རྒྱས་ཤེས་རབ་ཀྱིས་སྦེད་པའི་དཔལ་ཞེས་བྱ་བ་བཞུགས་སོ། །སྟེང་གི་ཕྱོགས་ན་འཇིག་རྟེན་གྱི་ཁམས་ཁམས་དགའ་བའི་ཕྱོགས་ཤེས་བྱ་བ་དེ་ན། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་
སངས་རྒྱས་གཏམ་ཤིན་དུ་ཡོངསུ་དག་པ་མཛད་པ་ཞེས་བྱ་བ་བཞུགས་སོ། །སྟེང་གི་ཕྱོགས་ན་འཇིག་རྟེན་གྱི་ཁམས་ཙན་དན་གྱི་དྲིའི་ཕུག་ཅེས་བྱ་བ་དེ་ན། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་བཻ་
དཱུརྱའི་སྙིང་པོ་ཞེས་བྱ་བ་བཞུགས་སོ། །སྟེང་གི་ཕྱོགས་ན་འཇིག་རྟེན་གྱི་ཁམས་རིན་པོ་ཆེ་དང་ལྡན་པ་ཞེས་བྱ་བ་དེ་ན། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཀུན་དུ་ཡོན་ཏན་རིན་པོ་ཆེས་རྣམ་པར་
གནོན་པ་ཞེས་བྱ་བ་བཞུགས་སོ། །སྟེང་གི་ཕྱོགས་ན་འཇིག་རྟེན་གྱི་ཁམས་ཡོན་ཏན་ཚད་མེད་དཔལ་ཞེས་བྱ་བ་དེ་ན། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཡོན་ཏན་ཤིན་དུ་ཡོངསུ་དག་པ་རབ་ཏུ་གནས་
པ་ཞེས་བྱ་བ་བཞུགས་སོ། །སྟེང་གི་ཕྱོགས་ན་འཇིག་རྟེན་གྱི་ཁམས་ཉན་ཐོས་མ་འོངས་པ་ཞེས་བྱ་བ་དེ་ན། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རྣམ་པར་གནོན་པའི་མཆོད་རྟེན་ཞེས་བྱ་བ་བཞུགས་
སོ། །སྟེང་གི་ཕྱོགས་ན་འཇིག་རྟེན་གྱི་ཁམས་གཉིད་མེད་པའི་མིག་ཅེས་བྱ་བ་དེ་ན། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཚད་མེད་པའི་ཁྲེལ་ཡོད་པ་གསེར་དམ་པའི་དཔལ་ཞེས་བྱ་བ་བཞུགས་
སོ། །དེ་ནས་དེའི་ཚེ་བཅོམ་ལྡན་འདས་ཀྱིས་ཚིགས་སུ་བཅད་པ་འདི་དག་གསུངས་སོ། །སངས་རྒྱས་དཔལ་གྱི་ཟླ་བ་ཅན། །རྒྱལ་ཆེན་མྱི་ཡི་ཁྱུ་མཆོག་སྟེ། །སངས་རྒྱས་ཁྱུ་མཆོག་དེ་དག་ནི། །ཆོས་ཀུན་རྣམ་པར་སྤྱོད་

62-1-336b

པ་མཛད། །སངས་རྒྱས་དེ་དག་མིང་རྣམས་ཀྱིས། །སངས་རྒྱས་ཞིང་ནི་རྣམ་པར་སྤྱོད། །མི་གང་དེ་ཡི་མཚན་རྣམས་ནི། །བསྐལ་པ་འདིར་ནི་ཉན་འགྱུར་ཞིང་། །གང་དག་དད་པར་འགྱུར་བ་དང་། །དེ་ལ་རི་མོར་བཅས་པ་
དག །དེ་དག་དཔའ་བོ་ཤེས་རབ་ཆེ། །དེ་དག་སངས་རྒྱས་དམ་པར་འགྱུར། །དེ་དག་ཡེ་ཤེས་མཐའ་ཡས་ཏེ། །དེ་ལ་ནེམ་ནུར་མ་བྱེད་ཅིག །སྟེང་གི་ཕྱོགས་ན་འཇིག་རྟེན་གྱི་ཁམས་ཤིན་དུ་མཛེས་པའི་པད་མ་ཞེས་བྱ་བ་དེ་ན། དེ་བཞིན་
གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་པད་མ་དམ་པ་རྣམ་པར་འཕྲུལ་པའི་དཔལ་ཞེས་བྱ་བ་བཞུགས་ཏེ། དེའི་མཚན་ཐོས་ན་ངན་སོང་གསུམ་ཡང་བཅད་པར་འགྱུར། སངས་རྒྱས་ཀྱི་ཆོས་ཀྱི་མེ་ཏོག་ཀྱང་ལེགས་
པར་རྒྱས་པར་འགྱུར་རོ། །དེ་དག་བསྐལ་པ་སུམ་བཅུ་རྩ་དྲུག་ཏུ་འཁོར་བ་ལ་རྒྱབ་ཀྱིས་ཕྱོགས་པར་འགྱུར་རོ། །དེ་ནས་བཅོམ་ལྡན་འདས་ཀྱིས་ཚིགས་སུ་བཅད་པ་འདི་དག་གསུངས་སོ། །འཇིག་རྟེན་ཁམས་ནི་ལེགས་བརྒྱན་
པ། །པད་མོ་ཤིན་དུ་མཛེས་ཤེས་བྱ། །ལྷ་ཡི་དགའ་བའི་ཚལ་བཞིན་དུ། །རྟག་པར་ཤིན་དུ་བརྒྱན་པ་སྟེ། །དེ་ན་སངས་རྒྱས་བཞུགས་པ་ནི། །པད་མ་བླ་དཔལ་མཁས་པ་སྟེ། །སངས་རྒྱས་ཞིང་དེར་རྣམ་པར་འཕྲུལ། །
སྲོག་ཆགས་རྣམས་ལ་ཆོས་ཀྱང་སྟོན། །སྐྱེས་པ་དང་ནི་བུད་མེད་ཀྱིས། །དེ་ཡི་མཚན་ཀྱང་ཐོས་ནས་ནི། །ངན་སོང་གསུམ་ནི་རྣམ་སྤོང་ཞིང་། །སངས་རྒྱས་དག་ཀྱང་མང་པོ་མཐོང་། །བསྐལ་པ་སུམ་བཅུ་རྩ་དྲུག་འདོར། །འདུས་
བྱས་རྣམས་ཀྱང་རྣམ་པར་བཟློག །སངས་རྒྱས་ཀྱི་ནི་བྱང་ཆུབ་ལས། །ཕྱིར་ཡང་ལྡོག་པར་མི་འགྱུར་རོ། །ལོང་བ་ཞ་བོར་མི་འགྱུར་ཏེ། །བླུན་པོར་རྟག་ཏུ་དེ་མི་འགྱུར། །འཇིག་རྟེན་ཀུན་ན་རྣམ་དག་ཅིང་། །ཤེས་རབ་བསོད་ནམས་
ཤིན་དུ་འཕེལ། །དེ་བཞིན་གཤེགས་ལ་ཕྱག་བྱས་ན། །སྡིག་པའི་གྲོགས་པོ་མི་འཕེལ་ཞིང་། །གསོད་དང་ཕྱིར་རྒོལ་དེ་བཞིན་ཏེ། །དགེ་བའི་བཤེས་གཉེན་རྙེད་པར་འགྱུར། །སངས་རྒྱས་དེ་དང་འཇིག་རྟེན་གྱི། །མཆོད་རྟེན་

62-1-337a

གཞན་ལ་ཕྱག་བྱས་ན། །ཆོས་ཀུན་རྟོགས་པར་རིག་པ་ཡིས། །བྱང་ཆུབ་ལ་ནི་ནེམ་ནུར་མེད། །སྟེང་གི་ཕྱོགས་ན་འཇིག་རྟེན་གྱི་ཁམས་རིན་པོ་ཆེ་སྒྲོལ་མ་ཞེས་བྱ་བ་དེ་ན། དེ་བཞིན་གཤེགས་པ་དགྲ་བཅོམ་པ་ཡང་དག་
པར་རྫོགས་པའི་སངས་རྒྱས་རིན་ཆེན་དག་པ་འབྱུང་བའི་དཔལ་ཞེས་བྱ་བ་བཞུགས་ཏེ། དེའི་མཚན་ཐོས་ན་བྱང་ཆུབ་ཀྱི་ཡན་ལག་རིན་ཆེན་བདུན་ཐོབ་པར་འགྱུར་རོ། །བསྐལ་པ་སུམ་བཅུར་འཁོར་བ་ལ་རྒྱབ་ཀྱིས་ཕྱོགས་པ་བྱས་པར་འགྱུར་རོ། །
དེ་ནས་བཅོམ་ལྡན་འདས་ཀྱིས་དེའི་ཚེ་ཚིགས་སུ་བཅད་པ་འདི་དག་གསུངས་སོ། །རིན་ཆེན་སྒྲོལ་མ་འཇིག་རྟེན་ཁམས་མཆོག་ན། །རིན་ཆེན་འབྱུང་ཞེས་བྱ་བའི་སངས་རྒྱས་ཏེ། །དེ་ཡི་མཚན་མཆོག་དམ་པ་ཐོས་ནས་ནི། །སྲོག་ཆགས་
རྣམས་ཀྱིས་བྱང་ཆུབ་ཡན་ལག་ཐོབ། །བསྐལ་པ་སུམ་བཅུ་དག་ནི་འདོར་བར་བྱེད། བྱང་ཆུབ་ལ་ཡང་ཤིན་ཏུ་ལེགས་པར་གནས། །སྨྲ་བ་དཔའ་བོ་རབ་ཏུ་མི་སྐྱོད་པ། །སྐྱེས་བུ་དམ་པ་དག་ཀྱང་མང་དུ་མཐོང་། །སྟེང་གི་ཕྱོགས་ན་འཇིག་
རྟེན་གྱི་ཁམས་ཀློག་གི་འོད་ཅེས་བྱ་བ་ན། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་གློག་གི་སྒྲོན་མ་ཏོག་གི་རྒྱལ་པོ་ཞེས་བྱ་བ་བཞུགས་ཏེ། དེའི་མཚན་ཐོས་ན་མི་ཁོམ་པ་ཐམས་ཅད་ཡོངས་སུ་སྤོང་བར་
འགྱུར་རོ། །དེ་དག་བསྐལ་པ་ཉི་ཤུར་འཁོར་བ་ལ་རྒྱབ་ཀྱིས་ཕྱོགས་པ་བྱས་པར་འགྱུར་རོ། །དེ་ནས་བཅོམ་ལྡན་འདས་ཀྱིས་དེའི་ཚེ་ཚིགས་སུ་བཅད་པ་འདི་དག་གསུངས་སོ། །གློག་སྣང་ཞེས་བྱའི་ཞིང་དེ་ན། །སངས་རྒྱས་རྫུ་འཕྲུལ་ཆེན་
པོ་ནི། །གློག་འོད་ཏོག་གི་རྒྱལ་ཞེས་བྱ། །པད་མོ་དམ་པ་ལེགས་པར་བྱུང་། །དེ་ཡི་མཚན་ཡང་ཐོས་ནས་ནི། །མི་ཁོམ་ཐམས་ཅད་རྣམ་པར་སྤོང་། །བསྐལ་པ་ཉི་ཤུར་འདོར་བར་བྱེད། །མྱུར་དུ་བྱང་ཆུབ་འཚང་ཡང་རྒྱ། །
སྟེང་གི་ཕྱོགས་ན་འཇིག་རྟེན་གྱི་ཁམས་གསེར་གྱི་ཤིང་ཏ་ལ་རབ་ཏུ་བརྒྱན་པ་ཞེས་བྱ་བ་ན། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཏ་ལའི་རྒྱལ་པོ་མངོན་པར་འཕགས་པའི་དཔལ་ཞེས་བྱ་བ་བཞུགས་

62-1-337b

ཏེ། དེའི་མཚན་ཐོས་ན་སེམས་ཅན་ཐམས་ཅད་ལས་མངོན་པར་འཕགས་པར་འགྱུར་རོ། །སྟེང་གི་ཕྱོགས་ན་འཇིག་རྟེན་གྱི་ཁམས་ཏ་ལ་ནམ་མཁའ་ལ་ཉེ་བ་ཞེས་བྱ་བ་ན། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་
པའི་སངས་རྒྱས་ཆོས་ནམ་མཁའི་སྒྲོན་མ་ཞེས་བྱ་བ་བཞུགས་ཏེ། དེའི་མཚན་ཐོས་ན་བསྐལ་པ་དྲུག་བཅུར་འཁོར་བ་ལ་རྒྱབ་ཀྱི་ཕྱོགས་པ་བྱས་པར་འགྱུར་རོ། །སངས་རྒྱས་ཀྱི་ཞིང་ཡང་དག་པར་འགྲོ་བ་ལས་ཀྱང་ཕྱིར་མི་ལྡོག་གོ། །ཚེ་འདི་
ལ་དེ་བཞིན་གཤེགས་པ་མཐོང་བ་ཡང་ཐོབ་པར་འགྱུར་རོ། །ཐ་ན་རྨི་ལམ་ན་ཡང་དེ་བཞིན་གཤེགས་པ་དེ་ལ་ཡན་ལག་ལྔས་ཕྱག་འཚལ་ལོ། །སངས་རྒྱས་བཅོམ་ལྡན་འདས་རྣམས་ལ་ལྷག་པའི་བསམ་པས་རི་མོ་བྱེད་པར་འགྱུར་རོ། །བལྟ་བར་
བྱ་བ་དང་། ཕྱག་བྱ་བ་དང་། བསྙེན་བཀུར་བྱ་བའི་ཕྱིར་བླ་ན་མེད་པ་མཁས་པ་དང་ལྡན་པའི་སེམས་ཅན་ཡང་རྙེད་པར་འགྱུར་རོ། །ཚེ་འདི་ལ་ཡོན་ཏན་འདི་དག་ཐོབ་པར་འགྱུར་ཏེ། ཤཱ་རིའི་བུ་དེ་བཞིན་གཤེགས་པ་དེ་ནི་ཡོན་ཏན་དང་ཕན་ཡོན་ཚད་
མེད་དོ། །དེ་ནས་བཅོམ་ལྡན་འདས་ཀྱིས་དེའི་ཚེ་ཚིགས་སུ་བཅད་པ་འདི་དག་གསུངས་སོ། །ནམ་མཁའ་ཡོངསུ་བརྒྱན་པའི་ཞིང་། །དེ་ན་གྲགས་ཆེན་སངས་རྒྱས་ནི། །ཆོས་ཀྱི་ནམ་མཁའ་སྒྲོན་མ་མཚན། །སྐྱེས་བུ་དག་ནི་ཁྱུ་མཆོག་
སྟེ། །དེ་ཡི་མཚན་ཀྱང་ཐོས་ནས་ནི། །བསྐལ་པ་དྲུག་བཅུ་ཕྱིར་བཟློག་ཅིང་། །བླ་མེད་སངས་རྒྱས་ཆོས་རྣམས་དང་། །སངས་རྒྱས་འགྲོ་བ་འང་ཐོབ་པར་འགྱུར། །སངས་རྒྱས་དཔའ་བོ་ཆེན་པོ་དག །ཚེ་འདི་ཉིད་ལ་མཐོང་བར་འགྱུར། །
ལྷག་པའི་བསམ་པས་བྱམས་པའི་སེམས། །དཀྱིལ་འཁོར་ལྔ་ཡིས་ཕྱག་བྱས་ཏེ། །རྨི་ལམ་ན་ཡང་རྫོགས་སངས་རྒྱས། །ཀུན་དུ་བཟང་པོ་མཐོང་བར་འགྱུར། །ཡིད་ཀྱི་རྟོག་པ་གཞན་གྱི་སེམས། །ཆོས་ཀྱི་རྒྱལ་པོ་དྲན་ནས་སུ། །
ཤེས་ལ་མཁས་པའི་སེམས་ཅན་རྣམས། །བསྙེན་བཀུར་བྱ་བ་རྙེད་པར་འགྱུར། །དེ་ནི་ཚེ་འདིའི་ཡོན་ཏན་ཏེ། །སྟོན་པ་ཡོན་ཏན་ཚད་མེད་ཅིང་། །ཆོས་ཀུན་གྱི་ཡང་ཕ་རོལ་ཕྱིན། །ཕུན་སུམ་ཚོགས་པ་ཀུན་གཉེར་བས། །

62-1-338a

བྱམས་པའི་སེམས་ཀྱིས་ཕྱག་གྱིས་ཤིག །སྟེང་གི་ཕྱོགས་ན་ཤིན་དུ་རྣམ་པར་ཕྱེ་བའི་འཇིག་རྟེན་གྱི་ཁམས་ན། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཡོན་ཏན་ཐམས་
ཅད་འབྱུང་བ་ཞེས་བྱ་བ་བཞུགས་སོ། །ཅིའི་ཕྱིར་འཇིག་རྟེན་གྱི་ཁམས་དེ་ཤིན་དུ་རྣམ་པར་ཕྱེ་བ་ཞེས་བྱ་ཞེ་ན། འཇིག་རྟེན་གྱི་ཁམས་དེ་གཞི་གསེར་ལ་བཻ་དཱུརྱས་མིག་མངས་རིས་སུ་བྲིས་པ། མིག་མངས་རིས་ཐམས་ཅད་ནས་མེ་ཏོག་
གི་ཤིང་དང་། རིན་པོ་ཆེའི་ཤིང་དང་། ཙན་དན་ལ་སོགས་པ་སྤོས་ཀྱི་ཤིང་དག་གིས་ཤིན་ཏུ་རྣམ་པར་ཕྱེ་ཞིང་དེ་དག་ལས་དྲི་བྱུང་བས་སངས་རྒྱས་ཀྱི་ཞིང་ཐམས་ཅད་གདུགས་གཅིག་ཏུ་ཁྱབ་པར་འགྱུར་རོ། །དེ་བཞིན་གཤེགས་པ་ཡོན་ཏན་
ཐམས་ཅད་འབྱུང་བ་དེ་ཆོས་ཀྱི་གདན་ལ་བཞུགས་པའི་མཚན་ཐོས་ནས་དབང་པོ་ཐམས་ཅད་རབ་ཏུ་རྣམ་པར་ཕྱེ་བ་ཡོངས་སུ་འཛིན་ཏོ། །སངས་རྒྱས་ཀྱི་ཆོས་རབ་ཏུ་རྣམ་པར་ཕྱེ་བ་ཡང་ཡོངས་སུ་འཛིན་ཏོ། །བསྐལ་པ་བརྒྱད་ཅུར་འཁོར་
བ་ལ་རྒྱབ་ཀྱིས་ཕྱོགས་པར་ཡང་བྱས་པར་འགྱུར་རོ། །དེ་ནས་དེའི་ཚེ་བཅོམ་ལྡན་འདས་ཀྱིས་ཚིགས་སུ་བཅད་པ་འདི་དག་གསུངས་སོ། །འཇིག་རྟེན་ཁམས་ནི་བླ་མེད་པ། །ཤིན་དུ་རྣམ་པར་ཕྱེ་ཞེས་བྱ། །ཤིང་གིས་མིག་མངས་
རིས་སུ་བྱས། །སྤོས་ཀྱི་ཤིང་གིས་ཤིན་ཏུ་མཛེས། །དེ་དག་ལས་ནི་དྲི་བྱུང་བས། །ས་ཀུན་དུ་ཡང་རྒྱས་པར་འགྱུར། །གདུགས་གཅིག་ཏུ་ནི་བྱས་ནས་སུ། །བར་སྣང་ལ་ཡང་དེ་གནས་སོ། །དེ་ལ་སངས་རྒྱས་བཞུགས་པ་
ནི། །ཡོན་ཏན་ཡན་ལག་ཐམས་ཅད་འབྱུང་། །མིང་མཚན་ཤིན་དུ་ཕུན་སུམ་ཚོགས། །ཆོས་ཀྱི་རྒྱལ་པོ་འཇིགས་མེད་དེ། །དེ་ཡི་མཚན་ཀྱང་ཐོས་ནས་ནི། །ཡན་ལག་ཐམས་ཅད་མཛེས་པར་འགྱུར། །བྱད་བཞིན་བཟང་ཞིང་
བལྟ་ན་སྡུག །གཟུགས་མཛེས་མཐོང་ན་དགའ་བ་དང་། །ཤིན་དུ་ཕྱེ་བའི་ལུས་སུ་འགྱུར། །ཆུ་ཞེང་གབ་པ་ནྱ་གྲོ་བཞིན། །དཔལ་གྱིས་ཤིན་དུ་འབར་གྱུར་ཅིང་། །སངས་རྒྱས་དག་གི་ཞིང་དུ་འགྲོ། །བསྐལ་པ་བརྒྱད་ཅུ་

62-1-338b

འདོར་བར་བྱེད། །འདུས་བྱས་རྣམས་ཀྱང་རྣམ་པར་ཟློག །སངས་རྒྱས་ཆོས་རྣམས་ཕྱེ་བ་ཡང་། །རྣམ་པ་ཐམས་ཅད་མྱུར་དུ་འཐོབ། །ཡོན་ཏན་ཡན་ལག་ཀུན་འབྱུང་བ། །སངས་རྒྱས་རྗེས་སུ་དྲན་བྱས་ན། །ཡོན་ཏན་ཕན་ཡོན་
དག་པ་ནི། །སངས་རྒྱས་ཆོས་ཀྱི་གོ་འཕང་གནས། །སྟེང་གི་ཕྱོགས་ན་འཇིག་རྟེན་གྱི་ཁམས་བཟང་པོའི་མཆོག་ཅེས་བྱ་བ་ན། དེ་བཞིན་གཤེགས་པ་བཟང་པོའི་ཏོག་གི་རྒྱལ་མཚན་རྒྱལ་པོ་ཞེས་བྱ་བ་བཞུགས་ཏེ། དེའི་མཚན་ཐོས་ན་
སངས་རྒྱས་ཀྱི་ཆོས་རྣམས་ལས་ཕྱིར་མི་ལྡོག་པར་འགྱུར་རོ། །དེ་དག་གིས་བསྐལ་པ་ལྔ་བཅུར་འཁོར་བ་ལ་རྒྱབ་ཀྱིས་ཕྱོགས་པ་བྱས་པར་འགྱུར་རོ། །དེ་ནས་དེའི་ཚེ་བཅོམ་ལྡན་འདས་ཀྱིས་ཚིགས་སུ་བཅད་པ་འདི་དག་གསུངས་སོ། །འཇིག་རྟེན་
ཁམས་ནི་བཟང་མཆོག་སྟེ། །བཟང་པོ་དགའ་བ་ཞེས་ཀྱང་བྱ། །དེ་ན་རྫོགས་པའི་སངས་རྒྱས་ནི། །བཟང་ཏོག་རྒྱལ་མཚན་དྲང་སྲོང་སྟེ། །རྒྱལ་མཆོག་ཆོས་ཀྱི་རྒྱལ་པོ་ཡིན། །མཚན་མཆོག་སུམ་བཅུ་རྩ་གཉིས་ལྡན། །དེ་ཡི་མཚན་ཀྱང་
ཐོས་ནས་ནི། །སངས་རྒྱས་ཆོས་རྣམས་མི་འབྲི་ཞིང་། །བསྐལ་པ་དག་ནི་ལྔ་བཅུར་ཡང་། །འཁོར་བ་དག་ནི་རྣམ་པར་སྤོང་། །འཇིག་རྟེན་དུ་ཡང་མྱུར་བར་ནི། །གྲགས་ཆེན་ལྷ་ཡི་ལྷར་འགྱུར་རོ། །སྟེང་གི་ཕྱོགས་ན་འཇིག་རྟེན་གྱི་ཁམས་
རིན་པོ་ཆེའི་རིགས་ཤེས་བྱ་བ་ན། དེ་བཞིན་གཤེགས་པ་རིན་པོ་ཆེ་ཐམས་ཅད་ཀྱིས་བརྒྱན་པའི་གཟུགས་འཛིན་པ་ཞེས་བྱ་བ་བཞུགས་སོ། །ཅིའི་ཕྱིར་འཇིག་རྟེན་གྱི་ཁམས་དེ་རིན་པོ་ཆེའི་རིགས་ཤེས་བྱ་ཞེ་ན། འོད་སྲུང་སངས་རྒྱས་ཀྱི་
ཞིང་དེའི་སེམས་ཅན་རྣམས་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་ཡང་དག་པར་རབ་ཏུ་ཞུགས་ཏེ། སངས་རྒྱས་ཀྱི་ཞིང་དེ་ནས་སེ་གོལ་གཏོགས་པ་ཙམ་གྱིས་བྱང་ཆུབ་སེམས་དཔའ་བྱེ་བ་ཁྲག་ཁྲིག་བརྒྱ་སྟོང་མང་པོ་ཕྱོགས་བཅུའི་
འཇིག་རྟེན་གྱི་ཁམས་གང་གཱའི་ཀླུང་གི་བྱེ་མ་སྙེད་ཀྱི་སེམས་ཅན་རྣམས་བྱང་ཆུབ་ཏུ་ཡོངས་སུ་སྨིན་པར་བྱེད། སངས་རྒྱས་བཅོམ་ལྡན་འདས་ལ་མཆོད་པ་བྱེད་ཅིང་ཕྱིར་ཡང་འཇིག་རྟེན་གྱི་ཁམས་དེར་འོང་ངོ་། །དེ་སྐད་ཅེས་བཀའ་སྩལ་པ་

62-1-339a

དང་། བཅོམ་ལྡན་འདས་ལ་འོད་སྲུང་ཆེན་པོས་འདི་སྐད་ཅེས་གསོལ་ཏོ། །བཅོམ་ལྡན་འདས་བྱང་ཆུབ་སེམས་དཔའ་སེམས་དཔའ་ཆེན་པོ་དེའི་མིང་ཇི་སྐད་བགྱི་བ་དག་མཆིས། བཅོམ་ལྡན་འདས་ཀྱིས་བཀའ་སྩལ་པ། 
འདི་ལྟ་སྟེ། སེང་གེ་རྣམ་པར་རོལ་དང་། སེང་གེ་རྣམ་པར་བསྒྱིངས་དང་། སེང་གེའི་ཏོག་དང་། སེང་གེ་རྣམ་པར་སྤྲུལ་པ་དང་། ཤིན་དུ་བརྟན་པའི་མཐུ་རྟུལ་དང་། རྡོ་རྗེའི་བློ་གྲོས་མཚོན་ཆ་དང་། འོད་སྲུང་དེ་ལྟ་བུ་ལ་སོགས་པ་རྟག་ཏུ་
བརྩོན་འགྲུས་བརྩམས་པའི་བྱང་ཆུབ་སེམས་དཔའ་དག་གི་མིང་གང་སུ་དག་གིས་ཐོས་པར་འགྱུར་བ་དེ་དག་ཐམས་ཅད་དེ་བཞིན་གཤེགས་པ་རིན་པོ་ཆེ་ཐམས་ཅད་ཀྱིས་བརྒྱན་པའི་གཟུགས་འཛིན་པ་དེའི་སངས་རྒྱས་ཀྱི་ཆོས་མ་འདྲེས་པ་བཅྭ་
བརྒྱད་རྣམས་ཐོབ་པར་འགྱུར་རོ། །རིན་པོ་ཆེའི་རིགས་ཀྱང་རྗེས་སུ་ཐོབ་པར་འགྱུར་རོ། །ཕྱིར་མི་ལྡོག་པའི་ཆོས་ཀྱི་འཁོར་ལོ་ཡང་རྙེད་པར་འགྱུར་རོ། །བསྐལ་པ་བརྒྱ་ཚང་བར་འཁོར་བ་ལ་རྒྱབ་ཀྱིས་ཕྱོགས་པ་བྱས་པར་
འགྱུར་རོ། །དེ་ནས་བཅོམ་ལྡན་འདས་ཀྱིས་དེའི་ཚེ་ཚིགས་སུ་བཅད་པ་འདི་དག་གསུངས་སོ། །འཇིག་རྟེན་ཁམས་ནི་རིན་ཆེན་རིགས། །རིགས་ཆེན་ཀུན་གྱིས་བརྒྱན་པ་སྟེ། །དེ་ན་སངས་རྒྱས་བཞུགས་པ་ནི། །དཔའ་བོ་དག་གིས་ཡོངས་སུ་
བསྐོར། །འཇིག་རྟེན་སྒྲོན་མ་དེ་མཚན་ནི། །རིན་ཆེན་ཀུན་གྱིས་འཕགས་པ་སྟེ། །རབ་ཏུ་བརྒྱན་པའི་གཟུགས་འཛིན་པ། །ཆོས་ཏོག་རྒྱལ་མཚན་དྲང་སྲོང་སྟེ། །བྱང་ཆུབ་སེམས་དཔས་ཡོངས་བསྐོར་ཅིང་། །འདྲེན་པ་ཆོས་
རྣམས་སྟོན་པ་མཛད། །འཇིག་རྟེན་དུ་ནི་མ་བསྐོར་བ། །ཕྱིར་མི་ལྡོག་པའི་འཁོར་ལོ་བསྐོར། །དེ་ཡི་མཚན་ཀྱང་ཐོས་ནས་ནི། །བསྐལ་པ་བརྒྱར་ཡང་མི་འཁོར་ཞིང་། །ཕྱིར་མི་ལྡོག་པའི་འཁོར་ལོ་བསྐོར། །བླ་ན་མེད་པ་ཐོབ་
པར་འགྱུར། །གང་དག་གི་ནི་མཚན་བརྗོད་པ། །ཆོས་ཀྱི་རྒྱལ་པོ་དེ་དག་དང་། །རང་བྱུང་དག་ན་བཞུགས་པ་དང་། །འཇིག་རྟེན་དག་གི་ཁམས་ཀྱང་རུང་། །མིང་དང་རིགས་ནི་རྣམ་པར་དག །སྤྱོད་པ་དག་ཀྱང་རྣམ་དག་པ། །

62-1-339b

ཆོས་ཀྱི་སྤྱན་ནི་རྣམ་པར་དག །ཆོས་རྣམས་ཀུན་ཀྱང་རྣམ་སྤྱངས་པ། །ཤེས་རབ་ལྡན་པའི་སྤྱོད་ཡུལ་གྱིས། །བླ་ན་མེད་པའི་ཡེ་ཤེས་ལ། །སྐྱེ་བོ་མང་པོ་གང་དག་ནི། །ཤིན་དུ་འདོད་པའི་ཤཱ་རིའི་བུ། །གང་དག་ཕྱི་མའི་དུས་བྱུང་
བ། །ཤིན་དུ་འཇིགས་པར་གྱུར་པའི་ཚེ། །ཆོས་འདི་རབ་ཏུ་ཉན་འགྱུར་ཞིང་། །ཐོས་ནས་དད་པར་བྱེད་པ་ནི། །ཐེ་ཙོམ་མེད་པར་དེ་དག་གིས། །ཤཱ་རིས་ང་ལ་བསྙེན་བཀུར་བྱས། །ཇི་ལྟར་རིན་ཆེན་རིན་ཐང་མེད། །
དབུལ་པོས་མཐོང་ན་ཞུམ་གྱུར་ཏེ། །གང་གིས་རིན་ཆེན་རྙེད་འགྱུར་བ། །དེ་ལྟའི་ནོར་ནི་ག་ལས་འོང་། །དེ་བཞིན་བླ་མེད་སངས་རྒྱས་ཀྱང་། །བསོད་ནམས་ཆུང་ངུས་ཐོས་ནས་ནི། །མིག་ལ་གནོད་བྱེད་བློ་ཅན་རྣམས། །དེ་དག་དད་
པར་ག་ལ་འགྱུར། །ནོར་དང་མཛོད་རྣམས་མང་པོ་དག །ནོར་བུ་རིན་ཆེན་ཐོས་ནས་ནི། །ཤིན་དུ་བརྒྱན་པར་བྱའོ་ཞེས། །དེ་དག་ཡང་དག་ཡང་ཚོལ་ལོ། །དེ་བཞིན་ཤེས་རབ་ཆེན་པོ་ཡང་། །སངས་རྒྱས་ཀྱིས་ནི་མཚན་ཐོས་
ནས། །ཇི་ལྟར་བྱང་ཆུབ་རེག་འགྱུར་ཞེས། །དེ་དག་ཡོངས་སུ་ཚོལ་བར་བྱེད། །དམན་པའི་ལས་དང་ལྡན་པ་དང་། །སྡིག་པ་འདོད་དང་གཡོ་ཅན་དང་། །ཤེས་རབ་བསོད་ནམས་མེད་པ་ལ། །འདི་ལྟ་བུ་ཡི་ཐོས་པ་མེད། །
འདོད་ཆགས་ཀྱིས་ནི་ཆགས་གྱུར་དང་། །གཏི་མུག་གིས་ནི་རྨོངས་པ་འམ། །ཆགས་པས་ཟིལ་གྱིས་ནོན་པ་ལ། །འདི་ལྟ་བུ་ཡི་ཐོས་པ་མེད། །ང་རྒྱལ་ཅན་དང་ཁེངས་པ་དང་། །ལེ་ལོ་ཅན་དང་བློ་ཆུང་དང་། །མུ་སྟེགས་གཞན་ལ་བརྩོན་པ་ལ། །འདི་ལྟ་བུ་ཡི་ཐོས་པ་མེད། །བྱེ་བ་སྟོང་གི་ལྷ་
རྣམས་ནི། །ཀྱེ་མ་སངས་རྒྱས་ཀྱེ་མ་ཆོས། །ཀྱེ་མ་དགེ་འདུན་བླ་ན་མེད། །དེ་ཞེས་དེ་ཚེ་སྒྲ་ཡང་སྒྲོག །མེ་ཏོག་གི་ཡང་ཆར་འབེབས་ཤིང་། །སྟོང་གསུམ་འདིར་ནི་རབ་ཏུ་གཏོར། །སིལ་སྙན་བྱེ་བ་དཀྲོལ་བར་བྱེད། །སྤོས་ཀྱིས་ས་ལ་ཆག་ཆག་བཏབ། །ཞིང་འདི་སྣང་
བར་བྱེད་ནས་ནི། །རྣམ་པ་དྲུག་ཏུ་གཡོ་བར་བྱས། །མེ་ཏོག་བསགས་པ་དམ་པ་ཡི། །མདོ་སྡེ་འདི་ནི་རབ་བཤད་པ། །དེ་ན་འཁོར་སུ་གང་དག་ནི། །སངས་རྒྱས་མཚན་གནས་མ་གཏོགས་པར། །གང་གཞན་ཐོས་པ་

62-1-340a

ཐམས་ཅད་ནི། །སངས་རྒྱས་བླ་ན་མེད་པར་འགྱུར། །ཕྱོགས་བཅུ་དག་ནི་ཐམས་ཅད་དུ། །གང་གའི་བྱེ་སྙེད་ཞིང་ནས་ནི། །བྱང་ཆུབ་སེམས་དཔའ་ལྷགས་ནས་སུ། །མཉན་
ནས་ཕྱིར་ཡང་སོ་སོར་དོང་། །མདོ་སྡེ་འདི་ནི་བཤད་པའི་ཚེ། །དགེ་སློང་བྱེ་བ་མང་ཆད་པ། དེ་དག་ཐམས་ཅད་དགྲ་བཅོམ་གྱུར། །དེ་དག་གིས་ནི་འདྲེན་པ་མཐོང་། །དགེ་སློང་དག་ནི་བརྒྱ་སྟོང་དང་། །དགེ་སློང་མ་
ཡང་དེ་བཞིན་ཏེ། །སྟོང་ཕྲག་དྲུག་བཅུར་ཚང་བ་ཡིས། །དེ་ཚེ་ཆོས་ལ་བཟོད་པ་ཐོབ། །མི་སྐྱེ་བ་ཡི་ཆོས་རྣམས་ལ། །བཟོད་པ་བླ་ན་མེད་ཐོབ་ནས། །དེ་དག་སངས་རྒྱས་རྣམས་བལྟ་ཞིང་། །སྲོག་ཆགས་
རྣམས་ལ་ཆོས་ཀྱང་འཆད། །དགེ་སློང་མ་ནི་ལྔ་བརྒྱ་དང་། །དགེ་བསྙེན་མ་ནི་བཞི་བཅུ་དག །རང་རང་གི་ནི་གོས་རྣམས་ཀྱིས། །དེ་བཞིན་གཤེགས་ཀྱི་སྐུ་ལ་གསོལ། །བཅོམ་ལྡན་འདས་ཀྱིས་དེ་སྐད་ཅེས་
བཀའ་སྩལ་ནས། ཚེ་དང་ལྡན་པ་ཤཱ་རིའི་བུ་ཡིད་རངས་སོ། །བྱང་ཆུབ་སེམས་དཔའ་སེམས་དཔའ་ཆེན་པོ་དེ་དག་དང་། དགེ་སློང་དེ་དག་དང་། ལྷ་དང་། མྱི་དང་། ལྷ་མ་ཡིན་དང་། དྲི་ཟར་བཅས་
པའི་འཇིག་རྟེན་བཅོམ་ལྡན་འདས་ཀྱིས་བཤད་པ་ལ་མངོན་པར་བསྟོད་དོ། །འཕགས་པ་མེ་ཏོག་གི་ཚོགས་ཤེས་བྱ་བ་ཐེག་པ་ཆེན་པོའི་མདོ་རྫོགས་སྷོ།། །།
།། རྒྱ་གར་གྱི་མཁན་པོ་ཛྙཱ་ན་སིད་དྷི་དང་། ཞུ་ཆེན་གྱི་ལོ་ཙྪ་བ་བན་དེ་དྷརྨ་ཏཱ་ཤཱི་ལ་སོགས་པས་ཞུ་ཆེན་བགྱིས་ཏེ་གཏན་ལ་ཕབ་པ།།       །། ཞུས་དག་གོ    །།