104-1-1a


༼ཞ༽ ༄༅། ༈ །གསང་སྔགས་རྒྱུད་འབུམ་གྱི་སྐོར་བཞུགས་སོ། །
(黃)  秘密經第二十一部
104-1-1b


༄༅༅།  །རྒྱ་གར་སྐད་དུ།  དེ་བཱི་ཛཱ་ལི་མཧཱ་མཱ་ཡཱ་ཏན་ཏྲ་ནཱ་མ། བོད་སྐད་དུ།  ལྷ་
མོ་སྒྱུ་འཕྲུལ་དྲ་བ་ཆེན་མོ་ཞེས་བྱ་བའི་རྒྱུད། བཅོམ་ལྡན་འདས་གསང་བ་ཆེན་པོ་ལ་ཕྱག་འཚལ་
ལོ། །འདི་སྐད་བདག་གིས་གསུངས་པ་ཉིད་དུ་གྱུར་པའི་ཚེ་ན་བཅོམ་ལྡན་འདས་དེ་བཞིན་གཤེགས་
པ་ནམ་མཁའ་དང་མཉམ་པའི་རྣལ་འབྱོར་ཆེན་པོ་དང་། རྣལ་འབྱོར་མ་ཆེན་མོ་དང་། ཤིན་ཏུ་མོས་པ་
ཆེན་མོ་དང་། མོས་པ་དང་བཅས་པ་སྲུང་བར་བྱེད་པ། རབ་ཏུ་རྣམ་པར་སྲུང་བར་བྱེད་ཉེ་བ་མོ་དང་བཅས་པ། 
ཉེ་བར་ཞི་བ་ཆེན་པོ་དང་ཞི་བར་མཛད་པ་ཆེན་པོ་མཛེས་པ་དང་མདོག་ཏུ་ལྡན་པ། ཤེས་པ་དང་སྐྱབས་
སུ་ལྡན་པ་ནི་འདི་ལྟ་སྟེ། གཙོ་བོ་རྣལ་འབྱོར་འཁོར་ལོ་ཞེས་བྱ་བ་དང་། རྣལ་འབྱོར་ཆེན་པོ་རྡོ་རྗེ་ཉིད་
དུ་འདུས་པ་ཞེས་བྱ་བ་དང་། རྣལ་འབྱོར་ཆེན་པོ་བཏང་སྙོམས་ཞེས་བྱ་བ་དང་། རྣལ་འབྱོར་ཆེན་པོ་དབང་དུ་
104-1-2a


མཛད་པ་ཞེས་བྱ་བ་དང་།  རྣལ་འབྱོར་ཤིན་དུ་རྣམ་པར་རྒྱ་གྲམ་གྱི་ཚུལ་འཛིན་པ་དང་བཅས་པ་ནི་ཅིར་ཡང་སྟོན་པའི་གཟུགས་ཀྱིས་ཁ་དོག་བཞི་དང་ལྡན་ཏེ་འདུག་པའི་ཆ་ལུགས་ཀྱིས་ཅོད་པན་ལྔ་དང་ལྡན་ཏེ། མ་བསྒྲིབས་མི་སྒྲིབ་སྒྲིབས་པ་མི་
འགོག་སྒྲིབ་ཏུ་མེད་པའི་དབྱིངས་ནས་ཡང་དག་པའི་གཞལ་ཡས་ཆེན་པོ་ན་མཉམ་པ་ཆེན་པོའི་ཚུལ་རྡོ་རྗེས་སྐུ་མ་བཀག་པས་མཛད་པ་བསམ་གྱིས་མི་ཁྱབ་པས་བཞུགས་སོ། །དེ་ཡང་འདིར་ལྟར་སོ་སོར་གསལ་བར་མཉམ་པ་ཆེན་པོ་དང་འཁོར་དང་བཅས་
པ་མཉམ་པ་ཆེན་པོས་ཡོ་བྱད་ཆེན་པོ་ནི་ཀུན་གྱི་གདུང་འཛིན་པའི་རང་བཞིན་དུ་གནས་པ་ནི་བརྟེན་པས་ཕྱིན་ཅི་མ་ལོག་པ་དང་གཉིས་སུ་དུ་མ་མེད་པ་ནི་གཟུངས་རྣལ་འབྱོར་མ་ཆེན་མོ་སྟེ། བྱང་ཆུབ་ཆེན་མོ་ནམ་མཁའ་ཞེས་བྱ་བ་དང་། བྱང་ཆུབ་ཆེན་མོ་
ནམ་མཁའ་འཛིན་མ་ཞེས་བྱ་བ་དང་། བྱང་ཆུབ་ཆེན་མོ་ས་སྲུངས་མ་ཞེས་བྱ་བ་དང་། བྱང་ཆུབ་ཆེན་མོ་རླན་པར་བྱེད་པ་ཆེན་མོ་དང་། བྱང་ཆུབ་ཆེན་མོ་རྣམ་པར་འཁེངས་པ་སྤང་བ་ཞེས་བྱ་བ་དང་། བྱང་ཆུབ་ཆེན་མོ་ལས་གྲུབ་པར་མཛད་མ་ཞེས་བྱ་བ་
དང་། བྱང་ཆུབ་ཆེན་མོ་རྡོ་རྗེ་རབ་ཏུ་ཆགས་པ་ཆེན་པོ་འཛིན་ཞེས་བྱ་བ་དང་། རབ་ཏུ་མ་ཆགས་པ་གསོད་ཅེས་བྱ་བ་དང་། བྱང་ཆུབ་ཆེན་མོ་རབ་ཏུ་རྨོངས་སེལ་ཞེས་བྱ་བ་དང་། བྱང་ཆུབ་ཆེན་མོ་གསུང་གི་འཁོར་ལོ་མ་ཞེས་བྱ་བ་སྟེ། དེ་དག་ཀྱང་འདི་
ལྟ་སྟེ། ཤིན་ཏུ་ཨུད་པལ་ལྟ་བུའི་མདོག་དང་། ཤག་ཀྲ་དང་། བཻ་དཱུརྱཱ་དང་། པདྨ་རཱ་ག་དང་། ཨས་མ་གར་བ་ལ་སོགས་པ་རྫས་ཀྱི་བསྔགས་པས་འཕགས་པར་འཚེར་བ་མ་སྨྱིན་པ་མེད་པར་བཞུགས་པ་ནི་རྣལ་འབྱོར་མ་ཀུན་ཏུ་བཟང་པོ་འཁོར་
དང་བཅས་པའོ། །དེ་ཡང་གུས་པ་ཆེན་པོ་གསང་བ་དང་། གུས་པ་ཆེན་པོ་སྣ་ཚོགས་པའི་དྲི་དང་། གུས་པ་ཆེན་པོ་དབང་སྒྱུར་བ་ནི་གསང་བའི་དབང་པོ་ཞེས་བྱ་བ་དང་།  གསལ་བ་འཛིན་བྱེད་མ་དང་། རྣམ་པར་དྲི་ཡི་གནས་སུ་གྱུར་བ་དང་། རྣམ་
པར་སྒྲ་བྱེད་པའི་གཟུགས་འཛིན་པའོ། །དེ་ཉིད་མཐོང་བར་བྱེད་པའི་དབང་པོ་དང་། ཉན་པར་བྱེད་པའི་དབང་པོ་དང་། བསུང་བྱེད་ཆེན་པོའི་དབང་པོ་དང་། བཏང་བ་ཆེན་པོའི་དབང་པོ་དང་། ཤིན་ཏུ་གཏོང་བར་མཛད་པ་དང་། ཤིན་ཏུ་རྟོག་པར་
104-1-2b


མཛད་པ་དང་། ཤིན་ཏུ་འཛིན་དབང་ཆེན་པོ་དང་། ཤིན་ཏུ་གྲུབ་པར་མཛད་པ་དང་། ཆ་ལུགས་མི་གཏོང་བའི་བཙུན་མོ་དང་བཅས་པའོ། །ཡོད་པ་རྣམ་པར་རྟོག་པར་མཛད་པ་དང་། མེད་པ་སེལ་བར་མཛད་པ་དང་།  རྣམ་པར་འདུ་ཤེས་རྒྱལ་བ་ཡིན་
པར་མཛད་པ་དང་། ཤིན་ཏུ་འགོག་པ་རྣམ་པར་འཇོམས་པ་ཆེན་མོ་དང་། མངོན་སྤྱོད་ཀྱི་ལས་ཀྱིས་གཉིས་སུ་མེད་པར་འཁྲིལ་ནས་ཆོས་ཀྱི་དབྱིངས་མཉམ་པ་ཆེན་པོའི་གཞལ་ཡས་ན་བཞུགས་སོ། །དེ་ནས་བཅོམ་ལྡན་འདས་གསང་བ་
ཆེན་མོའི་རྣལ་འབྱོར་མའི་གཞལ་ཡས་སུ་དགྱེས་ནས་མ་སྐྱེས་པའི་དབྱིངས་ཤེས་རབ་ཀྱི་ཚོགས་ཆེན་མོ་མུ་ཁྱུད་ཀུན་དང་ལྡན་པ། ཟླ་རྒྱས་ལྟ་བུའི་དཀྱིལ་འཁོར་མཐའ་དབུས་མེད་པར་ཁྱབ་པ། རིན་པོ་ཆེ་ཀུན་དང་ལྡན་པ། གྲྭ་དང་ངོས་དང་ཁ་
དོག་དང་དབྱིབས་རྒྱ་ཁྱོན་དཔག་ཏུ་མེད་པར་གྱུར་པ། ཡེ་ཤེས་བསམ་གྱིས་མི་ཁྱབ་པ་ཆ་ལུགས་ཀྱིས་རྣམ་པར་མཛེས་པ། ཡིད་བཞིན་ཆེན་པོའི་རྒྱན་གྱིས་རྣམ་པར་སྤྲས་པ། སྣ་ཚོགས་པའི་བྱེ་བྲག་གིས་རྒྱལ་བ་རྣམས་ཀྱི་གདུང་འཛིན་པ། །
སྒྱུ་འཕྲུལ་ཆེན་པོའི་སྒོ་བཞི་དང་ལྡན་པ། ཐེག་པ་ཕྱིའི་རྣལ་འབྱོར་རྣམས་ཀྱི་ཐེག་པ་ཆེན་པོ་འབབ་གཞོལ་དགེ་སྡིག་ཆེན་པོའི་མཆོག་ཤིན་ཏུ་གསང་བ་ཆེན་མོ་དང་བཅས་པ། པདྨ་ཆེན་པོའི་དབུས་ན་ལྕེ་ཁ་དོག་བཞིའི་བྱེ་བྲག་གིས་མཛེས་
པར་གྱུར་པ། ཕྱོགས་བཞི་བྲེ་བ་རིམ་པ་གསུམ་གྱི་ཆ་ལུགས་ཀྱིས་གསང་བ་ཆེན་པོའི་དཀྱིལ་འཁོར་དུ་གྱུར་པའོ། །དེ་བཞིན་གཤེགས་པ་ཐམས་ཅད་ཀྱི་དཀྱིལ་འཁོར་སྒྲིབ་པ་མཆོག་ཏུ་སེལ་བ་སྟེ་ལེའུ་དང་པོའོ།། །།    
དེ་ནས་བཅོམ་ལྡན་
འདས་ལོངས་སྤྱོད་ཆེན་པོ་གདུང་བ་མཆོག་ཏུ་སེལ་བར་མཛད་པའི་ཏིང་ངེ་འཛིན་ལ་སྙོམས་པར་ཞུགས་ཏེ། འཛུམ་པ་ཆེན་པོས་རབ་ཏུ་ཆགས་པ་ཆེན་པོ་ལ་དབང་སྒྱུར་བར་དགྱེས་ཏེ། གསང་བ་ཆེན་མོའི་མཁའ་ལ་པདྨ་དབང་གི་མདོག་གིས་
རྒྱས་པར་མཛད་དེ། ༀ་སུ་ར་ཏྭ་སུ་ཁེ་ཞེས་བརྗོད་པས་རྡོ་རྗེ་རིགས་བསམ་གྱིས་མི་ཁྱབ་པ་བཙུན་མོ་དང་བཅས་པར་གྱུར་ཏོ། །དེ་ནས་རབ་ཏུ་འདི་བརྗོད་པར་མཛད་དོ། །བཞི་པ་ཁ་དོག་དཀར་ལ་འཚེར། །བཏང་སྙོམས་ཀུན་གྱི་སྤྲོ་བསྡུ་ཡིས། །གསུམ་པ་
104-1-3a


པ་རྫོགས་པར་གསལ་བ་དང་། །ཕྱག་རྒྱའི་ཚོགས་མཆོག་དེ་དག་ལས། །རྒྱལ་མོ་དག་དང་མཉམ་དུ་དགྱེས། །ཕྱག་རྒྱ་རྡོ་རྗེ་དྲིལ་བུ་འཛིན། །བཅུ་གསུམ་པ་ཡི་ཆ་ལུགས་ཀྱིས། །ཆེ་ཆུང་མེད་པར་གསལ་བར་བསྒོམ། །དབུ་ལ་
གཉིས་པའི་ཡི་གེར་ལྡན། །གསལ་བ་ཉིད་ཀྱི་དུས་དག་ཏུ། །ཅོད་པན་ལྔ་ཡི་རིན་ཆེན་ལས། །རྒྱན་གྱི་རིགས་ནི་གསལ་བ་ཡིན། །དེ་བཞིན་གཤེགས་པ་ཐམས་ཅད་ཀྱི་མཆོག་ཏུ་གསང་བ་རྒྱན་དམ་པ་ཞེས་བྱ་བའི་ཕྱག་རྒྱའོ། །གསུམ་པ་མཐིང་འབར་ཡི་གེ་
ཆེ། །རིགས་ཀྱི་རིན་ཆེན་སྤྲོ་བསྡུ་ལས། །ཕྱག་རྒྱར་གསལ་བས་སྐུར་གསལ་བ། །རྒྱལ་མོ་དག་དང་མཉམ་དུ་དགྱེས། །སྒྲིབ་པ་ཀུན་སྤངས་སྡིག་མེད་སྡོམས། །གཉིས་པ་ཡི་ནི་ཡི་གེ་ལས། །ཅོད་པན་ལྔ་ལྡན་ཡི་གེར་གསལ། །ཐམས་ཅད་བློ་སྦྱངས་
ཡིད་བཞིན་གཏེར། །མཉམ་པ་འཁྲིལ་བའི་ཚུལ་འཛིན་པ། །རིན་ཆེན་རིགས་ཀྱི་ཕྱག་རྒྱར་གསལ། །ལས་ཐམས་ཅད་ཀྱི་མཆོག་རྒྱལ་མོ་རྣམ་པར་རོལ་པའི་ཕྱག་རྒྱའོ། །པདྨ་རཱ་ག་འདྲ་བའི་མདོག །ཆོས་སྐུ་ཟླ་ཚེས་རབ་ལྡན་པ། །གསལ་བའི་ཁ་དོག་
མཛེས་པ་ནི། །ཐམས་ཅད་མ་ལུས་དབང་དུ་མཛད། །སྦྱར་དང་བསྐྱེད་དང་བསྡུ་བ་ཡིས། །ཕྱག་རྒྱར་གསལ་བས་དབང་གིས་སྐུ། །བཙུན་མོ་དག་དང་མཉམ་དུ་དགྱེས། །གཉིས་སུ་མེད་པར་འཁྲིལ་བ་ཡིས། །དབུ་རུ་ཡི་གེ་གཉིས་པ་ལྡན། །
རིན་ཆེན་རིགས་ཀྱི་སྤྲོ་བསྡུ་ལས། །ཅོད་པན་རིགས་ལྔ་ཁ་དོག་སྟེ། །ཇི་བཞིན་པ་ཡི་ཏིང་འཛིན་གྱིས། །ཕྱག་རྒྱ་བཞུགས་ཚུལ་པད་མའི་ཚུལ། །མཉམ་པར་བསམ་པས་དཀྱིལ་འཁོར་ཡིན། །མི་འབྱེད་པ་ཡི་ཏིང་འཛིན་གྱིས། །རྫོགས་པའི་དཀྱིལ་
འཁོར་ཀུན་འདུས་མཆོག །པད་མ་རིགས་ཀྱི་ཕྱག་རྒྱར་གསལ། །མུན་པ་སེལ་བའི་མར་མེ་བཞིན། །གསལ་དག་ཡིད་གཉིས་མེད་པར་བསྒོམ། །ཆུ་སྐྱེས་འཛུམ་པའི་འོད་དུ་ལྡན། །སྟེག་དང་སྤྲོད་པའི་རོལ་མོ་ཡིས། །དགྱེས་ཤིང་མཉམ་པའི་མཆོད་
པར་བཤམ། །འདི་ལྟར་གསལ་བས་དབང་ཡང་རྫོགས། །ཐམས་ཅད་སྡུད་པ་ཞེས་སུ་བྱ། །དེ་བཞིན་དབང་སྟེ་ལས་ཐམས་ཅད་ཀྱི་ཕྱག་རྒྱའི་ཡེ་ཤེས་སོ། །དུས་གསུམ་པ་ཡི་མཛད་པ་ཆེ། །རིགས་ཀུན་འདུས་པ་བདེ་གཤེགས་ལས། །མཉམ་པ་
104-1-3b


ཇི་བཞིན་ཏིང་འཛིན་ཏེ། །ཡི་གེ་འབྲུ་གཅིག་ཀུན་གྱི་མཆོག །བཤད་པས་ཁྱད་པར་ལས་ཀུན་རྫོགས། །ཆུ་སྐྱེས་གསལ་བའི་འདབ་མ་སྟེང་། །གཉིས་སུ་མེད་པར་གསལ་བ་ནི། །རྣམ་པ་གཉིས་ཀྱི་བྱེ་བྲག་གིས། །འདུས་པ་གསལ་བས་སྐུར་གྱུར་པ། །
འདོད་ཅིང་ཆགས་པ་མ་ཡིན་ཞིང་། །བློ་ལ་ཡིད་གཉིས་མེད་པ་དང་། །ཕྱག་རྒྱར་གསལ་བས་རྒྱལ་བའི་སྐུ། །རྒྱལ་མོ་དང་ནི་མཉམ་དུ་དགྱེས། །དབུ་གཉིས་པ་ཡི་ཡི་གེར་ལྡན། །སྦྱིན་པ་རྒྱ་ཆེན་ཁེངས་པ་ན། །རང་གི་འདོད་པའི་གནས་སུ་བསྡུ། །བོང་ཚོད་ལོ་
གྲངས་ཁྱད་པར་མེད། །གཉིས་སུ་མེད་པར་འཁྲིལ་བར་གསལ། །དུས་ཀུན་ཏུ་ནི་མཉམ་ལྡན་པས། །གསང་བའི་མཆོད་པ་རབ་ཏུ་རྫོགས། །ཟླ་རྒྱས་ལྟ་བུའི་གཙོ་བོ་བསྒོམ། །ཆགས་པ་མེད་པར་འདོད་སྡུད་པའི། །ཡུམ་དང་ལྷན་ཅིག་བསྒོམ་པ་ནི། །
ཨཱ་ལི་ཀཱ་ལི་བྱེད་པའི་དོན། །ཕྱག་རྒྱ་ལས་ཀྱི་བྱེ་བྲག་གིས། །བདེ་བ་ཆེན་པོའི་ཚུལ་གནས་པ། །རྒྱལ་བ་ཀུན་ཀྱང་དེ་བཞིན་འཐུན། །ཕྱག་ལག་སྣོལ་མར་གནས་པ་ཡི། །ཀུན་ཀྱང་སེམས་དཔའི་དཀྱིལ་འཁོར་རོ། །ཕྱག་རྒྱ་ཐལ་མོ་རྡོ་རྗེ་ནི། །ཀུན་ཀྱང་ཡུམ་
གྱི་རྒྱབ་ཏུ་སྣོལ། །ཞལ་གཉིས་མཛེས་པར་རབ་རྒྱས་ནས། །ཟླ་གམ་པ་ཡི་ལྗགས་གཉིས་མཛེས། །དུང་གི་ཕུར་བུས་མཁུར་ཚོས་ལ། །གདབས་ཤིང་སྡེབས་པའི་ཚུལ་དུ་བཞུགས། །བསྙེན་པ་ཉེ་བསྙེན་དབང་རྫོགས་པ། །རྒྱལ་བ་ཀུན་གྱི་སྐུ་ཡི་མཆོག །བཞད་དང་
འཛུམ་པའི་གཙོ་གཟུངས་བསྒོམ། །རྣལ་འབྱོར་དཀའ་ཐུབ་ཆེན་པོའི་དོན། །གསང་བ་སྤྱོད་ལ་ཤིན་ཏུ་དགྱེས། །གསང་བ་ཉིད་ཏུ་སེམས་ཅན་འདྲེན། །ཐམས་ཅད་ཀུན་གྱི་རྨོངས་པ་སེལ། །ཡུམ་གྱི་ལས་ཀྱི་ཁྱད་པར་ནི། །ས་ཡི་རིམ་པ་ཀུན་སྦྱོང་ཞིང་། །ཟས་
ལ་བགོ་ལ་དབང་མེད་པ། །ཉན་ཐོས་འགོག་པ་ལ་སོགས་པ། །བྱང་ཆུབ་སེམས་ཀྱི་ཆར་ཆེན་གྱིས། །དམ་པོར་བཅིངས་པ་ཚར་གཅོད་མཛད། །དམ་ཚིག་ཆེན་པོ་སྡོམ་པ་སྟེ། །རྒྱལ་བ་ཀུན་གྱི་དཀྱིལ་འཁོར་ཡིན། །ཕྱག་རྒྱ་ཆེན་པོའི་ཚོགས་མཆོག་ནི། །དག་པ་
དོན་གྱི་རིགས་མཆོག་ཡིན། །མྱུར་བར་རྟག་ཏུ་མ་ཡེངས་ན། །གདོན་མི་ཟ་བར་འགྲུབ་པ་ནི། །འདོད་ཁམས་ལྷ་ཡི་ཉིན་ཕྱེད་ཀྱིས། །གསང་བ་ཀུན་དང་མཉམ་པར་འགྱུར། །དེ་བཞིན་གཤེགས་པའི་གསང་བ་མཉམ་པ་ཞེས་བྱ་བའི་ཕྱག་རྒྱའོ། །ཀུན་ཏུ་བཟང་
104-1-4a


པོ་རྣལ་འབྱོར་མཆོག །གསང་བ་ཉིད་ཀྱི་མཁའ་དབྱིངས་ནས། །ཡི་གེ་ཨ་ལྡན་ཚེག་དྲག་བཅས། །རྣལ་འབྱོར་བདེ་ཆེན་ཐུགས་ཀྱི་སྲས། །གཟུགས་ཁམས་ལ་སོགས་བྱིན་བརླབས་ནས། །ཕྱག་མཚན་འཁོར་ལོར་གསལ་བ་དང་། །བདེ་བ་རྣལ་འབྱོར་
དེ་བཞིན་གཤེགས། །གཙོ་མ་གསེར་གྱི་ཁ་དོག་ལ། །ཉི་མ་ཟེར་གྱི་འོད་བཞིན་དུ། །གསལ་བ་འཚེར་བ་བཅོམ་ལྡན་འདས། །དབུ་རུ་ཡི་གེ་གཉིས་པ་ལས། །རིན་ཆེན་མྱུ་གུ་ཁང་པ་འབར། །སངས་རྒྱས་ལྔ་ཡི་དབུ་རྒྱན་གྱིས། །ལེགས་པར་བརྒྱན་པ་མཚན་
རྣམས་རྫོགས། །རྫོགས་པ་ཆེན་པོའི་བཞུགས་ཚུལ་དང་། །ཏིང་འཛིན་འཐུན་པས་འགྲོ་ལ་དམིགས། །པདྨ་གེ་སར་དབུས་གནས་པའི། །ཐིག་བཞི་གསང་བ་བཞི་དང་ལྡན། །མདུན་དུ་ལྷ་མོ་ཆགས་པ་མོ། །ལོ་གྲངས་ཉི་ཤུ་མཛེས་དང་ལྡན། །མ་ཧཱ་བུ་
ཀའི་གནས་ལ་དགྱེས། །མཛེས་པའི་ལག་པ་གར་དང་ཆས། །གཉིས་སུ་མེད་པའི་བཞུགས་ཚུལ་ནི། །གཙོ་ལ་བརྟན་པའི་ཚུལ་དུ་བཞུགས། །རྒྱབ་ཏུ་ལྷ་མོ་དགྱེས་ཆེན་མོ། །སངས་རྒྱས་བརྟེན་པར་མཛད་ཚུལ་གྱིས། །ཐལ་མོས་འཛིན་པ་སྐུ་
བརྟན་པ། །སྐུ་ཚེ་བཅུ་དྲུག་རྩ་དམར་སྐུ། །སངས་རྒྱས་གདུང་འཛིན་ཆགས་པས་སྤྱོད། །འདོད་ཆགས་ཅན་དང་འཐུན་པར་མཛད། །གཡས་སུ་ཞེ་སྡང་གདུལ་བ་མོ། །རྡོ་རྗེ་པདྨོར་སྦྱོར་ལ་དགྱེས། །མ་དད་པ་རྣམས་དབང་མེད་པར། །དྲག་པོར་སྦྱོར་མཛད་
ཞེ་སྡང་སེལ། །ཆགས་པ་ཆེན་པོ་བཅོམ་ལྡན་འདས། །གཉིས་སུ་མེད་པར་སྦྱོར་བ་ཡིས། །གཏོང་བ་མེད་པར་བསྟན་པའི་ཚུལ། །སྔོ་བསངས་མདངས་ལྡན་ཁྱད་པར་ཆེ། །ཁྲུ་ཚད་བཅྭ་ལྔ་ཆགས་པ་ཅན། །དུས་མཐའ་མེད་པར་སྦྱོར་ལ་དགྱེས། །སྟེག་
དང་སྒེག་པའི་ཆ་ལུགས་ཀྱིས། །སེམས་ཅན་ཀུན་གྱི་སྡུག་བསྔལ་འཁྲུ། །རབ་ཏུ་སྐམས་པ་འགོག་པ་རྣམས། །རླང་ནས་རྒྱལ་བའི་སྲས་སུ་འགྱུར། །ཨད་ཏྭ་མ་ལིའི་འཕྲིན་ལས་ཀྱིས། །ཐམས་ཅད་བྱང་ཆུབ་ཆེན་པོར་མཛད། །མིག་གཉིས་འཛུམས་
དང་སྦོམ་པོ་ཡིས། །དབང་མོར་ལྡན་པར་བྱས་པ་ན། །གཉིས་སུ་མེད་པར་སྦྱོར་འདོད་ཡིན། །སྣ་ཡི་རྩེ་མོར་མཐེའུ་ཆུང་འཛིན། །མ་བཏང་བཞུགས་ལ་བརྩོན་བྱོས་པའོ། །སོ་རྣམས་བསྡམས་ནས་ཁ་ཕྱེ་བ། །དུས་ལ་བབ་ཅེས་བྱ་བ་སྟེ། །ཏིང་འཛིན་
104-1-4b


གསལ་བར་རྒྱུ་བ་ན། །དུས་ལ་བབ་ཅེས་བྱ་བ་ཡིན། །འདི་ལྟར་བརྡ་ལྡན་ཏིང་འཛིན་ལ། །དམ་ཅན་བུད་མེད་མི་འདུད་པ། །དངོས་གྲུབ་མི་འགྱུར་དམ་ཚིག་ཉམས། །ཚེ་རབས་ཀུན་ཏུ་བརླག་པར་འགྱུར། །འདི་ལྟར་རྩེན་པར་བྱེད་པ་ན། །གཡན་པ་བསླང་པ་རྣམ་བཞི་ཡིས། །སྐྱེས་བུ་
ན་ཆུང་ཚུལ་བཞིན་དུ། །རྡོ་རྗེ་པདྨའི་འཚམས་ཉིད་དུ། །དབྱིངས་ཕྱུག་ལྔ་ཡི་སྦྱོར་ལྡན་པས། །དལ་བུས་དལ་བུས་གཞུག་པ་དང་། །དལ་བུས་དལ་བུས་རབ་ཏུ་བསྐུལ། །དྲག་པོའི་ཡི་གེ་སྤྲོས་པ་ན། །བྱང་ཆུབ་སེམས་ཀྱིས་པདྨ་དགང་། །སྦོམ་པོ་དབང་
ངམ་ལྔ་རྣམས་ཀྱིས། །ཡུམ་གྱིས་བླངས་ཏེ་གཙོ་ལ་མཆོད། །ཉེ་བའི་བསྙེན་པ་ལ་སོགས་པས། །བསྙེན་པ་ཆེ་ཆུང་རྫོགས་པར་བསྒོམ། །བྱང་ཆུབ་སེམས་ཀྱི་དཀྱིལ་འཁོར་ལས། །མཆོད་པ་བརྒྱད་ཀྱིས་བསྟོད་པར་མཆོད། །དེ་ལྟར་ལོངས་སྤྱོད་རྫོགས་
པ་དང་། །གཉིས་སུ་མེད་པར་ལུང་བཞིན་དུ། །མཉམ་པར་འཁྲིལ་བའི་ཚུལ་དུ་བསྟན། །དུས་གསུམ་ཀུན་ཏུ་གདུང་འཛིན་པ། །གཡོན་ཕྱོགས་བརྟེན་པའི་སྐལ་དང་ལྡན། །བོང་ཚོད་ལོ་ནི་བཅུ་དགུ་པའི། །སྡོང་པོ་དུལ་བ་དག་ལ་དགྱེས། །གཡས་པར་གཟུར་
བའི་སྤྱན་གྱིས་གཟིགས། །དྲིལ་བུ་སྒྲ་སྙན་ཁྲོལ་ལ་བརྩོན། །རྡོ་རྗེ་རབ་ཏུ་སྒྲོགས་བྱེད་མ། །སངས་རྒྱས་ལྔ་ཡི་དབུ་རྒྱན་ཅན། །མངོན་དུ་སྦྱོར་ལ་རབ་བརྩོན་པ། །བརྡ་དང་བཅས་པའི་གར་གྱིས་ནི། །སངས་རྒྱས་ཀུན་ལ་སློང་མཛད་མ། །བྱང་ཆུབ་སེམས་ཀྱི་
སྤྲིན་ཆེན་གྱིས། །མཆོད་པ་ཆེན་པོས་རབ་མཆོད་མཉེས། །སྤྲུལ་པ་བསམ་ཡས་མཐའ་ཀླས་པ། །དུས་གསུམ་འཁོར་ལོ་བསྐོར་བར་བསྐུལ། །ངོ་སོར་ཆགས་པའི་མདངས་ཀྱིས་ནི། །མཉེས་དང་བཅས་པའི་གར་གྱིས་མཆོད། །གྲུ་ཚད་བཞི་ཡི་རིམ་པ་ལ། །
ཐོས་བྱེད་གསལ་བྱེད་གསུང་བ་ཆེ། །དྲི་དང་ལྡན་པ་ལ་སོགས་པས། །བཙུན་མོ་དག་དང་ཐབས་གཅིག་ཏུ། །གཉིས་སུ་མེད་པའི་ཚུལ་དུ་བཞུགས། །བར་འཁྱམས་བཞི་ལ་གནས་པ་ནི། །ཐོས་བྱེད་དབང་དང་ཉན་བྱེད་དབང་། །དྲི་མཆོག་དབང་དུ་ལྟ་བྱེད་དབང་། །
དུས་ནི་བཞི་རྣམས་ལྷ་མོ་བཞི། །བཙུན་མོའི་ཚོགས་དང་ལྡན་པར་གནས། །ཞེ་སྡང་འཇོམས་བྱེད་ལ་སོགས་པས། །སྒོ་རྣམས་ཀུན་ཏུ་གནས་པ་ནི། །སྙིང་རྗེའི་ཡུམ་དང་བཅས་པར་གནས། །ཉི་མ་ཟླ་བ་པདྨ་མཆོག །རིན་ཆེན་དུང་དང་བཅས་པ་
104-1-5a


སྟེ། །ཚངས་པ་བརྒྱ་བྱིན་གཉིས་གཉིས་ཀྱིས། །བཏེག་པའི་ཁྲི་ལ་རབ་ཏུ་བཞུགས། །རྫོགས་པ་ཆེན་པོར་ཀུན་ཀྱང་གནས། །སེམས་དཔའ་ཆེན་པོའི་བཞུགས་ཚུལ་དུ། །ཀུན་ཀྱང་རབ་ཏུ་གནས་པར་བསྟན། །ཞལ་ནི་ཀུན་ཏུ་ས་བ། །ཐུགས་
ནི་ཀུན་ཏུ་ལྷན་ནེ་བ། །སྐུ་ནི་ཀུན་ལ་ཁྱབ་པར་གསལ། །ཨེ་མ་མི་སྐྱེ་མི་འགག་མཆོག །ཨེ་མ་མི་སེལ་མི་ལེན་མཆོག །ཨེ་མ་ཚམ་ངམ་དྲག་ཤུལ་སྤྱོད། །ཨེ་མ་གཤེགས་པའི་སྟབས་དང་བཅས། །ཨེ་མ་མཚན་མ་སེལ་བར་སྟོན། །ཨེ་མ་གསུང་རབ་
རྒྱ་མཚོ་སྒྲོག །ཨེ་མ་བྱོལ་སོང་སྤྲོ་བ་བསྐྱེད། །ཨེ་མ་སྤྲུལ་པ་བསམ་ཡས་མཆོག །ཨེ་མ་མྱ་ངན་འདས་པར་མཛད། །ཨེ་མ་གསང་བ་ངེས་དོན་མཛད། །ཨེ་མ་གཟུངས་དང་མཉམ་པར་སྦྱོར། །ཨེ་མ་ཅི་ཡང་མི་མཛད་མཆོག །ངོ་མཚར་སྤྲིན་ལས་འདི་
དག་གིས། །ས་ཡི་རིམ་པ་འབྱོངས་པར་འགྱུར། །ཞེས་སངས་རྒྱས་པ་ཉིད་མངོན་པར་སངས་རྒྱས་པ་ལ་གླེང་སྟེ་མཉེས་པར་གྱུར་ཏོ། །དེ་བཞིན་གཤེགས་པ་ཐམས་ཅད་ཀྱི་སྐུ་དང་གསུང་དང་ཐུགས་ཀྱི་གསང་བ་རྣལ་འབྱོར་བདེ་བ་ཆོས་ཀྱི་འཁོར་ལོ་ཞེས་
བྱ་བའི་ལེའུ་སྟེ་གཉིས་པའོ།། །། དེ་ནས་བཅོམ་ལྡན་འདས་བདེ་བ་ཆེན་པོ་ཀུན་ཏུ་བཟང་མོ་རྣལ་འབྱོར་མ་ལ་འཇུག་པར་དགྱེས་ཏེ་རབ་ཏུ་འདྲིས་པ་ཆེན་པོ་དགོངས་པ་དང་། ཀུན་ཏུ་བཟང་མོ་རྣལ་འབྱོར་མས། །ཞལ་འཛུམ་པ་དང་བཅས་པ། །ཨེ་
མ་སེམས་དཔའ་ཐེག་ལེ་ཆེ། །བག་ཆགས་ཀུན་གྱི་གཉེན་པོར་གསུངས། །འདི་ལས་འཇུག་པའི་ཆོས་འགའ་མེད་ཞེས་བརྗོད་དོ། །དེ་ནས་གསང་བ་ཆེན་མོ་དང་གཉིས་སུ་མེད་པར་འཁྲིལ་བར་གྱུར་ཏེ། གཡོན་པ་བསྐྱེད་པ་རྣམ་པ་མང་པོས་མཉེས་པ་དང་པདྨ་
སྦས་པ་ལ་སོགས་པ་འབྱུང་བ་སྤེལ་བར་མཛད་ནས་རབ་ཏུ་དགྱེས་ཏེ་གླུ་འདི་བླངས་སོ། །ཨེ་མ་བདེ་བ་མཆོག་ལས་སྐྱེས་པ་ཕྱག་ན་རྡོ་རྗེ་ཅན། །ཆོས་ཀུན་དངོས་པོ་མེད་པར་གསལ་བ་ལ། །འབྱུང་གནས་ཆེན་པོས་ཡ་མཚན་འབྱུང་བར་མཁྱེན་པ་ཨེ་མ་
ངོ་མཚར་ཆེ། །རྒྱུ་ཉིད་སྟོང་པས་འབྲས་བུ་བཙལ་མེད་པའི། །རྒྱུ་དང་འབྲས་བུ་ཉིད་ཀྱང་རྒྱལ་བས་ཡོང་མི་རྙེད། །སྟོང་པ་ཉིད་ལ་དགའ་བའི་ཆགས་པའི་ཆོ་འཕྲུལ་བ། །དེ་ཕྱིར་སྐྱེ་འགག་མེད་ཅེས་རྒྱལ་བ་རྣམས་ཀྱི་འདི་ལ་བརྗོད། །ཆོས་ཀུན་དབྱེར་མེད་
104-1-5b


མ་རྙིངས་པ་ཉིད་ལས། །ཀུན་གྱི་དགའ་བ་འབྱུང་བ་རྒྱལ་བ་ཀུན་བས་ཤིན་ཏུ་འཕགས་ཤེས་བརྗོད་པས་གསང་བའི་མཁའ་ལ་ཀུན་ཏུ་བཟང་པོ་རྣལ་འབྱོར་འཇུག་པར་མཛད་དེ་ཤིན་ཏུ་རྔམ་པའི་གླུ་འདི་བླངས་སོ། །རྒྱུ་མ་ཀུན་ལས་འཕགས་
པས་དབྱེར་མེད་རྣམ་པར་འཕྲུལ་བྱེད་པ། །ཀུན་ཏུ་བཟང་པོ་རྣལ་འབྱོར་དེ་ནི་བདེར་གཤེགས་ཡུམ་ཆེན་ཀུན་གྱི་གསོས། །སྡུག་བསྔལ་ཀུན་སྦྱོང་བདེར་གཤེགས་ཡུམ་ལ་འཇུག་པ་ཐུགས་དམ་ཡིན་ཞེས་རྒྱལ་བས་གསུངས། །ཨོཾ་ཧཱུྃ་མི་འགོག་ཇི་ཡང་
མཛད་པ་ཉིད་ནི་མི་མཛད་མཉམ་པ་ཡིན་ཞེས་རྒྱལ་བས་གསུངས། །འདི་ནི་གླུ་རུ་བླངས་པ་ཡིས། །མྱ་ངན་འདས་ཀུན་འགྲོ་བའི་མགོན། །སྟོང་བ་ཆོས་ཀྱི་དཀྱིལ་འཁོར་ལ། །དཀའ་ཐུབ་ཆེན་པོ་ཐོབ་པར་འགྱུར་ཞེས་གཉིས་སུ་མེད་པར་གླེངས་སོ། །དེ་
ནས། སྙིང་པོ་མཆོག་གི་ཡི་གེ་ནི། །དང་པོའི་གནས་སུ་བསྒོམ་པར་བྱ། །དེ་སྙིང་ཡི་གེ་བཞི་པ་སྟེ། །རྡོ་རྗེ་ཆེན་པོ་གསལ་བ་མཆོག །ཡི་གེ་ཨ་ལྡན་ཐིག་ལེ་ཆེ། །ཆོས་ཀུན་འདུས་པར་རྣམ་པར་བསྒོམ། །དང་པོར་མེ་ལོང་ལྟ་བུ་སྟེ། །མཉེས་པའི་ཁ་
དོག་ཤིན་ཏུ་འབར། །ཕྱག་ལག་འཁྱུད་པ་སྤྲོད་པ་ཡིས། །ཐམས་ཅད་དེ་དང་འདྲ་བར་གསལ། །ཨོཾ་ཧཱུྃ་སུ་ར་ཏ་སུ་ཀེ་ཛྙཱ་ན་ད་ཨོཾ་ཨཱྃ་ཧཱུྃ། བདེར་གཤེགས་རྒྱལ་མོ་མཁའ་དབྱིངས་སུ། །གསལ་དག་ལས་རྣམས་འགྲུབ་པར་བསྒོམ། །ཆུ་སྐྱེས་པདྨ་འདབ་མ་
སྟོང་། །བཤད་པའི་སྒྲས་ནི་རྣམ་པར་བརྒྱན། །དེ་སྟེང་ཆོས་ཀྱི་སྐུ་རུ་གསལ། །ཟླ་རྒྱས་ལྟ་བུའི་མཁའ་དབྱིངས་ནས། །ཐམས་ཅད་བསྡུ་བ་གསུམ་གྱིས་བསྡུས། །ཨོཾ་སུ་ར་ཏྭ་སུ་ཁེ་དྷརྨ་དྷཱ་ཏུ་སྭ་བྷཱ་བ་ཨོཾ་ཨཱཿཧཱུྃ། གཉིས་སུ་མེད་པའི་ཡི་གེ་མཆོག །མི་སྐྱེ་བ་
ནི་ཨ་དང་ལྡན། །བྱིན་བརླབས་རྒྱལ་བ་ཀུན་གྱི་གནས། །མཆོད་པ་བརྒྱད་དང་གསལ་བར་ལྡན། །སོ་སོར་གསལ་བའི་མཁའ་དབྱིངས་ལ། །ཧཱུྃ་གི་ཟེར་གྱིས་རེག་པར་མཛད། །ཨོཾ་སུ་ར་ཏྭ་སུ་ཁེ་ན་པྲ་ཛྙཱ་བྷཀྵ་ན་སྭ་བྷ་བ་ཨོཾ་ཨཱཿཧཱུྃ། བྱང་ཆུབ་སེམས་ཀྱི་ཆར་ཆེན་
ནི། །ཡི་གེ་གཉིས་པ་རྩ་དམར་སྐུ། །གཉིསུ་མེད་པར་ལྡན་པ་ན། །བདུད་ཀུན་རྣམ་པར་བཏུལ་བ་དང་། །དབྱིངས་ཀྱི་བདེ་ལ་གསལ་བ་ནི། །སྒོ་དབྱེ་བ་ཡི་ཚུལ་གྱིས་ནི། །པདྨ་དབྱེ་བ་སྣ་ཚོགས་བྱ། །སྤྲོ་བ་དང་ནི་བསྡུ་བ་ཡིས། །བྱ་བ་ནན་ཏན་ཡེ་ཤེས་བསྐྱེད། །འདི་
104-1-6a


ལྟར་རྒྱལ་བ་ཀུན་མཛད་པ། །སྤྲུལ་པ་བསམ་གྱིས་མི་ཁྱབ་ལས། །མཆོད་པ་མང་པོ་ལྷ་མོར་ལྡན། །ཨོཾ་སུ་ར་ཏྭ་སུ་ཁེ་ན་དུཥྚ་ཛྙཱ་ན་བཛྲ་སྭ་བྷཱ་བ་ཨོཾ་ཨཱཿཧཱུྃ། རྣལ་འབྱོར་སྐལ་ལྡན་ཆེན་པོ་ནི། །སྐལ་ངན་ཀུན་གྱི་གསོས་སུ་གསུངས། །གཉིས་སུ་མེད་
པའི་བྱང་ཆུབ་སེམས། །མང་ས་བཤང་གཅི་རྫས་རྣམས་ནི། །དོགས་པ་མེད་པའི་དངོས་གྲུབ་སྟེ། །རྒྱལ་བ་ཉིད་ལ་རྒྱལ་བས་མཆོད། །དེ་བཞིན་གཤེགས་པ་ཐམས་ཅད་ཀྱི་གསང་བའི་སྙིང་པོ་ལས་བག་ཆགས་གཏན་ལ་འབེབས་པ་གཉིས་སུ་མེད་པར་གླེང་བའི་ལེའུ་
སྟེ་གསུམ་པའོ།། །། དེ་ནས་བཅོམ་ལྡན་འདས་གསང་བའི་སྙིང་པོ་རྡོ་རྗེ་རྣལ་འབྱོར་མ་དང་གཉིས་སུ་མེད་པའི་ཕྱག་རྒྱའི་མཆོག་ནི་འདི་ལྟ་སྟེ། སྒྱུ་འཕྲུལ་དྲ་བའི་ཕྱག་རྒྱ་ལས། །མཛེས་པར་གསལ་བ་ཡབ་ཡུམ་བཅུ། །སོར་མོ་ཕན་ཚུན་སྤེལ་ལེགས་པ། །
རྡོ་རྗེ་ཐལ་མོ་བྱང་ཆུབ་རྒྱ། །གསང་བ་རྣལ་འབྱོར་ཐུགས་ཀྱི་མཆོག །དམ་ཚིག་སྡོམ་པ་འདའ་བར་དཀའ། །རྣལ་འབྱོར་པ་ལ་ཨ་ལཱི་གསལ། །ཀུན་ཏུ་བཟང་ལ་ཀ་ར་བྱེད། ལྔ་ཆར་ཟུང་དུ་ལྡན་པ་ནི། །གཅིག་ཏུ་གྱུར་པས་གར་གྱི་གཞི། །ཨོཾ་ཧཱུྃ་ཏྲྃ་ཨཱཿཧཱུྃ། མཱ་ཨཱ་ཀཱ་
ཧཱུྃ་རཱ། ཐལ་མོ་བཏང་སྙོམས་ཚུལ་གྱིས་ནི། །མཛེས་པའི་མཐའ་ན་གར་གྱིས་བྱ། །སྙིང་ཀར་བཅིངས་པས་རྣལ་འབྱོར་དོན། །གར་གྱི་ཕྱག་རྒྱ་དང་ཉིད་པས། །གར་དུ་བྱས་པས་ཐལ་མོ་སྣོལ། །མཇུག་ཏུ་དབུལ་བའི་ཚུལ་གྱིས་བསྟོད། །རྡོ་རྗེ་གར་གྱི་ཕྱག་རྒྱ་ལས། །
གཡོན་པ་རྩེ་གསུམ་གཡས་པས་གཟུང་། །དེ་ཉིད་གཞན་དུ་འབིགས་པར་བྱ། །རྡོ་རྗེ་གར་གྱི་ཕྱག་རྒྱ་ལས། །དགའ་བའི་མདངས་དང་ལྡན་པ་ཡིས། །གཡས་སུ་འདུད་པའི་ཚུལ་གྱིས་ནི། །གཡས་པ་ཡི་ནི་ཐུགས་ཀར་སྒྲེང་། །གཡོན་པ་གསུང་ཉན་འཁྲིལ་བའི་ཚུལ། །
རྡོ་རྗེ་གར་གྱི་ཕྱག་རྒྱ་ལས། །མཛེས་པའི་མཐའ་ནས་གར་བྱས་ཤིང་། །གཞན་ནས་བསྡུས་ནས་གཡས་གཡོན་འཇོག །རྡོ་རྗེ་གར་ནི་དེ་དག་ལས། །ལག་པ་གཡས་པ་འདེགས་པ་དང་། །དབུལ་བའི་ཚུལ་དུ་རྣམ་པར་བརྟག །རྡོ་རྗེ་གར་ནི་དེ་དག་ལས། །སྤྱན་དང་
དབུ་ནི་གཡོན་དུ་འདུད། །ཅང་ཏེའུ་ཐོགས་པའི་ཚུལ་གྱིས་ནི། །མཆོད་པ་བྱེད་པར་རྣམ་པར་བསྔགས། །རྡོ་རྗེ་གར་གྱི་ཕྱག་རྒྱ་ལས། །ལུས་ནི་གཡས་གཡོན་བསྒྱུར་བ་དང་། །གར་ལས་ལག་པ་ཕྲལ་བསྐྱེད་པའོ། །རྡོ་རྗེ་གར་གྱི་ཕྱག་རྒྱ་ལས། །གཡོན་པས་
104-1-6b


གཡས་པའི་གྲུ་མོ་གཟུང་། །གཡས་པ་ཉུག་པའི་ཚུལ་དུ་བྱའོ། །དེ་ཉིད་རྡོ་རྗེ་གར་དག་ལས། །དམ་ཚིག་ཕྱག་རྒྱ་འཐོར་བར་བསྟན། །རྡོ་རྗེ་གར་གྱི་ཕྱག་རྒྱ་ལས། །དམ་ཚིག་ཕྱག་རྒྱ་སྟེང་དུ་བསྒྱུར། །དེ་ཉིད་གཡོན་པའི་ནང་དག་ལས། །གཡས་
པའི་དམ་ཚིག་ཕྱག་རྒྱས་གཏོར། །དེ་ཉིད་གཡས་པས་དྲངས་པར་ལྡན། །དེ་ཉིད་གཉིས་པས་གཟུང་བ་ཡིན། །དེ་ཉིད་གཉིས་ཀ་ཐལ་མོ་བསྡམ། །དེ་ཉིད་དྲིལ་བུ་འཛིན་པར་བསྒོམ། །ཨོཾ་སརྦ་ཏ་ཐཱ་ག་ཏ། མུ་ཀ་ཀ་ར་སུ་ཁེ་ན་ཨོཾ། ཨོཾ་སརྦ་ཏ་ཐཱ་ག་
ཏ་ས་མ་རཱ་ག་སྟྭྃ་སུ་གེ་ན་ཧཱུྃ། ཨོཾ་སརྦ་ཏ་ཐཱ་ག་ཏ་ཛྭ་ལ་ཡ་ནཱ་ནཱ་མ་མ་ཧཱ་སུ་གེ་ན་ཏྲཱྃ། ཨོཾ་སརྦ་ཏ་ཐཱ་ག་ཏ་དྷརྨ་བྷ་ཤྲ་སུ་ཁེ་ན་ཧཱ་ཧཱ་ཧཱ། དེ་ཉིད་གཙོ་བོའི་ཕྱག་རྒྱར་བཅས། །ཨོཾ་སརྦ་ཏ་ཐཱ་ག་ཏ་སརྦ་བུདྷ་ལོ་ཙཱ་ན་ཨཱཏ་མ་ནྃ། སུ་ར་ཏྭ་སུ་ཁེ་ན་མཎྚ་ལ་པཱུ་ཛ་ཡ་
པཱུ་ཛ་ཡ། ཨོཾ་ཨོཾ་ཨྃ། ཨོཾ་སརྦ་ཏ་ཐཱ་ག་ཏ་མ་ཧཱ་དྷུ་ཛ་ཛ། ཨོཾ་སུ་ར་ཏྭ་སུ་ཁེ་ན་བྷན་དྷ་བྷན་དྷ། པཱུ་ཛ་ཡ་པཱུ་ཛ་ཡ། ཧཱུྃ་ཧཱུྃ་ཧཱུྃ་ཨཱ། ཨོཾ་སུ་ར་ཏྭ་སུ་ཁེ་ན། མན་ཤ་མོ་ཧ། པཱུ་ཛ་ཡ་པཱུ་ཛ་ཡ། ཧྲི་ཧྲི་ཧྲི། ཨོཾ་སུ་ར་ཏྭ་སུ་ཁེ་ན་སརྦ་ཏ་ཐཱ་ག་ཏ་དྷརྨ་དན་ཏྲ། སཱ་དྷ་ཀ་ན་ད་
ཧོ་ཧོ། ཨོཾ་སརྦ་ཏ་ཐཱ་ག་ཏ་ཤྲཱི་བཛྲ་ལཱ་སྱེ། བཛྲ་གརྦྷེ་སུ་ཁེ་ན་པཱུ་ཛ་ཡ་པཱུ་ཛ་ཡ། ཨོཾ་ཧཱུྃ་ཧཱུྃ་ཧཱུྃ་ཨ།  སརྦ་ཏ་ཐཱ་ག་ཏ་ཤྲཱི་བཛྲ་གརྦྷེ་སུ་ཁེ་ན་པཱུ་ཛ་ཡ་པཱུ་ཛ་ཡ། ཏྲྃ་ཏྲྃ་ལྔ་ཨ། ཨོཾ་སརྦ་ཏ་ཐཱ་ག་ཏ་ཤྲཱི་བཛྲ་གན་དྷེ་བཛྲ་གརྦྷེ་སུ་ཁེ་ན། དྷེ་པ་དྷེ་པ། པཱུ་ཛ་ཡ་པཱུ་ཛ་ཡ། ཧྲིྃ་
ཧྲིྃ་ཧྲིྃ་ཨ། ཨོཾ་སརྦ་ཏ་ཐཱ་ག་ཏ་ཤྲཱི་བཛྲ་ནིར་ཏེ་བཛྲ་གརྦྷེ་མ་ཧཱ་ཏི་ལ་ཀ་སུ་ཀེ་ན་པཱུ་ཛ་ཡ་པཱུ་ཛ་ཡ། ཨ་ཨ་ཨ། ཨོཾ་ཧཱུྃ། ཨོཾ་སརྦ་ཏ་ཐཱ་ག་ཏ་ཤྲཱི་བཛྲ་དུ་པེ། བཛྲ་གརྦྷེ་སུ་ཁེ་ན་པཱུ་ཛ་ཡ་པཱུ་ཛ་ཡ། ཨོཾ་ཏང་ཏང་ཏང་ཧཱུྃ། ཨོཾ་སརྦ་ཏ་ཐཱ་ག་ཏ་ཤྲཱི་བཛྲ་པུཥྤེ་བཛྲ་གརྦྷེ་སུ་
ཁེ་ན་པཱུ་ཛ་ཡ་པཱུ་ཛ་ཡ། ཧཱྃ་ཧཱྃ་ཧཱྃ་ཨྃ། ཨོཾ་སརྦ་ཏ་ཐཱ་ག་ཏ་ཤྲཱི་བཛྲ་ཨ་ལོ་ཀ་ཛྙཱ་ན་མཎྜ་ལ་ཏི་ལ་ཀ་བུད་དྷ་སུ་ཁེ་ན་པཱུ་ཛ་ཡ་པཱུ་ཛ་ཡ། ཨོཾ་ཧྲི་ཧྲི་ཧྲི་ༀ་ཨཱཿཧཱུྃ། ཨོཾ་སརྦ་ཏ་ཐཱ་ག་ཏ་ཤྲཱི་བཛྲ་གན་དྷ་བཛྲ་གརྦྷེ་མ་ཧཱ་མཎྜ་ལ་ཏི་ལ་ཀ་སུ་གེ་ན་པཱུ་ཛ་ཡ་པཱུ་ཛ་ཡ། ཨ་ཨ་ཨ། 
ཨོཾ་ཨཱཿཧཱུྃ། དེ་བཞིན་གཤེགས་པ་ཐམས་ཅད་མཉེས་པའི་མཆོག་ལས་གར་གྱི་ལེའུ་སྟེ་བཞི་པའོ།། །། དེ་ནས་བཅོམ་ལྡན་འདས་དགྱེས་པ་ཆེན་མོ་དང་བཅས་པ་དམ་ཚིག་བླ་ན་མེད་པའི་རྒྱན་བཀོད་པ་ཞེས་བྱ་བའི་ཏིང་ངེ་འཛིན་ལ་སྙོམས་པར་
104-1-7a


ཞུགས་སོ། །ཐམས་ཅད་སྡོམ་པ་ལ་གནས་པར་མཁྱེན་ནོ། །དམ་ཚིག་ཆེན་པོ་འདི་དག་གསུངས། །སོ་སོའི་ཐེག་པ་བསམ་ཡས་པ། །སོ་སོར་ཉེས་པ་མེད་ན་བདེ། །འཇིག་རྟེན་པ་ལ་ཆད་མདོ་བཙན། །འདུལ་བ་འཛིན་ལ་བསྲུངས་ན་བདེ། །གཙང་སྦྲར་
སྤྱོད་ལ་གཙང་སྦྲར་སྤྱད། །མི་དགེ་བཟློག་ན་དགེ་བ་བཅུ། །སྤྱད་པས་ལྷག་པའི་འཇིག་རྟེན་འཛིན། །རང་གི་དོན་གྱི་ཏིང་འཛིན་གྱིས། །བྱང་ཆུབ་ས་ལ་གནས་པའི་རྣམས། །ཉམས་པ་མེད་དེ་མ་བཅོལ་ན། །ཉམས་པ་མེད་དེ་ལས་ཀྱང་འགྲུབ། །རྣལ་འབྱོར་
སྤྱད་པ་སྤྱོད་པས་འགྲུབ། །ཚིག་ཅིས་གོམས་པས་ཐེག་པ་འཇོམས། །གཙོ་མཆོག་བཤེས་གཉེན་མི་སྤང་ཞིང་། །བཀུར་སྟི་རིམ་གྲོ་མཆོག་ཀྱང་བསྐྱེད། །ཏིང་འཛིན་གོམས་པར་ཆ་ལུགས་བསྒོམ། །ཚིག་གི་བཟླས་པ་བར་མི་གཅད། །དམ་ཚིག་མཆེད་
ལ་གདུང་བ་བསྐྱེད། །སྐུ་ཡི་དམ་ཚིག་བསམ་མི་ཁྱབ། །གསུང་གི་དམ་ཚིག་བསྔགས་པ་ཡིན། །ཐུགས་ཀྱི་དམ་ཚིག་ལྷག་པར་གསུངས། །རིགས་ལྔ་བསྲུངས་བའི་དམ་ཚིག་རྣམས། །ཉམས་ན་ཤིན་ཏུ་སྐོངས་བར་དཀའ། །སྤྱད་པའི་དམ་ཚིག་རྫས་རྣམས་ནི། །
ཉམས་ན་མྱུར་བར་བསྐང་བ་ཡིན། །ཉམས་པ་མ་བསྐངས་ལེ་ལོ་ཡིས། །སངས་རྒྱས་ཀུན་དང་གཙུགས་ཆེན་སྟེ། །འཁྱམ་པ་རྣམ་པ་བཅུ་པོར་ནི། །མྱུར་བར་སྐྱེ་བར་ངེས་པ་སྟེ། །དེ་བས་རིགས་ཀྱི་བུ་མཆོག་ནི། །མཆོག་དང་ཐ་མ་འབྲིང་གི་རྣམས།  རབ་ཀྱི་བར་
ཆད་མེད་པར་སྤྱད། །འབྲིང་གིས་ལོ་ཟླ་དུས་དྲུག་སྟེ། །ཐ་མས་ལོ་འཚམས་མི་བཟླ་ཞེས། །རྒྱལ་བ་རྣམས་ཀྱིས་ཤིན་ཏུ་གསུངས། །རྡོ་རྗེ་དྲི་དང་བྱང་ཆུབ་སེམས། །རཀྟ་དྲི་ཆེན་ཚེ་ཆེན་པོ། །དག་པའི་སྣོད་དང་རབ་ལྡན་པས། །བྱིན་གྱིས་བརླབས་ཏེ་འཐུང་བྱེད་པ། །
དམ་ཚིག་སྡོམ་ལ་གནས་པ་སྟེ། །འདས་ན་རླག་པ་ཆེན་པོར་འགྱུར། །མཉམ་པར་བཞག་པའི་ཆོས་ཐམས་ཅད། །མཉམ་པར་ཤེས་པས་སྤྱད་པ་དང་། །མཉམ་པ་ཉིད་ཏུ་གསལ་བ་ན། །རྣལ་འབྱོར་སེམས་དཔའ་ཡིན་ཞེས་གསུངས། །རྣལ་འབྱོར་སྣོད་དུ་བྱ་བ་
གང་། །རྫས་ཀྱིས་བསྔགས་པ་ཡོད་པ་རྣམས། །རབ་ཏུ་བཀྲུ་ཞིང་བྱི་དོར་བྱ། །ཀ་ལ་བིང་ཀའི་མདོག་བཞིན་དུ། །གཞོན་བུ་ཕུར་བུ་སྣོད་ཀྱི་རྣམས། །དྲི་མ་བཀྲུ་ཞིང་མཛེས་པར་བྱ། །དུས་གསུམ་དུ་ནི་སྨན་སྦྱར་བ། །དང་པོར་དངུལ་གྱི་གཞོང་པར་སྦྱར། །དེ་ནས་
104-1-7b


ར་གན་གཞོང་པ་སྟེ། །ཟངས་ཀྱི་གཞོང་པར་སྦྱར་བ་ནི། །སྲང་རེ་སྦྱར་བའི་སྨན་རྣམས་ལས། །ཟངས་དང་དངུལ་དང་ར་གན་ནམ། །གསེར་དང་ལྕགས་སུ་རབ་བསྲེས་ལ། །རྣམ་རྟོག་ནད་ལ་སྨན་སྦྱར་བ། །མན་དཱ་ར་བའི་མདོག་བཞིན་སྦྱར། །མན་དཱ་ར་བར་མ་གྱུར་
ཚེ། །ནམ་ཡང་སྦྱར་བར་མ་གསུངས་ཏེ། །ཉི་ཟླ་དུས་གཅིག་ཤར་བ་ན། །དེ་ནས་རྫས་ཀྱི་བསྔགས་པ་ལས། །སྨན་གྱི་སྦྱོར་བ་རབ་ཏུ་བརྩམ། །ཤིན་ཏུ་སྨན་རྣམས་འབྱོར་པ་ན། །འོད་ཀྱི་དཀྱིལ་འཁོར་བསམ་ཡས་སུ། །ཀ་ལ་བིང་ཀའི་མདོག་ཏུ་བརྟག །འདི་ལ་
གང་ཞིག་མི་བརྩོན་པ། །དམ་ཚིག་མི་བཙུན་སྡོམ་པ་མེད། །རྡོ་རྗེ་སྤུན་ལས་དབེན་པར་གདོན། །ལྷ་དང་རྡོ་རྗེ་སློབ་དཔོན་ལ། །བག་མེད་པར་ནི་བརྙས་པ་དང་། །རྨོངས་པས་མ་མཐོང་གཡེལ་བ་དང་། །དམ་ཆོས་སྲོག་ལ་མི་ལྟ་བ། །སངས་རྒྱས་རྒྱལ་བ་བདུན་ལ་
བརྙས། །དཀྱིལ་འཁོར་བ་ཡི་ལས་བྱས་པ། །སེམས་ཅན་དམྱལ་བ་ཆེན་པོ་སྟེ། །ཚེ་ཐུང་ནད་ཀྱི་བཏབ་པ་དང་། །འཇིག་རྟེན་འདི་རུ་གནོད་པ་མང་། །ཤི་ནས་དམྱལ་བ་ངན་སོང་སྐྱེ། །དེ་བས་སྡོམ་པ་འདི་དག་ལས། །འདའ་བར་མཛད་པ་གང་ཡང་མེད། །འདི་ལས་
འདས་པར་མི་བྱེད་པས། །ཚེ་འདི་ཉིད་ལ་རྒྱལ་བའི་སྐུ། །ལྷུན་གྱིས་གྲུབ་པའི་ས་ལ་གནས། །ཞེས་དེ་བཞིན་གཤེགས་པ་ཐམས་ཅད་ཉིད་ལ་ཉིད་དམ་ཚིག་ཆེན་པོའི་སྡོམ་པ་འདིས་ཤིན་ཏུ་བསྙེངས་པར་མཛད་དོ། །དེ་བཞིན་གཤེགས་པ་ཐམས་ཅད་ཀྱི་གསང་བའི་བདེ་བ་
སྡོམ་པ་ཐམས་ཅད་ཀྱི་མཆོག་གི་ལེའུ་ཞེས་བྱ་སྟེ་ལྔ་པའོ།། །། དེ་ནས་བཅོམ་ལྡན་འདས་ཀུན་ཏུ་བཟང་པོ་ཆེན་པོ་རྣལ་འབྱོར་མ་དང་བཅས་པ་དགོངས་པ་གཅིག་ཏུ་གནས་པར་མཛད་དོ། །རྣལ་འབྱོར་གྱི་དབང་ཕྱུག་ཆེན་པོ་སྤྱོད་པ་མཆོག་དང་ལྡན་པའི་སྤྱོད་པ་
མ་ལུས་པ་ཉིད་དང་ཟབ་མོའི་དོན་ཡིན་པར་མཁྱེན་ཏོ། །མཁྱེན་ནས་སྒྱུ་འཕྲུལ་ཆེན་མོའི་ཐབས་འདི་གསུངས་སོ། །ཨེ་མ་ཆོས་དབྱིངས་རྣམ་དག་སྤྱོད་ཡུལ་ལས། །སངས་རྒྱས་སེམས་ཅན་གཉིས་སྟོན་ཡ་མཚན་འཕྲུལ་ཆེན་ཡིན། །དེ་ཡང་ཡེ་ཤེས་ཚོགས་ལས་
སྣ་ཚོགས་སྣང་མོད་ཀྱི། །བུད་མེད་ཀུན་གྱི་སྒྱུ་མ་ལས་ནི་རབ་ཏུ་སྤྲུལ་ཏེ་འཆར། །བདེན་གཉིས་སོ་སོར་སྣང་བ་ཉིད་ཀྱང་ཡུམ་གྱི་མཁའ་ཞེས་རྒྱལ་བས་གསུངས། །མ་ནོར་ལམ་ཆེན་སྒོམ་ན་ཀུན་ཏུ་བཟང་མོ་བསྒོམས་པས་ལམ་དུ་ཞུགས་པ་ཡིན། །སངས་
104-1-8a


རྒྱས་ཀུན་གྱི་དགོངས་པ་ཀུན་ཤེས་རབ་བུད་མེད་ལས་ནི་མཆོད་ཅིང་བསྙེན་པས་ཡེ་ཤེས་ཆེན་པོར་འགྲུབ་བོ། །དཀྱིལ་འཁོར་གདོན་པའི་ལས་ཀྱི་དངོས་གྲུབ་མཆོག་གི་ལ་རྡོ་རྗེ་གླུའི་དོན་དེ་ཉིད་ཀྱིས་གཉིས་སུ་མེད་པའི་དགོངས་པ་ལ་གསལ་བར་གྱུར་ཏེ། 
དེ་ནས་དེ་བཞིན་གཤེགས་པ་ཐམས་ཅད་ཀྱི་བདག་ཉིད་དཔལ་ཀུན་ཏུ་བཟང་པོས་ཐབས་དང་ཤེས་རབ་ཀྱི་ལོངས་སྤྱོད་འདི་གསུངས་སོ། །མངོན་སྤྱོད་ལས་ཀྱི་འཇུག་པ་ནི། །ཕན་ཚུན་དུ་ནི་དགའ་སྤྱོད་པ། །རྣལ་འབྱོར་སྡོམ་ལ་གནས་པ་ཡིན། །དེ་ལ་མཆོད་པ་དམ་
པ་ནི། །སྦྱོར་བ་རབ་ཏུ་སྦྱོར་བ་སྟེ། །ཀུན་ཏུ་ཁྱབ་པ་ཀུན་ཏུ་སྦྱོར། །རྗེས་སུ་ཆགས་པ་དམ་ཚིག་མཆོག །དེ་ཕྱིར་ཀར་ཤམ་མདོག་དང་ལྡན། །བཅུ་དྲུག་བོང་ཚོད་རིང་བ་ལས། །ལུགས་སུ་བླུགས་པ་ལྟ་བུ་སྟེ། །ལུས་ལེགས་མཛེས་དང་ལྡན་པ་དང་། །དཔྲལ་
བ་དབྱེས་ཆེ་ཀོས་ཀོ་ཕྲ། །ནུ་མ་ཆུང་ཞིང་སོར་མོ་རིང་། །ཡིད་ཙམ་གཟུར་ལ་མིག་དཀྱུས་རིང་། །དཀར་ཞིང་རྩ་དམར་མདངས་སུ་ཆགས། །སོ་དཀར་ཐགས་བཟངས་འཚམས་ཐུང་ཞིང་། །སྐད་སྦོམ་གདངས་དང་ལྡན་པ་ནི། །རྡོ་རྗེ་སེམས་དཔའི་གནས་མཆོག་
སྟེ། །འདི་ལ་རྩེ་བར་བྱེད་པ་ནི། །རིགས་ཀྱི་རྡོ་རྗེ་གདོན་མི་ཟ། །ཚེ་འདི་ཉིད་ལ་འགྲུབ་པར་འགྱུར། །གནས་རབ་དབེན་པར་རབ་བརྟག་སྟེ། །ཤ་དཀར་མདངས་ལྡན་མདོག་དང་ལྡན། །ལུས་འབྲིང་ཟླུམ་པ་ཆ་བྱད་ཅན། །སོ་དཀར་ཐགས་དམ་མིག་དཀྱུས་ཟླུམ། །
སྐད་ཕྲ་མདོག་དཀར་སྤྲོ་རིང་བ། །དཔྲལ་དབྱེས་ལ་སོགས་བཟང་གནས་པ། །རྨ་དག་གནས་པ་ལ་སོགས་ནི། །རྟག་པར་ཆོས་ལ་འདུད་པ་ཡིན། །ཚངས་པ་དབྱངས་ཀྱི་རིགས་ཅན་ཏེ། །འདི་ལ་བརྩོན་བྱས་བསྒྲུབ་པ་ཡིས། །དེ་བཞིན་རིགས་ཀྱི་ཏིང་འཛིན་
ལ། །ཕན་ཚུན་དུ་ནི་དགའ་སྤྱད་ན། །ཚངས་པའི་སྔ་དྲོ་གཅིག་ཙམ་གྱིས། །གདོན་མི་ཟ་བར་འགྲུབ་པར་འགྱུར། །རྣལ་འབྱོར་སྦྱོར་བ་དགའ་བ་ནི། །སྦྱོར་བ་བརྩོན་པས་འགྲུབ་པར་གསུངས། །བུད་མེད་ཆ་ལུགས་ལེགས་པ་ནི། །བོང་ཚོད་མི་རིང་ལུས་ཕྲ་ཞིང་། །
རྐང་ལག་ཆུང་ཞིང་སྐད་གསལ་བ། །མིག་ལེགས་ངོ་ཟླུམ་རྩ་དམར་ཆེ། །ལྷུན་དུ་ཆགས་ལ་མི་ཤེས་མེད། །ལུས་ལ་མཚོན་གྱི་རྨ་འདྲས་བརྒྱན། །ཚིག་གསལ་རྨི་ལམ་ཉུང་བ་དང་། །སོ་དཀར་མཆུ་ལེགས་དད་པར་ལྡན། །ཆོས་སེམས་པ་ཡི་ཏིང་འཛིན་
104-1-8b


གྱིས། །གསང་བའི་མཁའ་ལ་ཉི་ཟླའི་འོད། །རྡོ་རྗེ་པདྨར་ལྡན་བྱས་ཏེ། །ཕན་ཚུན་དུ་ནི་དགའ་སྤྱད་ན། །འདོད་ཁམས་ལྷ་ཡི་སྐད་ཅིག་གིས། །འགྲུབ་པར་འགྱུར་བ་གདོན་མི་ཟ། །ལུས་ཟླུམ་བརྟུན་དང་ང་རྒྱལ་བཅས། །ཁོང་ན་ཚིག་རྣོན་སེམས་ལ་འཛིན། །བྱ་
བར་དྲན་ལ་མི་གཏོང་ལྡན། །བསླབ་བ་བློ་རྟུལ་ཤ་རུས་ཆེ། །མདངས་བཀྲག་བརྟགས་ན་ཕྱི་ཕྱིར་ཆེ། །སྦྱིན་ལ་དགའ་ཞིང་ཆོས་ལ་དད། །རིན་ཆེན་རིགས་ཀྱི་ཏིང་འཛིན་གྱིས། །བག་ཆགས་ཡི་གེས་རྩད་གཅོད་ཅིང་། །ཏིང་འཛིན་བློ་ལ་གསལ་བ་ན། །བསྒྲུབ་
པ་དུས་ལ་བབ་པ་སྟེ། །དེ་ཚེ་རབ་ཏུ་བརྩོན་པ་ཡིས། །ཡུམ་གྱི་པདྨ་ཁ་ཕྱེ་སྟེ། །བདེ་བ་ཐུགས་ཀྱི་འདུ་འཕྲོ་ཡིས། །ཕན་ཚུན་དུ་ནི་དགའ་སྤྱད་ན། །རིགས་ཀྱི་རིན་ཆེན་འགྲུབ་པ་ནི། །ཚེ་འདི་ཉིད་ལ་ཐོབ་པར་འགྱུར། །ཐུགས་རྗེ་མཛད་སྤྱོད་བྱེ་བྲག་གིས། །འཇིག་
རྟེན་དག་ན་དམན་པའི་རིགས། །རབ་ཏུ་བཀུག་སྟེ་དགའ་སྤྱོད་ན། །སྙིང་རྗེ་མཆོག་དང་ཐབས་ལྡན་པ། །རྣལ་འབྱོར་སྤྱོད་པ་ཆེན་པོར་གསུངས། །ཤན་པ་རིགས་ངན་སྨད་འཚོང་བ། །ངན་པའི་རིགས་དང་ལོངས་སྤྱོད་རྣམས། །འཇོམས་པ་པོ་ཡིས་ཏིང་འཛིན་གྱིས། །
མྱུར་དུ་སྤྱད་ན་འགྲུབ་པར་གསུངས། །ཡི་དགས་གནོད་སྦྱིན་བྱོལ་སོང་དང་། །ཁྱི་དང་རུས་སྦལ་སྤྲེའུ་ལ་སོགས། །མི་དང་ལྷ་ཡི་གནས་མཆོག་ཀུན། །སོ་སོར་འཚམ་པར་དགའ་སྤྱད་ན། །དྲེགས་པ་ཅན་ལ་ཞི་བ་ཆེ། །བརྩོན་ལ་དགའ་བ་བརྩོན་པར་མཛད། །ཐབས་
ཀྱི་མཛད་སྤྱོད་ཀུན་གྱི་མཆོག །སེམས་ཅན་འདི་དག་དོན་གྱི་ཕྱིར། །ཕྱིན་ཅི་ལོག་ཏུ་གང་སྤྱོད་རྣམས། །འདུལ་བའི་མཛད་པ་སྣ་ཚོགས་ཀྱིས། །མི་མཛད་པ་ནི་ཅི་ཡང་མེད། །ཤིན་ཏུ་གཏུམ་པའི་ཆ་ལུགས་ཀྱིས། །གཏུམ་པོ་ཐམས་ཅད་དབང་དུ་མཛད། །
ཤིན་ཏུ་ཞི་བའི་ཆ་ལུགས་ཀྱིས། །དྲེགས་པ་ཅན་རྣམས་དབང་དུ་མཛད། །ཤིན་ཏུ་མདངས་ལྡན་ཆ་ལུགས་ཀྱིས། །ཆགས་པའི་ཡིད་རྣམས་དབང་དུ་མཛད། །ཨེ་མ་ཤིན་ཏུ་ངོ་མཚར་ཆེ། །ཅི་ཡང་ཡིན་པས་ཅིར་མི་དགོངས། །ཞེས་གསུངས་པས་
ཐམས་ཅད་རབ་ཏུ་བརྩོན་པ་ཆེན་པོ་དང་ལྡན་པར་གྱུར་ཏོ། །བཅོམ་ལྡན་འདས་དེ་བཞིན་གཤེགས་པ་བསམ་གྱིས་མི་ཁྱབ་པ་ནམ་མཁའ་དང་མཉམ་པ་རྡུལ་ཕྲ་མོའི་རྡུལ་སྙེད་རབ་ཏུ་འདུན་པའི་ཐུགས་ཀྱིས་མཉན་པ་བརྩོན་པར་མཛད་དོ། །རྡོ་རྗེ་
104-1-9a


ཆོས་ཀྱི་མཆོག་ལ་སོགས་པ་རིགས་བསམ་གྱིས་མི་ཁྱབ་པ་རབ་ཏུ་མཉན་པ་དང་གུས་པ་མཆོག་དང་ལྡན་པས་ཡོངས་སུ་གཟུང་བའི་ལེའུ་མཛད། དེ་ནས་བཅོམ་ལྡན་འདས་རྣལ་འབྱོར་ཆེན་མོས་རབ་ཏུ་བརྩོན་པ་མཛད། རབ་ཏུ་བརྩོན་པའི་
ཡིད་ཀྱིས་སྤྲོད་པ་དང་འཁྱུད་པ་དང་གྱད་གྱི་དགྱེས་པ་དང་མགུ་བ་བླ་ན་མེད་པས་ཕན་ཚུན་དུ་དགའ་བ་སྤྱད་དོ། །དེ་ནས་དེ་བཞིན་ཉིད་ཀྱིས་དབྱིངས་ནས་སྐུ་དང་གསུང་དང་ཐུགས་རྡོ་རྗེ་ལས་འདི་གསུངས་སོ། །ཨོཾ་ཧཱུྃ་ཡེ་ཤེས་རྣལ་འབྱོར་མཆོག་ལྡན་པས། །སྐལ་
བཟང་མཆོག་གི་དངོས་གྲུབ་སྩོལ། །རབ་ཏུ་རྨོངས་པ་བསལ་ཕྱིར་འགོག་པ་ཀུན་སློང་བ། །རྣལ་འབྱོར་བདེ་མཆོག་གཉིས་སུ་མེད་པ་འདི་དག་ཤིན་ཏུ་ངོ་མཚར་ཆེ། །རིན་ཆེན་ཡིད་བཞིན་གཟུངས་ནི་ཀུན་གྱི་དབང་ལྡན་པ། །ཚངས་མའི་མདངས་ལྡན་གཟུངས་
མ་དྲངས་ཏེ་དེ་བརྩོན་པས། །གྲུབ་པར་འགྱུར་བ་འདི་ལ་དགའ་སྤྱོད་ཨ་ལ་ལ། །ཤིན་ཏུ་སྲིད་པ་འདི་དག་བཞིན་དུ་སྤྱད་པས་འགྲུབ་པར་གསུངས་པས་ས་ལ་གནས་པས་ཀུན་བས་འཕགས། །རྒྱལ་བ་ཀུན་གྱི་ནང་ན་ཀུན་ཏུ་བཟང་པོ་རྒྱལ་བ་ཀུན་བས་འཕགས། །དེ་ཡང་
ཀུན་ཏུ་བཟང་མོ་ཡིན་ཞེས་སྔོན་གྱི་རྒྱལ་བ་ཀུན་གྱིས་གསུངས། །མཚན་མ་ཀུན་བྲལ་རབ་ཏུ་དགའ་སྦྱོར་མི་གཏོང་བས། །སེམས་དཔའ་རྡོ་རྗེ་ཉིད་ཀྱང་དེ་ཡིན་རྒྱལ་བ་ཀུན་གྱིས་གསུངས། །ཚངས་པ་མཆོག་གི་གླུ་འདི་དག །བརྩོན་པར་བྱེད་ཅིང་ལེན་པ་ནི། །དཀའ་ཐུབ་
རྣལ་འབྱོར་ཏིང་འཛིན་ཏེ། །ཚངས་པ་མཆོག་གི་དྲོ་གཅིག་གིས། །གདོན་མི་ཟ་བར་འགྲུབ་པར་གསུངས། །ཞེས་བརྗོད་དོ། །དེ་བཞིན་གཤེགས་པ་ཐམས་ཅད་རབ་ཏུ་བརྩོན་པ་ཆེན་པོས་གཅིག་གི་རང་བཞིན་དུ་གྱུར་པར་མཛད་དོ། །དེ་བཞིན་གཤེགས་པ་ཐམས་ཅད་
ཀྱི་གསང་བའི་དཀྱིལ་འཁོར་ཞེས་བྱ་བའི་ལེའུ་སྟེ་དྲུག་པའོ།། །། དེ་ནས་དུས་གསུམ་གྱི་སྟོན་པ་ཐམས་ཅད་བདེ་བར་གཤེགས་པའི་རང་བཞིན་ཏེ་རབ་ཏུ་མཆོད་པ་ཆེན་པོས་མཉེས་ཤིང་མ་རིག་པ་བརྒྱད་ཁྲི་བཞི་སྟོང་འདུལ་བར་མཁྱེན་ཏོ། །མཁྱེན་ནས་མ་རིག་
པ་གྲོལ་བར་མཛད་པ་དང་ཞེ་སྡང་རྣམ་པར་གྲོལ་བར་དགྱེས་ཏེ། དེ་དག་མཉམ་པ་ཆེན་པོའི་རང་བཞིན་གྱིས་འདུལ་བའི་ཐབས་སུ་སྒྲོལ་བ་དང་། དབང་གི་རིགས་ཀྱི་སྦྱོར་བས་རབ་ཏུ་བསྲུངས་ཤིང་བསྲུང་བ་མཛད་དོ། །བདག་གི་རྣལ་འབྱོར་ཀུན་ཏུ་བཟང་། །མཚན་
104-1-9b


ཉིད་ཀུན་བརྟགས་གཉིས་སུ་མེད། །རྒྱལ་བ་ཀུན་དང་མཉམ་སྦྱོར་ན། །མཉམ་པའི་ས་ལ་གནས་པ་ཡིན། །རང་སེམས་ཟླ་རྒྱས་དབུས་གནས་པ། །རྡོ་རྗེ་སེམས་དཔའི་ཏིང་འཛིན་ཏེ། །དོན་རྟོགས་གསལ་བར་གྱུར་པ་ཡིས། །རབ་ཏུ་བསྒྲལ་བ་ཆེན་པོ་སྟེ། །མཆོག་
གི་ས་ལ་གནས་རྒྱུད་ཡིན། །སྐུ་ཡི་ཆོ་འཕྲུལ་རིགས་ཀུན་རྫོགས། །གསུང་གི་སྟོན་པ་བླ་ན་མེད། །ཐུགས་ཀྱི་མཛད་པ་རྟགས་དང་ལྡན། །ཏིང་འཛིན་འདི་ལྟར་གསལ་བ་ཡིས། །བློ་རྨོངས་སྡུག་བསྔལ་སྦྱང་བའི་ཕྱིར། །གཉིས་སུ་མེད་པར་གསལ་བ་ཡིས། །ཛཿཧཱུྃ་
བྃ་ཧོས་བསྡུ་བ་མཛད། །མངོན་སྤྱོད་ལས་ཀྱི་སྒྲོལ་བ་མཛད། །གཉིས་སུ་མེད་པར་འགྲུབ་པར་འགྱུར། །རྟགས་དང་ཤེས་པ་ཕུན་སུམ་ཚོགས། །བྱམས་པ་མཛད་པ་རྣལ་འབྱོར་ཐུགས། །གཟུངས་ཀྱི་མཆོད་པ་མཉམ་ལྡན་པས། །རྒྱལ་བ་མཉེས་པར་སྦྱོར་ཤེས་ན། །མཉེས་པ་
ཆེན་པོས་བདག་ཉིད་མཆོད། །བདེན་པའི་ཚུལ་དུ་དབྱེར་མེད་པའི། །སེམས་ཉིད་རྟོགས་པ་རྣམ་སྤྱད་ཕྱིར། །ཏིང་འཛིན་ཤུགས་ཀྱིས་ཀུན་བསྒྲལ་ཏེ། །མངོན་སྤྱོད་ལས་ཀྱིས་སྒྲོལ་བར་མཛད། །གསང་བའི་མཁའ་ལ་ཀུན་ཏུ་སྦྱོར། །དེ་བཞིན་གཤེགས་པ་ཐམས་
ཅད་ཀྱི་མཛད་སྤྱོད་བསམ་གྱིས་མི་ཁྱབ་པ་ལས་མཆོད་པ་དེ་ཁོ་ན་ཉིད་དེ་ལེའུ་བདུན་པའོ།། །། དེ་ནས་བཅོམ་ལྡན་འདས་འཁོར་རབ་ཏུ་སྐྱོང་བ་ལ་དགྱེས་ཏེ། སློབ་མ་མཆོག་དང་འབྲིང་དང་ཐ་མས་ཡོན་གྱི་དབུལ་བ་མང་པོ་བྱས་ཏེ་དཀྱིལ་འཁོར་དུ་གཟུང་བ་
མཛད་དོ། །བགེགས་ཚར་གཅད་པའི་ཕྱིར་རྡོ་རྗེ་སེམས་དཔའི་ཏིང་ངེ་འཛིན་གྱིས་གདོང་བར་བསྟན་རིན་པོ་ཆེས་ལག་སོར་བཀང་སྟེ་སྙིང་པོ་འདི་ཟློསུ་གཞུག་གོ། ཨོཾ་སརྦ་ཏ་ཐཱ་ག་ཏ་པུ་ཛཱི་ཏ་དྷི་དྷ་ཏིཥྛ་ཧཱུྃ། ཨོཾ་མ་ཧཱ་མཎ་ཌཱ་ལ་དེ་བ་ཀ་ར་པཱུ་ཛ་ཡ་པཱུ་ཛ་ཡ་ཧཱུྃ་ཨ། ཞེས་བརྗོད་
དེ་མེ་ཏོག་འཐོར་དུ་གཞུག་གོ། གང་ལ་བབ་པའི་བཤེས་གཉེན་བསྟན། །སྔགས་དང་ཕྱག་རྒྱ་དམ་ཚིག་བསྟན། །དེ་ནས་དམ་ཚིག་ཆུ་བླུད་ཅིང་། །ཚིག་འདི་རབ་ཏུ་གོ་བར་བསྒོ། །སེམས་ཅན་གྱི་ནི་གཟུགས་ཆེན་པོ། །ལས་ལ་སོགས་ཏེ་དབང་བསྐུར་བ། 
དི་རིང་ཕན་ཆད་བུ་ཁྱོད་ཀྱིས། །དམ་ཚིག་གཉན་པོ་འདི་དག་ནི། །སྲོག་གི་ཕྱིར་ཡང་མི་གཏང་ཞིང་། །སློབ་དཔོན་མ་བཏང་གྲོགས་ལ་མཆོད། །བཀའ་ལ་གུས་པར་མཉན་པར་བྱོས། །གལ་ཏེ་བཀའ་ལས་འདས་གྱུར་ན། །གཞོམ་དང་གཞིག་དང་དམ་རྩལ་
104-1-10a


དང་། །སྤྲོ་དང་སྦར་དང་དམྱལ་བར་སྐྱེ། །སེམས་ལ་ཆུ་འདི་གནས་པ་ནི། །འཕྲིན་ལས་རྣམ་བཞི་འཚམ་པར་བྱ། །ཞེས་བརྗོད་ནས། རྡོ་རྗེ་སློབ་དཔོན་དཀྱིལ་འཁོར་དང་། །ཀུན་ཏུ་བཟང་དང་མཆེད་ལ་སོགས། །ཞབས་ལ་གཏུགས་དང་གུས་པར་བྱ། །རྒྱུད་ཀྱི་
མཉན་པ་ཐམས་ཅད་བྱ། །བསྒྲུབ་པའི་གཟུགས་ལ་བརྟེན་པས་འགྲུབ། །དེ་ནས་རིགས་ཀྱི་བུ་མཆོག་ལ། །གསང་བའི་མིང་གི་དབང་ཡང་བསྐུར། །གུས་པར་ལྡན་པའི་བུ་མཆོག་དེས། །རྒྱལ་པོ་དབང་ཡོད་རྒྱལ་པོ་སྲིད། །རང་ལུས་གནས་དང་འཁོར་ཡུལ་
དང་། །བུ་དང་ཆུང་མ་ཚ་རྒྱུད་དང་། །རིན་པོ་ཆེ་དང་ཤེལ་དང་དངུལ། །སྣ་བདུན་རིན་ཆེན་ནོར་གྱི་དབྱིག །རྟ་དང་གླང་པོ་ཤིང་རྟ་དང་། །མ་ཧེ་ནེའུ་ལེ་ཅི་ཡོད་རྣམས། །གཏེར་དང་དབྱིག་དང་ཡིད་འཐད་པ། །སེམས་ལ་ཐེ་ཙོམ་མེད་པ་ཡིས། །བཀུར་སྟི་རིམ་
གྲོ་མཆོག་བསྐྱེད་ལ། །ཕུལ་ན་རྒྱལ་བ་མཉེས་པར་འགྱུར། །དེ་ནས་དབང་མནོད་ཐེག་པའི་ཚད། །རིམ་པ་བཞིན་དུ་མནོད་པར་བྱ། །མཉན་པ་གྲུབ་པ་ལ་སོགས་དང་། །ལས་དང་གིང་དང་རྒྱལ་འཐེབ་དང་། །སྤྱན་དང་རྡོ་རྗེ་ཚད་འཛིན་པ། །བྱེ་བྲག་མངག་
པ་ལ་སོགས་རྣམས། །གསང་བའི་དབང་རྣམས་གང་ནོད་པ། །ཉི་ཤུའམ་བཅུ་གཉིས་ལོན་པ་ལ། །གོས་དང་དབུ་རྒྱན་བཟའ་བཏུང་དང་། །ཕྱག་རྒྱ་དྲིལ་བུ་ལ་སོགས་པ། །དཀྱིལ་འཁོར་འདི་ལྟར་གསལ་བསྒོམས་ཏེ། །རྒྱལ་བ་ཀུན་གྱིས་བྱིན་གྱིས་
བརླབས། །མངོན་དུ་སྟན་བཏིང་དགའ་སྤྱོད་ཅིང་། །སྟེང་ནས་རྒྱལ་པོས་དབང་བསྐུར་ན། །གདོན་མི་ཟ་བར་དངོས་གྲུབ་ཐོབ། །ཚིག་གི་ལེགས་པ་བསྟོད་ར་བྱ། །དེ་ནས་རིགས་ཀྱི་བུ་མཆོག་དེས། །ཞབས་ལ་བཏུགས་ཏེ་གཏང་རག་གཏང་། །རྡོ་རྗེ་སྤུན་དང་
གཟུངས་མ་ཡིས། །རྒྱལ་བའི་རྒྱལ་བ་ཡིན་ཞེས་བརྗོད། །དུས་གསུམ་ཀུན་གྱི་སྲས་ཆེན་པོ། །དུས་གསུམ་ཀུན་གྱི་སྤྱད་པ་སྤྱོད། །ཁམས་གསུམ་ཀུན་གྱི་སྒྲོལ་བ་པོ། །སྒྲོལ་བ་མཆོག་གི་སྤྱད་པ་སྤྱོད། །ཤིན་ཏུ་རྣལ་འབྱོར་སྐལ་ལྡན་པ། །དམ་ཚིག་སྡོམ་ལ་
གནས་པ་དང་། །མཚན་མ་མེད་པའི་ཆུ་འཐུང་ཞིང་། །ཇི་ལྟར་བསྒོ་བའི་ལས་བྱེད་པ། །ཀུན་ལ་ཕྱེད་པར་རབ་གྲགས་ཡིན། །ཕྱི་རབས་འདྲེན་པའི་གདུང་འཛིན་པ། །སྒྱུ་འཕྲུལ་དྲ་བའི་ས་ལ་གནས། །དེ་བཞིན་གཤེགས་པའི་སྐུ་དང་གསུང་དང་ཐུགས་ཀྱི་
104-1-10b


གསང་བ། དེ་ཁོ་ན་ཉིད་ལས་མཆོད་ཡོན་དམ་པ་དང་སྙིང་རྗེའི་ལེའུ་སྟེ་བརྒྱད་པའོ།། །། དེ་ནས་བཅོམ་ལྡན་འདས་གསང་བ་རྡོ་རྗེ་བཀོད་པའི་རྒྱན་ཅེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ཏེ་གནས་པར་མཛད་དོ། །མཛད་ནས་སྣྲེལ་ཞི་དང་བྱ་བྱེད་ཡན་
མན་མང་པོ་མི་འགོག་པ་ལ་སྙོམས་པར་ཞུགས་སོ། །དེ་ནས་ཡང་ལས་ལ་ལྟོས་པ་རང་ཐད་གྱི་སྡུག་བསྔལ་རྣམས་མི་གཡོ་བའི་ཏིང་ངེ་འཛིན་གྱིས་འཇོག་པར་མཛད་དོ། །དེ་ནས་ཡང་མུ་སྟེགས་རྟག་པར་ལྟ་བ་ཐེར་ཟུག་གི་ཆ་ལུགས་ཀྱིས་འདུལ་བར་མཛད་དོ། །
ཆད་པ་ཕྱིས་མི་འདོད་ཅེས་བྱ་བ་ལ་ཆ་ལུགས་དེས་མཉམ་པ་ལ་འཛུད་པར་མཛད་དོ། །མཛད་ནས་རབ་ཏུ་འགོག་པའི་དཀའ་ཐུབ་ཀྱིས་མྱུར་བ་བདེ་བ་ལ་གནས་པར་མི་སྟེར་བ་རྣམས་ལ་དཀའ་ཐུབ་འགྱུར་བ་ཆེན་པོའི་ཚུལ་གྱིས་འདུལ་དབང་ཆེན་པོ་མཛད་དོ། །
དྲག་ཤུལ་གྱི་བཙན་ཐབས་ལ་དགའ་བ་དེ་ཐག་ཟངས་རིས་ཀྱི་ཆ་ལུགས་ཀྱིས་འདུལ་བར་མཛད་དོ། །གཞན་ལ་སྙིང་རྗེར་མ་གྱུར་པའི་ཕྱོགས་གཅིག་པའི་ས་རྒྱལ་རྣམས་ལ་ཡིད་བཞིན་གྱི་ཏིང་ངེ་འཛིན་གྱིས་འདུལ་བར་མཛད་དོ། །གླིང་བཞིའི་དགེ་སྡིག་ཆ་
མི་ཤེས་པ་ལ་འཁོར་ལོས་སྒྱུར་བ་ཆེན་པོར་མཛད་ནས་འདུལ་བར་མཛད་དོ། །སྦྲེབས་པ་ཆེན་པོ་དང་གཏུབ་པ་ཆེན་པོ་དང་། གཙོ་བ་དང་རབ་ཏུ་སོ་ཐམ་ཐམ་ཆེ་ཆུང་རྣམས་གཉེན་པོ་དང་ཟངས་ཁ་དང་།  གཤེད་པོ་ཆེན་པོའི་ཚུལ་གྱིས་འདུལ་བར་མཛད་དོ། །དེ་
དག་ཀྱང་ཆོས་མཉམ་པ་ཆེན་པོ་བྱང་ཆུབ་ཀྱི་ཚུལ་རྡོ་རྗེ་ཐེག་པ་ཀུན་གྱི་མཆོག་རང་བཞིན་གྱི་ཚུལ་གྱིས་གནས་པ་ཐབས་དང་ཤེས་རབ་དབྱེར་མེད་དེ་རོལ་པ་བསམ་གྱིས་མི་ཁྱབ་པ་ལ་གནས་པར་མཛད་དོ། །ཐབས་ཀྱི་མཛད་པ་ཁྲོ་བོ་རྣམ་པར་འཕྲུལ་པ་ཞེས་བྱ་བའི་
ཕྱག་རྒྱའོ། །དེ་ནས་བཅོམ་ལྡན་འདས་ཀུན་ཏུ་བཟང་པོ་ཆེན་པོ་བདུད་འདུལ་བ་ཞེས་བྱ་བའི་རྣམ་པར་འཕྲུལ་པའི་ཏིང་ངེ་འཛིན་ལ་སྙོམས་པར་ཞུགས་པར་མཛད་དོ། །དེ་ནས་བདུད་ཞེ་སྡང་ཆེན་པོ་ཞེས་བྱ་བ་དེ་བསྐལ་པ་སྟོང་གི་དུས་ན་སྡུག་བསྔལ་བསམ་གྱིས་མི་
ཁྱབ་པ་བླངས་པས་བྱང་ཆུབ་ཏུ་སེམས་མ་བསྐྱེད་པ། རབ་ཏུ་གདུག་པ། སྐྱི་བུང་བ། བོང་ཆེ་ཞིང་ཚོར་སང་ཆེ་བ། མཚོན་ཆ་དང་ཁྲག་གི་གདུག་པས་སེམས་ཅན་ལ་གནོད་པ། མཚོན་གྱི་མཆེ་བ་དང་བཅས་པ། དཔག་ཚད་ནས་དྲི་ཚོར་ཏེ་རབ་ཏུ་གསོད་གཅོད་ཟ་འཐུང་
104-1-11a


བྱེད་ཅིང་མེ་དཔུང་གི་དཀྱིལ་ན་གདུག་པའི་མདའ་འཕེན་ཅིང་གཡོ་བ་ཆེན་པོས་བསྔོ་བ་དྲག་པོ་དང་ཚམ་ངམ་དུ་གནས་པར་གྱུར་ཏོ། །དེ་ནས་བཅོམ་ལྡན་འདས་ཅང་མི་གསུང་བས་ཀུན་ཏུ་བཟང་མོ་ལ་འཛུམ་པར་མཛད་དོ། །ཡབ་ཡུམ་གྱི་བྱང་ཆུབ་
ཀྱི་སེམས་ཀྱི་སྤྲིན་ལས། ཨོཾ་དྷུ་དྷུ་དྷུ་དྷུ་ར་དྷུ་ར་དྷུ་ར་ཧོ་ཧོ། ཧཱུྃ་ཧཱུྃ་ཧཱུྃ།    ཧཱུྃ་ཧཱུྃ་ཧཱུྃ། ཧྲིྃ་ཧྲིྃ་ཧྲིྃ། ཧོ་ཧོ་ཞེས་བརྗོད་པས་ཚངས་པའི་ཆུང་མ་དང་། དབང་པོའི་ཆུང་མ་དང་། ཁྱབ་འཇུག་གི་ཆུང་མ་དང་། ཙཀྲའི་ཆུང་མ་དང་། དེ་བའི་ཆུང་མ་དང་། རུ་ཏྲའི་ཆུང་མ་དང་། ག་རུ་ཌའི་
ཆུང་མ་དང་། ཡུལ་འཁོར་སྲུང་གི་ཆུང་མ་དང་། རྣམ་ཐོས་ཀྱི་ཆུང་མ་དང་། འཕགས་སྐྱེས་ཀྱི་ཆུང་མ་དང་། མིག་མི་བཟང་གི་ཆུང་མ་རྣམས་རབ་ཏུ་ཆགས་པའི་འདུ་ཤེས་རང་དབང་མེད་པར་སྐྱེས་ཏེ་འདུ་བར་མཛད་དོ། །དེ་ཡང་བྱང་ཆུབ་སེམས་ཀྱི་
སྤྲིན་ལས། ས་ཏྭ་བཛྲ་ཧེ་རུ་ཀ །མ་ཧཱ་ས་མ་ཡ་སརྦ་སིད་དྷི་ཧཱུྃ་ཧཱུྃ་ཧཱུྃ། ཧོ་ཧོ་ཧོ་ཞེས་བརྗོད་པས་དེ་བཞིན་གཤེགས་པའི་གཟུགས་མང་པོས་མཛེས་པ་དང་ལྡན་པར་གྱུར་ཏེ་བཞུགས་པ་ལ་ཚངས་པའི་ཆུང་མ་ལ་སོགས་པ་འདུས་པ་ཐམས་ཅད་ཀྱིས་སོ་སོ་རེ་
རེ་ཤིན་ཏུ་ཆགས་པ་ཆེན་པོའི་ཡིད་སྐྱེས་ཏེ་འཁྲིལ་བར་གྱུར་ཏོ། །འཁྲིལ་ནས་ཀྱང་རོལ་པའི་བྱང་ཆུབ་ཀྱི་སེམས་ལས་ཆུའི་དཀྱིལ་འཁོར་བསམ་གྱིས་མི་ཁྱབ་པས་འཇིག་རྟེན་འཁྲུ་ཞིང་འཇིག་པར་མཛད་དོ། །མེའི་དཀྱིལ་འཁོར་མང་པོས་འཇིག་རྟེན་རབ་ཏུ་
སྲེག་པར་མཛད་དོ། །རླུང་གི་དཀྱིལ་འཁོར་མང་པོས་འཇིག་རྟེན་སེམས་ཅན་གཏོར་བར་མཛད་དོ། །དེ་ནས་བྱང་ཆུབ་སེམས་ཀྱི་སྤྲིན་གྱིས་རིགས་ངེས་པར་དབང་སྐུར་བར་མཛད་དོ། །དེ་ནས་གཉིས་སུ་མེད་པ་ལས་བཞེངས་ཏེ། ཨོཾ་ཨོཾ་སརྦ་བི་སི་དུ་ཤ་ཤྠ་ཛ་
ཛ་ཛ་ཞེས་བརྗོད་པས་ཚངས་པ་དང་ཁྱབ་འཇུག་གི་ཆུང་མ་ལ་སོགས་པ། གཟུངས་ལས་བྲན་མོར་དམ་མནོས་ཏེ་སླར་གནས་སུ་ཕྱིན་པར་གྱུར་ཏོ། །དེ་ནས་སྐུའི་ཆ་ལུགས་དེ་ལས་མཉམ་པ་ཆེན་པོ་ལ་གནས་པར་མཛད་དེ། ཨོཾ་བྷ་རཱ་མུ་ཏྲཱ་མ་ཧཱ་ཙཎ་ཊ་ཙ་ཏུར་
ཡོ་གི་ནི་མཎ་ཌཱལ་ཀྲོ་དྷ་ཧ་ལ་ཧ་ལ་ཧཱུྃ་ཧཱུྃ་ཧཱུྃ་ཕཊ་ཅེས་བརྗོད་པས་སོ་སོའི་ཆུང་མ་དང་བུ་སྲིང་རྡོ་རྗེ་གསོད་བྱེད་མ་ཆེན་མོར་གྱུར་ཏེ། བདུད་གདུག་པ་ཆེན་པོ་ཞེ་སྡང་ཅན་ལ་སོགས་པ་ལ་ཇོ་བོ་དམ་མནོས་བཞེངས་ཞེས་སྨྲས་ཏེ། བདུད་གདུག་པའི་ལུས་ལ་ཁྲག་
104-1-11b


བཞིབས་ནས་གནས་སོ། །འོན་ཀྱང་དམ་ཉན་པར་མ་བཏུབ་སྟེ་གཡོ་བག་མེད་པར་ཤིན་ཏུ་སྔོ་བར་གནས་པར་གྱུར་ཏོ། །དེ་ནས་བཅོམ་ལྡན་འདས་སྤྲུལ་པ་ཐམས་ཅད་གཅིག་ཏུ་བསྡུ་བ་མཛད་དེ་དབུ་གསུམ་ཕྱག་དྲུག་ཞབས་བཞི་ཐོ་བ་དང་རྡོ་རྗེ་དང་། རྡེའུ་ཆུང་དང་། 
མདའ་གཞུ་དང་། ཞགས་པ་དང་། སྡིག་པའི་མཛུབ་མོ་དང་། བན་ད་འཁྲུག་པའི་རོལ་པས་ཀུན་ཏུ་བཟང་མོ་དང་འཁྲིལ་ནས་དབུ་གསུམ་གསིགས་ཏེ། སརྦ་བྷ་ཐ་སརྦ་བྷ་ཐ་ཧཱུྃ་ཧཱུྃ་ཕཊ་ཕཊ་ཅེས་བརྗོད་པས་ཞབས་ཀྱི་འོག་ཏུ་བདུད་བཞི་དང་། ཚངས་པ་དང་བརྒྱ་བྱིན་
ལ་སོགས་པ་རྒྱལ་ཆེན་ཕྱོགས་སྐྱོང་བསྡུས་ཏེ། ཁཱ་ཧི་ཁཱ་ཧི་ཕཊ་ཕཊ་རུ་ལུ་རུ་ལུ་རུ་ལུ་ཧཱུྃ་ཧཱུྃ་ཞེས་པས་བསྒྲལ་ཏེ་བན་དར་བཀང་ནས་གསོལ་ཏེ་མི་གནས་པར་མཛད་དོ། །ཡང་ཞབས་གཡས་པ་འཕེན་ཅིང་འགྲེང་སྦྱོར་གྱི་ཚུལ་གྱིས། ཨོཾ་སརྦ་ཏ་ཐཱ་ག་ཏ་མ་ཧཱ་ཛྙཱ་ན་
གར་བྷ་ཧོ་དྷུ་ཧོ་དྷུ་ཧོ་དྷུ། ཙཎ་ཌ་ལ་བྷ་ལ་མ་ཧཱ་ཤྲཱི་ཧེ་རུ་ཀ་ཧཱུྃ་ཧཱུྃ་ཧཱུྃ། ཏྲཱུྃ་ཏྲཱུྃ་ཏྲཱུྃ། ཧྲིྃ་ཧྲིྃ་ཧྲིྃ། ཕཊ་ཕཊ་ཕཊ་ཅེས་བརྗོད་པས་སོ་སོའི་ཆུང་མ་བུ་མོས་རང་དབང་མེད་པར་བཏེག་སྟེ་ཕྱིན་ཏོ། །དེ་ནས་བདུད་ཞེ་སྡང་ཆེན་པོ་དེ་ཡང་དྲེགས་པའི་ཆུང་མས་བཏེག་སྟེ་ཕྱིན་ཏོ། །
ཕྱིན་ནས་བཅོམ་ལྡན་འདས་དཔལ་ཧེ་རུ་ཀ་སྐུ་གསུང་ཐུགས་ཀྱི་ཡོན་ཏན་ཆེན་པོས། ཨོཾ་སརྦ་ཏ་ཐཱ་ག་ཏ་མ་ཧཱ་ས་མ་ཡ་ཤྲཱི་ཧེ་རུ་ཀ་དུཥྚྃ་དྷ་ཀ་ཧ་ན། ད་ཧ་ད་ཧ་ད་ཧ། པ་ཙ་པ་ཙ་པ་ཙ། ཧཱ་ཧཱ་ཧཱ་ཧཱ་ཧཱ་ཞེས་བརྗོད་པས་རྡོ་རྗེ་རྣལ་འབྱོར་གྱི་དབང་ཕྱུག་ཆེན་མོ་རྣལ་འབྱོར་མ་བསྐུལ་བྱེད་མ་དང་། 
རྣལ་འབྱོར་མ་གསོད་བྱེད་མ་དང་། ཟ་བྱེད་མ་དང་། རྣལ་འབྱོར་མ་གཏུམ་མོ་དང་། ལས་ལ་གྲུབ་པ་ཆེན་མོ་དང་། རྡོ་རྗེ་སྲིག་བྱེད་མ་དང་། དབང་སྡུད་ཆེན་མོ་རྣམས་ཡུམ་གྱི་གསང་བའི་མཁའ་ལས་བྱང་ཆུབ་ཀྱི་སེམས་ཀྱི་སྤྲིན་ལས་འཐོན་ནས་གདུག་པའི་
ཚོགས་བདུད་མགོ་ནས་བཟུང་སྟེ་མཚོན་ཆ་དང་ཕྲལ་ནས་བསྒྲལ་ཏེ་ལྷུ་སུག་ཕྲལ་ནས་བསྣམས་ཤིང་བསྟབས་སོ། །དེ་ནས་བཅོམ་ལྡན་འདས་དགྱེས་པ་ཆེན་པོའི་དཔལ་རྡོ་རྗེ་ཁྲག་འཐུང་ཆེན་པོས་འགྲོ་བ་གནོད་སྦྱིན་བདུད་ཀྱི་རིགས་ཀྱི་འཁོར་
དང་། ཡི་དགས་ཀྱི་ལུས་རྟའི་ལུས་ཅན་གྱི་སྲིན་མོ་ཆེན་མོ་དང་། འུག་པ་མོ་ཆེན་མོ་དང་། དུར་བྱ་ཆེན་མོ་དང་། སྟག་དང་། སེང་གེ་བ་གླང་། གླང་། ཝ་དང་། ཁྱི་དང་། ཕ་ཝང་དང་། སྤྲེའུ་དང་། བྱ་རོག་དང་། བྱ་རྒོད་དང་། རྔ་མོ་དང་། ཕག་ལ་སོགས་པ་མ་ཏང་རུ་ཏྲ་དང་
104-1-12a


ཆས་ཏེ་གནས་པ་ལ་མཚན་མར་མ་ཆགས་པའི་སྦྱོར་བ་མཛད་ནས། ཧེ་ཧེ་ཧེ་ཧེ་ཧེ། ཧཱུྃ་ཧཱུྃ་ཧཱུྃ་ཧཱུྃ་ཧཱུྃ། ཕཊ་ཕཊ་ཕཊ་ཅེས་བརྗོད་པས་བྱང་ཆུབ་ཀྱི་སེམས་ཀྱི་སྤྲིན་ལས་སེང་གེ་སྟབས་ཆེན་པོ་དང་། སྟག་གི་ཆ་ལུགས་ཆེན་མོ་དང་། མྱོས་བྱེད་རྟ་མགོ་
ཆེན་མོ་དང་། འུག་པའི་མགོ་ཅན་དང་། བྱ་རོག་དང་། བྱ་རྒོད་དང་། མཆུ་རིངས་ལ་སོགས་པ་སྲིན་མོའི་ཆ་ལུགས་དང་མ་བྲལ་བའི་མདོག་གིས་འཐོན་ནས། ཕཊ་ཕཊ་ཕཊ་ཙཎ་ཌ་མ་ཧཱ་མཎྜ་ལ་ཧཱུྃ་ཕཊ་ཞེས་བརྗོད་པས་གདུག་པའི་ཚོགས་བསྒྲལ་བར་མཛད་དེ་བྱ་དང་།  
མཆེ་བ་ཅན་དང་། སྡེར་ཆགས་ཀྱི་ཟ་སྟངས་ཀྱིས་འཕྲོག་ཅིང་གསོལ་བ་མཛད་དོ། །དེ་བཞིན་གཤེགས་པ་དཔལ་སྒྱུ་འཕྲུལ་ཆེན་མོས་ཡང་ཕྱིས་བསྟན་པ་ལ་མི་སྒྲིབ་པར་བྱ་བའི་ཆེད་དུ་ལས་ཀྱི་འདས་པ་འདི་བཀའ་སྩལ་ཏོ། །འཇིག་རྟེན་དྲུག་གི་ཕྱོགས་བཅུ་
རུ། །འཁོར་ཡུག་དུར་ཁྲོད་ཆེན་པོ་སྟེ། །འབར་བའི་དཀྱིལ་འཁོར་གསལ་གྱུར་ནས། །དྲག་པོ་འདུལ་བའི་དོན་ཆེད་དུ། །དཀྱིལ་འཁོར་འབར་བ་དེ་དབུས་སུ། །ཁྲག་འཐུང་ཡེ་ཤེས་ཆེན་པོ་སྟེ། །དབུ་གསུམ་ཕྱག་དྲུག་ཞབས་བཞིར་བགྲད། །སེར་
ནག་འཇིགས་པ་ཆེན་པོའི་སྐུ། །སངས་རྒྱས་ཁྲོས་པའི་རྒྱལ་མོ་དང་། །མ་ཧཱ་སུ་ཁའི་ཚུལ་དུ་འཁྲིལ། །རྣམ་པར་ཐར་པའི་ཞལ་གསུམ་གྱིས། །ཁམས་གསུམ་མ་ལུས་རྔུབ་ཅིང་གསོལ། །ཐུགས་དམ་སྙིང་རྗེ་ཆེན་པོ་ཡིས། །སྐུ་ཡི་དཀྱིལ་འཁོར་ཆེན་པོར་
བསྡུས། །རྡོ་རྗེ་བན་དར་ལྡན་པ་ཡིས། །ཁྲག་ཆེན་པོ་དག་འཁྲུག་ཅིང་གསོལ། །འཇིགས་པའི་རལ་པ་གྱེན་དུ་འཁྱིལ། །བསྐལ་པའི་མེ་དཔུང་ཆེན་པོའི་དབུས། །གཤོག་སྒྲ་དྲག་པོས་སྟོང་གསུམ་གཡོ། །རྐན་སྒྲ་དྲག་པོས་སྲོག་ཆགས་བརྒྱལ། །སྤྱུགས་
པས་བསོད་ནམས་ལུས་འཇིགས་ཤིང་། །ཡུམ་ཆེན་མོ་དང་མཉམ་པར་སྦྱོར། །སྡིགས་པ་རྡེའུ་ཆུང་ཏྲི་ཤཱུ་ཞིང་། །ཕྱག་ན་བསྣམས་ཤིང་རིལ་མིད་མཛད། །སྟབས་གླུ་ཕྱག་རྒྱ་སྔགས་ཚིག་གིས། །ཞིང་བཅུ་གསོད་ཅིང་ཚུལ་བཞིན་དུ། །ཧ་ཧ་
ཧས་ནི་དགྱེས་པར་མཛད། །ཧེ་ཧེ་ཧེས་ནི་ཡུམ་དང་རོལ། །ཧཱུྃ་ཧཱུྃ་ཧཱུྃ་གིས་ཆར་ཆེན་འབེབས། །ཕཊ་ཕཊ་ཕཊ་ཀྱིས་ཟ་བྱེད་ཆེ། །ཞབས་བཞི་བདུད་བཞི་སྒྲོལ་ཞིང་གནོན། །གཞལ་ཡས་མཐིང་ནག་ཆེན་པོས་ནི། །འཇིག་རྟེན་ཁམས་གསུམ་གྱུར་པ་
104-1-12b


སྟེ། །ཀླུ་ཆེན་རྒྱལ་པོ་མང་པོ་རྣམས། །ཁྱད་པར་ཆེན་པོའི་སྐུ་ལ་བརྒྱན། །སྲོག་ཆགས་ཆེན་པོའི་པགས་ཆེན་ཡང་། །ཚམ་ངམ་ཆེན་པོའི་ན་བཟར་གསོལ། །ཅི་ཡང་སྒྱུར་ཡང་གཟུགས་ཅན་ཏེ། །འཇིགས་བྱེད་སྐུ་སྟེ་ཆོ་འཕྲུལ་བ། །དྲག་ཤུལ་གསུང་གི་ང་རོ་ཡིས། །
གསོད་ཅིང་འཐུང་བའི་ཚོགས་ཆེན་པོ། །སྙིང་རྗེ་མངན་སེམས་ཁྲག་ཆེན་འཐུང་། །གསོད་ཅིང་སྦྱོར་བའི་མཆོད་པ་ལ། །ཤིན་ཏུ་དགྱེས་པ་ཆེན་པོར་སྟོན། །ཧཱུྃ་ཧཱུྃ་ཧཱུྃ། ཧ་ཧ་ཧ་ཧ་ཧ། ཁཱ་ཧི་ཁཱ་ཧི་ཁཱ་ཧི། ཧ་ཧ་ཧ་ས། རུ་རུ་རཀྟ། ཀ་ཀ་ཀར་མ། ཡོ་གི་ནི། རུ་ལུ་རུ་ལུ་རུ་ལུ་ཧཱུྃ། 
རྡོ་རྗེ་རིགས་ཆེན་མི་བསྐྱོད་ཐུགས། །རྡོ་རྗེ་ཁྲག་འཐུང་ཆེན་པོ་སྟེ། །དབུ་གསུམ་ཕྱག་དྲུག་ཞབས་བཞིར་བགྲད། །ཞིང་ཆེན་གཤིབས་པའི་གདན་སྟེངས་ན། །ཞབས་བཞི་བདུད་བཞི་རབ་ཏུ་གནོན། །སྨུག་ནག་འཇིགས་པ་ཆེན་པོའི་སྐུ། །རྡོ་རྗེ་ཁྲོས་པའི་རྒྱལ་མོ་དང་། །
མ་ཧཱ་སུ་ཁའི་ཚུལ་དུ་འཁྲིལ། །རྣམ་པར་ཐར་པའི་ཞལ་གསུམ་གྱིས། །ཁམས་གསུམ་མ་ལུས་རྡུབ་ཅིང་གསོལ། །ཐུགས་དམ་སྙིང་རྗེ་ཆེན་པོ་ཡིས། །ཐུགས་ཀྱི་དཀྱིལ་འཁོར་ཆེན་པོར་བསྡུས། །སྙིང་རྗེ་བན་དྷར་ལྡན་པ་ཡིས། །ཁྲག་ཆེན་པོ་དག་འཁྲུག་ཅིང་
གསོལ། །འཇིགས་པའི་རལ་པ་གྱེན་དུ་འཁྲིལ། །བསྐལ་པའི་མེ་དཔུང་ཆེན་པོའི་དབུས། །གཤོག་སྒྲ་དྲག་པོས་སྟོང་གསུམ་གཡོ། །རྐན་སྒྲས་རིགས་ཀུན་བརྒྱལ་ཞིང་འབུབ། །སྤྱུགས་པས་བསོད་ནམས་ལུས་འཇིག་ཅིང་། །ཡུམ་ཆེན་མོ་དང་མཉམ་པར་སྦྱོར། །སྡིག་
པའི་རི་རབ་ཏྲི་ཤཱུལ་ཞིང་། །ཕྱག་ན་བསྣམས་ཤིང་ཁྲག་འཐུང་བ། །སངས་རྒྱས་ཀུན་ཏུ་བཟང་མོ་དང་། །རོལ་པའི་ཚུལ་གྱིས་མཉམ་སྦྱོར་ཞིང་། །སྟབས་གླུ་ཕྱག་རྒྱ་སྔགས་ཚིག་གིས། །ཞིང་ཆེན་གསོད་ཅིང་ཕུང་མཛད་པ། །ཧ་ཧ་ཧས་ནི་དགྱེས་པར་མཛད། །ཧེ་
ཧེ་ཧེས་ནི་ཡུམ་དང་རོལ། །ཧཱུྃ་ཧཱུྃ་ཧཱུྃ་གིས་ཆར་ཆེན་འབེབས། །ཕཊ་ཕཊ་ཕཊ་ཀྱིས་ཟ་བྱེད་ཆེ། །གཞལ་ཡས་སྨུག་ནག་ཆེན་པོ་སྟེ། །འཇིག་རྟེན་སྟོང་གསུམ་གྱུར་པ་སྟེ། །ཀླུ་ཆེན་རྒྱལ་པོ་མང་པོ་རྣམས། །ཁྱད་པར་ཆེན་པོའི་སྐུ་ལ་བརྒྱན། །སྲོག་ཆགས་
ཆེན་པོའི་ལྤགས་ཆེན་ཡང་། །ཚམ་ངམ་ཆེན་པོ་ན་བཟར་གསོལ། །ཅིར་ཡང་སྒྱུར་བའི་གཟུགས་ཆེན་པོ། །ཆེའོ་ཆེའོ་དཔལ་ཆེན་པོ། །སངས་རྒྱས་སྐུ་ཡང་ཆེམ་ཆེམ་གསོལ། །སྲོག་ཆགས་གཞན་ལྟ་སྨོས་ཅི་དགོས། །འཇིགས་བྱེད་སྐུ་སྟེ་ཆོ་འཕྲུལ་བ། །
104-1-13a


དྲག་ཤུལ་གསུང་གི་ང་རོ་ཡིས། །གསོད་ཅིང་འཐུང་བའི་ཚོགས་ཆེན་པོ། །སྙིང་རྗེ་མངན་སེམས་ཁྲག་ཆེན་འཐུང་། །གསོད་ཅིང་སྦྱོར་བའི་མཆོད་པ་ལ། །ཤིན་ཏུ་དགྱེས་པ་ཆེན་པོར་སྟོན། །ཁྲག་འཐུང་འབར་མ་མ་གཏོགས་པར། །གཅིག་ཀྱང་
གསོན་པར་མི་མཛད་དེ། །དེ་བཞིན་ཐུགས་དམ་ཉིད་བས་ན། །གསད་པའི་རྒྱུ་ལ་ཤིན་ཏུ་དགྱེས། །ཧཱུྃ་ཧཱུྃ་ཧཱུྃ། ཧ་ཧ་ཧ་ཧ་ཧ། ཁཱ་ཧི་ཁཱ་ཧི་ཁཱ་ཧི། ཧ་ཧ་ཧ་ས། རུ་རུ་རུཀྟ། ཀ་ཀ་ཀར་མ། ཡོ་གི་ནི། རུ་ལུ་རུ་ལུ་རུ་ལུ་རུ་ལུ་རུ་ལུ་ཧཱུྃ། རིན་ཆེན་རིགས་ཆེན་ཡོན་ཏན་སྐུ། །རིན་ཆེན་
ཁྲག་འཐུང་ཆེན་པོ་སྟེ། །དབུ་གསུམ་ཕྱག་དྲུག་ཞབས་བཞིར་བགྲད། །སྟི་ར་ཆེ་ཆུང་གདན་ལ་བཞུགས། །བདུད་བཞི་སྟེང་དུ་བརྐྱང་བསྐུམ་པ། །ཉོན་མོངས་ལྔ་དག་ཚར་གཅོད་ཅིང་། །མཐེའུ་ཆུང་སྲིན་ལག་རྩེ་གཉིས་ཀྱིས། །ཨ་མྲྀ་ཏ་ལ་སོགས་པ་ཡི། །བདུད་རྩི་
ཟིལ་མངར་ཆེན་པོ་དག །དང་བའི་སྐུ་ལ་རབ་བརྒྱན་ཅིང་། །སྔོ་གནག་འཇིགས་པ་ཆེན་པོའི་སྐུ། །རིན་ཆེན་ཁྲོས་པའི་རྒྱལ་མོ་དང་། །མ་ཧཱ་སུ་ཁའི་ཚུལ་དུ་འཁྲིལ། །རྣམ་པར་ཐར་པའི་ཞལ་གསུམ་གྱིས། །ཁམས་གསུམ་མ་ལུས་རྡུབ་ཅིང་གསོལ། །ཐུགས་དམ་སྙིང་རྗེ་
ཆེན་པོ་ཡིས། །ཡོན་ཏན་དཀྱིལ་འཁོར་ཆེན་པོར་བསྡུས། །རྡོ་རྗེ་བན་དྷར་ལྡན་པ་ཡིས། །ཁྲག་ཆེན་པོ་དག་འཁྲུག་ཅིང་གསོལ། །འཇིགས་པའི་རལ་བ་གྱེན་དུ་འཁྱིལ། །བསྐལ་པའི་མེ་དཔུང་ཆེན་པོའི་དབུས། །གཤོག་སྒྲ་དྲག་པོས་སྟོང་གསུམ་གཡོ། །རྐན་སྒྲས་ཡོན་
ཏན་རིགས་ཀུན་བརླག །སྤྱུགས་པས་བསོད་ནམས་ལུས་འཇིག་ཅིང་། །ཡུམ་ཆེན་མོ་དང་མཉམ་པར་སྦྱོར། །སྟི་རའི་གློ་སྙིང་འབྱིན་ཅིང་གསོལ། །དགྲ་སྟ་ཏྲི་ཤུལ་རྒྱུ་འདྲེན་ཞགས། །ཕྱག་ན་བསྣམས་ཤིང་ཁྲག་འཐུང་བ། །རིན་ཆེན་ཀུན་ཏུ་བཟང་མོ་དང་། །རོལ་པའི་ཚུལ་
དུ་མཉམ་སྦྱོར་ཞིང་། །སྟབས་གླུ་ཕྱག་རྒྱ་ལྔ་ཚིག་གིས། །ཐམས་ཅད་ཐམས་ཅད་གཅོད་པར་མཛད། །རོལ་པ་ཆེན་པོའི་ཚུལ་བཞིན་དུ། །ཁྲག་ཆེན་པོ་ཡང་ཞལ་གྱིས་འཇིབ། །ཧ་ཧ་ཧས་ནི་དགྱེས་པར་མཛད། །ཧེ་ཧེ་ཧེས་ནི་ཡུམ་དང་རོལ། །ཧཱུྃ་ཧཱུྃ་ཧཱུྃ་གི་ཆར་ཆེན་འབེབས། །
ཕཊ་ཕཊ་ཕཊ་ཀྱིས་ཟ་བྱེད་ཆེ། །གཞལ་ཡས་སྔོ་ནག་ཆེན་པོར་ནི། །འཇིག་རྟེན་སྟོང་གསུམ་གྱུར་པ་སྟེ། །ཀླུ་ཆེན་རྒྱལ་པོ་མང་པོ་རྣམས། །ཁྱད་པར་ཆེན་པོའི་སྐུ་ལ་བརྒྱན། །སྲོག་ཆགས་ཆེན་པོའི་ལྤགས་པ་ཡང་། །ཚམ་ངམ་ཆེན་པོའི་ན་བཟར་གསོལ། །ཅི་ཡང་སྒྱུར་
104-1-13b


བའི་གཟུགས་ཅན་ཏེ། །ཆེའོ་ཆེའོ་དཔལ་ཆེན་པོ། །སངས་རྒྱས་སྐུ་ཡང་ཆེམ་ཆེམ་གསོལ། །གཟུགས་ཁམས་ལྷ་ཚོགས་མང་པོ་ཡང་། །མགོ་ཡི་ཕྲེང་བས་བརྒྱན་དུ་བྱས། །འཇིགས་བྱེད་སྐུ་སྟེ་ཆོ་འཕྲུལ་བ། །དྲག་ཤུལ་གསུང་གི་ང་རོ་ཡིས། །གསོད་ཅིང་འཐུང་བའི་ཚོགས་ཆེན་
པོ། །སྙིང་རྗེ་མངན་སེམས་ཁྲག་ཆེན་འཐུང་། །གསོད་ཅིང་སྦྱོར་བའི་མཆོད་པ་ལ། །ཤིན་ཏུ་དགྱེས་པ་ཆེན་པོར་སྟོན། །ཁྲག་འཐུང་འབར་བ་མ་གཏོགས་པར། །གཅིག་ཀྱང་གསོན་པར་མི་མཛད་དེ། །དེ་བཞིན་ཐུགས་དམ་ཉིད་པས་ན། །གསད་པའི་ལས་ལ་ཤིན་ཏུ་དགྱེས། །
ཧཱུྃ་ཧཱུྃ་ཧཱུྃ། ཧ་ཧ་ཧ་ཧ་ཧ། ཁཱ་ཧི་ཁཱ་ཧི་ཁཱ་ཧི། ཧ་ཧ་ཧ་ས། རུ་རུ་རཀྟ། ཀ་ཀ་ཀར་མ། ཡོ་གི་ནི། རུ་ལུ་རུ་ལུ་རུ་ལུ་རུ་ལུ་རུ་ལུ་ཧཱུྃ། དྲག་པོ་འདུལ་བའི་དོན་ཆེད་དུ། །དཀྱིལ་འཁོར་འབར་བའི་ཕྱོགས་དག་ཏུ། །ཁྲག་འཐུང་པདྨ་ཆེན་པོ་སྟེ། །མཚུངས་པ་མེད་པའི་ཁྱད་པར་མངའ། །
དབུ་གསུམ་ཕྱག་དྲུག་ཞབས་བཞིར་བགྲད། །དམར་ནག་འཇིགས་པ་ཆེན་པོའི་སྐུ། །པདྨ་ཁྲོས་པའི་རྒྱལ་མོ་དང་། །མ་ཧཱ་སུ་ཁའི་ཚུལ་དུ་འཁྲིལ། །རྣམ་པར་ཐར་པའི་ཞལ་གསུམ་གྱིས། །ཁམས་གསུམ་མ་ལུས་རྡུབ་ཅིང་གསོལ། །ཐུགས་དམ་སྙིང་རྗེ་ཆེན་པོ་ཡིས། །
གསུང་གི་དཀྱིལ་འཁོར་ཆེན་པོར་བསྡུས། །རྡོ་རྗེ་བན་དྷར་ལྡན་པ་ཡིས། །ཁྲག་ཆེན་པོ་ཡང་འཁྲུག་ཅིང་གསོལ། །འཇིགས་པའི་རལ་པ་གྱེན་དུ་འཁྱིལ། །བསྐལ་པའི་མེ་དཔུང་ཆེན་པོའི་དབུས། །གཤོག་སྒྲ་དྲག་པོས་སྟོང་གསུམ་གཡོ། །རྐན་སྒྲ་དྲག་པོས་སྲོག་ཆགས་བརྒྱལ། །
སྤྱུགས་པས་བསོད་ནམས་ལུས་འཇིག་ཅིང་། །ཡུམ་ཆེན་མོ་དང་མཉམ་པར་སྦྱོར། །ཏྲི་ཤུལ་རྡེའུ་རྡུང་རྒྱུ་འདྲེན་ཞགས། །ཕྱག་ན་བསྣམས་ཏེ་ཤ་ཁྲག་གསོལ། །གཟུགས་ཁམས་ལྷ་ཚོགས་མང་པོ་དག །དགྲ་བཅོམ་བྱང་ཆུབ་སེམས་དབའ་ཡིས། །མགོ་ཡི་ཕྲེང་བས་བརྒྱན་དུ་
བྱས། །དགོངས་ངེས་བཙན་ཐབས་ཆེན་པོས་མྱོས། །འདོད་ཆགས་བསྙེངས་པའི་དགོངས་པ་ཡིས། །གཟུགས་ཅན་བུད་མེད་ལུས་ཀུན་སྡུད། །ང་རྒྱལ་བསྙེངས་པའི་མཐུ་ཡིས་ནི། །བསོད་ནམས་ཅན་རྣམས་ཐམས་ཅད་གནོན། །ཕྲག་དོག་བསྙེངས་པའི་དགོངས་པ་ཡིས། །
གཟུགས་ཀུན་ཀུན་སྡུས་འཕྲོག་ཅིང་སྦྱོར། །གཏི་མུག་བསྙེངས་པའི་དགོངས་པ་ཡིས། །དབྱེ་བསལ་མི་མཛད་ངེས་པའི་ཐུགས། །མཆོད་དོ་མཆོད་དོ་སྟོབས་ཆེན་པོ། །བདག་ལ་བདག་མཆོད་མཉེས་པ་ཆེ། །ཁྲོ་མོ་པད་མའི་དཀྱིལ་འཁོར་དུ། །འཇིགས་པའི་སྟབས་དང་གར་
104-1-14a


མཛད་བས། །མི་བཟད་མཁའ་འགྲོའི་ཀློང་ཆེན་འབྱུང་། །སྟབས་གླུ་ཕྱག་རྒྱ་སྔགས་ཚིག་གིས། །ཞིང་བཅུ་གསོད་ཅིང་ཚུལ་བཞིན་དུ། །དངོས་ལ་ལོངས་སྤྱོད་ཆེན་པོར་མཛད། །ཧ་ཧ་ཧས་ནི་དགྱེས་པར་མཛད། །ཧེ་ཧེ་ཧེས་ནི་ཡུམ་དང་རོལ། །ཧཱུྃ་ཧཱུྃ་
ཧཱུྃ་གིས་ཆར་ཆེན་འབེབས། །ཕཊ་ཕཊ་ཕཊ་ཀྱིས་ཟ་བྱེད་ཆེ། །ཞབས་བཞི་བདུད་བཞི་སྒྲོལ་ཞིང་གནོན། །གཞལ་ཡས་དམར་ནག་ཆེན་པོར་ནི། །འཇིག་རྟེན་ཁམས་གསུམ་གྱུར་པ་སྟེ། །ཀླུ་ཆེན་རྒྱལ་པོ་མང་པོ་རྣམས། །ཁྱད་པར་ཆེན་པོའི་སྐུ་ལ་བརྒྱན། །སྲོག་
ཆགས་ཆེན་པོའི་ལྤགས་ཆེན་ཡང་། །ཚམ་ངམ་ཆེན་པོའི་ན་བཟར་གསོལ། །ཅིར་ཡང་སྒྱུར་བའི་གཟུགས་ཆེན་ཏེ། །འཇིགས་བྱེད་སྐུ་སྟེ་ཆོ་འཕྲུལ་བ། །དྲག་ཤུལ་གསུང་གི་ང་རོ་ཡིས། །གསོད་ཅིང་འཐུང་བའི་ཚོགས་ཆེན་པོ། །སྙིང་རྗེ་མངན་སེམས་ཕྲག་ཆེན་འཐུང་། །
གསོད་ཅིང་སྦྱོར་བའི་མཆོད་པ་ལ། །ཤིན་ཏུ་དགྱེས་པ་ཆེན་པོར་སྟོན། །ཧཱུྃ་ཧཱུྃ་ཧཱུྃ། ཧ་ཧ་ཧ་ཧ་ཧ། ཁཱ་ཧི་ཁཱ་ཧི་ཁཱ་ཧི། ཧ་ཧ་ཧ་ས། རུ་རུ་རཀྟ། ཀ་ཀ་ཀར་མ། ཡོ་གི་ནི། རུ་ལུ་རུ་ལུ་རུ་ལུ་རུ་ལུ་རུ་ལུ་ཧཱུྃ་བྷྱོ་ཧཱུྃ། དྲག་པོའི་དངོས་གྲུབ་སྦྱིན་མཛད་པ། །དཀྱིལ་འཁོར་འབར་བའི་ཕྱོགས་དག་ཏུ། །
ཁྲག་འཐུང་ལས་ཀྱི་སྐུ་གསུང་ཐུགས། །དབུ་གསུམ་ཕྱག་དྲུག་ཞབས་བཞིར་བགྲད། །ལྗང་ནག་འཇིགས་པ་ཆེན་པོའི་སྐུ། །ལས་ཀྱི་རྒྱལ་ཅིང་ཁྲོས་མ་དང་། །མ་ཧཱ་སུ་ཁའི་ཚུལ་དུ་འཁྲིལ། །རྣམ་པར་ཐར་པའི་ཞལ་གསུམ་གྱིས། །ཁམས་གསུམ་མ་ལུས་རྡུབ་ཅིང་གསོལ། །
ཐུགས་དམ་སྙིང་རྗེ་ཆེན་པོ་ཡིས། །སྟོང་ཁམས་རྣམ་པ་མང་པོ་རྣམས། །སྐུ་ཡི་དཀྱིལ་འཁོར་ཆེན་པོར་བསྡུས། །རྡོ་རྗེ་བན་དྷར་ལྡན་པ་ཡིས། །ཁྲག་ཆེན་པོ་ཡང་འཁྲུག་ཤིང་གསོལ། །འཇིགས་པའི་རལ་པ་གྱེན་དུ་འཁྱིལ། །བསྐལ་པའི་མེ་དཔུང་ཆེན་པོའི་དབུས། །
གཤོག་སྒྲ་དྲག་པོས་སྟོང་གསུམ་གཡོ། །རྐན་སྒྲ་དྲག་པོས་སྲོག་ཆགས་བརྒྱལ། །སྤྱུགས་པས་བསོད་ནམས་ལུས་འཇིག་ཅིང་། །ཡུམ་ཆེན་མོ་དང་མཉམ་པར་སྦྱོར། །རྒྱ་གྲམ་དབྱུག་པ་རྡེའུ་ཆུང་དང་། །ཏྲི་ཤཱུལ་ཞིང་ཆེན་རྒྱུ་ཞགས་འདྲེན། །ཚེམས་རྣོན་སྟི་ར་
ཟ་བྱེད་ཆེ། །སྟབས་གླུ་ཕྱག་རྒྱ་སྔགས་ཚིག་གིས། །ཞིང་བཅུ་གསོད་ཅིང་ཚུལ་བཞིན་དུ། །ཕྲིན་ལས་དཀྱིལ་འཁོར་ཉིད་ལ་མཆོད། །ཧ་ཧ་ཧས་ནི་དགྱེས་པར་མཛད། །ཧེ་ཧེ་ཧེས་ནི་ཡུམ་དང་རོལ། །ཧཱུྃ་ཧཱུྃ་ཧཱུྃ་གིས་ཆར་ཆེན་འབེབས། །ཕཊ་ཕཊ་ཕཊ་ཀྱིས་ཟ་བྱེད་ཆེ། །
104-1-14b


ཞབས་བཞི་བདུད་བཞི་སྒྲོལ་ཞིང་གནོན། །གཞལ་ཡས་ལྗང་ནག་ཆེན་པོར་ནི། །འཇིག་རྟེན་ཁམས་གསུམ་གྱུར་པ་སྟེ། །ཀླུ་ཆེན་རྒྱལ་པོ་མང་པོ་རྣམས། །ཁྱད་པར་ཆེན་པོའི་སྐུ་ལ་བརྒྱན། །སྲོག་ཆགས་ཆེན་པོའི་ལྤགས་ཆེན་ཡང་། །ཚམ་ངམ་ཆེན་པོའི་ན་བཟར་
གསོལ། །ཅིར་ཡང་སྒྱུར་བའི་གཟུགས་ཆེན་པོ། །ཆེའོ་ཆེའོ་དཔལ་ཆེན་པོ། །སངས་རྒྱས་སྐུ་ཡང་ཆེམ་ཆེམ་གསོལ། །སྲོག་ཆགས་གཞན་ལྟ་སྨོས་ཅི་དགོས། །འཇིགས་བྱེད་སྐུ་སྟེ་ཆོ་འཕྲུལ་བ། །དྲག་ཤུལ་གསུང་གི་ང་རོ་ཡིས། །གསོད་ཅིང་འཐུང་བའི་ཚོགས་ཆེན་
པོ། །སྙིང་རྗེ་མངན་སེམས་ཁྲག་ཆེན་དང་། །གསོད་ཅིང་སྦྱོར་བའི་མཆོད་པ་ལ། །ཤིན་ཏུ་དགྱེས་པ་ཆེན་པོར་སྟོན། །ཁྲག་འཐུང་འབར་བ་མ་གཏོགས་པར། །གཅིག་ཀྱང་གསོན་པར་མི་མཛད་དེ། །དེ་བཞིན་ཐུགས་དམ་ཉིད་བས་ན། །གསད་པའི་ལས་ལ་ཤིན་
ཏུ་དགྱེས། །ཧཱུྃ་ཧཱུྃ་ཧཱུྃ། ཧ་ཧ་ཧ་ཧ་ཧ། ཁཱ་ཧི་ཁཱ་ཧི་ཁཱ་ཧི། ཧ་ཧ་ཧ་ས། རུ་རུ་རཀྟ། ཀ་ཀ་ཀར་མ། ཡོ་གི་ནི། རུ་ལུ་རུ་ལུ་རུ་ལུ་རུ་ལུ་རུ་ལུ་ཧཱུྃ་བྷྱོ་ཧཱུྃ། སངས་རྒྱས་ཁྲོས་པའི་རྒྱལ་མོ་སྟེ། །སངས་རྒྱས་ཀུན་གྱི་ཡུམ་ཆེན་མོ། །ཀྲོ་དྷི་ཤྭ་རི་དེ་བཞིན་རིགས། །དབུ་གསུམ་ཕྱག་
དྲུག་ཞབས་བཞིར་བགྲད། །ཁྲོ་གཉེར་སྤྱན་གསུམ་མཆེ་གཙིགས་ཤིང་། །དབུ་སྐྲ་མུཉྫཱ་རྒྱ་བཅིངས་ཏེ། །ཐོད་རློན་མང་པོས་རྒྱན་དུ་བྱས། །སྤྱན་གསུམ་འཇིགས་པའི་སྡང་མིག་ཅན། །སེར་ནག་གྱད་གྱི་འདོར་ཚུལ་དུ། །བན་དྷ་རཀ་ཏར་ལྡན་པ་ཡིས། །
འཁྲིལ་བའི་ཚུལ་གྱིས་གཙོ་ལ་སྟོབས། །དུར་ཁྲོད་འབར་བའི་མེ་ཆེན་དབུས། །ཞབས་བཞི་བརྐྱང་བསྐུམ་གནོན་ཚུལ་དུ། །ཞིང་ཆེན་གཤིབས་པའི་གདན་ལ་བཞུགས། །རྡོ་རྗེ་གཤིབས་པའི་གཤོག་རྐྱོང་ཞིང་། །སྲིན་ལག་མཐེ་བོང་རྩེ་གཉིས་ཀྱིས། །
ཨ་མྲྀ་ཏ་ལ་སོགས་པ་ལྔ། །བླངས་ཏེ་ཐུགས་དམ་སྐུལ་བར་མཛད། །དགྱེས་པས་རྡོ་རྗེ་པད་མར་འཇོག །རོལ་ཕྱིར་སྟ་ན་མཆོག་ཀྱང་མཛད། །ཀ་ལ་གྱི་ལ་དགྱེས་པས་རོལ། །རྡོ་དབྱུག་ཏྲི་ཤཱུལ་སྟི་ར་ཟ། །ཨ་ཨ་ཧི་ཧི་གད་མོས་འགེངས། །ཐུགས་དམ་སྐུ་ཡི་
དཀྱིལ་འཁོར་དུ། །འཇིག་རྟེན་ཇི་སྲིད་ཐམས་ཅད་སྡུད། །ཁམས་གསུམ་ཀུན་གྱི་དབང་སྒྱུར་མཛད། །སངས་རྒྱས་ཀུན་གྱི་ཡུམ་ཆེན་མོ། །པགས་ཆེན་བརྗིད་པའི་གཡང་གཞི་གསོལ། །དཔལ་ཆེན་འབར་བ་མ་གཏོགས་པར། །ཀུན་ཀྱང་ཐལ་བ་བཞིན་དུ་
104-1-15a


རློག །ཁྲོས་པའི་སྙིང་རྗེ་གཡོས་པ་ན། །ཐབས་ཆེན་པོ་ཡང་ཆེམ་ཆེམ་གསོལ། །ཞེ་སྡང་ཆེན་པོའི་དགེགས་ཆེན་ཡང་། །རོལ་པས་དབང་དུ་བསྡུས་ནས་ནི། །ཁྲག་འཐུང་ཆེན་པོའི་ཞལ་དུ་སྟོབས། ཟས་སུ་སྲོག་ཆགས་ཀུན་གསོལ་པ། །
མ་ཧཱ་མང་ས་སྐུ་བརྒྱན་ཅིང་། །ཟླ་གམ་མཆོད་པ་ཆེན་པོ་ཡིས། །ཁྲག་འཐུང་ཆེན་པོ་འཛུམ་པར་མཛད། །ཡིད་དུ་འོང་བའི་གཟུགས་སྟོན་ཅིང་། །ཉམས་ན་རབ་ཏུ་བརླག་པར་མཛད། །རྣལ་འབྱོར་དབང་ཕྱུག་ཆེན་མོ་སྟེ། །དམ་ཚིག་ཅན་ལ་དངོས་གྲུབ་སྦྱིན། །
ཁམས་གསུམ་ཁྲག་ཏུ་བསྒྱུར་ནས་ནི། །ཧུབ་ཧུབ་ཧུབ་ཀྱིས་ཞལ་དུ་གསོལ། །རྡུལ་གྱི་གོང་བུ་མང་པོ་རྣམས། །ཆེམ་ཆེམ་ཆེམ་ཀྱིས་ཞལ་དུ་གསོལ། །སོད་ཅིག་སོད་ཅིག་དཔལ་གྱི་ཡུམ། །ཆོམས་ཤིག་ཆོམས་ཤིག་དཔལ་གྱི་ཡུམ། །གཏོགས་ཤིག་གཏོགས་
ཤིག་དཔལ་གྱི་ཡུམ། །སྲེགས་ཤིག་སྲེགས་ཤིག་དཔལ་གྱི་ཡུམ། །ཆིངས་ཤིག་ཆིངས་ཤིག་དཔལ་གྱི་ཡུམ། །གནོད་པར་བྱེད་པའི་བདུད་རྣམས་ཀུན། །རབ་ཏུ་དྲོངས་ལ་ཚུལ་བཞིན་དུ། །ཁྲག་འཐུང་ཆེན་པོའི་ཞལ་དུ་སྟོབས། །ཁྲག་འཐུང་འབར་བ་མ་
གཏོགས་པར། །གཅིག་ཀྱང་གསོན་པར་མི་མཛད་དེ། །དེ་བཞིན་ཐུགས་དམ་ཉིད་པས་ན། །གསད་པའི་ལས་ལ་ཤིན་ཏུ་དགྱེས། །ཧ་ཧ་ཧ། ཁཱ་ཧི་ཁཱ་ཧི་ཁཱ་ཧི། ཨཱ་ཧོ་སརྦ་ཏ་ཐཱ་ག་ཏ་པྲ་ཛྙཱ་པ་ར་མི་ཏཱ། སིད་དྷ་རུྰ་པེ་ཛ། ལོ་ཧི་ནི་ལ་ཤ་ཏ་ཙ་ར་ན་ཨ་ཁི་ཡ་མེ་ཧུ་བྷོ་ག་ཡོ་
ཀ་ས་མ་ཡོ་བྷ་བེ། ཏ་རུ་ལ་སརྦ་ཡོ་གི་མ་ཧཱ་ན་ར་ནྲི། རཀ་ཏ་ཛཱ་ཡ། སོ་ཁྱ་མ་ནུ་བི་ལ་སི། ཀ་པ་ས་མ་ལེ་མ་ཀུ་དྷ། ཏྲི་ཤཱུ་ལ་རཀྵ་བྷོ་ག་ཡོ་ཀི་ནི། མ་ཧཱ་ས་ཧུ་མཎྜ་ལ་ཏི་ལ་ཀ །བྷན་དྷ་ན། ཨ་ལ་ལ་ཧོ། རྡོ་རྗེ་ཡུམ་ཆེན་རྒྱལ་གཅིག་མ། །ཀྲོ་དྷི་ཤྭ་རི་དཔལ་གྱི་ཡུམ། །སངས་
རྒྱས་ལྔ་ཡི་དབུ་རྒྱན་ཅན། །ཉི་མ་འབུམ་གྱི་གཟི་ལྡན་མ། །ཀེང་རུས་འབུམ་གྱི་གདན་ལ་བཞུགས། །སྨུག་ནག་གྱད་ཀྱི་འདོར་ཚུལ་དུ། །བྷན་དྷ་རཀ་ཏ་གཙོ་ལ་སྟོབས། །གདུག་པའི་ཚོགས་ཆེན་མང་པོ་རྣམས། །མཉེས་བྱེད་ཕྱིར་ན་སྐུ་ལ་འཁྲིལ། །དབུ་གསུམ་
ཕྱག་དྲུག་ཞབས་བཞིར་བགྲད། །ཁྲོ་གཉེར་སྤྱན་བགྲད་མཆེ་གཙིགས་ཤིང་། །དབུ་སྐྲ་མུཉྫཱ་རྒྱ་བཅིངས་ཏེ། །ཐོད་རློན་མང་པོས་རྒྱན་དུ་བྱས། །སྤྱན་གསུམ་འཇིགས་པའི་སྡང་མིག་ཅན། །ཙིཏྟའི་གློ་སྙིང་མང་པོ་རྣམས། །ཞལ་དུ་གསོལ་ནས་འཁྲིལ་ཞིང་བཞུགས། །
104-1-15b


ཆགས་པའི་གར་ཐབས་ཆེན་པོ་ཡིས། །གདུག་པ་ཆེན་པོའི་སྤྲིན་འཕྲོ་ཞིང་། །ལས་སུ་གསོད་ལ་ཤིན་ཏུ་དགྱེས། །དུར་ཁྲོད་འབར་བའི་མེ་ཆེན་དབུས། །ཞབས་ནི་བརྐྱང་བསྐུམ་ཆེན་པོར་བཞུགས། །རྡོ་རྗེ་གཤིབས་པའི་གཤོག་རྐྱོང་ཞིང་། །སྲིན་
ལག་མཐེ་བོང་རྩེ་གཉིས་ཀྱིས། །ཨ་མྲྀ་ཏ་ལ་སོགས་པ་ལྔ། །དང་བའི་སྐུ་ལ་རབ་བརྒྱན་ཅིང་། །དགྱེས་པས་རྡོ་རྗེ་པདྨར་འཇོག །རོལ་ཕྱིར་སྟ་ན་མཆོག་ཀྱང་མཛད། །ཀ་ལ་ཀི་ལས་རོལ་པས་དགྱེས། །རྡོ་རྗེ་རྡེའུ་ཆུང་རྡུང་བ་དང་། །ཏྲི་ཤཱུལ་འཕེན་ཅིང་སྟི་ར་ཟ། །
ཨ་ཨ་ཧི་ཧི་གད་མོས་འགེངས། །ཐུགས་དམ་སྐུ་ཡི་དཀྱིལ་འཁོར་དུ། །འཇིག་རྟེན་ཇི་སྲིད་ཐམས་ཅད་སྡུད། །ཁམས་གསུམ་ཀུན་གྱི་དབང་སྒྱུར་མཛད། །སངས་རྒྱས་ཀུན་གྱི་ཡུམ་ཆེན་མོ། །ལྤགས་ཆེན་བརྗིད་པའི་གཡང་གཞི་གསོལ། །དཔལ་ཆེན་འབར་བ་མ་
གཏོགས་པར། །ཀུན་ཀྱང་ཐལ་བ་བཞིན་དུ་རློག །ཁྲོས་པའི་སྙིང་རྗེ་གཡོས་པས་ན། །ཐབས་ཆེན་པོ་ཡང་ཆེམ་ཆེམ་གསོལ། །ཞེ་སྡང་ཆེན་པོའི་བགེགས་ཆེན་ཡང་། །རོལ་པས་དབང་དུ་བསྡུས་ནས་ནི། །ཁྲག་འཐུང་ཆེན་པོ་ཞལ་དུ་སྟོབས། །སེ་རལ་ཁ་ཡི་ཚུལ་
དག་ཏུ། །ཁ་ཊྭཱྃ་ག་ལ་རྒྱབ་བརྟེན་བྱས། །རོལ་ལ་རྔམ་པའི་ཆ་ལུགས་ཀྱིས། །བཀའ་ལས་འདས་པ་འཕྲོག་ཅིང་གསོལ། །ཟས་སུ་སྲོག་ཆགས་ཀུན་གསོལ་བ། །མ་ཧཱ་མང་སས་སྐུ་བརྒྱན་ཅིང་། །ཟླ་གམ་མཆོད་པ་ཆེན་པོས་ནི། །ཁྲག་འཐུང་བ་ཡི་མདོག་སྐྱེད་ཅིང་། །
ཡིད་དུ་འོང་བའི་གཟུགས་སྟོན་ཅིང་། །ཉམས་ན་རབ་ཏུ་བརླག་པར་མཛད། །རྣལ་འབྱོར་དབང་ཕྱུག་ཆེན་མོ་སྟེ། །དམ་ཚིག་ཅན་ལ་དངོས་གྲུབ་སྦྱིན། །ཁམས་གསུམ་ཁྲག་ཏུ་བསྒྱུར་ནས་ནི། །ཧུབ་ཧུབ་ཧུབ་ཀྱིས་ཞལ་དུ་གསོལ། །ཀེང་རུས་རྡུལ་གྱི་གོང་བུ་རྣམས། །
ཆེམ་ཆེམ་གྱིས་ནི་ཞལ་དུ་གསོལ། །སོད་ཅིག་སོད་ཅིག་རྡོ་རྗེ་ཡུམ། །ཆོམས་ཤིག་ཆོམས་ཤིག་རྡོ་རྗེ་ཡུམ། །གཏོགས་ཤིག་གཏོགས་ཤིག་རྡོ་རྗེ་ཡུམ། །སྲེགས་ཤིག་སྲེགས་ཤིག་རྡོ་རྗེ་ཡུམ། །ཆིངས་ཤིག་ཆིངས་ཤིག་རྡོ་རྗེ་ཡུམ། །གནོད་པར་བྱེད་པའི་བདུད་རྣམས་ཀྱང་། །རབ་ཏུ་དྲོངས་ལ་ཚུལ་བཞིན་
དུ། །ཁྲག་འཐུང་ཆེན་པོའི་ཞལ་དུ་སྟོབས། །ཁྲག་འཐུང་འབར་བ་མ་གཏོགས་པ། །གཅིག་ཀྱང་གསོན་པར་མི་མཛད་དེ། །དེ་བཞིན་ཐུགས་དམ་ཉིད་པས་ན། །གསད་པའི་ལས་ལ་ཤིན་ཏུ་དགྱེས། །ཨོཾ་ཧཱུྃ་ས་ཏྭ་ཀ་ར་རཱུ་པ། རཀ་ཏ་ཛཱ་ལ་སི་པཉྩ་ཏ་ཐཱ་ག་ཏ་སིད་དྷ་ཀ་ཡ་
104-1-16a


རཱུ་པ། པཉྩ་ཙིཏྟ་ཏ་ཐཱ་ག་ཏ་རཱུ་པོ། ཏ་ཐཱ་ག་ཏ་བྷ་ག་སིད་དྷི། ཡོ་ག་ཡོ་གི་ཛཱ་ལ་དྷ། ཧ་ན་བྷན་དྷ་ན་ཨཱ་ལ་ལ་ལ་ཧོ། རིན་ཆེན་ཁྲོས་པའི་རྒྱལ་གཅིག་མ། །ཚད་མེད་བཞི་ཡི་ཡོན་ཏན་ཅན། །བཀྲེས་སྐོམ་ཕོངས་ལ་གཏེར་སྦྱིན་མཛད། །རང་བཞིན་རྣལ་
འབྱོར་ཡིད་བཞིན་གཏེར། །མི་ཟད་མཛོད་དུ་གྱུར་པས་ན། །རྣལ་འབྱོར་མ་ཞེས་མཚན་དུ་གསོལ། །ཡེ་ཤེས་ཁྲོ་མོ་ཁྲོ་རྒྱལ་གཙོ། །དག་པས་མཚན་རྫོགས་རྒྱལ་བའི་ཡུམ། །འཐིང་ནག་གྱད་ཀྱི་འདོར་ཚུལ་གྱིས། །བན་དྷར་རཀ་ཏ་གཙོ་ལ་སྟོབས། །ཉི་མ་འབུམ་
གྱི་གཟི་ལྡན་མ། །གདུག་པའི་ཚོགས་ཆེན་མང་པོ་རྣམས། །མཉེས་པའི་ཕྱིར་ནི་སྐུ་ལ་འཁྲིལ། །ནུ་འབུར་སྟོད་སྨད་དབྱེ་ཞིང་འགྱིང་། །དབུ་གསུམ་ཕྱག་དྲུག་ཞབས་བཞིར་བགྲད། །གཡོན་དུ་འགྱིང་སྟབས་སྦྱོར་བ་ཡིས། །ཐལ་སྒྲ་དྲག་པོས་གདུག་པ་གསོད། །ཁྲོ་
གཉེར་སྤྱན་བགྲད་མཆེ་གཙིགས་ཤིང་། །དབུ་སྐྲ་མུཉྫཱ་རྒྱ་བཅིངས་ཤིང་། །ཐོད་རློན་མང་པོས་རྒྱན་དུ་བྱས། །སྤྱན་གསུམ་འཇིགས་པའི་སྡང་མིག་ཅན། །ཡན་ལག་གཅད་གཏུབས་ཕྲལ་ནས་ཀྱང་། །ཞལ་དུ་གསོལ་ནས་ཆགས་པས་འཁྲིལ། །ཆགས་པའི་གར་
ཐབས་ཆེན་པོས་ནི། །གདུག་པ་ཆེན་པོའི་སྤྲིན་འཕྲོ་ཞིང་། །ལས་སུ་གསོད་ལ་ཤིན་ཏུ་དགྱེས། །དུར་ཁྲོད་འབར་བའི་མེ་ཆེན་དབུས། །ཞབས་ནི་བརྐྱང་བསྐུམ་ཆེན་པོས་ནི། །ཞིང་ཆེན་གཤིབས་པའི་གདན་ལ་བཞུགས། །རིན་ཆེན་གཤིབས་པའི་གཤོག་རྐྱོང་ཞིང་། །
སྲིན་ལག་སྤར་གྱིས་ཁྲག་ཆེན་འཐུང་། །དགྱེས་པས་རྡོ་རྗེ་པད་མར་འཇོག །རོལ་ཕྱིར་སྟ་ན་མཆོག་ཀྱང་མཛད། །ཀ་ལ་ཀི་ལས་དགྱེས་པས་རོལ། །དབྱུག་པ་རྡེའུ་ཆུང་ཁ་ཊྭཱྃ་འཛིན། །གློ་སྙིང་ཡན་ལག་ཀུན་གསོལ་ཞིང་། །ཨ་ཨ་ཧི་ཧི་བཞད་མོས་འགེངས། །རོལ་
བའི་རྐན་སྒྲས་ཐོག་ཐོག་གཡོ། །རྡོ་རྗེ་སྤྱུགས་པས་དགྱེས་མཛད་པའི། །ཐུགས་དམ་སྐུ་ཡི་དཀྱིལ་འཁོར་དུ། །གསད་པའི་དུར་ཁྲོད་ཀུན་གསོལ་མཛད། །ཁམས་གསུམ་ཀུན་གྱི་དབང་མཛད་མ། །སངས་རྒྱས་ཀུན་གྱི་ཡུམ་ཆེན་མོ། །ལྤགས་ཆེན་བརྗིད་པའི་གཡང་
གཞི་གསོལ། །དཔལ་ཆེན་འབར་བ་མ་གཏོགས་པར། །ཀུན་ཀྱང་ཐལ་བ་བཞིན་དུ་རློགས། །ཁྲོས་པའི་སྙིང་རྗེ་གཡོས་པ་ན། །ཐབས་ཆེན་པོ་ཡང་ཆེམ་ཆེམ་གསོལ། །ཞེ་སྡང་ཆེན་པོའི་བགེགས་ཆེན་ཡང་། །རོལ་པས་དབང་དུ་བསྡུས་ནས་ནི། །ཁྲག་འཐུང་
104-1-16b


ཆེན་པོའི་ཞལ་དུ་སྟོབས། །རོ་ལ་བརྐམ་པའི་ཡུམ་ཆེན་མོ། །བཀའ་ལས་འདས་པ་འཕྲོག་ཅིང་གསོལ། །ཟས་སུ་སྲོག་ཆགས་ཀུན་གསོལ་བ། །མ་ཧཱ་མང་སས་སྐུ་བརྒྱན་ཅིང་། །ཟླ་གམ་མཆོད་པ་ཆེན་པོས་ནི། ཁྲག་འཐུང་བ་ཡང་འཛུམ་པར་
མཛད། །ཡིད་དུ་འོང་བའི་གཟུགས་སྟོན་པས། །ཉམས་ན་རབ་ཏུ་བརླག་པར་མཛད། །རྣལ་འབྱོར་ཡུམ་ཆེན་ཆེན་མོ་སྟེ། །དམ་ཚིག་ཅན་ལ་དངོས་གྲུབ་སྦྱིན། །ཁམས་གསུམ་ཁྲག་ཏུ་བསྒྱུར་ནས་ནི། །ཧུབ་ཧུབ་ཀྱིས་ནི་ཞལ་དུ་གསོལ། །སྟི་ར་ཆེ་ཆུང་མང་པོ་རྣམས། །
ཆེམ་ཆེམ་གྱིས་ནི་ཞལ་དུ་གསོལ། །སོད་ཅིག་སོད་ཅིག་རིན་ཆེན་ཡུམ། །ཆོམས་ཤིག་ཆོམས་ཤིག་རིན་ཆེན་ཡུམ། །གཏོགས་ཤིག་གཏོགས་ཤིག་རིན་ཆེན་ཡུམ། །སྲེགས་ཤིག་སྲེགས་ཤིག་རིན་ཆེན་ཡུམ། །ཆིངས་ཤིག་ཆིངས་ཤིག་རིན་ཆེན་ཡུམ། །
གནོད་པར་བྱེད་པའི་བདུད་རྣམས་ཀྱང་། །རབ་ཏུ་རོལ་ལ་ཚུལ་བཞིན་དུ། །ཁྲག་འཐུང་ཆེན་པོའི་ཞལ་དུ་སྟོབས། །ཁྲག་འཐུང་འབར་བ་མ་གཏོགས་པར། །གཅིག་ཀྱང་གསོན་པར་མི་མཛད་དེ། །དེ་བཞིན་ཐུགས་དམ་ཉིད་པས་ན། །གསང་བའི་ལས་ལ་ཤིན་ཏུ་
དགྱེས། །ཨོཾ་ཧཱུྃ་སངས་རྒྱས་ཀུན་གྱི་མི་ཟད་རྒྱན་དང་ལྡན་པ་རང་བཞིན་ཧེ་རུ་དཔལ། །དུར་ཁྲོད་བདག་པོ་ཟ་བྱེད་ཡུམ་ཆེན་མོ། །རྒྱལ་བ་ཀུན་གྱི་ཡོན་ཏན་གཏེར་ལྡན་མ། །བྱང་ཆུབ་སྙིང་པོའི་དགོངས་པ་ངེས་ལྡན་བསྣམས་ཤིང་གསོལ། །རྨོངས་པ་ལོག་པ་ལྔ་དང་ལྡན་
རྣམས་དྲོངས་ལ་ཚུལ་བཞིན་སྟོབས། །ཀུན་གྱི་དབང་མོ་དབང་དང་ལྡན་པའི་ཡུམ་ཆེན་ཀུན་རོལ་ཅིག །སེམས་དཔའ་ཁྲག་འཐུང་ཉིད་ཀྱང་སྐུ་ལ་ཐིམ་པར་རོལ། །ཁྲག་ཆེན་གསོལ་ཞིང་གློ་སྙིང་ཟ་ལ་བརྐམ་པས་རྣལ་འབྱོར་ཀུན་གྱི་ལས་མཛོད་ཅིག །བདག་དང་ལྡན་པས་དཀྱིལ་
འཁོར་མ་ལུས་ཐམས་ཅད་རྫོགས་པ་ཡིན། །ཨ་ལ་ལ་ཧོ། །སྐུ་གསུང་ཐུགས་ལྡན་རྣལ་འབྱོར་མ། །པདྨའི་གསུང་གི་སངས་རྒྱས་ཡུམ། །ཆགས་པའི་པད་མ་རྒྱ་ཅིག་མ། །ཡུམ་ཆེན་ཀྲོ་དྷི་ཤྭ་རི་སྟེ། །སངས་རྒྱས་ལྔ་ཡི་དབུ་རྒྱན་ཅན། །དམར་ནག་སྐུ་ཡི་ཆ་
ལུགས་མ། །དབུ་གསུམ་ཕྱག་དྲུག་ཞབས་བཞིར་བགྲད། །རྡོ་རྗེ་བྷན་དྷར་ལྡན་པ་ཡིས། །ཁྲག་ཆེན་པོ་ཡང་འཁྲུག་ཅིང་གསོལ། །ཆགས་པའི་ཐལ་མོང་བརྐྱང་ནས་ཀྱང་། །ཁྲག་འཐུང་པདྨའི་སྐུ་ལ་འཁྲིལ། །གློག་སྟོང་འགྱུར་བའི་འོད་མངའ་བས། །མུན་པ་ནག་པོ་
104-1-17a


ཐིབས་པོ་སེལ། །སྡང་མིག་མཆེ་གཙིགས་ཚེམས་རྣོན་གསོད། །རྡེའུ་ཆུང་རྡུང་ཞིང་སྟིར་ཆེན་ཟ། །ཤ་ཁྲག་འཛག་ཅིང་རོ་ལ་བརྐམ། །བྱ་བྱེད་མང་པོའི་ནུས་མཐུ་ཡིས། །ལྷ་ཆེན་པོ་ཡི་མགོ་ཡང་འགེམས། །ཚངས་པ་ཆེན་པོའི་ལྤགས་ཆེན་ཡང་། །
ཡུམ་ཆེན་མོ་ཡི་ན་བཟར་གསོལ། །མུཉྫཱ་ཅོད་པན་རལ་པ་ཅན། །གདུག་པ་ཚོགས་ཆེན་མང་པོས་བསྐོར། །ཐོད་རློན་རྒྱན་གྱི་ཕྲེང་བས་བརྒྱན། །བརྐྱང་བསྐུམ་སྟི་རའི་གདན་སྟེངས་ན། །གྱད་ཀྱི་དགྱེས་པའི་འདོར་ཚུལ་གྱིས། །སྟ་ན་བྱེད་ཅིང་རོ་ལ་བརྐམ། །སངས་
རྒྱས་ཀུན་གྱི་ཡུམ་ཆེན་མོ། །བགེགས་ཆེན་ཀུན་ལ་ཚུལ་བཞིན་དུ། །ཁྲག་འཐུང་ཆེན་པོའི་ཞལ་དུ་སྟོབས། །བསྐལ་པའི་མེ་དཔུང་ཆེན་པོའི་དབུས། །ཚོགས་ལ་རོལ་ལ་ཚུལ་བཞིན་དུ། །དང་བའི་སྐུ་ལ་རྒྱན་དུ་བྱས། །ཚམ་ངམ་དྲག་ཤུལ་སྡེར་ཚོགས་དང་། །
དུར་ཁྲོད་ལས་ལ་ཤིན་ཏུ་དགྱེས། །འདི་དག་དགོངས་པའི་དམ་ཚིག་སྟེ། །དེ་བཞིན་མ་བྱས་ཉིད་སྒྲོལ་ཞེས། །དབང་ཕྱུག་རྒྱལ་པོས་རབ་ཏུ་གསུངས་སོ། །ཨོཾ་པཉྩ་རཱུ་པེ་བྷི་ཏ་རཱུ་བེ་བྷི་ཏ་རཱུ་ལ་པདྨ་མ་མ་ཀྲོ་དྷི་ཤྭ་རི་ས་མ་ཡ་ཡོད་བྷ་བད། སརྦ་བྷི་ཤ་རཱུ་པེ་ས་མ་ཡོ་གི་ནི་ཧཱུྃ་
བྷི་ཡུ་ལི་ག་ཐ་པདྨ་ཀྲོ་དྷི་ཤྭ་རི་ས་མ་ཡོ་གི་ནི། ཨ་ཧ་ཧ་མ་ན་ས་མ་ཡ་ཡོ་གི་ནི། པཉྩ་རཱུ་པེ་སིདྡྷི་ཧཱུྃ། ཏ་ཐཱ་ག་ཏ་ཛྙཱ་ན་ཁཱ་ཧི་ཧི། ལས་ཀྱི་རིགས་ཀྱི་ཡུམ་ཆེན་མོ། །སྐུ་མདོག་ལྗང་གནག་འཇིགས་པའི་སྐུ། །ཕྱག་གཉིས་གྱད་ཀྱི་འདོར་ཐབས་ཀྱིས། །བན་དྷར་རཀྟས་
གཙོ་ལ་སྟོབས། །སྣུམ་ཆེན་ལྡན་ཞིང་རོ་ལ་བརྐམ། །ཀྲོ་དྷི་ཤྭ་རི་ཡུམ་ཆེན་མོ། །དབུ་གསུམ་ཕྱག་དྲུག་ཞབས་བཞི་བགྲད། །ཁྲོ་གཉེར་སྡང་མིག་མཆེ་གཙིགས་ཤིང་། །ཉི་མ་འབུམ་གྱི་གཟི་ལྡན་ཞིང་། །གདུག་པའི་ཚོགས་ཆེན་མང་པོ་རྣམས། །མཉེས་བྱེད་
ཕྱིར་ནི་སྐུ་ལ་འཁྲིལ། །ནུ་འབུར་སྟོད་སྨད་དབྱེ་ཞིང་འགྱིང་། །གཡོན་དུ་འགྱིང་སྟབས་སྦྱོར་བ་ཡིས། །ཐལ་སྒྲ་དྲག་པོས་གདུག་པ་གསོད། །དབུ་སྐྲ་མུཉྫ་རྒྱ་བཅིངས་ཤིང་། །ཐོད་རློན་མང་པོས་རྒྱན་དུ་བྱས། །སྤྱན་གསུམ་འཇིགས་པའི་སྡང་མིག་ཅན། །ཡན་ལག་
ནང་གྲོལ་དྲངས་ནས་ཀྱང་། །ཞལ་དུ་གསོལ་ནས་ཆགས་པས་འཁྲིལ། །ཆགས་པའི་གར་ཐབས་ཆེན་པོ་ཡིས། །གདུག་པ་ཆེན་པོའི་སྤྲིན་འཕྲོ་ཞིང་། །ལས་སུ་གསོད་ལ་ཤིན་ཏུ་དགྱེས། །དུར་ཁྲོད་འབར་བའི་མེ་ཆེན་དབུས། །ཞབས་བཞི་བརྐྱང་བསྐུམ་སྣོལ་མར་
104-1-17b


ཡང་། །ཀེང་རུས་ཚོགས་ཆེན་གདན་ལ་བཞུགས། །པདྨ་གཤིབས་པའི་གཤོག་རྐྱོང་ཞིང་། །སྙིམ་པ་སྦར་གྱིས་ཁྲག་ཆེན་འཐུང་། །དགྱེས་པས་རྡོ་རྗེ་པདྨར་འཇོམས། །རོལ་ཕྱིར་སྟ་ན་མཆོག་ཀྱང་མཛད། །ཀ་ལ་ཀི་ལས་དགྱེས་པས་རོལ། །རལ་གྲི་དགྲ་སྟ་
རྡེའུ་ཆུང་ཞིང་། །འཇིགས་པའི་གཟུགས་ཀྱིས་ཕྱག་ན་བསྣམས། །སྟི་རིའི་ཞགས་པ་འདྲེན་ཅིང་གསོལ། །ཨ་ཨ་ཧི་ཧི་བཞད་མོས་དགྱེས། །རོལ་བའི་རྐན་སྒྲས་སྟོང་གསུམ་གཡོ། །རྡོ་རྗེ་སྤྱུགས་པས་དགྱེས་མཛད་པའི། །ཐུགས་དམ་སྐུ་ཡི་དཀྱིལ་འཁོར་དུ། །
ཁམས་གསུམ་མ་ལུས་ཀུན་འདུས་པ། །ཁམས་གསུམ་ཀུན་གྱི་དབང་མཛད་མ། །སངས་རྒྱས་ཀུན་གྱི་ཡུམ་ཆེན་མོ། །ལྤགས་ཆེན་བརྗིད་པའི་གཡང་གཞི་གསོལ། །དཔལ་ཆེན་འབར་བ་མ་གཏོགས་པ། །ཀུན་ཀྱང་ཐལ་བ་བཞིན་དུ་རློགས། །ཁྲོས་པའི་སྙིང་རྗེ་
གཡོས་པ་ན། །ཐབས་ཆེན་པོ་ཡང་ཆེམ་ཆེམ་གསོལ། །ཞེ་སྡང་ཆེན་པོའི་བགེགས་ཆེན་ཡང་། །རོལ་པས་དབང་དུ་བསྡུས་ནས་ནི། །ཁྲག་འཐུང་ལས་ཀྱི་ཞལ་དུ་སྟོབས། །རོ་ལ་བརྐམ་པའི་ཡུམ་ཆེན་མོ། །བཀའ་ལས་འདས་པ་འཕྲོག་ཅིང་གསོལ། །ཟས་སུ་
སྲོག་ཆགས་ཀུན་གསོལ་བ། །མ་ཧཱ་མང་སས་སྐུ་བརྒྱན་ཅིང་། །ཟླ་གམ་མཆོད་པ་ཆེན་པོ་སྟོབས། །ཡིད་དུ་འོང་བའི་གཟུགས་སྟོན་པས། །ཉམས་ན་རབ་ཏུ་བརླག་པར་མཛད། །རྣལ་འབྱོར་ཡུམ་ཅིག་ཆེན་མོ་དང་། །དམ་ཚིག་ཅན་ལ་དངོས་གྲུབ་སྦྱིན། །ཁམས་
གསུམ་ཁྲག་ཏུ་བསྒྱུར་ནས་ནི། །ཧུབ་ཧུབ་ཀྱིས་ནི་ཞལ་དུ་གསོལ། །སྟི་ར་ཆེ་ཆུང་མང་པོ་རྣམས། །ཆེམ་ཆེམ་གྱིས་ནི་ཞལ་དུ་གསོལ། །སོད་ཅིག་སོད་ཅིག་ལས་ཀྱི་ཡུམ། །ཆོམས་ཤིག་ཆོམས་ཤིག་ལས་ཀྱི་ཡུམ། །གཏོགས་ཤིག་གཏོགས་ཤིག་
ལས་ཀྱི་ཡུམ། །ཆོམས་ཤིག་སྡོམས་ཤིག་ལས་ཀྱི་ཡུམ། །སྲེགས་ཤིག་སྡོམས་ཤིག་ལས་ཀྱི་ཡུམ། །གནོད་པར་བྱེད་པའི་བདུད་རྣམས་ཀྱང་། །རབ་ཏུ་དྲོངས་ལ་ཚུལ་བཞིན་དུ། །ཁྲག་འཐུང་ཆེན་པོའི་ཞལ་དུ་སྟོབས། །ཁྲག་འཐུང་འབར་བ་མ་
གཏོགས་པ། །གཅིག་ཀྱང་གསོན་པར་མི་མཛད་དེ། །དེ་བཞིན་ཐུགས་དམ་ཉིད་པས་ན། །གསད་པའི་ལས་ལ་ཤིན་ཏུ་དགྱེས། །ཧ་ཧ་ཁཱ་ཧི་ཁཱ་ཧི། ཨོཾ་ཧཱུྃ་ལས་སུ་གསོད་ལ་དགའ་བའི་རྣལ་འབྱོར་མ། །བདེ་གཤེགས་ལས་ཀྱི་རིགས་ཀུན་སྐུ་ལ་རྫོགས་པར་
104-1-18a


རབ་སྣང་ཡུམ་ཆེན་མོ། །ཚམ་ངམ་བརླང་བའི་ཟ་སྟངས་གར་དང་བཅས་ཏེ་གཙོ་ལ་སྟོབས། །ཀུན་གྱི་དབང་དང་ལྡན་པ་བསོད་ནམས་ལུས་ལ་དབང་སྒྱུར་མ། །སྡེར་ཆགས་མང་པོའི་ཚོགས་དང་བཅས་ཏེ་རོལ་ཅིང་དགྱེས་པར་མཛོད། །ཤ་ཁྲག་དམར་ཆེན་
མཆོག་ལ་དགའ་བས་དང་དུ་ཀུན་ལོང་ལ། །རྣལ་འབྱོར་དམ་ཚིག་ཅན་ལ་བྱིན་གྱིས་རློབས། །ཨ་ལ་ལ་ཧོ། །དཔལ་ཆེན་འབར་བའི་ཐུགས་ཀ་ནས། །རྣམ་པར་བསྒྱུར་བའི་གཟུགས་བྱུང་བ། །ཅིར་ཡང་འགྱུར་བའི་སྐུ་མངའ་བ། །རྣལ་འབྱོར་སྔོ་གནག་ཀེའུ་
རིམ། །ཁྲོ་གཉེར་སྤྱན་བགྲད་མཆེ་གཙིགས་ཤིང་། །རལ་པ་འཁྱིལ་བའི་མུཉྫཱ་ལ། །ཐོད་རློན་ཚོགས་ཀྱིས་རྣམ་པར་བརྒྱན། །དབུ་གསུམ་ཕྱག་དྲུག་ཞབས་བཞིར་བགྲད། །མི་ལྤགས་རློན་པའི་གཡང་གཞི་གསོལ། །སྟི་ར་ཆུང་ངུ་མང་པོའི་ཚོགས། །བརྒྱུས་
ནས་སྐུ་ཡི་རྒྱན་དུ་བྱས། །འཇིག་རྟེན་སྲེག་པའི་མེ་དཀྱིལ་ནས། །ཚམ་ངམ་གཟུགས་སྐུ་ཆེན་པོ་ཡིས། །ཞིང་ཆེན་གཤིབས་པའི་གདན་སྟེངས་ན། །བདུད་བཞི་གནོན་པའི་ཚུལ་དུ་བཞུགས། །རྡོ་རྗེ་བན་དྷར་ལྡན་པ་ཡིས། །ཁྲག་ཆེན་པོ་ཡང་འཁྲུག་ཅིང་གསོལ། །
སྡེར་ཆེན་གློ་སྙིང་འདྲེན་ཚུལ་དུ། །ཁྲག་འཐུང་ཆེན་པོའི་ཞལ་དུ་སྟོབས། །དབྱུག་པ་རྡེའུ་ཆུང་ཕྱག་ན་བསྣམས། །འཇིགས་སུ་རུང་བའི་རྐན་སྒྲ་དང་། །དགྱེས་པ་ཆེན་པོའི་སྤྱུགས་པ་ཡིས། །སེ་གོལ་སྣོལ་མར་གཏོགས་ནས་ནི། །ཞིང་བཅུ་དྲངས་ནས་ཚུལ་བཞིན་དུ། །ཁྲག་
འཐུང་ཆེན་པོའི་ཞལ་དུ་སྟོབས། །སངས་རྒྱས་ཀུན་གྱི་ཡུམ་ཆེན་མོ། །སྟབས་གླུ་ཕྱག་རྒྱ་སྔགས་ཚིག་གིས། །ལོག་པར་ལྟ་བའི་བདུད་རྣམས་ཀུན། །ཚམ་ངམ་སྐུས་ནི་ཚུལ་བཞིན་དུ། །དབང་དུ་བསྡུ་བ་མཛད་ནས་ནི། །རོ་ལ་བསྐམ་པའི་སྟངས་ཀྱིས་སུ། །ཁྲ་འཐུང་
ཆེན་པོའི་ཞལ་དུ་སྟོབས། །རོལ་ཅིག་སྤྲུལ་ཅིག་རྣལ་འབྱོར་མ། །སོད་ཅིག་ལོངས་ཤིག་རྣལ་འབྱོར་མ། །སྟོར་ཅིག་སྦྱོངས་ཤིག་རྣལ་འབྱོར་མ། །ཆོམས་ཤིག་ཆོམས་ཤིག་རྣལ་འབྱོར་མ། །དེ་བཞིན་ཐུགས་དམ་ཉིད་པས་ན། །གསད་པའི་ལས་ལ་ཤིན་ཏུ་དགྱེས། །
དྲོངས་ཤིག་དྲོངས་ཤིག་ཛ་ཛ། །ཆིངས་ཤིག་ཆིངས་ཤིག་ཧཱུྃ་ཧཱུྃ། སྡོམས་ཤིག་སྡོམས་ཤིག་ཧ་ཧ། །རོལ་ཅིག་རོལ་ཅིག་ཕཊ་ཕཊ། །དེ་བཞིན་མ་བྱས་དེ་ཉིད་བརླག །སྐུ་ཡི་དཀྱིལ་འཁོར་མཛོད་སྟོང་པ། །སངས་རྒྱས་ཀུན་གྱི་ཡུམ་ཆེན་མོ། །རྣལ་འབྱོར་སེར་ནག་
104-1-18b


ཙཽ་རཱི་མ། །འཇིགས་སུ་རུང་བའི་གཟུགས་འཆང་བ། །ཁྲོ་གཉེར་སྤྱན་བགྲད་མཆེ་གཙིགས་ཤིང་། །རལ་པ་འཁྱིལ་བའི་མུཉྫཱ་ལ། །ཐོད་རློན་ཚོགས་ཀྱིས་རྣམ་པར་བརྒྱན། །དབུ་གསུམ་ཕྱག་དྲུག་ཞབས་བཞིར་དགྲད། །མི་ལྤགས་རློན་པའི་གཡང་གཞི་གསོལ། །
སྟི་ར་ཆུང་ངུ་མང་པོའི་ཚོགས། །བརྒྱུས་ནས་སྐུ་ཡི་རྒྱན་དུ་བྱས། །འཇིག་རྟེན་སྲེག་པའི་མེ་དཀྱིལ་ནས། །ཚམ་ངམ་བརྐྱང་བསྐུམ་ཆེན་པོས་ནི། །ཞིང་ཆེན་གཤིབས་པའི་གདན་སྟེངས་ན། །བདུད་བཞི་གདོན་པའི་ཚུལ་དུ་བཞུགས། །རྡོ་རྗེ་བན་དྷར་ལྡན་པ་ཡིས། །ཁྲག་
ཆེན་པོ་ཡང་འཁྲུག་ཅིང་གསོལ། །སྟིར་ཆེན་གློ་སྙིང་འདྲེན་ཚུལ་དུ། །ཁྲག་འཐུང་ཆེན་པོའི་ཞལ་དུ་སྟོབས། །དྲག་ཤུལ་མདའ་འཕེན་འགེངས་པ་ཡིས། །དཔལ་ཆེན་འབར་བའི་ཐུགས་ཀར་གཟོ། །རྡེའུ་ཆུང་ཏྲི་ཤཱུལ་ཕྱག་ན་བསྣམས། །འཇིགས་སུ་རུང་བའི་རྐན་སྒྲ་དང་། །
དགྱེས་པ་ཆེན་པོའི་སྤྱུགས་པ་ཡིས། །དཔལ་ཆེན་འབར་བའི་ཐུགས་ཀར་གཟོ། །སེ་གོལ་སྣོལ་མར་གཏོགས་ནས་ནི། །ཞིང་བཅུ་དྲངས་ཏེ་ཚུལ་བཞིན་དུ། །ཁྲག་འཐུང་འབར་བའི་སྐུ་ལ་སྟོབས། །སངས་རྒྱས་ཀུན་གྱི་ཡུམ་ཆེན་མོ། །སྟབས་གླུ་ཕྱག་རྒྱ་སྔགས་ཚིག་གིས། །
ལོག་པར་ལྟ་བའི་བདུད་རྣམས་ཀུན། །སེ་གོལ་སྣོལ་མར་གཏོགས་ནས་ནི། །ཞིང་བཅུ་དྲངས་ཏེ་ཚུལ་བཞིན་དུ། །ཁྲག་འཐུང་འབར་བའི་སྐུ་ལ་སྟོབས། །སངས་རྒྱས་ཀུན་གྱི་ཡུམ་ཆེན་མོ། །སྟབས་གླུ་ཕྱག་རྒྱ་སྔགས་ཚིག་གིས། །ལོག་པར་ལྟ་བའི་བདུད་རྣམས་ཀུན། །
ཚམ་ངམ་སྐུས་ནི་ཚུལ་བཞིན་དུ། །དབང་དུ་བསྡུ་བ་མཛད་ནས་ནི། །རོ་ལ་བསྐམ་པའི་ཟ་སྟངས་ཀྱིས། །ཁྲག་འཐུང་འབར་མའི་ཞལ་དུ་སྟོབས། །རོལ་ཅིག་སྤྲུལ་ཅིག་རྣལ་འབྱོར་མ། །སོད་ཅིག་ལོང་ཤིག་རྣལ་འབྱོར་མ། །གཏོགས་ཤིག་སྦྱོངས་ཤིག་རྣལ་འབྱོར་མ། །
ཆོམས་ཤིག་ཆོམས་ཤིག་རྣལ་འབྱོར་མ། །དེ་བཞིན་ཐུགས་དམ་ཉིད་པས་ན། །གསད་པའི་ལས་ལ་ཤིན་ཏུ་དགྱེས། །དྲོངས་ཤིག་དྲོངས་ཤིག་ཛཿཛཿ། །ཆིངས་ཤིག་ཆིངས་ཤིག་ཧཱུྃ་ཧཱུྃ། །སྡོམས་ཤིག་སྡོམས་ཤིག་ཧ་ཧ། །སྒྲོལ་ཅིག་སྒྲོལ་ཅིག་ཕཊ་ཕཊ། །དེ་བཞིན་
མ་བྱས་དེ་ཉིད་བརླག །ཁྲོ་མོ་རྣལ་འབྱོར་དམར་ནག་སྐུ། །ཁྲོ་གཉེར་སྤྱན་དགྲད་མཆེ་གཙིགས་ཤིང་། །འཇིགས་སུ་རུང་བའི་སྡང་མིག་ཅན། །རལ་པ་མུཉྫཱ་རྒྱ་བཅིངས་ཤིང་། །ཐོད་རློན་མང་པོའི་ཅོད་པན་ཅན། །སྟི་རའི་ཕྲེང་བས་རྒྱན་དུ་བྱས། །ཀོ་རློན་མང་པོའི་ན་བཟར་
104-1-19a


གསོལ། །མི་ལྤགས་གཡང་གཞི་ཤམ་ཐབས་ཅན། །དབུ་གསུམ་ཕྱག་དྲུག་ཞབས་བཞིར་བགྲད། །གསུང་གི་དཀྱིལ་འཁོར་མཛོད་གཏོང་བ། །སངས་རྒྱས་ཀུན་གྱི་ཡུམ་ཆེན་མོ། །རྣལ་འབྱོར་ཆེན་མོ་པྲ་མོ་ཧ། །དུར་ཁྲོད་མང་པོའི་ཚོགས་དང་ནི། །
གསུར་ཆེན་སྲེག་པའི་མེ་ཆེན་དབུས། །ཚམ་ངམ་བརྐྱང་བསྐུམ་ཆེན་པོས་ནི། །ཞིང་ཆེན་གཤིགས་པའི་གདན་སྟེངས་ན། །བདུད་བཞི་གནོན་པའི་ཚུལ་དུ་བཞུགས། །རྡོ་རྗེ་བན་དྷར་ལྡན་པ་ཡིས། །ཁྲག་ཆེན་པོ་དག་འཁྲུག་ཅིང་གསོལ། །སྟིར་ཆེན་གློ་སྙིང་འདྲེན་ཚུལ་
དུ། །ཁྲག་འཐུང་ཆེན་པོའི་ཞལ་དུ་སྟོབས། །ཆུ་སྲིན་རྒྱལ་མཚན་རྡེའུ་ཆུང་བརྡུང་། །འཇིགས་སུ་རུང་བའི་རྐན་སྒྲ་དང་། །དགྱེས་པ་ཆེན་པོའི་སྤྱུགས་པ་ཡིས། །སེ་གོལ་སྣོལ་མར་གཏོགས་ནས་ནི། །ཞིང་བཅུ་དྲངས་ཏེ་ཚུལ་བཞིན་དུ། །ཁྲག་འཐུང་འབར་བའི་ཞལ་དུ་སྟོབས། །
ཁམས་གསུམ་ཟ་བྱེད་ཞལ་དུ་སྟོབས། །པདྨ་གསུང་གི་ཡུམ་ཆེན་མོ། །གཞལ་ཡས་དམར་ནག་ཆེན་པོ་ནས། །སྟབས་གླུ་ཕྱག་རྒྱ་སྔགས་ཚིག་གིས། །བར་ཆད་བྱེད་པའི་བགེགས་ཆེན་ཀུན། །ཚམ་ངམ་སྐུས་ནི་ཚུལ་བཞིན་དུ། །དབང་དུ་བསྡུ་བ་མཛད་ནས་ནི། །གར་མཁན་
ཆེན་མོའི་སྟོབས་ཚུལ་གྱིས། །ཁྲག་འཐུང་ཆེན་པོའི་ཞལ་དུ་སྟོབས། །ཁྲོ་མོ་རྣལ་འབྱོར་ཁྱོད་ཀྱིས་རོལ། །ཁྲོ་མོ་རྣལ་འབྱོར་ཁྱོད་ཀྱིས་སོད། །ཁྲོ་མོ་རྣལ་འབྱོར་ཁྱོད་ཀྱིས་ནི། །ལོངས་ཤིག་ཆིངས་ལ་ཚུལ་བཞིན་དུ། །གཏོགས་ཤིག་སྦྱོངས་ལ་བསྣམས་སུ་གསོལ། །
དེ་བཞིན་ཐུགས་དམ་ཉིད་པས་ན། །དེ་བཞིན་མ་བྱས་དེ་ཉིད་བརླག །ཧ་ཧ་ཧ། ཁཱ་ཧི་ཁཱ་ཧི་ཁཱ་ཧི། རྣལ་འབྱོར་ཁྲོ་མོ་མཐིང་ནག་སྐུ། །སྟིར་ཆེན་ཟ་བའི་བེ་ཏ་ལཱི། །ཁྲོ་གཉེར་སྤྱན་བགྲད་མཆེ་གཙིགས་ཤིང་། །འཇིགས་སུ་རུང་བའི་སྡང་མིག་ཅན། །རལ་པ་འཁྱིལ་བའི་
མུཉྫཱ་ལ། །ཐོད་རློན་ཚོགས་ཀྱིས་རྣམ་པར་བརྒྱན། །དབུ་གསུམ་ཕྱག་དྲུག་ཞབས་བཞིར་བགྲད། །མི་ལྤགས་རློན་པའི་གཡང་གཞི་གསོལ། །སྟི་ར་ཆུང་ངུ་མང་པོའི་ཚོགས། །བརྒྱུས་ནས་སྐུ་ཡི་རྒྱན་དུ་བྱས། །འཇིག་རྟེན་སྲེག་པའི་མེ་དཀྱིལ་ན། །ཚམ་ངམ་
བརྐྱང་བསྐུམ་ཆེན་པོས་ནི། །ཞིང་ཆེན་གཤིབས་པའི་གདན་སྟེངས་ན། །བདུད་བཞི་གནོན་པའི་ཚུལ་དུ་བཞུགས། །རྡོ་རྗེ་གདུགས་པའི་གླང་ཆེན་འགེམས། །འཁྲིལ་བས་གྱད་ཀྱི་འདོར་ཚུལ་དུ། །བན་དྷ་རཀ་ཏས་ཞལ་དུ་སྟོབས། །སྟིར་ཆེན་ཟ་ཞིང་རྡེའུ་ཆུང་
104-1-19b


རྡུང་། །སྟིར་ཆེན་གློ་སྙིང་འདྲེན་ཚུལ་དུ། །ཁྲག་འཐུང་ཆེན་པོའི་ཞལ་དུ་སྟོབས། །འཇིགས་སུ་རུང་བའི་རྐན་སྒྲ་དང་། །དགྱེས་པ་ཆེན་པོའི་སྤྱུགས་པ་ཡིས། །སེ་གོལ་སྣོལ་མར་གཏོགས་ནས་ནི། །ཞིང་བཅུ་དྲངས་ཏེ་ཚུལ་བཞིན་དུ། །ཁྲག་འཐུང་ཆེན་པོའི་ཞལ་དུ་སྟོབས། །
སངས་རྒྱས་ཀུན་གྱི་ཡུམ་ཆེན་མོ། །སྟབས་གླུ་ཕྱག་རྒྱ་སྔགས་ཚིག་གིས། །ལོག་པར་ལྟ་བའི་བདུད་རྣམས་ཀུན། །ཚམ་ངམ་སྐུས་ནི་ཚུལ་བཞིན་དུ། །དབང་དུ་བསྡུ་བ་མཛད་ནས་ནི། །རོ་ལ་བསྐམ་པའི་ཟ་སྟངས་ཀྱིས། །ཁྲག་འཐུང་ཆེན་པོའི་ཞལ་དུ་སྟོབས། །རོལ་
ཅིག་སྤྲུལ་ཅིག་རྣལ་འབྱོར་མ། །སོད་ཅིག་ལོང་ཤིག་རྣལ་འབྱོར་མ། །གཏོར་ཅིག་སྤྱོངས་ཤིག་རྣལ་འབྱོར་མ། །ཆོམས་ཤིག་ཆོམས་ཤིག་རྣལ་འབྱོར་མ། །དེ་བཞིན་ཐུགས་དམ་ཉིད་པས་ན། །གསད་པའི་ལས་ལ་ཤིན་ཏུ་དགྱེས། །དྲོངས་ཤིག་དྲོངས་
ཤིག་ཛཿཛཿཛཿ། །ཆིངས་ཤིག་ཆིངས་ཤིག་ཧཱུྃ་ཧཱུྃ་ཧཱུྃ། །སྡོམས་ཤིག་སྡོམས་ཤིག་ཧ་ཧ་ཧ། །སྒྲོལ་ཅིག་སྒྲོལ་ཅིག་ཕཊ་ཕཊ་ཕཊ། །དེ་བཞིན་མ་བྱས་དེ་ཉིད་བརླག །རྣལ་འབྱོར་ཁྲོ་མོ་ལྗང་ནག་སྐུ། །སྟིར་ཆེན་ཟ་བའི་གྷསྨ་རཱི། །ཁྲོ་གཉེར་སྤྱན་བགྲད་
མཆེ་གཙིགས་ཤིང་། །འཇིགས་སུ་རུང་བའི་སྡང་མིག་ཅན། །རལ་པ་འཁྱིལ་བའི་མུན་ཛཱ་ལ། །ཐོད་རློན་ཚོགས་ཀྱིས་རྣམ་པར་བརྒྱན། །དབུ་གསུམ་ཕྱག་དྲུག་ཞབས་བཞིར་བགྲད། །མི་ལྤགས་རློན་པའི་གཡང་གཞི་གསོལ། །སྟི་ར་ཆུང་ངུ་མང་
པོའི་ཚོགས། །བརྒྱུས་ནས་སྐུ་ཡི་རྒྱན་དུ་བྱས། །དུར་ཁྲོད་ཆེན་པོའི་མེ་ཆེན་དབུས། །ཚམ་ངམ་བརྐྱང་བསྐུམ་ཆེན་པོས་ནི། །ཞིང་ཆེན་གཤིབས་པའི་གདན་སྟེངས་ན། །བདུད་བཞི་གནོན་པའི་ཚུལ་དུ་བཞུགས། །རྡོ་རྗེ་བན་དར་ལྡན་པ་ཡིས། །
ཁྲག་ཆེན་པོ་ཡང་དཀྲུག་ཅིང་གསོལ། །སྟིར་ཆེན་གློ་སྙིང་འདྲེན་ཚུལ་དུ། །ཁྲག་འཐུང་ཆེན་པོའི་ཞལ་དུ་སྟོབས། །ཏྲི་ཤུལ་འཕེན་ཚུལ་རྡེའུ་ཆུང་ཞབས། །འཇིགས་སུ་རུང་བའི་རྐན་སྒྲ་དང་། །དགྱེས་པ་ཆེན་པོའི་སྤྱུགས་པ་དང་། །སེ་གོལ་སྣོལ་
མར་གཏོགས་ནས་ནི། །ཞིང་བཅུ་དྲངས་ཏེ་ཚུལ་བཞིན་དུ། །ཁྲག་འཐུང་ཆེན་པོའི་ཞལ་དུ་སྟོབས། །སངས་རྒྱས་ཀུན་གྱི་ཡུམ་ཆེན་མོ། །སྟབས་གླུ་ཕྱག་རྒྱ་སྔགས་ཚིག་གིས། །ལོག་པར་ལྟ་བའི་བདུད་རྣམས་ཀུན། །རབ་ཏུ་དྲོངས་ལ་ཚུལ་
104-1-20a


བཞིན་དུ། །རོ་ལ་བརྐམ་པའི་ཟ་སྟངས་ཀྱིས། །ཁྲག་འཐུང་ཆེན་པོའི་ཞལ་དུ་སྟོབས། །རོལ་ཅིག་སྤྲུལ་ཅིག་རྣལ་འབྱོར་མ། །སོད་ཅིག་ལོང་ཤིག་རྣལ་འབྱོར་མ། །གཏོགས་ཅིག་སྦྱོངས་ཤིག་རྣལ་འབྱོར་མ། །ཆོམས་ཤིག་ཆོམས་
ཤིག་རྣལ་འབྱོར་མ། །དེ་བཞིན་ཐུགས་དམ་ཉིད་པས་ན། །གསད་པའི་ལས་ལ་ཤིན་ཏུ་དགྱེས། །དྲོངས་ཤིག་དྲོངས་ཤིག་ཛཿཛཿཛཿ། །ཆིངས་ཤིག་ཆིངས་ཤིག་ཧཱུྃ་ཧཱུྃ་ཧཱུྃ། །སྡོམས་ཤིག་སྡོམས་ཤིག་ཧ་ཧ་ཧ། །སྒྲོལ་ཅིག་སྒྲོལ་ཅིག་ཕཊ་ཕཊ་ཕཊ། །
དེ་བཞིན་མ་བྱས་དེ་ཉིད་བརླག །ཧཱུྃ་ཧཱུྃ་ཧཱུྃ་ཧཱུྃ་ཧཱུྃ། ཁཱ་ཧི་ཁཱ་ཧི་ཁཱ་ཧི་ཁཱ་ཧི་ཁཱ་ཧི། རྣལ་འབྱོར་ཁྲོ་མོ་སེར་ནག་སྐུ། །སྟིར་ཆེན་ཟ་བའི་ཙཎ་ཌ་ལཱི། །གཏུམ་མོ་ཆེན་མོ་ཞེ་སྡང་འཇོམས། །ཁྲོ་གཉེར་སྤྱན་བགྲད་མཆེ་གཙིགས་ཤིང་། །འཇིགས་སུ་རུང་བའི་སྡང་མིག་
ཅན། །སྟིར་ཆེན་ནང་གྲོལ་འབྱིན་ཅིང་གསོལ། །རལ་པ་འཁྱིལ་བའི་མུན་ཛཱ་ལ། །ཐོད་རློན་ཚོགས་ཀྱིས་རྣམ་པར་བརྒྱན། །དབུ་གསུམ་ཕྱག་དྲུག་ཞབས་བཞིར་བགྲད། །ཞིང་ལྤགས་སར་པའི་གཡང་གཞི་གསོལ། །སྟི་ར་ཆུང་ངུ་མང་པོའི་ཚོགས། །
བརྒྱུས་ནས་སྐུའི་བརྒྱན་དུ་བྱས། །དུར་ཁྲོད་ཆེན་པོ་མེ་ཆེན་དབུས། །ཚམ་ངམ་བརྐྱང་བསྐུམ་ཆེན་པོས་ནི། །རིན་ཆེན་གཤིབས་པའི་གདན་སྟེངས་ན། །བདུད་བཞི་གནོན་པའི་ཚུལ་དུ་བཞུགས། །རྡོ་རྗེ་བན་དར་ལྡན་པ་ཡིས། །ཁྲག་ཆེན་པོ་དག་འཁྲུག་ཅིང་
གསོལ། །ཏྲི་ཤཱུལ་རྡེའུ་ཆུང་ཕྱག་ན་བསྣམས། །འཇིགས་སུ་རུང་བའི་རྐན་སྒྲ་དང་། །དགྱེས་པ་ཆེན་པོའི་སྤྱུགས་པ་ཡིས། །སེ་གོལ་སྣོལ་མར་གཏོགས་ནས་ནི། །ཞིང་བཅུ་དྲངས་ཏེ་ཚུལ་བཞིན་དུ། །ཁྲག་འཐུང་ཆེན་པོའི་ཞལ་དུ་སྟོབས། །སངས་
རྒྱས་ཀུན་གྱི་ཡུམ་ཆེན་མོ། །སྟབས་གླུ་ཕྱག་རྒྱ་སྔགས་ཚིག་གིས། །ལོག་པར་ལྟ་བའི་བདུད་རྣམས་ཀུན། །རབ་ཏུ་དྲོངས་ལ་ཚུལ་བཞིན་དུ། །རོ་ལ་བརྐམ་པའི་ཟ་སྟངས་ཀྱིས། །ཁྲག་འཐུང་ཆེན་པོའི་ཞལ་དུ་སྟོབས། །རོལ་ཅིག་སྤྲུལ་ཅིག་རྣལ་
འབྱོར་མ། །དེ་བཞིན་ཐུགས་དམ་ཉིད་པས་ན། །གསད་པའི་ལས་ལ་ཤིན་ཏུ་དགྱེས། །དྲོངས་ཤིག་དྲོངས་ཤིག་ཛཿཛཿཛཿ། །ཆིངས་ཤིག་ཆིངས་ཤིག་ཧཱུྃ་ཧཱུྃ་ཧཱུྃ། །སྡོམས་ཤིག་སྡོམས་ཤིག་ཧ་ཧ་ཧ། །སྒྲོལ་ཅིག་སྒྲོལ་ཅིག་ཕཊ་ཕཊ་ཕཊ། །དེ་
104-1-20b


བཞིན་མ་བྱས་དེ་ཉིད་བརླག །རྣལ་འབྱོར་ཁྲོ་མོ་མཐིང་ནག་སྐུ། །སྟིར་ཆེན་ཟ་བའི་ཡུམ་ཆེན་མོ། །ཆགས་པ་ཆེན་པོ་སྨ་ཤཱ་ནཱ། །ཁྲོ་གཉེར་སྤྱན་བགྲད་མཆེ་གཙིགས་ཤིང་། །འཇིགས་སུ་རུང་བའི་སྡང་མིག་ཅན། །རོལ་པས་སྟིར་ཆེན་
འདྲེན་ཚུལ་དུ། །ཁྲག་འཐུང་ཆེན་པོའི་ཞལ་དུ་སྟོབས། །རལ་པ་འཁྱིལ་བའི་མུན་ཛཱ་ལ། །ཐོད་རློན་ཚོགས་ཀྱིས་རྣམ་པར་བརྒྱན།  དབུ་གསུམ་ཕྱག་དྲུག་ཞབས་བཞིར་བགྲད། །ཞིང་ལྤགས་སར་པའི་གཡང་གཞི་གསོལ། །སྟི་ར་ཆུང་ངུ་མང་པོའི་
ཚོགས། །བརྒྱུས་ནས་སྐུ་ཡི་རྒྱན་དུ་བྱས། །དུར་ཁྲོད་ཆེན་པོའི་མེ་དཀྱིལ་དབུས། །ཚམ་ངམ་བརྐྱང་བསྐུམ་ཆེན་པོ་ཡིས། །ཞིང་ཆེན་གཤིབས་པའི་གདན་སྟེངས་ན། །བདུད་བཞི་གནོན་པའི་ཚུལ་དུ་བཞུགས། །རྡོ་རྗེ་བན་དར་ལྡན་པ་ཡིས། །ཁྲག་
ཆེན་པོ་ཡང་དཀྲུག་ཅིང་གསོལ། །སྤུ་གྲི་འདེབས་ཤིང་རྡེའུ་ཆུང་རྡུང་། །འཇིགས་སུ་རུང་བའི་རྐན་སྒྲ་དང་། །དགྱེས་པ་ཆེན་པོའི་སྤྱུགས་པ་ཡིས། །སེ་གོལ་སྣོལ་མར་གཏོགས་ནས་ནི། །ཞིང་བཅུ་དྲངས་ཏེ་ཚུལ་བཞིན་དུ། །ཁྲག་འཐུང་ཆེན་པོའི་
ཞལ་དུ་སྟོབས། །གཞལ་ཡས་མཐིང་ནག་ཆེན་མོ་ནས། །སངས་རྒྱས་ཀུན་གྱི་ཡུམ་ཆེན་མོ། །སྟབས་གླུ་ཕྱག་རྒྱ་སྔགས་ཚིག་གིས། །ལོག་པར་ལྟ་བའི་བདུད་རྣམས་ཀུན། །རོ་ལ་བརྐམ་པའི་ཟ་སྟངས་ཀྱིས། །ཁྲག་འཐུང་ཆེན་པོའི་ཞལ་དུ་
སྟོབས། །རོལ་ཅིག་སྤྲུལ་ཅིག་རྣལ་འབྱོར་མ། །སོད་ཅིག་སོད་ཅིག་རྣལ་འབྱོར་མ། །གཏོགས་ཤིག་སྦྱོངས་ཤིག་རྣལ་འབྱོར་མ། །ཆོམས་ཤིག་ཆོམས་ཤིག་རྣལ་འབྱོར་མ། །དེ་བཞིན་ཐུགས་དམ་ཉིད་པས་ན། །གསད་པའི་ལས་ལ་ཤིན་ཏུ་དགྱེས། །
དྲོངས་ཤིག་དྲོངས་ཤིག་ཛཿཛཿཛཿ། །ཆིངས་ཤིག་ཆིངས་ཤིག་ཧཱུྃ་ཧཱུྃ་ཧཱུྃ། །སྡོམས་ཤིག་སྡོམས་ཤིག་ཧ་ཧ་ཧ། །སྒྲོལ་ཅིག་སྒྲོལ་ཅིག་ཕཊ་ཕཊ་ཕཊ། །དེ་བཞི་མ་བྱས་དེ་ཉིད་བརླག །རྣལ་འབྱོར་ཁྲོ་མོ་དམར་སེར་སྐུ། །གསོད་བྱེད་སྟིར་ཆེན་ཟ་བ་
མོ། །རོལ་པའི་རྣལ་འབྱོར་པུཀྐ་སཱི། །ཁྲོ་གཉེར་སྤྱན་བགྲད་མཆེ་གཙིགས་ཤིང་། །སྤྱན་གསུམ་འཇིགས་པའི་སྡང་མིག་ཅན། །རོལ་པས་སྟིར་ཆེན་འདྲེན་ཚུལ་དུ། །ཁྲག་འཐུང་ཆེན་པོའི་ཞལ་དུ་སྟོབས། །རལ་པ་འཁྱིལ་པའི་མུན་ཛཱ་ལ། །ཐོད་
104-1-21a


རློན་ཚོགས་ཀྱིས་རྣམ་པར་བརྒྱན། །མ་ཧཱ་རཀ་ཏས་སྐུ་བརྒྱན་ཅིང་། །དབུ་གསུམ་ཕྱག་དྲུག་ཞབས་བཞིར་བགྲད། །ཡེ་ཤེས་སྐུ་ཡི་ཆུ་ལུགས་ཀྱིས། །མི་འཇིགས་སྦྱོར་བའི་གཡང་གཞི་གསོལ། །སྟི་ར་ཆུང་ངུ་མང་པོའི་ཚོགས། །བརྒྱུས་
ནས་སྐུ་ཡི་རྒྱན་དུ་བྱས། །སྲིན་ལག་མཐེ་འོང་རྩེ་སྤྲད་དེ། །ཨ་མྲྀ་ཏ་ལ་སོགས་པ་ལྔ། །ལྗགས་ལམ་དབང་པོར་སྐུ་བརྒྱན་ཅིང་། །ཨ་ཧོཿསྲ་ཀས་དགྱེས་ཤིང་འཁྲིལ། །དུར་ཁྲོད་ཆེན་པོའི་མེ་དཀྱིལ་དབུས། །ཚམ་ངམ་བརྐྱང་བསྐུམ་ཆེན་པོས་ནི། །ཞིང་
ཆེན་གཤིབས་པའི་གདན་སྟེངས་ན། །བདུད་བཞི་གནོན་པའི་ཚུལ་དུ་བཞུགས། །བཀའ་ལས་མི་འདའ་ཐུགས་དམ་སྐོང་། །འདས་ན་ལྷ་ཡང་བརླག་པའི་ཕྱིར། །ལྷ་ཆེན་མང་པོའི་གླད་འགེམས་ཤིང་། །བསོད་ནམས་སྐུ་ཡང་ཆེམ་ཆེམ་གསོལ། །རྡོ་རྗེ་
བན་དར་ལྡན་པ་ཡིས། །ཁྲག་ཆེན་པོ་ཡང་དཀྲུག་ཅིང་གསོལ། །ཟངས་གྲི་རྣོན་པོས་ཡན་ལག་གཅོད། །རྡེའུ་ཆུང་རྡུང་ཞིང་ཁ་ཊྭཱྃ་འཕེན། །ཤ་ཁྲག་ཟ་བའི་རྣལ་འབྱོར་མ། །འཇིགས་སུ་རུང་བའི་རྐན་སྒྲ་དང་། །དགྱེས་པ་ཆེན་པོའི་སྤྱུགས་པ་ཡིས། །སེ་
གོལ་སྣོལ་མར་གཏོགས་ནས་ནི། །ཞིང་བཅུ་དྲངས་ཏེ་ཚུལ་བཞིན་དུ། །ཁྲག་འཐུང་ཆེན་པོའི་ཞལ་དུ་སྟོབས། །གཞལ་ཡས་དམར་ནག་ཆེན་པོ་ནས། །སངས་རྒྱས་སྐུ་ཡི་ཡུམ་ཆེན་མོ། །སྟབས་གླུ་ཕྱག་རྒྱ་སྔགས་ཚིག་གིས། །ལོག་པར་ལྟ་བའི་བདུད་
རྣམས་ཀུན། །རོ་ལ་བརྐམ་པའི་ཟ་སྟངས་གྱིས། །རབ་ཏུ་དྲོངས་ལ་ཚུལ་བཞིན་དུ། །ཁྲག་འཐུང་ཆེན་པོའི་ཞལ་དུ་སྟོབས། །རོལ་ཅིག་སྤྲུལ་ཅིག་རྣལ་འབྱོར་མ། །སོད་ཅིག་ལོང་ཤིག་རྣལ་འབྱོར་མ། །གཏོགས་ཤིག་སྦྱོངས་ཤིག་རྣལ་
འབྱོར་མ། །ཆོམས་ཤིག་ཆོམས་ཤིག་རྣལ་འབྱོར་མ། །ཁྲག་འཐུང་འབར་བ་མ་གཏོགས་པར། །གཅིག་ཀྱང་གསོན་པར་མི་མཛད་དེ། །དེ་བཞིན་ཐུགས་དམ་ཉིད་པས་ན། །གསོད་པའི་ལས་ལ་ཤིན་ཏུ་དགྱེས། །དྲོངས་ཤིག་དྲོངས་ཤིག་ཛ་ཛ་ཛ། །
ཆིངས་ཤིག་ཆིངས་ཤིག་ཧཱུྃ་ཧཱུྃ་ཧཱུྃ། །སྡོམས་ཤིག་སྡོམས་ཤིག་ཧ་ཧ་ཧ། །སྒྲོལ་ཅིག་སྒྲོལ་ཅིག་ཕཊ་ཕཊ་ཕཊ། །དེ་བཞིན་མ་བྱས་དེ་ཉིད་བརླག །ཨོཾ་ཧཱུྃ་ཏ་ཐཱ་ག་ཏ་སུ་པ་ཨུ་གོ་བ། ཀྲོ་དྷ་ཀི་ལི། ས་མ་ཡ་ཡོ་གི་ནི། མ་ཧཱ་མཎྜ་ལ། ཨརྒྷྃ་
104-1-21b


པྲ་ཏི་ཙྪ། ཀཱ་ལ་ཀྲིཥྞཱ་པི་ཏ་ལོ་ཧི་ཏི་ཛཱ་ལ་སུ་ཁེ་ན་ཡཱ་མི། ཡོ་ག་ཀཱ་ཡ། སརྦ་བུད་དྷ་ལ། མ་ཧཱ་ཧེ་རུ་ཀ་ས་མ་ཡ་ཡོ་ག་རུ་ལུ་ཡོཏྟ་མ་ཛྭ་ལ་ནི། ཧ་ན་དྷ་ཧ་རཱུ་པེ་པ་ཛཿ། སརྦ་སིད་དྷི་ཀཱ་རུ་ཎཱི་ཀ །མ་ཧཱ་སུ་ཁེ་ན། བ་ཐ་ར་སུ་ཁེ་ན་ས་མ་ཡ་ཡོ་ག་ཛཱ་ལ་ཨ་སུ་
ཨཱ། བོ་ག་ཡོ་གི་སིད་དྷི་ཨ་ལ་ལ་ཧོཿ། །མུ་ཁཱ་གསོད་བྱེད་སེང་གེའི་མགོ། །སེར་ནག་གྱད་ཀྱི་འགྱིང་སྟབས་ཀྱིས། །ཕྱག་གི་ཐལ་མོ་བསྣོལ་ནས་ནི། །ཁྲག་འཐུང་ཆེན་པོའི་ཞལ་དུ་སྟོབས། །ཁྲོ་གཉེར་སྤྱན་བགྲད་མཆེ་གཙིགས་ཤིང་། །སྤྱན་
གསུམ་འཇིགས་པའི་སྡང་མིག་ཅན། །མཆེ་ཚོགས་མང་པོའི་འཁོར་དུ་བྱས། །ཞེ་སྡང་འཇོམས་མའི་ཟ་བྱེད་མ། །མ་ཧཱ་རག་ཏས་སྐུ་བརྒྱན་ཅིང་། །དབུ་གསུམ་ཕྱག་དྲུག་ཞབས་བཞིར་བགྲད། །མཐིང་ནག་སེང་གེའི་རལ་པ་ཕྱར། །
ཐོད་རློན་ཚོགས་ཀྱིས་རྣམ་པར་བརྒྱན། །ཡེ་ཤེས་སྐུ་ཡི་ཆ་ལུགས་ན། །མི་འཇིགས་སྦྱོར་བའི་གཡང་གཞི་གསོལ། །ཏི་ར་ཆུང་ངུ་མང་པོའི་ཚོགས། །བརྒྱུས་ནས་སྐུ་ཡི་བརྒྱན་དུ་བྱས། །དུར་ཁྲོད་ཆེན་པོའི་མེ་དཀྱིལ་ནས། །ཚམ་
ངམ་བརྐྱང་བསྐུམ་ཆེན་པོས་ནི། །ཞིང་ཆེན་གཤིབས་པའི་གདན་སྟེངས་བཞུགས། །བཀའ་ལས་མི་འདའ་ཐུགས་དམ་སྐོངས། །སྲོག་ཆགས་མང་པོའི་སྙིང་འདྲེན་ཅིང་། །བསོད་ནམས་ལུས་ཀྱང་ཆེམ་ཆེམ་གསོལ། །བན་ད་རཀ་ཏས་ཞལ་
དུ་སྟོབས། །རྡོ་རྗེས་གླད་འགེམས་རྡེའུ་ཆུང་རྡུང་། །ཞིང་ཆེན་ཟ་བའི་མུ་ཁཱ་སྟེ། །འཇིགས་སུ་རུང་བའི་རྐན་སྒྲ་དང་། །དགྱེས་པ་ཆེན་པོའི་སྤྱུགས་པ་ཡིས། །སེ་གོལ་སྣོལ་མར་གཏོགས་ནས་ནི། །བགེགས་ཆེན་དྲངས་ཏེ་ཚུལ་བཞིན་དུ། །ཁྲག་
འཐུང་ཆེན་པོའི་ཞལ་དུ་སྟོབས། །ཁྲག་འཐུང་ཆེན་པོའི་མཁའ་འགྲོ་མ། །སྟབས་གླུ་ཕྱག་རྒྱ་སྔགས་ཚིགས་གིས། །བར་ཆད་བྱེད་པའི་བགེགས་ཆེན་རྣམས། །རོ་ལ་བརྐམ་པའི་ཟ་སྟངས་ཀྱིས། །རབ་ཏུ་དྲོངས་ལ་ཚུལ་བཞིན་དུ། །ཁྲག་འཐུང་
ཆེན་པོའི་ཞལ་དུ་སྟོབས། །དེ་བཞིན་མ་བྱས་དེ་ཉིད་བརླག །མུ་ཁཱ་གསོད་བྱེད་སྟག་གི་མགོ། །དམར་ནག་གྱད་ཀྱི་འགྱིང་སྟབས་ཅན། །ཕྱག་གཉིས་བདུད་རྩི་ཐལ་སྦྱར་ཞིང་། །ཤིན་ཏུ་དགའ་བའི་མདངས་ཀྱིས་འཁྲིལ། །ཁྲོ་གཉེར་སྤྱན་བགྲད་
104-1-22a


མཆེ་གཙིགས་ཤིང་། །སྤྱན་གསུམ་འཇིགས་པའི་སྡང་མིག་ཅན། །མཆེ་ཚོགས་མང་པོའི་འཁོར་དུ་བྱས། །ང་རྒྱལ་འཇོམས་པའི་ཟ་བྱེད་མ། །མ་ཧཱ་རཀ་ཏས་སྐུ་བརྒྱན་ཅིང་། །དབུ་གསུམ་ཕྱག་དྲུག་ཞབས་བཞིར་བགྲད། །
ཐོད་རློན་ཚོགས་ཀྱིས་རྣམ་པར་བརྒྱན། །ཡེ་ཤེས་སྐུ་ཡི་ཆ་ལུགས་ནི། །མི་འཇིགས་སྦྱོར་བའི་གཡང་གཞི་གསོལ། །སེ་རལ་ཁ་ཡི་ཚུལ་དག་ཏུ། །ཐོད་རློན་ཕྲེང་བས་ལུས་བརྒྱན་ཅིང་། །དུར་ཁྲོད་ཆེན་པོའི་མེ་དཀྱིལ་དབུས། །ཚམ་ངམ་བརྐྱང་
བསྐུམ་ཆེན་པོས་ནི། །ཞིང་ཆེན་གཤིབས་པའི་གདན་ལ་བཞུགས། །བཀའ་ལས་མི་འདའ་ཐུགས་དམ་སྐོང་། །སྲོག་ཆགས་མང་པོའི་སྙིང་འདྲེན་ཅིང་། །བསོད་ནམས་ལུས་ཀྱང་ཆེམ་ཆེམ་གསོལ། །བན་ད་རཀ་ཏ་ཞལ་དུ་སྟོབས། །དགྲ་སྟས་གླད་
འགེམས་ལྕགས་ཀྱུས་འདྲེན། །རྡེའུ་ཆུང་རྡུང་ཞིང་སྟིར་ཆེན་ཟ། །འཇིགས་སུ་རུང་བའི་རྐན་སྒྲ་དང་། །དགྱེས་པ་ཆེན་པོའི་སྤྱུགས་པ་ཡིས། །སེ་གོལ་སྣོལ་མར་གཏོགས་ནས་ནི། །བགེགས་ཆེན་དྲངས་ཏེ་ཚུལ་བཞིན་དུ། །ཁྲག་འཐུང་ཆེན་པོའི་ཞལ་
དུ་སྟོབས། །ཁྲག་འཐུང་ཆེན་པོའི་མཁའ་འགྲོ་མ། །སྟབས་གླུ་ཕྱག་རྒྱ་སྔགས་ཚིག་གིས། །བར་དུ་གཅོད་པའི་བགེགས་ཆེན་རྣམས། །རོ་ལ་བརྐམ་པའི་ཟ་སྟངས་ཀྱིས། །རབ་ཏུ་དྲོངས་ལ་ཚུལ་བཞིན་དུ། །ཁྲག་འཐུང་ཆེན་པོའི་ཞལ་དུ་སྟོབས། །དེ་བཞིན་
མ་བྱས་དེ་ཉིད་བརླག །མུ་ཁཱ་གསོད་བྱེད་དུར་རྐུན་མགོ། །སྔོ་གནག་གྱད་ཀྱི་འགྱིང་སྟབས་ཀྱིས། །སྟིར་ཆུང་ཟ་ཞིང་གཙོ་ལ་སྟོབས། །ཁྲོ་གཉེར་སྤྱན་བགྲད་མཆེ་གཙིགས་ཤིང་། །སྤྱན་གསུམ་འཇིགས་པའི་སྡང་མིག་ཅན། །མཆེ་ཚོགས་མང་པོ་འཁོར་དུ་
བྱས། །འདོད་ཆགས་འཇོམས་མའི་ཟ་བྱེད་མ། །ཐལ་ཆེན་རཀ་ཏས་སྐུ་བརྒྱན་ཅིང་། །དབུ་གསུམ་ཕྱག་དྲུག་ཞབས་བཞིར་བགྲད། །ཐོད་རློན་ཚོགས་ཀྱིས་རབ་ཏུ་བརྒྱན། །ཡེ་ཤེས་སྐུ་ཡི་ཆ་ལུགས་ནི། །མི་འཇིགས་སྦྱོར་བའི་གཡང་གཞི་གསོལ། །སེ་
རལ་ཁ་ཡི་ཚུལ་དག་ཏུ། །ཐོད་རློན་མང་པོའི་ཕྲེང་བས་བརྒྱན། །དུར་ཁྲོད་ཆེན་པོའི་མེ་དཀྱིལ་དབུས། །ཚམ་ངམ་བརྐྱང་བསྐུམ་ཆེན་པོས་ནི། །ཞིང་ཆེན་གཤིབས་པའི་གདན་ལ་བཞུགས། །བཀའ་ལས་མི་འདའ་ཐུགས་དམ་སྐོང་། །སྲོག་ཆགས་ཆེན་པོའི་
104-1-22b


སྙིང་འདྲེན་ཅིང་། །བསོད་ནམས་ལུས་ཀྱང་ཆེམ་ཆེམ་གསོལ། །སྤུ་གྲིས་མགོ་གཅོད་རྡེའུ་རྡུང་ཞིང་། །ཁ་ཊྭཱྃ་འཕེན་ཅིང་བན་ད་འཐུང་། །གསོད་ལ་དགའ་བའི་མུ་ཁཱ་སྟེ། །ཞགས་པས་འཆིང་བའི་མཁའ་འགྲོ་མ། །འཇིགས་སུ་རུང་བའི་རྐན་སྒྲ་དང་། །
དགྱེས་པ་ཆེན་མོའི་སྤྱུགས་པ་ཡིས། །སེ་གོལ་སྣོལ་མར་གཏོགས་ནས་ནི། །སྟབས་གླུ་ཕྱག་རྒྱ་སྔགས་ཚིག་གིས། །བར་ཆད་བྱེད་བའི་བགེགས་ཆེན་རྣམས། །རོ་ལ་བརྐམ་པའི་ཟ་སྟངས་ཀྱིས། །རབ་ཏུ་དྲངས་ཏེ་ཚུལ་བཞིན་དུ། །ཁྲག་འཐུང་
ཆེན་པོའི་ཞལ་དུ་སྟོབས། །དེ་བཞིན་མ་བྱས་དེ་ཉིད་བརླག །མུ་ཁཱ་གསོད་བྱེད་ཤྭ་ནའི་མགོ། །མཐིང་ནག་གྱད་ཀྱི་འགྱིང་སྟབས་ཅན། །གློ་སྙིང་འདྲེན་ཅིང་གཙོ་ལ་སྟོབས། །ཁྲོ་གཉེར་སྤྱན་བགྲད་མཆེ་གཙིགས་ཤིང་། །སྤྱན་གསུམ་འཇིགས་པའི་
སྡང་མིག་ཅན། །མཆེ་ཚོགས་མང་པོའི་འཁོར་དུ་བྱས། །ཕྲག་དོག་འཇོམས་པའི་ཟ་བྱེད་མ། །ཐལ་ཆེན་ཁྲག་གིས་སྐུ་བརྒྱན་ཅན། །དབུ་གསུམ་ཕྱག་དྲུག་ཞབས་བཞིར་བགྲད། །ཐོད་རློན་ཚོགས་ཀྱིས་རྣམ་པར་བརྒྱན། །ཡེ་ཤེས་སྐུ་ཡི་
ཆ་ལུགས་ནི། །མི་འཇིགས་སྦྱོར་བའི་གཡང་གཞི་གསོལ། །སྟི་ར་ཆུང་ངུ་མང་པོའི་ཚོགས། །བརྒྱུས་ནས་སྐུ་ཡི་རྒྱན་དུ་བྱས། །དུར་ཁྲོད་ཆེན་པོའི་མེ་དཀྱིལ་དབུས། །ཚམ་ངམ་བརྐྱང་བསྐུམ་ཆེན་པོས་ནི། །ཞིང་ཆེན་གཤིབས་པའི་གདན་
ལ་བཞུགས། །བཀའ་ལས་མི་འདའ་ཐུགས་དམ་སྐོང་། །སྲོག་ཆགས་མང་པོའི་སྙིང་འདྲེན་ཅིང་། །བསོད་ནམས་ལུས་ཀྱང་ཆེམ་ཆེམ་གསོལ། །བན་ད་རཀ་ཏས་ཞལ་དུ་སྟོབས། །ཁ་ཊྭཱྃ་འཕེན་ཅིང་རྡེའུ་ཆུང་རྡུང་། །ཞིང་ཆེན་ཟ་བའི་མུ་ཁཱ་སྟེ། །
འཇིགས་སུ་རུང་བའི་རྐན་སྒྲ་དང་། །དགྱེས་པ་ཆེན་པོའི་སྤྱུགས་པ་ཡིས། །སེ་གོལ་སྣོལ་མར་གཏོགས་ནས་ནི། །བགེགས་ཆེན་དྲངས་ཏེ་ཚུལ་བཞིན་དུ། །ཁྲག་འཐུང་ཆེན་པོའི་ཞལ་དུ་སྟོབས། །ཁྲག་འཐུང་ཆེན་པོའི་མཁའ་འགྲོ་མ། །སྟབས་གླུ་
ཕྱག་རྒྱ་སྔགས་ཚིག་གིས། །བར་ཆད་བྱེད་པའི་བགེས་ཆེན་རྣམས། །རོ་ལ་བརྐམ་པའི་ཟ་སྟངས་ཀྱིས། །རབ་ཏུ་དྲོངས་ལ་ཚུལ་བཞིན་དུ། །ཁྲག་འཐུང་ཆེན་པོའི་ཞལ་དུ་སྟོབས། །དེ་བཞིན་མ་བྱས་དེ་ཉིད་བརླག །མུ་ཁཱ་གསོད་བྱེད་བྱ་རྒོད་མགོ། །
104-1-23a


དམར་ནག་གྱད་ཀྱི་འགྱིང་སྟབས་ཅན། །ཞིང་ཆེན་རྒྱུ་འདྲེན་ཞལ་དུ་སྟོབས། །ཁྲོ་གཉེར་སྤྱན་བགྲད་ཞལ་གདངས་ཤིང་། །སྤྱན་གསུམ་འཇིགས་པའི་སྡང་མིག་ཅན། །གཤོག་ཚོགས་མང་པོའི་རྒྱན་དུ་བྱས། །གཏི་མུག་
འཇོམས་པའི་ཟ་བྱེད་མ། །ཐལ་ཆེན་ཁྲག་གིས་སྐུ་བརྒྱན་ཅིང་། །དབུ་གསུམ་ཕྱག་དྲུག་ཞབས་བཞིར་བགྲད། །ཐོད་རློན་ཚོགས་ཀྱིས་རབ་ཏུ་བརྒྱན། །ཡེ་ཤེས་སྐུ་ཡི་ཆ་ལུགས་ནི། །མི་འཇིགས་སྦྱོར་བའི་གཡང་བཞི་གསོལ། །སྟི་ར་ཆུང་ངུ་
མང་པོའི་ཚོགས། །བརྒྱུས་ནས་སྐུ་ཡི་བརྒྱན་དུ་བྱས། །དུར་ཁྲོད་ཆེན་པོའི་མེ་དཀྱིལ་དབུས། །ཚམ་ངམ་བརྐྱང་བསྐུམ་ཆེན་པོས་ནི། །ཞིང་ཆེན་གཤིབས་པའི་གདན་ལ་བཞུགས། །བཀའ་ལས་མི་འདའ་ཐུགས་དམ་སྐོང་། །སྲོག་ཆགས་མང་པོའི་
སྙིང་འདྲེན་ཅིང་། །བསོད་ནམས་ལུས་ཀྱང་ཆེམ་ཆེམ་གསོལ། །བན་དར་འཐུང་ཞིང་རྡེའུ་ཆུང་རྡུང་། །ཞིང་ཆུང་རིལ་མིད་ཟངས་གྲིས་འདེབས། །ཞིང་ཆེན་ཟ་བའི་མུ་ཁཱ་སྟེ། །འཇིགས་སུ་རུང་བའི་རྐན་སྒྲ་དང་། །དགྱེས་པ་ཆེན་པོའི་སྤྱུགས་པ་ཡིས། །
སེ་གོལ་སྣོལ་མར་གཏོགས་ནས་ནི། །བགེགས་ཆེན་དྲངས་ཏེ་ཚུལ་བཞིན་དུ། །ཁྲག་འཐུང་ཆེན་པོའི་ཞལ་དུ་སྟོབས། །ཁྲག་འཐུང་ཆེན་མོ་མཁའ་འགྲོ་མ། །སྟབས་གླུ་ཕྱག་རྒྱ་སྔགས་ཚིག་གིས། །བར་ཆད་བྱེད་པའི་བགེགས་ཆེན་རྣམས། །རབ་ཏུ་དྲོངས་
ལ་ཚུལ་བཞིན་དུ། །རོ་ལ་བརྐམ་པའི་ཟ་སྟངས་ཀྱིས། །ཁྲག་འཐུང་ཆེན་པོའི་ཞལ་དུ་སྟོབས། །དེ་བཞིན་མ་བྱས་དེ་ཉིད་བརླག །མུ་ཁཱ་གསོད་བྱེད་སྣར་མགོ་རིང་། །སེར་ནག་གྱད་ཀྱི་འགྱིང་སྟབས་ཅན། །ཞིང་ཆེན་ལག་གིས་གཙོ་ལ་སྟོབས། །
ཁྲོ་གཉེར་སྤྱན་བགྲད་ཞལ་གདངས་ཤིང་། །སྤྱན་གསུམ་འཇིགས་པའི་སྡང་མིག་ཅན། །གཤོག་ཚོགས་མང་པོས་རྒྱན་དུ་བྱས། །བཀའ་ལས་འདས་པ་ཟ་བྱེད་མ། །མ་ཧཱ་རཀ་ཏས་སྐུ་བརྒྱན་ཅིང་། །དབུ་གསུམ་ཕྱག་དྲུག་ཞབས་བཞིར་བགྲད། །
ཐོད་རློན་ཚོགས་ཀྱིས་རབ་ཏུ་བརྒྱན། །ཡེ་ཤེས་སྐུ་ཡི་ཆ་ལུགས་ནི། །མི་འཇིགས་སྦྱོར་བའི་གཡང་གཞི་གསོལ། །སྟི་ར་ཆུང་ངུ་མང་པོའི་ཚོགས། །བརྒྱུས་ནས་སྐུ་ཡི་རྒྱན་དུ་བྱས། །དུར་ཁྲོད་ཆེན་པོའི་མེ་དཀྱིལ་དབུས། །ཚམ་ངམ་བརྐྱང་
104-1-23b


བསྐུམ་ཆེན་པོས་ནི། །ཞིང་ཆེན་གཤིབས་པའི་གདན་ལ་བཞུགས། །བཀའ་ལས་མི་འདའ་ཐུགས་དམ་སྐོང་། །སྲོག་ཆགས་མང་པོའི་སྙིང་ནས་འདྲེན། །བསོད་ནམས་ལུས་ཀྱང་ཆེམ་ཆེམ་གསོལ། །བན་དྷ་རཀ་ཏས་ཞལ་དུ་སྟོབས། །དབྱུག་
པས་གླད་འགེམས་རྡེའུ་ཆུང་རྡུང་། །ཞིང་ཆེན་ཟ་བའི་མུ་ཁཱ་ལེ། །འཇིགས་སུ་རུང་བའི་རྐན་སྒྲ་དང་། །དགྱེས་པ་ཆེན་པོའི་སྤྱུགས་པ་ཡིས། །སེ་གོལ་སྣོལ་མར་གཏོགས་ནས་ནི། །བགེགས་ཆེན་དྲངས་ཏེ་ཚུལ་བཞིན་དུ། །ཁྲག་འཐུང་
ཆེན་པོའི་ཞལ་དུ་སྟོབས། །ཁྲག་འཐུང་ཆེན་པོའི་མཁའ་འགྲོ་མ། །སྟབས་གླུ་ཕྱག་རྒྱ་སྔགས་ཚིག་གིས། །བར་ཆད་བྱེད་པའི་བགེགས་ཆེན་རྣམས། །རོ་ལ་བརྐམ་པའི་ཟ་སྟངས་ཀྱིས། །རབ་ཏུ་དྲོངས་ལ་ཚུལ་བཞིན་དུ། །ཁྲག་འཐུང་
ཆེན་པོའི་ཞལ་དུ་སྟོབས། །དེ་བཞིན་མ་བྱས་དེ་ཉིད་བརླག །མུ་ཁཱ་གསོད་བྱེད་བྱ་རོག་མགོ། །མཐིང་ནག་གྱད་ཀྱི་འགྱིང་སྟབས་ཅན། །རྡོ་རྗེ་གླད་འགེམས་སྤུ་གྲིས་གཅོད། །བན་དྷར་ཁྲག་ཆེན་གཙོ་ལ་སྟོབས། །ཁྲོ་གཉེར་སྤྱན་བགྲད་
ཞལ་གདང་ཤིང་། །འཇིགས་སུ་རུང་བའི་སྡང་མིག་ཅན། །གཤོག་ཚོགས་མང་པོའི་རྒྱན་དུ་བྱས། །ཞིང་བཅུ་གསོད་ཅིང་ཟ་བྱེད་མ། །མ་ཧཱ་རཀ་ཏས་སྐུ་བརྒྱན་ཅིང་། །དབུ་གསུམ་ཕྱག་དྲུག་ཞབས་བཞིར་བགྲད། །ཐོད་རློན་ཚོགས་
ཀྱིས་རྣམ་པར་བརྒྱན། །ཡེ་ཤེས་སྐུ་ཡི་ཆ་ལུགས་ནི། །མི་འཇིགས་སྦྱོར་བའི་གཡང་གཞི་གསོལ། །སྟི་ར་ཆུང་ངུ་མང་པོའི་ཚོགས། །བརྒྱུས་ནས་སྐུ་ཡི་རྒྱན་དུ་བྱས། །དུར་ཁྲོད་ཆེན་པོའི་མེ་དཀྱིལ་དབུས། །ཚམ་ངམ་བརྐྱང་
བསྐུམ་ཆེན་པོས་ནི། །ཞིང་ཆེན་གཤིབས་པའི་གདན་ལ་བཞུགས། །བཀའ་ལས་མི་འདའ་ཐུགས་དམ་སྐོང་། །སྲོག་ཆགས་མང་པོའི་སྙིང་འདྲེན་ཅིང་། །བསོད་ནམས་སྐུ་ཡང་ཆེམ་ཆེམ་གསོལ། །ཁ་ཊྭཱྃ་འཕེན་ཅིང་རྡེའུ་ཆུང་རྡུང་། །འཇིགས་
སུ་རུང་བའི་རྐན་སྒྲ་དང་། །དགྱེས་པ་ཆེན་པོའི་སྤྱུགས་པ་ཡིས། །སེ་གོལ་སྣོལ་མར་གཏོགས་ནས་ནི། །བགེགས་ཆེན་དྲངས་ཏེ་ཚུལ་བཞིན་དུ། །ཁྲག་འཐུང་ཆེན་པོའི་ཞལ་དུ་སྟོབས། །ཁྲག་འཐུང་ཆེན་པོའི་མཁའ་འགྲོ་མ། །སྟབས་གླུ་ཕྱག་
104-1-24a


རྒྱ་སྔགས་ཚིག་གིས། །བར་ཆད་བྱེད་པའི་བགེགས་ཆེན་རྣམས། །རོ་ལ་བརྐམ་པའི་ཟ་སྟངས་ཀྱིས། །རབ་ཏུ་དྲོངས་ལ་ཚུལ་བཞིན་དུ། །ཁྲག་འཐུང་ཆེན་པོའི་ཞལ་དུ་སྟོབས། །དེ་བཞིན་མ་བྱས་དེ་ཉིད་བརླག །མུ་ཁཱ་གསོད་བྱེད་འུག་
པའི་མགོ། །སེར་ནག་གྱད་ཀྱི་འགྱིང་སྟབས་ཀྱིས། །ལག་གཉིས་བན་དྷས་ཁྲག་ཆེན་སྟོབས། །སྙིང་ཆེན་གློ་སྙིང་འདྲེན་ཚུལ་དུ། །ཁྲོ་གཉེར་སྤྱན་བགྲད་མཆེ་གཙིགས་ཤིང་། །འཇིགས་སུ་རུང་བའི་སྡང་མིག་ཅན། །གཤོག་ཚོགས་མང་པོའི་
རྒྱན་དུ་བྱས། །ཤ་ཁྲག་ཟ་བའི་མཁའ་འགྲོ་མ། །མ་ཧཱ་རཀ་ཏས་སྐུ་རྒྱན་ཅིང་། །དབུ་གསུམ་ཕྱག་དྲུག་ཞབས་བཞིར་བགྲད། །ཐོད་རློན་ཚོགས་ཀྱིས་རབ་ཏུ་བརྒྱན། །ཡེ་ཤེས་སྐུ་ཡི་ཆ་ལུགས་ནི། །མི་འཇིགས་སྦྱོར་བའི་གཡང་གཞི་གསོལ། །
སྟི་ར་ཆུང་ངུ་མང་པོའི་ཚོགས། །བརྒྱུས་ནས་སྐུ་ཡི་བརྒྱན་དུ་བྱས། །དུར་ཁྲོད་ཆེན་པོའི་མེ་ཆེན་དབུས། །ཚམ་ངམ་བརྐྱང་བསྐུམ་ཆེན་པོས་ནི། །ཞིང་ཆེན་གཤིབས་པའི་གདན་ལ་བཞུགས། །བཀའ་ལས་མི་འདའ་ཐུགས་དམ་སྐོང་། །སྲོག་
ཆགས་ཆེན་པོའི་སྙིང་འདྲེན་ཅིང་། །བསོད་ནམས་ལུས་ཀྱང་ཆེམ་ཆེམ་གསོལ། །ལྕགས་ཀྱུས་འདྲེན་ཅིང་རྡེའུ་རྡུང་རོལ། །འཇིགས་སུ་རུང་བའི་རྐན་སྒྲ་དང་། །དགྱེས་པ་ཆེན་པོའི་སྤྱུགས་པ་ཡིས། །སེ་གོལ་སྣོལ་མར་གཏོགས་ནས་ནི། །བགེགས་
ཆེན་དྲངས་ཏེ་ཚུལ་བཞིན་དུ། །ཁྲག་འཐུང་ཆེན་པོའི་ཞལ་དུ་སྟོབས། །ཁྲག་འཐུང་ཆེན་པོའི་མཁའ་འགྲོ་མ། །སྟབས་གླུ་ཕྱག་རྒྱ་སྔགས་ཚིག་གིས། །བར་ཆད་བྱེད་པའི་བགེགས་ཆེན་རྣམས། །རོ་ལ་བརྐམ་པའི་ཟ་སྟངས་ཀྱིས། །རབ་ཏུ་དྲོངས་ལ་
ཚུལ་བཞིན་དུ། །ཁྲག་འཐུང་ཆེན་པོའི་ཞལ་དུ་སྟོབས། །དེ་བཞིན་མ་བྱས་དེ་ཉིད་བརླག །ཁཱ་ཧི་ཁཱ་ཧི། རྡོ་རྗེ་བཀའ་ཡི་ཕོ་ཉ་རྣམས། །རྡོ་རྗེ་བྲན་མོ་གཏུམ་བག་ཅན། །འཇིགས་པའི་གཟུགས་ཅན་མང་པོ་སྟེ། །སྣ་ཚོགས་ལས་རྣམས་གྲུབ་པར་བྱེད། །དབང་
ཕྱུག་ཚོགས་ཀྱི་བཀའ་ཉན་མ། །འཇིགས་སུ་རུང་བའི་སྡང་མིག་ཅན། །དམར་སེར་མི་སྲིན་ཆགས་པས་འགྱིང་། །དབུ་གཅིག་པ་ལ་ཕྱག་དྲུག་གཟུགས། །བན་དྷས་ཁྲག་ཆེན་གཙོ་ལ་སྟོབས། །གཡག་ཆེན་མགོ་ཡི་ཞལ་གདངས་ཤིང་། །སྒྲ་དང་བཅས་
104-1-24b


པས་བཀའ་བཞིན་བྱེད། །ཞིང་ཟ་ལྕགས་ཀྱུས་ཏྲི་ཤུལ་འཕེན། །སྤུ་གྲིས་གསོད་ཅིང་རྒྱུ་འདྲེན་ཞགས། །ཐོད་རློན་གཡང་གཞིས་རྒྱན་དུ་བྱས། །བརྐྱང་བསྐུམ་རྐང་གིས་ཞིང་ཆེན་གནོན། །རྣལ་འབྱོར་ཡོངས་ཀྱི་བཀའ་བཞིན་དུ། །སྟབས་
གླུ་ཕྱག་རྒྱ་སྔགས་ཚིག་གིས། །ཅི་འདོད་ལས་དེ་གྲུབ་པར་བྱོས། །དབང་ཕྱུག་ཚོགས་ཀྱི་བཀའ་ཉན་མ། །འཇིགས་སུ་རུང་བའི་སྡང་མིག་ཅན། །དམར་སྐྱ་ཚངས་མ་ཆགས་པས་འགྱིང་། །དབུ་གཅིག་ཕྱག་དྲུག་འཇིགས་པའི་གཟུགས། །བན་དས་
ཁྲག་ཆེན་གཙོ་ལ་སྟོབས། །སྦྲུལ་གདུག་མགོ་ཡི་ཞལ་གདངས་ཤིང་། །སྒྲ་དང་བཅས་པས་བཀའ་བཞིན་བྱེད། །རྩེ་ལྔ་རྡོ་རྗེ་ཞིང་ཆེན་ཟ། །ཁ་ཊྭཱྃ་འཕེན་ཅིང་ལྕགས་ཀྱུ་ཞགས། །ཐོད་རློན་གཡང་གཞི་རྒྱན་དུ་བྱས། །བརྐྱང་བསྐུམ་ཚུལ་གྱིས་ཞིང་
ཆེན་གནོན། །རྣལ་འབྱོར་ཡོངས་ཀྱི་བཀའ་བཞིན་བྱེད། །སྟབས་གླུ་ཕྱག་རྒྱ་སྔགས་ཚིག་གིས། །ཅི་འདོད་ལས་དེ་གྲུབ་པར་མཛོད། །དབང་ཕྱུག་ཚོགས་ཀྱིས་བཀའ་ཉན་མ། །འཇིགས་སུ་རུང་བའི་སྡང་མིག་ཅན། །སེར་ནག་ཁྲོ་མོ་ཆགས་པས་འགྱིང་། །
དབུ་གཅིག་ཕྱག་དྲུག་འཇིགས་པའི་གཟུགས། །དྲིལ་ཁྲོལ་དབྱུག་ཏོ་སྟིར་ཆེན་ཟ། །བབ་དྷས་ཁྲག་ཆེན་གཙོ་ལ་སྟོབས། །གཟིག་ཆེན་མགོ་ཡི་ཞལ་གདངས་ཤིང་། །སྒྲ་དང་བཅས་པས་བཀའ་བཞིན་བྱེད། །ལྕགས་ཀྱུས་འདྲེན་ཚུལ་སྤུ་གྲིས་འདེབས། །ཐོད་རློན་གཡང་
བཞིས་རྒྱན་དུ་བྱས། །བརྐྱང་བསྐུམ་རྐང་གིས་ཞིང་ཆེན་གནོན། །རྣལ་འབྱོར་ཡོངས་ཀྱི་བཀའ་བཞིན་དུ། །སྟབས་གླུ་ཕྱག་རྒྱ་སྔགས་ཚིག་གིས། །ཅི་འདོད་ལས་དེ་གྲུབ་པར་མཛོད། །དབང་ཕྱུག་ཚོགས་ཀྱི་བཀའ་ཉན་མ། །འཇིགས་སུ་རུང་བའི་སྡང་མིག་ཅན། །དཀར་དམར་ཁྱབ་འཇུག་
ཆགས་པས་འགྱིང་། །དབུ་གཅིག་ཕྱག་དྲུག་འཇིགས་པའི་གཟུགས། །བན་ད་ཁྲག་ཆེན་གཙོ་ལ་སྟོབས། །བྱ་བང་མགོ་ཡི་ཞལ་གདངས་ནས། །སྒྲ་དང་བཅས་པས་བཀའ་བཞིན་བྱེད། །ཏི་ར་ཁྲག་ཆེན་ཁ་ཊྭཱྃ་རྡེའུ། །ཐོད་རློན་གཡང་གཞི་རྒྱན་དུ་བྱས། །
བརྐྱང་བསྐུམ་རྐང་གིས་ཞིང་ཆེན་གནོན།  རྣལ་འབྱོར་ཡོངས་ཀྱི་བཀའ་བཞིན་དུ། །སྟབས་གླུ་ཕྱག་རྒྱ་སྔགས་ཚིག་གིས། །ཅི་འདོད་ལས་དེ་གྲུབ་པར་མཛོད། །དབང་ཕྱུག་ཚོགས་ཀྱི་བཀའ་ཉན་མ། །འཇིགས་སུ་རུང་བའི་སྡང་མིག་ཅན། །སེར་ནག་གཞོན་
104-1-25a


ནུ་ཆགས་པས་འགྱིང་། །དབུ་གཅིག་ཕྱག་དྲུག་འཇིགས་པའི་གཟུགས། །ཞིང་ཆེན་རྒྱུ་འདྲེན་གཙོ་ལ་སྟོབས། །ཕ་ཝང་མགོ་ཅན་ཞལ་གདངས་ཤིང་། །སྒྲ་དང་བཅས་པས་བཀའ་བཞིན་བྱེད། །བན་དམར་དམར་ཁ་ཊྭཱྃ་འཁོར་ལོ་འདྲིལ། །
ཐོད་རློན་གཡང་གཞི་རྒྱན་དུ་བྱས། །བརྐྱང་བསྐུམ་རྐང་གིས་ཞིང་ཆེན་གནོན། །རྣལ་འབྱོར་ཡོངས་ཀྱི་བཀའ་བཞིན་དུ། །སྟབས་གླུ་ཕྱག་རྒྱ་སྔགས་ཆིག་གིས། །ཅི་འདོད་ལས་དེ་གྲུབ་པར་མཛོད། །དབང་ཕྱུག་ཚོགས་ཀྱི་བཀའ་ཉན་མ། །
འཇིགས་སུ་རུང་བའི་སྡང་མིག་ཅན། །དམར་སེར་དབང་མོ་ཆགས་པས་འགྱིང་། །དབུ་གཅིག་ཕྱག་དྲུག་འཇིགས་པའི་གཟུགས། །ཞིང་ཆེན་ཁོག་འདྲེན་གཙོ་ལ་སྟོབས། །དྲེད་ཆེན་མགོ་ཡི་ཞལ་གདངས་ཤིང་། །སྒྲ་དང་བཅས་པས་བཀའ་
བཞིན་བྱེད། །བན་དམར་དབྱུག་ཆེན་ལྕགས་ཀྱུས་འདྲིལ། །ཐོད་རློན་གཡང་གཞི་རྒྱན་དུ་བྱས། །བརྐྱང་བསྐུམ་རྐང་གི་ཞིང་ཆེན་གནོན། །རྣལ་འབྱོར་ཡོངས་ཀྱི་བཀའ་བཞིན་དུ། །སྟབས་གླུ་ཕྱག་རྒྱ་སྔགས་ཚིག་གིས། །ཅི་འདོད་ལས་དེ་
གྲུབ་པར་བྱོས། །དབང་ཕྱུག་ཚོགས་ཀྱི་བཀའ་ཉན་མ། །འཇིགས་སུ་རུང་བའི་སྡང་མིག་ཅན། །དམར་མོ་འཕྲོག་ཆེན་ཆགས་པས་འགྱིང་། །དབུ་གཅིག་ཕྱག་དྲུག་འཇིགས་པའི་གཟུགས། །ཞིང་ཆེན་རྒྱུ་འདྲེན་ཞགས་པས་སྟོབས། །
དོམ་ཆེན་མགོ་ཡི་ཞལ་གདངས་ཤིང་། །སྒྲ་དང་བཅས་པས་བཀའ་བཞིན་བྱེད། །དྲིལ་འཁྲོལ་ལྕགས་ཀྱུ་དུང་དམར་དབྱུག །ཐོད་རློན་གཡང་གཞིས་རྒྱན་དུ་བྱས། །བརྐྱང་བསྐུམ་རྐང་གི་ཞིང་ཆེན་གནོན། །རྣལ་འབྱོར་ཡོངས་ཀྱི་བཀའ་
བཞིན་དུ། །སྟབས་གླུ་ཕྱག་རྒྱ་སྔགས་ཚིག་གིས། །ཅི་འདོད་ལས་དེ་གྲུབ་པར་བྱོས། །དབང་ཕྱུག་ཚོགས་ཀྱི་བཀའ་ཉན་མ། །འཇིགས་སུ་རུང་བའི་སྡང་མིག་ཅན། །སྔོ་ནག་བདུད་རྩི་ཆགས་པས་འགྱིང་། །དབུ་གཅིག་ཕྱག་དྲུག་འཇིགས་
པའི་གཟུགས། །བན་དས་ཁྲག་ཆེན་གཙོ་ལ་སྟོབས། །ཆུ་སྲིན་མགོ་ཡི་ཞལ་གདངས་ཤིང་། །སྒྲ་དང་བཅས་པས་བཀའ་བཞིན་བྱེད། །ཁ་ཊྭཱྃ་མདའ་འཕེན་རིན་ཆེན་ཡུམ། །ཐོད་རློན་གཡང་གཞིས་རྒྱན་དུ་བྱས། །བརྐྱང་བསྐུམ་རྐང་གི་
104-1-25b


ཞིང་ཆེན་གནོན། །རྣལ་འབྱོར་ཡོངས་ཀྱི་བཀའ་བཞིན་དུ། །སྟབས་གླུ་ཕྱག་རྒྱ་སྔགས་ཚིག་གིས། །ཅི་འདོད་ལས་དེ་གྲུབ་པར་བྱོས། །དབང་ཕྱུག་ཚོགས་ཀྱི་བཀའ་ཉན་མ། །འཇིགས་སུ་རུང་བའི་སྡང་མིག་ཅན། །སྔོ་སྐྱ་ཞི་བ་ཆགས་པས་འགྱིང་། །
དབུ་གཅིག་ཕྱག་དྲུག་འཇིགས་པའི་གཟུགས། །གློ་སྙིང་འདྲེན་ཅིང་གཙོ་ལ་སྟོབས། །སྡིག་ཆེན་མགོ་ཡི་ཞལ་གདངས་ཤིང་། །སྒྲ་དང་བཅས་པས་བཀའ་བཞིན་བྱེད། །དྲིལ་འཁྲོལ་རྩེ་ལྔ་དུང་དམར་དང་། །རིན་ཆེན་བུམ་པ་ཁྲོས་པས་འཛིན། །
ཐོད་རློན་གཡང་གཞི་རྒྱན་དུ་བྱས། །བརྐྱང་བསྐུམ་རྐང་གིས་ཞིང་ཆེན་གནོན། །རྣལ་འབྱོར་ཡོངས་ཀྱི་བཀའ་བཞིན་དུ། །སྟབས་གླུ་ཕྱག་རྒྱ་སྔགས་ཚིག་གིས། །ཅི་འདོད་ལས་དེ་གྲུབ་པར་བྱོས། །དབང་ཕྱུག་ཚོགས་ཀྱི་བཀའ་ཉན་མ། །འཇིགས་
སུ་རུང་བའི་སྡང་མིག་ཅན། །ནག་མོ་བེ་ཅོན་ཆགས་པས་འགྱིང་། །དབུ་གཅིག་ཕྱག་དྲུག་འཇིགས་པའི་གཟུགས། །སྟིར་ཆེན་གློ་སྙིང་འདྲེན་ཅིང་སྟོབས། །ཁྲ་ཆེན་མགོ་ཡི་ཞལ་གདངས་ཤིང་། །སྒྲ་དང་བཅས་པས་བཀའ་བཞིན་བྱེད། །ཁྲག་ཆེན་དུང་ཐུང་
ཁ་ཊྭཱྃ་འཕེན། །གྲིས་འདེབས་རྒྱུ་ཞགས་དབང་ཕྱུག་མ། །ཐོད་རློན་གཡང་གཞི་རྒྱན་དུ་བྱས། །བརྐྱང་བསྐུམ་རྐང་གིས་ཞིང་ཆེན་གནོན། །རྣལ་འབྱོར་ཡོངས་ཀྱི་བཀའ་བཞིན་དུ། །སྟབས་གླུ་ཕྱག་རྒྱ་སྔགས་ཚིག་གིས། །ཅི་འདོད་ལས་དེ་གྲུབ་
པར་བྱོས། །དབང་ཕྱུག་ཚོགས་ཀྱི་བཀའ་ཉན་མ། །འཇིགས་སུ་རུང་པའི་སྡང་མིག་ཅན། །སེར་ནག་ཁྲོ་མོ་ཆགས་པས་འགྱིང་། །དབུ་གཅིག་ཕྱག་དྲུག་འཇིགས་པའི་གཟུགས། །བན་དས་ཁྲག་ཆེན་གཙོ་ལ་སྟོབས། །ཝ་ཆེན་མགོ་ཡི་ཞལ་གདངས་
ཤིང་། །སྒྲ་དང་བཅས་པས་བཀའ་བཞིན་བྱེད། །ཞིང་ཆེན་རྒྱུ་འདྲེན་སྟི་རའི་རྡེའུ། །རབ་ཏུ་གཏུམ་པས་ཁ་ཊྭཱྃ་འཕེན། །ཐོད་རློན་གཡང་གཞིས་རྒྱན་དུ་བྱས། །བརྐྱང་བསྐུམ་རྐང་གིས་ཞིང་ཆེན་གནོན། །རྣལ་འབྱོར་ཡོངས་ཀྱི་བཀའ་བཞིན་དུ། །སྟབས་
གླུ་ཕྱག་རྒྱ་སྔགས་ཚིག་གིས། །ཅི་འདོད་ལས་དེ་གྲུབ་པར་བྱོས། །དབང་ཕྱུག་ཚོགས་ཀྱི་བཀའ་ཉན་མ། །འཇིགས་སུ་རུང་བའི་སྡང་མིག་ཅན། །མཐིང་ནག་ཟ་བྱེད་ཆགས་པས་འགྱིང་། །དབུ་གཅིག་ཕྱག་དྲུག་འཇིགས་པའི་གཟུགས། །སྟིར་ཆེན་
104-1-26a


སྙིང་འདྲེན་གཙོ་ལ་སྟོབས། །སྟག་ཆེན་མགོ་ཡི་ཞལ་གདངས་ཤིང་། །སྒྲ་དང་བཅས་པས་བཀའ་བཞིན་བྱེད། །དུང་དམར་དྲིལ་ཁྲོལ་ཁ་ཊྭཱྃ་གྲི། ཐོད་རློན་གཡང་གཞི་རྒྱན་དུ་བྱས། །བརྐྱང་བསྐུམ་རྐང་གིས་ཞིང་ཆེན་གནོན། །རྣལ་
འབྱོར་ཡོངས་ཀྱི་བཀའ་བཞིན་དུ། །སྟབས་གླུ་ཕྱག་རྒྱ་སྔགས་ཚིག་གིས། །ཅི་འདོད་ལས་དེ་གྲུབ་པར་བྱོས། །དབང་ཕྱུག་ཚོགས་ཀྱི་བཀའ་ཉན་མ། །འཇིགས་སུ་རུང་བའི་སྡང་མིག་ཅན། །དམར་མོ་ཁྲག་འཐུང་ཆགས་པས་འགྱིང་། །དབུ་གཅིག་
ཕྱག་དྲུག་འཇིགས་པའི་གཟུགས། །བགེགས་འདུལ་ལྕགས་ཀྱུས་ཞལ་དུ་སྟོབས། །རྒོད་ཆེན་མགོ་ཡི་ཞལ་གདངས་ཤིང་། །སྒྲ་དང་བཅས་པས་བཀའ་བཞིན་བྱེད། །དུང་དམར་ཞིང་དབྱུག་ཁ་ཊྭཱྃ་འཕེན། །ཐོད་རློན་གཡང་གཞི་རྒྱན་དུ་བྱས། །
བརྐྱང་བསྐུམ་རྐང་གིས་ཞིང་ཆེན་གནོན། །རྣལ་འབྱོར་ཡོངས་ཀྱི་བཀའ་བཞིན་དུ། །སྟབས་གླུ་ཕྱག་རྒྱ་སྔགས་ཚིག་གིས། །ཅི་འདོད་ལས་དེ་གྲུབ་པར་བྱོས། །དབང་ཕྱུག་ཚོགས་ཀྱི་དཀའ་ཉན་མ། །འཇིགས་སུ་རུང་བའི་སྡང་མིག་ཅན། །དམར་མོ་
ཁྲག་འཐུང་ཆགས་པས་འགྱིང་། །དབུ་གཅིག་ཕྱག་དྲུག་འཇིགས་པའི་གཟུགས། །བན་དས་ཁྲག་ཆེན་གཙོ་ལ་སྟོབས། །རྟ་ཆེན་མགོ་ཡི་ཞལ་གདངས་ཤིང་། །སྒྲ་དང་བཅས་པས་བཀའ་བཞིན་བྱེད། །རྩེ་ལྔ་དྲིལ་དབྱུང་ཁཱ་ཊྭཱྃ་འཕེན། །ཞིང་ཆེན་ཟ་
བའི་དབང་ཕྱུག་མ། །ཐོད་རློན་གཡང་གཞིས་རྒྱན་དུ་བྱས། །བརྐྱང་བསྐུམ་རྐང་གིས་ཞིང་ཆེན་གནོན། །རྣལ་འབྱོར་ཡོངས་ཀྱི་བཀའ་བཞིན་དུ། །སྟབས་གླུ་ཕྱག་རྒྱ་སྔགས་ཚིག་གིས། །ཅི་འདོད་ལས་དེ་གྲུབ་པར་བྱོས། །དབང་ཕྱུག་ཚོགས་ཀྱི་
བཀའ་ཉན་མ། །འཇིགས་སུ་རུང་བའི་སྡང་མིག་ཅན། །དཀར་དམར་གཅིག་པུ་ཆགས་པས་འགྱིང་། །དབུ་གཅིག་ཕྱག་དྲུག་འཇིགས་པའི་གཟུགས། །བན་དྷས་ཁྲག་ཆེན་གཙོ་ལ་སྟོབས། །བྱི་ཆེན་མགོ་ཡི་ཞལ་གདངས་ཤིང་། །སྒྲ་དང་བཅས་པས་
བཀའ་བཞིན་བྱེད། །རྡོ་རྗེ་ཏྲི་ཤུལ་དྲིལ་དབྱུག་ཞིང་། །ཐོད་རློན་གཡང་གཞི་རྒྱན་དུ་བྱས། །བརྐྱང་བསྐུམ་རྐང་གིས་ཞིང་ཆེན་གནོན། །རྣལ་འབྱོར་ཡོངས་ཀྱི་བཀའ་བཞིན་དུ། །སྟབས་གླུ་ཕྱག་རྒྱ་སྔགས་ཚིག་གིས། །ཅི་འདོད་ལས་དེ་གྲུབ་པར་བྱོས། །
104-1-26b


དབང་ཕྱུག་ཚོགས་ཀྱི་བཀའ་ཉན་མ། །འཇིགས་སུ་རུང་བའི་སྡང་མིག་ཅན། །དམར་ནག་ཡིད་འཕྲོག་ཆགས་པས་འགྱིང་། །དབུ་གཅིག་ཕྱག་དྲུག་འཇིགས་པའི་གཟུགས། །སྟིར་ཆུང་ཟ་ཞིང་གཙོ་ལ་སྟོབས། །སྤྱང་ཆེན་མགོ་ཡི་ཞལ་གདངས་ཤིང་། །
སྒྲ་དང་བཅས་པས་བཀའ་བཞིན་བྱེད། །ཁ་ཊྭཱྃ་དུང་དམར་ལྕགས་ཀྱུ་གྲི། །ཐོད་རློན་གཡང་གཞིས་རྒྱན་དུ་བྱས། །བརྐྱང་བསྐུམ་རྐང་གིས་ཞིང་ཆེན་གནོན། །རྣལ་འབྱོར་ཡོངས་ཀྱི་བཀའ་བཞིན་དུ། །སྟབས་གླུ་ཕྱག་རྒྱ་སྔགས་ཚིག་གིས། །ཅི་
འདོད་ལས་དེ་གྲུབ་པར་བྱོས། །དབང་ཕྱུག་ཚོགས་ཀྱི་བཀའ་ཉན་མ། །འཇིགས་སུ་རུང་བའི་སྡང་མིག་ཅན། །དཀར་དམར་གྲུབ་པ་ཆགས་པས་འགྱིང་། །དབུ་གཅིག་ཕྱག་དྲུག་འཇིགས་པའི་གཟུགས། །སྟིར་ཆེན་གློ་སྙིང་གཙོ་ལ་སྟོབས། །པུ་ཤུད་
མགོ་ཡི་ཞལ་གདངས་ཤིང་། །སྒྲ་དང་བཅས་པས་བཀའ་བཞིན་བྱེད། །པདྨ་ཁ་ཊྭཱྃ་དུང་དམར་ཞགས། །ཐོད་རློན་གཡང་གཞིས་རྒྱན་དུ་བྱས། །བརྐྱང་བསྐུམ་རྐང་གིས་ཞིང་ཆེན་གནོན། །རྣལ་འབྱོར་ཡོངས་ཀྱི་བཀའ་བཞིན་དུ། །སྟབས་གླུ་ཕྱག་རྒྱ་སྔགས་
ཚིག་གིས། །ཅི་འདོད་ལས་དེ་གྲུབ་པར་བྱོས། །དབང་ཕྱུག་ཚོགས་ཀྱི་བཀའ་སྡོད་མ། །འཇིགས་སུ་རུང་བའི་སྡང་མིག་ཅན། །ལྗང་སེར་ཀླུ་མོ་ཆགས་པས་འགྱིང་། །དབུ་གཅིག་ཕྱག་དྲུག་འཇིགས་པའི་གཟུགས། །བན་དས་ཁྲག་ཆེན་གཙོ་ལ་སྟོབས། །ཤ་
ཆེན་མགོ་ཡི་ཞལ་གདངས་ཤིང་། །སྒྲ་དང་བཅས་པས་བཀའ་བཞིན་བྱེད། །རྔེའུ་རྡུང་ཁ་ཊྭཱྃ་གྲི་འདེབས་ཞིང་། །ཐོད་རློན་གཡང་གཞིས་རྒྱན་དུ་བྱས། །བརྐྱང་བསྐུམ་རྐང་གི་ཞིང་ཆེན་གནོན། །རྣལ་འབྱོར་ཡོངས་ཀྱི་བཀའ་བཞིན་དུ། །སྟབས་གླུ་ཕྱག་
རྒྱ་སྔགས་ཚིག་གིས། །ཅི་འདོད་ལས་དེ་གྲུབ་པར་བྱོས། །དབང་ཕྱུག་ཚོགས་ཀྱི་བཀའ་ཉན་མ། །འཇིགས་སུ་རུང་བའི་སྡང་མིག་ཅན། །དམར་ནག་གསོད་ཆེན་ཆགས་པས་འགྱིང་། །དབུ་གཅིག་ཕྱག་དྲུག་འཇིགས་པའི་གཟུགས། །སྟིར་ཆེན་གློ་
སྙིང་གཙོ་ལ་སྟོབས། །སྤང་ཏི་མགོ་ཡི་ཞལ་གདངས་ཤིང་། །སྒྲ་དང་བཅས་པས་བཀའ་བཞིན་བྱེད། །རྡོ་རྗེ་རལ་གྲི་རྡེའུ་ཆུང་རྡུང་། །ཐོད་རློན་གཡང་བཞིས་རྒྱན་དུ་བྱས། །བརྐྱང་བསྐུམ་རྐང་གི་ཞིང་ཆེན་གནོན། །རྣལ་འབྱོར་ཡོངས་ཀྱི་བཀའ་
104-1-27a


བཞིན་དུ། །སྟབས་གླུ་ཕྱག་རྒྱ་སྔགས་ཚིག་གིས། །ཅི་འདོད་ལས་དེ་གྲུབ་པར་བྱོས། །དབང་ཕྱུག་ཚོགས་ཀྱི་བཀའ་ཉན་མ། །འཇིགས་སུ་རུང་བའི་སྡང་མིག་ཅན། །ལྗང་དམར་མེ་མོ་ཆགས་པས་འགྱིང་། །དབུ་གཅིག་ཕྱག་དྲུག་འཇིགས་པའི་
གཟུགས།  ཞིང་ཆེན་རྒྱུ་འདྲེན་ཞལ་དུ་སྟོབས། །སྐྱིན་ཆེན་མགོ་ཡི་ཞལ་གདངས་ཤིང་། །སྒྲ་དང་བཅས་པས་བཀའ་བཞིན་བྱེད། །དུང་དམར་ཁ་ཊྭཱྃ་ལྕགས་ཀྱུ་དྲིལ། །ཐོད་རློན་གཡང་བཞིས་རྒྱན་དུ་བྱས། །བརྐྱང་བསྐུམ་རྐང་གིས་ཞིང་ཆེན་གནོན། །
རྣལ་འབྱོར་ཡོངས་ཀྱི་བཀའ་བཞིན་དུ། །སྟབས་གླུ་ཕྱག་རྒྱ་སྔགས་ཚིག་གིས། །ཅི་འདོད་ལས་དེ་གྲུབ་པར་བྱོས། །དབང་ཕྱུག་ཚོགས་ཀྱི་བཀའ་ཉན་མ། །འཇིགས་སུ་རུང་བའི་སྡང་མིག་ཅན། །ལྗང་སེར་ཕག་མོ་ཆགས་པས་འགྱིང་། །དབུ་གཅིག་
ཕྱག་དྲུག་འཇིགས་པའི་གཟུགས། །བན་དས་ཁྲག་ཆེན་གཙོ་ལ་སྟོབས། །ཕག་ཆེན་མགོ་ཡི་ཞལ་གདངས་ཤིང་། །སྒྲ་དང་བཅས་པས་བཀའ་བཞིན་བྱེད། །རྩེ་ལྔ་ཞིང་ཟ་ཁ་ཊྭཱྃ་གྲི། །ཐོད་རློན་གཡང་གཞི་རྒྱན་དུ་བྱས། །བརྐྱང་བསྐུམ་
རྐང་གི་ཞིང་ཆེན་གནོན། །རྣལ་འབྱོར་ཡོངས་ཀྱི་བཀའ་བཞིན་དུ། །སྟབས་གླུ་ཕྱག་རྒྱ་སྔགས་ཆིག་གིས། །ཅི་འདོད་ལས་དེ་གྲུབ་པར་བྱོས། །དབང་ཕྱུག་ཆོགས་ཀྱི་བཀའ་ཉན་མ། །འཇིགས་སུ་རུང་བའི་སྡང་མིག་ཅན། །ལྗང་ནག་སྣ་ཆད་ཆགས་
པས་འགྱིང་། །དབུ་གཅིག་ཕྱག་དྲུག་འཇིགས་པའི་གཟུགས། །བདུད་རྩི་དུང་དམར་ཞལ་དུ་སྟོབས། །རྔ་ཆེན་མགོ་ཡི་ཞལ་གདངས་ཤིང་། །སྒྲ་དང་བཅས་པས་བཀའ་བཞིན་བྱེད། །ཁ་ཊྭཱྃ་ཟངས་གྲི་ཞགས་པ་འཛིན། །ཐོད་རློན་གཡང་བཞིས་
རྒྱན་དུ་བྱས། །བརྐྱང་བསྐུམ་རྐང་གིས་ཞིང་ཆེན་གནོན། །རྣལ་འབྱོར་ཡོངས་ཀྱི་བཀའ་བཞིན་དུ། །སྟབས་གླུ་ཕྱག་རྒྱ་སྔགས་ཚིག་གིས། །ཅི་འདོད་ལས་དེ་གྲུབ་པར་བྱོས། །དབང་ཕྱུག་ཚོགས་ཀྱི་བཀའ་ཉན་མ། །འཇིགས་སུ་རུང་བའི་སྡང་
མིག་ཅན། །སྔོ་སྐྱ་ཆུ་མོ་ཆགས་པས་འགྱིང་། །དབུ་གཅིག་ཕྱག་དྲུག་འཇིགས་པའི་གཟུགས། །ཞིང་ཆེན་གློ་སྙིང་འདྲེན་ཅིང་འདྲེན་ཅིང་སྟོབས། །བྱ་རོག་མགོ་ཡི་ཞལ་གདངས་ཤིང་། །སྒྲ་དང་བཅས་པས་བཀའ་བཞིན་བྱེད། །དུང་དམར་དྲིལ་ཁྲོལ་ཁ་ཊྭཱྃ་གྲི། །ཐོད་རློན་གཡང་གཞིས་
104-1-27b


རྒྱན་དུ་བྱས། །བརྐྱང་བསྐུམ་རྐང་གིས་ཞིང་ཆེན་གནོན། །རྣལ་འབྱོར་ཡོངས་ཀྱི་བཀའ་བཞིན་དུ། །སྟབས་གླུ་ཕྱག་རྒྱ་སྔགས་ཚིག་གིས། །ཅི་འདོད་ལས་དེ་གྲུབ་པར་བྱོས། །དབང་ཕྱུག་ཚོགས་ཀྱི་བཀའ་ཉན་མ། །འཇིགས་སུ་རུང་བའི་
སྡང་མིག་ཅན། །དམར་སྐྱ་རྒན་མོ་ཆགས་པས་འགྱིང་། །དབུ་གཅིག་ཕྱག་དྲུག་འཇིགས་པའི་གཟུགས། །བདུད་རྩི་དུང་དམར་ཞལ་དུ་སྟོབས། །སྐེག་ཆེན་མགོ་ཡི་ཞལ་གདངས་ཤིང་། །སྒྲ་དང་བཅས་པས་བཀའ་བཞིན་དུ། །དབྱུག་དྲིལ་ཁ་ཊྭཱྃ་
རྒྱུ་འདྲེན་ཅིང་། །ཐོད་རློན་གཡང་གཞིས་རྒྱན་དུ་བྱས། །བརྐྱང་བསྐུམ་རྐང་གིས་ཞིང་ཆེན་གནོན། །རྣལ་འབྱོར་ཡོངས་ཀྱི་བཀའ་བཞིན་དུ། །སྟབས་གླུ་ཕྱག་རྒྱ་སྔགས་ཚིག་གིས། །ཅི་འདོད་ལས་དེ་གྲུབ་པར་བྱོས། །དབང་ཕྱུག་ཚོགས་ཀྱི་བཀའ་
ཉན་མ། །འཇིགས་སུ་རུང་བའི་སྡང་མིག་ཅན། །གནག་ཅིང་ནག་མོ་ཆགས་པས་འགྱིང་། །དབུ་གཅིག་ཕྱག་དྲུག་འཇིགས་པའི་གཟུགས། །ཞིང་ཆུང་ཟ་ཞིང་གཙོ་ལ་སྟོབས། །ཁུ་བྱུག་མགོ་ཡི་ཞལ་གདངས་ཤིང་། །སྒྲ་དང་བཅས་པས་བཀའ་བཞིན་
བྱེད། །ལྕགས་ཀྱུ་དུང་དམར་ཁ་ཊྭཱྃ་གྲི། །ཐོད་རློན་གཡང་གཞིས་རྒྱན་དུ་བྱས། །བརྐྱང་བསྐུམ་རྐང་གིས་ཞིང་ཆེན་གནོན། །རྣལ་འབྱོར་ཡོངས་ཀྱི་བཀའ་བཞིན་དུ། །སྟབས་གླུ་ཕྱག་རྒྱ་སྔགས་ཚིག་གིས། །ཅི་འདོད་ལས་དེ་གྲུབ་པར་བྱོས། །དབང་ཕྱུག་
ཚོགས་ཀྱི་བཀའ་ཉན་མ། །འཇིགས་སུ་རུང་བའི་སྡང་མིག་ཅན། །སྔོན་མོ་ར་ནི་ཆགས་པས་འགྱིང་། །དབུ་གཅིག་ཕྱག་དྲུག་འཇིགས་པའི་གཟུགས། །ཞིང་ཆེན་རྒྱུ་ཞགས་འདེབས་ཤིང་སྟོབས། །ར་ཆེན་མགོ་ཡི་ཞལ་གདངས་ཤིང་། །སྒྲ་དང་བཅས་
པས་བཀའ་བཞིན་བྱེད། །དུང་དམར་ཁ་ཊྭཱྃ་དྲིལ་ཆེན་ཞགས། །ཐོད་རློན་གཡང་གཞིས་རྒྱན་དུ་བྱས། །བརྐྱང་བསྐུམ་རྐང་གིས་ཞིང་ཆེན་གནོན། །རྣལ་འབྱོར་ཡོངས་ཀྱི་བཀའ་བཞིན་དུ། །སྟབས་གླུ་ཕྱག་རྒྱ་སྔགས་ཚིག་གིས། །ཅི་འདོད་ལས་
དེ་གྲུབ་པར་བྱོས། །དབང་ཕྱུག་ཚོགས་ཀྱི་བཀའ་ཉན་མ། །འཇིགས་སུ་རུང་བའི་སྡང་མིག་ཅན། །དམར་མོ་བུམ་རྣ་ཆགས་པས་འགྱིང་། །དབུ་གཅིག་ཕྱག་དྲུག་འཇིགས་པའི་གཟུགས། །བན་དྷས་ཁྲག་ཆེན་གཙོ་ལ་སྟོབས། །སྤྲེའུ་ཆེན་མགོ་ཡི་ཞལ་
104-1-28a


གདངས་ཤིང་། །སྒྲ་དང་བཅས་པས་བཀའ་བཞིན་བྱེད། །ཞིང་ཆེན་ཁ་ཊྭཱྃ་འཕེན་ཚུལ་དུ། །ལྕགས་སྒྲོག་ཀུན་འཛིན་ཟངས་གྲིས་འདེབས། །ཐོད་རློན་གཡང་གཞིས་རྒྱན་དུ་བྱས། །བརྐྱང་བསྐུམ་རྐང་གིས་ཞིང་ཆེན་གནོན། །རྣལ་
འབྱོར་ཡོངས་ཀྱི་བཀའ་བཞིན་དུ། །སྟབས་གླུ་ཕྱག་རྒྱ་སྔགས་ཚིག་གིས། །ཅི་འདོད་ལས་དེ་གྲུབ་པར་བྱོས། །དབང་ཕྱུག་ཚོགས་ཀྱི་བཀའ་ཉན་མ། །འཇིགས་སུ་རུང་བའི་སྡང་མིག་ཅན། །ལྗང་ནག་གསུས་འཛིན་ཆགས་པས་འགྱིང་། །དབུ་གཅིག་
ཕྱག་དྲུག་འཇིགས་པའི་གཟུགས། །ཞིང་ཆེན་གློ་སྙིང་གཙོ་ལ་སྟོབས། །སྦྱང་ཆེན་མགོ་ཡི་ཞལ་གདངས་ཤིང་། །སྒྲ་དང་བཅས་པས་བཀའ་བཞིན་བྱེད། །དྲིལ་ཆེན་སྒྲ་སྒྲོགས་དུང་དམར་འཐུང་། །ཁ་ཊྭཱྃ་འཕེན་ཅིང་རྡེའུ་ཆུང་ཟ། །ཐོད་རློན་གཡང་གཞིས་
རྒྱན་དུ་བྱས། །བརྐྱང་བསྐུམ་རྐང་གིས་ཞིང་ཆེན་གནོན། །རྣལ་འབྱོར་ཡོངས་ཀྱི་བཀའ་བཞིན་དུ། །སྟབས་གླུ་ཕྱག་རྒྱ་སྔགས་ཚིག་གིས། །ཅི་འདོད་ལས་དེ་གྲུབ་པར་བྱོས། །ཕོ་ཉ་རྡོ་རྗེ་དབང་ཕྱུག་མ། །ཅི་ཡང་འགྱུར་བའི་གཟུགས་ཅན་
རྣམས། །འཇིགས་པའི་གཟུགས་ཅན་མང་པོ་ཡིས། །དམ་བཅས་བཞིན་དུ་ལས་ཀུན་བྱོས། །དེ་བཞིན་གཤེགས་པ་ཁྲོ་བོའི་སྤྲིན་རྣམ་པར་སྤྲོས་པ་བདུད་བཏུལ་བའི་ལེའུ་སྟེ་དགུ་པའོ།། །། དེ་ནས་བཅོམ་ལྡན་འདས་དཔལ་རྡོ་རྗེ་ཧེ་རུ་
ཀ་ཁྲག་འཐུང་ཆེན་པོ་རྣམས་བྱང་ཆུབ་ཀྱི་སེམས་ཀྱི་སྤྲིན་ལས། ཨོཾ་མ་ཧཱ་ཙིཏྟཱ་མཎྜཱ་ལ། ཀྲོ་དྷ་ཧ་ཧ་ཧ། ཧེ་ཧེ་ཧེ། ཕཊ་ཕཊ་ཕཊ། ཙ་ཏུར་ཡོ་གཱི་ནི་ཧྲིང་ཧྲིང་ཧྲིང་། ཏྲིང་ཏྲིང་ཏྲིང་། མྲིང་མྲིང་མྲིང་། ཀྲིང་ཀྲིང་ཀྲིང་། ཧ་ཧ་ཧ་ཞེས་བརྗོད་པས་རྡོ་རྗེ་
ཧེ་རུ་ཀ་སྐུ་བསམ་གྱིས་མི་ཁྱབ་པ་ཁྲོས་པས་རྔམ་པར་གནས་སོ། །རཏྣ་ཧེ་རུ་ཀ་སྦྱིན་པའི་ཁྲོ་བ་མཛད་དོ། །ཆགས་པའི་ཧེ་རུ་ཀ་དང་སྐུ་དབང་གི་ཚུལ་གྱིས་ཤིན་ཏུ་ཁྲོ་བ་མཛད་དོ། །ལས་ཀྱི་ཧེ་རུ་ཀ་ཀུན་ཏུ་མི་མཛད་པ་མེད་པའི་ཚུལ་གྱིས་གདུག་པའི་
ཁྲོ་བོ་ཆེན་པོའོ། །དེ་དག་ཀྱང་རྡོ་རྗེ་འཛིན་མ་ཁྲོ་མོ་དང་། རིན་ཆེན་དབྱུག་ཏོ་མ་ཞེས་བྱ་བའི་ཁྲོ་མོ་དང་། པདྨ་བན་ད་འཛིན་མ་ཞེས་བྱ་བའི་ཁྲོ་མོ་དང་། ལས་ཀྱི་དབྱུག་ཐོ་མ་ཞེས་བྱ་བའི་ཁྲོ་མོ་དང་བཅས་པ་རྣམས་བརྐྱང་བསྐུམ་གྱི་སྟབས་ཀྱིས་དཔལ་ཧེ་རུ་
104-1-28b


ཀ་ལ་འཁྲིལ་ནས་གཉིས་སུ་མེད་པའི་ཚུལ་གྱིས་མཉམ་པ་ཆེན་པོར་གནས་སོ། །དེའི་ཕྱི་རིམ་ན་རྣལ་འབྱོར་ཆེན་མོ་དཀར་མོ་དང་། རྣལ་འབྱོར་ཆེན་མོ་སྐུལ་བྱེད་མ་དང་། གསོད་བྱེད་མ་དང་། ཟ་བྱེད་མ་དང་། རྣལ་འབྱོར་མ་དང་།  གཏུམ་མོ་དང་། རྣལ་
འབྱོར་མ་ལས་གྲུབ་པར་བྱེད་མ་དང་། རྡོ་རྗེ་རིགས་བྱེད་མ་དང་། དབང་སྡུད་ཆེན་མོ་དང་། དྲག་པོའི་ཆ་བྱད་ཀྱིས་ཁྲག་དང་ཀེང་རུས་ཀྱི་དཀྱིལ་ན་ཞབས་གཉིས་ཐབས་དང་ཤེས་རབ་ཀྱི་ཚུལ་དུ་བརྐྱང་བསྐུམ་གྱི་ཚུལ་དུ་གནས་སོ། །དེའི་ཕྱི་རིམ་ན་རྡོ་རྗེ་འཕྲ་
མེན་ཆེན་མོ་དང་། སེང་གེ་མགོ་ཆེན་མོ་སྟབས་དང་ལྡན་མ་དང་། སྟག་མགོ་ཆེན་མོ་སྟབས་དང་ལྡན་མ་དང་། མྱོས་བྱེད་རྟ་མགོ་ཆེན་མོ་དང་། འུག་པའི་མགོ་ཅན་དང་། བྱ་རྒོད་མགོ་གསོད་བྱེད་སྟབས་ཆེན་མོ་དང་། མཆུ་རིངས་མགོ་ཅན་གཅོད་བྱེད་
ཆེན་མོ་དང་། ཝའི་མགོ་ཅན་སྐུལ་བྱེད་མའི་སྟབས་ཆེན་མོ་དང་། རབ་ཏུ་སྒྲ་འབྱིན་གྱི་མགོ་ཅན་དང་། རྣམ་པར་རབ་ཏུ་སྒྱུས་གསོད་མཛད་ཕ་ཝང་མགོ་ཅན་ཆེན་མོ་དང་། མི་གཏོང་བར་ཟ་བར་བྱེད་མ་ཕག་གི་མགོ་ཅན་ཞེ་སྡང་ཆེན་མོ་རྣམས་རང་རང་
གི་ལག་ཆ་དང་། གདུག་པའི་མཚོན་དང་ཆས་ནས་གནས་པར་མཛད་དོ། །དེ་བཞིན་གཤེགས་པ་ཐམས་ཅད་ཀྱི་གསང་བ་ལས་རྣམ་པར་བསྒྱུར་བའི་ཡེ་ཤེས་ཀྱི་འཁོར་ལོ་སྟེ་ལེའུ་བཅུ་པའོ།། །། དེ་ནས་བཅོམ་ལྡན་འདས་གཏུམ་པ་ཆེན་མོ་དང་། 
རྣམ་པར་སྒྱུར་བའི་ཚོགས་རྨོངས་པ་སེལ་བའི་ཏིང་ངེ་འཛིན་གྱིས་དགྱེས་པར་མཛད་དེ་འདི་དག་ཕྱུང་བས་ཀུན་ཏུ་གཡོ་བ་ཆེན་པོ་མཛད་དོ། །ཨོཾ་སརྦ་མ་ཧཱ་ཀཱ་རུ་ཎི་ཀཱ་ཡ་མ་ཧཱ་ཤྲཱི་ཧེ་རུ་ཀ་སརྦ་ཁ་ཐྃ། དུ་པ་ཙ་མ་ཧཱ་ཙཎ་ཌ་ཧཱུྃ་ཧཱུྃ་ཧཱུྃ། ཕཊ་ཕཊ་ཕཊ། ཨོཾ་མ་ཧཱ་གཱ་རུ་
ཎི་ཀཱ་ཡ། མ་ཧཱ་རཏྣ་ཧེ་རུ་ཀ་སརྦ་ཁ་ཏྃ་དྷུ། པ་ཙ་མ་ཧཱ་ཙཎྜ་ཏྲཱྃ་ཏྲཱྃ་ཏྲཱྃ། ཕཊ་ཕཊ་ཕཊ། ཨོཾ་སརྦ་མ་ཧཱ་ཀཱ་རུ་ཎི་ཀཱ་ཡ། མཧཱ་ཤྲཱི་པདྨ་ཧེ་རུ་ཀ་སརྦ་ཁ་ཏྃ་མ་དྷུ། ཧྲཱིྃ་ཧྲཱིྃ་ཧྲཱིྃ་ཧྲཱིྃ་ཧྲཱིྃ། ཕཊ་ཕཊ་ཕཊ། ཨོཾ་སརྦ་མ་ཧཱ་ཀཱ་རུ་ཎི་ཀཱ་ཡ། མ་ཧཱ་ཤྲཱི་ཀརྨ་ཧེ་རུ་ཀ་སརྦ་ཁ་ཏྲྃ་དྷུ། 
པ་ཙ་མ་ཧཱ་ཙཎ་ཌ་ཧ་ཧ་ཧ། ཧཱུྃ་ཧཱུྃ་ཧཱུྃ། ཕཊ་ཕཊ་ཕཊ། ཧ་ལ་ཧ་ལ་ཧ་ལ་ཧཱུྃ། ཨོཾ་སརྦ་མ་ཧཱ་ཀཱ་རུ་ཎི་ཀཱ་ཡ། བུད་དྷ་ལོ་ཙ་ནཱ་ཌཱ་ཀི་ནི། ཧ་ན་ཧ་ན་ཧ་ན། ཧཱུྃ་ཧཱུྃ་ཧཱུྃ་ཕཊ། ཨོཾ་སརྦ་ཀཱ་རུ་ཎཱི་ཀཱ་ཡ། བཛྲ་ལོ་ཙ་ན་མ་ཧཱ་ཌཱ་ཀི་ནི་དྷ་ཀ་དྷ་ཀ་ཧཱུྃ་ཧཱུྃ་ཧཱུྃ་ཕཊ། ཨོཾ་སརྦ་
104-1-29a


མ་ཧཱ་ཀཱ་རུ་ཎི་ཀཱ་ཡ། རད་ན་ལོ་ཙ་ན་ཌཱ་ཀི་ནི། པ་ཙ་པ་ཙ་ཧཱུྃ་ཧཱུྃ་ཧཱུྃ་ཕཊ། ཨོཾ་སརྦ་མ་ཧཱ་ཀཱ་རུ་ཎི་ཀཱ་ཡ། མ་ཧཱ་པདྨ་ལོ་ཙ་ན་ཌཱ་ཀཱི་ནི་དྷ་ཧ་དྷ་ཧ་དྷ་ཧ། ཧཱུྃ་ཧཱུྃ་ཧཱུྃ་ཕཊ། ཨོཾ་སརྦ་མ་ཧཱ་ཀཱ་རུ་ཎི་ཀཱ་ཡ། ཀརྨ་ལོ་ཙ་ན་མ་ཧཱ་ཌཱ་ཀི་ནི་ཚིན་དྷ་ཚིན་དྷ། ཧཱུྃ་ཧཱུྃ་ཧཱུྃ། ཏྲཱུྃ་
ཧྲཱུྃ་ཧྃ། ཧྲོྃ་ཧྲོྃ་ཧྲོྃ། ཧ་ཧ་ཧ། ཕཊ་ཕཊ་ཕཊ། ཨོཾ་རུ་ལུ་གཽ་རཱི། ཨོཾ་རུ་ལུ་ཙཽ་རཱི། ཨོཾ་རུ་ལུ་པྲ་མོ་ཧཱ། ཨོཾ་རུ་ལུ་བེ་ཏ་ལཱི། ཨོཾ་རུ་ལུ་ཙཎ་ཌ་ལཱི། ཨོཾ་རུ་ལུ་གྷས་མ་རཱི། ཨོཾ་རུ་ལུ་སྨ་ཤཱ་ནཱི། བྷིན་དྷ་བིན་དྷ། གྷུ་མ་གྷུ་མ་གྷུ་མ། ཧ་ན་ཧ་ན་ཧ་ན། ཧཱུྃ་ཧཱུྃ་
ཧཱུྃ། ཕཊ་ཕཊ། ཨོཾ་ཙོོ་ར་ཀ་ར་སིདྷ་ཧེ་ཧེ། ཨོཾ་གཽ་ར་ཀ་ར་བྱ་གྷྲི་ཧེ་ཧེ། ཨོཾ་ཙི་ར་ཀ་ཀ་ར་སྲི་གླ་ཧེ་ཧེ། ཨོཾ་ཤྭ་ན་ཀ་ར་གྲྀ་ཌྷ་ཧེ་ཧེ། ཨོཾ་ཀཱང་ཀ་ཀ་ར་ཀཱ་ཀ་ཕཊ་ཕཊ།  ཨོཾ་ག་ཏ་ཀ་ར་པ་ཉྩ་མ་ཧེ་ཧེ་ཕཊ། ཧསྟ་ཀ་ར་ཨཱུ་ལུ་ཀ་ཧེ་ཧེ་ཧེ། ཧྲིྃ་ཧྲིྃ་ཧྲིྃ། ཕཊ་ཕཊ། 
མ་ཧཱ་ཙ་ཏུར་ཡོ་གི་ནི་ཧ་ཧ་ཧ། ཧེ་ཧེ་ཧེ། ཧཱུྃ་ཧཱུྃ་ཧཱུྃ། ཕཊ་ཕཊ། བྷྱོ་བྷྱོ་བྷྱོ་བྷྱོ་བྷྱོ་བྷྱོ། བྷྱོ་བྷྱོ་བྷྱོ་བྷྱོ་བྷྱོ་བྷྱོ། བྷྱོ་བྷྱོ་བྷྱོ་བྷྱོ་བྷྱོ་བྷྱོ། བྷྱོ་བྷྱོ་བྷྱོ་བྷྱོ་བྷྱོ་བྷྱོ། བྷྱོ་བྷྱོ་བྷྱོ་བྷྱོ། རུ་ལུ་རུ་ལུ་རུ་ལུ་རུ་ལུ་རུ་ལུ་རུ་ལུ་རུ་ལུ་རུ་ལུ་རུ་ལུ་རུ་ལུ་རུ་ལུ་རུ་ལུ། ཁཱ་ཧི་ཁཱ་ཧི་ཁཱ་ཧི་ཁཱ་ཧི་
ཁཱ་ཧི་ཁཱ་ཧི། ཕཊ་ཕཊ་ཕཊ། ས་མ་ཡ་ས་མ་ཡ། ཡོ་ག་ཡོ་གི་ནི་ཕཊ་ཕཊ་ཕཊ། ཧཱུྃ་ཧཱུྃ་ཧཱུྃ་ཞེས་བརྗོད་པས་ཐམས་ཅད་རབ་ཏུ་བརྒྱལ། རབ་ཏུ་དངངས། རབ་ཏུ་མྱོས། རབ་ཏུ་བསྒྲལ་བར་གྱུར་ཏོ། །བསྣམས་ཤིང་གསོལ་ནས་མི་གནས་པར་མཛད་དོ། །
དེ་བཞིན་གཤེགས་པ་ཐམས་ཅད་ཀྱི་གསང་བ་མཉེས་པ་ལས་སྔགས་ཀྱི་ལེའུ་སྟེ་བཅུ་གཅིག་པའོ།། །། དེ་ནས་བཅོམ་ལྡན་འདས་སྐུ་གསུང་ཐུགས་རྔམ་པའི་སྟབས་ཀྱིས་ཛཿཛཿཛཿཧཱུཾ་ཧཱུཾ་ཧོཿཧོཿཞེས་པར་མཛད་དོ། །མངོན་སྤྱོད་ཀྱི་ལས་ཀྱི་
སྦྱོར་བ་སྦྱོར་བ་ཆེན་པོ་མཛད་དོ། །གསང་བའི་རྡོ་རྗེའི་མཛོད་ནས་གསང་བའི་ཡུམ་གྱི་པད་མ་ཡོངས་སུ་ཡངས་པའི་ནང་དུ་སེམས་ཅན་གྱི་ཚོགས་བྱང་ཆུབ་སེམས་སུ་མཛད་ནས་མཁའ་ཕག་སྟེ་སྲས་སུ་བསྐྱེད་བར་མཛད་དེ་མཛད་ནས་དྲན་པ་སྙེད་དོ། །སངས་
རྒྱས་ཀྱི་སྐུ་བསམ་གྱིས་མི་ཁྱབ་པ་མེ་དཔུང་བསམ་གྱི་མི་ཁྱབ་པ་མཚོན་ཆ་དང་དབུ་དང་ཞལ་མང་ཞིང་སྐྱི་བུང་ཞེས་བྱེད་པ་དངངས་ཤིང་གསོད་པར་མཐོང་སྟེ་སྨྲས་པ། རབ་ཏུ་འཇིགས་པའི་ཁྲོ་བོ་རྣམས། །ཤིན་ཏུ་བདེ་བའི་གནས་ཤིག་ནས། །བཏོན་པ་
104-1-29b


སྐལ་པ་རབ་ཏུ་ཆུང་། །ད་ནི་ཅི་མཛད་ལ་གོར་མཛོད། །ལྷ་ཅིག་རྗེ་ཅིག་འོན་ཞེས་སྨྲས་པའི་ཚིག་གིས་སེམས་ཅན་གྱི་མཚན་མ་འབྱོངས་བར་གྱུར་པར་མཁྱེན་ཏོ། །དེ་ནས་བཅོམ་ལྡན་འདས་དགྱེས་པ་ཆེན་པོས་རབ་ཏུ་སྨྲོས་ལ་གནོང་ལོང་ཤིག །རྗེ་ལ་གུས་
པར་དམ་ནོས་ལ། །འདི་ལ་གནས་པར་སྐལ་མེད་པས། །ཕྱི་ཡི་དཀྱིལ་འཁོར་ས་ལ་འདུག་ཅེས་བཀའ་སྩལ་པས་དངངས་བ་རྟས་པར་གྱུར་ཏེ། རྡོ་རྗེ་བྲན་མོའི་མནའ་བོར་ནས་སྨྲས་པ། སྐྱེས་མཆོག་ལྷ་རྗེས་སུ་ཞིག་ལགས། །འབངས་དང་བཀའ་སྩལ་
བདག་ཅག་ཉན། །ཕྱི་ཡི་གནས་སུ་གནས་སུ་བགྱི། །མ་སྲིང་བྲན་གཡོག་འཁོར་ཡུག་རྣམས། །འཇིགས་པའི་སྐུས་ནི་གཞེས་སུ་གསོལ། །ཅི་མཛད་ཁྱོད་མཁྱེན་གཞེས་སུ་གསོལ། །ཡུན་དུ་སྐལ་ལྡན་གཞེས་སུ་གསོལ། །བདག་ཅག་འཇིག་
རྟེན་སྐྱོང་བའི་རྣམས། །དི་རིང་དམ་མནོས་སླན་ཆད་ཏུ། །འཁོར་རྣམས་སྐྱོངས་བར་མི་བགྱིད་དམ། །བཀའ་བཞིན་ལས་ཀུན་མི་སྒྲུབ་བམ། །ཐེག་པ་འཛིན་ལ་མི་སྟོང་ངམ། །བཞུགས་པའི་དཀྱིལ་འཁོར་མི་ཟིན་ན། །ད་ལྟ་བཞིན་དུ་འཇིགས་པ་དང་། །
ཤི་ནས་དམྱལ་བར་ཤོག་ཅེས་སྨྲས་ཏེ་མནའ་བོར་རོ། །དེ་ནས་ཁྲག་འཐུང་ཆེན་པོས་ཅང་མི་གསུང་བར་བཞུགས་པ་ལས་རབ་ཏུ་གསོད་བྱེད་མ་དང་། ཚངས་པ་མོ་དང་། གཞོན་ནུ་མོ་དང་། དབང་མོ་དང་། གྲུབ་མོ་དང་། བསྐྱོད་ཆེན་མོ་དང་། 
རྡོ་རྗེར་གདོང་ཆེན་མོ་དང་། མི་མོ་རླག་པར་བྱེད་པ་ཆེན་མོ་དང་། ཕག་མོ་གསོད་བྱེད་མ་དང་། གཏུམ་པར་མཛད་མ་དང་། བརླན་པར་མཛད་མ་དང་། ཕག་ཆེན་མོ་དང་།  ནག་མོ་རལ་པ་ཆེན་མོ་དང་། རྡོ་རྗེ་འཛིན་མ་ཆེན་མོ་དང་། རྡོ་རྗེ་ནག་ཆེན་མོ་དང་། 
རྡོ་རྗེ་རྒན་བྱད་ཆེན་མོ་དང་། རྡོ་རྗེ་ཡིད་འཕྲོག་པར་བྱེད་མ་དང་། རབ་ཏུ་གཅིག་ཏུ་ཟ་བ་མོ་དང་། རྡོ་རྗེ་སྲིན་མོའི་ཆ་བྱད་ཆེན་མོ་དང་། སྔོ་གནག་ཆེན་མོ་དང་། ལྗང་ནག་ཆེན་མོ་དང་། བེ་ཅོན་ཆེན་མོ་དང་། ཞི་བ་བུམ་སྣ་ཆེན་མོ་དང་། ལས་ལ་གྲུབ་པ་
མོ་དང་། བཀའ་ཉན་པར་བྱེད་མ་དང་། ཚམ་ངམ་གྱི་གཟུགས་དང་། དྲག་ཤུལ་མ་དང་། ཉུལ་བ་མོར་ཚུལ་སྟོན་མ་དེ་དག་ལ་སོགས་པ་མ་དང་སྲིང་མོ་བུ་མོ་རྣམས་རབ་ཏུ་གུས་པར་བཀའ་ཉན་ཏེ། རྡོ་རྗེ་བྲན་མོར་བཀའ་ཉན་ཏེ། རྡོ་རྗེ་བྲན་མོར་དམ་བླངས་
104-1-30a


ནས། ཅི་འདོད་ལས་རྣམས་བདག་ཅག་བགྱིད་ཅེས་མནའ་བོར་ཏེ་འཇིགས་པའི་གཟུགས་དང་། མཚོན་ཆ་དང་། གནས་པའི་གཞིར་བཅས་ཏེ་ཕྱིའི་སྣམ་བུ་ལ་གནས་པའི་ལས་བྱེད་པར་གནས་སོ། །དེ་དག་གི་དཀྱིལ་འཁོར་བསྒྲུབ་
པ་བཤད་དེ། དཀྱིལ་འཁོར་ཕྱི་རོལ་གྲུ་བཞིར་བཅས། །དབུས་སུ་ཟླ་གམ་རཀ་ཏར་བཅས། །བཱ་སུ་ཏ་ཡི་མཎ་ཌཱ་ལ། །དྲི་ཆུ་རཀ་ཏའི་ཚོམ་བུར་བྲི། །ཧྲིཿལས་དབུས་སུ་བཅྭ་བརྒྱད་གཟུགས། །ཡང་ན་དབུ་གསུམ་ཕྱག་དྲུག་པ། །ཐོད་པ་བན་དྷ་
དམར་ཆེན་བཀང་། །བརྒྱད་དམ་ཉི་ཤུ་དགུ་རུ་ལྡན། །ཡང་ན་ལྔ་དུང་ལྡན་པ་ལ། །ལྔ་པའི་ཡི་གེས་བྱིན་གྱིས་བརླབ། །ཟད་འཕྲོ་ཕུད་དང་ལྡན་པ་ལ། །ཨུཙྪུཥྚ་ཡི་སྔགས་ཀྱིས་བཟླས། །ཐོད་པ་དམར་བླུགས་བཏུང་བྱ་ཞིང་། །མིང་དམ་བྷྱོ་འམ་རུ་ལུ་
ཡིས། །མངོན་སུམ་ཕྱིན་པར་བོས་ནས་ནི། །ཁ་ནས་རཀ་ཏས་རབ་གཏོར་ཏེ། །ཧེ་རུ་ཀ་ཡི་ལས་རྣམས་ཀུན། །གོང་ནས་འབྱུང་བའི་ལས་བཞིན་བྱ། །སྒེག་མོ་ན་ཆུང་དེ་དག་ལ། །དབང་གི་ཆགས་པས་འདོད་སྤྱད་དེ། །ཏ་མ་ལ་ཡི་ཕུར་བུས་གདབ། །ཅི་
འདོད་ལས་རྣམས་གྲུབ་པར་སྦྱིན། །ཆགས་དང་གསོད་དང་རྒྱགས་པ་ཆེ། །མཉམ་པ་ཉིད་ཀྱི་ཏིང་འཛིན་གྱིས། །ཙཽ་ར་ཀ་རའི་འཁོར་རྣམས་ཀྱང་། །བཞི་ཡི་ལས་ལ་འཇུག་པར་ནི། །མིང་ཙམ་འཛིན་པའི་རྣལ་འབྱོར་པས། །བསྐུལ་ན་རྩེ་གཅིག་ལས་རྣམས་
འགྲུབ། །དེ་ནས་ཀུན་ཏུ་བཟང་མོ་ཆེན་མོས་མིང་ཙམ་དུ་ཆོས་ཐམས་ཅད་གནས་པར་མཁྱེན་ཏོ། །གསང་བ་སྒྱུ་འཕྲུལ་ཆེན་པོ་འདི་བསྡུ་བ་ཆེན་པོ་མཛད་དོ། །དེ་ནས་སེམས་དཔའ་རྣལ་འབྱོར་མཆོག །ཀུན་ཀྱང་སེམས་དཔའ་རྣལ་འབྱོར་མཆོག །ཆོས་ཀུན་མིང་ཙམ་
རྣལ་འབྱོར་ཡིན། །མིང་ཙམ་རྣལ་འབྱོར་མ་ཡིན་པར། །སེམས་དཔའ་རྣལ་འབྱོར་འགའ་ཡང་མེད། །དེ་ཉིད་དུས་གསུམ་རང་བཞིན་ཏེ། །དེ་ཉིད་ཀུན་ཏུ་བཟང་མོ་མཆོག །སྒྱུ་འཕྲུལ་དྲ་བའི་རྒྱུད་དག་ལས། །སེམས་མ་རྡོ་རྗེ་དེ་དག་ལས། །གསང་བའི་ངེས་དོན་
གང་ཡང་མེད། །ཅེས་ཆོས་ཐམས་ཅད་འདུས་པ་ཆེན་མོར་མཁྱེན་ཏོ། །དེ་བཞིན་གཤེགས་པ་ཐམས་ཅད་ཀྱི་ཧེ་རུ་ཀ་འདུས་པ་ཆེན་མོའི་དཀྱིལ་འཁོར་ཏེ་ལེའུ་བཅུ་གཉིས་པའོ།། །།ཨ་ཧོཿརྒྱུ་ཉིད་སྟོང་པས་འབྲས་བུ་མངོན་སུམ་པ། །བྱིན་གྱིས་
104-1-30b


བརླབ་ཏུ་མེད་པས་བྱིན་གྱིས་བརླབ་པས་འགྲུབ། །སངས་རྒྱས་མཛད་པ་ཉིད་ཀྱང་སེམས་ཅན་ཡིན་ཞེས་རྒྱལ་བས་གསུངས། །དེ་ཉིད་མི་མཛད་མེད་པར་ཤེས་པ་ཀུན་གྱི་ནང་ན་རབ་ཏུ་བསྔགས། །ཆགས་པ་མི་གཏོང་ཆགས་པ་མངོན་སུམ་དགོངས་པ་ཡིན་པས་
དཀྱིལ་འཁོར་གོང་མ་ཀུན་གྱི་དང་། །སྒྲུབ་ལ་དགའ་བས་བསྒྲུབ་ཏུ་མེད་ཕྱིར་བསྒྲུབས་པས་འགྲུབ་ཅེས་རྒྱལ་བས་རབ་ཏུ་གསུངས། །ཕོ་མོ་མེད་ཕྱིར་ཕོ་མོ་སྣང་ལ་དགའ་བ་སྤྱོད་བརྩོན་རྒྱལ་བས་འགྲུབ་ཅེས་བསྒྲུབ་པ་ཀུན་གྱིས་གསུངས། །སྟོང་པར་རྟོགས་ལ་སྤྱོད་ལ་
གཡེལ་བ་རྣལ་འབྱོར་མིན་ཞེས་རྒྱལ་བས་གསུངས། །མེད་ལ་གཏོད་ཅིང་དགེ་སྡིག་འཆོལ་བ་སྡིག་ཅན་ཡིན་པར་རབ་ཏུ་གསལ། །དགེ་སྔིག་ཡོད་ཕྱིར་བརྩོན་པས་འགྲུབ་ཅེས་ཐེག་པ་ཀུན་ལས་འབྱུང་། །བག་དང་མི་ལྡན་རང་བཞིན་མེད་པར་གནས་པ་ལ། །གཙོ་
མཆོག་མི་བཀུར་ཁུངས་ཕྱིན་ཆོས་ལ་མི་བརྩོན་སེམས་ཅན་ཡིན་པར་མངོན་སུམ་གསལ་བར་སྣང་། །དེ་བས་སྒྱུ་འཕྲུལ་གསང་བ་མཆོག་འདི་བུ་རྣམས་གང་ཞིག་ཉན་བརྩོན་པས། །འགྲུས་པར་བསླབས་པ་བག་དང་ལྡན་པ་ལོབས་པ་དང་པོར་ངོ་ཤེས་བྱ། །སྐད་ཅིག་
གཟུགས་ལ་ཕངས་པ་མེད་པར་གུས་ལྡན་གསང་བའི་སྡུད་པ་ཡིན། །རྡོ་རྗེ་སློབ་དཔོན་མཆོག་ལ་དད་པས་སངས་རྒྱས་མ་ལུས་ཀུན་ལ་མཆོད་པ་ཆེན་པོ་ཡིན། །ལམ་ལ་མཁས་པས་རྡོ་རྗེ་སློབ་དཔོན་བཀུར་བའོ། །དེ་སྐད་ཅེས་བཀའ་སྩལ་པ་དང་། རྣལ་འབྱོར་
དང་། རྣལ་འབྱོར་མ་རྣམས་རབ་ཏུ་འདུན་པ་ཆེན་པོ་སྐྱེས་ཏེ། མཆོད་པ་ཆེན་པོ་བཀུར་སྟིས་མཆོད། །དཀྱིལ་འཁོར་དང་པོ་ཕུན་སུམ་ཚོགས། །གཉིས་པ་གསང་བའི་མཆོད་པ་ལ། །གསུམ་པ་རོལ་པ་གླེང་སློང་བ། །ཁྲོས་པའི་སྤྲིན་ལས་བདུད་རྣམས་བཏུལ། །
དོན་ཅིག་སྒྱུ་འཕྲུལ་བཀའ་སྩལ་པ། །ཚོགས་ཀྱི་མཆོད་བ་དགྱེས་པ་ཆེ། །དུས་གསུམ་རྟག་ཏུ་མ་བྱུང་བ། །ལམ་ལ་མཁས་པ་ཡིན་པར་བསྔགས། །བརྩོན་དང་ལྡན་པས་རབ་མཉན་དང་།  གསང་བའི་བསྒྲུབ་པ་འདི་བསྒྲུབ་པ། །ཀུན་ཀྱང་ཀུན་ཏུ་བཟང་པོ་
ཡིན། །བཅོམ་ལྡན་འདས་རྨོངས་པ་སེལ་བ་ཞེས་བྱ་བ་སྒྱུ་འཕྲུལ་ཆེན་པོ་རྫོགས་སོ།། །།  བོད་སྐད་དུ།  གསང་བའི་སྙིང་པོ་དེ་ཁོ་ན་ཉིད་ངེས་པའི་བླ་མ་ཆེན་པོའོ། །བཅོམ་ལྡན་འདས་དཔལ་ཀུན་ཏུ་བཟང་པོ་ཡེ་ཤེས་བླ་མ་ཆེན་པོ་ལ་ཕྱག་
104-1-31a


འཚལ་ལོ། །འདི་སྐད་བཤད་པའི་དུས་གཅིག་ན། སྒྱུ་འཕྲུལ་བླ་མ་ཆེན་པོ་ནི། །སངས་རྒྱས་ཀུན་གྱི་བླ་མ་སྟེ། །རྣལ་འབྱོར་ཀུན་གྱི་གསང་མཆོག་བདེ། །གནས་གསང་བ་ན་བཞུགས་ནས་སུ། །སྙིང་པོ་བླ་མ་འདི་སྐད་བཤད། །དེ་བཞིན་
གཤེགས་པ་ཡང་དག་པར་རྫོགས་པའི་སངས་རྒྱས་བཅོམ་ལྡན་འདས་གསང་བ་བླ་མའི་ལོངས་སྤྱོད་ཆེན་པོ་ཕྱོགས་བཅུ་དུས་བཞིའི་དེ་བཞིན་གཤེགས་པ་ཐམས་ཅད་ཀྱི་སྐུ་དང་གསུང་དང་ཐུགས་ཡོན་ཏན་ཕྲིན་ལས་རྡོ་རྗེའི་བདག་ཉིད་ཅན། མ་ལུས་མི་ལུས་ལུས་པ་
མེད་པ་ཐམས་ཅད་ཀྱང་སོ་སོ་མ་ཡིན་ཐ་མི་དད་དབྱེར་མེད་པའི་རང་བཞིན་ཏེ། ཤིན་ཏུ་གསང་བ་བླ་མ་ཆེན་པོའི་དབྱིངས་འོག་མིན་གྱི་གནས་མཐའ་དང་དབུས་མེད་པ་ན། གཞི་ཚད་མེད་པའི་ཡེ་ཤེས་ཀྱི་འཁོར་ལོ་གསལ་བ་ལ་ཡེ་ཤེས་རིན་པོ་ཆེ་འབར་བའི་
གཞལ་ཡས་ཁང་ནམ་མཁའི་དབྱིངས་ལྟར་རྒྱ་ཕྱོགས་བཅུར་ཡོངས་སུ་མ་ཆད་པ། ཡོན་ཏན་བླ་མ་ཆེན་པོ་དཔག་ཏུ་མེད་པས་རྒྱས་པའི་ཕྱིར་གྲུ་བཞིར་གྱུར་པ། ལྷག་པའི་ཡེ་ཤེས་རིན་པོ་ཆེ་བླ་མའི་གློ་འབུར་བཞིས་མཛེས་པ། རྩེ་མོ་ཕྱོགས་བཅུ་དུས་
བཞིའི་སངས་རྒྱས་ཀྱི་དཀྱིལ་འཁོར་མ་ལུས་པ་ཐམས་ཅད་སོ་སོ་མ་ཡིན་ཐ་མི་དད་པའི་ངོ་བོ་ཉིད་གཅིག་པའི་ཡེ་ཤེས་བླ་མས་ཀུན་ཏུ་འཁྱིལ་པ། ཡེ་ཤེས་བླ་མ་བསམ་གྱིས་མི་ཁྱབ་པའི་དབྱིངས་དང་། ཁ་དོག་ལ་སོགས་པ་རྣམ་པ་ཐ་དད་པའི་བྱེ་བྲག་དང་ཁྱད་
པར་དུ་གྱུར་པ། སྤགས་པ། ཚད་དཔག་ཏུ་མེད་པ། ཡེ་ཤེས་རིན་པོ་ཆེ་བླ་མའི་ཕྲེང་བ་དང་། ཆུན་འཕྱང་དང་། ཤར་བུའི་རྒྱན་དང་། གཟུགས་དང་སྒྲ་དང་། དྲི་དང་རོ་རེག་བྱ་ལ་སོགས་པ་མི་སྒྲིབ་པར་གསལ་བར་རང་བྱུང་ལ། གསལ་བའི་རྒྱན་ཁྱད་
པར་ཅན་བླ་མས་ཀླུབས་པ། ཚད་མེད་པ་བཞིའི་སྒོ་ནས་འཇུག་པའི་སྒོ་ཁྱུད་ཅན། རྣམ་པར་ཐར་པ་བརྒྱད་ཀྱི་རྟ་བབས་དང་ལྡན་པ། ཕྱི་དང་ནང་མེད་པ་ཀུན་ཡང་བླ་མ་ཆེན་པོ་ནང་དུ་གྱུར་པ། ཤིན་ཏུ་གསང་བ་བས་ཁྱབ་བདལ་བའི་བླ་མ་ཆེན་པོའི་
གཞལ་ཡས་ཁང་ན་ཕ་རོལ་ཏུ་ཕྱིན་པ་ལྔའི་ཁྲི། མི་འཇིགས་པ་སེང་གེའི་ཁྲི་དང་།  སྟོབས་གླང་པོ་ཆེའི་ཁྲི་དང་། རྫུ་འཕྲུལ་རྟའི་ཁྲི་དང་། དབང་རྨ་བྱའི་ཁྲི་དང་། ཐོགས་པ་མེད་པ་ནམ་མཁའ་ལྡིང་གི་ཁྲི་དང་། རང་བཞིན་གྱིས་འོད་གསལ་བ་
104-1-31b


ཉི་ཟླའི་དཀྱིལ་འཁོར་དང་། གོས་པ་མེད་པ་པད་མ་རིན་པོ་ཆེའི་གདན་བརྩེགས་པ་ནི། ཡེ་ནས་གསང་བ་བླ་མའི་ཕྱིར། །ཡུམ་གྱི་གཞལ་ཡས་ཕྱོགས་བཅུར་འབར། །ཡེ་ནས་ཕ་རོལ་ཕྱིན་པའི་ཕྱིར། །ཐོགས་པ་མེད་པའི་ཁྲི་རྐང་བརྟན། །རང་
བཞིན་ཡེ་ནས་འོད་གསལ་ཕྱིར། །ཉི་ཟླ་བརྩེགས་པའི་གདན་འབར་ཞིང་། །གདོད་ནས་དྲི་མ་མེད་པའི་ཕྱིར། །རྣམ་པར་དག་པ་པད་མོ་གདན། །རེ་བ་ཡིད་བཞིན་སྐོང་བའི་ཕྱིར། །ཡིད་བཞིན་རིན་ཆེན་གཏེར་གྱི་གདན། །མ་བསགས་ལྷུན་གྱིས་
རྫོགས་པའི་ཕྱིར། །སྣ་ཚོགས་དཀྱིལ་འཁོར་ཆེན་པོའི་རྒྱན། །ཡོན་ཏན་ཆེན་པོའི་གདན་སྟེངས་ན། །སྐུ་མདུན་དང་རྒྱབ་མེད་པར་ཐམས་ཅད་ཏུ་ཞལ་བླ་མ་ཐ་ལེ་བར་གསལ་ཞིང་མཚན་དང་དཔེ་བྱད་དུ་ལྡན་པས་ཐམས་ཅད་ཏུ་བསམ་གྱིས་མི་ཁྱབ་
པའི་སྐུ་གསུང་ཐུགས་ཡོན་ཏན་ཕྲིན་ལས་སྣ་ཚོགས་པར་སྣང་བ། ཐབས་དང་ཤེས་རབ་ཀྱི་ཞབས་གཉིས་མཉམ་པའི་བརྟུལ་ཞུགས་ཀྱི་སྐྱིལ་མོ་ཀྲུང་དུ་བཞུགས་པ། ཡེ་ཤེས་དྲུག་གི་ཕྱག་ཡེ་ཤེས་རིན་པོ་ཆེ་འབར་བའི་ཕྱག་རྒྱ་ཅན། སྐུ་གསུང་ཐུགས་
བསམ་གྱིས་མི་ཁྱབ་པའི་དབུ་གསུམ་དང་ལྡན་པ། བཅོམ་ལྡན་འདས་དེ་བཞིན་གཤེགས་པ་རྣམ་པར་ཤེས་པའི་རྒྱལ་པོ་བླ་མ་དང་། བཙུན་མོ་དམ་པ་སྲ་བའི་དབྱིངས་ཀྱི་བླ་མ་དང་། དེ་བཞིན་གཤེགས་པ་གཟུགས་ཀྱི་རྒྱལ་པོ་བླ་མ་དང་། བཙུན་
མོ་དམ་པ་སྣང་བའི་དབྱིངས་ཀྱི་བླ་མ་དང་། དེ་བཞིན་གཤེགས་པ་ཚོར་བའི་རྒྱལ་པོ་བླ་མ་དང་། བཙུན་མོ་དམ་པ་མཉེན་པའི་དབྱིངས་ཀྱི་བླ་མ་དང་། དེ་བཞིན་གཤེགས་པ་འདུ་ཤེས་ཀྱི་རྒྱལ་པོ་བླ་མ་དང་། བཙུན་མོ་དམ་པ་དྲོ་བའི་དབྱིངས་
ཀྱི་བླ་མ་དང་། དེ་བཞིན་གཤེགས་པ་འདུ་བྱེད་ཀྱི་རྒྱལ་པོ་བླ་མ་དང་། བཙུན་མོ་དམ་པ་བསྐྱོད་པའི་དབྱིངས་ཀྱི་བླ་མ་ལ་སོགས་པ་ཡེ་ཤེས་རྒྱལ་པོ་སྟངས་དཔྱལ་ཀུན་ཀྱང་མཐིང་ཀ་དང་། དཀར་པོ་དང་། སེར་པོ་དང་། ལེབ་རྒན་དང་། ལྗང་
གུའི་མདོག་བླ་མར་འཚེར་བ་སྟེ། གཉིས་སུ་མེད་པར་འཁྲིལ་བས་ཆོས་ཀྱི་དབྱིངས་ཀུན་ཏུ་མཐའ་ཡས་པར་བླ་མ་ཆེན་པོའི་སྤྱོད་པས་ཁྱབ་པ་ནི་འདི་ལྟ་སྟེ། དཔེར་ན་ཏིལ་གྱི་གང་བུའམ་མངར་གྱི་སྦྲམ་བུ་བཞིན་ཀུན་དུ་བདེ་བ་ཆེན་པོས་ཁྱབ་པར་
104-1-32a


བཞུགས་སོ། །དེ་ནས་བྱང་ཆུབ་ཆེན་པོ་རྡོ་རྗེ་མཐོང་དབང་བླ་མ་དང་། བཙུན་མོ་གཟིགས་པར་བྱ་བའི་བླ་མ་དང་། བྱང་ཆུབ་ཆེན་པོ་རྡོ་རྗེ་ཐོས་དབང་བླ་མ་དང་། བཙུན་མོ་གསན་པར་བྱ་བའི་བླ་མ་དང་། བྱང་ཆུབ་ཆེན་པོ་རྡོ་རྗེ་སྣོམ་དབང་
བླ་མ་དང་། བཙུན་མོ་མནམ་པར་བྱ་བའི་བླ་མ་དང་། བྱང་ཆུབ་ཆེན་པོ་རྡོ་རྗེ་མྱོང་དབང་བླ་མ་དང་། བཙུན་མོ་མྱང་བར་བྱ་བའི་བླ་མ་དང་། བྱང་ཆུབ་ཆེན་པོ་རྡོ་རྗེ་སོགས་ཤེས་བླ་མ་དང་། བཙུན་མོ་སྒྲོན་མའི་བླ་མ་དང་། བྱང་ཆུབ་ཆེན་པོ་རྡོ་རྗེ་གཅོད་ཤེས་
བླ་མ་དང་། བཙུན་མོ་གདུག་པའི་བླ་མ་དང་། བྱང་ཆུབ་ཆེན་པོ་རྡོ་རྗེ་འཇུག་ཤེས་བླ་མ་དང་། བཙུན་མོ་ཆར་འབེབས་བླ་མ་དང་། བྱང་ཆུབ་ཆེན་པོ་རྡོ་རྗེ་འདུས་པའི་བླ་མ་དང་།  བཙུན་མོ་རྒྱས་པའི་བླ་མ་དང་། འཇོམས་པ་ཆེན་པོ་རྡོ་རྗེ་རེག་གཡས་དང་། 
བཙུན་མོ་རྟག་པར་མ་ཡིན་པའི་བླ་མ་དང་། འཇོམས་པ་ཆེན་པོ་རྡོ་རྗེ་རེག་གཡོན་བླ་མ་དང་། བཙུན་མོ་ཆད་པར་མ་ཡིན་པའི་བླ་མ་དང་། འཇོམས་པ་ཆེན་པོ་རྡོ་རྗེ་རེག་གསང་བླ་མ་དང་། བཙུན་མོ་བདག་ཏུ་མ་ཡིན་པའི་བླ་མ་དང་། འཇོམས་པ་ཆེན་པོ་རྡོ་རྗེ་
རེག་འདུས་བླ་མ་དང་། བཙུན་མོ་མཚན་མར་མ་ཡིན་པའི་བླ་མ་དང་། དེ་ལྟ་བུའི་ཚོགས་བརྗོད་ཀྱིས་མི་ལང་བ་དང་གཉིས་སུ་མེད་པར་གསང་བ་དགྱེས་པའི་དབྱིངས་བླ་མ་ན་བཞུགས་སོ། །དེ་ནས་དེ་བཞིན་གཤེགས་པ་བཙུན་མོའི་ཚོགས་དང་གཉིས་སུ་མེད་པའི་
དཀྱིལ་འཁོར་བླ་མ་དེ་ཉིད་ཀྱི་གསང་བ་བླ་མ་འདི་ཉིད་ཀྱི་སྐུ་དང་གསུང་དང་ཐུགས་དང་ཡོན་ཏན་ཕྲིན་ལས་རྡོ་རྗེ་ལས་བྱུང་ངོ་། །ཨེ་མའོ་དེ་བཞིན་ཉིད་ཀྱི་དབྱིངས་ཉིད་དབང་བསྒྱུར་དཀྱིལ་འཁོར་བླ་མའི་ངང་། །ངང་ཉིད་རྣམ་དག་བདེ་མཆོག་གསང་བའི་དབྱིངས། །དབྱིངས་
ཉིད་མཉམ་སྦྱོར་བདེ་མཆོག་རིན་ཆེན་གཏེར། །མི་ཟད་གཏེར་ལྡན་བདུད་རྩི་གསང་བའི་བླ། །བླ་མེད་བྱང་ཆུབ་ཐིག་ལེ་ཡ་མཚན་དཀྱིལ་འཁོར་སྣང་། །རང་སྣང་བ་ཉིད་ཏིང་འཛིན་གཟུགས་བརྙན་རྣམ་དག་སྣང་བ་ནི། །སྐུ་གསུང་ཐུགས་ཡོན་ཕྲིན་ལས་སེལ་
མེད་པའི་ཡིད་བཞིན་རིན་ཆེན་མི་ཟད་པར་ལྡན་པ་རྒྱན་གྱིས་འཁོར་ལོ་བླ་མ་རྡོ་རྗེ་མཆོག་གི་གནས་ཉིད་དོ། །རྡོ་རྗེ་གསང་བ་བླ་མའི་ངེས་དོན་དུའོ། །གསང་བའི་སྙིང་པོ་དེ་ཁོ་ན་ཉིད་ངེས་པའི་བླ་མ་ལས་དབྱིངས་དང་ཡེ་ཤེས་གསང་བའི་བདེ་བའི་བླ་མ་ངེས་པའི་གླེང་
104-1-32b


གཞིའི་ལེའུ་སྟེ་དང་པོའོ།། །། དེ་ནས་བཅོམ་ལྡན་འདས་ཡིད་བྱེད་པ་བླ་མ་རྡོ་རྗེ་ཀུན་ཏུ་བཟང་པོ་ཐམས་ཅད་མ་ལུས་པའི་ཚུལ་རྡོ་རྗེས་བཙུན་མོ་བྱ་བ་མོ་ཀུན་ཏུ་བཟང་མོའི་བླ་མ་ལ་འཇུག་པར་གྱུར་ཏོ། །གསང་བའི་བླ་མའི་ཚིག་འདི་ཆེད་དུ་བརྗོད་དོ། །ཨོཾ་
ཆོས་ཀྱི་ཆོས་ཉིད་བྱ་བའི་དབྱིངས། །ཀུན་ཏུ་བཟང་མོ་བདེ་བའི་ཡུམ། །མ་གཡོས་རང་བཞིན་དཀྱིལ་འཁོར་ནི། །བདག་ཡིན་བདག་གི་སྤྱོད་ཡུལ་བས། །ཕྱག་རྒྱ་སྣ་ཚོགས་སོ་སོར་གསལ། །ནུབ་ཕྱོགས་འོག་མིན་གནས་མཆོག་ཏུ། །མ་ཆགས་པདྨའི་གདན་
གཏིང་བ། །དུས་གསུམ་རྒྱལ་བ་བཞུགས་པའི་གནས། །རྣམ་པར་ཐར་པའི་སྒོ་བཞི་ལ། །ཕྱག་རྒྱ་བཞི་དང་ཡང་དག་ལྡན། །དབང་མེད་སྐལ་ངན་གསལ་བའི་ཕྱིར། །ནང་གཏན་ཕྱི་རིམ་ལྕགས་དང་ལྡན། །རྒྱལ་བ་ཡོངས་ཀྱི་གསང་བའི་ཆོས། །སུས་ཀྱང་
གཏིང་དཔག་དཀའ་བ་སྟེ། །ཀུན་ཏུ་བཟང་པོ་ཉིད་ཀྱིས་གཟིགས། །ཧོཿདེ་ནས་བཙུན་མོ་བྱ་བ་ཀུན་ཏུ་བཟང་མོས་གསང་བ་བླ་མའི་ཚིག་འདི་ཆེད་དུ་བརྗོད་དོ། །ཨོཾ་སེམས་ཀྱི་སེམས་ཉིད་བྱེད་པའི་གཙོ། །ཀུན་ཏུ་བཟང་པོ་རྡོ་རྗེ་ཡིད། །ཡེ་ཤེས་བརྒྱད་ཀྱི་རང་
བཞིན་ཏེ། །ཤར་ཕྱོགས་མངོན་དགའ་བསམ་ཡས་ནས། །ནཱི་ལ་ལྟ་བུའི་གཏེར་འབྱིན་པ། །གསང་འདུས་འཕྲུལ་གྱི་ལྡེ་མིག་གིས། །རྣམ་པར་ཐར་པའི་སྒོ་ཕྱེ་སྟེ། །བྱང་ཆུབ་མཆོག་གི་ནང་བསྟན་དཀྲོལ། །མ་ཆགས་པདྨའི་གདན་ལ་བཞུགས། །འགྲོ་
དོན་བྱང་ཆུབ་སེམས་བསྐྱེད་དེ། །འགྲོ་ལྔ་སྐྱེ་བཞི་དབང་དུ་བསྡུས། །སྐུ་གསུང་ཐུགས་ནས་དབང་བསྐུར་རོ། །ཞེས་གླེང་ངོ་། །དེ་ནས་བྱ་བ་མོ་ཀུན་ཏུ་བཟང་མོས་གསང་བ་བླ་མའི་མཆོད་པ་འདི་ཆེད་དུ་ཕུལ་ལོ། །ཨོཾ་རིན་ཆེན་པདྨའི་དཀྱིལ་འཇམ་འདི། །འཛུམ་
པའི་མདངས་ཀྱིས་འབུལ་ལགས་ཀྱིས། །བླ་མེད་འཕྲུལ་གྱི་ལྡེ་མིག་སྟེ། །དགྱེས་མཆོག་རྡོ་རྗེ་གསོར་ནས་ནི། །བདུད་རྩི་ཆར་ཆེན་དབབ་དུ་གསོལ། །ཞེས་ཆེད་ཏུ་གླེང་ངོ་། །དེ་ནས་ཡང་ཡིད་བྱེད་པ་པོ་རྡོ་རྗེ་ཀུན་ཏུ་བཟང་པོས་བདུད་རྩི་བླ་མའི་ཆར་པས་
སྣོད་བཅུད་ཀྱི་འཛམ་བུའི་གླིང་ཚིམ་པར་བྱ་བའི་ཕྱིར་གསང་བ་བླ་མའི་ཚིག་འདི་ཆེད་དུ་བརྗོད་དོ། །ཨོཾ་རྡོ་རྗེ་བླ་མའི་དགྱེས་རབ་འདི། །གསོར་ནས་བདུད་རྩིའི་ཆར་དབབ་ཕྱིར། །འཛུམ་ཞིང་འཁྱིལ་བའི་གནས་སུ་གསོར། །མི་དམིགས་བདེ་དང་སྤྲོ་བ་འདི། །
104-1-33a


ཀུན་ཏུ་བཟང་མོ་དབྱིངས་སུ་བསྐྱིལ། །ཞེས་ཆེད་དུ་གླེང་སྟེ། །གཉིས་སུ་མེད་པ་ལས་ཉིད་ཀྱི་སྤྱོད་ཡུལ་ཐམས་ཅད་གསང་བའི་དཀྱིལ་འཁོར་བླ་མ་ཁྱད་པར་དུ་སྤགས་པ་རྡུལ་ཕྲ་མོ་སྙེད་འཐོན་ནས་སྒྱུ་མའི་ཆོ་འཕྲུལ་ཆེན་པོ་བསམ་གྱིས་མི་
ཁྱབ་པར་མཛད་པ་ནི། ལ་ལ་ནི་གསང་བ་བླ་མའི་དཀྱིལ་འཁོར་དུ་བཞུགས་ཏེ་ཡན་ལག་ཐམས་ཅད་རྡོ་རྗེར་བྱིན་གྱིས་རློབ། ལ་ལ་ནི་འགྲོ་བ་དྲུག་འདུལ་བའི་དོན་དུ་ཐུབ་པ་ཆེན་པོ་དྲུག་དུ་བཞུགས་པ་འདི་ལྟ་སྟེ། ལྷ་ཡི་གནས་ན་བརྒྱ་བྱིན་མགོན། །ལྷ་མ་ཡིན་
ལ་ཐག་ཟངས་རིས། །མི་ལ་བདུད་འདུལ་ཤཱཀྱ་མགོན། །ཡི་དགས་གནས་ན་ཁ་འབར་བདེ། །བྱོལ་སོང་སེང་གེ་ཉིད་དུ་སྨྲ། །དམྱལ་བ་ལ་ནི་གཤིན་རྗེ་མགོན། །སྐུ་དང་ཆ་ལུགས་ཚུལ་སྟོན་ཅིང་། །ལ་ལ་ལྷུམ་ཞུགས་སྐུ་ལ་བལྟམ། །ལ་ལ་ཚུལ་བསྲུང་རབ་
ཏུ་བྱུང་། །ལ་ལ་བསྙེན་རྫོགས་བཀའ་ཐུབ་བྱེད། །ལ་ལ་དམ་ནོད་འགྲོ་བ་སྒྲོལ། །ལ་ལ་བཅུ་དྲུག་ཆོས་ལ་བཙུད། །ལ་ལ་མེར་འབར་ཆུར་ཡང་འབྲུབ། །ལ་ལ་ནམ་མཁའ་སྒྲ་རུ་འབར། །ལ་ལ་རྡོ་རྗེ་བྲག་ཏུ་སྲ། །ལ་ལ་གསོ་གསོད་འཕམ་རྒྱལ་བྱེད། །
ལ་ལ་བཅིང་སྒྲོལ་འགུག་སྒྲོལ་བྱེད། །ལ་ལ་བདུད་འདུལ་ངན་སོང་སྦྱོང་། །ལ་ལ་དཀྱིལ་འཁོར་མཆོད་སྤྲིན་འཁྲིལ། །ཀུན་ཀྱང་ཆོས་ཀྱི་འཁོར་ལོ་སྐོར། །དེ་ལྟར་རྟག་ཏུ་ཆོས་ཀྱི་འཁོར་ལོ་བསྐོར་བ་ནི་འདི་ལྟ་སྟེ། ཐེག་པ་དང་པོ་བཅུ་དྲུག་མགོན། །གཉིས་
པ་བཞི་ཡི་ལྟ་སྤྱོད་བསྲུང་། །གསུམ་པ་བཅུ་གཉིས་ངེས་པར་བསྟན། །བཞི་པ་གཉིས་ཀྱི་ལྟ་སྤྱོད་སྤྱངས། །བཞི་པའི་ཐེག་པ་མདོར་བསྡུས་ན། །བླ་མེད་ཐེག་པའི་དབྱིངས་སུ་བཙུད། །ཐེག་པ་བཞི་ཡི་ངེས་འབྱུང་ལ། །ཐེག་པ་གཅིག་གིས་འབྲས་
བུར་གནས། །ཀུན་འབྱུང་དཀྱིལ་འཁོར་སྒྱུ་འཕྲུལ་ཆེ། །མང་ལ་འབྲེལ་བས་དྲ་བའི་དོན། །ཐུན་མོང་མིན་པས་གསང་བའི་དོན། །ཐེག་པའི་བཅུད་དེ་སྙིང་པོའི་དབྱིངས། །ཞེས་ཆེད་དུ་གླེང་སྟེ། སྣོད་བཅུད་ཀྱི་འཇིག་རྟེན་རྒྱལ་བའི་དཀྱིལ་འཁོར་གསང་བར་གནས་སྒྱུར་བ་དང་། ཕྱོགས་བཅུ་
དུས་བཞིའི་དེ་བཞིན་གཤེགས་པ་ཐམས་ཅད་གསང་བ་བླ་མའི་ཏིང་ངེ་འཛིན་གྱི་གཟིགས་མོས་མཉེས་པར་གྱུར་ཏོ། །དེ་ནས་སྣོད་བཅུད་ཀྱི་འཇིག་རྟེན་ཐམས་ཅད་དང་། སྙིགས་མ་མེད་པར་གསང་བ་བླ་མའི་དཀྱིལ་འཁོར་དུ་མངོན་པར་སངས་རྒྱས་ནས་ཆེད་ཏུ་
104-1-33b


བརྗོད་པ་འདི་བརྗོད་དོ། །ཨེ་མའོ་རྡོ་རྗེ་ཕུང་པོའི་ཡན་ལག་ནི། །རྫོགས་པའི་སངས་རྒྱས་ལྔ་རུ་གྲགས། །སྐྱེ་མཆེད་ཁམས་རྣམས་མང་པོ་ཀུན། །བྱང་ཆུབ་སེམས་དཔའི་དཀྱིལ་འཁོར་ཉིད། །ས་ཆུ་ཅན་དང་མཱ་མ་ཀཱི། །མེ་ལོང་གོས་དཀར་སྒྲོལ་
མ་སྟེ། །ནམ་མཁའི་དབྱིངས་ཀྱི་དབང་ཕྱུག་མ། །སྲིད་གསུམ་ཡེ་ནས་སངས་རྒྱས་ཞིང་། །ཐམས་ཅད་མ་ལུས་ཆོས་སོ་ཅོག །སངས་རྒྱས་ཉིད་ལས་གཞན་མ་ཡིན། །སངས་རྒྱས་ཉིད་ལས་གཞན་པའི་ཆོས། །སངས་རྒྱས་ཉིད་ཀྱིས་མི་རྙེད་དོ། །
ཞེས་བརྗོད་པས་དེ་བཞིན་གཤེགས་པ་ཐམས་ཅད་མཉེས་པར་གྱུར་ཏོ། །དེ་ནས་དེ་བཞིན་གཤེགས་པ་བཙུན་མོའི་ཚོགས་ཐམས་ཅད་ཀྱིས་ཆེད་དུ་བརྗོད་པ་འདི་གསུངས་སོ། །ཨེ་མའོ་ཕྱོགས་བཅུའི་སྟོང་ཁམས་ཡེ་ནས་དབེན། །སྲིད་པ་གསུམ་ཉིད་
དག་པའི་ཞིང་། །སྙིགས་མ་ལྔ་ཉིད་བདེ་ལྡན་གནས། །ཕུང་པོ་ལྔ་ཉིད་མངོན་སངས་རྒྱས། །ཐམས་ཅད་མཆོག་གི་སྙིང་པོ་བས། །གཞན་དུ་རྒྱལ་བས་ཆོས་མི་བཙལ། །ཉིད་ལས་གཞན་ཞེས་བྱ་བའི་ཆོས། །བཙལ་ཀྱང་རྒྱལ་བས་མི་རྙེད་དོ། །ཞེས་
བརྗོད་པས་ཆོས་ཐམས་ཅད་ཡེ་ནས་སངས་རྒྱས་པར་དེ་བཞིན་གཤེགས་པ་ཉིད་ཀྱིས་མཁྱེན་ཏོ། །དེ་ནས་དབྱིངས་དང་ཡེ་ཤེས་གཉིས་སུ་མེད་པ་ལས་ཆེད་ཏུ་བརྗོད་པ་འདི་བརྗོད་དོ། །ཨེ་མའོ་ཡེ་ནས་གསང་བའི་ཆོས། །སྣ་ཚོགས་སྣང་བ་རང་བཞིན་གསང་། 
གསང་མཆོག་སྙིང་པོ་བླ་ན་མེད། །ཐམས་ཅད་གསང་བའི་དབྱིངས་སུ་ངེས། །བླ་མ་མཆོག་གི་སྙིང་པོ་ལས། །སངས་རྒྱས་སེམས་ཅན་གཉིས་སུ་མེད། །ཅེས་བརྗོད་པས་ཐམས་ཅད་དབྱིངས་སུ་ངེས་པར་མཁྱེན་ཏོ། །དེ་ལྟར་ཡིན་ན་ཡང་འགྲོ་བའི་རྣམ་
པར་རྟོག་པས་འགྲོ་བའི་རིགས་བསམ་གྱིས་མི་ཁྱབ་པར་སྨིན་པ་ལ་ཐུགས་རྗེ་ཆེན་པོ་སངས་རྒྱས་ཀྱི་ཆེ་བའི་ཡེ་ཤེས་བསྐྱེད་པའི་ཕྱིར་རྡོ་རྗེ་བླ་མའི་ཚིག་འདི་ཆེད་དུ་བརྗོད་དོ། །ཨེ་མའོ་བདེ་གཤེགས་སྙིང་པོ་ལས། །རང་གི་རྣམ་རྟོག་ལས་ཀྱིས་སྤྲུལ། །
སྣ་ཚོགས་ལུས་དང་ལོངས་སྤྱོད་དང་། །གནས་དང་སྡུག་བསྔལ་ལ་སོགས་པའི། །བདག་དང་བདག་གིར་སོ་སོར་འཛིན། །སུས་ཀྱང་མ་བཅིངས་བཅིངས་མེད་དེ། །བཅིང་བར་བྱ་བ་ཡོད་མ་ཡིན། །རྣམ་རྟོག་བདག་ཏུ་འཛིན་པ་ཡིས། །ནན་གྱིས་མཁའ་
104-1-34a


ལ་མདུད་པ་བོར། །བཅིངས་མེད་རྣམ་པར་གྲོལ་མེད་པའི། །ཡེ་ནས་ལྷུན་རྫོགས་སངས་རྒྱས་ཆོས། །བསྟན་ཕྱིར་སྤྲོ་བ་སྣ་ཚོགས་མཛད། །སྤྲོས་ཀྱང་འཕེལ་འགྲིབ་མེད་པའི་དབྱིངས། །དེ་ལྟར་ཡིན་ན་ཡང་དེ་ལྟར་མ་རྟོགས་པ་
རྣམས་ལ་ཀུན་རྫོབ་ཀྱི་ཕུང་པོ་བྱང་ཆུབ་ཀྱི་སེམས་བླ་མའི་དཀྱིལ་འཁོར་དུ་སེམས་ཀྱི་ངོ་བོ་བསྐྱེད་པའི་ཕྱིར། རྡོ་རྗེ་གསང་བའི་ཚིག་འདི་ཆེད་དུ་བརྗོད་དོ། །སྟོང་ཞིང་དབེན་པའི་སེམས་ཉིད་ནི། །རིགས་དང་ཁ་དོག་དབྱིབས་མེད་དེ། །ཅི་ཡང་མེད་ལ་
ཅིར་ཡང་སྣང་། །མི་བསྐྱོད་རྫུ་འཕྲུལ་སྣ་ཚོགས་འབྱུང་། །རྒྱལ་པའི་དཀྱིལ་འཁོར་སྣ་ཚོགས་ཀྱང་། །སེམས་ཀྱི་སྒྱུ་འཕྲུལ་ཆེན་པོ་ཡིན། །གཅིག་དང་དུ་མར་མི་དམིགས་ཏེ། །མངོན་ཤེས་དྲུག་གིས་ཐམས་ཅད་བྱེད། །བླ་མའི་ཏིང་འཛིན་ཆེན་
པོ་ཡིས། །དཀྱིལ་འཁོར་ཆེན་པོ་བྱེད་པར་བསྟན། །རྒྱུ་ལྔ་རྐྱེན་བཞིས་བསྡུས་པ་ལ། །རྒྱལ་པའི་དཀྱིལ་འཁོར་ཆེ་ཕྲ་བསྒོམ། །བཞི་ཡི་རིམ་པ་ཚུལ་བཞིན་བྱེད། །རྒྱན་དང་ཕྱག་རྒྱའི་ཚུལ་རྣམས་ཀུན། །ཏིལ་འབྲུའི་ནང་དུ་རི་རབ་བསྐྱེད། །
སངས་རྒྱས་སྟོང་གི་དཀྱིལ་འཁོར་དང་། །སྟངས་དཔྱལ་གཉིས་ཀྱི་ཕྱག་རྒྱ་ཡང་། །རི་རབ་ཏིལ་འབྲུའི་ཚུལ་བཞིན་དུ། །དཔེ་བྱད་རྒྱན་གྱིས་བརྒྱན་སྦྲས་པའོ། །ངེས་པས་བཞི་བཅུ་རྩ་ལྔ་བསྒོམ། །དབྱིང་དང་ཡེ་ཤེས་སྟངས་དཔྱལ་
གཉིས། །དཀྱིལ་འཁོར་ཀུན་གྱི་བྱེད་པ་པོ། །ཧོཿགཟུགས་ནི་རྣམ་པར་སྣང་མཛད་དེ། །ཡུལ་ལ་ཀུན་ཏུ་བཟང་མའོ་ཧོཿ། །ཚོར་བ་རིན་ཆེན་འབྱུང་ལྡན་ཏེ། །ཡུལ་ལ་ཁམས་གསུམ་བྱམས་མའོ་ཧོཿ། །འདུ་ཤེས་སྣང་བ་མཐའ་ཡས་ཏེ། །ཡུལ་
ལ་ན་བཟའ་དཀར་མའོ་ཧོཿ། །འདུ་བྱེད་དོན་ཡོད་གྲུབ་པ་སྟེ། །ཡུལ་ལ་དམ་ཚིག་སྒྲོལ་མའོ་ཧོཿ། །རྣམ་ཤེས་རྡོ་རྗེ་སེམས་དཔའ་སྟེ། །ཡུལ་ལ་ཡངས་པའི་སྤྱན་ཅན་མའོ་ཧོཿ། །མིག་ལ་ས་ཡི་སྙིང་པོ་སྟེ། །ཡུལ་ལ་དཀར་མོ་སྒེག་ཆེན་ནོ་ཧོཿ། །
སྣ་ལ་ནམ་མཁའི་སྙིང་པོ་སྟེ། །ཡུལ་ལ་མེ་ཏོག་དཔལ་ཕྲེང་མའོ་ཧོཿ། །ལྕེ་ལ་སྤྱན་རས་དབང་ཕྱུག་སྟེ། །ཡུལ་ལ་ཆོས་ཀྱི་དབྱངས་ཅན་ནོ་ཧོཿ། །རྣ་བར་ཕྱག་ན་རྡོ་རྗེ་སྟེ། །ཡུལ་ལ་ལས་ཀྱི་གར་མཁན་མའོ་ཧོཿ། །ཀུན་འདུས་སྒྲིབ་པ་རྣམ་སེལ་ཏེ། །
104-1-34b


ཡུལ་ལ་མེ་ཏོག་ཆར་འབེབས་ཧོཿ། །ཀུན་ཤེས་ཀུན་ཏུ་བཟང་པོ་སྟེ། །ཡུལ་ལ་གསལ་བའི་སྒྲོལ་མའོ་ཧོཿ། །གཅོད་ཤེས་བྱམས་པའི་བདག་ཉིད་དེ། །ཡུལ་ལ་གདུག་པའི་སྤྲིན་འཕྲོ་ཧོཿ། །འཇུག་ཤེས་འཇམ་དཔལ་གཞོན་ནུ་སྟེ། །ཡུལ་ལ་ཙན་
དན་ཆར་འབེབས་སོ། །གཡས་གཉིས་སྟོབས་ཆེན་ཁྲོ་བོ་སྟེ། །ཡུལ་ལ་གདོང་མོ་འཇིགས་ཚུལ་ཧོཿ། །གཡོན་གཉིས་གཤིན་རྗེའི་གཤེད་པོ་སྟེ། །ཡུལ་ལ་སྡེར་འཕྲོ་འཇིགས་ཚུལ་ཧོཿ། །གསང་བ་རྟ་མགྲིན་དཔའ་བོ་སྟེ། །ཡུལ་ལ་དུར་ཁྲོད་བདག་
མོ་ཧོཿ། །ལྟེ་བར་བདུད་རྩི་འཁྱིལ་བ་སྟེ། །ཡུལ་ལ་གཏུམ་མོ་འཇིགས་ཚུལ་ཧོཿ། །རྒྱུད་དྲུག་འཁོར་བའི་གནས་དྲུག་ཏུ། །ཐུབ་དྲུག་ཕྱག་རྒྱ་ཆེན་པོའོ། །ཀུན་ཏུ་སྐུ་དང་ཀུན་ཏུ་གསུང་། །ཀུན་ཏུ་ཐུགས་ཀྱི་ཕྱག་རྒྱ་ཡང་། །ལུས་ངག་ཡིད་ལ་དེ་བཞིན་ཧོཿ། །
སེམས་ཉིད་སྒྱུ་འཕྲུལ་དྲ་བ་སྟེ། །སྒྱུ་མའི་ཆོ་འཕྲུལ་ཆེན་པོ་ལས། །དྲ་བའི་དཀྱིལ་འཁོར་བཞི་བཅུ་ལྔ། །གསང་བའི་དཀྱིལ་འཁོར་ངེས་པ་ལས། །སྙིང་པོའི་དཀྱིལ་འཁོར་བླ་མ་ཡིན། །ཞེས་བརྗོད་པས་སེམས་ཅན་ཐམས་ཅད་མངོན་པར་རྫོགས་པར་སངས་རྒྱས་ནས་དེ་བཞིན་གཤེགས་པ་ཐམས་
ཅད་དང་དབྱེར་མེད་པར་དགྱེས་ཏེ་མཉམ་པ་ཉིད་ཀྱི་དབྱིངས་ན་བཞུགས་སོ། །གསང་བའི་སྙིང་པོ་དེ་ཁོ་ན་ཉིད་ངེས་པའི་བླ་མ་ལས་དབྱིངས་དང་ཡེ་ཤེས་གཉིས་སུ་མེད་པའི་ངང་དུ་སེམས་ཀྱི་རང་བཞིན་ཅིར་ཡང་འགྲུབ་པའི་ལེའུ་སྟེ་གཉིས་པའོ།། །།
དེ་ནས་དེ་བཞིན་གཤེགས་པ་ཐམས་ཅད་རང་བཞིན་གཅིག་དང་དུ་མར་དབྱེར་མེད་པའི་རང་བཞིན་ཐམས་ཅད་ཀྱིས་འཇིག་རྟེན་དྲུག་གི་ཕྱོགས་བཅུ་ཐམས་ཅད་ལ་ཉིད་ཀྱི་ཆེ་བའི་དཀྱིལ་འཁོར་བླ་མ་འདི་དབྱུང་བར་བཞེད་ནས་ཆེད་ཏུ་བརྗོད་པ་འདི་གསུངས་སོ། །
ཨོཾ། ཡེ་ཤེས་བླ་མ་རོལ་པ་ཡིས། །ཕྱོགས་བཞི་དབུས་དང་ལྔར་བརྟགས་ན། །དཀྱིལ་འཁོར་བསམ་ཡས་ལྷུན་གྱིས་གྲུབ། །རྫོགས་ཆེན་རྟོགས་པའི་རྣལ་འབྱོར་པས། །ཀུན་འབྱུང་དཀྱིལ་འཁོར་ཆེན་པོར་སྤྱོད། །འཁོར་ལོ་རྩིབས་བཞི་མུ་ཁྱུད་བཅས། །
གྲུ་ཆད་བཞིས་བརྒྱན་རྡོ་རྗེའི་ཁྱམས། །ཀུན་ཏུ་གྲུ་བཞི་སྒོ་ཁྱུད་ལྡན། །རོལ་མོ་སྣ་ཚོགས་སྤྲིན་ཕུང་བཞིན། །དཀྱིལ་འཁོར་བཞི་བཅུ་གཉིས་ཀྱིས་བརྒྱན། །སེང་གེ་གླང་ཆེན་རྟ་དང་ཁྱུང་། །ནམ་མཁའ་ལྡིང་གི་ཁྲི་ཆེན་ལ། །ཉི་ཟླ་པདྨ་རིན་པོ་ཆེ། །
104-1-35a


གདན་ལ་རྫོགས་དང་སེམས་དཔའི་ཚུལ། །འཁོར་ལོ་རྒྱལ་པོ་རྒྱལ་མོ་དང་། །གཡས་ནས་མཐོང་ཐོས་མནོམ་པ་དང་། །མྱོང་དང་བཙུན་མོའི་ཚོགས་སུ་བཅས། །གྲུ་ཆད་ལ་ནི་གཅོད་བྱེད་དང་། །སྣང་བྱེད་གསོག་བྱེད་འཇུག་བྱེད་
རྣམས། །བཙུན་མོའི་ཚོགས་དང་བཅས་པར་གནས། །བར་ཁྱམས་ལ་ནི་ཐུབ་དྲུག་དག །རྒྱུད་དྲུག་སྦྱོང་བའི་ཕྱག་རྒྱར་གནས། །དེ་བཞིན་ཐིག་ལེ་ཆེན་པོ་དག །མདུན་དང་རྒྱབ་ཏུ་བྱེད་པ་དག །བྱ་བ་དག་ནི་གནས་པར་བསྟན། །སྒོ་ཁྱུད་བཞི་
ལ་འཇོམས་པ་དག །བཙུན་མོའི་ཚོགས་དང་ལྡན་པར་གནས། །རྡོ་རྗེ་འཁོར་ལོ་རིན་པོ་ཆེ། །པདྨའི་རལ་གྲི་ནོར་བུ་འབར། །ཨུཏྤལ་ཀླུ་ཤིང་ལ་སོགས་མཚན། །མཛེས་ཚུལ་མཉེས་པའི་ཡོ་བྱད་འཛིན། །མཐིང་ག་དཀར་པོ་སེར་ལེབ་རྒན། །ལྗང་
གུ་ལ་སོགས་སྣ་ཚོགས་མདོག །མཉེན་ལྕུག་འཁྲིལ་ལྡེམ་གཞོན་ཚུལ་ཅན། །གསལ་འཚེར་ལྷུན་སྟུག་གཟི་བྱིན་འབར། །འོད་ཟེར་འཕྲོ་བའི་ཚོགས་ཆེན་པོ། །འབར་བའི་འཕྲེང་བ་འཁྲིགས་པ་སྟེ། །མཐའ་དབུས་མེད་པར་ཁྱབ་པ་ཡི། །དཀྱིལ་
འཁོར་བསམ་ཡས་ལྷུན་གྱི་གྲུབ། །ཧོཿཞེས་བརྗོད་པས་འཇིག་རྟེན་དྲུག་གི་ཕྱོགས་བཅུ་མཐའ་ཡས་མུ་མེད་པ་ཐམས་ཅད་ཏུ་དཀྱིལ་འཁོར་བླ་མ་ཆེན་པོ་བརྗོད་ཀྱིས་མི་ལང་བ་ཞིང་གི་རྡུལ་སྙེད་དུ་གསལ་བར་གྱུར་ཏོ། །དེ་ནས་དེ་བཞིན་གཤེགས་པ་བཙུན་
མོའི་ཚོགས་དང་གཉིས་སུ་མེད་པའི་དཀྱིལ་འཁོར་དེ་དག་ཉིད་ཀྱི་གསང་བ་བླ་མ་འདི་སྐུ་གསུང་ཐུགས་ཡོན་ཏན་ཕྲིན་ལས་འདི་དག་ཕྱུང་ངོ་། །ཨ་ཧོཿ། བདེ་མཆོག་ངོ་མཚར་བྱང་ཆུབ་སེམས་ཆེན་པོ། །ཐིག་ལེ་མཉམ་སྦྱོར་སྒྱུ་འཕྲུལ་བླ་མའི་དབྱིངས། །
རྣམ་དག་ཐིག་ལེ་བྱང་ཆུབ་སེམས་ཀྱིས་རོལ། །ངོ་མཚར་རྨད་བྱུང་བླ་མ་ཆེན་པོའི་དབྱིངས་ཧོཿ། །དམིགས་བྱ་དམིགས་བྱེད་མི་དམིགས་གསང་བའི་དབྱིངས། །ཡེ་ཤེས་རང་རིག་དཀྱིལ་འཁོར་བླ་མ་བསམ་མི་ཁྱབ། །མཉམ་དང་མི་མཉམ་ཀུན་
ཁྱབ་གསང་བའི་དབྱིངས། །ཡེ་ཤེས་ཀུན་གསལ་དཀྱིལ་འཁོར་སྤྲོས་མེད་བླ་མའི་ངང་། །ཧོ་རྡོ་རྗེ་གསང་བའི་ཚིག་ཏུའོ། །གསང་བའི་སྙིང་པོ་ངེས་པའི་བླ་མ་ཆེན་པོ་ལས་དཀྱིལ་འཁོར་སྤྲོས་པའི་ལེའུ་གསུམ་པའོ།། །།
104-1-35b


དེ་ནས་ཡེ་ཤེས་རྒྱལ་པོ་དེ་བཙུན་མོ་བླ་མའི་དབྱིངས་དང་གཉིས་སུ་མེད་པར་གྱུར་ནས། །བདེ་བ་ཆེན་པོ་བྱང་ཆུབ་ཀྱི་སེམས་རིམ་པར་གསལ་བ་ཞེས་བྱ་བའི་དགོངས་བ་རྩེར་ཆིབ་ནས་ཏིང་ངེ་འཛིན་གྱི་རྣམ་པ་ཕྱོགས་བཅུ་དུས་བཞིར་དགོས་པར་བཞེད་
ནས་སྐུ་གསུང་ཐུགས་བླ་མའི་དབྱིངས་ནས་འདི་དག་ཕྱུང་ངོ་། །དང་པོ་བླ་མའི་ལུང་བསྟན་པ། །མཚོན་དུ་མེད་པའི་བྱང་ཆུབ་སེམས། །ཡེ་ཤེས་སྙིང་པོ་གསལ་བ་དང་། །བསྒོམ་པ་རྣམ་གསུམ་དུས་གཅིག་རྫོགས། །བྱང་ཆུབ་སེམས་ཀྱི་ཐིག་ལེ་ལ། །
མ་བཀག་ལྷུན་གྱིས་རྫོགས་པས་ན། །དེ་ནི་ཐིག་ལེ་ཆེན་པོའི་དོན། །དེ་ནི་དེ་བཞིན་ཉིད་ཀྱི་དབྱིངས། །དེ་ནི་ཀུན་ཏུ་སྣང་བའི་ངང་། །དེ་ནི་རྒྱུ་ཡི་རིམ་པར་ལྡན་ཧོཿ། །གསང་བ་བླ་མའི་ཚིག་ཏུའོ། །གསང་བ་བླ་མའི་ངེས་དོན་ལས། །གསང་བ་གསུང་གི་དཀྱིལ་
འཁོར་གྲགས། །བྷྲཱུྃ་བི་ཤྭ་བི་ཤུད་དྷེ་བཛྲ་སྭཱ་ཧཱ། ཧཱུྃ་ཧཱུྃ་ཧཱུྃ་བཛྲ་ཙིཏ་ཏ་ཨོཾ། ཨ་ཨ་ཨ་བཛྲ་པ་ཏ་ས་མ་ཡ་ཨོཾ། ཧཱུྃ་བཛྲ་དྷྲཱི་ཀ །མཱུྃ་དྷཱ་ཏུ་ཨཱི་ཤྭ་རི། ཨོཾ་ཛཱི་ན་ཛཱི་ཀ །ལཱྃ་དྭེ་ཥ་ར་ཏི། སྭཱ། རཏྣ་དྷྲཱིཀ །མཱྃ་མོ་ཧ་ར་ཏི། ཨཱྃཿཨ་རོ་ལི་ཀ །པཱྃ་ར་ག་ར་ཏི། ཧ་པྲཛྙཱ་དྷྲཱིག་
ཏཱྃ་བཛྲ་ར་ཏི། ཀྵི་ཧི་ར་ཛཱ་ཡ། ཧཱུྃ་ལཱ་སེ་ས་མ་ཡ་སྟྭྃ། ཏྲཱྃ་ཨ་གརྦྷ་ཡ། ཏྲཱྃ་མཱ་ལེ་ས་མ་ཡ་ཧོཿ། ཧྲིཿཧ་ཧོ་པད་མ་བན་དྷ་མ། ཧྲི་གཱི་ཏི་ར་ཧོཿ། ཧྃ་ཛིྃ་ཀུ་རུ་པ་ན་ཧྲཱིཿ། ཨཱཿནྲྀ་ཏྱ་རཱ་ག་ཡཱ་མི། མཻ་དྷཱ་རི་ཎི་སྭཱ་ཧཱ། ཛཿདྷཱུ་བ་པྲ་བེ་ཤ །ཐླྷཱིཾ་ནི་ས་རམ་བཱ་ཡ་སྭཱ་ཧཱ། 
ཧཱུྃ་པུཥྤ་ཨ་བེ་ཤ །ཧཱུྃ་ས་རཱ་ཛཱ་ཡ་སྭཱ་ཧཱ། བྃ་དྷཱུ་པི་སུ་ཀྵ་ཎི། མཱུྃ་ཤྲཱི་ཨཱ་རྃ་གཱ་ཡ་སྭཱ་ཧཱ། ཧོཿགན་དྷེ་ཙིཏྟ། ཨོཾ་མུ་ནེ་ཀྲྀཾ་སྭཱ་ཧཱ། ཨོཾ་མུ་ནེ་ཧཱུྃ་དྲཱུྃ་སྭཱ་ཧཱ། ཨོཾ་མུ་ནེ་བྲྃ་སྭཱ་ཧཱ། ཨོཾ་མུ་ནེ་སྲུྃ་སྭཱ་ཧཱ། ཨོཾ་མུ་ནེ་ཀྵྃ་སྭཱ་ཧཱ། ཨོཾ་མུ་ནེ་ཡེ་སྭཱ་ཧཱ། ཧཱུྃ་ཡ་མཱན་ཏ་ཀྲིཏ་ཕཊ། ཨོཾ་
མ་ཧཱ་བཛྲ་དྷ་ར་མ་ཧཱ་ཀྲོ་དྷཱི་ཤྭ་རི་ཛྭ་ལ་ནི་ཧཱུྃ་ཕཊ། ཧཱུྃ་པྲ་ཛྙཱ་ན་ཏ་ཀྲྀ་ཏ་ཕཊ། ཨོཾ་མ་ཧཱ་རཏྣ་དྷ་ར་མ་ཧཱ་ཀྲོ་དྷཱི་ཤྭ་རི་ཛྭ་ལ་ནི་ཧཱུྃ་ཕཊ། ཧཱུྃ་པདྨཱན་ཏ་ཀྲིད་ཧཱུྃ་ཕཊ། ཨོཾ་མ་ཧཱ་པདྨ་དྷ་ར་མ་ཧཱ་ཀྲོ་དྷི་ཤྭ་རི་ཛྭ་ལ་ནི་ཧཱུྃ་ཕཊ། ཨོཾ་བིགྷྣཱན་ཏ་ཀྲིཏ་ཧཱུྃ་ཕཊ། ཨོཾ་མ་ཧཱ་ཀརྨ་དྷ་ར་མ་ཧཱ་ཀྲོ་དྷཱི་ཤྭཱ་རི་
ཛྭ་ལ་ནི་ཧཱུྃ་ཕཊ། ཨོཾ་ཨེ་ཧྱེ་ཧི་བྷ་ག་བཱན། མ་ཧཱ་ཀཱ་རུ་ཎི་ཀ་ཏྲྀ་ཤྱ་ཧོཿ ས་མ་ཡ་སྟྭྃ། ཛཿཧཱུྃ་བྃ་ཧོཿ ཨོཾ་ཨཱྃཿཧཱུྃ་སྭཱ་ཧཱ། བཛྲ་ས་མ་ཡ། བཛྲ་ས་མ་ཡ། བཛྲ་ས་མ་ཡ། བཛྲ་ས་མ་ཡ། བཛྲ་ས་མ་ཡ། ཨོཾ་ཨཱཿཧཱུྃ་སྭཱ་ཧཱ། ཨོཾ་ཡེ་ཤེས་
104-1-36a


རྒྱལ་པོ་སྐུ་གསུང་ཐུགས། །ཡོན་ཏན་ཕྲིན་ལས་རྨད་པོ་ཆེ། །སྐྱོན་བྲལ་བྱང་ཆུབ་སེམས་ཆེན་པོ། །དེ་ཉིད་ཏུ་ནི་མཉམ་སྦྱོར་བས། །ཕྱག་རྒྱ་བླ་མར་བདག་སྦྱོར་ཅིག །ཨོཾ་བཛྲ་ས་མ་ཡ་ཧཱུྃ། ཨོཾ་བཛྲ་ས་མ་ཡ་སྟྭྃ། བཛྲ་ས་མ་
ཡ་ཧོཿ། ཛཿཧཱུྃ་བྃ་ཧོཿཞེས་གསུངས་པས་གསུང་གི་དཀྱིལ་འཁོར་བླ་མ་ཆེན་པོས་འཇིག་རྟེན་དྲུག་གི་ཕྱོགས་བཅུ་ཐམས་ཅད་ཏུ་གྲགས། རབ་ཏུ་གྲགས། ཀུན་ཏུ་གྲགསོ། །གྲགས་པས་སྣོད་བཅུད་ཀྱི་འཇིག་རྟེན་ཐམས་ཅད་ཀྱི་དཀྱིལ་འཁོར་
བླ་མ་ཆེན་པོས་ཁྱབ་པར་གྱུར་ཏོ། །དེ་ནས་ཡང་ཡེ་ཤེས་རྒྱལ་པོ་སྟངས་དཔྱལ་དག་གཉིས་སུ་མེད་པར་རོལ་པ་མཛད་པ་བླ་མ་ལ་ཐིམ་པར་གྱུར་ཏེ། དེ་ནས་ཡེ་ཤེས་རྒྱལ་པོ་དེ་ཉིད་དང་བྱིན་བསྡུ་བ་ཞེས་བྱ་བ་འདི་སྐུ་གསུང་ཐུགས་རྡོ་རྗེ་ལས་བྱུང་ངོ་། །ཨོཾ་
ཆོས་དབྱིངས་མཉམ་པ་ཆེན་པོ་ལས། །ཡེ་ཤེས་གསལ་བ་རྣམ་པར་དག །ཆོས་ཀྱི་དབྱིངས་ཀྱི་ཡེ་ཤེས་ཀྱིས། །སྐྱེ་མེད་ཆོས་ལ་དབང་སྒྱུར་ཤོག །ཨོཾ་མ་ཧཱ་གུ་ཧྱ་མ་ཤུ་མྱཱ་ཏ་དྷརྨ་ཛྙཱ་ན་སྭ་བྷཱ་བ་ཨཏྨ་ཀོ྅ཧྃ། ཧཱུྃ་དག་ཅིང་གསལ་བའི་རང་བཞིན་ཏེ། །
སྐྱོན་མེད་སེམས་ཉིད་རིན་པོ་ཆེ། །མེ་ལོང་ལྟ་བུའི་ཡེ་ཤེས་ཀྱིས། །སྲིད་པ་གསུམ་ལ་དབང་སྒྱུར་ཤོག །ཨོཾ་མ་ཧཱ་གུ་ཧྱ་མ་ཧཱ་ཨཱ་དར་ཤ་ཛྙཱ་ན་བཛྲ་སྭ་བྷཱ་བ་ཨཱཏྨ་ཀོ྅ཧྃ། སྭཱྃ་ཁམས་གསུམ་རེ་སྐོང་རྒྱལ་པོ་སྟེ། །ཡིད་བཞིན་རིན་ཆེན་གཏེར་གྱི་
མཆོག །མཉམ་པ་ཉིད་ཀྱི་ཡེ་ཤེས་ཀྱིས། །འགྲོ་བ་རེ་སྐོང་རྒྱལ་པོར་ཤོག །ཨོཾ་མ་ཧཱ་གུ་ཧྱ་མ་ཧཱ་ས་མན་ཏ་ཨ་བེ་ཤ་ཛྙཱ་ན་བཛྲ་སྭ་བྷཱ་བ་ཨཱཏྨ་ཀོ྅ཧྃ། ཨཱྃ་ཉེས་པའི་སྐྱོན་བྲལ་དྲི་མ་མེད། །སྐྱེ་འགག་མེད་པའི་དངོས་གྲུབ་སྟེ། །སོ་སོར་རྟོག་པའི་ཡེ་
ཤེས་ཀྱིས། །སྲིད་གསུམ་ཉེས་དམིགས་སེལ་བར་ཤོག །ཨོཾ་མ་ཧཱ་གུ་ཧྱ་མ་ཧཱ་པྲ་ཏི་པྲ་བེ་ཤ་ཛྙཱ་ན་བཛྲ་སྭ་བྷཱ་བཱ་ཨཱཏྨ་ཀོ྅ཧྃ། ཧཱ་དབྱིངས་ཀྱི་དཀྱིལ་འཁོར་མཐར་ཕྱིན་ཅིང་། །གྲུབ་པ་ལས་ཀྱི་བྱེ་བྲག་ལས། །བྱ་བ་ནན་ཏན་ཡེ་ཤེས་ཀྱིས། །སྐྱེ་
འགྲོ་དབྱིངས་སུ་སྒྲོལ་བར་ཤོག །ཨོཾ་མ་ཧཱ་གུ་ཧྱ་མ་ཧཱ་ཀྲྀ་ཏ་ཨ་ནུཥྛླ་ན་ཛྙཱ་ན་བཛྲ་སྭ་བྷཱ་བ་ཨཱཏྨ་ཀོ྅ཧྃ། ཨ་ནི་སྟོང་དང་མི་སྟོང་གཉིས། །དབུ་མ་ལ་ཡང་མི་གནས་ཤིང་། །སྟོང་པ་ཆེན་པོའི་ཡེ་ཤེས་ཀྱིས། །མི་འགྱུར་དབྱིངས་ལ་དབང་སྒྱུར་ཤོག །ཨོཾ་
104-1-36b


མ་ཧཱ་གུ་ཧྱ་མ་ཧཱ་ཨཱ་བེ་ཤ་ཤུ་ནྱཱ་ཏཱ་ཛྙཱ་ན་བཛྲ་སྭ་བྷཱ་བ་ཨཱཏྨ་ཀོ྅ཧྃ། །ཨོཾ་བདེར་གཤེགས་སྐུ་ཡི་ངོ་བོ་ལས། །མི་ཤིགས་རྡོ་རྗེ་རྒྱལ་བའི་གཙོ། །སྔགས་དང་ཕྱག་རྒྱར་ལྡན་པ་ཡིས། །རྡོ་རྗེ་སྐུ་ཡི་གཙོ་བོར་ཤོག །ཨོཾ་མ་ཧཱ་གུ་ཧྱ་སརྦ་ཏ་ཐཱ་ག་ཏ་ཀཱ་ཡ་བཛྲ་
སྭ་བྷཱ་བ་ཨཱཏྨ་ཀོ྅ཧྃ། ཨོཾ་བདེར་གཤེགས་གསུང་གི་ངོ་བོ་ལས། །མི་ཤིགས་རྡོ་རྗེ་ཆོས་ཀྱི་དབྱིངས། །སྔགས་དང་ཕྱག་རྒྱར་ལྡན་པ་ཡིས། །རྡོ་རྗེ་གསུང་གི་ངོ་བོར་ཤོག །ཨོཾ་མ་ཧཱ་གུ་ཧྱ་སརྦ་ཏ་ཐཱ་ག་ཏ་བཱ་ཀ་བཛྲ་སྭ་བྷཱ་བ་ཨཱཏྨ་ཀོ྅ཧྃ། ཧཱུྃ་བདེར་གཤེགས་
ཐུགས་ཀྱི་གཙོ་བོ་ལས། །མི་ཤིགས་རྡོ་རྗེ་རྡོ་རྗེའི་ཐུགས། །སྔགས་དང་ཕྱག་རྒྱར་ལྡན་པ་ཡིས། །རྡོ་རྗེ་ཐུགས་ཀྱིས་བྱིན་རློབས་ཤོག །ཨོཾ་མ་ཧཱ་གུ་ཧྱ་སརྦ་ཏ་ཐཱ་ག་ཏ་ཙིཏ་ཏ་བཛྲ་སྭ་བྷཱ་བ་ཨཱཏྨ་ཀོ྅ཧྃ། སྭྃ་མི་འགྱུར་བ་ཡི་ཞིང་ཁམས་ནས། །མ་བསྐྱེད་པ་
ཡི་འབྲས་བུ་ལགས། །མ་བསགས་པ་ཡི་ལོངས་སྤྱོད་འབྱུང་། །ཅིར་ཡང་གྲུབ་པའི་ཡེ་ཤེས་ཀྱིས། །རང་དབང་ཐབས་ཀྱིས་སྒྱུར་བར་ཤོག །སྭྃ་མ་ཧཱ་གུ་ཧྱ་སརྦ་ཏ་ཐཱ་ག་ཏ་མ་ཧཱ་པཱུ་ཛ་བཛྲ་སྭ་བྷཱ་བ་ཨཱཏྨ་ཀོ྅ཧྃ། ཞེས་གསུངས་པས་གསལ་ལ་འབར་
བས་ཐིམ་པར་གྱུར་ཏོ། །ཨེ་མ་ངོ་མཚར་རབ་འབྱམ་གྱི། །ངོ་མཚར་ཡ་མཚན་གསང་བའི་ཆོས། །སྒྲ་དང་མིང་ཚིག་ཀུན་ལས་འདས། །སྣ་ཚོགས་སྒྲ་རྣམས་དབྱིངས་སུ་གསལ། །གསུང་གཅིག་ཡན་ལག་དཀྱིལ་འཁོར་ནི། །བསམ་གྱིས་མི་ཁྱབ་ཁྱབ་
མཆོག་དབྱིངས། །ཐམས་ཅད་གསུང་གི་ཕྱག་རྒྱ་མཆོག་ཧོཿ། གསང་བའི་སྙིང་པོ་ངེས་པའི་བླ་མ་ཆེན་པོ་ལས་དཀྱིལ་འཁོར་བསྡུ་བ་དང་གསང་སྔགས་ཀྱི་ལེའུ་སྟེ་བཞི་པའོ།། །། དེ་ནས་ཡེ་ཤེས་རྒྱལ་པོ་དེ་ཉིད་དེ་བཞིན་གཤེགས་པ་ཐམས་ཅད་
ཀྱི་ཡན་ལག་ཐམས་ཅད་དཀྱིལ་འཁོར་བླ་མར་ལྷུན་གྱིས་གྲུབ་པའི་དགོངས་པ་རྩེར་ཆིབ་ནས་རྡོ་རྗེ་བླ་མའི་ཚིག་འདི་ཆེད་དུ་གསུངས་སོ། །སྒྱུ་འཕྲུལ་དྲ་བས་མངོན་རྫོགས་པའི། །ཐམས་ཅད་བྱང་ཆུབ་མཆོག་གི་རྒྱ། །གསང་བ་དེ་ཉིད་ངེས་པ་ཡི། །
སྙིང་པོ་ཕྱག་རྒྱ་འདའ་དཀའོ། །མི་བསྐྱོད་ཉི་མའི་དཀྱིལ་ཡི་གེ། རིན་ཆེན་ཟླ་བའི་དཀྱིལ་ཡི་གེ། ལྔ་གཉིས་ཟུང་དུ་སྤྲོས་པ་ལས། །སྦྱར་བའི་ཕྱག་རྒྱ་འབྱུང་བའི་རྒྱུ། །ཧཱུྃ་དང་མུཾ་གཉིས་རྩེ་སྦྱར་ཏེ། །འབྲུ་བརྒྱད་བསྣོལ་ནས་ཐུགས་ཀར་བཀན། །
104-1-37a


རྒྱལ་བ་ཀུན་དང་མཉམ་སྦྱོར་བ། །བདེ་བ་ཆེན་པོ་སྦྱིན་པའི་རྒྱ། །འབྲུ་བཞི་སྦས་ནས་ཐུགས་ཀར་བཀན། །ཧཱུྃ་བསྒྲེང་རྩེ་མོར་རྡོ་རྗེ་འབར། །ཟླ་བརྟུལ་འབྲུ་སྦས་དྲིལ་གསིལ་ཅིང་། །འཁྲིལ་བའི་ཚུལ་གྱིས་ཆོས་ལ་བརྟན། །འབྲུ་བཞི་
སྦས་ན་ཐུགས་ཀར་བཀན། །མུྃ་བསྒྲེང་རྩེ་མོར་དྲིལ་གསིལ་འབར། །ཉི་མ་འབྲུ་ལྔས་ལས་སུ་འཁྲིལ། །བཏུད་དེ་འཛུམ་པའི་མདངས་ཀྱིས་ལྟ། །འཁོར་ལོ་འབར་བའི་ལྟེ་དབུས་ན། །སྟོན་པ་རྡོ་རྗེ་སེམས་དཔའ་དག །ཡུམ་མཆོག་ཡངས་མའི་སྦྱན་
དང་ནི། །གཉིས་མེད་དབྱིངས་ཀྱི་ངང་དུ་འཁྲིལ། །འབྲུ་བཞི་སྦས་ནས་ཐུགས་ཀར་བཀན། །ཨོཾ་བསྒྲེང་རྩེ་མོར་འཁོར་ལོ་འབར། །ཟླ་བཏུལ་འབྲུ་སྦས་དྲིལ་གསིལ་ཅིང་། །འཁྲིལ་བའི་ཚུལ་གྱིས་ཆོས་ལ་བརྟན། །འབྲུ་བཞི་སྦས་ནས་ཐུགས་ཀར་
བཀན། །ལྃ་བསྒྲེང་རྩེ་མོར་དྲིལ་གསིལ་འབར། །ཉི་མ་འབྲུ་ལྔས་ལས་སུ་འཁྲིལ། །བཏུད་དེ་འཛུམ་པའི་མདངས་ཀྱིས་ལྟ། །ཤར་གྱི་འཁོར་ལོའི་རྩིབས་སྟེངས་ན། །བདེ་གཤེགས་རྣམ་པར་སྣང་མཛད་དག །ཡུམ་མཆོག་ཀུན་ཏུ་བཟང་མོ་
དང་། །གཉིས་མེད་དབྱིངས་ཀྱི་ངང་དུ་འཁྲིལ། །འབྲུ་བཞི་སྦས་ནས་ཐུགས་ཀར་བཀན། །སྭ་རྩེ་འབར་བ་རིན་པོ་ཆེ། །ཟླ་བརྟུལ་འབྲུ་སྦས་དྲིལ་གསིལ་ཞིང་། །འཁྲིལ་བའི་ཚུལ་གྱིས་ཆོས་ལ་བརྟན། །འབྲུ་སྦས་བཞི་ནས་ཐུགས་ཀར་
བཀན། །མཾ་བསྒྲེང་རྩེ་མོར་དྲིལ་གསིལ་འབར། །ཉི་མ་འབྲུ་ལྔས་ལས་སུ་འཁྲིལ། །བཏུད་དེ་འཛུམ་པའི་མདངས་ཀྱིས་ལྟ། །ལྷོ་ཕྱོགས་འཁོར་ལོའི་རྩིབས་སྟེངས་ནས། །བདེར་གཤེགས་རིན་ཆེན་འབྱུང་ལྡན་དག །ཡུམ་མཆོག་ཁམས་
གསུམ་བྱམས་མ་དང་། །གཉིས་མེད་དབྱིངས་ཀྱི་ངང་དུ་འཁྲིལ། །འབྲུ་སྦས་བཞི་ནས་ཐུགས་ཀར་བཀན། །ཨཱྃ་བསྒྲེང་རྩེ་མོར་པདྨ་འབར། །ཟླ་བཏུལ་འབྲུ་སྦས་དྲིལ་གསིལ་ཞིང་། །འཁྲིལ་བའི་ཚུལ་གྱིས་ཆོས་ལ་བརྟན། །འབྲུ་བཞི་སྦས་
ནས་ཐུགས་ཀར་བཀན། །པྃ་བསྒྲེང་རྩེ་མོར་དྲིལ་གསིལ་འབར། །ཉི་མ་འབྲུ་ལྔས་ལས་སུ་འཁྲིལ། །བཏུད་དེ་འཛུམ་པའི་མདངས་ཀྱིས་ལྟ། །ནུབ་ཕྱོགས་འཁོར་ལོའི་རྩིབས་སྟེངས་ནས། །བདེ་གཤེགས་སྣང་བ་མཐའ་ཡས་དག །ཡུན་
104-1-37b


མཆོག་ན་བཟའ་དཀར་མོ་དང་། །གཉིས་མེད་དབྱིངས་ཀྱི་ངང་དུ་འཁྲིལ། །འབྲུ་བཞི་སྦས་ནས་ཐུགས་ཀར་བཀན། །ཧ་བསྒྲེང་རྩེ་མོར་རལ་གྲི་འབར། །ཟླ་བཏུལ་འབྲུ་སྦས་དྲིལ་གསིལ་ཞིང་། །འཁྲིལ་བའི་ཚུལ་གྱིས་ཆོས་ལ་བརྟན། །འབྲུ་བཞི་
སྦས་ནས་ཐུགས་ཀར་བཀན། །ཏྲཱྃ་བསྒྲེང་རྩེ་མོར་དྲིལ་གསིལ་འབར། །ཉི་མ་འབྲུ་ལྔ་ལས་སུ་འཁྲིལ། །བཏུད་དེ་འཛུམ་པའི་མདངས་ཀྱིས་ལྟ། །བྱང་ཕྱོགས་འཁོར་ལོའི་རྩིབས་སྟེངས་ན། །བདེ་གཤེགས་དོན་ཡོད་གྲུབ་པ་དང་། །
ཡུམ་མཆོག་དམ་ཚིག་སྒྲོལ་མ་དང་། །གཉིས་མེད་དབྱིངས་ཀྱི་ངང་དུ་འཁྲིལ། །རིན་ཆེན་མྱུ་གུ་གཡས་ཕྱོགས་ན། །སྒེག་ཅིང་འགྱིང་བ་གཡོན་ཕྱོགས་ན། །ས་སྙིང་དཀར་པོ་རྡོ་རྗེའི་རིགས། །ཡུམ་མཆོག་དཀར་མོ་སྒེག་ཆེན་དང་། །དཀྱིལ་འཁོར་
བར་འཁྱམས་ཤར་ཕྱོགས་ན། །གཉིས་མེད་དབྱིངས་ཀྱི་ངང་དུ་འཁྲིལ། །རལ་གྲི་འབྱིན་པ་གཡས་ཕྱོགས་ན། །ཕྲེང་བ་བགྲང་བ་གཡོན་ཕྱོགས་ན། །དཀྱིལ་འཁོར་བར་འཁྱམས་ལྷོ་ཕྱོགས་ན། །ནམ་སྙིང་སེར་པོ་རིན་ཆེན་རིགས། །ཡུམ་མཆོག་
དཔལ་གྱི་ཕྲེང་བ་དང་། །གཉིས་མེད་དབྱིངས་ཀྱི་ངང་དུ་འཁྲིལ། །པདྨ་དཀར་པོ་གཡས་ཕྱོགས་ན། །པི་བང་འགྱེད་པ་གཡོན་ཕྱོགས་ན། །དཀྱིལ་འཁོར་བར་འཁྱམས་ནུབ་ཕྱོགས་ན། །སྤྱན་རས་ལེབ་རྒན་པདྨ་རིགས། །ཡུམ་མཆོག་ཆོས་ཀྱི་དབྱིངས་
མཁན་དང་། །གཉིས་མེད་དབྱིངས་ཀྱི་ངང་དུ་འཁྲིལ། །རྡོ་རྗེ་རྩེ་ལྔ་གཡས་ཕྱོགས་ན། །བར་གྱི་ཅོད་པན་གཡོན་ཕྱོགས་ན། །དཀྱིལ་འཁོར་བར་འཁྱམས་བྱང་ཕྱོགས་ན། །ཕྱག་ན་མཐིང་ག་ལས་ཀྱི་རིགས། །ཡུམ་མཆོག་གར་གྱི་ཅོད་པན་དང་། །
གཉིས་མེད་དབྱིངས་ཀྱི་ངང་དུ་འཁྲིལ། །མཛེས་པའི་ཀླུ་ཤིང་གཡས་ཕྱོགས་ན། །བདུག་སྤོས་འདྲེན་པ་གཡོན་ཕྱོགས་ན། །དཀྱིལ་འཁོར་བར་འཁྱམས་ཤར་ལྷོ་ན། །བྱམས་པ་དཀར་སེར་བདེ་གཤེགས་རིགས། །ཡུམ་མཆོག་བདུག་པའི་སྤྲིན་འཕྲོ་
དང་། །གཉིས་མེད་དབྱིངས་ཀྱི་ངང་དུ་འཁྲིལ། །གསེར་གྱི་འཁོར་ལོ་གཡས་ཕྱོགས་ན། །མེ་ཏོག་འཐོར་བ་གཡོན་ཕྱོགས་ན། །དཀྱིལ་འཁོར་བར་འཁྱམས་ལྷོ་ནུབ་ན། །སྒྲིབ་སེལ་དམར་སེར་རིན་ཆེན་རིགས། །ཡུམ་མཆོག་མེ་ཏོག་ཆར་
104-1-38a


འབེབས་དང་། །གཉིས་མེད་དབྱིངས་ཀྱི་ངང་དུ་འཁྲིལ། །རིན་ཆེན་སྙེ་མ་གཡས་ཕྱོགས་ན། །སྒྲོན་མ་འདེགས་པ་གཡོན་ཕྱོགས་ན། །དཀྱིལ་འཁོར་བར་འཁྱམས་ནུབ་བྱང་ན། །ཀུན་བཟང་དམར་ལྗང་ལས་ཀྱི་རིགས། །ཡུམ་མཆོག་
གསལ་བའི་སྒྲོན་མ་དང་། །གཉིས་མེད་དབྱིངས་ཀྱི་ངང་དུ་འཁྲིལ། །ཨུད་དཔལ་སྔོན་པོ་གཡས་ཕྱོགས་ན། །ཙན་དན་འཐོར་བ་གཡོན་ཕྱོགས་ན། །དཀྱིལ་འཁོར་བར་འཁྱམས་བྱང་ཤར་ན། །འཇམ་དཔལ་དཀར་ལྗང་རྡོ་རྗེའི་རིགས། །ཡུམ་
མཆོག་ཙན་དན་ཆར་འབེབས་དང་། །གཉིས་མེད་དབྱིངས་ཀྱི་ངང་དུ་འཁྲིལ། །ཐུབ་དྲུག་ཕྱག་རྒྱ་ཆེན་པོ་ནི། །རྒྱུད་དྲུག་གནས་ནས་འདྲེན་པ་སྟེ། །སེག་པར་ཕྱག་རྒྱ་ཚུལ་འཛིན་པས། །སྐུ་མདོག་སེར་པོས་མི་རྣམས་འདྲེན། །པི་བང་ཕྱག་
རྒྱ་ཚུལ་འཛིན་པས། །སྐུ་མདོག་དཀར་པོ་ལྷ་རྣམས་འདྲེན། །གོ་ཆ་མདུང་ཐུང་ཕྱག་རྒྱ་ཡིས། །སྐུ་མདོག་མཐིང་ནག་ལྷ་མིན་འདྲེན། །རིན་ཆེན་འབར་བའི་ཕྱག་རྒྱ་ཡིས། །སྐུ་མདོག་སྔོན་པོ་ཡི་དགས་འདྲེན། །པོ་ཏི་བརྩེགས་པའི་ཕྱག་རྒྱ་
ཡིས། །སྐུ་མདོག་སེར་ནག་བྱོལ་སོང་འདྲེན། །མེ་འབར་ཆུ་འབེབས་ཕྱག་རྒྱ་ཡིས། །སྐུ་མདོག་སྔོན་པོ་དམྱལ་བ་འདྲེན། །སྒོ་བཞི་ཕྱག་རྒྱ་ཚུལ་གནས་པ། །རྡོ་རྗེ་གནོད་པ་གཡས་ཕྱོགས་ན། །ལྕགས་ཀྱུ་འཕེན་པ་གཡོན་ཕྱོགས་ན། །སྟོབས་
ཆེན་ཁྲོ་བོ་ཆེན་པོ་ཡང་། །ཡུམ་མཆོག་རྡོ་རྗེ་ལྕགས་ཀྱུ་དང་། །གཉིས་མེད་དབྱིངས་ཀྱི་ངང་དུ་འཁྲིལ། །ནྲྀ་མགོ་གདེངས་པ་གཡས་ཕྱོགས་ན། །ཞགས་པ་འཕེན་པ་གཡོན་ཕྱོགས་ན། །ཁྲོ་ཆེན་གཤིན་རྗེ་གཤེད་པོ་ཡང་། །ཡུམ་མཆོག་རྡོ་རྗེ་
ཞགས་པ་དང་། །གཉིས་མེད་དབྱིངས་ཀྱི་ངང་དུ་འཁྲིལ། །སྦྲུལ་མགོ་གདེངས་པ་གཡས་ཕྱོགས་ན། །ལྕགས་སྒྲོག་སྡོམ་པ་གཡོན་ཕྱོགས་ན། །ཁྲོ་ཆེན་རྟ་མགྲིན་དཔའ་བོ་དང་། །ཡུམ་མཆོག་རྡོ་རྗེ་ལྕགས་སྒྲོག་དང་། །གཉིས་མེད་
དབྱིངས་ཀྱི་ངང་དུ་འཁྲིལ། །རྒྱ་གྲམ་གནོན་པ་གཡས་ཕྱོགས་ན། །དྲིལ་བུ་འཁྲོལ་བ་གཡོན་ཕྱོགས་ན། །ཁྲོ་ཆེན་བདུད་རྩི་འཁྱིལ་པ་ཡང་། །ཡུམ་མཆོག་རྡོ་རྗེ་དྲིལ་འཁྲོལ་དང་། །བྱང་གི་སྒོ་ནས་དབྱིངས་སུ་འཁྲིལ། །ཀུན་བཟང་
104-1-38b


མཉམ་བཞག་ཡེ་ཤེས་འཕྲོ། །ཡུམ་འགྱུར་མཉམ་རྫོགས་པད་མོའི་དཀྱིལ། །གཉིས་མེད་དབྱིངས་ཀྱི་གསང་ཆེན་སྤྲོ། །བདེ་མཆོག་ངོ་མཚར་ཐུགས་ཀྱི་དཀྱིལ། །སྤྲོ་བསྡུ་རྡོ་རྗེ་ཐལ་མོ་དག །བསྒྱུར་བས་རང་སེམས་ཡེ་ཤེས་གསལ། །
དེ་ཉིད་ཤེས་རབ་ཐབས་སུ་རྫོགས། །རྒྱུ་འཕྲུལ་དྲ་བ་ངེས་པའི་བླ་མ་ཆེན་པོ་ལས་ཕྱག་རྒྱ་སྤྲོས་པའི་ལེའུ་སྟེ་ལྔ་པའོ།། །། དེ་ནས་ཡེ་ཤེས་རྒྱལ་པོ་དེ་རྡོ་རྗེ་བཀོད་པའི་གསང་བའི་དམ་ཚིག་རྒྱན་རྣམ་པར་སྤྲོས་པའི་དགོངས་
པ་ལ་ཅིག་ཆར་བཞུགས་ཏེ། །རྡོ་རྗེ་གསང་བའི་ཚིག་འདི་བརྗོད་དོ། །ཤིན་ཏུ་ཕྲ་བའི་ཏིང་འཛིན་མཆོག །དཔེ་དང་ཚད་དུ་མི་གཟུང་ཞིང་། །གཞལ་ཡས་ཕྱག་རྒྱ་ལ་སོགས་ཏེ། །མཚོན་དུ་མེད་ལ་སྣང་བར་བསྒོམ། །ཤིན་ཏུ་ཕྲ་བས་
རྣམ་སྦྱངས་ཏེ། །རིག་པས་རྒྱ་ཁྱོན་ཚད་མེད་པ། །གཞལ་ཡས་ཕྱག་རྒྱ་ལ་སོགས་པའི། །མཚོན་དུ་མེད་ལ་སྣང་བར་བསྒོམ། །ཕྱི་ནང་གསང་བའི་མཆོད་པ་དང་། །ཚོགས་ཆེན་གཉིས་ལས་འགྲུབ་པ་ཡི། །འདོད་པ་ལྔ་ཡི་ཡོན་
ཏན་རྣམས། །ནམ་མཁའི་མཐའ་དང་མཉམ་རྫོགས་ཏེ། །རགས་དང་ཕྲ་དང་འཕྲིང་ལ་སོགས། །ཇི་ལྟར་འདོད་པ་རང་གར་བྱ། །ཙ་ཀ་ལི་དང་ཚོན་རྩི་དག །བྱ་དང་མི་བྱ་མེད་པས་ན། །དེ་ལ་དགག་པར་མ་གསུངས་སོ། །འགྲོ་དོན་
འཚམ་པ་དེ་བཞིན་ཏེ། །སྣ་ཚོགས་མཆོད་པས་རྒྱས་པར་མཆོད། །བདག་ཉིད་ཆེན་པོས་མཆོད་པ་ཡིས། །སངས་རྒྱས་དཀྱིལ་འཁོར་མ་ལུས་མཉེས། །སྲིད་གསུམ་འགྲོ་བ་མ་ལུས་ཀུན། །དགའ་བ་ཆེན་པོས་ཚིམ་པ་ཡིན། །སྒྱུ་
འཕྲུལ་དྲ་བའི་དགོངས་པ་ཡིས། །རྒྱལ་བའི་དཀྱིལ་འཁོར་མ་ལུས་དང་། །རིགས་དྲུག་འགྲོ་བ་མངོན་དུ་འགྱུར། །ལུས་ངག་སེམས་དང་ཆོས་ཐམས་ཅད། །གང་ནའང་ཡོད་པ་མ་ཡིན་ཏེ། །རྣམ་དག་ཡེ་ཤེས་སྦྱོར་བ་ཡིས། །
དབྱིངས་ལ་དབྱིངས་ཉིད་སྒོམ་པ་ཡིས། །ཀུན་བྱས་དབང་ཕྱུག་རིག་པས་འཇུག །དེ་ནས་དད་ལྡན་གུས་འཇུག་པ། །དེ་ནས་རིགས་ཀྱི་བུ་མཆོག་དེས། །རྒྱལ་སྲིད་དང་ནི་རང་གི་ལུས། །བུ་དང་ཆུང་མ་ནོར་གྱི་དབྱིག །རབ་ཏུ་གཅེས་
104-1-39a


དང་ཡིད་འཐད་དབུལ། །སྙིང་ཡང་ཡོན་གྱི་མཆོག་ཡིན་ཏེ། །བླ་མ་མཉེས་ཕྱིར་གུས་ལྡན་དབུལ། །དབང་ཕྱུག་ལོངས་སྤྱོད་ལྔས་མཆོད་ན། །དཀྱིལ་འཁོར་ཐམས་ཅད་མཉེས་པ་ཡིན། །གསལ་བའི་དཀྱིལ་འཁོར་སྨོས་
ཅི་དགོས། །སྐྱོན་རྣམས་མ་ལུས་ངེས་པ་འབྱང་། །དད་ལྡན་བརྩོན་འགྲུས་བསྐྱེད་བྱས་ན། །ཕན་པའི་དབང་ནོད་ཐེག་ཚད་སྦྱིན། །དེས་ན་དབང་ཕྱུག་རྒྱལ་པོ་ཡིས། །དབང་གི་རིམ་པ་རྣམས་བསྟན་ཏོ། །འགྲོ་ལ་ཕན་ཕྱིར་ལས་
རྣམས་སྦྱིན། །གྲུབ་པ་ས་འཛིན་རྒྱལ་པོ་སྦྱིན། །མི་འགྱུར་རབ་འབྱམ་བདེ་ཆེན་ནོ། །གང་འདོད་རིམ་ཀྱིས་སྦྱིན་པར་བྱ། །བློ་དང་ལྡན་པས་ཐེག་ཚད་ནོད། །ཡང་ན་སྲས་ཀྱི་དམ་པ་སྟེ། །ཆུད་མ་ཟོས་པར་རྫོགས་དབང་སྦྱིན། །སེམས་
ཀྱི་རྣམ་པ་ཉིད་ཁུ་བླུད། །སྒོ་འབྱེད་བདེ་བས་གྱེན་དུ་བསྐྱིལ། །དེ་ནས་དབང་ཕྱུག་ཆེན་པོ་དེས། །མི་འགྱུར་སྒྲོན་མར་སྐུ་བསྐྱོད་ཅིང་། །སེམས་ཀྱི་ཐིག་ལེ་སྒོ་ཕྱེ་སྟེ། །ཚངས་པ་ཆེན་པོའི་དབྱངས་བཞེད་ནས། །གོ་འབྱེད་རྡོ་རྗེའི་ལྗགས་
བརྐྱང་སྟེ། །དད་ལྡན་སྐྱེས་བུ་དབང་བསྐུར་བ། །རྫོགས་པ་ཆེན་པོའི་བདེ་དབང་ནི། །ཆེ་མཆོག་གོང་ན་མེད་པ་ན། །གསང་བའི་དབུ་བརྒྱན་གྱི་དབང་དང་། །ཐབས་མཁས་བྱིན་བརླབས་ཆེ་བས་ན། །ལས་རྣམས་ཀུན་གྱི་དབང་དང་ནི། །
ཁམས་གསུམ་དབང་དུ་བསྡུས་པས་ནི། །སློབ་དཔོན་ཞལ་ཆབ་ཀྱི་དབང་ངོ་། །ཧཱུྃ་ཐབས་མཁས་ཐུགས་རྗེའི་བྱིན་བརླབས་ཀྱིས། །རིགས་ཀྱི་བུ་མཆོག་དབང་བསྐུར་ཕྱིར། །གསང་བའི་དབུ་རྒྱན་འདི་བཅིངས་པས། །རིགས་
ཀྱི་བུ་མཆོག་དེང་ཕན་ཆད། །འཇིག་རྟེན་ཆེ་བ་ཀུན་གྱི་བླ། །ཆེ་བའི་ཆེ་བ་ཟིལ་གྱིས་གནོན། །སངས་རྒྱས་ཆེ་བའི་མཆོད་གནས་ནི། །རྣལ་འབྱོར་ཆེན་པོ་ཁྱོད་ཉིད་ཡིན། །ཨོཾ་སརྦ་ཏ་ཐཱ་ག་ཏོ་གུ་ཧྱ་བཛྲ་རཏ་ན་མ་ཀུ་ཊ་ཏྲཱྃ་ཏྲཱྃ། བཛྲ་གུ་ཧྱ་
སིད་དྷི་ཧཱུྃ། ཧཱུྃ་ཐབས་མཁས་བྱིན་བརླབས་ཆེན་པོ་ནི། །སངས་རྒྱས་ཀུན་གྱི་ཐུགས་ཡིན་ཏེ། །བྱིན་བརླབས་ཆེན་པོ་རྣམ་བཞི་པོ། །དབང་བསྐུར་གནང་ཕྱིར་གཏད་པས་ན། །རིགས་ཀྱི་བུ་མཆོག་དེང་ཕན་ཆད། །སེམས་ཅན་ཀུན་
104-1-39b


ལ་སྙིང་བརྩེ་ཕྱིར། །མུ་སྟེགས་རྟག་ཆད་ཡན་ཆད་ནས། །སངས་རྒྱས་ཀུན་གྱི་མཛད་སྤྱོད་ལ། །ཁྱོད་ཀྱིས་མི་བྱ་གཅིག་ཀྱང་མེད། །རྡོ་རྗེ་སེམས་དཔའི་སྤྱོད་པ་ཡིས། །སེམས་ཅན་ཀུན་གྱི་རེ་བ་སྐོངས། །ཨོཾ་ས་མ་ཡ་གུ་ཧྱ་ཨེ་
བྃ་མ་ཡ་ཨ། སློབ་དཔོན་ཞལ་ཆབ་ཀྱི་དབང་ནི་ཁམས་གསུམ་ཀུན་ལ་དབང་ཡིད་བཞིན་དུ་སྒྱུར་ཏེ། ཧཱུྃ་ང་ནི་རྒྱལ་བ་ཀུན་གྱི་བླ། །ཐིག་ལེ་བྱང་ཆུབ་སེམས་ཆེན་པོ། །ང་ནི་ཁྲོ་རྒྱལ་ཀུན་གྱི་རྗེ། །ཡེ་ཤེས་རོལ་པའི་འབྱུང་གནས་
གཏེར། །ང་ནི་སྤྱི་དཔལ་བླ་ན་མེད། །སྐྱོན་བྲལ་ཐབས་ཀྱི་རྒྱལ་པོ་ཡིན། །སེམས་ཀྱི་དཀྱིལ་ནས་དྲངས་པའི་ཆུ། །ཁྱོད་ཀྱི་ལྕེ་ལ་ཕབ་པ་འདི། །སྙིང་གི་དཀྱིལ་དུ་གཟུང་བར་བྱོས། །རིགས་ཀྱི་བུ་ཁྱོད་དེང་ཕན་ཆད། །རྡོ་རྗེ་སེམས་
དཔའི་ཐུགས་མཆོག་ཟུང་། །སངས་རྒྱས་ཀུན་གྱི་གཙོ་བོ་ཡིན། །བྱང་ཆུབ་སེམས་དང་མཉམ་པའི་ཕྱིར། །སེམས་དཔའ་ཀུན་གྱི་མཆོད་གནས་ཡིན། །རིགས་ཀྱི་བུ་ཁྱོད་དེང་ཕན་ཆད། །ཕྱི་དང་ནང་དང་གསང་བ་ཡི། །བསྟན་པ་ཕྱི་
ནང་ཟབ་མོ་ཀུན། །སེམས་ཀྱི་དཀྱིལ་དུ་བསྡུས་ནས་ཀྱང་། །རྡོ་རྗེ་ལྕེ་ཡིས་སྒོ་ཕྱེ་སྟེ། །བདུད་རྩི་སྨན་མཆོག་དམ་པ་འདིས། །དད་ལྡན་སྐྱེས་བུ་ངོམས་པར་བྱོས། །སེམས་ཀྱི་ཐིག་ལེ་དཀྱིལ་འཁོར་དུ། །ཞི་ཁྲོ་འབྱམ་པའི་གཏེར་སྒོམས་
ལ། །སྲིད་པ་གསུམ་ལ་དབང་བསྒྱུར་ཅིག །དབང་ཅན་ཐམས་ཅད་བཀོལ་བར་བྱོས། །སྐྱེ་འགྲོ་ཀུན་ལ་སྙིང་བརྩེའི་ཕྱིར། །གདུལ་བའི་ཕྱག་རྒྱ་འདི་ཡང་སྤྱོད། །དུས་གསུམ་རྩ་བ་གཅད་པར་བྱོས། །ཕྱི་ནང་སྣོད་བཅུད་རྣམ་པར་དག །རྣམ་
དག་ཆེན་པོ་ཉིད་ཀྱི་ལམ། །བྱེད་སྤྱོད་ཐབས་ཚོགས་གཉིས་རྫོགས་པ། །འགྲོ་དོན་བྱང་ཆུབ་སེམས་ཀྱི་དབྱིངས། །སེམས་ཀྱི་ཆུ་འདི་བཏུང་བར་བྱོས། །རྣལ་འབྱོར་ཆེན་པོས་དམ་དུ་ཟུང་། །ཧཱུྃ་དེ་ནས་རིགས་ཀྱི་བུ་མཆོག་དེས། །མཉམ་
པའི་དོན་ལ་གཞོལ་བའི་ཕྱིར། །ཡེ་ཤེས་རྒྱལ་པོས་འདི་སྐད་གསུངས། །སྙིང་གི་དཀྱིལ་དུ་རྣམ་སྦྱང་བ། །ཧཱུྃ་ཉིད་རིང་པོས་མཚམས་སྦྱར་ཏེ། །ཐམས་ཅད་བདེ་བ་ཆེན་པོའི་དབྱིངས། །དགེ་སྡིག་ལས་ཀྱིས་མི་བཅོས་ཤིང་། །སྒོམ་དང་སྒྲུབ་པས་
104-1-40a


མི་འབྱངས་པའི། །རྣམ་དག་སེམས་ཉིད་རིན་ཆེན་གཏེར། །རྡོ་རྗེ་སྙིང་པོ་ཡེ་ཤེས་ཀྱིས། །ཁྲོ་རྒྱལ་ཀུན་གྱི་གཙོར་གྱུར་ཅིག །ཤྲཱི་མ་ཧཱ་སུ་ཁ་བཛྲ་བོ་དྷི་ཧཱུྃ་ཧོ། ཨོཾ་ཨྃ། མི་འགྱུར་བ་ཡི་ཡེ་ཤེས་གནས། །མ་བརྩལ་ཕྱིན་པས་
བདེ་བའི་མཆོག །མ་བལྟས་གསལ་བས་ཡེ་ཤེས་སྤྱན། །གོང་ན་མེད་པས་ཀུན་གྱི་རྗེ། །ཡེ་ཤེས་རང་གནས་བདལ་བ་ལ། །མི་འགྱུར་གཡུང་དྲུང་ས་ཐོབ་ཤོག །ཨོཾ་མ་ཧཱ་གུ་ཧྱ་བྲུྃ་ཛྙཱ་ན་མཎྜ་ལ། ཛྙཱ་ན་གུ་ཧྱ་སིད་དྷི་སྭ་བྷཱ་བ་ཨཱཏྨ་ཀོ྅ཧྃ། 
གཟུངས་དང་ཏིང་འཛིན་སྟོབས་དང་མི་འཇིགས་པ། །འགྱུར་བ་མེད་པའི་སྨན་མཆོག་ཐིག་ལེ་ལྔ། །མཚན་མཆོག་རྫོགས་པ་ཆེན་པོས་ལུས་བརྒྱན་ཅིང་། །ཨོཾ་སརྦ་ཏ་ཐཱ་ག་ཏོ་གུ་ཧྱ་ཨཱད་མ་ཨ་བྷི་ཥིཉྩ་ཧོ་ཧ། ཁྱུང་གི་གཤོག་པ་གཡས་གཡོན་
གདེངས་པ་ཡིས། །ཀླུ་རྣམས་ཟིལ་གྱིས་གནོན་པར་བྱེད་པ་ལྟར། །སྲིད་གསུམ་ཡོན་ཏན་མཆོག་ཏུ་རྫོགས་པ་ཡི། །སངས་རྒྱས་ཀུན་ལ་མཛེས་པའི་ཅོད་པན་མཆོག །མཆོག་ཏུ་ཆེ་བས་བདུད་བཞི་ཟིལ་གྱིས་གནོན། །ཨོཾ་སརྦ་ཏ་ཐཱ་ག་ཏོ་མ་ཧཱ་གུ་ཧྱ་བཛྲ་
ཨ་བྷི་ཥིཉྩ་ཧོ། ཧཱུྃ་བདེ་བ་ཆེན་པོའི་རང་གནས་ལ། །ཡེ་ཤེས་རྒྱལ་པོ་སྟངས་དཔྱལ་དུ། །འགྱུར་བ་མེད་པར་ལོངས་སྤྱོད་ཅིང་། །ཐབས་དང་ཤེས་རབ་འཕྲོ་འདུ་ཡིས། །སྐྱེ་འགྲོ་སྲས་སུ་འཛིན་པར་ཤོག །ཨོཾ་སརྦ་ཏ་ཐཱ་ག་ཏོ་གུ་ཧྱ་ཨ་ནུ་རཱ་ག་ཏ་བཛྲ་
སྭ་བྷ་བ་ཨད་མ་ཀོ་ཧྃ། །དབྱིངས་ནས་ཉི་ཤར་མཁའ་ལ་རྫོགས་སྲས་འགྱུར། །རྒྱུ་འཕྲུལ་དྲ་བ་བླ་མ་ཆེན་པོ་ལས་རྡོ་རྗེ་བཀོད་པ་གསང་བ་དམ་ཚིག་དང་དབང་སྦྱིན་པའི་ལེའུ་སྟེ་དྲུག་པའོ།། །།    
དེ་ནས་བཅོམ་ལྡན་འདས་ཡེ་ཤེས་རྒྱལ་པོ་དེས་
ཐུགས་རྗེ་ཆེན་པོ་གདུང་བའི་དམ་ཚིག་ལུ་གུ་རྒྱུད་ལ་སྙོམས་པར་ཞུགས་ནས་དམ་ཚིག་སྟ་ན་ཆེན་པོའི་ཕྲིན་ལས་མཛད་དོ། །ཨེ་མའོ་ངོ་མཚར་སྨད་ཀྱི་ཆོས། །རྫོགས་པའི་སངས་རྒྱས་ཀུན་གྱིས་གསང་། །ཞིང་བཅུར་ལྡན་པའི་ལོངས་སྤྱོད་
ལ། །གསུང་གི་འཕྲོ་འདུ་རྣམ་སྦྱངས་ཏེ། །ལྔ་ཡི་ཚོམ་བུ་ཡང་དག་གསལ། །སྒོ་ལྔ་བྱིན་རླབས་འདྲེན་པའི་མཆོག །ངོ་མཚར་ངན་འགྲོ་ཐར་པའི་ལམ། །གཙུག་ཏུ་སྣང་མཛད་སེམས་དཔའ་ཆེ། །སྐུར་སྐྱེད་བྱིན་རླབས་རྨད་པོ་ཆེ། །ཕོ་
104-1-40b


ཉ་མང་པོའི་འཕྲོ་འདུ་ཡིས། །ཞིང་བཅུ་གནས་ནས་བླངས་ནས་སུ། །ཉི་ཟླ་སྟེང་དུ་དེ་བཞག་སྟེ། །ཤེས་པ་གསུམ་པོ་དབྱིངས་སུ་བསྟིམ། །རང་རྒྱུད་འཁོར་བའི་ས་བོན་ལས། །ལྗང་གུ་ནི་རུ་འཕང་བསྟོད་དེ། །ནི་ལྗང་ཧཱུྃ་དུ་གནས་བསྒྱུར་
ནས། །ཡས་འདུས་མས་འདུས་ཧཱུྃ་ལ་འདུས། །ཧཱུྃ་ནི་བདེ་གཤེགས་ཡེ་ཤེས་ལྔ། །དཀར་ལ་གསལ་བར་སྐུར་བསྐྱེད་དེ། །བདེ་ཆེན་འོད་ཟེར་འཕྲོ་བས་བརྗིད། །རྡོ་རྗེ་སྔོན་པོ་རྩེ་ལྔ་པ། །ཡབ་ཡུམ་བཅུ་ཡི་བྱིན་བརླབས་ཉིད། །ལེབ་རྒན་
ཧཱུྃ་ནི་དབྱིངས་སུ་སྦྱོར། །ཀུན་ཏུ་བཟང་མོ་བདེ་བའི་མཁའ། །སངས་རྒྱས་སེམས་ཅན་གཉིས་གའི་ཡུམ། །རྡོ་རྗེ་སེམས་དཔའ་སངས་རྒྱས་གཙོ། །སྲས་སུ་གྱུར་པས་བདེ་བའི་མཆོག །ཞིང་གྱུར་མཆོག་དང་མཆོག་ཕྲན་རྣམས། །གནས་
འདི་ཀུན་བཟང་ཡུམ་གྱི་མཁའ། །ས་ནི་རྡོ་རྗེ་སེམས་པའི་ས། །མི་ལྡོག་ཉི་ཟླའི་གདན་སྟེངས་སུ། །མཁས་པས་སྐུ་ཡི་ཕྱག་རྒྱར་བསྐྱོད། །མཚན་དང་དཔེ་བྱད་ཡང་དག་ལྡན། །རྟག་ཏུ་སྐུ་མཆོག་གཡུང་དྲུང་སྦྱིན། །ཧོ་རྡོ་རྗེ་གསང་བའི་ཚིག་
ཏུའོ། །དེ་ནས་ཡེ་ཤེས་རྒྱལ་པོ་དེས། །གསང་མཆོག་བདེ་བའི་མཆོད་སྤྲིན་གྱིས། །ཕྱོགས་བཅུའི་ཞིང་ཁམས་རྡུལ་སྙེད་ན། །རྒྱལ་བའི་དཀྱིལ་འཁོར་རྡུལ་ཕྲན་སྙེད། །དེ་ཀུན་གསང་མཆོག་མཉེས་བྱའི་ཕྱིར། །ཉིད་ཀྱི་གསང་བའི་
རྒྱལ་མོ་དེ། །འཛུམ་པའི་མདངས་ཀྱིས་དབྱིངས་སུ་ཐིམ། །འཁྲིལ་ནས་གསང་བའི་དགོངས་པ་མཛད། །བཅྭ་བརྒྱད་ཕྲག་གཉིས་ཧཱུྃ་སྤྲོས་པས། །ཀློང་དུ་ཧཱུྃ་ཆེན་གཅིག་ཏུ་འཁྱིལ། །ཁ་དོག་རྣམ་བཞི་ཡང་དག་ལྡན། །རིགས་
བཞི་ལྷ་མོ་རྣམ་སྤྲོས་ཏེ། །སྟོང་ཁམས་བཀང་ནས་མཆོད་པ་བྱེད། །ལ་ལ་གསང་མཆོག་དབྱིངས་སུ་འཁྲིལ། །ལ་ལ་འདོད་ལྔའི་མཆོད་པ་བྱེད། །རིན་ཆེན་ཁང་པ་སྣ་ཚོགས་དང་། །བླ་རེ་རྒྱལ་མཚན་འཕན་གདུགས་དང་། །
རིན་ཆེན་དོ་ཤལ་སེ་མོ་དོ། །དབྱིབས་ལེགས་རིན་ཆེན་ཕུང་པོས་མཛེས། །བསམ་རྫོགས་རིན་ཆེན་སྡོང་པོ་ཡིས། །རྒྱལ་བའི་དཀྱིལ་འཁོར་མ་ལུས་མཆོད། །ལ་ལ་འགྲོ་བ་རེ་བ་སྐོང་། །ལ་ལ་བདུད་འདུལ་
104-1-41a


ངན་སོང་སྦྱོང་། །ཀུན་ཀྱང་གསང་བའི་མཆོད་འབུལ་བྱེད། །ཉིད་ཀྱི་གསང་བའི་རྒྱལ་མོ་དང་། །གཉིས་སུ་མེད་པར་འཁྲིལ་ནས་སུ། །འཁྲིལ་ནས་ག་ཎའི་མཆོད་པ་བྱེད། །སྟོང་ཁམས་ཉུངས་འབྲུར་གཞུག་ཚུལ་
དུ། །ག་ཎའི་མཆོད་པ་ཆེན་པོ་ཡིས། །ཐམས་ཅད་མཉེས་པ་ཆེན་པོར་གྱུར། །དེ་ནས་ཡེ་ཤེས་རྒྱལ་པོ་དེ་ཉིད་ཀྱི་གསང་བའི་རྒྱལ་མོ་དང་གཉིས་སུ་མེད་པར་འཁྲིལ་ནས་ཆེད་དུ་བརྗོད་པ་འདི་བརྗོད་དོ། །ཨེ་མའོ་བདེ་གཤེགས་སྤྱོད་
པའི་མཆོག ། སྣ་ཚོགས་སྤྱོད་ལ་རང་བཞིན་གསང་། །མ་ཆགས་པ་ཡི་ངོ་བོ་ལས། །ཆགས་པ་ཆེན་པོའི་སྤྱོད་པ་འབྱུང་། །སྤྱོད་པ་ཆེན་པོ་རྣམ་གཉིས་ལ། །རྟོགས་ནས་ཆགས་པས་སུ་སྤྱོད་པ། །ཡང་དག་ཆགས་པ་ཆེན་
པོ་སྟེ། །འདི་ནི་ཚངས་མཆོག་རྒྱལ་པོ་ཡིན། །སེམས་ཀྱི་སྤྱོད་པ་རྣམ་པ་གཉིས། །ཞིང་བཅུ་མཉེས་པའི་ལས་བྱའོ། །ཞེས་ཆེད་དུ་གསུངས་སོ། །དེ་ལྟ་བུས་ཕྱོགས་བཅུ་དུས་བཞིའི་དེ་བཞིན་གཤེགས་པའི་ཞིང་ཁམས་ཀྱིས་བསྡུས་
པ་ཐམས་ཅད་མཉེས་པ་ཆེན་པོས་ཐིམ་པར་གྱུར་ཏོ། །སྒྱུ་འཕྲུལ་དྲ་བ་བླ་མ་ཆེན་པོ་ལས་ཐུགས་རྗེ་གདུང་བའི་ལེའུ་སྟེ་བདུན་པའོ།། །། དེ་ནས་དེ་བཞིན་གཤེགས་པ་ཡེ་ཤེས་རྒྱལ་པོ་དེ་མཆོད་པ་བླ་མའི་རྒྱན་བཀོད་པའི་ཏིང་ངེ་
འཛིན་ལ་སྙོམས་པར་ཞུགས་ནས་འདི་སྐད་གསུངས་སོ། །སྒྱུ་འཕྲུལ་དྲ་བས་མངོན་རྫོགས་པའི། །དཀྱིལ་འཁོར་བླ་མ་དགོངས་པའི་མཆོག །བྲོ་གར་འདུ་འཕྲོའི་ཕྱག་རྒྱ་ཡིས། །འཛུལ་ལམ་ནམ་མཁར་འགྲོ་བར་ངེས། །གླུ་ཚིག་སྒྲ་
ཡི་ཕྱག་རྒྱ་ཡིས། །ཆོས་ཀྱི་སེམས་དཔའི་དངོས་གྲུབ་ལེན། །བཟའ་དང་བཏུང་བའི་ཕྱག་རྒྱ་ཡིས། །ཡིད་བཞིན་སེམས་དཔའི་དངོས་གྲུབ་ལེན། །རྒྱན་དང་བགོ་བའི་ཕྱག་རྒྱ་ཡིས། །འོད་འབར་བླ་མའི་དངོས་གྲུབ་ལེན། །ཨཱ་ལི་
ཀཱ་ལཱིའི་ཕྱག་རྒྱ་ཡིས། །ཐམས་ཅད་གྲུབ་ཅིང་རྡོ་རྗེ་ངེས། །རྒྱུ་འབྲས་དབྱིངས་སུ་སྦྱོར་ཤེས་ཤིང་། །བླ་མའི་དགོངས་པ་གང་སྦྱོར་བ། །རིག་འཛིན་རྒྱལ་བའི་ཞིང་དུ་ངེས། །སྐྱེ་བ་རྣམ་བཞི་རྒྱུད་སྦྱངས་ནས། །མཚན་རྫོགས་ས་ལ་གདོན་
104-1-41b


མི་ཟ། །ཞེས་གསུངས་པས་ཚོགས་ཆེན་པོ་རྣམ་པ་གཉིས་རྫོགས་པར་གྱུར་ཏོ། །དེ་ནས་ཉིད་ཀྱི་བླ་མའི་མཛད་སྤྱོད་ལ་དགྱེས་པ་ཆེན་པོས་གླུ་འདི་བླངས་སོ། །ཨོཾ་ཕྱོགས་བཅུ་དུས་བཞི་རྫོགས་པ་ཡི། །ཡེ་ཤེས་དཀྱིལ་འཁོར་ཐིག་ལེ་ཆེ། །
བསོད་ནམས་དཀྱིལ་འཁོར་སྐུ་ཡི་ཚོགས། །སྣང་སྟོང་ཐིག་ལེ་ཀུན་ཏུ་རྫོགས། །ཧོ། ཨོཾ་རྡོ་རྗེ་བསོད་ནམས་ཐིག་ལེ་ཆེ། །རྡོ་རྗེ་ཡེ་ཤེས་དཀྱིལ་འཁོར་ལྡན། །རྡོ་རྗེ་སྒྲ་ཆེན་མཐའ་ཡས་པ། །རྡོ་རྗེ་རྒྱལ་པོ་ཐིག་ལེ་ཆེ། །ཧོ། ཨོཾ་མི་
དམིགས་སྒྱུ་འཕྲུལ་མཉམ་པའི་དབྱིངས། །མཐའ་ཡས་ཀུན་ནས་སྣ་ཚོགས་འཕྲོ། །མཐའ་ཡས་ཀུན་ནས་ལྷུན་གྱིས་ཐིམ། །སྣ་ཚོགས་སྐུ་གསུང་ཐུགས་ཆེན་པོ། །ཧོ། ཨོཾ་སྐུ་གསུང་ཐུགས་ཀྱི་རྫོགས་པ་ཆེ། །ཡོན་ཏན་ཕྲིན་ལས་ཀུན་
ཏུ་རྫོགས། །ཡེ་ནས་ལྷུན་རྫོགས་ཀུན་ཏུ་བཟང་། །འདུས་པའི་རྫོགས་ཆེན་ཐིག་ལེ་ཆེ། །ཧོ། ཨོཾ་ཕྱོགས་བཅུ་འཇིག་རྟེན་རྡུལ་སྙེད་དུ། །རྒྱལ་བའི་དོན་རྣམས་རྡུལ་ཕྲན་སྙེད། །སྤྲུལ་པ་རྡུལ་ཕྲན་བསམ་ཡས་ཀྱི། །སྐད་ཅིག་ཡུད་ལ་
ལྷུན་གྱིས་གྲུབ། །ཧོ། ཨོཾ་ཐམས་ཅད་མ་ལུས་སྐུ་གསུང་ཐུགས། །སྐུ་གསུང་ཐུགས་ཀྱི་བདག་ཉིད་ཆེ། །སྐུ་གསུང་ཐུགས་ཀྱི་ཀུན་ཏུ་ཁྱབ། །སྐུ་གསུང་ཐུགས་ཀྱི་ཐིག་ལེ་ཆེ། །ཧོ། ཨོཾ་ཐམས་ཅད་ཐིག་ལེ་བླ་མའི་དོན། །
སྒྱུ་འཕྲུལ་བླ་མ་ཐིག་ལེའི་དབྱིངས། །དབྱིངས་ཉིད་བྱང་ཆུབ་སེམས་ཆེན་པོ། །སྙིང་པོ་བླ་མ་ངེས་པའི་དོན། །ཐིག་ལེ་ཉིད་ལས་གཡོས་པ་མེད། །ཧོ། སྒྱུ་འཕྲུལ་དྲ་བ་བླ་མ་ཆེན་པོ་ལས་ཚོགས་ཆེན་པོ་རྣམ་པ་གཉིས་མཉེས་པའི་ལེའུ་
སྟེ་བརྒྱད་པའོ།། །། དེ་ནས་དེ་བཞིན་གཤེགས་པ་ཡེ་ཤེས་རྒྱལ་པོ་དེ་སྒྱུ་འཕྲུལ་བླ་མ་ཆེན་པོའི་འཇིགས་པ་ཆེན་པོའི་ཚུལ་གྱིས་ཏིང་ངེ་འཛིན་མངོན་པར་འདུ་མཛད་དེ། དེ་ཅིའི་ཕྱིར་ཞེ་ན། བདག་ཏུ་ལྟ་བ་དང་། རྨོངས་པའི་དབང་གིས་གབ་པའི་
གསང་བ་ཆེན་པོ་ནི་མ་རྟོགས། སྦས་པའི་གསང་བ་ལ་མངོན་པར་ཞེན་པས་ཆོས་མཉམ་པ་ཉིད་ཀྱི་དོན་ནི་ཕྱལ་བར་བོར། བྲམ་ཟེའི་ངན་སྔགས་མང་པོ་ནི་བློའི་རྡེང་དུ་བླངས་ནས་སྙིང་རྗེ་ཆེན་བོའི་ལས་དང་ནི་བྲལ། གནས་སུ་མིང་གཏགས་
104-1-42a


ནས་ཞེ་སྡང་སྒྲོལ་བའི་ལས་ནི་རྒྱུན་དུ་བྱེད། ཐབས་དང་ཤེས་རབ་འདུ་འབྲལ་མེད་པའི་དོན་ནི་མ་རྟོགས། འདོད་ཆགས་སྤྱོད་པའི་ལས་དང་སྐད་ཅིག་ཙམ་ཡང་མ་བྲལ། རང་རིག་པའི་ཡེ་ཤེས་ནི་བློ་ལ་ནུབ། དོན་དམ་པ་ལ་
ཀུན་ཏུ་གཏི་མུག་པས་ནི་རྒྱུན་དུ་ཁེབས། སངས་རྒྱས་ཀྱི་ཆེ་བའི་ཡོན་ཏན་ནི་མ་རྟོགས། ང་རྒྱལ་ཁེངས་པའི་དྲེགས་པའི་ལས་ནི་རྒྱུན་དུ་བྱེད། ཚད་མེད་པ་བཞིའི་ལས་དང་ནི་བྲལ། ཕྲག་དོག་གི་ཚུབ་མས་ནི་རྒྱུན་དུ་ཁྲིད་དེ། བདག་ཏུ་རྨོངས་
པ་དང་རྟོག་པ་ལ་ཞེན་ཏེ། ཡང་དག་པའི་མཐའ་དང་བྲལ་བས་རྒྱུ་དང་འབྲས་བུ་ལ་རྨོངས་ཏེ། སྲིད་པའི་ས་བོན་རྩུབ་མོས་འཕངས་ནས་མཚམས་མེད་པའི་སེམས་ཅན་དམྱལ་བ་རྡོ་རྗེ་དམྱལ་བ་ཆེན་པོར་བསྐལ་པ་ཆེན་པོ་སྟོང་
ཕྲག་དྲུག་བཅུར་སྐྱེས་སོ། །དེ་ལས་ཐར་ནས་ཉི་ཚེ་བའི་སེམས་ཅན་དམྱལ་བ་ཆེན་པོར་བསྐལ་པ་ཆེན་པོ་དྲུག་ཏུ་སྐྱེས་སོ། །ལས་ཀྱི་སྒྲིབ་པ་རྩུབ་མོ་དེ་ལས་ཐར་ཏེ་སྔོན་གྱི་སྲིད་པས་མཚམས་སྦྱར་ནས་ཡི་དགས་སྲིན་པོ་ཆེན་པོ་ལུས་གཅིག་མགོ་བོ་བརྒྱ་པ་མགོ་བོ་
སྣ་ཚོགས་པ། ལུས་བརྒྱ་པ་མགོ་བོ་གཅིག་པ་ལུས་དང་ཡན་ལག་མང་པོ་འདུག་པ་མཚོན་ཆ་སྣ་ཚོགས་པ་ཐོགས་ཤིང་གདུག་པའི་རྫུ་འཕྲུལ་མང་པོ་སྟོན་པས་ཀླུའི་རིས་ནས་འབྲས་བུ་ཆེ་བ་མན་ཆད་དབང་དུ་བསྡུས་ནས་ས་བོན་རྩུབ་མོས་མང་པོ་འདེབས་སོ། །
དེ་ནས་སྔོན་ལེགས་པར་སྤྱད་པའི་འབྲས་བུས་བསོད་ནམས་དང་ཡེ་ཤེས་ཀྱི་ཚོགས་ཀྱིས་སྐུའི་དབྱིབས་ལེགས་པར་བརྒྱན་པ་ཡེ་ཤེས་ཕྱིན་ཅི་མ་ལོག་པའི་སྤྱན་གྱིས་གཟིགས་ཏེ། ལས་ངན་པའི་སྲིན་པོ་དེ་ཉོན་མོངས་པའི་བག་ཆགས་སྦྱང་བ་དང་། 
ཁམས་གསུམ་གྱི་སེམས་ཅན་བདེ་བ་ལ་གཞག་པའི་ཕྱིར་ཐུགས་རྗེ་ཆེན་པོའི་ཡེ་ཤེས་སྐྱེས་ནས་དེ་བཞིན་གཤེགས་པ་ཐམས་ཅད་ཀྱི་སྐུ་དང་གསུང་དང་ཐུགས་ཀྱི་བདག་པོ་དགྱེས་པ་ཆེན་པོ་ཡེ་ཤེས་ཀྱི་རྒྱལ་པོ་དེ་ཉིད་འཇིགས་བྱེད་ཆེན་པོ་རྒྱལ་བའི་
དཀྱིལ་འཁོར་བླ་མ་ཆེན་པོ་སྤྲིན་རྣམ་པར་སྤྲོ་བ་སྒྱུ་འཕྲུལ་བླ་མའི་ཏིང་ངེ་འཛིན་ལ་སྙོམ་པར་ཞུགས་ཏེ། དེ་བཞིན་ཉིད་ཀྱི་བླ་མ་ཆེན་པོའི་དབྱིངས་ནས་ཉིད་ཀྱི་གསང་བའི་བདག་མོ་ཁྲོ་མོའི་རྒྱལ་མོ་ཆེན་མོ་མངོན་དུ་ཕྱུང་སྟེ། ཧི་ཧི་ཞེས་དགྱེས་པའི་
104-1-42b


གཟི་མདངས་ཀྱིས་པད་མ་རྒྱས་པར་མཛད་དེ། གཉིས་སུ་མེད་པའི་དགྱེས་པ་ཆེན་པོས་ཐིམ་ནས་གསང་བ་བླ་མའི་སྤྲིན་ལས། ཧཱུྃ་ཧཱུྃ་ཧཱུྃ་བཛྲ་ཛྭ་བི་ཥ་ཀྲོ་དྷ་བཛྲ་ཛྭ་ལ་མཎ་ཌ་ལ་ཕཊ་ཕཊ་ཧ་ལ་ཧ་ལ་ཧཱུྃ་ཞེས་བརྗོད་པས་འཇིག་རྟེན་དྲུག་གི་ཕྱོགས་བཅུ་
ཐམས་ཅད་དུར་ཁྲོད་བདལ་བ་ཆེན་པོའི་རང་བཞིན་ཁྲག་གི་རྒྱ་མཚོ་དབའ་བརླབས་འཁྲུག་པའི་དཀྱིལ་ན། ཀེང་རུས་ཆེན་པོ་རི་རབ་ཀྱི་སྟེང་ན་རྡོ་རྗེ་མེ་དཔུང་དུ་འཁྱིལ་བའི་དབུས་ན་འོག་རྡོ་རྗེ་རྒྱ་གྲམ་མིག་མངས་རིས་སུ་བྲིས་པ། ཕྱོགས་བཞི་ངོས་བཞི་
འབར་བར་ཁྱམས་གསུམ་རྡོ་རྗེ་རིན་པོ་ཆེའི་གློ་འབུར་དུ་མཛེས་པ། སྒོ་བཞི་རྟ་བབས་མུ་ཁྱུད་དུ་བཅས་པ། རྡོ་རྗེ་རིན་པོ་ཆེ་རྒྱ་གྲམ་མཐིང་ག་འབར་བའི་རྩིག་པ་དྲ་བ་རིས་སུ་བརྩིགས་པ། སྟེང་ཡིད་བཞིན་གྱི་རིན་པོ་ཆེ་འབར་བ། རྡོ་རྗེ་རྒྱ་
གྲམ་འབར་བའི་བླ་རེ་མིག་མངས་སུ་བྲེས་པ། རྩེ་མོ་དབྱིབས་བླ་མས་འོག་མིན་གྱི་གནས་ན་སྲིད་པའི་རྩེ་མོ་མན་ཆད་བུམ་པའི་ཚུལ་དུ་དབྱིབས་རྡོ་རྗེ་རྒྱ་གྲམ་མིག་མངས་གཅིག་ཏུ་འཁྱིལ་པ། ཡེ་ཤེས་རྡོ་རྗེ་རྒྱ་གྲམ་གྱི་ཆོ་འཕྲུལ་བླ་མའི་འོད་
འབར་བས་ཕྱོགས་བཞིར་འཕྲོས་ཤིང་འཁྲུགས་པས་ཁམས་གསུམ་ཐམས་ཅད་བདལ་བ། རྒྱལ་མཚན་བླ་མ་ཆེན་པོ་དང་། རུ་མཚོན་བླ་མ་ཆེན་པོས་ཕྱོགས་བཞི་གྲྭ་བཞི་ནས་བསྒྲེང་བ། གསང་བ་བླ་མའི་རྩིག་པས་ཕྱི་རིམ་བསྐོར་བ། རྡོ་
རྗེ་རིན་པོ་ཆེའི་ཕྱི་རོལ་གྱི་ཤིང་ལྗོན་པ་བླ་མས་ཕྱོགས་མཚམས་གཏིབས་པ། ཕྱི་དང་ནང་མེད་པ་ཀུན་ཏུ་ཡང་བླ་མ་ཆེན་པོའི་ནང་དུ་གྱུར་པ། ཁམས་གསུམ་ཐམས་ཅད་རྡོ་རྗེ་ར་བའི་རྩིག་པ་འཆོར་བ་མེད་པའི་གཞལ་ཡས་ཁང་ན་ཁྲོ་བོ་དང་ཁྲོ་མོའི་རོལ་
པའི་ཕྱག་རྒྱ་སྟོང་གི་འཇིག་རྟེན་རྡུལ་ཕྲ་མོ་སྙེད་འཐོན་པར་གྱུར་ཏོ། །དེ་ནས་འཇིག་རྟེན་དྲུག་གི་ཕྱོགས་བཅུ་ཐམས་ཅད་དུ་འུར་འུར་དང་ཆེམ་ཆེམ་དང་། ཤིག་ཤིག་དང་། ཐོར་ཐོར་དང་། གཏོགས་ཤིག་དང་། ཆོམས་ཤིག་དང་། སོད་ཅིག་དང་། 
དྲོལ་ཞིག་དང་། སྦྱོངས་ཤིག་ལ་སོགས་པས་འཇིག་རྟེན་ན་དབང་ཆེ་ཞིང་དཔའ་བརྟུལ་ཆེ་ཞིང་བརྟུལ་ཞུགས་ཅན་རྣམས་བརྒྱལ་བར་གྱུར་ཏོ། །དེ་ནས་དགྱེས་པ་ཆེན་པོས་ཡེ་ཤེས་རྒྱལ་པོ་དེ་ཉིད་དུར་ཁྲོད་བླ་མ་ཆེན་པོར་དགྱེས་ནས་ཁྲག་གི་རྒྱ་མཚོའི་
104-1-43a


དཀྱིལ་ཀེང་རུས་ཆེན་པོའི་རི་རབ་ཀྱི་སྟེང་ན་རྡོ་རྗེ་མེ་དཔུང་འབར་བའི་ཀློང་དཀྱིལ་ན་རྡོ་རྗེ་ཡེ་ཤེས་ཀྱི་འཁོར་ལོ་རྩིབས་བཞི་པ་ལ་ཉིད་ཀྱི་གསང་བའི་རྒྱལ་མོ་དང་མཆོད་པ་བླ་མ་ཆེན་པོ་མཛད་དེ་གཉིས་སུ་མེད་པའི་དབྱིངས་ནས་འདི་ཕྱུང་ངོ་། །
ཧཱུྃ་བཛྲ་དུ་ཏྲི་ནན་སཱུརྱ་ཙན་དྲ་མཎ་ཌ་ལ་དེ་བ་ཏིཥྛ་ནྃ་ཞེས་བརྗོད་པས་ཡེ་ཤེས་རིན་པོ་ཆེའི་འཁོར་ལོ་རྩིབས་བཞི་པ་འོད་འབར་བའི་སྟེང་དུ་དུར་ཁྲོད་གདུག་པའི་ཚོགས་སེང་གེ་ལ་སོགས་པ་བླ་མ་ཆེན་པོའི་ཁྲི་བཙུགས་ཏེ། གདན་བླ་མ་ཉི་ཟླ་དང་
པད་མ་སྤེལ་བར་བཏིང་བའོ། །དེ་ནས་ཆོ་འཕྲུལ་བླ་མ་ཆེན་པོས་བཏུལ་བ། བསམ་གཏན་བླ་མ་ཆེན་པོ་སྤགས་པ་ཚད་མེད་པ། དམིགས་པ་ཐམས་ཅད་དང་བྲལ་བའི་ཡེ་ཤེས་བླ་མ་ཆེན་པོས་དྲེགས་པ་ཐམས་ཅད་དུས་གཅིག་ཏུ་བཏུལ་
བའི་སྣམ་རྟེན་བླ་མ་ཆེན་པོ་ལ་མཚོན་པ་དང་དམིགས་པའི་ཡུལ་ལས་འདས་པའི་ཕྱག་རྒྱ་བླ་མ་འོད་འབར་བ་བཞུགས་པ་ནི་བཅོམ་ལྡན་འདས་ཡེ་ཤེས་རྒྱལ་པོ་ཆེན་པོ་སྐུ་མཐིང་ནག་ཅིར་ཡང་འགྱུར་བ། རྡོ་རྗེ་ལྗགས་ཀྱིས་གསུང་འབྲུག་སྟོང་
གི་སྒྲ་སྒྲོགས་པས་སྟོང་ཁམས་ཐམས་ཅད་དུས་གཅིག་ཏུ་འཇིག་པ། ཡེ་ཤེས་མེ་ཡི་ཐུགས་ཀྱིས་སྣང་སྲིད་ཀྱི་བུད་ཤིང་དུས་གཅིག་ཏུ་བསྲེགས་པ། སྟེང་འོག་མེད་པར་ཀུན་ཏུ་སྐྱི་བུང་ཞེས་བྱེད་པ། དབུ་དགུ་ཕྱག་བཅྭ་བརྒྱད་པ། ཞབས་རྣམ་པ་
བརྒྱད་དུ་གཏམས་པ། ཕྱག་ན་མཚོན་ཆ་སྣ་ཚོགས་བསྣམས་པ། དུར་ཁྲོད་ཀྱི་རྒྱན་གྱིས་བརྒྱན་པ། སྤྱན་འབར་བ་ཉི་ཤུ་རྩ་བདུན་མངའ་ཞིང་རིགས་ལྔའི་དབུ་རྒྱན་གྱིས་བརྒྱན་པ། རྡོ་རྗེ་མཐིང་ག་ཁྱུང་གི་གཤོག་པས་འཇིག་རྟེན་གྱི་ཁམས་ཡོག་
པར་བཀབ་པ། ཁྲོས་པའི་རྒྱ་མོ་མཐིང་ནག་འབར་བ་དང་གཉིས་སུ་མེད་པར་བཞུགས་སོ། །གཉིས་སུ་མེད་པའི་དབྱིངས་ནས་ཤར་ཕྱོགས་ཀྱི་འཁོར་ལོའི་རྩིབས་སྟེངས་ལ་ཁྲི་དང་ཉི་ཟླའི་སྟེང་དུ་མ་ཧཱ་དེ་བ་དང་། འདོད་པའི་ལྷ་གན་རྐྱལ་དུ་བརྟུལ་བའི་
སྟེང་དུ་ཉིད་ཀྱི་གཟུགས་ཀྱི་ཕུང་པོ་དེ་བཅོམ་ལྡན་འདས་བུད་དྷ་ཧེ་རུ་ཀ་སྐུ་མདོག་སེར་ནག་དབུ་གསུམ་ཕྱག་དྲུག་ཞབས་བཞིར་གྱུར་པ་དུར་ཁྲོད་ཀྱི་རྒྱན་གྱིས་བརྒྱན་པའོ། །ཕྱག་ན་མཚོན་ཆ་སྣ་ཚོགས་བསྣམས་བའོ། །བདེ་གཤེགས་ཁྲོས་པའི་
104-1-43b


རྒྱལ་མོ་དང་འཁྲིལ་བ་ཆེན་པོའི་ཚུལ་དུ་བཞུགས་སོ། །ལྷོ་ཕྱོགས་ཀྱི་འཁོར་ལོའི་རྩིབས་སྟེངས་ལ་ཁྲི་དང་ཉི་ཟླའི་གདན་སྟེངས་སུ་གཤིན་རྗེ་གན་རྐྱལ་དུ་བསྒྱེལ་བའི་གདན་ལ་ཉིད་ཀྱི་ཚོར་བའི་ཕུང་པོ་ལས་བཅོམ་ལྡན་འདས་རད་ན་ཧེ་རུ་ཀ་སྐུ་མདོག་
སྔོ་ནག་དབུ་གསུམ་ཕྱག་དྲུག་ཞབས་བཞིར་གྱུར་པ། མཚོན་ཆ་སྣ་ཚོགས་འཛིན་པ། དུར་ཁྲོད་ཀྱི་རྣ་རྒྱན་གྱིས་བརྒྱན་པ། རིན་པོ་ཆེ་ཁྲོས་པའི་རྒྱལ་མོ་དང་འཁྲིལ་བ་ཆེན་མོའི་ཚུལ་གྱིས་བཞུགས་སོ། །ནུབ་ཕྱོགས་ཀྱི་འཁོར་ལོའི་རྩིབས་སྟེངས་ལ་
ཁྲི་དང་ཉི་ཟླའི་སྟེང་དུ་ཆུ་བདག་གི་རྒྱལ་པོ་དང་འཁོར་ལོ་ནག་པོ་བྷྲིང་གི་རི་ཏི་གན་རྐྱལ་དུ་བསྒྱེལ་བའི་གདན་ལ་ཉིད་ཀྱི་འདུ་ཤེས་ཀྱི་ཕུང་པོ་དེ་བཅོམ་ལྡན་འདས་པདྨ་ཧེ་རུ་ཀ་སྐུ་མདོག་དམར་ནག་དབུ་གསུམ་ཕྱག་དྲུག་ཞབས་བཞིར་གྱུར་པ། མཚོན་ཆ་སྣ་
ཚོགས་འཛིན་པ། དུར་ཁྲོད་ཀྱི་རྒྱན་གྱིས་བརྒྱན་པའོ། །པདྨ་ཁྲོས་པའི་རྒྱལ་མོ་དང་འཁྲིལ་བའི་ཚུལ་དུ་བཞུགས་པའོ། །བྱང་ཕྱོགས་འཁོར་ལོའི་རྩིབས་སྟེངས་ལ་ཁྲི་དང་ཉི་ཟླའི་གདན་སྟེངས་སུ་གནོད་སྦྱིན་སྟོབས་བཟངས་གན་རྐྱལ་དུ་བསྒྱེལ་བའི་གདན་
ལ་ཉིད་ཀྱི་འདུ་བྱེད་ཀྱི་ཕུང་པོ་དེ་བཅོམ་ལྡན་འདས་ཀརྨ་ཧེ་རུ་ཀ་སྐུ་མདོག་ལྗང་ནག་དབུ་གསུམ་ཕྱག་དྲུག་ཞབས་བཞི་བགྲད་པར་གྱུར་པ། མཚོན་ཆ་སྣ་ཚོགས་འཛིན་པ་སྟེ། དུར་ཁྲོད་ཀྱི་རྒྱན་གྱིས་བརྒྱན་པ། ལས་མཆོག་ཁྲོས་པའི་རྒྱལ་མོ་དང་
འཁྲིལ་བ་ཆེན་པོའི་ཚུལ་གྱིས་བཞུགས་སོ། །དེ་ནས་དྲེག་པའི་ཆེན་པོ་ལ་སོགས་པས་གདུག་པའི་སེམས་ཀྱིས་གཏུམ་པའི་རྫུ་འཕྲུལ་སྣ་ཚོགས་བསྟན་པས་མགྲིན་གཅིག་ཏུ་འདུག་པའི་ང་རོས་གཏུམ་པའི་བརླང་ཚིག་ཏུ་སྨྲས་པ། ཐོང་ཐོང་སྙིང་
རྗེའི་བདག་པོ་ཅི་འདི་ལྟར་བྱེད་དམ་ཞེས་ཟེར་ཞིང་ཤིན་ཏུ་གཏུམ་པས་རྔམ་མོ། །དེ་ནས་བཅོམ་ལྡན་འདས་དགྱེས་པ་ཆེན་པོས་ཡེ་ཤེས་རྒྱལ་པོ་དེ་ཉིད་སྐུ་གཟི་བརྗིད་ཆེན་པོའི་མདངས་སུ་གྱུར་ཏེ། ཐུགས་རྗེ་ཆེན་པོས་འདུལ་བའི་ཐབས་ཀྱིས་སྒྱུ་འཕྲུལ་
དྲ་བའི་གསང་སྔགས་བླ་མའི་རྔམ་པའི་གདངས་སྐད་ཆེན་པོ་འདི་དག་ཕྱུང་ངོ་། །ཧཱུྃ་ཧཱུྃ་ཧཱུྃ། ཧ་ཧ་ཧ། ཁཱ་ཧི་ཁཱ་ཧི་ཁཱ་ཧི། ཞེས་བརྗོད་པས་དབང་ཕྱུག་ཆེན་པོ་ལ་སོགས་པའི་གདུག་པའི་ཚོགས་དེ་དག་གི་སྙིང་དང་དབང་པོ་ཀུན་ཕྱུང་ནས་ནང་རོལ་ཀུན་དྲངས། 
104-1-44a


ཡན་ལག་ཀུན་བཅད་གཏུབས་ཏེ་ཤ་ཟོས། ཁྲག་འཐུངས་རུས་པ་ཀུན་འཆོས་སོ། །དེ་ནས་འཇིགས་བྱེད་ཆེན་པོ་དེ་ཉིད་ཀྱིས་ཧཱུྃ་ཧཱུྃ་ཧཱུྃ་བྷྱོ་ཨེ་ཨ་ར་ལི་ཛཱ་ཛཱ་ཞེས་བརྗོད་པས་ཕྱོགས་བཅུའི་འཇིག་རྟེན་གྱི་ཁམས་ནམ་མཁའ་དང་
བཅས་པ་ཡུངས་འབྲུ་གཅིག་ཙམ་དུ་ཆུད་པར་བསྡུསོ། །དེ་ནས་འབྱུང་པོ་མ་རུངས་པ་ཐམས་ཅད་ཀྱི་རྗེ་བོའི་ཡང་རྗེའོ། །དྲེགས་པ་ཆེན་པོ་ལ་སོགས་པའི་ཆུང་མ་འབྱུང་མོ་ཐམས་ཅད་ཀྱི་རྗེ་མོའི་ཡང་རྗེ་མོ། སྲིན་མོ་ཆེན་མོ་མི་སྲུན་མོ་དང་།  ཚངས་མ་དང་། 
ཁྲོ་མོ་དང་། དབང་མོ་དང་། འཇུག་སྲེད་མོ་དང་། གཞོན་ནུ་མོ་དང་། དམར་པོ་དང་། བདུད་རྩི་མོ་དང་། ཞིབ་མོ་དང་། བེ་ཆེན་མོ་དང་། སྲིན་མོ་དང་། ཟ་བ་མོ་དང་། དགའ་བ་མོ་དང་། ར་རོ་ཁྲག་ཐུང་མོ་དང་། གཅིག་པུ་སྤྱོད་མ་དང་། ཡིད་
འཕྲོག་མ་དང་། གྲུབ་མོ་དང་། རླུང་མོ་དང་། གསོད་བྱེད་མོ་དང་།  མེ་མོ་དང་། ཕག་མོ་དང་། རྒན་བྱེད་མོ་དང་། སྣ་ཆེན་མོ་དང་། ཆུ་ལྷ་མོ་དང་། ནག་མོ་ཆེན་མོ་དང་། ར་མགོ་དམར་སེར་ཆེན་མོ་དང་། བུམ་སྣ་སྔོ་ནག་ཆེན་མོ་དང་། གསུས་
འཛིན་སྔོ་ནག་ཆེན་མོ་ལ་སོགས་པ་དང་། ཡང་བྲན་དང་། གཡོག་དང་། ཡང་གཡོག་ལ་སོགས་པ་འཁོར་ཞིང་གི་རྡུལ་ཀྱང་བསྡུས་སོ། །དེ་ནས་ཡང་དགྱེས་པ་ཆེན་པོ་ཡེ་ཤེས་རྒྱལ་པོ་དེ་ཉིད་དགྱེས་པ་བླ་མའི་གསང་བ་ཆེན་པོ་སྤྲིན་འབྱུང་བ་ཞེས་བྱ་
བའི་ཏིང་ངེ་འཛིན་ལ་མངོན་པར་འདུ་མཛད་དེ་སྐུ་གསུང་ཐུགས་བླ་མ་ལས་འདི་དག་ཕྱུང་ངོ་། །ཨོཾ་ཨཱཿཧཱུྃ། བཛྲ་པདྨ་པྲ་བེ་ཤ་པད་མ་ཧཱུྃ་ཨ་ལ་ལ་ཧོ་ཞེས་བརྗོད་པས་འབྱུང་པོ་མ་རུངས་པ་ཐམས་ཅད་ཤིན་ཏུ་ཆགས་པའི་ཡིད་གཡོས་ནས་གསང་བ་རྒྱས་པར་
བྱས་ནས་ཁབ་ལེན་གྱི་རྡོ་ལ་ལྕགས་འདུ་བའི་ཚུལ་དུ་བཅོམ་ལྡན་འདས་ཡེ་ཤེས་རྒྱལ་པོའི་སྐུ་ལ་མི་སྲིན་མོ་ལ་སོགས་པ་བརྒྱད་འཁྲིལ་ལོ། །བཅོམ་ལྡན་འདས་སེར་ནག་ཆེན་པོའི་སྐུ་ལ་ཚངས་མ་ལ་སོགས་པ་ལྔ་འཁྲིལ་ལོ། །བཅོམ་ལྡན་འདས་
སྔོ་ནག་ཆེན་པོའི་སྐུ་ལ་བདུད་རྩི་མོ་ལ་སོགས་པ་ལྔ་འཁྲིལ་ལོ། །བཅོམ་ལྡན་འདས་དམར་ནག་ཆེན་པོའི་སྐུ་ལ་ཁྲག་གིས་མྱོས་མ་ལ་སོགས་པ་ལྔ་འཁྲིལ་ལོ། །བཅོམ་ལྡན་འདས་ལྗང་ནག་ཆེན་པོའི་སྐུ་ལ་མེ་མོ་ལ་སོགས་པ་ལྔ་འཁྲིལ་ལོ། །
104-1-44b


དེ་ནས་དགྱེས་པ་ཆེན་པོ་དེ་དག་གིས་ཧཱུྃ་ཞེས་བརྗོད་པས་པདྨའི་ཚོགས་བསྡུས་ཏེ་ཤིན་ཏུ་བཅུམ་པར་གྱུར་ཏོ། །དེ་ནས་དགྱེས་ཏེ་ཧ་ཧ་ཞེས་བརྗོད་པས་ཉིད་ཀྱི་ཤེས་པའི་ཚོགས་རྣམ་པར་ཤེས་པ་བརྒྱད་ལས་དཀར་པོ་ལ་སོགས་པ་བརྒྱད་རང་གི་ལག་
ཆ་དང་ངོ་མཚར་དུ་ཆས་ཏེ་འཐོན་པར་གྱུར་ཏོ། །འཐོན་ནས་ཀྱང་འཁོར་ལོ་འབར་བའི་ཕྱི་རོལ་ཤར་ཕྱོགས་ནས་འཁོར་བར་ཁྲོ་བོའི་གཟུགས་ཀྱིས་སྙིང་རྗེ་འཇིགས་ཚུལ་གྱིས་སྟན་ལ་གནས་སོ། །དེ་ནས་དགྱེས་ཏེ་ཧེ་ཞེས་བརྗོད་པས་ཉིད་ཀྱི་ཤེས་
པའི་ཡུལ་བརྒྱད་ལས་སེང་གདོང་ཆེན་མོ་ལ་སོགས་པ་བརྒྱད་རང་གི་ལག་ཆ་དང་ངོ་མཚར་དུ་ཆས་ཏེ་མཐོང་ནས་ཡང་འཁོར་ལོ་འབར་བའི་བར་ཁྱམས་སུ་སྙིང་རྗེ་འཇིགས་པའི་ཚུལ་གྱིས་སྟན་ལ་ཤིན་ཏུ་རྔམ་པའི་སྟབས་ཀྱིས་གནས་སོ། །དེ་
ནས་དགྱེས་ཏེ་ཕཊ་ཅེས་ཕྱོགས་བཅུའི་ཞིང་མ་ལུས་པར་བསྒྲགས་པས་ཕྱོགས་བཅུའི་ཞིང་མ་ལུས་པ་ན་འགྲོ་བ་རྣམས་ཀྱི་དོན་མ་ལུས་པར་མཛད་པ་ཐུབ་པ་ཆེན་པོ་དྲུག་བཅོམ་ལྡན་འདས་དྲུག་འགྲོ་བ་རྣམས་ཀྱི་དོན་མཛད་ཅིང་འགྲོ་བ་དྲུག་འདུལ་
བ་དང་། ཡིད་ཆོས་དབྱིངས་ནས་རོལ་ཏེ་སྤྲོར་བྱེད་ཉི་ཟེར་ཞགས་པ་ཅན་ལ་སོགས་པ་བརྒྱད་དུ་གྱུར་ཏེ། འབར་བའི་བར་ཁྱམས་གསུམ་པ་ལ་ཞིང་སྐམ་གཤེར་སྤེལ་བའི་གདན་སྟེངས་སུ་རང་གི་ལག་ཆ་དང་ཤིན་ཏུ་རྔམ་པའི་སྟབས་ཀྱིས་ཤར་
ཕྱོགས་ནས་འཁོར་པར་གནས་སོ། །དེ་ནས་དགྱེས་ཏེ་ཕཊ་ཅེས་བརྗོད་པས་ཉིད་ཀྱི་ཕྱིན་ཅི་ལོག་བཞི་ལས་རྡོ་རྗེ་སྲིངས་འགྲོ་མ་ལ་སོགས་པ་བཞི་རང་རང་གི་ལག་ཆ་དང་ངོ་མཚར་དུ་ཆས་ནས་དཀྱིལ་འཁོར་འབར་བ་ཆེན་པོའི་སྒོ་བཞིར་སྙིང་རྗེ་འཇིགས་
ཚུལ་གྱི་སྟན་ལ་ཤིན་ཏུ་རྔམ་པའི་གཟུགས་ཀྱིས་ཐབས་དང་ཤེས་རབ་ཀྱི་ཚུལ་དུ་གནས་སོ། །དེ་ནས་དགྱེས་པ་ཆེན་པོའི་སྤྲིན་ལས་བུད་དྷ་རོལ་པའི་ཕྱག་རྒྱ་བཞི་བཅུ་རྩ་གཉིས་ཀྱིས་དུས་གཅིག་ཏུ་ཕཊ་ཅེས་བརྗོད་པས་ཐམས་ཅད་ཁྲོས་
ནས་འབྱུང་མོ་ཐམས་ཅད་ཀྱང་རང་གི་གནས་སུ་ཡུད་ཙམ་གྱིས་ཕྱིན་པར་དགྱེའོ། །དེ་ནས་བཅོམ་ལྡན་འདས་ཁྲག་འཐུང་ཆེན་པོ་དེ་ཉིད་ཐུགས་རྗེ་ཆེན་པོས་བདུད་རྩི་འབྱུང་བ་ཞེས་བྱ་བའི་དགོངས་པ་ཅིག་ཆར་ཞུགས་ཏེ་སྐུ་གསུང་ཐུགས་རྡོ་རྗེ་ལས་
104-1-45a


འདི་དག་ཕྱུང་ངོ་། །ཨོཾ་བཛྲ་ཨ་མྲྀ་ཏ་མ་ཧཱ་ཀྲོ་དྷི་ཨྃ་ཨྃ་ཞེས་བརྗོད་པས་དབང་ཕྱུག་ཆེན་པོ་ལ་སོགས་པ་ཐམས་ཅད་བཅོམ་ལྡན་འདས་ཁྲག་འཐུང་ཆེན་པོའི་སྣམ་ལོགས་ནས་འཐོན་ཏོ། །མདམ་ཁུ་བླུད་དེ་དྲན་པ་
རྙེད་དོ། །དེ་ནས་ཁྲག་འཐུང་ཆེན་པོ་དེ་དག་ཀུན་ཡ་མཚན་ཆེན་པོར་གྱུར་ཏེ་ཆོ་འཕྲུལ་ཆེན་པོ་མཛད་པ་མཐོང་ངོ་། །དེ་དག་གི་དུས་སུ་འཇིག་རྟེན་དྲུག་ན་གནས་པའི་དྲེགས་པ་ཆེན་པོ་རྣམས་དུས་གཅིག་ཏུ་བཏུལ་བར་མཐོང་སྟེ། ཤིན་
ཏུ་ཞུམ་ཞིང་བྲེད་ནས་མགྲིན་གཅིག་ཏུ་སྨྲས་པ། འབངས་སུ་མཆི་འབངས་སུ་མཆི། །འབངས་སུ་ནན་ཏན་མ་བགྱིས་ན། །མགོ་དང་ལུས་ཀྱང་བརྒྱར་འགས་ཤིང་། །སྙིང་ཡང་གས་ཤིང་བཏུབས་གྱུར་ཅིག །རུལ་མྱགས་ཚིས་ནས་
རླག་པ་དང་། །དམྱལ་བར་ལྷུང་ནས་འབོད་པར་ཤོག་ཅེས་འབངས་སུ་མཆི་བར་རང་རང་གིས་དམོད་བཙུགས་སོ། །དེ་ནས་དེ་དག་ཀུན་དཀྱིལ་འཁོར་གྱི་གདན་དུ་བཞག་གོ། དེ་ནས་ཡང་དེ་ཐམས་ཅད་ཀྱིས་མགྲིན་གཅིག་ཏུ་སྨྲས་པ། 
རང་རང་གི་ཆུང་མ་དང་། བུ་མོ་དང་།  རང་རང་གི་མ་དང་། སྲིང་མོ་རྣམས་དཀྱིལ་འཁོར་དུ་ཕུལ་ཏེ། བདག་ཅག་རྣམས་ཀྱི་མཆིས་བྲང་དང་། །མ་དང་སྲིང་མོ་བུ་མོ་རྣམས། །དཀྱིལ་འཁོར་ཆེན་པོར་བཞེས་སུ་གསོལ། །དཔའ་བོ་ལྷ་རྗེས་བཞེས་
སུ་གསོལ། །བདག་ཅག་འཁོར་ཚོགས་ཐམས་ཅད་ཀྱིས། །འབར་བའི་དཀྱིལ་འཁོར་ཆེན་པོ་འདི། །མིང་ཙམ་འཛིན་པར་སུ་བགྱིད་པ། །ནོར་བུ་རིན་ཆེན་འབར་བ་ལྟར། །དེ་ཡི་དགོས་པ་རྫོགས་པར་བགྱིད། །ཅེས་དམོད་བཙུགས་སོ། །དེ་
ནས་དེའི་མ་དང་། སྲིང་མོ་དང་། ཆུང་མ་དང་། བུ་མོ་རྣམས་ཡུད་ཙམ་གྱིས་ཕྱིན་པར་འོངས་ནས་ལས་ཀྱི་དངོས་གྲུབ་སྩོལ་བ་ལས། དེ་ནས་ཁྲག་འཐུང་ཡེ་ཤེས་ཆེན་པོས་མིང་བཏགས། ལག་ཏུ་རྡོ་རྗེ་བྱིན་ནས་རྡོ་རྗེ་བྲན་དང་ཕོ་ཉར་དབང་བསྐུར་
རོ། །དེ་ནས་དཀྱིལ་འཁོར་འབར་བ་ཆེན་པོའི་དོན་ཕྱོགས་བཅུ་དུས་བཞིའི་དེ་བཞིན་གཤེགས་པ་རྣམས་ལ་གསལ་ཞིང་འབར་བར་བྱ་བའི་ཕྱིར་ཡེ་ཤེས་རྒྱལ་མོ་དེ་ཉིད་ཀྱི་གསང་བའི་རྒྱལ་མོ་དང་གཉིས་སུ་མེད་པར་གྱུར་ནས་སྐུ་གསུང་ཐུགས་
104-1-45b


རྡོ་རྗེ་བླ་མ་ལས་འདི་དག་ཕྱུང་ངོ་། །ཨེ་མའོ་ཡེ་ནས་གསང་བའི་ཆོས། །མཁའ་དབྱིངས་གཉིས་སུ་མེད་པ་ལས། །མཁའ་ལ་བླ་མའི་དཀྱིལ་འཁོར་ཤར། །ཁྲི་བཙུགས་ཉི་དཀྱིལ་གདན་སྟེངས་སུ། །དེ་ལ་ལྷ་ཚོགས་གདན་དུ་བཏིང་། །ཧཱུྃ་
འཁོར་ལོ་འབར་བའི་ལྟེ་དབུས་སུ། །ཁྲི་བཤམས་ཉི་དཀྱིལ་ཡ་བདུད་གདོན། །དེ་ཡི་སྟེང་དུ་བསམ་བྱ་བ། །བྱང་ཆུབ་སེམས་ལས་སྐུ་བསྐྱེད་པ། །དཔལ་ཆེན་བླ་མེད་ཧེ་རུ་ཀ །དབུ་དགུ་ཕྱག་ཀྱང་བཅྭ་བརྒྱད་དེ། །སྤྱན་ཡང་འབར་བ་ཉི་ཤུ་
བདུན། །དབུ་ལ་རིགས་ལྔའི་དབུ་བརྒྱན་གསོལ། །ཞབས་ཀྱང་རྣམ་པ་བརྒྱད་དུ་གཏམས། །རྡོ་རྗེ་མཐིང་ག་ཁྱུང་གི་གཤོག །འཇིག་རྟེན་ཁམས་ཀྱང་ཡོག་པར་བཀབ། །སྦྲུལ་ནག་འཇིགས་སུ་རུང་བ་དང་། །དུར་ཁྲོད་རྒྱན་གྱིས་བརྒྱན་པའོ། །
དབུ་གསུམ་དང་ལ་བྱུང་བ་ནི། །གཡས་དཀར་གཡོན་དམར་དབུས་མཐིང་ཞལ། །རྣམ་པར་ཐར་པའི་དབུ་གསུམ་གྱིས། །ཁམས་གསུམ་མྱ་ངན་ཟློ་བའི་ཞལ། །དབུ་གསུམ་བར་ནས་རྔམ་པ་ནི། གཡས་སྔོ་གཡོན་ལྗང་དབུས་མཐིང་ཞལ། །
ཐབས་དང་ཤེས་རབ་སེམས་ཀྱི་དབུ། །སྲིད་གསུམ་དབྱིངས་སུ་རྫོགས་པའི་ཞལ། །དབུ་གསུམ་མཐའ་ནས་རྔམ་པ་ནི། །གཡས་མཐིང་གཡོན་མཐིང་དབུས་མཐིང་ཞལ། །ཁམས་གསུམ་རེ་བ་སྐོང་བ་ཡི། །ལུང་དང་མན་ངག་སེམས་
ཀྱི་དབུ། །འགྱུར་བ་མེད་པའི་མཐིང་ནག་ཞལ། །སྐྱེ་ཤི་རྩ་བ་གཅོད་པའི་ཚེམས། །དབུ་དགུ་རོལ་པའི་བྱིན་བརླབས་ལས། །གཡས་གསུམ་གློག་སྟོང་ལྕེ་འབྱིན་ཅིང་། །གཡོན་གསུམ་འབྲུག་སྟོང་སྒྲ་སྒྲོག་པ། །དབུ་གསུམ་རྡོ་རྗེ་སེར་
ཆེན་འབེབ། །སྤྱན་དགུ་དང་ལ་གཟིགས་པ་ནི། །ཆོས་དབྱིངས་ཀུན་ཏུ་བཟང་པོ་དང་། །ཀུན་ཏུ་བཟང་མོའི་མཁའ་དབྱིངས་ལ། །འགྱུར་བ་མེད་པའི་ཚུལ་གྱིས་གཟིགས། །སྤྱན་དགུ་བར་ནས་གཟིགས་པ་ནི། །རྣམ་པར་གྲོལ་བའི་ཡེ་
ཤེས་ཀྱིས། །སྲིད་པའི་སེམས་ཅན་ཐམས་ཅད་ལ། །བྱམས་མགོན་སྙོམས་པའི་སྤྱན་གྱིས་གཟིགས། །སྤྱན་དགུ་མཐའ་ནས་གཟིགས་པ་ནི། །གཡས་གསུམ་ཞེ་སྡང་ཁྲོས་པའི་སྤྱན། །གཟིགས་པས་བདུད་དང་མུ་སྟེགས་སྒྲོལ། །
104-1-46a


གཡོན་གསུམ་བྱམས་མགོན་སྙོམས་པའི་སྤྱན། །གཟིགས་པས་མཐའ་ཡས་བདེ་ལ་འཇོག །དབུ་གསུམ་ཡེ་ཤེས་རོལ་པའི་སྤྱན། །གཟིགས་པས་སྐྱེ་འགྲོ་གནས་སུ་སྟོབ། །དབུ་དགུ་རིགས་ལྔའི་དབུ་བརྒྱན་དགུ། །ལྔ་དགུ་
བཞི་བཅུ་རྩ་ལྔ་ཡང་། །བུད་དྷ་བཞི་བཅུ་རྩ་ལྔས་བརྒྱན། །སྟོང་པ་ཆེན་པོའི་ཡེ་ཤེས་ཀྱིས། །ཁྱབ་བདལ་ཆེན་པོའི་རྟགས་སུ་བསྣམས། །བཅྭ་བརྒྱད་ཕྱག་ན་རོལ་པ་ཡིས། །སྟོང་པ་བཅྭ་བརྒྱད་དབྱིངས་སུ་སྦྱོར། །ཞབས་བརྒྱད་ང་རྒྱལ་དྲེགས་པ་
འཇོམས། །ཐབས་དང་ཤེས་རབ་ལྡན་པ་ཡིས། །རྡོ་རྗེ་མཐིང་ག་གཤོག་པ་བརྐྱང་། །བཅྭ་བརྒྱད་ཕྱག་ན་བསྣམས་པ་ཡིས། །རྡོ་རྗེ་གློ་སྙིང་ཞིང་ཆུང་གཡས། །བན་ད་ཞིང་ཆེན་སྟིར་ཆེན་གཡོན། །ནང་ཞགས་ཉི་མ་ཁྱུང་ཆེན་གཡས། །ཞིང་ཆེན་
ཟླ་བ་འུག་པ་གཡོན། །མེ་དང་རྒྱ་མཚོ་ག་འུ་གཡས། །རླུང་དང་རིན་ཆེན་རི་རབ་གཡོན། །ཡོན་ཏན་བཅྭ་བརྒྱད་དབྱིངས་སུ་རྫོགས། །དང་པོ་རྡོ་རྗེ་དུང་ཆེན་ནི། །ཁམས་གསུམ་དབང་དུ་བསྡུས་ནས་ཀྱང་། །བདུད་དང་མུ་སྟེགས་ཀུན་འཇོམས་པའོ། །
གཉིས་པ་སྟིར་ཆེན་གློ་སྙིང་ནི། །སྲིད་པའི་སེམས་ཅན་ཐམས་ཅད་ཀུན། །དམ་ཚིག་སྟ་ན་དབྱིངས་སུ་སྒྲོལ། །གསུམ་པ་སྟིར་ཆུང་རིལ་མིད་ནི། །དུག་གསུམ་རྣམ་པར་སྒྲོལ་བའི་རྟགས། །བཞི་པ་སྟིར་ཆེན་ནང་ཞགས་ནི། །རྒྱུད་ལྔའི་སེམས་
ཅན་དབྱིངས་སུ་འདྲེན། །ལྔ་པ་ཉི་ཟླ་ཟུང་དུ་འཛིན། །བྱང་ཆུབ་སེམས་ལས་གཡོས་པ་མེད། །དྲུག་པ་ཁྱུང་དང་འུག་པ་ནི། །མཁའ་འགྲོ་ཐམས་ཅད་འཁོལ་བའི་རྟགས། །བདུན་པ་མེ་དཔུང་རླུང་གིས་འཐོར། །སྲིད་པའི་བག་ཆགས་ཐལ་བར་
རློག །བརྒྱད་པ་རི་རབ་རྒྱ་མཚོ་རྣམས། །ཐམས་ཅད་མ་ལུས་གཡེང་གནས་ཤིང་། །འབྱུང་བ་ལྔ་ལ་མངའ་བརྙེས་པའོ། །དགུ་པ་རིན་ཆེན་ག་འུ་ནི། །དངོས་གྲུབ་སྤྲུལ་པ་འབྱུང་བའི་རྟགས། །དགུ་གཉིས་ཟུང་དུ་ལྡན་པ་ལས། །སྟོང་པ་བཅྭ་
བརྒྱད་དབྱིངས་སུ་རྫོགས། །དུར་ཁྲོད་རྒྱན་གྱིས་བརྒྱན་པ་ནི། །ཐོད་སྐམ་འབར་བ་ཕྲེང་བ་ཡིས། །ཞི་བ་ཕྱོགས་གཅིག་མྱ་ངན་ཟློ། །མངོན་པར་རྫོགས་པའི་སྐུ་བརྙེས་པའོ། །ཐོད་རློན་འབར་བའི་ཕྲེང་བ་འདི། །ཁམས་གསུམ་དབང་དུ་
104-1-46b


བསྡུས་ནས་སུ། །སྤྲུལ་པའི་སྐུ་ལ་མངའ་བརྙེས་པའོ། །ཐོད་པ་ཕྱེད་ཚལ་ཕྲེང་བས་ནི། །དུག་ལྔ་བདུད་རྩིར་སྦྱོར་བ་སྟེ། །ལོངས་སྤྱོད་སྐུ་ལ་མངའ་བརྙེས་པའོ། །ཞིང་ཆེན་རློན་པའི་ན་བཟའ་ནི། །ཆོས་དབྱིངས་མཉམ་པ་ཆེན་པོ་སྟེ། །
ཆོས་ཀྱི་སྐུ་ལ་མངའ་བརྙེས་པའོ། །སྟག་ལྤགས་གཡང་གཞིའི་ཤམ་ཐབས་ནི། །ཕྲིན་ལས་རྣམ་བཞིའི་རང་བཞིན་ཏེ། །རྡོ་རྗེའི་སྐུ་ལ་མངའ་བརྙེས་པའོ། །སྦྲུལ་ནག་ཆུན་འཕྱང་མང་པོ་ནི། །ཡེ་ཤེས་ཐམས་ཅད་འབྱུང་བའི་རྟགས། །
རྟག་ཆེན་སྐུ་ལ་མངའ་བརྙེས་པའོ། །ཞབས་བརྒྱད་ལྷ་བརྒྱད་བརྫིས་པ་ནི། །ང་རྒྱལ་ཅན་རྣམས་ཚར་གཅོད་པའོ། །སངས་རྒྱས་འཁྲོས་པའི་རྒྱལ་མོ་ནི། །ཀྲོ་དྷི་ཤྭ་རི་ཡུམ་གྱི་གཙོ། །མཐིང་ནག་འབར་བའི་རལ་པ་ཅན། །རྒྱན་དང་ཆ་ལུགས་
གཙོ་དང་འཐུན། །འཁྲིལ་བ་ཆེན་པོའི་ཚུལ་གྱིས་སུ། །བན་ད་རཀྟ་གཙོ་ལ་སྟོབ། །འཁྲིལ་བ་ཆེན་པོའི་ཚུལ་དུ་བསམ། །ཤར་ཕྱོགས་འཁོར་ལོའི་རྩིབས་སྟེངས་ན། །ཁྲི་དང་ཉི་དཀྱིལ་ཉི་ཟླའི་གདན། །དེ་ཡི་སྟེང་དུ་བསམ་བྱ་བ། །
གཟུགས་ཀྱི་ཕུང་པོ་གནས་གྱུར་པ། །ཁྲག་འཐུང་བུད་དྷ་ཧེ་རུ་ཀ །དབུ་གསུམ་ཕྱག་དྲུག་ཞབས་བཞིར་བགྲད། །གཡས་ལྗང་གཡོན་སྔོ་དབུས་སེར་ཞལ། །ཕྱག་དྲུག་མངོན་པར་རོལ་པ་ལས། །འཁོར་ལོ་དགྲ་སྟ་ཞགས་པ་གཡས། །བན་
ད་རྡེའུ་ཆུང་ཁ་ཊྭཱྃ་གཡོན། །སེར་ནག་དུར་ཁྲོད་རྒྱན་གྱིས་བརྒྱན། །བདེ་གཤེགས་ཁྲོས་པའི་རྒྱལ་མོ་དང་། །འཁྲིལ་བ་ཆེན་པོའི་ཚུལ་དུ་བསམ། །ལྷོ་ཕྱོགས་འཁོར་ལོའི་རྩིབས་སྟེངས་ན། །ཁྲི་དང་ཉི་དཀྱིལ་གཤིན་རྗེའི་གདན། །དེ་ཡི་སྟེང་དུ་
བསམ་བྱ་བ། །ཚོར་བའི་ཕུང་པོ་གནས་གྱུར་པ། །ཁྲག་འཐུང་རད་ན་ཧེ་རུ་ཀ །དབུ་གསུམ་ཕྱག་དྲུག་ཞབས་བཞིར་བགྲད། །གཡས་སེར་གཡོན་དམར་དབུས་སྔོ་ཞལ། །ཕྱག་དྲུག་མངོན་པར་རོལ་པ་ལས། །རིན་ཆེན་གཤོལ་དང་གཏུན་
ཤིང་གཡས། །བན་ད་དགྲ་སྟ་རྡེའུ་ཆུང་གཡོན། །སྔོ་ནག་དུར་ཁྲོད་རྒྱན་གྱིས་བརྒྱན། །རིན་ཆེན་ཁྲོས་པའི་རྒྱལ་མོ་དང་། །འཁྲིལ་བ་ཆེན་པོའི་ཚུལ་དུ་བསམ། །ནུབ་ཕྱོགས་འཁོར་ལོའི་རྩིབས་སྟེངས་སུ། །ཁྲི་དང་ཉི་དཀྱིལ་ཀླུ་ཡི་གདན། །
104-1-47a


དེ་ཡི་སྟེང་དུ་བསམ་བྱ་བ། །འདུ་ཤེས་ཕུང་པོ་གནས་གྱུར་པ། །ཁྲག་འཐུང་པདྨ་ཧེ་རུ་ཀ །དབུ་གསུམ་ཕྱག་དྲུག་ཞབས་བཞིར་བགྲད། །གཡས་སྔོ་གཡོན་དམར་དབུས་ལྗང་ཞལ། །ཕྱག་དྲུག་མངོན་པར་རོལ་པ་ལས། །
པདྨ་རྡེའུ་ཆུང་སྤུ་གྲི་གཡས། །བན་ད་ཁ་ཊྭཱྃ་སོ་ཕྲེང་གཡོན། །དམར་ནག་དུར་ཁྲོད་རྒྱན་གྱིས་བརྒྱན། །པདྨ་ཁྲོས་པའི་རྒྱལ་མོ་དང་། །འཁྲིལ་བ་ཆེན་པོའི་ཚུལ་དུ་བསམ། །བྱང་ཕྱོགས་འཁོར་ལོའི་རྩིབས་སྟེངས་ན། །ཁྲི་དང་ཉི་དཀྱིལ་གནོད་
སྦྱིན་གདན། །དེ་ཡི་སྟེང་དུ་བསམ་བྱ་བ། །འདུ་བྱེད་ཕུང་པོ་གནས་གྱུར་པ། །ཁྲག་འཐུང་ཀརྨ་ཧེ་རུ་ཀ །དབུ་གསུམ་ཕྱག་དྲུག་ཞབས་བཞིར་བགྲད། །གཡས་དམར་གཡོན་སེར་དབུས་ལྗང་ཞལ། །ཕྱག་དྲུག་མངོན་པར་རོལ་པ་ལས། །རལ་
གྲི་ཞགས་པ་རྡེའུ་ཆུང་གཡས། །བན་ད་ཐོད་དབྱུག་ཁ་ཊྭཱྃ་གཡོན། །ལྗང་ནག་དུར་ཁྲོད་རྒྱན་གྱིས་བརྒྱན། །ལས་མཆོག་ཁྲོས་པའི་རྒྱལ་མོ་དང་། །འཁྲིལ་བ་ཆེན་པོའི་ཚུལ་དུ་བཞུགས། །འཁོར་ལོ་འབར་བའི་ཕྱི་རིམ་ན། །མེ་དཔུང་འབར་
བའི་གཞལ་ཡས་ན། །མཁའ་དབྱིངས་གཉིས་སུ་མེད་པ་ལས། །མཁའ་ལས་སྐྱེས་པའི་འཕྲ་མེན་མ། །ཤར་ཕྱོགས་སུ་ནི་བསམ་བྱ་བ། །ས་བདག་བསྒྱེལ་བའི་གདན་སྟེངས་སུ། །ཀུན་གཞི་གནས་གྱུར་འཕྲ་མེན་མ། །རྣལ་འབྱོར་སྔོ་ནག་
གོའུ་རི་མ། །རལ་པ་ཁམ་ནག་གྱེན་དུ་འཁྱིལ། །མཆེ་གཙིགས་རྐན་བརྡབས་གཡང་གཞི་གསོལ། །དབྱུགས་པར་གླུ་བླངས་ཧ་ཧས་བཞད། །སྟི་ར་དབྱུག་པ་གཡས་པ་ན། །བན་ད་རཀྟ་གཡོན་པ་ན། །ཀྱི་ཤི་མ་ལ་བརྐྱང་བསྐུམ་
བཞུགས། །ལྷོ་ཕྱོགས་ངོས་སུ་བསམ་བྱ་བ། །གསོད་སྐྱེན་བསྒྱེལ་བའི་གདན་སྟེངས་སུ། །རྣམ་ཤེས་གནས་གྱུར་འཕྲ་མེན་མ། །རྣལ་འབྱོར་སེར་ནག་ཙོའུ་རི་མ། །རལ་པ་ཁམ་ནག་གྱེན་དུ་འཁྱིལ། །མཆེ་གཙིགས་རྐན་བརྡབས་
གཡང་གཞི་གསོལ། །དཔྱུགས་པས་གླུ་བླངས་ཧ་ཧས་བཞད། །ཐབས་ཀྱི་མདའ་དྲངས་གཡས་པ་ན། །ཤེས་རབ་བཞུ་བརྡུངས་གཡོན་པ་ན། །ཡ་མ་ཡེ་ལ་བརྐྱང་བསྐུམ་བཞུགས། །ནུབ་ཀྱི་ཕྱོགས་སུ་བསམ་བྱ་བ། །ཉི་མ་བསྒྱེལ་
104-1-47b


བའི་གདན་སྟེངས་སུ། །ཉོན་མོངས་གནས་གྱུར་འཕྲ་མེན་མ། །རྣལ་འབྱོར་དམར་ནག་པྲ་མོ་ཧ། །རལ་པ་ཁམ་ནག་གྱེན་དུ་འཁྱིལ། །མཆེ་གཙིགས་རྐན་བརྡབས་གཡང་གཞི་གྱོན། །དཔྱུགས་པས་གླུ་བླངས་ཧ་ཧས་བཞད། །ཆུ་སྲིན་
རྒྱལ་མཚན་གཡས་པ་ན། །བན་ད་རཀྟ་གཡོན་པ་ན། །སཱུརྱ་ཡེ་ལ་བརྐྱང་བསྐུམ་བཞུགས། །བྱང་གི་ཕྱོགས་སུ་བསམ་བྱ་བ། །ཟླ་བ་བསྒྱེལ་བའི་གདན་སྟེངས་སུ། །རེག་བྱ་གནས་གྱུར་འཕྲ་མེན་མ། །རྣལ་འབྱོར་མཐིང་ནག་བེ་ཏ་ལི། །རལ་
པ་ཁམ་ནག་གྱེན་དུ་འཁྱིལ། །མཆེ་གཙིགས་རྐན་བརྡབས་གཡང་གཞི་གྱོན། །དཔྱུགས་པས་གླུ་བླངས་ཧ་ཧས་བཞད། །རྡོ་རྗེ་རྩེ་ལྔ་གཡས་པ་ན། །སྟིར་ཆུང་མགོ་གཅོད་གཡོན་པ་ན། །ཙན་ཏྲ་ཡེ་ལ་བརྐྱང་བསྐུམ་བཞུགས། །ཤར་
ལྷོ་མཚམས་སུ་བསམ་བྱ་བ། །མེ་ལྷ་བསྒྱེལ་བའི་གདན་སྟེངས་སུ། །ལྟ་བྱེད་འཕྲ་མེན་གནས་གྱུར་པ། །རྣལ་འབྱོར་དམར་ནག་པུཀྐ་སི། །སྐྲ་འབར་མཆེ་གཙིགས་རྐན་བརྡབས་ཤིང་། །དུར་ཁྲོད་གཡང་གཞི་སློག་པ་གྱོན། །དཔྱུགས་
པས་གླུ་བླངས་ཧ་ཧས་བཞད། །སྟི་ར་ཆེན་པོ་གཡས་པ་ན། །ཚེམས་པར་རྒྱུ་འདྲེན་གཡོན་པ་ན། །ཨག་ནི་ཡེ་ལ་བརྐྱང་བསྐུམ་བཞུགས། །ལྷོ་ནུབ་མཚམས་སུ་བསམ་བྱ་བ། །བདེན་བྲལ་བསྒྱེལ་བའི་གདན་སྟེངས་སུ། །ཉན་བྱེད་
གནས་གྱུར་འཕྲ་མེན་མ། །རྣལ་འབྱོར་མཐིང་ནག་སྨ་ཤ་ནི། །སྐྲ་འབར་མཆེ་གཙིགས་རྐན་བརྡབས་ཤིང་། །སྲོག་ཆགས་ཆེན་པོ་གཡང་གཞི་གྱོན། །དཔྱུགས་པས་གླུ་བླངས་ཧ་ཧས་བཞད། །སྟི་ར་ཆུང་ངུ་གཡོན་པ་ན། །ཙིཏྟ་ཕྱུང་བ་
གཡས་པ་ན། །ནི་རི་ཏི་ལ་བརྐྱང་བསྐུམ་བཞུགས། །ནུབ་བྱང་མཚམས་སུ་བསམ་བྱ་བ། །རླུང་ལྷ་བསྒྱེལ་བའི་གདན་སྟེངས་སུ། །མནོམ་བྱེད་གནས་གྱུར་འཕྲ་མེན་མ། །རྣལ་འབྱོར་སེར་ནག་ཙཎ་ཌ་ལི། །སྐྲ་འབར་མཆེ་གཙིགས་
རྐན་བརྡབས་ཤིག །འཇིགས་སུ་རུང་བའི་སློག་པ་གསོལ། །དཔྱུགས་པས་གླུ་བླངས་ཧ་ཧས་བཞད། །སྟི་ར་ཆུང་ངུ་གཡས་པ་ན། །བན་ད་བཅད་པ་གཡོན་པ་ན། །བ་ཡ་བེ་ལ་བརྐྱང་བསྐུམ་བཞུགས། །བྱང་ཤར་མཚམས་སུ་
104-1-48a


བསམ་བྱ་བ། །དབང་ལྡན་བསྒྱེལ་བའི་གདན་སྟེངས་སུ། །མྱོང་བྱེད་གནས་གྱུར་འཕྲ་མེན་མ། །རྣལ་འབྱོར་ལྗང་ནག་གྷས་མ་རི། །སྐྲ་འབར་མཆེ་གཙིགས་རྐན་བརྡབས་ཤིང་། །སྟི་ར་ཆེན་པོའི་ཤུན་པ་གསོལ། །
དཔྱུགས་པས་གླུ་བླངས་ཧ་ཧས་བཞད། །བན་ད་རཀྟ་གཡས་པ་ན། །རྩེ་གསུམ་འཁྲུག་པ་གཡོན་པ་ན། །ཨི་ཤྭ་ར་ལ་བརྐྱང་བསྐུམ་བཞུགས། །དཀྱིལ་འཁོར་དེ་ཡི་ཕྱི་རིམ་དུ། །སྨུག་ནག་འབར་བའི་བར་ཁྱམས་ན། །གསང་
བའི་མཁའ་ལས་སྐུར་བསྐྱེད་པ། །ཤར་གྱི་ཕྱོགས་སུ་བསམ་བྱ་བ། །དྲི་ཟ་བསྒྱེལ་བའི་གདན་སྟེངས་སུ། །ཀུན་གཞི་ཡུལ་ལས་གནས་གྱུར་པ། །འཕྲ་མེན་ཐོགས་མེད་སེང་གེའི་གདོང་། །རྣལ་འབྱོར་སེར་ནག་སེང་གེ་མ། །མཆེ་
གཙིགས་རྐན་བརྡབས་གཡང་གཞི་གྱོན། །ཕྱག་གཉིས་བསྣོལ་ནས་ཤིན་ཏུ་འགྱིང་། །སྟི་ར་ཆེན་པོ་སྤྲུག་ཅིང་གསོལ། །ཨིན་དྲ་ཡེ་ལ་བརྐྱང་བསྐུམ་བཞུགས། །ལྷོ་ཡི་ཕྱོགས་སུ་བསམ་བྱ་བ། །གྲུལ་བུམ་བསྒྱེལ་བའི་གདན་སྟེངས་སུ། །
རྣམ་ཤེས་ཡུལ་ལ་གནས་གྱུར་པ། །འཕྲ་མེན་དཔའ་བོ་སྟག་གི་གདོང་། །རྣལ་འབྱོར་དམར་ནག་བྱ་གྷྲི་མ། །མཆེ་གཙིགས་རྐན་བརྡབས་གཡང་གཞི་གྱོན། །ཕྱག་གཉིས་གྱད་ཀྱི་འདོར་ཚུལ་གྱིས། །སྟིར་ཆུང་བསྐྱུར་ནས་འབྲུ་ཚུགས་
ལྟ། །ར་ཏྲིའི་གདན་ལ་བརྐྱང་བསྐུམ་བཞུགས། །ནུབ་ཀྱི་ཕྱོགས་སུ་བསམ་བྱ་བ། །ཡི་དགས་བསྒྱེལ་བའི་གདན་སྟེངས་སུ། །ཉོན་མོངས་ཡུལ་ལ་གནས་གྱུར་པ། །འཕྲ་མེན་རྟོག་འདུལ་ཝ་ཡི་གདོང་། །རྣལ་འབྱོར་དམར་ནག་
སྲི་ཀ་མ། །མཆེ་གཙིགས་རྐན་བརྡབས་གཡང་གཞི་གྱོན། །ཕྱག་གཉིས་སྟིར་ཆེན་ནང་གྲོལ་འདྲུ། །ཧྲི་འདི་གདན་ལ་བརྐྱང་བསྐུམ་བཞུགས། །བྱང་གི་ཕྱོགས་སུ་བསམ་བྱ་བ། །གནོད་སྦྱིན་བསྒྱེལ་བའི་གདན་སྟེངས་སུ། །
རེག་བྱ་ཡུལ་ལ་གནས་གྱུར་པ། །འཕྲ་མེན་བཏང་སྙོམས་སྤྱང་མོའི་གདོང་། །རྣལ་འབྱོར་མཐིང་ནག་ཤྭ་ན་མ། །མཆེ་གཙིགས་རྐན་བརྡབས་གཡང་གཞི་གྱོན། །ཕྱག་གཉིས་རོལ་པ་ཆེན་པོ་ཡིས། །སྟི་ར་ཕྱེད་མར་བཙལ་ནས་
104-1-48b


གསོལ། །ཡཀྵའི་གདན་ལ་བརྐྱང་བསྐུམ་བཞུགས། །ཤར་ལྷོ་མཚམས་སུ་བསམ་བྱ་བ། །སྲིན་པོ་བསྒྱེལ་བའི་གདན་སྟེངས་སུ། །ལྟ་བྱེད་ཡུལ་ལ་གནས་གྱུར་པ། །འཕྲ་མེན་གཟི་བརྗིད་བྱ་རྒོད་གདོང་། །རྣལ་འབྱོར་
དམར་ནག་ཀྲི་དྷ་མ། །མཆུ་བདར་རྐན་བརྡབས་གཡང་གཞི་གྱོན། །ཟངས་གྲི་རྣོན་པོ་གཡས་པ་ན། །རྒྱུ་ཞགས་དྲང་བ་གཡོན་པ་ན། །རཱཀྵ་ས་ལ་བརྐྱང་བསྐུམ་བཞུགས། །ལྷོ་ནུབ་མཚམས་སུ་བསམ་བྱ་བ། །སྲིན་པོ་བསྒྱེལ་
བའི་གདན་སྟེངས་སུ། །ཉན་བྱེད་ཡུལ་ལ་གནས་གྱུར་པ། །འཕྲ་མེན་གསལ་བྱེད་དུར་བྱའི་གདོང་། །རྣལ་འབྱོར་རྣལ་མ་ཀངྐ་མ། །མཆུ་བདར་རྐན་བརྡབས་གཡང་གཞི་གསོལ། །སྟིར་ཆུང་སྟོད་སྨད་གཡས་གཡོན་ན། །རྔམ་
པའི་ཚུལ་གྱིས་ཕྲག་ལ་བཀལ། །རཱཀྵ་ས་ལ་བརྐྱང་བསྐུམ་བཞུགས། །ནུབ་བྱང་མཚམས་སུ་བསམ་བྱ་བ། །སྲིན་པོ་བསྒྱེལ་བའི་གདན་སྟེངས་སུ། །སྣོམ་བྱེད་ཡུལ་ལ་གནས་གྱུར་པ། །འཕྲ་མེན་ས་ལེ་བྱ་རོག་གདོང་། །རྣལ་
འབྱོར་དམར་ནག་ཁ་ག་མ། །མཆུ་བདར་རྐན་བརྡབས་གཡང་གཞི་གྱོན། །ཟངས་གྲི་དམར་པོ་གཡས་པ་ན། །བན་ད་རཀ་ཏ་གཡོན་པ་ན། །རཱཀྵ་ས་ལ་བརྐྱང་བསྐུམ་བཞུགས། །བྱང་ཤར་མཚམས་སུ་བསམ་བྱ་བ། །སྲིན་པོ་
བསྒྱེལ་བའི་གདན་སྟེངས་སུ། །མྱོང་བྱེད་ཡུལ་ལ་གནས་གྱུར་པ། །འཕྲ་མེན་རྫོགས་བྱེད་འུག་པའི་གདོང་། །རྣལ་འབྱོར་ལྗང་ནག་ཧུ་ལུ་མ། །མཆུ་བདར་རྐན་བརྡབས་གཡང་གཞི་གསོལ། །རྡོ་རྗེ་ལྕགས་ཀྱུ་གཡས་པ་ན། །སྟིར་
ཆུང་སྤྱི་འཇོམས་གཡོན་བ་ན། །རཱཀྵ་ས་ལ་བརྐྱང་བསྐུམ་བཞུགས། །འབར་བའི་བར་ཁྱམས་ཐ་མ་ལ། །ཐོད་སྐམ་འབར་བའི་གཞལ་ཡས་ན། །ཞིང་ཆེན་བསྣོལ་མའི་གདན་སྟེངས་སུ། །ཤར་གྱི་ཕྱོགས་སུ་བསམ་བྱ་བ། །
ཉུལ་བྱེད་ཡུལ་ལས་གནས་གྱུར་པ། །སྦོར་བྱེད་ཆེན་མོ་མི་ཟད་མ། །སྣ་ཚོགས་འགྱུར་བའི་སྐུ་མདོག་མ། །ཞིང་ཆེན་རོལ་པའི་སློག་པ་གསོལ། །རལ་པ་ཁམ་ནག་གྱེན་དུ་འབར། །དཔྱུགས་པས་གླུ་བླངས་སྲིད་གསུམ་འབར། །
104-1-49a


ཧ་ཧ་གད་མོས་ཡེ་ཤེས་རོལ། །ཉི་ཟེར་ཞགས་པ་གཡས་པ་ན། །བན་ད་རཀྟ་གཡོན་པ་ན། །རོ་རློན་སྟེང་དུ་བརྐྱང་བསྐུམ་བཞུགས། །ལྷོ་ཡི་ཕྱོགས་སུ་བསམ་བྱ་བ། །མི་མགོན་ཐུབ་པ་གནས་གྱུར་པ། །སྦོར་བྱེད་
ཆེན་མོ་མདུང་ཐུང་འཕེན། །རྣལ་འབྱོར་སེར་ནག་ཉུལ་ཆེན་མ། །རལ་པ་ཁམ་ནག་གྱེན་དུ་འཁྱིལ། །མི་ཡི་གཡང་གཞི་གོས་སུ་གྱོན། །དཔྱུགས་པས་གླུ་བླངས་སྲིད་གསུམ་སྦྱངས། །ཧ་ཧ་གད་མོས་མི་རྣམས་སྤྲོར། །རྡོ་རྗེ་མདུང་ཐུང་
གཡས་པ་ན། །བན་ད་རཀྟ་གཡོན་པ་ན། །རོ་རློན་སྟེང་དུ་བརྐྱང་བསྐུམ་བཞུགས། །ནུབ་ཀྱི་ཕྱོགས་སུ་བསམ་བྱ་བ། །ཆོས་ཀྱི་དབྱིངས་ལས་གནས་གྱུར་པ། །སྦྲོར་བྱེད་རྡོ་རྗེ་དྲིལ་འཁྲོལ་མ། །རྣལ་འབྱོར་མཚོན་དུ་མེད་པའི་སྐུ། །རལ་
པ་ཁམ་ནག་གྱེན་དུ་འབར། །ཆོས་ཉིད་དབྱིངས་ཀྱི་ན་བཟའ་གསོལ། །དཔྱུགས་པས་གླུ་བླངས་སྟོང་ཁམས་སྤོར། །ཧ་ཧའི་གད་མོས་དབྱིངས་སུ་སྦྱོར། །གསུང་བསྒྲགས་དྲིལ་བུ་གཡས་པ་ན། །བན་ད་རཀྟ་གཡོན་པ་ན། །རོ་རློན་སྟེང་དུ་
བརྐྱང་བསྐུམ་བཞུགས། །བྱང་གི་ཕྱོགས་སུ་བསམ་བྱ་བ། །ལྷ་མིན་ཐུབ་པ་གནས་གྱུར་པ། །སྦྲོར་བྱེད་ཐོད་ཕྲེང་སྐར་མདའི་གདོང་། །རྣལ་འབྱོར་སྔོ་ནག་ཉུལ་ཆེན་མ། །སྲོག་ཆགས་ཆེན་པོའི་གཡང་གཞི་གྱོན། །རལ་པ་ཁམ་ནག་གྱེན་
དུ་འབར། །དཔྱུགས་པས་གླུ་བླངས་ཁམས་གསུམ་སྦྱངས། །ཧ་ཧ་གད་མོས་ལྷ་མིན་སྦར། །རྡོ་རྗེ་སྐར་མདའ་གཡས་པ་ན། །བན་ད་རཀ་ཏ་གཡོན་པ་ན། །རོ་རློན་སྟེང་དུ་བརྐྱང་བསྐུམ་བཞུགས། །ཤར་ལྷོ་མཚམས་སུ་བསམ་བྱ་བ། །
ལྷ་འདུལ་ཐུབ་པ་གནས་གྱུར་པ། །སྦོར་བྱེད་ཁྱུང་ཐོགས་གནོད་སྦྱིན་མ། །རྣལ་འབྱོར་མཐིང་ནག་ཉུལ་ཆེན་མ། །འཇིགས་བྱེད་གཡང་གཞི་གོས་སུ་གྱོན། །རལ་པ་ཁམ་ནག་གྱེན་དུ་འབར། །དཔྱུགས་པས་གླུ་བླངས་སྟོང་ཁམས་གྲགས། །
ཧ་ཧ་གད་མོས་ལྷ་རྣམས་སྦོར། །རྡོ་རྗེ་ཁྱུང་ཆེན་གཡས་པ་ན། །བན་ད་རཀྟ་གཡོན་པ་ན། །རོ་རློན་སྟེང་དུ་བརྐྱང་བསྐུམ་བཞུགས། །ལྷོ་ནུབ་མཚམས་སུ་བསམ་བྱ་བ། །ཡི་དགས་ཐུབ་པ་གནས་གྱུར་པ། །སྦོར་བྱེད་མེ་ཁྱེར་གློག་ཕྲེང་འཛིན། །
104-1-49b


རྣལ་འབྱོར་དམར་ནག་ཉུལ་ཆེན་མ། །ཡི་དགས་འགྲིན་རིངས་གཡང་གཞི་གྱོན། །རལ་པ་ཁམ་ནག་གྱེན་དུ་འབར། །དབྱུགས་པས་གླུ་བླངས་སྣང་སྲིད་སྦྱངས། །ཧ་ཧའི་གད་མོས་ཡི་དགས་སྤོར། །རྡོ་རྗེ་གློག་ཕྲེང་གཡས་པ་ན། །བན་ད་རཀྟ་
གཡོན་པ་ན། །རོ་རློན་སྟེང་དུ་བརྐྱང་བསྐུམ་བཞུགས། །ནུབ་བྱང་མཚམས་སུ་བསམ་བྱ་བ། །བྱོལ་སོང་ཐུབ་པ་གནས་གྱུར་པ། །སྦོར་བྱེད་འཇིགས་ཆེན་སློག་ཤ་རྡེབས། །རྣལ་འབྱོར་སྨུག་ནག་ཉུལ་ཆེན་མ། །རལ་པ་ཁམ་ནག་གྱེན་དུ་འབར། །
སློག་ཆེན་བརྗིད་པའི་གཡང་གཞི་གྱོན། །དཔྱུགས་པས་གླུ་བླངས་སྟོང་ཁམས་གྲགས། །ཧ་ཧའི་གད་མོས་བྱོལ་སོང་སྦོར། །རྡོ་རྗེ་སླག་ཤ་གཡས་པ་ན། །བན་ད་རཀ་ཏ་གཡོན་པ་ན། །རོ་རློན་སྟེང་དུ་བརྐྱང་བསྐུམ་བཞུགས། །བྱང་
ཤར་མཚམས་སུ་བསམ་བྱ་བ། །དམྱལ་མགོན་ཐུབ་པ་གནས་གྱུར་པ། །སྦོར་བྱེད་གཤིན་རྗེ་རལ་གྲི་སྐྲ། །རྣལ་འབྱོར་སྔོ་ནག་ཉུལ་ཆེན་མ། །རལ་པ་ཁམ་ནག་གྱེན་དུ་འབར། །གཤིན་རྗེ་གཡང་གཞི་གོས་སུ་གྱོན། །དཔྱུགས་
པས་གླུ་བླངས་སྲིད་གསུམ་སྦྱངས། །ཧ་ཧའི་གད་མོས་དམྱལ་བ་སྦོར། །རྡོ་རྗེ་རལ་གྲི་གཡས་པ་ན། །བན་ད་རཀྟ་གཡོན་པ་ན། །རོ་རློན་སྟེང་དུ་བརྐྱང་བསྐུམ་བཞུགས། །འབར་བའི་དཀྱིལ་འཁོར་སྒོ་བཞི་ལ། །ཕྱིན་ཅི་ལོག་བཞི་གནས་གྱུར་
པ། །ཤར་གྱི་སྒོར་ནི་བསམ་བྱ་བ། །ཕག་ཆེན་པོ་ཡི་གདན་སྟེངས་སུ། །རྟ་གདོང་སྲིན་མོའི་གཡང་གཞི་གསོལ། །རྡོ་རྗེ་ལྕགས་ཀྱུ་གཡས་པ་ན། །བན་ད་རཀྟ་གཡོན་པ་ན། །ཕག་ཆེན་པོ་ཡི་གདན་སྟེངས་སུ། །སྟོབས་ཆེན་ཁྲོ་བོ་ཆེན་པོ་
དང་། །འཁྲིལ་བ་ཆེན་པོའི་ཚུལ་དུ་བཞུགས། །རྔམ་པའི་ཚུལ་གྱིས་ཕྱིར་བལྟས་པའོ། །ལྷོ་ཡི་སྒོར་ནི་བསམ་བྱ་བ། །ར་གདོང་ཆེན་མོའི་གདན་སྟེངས་སུ། །ཕག་གདོང་ཆེན་མོའི་གཡང་གཞི་གྱོན། །ལྕགས་ཀྱི་དྲིལ་ཞགས་གཡས་པ་ན། །
བན་ད་རློན་པ་གཡོན་པ་ན། །ར་གདོང་ཆེན་མོའི་གདན་སྟེངས་སུ། །ཁྲོ་ཆེན་གཤིན་རྗེ་གཤེད་པོ་དང་། །འཁྲིལ་བ་ཆེན་པོའི་ཚུལ་གྱིས་སུ། །རྔམ་པའི་ཚུལ་གྱིས་བལྟས་པའོ། །ནུབ་ཀྱི་སྒོར་ནི་བསམ་བྱ་བ། །བུམ་རྣ་ཆེན་མོའི་གདན་
104-1-50a


སྟེངས་སུ། །དྲེད་གདོང་ཆེན་མོའི་གཡང་གཞི་གྱོན། །ལྕགས་སྒྲོག་མེ་འབར་གཡས་པ་ན། །བན་ད་རློན་པ་གཡོན་པ་ན། །སྲིན་པོ་བུམ་རྣའི་གདན་སྟེངས་སུ། །ཁྲོ་ཆེན་རྟ་མགྲིན་ཆེན་པོ་དང་། །འཁྲིལ་བ་ཆེན་པོའི་ཚུལ་གྱིས་
སུ། །རྔམ་པའི་ཚུལ་གྱིས་ཕྱིར་བལྟས་པའོ། །བྱང་གི་སྒོར་ནི་བསམ་བྱ་བ། །གསུས་པོ་ཆེ་ཡི་གདན་སྟེངས་སུ། །སྤྱང་གདོང་ཆེན་མོ་གཡང་གཞི་གྱོན། །དྲིལ་བུ་ཐལ་ཆེན་གཡས་པ་ན། །བན་ད་རློན་པ་གཡོན་པ་ན། །གསུས་པོ་ཆེ་ཡི་གདན་
སྟེངས་སུ། །ཁྲོ་ཆེན་བདུད་རྩི་འཁྱིལ་པ་དང་། །འཁྲིལ་པ་ཆེན་པོའི་ཚུལ་གྱིས་སུ། །རྔམ་པའི་ཚུལ་གྱིས་ཕྱིར་བལྟས་པའོ། །ཧོ་བཛྲ་གུ་ཧྱ་ཚིག་ཏུའོ། །གསང་བའི་སྙིང་པོའི་དེ་ཁོ་ན་ཉིད་ངེས་པ་སྒྱུ་འཕྲུལ་བླ་མ་ཆེན་པོ་ལས་བདུད་བཏུལ་བ་དང་
ཉིད་ཀྱི་སྐུ་གསུང་ཐུགས་ཀྱི་ཆེ་བའི་ཡོན་ཏན་ཕྱོགས་བཅུར་གསལ་བའི་ལེའུ་སྟེ་དགུ་པའོ།། །། དེ་ནས་དགྱེས་པ་ཆེན་པོ་ཡེ་ཤེས་རྒྱལ་པོ་དེ་ཉིད་གསུང་གི་དཀྱིལ་འཁོར་ཆེན་པོ་འདི་ཡང་དག་པར་གྲགས་ཤིང་དམ་ཚིག་རྗེས་སུ་
འཛིན་པའི་དགོངས་པ་རྩེར་ཆིབ་ནས་སྐུ་གསུང་ཐུགས་རྡོ་རྗེ་ལས་འདི་དག་ཕྱུང་ངོ་། །བྲུྃ་བི་ཤྭ་ཀྲོ་དྷ་བཛྲ་ཛྭ་ལ་མཎ་ཌཱ་ལ་ཙཀྲ་ཧཱུྃ། ཕཊ་ཕཊ་ཕཊ། ཧ་ལ་ཧ་ལ་དུ་ཏྲི་ཙཀྲ་ནཱན། སཱུརྱ་ཙན་དྲ་པདྨ་དེ་བ་ཏིཥྛ་ནཱན། ཧཱུྃ་ཧཱུྃ་ཧ་ཧ་ཧཱུྃ་ཧཱུྃ་བཛྲ་མ་ཧཱ་ཤྲཱི་ཧེ་རུ་ཀ་མ་ཧཱ་
ཙཎ་ཌ་སརྦ་དུཥྚཱན་ད་ཀ་ཧ་ན་ད་ཧ་པ་ཙ་ཧཱུྃ་ཕཊ། ཧཱུྃ་བཛྲ་དྷ་ར་མ་ཧཱ་ཀྲོ་དྷེ་ཤྭ་རི་ཛྭ་ལ་ནི་ཧཱུྃ་ཕཊ། ཨོཾ་སརྦ་ཏ་ཐཱ་ག་ཏ་མ་ཧཱ་ཤྲཱི་ཧེ་རུ་ཀ་མ་ཧཱ་ཙཎ་ཌ་སརྦ་དུཥྚན་ད་ཀ་ཧ་ན་ད་ཧ་པ་ཙ་ཧཱུྃྃ་ཕཊ། ཨོཾ་སརྦ་ཏ་ཐཱ་ག་ཏོ་བུད་དྷ་མ་ཧཱ་ཀྲོ་དྷི་ཤྭ་རི་ཛྭ་ལ་ནི་ཧཱུྃ་ཕཊ། 
ཨོཾ་ཏྲྃ་རཏྣ་མ་ཧཱ་ཤྲཱི་ཧེ་རུ་ཀ་མ་ཧཱ་ཙཎ་ཌཱ་སརྦ་དུཥྚཱན་ད་ཀ་ཧ་ན་ད་ཧ་པ་ཙ་ཧཱུྃ་ཕཊ། ཏྲྃ་སཱུརྱ་རད་ན་མ་ཧཱ་ཀྲོ་དྷི་ཤྭ་རི་ཛྭ་ལ་ནི་ཧཱུྃ་ཕཊ། ཨོཾ་ཧྲཱི་པདྨ་མ་ཧཱ་ཤྲཱི་ཧེ་རུ་ཀ་མ་ཧཱ་ཙཎ་ཌ་སརྦ་དུཥྚཱན་ཏ་ཀ་ཧ་ན་ད་ཧ་པ་ཙ་ཧཱུྃ་ཕཊ། ཧྲཱི་ཤྭ་པདྨ་བ་མུ་ཀ་མ་ཧཱ་ཀྲོ་དྷི་
ཤྭ་རི་ཛྭ་ལ་ནི་ཧཱུྃ་ཕཊ། ཧ་ཀརྨ་མ་ཧཱ་ཤྲཱི་ཧེ་རུ་ཀ་མ་ཧཱ་ཙཎ་ཌ་སརྦ་དུཥྚཱན་ད་ཀ་ཧ་ན་པ་ཙ་ཧཱུྃ་ཕཊ། ཀརྨ་མ་ཧཱ་ཀྲོ་དྷི་ཤྭ་རི་ཛྭ་ལ་ནི་ཧཱུྃ་ཕཊ། བཛྲ་ཀེའུ་རི་ཧ།  བཛྲ་ཙེའུ་རི་ཧ། བཛྲ་པྲ་མོ་ཧཱ་ཧ། བཛྲ་བེ་ཏ་ལི་ཧ། བཛྲ་པུཀྐ་སི་ཧ། བཛྲ་
104-1-50b


གྷསྨ་རི་ཧ། བཛྲ་སྨ་ཤ་ནི་ཧ། བཛྲ་ཙཎ་ཌ་ལི་ཧ། བཛྲ་སིད་ཧ་མུ་ཁ་ཧེ། བཛྲ་བྱཱ་གྷྲྀ་མུ་ཁ་ཧེ། བཛྲ་སྲི་ལ་མུ་ཁ་ཧེ། བཛྲ་ཤྭ་ན་མུ་ཁ་ཧེ། བཛྲ་གྲྀ་དྷ་མུ་ཁ་ཧེ། བཛྲ་ཀངྐ་མུ་ཁ་ཧེ། བཛྲ་གཱ་ཀ་མུ་ཁ་ཧེ། བཛྲ་ཧུ་ལུ་ཀ་མུ་ཁ་ཧེ། བཛྲ་ཨཱརྱ་ཏེ་ཙ་ཏེ་ང་ཙ། བཛྲ་ཨ་མོ་གྷ་ཧཱུྃ། 
བཛྲ་ཨཱ་ལོ་ཀ་བྃ། བཛྲ་བྷསྨི་པཱ་ལ་ཡ་བ་ཏོ་ཧོ། ཨེ་ཧྱེ་ཧི་བྲི་ཏ་ཨཱརྱ་ནི་ཙ་ཏུར་བ་ཡ་ཕཊ། བཛྲ་བེ་ཡོ་གི་པྲ་ཏི་ཨཱརྱ་ནི་ཙ་ཏུར་ཐ་ཡ་ཧཱུྃ་ཕཊ། བཛྲ་མུ་ཨ་ནི་ཨ་པྲ་ཏི་ཨཱརྱ་ནི་པ་ཤི་ཀ་ར་ཕཊ། བཛྲ་མུ་ནི་ཨ་པྲ་ཏི་ཨཱརྱ་བ་ནི་ཤི་ཀ་ར་ཕཊ། བཛྲ་མུ་ནི་ཨ་
སུམ་པ་ཨ་ནི་བ་ཤི་ཀ་ར་ཕཊ།  བཛྲ་མུ་ནི་ཨ་པྲ་ཏི་ཨཱརྱ་ནི་ཏྲྃ་སུ་པ་ཤི་ཀ་ར་ཕཊ། བཛྲ་མུ་ཏྲི་ནི་ཨ་པྲ་ཏི་ཨཱརྱ་ནི་པ་ཤི་ཀ་ར་ཕཊ། བཛྲ་མུ་ནི་ཨ་དུ་བྲི་ཏི་ཨ་ནི་པ་ཤི་ཀ་ར་ཕཊ། ཨེ་ཧྱེ་ཧི་ཨཱ་ན་ཡ་ཧོ། ཨོཾ་རུ་ལུ་རུ་ལུ་ཧཱུྃ་བྷྱོ་ཧཱུྃ། ཛཿཧཱུྃ་བྃ་ཧོཿ། བཛྲ་
ཀྲོ་དྷ་ས་མ་ཡ་ཧཱུྃ་ཕཊ་ཅེས་གསུང་གི་དཀྱིལ་འཁོར་གྱིས་སྟོང་གསུམ་གྱི་དཀྱིལ་འཁོར་ཁྱབ་པར་དུས་གཅིག་ཁྱབ་པར་གྲགས་པ་དང་། དམ་ནོད་པ་བཀའ་ཉན་གྱི་ཚོགས་མིའི་སྲིན་མོ་ལ་སོགས་པ་རྣམས་ཀྱིས་ཀྱང་སོ་སོའི་སྲོག་གི་སྙིང་པོ་ཕུལ་ལོ། །བཛྲ་མ་ནུ་རཱཀྵ་སི། 
བཛྲ་པྲ་མ་ནི་བཛྲ་རཽ་ཏྲི། བཛྲ་བཻཥྞ་བེ། བཛྲ་པིང་ག་ལམ། བཛྲ་ཀེ་མ་རི། བཛྲ་ཨིན་དྲ་ན། བཛྲ་སུ་ར་ཡ་ཏྲ། བཛྲ་སོ་ཧུ་མྱ།  བཛྲ་ཨ་མྲྀ་ཏ། བཛྲ་ད་ན་ཏ། བཛྲ་རཱཀྵ་སི། བཛྲ་བཀྵ་སི། བཛྲ་ར་ཏི་ཧྃ། བཛྲ་རུ་ཏི་ཧྃ། བཛྲ་ཨེ་ཀ་ཙ་རྃ། བཛྲ་མ་ནོ་ཧ་རྃ། 
བཛྲ་ས་ན་དྷི་ཧྃ། བཛྲ་བ་ཡ་བྱ། བཛྲ་མ་ཧཱ་མ་ར་མ་ན། བཛྲ་ཨག་ནེ་ཡེ། བཛྲ་ཙ་མུན་ཏྲི། བཛྲ་པུ་ཏྲ་ན། བཛྲ་པ་རུ་ཎི། བཛྲ་མ་ཧཱ་ཀཱ་ལ། བཛྲ་ཏཱིཀྵྞ་བྃ། བཛྲ་ལྃ་པོ་དྷ་ར། ཡེ་ཤེས་རྒྱལ་པོ་དགོངས་སུ་གསོལ། །ཁྲོ་ལ་ཁྲོས་པས་ཞི་མཛད་པ། །
ཐུགས་རྗེ་ཁྲོ་དཔལ་རྔམ་པའི་ཚོགས། །འབར་བའི་བྱིན་བརླབས་རྨད་པོ་ཆེ། །དེ་ཉིད་དུ་ནི་བདག་ལ་སྩོལ། །ཨོཾ་བཛྲ་ས་མ་ཡ་སྟྭྃ། །ཨོཾ་བཛྲ་ས་མ་ཡ་ཧོཿ། །བཛྲ་ས་མ་ཡ་ཕཊ། ཨ་ལི་ཨུ་ལི་ཏ་ལི་ཏ་པ་ལི་དྃ་སྟྃ་ཁོ་ན་རཽ་ཏྲི་ཁ་རྃ་ཡོ་ག་
ནི་ཁ་རྃ་ཧཱུྃ་ཧ་ཧེ་ཕཊ་ཅེས་བརྗོད་པས། འཇིག་རྟེན་དྲུག་གི་ཕྱོགས་བཅུ་ཀུན། །ཚིག་ཅིང་འབར་བས་ཐམས་ཅད་ཁྱབ། །གསུང་གི་ཁྲོ་ཚོགས་ཆེན་པོ་ཡིས། །ཀུན་ཏུ་ཁྱབ་ཅིང་གང་གྱུར་ཏོ། །དེ་ནས་བཅོམ་ལྡན་འདས་དགྱེས་པ་ཆེན་པོ་ཡེ་ཤེས་
104-1-51a


རྒྱལ་པོ་དེ་ཉིད་ཀྱི་དེ་དག་གི་དཀྱིལ་འཁོར་བསྟན་པའི་ཕྱིར་ངེས་པར་བརྗོད་པ་འདི་བརྗོད་དོ། །འབར་བའི་འཁོར་ལོ་རྩིབས་བཞི་པ། །གྲུ་ཆད་བཞིས་བརྒྱན་པར་འཁྱམས་དང་། །གྲུ་བཞི་སྒོ་ཁྱུད་བཞི་དང་ལྡན། །འབར་བའི་བར་ཁྱམས་
གསུམ་གྱིས་མཛེས། །ཐོད་སྦྲུལ་སྣ་ཚོགས་ཉི་མས་བརྗིད། །འབར་བའི་ཕྲེང་བ་མང་པོ་འཁྲུག །ཁྱུ་མཆོག་མ་ཧེ་གཟིག་དང་སྟག །གཏུམ་བ་དོམ་གྱི་སྦར་བས་ནི། །དབང་ཕྱུག་ལྷ་ཆེན་ལ་སོགས་པ། །དྲེགས་པ་ཆེན་པོ་གཏུམ་ཚོགས་
མནན། །གདན་དུ་བྱས་ཏེ་སྐུ་བཞུགས་པ། །སྨུག་ནག་སྔོ་ནག་སེར་ནག་དང་། །དམར་ནག་ལྗང་ནག་འཇིགས་པའི་གཟུགས། །དབུ་དགུ་ཕྱག་ནི་བཅྭ་བརྒྱད་དང་། །དབུ་གསུམ་ཕྱག་དྲུག་ཞབས་བཞིར་བགྲད། །རྔམ་པའི་སྒྲ་ཆེན་
འཇིགས་པར་སྒྲོགས། །སྟག་ལུག་སྦྲུལ་དང་ཉི་མར་ཆས། །སྟི་ར་ཆེ་ཆུང་ནང་ཞགས་དང་། །ཁྱུང་དང་ཡིད་བཞིན་ནོར་བུ་དང་། །སྟོང་གི་འཇིག་རྟེན་འཁོར་ཡུག་བཅས། །རྡོ་རྗེ་དུང་ཆེན་གང་བ་དང་། །རལ་གྲི་དགྲ་སྟ་བཤོལ་ལ་
སོགས། །རང་གི་ལག་ཆ་སྣ་ཚོགས་དང་། །བཙུན་མོ་འཇིགས་པའི་ཚོགས་དང་བཅས། །གནས་དང་ཡུལ་གྱི་ཕྱག་རྒྱ་དང་། །སྤོར་བྱེད་ཆེན་མོ་བརྒྱད་རྣམས་དང་། །དབྱུག་པ་མཚོན་ཆ་སྣ་ཚོགས་འཛིན། །སྒོ་བཞིའི་ཕྱག་རྒྱར་
མཛེས་པ་དང་། །ལྕགས་ཀྱུ་ལ་སོགས་ཐོད་པས་མཛེས། །སླས་དང་བྱི་མོ་བྲན་མོའི་ཚོགས། །བཅུ་གཉིས་དང་ནི་བརྒྱད་ཀྱིས་མཛེས། །རང་གི་སྟན་དང་ལག་ཆར་ཆས། །ཅི་བགྱི་ཞེས་ནི་ཆས་ཏེ་གནས་ཞེས་གསུངས་པ་
དང་། འཇིག་རྟེན་དྲུག་གི་ཕྱོགས་བཅུ་ཐམས་ཅད་དུ། །སྐུ་གསུང་ཐུགས་བསམ་གྱིས་མི་ཁྱབ་པའི་དཀྱིལ་འཁོར་གྱིས་གང་ཞིང་ཁྱབ་པར་གྱུར་ཏོ། །དེ་ནས་བཅོམ་ལྡན་འདས་ཡེ་ཤེས་རྒྱལ་པོ་དེ་ཉིད་དོན་ཡོད་པའི་འབྲས་བུ་ཆེན་
པོ་དམ་ཚིག་ཆེན་པོས་གཟུང་བའི་ཕྱིར་འདའ་བར་དཀའ་བའི་དམ་ཚིག་རྡོ་རྗེ་འདི་གསུངས་སོ། །བླ་མེད་མི་སྤང་བླ་མ་བཀུར། །སྔགས་དང་ཕྱག་རྒྱ་རྒྱུན་མི་གཅད། །ཡང་དག་ལམ་དུ་ཞུགས་ལ་བྱམས། །གསང་བའི་དོན་ཕྱིར་སྨྲ་མི་བྱ། །
104-1-51b


རྩ་བའི་དམ་ཚིག་ཆེན་པོ་ནི། །རྡེང་ཆེན་བཅུ་ཡི་དོན་རྟོགས་ཀྱང་། །རྩ་བ་གསུམ་པོ་མི་འདའོ། །ཡན་ལག་དམ་ཚིག་ལྔ་གཉིས་ནི། །གཏི་མུག་འདོད་ཆགས་ཞེ་སྡང་དང་། །ང་རྒྱལ་ཕྲག་དོག་མི་སྤང་ངོ་། །དཀར་རྩི་དམར་རྩི་དྲི་ཤ་ཆུ། །དག་
པའི་སྣོད་བཅུད་མི་དོར་རོ། །སྤྱི་དཔལ་བཅུ་ཡི་མངའ་བརྙེས་ཀྱང་། །ཡན་ལག་བཅུ་པོ་མི་དོར་རོ། །གཞན་ཡང་ཡན་ལག་དམ་ཚིག་རྣམས། །འདའ་བར་མི་མཛད་རྡོ་རྗེ་དམ། །ས་མ་ཡ་ནི་རྡོ་རྗེ་ཆེ། །མི་འདའ་རྒྱལ་བ་ཉིད་ཀྱི་དམ། །བསམ་
རྫོགས་ལྷུན་གྲུབ་ཆེ་མཐར་ཕྱིན། །སྲིད་གསུམ་དག་པ་དབང་ཆེན་སྒྱུར། །མི་འཇིགས་ཀུན་ཏུ་བཟང་པོར་སྤྱོད། །ཐེག་པ་མཐའ་ཡས་འདུལ་བའི་ཐབས། །ཇི་སྙེད་སྡོམ་པ་མཐའ་ལས་པ། །མ་ལུས་རྣམ་དག་ལྷུན་གྱིས་རྫོགས། །
ཉམས་འགྱུར་ཉེས་པ་བརྗོད་མི་ལང་། །ཚེ་ཐུང་བསམ་པ་ལོག་པ་དང་། །མྱ་ངན་སྡུག་བསྔལ་ཆེན་པོ་དང་། །དམྱལ་བ་ཉིད་ནི་རྡོ་རྗེ་བྱེད། །དགུ་རྫོགས་བཅུར་ལྡན་གསུམ་གྱིས་སྦྱངས། །བཀང་བ་ལ་སོགས་མཐའ་ཡས་མཆོག །
ཅེས་གསུངས་པས་དེ་བཞིན་གཤེགས་པ་ཉིད་དེ་བཞིན་གཤེགས་པ་ཉིད་ཀྱི་འདུལ་བར་འགྱུར་ཏོ། །སྒྱུ་འཕྲུལ་དྲ་བ་བླ་མ་ཆེན་པོ་ལས་འཇིགས་བྱེད་ཆེན་པོ་གསུང་གི་དཀྱིལ་འཁོར་དང་དམ་ཚིག་རྡོ་རྗེའི་ལེའུ་སྟེ་བཅུ་པའོ།། །།
དེ་ནས་བཅོམ་ལྡན་འདས་དགྱེས་པ་ཆེན་པོ་ཡེ་ཤེས་རྒྱལ་པོ་དེ་ཉིད་ཆོས་ཐམས་ཅད་མན་ངག་བླ་མ་ཆེན་པོའི་སྙིང་པོ་བྱང་ཆུབ་ཀྱི་སེམས་བདེ་བ་ཆེན་པོའི་ངང་དུ་སྙིགས་མ་མེད་པར་བྱུངས་བཏབ་པའི་ཕྱིར་སྐུ་གསུང་ཐུགས་བླ་མ་ཆེན་པོའི་ཐིག་
ལེ་ཆེན་པོའི་དཀྱིལ་འཁོར་ནས་མན་ངག་བླ་མ་ཆེན་པོའི་སྙིང་པོ་འདི་ཕྱུང་ངོ་། །བྱང་ཆུབ་སེམས་ཀྱི་བདེ་ཆེན་ལ། །རྒྱུ་རྐྱེན་རྟེན་དང་ལེན་བཅས་པའི། །སྐྱོན་མེད་ཐིག་ལེ་ཆེན་པོ་ལས། །མ་རྟོགས་པ་དང་ལོག་པར་རྟོག །ཕྱོགས་
རྟོགས་ཡང་དག་ཉིད་མ་རྟོགས། །འདུལ་བ་དགོངས་པ་གསང་བ་དང་། །རང་བཞིན་གསང་བའི་དོན་རྣམས་ནི། །ཡི་གེ་ཚིག་ལ་རབ་བརྟེན་ཏེ། །ཁོང་ནས་གབ་སྦས་དོན་འབྱིན་པ། །སྟོན་པ་རྡོ་རྗེའི་ཐུགས་ལ་གནས། །དཀྱིལ་འཁོར་
104-1-52a


ལྡན་པའི་དཀྱིལ་འཁོར་གྱིས། །དཀྱིལ་འཁོར་ལ་ནི་དཀྱིལ་འཁོར་བསྒོམ། །དཀྱིལ་འཁོར་དཀྱིལ་འཁོར་ལས་བྱུང་བ། །ཐུགས་ཀྱི་དཀྱིལ་འཁོར་དཀྱིལ་འཁོར་མཆོག །དཀྱིལ་འཁོར་གསང་བའི་ཐིག་ལེ་དབྱིངས། །
འབྱུང་བ་ཤེས་རབ་རིགས་ཀྱི་ཡུམ། །བྱེད་པ་རིགས་ཀྱི་གཙོ་བོ་སྟེ། །བྱང་ཆུབ་སེམས་ཀྱི་རྡོ་རྗེའི་ཚོགས། །དབང་པོ་ཡུལ་དུས་རིག་པའི་རྣམས། །བདག་ཉིད་ཆེན་པོ་ལྷག་པར་རྫོགས། །ཐུགས་ཀྱི་ཡེ་ཤེས་ལྔས་བལྟ་ཞིང་། །སྙིང་
པོ་ཐིག་ལེ་མཉམ་སྦྱོར་བས། །བདེ་བའི་ཡེ་ཤེས་ཆེན་པོར་རོལ། །ཡེ་ཤེས་དགྱེས་པ་མཆོག་ཏུ་འབུལ། །ཟད་མེད་ཟག་པ་མེད་པ་ཡི། །བསོད་ནམས་ཡེ་ཤེས་སྒྱུ་མར་རོལ། །རོལ་མོའི་དཀྱིལ་འཁོར་མཐའ་ཡས་མཆོག །
གསང་བའི་ཐིག་ལེ་ཉིད་ཀྱི་དབྱིངས། །ཕྱོགས་བཅུ་དུས་བཞི་རྫོགས་པའི་དབྱིངས། །སྐུ་གསུང་ཡོན་ཏན་ཕྲིན་ལས་ཐུགས། །གསང་བའི་དཀྱིལ་འཁོར་ཐམས་ཅད་ཀུན། །མ་ལུས་བདག་གི་དབང་སྒྱུར་རོ། །དབང་སྒྱུར་ཡེ་ཤེས་
རོལ་པ་ཡིས། །དཀྱིལ་འཁོར་ལ་གནས་དཀྱིལ་འཁོར་རྫོགས། །རྫོགས་པའི་དཀྱིལ་འཁོར་ལྷུན་གྱིས་གྲུབ། །རྫོགས་ཆེན་རྟོགས་པ་ཆེན་པོ་ཡིས། །རྒྱན་དུ་དཀྱིལ་འཁོར་མ་ལུས་ཐོགས། །རྫོགས་པའི་དཀྱིལ་འཁོར་མཉམ་སྦྱོར་བས། །
ཐུགས་ཀྱི་དཀྱིལ་འཁོར་མ་ལུས་འབྱུང་། །ཕྱོགས་བཅུའི་དཀྱིལ་འཁོར་འདུལ་བའི་མགོན། །སྒྱུ་མའི་དཀྱིལ་འཁོར་མ་ལུས་སྒྲོལ། །བྱ་བ་མེད་པའི་དཀྱིལ་འཁོར་སྤྱོད། །ཡེ་ཤེས་རྫོགས་པའི་དཀྱིལ་འཁོར་ལ། །ཐོས་བསམ་
བསྒོམ་པའི་མཉམ་སྦྱོར་བས། །རང་འབྱུང་ཀུན་ནས་ལྷུན་གྱིས་གྲུབ། །འདི་ནི་སངས་རྒྱས་ཐམས་ཅད་ཀྱི། །རང་བཞིན་རྫོགས་པའི་དཀྱིལ་འཁོར་ཡིན། །རྒྱུ་རྐྱེན་རྟེན་དང་ལྡན་པ་ཡི། །ཐམས་ཅད་བྱང་ཆུབ་སེམས་ཀྱི་དབྱིངས། །
བྱང་ཆུབ་སེམས་ཀྱི་བདེ་ཆེན་གྱིས། །དཀྱིལ་འཁོར་ཐམས་ཅད་དབྱིངས་སུ་ཐིམ། །ཐིག་ལེ་ཆེན་པོ་བླ་མ་ལས། །སྒྱུ་མ་བྱང་ཆུབ་ལམ་དུ་བསྟན། །སྐྱོན་དང་ཡོན་ཏན་ཐམས་ཅད་ཀྱང་། །བྱང་ཆུབ་ཐིག་ལེ་ཉིད་ཀྱི་ངང་། །སྤྱོད་པ་
104-1-52b


རྣམ་པ་ཉིད་ཀྱི་ཡང་། །ཐིག་ལེ་ཆེན་པོའི་ལམ་དུ་ངེས། །སྒྱུ་མ་རོལ་པའི་དཀྱིལ་འཁོར་ཡང་། །ཐིག་ལེ་ཆེན་པོའི་དབྱིངས་སུ་སྦྱོར། །སྡོམ་པ་རྣམ་པ་བཅུ་གསུམ་དང་། །སྤྱི་ཡི་དམ་ཚིག་མཐའ་ཡས་པ། །ཐིག་ལེ་ཆེན་པོའི་ངང་དུ་
གསལ། །སྣོད་བཅུད་འཇིག་རྟེན་མ་ལུས་པ། །ཐིག་ལེ་ཉིད་ཀྱི་རོལ་པའི་དབྱིངས། །ཚོགས་ཆེན་རྣམ་པ་གཉིས་པོ་ཡང་། །བྱང་ཆུབ་སེམས་ཀྱི་དབྱིངས་སུ་ངེས། །གཞལ་ཡས་ཁང་དང་རྒྱན་རྣམས་དང་། །ཆོ་འཕྲུལ་བྱང་ཆུབ་སེམས་
སུ་ཐིམ། །ཁྲོ་ཚོགས་བདུད་འདུལ་རོལ་པ་ཡང་། །བྱང་ཆུབ་སེམས་སུ་ངེས་པ་ཡིན། །འགྲོ་དྲུག་སེམས་ཅན་གསུམ་པོ་ཡང་། །ཡེ་ཤེས་དྲུག་དང་སྐུ་གསུམ་དུ། །ངེས་པའི་ཐིག་ལེ་ཆེན་པོ་ཡིན། །ལྔ་ཡི་རྟེན་དང་རྐྱེན་བཞི་ཡང་། །
དབྱིངས་ཀྱི་མ་དང་དུས་ཀྱི་སྲིང་། །ཐིག་ལེ་ཆེན་པོའི་ངང་དུ་འདུས། །སྔ་ཕྱི་གསུམ་དང་ཡོད་མེད་ཁམས། །སྐུ་གསུང་ཐུགས་སུ་ངེས་བསྟན་པའི། །ཐིག་ལེ་བྱང་ཆུབ་སེམས་སུ་ངེས། །ཕུང་པོ་ཁམས་དང་སྐྱེ་མཆེད་ཀྱང་། །ཕྱག་རྒྱ་བཞི་བཅུ་
གཉིས་པོ་ཡང་། །ཐིག་ལེ་ཉིད་ལས་གཞན་ན་མེད། །བཞི་ཡི་ལས་དང་གཅིག་པོ་ཡང་། །ཐིག་ལེ་སེམས་ཀྱི་ངང་དུ་གསལ། །འགྲོ་བའི་དོན་དུ་འབྱུང་བ་ཡི། །དགུ་དང་སྟོང་ཕྲག་བརྒྱ་བཅུ་བཞི། །བྱང་ཆུབ་སེམས་ལས་གཞན་ན་མེད། །བདེ་
སྐྱིད་སྡུག་བསྔལ་མང་པོ་ཡང་། །རྟོགས་པ་བདེ་ཆེན་དབྱིངས་ཀྱི་དོན། །ཡེ་ཤེས་ཡེ་ཤེས་རོལ་པ་ཡང་། །རྡོ་རྗེ་སྙིང་པོའི་དབྱིངས་སུ་ངེས། །ཀུན་བཟང་རྡོ་རྗེ་སེམས་དཔའ་དང་། །དུས་གསུམ་རྒྱལ་བ་རྒྱ་མཚོ་རྣམས། །ཉག་གཅིག་ཡབ་ཏུ་
ངེས་པར་རྫོགས། །ཐར་པའི་ལམ་མཆོག་དབྱིངས་ཀྱི་ཡུམ། །ཀུན་ཏུ་བཟང་མོ་ལ་སོགས་ཀྱང་། །ཐིག་ལེ་མ་ཡི་ངང་དུ་གསལ། །གཞལ་ཡས་ཁང་དང་དཀྱིལ་འཁོར་དང་། །བཞུགས་གནས་ཁྱད་པར་མང་པོ་ཡང་། །ཡེ་ཤེས་ཆེན་བོའི་
གནས་སུ་བསྡུ། །མཆོད་པའི་རྒྱན་དང་ལོངས་སྤྱོད་ཀུན། །རིགས་པའི་བྱང་ཆུབ་སེམས་ཆེན་པོ། །ཆོ་འཕྲུལ་ཆེན་པོའི་ངང་དུ་འདུས། །རྒྱུ་འབྲས་གཉིས་ཀྱི་ངོ་བོ་དང་། །ཆོས་སོ་ཅོག་གི་རང་བཞིན་རྣམས། །བྱང་ཆུབ་སེམས་སུ་ངེས་
104-1-53a


པས་ན། །དཀར་ནག་ལས་ཀྱིས་མ་གསུངས་སོ། །བྱང་ཆུབ་སེམས་ཀྱི་བདེ་ཆེན་ནི། །ཅི་ཡང་མེད་ལས་ཅིར་ཡང་སྣང་། །ཅིས་ཀྱང་མ་བཅོས་གཡུང་དྲུང་སྐུ། །ཅིར་མི་མཛད་ལ་ཐམས་ཅད་སྒྲོལ། །དམིགས་པ་མེད་པར་ཀུན་
ལ་ཁྱབ། །མ་བསྐོས་རྒྱལ་པོ་ཡང་དག་པ། །མ་སྦྱངས་ཡེ་ཤེས་སྙིང་པོ་ཆེ། །མ་བསྒོམས་ཅིག་ཅར་དོན་ཉིད་རྫོགས། །མ་བསྒྲུབས་རྒྱལ་བ་ཀུ་གྱི་གཙོ། །མ་སྦྱངས་སྐྱོན་དང་ཡོན་ཏན་མེད། །ཚིག་དང་ཡི་གེས་མི་མཚོན་ཏེ། །སངས་རྒྱས་
ཉིད་ཀྱིས་རྙེད་པར་དཀའ། །ཀུན་བཟངས་རྡོ་རྗེ་སེམས་དཔའ་ཡིས། །རྙེད་ནས་རྫོགས་པའི་དཀྱིལ་འཁོར་སྤྱོད། །སྤྱོད་པས་འགྲོ་བ་སྒྲོལ་བ་སྟེ། །དེ་ལ་ཉེས་པའི་སྐྱོན་མི་མངའ་ཞེས་གསུངས་པས་ཕྱོགས་བཅུ་དུས་བཞིའི་དེ་བཞིན་
གཤེགས་པ་ཐམས་ཅད་དབྱེར་མེད་པར་དགྱེས་ནས་སྟུག་པོ་བརྒྱན་པའི་རྒྱན་ཉིད་ཏུ་བཞུགས་སོ། །སྒྱུ་འཕྲུལ་དྲ་བ་བླ་མ་ཆེན་པོ་ལས་མན་ངག་སྙིང་པོ་བྱང་ཆུབ་སེམས་བདེ་བ་ཆེན་པོའི་ལེའུ་སྟེ་བཅུ་གཅིག་པའོ།། །། དེ་ནས་ཡང་ཡེ་ཤེས་
རྒྱལ་པོ་དེ་ཉིད་དེ་བཞིན་གཤེགས་པ་རྣམས་ཀྱི་དགོངས་པ་ཡང་དག་པའི་ཕྲིན་ལས་ཆེན་པོ་འདི་མ་བྱོན་པའི་དེ་བཞིན་གཤེགས་པ་རྣམས་ཀྱི་ཆེད་དུ་སྐུ་གསུང་ཐུགས་ཡོན་ཏན་ཕྲིན་ལས་རྡོ་རྗེ་ལས་ཕྱུང་ངོ་། །ཨེ་ཡི་ཚོགས་ཀྱི་དཀྱིལ་འཁོར་
མཆོག །འབར་བ་གཏུམ་ཆེན་རྔམ་པ་ལ། །ཁྲོས་པའི་ཡིད་ཀྱིས་མཆོད་སྦྱིན་བྱ། །སངས་རྒྱས་བསོད་ནམས་སྐུ་ཡང་འཇིག །བདུད་རྩི་ལྔ་འམ་ཟས་ལྔ་ལ། །མཚན་མ་མིང་དུ་བཅས་པར་བྱ། །བཀུག་ནས་རྡོ་རྗེའི་ཕུར་པས་གདབ། །རྡུལ་
དུ་བྱས་ནས་ཚོགས་ལ་འབུལ། །ཨེ་ཡི་ཚོགས་ཀྱི་དཀྱིལ་འཁོར་དུ། །ལུ་གུ་རྒྱུད་དུ་སྦྲེལ་བསྡམས་ནས། །བཅིངས་གྱུར་བསྐྱོད་ནས་ཕྱོགས་བཅུར་གཡོས། །མྱོས་འགྱུར་གས་ཏེ་ཚིག་པར་འགྱུར། །བྃ་གྱི་ཚོགས་ཀྱི་དཀྱིལ་འཁོར་
མཆོག །འབར་བའི་གཟི་བརྗིད་ལྷུན་ཆེན་ལ། །ཆགས་པའི་ཡིད་ཀྱིས་མཆོད་སྦྱིན་བྱ། །རྡོ་རྗེ་གསུམ་ཡང་དབང་དུ་འགྱུར། །བདུད་རྩི་ལྔ་འམ་ཟས་ལྔ་ལ། །མཚན་མ་མིང་དུ་བཅས་པར་བྱ། །རྡོ་རྗེ་ཆགས་པའི་ཕུར་པས་གདབ། །
104-1-53b


ཆགས་པའི་ཚོགས་ལ་ཐིམ་པར་དབུལ། །བྃ་གྱི་ཚོགས་ཀྱི་དཀྱིལ་འཁོར་དུ། །ལུ་གུ་རྒྱུད་དུ་སྦྲེལ་བསྡམས་ནས། །ཅི་འདོད་དེ་བཞིན་བྱེད་པར་འགྱུར། །མ་ཡི་ཚོགས་ཀྱི་དཀྱིལ་འཁོར་མཆོག །འབར་བའི་འདུ་འཕྲོའི་གཟི་ཆེན་ལ། །དགའ་
བའི་ཡིད་ཀྱིས་མཆོད་སྦྱིན་བྱ། །ཡོན་ཏན་ནམ་མཁའི་མཐའ་དང་མཉམ། །བདུད་རྩི་ལྔ་འམ་ཟས་ལྔ་ལ། །ཡོན་ཏན་ཡིད་བཞིན་གཏེར་དུ་བརྟག །ང་རྒྱལ་དགའ་འཕྲོའི་ཕུར་པས་གདབ། །རྡོ་རྗེ་གཟི་བརྗིད་འཕེལ་བར་བརྟག །མ་ཡི་ཚོགས་ཀྱི་
དཀྱིལ་འཁོར་དུ། །ལུ་གུ་རྒྱུད་དུ་སྦྲེལ་བསྡམས་ནས། །གཟི་བརྗིད་འབར་བའི་འཕྲུལ་ཆེན་སྤྲོ། །ཡིད་བཞིན་ནམ་མཁའི་མཁའ་དང་མཉམ། །ཡ་ཡི་ཚོགས་ཀྱི་དཀྱིལ་འཁོར་མཆོག །གསལ་བའི་གཟི་བརྗིད་འཚེར་བ་ལ། །དང་བའི་ཡིད་
ཀྱིས་མཆོད་སྦྱིན་བྱ། །གཏུམ་ཆེན་རྔམ་པོའང་ལྷ་ནེར་འགྱུར། །བདུད་རྩི་ལྔ་འམ་ཟས་ལྔ་ལ། །གཏུམ་ཆེན་འཁྲུག་པའི་ངོ་བོར་བརྟག །ལྷན་ནེར་གསལ་བའི་ཕུར་པས་གདབ། །འབར་བ་ལྷ་ནེའི་ཚོགས་ལ་འབུལ། །ཡ་ཡི་ཚོགས་ཀྱི་དཀྱིལ་
འཁོར་དུ། །ལུ་གུ་རྒྱུད་དུ་སྦྲེལ་བསྡམས་ནས། །འབར་བ་ལྷ་ནེའི་བྱིན་གྱིས་ཁྱབ། །ཐམས་ཅད་གཡོ་བ་མེད་པར་འགྱུར། །ཨ། ཐམས་ཅད་རྫོགས་པ་ཆེན་པོ་སྟེ། །ལས་སུ་མ་གྱུར་གཅིག་ཀྱང་མེད། །ལས་ཀྱི་ཁྱད་པར་རྫོགས་པ་ཡི། །སྲིད་
པ་གསུམ་དུ་བསྡུས་པ་རྣམས། །བྱིན་གྱིས་མ་བརླབས་གཅིག་ཀྱང་མེད། །རྫོགས་པ་ཆེན་པོའི་ཕྲིན་ལས་ཀྱིས། །སྦྱངས་པས་བསམ་རྫོགས་ལྷུན་གྱིས་གྲུབ། །ཧོ། །སླས་དང་བྱི་མོ་བྲན་མོའི་ཚོགས། །ལྷག་མ་ཁ་ཆུ་འདོད་པ་སྦྱིན། །རང་གི་དམ་ཚིག་
རབ་བསྒྲུབས་ཏེ། །གང་འདོད་ལས་དེ་བྱེད་པར་བསྒོ། །ཁྲག་འཐུང་ཆེན་པོ་ལ་སོགས་ཏེ། །བྲོ་གར་གླུ་ཚིག་ཆེན་མོས་ནི། །ཇི་ལྟར་འདོད་པ་ཐམས་ཅད་ཀུན། །ཐམས་ཅད་མ་ལུས་བྱེད་པ་ཡིན། །མཛོད་ལྡན་ཆེན་མོ་ལ་སོགས་ཏེ། །བྲོ་གར་གླུ་
ཚིག་ཆེན་མོས་ནི། །འདུ་བར་འདོད་ན་འདུ་བར་བྱེད། །འཕེལ་བར་འདོད་ན་འཕེལ་བར་བྱེད། །ལྦོས་མོ་ཆེན་མོ་ལ་སོགས་ཏེ། །བྲོ་གར་གླུ་ཚིག་ཆེན་མོས་ནི། །རྨོངས་པར་འདོད་ན་རྨོངས་པར་བྱེད། །མྱོས་པར་འདོད་ན་མྱོས་པར་བྱེད། །སེང་གདོང་
104-1-54a


ཆེན་མོ་ལ་སོགས་ཏེ། །བྲོ་གར་གླུ་ཚིག་ཆེན་མོས་ནི། །ཐམས་ཅད་ཀུན་ལ་ཟ་བར་བྱེད། །རྡུལ་ཆ་ཙམ་ཡང་མེད་པར་བྱེད། །བཞད་གདོང་ཆེན་མོ་ལ་སོགས་ཏེ། །བྲོ་གར་གླུ་ཚིག་ཆེན་མོས་ནི། །ཐམས་ཅད་ཀུན་ལ་
འབྱིན་པར་བྱེད། །ཀུན་ལ་རབ་ཏུ་ཉམས་པར་བྱེད། །ཨ། སྤོར་བྱེད་ཆེན་མོ་ལ་སོགས་ཏེ། །ཉུལ་བྱེད་ཆེན་མོ་བརྒྱད་རྣམས་ལ། །བྲོ་གར་གླུ་ཚིག་ཆེན་མོས་ནི། །ཐམས་ཅད་ཀུན་ལ་ཉུལ་བར་བྱེད། །མ་ལུས་གནས་ནས་སྤོར་བར་བྱེད། །
སླས་དང་བྱི་མོ་བྲན་མོའི་ཚོགས། །བྲོ་གར་གླུ་ཚིག་ཆེན་མོས་ནི། །སྦད་ཅིང་གཏང་བར་བྱ་བ་སྟེ། །ཐམས་ཅད་མ་ལུས་བྱེད་པ་ཡིན། །ལྗོན་ཤིང་དང་ནི་ལྕུག་ཕྲན་ཚལ། །སྡོང་གཅིག་དང་ནི་མེ་རེག་ཏུ། །དང་བ་དགའ་བ་ཆགས་པ་དང་། །ཁྲོས་
པས་ཀ་ལི་རབ་ཏུ་བྱ་ཞེས་གསུངས་པས་ཕྲིན་ལས་རྣམ་པ་བཞི་སྟི་རའི་རྔ་དང་བཅས་པར་ཕྱོགས་བཅུ་འཇིག་རྟེན་གྱི་ཁམས་འདུལ་བར་གྱུར་ཏེ། དེ་ནས་བཅོམ་ལྡན་འདས་ཡེ་ཤེས་རྒྱལ་པོ་འཇིགས་བྱེད་ཆེན་པོ་དེ་ཉིད་དམ་ཚིག་སྟི་རའི་རྔ་བླ་མ་
རྡུང་ཞིང་སྟི་ར་རྔམ་པའི་མདངས་འདི་ཕྱུང་ངོ་། །ཨེ་ཡི་ཚོགས་ཆེན་འབྱམ་པ་རུ། །སྟི་རའི་རྔ་ཆེན་སྒྲ་བསྒྲགས་བས། །ཧཱུྃ་ཧ་ཧེ་ཕཊ་སྒྲ་འབྱིན་ཅིང་། །ཡིག་འབྲུ་བརྒྱད་ཀྱི་བྱིན་བརླབས་ཀྱིས། །རུ་ལུ་ཧཱུྃ་བྷྱོའི་གསུང་སྒྲོགས་པ། །ཁྲོ་བོ་རྔམ་པའི་
སྒྲ་སྐད་ཀྱིས། །སྲིད་པ་གསུམ་ཆར་བཤིག་ནས་ཀྱང་། །སྟོང་གསུམ་བསྒྲལ་བའི་སྒྲ་འབྱིན་པའོ། །སྟི་ར་རྔ་ཆེན་འདི་རྡུངས་པས། །གནོད་སྦྱིན་སྲིན་པོ་ཀུན་བསྒྲལ་ཏེ། །མུ་སྟེགས་ཀུན་གྱི་སྙིང་ཡང་འབྱིན། །སྟི་རའི་རྔ་ཆེན་འདི་
བསྒྲགས་པས། །སྟོང་གསུམ་ཁྲོ་བོའི་ཚོགས་ཀྱིས་བཀང་། །ཀུན་ཀྱང་རྔ་བརྡུང་དི་རི་རི། །རྔ་སྒྲ་ཆེན་པོས་སྟོང་གསུམ་བཤིག །རྔ་སྒྲ་ཆེན་པོས་བདུད་དཔུང་བསྒྲལ། །རྔ་སྒྲ་ཆེན་པོས་སྲིད་གསུམ་སྦྱངས། །རྔ་སྒྲ་ཆེན་པོས་དགྲ་
བགེགས་འདུལ། །རྔ་སྒྲ་ཆེན་པོས་ངན་སོང་སྦྱངས། །རྔ་སྒྲ་འབྲུག་གི་སྒྲ་བསྒྲགས་པས། །ན་རག་དམྱལ་ཁམས་སྟོངས་པར་བྱེད། །རྔ་སྒྲ་སྟུག་ཆེམ་རི་རབ་རྙིལ། །སྟི་ར་རྔ་ཆེན་སྒྲ་ཕྱུང་བས། །ཕྱིན་ཅི་ལོག་རྣམས་སྙིང་ཡང་འབྱིན། །
104-1-54b


རྔ་ཆེན་འབྲུག་གི་སྒྲ་སྒྲོགས་ཤིང་། །རྔ་ཐབས་གློག་སྟོང་འགྱུར་བ་བཞིན། །དེ་བཞིན་གཤེགས་པའི་ཐུགས་དམ་བཀང་། །མ་མོ་མཁའ་འགྲོའི་དམ་ཚིག་བཀང་། །རྣལ་འབྱོར་རྣམ་ལྔའི་དམ་ཚིག་བསྐུལ། །སྟི་ར་རྔ་ཆེན་འདི་བརྡུངས་པས། །
ཉན་ཐོས་མདོ་སྡེ་གནས་ནས་སྤར། །རང་རྒྱལ་ལྟ་བ་དབྱིངས་སུ་སྒྲོལ། །སྟི་རའི་རྔ་ཆེན་འདི་བསྒྲགས་པས། །ལྷ་དང་མི་ཡི་ཐེག་པ་ཡང་། །བླ་མེད་ཐེག་པའི་དབྱིངས་སུ་བཙུད། །སྟི་ར་རྔ་སྒྲ་འདི་བསྒྲགས་པས། །སྟོང་ཁམས་སྟི་རའི་
རྔ་སྒྲས་བཀང་། །ཀུན་ཀྱང་རྔ་རྡུང་དི་རི་རི། །རྔ་ཐབས་གློག་སྟོང་ལྕེ་འབྱིན་ཅིང་། །རྔ་སྐད་འབྲུག་སྟོང་སྒྲ་སྒྲོགས་བས། །བྱིན་བརླབས་ལྕགས་ཀྱི་སེར་ཆེན་འབེབས། །སྟོང་གསུམ་འཁྲུག་ཅིང་སྲིད་གསུམ་འཐོར། །རྔ་ཐབས་གཡབ་
མོར་བོར་བ་དང་། །ཁ་དང་ཀ་ཡི་རུ་མཚོན་གྱིས། །ཐམས་ཅད་གནམ་ལྕགས་ཆེན་པོས་བཏབ། །ཀ་ལ་ཆེན་པོ་ལ་སོགས་ཏེ། །རྡོ་རྗེ་ཆགས་འོག་ལྡེགས་པའི་རྣམས། །དུས་གཅིག་ཏུ་ནི་ཙིཏ་ཏ་འབྱིན། །སྟི་ར་ཆེན་པོ་ཡི་རྔ་སྒྲ་
ཡིས། །སྲིད་པ་ཁྲག་གི་རྒྱ་མཚོར་བསྐྱིལ། །དུས་གཅིག་ཏུ་ནི་དབང་ཆེན་རྫོགས། །རྔ་སྒྲ་རིན་ཆེན་ཁང་པ་བརྩེགས། །བསམ་རྫོགས་ཆེ་ལ་དབང་ཐང་ཐོབ། །རྔ་སྒྲས་གཡོ་བ་མེད་པར་བྱེད། །ཆོས་ལ་འཛུད་པའི་སྒྲ་ཡང་འབྱིན། །
རྔ་སྒྲས་ཅི་འདོད་དགོངས་པ་རྫོགས། །བྱང་ཆུབ་སེམས་ལྟར་དེ་མ་ཐག་ཅེས་གསུངས་པས་དེ་བཞིན་གཤེགས་པ་ཐམས་ཅད་དེ་བཞིན་གཤེགས་པ་ཉིད་ཀྱི་སྦྱོར་བར་གྱུར་ཏོ། །དེ་ནས་བཅོམ་ལྡན་འདས་དགྱེས་པ་ཆེན་པོ་ཡེ་ཤེས་
རྒྱལ་པོ་དེ་ཉིད་ཀྱི་དཀྱིལ་འཁོར་བླ་མ་ཆེན་པོ་མན་ངག་གི་སྙིང་པོ་དང་བཅས་པ་དེ་ལ་ཤིན་ཏུ་རྔམ་པའི་མདངས་ཀྱིས་དགྱེས་པ་ཆེན་པོའི་གླུ་འདི་བླངས་སོ། །ཧཱུྃ་གཏུམ་ཆེན་དུས་མཐའི་མེ་ལྟར་འབར། །འོད་ཟེར་ཉི་མ་འབུམ་གྱི་གཟི། །
ཁྲོ་གཉེར་གློག་སྟོང་འགྱུ་བ་བཞིན། །མཆེ་བ་ཟང་ཡག་ཟ་བྱེད་ཆེ། །ཧོ། ཧཱུྃ་རྔམ་པའི་ང་རོ་འབྲུག་སྟོང་ལྡིར། །ཏུག་ཆེམ་རི་རབ་འབུམ་རྙིལ་སྐད། །ཨ་ལ་ལ་ཡི་གད་རྒྱངས་ཆེ། །དཔྱུགས་པའི་འཐོར་རླུང་གཡེང་བ་ཆེ། །ཧོ། ཧཱུྃ་ཁྲོ་བོའི་
104-1-55a


ཤེས་རབ་འོད་པོ་ཆེ། །ཡེ་ཤེས་དཀྱིལ་འཁོར་ཀུན་ཏུ་གསལ། །འབར་བའི་ཡེ་ཤེས་ཀུན་ཏུ་འཇོམས། །སྣ་ཚོགས་ཡེ་ཤེས་ཐིག་ལེ་ཆེ། །ཧོ། ཧཱུྃ་ཁྲོ་བོའི་རྒྱལ་པོ་སྤྲིན་ཆེན་པོ། །ཁྲོས་པའི་དཀྱིལ་འཁོར་ཆར་ཆེན་འབེབས། །
དཀྱིལ་འཁོར་ཡིད་བཞིན་འབྱུང་བའི་གཏེར། །སྣ་ཚོགས་ཁྲོས་པའི་ཐིག་ལེ་ཆེ། །ཧོ། ཧཱུྃ་བདུད་རྣམས་ཀུན་གྱི་བདུད་ཆེན་པོ། །བདུད་ཀྱི་བདུད་སྟེ་བདུད་རྣམས་འཇོམས། །འཇིགས་པའི་ཚོགས་ཀྱང་འཇིགས་བྱེད་པ། །འཇིགས་བྱེད་ཆེན་
པོ་བདལ་པ་ཆེ། །ཧཱུྃ་རྡོ་རྗེ་བྲག་ཆེན་སྲ་པ་པོ། །རྡོ་རྗེ་ཆུ་བོ་སྡུད་ཆེན་པོ། །རྡོ་རྗེ་མེ་སྟེ་ཀུན་འབར་ཆེ། །རྡོ་རྗེ་རླུང་སྟེ་འཐོར་རླུང་ཆེ། །ཧོ། ཧཱུྃ་སྟོང་གསུམ་ཁྲོ་བོའི་དཀྱིལ་འཁོར་ཚོགས། །འཇིགས་བྱེད་མཚོན་དུ་མེད་པའི་སྐུ། །སྣ་ཚོགས་
གསུང་དང་སྣ་ཚོགས་ཐུགས། །འཇིགས་བྱེད་རྔམ་པའི་ཡེ་ཤེས་གཏེར། །ཧོ་ཞེས་བླངས་པས་སྟོང་གསུམ་གྱི་དེ་བཞིན་གཤེགས་པའི་འཇིགས་བྱེད་ཆེན་པོ་རྣམས་དབྱེར་མེད་པས་མཉེས་པར་གྱུར་ཏོ། །སྒྱུ་འཕྲུལ་དྲ་བ་བླ་མ་ཆེན་པོ་ལས་
ལྷུན་གྱིས་གྲུབ་པའི་ཕྲིན་ལས་དང་ཡོངས་སུ་མཉེས་པའི་ལེའུ་སྟེ་བཅུ་གཉིས་པའོ།། །། རྡོ་རྗེ་སེམས་དཔས་གསུངས་པའི་དོན། །གསང་བ་ཀུན་གྱི་བླ་མ་སྟེ། །སྒྱུ་འཕྲུལ་དྲ་བའི་རྒྱལ་པོ་ཡིན། །ངེས་དོན་ཆོས་ཀྱི་སྙིང་པོ་ལས། །
འདུལ་བ་མདོ་སྡེ་ཆོས་མངོན་དང་། །དམ་ཚིག་སྒྲུབ་དང་གྲུབ་པ་དང་། །སྐུ་དང་གསུང་དང་ཐུགས་ཀྱི་རྒྱུད། །སྒྱུ་འཕྲུལ་དྲ་བ་ལས་འཕྲོས་ཏེ། །སྡེ་སྣོད་ཀུན་དང་རྒྱུད་ཀུན་ཡང་། །འབྱུང་ནས་གཏན་ལ་ངེས་པར་འབེབས། །འགྲོ་དྲུག་
སེམས་ཅན་གསུམ་པོ་ཡང་། །སྟན་ཆེན་པོའི་དབྱིངས་སུ་བསྟན། །ལིང་ག་པད་མར་བཅས་པ་ཡང་། །འགའ་ན་ཆེན་པོའི་དབྱིངས་སུ་སྦྱོར། །སྣང་སྲིད་ཁ་དོག་མང་པོ་ཡང་། །འགའ་ན་ཆེན་པོའི་ལམ་དུ་བསྟན། །རང་བཞིན་གསང་
བའི་སྙིང་པོ་འདི། །རྟོགས་ནས་སྨྲ་བར་གང་བྱེད་པ། །དེ་ཉིད་ང་ཡིན་དབང་ཡང་རྫོགས། །རྟག་ཏུ་བྱང་ཆུབ་སེམས་ལ་གནས། །ཚེ་འདི་ཉིད་ཀྱིས་མངོན་སངས་རྒྱས། །ནོར་བུ་རིན་ཆེན་འབར་བ་ལྟར། །བསམ་པ་ཐམས་ཅད་ཡིད་
104-1-55b


བཞིན་འགྲུབ་ཅེས་གསུངས་པས་ཕྱོགས་བཅུ་དུས་གསུམ་གྱི་དེ་བཞིན་གཤེགས་པ་ཐམས་ཅད་དབྱེར་མེད་པར་དགྱེས་ཏེ། མཉམ་པ་ཉིད་ཀྱི་དབྱིངས་ན་ལྷུན་སྟུག་པོ་བཀོད་པའི་རྒྱན་ཉིད་དུ་བཞུགས་སོ། །གསང་བའི་སྙིང་པོ་དེ་ཁོ་ན་ཉིད་
ངེས་པའི་སྒྱུ་འཕྲུལ་བླ་མ་ཆེན་པོ་ལས་རྡེང་ཆེན་པོའི་ལེའུ་སྟེ་བཅུ་གསུམ་པའོ། །རྟོགས་པའི་རྒྱལ་པོ་སྒྱུ་འཕྲུལ་དྲ་བའི་ལེའུ་སྟོང་ཕྲག་བརྒྱ་པ་ལས་ལུང་གི་སྤྱི་སངས་རྒྱས་ཐམས་ཅད་ཀྱི་གསང་བ་གསང་བའི་སྙིང་པོ་དེ་ཁོ་ན་
ཉིད་ངེས་པའི་བླ་མ་ཆེན་པོའི་ལེའུ་ལས་ཐམས་ཅད་མ་ལུས་པར་འཕྲོས་པ་དེ་དག་གི་འབྲས་བུའི་མཆོག་རྫོགས་སོ།། །། ༄༅།  །རྒྱ་གར་སྐད་དུ།  ཨཱརྱ་མཉྫུ་ཤྲཱི་ཀརྨ་ཙྭད་ཏ་རི་ཙཀྲ་གུ་ཧྱ་ཏན་ཏྲ། 
བོད་སྐད་དུ།  འཕགས་པ་འཇམ་དཔལ་ལས་བཞི་འཁོར་ལོ་གསང་བའི་རྒྱུད། །འཕགས་པ་འཇམ་དཔལ་ཡེ་ཤེས་སེམས་དཔའ་ལ་ཕྱག་འཚལ་ལོ། །འདི་སྐད་བདག་གིས་ཐོས་པ་དུས་གཅིག་ན། བཅོམ་ལྡན་འདས་
དགྱེས་པ་ཆེན་པོར་གྱུར་ཏེ། ཡུམ་ཆེན་མོ་དང་གཉིས་སུ་མེད་པའི་མཁའ་ལ་བཞུགས་པ་ལ་འདི་ལྟ་སྟེ། འཁོར་ཁྲོ་བོ་དང་། ཁྲོ་མོ་དང་། མ་མོ་དང་། མངག་གཞུག་དང་། འབངས་ལ་སོགས་པ་རྣམས་ཀྱིས། དེ་བཞིན་གཤེགས་
པ་ཆེན་པོ་ལ་འདུད་པའི་ཚུལ་དུ་བཞུགས་སོ། །དེ་ནས་བཅོམ་ལྡན་འདས་བཙུན་མོ་དང་གཉིས་སུ་མེད་པར་གྱུར། སྐྱེ་འགག་དང་བྲལ་བའི་དོན་འདི་སྟོན་ཏོ། །ཡེ་ནས་མ་སྐྱེས་གཤིན་རྗེ་ཆེན་པོའི་ཚོགས། །
རྣམ་དག་དབྱིངས་ཀྱི་རང་ཉིད་རྣམ་པར་དག་པ་ལ། །གཉིས་མེད་འདུས་པའི་སྲས་མཆོག་གཤིན་རྗེ་གཤེད། །ཐབས་དང་ཤེས་རབ་རྣམ་པར་དག་པ་ཡི། །ཀུན་གྱི་ཡེ་ཤེས་ཐམས་ཅད་འདུས་པ་སྟེ། །ཐུགས་རྗེ་ཆེན་པོས་
འགྲོ་བའི་དོན་མཛད་པ། །སེམས་ཅན་མ་ལུས་མྱ་ངན་འདས་པའི་ལམ། །ཡེ་ཤེས་ཐམས་ཅད་དེ་ཡི་ངང་ལ་རྫོགས། །འཁོར་བའི་ཉེས་སྐྱོན་ཐམས་ཅད་ཚར་གཅད་ཕྱིར། །འདོད་ཆགས་འདུས་པའི་དཔལ་ལྡན་གར་གྱི་
104-1-56a


བདག །བྱེ་བ་ཕྲག་བརྒྱ་དཔག་ཏུ་མེད་པར་ཡང་། །འདུལ་བའི་དབང་གིས་དེ་ལྟ་བུ་ཡི་གཟུགས་སུ་བསྟན། །ཞེས་གསུངས་པས་འཁོར་གྱི་ཁྲོ་བོ་དང་ཁྲོ་མོ་ལ་སོགས་པ་ཐམས་ཅད་མགུ་བར་གྱུར་ཏོ། །དེ་ནས་བཅོམ་ལྡན་
འདས་འཇམ་དཔལ་གཤིན་རྗེ་གཤེད་ཆེན་པོ་ལ་འདི་སྐད་ཅེས་གསོལ་བ་བཏབ་བོ། །སེམས་ཅན་འཁོར་བས་གདུངས་པ་ལ། །མྱ་ངན་འདས་པའི་ལམ་མཆོག་བསྟན། །བསྟན་པ་དམ་པ་འདི་གསུངས་པས། །ཐམས་ཅད་སྒྲོལ་བ་ངོ་
མཚར་ཆེ། །ཞེས་གསོལ་ཏོ། །དེ་ནས་དེ་བཞིན་གཤེགས་པ་ཐམས་ཅད་ཡུམ་དང་གཅིག་ཏུ་འདུས་ཏེ། འདི་སྐད་ཅེས་གསུངས་སོ། །སྤྲུལ་པའི་སྐུ་དག་ཚད་མེད་དཔག་ཏུ་མེད། །ཐུན་མོང་མ་ཡིན་འཇམ་དཔལ་གཤིན་རྗེ་གཤེད། །སྐུ་གསུང་
ཐུགས་ཀྱི་ཕྲིན་ལས་རྨད་དུ་བྱུང་། །མི་དགེ་བཅུ་དང་མཚམས་མེད་ཚར་གཅད་པ། །ཟུག་རྔུ་མི་མངའ་ཆོས་ཉིད་རྨད་པོ་ཆེ། །ཆོས་ཀྱི་སྐུ་དང་ལོངས་སྤྱོད་རྫོགས་པའི་སྐུ། །སྤྲུལ་པའི་སྐུ་དང་གསུམ་ནི་དོན་དམ་ཀུན་ཏུ་སྦྱོར། །ཕྱོགས་བཅུ་
བདེ་བར་གཤེགས་པ་ཐུགས་ཀྱི་དཔལ། །ཡང་དག་ཡེ་ཤེས་དཔལ་ཡིན་འཇམ་དཔལ་ཡིན་ཞེས་བསྟོད་དེ་གཉིས་སུ་མེད་པར་གྱུར་ཏོ། །དེ་ནས་དེ་བཞིན་གཤེགས་པ་དམ་པ་དེ་ལ་འཁོར་གྱིས་དེ་བཞིན་དུ་གསོལ་བ་ལ་དགྱེས་ཏེ། འདི་སྐད་
ཅེས་གསུངས་སོ། །ཞི་བ་གཉིས་མེད་ཆོས་ཀྱི་ངང་ཉིད་ལས། །སྙིང་པོ་གཉིས་མེད་བྱང་ཆུབ་སེམས་དཔའི་དོན། །ཐམས་ཅད་འདུས་པའི་བླ་མེད་དམ་པ་སྟེ། །དེ་བཞིན་གཤེགས་པའི་སྙིང་པོ་འདི་བཤད་དོ། །ཨོཾ་སརྦ་ཏ་ཐཱ་ག་ཏ་ཨེ་ཧྱེ་ཧི་
ཏ་ཐཱ་ག་ཏ་པྲ་བ་ཏི། བོ་དྷི་ས་ཏྭ་དྷརྨ་དྷཱ་ཏུ། ཨེ་ཧྱེ་ཧི་ཛཿཧཱུྃ་ཧྱེ་ཧི་ཧྱེ་ཧི་ཧཱུྃ་ཧཱུྃ་ཧཱུྃ། ཞེས་བརྗོད་ནས་བརྡས་མཚོན་པར་གྱུར་ཏོ། །དེ་ནས་བཅོམ་ལྡན་འདས་སྟེང་གི་ཕྱོགས་སུ་སེམས་ཅན་ཐམས་ཅད་སྒྲོལ་བའི་ཏིང་ངེ་འཛིན་ལ་སྙོམས་པར་ཞུགས་སོ། །
སྙོམས་པར་ཞུགས་པས་ཕྱོགས་ལ་ཕྱོགས་སུ་བལྟས་སྟེ། རང་བཞིན་གྱིས་སྒྲོལ་བའི་ནུས་པ་ཅན་དུ་གྱུར་ཏེ། ཐམས་ཅད་ཀྱང་སྒྲོལ་བར་གྱུར་ཏོ། །དེ་ནས་ཡུམ་གྱི་ཚོགས་ཐམས་ཅད་ཀྱིས་དགྱེས་པ་ཆེན་པོའི་བརྡ་འདིས་བཅོམ་ལྡན་འདས་
104-1-56b


ལ་བསྐུལ་ལོ། །ཨེ་མའོ་ཕྱོགས་བཅུ་དུས་གསུམ་རྫོགས་པ་ཡི། །ཡེ་ཤེས་འདུས་པའི་ཕྲིན་ལས་མཆོག །བླ་མེད་ཐེག་པ་ངེས་པ་ལ། །སྦྱོར་བ་མཆོག་གིས་བཤད་དུ་གསོལ་ཞེས་བསྐུལ་བས། ཕྱོགས་བཅུའི་དེ་བཞིན་གཤེགས་པ་ཐམས་
ཅད་དགྱེས་པར་གྱུར་ཏོ། །དེ་ནས་ཕྱོགས་བཅུའི་དེ་བཞིན་གཤེགས་པ་རྣམས་དབང་ཕྱུག་གི་འཁོར་མྱ་ངན་ལས་འདས་པ་ཐམས་ཅད་དང་བཅས་ནས་སྐུའི་རྒྱན་གྱིས་བརྒྱན་ཏེ། སོ་སོའི་བཙུན་མོའི་དགྱེས་པས་སྐུའི་ཉམས་སུ་བཏར་
བར་གྱུར་ཏོ། །དེ་ལྟར་གྱུར་པས་དེ་བཞིན་གཤེགས་པ་ཐམས་ཅད་བ་སྤུ་ལངས་ཏེ་འདི་སྐད་ཅེས་ཆེད་དུ་བརྗོད་དོ། །སྐུ་གསུང་ཐུགས་རྣམས་འགྲོ་བ་སོ་སོར་འདུལ། །ངང་གིས་ཞི་བའི་དབྱིངས་ལས་མ་གཡོས་ཀྱང་། །ཕྲིན་ལས་རྣམ་བཞིས་འགྲོ་
བ་སོ་སོར་འདུལ། །དེ་ཕྱིར་མཆོག་གི་རྒྱལ་པོ་འདི་བཤད་དོ་ཞེས་གསུངས་བས་འཁོར་རྣམས་རབ་ཏུ་དགའ་མགུར་རངས་པར་གྱུར་ཏེ་འདི་སྐད་ཅེས་གསོལ་ཏོ། །སྐུ་གསུང་ཐུགས་ཀྱིས་འགྲོ་བ་རང་རང་འདུལ། །དབྱིངས་ལས་འདྲེན་པ་རྡོ་རྗེ་གསོར་
བྱས་ཏེ། །འདི་ལྟར་འདུལ་བར་མཛད་པ་ངོ་མཚར་ཆེ། །ཞེས་བརྗོད་དོ། །སྐུ་ལ་ཞུགས་ནས་མི་སྣང་བར་གྱུར་ཏོ། །དེ་ནས་དེ་བཞིན་གཤེགས་པ་ཐམས་ཅད་ཁྲོ་བོས་འདུལ་བར་མཁྱེན་ནས་འདི་སྐད་ཅེས་གསུངས་སོ། །ཁྲ་དང་སྤྱང་ཀི་སྲིན་མོ་མུ་སྟེགས་
རྣམས། །བདུད་དང་ལོག་འདྲེན་ཐམས་ཅད་ཚར་གཅད་ཕྱིར། །ཆོས་ཉིད་སྒྱུ་མ་ལྟ་བུ་སྤྲུལ་ནས་ཕྲིན་ལས་མཛད་ཅེས་གསུངས་པས་འཁོར་རྣམས་ངོ་མཚར་དུ་གྱུར་ཏེ། འདི་སྐད་དུ། ཨེ་མའོ་ཆེ་བའི་ཡོན་ཏན་ཀུན་ལ་ཁྱབ་པ་ལ། །ངང་གིས་ཁྲོ་
བོར་བསྟན་པ་འདི་ལྟ་བུ། །ངོ་མཚར་རྨད་བྱུང་སྤྲུལ་པ་འདི་ལྟ་བུ། །རབ་ཏུ་མི་སྲུན་འདུལ་བ་ངོ་མཚར་ཆེ་ཞེས་གསོལ་ཏོ། །དེ་ནས་བཅོམ་ལྡན་འདས་ཀྱིས་མ་བསྐུལ་བར་འདི་སྐད་ཅེས་གསུངས་སོ། །ཁྱད་པར་རིམ་པར་བསྟན་པའི་ཁྲོ་གཉེར་ནི། །
ཡེ་ཤེས་དབྱིངས་ཀྱིས་ཀུན་ལ་ཁྱབ་པར་སྟོན། །ཁྲོ་བོ་བཞི་དང་བརྒྱད་དང་བཅུ་ལ་སོགས། །སྟོན་པ་མཆོད་ཕྱིར་ཁྲོ་བོ་མང་པོ་བསྟན། །ངང་ཁྲོ་ཀུན་ཁྱབ་ཤུགས་ཁྲོ་རང་རང་འདུལ་བ་ཡི། །བྱེ་བྲག་སོ་སོར་རབ་ཏུ་ཤེས་བྱ་ལ། །མཚན་མ་དྲག་པོ་ཞི་བ་
104-1-57a


དབང་དང་རྒྱས། །གོ་རིམ་བཟློག་སྟེ་རབ་ཏུ་བཤད་པར་བྱ། །ལྟེ་བར་བཅས་པའི་རྩིབས་ཅན་ལ། །འཁོར་བ་གཅོད་བྱེད་རྩེ་མོ་ཅན། །གྲུ་གསུམ་ཨེ་ཡི་ཕོ་བྲང་ཨ། །ཟླ་གམ་རྣམ་གསུམ་དབང་གི་ཚུལ། །མྱུ་ཁྱུད་དད་ཅན་རྒྱས་
པ་ཕྱི། །རྣམ་བཞིར་ལྡན་པའི་འཁོར་ལོ་ལ། །རབ་ཏུ་མཛེས་པའི་ཐིག་གདབ་པོ། །དབུས་སུ་མ་ཧེའི་ཞིང་གདན་ལ། །རྩེ་དབུས་ཞིང་བརྐྱང་རེ་རེའོ། །རུས་པ་ཚོགས་ཀྱི་རྦ་རླབས་བྲག་ཏུ་སྤུངས། །རཀ་ཏ་ཁྲག་གི་རྦ་གློང་མཚོ་ལྟ་བུ། །གནམ་
ལྕགས་དུར་མོ་རབ་ཏུ་ཏ་ལ་ལ། །དུར་ཁྲོད་རབ་ཏུ་བརྒྱན་པ་དེ་བཤམ་མོ། །དབུས་སུ་ཁྲོ་རྒྱལ་གཤིན་རྗེ་གཤེད། །སྐུ་ནི་ནག་པོ་དུག་འདྲ་ལ། །དབུ་གསུམ་དཀར་དམར་མཐིང་བ་སྟེ། །རལ་པ་ཁམ་ནག་སྲིད་རྩེར་འབར། །རྩེ་ལ་མེ་འབར་རྐེད་
ནས་ཞག་ཀྱང་འཛག །རྩ་བ་ཆུ་སྟེ་སྡང་མིག་རབ་ཏུ་བགྲད། །ཕྱག་དྲུག་ཕྱག་མཚན་བསྣམས་པའི་ཐོར་ཚུགས་ནི། །སྡིགས་མཛུབ་རྒྱུ་ཞབས་ལྕགས་ཀྱུ་གཡས། །དུང་ཆེན་མདུང་ཐུང་གསལ་ཤིང་གཡོན། །ཞབས་བཞི་མཐུར་དུ་བསྟན་པ་ནི། །
བརྐྱང་བསྐུམ་ཚུལ་གྱིས་འགྲོ་བ་དབང་དུ་སྡུད། །སྐུ་སྟོད་གླང་ཆེན་ཀོ་བ་ཞིང་ཕྲག་ལ། །སྐུ་སྨད་སྟག་སྟེ་ཤམ་ཐབས་ཚམས་ངམ་ཅན། །ཨེ་ཡི་ཕོ་བྲང་དབུས་སུའོ། །ཡུམ་ཡང་ཡབ་དང་སྐུ་འཐུན་ཏེ། །ཕོ་བྲང་དབུས་སུ་གཡོན་དུའོ། །ཞལ་
གཅིག་ཕྱག་གཉིས་མཆེ་བ་ཅན། །ཁྲམ་བམ་བན་དྷ་བསྣམས་པའོ། །རྩེ་ལ་ཁྲོ་བོ་ཡབ་ཡུམ་བཅུ། །རབ་ཏུ་ཁྲོས་པའི་སྡང་མིག་ཅན། །གོ་རིམ་བཞིན་དུ་དགོད་པར་བྱ། །ཟླ་གམ་དུར་ཁྲོད་མ་མོ་སྟེ། །སྒོ་ལ་དེ་བཞིན་བསྲུང་བའོ། །དེ་ལ་
རིམ་པས་མགུ་བར་བྱ་ཞེས་བརྗོད་དེ། འདི་སྐུ་གསུང་ཐུགས་ལས་ཕྱུང་ངོ་། །ཨོཾ་ཨ་ཀྲོ་མཉྫུ་ཤྲཱི་མུྃ། ཧཱུྃ་བཛྲ་ཀྲོ་དྷ་བྷིད་ནན་ཧཱུྃ། ཨོཾ་བཛྲ་བེ་ཏ་ལི་རཀ་ཤ་མན། ཧུྃ་ཧུྃ་ཧུྃ་ཧུྃ་ཧུྃ་ཧུྃ་ཧུྃ་ཧུྃ་ཧུྃ་ཧུྃ། ཧུྃ་ཧུྃ་ཧུྃ་ཧུྃ་ཧུྃ་ཧུྃ་ཧུྃ་ཧུྃ་ཧུྃ་ཧུྃ། ཨོཾ་རུ་རུ་དུ་ན། ཨོཾ་ཛ་ཛ་ཡ་བ། 
ཨོཾ་ཡ་ཤུག་བྷྱོ་བྷྱོ་བྷྱོ། །ཛཿཧཱུྃ་བྃ་ཧོཿ། ཞེས་བརྗོད་པས་ཕྱོགས་བཅུ་ཐམས་ཅད་འཁྲུགས་ཏེ། གཡོས་སོ། །འགུལ་ཏོ། །ལྡེག་གོ། ཆེམ་མོ། །འུར་ཏེ། གཡོ་འགུལ་དུ་གྱུར་ཏེ། འཁྲུགས་པར་གྱུར་ཏོ། །དེ་ནས་ཡུམ་གྱི་ཏིང་ངེ་འཛིན་ལ་
104-1-57b


ཞུགས་པར་གསོལ་བ་གདབ་སྟེ། གསོལ་བར་ཞུས་པ། ཨེ་མའོ་རབ་ཏུ་བློ་ལྡན་ཁྱོད། །འཇིག་རྟེན་འཁྲུགས་པར་མཛད་པའོ། །དབང་མེད་ལས་ཀྱི་མནར་བ་ལ། །བདེར་གཤེགས་གསུང་དུ་གསུངས་པ་སྟེ། །རབ་ཏུ་བདེ་བར་མཛད་དུ་གསོལ། །
ཞེས་གླེངས་པས། བཅོམ་ལྡན་འདས་ཀྱིས་ཏིང་ངེ་འཛིན་མཆོག་གི་རྒྱལ་པོ་ཞེས་བྱ་བ་ལ་སྙོམས་པར་ཞུགས་སྟེ་འདི་གསུངས་སོ། །ཨོཾ་བཛྲཱ་ན་ལ་ཀ་ལ་ཧཱུྃ་བཛྲ་ག་ཏ་པྲ་བེ་ཤ་ཧོ། ཞེས་གསུངས་པས། འཇིག་རྟེན་གྱི་ཁམས་འདི་དག་རབ་ཏུ་འཇམ་པར་
གྱུར་ཏོ། །གྱུར་པས་སེམས་ཅན་ཐམས་ཅད་སླར་སྔོན་ཁོ་ན་བཞིན་དུ་གྱུར་ཏེ། བཅོམ་ལྡན་འདས་གཤིན་རྗེ་གཤེད་ཆེན་པོ་ལ་སྐྱབས་སུ་དོང་ངོ་། །དེ་ནས་བཅོམ་ལྡན་འདས་ཀྱིས་ཐབས་དང་ཤེས་རབ་ཀྱི་ཕྱག་རྒྱས་མཉེས་པར་བྱ་བ་འདི་གསུངས་
སོ། །རྩེ་གཅིག་མཉམ་པར་བཞག་བྱ་སྟེ། །སྒེག་མོ་གཡོན་དུ་གནས་པར་བྱ། །བསྐུལ་བའི་ཏིང་འཛིན་བརླན་པ་ལ། །བསྐྱོད་པ་བྱང་ཆུབ་ལམ་དུ་དྲངས། །གནས་ཉིད་བདེར་གཤེགས་སྐྱེད་པའི་རྐྱེན། །རྩེ་མོ་ཨོཾ་ལ་ཕཊ་དུ་བསྟན་ཞེས་གསུངས་
པས། ཕྱོགས་བཅུའི་དེ་བཞིན་གཤེགས་པ་ཐམས་ཅད་རོལ་མོས་མཉེས་པར་གྱུར་ཏོ། །འཕགས་པ་ལས་བཞི་འཁོར་ལོ་གསང་བའི་རྒྱུད་ལས། གླེང་གཞིའི་རྩ་བའི་ལེའུ་སྟེ་དང་པོའོ།། །། དེ་ནས་བཅོམ་ལྡན་འདས་ཀྱིས་ཕྲིན་ལས་ཞི་བར་བྱ་
བ་འདི་ཆེད་དུ་བརྗོད་དོ། །རབ་ཏུ་དཀར་བའི་ཡུལ་དག་ལ། །མགུ་བའི་སེམས་དང་ལྡན་བྱས་ཏེ། །དང་བས་མགུ་བའི་ལས་བྱས་ཞེས། །བླ་མེད་རྒྱལ་བས་རབ་ཏུ་བཤད། །ས་གཞི་དཀར་བ་རབ་མཉམ་ལ། །གྲུ་བཞིར་ལྡན་པའི་དཀྱིལ་འཁོར་
ལ། །ལྟེ་བར་བཅས་ཤིང་རྩིབས་བརྒྱད་པ། །མཁས་པས་བསྒྲིམས་ཏེ་བྲི་བར་བྱ། །དཀར་དང་ལྡན་པའི་ཟླ་བ་ལ། །གཅིག་ནས་གསུམ་ནས་མགོ་བཙུགས་ལ། །ཁམས་གསུམ་རབ་ཏུ་མགུ་བྱའི་ཕྱིར། །ཉམས་སུ་ལོན་པར་བྱས་ལ་
བསྒྲུབས། །དབུས་སུ་ཡེ་ཤེས་བདག་པོ་ལ། །ཤར་དུ་ནག་འཇོམས་ཆེན་པོ་སྟེ། །ལྷོ་རུ་ཡ་བ་ཏི་ཞེས་བྱ། །ནུབ་ཏུ་ཁྲོ་བོ་དམིགས་པ་ལ། །བྱང་དུ་བདུད་འཇོམས་དགོད་པར་བྱ། །ཤར་ལྷོ་ལྷོ་ནུབ་ནུབ་བྱང་དང་། །བྱང་ཤར་མཚམས་སུ་
104-1-58a


དགོད་པ་ནི། །གླང་མགོ་ཁྲོ་ཚེ་གཅོད་སྦྱོང་རྗེ། །ལས་གྲུབ་བརྒྱད་དེ་གོ་རིམ་བཞིན། །སྟེང་འོག་དམར་པོ་བྲག་དགོན་བསྒྲོམས་ཏེ་དགོད། །ཟླ་གམ་ལམ་མོ་གསུམ་རྣམས་སོ། །སྒོ་སྒོར་སྒོ་སྲུངས་མ་རྣམས་བྲི། །དེ་ཡི་ཡུམ་དང་
བཅས་པ་རྣམས། །ཁྲོ་བོ་ཉིད་དང་སྐུ་འཐུན་པའོ། །སེམས་དཔའི་འདུག་སྟངས་གནས་བྱས་ལ། །སྒེག་མོ་གཡོན་དུ་བསྟེན་བྱས་ལ། །སྔགས་གཡོག་མཛེས་པར་ཚོགས་བྱས་ལ། །མགུ་བའི་ཕྲིན་ལས་བརྩམ་པར་བྱ། །སྐེ་ཙེ་ཐལ་བ་རུས་
པ་ལ། །འཛམྦྷ་ལ་ཡི་གཟུགས་ལྟ་བུར། །བྱས་ལ་སྙིང་གར་བྲི་བ་ནི། །ཨ་མ་བ་ལ་སི་ཏི་འམ། །གང་འདོད་པ་ཡི་ཡི་གེ་དེ། །ཕཊ་ད་སྭཱ་ཧཱས་དམ་ལྟར་བྱ། །མིང་བྱང་གོང་ལྟར་བྲི་བྱས་ལ། །གང་ལྟར་མཚམ་པ་བཞིན་དུ་བཞག །དེ་ལ་འདི་
ཡང་རབ་ཏུ་བརྗོད། །ཨོཾ་ཨ་ཀྲོ་བཛྲ་ཤིནྟྃ་ན་ག་བཛྲ་སྭཱ་ཧཱ། ཨོཾ་ཨ་ཀྲོ་ཏེ་ཀ་ཤིནྟྃ་བ་ལ་བུྃ་ཞེས་བརྗོད་ལ་སྙིང་གར་བརྒྱབ་ན། ཐམས་ཅད་མགུ་ནས་དང་བའི་སེམས་ཀྱིས་ཞི་བར་འགྱུར་རོ། །དེ་ནས་ཞི་བའི་ལས་བྱས་ཟིན་ནས། ཕྱོགས་བཅུའི་
གདུག་པ་ཞི་བར་བྱ་སྟེ། བདག་ལ་མི་དགའ་བ་མེད་ན་ལས་འགྲུབ་པ་ཡིན་ནོ། །འཕགས་པ་ལས་བཞི་འཁོར་ལོ་གསང་བའི་རྒྱུད་ལས། ཐམས་ཅད་ཞི་བའི་ལེའུ་སྟེ་གཉིས་པའོ།། །། དེ་ནས་བཅོམ་ལྡན་འདས་ཀྱིས་ཐམས་ཅད་རྒྱས་པར་
བྱ་བ་འདི་ཆེད་དུ་བརྗོད་དོ། །གསེར་ལས་གྲུབ་པའི་ཡུལ་དག་ལའང་། །དཔལ་རྒྱས་སེམས་དང་ལྡན་བྱས་སྟེ། །རྒྱས་པར་བྱ་བའི་སེམས་ཀྱིས་སུ། །དཀྱིལ་འཁོར་དམ་པ་བཤད་པར་བྱ། །དཀྱིལ་འཁོར་སྔ་མ་བཞིན་བྱས་ལ། །བ་ཡི་ཆག་ཆག་བཏབ་
བྱས་ཏེ། །རྣལ་འབྱོར་དམ་པ་བློ་ལྡན་པས། །ཐིག་འདི་གདབ་པ་རབ་ཏུ་བརྩམ། །གསེར་ལས་གྲུབ་པའི་ཐིག་སྐུད་ལ། །དཔལ་ལྡན་འཕེལ་བའི་སེམས་དང་བཅས། །སློབ་མ་དམ་པ་ལས་གྲུབ་པར། །བསམས་ལ་ཐིག་འདི་གདབ་པར་བྱ། །
ཕོ་བྲང་གསེར་ལ་རྩེ་མོ་གཡུ། །རྡོ་རྗེ་བརྩིག་པ་གསེར་ལས་གྲུབ། །གྲུ་ཆད་སྒོ་རྣམས་ལྕགས་ལས་གྲུབ། །རྣལ་འབྱོར་སྔགས་པ་བློ་ལྡན་པས། །ཐིག་བཞི་རེའུ་ཆ་བརྒྱད་དུ་འགྱུར། །མཐའ་ནས་ཐིག་གདབ་མན་ངག་ཅན། །དེ་ལ་སོགས་པ་
104-1-58b


བསམ་པར་བྱ། །རིན་ཆེན་སྐྱིལ་དཀྲུང་འདུག་བྱས་ལ། །དབུས་སུ་གསང་སྔགས་བདག་པོས་ཏེ། །ཕྱོགས་ཕྱོགས་སྒོ་བ་དམ་པ་རྣམས། །སྔ་མ་བཞིན་དུ་བསྒོམས་ནས་ཀྱང་། །རང་སྔགས་སྐྱེས་བུ་དེ་བསྐྱེད་དོ། །ཨོཾ་ཨ་ཀྲོ་ཏེ་ཀ་པུཥྚིྃ་པ་ལ་ན་ཧཱུྃ། 
ཨོཾ་ཨ་ཀྲོ་པུཥྚིྃ་ཏི་བ་ཏ་ན་སྟྭྃ།  ཞེས་བརྗོད་པས་བདག་པོ་ཡབ་ཡུམ་ལ། །འཁོར་རྣམས་འབྲུ་རེ་བ་ལས་སམ། །རང་རང་བསྐྱེད་པ་དམ་པ་སྟེ། །སྔགས་དང་ལྡན་པར་ཏིང་འཛིན་གསལ། །བཞུགས་དང་བརྟེན་དང་མཆོད་པ་དང་། །ཕྱག་བྱེད་
པ་ལ་སོགས་པ་ཡི། །ལས་ཀྱི་བྱ་བ་མ་ལུས་པར། །ཐམས་ཅད་མ་ལུས་ཚང་བར་བྱ། །སྐྱེད་དང་གྲུབ་པའི་འབྲས་བུ་ནི། །རྒྱལ་བ་བསྙེན་སྟེ་ཐག་མི་རིང་། །རང་གྲུབ་འབྲས་བུ་དེ་ལ་སོགས། །ཕྱོགས་དུས་ཀུན་ནས་གཤེགས་པ་ཡི། །དངོས་
གྲུབ་དམ་པ་རབ་སྟེར་ཞེས། །འདྲེན་པ་དཔའ་བོས་ཡང་དག་བཤད། །དེ་ནས་གཞན་ཡང་རབ་བཤད་པ། །དཀྱིལ་འཁོར་སྔ་མ་བཞིན་བྱས་ནས། །ས་ཞག་གསེར་ལས་གྲུབ་པ་ལ། །གཟུགས་ནི་དམ་པ་རབ་ཏུ་བྱ། །ཕྱི་གན་གན་ཀྱལ་མནན་བྱས་
ལ། །ནང་ཧཱུྃ་པུཥྚིྃ་ཨ་པུ་ཙེ་སྭཱ་ཧཱ།  སྙིང་གར་བྲིས་ནས་བརྗོད་བྱ་བ། །སྙིང་པོ་སྔགས་ཀྱི་དམ་པ་སྟེ། །བླ་མེད་དམ་པས་རབ་ཏུ་བཤད། །ཨོཾ་བཛྲ་པུཥྚིྃ་ཨ་ཡུ་པ་ཤང་ཤྲཱི་པུཥྚིྃ་སྭཱ་ཧཱ་ཞེས་བརྗོད་ན་ཐམས་ཅད་རྒྱས་པར་འགྱུར་རོ། །འཕགས་པ་ལས་
བཞི་འཁོར་ལོ་གསང་བའི་རྒྱུད་ལས། ཐམས་ཅད་རྒྱས་བར་བྱ་བའི་ལེའུ་སྟེ་གསུམ་པའོ།། །།  དེ་ནས་བཅོམ་ལྡན་འདས་དེ་བདག་ཉིད་དབང་གིས་འདུ་བ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས་ཆེད་དུ་བརྗོད་པ་འདི་བརྗོད་དོ། །
ཟངས་ལས་འབྲེལ་པའི་ཡུལ་དག་ལ། །རང་དབང་མེད་དེ་དབང་བསྡུས་ནས། །འདུ་བའི་སེམས་དང་ལྡན་བྱས་ཏེ། །དཀྱིལ་འཁོར་རབ་ཏུ་བཤད་པར་བྱ། །ཟངས་སམ་དམར་པོའི་ས་དག་ལ། །དཀྱིལ་འཁོར་སྔ་མ་དག་དང་འདྲ། །ལེགས་
པར་ཁོད་སྙོམ་ཟིན་པ་དང་། །ཐིག་ནི་རབ་ཏུ་གདབ་པར་བྱ། །ལྟེ་བ་ཅན་ལ་རྩིབས་བརྒྱད་པ། །ཀུན་ཏུ་ཟླུམ་པས་རྒྱས་པ་མཐའ། །ལྟེ་དབུས་གཞུ་རྡུངས་བྲིས་བྱས་ལ། །དེ་སྟེངས་བདག་པོ་དམ་པ་གཞག །ཐམས་ཅད་མ་ལུས་མཆོག་ཏུ་འགུགས། །
104-1-59a


ས་བ་ལ་ཡང་ཐོགས་པ་མེད། །ཞེས་ནི་ཡང་དག་བླ་མེད་ངེས། །བཤད་པར་བྱ་སྟེ་རབ་ཏུ་བསྟེན། །གཞན་ཡང་རབ་ཏུ་བཤད་བྱ་བ། །སེམས་ཀྱི་དཀྱིལ་འཁོར་དམ་པ་སྟེ། །བླ་མེད་ཡང་དག་ངེས་པའི་ལམ། །སངས་རྒྱས་བྱང་ཆུབ་ལ་
སོགས་རྣམས། །གཞུང་ལས་འབྱུང་བའི་ཚིག་དོན་རྣམས། །མ་ནོར་གསུངས་པའི་བཀའ་བཞིན་དུ། །བསྒྲུབས་ན་འགྲུབ་པར་བཤད་པའོ། །དེ་དག་འགུགས་པར་གྱུར་པ་ན། །ཕལ་པ་གཞན་ལྟ་སྨོས་ཅི་དགོས། །བསྡུ་དང་འདྲེན་པ་བྱང་ཆུབ་ལམ། །
འདི་དག་གོ་འཕང་ཐོབ་བྱའི་ཕྱིར། །ཡུངས་ཀར་རྐང་རྗེས་ས་འམ་གཞན། །ཁྲག་གསུམ་ཐལ་ཆེན་སྲེས་བྱས་ལ། །ག་འུའི་ནང་དུ་བླུགས་བྱས་ལ། །ག་འུ་གཉིས་ནི་ཁ་སྦྱར་ཏེ། །སྐུད་པ་དམར་པོ་ཟངས་ལ་སོགས། །བཅིང་བ་བསྡམས་ཏེ་དཀྲིས་བྱས་
ལ། །དཀྱིལ་འཁོར་གྱི་ནི་ཐོག་ཏུ་གཞག །ཡུངས་ཀར་ཟངས་གཉིས་བསྲེག་བྱས་ཏེ། །དུད་པས་ག་འུ་དེ་ལ་བདུག །དེ་ལ་བདུགས་པར་གྱུར་པ་དང་། །བཟླས་པའི་སྙིང་པོ་བརྗོད་བྱ་ཞིང་། །ལན་གྲངས་ཁྲི་ཚད་དུ་མ་རུ། །བརྗོད་ན་སངས་རྒྱས་ལ་
སོགས་རྣམས། །འགུགས་པར་འགྱུར་ན་ཕལ་པ་གཞན། །སྨོས་ཅི་དགོས་ཏེ་ངེས་པར་འགུགས། །ཨོཾ་བཛྲ་ཨ་ཀྲོ་མཉྫུ་ཤྲཱི་པ་ཤང་མ་ཧཱ་སརྦ་ཏི་ལ་བྲུྃ། ལན་གྲངས་མང་དུ་བརྗོད་བྱས་ན། །ཅི་ལྟར་བསམས་པ་ཐམས་ཅད་འགུགས། །རྒྱ་ཤུག་བསྐུས་
པའི་ཁུ་བ་དང་། །མ་ཡི་ལག་པའི་ཁུ་བ་གཉིས། །སྔ་མ་བཞིན་དུ་བཀུག་བྱས་ན། །འགུགས་པར་འགྱུར་ཞེས་དཔའ་བོས་བཤད། །ཡང་ན་རང་གི་ལག་པའང་རུང་། །ཞེས་གསུངས་པས་ཐམས་ཅད་མ་ལུས་པར་འདུས་ཏེ། དཔེར་ན་ཕྱོགས་
ཐམས་ཅད་ནས་མཚོ་ལ་སྦྲང་མ་འདུ་བ་བཞིན་དུ་འདུས་ཏེ་བདག་གི་དབང་དུ་བྱ་བ་དེ་དབང་དུ་འགྱུར་རོ་ཞེས་བཅོམ་ལྡན་འདས་འཇམ་དཔལ་གཤིན་རྗེས་གསུངས་སོ། །འཕགས་པ་ལས་བཞི་འཁོར་ལོ་གསང་བའི་རྒྱུད་ལས། དབང་གི་ལེའུ་སྟེ་བཞི་པའོ།། །།
དེ་ནས་བཅོམ་ལྡན་འདས་ཁྲོ་བོ་ཆེན་པོ་གཤིན་རྗེའི་ཚོགས་འདུ་མཛད་དེ། རང་བཞིན་གྱི་མཐུ་ཅན་འདི་གསུངས་སོ། །འབྱུང་བྱེད་ཡེ་ཤེས་དཀྱིལ་འཁོར་ནི། །དཀྱིལ་འཁོར་སྔ་མ་བཞིན་བྱས་ལ། །བདག་ཉིད་ཁྲོ་བོ་ཆེན་པོ་སྟེ། །ཡུམ་ཡང་དེ་
104-1-59b


བཞིན་དེ་ཡིའོ། །ཡབ་ཡུམ་གཉིས་མེད་བྱིན་བརླབས་ལས། །ཐིག་སྐུད་རྒྱུས་པ་ལྕགས་ལས་བྱས། །དེ་ནི་ལས་ཀྱི་ཐིག་ཅེས་བྱ། །ཐིག་བཞི་བཏབ་པས་དཀྱིལ་འཁོར་བརྒྱད། །འཁོར་ལོ་རྩིབས་བཞི་མུ་ཁྱུད་བཅས། །ཀུན་ཏུ་གྲུ་བཞི་སྒོ་
ཁྱུད་ཅན། །གྲུ་ཆང་ལྡན་ཏེ་དུར་ཁྲོད་རྒྱན། །མཛེས་པར་བྲིས་ཏེ་གཞན་ན་མིན། །སྟེན་པའི་ལྷ་སྟེ་སྔ་མ་བཞིན། །བསྐྱེད་པའི་སྔགས་འདི་བརྗོད་བྱས་པས། །བདག་དང་འདྲ་བར་བསྐྱེད་པར་བྱ། །ཨོཾ་ཨ་ཀྲོ་ཏེ་ཀ་ཧཱུྃ་ཨ། ཧཱུྃ་བཛྲ་བེ་ཏ་ལི་རག་ཤ་
མན། བྷྱོ་བྷྱོ་བྷྱོ། ཧུྃ་ཧུྃ་ཧུྃ་ཧུྃ་ཧུྃ་ཧུྃ་ཧུྃ་ཧུྃ་ཧུྃ་ཧུྃ། ཛཿཧཱུྃ་བྃ་ཧོཿ། བྷྱོ་བྷྱོ་བྷྱོ་བྷྱོ་ཞེས་བརྗོད་པ་ཙམ་གྱིས་འཇིག་རྟེན་གྱི་ཁམས་འདི་དག་ཐམས་ཅད་གཡོས་སོ། །རབ་ཏུ་གཡོས་སོ། །ཀུན་ཏུ་རབ་ཏུ་གཡོས་སོ། །འགུལ་འགུལ། རབ་ཏུ་འགུལ། ཀུན་ཏུ་རབ་
ཏུ་འགུལ་ལོ། །ལྡེག་ལྡེག ། རབ་ཏུ་ལྡེག །ཀུན་ཏུ་རབ་ཏུ་ལྡེག་གོ། །ཆེམ་ཆེམ། རབ་ཏུ་ཆེམ། ཀུན་ཏུ་རབ་ཏུ་ཆེམ་ཆེམ་མོ། །འུར་འུར། རབ་ཏུ་འུར་འུར། ཀུན་ཏུ་རབ་ཏུ་འུར་འུར་རོ། །དབུས་མཐོ་ན་མཐའ་དམའ། མཐའ་མཐོ་ན་དབུས་
དམའ་སྟེ། འཇིག་རྟེན་གྱི་ཁམས་འདི་དག་རབ་ཏུ་གཡོས་པར་གྱུར་ཏོ། །དེ་ནས་བཅོམ་ལྡན་འདས་རྡོ་རྗེའི་བདག་ཉིད་དེས་འདི་སྐད་ཅེས་གསོལ་ཏོ། །བཅོམ་ལྡན་འདས་རབ་ཏུ་གསུང་གི་གསང་སྔགས་གསུངས་པས་བདག་ཅག་སྤྲོ་ལགས་སོ། །
འཇིག་རྟེན་དུ་འདི་ལྟ་བུར་མཐུ་ཅན་ལ་བདག་ཞུ་ལགས་སོ། །བཅོམ་ལྡན་འདས་རང་བཞིན་གྱིས་ཁྲོ་བར་མཛད་པ་དེ་ལ་བདག་མངོན་དུ་སེམས་ཅན་ཐམས་ཅད་རབ་ཏུ་ཡང་ཞུ་བར་འཚལ་ལགས་སོ། །བཅོམ་ལྡན་འདས་ཁྲོ་བོ་ཆེན་པོར་
འདུ་མཛད་པ་དེས་འདི་སྐད་ཅེས་གསུངས་སོ། །ཨོཾ་ཤྲཱི་པ་ར་ཡག་ཤ་གུ་ཡ་སརྦ་ཏ་ཀྲི་བཛྲ་ཀཱ་ལ་རུྰ་པ་མ་ར་ན་ཕཊ་ཅེས་གསུངས་པས། འཇིག་རྟེན་ན་དབང་ཆེ་བ་དང་། མཐུ་ཆེ་བ་ལ་སོགས་པ་ཐམས་ཅད་བཏུལ་ནས་འདི་སྐད་ཅེས་གསུངས་སོ། །
ཕྱོགས་བཅུའི་འཇིག་རྟེན་གང་ནས་ཀྱང་། །གསུང་དུ་མེད་པའི་ཆོས་ཉིད་ལ། །རང་སེམས་འཕྲོ་འདུར་གྱུར་པ་ལས། །ཕྱོགས་བཅུར་གསུངས་པ་དེ་དག་ཡིན། །དེ་བས་ནན་ཏན་བསྐྱེད་བྱས་ཏེ། །དྲག་པོའི་ཚམ་ངམ་བཤད་པར་བྱ། །འཇིག་
104-1-60a


རྟེན་བཅུད་ཀྱི་གདུག་པ་ཀུན། །ཚམ་ངམ་གློག་ལྟར་འགྱུར་བ་ལས། །ངོ་མཚར་ཡ་མཚན་བསྒྲག་པར་བྱ། །ཨེ་མའོ་ཡབ་ཡུམ་གཉིས་མེད་རོལ་པའི་མཁའ་དཀྱིལ་ནས། །ཕྱོགས་བཅུར་འཕྲོ་བ་བྱང་ཆུབ་སེམས། །རིགས་ཀྱི་
ཡབ་དང་དེ་བཞིན་བཙུན་མོ་ནི། །རྟག་པར་བསྒོམས་ཏེ་དེ་བཞིན་གཤེགས་པར་བྱ། །རྫས་དང་ཕྱག་རྒྱ་སྔགས་དང་བཅས་རྣམས་ནི། །གཟུགས་དང་འདོད་པའི་འབྲས་བུ་གང་འདོད་གྲུབ་པར་རོ། །མི་དགེ་བཅུ་དང་ལྡན་པའི་རྣམ་པར་འདྲེན་པ་དེར་བྱས་
ཏེ། །སྔགས་དང་ཕྱག་རྒྱ་རྫས་རྣམས་དང་། །ག་བུ་པདྨ་དམ་པ་དང་། །ཁམ་པ་རྫ་ཡི་འཇི་བ་ཡི། །ཁྲག་སྣ་གསུམ་དང་འགི་ཝང་ངོ་། །དེ་དག་ཕྲིན་ལས་མཆོག་ཡིན་ཏེ། །གྲུབ་པར་འགྱུར་བ་གདོན་མི་ཟ། །བླ་མེད་དཔའ་བོས་ཡང་དག་གསུངས། །
ཕྱོགས་བཅུའི་གདུག་པ་མ་ལུས་ཀུན། །འདུལ་བར་འགྱུར་ཏེ་ཐེ་ཚོམ་མེད། །འཕགས་པ་ལས་བཞི་འཁོར་ལོ་གསང་བའི་རྒྱུད་ལས་དྲག་པོའི་ལེའུ་སྟེ་ལྔ་པའོ།། །། དེ་ནས་བཅོམ་ལྡན་འདས་འཇམ་དཔལ་གཤིན་རྗེ་གཤེད། ཡེ་ཤེས་ལྷུན་
གྱིས་གྲུབ་པའི་ངང་ལ་ལོངས་སྤྱོད་པར་བྱ་བའི་ཕྱིར། ཆེད་དུ་བརྗོད་པ་འདི་བརྗོད་དོ། །རང་བཞིན་འཕགས་པ་ཀུན་ཏུ་ཤེས་རབ་སྟེ། །དེ་བཞིན་རྣམ་པར་མི་རྟོག་ཡིན་པས་ན། །འདི་གཉིས་ཆོས་ཀྱི་སྐུ་ཞེས་རབ་ཏུ་བཤད། །ཆོས་ཀྱི་ལོངས་སྤྱོད་འདུལ་བའི་
དོན་ལ་རྒྱས། །འགྲོ་བའི་དོན་རྫོགས་མ་ལུས་སྐུར་འབྱུང་དང་། །བདུད་དང་མུ་སྟེགས་སྲིན་པོ་གདུལ་བའི་ཕྱིར། །མཚན་དང་དཔེ་བྱད་གཟུགས་སུ་སྤྲུལ་ནས་ནི། །མ་ལུས་ཚར་གཅོད་དོན་དུ་འདི་གསུངས་སོ། །འཁོར་ལོ་རྩིབས་བརྒྱད་མུ་ཁྱུད་ཟླུམ་པོར་
བཅས། །སྦྲུལ་གྱི་རྒྱ་གྲམ་དག་གི་མཐའ་བསྐོར་ལ། །ལྟེ་བར་རྡོ་རྗེ་རྒྱ་གྲམ་བྲི་བར་བྱ། །དེ་ཡི་སྟེང་དུ་ཀ་པཱ་ལ་གཉིས་ལ། །གཅིག་ལ་གཤིན་རྗེ་དབུ་དྲུག་པ་ཡི་གཟུགས། །གཅིག་ལ་ཡུམ་ཆེན་ཁྲོ་གཉེར་གཟུགས་བྲིས་ལ། །ནང་དུ་དགྲ་བོ་རྐང་རྗེས་
ས་དང་ནི། །དྲི་དང་དེ་བཞིན་ཁྲག་སྣ་གསུམ། །ཐལ་ཆེན་རྒྱ་ཤུག་བསྐུས་པའི་ཁུ་བ་དང་། །བརྫིས་ལ་དགྲ་བོའི་གཟུགས་བྱས་ལ། །བཅུག་ལ་སྐུད་པ་དཀར་པོས་བཅིང་། །དཀྱིལ་འཁོར་ཐོག་ཏུ་གཞག་པར་བྱ། །ཨོཾ་ཡ་མན་ཏ་ཀ་ཧྲིཥྚིཾ་
104-1-60b


བཛྲ་ཀྲོ་དྷ་ཡ་མན་ཏ་ཀ་བཛྲ་ཀྲོ་དྷ་ཕཊ་ཕཊ་ཨ། ཞེས་བརྗོད་པ་ཙམ་གྱིས་ནི། ཡབ་ཡུམ་སྐུ་མདོག་མཐིང་ནག་ལ། །དབུ་སྐྲ་ཁམ་ནག་རལ་པ་གྱེན་དུ་བརྫེས། །དབུ་ལ་ཐོད་པ་རློན་པས་བརྒྱན། །སྐུ་ལ་སྦྲུལ་ནག་ཆུན་པོ་དང་། །ཞབས་བཞི་བརྐྱང་
བསྐུམ་ཚུལ་དུ་བཞུགས། །ཕྱག་དྲུག་ཕྱག་མཚན་བསྣམས་པ་ནི། །གཡས་ཀྱི་དང་པོ་སྡིགས་མཛུབ་ལ། །རྒྱུ་ཞགས་ལྕགས་ཀྱུ་བར་ཐ་མ། །དུང་ཆེན་ཏྲི་ཤུལ་གསལ་ཤིང་གཡོན། །དེ་ལྟར་ཆ་ལུགས་གསལ་བ་དང་། །དབྱངས་འདི་བླང་བར་
ནན་ཏན་བྱ། །ཧཱུྃ་རྔམ་པའི་རྒྱལ་པོ་ཁྲག་འཐུང་གཤིན་རྗེ་གཤེད། །ཁམས་གསུམ་དབང་སྡུད་རྟགསུ་ཞལ་གསུམ་པོ། །དབྱིངས་ནས་སྤྲུལ་པའི་ཡབ་ཡུམ་ལྷུན་གྱིས་གྲུབ། །ལས་ངན་འཁྲུལ་པའི་སེམས་ཅན་གདུལ་དཀའ་བ། །གདུག་པ་
དེ་དག་འདུལ་ཕྱིར་གཤེགས་སུ་གསོལ། །དམ་ཚིག་གི་ཕྱག་རྒྱ་བཅས་ལ།  ཛཿཧཱུྃ་བྃ་ཧོཿ། ས་མ་ཡ་སྟྭྃ། ཞེས་པ་ལན་གྲངས་མང་དུ་བརྗོད། །དེས་ནི་བརྟན་པར་བཞུགས་པར་འགྱུར། །ཁྲག་ཆེན་རྒོད་ཁྲག་ཤ་དང་ཚིལ། །ཆེན་པོ་ལ་སོགས་གཏོར་
མ་བཤམ། །དེ་ནི་དཀྱིལ་འཁོར་ཐོག་དག་ཏུ། །བདག་ཉིད་ཏིང་འཛིན་གསལ་བ་ལས། །སྔགས་འདི་འབུམ་ཕྲག་གཅིག་ཏུ་བཟླས། །ཨོཾ་བཛྲ་ཧསྟ་བ་བ་ཧེ་ཧ་དཱ་ན་ཧྲཱིཥྚིཾ་ཆེ་གེ་མོ་མ་ར་ཡ་ཧུྃ་ཧུྃ་ཕཊ་ཕཊ། ཆེ་གེ་མོ་ཧསྟ་བ་པྲི་ཏི་ནིར་ཏེ་ས་ཧཱུྃ་ཧཱུྃ་ཕཊ་ཕཊ། 
ཉིན་ཞག་གཅིག་ལ་ལན་འབུམ་བཟླས། །ཉིན་ཞག་གསུམ་གྱི་བར་དུ་བཟླས། །དེ་དག་བཟླས་པ་རྫོགས་པ་དང་། །གཏོར་མའི་ལས་དག་བརྩམ་བྱ་སྟེ། །བསྐྱེད་དང་བསྐུལ་དང་རྫོགས་པ་དང་། །ཕྱོགས་བཅུའི་ཁྲོ་བོ་སྤྱན་དྲངས་ཏེ། །བཞུགས་དང་བརྟན་དང་མི་གཡོ་སོགས། །
མ་ལུས་རྫོགས་པའི་ཕྲིན་ལས་བྱ། །དེ་ལྟར་ཕྲིན་ལས་རྫོགས་པ་དང་། །ཡང་ནས་ཡང་དུ་བསྟབ་པ་བྱ། །དེ་ལྟར་བསྟབ་པ་བྱས་པས་ན། །དགྲ་བགེགས་དབང་འགྱུར་སྨོས་ཅི་དགོས། །དེ་ནས་ཡང་འདི་ཆེད་དུ་བརྗོད་དེ་གསུངས་སོ། །ༀ་ང་ནི་
ཕྱོགས་བཅུ་དུས་གསུམ་གྱི། །བདེར་གཤེགས་ཐུགས་ཀྱི་སྲས་ཡིན་པར། །བདུད་དང་སྲིན་པོ་ལོག་འདྲེན་རྣམས། །མ་ལུས་ཚར་གཅོད་བྱིན་བརླབས་ཏེ། །མགོན་པོ་གཤིན་རྗེ་ཉིད་ཀྱི་སྲས། །དོན་རྣམས་ཐམས་ཅད་མ་ལུས་པ། །དེ་ཉིད་དུ་ནི་
104-1-61a


བསྒྲུབ་པར་བྱ། །དགྲ་རྣམས་ཐམས་ཅད་འདུལ་བའི་ཕྱིར། །ཕྲིན་ལས་རྡོ་རྗེ་ཅན་གྱི་མཛོད། །ཞེས་བརྗོད་ཅིང་སྔགས་ཀྱིས་བརྡེག་པ་ནི་ཕྲིན་ལས་མཆོག་གི་རྒྱལ་པོ་ཞེས་གསུངས་སོ། །དུས་དང་དུས་དང་ཞག་གྲངས་ནི། །ཉི་མ་གཅིག་
ལ་སྟོང་རྩ་གཅིག །ནམ་གྱི་གུང་ལ་བརྒྱ་རྩ་གཅིག །ཐོ་རངས་ཐུན་གཅིག་བརྒྱ་རྩ་གཅིག །སྲོད་ཀྱི་གུང་ལ་བརྒྱ་རྩ་གཅིག །དེ་ལྟར་ཉིན་ཞག་གསུམ་བར་དུ། །བཟླས་པ་ཞག་གྲངས་ཚད་བྱ་ཞིང་། །ཕྱག་རྒྱ་བཅའ་ཞིང་གཟུགས་ལ་བརྡེག །ཉ་ལ་
བྱས་ན་གདོན་མི་ཟ། །ཨོཾ་མ་ར་ན་ཁ་ད་སརྦ་ཧྲཱི་ཥྚིྃ་ཡ་མན། ཧུྃ་ཧུྃ་ཏྲེ་ཁ་ད་པ་ར་ན་པ་ལ་ཧུྃ་ཧུྃ་ཕཊ་ཕཊ་སྭཱ་ཧཱ། རྡོ་རྗེ་རྩེ་གཅིག་པའི་ཕྱག་རྒྱ་བཅས་ལ་དགྲ་བོའི་གཟུགས་ལ་བརྡེག་གོ། ཨོཾ་བཛྲ་ཧཱུྃ་ཁམ་སྥ་ར་ན་ཕཊ། ཧཱུྃ་ཨཱ་བེ་ཤ་ཨ། ཧུྃ་ཧུྃ་ཕཊ་ཕཊ་
ཨ། ཡང་ཕྱག་རྒྱ་གོང་མ་བཅས་ལ། ཨོཾ་བཛྲ་ཀྲོ་དྷ་ནི་ལ་ཏན་ཏྲ་ཧུྃ་ཧུྃ་ཧྲཱིཥྚིྃ་ཀྲི་ཏ་ན་ན། ཧུྃ་ཧྲཱིཥྚིྃ་བི་ཀྲི་ཏ་ནན་ནན་ཞེས་བརྗོད་ལ། བདག་གི་ལག་པས་དབང་བསྐུར་རོ། །ཡང་ཕྱག་རྒྱ་བཅས་ལ། སྔགས་འདི་ལ་ཡང་ལན་གྲངས་མང་དུ་བྱའོ། །ཨྃ་བཛྲ་
ཙཎྜ་ཧྲཱིཥྚིྃ་བཛྲ་སྟི་ར་བྃ། ཁ་ཧི་ཧུྃ་ཧུྃ་ཆེ་གེ་མོ་དབང་དུ་བསྡུས་ཤིག །ཧྲིལ་ཧྲིལ་ཞེས་ལན་གྲངས་མང་དུ་བརྗོད་དོ། །རྡོ་རྗེ་རྒྱ་གྲམ་གྱི་ཕྱག་རྒྱས་བརྡེག་གོ། ཡང་ཕྱག་རྒྱ་བཅས་ལ་སྔགས་འདིས་བརྡེག་གོ། ཨོཾ་བཛྲ་ཀང་ཀ་མ་ཀ་ལ་ཡན་ཧཱུྃ་ཕཊ་ཕཊ་ཨ། ཞེས་འབུམ་བཟླས་
ལ་རྡོ་རྗེ་རྩེ་ལྔ་པའི་ཕྱག་རྒྱས་བརྡེགོ །  ཡང་ཕྱག་རྒྱ་བཅས་ལ་སྔགས་འདིས་བརྡེག་གོ། ཨོཾ་བཛྲ་ཨ་གུ་ཤ་ཏྲེ་ཐ་སྟི་ར་བྃ་ཧུྃ་ཧུྃ་ཕཊ་ཕཊ་ཆེ་གེ་མོ་མ་ར་ཡ་ཛ་ཧཱུྃ་ཞེས་དབང་དུ་སྡུས་ཤིང་། ཧུྃ་ཧུྃ་ཕཊ་ཕཊ་ཞེས་ལན་གྲངས་མང་དུ་བརྗོད་དོ། །རྡོ་རྗེ་གདེངས་པའི་ཕྱག་རྒྱ་བཅས་ལ་
དབང་དུ་བསྡུའོ། །ཡང་ཕྱག་རྒྱ་བཅས་ལ་སྔགས་འདིས་བརྡེག་གོ། ཨོཾ་ཧུྃ་ཧུྃ་ཕཊ་ཕཊ་འདུས་འདུས་རང་རང་ཡྃ་ཡྃ་རྃ་རྃ་ཧྲིང་ཧྲིང་དུ་བ་བྷྱོ་ཧཱུྃ་ཕཊ་ཆེ་གེ་མོ་དུན་བྷྱོ་ཞེས་བཟླས་ལ། ཁ་ཊྭཱྃ་གི་ཕྱག་རྒྱས་བརྡེག་གོ། དེ་ལྟར་ལས་དེ་དག་ཡོངས་སུ་རྫོགས་པའི་ཏིང་ངེ་
འཛིན་དང་ལྡན་པར་བྱས་ལ། བཟླས་པ་བྱས་ན་ལས་ཅི་བྱས་པ་ཐམས་ཅད་དབང་དུ་འདུ་བར་ངེས་ཞེས་བཅོམ་ལྡན་འདས་ཀྱིས་གསུངས་སོ། །འཕགས་པ་ལས་བཞི་འཁོར་ལོ་གསང་བའི་རྒྱུད་ལས། ངན་སྔགས་དབང་སྡུད་ཀྱི་ལེའུ་སྟེ་དྲུག་པའོ།། །།
104-1-61b


དེ་ནས་ཡང་བཅོམ་ལྡན་འདས་གཤིན་རྗེའི་གཤེད། བཅོམ་ལྡན་འདས་ཀུན་ལ་ཁྱབ་པའི་ཕྲིན་ལས་བསྒྲུབ་པ་འདི། སྐུ་དང་གསུང་དང་ཐུགས་རྡོ་རྗེ་ལས་ཕྱུང་ངོ་། །ལྔ་ཕུང་ཡན་ལག་གཞོམ་པ་དང་། །དུག་གསུམ་རྩད་ནས་གཅད་པ་དང་། །འབྲས་བུ་
རྒྱལ་བར་བསྒྲུབ་བྱའི་ཕྱིར། །ནན་ཏུར་ཕྲིན་ལས་བཤད་པར་བྱ། །དང་པོའི་ལས་ནི་རྒྱས་དང་བསད། །དགུག་དང་གཏང་དང་བཅིང་དང་དགྲོལ། །སྦྱོར་བའི་གདུག་པ་མ་ལུས་ཀུན། །ཕྲིན་ལས་འདི་ཡིས་བྱེད་པར་འགྱུར། །དང་པོར་བཙལ་བའི་བཙལ་
ཐབས་ནི། །རྣམ་པ་དྲུག་དང་ལྡན་པས་བཙལ། །སྟག་མོ་གང་མཆོང་སྟབས་དང་། །སེང་གེ་གངས་ལ་འགྱིང་ཚུལ་དང་། །ཁྭ་སྤྱད་གཟན་ལ་རྒྱུག་ཚུལ་དང་། །བྱ་རྒོད་གཟན་ལ་འབབས་ཚུལ་དང་། །དོམ་ཆེན་རྨི་ལམ་རྨི་ཚུལ་དང་། །ཁྭ་སྐེག་
ཐང་ཤིང་སྙག་ཚུལ་གྱིས། །རོ་ཡི་ཕུང་པོ་བཙལ་བར་བྱ། །རི་ལ་འདུག་ན་འགྱིང་བས་བཙལ། །སྲིབས་ལ་འདུག་ལ་མཆོང་བས་བཙལ། །གདགས་ལ་འདུག་ན་འདུག་པས་བཙལ། །འོར་ན་འདུག་ན་འབབས་པས་བཙལ། །བྲག་ལ་འདུག་ན་རྨི་
བས་བཙལ། །ནགས་ལ་འདུག་ན་སྙེག་པས་བཙལ། །རྒྱལ་རིགས་ཡིན་ན་སེང་གེ་གཏང་། །བྲམ་ཟེ་ཡིན་ན་སྟག་མོ་གཏང་། །རྗེའུ་རིགས་ཡིན་ན་བྱ་རྒོད་གཏང་། །རྨང་རིགས་ཡིན་ན་དོམ་གྱིས་བྱ། །མ་ནིང་ཡིན་ན་སྤྲེའུ་ཡིས་བྱ། །དོག་ལ་ཡིན་
ན་ཝ་སྤྱང་གཏང་། །དེ་ལྟར་རོ་ཡི་ཚོལ་སྟངས་ནི། །རྣམ་པ་དྲུག་དང་ལྡན་པས་བཙལ། །བརྟགས་ནས་འོངས་བ་གྱུར་པ་དང་། །གཤིན་རྗེ་རྒྱལ་པོའི་ཚམ་ངམ་བྱ། །ཁྲོ་བོ་བཅུ་ཡི་སྟངས་སྟབས་ཀྱིས། །རོ་ལ་ཀུན་ཏུ་བསྐོར་བྱས་ལ། །དཀྱིལ་
འཁོར་ཆེན་པོའི་དབུས་སུ་གཞག །དེ་ལྟར་གཞག་པའི་ལས་བྱས་ནས། །མགོ་ནི་ལྷོ་ནུབ་མཚམས་སུ་བསྟན། །རྐང་པ་བྱང་ཤར་མཚམས་སུ་བསྟན། །ལག་པ་གཡས་པ་ལྷོ་ཡི་ཕྱོགས། །ལག་པ་གཡོན་པ་ནུབ་ཀྱི་ཕྱོགས། །རྐང་པ་
གཡས་པ་ཤར་གྱི་ཕྱོགས། །རྐང་པ་གཡོན་པ་བྱང་གི་ཕྱོགས། །དེ་ལྟར་གན་ཀྱལ་བཞག་བྱས་ལ། །ད་ནི་ཕུར་བ་དགོད་བྱ་སྟེ། །མིག་དང་རྣ་བ་སྣ་དང་ལྕེ། །ལག་གཉིས་རྐང་གཉིས་ཕོ་མཚན་དང་། །ལྐོག་མ་དེ་བཞིན་སྙིང་ཀ་དང་། །ལྟེ་བ་
104-1-62a


པུས་མོ་དཔུང་པ་གཉིས། །གྲུ་མོ་དེ་བཞིན་ལོང་བུ་གཉིས། །མཚོགས་མ་དེ་བཞིན་སྤྱི་བོ་དང་། །སྐུ་དང་དེ་བཞིན་མཆན་ཁུང་གཉིས། །དཔྲལ་བ་རྣམས་སུ་གདབ་བྱས་ལ། །ཕུར་པ་དེ་དག་ལྷ་ཡི་སྐུར། །རབ་ཏུ་བརྟགས་ཏེ་
གོམས་པ་དང་། །རང་བཞིན་གནས་ནས་གཤེགས་པ་དང་། །ཏིང་ངེ་འཛིན་དུ་བསྒོམས་པ་དང་། །གཟུགས་བརྙན་ནང་དུ་བཀོད་པ་གསུམ། །ཚད་པས་གདུངས་པའི་བྱེ་མ་ལ། །མར་ཞུ་དེ་བཞིན་ཐིམ་པ་བཞིན། །གཉིས་སུ་མེད་པར་ཤེས་
བྱ་ལ། །གོང་དུ་བསྟན་པའི་ལྷ་རྣམས་ནི། །རྣམ་ཤེས་བཞི་དང་དབང་པོ་བཞི། །དེ་ལས་གྱུར་པའི་ཡུལ་རྣམས་ནི། །བརྒྱད་པོའི་ངང་དུ་ཤེས་པར་བྱ། །སྒོ་མ་ལུས་ལ་གྲགས་པའོ། །ཐབས་དང་ཤེས་རབ་འབྲེལ་བའི་ཕྱིར། །སྟེང་འོག་ཁྲོ་བོ་དེ་ལས་
གྱུར། །དེ་དག་ཀུན་གྱི་སྐུ་གསུངས་ཐུགས། །མ་མོ་གསུམ་གྱི་ངང་ཉིད་དེ། །ཡབ་ནི་ཀུན་ལ་ཁྱབ་པ་ལ། །ཡུམ་ནི་ཀུན་ལ་སྡུད་པ་སྟེ། །བྱ་བ་བྱེད་པ་བདག་ཉིད་དོ། །ཕུང་པོ་ཀུན་ལ་ཁྱབ་པ་ལ། །མཉེས་པས་ཕུལ་ཕྱིན་ལྷ་ཡི་ཚོགས། །འགྲོ་དྲུག་
ཀུན་ལ་མ་ལུས་སྣང་། །དེ་ལྟར་ལས་རྣམས་ཟིན་པ་དང་། །ཞག་གྲངས་དུ་བྱ་དམ་ཡང་བཅའ། །དངོས་གྲུབ་ཐོབ་པར་འདོད་པ་ཡི། །རྣལ་འབྱོར་ཆེན་པོའི་ཏིང་འཛིན་གསལ། །དེ་ལྟར་བྱས་ན་མི་ལ་སོགས། །ཐམས་ཅད་དབང་དུ་འདུ་བར་གསུངས། །
དགྲ་བགེགས་ལ་ལྟ་སྨོས་ཅི་དགོས། །དྲག་པོའི་ཕྲིན་ལས་གྲུབ་འདོད་པས། །དགྲ་བོའི་མིང་བྱང་བྲིས་བྱས་ལ། །བྃ་གྱི་ཁ་ཡི་ནང་དུ་གཞུག །རྡོ་རྗེ་རྒྱ་གྲམ་རྒྱ་ཡིས་གདབ། །ཧེ་རུ་ཀ་ཡི་ཕྱག་རྒྱས་གནོན། །ཡུངས་ཀར་རྒྱལ་པོས་དྲག་ཏུ་བརྡེག །
རྒྱ་ཤུག་བཀུས་པས་དྲག་ཏུ་བླུག །ཉི་མ་བཞི་ལ་དྲག་ཏུ་བརྡེག །སྔགས་དང་ཕྱག་རྒྱ་རྒྱུན་མི་བཅད། །དམ་རྫས་མཆོད་པ་ཤིན་ཏུ་བགྲམ། །རྣལ་འབྱོར་ཏིང་འཛིན་དྲག་ཏུ་བྱ། །ཡེངས་ན་བར་ཆད་འབྱུང་བར་འགྱུར། །གཡེང་བར་མི་མཛད་
ཁྲོ་བོས་གསུངས། །དེས་ནི་ལས་ཀྱི་འབྲས་བུ་ཡང་། །ཤིན་ཏུ་ཟད་པ་མེད་པ་སྟེ། །མཁའ་ལ་འཕུར་དང་ས་ལ་འཛུལ། །ཆུ་ལ་བྱིང་མེད་མངོན་ཤེས་ལྡན་ཞེས་གསུངས་སོ། །རྒྱུད་ཀྱི་རྒྱལ་པོ་ཆེན་པོ་ལས་བཞི་འཁོར་ལོ་གསང་བའི་རྒྱུད་
104-1-62b


ལས་རོ་ལངས་ཀྱི་བསྒྲུབ་པ་ལ་ངན་སྔགས་ཀྱི་ཕུར་བུས་གདབ་པའི་ལེའུ་སྟེ་བདུན་པའོ།། །། དེ་ནས་བཅོམ་ལྡན་འདས་འཇམ་དཔལ་གཤིན་རྗེ་ཉིད་རང་བཞིན་ལྷུན་གྱིས་གྲུབ་པ་འདི་ཆེད་དུ་བརྗོད་དོ། །ཡེ་ཤེས་འཁྱིལ་བའི་དཀྱིལ་འཁོར་
བསྐྱེད་སྟེང་ན། །ཡེ་ཤེས་ཉི་མ་གསལ་བའི་ཐིག་ཕྲན་གདབ། །མུ་ཁྱུད་ཟླུམ་པོ་སྦྲུལ་གྱི་ཞགས་པ་བྲི། །སྟེགས་བུ་ཕྱོགས་མཚམས་ཕུར་བུས་བསྐོར་བར་བྱ། །དེ་ལྟར་བྲིས་པའི་དཀྱིལ་དུ་དགོད་པ་ནི། །ཨོཾ་ནི་དབུས་ཀྱི་ལྟེ་བ་ལ། །ཤར་དུ་ཧྲི་ལ་
ལྷོ་རུ་སྟྭྃ། །ནུབ་ཕྱོགས་ཧཱུྃ་ལ་བྱང་དུ་ཧ། །བྱང་ཤར་མཚམས་སུ་ཛ་ཞེས་པ། །ཤར་ལྷོ་ཏྲི་ལ་ལྷོ་ནུབ་མེ། །ནུབ་བྱང་ཨ་ལ་རབ་ཏུ་བརྟེན། །རྟེན་པའི་ཡི་གེ་དེ་བཀོད་ནས། །དབུས་སུ་བརྟན་པར་བསྒོམ་པ་ནི། །གཤིན་རྗེ་སྟེ་སྐུ་དམར་ནག་ལ། །
དབུ་གསུམ་པོ་ལ་ཕྱག་ཀྱང་དྲུག །དབུ་ལ་ཐོད་པ་ཚལ་གྱིས་བརྒྱན། །ཞལ་གཡས་སྨུག་ནག་གཡོན་ལྗང་བ། །དབུས་ནི་སྐུ་དང་རབ་འཐུན་པ། །སྐུ་ལ་ཐོད་པ་རྒྱན་གྱི་ཚལ། །ཞབས་བཞི་བརྐྱང་བསྐུམ་དུ་བཞུགས་པ། །ཡབ་ཀྱི་སྐུ་ལ་རབ་འཇུག་པ། །
གཡོན་ཕྱོགས་གནས་པ་གོང་མ་བཞིན། །ཨོཾ་ཨ་མྲྀ་ཏ་ཏ་ཀ་སརྦ་ཨ་མྲྀ་ཏ་ཀྲོ་ཊ་ཧཱུྃ་ཕཊ། ཨོཾ་ཨ་མྲྀ་ཏ་ཀྲོ་ཊི་ཧཱུྃ་ཕཊ། དེ་ལྟར་ཡབ་ཡུམ་གསལ་བར་བསྐྱེད། །པདྨའི་གདན་ལ་རབ་བཞུགས་པའོ། །འཁོར་ལ་སོགས་པའི་རིམ་པ་ནི། །བསྐྱེད་པ་གོང་
མའི་རིམ་པའོ། །རྟག་ཏུ་བཟླས་པ་བསྙེན་པའི་སྔགས། །མི་དྲག་མི་བུལ་མི་ཞན་པར། །ཏིང་འཛིན་གསལ་བར་བསྒོམས་བྱས་ཏེ། །ཞི་ལ་འཚེར་བའི་ཏིང་འཛིན་ལ། །རི་རབ་དབུས་ཀྱི་ལྟེ་དབུས་ལ། །རབ་བརྟེན་འོག་གི་གོ་གོ་ནས། །རྡོ་རྗེ་ཚེ་ཡི་
དབང་སྩོལ་ཏེ། །ཕྱོགས་བཅུ་གདུག་པའི་ཚེ་འདྲེན་ཏེ། །གདུག་པ་མ་ལུས་འགུགས་པར་འགྱུར། །ཚེའི་སྙིང་པོ་འདི་རྟག་ཏུ་བཟླས། ཨོཾ་ས་མ་ཡ་མཉྫུ་ཤྲཱི་མུ་ཏྲ་ཨ་ཀོ་ཨ་ཡུ་པ་ལ་སི་ཏི་ནི་བྲུྃ་ཨ། དེས་ནི་ཚེ་ཡི་དབང་ཐོབ་ནས། །སངས་རྒྱས་སྐུ་
དང་མཉམ་པ་དང་། །བསྐལ་པ་མ་ཞིག་བར་དུ་ནི། །ལོ་ལྔ་ལོན་པ་བཞིན་དུ་གནས། །དེ་ནས་བསྐུལ་བའི་གནས་འདི་གསུངས། །ཨེ་མའོ་ཕྱོགས་བཅུ་ཀུན་ནས་འདུས་པ་ཡི། །ཡེ་ཤེས་རྒྱལ་པོའི་ཐིག་ལེ་འདི། །གསང་ཆེན་རྨད་དུ་བྱུང་བ་སྟེ། །རྒྱུད་
104-1-63a


དྲུག་འཁོར་བའི་སེམས་ཅན་རྣམས། །ཡེ་ནས་ལྷུན་གྱིས་གྲུབ་པའི་བཅུད། །ཐམས་ཅད་མ་ལུས་ཆོས་སོ་ཅོག །ཆོས་ཀྱི་སྐུ་འམ་ཆོས་ཀྱི་དབྱིངས། །དོན་དམ་ཚིག་དང་མངོན་སུམ་པ། །དངོས་པོ་མཚན་མ་ཐམས་ཅད་ལས། །
ཁྱབ་པའི་མྱ་ངན་ཐུགས་རྗེ་ཆེ། །ཕྲ་མོ་སེམས་ཀྱི་རང་བཞིན་སྟེ། །གཏི་མུག་མུན་པ་སེལ་བ་སྟེ། །ཉོན་མོངས་དྲི་མ་ཀུན་དང་བྲལ། །ཤིན་ཏུ་སད་པ་མྱ་ངན་འདས། །ཐུགས་རྗེའི་རང་བཞིན་གཤིན་རྗེ་སྟེ། །རྡོ་རྗེ་ཚེའི་རང་བཞིན་མི་འགྱུར་བའོ་ཞེས་
གསུངས་པས་ཕྱོགས་བཅུ་དུས་གསུམ་གྱི་བདེ་བར་གཤེགས་པ་ཐམས་ཅད་རྔམ་པའི་ཞལ་ནས་འདི་སྐད་ཅེས་གསུངས་སོ། །ཨེ་མའོ་ཕྱོགས་བཅུའི་འཇིག་རྟེན་ཡེ་ནས་དབེན། །བདེར་གཤེགས་ཐམས་ཅད་ཡེ་ནས་ལྷུན་གྱིས་གྲུབ། །མཐའ་གཉིས་
སྤངས་པའི་ཡེ་ཤེས་ལྷུན་རྫོགས་པའི། །ཕྱོགས་བཅུའི་སྟོང་ཁམས་འཇིག་རྟེན་རྒྱན་དུ་བཅས། །ཐབས་དང་ཤེས་རབ་ཀྱིས་ནི་དབང་བསྐུར་ན། །བདུད་དང་སྲིན་པོ་ལོག་འདྲེན་ཚེ་བསྡུས་ཏེ། །དབང་བསྐུར་གནང་བ་དེས་ཀྱང་བྱིན་བསྐྱེད་དེ། །ཤར་
ཕྱོགས་དྲི་ཟའི་གནས་ནས་ཚེ་དྲོངས་ཤིག །ཨོཾ་བཛྲ་ཀུ་ལ་ཨེ་སྭ་ཤྭ་ར་ན་ཧ་ཧ་ཧོ་ཧོ་ཧཱུྃ་ཧཱུྃ་ཞེས་ནི་དབྱངས་དང་བཅས་པ་ཡིས། །རྡོ་རྗེ་རིགས་ལ་གྲུབ་པ་ཡི། །བདེ་བར་གཤེགས་པ་ཐམས་ཅད་ཀྱིས། །མགོན་པོ་གཤིན་རྗེ་ཚེ་དབང་བསྐུར། །དེ་ནས་
རིན་པོ་ཆེའི་ཚེའི་དབང་བསྐུར་བའི་ཕྱིར་འདི་གསུངས་སོ། །ཨེ་མའོ་རིན་ཆེན་འཆང་བ་ཀུན་གྱི་བདག །འཇིག་རྟེན་དབང་ཕྱུག་དབང་བྱེད་པ། །གཙོ་མཆོག་ཁྱབ་པར་བྱིན་བརླབས་ཏེ། །མི་འགྱུར་རིགས་ཀྱི་ཚེ་ཐོབ་ནས། །ལྷོ་ཕྱོགས་གཤིན་རྗེའི་
གནས་ནས་ཚེ་དྲོངས་ཤིག །ཨོཾ་རཏྣ་ཀུ་ལ་ཨ་ཡུ་ཧེ་ཧེ་ཧོ་ཧོ་ཧྃ། རིན་ཆེན་དགྱེས་པའི་དབང་བསྐུར་བས། །ཁྱད་པར་བྱིན་བརླབས་ཐོབ་གྱུར་ཅིག །དེ་ནས་པདྨ་རིགས་ཀྱི་ཚེའི་དབང་འདི་ཡང་གསུངས་སོ། །ཨེ་མའོ་ཁྲོ་གཏུམ་རྔམ་པའི་ཚོགས། །
པདྨ་རིགས་ཀྱི་དབང་ཕྱུག་སྟེ། །སྣང་བ་མེད་ལས་ལྷུན་གྱིས་གྲུབ། །རྡོ་རྗེ་འཆང་གིས་དབང་བསྐུར་བས། །ཀླུ་འདུལ་ཚེ་ཡི་དབང་ཐོབ་ཤོག །པདྨ་ཀུ་ལ་ཨཱ་ཡུ་ཧེ་ཧེ་ཧོ་ཧོ་ཧྃ། ལྷུན་གྱིས་གྲུབ་པ་ཚེ་ཡི་དབང་། །ཐོགས་མེད་དམ་པ་ཐོབ་པར་ཤོག །
104-1-63b


དེ་ནས་ལས་ཀྱི་རིགས་ཀྱི་ཚེའི་དབང་བསྐུར་བ་འདི་བརྗོད་དོ། །ཨེ་མའོ་རང་བཞིན་མཚན་མ་མེད་པ་ཡི། །ཡེ་ཤེས་ལྔ་ལྡན་ཕྲིན་ལས་གཙོ། །གཉིས་སུ་མེད་པ་ལས་ཀྱི་རིགས། །ལས་རྣམས་ཐམས་ཅད་དབང་བསྐུར་བས། །གནོད་སྦྱིན་
གདོན་ལ་ཚེ་དྲོངས་ཏེ། །གནོད་སྦྱིན་བགེགས་འདུལ་དབང་ཐོབ་ཤོག །ཨོཾ་ཀརྨ་ཀུ་ལ་ཨཱ་ཡུ་ཧེ་ཧེ་ཧོ་ཧོ་ཧྃ། ཞེས་བརྗོད་པས་ཐམས་ཅད་ཚེའི་དབང་ཉིད་དུ་གྱུར་ཏེ། ཆེད་དུ་བརྗོད་པ་འདི་བརྗོད་དོ། །ཚད་མེད་བཞི་ཡི་ཐུགས་རྗེས་ཀྱང་། །ཉོན་མོངས་
དགྲ་རྣམས་ཞི་གྱུར་ཅིག་ཅེས་ཕྱོགས་བཅུ་དུས་གསུམ་གྱི་བདེ་བར་གཤེགས་པ་ཐམས་ཅད་ཀྱི་ཚེའི་དབང་བསྐུར་རོ། །འཕགས་པ་ལས་བཞིན་འཁོར་ལོ་གསང་བའི་རྒྱུད་ལས།  འཇམ་དཔལ་ཚེ་སྒྲུབ་པའི་ལེའུ་སྟེ་བརྒྱད་པའོ།། །། དེ་ནས་བཅོམ་
ལྡན་འདས་གཤིན་རྗེའི་བདག་ཉིད་དེ། །མཐའ་བྱེད་འབྱུང་བ་དེ་ཉིད་ཀྱི་སྐུ་དང་གསུང་དང་ཐུགས་ལས་བྱུང་ངོ་། །གཤིན་རྗེ་ལས་ཀྱི་ཕྲིན་ལས་འདི། །མྱོས་དང་མགོ་འཁོར་བྱེད་པ་དང་། །ཡིད་འཁྲུག་ཁྲག་ཏུ་སྐྱུག་པར་བྱེད། །ལོག་འདྲེན་རྣམ་པ་དྲུག་ཏུ་
བསྟན། །ལོག་འདྲེན་མཐར་བྱེད་དཀྱིལ་འཁོར་ནི། །བཅུ་གཉིས་འཁོར་ལོ་རྩིབས་ཅན་དེ། །ཡི་དགས་ཀྱིས་ནི་གོས་ལ་བྲི། །སུམ་བརྩེག་ལྡན་པའི་མུ་རན་ལ། །དབྱངས་ཀྱིས་ཡི་གེས་ཀུན་ཏུ་བསྐོར། །ཧྲིཥྚིའི་སྔགས་ཀྱིས་མནོན་བྱས་ལ། །ཐ་ལ་ཐོད་
པ་གཏང་བར་བྱ། །དེ་ནས་སྔགས་ཀྱིས་དགང་བར་བྱ། །ཡ་མ་ན་ཏེ་ར་ཙའི་ཚོགས། །ས་སྟེ་འབྱུང་བྱེད་དོ་ཡི་རྟེན། །མེ་སྟེ་ཐམས་ཅད་སྲེག་པའོ། །བདག་ཉིད་གཤིན་རྗེ་མཐར་བྱེད་སྐུར་བསྐྱེད་ལ། །ཡུམ་ཡང་དེ་རུ་བསྒོམ་བྱས་ལ། །ཕྱོགས་བཅུ་
གདུག་པ་ཐམས་ཅད་ཀུན། །མ་ལུས་ཚམ་ངམ་དྲག་པར་བྱ། །བཟླས་པའི་སྙིང་པོ་མ་ནོར་བར། །སྒྲ་དང་འདུ་བྱེད་རབ་སྤངས་ཏེ། །བདེ་ཞིང་ཡིད་འོང་གནས་དག་ལས། །རབ་ཏུ་སྡང་མིག་སྡང་སེམས་བཅས། །སྒྲ་དང་བཅས་པའི་སེམས་སྤངས་ཏེ། །
ཉི་མ་ཤར་ནས་ནུབ་ཀྱི་བར། །རྒྱུན་དང་དུས་སུ་བསྟན་པའོ། །བར་བར་བསྐུལ་བའི་ལས་བྱ་ཞིང་། །བཅོལ་བའི་ལས་དག་རབ་ཏུ་བརྗོད། །དེ་ནས་བཅོམ་ལྡན་འདས་ཁྲོ་བོ་གཤིན་རྗེའི་ཚོགས་ཐམས་ཅད་ཡུམ་བཙུན་མོ་དང་གཉིས་སུ་མེད་པར་བྱས་ཏེ། 
104-1-64a


བཟླས་པའི་སྔགས་འདི་སྐུ་དང་གསུང་དང་ཐུགས་ལས་ཕྱུང་ངོ་། །ཨོཾ་ཧྲིཥྚི་བི་ཀྲི་ཏ་ནན། ཧུྃ་ཧུྃ་བ་ན་ཨ་ནུད་བྷ་བ། སརྦ་དྷརྨ་ཙ་ཙཱརྱ་ཨ་ཏི་བ་ཧྃ། ཨོཾ་ལྃ་ཡྃ་ཨྃ། བཛྲ་བོ་དྷི་ཏ་ཐཱ་ག་ཏ་ཀྲོ་དྷི་ཤྭ་རི། ཨ་བྱི་ཏ་བཛྲ་ཀྲོ་དྷི་ཤྭ་རི། ཧེ་ཧེ་ཧྃ་ཧྃ། 
སྔགས་འདི་རབ་ཏུ་བརྗོད་བྱས་པས། །ཁ་དོག་ཆེ་ཞིང་ལུས་བོ་ཆེ་བ་དང་། །རྒྱ་དག་ཡོངས་སུ་མ་ཆད་ཐམས་ཅད་ནམ་མཁའ་སྟེ། །གསལ་བའི་ཤེས་རབ་ཐམས་ཅད་ནམ་མཁའ་འདྲ། །མཐར་ཕྱིན་སྔགས་ཀྱི་ལུང་ལ་མཁས་པར་བྱ། །དེ་ཡི་སྦྱོར་བ་
ཐམས་ཅད་དགྱེས་སྐོངས་ཤིང་། །དབང་སྡུད་སྔགས་སྟེ་དྲག་པོའི་ལས་དང་སྦྱར། །མི་དམིགས་གཙོ་བོའི་སྔགས་དང་ཕྱག་རྒྱར་གནས། །སྒྲོལ་དང་མཐར་ཕྱིན་ཕྲིན་ལས་གནས་སུ་བསྟན། །ཏིང་འཛིན་རིམ་པ་འདི་དག་ལྡན་པར་བྱ། །ཁྲོ་བོ་དེ་
བཞིན་གཤེགས་པའི་ཏིང་འཛིན་དང་། སྒྱུ་མ་ལ་དབང་སྒྱུར་བའི་ཏིངེ་འཛིན་དང་། གོ་འཕང་ཆེན་པོ་ལ་སྦྱར་བའི་ཐབས་ཀྱི་ཏིང་ངེ་འཛིན་དང་། རྗེས་སུ་བསྟན་པའི་ཆོ་འཕྲུལ་དང་ལྡན་པའི་ཏིང་ངེ་འཛིན་དང་། ཐུགས་རྗེས་ཞེ་སྡང་སྒྲོལ་བའི་ཏིང་ངེ་འཛིན་
དང་། ཤེས་རབ་ཀྱི་འདོད་ཆགས་སྒྲོལ་བའི་ཏིང་ངེ་འཛིན་དང་། ཡེ་ཤེས་ཀྱིས་གཏི་མུག་སྒྲོལ་བའི་ཏིང་ངེ་འཛིན་དང་། ཡོན་ཏན་གྱིས་ང་རྒྱལ་འཇོམས་པའི་ཏིང་ངེ་འཛིན་དང་། འབད་པ་མེད་པའི་བརྩོན་འགྲུས་ཀྱིས་ཕྲག་དོག་འཇོམས་པའི་
ཏིང་ངེ་འཛིན་ཏོ། །དེ་དག་འཇོམས་པའི་སྔགས་ནི་འདི་དག་གོ། པྲཛྙཱ་ཀུ་ལ། ཛྙཱ་ན་ཀུ་ལ། དྷ་ཀ་ཀུ་ལ། གུ་ན་ཀུ་ལ། བིརྱ་ཀུ་ལ། བྷུ་ཏ་ཀུ་ལ། བཛྲ་ཀུ་ལ། པདྨ་ཀུ་ལ། ཀར་མ་ཀུ་ལ། རད་ན་ཀུ་ལ། སརྦ་ཏ་ཐཱ་ག་ཏོ་ཧོ། ཞེས་བརྗོད་ནས་འདི་སྐད་ཅེས་
གསུངས་སོ། །དཔེར་ན་མེ་དང་འོད་བཞིན་དུ། །འོད་ལ་སྦྲང་མ་འདུ་ན་ཡང་། །མེ་ལྕེའི་དྲོད་ནི་འོད་ལ་ཡོད། །འོད་ཀྱིས་སྦྲང་འཚིག་ཅི་བཞིན་དུ། །སྐྱོན་གྱིས་དྲི་མ་ཐམས་ཅད་དང་། །བདུད་དང་མུ་སྟེགས་ལོག་འདྲེན་དང་། །མི་མཐུན་པ་ཡི་
དགྲ་དང་བགེགས། །ཤེས་རབ་ཐབས་ཀྱིས་གཟིར་གནོན་པའི། །མེ་ལྕེ་དང་ནི་སྦྲང་མ་འདྲའོ། །ཐ་དད་པ་ཡི་མི་མཐུན་པའང་། །འཕགས་པ་འཇམ་དཔལ་གཤིན་རྗེ་ཉིད། །འཁྲིགས་པ་མེད་ཅིང་སྒྲོལ་བར་བྱེད། །མི་སྐྱེ་ཡེ་ཤེས་རལ་གྲི་ཡིན། །
104-1-64b


ཉོན་མོངས་སྡུག་བསྔལ་དྲལ་བྱས་ནས། །གནས་དང་གནས་མ་ཡིན་པ་ཡི། །རྒྱུ་དང་རྒྱུ་མ་ཡིན་པ་ཡི། །ཉོན་མོངས་སེམས་ཅན་མཐོ་རིས་གནས། །བསྒྲལ་བའི་ཞིང་དུ་སྨོས་པ་དེ། །དེ་ལ་དེ་བཞིན་དྲག་ཏུ་བྱ། །རིགས་དང་ལོ་གྲངས་འཐུན་པ་ལ། །
དེ་བཞིན་བྱས་ན་སྐྱོན་པ་སྟེ། །དེ་དག་ཡོངས་སུ་ཤེས་པར་བྱ། །ལས་དང་བྱ་བ་རྩོལ་བ་རྣམས། །ཉམས་ཀྱི་ཕྱག་རྒྱ་རང་དོན་སད། །དེ་རྟགས་དཀའ་བ་མི་འགྱུར་ཏེ། །མི་ལ་ཡ་ཡི་འོག་གོས་ལ། །འགི་ཝང་དག་གིས་བྲིས་བྱས་ཏེ། །འོག་
ནས་འབྱུང་བའི་གསང་སྔགས་དང་། །གང་བྱ་སྤལ་ལ་བྲི་བྱས་ལ། །རཀ་ཏ་དག་གི་ཁ་ཆུས་བྲན། །ཐུབ་པ་དྲུག་གི་སྙིང་པོ་བྲི། །གསང་བའི་སྔགས་འདི་དྲག་ཏུ་བརྗོད། །ཨོཾ་ཧྲིཥྚི་ཀྲོ་དྷ་བི་ཀྲི་ཏ། ཧྲིཥྚི་ཀྲོ་དྷི་མ་ར་ཏ། པྲ་སད་ཧེ་ཏེ་བ་མུ་ཀ །ཧེ་ཧང་ཧེ་
ཧང་། ཀ་ལ་རུ་པ་ཧུྃ་ཧུྃ་ཕཊ་ཕཊ་ཨ། དེ་སྐད་གསུང་གི་སྒྲ་བསྒྲགས་པས། །དགྲ་དང་བགེགས་དང་མུ་སྟེགས་དང་། །བདུད་དང་སྲིན་པོ་མ་ལུས་རྣམས། །གཟིར་ཅིང་མནོན་པ་དྲག་ཏུ་བྱ། །མི་མཐུན་ཕྱོགས་ཀྱི་འབྱུང་པོ་དེ། །གདུལ་བར་བྱ་བའི་
དོན་ཆེད་དུ། །ཁྲོ་བོའི་སྐུ་རུ་བསྒོམ་བྱས་ཏེ། །ཐམས་ཅད་བསྒྲལ་བར་བྱ་བ་ཡི། །རང་བཞིན་གྲུབ་པ་འདི་གསུངས་སོ། །ཨོཾ་པྲ་མཱརྟ་ན། ན་མོ་བཛྲ་བཛྲ་ཀི་མ་ན་ཏ། ཨ་ཧང་བྲ་ཁུ་མ་ཁུ་མ་མོ་མུ་སྟི་སྭཱ་ཧཱ། དེ་སྐད་ཅེས་ནི་གསུངས་པ་ཡིས། །རང་བཞིན་
གྱིས་ནི་དབང་དུ་འགྱུར། །བདུད་རྣམས་དག་ནི་ཁྲོ་ཞིང་གཏུམ། །སྲིན་པོ་དག་ནི་འཇིགས་ཤིང་རྔམ། །མུ་སྟེགས་ལོག་འདྲེན་རྒོལ་བར་བྱེད། །དེ་དག་གདུལ་བར་བྱ་བའི་ཕྱིར། །ཕྲིན་ལས་དམ་པ་འདི་བརྩམས་སོ། །དཀྱིལ་འཁོར་སྔ་མ་བཞིན་
བྲིས་ལ། །དབུས་ཀྱི་ཕོ་བྲང་ལྟེ་བ་ལ། །བདུད་རྣམས་འདུལ་བའི་སྙིང་པོ་བྲི། །ཤར་གྱི་འཁོར་ལོའི་རྩིབས་སྟེངས་སུ། །དྲི་ཟ་དབང་བསྡུའི་སྙིང་པོ་བྲི། །ལྷོ་ཡི་ཕྱོགས་ཀྱི་འཁོར་ལོ་ལ། །མུ་སྟེགས་སྒྲོལ་བའི་སྙིང་པོ་བྲི། །ནུབ་ཀྱི་ཕྱོགས་ཀྱི་
འཁོར་ལོ་ལ། །ཀླུ་རྣམས་ཚར་གཅོད་སྙིང་པོ་བྲི། །བྱང་གི་ཕྱོགས་ཀྱི་འཁོར་ལོ་ལ། །གནོད་སྦྱིན་ཚོགས་རྣམས་དབང་སྡུད་བྲི། །ཧུྃ་བིགྷ་ནན། ཧུྃ་རཀ་ཤ་ནན། ཨོཾ་ཏིར་ཏི་ཀ་ནན། ཨོཾ་མ་ར་ན་ནན། མཚམས་ཀྱི་དཀྱིལ་འཁོར་ལྟེ་དབུས་སུ། །
104-1-65a


མཚམས་ཀྱི་བགེགས་གནོན་སྙིང་པོ་བྲི། །ཧུྃ་དྷ་ཧུྃ་པཱ་ཧུྃ་ལཱ། ཧུྃ་སྭཱ། གྲུ་ཚད་རྣམ་པ་བཞི་པོ་ལ། །ཐོད་པ་རློན་པ་བྲི་བར་བྱ། །མུ་ཁྱུད་ཐོད་བ་ཕྲེང་བ་གཏང་། །ཕྱི་རོལ་སྦྲུལ་གྱིས་ཡོངས་སུ་དགང་། །དེ་ལྟར་དཀྱིལ་
འཁོར་ཟིན་པ་དང་། །རྣམ་པར་འཚེ་བའི་གཟུགས་རྣམས་ཀུན། །ཁམ་པ་རྫ་ཡི་གའུ་ལ། །གཟུགས་སུ་ཡོངས་སུ་བྲིས་བྱས་སྟེ། །དབུས་སུ་ཡོངས་སུ་གཞག་པར་བྱ། །ཁ་དོག་དམར་པོས་བཅིངས་ནས་ནི། །རྩེ་གཅིག་ཕྱག་རྒྱ་བཅས་བྱས་ལ། །
གསང་སྔགས་འདི་ཡང་འབུམ་ཁྲི་བརྗོད། །ཨོཾ་པྲ་མརྟ་ན་མོ་ཧ་སྲ་བཛྲ་ཛ་ཀི་མོ་ན་དྷ་ཨ་ཧང་པྲ་ཁུ་མ་མོ་ཐ་ཐ་སྭཱ་ཧཱ། ན་མོ་དོ་གི་ཁ་དྷ་མུ་པྲ་བ་ཐ་བྱི་ཐ་ཨུ་སྟེ་ནི་ནན་སརྦ་ཏ་ཏ་ན་ཕཊ། ཕྱག་རྒྱ་དེ་དང་བཅས་པས་བརྡེག །ཞག་གསུམ་བཟླས་
པ་བྱས་ན་ནི། །བགེགས་དང་ལོག་འདྲེན་དབང་དུ་འདུས། །གཞན་ཡང་དེ་བཞིན་བཞུགས་པའི་ཁྲོ། །དཀར་དང་དམར་དང་སེར་བ་དང་། །སྨུག་ནག་ལྗང་ནག་ཁམ་པ་དང་། །སོ་སོའི་ཆ་ལུགས་རྔམ་པའི་གཟུགས། །མགོན་པོ་གཤིན་
རྗེ་ནག་པོ་ཡིས། །བགེགས་དང་ལོག་འདྲེན་གཟིར་ཅིང་གནོན། །རྔམ་པའི་ཞལ་དུ་འདི་བསྟབས་སོ། །ཨོཾ་ཆེ་གེ་མོ་ཁ་རམ་ཁ་ཧི། ཨོཾ་ཧྲིཥྚི་ཆེ་གེ་མོ་ཁ་རམ་ཁ་ཧི། ཨོཾ་ཀཱ་ལ་རཱུ་པ་ཆེ་གེ་མོ་ཁ་རམ་ཁ་ཧི། ཧུྃ་ཧུྃ་ཕཊ་ཕཊ་ཨ། ཉིན་
ཞག་གསུམ་གྱི་བར་དུ་བཟླས། །དེ་ནས་ཕྱག་རྒྱ་གསུམ་བཅས་ཏེ། །ཡང་ནས་ཡང་དུ་གཟིར་ཅིང་མནོན། །ཕྱག་རྒྱ་དེ་དང་གསང་སྔགས་འདིས། །ལན་གྲངས་སྟོང་རྩ་གཅིག་ཏུ་བརྡེག །  ཨོཾ་ཧྲིཥྚི་བཛྲ་ཡ་ཡ་ན་པརྣ་སུ་པུད་ད་ཧུྃ་ཧུྃ་
ཕཊ་ཕཊ་ཨ། ལས་དང་རྫས་དང་སྔགས་དང་ནི། །ཕྱག་རྒྱ་བརྩོན་འགྲུས་མ་ཡེངས་པར། །འབུམ་མམ་གྲངས་ནི་ཅི་མང་དུ། །ཡང་ནས་ཡང་དུ་ནན་ཏན་བྱ་ཞེས་བཅོམ་ལྡན་འདས་འཇམ་དཔལ་འཇིགས་བྱེད་ཀྱི་རྒྱལ་པོས་རབ་ཏུ་
གསུངས་སོ། །འཕགས་པ་ལས་བཞི་འཁོར་ལོ་གསང་བའི་རྒྱུད་ལས་ལོག་འདྲེན་མཐར་བྱེད་ཀྱིས་གནན་པའི་ལེའུ་སྟེ་དགུ་པའོ།། །། དེ་ནས་བཅོམ་ལྡན་འདས་གཤིན་རྗེའི་བདག་ཉིད་ངེས་མཐར་བྱེད་འབྱུང་བ་འདི་ཉིད་ཀྱི་སྐུ་
104-1-65b


དང་གསུང་དང་ཐུགས་ཡོན་ཏན་ཕྲིན་ལས་ལས་ཕྱུང་ངོ་། །གནོད་སྦྱིན་མཐར་བྱེད་ཕྲིན་ལས་འདི། །དཀྱིལ་འཁོར་སྔ་མ་བཞིན་བྲིས་ལ། །བཟླས་པའི་སྙིང་པོ་བྲི་བར་བྱ། །ཡ་སྟེ་སྐྱེད་པ་མེ་སྟེ་སྲེག །ཏོས་ལ་སྙིང་རྗེ་རུ་ལ་ཆགས། །ནྫ་ནི་
འབྱུང་བྱེད་ཡབ་ཀྱི་གསང་། །ཡོ་ལ་ཀུན་འབྱུང་ཏ་ལ་བསྡུ། །བདག་ཉིད་ལས་ཀྱི་མཐར་བྱེད་སྐུ། །ཡབ་ཡུམ་གཉིས་མེད་རོལ་པ་ལ། །བྱང་ཆུབ་སེམས་ཀྱི་འོད་ཟེར་འཕྲོ། །འཛུམ་དང་བཅས་པས་ཡུལ་ལ་འབུལ། །བྱང་ཆུབ་བླ་མེད་སངས་
རྒྱས་ལ། །མཆོད་ཅིང་ཅི་ལྟར་མཛད་པ་ལྟར། །བདག་ཀྱང་རབ་ཏུ་བསྒྲལ་སླད་དུ། །ཏིང་འཛིན་འདུ་བ་ནམ་མཁའ་འདྲ། །ཞེས་གསུངས་པས་ཕྱོགས་བཅུའི་གདུག་པ་ཅན་ཐམས་ཅད་སྤ་གོང་སྟེ་བྲེང་ནས་མྱོས་པར་འགྱུར་ཏེ། དཔེར་ན་མི་ར་
རོ་བ་བཞིན་ནོ། །དེ་ནས་ནན་ཏན་གྱི་ཕྲིན་ལས་འདི་ཉིད་ཀྱི་སྐུ་དང་གསུང་དང་ཐུགས་ཡོན་ཏན་ཕྲིན་ལས་ལས་ཕྱུང་ངོ་། །གདུག་པ་མ་ལུས་འདུལ་མཛད་པ། །ཁྲོ་བོ་ཆེན་པོ་ཧཱུྃ་སྒྲ་ཅན། །ལས་རྣམས་མཐར་བྱེད་ཕྲིན་ལས་སྐུ། །གནོད་སྦྱིན་
སྡང་སེམས་ལྡན་པ་ཀུན། །བར་ཆད་བྱ་བར་སེམས་པ་སྟེ། །དེ་དག་ཟིལ་གྱིས་གནོན་པའི་ཕྱིར། །སྐུ་མདོག་ནག་པོ་ཆེན་པོ་སྟེ། །དབུ་སྐྲ་ཁམ་ནག་གྱེན་དུ་འཁྱིལ། །ཐོད་པ་ཚར་གསུམ་དབུ་བརྒྱན་ཅན། །ཕྱག་གཡས་ཞིང་ཆེན་གཡོན་བན་དྷ། །
སྤྱན་གསུམ་མཆེ་གཙིགས་ཞབས་ཀྱང་བརྐྱང་བསྐུམ་སྟེ། །མི་མཐུན་བགེགས་དང་སྡང་བའི་སྒྲ། །མ་ལུས་དབང་སྡུད་ཕྲིན་ལས་མཆོག་གི་སྐུ། །མི་སྡུག་ཚུལ་འཆང་དྲེགས་པའི་ཁྱོ་ཤུགས་ལྡན། །ཞིང་ཆེན་གཡང་གཞི་རྒྱན་དུ་བྱས། །ཞེ་
སྡང་དབང་སྡུད་སྟག་གི་ཤམ་ཐབས་ཅན། །ཉོན་མོངས་དབང་སྡུད་གླང་ཆེན་ཀོ་རློན་ཅན། །འདྲེན་པའི་ཁྲོ་རྒྱལ་གདུག་འདུལ་དམ་པ་འདི། །དུས་ངན་ཐ་མའི་སེམས་ཅན་འདུལ་དཀའ་བ། །ཉོན་མོངས་དབང་སྡུད་དཔལ་གྱི་ཞལ་དུ་སྟོབས། །འགྲོ་
བ་མ་ལུས་ཐུགས་རྗེས་དབྱིངས་ལ་དགོད། །ཞེ་སྡང་ཤུགས་འཆང་ཁྲོ་བོའི་གཙོ། །གདུག་པར་གྱུར་པའི་དགྲ་བགེགས་འདུལ་མཛད་པ། །ང་རྒྱལ་ལ་སོགས་རྟག་ཏུ་དུག་གསུམ་སྐུ། །ཡེ་ཤེས་ངང་ལས་ཐམས་ཅད་རྫོགས་པར་མཛོད། །
104-1-66a


ཨོཾ་བཛྲ་ཧྲིཥྚི་བི་ཀྲི་ཏཱ་ནན། ཏ་ཐཱ་ག་ཏ་ཡ་མ་ར་ཙ་ཧཱུྃ་ཕཊ་ཨ། ཞེས་པའི་སྔགས་དང་བཅས་ལ་བདག་ཉིད་ལས་མཐར་བྱེད་ཀྱི་སྐུར་བསྒོམས་ལ་ཕྲིན་ལས་བཅོལ་ཞིང་གནོན་པ་དྲག་ཏུ་བཟླས་པའི་སྙིང་པོ་བཟླསོ། །དེའི་དུས་སུ་སྦྱིན་སྲེག་བྱེད་
ན། ཕྲིན་ལས་བརྩམ་པར་བྱ་སྟེ། མེ་ཐབ་ཨེ་ཡི་དབྱིབས་འདྲ་ལ། །བང་རིམ་སུམ་བརྩེགས་ཁ་ཁྱེར་ཅན། །ངོས་ལ་མེ་ཡི་ཕྲེང་བ་གཏང་། །ཁ་ཁྱེར་རྡོ་རྗེ་ར་བ་ལ། །མུ་རན་ཐོད་པའི་ཕྲེང་བ་སྟེ། །མེ་སྟེ་བསྲེག་བྱ་འཆང་ཞེས་པ། །ཁ་དོག་
ནག་པོ་ཤིན་ཏུ་རིང་། །ཕྱག་ན་ཞུགས་གླིང་བགྲང་ཕྲེང་དང་། །བེ་ཅོན་རིལ་བ་ཐོགས་པ་སྟེ། །ཚུལ་བཞིན་སྤྱན་དྲངས་གདན་བཞུགས་བསྟོད། །དབང་དང་ཕྱག་ཚང་གཤེགས་པ་རྣམས། །གང་ལྟར་འཚམ་པ་བཞིན་དུ་བྱ། །གཉིས་འོག་
རང་བཞིན་ཡ་མའི་སྐུ། །གཉིས་མེད་སྤྱན་དྲངས་བཞུགས་ལ་བཅོལ། །སྦྱིན་སྲེག་འཕྲིན་ལས་ཟིན་པ་དང་། །བཅོལ་བསྐུལ་དག་ཀྱང་རབ་ཏུ་བྱ། །རྫས་ནི་དུག་དང་ལན་ཚྭ་དང་། །སྐེ་ཚེ་སྦྲང་རྩི་ཡུངས་ནག་དང་། །གུ་གུལ་ནག་པོ་ལ་སོགས་
པའི། །ལྕགས་འདྲའི་རྫས་ལ་རབ་ཏུ་བསྔགས། །བདག་ཉིད་ལྷ་ཡི་སྐུར་བསྒོམས་ལ། །དཀྱིལ་འཁོར་བྱིན་གྱིས་བརླབ་པ་ཡི། །སྔགས་འདི་རབ་ཏུ་རྩེ་གཅིག་བཟླས། །ཨོཾ་ཧཱུྃ་ཡ་ཁང་མེ་ཏྲ་ཧ་མུ་ཁ་ཧྲིཥྚི་ཡ་མ་ར་ཙ་ཕཊ་ཧཱུྃ། ཕྱག་རྒྱ་ཟིལ་
གནོན་ཕྱག་རྒྱ་བཅའ། །དཀྱིལ་འཁོར་བསྐོར་ཞིང་གསང་སྔགས་བཟླས། །བདག་ཉིད་ནུབ་ཀྱི་ཕྱོགས་འདུག་སྟེ། །ལས་ཀྱི་མཐར་བྱེད་སྐུར་བསྒོམས་ལ། །གསང་སྔགས་མི་བུལ་མི་དྲག་པར། །བཟླས་ན་མྱུར་དུ་འགྲུབ་པ་ནི། །ཡིད་འཁྲུགས་མྱོས་
ནས་དབང་མེད་འགྱེལ་བ་དང་། །རབ་ཏུ་བརྒྱལ་ནས་ཐལ་བར་འཇིག་པ་དག །དེ་རྣམས་མི་འགྲུབ་པ་རུ་ངས་མ་བཤད། །ཅེས་བཅོམ་ལྡན་འདས་དོན་ཡོད་པའི་ཁྲོ་བོས་གསུངས་སོ། །འཕགས་པ་ལས་བཞི་འཁོར་ལོ་གསང་བའི་རྒྱུད་
ལས། གནོད་སྦྱིན་མཐར་བྱེད་ཀྱིས་གནོན་པའི་ལེའུ་སྟེ་བཅུ་པའོ།། །། དེ་ནས་ཡང་འཇམ་དཔལ་གཤིན་རྗེ་གཤེད་ཆེན་པོས་མཐར་བྱེད་འབྱུང་བ་འདི་སྐུ་དང་གསུང་དང་ཐུགས་ལས་ཕྱུང་ངོ་། །སྲིན་པོ་མཐར་བྱེད་ཕྲིན་ལས་འདི། །དཀྱིལ་
104-1-66b


འཁོར་བསྒོམ་པ་བྱ་བར་བསྟན། །ཡ་སྟེ་རྒྱུ་ལ་སྟེ་སྟེ་རྐྱེན། །ཡོ་ནི་ཀུན་ཏུ་བསྐུལ་བ་ལ། །ནི་ནི་སྡུད་བའི་དོན་ཡིན་ཏེ། །རི་ཞེས་བྱ་བ་ལྷུན་སྟུག་པ། །ཡ་ལ་འདུས་ཏེ་ཀྵེ་ལ་ཐིམ། །བདག་ཉིད་ཆིངས་ཞེས་བྱ་བའི་སྐུ། །དབུ་གསུམ་པོ་ལ་ཕྱག་དྲུག་སྟེ། །
གཡས་དཀར་གཡོན་དམར་དབུས་སེར་ནག །ཕྱག་དྲུག་ཕྱག་མཚན་བསྣམས་པ་ནི། །གཡས་པ་བ་སུ་ཏ་ཡི་ཞགས། །གཡས་པར་གསལ་ཤིང་ཐ་མ་ལྕགས་ཀྱུའོ། །གཡོན་གྱི་དང་པོ་ཆུ་སྲིན་བར་མ་ཀ་ཏ་རི། །ཐ་མ་རྡོ་རྗེ་རྒྱ་གྲམ་བསྣམས་པའོ། །
སྐུ་སྟོད་གླང་ཆེན་ཀོ་རློན་ལ། །སྐུ་སྨད་སྟག་གི་ཤམ་ཐབས་ཏེ། །ཞིང་ཆེན་གཡང་གཞིས་སྐུ་ལ་བརྒྱན། །གཞན་ཡང་དུར་ཁྲོད་རྒྱན་མཆོག་རྣམས། །མ་ལུས་སྐུ་ལ་རྫོགས་པ་ལ། །བསྐུལ་བའི་དབྱངས་འདི་བླང་བར་བྱ། །མི་ཤིགས་རྡོ་རྗེ་
གར་གྱི་བདག །རྡོ་རྗེ་གསང་བའི་གཤིན་རྗེ་སྟེ། །ཕྲིན་ལས་རྒྱལ་པོ་གྲུབ་པའི་ལས། །ཨོཾ་དང་ཨྃ་དང་ཧཱུྃ་ཞེས་པ། །ཨོཾ་ནི་དཔྲལ་བའི་སྟེང་དུ་དམིགས། །ཨྃ་ནི་ལྕེ་ཡི་སྟེང་དུ་ལ། །ཧཱུྃ་ནི་ཐུགས་ཀ་ཉིད་དུའོ། །དེ་ལས་འོད་ཟེར་རབ་སྤྲོས་ཏེ། །
བདག་ལུས་ནམ་མཁའ་ལྟ་བུར་གྱུར། །ཕཊ་ཅེས་བྱ་བ་རབ་བརྗོད་པས། །འཇིག་རྟེན་ཁམས་རྣམས་འོད་ཀྱིས་ཁེབས། །དེ་ཉིད་སྲེག་པ་མ་ཡིན་ཏེ། །ཡིད་ཀྱི་ཡེ་ཤེས་མེ་འབར་བ། །གཅིག་གི་སྟོང་ཉིད་གང་ཡིན་པ། །ཀུན་གྱི་སྟོང་པ་དེ་
ཡིན་ནོ། །ཇི་ལྟར་མཁའ་ལ་མཚོན་སྣང་བ། །ནམ་མཁའ་ཉིད་ལས་བྱུང་བ་ལྟར། །སྔགས་ཀྱི་འཕྲོ་འདུ་བཏང་བ་ཡང་། །སེམས་ལས་བྱུང་བ་ནམ་མཁའ་ལ། །རྣམ་ཤེས་སྟོང་པའི་ངང་ལ་འདུ། །བདག་ཉིད་ཆོས་ཀྱི་སྐུར་བསྒོམས་ལ། །
ཞེ་སྡང་འཕྲོ་འདུ་མང་བྱས་ལ། །བསྐྱེད་པའི་སྔགས་འདི་དྲག་ཏུ་བཟླས། །ཨོཾ་མ་ཧཱ་དང་སྟྲོང་ཀ་པེ་ར་ཨ་ར་ནེ་ཙ་ན་ཀ་ཏ་ཁཻ་ཆེ་གེ་མོ་ལ་དུས་ཞེས་པ་དང་། སྔགས་གོང་ནས་འབྱུང་བ་དང་། སྤེལ་ཏེ་ལས་བྱས་ན་གདོན་མི་ཟ་བའོ་ཞེས་གཤིན་རྗེ་ཁྲོ་བོའི་རྒྱལ་པོས་
གསུངས་སོ། །འཕགས་པ་ལས་བཞི་འཁོར་ལོ་གསང་བའི་རྒྱུད་ལས་ཀླུ་མཐར་བྱེད་ཀྱིས་གནོན་པའི་ཐབས་ཀྱི་ལེའུ་སྟེ་བཅུ་གཅིག་པའོ།། །། དེ་ནས་ཡང་ཁྲོ་བོ་ཆེན་པོ་གཤིན་རྗེ་གཤེད་ཀྱིས་མཐར་བྱེད་འབྱུང་བ་འདི་ཉིད་ཀྱི་སྐུ་གསུང་
104-1-67a


ཐུགས་ཡོན་ཏན་ཕྲིན་ལས་ལས་ཕྱུང་ངོ་། །ཡ་མ་མཐར་བྱེད་ཕྲིན་ལས་ནི། །དཀྱིལ་འཁོར་སྔ་མ་འདྲ་བར་དམིགས། །བཟླས་པའི་སྙིང་པོ་འདི་ཡང་བྲི། །ཡ་སྟེ་འབྱུང་བྱེད་ཀྵེ་ཡིས་སྲེག །ཡ་ནི་ཡང་དག་ཙ་ནི་སྐེམས། །ནི་ཞེས་པ་ནི་
ཁུག་ཤིག་པའོ། །ར་ཞེས་བྱ་བ་བསྒྲལ་བ་ལ། །མ་ལས་སྐྱེད་བྱེད་སླར་སྡུད་པའོ། །བདག་ཉིད་ཡ་མ་མཐར་བྱེད་སྐུ། །སྐུ་མདོག་ལྗང་ནག་ཞལ་གཅིག་ཕྱག་གཉིས་པ། །སྐུ་ལ་ཐོད་པ་ཕྱེད་ཚལ་བརྒྱན། །དབུ་ཡི་སྐྲ་ནི་ཁམ་ནག་ལ། །རལ་པ་གྱེན་
དུ་འཁྱིལ་པ་སྟེ། །ཕྱག་གཡས་ཆུ་སྲིན་དབྱུག་ཐོ་འཕྱར། །གཡོན་པ་ཕྱག་ན་ཞིང་ཆེན་ཟ་བའོ། །སྐུ་སྟོད་གླང་ཆེན་ཀོ་རློན་ལ། །སྐུ་སྨད་སྟག་གི་ཤམ་ཐབས་ཅན། །དུར་ཁྲོད་མེ་དབུས་བཞུགས་པ་ལ། །ཡུམ་ཡང་དེ་དང་འདྲ་བར་བསྒོམ། །བཟླས་
པའི་ཏིང་འཛིན་མེ་འདྲ་ལ། །བཟླས་བརྗོད་རླུང་འདྲ་གཡོ་ཞིང་བསྐྱོད། །ལྕེ་ལ་ཉི་མའི་དཀྱིལ་འཁོར་ལ། །སྟེང་དུ་བཟླས་པའི་སྙིང་པོ་དགོད། །ཐ་མ་དབྱངས་དང་བཅས་པ་ལ། །ཧྲིཥྚི་སྔགས་ཀྱི་ཕྲེང་བ་གདབས། །ཕར་འཕྲོས་རྣམ་ཤེས་འགུགས་
པར་བསམ། །ཚུར་བསྡུས་གཤིན་རྗེ་ཉིད་ལ་ཐིམ། །འཕྲོ་འདུ་བཟླས་པ་དེ་དག་ཀུན། །གོང་དུ་བཤད་པ་དག་ལ་ཡང་། །དེ་དག་རབ་ཏུ་སྦྱར་ཞེས་བཤད། །དེ་ནས་བཅོམ་ལྡན་འདས་གཤིན་རྗེའི་ཁྲོ་བོས་བསྐུལ་བ་འདི་གསུངས་སོ། །ཨོཾ་ཡ་མ་ལས་
ཀུན་འཇིགས་པར་བྱེད་པ་ནི། །ཐམས་ཅད་དབང་སྡུད་ཡ་མ་མཐར་བྱེད་སྐུ། །ཞལ་གཅིག་ཕྱག་གཉིས་སྐུ་མདོག་ལྗང་། །ཞབས་གཉིས་དོར་ཐབས་ཀླུ་རྒྱལ་གནོན། །སྐུ་ལ་སྦྲུལ་ནག་སྟོང་གིས་བརྒྱན་པ་ནི། །བགེགས་རྣམས་འདུལ་ཞིང་རྟག་ཏུ་འཆི་
བར་མཛད། །སྐུ་ལ་ཐོད་པའི་ཕྱེད་ཚལ་བརྒྱན་པ་ནི། །འགྲོ་བ་ཐུགས་རྗེ་ཕྱོགས་གཅིག་དགོངས་པའི་རྟགས། །དབུ་སྐྲ་རལ་པ་གྱེན་དུ་འཁྱིལ་པ་ནི། །སྲིད་གསུམ་མ་ལུས་དབང་དུ་སྡུད་པའི་རྟགས། །ཕྱག་གཡས་ཆུ་སྲིན་དབྱུག་ཏོ་བསྣམས་པ་ནི། །
དགྲ་བགེགས་འཇིགས་པ་ཆེ་ལས་སྒྲོལ་བའི་རྟགས། །གཡོན་པ་ཞིང་དབྱུག་ཕྱག་ན་བསྣམས་པ་ནི། །ཐུགས་རྗེས་སེམས་ཅན་མྱ་ངན་ལམ་ལ་འཇོག །ཀོ་རློན་གཡང་གཞིས་སྐུ་ལ་བརྒྱན་པ་ནི། །དུག་ལྔ་མ་སྤངས་གནས་སུ་དག་པའི་རྟགས། །
104-1-67b


སྟག་གི་གཡང་གཞིས་སྐུ་ལ་བརྒྱན་པ་ནི། །དུག་གསུམ་གནས་སུ་བསྒྲལ་ནས་ཆོས་ཀྱི་སྐུ། །སྐྱེ་མེད་ངང་ལ་གཡོ་བསྐྱོད་མི་མངའ་ཡང་། །ཞེ་སྡང་ཕྲིན་ལས་བྱ་བའི་དུས་ལ་བབ། །ཨོཾ་ཧྲིཥྚི་ཡ་མ་ར་ཙ་སརྦ་མ་ར་ཡ་ནན་ཛ་ས་མ་ཡ། ཞེས་བརྗོད་
ཅིང་ཞེ་སྡང་དང་ལྡན་པར་ཏིང་ངེ་འཛིན་གྱིས་བཟླས་པ་དང་སྦྱར་ཏེ་ལས་བྱས་ན་གདོན་མི་ཟའོ། །དེ་དག་ནི་འདི་འོས་པ་ཙམ་གྱིས་མ་ཡིན་ཏེ་ཡང་དང་ཡང་དུ་འདྲིས་པར་བྱས་ལ་ནན་ཏན་གྱིས་མ་བྱས་ན་འཕྲལ་དུ་ཕྲ་མོ་ཙམ་གྱིས་འགྲུབ་པ་མ་ཡིན་ནོ། །
འཕགས་པ་ལས་བཞི་འཁོར་ལོ་གསང་བའི་རྒྱུད་ལས་ཡ་མ་མཐར་བྱེད་ཀྱིས་གནོན་པའི་ལེའུ་སྟེ་བཅུ་གཉིས་པའོ།། །། དེ་ནས་ཡང་ལས་ཕྲན་ཚེགས་བསྒྲུབ་པ་འདི་ཉིད་ཀྱི་སྐུ་དང་གསུང་དང་ཐུགས་ཡོན་ཏན་ཕྲིན་ལས་ལས་ཕྱུང་
ངོ་། །ཟླ་བ་འདྲ་བའི་དཀྱིལ་འཁོར་ལ། །པདྨ་འམ་འཁོར་ལོ་གང་ཡང་རུང་། །ཡང་ན་རིན་ཆེན་དྲ་བ་ལ། །དྲ་མིག་རྣམས་ནི་འདུག་པར་གནས། །རིན་ཆེན་ཕུར་བུ་ནང་དུ་བལྟས། །དེ་རུ་བྲི་འམ་གཟུགས་པར་བྱ། །ཐ་མ་སྦྲུལ་གྱི་ཞགས་པས་
བསྐོར། །དཀྱིལ་འཁོར་དེ་ཡི་དབུས་སུ་ནི། །ཁྲུ་གང་མཐུར་དུ་བརྐོས་བྱས་ལ། །ག་བུ་ཁ་སྦྱར་ནང་དུ་ནི། །ཡུངས་ཀར་བླུགས་ལ་བཟླས་པ་བྱ། །རྟགས་ལ་མ་ཡེངས་འཕྲོ་འདུ་ཡིས། །རྒྱུན་མི་འཆད་པར་བསྒྲུབ་པར་བྱ། །ཨོཾ་བཛྲ་ཀ་ལ་ད་
དུ་ཁ་ལ། པྲ་མརྟ་ན་ཧཱུྃ་ཕཊ། སླེ་ཁ་སླེ་ཁ་ཕཊ་ཕཊ་ཅེས་བཟླས་ལ། བདག་ཉིད་ཡ་མན་ཏ་ཀར་བསྒོམས་ལ། །སྔགས་ནི་ནུས་ཚད་དུ་བཟླས་ན་འགྲུབ་ངེས་སོ། །ཡུངས་ཀར་རྒྱལ་པོ་བསྒྲུབ་པའོ། །དེ་ནས་འཁོར་ཁྲོ་བོ་ལ་སོགས་པས་
བཅོམ་ལྡན་འདས་གཤིན་རྗེ་གཤེད་ལ་འདི་སྐད་ཅེས་གསོལ་ཏོ། །ཨེ་མའོ་དབྱིངས་ལས་བྱུང་བ་དང་། མཁའ་ལ་རྒྱུ་དང་ས་ལ་དབང་བ་གསུམ་གྱིས་བསྐུལ་བའི་དབྱངས་འདི་བདག་ཅག་ལེན་ལགས་སོ། །ཡེ་ཤེས་མཁའ་ལྡན་མ་མོའི་དཔལ། །
གཟི་བརྗིད་འབར་བའི་ཕྲིན་ལས་ཅན། །དཔལ་གྱི་ཕྱག་བརྙན་རཀ་ཏའི་དྲི་མནོམ་མ། །མ་མོ་ཁྱོད་ནི་ཀུན་གྱི་གཙོ་མོ་དཔག་ཚད་བརྒྱད་ཁྲིར་རྒྱུག །བུད་མེད་ལུས་ལ་འཇིགས་བྱེད་ཚུལ་འཆང་བ། །ཁ་ནས་མེ་འབར་རྒྱ་མཚོའི་ཏིང་ནས་སྐེམས། །
104-1-68a


མིག་ནས་ཞག་འཛག་རི་རབ་ཐལ་པར་རློག །སྐད་ཅིག་ཙམ་ལ་སྟོང་ཁམས་དབང་དུ་སྡུད། །འཇིག་རྟེན་ལྷ་ཆེན་བརྒྱད་ཀྱང་འདར་ཡེད་ཡེད། །ཆེ་གེ་མོ་ཞིག་དབང་དུ་སྡུད་པར་བྱེད། །བུད་མེད་གཟུགས་ཅན་དུས་ལ་བབ། །
ཆེ་གེ་མོ་ཨོཾ་ཏྲག་རག་ཤ་ཧྲིཥྚི་ཡ་མ་མ་མ་ནན་ཞེས་བསྐུལ་བ་ནི་དབྱིངས་ཀྱི་མ་མོའོ། །ནམ་མཁའི་གཏིང་དཔག་ཡངས་ལ་གནས་བཅས་ཤིང་། །བར་སྣང་ཁམས་ལ་རྒྱུ་བའི་ཚོགས། །ཁམས་གསུམ་ཐམས་ཅད་དབང་དུ་སྡུད། །ལྕགས་
ཀྱི་བྱ་ཁྲ་ལྟ་བུ་ནི། །མ་མོ་རྣམས་ཀྱི་མཆོག་ཀྱང་ཡིན། །ཁ་འབར་སྟོང་གི་གཙོ་མོ་སྟེ། །འཇིགས་བྱེད་རྣམས་ཀྱི་དབང་བྱེད་མ། །སྲིད་གསུམ་དབང་དུ་སྡུད་པ་མོ། །གཟིགས་པའི་གོ་འཕང་ནམ་མཁའ་འདྲ། །གཤེགས་ཤིང་བཞུགས་པ་
གློག་པས་མགྱོགས། །གཡས་ཀྱི་གཤོག་པ་བརྡབས་པ་ཡིས། །བདུད་དང་སྲིད་པོ་རྡུལ་དུ་རློག །གཡོན་གྱི་གཤོག་པ་བརྡབས་པ་ཡིས། །དགྲ་བགེགས་འབྱུང་པོ་དབང་དུ་སྡུད། །དམ་ཚིག་ཅན་གྱི་དུས་ལ་བབ། །ཨོཾ་མ་ར་ཏྲག་རག་ཤ་
ཏྲི་ཡོ་ཡ་མ་ར་ཙ་ཀ་ཀ་རུ་པ་ཧྲིཥྚིྃ་ཛ་ཞེས་བསྐུལ་བ་ནི་མཁའ་ལྡིང་གི་ཚོགས་སོ། །ཡ་མ་ན་སྟེ་གྲུབ་པ་མོ། །ལ་ལ་ལག་ན་རྒྱུ་ཞགས་འཆང་། །ལ་ལ་ལག་ན་ཐོད་ཕྲེང་འཛིན། །ལ་ལ་ཞིང་ཆུང་བ་སུ་འདྲེན། །ལ་ལ་མེ་ཁྱེར་རྒྱ་མཚོ་སྐེམས། །
ལ་ལ་འགུགས་བྱེད་ཉམས་པ་འཛིན། །ལ་ལ་སྦྲུལ་ནག་ཞགས་པ་འཛིན། །ལ་ལ་ཕོ་ཉ་འགུགས་ཤིང་འདྲེན། །སྔགས་པས་བོས་ཤིང་གདུངས་པའི་ཚེ། །དམ་ཚིག་དུས་ལ་བབ་པོ་ས་མ་ཡ། །སྡང་བར་སེམས་པའི་སྙིང་ནས་དྲོངས། །
བརྩེ་བའི་ཚོགས་ཀྱིས་དུས་ལ་བབ། །ཨོཾ་ཀ་ཧ་ཏྲག་རག་ཤ་རད་ན་ཀ་ལ་ཧྲིཥྚིྃ་སྭཱ་ཧཱ།  ཞེས་སྤྱན་དྲངས་ཞིང་བསྐུལ་བ་ནི་གཏེར་བདག་གི་ཚོགས་སོ། །དེ་ནས་བཅོམ་ལྡན་འདས་གཤིན་རྗེ་གཤེད་ཀྱིས་འདི་སྐད་ཅེས་གསུངས་སོ། །རྒྱུད་ཀྱི་རྒྱལ་པོ་ལས་
བཞི་འཁོར་ལོ་འདི། །དུས་ཕྱི་མ་ལ་རྣལ་འབྱོར་པ་གང་ཞིག་བསྒྲུབ་པའི་ལས་བྱེད་ན། ང་ཡང་ཐུགས་དམ་ལས་མི་གཡེལ་ལ། འཁོར་ཁྲོ་བོ་དང་། ཁྲོ་མོ་ལ་སོགས་པས་ཀྱང་། ངའི་ཐུགས་དམ་རྗེས་སུ་བསྒྲུབ་པར་མཛད་པས། དུས་ཐ་མ་ལ་དམ་པའི་
104-1-68b


ཆོས་འདི་རྣལ་འབྱོར་པའི་སྐུ་ལ་བསྔོ་བ་ལ་སོགས་པ་ལ་དམ་ཚིག་འབྱུང་བར་ཞལ་གྱིས་བཞེས་སོ། །དེ་ནས་འཁོར་རྣམས་བཅོམ་ལྡན་འདས་ཁྲོ་བོའི་རྒྱལ་པོ་གཤིན་རྗེས། དུས་ཐ་མ་ལ་འབྱུང་བར་ཞལ་གྱིས་བཞེས་པ་ལ་དགའ་ནས་ཡི་རངས་ཏེ་མངོན་པར་
བསྟོད་དོ། །འཕགས་པ་ལས་བཞི་འཁོར་ལོ་གསང་བའི་རྒྱུད་ལས། མཇུག་བསྐུལ་བ་དང་གནང་བའི་ལེའུ་སྟེ་བཅུ་གསུམ་པའོ།། །། འཕགས་པ་ལས་བཞི་འཁོར་ལོ་གསང་བ་ཆེན་པོ་རྩ་བའི་རྒྱུད་རྫོགས་སྷོ།། །།དེ་ནས་འཁོར་
ཁྲོ་བོ་དང་ཁྲོ་མོ་ལ་སོགས་པ་རྣམས་ཀྱིས། །ངག་འཐུན་པས་བཅོམ་ལྡན་འདས་ཁྲོ་བོའི་རྒྱལ་པོ་དེ་ལ་འདི་སྐད་ཅེས་གསོལ་ཏོ། །ཨེ་མའོ་བཅོམ་ལྡན་ཁྲོ་རྒྱལ་གཙོ། །ལས་བཞི་འཁོར་ལོའི་རྒྱུད་འདི་ལ། །ངོ་མཚར་རྨད་བྱུང་བསྟན་པ་ལ། །བདག་ཅག་
ཐེ་ཚོམ་འཚལ་བ་རྣམས། །བདེར་གཤེགས་གསུང་གི་ངོ་བོ་ཡིས། །ཞུ་བའི་དམིགས་རྣམས་བཤད་དུ་གསོལ། །འཕགས་པ་ཞེས་བགྱི་ཇི་ལྟར་ལགས། །ལས་བཞི་ཞེས་བགྱི་ཇི་ལྟར་ལགས། །འཁོར་ལོ་ཞེས་བགྱི་ཇི་ལྟར་ལགས། །གསང་བ་ཞེས་
བགྱི་ཇི་ལྟར་ལགས། །རྒྱུད་ཅེས་བགྱི་བ་ཇི་ལྟར་ལགས། །རྣམ་དག་དབྱིངས་ལས་བཞེངས་ནས་ནི། །ཞུ་བའི་དམིགས་རྣམས་བཤད་པར་མཛོད། །དེ་ནས་བཅོམ་ལྡན་འདས་ཀྱིས་ཁྲོ་བོ་གཞན་ལ་གདུག་པར་མཛད་པ་ཡིས། །ཚངས་པའི་དབྱངས་
ཀྱིས་གསུང་ཕྱུང་སྟེ། །འདི་སྐད་འཁོར་ལ་བཀའ་སྩལ་ཏོ། །རིགས་ཀྱི་འཁོར་རྣམས་ཞུ་བ་ཡི། །དམིགས་རྣམས་ཞུ་བ་རབ་ཏུ་ལེགས། །འཕགས་པ་ཞེས་སུ་བསྟན་པ་ནི། །གདུག་པ་མ་ལུས་ཀུན་ལས་འཕགས། །ཡེ་ཤེས་སེམས་
དཔའ་འབྱུང་བའི་གཞི། །དཔེ་ཡིས་དེ་ལ་བསྐྲུན་དུ་མེད། །ལས་བཞི་ཞེས་སུ་གྲགས་པ་ཡང་། །དེ་ལ་ལས་ནི་རྣམ་པ་གཉིས། །ཐབས་དང་ཤེས་རབ་འདུལ་དབང་དང་། །སྐུ་གསུམ་ཕྲིན་ལས་འདུལ་བ་སྟེ། །ཐབས་དང་ཐབས་སུ་འབྲེལ་བ་
ལ། །ཤེས་རབ་འབྲེལ་པས་ཡུམ་ཞེས་བྱ། །ཆོས་དང་ལོངས་སྤྱོད་པ་ཡི་སྐུ། །འདུལ་དབང་ལས་ཞེས་བྱ་བར་གྲགས། །དེ་ལ་བཞི་ཞེས་བྱ་བ་ཡང་། །ཞི་བ་རྒྱས་པ་དབང་མངོན་ནོ། །ཞི་བ་བྱ་བའི་ངེས་ཚིག་ཀྱང་། །ཏིང་འཛིན་
104-1-69a


རིམ་པ་བྱམས་པ་ལ། །འཕྲོ་འདུ་དཀར་ལ་འཚེར་བ་སྟེ། །ཐམས་ཅད་མགུ་བར་བྱེད་པ་དང་། །མི་མཐུན་པ་རྣམས་ཞི་བྱའི་ཕྱིར། །དེ་ཕྱིར་ཞི་བ་ཞེས་བྱའོ། །རྒྱས་པ་གསེར་ལྟར་སེར་བ་ལ། །ཏིང་འཛིན་སྤྲུལ་པ་
མང་པོར་ཁྱབ། །ཕྱོགས་བཅུར་འགྲོ་བའི་དོན་བྱས་ཏེ། །བསྐུལ་བའི་ས་ལ་གཞེས་པ་ཡི། །སངས་རྒྱས་ཐམས་ཅད་སྤྱན་དྲངས་ཏེ། །བདག་གི་བ་སྤུའི་བུ་ག་ནས། །ཀུན་ཏུ་ཞུགས་ཏེ་རྒྱས་པ་ལ། །ཚེ་དང་དབང་ཐང་དཔལ་ལ་སོགས། །ཐམས་
ཅད་རྒྱས་པས་རྒྱས་ཞེས་བྱ། །དེ་ལ་དབང་གི་ངེས་ཚིག་ཀྱང་། །ཕྱོགས་བཅུའི་འཇིག་རྟེན་ཐམས་ཅད་ནས། །བདག་གི་ཡིད་ལ་བསམས་པ་ཀུན། །ཡབ་ཡུམ་སྤྲུལ་པའི་ཁྱད་པར་ལས། །ཅི་འདོད་ཐམས་ཅད་དབང་དུ་སྡུད། །ལས་དང་བྱ་བ་མ་
ལུས་དང་། །བདག་ཉིད་ལྷ་ཡི་སྐུར་བསྒོམས་པས། །འདུ་བར་འགྱུར་བ་གདོན་མི་ཟ། །དེ་ལ་དྲག་པོའི་ཕྲིན་ལས་ཀྱང་། །གཤིན་རྗེ་གཤེད་དང་གཤེད་བདག་མོ། །ཡབ་ཡུམ་ཁྱད་པར་སྤྲིན་ལྟ་བུ། །ནམ་མཁའ་ཁེབས་པ་བྱེད་པ་ལྟར། །གཉིས་མེད་
བྱང་ཆུབ་ཁྱད་པར་ལས། །འཕྲོ་འདུ་འོད་ཟེར་སྤྲིན་ལྟ་བུ། །ནམ་མཁའ་གང་བར་ཁྱབ་པ་ལ། །ཁྲོ་བོའི་སྤྲུལ་པས་ཁེབས་གྱུར་ཏེ། །འཇིག་རྟེན་རྡུལ་དུ་བཤིག་ནས་ནི། །གདུག་པ་མ་ལུས་ཀུན་བཏུལ་སྟེ། །སླར་བསྡུས་ཡབ་ཡུམ་སྐུ་ལ་བསྡུ། །དེ་ལྟར་
ནས་དང་ཡུངས་འབྲུ་ཙམ། །མ་ལུས་ཀུན་ཏུ་འགེངས་བྱེད་ཅིང་། །དམིགས་པ་གང་ན་གནས་པ་དག །བཙལ་ཏེ་སླར་ཡང་འགུགས་ལ་སོགས། །འདི་དང་འདི་ཞེས་བྱ་མེད་པར། །འཁོར་བ་ཚང་ནས་སྤྲུགས་བསམས་ཏེ། །དྲག་པོའི་ཕྲིན་ལས་གྲུབ་པར་
བསམ། །འཁོར་ལོ་ཞེས་སུ་བསྟན་པ་ཡང་། །མི་འཁོར་འཁོར་ཕྱིར་རྩེ་མོ་འཕྲོ། །ལྟེ་བ་འཁོར་ལ་རྩེ་མོས་གཅོད། །དེ་ཕྱིར་འཁོར་ལོ་ཞེས་སུ་གྲགས། །གསང་བ་ཞེས་སུ་གྲགས་པ་ཡང་། །ཀུན་ལ་མི་བསྟན་རྩ་བ་སྟེ། །ཐུན་མོང་ཀུན་གྱི་མ་ཡིན་པས། །
དེ་ཕྱིར་གསང་བ་ཞེས་བྱའོ། །དེ་ལ་རྒྱུད་ཅེས་བྱ་བ་ཡང་། །ཚང་ཞིང་འབྲེལ་པས་བཏགས་པ་དང་། །བྲེང་ཆགས་དགོས་པ་སྒྲུབ་པ་ཡི། །དེ་ཕྱིར་རྒྱུད་ཅེས་བྱ་བར་བཤད། །དེ་ནས་ཡང་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །ཉི་མ་བཞི་
104-1-69b


ལ་ལས་བཞི་ཞིག །གསུངས་ཤིང་ངེས་པར་བསྟོན་པ་སྟེ། །དངོས་པོ་ཅི་ལ་བསྒོམ་པར་བགྱི། །ཞི་བ་ལ་ནི་ཇི་ལྟར་བགྱི། །སྔགས་རྣམས་ཇི་ལྟར་བཟླས་པར་བགྱི། །ཕྲིན་ལས་ངེས་པར་བསྟན་པ་སྟེ། །རྒྱས་པ་དག་ལ་ཇི་ལྟར་བསྟན། །སྔགས་རྣམས་
བརྗོད་པ་ཇི་ལྟ་བུ། །དབང་ལ་ཇི་ལྟར་བསྒོམ་པར་བགྱི། །སྔགས་རྣམས་བརྗོད་པ་ཇི་ལྟ་བུ། །དྲག་པོའི་ལས་སུ་བསྟན་པ་ལ། །ལྷ་ནི་ཇི་ལྟར་བསྒོམ་པར་བགྱི། །བཟླས་པའི་སྔགས་རྣམས་ཇི་ལྟར་ལགས། །ཕྲིན་ལས་རྣམ་བཞིར་བསྟན་པ་
དེས། །ལས་ནི་ཇི་ལྟ་བུ་ཞིག་འགྲུབ། །གཞི་འམ་གནས་ནི་ཇི་ལྟ་བུ། །དེ་དག་ཇི་ལྟ་བུ་ཡི་བྲི། །ངེས་པར་བསྟན་པའི་མན་ངག་ལ། །བདག་ཅག་རྣམས་ལ་བསྟན་དུ་གསོལ། །དེ་ནས་བཅོམ་ལྡན་ཁྲོ་འདུལ་དེས། །གསུང་ནི་འདི་སྐད་
བཀའ་སྩལ་ཏོ། །གང་བསྒོམ་ལྷ་རྣམས་སྐུ་མདོག་དཀར། །ཡུམ་ཡང་དེ་དང་འདྲ་བ་ལ། །ཕྱོགས་བཅུའི་འཁོར་རྣམས་རིགས་དང་སྦྱར། །བདག་ཉིད་ཡ་མན་ཏ་ཀ་རུ། །སྐུ་མདོག་གསལ་བར་བསྒོམས་ནས་ནི། །བཟླས་པའི་སྔགས་འདི་
མགུ་བས་བཟླས། །ཡ་མ་ར་ཙ་ས་ཏོ་མེ་ཡ། ཆེ་གེ་མོ་བ་ལུ་ཀ་ཤནྟིྃ་ཀུ་རུ་སྭཱ་ཧཱ། ཡ་མེ་ཏོ་རུ་ན་ཡོ་ཏ་ཡ། ཆེ་གེ་མོ་ཀྵ་ར་ཙ་ཤན་ཏིང་ཀུ་རུ་སྭཱ་ཧཱ། ཡ་ཏ་ཡོ་ནི་རི་ཡ་ཀྵེ་ཡ། ཆེ་གེ་མོ་པ་ལ་མུསྟི་ཤན་ཏིང་ཀུ་རུ་སྭཱ་ཧཱ། ཡཀྵེ་ཡ་ཙ་ནི་ར་མ་ཡ། ཆེ་
གེ་མོ་མ་ར་ཡ་ཤན་ཏིང་ཀུ་རུ་སྭཱ་ཧཱ། མི་དྲག་མི་བུལ་མི་ཞན་པར། །ཏིང་འཛིན་སྦྱོར་བ་ལྡན་བྱས་ཏེ། །ཉི་མ་རེ་ལ་རིམ་བཞིན་སྦྱར། །གྲུབ་པར་འགྱུར་བར་གདོན་མི་ཟའོ། །ཕྲིན་ལས་ངེས་པར་གྲུབ་པ་སྟེ། །བསྒོམ་པར་བྱ་བ་སྐུ་མདོག་སེར། །
ཡུམ་ཡང་དེ་དང་འདྲ་བ་ལ། །ཕྱི་མ་རིམ་བཞིན་སྦྱར་བར་བྱ། །གསེར་ལྟ་བུ་ཡི་ཏིང་འཛིན་ལ། །འཕྲོ་འདུ་བྱང་ཆུབ་སེམས་ལྟ་བུ། །ཕྱོགས་བཅུ་མ་ལུས་དོན་བྱས་ཏེ། །བདག་གི་ཕུང་པོ་མ་ལུས་དང་། །ཚེ་དང་ལོངས་སྤྱོད་འཕེལ་བར་བསམ། །
དེ་ཚེ་སྔགས་འདི་བཟླས་བར་བྱ། །ཡ་མ་ར་ཙ་ས་ཏོ་མེ་ཡ། ཆེ་གེ་མོ་པྲ་མ་ཡ། པུཥྚིཾ་ཀུ་རུ་སྭཱ་ཧཱ། ཡ་མེ་ཏོ་རུ་ན་ཡོ་ཏ་ཡ། ཆེ་གེ་མོ་ཀ་ཀྵ་པུཥྚིྃ་ཀུ་རུ་སྭཱ་ཧཱ། ཡ་ཏ་ཡོ་ནི་ར་ཡཀྵེ་ཡ། ཆེ་གེ་མོ་ཞིག་ས་སྟི་པུཥྚིྃ་ཀུ་རུ་སྭཱ་ཧཱ། ཡཀྵེ་ཡ་ཙ་ནི་ར་མ་ཡ། 
104-1-70a


ཆེ་གེ་མོ་ཞིག་མ་ར་ཡ་པུཥྚིྃ་ཀུ་རུ་སྭཱ་ཧཱ། །དེ་ཚེ་རང་རིག་ཏིང་འཛིན་གྱིས། །མཐུ་དང་ལྡན་པར་བྱས་ཏེ་ནི། །སྔགས་དེ་བཟླས་པ་བྱས་ན་ནི། །འགྲུབ་པར་འགྱུར་ཏེ་ཐེ་ཚོམ་མེད། །ཐམས་ཅད་དབང་དུ་བསྡུ་བའི་ཕྱིར། །
ལྷ་ཡང་སྐུ་མདོག་ཟངས་ལྟ་བུ། །ཡུམ་ཡང་དེ་དང་འདྲ་བར་བསྒོམ། །ལྷ་རྣམས་གཞུང་བཞིན་བསྐྱེད་པ་ནི། །མཐར་བྱེད་འབྱུང་བའི་བཟླས་པའོ། །ཡ་མ་ར་ཙ་ས་ཏོ་མེ་ཡ། ཆེ་གེ་མོ་ཧཱུྃ་ཧཱུྃ་བ་ཤང་ཀུ་རུ་སྭཱ་ཧཱ། ཡ་མེ་ཏོ་རུ་ན་ཡོ་ཏ་ཡ། ཆེ་གེ་མོ་ཧཱུྃ་ཧཱུྃ་
ཕཊ་ཕཊ་སྭཱ་ཧཱ། ཡ་ཏ་ཡོ་ནི་ར་ཡཀྵེ་ཡ། ཆེ་གེ་མོ་ཧཱུྃ་ཧཱུྃ་ཕཊ་ཕཊ། ཀཱ་ལ་རཱུ་པ་སྭཱ་ཧཱ། ཡཀྵེ་ཡ་ཙ་ནི་ར་མ་ཡ་ཆེ་གེ་མོ་ཧཱུྃ་ཧཱུྃ་ཕཊ་ཕཊ།  ཀཱ་ལ་རཱུ་པ་ཧཱུྃ་ཧཱུྃ་ཕཊ་ཕཊ། །སྔགས་ཀྱི་བཟླས་པ་བྱས་ན་ནི། །བླ་མེད་སངས་རྒྱས་ཐམས་ཅད་ཀྱང་། །
འདུ་ཞེས་གསུངས་ཏེ་གདོན་མི་ཟའོ། །ལྷ་ནི་སྐུ་མདོག་ལྕགས་ལྟ་བུ། །མཐིང་ག་རབ་ཏུ་ཁྲོས་པ་ལ། །གཅེར་བུ་རལ་པ་གཅིག་སྟེ་འཇིགས། །མ་རུངས་འདུལ་བ་བསྒོམས་ནས་ནི། །བཟླས་པ་འདི་ནི་དྲག་ཏུ་བཟླས། །ཡ་མ་ར་ཙ་ས་ཏོ་
མེ་ཡ་ཆེ་གེ་མོ་ཨ་མུ་ཁཾ་པྲ་མ་ཡ་ནི་ཧཱུྃ་ཕཊ། ཡ་མེ་ཏོ་རུ་ན་ཡོ་ཏ་ཡ། ཆེ་གེ་མོ་ཨ་མུ་ཁྃ་མུ་ར་ཙ་ཡ་ཧཱུྃ་ཕཊ། ཡ་ཏ་ཡོ་ནི་ར་ཡཀྵེ་ཡ་ཆེ་གེ་མོ་ཨ་མུ་ཁྃ་རག་ཏ་ཙ་ར་ཧཱུྃ་ཕཊ། ཡཀྵེ་ཡ་ཙ་ནི་ར་མ་ཡ་ཆེ་གེ་མོ་ཨ་མུ་ཁྃ་མ་ར་ཡ་ཧཱུྃ་ཕཊ། བདག་ཉིད་
འཇིགས་བྱེད་སྐུར་བསྒོམས་ལ། །སྔགས་ཀྱི་ཕྲེང་བས་ཕོག་འགྱུར་ན། །མངོན་ཤེས་ལྡན་པའི་སངས་རྒྱས་ཀྱང་། །འཆི་བར་འགྱུར་བར་གདོན་མི་ཟ། །ཞི་བའི་དུས་སུ་བཟླས་པ་ཡིས། །དང་པོས་སེམས་ནི་གཡོས་པར་འགྱུར། །
གཉིས་པས་ཡིད་ལ་འབྱུང་བར་འགྱུར། །གསུམ་པས་དཀར་པོའི་ངོ་བོ་དང་། །བཞི་པས་ཐམས་ཅད་ཞི་བར་འགྱུར། །རྒྱས་པའི་དུས་སུ་བཟླས་པ་ཡིས། །དང་པོས་དཔལ་ཡང་འཕེལ་བར་བྱེད། །གཉིས་པས་དབང་ཐང་སྐྱེད་པར་
བྱེད། །གསུམ་པས་གཟི་བྱིན་རྙེད་འགྱུར་ཏེ། །བཞི་པས་ཚེ་རིང་མ་ལུས་རྒྱས་པར་འགྱུར། །དབང་གི་དུས་སུ་བཟླས་པ་ཡིས། །དང་པོས་སེམས་ཀྱང་གཡོས་པར་བྱེད། །གཉིས་པས་འཇུག་པར་ནུས་པ་སྟེ། །གསུམ་པས་དམིགས་པ་
104-1-70b


དབང་དུ་འདུ། །བཞི་པས་ཐམས་ཅད་དབང་དུ་འདུའོ། །དྲག་པོའི་བཟླས་པ་བྱས་པ་ཡིས། །དང་པོས་མགོ་ནི་འཁོར་བར་བྱེད། །གཉིས་པས་ཡིད་འཁྲུགས་གསུམ་པས་ཁྲག་དུ་སྐྱུག །བཞི་པས་གདོན་མི་ཟ་བའོ། །གཞི་འམ་
གནས་སུ་བསྟན་པ་ནི། །བཅུ་གཉིས་འཁོར་ལོ་རྩིབས་ཅན་དེ། །ཡི་དགས་ཀྱི་ནི་གོས་ལ་བྲི། །ཞི་བ་པད་མ་ཟླ་བ་ལ། །རྒྱས་པ་གླང་པོའི་རྒྱབ་ཏུ་བྱ། །དབང་ནི་བུད་མེད་སྙིང་གར་ཏེ། །དགུག་པ་སེང་གེ་དྲེའུ་དང་གཉིས། །དབྱེ་
བ་རྟ་དང་མ་ཧེ་གཉིས། །སྨྱོ་འབོག་ཤ་བའི་རྒྱབ་ཏུ་བྱ། །ལྐུག་པ་ལུག་གི་ཁོང་དུ་གཞུག །བསྐྲད་པ་རྔ་མོའི་རྒྱབ་ཏུ་བྱ། །གསད་པ་སྐྱེས་བའི་སྙིང་ག་སྟེ། །མནོན་པ་རི་རབ་འོག་ཏུ་བྱ། །སྣག་ཚའི་མཚན་ཉིད་བསྟན་པ་ཡང་། །
ཁྲག་སྣ་གསུམ་དང་བྱི་ལའི་གཅིན། །ཕོ་རོག་དག་གི་སྒྲོ་རྩ་ལ། །ཤི་བའི་སྐྲ་ལ་བིར་བྱས་ལ། །གང་བརྩམས་འགྲུབ་པར་ངེས་པར་བཤད། །དེ་ནས་བཅོམ་ལྡན་འདས་བརྩམ་པའི་རྒྱལ་པོའི་ཏིང་ངེ་འཛིན་མཆོག་དེ་ལ་
འདི་སྐད་ཅེས་གསོལ་ཏོ། །ངེས་པར་བསྟན་པའི་རྒྱུད་འདི་ལ། །ཁྲོ་བོའི་བཟླས་པ་ཇི་ལྟར་ལགས། །ཡུམ་གྱི་བཟླས་པ་ཇི་ལྟར་ལགས། །མ་མོའི་སྔགས་རྣམས་ཇི་ལྟར་ལགས། །ཁྲོ་བོའི་ཚོགས་རྣམས་ཇི་ལྟར་ལགས། །
ཞེ་སྡང་འཇོམས་མཛད་ཁྲོ་བོ་དེས། །གསུང་ནི་འདི་སྐད་བཀའ་སྩལ་ཏོ། །ཁྲོ་བོ་ཡབ་ཡུམ་ལྕེ་ལ་གཞག །མ་མོ་སྔགས་ཀྱི་མཐུ་བྱིན་ཆེ། །ཁྲོ་བོ་མང་པོ་འོད་འཕྲོ་པའོ། །དེ་ཡི་བཟླས་པ་འདི་དག་གོ །  ཨོཾ་ཨ་ཀྲོ་དྷ་ཀ་ཡ་མཱན་ཏ་
ཀ་ཀཱ་ལ་རཱུ་པ་པ་ཙ་ཏེ་ནི་ཧཱུྃ་ཕཊ། ཨོཾ་ཨྃ་ཧུྃ་བེ་ཏ་ལི་རག་ཤ་མན། ཨོཾ་རོ་ག་མ་དུན་བྷྱོ། ཙ་མུན་ཏ་ཀྱི་ཀྱི་མ་བྷྱོ། ནམ་གྲུ་མ་པ་ཡ་ཏི་བྷྱོ། ཨོཾ་ཨོཾ་ཨོཾ། ཀྲོ་དྷ་བཛྲ་པསྨི། བཛྲ་ཀྲོ་དྷ་མ་ལ། བཛྲ་ཀྲོ་དྷ་མ་ལ། བཛྲ་ཀྲོ་དྷ་ཏིསྠ། བཛྲ་ཀྲོ་དྷ་ཀངྐ་། བཛྲ་ཀྲོ་དྷ་སྨིག་ཤ །བཛྲ་
ཀྲོ་དྷ་རག་ཁང་། བཛྲ་ཀྲོ་དྷ་ཏ་ཀི་ནི། བཛྲ་ཀྲོ་དྷ་རག་ཤ །བཛྲ་ཀྲོ་དྷ་ཡཀྵ། བཛྲ་ཀྲོ་དྷ་ཀུཎ་ཌ་ལི། བཛྲ་ཀྲོ་དྷ་ཀྲི་ཏ།  བཛྲ་ལོ་ཀ །བཛྲ་པ་སྨི། བཛྲ་ཤུ་ལ། བཛྲ་ཀུ་ལ་ན། བཛྲ་ཀངྐ་། བཛྲ་མུ་ལ། བཛྲ་སྲི་ཏ། བཛྲ་བ་མུ། བཛྲ་ཤུ་ལ། 
104-1-71a


བཛྲ་སྨ་ར། ཧུྃ་ཧུྃ་ཧུྃ་ཧུྃ་ཧུྃ་ཧུྃ་ཧུྃ་ཧུྃ་ཧུྃ་ཧུྃ། ཧུྃ་ཧུྃ་ཧུྃ་ཧུྃ་ཧུྃ། ཧུྃ་ཧུྃ་ཧུྃ་ཧུྃ་ཧུྃ།  ཛཿཧུྃ་བྃ་ཧོཿབྷྱོ་བྷྱོ་བྷྱོ་བྷྱོ། དེ་ནས་ཡང་བཅོམ་ལྡན་འདས་འཇམ་དཔལ་ཡེ་ཤེས་སེམས་དཔའ་ཁྲོ་བོའི་རྒྱལ་པོ་དེ་ལ་འདི་སྐད་ཅེས་
གསོལ་ཏོ། །ངེས་པར་བསྟན་པའི་རྒྱུད་འདི་ལ། །ཚེ་ཞེས་བགྱི་བ་ཇི་ལྟར་ལགས། །ཡུངས་ཀར་བསྒྲུབ་པ་ཇི་ལྟར་ལགས། །དེ་ཡིས་ལས་ནི་ཅི་ཞིག་འགྲུབ། །ཕུར་བུ་ཞེས་བགྱི་ཇི་ལྟར་ལགས། །དང་པོ་དམ་བཅའ་ཇི་ལྟར་ལགས། །
བཅོམ་ལྡན་ཁྲོ་བོའི་རྒྱལ་པོ་ལ། །དེ་སྐད་ཅེས་ནི་ཞུས་པ་དང་། །གསུང་ནི་འདི་སྐད་བཀའ་སྩལ་ཏོ། །ཚེ་ཞེས་བྱ་བའི་དོན་འདི་ཡང་། །ཆོས་ཉིད་སྤྲོས་པ་མེད་པ་ལ། །ཀུན་ཏུ་མི་འགྱུར་ནམ་མཁའ་འདྲ། །བསྐྱོད་མེད་དུས་ཀྱིས་གཤིག་
ཏུ་མེད། །འགྲོ་བ་འཁྲུལ་པའི་ངོ་གང་ལ། །བག་ཆགས་ངན་པས་བསླུས་པ་ཡིས། །ཚེ་ལ་བར་ཆོད་འོང་བར་གསུངས། །དེ་ཕྱིར་ཚེ་ཡི་བསྒྲུབ་པ་གསུངས། །ཡུངས་ཀར་བསྒྲུབ་པའི་མཚན་ཉིད་ཀྱང་། །བག་ཆགས་འཁྲུལ་
པས་གནོད་འགྱུར་བ། །མི་མཐུན་པ་དང་གཉེན་པོ་སྟེ། །དེ་དག་འདུལ་བའི་དོན་དུ་བསྟན། །དེ་ནི་ལས་ཀྱི་འབྲས་བུ་ཡང་། །སྔོན་ནས་ལས་ངན་མཐུ་རྟགས་ཏེ། །མི་མཐུན་པ་དེ་འགུགས་པར་བྱེད། །དེ་ནས་ཡུངས་ཀར་རྒྱལ་པོས་བྱའོ། །
ཕུར་བུ་ཞེས་སུ་བསྟན་པ་ཡང་། །བདག་ཉིད་ཁྲོ་བོ་ཆེན་པོ་སྟེ། །གཉིས་མེད་མཁའ་ལ་གནས་བསམས་ཏེ། །ཕུར་བུ་ཞེས་ནི་དེ་ལ་བྱའོ། །ཕྱོགས་བཅུའི་ཐུགས་ལས་སྐྱེས་པ་སྟེ། །དེ་ཕྱིར་ཕུར་བུ་ཞེས་སུ་བསྟན། །དང་པོར་དམ་བཅས་
འདི་ལྟར་རོ། །ལྔ་བརྒྱ་དུས་ཀྱི་ཐ་མ་ལ། །མཚམས་མེད་ལྔ་ནི་ཀུན་སྤྱོད་ཅིང་། །གོས་ངན་རེ་བ་གོན་པ་དང་། །ཟས་ངན་གཅི་བ་ཟ་བའི་ཚེ། །དེ་ཚེ་ང་ཡི་བསྟན་པ་འབྱུང་། །དུས་ངན་ཐ་མ་བྱུང་བའི་ཚེ། །ལྷ་མོའི་ནང་ན་འོད་ཟེར་
ཅན། །འཕགས་པའི་ནང་ན་འཇམ་དཔལ་གཉིས། །འདི་གཉིས་མ་གཏོགས་དངོས་གྲུབ་གཞན། །རིགས་འཛིན་ཀུན་ལ་མ་ཡིན་ནོ། །ཁྲོ་བོའི་རྒྱལ་པོ་འདི་ཡིས་ནི། །ངེས་པར་དབང་དུ་མ་གྱུར་པའི། །དང་པོ་འདས་དང་ད་ལྟར་གྱི། །
104-1-71b


ཕྱིས་འབྱུང་བ་ནི་གང་ཡང་མེད། །དགྲ་བགེགས་འབུམ་འམ་སྟོང་ཡང་རུང་། །དེ་མ་ཐག་ཏུ་བརླག་པར་བྱེད། །ཁྲག་གི་ཆར་ཡང་འབེབས་པར་བྱེད་ཅེས་གསུངས་པས། འཇིག་རྟེན་གྱི་ཁམས་འདི་དག་ཐམས་ཅད་ཚར་བཅད་དེ། 
དྲག་པོའི་ཕྲིན་ལས་གྲུབ་པར་གྱུར་ཏོ། །དེ་ནས་འཁོར་རྣམས་ཀྱིས། འཇམ་དཔལ་ཁྲོ་བོ་གཤིན་རྗེ་གཤེད་པོ་ལ་འདི་སྐད་ཅེས་བསྟོད་དོ། །འཕགས་པ་ཁྲོ་བོ་འཇམ་དཔལ་གཤིན་རྗེ་གཤེད། །ཆོས་སྐུ་བྱང་ཆུབ་སེམས་
ཀྱི་རང་བཞིན་ལས། །ཚད་མེད་བཞི་ཡི་ངང་ཉིད་རྣམ་དག་པས། །བདག་ཉིད་ཁྲོ་བོ་འབར་བའི་སྐུར་སྟོན་ཅིང་། །ཚངས་པ་བརྒྱ་བྱིན་ལྷ་ཆེན་དྲག་པོ་རྣམས། །གཉིས་མེད་བྱང་ཆུབ་སེམས་ཀྱིས་སྒྲོལ་བར་མཛད། །མ་ཧེའི་སྟེང་ན་ཞབས་ནི་
བརྐྱང་བསྐུམ་གནས། །ལས་ཀྱི་དབྱུག་པ་དག་གིས་རྡུལ་དུ་རློག །ཀླུ་ཡི་རྒྱལ་པོས་སྐུ་ལ་བརྒྱན་པ་ནི། །སྙན་ཆ་མགུར་དང་དབུ་དང་ཕྱག་ཞབས་རྣམས། །ཡན་ལག་ལྔ་ལ་ངེས་པར་བཀྲིས་ཏེ་གནས། །དབུ་སྐྲ་ཁམ་ནག་རལ་པ་གྱེན་དུ་
འབར། །སྤྱན་གསུམ་གཉིས་མེད་རྣམ་ཐར་དོན་ལ་གཟིགས། །མགོ་བཅད་ཕྲེང་བས་དབུ་ཡི་རྒྱན་དུ་བྱས། །ལྗགས་དང་མཆེ་བ་གློག་ལྟར་འདྲིལ་ཞིང་འབར། །འཇིགས་བྱེད་དྲག་པོའི་ཞལ་སྤྱན་རབ་ཏུ་བགྲད། །མི་ལྤགས་རློན་པ་
དག་གིས་སྟོད་གཡོགས་ཤིང་། །སྟག་ལྤགས་རློན་པས་སྐུ་ཡི་རྒྱན་དུ་བྱས། །དེ་འདྲའི་སྐུ་མདོག་འབར་བའི་ཆ་ལུགས་འཆང་། །ངོ་མཚར་རྨད་བྱུང་ཆེ་ལ་ཕྱག་འཚལ་ལོ། །ཞེས་བསྟོད་ནས་གཉིས་སུ་མེད་པར་གྱུར་ཏོ། །འཕགས་
པ་ལས་བཞི་འཁོར་ལོ་གསང་བའི་རྒྱུད་ལས། ལེའུ་བཅུ་བཞི་པའོ། །འཕགས་པ་ལས་བཞི་འཁོར་ལོ་གསང་བའི་རྒྱུད་ལས། རྒྱུད་ཕྱི་མ་རིམ་པར་བཀོད་པ་རྫོགས་སྷོ།། །། རྒྱ་གར་སྐད་དུ།  སརྦ་
ཏ་ཐཱ་ག་ཏ་བུད་ཏྲོ་པུ་ན་གུ་ཧྱ་བ་ནོ་ཤི་ཨ་ཤྭོདྷ་མ་བི་ན་ས་མ་ཏ་ཏན་ཏྲ་ནཱ་མ།  བོད་སྐད་དུ།  དེ་བཞིན་གཤེགས་པ་ཐམས་ཅད་ཀྱི་དགོངས་པ་བླ་ན་མེད་པ་གསང་བ་རྟ་མཆོག་རོལ་པའི་རྒྱུད་ཆེན་པོ་ཞེས་བྱ་བ། དཔལ་རྡོ་རྗེ་སེམས་དཔའ་ལ་ཕྱག་
104-1-72a


འཚལ་ལོ། །འདི་སྐད་བདག་གིས་ཐོས་པའི་དུས་གཅིག་ན། བཅོམ་ལྡན་འདས་རྡོ་རྗེ་བདེ་བ་ཆེན་པོ་ཕྱོགས་བཅུ་དང་དུས་གསུམ་གྱི་སངས་རྒྱས་མ་ལུས་པའི་འབྱུང་གནས། སྐུ་གསུང་ཐུགས་ཡོན་ཏན་ཕྲིན་ལས་རྡོ་རྗེ་གསང་
བ་གཞན་ལས་ཁྱད་པར་དུ་གྱུར་པ། མཚན་དང་དཔེ་བྱད་ཕུན་སུམ་ཚོགས་པས་སྤྲས་པ། བཀོད་པ་རྒྱན་གྱི་དཀྱིལ་འཁོར་ལྷུན་པོ་བརྩེགས་ཤིང་ཡོན་ཏན་རིན་པོ་ཆེའི་འབྱུང་གནས་སྣ་ཚོགས་རྣམ་པར་སྣང་བའི་ངོ་བོ། ཟབ་པ་དང་རྒྱ་ཆེ་བའི་ཡན་ལག་
ཐམས་ཅད་གསལ་བར་བྱེད་ཅིང་ཡེ་ཤེས་ཀྱི་ཚོགས་ཀྱིས་ཆོས་མ་ལུས་པ་མཐར་ཕྱིན་པ། ཀུན་ཏུ་ཕྲིན་ལས་རྒྱ་ཆེར་འཕྲུལ་པའི་བདག་ཉིད། དཔལ་བདེ་བྱེད་པད་མ་གར་གྱི་དབང་ཕྱུག་ཆགས་པ་ཆེན་པོའི་ཏིང་ངེ་འཛིན་བརྙེས་པ་མེད་པའི་ཆོས་
ཉིད་ཀྱིས་ཐམས་ཅད་ལ་དབང་བསྐུར་བ་དེ་ཉིད་ལྷ་ཐམས་ཅད་འདུ་བའི་གནས་གཞལ་ཡས་ཁང་པར་དུ་གྱུར་པ། འོག་མིན་རྡོ་རྗེ་ལྷུན་པོའི་གནས་ཡེ་ཤེས་ཀྱི་སྣང་བ་རིན་པོ་ཆེ་སྣ་ཚོགས་ནི་འོད་འབར་བའི་ཁང་བཟངས། འདོད་པའི་ཡོན་ཏན་གཟུགས་
སྡུག་པ་སྣ་ཚོགས་དང་དྲི་ཞིམ་པ་སྣ་ཚོགས་དང་རོ་བྲོ་བ་སྣ་ཚོགས་དང་རེག་བྱ་འཇམ་པ་སྣ་ཚོགས་དང་ཆོས་ཀྱི་བདེ་བ་བསྐྱེད་པ་སྣ་ཚོགས་ཕྱོགས་བཅུར་འཕྲོ་ཞིང་འཕྲིག་པ་རྩེ་མོ་མཐོ་ཞིང་ཁྱམས་ཀྱི་རྣམ་པར་ཕྱེ་བར་སྒོ་བཞི་སྒོ་ཁང་དང་བཅས་པར་
བཞུགས་སོ། །དེའི་ཚེ་བདེ་བར་གཤེགས་པའི་རོལ་པ་ཆེན་པོ་ཀུན་ཏུ་སྣང་བ་དང་། འོད་ཀྱི་དཔལ་དང་། དགའ་བའི་དབང་ཕྱུག་དང་། ཆོ་འཕྲུལ་བཀོད་པ་དང་། རྣམ་པར་གཟིགས་དང་། མི་བསྐྱོད་རྡོ་རྗེ་དང་། མངོན་པར་སྣང་བ་དང་། བརྟན་
པའི་དབང་ཕྱུག་དང་། འབྲུག་སྒྲ་དང་། དྲི་མ་མེད་པ་དང་། རིན་ཆེན་ཕུང་པོ་དང་། ནམ་མཁའི་མཛོད་དང་། རིན་ཆེན་དྲ་བ་དང་། དཀོན་མཆོག་མཚན་དང་། རིན་ཆེན་ཏོག་དང་། འོད་ཟེར་སྣང་བ་དང་། ཚེ་མཐའ་ཡས་དང་། ཆོས་ཀྱི་དབང་
ཕྱུག་དང་། ཆགས་པ་མེད་པའི་འོད་དང་། དགའ་བའི་སྤྱན་དང་། དོན་ཐམས་ཅད་ཡོད་པ་དང་། བརྩོན་འགྲུས་ཤུགས་ཅན་དང་། ལས་ཆེན་འཕྲུལ་ལས་དང་། གནོད་སྦྱིན་འདུལ་བ་དང་། སྣ་ཚོགས་དབང་ཕྱུག་གོ། གཞན་ཡང་
104-1-72b


བྱང་ཆུབ་སེམས་དཔའ་སེམས་དཔའ་ཆེན་པོ་བདེ་བའི་བློ་གྲོས་དང་། རྒྱ་མཚོའི་དགྲ་དབྱངས་དང་། གཟི་བརྗིད་བཀོད་པ་དང་། འཁོར་ལོ་རྣོན་པ་དང་།  ཤེས་སྣང་བ་དང་། རྡོ་རྗེ་རྒྱལ་མཚན་དང་། འོད་ཟེར་འཕྲོ་བ་དང་། དྲག་ཤུལ་ཅན་དང་། དྲི་
མ་སེམས་དཔའ་དང་། སྒྱུ་མའི་སྤྲུལ་པ་དང་། རིན་ཆེན་རྒྱལ་པོ་དང་། དྲ་བ་ཅན་དང་། ལག་བཟངས་དང་། གསེར་འོད་འཕྲོ་བ་དང་། རིན་ཆེན་སྙེ་མ་དང་། ཆོས་ཀྱིས་མཐོ་བ་དང་། དྲི་མ་མེད་པ་དང་། མུན་པ་སེལ་བ་དང་། དགའ་བའི་དབྱངས་
དང་། གཞོན་ནུ་རིན་ཆེན་དང་། རྡོ་རྗེ་རྣམ་པར་གནོན་པ་དང་། གར་མཁན་དང་། བྲོའི་རྒྱ་མཚོ་དང་། ཐོགས་མེད་བཀོད་པ་དང་། པད་མོ་དགའ་བ་དང་། ས་ལི་དབང་ཕྱུག་དང་། རིན་ཆེན་སྤུངས་པ་དང་། སྤྲིན་གྱི་ཕྲེང་བ་དང་། ཡིད་
འོང་མེ་ཏོག་དང་། ཡེ་ཤེས་སྒྲོན་མ་དང་། སྤོབས་པ་བརྩེགས་པ་དང་། ཁ་ལོ་སྒྱུར་བ་དང་། དྲན་པའི་དབང་ཕྱུག་དང་། པདྨའི་བློ་གྲོས་དང་།  ལས་བྱེད་པའི་སྟོབས་དང་། སྙིང་པོ་བློ་གྲོས་རྣམས་སོ། །དེ་དག་ཀུན་ཀྱང་རང་རང་གི་བཙུན་མོའི་ཚོགས་
དང་འཁྲིལ་པའི་ཚུལ་གྱིས་བཞུགས་སོ། །གཞན་ཡང་པད་མོ་འཕྲོ་བ་དང་།  པད་མ་འཛིན་པ་དང་། པད་མ་སྒྲོགས་པ་དང་། པད་མ་བསྐྱོད་པ་དང་། པད་མ་ཚིམ་བྱེད་དང་། པད་མ་འཐོར་བ་དང་། པད་མ་སྣང་བ་དང་། པད་མ་དབང་བྱེད་
རྣམས་ཀྱང་རང་རང་གི་ཕྲིན་ལས་ཀྱིས་བཀོད་དོ། །གཞན་ཡང་འཇིགས་བྱེད་ཆེན་པོ་བྱམས་པའི་དབང་ཕྱུག །བརྩེ་བའི་དབང་ཕྱུག་དང་། པད་གྲོལ་དབང་ཕྱུག་དང་། གྲོལ་བའི་དབང་ཕྱུག་དང་། སྦྱིན་པའི་དབང་ཕྱུག་དང་།  སྤྱོད་པའི་དབང་ཕྱུག་དང་། སྨྲ་བའི་དབང་ཕྱུག་
དང་། འཐུན་པའི་དབང་ཕྱུག་ཀྱང་རང་རང་གི་རིག་པ་བཅས་པས་འཁོད་དོ། །དེ་དག་ལ་སོགས་པའི་འཁོར་གྱི་ཚོགས་རྣམ་པར་འབྱེད་པ་དང་། འབྱེད་པ་མེད་པར་སྣང་བའི་སངས་རྒྱས་དང་། བྱང་ཆུབ་སེམས་དཔའི་ཚོགས་འབུམ་ཕྲག་བཅུ་གཉིས་དང་། 
ཐབས་གཅིག་ཏུ་བཞུགས་སོ། །དེ་ནས་བཅོམ་ལྡན་འདས་ཏིང་ངེ་འཛིན་གྱི་རྒྱལ་པོ་པད་མ་ཆགས་པའི་སྤྱན་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ཏེ། ཐུགས་ཀའི་དཔལ་བེའུ་ལ་སོགས་པའི་གནས་རྣམས་ནས། འོད་ཟེར་གྱི་
104-1-73a


དཀྱིལ་འཁོར་གསལ་བར་བྱེད་པ་བཀྱེ་བས། དེས་ཕྱོགས་བཅུའི་འཇིག་རྟེན་གྱི་ཁམས་ཐམས་ཅད་གསལ་བར་བྱས་པ་དང་། ཡ་མཚན་གྱི་ལྟས་ཆེན་པོ་བཅྭ་བརྒྱད་འབྱུང་བར་གྱུར་ཏོ། །དེ་ནས་སྣོད་དང་བཅུད་དུ་བཅས་པའི་
གསལ་ཞིང་འབར་བར་གྱུར་ནས། ཕྱོགས་བཅུའི་སངས་རྒྱས་དང་བྱང་ཆུབ་སེམས་དཔའ་རྣམས་ཀྱི་ཐུགས་དམ་བསྐུལ་ཏེ། དེ་དག་གིས་ཀྱང་ཆོ་འཕྲུལ་རྣམ་པར་འཁོད་པ་ཞེས་བྱ་བ་ཕྱག་རྒྱ་ཆེན་པོས་རང་གིས་འཁོར་ལོའི་ཁྱམས་དག་ཏུ་སྤྲོ་བར་
བྱེད་མཛད་དོ། །དེ་ཡང་ཞིང་ཁམས་རྣམ་པར་སྦྱོང་ཞིང་སླར་འཁོར་གྱི་འཁོར་དང་བཅས་བ་འོད་ཟེར་འཕྲོ་བའི་གནས་སུ་འདུས་སོ། །དེ་ལྟར་འཆད་པའི་རྒྱ་ཆེན་བོའི་རྣམ་པར་རོལ་འཕྲུལ་པས་རོལ་ཞིང་ཞལ་འཛུམ་པ་དང་བཅས་པར་གྱུར་ནས་
བཞུགས་པ་ལས་འཁོར་ཐམས་ཅད་ཀྱིས་ཐེ་ཚོམ་སྐྱེས་པར་གྱུར་ཏོ། །དེའི་དུས་ན་འཐུན་པར་གླེང་བ་ནི། ཀྱེ་མ་ཧོ་ཡ་མཚན་སྣ་ཚོགས་ཆོས། །རྒྱལ་བའི་མཛད་པ་ཡ་མཚན་ཆེ། །ཆོ་འཕྲུལ་དཔག་མེད་གྱུར་པ་ཡི། །དགོས་པའི་དོན་
ཉིད་ཇི་ལྟ་བུ། །རྒྱུ་རྐྱེན་མེད་པར་སངས་རྒྱས་ནི། །གསང་གསུམ་དམ་ཚིག་སྤྲོ་མི་མཛད། །དེ་ཡི་མཚན་ཉིད་ཡང་སྣང་བ། །གསང་བའི་དབང་པོ་བསྐུལ་བར་མཛོད། །ཁྱོད་ནི་རྒྱལ་བ་ཀུན་གྱི་སྲས། །དགོངས་དོན་རྒྱ་མཚོ་དོན་མངའ་བ། །བཀའ་
ཡི་བདག་པོ་དགོངས་མཛོད་དག །ལེགས་པར་ཞུ་ཞིང་གསོལ་གདབ་མཛོད། །དེ་ནས་གསང་བའི་བདག་པོ་ལག་ན་རྡོ་རྗེས་ལྔ་བརྒྱ་དང་བཅས་པས་གཞན་དག་གི་ཐེ་ཚོམ་རྣམ་པར་གཅོད་པ་དང་རང་ཉིད་ཀྱི་སྒོ་གསལ་བར་བྱ་བའི་ཕྱིར་མདུན་རོལ་
ནས་ལངས་ཏེ། ཕྱོགས་བཅུ་ནས་འཁོད་ནས་མཆོད་པའི་ཚོགས་རྒྱ་ཆེན་པོ་བཀོད་ཅིང་རྒྱལ་བ་ཀུན་ལ་མཆོད་དེ། །ལན་བརྒྱ་རྩ་བརྒྱད་དུ་བསྐོར་བ་བྱས་ཤིང་རྩེ་གཅིག་ཏུ་གུས་པས་ཕྱག་འཚལ་ནས། དགའ་བའི་བཞིན་གྱིས་གསོལ་བ་བཏབ་
པ། ཨེ་མ་རྒྱལ་བ་ཉིད་ཀྱི་སྐུ། །རྣམ་པར་འཕྲུལ་པའི་དཀྱིལ་འཁོར་དག །ཏིང་འཛིན་ཡེ་ཤེས་གནས་ལས་བྱུང་། །དགའ་མཛད་དཀྱིལ་འཁོར་འདུས་པ་དང་། །བྱང་ཆུབ་སེམས་སྤྲིན་ཆར་ཆེན་གྱིས། །ཉོན་མོངས་ལ་སོགས་སྦྱོང་
104-1-73b


མཛད་ཅིང་། །ཐུགས་རྗེ་ཆེན་པོ་ཡེ་ཤེས་ཀྱིས། །ཚོགས་པའི་འབྲས་བུ་ལེགས་སྨིན་མཛད། །སྐུ་མདངས་དགའ་བའི་བཞིན་བཅས་པས། །གསང་བའི་ཐེག་པ་བསྟན་དུ་གསོལ། །ཁྱོད་ཀྱི་དགོངས་དོན་གཏིང་དཔག་དཀའ། །ཟབ་ཅིང་
ཕྲ་ལ་རྒྱ་ཆེ་བས། །འཁོར་རྣམས་ཐེ་ཚོམ་རི་བོས་ནོན། །ཐུགས་རྗེ་ཆེ་མངའ་གསལ་བར་མཛོད། །འདི་དག་ཐམས་ཅད་བསྟན་པའི་སྣོད། །མགོན་པོ་བཏང་སྙོམས་ལྷུན་མངའ་མཛད། །དུས་འདིར་རྩོམ་པ་དོན་ཆེ་སྟེ། །སྨོན་ལམ་
འབྲས་བུ་མཐར་ཕྱིན་མཛོད། །དེ་སྐད་ཅེས་གསོལ་པ་དང་། བཅོམ་ལྡན་འདས་རྡོ་རྗེ་འཛིན་པ་དེ་ཉིད་ཀྱིས་སྟོང་གསུམ་གྱི་སྟོང་ཆེན་པོའི་བརྟན་གཡོའི་དཀྱིལ་འཁོར་ཐམས་ཅད་ཐུགས་མཉམ་པ་ཉིད་རྩེ་གཅིག་གི་སྒོ་ནས་གཟིགས་སོ། །
རྣམ་པར་གཟིགས་ཀུན་ཏུ་གཟིགས། དེ་ལྟར་དགོངས་ནས་དཀྱིལ་འཁོར་འདི་དག་ཐམས་ཅད་སྨྲ་བསམ་ལས་འདས་པར་སྣ་ཚོགས་རྣམ་པར་སྨྲོས་ཤིག །དེ་ཉིད་དངོས་པོ་དང་བར་གཟིགས་ནས། །གཟིགས་པའི་མཐའ་དང་། དགོངས་པའི་
མཐའ་དང་། མཛད་པའི་མཐའ་ཀུན་ལ་སྙོམས་པའི་ཏིང་ངེ་འཛིན་ལ་སྙོམས་པར་བཞུགས་ཏེ། བཀོད་པ་དང་། རྣམ་པར་བཀོད་པ་དང་། རྣམ་པར་བཤད་པ་དང་། དགོངས་པ་དང་། རྣམ་པར་དགོངས་པ་དང་། རོལ་པ་དང་། རོལ་པ་ཆེན་པོ་
དང་། མཛད་པ་དང་། སྣ་ཚོགས་མཛད་པས་ཀུན་ཏུ་སྤྲོ་བར་མི་བྱེད་དེ། འཇིག་རྟེན་དྲུག་གི་རྣམ་པས་བསྡུས་པའི་སྟོང་གསུམ་གྱི་དངོས་པོ་འདི་དག །སངས་རྒྱས་ཀྱི་དཀྱིལ་འཁོར་འདི་ལས་གཞན་དུ་སྣང་བར་མི་དགོངས་སོ། །དེའི་དུས་
དང་། ས་དང་སའི་ཁྱད་པར་དང་། དཀྱིལ་འཁོར་བཀོད་པ་དག་ཀྱང་རྣམ་པར་མི་གཟིགས། ཀུན་ཏུ་མི་གཟིགས་ཤིང་དགོངས་པ་ཡང་མི་འགོག་གོ། དེ་དག་ནི་མཐར་ཡང་མི་གནས་ཤིང་ནམ་མཁའ་ལྟ་བུར་བཞུགས་སོ། །དེ་ནས་
ཏིང་ངེ་འཛིན་དེ་ལ་ཞུགས་མ་ཐག་ཏུ་འཁོར་གྱི་དཀྱིལ་འཁོར་དེ་དག་ཀྱང་ཆོས་ཐམས་ཅད་ཀྱི་དཀྱིལ་འཁོར་གྱི་རང་བཞིན་ནམ་མཁའ་ལྟ་བུར་རྟོགས་པར་འགྱུར་རོ། །དེ་ནས་ཡང་གསང་བའི་བདག་པོ་ལག་ན་རྡོ་རྗེ་ངོ་མཚར་གྱི་སྒོ་ནས་
104-1-74a


བསྐུལ་ཞིང་གཞན་དག་གི་དོན་ཐུགས་གཡོ་བར་མཛད་པའི་གླུས་གཡོ་སློང་བར་མཛད་དེ། ཚུལ་བན་དོན་གྱི་རྒྱལ་པོ་ཆེ། །འདྲེན་པ་ཀུན་གྱི་རྒྱུད་ཉིད་པས། །ནམ་མཁའ་ལྟ་བུའི་རྒྱུད་ཉིད་པས། །ནམ་མཁའ་ལྟ་བུའི་
དཀྱིལ་འཁོར་ནས། །ཐུགས་རྗེ་ཆེན་པོའི་ཡ་མཚན་སྟོན། །ཀྱེ་མའོ་མགོན་པོ་དོན་ཀུན་ནས། །ཞི་བའི་ལས་དམ་འཇུག་བྱེད་པ། །བྱང་སེམས་ཐུགས་རྗེའི་རླན་བྲལ་ལམ། །རྡོས་ཅན་ཆོས་དང་འགྲང་འགྱུར་ཅིང་ཞེས་གསོལ་བ་བཏབ་པ་ལས་ཀྱང་
ཅི་ཡང་མི་གསུང་བར་བཞུགས་སོ། །དེ་ནས་ཡང་ཡུམ་གཟི་ལྡན་པད་མོ་ཞེས་བྱ་བས་རྣམ་པར་མི་རྟོག་པའི་ཏིང་ངེ་འཛིན་ལས་སློང་བའི་གླུས་སྐུལ་བར་མཛད་དེ། མི་དམིགས་ཏིང་འཛིན་བསམ་འདས་བརྗོད་དང་བྲལ། །བདེ་བ་ཆེན་པོ་ཡེ་ཤེས་བྱང་
ཆུབ་སེམས། །མི་དམིགས་ཐུགས་རྗེ་མི་འདའ་དམ་ཚིག་གིས། །རོལ་པའི་ཆོ་འཕྲུལ་རྒྱ་ཆེན་བསྟན་དུ་གསོལ། །དེ་སྐད་ཅེས་ཡང་བསྐུལ་བའི་རྗེས། །མགོན་པོའི་གནས་རྣམས་ལ་དགོངས་ནས། །འོད་ཟེར་རྣམས་བཀོད་འཛུམ་མཛད་དེ། །འཁོར་
བ་ལེགས་སྦྱིན་སྐབས་དབྱེ་མཛད། །ལེགས་སོ་ལེགས་སོ་རྡོ་རྗེ་ཅན། །པད་མོ་འཛིན་པའི་གྲོགས་བཅས་པས། །ཡང་ཡང་བསྐུལ་བར་མཛད་པས་ན། །གནང་ཞིང་བསྟན་པར་མཛད་པ་ལ། །དགའ་བའི་སྤྱན་རྗེས་དང་བར་གྱིས། །གང་འདོད་
རྟོགས་པ་ཞི་བར་མཛོད། །མ་འོངས་རྟོགས་པ་མཐའ་དག་རྣམས། །ཐུགས་རྗེ་ཤུགས་ཀྱིས་བཟུང་མཛད་དེ། །དོན་ཀུན་ཁྱབ་པའི་སྣང་བ་ཡིས། །གཟུང་བར་བྱ་བའི་སྐབས་དབྱེ་མཛད་ཞེས་གསུངས་སོ། །དེ་བཞིན་གཤེགས་པ་ཐམས་ཅད་ཀྱི་
དགོངས་པ་བླ་ན་མེད་པའི་གསང་བའི་རྟ་མཆོག་རོལ་པའི་རྒྱུད་ཆེན་པོ་ལས་རྣམ་པར་སྤྲུལ་པའི་ལེའུ་སྟེ་དང་པོའོ།། །། དེ་ནས་དགའ་ཞིང་འཁོར་འདུས་པས། །དགའ་བའི་བཞིན་བཟངས་རྒྱས་མཛད་དེ། །གཙོ་བོས་ཇི་ལྟར་བཀའ་སྩལ་བཞིན། །
ཐུགས་རྗེས་འབྱུང་བའི་དཀྱིལ་འཁོར་གཟུངས། །དེ་ནས་གཟིགས་ལྡན་པད་མོ་ཅན། །འཛུམ་མདངས་རྒྱས་པས་བསྐུལ་མཛད་དེ། །འོ་བྱེད་འཁྱུད་པ་ལ་སོགས་པ། །དགའ་བཞིན་ཆགས་པར་རྣམ་པར་འགྱུར། །ཨེ་མ་རིག་པའི་རྒྱལ་པོ་ཁྱོད། །
104-1-74b


ཐུགས་རྗེ་ཆེན་པོ་ཉིད་འོད་བཞིན། །ཐུགས་རྗེ་འབྱུང་བའི་དཀྱིལ་འཁོར་གཟུངས། །ཕྱོགས་རིས་མེད་པས་གོ་འབྱེད་པས། །ཡུལ་དུ་གྱུར་བ་ཀུན་རྒྱུད་དགོངས། །མི་དམིགས་ཆོ་འཕྲུལ་ནམ་མཁའ་ལས། །བཀོད་པ་རྒྱ་མཚོ་སྤྲིན་ཕུང་བཞིན། །ཐུགས་
རྗེ་སྤྲུལ་པའི་ཆར་ཆེན་པོས། །སྣ་ཚོགས་ལས་བརྒྱད་དག་པར་མཛོད། །དེ་ནས་གཙོ་བོ་རྡོ་རྗེ་འཆང་། །ཏིང་ངེ་འཛིན་ལས་བཞེངས་མཛད་དེ། །རང་གི་མཚན་མོས་རབ་མཛེས་པས། །རྒྱལ་པོ་ཟིལ་གནོན་གཟི་བརྗིད་ཅན། །ཕྱག་གི་འཁོར་ལོ་རབ་
བསྐོར་ཅིང་། །ཕྱོགས་རྣམས་ཀུན་ཏུ་གཟིགས་མཛད་དེ། །མི་དམྱིགས་ནམ་མཁའི་དབྱིངས་དག་ན། །རྡོ་རྗེ་སྤྲུལ་སྐུ་མངོན་ཕྱུང་ནས། །གཟི་ལྡན་པད་མོ་ཆེན་མོ་དང་། །རོལ་པའི་ཚུལ་དུ་བཞུགས་མཛད་དེ། །འཛུམ་མིག་ཆགས་པའི་བཞིན་དག་
གིས། །འཁོར་རྣམས་སློང་བའི་སྔགས་བརྗོད་དོ། །ཨོཾ་ཨཱཿཧཱུྃ་མ་ཧཱ་བྷསྨི་ཤ་ཀུ་རུ་བི་ན་ཧྲི་ད་ཡ་ཨྃ་བྷ་བ་ཧི་ཨ་ལ་ལ་ཧོ། གཉིས་སུ་མེད་པའི་བྱང་སེམས་ཀྱིས། །དཀྱིལ་འཁོར་སྦྱོར་ཞིང་བསྡུ་བར་མཛོད། །བསོད་ནམས་ཡེ་ཤེས་ཚོགས་རྫོགས་
སྐུ། །རྡོ་རྗེ་གར་གྱི་རོལ་མཛད་ཅིང་། །དགའ་མཆོག་རྡོ་རྗེ་བྱང་ཆུབ་སེམས། །འཛུམ་ཞིང་འཁྱིལ་བའི་པད་མོའི་གནས། །དཀར་མཚེར་དག་པའི་རང་བཞིན་ཏེ། །དམར་པོ་དབང་དང་གཉིས་མེད་པར། །གསལ་ཁྱབ་ཀུན་ཏུ་སྤྲོས་པ་ལས། །དཀྱིལ་
འཁོར་སྤྲུལ་པ་མཐའ་ཡས་འཐོན། །ཞི་འགོག་མྱ་ངན་འདས་པ་དང་། །བྱང་ཆུབ་མགོན་གནས་ལམ་ཞེས་དག །གཉིས་མེད་གཉིས་སུ་སྦྱོར་མཛད་ཅིང་། །རང་གི་དཀྱིལ་འཁོར་གནས་ལ་བཀོད། །ངོ་མཚར་སྤྲུལ་པ་རྣམ་པར་རོལ། །བརྗིད་དང་
བཅས་པས་གར་མཛད་ཅིང་། །འཛུམ་པར་མཛད་དང་རོལ་པ་དང་། །ཀུན་ཏུ་འགྱིང་དང་སྤྱན་མཛེས་བལྟམ། །སྨིན་རིང་བསྐྱོད་ཅིང་བསྒྱུར་བ་དང་། །རྡོ་རྗེ་ཕུར་བས་གཡའ་བས་སློང་། །འདོར་ཞིང་སྐུམ་དང་འཇོག་ལྡེག་དང་། །རྣམ་པར་རོལ་
པའི་གར་གྱིས་ཀྱང་། །རིགས་ཀྱི་ཕྲིན་ལས་སྣ་ཚོགས་སྤྲུལ། །ནམ་མཁའ་ཀུན་ཏུ་ཁྱབ་པར་མཛད། །རྣམ་པར་རོལ་པའི་བདེ་འབྱུང་བར། །བྱང་ཆུབ་སེམས་སོགས་ཞི་ཞིང་གསལ། །རོལ་པའི་ཆར་ཉིད་མངོན་བབ་པས། །འཇིག་རྟེན་དྲུག་
104-1-75a


གི་ཕྱོགས་བཅུ་ན། །བརྟན་དང་གཡོ་བ་མ་ལུས་པའི། །སངས་རྒྱས་ཞིང་ཁམས་དག་བྱས་ནས། །བྱང་ཆུབ་སེམས་ཚོགས་རོལ་པ་ལ། །བརྡེག་དང་འཁྱུད་དང་སྡོམ་པ་ལས། །སྦྱོར་དང་བསྟིམ་དང་མཉེས་པ་དང་། །ཀུན་ཏུ་རབ་དགྱེས་
ཡེ་ཤེས་ཐིག །སྣ་ཚོགས་སྣང་བ་ཉི་མའི་འོད། །ཡང་དག་བདེ་ལ་རབ་གནས་མཛོད། །དེ་འདུས་པའི་ཚེ་ཚོགས་པའོ། །ཕྱོགས་བཅུ་ཀུན་ནས་བཞེས་མཛད་དེ། །ཐབས་དང་ཤེས་རབ་བྱིན་བརླབས་པའི། །བྱང་སེམས་རྣམ་དག་རྒྱུན་གྱིས་མཆོད། །
རྔ་དང་སིལ་སྙན་སྒྲ་སྒྲོགས་ཤིང་། །དབང་པོ་ཚིམ་པའི་རོལ་རྩེད་དང་། །གར་དབྱངས་གླུ་དྲུག་སྣ་ཚོགས་ཀུན། །སྟོང་གསུམ་གང་བར་གསུང་བྱས་ཏེ། །བཅོམ་ལྡན་པད་མོ་བདེ་འང་བདེ། །གཟི་ལྡན་ཡུམ་དང་བཅས་པར་མཆོད། །ཨེ་མ་
འདུས་པའི་ཚོགས་དབུས་ན། །ཐུགས་རྗེ་ཆེ་མངའ་ཉིད་དཀྱིལ་བཞིན། །འཁོར་ལོ་ཀུན་སྒྱུར་སྒྲོལ་མཛད་པས། །རང་གི་དཀྱིལ་འཁོར་རྒྱས་པར་མཛད། །རྡོ་རྗེ་འཆང་བའི་གསོལ་འདེབས་ཀྱིས། །དཀྱིལ་འཁོར་དག་ལ་ལྷུན་གྲུབ་རྫོགས། །
པད་མའི་དཔལ་ལྡན་སེམས་པ་ཆེ། །ཕྲིན་ལས་ཡེ་ཤེས་གནས་ཀུན་སྦྱོང་། །ཁྱོད་ཞབས་བསྐྱེད་པ་ཐུགས་རྗེའི་སྟོབས། །ཁམས་གསུམ་མ་ལུས་དག་པ་ཡི། །དེ་བཞིན་ཉིད་ཀྱི་ཡེ་ཤེས་མཆོག །མགོན་པོ་བཀའ་དྲིན་མཛད་པས་
ལེགས། །དེ་སྐད་གསོལ་བཏབ་དགྱེས་པར་འགྱུར། །ཕྱག་རྒྱ་ཆེན་པོའི་གནས་ལ་བཞུགས། །དེ་ནས་དགའ་བའི་བྱང་ཆུབ་སེམས། །སྔོན་གྱི་རྒྱུད་དང་ལམ་བཞི་ལས། །སྤྲུལ་པའི་བྱང་ཆུབ་སེམས་དཔའ་དང་། །སྔོན་གྱི་རྒྱུད་དང་ལམ་
གྲོགས་རྣམས། །དགོངས་ཤིང་ཐུགས་རྗེའི་ཡེ་ཤེས་ཐུགས། །རང་བཞིན་གནས་ནས་ཀུན་དགོངས་ཏེ། །ཕྱོགས་བཞི་ནས་ནི་བསྐུལ་བར་མཛད། །ཀྱེ་ཀྱེ་མཆོག་གསུམ་བདེ་བའི་སྐུ། །བྱམས་པའི་ཐུགས་མངའ་སྐུ་གསལ་མཛད། །རྡོ་རྗེ་རྒྱལ་
པོ་བྱང་ཆུབ་སེམས། །བདག་དགོངས་འགྲོ་བའི་དོན་ཆེན་མཛད། །ཀྱེ་ཀྱེ་ཡོན་ཏན་རིན་ཆེན་ཚོགས། །ཐུགས་རྗེ་མཉམ་ཉིད་ཡེ་ཤེས་ཆེ། །རྒྱལ་པོ་འཁོར་ལོ་བྱང་ཆུབ་ཉིད། །དཀྱིལ་འཁོར་སྣ་ཚོགས་སྤྲུལ་པའི་མཛོད། །ཀྱེ་ཀྱེ་རྣམ་པར་དག་
104-1-75b


པའི་སྐུ། །དགའ་བ་རྒྱ་མཚོ་འབྱུང་བའི་གནས། །སོ་སོའི་ཡེ་ཤེས་སྣ་ཚོགས་འབྱེད། །ཆོས་རྣམས་ཀུན་གྱི་དེ་བཞིན་ཉིད། །ཀྱེ་ཀྱེ་འགྲོ་བའི་དོན་ཆེན་བདག །བཏང་སྙོམས་མི་འདོར་སྣ་ཚོགས་དོར། །བྱ་བ་གྲུབ་པའི་ཏིང་འཛིན་མཆོག །ཕྱོགས་
བཅུའི་དཀྱིལ་འཁོར་རྣམ་དག་སྟོན། །རང་དགའི་སྐུམ་པས་གཡོ་མཛད་དེ། །ཕྱོགས་བཞི་བྱང་ཆུབ་དགའ་གནས་འཇུག །ཀྱེ་མའི་འགྲོ་རྣམས་དེ་བཞིན་ཉིད། །བྱང་ཆུབ་སེམས་ཀྱི་རྣམ་འཕྲུལ་ལས། །ཉོན་མོངས་གཟུང་འཛིན་སྒྲིབ་པ་
ཡིས། །རང་གི་མཐའ་ལམ་འགེས་པར་བྱེད། །འདི་དག་ཐུགས་རྗེའི་གནས་སུ་རུང་། །ཡེ་ཤེས་གསལ་བའི་ཐབས་མང་པོས། །ཐམས་ཅད་དུས་གཅིག་བསྒྲལ་བྱས་ནས། །རང་གི་བདེ་ཆེན་དོན་སྟོན་མཆོག །ཞེས་གསུངས་པད་མའི་རིག་པ་
འཛིན། །སངས་རྒྱས་སྲས་བཅས་དགའ་བར་མཛད། །དེ་བཞིན་གཤེགས་པ་ཐམས་ཅད་ཀྱི་དགོངས་པ་བླ་ན་མེད་པ་གསང་བ་དཔལ་རྟ་མཆོག་རོལ་པའི་རྒྱུད་ལས་ཐུགས་རྗེ་སྤྲུལ་པའི་རོལ་པའི་ལེའུ་སྟེ་གཉིས་པའོ།། །། དེ་ནས་བྱང་ཆུབ་སེམས་
དཔའི་གཙོ། །རྡོ་རྗེ་འཆང་བ་སྟན་ལས་ལངས། །བདེ་གཤེགས་བསྔགས་པ་རྗོད་བྱེད་ཅིང་། །བསྐུམ་པས་དབྱངས་ཀྱི་གསོལ་བ་བཏབ། །ཀྱེ་མ་ཧོ་མཆོག་གསུམ་དམ་ཚིག་སྐུ། །ཡེ་ཤེས་བླ་ན་མེད་པའི་བདག །བྱང་ཆུབ་སེམས་ཀྱི་དཀྱིལ་འཁོར་
ཉིད། །རྣམ་འཕྲུལ་ཐུགས་རྗེའི་དུས་ཉིད་པས། །རིགས་ཀྱི་འཁོར་ལོ་དཔག་མེད་སྐུ། །དི་རིང་བཀྲ་ཤིས་ཕུན་སུམ་ཚོགས། །ཐུགས་རྗེ་ཆེན་པོ་ཡལ་འདོར་ན། །ཅི་ཕྱིར་ཐེག་ཆེན་མཆོག་ཏུ་སྔགས། །ཡང་དག་ཞུས་པའི་ཚིག་གསན་ནས། །
ཐུགས་རྗེའི་དཀྱིལ་འཁོར་གཟིགས་པར་མཛད། །མགོན་པོའི་པད་མའི་སྐུ་དེ་ཉིད། །གཟི་ལྡན་ཡུམ་དང་རོལ་མཛད་ཅིང་། །དྲི་མེད་ཡེ་ཤེས་ཕྱོགས་གཟིགས་ཤིང་། །གཉིས་མེད་བྱང་ཆུབ་སེམས་ཀྱི་དཀྱིལ་འཁོར་གསལ། །ཐེག་པ་གསང་ཆེན་ཆེར་
འབྱུང་བའི། །ལམ་འདི་དཔལ་ལྡན་རོལ་མོའི་མཆོག །སངས་རྒྱས་སྲས་བཅས་བསྡུད་མཛད་དེ། །གཞན་འཕྲུལ་གནས་ཚོགས་གཡོ་མཛད་ཅིང་། །སྟོང་གསུམ་འདི་དག་སྦྱོང་མཛད་ཅིང་། །ཏིང་ངེ་འཛིན་ལ་སྙོམས་འཇུག་སྟེ། །སྐུ་ལས་འོད་ཟེར་སྤྲོ་
104-1-76a


བར་མཛད། །དེས་ཁྱབ་རིགས་ཀྱི་དཀྱིལ་འཁོར་གསལ། །ཡེ་ཤེས་འོད་མདངས་སེམས་དཔའི་སྐུ། །གནས་ལྔར་གསང་བའི་སྔགས་ཀྱིས་གཞུག །ཕྱག་རྒྱ་ཆེན་པོ་ཡོངས་རྫོགས་སྐུ། །ཞལ་གསུམ་ཕྱག་དྲུག་དགའ་བའི་
མདངས། །དམར་གསལ་པད་མ་རཱ་གའི་མདངས། །གཡས་གཡོན་ཞལ་གཉིས་སྔོ་དང་སེར། །རིགས་རྒྱན་མཚན་མ་ཀུན་གྱིས་མཛེས། །ཕྱག་ན་པད་སྡོང་བུམ་པ་དང་། །རྡོ་རྗེ་རྩེ་ལྔ་དཔལ་བེའུ་དང་། །མཐའ་མས་མདའ་གསོར་གཞུ་འཛིན་པའོ། །
རིན་ཆེན་སྣ་ཚོགས་ན་བཟའ་དང་། །ཕྱག་རྒྱའི་ཡུམ་བཅས་རོལ་པ་མཛད། །གཞལ་ཡས་ཁང་པ་སྒོ་བཞི་དང་། །རིན་ཆེན་སྣ་ཚོགས་རྟ་བབས་བཅས། །དྲ་བ་དྲ་ཕྱེད་མུ་ཏིག་ཕྲེང་། །བན་དྷ་དྲིལ་བུ་སོགས་ཀྱིས་སྤྲས། །དབུས་ཀྱི་དཀྱིལ་འཁོར་ཆེར་
འཕགས་པའི། །ཕོ་བྲང་ཀ་བ་གདུང་རྣམས་ལ། །པད་མོ་རྡོ་རྗེ་སོགས་པས་སྤྲས། །འདོད་པའི་ཡོན་ཏན་ཕུན་སུམ་ཚོགས། །གནས་རྣམས་ཀུན་ཏུ་རིན་ཆེན་ཁྲི། །པད་མ་འཁོར་ལོ་ཉི་ཟླས་མཚན། །ཕྱི་རོལ་བར་ཁྱམས་འཁོར་བ་དང་། །སྣོད་རྣམས་
ཀུན་ཏུ་པད་མ་ལ། །ཐབས་དང་ཤེས་རབ་བྱེ་བྲག་གིས། །ཉི་མ་ཟླ་བ་རྐྱང་པའོ། །དེ་ནས་པད་མོ་རྣམ་དག་ཀུན། །དབུས་ཀྱི་གདན་ལ་བཞུགས་མཛད་དེ། །དགྱེས་པའི་གར་དབྱངས་བསྐྱོད་པའི་མཐུས། །ཐབས་དང་ཤེས་རབ་རྫོགས་པར་མཛད། །དེ་ཚེ་
ཐུགས་མཆོག་བྱང་ཆུབ་སེམས། །མཁའ་ཀློང་རྣམ་པར་དག་པས་ན། །རིག་པ་བདེ་བ་ཆེན་པོའི་སྐུ། །སྣ་ཚོགས་སྣ་ཚོགས་ཤར་བ་དེ། །གསུང་ཉིད་ཡི་གེ་འཁོར་ལོའི་ཚོགས། །འབར་བ་འོད་ཟེར་རྩེ་ལྔ་པ། །ཆོ་གའི་ཡན་ལག་རིམ་བཞིན་དུ། །
ཐུགས་ཀྱི་མཚན་མ་དམ་ཚིག་བྱ། །སྔགས་བཅས་འཕྲོ་ཞིང་འདུ་བའི་ཚུལ། །རྒྱལ་པོ་བདེར་གཤེགས་ཡབ་ཡུམ་དང་། །བྱང་ཆུབ་སེམས་དཔའ་སེམས་མ་དང་། །ལས་མཛད་ཁྲོ་བོ་ཡབ་ཡུམ་དང་། །ཕྱག་རྒྱ་ཆེན་པོའི་སྐུར་གྱུར་ནས། །
རིགས་ཀྱི་རྒྱལ་ཕྲེང་མཚན་མས་མཛེས། །རང་གི་དཀྱིལ་འཁོར་གནས་བཞུགས་ཤིང་། །རྡོ་རྗེ་གསང་བའི་གྲལ་དུ་འཁོད། །དེ་ཚེ་མགོན་པོ་བདེ་ཆེན་པོ། །རིགས་ཀུན་བདག་འགྱུར་ཞེས་བྱ་བས། །པད་མོ་རྣམ་པར་འཕྲུལ་པ་ཡི། །དཀྱིལ་འཁོར་
104-1-76b


ཆེན་པོ་འབྱིན་པར་མཛད། །བྱང་སེམས་ཀམ་ལས་རྣམ་འཕྲུལ་པའི། །བདེ་གཤེགས་འོད་ཟེར་སྣང་བའི་སྐུ། །ཞལ་དང་ཕྱག་ལ་སོགས་པའི་རྒྱན། །གཙོ་བོའི་ཆ་ལུགས་ཅི་ལྟར་བར། །རང་འོད་ཡུམ་དང་འཁྲིལ་བར་མཛོད། །བཀྲ་ཤིས་མཚན་ལྡན་
བདེ་བ་ལ། །རཱ་ག་པད་མོ་ཧཱུྃ་ཞེས་པས། །སྔགས་མཆོག་ཡི་གེ་འབྲུ་བརྒྱད་དེ། །ལས་ཀུན་གྲུབ་པར་མཛད་པ་ཡིན། །གང་གི་པད་མ་ཤ་རི་དང་། །བྷུ་དྷ་ཧཱུྃ་གི་བསྣན་བྱས་ན། །ཞི་རྒྱས་དབང་དྲག་ལས་ཀུན་དང་། །གྲུབ་ཆེན་བརྒྱད་ཀྱི་ཚོགས་སོག་
རྣམས། །སྦྱོར་བ་ཙམ་གྱིས་གྲུབ་འགྱུར་ཞིང་། །ཡུན་རིངས་གནས་པ་གནས་པ་གནས་པ་ཡིན། །འབྱིན་པའི་དུས་སུ་གསང་སྔགས་ལ། །ཡི་གེ་ཛ་ཡིས་གདགས་བྱས་ནས། །རྣམ་འཕྲོ་རིགས་ཀྱི་དཀྱིལ་འཁོར་སྦྱོར། །རིགས་བདག་སྐུ་གནས་དགྱེས་
པར་བཞུགས། །ཐུགས་རྗེ་སྐུལ་བའི་གླུ་དང་སྔགས། །འོད་ཟེར་ཚོགས་ཀྱིས་སྐུལ་བ་མཛོད། །དམ་ཚིག་གསུམ་སྟོན་སྔགས་ཀྱི་མཐུས། །དགྱེས་ཆགས་བརྟན་པས་གཟི་དང་ལྡན། །ཨོཾ་རྣམ་དག་པད་མོ་བདེ་བའི་དབྱིངས། །ཡེ་ཤེས་བྱིན་ལས་
གསལ་བའི་མཆོག །དཀྱིལ་འཁོར་གསང་གསུམ་དམ་ཚིག་ཆེ། །མཉམ་ཉིད་རིགས་བདག་ཐུབ་པ་ཆེ། །བྱིན་བརླབས་འདོར་བར་མི་མཛད་པས། །སངས་རྒྱས་རྣམས་ཀྱི་སྐུ་གསུང་ཐུགས། །གསལ་མཛད་གཉིས་སུ་མེད་པའི་སྐུ། །རང་གི་ངོ་
བོས་གནས་པ་ཡིན། །གཙོ་བོ་སྔགས་ཀྱིས་བསྐུལ་བྱས་ཏེ། །འོད་ཟེར་རྒྱན་བཅས་ཐུགས་ཀར་བསྡུས། །ཡི་གེ་ཨ་ནས་ཨཿའི་བར། །བཅུ་དྲུག་འོད་ཟེར་འཕྲོ་བྱས་པས། །འགྲོ་ཀུན་སངས་རྒྱས་སྐུར་བཀོད་ཅིང་། །རིགས་འཐུན་དཀྱིལ་
འཁོར་ཀུན་གསལ་འགྱུར། །སྔགས་ཀྱི་འོད་ཟེར་སྒྲར་བཅས་པས། །ཆོས་རྣམས་བཅུ་དྲུག་དག་པའི་དབྱིངས། །རང་གི་གནས་སུ་བཀོད་བྱས་པས། །མཚན་མཆོག་སུམ་བཅུ་རྩ་གཉིས་རྫོགས། །དེ་བཞིན་ཀ་ནས་ཀྵ་ཡི་བར། །སུམ་
བཅུ་རྩ་བཞིའི་རིམ་བཞིན་གསལ། །བརྙན་པའི་ཡི་གེ་དྲུག་དང་བཅས། །འོད་འཕྲོས་ཐམས་ཅད་སངས་རྒྱས་སྐུ། །ཡེ་ཤེས་དཀྱིལ་འཁོར་གསལ་བྱས་ན། །སྔགས་ཀྱི་འོད་ཟེར་སྒྲར་བཅས་ནས། །ཆོས་མང་ཡེ་ཤེས་ཟག་པ་མེད། །སླར་
104-1-77a


ཉིད་སྐུ་ཡི་གནས་ཞུགས་པས། །དཔེ་བྱད་བཟང་པོ་བརྒྱད་བཅུ་རྫོགས། །གཞན་ཡང་རིན་ཆེན་སྣ་བདུན་དང་། །བཀྲ་ཤིས་བརྒྱད་སོགས་ཀུན་གྱིས་སྤྲས། །ཁྃ་ལས་རྣམ་འཕྲུལ་ཚེ་མཐའ་ཡས། །ཞལ་གཅིག་ཕྱག་བཞི་དཀར་
དམར་མདངས། །པད་མ་སོགས་དང་རལ་གྲི་འཛིན། །ཆོས་ཀྱི་སྣང་བའི་རྒྱན་གྱིས་བསྒྲུབས། །པད་མ་རྒྱན་འབྲིང་རང་བཞིན་མཆོག །ཤར་གྱི་དཀྱིལ་འཁོར་གནས་ལ་བཞུགས། །གྃ་ལས་སྤྲུལ་པའི་ཆོས་དབང་ཕྱུག །དམར་
སེར་ཞལ་གཅིག་ཕྱག་གཉིས་པ། །པད་མའི་ཕྲེང་བ་བུམ་པ་འཛིན། །དཀྱིལ་འཁོར་གནས་སུ་བཞུགས་པའོ། །གྷྃ་ལས་སྤྲུལ་པའི་ཆགས་མེད་འོས། །ཞལ་གཅིག་ཕྱག་གཉིས་བྱུ་རུའི་འོད། །པད་གནས་གླེགས་བམ་མེ་ལོང་འཛིན། །ནུབ་ཀྱི་
དཀྱིལ་འཁོར་གནས་བཞུགས་པའོ། །ངྃ་ལས་སྤྲུལ་པའི་སྤྱན་དག་མ། །ཞལ་གཅིག་ཕྱག་གཉིས་བཙོད་ཀྱི་མདོག །རིན་ཆེན་ཕྲེང་བས་བསིལ་ཡབ་འཛིན། །བྱང་གི་དཀྱིལ་འཁོར་གནས་བཞུགས་པའོ། །ཙྃ་ལས་སྤྲུལ་པའི་མི་བསྐྱོད་
པ། །ཞལ་གཅིག་ཕྱག་བཞི་ཆུ་ཤེལ་མདོག །རྡོ་རྗེ་དྲིལ་འཛིན་འཁྲིལ་བའི་ཚུལ། །དཔལ་བེའུ་བུམ་སོགས་འོད་འཕྲེང་རྒྱན། །ཚྃ་ལས་སྤྲུལ་པའི་རྟ་དབང་ཕྱུག །ཞལ་གཅིག་ཕྱག་བཞི་བཻ་དུྰརྱ། །རིན་ཆེན་སྙེ་མ་དུང་ཕོར་
འཛིན། །ལྷོ་ཡི་དཀྱིལ་འཁོར་གནས་ལ་བཞུགས། །ཛྂ་ལས་སྤྲུལ་པའི་འབྲུག་སྒྲ་ནི། །ཞལ་གཅིག་ཕྱག་གཉིས་གུར་ཀུམ་མདོག །རིན་ཆེན་ཆག་ཤིང་འགུ་དྷེ་འཛིན། །ནུབ་ཀྱི་དཀྱིལ་འཁོར་གནས་ལ་བཞུགས། །ཉྃ་ལས་
སྤྲུལ་པའི་དྲི་མེད་དཔལ། །ཞལ་གཅིག་ཕྱག་བཞི་མར་གད་མདོག །རིན་ཆེན་པད་སྲུངས་ཟ་མ་ཏོག །བྱང་གི་དཀྱིལ་འཁོར་གནས་ལ་བཞུགས། །ཏྃ་ལས་སྤྲུལ་པའི་རིན་ཆེན་དབྱངས། །ཞལ་གཅིག་ཕྱག་བཞི་གསེར་གྱི་མདོག །
རིན་ཆེན་དྲིལ་བུ་ཡུམ་དང་འཁྲིལ། །རིན་ཆེན་མཛོད་སྤུངས་འཁོར་ལོ་སོགས། །ཐྃ་ལས་སྤྲུལ་པའི་ནམ་མཁའི་མདོག །ཞལ་གཅིག་ཕྱག་བཞི་སྔོ་སྐྱའི་མདངས། །རིན་ཆེན་གླིང་བུ་པད་མོ་འཛིན། །ཤར་གྱི་དཀྱིལ་འཁོར་གནས་
104-1-77b


ལ་བཞུགས། །དྃ་ལས་སྤྲུལ་པའི་དྲ་བ་ཅན། །ཞལ་གཅིག་ཕྱག་བཞི་མཐིང་ཀའི་མདོག །རིན་ཆེན་ཕྲེང་དང་པད་མོ་འཛིན། །ལྷོ་ཡི་དཀྱིལ་འཁོར་གནས་ལ་བཞུགས། །དྷྃ་ལས་སྤྲུལ་པའི་དཀོན་མཆོག་རྒྱན། །ཞལ་གཅིག་
ཕྱག་བཞི་དམར་སྐྱའི་མདངས། །ཆོས་ཀྱི་རྒྱལ་མཚན་རྒྱུད་མངས་འཛིན། །ནུབ་ཀྱི་དཀྱིལ་འཁོར་གནས་ལ་བཞུགས། །ནྃ་ལས་སྤྲུལ་པའི་རིན་ཆེན་ཏོག །ཞལ་གཅིག་ཕྱག་བཞི་མ་ར་ཏ། །དགོས་འདོད་བུམ་པ་དཔག་བསམ་
ཤིང་། །བྱང་གི་དཀྱིལ་འཁོར་གནས་ལ་བཞུགས། །ཊྃ་ལས་སྤྲུལ་པའི་ཀུན་ཏུ་སྣང་། །ཞལ་གཅིག་ཕྱག་བཞི་གསེར་གྱི་མདོག །འཁོར་ལོ་དྲིལ་འཛིན་ཡུམ་དང་བུམ་པ་འཛིན། །གཙུག་ཏོར་དྲི་མེད་རྡོ་རྗེ་འཛིན། །ཐྃ་ལས་སྤྲུལ་པའི་འོད་
ཀྱི་དཔལ། །ཞལ་གཅིག་ཕྱག་བཞི་ཤེལ་གྱི་མདོག །འཁོར་ལོ་དྲ་བ་རལ་གྲི་འཛིན། །ཤར་གྱི་དཀྱིལ་འཁོར་གནས་ལ་བཞུགས། །དྃ་ལས་སྤྲུལ་པའི་དགའ་དབང་ཕྱུག །ཞལ་གཅིག་ཕྱག་བཞི་ཉི་མའི་མདངས། །འཁོར་ལོ་རྒྱལ་མཚན་
དགའ་བའི་མཛོད། །ལྷོ་ཡི་དཀྱིལ་འཁོར་གནས་ལ་བཞུགས། །ཏཾ་ལས་སྤྲུལ་པའི་ཆོ་འཕྲུལ་བཀོད། །ཞལ་གཅིག་ཕྱག་བཞི་དམར་སྐྱའི་མདངས། །ཉི་མའི་འོད་ཕྲེང་རྡོ་རྗེས་སྤྲས། །ནུབ་ཀྱི་དཀྱིལ་འཁོར་གནས་ལ་བཞུགས། །ནྃ་ལས་
སྤྲུལ་བའི་རྣམ་པར་གཟིགས། །ཞལ་གཅིག་ཕྱག་གཉིས་ལྗང་སྐྱའི་མདངས། །ཀུ་ཤའི་ཆུན་པོའི་ཨ་མྲའི་མདངས། །བྱང་གི་དཀྱིལ་འཁོར་གནས་ལ་བཞུགས། །པྃ་ལས་སྤྲུལ་པའི་དོན་ཡོད་པ། །ཞལ་གཅིག་ཕྱག་བཞི་ལྗང་སྔོའི་མདོག །
རྒྱ་གྲམ་དྲིལ་བཅས་ཡུམ་དང་འཁྲིལ། །རྡོ་རྗེ་གདེངས་པོས་རལ་གྲི་འཛིན། །ཕྃ་ལས་སྤྲུལ་པའི་བརྩོན་འགྲུས་འཁྱུགས། །ཞལ་གཅིག་ཕྱག་བཞི་ཀར་ཏི་ཀ །རྒྱ་གྲམ་ཕྲེང་བ་རྩེ་གསུམ་འཛིན། །ཤར་གྱི་དཀྱིལ་འཁོར་གནས་ལ་བཞུགས། །
བྃ་ལས་སྤྲུལ་པའི་ལས་ཆེན་པོ། །ཞལ་གཅིག་ཕྱག་བཞི་སེར་སྐྱའི་མདོག །པད་མའི་ཕྲེང་བ་ནོར་བུ་འཛིན། །ལྷོ་ཡི་དཀྱིལ་འཁོར་གནས་ལ་བཞུགས། །བྷེྃ་ལས་སྤྲུལ་པའི་གནོད་སྦྱིན་འདུལ། །ཞལ་གཅིག་ཕྱག་བཞི་པད་མའི་མདངས། །
104-1-78a


ཕྱག་ན་རྡོ་རྗེ་མཆེ་བ་འཛིན། །ནུབ་ཀྱི་དཀྱིལ་འཁོར་གནས་ལ་བཞུགས། །མྃ་ལས་སྤྲུལ་པའི་སྣ་ཚོགས་དམ། །ཞལ་གཅིག་ཕྱག་བཞི་ལྗང་སེར་མདངས། །ཟླ་བ་རིན་ཆེན་དབྱུག་པ་འཛིན། །བྱང་གི་དཀྱིལ་འཁོར་
གནས་ལ་བཞུགས། །བདེར་གཤེགས་རྒྱལ་བ་དེ་དག་ཀྱང་། །ཙཀྲ་སྒྱུར་རྒྱལ་མ་ལུས་དང་། །མཚན་དང་དཔེ་བྱད་སྣ་ཚོགས་རྒྱན། །རིགས་བཙུན་བཙུན་མོ་མཛེས་པར་བྱ། །ཡང་སྤྲུལ་བྱམས་པའི་དབང་ཕྱུང་ནི། །ཞལ་གཅིག་ཕྱག་བཞི་གངས་
རི་མདོག །རྡོ་རྗེ་གདེངས་དབྱུག་རལ་གྲི་དང་། །དྲི་ཤུལ་ཐོད་བཅས་པད་མའི་ལྕུག །རྔམ་བརྗིད་འཁོར་བཅས་ཡུམ་དང་འཁྲིལ། །དྲག་པོའི་རྒྱན་ཆ་ཤར་གྱི་སྒོ། །ཁྭ་ལས་སྤྲུལ་པ་རྩེ་བའི་དབང་། །ཞལ་གཅིག་ཕྱག་བཞི་གསེར་གྱི་མདོག །
རིན་ཆེན་དབྱུག་པ་པད་མོ་དང་། །ཐོད་རྔ་རྡོ་རྗེ་མྱུ་གུའོ། །རྃ་ལས་སྤྲུལ་པའི་རྣམ་གྲོལ་དབང་། །ཞལ་གཅིག་ཕྱག་བཞི་དམར་མདངས་གསལ། །པད་མ་དང་ནི་དྲིལ་བུ་དང་། །ཐོད་སྦྲུལ་རས་སྔོན་བ་དན་འཛིན། །ལྃ་ལས་སྤྲུལ་པའི་འགྲོ་
དབང་ཕྱུག །ཞལ་གཅིག་ཕྱག་བཞི་ལྗང་ཁུའི་མདོག །རྡོ་རྗེ་རྒྱ་གྲམ་པད་མོ་དང་། །གྲི་གུག་གཏུན་ཤིང་ཕྲེང་བ་ཅན། །རིན་ཆེན་ཕྲེང་བས་མཛེས་བྱས་ནས། །འཁོར་བཅས་རྔམ་པའི་མདངས་བཅས་པས། །ལྷོ་ལ་སོགས་པའི་སྒོ་བཞི་རུ། །
གཞན་འཇིགས་དྲག་པོའི་ལས་ཀྱིས་འཁོད། །ཤི་ལས་སྤྲུལ་པའི་བྱིན་དབང་ཕྱུག །ཞལ་གཅིག་ཕྱག་བཞི་དཀར་དམར་འོད། །རྩེ་གསུམ་བན་དྷ་རིན་ཆེན་འཁྲིལ། །མི་ཡི་ཐོད་པ་རི་མོས་མཚན། །ཥྃ་ལས་སྨྲ་བའི་དབང་ཕྱུག་སྟེ། །ཞལ་
གཅིག་ཕྱག་བཞི་སེར་སྐྱའི་མདངས། །རིན་ཆེན་རྩེ་དགུ་བགྲང་ཕྲེང་དང་། །པད་མའི་ལྕུག་མ་སྡིགས་མཛུབ་མཛད། །ས་ལས་སྤྲུལ་པའི་སྤྱོད་དབང་ཕྱུག །ཞལ་གཅིག་ཕྱག་བཞི་དམར་སྐྱའི་མདངས། །དབྱུག་པ་རྩེ་གཅིག་པད་མ་དང་། །དགྲ་
སྟ་ཞགས་པ་ཕྱག་ན་འཛིན། །ཧྃ་ལས་སྤྲུལ་པའི་དབང་ཕྱུག་སྟེ། །ཞལ་གཅིག་ཕྱག་བཞི་ལྗང་གུའི་སྐུ། །རལ་གྲི་ལྕགས་ཀྱུ་དགྲ་སྟ་དང་། །མེ་ཡི་ཕྲེང་བ་འཁོར་ལོ་འཛིན། །གཞན་འཇོམས་འཇིགས་པའི་ཁྲོ་བོའི་མཆོག །རང་འོད་
104-1-78b


རིགས་འཐུན་ཡུམ་དང་རོལ། །དྲག་པོའི་རྒྱན་ཚོགས་མ་ལུས་འགེངས། །པད་མའི་འདབ་མ་བཞིན་དུ་འཁོད། །ཀ་ལས་བདེ་བའི་བློ་གྲོས་དང་། །ཞལ་གཅིག་ཕྱག་བཞི་ནམ་མཁའི་མདངས། །ཡུམ་བཅས་རྡོ་རྗེ་དྲིལ་བུ་དང་། །ནམ་མཁའི་
མཛོད་ཀྱི་འོད་ཀྱི་དཀྱིལ་འཁོར་དང་། །ཁ་ལས་ཁང་པ་རྒྱ་མཚོའི་སྒྲ་དབྱངས་ཅན། །ཞལ་གཅིག་ཕྱག་བཞི་པུ་ཤ་ར། །རིན་ཆེན་པི་བང་ཕྲེང་བ་དང་། །རྔ་ཡབ་རྡོ་རྗེ་ཅོད་པན་ཐོགས། །ག་ལས་གཟི་བརྗིད་བཀོད་པ་ནི། །ཞལ་གཅིག་ཕྱག་
བཞི་རྒྱ་སྐེགས་མདོག །པད་མའི་ལྕུག་མ་ཟླ་བ་དང་། །འཁོར་ལོ་ཡིད་བཞིན་བུམ་པ་དང་། །གྷ་ལས་སྤྲུལ་པའི་འཁོར་ལོ་གནོན་པ་ནི། །ཞལ་གཅིག་ཕྱག་བཞི་མ་ར་དང་། །འཁོར་ལོ་དབྱུག་པ་མ་མོ་ཤིང་། །རྒྱ་གྲམ་རིན་ཆེན་
ལྕུག་མ་འཛིན། །ཙ་ལས་ཤེས་རབ་སྣང་བ་ནི། །ཞལ་གཅིག་ཕྱག་བཞི་ལྗང་སྐྱའི་མདངས། །རིན་ཆེན་ཕུང་པོ་པད་མ་དང་། །རྩེ་གསུམ་དྲིལ་ཐབས་འོད་དཀྱིལ་འཁོར། །ཚ་ལས་རྡོ་རྗེ་རྒྱལ་མཚན་ཏེ། །ཞལ་གཅིག་ཕྱག་བཞི་གསེར་
གྱི་མདོག །རིན་ཆེན་གདུགས་མཛེས་ཉི་མ་དང་། །དཔའ་བོ་ལོངས་སྤྱོད་པད་མའི་སྤྱན། །ཛ་ལས་འོད་ཟེར་འཕྲོ་བ་ཅན། །ཞལ་གཅིག་ཕྱག་བཞི་མདངས་དམར་གསལ། །པད་མ་འཁོར་ལོ་མཆོད་སྡོང་བུ། །མུ་ཏིག་ཆུན་པོ་ཟ་མ་
ཏོག །ཛྷ་ལས་སྤྲུལ་པའི་དྲག་ཤུལ་ཅན། །ཞལ་གཅིག་ཕྱག་བཞི་ལྗགས་སེར་མདོག །འོད་ཀྱི་མེ་ཕུང་མེ་འོད་དང་། །རལ་གྲི་འབར་བ་གཡས་དང་གཡོན། །ཏ་ལས་སྤྲུལ་པའི་དྲི་མ་སེལ། །ཞལ་གཅིག་ཕྱག་གཉིས་དམར་
སྐྱའི་མདངས། །ཉི་མའི་ཕྲེང་བ་གཎྜཱི་རྡེག །ཆོས་ཀྱི་ཙཀྲ་རྫོགས་བྱེད་པའོ། །ཐ་ལས་སྒྱུ་མའི་འཕྲུལ་པ་ནི། །ཞལ་གཅིག་ཕྱག་བཞི་པ་ལ་ཤ །སེང་གེ་རྒྱ་མཚོ་རིན་ཆེན་ཕྲེང་། །རིན་ཆེན་བུམ་པ་དེ་བཅུད་བཅས། །ལས་
ཀྱི་རིན་ཆེན་རྒྱལ་པོ་ནི། །ཞལ་གཅིག་ཕྱག་བཞི་རཱ་གའི་མདངས། །རི་བོ་པད་མ་ཆུ་དྲི་དང་། །གསེར་ཉ་འཕྱོ་བའི་རྫིང་བུ་ཡིན། །དྷ་ལས་འཕྲོས་པའི་དྲ་བ་ཅན། །ཞལ་གཅིག་ཕྱག་བཞི་ལྗང་གུའི་མདོག །རྒྱ་གྲམ་དྲིལ་བུ་འཕྲོ་བ་
104-1-79a


དང་། །བན་དྷ་སྦྲང་ཡབ་འཛག་པའི་རྒྱུན། །ཏ་ལས་སྤྲུལ་པའི་ལག་བཟངས་ནི། །ཞལ་གཅིག་ཕྱག་བཞི་ཀར་ཏའི་འོད། །པད་མའི་རྒྱལ་མཚན་དཀར་དམར་མདངས། །དྲི་ཡི་ཞོང་པ་ཀུ་ཤའི་ཚུལ། །
ཐ་ལས་གསེར་འོད་འཕྲོ་བ་འཛིན། །ཞལ་གཅིག་ཕྱག་བཞི་མཐིང་ཀའི་མདོག །གླེགས་བམ་མཛེས་པའི་སྐུ་གཟུགས་དང་། །རིན་ཆེན་མཛོད་དང་ཟླ་བའི་འོད། །ཌ་ལས་རིན་ཆེན་སྙེ་མ་ནི། །ཞལ་གཅིག་ཕྱག་བཞི་པད་རཱ་ག །
པད་མའི་སྡོང་བུ་དཔག་བསམ་ཤིང་། །བན་དྷ་རྩེ་གསུམ་ཟླ་ཚེས་གཟུགས། །དྷ་ལས་ཆོས་ཀྱི་མཐོང་བ་ནི། །ཞལ་གཅིག་ཕྱག་བཞི་སྣ་ཚོགས་སྐུ། །གོ་ཆ་ཡེ་ཤེས་སྒྲོན་མ་དང་། །དཔལ་བེའུ་ཟུར་བརྒྱད་ནོར་བུ་ཏོག །སྣ་
ཚོགས་སྤྲིན་ཕུང་སེར་གྲ་བཅས། །མཆེ་བ་དྲིལ་བུ་ངང་པ་འཛིན། །བྷ་ལས་གཞོན་ནུ་རིན་ཆེན་ནི། །ཞལ་གཅིག་ཕྱག་བཞི་ལྗང་སེར་མདོག །རྒྱ་གྲམ་འཁོར་ལོའི་ཕྲེང་བ་དང་། །འོད་ཟེར་རྩེ་གསུམ་སྔགས་པའི་བུམ། །སེམས་
དཔའ་ཆེན་པོ་དེ་དག་རྣམས། །རྒྱན་ཕྲེང་ཆ་ལུགས་འོད་ཟེར་དང་། །ཡུམ་གནས་འཁྲིལ་ཞིང་རང་གནས་ཀྱི། །གཙོ་ལ་འཁྲིལ་བའི་ཚུལ་དུ་བཞུགས། །ཉ་མ་ན་ལས་འཕྲུལ་པ་ཡི། །རྡོ་རྗེ་རྣམ་པར་གནོན་ལ་སོགས། །རིགས་
ཀྱི་མཚན་མ་ཅི་བཞིན་དུ། །པད་མ་ར་ག་རཀ་ཏ་མདངས། །བེའུ་གསེར་མདོག་ཨིན་ཏྲ་བཞིན། །པད་མ་རྡོ་རྗེ་རིམས་སོགས་མཚན། །ཞལ་གཅིག་ཕྱག་བཞི་ཡུམ་དང་འཁྲིལ། །འོག་མའི་ཕྱག་མཚན་འཐུན་པ་ཡི། །རང་
རྟགས་མཚན་མ་སྣ་ཚོགས་དང་། །པད་མའི་ལྕུག་མས་མཚན་བྱས་པའི། །མེ་ཏོག་འབྲས་བུ་རྣམས་ཀྱིས་མཛེས། །ཤར་ལ་སོགས་པའི་ཕྱོགས་བཞི་རུ། །བྱང་ཆུབ་སེམས་དཔའི་ཆ་ལུགས་ཀྱིས། །རང་གི་དཀྱིལ་འཁོར་གནས་
སུ་འཁོད། །ཡ་བ་ར་ལས་སྤྲུལ་པ་ཡི། །པད་མ་འཕྲོ་བ་ལ་སོགས་བཞི། །ཞལ་གཅིག་ཕྱག་གཉིས་དཀར་དང་སེར། །དམར་ལྗང་པད་མོ་མེ་ལོང་དང་། །རིན་ཆེན་ཕྲེང་བ་པི་བང་གར། །མཆོད་པ་ལས་མཛད་ནང་གི་
104-1-79b


མཚམས། །ཥ་ཤ་ས་ཧ་ལས་འཕྲུལ་པའི། །པད་མོ་ཚིམ་བྱེད་ལ་སོགས་བཞི། །ཞལ་གཅིག་ཕྱག་གཉིས་རིགས་གཉིས་གཟུགས། །བདུག་སྤོས་མེ་ཏོག་དུང་དང་དྲི། །འགིང་ཚུལ་ཏྲི་ཤུལ་ལས་ཀྱི་ཚུལ། །མཆོད་པས་ཕྱི་ཡི་
མཚམས་ན་གནས། །དེ་དག་གི་གསང་སྔགས་ནི། ཨོཾ་དྷེ་ཧི་རཱ་ག་པད་མ་ཤི་རི་བུ་ཏ་ཧཱུྃ་ཧཱུྃ་སྭཱ་ཧཱ། ཨོཾ་པད་མ་མ་ཧཱ་དྷ་བ་ར་བུ་ན་སི་ཏ་མ་ཧཱ་དྷ་མ་ཧྲྀ་ད་ཡཱ་ཧཱུྃ་ཧཱུྃ། པྲད་ཏད་ཡ་ཛ་སྭཱ་ཧཱ། དབུས་ཀྱི་དཀྱིལ་འཁོར་གྱིའོ། །ཨོཾ་ཙཀྲ་ཨ་ལོ་ཀ་ན་མ་རཀྵ་སྃ་
བྷ་ར་ད་ན་ཧྲི་ཏི་བ་ཡ་བ་ཏི་ཛ་སྭཱ་ཧཱ། ནུབ་ཕྱོགས་པའི་དཀྱིལ་འཁོར་རོ། །ཨོཾ་བཛྲ་ད་ར་བ་ཀྲི་ཏ་ཡ་ནི་ཤྃ་ར་ཏི་པ་ཤྃ་ནི་ཛ་སྭཱ་ཧཱ། ཤར་ཕྱོགས་ཀྱི་དཀྱིལ་འཁོར་ལའོ། །ཨོཾ་རཏ་ན་ཀུ་ཏི་དུ་མན་ཏ་བན་དྷ་བན་དྷ་དུ་ན་དུ་ན་བི་ཛ་སྭཱ་ཧཱ། ལྷོ་ཕྱོགས་ཀྱི་
དཀྱིལ་འཁོར་པའོ། །ཨོཾ་པི་ཤ་ཙིན་དྷ་མ་མ་དུ་རུ་ཧ་ཧ་ཧ་ཧ་སརྦ་གུཪྦ་ནི་ཧཱུྃ་ཕཊ་སྭཱ་ཧཱ། བྱང་གི་དཀྱིལ་འཁོར་པའོ། །ཨོཾ་མ་མ་ཨ་བ་ལོ་ཀ་ན་རུ་རུ་ཡུ་རུ་སི་དེ་བྷྱོ་དེ་ས་ཏྭ་མ་མ་ཧཱུྃ་ཛ་སྭཱ་ཧཱ། རིགས་ཀྱི་བྱང་ཆུབ་སེམས་དཔའ་རྣམས་ཀྱིའོ། །ཨོཾ་བི་ལོ་
ཀ་ནཱ་མ་སི་ཏ་ན་མ་ཀུ་རུ་ཀུ་རུ་བོ་དྷི་ས་ཏྭ་བྷ་ར་བུ་ན་ཛ་ཧཱུྃ་ཛ་སྭཱ་ཧཱ། རིགས་ལས་སྤྲུལ་པའི་བྱང་ཆུབ་སེམས་ཀྱིའོ། །ཨོཾ་བིན་དྷ་བིན་དྷ་སརྦ་ཀརྨ་སི་དེ་དེ་བི་ཀུ་རུ་བུ་ཏ་སྃ་བོ་ཧ་ཧཱུྃ་ཨོཾ་ཨྃ་ཛ་སྭཱ་ཧཱ། ལྷ་མོ་རྣམས་ཀྱིའོ། །ཨོཾ་ཨ་པསྨ་ར་ཀྲོ་དྷ་སྣི་ཡག་ཤ་
ཧཱུྃ་ཧཱུྃ་ཧཱུྃ་བི་ཏྃ་པ་ཀ་ཕཊ་སྭཱ་ཧཱ། ཁྲོ་བོ་རྣམས་ཀྱིའོ། །གསང་སྔགས་རྒྱལ་པོ་མི་བཟད་པས། །རྣམ་པར་སྤྲུལ་པ་སྐུ་ཡིས་ནི། །སྟོང་གསུམ་གནས་ནས་གཡོ་མཛད་དེ། །རང་གི་ལྷ་ལ་གསལ་བར་མཛོད། །དེ་ནས་མགོན་པོ་རྡོ་རྗེ་འཛིན། །
བདེ་ཆེན་གར་གྱི་དབང་ཕྱུག་གིས། །དཀྱིལ་འཁོར་རྣམ་གསུམ་གསལ་བྱེད་པའི། །ཏིང་ངེ་འཛིན་ལ་སྙོམས་ཞུགས་ནས། །དཀྱིལ་འཁོར་བྱིན་བརླབས་དབང་བསྐུར་ཞིང་། །རིགས་ཀྱི་བདག་པོས་གསལ་བར་མཛོད། །གནས་ཀུན་
མཚན་མ་ཡོངས་དག་ནས། །རྣམ་གསུམ་སྣང་བ་གཉིས་མེད་འགྱུར། །ཨོཾ་ན་མ་སརྦ་ཏ་ཐཱ་ག་ཏ་ཀཱ་ཡ་བཱ་ཙིཏྟ་མ་ཧཱ་བོ་དྷི་ཧྱ་སུ་ཏྲྃ་ཏྲི་ཤ་ཤུ་དྷེ་སོ་ནཱ་ཁྱ་ཧཱུྃ་ཧཱུྃ་ཧཱུྃ། །ཨོཾ་རིན་ཆེན་དབུ་རྒྱན་གྱི་སྔགས། སརྦ་བུ་ཏ་ཀུ་རུ་རཏ་ན་མ་མ་ཀུ་ཏ། ཨ་ཨ་
104-1-80a


བིརྱ་སད་མ་མ་ཀུ་ཨ་བྷི་ཥིཉྩ་ཨོཾ་ཨཱཿཧཱུྃ་སྭཱ་ཧཱ། ཨོཾ་པདྨ་ཨ་མོ་ཀ་ས་མ་ཡ་ཤྲཱི་ཧ་ཧ་ཧ་ཚིན་དྷ་མ་ནི་ཨསྨི་ཤ་བི་མ་མ་ཡ་ཧཱུྃ་ཧཱུྃ། སྔགས་གསུམ་གྱིས་གསལ་བར་བྱེད་པའོ། །ཨོཾ་བི་ཤ་ཙིན་དྷ་མ་ནི་ཨ་བ་སྃ་བོ་ད་མ་མ་ཀུ་རུ་སི་ལ་ལ་ཏ་
སི་ན་བི་བུད་པ་པྃ་ད་ཧཱུྃ་ཧཱུྃ་ཧཱུྃ། རྣམ་པར་སྤྲོ་བའི་སྔགས་སོ། །ཨོཾ་མ་ཏ་ལ་ནི་བི་ཤ་ཙཀྲ་ཀུ་མ་ཏ་བུ་ཏ་ན་མ་སི་ལ་དུ་ཏྲི་སི་ཧཱུྃ་ཕཊ་སྭཱ་ཧཱ། དཀྱིལ་འཁོར་གསལ་བའི་སྔགས་སོ། །ཨོཾ་ཨྃ་ཨ་ཨ་མིན་དུ་ཤེ་མ་ལ་ཤ་ན་དུན་དྷེ་ཏ་ཐཱ་ག་ཏེ་བྷྱོད་ཏི་པད་མ་
ཀུ་རུ་ཨཱཿཧཱུྃ་སྭཱ་ཧཱ། རྦད་པའི་སྔགས་སོ། །ཨོཾ་པདྨ་མུ་ཁྃ་པདྨ་པ་བ་ས་བོ་ཏི་དི་ར་ཡྃ་གུ་རུ་ཧཱུྃ་ཧཱུྃ་ཧཱུྃ་ཧྃ་ཧྃ་དར་ཤ་སྭཱ་ཧཱ། །སྙིང་པོའི་སྔགས་སོ། །ཨོཾ་ན་མ་སུ་ཏྲྃ་བྷོ་ག་ག་ན་གུ་མ་ལེ་སྃ་སཱ་ར་ཧཱུྃ་ཕཊ་སྭཱ་ཧཱ། །རིག་པ་མཆོག་གི་སྔགས་སོ། །ཨོཾ་
བ་ག་ག་བ་སྃ་པོ་པདྨ་དྷ་ཨེ་ཧྱེ་ཧི་མ་ཧཱ་ཀ་རུ་མད་ཨ་མ་དྷུ་ན་ཛ་ཛ། སྤྱན་དྲང་བའི་སྔགས་སོ། །ཨོཾ་པདྨོ་སྃ་ག་ག་སུ་ར་ཏ་ར་གས་མ་ཡེ་སྟྭྃ། གདན་གྱི་སྔགས་སོ། །ཨོཾ་ཨ་མུ་ཀ་སི་ན་མ་སརྦ་བྷྱོ་ག་ག་ཏ་པུ་ཙ་མེ་ད་ན་ད་ཧཱུྃ་ཏྲི་སྭཱ་ཧཱ། །མཆོད་པའི་
སྔགས་སོ། །ཨོཾ་པདྨ་བི་ལོ་ཀུ་མ་ལ་སུ་ནྃ་ཏུ་ཏྲྃ་སྭཱ་ཧཱ་པ་སྃ་ཧི་ཧི། དགྱེས་པར་བྱ་བའི་སྔགས་སོ། །དེ་ནས་གསང་བའི་བདག་པོ་མཆོག །རྡོ་རྗེ་གསང་བ་རྨད་འབྱུང་བའི། །སྐུ་དང་གསུང་ཐུགས་གསང་སྔགས་ཆེ། །བྱིན་གྱིས་བརླབས་པ་དོན་
བཤད་མཛད། །བདེ་བར་གཤེགས་པའི་ཡེ་ཤེས་མཆོག །དེ་དག་དཀྱིལ་འཁོར་རྣམ་འཕྲུལ་མཆོག །དྲི་མ་མེད་པའི་བྱང་ཆུབ་སེམས། །དེ་ནི་དཀྱིལ་འཁོར་སྙིང་པོ་མཆོག །རྡོ་རྗེ་གསང་བའི་གནས་ཆེན་པོ། །ཐབས་དང་ཤེས་རབ་རོལ་
པའི་ཚུལ། །རང་བཞིན་བྱང་ཆུབ་སེམས་ཉིད་ལས། །རང་བཞིན་ལྷུན་གྲུབ་རྫོགས་ཆེན་པོ། །འགྲོ་བའི་སྣང་བ་དམ་པའི་མཆོག །རང་བཞིན་དག་པ་དྲི་མེད་ཆོས། །དཀྱིལ་འཁོར་གནས་མཆོག་གཉིས་མེད་པའོ། །ཕུང་པོ་ཁམས་སོགས་
རྣམ་དག་སྐུ། །ཨེ་མའོ་ཆོས་སྐུ་མྱ་ངན་འདས། །ཨེ་མའོ་ཆོས་རྣམས་ཡེ་ཤེས་སྐུ། །ཨེ་མའོ་ཆོས་ཀུན་རྣམ་པར་འཕྲུལ། །རྒྱ་ཆེ་སྔགས་ཀྱི་ཚུལ་ལྡན་པའི། །དཀྱིལ་འཁོར་གསང་གསུམ་ངོ་མཚར་ཆེ། །ཐབས་ལྔ་མཛད་པ་སྣ་ཚོགས་
104-1-80b


ཀྱིས། །སྔོན་དང་ད་ལྟ་འབྲེལ་དོན་འབྱུང་། །ཐབས་མཁས་ཕ་རོལ་ཕྱིན་བཅུ་རྫོགས། །བསོད་ནམས་ཡེ་ཤེས་དག་པའི་ཤུགས། །ས་དང་ས་འདས་དོན་ཆེན་པོ། །ཏ་ཐཱ་ག་ཏའི་བྱིན་བརླབས་དབྱིངས། །ལ་ལ་སྐུ་དང་གསུང་དང་ཐུགས། །
ཟབ་པ་དེ་ཉིད་རང་གི་མཐུས། །གསང་གསུམ་གནས་ལ་ཕྱག་འཚལ་ལོ། །ཡ་མཚན་ཆོས་ལ་ཕྱག་འཚལ་ལོ། །རྣམ་འཕྲུལ་སྐུ་ལ་ཕྱག་འཚལ་ལོ། །བྱང་ཆུབ་སེམས་ལ་ཕྱག་འཚལ་ལོ་ཞེས་སོ། །དེ་བཞིན་གཤེགས་པ་ཐམས་ཅད་ཀྱི་
དགོངས་པ་བླ་ན་མེད་པའི་གསང་བ་དཔལ་རྟ་མཆོག་རོལ་པའི་རྒྱུད་ལས་དཀྱིལ་འཁོར་རྣམ་པར་འཕྲུལ་པའི་ལེའུ་སྟེ་གསུམ་པའོ།། །། དེ་ནས་འདུས་པའི་འཁོར་ཚོགས་རྣམས། །དགའ་བ་ཆེན་པོ་ངོ་མཚར་གྱིས། །རྒྱུད་གསུམ་རྣམ་
དག་ཚིམ་གྱུར་ནས། །དགྱེས་པའི་དབྱངས་ཀྱིས་གསོལ་བ་བཏབ། །ཨེ་མའོ་ངོ་མཚར་ཡ་མཚན་ཆེ། །གཉིས་མེད་རོལ་པ་ཡ་མཚན་ཆེ། །དྲི་མེད་དག་པ་ཡ་མཚན་ཆེ། །འོད་འཕྲོ་འདུ་བ་ཡ་མཚན་ཆེ། །བྱང་ཆུབ་སྤྲིན་ཕུང་ཡ་མཚན་ཆེ། །
སངས་རྒྱས་འབྱུང་བ་ཡ་མཚན་ཆེ། །འཕྲུལ་པ་འབྱུང་བ་ཡ་མཚན་ཆེ། །ཁྲོ་བོ་འབྱུང་བ་ཡ་མཚན་ཆེ། །བྱིན་བརླབས་ཆོ་འཕྲུལ་ཡ་མཚན་ཆེ། །ཐ་བ་རླན་མཛད་ཡ་མཚན་ཆེ། །འགོག་པ་རླུང་མཛད་ཡ་མཚན་ཆེ། །བདག་ཅག་འཁོར་ཚོགས་
འདུས་པ་རྣམས། །དམ་ཚིག་ཅན་དུ་བྱིན་བརླབས་མཛད། །ཟ་འོག་རིམ་པ་ཅི་བཞིན་དུ། །རྡོ་རྗེ་གསང་བའི་གྲལ་དུ་འགོད། །དེ་ནས་བཅོམ་ལྡན་བདེ་ཆེན་པོས། །ཆགས་པ་ཆེན་པོ་རྡོ་རྗེའི་སྐུ། །སྐུ་དང་གསུང་ཐུགས་གཉིས་མེད་པའི། །
འཁོར་རྣམས་རབ་ཏུ་སྦྱང་བའི་ཕྱིར། །རྡོ་རྗེ་རྒྱན་གྱི་ཏིང་འཛིན་གྱིས། །རང་གི་དཀྱིལ་འཁོར་གསལ་བར་མཛོད། །དེ་ཚེ་བྱང་ཆུབ་སེམས་ཆེན་པོ། །འོད་ཟེར་ཀུན་ཏུ་ཁྱབ་པ་དེས། །དགའ་བ་ཆེན་པོའི་མཆོད་པ་ཡིས། །གནས་ཀྱི་མཚན་
མ་གསལ་བར་མཛོད། །འདུ་ཤེས་མེད་དང་འགོག་གནས་སོགས། །རང་གི་རྟོག་པའི་མཐའ་ཞེས་རྣམས། །དྲི་མ་མེད་པའི་བྱང་ཆུབ་སེམས། །རིན་ཆེན་ཆུ་དེས་དབང་བསྐུར་ནས། །རང་གི་ཡེ་ཤེས་དབང་ཐོབ་སྟེ། །འགྲོ་བའི་དོན་
104-1-81a


བྱེད་ནུས་དང་ལྡན། །ལས་ལ་སྤྱོད་པའི་གནས་རྣམས་དང་། །རང་སྐྱོབ་པ་ཡི་སེམས་དག་གིས། །ཐུགས་རྗེ་ཆེན་པོའི་བྱང་ཆུབ་སེམས། །སངས་རྒྱས་བསྟན་པ་འདི་གཉེར་རོ། །བྱང་ཆུབ་སེམས་ཀྱི་མཚན་མ་
ཡིས། །འདུས་པའི་གནས་ལྔ་རིག་པར་བྱ། །ཨོཾ་གུ་ཧྱ་བཛ་ས་མ་སྟྭྃ། ཨ་ལ་ལ་ཧོ། རྡོ་རྗེ་རོ་ལངས་བསྡུས་པ་ཡིས། །གསང་བའི་དམ་ཚིག་ཆེན་པོ་རྣམས། །རིགས་གྱི་དགོངས་པ་ཇི་ལྟ་བར། །རྡོ་རྗེ་གསང་བའི་ལས་ལ་གནས། །སྐལ་
བཟངས་དམ་ཚིག་ཆེན་པོ་སྟེ། །དེ་ལས་འདས་ན་རླག་པར་འགྱུར། །བཀའ་ཡི་བསྒོ་བའི་དོན་ཆེན་པོས། །འདས་པའི་འཁོར་ཚོགས་བསམ་ཡས་པས། །དམ་ཚིག་ཐོབ་པས་གྲལ་འཁོད་དོ། །དེ་ནས་གསང་བའི་བདག་པོ་ཉིད། །དབང་
ཐོབ་ལས་མཛད་ཆེན་པོ་དེས། །བཅོམ་ལྡན་འདས་ལ་གཙུག་གི་ཕྱག །རྣལ་འབྱོར་ལུགས་སུ་བྱས་ནས་ནི། །ཕྱི་ནང་གསང་བའི་མཆོད་པས་མཆོད། །མཉམ་འགྱུར་གསོལ་བ་རབ་ཏུ་གདབ། །འདི་ལྟར་མ་བྱུང་ངོ་མཚར་ཁྱོད། །སངས་
རྒྱས་རྣམས་ཀྱི་དབང་ཕྱུག་ཆེ། །མངོན་སྤྱོད་ཡ་མཚན་སྟོན་པར་སྤྱོད། །བཀའ་ཡི་འཁོར་ལོ་དམ་པ་ཉིད། །སྨྲ་བསམ་ཡུལ་ལས་རབ་འདས་ཀྱང་། །དཔེས་མཚོན་སྣང་བ་ལ་བརྟེན་ནས། །ཡི་གེ་མིང་ཚོགས་ལ་སོགས་ཀྱིས། །
གསལ་བར་མཚོན་ཏེ་གོ་བར་མཛོད། །སྟོན་པ་དབང་ཕྱུག་དམ་པ་དེས། །གསོལ་བ་བཏབ་པའི་དོན་དགོངས་ནས། །བརྗོད་བསམ་འདས་པའི་ཏིང་འཛིན་ལས། །མཉམ་པར་བཞུགས་ནས་མི་གསུང་བཞུགས། །དེ་ནས་འདུས་པའི་འཁོར་
ཚོགས་ཀྱིས། །སྟོབས་མཆོག་སེང་གེ་ཆེན་པོ་ལ། །ལོགས་སུ་བཏུད་དེ་ཕྱག་འཚལ་ནས། །རྨད་འབྱུང་མཆོད་པ་སྣ་ཚོགས་བྱས། །གསོལ་བཏབ་བློ་མཆོག་སེང་གེ་ཁྱོད། །བདག་ཅག་ཞུ་བའི་གནས་སྐབས་ཕྱེ། །སྟོབས་མཆོག་
སེང་གེ་གསང་བདག་གིས། །གསོལ་བ་བཏབ་པའི་དོན་དགོངས་ནས། །འདུས་པའི་འཁོར་ཚོགས་ཁྱོད་ཉོན་ཅིག །བདག་ལ་ཞུས་ཅིག་སྤོབས་པར་བྱོས། །སླར་ཉིད་གསོལ་བ་བཏབ་པའི་དོན། །ཀུན་གྱིས་འཐུན་པའི་ཚིག་སྨྲས་པ། །
104-1-81b


མགོན་པོ་རྒྱལ་བ་ཀུན་གྱི་མཛོད། །སངས་རྒྱས་རྣམས་ཀྱི་སྲས་ཀྱི་མཆོག །བྱང་ཆུབ་སེམས་དཔའ་རྗེ་བཙན་ལ། །ཆོས་རྣམས་སྟོན་པའི་གནས་ལ་གསན། །བཅོམ་ལྡན་གསང་མཆོག་དམ་པ་དེས། །གསང་སྔགས་ལམ་རྣམས་
མི་སྟོན་ཅིང་། །དགོངས་མཛད་འབྲེལ་བས་མི་མཛད་པ། །རྒྱུ་དང་རྐྱེན་གྱིས་གང་ལགས་པ། །འཁོར་ནི་ཚོགས་ལ་བསྟན་དུ་གསོལ། །གསལ་ཞིང་དབྱེ་བར་མཛད་པར་རིགས། །ཞུས་པའི་དོན་ཉིད་སླར་གསུངས་པ། །རྒྱལ་བ་ཀུན་
གྱིས་གསང་བའི་མཛོད། །སྐུ་གསུང་ཐུགས་ཀྱི་རྡོ་རྗེ་དངོས། །སྣ་ཚོགས་སྣང་ཞིང་གསལ་བར་མཛོད། །དེ་ཉིད་རྫོགས་པའི་གསང་སྔགས་ཅན། །བཤད་ལས་འདས་པའི་དོན་དེ་ནི། །དགོངས་དོན་རྒྱལ་བས་གསུང་མི་མཛད། །དེ་ལྟར་
སྟོན་པ་རྒྱལ་མཆོག་གིས། །རྣམ་པར་བརྗོད་པ་མི་མཛད་པས། །ཡང་དག་དོན་གྱི་སྙིང་པོ་ཉིད། །རྒྱ་ཆེར་བཀའ་ནི་གསལ་བ་ཡིན། །འདུས་པའི་འཁོར་ཚོགས་རྣམས་ཉོན་ཅིག །བྱང་ཆུབ་དམ་པའི་སྙིང་པོ་ནི། །སྨྲ་བསམ་ལས་འདས་བརྗོད་
མེད་པས། །ཚིག་ཏུ་བརྗོད་པ་ལེགས་མ་ཡིན། །གཉིས་མཐའི་རྟོག་པ་ལས་གཞན་དག །ཚིག་གི་སྣང་བས་ཐེ་ཚོམ་སྐྱེད། །གྲོལ་བ་ཉིད་ཀྱིས་འཆིང་འགྱུར་ཞེས། །འདས་དང་མ་བྱོན་ཐམས་ཅད་དང་། །ད་ལྟར་བྱུང་བར་དགོངས་པའི་
དོན། །མ་གསུང་མི་གསུང་གསུང་དུ་མེད། །དེ་ནས་སེམས་པའི་སྙིང་པོ་ནི། །སྤྲོས་དང་བྲལ་བའི་བྱང་ཆུབ་སེམས། །ཀུན་རྫོབ་བདེན་པའི་ཚིག་དབང་དུ། །མཚན་མའི་ཚིག་གིས་རྣལ་འབྱོར་རྣམས། །དོན་དམ་རྟོགས་དཀའ་འགྲོ་བའི་ཕྱིར། །རྒྱལ་
བས་ཚིག་སྐོར་བསྟན་པ་ཡིས། །འདུས་ཚོགས་འཁོར་གྱི་ཡང་ཞུས་པ། །སྟོབས་མཆོག་སེང་གེ་དེ་ལྟར་ན། །བདག་སོགས་མ་འོངས་རྣལ་འབྱོར་པས། །ཚིག་གི་རྗེས་འབྲངས་དོན་དག་ཏུ། །གསང་བའི་ལས་བརྗོད་གསལ་བྱེད་པ། །ཇི་ལྟ་
བུ་ཡིས་མཚོན་པར་འགྱུར། །དཔའ་བོ་ཁྱོད་ནི་རྒྱལ་བའི་སྲས། །དབང་བསྐུར་ཐོབ་པར་ཞུ་བ་སྤོབས། །བཅོམ་ལྡན་དབང་མཆོག་དམ་པ་ལ། །ཞུས་ཤིང་སྟོབས་མཆོག་སེང་གེ་ཁྱོད། །ངེས་ཀྱང་འཁོར་གྱིས་ཞུས་པ་བཞིན། །རྒྱལ་བ་རྡོ་རྗེ་
104-1-82a


འཛིན་པ་ལ། །ཕྱག་འཚལ་རྨད་འབྱུང་མཆོད་རྫས་ནས། །རྡོ་རྗེ་ཚིག་ཏུ་འདི་སྐད་གསོལ། །ཀྱེ་མ་སྟོན་པ་ཐུགས་ཆེན་པོ། །ཕྱོགས་བཅུ་རྒྱལ་བ་ཀུན་འདུས་པ། །བྱང་ཆུབ་སེམས་ཀྱི་མཚན་ཉིད་དེ། །ཚིག་ཏུ་བརྗོད་
པ་མ་མཛད་ན། །མ་འོངས་སྒྲ་ལ་བརྟེན་པ་དག །དོན་ལ་རེག་པར་མི་འགྱུར་ཕྱིར། །མཚོན་བྱ་མཚོན་པར་བྱས་ནས་ནི། །སྙིང་པོ་བྱང་ཆུབ་དོན་འདི་ལ། །དཔེས་མཚོན་འཐད་པར་གྲུབ་བྱེད་པ། །གསང་བ་དེ་ཉིད་བསྟན་དུ་གསོལ། །དེ་
ནས་མགོན་པོ་རྡོ་རྗེ་འཛིན། །ཡེ་ཤེས་ལྔ་དང་རྟགས་ལྡན་པའི། །ཕྱག་གི་མཚན་མ་གསོར་མཛད་ཅིང་། །རྨད་འབྱུང་ཡ་མཚན་སྟོན་པར་མཛད། །ཐམས་ཅད་པད་མོར་འགྱུར་བ་ཡི། །རྨད་འབྱུང་ཆོས་ཀྱི་སྒྲ་ཡང་སྒྲོགས། །ཨོཾ་ཨཱཿ
ཧཱུྃ་སྭཱ་ཧཱ། བོ་དྷི་ཙིཏྟ་གུ་ཧྱ། ས་མ་ཡ་ཨ་ས། ཨ་ནུ་བོ་དྷི་ཙིཏྟ་ཨ་ནན་ཏ་གར་བྷ། མ་ཧཱ་ས་ཏྭ་པྲ་ཏ་ཨ་ཧཱུྃ། འདི་ནི་གསུངས་མ་ཐག་ཏུ་ཡང་། །སངས་རྒྱས་གྲགས་ཆེན་ཐམས་ཅད་དག །རབ་ཏུ་དྲག་ཅིང་བརྒྱལ་འགྱུར་ནས། །གཞན་ལྟ་
མ་ལུས་སྨོས་ཅི་དགོས། །བཅོམ་ལྡན་འདས་ཀྱིས་ཡང་དག་བཀའ། །བཤད་ཀྱིས་རིགས་ཀྱི་བུ་རྣམས་ཉོན། །དོན་དམ་ཀུན་རྫོབ་གཉིས་མེད་པར། །ཡང་དག་བདེན་པའི་དོན་བསྟན་པ། །དེ་ནི་དངོས་པོ་མཚན་ཉིད་དེ། །མཁའ་ལྡན་
ཆེན་པོ་རྣམས་ཀྱི་གདེང་། །ཇི་སྲིད་བློ་ཡི་ཆོས་དག་ཏུ། །གཉིས་སུ་སྣང་བའི་མཚན་མ་ལ། །བསམ་བརྗོད་ཀུན་རྫོབ་ཞེས་བྱ་སྟེ། །དེ་ལས་འདས་པ་དོན་དམ་ཡིན། །སྐུ་གསུམ་གཉིས་སུ་མེད་པ་ཡི། །སྣང་བའི་དངོས་པོ་མ་འགགས་
པ། །དུས་གསུམ་བསྟན་པ་ཆེན་པོར་གནས། །ཡིད་བཞིན་པ་ཡི་དོན་ཉིད་དོ། །ཐམས་ཅད་སྒྱུ་མ་ལྟ་བུའི་ཚུལ། །ཐམས་ཅད་རང་བཞིན་སྟོང་པ་ཉིད། །ཟུང་དུ་འཇུག་པའི་ཡེ་ཤེས་ནི། །དེ་ཉིད་བླ་མེད་མཆོག་དམ་པ། །དེ་སྐད་ཅེས་ནི་
བཀའ་སྩལ་ནས། །ཨ་ལ་ལ་ཡི་སྒྲ་བརྗོད་དོ། །སྟོབས་མཆོག་སེང་གེ་དྲི་བ་དྲིས། །དེ་ལྟར་ལེགས་སོ་བཅོམ་ལྡན་འདས། །སྔགས་ཀྱི་ལྷ་ལ་བློ་གནས་གང་། །སྤྱོད་ལ་གནས་པ་གང་དག་གིས། །ཕན་ཚུན་འབྲེལ་འགྱུར་ཅི་
104-1-82b


ལྟ་བུར། །བློ་ཡི་རིམ་པ་འཇུག་བྱ་འམ། །བཅོམ་ལྡན་འདས་ཀྱིས་བཀའ་སྩལ་པ། །གསང་བའི་བདག་པོ་ཁྱོད་ཉོན་ཅིག །སངས་རྒྱས་རྣམས་ཀྱིས་བསྟན་པའི་དོན། །མཚན་ཉིད་རྣམ་དག་དུས་ལགས་པ། །བགྲང་དང་བགྲང་བ་
ལས་འདས་པའི། །དངོས་པོ་མཚན་ཉིད་དེ་བཞིན་ནོ། །ལེགས་སྤྱོད་བདེན་པའི་ལམ་འཇུག་ཅིང་། །རྣམ་གསུམ་སྔགས་ཀྱི་དོན་སྦྱང་ན། །འབྲེལ་པ་ཤུགས་ཀྱིས་སྒྲུབ་བྱེད་ན། །ལྟ་སྤྱོད་གཉིས་ལྡན་བདེན་པའི་མཆོག །རྣལ་འབྱོར་ས་
ལ་ལེགས་གནས་ཤིང་། །བདེན་གཉིས་འབྲེལ་པའི་དོན་བསྒྲུབས་ནས། །ཡང་དག་རྟག་པའི་དོན་གསལ་འགྱུར། །རྣལ་འབྱོར་ས་སྤྱོད་ས་ཐོབ་ཤོག །མ་སྐྱེས་ཐབས་ཀྱི་ཡེ་ཤེས་ལྡན། །ཐམས་ཅད་མཉམ་པ་ཉིད་ཀྱི་དབྱིངས། །
བདེན་གཉིས་དབྱེ་བ་མེད་པ་ཡིས། །ཡང་དག་དོན་མཆོག་སྒྱུ་མའི་སྐུ། །ཀུན་རྫོབ་སྒྱུ་མ་ཐབས་ཀྱི་གསུང་། །ཕྱག་རྒྱ་སྒྱུ་མའི་ཚུལ་ཉིད་དེ། །མེད་པ་མ་ཡིན་མཚན་མེད་དེ། །རྣལ་འབྱོར་གཉིས་དང་ལྡན་ཕྱིར་རོ། །སློབ་པའི་རྣལ་
འབྱོར་གཉིས་བརྟེན་ནས། །ལྷུན་གྱིས་གྲུབ་པའི་ས་གོམས་ནས། །བདེན་འགྱུར་བདེན་པ་གཉིས་ལ་གནས། །ཆེ་ཆུང་མཐུ་ཡིས་གྲུབ་པ་ཡིན། །སྒྲ་ཡི་རྗེས་འབྲངས་རྣལ་འབྱོར་པས། །དོན་མེད་སྤྱོད་ལ་གནས་པར་འགྱུར། །ཡང་དག་ཀུན་
རྫོབ་བདེན་གསལ་བས། །གཉིས་མེད་དོན་དམ་བདེན་པར་གནས། །སྣ་ཚོགས་ཆོས་ཀྱི་གཡུལ་ངོ་ཟློག །རིག་པའི་སྐྱེས་བུ་རྣམ་པར་གྲགས། །ཞེས་པས་དགྱེས་པར་གྱུར་ཏོ། །དེ་བཞིན་གཤེགས་པ་ཐམས་ཅད་ཀྱི་དགོངས་པ་བླ་ན་མེད་པའི་
གསང་བ་དཔལ་རྟ་མཆོག་རོལ་པའི་རྒྱུད་ལས། དེ་ཁོ་ན་ཉིད་བསྟན་པའི་ལེའུ་སྟེ་བཞི་པའོ།། །། དེ་ནས་རིག་པའི་སྐྱེས་བུ་མཆོག །གསང་བའི་བདག་པོས་ཡང་ཞུས་པ། །བཅོམ་ལྡན་སྙིང་པོ་བྱང་ཆུབ་སེམས། །དགོངས་པའི་དོན་ནི་ཅི་
ལྟ་བུ། །ལས་དང་ཉོན་མོངས་དག་བྱེད་པའི། །ཡེ་ཤེས་སྒྲོན་མ་ཅི་ལྟར་ལེགས། །རྒྱལ་བས་དགོངས་པའི་བྱང་ཆུབ་སེམས། །རྡོ་རྗེ་ལྟ་བུར་མཉམ་བཞག་ནས། །མི་རྟོག་ཡེ་ཤེས་གསལ་མཛད་དེ། །སྣ་ཚོགས་རྣམས་ཀྱང་བྱང་ཆུབ་སེམས། །
104-1-83a


བདེ་བ་ཆེ་ལས་གཞན་མེད་དེ། །ལུས་ངག་ཡིད་གསུམ་རྣམ་པའི་ཚོགས། །ཆོས་རྣམས་ཀུན་གྱི་རྒྱུ་ཡིན་ཏེ། །རྣམ་གསུམ་རྡོ་རྗེ་ལྟ་བུ་ཉིད། །སྐུ་གསུམ་གསལ་བ་རྣམ་པར་སྣང་། །དངོས་པོ་གསལ་བའི་ཆོས་
མེད་དེ། །གཅིག་ལས་རྣམ་འཕྲུལ་སྣ་ཚོགས་ཉིད། །ཕྱག་རྒྱ་གར་ཐབས་དབང་བསྒྱུར་བས། །འཆིང་བའི་ཚོགས་ལས་རྣམ་པར་གྲོལ། །དངོས་པོ་ཐམས་ཅད་བྲལ་བ་ཡི། །ཕུང་ཁམས་སྐྱེ་མཆེད་རྣམ་པར་དབེན། །གཟུང་འཇིན་
རྟོག་པའི་ཡུལ་བྲལ་བས། །དཔག་མེད་པ་ཡི་ངོ་བོ་ཉིད། །རྣམ་གསུམ་མཆོག་གི་དོན་ལས་བྱུང་། །འོད་གསལ་ཆེན་པོའི་རང་བཞིན་ནོ། །ངོ་མཚར་རྨད་དུ་བྱུང་བའི་དོན། །རྒྱལ་བ་ཀུན་གྱི་གསང་བའི་ཐུགས། །སྐྱེ་དང་སྐྱེ་མེད་སྣ་
ཚོགས་དངོས། །ཕྱོགས་འཛིན་མཐའ་ཡིས་བཅིང་བར་བྱེད། །དེ་དག་ཆོས་ལས་རྣམ་གྲོལ་བའོ། །བདེན་པ་ཆེན་པོའི་ཏིང་འཛིན་རྒྱ། །ངོ་མཚར་ཡ་མཚན་རྨད་ཀྱི་ཆོས། །མེ་ལོང་གསལ་བའི་རང་བཞིན་ཅན། །རྒྱལ་བ་རྣམས་ཀྱི་
གསང་བའི་མཛོད། །འགག་པ་མེད་པའི་ཆོས་རྣམས་ལ། །བྱང་ཆུབ་སེམས་ཉིད་སྐྱེ་བར་འགྱུར། །མཉམ་ཉིད་དེ་བཞིན་གཤེགས་པའི་སྐུ། །ཡ་མཚན་རྨད་དུ་བྱུང་བའི་ཆོས། །སྣ་ཚོགས་སྣང་བྱེད་གནས་གྲོལ་བ། །རང་བཞིན་ཞི་
བའི་བྱང་ཆུབ་སེམས། །གཉིས་ཀྱི་མཐའ་ལས་གྲོལ་བའོ། །གནས་དང་གནས་མེད་བྱང་ཆུབ་སེམས། །ཡ་མཚན་རྨད་ཀྱི་དོན་བྱུང་བའོ། །རྒྱ་ཆེར་སོ་སོར་གསལ་བའི་ངང་། །ཀུན་རྟོགས་བྱང་ཆུབ་སེམས་ཆེན་པོ། །དམིགས་མེད་གསང་
བ་ལས་བྱུང་བའི། །དམིགས་དང་མི་དམིགས་སྣ་ཚོགས་ནི། །བདེ་བའི་ཡེ་ཤེས་གསལ་བའོ། །མ་འགགས་པ་ཡི་ཆོས་ཉིད་དོ། །བྱ་བ་གྲུབ་པའི་ཚུལ་ཅན་དུ། །སྤྲོས་མེད་སྤྲོས་པ་སྣ་ཚོགས་སྣང་། །སྤྲོ་བསྡུ་འདུན་དང་སྤྲོས་བྲལ་བའི། །མཛད་
པའི་བྱང་སེམས་བརྟན་པ་ལས། །ངོ་མཚར་ཆོ་འཕྲུལ་བླ་ན་མེད། །ཡེ་ཤེས་རྒྱ་མཚོ་རྨད་དུ་བྱུང་། །རང་གི་དེ་ཉིད་གསལ་བར་འགྱུར། །རྒྱལ་བས་བཤད་པའི་དགོས་དོན་ལ། །འཁོར་རྣམས་ཡ་མཚན་ངོམས་པར་འགྱུར། །མཆོད་དང་ཞལ་དག་
104-1-83b


སྒྲ་འབྱིན་ཅིང་། །རང་གི་དེ་ཉིད་གསལ་འགྱུར་ནས། །བྱང་སེམས་དེ་ཉིད་བསྟོད་པར་བྱ། །ཨེ་མའོ་སྟོང་ཉིད་བྱང་ཆུབ་སེམས། །ཨེ་མའོ་དག་པ་དྲི་མ་མེད། །ཨེ་མ་མི་སྒྲིབ་གསལ་བ་ཆེ། །ཨེ་མའོ་མཉམ་ཉིད་དབྱེར་མེད་ཆོས། །ཨེ་མའོ་སོ་སོ་རང་
རིག་སེམས། །ཨེ་མའོ་བྱ་བྱེད་ལྷུན་གྱིས་གྲུབ། །དེ་བཞིན་ཉིད་ལ་ཕྱག་འཚལ་བསྟོད། །བཅོམ་ལྡན་འདས་ཉིད་བྱང་ཆུབ་སེམས། །བྱང་ཆུབ་སེམས་ཉིད་ཐུགས་ཀྱི་མཆོག །བདག་ཅག་རིག་འཛིན་ཚོགས་པ་རྣམས། །བྱང་ཆུབ་སེམས་
ཉིད་སྨོན་པ་དང་། །འཇུག་དང་ལྡང་དང་གཉིས་མེད་དེ། །རང་གི་བྱང་སེམས་གཡོ་བར་གྱིས། །རེག་པར་བགྱི་ཞིང་ཉེ་བར་བགྱི། །ཉམས་སུ་མྱོང་བར་འཚལ་ལགས་ན། །ཐུགས་རྗེ་ཆེ་དགོངས་བྱིན་གྱིས་རློབས། །བདེ་བར་གཤེགས་པས་བྱིན་
གྱིས་རློབས། །དེ་སྐད་ཚིག་ཏུ་གསོལ་བཏབ་པས། །བཅོམ་ལྡན་སྙིང་པོ་འདི་སྐད་གསུང་། །སྣ་ཚོགས་རྣམ་དག་ངོ་བོ་ཉིད། །ཆོས་རྣམས་འཕྲོ་བའི་ཚོགས་རྣམས་ཀུན། །རང་བཞིན་བརྗོད་བྲལ་རྟོག་པ་མེད། །རང་གསང་རྟོགས་པའི་
དཀའ་བའི་དོན། །སྲིད་གསུམ་ཡེ་ནས་རྣམ་དག་ཆོས། །བདག་རྟོག་འཁྲུལ་པའི་ཉེས་དམིགས་གྱིས། །དུས་རིང་འཁྱམས་འགྱུར་འགྲོ་བ་རྣམས། །རང་རྟོག་དངོས་པོའི་ལས་ལ་སྤྱོད། །ལོག་པའི་སེམས་ཀྱིས་ཀུན་བརྟགས་ཀྱང་། །
རང་བཞིན་ཉིད་ལ་འགྱུར་བ་མེད། །ཡེ་ནས་དོན་གྱི་སངས་རྒྱས་ལ། །འཁྲུལ་པའི་བདེ་སྡུག་འཁོར་ལོས་འཁྱམས། །ལོག་རྟོག་དངོས་མེད་བྱང་ཆུབ་སེམས། །འཁྲུལ་རྟོག་མི་གནས་རྒྱན་གྱི་མཆོག །ཐ་བའི་གནས་ཉིད་བྱང་ཆུབ་ཞིང་། །
སྲིད་དངོས་སངས་རྒྱས་མངོན་རྫོགས་སྐུ། །འཛིན་རྟོག་བྱང་ཆུབ་སྙིང་པོར་གསལ། །བརྟན་གཡོ་དངོས་པོ་ཐམས་ཅད་དང་། །བདེ་ཆེན་སྐུ་ལས་གཞན་མེད་དོ། །དེ་བཞིན་གཤེགས་པ་ཐམས་ཅད་ཀྱི་དགོངས་པ་བླ་ན་མེད་པའི་གསང་བ་དཔལ་
རྟ་མཆོག་རོལ་པའི་རྒྱུད་ཆེན་པོ་ལས་དེ་བཞིན་ཉིད་ཀྱི་ལེའུ་སྟེ་ལྔ་པའོ།། །། བཅོམ་ལྡན་རྒྱལ་བ་ཐམས་ཅད་ཀྱི། །དཀྱིལ་འཁོར་སྙིང་པོ་བསྡུས་པའི་དོན། །དེ་ནས་གསང་བའི་བདག་པོ་ཡིས། །དཀྱིལ་འཁོར་རྣམ་པར་འཕྲོ་བའི་དོན། །མཚན་
104-1-84a


ཉིད་འཕྲོ་ཞིང་རྟོགས་པ་དག །རྒྱལ་བས་བཤད་ཕྱིར་བསྐུལ་འདེབས་མཛད། །བཅོམ་ལྡན་རྒྱལ་བ་ཐམས་ཅད་ཀྱིས། །དཀྱིལ་འཁོར་སྙིང་པོ་བསྡུས་པའི་དོན། །རྒྱ་ཆེ་མཛད་པའི་མཐུ་ལྡན་པ། །རྡོ་རྗེ་གསང་བ་གསུམ་
གྱི་གནས། །རབ་རྒྱས་མཚན་བཞིན་ཆོ་གའོ། །ཡན་ལག་བདག་ལ་བསྟན་དུ་གསོལ། །དེ་ནས་མགོན་པོ་གསང་བའི་བདག །གཉིས་མེད་ཡེ་ཤེས་ལ་འགྲོ་བའི། །ཏིང་ངེ་འཛིན་ལ་སྙོམས་ཞུགས་གནས། །རྒྱ་ཆེར་སྤྲུལ་པའི་དོན་བསྟན་མཛད། །
སྟོང་ཉིད་ཡེ་ཤེས་ལས་བྱུང་བའི། །རི་བོ་རྒྱུད་འཛིན་རིགས་མཚན་ཅན། །དབྱངས་ཀྱི་ཡི་གེའི་ཚུལ་འཇུག་པའི། །རྟ་བདུན་འོད་སོགས་གསལ་བྱེད་ལྡན། །སྐར་མའི་ཚོགས་དང་འདྲ་བ་ལས། །མཉམ་ཉིད་འོད་ཀྱི་གོང་བུའི་གཟུགས། །སྣང་བའི་
འོད་ཟེར་ལྔ་ཡི་ཚུལ། །ཕྱག་རྒྱ་མཚན་མ་སྔགས་དང་བཅས། །རྣམ་འཕྲོས་རང་རིག་ཞིང་ཁམས་སྦྱོང་། །དེ་དག་གོང་བུའི་གཟུགས་མཚུངས་པར། །གཙོ་བོ་རྡོ་རྗེ་འཛིན་པའི་སྐུ། །སྟོང་ཉིད་སྙིང་རྗེ་ཆེན་པོ་ཡིས། །མ་ལུས་རྒྱུད་རྣམས་གསལ་
མཛད་ནས། །ནམ་མཁའ་དང་པའི་དཀྱིལ་འཁོར་བཞིན། །ཐུགས་རྗེ་ཆེན་པོ་སྐྱོན་སྐྱོང་མཛད། །ས་བོན་གསང་བའི་ལས་བྱུང་བའི། །མཁའ་སྣང་གསལ་བ་ཀུན་ཁྱབ་ལས། །སྣ་ཚོགས་ཀུན་ནས་སོ་སོ་ཉིད། །འབྱུང་བཞིའི་དཀྱིལ་འཁོར་རིམ་
བཞིན་བཀོད། །ཀུན་འཕྲུལ་ས་བོན་ལས་བསྐྱེད་པའི། །ཡེ་ཤེས་རིན་ཆེན་སྣ་ཚོགས་གཟུགས། །ཤར་དུ་དོ་ཤལ་ཕྲེང་བ་དང་། །གདུགས་དང་རྒྱལ་མཚན་རྔ་ཡབ་སོགས། །མེ་ལོང་རོལ་མོའི་ཚོགས་བསམ་ཡས། །འཁོར་ལོ་རིན་ཆེན་རྡོ་རྗེ་
པད། །ཏྭ་ར་ན་བཞི་རྒྱན་མཛེས་པ། །སྒྲ་དབྱངས་སྣ་ཚོགས་ཉི་ཟླའི་ཚོགས། །ཙཀྲ་བར་ཁྱམས་ཕྲེང་བ་དང་། །དམ་པའི་འདོད་ཡོན་ལྷ་མོ་འཁྲིགས། །རིན་ཆེན་འབར་བའི་ཁྲི་བརྩེགས་གནས། །ཉི་ཟླ་པད་མའི་རིན་ཆེན་རྒྱན། །གནས་རྣམས་ཁྱབ་
པར་ཅི་བཞིན་པར། །དཀྱིལ་འཁོར་ལྷུན་གྱིས་གྲུབ་པའོ། །ཨ་ཨཱ། ཨི་ཨཱི། ཨུ་ཨཱུ། ཨེ་ཨཻ། ཨོ་ཨཽ།  ཨྃ་ཨཿ། རྀ་རཱྀ། ལྀ་ལཱྀ། ཀ་ཁ་ག་གྷ་ང་། ཙ་ཚ་ཛ་ཛྷ་ཉ་ཊ་ཋ་ཌ་ཌྷ་ཎ་ཏ་ཐ་ད་དྷ་ན་པ་ཕ་བ་བྷ་མ་ཡ་ར་ལ་ཝ། ཤ་ཥ་ས་ཧ་ཀྵ། དེ་བཞིན་ཉིད་དབྱིངས་
104-1-84b


རྨད་འབྱུང་བའི། །བདེར་གཤེགས་ཀུན་གྱི་ཐུགས་གསལ་བ། །བྱིན་བརླབས་ཡ་མཚན་སྤྲུལ་པའི་སྐུ། །དཀྱིལ་འཁོར་སྣ་ཚོགས་ཀུན་གྱི་གནས། །སེམས་ཅན་ཀུན་གྱི་སེམས་ཆེན་པོ། །རང་བཞིན་དག་པ་དྲི་མ་མེད། །ཕུང་པོ་ཆོས་རྣམས་སངས་
རྒྱས་ཏེ། །འབྱུང་ལྔ་དབྱིངས་ཕྱུག་ཡུམ་གྱི་མཁའ། །ཁམས་དང་སྐྱེ་མཆེད་སེམས་དཔའ་དང་། །སེམས་མའི་ཚོགས་དང་ཁྲོ་མོའི་སྐུ། །ཕྱི་ནང་སྲིད་གསུམ་དངོས་སྣང་བའི། །དཀྱིལ་འཁོར་རིགས་ཀྱི་བདག་ཉིད་ཆེ། །གཟུགས་ཕུང་རྣམ་པར་སྣང་མཛད་
ཆེ། །ཚོར་བ་རིན་ཆེན་འབྱུང་ལྡན་སྐུ། །འདུ་ཤེས་སྣང་བ་མཐའ་ཡས་སྐུ། །འདུ་བྱེད་དོན་ཡོད་གྲུབ་པ་ཡིན། །རྣམ་ཤེས་རྡོ་རྗེ་སེམས་དཔའ་སྟེ། །ཐམས་ཅད་བདེར་གཤེགས་ལྔ་ཡི་སྐུ། །ས་ཁམས་སངས་རྒྱས་སྤྱན་ཡིན་ཏེ། །ཆུ་ཁམས་ལྷ་མོ་མཱ་
མ་ཀཱི། །མེ་ཁམས་ན་བཟའ་དཀར་མོ་སྟེ། །རླུང་ཁམས་དམ་ཚིག་སྒྲོལ་མའོ། །ནམ་མཁའ་ཀུན་ཏུ་བཟང་མོའི་སྐུ། །འབྱུང་བའི་དཀྱིལ་འཁོར་རྣམ་དག་པའོ། །དབང་པོའི་སྤྱོད་ཡུལ་མ་ལུས་ཀུན། །ཐམས་ཅད་བདེར་གཤེགས་རིགས་ཀྱི་སྐུ། །མིག་
ལ་རྣམ་པར་སྣང་མཛད་དེ། །རྣ་བ་རིན་ཆེན་འབྱུང་ལྡན་ཆེ། །སྣ་ལ་སྣང་བ་མཐའ་ཡས་ཉིད། །ལྕེ་ལ་དོན་ཡོད་གྲུབ་པའི་སྐུ། །ལུས་ཉིད་རྡོ་རྗེ་སེམས་དཔའ་ཡིན། །དེ་ལྟར་སྣང་བའི་དཀྱིལ་འཁོར་ཉིད། །ཡེ་ནས་ལྷུན་གྲུབ་གནས་པས་ན། །རྣལ་འབྱོར་
གསང་བ་དོན་ཤེས་བྱ། །ཕྱི་རོལ་དོན་ཤེས་ཡུལ་དྲུག་འདི། །ཡུམ་ཆེན་ལྔ་ཡི་ཕྱག་རྒྱའི་དབྱིབས། །གཟུགས་ཁམས་སངས་རྒྱས་སྤྱན་མ་སྟེ། །སྒྲ་ཚོགས་ལྷ་མོ་མཱ་མ་ཀཱི། །དྲི་ཚོགས་ན་བཟའ་དཀར་མོའི་དབྱིངས། །རོ་དྲུག་ལྷ་མོ་སྒྲོལ་མ་ཡིན། །རེག་
ཚོགས་ལྷ་མོ་ཀུན་ཏུ་བཟང་མོའི་སྐུ། །དུས་གསུམ་མཉམ་སྦྱོར་འདུ་འབྲལ་མེད། །རྡོ་རྗེ་པད་མོ་མཉམ་སྦྱོར་བས། །རང་རིག་དཀྱིལ་འཁོར་གསལ་བར་མཛོད། །ཐམས་ཅད་མ་ལུས་སྐུ་གསུང་ཐུགས། །ཡོན་ཏན་ཕྲིན་ལས་རོལ་པའི་རྒྱན། །ང་ཉིད་འདུ་
འབྲལ་མེད་པའི་དབྱིངས། །ཐབས་དང་ཤེས་རབ་རོལ་པའི་མཆོག །ས་ཡི་ཁྱད་པར་མ་ལུས་པའང་། །རྡོ་རྗེ་ཆོས་ཀྱིས་སྦྱོར་མཛད་དང་། །ཡོན་ཏན་ཕྲིན་ལས་མཐའ་ཕྱིན་པས། །ཚེ་འདི་ཉིད་ཀྱི་གོ་འཕང་མཆོག །རྡོ་རྗེ་གསང་གསུམ་དམ་ཚིག་ཆེ། །
104-1-85a


རང་གི་མཐུ་ཡི་སྦྱོར་བྱེད་པ། །རྟག་ཏུ་མཉམ་བཞག་སྦྱོར་བ་ཡིས། །དཀྱིལ་འཁོར་ཆེན་པོའི་གནས་བཞུགས་ཏེ། །དྲི་མེད་བྱང་ཆུབ་སེམས་ཀྱི་ཚུལ། །འགྲོ་རྣམས་ཚོགས་བཅས་དག་པར་བྱས། །རྟག་ཏུ་གསང་སྔགས་བརྗོད་
བྱས་ཤིང་། །རྡོ་རྗེ་མགོན་པོའི་སྒོ་གསལ་བརྟན། །རྟག་ཏུ་གཏོར་སྦྱིན་གཏང་བྱས་ཏེ། །ཁམས་ཀྱི་འཛིན་པ་མེད་པར་གྲོལ། །རྟག་ཏུ་ལྷ་ལ་མཆོད་བྱས་ཏེ། །རང་གི་བདུད་རྩིས་མཆོད་ཅིང་རོལ། །རྟག་ཏུ་མི་གཉིས་བསྟོད་བྱ་བ། །རྣམ་གྲོལ་ཐམས་
ཅད་བྲག་ཆའི་སྒྲ། །ཕ་རོལ་ཕྱིན་བཅུ་དུས་ཅིག་ཏུ། །པད་མ་ཆོ་ག་རྟོགས་པར་འགྱུར། །ཟག་པ་ཟད་པས་སྐུ་ལྔ་དང་། །པད་མའི་རིགས་ཀུན་མཉམ་པར་སྦྱོར། །པད་མའི་དམ་ཚིག་ལ་གནས་པ། །གནས་ཀུན་དཀྱིལ་འཁོར་གསལ་བར་འགྱུར། །
པད་མ་རང་གི་གནས་སུ་སྒོམ། །འདོད་ཆགས་ཆོས་ཀུན་སྤྱོད་པ་ཡི། །མགོན་པོ་རང་རང་གནས་ན་གསལ། །དྲི་མེད་དག་པའི་ཐིག་ལེ་ལས། །འོད་ཟེར་ལྔ་ཡི་སྣང་བ་བཅས། །རང་གི་གནས་ནས་འཕྲོ་མཛད་ཅིང་། །དེ་ཉིད་མགོན་པོའི་སྐུ་འདོད་གཟུགས། །
ཀུན་ཏུ་པད་མ་ཆགས་མེད་པས། །གནས་ཀུན་དཀྱིལ་འཁོར་གསལ་བར་འགྱུར། །ཐུབ་པ་ཆེན་པོའི་མཚན་རྣམས་དང་། །དཔེ་བྱད་རྫོགས་པར་གྱུར་ནས་ནི། །ཡོན་ཏན་མ་ལུས་འབྱུང་བའི་གནས། །ཀུན་ཏུ་དྲེགས་པའི་སངས་རྒྱས་མཆོག །རྡོ་རྗེའི་
དམ་ཚིག་ལ་གནས་པས། །རྡོ་རྗེ་རང་གི་གནས་སུ་སྒོམ། །འོད་འཕྲོས་འདུས་པའི་གནས་ཕྱག་རྒྱའིས། །ཡེ་ཤེས་མཉམ་ཉིད་ཀུན་དོན་མཛད། །ཐུགས་རྗེས་རྣམ་མང་ཡུལ་བྲལ་ཞིང་། །འཇོམས་པར་མཛད་པའི་ཁྲོ་བོའི་སྐུ། །རང་གི་དཀྱིལ་འཁོར་དྲི་
བྲལ་བ། །མངོན་སུམ་གསང་བའི་ཡེ་ཤེས་སྐུ། །འཁོར་ལོའི་དམ་ཚིག་ལ་གནས་པས། །འཁོར་ལོ་རང་གི་གནས་སུ་བསྒོམ། །རྒྱལ་བ་ཀུན་གྱི་རིན་པོ་ཆེ། །འཕྲོ་འདུ་ཉི་ཤུ་རྩ་ལྔའི་ཚོགས། །ཕུང་ཚོགས་ཁམས་རྣམས་རྣམ་དག་ཅིང་། །ཕྲིན་ལས་
ཡེ་ཤེས་བླ་ན་མེད། །བྱང་ཆུབ་དག་པའི་ཆ་ལུགས་གནས། །དཀྱིལ་འཁོར་སྤྲུལ་པའི་བྱིན་བརླབས་སྐུ། །དགའ་བའི་ཐབས་དང་ཤེས་རབ་སྦྱོར། །ཕྱག་རྒྱ་ཆེན་པོའི་རིགས་འཛིན་གནས། །རྣལ་འབྱོར་དད་བརྩོན་ཏིང་འཛིན་ལྡན། །འགྲུབ་འགྱུར་རིང་པོར་
104-1-85b


ཐོགས་མེད་སྤྱོད་ཞེས་གསུངས་པས་འཁོར་གྱི་བྱང་ཆུབ་སེམས་དཔའི་ཚོགས་རྣམས་མཉེས་པར་གྱུར་རོ། །དེ་བཞིན་གཤེགས་པ་ཐམས་ཅད་ཀྱི་དགོངས་པ་བླ་ན་མེད་པའི་གསང་བ་དཔལ་རྟ་མཆོག་རོལ་པའི་རྒྱུད་ལས་ཏིང་ངེ་འཛིན་གྱི་ལེའུ་སྟེ་དྲུག་པའོ།། །།
དེ་ནས་བྱང་ཆུབ་སེམས་དཔའ་ཕྱག་ན་རྡོ་རྗེ་སྟན་ལས་ལངས་ཏེ། དགའ་བའི་མཆོད་པ་དང་གར་ཐབས་ཀྱིས་དཀྱིལ་འཁོར་ཐམས་ཅད་མཉེས་པར་བྱས་ནས། བཅོམ་ལྡན་འདས་ལ་ཕྱག་འཚལ་ཏེ་གསོལ་བ་བཏབ་བོ། །ཀྱེ་མ་རྒྱལ་བ་ཀུན་གྱི་གཙོ། །
སངས་རྒྱས་ཚོགས་རྣམས་བསྐྱེད་པའི་ཡབ། །ཁྱེད་ཀྱིས་དཀྱིལ་འཁོར་སྤྲུལ་མཛད་ནས། །གདུལ་བྱའི་ལམ་འདི་གྲོལ་བྱས་ན། །ཕྱི་ཡི་འགྲོ་བ་ཅི་ལྟར་གཟུང་། །གང་དག་དབང་པོ་མ་སྨིན་པའི། །དཀར་པོ་ཆོས་རྣམས་མཐོང་མི་འགྱུར། །དེ་དག་
ཐུགས་རྗེ་ཆེན་པོ་ཡིས། །བཟུང་ཞིང་ལས་ལ་གཞུག་པར་སྣང་། །མ་འོངས་འགྲོ་བ་ལ་ལ་དག །འདི་ལྟར་དཀྱིལ་འཁོར་མཐོང་བ་རྣམས། །ཇི་ལྟར་དཀྱིལ་འཁོར་བརྟན་པར་འདུལ་ཞེས་གསོལ་པ་དང་། བཅོམ་ལྡན་འདས་ཀྱིས་བཀའ་སྩལ་པ། རིགས་
ཀྱི་བུ་མ་འོངས་པའི་འགྲོ་བ་ཐེག་པ་གསང་སྔགས་ཀྱི་ལམ་དུ་འཇུག་པར་འདོད་པ་དག་གིས་ནི། རྡོ་རྗེ་སློབ་དཔོན་ལ་བརྟེན་ཏེ་གཟུགས་བརྙན་གྱི་དཀྱིལ་འཁོར་དུ་གཞུག་པར་བྱའོ། །རྡོ་རྗེ་སློབ་དཔོན་བློ་གྲོས་མཆོག །དད་བརྩོན་ཤེས་རབ་སྟོབས་
དང་ལྡན། །བདག་ཆོས་མ་ལུས་ཤེས་འགྱུར་ནས། །སྐྱོབ་པ་བྱང་སེམས་སྡོམ་པ་བླངས། །བྱང་སེམས་སྙིང་རྗེ་ཆེན་པོ་དང་། །དགའ་བ་བཏང་སྙོམས་བཞི་བཞག་ནས། །སེམས་ཅན་ཐམས་ཅད་འགྲོན་དུ་གཉེར། །སླར་ཉིད་བྱང་ཆུབ་ལམ་ལ་དགོད། །
ཕ་རོལ་ཕྱིན་པ་དྲུག་རྣམས་དང་། །བསྡུ་བ་བཞི་ལ་ལེགས་གནས་པས། །ཐེག་པ་ཆེན་པོའི་ལམ་གཉེར་ཞིང་། །ཉན་ཐོས་ལ་སོགས་བློས་པ་མེད་པའི་བློས། །གསང་བའི་ཐེག་པ་དོན་གཉེར་ཞིང་། །དཀྱིལ་འཁོར་དབང་ཐོབ་དམ་ཚིག་ལྡན། །
གསང་བའི་རྒྱུད་རྣམས་དོན་ཤེས་ཤིང་། །དེ་ཉིད་བཅུ་ལ་གོམས་གྱུར་པས། །རང་གི་ཡེ་ཤེས་རྣམ་གྲོལ་ཞིང་། །དངོས་པོ་དེ་ཉིད་བརྟན་པར་གནས། །མུ་སྟེགས་ལ་སོགས་མི་བསྐྱོད་ཅིང་། །ཐེག་དམན་ལ་སོགས་འགྱུར་བ་མེད། །རྟག་ཏུ་འགྲོ་
104-1-86a


བ་བཟུང་བའི་བློས། །དཀྱིལ་འཁོར་ལ་སོགས་ལས་ལ་བརྩོན། །མི་གནས་མྱ་ངན་འདས་པ་ཡི། །གྲོང་ཁྱེར་ཆེན་པོར་འགྲོ་བྱེད་དཔོན། །འཇིག་རྟེན་དྲགས་བརྩོན་ཆོས་བརྒྱད་དག །བཏང་སྙོམས་སྤོང་ལེན་མེད་པ་ཉིད། །
དམུས་ལོང་ཚོགས་ཀྱི་མིག་བུ་བས། །བླ་མའི་གཙོ་བོར་གཟུང་བར་བྱ། །འཇུག་པའི་གང་ཟག་ཕུན་སུམ་ཚོགས། །ཞི་དེས་གསོང་པོར་སྨྲ་བ་དང་། །འཇམ་ཞིང་འགྲོ་བའི་ཡིད་འོང་པ། །རྩེ་གཅིག་དད་པ་བརྩོན་འགྱུར་བྱེད། །བློ་གྲོས་ཡོན་
ཏན་ཀུན་ལ་འཇུག །ལྷ་དང་བླ་མ་ལ་སོགས་གུས། །ཐེག་པ་ཆེན་པོའི་ལམ་དག་པས། །ངན་པའི་ཚོགས་སྤངས་གཞན་དུ་གནས། །དེ་ནི་བློ་གྲོས་བཟང་པོ་ཡོན་ཏན་ལྡན། །ཐེག་ཆེན་གསང་བ་འཛིན་པའི་སྣོད། །ས་མཆོག་ཤིན་ཏུ་དབེན་པའི་
གནས། །རི་བོ་ནགས་ཚལ་འབྲས་བུ་དང་། །མེ་ཏོག་ཆུ་རྒྱུན་ཕུན་སུམ་ཚོགས། །གནོད་བྱེད་སྐྱེ་བོ་ཚོགས་བྲལ་བ། །རྣལ་འབྱོར་གྲོགས་བཅས་དགའ་འགྱུར་པའི། །བདག་དབང་བར་ཆད་མེད་པའི་མཆོག །བསྙེན་པ་ཅི་བཞིན་རྫོགས་པ་ཡིས། །
དཀྱིལ་འཁོར་བྲི་སོགས་ལས་རྣམས་བྱ། །ཕུན་སུམ་ཚོགས་པ་བདུན་ལྡན་པས། །བདག་གནས་ས་གཞིའི་གྲོགས་བཅས་དང་། །མཆོད་རྫས་ཡོ་བྱད་མ་ལུས་པ། །བསྲུང་ཞིང་བྱིན་གྱིས་བརླབ་པར་བྱ། །རྡོ་རྗེ་ས་གཞི་ར་བ་དང་། །གུར་དང་བླ་རེ་བཅས་པ་
ཡིས། །ཁྲོ་བོ་མེ་འོད་མཚོན་ཆའི་ཚོགས། །བསྲུང་ཞིང་འཁོར་ལོ་རིམ་བཞིན་བསྒོམ། །སེམས་ཅན་ཐམ་ཅད་བསྒྲལ་བའི་བློས། །བསོད་ནམས་ཚོགས་ཀྱིས་དག་པར་བྱ། །ཕྱག་འཚལ་མཆོད་པ་དབུལ་བ་དང་། །སྡིག་བཤགས་བསོད་
ནམས་རྗེས་ཡི་རང་། །སངས་རྒྱས་མྱ་ངན་མི་འདའ་ཞིང་། །ཆོས་ཀྱི་འཁོར་ལོ་སྐོར་བ་དང་། །ལུས་དབུལ་བྱང་སེམས་བསྐྱེད་པ་དང་། །ལམ་གནས་དགེ་བའི་རྩ་བ་བསྔོ། །རྒྱ་ཆེར་ཡོངས་སུ་བསྔོ་བྱས་ཤིང་། །སེམས་ཅན་དོན་དུ་སྨོན་ལམ་གདབ། །
དམིགས་མེད་པ་ཡི་རང་བཞིན་གྱིས། །དེ་དག་བརྩོན་བྲལ་ནམ་མཁའ་བཞིན། །རྣམ་ཐར་གསུམ་ལས་འདས་པ་ཡི། །དེ་བཞིན་ཉིད་ཀྱི་ཡེ་ཤེས་ཆེ། །ཐམས་ཅད་ནམ་མཁའི་མཚན་ཉིད་དེ། །ནམ་མཁའ་ལ་ཡང་མཚན་ཉིད་མེད། །ནམ་མཁའདྲ་
104-1-86b


བ་རྣལ་འབྱོར་པས། །དོན་ཀུན་མཉམ་པ་ཉིད་ལ་གསལ། །དེ་ལ་རྣམ་པར་འཕྲུལ་པའི་ཚོགས། །དཀྱིལ་འཁོར་ཆེན་པོ་སྤྲུལ་བྱས་པས། །རིགས་ཀྱི་ཞིང་ཁམས་སྦྱོང་བྱེད་ཅིང་། །རྣལ་འབྱོར་ཆེན་པོ་ལས་ཀུན་འགྲུབ། །ས་ཕྱོགས་དྲི་མེད་ཡིད་འོང་བའི། །
གྲོང་ངམ་གྲོང་ཁྱེར་དགོན་པའམ། །རི་ཕུགས་ནགས་ཚལ་གང་རུང་བར། །ཉམས་དགའ་ཡན་ལག་རྟག་པར་བྱ། །གང་དུ་བཟང་ནི་འབྲས་བུ་བཅས། །ནེའུ་སིང་ཆུ་འགྲམ་མེ་ཏོག་བཅས། །དཔལ་རྫོགས་ཡོན་ཏན་འབྱུང་བའི་གནས། །དེ་ནི་རབ་གུས་
བརྟག་པར་བྱ། །ནམ་མཁའ་འཁོར་ལོ་དྲ་བ་དང་། །ས་གཞི་པད་མ་དྲ་བ་དང་། །བཀྲ་ཤིས་ཕུན་སུམ་སྣ་ཚོགས་གཞི། །བར་ཆད་མེད་པའི་མཚན་ཉིད་ཡིན། །ས་གཞི་ཞོམ་རྡིབ་མེད་པ་ཡི། །དབུས་སུ་མཐོ་བ་ཕྱག་རྒྱ་ཆེ། །ཤར་དང་བྱང་དུ་གཞོལ་བ་ནི། །
ཕྲིན་ལས་རྣམ་བཞིའི་དངོས་གྲུབ་འགྱུར། །ལྷོ་དང་ནུབ་ཏུ་གཞོལ་པས་ནི། །འཇིག་རྟེན་པ་ཡི་དངོས་གྲུབ་འགྱུར། །ནུབ་དང་བྱང་དུ་གཞོལ་བ་ནི། །ཏིང་འཛིན་ཕྲ་མོའི་ལས་གཞན་འགྱུར། །གང་ཞིག་ཤར་ཕྱོགས་མཐོ་བ་དང་། །དབུས་སུ་དམའ་བ་སྤང་བར་བྱ། །
ས་དེ་པུས་མོ་ནུབ་ཙམ་དུ། །བརྐོས་ཏེ་སླར་ཡང་དག་པར་བྱ། །མང་འཕེལ་གྱུར་ན་དངོས་གྲུབ་མཆོག །གང་བར་གྱུར་པ་ཤིས་པ་ཡིན། །དམའ་ཞིང་མ་ལེགས་གྱུར་པ་ཡིན། །སོལ་དུབ་རུས་སོགས་བྱུང་ན་ཡང་། །ཡང་ན་ཆུ་ཡིས་དག་བྱས་ཏེ། །སློབ་དཔོན་རྡོ་
རྗེ་དྲིལ་འཛིན་པས། །མཉམ་བཞག་ལྷ་ཡི་སྔགས་བརྗོད་ཅིང་། །ཤར་དུ་མི་དྲག་གོམ་པ་བརྒྱད། །སོང་སྟེ་སླར་ལྡོག་བལྟ་བར་བྱ། །འགྲིབ་པ་མེད་ན་དངོས་གྲུབ་འགྱུར། །སྣང་དང་མི་སྣང་ས་ཡི་བདག །མགུ་བྱས་རིན་གྱིས་ཉོ་བ་དང་། །བླངས་ཏེ་བར་
ཆད་མེད་པའི་ཕྱིར། །བགེགས་གཞན་ཕྲ་མོ་བསྐྲད་པར་བྱ། །བར་ཆད་མེད་པའི་ས་དབུས་སུ། །རིགས་ཀྱི་བདག་པོ་འབྱོར་ལྡན་པས། །ཆོས་གོས་ལ་སོགས་རྒྱན་ཐོགས་ཤིང་། །པད་མའི་དཀྱིལ་འཁོར་ལེགས་བཞུགས་ཏེ། །འཁོར་ལོས་སྒྱུར་
རྒྱལ་ཆ་ལུགས་ཀྱིས། །མཆོད་སོགས་སྦྱང་ཞིང་བྱིན་བརླབས་ཏེ། །རྡོ་རྗེ་བསྲུང་བའི་ཕྱག་རྒྱ་ཡིས། །ཕྱོགས་བཅུའི་དཀྱིལ་འཁོར་རིག་པར་བཅས། །ས་ཡི་ལྷ་མོ་སྲུངས་མ་རྣམས། །སྤྱན་དྲངས་མཆོད་པ་མཉེས་པར་བྱ། །ཁྱད་པར་ས་ཡི་བདག་པོ་དང་། །
104-1-87a


འགྲོ་དྲུག་བགེགས་རྣམས་མ་ལུས་ཀུན། །དགུག་ཅིང་བུ་ལོན་མཆོད་སྦྱིན་གཏང་། །དྲི་ཞིམ་ཆུ་ཡིས་ཀུན་གཏོར་ཞིང་། །སྔགས་དང་ཕྱག་རྒྱས་སྦྱང་བར་བྱ། །གང་ཞིག་དངོས་གྲུབ་ལ་སོགས་འདོད། །རབ་འབྲིང་ཐ་མ་གྲུབ་དོན་དུ། །ལྟོ་འཕྱེ་བརྟག་
པའི་ཆོ་ག་བཞིན། །ཡན་ལག་ཀུན་དབང་རྒྱ་ཡང་བྱ། །དེ་ནས་དཀྱིལ་འཁོར་རྒྱར་མཉམ་པའི། །ས་གཞི་ཁྲུ་ལ་སོགས་ཚད་དུ། །བརྐོས་ཏེ་ས་ཡི་སྐྱོན་གསལ་ཞིང་། །ས་ཞག་མདོག་བཟངས་འཇམ་ཕྱིན་པས། །གང་ཞིག་དྲི་ཞིམ་ཆུར་བཅས་པའི། །
སྔགས་བཏབ་གང་ཞིག་འཐས་པར་བཅག །བསྒྲུབ་པའི་དཀྱིལ་འཁོར་ཁྲུ་དོར་སྟོད། །རྒྱར་ནི་ཁྲུ་དྲུག་པ་ཡི་ཚད། །ཚོགས་བསག་ཁྲུ་གང་འཕང་དུ་བསྟོད། །མཐའ་སྐོར་ཁྲུ་གང་པ་ཡི་ཚད། །དབང་བསྐུར་སོར་བཞིའི་ཚད་བསྟོད་དེ། །ཇི་ལྟར་གྲུ་
བཞི་རྒྱར་བསྐྱེད་ཅིང་། །དབྱིབས་ལེགས་མེ་ལོང་བཞིན་དུ་གནས། །ཚད་མཉམ་གྲོག་སྦུར་ལ་སོགས་པ། །རིན་ཆེན་ལྔ་དང་སྨན་ལྔ་དང་། །སྙིང་པོ་ལྔ་དང་འབྲུ་ལྔ་དག །དྲི་ཆུ་སྔགས་ཀྱི་བཏབ་བྱས་ནས། །དཀྱིལ་འཁོར་སྙིང་པོར་གཞག་པར་
བྱ། །ཕྱོགས་ཀུན་མཉམ་པ་ཉིད་དམིགས་ཏེ། །སྟོང་པ་ཉིད་ཀྱི་སྔགས་ཀྱིས་སྦྱང་། །དྲི་ཞིམ་སྔགས་ཀྱིས་བྱིན་བརླབས་པའི། །ཆུ་རྒྱུན་ཕྱོགས་བཅུར་གཏོར་བྱས་ཤིང་། །སྣ་ཚོགས་གཏོར་མས་མཉེས་བྱས་ཏེ། །ལྷ་ཚོགས་འགྲོན་རྣམས་
ཚིམ་པར་བྱ། །སློབ་དཔོན་རིགས་ཀྱི་གཙོར་གནས་པའི། །རྒྱན་དང་ཆ་ལུགས་རྫོགས་བྱས་ནས། །སྒྲུབ་པའི་གྲོགས་མཆོག་བློ་གྲོས་ལྡན། །ཚུལ་བཞིན་དུ་ནི་གསོལ་བ་བཏབ། །དབུས་ཀྱི་ས་ཡི་ཆར་གནས་པ། །ཀུན་འབྱུང་ནམ་མཁའ་དག་པའི་
སྔགས། །བརྗོད་ཅིང་འབྱུང་བའི་ས་བོན་ལས། །དཀྱིལ་འཁོར་རི་བརྩེགས་བསྒོམ་པར་བྱ། །རྡོ་རྗེ་བསྡམས་པ་སར་གཞག་ཅིང་། །བྱམས་པའི་རྡོ་རྗེ་རྣམ་དག་ཅིང་། །རྡོ་རྗེ་དཀྱིལ་འཁོར་ཐུགས་དང་བཅས། །ཕྱག་མཚན་དྲན་པ་ཐོག་མཐར་
རྒྱན། །རྡོ་རྗེ་ས་གཞི་ར་བ་དང་། །གུར་སོགས་ཁྲོ་བོ་མེ་འོད་བཅས། །གཙོ་བོ་གར་གྱི་དབང་ཕྱུག་སྐུས། །པད་བཅས་ཐལ་མོ་ལན་གསུམ་བརྡབ། །འོད་འཕྲོས་གནས་ཀུན་གཡོས་པ་ལ། །ལྷ་མོ་གསེར་མདོག་རྒྱན་གྱིས་མཛེས། །མེ་ཏོག་
104-1-87b


ཕྲེང་བ་བུམ་ཐོགས་པའི། །ལུས་ཕྱེད་ས་ལ་འཐོན་བྱས་ཏེ། །འཐུན་ན་བཀའ་ཉན་ཚུལ་དུ་གནས། །མཆོད་བསྟོད་ཞལ་གསིལ་སོགས་འབུལ་ཞིང་། །དྲི་ཞིམ་ལས་རྣམས་མ་རྫོགས་པར། །དེ་སྲིད་མི་འགྱུར་བརྟན་བཞུགས་ནས། །བདུད་སོགས་
བསྒོ་བའི་ངག་བཅས་མཛད། །སྐྱོབ་པ་སངས་རྒྱས་ཐམས་ཅད་ཀྱི། །སྤྱོད་པའི་ཚུལ་དང་ཁྱད་པར་གྱིས། །ས་དང་ཕ་རོལ་ཕྱིན་པ་ལས། །ལྷ་མོ་ཁྱོད་ནི་དཔང་དུ་ཤོག །ཇི་ལྟར་རྒྱལ་བ་ཐམས་ཅད་ཀྱི། །བདུད་ཀྱི་སྡེ་རྣམས་འཇོམས་མཛད་པ། །དེ་བཞིན་བདག་
གིས་བདུད་ལས་ཀྱང་། །རྒྱལ་བར་བྱས་པའི་དཀྱིལ་འཁོར་བརྩམ། །དེ་ནས་སློབ་དཔོན་རྒྱན་རྫོགས་པའི། །རྡོ་རྗེ་དྲིལ་འགྱིང་བཅས་པ་ལ། །དམ་ཚིག་ཉེ་བར་བསྐུལ་བ་ཡི། །གླུ་དག་ཕྱོགས་བཞིའི་གནས་ནས་གདོན། །རྒྱལ་བས་འགྲོ་བའི་མགོན་གྱུར་པའི། །
ཆོས་ཀྱི་མེ་ལོངས་གསལ་བ་སྟོན། །བདེར་གཤེགས་རྣམས་ཀྱི་གསང་བ་པ། །རྡོ་རྗེ་གསང་གསུམ་དམ་ཚིག་མཆོག །ཡེ་ཤེས་དྲི་མ་མེད་པའི་ཚུལ། །སྒྲིབ་སོགས་མ་ལུས་བྲལ་བྱེད་པའི། །རྡོ་རྗེ་པད་མོ་མཉམ་པའི་དབྱིངས། །དཀྱིལ་འཁོར་ཆེན་པོ་དྲུག་བཅུའི་བདག །ཐེག་ཆེན་
ཆོས་ཀྱི་འཁོར་ལོའི་མཛོད། །གསང་གསུམ་པད་མོ་དག་པའི་དབྱིངས། །སོ་སོར་གསར་བའི་དོན་བསྟན་པ། །རྡོ་རྗེ་ལྟ་བུས་གནས་ཀུན་སྦྱོར། །ཟབ་ཅིང་རྒྱ་ཆེན་སྒྲ་སྣ་ཚོགས། །ཆོས་ཀྱི་འཁོར་ལོ་བཤད་པའི་དུས། །རྒྱལ་པོ་ཡོན་ཏན་དཔེ་དང་བྲལ། །རིན་ཆེན་ལྷུན་པོའི་མཛོད་
མངའ་བ། །ཉམས་དགའ་ཐུགས་རྗེའི་ཞིང་རྣམས་དགོངས། །བདག་མེད་མཉམ་པའི་ཡེ་ཤེས་ཅན། །ཕྲིན་ལས་དག་པས་ཟད་པར་མཛོད། །གསང་གསུམ་སྣ་ཚོགས་རྡོ་རྗེའི་བདག །རིགས་མཆོག་ཤེས་རབ་བརྩོན་བྱེད་ཅིང་། །སྤྱན་བཟང་དག་པས་འགྲོ་ལ་གཟིགས། །སླར་
ཉིད་ཁྲོ་བོ་ཆེན་པོའི་སྐུ། །ཞལ་ལྔ་ཕྱག་ཆ་སྣ་ཚོགས་འཛིན། །འཇིགས་བྱེད་འབར་བའི་སྐུར་གནས་ཏེ། །མགུར་ནས་ཧཱུྃ་བསྒོམས་སྒྲ་སྒྲོགས་ཤིང་། །རྡོ་རྗེ་པདྨ་ལྟ་བ་ཡིས། །ལྷ་རྣམས་བདག་ལ་བསྡུ་བྱེད་ཅིང་། །མ་དང་ཏ་ལས་བྱུང་བ་ཡི། །མིག་གཉིས་ཉི་ཟླའི་དཀྱིལ་འཁོར་
བརྗིད། །འབར་ཞིང་ཐམས་ཅད་དག་བྱས་ནས། །སླར་ཉིད་རང་གི་དཀྱིལ་འཁོར་རྫོགས། །ཤངས་ཀྱི་རླུང་སྒྲོམ་འབར་བ་ནས། །འཇིག་རྟེན་ཐམས་ཅད་འབར་བྱེད་པ། །རྡོ་རྗེའི་འགྲོས་ལས་བྱུང་བ་ཡི། །སྣ་ཚོགས་ས་གཞིར་བརྟན་པར་བྱས། །ཨོཾ་སུམྦྷ་ནི་སུམྦྷ་ཧཱུྃ། གྲྀཧྣ་གྲྀཧྣ་
104-1-88a


ཧཱུྃ། གྲྀཧྣཱ་པ་ཡ་གྲྀཧྣཱ་པ་ཡ་ཧཱུྃ་ཧཱུྃ། ཨ་ན་ཡ་ཧོ་བྷ་ག་བཱན་བིདྱཱ་རཱ་ཛ་ཡ་ཧཱུྃ་ཧཱུྃ་ཕཊ། ཕྱག་གི་མཚན་མ་ཀུན་འཁྲོལ་ཞིང་། །ཁྲོ་བོའི་དཀྱིལ་འཁོར་སྤྲོ་བར་བྱེད། །ཧཱུྃ་ལྷ་དབང་རླུང་ལྷའི་ཚོགས། །གནོད་སྦྱིན་དྲི་ཟ་སྲིན་པོ་དང་། །ཤ་ཟ་གཤིན་རྗེ་མ་མོའི་ཚོགས། །
མཁའ་འགྲོ་གནོད་སྦྱིན་མ་ལུས་རྣམས། །གང་དག་ས་གཞི་འདིར་གནས་པ། །སྲུང་བྱེད་ས་ཡི་བདག་པོར་བས། །ཐོས་པ་ཙམ་གྱི་མྱུར་བར་དེངས། །ང་ཡི་བཀའ་ལས་འདའ་མ་བྱེད། །གང་ཞིག་གནས་པའི་མཐུ་བོ་ཆེ། །པདྨ་རྡོ་རྗེ་ཁ་ཊྭཱྃ་ག །ཐལ་བའི་ཚོགས་བཞིན་
རླགས་པར་བྱེད། །རབ་འབར་ཁྲོ་བོའི་གནས་འཇོམས་པའོ། །པདྨའི་འབར་བའི་གཟུགས་འདི་ཡིས། །གལ་ཏེ་གང་གི་དམ་ཚིག་བཅག །འདོད་གསུམ་སྐྱེ་གནས་གསལ་བྱས་ཏེ། །འཇིགས་པར་འགྱུར་ཞིང་གཞན་འདིས་མེད། །ས་ལས་ཡོངས་སུ་བསྐོར་བྱས་ཏེ། །
བགེགས་བྱེད་བྱ་ཕྱིར་ཕུར་བར་གདབ། །ཨོཾ་གྷ་ཏ་ཡ་གྷ་ཏ་ཡ་སརྦ་དུཥྚན་ཕཊ། ཧཱུྃ་ཧཱུྃ་ཧཱུྃ་བཛྲ་ཀཱི་ལ་ཡ། བཛྲ་དྷ་རོད་ཨཱ་ཛྙཱ་པ་ཡ་ཏི་ཀཱ་ཡ་བཱ་ཀ་ཙིཏྟ་བཛྲ་ཀཱི་ལ་ཡ་ཧཱུྃ་ཕཊ། ལག་པ་བསྐྱོད་ཅིང་རྐང་པ་བསྐྱོད། །ངོ་མཚར་ཁྲོ་བོའི་ཟུར་མིག་བཞིན། །སྨིན་མ་ཁྲོ་གཉེར་གཡོན་
མཛད་ཅིང་། །ཁ་ཡི་པདྨ་འཛུམ་བཅས་པས། །སོ་སོའི་ཕྱག་རྒྱ་གནས་སུ་བསྒྱུར། །འགྱིང་བག་བཅས་པས་ཞལ་ལ་བསྟོད། །རྟ་མཆོག་ཁྲོ་བོའི་གར་ཐབས་ཀྱིས། །ཞི་རྒྱས་དབང་དང་དྲག་པོའི་ཚུལ། །བ་ཡི་རྣམ་ལྔ་དྲི་སྲེས་ཆུས། །དཀྱིལ་འཁོར་ས་གཞི་ཉེར་བྱུགས་
ནས། །ལྷ་རྣམས་གནས་སུ་དྲི་ཡི་ཆུས། །ཐིག་ལེ་གྲུ་བཞིར་ཟླུམ་པོར་བྱ། །རང་གི་སྔགས་དང་མེ་ཏོག་རྣམས། །སོ་སོའི་གནས་སུ་དགྲམ་པར་བྱ། །དབུ་རྒྱན་རོལ་མོ་མཆོད་པའི་ཚོགས། །ལྷ་མགོན་གནས་ཀྱི་ཉེ་འཁོར་མཛེས། །དཀྱིལ་འཁོར་ལྷ་རྣམས་ཉེ་བའི་
ས། །མཆོད་ཅིང་བསྟོད་པས་མཉེས་པར་བྱ། །ཆོ་གའི་ཡན་ལག་རྫོགས་པ་དང་། །བཟོད་གསོལ་བསྐང་བའི་དོན་ཆེད་དུ། །རྡོ་རྗེ་དྲིལ་འཛིན་དཔའ་བོ་ཡིས། །ཕྱོགས་རྣམས་ཀུན་ཏུ་བསྐོར་བ་བྱ། །ཨོཾ་བཛྲ་ས་ཏྭ་ས་མ་ཡ། མ་ནུ་པཱ་ལ་ཡ། བཛྲ་ས་ཏྭ་ཏྭེ་ནོ་པ་ཏིཥྛ་དྲི་ཌྷོ་
མེ་བྷ་བ། སུ་པོ་ཥྱོ་མེ་བྷ་བ། ཨ་ནུ་རཀྟོ་མེ་བྷ་བ། སུ་ཏོ་ཥྱོ་མེ་བྷ་བ། སརྦ་སིདྡྷིྃ་མེ་པྲ་ཡཙྪ། སརྦ་ཀརྨ་སུ་ཙ་མེ།  ཙིཏྟྃ་ཤྲི་ཡ་ཀུ་རུ་ཧཱུྃ། ཧ་ཧ་ཧ་ཧ་ཧོཿབྷ་ག་ཝཱན། སརྦ་ཏ་ཐཱ་ག་ཏ། བཛྲ་མཱ་མེ་མུཉྩ། བཛྲཱི་བྷ་བ་མ་ཧཱ་ས་མ་ཡ། ས་ཏྭ་ཨཱཿ། གསང་སྔགས་རྒྱལ་པོ་
104-1-88b


བླ་མེད་པའི། །ལན་གཅིག་བརྗོད་པ་ཙམ་གྱིས་ཀྱང་། །སྡིག་པ་མ་ལུས་ཟད་བྱེད་ཅིང་། །ལས་རྣམས་ཐམས་ཅད་འགྲུབ་པར་བྱེད། །པུས་མོ་ས་ལ་བཙུགས་བྱས་ཏེ། །ལག་པ་གཡས་པ་སྤོས་འཛིན་ཅིང་། །གཡོན་པས་དྲིལ་བུ་དཀྲོལ་བྱས་ཏེ། །ཚིག་
འདིས་གསོལ་བ་གདབ་པར་བྱ། །ཨོཾ་བདེར་གཤེགས་སྟོབས་བཅུ་བརྩོན་ལྡན་འགྲོ་བའི་མགོན། །མི་འཇིགས་ལ་སོགས་ཡོན་ཏན་རྩལ་མེད་ལྡན། །རིགས་གཉིས་ཐབས་ཀྱིས་བརྒྱུད་པའི་དཀྱིལ་འཁོར་ཆེ། །བསྙེངས་པ་མི་མངའ་ཐུགས་རྗེ་ཤུགས་ཆེན་པོ། །
དགའ་མཛད་དབང་གི་དཀྱིལ་འཁོར་ཚོགས་ཆེན་ལ། །ཚུལ་ཁྲིམས་ལ་སོགས་ཕུང་པོ་མཉེས་གྱུར་ཅིག །པདྨ་གར་གྱི་དབང་ཕྱུག་གཙོར་བྱས་པའི། །དྲི་བྲལ་ཐུགས་རྗེའི་དཀྱིལ་འཁོར་འདི་ཉིད་ནི། །མཉེས་པའི་ཚོགས་རྣམས་ཀུན་ལས་རྣམ་གྲོལ་ཞིང་། །བདེ་གཤེགས་
ཡོན་ཏན་ཐམས་ཅད་འབྱུང་བའི་གནས། །འདོད་ཡོན་འབྲས་བུ་ཕུན་སུམ་ཚོགས་བསྒྲུབ་དང་། །འགྲོ་རྣམས་མ་ལུས་ཐུགས་རྗེས་བཟུང་བྱེད་ཅིང་། །ཁྱེད་རྣམས་ལ་ཡང་མཆོད་པ་བྱ་བའི་ཕྱིར། །དཀྱིལ་འཁོར་རྣམ་དག་རྒྱ་ཆེན་བརྩོན་ལགས་ན། །མགོན་པོའི་བཀའ་
དྲིན་རྗེསུ་བརྩེ་དགོངས་ཏེ། །ཁྱེད་ཀྱིས་རབ་ཏུ་གནས་པར་མཛད་འོས་ལགས། །མེ་ཏོག་དྲི་བཟང་ཕྲེང་སོགས་འདི་བཞེས་ལ། །ཇི་སྲིད་འགྲོ་བའི་དོན་རྣམས་མ་གྲུབ་པར། །དེ་སྲིད་ཐུགས་རྗེས་བཟུང་ཞིང་བཞུགས་ནས་ནི། །བདག་གི་གནས་སོགས་འདི་དག་བྱིན་གྱིས་
རློབས། །དེ་ནས་སློབ་མ་ལ་བོས་ཏེ། ཀྱེ་རིགས་ཀྱི་བུ་ཁྱོད་ཐེག་པའི་སྣོད། །རྡོ་རྗེ་ཐེག་པའི་གཞུང་འདི་ཉོན། །དད་གུས་དགའ་བའི་ཤུགས་ཕྱུང་ཤོག །སྔོན་གྱི་དེ་བཞིན་གཤེགས་རྣམས་ཀྱིས། །ཆོ་ག་བཟང་པོ་འདི་བསྟན་བྱ། །མགོན་པོ་རྫོགས་སངས་རྒྱས་
རྣམས་དང་། །མ་བྱོན་དེ་བཞིན་གཤེགས་པའི་ཚོགས། །དེ་བཞིན་ད་ལྟའི་སེམས་ཅན་རྣམས། །འགྲོ་ལ་ཕན་ཕྱིར་གནས་བཞུགས་ཏེ། །གསང་བ་ཟབ་མོ་བླ་ན་མེད། །ཆོ་ག་བཟང་པོ་འདི་སྤྱོད་པས། །སྐྱེས་མཆོག་རང་གི་གནས་ཉིད་དུ། །ཀུན་མཁྱེན་ཡེ་ཤེས་བདེ་ཆེན་
བརྙེས། །གསང་སྔགས་སྦྱོར་བ་མཉམ་མེད་པར། །པདྨ་གར་དབང་དཀྱིལ་འཁོར་གྱི། །བདུད་ཚོགས་ཤིན་ཏུ་མི་བཟད་པའི། །དཔུང་རྣམས་མ་ལུས་འཇོམས་པར་མཛད། །དེ་ཕྱིར་ཀུན་མཁྱེན་ཡེ་ཤེས་ཀྱི། །བློ་གྲོས་མཆོག་འདི་ཁྱོད་ཀྱིས་ཀྱང་། །སངས་རྒྱས་ཆོས་དང་དགེ་
104-1-89a


འདུན་ལ། །ཀུན་ཏུ་སྐྱབས་སུ་འགྲོ་བར་གྱིས། །རྣལ་འབྱོར་མཁའ་འགྲོ་གསང་སྔགས་ཅན། །རིགས་ཀྱི་དཀྱིལ་འཁོར་སོ་སོ་ཡི། །འཁོར་ལོ་བཞུགས་པའི་ཚོགས་རྣམས་ལ། །ཀུན་ནས་སྐྱབས་སུ་འགྲོ་བར་གྱིས། །
དཔའ་བོ་དཔའ་མོ་འཁོར་དང་བཅས། །བྱང་ཆུབ་སེམས་དཔའི་བདག་ཉིད་ཆེ། །ཁྱད་པར་དུ་ཡང་སློབ་དཔོན་ལ། །ཁྱོད་ཀྱི་སྐྱབས་སུ་འགྲོ་བར་གྱིས། །དེ་ནས་ལེགས་སྤྱོད་སློབ་མ་ཡིས། །སྐྱབས་འགྲོ་བྱང་སེམས་སྡོམ་པ་བཟུང་། །དཀོན་
མཆོག་གསུམ་ལ་ཕྱག་འཚལ་ལོ། །དཀོན་མཆོག་གསུམ་པོ་གཟུང་བར་བྱ། །བདག་གིས་སྡིག་པ་བྱས་པ་དང་། །བགྱིད་པ་རྗེས་སུ་ཡི་རང་བ། །མགོན་པོའི་སྤྱན་སྔར་མཆིས་ནས་སུ། །དེ་དག་ཐམས་ཅད་བཤགས་པར་བགྱི། །རྒྱལ་བ་སྲས་བཅས་
འཁོར་རྣམས་དང་། །རང་རྒྱལ་དགྲ་བཅོམ་འགྲོ་རྣམས་ཀྱིས། །བསྒོམ་བཟླས་ལ་སོགས་བསོད་ནམས་ལ། །དད་པས་རྗེས་སུ་ཡི་རང་ངོ་། །སེམས་ཉིད་མངོན་པར་སངས་རྒྱས་དང་། །ཆོས་ཀྱི་འཁོར་ལོ་སྐོར་བྱེད་པའི། །ཚོགས་སྤྱོད་བྱང་ཆུབ་སེམས་
དཔའ་ལ། །བདག་ནི་རབ་ཏུ་སྐྱབས་སུ་མཆི། །སངས་རྒྱས་རྣམས་འབྱུང་ཅི་ལྟ་བར། །སྐལ་ལྡན་བྱང་ཆུབ་སེམས་དཔའ་ཡིས། །བྱང་ཆུབ་སེམས་མཆོག་དྲི་མེད་པས། །འགྲོ་བ་རྒྱ་ཆེ་ཚོགས་ལ་དམིགས། །དུས་གསུམ་བཞུགས་པའི་འགྲོ་རྣམས་ཀྱིས། །ཐུགས་
ཀྱི་དཀྱིལ་འཁོར་གསལ་མཛད་པ། །དེ་བཞིན་ཉིད་དབྱིངས་བྱང་ཆུབ་སེམས། །དུས་གསུམ་དག་ཏུ་གཏང་མི་བྱ། །རྡོ་རྗེ་སློབ་དཔོན་ལ་གུས་ཤིང་། །དུས་ཀུན་དུ་ནི་ཡོན་ཏན་བཟུང་། །རྣལ་འབྱོར་གསང་བ་སྨད་མི་བྱ། །རྡོ་རྗེ་སྤུན་ལ་མིག་བཞིན་བལྟ། །གསང་
སྔགས་ཕྱག་རྒྱའི་རྣམ་པ་དག །བརྩོན་པས་དུས་གསུམ་དྲན་པར་བྱ། །དེ་ནས་ཤིས་པར་བྱ་བའི་ཕྱིར། །རང་དང་མཚན་མའི་ཡི་གེ་སྔགས། །བྱིན་བརླབས་ཡེ་ཤེས་བསྐྱེད་པར་བྱ། །སླར་ཡང་བདུག་པ་མེ་ཏོག་དང་། །མར་མེ་དྲི་ཆབ་ལ་སོགས་པའི། །
རང་གི་གནས་སུ་འདུག་ཅིང་དབུལ། །བཀྲ་ཤིས་ཤིང་མཆོག་འོ་མ་ཅན། །ལོ་མ་མེ་ཏོག་འབྲས་བུར་བཅས། །རློན་པ་དྲང་ཞིང་འབུ་རྗེས་མེད། །ཆག་གས་མེད་པའི་ཚེམས་ཤིང་ནི། །སོར་ནི་བཅུ་གཉིས་དྲི་བཟང་བྱུག །རྩེ་མོ་མེ་ཏོག་ཕྲེང་
104-1-89b


བཏགས་པ། །སྔགས་ཟློས་དྲི་ཆུས་བསང་བར་བྱ། །རིགས་ཀྱི་མཚོན་ཆར་བྱིན་བརླབས་པས། །ཨོཾ་སརྦ་པཱ་པ་ད་ཧ་ན་བཛྲ་ཤི་ཏ་ནི་སྭཱ་ཧཱ། ། ཡི་གེ་སུམ་བཅས་སྔགས་བརྗོད་ཅིང་། །ཤར་དུ་ཁ་བལྟས་སློབ་མ་ལ། །བདེན་པ་བདར་ཞིང་
སྦྱིན་བྱ་ཞིང་། །དེས་ཀྱང་མི་སྨྲ་བླང་བར་བྱ། །གྲི་རྩེ་ལྟ་བུས་ལྕེ་བཞར་ཞིང་། །ཕྲ་མོའི་ཕྱོགས་ཀྱི་སོ་བྲུང་སྟེ། །ས་གཞི་དྲི་ཡིས་བྱུགས་པ་རུ། །ཕན་ཚུན་མི་ལྟ་དོར་བར་བྱ། །ཤར་ལ་སོགས་པའི་ཕྱོགས་ཀུན་གྱིས། །ཞི་སོགས་
དངོས་གྲུབ་མཚན་མ་བརྟག །གྱེན་ཐུར་རབ་དང་འབྲིང་གིས་ལྟ། །མཚམས་ཀྱིས་འཇིག་རྟེན་ལས་རྣམས་འགྲུབ། །ལས་དག་པ་ཡི་སྔགས་བཟླས་ནས། །སྦྱང་ཞིང་བྱིན་གྱིས་བརླབས་བྱས་པའི། །ཆུ་གཙང་དྲིས་སྦྱང་ཁྱོར་བ་གསུམ། །ཉེ་རེག་
འཐོར་བའི་ཚུལ་དུ་སྦྱིན། །ཨོཾ་ཧྲི་བི་ཤུད་དྷ་སརྦ་དྷརྨ་པཱ་པ་ནི་ཙ་ཤ་བི་ཤོ་དྷརྨ་སརྦ་ཀལ་པ་ན་ཨ་པ་ན་ཡ་ཧཱུྃ། །གཙང་མའི་རས་ལ་ལེགས་བཀལ་བའི། །སྲུང་ཀུད་མདུད་པ་གསུམ་ལྡན་པའི། །ཡི་གེ་གསུམ་གྱིས་སྔགས་བཟླས་ནས། །དེ་ཡི་དཔུང་པ་གཡོན་
པར་བཅིང་། །ཀུ་ཤ་རྩེ་མོ་མ་འཁྲུགས་པའི། །བམ་པོ་གཉིས་སུ་སྦམས་པ་ཡིས། །ཡབ་ཡུམ་གཉིས་སུ་བྱིན་བརླབས་པའི། །སྔས་དང་སྟན་དུ་སྦྱིན་པར་བྱ། །ཨོཾ་སརྦ་དུསྟི་ཀུ་རུ་སྭཱ་ཧཱ། །དགའ་བའི་གཏམ་གྱིས་གཟེང་བསྟོད་ཅིང་། །མཆོད་
པ་གཏོར་མའི་ཚོགས་བཅས་པས། །ལྷ་ཚོགས་རྣམས་ལ་བསྔོ་བྱས་ནས། །བདེན་པ་བརྗོད་ཅིང་ཅི་བདེར་ཉལ། །མི་སྨྲ་དགེ་བའི་སེམས་བཅས་པས། །རྨི་ལམ་མཚན་མ་བརྟག་པར་བྱ། །སླར་ཉིད་སློབ་དཔོན་ནང་སོང་སྟེ། །དཀྱིལ་འཁོར་གསལ་བའི་ཏིང་འཛིན་
གྱིས། །ལྷ་རྣམས་མཆོད་ཅིང་བསྟོད་བྱ་སྟེ། །དགེ་བའི་སེམས་ཀྱིས་ཉལ་བར་བྱ། །དེ་ནས་སྐྱ་རེངས་ཤར་དུས་སུ། །སློབ་དཔོན་སློབ་མ་སྔས་འོངས་ཏེ། །ཀྱེ་ཀྱེ་བཞིན་བཟངས་རྣམས་ལོངས་ཅིག །རྨི་ལམ་མཚན་མ་ཅི་མཐོང་བ། །བདེན་པ་བརྗོད་པའི་དུས་
ཡིན་ནོ། །དེས་ཀྱང་ཅི་བཞིན་སྨྲ་བར་བྱ། །རབ་འབྲིང་མཚན་མའི་ལྟས་བསྟན་ཅིང་། །ངན་པའི་ལྟས་རྣམས་བཟློག་པར་བྱ། །སྦྱིན་སྲེག་གཏོར་མ་ལ་སོགས་དང་། །བ་ཡི་རྣམ་ལྔས་བྱུག་པར་བྱ། །དངོས་རྣམས་མཚན་མ་ལས་གྲོལ་བའི། །སྟོང་པ་ཆེན་
104-1-90a


པོ་ཡེ་ཤེས་བསྒོམ། །རིན་ཆེན་རྒྱུ་ལས་བྱུང་བ་ཡི། །བུམ་པ་མགུལ་རིང་ལྟོ་བ་བཟླུམ། །ཁ་ཁྱེར་ཞབས་བཏེག་ཕེལ་ཀ་ཆེ། །དྲི་ཞིམ་ཚོན་དཀར་ལེགས་བྱུགས་ཏེ། །པདྨའི་དཀྱིལ་འཁོར་ལེགས་གནས་ཏེ། །སོ་སོའི་མཚན་མའི་
ཡི་གེ་རྒྱན། །རྣམ་རྒྱལ་བུམ་པ་ལ་སོགས་རྣམས། །མཆོད་ནས་བསྟན་ལ་བཀྲམ་པར་བྱ། །རིན་ཆེན་སྣ་ལྔ་འབྲུ་ལྔ་དང་། །སྙིང་པོ་ལྔ་དང་སྨན་ལྔ་དང་། །བཀྲ་ཤིས་རྫས་ལྔ་གཞུག་པར་བྱ། །མགུལ་ཆིངས་གཟུངས་ཐག་ཁ་རྒྱན་སོགས། །དམ་ཚིག་
ལྷ་རྣམས་གསལ་བྱས་ནས། །ཡེ་ཤེས་སྐུ་དང་གཉིས་མེད་པར། །མཆོད་བསྟོད་སྔགས་ཀྱི་བཟླས་པ་བྱ། །སྔགས་བཅས་ཆུ་དང་གཉིས་མེད་གནས། །དཀྱིལ་འཁོར་གྲུབ་པའི་དུས་དག་ཏུ། །རང་རང་གནས་ཀྱི་ཕྱོགས་སུ་དགྲམ། །དམ་ཚིག་དཀྱིལ་འཁོར་གསལ་བྱས་ནས། །
ཡེ་ཤེས་ལྷ་དང་གཉིས་མེད་པའི། །ཐབས་དང་ཤེས་རབ་འབྲེལ་བྱས་པས། །དཀྱིལ་འཁོར་ས་ལ་ཐིག་གདབ་བྱ། །ཤེས་རབ་སྤྱན་མཛེས་བཅུ་དྲུག་ལོན་བ་འམ། །ཇི་བཞིན་བྱིན་གྱིས་བརླབས་ནས་ཀྱང་། །དཀྱིལ་འཁོར་བསྒྲུབ་པ་གནས་བྱའོ། །གཙང་མའི་རྒྱུ་ལས་བྱུང་
བའི་རས། །ཁ་དོག་ཉི་ཤུ་རྩ་ལྔ་འམ། །ལྔ་ལས་བྱུང་བའི་སྐུད་པ་དག །བྱིན་གྱིས་བརླབ་ཅིང་བསྒྲིལ་བར་བྱ། །སྟོང་པ་ཉིད་ཀྱིས་སྦྱང་བྱས་ནས། །རིགས་ཀྱི་ལྷ་རུ་གནས་པ་དག །མཆོད་བསྟོད་སྔགས་བཅས་བསྒྲིལ་བར་བྱ། །ཨོཾ་བཛྲ་ས་
མ་ཡ་མུ་ཏྲ་མ་ཏི་ཀྲ་མ་ཧཱུྃ། ཨོཾ་ཨ༔ ཧཱུྃ། ཛ་གདགས་པ་ཡི་སྔགས་བརྗོད་ཅིང་། །རྡོ་རྗེ་སློབ་དཔོན་ཐུགས་ཀ་ནས། །སློབ་མས་སྨིན་མཚམས་དྲང་པོར་ཐེན། །དེ་ལ་གནས་ཀྱི་ནུབ་དང་ཤར། །འོད་འཕྲོས་བྱང་སེམས་ཐུགས་རྗེ་ཆེ། །
ནམཁའི་དཀྱིལ་འཁོར་མངོན་བར་ལྟ། །རྡོ་རྗེ་ལྟེ་བས་ཕྱོགས་དང་མཚམས། །དཀྱིལ་འཁོར་ཆེན་པོ་རྫོགས་པར་བསྟན། །སྟོབས་མཆོག་དཔའ་བོ་དགོངས་སུ་གསོལ། །རྡོ་རྗེ་ཐིག་སྐུད་སྒྲར་ལྡན་པས། །ནམ་མཁའི་དཀྱིལ་འཁོར་ལེགས་
གྲུབ་ཅིང་། །འགྲོ་བའི་དོན་ལ་བསྐུལ་བར་མཛོད། །ༀ་ཨ་ནུན་ཨ་ནུ་ག་ཏོ་སརྦ་དྷརྨ་པ་ར་པ་ར་ཨ་ནུ་ག་ཏ་སརྦ་ཨ་ནན་ཏ། ཨ་བ་ཏ་ར་སརྦ་དྷརྨ་ཧཱུྃ། ལྷ་རྣམས་མདུན་དུ་བཞུགས་འགྱུར་ནས། །མཆོད་བསྟོད་དབང་པོའི་ཚུལ་དུ་དགོངས། །
104-1-90b


རྡོ་རྗེ་ཁུ་ཚུར་སར་བཞག་ཅིང་། །ཤར་ནས་ནུབ་དུ་བརྐྱང་བ་ཡི། །ཚངས་ཐིག་དང་པོ་གདབ་བྱས་ནས། །དེ་བཞིན་སྒོ་ནས་ཚད་ཀྱིས་ནི། །ཟུར་བཞི་ཤིན་ཏུ་ལེགས་པར་གཞལ། །རྡོ་རྗེ་ལྷོ་བྱང་གཉིས་པ་དང་། །མཚམས་ཀྱི་ཐིག་རྣམས་གདབ་པར་བྱ། །
ལེགས་ཐིག་གྲུ་བཞི་མཉམ་འགྱུར་ནས། །བརྒྱད་དང་བཅུ་དྲུག་དག་ཏུ་བགོ། །བར་ཁྱམས་ཕྱི་ཁྱམས་མ་གཏོགས་པའི། །གཞན་དག་ཆ་བྲན་བཞི་བཞིར་བགོ། །ཐིག་གི་ཆོ་ག་རྫོགས་པ་དང་། །ཡེ་ཤེས་སྐུད་པས་མཆོད་བསྟོད་ཅིང་། །རྡོ་རྗེ་
ཁུ་ཚུར་སྔགས་བཅས་ཀྱིས། །རང་གི་གནས་སུ་གཤེགས་གསོལ་བྱ། །ༀ་བཛྲ་ག་ཛཿ། དཀྱིལ་འཁོར་བདག་པོའི་ང་རྒྱལ་གྱིས། །མིག་གཉིས་མ་དང་ཏ་ལས་བྱུང་བར་བསམ། །དཀྱིལ་འཁོར་གནས་རྣམས་ཀུན་བལྟས་ཏེ། །སྔགས་དང་
ཕྱག་བརྒྱ་བཅས་པ་ཡིས། །སྒོ་དག་བཞི་པོ་དབྱེ་བྱས་ནས། །ཆ་བྲན་དག་ཀྱང་བློ་ཡིས་བརྟག །རྡོ་རྗེ་སློང་བའི་ཕྱག་རྒྱ་ཡིས། །རི་མོའི་མཁར་ནི་བཏེག་བྱས་སྟེ། །འབྱུང་འཇུག་གསང་བའི་ཆོ་ག་དག །རྣལ་འབྱོར་བརྟན་པ་ཡིད་ཀྱིས་བྱས། །ༀ་བེ་
ག་ཀྲ་མ་ཧཱུྃ། པད་མ་རང་བཞིན་རྣམ་དག་པས། །དཀྱིལ་འཁོར་འབྱུང་བའི་གནས་ཆེན་པོ། །ཐུགས་རྗེ་ཡེ་ཤེས་རྣམ་འཕྲུལ་ཚོགས། །ཁྱབ་མཛད་བྱིན་བརླབས་སྟོན་པའི་གཙོ། །རྒྱལ་བ་རྣམས་ཀྱི་སྐུ་གསུང་ཐུགས། །ཡོན་ཏན་
ཕྲིན་ལས་རྨད་དུ་འབྱུང་། །མ་ལུས་སེམས་ཅན་དོན་གྱི་ཕྱིར། །ཕོ་བྲང་དག་པར་བྱིན་གྱིས་བརློབས། །ཕྱོགས་མཚམས་མ་ལུས་རྣམ་དག་པས། །བྱང་ཆུབ་ཡེ་ཤེས་གནས་གསལ་འགྱུར། །ཉོན་མོངས་ཉེས་ཚོགས་ཀུན་བཅོམ་པའི། །ཐུགས་རྗེ་ཆེན་
པོ་དྲི་མེད་ཤུགས། །ཡེ་ཤེས་བྱིན་བརླབས་ལས་བྱུང་བའི། །དཀྱིལ་འཁོར་གསང་བ་གྲུབ་པར་མཛོད། །རིན་ཆེན་རྣམ་ལྔའི་ཕྱེ་མ་དང་། །ས་ཚོན་ལ་སོགས་གང་འབྱོར་པ། །རིན་པོ་ཆེ་ཡི་སྣོད་བླུགས་ཏེ། །དཀྱིལ་འཁོར་གནས་ཀྱི་ཕྱོགས་ལྔར་གཞག །
སྦྱང་ཞིང་བྱིན་གྱིས་བརླབས་བྱས་ན། །རིགས་ལྔའི་སྐུད་ཚོགས་ཡུམ་བཅས་ལ། །རིགས་ཀྱི་དཀྱིལ་འཁོར་དབུས་སོགས་དང་། །མཆོད་བསྟོད་སྔགས་ཀྱིས་མཉེས་པར་བྱ། །ༀ་བཛྲ་ཙིཏ་མ་ཏི་ས་མ་ཡ་ཧཱུྃ། དཀར་མཐིང་སེར་པོ་ལྗང་གུ་དང་། །དམར་པོའི་ཚོན་
104-1-91a


རྣམས་རིམ་བཞིན་དུ། །དབང་ལྡན་མཚམས་ནས་བརྩམ་བྱས་ཏེ། །པན་ཙ་རཱ་ག་དྲང་བར་བྱ། །གཡས་པས་པདྨ་རྡོ་རྗེ་བཟུང་། །གཡོན་པས་འདྲེན་པའི་ལས་བྱའོ། །དེ་ལ་མཆོད་འབུལ་སྔགས་བརྗོད་ཅིང་། །བདེན་པ་བདར་ཏེ་དགབ་
པར་བྱ། །འདི་ནི་ཆོས་དབྱིངས་རྣམ་པར་དག །སེམས་ཅན་ཁམས་ནི་རབ་སྒྲོལ་བྱེད། །དཔལ་ལྡན་པདྨ་གར་དབང་ནི། །དེ་བཞིན་གཤེགས་པ་ཀུན་གྱི་གནས། །ཡང་དག་བདེན་པའི་བྱིན་བརླབས་ཀྱིས། །དཀྱིལ་འཁོར་ལས་རྣམས་ཤིས་པར་མཛད། །
དབུས་ཀྱི་ལྟེ་བ་ནས་བརྩམས་ཏེ། །དང་པོ་སློབ་དཔོན་གྱིས་བྲིས་ཞིང་། །ཕྱིས་ནི་ཅི་དགར་ཤེས་པར་བྲི། །མཐོ་དམན་མེད་སྙོམས་དྲང་པོར་བྱ། །དེ་ནས་མཚན་མ་རྟགས་བསྟན་ཏེ། །ཆད་ཅིང་སྨྲ་བས་མི་འགྲུབ་སྟེ། །ཡོན་པས་གདུང་བའི་ལས་རྣམས་སྐྱེས། །
ཆད་པས་སློབ་དཔོན་སློབ་མ་དག །ཤི་ཐམ་ངན་པར་འགྱུར་བ་ཡིན། །ལྷག་དང་བཅས་པས་གཡུལ་འཁྲུགས་ཤིང་། །ཕྱོགས་འཁྲུལ་བ་ཡིས་སྨྱོ་བར་འགྱུར། །དབུས་ཀྱི་དཀྱིལ་འཁོར་གནས་དག་ཏུ། །རེའུ་མིག་ཉི་ཤུ་རྩ་ལྔ་ལས། །བདེ་གཤེགས་གཙོ་བོའི་
རིགས་སུ་བཅས། །ཕྱག་རྒྱའི་ཡི་གེ་མཚན་པ་བྲི། །ཕྱི་རོལ་པདྨའི་འདབ་གནས་ལ། །ཉི་ཤུ་རྩ་བཞི་ཚོགས་རྣམས་ལ། །བྱང་སེམས་ཁྲོ་བོ་བཅས་པ་དག །ཤར་ནས་རིམ་བཞིན་བྲི་བར་བྱ། །ཕྱི་དང་ནང་གི་མཚམས་རྣམས་སུ། །མཆོད་པའི་ལྷ་མོ་བརྒྱད་
རྣམས་བཞག །བར་འཁྱམས་བསྐལ་བཟངས་སེམས་དཔའ་རྣམས། །སྒོ་བཞིར་ཁྲོ་བོའི་ཚོགས་གཞག་གོ། དབུས་ཀྱི་དཀྱིལ་འཁོར་དབུས་སོང་སྟེ། །བདེ་གཤེགས་འོད་ཟེར་སྣང་བ་ཡི། །པད་མོ་རྡོ་རྗེ་དྲིལ་བཅས་པས། །རང་གི་ཁ་དོག་ཚོན་བཅས་བཞག །
དེ་ཡི་ཤར་ཕྱོགས་རིའུ་མིག་ལ། །ཚེ་མཐའ་ཡས་དང་ཆོས་དབང་ཕྱུག །ཆགས་མེད་འོད་དང་སྤྱན་དགའ་བའི། །པད་བརྩེགས་པདྨའི་ཕྲེང་མ་དང་། །པད་གནས་རིན་ཆེན་གླེགས་བམ་རིན་ཆེན་ཕྲེང་། །རང་མདོག་སྔགས་ཀྱིས་བརྒྱན་པ་བཞག །
ཤར་ཀྱི་དཀྱིལ་འཁོར་དབུས་གནས་པར། །བདེ་བར་གཤེགས་པ་མི་བསྐྱོད་པ། །རྡོ་རྗེ་དྲིལ་བུའི་སྔགས་བཅས་པས། །རང་གི་འོད་བཅས་གདན་ལ་གཞག །དེ་ཡི་ཤར་ཕྱོགས་རེའུ་མིག་ལ། །འབྲུག་སྒྲ་དྲི་མ་མེད་པའི་རིགས། །མངོན་པར་སྣང་མཛད་
104-1-91b


བསྟན་དབང་ཕྱུག །ཆགས་ཤིང་རིན་ཆེན་པད་སྤུངས་པ། །རིན་པོ་ཆེ་ཡི་དྲ་བ་སྟེ། །རིམ་བཞིན་རང་མདོག་སྔགས་ཀྱིས་བརྒྱན། །ལྷོ་ཡི་དཀྱིལ་འཁོར་དབུས་གནས་པ། །བདེ་གཤེགས་རིན་པོ་ཆེ་སྦྱངས་ཀྱིས། །རིན་ཆེན་བརྩེགས་དང་དྲིལ་བུ་ལ། །
རང་མདོག་སྔགས་ཀྱིས་མཚན་བྱས་པའོ། །དེ་ཡི་ཤར་ཕྱོགས་རེའུ་མིག་ལ། །ནམ་མཁའི་མཛོད་དང་དྲ་བ་ཅན། །དཀོན་མཆོག་རྒྱལ་མཚན་རིན་ཆེན་ཏོག །རིན་ཆེན་གླིང་བུ་རིན་ཆེན་ཕྲེང་། །རིན་ཆེན་རྒྱལ་མཚན་རིན་ཆེན་བུམ། །རང་གི་འོད་བཅས་
སྔགས་ཀྱིས་བརྒྱན། །ནུབ་ཀྱི་དཀྱིལ་འཁོར་དབུས་གནས་པ། །བདེ་གཤེགས་ཀུན་ཏུ་སྣང་བའི་འོད། །འཁོར་ལོ་དྲིལ་བུ་མཚན་མ་ལ། །རང་འོད་སྔགས་ཀྱིས་མཚན་པ་བྲི། །པད་མོ་རིགས་ཀྱིས་འཁོར་ལོའི་ཚད། །བྱང་གི་དཀྱིལ་འཁོར་དབུས་གནས་པ། །བདེ་
གཤེགས་དོན་ཡོད་གྲུབ་པ་ཡི། །རྡོ་རྗེ་སྣ་ཚོགས་དྲིལ་བུ་བསྣམས། །རང་གི་སྔགས་དང་ཁ་དོག་གསལ། །དེ་ཡི་ཤར་ཕྱོགས་རིའུ་མིག་ལ། །བརྩོན་འགྲུས་དང་ནི་ཤུགས་ཆེན་པོ། །གནོད་སྦྱིན་འདུལ་བ་སྣ་ཚོགས་དབང་། །རྒྱ་གྲམ་ཕྲེང་དང་པདྨ་ཕྲེང་། །རྡོ་རྗེ་གདེངས་པོ་
ཟླ་ཁམས་ཅན། །འོད་འཕྲོས་སྔགས་ཀྱིས་མཚན་བྱས་པའི། །མཚམས་ཀྱི་རེའུ་མིག་བཞི་རྣམས་ལ། །འོད་འཕྲོས་པདྨ་འཛིན་པ་དང་། །པདྨ་གནོན་དང་པད་སྐྱོང་དང་། །མེ་ལོང་རིན་ཆེན་ཕྲེང་བ་དང་། །པི་བང་གར་གྱི་ཕྱག་རྒྱ་ལ། །རང་འོད་སྔགས་ཀྱིས་མཛེས་པར་བྱ། །
ཕྱི་རོལ་པདྨའི་ཤར་བརྩམས་ཏེ། །རིགས་ཀྱི་བྱང་སེམས་བཞི་བཞིར་གནས། །བདེ་བའི་བློ་གྲོས་རྒྱ་མཚོའི་སྒྲ། །གཟི་མདངས་དང་ནི་འཁོར་ལོ་ཡི། །ནམ་མཁའི་མཛོད་ཀྱི་འཁོར་ལོ་རིན་པོ་ཆེ། །པད་ལྕུག་འཁོར་ལོ་དབྱུག་པ་རྣམས། །རང་འོད་སྔགས་ཀྱི་མཚན་མར་གནས། །
ཤེས་རབ་སྣང་བ་རྡོ་རྗེ་རྒྱལ། །འོད་ཟེར་འཕྲོ་བ་དྲག་ཤུལ་གྱི། །རིན་ཆེན་ཕུང་པོ་རིན་ཆེན་གདུགས། །པདྨའི་སྡོང་པོ་འོད་ཕུང་བྲི། །དྲི་མའི་ཚོགས་དང་རྒྱུ་མ་འཕྲུལ། །རིན་ཆེན་རྒྱལ་པོ་དྲ་བ་ཅན། །རིན་ཆེན་རི་བོ་རྒྱ་གྲམ་བྲི། །ལག་བཟངས་གསེར་འོད་
འཕྲོ་བ་དང་། །རིན་ཆེན་སྙེ་མ་ཆོས་མཐོང་དང་། །པདྨའི་རྒྱ་གྲམ་གླེམས་བམ་དང་། །པདྨའི་སྡོང་པོའི་གོ་ཆ་བྲི། །དྲི་མེད་མུན་པ་སེལ་བ་དང་། །དགའ་བ་དབྱངས་དང་གཞོན་ནུ་ཡི། །ཆུ་ཤེལ་ནོར་བུའི་ཕྲེང་བ་དང་། །སྤྲིན་ཕུང་རྡོ་རྗེ་རྒྱ་གྲམ་བྲི། །དེ་ནི་རིགས་
104-1-92a


ལྔའི་སེམས་དཔའ་སྟེ། །རང་འོད་སྔགས་ཀྱིས་མཚན་བྱས་པའི། །དེ་མཐར་ཁྲོ་བོ་བཞི་རྣམས་ཀྱིས། །ཕྱག་རྒྱའི་མཚན་མ་བྲི་བྱས་ཏེ། །སྦྱིན་བདག་སྨྲ་བའི་དབང་ཕྱུག་དང་། །རྩེ་གསུམ་རིན་ཆེན་རྩེ་དགུ་དང་། །དབྱིག་པ་རྩེ་གཅིག་
རལ་གྲིའོ། །གྲུ་ཆད་མཆོད་པའི་ལྷ་མོ་བཞི། །བདུག་སྤོས་མེ་ཏོག་མར་མེ་དྲི། །ཕྱི་རོལ་བར་ཁྱམས་གནས་དག་ལ། །ཕྱོགས་རེ་སེམས་དཔའ་བཞི་བཞི་སྟེ། །རྡོ་རྗེ་རྣམ་སྣང་གར་མཁན་དང་། །བློ་ཡི་རྒྱ་མཚོ་ཐོགས་མེད་བཀོད། །རྡོ་རྗེ་མཚན་མ་གསང་
སྔགས་བཅས། །རང་འོད་གནས་གདན་དག་ལ་བྲི། །པདྨོ་དགའ་བའི་ས་ལ་དབང་། །རིན་ཆེན་སྤུངས་པ་སྤྲིན་གྱི་ཕྲེང་། །རིན་ཆེན་མཚན་མ་སྔགས་དང་བཅས། །རང་འོད་གདན་ལ་གནས་པ་བྲི། །ཡིད་འོངས་མེ་ཏོག་སྒྲོན་མ་དང་། །སྤོས་བརྩེགས་
ཁ་ལོ་སྒྱུར་བ་དང་། །པདྨའི་མཚན་མ་སྔགས་དང་བཅས། །རང་འོད་གདན་ལ་གནས་པར་བྲི། །དྲན་དབང་པདྨའི་བློ་གྲོས་དང་། །ལས་བྱེད་སྙིང་པོའི་བློ་གྲོས་དང་། །རྒྱ་གྲམ་མཚན་མ་སྔགས་དང་བཅས། །རང་འོད་གདན་ལ་གནས་པར་བྲི། །ཤར་སོགས་
པ་ཡི་སྒོ་རྣམས་སུ། །ཁྲོ་བོའི་འཇིགས་པའི་རྒྱལ་པོ་ཡིས། །རྡོ་རྗེ་རྒྱ་གྲམ་རྡོ་རྗེ་གདེངས། །རིན་ཆེན་དབྱུག་པ་པདྨ་ཕྲེང་། །རང་གི་ཡི་གེ་གདན་གནས་པའི། །ཕྱག་རྒྱའི་མཚན་མ་བྲི་བར་བྱ། །ཕྱོགས་བཞི་རྒྱན་དང་ཕྲེང་བ་དང་། །འདོད་ཡོན་ལྷ་མོ་ལ་སོགས་པ་ཡི། །
རྒྱན་རྣམས་པདྨ་རྡོ་རྗེ་དང་། །རིན་ཆེན་འཁོར་ལོ་རྒྱ་གྲམ་བྲི། །འཕྲོ་བས་མཚན་མ་ཁ་དོག་ལྔ། །ཉི་ཤུ་རྩ་ལྔའི་འོད་བཅས་པའོ། །ཕྱི་རོལ་རྟ་བབས་དྲ་བ་སོགས། །བན་དྷ་དྲིལ་བུ་ཉི་ཤུ་བཞི། །གདུགས་དང་བུམ་པ་བྱ་ཡི་ཕྲེང་། །དཔག་བསམ་རྫིང་བུ་དང་བ་དང་། །
ཉི་ཟླ་མེ་ལོང་རྒྱལ་མཚན་ལྔ། །ཆོས་ཀྱི་འཁོར་ལོ་རི་དགས་རྣམས། །མཛེས་བྱས་ཕྱི་མཐའ་པདྨ་དང་། །རྡོ་རྗེས་མེ་འོད་མཚན་གྱིས་བསྐོར། །དབུས་མིག་ཁ་དོག་ཉི་ཤུ་ལྔ། །པད་ཕྲེང་དམར་པོ་བར་ཁྱམས་དཀར། །སྒོ་བཞི་ཡི་རིན་ཆེན་སྣ་བཞི་པ། །གྲུ་ཆད་གསེར་གྱི་ཁ་
དོག་ཅན། །མཆོད་པ་ལྔ་དང་བུམ་དགྲམ་ཞིང་། །བླ་རྒྱན་ན་བཟའ་ཕྱོགས་རྒྱན་བྲི། །མེ་ཏོག་ཚོམ་བུ་སྔགས་བཅས་པ། །སོ་སོའི་གནས་སུ་དགྲམ་པར་བྱ། །གཏོར་མའི་ཚོགས་མང་སྦྱར་བྱས་ནས། །ཕྱི་རོལ་ཕྱོགས་དང་མཚམས་སུ་དགོད། །ལྷ་ཡི་ཏིང་འཛིན་
104-1-92b


གསལ་བྱས་པས། །དཀྱིལ་འཁོར་ཤིས་པའི་ལས་འགྲུབ་འགྱུར། །དེ་ནས་ལྷ་རྣམས་བསྟོད་བྱས་ཏེ། །རྡོ་རྗེས་པདྨོ་དམ་ཚིག་གཞུག །ཐུགས་ཀའི་སྔགས་ཀྱིས་དགུག་བྱས་པའི། །མགྲོན་རྣམས་ཚིམ་པར་འགྱུར་བ་དང་། །དམ་ཚིག་སྔགས་ཀྱིས་
བསྐུལ་བྱས་ཤིང་། །རང་གི་ཕྲིན་ལས་བཅོལ་བར་བྱ། །ཞེས་གསུངས་སོ། །དེ་བཞིན་གཤེགས་པ་ཐམས་ཅད་ཀྱི་དགོངས་པ་བླ་ན་མེད་པའི་གསང་བ་དཔལ་རྟ་མཆོག་རོལ་པའི་རྒྱུད་ཆེན་པོ་ལས་གཟུགས་བརྙན་ཙམ་པའི་ལེའུ་སྟེ། བདུན་པའོ།། །།
དེ་ནས་བྱང་ཆུབ་སེམས་དཔའི་གཙོ། །རྡོ་རྗེ་འཆང་སོགས་མགུ་འགྱུར་ནས། །རྒྱལ་བ་སར་ཡང་བསྐུལ་བ་མཛད། །ཀུན་དོན་ཐུགས་རྗེ་ཆེན་པོའི་ཤུགས། །མ་འོངས་གསང་སྔགས་སྤྱོད་རྣམས་ཀྱིས། །དཀྱིལ་འཁོར་ཆེན་པོར་གང་
འཇུག་པ། །དབང་བསྐུར་ཚུལ་བཞིན་ཇི་ལྟ་བུར། །དེ་བཞིན་རབ་ཏུ་གནས་པ་གང་། །བདག་གཞན་དོན་གྱི་ཡན་ལག་བསྲུང་། །སྦྱིན་སྲེག་རིམ་པ་ཇི་ལྟར་ལགས། །གཙོ་བོ་ཐུགས་རྗེ་ཆེར་ལྡན་པས། །མ་ལུས་གདུལ་བྱ་ཀུན་གྱི་ཕྱིར། །
དུས་འདི་སྣང་བར་མཛད་ནས་ཀྱང་། །ཆོ་གའི་ཡན་ལག་རྒྱས་པ་གསུངས། །དེ་ནས་བྱང་ཆུབ་སེམས་ཚོགས་ཀྱིས། །གུས་པར་གཟུང་སྟེ་སྤྱད་པར་བགྱི། །དེ་ནས་བཅོམ་ལྡན་འདས་ཀྱི་དབང་། །ཕྱག་རྒྱ་ཤེས་རབ་རབ་བསྐྱོད་ཅིང་། །རབ་ཏུ་
དགའ་བའི་བཞིན་རྒྱས་པ། །རིགས་རྣམས་ཀུན་ལ་གཟིགས་མཛད་དེ། །མཆོག་གསུམ་སྦྱིན་པ་ཞེས་བྱ་བའི། །དོན་འདི་རབ་ཏུ་གནས་པར་མཛད། །བྱང་ཆུབ་སེམས་དཔའ་བློ་ལྡན་པའི། །མ་འོངས་གདུལ་བྱ་གང་དག་གིས། །གཉིས་མེད་
གསང་བའི་ཐེག་པ་འདིར། །སྨིན་པའི་ལམ་ལ་འཇུག་འདོད་པས། །གང་གིས་ཉེས་པའི་ལས་རྣམས་ཀྱིས། །རྡོ་རྗེ་སློབ་དཔོན་མགུ་བྱས་ནས། །ཡང་དང་ཡང་དུ་གསོལ་བཏབ་སྟེ། །དཀྱིལ་འཁོར་གསང་བའི་དོན་དུ་གཉེར། །མ་
ལུས་སྡུག་བསྔལ་ལས་བསྒྲལ་ཕྱིར། །བྱང་ཆུབ་སེམས་མཆོག་རྒྱ་ཆེན་བློས། །ཕྱི་ནང་འབྱོར་པའི་ཡོ་བྱད་དག །ཐམས་ཅད་བྱང་ཆུབ་དོན་དུ་བསྔོས། །འདོད་ཆགས་རྣམ་དག་པད་མོའི་དབྱིངས། །ཆོས་ཀུན་གྱིས་ནི་དེ་བཞིན་ཉིད། །ཡེ་ཤེས་
104-1-93a


སྤྲུལ་པའི་དཀྱིལ་འཁོར་མཆོག །དེ་རིང་ཡིད་འོང་དོན་ཆེན་གཉེར། །ༀ་ཨུ་ཏ་ག་ཏ་ས་མ་ཡ་སྟྭྃ། པདྨ་དགའ་བའི་སྐུ་མཆོག་མཉེས། །སྣ་ཚོགས་དཀྱིལ་འཁོར་འབྱུང་བའི་གནས། །མཚན་དཔེ་ཕུན་སུམ་ཚོགས་
པ་ཡི། །བདེར་གཤེགས་སྐུ་ལ་ཕྱག་འཚལ་ལོ། །རྡོ་རྗེ་ཆེན་པོས་གཞན་རྣམས་འཇོམས། །མི་ཤེས་དྲི་མ་ཀུན་སེལ་བའི། །ཐུགས་མཆོག་གསང་བའི་ཆོས་མཐར་ཕྱིན། །རྡོ་རྗེ་ཐུགས་ལ་ཕྱག་འཚལ་ལོ། །གསང་སྔགས་སྙིང་
པོ་གསང་བའི་ཆོས། །རབ་སྣང་པདྨའི་དབྱིངས་ནས་འཕྲུལ། །བྱང་ཆུབ་ནམ་མཁའི་མཚན་ཉིད་ཅན། །རྡོ་རྗེ་གསུང་ལ་ཕྱག་འཚལ་ལོ། །ཡོན་ཏན་རིན་ཆེན་ཆར་འབེབས་ཤིང་། །དེ་བཞིན་གཤེགས་པའི་རྒྱལ་འགྱུར་བ། །དཔལ་མཆོག་
བཀྲ་ཤིས་ཕུན་སུམ་ཚོགས། །ཐེག་པ་ཆེ་ལ་ཕྱག་འཚལ་ལོ། །ཀུན་ཏུ་གནས་འགྱུར་ཁྱབ་པ་པོ། །ལས་མཛད་རྡོ་རྗེ་དམ་ཚིགས་མཆོག །མི་མཐུན་གནས་རྣམས་རབ་འཇོམས་མཛད། །རྡོ་རྗེ་འཇོམ་ལ་ཕྱག་འཚལ་ལོ། །དངོས་གྲུབ་ཀུན་གྱི་
དབང་ཕྱུག་རྒྱལ། །དཀྱིལ་འཁོར་ཆེན་པོའི་གནས་ཉིད་དུ། །དབང་བསྐུར་གསང་བ་ལས་བྱུང་བ། །དམ་ཚིག་ཡེ་ཤེས་རབ་གྲུབ་མཛོད། །ཤེས་རབ་ཆོས་ཉིད་ལས་འཕྲུལ་པའི། །རྗེས་སུ་འཇུག་པས་སྙིང་རྗེའི་ཚོགས། །ཡང་དག་བདེན་པ་ལས་བྱུང་
བའི། །བྱིན་བརླབས་འདོད་པ་ཐམས་ཅད་རྫོགས། །བདེ་གཤེགས་སྤྲུལ་པའི་ཚིག་ཚོགས་ནི། །དབང་བསྐུར་རྫོགས་མཛད་པ་ཡི་རིགས། །མེ་ཏོག་ཕྲེང་བ་ལ་སོགས་པས། །སློབ་མ་བརྒྱན་པར་བྱས་ནས་ནི། །ཕྱིར་ཕྱོགས་སྟེགས་བུ་ལ་བཞག་
སྟེ། །གཏོར་མ་ཕྱོགས་ཀུན་ལས་བྱིན་ནས། །ཀུན་ལ་གསོལ་འདེབས་བསྒོ་བྱ་ཞིང་། །སློབ་མ་གཞུག་པ་ཉིད་དུ་བྱ། །རས་གཙང་དམར་པོའི་རྒྱུ་ལས་བྱུང་། །གནས་གཞན་མ་སྦྱང་མ་ཉམས་པར། །རང་གི་སྔགས་ཀྱིས་བྱིན་བརླབས་ནས། །ལེགས་པར་
གདོང་ནི་གཡོག་པར་བྱ། །པདྨོའི་ཐལ་སྦྱར་རིན་ཆེན་ཕྲེང་། །སྔགས་བརྗོད་གཟུངས་འཛིན་རྩེ་གཅིག་ཏུ། །བརྟན་པོར་བྱང་ཆུབ་དོན་གཉེར་བས། །དཀྱིལ་འཁོར་གནས་སུ་མོས་པ་བསྐྱེད། །དེ་ནས་བློ་དཔོན་བློ་ལྡན་པས། །ཐེག་ཆེན་ལམ་
104-1-93b


ལ་ཞུགས་པའི་ཕྱིར། །སློབ་མ་དག་ལ་སླར་སྨྲས་པ། །གསང་སྔགས་ལམ་མཆོག་ཟབ་པ་འདི། །ཤིན་ཏུ་བཟུང་བར་དཀའ་བ་ཡིན། །ཁྱོད་ཀྱིས་བཟུང་བར་འདོད་པ་རྣམས། །མི་སྙེམས་པ་ཡི་བློ་བསྐྱེད་ནས། །ལྟ་སྤྱོད་མཆོག་ལ་གནས་
དགོངས་སོ། །ཀྱེ་མ་རྡོ་རྗེ་གསང་བའི་དོན། །ཐེག་ཆེན་སྙིང་པོ་བླ་ན་མེད། །ཚེ་འདིས་བྱང་ཆུབ་འགྲུབ་བྱེད་ཀྱང་། །རྨོངས་རྣམས་ཐེ་ཚོམ་སྐྱེ་བར་འགྱུར། །ངང་ཚུལ་བཟང་པོ་འདི་རྟོགས་པས། །དུས་གསུམ་བཞུགས་པའི་སངས་
རྒྱས་རྣམས། །བྱིན་བརླབས་ངོ་མཚར་མཆོག་བརྙེས་ཏེ། །སེམས་ཅན་དོན་ཕྱིར་ཚུལ་དང་ལྡན། །ཁྱོད་ཀྱིས་སྒྲོ་སྐུར་དང་དྲལ་ཞིང་། །དད་བརྩོན་ཐེ་ཚོམ་མེད་པར་ཟུང་། །དེ་ནས་སློབ་མས་སླར་གསོལ་བ། །ཡང་དག་ཐུགས་རྗེ་ཆེར་མངའ་བའི། །
མགོན་མཆོག་རྣམས་ཀྱིས་བདག་ལ་གནོང་། །འདི་དག་བདག་ལ་རྟོལ་མེད་པས། །ཁྱོད་ཀྱིས་གསུངས་བཞིན་གསོལ་བར་འཚལ། །སླར་ཡང་རབ་གུས་དང་བའི་ཡིད། །ཚུལ་ཆེན་མི་ཉན་དམ་ཚིག་མཆོག །སློབ་དཔོན་ཆེ་ལ་སྐྱབས་སུ་མཆི། །
སངས་རྒྱས་དཀྱིལ་འཁོར་སྲས་བཅས་ཚོགས། །ཐུགས་མཆོག་དྲི་མེད་བདག་ལ་དགོངས། །བདག་གིས་བྱང་ཆུབ་དོན་གཉེར་བས། །དཀྱིལ་འཁོར་གནས་སུ་མོས་པ་བསྐྱེད། །གར་གྱི་དབང་ཕྱུག་བདེ་ཆེན་མཆོག །མགོན་འགྱུར་རྣམས་ལ་
སྐྱབས་སུ་མཆི། །མྱ་ངན་ལས་འདས་ཕོ་བྲང་འདིར། །བདག་ཉིད་ཞུགས་པར་མཛད་པ་ལེགས། །དེ་ནས་ལས་ཀྱི་རྡོ་རྗེ་ཡིས། །གསང་བའི་མཐེ་བོ་ནས་བཟུང་སྟེ། །ཡོལ་བའི་ནང་དུ་བཞུགས་པར་བྱ། །ༀ་པདྨོ་སརྦ་ཏ་ཐཱ་ག་ཏ་ས་མ་ཡ་ཡོ་ག་
ཙ་ཏི་ཨུཏ་པཱ་ཏ་ཡཱ་མི་ཧཱུྃ་སྭཱ་ཧཱ། །དེ་ནས་གསང་བའི་གནས་ཞུགས་པས། །མཆོད་བརྙེས་རྒྱུན་གཤགས་ལ་སོགས་ཀྱིས། །སྣོད་དུ་རུང་བར་གྱུར་པ་དང་། །དམ་ཚིག་གསུམ་སྒྲོགས་ཆུ་བླུད་ཅིང་། །རྡོ་རྗེ་གསང་བའི་དམ་སྒྲོགས་ཤིང་། །ཕྱག་རྒྱས་
སྔགས་ཀྱི་གནས་གསུམ་སྦྱང་། །ༀ་རྒྱལ་བ་ཀུན་གྱི་ཁྱོད་ཉིད་ནི། །བྱིན་གྱིས་བརླབ་ཅིང་བརྟན་མཛད་པས། །པདྨ་གར་དབང་དཀྱིལ་འཁོར་འདིར། །བདག་མེད་དམ་ཚིག་སྤངས་པ་དང་། །དད་མེད་བརྩོན་འགྲུས་ཉམས་པ་དང་། །བློ་དམན་ཤེས་རབ་ཆུང་བ་དང་། །
104-1-94a


བློ་དམན་རྟོག་འཛིན་ལ་གནས་ལ། །སྲོག་གི་ཕྱིར་ཡང་བརྗོད་མི་བྱ། །བདེ་ཆེན་མགོན་པོ་པད་འཆང་སྐུ། །ཁྱོད་ཀྱི་སྙིང་ལ་ཞུགས་པ་ན། །གསང་བའི་ཡེ་ཤེས་གཞན་བརྗོད་དུས། །སྙིང་ཁྲག་འཐུང་ཞིང་གཞན་དུ་ཤེས། །བདག་ནི་
གར་གྱི་དབང་ཕྱུག་སྐུ། །ཁྱོད་ལ་ཐུགས་རྗེས་བཟུང་བྱེད་པས། །ང་ཡིས་བསྒོ་བའི་ཚིག་འདི་དག །འདའ་བར་རུང་བ་མ་ཡིན་ནོ། །བདག་ལ་བརྙས་ཤིང་འཁུ་བྱེད་ན། །རབ་གཏུམ་ཁྲོ་བོ་ཆེན་པོའི་སྐུ། །གླད་པ་ཚལ་པ་བརྒྱར་འགས་ཤིང་། །
ལུས་སེམས་ངལ་སོགས་རྡུལ་དུ་བྱེད། །གནས་བཞི་འབྱུང་བའི་དཀྱིལ་འཁོར་ལ། །རང་སྔགས་ས་བོན་འོད་ཟེར་བཅས། །དབབ་པའི་གསང་སྔགས་ལན་སྟོང་དུ། །དྲི་ཞིམ་བདུག་སྤོས་དྲིལ་དཀྲོལ་ཞིང་། །ཡེ་ཤེས་སེམས་དཔའ་གཞུགས་
པར་བྱ། །དེས་ནི་མཚན་མའི་རྟགས་མཐོང་འགྱུར། །སྐུ་ཡི་ཡེ་ཤེས་ཕྱོགས་བཅུར་གཡོས། །གསུང་གི་ཡེ་ཤེས་གསང་བ་བརྗོད། །ཐུགས་ཀྱི་ཡེ་ཤེས་མངོན་ཤེས་གསལ། །སྔགས་གསུམ་ཕྱག་རྒྱས་བརྟན་པར་གནས། །བདེན་
པའི་ཡེ་ཤེས་བྱིན་བརླབས་ཀྱིས། །དཀྱིལ་འཁོར་རིགས་ཀྱི་ལྷ་གང་ཡིན། །བདག་གིས་བསྐལ་པ་ཅི་ལྟ་བར། །དུས་འདིར་དབབ་པར་མཛད་པ་རིགས། །ནོར་བུ་ཕྲེང་བ་གར་བབ་པ། །རིགས་དེ་རང་གི་དམ་ཚིག་ཉིད། །སྔགས་དང་ཕྲེང་བ་
མ་ལུས་པ། །སླར་ཉིད་དེ་ལ་སྦྱིན་པར་བྱ། །གསེར་གྱི་ཐུར་མ་བྱིན་བརླབས་པས། །མ་རིགས་ལྡོངས་པའི་ལིང་ཏོག་བསལ། །ཕྱོགས་བཅུའི་སངས་རྒྱས་ཐམས་ཅད་ཀྱིས། །ཁྱོད་ཀྱི་མིག་འབྱེད་བརྩོན་པར་མཛད། །མ་རིག་བསྒྲིབས་
གཡོགས་གསལ་མཛད་ནས། །པདྨོ་སྤྱན་བཟངས་དྲི་མ་མེད། །ༀ་པདྨ་ཙཀྵུ་ཛྙཱ་ན་པྲ་བེ་ཤ་ཕཊ། །རྡོ་རྗེས་གདོང་གཡོགས་གསལ་བྱས་ནས། །དཀྱིལ་འཁོར་གསལ་བ་བསྟན་པར་བྱ། །ལེགས་པར་ལྟོས་ཅིག་བློ་གྲོས་ཆེ། །སྔོན་
གྱི་རྒྱལ་བ་ལ་སོགས་རྣམས། །གསང་སྔགས་སྙིང་པོ་དཀྱིལ་འཁོར་འདིར། །ལེགས་པར་ཞུགས་ཏེ་གྲུབ་པ་བཞིན། །མེ་ཏོག་གང་ལ་བབ་པ་ཡི། །ལྷ་དེ་རིགས་ཀྱི་དམ་ཚིགས་ཡིན། །ཤར་གྱི་སྒོ་སྲུངས་ནས་བརྩམས་ཏེ། །གཙོ་བོའི་བར་
104-1-94b


དུ་དཀྱིལ་འཁོར་བསྟན། །ཞལ་ཟས་ན་བཟའ་ལ་སོགས་པས། །བླ་མ་བློ་ལྡན་མཉེས་པར་བྱ། །ཡི་དམ་ལྷ་སྐུ་ཕྱག་རྒྱ་སོགས། །གསང་བའི་མིང་དང་བཅས་པར་བསྟན། །དེ་རིང་དུས་ནས་བཟུང་བྱས་ཏེ། །རྡོ་རྗེ་འཛིན་པའི་གནས་ཐོབ་
པར། །རབ་རིབ་ཐ་མའི་བློ་ལྡན་པས། །དུས་ཀུན་ཏུ་ནི་བཟུང་བར་བྱ། །ཀྱེ་མ་ཧོ་བློ་གྲོས་རྒྱ་མཚོའི་གནས། །འགྲོ་ལ་བསྐྱབ་པའི་དོན་བརྩོན་ལ། །ཁྱོད་ཞབས་པདྨ་ལ་བཏུད་ཏེ། །ཕོ་བྲང་གྲོང་མཆོག་ཉམས་དགའ་འདིར། །དབང་
བསྐུར་བ་ཡི་རིན་ཆེན་མཛོད། །སྣང་མཛད་ལུས་ལ་བབ་པ་ལགས། །རིགས་བཞིན་ཐུགས་རྗེ་བརྩེ་དགོངས་པས། །དྲི་མའི་སྐྱོན་སོལ་བྱིན་བརླབས་མཛོད། །གནང་བར་མཛད་པའི་དུས་ལགས་པས། །སྐྱོབ་པའི་སྐུ་མཆོག་ཐོབ་པར་
མཛོད། །ཤར་གྱི་སྒོ་ཕྱོགས་ཁྲུ་དོའི་རྒྱབ། །དབང་བསྟེན་དཀྱིལ་འཁོར་དབུས་ཀྱི་ཚད། །པདྨ་འདའ་བརྒྱད་སྒོ་དང་བཅས། །དམར་པོའི་འཚོན་གྱིས་ལེགས་བྱུགས་ཏེ། །སེང་གེའི་ཁྲི་བཤམས་པདྨོར་བཅས། །འཁོར་ལོ་སྒྱུར་རྒྱལ་ཚུལ་གྱིས་གཞག །
སྤྱི་བོར་གདུགས་མཛེས་རྒྱལ་མཚན་གཡས། །དུང་དང་ཟང་དུང་སིལ་སྙན་རྣམས། །རོལ་ཆ་མཚོན་ཆ་ཕྱོགས་མཚམས་དགོད། །རྒྱན་ཕྲེང་གོས་ཀྱིས་ལེགས་ཀླུབས་པ། །དྲི་ཆུ་སྔགས་བཅས་ཡུངས་ཀར་དང་། །ཀུ་ཤའི་ཆུ་ཡིས་དག་པར་བྱ། །ༀ་མ་ཧཱ་
བིན་ཏ་ཧ་ན་ཧ་ན་ཧཱུྃ་ཕཊ། །དེ་ནས་རིགས་ཀྱི་ལྷར་བསྐྱེད་དེ། །བཀྲ་ཤིས་དག་པའི་གླུ་བླངས་ཤིང་། །རོལ་མོ་རྒྱན་ཕྲེང་བཀོད་བྱས་ཏེ། །བུམ་པའི་ཆུ་ཡིས་དབང་བསྐུར་བྱ། །དེ་ཡི་ཕྱིར་ན་སྒྲིབ་ཚོགས་དང་། །བག་ཆགས་ཉོན་མོངས་གནས་དག་ནས། །
ལྷ་ཡི་ཆུ་རྒྱུན་དག་པའི་མཐུས། །ཡེ་ཤེས་ཕུང་པོ་དབང་ཕྱུག་མཆོག །ༀ་ལྷ་ཡི་ཆུ་ནི་དག་པའི་ཆུ། །རྡོ་རྗེ་གསང་གསུམ་གནས་ལས་བྱུང་། །བྱང་སེམས་ཆུ་ཡིས་ཚོགས་རྣམས་དག །དབང་བསྐུར་བ་ཡི་དོན་ཐོབ་མཛོད། །ཡོན་ཏན་རིན་ཆེན་རྣམ་
དག་མཆོག །རིགས་ལྔའི་སྐུ་རྒྱན་བྱས་པ་ཡི། །དབུ་རྒྱན་བཟང་པོའི་ཅོད་པན་བཅས། །ཀུན་འབྱུང་རིན་ཆེན་ཕུང་པོ་མཆོག །ཏྲྃ་ཡོན་ཏན་མ་བཅས་པ་ཡིས་རྒྱན། །རིགས་ཀྱི་དཀྱིལ་འཁོར་གསལ་བར་བྱེད། །ཁམས་གསུམ་ཆོས་ཀྱི་རྒྱལ་
104-1-95a


པོ་ཆེ། །མཚན་དང་དཔེ་བྱད་ཀུན་རྫོབ་ཀུན། །ཡེ་ནས་རྡོ་རྗེ་རྩེ་ལྔ་པ། །འོད་ཕྲེང་སྔགས་ཀྱིས་བརྒྱན་བྱས་པའི། །རྟོགས་བཅས་ཚོགས་རྣམས་ཀུན་ལས་རྒྱལ། །བདེ་གཤེགས་ཐུགས་རྗེ་རྩེ་གཅིག་པས། །ཁམས་གསུམ་
གནས་རྣམས་དོར་མི་མཛད། །བྱང་སེམས་རྡོ་རྗེ་རྩེ་ལྔ་པ། །རང་རིག་ཡེ་ཤེས་གནས་གསལ་བྱེད། །ཆོས་རྣམས་སྐྱེ་བ་མེད་པའི་དོན། །སྒྲ་བརྗོད་དངོས་པོ་བྲག་ཆ་བཞིན། །སྟོང་པའི་དྲིལ་བུ་གསུང་རང་བཞིན། །དེ་ལས་སྣ་ཚོགས་རྒྱ་
ཆེན་ཚོགས། །ཧྃ་ཆོས་ཀུན་རྒྱུན་ལས་རྣམ་གྲོལ་ཞིང་། །དེ་བཞིན་རྐྱེན་མེད་འབྲས་བུའི་ཚོགས། །རང་བཞིན་པདྨ་དག་པའི་དབྱིངས། །ངེས་པའི་ཐེག་པ་སྟོན་བྱེད་གསུང་། །ཀྱེ་ཧོ་རྡོ་རྗེ་ཆེ་གེ་མོ། །རིགས་ཀྱི་མཚན་གྱིས་དབང་བསྐུར་ཏེ། །
ཆོས་སྐུ་འོད་གསལ་བདེ་བ་ཆེ། །པདྨའི་སྒྲ་དབྱངས་མིང་དང་བཅས། །ༀ་ཕྱག་རྒྱ་ཆེན་པོ་གསང་བའི་གནས། །རྡོ་རྗེ་ལྟ་བུའི་ཏིང་འཛིན་གྱིས། །མི་མཐུན་ལ་སོགས་བཅོམ་བྱས་ཏེ། །རྣམ་པར་སྣང་མཛད་དེ་བཞིན་གཤེགས། །ༀ་བཛྲ་པདྨོ་
ཨ་བྷི་ཥིཉྩཱ་མི། ༀ་རཏྣ་མུ་ཀུ་ཊ་ཨ་བྷི་ཥིཉྩཱ་ཧཱུྃ། ༀ་ཨ་ཏི་པ་ཏི་ཏྲྃ་ཨ་བྷི་ཥིཉྩ་ཧྃ། ༀ་ན་མ་ཆེ་གེ་མོ་ཨ་བྷི་ཥིཉྩཱ་མི། སློབ་དཔོན་ལྷ་ལ་རབ་གུས་པས། །ཚོགས་བཅས་ཡོན་ཏན་བཟུང་བྱེད་ཅིང་། །རྡོ་རྗེ་དམ་ཚིག་པ་ཡི་སྤུན། །མིག་གི་འབྲས་བུ་
བཞིན་དུ་བསྐྱང་། །འདི་དག་ལ་གུས་དམོད་བྱེད་པ། །ཚེ་སྲོག་རྡོ་རྗེ་གཏུམ་པོས་འཕྲོག །སྔགས་རྣམས་དུས་སུ་བརྗོད་བྱ་ཞིང་། །ཕྱག་རྒྱ་རྒྱུན་དུ་བཅིང་བར་བྱ། །གསང་བའི་ཚིག་དང་མཚན་མའི་ཚོགས། །དུས་ཀུན་དག་ཏུ་སྦ་བྱས་ཏེ། །བདུད་རྩི་
ལྔ་པོ་ཤ་སོགས་རྣམས། །མཉམ་པར་ཤེས་པས་རྒྱུན་ཏུ་སྤྱད། །བྲོ་དྲུག་གླུ་དྲུག་སྟབས་པ་ཡི། །བརྟུལ་བཞུགས་གནས་སྐབས་དག་ཏུ་བྱ། །ཉོན་མོངས་ཆོས་ལྔ་འདོད་ཡོན་ལྔ། །དམ་ཚིག་ཉམས་པས་ཤེས་པར་སྤྱད། །རྡོ་རྗེ་དྲིལ་བུའི་
ཕྱག་རྒྱ་ཆེ། །གནས་གསུམ་བརྟུལ་ཞུགས་ལ་གནས་ཤིང་། །ལུང་བསྟན་རྗེས་གནང་དབུགས་འདོན་པའི། །ཆོ་ག་བཟང་པོ་སྤྱད་པར་བྱ། །དེ་ནི་རྡོ་རྗེ་སློབ་དཔོན་མཆོག །ཡོན་ཏན་བཟའ་བའི་གནས་ཐོབ་འགྱུར། །རྡོ་རྗེ་དྲིལ་བུའི་ཕྱག་རྒྱ་སྐུ། །
104-1-95b


ཡང་དག་སྔགས་ཀྱིས་བྱིན་བརླབས་ཏེ། །མ་འོངས་བཟུང་བའི་བློ་གནས་པས། །གསང་བའི་དམ་ཚིག་རྗེས་སུ་ཟུང་། །ༀ་སརྦ་ཏ་ཐཱ་ག་ཏ་སྭ་ར་པདྨ་ས་མ་ཡ་སྟྭྃ། ༀ་ད་དུ་ཤྲཱི་པདྨོ་གྷཱན་དྷ་ཨ། ༀ་མ་ཧཱ་པདྨོ་སྭཱ་ཧཱ་སརྦ་ཏ་ཐཱ་ག་ཏ་ཀཱ་ཡ་བཱ་ཀ་རྩི་ཏ་
ཧཱུྃ་ཕཊ། མཆོད་པ་བཀྲ་ཤིས་བཟང་ལ་ཀླགས། བརྟུལ་ཞུགས་མཆོག་ཏུ་གྱུར་པ་ཡིན། །བདག་དང་གཞན་གྱི་དོན་སྤྱོད་པའི། །དངོས་གྲུབ་ཐུན་མོང་ཆོ་གའི་ལས། །ཞི་རྒྱས་དབང་དང་དགུག་པ་དང་། །དབྱེ་རྨོངས་བསྐྲད་པའི་ཆོ་ག་དང་། །གསང་
པ་ལ་སོགས་ལས་རྣམས་ཀུན། །གསང་བའི་དཀྱིལ་འཁོར་འདི་ཡི་ཚུལ། །ཁྱོད་གྱིས་གང་འདོད་གྲུབ་པར་གྱིས། །དེ་ནས་རང་བཞིན་འོད་གསལ་བའི། །པདྨའི་དཀྱིལ་འཁོར་རབ་སྦྱོར་བས། །འཁོར་བའི་ཆོས་རྣམས་ཟིལ་གནོན་ཅིང་། །ཕྱོགས་
བཅུར་དམ་ཆོས་གསུང་སྒྲོགས་ཤིང་། །ཕ་རོལ་ཕྱིན་དྲུག་གནས་འཕགས་ཏེ། །སྒྲོ་འདོགས་ཐེ་ཙོམ་གཅོད་པར་བྱེད། །ལུང་བསྟན་བདེ་གཤེགས་སྲས་བཅས་ཀྱིས། །རིགས་མཆོག་མཛད་པ་བླ་ན་མེད། །རྒྱལ་བ་ཀུན་གྱིས་ལུང་བསྟན་མཛད། །
ཁམས་གསུམ་འཛིན་བཅས་ཀུན་ལས་གྲོལ། །འདོད་ཆགས་བྲལ་བ་ལྟ་བུའི་སྡིག །ཁམས་གསུམ་ཀུན་ན་གཞན་མེད་དེ། །དེས་ན་འདོད་ལ་ཆགས་བྲལ་བར། །ཁྱོད་ཀྱིས་ནམ་ཡང་མ་བྱེད་ཅིག །ༀ་མ་ཧཱ་ས་མ་ཡ་ཧཱུྃ་ཕཊ། གསང་སྔགས་རྒྱུན་
རྣམས་འཛིན་བྱ་དང་། །ལྷ་དང་སློབ་དཔོན་གཟུང་བར་བྱ། །འདི་ནི་སངས་རྒྱས་ཐམས་ཅད་ཀྱིས། །གསུང་གཅིག་སྒོ་ནས་གསུངས་པ་ཡིན། །འགྲོ་རྣམས་ཀུན་ལ་ཕན་པའི་བློས། །དཀྱིལ་འཁོར་ལ་སོགས་བརྩོན་པར་གྱིས། །དད་བརྩོན་ཤེས་རབ་བློ་ལྡན་
པས། །གང་འདོད་འབྲས་བུའི་ཚུལ་ལ་སྦྱོར། །མཆོག་ཏུ་གསང་བའི་གྲོང་ཁྱེར་འདིར། །གང་གིས་འདོད་དོན་གང་གཉེར་པ། །དེས་ནི་སྒྲིབ་སོགས་ཀུན་སྤངས་ཤིང་། །མཆོག་གནས་ཡེ་ཤེས་གསལ་བར་སྦྱོར། །བདེ་ཆེན་གསང་བའི་ཐེག་པ་
ཆེ། །ཚེ་འདི་བྱང་ཆུབ་འགྲུབ་པར་བྱེད། །ཉོན་མོངས་དགྲ་སོགས་ལས་གྲོལ་བའི། །བདེ་བ་ཆེན་པོའི་གནས་ཐོབ་པའོ། །དེ་ནས་ལྷ་དང་བཞུགས་གནས་པའི། །རྣམས་དག་དེ་ཉིད་བསྟན་བྱ་སྟེ། །མཆོད་སྦྱིན་གཏོར་ཚོགས་མགྲོན་གཉེར་ཅིང་། །
104-1-96a


བཀྲ་ཤིས་འགྲོ་བའི་ཚོགས་བསགས་བྱ། ། སླར་ཡང་སློབ་མ་བློ་ལྡན་པས། །ཡོན་མཆོག་བླ་མ་ལ་ཕུལ་ཏེ། །མཎྜལ་མཆོད་པའི་ཚོགས་རྣམས་ཀྱིས། །མཉེས་བྱས་གསོལ་བ་གདབ་པར་བྱ། །ཤེས་རབ་ཡན་ལག་ཕུན་སུམ་ཚོགས། །
བཅུ་དྲུག་ཡང་ན་ཉི་ཤུ་བཞི། །རྡོ་རྗེ་བླ་མ་ལ་ཕུལ་ཏེ། །བྱིན་གྱིས་བརླབས་པའི་ཆོ་ག་བྱ། །ཁྲུས་བྱས་དྲི་ཞིམ་རྒྱན་གྱིས་ཀླུབས། །སྣ་ཚོགས་སྔགས་དང་ཕྱག་རྒྱས་སྦྱང་། །རིགས་ཀྱི་ལྷ་དང་ལྡན་བྱས་པས། །དམ་ཚིག་བསྐུལ་བའི་བརྡས་མཚོན་ཏེ། །
གཉིས་མེད་ཡེ་ཤེས་སྙོམས་འཇུག་བྱ། །བྱང་ཆུབ་སེམས་ཀྱི་ཆུ་རྒྱུན་གྱིས། །རང་གི་དཀྱིལ་འཁོར་མཆོད་བྱས་པས། །སློབ་དཔོན་ཚོགས་ལ་དབང་ཡང་བསྐུར། །ཇི་ལྟར་རྒྱལ་བ་སྲས་མཆོག་གིས། །འཇུག་པ་པོ་རྣམས་ཚིམ་མཛད་པའི། །གཉིས་མེད་ཡེ་
ཤེས་གསང་བའི་དོན། །དབབ་པའི་ཕྱག་རྒྱ་ལས་བྱུང་བའི། །ཨ་ལ་ལ་ཧོ། ༀ་ཨཱ༔ ཧཱུྃ། ཨ་ཧོ་སུ་ཀ་རང་གི་གནས། །ཨ་ཧོ་ར་ཏི་ཚིམ་པར་མཛད། །དཀྱིལ་འཁོར་ཀུན་ལ་རང་བཞིན་གནས། །ཤེས་རབ་མཆོག་ལྡན་བྱིན་བརླབས་པ། །སློབ་
མའི་ལག་ཏུ་གཏད་པར་བྱ། །རང་བཞིན་བདེ་བའི་ཡེ་ཤེས་ཉིད། །ཟག་པ་མེད་པའི་དོན་གསལ་འགྱུར། །རྣམ་པར་རྟོག་མེད་པའི་སེམས་ཀྱིས་ནི། །རང་གི་དངོས་ཉིད་མཐོང་བར་འགྱུར། །ཨེ་མ་ཧོ་འགྲོ་བའི་གནས་འདི་དག །དེ་བཞིན་ཉིད་ལས་གཞན་དུ་
འཁྲུལ། །དེ་དག་བདེ་ཆེན་ཡེ་ཤེས་པས། །གཞན་དུ་འགྱུར་བ་ཅི་ཡང་མེད། །ཡེ་ཤེས་འདི་ནི་ཤིན་དུ་འཕྲ། །རྡོ་རྗེ་སྙིང་པོ་མཁའ་འདྲ་ཞིང་། །རྡུལ་བྲལ་ཐར་པ་ཞི་བའི་ཆོས། །རང་གི་རང་བཞིན་དེ་ཉིད་དོ། །ད་ནི་སྦྱིན་སྲེགས་གསང་བའི་དོན། །ཁྱེད་རྣམས་
ཀུན་ལ་ཕྱིར་བཤད་དེ། །དཀྱིལ་འཁོར་ཆེན་པོ་ཕྱོགས་བཞིའམ། །གཞན་ཡང་གནས་གཞན་གང་འཐད་པར། །ཞི་རྒྱས་དབང་དང་མངོན་སྤྱོད་དང་། །ལས་ཀུན་པ་ཡི་ཐབ་ཁུང་བརྩམ། །ཟླུམ་པོ་ཁྲུ་གང་ཟླ་ཁམ་དང་། །གྲུ་གསུམ་སྣ་ཚོགས་དབྱིབས་
ཅན་ནོ། །དེ་དག་དཀར་སེར་དམར་དང་ནག །སྣ་བཞི་ཀུན་གྱིས་མཚོན་པའོ། །རྡོ་རྗེ་འཁོར་ལོ་པདྨའི་རྒྱན། །སྣ་ཚོགས་རྡོ་རྗེ་མཚོན་ཆ་ཅན། །ཁྲུ་གང་བཞི་དང་གཉིས་མེད་དང་། །ཁྲུ་གསུམ་དེ་ཡི་ཞབས་སུ་ཕྱེད། །བུད་ཤིང་ཡམ་ཤིང་སོ་སོ་ཡི། །
104-1-96b


མཚན་ཉིད་ལོ་འབྲས་ཁ་དོག་རོ། །རྩེ་མོ་ཆ་ལས་སོར་བཞི་དང་། །སོར་བརྒྱད་བཅུ་དྲུག་ཉི་ཤུའི་ཚད། །སྦམས་པའི་སོ་སོའི་མར་གྱིས་བྱུག །རིམ་བཞིན་རྩ་བ་བུད་ཁང་ནི། །ཟླུམ་དང་གྲུ་བཞི་ཟླ་གམ་དང་། །གྲུ་གསུམ་ཚུལ་དུ་བརྩིག་པར་བྱ། །
ལྷ་རྣམས་ཀུན་གྱི་ཁང་པ་ཉིད། །མེ་ཡི་གནས་སུ་གཞག་བྱས་ཏེ། །སོ་སོའི་ལས་དང་མཐུན་པ་སྟེ། །ཨག་ནེ་ར་རྩ་བོད་པར་བྱ། །གཡས་པ་མི་འཇིགས་ཕྱག་རྒྱས་གཡབ། །གཡོན་པ་བགྲང་ཕྲེང་བཟུང་བར་བྱ། །ༀ་ཨེ་ཧྱེ་ཧི་ཨག་ན་ཡེ་མ་ཧཱ་བ་བ་ཧི་
སྭཱ་ཧཱ། ། ཁྲོ་བོ་རྒྱལ་པོས་གསུང་བྱ་སྟེ། །མེ་ལྷའི་གདན་མཆོད་པདྨ་དབུལ། །དེ་རྗེས་མཆོད་པ་རྣམ་ལྔ་དང་། །སྲེག་རྫས་མ་ལུས་དབུལ་བྱས་ནས། །ལྷ་རྣམས་མཆོད་པའི་ཕྱག་བརྩད་དུ། །བསྟོད་ཅིང་གསོལ་བ་གདབ་པར་བྱ། །གཡས་གཡོན་དགང་
གཟར་བླུགས་གཟར་གྱིས། །ཁུ་བཅུད་འཛག་པའི་རྣམ་གྲངས་དབུལ། །ༀ་མ་ཧཱ་ཨ་ན་ལ་མ་ཧཱ་བྷུ་ཏཱ་བཛྲ་ལ་བསྨི་ཀུ་རུ་ཧཱུྃ་སརྦྦ་དུཥྚ་ཎ་ཧཱུྃ་ཕཊ། མེ་ལྷ་མཆོད་པའོ། །ༀ་མ་ཧཱ་ཀུ་རུ་པཉྩ་ཧཱུྃ། དགང་ལུགས་དབུལ་བའི་སྔགས་སོ། །ༀ་སརྦ་བ་དྷ་ཧ་ན་བཛྲ་
སྭཱ་ཧཱ། ། ཏིལ་གྱིའོ། །ༀ་བཛྲ་པུཥྤེ་ཧཱུྃ། མེ་ཏོག་གིའོ། །ༀ་སརྦ་ཨགྣ་ཡེ་ཧཱུྃ་སྭཱ་ཧཱ། ཡམ་ཤིང་ངོ་། །ༀ་བཛྲ་པཱུ་ཛ་མེ་གྷ་ག་ལོ་ཀེ་ཤྭ་ར་ཧཱུྃ།  འཇིག་རྟེན་དབང་ཕྱུག་བྱ་བའི་མཆོད་པའོ། །ༀ་དྷུ་པེ་རྟི་པ་པུ་ཤ་གྷན་དྷེ་སྦྱར་བའི་མཆོད་པ་རྣམསོ། །
ༀ་ཨ་པྲ་ཏི་བཛྲཱ་ཡ་སྭཱ་ཧཱ། །ཀུ་ཤའིའོ། །ༀ་བཛྲ་ཨཱ་ཡུ་ཤེ་སྭཱ་ཧཱ། །དུར་བའིའོ། །གཞན་ཡང་རྫས་རྣམས་གང་ཚོགས་པ། །རང་མིང་ཡི་གེ་གསུམ་སྔགས་དབུལ། །དེ་ནས་དཀྱིལ་འཁོར་ཀུན་མཆོད་ཅིང་། །འདོད་པའི་དོན་ལ་གསོལ་བ་
གདབ། །སྡིག་བཤགས་བག་ཆགས་ཀུན་བྱས་པས། །ལྷ་ཡི་དངོས་གྲུབ་ཐོབ་པར་འགྱུར། །ཐ་མ་མེ་ལྷ་མཆོད་བྱས་ནས། །ཕྲིན་ལས་སོ་སོའི་སྔགས་བརྗོད་ཅིང་། །ༀ་བཛྲ་ན་མ་སརྦ་ཏ་ཐཱ་ག་ཏ་ཧྲི་དྷ་ཡ་མ་ཀུ་རུ་ཧཱུཾ། །ལྷ་རྣམས་གཤེགས་སུ་
གསོལ་ཞིང་། དམ་ཚིགས་ལྷ་ལ་བསྡུ་བར་བྱ། །དེ་ནས་རབ་གནས་བཟང་པོ་ནི། །འགྲོ་ལ་ཕན་ཕྱིར་བཤད་པར་བྱ། །ས་ཕྱོགས་ཉམས་དགའ་མཛེས་པ་རུ། །གཟུགས་བརྙན་དཀྱིལ་འཁོར་ལེགས་བྱས་ཏེ། །མཆོད་རྫས་རྫས་ཀྱིས་མཉེས་
104-1-97a


བྱས་ནས། །སློབ་དཔོན་ཆས་སུ་གཞུགས་པར་བྱ། །དཀྱིལ་འཁོར་གསལ་བར་བསྒྲུབས་བྱས་ནས། །རྟེན་ཚོགས་སྦྱང་བའི་ཆོ་ག་བྱ། །ཇི་ལྟར་རྫོགས་པའི་སངས་རྒྱས་ཀུན། །དགའ་ལྡན་གནས་ནས་གཤེགས་མཛད་དེ། །ལྷ་མོ་རྒྱུ་
མའི་ལྷུམས་བཞུགས་ནས། །དེ་བཞིན་འདིར་ཡང་བཞུགས་སུ་གསོལ། །དཀོན་མཆོག་གནས་འདིར་བཞུགས་ནས་ཀྱང་། །མེ་ཏོག་ལ་སོགས་མཆོད་བཞེས་ལ། །འདི་དོན་བཟུང་བར་བྱ་བ་དང་། །བྱང་ཆུབ་སེམས་མཆོག་སྤེལ་བར་
མཛོད། །ནང་པར་རབ་གནས་བགྱིད་པར་འཚལ། །སློབ་མ་རྣམས་ལ་བརྩེ་བ་དང་། །ཁྱེད་རྣམས་ལ་ཡང་མཆོད་པའི་ཕྱིར། །བཅོམ་ལྡན་བདག་ནི་གྲུབ་པ་ལ། །བཀའ་དྲིན་ཆོ་ག་མཛད་པར་འོས། །དེ་ནས་གནས་རྣམས་ཀུན་སྦྱངས་ནས། །འགྲོ་དྲུག་གནས་
ཀུན་སྒྲོལ་བྱེད་པ། །ཐམས་ཅད་དུས་འདིར་དགོངས་སུ་གསོལ། །བྱང་ཆུབ་སེམས་དཔའ་དགྲ་བཅོམ་དང་། །གསང་བའི་སྔགས་ལྡན་ལྷ་རྣམས་ཀུན། །འཇིག་རྟེན་མཆོད་པའི་དོན་ཕྱིར་རོ། །རབ་གནས་བཟང་པོར་འོས་པ་ལགས། །དེ་ནས་གནས་རྣམས་ཀུན་
སྦྱངས་ནས། །བྱིན་གྱིས་བརླབས་པ་རྫོགས་བྱས་ཏེ། །རང་གི་དཀྱིལ་འཁོར་ཇི་ལྟ་བར། །དབང་བསྐུར་ཆོ་ག་རྫོགས་བྱས་ནས། །སྦྱིན་སྲེག་གཏོར་མ་ལ་སོགས་གཏང་ཞེས་གསུངས་སོ། །དེ་བཞིན་གཤེགས་པ་ཐམས་ཅད་ཀྱི་དགོངས་པ་བླ་ན་མེད་པའི་གསང་བ་
དཔལ་རྟ་མཆོག་རོལ་པའི་རྒྱུད་ཆེན་པོ་ལས་ལམ་ཁྱད་པར་དུ་འཕགས་པའི་ལེའུ་བརྒྱད་པའོ།། །། དེ་ལྟར་དེ་བཞིན་གཤེགས་པའི་མཐུས་ཐམས་ཅད་འདུལ་བར་མཛད་པ་དེའི་ཚེ།  བདུད་ཀྱི་རྒྱལ་པོ་ཤིན་ཏུ་མྱ་ངན་སྐྱེས་ཏེ། ཀྱེ་མའོ་ཧོ་སངས་
རྒྱས་འདིར་ནི་བདག་གི་གནས་ལ་སོགས་པ་བཅོམ་ཞིང་རླག་པར་བྱེད་ན་ཐབས་ཇི་ལྟ་བུས་གདུལ་བར་བྱ། འོན་ཀྱང་འདི་ཉིད་ལ་ནི་བདག་ཅི་ཡང་བྱ་བའི་གནས་མེད། ཤིན་ཏུ་དམན་པར་གྱུར་པ་དག་དང་མཚུངས་པར་འགྲན་ནམ། དེ་བཞིན་དུ་འཇིག་རྟེན་གསུམ་
ལ་འདི་དག་ནི། སྲིད་པ་མི་སྲེག་བརླག་པར་བྱ་བའི་ཕྲིན་ལས་ཡིན་པས། ཐམས་ཅད་ལ་བཀའ་བསྒོ་ཞིང་། ལས་ངན་པ་འདེ་དག་ལ་བཟློག་པར་བྱའོ་ཞེས་བསམ་མོ། །དེ་ནས་འཇིག་རྟེན་གསུམ་གྱི་གནས་ན་མཐུ་ཆེ་བ་དང་། དབང་དང་གཟི་བརྗིད་ཐམས་ཅད་འདུས་
104-1-97b


ནས་ཀྱེ་ཁྱེད་རྣམས་བདག་ལ་ཉོན་ཅིག །འཇིག་རྟེན་གྱི་ཁམས་འདི་དག་ནི། རྒྱལ་པོ་གཅིག་གི་དབང་དུ་མ་གནས་ན། ཐམས་ཅད་སྲིད་པ་འཇིག་པར་འགྱུར་རོ། །དེས་ན་ཕྱོགས་ཐམས་ཅད་འཁོར་དང་བཅས་པ་འདུས་ལ། བདག་གི་བཀའ་
ཉན་པར་མཛོད་ཅིག་ཅེས་བསྒྲགས་སོ། །དེའི་ཚེ་འཇིག་རྟེན་གྱི་དྲག་བྱེ་ཆེན་པོའི་ཚོགས་ཀྱིས་རང་རང་གི་རྫུ་འཕྲུལ་བསྟན་ཅིང་སྨྲས་པ།  ཁྱེད་ཇི་ལྟ་བུའི་ང་རྒྱལ་ཅན་ཅིག་ཡིན། ངེད་རྣམས་རེ་རེས་ཀྱང་འཁོར་དཔག་ཏུ་མེད་པ་སྐྱོང་བའི་རྒྱལ་པོ་ཆེན་
པོ་ཡིན་པས། ཡུལ་འཁོར་གྲངས་མེད་པ་ལ་དབང་བྱེད་ཅིང་། གཞན་གྱི་རེ་གནས་དམ་པར་གྱུར་པ་ལགས་པས། ཁྱོད་རང་ཞི་བ་ལ་གནས་ན་ལེགས་སོ་ཞེས་འཐུན་པར་བརྗོད་པར་བདུད་གྱི་རྒྱལ་པོ་ཡང་ཤིན་ཏུ་ཉོན་མོངས་པས་རྒྱས་ཏེ་གཞན་དག་ལ་སྨྲས་པ། 
ལྷར་བཅས་འཇིག་རྟེན་འདི་དག་ཀུན། །ང་ཡི་བཀའ་ལས་གནས་པ་ཡིན། །སྐྱེ་འགྲོ་མ་ལུས་གང་དག་ཀུན། །རྒྱལ་པོའི་བཀའ་གསང་ཉན་པར་གྱིས། །ཁམས་གསུམ་བདག་པོ་ལྷའི་ལྷ། །ས་རྣམས་ཀུན་གྱི་ས་སྟེང་པ། །བདག་ནི་མཐུ་དང་རྫུ་འཕྲུལ་
ཚད། །ཀུན་གྱིས་དྲན་པར་ནུས་པ་ཡིན། །ང་ཡི་བཀའ་ལས་འདའ་བྱེད་ན། །སྲོག་སྲིད་བརླག་ཅིང་གནས་ཀྱང་འཐོར་ཞེས་བརྗོད་དོ། །དེ་ནས་ཚངས་པའི་རྒྱལ་པོས། རང་གི་འཁོར་དཔག་ཏུ་མེད་པ་བསྡུས་ཏེ། དེ་དག་གི་དབུས་ནས་སྲིན་པོ་ཆེན་
པོའི་གཟུགས་འཛིན་པའི་ཁྲོ་བོར་གནས་ནས། རང་གི་མཐུ་ལས་སྤྲུལ་པའི་ཁྲོ་བོ་དང་། མཚོན་ཆའི་ཚོགས་སྤྲོ་བར་མཛད་དོ། །དེ་བཞིན་དུ་ཁྱབ་འཇུག་དང་། དབང་ཕྱུག་ཆེན་པོ་དང་། བརྒྱ་བྱིན་དང་།  ཚོགས་ཀྱི་བདག་པོ་དང་། འབྲིང་གི་རི་ཏི་
དང་། གཞོན་ནུ་གདོང་དྲུག་པ་རྣམས་ཀྱིས་ཀྱང་རང་རང་གི་འཁོར་དཔག་ཏུ་མེད་པ་བསྡུས་ཏེ། དེ་དག་གི་དབུས་ན་འགྱིང་ཞིང་སྤྲུལ་པ་བསམ་གྱིས་མི་ཁྱབ་པར་སྤྲོས་ཏེ། དབང་དང་རྫུ་འཕྲུལ་སྟོན་ཏོ། །རི་རབ་གྱི་ཁ་ཁྱེར་ལ་གནས་པའི་རྒྱལ་པོ་ཆེན་
པོ་བཞིས་ཀྱང་རང་རང་གི་འཁོར་གྱི་དབུས་ན་འགྱིང་ཞིང་མཐུ་དང་རྫུ་འཕྲུལ་སྟོན་པར་མཛད་དོ། །གསེར་གྱི་རི་ལ་གནས་པའི་ཕྱོགས་སྐྱོང་བརྒྱ་བྱིན་དང་། དབང་ལྡན་དང་། གཤིན་རྗེ་དང་། བདེན་བྲལ་དང་། ཆུ་ལྷ་དང་། གནོད་སྦྱིན་དང་། ཉི་མ་དང་། 
104-1-98a


སའི་ལྷ་རྣམས་ཀྱིས་ཀྱང་རང་རང་གི་གནས་དང་བཅས་པར་འཇིག་པའི་མཚོན་ཆ་དང་བཅས་པར་འཁོད་དོ། །ཟླ་བ་དང་། མིག་དམར་དང་། ཕུར་བུ་དང་། སྤ་བ་སངས་དང་། སྤེན་པ་དང་། གཟའ་ཆེན་པོ་རྣམས་ཀྱིས་ཀྱང་རང་རང་གི་
འཁོར་དང་བཅས་པས་འཇིགས་པའི་ཁྲོ་བོའི་ཚོགས་དང་། མཚོན་ཆར་བཅས་པས་འཁོད་དོ། །མཐའ་ཡས་དང་། འཇོག་པོ་དང་། སྟོབས་ཀྱི་རྒྱུ་དང་། རིགས་ལྡན་དང་། ནོར་རྒྱས་དང་། དུང་སྐྱོང་དང་། པད་མ་དང་། ཆུ་ལྷ་རྣམས་ཀྱིས་རང་རང་གི་གཡོག་
འཁོར་རྣམས་དང་། འཇིག་པའི་སྤྲུལ་པས་འཁོད་དོ། །དེ་བཞིན་དུ་ཁམས་གསུམ་གྱི་དྲེགས་བྱེད་ཀྱི་ཚོགས་གནས་པའི་གནོད་སྦྱིན་དང་། དྲི་ཟ་དང་། གྲུལ་བུམ་དང་། འགྲོ་བ་དྲུག་གཙོ་བོ་དབང་ཆེ་ཞིང་མཐུ་ཡོད་པ་རྣམས་དང་། མ་མོ་རྣམས་དང་། གཤིན་རྗེ་དང་། 
ལྷ་མ་ཡིན་རྣམས་དང་། འདབ་བཟངས་དང་། སྲིན་པོ་དང་། ནམ་མཁའ་ལྡིང་དང་། རྒྱུ་སྐར་གྱི་ཚོགས་སུ་བཅས་པ་རྣམས་ཀྱིས་ཀྱང་རང་རང་གི་འཁོར་གྱི་དཀྱིལ་འཁོར་གྱི་དབུས་ན་འཇིགས་པའི་གཟུགས་ཀྱི་མཚོན་ཆ་དང་ང་རོ་དང་བཅས་པས་རྣམ་པར་འཕྲུལ་ཞིང་འཁོད་དོ། །དེ་ནས་
བདུད་ཀྱི་རྒྱལ་པོ་ཡང་ཉོན་མོངས་པ་སྐྱེས་ཏེ། རང་གི་འཁོར་རྣམས་འདུ་བར་མཛད་ཅིང་རྫུ་འཕྲུལ་གྱི་ནུས་པ་ཅི་ཡོད་པ་དུས་འདི་དག་ཅིག་ཏུ་སྟོན་ནས། མཚོན་ཆ་སྣ་ཚོགས་འབར་བའི་གཞལ་ཡས་ཁང་ནས་དྲག་པོ་འབར་བར་འཇིགས་པའི་སྐུར་སྟོན་ཏོ། །ཁྲོ་
མོའི་ཚོགས་དང་རོལ་པ་མཛད་པ་ལགས། འཁོར་བའི་ཚོགས་མཚོན་ཆ་མེ་འོད་བཅས་པ་ཕྱོགས་བཅུར་སྤྲོས་ཏེ་ནམ་མཁའ་ཐམས་ཅད་གང་བར་བྱས་ནས་ཐོག་སེར་ནད་དང་ཚུབ་མ་ཐམས་ཅད་སྐྱེས་སོ། །དེས་འཇིག་རྟེན་གྱི་ལྷ་ཀུན་མྱོས་ཤིང་རྨོངས་པར་གྱུར་
པ་དང་། འཇིག་པའི་ཚོགས་ཀྱི་ས་ཕྱོགས་ཐམས་ཅད་ནས། འཁོར་བའི་མེ་འོད་འབར་བའི་མཚོན་ཆས་བསད་ཅིང་གཏུབས་པ་ལས། སོ་སོའི་ཚོགས་བྲེད་པར་གྱུར་ཏེ། རང་གི་སྙིང་པོ་ཕུལ་ཞིང་སྐྱབས་སུ་གསོལ་ལོ། །དེ་ནས་ལྷ་ཐམས་ཅད་འདུ་བར་བྱེད་པའི་
བདུད་ཀྱི་སྡེ་དེ་དག་ལ་མནས་དོར་ཞིང་དམ་ཚིག་བྱིན་ཏེ་སོ་སོའི་སྙིང་པོ་བླངས་ཏེ། འཁོར་ཚོགས་ཐམས་ཅད་རྗེ་དཔོན་དང་བྲལ་ཏེ། ལྷ་ཆེན་པོ་བརྒྱད་ནི་རང་གི་རྩེ་ལ་འཁོད་དོ། །རྒྱལ་པོ་ཆེན་པོ་བཞི་ནི་ཤར་གྱི་གླིང་ལ་འཁོད་དོ། །གནོད་སྦྱིན་དང་། 
104-1-98b


ཕྱོགས་སྐྱོང་དག་ནི་ཤར་གྱི་གླིང་ཕྲན་གཉིས་སུ་འཁོད་དོ། །འགྲོ་བ་རིག་དྲུག་གི་སེམས་ཅན་རྣམས་ནི་ལྷོར་དཀོད་དོ། །དྲི་ཟ་དང་མ་མོ་རྣམས་ནི་ལྷོའི་གླིང་ཕྲན་ལ་དགོད་དོ། །ལྷ་མ་ཡིན་རྣམས་ནི་ནུབ་ཏུ་དགོད་དོ། །གཤིན་རྗེ་དང་འདབ་བཟངས་དང་སྲིན་
པོ་རྣམས་ནི་ནུབ་ཀྱི་གླིང་གི་གླིང་ཕྲན་གཉིས་ལ་དགོད་དོ། །གཟའ་དང་རྒྱུ་སྐར་རྣམས་ནི་བྱང་དུ་དགོད་དོ། །དེ་བཞིན་གཤེགས་པ་ཐམས་ཅད་ཀྱི་དགོངས་པ་གསང་བ་བླ་ན་མེད་པ་ལས་བདུད་ཀྱི་སྤྲུལ་པ་བསྟན་པའོ།། །།དེ་ནས་
བདུད་ཀྱི་རྒྱལ་པོ་དེ་ཉིད་ཤིན་ཏུ་དགའ་ཞིང་འཁོར་ཐམས་ཅད་ལ་བཀའ་བསྒོ། རྒྱལ་པོ་གཅིག་གི་འཁོར་དུ་གནས་པས་ནི། ཡིད་དང་འཐུན་པར་སྤྱོད་པས་གནས་པ་ཡིན་པས། ཁྱེད་རྣམས་ཀྱིས་ཀྱང་ངས་ཅི་ལྟར་བསྒོ་བའི་བཀའ་བཞིན་
ཉོན་ལ། ཐར་པའི་ལམ་འདི་ཆོད་ལ། སྟོན་པ་གཞན་ལ་གུས་པར་མ་བྱེད་ཅིག །ཁོ་བོའི་འཇིག་རྟེན་སྟོངས་པར་འོང་ངོ་། །བསམ་པ་རྒྱ་ཆེན་པོ་མེད་པའི་འགྲོ་བ་འདི་དག་ནི། གཏི་མུག་ཅན་གྱི་རང་བཞིན་ཏེ། བྱོལ་སོང་ལྟ་བུ་ཡིན་པས། 
བདེ་ལེགས་ཀྱི་གནས་ཐོབ་པའི་དོན་མེད་པ་ཡིན་ནོ། །ཡང་ཚིགས་སུ་བཅད་དེ་སྨྲས་པ། ཀྱེ་འདུ་ཤེས་མེད་པའི་འགྲོ་བ་དག །རང་གི་བདེ་བ་སྤོང་བྱེད་ཅིང་། །ཐར་པའི་ལམ་གཞན་སྒྲུབས་བྱེད་པ། །དེ་དག་འཁྲུལ་པས་རང་རྒྱུད་བརླག །ཉེས་
འདོད་བདེ་ལེགས་སྤོང་བྱེད་པ། །རྨོངས་པས་འགྲོ་རྣམས་སྙིང་རེ་རྗེ། །རེ་ཤིག་ཐུགས་རྗེ་སྐལ་ལྡན་པས། །བདག་གི་འཁོར་དུ་འདུས་པ་ཡིན། །གནས་གཞན་གོང་མ་ཐོབ་འདོད་པས། །བདག་ལ་དད་སེམས་གུས་པར་གྱིས་ཤིག་ཅེས་བསྒོའོ། །དེ་དག་
གིས་ཀྱང་དེ་ལྟར་ཉན་ཏེ། རང་རང་གི་གནས་ཤོར་ཞིང་མྱ་ངན་གྱི་སེམས་སྐྱེས་ཀྱང་ཅི་ལྟར་བྱ་བའི་ཐབས་མེད་དེ། དེ་ལྟར་འཁོད་ཅིང་གནས་སོ། །དེ་ནས་བདུད་ཀྱི་རྒྱལ་པོ་རང་གི་གནས་སུ་སོང་སྟེ། འཁོར་དང་བཅས་པ་རྣམས་དགའ་བའི་ལོངས་
སྤྱོད་འདོད་པའི་ཡོན་ཏན་ལ་སྤྱོད་ཅིང་། དགྱེས་པའི་གླུ་གར་དང་རོལ་མོ་ལ་སྤྱོད་དོ། །ཇི་ལྟར་ཁམས་གསུམ་ཀུན་གྱི་བདག་པོ་འདི་དག་ཡིན་པས། འདི་ལས་ལྷག་པའི་བསྒྲུབ་བྱ་ནི། གཞན་དག་ཡོད་པར་བདག་གིས་མ་མཐོང་ངོ་། །ད་སངས་རྒྱས་
104-1-99a


རྒྱས་ཀྱི་ཚོགས་དང་བྱང་ཆུབ་སེམས་དཔའ་དག་ཀྱང་བདག་གི་དབང་དུ་བསྡུ་ན་ཐབས་ཅི་ལྟར་བརྩམ་ཞིང་། རང་གི་འཁོར་དག་ལ་ཡང་འདྲི་བར་བྱེད་དོ། །དེ་ནས་བདུད་ཀྱི་གྲོང་ཁྱེར་ཀུན་ལ་བསྒོ་སྟེ།  སངས་རྒྱས་ཀྱི་འཁོར་རྣམས་ལ་མི་དགེ་བའི་
བལྟས་དང་མཚན་མ་ངན་པའི་ཆོ་འཕྲུལ་སྣ་ཚོགས་ཀྱི་བསྒྲུབ་པ་ཐམས་ཅད་དུ་རབ་ཏུ་འཆད་ཅིང་། ཅི་འདོད་པ་རྣམས་ལ་གྲུབ་པར་བྱ་ན་བདག་ཅག་ལ་མོས་པ་བྱེད་དོ། །དེའི་རྗེས་ལ་དེ་དག་གི་གཙོ་བོ་རྣམས་བདག་གི་འཁོར་དུ་འདུས་པའི་ཚེ་ཐབས་སྣ་
ཚོགས་ཀྱི་སྒོ་ནས་གདུལ་བར་བྱའོ། །གལ་ཏེ་འོངས་པར་མ་ནུས་པ་བདག་ནི་ཁོ་རང་གི་གནས་དེ་ཉིད་དང་བཅས་པ་གཞོམ་པར་བྱའོ་ཞེས་བརྗོད་དོ། །དེའི་སྟོང་གསུམ་གཡོ་བར་བྱེད་པའི་ཚོགས་ཀྱི་ཁྲོ་བོའི་མཚོན་ཆའི་ཚོགས་དང་བཅས་པ་སྤྲུལ་ནས་
དཀར་པོའི་རིགས་ལ་དགའ་བའི་འགྲོ་བ་རྣམས་མ་ལུས་བཅོམ་ཞིང་། ས་ལ་གནས་པའི་བྱང་ཆུབ་སེམས་དཔའ་རྣམས་ཀྱང་བརླག་པར་བཤམས་པ་ལས། བདེན་པའི་མཐུ་གང་ལ་གནོད་པར་མ་གྱུར་ཏོ། །དེ་ནས་རབ་ཏུ་ཁྲོས་ཏེ། བདག་
གི་ཁམས་གསུམ་འདི་དུས་གཅིག་ཏུ་གདུལ་བར་བྱ་སྤྱོད་པ་ལ། ངན་པའི་ཚུལ་ཅན་གཡོ་རྒྱུ་དང་བཅས་པ་འདི་དག་མི་འདུལ་ལམ། དེ་རང་གི་སྡེ་ཚན་འོག་མ་ལ་གནས་པ་ཀུན་བསྐུལ་ཏེ། ཐར་པའི་ལམ་ལ་གནས་པ་འདི་དག་རིགས་ཀྱི་
གདུལ་བར་བྱའོ་ཞེས་བརྗོད་དོ། །དེ་ནས་ཚངས་པ་ལ་སོགས་པ་བསྒོ་བར་མཛད་པ་དང་། དེ་དག་གིས་ཀྱང་རང་རང་གི་སྤྲུལ་པ་དང་། མཚོན་ཆ་རྣམས་ཕྱོགས་ཀུན་ཏུ་སྤྲོ་ཞིང་། རང་གི་གསང་སྔགས་དྲག་པོའི་ཚོགས་དག་ཀྱང་བརྗོད་པར་
བྱེད་དོ། །དེས་འཇིག་རྟེན་འཁྲུགས་ཤིང་གཡོས་ནས་ཐམས་ཅད་བྲེད་པར་གྱུར་ཏོ། །བླ་ན་མེད་པའི་གསང་བ་དཔལ་རྟ་མཆོག་རོལ་པའི་རྒྱུད་ལས། བདུད་ཀྱི་སྡེ་དང་བཅས་པ་ཤུགས་འབྱུང་བའི་ལེའུ་སྟེ་དགུ་པའོ།། །། དེ་ནས་
བཅོམ་ལྡན་བདེ་ཆེན་མཆོག །སངས་རྒྱས་ཀུན་གྱི་བདག་ཉིད་ཀྱིས། །སྟོང་གསུམ་སོ་སོར་འདུལ་མཛད་ཕྱིར། །རྣམ་འཕྲུལ་ཏིང་འཛིན་གནས་ལ་བཞུགས། །དེ་བཞིན་ཉིད་ལས་མ་གཡོས་ཀྱང་། །ཐུགས་རྗེ་ཆེ་དང་སྨོན་ལམ་མཐུས། །སོ་སོའི་
104-1-99b


ལས་རྟོག་འཐུན་བཞིན་དུ། །སྣ་ཚོགས་རྟོག་པའི་ཚུལ་མ་སྟོན། །འདོད་ཆགས་ལ་ཞེན་སྨོན་པ་དག །ཆགས་པ་ཆེན་པོས་འདུལ་བར་མཛད། །དེ་བཞིན་ཞེ་སྡང་གཏི་མུག་དང་། །ང་རྒྱལ་ཕྲོག་དོག་འདུལ་དོན་དུ། །འཐུན་བྱས་སྣང་
བ་སྣ་ཚོགས་དང་། །མི་མཐུན་སྒོ་ནས་འདུལ་བར་མཛད། །པད་མོ་བདེ་གཤེགས་རྡོ་རྗེ་དོན། །རིན་ཆེན་རིན་ཆེན་ལས་སྣ་ཚོགས། །ཕྱག་རྒྱ་ཆེ་སོགས་འཁོར་ལོ་སྒྱུར། །ཇི་ལྟ་བ་བཞིན་དག་པར་མཛོད། །ཐབས་ཆེན་རྣམ་
དག་པད་མོའི་དོན། །ཤེས་རབ་སྤྲུལ་པའི་མཆོག་འགྱུར་པས། །གར་གྱི་དབང་ཕྱུག་བདེ་བ་ཆེ། །རྡོ་རྗེ་ལྟ་ཉིད་སྤྲུལ་པར་མཛད། །གཞན་ཡང་མཛད་པ་རྒྱ་ཆེན་པོ། །སྣ་ཚོགས་མཐུ་ཡིས་འདུལ་མཛད་དེ། །དག་པའི་འགྲོ་
བ་འཐུན་བྱས་སྐུ། །གསེར་འོད་མཚན་དང་དཔེ་བྱད་ལྡན། །གོ་བྱེད་ཐེག་པ་བླ་ན་མེད། །ཟབ་མོ་གསང་སྔགས་ཇི་བཞིན་པར། །རྒྱལ་བ་བདེ་གཤེགས་ཕྱག་རྒྱའི་སྐུ། །རབ་སྤྲུལ་དཀྱིལ་འཁོར་སྣ་ཚོགས་པའི། །ལ་ལས་བྱང་སེམས་རྒྱ་
ཆེན་མཆོག །ལ་ལར་ལམ་ལྔ་དག་པར་སྦྱོར། །ལ་ལར་ཕ་རོལ་ཕྱིན་བཅུ་རྫོགས། །ལ་ལར་འབྲས་བུའི་དོན་ལ་སྦྱོར། །ལ་ལར་དགའ་ལྡན་ལྷ་ཡུལ་འཕགས། །ལྷུམས་སུ་ཞུགས་དང་བལྟམ་པ་དང་། །འཇིག་རྟེན་སྤྱོད་འཐུན་རོལ་རྩེད་
སོགས། །གཞན་གྱི་སྐུར་སྤངས་བྱ་བ་རྣམས། །བཅས་ཀའི་ཅན་གྱི་བསམ་འཕྲུལ་བ། །འཐུན་འཇུག་ཐབས་ཀྱི་བྱ་བ་མཆོག །དཀའ་ཐུབ་མཛད་དང་དགའ་བ་སྤྱོད། །རྡོ་རྗེ་གདན་ལ་ཡང་སངས་རྒྱས། །བདུད་འདུལ་མངོན་རྫོགས་སངས་
རྒྱས་ཤིང་། །རྩེ་གཅིག་ཏིང་འཛིན་བསྐུལ་ནས་བཞུགས། །ཆོ་འཕྲུལ་མཛད་པ་ཀུན་འདུལ་ཞིང་། །ཆོས་ཀྱི་འཁོར་ལོ་རིམས་བཞིན་བསྐོར། །མྱ་ངན་འདའ་ཚུལ་རིང་སྲེལ་སྟོན། །ཞི་ཚོགས་ཁྲོ་བོར་འཁྱིལ་པ་དང་། །རང་བྱུང་དུད་འགྲོའི་
གཟུགས་སྣ་ཚོགས། །སྣོད་ཀྱི་འཇིག་རྟེན་ཀུན་མཐུ་སྐུ། །ཚངས་པ་ཁྱབ་འཇུག་འཇིག་རྟེན་སྐྱོང་། །བདུད་དང་སྲིན་པོ་གཟུགས་སོགས་ཀྱིས། །འགྲོ་བའི་ལས་རྟོག་དག་མཛད་ཅིང་། །རང་གི་ཡེ་ཤེས་དོན་བཀོད་བྱ། །དེ་ཚེ་འགྲོ་བའི་གནས་མཚོན་
104-1-100a


ཚོགས། །ལས་ཀྱི་སྟོབས་ཚོགས་མཐུས་བརྡབས་རྣམས། །དེ་བཞིན་ཉིད་མཐུས་ཚོགས་ཆེན་པོས། །ཡང་དག་ལམ་ལས་རབ་གྲོལ་ཞིང་། །ང་རྒྱལ་ཆེན་པོའི་དྲེགས་ཚོགས་སྐྱེས། །རང་གི་མཐུ་དང་རྫུ་འཕྲུལ་སྟོན། །ཉོན་མོངས་
ལས་ཀྱི་ལམ་ལ་ཞེན། །རང་གི་རིགས་ཚོགས་བསྡུ་བར་བྱེད། །འཇིག་རྟེན་གསུམ་འཇིག་ཨ་ལ་ལ། །ཁམས་གསུམ་གཙོ་བོ་བདག་ཅག་རྣམས། །སུ་ཞིག་སྤྲུལ་པ་ཨ་ལ་ལ། །འཇིགས་པར་མཛད་པའི་འོས་མ་ལགས། །རང་གི་
དཀའ་ཐུབ་བདེ་གནས་པས། །མྱ་ངན་འདས་པའི་ལམ་མཆོག་སྟེ། །གཞན་གྱི་བསྟན་པ་ཅི་ཞིག་བྱ། །བདེ་ཚོགས་འཇིགས་པའི་ཡན་ལག་གོ། སུ་ཞིག་རང་གི་བདེ་སྤོང་ཞིང་། །གཞན་ནས་སྡུག་བསྔལ་དོན་གཉེར་བ། །གཟུགས་མང་
སྤྲུལ་པ་བསམ་ཡས་ཀྱང་། །རང་གི་སྐུ་མཛེས་བསྒྱུར་བ་དཀའ། །སྒྲ་མང་སྤྲུལ་པ་བསམ་ཡས་པས། །རང་གི་གསུང་ཉན་འཕྲོ་བྱེད་དམ། །སེམས་རྟོག་བྱ་བའི་འོད་བཅས་ཀྱིས། །ཏིང་འཛིན་རྩེ་གཅིག་འགྱུར་བ་མེད། །དྲག་པོའི་སྟོབས་
མཆོག་གཟི་ལྡན་རྣམས། །རང་གིས་རང་སྤྱོད་བདེ་བར་སྡོད། །དེ་ནས་བདུད་དཔུང་དང་པོ་དང་། །དབང་ཕྱུག་ཚངས་པ་ཁྱབ་འཇུག་ཆེ། །རྒྱ་བྱེད་གླུ་དང་དྲེགས་བྱེད་རྣམས། །རབ་ཏུ་ཁྲོས་ཏེ་རང་གི་མཐུས། །སྟོན་ཞིང་དྲག་པོའི་གསང་སྔགས་
དང་། །གཏུམ་ཚིག་ང་རོ་འབོད་སྒྲོགས་བྱེད། །དེ་ཚེ་རྒྱལ་པོའི་བྱིན་བརླབས་མཐུས། །འཐུན་འཇུག་ཐབས་ཀྱིས་འདུལ་མཛད་དེ། །ཐེག་པ་གསང་བ་བླ་མེད་མཆོག །ཁྱད་པར་སྒོ་གསུམ་གསང་བྱེད་ཅིང་། །ཡང་དག་དོན་ལ་བདེ་བཀོད་ཕྱིར། །
ཐུགས་རྗེ་ཆེན་པོས་འཐུན་མཛད་དེ། །འཇུག་པའི་ལམ་རིང་བདེ་བསྟན་ཞིང་། །དགའ་བའི་སྒོ་ནས་བདེ་མཛད་ཀྱང་། །རང་གི་ཉོན་མོངས་དྲེགས་པའི་མཐུས། །དོན་འཇུག་འཐུན་པའི་སྤྱོད་སྒོ་འཇིག །གཏི་མུག་ཆེན་པོ་མུན་གཏིབས་
ནས། །ང་རྒྱལ་རི་བོ་ཀུན་ཏུ་བཀོད། །ཞེ་སྡང་མེ་ལྕེ་འབར་སྲེག་ཤིང་། །ཕྲག་དོག་རླུང་གིས་བསྐྱོད་བྱས་ནས། །འདོད་ཆགས་ཆུ་བོས་འབྱིན་པར་འགྱུར། །དྲེགས་པའི་མཐུ་ཡིས་རབ་ཁྲོས་ཏེ། །ཚོགས་རྣམས་གཅིག་ལ་གཅིག་སྒོ་
104-1-100b


ཞིང་། །གསང་སྔགས་རྫུ་འཕྲུལ་སྟོབས་ཕྱུང་ནས། །རབ་ཏུ་བསྒྲགས་པའི་མཐུ་ཡིས་ནི། །འཇིག་རྟེན་གསུམ་དག་འཁྲུག་པར་བྱེད། །མི་ནད་མུ་གེ་འཁྲུག་པ་དང་། །མཚོན་ཆ་ལོ་ཏོག་འབྲས་བུ་འཕྲོག །འབྱུང་པོའི་འཇིགས་གཟུགས་ཉེས་ཚོགས་རྣམས། །
རྒྱུན་མི་འཆད་དུ་འཁོར་བར་འབྱུང་། །ས་གཞི་མེ་འབར་ཆུ་བདག་བྱེད། །དུག་དང་དབྱིག་དུག་རླུང་བཞིན་གཡོས། །བདེ་ལམ་མཐོ་རིས་ཐར་ལམ་གཅོད། །མི་དག་སེམས་ཀྱིས་ནོན་འགྱུར་ཞིང་། །འགྲོ་རྣམས་སྡུག་བསྔལ་བསྐྱེད་བྱས་པས། །
སངས་རྒྱས་རྣམས་ཀྱིས་ཐུགས་ཁྲལ་བསྐྱེད། །དེ་ནས་བྱང་ཆུབ་སེམས་བཅས་པའི། །འཁོར་རྣམས་དུས་གཅིག་བསྟན་པར་བཞེངས། །གཙོ་བོའི་ཕྱོགས་སུ་འདུད་བྱེད་ཅིང་། །ལན་གྲངས་བསྐོར་ཞིང་ཕྱག་ཀྱང་འཚལ། །མགོན་པོ་བདེ་བ་མཉེས་བྱེད་
ཅིང་། །མཆོད་ནས་གསོལ་བ་གདབ་པར་བྱ། །ཐུགས་རྗེ་ཆེ་ལྔ་ལྷ་ཡི་ལྷ། །བྱམས་སོགས་དགའ་བའི་བདུད་རྩི་ཆུས། །གདོས་བཅས་ཐལ་བར་བརླག་མཛད་པས། །ཐིམ་འགྱུར་རྡོ་རྗེ་ཡེ་ཤེས་ཚོགས། །ཆོ་འཕྲུལ་དཀྱིལ་འཁོར་བསྟན་དུ་གསོལ། །མཛད་པའི་
བྱིན་བརླབས་བསྟན་དུ་གསོལ། །དེ་དག་ཉོན་མོངས་རླབས་འཁྲུགས་པས། །རང་གཞན་ཐར་ལམ་བདེ་བར་འཇོམས། །བྱང་ཆུབ་སེམས་ཉིད་རླན་བྲལ་ལམ། །སྲིད་གསུམ་ཡལ་བར་དོར་བྱེད་ན། །ཐུགས་རྗེ་ཆེན་པོ་གང་ལ་གདགས། །ཨེ་མ་ཧོ་འབྲས་བུ་མྱ་ངན་འདས། །
ཨེ་མ་ཧོ་བྱང་སེམས་པད་མའི་བརྫིངས། །ཨེ་མ་ཧོ་བརྗོད་བྲལ་ཀུ་མུ་ད། །ཨེ་མ་ཧོ་མེ་ཏོག་འབྲས་བཅས་ཤིང་། །འདི་དག་དཀྱིལ་འཁོར་རྣམ་དག་པས། །རིགས་མཆོག་མཚན་ཉིད་ཡོན་ཏན་གནས། །དུས་འདིར་དག་པར་ག་ལ་མཛད། །ཐུགས་རྗེ་ཆེན་པོ་ག་ལ་
གདགས། །འདི་དག་སྐལ་ལྡན་གསུང་པའི་སྣོད། །རྡོ་རྗེ་ཐེག་པའི་བསྟན་པ་འཛིན། །ད་ལྟར་རྣམ་རྟོག་རི་བོས་ནོན། །ཐབས་ཀྱིས་འདུལ་བར་མི་གྱུར་བས། །ཤུགས་ཀྱིས་བསྒྲལ་བར་བྱ་བའི་ཕྱིར། །དཀྱིལ་འཁོར་སྣ་ཚོགས་བསྟན་དུ་གསོལ། །ཞེས་གསོལ་ཏོ། །དེ་
བཞིན་གཤེགས་པ་ཐམས་ཅད་ཀྱི་དགོངས་པ་བླ་ན་མེད་པའི་གསང་བ་དཔལ་རྟ་མཆོག་རོལ་པའི་རྒྱུད་ཆེན་པོ་ལས་མཛད་པ་ཆེན་པོའི་ལེའུ་སྟེ་བཅུ་པའོ།། །། དེ་ནས་བཅོམ་ལྡན་འདས་ཀྱིས་ལྷ་ཆེན་པོ་རྣམས་འདུལ་བར་བྱེད་པ་ཞེས་བྱ་བའི་ཏིང་ངེ་
104-1-101a


འཛིན་ལ་སྙོམས་པར་ཞུགས་ཏེ། རྡོ་རྗེ་བཀོད་པའི་དཀྱིལ་འཁོར་ཆེན་པོ་འདི་ཉིད་སྐུ་གསུང་ཐུགས་ཀྱི་དབྱིངས་ནས་ཕྱུང་ཏེ་སྤྲུལ་པ་མཛད་དོ། །གྲུ་བཞི་པ་ལ་སྒོ་བཞི་པའི། །རྟ་བབས་རྒྱན་ཚོགས་ཀུན་གྱིས་སྤྲས། །རིན་ཆེན་ནོར་བུའི་ཕྲེང་
སོགས་དང་། །བན་དྷ་དྲིལ་བུ་འདོད་པ་ལྔ་ཡི་ཚོགས། །མཆོད་པ་བླ་རེ་རྒྱལ་མཚན་གདུགས། །ཁ་དོག་ཉི་ཤུ་རྩ་ལྔས་སྤྲས། །འཁོར་ལོ་རེའུ་མིག་དགུ་པ་ལས། །སེང་གེ་ལ་སོགས་གདན་ཁྲི་སྤྲས། །ཀ་ཁ་ག་གྷ་ང་། ཙ་ཚ་ཛ་ཛྙ་ཉ། ཊ་ཋ་
ཌ་ཌྷ་ཎ། ཏ་ཐ་ད་དྷ་ན། པ་ཕ་བྷ་བྷ་མ། ཡ་ར་ལ་ཝ། ཤ་ཥ་ས་ཧ་ཀྵ། ཡེ་ཤེས་མ་འདྲེས་བདེ་ཆེན་གསལ། །རྣམ་འཕྲུལ་རིགས་མཆོག་གཟུངས་ཀྱི་དམ་ཚིག་དང་། །ཁྲོ་ཞིང་འདྲེན་པའི་མདངས་ཀྱིས་གནས། །རིགས་གཉིས་ལུང་གིས་
རྒྱུད་པའི་སྐུ། །དམར་ནག་ཞལ་གསུམ་ཕྱག་དྲུག་པ། །སེར་དཀར་དམར་བའི་ཞལ་གཉིས་དག །བཞིན་མདངས་ཚངས་པའི་ཚུལ་གྱིས་གནས། །དབུས་མ་ཁྲོ་འཛུམ་བརྗིད་བག་དང་། །པདྨ་རྡོ་རྗེ་འཁོ་ལོ་དང་། །དྲིལ་བུ་རིན་ཆེན་རྩེ་
གསུམ་འཛིན། །རིན་ཆེན་ཕྲེང་བའི་ཆུན་འཕྱང་དང་། །མུ་ཏིག་དོ་ཤལ་དཔུང་རྒྱན་སྤྲས། །སྟོད་གཡོགས་སྨད་དཀྲིས་ན་བཟའ་ཀླུབས། །དབུ་རྒྱན་སྙན་ཆ་སོར་གདུབ་ཚོགས། །མཚན་བཟང་དཔེ་བྱད་མཛེས་པར་བརྒྱན། །རིགས་ཀྱིས་མཆོད་པས་དབུ་སྐྲ་སིལ། །
རང་འོད་བཙུན་མོའི་སྐུ་བཅས་པ། །ཕྱུང་ནས་ཕྱོགས་བཅུའི་སྔགས་ཀྱིས་སྤྲོས། །ཧཱུྃ་ཕཊ་པདྨོ་འགྲིག་ཛ་སྭཱ་ཧཱ། །ༀ་དུྃ་དྲུྃ་བྷིན་དྷ་ཛ་པྲ་མོ་ཧྃ། མཛད་པའི་ཕྲིན་ལས་རྫོགས་བྱས་ནས། །སླར་འདུས་བདག་པོའི་སྐུ་ལ་ཐིམ། །ཤར་དུ་རྣམ་སྣང་ཕྱག་རྒྱ་ཆེ། །
གསེར་མདོག་ཞལ་གསུམ་ཕྱག་དྲུག་པ། །རྩེ་གསུམ་བེ་ཅོན་པདྨོ་རལ་གྲི་བན་དྷ་འཛིན། །ལྷོ་རུ་རིན་ཆེན་འབྱུང་ལྡན་ཉིད། །མཐིང་ག་ཞལ་གསུམ་ཕྱག་དྲུག་པ། །རིན་ཆེན་པདྨ་གྲི་གུག་དང་། །ཤུ་ལ་བུམ་པ་རྩེ་གསུམ་འཛིན། །ནུབ་ཏུ་སྣང་བ་
མཐའ་ཡས་སྐུ། །དམར་པོ་ཞལ་གསུམ་ཕྱག་དྲུག་པ། །ཐོད་དབྱུག་རྩེ་གསུམ་པདྨོ་དང་། །དགྲ་སྟ་འཁོར་ལོ་རལ་གྲི་འཛིན། །བྱང་དུ་དོན་ཡོད་གྲུབ་པ་ཉིད། །ལྗང་ཁུ་ཞལ་གསུམ་ཕྱག་དྲུག་པ། །རལ་གྲི་རྡོ་རྗེ་དབྱུག་པ་མདུང་། །པདྨོ་རྩེ་གསུམ་
104-1-101b


གཤིན་རྗེའི་རྐང་། །ཀུན་གྱི་གཡས་དཀར་གཡོན་པ་ནི། །དམར་ལྗང་སེར་དང་ལེའུ་རྒན་མདོག །རང་གི་བཙུན་མོའི་འགུལ་ནས་འཁྱུད། །ཞལ་གཅིག་ཕྱག་གཉིས་བདག་པོ་ལྷར། །སྐུ་མདོག་གསང་བའི་མདངས་དང་ལྡན། །ཕྱག་དང་ཆ་ལུགས་ཀུན་གྱིས་
བརྒྱན། །ༀ་ཛི་ན་ཛི་ག་ལྃ། དྭེ་ཥ་ར་ཏི། སྭ་རཏྣ་དྷྲིག །མཾ་མོ་ཧ་ར་ཏི། ༀ་ཨ་རོ་ལི་ཀ །པྱྃ་རཱ་ག་ར་ཏི། ཧ་པྲཛྙཱ་དྷྲིག །ཏཱྃ་བཛྲ་ར་ཏི། ཧཱུྃ་ཕཊ་སྭཱ་ཧཱ། འོད་ཟེར་འཕྲོ་བའི་ཚོགས་བཅས་པས། །རིགས་ཀྱི་དཀྱིལ་འཁོར་གསལ་བར་མཛད། །འཁོར་
ལོ་རྒྱུར་རྒྱལ་ཆ་ལུགས་དང་། །དགྱེས་པའི་སྐྱིལ་དཀྲུང་ཚུལ་གྱིས་བཞུགས། །ཁྱམས་ཀྱི་ཕྱོགས་དང་མཚམས་རྣམས་སུ། །སེམས་དཔའ་བརྒྱད་དང་སེམས་མ་བརྒྱད། །ཐུགས་ཀྱི་ཡེ་ཤེས་ཡི་གེ་ལས། །རང་གི་གསང་སྔགས་དག་གིས་གདོན། །
ས་སྙིང་དཀར་སེར་རིན་ཆེན་འཛིན། །ནམ་སྙིང་མཐིང་ག་རལ་གྲི་འཛིན། །སྤྱན་རས་དམར་སྐྱ་པདྨ་འཛིན། །གསང་བདག་ལྗང་སྐྱ་རྡོ་རྗེ་འཛིན། །གཡོན་པ་པདྨོ་ཡུ་བ་ཅན། །བསྙེམས་པའི་ཚུལ་གྱིས་ཕྱོགས་སུ་འདུད། །སྒེག་མོ་ཕྲེང་བ་དབྱངས་དང་གར། །
དཀར་སེར་དམར་ལྗང་འོད་འཕྲོ་མདོག །མེ་ལོང་རིན་ཆེན་ཕྲེང་བ་དང་། །དབྱངས་སྙན་གར་ཐབས་མཛེས་པའི་ཚུལ། །ཨོཾ་ཀྴི་ར་ཛ་ཡ། ཧཱུྃ་ལཱ་སྱེ་ས་མ་ཡ་སྟྭྃ། ཏྲྃ་མཱ་ལེ་ས་མ་ཡ་ཧོ། ཧྲི་པདྨ་བན་དྷ་ཧྲི། གིརྟི་ར་ཧོ་ཧྃ། ཨ་ནཱི་ཏི་ར་ག་མ་མི་ཧཱུྃ་ཕཊ། བྱམས་པ་
དཀར་སེར་ཀླུ་ཤིང་འཛིན། །སྒྲིབ་སེལ་འཁོར་ལོ་མཐིང་ཀ་སྟེ། །འཇམ་དཔལ་དམར་སྐྱ་ཨུཏྤ་ལ། །ཀུན་བཟང་ལྗང་སེར་རིན་ཆེན་སྙེ། །གཡོན་པ་པདྨོ་ལྕུག་མ་འཛིན། །སེམས་དཔའི་སྟབས་ཀྱིས་གདན་ལ་བཞུགས། །བདུག་སྤོས་མེ་ཏོག་འཐོར་བ་དང་། །མར་
མེ་དྲི་ཆབ་ལྷ་མོ་རྣམས། །སེར་དཀར་དམར་ལྗང་གོ་རིམ་བཞིན། །མཚན་དང་འཐུན་པའི་རྫས་ཀྱིས་མཛེས། །ༀ་མེ་ར་ནི། ཛ་དྷཱུ་པ་པྲ་བེ་ཤ །ཐི་ལིང་སྭ་རམ་པ་ཡ། ཧཱུྃ་པུས་པ་ཨཱ་བེ་ཤ་ཧཱུྃ་སྭ་ར་ཙ་ཡ། བྃ་དཱི་པ་བུ་གི་ནི། མུཾ་ཤི་ར་ཙ་ཡ། ཧོ་གན་དྷེ་ཙི་ཏ་ཡ་ཧཱུྃ་ཕཊ། ཤར་
སྒོར་གཤིན་རྗེ་གཤེད་པོ་ཆེ། །མཐིང་ནག་བེ་ཅོན་རྩེ་གསུམ་ཕྲེང་། །ལྷོ་སྒོར་སྟོབས་ཆེན་སེར་སྐྱའི་མདངས། །རྡོ་རྗེ་ཞགས་པ་རིན་ཆེན་ཕྲེང་། །ནུབ་སྒོར་རྟ་མཆོག་འཇིགས་བྱེད་རྒྱལ། །ཐོད་སྤྲུལ་དྲིལ་བུ་ལུ་གུ་རྒྱུད། །བྱང་སྒོར་རྡོ་རྗེ་འཁྱིལ་པ་སྟེ། ལྗང་སྐྱ་རྡོ་རྗེ་རྩེ་
104-1-102a


གསུམ་མཐུ། །ཁྲོ་བོ་ཆ་ལུགས་རྔམ་བརྗིད་དང་། །དུར་ཁྲོད་རིམ་པའི་ཆས་ཀྱིས་བརྒྱན། །ལྕགས་གྱུ་ཞགས་པ་ལྕགས་སྒྲོག་དྲིལ། །སྤྱན་དམར་འཇིགས་བྱེད་འོད་དཔུང་དང་། །རྡོ་རྗེ་མཆེ་སོགས་ཁྲོ་གཉེར་ཅན། །ཡབ་ཡུམ་འཁྱིལ་བ་བརྐྱང་བསྐུམ་སྐུ། །
ཧཱུྃ་ཕཊ་རུ་ལུའི་གསུང་འདོན་ཅིང་། །ལས་ཀྱི་འཁོར་ལོ་གནོན་པའི་ཚུལ། །ༀ་རུ་ལུ་པདྨཱ་ན་ཏ་ཀྲིད་ཧཱུྃ་ཕཊ། ཛ་བཛྲ་ཀྲོ་དྷི་ཤྭ་རི་ཧཱུཾ་པྲཛྙྣ་ཏ་ཀྲིད་ཕཊ། ཧཱུྃ་རཏྣ་ཀྲོ་དྷི་ཤྭ་རི། ཧཱུྃ་པད་མཱ་ན་ཏ་ཀྲིད་ཕཊ། པཾ་པད་མ་ཀྲོ་དྷི་ཤྭ་རི་ཧཱུྃ་བིགྷཱ་ནན་ཀྲིད། ། ཧོ་ཀརྨ་ཀྲོ་དྷི་ཤྭ་རི་
ཧཱུྃ་ཕཊ་སྭཱཧཱ། །ཕྱི་ནང་མེད་པར་དཀྱིལ་འཁོར་ཆེན་པོ་སྟེ། །ཐུགས་རྗེ་ཡེ་ཤེས་ཆེ་ལས་སྤྲུལ། །ཕྱག་རྒྱ་བཞི་ཡི་རྒྱས་བཏབ་ཅིང་། །དབུ་ལ་རིགས་ཀྱི་བདག་པོས་བརྒྱན། །འོད་དཔུང་སྤྲུལ་པའི་ལྷ་འཁོར་གྱིས། །འཇིག་རྟེན་གསུམ་པོ་སྣང་བྱེད་ཅིང་། །
ཚངས་པ་ལ་སོགས་ལྷ་ཆེན་བརྒྱད་རྣམས་འགུགས། །རྡོ་རྗེ་བརྗིད་གནོན་སྔགས་ཀྱི་འཐུས། །དེ་དག་དྲན་པ་མེད་པར་འགྱུར། །མཚོན་ཆའི་ཚོགས་ཀྱིས་སྒྲོལ་བྱས་ཏེ། །དུག་གསུམ་ཕུང་པོ་གསོལ་བར་མཛད། །ཕྲིན་ལས་ཁྲོ་བོ་བརྗིད་གླུ་ཡིས། །ལྷ་ཆེན་
འཁོར་རྣམས་དབང་དུ་བསྡུད། །དཀྱིལ་འཁོར་ཆེན་པོར་གཞག་བྱས་ནས། །སྔ་མའི་ཤ་རུས་གནམ་ནས་སྟོན། །རྡོ་རྗེ་བདུད་རྩིའི་ཏིང་འཛིན་གྱིས། །ལྷ་ཆེན་རྣམས་ཀྱིས་སླར་ལུས་གསོལ། །འཁོར་བཅས་པ་ཡི་དབང་བསྐུར་ཞིང་། །རྡོ་རྗེ་འཆང་
གི་གྲལ་ལ་དགོད། །དམ་ཚིག་གསང་བའི་བརྡས་བསྒྲོས་ཤིང་། །ཕྲིན་ལས་བཀའ་ཉན་གཉེར་གཏད་དེ། །གཞལ་ཡས་ཁང་གི་རྒྱན་དུ་བཞག །ཀུན་ཀྱང་ཚིག་དབྱངས་འཐུན་པའི་སྒོས། །དམ་ཚིག་མནའ་སྲོག་ཐལ་མྱོང་འགྱུར་ཞེས་བརྗོད་དོ། །དེ་
བཞིན་གཤེགས་པ་ཐམས་ཅད་ཀྱི་དགོངས་པ་བླ་ན་མེད་པའི་གསང་བ་དཔལ་རྟ་མཆོག་རོལ་པའི་རྒྱུད་ཆེན་པོ་ལས་རྡོ་རྗེ་བཀོད་པའི་དཀྱིལ་འཁོར་སྤྲུལ་པའི་ལེའུ་སྟེ། བཅུ་གཅིག་པའོ།། །། དེ་ནས་པདྨོ་ཆགས་པའི་སྐུས། །གསུང་གི་གཟི་མདངས་
རྒྱས་མཛད་དོ། །ཕྱག་རྒྱ་རྫུ་འཕྲུལ་གནས་སྦྱོར་བས། །གསེར་མིག་འདབ་བཟངས་གྲོང་ཁྱེར་དང་། །ལང་ཀའི་གནས་ཚོགས་སྲིན་པོའི་སྡེ། །ཀླུ་རྒྱལ་དབང་དུ་བསྡུ་བའི་ཕྱིར། །རྫུ་འཕྲུལ་ཀུན་སྟོབས་འཁོར་ལོ་ཡིས། །ལྷ་ཆེན་ལ་སོགས་གདུལ་བར་དགོངས། །
104-1-102b


ཏིང་ངེ་འཛིན་ལ་སྙོམས་ཞུགས་ཏེ། །པདྨ་རྟ་མཆོག་སྤྲུལ་པ་མཛད། །དེ་བཞིན་ཉིད་དབྱིངས་སྙོམས་འཇུག་ལས། །སེམས་དཔའ་རྒྱལ་བ་ཀུན་གྱི་ཡབ། །རྡོ་རྗེ་འཛིན་ཐུག་དབང་ཉིད་དང་། །རིགས་ཉིད་སྤྲུལ་པའི་ལུང་ལས་གྲུབ། །སྐུ་མདོག་དམར་པོ་རཱ་གའི་མདོག །ཞལ་
གསུམ་རྟ་མགོ་ལྗང་གུ་ཅན། །ཕྱག་ནི་གྲི་གུག་ཁ་ཊྭྃ་ཁ། །ཐོད་པ་ཁྲག་མེ་དཔུང་སྤྲུལ་ལྔ། །གནས་བརྒྱད་ཀླུ་བདག་ཐོད་ཕྲེང་དང་། །གླང་ཆེན་སྟག་གི་ལྤགས་པ་གྱོན། །སྒྲ་སྐད་དྲག་པོ་ཕྱོགས་བཅུར་སྒྲོག །བགེགས་ལ་སོགས་པའི་ཆ་ལུགས་ཅན། །དྲང་སྲོང་
ཁྲོས་པའི་ཆ་ལུགས་ཀྱིས། །ཀླུ་ཡི་འགྲོ་བ་རྨོངས་མཛད་པ། །པདྨའི་གདན་ལ་བརྐྱང་བསྐུམ་གྱིས། །ཡུམ་ཆེན་དཔལ་ལྡན་མ་དང་སྦྱོར། །ༀ་པདྨོ་གུ་རུ་ཧེ་ཧེ་རུ་ལུ་ཧཱུྃ་ཕཊ། འཁོར་ལོ་འབར་བ་ཕྱོགས་མཚམས་སུ། །ཡེ་ཤེས་ཁྲོ་བོ་ཆེན་པོ་བརྒྱད། །ཧྲི་ལས་གྲུབ་
པའི་འཇིགས་གཟུགས་ཅན། །རྟ་མགོ་ལྗང་གུ་བརྗིད་པ་ཡི། །ཤར་དུ་པད་མའི་དབང་ཕྱུག་ནི། །དཀར་པོ་ཞལ་གསུམ་ཕྱག་དྲུག་པའོ། །རྡོ་རྗེ་པད་མ་ཀླུ་ཞགས་དང་། །རིན་ཆེན་དབྱུག་པ་རལ་གྲི་མདུང་། །སེང་གེ་རྒྱལ་མོ་སྐུ་དང་འཁྲིལ། །སྣ་ཚོགས་མི་མཐུན་ཞབས་ཀྱིས་
གནོན། །ཉི་མ་ཟླ་བའི་སྙན་ཆས་བརྒྱན། །སྤྲུལ་གྱི་ཕྲེང་བས་གནས་ཀུན་བརྒྱན། །ལྷོ་རུ་གཟི་ཆེན་དྲག་པོ་ནི། །མདོག་ནག་རལ་གྲི་རྩེ་གསུམ་ལྔ། །རྡོ་རྗེ་རྩེ་གསུམ་མདའ་དང་གཞུ། །དྲག་པོ་གནས་ཀྱི་སྐུ་དང་འཁྲིལ། །མེ་རི་འབར་བས་ཀུན་ཏུ་ཁྱབ། །སྟག་མོ་བཅིངས་པས་
གཞན་གནས་འཇིགས། །སྤྲུལ་པའི་ཕོ་ཉ་མེ་འབྲུག་གི། ཁྲོ་བོ་ཡི་ནི་དཀྱིལ་འཁོར་ཚོགས། །ནུབ་དུ་རྡོ་རྗེ་དྲ་བ་མཆོག །དམར་སེར་རྡོ་རྗེ་དབྱུག་པ་བྲི། །འཁོར་ལོ་སྤྲུལ་ཞགས་མེ་ལོང་ཆུ། །ལྷ་མོ་འཇིགས་ཆེན་ཞབས་ཀྱིས་གནོན། །འོད་འབར་གློག་གི་ཕྲེང་བ་ཅན། །སྤྲུལ་
པའི་ཕོ་ཉ་ལྕེ་སྤྱང་གདོང་། །འབུམ་ཕྲག་དྲི་དང་ཐོད་ཁྲག་འཛིན། །བྱང་དུ་འོད་བྱེད་འཇིགས་ཆེན་སྐུ། །ལྗང་ཁུ་རྩེ་གསུམ་མདའ་བོ་ཆེ། །ནོར་བུ་དུང་ཁྲག་ལྕུག་མ་དུང་ཁྲག་འཆང་། །ར་རོ་མིག་དམར་ཟིལ་གྱིས་གནོན། །རྒྱལ་བདག་ཁྲོ་བོའི་སྐུ་དང་འཁྲིལ། །ཅོད་པན་ཀླུ་མགོ་གདེངས་
ཀའི་རྒྱན། །དུས་མཚུངས་ཕུད་ཀྱི་སྒྲ་ཆེན་སྒྲོགས། །ཀུན་ཀྱང་ཐོད་ཕྲེང་གཡང་གཞི་དང་། །དུར་ཁྲོད་གནས་འབྱུང་གཅད་སྨེ་བྱེད། །མཚམས་ཀྱི་ཁྲོ་བོ་ཆེན་པོ་བཞི། །རིགས་ཀྱི་ཕྱེད་གཟུགས་ཐིག་ལེས་མཚན། །ཞལ་གསུམ་ཕྱག་དྲུག་འོད་མདངས་ཅན། །རྡོ་རྗེ་ཐོད་དབྱུག་གླུ་ཡི་སྒྲ། །
104-1-103a


ལྕེ་སྦྱང་བྱ་ཁྱུང་གནམ་ལྕགས་སྤྲིན། །འོད་ཕྲེང་ཐིག་ལེ་དབྱུགུའི་རྒྱན། །རྣམ་འཕྲུལ་ཀླུ་ཐབས་ཨུ་ཏ་ར། །འདོད་ཡོན་ལྷ་མོའི་ཚོགས་ཀྱིས་བསྐོར། །ཀུན་དུ་སྤྱན་མངར་རྡོ་རྗེའི་མཚན། །གནས་སུ་འཇིགས་པའི་ཧཱུྃ་སྒྲ་སྒྲོགས། །ཀླུ་ཡི་རྒྱལ་པོའི་གནས་
ན་བཞུགས། །གཞན་གྱི་རྫུ་འཕྲུལ་འཇོམས་པར་བྱེད། །ༀ་མ་ཧཱ་ཧ་ཡ་གྲི་བ་པད་མ་དྷ་རུ་ནྂ་བི་དྷ་ཧ་ར་ཧཱུྃ་ཕཊ་རྩ་བའི་སྔགས་སོ། །ཨོཾ་ན་མོ་ཨད་ཏྃ་ཧེ་རུ་ལུ་རུ་ཀྃ་བ་མུ་ཁ། ཨ་ཀར་ཥ་ཡ་རཀྵ་ན་གཾ་གུ་རུ་ཧཱུྃ་ཕཊ་སྙིང་པོའི་སྔགས་སོ། །ཨོཾ་པད་མ་རག་མ་ཀུ་རྱ་ར་ཀྃ་རུ་ལུ་
ར་ལུ་རུ་ལུ་ཧཱུྃ་ཕཊ།  ཉེ་བའི་སྙིང་པོའོ། །དཀྱིལ་འཁོར་ཆེན་པོའི་ཕྱོགས་བཞི་རུ། །ལྕགས་ཀྱུ་ལྕགས་སྒྲོག་ཞགས་པ་དྲིལ་བུ་སྣམས། །དཀར་དམར་སེར་ལྗང་འོད་མདངས་འབར། །སེང་གེ་ལྕེ་སྤྱང་སྟག་འབྲུག་དང་། །མགོ་བརྩེགས་སྤྲུལ་པའི་འཁོར་དང་བཅས། །རང་གི་ལས་
ཀྱིས་འཁོད་པ་དང་། །འཇིགས་པའི་ཆ་ལུགས་རྔམ་གཟུགས་གནས། །ལས་མཛད་ཀླུ་ཡི་དཀྱིལ་འཁོར་འདུལ། །ཀླུ་ཆེན་བརྒྱད་སོགས་བསྡུས་བྱས་ན། །མཐུ་དང་རྫུ་འཕྲུལ་མེད་པར་བྱ། །རང་གི་དམ་ཚིག་དྲན་པའི་ཤུགས། །སྤྱན་རྣམས་སྤྱན་ངར་འདོད་པར་
བྱེད། །ༀ་ན་ག་དྲིངས་མེ་ག་ནན་ག་ར་ཙ་ཡ་ས་མ་ཡ་ཧཱུྃ། དཀྱིལ་འཁོར་གསང་བར་དབང་བསྐུར་ནས། །འོད་བཟངས་གཟི་མདངས་མེ་དཔུང་འབར། །རིགས་ཀྱི་དབུ་རྒྱན་གསལ་བྱེད་ཕྱེ། །ཡེ་ཤེས་འོད་ཚོགས་གནས་བཅས་ཏེ། །དཀྱིལ་འཁོར་གསང་བར་གོམས་
ཞུགས་ཀྱིས། །ཚུལ་འཛིན་དཀོན་མཆོག་མངོན་དུ་དབྱེ། །ཚོགས་རྣམས་མ་ལུས་མགྲིན་གཅིག་ཏུ། །གར་དབང་སྐུ་ལ་སྐྱབས་གསོལ་ཞིང་། །འདོད་ཡོན་གསོལ་འདེབས་དམ་བཅས་པ། །བསོད་ནམས་ཕུང་པོའི་གཏེར་ལ་སྤྱོད། །ཀྱེ་མ་དཀྱིལ་འཁོར་ཡ་མཚན་ཆེ། །
བདག་ཅག་འཁོར་རྣམས་རབ་སྒྲོལ་མཛད། །རྒྱལ་བའི་དཀྱིལ་འཁོར་དཔེ་བྲལ་བས། །ཉི་མའི་དཀྱིལ་འཁོར་བཞིན་དུ་གནས། །བདེ་ཆེན་ལམ་འདི་སྔོན་མ་རྟོགས། །ད་ལྟར་ཐུགས་རྗེ་དྲིན་གྱིས་རྙེད། །རྣལ་འབྱོར་གསང་བར་འཛིན་བྱེད་ཀྱིས། །ཇི་ལྟར་བསྒོས་
པའི་བཀའ་བཞིན་བགྱིད། །རྡོ་རྗེ་གསང་བའི་དམ་འདི་ལས། །གལ་ཏེ་ཉམས་ན་འདས་པར་ཤོག །ཅེས་དམ་བཅས་སོ། །དེ་བཞིན་གཤེགས་པ་ཐམས་ཅད་ཀྱི་དགོངས་པ་བླ་ན་མེད་པའི་གསང་བ་དཔལ་རྟ་མཆོག་རོལ་པའི་རྒྱུད་ཆེན་པོ་ལས་རྟ་འགྲིན་དབང་གི་དཀྱིལ་འཁོར་སྤྲུལ་པའི་
104-1-103b


ལེའུ་སྟེ་བཅུ་གཉིས་པའོ། ། དེ་ནས་བཅོམ་ལྡན་པད་མའི་སྐུས། །ཡུལ་ལ་ཆགས་ཚུལ་འཛུམ་མདངས་ཀྱིས། །བཀའ་ཡི་བསྒོ་བས་དགྱེས་མཛད་དེ། །མི་ཤིགས་ཏིང་འཛིན་ལ་གནས་མཛད། །ཕྱོགས་སྐྱོང་དྲི་ཟ་རྒྱལ་ཆེན་པོ། །རང་གི་ཆུང་མ་
ཚོགས་བཅས་པས། །གནས་གཞན་འཇིགས་པར་མཛད་པ་དང་། །རང་གི་མཐུས་བཅུས་འདུལ་བར་མཛད། །སྐུ་ནི་བཻ་དཱུར་འཚེར་བའི་མདངས། །ཞལ་གསུམ་ཕྱག་རྒྱ་དྲུག་གིས་རོལ། །རིན་ཆེན་མཛོད་བུམ་སྔགས་ཆེན་ལྕུག །འཁོར་ལོ་ཕྲེང་བ་མ་ག་ཏ། །རྒྱན་དང་ཆ་
ལུགས་རིན་ཆེན་ཚོགས། །དབྱིངས་ཀྱི་དབང་ཕྱུག་ཡུམ་ཆེན་མོ། །དམར་སྐྱ་ཟབ་མོའི་ཚུལ་དུ་སྦྱོར། །འོད་འཕྲོ་སེམས་དཔའི་གདུག་པའི་འཕྲོ། །རིགས་ལྔའི་དབུ་རྒྱན་རིན་ཆེན་ཕྲེང་། །ཕྱག་བརྒྱ་བཞི་ཡིས་བརྗིད་པའི་ལྷ། །རིན་ཆེན་འབར་བའི་གཞལ་ཡས་ཁང་། །གྲུ་བཞི་
སྒོ་བཞི་རྟ་བབས་བརྒྱན། །བར་འཁྱམས་འཁོར་ཀྱི་དབུས་ནས་འགྱིང་། །པད་མའི་ལྟེ་བར་སྐྱིལ་དཀྲུང་བཞུགས། །ཤར་ཏུ་འཇོམས་བྱེད་རྡོ་རྗེའི་སྐུ། །དཀར་གསལ་རྡོ་རྗེ་དྲིལ་བུ་འཛིན། །ལྷོ་རུ་རིན་ཆེན་བློ་གྲོས་སྐུ། །དཔལ་བེའུ་གདུགས་མཛེས་འོད་མང་སེར། །ནུབ་
ཀྱི་ཕྱོགས་ཀྱི་རྒྱལ་པོ་རྟོག །དཀར་དམར་པདྨ་གླེགས་བམ་འཛིན། །བྱང་དུ་འཇིག་རྟེན་ཀུན་སྒྲོལ་བ། །ལྗང་སྐྱ་རྡོ་རྗེ་རྒྱ་གྲམ་བྲི། །ཤར་ལྷོ་དྲ་བའི་དབང་ཕྱུག་ནི། །སེར་སྐྱ་རིན་ཆེན་འབྲིང་ཀ་ར། །ལྷོ་ནུབ་ཆོས་ཀྱི་ལྷུན་པོ་མཆོག །རྩེ་གསུམ་པདྨའི་ལྕུག་མ་འཛིན། །ནུབ་
བྱང་རྒྱལ་བའི་ཡེ་ཤེས་ཏོག །སྔོ་སྐྱ་སེང་གེའི་བུམ་པ་འཛིན། །བྱང་ཤར་སྒྱུ་འཕྲུལ་དྲ་བ་བརྩེགས། །ལྗང་སེར་གཡུང་དྲུང་རྡོ་རྗེ་མཚན། །འདི་དག་འཁོར་ལོ་བརྒྱུར་རྒྱལ་བྱིན། །མཚན་དང་དཔེ་བྱད་འོད་མདངས་རྒྱན། །སྐྱེས་བུ་ཆེན་པོའི་ལོང་སྤྱོད་འཕེལ། །ཆ་འཐུན་ཡུམ་
དང་འཁྲིལ་བར་བཞུགས། །ༀ་བི་ཏ་ཛྙཱ་ན་ཏ་ན་སྃ་བོ་ག་ཏ་ཧཱུྃ་ཕཊ། ༀ་དྷརྨ་མུ་ནི་ན་ས་ན་ས་ཧཱུྃ། ༀ་བི་ཧ་ར་ཕྲ་མོ་ཐ་ན་ཧཱུྃ་ཕཊ། ༀ་ཛྙྣ་ལོ་ཏྲ་སྃ་བོ་ག་ཡ་ཧཱུྃ་ཕཊ། ༀ་རཏྣ་མ་རུད་ཏེ་ས་གྲུམ་ཧཱུྃ་ཕཊ། ༀ་མ་ཧཱ་ཤུ་ཏི་མུ་ས་མོ་ཧ་ཧཱུྃ་ཕཊ། ༀ་བུད་དྷ་བུད་དྷ་སརྱ་ཀུ་མ་ར་ཧཱུྃ་ཕཊ། ༀ་ན་མ་ག་ག་ན་སི་
ཏ་ཡོ་ག་ཧཱུྃ་ཕཊ། ༀ་ན་སི་ཧ་ཧ་ཧེ་ཧུ་མུ་ག་ར་བ་རི་ཧཱུྃ་ཕཊ། འཁོར་ལོའི་གསང་སྔགས་རབ་བརྗོད་པས། །ལྷ་རྣམས་ཕྱི་ཡི་གནས་སུ་སྤྲོ། །དྲག་པོའི་རྒྱུ་འཕྲས་སྦྱོང་བྱས་ཏེ། །གནས་ཀུན་དག་པའི་ཡེ་ཤེས་ཆེ། །རིགས་མཆོག་ཡེ་ཤེས་འོད་གསལ་བས། །ཤར་གྱི་དབང་པོ་དྲི་ཟ་སོགས། །
104-1-104a


གནས་མགོན་སྐྱབས་དང་དབང་དུ་མཛད། །ཉོན་མོངས་ལས་ཀྱི་དྲེགས་པའི་ཚོགས། །རང་རྒྱུད་ཞི་ནས་བྱང་སེམས་བཅས། །བཅོམ་ལྡན་འདས་ཀྱི་སྤྱན་སྔར་འཁོད། །སྙིང་པོ་མདོངས་སོལ་ཕུལ་བར་འགྱུར། །ༀ་ཏྲག་ཤ་ཀ་སརྦ་ར་མ་མ་ས་ཧཱུྃ་ཧཱུྃ་སྭཱ་ཧཱ། བཅོམ་ལྡན་
འདས་བདག་ཅག་གི་རིག་པ་འདི་བྱིན་གྱིས་བརླབ་ཏུ་གསོལ། བསྟན་པ་མྱུར་དུ་སྤེལ་ཅིག །རྒྱ་ཆད་པའི་སྔགས་ཀྱིས་ཐམས་ཅད་བསྲུང་བར་གྱུར་བ་བདེ་ལེགས་སུ་བྱ་བའི་གནས་པ་བདག་ཅག་དུས་ཐམས་ཅད་དཀྱིལ་འཁོར་འདིར་གནས་ཤིང་དེ་འཛིན་པའི་རྣལ་འབྱོར་པ་དག་བསྲུང་
བར་བྱ་བ་དང་བྲན་བཞིན་དུ་གནས་པར་བགྱིའོ། །སླར་ཡང་བདག་ཅག་རྣམས་མགོན་པོས་བཞེངས་ལ་བྱིན་གྱིས་བརླབས་སྟེ་དབང་བསྐུར་བ་དང་གྲོལ་བར་མཛད་དུ་གསོལ་ཞེས་གསོལ་བ་བཏབ་པ་དང་། བཅོམ་ལྡན་འདས་ཀྱིས་རིག་པའི་སྙིང་པོ་འདི་བྱིན་གྱིས་
བརླབས་སོ། །ༀ་ཨུ་ཨྃ་མྲྀ་ཏ་བི་ག་ན་ཤུ་ཏ་ཧཱུྃ་ཕཊ་སྭཱཧཱ། ཞེས་གསུངས་པ་དང་། དེ་དག་དང་པོའི་སངས་རྒྱས་བཞིན་དུ་འོད་ཟེར་དང་བཅས་པར་གྱུར་ནས་གཞལ་ཡས་ཁང་གི་རྒྱན་དུ་འཁོད་དོ། །དེ་བཞིན་གཤེགས་པ་ཐམས་ཅད་ཀྱི་དགོངས་པ་བླ་ན་མེད་པའི་གསང་བ་
དཔལ་རྟ་མཆོག་རོལ་པའི་རྒྱུད་ཆེན་པོ་ལས་ཐུགས་ཡེ་ཤེས་སེམས་དཔའི་དཀྱིལ་འཁོར་འཕྲུལ་པའི་ལེའུ་སྟེ་བཅུ་གསུམ་པའོ།། །། དེ་ནས་བདེ་བྱེད་གར་དབང་ཕྱུག །པད་མ་ཚོགས་པའི་སྐུ་ཆེན་པོས། །ཡོན་ཏན་རིན་ཆེན་སྒྱུ་མའི་ཆོས། །ཏིང་ངེ་
འཛིན་ལ་སྙོམས་ཞུགས་ནས། །མཁའ་འགྲོ་ཚོགས་བཅས་གཤིན་རྗེ་རྣམས། །རྒྱལ་པོ་རྒྱལ་ཆེན་རྒྱལ་མོར་གནས། །འཁོར་བཅས་འདུལ་བར་བྱ་བའི་ཕྱིར། །མཁའ་འགྲོ་ཆེན་མོའི་ཚོགས་འཕྲུལ་མཛད། །ཐབས་དང་ཤེས་རབ་གཉིས་མེད་ལས། །
གཟི་ལྡན་གར་གྱི་དབང་ཕྱུག་མ། །པད་མ་རཱ་ག་ནམ་མཁའི་མདོག །ཞལ་གཅིག་པ་ལ་ཕྱག་བཞི་སྟེ། །པད་མའི་སྡོང་པོ་བདུད་རྩིའི་སྣོད། །རྡོ་རྗེ་ཁ་ཊྭཱྃ་ཞགས་པ་ཐོགས། །རིན་ཆེན་ཕྲེང་བའི་རྒྱན་གྱིས་ཀླུབས། །ཁྱོད་བཞེད་འཇིགས་མདངས་ཚུལ་འཛིན་ཅིང་། །
བརྐྱང་བསྐུམ་ཞིང་མཆོག་ཉི་མའི་དཀྱིལ། །གཡང་གཞི་ཉི་མའི་ཕྲེང་བས་བརྒྱན། །ༀ་པད་མ་མ་ཧཱ་ཀྲོ་དྷི་ཤྭ་རི་ཧཱུྃ་ཕཊ། དཔལ་གྱི་ལྷ་མོ་མཆོག་ཉིད་དང་། །ༀ་དང་སྤྲུལ་ཏེ་ཕྱོགས་དང་མཚམས། །པད་མའི་གདན་ལ་ཞིང་གིས་མཚན། །བརྐྱང་བསྐུམ་སྐུ་མདོག་
104-1-104b


སྔོན་མོའི་ཚོགས། །ཕྱག་ན་གྲི་གུག་ཐོད་པ་ཁྲག །འབར་བའི་ཆ་ལུགས་སྐྲ་འབར་མ། །ཕྱི་རོལ་སྤྲུལ་པའི་ཚོགས་བཅས་པས། །དུར་ཁྲོད་ཆེན་པོའི་གནས་སུ་རོལ། །རྡོ་རྗེ་རིན་ཆེན་པད་མོ་དང་། །ལས་དང་སྒྱུ་འཕྲུལ་མཁའ་ལ་བཞད། །སྣ་ཚོགས་སྒྱུ་མ་བཞིན་རྒྱས་
སྤྱན། །ཁ་དོག་ཕྱོགས་མཚམས་ཇི་ལྟ་བུ། །གསལ་ཞིང་མུན་པའི་རྡུལ་གྱིས་གོས། །ཞིང་གི་དབྱུག་པ་རྩེ་གསུམ་དང་། །གསེར་གྱི་མདའ་དང་རྡོ་རྗེ་དང་། །ཆུ་སྲིན་རྒྱལ་མཚན་ཞགས་པ་དང་། །ཞིང་ཆེན་རྡོ་རྗེ་རྩེ་དགུ་གདེངས། །གྲི་གུག་རྒྱུ་མའི་ཞགས་པ་སྡོམ། །
རྡོ་རྗེ་གདེངས་པ་རྩེ་གསུམ་ཁྲག །ཞིང་ཆེན་ཁོག་ཕྱེས་སྙིང་འདྲེན་ཅིང་། །དེ་བཞིན་རླུང་ཡབ་ཐོད་པ་འཆང་། །ཨོཾ་བཛྲ་ཏ་ཀྲིད་མ་ཧཱ་ལ་ཏི་ཏི་ཧཱུྃ་ཧཱུྃ་ཕཊ། ཨོཾ་བཛྲ་ཏ་ཏྲི་མེ་ད་ར་ཧཱུྃ་ཕཊ། ཨོཾ་ཌཱ་ཀི་མད་ཀུམ་པ་ཡ་ཧཱུྃ་ཕཊ། ཨོཾ་ཌཱ་ཀི་ནི་ཏི་བྲེ་ཤ་ཧཱུྃ་ཕཊ། ཨོཾ་བཛྲ་ཌཱ་ཀི་བི་ལཱ་ས་
ཧཱུྃ་ཕཊ། ཨོཾ་བཛྲ་དཱ་ཀི་དྲི་ཀུ་ཏ་མ་ལེ་ཧཱུྃ་ཕཊ། ཨོཾ་བཛྲ་ཌཱ་ཀི་ཛྭ་ལ་ཛྭ་ལ་ཧཱུྃ་ཕཊ། ཕྱི་རོལ་པད་མའི་འདབ་མ་ལས། །སེང་གེ་རྟ་དང་ལྕེ་སྤྱང་ཝ། །བྱ་རྒོད་ཀང་ཀ་བྱ་རོག་འུག །མགོ་བརྙན་མཆེ་གཤོགས་ཆེན་མོ་བརྒྱད། །ཧཱུྃ་ལས་སྤྲུལ་ཏེ་མདོག་དམར་པོ། །ཕྱག་ན་གྲི་གུག་
ཐོད་པ་ཁྲག །རྡོ་རྗེ་རོལ་གྲི་རྩེ་གསུམ་མདུང་། །འཁོར་ལོ་དགྲ་སྟ་བེ་ཅོན་མདའ། །གཏུན་ཤིང་ཞིང་ཁོག་གཡང་གཞི་སྤྲུལ། །ནེའུ་ལེ་གཞོང་པ་རིན་ཆེན་ཁྱུང་། །ཞལ་གདངས་སོ་སོའི་ཕྱོགས་མདངས་བཞིན། །ཀུན་ཀྱང་ཁྲོ་བཅས་ཁྱམས་པར་གནས། །ཞིང་ལྤགས་
གཡང་གཞི་ཐོད་ཕྲེང་སྦྲུལ། །ཁྲག་ཞག་ཐལ་བའི་ཚོམ་བུས་བརྒྱན། །མཁའ་འགྲོ་རིགས་བདུན་མ་སྲིང་སྤྲུལ་པའི་ཚོགས། །མཆེ་གཤོགས་འབར་བ་ཕྱོགས་བཅུར་འཁྲུགས། །ཨོཾ་སེ་ར་བ་ར་ན་ཧཱུྃ་ཕཊ།  ཨོཾ་ནི་རཾ་ཏེ་ཤ་པ་མུ་ཁ་ཧཱུྃ་ཕཊ། ཨོཾ་ཀྃ་ན་མ་དུ་ན་ཧཱུྃ་ཕཊ། ཨོཾ་
མུ་ཀ་ར་ན་ནྃ་ཧཱུྃ་ཕཊ། ༀ་སུྰརྱ་ས་མོ་ཀ་ཧཱུྃ་ཕཊ། ༀ་བཛྲ་སྣིག་ཤ་བྲུྃ་ཧཱུྃ་ཕཊ། ༀ་ནི་ཤ་ཀུ་རྱ་ར་ན་ཧཱུྃ་ཕཊ། ༀ་རེ་ལྃ་སུ་བག་ཤ་ཧཱུྃ་ཕཊ། མཁའ་འགྲོ་བཅུ་དྲུག་འདི་དག་ཀྱང་། །འོད་འབར་གློག་གི་ཕྲེང་བ་ཅན། །འོད་ཀྱི་རུ་ལུའི་སྒྲ་འབྱིན་ཅིང་། །སྤྱན་མུར་ཁྲོ་གཉེར་མཆེ་བ་
ཅན། །ཞལ་གཅིག་ཕྱག་བཞི་རོལ་པའི་སྟབས། །དབྱིངས་དང་ཤེས་རབ་རབ་རྟོགས་ལ། །སོ་སོའི་ཕྲིན་ལས་མཛད་པའི་ཕྱག །ཞལ་དང་སྐུ་ནི་སོ་སོའི་མདོག །ༀ་རུ་ཁུ་སྃ་ཏ་གུ་ན་ཌཱེ་ཏ་ས་མོ་ར་ག་ཧཱུྃ་ཕཊ། སྙིང་པོའི་སྔགས་སོ། །ༀ་བཛྲ་ཌཱ་ཀི་ཛཱ་ལ་ཤྃ་བ་ར་ཀུ་མ་
104-1-105a


ར་ཧཱུྃ་ཕཊ། ཉེ་བའོ། །ༀ་ཌཱ་ཀི་ཧཱུྃ་སམ་བ་ར་ཛ་ལི་མུ་ཁ་མ་མེ་ཧཱུྃ་ཕཊ། རྩ་བའི་སྔགས་སོ། །མཁའ་འགྲོ་མ་ཡི་དཀྱིལ་འཁོར་སྤྲོ་བའི་མཐུས། །དེ་དག་དྲན་པ་མེད་པར་བརྒྱལ། །སླར་ཉིད་རང་གི་འཁོར་དུ་བསྡུས། །དམ་ཚིག་དཀྱིལ་འཁོར་ཆེན་པོར་བཀོད། །
དེ་ནས་མཁའ་འགྲོའི་ཚོགས་དང་བཅས། །གདུལ་བྱ་རྣམས་ཀྱི་གནས་དོར་ནས། །རྒྱལ་བའི་བསྟན་པ་བཟུང་བྱེད་ཅིང་། །རྡོ་རྗེ་ཐེག་པ་སྦྱོར་བར་མཛད། །དེ་བཞིན་གཤེགས་པ་ཐམས་ཅད་ཀྱི་དགོངས་པ་བླ་ན་མེད་པའི་གསང་བ་དཔལ་རྟ་མཆོག་རོལ་པའི་རྒྱུད་ལས་མཁའ་
འགྲོ་མ་སྤྲུལ་པའི་ལེའུ་སྟེ་བཅུ་བཞི་པའོ།། །།  དེ་ནས་བཅོམ་ལྡན་དགྱེས་པའི་གཙོ། །གར་གྱི་དབང་ཕྱུག་དེ་བཞིན་གཤེགས། །གཟི་ལྡན་ཡུམ་དང་ཞལ་སྦྱོར་ཞིང་། །ཕྱོགས་བཅུའི་དཀྱིལ་འཁོར་སྤྲུལ་པའོ། །ཏིང་ངེ་འཛིན་ལ་སྙོམས་
ཞུགས་ནས། །ཕྱོགས་ཀྱི་བགེགས་འདུལ་བྱེད་པའོ། །ཁམས་གསུམ་གནོན་པའི་དཀྱིལ་འཁོར་སྤྲུལ། །སངས་རྒྱས་ཀུན་གྱི་རང་བཞིན་གནས། །རིན་ཆེན་འབར་བའི་ཁང་བཟངས་ན། །རིན་ཆེན་པད་མ་སེང་གེའི་གདན། །དྲི་མེད་ཉི་ཟླ་སྤྲས་པ་ལ། །དབུས་
ཀྱི་ལྷ་མཆོག་ཆེན་པོ་ནི། །ཞབས་བརྒྱད་ཕྱག་ནི་བཅུ་དྲུག་དང་། །དམར་སེར་ཉི་མའི་དཀྱིལ་འཁོར་བཞིན། །བགེགས་ལ་སོགས་པའི་ཚུལ་དང་ལྡན། །པདྨ་རྡོ་རྗེ་འཁོར་ལོ་དྲི། །ཐོད་པ་རིན་ཆེན་དགྲ་སྟ་རས། །ཡུམ་ཆེན་དབང་ཕྱུག་སྒེག་མོ་དང་། །རྒྱན་ཚོགས་
རིན་ཆེན་ཕྲེང་བ་ཅན། །དྲི་མེད་པད་མས་ཀླུབས་པའོ། །ༀ་བ་ག་བ་ཏེ་རུ་ཀྃ་སྃ་བོ་ག་ཏ་ཡ་ཧཱུྃ་ཕཊ། མདུན་དུ་རྡོ་རྗེ་སེམས་དཔའ་ནི། །དཀར་སེར་རྡོ་རྗེ་དྲིལ་བུ་འཛིན། །གཡས་སུ་རིན་ཆེན་སེམས་དཔའ་སྟེ། །སེར་པོ་རིན་ཆེན་འཁོར་ལོ་ཐོགས། །རྒྱབ་དུ་པད་མོའི་
སེམས་དཔའ་ཉིད། །དམར་སེར་རྩེ་གསུམ་བུམ་པ་ཐོགས། །གཡོན་དུ་ལས་ཀྱི་སེམས་དཔའ་སྟེ། །ལྗང་སེར་དྲིལ་བུ་ཏྲི་ཤུ་ལ། །ༀ་བཛྲ་སྭཏྟ་ཧཱུྃ་ཕཊ། ༀ་རཏྣ་སྭཏྟ་ཧཱུྃ་ཕཊ། ༀ་པད་མ་སྭཏྟ་ཧཱུྃ་ཕཊ། ༀ་ཀརྨ་སྭཏྟ་ཧཱུྃ་ཕཊ། འཁོར་ལོ་པདྨའི་རྩེ་མོ་ལ། །ཡུམ་དང་འཁྲིལ་
བའི་ཚུལ་གྱིས་འཁོད། །ཕྱི་རོལ་པདྨའི་རིགས་བདུན་ལ། །བདེ་གཤེགས་ཡབ་ཡུམ་ཉིས་སྟོང་ཚོགས། །བདེ་གཤེགས་རྡོ་རྗེ་རིན་ཆེན་དང་། །པད་མ་རྒྱ་གྲམ་སྣ་ཚོགས་མཁའ། །སྐུ་མདོག་པད་མ་ར་ག་དང་། །ཨིནྡྲ་ལ་སོགས་རིམ་བདུན་ལ། །རལ་པ་རྩེ་མཛོད་བུམ་པ་
104-1-105b


ལ། །ལྕུག་མ་དྲིལ་བུ་གླེགས་བམ་དང་། །ཆོས་ཀྱི་རྒྱལ་མཚན་ཕྲེང་བ་འཛིན། །ཀུན་ཀྱང་ཞལ་གསུམ་ཕྱག་དྲུག་པ། །རིན་ཆེན་རྒྱན་ཕྲེང་འོད་མདངས་ཅན། །ཕྱག་མཚན་གྲི་གུག་ཐོད་པ་དང་། །པད་མའི་ཕྲེང་བ་རྩེ་གསུམ་བསྣམས། །ལྟག་པའི་ཕྱག་བཞི་
འཛིན་པར་མཛད། །དང་པོ་རང་རྟགས་ཕྱག་རྒྱ་བསྣམས། །ༀ་བཛྲ་དུ་ཀི་བི་ཤི་ཀ་དུ་ཀུྃ་དི་ཀྃ་མྃ་ཧྲི་སྃ་ག་ཏ་སྦྲུྃ་སྲ་མོ་ཏ་ཕཊ་སྭཱ་ཧཱ། དེ་བཞིན་གཤེགས་པ་རྣམས་ཀྱིའོ། །ༀ་བཛྲ་ས་མོ་ཡོ་ག་ཏ་ས་ར་ལ་སུ་ཧཱུྃ་ཕཊ། རིན་པོ་ཆེ་རྣམས་ཀྱིའོ། །ༀ་པད་མ་བུྃ་སི་ཉི་ཧྃ་
ཧེ་ཧེ་མྃ་བྃ་ཧཱུྃ་ཕཊ། པད་མའི་རིགས་རྣམས་ཀྱིའོ། །ༀ་ཀརྨ་བྷྱོ་ཏྲུྃ་ཧཱུྃ་རཀྵ་མུ་རྱ་ས་ཧཱུྃ་ཕཊ། ལས་ཀྱི་རིགས་ཀྱིའོ། །ༀ་བཛྲ་ཙཀྲ་བྲུྃ་སི་ཏི་ཡོ་གི་ཤྭ་རི་ཧཱུྃ་ཕཊ། འཁོར་ལོའི་རིགས་ཀྱིའོ། །དེ་ནས་དཀྱིལ་འཁོར་སྤྲུལ་པའི་ཚོགས། །ཕྱོགས་རྣམས་ཀུན་ཏུ་སྤྲོས་བྱས་
པ། །རྡོ་རྗེ་རིགས་ཀྱི་ཕོ་ཉ་ཡིན། །ཕྱོགས་ཀྱི་རྒྱལ་པོའི་གདོན་རྣམས་འགུགས། །སྐྲག་ཤིང་བྱེད་ནས་དགྲ་འགུགས་ཤིང་། །སོ་སོའི་རིགས་དབྱེར་འཁྲུག་པ་དག །རྡོ་རྗེ་གསང་བའི་སྔགས་ཀྱིས་གཟེར། །རང་གི་དམ་ཚིག་རྗེས་སུ་དྲན། །སྲོག་གི་སྙིང་པོ་དབུལ་བར་
བྱ། །རྡོ་རྗེ་གསང་བའི་དམ་ཚིག་གིས། །དབང་བསྐུར་བྱིན་བརླབས་རྫོགས་བྱས་ནས། །དཀྱིལ་འཁོར་གསང་བའི་གནསུ་འཁོད། །གསང་བ་འཛིན་པའི་གནས་འདོར་ནས། །རང་གི་ལུས་སུ་གནས་བྱས་ཏེ། །གཞལ་ཡས་ཁང་གི་བརྒྱན་དུ་གཞུག །དེ་དག་གི་སྙིང་པོ་ནི། 
ༀ་ས་མུ་ད་ར་ཛི་ན་ན་ག་སུ་ཏྲ་བྷ་བ་སི་ཏྲི་སྣི་ཤ་ཧཱུྃ་བྲུྃ་ཕཊ་ཞེས་པའོ། །སླར་གསོ་བའི་སྔགས་ནི། ༀ་སུ་མུ་གེ་ཌྃ་སྃ་མྱག་ཧེ་ཧེ་རུ་ཏུ་པ་ལ་སི་ཏྃ་ཛ་ཧཱུྃ་ཕཊ། ལྷ་རྣམས་ཀྱི་སྙིང་པོ་བསྡུས་པ་ནི། །ༀ་སརྦ་ས་ཀ་ར་བྲུྃ་བག་ཤ་སྃ་མེ་བྲྃ་མུ་རཀྵ་ཧཱུྃ་ཞེས་པའོ། །དེ་བཞིན་
གཤེགས་པ་ཐམས་ཅད་ཀྱི་དགོངས་པ་བླ་ན་མེད་པའི་གསང་བ་དཔལ་རྟ་མཆོག་རོལ་པའི་རྒྱུད་ལས་ཁམས་གསུམ་གནོན་པའི་ལེའུ་སྟེ་བཅྭ་ལྔ་པའོ།། །། དེ་ནས་བཅོམ་ལྡན་གར་དབང་སྐུ། །སངས་རྒྱས་ཐམས་ཅད་འདུས་མཛད་ནས། །ཁྲོ་བོའི་
དཀྱིལ་འཁོར་སྤྲུལ་བྱས་ཏེ། །གནོད་སྦྱིན་གྲུལ་བུམ་འདུལ་བར་མཛད། །གཞལ་ཡས་གྲུ་གསུམ་མཐིང་ནག་ལ། །དབུས་སུ་འཁོར་ལོ་ཉི་མའི་གདན། །དཔལ་ཆེན་པད་མ་ཧེ་རུ་ཀ །དུར་ཁྲོད་ཆེན་པོའི་རྒྱན་གྱིས་བརྗིད། །ཞལ་གསུམ་པ་ལ་ཕྱག་དྲུག་སྟེ། །སྐུ་མདོག་
104-1-106a


པད་མ་རཱ་གའི་མདངས། །རྩེ་གསུམ་གཏུན་ཤིང་རལ་གྲི་དང་། །པད་མ་ཞགས་པ་ཐོད་རྔ་འཛིན། །གླང་ཆེན་ལྐོ་བ་ཐོད་རློན་སྦྲུལ། །ཡུམ་དང་ཞལ་སྦྱོར་འཁྲིལ་པའི་ཚུལ། །ཐབས་དང་ཤེས་རབ་སྦྱོར་བ་ལས། །ཡི་གེ་ལས་སྤྲུལ་ཁྲོ་བའི་རྒྱན། །
ཤར་དུ་རྣམ་རྒྱལ་མདོག་དཀར་སྔོ། །ཞལ་གསུམ་ཕྱག་དྲུག་རྡོ་རྗེ་དུང་། །འཁོར་ལོ་རིན་ཆེན་པད་མ་དང་། །རལ་གྲི་མེ་འོད་ཀྱིས་མཚན་པ། །ལྷོ་རུ་གཤིན་རྗེ་གཤེད་པོ་ནི། །སྔོ་ནག་ཞལ་གསུམ་ཕྱག་དྲུག་པ། །ཐོད་དབྱུག་རིན་ཆེན་ནེའུ་ལེ་དང་། །རྩེ་
གསུམ་མེ་དཔུང་ཐོད་རྔ་འཛིན། །ནུབ་ཏུ་རྟ་མཆོག་ཁྲོ་བོའི་སྐུ། །ཞལ་གསུམ་ཕྱག་དྲུག་དམར་སྐྱའི་མདོག །འཁོར་ལོ་བསྡིགས་མཛུབ་རྩེ་གསུམ་དང་། །རལ་གྲི་ཐོད་པ་ཌ་མ་རུ། །བྱང་དུ་བདུད་རྩི་འཁྱིལ་པ་སྟེ། །ལྗང་སྔོན་ཞལ་གསུམ་ཕྱག་དྲུག་པ། །རྒྱ་གྲམ་
གྲི་གུག་པད་མ་དང་། །བེ་ཅོན་རྩེ་གསུམ་སེང་གེ་འཛིན། །ཤར་ལྷོར་དབྱུག་པ་སྔོན་པོ་ནི། །སྡོ་སྐྱ་ཞལ་གསུམ་ཕྱག་དྲུག་པ། །དབྱུག་པ་ཙཀྲ་པད་མ་དང་། །རྔ་ཡབ་བན་དྷ་དྲིལ་བུ་འཛིན། །ལྷོ་ནུབ་མི་གཡོ་མགོན་པོ་ནི། །ཞལ་གསུམ་སེར་སྐྱ་ཕྱག་དྲུག་པ། །རིན་ཆེན་རལ་གྲི་
གཏུན་ཤིན་འཛིན། །པད་མ་ཐོད་ཁྲག་མདུང་རྩེ་གསུམ། །ནུབ་བྱང་འདོད་པའི་རྒྱལ་པོ་ནི། །དམར་སྐྱ་ཞལ་གསུམ་ཕྱག་དྲུག་པ། །རྡོ་རྗེ་དབྱུག་པ་རིན་ཆེན་བུམ། །ཐོད་པ་བདུད་རྩི་སྙིང་འཛིན་པའོ། །བྱང་ཤར་སྟོབས་ཆེན་དུད་ཀའི་མདོག །ཞལ་གསུམ་ཕྱག་
དྲུག་འཇིགས་པའི་མདངས། །རྡོ་རྗེ་རྩེ་གསུམ་བམ་ཆེན་ཁོག །སྣ་ཚོགས་རྡོ་རྗེ་བམ་ཆེན་ཁྲག །འཇིགས་པའི་ཆ་ལུགས་ཁྲོ་ཕྲེང་དང་། །གྱད་གྱི་དོར་ཐབས་རོལ་པའི་སྟབས། །ༀ་བཛྲ་ཀྲོཏ་བི་ཛ་ཡ་ཧཱུྃ་ཕཊ། ༀ་བཛྲ་ཀྲོཏ་ཡ་མན་ཏ་ཀ་ཧཱུྃ་ཕཊ།  ༀ་བཛྲ་ཀྲོ་དྷ་ཧ་
ཡ་གྲཱི་བ་ཧཱུྃ་ཕཊ། ༀ་བཛྲ་ཀྲོ་དྷ་ཨ་མྲྀ་ཏ་ཀུན་ཌ་ལི་ཧཱུྃ་ཕཊ། ༀ་བཛྲ་ཀྲོ་དྷ་ནཱི་ལ་ཌན་ཌ་ཧཱུྃ་ཕཊ། ༀ་བཛྲ་ཀྲོ་དྷ་ཨཱརྱ་ཨ་ཙ་ལ་ཧཱུྃ་ཕཊ། ༀ་བཛྲ་ཀྲོ་དྷ་ཊ་ཀི་དཱ་ཧཱུྃ་ཕཊ།  ༀ་བཛྲ་ཀྲོ་ཏ་མ་ཧཱ་བ་ལ་ཧཱུྃ་ཕཊ། ཕྱོགས་སྐྱོང་གི་རྒྱལ་པོ་ཆེན་གནོད་སྦྱིན་དང་། །གྲུལ་
བུམ་ཚོགས་རྣམས་དབང་བསྡུས་ཏེ། །གསང་སྔགས་དྲག་པོས་བསྒྲལ་བྱས་ན། །སླར་གསོལ་ཡེ་ཤེས་ལྷུམས་སུ་གྱུར། །དཀྱིལ་འཁོར་གསང་བའི་དབང་བསྐུར་ཞིང་། །དམ་ཚིག་ལ་གཞན་དཀྱིལ་འཁོར་ཚུལ། །ཀུན་གྱི་སྲོག་སྙིང་ཕུལ་བ་ནི། །དམ་ཚིག་ཆེན་པོས་བྱིན་
104-1-106b


བརླབས་མཛད། །སླར་ཡང་དམ་ཚིག་འཛིན་པའི་སྔགས། །འཁོར་རྣམས་ཀུན་ལ་སྦྱིན་པར་མཛད། །ༀ་བཛྲ་ཀྲ་ཀ་ར་མུརྡ་སི་ན་བ་མུ་ཀ་ཧཱུྃ་ཕཊ། ༀ་ཨཱཿཧཱུྃ་བཛྲ་སུ་ཀ་ཏ་བྷ་མོ་ཏྲྃ་ཨ་ལ་ལ་ཧཱུྃ་ཕཊ། ལྷ་རྣམས་ཀུན་གྱི་དམ་ཚིག་ནི། །རྡོ་རྗེ་གསང་བ་གསུམ་ལས་
བྱུང་། །རྡོ་རྗེ་གནོད་སྦྱིན་དྲག་པོའི་སྐུ། །ཁམས་གསུམ་དུས་ཀྱིས་དབང་བསྐུར་ནས། །འཁོར་བའི་ཆོས་ལས་རྒྱལ་བྱེད་ཅིང་། །བྱང་ཆུབ་སེམས་ཀྱིས་དེ་ཉིད་གསལ། །དེ་བཞིན་གཤེགས་པ་ཐམས་ཅད་ཀྱི་དགོངས་པ་བླ་ན་མེད་པའི་གསང་བ་དཔལ་རྟ་
མཆོག་རོལ་པའི་རྒྱུད་ལས་ཁྲོ་བོ་ཕྲིན་ལས་རོལ་པའི་ལེའུ་སྟེ་བཅུ་དྲུག་པའོ།། །། དེ་ནས་བཅོམ་ལྡན་གར་དབང་སྐུས། །གཟི་བརྗིད་དགོད་པའི་རྒྱན་བཀོད་ཅིང་། །ལྷ་མིན་གྲོང་ཁྱེར་འདུལ་བའི་ཕྱིར། །ཡུམ་གྱི་དཀྱིལ་འཁོར་འཕྲུལ་
བར་མཛད། །ཆོས་དབྱིངས་སྤྲུལ་པའི་གནས་བཟང་མཆོག །རྒྱལ་བའི་རང་བཞིན་རིན་ཆེན་སྤྲོས། །གྲུ་བཞི་ཁང་པ་སྒོ་དང་བཅས། །རྟ་བབས་ཀ་བ་བརྒྱད་ཀྱིས་མཛེས། །དབུས་ཀྱི་པད་མའི་གདན་བཞུགས་པ། །གཉིས་མེད་རོལ་པའི་ཡུམ་གྱི་སྐུ། །མདོག་དམར་
རྒྱན་དུ་ཟངས་ཆེན་གཟུགས། །ཞལ་གཅིག་ཕྱག་བཞི་མཛེས་པའི་མདངས། །འཁོར་ལོ་དུང་ཁྲག་པད་མོ་དང་། །རིན་ཆེན་འབར་བ་རྩེ་དགུ་འཛིན། །རིན་ཆེན་པད་མའི་ཕྲེང་བ་ཅན། །སྟོང་བཟངས་ན་བཟའ་དཀྱིལ་བཟངས་བཞུགས། །ༀ་པད་མ་མུ་ཤ་ར་ས་མ་
ཀ་ཏ་ཧཱུྃ་ཕཊ། ཤར་ལ་སོགས་པའི་ཕྱོགས་རྣམས་སུ། །པད་མ་དབྱིངས་ཕྱུག་གསལ་བ་མོ། །རིན་ཆེན་ཕྲེང་བ་གླུ་མ་ཆེ། །དཀར་དམར་སེར་དང་ལྗང་ཁུའི་མདོག །རྡོ་རྗེ་གསུམ་པ་པད་མོ་དྲ་བ་དང་། །ན་ར་སི་ལའི་སྣོད་རིན་ཚོགས། །རང་གི་དཀྱིལ་འཁོར་མ་སྤྲོས་
ཤིང་། །སྣ་ཚོགས་པད་མའི་གདན་ལ་བཞུགས། །ༀ་ཙུན་དྡེ་ཤྭ་རི་ཧཱུྃ་ཕཊ། ༀ་ཥྞི་ཤ་བཛྲ་སྃ་བྲུྃ་ག་ཧཱུྃ་ཕཊ། ༀ་བྱི་ཙུ་སྭ་ཏེ་ཧཱུྃ་ཕཊ། མཚམས་ཀྱི་པད་མའི་འདབ་མ་ལ། །དེ་བཞིན་བདེ་བ་བསྐྱེད་བྱེད་ཡུམ་ཆེན་བཞི། །དྲ་བ་མོ་དང་གློག་འགྱུར་
རྒྱན། །གཤོག་པ་ཅན་དང་འདོད་པའོ། །དཀར་སེར་དམར་སྐྱ་སྔོ་བསངས་དང་། །ལྗང་ཁུ་མདོག་ལེགས་ལ་བཞུགས་ནས། །རྡོ་རྗེ་རིན་ཆེན་པད་མོ་དང་། །ཨུད་དཔལ་ལྗ་ཁུ་ལེགས་མཛད་པའོ། །ༀ་ནུ་ཏེ་ནོ་ཙ་ཀྲུ་ཧཱུྃ་ཕཊ། ༀ་སྃ་བོ་ག་ཏ་སུ་ཧེ་བྱ་ཧཱུྃ་ཕཊ། 
104-1-107a


ༀ་མ་མ་ཀྲི་བྲུྃ་ཧེ་ཧེ་ཧཱུྃ་ཕཊ། ༀ་ཏ་རེ་ག་ག་ན་ཨ་མ་ལ་ཧཱུྃ་ཕཊ། ཕྱོགས་རྣམས་ཀུན་ཏུ་མཁའ་ཁྱབ་པ། །ཏིལ་གང་བཞིན་དུ་གནས་གྱུར་པ། །མ་མོ་གཤིན་རྗེའི་ཚོགས་རྣམས་ཀུན། །འཁྲུག་རྔམ་རོད་རོད་པོར་གྱུར་ནས། །ཐུགས་རྗེ་
ཅན་ལ་སྐྱབས་སུ་མཆི། །སྲོག་གི་སྙིང་པོ་དབུལ་བར་བྱེད། །དེ་ནས་དཀྱིལ་འཁོར་བསྡུས་བྱས་ཏེ། །རང་གི་གནས་སུ་དབང་བསྐུར་ཞིང་། །དམ་ཚིགས་དགའ་བའི་སྡོམ་པ་རྙེད། །བདེ་གཤེགས་ཡེ་ཤེས་གསལ་བར་འགྱུར། །ཀུན་གྱིས་འཐུན་
པར་ཁས་བླངས་ཏེ། །དམ་ཚིག་བསྲུང་ཞིང་རྣལ་འབྱོར་སྐྱོང་། །ༀ་མ་མ་རག་ཏ་ས་པྲ་ཏི་ཨིད་དྃ་ས་བུ་ཏ་ཕཊ། ཨོཾ་ཏྲག་ཤ་ར་ལ་སི་བད་ཊ་ཏ་ཕཊ། མ་མོ་དང་འབྱུང་པོ་རྣམས་ཀྱི་སྙིང་པོའོ། །ༀ་ཡུ་མེ་སི་དྷ་རུ་ལུ་རུ་ལུ་ཧཱུྃ་ཕཊ། གནོད་སྦྱིན་རྣམས་
ཀྱིའོ། །ༀ་ཨཱཿཧཱུྃ་ཡོ་ག་བྲི་གུ་མེ། ཧ་ས་ཧ་ས། རུ་ལུ་རུ་ལུ་ཧཱུྃ་ཕཊ། སླར་གསོ་ཞིང་བྱིན་གྱིས་བརླབ་པའི་སྔགས་སོ། །དེ་བཞིན་གཤེགས་པ་ཐམས་ཅད་ཀྱི་དགོངས་པ་བླ་ན་མེད་པའི་གསང་བ་དཔལ་རྟ་མཆོག་རོལ་པའི་རྒྱུད་ལས་རིན་ཆེན་དབྱིངས་ཀྱི་
དཀྱིལ་འཁོར་ཕྲུལ་པའི་ལེའུ་སྟེ། བཅུ་བདུན་པའོ།། །། དེ་ནས་གར་གྱི་དབང་ཕྱུག་ཉིད། །དུས་སུམ་སངས་རྒྱས་ཐམས་ཅད་ཀྱི། །སྐུ་གསུམ་ཐུགས་ཀྱི་འཁོར་ལོ་ཡིས། །ས་འོག་ས་བླ་ས་སྟེངས་རྣམས། །འཇོམས་བྱེད་
གཟའ་དང་རྒྱུ་སྐར་དང་། །བདུད་དང་དེ་ཡི་རིགས་འཁོར་ཀུན། །འདུ་བར་བྱ་བའི་ཏིང་འཛིན་ལ། །སྙོམས་ཞུགས་འཁོར་ལོ་སྤྲུལ་པ་མཛད། །ཐབས་དང་ཤེས་རབ་བསྒྲུབ་བྱས་པའི། །འོད་ཟེར་གསལ་བས་སྟོང་གསུམ་གང་། །རིན་ཆེན་འབར་བའི་
གཞལ་ཡས་ཁང་། །སྒོ་བཞི་རྟ་བབས་ཕྲེང་བས་བརྒྱན། །འཁོར་ལོ་རིམ་གསུམ་གདན་དང་བཅས། །རྡོ་རྗེ་པད་མ་རིན་ཆེན་གྱིས། །ཁོར་ཡུག་སེང་གེ་གླང་ཆེན་མཆོག །ཉི་མས་མཛེས་པའི་པད་མོ་ཡི། །དབུས་ཀྱི་དཔའ་བོ་ཡུམ་དང་བཅས། །ཞལ་
གཅིག་ཕྱག་བཞི་རྡོ་རྗེ་རིན། །པད་མ་རལ་གྲི་འཛིན་པར་མཛད། །དམར་སེར་ཀུན་ཏུ་རྒྱུ་བ་ནི། །ལྗང་སེར་པད་མ་དྲིལ་བུས་འཁྱུད། །མཚན་དང་དཔེ་བྱད་རྒྱན་ཕྲེང་ཀླུབས། །སངས་རྒྱས་འདུས་པའི་དབུ་རྒྱན་ཅན། །ཕྱག་རྒྱ་བཞི་ཡིས་མཛེས་བྱས་པའོ། །
104-1-107b


རྡོ་རྗེ་འཁོར་ལོ་རྩིབས་རྣམས་ལ། །རིགས་ཀྱི་སེམས་དཔའ་ཉི་ཤུ་བཞི། །དཀར་དང་དམར་དང་སེར་བའི་མདངས། །རྡོ་རྗེ་དྲིལ་བུ་པད་མ་བསྒོཾ། །འཁོར་ལོ་རིན་ཆེན་སྙེ་མ་བསྣམས། །དང་པོའི་ཕྱག་གཉིས་མཚན་བྱས་ཤིང་། །ལྷག་མ་གྲི་གུག་ཐོད་པ་
ཐོགས། །ཁྲོ་ཞིང་སེམས་དཔའི་ཆ་ལུགས་ཀྱིས། །རྒྱན་ཕྲེང་རིགས་ཀྱི་དབང་པོ་གསུམ། །རིན་ཆེན་འབར་བའི་རྒྱན་གྱིས་ཀླུབས། །ༀ་བཛྲ་སྭ་ཏ་ཀྲོ་དྷ་ཧེ་ཧེ་རུ་ལུ་ཧཱུྃ་ཕཊ། རྡོ་རྗེ་རིགས་རྣམས་ཀྱིའོ། །པད་མ་ཏི་ཤྠ་སྭཱ་ད་ན་མ་ཀུ་རུ་ཀུ་རུ་ཧཱུྃ་ཕཊ། པད་མ་
རིགས་ཀྱི་སེམས་དཔའ་རྣམས་ཀྱིའོ། །ༀ་ཨི་ཀུ་རི་ཙག་བན་དྷ་སི་དྷི་ཕཊ་ཕཊ། ཀྲོ་དྷི་ཤ་རི་ཧཱུྃ་ཕཊ། དེ་བཞིན་གཤེགས་པ་རིགས་ཀྱིའོ། །སྒོ་བཞི་མཛེས་གཟུགས་ཁྲོ་མོ་ནི། །མི་མཐུན་པའི་བློ་གྲོས་དཔའ་ཆེན་མོ། །ཡེ་ཤེས་མཁའ་དབྱིངས་བཞི་རྣམས་ཏེ། །
དཀར་སེར་དམར་དང་རིམ་པ་བཞིན། །རྡོ་རྗེ་ལྕགས་ཀྱུ་ཞགས་པ་དང་། །ལྕགས་སྒྲོག་དྲིལ་བུ་མཚན་མའི་ཕྱག །ༀ་བཛྲ་ཨྃ་གུ་ཤཱ་ཛ༔ པཱ་ཤ་ཧཱུྃ། སྥོ་ཊ་བྃ། གྷནྜ་ཧོཿ། ཕཊ། དགུག་གཞུག་བཅིང་པའི་ལས་དག་དང་། །དབབ་པའི་ཆོ་ག་མཉེས་པར་བྱེད། །
དུས་གསུམ་སངས་རྒྱས་ཐམས་ཅད་ཀུན། །སྐུ་གསུང་ཐུགས་ཀྱི་དཀྱིལ་འཁོར་འདུས། །རིགས་གསུམ་སེམས་དཔའ་ཁྲོ་བོར་བསྟན། །འཇིགས་བྱེད་ཆ་ལུགས་རྔམ་པའི་སྟབས། །རྡོ་རྗེ་གཅོད་བྱེད་འཇིགས་པ་ཆེ། །རྡོ་རྗེ་འཇོམས་པའི་ཡིད་འཕྲོག་བྱེད། །རྡོ་རྗེ་
རབ་བཟང་བློ་གྲོས་མཆོག །རྡོ་རྗེའི་བསྟན་པ་གཡུལ་ལས་རྒྱལ། །པད་མའི་སྤྲིན་ཆེན་འབྲུག་སྒྲའི་དབྱངས། །པད་མའི་བློ་གསལ་མྱ་ངན་འཇོམས། །པད་མའི་སྡོང་པོ་ང་རོ་མྱོས། །པད་མའི་འོད་ཟེར་བདུད་རྩིའི་འོད། །འཁོར་བ་བརྩེགས་པ་མྱུར་དུ་བཟློག །
འཁོར་ལོ་དགའ་བ་སྦྲང་རྩིའི་མཆོག །འཁོར་ལོ་སྒྲོལ་དང་རྩེ་གསུམ་འཆིང་། །འཁོར་ལོ་རོལ་པ་དགའ་བྱེད་སྟོབས། །འདི་དག་སྤྲུལ་པ་འཁོར་ཚོགས་སྐུས། །གནས་གསུམ་པོ་དག་འདུལ་བར་མཛད། །དེ་ནས་གཟའ་དང་རྒྱུ་སྐར་རྣམས། །གདུག་པའི་ང་
རོ་ཆུ་མ་ཤུམས། །སྒྲ་ཆེན་སྒྲོགས་ཤིང་སྤྲུལ་ནས་ཀྱང་། །མཐུ་དང་རྫུ་འཕྲུལ་མེད་པར་འགྱུར། །དཀྱིལ་འཁོར་ཆེན་པོ་སྐྱབས་གསོལ་ཞིང་། །བསྟན་པ་བཟུང་བར་དམ་བཅས་སོ། །དེ་དག་སོ་སོའི་སྲོག་སྙིང་དག །ལུས་སེམས་དད་པས་ཕུལ་བྱས་པས། །
104-1-108a


དཀྱིལ་འཁོར་ཆེན་པོར་དབང་བསྐུར་ཞིང་། །རབ་གནས་གདན་ལ་གཞག་པར་བྱ། །དེ་བཞིན་གཤེགས་པ་ཐམས་ཅད་ཀྱི་དགོངས་པ་བླ་ན་མེད་པའི་གསང་བ་དཔལ་རྟ་མཆོག་རོལ་པའི་རྒྱུད་ཆེན་པོ་ལས་རང་སངས་རྒྱས་ཐམས་ཅད་ཁྲོ་བོར་བྱུང་བའི་
ལེའུ་སྟེ་བཅྭ་བརྒྱད་པའོ།། །། དེ་ནས་བཅོམ་ལྡན་དབང་གི་ལྷ། །པད་མ་བདེ་ཆེན་ཡུམ་བཅས་ལ། །འགྲོ་དྲུག་རྒྱུ་འབྲས་བྱ་བའི་ཕྱིར། །བདེ་ཆེན་བྱང་སེམས་དཀྱིལ་འཁོར་སྤྲུལ། །དཀྱིལ་འཁོར་ཆེན་པོའི་གནས་འབར་བ། །
རིན་ཆེན་ཕྲེང་སོགས་འཇིགས་བྱེད་བརྒྱད། །དུར་ཁྲོད་ཆེན་པོའི་གནས་བཞིན་བརྒྱན། །དབུས་ཀྱི་འཁོར་ལོ་གདན་བཅས་ལ། །རིགས་ལྔའི་ཧེ་རུ་ཀ་བཞུགས་མཛད། །ཡུམ་ཆེན་ལྔ་དང་འཁྲིལ་པར་སྦྱོར། །ཀུན་ཀྱང་ཞལ་གསུམ་ཕྱག་དྲུག་
པ། །དམར་ནག་དཀར་སེར་ལྗང་ཁུའི་མདངས། །རྡོ་རྗེ་ཁ་ཊྭཱྃ་རལ་གྲི་དང་། །ཏྲི་ཤུལ་ཞིང་དབྱུག་ཐོ་བ་བསྣམས། །གཡས་པར་དུང་ཕོར་གཡོན་ཐོད་ཁྲག །བར་མ་གྲི་གུག་པད་མ་སྟེ། །ཐ་མ་ཡུམ་དང་འཁྲིལ་པའི་ཚུལ། །སྤྱན་དགུ་སྡང་མིག་དམར་པོ་
བཟློག །ཁྲོ་གཉེར་རལ་པ་གྱེན་དུ་མཛེས། །ཐོད་སྦྲུལ་ཁྲག་དང་ཐལ་བས་བརྒྱན། །གཡང་གཞི་རི་ཤའི་རྒྱན་གྱིས་མཛེས། །ༀ་བཛྲ་ཤྲཱི་ཧེ་རུ་ཀ་བཛྲ་ཀྲོ་དྷི་ཤྭཱ་རི་ཧཱུྃ་ཕཊ། ༀ་བྷུྰ་ཏ་ཤྲཱི་ཧེ་རུ་ཀ་བུདྡྷ་ཀྲོ་དྷི་ཤྭཱ་རི་ཧཱུྃ་ཕཊ། ༀ་རཏྣ་ཤྲཱི་ཧེ་རུ་ཀ་ཧཱུྃ་ཕཊ། རཏྣ་
ཀྲོ་དྷི་ཤྭ་རི་ཧཱུྃ་ཕཊ། པད་མ་ཤྲཱི་ཧེ་རུ་ཀ་ཧཱུྃ་ཕཊ། ༀ་པདྨ་ཀྲོ་དྷི་ཤྭ་རི་ཧཱུྃ་ཕཊ། ༀ་ཀརྨ་ཤྲཱི་ཧེ་རུ་ཀ་ཧཱུྃ་ཕཊ། ཀརྨ་ཀྲོ་དྷི་ཤྭ་རི་ཧཱུྃ་ཕཊ། བདེ་ཆེན་བྱང་ཆུབ་སེམས་ཀྱི་རྒྱན། །རོལ་པ་ཀུན་ཏུ་ཁྱབ་མཛད་དེ། །ཁམས་གསུམ་མ་འདྲེས་རྣམ་པར་དབྱིངས། །བདེ་བ་
ཆེན་པོ་གཉིས་མེད་འགྱུར། །དབང་བསྐུར་བྱིན་བརླབས་རིགས་ཀྱིས་བསྐུར། །བསྐྱེད་དབུ་ལ་རང་གི་བདག་པོས་བརྒྱན། །སྨོན་འཇུག་གཡོ་ལྡང་བསྐྱོད་པ་ཡི། །ལྷ་མོ་བཞི་དང་མཉམ་པར་སྦྱོར། །དེ་བཞིན་གཤེགས་པ་ཐམས་ཅད་ཀྱི་དགོངས་
པ་བླ་ན་མེད་པའི་གསང་བ་དཔལ་རྟ་མཆོག་རོལ་པའི་རྒྱུད་ལས། བདེ་བ་ཆེན་པོའི་ལེའུ་སྟེ། བཅུ་དགུ་པའོ།། །། དེ་ནས་བཅོམ་ལྡན་འདས་དགོངས་པ་ཉིད་ལ་བཞག་སྟེ་བཞུགས་སོ། །དེའི་ཚེ་དེའི་དུས་ན་བདུད་ཀྱི་རྒྱལ་པོ་མ་ཏྲ་རུ་ཏྲས་
104-1-108b


རང་གི་རྫུ་འཕྲུལ་ཆེན་པོ་བསྟན་ཞིང་། འཁོར་དང་བཅས་པས་ཕྱོགས་བཅུར་རྒྱུག་ཅིང་རིག་པ་འཛིན་པ་དང་། རྣལ་འབྱོར་མཐའ་དག་གི་བར་གཅོད་བྱེད་ཅིང་བདེ་འགྲོའི་བདེ་བ་ཐམས་ཅད་རྒྱུན་གཅོད་པ་དང་། རང་ཉིད་ཀྱི་ཉོན་མོངས་པ་བསྐྱེད་དོ། །དེ་ནས་
བཅོམ་ལྡན་འདས་ཀྱིས་ཐུགས་རྣམ་པར་འཕྲུལ་པ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས། རིགས་ཀྱི་འོད་ཟེར་མཐའ་ཡས་པ་ཞེས་བྱ་བས་སྟོང་གསུམ་གྱི་འཇིག་རྟེན་ཐམས་ཅད་སྐད་ཅིག་གིས་གསལ་བར་མཛད་དོ། །རྒྱལ་བའི་དབང་པོ་
སྟོང་གསུམ་འདིར། །ཁང་བཟངས་མཛེས་པར་བྱིན་བརླབས་ཏེ། །རིན་ཆེན་ཀ་བ་གདན་ཕྲེང་དང་། །གཟུགས་མཛེས་ལ་སོགས་ཀུན་གྱིས་སྤྲས། །ཉི་མ་ཟླ་བ་རིན་ཆེན་ཁྲི། །པད་མ་སེང་གེ་ལ་སོགས་མནོན། །སྒོ་བཟངས་ཁྱམས་སུ་བཅས་པ་ཡི། །
རྣམ་དག་གཞལ་ཡས་ཁང་བཟངས་སྤྲུལ། །དེ་ནས་བཅོམ་ལྡན་བདེ་ཆེན་པོས། །དཔལ་ལྡན་གར་གྱི་དབང་ཕྱུག་སྐུས། །སངས་རྒྱས་དཀྱིལ་འཁོར་རིགས་ཚོགས་རྣམས། །དགའ་བའི་སྤྲིན་གྱིས་བསྐུལ་བར་མཛད། །བདེ་བ་ཆེན་པོ་གཉིས་མེད་མཐུས། །
རིགས་ཀྱི་དཀྱིལ་འཁོར་ཅིག་ཏུ་གྱུར། །ཡོངས་རྫོགས་གསལ་བ་རྒྱ་ཆེན་པོས། །དཀྱིལ་འཁོར་རྒྱ་ཆེན་སྤྲུལ་པར་མཛད། །དབུས་སུ་པད་མའི་རིགས་རྒྱལ་པོ། །གཙོ་བོ་པད་མ་རྡོ་རྗེའི་མདངས། །ཞལ་གསུམ་ཕྱག་དྲུག་འཇིགས་བྱེད་སྐུ། །རྡོ་རྗེ་དགའ་
བའི་སྤྱན་འདྲིལ་ཞིང་། །ཤར་ལ་སོགས་པའི་ཕྱོགས་ཀུན་དུ། །བདེ་གཤེགས་རྡོ་རྗེ་སེམས་དཔའི་མཆོག །རྣམ་སྣང་རིན་ཆེན་དོན་གྲུབ་རྣམས། །རིན་ཆེན་ཕྱོགས་ཀྱི་མཚོན་མདངས་གསལ། །རྡོ་རྗེ་འཁོར་ལོ་རིན་ཆེན་དང་། །རལ་གྲི་པད་མ་སྣ་ཚོགས་དང་། །
གཙོ་བོ་པད་མའི་དྲུག་མཚན་ཅན། །སྟོང་པའི་སྒྲ་སྙན་དྲིལ་བུ་གཡོན། །སངས་རྒྱས་སྤྱན་མཛེས་མཱ་མ་ཀཱི། །དཀར་མོ་དམ་ཚིག་སྒྲོལ་མ་དག །མདོག་བཟངས་ཕྱག་མཚན་གཙོ་བོ་བཞི། །སངས་རྒྱས་ཏིང་འཛིན་རྫུ་འཕྲུལ་སྟོབས། །ཐབས་དང་ཤེས་རབ་ཉིས་སྟོང་
ཚོགས། །འཁོར་ལོ་འབར་བའི་རྩེ་མོ་ལ། །རང་གི་མཚན་མ་སོ་སོའི་ཚུལ། །དམར་མདངས་དཀར་དང་གསེར་གྱི་མདོག །ནིར་ཀ་ཏའི་མདོག་འཚེར་ཞིང་། །པད་མ་རྡོ་རྗེ་འཁོར་ལོ་རིན། །པད་མ་ཏྲི་ཤུལ་བཅས་པ་འཛིན། །གཡས་ན་འཁོར་ལོ་གོ་རིམ་བཞིན། །
104-1-109a


རྡོ་རྗེ་སྐྱིལ་དཀྲུང་ལེགས་བརྒྱན་བརྗིད། །གཞན་ཡང་ཁྲོ་བོའི་ཚོགས་འབར་བ། །ཕྱི་རོལ་འཁོར་ལོའི་བར་ཁྱམས་དང་། །སྒོ་ལ་སོགས་པའི་འཇིགས་གཟུགས་ཀྱིས། །རྔམ་པའི་མདངས་བཅས་འཁོད་པ་ནི། །ཁྲི་ཚོགས་ཡང་སྤྲུལ་མཚོན་ཆ་དང་། །
རིགས་ཀྱི་སྤྲུལ་པའི་དོན་བྱེད་པའི། །ཁམས་གསུམ་འཇིགས་བྱེད་ཁྲོ་བོ་དང་། །མཁའ་འགྲོའི་དག་པའི་ཚོགས་བཅས་རྣམས། །དུར་ཁྲོད་རྒྱན་གྱིས་རབ་མཛེས་ཤིང་། །རིགས་ཀྱི་ཁ་དོག་མཚོན་ཆ་དང་། །འོད་ཟེར་འཕྲོ་བ་འཁྲིགས་པའི་ཚུལ། །གསང་སྔགས་
དྲག་པོ་བརྗོད་མཛད་པའོ། །དེ་ལྟར་དཀྱིལ་འཁོར་ཁྲོ་ཞི་ཚོགས། །སྐད་ཅིག་གསལ་བར་རྫོགས་བྱས་ནས། །ཕྱི་ཡི་གནས་སུ་སྤྲོ་ཞིང་བྱ། །གསང་སྔགས་རྒྱུན་གྱི་སྐལ་བར་བྱེད། །ཧཱུྃ་ཨ་ལ་ལ་ཧོ། །མ་ཧཱ་པད་མ་ཧྲི་ད་ཡ། ཨ་ཨཱ་ༀ་ཨཱཿཧཱུྃ། མ་ཧཱ་པད་མ་ཀུ་རུ། 
ཧ་ལ་ཧ་ལ་བྷི་ཤ་ན་ཧཱུྃ་ཧཱུྃ་ཕཊ། སྟོང་ཁམས་སངས་རྒྱས་བཞུགས་པའི་གནས། །རབ་འཁྲུག་བྲེད་རྒྱས་རྨོངས་པ་དག །འབར་བའི་དཀྱིལ་འཁོར་འོད་ཀྱིས་བདེར་བྱས་ཤིང་། །རང་གི་སངས་རྒྱས་ཞིང་ལ་བཀོད། །དཀྱིལ་འཁོར་གནས་སུ་བསྡུས་བྱས་ནས། །རང་གི་
འཁོར་ལོ་མཛེས་བྱས་ཏེ། །དབང་བསྐུར་བྱིན་བརླབས་རྫོགས་འགྱུར་ནས། །དབུ་ལ་རིགས་ཀྱི་བདག་པོས་བརྒྱན། །ༀ་པད་མ་ཀུན་དྷ་ལི་ཧྲྀ་ད་ཡ་ན་བི་མུ་ཀུ་རུ་ཧ་ན་ད་ཧ་ཧཱུྃ་ཕཊ། གསང་སྔགས་ཀུན་གྱིས་བརྗོད་བྱས་ན། །འཇིག་རྟེན་གསུམ་པོ་བསྡུད་པ་ཡི། །
ཕོ་ཉ་རྡོ་རྗེ་ཀཱི་ལ་ཡ། །དྲགས་བྱེད་གཙོ་བོ་དག་རེངས་བྱ། །དེ་ནས་བཅོམ་ལྡན་བདེ་ཆེན་སྐུས། །སངས་རྒྱས་ཐམས་ཅད་བསྐུལ་བའི་ཕྱིར། །རྡོ་རྗེ་སེ་གོལ་ལན་གསུམ་བརྡབ། །དམ་ཚིག་ཆེན་པོའི་སྔགས་ཆེན་བརྗོད། །དེ་བཞིན་གཤེགས་པའི་རིགས་ཚོགས་རྣམས། །
ཏིང་འཛིན་བསྡུ་བའི་རྡོ་རྗེ་ལས། །གཅིག་ཏུ་གནས་ནས་འགྲོ་བ་གཟིགས། །དྲེགས་བྱེད་གཙོ་བོ་མ་རུངས་རྣམས། །རྒྱུ་དང་འབྲས་བུ་ལོག་འཁྲུལ་ཞིང་། །སངས་རྒྱས་བསྟན་པ་ལོག་མི་འགྱུར། །ལོག་པའི་ལམ་ལ་མངོན་ཞེན་ཅིང་། །མངོན་པའི་ང་རྒྱལ་
མཐུས་བསྙེམས་ནས། །འཇིག་རྟེན་གསུམ་དག་ཕུང་བྱེད་ན། །ཞི་བས་འདུལ་བར་མི་འགྱུར་ན། །ཁྲོ་བོའི་རོལ་པ་མཛད་མོད་ཀྱི། །འདུལ་བར་གཟིགས་ནས་བཀའ་གྲོས་མཛད། །ཀྱེ་མ་འདུལ་པའི་ཚོགས་ཆེན་དག །འདས་པའི་དུས་ན་སྔོན་འབྱུང་ལྟར། །
104-1-109b


ད་ལྟའི་དུས་འདིར་བྱུང་བ་ཏེ། །དེ་བཞིན་གཤེགས་པའི་གསུང་རབ་ལས། །ལོག་པའི་ལམ་དུ་འཁྲུལ་པ་སྟེ། །ཁྲོ་བོའི་ཚུལ་དུ་བྱུང་གྱུར་པ། །དེ་ཚེ་སེམས་ཅན་ཐམས་ཅད་ཀུན། །ཤིན་ཏུ་ཁྲོ་ཞིང་གཏུམ་པར་འགྱུར། །དེ་ལྟར་གྱུར་པའི་མཚན་
ཉིད་ཀྱིས། །མནར་མེད་ལ་སོགས་གནས་ངན་ལེན། །མི་བཟད་སྡུག་བསྔལ་མཐའ་ལ་བརྟེན། །ཇི་ལྟ་བུ་ཡི་ཐབས་ཀྱིས་འདུལ། །ཤིན་དུ་གཏི་མུག་མདོངས་པའི་ཚོགས། །དེ་བཞིན་བག་ཆགས་ངན་པ་ཡིས། །རིག་འཛིན་བདུན་རྒྱུད་གཅོད་བྱེད་ཅིང་། །
བསྟན་པའི་གསུང་རབ་འཇིག་པར་འགྱུར། །ལས་ཀྱི་མུན་པས་འགྲོ་བ་འཁྱམས། །དུས་ངན་རིགས་ངན་འཕྲ་མེན་མ། །གནོད་བྱེད་གདོན་དང་ལོག་འདྲེན་དང་། །སྲིད་གསུམ་འཇིག་ཅིང་དམ་ཚིག་འདྲལ། །འདི་ལྟ་བུ་ཡི་ཐབས་ཀྱིས་ནི། །སངས་རྒྱས་ཐུགས་
རྗེ་རྣམ་འཕྲུལ་བསྟན། །ང་རྒྱལ་ཆེན་པོ་མདོངས་པ་ཡི། །ལྟ་བ་རི་བོ་མཐུ་བརྙེས་ཚོགས། །ད་ལྟའི་ཚེ་ནི་འདི་བྱུང་འགྱུར། །རྒྱལ་བ་འདས་དུས་སྦྱོར་བྱེད་ཅིང་། །ཇི་བཞིན་ལས་ལ་འཁྲུལ་བར་བྱེད། །སངས་རྒྱས་ཀུན་གྱི་བདག་ཉིད་མཛོད། །མངོན་སྤྱོད་
རོལ་པའི་ཐབས་ཆེན་གྱིས། །འདི་དག་བསྟན་པའི་དུས་ལ་བབ། །སྲིད་གསུམ་གདུག་ཅིང་གཏུམ་པ་ལ། །ཞི་བས་ཕན་པར་མི་འགྱུར་སྟེ། །ཤེས་རབ་ཐབས་ཀྱི་ངོ་བོ་ལས། །ཁྲོ་བོ་དེ་བཞིན་གཤེགས་ཀུན་མཛད། །ཁྲོ་བོའི་ཚུལ་ཅན་ཁྲོས་པ་ཡི། །འཇིག་
རྟེན་གསུམ་དག་སྲེག་བྱེད་ན། །སངས་རྒྱས་ཐུགས་རྗེ་ཁྲོས་པ་ཡིས། །ཁམས་གསུམ་མ་ལུས་སྨོས་ཅི་དགོས། །རང་བཞིན་དག་པའི་ངོ་བོ་ལས། །ཕྲག་དོག་འཁྲུལ་པའི་རླུང་དག་གིས། །འཇིག་རྟེན་ཕྱིན་ཅི་ལོག་དུ་འཁྱམས། །ཇི་བཞིན་གནས་པ་ལམ་
བྲལ་བས། །ཁམས་གསུམ་བརླག་པའི་ལམ་ལ་ཞུགས། །འཇིག་རྟེན་འདི་དག་སྙིང་རྗེ་ཞིང་། །མངོན་ཤེས་གདུལ་དཀའི་རྨོངས་ཚོགས་རྣམས། །ཁྲོ་བོའི་ཚོགས་ཀྱིས་སྦྱོར་བར་མཛད། །ཞེས་བསྒྲགས་སོ། །དེ་བཞིན་གཤེགས་པ་ཐམས་ཅད་ཀྱི་དགོངས་
པ་བླ་ན་མེད་པའི་གསང་བ་དཔལ་རྟ་མཆོག་རོལ་པའི་རྒྱུད་ལས་རྣམ་པར་འཕྲུལ་པའི་དཀྱིལ་འཁོར་སྒྲོལ་བྱའི་ལེའུ་སྟེ། ཉི་ཤུ་པའོ།། །། དེ་ནས་བཅོམ་ལྡན་དགྱེས་ཆེན་པོས། །པད་མ་གར་གྱི་དབང་ཕྱུག་སྐུས། །མ་ཏང་རུ་ཏྲ་ལ་སོགས་པས། །
104-1-110a


བདུད་ཀྱི་ཚོགས་བཅས་འདུལ་བའི་ཕྱིར། །ཡུམ་ཆེན་སྐུ་ཅིག་རོལ་མཛད་དེ། །བྱང་ཆུབ་སེམས་སྤྲིན་ཕྱོགས་བཅུར་སྤྲོ། །དཀྱིལ་འཁོར་རྣམ་གསུམ་དཀྱིལ་འཁོར་གསལ། །དཀྱིལ་འཁོར་འདུས་ཚོགས་དཀྱིལ་འཁོར་ཆེ། །དཀྱིལ་འཁོར་
ཆེན་པོའི་བདག་ཉིད་ཆེ། །དགྱེས་བཅས་གར་བཅས་གདན་ལ་བཞུགས། །ཞལ་གསུམ་གངས་རི་མདངས་ལྡན་པ། །པད་མ་གཏུན་ཤིང་རྩེ་གསུམ་ཐོགས། །རིན་ཆེན་རྒྱན་སོགས་དབུ་རྒྱན་བཅས། །དཀྱིལ་འཁོར་སྤྲུལ་པའི་ཏིང་འཛིན་གྱིས། །སྣོད་
གཅིག་དུས་གཅིག་སྤྲུལ་པ་མཛད། །མཐའ་དང་དབུས་མེད་འཇིག་རྟེན་གནས་རྣམས་ཀུན། །དྲག་པོ་འཐིང་ནག་འབར་བའི་གཞལ་ཡས་ཁང་། །འཁོར་ལོ་རྩིབས་དྲུག་པར་ཁྱམས་ཉི་རིམས་ལྡན། །ཀུན་དུ་ཟླ་ཁམ་སྒོ་ཁྱུད་གྲུ་བཞིར་བཅས། །རིན་ཆེན་
འབར་བའི་ཐོད་དབྱུག་རྒྱན་དང་བཅས། །ཚད་མེད་ཡེ་ཤེས་འཁོར་ལོ་ལ་བསྟེན་ཅིང་། །འཇིགས་བྱེད་ཁྲོ་བོའི་རྒྱན་ཚོགས་མང་པོ་ཀླུབས། །ནམ་མཁའི་མཐའ་སྙམ་ལྷུན་གྱིས་གྲུབ་པའི་གནས། །སྨོན་ལམ་དབང་དང་ཐུགས་རྗེའི་བྱིན་བརླབས་ཀྱིས། །འཇིག་རྟེན་
དྲུག་དང་དུས་བཞི་ཕྱོགས་བཅུ་ན། །གཟུགས་ཁམས་མ་ལུས་དབང་དུ་བསྡུ་བ་ན། །དྲག་པོ་ལྷ་བརྒྱད་ང་རྒྱལ་གཞོམ་པའི་ཕྱིར། །ལྷ་ཆེན་ཕྱོགས་སྐྱོང་ཚོགས་ཀྱིས་བརྩིགས་པ་བྱས། །སྐུ་བཞི་དཔལ་བརྒྱད་ཚང་བར་བྱ་བའི་ཕྱིར། །རྒྱལ་ཆེན་རིགས་བཞི་བཟུང་
ནས་ཀ་བ་བྱས། །ཐེག་པ་གཞན་ལས་འཕགས་པའི་དོན། །གླང་ཆེན་ཀ་ལ་ལིང་གིས་ཀ་རྟེན་བྱས། །གླིང་བཞིའི་མི་རྣམས་དགོས་འདོད་བསྐོང་བའི་ཕྱིར། །གཟའ་སྐར་མིག་ཚགས་བྱས་པས་འགྱུར་ལྡོག་མེད། །འཇིག་རྟེན་ཟིལ་གྱིས་གནོན་པའི་ཕྱིར། །སེང་གེ་ཀ་
ལ་ཤ་ཡིས་ཀ་ཞུ་བྱས། །འཁོར་བའི་གཅོད་རྙིང་གཏན་ནས་སྦྱང་པའི་ཕྱིར། །སེང་གེའི་ཁ་ནས་བདུད་རྩིའི་འོ་མ་འཛག །ཐོད་རུས་བར་ཁྱམས་རྡོ་རྗེའི་གཟེར་གྱིས་བརྒྱན། །ཞིང་ཆེན་རྔ་ཡབ་བླ་རེ་ཕན་གདུགས་དང་། །ཐུགས་རྗེ་བྱང་སེམས་ཀུན་ཏུ་ཁྱབ་པའི་ཕྱིར། །
ཉི་ཟླ་འབར་བའི་རྒྱན་ཆས་གསལ་བར་ལྡན། །སྤྲུལ་པའི་མེ་རླུང་འབྲུག་གིས་དུས་བཞིར་ཕྱེ། །ཁྲོ་བོའི་འབྱུང་གནས་ཐུགས་རྗེའི་སྒྲ་དང་བཅས། །རིན་ཆེན་ཁྲི་དང་པད་མ་ཉི་ཟླ་གདན། །གསེར་གྱི་སེང་གེ་སྤྱན་གསུམ་པ། །དྲུག་བཞི་རྩལ་འཕགས་ཉི་ཤུ་བརྒྱད། །
104-1-110b


ཁྲི་རྐང་བརྒྱད་ཀྱིས་བར་ཁྱམས་དག་ལ་གནས། །ཐུགས་རྗེ་ཆེ་བས་ཉི་མ་ཉི་ཤུ་བརྒྱད། །འཇིགས་པ་སྤངས་བའི་སེང་གེ་ཉི་ཤུ་བརྒྱད། །སྤྲུལ་སྐུ་ཐོབ་པས་དབང་པོ་ཉི་ཤུ་བརྒྱད། །ཀུན་ཏུ་འོད་ཀྱི་ས་ལ་རབ་གནས་པ། །རིན་ཆེན་ཁྲི་རྒང་འདེགས་པའི་
སྟོབས་དང་ལྡན། །མགོན་གནས་དབེན་བར་གཞན་དག་གིས། །མཐོང་རྐང་སྦས་པའི་ཆོས་ཉིད་ལུང་། །ཕྲིན་ལས་རྣམ་པར་རྫོགས་པའི་གནས། །རིགས་བཞི་ཁྲག་འཐུང་ཧེ་རུ་ཀ །བཞུགས་གནས་མི་འགྱུར་ཆོས་ཀྱི་སྐུ། །དེ་ཉིད་ཀུན་ཏུ་འོད་ཀྱི་ལུང་། །
པད་མ་ལེབ་རྒན་ཕྱོགས་བཅུའི་འོད། །སངས་རྒྱས་ཐམས་ཅད་སྐྱེད་པའི་ཚུལ། །ཆགས་པར་གྱུར་པར་པད་མ་སྟེ། །ཆེ་བ་འམ་ཡོན་ཏན་ལུང་དུ་སྟོན། །མཁའ་དབྱིངས་རྣམ་དག་དྲི་མེད་པས། །མ་ཆགས་པད་མ་ཅན་གྱི་ལུང་། །སྟོང་ཞིང་གསལ་བས་གཞན་གང་
འཕགས། །ཉི་ཟླའི་དཀྱིལ་འཁོར་བརྩེགས་པ་ཡིན། །སེང་གེ་འཁོར་ལོ་ཚོགས་ཆེན་པོས། །ཐབས་དང་ཤེས་རབ་ཡེ་བྲལ་བས། །སྤྲོས་མེད་རང་གིས་བཟླུམས་པ་ནི། །མ་སྐྱེས་པ་ཡི་ཆོས་ཉིད་ལུང་། །འོད་ཟེར་གསལ་བས་འཚེར་བས་ན། །ཡབ་གབ་སྦས་
པ་ཡེ་ཤེས་ལུང་། །འཕྲོ་འདུ་ཁྱབ་པར་གྱུར་པའི་ཚོགས། །ཤེས་རབ་རིགས་ཀྱི་གསང་བའི་ཡུམ། །ཐབས་དང་ཤེས་རབ་དགྱེས་པའི་ཏིང་འཛིན་གྱིས། །ཚོགས་ཆེན་ཡོངས་རྫོགས་དཀྱིལ་འཁོར་ཆེན་པོ་ནི། །བདག་པོ་ཁྲོ་བོ་ཆེན་པོའི་སྐུ་ཉིད་དུ། །གསང་སྔགས་འདི་
ཡིས་ཡོངས་རྫོགས་བྱ། །ༀ་པད་མ་ཤྲཱི་ཧེ་རུ་ཀ་པད་མ་ཀྲོ་དྷི་ཤྭ་རི་ཧཱུྃ། མ་ཧཱ་ཙན་ཌ་སརྦྦ་དུསྟན་ཕཊ། དཀྱིལ་འཁོར་བདག་པོ་རྔོམ་བརྗིད་ཆ་ལུགས་དང་། །འབར་བའི་མེ་འོད་དམར་གསལ་འཕྲོ་བའི་མདངས། །དབུ་ལྔ་ཕྱོགས་བཞིར་ལས་བཞིའི་ཚུལ་དུ་བཞུགས། །དབུ་
མ་མཉམ་ཉིད་བདེ་བ་དབྱིངས་སུ་གཟིགས། །རལ་པའི་སྲིད་རྩེ་མེ་འོད་བཞིན་དུ་འབར། །སྨིན་མ་ཁྲོ་གཉེར་སྨ་ར་སོགས་མྱུར་བ། །ལུས་ཐུང་སྐུ་རྒྱན་གྱད་ཀྱི་ཆ་བྱད་ལ། །བཅྭ་ལྔའི་སྤྱན་གྱིས་རང་གི་ཡུལ་རྣམས་གཟིགས། །རྡོ་རྗེ་རིན་ཆེན་ཁྱུང་གི་གཤོག་པས་གཏམས། །
བཅུ་དྲུག་རོལ་བའི་སྤྱན་དང་ཕྱག་མཚན་དང་། །སྒེག་པོའི་ཞབས་བརྒྱད་ཆས་དང་འཆས་པར་གནས། །འཇིག་རྟེན་གསུམ་པོ་ཟིལ་གྱིས་གནོན་པའི་ཕྱིར། །ཁྲོ་བོའི་ཚོགས་བཅས་འགྱིང་བག་ཡུམ་བཅས་གནོན། །འོད་ཟེར་སྣ་ཚོགས་འཕྲོ་བའི་རྩེ་མོ་ལ། །བདེ་གཤེགས་
104-1-111a


རིགས་ལྔའི་སྣང་བ་སྣ་ཚོགས་སྟོན། །རང་གི་ཞིང་སྦྱོང་དྲག་པོའི་གནས་འདུལ་ཞིང་། །ཐམས་ཅད་རིགས་ཀྱི་དཀྱིལ་འཁོར་ཆེ་ལ་དགོད། །ཕྱོགས་བཅུའི་རྒྱལ་བའི་དཀྱིལ་འཁོར་མ་ལུས་གྱིས། །ཡབ་ཡུམ་གཉིས་ཀྱི་དགའ་བ་བསྐྱེད་པར་མཛད། །གནས་
སུ་ཉི་ཟླ་པད་དཀྱིལ་ཟླ་བ་ལ། །སྐུ་གསུང་ཐུགས་ཀྱི་ས་བོན་ཡོངས་རྫོགས་གསལ། །ༀ་སརྦ་ཏ་ཐཱ་ག་ཏ་ཀཱ་ཡ་བཛྲ་སྭ་བྷ་བ་ཨཱཏ་མ་ཀོ྅ཧཱུྃ། ༀ་སརྦྦ་ཏ་ཐཱ་ག་ཏ་བཱ་ཀ་བཛྲ་སྭ་བྷཱ་བ་ཨཱཏ་མ་ཀོ྅ཧྃ། ༀ་སརྦྦ་ཏ་ཐཱ་ག་ཏ་ཙིཏྟ་བཛྲ་སྭ་བྷ་བ་ཨཱཏྨ་ཀོ྅ཧྃ། འཁོར་ལོ་འབར་བའི་རྩེ་
མོ་དྲུག་རྣམས་ལ། །མཁའ་འགྲོའི་རྒྱལ་མོ་ཁམ་རྒྱ་ཆེན་མོ་དྲུག །ཞལ་གཅིག་ཕྱག་གཉིས་འཇིགས་པའི་ཆ་ལུགས་ཅན། །རིགས་དྲུག་མཚན་མ་ཆ་ལུགས་ཅི་ལྟ་བུ། །བུདྡྷ་བཛྲ་ༀ། སཏྭ་བཛྲ་ཧཱུྃ། རཏྣ་བཛྲ་ཏྲྃ། པད་མ་བཛྲ་ཧྲཱི། ཀརྨ་བཛྲ་ཧ། གུ་ན་བཛྲ་ཕཊ། 
ཕྱི་རོལ་དཀྱིལ་འཁོར་ཁྱབ་པར་སྤྲོས་བྱས་ཏེ། །འགྲོ་རྣམས་དུད་སོགས་ཁམས་རྣམས་དག་བྱས་ནས། །རྡོ་རྗེ་འཁོར་ལོ་རིན་ཆེན་པད་མོ་དང་། །རལ་གྲི་ཁ་ཊྭཱྃ་རྩེ་གསུམ་དྲིལ་བུ་བཅས། །གཡོན་པ་བདུད་རྩི་ཐོད་པ་གང་བ་ཐོགས། །མཁའ་འགྲོ་རབ་གཏུམ་རིགས་ཀྱི་དབུ་རྒྱན་
ཅན། །རང་གི་ཕྲེང་བ་དུར་ཁྲོད་རྒྱན་གྱིས་ཀླུབས། །ལས་ཀྱི་ཁམ་རྒྱ་སྣ་ཚོགས་གཟུགས་ཀྱིས་བཞུགས།  དཔལ་ཆེན་ཐུགས་ཀྱི་དཀྱིལ་འཁོར་ནས། །ལོང་བ་རྒྱབ་འབྲེལ་རྒྱན་རྣམས་རྫོགས། །སྐུ་མདོག་མདོག་མཚན་མ་ཚོགས་ལ། །ཕྱག་སྤྲེལ་ཟངས་ཀྱི་ཐོད་
པ་ཐོགས། །ༀ་ཤྲཱི་ཁཱའི་ༀ་ཤྭ་རི་ཁཱའི། ཏྲྃ། ཤྲི་ཁཱའི་ཨ། དམུས་ལོང་འཁོར་བ་བཅུ་དྲུག་དག་བྱུང་སྟེ། །ཐོད་རུས་བར་འཁྱམས་གནས་སུ་བཀོད་པར་བྱ། །ༀ་ཤྲི་ཁཱའི་ཧཱུྃ། ཤྲི་ཁཱའི་ཧཱུྃ། ལྕགས་ཀྱི་སྤྱང་མོ་བརྒྱད་རྣམས་ཡང་སྤྲུལ་བཅས། །ཡེ་ཤེས་སྤྲུལ་པའི་
ཁྱི་བཅུ་རྔམ་པར་འཁོད། །མེ་རི་སྤྲིན་ལྟར་བསྟིབས་པ་རིལ་ཞིང་འཁྲུགས། །བར་འཁྱམས་ཕྱི་མའི་གནས་ལ་ཀུན་ཏུ་འཁོད། །ༀ་དཱིབ་ཏ་ཙཀྲ་ཤྭ་ན་མུ་མོར་ཁྃ་ཧཱུྃ་ཕཊ། ཀུ་ཀུ་ར་ཡག་ཤ་ཧཱུྃ་ཕཊ། དཔལ་ཆེན་ཐུགས་ཀྱི་དཀྱིལ་འཁོར་ནས། །ཛཿཧཱུྃ་བྃ་ཧོ༔ ཕྱག་
རྒྱ་ལས། །མགོ་དགུ་བརྩེགས་པའི་རྐང་གཅིག་པོ། །མགོ་བརྒྱད་ལག་བརྒྱད་རོལ་པ་དང་། །མགོ་དྲུག་ལག་དྲུག་རྐང་དྲུག་དང་། །མགོ་གསུམ་རྐང་གསུམ་ལག་གསུམ་པོ། །དཀྱིལ་འཁོར་ཆེན་པོ་སྒོ་བཞི་རུ། །ཚད་མེད་སྤྲུལ་པའི་ཕྱག་རྒྱས་རོལ། །
104-1-111b


དེ་དག་རོལ་བའི་བྱིན་བརླབས་ལས། །སྟེང་འོག་ཕྱོགས་མཚམས་མ་ལུས་པའི། །ཐབས་དང་ཤེས་རབ་བྱང་ཆུབ་སེམས། །མེ་འབྲུག་རླུང་འབྲུག་ཕྱག་རྒྱས་གསལ། །རབ་ཏུ་རྫོགས་པའི་ཚུལ་དུ་བྱུང་། །ༀ་ཛིན་ལ་ཏོ་ཙ་རྃ་ཡག་ཤ་ཀུ་རུ་བན་ཙྪ་ཧཱུྃ་
ཕཊ། གཞན་ཡང་སྤྲུལ་པའི་དཀྱིལ་འཁོར་ཚོགས། །བསེ་ཡི་བྱན་ལག་དམར་པོ་དང་། །དུང་བྱ་ཁྲུང་ཁྲུང་ལ་སོགས་རྣམས། །འཇིག་རྟེན་ཙམ་པའི་ཚོགས་ཀྱིས་བསྐོར། །ༀ་ཧ་ཧ་རུ་རུ་མ་ཧཱ་ཙནྡེ་ཤྭ་རི་བི་ཤ་ན་ཡ་ཧཱུྃ་ཧཱུྃ་ཕཊ།  ཀུན་གྱི་རྩ་
བའི་སྔགས་སོ། །ༀ་པད་མ་བི་ཏ་སི་ཏོ་ཧེ་ཧེ་རྩཀྲ་བྷྱོ་ཕཊ། སྙིང་པོའི་སྔགས་སོ། །ༀ་ཧུ་ལུ་ཧུ་ལུ་ཧཱུྃ་ཕཊ། ཨེ་ཨ་མ་ར་ལི་ཧཱུྃ་ཛ། ཉེ་བའི་སྙིང་པོའོ། །ༀ་བྷྱོ་ཨེ་ཨ་ར་ལི་ཛ་ཞེས་བརྗོད་པས་ཁྲོ་བོ་འཁོར་ལོ་མ་ལུས་པར་བྱོན་ཞིང་། རང་གི་དཀྱིལ་
འཁོར་གཉིས་སུ་མེད་པར་གྱུར་ནས། ཧེ་རུ་ཀ་ཆེན་པོ་ཉིད་ཀྱི་དཀྱིལ་འཁོར་ཆེན་པོའི་རྒྱུའི་དཀྱིལ་འཁོར་དུ་གནས་ཤིང་། རང་གི་དཀྱིལ་འཁོར་རྣམས་དམ་ཚིག་བཀོད་པར་མཛད་དོ། །དེ་ནས་སྤྲུལ་པའི་འཁོར་ལོ་ཚོགས། །མ་ལུས་རོལ་པར་བྱིན་བརླབས་
ཤིང་། །བདུད་དང་གྲགས་བྱེད་རྨོངས་བྱེད་ཅིང་། །རང་གི་གནས་སུ་འདུ་བར་མཛད། །ༀ་ཧུ་ལུ་ཧུ་ལུ་རྃ་ཛ་ལ་ཨེ་ཨ་ར་ལི་ཛ་ཧཱུྃ་བྃ་ཧོ། ཨ་ལ་ལ་ཧོ། །ༀ་མ་ཏྲ་རུ་ཏྲ་ཧ་ལ་ཧ་ལ་ཧཱུྃ་ཕཊ། དུག་གསུམ་དངོས་པོ་སྤྱང་བའི་ཕྱིར། །རྔམ་པའི་ཁྲོ་ཚོགས་ཕྱོགས་
བཅུར་སྤྲོ། །ཁྲོ་མཛུམ་ཕྱག་རྒྱ་བསྟན་མཛད་ཅིང་། །ཧེ་ཧེ་རུ་རུའི་གསང་སྔགས་བརྗོད། །ཧ་ལ་རྡོ་རྗེའི་གད་རྒྱངས་ཀྱིས། །བདུད་དང་སྲིན་མོ་ལ་སོགས་རྒྱལ་བར་མཛོད། །ༀ་སརྦ་པ་པ་ཀ་ར་ཧེ་ཏ་བ་བྱི་ཤ་མ་ཏ་རུ་ཏྲ་ཧཱུྃ་ཕཊ། ༀ་སརྦ་པ་བ་ཧི་ཏ་པ་བྱི་ཤ་ཁ་ཏང་རུ་
ཏྲ་ཧཱུྃ་ཕཊ། ༀ་སརྦ་བ་པ་ཀ་ར་ཧེ་ཏ་པ་བྱི་ཤ་ཁ་ཏང་རུ་ཏྲ་ཧཱུྃ་ཕཊ། དཔལ་ཆེན་ཐུགས་ཀྱི་དཀྱིལ་འཁོར་ཕོ་ཉའི་ཚོགས། །དཔལ་ཆེན་རྡོ་རྗེ་ཐོག་ཐོག་སེར་ཆེན་འབེབས། །ཧཱུྃ་དང་ཕཊ་ཀྱིས་སྲིད་གསུམ་འཁོར་བ་འཇིག །ཧཱུྃ་དང་ཕཊ་ཀྱི་བྱིན་བརླབས་བསམ་མི་
ཁྱབ། །རྡོ་རྗེ་ཁྲག་འཐུང་ཁྲག་གི་རྒྱ་མཚོ་སྐེམས། །རྡོ་རྗེ་མཚོན་ཆ་གནམ་ལྕགས་ཐུ་ལུམ་འདྲིལ། །གསང་སྔགས་ལོག་པར་ལྟ་བའི་བདུད་རྣམས་འཇོམས། །རྡོ་རྗེ་སེར་ཆེན་ཐོག་བཅས་འབར་ཞིང་འཁྲུགས། །ཉམས་པའི་སྙིང་དང་དབང་པོ་ཐལ་བར་ལྷོགས། །
104-1-112a


ཡེ་ཤེས་ཐུགས་རྗེ་ཨ་ལ་ལ། །ༀ་མ་ཧཱ་ཤྲཱི་ཧེ་རུ་ཀ་བྷནྡྷ་བྷནྡྷ། གརྫ་གརྫ། ཧ་ལ་ཧ་ལ་ཧཱུྃ་ཕཊ། དེ་ནས་བདུད་དང་རུ་ཏྲ་བཅས། །རྡོ་རྗེ་མཚོན་ཆས་བསྒྲལ་བསྒྲལ་ནས། །འཁོར་གྱི་ལོངས་སྤྱོད་རོལ་མཛད་ཅིང་། །ཤ་ཁྲག་ནང་གྲོལ་བདུད་རྩི་དང་། །
རུས་རྐང་དབང་པོར་བཅས་པ་ལ། །ཚོགས་ཀྱི་ལོངས་སྤྱོད་སྟོན་མོར་མཛད། །ཀུན་གྱི་དགྱེས་པ་རྡོ་རྗེའི་གླུས། །འཐུན་པར་སྒྲ་དབྱངས་གཅིག་གིས་བསྟོད། །ཐུགས་རྗེ་རྣམ་དག་པད་མའི་རང་བཞིན་ལས། །ཐུགས་ཀར་ལམ་ལས་སྤྲུལ་པའི་བྱང་ཆུབ་སེམས། །
ཕྱོགས་བཞི་དབུས་ལྔར་བརྗིད་པའི་སྐུ་མཆོག་ནི། །གྲུབ་པའི་སངས་རྒྱས་མཁྱེན་པའི་ཡེ་ཤེས་ལྔ། །དཔལ་ལུས་ཁྱད་པར་འཕགས་པ་ཞལ་གྱི་དབྱིངས། །དབང་མཆོག་ལྷུན་གྱིས་གྲུབ་པའི་རྟ་སྐད་ཅན། །ཐར་ལམ་ཐུགས་རྗེ་ཐབས་མཁས་སྤྲུལ་པ་ཡི། །
ཡེ་ཤེས་བྱིན་བརླབས་ཁྲོ་རྒྱལ་འབུམ་དུ་སྤྲུལ། །སྨིན་མཛད་སྨོན་ལམ་ཡུན་རིངས་གྲུབ་པ་ཡི། །དམིགས་པའི་མཐའ་བྲལ་པད་མ་ཡུམ་གྱི་ཚུལ། །ཆོས་རྣམས་མ་ལུས་གསལ་བར་གཟིགས་པའོ། །ཆགས་མེད་ཐུགས་རྗེ་པད་མའི་ཚུལ། །སྒྲ་
སྐད་ཐམས་ཅད་མཐའ་ལས་གྲོལ། །ཟབ་དང་རྒྱང་རིང་ཆོས་ཀྱི་དོན་རྣམས་མཚན་ཉིད་ལས། །ཤངས་ཀྱི་རླུང་སྒྲོམ་དུག་གསུམ་གཙང་ནས་ཆོད། །ཞལ་གྱི་ཧོཾ་ལ་འབྲེལ་བས་རྒྱུད་ལྔ་གཅོད། །རྣོ་དབང་མཆེ་བ་སྐྱེ་ཤི་རྩད་ནས་གཅོད། །ལེབ་
རྒན་ལྗགས་ཀྱི་གསུང་སྒྲ་རྒྱ་མཚོར་འཆད། །རོལ་བའི་ཕྱག་གིས་འགྲོ་བ་འདུལ་ལ་མཁས། །གཤོག་བཞི་བསྐྱོད་པས་ཕྲིན་ལས་རྣམ་བཞི་མཛད། །ཞབས་རོལ་བས་ནི་ཟིལ་གནོན་མཛད་པའི་ཚུལ། །སྐུ་ཆེ་ཡན་ལག་རགས་པ་རི་བོང་བཞིན། །ཐུགས་
མཆོག་ཡེ་ཤེས་སྟོང་ཉིད་ཉི་མ་བརྡལ། །ཡེ་ཤེས་ལྷ་མཚོག་བྱིན་བརླབས་འབྱུང་བའི་གནས། །ངོ་མཚར་རོལ་བས་ཁྲོ་བོ་ཀུན་གྱི་རྗེ། །དཔའ་བོ་སྐུ་མཆོག་མངའ་ལ་ཕྱག་འཚལ་བསྟོད། །དེ་ནས་བདེ་ཆེན་དབང་གི་སྐུས། །འཁོར་ལོ་དམ་ཚིག་
སྒྲོགས་མཛད་ཅིང་། །རྡོ་རྗེ་གསང་བའི་སྐུ་གསུང་ཐུགས། །གསང་བའི་བྱིན་བརླབས་བསྐྱེད་པར་མཛད། །ༀ་ཨཱ༔ ཧཱུྃ་སརྦ་པཉྩ་ཨ་མྲྀ་ཏ་ས་མ་ཡོ་གི་སིདྡྷི་ཧཱུྃ། པ་ཧོ་ཀ་ཀ་མ་ལ་སུ་ཏ་ས་ཧཱུྃ། ༀ་བཛྲ་ས་མ་ཡ་ཀྲོ་དྷ་ས་མ་ཡ་ༀ་ཨཱཿཧཱུྃ། མ་ཧཱ་ཡོ་གི་ཙིཏྟ་རྃ་པ་རཀྟ་
104-1-112b


མ་ལ་ཁཱའི་ཁཱའི་ཧཱུྃ། ༀ་ཁ་ཁ་ལེ་ལ་རུ་ལུ་རུ་ལུ་ཧཱུྃ་ཕཊ། ཨི་དྷ་ན་ས་མ་ཡ་ཨ་ལ་ལ་ཧོ་ཞེས་རྡོ་རྗེས་གླུ་བླངས་སོ། །པད་མོ་གར་མཛད་དོ། །བདེ་བ་ཆེན་པོས་མཆོད་པས་ཚིམ་པར་འགྱུར་རོ། །དེའི་དུས་ན་བདུད་ལ་སོགས་པ་རྣམས་བསྒྲལ་བའི་ཚོགས་རྣམས་
བྱང་ཆུབ་སེམས་བདེ་བ་ཆེན་པོའི་ཡེ་ཤེས་ཀྱིས་བརྒྱན་ཏེ། དབང་བསྐུར་བའི་ཐུགས་སོགས་ཀྱིས། བདག་པོ་རིག་འཛིན་ཐམས་ཅད་ཀྱི་བདག་པོ་ཞེས་བྱ་བར་འགྱུར་རོ། །དཀྱིལ་འཁོར་ཆེན་པོའི་ཕྱི་རོལ་དུ་འཁོད་ཅིང་གསང་བའི་དཀྱིལ་འཁོར་
འཛིན་པར་གྱུར་ཏོ། །དེའི་འཁོར་རྣམས་ཀྱང་དམ་ཚིག་གི་སྙིང་པོ་བླངས་ན་བྲན་དུ་མཛད་པར་ཁས་བླངས་ཏོ། །སྙིང་པོ་བརྗོད་པ་ནི། མ་མ་ཏྲག་ཤ་རུ་ཏྲ་མ་མ་བྷྱོ། སླར་བསྒོ་བའི་སྔགས་ནི། ༀ་རུ་ལུ་རུ་ལུ་ཧཱུྃ་བྷྱོ་པད་མ་ཧྲིདྡྷ་རུ་རུ་ཧཱུྃ་བྷྱོ་ཧཱུྃ། དེ་བཞིན་གཤེགས་པ་
ཐམས་ཅད་ཀྱི་དགོངས་པ་བླ་ན་མེད་པའི་གསང་བ་དཔལ་རྟ་མཆོག་རོལ་པའི་རྒྱུད་ལས་གསང་ཆེན་འདུས་པའི་ལེའུ་སྟེ། ཉི་ཤུ་རྩ་གཅིག་པའོ།། །། དེ་ནས་བཅོམ་ལྡན་གར་དབང་གིས། །རིགས་ཀྱི་དཀྱིལ་འཁོར་བསྡུ་མཛད་ནས། །
བདག་དང་གཉིས་མེད་རོལ་པའི་མཐུས། །ཁྲོ་བོའི་རྒྱལ་པོ་སྐུ་ཆེན་དག །སངས་རྒྱས་ཀུན་གྱི་སྐུ་གསུང་ཐུགས། །གསང་གསུང་དམ་ཚིག་ཕྱག་རྒྱ་ཆེ། །དཀྱིལ་འཁོར་རྒྱུ་ཡི་དམ་ཚིག་སྐུ། །བཀོད་པའི་དཀྱིལ་འཁོར་མཛེས་པའོ། །ཆོས་དབྱིངས་ཡོན་ཏན་
འབྱུང་གནས་གཞལ་ཡས་ཁང་། །རྒྱལ་བའི་དཀྱིལ་འཁོར་རིགས་ཀྱི་ཅོད་པན་ཅན། །རིགས་ཀྱི་དབང་ཕྱུག་སྐྱེ་འགྲོ་མ་ལུས་སྒྲོལ། །རྡོ་རྗེ་བཀོད་པ་རྒྱན་གྱི་དཀྱིལ་འཁོར་ཆེ། །དབང་པོ་ཡུལ་ཚོགས་རིགས་ཀྱི་སྐུ་ལྔར་ལྡན། །ཤེས་རབ་ཐབས་དང་མི་གཉིས་འདུ་
འབྲལ་མེད། །དུས་གསུམ་ཅིག་ཆར་སྒྲོལ་བས་ཚར་གསུམ་རྒྱན། །ཁམས་གསུམ་ཡོངས་སྒྲོལ་མཛད་ཀྱི་རྒྱན་དུ་ཆེ། །མི་གནས་མྱ་འདས་གསུང་རབ་རྒྱ་མཚོ་སྒྲོགས། །མ་སྒྲིབས་མ་གསལ་གོ་འཕང་མཛེས་པར་མཐོང་། །མི་ལྡོག་ཡུལ་སྒྲོལ་སྟབས་དྲུག་མཛེས་
པར་མགྱོགས། །གར་ཡང་ཐོགས་མེད་བྱིན་བརླབས་ཤུགས་དང་ལྡན། །འཚེར་སྐད་གདངས་སྙན་མ་སྲིད་སྤྲོ་བ་འགྱེད། །ཁྃ་དམར་རལ་པའི་དབུས་ནས་དབུགས་འབྱུང་བ། །དཔྲལ་བ་ཞུར་པོ་བརྗིད་པའི་ཁྱད་པར་དང་། །རྟ་མགྲིན་འོད་འབར་གསལ་བའི་
104-1-113a


ཁྱད་པར་ནི། །དོན་མཆོག་ཁྱད་པར་རྨད་དུ་བྱུང་། །ལྗང་གུ་མེ་འབར་རྟ་མགོའི་རང་བཞིན་ནི། །འགྱུར་མེད་ཡེ་ཤེས་ཇི་བཞིན་གསལ། །བྱམས་པའི་མདངས་ཀྱིས་ཁམས་གསུམ་ཁྱད་པར་གཟིགས། །རྔོག་མ་ལེའུ་རྒན་འབར་བའི་
ཁྱད་པར་མཆོག །སྟུག་པོ་བཀོད་སོགས་ཞིང་ཁམས་རབ་བྱམ་ན། །རྡུལ་གཅིག་སྟེང་ན་རྡུལ་སྙེད་ཁྲོ་བོ་ཀུན། །ཞིང་ཁམས་གསུམ་དག་མ་ལུས་དབང་དུ་བསྡུད། །ཤེས་རབ་ཐབས་སུ་འབྲེལ་བའི་རྟ་སྐད་ནི། །གྲུབ་པའི་དཔལ་ཚོགས་ཚངས་པའི་རྟ་
དབྱངས་ཡིན། །དང་པོའི་གདངས་ཀྱིས་རྒྱལ་བའི་ཞིང་ཁམས་སྒྲོགས། །གདངས་སྐད་གཉིས་པ་རི་རབ་རྩེ་ལ་འཚེར། །གསང་སྙན་གདངས་གསུམ་སྙན་པའི་ཁྱད་པར་ནི། །བཅུ་དྲུག་སླད་མའི་ངན་རྟོག་ཐར་ལམ་སྟོན། །སྤྱན་མིག་གློག་ལྟར་འགྱུ་བ་ཆེར་
འཕགས་ཞིང་། །ཤ་ཁྲག་རློན་པ་ཟ་བའི་སྲིན་པོ་འཇོམས། །འཚེར་ཅན་ཡིད་ལ་གདུང་བའི་རྟ་སྐད་ནི། །མུན་མཐུའི་འགྲོ་བ་མ་ལུས་གསལ་བར་མཛད། །རྒྱུ་དབྱིངས་གྲངས་དང་གཟིགས་ཐབས་རྟོག་པའི་དོན། །ཧཱུྃ་ལས་དཔལ་ཆེན་ཁྲོ་བོའི་དཀྱིལ་འཁོར་བསྐྱེད། །
གནས་ནི་སྣའི་དབུག་རིངས་དྲོ་བ་ལགས། །ཕྱག་རྒྱའི་དཀྱིལ་འཁོར་རྣམ་པར་འཕྲུལ་པ་འབྱུང་། །ཤངས་ཀྱི་རླུང་སྒྲོམ་ཡངས་པས་ཡེ་ཤེས་སྲོག །གསང་བའི་ཚུབ་མས་སྡུག་བསྔལ་སྙིང་ནས་འབྱིན། །རྒྱ་ཆེན་སྤྲུལ་པས་བག་ཆགས་ཚར་གཅོད་དེ། །འཁོར་
བའི་རྒྱ་མཚོ་ལུགས་ལས་བཟློགས་པ་ཡི། །རིགས་ཀྱི་རླུང་གིས་དུག་ལྔ་དབྱིངས་སུ་སྒྲོལ། །ཟླུམ་དཀར་བཟང་རིམས་རྣོ་དཔལ་ཚེམས། །ཞལ་དུ་བདར་བའི་བྱང་ཆུབ་སེམས། །མ་སྐྱེས་ཆོས་ཉིད་ཀུན་ལ་རོལ། །ཞི་རྒྱས་དབང་བདུད་དྲག་པོ་ཡི། །ཅིར་ཡང་འགྱུར་
བའི་ཧོམ་ཁུང་སྟེ། །ལས་ལྔ་འབྲེལ་བའི་ཞལ་ཞེས་བྱ། །འཁོར་བ་ཡོངས་སུ་སྨིན་པ་དང་། །ལས་མངས་ཉོན་མོངས་དབང་བཙན་དང་། །སྐྱེ་བ་མི་སྐྱེ་ལུང་མ་བསྟན། །དེ་སྨིན་མཛད་པ་ཆེན་པོ་ཡི། །འཇོག་ལྡོག་ཅིར་ཡང་གྱུར་པ་དང་། །རྗོད་བྱེད་གཉིས་ཀའི་
བསྟན་གྱུར་ནས། །འབྱར་ཞིང་བསྐྱོད་པས་ལྗགས་ཉིད་དོ། །ཡིག་འབྲུའི་རྒྱུ་ཉིད་བདེ་གཤེགས་ཐུགས། །རྡོ་རྗེ་མྱུ་གུ་ཏིང་འཛིན་ཐུགས། །འོད་ཉིད་ཉོན་མོངས་རྣམ་དག་འཇོམས། །རིག་བྱེད་ཡེ་ཤེས་ཕྱག་རྒྱ་དང་། །ཡིག་འབྲུ་ས་བོན་ཕྱག་རྒྱ་དང་། །ཡོན་ཏན་
104-1-113b


རྫོགས་པའི་ཕྱག་རྒྱའོ། །སྲིད་པ་གསུམ་སྟེ་ལྟ་བ་དང་། །རྒྱུ་དང་ལས་གྱི་རིམ་པའོ། །དེ་ཕྱིར་ཡེ་ཤེས་རོལ་པའི་དབྱིངས། །སྙིང་པོ་ཕྱག་མཚན་ཕྱ་མོ་དག །བསྟན་པར་གྱུར་ནས་མཁའ་ཡི་དབྱིངས། །ཆོས་སྐུ་ཆུ་ཡི་ཟླ་བ་བཞིན། །སྣ་ཚོགས་སྣང་ལ་རང་
བཞིན་མེད། །དུར་ཁྲོད་ཆེན་པོའི་གནས་ཀུན་དུ། །གར་གྱི་དབང་ཕྱུག་རྣམ་པར་རོལ། །ཤར་དུ་རོལ་བའི་ཕྱག་བཞི་མཚན་མ་ནི། །ཁྲོ་ཆེན་སྙིང་འབྱིན་ཁ་ཊྭཱྃ་འབར་བ་དང་། །རྡོ་རྗེ་ལྕགས་ཀྱུ་སྦྲུལ་གྱི་ཞགས་པས་རོལ། །དེ་བཞིན་ལྷོ་ལ་སོགས་པའི་ཕྱག་ཀྱང་
བཞི། །ཐོད་པ་ཁྲག་བཀང་རྡོ་རྗེ་ལུ་གུ་རྒྱུད། །རྡོ་རྗེ་བེ་ཅོན་ཐོད་རློན་འཛིན་པར་རོལ། །མེ་ཡི་ཞགས་པ་དག་དང་ཁྱུང་གི་ཁྲ། །བསྡིགས་འཛུབ་རྩེ་ལ་ཡེ་ཤེས་འབར། །རྡོ་རྗེ་ཁ་ཊྭཱྃ་ཁ་ནི་རབ་ཏུ་འཁྲོ། །རྡོ་རྗེ་རྩེ་དགུ་རྩེ་ལྔ་གདེངས་པ་དང་། །རྩེ་གསུམ་
རྩེ་གཅིག་འབར་བ་གསོར་ཞིང་བརྡེག །ཡེ་ནས་མ་སྐྱེས་དང་བའི་ཆོ་འཕྲུལ་སྟོན། །ཡེ་ཤེས་ལྔ་ཡི་ཡོན་ཏན་ཁྱད་པར་ནི། །རིན་ཆེན་དྲ་བ་སངས་རྒྱས་སྟོང་གིས་བརྒྱན། །ཀླུ་རྒྱལ་ནག་པོ་འདྲ་བའི་ཐབས་ཤེས་ཀྱིས། །རྩེ་བ་རྣམ་ཐར་སྒོ་གསུམ་སྐུ་
གསུང་ཐུགས། །སྤྲུལ་པའི་དོན་མཛད་དཀྱིལ་འཁོར་སྣ་ཚོགས་སྟོན། །གསང་བའི་ཡུམ་བཞིས་སྐུ་ལ་འཁྲིལ་བྱེད་ཅིང་། །བྱང་ཆུབ་སེམས་བཞི་དེ་ཉིད་སྟོན་པར་བྱེད། །རྡོ་རྗེ་དྲ་བས་རིན་ཆེན་ཀློག་འགྱུ་བ། །ཁྱུང་གཤོག་ཨ་མོ་ཐེབ་གཤོག་སྡེར་
མོ་ཅན། །སངས་རྒྱས་སྟོང་རྩ་གཉིས་ཀྱི་ཐུགས་རྗེ་ཤར། །ཐབས་ཀྱིས་རྣམ་པར་འཕྲུལ་པས་གཡས་ནས་བརྐྱང་། །སྲིད་གསུམ་མ་རིག་མུན་པ་སེལ་བྱེད་པའི། །ཤེས་རབ་ཟླ་སྟོང་རྩ་གཉིས་གཡོན་ནས་ཁྱབ། །ཐབས་དང་ཤེས་རབ་འབྲེལ་བའི་བྱིན་
བརླབས་ཆེ། །སྤྲུལ་པས་འཕྲོས་པས་དུག་གསུམ་རྒྱུན་མི་འཆད། །སྣ་ཚོགས་རོལ་བའི་ཕྱག་རྒྱ་ཞེས་པ་ཡི། །ཕྲིན་ལས་བརྒྱད་ཀྱིས་བདག་ཉིད་སྐུ་ཆེ་བའི། །དཔའ་བོ་སྟག་གིས་སྟེང་ཕྱོགས་འདུལ་ཞབས་བརྒྱད། །རྒྱ་བྱེའུ་ལྕགས་ཀྱིས་ཤར་ལྷོའི་ཞབས་བརྒྱད་
དེ། །རྡོ་རྗེ་འཆོལ་བས་ལྷོ་ཡི་ཕྱོགས་ན་བརྗིད། །བསེ་ཁྲབ་སྨུག་པོས་ལྷོ་ནུབ་རྐང་བ་བརྐྱང་། །སྣ་ཚོགས་བརྗིད་པས་བྱང་ཤར་མཚམས་སུ་གྱོན། །ཤུ་ཀེན་དར་གྱིས་བྱང་ཤར་ཞབས་མཛེས་ཤིང་། །མཆེ་བ་དམར་པོས་ནུབ་བྱང་བརྒྱངས་པའི་གདན། །སྤྲུལ་
104-1-114a


ནག་འཁྲིལ་བའི་ཞབས་ཀྱིས་འོག་ཕྱོགས་འདུལ་བར་མཛད། །ཁྲོ་བརྒྱད་གནོན་ཅིང་གཟིར་བས་ཞབས་བརྡེབས་ཤིང་། །དུག་ཆེན་བཅོམ་ཞིང་སྒལ་རྩིབས་གནོན། །བྲང་གནོན་ལྡན་པ་འཇོམ་ཞིང་འཇིགས་མཛད་དང་། །འཁོར་གྱི་སྐུ་ལ་སྦས་པས་ཡེ་ཤེས་
གསལ། །སྐུ་ཉིད་འཁོར་ལ་སྦས་པས་དབྱིངས་ཀྱི་བརྒྱན། །ཐུགས་རྗེ་རོལ་པས་གཞལ་ཡས་ཁང་དུ་བསྟན། །ཕྲིན་ལས་རོལ་བས་ཧཱུྃ་མཛད་ཧཱུྃ་གིས་བརྒྱན། །ས་བཅུ་ཟིལ་གནོན་སྟོབས་བཅུའི་དབང་དང་ལྡན། །དེ་ནས་གར་གྱི་དབང་ཕྱུག་ཆེ། །དམ་ཚིག་
གར་གྱི་བྱིན་བརླབས་ཀྱིས། །རྒྱུན་གྱི་ཏིང་འཛིན་ལ་གནས་ནས། །ཡུམ་ཆེན་གཟི་ལྡན་དགྱེས་པར་མཛད། །དམ་ཚིག་ཆེན་པོའི་ཕྱག་རྒྱ་ནི། །མཉེས་མཛད་གཟི་ལྡན་དབང་ཕྱུག་མ། །ཇི་སྙེད་བུད་མེད་སྣ་ཚོགས་དང་། །གསུང་གི་རྡོ་རྗེ་མི་དམད་དོ། །གཙོ་བོ་རབ་
ཏུ་གདུངས་པ་ལ། །རབ་ཏུ་སྨྲ་བར་གང་བྱེད་པ། །སྒེག་པའི་ཚིག་གིས་བརྒྱན་ནས་སུ། །སྲིད་ཞུའི་སེམས་ཀྱིས་གདུངས་པ་ལ། །ཡེ་ཤེས་ཚོགས་ཀྱིས་རབ་བསྐོར་བའི། །ལྷ་མོའི་ཚོགས་རྣམས་བསྐོར་བྱས་ཏེ། །རང་གི་ཕྱག་རྒྱའི་དཀྱིལ་འཁོར་དུ། །གཉིས་མེད་མཉམ་
པའི་རྒྱ་གཞི་གདབ། །བྱང་ཆུབ་སེམས་ཚོགས་གསལ་བའི་རྒྱུན། །ཐིམ་པའི་དཀྱིལ་འཁོར་དོན་ཆེན་གསལ། །དབྱིངས་ཕྱུག་སྤྲུལ་ཚོགས་བསམ་ཡས་དག །ངེས་པའི་ཡེ་ཤེས་རོལ་པའི་སྐུ། །སྟོང་གསུམ་དབང་པོར་གདོན་མི་ཟ། །འཇིག་རྟེན་གསུམ་གྱི་འབྱུང་གནས་
མཆོག །དུས་གསུམ་ཀུན་གྱི་གནས་དང་རྟེན། །ཕྱོགས་བཅུ་དཀྱིལ་འཁོར་ཐམས་ཅད་ན། །དམ་ཚིག་ཆེན་པོ་དེ་ཉིད་མངས། །ཕྱི་ནང་གསང་བའི་མཐར་ཕྱིན་པ། །ཐམས་ཅད་པད་མོ་རྣམ་དག་པས། །ཆོ་འཕྲུལ་རྣམ་ཀུན་དེ་བཞིན་ཉིད། །ཐུགས་རྗེ་ཆགས་པའི་ཕྲིན་ལས་
ཀྱིས། །དབང་དྲག་ཕྲིན་ལས་གདོན་སྦྱིན་གནས། །གཉིས་མེད་འབར་བས་ཐམས་ཅད་སྲེག །ལས་དང་བག་ཆགས་སྒྲིབ་སོགས་ཀུན། །གནས་ནས་གཤེགས་མཛད་ཡེ་ཤེས་ཚོགས། །ལྷུན་གྱིས་དང་བས་ཀུན་དུ་འཇོམས། །སྙིགས་མ་ལྔ་བརྒྱ་དུས་གྱི་མཐའ། །སྲིད་
གསུམ་སེམས་ཅན་འདུལ་དཀའ་བ། །འཕྲོ་འདུ་འཁྱིལ་བའི་འོད་མདངས་མཛད། །འཇིག་རྟེན་མཁྱེན་དང་མྱ་ངན་འདས། །གཉིས་མེད་ཐུགས་ཀྱིས་ས་ལེ་མཁྱེན། །དེ་ལྟར་དགོངས་པའི་ཁྱད་པར་དེ། །འགྲོ་བ་མཐའ་དག་འདུལ་དོན་དུ། །རྣམ་པར་ཐར་
104-1-114b

པ་དབུ་གསུམ་བསྟན། །གཡས་དཀར་གཡོན་དམར་དབུས་མཐིང་ཀ །ཡེ་ཤེས་དྲུག་གི་ཕྱག་མཚན་ནི། །གཡས་པས་རྡོ་རྗེ་རྡེའུ་ཆུང་དང་། །མདུང་རྩེ་གསུམ་པ་འཛིན་པས་རོལ། །དྲིལ་བུ་རྒྱུ་ཞགས་ཐོད་རློན་གཡོན། །བསྐལ་པའི་མེ་རི་སྦྲུལ་
ཞགས་དང་། །ཐོད་རློན་ཕྲེང་བ་རྒྱན་དུ་བྱས། །སྒེག་མོ་དཔའ་བོ་འཇིགས་སུ་རུང་། །དགོད་དང་གཤེ་དང་འཇིགས་པར་བྱེད། །སྙིང་རྗེ་རྔམ་དང་ཞི་བའི་སྐུ། །སྐུ་གསུང་ཐུགས་ཀྱི་གར་ཐབས་ཅན། །འཇིགས་བྱེད་ཁྲོ་བོ་རྣམ་པར་རྒྱལ། །སྐྱེ་བ་མེད་པའི་ཆོས་
དབྱིངས་སུ། །མཚན་མ་མེད་པའི་ཆོས་བཤད་པས། །ཆོས་ཀྱི་དབྱིངས་ཀྱི་ཡེ་ཤེས་རྒྱལ། །ལོངས་སྐུ་མཚན་དང་དཔེ་བྱད་ཀྱིས། །མི་འཇིགས་སྟོབས་མཆོག་གདན་སྟེངས་ན། །སངས་རྒྱས་ཞིང་ཁམས་ཐམས་ཅད་དུ། །ཟབ་མོ་རྒྱ་ཆེན་ཆོས་མ་བསྟན། །
དངོས་དང་དངོས་མེད་གསལ་བྱེད་པས། །མེ་ལོང་ལྟ་བུའི་ཡེ་ཤེས་དང་། །སྤྲུལ་པ་འགྲོ་མང་དོན་གྱི་ཕྱིར། །ཕལ་མང་བཀོད་པའི་ས་རྣམས་སུ། །དངོས་པོ་མཚན་མ་རྣམ་འཕྲུལ་གྱིས། །བྱ་བ་གྲུབ་པའི་ཡེ་ཤེས་ཚོགས། །ཐམས་ཅད་མཚན་མ་ནམ་
མཁའི་དངོས། །དེ་ཉིད་སྒྲོ་བཏགས་ཆོས་དང་བྲལ། །ཀུན་ལྡན་བྱམས་སེམས་དེ་ཁོ་ན། །རང་བཞིན་དག་པ་དྲི་མ་མེད། །ཧེ་རུ་ཀ་ཡི་བདེ་ཆེན་དབྱིངས། །ཆོས་རྣམས་ཀུན་གྱི་རྒྱུ་ཡིན་ཏེ། །འོད་གསལ་པ་ཡི་གནས་འཇུགས་པས། །རྣལ་འབྱོར་ཆེན་པོ་ཞེས་
བྱ་བཤད། །དེ་བཞིན་གཤེགས་པ་ཐམས་ཅད་ཀྱི་དགོངས་པ་གསང་བ་དཔལ་རྟ་མཆོག་རོལ་པའི་རྒྱུད་ལས། དཀྱིལ་འཁོར་རྒྱུའི་དོན་ཕྱུང་བའི་ལེའུ་སྟེ་ཉི་ཤུ་གཉིས་པའོ།། །། དེ་ནས་བཅོམ་ལྡན་དཔལ་གྱི་སྐུས། །གར་གྱི་དབང་ཕྱུག་
ལྷུན་གྲུབ་མཆོག །ཐུགས་རྗེ་བརྗིད་པའི་སྟོབས་ལྡན་པས། །ཡོན་ཏན་ཁྱད་པར་བསྟན་པའི་ཕྱིར། །ནམཁའི་རི་མོ་ཕྱག་རྒྱའི་རྔོམ། །ཅིར་ཡང་འགྱུར་བའི་བཞུགས་པའི་རྔོམ། །ཟིལ་གྱི་གནོན་པའི་གནས་མཆོག་རྔོམ། །འཚམ་ཆེན་པོའི་སྟངས་
སྟབས་རྔོམ། །སྐུ་མདོག་བརྒྱད་ཀྱིས་བརྗིད་པའི་མཆོག །ཕྱག་རྒྱའི་དོན་དང་ལྡན་པའི་སྐུ། །ཧྃ་ལྔ་འབྲེལ་པར་གྱུར་པའི་ཞལ། །ཟླ་ཁམ་ཅིར་ཡང་འགྱུར་བའི་ལྗགས། །སྐྱེ་ཤི་རྩད་ནས་གཅོད་པའི་ཚེམས། །རྣམ་པའི་འབྲུག་ལྟར་སྒྲོགས་པའི་

104-1-115a

དབྱངས། །ཏིང་འཛིན་ནམ་མཁའི་སྐར་ཚོགས་བཞིན། །ཕྲིན་ལས་རྒྱ་མཚོའི་རླབས་ཚོགས་ལྟར། །བྱིན་བརླབས་ཆོ་འཕྲུལ་སྤྲིན་ཕུང་ཚོགས། །མཛད་པའི་རོལ་མོ་གར་ཐབས་རྔམ། །བདུད་དང་སྲིན་མོ་འཇོམས་བྱེད་རྣམས། །ཁམས་
གསུམ་ཟིལ་གྱིས་གནོན་པའི་གདན། །སྟོང་གསུམ་དུས་གཅིག་བསྒྲལ་བའི་ཞིང་། །རྟོག་པ་འཇོམས་པའི་བརྟུལ་ཞུགས་མཆོག །སྐུ་གསུང་ཐུགས་མཆོག་ཡོན་ཏན་ནི། །རྔོམ་བརྗིད་སུམ་བཅུ་རྩ་དྲུག་མངའ། །རྒྱ་ཆེན་ཡན་ལག་རགས་
པས་བརྗིད། །གྲངས་མ་རྐྱེན་དང་མཚམ་པས་བརྗིད། །བཀུར་གཤོས་གཙོ་བོ་མཐོང་བས་བརྗིད། །ཁྱད་ཞུགས་བླ་མ་ཡིན་པས་བརྗིད། །གདང་ཆེན་སྟོང་གསུམ་གང་བས་བརྗིད། །དོན་ལ་ཉི་ཚེར་སྟོན་པས་བརྗིད། །གསལ་བས་མཐའ་གཉིས་ཡངས་
པས་བརྗིད། །ཐུགས་རྗེ་ཐུགས་དམ་མཐར་ཕྱིན་བརྗིད། །མ་རྨོངས་ཐབས་ཀྱིས་འདུལ་བས་བརྗིད། །མ་འགགས་ས་ལེ་མཁྱེན་པས་བརྗིད། །གཅིག་ལ་འདོད་དགུར་སྒྱུར་བས་བརྗིད། །གནོད་སྦྱིན་ཕྃ་པར་མཛད་པས་བརྗིད། །ཐབས་མཁས་སྐྱོན་གྱིས་མ་
གོས་བརྗིད། །རིམས་བྲལ་ཉམ་ཐག་རོལ་པས་བརྗིད། །འཁོར་བ་ཡུན་རིངས་མགོན་མཛད་བརྗིད། །ཅིག་ཆར་ཟིལ་གྱིས་གནོན་པས་བརྗིད། །བྱ་བའི་ཡེ་ཤེས་རྫོགས་པས་བརྗིད། །སྐུ་གསུང་ཡོན་ཏན་ཕྲིན་ལས་ཐུགས། །ཟིལ་གནོན་ང་རྒྱལ་བཅག་པར་
བྱ། །དེ་སུ་རོ་ཡི་ནང་ནས་ནི། །གློག་འགྱུར་ལྕེ་ནི་ལན་གསུམ་འབྱུང་། །སོ་འམ་སེན་མོ་གཅད་པར་བྱ། །དེ་ཉིད་རལ་གྲི་བཟང་པོར་འགྱུར། །རྣལ་འབྱོར་པ་ཡི་གྲངས་བཞིན་དབྱུང་། །དེ་ཐོག་ནམ་མཁའ་ལ་སོང་ནས། །རིག་པ་འཛིན་པའི་སྔགས་བརྗོད་བྱ། །ༀ་
བྷུ་རུ་ན་ར་ས་མ་ཏ་ཡ་ཧཱུྃ་ཕཌ། གར་གྱི་དབང་ཕྱུག་ང་རྒྱལ་གྱིས། །གང་འདོད་གནས་སུ་འགྲོ་བྱ་ཞིང་། །དྲེག་བྱེད་ཚོགས་རྣམས་ཟིལ་གནོན་ཏེ། །བརྟུལ་ཞུགས་སྤྱོད་པས་གླུ་བླང་ཞིང་། །བརྟུལ་ཞུགས་སྤྱོད་པ་སྣ་ཚོགས་པས། །ཡུད་ཙམ་གཅིག་ལ་གནས་སུ་
དག་པར་བྱེད། །བཅོམ་ལྡན་པད་མ་ཧེ་རུ་ཀའི། །སྐུ་གསུང་ཐུགས་ཀྱི་དཀྱིལ་འཁོར་ནི། །ཇི་ལྟར་སྤྲུལ་ཞིང་ཅིར་ཡང་སྣང་། །མཚན་ཉིད་ཅིག་ཏུ་མ་ངེས་པས། །སྐུ་གསུང་ཐུགས་སྤྲུལ་བསམ་ཡས་ཆེ། །རང་བཞིན་ལས་དང་ཡོན་ཏན་གྱི། །བྱིན་བརླབས་ཡ་

104-1-115b

མཚན་སྒྲིབ་མེད་གསལ། །ཁམས་གསུམ་ཀུན་ལས་རྩལ་འཕགས་ཤིང་། །རང་གི་དཀྱིལ་འཁོར་རྣམ་གསལ་ལས། །བྱིན་བརླབས་འགྲོ་ལ་རྒྱ་ཆེན་སྟོན། །ཆོས་དང་ལོངས་སྤྱོད་རྫོགས་པ་དང་། །སྤྲུལ་སྐུ་སྣ་ཚོགས་འདུལ་བའོ། །ཚིག་གི་གསུང་
རབ་རིག་པའི་གསུང་དང་། །བཞི་ལ་གསུམ་བཅུ་དྲུག་གིས་བརྗིད། །དུག་གསུམ་སྐུ་གསུང་ཐུགས་ཀྱིས་སྦྱངས། །དུག་ལྔ་བདེ་བ་ཆེན་པོས་སྤྱད། །དབྱིངས་ལས་ཡེ་ཤེས་རོལ་པའི་མཐུས། །སྐྱེ་འགྲོ་མ་ལུས་རྒྱས་བཏབ་ནས། །རང་བཞིན་དག་པའི་
དབྱིངས་སུ་སྦྱོང་། །རྒྱལ་བ་གང་གི་ཐུགས་རྗེས་ཀྱང་། །འདི་ལ་སྐྱབས་སུ་ཡོད་མ་ཡིན། །སྲིད་པ་གསུམ་དུ་དག་བྱས་ནས། །སྲིད་པའི་ཕྱག་རྒྱས་ཕྱག་རྒྱ་གསང་བས་འདེབས། །ཐིག་ལེ་ཆོས་སྐུ་རིག་པའི་མཆོག །གར་གྱི་དབང་ཕྱུག་ཞེས་སུ་བསྔགས། །
དེ་བཞིན་གཤེགས་པ་ཐམས་ཅད་ཀྱི་དགོངས་པ་བླ་ན་མེད་པའི་གསང་བ་དཔལ་རྟ་མཆོག་རོལ་བའི་རྒྱུད་ལས། ཁྲོ་བོ་རྔོམ་བརྗིད་སྟོན་པའི་ལེའུ་སྟེ། ཉེར་གསུམ་པའོ།། །། དེ་ནས་འཁོར་གྱི་གཙོ་བོ་མཆོག །གསང་བའི་བདག་པོ་
ལ་སོགས་པས། །ཡང་དང་ཡང་དུ་ཕྱག་འཚལ་ལོ། །མཆོད་པ་རྒྱ་ཆེན་ཕུལ་བྱས་ཏེ། །འགྲོ་བ་རྩེ་བའི་སེམས་ཅན་ལས། །བསྒྲུབས་པའི་རིམ་པ་ཞུ་བར་མཛད། །བཅོམ་ལྡན་དངོས་གྲུབ་ཀུན་གྱི་བདག །གདུལ་བྱ་ཀུན་གྱི་དོན་གྱི་ཕྱིར། །ཐུན་མོང་
དངོས་གྲུབ་ཇི་ལྟ་བུར། །དེ་བཞིན་མཆོག་གི་དངོས་གྲུབ་དག །བསྒྲུབ་པར་བྱ་བའི་ཐབས་ནི་གང་། །ལས་ཀྱི་ཆོ་ག་ཅི་ལྟ་བུར། །ཡན་ལག་ཚོགས་པའི་ལྡན་བྱས་ནས། །ཚེ་འདི་མཆོག་ཏུ་གྱུར་རམ་ཅི། །ཐབས་མང་ཆོ་ག་བཤད་པར་བྱ། །དེ་ནས་
བཅོམ་ལྡན་འདས་ཀྱི་དབང་། །རང་གི་དཀྱིལ་འཁོར་གནས་བཞུགས་ཏེ། །མ་འོངས་འགྲོ་ལ་ཕན་པའི་ཕྱིར། །སྐུ་གསུང་ཐུགས་ཀྱི་སྦྱོར་བ་ལས། །ངོ་མཚར་འཕྲུལ་པ་འདི་གསུངས་སོ། །རྒྱལ་བ་ཀུན་གྱི་དམ་ཚིག་ཆེ། །རྣམ་གསུམ་ཕྱག་རྒྱ་ལ་
གནས་ནས། །ལས་ཀྱི་དངོས་གྲུབ་བསྒྲུབ་པ་ནི། །གནས་བཟངས་དག་ཏུ་བརྩམ་པར་བྱ། །ཕྱག་རྒྱའི་གྲོགས་ལ་བརྟེན་པ་ན། །བཟླས་བརྗོད་ཡན་ལག་མ་ཉམས་པར། །གསང་སྔགས་ཡི་གེ་བཅུ་བཞི་པ། །སུམ་འབུམ་དག་ཏུ་བརྗོད་བྱས་ནས། །

104-1-116a

རོལ་པ་མཚན་མ་བསྒྲུབ་པའི་ཕྱིར། །མཆོག་ཆེན་མཚན་མ་མ་ཉམས་པ། །རབ་རྟགས་དུར་ཁྲོད་གནས་ནས་བླངས། །ཁྲོ་བོ་ཆེན་པོའི་ཚམ་རྔམ་གྱིས། །ཡུངས་ཀར་ཐལ་བ་ལ་སོགས་པས། །སུམ་བ་ནིའི་སྔགས་བརྗོད་ཅིང་། །ཡི་དགས་གཤིན་
རྗེ་བསྐྲད་པར་བྱ། །དེ་ནས་དྲི་ཞིམ་སྦྱར་བ་ཡི། །དག་བྱེད་ཆུ་ཡིས་ལེགས་བཀྲུས་ཏེ། །མེ་ཏོག་ཕྲེང་སོགས་རྒྱན་གྱིས་བརྒྱན། །གསུང་གི་ཕྱག་རྒྱ་བྱིན་བརླབས་དཔའ་བོས་རང་གི་ཁྱིམ་དུ་བླང་། །ཀླུ་དྲུག་དབྱངས་དྲུག་བཅས་པ་ཡིས། །ཁྲོ་རྒྱལ་རོལ་
པའི་བྲོ་ཡིས་སྦྱངས། །བསྒྲུབ་པའི་དཀྱིལ་འཁོར་ཉམས་དགའི་མཆོག །རྒྱ་ཁྱོན་འདོམ་གང་ཁྲུ་ཡིས་བསྟོད། །ཅི་བཞིན་ལ་སོགས་ཆོ་ག་བཞིན། །རྫས་དང་ས་གཞི་དག་བྱ་ཞིང་། །ས་བོན་གནས་པའི་ལས་རྫོགས་ནས། །བསྲུང་ཞིང་དཀྱིལ་འཁོར་བྲི་བར་བྱ། །ཡབ་
ཡུམ་བསྒྲུབ་པའི་གྲོགས་བཅས་རྣམས། །དཀྱིལ་འཁོར་ཕྱོགས་བཞིར་གནས་བཟུང་སྟེ། །མཆོག་ཆེན་དཀྱིལ་འཁོར་ཁ་རུ་བཞག །བསྲུང་བའི་འཁོར་ལོ་ལེགས་ལྡན་པས། །སྟོང་ཉིད་ཏིང་འཛིན་ནས་བརྩམས་ཏེ། །དཀྱིལ་འཁོར་མཉེས་བསོགས་རྫོགས་བྱས་ནས། །
རོ་ལངས་དགུག་ཅིང་གཞུག་བྱ་སྟེ། །བར་ཆད་མེད་པར་བཟླས་བརྗོད་བྱ། །ༀ་བི་ར་ན་ཏྲག་ཤ་ཏ་ཧ་ལ་ཏའི་ལོ་མ་ཏ་ཡ་མན་ཏ་ཙན་ཏྲ་ཧཱུྃ་ཕཊ། ཏིང་འཛིན་འོད་ཟེར་གསལ་བའི་རྒྱུན། །ཟུར་མ་ཆག་པར་བརྗོད་བྱས་ཏེ། །འབུམ་ཚོ་གཅིག་གིས་གཡོ་འགྱུར་ཞིང་། །གཉིས་ཀྱིས་
འོད་དང་བཅས་པར་སྣང་། །འབུམ་ཕྲག་གསུམ་གྱིས་སྒྲ་བསྟན་ཞིང་། །ལངས་ཏེ་ཀུན་ཏུ་བལྟ་བར་བྱེད། །དེ་ཚེ་རྣལ་འབྱོར་དབང་པོ་ཡིས། །སྐྲ་ནས་བཟུང་ནས་བསྒྱེལ་བྱས་ལ། །རྟ་མཆོག་སྔགས་ཀྱི་དབང་དུ་བྱ། །རྡོ་རྗེ་ཁྱུང་གཤོག་ཕྱག་རྒྱ་ཡིས། །དོན་གྱི་གསུང་གིས་
གོ་བར་སྤྱོད་པས་བྲོ་ཡང་བརྡུང་། །ཏིང་འཛིན་སྔགས་དང་ཡན་ལག་རྣམས། །མ་བྲལ་རང་གི་གནས་འོངས་ཏེ། །དཀྱིལ་འཁོར་མཐའ་མས་བསྐོར་བྱས་ནས། །མཆོད་པ་བྲོ་གླུ་དང་བཅས་པས། །ལྷ་རྣམས་མཉེས་པའི་ཆོ་ག་བྱ། །དེ་ནས་རྟུལ་ཞུགས་ཆེན་པོ་ཡིས། །གོ་ལ་ལང་
གྷ་གནོན་པ་ཡི། །བྲོ་ལ་སོགས་པ་རྫོགས་བྱས་ནས། །རོ་དེ་གསེར་དུ་གྱུར་པ་ཡིན། །དེ་ནི་མཆོད་དང་སྦྱིན་པ་དང་། །རང་ལ་དགོས་པའི་ཡོ་བྱད་བྱ། །དེ་བཞིན་གཤེགས་པ་ཐམས་ཅད་ཀྱི་དགོངས་པ་བླ་ན་མེད་པའི་གསང་བ་དཔལ་རྟ་མཆོག་རོལ་པའི་རྒྱུད་ལས་རོ་ལངས་

104-1-116b

བསྒྲུབ་པ་བསྟན་ཏེ། ཉི་ཤུ་བཞི་པའོ།། །། དེ་ནས་གར་གྱི་དབང་ཕྱུག་གིས། །གཟི་ལྡན་ཡུམ་དང་རོལ་མཛད་ཅིང་། །འཁོར་གྱིས་ཞུས་པའི་ཚིག་གསན་ནས། །ཐུན་མོང་དངོས་གྲུབ་བཟང་པོ་ཉིད། །མ་འོངས་འགྲོ་ལ་ཕན་གདགས་ཕྱིར། །
རིམ་པ་བཞིན་དུ་ཕན་གདགས་མཛད། །དབང་ཐོབ་དམ་ཚིག་ལ་གནས་པས། །ཡིད་འཐུན་གནས་མཆོག་བཟང་པོ་རུ། །མིག་སྨན་སྦྱོར་བ་བསྒྲུབ་བྱས་ཏེ། །བྱིན་བརླབས་ལྡན་པས་འགྲོ་དོན་བྱས། །རང་གི་ཏིང་འཛིན་ལ་གནས་པས། །རང་གི་གསང་སྔགས་འབུམ་
རྫོགས་ནས། །མཚན་མོ་ཕྲ་མོ་མཐོང་བ་དང་། །བསྒྲུབ་པའི་དཀྱིལ་འཁོར་བརྩམ་པར་བྱ། །དཀྱིལ་འཁོར་གང་ཡང་རུང་བ་ཡི། །ཕྱག་རྒྱ་གསང་སྔགས་ཏིང་འཛིན་ལྡན། །རིན་ཆེན་སྔགས་ཀྱི་བཟླས་བརྗོད་ནི། །འབུམ་ཕྲག་གསུམ་དུ་གསུང་བར་བྱ། །ༀ་པད་
མ་མ་ཙ་ག་ཧྲུ་ཨ་ལ་ས་མ་ར་སི་ཏི་ཡོ་ན་ཧཱུྃ་ཕཊ། དཀྱིལ་འཁོར་གནས་གྱི་རྟགས་མཐོང་ནས། །གྲོང་མཐའི་གནས་སུ་འགྲོ་བྱས་ཏེ། །སུས་ཀྱང་མ་མཐོང་མཚན་མོ་རུང་། །ལྷ་འདྲེ་གཏུམ་པོའི་གྲོང་དུ་བསྡད། །རང་གི་འཁོར་གྱིས་ཚོགས་རྣམས་ཀྱིས། །མི་རྒོད་བཙན་
འབྲང་བསྲུང་བར་བྱ། །དེར་ནི་བན་དྷ་མཚན་ལྡན་དུ། །གཟི་ཆེན་མར་ནི་བལྟས་ནས་སུ། །མཚན་གཅིག་ཡལ་བར་སྔགས་བཟླས་ཤིང་། །ཏིང་འཛིན་མ་ཉམས་སྦྱོར་བ་བྱས། །སྐྱ་རེངས་དང་པོ་འཆར་དུས་སུ། །དུད་པས་གདུགས་ཏེ་བཅང་བར་བྱ། །གླུ་དང་བྲོ་
ཡི་བརྟུལ་ཞུགས་དང་། །ལྷ་རྣམས་ཀུན་གྱི་སྟངས་སྟབས་ཀྱིས། །གནས་དེའི་བདག་པོ་དབང་དུ་བསྡུད། །རིགས་བ་པ་འཛིན་པའི་སྔགས་ལྡན་པས། །སླར་ཉིད་མིག་སྨན་ཤས་ཅིག་བྱུག །དེ་ནས་འཁོར་གྱི་ཚོགས་སྒོ་ཞིང་། །སྐྱེ་འགྲོ་ཀུན་ལ་གསང་བར་བྱ། །པད་
མ་བསྒྲུབ་པའི་ཨན་རྫ་ལིས། །ཅི་འདོད་དངོས་པོ་མཐོང་བར་འགྱུར། །གཞན་ཡང་རི་ལུའི་བསྒྲུབ་ཐབས་ནི། །བདུད་རྩི་ལྔ་ལས་འབྱུང་བ་ཡི། །རྫས་དག་ཤ་ལྔ་དང་བསྲེས་ཏེ། །ཐོད་པ་མཚན་ལྡན་ནང་བཞག་ནས། །དཀྱིལ་འཁོར་རྒྱན་དང་ལྡན་གནས་སུ། །ཐབས་དང་
ཤེས་རབ་ལྡན་ནས་སུ། །གར་གྱི་དབང་ཕྱུག་སྐུ་བསྒོམས་ཞིང་། །ཡི་གེ་བཅུ་བཞི་གསང་སྔགས་ཀྱིས། །འབུམ་ཕྲག་གསུམ་དུ་བཟླས་བྱས་ཏེ། །མཚན་མ་ཕྲ་མོ་མཐོང་བ་དང་། །བདུད་རྩི་གོང་བུ་བསྒྲིལ་བྱས་ཏེ། །རྒྱ་ཤུག་འབྲས་བུའི་ཚད་ཙམ་དུ། །རིན་ཆེན་ཟ་མ་

104-1-117a

རྟོག་ཏུ་གཞུག །དཀྱིལ་འཁོར་བ་ཡི་དབུས་གཞག་པས། །བསྲུང་བའི་ཙ་ཀྲས་བསྲུང་བྱ་ཞིང་། །རིག་པ་འཛིན་པའི་གསང་སྔགས་ནི། །འབུམ་ཕྲག་ལྔ་རུ་བརྗོད་པར་བྱ། །འོད་ཟེར་ལྕགས་ཀྱུ་འབྱུང་བར་འགྱུར། །ༀ་མ་ཧཱ་པད་མ་སྃ་པོ་ཏ་ཧུ་ལུ་ཧུ་ལུ་ཧཱུྃ་ཕཊ་སྭཱ་ཧཱ། 
དེ་ནས་རི་ལུ་དེ་བླངས་ཏེ། །ཁ་འམ་ལག་ཏུ་བཟུང་བྱས་ནས། །གང་འདོད་གནས་སུ་འགྲོ་བྱེད་ཅིང་། །ཅི་འདོད་པ་དག་གྲུབ་པར་བྱེད། །ལྷ་ཡི་གནས་མཆོག་ཉམས་དགའ་བས། །སྔ་དྲོ་གཅིག་གིས་འཁོར་བར་ནུས། །གཞན་ཡང་བཅུད་ལེན་བཟང་པོ་ཉིད། །སྐྱེས་བུ་གང་
གིས་བསྒྲུབ་འདོད་པས། །བདུད་རྩི་རྒྱལ་པོ་ཨ་རུ་ར། །གསེར་གྱི་མདོག་ཏུ་འདུག་པས་མཆོག །ཉི་ཤུ་རྩ་གཅིག་ར་བོར་སྦ། །སུལ་རངས་རྒྱས་པར་གྱུར་པ་དང་། །བ་གཅིན་ཕུར་མོ་ཐལ་བ་དང་། །སེར་སྐྱའི་བ་མར་བཙོ་བར་བྱ། །དེ་ཉིད་སྦྲང་རྩི་དང་སྦྱར་བས། །ཉི་ཤུ་རྩ་གཅིག་
ཞག་གི་བར། །ཞོ་རེའི་ཚད་དུ་བསྐྱེད་ཅིང་བཟའ། །དཀྱིལ་འཁོར་གསང་བ་ལ་བརྟེན་ནས། །གར་གྱི་དབང་ཕྱུག་སྐུར་བསྒོམས་ཞིང་། །རིག་འཛིན་པ་ཡི་སྔགས་བརྗོད་ཅིང་། །མཚན་རྟགས་གསལ་བར་མ་མཐོང་བར། །ཡན་ལག་མ་ཉམས་བརྩོན་འགྲུས་བསྐྱེད། །ༀ་པད་
མོ་བི་ཧ་ར་ཧ་ར་ཏ་ས་ནི་ཧཱུྃ་ཕཊ་སྭཱ་ཧཱ། །གསང་སྔགས་སུམ་འབུམ་མ་རྫོགས་པར། །ཨ་རུ་ར་ཡི་འབྲས་བཟང་སྟོང་གྱི་ཚད། །ལེགས་པར་སྦྱར་ཏེ་སྟོང་གི་ཚད། །ལེགས་པར་སྦྱར་ཏེ་ཟོས་པའི་མཐུས། །ནད་དང་ཟུག་རྔུའི་ཚོགས་འཇོམས་ཤིང་། །ཚེ་རིང་བདེ་བ་ཕུན་སུམ་
ཚོགས། །རྒས་ལ་སོགས་པའི་སྐྱོན་སེལ་ཅིང་། །རིག་འཛིན་གནས་སུ་འགྲོ་བར་བྱེད། །དེ་བཞིན་དབང་པོའི་ལག་པ་དང་། །ཁ་ར་བུ་རམ་ཉེ་ཤིང་དང་། །ཟུར་རྡུལ་མུ་ཟི་ལ་སོགས་པས། །རང་གི་ཆོ་ག་ཤེས་པ་ཡིས། །རིག་པ་འཛིན་པའི་སྔགས་ཀྱིས་འགྲུབ། །
གར་དབང་དཀྱིལ་འཁོར་ལ་ནི་བརྟེན་བྱས་ཏེ། །སོ་སོར་མ་ཉམས་སྦྱངས་བའི་ས། །བ་ཡི་འོ་མ་དང་སྦྱོར་ཞིང་། །བ་ཡི་མར་གྱིས་གཟུངས་བཏབ་ནས། །མཚན་མ་མ་བྱུང་བར་དུ་གཞག །དེ་ནི་རིག་འཛིན་དངོས་གྲུབ་ཐོབ། །ༀ་པད་མོ་ཨི་དྲ་དྲ་ཨ་ཧེ་དེ་བི་ན་ཧཱུྃ་ཕཊ། །ༀ་པད་
མོ་ར་རྒྱ་ཨ་ག་ར་ཏ་དར་ཤ་ཧཱུྃ་ཕཊ། ༀ་པད་མོ་ས་མོན་བི་ཤ་ལེ་ཧཱུྃ་ཕཊ། ༀ་གྷུ་ལི་ས་བོ་ཏམ་གོ་ར་ན་ཧཱུྃ་ཕཊ། ༀ་པད་མོ་མེ་ཤ་ཨ་ན་ནད་ཏ་ཡ་ཀ་ར་ཧཱུྃ་ཕཊ། དེ་དག་ལས་རྣམས་འགྲུབ་པ་དང་། །རྟག་ཏུ་རང་གིས་འཆར་བྱས་ཤིང་། །གསང་བའི་སྔགས་ལམ་ལ་བརྟེན་ནས། །ཚེ་འདི་

104-1-117b

གྲུབ་པར་གྱུར་པ་ཡིན། །དེ་བཞིན་གཤེགས་པ་ཐམས་ཅད་ཀྱི་དགོངས་པ་བླ་ན་མེད་པའི་གསང་བ་དཔལ་རྟ་མཆོག་རོལ་པའི་རྒྱུད་ལས། ཐུན་མོང་གི་དངོས་གྲུབ་བསྒྲུབ་པའི་ལེའུ་སྟེ། ཉེར་ལྔ་པའོ།། །། དེ་ནས་གར་གྱི་དབང་ཕྱུག་ཉིད། །
ཕྱག་རྒྱ་རོལ་པའི་སྐུར་བཅས་ཀྱིས། །སྣོད་ལྡན་བྱང་ཆུབ་སེམས་དཔའ་དག །མཆོག་གི་དངོས་གྲུབ་སྐྱེད་བྱེད་པའི། །རིག་འཛིན་གནས་ཀྱི་མཚན་ཉིད་བཤད། །དམར་པོ་དབང་གི་དཀྱིལ་འཁོར་དུ། །བན་དྷ་མཚན་དང་ལྡན་པ་བརྒྱད། །པད་མའི་འདབ་
མ་ལ་བཀྲམ་ནས། །ཚེ་འདས་སྔགས་ཀྱིས་བརྒྱན་པར་བྱ། །དེ་ནི་བཟའ་བཏུང་ལོངས་སྤྱོད་ཚོགས། །མ་ཉམས་ཕུན་སུམ་ཚོགས་པར་སྤྱད། །གར་དབང་ལྷ་ལ་མོས་པ་ཡིས། །གསང་སྔགས་རྒྱལ་པོ་རྗོད་བྱེད་ཅིང་། །སུམ་འབུམ་བཟླས་པའི་གྲངས་ཚང་ནས། །མཐའ་
སྔགས་གཞན་གྱིས་བརྒྱན་བྱས་ཏེ། །རྟགས་མཐོང་བར་དུ་བཟླས་བརྗོད་བརྩམ། །ༀ་ཨ་སུ་ཤ་ༀ་ཨ་ཡུ་ཤ་སོ་ཏ་བྲུྃ། །འོད་ཟེར་དུ་བ་ལྟ་བུ་དང་། །ཕྱག་རྒྱའི་དབྱིངས་དང་འབྱུང་བའི་དུས། །བྲོ་དྲུག་གླུ་དང་གར་བཅས་པས། །བརྟུལ་ཤུགས་ཆེན་པོ་བདུད་རྩི་སྤྱད། །
སྐུ་གསུང་ཐུགས་མཆོག་ཕྱག་རྒྱ་ཆེ། །གསང་བའི་ཡུམ་བསྐྱེད་སྙིང་པོ་མཆོག །ༀ་ཨེ་ཀ་ཏེ་བི་ག་ཏེ་མ་ཏང་ཀ་ཏེ་སྭཱ་ཧཱ། །མ་ཉམས་ཉམས་པའི་ཕྱག་རྒྱར་གསལ། །གཉིས་སུ་མེད་པར་སྦྱོར་བ་ཡིས། །རྡོ་རྗེ་པད་མོར་ལྡན་བྱས་པས། །ཐབས་ཀྱི་ཕྱག་
རྒྱའི་ཆོ་འཕྲུལ་ལ། །གཟི་ལྡན་གསང་བ་ཨེ་གྲུ་གསུམ། །ཉི་མ་པད་མ་ཤེས་རབ་ལྡན། །སོ་སོ་གསལ་བའི་བརྡས་མཚོན་ཏེ། །ༀ་བྲུྃ་པད་མ་ཨཱ་ཡུ་ཤེ། བྱིན་བརླབས་རྣམ་པར་འཕྲོ་བ་ཡིས། །ཕྱོགས་བཅུའི་སངས་རྒྱས་ཐུགས་བསྐུལ་ཞིང་། །བྱང་
ཆུབ་སེམས་མཆོག་ཚེ་ཡི་རྒྱུན། །བསྒྲུབ་པ་པོ་ལ་གསལ་བར་མཛད། །པད་འདབ་བརྒྱད་པ་ཉི་མར་བཅས། །དབུས་སུ་གསང་བའི་རྡོ་རྗེ་ཆེ། །ཧཱུྃ་གིས་གསོར་ཞིང་ཨ་ཡིས་བསྐྱོད། །ཡང་དང་ཡང་དུ་བསྐུལ་བ་ནི། །སྐུ་གསུང་དབྱིངས་སུ་གྱུར་པའོ། །དེ་ལ་བྱང་
ཆུབ་སེམས་མཆོག་རྒྱུན། །བན་དྷ་མཚན་ལྡན་ནང་དུ་བཅུག །རྣལ་འབྱོར་གར་དང་ལེགས་བཅས་པས། །བཀྲ་ཤིས་ཚིགས་བཅད་གླུ་བླང་ཞིང་། །བཀྲ་ཤིས་གར་དང་དབྱངས་སུ་བཅས། །ལོངས་སྤྱོད་སྟོན་མོ་ཀུན་གསོལ་ཞིང་། །དངོས་གྲུབ་དོན་ཕྱིར་གསོལ་བ་

104-1-118a

གདབ། །དེ་བཞིན་གཤེགས་པ་ཐམས་ཅད་ཀྱི་དགོངས་པ་བླ་ན་མེད་པའི་གསང་བ། དཔལ་རྟ་མཆོག་རོལ་པའི་རྒྱུད་ཆེན་པོ་ལས་ཚེ་བསྒྲུབ་པའི་ལེའུ་སྟེ་ཉེར་དྲུག་པའོ།། །། དེ་ནས་གར་གྱི་ལྷ་མཆོག་གིས། །ཐམས་ཅད་བདུད་རྩིར་
བྱིན་བརླབས་ནས། །ཕྱི་ནང་སྣོད་བཅུད་མ་ལུས་ཀུན། །རིགས་ལྔའི་སྐུ་རུ་བསྒྲུབ་པ་ཡི་ཕྱིར། །རང་ལས་བྱུང་བའི་རང་བཞིན་དང་། །དངོས་གྲུབ་སྙིང་པོ་ཀུན་བསྡུས་བཤད། །ཆོས་རྣམས་མ་ལུས་རྣམས་བཏོགས་ནས། །རིགས་ལྔའི་དཀྱིལ་འཁོར་ཚུལ་དུ་གནས། །
དེ་ལས་འབྱུང་བའི་དངོས་རྣམས་ཀྱིས། །དེ་ཉིད་ལྟ་བུར་སྦྱོར་བ་བྱ། །དང་པོར་བསོད་ནམས་ཚོགས་བསག་ཅིང་། །རྡོ་རྗེ་བླ་མ་མཉེས་བྱས་པས། །ཕུན་སུམ་ཚོགས་པའི་གནས་དག་དུ། །ལྷ་ཉིད་ཉེ་བར་བསྒོམས་བྱས་པས། །དཀྱིལ་འཁོར་ཆེན་པོ་བརྩམ་པར་བྱ། །རིགས་
ཀྱི་ལྷའི་དཀྱིལ་འཁོར་གྱིས། །རིགས་ཀྱི་ཕྱག་རྒྱ་བསྒྲུབ་པར་བྱ། །དྲི་དབྱིབས་ཁ་དོག་རོ་ལ་སོགས། །ཤ་ལྔ་བདུད་རྩིར་བཅས་པ་དག །བན་དྷ་མཚན་ལྡན་ལྔ་རུ་ནི། །དཀྱིལ་འཁོར་འཁོར་དང་ཕྱོགས་བཞིར་དགྲམ། །རྡོ་རྗེ་བཀོད་པའི་དཀྱིལ་འཁོར་གྱིས། །སོ་སོར་སྤང་པ་
སྦྱང་བྱས་ཏེ། །ཕྱག་རྒྱ་སྔགས་དང་ཏིང་འཛིན་མཐུས། །རིགས་ཀྱི་དཀྱིལ་འཁོར་མངོན་པར་བསྒྲུབ། །མཆོད་ཅིང་མཉེས་པར་བྱས་ནས་ནི། །ལས་ཀུན་པའི་གསང་སྔགས་བརྗོད། །ༀ་པད་མོ་བཛྲ་ཧྲི་གྷུ་ན་སིདྷི་སརྦ་པཉྩ་ཨ་མྲྀ་ཏ། །ༀ་ཨཱ༔ ཧཱུྃ་སྭཱ་ཧཱ། །དེ་ལས་འོད་དང་དུ་བ་དང་། །
དྲི་དང་ལྷ་མོ་རྟགས་དག་ནི། །བཟླས་བརྗོད་ཐུན་མོང་ཁྱད་པར་དག །འབུམ་ཚོ་གསུམ་གྱིས་འགྲུབ་པར་འགྱུར། །དེ་ནས་གྲུབ་པའི་རྟགས་མཐོང་ནས། །དེ་དག་བཏག་ཙམ་སྦྱང་བྱ་ཞིང་། །མཁའ་འགྲོ་རོལ་པའི་རྟུལ་ཤུག་ཀྱིས། །བསོད་ནམས་སྦྱང་ཞིང་བྱིན་གྱིས་
བརླབ། །དཀྱིལ་འཁོར་བཀོད་པ་རྒྱན་དང་བཅས། །ཁྲོ་བོ་འབར་བར་ཞལ་སྒྱུར་ཞིང་། །ཡབ་ཡུམ་གདུང་བའི་གླུ་དབྱངས་དང་། །བྱང་ཆུབ་སེམས་དཔའ་འཕྲོ་འདུ་ཡིས། །དཀྱིལ་འཁོར་དབུས་ཀྱི་གནས་བཞུགས་པར། །བདུད་ཀྱི་གར་གྱི་དབང་ཕྱུག་བསྐྱེད། །སླར་ཉིད་
ཁྲོ་བོ་དཀྱིལ་འཁོར་གྱིས། །གཟུགས་འདུལ་གཙོ་བོའི་ཐུགས་ཀར་ཞུགས། །ཡེ་ཤེས་དཀྱིལ་འཁོར་ཀུན་བཀུག་ནས། །དམ་ཚིག་བདུད་རྩི་གཉིས་མེད་འགྱུར། །སླར་འབྱུང་པད་མའི་རྒྱལ་པོའི་སྐུ། །དབུས་ཀྱི་དཀྱིལ་འཁོར་གདན་ལ་བཞུགས། །མཆོད་

104-1-118b

བསྟོད་དགའ་བས་མཉེས་བྱས་ནས། །བྲོ་གར་གླུ་ཡི་ཐུགས་དམ་བཀང་། །ཁྱད་པར་གསང་སྔགས་རྒྱལ་པོའི་མཐུས། །ཡེ་ཤེས་ལྔར་ལྡན་འོད་ཟེར་ཅན། །ༀ་མ་ཧཱ་སརྦ་ཏ་ཐཱ་ག་ཏ་པཉྩ་ཨ་མྲྀ་ཏ་རུ་ལུ་རུ་ལུ་ཧཱུྃ་ཕཊ་སྭཱ་ཧཱ། ཇི་སྲིད་མཚན་མ་མ་བྱུང་བར། །སྔགས་ཀྱི་
རྒྱལ་པོ་བརྗོད་པར་བྱ། །དེ་ནས་རྟ་མགྲིན་ཕྱག་རྒྱ་ཡིས། །བསྒྲུབ་པ་ཆེན་པོ་གསང་བའི་དོན། །རྡོ་རྗེ་རྟ་མཆོག་ཕྱག་རྒྱ་ཆེ། །བདུད་རྩི་རྫས་ཀྱིས་དབང་བསྐུར་ཞིང་། །རྣལ་འབྱོར་གྲོགས་བཅས་ཚིམ་པར་བྱ། །ཕྱོགས་རྣམས་ཀུན་ནས་གདུངས་པའི་གླུས། །
དཀྱིལ་འཁོར་ལྷ་དང་བླ་མ་མཆོད། །དངོས་གྲུབ་གསོལ་བའི་ཚིག་བརྗོད་ཅིང་། །དགའ་བའི་ལོངས་སྤྱོད་རྒྱ་ཆེར་བྱ། །ལྷ་རྣམས་ཀུན་ལ་དགྱེས་འདུལ་ཞིང་། །དམ་མེད་དབང་པོ་སྔགས་ཀྱིས་བསྐྲད། །བདུད་རྩི་གཏོར་བས་ལུས་རླག་འགྱུར། །རང་གི་ཡི་
ཤེས་ལས་ལས་སྐྱེས། །དེ་ནས་ལས་མཛད་སྲུངས་མ་དང་། །མགྲོན་ཚོགས་གཏོར་མས་མཉེས་བྱས་ཏེ། །བསོད་ནམས་ཡེ་ཤེས་ཚོགས་ཆེན་པོ། །རབ་ཚོགས་འགྲོ་བའི་དོན་ཕྱིར་བསྔོ། །དེ་བཞིན་གཤེགས་པ་ཐམས་ཅད་ཀྱི་དགོངས་པ་དཔལ་རྟ་མཆོག་རོལ་བའི་རྒྱུད་ཆེན་པོ་
ལས་བདུད་རྩི་བསྒྲུབ་པའི་ལེའུ་སྟེ། ཉི་ཤུ་བདུན་པའོ།། །།  དེ་ནས་རྟ་མཆོག་རོལ་པའི་སྐུ་དབུས་སུ། །དཀྱིལ་འཁོར་དབུས་སུ་དགྱེས་ཚུལ་ཀྱིས། །འགྲོ་རྣམས་ཀུན་ལ་བསྐུལ་མཛད་ཅིང་། །ཕྲིན་ལས་གསང་བའི་དོན་བཤད་མཛད། །བསམ་གཏན་ལས་ཀྱིས་
འབྱུང་བ་ཡི། །ཞི་རྒྱས་དབང་དྲག་མངོན་སྤྱོད་དང་། །མནན་བཟློག་རེངས་དང་བསད་ལས་སོགས། །ཏིང་འཛིན་གསལ་ནས་གོམས་པའི་མཐུས། །བདག་དང་གཞན་དོན་ལས་ལ་སྦྱར། །ཞི་བ་ཞི་བའི་ཡི་གེ་སྟེ། །བསྒྲུབ་བྱ་ཟླ་དཀྱིལ་ལ་བཞག་ནས། །རྣམ་པར་སྣང་མཛད་
འོད་སྔགས་ཀྱིས། །དུས་གསུམ་ལྷ་དང་མངོན་སྦྱར་ཞིང་། །བྱང་ཆུབ་སེམས་ཀྱི་བདེ་བསྐྱེད་དེ། །ཟུག་རྔུ་རྟོག་པ་རྣམ་པར་སེལ། །ཡུན་རིངས་གོམས་པར་བསྟན་པའི་མཐུས། །མེ་འབར་གནས་ཀྱང་ཞི་བར་ནུས། །རྒྱས་ལ་རྒྱས་པའི་གཟུགས་བགྱིས་ཏེ། །རིན་ཆེན་འབྱུང་
ལྡན་ལ་འབྱུང་བའི། །འཁོར་ལོ་སྒྱུར་རྒྱལ་ཆ་ལུགས་ཀྱིས། །སེར་པོ་འོད་དཔུང་འབར་བ་བརྗིད། །རང་གི་བཙུན་མོའི་ཚོགས་དང་བཅས། །བདེ་གཤེགས་བྱིན་བརླབས་ཀུན་བསྡུས་ཤིང་། །སྐུ་གསུང་ཐུགས་ཀྱི་ཡོན་ཏན་དང་། །ཕྲིན་ལས་སྒོ་ནས་བརྩམ་པར་མཛད། །

104-1-119a

སྔགས་དང་འོད་ཟེར་གསང་བ་ཡིས། །རིན་ཆེན་སྣ་བདུན་གསེར་ལ་སོགས། །མཁའ་མཛོད་ཆར་སྤྲིན་བཞིན་དུ་འབེབས། །ཚོགས་རྣམས་རང་གིས་ལོངས་སྤྱོད་ཅིང་། །འགྲོ་རྣམས་གཞན་ལ་སྦྱིན་པར་བྱེད། །ཐབས་དང་དབང་དུ་བསྡུ་ཕྱིར་རོ། །འོད་དཔུང་དམར་
པོ་མཐའ་ཡས་སྐུ། །པད་མའི་དཀྱིལ་འཁོར་དབུས་བཞུགས་ཤིང་། །ཆགས་པ་ཆེན་པོས་འགྲོ་འདུལ་བ། །རིགས་ཀྱི་ཏིང་འཛིན་སྔགས་ཀྱི་མཐུས། །ལྷ་ཚོགས་འགྲོ་རྣམས་དབང་སྡུད་ཅིང་། །འཁོར་བཅས་དང་བར་གྱུར་པ་ཡིན། །གང་ཞིག་སྡང་བའི་སེམས་ཡོད་
པ། །འཕྲད་པ་བཞིན་རྒྱས་ཆགས་པར་འགྱུར། །གང་ཞིག་གསང་བའི་ལས་གྲུབ་མཛོད། །དེ་ནི་མཐིང་ནག་ལས་ཀྱི་ཁྲོ་བོའི་ཏིང་འཛིན་ལས། །ཁྲོ་བོ་སྤྲུལ་པའི་འཕྲོ་འདུ་ཡིས། །བསྒྲུབ་བྱ་དང་ཕྲ་ཞིང་དགུག་པ། །མེ་ཡི་དཀྱིལ་འཁོར་ལ་གཞག་སྟེ། །ཤིན་ཏུ་མ་
རུངས་མཚོན་ཆར་ལྡན། །དཀོན་མཆོག་གསུམ་ལ་སྡོ་བྱེད་ཅིང་། །སྐྱེ་བོ་ཡོངས་ལ་འཚེ་བ་དང་། །སློབ་དཔོན་ཀུན་ལ་བསྔོ་བ་དང་། །སངས་རྒྱས་ཐུགས་རྗེས་བཟོད་མི་མཛད། །ལས་ཀྱི་ཁྲོ་བོ་སྣ་ཚོགས་ཀྱིས། །མཚོན་ཆ་མེ་འོད་འབར་འཕྲོས་ནས། །སྡིག་པ་ཅན་དེ་
བསྒྲལ་མཛད་ཅིང་། །བྱ་ཁྱི་ལྕེ་སྤྱང་ཤ་ཟ་དང་། །ཁྲག་འཐུང་མང་པོ་འདུས་པ་ཡིས། །བསྟོད་པའི་ཚུལ་དུ་རོལ་ཞིང་དགྱེས། །ཏིལ་ཙམ་མེད་པར་ཟོས་པ་དང་། །སེམས་ཉིད་བདེ་བ་ཆེན་པོའི་གནས། །དེ་དག་ཏིང་འཛིན་གསང་སྔགས་དང་། །དཀྱིལ་འཁོར་སོ་སོའི་
རྣམ་པ་བསྒྲུབ། །ༀ་བྷུ་ཏ་ཙཀྲ་སམ་བ་ག་ཏི་ལོ་ཙཱ་ན་ཆེ་གེ་མོ་ཤནྟིྃ་ཀུ་རུ་སྭཱ་ཧཱ། ༀ་རཏྣ་སྃ་བྷ་གུ་རུ་མ་མ་ཀི་ཆེ་གེ་མོ་པཽཥྚིཾ་ཀུ་རུ་སྭཱ་ཧཱ། ༀ་ཡཱ་མི་ཏེ་ས་ར་བ་ར་ཧོ་ཆེ་གེ་མོ་པ་ཤྃ་ཀུ་རུ་སྭཱ་ཧཱ། ༀ་ཀརྨ་སནྟི་བ་ཀྲོཏ་ནི་ཆེ་གེ་མོ་ཧཱ་ཡཱ་སྭཱ་ཧཱ། རང་གི་དཀྱིལ་འཁོར་གནས་བཟང་
པོ། །རང་གི་དཀྱིལ་འཁོར་ལ་གནས་ཏེ། །སྔགས་དང་ཏིང་འཛིན་སྦྱོར་བའི་མཐུས། །ཆོ་ག་མངོན་དུ་འགྲུབ་པར་བྱེད། །གཞན་ཡང་རྨོངས་དང་རེངས་པ་དང་། །དབྱེ་ཞིང་དགུག་དང་བསྐྲད་པ་དང་། །གནོན་ལ་སོགས་པའི་ལས་རྣམས་ཀྱང་། །རང་གི་ལྟ་བའི་སྦྱོར་བ་ཡིས། །
བསམ་གཏན་སྔགས་ཀྱིས་འགྲུབ་པར་འགྱུར། །དེ་བཞིན་གཤེགས་པ་ཐམས་ཅད་ཀྱི་དགོས་པ་བླ་ན་མེད་པའི་གསང་བ་དཔལ་རྟ་མཆོག་རོལ་པའི་རྒྱུད་ཆེན་པོ་ལས། བསམ་གཏན་གྱི་སྦྱོར་བའི་རིམ་པ་སྟེ། ཉེར་བརྒྱད་པའོ།། །།

104-1-119b

དེ་ནས་སྦྱོར་བའི་རྒྱལ་པོ་དང་། །ཕྲིན་ལས་ཀུན་གྱི་མཆོག་གྱུར་པའོ། །རྫས་རྣམས་རྟེན་པའི་མཚན་མ་ཉིད། །འདོད་འདོད་འབྲས་བུ་སྒྲུབ་བྱེད་པའོ། །གར་གྱི་དབང་ཕྱུག་ཕྱག་རྒྱའི་སྐུ། །རྣམ་སྤྲོ་ལྟ་ཡི་དཀྱིལ་འཁོར་གྱིས། །སོ་སོའི་འདོད་དོན་སྒྲུབ་པར་བྱེད། །
རྡོ་རྗེ་ཙཀྲ་རིན་ཆེན་དང་། །པད་མ་རྒྱ་གྲམ་ལ་སོགས་ཏེ། །ལས་ཀུན་ལྷ་ཡི་ང་རྒྱལ་གྱིས། །མཚན་རྟགས་མ་བྱུང་བར་དུ་བསྒྲུབ། །གཟུགས་བརྙན་དཀྱིལ་འཁོར་གཞིར་གཞགས་ནས། །ལྷ་ཡི་དཀྱིལ་འཁོར་བསྒྲུབ་བྱེད་ཅིང་། །མཚན་མའི་རྫས་ལ་བརྟེན་བྱས་ཏེ། །བརྟེན་
པར་མཆོད་ཅིང་མཉེས་པ་དང་། །ལས་ཀུན་པ་ཡི་གསང་སྔགས་བརྗོད། །ༀ་མ་མ་སརྦ་བི་ཏ་ཧ་ར་ཀུ་རུ་སྭཱ་ཧཱ། །སརྦ་ས་མོ་ཀུ་ནི། ལྃ་པ་ཤནྟིྃ་ཀུ་རུ་ད་ནི་ཧཱུྃ། པུཥྚྀཾ་རཏྣ་མ་ཀུ་རུ་སྭཱ་ཧཱ།  པ་ཤྃ་ཀུ་རུ་པད་མོ་ཧྲི་ད་ཡ་ཨྃ། སྟྃ་བ་ན་མོ་ཤ་ཨ་ཀརྨ་པ་ནི་ཧཱུྃ་ཕཊ། ཅུང་ཞིག་
གཟུགས་ནི་འདུ་བ་འམ། །འོད་འཕྲོས་བསྐྱོད་པར་གྱུར་པ་དང་། །ང་རྒྱལ་ལྡན་པས་ལག་ཐོགས་ཏེ། །གསང་སྔགས་དྲག་ཏུ་བརྗོད་པར་བྱ། །གང་ཞིག་ཞི་དང་རྒྱས་པ་དང་། །དབང་ལ་སོགས་ནི་བསྒྲུབ་འདོད་པས། །དེ་དག་དེ་དང་འཐུན་པ་དང་། །ལས་ཀྱི་དཀྱིལ་
འཁོར་ལ་གནས་བསམ། །ཕྱག་རྒྱའི་མཚན་མ་བསྐུལ་བྱས་ཏེ། །རང་གི་ལས་ལ་རྣམ་པར་གནས། །དགུག་ལ་སོགས་པའི་ལས་དག་དང་། །ལྕགས་ཀྱུ་ལ་སོགས་ལས་ཀྱི་བསྒྲུབ། །རྟེན་གྱི་མཚན་མ་དང་བྲལ་བར། །ཅིར་འདོད་བྱ་བ་མཐར་ཕྱིན་འགྲུབ། །ཐབས་
དང་སྒྲུབ་བྱེད་གསང་སྔགས་ལ། །སོ་སོའི་ལས་ཀྱི་མཐའ་བརྒྱན་ཏེ། །ཡི་གེ་བཅུ་བཞིའི་རྗེས་ཐོགས་སུ། །སུམ་འབུམ་གྲངས་ཀྱིས་བསྒྲུབ་པར་བྱ། །ༀ་བི་ལོ་གི་མ་མ་དུཤྚ་ན་ག་ག་ན་རུ་ལུ་རུ་ལུ་ཧཱུྃ་ཕཊ། དང་པོ་རྩ་བའི་སྔགས་ནི། གསུམ་འབུམ་དག་དུ་བཟླས་
བྱས་ནས། །སླར་ཡང་དེ་ཡི་གྲངས་འཐུན་པ། །གང་འདོད་ལས་རྣམས་འགྲུབ་པར་འགྱུར། །དེ་བཞིན་གཤེགས་པ་ཐམས་ཅད་ཀྱི་དགོངས་པ་བླ་ན་མེད་པའི་གསང་བ་དཔལ་རྟ་མཆོག་རོལ་བའི་རྒྱུད་ཆེན་པོ་ལས་རྟེན་གྱི་སྒོ་ནས་སྤྱད་པའི་ལེའུ་སྟེ། 
ཉི་ཤུ་རྩ་དགུ་པའོ།། །། འགྲོ་གནས་ཐམས་ཅད་བསྲུང་བྱེད་ཅིང་། །ཕན་གདགས་ཆོ་ག་བཟང་པོ་ཉིད། །རྒྱལ་བའི་བྱིན་བརླབས་གནས་པའི་ཐབས། །རྣམ་པ་ཡིས་ནི་བརྩམ་བྱས་ཏེ། །གྲོང་ཁྱེར་ལ་སོགས་བསྲུང་འདོད་པས། །ཆུ་དང་བྱེ་མ་ལ་

104-1-120a

སོགས་ལ། །གསང་སྔགས་རྒྱལ་པོ་བརྗོད་པར་བྱ། །ༀ་ན་མོ་ཀུ་རུ་སརྦ་བི་ད་ར་ནི་མོ་ས་དེ་ནི་ར་ཤ་ནི་ར་ཤ་ཀྲ་ར་ཀྲ་ཏ་ཧཱུྃ་ཕཊ། རང་གི་ལྷ་ཡི་སྦྱོར་ལྡན་པས། །སྟོང་དུ་བརྗོད་ཅིང་ཕྱོགས་བཅུར་གཏོར། །གང་སྲུང་པ་དག་ཤིས་འགྱུར་ཅིང་། །འབྱུང་
པོའི་ཚོགས་ཀྱིས་མི་ཚུགས་འགྱུར། །གཞན་ཡང་རིའུ་ཆ་དགུ་པའི། །འཁོར་ལོ་ཤིང་ཤུན་ཚོགས་ལ་བྲི། །མུ་ཁྱུད་དག་གིས་མཐའ་བསྐོར་ནས། །གསང་སྔགས་རྒྱལ་པོ་དགོད་པར་བྱ། །དབུས་སུ་དགོད་པའི་གསང་སྔགས་ནི། །ཡི་གེ་བཅུ་བཞི་གསང་སྔགས་
བསམ། །དེའི་མཐའ་མར་ༀ་མཐར་ཧེ་ཧེ་དང་། །ཧུ་རུ་ཀྃ་པ་བག་ཤ་ཧ་ཧ་མ་མྲ་བྲི་ཧཱུྃ་ཕཊ་སྭཱ་ཧཱ། དེ་མཐར་དབྱངས་དང་གསལ་བྱེད་གང་། །བསྲུང་བའི་སྔགས་དང་བཅས་པ་ནི། །གུར་གུམ་བཟང་པོས་བྱུགས་བྱས་ཏེ། །རྡོ་རྗེ་རྒྱ་གྲམ་དབུས་སུ་གཞུག །གང་གི་མིང་
བཅས་འབུམ་ཟླས་ཤིང་། །བཏགས་པའི་སྲུང་བའི་མཆོག་ཏུ་འགྱུར། །གཞན་ཡང་བུམ་པ་བཟང་པོ་རུ། །བདུད་རྩི་འོ་མ་སྦྱར་བ་དག །རང་གི་གསང་སྔགས་ཡུངས་ཀར་བཅས། །གར་དབང་ཆགས་པའི་བསྐུར་བསྒོམས་ཤིང་། །སྔགས་ཐོད་བསྲུང་བར་འགྱུར་
བར་བྱེད། །དེ་བཞིན་གཤེགས་པ་ཐམས་ཅད་ཀྱི། །གསང་བ་འདི་ཉིད་བཤད་པ་ལས། །ཕྱོགས་བཅུའི་བྱང་ཆུབ་སེམས་བཅས་པས། །དེ་ལ་ཐམས་ཅད་དགའ་མཛད་ཅིང་། །ལྷ་རྣམས་ཀུན་ལ་སླར་བསྒོ་མཛད། །དེ་དག་དད་པའི་ཤུགས་ཀྱིས་ནི། །
རྒྱུད་ཀྱི་རྒྱལ་པོ་འདི་བཟུང་ཞིང་། །དེ་འཛིན་གཞན་ལའང་བྱམས་པར་འགྱུར། །དེ་བཞིན་གཤེགས་པ་ཐམས་ཅད་ཀྱི་གསང་བ་དཔལ་རྟ་མཆོག་རོལ་པའི་རྒྱུད་ཆེན་པོ་ཞེས་བྱ་བ་ལས་བསྲུང་བའི་ལེའུ་སྟེ་སུམ་བཅུ་པའོ།། །།དེ་བཞིན་གཤེགས་པ་ཐམས་
ཅད་ཀྱི་དགོངས་པ་བླ་ན་མེད་པའི་གསང་བ་དཔལ་རྟ་མཆོག་རོལ་པའི་རྒྱུད་ཆེན་པོའི་རྩ་བ། རྫོགས་སོ།། །། ༄༅།  །རྒྱ་གར་སྐད་དུ།  ཤྲཱི་ཧེ་རུ་ཀ་ཀཱ་རུ་ཎ་ཀྲཱི་ཌི་ཏ་ཏན་ཏྲ་གུ་ཧྱ་གྃ་བྷཱི་ར་ཨུཏ་ཏ་མ་ནཱ་མ། བོད་སྐད་དུ།  
དཔལ་ཧེ་རུ་ཀ་སྙིང་རྗེ་རོལ་པའི་རྒྱུད་གསང་བ་ཟབ་མོའི་མཆོག་ཅེས་བྱ་བ། དཔལ་རྡོ་རྗེ་སེམས་དཔའ་ལ་ཕྱག་འཚལ་ལོ། །འདི་སྐད་བདག་གིས་ཐོས་པ་དུས་གཅིག་ན། བཅོམ་ལྡན་འདས་དེ་བཞིན་གཤེགས་པ་དང་། རྡོ་རྗེ་དང་། རིན་པོ་ཆེ་དང་། པདྨ་དང་། 

104-1-120b

ལས་ཀྱི་རིགས་ཐམས་ཅད་ཀྱི་མཆོག་ཏུ་གསང་བ་ཆེན་པོ་དམ་ཚིག་གི་སྡོམ་པ་གཉིས་སུ་མེད་པའི་བདེ་བ་ཆེན་པོ་དབང་བརྙེས་པ། ཐབས་དང་ཤེས་རབ་ཀྱི་རྣལ་འབྱོར་གྱི་དབང་ཕྱུག་ཆེན་པོ། ཁམས་གསུམ་ཐམས་ཅད་ཀྱི་བདག་པོ་ཆེན་པོ། དེ་བཞིན་
གཤེགས་པ་ཐམས་ཅད་ཀྱི་གསང་བ་ཆེན་པོ་ནམ་མཁའི་དབྱིངས་ཐམས་ཅད་དུ་མཉམ་པར་འཇུག་པ། ཕ་རོལ་ཏུ་ཕྱིན་པའི་སྐབས་དང་ལྡན་པ། ཆེ་མཆོག་ཧེ་རུ་ཀའི་ཤེས་རབ་དང་ཡེ་ཤེས་ཀྱི་དབང་བསྐུར་བ། དེ་བཞིན་གཤེགས་པ་ཐམས་ཅད་ཀྱི་
སྐུ་དང་གསུང་དང་ཐུགས་རིན་པོ་ཆེ་གསང་བ་རྡོ་རྗེ་མཆོག་ཏུ་གསང་བའི་བཅོམ་ལྡན་འདས་བུད་མེད་ཀྱི་དཀྱིལ་ན་གསུང་བརྗོད་པ་མེད་པར་བཞུགས་སོ། །སངས་རྒྱས་གྱི་ཞིང་ནམ་མཁའི་དབྱིངས་ཀྱི་རྡུལ་ཕྲན་དང་མཉམ་པ། རྡོ་རྗེ་རྣལ་འབྱོར་གྱི་དབང་ཕྱུག་
ཆེན་པོ་དང་། རྡོ་རྗེ་མན་མཁའ་ལ་འགྲོ་བ་དང་། ནམ་མཁའ་ལ་འགྲོ་བ་ཆེན་པོ་དང་། སྐལ་བ་དང་ལྡན་པ་དང་། འཇིབ་པར་བྱེད་པའི་གསང་བ་ཆེན་མོའི་གཡོག་དང་། །འབྱུང་བ་ཆེན་པོ་ལྔ་དང་། འབྱུང་བ་ལས་གྱུར་པའི་ལྷའི་ཚོགས་འབུམ་ཕྲག་བརྒྱ་སྟོང་གིས་ཁྱབ་
པ་འདི་ལྟ་སྟེ། སྙིང་པོ་ཡེ་ཤེས་རྡོ་རྗེ་དང་། ཆོས་ཀྱི་དབྱིངས་ཀྱི་ཡེ་ཤེས་རྡོ་རྗེ་དང་མེ་ལོང་ཡེ་ཤེས་རྡོ་རྗེ་དང་། སོ་སོའི་ཀུན་ཏུ་རྟོག་པའི་ཡེ་ཤེས་རྡོ་རྗེ་དང་། མཉམ་པ་ཉིད་ཡེ་ཤེས་རྡོ་རྗེ་དང་། བྱ་བ་ནན་ཏན་ཡེ་ཤེས་རྡོ་རྗེ་དང་། ནམ་མཁའ་ཡེ་ཤེས་རྡོ་རྗེ་དང་། རླུང་
ཡེ་ཤེས་རྡོ་རྗེ་དང་། མེ་ཡེ་ཤེས་རྡོ་རྗེ་དང་། ཆུ་ཡེ་ཤེས་རྡོ་རྗེ་དང་། ས་ཡེ་ཤེས་རྡོ་རྗེ་དང་། ཐབས་དང་ཤེས་རབ་ཡེ་ཤེས་རྡོ་རྗེ་དང་། གཟུགས་ཡེ་ཤེས་རྡོ་རྗེ་དང་། སྒྲ་ཡེ་ཤེས་རྡོ་རྗེ་དང་། དྲི་ཡེ་ཤེས་རྡོ་རྗེ་དང་། རོ་ཡེ་ཤེས་རྡོ་རྗེ་དང་། རེག་ཡེ་ཤེས་རྡོ་རྗེ་དང་། སྐུ་ཡེ་ཤེས་རྡོ་
རྗེ་དང་། གསུང་ཡེ་ཤེས་རྡོ་རྗེ་དང་། ཐུགས་ཡེ་ཤེས་རྡོ་རྗེ་དང་། བདེ་བ་ཆེན་པོ་ཡེ་ཤེས་རྡོ་རྗེ་དང་། ཀུན་དུ་བཟང་པོ་ཡེ་ཤེས་རྡོ་རྗེ་དང་། གསུང་གི་དབང་པོ་ཡེ་ཤེས་རྡོ་རྗེ་དང་། གཉིས་སུ་མེད་པའི་ཡེ་ཤེས་རྡོ་རྗེ་དང་། ཞི་བའི་ཡེ་ཤེས་རྡོ་རྗེ་དང་། གདུལ་དཀའ་འདུལ་བའི་ཡེ་ཤེས་རྡོ་
རྗེ་དང་། རྒྱལ་བའི་ཡེ་ཤེས་རྡོ་རྗེ་དང་། མེ་ཏོག་གི་ཡེ་ཤེས་རྡོ་རྗེ་དང་། རབ་ཏུ་དགའ་བའི་ཡེ་ཤེས་རྡོ་རྗེ་དང་། དབང་གི་ཡེ་ཤེས་རྡོ་རྗེ་དང་། ཉི་མའི་ཁྲོ་བོ་ཡེ་ཤེས་རྡོ་རྗེ་དང་། རྒྱལ་མཚན་ཡེ་ཤེས་རྡོ་རྗེ་དང་། རྡོ་རྗེ་སྒྲ་ཡེ་ཤེས་རྡོ་རྗེ་དང་། འགྲོ་བ་འདུ་བ་ཡེ་ཤེས་རྡོ་

104-1-121a

རྗེ་དང་། གཞོན་ནུ་ཡེ་ཤེས་རྡོ་རྗེ་དང་། རྒྱུ་ཡེ་ཤེས་རྡོ་རྗེ་དང་། གསུང་མེད་པའི་ཡེ་ཤེས་རྡོ་རྗེ་དང་། སྣ་ཚོགས་ཀྱི་ཡེ་ཤེས་རྡོ་རྗེ་དང་། གོ་ཆ་ཡེ་ཤེས་རྡོ་རྗེ་དང་། ཡང་དག་པར་ཟབ་པ་བྱེད་པའི་ཡེ་ཤེས་རྡོ་རྗེ་དང་། འདུས་པའི་ཡེ་ཤེས་རྡོ་རྗེ་དང་། བདེ་བ་ཆེན་པོའི་ཡེ་ཤེས་
རྡོ་རྗེ་དང་། བྱང་ཆུབ་སེམས་ཡེ་ཤེས་རྡོ་རྗེ་དང་། རིན་ཆེན་དབང་བསྐུར་བ་ཡེ་ཤེས་རྡོ་རྗེ་དང་། པད་མོ་དམར་པོ་ཡེ་ཤེས་རྡོ་རྗེ་དང་། དམ་ཚིག་ཡེ་ཤེས་རྡོ་རྗེ་དང་། མཆོད་པའི་ཡེ་ཤེས་རྡོ་རྗེ་དང་། རྣལ་འབྱོར་མ་ཆེན་མོ་གཡོག་དང་བཅས་པ་རྣམས་ལ་འདི་
ལྟ་སྟེ། ཤིན་ཏུ་དགའ་བའི་དབང་མོ་ཞེས་བྱ་བའི་ཡེ་ཤེས་རྡོ་རྗེ་དང་། རྨོངས་པར་བྱེད་པའི་དབང་མོ་ཡེ་ཤེས་རྡོ་རྗེ་དང་། གསོད་ཅེས་བྱ་བའི་དབང་མོ་ཡེ་ཤེས་རྡོ་རྗེ་དང་། རྡོ་རྗེ་དབྱིངས་ཕྱུག་མ་ཡེ་ཤེས་རྡོ་རྗེ་དང་། ཡེ་ཤེས་དབྱིངས་ཕྱུག་མ་ཡེ་ཤེས་
རྡོ་རྗེ་དང་། རིན་ཆེན་དབྱིངས་ཕྱུག་མ་ཡེ་ཤེས་རྡོ་རྗེ་དང་། པད་མའི་དབྱིངས་ཕྱུག་མ་ཡེ་ཤེས་རྡོ་རྗེ་དང་། ལས་ཀྱི་དབྱིངས་ཕྱུག་མ་ཡེ་ཤེས་རྡོ་རྗེ་དང་། གནོན་པར་བྱེད་མ་ཡེ་ཤེས་རྡོ་རྗེ་དང་། འཇུམས་པར་བྱེད་མ་ཡེ་ཤེས་རྡོ་རྗེ་དང་། རྨོངས་པར་བྱེད་མ་ཡེ་ཤེས་
རྡོ་རྗེ་དང་། རྒྱས་འདེབས་པར་བྱེད་མ་ཡེ་ཤེས་རྡོ་རྗེ་དང་། འདྲེན་པར་བྱེད་མ་ཡེ་ཤེས་རྡོ་རྗེ་དང་། གསོད་པར་བྱེད་མ་ཡེ་ཤེས་རྡོ་རྗེ་དང་། འབིགས་པར་བྱེད་མ་ཡེ་ཤེས་རྡོ་རྗེ་དང་། གཅོད་པར་བྱེད་མ་ཡེ་ཤེས་རྡོ་རྗེ་དང་། སྡིགས་བྱེད་ཅེས་བྱ་བ་ཡེ་ཤེས་རྡོ་རྗེ་དང་། ཚིག་
བྱེད་ཅེས་བྱ་བ་ཡེ་ཤེས་རྡོ་རྗེ་དང་། ཡན་ལག་ཐམས་ཅད་འཕྲོག་བྱེད་ཡེ་ཤེས་རྡོ་རྗེ་དང་། འཇིབ་བྱེད་མ་ཡེ་ཤེས་རྡོ་རྗེ་དང་། ཁྲག་ལ་དགའ་མ་ཡེ་ཤེས་རྡོ་རྗེ་དང་། གཅོད་བྱེད་མ་ཡེ་ཤེས་རྡོ་རྗེ་དང་། ཕན་བྱེད་མ་ཡེ་ཤེས་རྡོ་རྗེ་དང་། ནམ་མཁའ་ལ་འགྲོ་མ་ཡེ་ཤེས་
རྡོ་རྗེ་དང་། ངག་འཕྲོག་མ་ཡེ་ཤེས་རྡོ་རྗེ་དང་། ཟས་ཤ་རློན་ཟ་བ་ཡེ་ཤེས་རྡོ་རྗེ་དང་། སྲིན་མོ་ཡེ་ཤེས་རྡོ་རྗེ་དང་། གནོད་སྦྱིན་མ་ཡེ་ཤེས་རྡོ་རྗེ་དང་། གནོད་བྱེད་ཅེས་བྱ་བ་ཡེ་ཤེས་རྡོ་རྗེ་དང་། སྦྲུལ་ཡེ་ཤེས་རྡོ་རྗེ་དང་། སེངྒེ་ཡེ་ཤེས་རྡོ་རྗེ་དང་། སྟག་ཡེ་ཤེས་
རྡོ་རྗེ་དང་། རི་དགས་ཡེ་ཤེས་རྡོ་རྗེ་དང་། ཕག་ཡེ་ཤེས་རྡོ་རྗེ་དང་། སྤྲེའུ་ཡེ་ཤེས་རྡོ་རྗེ་དང་། ཁྱི་ཡེ་ཤེས་རྡོ་རྗེ་དང་། བྱི་ལ་ཡེ་ཤེས་རྡོ་རྗེ་དང་། ར་ཡེ་ཤེས་རྡོ་རྗེ་དང་། བྱ་རོག་ཡེ་ཤེས་རྡོ་རྗེ་དང་། ཝ་ཡེ་ཤེས་རྡོ་རྗེ་དང་། བྱ་རྒོད་ཡེ་ཤེས་རྡོ་རྗེ་དང་། སྲེ་མོ་ཡེ་ཤེས་རྡོ་རྗེ་

104-1-121b

དང་། མིའི་ཀིང་རུས་དང་། འབུ་ཆེན་པོའི་རོ་དང་། ཡི་དགས་དང་། ཤ་ཟ་དང་། གཟིག་དང་། བོང་བུ་དང་། རྟ་དང་། མ་ཧེ་དང་། བ་གླང་དང་། འུག་པ་དང་། རྡོ་རྗེ་འཕྲོག་པར་བྱེད་མ་ཆེན་མོ་དང་། རྡོ་རྗེ་ཟས་འདྲེན་མ་ཆེན་མོ་དང་། དེ་ལ་སོགས་ཏེ་མཐའ་ཡས་མཆོག་མི་མཉམ་པ་
དང་མཉམ་པ་དང་བཅས་པ། ཆོས་ཀྱི་དབྱིངས་རྡོ་རྗེ་ནམ་མཁའ་ལ་འགྲོ་མའི་ཚོགས་གཡོག་དང་བཅས་པ། རྡོ་རྗེའི་རིགས་ཡེ་ཤེས་རྡོ་རྗེ་དང་། ཡེ་ཤེས་ཀྱི་ཁྲོ་བོ་ཡེ་ཤེས་རྡོ་རྗེ་དང་། ཡེ་ཤེས་ཀྱི་ཁྲོ་མོ་ཡེ་ཤེས་རྡོ་རྗེ་དང་། སྤྲུལ་པའི་ཡེ་ཤེས་རྡོ་རྗེ་དང་། སྤྲུལ་པའི་འཕྲ་མེན་
མ་ཡེ་ཤེས་རྡོ་རྗེ་དང་། ཡང་སྤྲུལ་མ་ཆེན་མོ་ཡེ་ཤེས་རྡོ་རྗེ་དང་། བདུད་རྩི་ལྷ་མོ་ཡེ་ཤེས་རྡོ་རྗེ་དང་། དེ་དག་ལ་སོགས་ཏེ་བྱེ་བ་ཕྲག་བརྒྱ་སྟོང་པོ་རྣམས་སྒྲ་ཅ་ཅོ་འབྱིན་ཅིང་ནམ་མཁའི་དབྱིངས་རབ་འབྱམ་ཆེན་པོའི་ཚོགས་རྣམས་ཀྱིས་མཆོད་པར་བྱེད་ཅིང་། བུད་མེད་
ཀྱི་དཀྱིལ་ན་གསུང་བརྗོད་པ་མེད་པར་བཞུགས་སོ། །དེ་ནས་བཅོམ་ལྡན་འདས་དཔལ་ཆེ་མཆོག་ཧེ་རུ་ཀ་ཀུན་ཏུ་བཟང་པོ་དཔལ་རྡོ་རྗེ་སེམས་དཔའ་ཤིན་ཏུ་དགྱེས་པ་གདོན་མི་ཟ་བའི་ཚོགས་རྡོ་རྗེ་གཏོང་བ་དབང་མོ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ཏེ། རྣམ་
པ་སྣ་ཚོགས་ཀྱི་རོལ་པ་ཆེན་པོས་རྣམ་པར་རོལ་པ། སྤྲུལ་པ་ཆེན་པོའི་གར་དང་། གླུ་དང་། སིལ་སྙན་དང་། གཟུགས་དང་། སྒྲ་དང་། དྲི་དང་།  རོ་དང་། རེག་པའི་བདེ་བ་ཆེན་པོ་དང་འཕགས་པར་འགྱུར་བ་དང་། རོལ་པ་ལ་སོགས་པའི་རེག་པ་བདེ་བ་ལ་སྤྱོད་པའི་
གར་ཉེ་བར་སྟོན་ཅིང་། རྣམ་པ་སྣ་ཚོགས་ཀྱི་ཚོགས་ཀྱི་ཚུལ་ཆེན་པོ་འཕགས་པར་འགྱུར་བ་དང་། རྣམ་པ་སྣ་ཚོགས་ཀྱི་གནོན་པ་དང་། རྣམ་པ་སྣ་ཚོགས་ཀྱིས་སྤྲོས་པ་དང་། གར་བྱེད་པ་དང་། ཟ་བར་བྱེད་པ་དང་། འཇིབ་པར་བྱེད་པ་དང་།  སྤྲས་པར་བྱེད་པ་དང་། ཟློག་
པར་བྱེད་པ་དང་། མྱང་བར་བྱེད་པ་དང་། འགྱུར་བར་བྱེད་པ་དང་། འཕྲོག་པར་བྱེད་པ་དང་། རྩོམ་པར་བྱེད་པ་དང་། ཀུན་ཏུ་འདེབས་པར་བྱེད་པ་དང་།  བདེ་བ་ཉེ་བར་སྟོབས་ཤིང་རེག་པ་རོའི་བྱེ་བྲག་མང་པོ་བྱེ་བ་ཕྲག་བརྒྱ་སྟོང་ཚད་མེད་པར་ནམ་མཁའི་དབྱིངས་
རྡུལ་ཕྲན་ལས་འདས་པར་མཉམ་པར་འཇོག་པས་ཉེ་བར་གནས་ཤིང་འཚོ་སྐྱོང་སྟེ། འདས་པ་དང་། མ་འོངས་པ་དང་། ད་ལྟར་བྱུང་བའི་དེ་བཞིན་གཤེགས་པ་ཐམས་ཅད་ལ་མི་གཟིགས། དགོངས་པ་ཉེ་བར་མི་འཇོག །ཐབས་དང་ཤེས་རབ་སྟོན་པར་མི་མཛད། 

104-1-122a

ཤིན་ཏུ་འགལ་བ་ཕྱིན་ཅི་ལོག་པ་ལ་འཇོག་པར་མི་མཛད། ཉེ་བར་འཇོག་པར་མི་མཛད། མ་དད་པ་རྣམས་དད་པར་ཡང་མི་མཛད། མ་དུལ་བ་རྣམ་དུལ་བར་ཡང་མི་མཛད།  ཉེ་བར་གཙེས་པ་རྣམས་འཚེ་བ་ཞི་བར་ཡང་མི་མཛད། མ་
འགགས་པ་རྣམས་འགོགས་པར་ཡང་མི་མཛད། མ་བསྐུལ་བ་རྣམས་བསྐུལ་བར་ཡང་མི་མཛད། མ་རྒྱས་པ་རྣམས་རྒྱས་པར་ཡང་མི་མཛད། རྣམ་པར་རྨོངས་པ་རྣམས་སེལ་བར་ཡང་མི་མཛད། དགའ་བར་འགྱུར་བ་རྣམས་མི་དགའ་བར་ཡང་མི་མཛད། དགའ་བར་མ་གྱུར་པ་རྣམས་དགའ་བར་
ཡང་མི་མཛད་མ་ཁྲོས་པ་རྣམས་ཁྲོས་པར་ཡང་མི་མཛད། མི་གདུག་པ་གདུག་པར་ཡང་མི་མཛད། འཇིགས་བྱེད་ཆེན་པོ་དང་། དྲག་པོ་མ་རུངས་པ་ཆེན་པོ་དང་། གཏུམ་པོ་ཆེན་པོ་དང་།  ལྷ་དང་ལྷ་མ་ཡིན་དང་། ལོག་འདྲེན་དང་། གདུག་པ་ཆེན་པོ་དང་། 
ཡི་དྭགས་དང་། ཤ་ཟ་དང་། གནོད་སྦྱིན་དང་། སྲིན་པོ་དང་། ཤིན་ཏུ་གདུག་པའི་གདུག་པ་ཆེན་པོ་དང་།  ཚ་བའི་དོན་དང་། ནད་དང་། སྦྲུལ་དང་། སེམས་ཅན་ཐམས་ཅད་ལ་འཚེ་བར་བྱེད་པ་རྣམས་ཉེ་བར་ཞི་བར་ཡང་མི་མཛད། རྣམ་པར་དུལ་བར་
ཡང་མི་མཛད། དེ་ནས་དེ་བཞིན་གཤེགས་པ་ཐམས་ཅད་འདུས་ནས་དགོངས་པ་ཉེ་བར་བཞག་སྟེ། སྤྱན་གཉིས་མི་འཛུམས་པར་གཟིགས་ནས་བཅོམ་ལྡན་འདས་རྡོ་རྗེ་འཛིན་པ་ཆེན་པོ་དེ་བཞིན་གཤེགས་པ་ཐམས་ཅད་ཀྱི་བདག་པོ་ལ་བསྐོར་ཞིང་སྐུ་གསུང་
ཐུགས་ཀྱི་རྡོ་རྗེའི་ཕྱག་གིས་ཕྱག་བྱས་ནས། དེ་བཞིན་གཤེགས་པ་ཐམས་ཅད་ཀྱི་རྡོ་རྗེ་ཆེན་པོའི་དབྱངས་ཀྱིས་བསྐུལ་ཞིང་གསོལ་བ་བཏབ་པོ། །རྡོ་རྗེ་སེམས་དཔའ་སངས་རྒྱས་ཀུན། །རྣམ་དག་སྲས་བཅས་བྱང་ཆུབ་རྣམས། །ཡུན་རིངས་བསྒོམས་ནས་ཤིན་དུ་
གདུངས། །དགའ་བའི་ཡིད་ཀྱིས་དགྱེས་པར་མཛོད། །ཀྱཻ། འདོད་ཆགས་དྲི་མེད་ཀུན་དུ་བཟང་པོའི་སྤྱོད་པ་སྟེ། །འདོད་ཆགས་དམ་ཚིག་ལ་ནི་ཕྱེ་མཛད་ནས། །དགའ་བ་དྲུག་སྤྱད་ཤིན་དུ་གསུངས་པ་ཡིས། །འདོད་པ་བདེ་བ་ཉིད་ཀྱིས་འཇིགས་པར་མཛོད། །རྣམ་
དག་རྡོ་རྗེ་ལས་བྱུང་ཡེ་ཤེས་ཆུ། །རིན་ཆེན་འབར་བའི་བྱང་ཆུབ་སེམས་ནི་རབ་ཕྱུང་ནས། །རྒྱལ་བ་ཐམས་ཅད་རྣམས་ཀྱི་དབུ་ནི་སྐམས་པ་ལ། །དྲི་མེད་རིན་ཆེན་ཆར་གྱིས་སྤྱི་བོར་དབང་བསྐུར་མཛོད། །མཉམ་དང་མི་མཉམ་འདོད་ཆགས་ཚུལ་དག་པ། །པདྨ་

104-1-122b

འི་གནས་སུ་རྡོ་རྗེ་མཛོད་གཏོད་པས། །སྣ་ཚོགས་སེམས་དཔའ་སེམས་བརླན་བརླག་གྱུར་པས། །སྦྱོར་བ་གཞན་མིན་མ་རྟོགས་བཤད་དུ་གསོལ། །རྡོ་རྗེ་སེམས་ཁྱོད་དབང་མཆོག་བདེ་བ་བྱེད་པའི་མཆོག །རྡོ་རྗེ་པད་མོ་དབྱེ་བའི་ཚུལ་གྱིས་སྦྱོར་མཛོད་
དེ། །རྒྱལ་བ་ཀུན་གྱི་གཟུགས་ཀྱི་སྐུ་ནི་རབ་བཏུད་ནས། །ཐམས་ཅད་བདེ་བའི་སྒྲུབ་པ་ཉིད་ཀྱིས་མཉེས་པར་མཛོད། །དེ་ནས་བཅོམ་ལྡན་འདས་དེ་བཞིན་གཤེགས་པ་ཐམས་ཅད་ཀུན་དུ་དཔལ་རྡོ་རྗེ་སེམས་དཔའ་དེ་བཞིན་གཤེགས་པ་ཐམས་ཅད་ཀྱི་
དབྱངས་ཀྱི་ངེས་པར་བསྐུལ་བ་ཐུགས་སུ་ཆུད་ནས་བཞེངས་ཏེ། བརྗིད་པ་དང་བཅས་པས་གར་མཛད་ཅིང་། ཞལ་འཛུམ་པ་དང་འདོར་བ་དང་། བསྐུམ་པ་དང་། འགྱིང་པ་དང་། སྤྱན་མཛེས་པས་སྨིན་རིང་བསྐྱོད་ཅིང་བསྒྱུར་བ་དང་། པད་མོ་ཕྱག་གིས་
གཡས་གཡོན་གར་གྱི་ཕྲེང་བའི་ཚུལ་གྱིས་སའི་ངོས་ལ་ཞབས་འཕེན་ཅིང་བསྒྱུར་བ་དང་། འདོར་ཞིང་བསྐུམ་པ་དང་། འཇོག་ཅིང་འདེགས་པའི་རྣམ་པར་གནོན་པས་ནམ་མཁའི་དབྱིངས་ཐམས་ཅད་དུ་ཁྱབ་པར་མཛད་དེ། རླུང་གི་ཁམས་དང་། མེའི་ཁམས་དང་། 
ཆུའི་ཁམས་དང་། སའི་ཁམས་ཀུན་ཁྱབ་པར་མཛད་དེ།  བཅོམ་ལྡན་འདས་བྱང་ཆུབ་ཀྱི་སེམས་ལ་ཀུན་དུ་ཁྱབ་པར་མཛད་དེ། སྣ་ཚོགས་དང་། ཕྲ་བ་དང་། སྦོམ་པ་དང་། བུད་མེད་དང་། གཞོན་ནུ་དང་། རྒན་པ་དང་། སྐྱེས་པ་དང་། སྐྱེས་པ་མ་ཡིན་པ་དང་། ལྷ་དང་། ཀླུ་དང་། 
གནོད་སྦྱིན་དང་། སྐར་མ་དང་། གཤིན་རྗེ་དང་། ཆུ་བདག་དང་། བརྒྱ་བྱིན་དང་། འབྱུང་བ་དང་། འབྱུང་བ་ལས་གྱུར་པ་ཐམས་ཅད་ལ་བཅོམ་ལྡན་འདས་ཀུན་དུ་བཟང་པོས་རྒྱས་པར་བྱས་ཏེ་ཡང་དག་པར་གནས་སོ། །དེ་ནས་བཅོམ་ལྡན་འདས་དེ་
བཞིན་གཤེགས་པ་ཐམས་ཅད་ངོ་མཚར་དུ་གྱུར་ཏེ། ཡང་འདུས་ནས་ཕྱག་གར་དང་བཅས་ནས་ཐལ་མོ་སྦྱར་ནས་བཅོམ་ལྡན་འདས་ཀུན་ཏུ་བཟང་པོ་ཆེན་པོ་ལ་སྤྱི་བོས་བཏུད་ནས་གསོལ་བ་བཏབ་པ། བཅོམ་ལྡན་འདས་ཀུན་གྱི་གསང་བའི་ཧེ་རུ་
ཀ་ཆེན་པོ་རོལ་པའི་ཐིག་ལེ་འདི། གཉིས་མེད་ཡེ་ཤེས་ཡང་དག་འབྱུང་། །བཅོམ་ལྡན་ཁྱོད་ཀྱིས་བཤད་དུ་གསོལ། །སེམས་ཅན་ཀུན་གྱི་མ་སྐྱེས་པ། །སྐྱེས་དང་མ་སྐྱེས་རྣམ་སྤངས་པའི། །འབྱུང་དང་འབྱུང་འགྱུར་རབ་སྦྱོར་བའི། །མཆོག་ཏུ་རྟག་

104-1-123a

པའི་སྦྱོར་བའོ། །ཐམས་ཅད་རིན་ཆེན་འབྱུང་གནས་དག །ནམ་མཁའ་དྲི་མེད་འདྲ་བ་ཡི། །རྒྱལ་མཚན་ཆེན་པོ་བསྒྲེང་བྱ་སྟེ། །རྡོ་རྗེ་ཆེན་པོས་དབང་བསྐུར་བའོ། །ལོངས་སྤྱོད་ཆོས་ནི་ཡང་དག་འབྱུང་། །པད་མོའི་མཆོག་ནི་དམར་པོ་
མདོག །འདོད་ཆགས་དེ་ཉིད་གསང་བ་ཆེ། །བདེ་བྱེད་ཐམས་ཅད་བདུད་རྩིའི་མཆོག །ལ་ལ་ཨར་ནི་དོན་དང་ལྡན། །ཡང་དག་མཛེས་པ་འགྱིང་བའི་འགྲོས། །ས་ཆོགས་ཡེ་ཤེས་བདེ་བ་ཆེ། །བྱང་ཆུབ་སེམས་ཐིག་མཆོག་ཉིད་དོ། །དེ་ནས་
བཅོམ་ལྡན་འདས་དེ་བཞིན་གཤེགས་པ་ཀུན་དུ་བཟང་པོ་དེ་བཞིན་གཤེགས་པ་ཐམས་ཅད་ཀྱི་གསང་བའི་བདག་པོས་གསོལ་བ་བཏབ་པ་མཁྱེན་ནས་འགོག་པ་ཆེན་པོ་ཡེ་ཤེས་རྡོ་རྗེ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་
ནས་ཅང་མི་གསུང་བར་བཞུགས་སོ། །དེ་བཞིན་གཤེགས་པ་དེ་དག་ངོ་མཚར་དུ་གྱུར་ཏེ། ཡང་འདུས་ནས་བཅོམ་ལྡན་འདས་དཔལ་བདེ་བ་ཆེན་པོ་ཀུན་དུ་བཟང་པོ་ཆེན་པོ་ལ་དེ་ཁོ་ན་ཉིད་ཀྱི་དབྱངས་ཀྱིས་བསྐུལ་ཏེ་བཞེངས་པར་
མཛད་དོ། །ༀ་ཨཱཿཧཱུྃ། མི་སྐྱེ་ཡེ་ཤེས་བདེ་མཆོག་རོ་ལ་མནམས། །སེམས་དཔའི་མཆོག་ཉིད་འགོག་པ་རྣམས་ལས་བསླང་། །ཆགས་མེད་ཀུན་དུ་མྱ་ངན་འདས་མཛད་བཞེངས་ཤིང་མནམས། །མཆོག་ཏུ་གསང་བའི་དམ་བཅས་
འཇིག་རྟེན་སྒྲོལ། །བྱང་ཆུབ་སྐྱེ་གནས་དབྱིངས་ལས་གར་མཛོད་ཅིག །སྔོན་གྱི་ཉོན་མོངས་རྡོ་སྐམས་གཟིར་བ་ཡི། །བདེ་མཆོག་རྒྱན་དང་ལྡན་པའི་ཐབས་ཀྱིས་བསྐུལ་ཏེ་གོ་བར་མཛད། །དེ་ནས་བཅོམ་ལྡན་འདས་དཔལ་ཀུན་དུ་
བཟང་པོ་ཆེན་པོས་དེ་བཞིན་གཤེགས་པ་ཐམས་ཅད་ཀྱི་སྙིང་པོ་ཆེན་པོ་ཧེ་རུ་ཀ་རོལ་པའི་ཏིང་ངེ་འཛིན་ལ་སྙོམས་པར་ཞུགས་ནས། རང་གིས་གསང་བའི་ཐིག་ལེ་ཤིན་དུ་དགྱེས་པ་ཆེན་པོ་ཞེས་བྱ་བའི་འོད་ཟེར་གྱི་ཚོགས་ཕྱུང་ནས། དེ་བཞིན་
གཤེགས་པ་ཐམས་ཅད་ཀྱི་གསང་བའི་སྙིང་པོའི་ཐིག་ལེའི་དབུས་སུ་རྒྱས་པར་བྱས་ཏེ། ནམ་མཁའི་དབྱིངས་ཐམས་ཅད་དུ་སྣང་བར་བྱས་ཏེ།    སྟེང་དང་འོག་ཏུ་ཡང་བཞུགས་ཏེ། མ་ལུས་ལུས་པ་མེད་པའི་རིལ་དང་། སེམས་ཅན་ཐམས་ཅད་

104-1-123b

ལ་གསལ་བར་བྱས་ནས་ཤིན་དུ་དགྱེས་པ་ཆེན་པོའི་རོ་བདེ་མ་མཉེས་པར་བྱས་ནས་དེ་ཉིད་དུ་སླར་ལོག་ནས། བཅོམ་ལྡན་འདས་ཤིན་དུ་དགྱེས་པ་ཆེན་པོའི་སྙིང་པོ་གསང་བ་མཆོག་གི་ཐིག་ལེའི་དབུས་ན་བཞུགས་སོ། །དེ་ནས་དེ་བཞིན་གཤེགས་པ་
ཐམས་ཅད་འོད་ཟེར་གྱི་ཚོགས་ཀྱི་ཕྲེང་བ་མཆོག་ཏུ་བདེ་བར་གྱུར་པ་སྙིང་པོ་དེས་བསྐུལ་བ་ནི་གར་མཛད་ཅིང་རང་རང་གི་ཏིང་ངེ་འཛིན་དུ་དམིགས་ནས་བཅོམ་ལྡན་འདས་ཀུན་དུ་བཟང་པོ་ཆེན་པོའི་ཐུགས་ཀྱི་དབུས་སུ་མཆོག་ཏུ་གསང་བ་ཤིན་དུ་དགྱེས་
པ་ཆེན་པོའི་བདེ་བར་བསྒྲུབས་ཏེ། སྐུ་རང་གི་བུད་མེད་ཀྱི་ཚུལ་དུ་བསྐྱེད་ནས། བཅོམ་ལྡན་འདས་ཀྱི་ཐུགས་ཀ་ནས་མངོན་པར་བྱུང་བར་འགྱུར་ཏེ། དེ་ལ་ལ་ལ་ནི་སྤྱན་པད་མ་ལྟ་བུར་བསྒྱུར་ཅིང་སྨིན་ཀྱུས་རིངས། སངས་རྒྱས་ཚུལ་གྱིས་
གར་མཛད་པའི། །སངས་རྒྱས་རྣལ་འབྱོར་དཀྱིལ་འཁོར་དུ། །རབ་དགྱེས་རྡོ་རྗེ་གདོན་མི་ཟ། །རྡོ་རྗེ་སེམས་ལ་དགྱེས་མཛད་ཅིང་། །བདེ་བའི་སངས་རྒྱས་བདེ་བ་ཡིས། །བཅོམ་ལྡན་སངས་རྒྱས་བཞུགས་པར་འགྱུར། །ཞལ་བསྒྱུར་སྨིན་མ་བསྒྱུར་
བ་ཡིས། །སྤྱན་ཡང་བསྒྱུར་ཞིང་ཤིན་དུ་གནོན། །སོར་མོ་རྣམས་ཀྱང་རབ་བསྒྱུར་དང་། །རྡོ་རྗེ་ཚུལ་གྱིས་གར་མཛད་ཅིང་། །སེམས་དཔའ་ཆེ་ལ་མཉེས་པར་མཛད། །རྡོ་རྗེ་རྣལ་འབྱོར་མ་དཀྱིལ་དུ། །སྐུ་ནི་སྐད་ཅིག་བསྐུལ་བ་ཡི། །བཅོམ་ལྡན་རྡོ་རྗེ་
གནས་པར་འགྱུར། །ཞལ་ནི་བརྗིད་ཅིང་རིན་ཆེན་དབུ། །དྲི་མེད་སྤྱི་བོར་གར་མཛད་ཅིང་། །དཀྱིལ་འཁོར་ཞལ་གྱིས་རྣམ་བསྒྱུར་བ། །བྱང་ཆུབ་སེམས་ནི་མེད་པར་མཛད། །དུར་ཁྲོད་ཡོན་ཏན་ཚོགས་དག་གིས། །པདྨའི་སྤྱན་གྱིས་གཟིགས་མཛད་
ཅིང་། །བདེ་བའི་བདག་པོ་ཆེན་པོ་ལ། །རིན་ཆེན་ཚུལ་གྱིས་མཉེས་པར་མཛད། །རབ་ཏུ་དགྱེས་གསལ་བདེ་བ་ཡི། །པད་མ་དམར་ལ་ཆེ་མཛད་དེ། །འདོད་ཆགས་བྲལ་ཞི་རབ་ཏུ་བསྒྱུར། །པད་མའི་དྲ་བས་འབྲེལ་བ་ཡིས། །པད་མའི་རྣལ་འབྱོར་མ་དཀྱིལ་དུ། །
བརྗིད་པའི་སྤྱན་གྱིས་ཀུན་གཟིགས་པའི། །བདེ་བ་ཆེ་ལ་མཉེས་པར་མཛད། །བཅོམ་ལྡན་པད་མོ་གནས་པར་འགྱུར། །ཕྱག་གི་སོར་མོ་རྩེ་མོ་མཐའ། །རྣམ་པར་བསྒྱུར་བར་གར་མཛད་ཅིང་། །ཕྱག་སྦྱར་ཁོང་སྟོང་པད་མ་ཡིས། །གློག་བཞིན་དཔྲལ་ནས་

104-1-124a

སྤྱི་གཙུག་ཏུ། །མཆོད་པའི་སྤྲིན་གྱིས་ལོངས་སྤྱོད་པས། །སྣ་ཚོགས་བདེ་བྱེད་གཙོ་ཉིད་ལ། །ལས་ཀྱི་ཚུལ་གྱིས་མཉེས་མཛད་ཅིང་། །བཅོམ་ལྡན་སྣ་ཚོགས་གནས་པར་འགྱུར། །དེ་ནས་བཅོམ་ལྡན་འདས་ཀུན་དུ་བཟང་པོ་ཆེན་པོ་དེ་
བཞིན་གཤེགས་པ་ཐམས་ཅད་ཀྱི་མཆོག་ཏུ་གསང་བ་བྱང་ཆུབ་སེམས་ཀྱི་ཏིང་ངེ་འཛིན་ལ་སྙོམས་པར་ཞུགས་ནས། དེ་བཞིན་གཤེགས་པ་ཐམས་ཅད་ཀྱི་མཆོག་ཏུ་གསང་བ་ཐིག་ལེ་བྱང་ཆུབ་ཀྱི་དཀྱིལ་འཁོར་གྱི་རྒྱལ་པོ་ཤིན་ཏུ་
དགྱེས་པ་བདེ་བ་ཆེན་པོ་ཉིད་ཀྱི་སྐུ་དང་གསུང་དང་ཐུགས་རྡོ་རྗེ་ལས་ཕྱུང་ངོ་། །དཀྱིལ་འཁོར་ཉིད་ཀྱི་ཚུལ་གྱིས་སུ། །ཆོ་ག་སྦྱོར་བ་སྤྲོས་བྱས་ཏེ། །དེ་དང་འཐུན་པའི་དཀྱིལ་འཁོར་གནོན། །སྦྱོར་བའི་གར་གྱིས་གར་བྱས་ཤིང་། །ཅི་ལྟར་ཡང་
དག་བརྟག་པར་བྱ། །ཅི་ལྟར་དཀྱིལ་འཁོར་དེ་ཁོ་ན། །ཧེ་རུ་ཀ་དཔལ་དཀྱིལ་འཁོར་ནི། །རྡོ་རྗེ་སེམས་དཔའ་དཔའ་བོས་ཀྱང་། །བརྟག་པར་ནུས་པ་མ་ཡིན་ནོ། །དཀྱིལ་འཁོར་ཡེ་ཤེས་ཀྱིས་བརྟགས་པས། །སྙིང་པོ་ཕྱག་རྒྱ་སྔགས་རིག་
གིས། །ལྷ་ཡི་སྦྱོར་བ་རྒྱས་བཏབ་པས། །ཆོ་ག་ཤེས་པས་བྲི་བར་བྱ། །གྲུ་བཞི་པ་ལ་སྒོ་བཞི་པ། །རྟ་བབས་བཞི་དང་ཡང་དག་ལྡན། །ཐིག་གིས་ཡོངས་སུ་འཁོར་བར་བཏབ། །དབུས་སུ་འཁོར་ལོ་རྩིབས་བཞིར་ལྡན། །ཀུན་དུ་ཡོངས་སུ་མུ་
ཁྱུད་བཅས། །ཕྱི་རོལ་རྡོ་རྗེ་ར་བས་བསྐོར། །དེའི་དབུས་སུ་བཅོམ་ལྡན་འདས་ཆེ་མཆོག་ཧེ་རུ་ཀ་རིགས་བཞི་ཧེ་རུ་ཀས་ནི་བསྐོར། གྲྭ་བཞི་ཤྭ་རི་ཡུམ་དང་བཅས། དེའི་ཕྱི་རིམ་འཁོར་ལོ་རྩིབས་ནི་བཅུ་དྲུག་ལ་ཡེ་ཤེས་ཁྲོ་མོ་བཅུ་དྲུག །དེའི་ཕྱི་རིམ་
པདྨ་བཅུ་དྲུག་ལ་སྤྲུལ་པའི་ཁྲོ་བོ་ཕ་བཅུ་དྲུག །དེའི་ཕྱི་རིམ་པདྨ་བཅུ་དྲུག་ལ་སྤྲུལ་པའི་འཕྲ་མེན་མ་བཅུ་དྲུག་དེའི་ཕྱི་རིམ་སྣམ་བུ་གཅིག་ལ་ཡང་སྤྲུལ་བཅུ་དྲུག །དེའི་ཕྱི་རིམ་སྣམ་བུ་གཅིག་ལ་ཞེ་སྤྲུལ་བཅུ་དྲུག །དེའི་ཕྱི་རིམ་སྣམ་བུ་གཅིག་ལ་སྨན་གྱི་ལྷ་མོ་སུམ་བཅུ་རྩ་གཉིས། དེའི་ཕྱི་རིམ་
སྣམ་བུ་ལ་བཅོམ་ལྡན་འདས་དེ་ཁོ་ན་ཉིད་ཀྱི་སྐུ་བསིལ་དཔག་བསམ་གྱི་ཤིང་བཞིན། དེའི་རྩ་བ་ན་སྨན་བདུད་རྩི་ལྷག་མ་རེ་རེ། གསེར་གྱི་མེ་ཏོག་གཞོན་ནུ་རེ་རེ། བཅོམ་ལྡན་འདས་ལ་མཆོད་ཅིང་བདུད་རྩི་བུམ་པ་ཐོགས་ནས་སྐུ་ཁྲུས་མཛད་པ་རེ་རེ། 

104-1-124b

དེའི་ཕྱི་རིམ་སྣམ་བུ་ལ་དབང་ཕྱུག་མ་ལས་ལས་གྲུབ་པ། མགོ་བརྙན་མ་ཉི་ཤུ་རྩ་བརྒྱད་དགོད། ཡང་བཅོམ་ལྡན་འདས་ཀྱི་དཀྱིལ་འཁོར་གྱི་དགོད་པའི་དོན་བཟུང་ཞིང་བཀའ་རྩལ་པ། དཀྱིལ་འཁོར་གྱི་ནི་དབུས་ཉིད་དུ། །བཅོམ་ལྡན་འདས་ཆེ་
མཆོག་ཧེ་རུ་ཀ །དབུ་ནི་ཉི་ཤུ་རྩ་གཅིག་ལ། །ཕྱག་ནི་བཞི་བཅུ་རྩ་གཉིས་སོ། །ཞབས་བརྒྱད་ལྷ་ཆེན་ཕོ་མོ་མནན། །གླང་ཆེན་ཀོ་རློན་གོས་སུ་གྱོན། །ཞིང་ཆེན་གཡང་གཞི་ཡ་བ་བསྐོར། །སྦྲུལ་ནག་ཆུན་པོས་དབུ་ལ་བརྒྱན། །ཐོད་པ་
རློན་པས་སེ་རལ་ཁ། །སྟག་ལྤགས་མགོ་ཆེན་ཤམ་ཐབས་ཅན། །ཁྲག་དང་ཞག་གི་ཚོམ་བུར་བཅས། །བདེ་གཤེགས་རིགས་བཞི་ཧེ་རུ་ཀ །ཁྱུ་མཆོག་མ་ཧེ་གཟིག་དང་སྟག །མི་འཇིགས་སེམས་ཅན་བཞི་ཡི་ཁྲི། །སྨུག་ནག་སྔོ་ནག་སེར་
ནག་དང་། །དམར་ནག་ལྗང་ནག་འཇིགས་པའི་གཟུགས། །དབུ་གསུམ་ཕྱག་དྲུག་ཞབས་བཞིར་བགྲད། །ཆ་ལུགས་མགོ་བོ་ཡབ་དང་འཐུན། །དབུས་ཀྱི་དབུ་གྱེན་དུ་ལྟ་བའི་ཞལ་གྱི་ནང་དུ་རྡོ་རྗེ་གཅུག་ནས་གཉིས་སུ་མེད་པའི་སྦྱོར་བ་ཚུལ་
བཞིན་དུ་མཛད་ཅིང་བཞུགས་སོ། །རིགས་ཀྱི་ཡུམ་ཀུན་གཙོ་ཡབ་དང་འཐུན། །ཡེ་ཤེས་ལས་གྲུབ་པའི་ཁྲོ་བོ་རྡོ་རྗེ་ཐོགས་མེད་དང་། ཁྲོ་བོ་རྡོ་རྗེ་གདུང་དང་། ཁྲོ་བོ་རྡོ་རྗེ་མི་དཔལ་དང་། ཁྲོ་བོ་རྡོ་རྗེ་མདའ་བསྙག་དང་། ཁྲོ་བོ་རྡོ་རྗེ་ཕུར་བུ་དང་། ཁྲོ་བོ་རྡོ་རྗེ་ཐོ་བ་དང་། ཁྲོ་བོ་རྡོ་རྗེ་བྱ་གྲི་དང་། ཁྲོ་བོ་རྡོ་རྗེ་
རྣོན་པོ་དང་། ཁྲོ་བོ་རྡོ་རྗེ་རལ་གྲི་དང་། ཁྲོ་བོ་རྡོ་རྗེ་ཞགས་པ་དང་། ཁྲོ་བོ་རྡོ་རྗེ་གཏུན་ཁུང་འཛིན་པ་དང་། ཁྲོ་བོ་རྡོ་རྗེ་གཞུ་འཛིན་དང་། ཁྲོ་བོ་རྡོ་རྗེ་རལ་པ་གཅིག་དང་། ཁྲོ་བོ་རྡོ་རྗེ་ཡེ་ཤེས་དང་། ཁྲོ་བོ་རྡོ་རྗེ་ལྕགས་སྒྲོག་དང་། ཁྲོ་བོ་རྡོ་རྗེ་རྒྱ་གྲམ་འཛིན་དང་། ཁྲོ་མོ་རྡོ་རྗེ་
པད་མ་འབྲི་ཀུ་ཊ་དང་། ཁྲོ་མོ་རྡོ་རྗེ་རལ་གཅིག་མ་དང་།  ཁྲོ་མོ་རྡོ་རྗེ་རྩེ་མོ་དང་། ཁྲོ་མོ་འཇིགས་སུ་རུང་མ་དང་། ཁྲོ་མོ་མི་ཐུབ་རྡོ་རྗེས་འདུལ་བ་དང་། ཁྲོ་མོ་བཀྲ་ཤིས་མ་དང་། ཁྲོ་མོ་དཔལ་ལྡན་མ་དང་། ཁྲོ་མོ་པད་མའི་ཕྲེང་ཐོགས་མ་དང་། ཁྲོ་མོ་ནོར་
བདག་མ་དང་། ཁྲོ་མོ་གྲགས་མ་དང་། ཁྲོ་བོ་གྲགས་ཆེན་མོ་དང་། ཁྲོ་མོ་རིན་འོད་ལྡན་མ་དང་། ཁྲོ་མོ་པད་མའི་སྤྱན་མངའ་མ་དང་། ཁྲོ་མོ་ཟས་སྦྱིན་མ་དང་། ཁྲོ་བོ་རྡོ་རྗེ་མི་དཔལ་དང་།   ཁྲོ་མོ་བདུད་རྩི་འཁྱིལ་མ་དང་། ཁྲོ་མོ་རྡོ་རྗེ་དུར་ཁྲོད་མ་དང་། སྐུ་མདོག་གཅིག་དུ་མ་ངེས་ཏེ། 

104-1-125a

སྣ་ཚོགས་ཅིར་ཡང་འགྱུར་བའོ། །སྤྲུལ་པའི་ཁྲོ་བོ་འདི་དག་ཀྱང་སྐུ་མདོག་སྣ་ཚོགས་སུ་འགྱུར་བའོ། །ཁྲོ་བོ་ཧཱུྃ་ཀ་ར་དང་། ཁྲོ་བོ་རྣམ་པར་རྒྱལ་བ་དང་། ཁྲོ་བོ་ནཱི་ལ་ཏན་ཏྲ་དང་། ཁྲོ་བོ་ཡ་མན་ཏ་ཀ་དང་། ཁྲོ་བོ་མི་གཡོ་མགོན་དང་། ཁྲོ་བོ་ཧ་ཡ་གྲི་
བ་དང་། ཁྲོ་བོ་ཊ་ཀི་རཱ་ཛ་དང་། ཁྲོ་བོ་བདུད་རྩི་འཁྱིལ་བ་དང་། ཁྲོ་བོ་ཁམས་གསུམ་རྣམ་པར་རྒྱལ་བ་དང་། ཁྲོ་བོ་མ་ཧཱ་བ་ལ་དང་། ཁྲོ་བོ་བསྙུད་ཀྱི་རྒྱལ་པོ་དང་། ཁྲོ་བོ་ཟླ་བའི་གཙོ་བོ་དང་། ཁྲོ་བོ་རྡོ་རྗེ་ཁུ་ཚུར་དང་། ཁྲོ་བོ་གོམ་པ་འདོར་བ་དང་། ཁྲོ་
བོ་གནོད་སྦྱིན་རྡོ་རྗེ་དང་། ཁྲོ་བོ་ལས་ཐམས་ཅད་པ་དང་། ཁྲོ་མོ་སྤྲུལ་པའི་འཕྲ་མེན་མ་དང་། རྡོ་རྗེ་གོའུ་རི་དང་། རྡོ་རྗེ་ཙོའུ་རི་དང་། རྡོ་རྗེ་པྲ་མོ་ཧ་དང་། རྡོ་རྗེ་པེ་ཏ་ལི་དང་། རྡོ་རྗེ་པུཀྐ་སི་དང་། རྡོ་རྗེ་གྷསྨ་རི་དང་། རྡོ་རྗེ་སྨ་ཤ་ནི་དང་། རྡོ་རྗེ་ཙནྜ་ལི་དང་། རྡོ་
རྗེ་སིང་ཧ་མུ་ཁ་དང་། རྡོ་རྗེ་བྱཱ་གྷྲི་མུ་ཁ་དང་། རྡོ་རྗེ་སྲི་མུ་ཁ་དང་། རྡོ་རྗེ་བྲ་ན་མུ་ཁ་དང་། རྡོ་རྗེ་ཀྲི་ཏ་མུ་ཀ་དང་། རྡོ་རྗེ་ཀྃ་ཀ་མུ་ཀ་དང་། རྡོ་རྗེ་ཁྭ་ཀ་མུ་ཀ་དང་། རྡོ་རྗེ་ཨུ་ལུ་ཀ་མུ་ཁ་དང་འདི་རྣམས་སྐུ་མདོག་གཅིག་ཏུ་མ་ངེས་སོ། །འདི་ཀུན་ཞིང་སྣོལ་མའི་ཁྲི་
ལ་བཞུགས་སོ། །བདུད་རྩི་ལྷ་མོ་དེ་རྣམས་ཀྱང་། ཕྱག་མཚན་རྡོ་རྗེ་བུམ་པ་འཛིན། སྐུ་མདོག་དམར་པོ་པད་མའི་གདན་ལ་བཞུགས་སོ། །བཅོམ་ལྡན་འདས་སེང་གེའི་ཁྲི་ཉི་ཟླ་བརྩེགས་པའི་གདན་ལ་སྐུ་ལུས་གླང་པོ་ཆེའི་ཆ་བྱད་དུ་སྤྲུལ་ནས་མཛད། ཡང་
སྤྲུལ་ཆེན་མོ་སེང་གེ་ལྕམ་དྲལ་དང་། སྟག་ལྕམ་དྲལ་དང་། ཝ་ལྕམ་དྲལ་དང་། སྤྱང་མོ་ལྕམ་དྲལ་དང་། བྱ་རྒོད་ལྕམ་དྲལ་དང་། ཀང་ཀ་ལྕམ་དྲལ་དང་། བྱ་རོག་ལྕམ་དྲལ་དང་། འུག་པ་ལྕམ་དྲལ་དང་། འདི་དག་ཀུན་གྱི་ཡེ་ཤེས་སྤྲུལ་པའོ། །ཕ་བང་ལྕམ་
དྲལ་དང་། ཟེར་མོ་ལྕམ་དྲལ་དང་། ཕོ་རོག་ལྕམ་དྲལ་དང་། སྐྲ་ཀ་ལྕམ་དྲལ་དང་། ཁྭ་ཏྭ་ལྕམ་དྲལ་དང་། བྱི་ལ་ལྕམ་དྲལ་དང་། སྤྲེའུ་ལྕམ་དྲལ་དང་། ཁྱི་ལྕམ་དྲལ་དང་།  སྤྲུལ་པ་སྣ་ཚོགས་ཀྱིས་འགྲོ་བའི་དོན་མཛད་དོ། །ལས་གྲུབ་པ་དབང་ཕྱུག་མ། 
བྱོ་མིའི་སྲིན་མོ་དམར་སེར་ཤིང་ཆེན་ཏྲི་ཤུ་གཡག་མགོ་མ། །ཚངས་པའི་དམར་སྐྱ་བན་དམར་རྩེ་ལྔ་སྦྲུལ་མགོ་མ། ཁྲོ་བོ་ཁྱབ་འཇུག་འབྱུང་སྡིགས་སྙིང་འདྲེན་གཟིག་གི་མགོ། །ཁྱབ་འཇུག་དཀར་དམར་དུ་དམར་བྱི་ཞགས་སྲེ་མོ་མགོ། །

104-1-125b

གཞོན་ནུ་སེར་མོ་རྡོ་རྗེ་ཕ་བང་མགོ། དབང་མེ་དམར་སྐྱ་བམ་ཆེན་ཁྲོ་ཆེན་དྲེད་ཀྱི་མགོ། དམར་པོ་དུང་དམར་རྒྱུ་ཞགས་དམར་མོ་དོམ་གྱི་མགོ། བདུད་རྩི་སྔོན་མོ་རིན་ཆེན་ཆུ་སྲིན་མགོ། ཞི་བ་སྔོ་སྐྱ་བམ་ཆེན་སྙིང་འབྱིན་སྟག་གི་མགོ། བེ་ཅོན་ནག་མོ་
བམ་ཆེན་ཐོད་རློན་ཁྲ་ཡི་མགོ། སྲིན་མོ་ནག་མོ་བམ་ཆེན་རྒྱུ་ཞགས་ཝ་ཡི་མགོ། ཟ་བྱེད་ནག་མོ་བམ་ཆེན་སྙིང་འབྱིན་སྟག་གི་མགོ། དགའ་བྱེད་ནག་མོ་ཁོང་ཆེན་བགེགས་རྒྱལ་བྱ་རྒོད་མགོ། ཁྲག་འཐུང་དམར་པོ་རྡོ་རྗེ་དབྱུག་དུང་དམར་རྟའི་མགོ །
གཅིག་པུ་དཀར་དམར་ནམ་མཁའ་ལྡིང་གི་མགོ། ཡིད་འཕྲོག་དམར་སེར་བཞིས་བསྡུས་བྱི་ཟ་ཁྱི་ཡི་མགོ། གྲུབ་མ་དཀར་དམར་སད་མ་བྱི་ཟ་བུབ་ཤུད་མགོ། རླུང་མོ་དམར་སེར་རོ་ཟ་རྡོ་རྗེ་ཤ་བའི་མགོ། གསོད་བྱེད་སྐྱལ་ལྗང་བམ་ཆེན་རྡེའུ་ཆུང་
སྐེ་ཀའི་མགོ། མེ་མོ་དམར་སེར་མོ་སྲག་རྒྱུ་འདྲེན་སྐྱིན་གྱི་མགོ། ཕག་མོ་ལྗང་ནག་རྩེ་སྦྱིན་རློན་དམར་ཕག་གི་མགོ། དམར་མོ་ལྗང་སྔོན་བདུད་རྩིའི་ཁྲག་འཐུང་ཁྲ་ཡི་མགོ། སྣ་ཆེན་ལྗང་ནག་བམ་ཆེན་ལོངས་སྤྱོད་བ་ལང་མགོ། གྲུབ་མོ་ལྗང་སེར་
བདུད་རྩི་བན་དམར་སྦྲུལ་གྱི་མགོ། ཕག་མོ་ལྕགས་ཀྱུ་ཕུ་ཏྲ་རྡོ་རྗེ་ཁུ་བྱུག་མགོ། ར་ནི་སེར་མོ་རྒྱུ་ཞགས་ར་ཡི་མགོ། བུམ་སྣ་དམར་མོ་ལྕགས་སྒྲོགས་ཀུན་འཇོམས་སེང་གེའི་མགོ། གསུས་འཛིན་སེར་མོ་བདུད་རྩི་དྲིལ་ཆེན་གཟིག་གི་མགོ། སེམས་
ཅན་ཐམས་ཅད་མཆོག་དག་དང་། དགྱེས་པ་ཐམས་ཅད་རབ་བསྒྲུབ་ཕྱིར། །ང་ཡི་དེ་ཉིད་གསུང་གིས་ནི། །དཀྱིལ་འཁོར་དེ་ཉིད་བསྟན་པ་ཡིན། །སངས་རྒྱས་བྱང་ཆུབ་བདེ་ཆེན་པོ། །གང་གིས་ཆུད་པས་རྫོགས་སངས་རྒྱས། །སེམས་ཅན་མཆོག་གི་སྟོན་བྱེད་ན། །
དེ་ཉིད་སངས་རྒྱས་བྱང་ཆུབ་འགྲུབ། །དེ་ནས་བཅོམ་ལྡན་གཅིག་འདུས་ནས། །རབ་ཏུ་སྤྲོ་བའི་སྤྱན་གདངས་ནས། །ཞབས་དང་ཞབས་ཀྱིས་གནོན་པ་ཡིས། །སྡུད་ཅིང་འདོར་བ་འཇུག་པར་མཛད། །གཡས་དང་གཡོན་གྱི་ཕྱག་གཉིས་ཀྱི། །བརྗིད་པའི་
རྩེ་མོ་མཐའ་ནས་དགྲོལ། །ཅུང་ཟད་ཟུར་གྱིས་གནོན་པ་ཡིས། །མཛེས་པའི་སྤྱི་གཙུག་རྣམ་བསྒྱུར་བའི། །སྤྱན་གྱི་ཕྱག་རྒྱས་ཕྱག་མཛད་པའི། །འགྲོ་ལ་ཕྱག་རྒྱས་བཏབ་པར་འགྱུར། །དཔའ་བོ་རྡོ་རྗེ་སེམས་དཔའ་ལ། །བསྐུལ་བའི་དབྱངས་ཀྱིས་

104-1-126a

རབ་ཏུ་བསྐུལ། །གསང་བ་དགྱེས་པའི་དཀྱིལ་འཁོར་དུ། །ཤིན་ཏུ་དགྱེས་ཚེ་རྡོ་རྗེ་དག །སངས་རྒྱས་ཀུན་གྱི་བདེ་ཆེན་པོ། །མཆོག་དུ་དགྱེས་པའི་དཀྱིལ་འཁོར་དུ། །བཅོམ་ལྡན་འདས་ཀྱིས་བཤད་དུ་གསོལ། །རྣམ་པ་ཀུན་ཏུ་སྐྱེ་
མེད་རོལ་ཅིང་ཆུད་མཛད་པ། །བདག་ཅག་གཟུགས་དང་བཅས་ཏེ་རྣམ་སྤྱོད་འགྱུར་མེད་པའི། །བདེ་མཆོག་བྱང་ཆུབ་སེམས་དཔའ་ནི། །རྣམ་པ་ཀུན་དུ་སྡུག་བསྔལ་ཡོངས་བྲལ་ཏེ། །ཆེ་བའི་ཡེ་ཤེས་ལྷུན་གྲུབ་མཆོག་དང་ལྡན། །བདེ་སྤྱོད་
དེ་ལ་རོལ་པས་ཚུལ་བཞིན་མཛད། །རྡོ་རྗེ་གླུ་ནི་བླངས་པ་ཡིས། །ཤིན་དུ་སྲིད་པའི་མྱ་ངན་འདས། །དག་ཆེན་དེ་བཞིན་གཤེགས་པ་རྣམས། །དཀྱིལ་འཁོར་འདི་ལ་བྱིན་གྱིས་བརླབས། །དེ་ནས་བཅོམ་ལྡན་འདས་འཛུམ་པ་དང་བཅས་པས་སྤྱན་ཨུཏ་
པ་ལ་ཁ་བྱེ་བ་བཞིན། །སྨིན་མ་དང་སྐུ་རྣམ་པར་བསྒྱུར་བ། །གློག་དང་ཆུ་རླབས་སུ་གྱུར་པ་ཉིད་ཀྱི་སྐུ་དང་གསུང་དང་ཐུགས་རྡོ་རྗེ་ལས་དེ་ཁོ་ན་ཉིད་འདི་གསུངས་སོ་ཞེས། དཀྱིལ་འཁོར་ཞེས་ནི་རབ་ཏུ་བྱ། །ཡེ་ཤེས་རྡོ་རྗེ་ཐུགས་ལ་གནས། །དཀྱིལ་འཁོར་རྡོ་
རྗེ་མཆོག་ཉིད་དོ། །ཉིད་ཀྱི་སྦྱོར་བ་བཏགས་པ་ཡིན། །རྡོ་རྗེ་དགྱེས་པའི་དཀྱིལ་འཁོར་དུ། །འོད་ཟེར་དཀར་པོ་ཕྲེང་བས་མཛེས། །བྱང་ཆུབ་སེམས་དཔའ་འདྲ་བའོ། །རྡོ་རྗེ་དཔའ་བོ་དཀྱིལ་འཁོར་དུ། །ཟླ་བ་ཁམ་པ་མཛེས་པ་ཡི། །མཐིང་ཀ་འབར་བ་ཀུན་རྒྱས་
པ། །མེ་ལ་རླུང་གིས་བུས་པ་བཞིན། །དགྱེས་པའི་མཆོག་ནི་རབ་བསྒྲུབ་པའི། །རིན་ཆེན་རྡོ་རྗེའི་དཀྱིལ་འཁོར་ནི། །དགའ་བར་བྱེད་པའི་དཀྱིལ་འཁོར་ཡིན། །རབ་ཏུ་དགའ་བ་ཉི་མ་བཞིན། །དཀྱིལ་འཁོར་དགྱེས་མཆོག་འབྱུང་བྱེད་པ། །དམ་པའི་དབང་པོ་པད་མ་འདྲ། །
འདབ་མ་བརྒྱད་པོ་དགྱེས་པ་ཡི། །གེ་སར་ཟེ་བས་མཛེས་བྱ་པའོ། །ལས་ནི་ཐམས་ཅད་འགྲུབ་བྱེད་པ། །རྡོ་རྗེ་ལས་ཀྱི་དཀྱིལ་འཁོར་ནི། །དགའ་བྱེད་དཀྱིལ་འཁོར་གྲུ་གསུམ་སྟེ། །འབར་བ་ཆེན་པོ་མེ་དང་འདྲ། །དེ་ལ་སོགས་པ་མཐའ་ཡས་པའི། །དཀྱིལ་འཁོར་
རྣམས་ནི་བརྟག་བྱ་སྟེ། །རྡོ་རྗེ་སེམས་དཔའ་ཆེན་པོ་ཡིས། །ཅི་ལྟར་དེ་ཉིད་སྤྲུལ་པ་ཡིན། །དེ་ནས་བཅོམ་ལྡན་འདས་ཉིད་ཀྱི་དཀྱིལ་འཁོར་བཞེངས་ནས་རྡོ་རྗེ་བརྗིད་པའི་གར་མཛད་ཅིང་གླུ་དང་། སིལ་སྙན་དང་། གླིང་བུ་དང་། པི་ཝང་དང་། རྫ་རྔ་དང་། དུ་ན་ཝ་དང་། པ་ན་ཝ་

104-1-126b

དང་། པ་ལ་ཀི་དང་། ཞི་བའི་ཐལ་མོས་སོགས་པ་ཀུན་དུ་གདུངས་པ་དང་། སིལ་སྙན་ལ་སོགས་པ་རོལ་པས་ལྷའི་རོ་དང་། རོའི་ཟས་དང་། བཟའ་བ་དང་། བཅའ་བ་དང་། བཏུང་བ་དང་། ཐེག་པ་དང་།  སྟན་དང་། གོས་དང་། བལྡག་པ་དང་། འཇིབ་པ་དང་། འཇམ་པ་ལ་སོགས་
པ་བཅོམ་ལྡན་འདས་ཀུན་དུ་བཟང་པོས་བསྟབས་ནས་གུས་པ་དང་བཅས་ནས་འཛུམ་པ་དང་བཅས་པའི་སྤྱན་གདངས་ཏེ། དབྱངས་འདིས་བསྟོད་པ་མཛད་དོ། །བྱམས་པས་ཀུན་དུ་གཟིགས་པས་ཐུགས་རྗེའི་སྤྱན། །གྲོལ་བར་འཐུན་པའི་ལམ་སྟོན་དུག་
ལྔས་འབྲེལ། །གཟུགས་ཀྱི་རང་བཞིན་བདེ་གཤེགས་ཀུན་ལ་སྟོབས། །བདེ་ཆེན་ཀུན་དུ་རྒྱས་པས་ཆེ་བའི་ཡེ་ཤེས་འདྲེན། །སྐུ་ཉིད་སྟོང་པས་ཚོགས་པའི་རྒྱལ་པོ་བཞིན། །ཆོས་ཉིད་བདེ་བ་རེག་པས་སྐུ་ཉིད་སྟོན། །བྱང་ཆུབ་བགྲོད་ཕྱིར་ཆོས་ཀྱི་སྒོ་མོ་
བསྟན། །གཟུངས་བསྟན་རིགས་ལྔའི་གཙོ་བོ་རྣམས་མཛད་དོ། །དགྱེས་པ་དྲོངས་ལ་མནབས་ཤིང་རོལ་མོ་མཛད། །བདེ་བ་མནབས་ཤིང་དབྱིངས་ནས་བསླད་པའི་ཕྱིར། །སྐྱེ་འགག་མེད་པའི་ཚུལ་དུ་རྣམ་པར་ལྡན། །སྙིང་རྗེར་རྒྱུན་བཅས་བདེ་བ་ཆེན་པོ་
སྟོན། །ཆོས་ཉིད་བདེ་བ་ཆེན་པོས་ནམ་མཁའ་བཞིན། །བདེ་བ་མཆོག་གི་ངང་ལས་སྤྲུལ་པའི་ལྷ་མོ་ཀྱེ། །རོལ་པས་འདུས་པའི་ཚོགས་ལ་སྩལ་བར་མཛོད། །བདེ་ལ་བསྣམས་ཤིང་བདེ་ལ་མནོས་ཧཱུྃ། །བདེ་མཆོག་ཆར་པ་རབ་ཏུ་དབབ་པར་གསོལ། །
དབྱིངས་ལས་བདེར་གཤེགས་སློབ་མ་གཟུང་དུ་གསོལ། །ཅི་ལྟར་བཞུགས་པའི་གནས་སུ་བཞུགས་སུ་གསོལ། །ངོ་མཚར་བྱང་ཆུབ་ཚེ་འདི་བདེ་བ་ཐོབ། །ཕ་རོལ་ཕྱིན་དྲུག་གང་ལ་མི་རྟེན་པར། །མི་སྐྱེ་མྱ་ངན་འདས་པའི་གཟུགས་དང་རྣམ་པར་
ལྡན། །བདེ་བ་ཆོས་ཀྱི་དབྱིངས་ལ་གནས་པ་ཡི། །རྨོངས་པའི་བདེ་བས་འགྲོ་ལ་སྙིང་རྗེ་ཆུ། །བྱང་ཆུབ་སེམས་ཀྱི་དགྱེས་མཆོག་མི་ཆགས་པའི། །གླུ་འདི་དག་ནི་བླངས་པ་ཡིས། །ཡིད་དང་འཐད་པའི་བདེ་ཆེན་པོ། །དངོས་གྲུབ་མྱུར་དུ་ཐོབ་
པར་འགྱུར། །དེ་ནས་བཅོམ་ལྡན་འདས་ཀུན་དུ་བཟང་པོས། དེ་བཞིན་གཤེགས་པ་ཐམས་ཅད་ཀྱིས་གསོལ་བའི་དབྱངས་ཀྱིས་བསྟོད་པ། པད་མ་དང་འདྲ་བའི་སྤྱན་གཉིས་ཀྱིས་ཀུན་དུ་གཟིགས་ཤིང་། །འཛུམ་པ་དང་བཅས་པས་ཞལ་རྒྱས་པར་

104-1-127a

གྱུར་ནས།  སངས་རྒྱས་ཀྱི་ཞིང་རྡུལ་ཕྲན་གྱི་ཚོགས་འཇིག་རྟེན་གྱི་ཁམས་མང་པོ་བསྐལ་པར་རྒྱས་པའི་སྤྲིན་གྱི་རྒྱ་མཚོ་ཆེན་པོ་སྙེད་མ་ལུས་ལུས་པ་མེད་པའི་དེ་བཞིན་གཤེགས་པ་དང་། རྡོ་རྗེ་དང་། ནོར་བུ་དང་། རིན་པོ་ཆེ་དང་། པད་མོ་
དང་།  ལས་ཀྱི་རིགས་ལས་བྱུང་བའི་དེ་བཞིན་གཤེགས་པ་དང་། རྡོ་རྗེ་འཛིན་དང་། རིན་ཆེན་འཛིན་པ་དང་། ཆོས་འཛིན་པ་དང་། སྣ་ཚོགས་རྡོ་རྗེ་འཛིན་པ་ཐམས་ཅད་དང་། རྣལ་འབྱོར་དབང་ཕྱུག་ཚོགས་དང་། ཐུགས་ལས་བྱུང་བ་དང་། མཚོན་དང་། དགའ་
བ་དང་། སྒེག་མོ་ལ་སོགས་པ་རྣལ་འབྱོར་གཡོག་གི་ཚོགས་ཚད་མེད་པར་བྱེད་པར་འདྲེན་པ་དང་། འགུག་པར་བྱེད་པ་དང་། འཇིབ་པར་བྱེད་པ་ལ་སོགས་པའི་ནམ་མཁའ་ལ་འགྲོ་བའི་ཚོགས་དང་། གྲགས་པ་མེད་པའི་ཚོགས་དང་། རྡོ་རྗེ་འཕྲོག་པར་བྱེད་པའི་
ཚོགས་དང་། གཞན་ཡང་ཕྱི་རོལ་གྱི་རྡོ་རྗེ་དང་། །རིན་ཆེན་པད་མ་དང་། ལས་ཀྱི་རིགས་ལས་བྱུང་བའི་རྣལ་འབྱོར་བ་དང་། རྣལ་འབྱོར་གྱི་དབང་ཕྱུག་ཆེན་པོ་དང་། ནམ་མཁའ་ལ་འགྲོ་བའི་ཚོགས་རྣམས་ལ་རྣམ་པར་གྱུར་པ་དང་བཅས་པ་ཀུན་དུ་གཟིགས་པའི་
སྤྱན་གྱིས་གར་མཛད་མ་དང་། ཀུན་དུ་གནོན་པ་དང་། ཚོགས་ཀྱིས་འདེབས་པ་དང་། ཕྱག་ན་གར་མཛད་མ་དང་།  འགྱིང་བ་དང་། ཀུན་དུ་རྣམ་པར་འདོར་བའི་གནོན་པས། འཁོར་གྱི་དཀྱིལ་འཁོར་ལ་བྱིན་གྱིས་བརླབས་ནས་དགྱེས་པའི་གདོན་མི་ཟ་བ་ཞེས་བྱ་
བ་དཀྱིལ་འཁོར་གྱི་རྒྱལ་པོ་ཆེན་པོ་ཉིད་ཀྱི་སྐུ་དང་གསུང་དང་ཐུགས་རྡོ་རྗེ་ལས་གསུངས་པ། དེ་ཉིད་བདག་ནི་མཉམ་བཞག་དང་། །དེ་བཞིན་ལྷའི་དེ་བཞིན་ཉིད་དང་། །སྔགས་དང་ཕྱག་རྒྱ་དེ་བཞིན་ཉིད་དང་། །དཀྱིལ་འཁོར་གྱི་ནི་མཆོག་ཏུ་འགྱུར། །ཡན་ལག་
ཐམས་ཅད་བསམ་ལས་འདས། །ཡོད་མེད་གཉིས་ལས་མི་གནས་པ། །འདྲེན་དང་ཚིག་ལས་ཡང་དག་འདས། །འདི་ནི་དཀྱིལ་འཁོར་མཆོག་ཅེས་བྱའོ། །ཆོས་མིན་ཆོས་ནི་རྣམ་དཔྱོད་པས། །ཆོས་རྣམས་ཐམས་ཅད་བརྟགས་པར་བྱ། །རྣམ་དག་ནམ་
མཁའ་འདྲ་བ་ཡི། །དཀྱིལ་འཁོར་འདི་ནི་བསྟན་པ་ཡིན། །འདོད་ཆགས་མི་ཆགས་འདོད་ཆགས་མཉམ། །ཆུ་ཡི་པད་མོ་དམར་བ་འདྲ། །རང་སེམས་འདོད་ཆགས་ཤིན་དུ་ཆགས། །འདི་ནི་དཀྱིལ་འཁོར་མཆོག་ཡིན་ནོ། །གཟུགས་མེད་གཟུགས་ནི་དྲི་མེད་

104-1-127b

པའི། །ཁམས་གསུམ་ལས་ནི་འཇུག་བྱེད་པའི། །སེམས་ནི་ཆུ་ཉིད་དང་བ་བཞིན། །དཀྱིལ་འཁོར་ཞེས་བྱའོ། །དེ་ནས་དེ་བཞིན་གཤེགས་པ་ཐམས་ཅད་གཡོག་དང་བཅས། ཕོ་ཉ་དང་། ཕོ་ཉ་མོ་དང་། ནམ་མཁའ་ལ་འགྲོ་བའི་ཚོགས་དང་། ཡང་བཅོམ་
ལྡན་འདས་དཔལ་ཀུན་ཏུ་བཟང་པོ་བཞེངས་ནས་འདི་སྐད་ཅེས་གསོལ་ཏོ། །ཀྱེ་མ་རབ་བགྱེས་དཔའ་བ་མཆོག །ཀྱེ་མ་རབ་བགེགས་ཕྱོགས་བསྒྱུར་བ། །རྣལ་འབྱོར་ཆེན་པོ་ཚོགས་མཆོག་ནི། །གསང་བའི་དཀྱིལ་འཁོར་ཉིད་ཀྱིས་གསུངས། །སངས་རྒྱས་
སྦྱོར་བ་རབ་ཏུ་ཟབ། །རྡོ་རྗེ་སྤྱོད་པ་བླ་ན་མེད། །འཇིག་རྟེན་གསུམ་པོ་བདེ་ཐོབ་པའི། །དཀྱིལ་འཁོར་གསང་བ་ཉིད་ཀྱིས་གསུངས། །པད་མོ་རིན་ཆེན་སྣ་ཚོགས་ཆེ། །ཐབས་ཀྱིས་སྦྱོར་བ་གང་མཛད་པ། །རྣམ་གྲངས་སེམས་ཀྱི་འཇིག་རྟེན་དུ། །བདེ་
ཆེན་དཀྱིལ་འཁོར་ཉིད་ཀྱིས་གསུངས། །དེ་ནས་བཅོམ་ལྡན་འདས་ལ། ཐམས་ཅད་གར་དང་བཅས་པའི་ཕྱག །སོར་མོ་འདབ་མ་ཀུན་དུ་འབྲེལ། །རྡོ་རྗེ་ཐལ་མོ་གར་རྣམས་བསྒྱུར། །བརྗིད་བག་དག་ཏུ་རབ་ཏུ་བཅས། །གྲོལ་ཞིང་མ་མཆུ་ཚེམས་
ཀྱིས་མནན། །ཆུ་སྐྱེས་འདབ་མ་བཞིན་དུ་གཟིགས་པས་བཤད། །དབྱངས་ལེན་པ་དང་གཅིག་ལ་གཅིག་བསྐུལ་དང་། །སྣང་ཞིང་ཀུན་དུ་མ་ཆགས་པར། །ཆགས་མེད་བདེ་བ་མཆོག་གིས་ནི། །བདེ་བའི་རྣལ་འབྱོར་གཟུངས་ཀྱིས་རྣམས། །
སྟོབས་ཞིང་བདེ་བ་སྦྱིན་མཛད་པ། །ནམ་མཁའི་རང་བཞིན་བསམ་གྱིས་མི་ཁྱབ་སྟེ། །སྟོབས་ཤིང་བཞེངས་ཏེ་གྲུབ་པར་མཛོད། །ཆགས་པས་རབ་ཏུ་མི་གོས་པའི། །བདེ་བ་རེག་ཅིང་དགོངས་སུ་གསོལ། །དེ་ནས་བཅོམ་ལྡན་འདས་ཀུན་ཏུ་བཟང་པོ་
ཆེན་པོ་དགྱེས་པ་ཆེན་པོས་བསྐུལ་བས་ཐུགས་སད་པར་གྱུར་ཏེ། ཤིན་དུ་དགྱེས་ནས་རྡོ་རྗེ་དཔལ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས་ཤིན་དུ་དགྱེས་པ་ཆེན་པོ་རྣལ་འབྱོར་གྱི་ཚོགས་ཀྱི་དཀྱིལ་འཁོར་དུ་ཤིན་དུ་དགྱེས་པའི་རྡོ་རྗེ་དབྱངས་ཀྱིས་
མགུར་ལེན་ཅིང་། རྡོ་རྗེ་རྣམ་པར་རོལ་པ་ཡིས། བཅོམ་ལྡན་འདས་དགྱེས་བཞད་པས་བཞད་ཅིང་། ཉིད་ཀྱི་སྐུ་དང་གསུང་དང་ཐུགས་རྡོ་རྗེ་གསང་བའི་ཐུགས་ཀ་ནས་མ་ཧཱ་སུ་ཁ་ཧཱུྃ་ཞེས་བརྗོད། དེ་ནས་དེ་བཞིན་གཤེགས་པ་ཐམས་ཅད་ཀྱི་བདག་མོ་ཡེ་ཤེས་

104-1-128a

ཀྱི་དབྱིངས་དབང་ཕྱུག་མ་འདི་ཕྱུང་ངོ་། །ཟླ་གམ་སྟེང་དུ་ལྡན་པ་ཡི། །ཡེ་ཤེས་གཉིས་པོ་མ་ལྟ་བུ། །ཐིག་ལེ་མཚན་དུ་ལྡན་བྱས་ནས། །གསལ་བ་ཡེ་ཤེས་རྣལ་འབྱོར་མ། །ཨཱ་ལི་ཀཱ་ལི་འདྲེན་བྱས་མ། །རི་མོ་དབུས་སུ་བརྟག་བྱས་ཏེ། །དེ་ཡི་
མགོ་དང་མཇུག་ཉིད་དུ། །ཁྲོ་བོ་གཉིས་པོ་མཆོག་པོས་བྱ། །འདི་ནི་བཙུན་མོ་རབ་གསང་བའི། །རྡོ་རྗེ་དཀྱིལ་འཁོར་རྣལ་འབྱོར་མའི། །དྲན་པ་ཙམ་གྱིས་འདི་དག་ཀྱང་། །བསོད་ནམས་ཀུན་གྱིས་བྱིན་བརླབས་འགྱུར། །ཨཱ་ལི་གཉིས་དབུས་རི་མོ་བྲི། །
འདྲེན་པ་ཡང་དག་ལྡན་པ་སྟེ། །སྟེང་དུ་ཟླ་གམ་ཐིག་ལེར་དགའ། །མགོ་མཇུག་དུ་ཡང་གཞན་ཡང་བྲི། །འདི་ནི་གསལ་བའི་དོན་དམ་སྟེ། །རྣལ་འབྱོར་རིན་ཆེན་དབང་བསྐུར་སྦྱིན། །བསྟན་པས་བསོད་ནམས་ཐོབ་འགྱུར་ཏེ། །སྡིག་པ་རྣམས་ཀྱང་
འཇིག་པར་བྱེད། །ཨཱ་ལི་གཉིས་དང་ལྡན་བྱ་སྟེ། །ཚེག་དྲག་ཡི་གེ་གཉིས་སུ་བཤད། །འདི་ནི་རབ་འགལ་ཀུན་དུ་ཆགས། །ཆུ་སྲིན་མ་ཞེས་བསྟན་པ་ཡིན། །དང་པོ་བསྐལ་པ་ཆེན་པོ་ཡི། །ཚེག་དྲག་པོ་དང་བཅས་པར་བཞག །སངས་རྒྱས་
བྱང་ཆུབ་རབ་སྦྱིན་བྱེད། །བདག་ཉིད་ལ་མ་བཞག་ཡང་རུང་། །ཕྱག་རྒྱ་འདི་ཡིས་རྒྱས་བཏབ་སྟེ། །བསྒྲུབ་བྱ་དཀྱིལ་འཁོར་བསྒྲུབ་བྱེད་ན། །དངོས་གྲུབ་མྱུར་དུ་ཐོབ་པར་འགྱུར། །དཀྱིལ་འཁོར་དམ་པ་རྣམས་ཀྱི་མཆོག །ཡེ་ཤེས་ཕྱག་རྒྱ་མངོན་
གནས་པའི། །འཛིན་པའི་བསོད་ནམས་ཅི་འདྲ་བའི། །བྲིས་པ་ཡིས་ཀྱང་ཁྱབ་པར་འགྱུར། །ཨེ་མའོ་བདེ་བ་ཡེ་ཤེས་ཆེ། །འདི་ནི་ཡེ་ཤེས་སྐུ་འདི་ལ། །གནོད་བྱེད་པ་ནི་བསྟེན་བྱེད་ཅིང་། །འདི་ཡི་ཚུལ་གྱིས་ཐོབ་པར་འགྱུར། །ཁམས་གསུམ་
མཆོག་གི་དཀྱིལ་འཁོར་འདིར། །འདི་ལས་རྒྱ་ཆེན་གཞན་མེད་དོ། །སྒྲུབ་པ་པོ་དང་སེམས་ཅན་ཀུན། །ཚེ་འདི་ཉིད་ལ་སངས་རྒྱས་འགྲུབ། །ཆེ་མཆོག་ཧེ་རུ་ཀ་གསང་བ་འདི་བཅོམ་ལྡན་འདས་དམ་ཚིག་གི་དཀྱིལ་འཁོར་རྒྱས་པ་མཆོག་ཏུ་གསང་བ་
ལས་དེ་བཞིན་གཤེགས་པ་ཐམས་ཅད་ཀྱི་རྡོ་རྗེ་བཙུན་མོ་རྣམས་ཀྱི་གསང་བ་ཆེན་པོ་རྣལ་འབྱོར་མ་དབང་ཕྱུག་ཆེན་མོ་རྣམས་ཀྱིས་མཆོག་ཏུ་གསང་བའི་དཀྱིལ་འཁོར་གྱི་ལེའུ་སྟེ་དང་པོའོ།། །། དེ་ནས་བཅོམ་ལྡན་འདས་

104-1-128b

དེ་བཞིན་གཤེགས་པ་ངོ་མཚར་དུ་གྱུར་ཏེ། དགྱེས་པའི་ཡིད་ཆེས་པ་དང་། མགུ་བ་དང་ཡིད་དགའ་བ་སྐྱེས་ནས་ཤིན་དུ་གྱེས་པ་ཆེན་པོ་རྡོ་རྗེ་བཞད་པས་མཛད་ཅིང་། ཡང་ཧེ་རུ་ཀའི་སྐུ་མདོག་ནི་སྣ་ཚོགས་པའོ། །བཅོམ་ལྡན་འདས་ཆེ་མཆོག་
ཧེ་རུ་ཀ་ཞབས་བརྒྱད་ཕྱག་མཚན་སྣ་ཚོགས་པའོ། །དེ་ལས་སྤྲོས་ནས་ཕྱག་སྟོང་སྤྱན་སྟོང་གིས་སྟོང་གསུམ་གྱིས་སྟོང་ཆེན་པོའི་འཇིག་རྟེན་གྱི་ཁམས་བསམ་གྱིས་མི་ཁྱབ་པ་ན། ཤིན་དུ་མི་སྲུན་པས་གདུག་པ་ང་རྒྱལ་ཆེ་ཞིང་དྲེགས་པ་ཅན་
ཐམས་ཅད་ལ་བཛྲ་ཛ་ལིའི་སྒྲ་སྣ་ཚོགས་འོད་ཟེར་དུ་གྱུར་ཏེ། དེ་ལས་སྤྲོས་པས་རིགས་བཞི་ཧེ་རུ་ཀ་དྲེགས་པ་ཅན་ཐམས་ཅད་ཚར་གཅོད་པའི་ཕྱིར། རཀྵ་ཧེ་རུ་ཀ་ཉོན་མོངས་པའི་དུག་གསུམ་དབང་དུ་སྡུད་ཅིང་འཇོམས་པའི་ཕྱིར་རཀྵ་ཧེ་རུ་ཀ །ཡེ་
ཤེས་ཀྱི་དོན་དང་ལྡན་པའི་ཕྱིར་བྱི་ཤ་ཧེ་རུ་ཀ །དམ་ཚིག་ལས་མི་འདའ་བའི་ཕྱིར་ས་མ་ཡ་ཧེ་རུ་ཀ །དེ་ལས་འཕྲོག་པས་ཧེ་རུ་ཀ་སྟོང་རྩ་བརྒྱད། སྐུ་མདོག་དང་ཕྱག་མཚན་ཅིར་ཡང་སྤྲུལ་ནས་འགྲོ་བའི་དོན་མཛད་དོ། །ཀྲོ་དྷི་ཤྭ་རི་སྐུ་མདོག་སྣ་ཚོགས་
པའོ། །དབུ་དགུ་ཕྱག་བཅྭ་བརྒྱད། ཞབས་བཞི་ཕྱག་ཆ་སྣ་ཚོགས་པའོ། །ཞབས་བརྒྱད་རྡོ་རྗེ་འབར་བ་མེ་དཔུང་གི་ནང་ན། ཧེ་རུ་ཀ་བཞི་ཞབས་བཞིས་མནན་པ། བཛྲ་ཧེ་རུ་ཀ །པད་མའི་སྦུབས་སུ་དཔྲལ་བའི་སྤྱན་ཕྱེད་ཙམ་ནུབ་པར་བཞུགས་པ། 
ཤིན་དུ་རྔམ་པའི་ཁྲོ་མོ་དབུའི་སྟེང་ན་ཧེ་རུ་ཀ་ཞབས་བརྒྱད་ཀྱིས་ཁྲོ་མོ་དབུ་བརྒྱད་མནན་པ་ཡང་དབུས་ཀྱི་གྱེན་དུ་བལྟས་པའི་ཞལ་ནི་ནང་དུ་རྡོ་རྗེ་བཅུག་ནས་གཉིས་སུ་མེད་པར་སྦྱོར་ཞིང་བྱང་ཆུབ་ཀྱི་སེམས་ཡུམ་གྱི་སྐུ་ལ་བསྟིམས། བྱང་ཆུབ་
ཀྱི་སེམས་ཀྱི་རིགས་ཀྱི་ཧེ་རུ་ཀ་ཞབས་འོག་ཏུ་མནན་པ་ཡང་གཉིས་སུ་མེད་པར་སྦྱར་ཞིང་བྱང་ཆུབ་ཀྱི་སེམས་འབེབས། བཛྲ་ཛ་ལིའི་སྒྲ་སྣ་ཚོགས་པས་རབ་ཏུ་གཡོས་པར་གྱུར་ཏེ།  འཇིག་རྟེན་གྱི་ལྷ་ཆེན་པོ་རྣམ་པར་རབ་ཏུ་སྐྲག་ནས་སྐྱབས་སུ་གསོལ་ལོ། །མགྲིན་
གཅིག་ཏུ་འདི་སྐད་ཅེས་གསོལ་ཏེ། རྡོ་རྗེ་འབར་བ་མེ་དཔུང་གིས། །བསྐལ་པ་བས་ཀྱང་བསྲེག་མཛད་ཅིང་། །འཇིགས་ཆེན་རྔམ་པའི་ཁྱད་པར་ཅན། །དབུ་མངས་བསྒྲུབ་པའི་ཚིག་སྒྲོགས་ཤིང་། །ཕྱག་མངས་འཇིགས་པའི་མཚོན་ཆ་བསྣམས། །ཞི་བའི་ཕྱག་

104-1-129a

སྟོང་སྤྱན་སྟོང་ཡང་། །འཇིག་རྟེན་རབ་ཏུ་དཔའ་ཀོང་ན། །ཁྲོ་གཉེར་ཕྱག་སྟོང་སྤྱན་སྟོང་ཡང་། །རྒོད་དང་གཤི་ཞིང་ཟ་བྱེད་པ། །འབར་བའི་མཚོན་ཆ་སྣ་ཚོགས་ཅན། །འཇིག་རྟེན་ཐལ་བར་རློག་མཛད་པ། །ཁྲོ་ཆེན་ཁྱོད་ལ་སྐྱབས་སུ་མཆི། །
མ་དང་སྲིང་མོ་བུ་མོ་དང་། །ཆུང་མ་སླས་འདི་རྣམས་ཕུལ་ནས་སྐྱབས་སུ་གསོལ་ལོ། །ཆགས་པ་མེད་པའི་དབང་གི་ཐབས་ཀྱི་སྦྱོར་བས་དབང་བསྡུས་ཏེ། དམ་ཚིག་དང་མིང་བཏགས་ལག་ཏུ་རྡོ་རྗེ་བྱིན་ནས་རྡོ་རྗེ་འཆང་གི་གྲལ་དུ་དགོད་དོ། །དེ་ནས་བཅོམ་
ལྡན་འདས་དཔལ་ཀུན་ཏུ་བཟང་པོ་ཧེ་རུ་ཀ་རོལ་པ་ཆེན་པོའི་དོན་གྱི་གསང་བ་རབ་ཏུ་རྟོགས་པའི་ཡེ་ཤེས་རྒྱལ་པོ་སྐུ་དང་གསུང་དང་ཐུགས་ཀྱི་རོལ་པ་འདི་ཕྱུང་ངོ་། །དཀྱིལ་འཁོར་འདི་དག་ཐམས་ཅད་ནི། །གྲུ་བཞི་སྒོ་བཞི་མུ་ཁྱུད་བཅས། །ཐིག་གིས་
ཡོངས་སུ་འཁོར་བར་བཏབ། །དབུས་སུ་པད་མ་འདབ་བརྒྱད་བྲི། །དབུས་ཀྱི་པད་མའི་སྙིང་པོ་ལ། །བཅོམ་ལྡན་ཆེ་མཆོག་ཧེ་རུ་ཀ །ཤར་དུ་བཛྲ་ཧེ་རུ་ཀ །ལྷོ་རུ་རཏ་ན་ཧེ་རུ་ཀ །ནུབ་ཏུ་པད་མ་ཧེ་རུ་ཀ །བྱང་དུ་ཀར་མ་ཧེ་རུ་ཀ །ཤར་ལྷོར་རཀྵ་ཧེ་རུ་ཀ །ལྷོ་ནུབ་
ཡཀྵ་ཧེ་རུ་ཀ །ནུབ་བྱང་བྱི་ཤ་ཧེ་རུ་ཀ །བྱང་ཤར་ས་མ་ཡ་ཧེ་རུ་ཀ །བདེར་གཤེགས་ཡུམ་དང་བཅས་པ་དགོད། །དེའི་ཕྱི་རིམ་སྣམ་བུ་ལ་ཡེ་ཤེས་ལས་གྲུབ་པའི་འཕྲ་མེན་མ་བཅུ་དྲུག་དཀོད། །དེ་ཡི་ཕྱི་རིམ་སྒོ་བཞི་ཐོད་པས་བསྐོར། །གཤིན་རྗེ་འཇོམས་དང་
སྟོབས་པོ་ཆེ། །རྟ་མགྲིན་དང་ནི་བདུད་རྩིར་འཁྱིལ། །སྒོ་བཞི་དག་ཏུ་རིམ་བཞིན་ནོ། །སྐུ་དང་ཕྱག་མཚན་ཅིར་ཡང་འགྱུར་ཏེ་གཅིག་ཏུ་མ་ངེས་པའོ། །དེ་ནས་བཅོམ་ལྡན་འདས་དཔལ་ཀུན་ཏུ་བཟང་པོ་དེ་ཁོ་ན་ཉིད་སྐུ་དང་གསུང་དང་ཐུགས་རྡོ་རྗེ་ལས་ཕྱུང་ངོ་། །
བཅོམ་ལྡན་འདས་དཔལ་པད་མ་ཧེ་རུ་ཀ་དབུ་ལྔ་ཕྱག་བཅུ་དྲུག་པ། གཤོག་པ་རྡོ་རྗེས་བསྟམས་པ། ཞབས་བརྒྱད་ཆས་དང་བརྒྱན་ཅིང་། འཕྲ་མེན་མ་བཅུ་དྲུག་གི་འཁོར་དང་། དབང་ཕྱུག་མ་ཉི་ཤུ་རྩ་བརྒྱད་ཀྱི་འཁོར་གྱིས་བསྐོར་ནས་བཞུགས་ཏེ་སྤྲུལ་པ་ལས་
བཅོམ་ལྡན་འདས་རྟ་མཆོག་ཆགས་པ་ཆེན་པོ་རག་ཏ་དང་། རུས་གོང་གསར་སྙིང་གི་ནང་ན་ཐབས་དང་ཤེས་རབ་ཀྱི་ཚུལ་དུ་ཞིང་བསྣོལ་མའི་གདན་ཁྲི་ལ་བཞུགས་སོ། །དབུ་གསུམ་ཕྱག་དྲུག་ཞབས་བཞིས་ཀླུ་ཆེན་པོ་རྣམས་བརྫིས་པ། རྡོ་རྗེ་བྲག་རིས་བལྟམས་

104-1-129b

པ་རྡོ་རྗེ་མེ་ཕུང་འབར་བའི་ནང་ན་བཞུགས་པ། དབུ་གཙུག་ནས་རྟ་མགོ་ལྗང་ཁུ་ལྔ་བྱུང་བ། སྦྲུལ་ནག་གི་ཆུན་པོ་སྟག་ལྤགས་ཀྱི་ཤམ་ཐབས་བགོས་པ། ཐོད་པའི་ཕྲེང་བས་བརྒྱན་པ། ཞིང་བསྣོལ་མའི་ཁྲི་ལ་བཞུགས་པ། བཅོམ་ལྡན་འདས་རྟ་མཆོག་
ཆགས་པ་ཆེན་པོས་འདི་སྐད་ཅེས་བཀའ་སྩལ་ཏོ། །ཧཱུྃ་ནུབ་ཕྱོགས་སངས་རྒྱས་ཞིང་ཁམས་ནས། །དེ་ཉིད་རང་སྣང་མཉམ་ཉིད་དཀྱིལ་འཁོར་ན། །བདེ་བ་ཆེན་པོ་དཔལ་འབར་མཆོག་གི་ལྷ། །འདུ་འབྲལ་མེད་པའི་ཐུགས་རྗེ་དབང་གི་ལྷ། །དབང་
མཆོག་ངོ་མཚར་རྔོམ་བརྗིད་དབང་གི་ལྷ། །དཔལ་ཆེན་པད་མའི་ཐུགས་ནི་རིན་པོ་ཆེ། །ཁྲོ་བོར་སྟོན་ཀྱང་ཞི་བའི་ཆ་ལུགས་ཅན། །སྙིང་རྗེ་ཡུམ་གྱི་མཁའ་ལ་སྤྲུལ་པ་སྣ་ཚོགས་ཅིར་འགྱུར་ཡང་། །འགྲོ་བའི་དོན་དུ་དཔལ་ཆེན་བཞེངས་སུ་གསོལ། །
དེ་ནས་བཅོམ་ལྡན་འདས་རྟ་མགྲིན་དེ་ཉིད། །ཡུལ་ལ་མ་ཆགས་བྲག་ཕུག་དགོན་པ། །ཟས་ལ་མ་ཆགས་རྩྭའི་རྩ་བ། །གོས་ལ་མ་ཆགས་ཤིང་གི་ཤུན་པ། །སྐོམ་ལ་མ་ཆགས་བྲག་གི་ཐིགས་པ། །བྲག་རི་མི་རྟེན་ཤིང་ལ་རྟེན། །ཤིང་ལ་མི་བརྟེན་ཆུ་ལ་
བརྟེན། །ཆུའི་སྙིང་པོ་འཚེར་བ་གཅིག་ཏུ་སྤྲུལ་ནས་འགྲོ་བའི་དོན་མཛད་དོ། །ཧ་ཡ་གྲི་བ་རྟ་མཆོག་དཔལ། །སྐུ་མདོག་དམར་པོ་སྟག་གི་ཤམ་ཐབས་ཅན། །སྤྲུལ་ནག་སྟོང་གིས་བརྒྱན་པས་བརྗིད་ཆགས་པས། །དབུ་སྐྲ་ཁམ་ནག་རལ་པ་མུན་ཙ་ཅོད་པན་ཅན། །དབུའི་
གཙུག་ནས་བདུད་རྩི་རྣམ་སྤྲུལ་པ། །སྨིན་མཚམས་སྣ་བྲག་ཀུན་ནས་གློག་སྟོང་འཕྲོ། །དབུའི་གཙུག་ནས་རིགས་ལྔའི་སངས་རྒྱས་བསྐྱེད་ནས་ནི། །སྙན་ནས་སྒྲ་བྱུང་འབྲུག་སྐད་ལྡིར། །སྤྱན་ནས་མེ་བྱུང་ཁམས་གསུམ་སྲེག །ཤངས་ནས་རླུང་འབྱུང་འཇིག་
རྟེན་འཐོར། །ཞལ་ནས་ཁྲག་འཛག་རྒྱ་མཚོར་འཁྱིལ། །མ་མོ་དམ་ཅན་རྣམས་ཀྱང་དམ་ལ་འདུ། །རྟ་སྐད་ཐེང་གསུམ་འཚེར་བས་སྲིད་པ་དབང་དུ་སྡུད། །རྟ་བྲོ་ཐེང་གསུམ་བརྡུངས་པས་བདུད་བཞི་ཟིལ་གྱིས་གནན། །པད་མ་རྒྱལ་པོ་རྟ་མཆོག་དཔལ། །དཀར་པོའི་
མདོག་ལ་དམར་པོའི་ཞལ། །སྐུ་མདོག་མཐིང་ཀའི་ཁྲོ་གཉེར་ཅན། །སྙན་ནི་དུང་གི་ཁོང་སེང་ཅན། །མུ་མེད་ཁམས་ནི་ཅི་མཆིས་གསན། །སྤྱན་གཉིས་ཉི་ཟླའི་ཕྲུགས་སུ་བཅས། །ཁམས་གསུམ་དག་ནི་ཅི་མཆིས་གཟིགས། །རྟོག་པ་མཚོན་གྱི་ལྕང་ལོ་ཅན། །རྔ་

104-1-130a

མ་ལྕགས་ཀྱི་གཡབ་མོས་འདེབས། །ཤངས་ནས་མེ་ཕུང་འབར་བའི་ཚུབ་མ་འཐོར། །ཞལ་ནས་མི་ཟད་ལྕགས་ཀྱི་སེར་ཆེན་འབེབས། །གཡས་པ་གསུམ་པོ་བ་དན་འཕྱར། །གཡོན་པ་སྡིགས་པའི་འཛུབ་མོ་བསྒྲེང་། །གོའུ་རི་གཤོག་པ་གསང་
བའི་ཕྱག་རྒྱ་ཡིས། །ན་བ་རྣམས་ནི་སོས་པར་བྱེད། །རྟ་སྐད་བཞད་པ་རྟ་བྲོ་བརྡུང་། །རྟ་སྐད་ཆེན་པོ་ཐང་གཅིག་གིས། །ཀླུ་རྒྱལ་རིས་དྲུག་དབང་དུ་སྡུད། །རྟ་སྐད་ཆེན་པོ་ཐང་གཅིག་གིས། །མ་ཚོགས་དབང་ཕྱུག་དབང་དུ་སྡུད། །རྟ་སྐད་ཆེན་པོ་ཐང་
གཅིག་གིས། །བགེགས་ཀྱི་ཚོགས་རྣམས་དབང་དུ་སྡུད། །རྟ་བྲོ་ལན་གསུམ་བརྡུངས་པ་ཡིས། །བདུད་བཞི་ཀུན་ཀྱང་ཟིལ་གྱིས་གནོན། །དཔག་ཚད་འོག་ན་བདུད་གནས་པ། །ཀླད་དུ་རྒྱོབ་ལ་ཐལ་བར་ལྷོགས། །ཡབ་ཅིག་རེ་བྱམས་རྟ་མཆོག་དབང་། །རྟ་
རྐུན་ཚུལ་དུ་གར་བྱེད་ཀྱིས། །གར་གྱི་རྡ་ལ་ད་ཚུར་སྤྱོན། །རྟ་རྐུན་ཚུལ་དུ་དབྱུགས་འདོར་གྱིས། །དབྱུགས་པའི་རྟ་ལ་ད་ཚུར་སྤྱོན། །རྟ་རྐུན་ཚུལ་དུ་གཡབ་འདོར་གྱིས། །གཡབ་མོ་བརྡ་ལ་ད་ཚུར་སྤྱོན། །ཧཱུྃ་གིས་རྒྱུ་དྲུག་རྩ་ནས་གཅོད། །ཕྲིན་ལས་ཞི་བར་མཛོད་
ཅིག་རྟ་མཆོག་དབང་། །སྲིད་གསུམ་འགྲན་ཟླ་མེད་པ་རྒྱལ་བའི་མཐུ། །ཆེ་ཚན་ཀུན་ལས་འཕགས་པས་པད་མ་གར་གྱི་དབང་ཕྱུག་ཆེ། །གར་མཁན་སྒྱུ་འཕྲུལ་ཀུན་ལས་ཐབས་ཀྱི་རྒྱལ་པོར་གྲགས། །བྱམས་ལྡན་གར་གྱི་དབང་གིས་ཕྲིན་ལས་མཛོད། །རྟག་ཏུ་གྲུབ་
མཆོག་རེ་ཞིང་འབོད་འགྲོགས་ན། །བྱམས་ལྡན་མགོན་པོ་བདག་ལ་ཅི་ཕྱིར་ཐུགས་མི་བརྩེ། །ལྷ་མཆོག་བདག་གིས་འབད་ཀྱང་འབྲས་བུ་མ་མཆིས་ན། །ཡེ་ཤེས་ལྷ་མཆོག་ཁྱོད་ཀྱིས་ཐུགས་རྗེར་རུང་ལགས་སམ། །དངོས་གྲུབ་རྩོལ་བར་མི་དམིགས་ཀྱང་། །
སྔོན་གྱི་ཐུགས་དམ་དབང་གིས་དངོས་གྲུབ་རྩོལ། །ཡུམ་ཆེན་ཨེ་ཀ་ཛ་ཊི་མ། །རལ་པ་གཅིག་མས་དེ་སྐད་བསྐུལ་ལོ། །ཡང་ཡབ་ཀྱིས་བསྐུལ་བ་འཁྱུད་པར་བསྟེན་པའི་རྣལ་འབྱོར་མ། །བདུད་ཀྱི་ཡུམ་ལ་གཤིན་རྗེ་ལྕམ། །འདོད་པའི་ཁམས་ཀྱི་དབང་ཕྱུག་
མ། །དཔལ་ལྡན་ཆེན་མོ་རེ་མ་ཏི། །མ་ཆེན་ཨེ་ཀ་ཛ་ཊི་མ། །གུ་ཧྱ་གསང་ཆེན་རལ་གཅིག་མ། །རེ་ཏ་ཆེན་མོ་ཙ་མུན་ཊ། །སྲིན་མོ་དཀར་མོ་ཆེན་མོའི་ཚོགས། །དཔལ་ལྡན་རྡོ་རྗེ་དམ་ཤིན་ཏི། །ནམ་མཁའི་ཁམས་ཀྱི་རྣམ་རྒྱལ་དཔལ། །ཡི་དམ་རྒྱལ་མོ་གཡུ་

104-1-130b

འཕྲོ་མ། །ལས་ལ་འཁྱིལ་ཅིང་ཆོས་ལ་བསྟན། །དབུ་རྣམས་འབྱིན་ཅིང་འདུད་པའི་ཚུལ། །གཉིས་མེད་དབྱིངས་ཀྱི་ངང་དུ་འཁྲིལ། །དེ་ནས་སྙིང་པོ་དྲན་ཙམ་གྱིས། །པད་མ་ཏ་ཀྲིད་ཧ་ཡ་གྲི་བ་ཧུ་ལུ་ཧུ་ལུ། ཨེ་ཨ་ར་ལི་ཧྲིང་ཧྲིང་ཧྲིང་། ཨེ་ཀ་ཛ་ཊི་ས་མ་ཡ་ཧཱུྃ། 
རུ་ལུ་རུ་ལུ་ཧཱུྃ་བྷྱོ་ཧཱུྃ། སྔགས་ཀྱི་ཕྱག་རྒྱ་སྦྱོར་བ་ཡིས། །དབྱིངས་གསུམ་རྣམ་པར་དག་པས་བསྒྲུབས། །དེ་ནས་སྐྱོ་ནས་བསྡུ་བ་ནི། །ཧཱུྃ་ཧཱུྃ་ཞེས་ནི་རབ་བརྗོད་དེ། །ཕྱག་རྒྱ་ཆེན་པོ་སྐུ་གཉིས་ནི། །སང་ཧ་ར་ན་ཧཱུྃ་ཞེས་རབ་ཏུ་བརྗོད། །ཡབ་ཀྱང་ཡུམ་ལ་བསྡུ། །ཡུམ་
ཡང་ཆོས་ཀྱི་དབྱིངས་སུ་བསྡུ། །བཅོམ་ལྡན་འདས་དཔལ་ཀུན་ཏུ་བཟང་པོ་དང་། དེ་ཁོ་ན་ཉིད་ཀྱི་སྐུ་དང་གསུང་ཐུགས་རྡོ་རྗེ་ལས་ཕྱུང་ངོ་། །རྟ་མགྲིན་དབང་གི་དཀྱིལ་འཁོར་ནི། །ཆ་ནི་བཅུ་གཉིས་ཚད་དུ་བྱ། །དཀྱིལ་འཁོར་དབང་གི་རང་བཞིན་དམར་པོ་ནི། །
དབུསུ་པད་མ་འདབ་བརྒྱད་བྲི་བར་བྱ། །པད་མོའི་སྙིང་པོ་ལ་བཅོམ་ལྡན་འདས་དཔལ་རྟ་མགྲིན་དབུ་གསུམ་ཕྱག་དྲུག་ལ་ཤར་གྱི་པད་མ་ལ་བཛྲ་ཧེ་རུ་ཀ །ལྷོར་རཏྣ་ཧེ་རུ་ཀ །ནུབ་དུ་པད་མ་ཧེ་རུ་ཀ །བྱང་དུ་ཀར་མ་ཧེ་རུ་ཀ །མཚམས་བཞིར་ཡུམ་བཞི། །དེའི་
ཕྱི་རིམ་དུ་གོའུ་རིམ་བརྒྱད་དང་། སིང་ཧ་མ་བརྒྱ་དང་བཅུ་དྲུག །སྒོ་བཞི་སྒོ་ཁྱུད་དང་བཅས་པའོ། །སྒོ་བཞི་རིམ་བཞིན་དང་འཐུན། དེ་ནས་བཅོམ་ལྡན་འདས་ཀུན་དུ་བཟང་པོ་དེ་ཁོ་ན་ཉིད་རབ་གསང་བའི་ཐུགས་ཀ་ནས་ཕྱུང་ངོ་། །སྐུ་དང་གསུང་དང་ཐུགས་ཀྱི་རྒྱུད། །
ཟ་བྱེད་ཆེན་མོ་ཚོགས་ཀྱི་བདག །ཡོན་ཏན་ཕྲིན་ལས་རྫོགས་མཛད་པ། །རྡོ་རྗེ་ཤུགས་ཅན་དང་། རྡོ་རྗེ་འཇིགས་སུ་རུང་བ་དང་། རྡོ་རྗེ་གྲགས་པ་དང་། རྡོ་རྗེ་སྙིང་པོ་དང་། རྡོ་རྗེ་སྒྱུ་འཕྲུལ་དང་། རྡོ་རྗེ་གསུས་པོ་ཆེ་དང་། རྡོ་རྗེ་གད་མོ་དང་། རྡོ་རྗེ་གད་རྒྱངས་ཅན་དང་། རྡོ་རྗེ་
གྲགས་ཅན་དང་། རྡོ་རྗེ་ཧ་ཧ་གད་མོ་ཅན་དང་། རྡོ་རྗེ་ཧེ་ཧེ་གྲགས་ཆེན་དང་། རྡོ་རྗེ་བགེགས་གནོན་པའི་རྒྱལ་པོ་དང་། རྡོ་རྗེ་གཤིན་རྗེ་བཤད་པ་ཅན་དང་། རྡོ་རྗེ་ལས་ཀྱི་བདག་པོ་དང་། རྡོ་རྗེ་མི་གཡོ་མགོན་པོ་དང་། རྡོ་རྗེ་བསྒྱིངས་པ་དང་། རྡོ་རྗེ་གླང་པོ་ཆེ་དང་། རྡོ་རྗེ་ཀོ་
བ་རློན་པ་དང་། རྡོ་རྗེ་སེམས་དཔའ་ཆེན་པོ་དང་། རྡོ་རྗེ་རྒྱལ་པོ་དང་། རྡོ་རྗེ་མིག་མི་ཟད་དང་། །རྡོ་རྗེ་བདེ་བ་དང་། རྡོ་རྗེ་སོའི་ཕྲེང་བ་ཅན་དང་། རྡོ་རྗེ་དང་ཆེན་དང་། རྡོ་རྗེ་ཁུ་ཚུར་དང་། རྡོ་རྗེ་ཏིང་ངེ་འཛིན་དང་། རྡོ་རྗེ་གཡབ་མོ་དང་། རྡོ་རྗེ་དགའ་བ་དང་། རྡོ་རྗེ་འདེགས་པ་དང་། 

104-1-131a

རྡོ་རྗེ་ཧཱུྃ་ཆེན་དང་། རྡོ་རྗེ་མདའ་དང་། རྡོ་རྗེ་གཞུ་གདུངས་དང་། རྡོ་རྗེ་རལ་གྲི་དང་། རྡོ་རྗེ་རྡོ་རྗེ་དང་། རྡོ་རྗེ་གཡུལ་ཟློག་དང་། རྡོ་རྗེ་འབར་བ་དང་། རྡོ་རྗེས་དང་། རྡོ་རྗེ་ཆུ་དང་། རྡོ་རྗེ་མེ་དང་། རྡོ་རྗེ་རླུང་དང་། རྡོ་རྗེ་ནམ་མཁའ་དང་། རྡོ་རྗེ་ཡང་དག་དང་། 
རྡོ་རྗེ་སྒྲ་འབར་དང་། རྡོ་རྗེ་འབེབས་པ་དང་། རྡོ་རྗེ་མིག་བརྒྱ་མ་དང་། རྡོ་རྗེ་བ་སྤུ་མ་དང་། རྡོ་རྗེ་སེན་མོ་སྐྱེས་པ་དང་། རྡོ་རྗེ་ཟངས་ཀྱི་ལྤགས་པ་ཅན་དང་། རྡོ་རྗེ་ལྕགས་ཀྱི་མཆེ་བ་ཅན་དང་། རྡོ་རྗེ་སྤུ་གྲི་སོ་ཅན་དང་། རྡོ་རྗེ་ལྤགས་པ་མཁྲེགས་པ་དང་། རྡོ་རྗེ་ཕྲེང་བ་
ཐོགས་པ་དང་། རྡོ་རྗེ་རྒྱན་པ་དང་། རྡོ་རྗེ་རྣོན་པོ་དང་། རྡོ་རྗེ་ཀི་ལ་ཡ་དང་། རྡོ་རྗེ་དཔལ་ལྡན་པ་དང་། རྡོ་རྗེ་རྣམ་པར་དག་པའི་སྙིང་པོ་དང་། རྡོ་རྗེ་ཟ་བྱེད་དང་། རྡོ་རྗེ་འཇམས་པའི་དབྱངས་དང་། རྡོ་རྗེ་ཆེན་པོ་དང་། རྡོ་རྗེ་འཇིག་རྟེན་དབང་ཕྱུག་དང་། རྡོ་རྗེ་སྨྲ་བ་དང་། རྡོ་རྗེ་
སྐྱེས་མཆོག་དང་། རྡོ་རྗེ་སེང་གེ་དང་། རྡོ་རྗེ་ཀུན་ཏུ་ལྟ་བ་དང་། རྡོ་རྗེ་མཆོག་དུ་དགའ་བ་དང་། རྡོ་རྗེ་གཟི་བརྗིད་དང་། རྡོ་རྗེ་འོད་བཟངས་དང་། རྡོ་རྗེ་གྲགས་པ་དང་། རྡོ་རྗེ་སྣང་བ་པོ་དང་། རྡོ་རྗེ་སྐུ་དང་། རྡོ་རྗེ་གསུང་དང་། རྡོ་རྗེ་ཐུགས་དང་། རྡོ་རྗེ་འོད་གསལ་བ་དང་། རྡོ་རྗེ་
སྤྲིན་རྣམ་པར་འཐོར་བ་དང་། རྡོ་རྗེ་ཆར་བ་སྟན་དང་། རྡོ་རྗེ་རྣལ་འབྱོར་ཆེན་པོ་དང་། རྡོ་རྗེ་རིན་ཆེན་ཀུན་བདག་དང་། རྡོ་རྗེ་འཆང་བ་པོ་དང་། རྡོ་རྗེ་ཉི་མ་དང་། རྡོ་རྗེ་སྣང་བ་དང་། རྡོ་རྗེ་ཟླ་བ་དང་། རྡོ་རྗེ་དྲི་མ་མེད་པ་དང་། རྡོ་རྗེ་ཆགས་པ་བྲལ་བ་དང་། རྡོ་རྗེ་སྐྱིལ་དཀྲུང་
དང་། རྡོ་རྗེ་འོད་པོ་ཆེ་དང་། རྡོ་རྗེ་པད་མ་སྐྱེས་པ་དང་། རྡོ་རྗེ་ཐམས་ཅད་ཀུན་མཁྱེན་དང་། རྡོ་རྗེ་མཛོད་འཛིན་པ་དང་། རྡོ་རྗེ་ཕ་རོལ་ཕྱིན་པ་དང་། རྡོ་རྗེ་རབ་ཏུ་ལྡན་པ་དང་། རྡོ་རྗེ་རྣམ་པར་དག་པ་དང་། རྡོ་རྗེ་འཁོར་ལོ་དང་། རྡོ་རྗེ་གཤོག་པ་ཅན་གྱི་ཚོགས་དང་། རྡོ་
རྗེ་ནུ་མ་ཅན་གྱི་ཚོགས་དང་། རྡོ་རྗེ་སྡེར་མོ་ཅན་གྱི་ཚོགས་དང་། རྡོ་རྗེ་མཆེ་བ་ཅན་གྱི་ཚོགས་དང་། རྡོ་རྗེ་བཞད་པ་དང་། རྡོ་རྗེ་ཏིང་ངེ་འཛིན་དང་། རྡོ་རྗེ་ལོངས་སྤྱོད་རྫོགས་པའི་སྐུ་དང་། རྡོ་རྗེ་སྤྲུལ་པའི་སྐུ་དང་། རྡོ་རྗེ་རྒྱུད་འཆང་བ་པོ་དང་། རྡོ་རྗེ་ཕྱོགས་བཅུར་སྤྲུལ་པ་
འགྱེད་པ་པོ་དང་། རྡོ་རྗེ་དོན་བྱེད་པ་པོ་དང་།  རྡོ་རྗེ་ལྷའི་དབང་པོ་དང་། རྡོ་རྗེ་ལྷ་མིན་བདག་པོ་དང་། རྡོ་རྗེ་འཆི་མེད་ལྷའི་དབང་པོ་དང་། རྡོ་རྗེ་འཇོམས་པར་བྱེད་པ་དང་། རྡོ་རྗེ་ཆོས་ཀྱི་སྦྱིན་བདག་དང་། རྡོ་རྗེ་བྱམས་པ་དང་། རྡོ་རྗེ་ཤེས་རབ་རྣོན་པོ་དང་། རྡོ་རྗེ་ཐོག་

104-1-131b

ཐོག་ལྕགས་ཀྱི་གསོར་ཆེན་འབེབས་པ་དང་། རྡོ་རྗེ་ཏེག་ཏེག་སྟོང་གསུམ་འགྱེད་པ་དང་། རྡོ་རྗེ་ཐིབ་ཐིབ་མྱོས་པར་བྱེད་པ་དང་། རྡོ་རྗེ་འུར་འུར་འབྲུག་སྒྲ་སྒྲོགས་པ་དང་། རྡོ་རྗེ་ཆེམ་ཆེམ་གནམ་ལྕགས་འབེབས་པ་དང་། རྡོ་རྗེ་ཡུད་ཙམ་གློག་
འབྱིན་པ་དང་། རྡོ་རྗེ་ཤིག་ཤིག་ཁམས་གསུམ་བསྒུལ་བ་དང་། རྡོ་རྗེ་ཡེ་ཤེས་འབོག་བྱེད་དང་། རྡོ་རྗེ་མི་སྲུང་སྨྱོང་བར་བྱེད་པ་དང་། རྡོ་རྗེ་ཁ་ཊྭཱྃ་རྒྱལ་བར་བྱེད་པ་དང་། རྡོ་རྗེ་དབང་ཕྱུག་སྡིགས་ཤིང་སྡང་བར་བྱེད་པ་དང་།  རྡོ་རྗེ་སྦྲུལ་གྱི་ཞགས་པ་དང་། 
རྡོ་རྗེ་གནོད་སྦྱིན་སྲོག་གཅོད་པ་དང་། རྡོ་རྗེ་ཁྲག་འཐུང་སྙིང་ཁྲག་འཐུང་བ་དང་། རྡོ་རྗེ་དཔལ་སྙིང་སྲེག་པ་དང་། རྡོ་རྗེ་མདུང་ཐུང་འབུགས་པར་བྱེད་པ་དང་། རྡོ་རྗེ་ཁྲག་ཟ་བར་བྱེད་པ་དང་། རྡོ་རྗེ་ཚིལ་ཟ་བར་བྱེད་པ་དང་། རྡོ་རྗེ་རྐང་ཟ་བར་བྱེད་པ་དང་། རྡོ་རྗེ་ཤ་
ཟ་བར་བྱེད་པ་དང་། ཡེ་ཤེས་ལས་སྤྲུལ་པའི་ཁྲོ་བོ་འདི་རྣམས་ཀྱང་འཐུང་བར་བྱེད། ཞལ་དུ་འདྲེན་པར་བྱེད། མཁའ་ལ་རློམ་པར་བྱེད། ཞལ་དུ་རྡུབ་ཅིང་ཟ་བར་བྱེད། དབང་དུ་སྡུད་ཅིང་ཚར་གཅོད་པར་བྱེད། ཐོ་བས་རྡེག་པར་བྱེད། ཕུར་བུས་འདེབས་
པར་བྱེད། རལ་གྲིས་གཅོད་པར་བྱེད། བེ་ཅོན་གྱིས་རྡུང་བར་བྱེད། འཁོར་ལོས་ལུས་གཏུབ་པར་བྱེད། དགྲ་སྟས་གཤེགས་པར་བྱེད། རྡོ་རྗེས་མགོ་མཇུག་མེད་པར་རྡེག་པར་བྱེད། རྡོ་རྗེ་རྒྱ་གྲམ་གྱིས་ཕྱེད་ཚལ་དུ་བྱེད། རྡོ་རྗེ་མདས་གཏིང་འབུགས་པར་བྱེད། 
མཚོན་སྤུ་གྲི་མ་ལས་གཤེག་ཅིང་དྲལ་བར་བྱེད་ཅིང་ལྕགས་ཀྱུས་འགུག་པར་བྱེད། ཞགས་པས་འཆིང་བར་བྱེད། ལྕགས་སྒྲོག་གིས་སྡོམ་པར་བྱེད། རྡོ་རྗེ་རྒྱ་གྲམ་ཕྱེད་ཀྱིས་དབང་དུ་བསྡུས་ནས་ལས་ཐམས་ཅད་གྲུབ་པར་བྱེད་དོ། །རྡོ་རྗེ་མཚོན་ཆའི་སྔགས་
སོ། །ༀ་བི་ཤྭ་བཛྲ་ཀྲོ་དྷ་ཛ་ལ་མཎྜ་ལ་ཕཊ་ཕཊ། ཧ་ལ་ཧ་ལ་ཧཱུྃ། བཛྲ་ཛ་མན་ཏྲ་སུྃ་བྷ་ནི། ༀ་བྲཱུྃ་ཧཱུྃ་བྲུྃ་ཏྲུྃ་བྲུྃ་ཧི་བྲུྃ་ཧ་བྲུྃ། ཧཱུྃ་ཧཱུྃ་ཧཱུྃ་ཧཱུྃ་ཧཱུྃ། ཕཊ་ཕཊ་ཕཊ་ཕཊ་ཕཊ། གྲངས་ངེས་པ་འདིར་བསྟན་ཏོ། །ལན་གྲངས་ཉི་ཤུ་རྩ་བརྒྱད་བཟླས་ཏེ། དེ་སྐད་ཅེས་རྡོ་རྗེ་
མཚོན་ཆའི་ཆར་འབེབས་སོ། །དེ་ནས་བཅོམ་ལྡན་འདས་དཔལ་ཀུན་དུ་བཟང་པོ་སྐུ་དང་གསུང་དང་ཐུགས་རྡོ་རྗེ་ལས་ཚེ་བསྒྲུབ་པ་འདི་ཕྱུང་ངོ་། །དཀྱིལ་འཁོར་འདི་དག་ཐམས་ཅད་ནི། །ཆག་ནི་དགུ་ཡི་ཚད་དུ་བྱ། །ཐིགས་གིས་ཡོངས་སུ་འཁོར་བར་གདབ། །

104-1-132a

དབུས་སུ་འཁོར་ལོ་རྩིབས་བཞི་བྲི། །འཁོར་ལོ་དག་གི་ལྟེ་བ་ལ། །བཅོམ་ལྡན་ཀུན་དུ་བཟང་པོ་བྲི། །ཤར་དུ་རྡོ་རྗེ་སེམས་དཔའ་བྲི། །ལྷོ་རུ་རིན་ཆེན་འབྱུང་ལྡན་བྲི། །ནུབ་ཏུ་སྣང་བ་མཐའ་ཡས་བྲི། །བྱང་དུ་དོན་ཡོད་གྲུབ་པ་བྲི། །ཕྱི་རིམ་རྡོ་རྗེ་ར་
བས་བསྐོར། །གྲྭ་བཞིར་དགོད་པར་བྱ་བ་ནི། །ཤར་དུ་རྡོ་རྗེ་དབྱིངས་ཕྱུག་བྲི། །ལྷོ་རུ་རིན་ཆེན་དབྱིངས་ཕྱུག་བྲི། །ནུབ་ཏུ་པད་མ་དབྱིངས་ཕྱུག་བྲི། །བྱང་དུ་ལས་ཀྱི་དབྱིངས་ཕྱུག་བྲི། །དེ་ཡི་ཕྱི་རིམ་སྣམ་བུ་ལ། །སྒོ་བཞི་སྒོ་ཁྱུད་བཅས་པར་དགོད། །སྒོ་བཞི་
ནི་དཀྱིལ་འཁོར་གཞན་དང་འཐུན། །དེ་རྣམས་ཀྱང་ཕྱག་མཚན་ཚེའི་བུམ་པ་རེ་རེ་འཛིན་ཅིང་བསྣམས་པ། གདན་པད་མ་ལ་བཞུགས་པ་ཤ་དག་གོ། དེ་ནས་ཚེ་དབུབ་པར་བྱ་བ་དང་། ཚེ་གཤིན་རྗེ་ནག་པོའི་ལག་ནས་འབྲོག་པ་དང་། ཆེ་གང་གཡབ་པ་དང་། ཆེ་
བཅིང་ཞིང་བསྡམས་པ་དང་། ཚེ་དབང་དུ་བསྡུ་བ་དང་། ཚེ་ཡོངས་སུ་སྤེལ་བ་དང་། ཚེ་རྒྱས་པར་བྱ་བ་དང་། ཚེ་རིང་ཞིང་བདུད་ཀྱིས་བར་མི་ཆོད་པར་བྱ་བ་དང་། ཚེ་སྐུ་གསུང་ཐུགས་ཀྱི་དངོས་གྲུབ་ཐོབ་པར་བྱ་བ་དང་།  ཚེ་སྐྱེ་ཤི་མེད་པའི་འབྲས་བུ་ཆོས་ལྷུན་གྱིས་གྲུབ་པའོ། །དེ་ནས་
བཅོམ་ལྡན་འདས་ཀུན་དུ་བཟང་པོས་ལྷ་མོ་ལྕགས་ཀྱུ་ཐོགས་པ་གྲངས་མེད་པ་སྤྲོས་ནས། ༀ་བྲུྃ་བཛྲ་ཨཱ་ཡུ་ཤེ་ཧཱུྃ་ཞེས་བཀའ་སྩལ་པ་དང་། བདུད་གཤིན་རྗེ་ནག་པོའི་སྙིང་དྲལ་ཏེ། ཤོག་གོག་སྐྱ་བོ་རླུང་གིས་བཏབ་པ་ཞིན། དུན་དུན་ཁྱར་ཁྱར་འོང་བ་དེ་ལ་གཤིན་རྗེའི་ཅོ་ཏོ་ནས་
བཟུང་ནས་འདྲད་ཀྱིས་བསྒྱེལ་ཏེ། རྡོ་རྗེ་སྙིང་ཀར་བཞགས་ནས་ལག་པ་ནས་ཧུར་གྱིས་ཕྲོགས་ནས། ཚེའི་གཡབ་དར་དང་། ཕྱག་རྒྱས་གཡབ་པ་དང་། རི་རབ་རྩེ་ལ་སྦས་པ། རྒྱ་མཚོའི་གཏིང་དུ་སྦས་པ། བར་སྣང་གི་ཁམས་ལ་སྦས་པ། ཕྱོགས་བཞི་མཚམས་བརྒྱད་སྟེང་འོག་བཅུ་
ནས་བཀུག་ཅིང་ཚེ་བླངས་ཏེ་ཞགས་པའི་ཚོགས་ཀྱིས་བཅིངས། ལྕགས་སྒྲོག་གི་ཚོགས་ཀྱིས་བསྡམས་ནས་དབང་དུ་བསྡུས་ཏེ། རྒྱ་ཆེར་ཡོངས་སུ་སྤེལ་བར་བྱའོ། །ༀ་བྲུྃ་བཛྲ་ཨཱ་ཡུ་ཤེ་བཛྲ་ཧཱུྃ་ཨ་ཞེས་བརྗོད་པས། བདེ་བར་གཤེགས་པ་ལྔའི་ཕྱག་རྒྱས་བསྟན་ནས་རྒྱས་པར་བྱའོ། །
ༀ་བཛྲ་དྷ་ར། རད་ན་དྷ་ར། པད་མ་དྷ་ར། ཀར་མ་དྷ་ར། ཏ་ཐཱ་ག་ཏཱ། ས་མ་ཡ་ཏི་ཡ་མ་ཡ་ཏི་ཀྲ་ས་མ་ཡ་དྷ་ར་ཀོ྅ཧྃ་ཞེས་བརྗོད་པས་བདུད་གཤིན་རྗེ་ནག་པོའི་ལག་ནས་ཚེ་འཕྲོགས་ཏེ། གཤིན་རྗེ་ཡང་བརྒྱལ་ཞིང་ངས་ནས་བསྒྲལ་ཞིང་རྡོ་རྗེ་ཁྲག་འཐུང་ཆེན་པོས་སྙིང་ཁྲག་

104-1-132b

འཐུངས་ཏེ། ཚེའི་བར་ཆོད་བྱས་ཏེ། ༀ་པུཎྱེ་པུཎྱེ། མ་ཧཱ་པུཎྱེ། ཨ་པ་ར་མི་ཏ་ཨཱ་ཡུཿཔུཎྱ། ཛྙཱ་ན་སམྦྷ་རོ་པ་ཙི་ཏེ་སྭཱ་ཧཱ། ཞེས་བཟླས་པས། སྐུ་རྡོ་རྗེ་དང་། གསུང་རྡོ་རྗེ་དང་། ཐུགས་རྡོ་རྗེའི་དངོས་གྲུབ་ཐོབ་པ་དང་། ཚེ་སྲོག་གི་སྙིང་པོ། ༀ་བྲུྃ་བཛྲ་ཨཱ་ཡུ་ཤེ་བཛྲ་ཧཱུྃ་
ཨ་ཞེས་བཟླས་པས། ཚེ་སྐྱེ་ཤི་མེད་པའི་གཡུང་དྲུང་གི་སྐུ་ཚེ་ཐོབ་བོ། །དེ་ནས་བཅོམ་ལྡན་འདས་རྡོ་རྗེ་སེམས་དཔས་ཚེའི་ལས་འདི་གསུངས་སོ། །དབང་ཕྱུག་གཙོ་དང་རིགས་ཀྱི་ཡུམ། །ཡང་དག་གསང་བའི་དཀྱིལ་འཁོར་འདིར། །བདེ་བ་ཆེན་པོས་ཡོངས་
བརྒྱན་ཏེ། །དཀྱིལ་འཁོར་རྫོགས་པར་ཕུན་སུམ་ལྡན། །རྡོ་རྗེ་སེམས་གཙོ་མཉེས་མཛད་པ། །གནས་འདིར་བརྩེ་ཕྱིར་གཤེགས་སུ་གསོལ། །ཨྃ་ཨེ་ཧྱེ་ཧི་མ་ཧཱ་ཀཱ་རུ་ཎི་ཀཱ་ཏྲི་ཤ་ཧོ། ས་མ་ཡ་སྟྃ། ཛཿཧཱུྃ་བྃ་ཧོཿ། བརྟན་པར་བཞུགས་པ། ཡེ་ཤེས་རྒྱལ་པོ་སྐུ་གསུང་
ཐུགས། །ཡོན་ཏན་ཕྲིན་ལས་རྨད་པོ་ཆེ། །དེ་ཉིད་དུ་ནི་མཉམ་སྦྱོར་བའི། །ཕྱག་རྒྱ་ཆེན་པོར་བདག་སྦྱོར་ཅིག །ༀ་བཛྲ་ས་མ་ཡ་ༀ། ཨོཾ་བཛྲ་ས་མ་ཡ་ཨྃ། ཧཱུྃ་བཛྲ་ས་མ་ཡ་ཧཱུྃ། སྭ་བཛྲ་ས་མ་ཡ་སྭ། ཧྃ་བཛྲ་ས་མ་ཡ་ཧྃ། ལས་ལ་བཞུགས་པ། ༀ་ཤར་གྱི་
ཕྱོགས་ན་བཞུགས་པ་ནི། །རྡོ་རྗེ་ལྷ་མོ་དཀར་མོ་ལྕགས་ཀྱུ་ཛ། །ཚེ་དང་ཡེ་ཤེས་འདྲེན་པའི་ལས་མཛོད་ཅིག །དཀར་མོ་ཞི་བྱེད་མགྱོགས་མ་འོད་འཕྲོ་ཅན། །ཚེ་ལ་གནོད་ཅིང་འགལ་བྱེད་ཀུན་བསྒྲལ་ནས། །ཚེ་དང་ཡེ་ཤེས་མ་ལུས་དབང་དུ་སྡུད། །བྲུྃ་བཛྲ་ཨཱ་ཡུ་བཛྲ་
ཨྃ་གུ་ཤ་ཛཿཛཿཛཿ། ལྷོ་ཕྱོགས་ནས་འགུགས་པ་ནི། །སེར་མོ་ཡིད་བཞིན་གློག་ཕྲེང་འཛིན། །ཕྱགས་ན་རིན་ཆེན་སྦྲུལ་གྱི་ཞགས་པ་བསྣམས། །ཆེ་ལ་གནོད་ཅིང་འགལ་བྱེད་ཀུན་བསྒྲལ་ནས། །ཚེ་དང་ཡེ་ཤེས་མ་ལུས་དབང་དུ་བསྡུད། །ནུབ་ཀྱི་ཕྱོགས་ནས་ཚེ་འགུགས་
མ། །དམར་མོ་བཀྲ་གསལ་དབང་བསྡུད་མ། །ཕྱག་ན་ཆུ་སྲིན་རྒྱལ་མཚན་བསྣམས། །ཚེ་ལ་གནོད་ཅིང་འགལ་བྱེད་ཀུན་བསྒྲལ་ནས། །ཚེ་དང་ཡེ་ཤེས་མ་ལུས་དབང་དུ་སྡུད། །བྱང་གི་ཕྱོགས་ནས་འགུགས་པ་ནི། །ནག་མོ་མིག་གཅིག་རལ་པ་ཅན། །དུང་གི་ཚེམས་ལ་ལྕགས་ཀྱི་
སྤུ། །ཕྱག་ན་རྡོ་རྗེ་རྒྱ་གྲམ་བསྣམས། །ཚེ་ལ་གནོད་ཅིང་འགལ་བྱེད་ཀུན་བསྒྲལ་ནས། །ཚེ་དང་ཡེ་ཤེས་མ་ལུས་དབང་དུ་སྡུད། །དེ་ནས་བཅོམ་ལྡན་འདས་ཀྱིས་དབྱིངས་ཕྱུག་མ་རྣམས་བསྐུལ་བ། དབྱིངས་ཕྱུག་མཁའ་ལྡན་པད་མའི་དབྱིངས། །ཕྱག་རྒྱ་བདེ་མཆོག་དབྱིངས་ཀྱི་ཡུམ། །

104-1-133a

ཡེ་ཤེས་སྤྲུལ་པའི་ཕྱག་རྒྱ་མ། །དབྱིངས་སུ་མཁའ་ལ་ཚེ་དང་གཟི་བརྗིད་དྲོངས། །བཛྲ་ཨྃ་གུ་ཤ་ཧཱུྃ་ཛཿསྟོང་གསུམ་དབྱིངས་ལ་ཚེ་ཡི་མངའ་བརྙེས་པ། །ཁམས་གསུམ་མ་ལུས་དབང་བསྡུད་མ། །ཞིང་ལ་རྔམ་ཞིང་བརྐམ་སྟོབས་ཅན། །སྟོང་གསུམ་
དབྱིངས་ནས་ཚེ་དང་གཟི་བརྗིད་དྲོལ། །དབྱིངས་མ་དཀར་དང་རྐུན་མོ་གཉིས་མེད་ཚོགས། །བདེ་ཆེན་རྨོངས་བྱེད་ཐལ་བྱེད་མ། །གཏུམ་མོ་དབྱིངས་སུ་སྒྲོལ་མཛད་སྙིང་འབྱིན་མ། །དཔལ་ཆེན་རྒྱལ་མོ་དགྱེས་པའི་འཁོར། །དུང་ཕྲེང་ཆེན་མོ་འཁོར་དང་བཅས། །ཚེ་ལ་
གནོད་ཅིང་འགལ་བྱེད་ཀུན་བསྒྲལ་ནས། །དབྱིངས་སུ་མཁའ་ལ་ཚེ་དང་གཟི་བརྗིད་དྲོངས། །ལོག་པ་ལྟ་བྱེད་བདུད་དཔུང་འདུལ་མཛད་མ། །འདོད་ཁམས་མ་དང་གཉིས་མེད་རོལ་པའི་སྲས། །དབང་ཕྱུག་འཕྲ་མེན་འབར་བའི་ཚོགས། །ཚེ་ལ་གནོད་ཅིང་
འགལ་བྱེད་ཀུན་བསྒྲལ་ནས། །གཤིན་རྗེ་ལག་ནས་ཚེ་དང་གཟི་བརྗིད་དྲོངས། །ཤར་གྱི་ཕྱོགས་ནས་འགུགས་པ་ནི། །ཚེ་ཡི་ལྷ་མོ་ལྕགས་ཀྱུ་མ། །ཕྱག་ན་ཤེལ་གྱི་བུམ་པ་བསྣམས། །ཚེ་ལ་གནོད་ཅིང་འགལ་བྱེད་སྒྲོལ་བར་བྱེད། །ལྷོ་ཡི་ཕྱོགས་ནས་
འགུགས་པ་ནི། །ཚེ་ཡི་ལྷ་མོ་ཞགས་པ་མ། །ཕྱག་ན་མཐིང་ཤིང་བུམ་པ་བསྣམས། །ཚེ་ལ་གནོད་ཅིང་འགལ་བྱེད་འཆིང་བར་བྱེད། །ནུབ་ཀྱི་ཕྱོགས་ནས་འགུགས་པ་ནི། །ཚེ་ཡི་ལྷ་མོ་ལྕགས་སྒྲོགས་མ། །ཕྱག་ན་ཟངས་ཀྱི་བུམ་པ་བསྣམས། །ཚེ་ལ་གནོད་
ཅིང་འགལ་བྱེད་སྡོམ་པར་བྱེད། །བྱང་གི་ཕྱོགས་ནས་འགུགས་པ་ནི། །ཚེ་ཡི་ལྷ་མོ་དྲིལ་བུ་མ། །ཕྱག་ན་གཡུ་ཡི་བུམ་པ་བསྣམས། །ཚེ་ལ་གནོད་ཅིང་འགལ་བྱེད་དབང་དུ་སྡུད། །སྟེང་གི་ཕྱོགས་ནས་འགུགས་པ་ནི། །ཚེ་ཡི་ལྷ་མོ་དབྱིངས་ཕྱུག་མ། །
ཕྱག་ན་དངུལ་གྱི་བུམ་པ་བསྣམས། །ཚེ་ལ་གནོད་ཅིང་འགལ་བྱེད་དབང་དུ་སྡུད། །འོག་གི་ཕྱོགས་ནས་འགུགས་པ་ནི། །ཚེ་ཡི་ལྷ་མོ་བསྟན་ལྡན་མ། །ཕྱག་ན་གསེར་གྱི་བུམ་པ་བསྣམས། །ཚེ་ལ་གནོད་འགལ་བྱེད་མ་ལུས་དབང་དུ་སྡུད། །ༀ་བྲུྃ་བཛྲ་ཨཱ་ཡུྰ་
ཡུད་ཏེ་རད་ན་ཡུ་ཏི། དྷརྨ་ཡུ་ཏི། ཀརྨཱ་ཡུ་ཏི། བྲུྃ་བཛྲ་ཨཱ་ཡུ་ཤེ་ཧཱུྃ་ཨ། དེ་ནས་དངོས་གྲུབ་བླང་བ་ནི། །དཔལ་ལྡན་སངས་རྒྱས་ཀུན་འཆང་བ། །རྡོ་རྗེ་མི་ཕྱེད་གསུམ་དང་ལྡན། །དིང་བདག་སངས་རྒྱས་སྐུ་འཛིན་པའི། །བྱིན་ཀྱིས་བརླབ་པའི་གནས་མཛོད་ཅིག །

104-1-133b

ༀ་སརྦ་ཏ་ཐཱ་ག་ཏ་ཀཱ་ཡ་བཛྲ་སྭ་བྷཱ་བ་ཨཱཏྨ་ཀོ྅ཧྃ། དཔལ་ལྡན་རྡོ་རྗེ་གསུང་འཆང་བ། །རྡོ་རྗེ་མི་ཕྱེད་གསུམ་དང་ལྡན། །དིང་བདག་སངས་རྒྱས་ཀུན་འཆང་བ། །བྱིན་གྱིས་བརླབ་པ་མཛད་དུ་གསོལ། །ༀ་སརྦ་ཏ་ཐཱ་ག་ཏཱ་བཱག་བཛྲ་སྭ་བྷཱ་བ་ཨཱཏྨ་ཀོ྅ཧྃ། དཔལ་ལྡན་རྡོ་རྗེ་ཐུགས་
འཆང་བ། །རྡོ་རྗེ་མི་ཕྱེད་གསུམ་དང་ལྡན། །དིང་བདག་སངས་རྒྱས་ཐུགས་འཛིན་པའི། །བྱིན་གྱིས་བརླབ་པ་མཛད་དུ་གསོལ། །ༀ་སརྦ་ཏ་ཐཱ་ག་ཏ་ཙིཏྟ་བཛྲ་སྭ་བྷཱ་བ་ཨཱཏྨ་ཀོ྅ཧྃ། དམ་ཚིག་ཉམས་པ་ཐམས་ཅད་སྐོངས་བར་གྱུར་ཅིག །ལྟ་བ་ཡོན་པོ་ཐམས་ཅད་
སྲོངས་པར་གྱུར་ཅིག །ཆོ་ག་ཉམས་པ་ཐམས་ཅད་རྫོགས་པར་གྱུར་ཅིག །ཚེ་སྐུ་གསུང་ཐུགས་ཀྱི་སྐྱེ་ཤི་མེད་པའི་དངོས་གྲུབ་ཐོབ་པར་གྱུར་ཅིག །དེ་ནས་བཅོམ་ལྡན་འདས་དཔལ་ཀུན་དུ་བཟང་པོ་དཔལ་རྡོ་རྗེ་སེམས་དཔའ་སྐུ་གསུང་ཐུགས་སྤྲུལ་པའི་ཆོ་
འཕྲུལ་གྱི་ཏིང་ངེ་འཛིན་དུ་བཞུགས་སོ། །དཀྱིལ་འཁོར་འདོམ་གང་གྲུ་བཞི་ལ། མ་ཧཱ་རག་ཏའི་མགོ་ལ་ཡན་གྱིས་བྱུགས་ལ། དབུས་སུ་བཛྲ་ཧེ་རུ་ཀ །ཡུམ་ཀ་ཏི་ཤྭ་རི། འཁོར་ལོ་རྩིབས་བཞི་ལ། ཤར་དུ་བཛྲ་ཧེ་རུ་ཀ །ལྷོར་རཏ་ན་ཧེ་རུ་ཀ །ནུབ་
ཏུ་པད་མ་ཧེ་རུ་ཀ །བྱང་དུ་ཀརྨ་ཧེ་རུ་ཀ །སྐུ་མདོག་ཕྱག་མཚན་རྒྱུད་གཞན་དང་འཐུན། དེའི་ཕྱི་རིམ་སྣམ་བུ་ཅིག་ལ་འཕྲ་མེན་མ་བཅུ་དྲུག །དེའི་ཕྱི་རིམ་སྒོ་བཞི་ལ་དཀྱིལ་འཁོར་འདོམ་གང་གྲུ་བཞི་ལ་དྲི་ཆེན་གྱིས་མཎ་ཌལ་བྱུགས་ལ་དབུས་སུ་ཡཀྵ་ཧེ་རུ་ཀ་
དབུ་དགུ་ཕྱག་བཅྭ་བརྒྱད། ཞབས་བརྒྱད་གཤོགས་པ་རྡོ་རྗེས་གཏམས་པ། དེའི་ཕྱི་རིམ་པད་མ་འདབ་མ་བརྒྱད་པ་ལ།  ཤར་དུ་བཛྲ་ཧེ་རུ་ཀ །ལྷོར་ཡག་ཀྵ་ཧེ་རུ་ཀ །ནུབ་ཏུ་བྱི་ཤ་ཧེ་རུ་ཀ །བྱང་དུ་ས་མ་ཡ་ཧེ་རུ་ཀ །མཚམས་བཞིར་ཁྲོ་མོ་དབང་ཕྱུག་མ་ཡུམ་
བཞི་བཞུགས། གདན་ཞིང་བསྣོལ་མའི་ཁྲི་ལ་བཞུགས་སོ། །དེའི་ཕྱི་རིམ་སྣམ་བུ་ལ་འཕྲ་མེན་དང་ཁྲོ་བོ་ཕ་བཅུ་མ་བཅུ་དགོད་ཅིང་བཞུགས་སོ། །སྒོ་བཞིར་ལྕགས་ཀྱུ་མ་ལ་སོགས་པ་བཞི་དགོད་དོ། །ཁྲོ་བོ་ཆེན་པོ་ནི་ལ་ཏན་ཏྲ་དབུས་སུ་བྲི། དེའི་ཕྱི་རིམ་
པད་མ་འདབ་མ་བརྒྱད་ལ་སྤྲུལ་བའི་ཁྲོ་བོ་ཤུགས་ཅན་དང་། འཇིགས་སུ་རུང་བ་དང་། རྡོ་རྗེ་གྲགས་པ་དང་། རྡོ་རྗེ་སྒྱུ་འཕྲུལ་དང་། རྡོ་རྗེ་གསུས་པོ་ཆེ་དང་། རྡོ་རྗེ་གད་མོ་དང་། གད་རྒྱངས་ཅན་དང་། འདི་རྣམས་གོ་རིམས་བཞིན་བྲི། སྒོ་བཞི་བཞན་དང་འཐུན། 

104-1-134a

དཀྱིལ་འཁོར་འདོམ་གང་གྲུ་བཞི་ལ།  རྣམ་པར་རྒྱལ་བ་དབུས་སུ་བྲི། པད་མ་འདབ་མ་བཞི་ལ། ཤར་དུ་རྡོ་རྗེ་གྲགས་ཆེན། ལྷོར་ཁྲོ་བོ་གད་མོ་ཅན། ནུབ་དུ་ཁྲོ་བོ་ཧེ་ཧེ། གྲགས་ཆེན་དང་། བྱང་དུ་རྡོ་རྗེ་བགེགས་གནོན་པའི་རྒྱལ་པོ་བྲི། དེ་ཡི་ཕྱི་རིམ་སྒོ་རྣམས་
བྲི། དཀྱིལ་འཁོར་འདོམ་གང་གྲུ་བཞི་ལ། དབུས་སུ་གཤིན་རྗེ་གཤེད་པོ་བྲི། ཕྱི་རིམ་པད་མ་འདབ་བརྒྱད་ལ། འཕྲ་མེན་མ་སིང་ཧ་ལ་སོགས་པ་བརྒྱད་བྲི། སྒོ་བཞི་དགོད། དཀྱིལ་འཁོར་འདོམ་གང་གྲུ་བཞི་ལ། ཁྲོ་བོ་མི་གཡོ་མགོན་པོ་དབུས་སུ་བྲི། 
དེའི་ཕྱི་རིམ་འཁོར་ལོ་རྩིབས་བཞི་ལ་ཁྲོ་བོ་འགྱིངས་པ་དང་། ཁྲོ་བོ་གླང་པོ་ཆེ་དང་། ཁྲོ་བོ་ཀོ་བ་རློན་པ་དང་། ཁྲོ་བོ་མིག་མི་བཟང་བ་བཞི་རིམ་པ་བཞིན་དུ་བྲིའོ། །ཕྱིའི་སྒོ་སྣམ་དགོད་དོ། །དཀྱིལ་འཁོར་འདོམ་གང་གྲུ་བཞི་ལ་དབུས་སུ་ཧ་ཡ་གྲི་བ་བྲི། 
པད་མ་འདབ་མ་བརྒྱད་པ་ལ། ཀེའུ་རིམ་བརྒྱད་བྲི། ཕྱི་རིམ་སྒོ་སྣམ་དགོད། དཀྱིལ་འཁོར་འདོམ་གང་གྲུ་བཞི་ལ་ཊ་ཀི་ར་ཛ་དབུས་སུ་དགོད།  ཕྱི་རིམ་མཎྜ་ལ་བརྒྱད་བ་ལ་ཁྲོ་བོ་བདེ་བ་དང་། སོའི་ཕྲེང་བ་དང་། དུང་ཆེན་དང་། ཁུ་ཚུར་དང་། གཡབ་མོ་དང་། 
དགའ་བ་དང་། འདེགས་པ་དང་། ཧཱུྃ་ཆེན་དང་ནི་འདི་རྣམས་བྲི། སྒོ་རྣམས་དགོད། དཀྱིལ་འཁྲོར་འདོམ་གང་གྲུ་བཞི་ལ་དབུས་སུ་བདུད་རྩི་འཁྱིལ་པ། འཁོར་ལོ་རྩིབས་བཞི་ལ། ཤར་དུ་རྡོ་རྗེ་སྤུ་ཅན་དང་། ཟངས་ཀྱི་གཤོག་པ་ཅན་དང་། ལྕགས་ཀྱི་མཆེ་བ་
ཅན་དང་། སྤུ་གྲི་སོ་ཅན་དགོད། དཀྱིལ་འཁོར་འདོམ་གང་གྲུ་བཞི་ལ། ཁམས་གསུམ་རྣམ་པར་རྒྱལ་བ་དབུས་སུ་དགོད། དེའི་ཕྱི་རིམ་པད་མ་འདབ་མ་བཞི་ལ་སྟག་གི་མགོ་ཅན་དང་། གཡག་གི་མགོ་ཅན་དང་། ཤ་བའི་མགོ་ཅན་དང་། བྱི་ལའི་མགོ་
ཅན་རྣམས་སོ། །སྒོ་བཞི་རིམས་བཞིན་དུ་དགོད་དོ། །དཀྱིལ་འཁོར་འདོམ་གང་གྲུ་བཞི་ལ་ཁྲོ་བོ་ཧཱུྃ་ཀ་ར་དབུས་སུ་དགོད་དོ། །འཁོར་ལོ་རྩིབས་བཞི་ལ་སྤྱང་ཁུའི་མགོ་ཅན་དང་། ཝའི་མགོ་ཅན་དང་། དོམ་གྱི་མགོ་ཅན་དང་། དྲེད་མགོ་ཅན་རྣམས་དགོད་དོ། །སྒོ་
བཞི་དགོད། དཀྱིལ་འཁོམ་འདོམ་གང་གྲུ་བཞི་ལ་སྟོབས་པོ་ཆེ་དབུས་སུ་དགོད། འཁོར་ལོ་རྩིབས་བཞི་ལ། ཤར་དུ་རྡོ་རྗེ་གདེངས་མོ། ལྷོར་ནི་རྡོ་རྗེ་སྡེར་མོ། ནུབ་ཏུ་དུར་ཁྲོད་བདག་མོ། བྱང་དུ་རྡོ་རྗེ་གཏུན་ཁུང་རྣམས་རིམ་བཞིན་དུ་དགོད་དོ། །དེ་ནས་

104-1-134b

བཅོམ་ལྡན་འདས་དཔལ་རྡོ་རྗེ་སེམས་དཔའ་ཁྲོ་བོ་དེ་རྣམས་ཀྱི་ལས་ཀྱི་ཏིང་ངེ་འཛིན་ལ་སྙོམས་པར་ཞུགས་སོ། །དབུས་ཀྱི་ཁྲག་འཐུང་ཆེན་པོ་ནི། །དབུ་དགུ་ཕྱག་ནི་བཅྭ་བརྒྱད་སྟེ། །གཤོག་པ་རྡོ་རྗེ་གཏམས་པ་གདེངས། །ཞབས་ཀྱང་རྣམ་པ་བརྒྱད་
དུ་བསྟན། །དེ་ཡི་འཁོར་གྱི་ཁྲོ་མོ་ནི། །ཕྱག་ཀྱང་སྲིན་མོ་ལྟར་འཐུན་ཏེ། །ཞབས་ཀྱང་དེ་དང་འདྲ་བར་བསྟན། །ཤར་གྱི་ཕྱོགས་ན་བཞུགས་པ་ནི། །ཁྲོ་བོ་རྣམ་པར་རྒྱལ་བ་སྟེ། །སྐུ་མདོག་དཀར་ལ་འོད་ཟེར་འཕྲོ། །དབུ་གསུམ་ཕྱག་དྲུག་གཤོག་པ་ཅན། །
ཞབས་དྲུག་རྡོ་རྗེ་བྲག་སྟེངས་ན། །དྲི་ཟ་བསྣོལ་བའི་ཁྲི་ལ་བཞུགས། །འཇིག་རྟེན་སྐྱོང་བ་འདུལ་ཚུལ་ལོ། །ཤར་ལྷོ་མཚམས་ན་བཞུགས་པ་ནི། །ཁྲོ་བོ་དབྱུག་པ་སྔོན་པོ་ཅན། །སྐུ་མདོག་སྔོ་ལ་འོད་ཟེར་འཕྲོ། །དབུ་གསུམ་ཕྱག་དྲུག་གཤོག་པ་ཅན། །
ཞབས་དྲུག་རྡོ་རྗེ་བྲག་སྟེངས་ན། །མེ་ལྷ་བསྣོལ་བའི་ཁྲི་ལ་བཞུགས། །འཇིག་རྟེན་སྐྱོང་བ་འདུལ་ཚུལ་ལོ། །ལྷོ་ཡི་ཕྱོགས་ན་བཞུགས་པ་ནི། །ཡ་མན་ཏ་ཀ་གཤིན་རྗེ་གཤེད། །སྐུ་མདོག་སྔོ་ལ་འོད་ཟེར་འཕྲོ། །དབུ་གསུམ་ཕྱག་དྲུག་གཤོག་པ་
ཅན། །ཞབས་དྲུག་རྡོ་རྗེ་བྲག་སྟེངས་ན། །མ་ཧེ་བསྣོལ་བའི་ཁྲི་ལ་བཞུགས། །འཇིག་རྟེན་སྐྱོང་བ་འདུལ་ཚུལ་ལོ། །ལྷོ་ནུབ་མཚམས་ན་བཞུགས་པ་ནི། །ཁྲོ་བོ་མི་གཡོ་མགོན་པོ་ནི། །སྐུ་མདོག་སྔོ་ལ་འོད་ཟེར་འཕྲོ། །དབུ་གསུམ་ཕྱག་དྲུག་
གཤོག་པ་ཅན། །ཞབས་དྲུག་རྡོ་རྗེ་བྲག་སྟེངས་ན། །བདེན་བྲལ་བསྣོལ་བའི་ཁྲི་ལ་བཞུགས། །འཇིག་རྟེན་སྐྱོང་བ་འདུལ་ཚུལ་ལོ། །ནུབ་ཀྱི་ཕྱོགས་ན་བཞུགས་པ་ནི། །ཧ་ཡ་གྲི་བ་རྟ་མཆོག་དབང་། །སྐུ་མདོག་དམར་ལ་འོད་ཟེར་འཕྲོ། །དབུ་གསུམ་
ཕྱག་དྲུག་གཤོག་པ་ཅན། །ཞབས་དྲུག་རྡོ་རྗེ་བྲག་སྟེངས་ན། །ཀླུ་བདག་བསྣོལ་བའི་ཁྲི་ལ་བཞུགས། །འཇིག་རྟེན་སྐྱོང་བ་འདུལ་ཚུལ་ལོ། །ནུབ་བྱང་མཚམས་ན་བཞུགས་པ་ནི། །ཁྲོ་བོ་ཊ་ཀི་ར་ཛ་སྟེ། །སྐུ་མདོག་དུད་ཀ་འོད་ཟེར་འཕྲོ། །དབུ་གསུམ་
ཕྱག་དྲུག་གཤོག་པ་ཅན། །ཞབས་དྲུག་རྡོ་རྗེ་བྲག་སྟེངས་ན། །རླུང་ལྷ་བསྣོལ་མའི་ཁྲི་ལ་བཞུགས། །འཇིག་རྟེན་སྐྱོང་བ་འདུལ་ཚུལ་ལོ། །བྱང་གི་ཕྱོགས་ན་བཞུགས་པ་ནི། །ཁྲོ་བོ་བདུད་རྩི་འཁྱིལ་བ་སྟེ། །སྐུ་མདོག་ལྗང་གུ་འོད་ཟེར་འཕྲོ། །

104-1-135a

དབུ་གསུམ་ཕྱག་དྲུག་གཤོག་པ་ཅན། །ཞབས་དྲུག་རྡོ་རྗེ་བྲག་སྟེངས་ན། །གནོད་སྦྱིན་བསྣོལ་བའི་ཁྲི་ལ་བཞུགས། །འཇིག་རྟེན་སྐྱོང་བ་འདུལ་ཚུལ་ལོ། །བྱང་ཤར་མཚམས་ན་བཞུགས་པ་ནི། །ཁྲོ་བོ་ཁམས་གསུམ་རྣམ་པར་རྒྱལ། །སྐུ་མདོག་
ལྗང་སྐྱ་འོད་ཟེར་འཕྲོ། །དབུ་གསུམ་ཕྱག་དྲུག་གཤོག་པ་ཅན། །ཞབས་དྲུག་རྡོ་རྗེ་བྲག་སྟེངས་ན། །བི་ན་ཡ་ཀའི་ཁྲི་ལ་བཞུགས། །འཇིག་རྟེན་སྐྱོང་བ་འདུལ་ཚུལ་ལོ། །སྟེང་གི་ཕྱོགས་ན་བཞུགས་པ་ནི། །ཁྲོ་བོ་ཧཱུྃ་མཛད་ཧཱུྃ་ཀ་ར། །སྐུ་མདོག་
དཀར་ལ་འོད་ཟེར་འཕྲོ། །དབུ་གསུམ་ཕྱག་དྲུག་གཤོག་པ་ཅན། །ཞབས་དྲུག་རྡོ་རྗེ་བྲག་སྟེངས་ན། །ཉི་ཟླ་གཟའ་སྐར་ཁྲི་ལ་བཞུགས། །འཇིག་རྟེན་སྐྱོང་བ་འདུལ་ཚུལ་ལོ། །འོག་གི་ཕྱོགས་ན་བཞུགས་པ་ནི། །མ་ཧཱ་བ་ལ་སྟོབས་པོ་ཆེ། །སྐུ་མདོག་
གནག་ལ་འོད་ཟེར་འཕྲོ། །དབུ་གསུམ་ཕྱག་དྲུག་གཤོག་པ་ཅན། །ཞབས་དྲུག་རྡོ་རྗེ་བྲག་སྟེངས་ན། །ས་བདག་བསྣོལ་མའི་ཁྲི་ལ་བཞུགས། །འཇིག་རྟེན་སྐྱོང་བ་འདུལ་ཚུལ་ལོ། །དེ་ནས་བཅོམ་ལྡན་འདས་ཀྱི་ཁྲོ་བོ་ཡ་མཱན་ཏ་ཀའི་ཏིང་ངེ་འཛིན་དུ་བཞུགས་
ནས་འདི་སྐད་ཅེས་བསྐུལ་ལོ། །བདུད་རུ་ཏྲ་ནག་པོ་འདུལ་བར་མཛད་དོ། །ཧཱུྃ་གཏུམ་ཆེན་རབ་འབྱམ་འཇིག་རྟེན་འཇོམས་མཛད་ལ། །ཉི་མ་འབུམ་པས་ལྷག་པའི་འོད་ལྡན་ཁྱོད། །ཕྱག་ཆ་མང་པོ་བསྐལ་པའི་མེ་བཞིན་འབར། །རབ་འབར་གཤིན་རྗེ་གཤེད་ལ་
ཕྱག་འཚལ་ལོ། །རྡོ་རྗེ་སྐུ་ལ་ཀླུ་དབང་རབ་བརྒྱན་ཅིང་། །གཅན་ཟན་གདུག་པའི་ལྤགས་རློན་སྐུ་ལ་བརྒྱན། །བརྐྱང་བསྐུམ་ཚུལ་གྱིས་རབ་འཇིགས་གཤིན་རྗེ་གནོན། །ཞིང་ཆེན་ཁྲག་འཛག་ཐོད་རློན་སྐུ་ལ་བརྒྱན། །མི་ཟད་རྒྱལ་པོ་གདོང་དྲུག་ཧཱུྃ་སྒྲ་ཅན། །ཕཊ་ཀྱིས་
ཁམས་གསུམ་སྔགས་མཛད་ཞབས་དྲུག་པོ། །ཤ་ཟའི་མགོ་གཅོད་དབུ་ཡི་རྒྱན་དུ་ཐོགས། །སྤྱན་བཟློག་ཙམ་གྱིས་ཐོག་འབེབས་མེ་ལྟར་འཕྲོ། །ལྗགས་འདྲིལ་ཚེམས་ཀྱི་གསེབ་ནས་ཐོག་འབེབས་ཤིང་། །མ་མོ་རྣམས་ཀྱང་སྒྲེན་མོར་འདར་ཞིང་འབྲོས། །
སྟོང་གསུམ་མིད་པར་མཛད་པའི་ཞལ་གདངས་ལ། །ཚངས་པའི་འཁོར་བཅས་ཁྲག་གི་ཐིགས་འཛག་ཅིང་། །ནད་སྟོང་སྲིན་མོའི་ཚོགས་རྣམས་འདར་ཞིང་འབྲོས། །རྐན་སྒྲ་གཏོགས་པ་ལྷ་ཆེན་ཁྱབ་འཇུག་ཀྱང་། །འབུབ་འགྱེལ་བཅས་པར་ཁྲག་སྐྱུག་ཉིད་ལ་འདུད། །

104-1-135b

ཕྱག་ན་མི་ཐོད་རློན་པ་བསྣམས་པ་ནི། །དངོས་གྲུབ་ཕྱག་གིས་གླད་ཁྲག་ཞལ་དུ་སྟོབ། །ཚངས་པའི་མགོ་གཅད་དབུ་ཡི་རྒྱན་དུ་བྱས། །ཞིང་ཆེན་མགོ་ནས་ཆེམ་ཆེམ་ཟ་བར་བྱེད། །རྒྱུ་ཕྲེང་ཁྲག་དང་བཅས་པར་ཐོགས་ནས་ནི། །ཁྱོད་མཐོང་ཙམ་གྱིས་རབ་འཇིགས་
ཉིད་ལ་འདུད། །དེ་ནས་བཅོམ་ལྡན་འདས་ཀྱིས་དེ་སྐད་ཅེས་བཀའ་སྩལ་པ་དང་། སྤྲུལ་པའི་ཁྱེའུ་བཟངས་དབུ་གསུམ་ཕྱག་དྲུག་པ་བརྒྱ་རྩ་བརྒྱད་བྱུང་ནས་བཅོམ་ལྡན་འདས་ལ་འཛུམ་པའི་མདངས་ཀྱིས་མེ་ཏོག་གཏོར་བཀའ་ནོད་པའི་ཚུལ་དུ་གོང་དེ་བཞུགས་
པ་དེ་ལ། བཅོམ་ལྡན་འདས་རྡོ་རྗེ་སེམས་དཔས་འདི་སྐད་ཅེས་བཀའ་སྩལ་ཏོ། །དགུང་ལ་ཐོག་ཐོག་མི་བཟད་པ། །ཁྱིའུ་ཆུང་སྔོན་མོ་མཁའ་ལ་ལྡིང་། །ཡ་མཱན་ཏ་ཀ་ཁྲོ་བོ་སྟེ། །སྐུ་ཡང་ཚེ་ལ་བམ་ལྡ་རི་བཟང་། །སྐུ་མདོག་སྟངས་ཟིལ་བཅག་
པ་འདྲ། །ཕྱག་གཉིས་དང་པོ་ཁ་ཊྭཱྃ་ག །བར་ན་རྡོ་རྗེ་དྲིལ་བུ་བསྣམས། །ཐ་མ་མདའ་དང་གཞུ་བསྣམས་ཏེ། །འཁོར་ནི་འཕྲ་མེན་བརྒྱད་ཀྱིས་བསྐོར། །ང་ཉིད་ཡིན་ཏེ་སྐལ་པ་བཟང་། །སྐལ་བཟང་ང་ཡི་དམ་ཚིག་གིས། །དོག་ལ་ཆེམ་ཆེམ་མི་བཟད་པ། །
བསྒྲགས་པ་རལ་པ་གཅིག་མ་ཡིན། །དམ་ཚིག་དུས་ལས་མ་འདའ་ཞིག་ཅེས་སྒོའོ། །ཅི་བཀའ་སྩལ་པ་བཞིན་དུ། །ལས་ཐམས་ཅད་ཀྱང་གྲུབ་པར་མཛད་དོ། །དེ་ནས་བཅོམ་ལྡན་འདས་དཔལ་ཀུན་དུ་བཟང་པོས་མ་དང་འཕྲ་མེན་མའི་ཏིང་ངེ་འཛིན་དུ་
ཞུགས་ནས་འདི་སྐད་ཅེས་བཀའ་སྩལ་ཏོ། །ལས་བཅོལ་བར་མཛད་དོ། །ཀྲོ་དྷི་ཤྭ་རི་དཔལ་འབར་མ། །ཁམས་གསུམ་སྲིད་ལ་མངའ་མཛད་མ། །ལས་སུ་གསོད་ལ་དགའ་བ་མོ། །ཤན་པ་སྤུ་གྲི་རྣོན་པོ་སོ། །རོ་ལ་རྔམ་པའི་ཁ་ཊྭཱྃ་ག །འབྱུང་པོ་ཙིཏྟ་མཆོག་ལ་
རོལ། །མཐིང་ག་མཆོག་སྟོན་དཔལ་གྱི་ཡུམ། །རྡོ་རྗེ་ཐུགས་ཀྱི་དབང་ཕྱུག་མ། །ཀིའུ་རི་མ་ཡི་མཆོད་པས་རོལ། །གསེར་གྱིས་འོད་འཕྲོ་མདའ་གཞུ་འགེངས། །རིན་ཆེན་སྐུ་ཡི་དབང་ཕྱུག་མ། །ཙེའུ་རི་མ་ཡི་མཆོད་པས་རོལ། །ཕྲ་མོ་ཆུ་སྲིན་རྒྱལ་མཚན་
འཛིན། །པད་མའི་གསུང་གི་དབང་ཕྱུག་མ། །པྲ་མོ་ཧ་ཡི་མཆོད་པས་རོལ། །ནག་མོ་རལ་པ་ཐོད་པས་འགེངས། །ཀརྨ་ལས་ཀྱི་དབང་ཕྱུག་མ། །པོ་ཏ་ལི་ཡི་མཆོད་པས་རོལ། །གཏུམ་མོ་ཞེ་སྡང་སྤུ་གྲི་སོ། །ཞེ་སྡང་འཇོམས་པའི་དབང་ཕྱུག་མ། །གྷསྨ་

104-1-136a

རི་ཡི་མཆོད་པས་རོལ། །པད་མ་འཇོམས་པའི་ཆར་ཆེན་འབེབས། །འདོད་ཆགས་འཇོམས་པའི་དབང་ཕྱུག་མ། །པུཀྐ་སི་ཡི་མཆོད་པས་རོལ། །རིན་ཆེན་མེ་ལྕེ་གློག་ཕྲེང་འཛིན། །གཏི་མུག་འཇོམས་པའི་དབང་ཕྱུག་མ། །སྨ་ཤ་ན་ཡི་མཆོད་པས་རོལ། །
ལས་སུ་དགྲ་སྟ་འབར་བ་འཛིན། །ང་རྒྱལ་འཇོམས་པའི་དབང་ཕྱུག་མ། །ཙན་དྷ་ལི་ཡི་མཆོད་པས་རོལ། །སིད་ད་གསོད་བྱེད་སེང་གེ་མགོ། རོ་མཆོག་ཟ་བའི་འཕྲ་མེན་མ། །བྱཱ་གྷྲི་མགོ་གཅོད་སྟག་གི་མགོ། ཐོད་རློན་ཟ་བའི་འཕྲ་མེན་མ། །སྲི་ཀ་དུར་
རྐུན་ཝ་ཡི་མགོ། དུར་སྲི་མ་ཡི་འཕྲ་མེན་མ། །ཤྭ་ན་ཤ་འདྲད་སྤྱང་མོ་མགོ། ཤ་ཆེན་ཟ་བའི་འཕྲ་མེན་མ། །གྲྀཊྷ་ཁྲག་འཐུང་བྱ་རྒོད་མགོ། ཁྲག་ཚིལ་ཟ་བའི་འཕྲ་མེན་མ། །ཀང་ཀ་མུ་ཀ་དུར་བྱའི་མགོ། དུག་གསུམ་འཇོམས་པའི་ཕྲ་མེན་མ། །ཁྭ་ཁ་རྒྱུ་འདྲེན་ཕོ་རོག་མགོ། དགྲ་
བགེགས་འདུལ་བའི་འཕྲ་མེན་མ། །ཧུ་ལུ་ཚེ་འཕྲོག་འུག་པའི་མགོ། གློ་སྙིང་ཟ་བའི་འཕྲ་མེན་མ། །སྟག་གཡག་ཤ་བ་སེང་གེའི་མགོ། བྱི་ལ་སྦྱང་ཁུ་ཝ་ཡི་མགོ། དོམ་དྲེད་ཕག་གི་མགོ་ཅན་རྣམས། །ཐུགས་དམ་བཞིན་དུ་ལས་བྱོས་ཤིག །དེ་སྐད་ཅེས་
བཀའ་སྩལ་པ་དང་། ཆགས་པ་མེད་པའི་སྦྱོར་བས་སྐུ་ལ་འཁྲིལ་ཅིང་། །ལས་མཐར་ཕྱིན་པར་མཛད་དོ། །དེ་ནས་བཅོམ་ལྡན་འདས་ཀྱིས་སྒོ་བ་རྣམས་ལ་བཀའ་སྩལ་པ། ཛཿཛཿལྕགས་ཀྱུ་གློ་སྙིང་འདྲེན། །ཨ་མོ་སྔོན་མོ་ཐོད་སྤྲུལ་ཞགས། །ཨ་ལི་
དམར་མོ་ལྕགས་སྒྲོག་སྡོམ། །བས་ནི་ལྗང་གུ་དྲིལ་འཁྲོལ་དགྱེས། །བཀའ་སྩལ་པ་བཞིན་དུ་ཉན་པར་མཛད་དོ། །བཅོམ་ལྡན་འདས་དཔལ་ཀུན་ཏུ་བཟང་པོ་རྡོ་རྗེ་སེམས་དཔའ་ཧེ་རུ་ཀ་རོལ་པ་ལས་ཡེ་ཤེས་ཀྱི་ཁྲོ་བོ་དཀྱིལ་འཁོར་གྱི་ལེའུ་སྟེ་གཉིས་པའོ།། །།
དེ་ནས་བཅོམ་ལྡན་འདས་དཔལ་ལྷ་མོ་སྦྱོར་བའི་ཏིང་ངེ་འཛིན་ལ་སྙོམས་པར་ཞུགས་ཏེ་སྐུ་དང་གསུང་དང་ཐུགས་རྡོ་རྗེ་ལས་ཕྱུང་ངོ་། །རྣལ་འབྱོར་མའི་དཀྱིལ་འཁོར་འདི་ཕྱུང་ངོ་། །གྲུ་བཞི་པ་ལ་སྒོ་བཞི་པ། །རྟ་བབས་རྣམ་པ་བཞིས་ནི་བརྒྱན། །དར་
དང་དྲིལ་བུ་ཆུན་པོ་དང་། །ཉི་མ་ཟླ་བས་རྣམ་པར་བརྒྱན། །རིན་ཆེན་མུ་ཏིག་འབྲས་བུས་སྤྲས། །དོ་ཤལ་རྐང་གདུབ་རྣམས་ཀྱིས་བརྒྱན། །སྣ་ཚོགས་གཟུགས་ནི་རྣམ་བྲེས་པ། །སྣ་ཚོགས་ཕྲེང་བ་གོས་ཀྱིས་བརྒྱན། །སྲས་བུ་བཞི་དང་ལྡན་པ་སྟེ། །ཀ་བ་

104-1-136b

མཆོག་བརྒྱད་ཡང་དག་ལྡན། །དབུས་སུ་དགའ་བྱེད་སྟན་ལ་ནི། །དངུལ་ལ་སོགས་པས་རྣམ་པར་བརྒྱན། །སྣ་ཚོགས་པད་མའི་དར་གྱིས་གཡོགས། །ཐམས་ཅད་སྟན་ལ་དེ་དག་ཅེས། །དབུས་སུ་རྡོ་རྗེ་སེམས་དཔའ་ནི། །སྟན་དེ་ལ་ནི་བཞག་
པར་བྱ། །ཚད་མེད་པད་མོ་དམར་འདྲ་བ། །སྣ་ཚོགས་རྒྱན་གྱིས་རྣམ་པར་ཀླུབས། །ཡིད་བཞིན་ནོར་བུ་དབུ་རྒྱན་ལྡན། །རིན་ཆེན་གཙུག་ནི་རྣམ་པར་མཛེས། །ཚད་མེད་དང་ནི་སྦྱང་བ་ཡི། །དབུ་ལ་ཆུན་པོས་མཛེས་པར་བྱས། །སྣ་ཚོགས་ཡེ་
ཤེས་རབ་ཏུ་གནས། །ཆུ་སྐྱེས་སྤྱན་ནི་རབ་ཏུ་རྒྱས།  དགའ་བྱེད་ཡིད་ཙམ་གཡོན་དུ་འདུད། །གཡས་ཀྱི་ཕྱག་གིས་རྡོ་རྗེ་ཆེ། །སྙིང་ཀར་གསོར་ལ་རབ་ཏུ་བརྩོན། །བདེ་ལ་སོགས་པ་ཡོན་ཏན་ལྡན། །ཐོག་མ་ཉིད་དུ་རྣམ་པར་བཞག །སློབ་མ་འམ་ཡང་
ན་གཞན་ཡང་རུང་། །མཚན་ཀུན་གྱིས་ནི་རྣམ་བརྒྱན་ལ། །ཚུལ་བཞིན་བྱིན་གྱིས་བརླབས་བྱ་སྟེ། །དབུས་ཀྱི་དཀྱིལ་དུ་བཞག་པར་བྱ། །བདག་ཉིད་ཀྱང་ནི་མཉམ་བཞག་སྟེ། །དེ་ལ་སོགས་པ་ཡོན་ཏན་གཙོ། །དབུས་གྱི་སྟན་ལ་འདུག་པ་ནི། །བདག་ནི་རབ་དགྱེས་
རྗེས་སུ་སྨྲ། །དེར་ནི་སློབ་མ་བྱིན་བརླབས་ཏེ། །ཐམས་ཅད་ལས་བྱེད་ཕུན་སུམ་ཚོགས། །རྡོ་རྗེ་པད་མ་ལས་བྱུང་བའི། །གསང་བ་ཡིས་ཀྱང་དབང་བསྐུར་རོ། །རབ་དགྱེས་ལ་སོགས་ཡོན་ཏན་ལྡན། །ཡིད་འོང་བུ་མོ་བཙལ་བྱ་སྟེ། །སྙིང་ག་མཚོགས་
མ་མགྲིན་སྤྱི་བོར། །ལྷ་རྣམས་ལ་སོགས་འབྲུ་བསྒོམས་ཏེ། །མཚན་མ་ཕྱག་རྒྱར་རབ་འབར་བའི། །རྡོ་རྗེ་པད་མ་མཉམ་སྦྱོར་བའི། །རང་ལ་འཁྱུད་པའི་ཕྱག་རྒྱ་ཡིས། །ཚུལ་བཞིན་ཐམས་ཅད་བཞག་པར་བྱ། །མདུན་དུ་ལྷ་མོ་མྱོས་བྱེད་མ། །
མ་མཆུ་འཛིན་པའི་རོ་ལ་དགྱེས། །དཀར་དམར་ཁ་དོག་འདྲེས་པ་ཡིས། །ཐམས་ཅད་རྒྱན་དང་ཡང་དག་ལྡན། །ལོ་ནི་བཅུ་དྲུག་ལོན་པ་མཆོག །ཤེས་རབ་ཅན་གྱིས་མདུན་དུ་བཞགས། །གཡས་སུ་ལྷ་མོ་གསོད་བྱེད་མ། །མཚོན་ཆའི་མདའ་ནི་འདྲེན་
པར་བརྩོན། །དོ་ཤལ་རྐང་གདུབ་དག་གིས་བརྒྱན། །ལོ་གྲངས་ཉི་ཤུ་ལོན་པ་སྟེ། །གསེར་གྱི་རི་བོ་ཞུ་བ་འདྲ། །ཆུ་སྐྱེས་སྤྱན་ནི་ཡིད་ཙམ་སྔོ། །སེམས་དཔའ་ཆེ་ལ་མཉེས་མཛད་ཅིང་། །དེ་ཡི་ཚུལ་བཞིན་བཞག་པར་བྱ། །རྒྱབ་ཏུ་ལྷ་མོ་རྨོངས་

104-1-137a

བྱེད་མ། །པད་མ་དམར་པོ་མདོག་གི་འོད། །ཆུ་སྲིན་རྒྱལ་མཚན་མཛེས་པའོ། །སྐུ་ཡི་ཚད་ནི་ཉི་ཤུ་གཅིག །དགའ་བྱེད་འདོད་པའི་རོ་ལ་དགྱེས། །སྣ་ཚོགས་ན་བཟའ་ཡང་དག་གསོལ། །སྣ་ཚོགས་རྒྱན་གྱིས་རྣམ་པར་གླུབས། །སྣ་ཚོགས་
པད་མོ་སྦྱོར་ལ་སོགས། །གར་གྱི་བྱ་བ་རབ་རླག་བཞག །གཡོན་དུ་སྣ་ཚོགས་ཆེན་མོ་སྟེ། །སྣ་ཚོགས་དགོས་པ་རྗེས་བརླབས་པ། །སྐུ་ཡི་ཚད་ནི་བཅུ་གཉིས་ལྡན། །རྣལ་འབྱོར་ལ་ནི་ཤིན་དུ་བརྩོན། །ལྷ་དང་ལྷ་མིན་མི་ཡི་རྣམས། །འགྲོ་བ་
ཐམས་ཅད་མྱོས་མཛད་མ། །སྣ་ཚོགས་རྒྱན་གྱིས་རྣམ་པར་ཀླུབས། །སྣ་ཚོགས་དར་ནི་ན་བཟའ་གསོལ། །གྲྭ་རྣམས་དག་ནི་ཐམས་ཅད་དུ། །གཟུགས་སྒྲ་དྲི་རོ་རེག་རྣམས་དང་། །བདུག་པ་མེ་ཏོག་བསུང་ལྡང་བ། །གཟི་བརྗིད་ཆེན་པོའི་འོད་དང་ལྡན། །
ཅི་རིགས་པར་ནི་བཞག་པར་བྱ། །སྒོ་ཡི་ཕྱོགས་རྣམས་ཐམས་ཅད་དུ། །རང་གི་ལས་ཀྱི་ཕྱག་རྒྱར་ལྡན། །སྐལ་ལྡན་འགའ་ལ་རྣམས་མོས་པ། །སྒོ་སྲུངས་བཞི་ནི་བཞག་པར་བྱ། །གཞན་ཡང་རྣམ་པ་སྣ་ཚོགས་རྣམས། །པི་ཝང་གླིང་བུ་བརྡབ་པ་དང་། །
རྫ་རྔ་རྔ་ཆེན་ཀུ་མུ་ཏེ། །མུ་ར་ཙ་དང་དར་རྔ་དང་། །གར་དང་དབྱངས་དང་བཞད་པ་ཆེ། །རོལ་མོ་ཡོ་བྱད་སྣ་ཚོགས་རྣམས། །དགའ་བྱེད་དཀྱིལ་འཁོར་བཞག་པར་བྱ། །ཕྱི་ཡི་དཀྱིལ་འཁོར་བཞག་པར་བྱ། །ཕྱི་ཡི་དཀྱིལ་འཁོར་ཐམས་ཅད་དོ། །དཀྱིལ་འཁོར་གྱི་ནི་ཕྱི་
རོལ་དུ། །རྡོ་རྗེ་ནམ་མཁར་འགྲོ་མ་བཞག །ཡི་དགས་ཕྱག་རྒྱ་ཡང་དག་ཞོན། །དཔའ་བོ་འཇིགས་བྱེད་གཟུགས་འཛིན་ཏེ། །སྐལ་ལྡན་རང་གི་ལག་ཆར་ལྡན། །གདུག་པའི་སེམས་ཀྱིས་བསྡིགས་བྱེད་ཅིང་། །ཤ་ཁྲག་དང་ནི་རྒྱུ་མ་དང་། །རྐང་དང་ཚིལ་བུ་ཟ་སྤྱོད་པ། །
དཀྱིལ་འཁོར་བྱས་ཏེ་བདུག་པ་ནི། །ཚོགས་ཀྱི་དཀྱིལ་འཁོར་བཞག་པར་བྱ། །དགའ་བར་བྱེད་དང་འདྲེན་པར་བྱེད། །གསོད་པར་བྱེད་དང་འཕྲོག་པར་བྱེད། །རྡོ་རྗེ་མཁའ་འགྲོ་ཚོགས་ཀྱི་རྣམས། །ཤར་གྱི་ཕྱོགས་སུ་བཞག་པར་བྱ། །གཟི་བརྗིད་ཆེ་དང་འབར་
བྱེད་མ། །འཇོམས་བྱེད་བོང་བུ་ལྷོ་རུ་སྟེ། །གཙུག་ལག་མཐོང་བའི་རྒྱུ་ཡིས་ནི། །མཁས་པས་ཚུལ་བཞིན་བཞག་པར་བྱ། །ཆགས་ཆེན་པོ་དང་ཆགས་བྲལ་དང་། །འཁོར་ལོ་མ་དང་རྒྱས་འདེབས་མ། །རབ་དུ་འབྱོར་པས་འབྱོར་བྱས་ཏེ། །ཅི་རིགས་ནུབ་ཏུ་

104-1-137b

གཞག་པར་བྱ། །སྣ་ཚོགས་ལུས་དང་སྲུང་བ་དང་། །གནོད་སྦྱིན་མོ་དང་ཡང་དག་འཕྲོག །སྔགས་དང་ཕྱག་རྒྱ་བྱིན་བརླབས་ནས། །སྔགས་མཁན་ཅི་རིགས་བྱང་དུ་བཞག །ཤར་གྱི་གྲྭ་རུ་བཞག་པ་ནི། །བྱ་རོག་གདོང་ནི་མིག་འབྲུ་སྟེ། །འཇིགས་
པའི་མིག་དང་འཇིག་པའི་གདོང་། །ཅི་ལྟར་རྗེས་སུ་འཐུན་བྱས་ཏེ། །ཡིད་དགས་སྟན་ལ་ཡང་དག་འདུག །སྣ་ཚོགས་མཆོག་གི་གདོང་འཛིན་ཏེ། །ལག་པར་གྲི་དང་ཁར་གཞོང་ཐོགས། །མཆོག་ཏུ་ཤ་དང་ཁྲག་ཟ་བའོ། །ནུབ་དང་ལྷོ་ཡི་མཚམས་
བཞག་པ། །བཞད་དང་འུག་པའི་གདོང་རིང་མ། །ཁྲོས་པའི་ཁྲ་དང་ཕག་གི་གདོང་། །གསུས་པ་ཆེ་ལ་ལྟོ་འཕྱངས་རྣམས། །ནུབ་དང་བྱང་གི་མཚམས་དག་ཏུ། །རྔ་མོ་བོང་བུ་གདོང་འཛིན་མ། །ཁྲོས་པ་ར་དང་ཁྱི་ཡི་གདོང་། །རྒྱུ་མའི་མགོ་ནས་ཤ་བར་
བྱེད། །ཤར་དང་བྱང་གི་མཚམས་དག་ཏུ། །ཀེང་རུས་དཀར་པོ་འཛིན་པ་སྟེ། །ཁྲོས་པ་རུས་པའི་ཕྲེང་བས་ཀླུབས། །ལྟོ་འཕྱངས་པོ་ལ་བུམ་པ་འཛིན། །ཕན་ཚུན་འཐབ་པར་བརྩོན་པ་ཡི། །ལྕེ་སྤྱང་གི་ནི་འཁོར་གྱི་རྣམས། །འཇིགས་བྱེད་གདོང་
ནི་མཆེ་བ་འཛིན། །རྣམ་པར་བསྒྱུར་བའི་གཟུགས་འཛིན་མ། །སྒོ་རྣམས་ཀྱི་ནི་ཕྱོགས་རྣམས་ཀུན། །སྒོ་བཞི་རྣམས་ནི་བཞག་པར་བྱ། །བྱང་གི་ཕྱོགས་སུ་འབོད་འགྲོགས་ཏེ། །བུམ་པ་རྣམས་ནི་ཤར་ཉིད་དུ། །ནུབ་ཏུ་རྣམ་པར་འཇིགས་
པ་འོ། །ལྷོ་རུ་གཤིན་རྗེ་རྒྱལ་པོ་བཞག །དེ་དང་གཞན་ཡང་རྒྱལ་པོ་མཆོག །ནམ་མཁར་འགྲོ་བས་ཀུན་དུ་བསྐོར། །དེ་ནས་བཅོམ་ལྡན་འདས་དཔལ་ཀུན་དུ་བཟང་པོ་རྡོ་རྗེ་སེམས་དཔའ་ཡུམ་གྱི་ཏིང་ངེ་འཛིན་ལ་སྙོམས་པར་ཞུགས་སོ། །དགྱེས་ཤིང་
སྤྱན་ནི་རྒྱས་པ་ཡིས། །བཞེངས་ནས་དགྱེས་པ་ཆེན་པོ་ཡི། །བརྗིད་པའི་ཕྱག་གིས་གར་མཛད་ཅིང་། །ཐལ་མོ་སྦྱོར་ནས་གཙུག་ཉིད་དུ། །བཞག་པ་ཡིས་ནི་འདུད་པར་བྱེད། །བསྐུལ་བ་ཡིས་ནི་དབྱངས་འདི་ཡིས། །དེ་དག་གཙོ་ལ་མཉེས་
པར་བྱེད། །ཀྱེ་མ་ཆོས་ནི་ངོ་མཚར་ཆེ། །ཀྱེ་མ་སྤྱོད་པ་ངོ་མཚར་ཆེ། །ཀྱེ་མ་སྦས་པ་ངོ་མཚར་ཆེ། །ཀྱེ་མ་བདེ་བྱེད་ཡང་དག་འབྱུང་། །ཀྱེ་མ་ཀུན་ཏུ་བཟང་པོ་དོན། །ཀྱེ་མ་རབ་དགྱེས་ཡང་དག་འགྲོགས། །ཀྱེ་མ་བདེ་བ་དགའ་བ་ཆེ། །

104-1-138a

ཀྱེ་མ་བདེ་བ་བདེ་མཆོག་སྟེ། །ཀྱེ་མ་སྔགས་ཀྱི་ཡང་དག་སྦྱོར། །ཀྱེ་མ་སྙིང་པོ་ཡང་དག་སྦྱོར། །ཀྱེ་མ་ཕྱག་རྒྱ་ཡང་དག་བཞུགས། །ཀྱེ་མ་བསྒྲུབ་པ་རྨད་འབྱུང་བའོ། །ཀྱེ་མ་ཕ་རོལ་ཕྱིན་པ་ཡིས། །ཀྱེ་མ་ཅི་ལྟར་མཐུར་རིགས་པ། །ཀྱེ་
མ་དགོས་པ་སྣ་ཚོགས་ཆེ། །ཀྱེ་མ་དག་པ་གསུམ་སྦྱར་བ། །ཀྱེ་མ་རྡོ་རྗེ་མཉམ་སྦྱོར་བའི། །ཀྱེ་མ་པད་མ་རྣམ་ཕྱེ་བ། །ཀྱེ་མ་དབང་པོ་གཉིས་སྦྱོར་བའི། །ཀྱེ་མ་མཆོག་དང་མཉམ་སྦྱོར་བའི། །ཀྱེ་མ་གར་ནི་དགའ་བ་ཆེ། །ཀྱེ་མ་གླུ་རབ་དྲི་མ་མེད། །ཀྱེ་མ་
སིལ་སྙན་རྣམ་པར་འཁྲོལ། །ཀྱེ་མ་གདའ་དང་མུན་སེལ་བ། །ཀྱེ་མ་དགའ་བྱེད་མེ་ཏོག་ཕྲེང་། །ཀྱེ་མ་མར་མེ་མུན་པ་སེལ། །ཀྱེ་མ་དྲི་ནི་ཤིན་དུ་བསིལ། །ཀྱེ་མ་རྣལ་འབྱོར་མཉམ་སྦྱོར་བའི། །ཀྱེ་མ་རྒྱུ་མ་ནམ་མཁའ་འདྲ། །ཀྱེ་མ་སངས་རྒྱས་
ནམ་མཁའ་འདྲ། །ཀྱེ་མ་རིན་ཆེན་བདེ་མཆོག་སྐྱེད། །ཀྱེ་མ་སྣ་ཚོགས་རྒྱུ་མ་མཛད། །ཀྱེ་མ་ངོ་མཚར་སངས་རྒྱས་དང་། །ཀྱེ་མ་ངོ་མཚར་དབང་པོ་རྣམས། །ཀྱེ་མ་ངོ་མཚར་སེམས་དཔའ་ཆེ། །ཀྱེ་མ་ངོ་མཚར་ལྷ་ཡི་རྣམས། །ཤིན་དུ་དགྱེས་ཆེ་རྡོ་རྗེ་ལ། །
རྒྱལ་བ་ཀུན་གྱིས་བསྟོད་བྱས་ཏེ། །རྡོ་རྗེ་སེམས་དཔའ་འགྱིང་པ་ཡིས། །དགའ་དང་བདེ་བྱེད་སྐྱེས་པར་འགྱུར། །ཆུ་སྐྱེས་ཞལ་ནི་འཛུམ་བཅས་པ། །ཡངས་པའི་སྤྱན་གྱིས་གར་མཛད་དེ། །སྤྱན་དང་ཞབས་ནི་བསྒྱུར་བ་ཡིས། །རབ་ཏུ་དགྱེས་ལྡན་སྨིན་
མ་བསྒྱུར། །ཡངས་པའི་སྤྱན་གྱིས་གར་མཛད་དེ། །སྤྱན་དང་ཞབས་ནི་བསྒྱུར་བ་ཡིས། །ཡིད་ཙམ་མཛེས་པའི་སྤྱན་ཟུར་གཟིགས། །ཤ་རྒྱས་བརླ་ནི་ནུ་མར་འདུད། །རྐེད་པའི་དབྱེས་ནི་རྣམ་པར་ཡངས། །རྣམས་ཀྱི་གོས་ཀྱང་ཚེ་ལ་མཛེས། །ཆགས་
པ་ཅུང་ཟད་ཚེམས་ཀྱི་གནོན། །ཚེམས་ཀྱི་ཕྲེང་བ་ཀུན་ད་ཟླ། །མི་དྲག་ཟློས་པའི་དབུགས་འབྱིན་ཅིང་། །རབ་ཏུ་དགའ་ཆེན་དགྱེས་པས་བསྟོད། །བུད་མེད་གཟུགས་ལྡན་མདངས་བཟང་བ། །ལོ་གྲངས་བཅུ་དྲུག་ལོན་པ་ལ། །བྱིན་གྱིས་བརླབས་ཀྱིས་
གནས་གསུམ་གྱིས། །དབེན་པར་མཆོད་པ་རབ་ཏུ་བརྩམ། །དེ་བཞིན་གཤེགས་པའི་བཙུན་མོ་མཆོག །སྤྱན་ལ་སོགས་པ་བསྒོམ་པར་བྱ། །དབང་པོ་གཉིས་ནི་མཉམ་སྦྱོར་བས། །སངས་རྒྱས་དངོས་གྲུབ་ཐོབ་པར་འགྱུར། །འོད་ཟེར་སྣ་ལྔས་ཁྱབ་པ་ཡིས། །

104-1-138b

པད་མོ་རྡོ་རྗེ་བསྒོམ་པར་བྱ། །འབར་བཅས་ཟླ་འོད་བཞིན་དུ་སྐར། །ཡིད་དུ་འོང་བ་བསྒོམ་པར་བྱ། །བཞིན་བཟངས་ཕན་པར་འདོད་པ་ཡིས། །བུད་མེད་རྙེད་ན་ཆོ་ག་བཞིན། །བདེ་བར་མཆོད་པར་བརྩམ་པར་བྱ། །ཡེ་ཤེས་སེམས་དཔའི་སྦྱོར་བ་ཡིས། །དབུས་སུ་
གཟུགས་ནི་བསྒོམ་པར་བྱ། །སྔགས་ཤེས་པས་ནི་གནས་བཞིན་དུ། །བུད་མེད་རྟག་ཏུ་བཞག་པར་བྱ། །རྒྱན་རྣམས་ཐམས་ཅད་ཡོངས་སུ་རྫོགས། །བུ་མོ་ལོ་གྲངས་བཅུ་གཉིས་པ། །དབེན་པའི་གནས་སུ་ཁྱད་པར་དུ། །སྒྲུབ་པ་པོས་ནི་རྟག་ཏུ་བསྒྲུབ། །
མཚན་ཉིད་དག་ནི་ཡོངས་སུ་དག །རབ་ཏུ་བཟང་ལ་བཞིན་ཡང་མཛེས། །རྒྱན་རྣམས་ཐམས་ཅད་ཡོངས་སུ་རྫོགས། །པང་པར་བཞག་ནས་རྣམ་པར་བསྒོམ། །རྡོ་རྗེ་སེམས་དཔའི་སྦྱོར་བ་ཡིས། །བུ་མོ་ཨུཏྤལ་མཐིང་གའི་མདོག །འདྲ་བ་དག་ནི་
རྟག་ཏུ་བསྒྲུབ། །སྦྱོར་བའི་ཆོ་ག་དེ་ཉིད་ནི། །བྱས་ན་ལས་རྣམས་བརྩམ་པར་བྱ། །བུད་མེད་སེམས་ནི་རབ་བརྟན་པ། །ལོ་གྲངས་བཅུ་གཉིས་ལོན་པ་ལ། །རིགས་ཀྱི་སྦྱོར་བ་རབ་བསྒོམས་ཏེ། །བདག་གི་ཁུ་བས་མཆོད་པར་བྱ། །འདིས་ནི་དེ་
བཞིན་གཤེགས་པའི་སྐུ། །ན་ཆུང་གཞོན་ནུ་མིག་བཟངས་བཙལ། །གཟུགས་བཟང་གཞོན་པས་བརྒྱན་པ་ཡི། །ལོ་གྲངས་ཉི་ཤུ་ལྔ་ལོན་པའི། །བཟུང་ནས་བྱོལ་སོང་སྐྱེས་གནས་བརྟག །བཞིན་བཟངས་ཤིན་ཏུ་མཛེས་པ་ཡི། །ན་ཆུང་མཚན་
ལྡན་སྐལ་བ་མཆོག །མིག་བཟངས་བརྟན་པའི་བློ་ལྡན་པས། །ཁུ་བ་བླངས་ནས་བཟའ་བར་བྱ། །དབེན་ཞིང་རབ་ཏུ་ཉམས་དགའ་བར། །སྦྱོར་བ་མཆོད་པ་ཀུན་བརྩམས་ན། །རྡོ་རྗེ་སྐུ་དང་གསུང་དང་ཐུགས། །ཟླ་བ་ཕྱེད་ཀྱིས་ངེས་པར་གྲུབ། །
སྨིན་དཀྱུས་རིང་ཞིང་སྐྲ་ལོ་འཇམ། །ལུས་ལྡེམ་དབྱིབས་སྒུ་བློ་དག་ཅིང་། །བརྟན་པ་ཆགས་ཤིང་བཅོས་སུ་བཏུབ། །ལུས་ཉན་ཅི་ལ་ཐོགས་པ་མེད། །རྐེད་པ་ཕྲ་ལ་རོ་སྨད་ཟླུམ། །སྟོད་ནི་དྲང་ལ་ཤིན་དུ་རྒྱས། །ཚེམས་དཀར་མགུལ་
རིང་ཕྱག་སོར་རིང་། །དཀར་ལ་དམར་ཆགས་ནོར་བུའི་མདོག །གཟུངས་མ་མཚན་ལྡན་སྤྱད་པར་བྱ། །མཉེན་ལྕུག་འཁྲིལ་ལྡེམ་རབ་ཏུ་མཛེས། །ཡིད་འོང་འཛུམ་ཕྲན་སྤྱན་ཟུར་གཟིགས། །ཁུར་ཚོས་དཀར་པོས་གདབ་པར་བྱ། །དཀར་

104-1-139a

འཛིན་ཕྱིར་ནི་མཉེ་བྱ་སྟེ། །པད་མའི་ཟེ་བ་ཆེན་པོས་གདབ། །པད་མ་ལན་གསུམ་མཉེས་བྱ་སྟེ། །མཆན་ཁུང་མངོན་སུམ་རྣ་བ་གཉིས། །ཟངས་ཀྱི་མདོག་གིས་བཟུང་བར་བྱ། །དེ་ནས་བཅོམ་ལྡན་འདས་རིགས་ཀྱི་བཙུན་མོ་དང་བཅས་
པར་གྱུར་ཏོ། །དེ་ནས་འདི་བརྗོད་པར་མཛད་དོ། །ཞི་བ་ཁ་དོག་དཀར་ལ་འཚེར། །བཏང་སྙོམས་ཀུན་གྱི་སྤྲོ་བསྡུ་ཡིས། །གསུམ་པ་རྫོགས་བར་ལྡན་པ་དང་། །ཕྱག་རྒྱ་ཚོགས་མཆོག་དེ་དག་ལ། །རྒྱལ་མོ་དག་དང་མཉམ་དུ་སྐྱེས། །ཕྱག་རྒྱ་
རྡོ་རྗེ་དྲིལ་བུ་འཛིན། །བཅུ་གསུམ་པ་ཡི་ཆ་ལུས་འཛིན། །ཆེ་ཆུང་མེད་པར་གསལ་བར་བསྒོམ། །དབུ་ལ་གཉིས་པའི་ཡི་གེར་ལྡན། །གསལ་བ་ཉིད་ཀྱིས་དུས་དག་ཏུ། །ཅོད་པན་ལྔ་ཡི་རིན་ཆེན་ལས། །རྒྱན་གྱི་རིགས་ནི་གསལ་བ་
ཡིན། །དེ་བཞིན་གཤེགས་པ་ཐམས་ཅད་གྱི། །མཆོག་ཏུ་གསང་བའི་ཕྱག་རྒྱ་འོ། །མཐིང་ག་འབར་བའི་ཡི་གེ་ཆེ། །རིགས་ཀྱི་རིན་ཆེན་སྤྲོ་བསྡུ་ལས། །ཕྱག་རྒྱ་གསལ་བའི་སྐུར་གསལ་བའི། །རྒྱལ་མོ་དག་དང་མཉམ་དུ་སྐྱེས། །སྒྲིབ་པ་ཀུན་
སྤང་སྡིག་བྱེད་སྟོབས། །གཉིས་པ་ཡི་ནི་ཡི་གེ་ལས། །ཐམས་ཅད་བློ་དབྱངས་ཡི་གེ་གཏེར། །མཉམ་པར་འཁྲིལ་བའི་ཚུལ་འཛིན་པ། །རིན་ཆེན་རིགས་ཀྱི་ཕྱག་རྒྱར་གསལ། །ལས་འདི་ཐམས་ཅད་ཀུན་གྱི་མཆོག །རྒྱལ་པོ་རྣམ་པར་
རོལ་བའོ། །པད་མ་རཱ་ག་འདྲ་བའི་མདོག །ཆོས་སྐུ་ཟླ་ཚེས་རབ་ལྡན་པ། །གསལ་བའི་ཁ་དོག་མཛེས་པ་ན། །ཐམས་ཅད་མ་ལུས་དབང་དུ་མཛད། །སྦྱོར་དང་སྐྱེ་དང་བསྡུ་བ་ཡིས། །ཕྱག་རྒྱ་གསལ་བར་དབང་གིས་བསྐུར། །བཙུན་མོ་དག་དང་
མཉམ་དུ་སྐྱེས། །གཉིས་སུ་མེད་པར་འཁྲིལ་བ་ཡིན། །དབུ་རུ་ཡི་གེ་གཉིས་པར་ལྡན། །རིན་ཆེན་རིགས་ཀྱི་སྤྲོ་བསྡུ་ལས། །ཅོད་པན་རིགས་ལྔའི་ཁ་དོག་སྟེ། །ཅི་བཞིན་པ་ཡི་ཏིང་འཛིན་གྱིས། །ཕྱག་རྒྱ་བཞུགས་ཚུལ་པད་མོའི་ཚུལ། །མཉམ་
པར་གསལ་བས་དཀྱིལ་འཁོར་ཡིན། །མི་ཕྱེད་པ་ཡི་ཏིང་འཛིན་གྱིས། །རྫོགས་པའི་དཀྱིལ་འཁོར་ཀུན་འདུས་མཆོག །པད་མ་རིགས་ཀྱི་ཕྱག་རྒྱར་གསལ། །རིགས་ཀུན་གྱིས་ནི་ཕྱག་རྒྱར་གསལ། །མུན་པ་སེལ་བའི་མར་མེ་བཞིན། །གསལ་དག་ཡིད་

104-1-139b

གཉིས་མེད་པར་བསྒོམ། །ཆུ་སྐྱེས་འཇམ་པ་འོག་ཏུ་ལྡན། །སྟེང་དང་སྤྲོད་པའི་རོལ་མོ་ཡིས། །དགྱེས་ཤིང་མཉམ་པའི་མཆོད་པ་བཤམ། །འདི་ལྟར་གསལ་བ་དབང་ཡང་རྫོགས། །ཐམས་ཅད་བསྡུ་བ་ཞེས་བྱ་བ། །དེ་བཞིན་དབང་སྟེ་ལས་ཐམས་
ཅད། །དུས་གསུམ་པ་ཡི་མཛད་པ་ཆེ། །རིགས་ཀུན་འདུས་པར་བདེ་བར་གཤེགས། །མཉམ་པ་ཅི་བཞིན་ཏིང་འཛིན་ཏེ། །ཡི་གེ་འབྲུ་གཅིག་ཀུན་གྱི་མཆོག །བཤད་པར་ཁྱད་པར་ལས་ཀུན་རྫོགས། །ཆུ་སྐྱེས་གསལ་བར་འདབ་མའི་
སྟེང་། །གཉིས་སུ་མེད་པར་གསལ་བས་ན། །རྣམ་པ་གཉིས་ཀྱི་བྱེ་བྲག་གིས། །འདུས་པར་གསལ་བར་སྐུར་གྱུར་པ། །འདོད་ཅིང་ཆགས་པ་མ་ཡིན་ཞིང་། །བློ་ལ་ཡིད་གཉིས་མེད་པས་ན། །ཕྱག་རྒྱ་གསལ་བར་རྒྱལ་བའི་སྐུ། །རྒྱལ་མོ་
དང་ནི་མཉམ་དུ་སྐྱེས། །དབུ་ལ་གཉིས་པའི་ཡི་གེར་ལྡན། །སྦྱིན་པ་རྒྱ་ཆེན་ཁེབས་པས་ན། །རང་གི་འདོད་པའི་གནས་སུ་བསྡུ། །བོང་ཚོད་ལོ་གྲངས་ཁྱད་པར་མེད།  གཉིས་སུ་མེད་པར་འཁྲིལ་བར་གསལ། །དུས་ཀུན་དུ་ནི་མཉམ་ལྡན་པ། །
གསང་བ་མཆོད་པ་རབ་ཏུ་རྫོགས། །ཟླ་རྒྱས་ལྟ་བུ་གཙོ་བོ་སྒོམ། །ཆགས་པ་མེད་པར་འདོད་བསྡུ་ཡི། །ཡུམ་དང་ལྷན་ཅིག་སྒོཾ་པ་ནི། །ཨཱ་ལི་ཀཱ་ལིར་བྱེད་པའི་དོན། །ཕྱག་རྒྱ་ལས་ཀྱི་བྱེ་བྲག་གིས། །བདེ་བ་ཆེན་པོ་ཚུལ་གནས་པ། །རྒྱལ་བ་ཀུན་ཀྱང་དེ་དང་
འཐུན། །ཕྱག་རྒྱ་བསྣོལ་བར་གནས་པ་ཡི། །ཀུན་ཀྱང་སེམས་དཔའི་དཀྱིལ་འཁོར་རོ། །ཕྱག་རྒྱ་རྡོ་རྗེ་ཐལ་མོ་ནི། །ཀུན་ཀྱང་ཡུམ་གྱི་རྒྱབ་ཏུ་བསྣོལ། །ཞལ་གཉིས་མཛེས་པར་རབ་སྦྱར་བ། །ཟླ་གམ་པ་ཡི་ལྗགས་གཉིས་མཛེས། །དུང་གི་ཕུར་བུས་
མཁུར་བཙོས་ལ། །འདེབས་ཤིང་རྡེག་པའི་ཚུལ་དུ་བཞུགས། །བསྙེན་པ་ཉེ་བསྙེན་དབང་རྫོགས་པ། །རྒྱལ་བ་ཀུན་གྱི་སྐུ་ཡི་མཆོག །བཞན་དང་འཛུམ་པའི་གཙོ་གཟུགས་བསྒོམ། །རྣལ་འབྱོར་དཀའ་ཐུབ་ཆེན་པོའི་དོན། །གསང་བ་སྤྱོད་པ་
ཤིན་དུ་དགྱེས། །གསང་བ་ཉིད་དུ་སེམས་ཅན་འདྲེན། །ཐམས་ཅད་ཀུན་གྱི་རྨོངས་པ་སེལ། །ཡུམ་གྱི་ལས་ཀྱིས་ཁྱད་པར་ནི། །ས་ཡི་རིམ་པ་ཀུན་སྦྱོར་ཞིང་། །ཟས་དང་མགོ་དབང་མེད་པ་ཡི། །ཉན་ཐོས་འགོག་པ་ལ་སོགས་པ། །བྱང་ཆུབ་

104-1-140a

སེམས་ཀྱི་ཆར་ཆེན་གྱིས། ། པད་མོར་བཅིངས་པ་ཚར་གཅོད་མཛད། །དམ་ཚིག་ཆེན་པོ་སྡོམ་པ་སྟེ། །རྒྱལ་བ་ཀུན་གྱི་དཀྱིལ་འཁོར་ཡིན། །ཕྱག་རྒྱ་ཆེན་མོ་ཚོགས་མཆོག་སྟེ། །དགའ་བ་དོན་དུ་རིགས་མཆོག་ཡིན། །མྱུར་བར་རྟག་
ཏུ་མ་ཡེངས་ན། །གདོན་མི་ཟ་བར་གྲུབ་པ་ནི། །འདོད་ཁམས་ལྷ་ཡི་ཉིན་ཕྱེད་ཀྱིས། །གསང་བ་ཀུན་དང་མཉམ་པར་འགྱུར། །དེ་བཞིན་གཤེགས་པ་གསང་བའི་དོན་དང་མཉམ་པའི་ཕྱག་རྒྱའོ། །ཀུན་དུ་བཟང་པོ་རྣལ་འབྱོར་མཆོག །གསང་བ་ཉིད་
ཀྱིས་མཁའ་དབྱིངས་སོ། །ཡི་གེ་ༀ་ལྡན་ཚེག་དྲག་བཅས། །རྣལ་འབྱོར་བདེ་ཆེན་ཉིད་ཀྱིས་སྲས། །གཟུགས་ཁམས་ལྷ་ཚོགས་བྱིན་བརླབས་ཏེ། །ཕྱག་མཚན་འཁོར་ལོ་གསལ་བ་དང་། །བདེ་བ་རྣལ་འབྱོར་དེ་བཞིན་གཤེགས། །གཙོ་བོ་གསེར་
གྱི་ཁ་དོག་གསལ། །ཉི་མ་གསེར་གྱི་འོད་བཞིན་དུ། །གསལ་བ་འཚེར་བ་བཅོམ་ལྡན་འདས། །དབུ་རུ་ཡི་གེ་གཉིས་པ་ལ། །རིན་ཆེན་མྱུ་གུ་ཁང་པ་འབར། །སངས་རྒྱས་ལྔ་ཡི་དབུ་རྒྱན་གྱིས། །ལེགས་པར་བརྒྱན་པ་མཚན་རྣམས་རྫོགས། །
རྫོགས་པ་ཆེན་པོ་བཞུགས་ཚུལ་དང་། །ཏིང་འཛིན་འཐུན་པར་འགྲོ་ལ་གཟིགས། །པད་མ་གེ་སར་དབུས་གནས་པའི། །ཐིག་ལེར་གསང་བ་བཞིན་དང་ལྡན། །མདུན་དུ་ལྷ་མོ་ཆགས་པ་མོ། །ལོ་གྲངས་ཉི་ཤུ་མཛེས་དང་ལྡན། །མ་ཧཱ་སུ་ཁེ་གནས་ལ་དགྱེས། །
མཛེས་པའི་ལག་པ་གར་དང་བཅས། །གཉིས་སུ་མེད་པའི་བཞུགས་ཚུལ་ནི། །གཙོ་ལ་རྟེན་པའི་ཚུལ་དུ་བཞུགས། །རྒྱབ་དུ་ལྷ་མོ་དགྱེས་ཆེན་མོ། །སངས་རྒྱས་བསྙེན་པར་མཛེས་ཚུལ་གྱིས། །ཐལ་སྦྱར་འཛིན་པ་སྐུ་བརྟེན་པ། །སྐུ་ཚེ་བཅུ་དྲུག་བརྩན་
དམར་སྐུ། །སངས་རྒྱས་གདུང་འཛིན་ཚངས་པར་སྦྱོར། །འདོད་ཆགས་ཅན་ལ་འཐུན་པར་མཛད། །གཡས་སུ་ཞེས་སྡང་འདུལ་བ་མོ། །རྡོ་རྗེ་པད་མོ་སྦྱོར་ལ་དགྱེས། །མ་དད་པ་རྣམས་དབང་མེད་པར། །དྲག་པོ་སྦྱོར་མཛད་ཞེ་སྡང་སེལ། །
ཆགས་པ་ཆེན་པོ་བཅོམ་ལྡན་འདས། །གཉིས་སུ་མེད་པར་སྦྱོར་བ་ཡིས། །གཏོང་བ་མེད་པར་བསྟན་པའི་ཚུལ། །སྔོ་བསངས་མདོག་ལྡན་ཁྱད་པར་ཆེ། །སྐུ་ཚད་བཅྭ་ལྔ་ཆགས་པ་ཅན། །དུས་མཐའ་མེད་པར་སྦྱོར་ལ་དགྱེས། །སྟེག་དང་

104-1-140b

སྒེག་པའི་ཆ་ལུགས་ཀྱིས། །སེམས་ཅན་ཀུན་གྱི་སྡུག་བསྔལ་འཁྲུ། །རབ་ཏུ་སྦྲས་པའི་འགོག་པ་རྣམས། །བསླངས་ནས་རྒྱལ་བའི་སྲས་སུ་མཛད། །ཨ་རྟ་མ་ལི་ཕྲིན་ལས་ཀྱིས། །ཐམས་ཅད་བྱང་ཆུབ་ཆེན་པོ་མཛད། །མིག་གཉིས་
འཛུམ་དང་སྦོམ་པོ་ཡིས། །དབང་མོར་ལྡན་པར་བྱས་པ་ན། །གཉིས་སུ་མེད་པར་སྦྱོར་འདོད་ཡིན། །སྣ་ཡི་རྩེ་མོར་མཐེའུ་ཆུང་འཛིན། །མ་ཏ་བཞུགས་པར་བརྩོན་བྱས་པའོ། །སོ་སོ་རྣམས་བསྡམས་ཁ་ཕྱེ་བ། །དུས་ལ་བབ་ཅེས་
བྱ་བ་སྟེ། །ཏིང་འཛིན་གསལ་བར་གྱུར་པ་ན། །དུས་ལ་བབ་ཅེས་བྱ་བ་ཡིན། །འདི་ལྟར་བརྡལ་ལྡན་ཏིང་འཛིན་ལ། །དམ་ཅན་བུད་མེད་རྣམས་མི་འདུད། །དངོས་གྲུབ་མི་ཐོབ་དམ་ཚིག་ཉམས། །ཚེ་རབས་ཀུན་དུ་བརླག་པར་འགྱུར། །འདི་
ལྟར་བརྩོན་པར་བྱེད་པ་ན། །གཡོན་པ་སྐྱེད་པ་རྣམ་བཞི་ཡིས། །སྐྱེས་པ་ན་ཆུང་ཚུལ་བཞིན་དུ། །རྡོ་རྗེ་པད་མའི་མཚམས་ཉིད་དུ། །དབྱིངས་ཕྱུང་ལྔ་ཡི་སྦྱོར་བ་ཡིས། །དལ་བུས་དལ་བུས་གཞུག་པ་དང་། །དལ་བུས་དལ་བུས་རབ་བསྐུལ་ཏེ། །དྲག་པོ་ཚིག་གིས་
སྤྲོ་བ་དང་། །བྱང་ཆུབ་སེམས་ཀྱིས་པད་མ་དགང་། །སྦོམ་པོ་དབང་ངམ་ལྔ་རྣམས་ཀྱིས། །ཡུམ་གྱིས་བླངས་ལ་གཙོ་ལ་མཆོད། །ཉེ་བའི་བསྙེན་པ་ལ་སོགས་ཏེ། །བསྙེན་པ་ཆེ་ཆུང་རྫོགས་པར་བསྒོམ། །བྱང་ཆུབ་སེམས་ཀྱི་
དཀྱིལ་འཁོར་ལས། །མཆོད་པ་བརྒྱད་ཀྱིས་མཆོད་པར་སྟོན། །དེ་ལྟར་ལོངས་སྤྱོད་རྫོགས་པ་དང་། །གཉིས་སུ་མེད་པར་ལུགས་བཞིན་དུ། །མཉམ་པར་འཁྲིལ་བའི་ཚུལ་དུ་བསྟན། །དུས་གསུམ་ཀུན་གྱི་གདུང་འཛིན་ལ། །
གཡོན་ཕྱོགས་བསྟེན་པའི་སྐལ་དང་ལྡན། །ན་ཚོད་ལོ་ནི་བཅུ་དྲུག་པ། །སྡོང་པོ་རུལ་པ་དག་ལ་དགྱེས། །གཡས་པ་ཟུར་གྱི་སྤྱན་གྱིས་གཟིགས། །དྲིལ་བུ་སྒྲ་སྙན་འཁྲོལ་ལ་བརྩོན། །རྡོ་རྗེ་རབ་ཏུ་སྒྲོགས་བྱེད་མ། །སངས་རྒྱས་ལྔ་ཡི་དབུ་རྒྱན་
ཅན། །མངོན་དུ་སྦྱོར་ལ་རབ་བརྩོན་པ། །བརྡ་དང་བཅས་པར་གར་གྱིས་ནི། །སངས་རྒྱས་ཀུན་ལ་སློང་མཛད་མ། །བྱང་ཆུབ་སེམས་ཀྱི་སྤྲིན་ཆེན་གྱིས། །མཆོད་པ་ཆེན་པོ་རབ་མཆོད་མཉེས། །སྤྲུལ་པ་བསམ་ཡས་མཐའ་ཀླས་པ། །

104-1-141a

དུས་གསུམ་འཁོར་ལོ་བསྐོར་བར་བསྐུལ། །སོ་སོར་ཆགས་པའི་མདངས་ཀྱིས་ནི། །མཉེན་དང་བཅས་པའི་གར་གྱིས་མཆོད། །དེ་ནས་གསང་བ་ཆེན་པོ་དང་གཉིས་སུ་མེད་པར་འཁྲིལ་བ་ཆེན་པོར་གྱུར་ཏེ། གཡོན་པ་སྐྱེད་པ་མང་
པོ་མཉེས་པ་དང་།  པད་མ་སྤང་པ་ལ་སོགས་པ་འབྱུང་བ་མཉེས་པར་མཛད་ནས་རབ་ཏུ་དགྱེས་ཏེ་གླུ་འདི་བླངས་སོ། །ཆོས་ཀུན་དངོས་པོ་མེད་པར་རབ་གསལ་བ། །འབྱུང་གནས་ཆེན་པོ་ཡ་མཚན་འབྱུང་བར་མཁྱེན། །ཨེ་མའོ་ངོ་མཚར་
ཆེའོ་ཞེས་བླངས་སོ། །དེ་ནས་བཅོམ་ལྡན་འདས་དཔལ་རྡོ་རྗེ་སེམས་དཔས་གསུང་པ། མདངས་བཟང་མིག་གི་དཀྱུས་ཀྱང་རིང་། །སྐུ་ནི་ལྡེམ་ལ་ཙན་དན་དྲི། །ཡན་ལག་ལྕུག་མ་བཞིན་དུ་མཉེན། །ཚེམས་དཀར་སུམ་བཅུ་རྔ་རྔོ་མེད། །མགུལ་
པ་ཟླུམ་རིངས་རབ་ཏུ་ལེགས། །གསེར་ལ་གཡུ་སྤྲས་གཡས་སུ་འཁྱིལ། །གཟུངས་མ་འདི་དག་བསྟེན་པར་བྱ། །སྐད་གདངས་མི་སྙན་ར་ར་བོ། །ཡང་ན་རྨོངས་བག་སུབ་སུབ་པོ། །སྦྲང་བུས་གཙེས་པའི་སྣ་སྒྲ་བཞིན། །སེམས་ཅན་དག་
ལ་ཁྲོ་ཞིང་འཚོག །དམ་ཅན་དག་ལ་གཡེལ་བར་མཛོད། །ཕྱི་ནང་སྲ་ཞིང་འབྲས་བུ་ཅན། །དེ་བསྙེན་ན་ནི་དངོས་གྲུབ་ཉམས། །དེ་བཞིན་གཤེགས་པ་ཐམས་ཅད་ཀྱི། །བུད་མེད་ཀུན་གྱི་སྒྱུ་མ་ལ། །རབ་ཏུ་འཕྲུལ་ཏེ་འཆར་བ་ཡིན། །
བདེན་གཉིས་སོ་སོར་སྣང་བ་ཡིས། །ཡུམ་གྱི་མཁའ་ཞེས་རྒྱལ་བས་གསུངས། །མ་ནོར་ལམ་ཆེན་ཀུན་བསྒོམས་ནས། །ཀུན་ཏུ་བཟང་མོ་བསྒོམས་པས་གྲུབ། །བུད་མེད་ལ་ནི་མཆོད་བསྟེན་ན། །ཡེ་ཤེས་ཆེན་པོ་གྲུབ་པར་གསུངས། །
དཔལ་ཀུན་དུ་བཟང་པོ་ཐམས་ཅད་ཤེས་རབ་ཀྱི་ལོངས་སྤྱོད་འདི་གསུངས་སོ། །སྔོན་སྤྱོད་ལས་ཀྱི་འཇུག་པ་འདི། །ཕན་ཚུན་དུ་ནི་དགའ་སྤྱོད་ན། །རྣལ་འབྱོར་སྡོམ་པ་གནས་པ་ཡིན། །དེ་ལ་མཆོད་པ་དམ་པ་ནི། །སྦྱོར་བ་རབ་ཏུ་སྦྱོར་བ་སྟེ། །
ཀུན་དུ་ཁྱབ་པར་ཀུན་ཏུ་སྦྱོར། །རྗེསུ་ཆགས་པ་དམ་ཚིག་མཆོག །དེ་བྱི་དཀར་ཤམ་མདོག་དང་ལྡན། །བཅུ་དྲུག་བོང་ཚོད་རིང་བ་དང་། །ལུགས་སུ་བླུགས་པ་ལྟ་བུ་སྟེ། །ལུས་ལེགས་མཛེས་དང་ལྡན་པ་དང་། །དཔྲལ་བ་དབྱེས་ཆེ་ཀོས་ཀོ་ཕྲ། །

104-1-141b

ནུ་མ་ཆུང་ཞིང་སོར་མོ་རིང་། །ཡིད་ཙམ་མིག་དཀྱུས་རིང་བ་དང་། །སོ་དཀར་ཐགས་བཟང་མཚམས་ཐུང་ཞིང་། །སྐད་བཟང་མདངས་དང་ལྡན་པ་ནི། །རྡོ་རྗེ་སེམས་དཔའི་གནས་མཆོག་སྟེ། །འདི་ལ་བརྩོན་པར་བྱེད་པ་ནི། །རིགས་ཀྱི་རྡོ་རྗེ་
གདོན་མི་ཟ། །ཚེ་འདི་ཉིད་ལ་འགྲུབ་པར་འགྱུར། །གནས་རབ་བདེན་པར་རབ་བརྟགས་ཏེ། །ཤ་དཀར་མདངས་བཟང་མདོག་དང་ལྡན། །ལུས་འབྲིང་ཟླུམ་པ་ཆ་བྱད་ཅན། །སོ་དཀར་ཐགས་བཟང་མིག་དཀྱུས་རིང་། །སྐད་ཕྲ་མདོག་དགོད་
སྤྲོ་རིང་བ། །དཔྲལ་དབྱེས་ལ་སོགས་བཟང་གནས་པ། །རྨ་ནག་ལ་སོགས་གནས་པ་ནི། །རྟག་ཏུ་ཆོས་ལ་འདུད་པ་ཡིན། །ཚངས་པ་དབྱངས་ཀྱི་རིན་ཆེན་ལས། །འདི་ལས་བརྩོན་བྱས་བསྒྲུབས་པ་ཡི། །དེ་བཞིན་རིགས་ཀྱི་ཏིང་འཛིན་ལས། །
ཕན་ཚུན་དུ་ནི་དགའ་སྤྱོད་ན། །ཚངས་པའི་སྔ་དྲོ་གཅིག་ཙམ་གྱིས། །གདོན་མི་ཟ་བར་འགྲུབ་པར་འགྱུར། །རྣལ་འབྱོར་སྤྱོད་པ་དགའ་བ་ནི། །སྦྱོར་བ་བརྩོན་པས་འགྲུབ་པར་གསུངས། །བུད་མེད་ཆ་ལུགས་ལེགས་པ་ནི། །བོང་ཚོད་མི་རིང་ལུས་ཕྲ་
ཞིང་། །རྐང་ལག་ཆུང་ཞིང་སྐད་གསལ་བ། །མིག་ལེགས་ངོ་ཟླུམ་བཙན་དམར་ཆེ། །བླུན་དུ་ཆགས་པ་མི་ཤེས་མེད། །ལུས་ལ་མཚན་གྱིས་རྨད་འདྲས་བརྒྱན། །ཚིག་གསལ་རྨི་ལམ་ཉུང་བ་དང་། །སོ་དཀར་མཆུ་ལེགས་དད་པར་ལྡན། །ཆོག་ཤེས་
པ་ཡི་ཏིང་འཛིན་གྱིས། །གསང་བའི་མཁའ་ལ་ཉི་ཟླའི་འོད། །རྡོ་རྗེ་པད་མོར་ལྡན་བྱས་ཏེ། །ཕན་ཚུན་དུ་ནི་དགའ་སྤྱད་ན། །འདོད་པའི་ཁམས་ལྷའི་སྐད་ཅིག་གིས། །འགྲུབ་པར་འགྱུར་བ་གདོན་མི་ཟ། །ལུས་ཟླུམ་གཏུམ་པ་ང་རྒྱལ་ཅན། །ཁོང་ན་སེམས་
རྣོག་སེམས་ལ་འཛིན། །བྱ་བ་འདྲ་ལ་མི་གཏོང་ལྡན། །བསླབ་པའི་བློ་རྟུལ་ཤ་རུས་ཆེ། །མདངས་བཀྲག་བརྟགས་ན་ཕྱི་ཕྱིར་གསལ། །སྦྱིན་ལ་དགའ་ཞིང་ཆོས་ལ་དད། །རིན་ཆེན་རིགས་ཀྱི་ཏིང་འཛིན་གྱིས། །བག་ཆགས་ཡི་གེ་ཚར་གཅོད་ཅིང་། །ཏིང་
འཛིན་བློ་ལ་གསལ་བ་ན། །བསྒྲུབ་པའི་དུས་ལ་བབ་པ་སྟེ། །དེ་ཚེ་རབ་ཏུ་རྩེན་པ་ཡིས། །ཡུམ་གྱི་པད་མ་ཁ་ཕྱེ་ཞིང་། །བདེ་བ་ཐུགས་ཀྱི་འཕྲོ་འདུ་ཡིས། །ཕན་ཚུན་དུ་ནི་དགའ་སྤྱད་ན། །རིགས་ཀྱི་རིན་ཆེན་གྲུབ་པ་ནི། །ཚེ་འདི་ཉིད་ལ་ཐོབ་

104-1-142a

པར་འགྱུར། །ཐུགས་རྗེས་མཛད་སྤྱོད་བྱེད་བྲག་གིས། །འཇིག་རྟེན་དག་ན་དམན་པའི་རིགས། །རབ་ཏུ་བཀུག་སྟེ་དགའ་སྤྱད་ན། །སྙིང་རྗེ་མཆོག་དང་ཐབས་ལྡན་པའི། །རྣལ་འབྱོར་སྤྱོད་པ་ཆེན་པོ་གསུངས། །ཤན་པའི་རིགས་ངན་
སྨད་འཚོང་མའི། །ན་བའི་རིགས་དང་འདོད་སྤྱོད་རྣམས། །འཇོམས་པ་ཆེན་པོའི་ཏིང་འཛིན་གྱིས། །མྱུར་དུ་སྤྱད་ན་འགྲུབ་པར་གསུངས། །ཡི་དགས་གནོད་སྦྱིན་བྱོལ་སོང་དང་། །ཁྱི་དང་རུས་སྦལ་སྤྲེའུ་ལ་སོགས། །མི་དང་ལྷ་ཡི་གནས་
མཆོག་ཀུན། །སོ་སོ་མཚམ་པ་དགའ་སྤྱད་ན། །ལས་མཆོག་དམ་པ་འགྲུབ་པར་གསུངས། །རབ་ཏུ་ཆགས་ལ་ཆགས་པའི་མཆོག །རབ་ཏུ་རྨུགས་པ་རྨུགས་པ་སེལ། །ཞེ་སྡང་ཅན་ལ་འཚམ་པར་སྟོན། །གྲགས་པ་ཅན་ལ་ཞི་བ་ཆེ། །
རྩེན་པ་དག་ལ་རྩེན་པར་མཛད། །ཐབས་ཀྱི་མཛད་པ་ཀུན་གྱི་མཆོག །སེམས་ཅན་ཀུན་གྱི་དོན་གྱི་ཕྱིར། །ཕྱིན་ཅི་ལོག་ཏུ་གང་སྤྱོད་རྣམས། །གདུལ་བར་མཛད་པ་སྣ་ཚོགས་ཀྱིས། །མི་མཛད་པ་ནི་ཅི་ཡང་མེད། །ཤིན་ཏུ་གཏུམ་པའི་
ཆ་ལུགས་ཀྱིས། །གཏུམ་པོ་ཐམས་ཅད་དབང་དུ་མཛད། །ཤིན་ཏུ་ཞི་བའི་ཆ་ལུགས་ཀྱིས། །གྲགས་པ་ཅན་རྣམས་དབང་དུ་མཛད། །ཤིན་ཏུ་མདངས་ལྡན་ཆ་ལུགས་ཀྱིས། །ཆགས་པའི་ཡིད་རྣམས་དབང་དུ་མཛད། །ཨེ་མའོ་ཤིན་དུ་ངོ་
མཚར་ཆེ། །དེ་ནས་བཅོམ་ལྡན་འདས་རྣལ་འབྱོར་ཆེན་པོས་རབ་ཏུ་བརྩོན་པར་མཛད་པ། ཡིད་ཀྱི་འཕྲོ་བ་དང་། ཟླ་གམ་མེད་པ་དང་། གྱད་འགྱེད་པ་དང་། འཁུར་བ་བླ་ན་མེད་པས་ཕན་ཚུན་དུ་དགའ་བ་སྤྱོད་དོ། །ཤ་མདོག་དཀར་ལ་
ནུ་མ་འབུར། །སྟོད་སྨད་ཕྱེད་ལ་སྨིན་དཀྱུས་རིང་། །པད་མའི་དྲི་ཡང་དུང་ལྟར་འཕྲོ། །པད་མ་ལེགས་པ་གྲོ་བོས་འདྲ། །ཟླུམ་ལ་ཆེ་ཆུང་སྙོམས་པ་འོ། །ཤ་མདོག་དཀར་ལ་སྨེ་བ་ཅན། །སྟོད་སྨད་ཕྱེད་ལ་སོར་མོ་རིང་། །ནུ་མ་ཆུང་ཞིང་འཁྲང་
བ་སྟེ། །དྲི་ཡང་པད་མའི་དྲི་རུ་བྲོ། །མགུལ་པ་ལེགས་ལ་རིང་ཐུང་རན། །པད་མ་དམར་ལ་ཁུར་ཚོས་ལེགས། །སྤྱན་ཡང་ཟླུམ་ལ་འོག་ནས་ལྟ། །ཤ་མདོག་སེར་ལ་ནུ་མ་ཟླུམ། །རྐེད་པ་འཕྲ་ལ་རོ་སྨད་ཟླུམ། །རྐང་པའི་སོར་མོ་ནང་དུ་སྐྱོར། །

104-1-142b

ལུས་ཀྱང་ལེགས་ལ་ཆེ་ཆུང་སྙོམས། །ཚེམས་ཀྱང་དམར་ལ་ཐགས་ཀྱང་དམ། །སོར་མོ་རྣམས་ཀྱང་ཕྲ་ལ་རིང་། །དྲི་ཡང་ཙན་དན་དྲི་རུ་བྲོ། །ཡན་ལག་ལྕུག་མ་བཞིན་དུ་མཉེན། །པད་མ་སེར་ལ་ཕྲ་ལ་རིང་། །སྤྱན་ཡང་ཕྲ་ལ་ཟུར་དུ་
གཟིགས། །ཤ་མདོག་གནག་ལ་སྨེ་བ་གནག །ཤ་ཡང་གནག་ལ་རྩུབ་པ་སྟེ། །སྐད་མདངས་མི་སྙན་གཉིད་ར་རོ། །རྨོངས་ལ་མི་ཤེས་སུབ་སུབ་མོ། །ནུ་རྡོག་ཆེ་ལ་ནུ་བཤལ་རིང་། །རྐང་པ་སྦོམ་ལ་སོར་མོ་ཐུང་། །གདོང་ཡང་ལེབ་
ལ་སྨེ་བ་འཐུག །སྨིན་མ་ཐུང་ལ་མིག་མི་སྡུག །ལུས་པོ་སྦོམ་ཐུང་འཇིང་པ་ཐུང་། །པད་མ་གནག་ལ་ཡངས་པ་སྟེ། །བ་ལང་ཅན་གྱི་རིགས་ཅེས་བྱའོ། །གཟུགས་མ་མཚན་དང་ལྡན་པ་བཙལ་བའི་དོན་ནི། རང་དབང་ཐོབ་པ་ང་ལོ་ཡང་། །
བཅོས་སུ་བཏུབ་ལ་ལུང་ཉན་པ། །སྐད་གསལ་ལྟ་བས་ཐགས་ཆོད་པ། །སྤྱོད་པ་ལ་དོར་རྟོག་པ་ཆོམས། །ཡིད་གཞུངས་བློ་རྣོ་དབང་པོ་གསལ། །སེམས་དག་གཞུང་བཟང་ཞལ་ངོ་རྟག །དམ་ཚིག་ཕོག་ལས་མི་འདའ་བ། །ཚིགས་ལ་
བརྫུན་གྱི་གྲོན་ཐེབ་མེད། །དད་པ་སྐྱོ་དང་དུབ་པ་མེད། །སྤྱོད་པ་བླང་ཞིང་དོར་བ་མེད། །བརྩོན་འགྲུས་ཐང་དང་ལྷོད་པ་མེད། །ངོ་ཚ་ཤེས་དང་ཁྲེལ་ཡོད་པ། །གོམ་པ་དལ་ལ་སྤྱོད་པ་གཟོབ། །མིག་འབྲུ་ཚུགས་སུ་མི་ལྟ་ཞིང་། །འོག་དང་ཟུར་
གྱིས་རྟོགས་པར་ལྟ། །དབུ་ལོ་འཇམ་ལ་ལྕང་ལོར་འཁྱིལ། །སྤྱན་བཀྲ་ཕྲ་ལ་ཀྱུས་རིང་བ། །སྣ་གཟུར་ཟོར་ལ་རྒྱུད་མ་ཆད། །ཡ་ཡོ་ཉག་དང་ཆད་པ་མེད། །སོ་དཀར་སུམ་བཅུ་ཐགས་བཟང་ལ། །ཀོས་ཀོ་སོགས་བུ་ཡུལ་ཟུངས་འདྲ། །
མདོག་སྡུག་དཀར་དམར་མདངས་ཕྱེད་པ། །རྐེང་ཕན་ཆག་གང་ཟླུམ་པ་དང་། །མགུལ་བ་ཟླུམ་ལ་ཕྲ་ལ་རིང་། །ངང་མོ་བྱ་ཡི་ཚུལ་དང་འདྲ། །སྣ་ཟླུམ་བལྟ་མཛེས་ཆུང་བ་དང་། །ཕྱག་གི་སོར་མོ་ཕྲ་ལ་རིང་། །རྣ་བ་གྲོ་བ་གཅུས་པ་འདྲ། །ལྕེ་
ནི་དར་བལྟབ་ཁུག་པ་བཞིན།  དབུགས་རྒྱུ་ཕྱི་ནང་མེད་པ་འདྲ། །གཉིད་ཆུང་ཤ་ཡང་སྡུད་བ་མེད། །ཁ་སྣམས་མེད་ལ་དྲི་ཞིམ་པ། །སྣ་ཚོགས་སྤོས་དྲི་ལུས་ལ་བྲོ། །བསྐྱོད་པར་མཁས་ཤིང་ལས་ལ་དཔའ། །སྦྱོར་དྲོད་རིག་དང་ཏིང་འཛིན་རིག །

104-1-143a

པད་མ་དམ་ལ་སྤྱད་ན་དོག །ནུ་མ་དག་ནི་ཆུང་ལ་སྲ། །ཁ་མཆུ་སྲབ་ལ་བཟང་བའོ། །ལྷ་ཡི་སྦྱོར་བ་ཅོག་བུ། མིའི་གན་རྐྱལ་ཡི་དགས་ཟུར་གྱིས་སྦྱོར། བྱོལ་སོང་ཁ་སྦུབ་ཏུ་སྦྱོར་རོ། །གཟུངས་མ་མཚན་དང་ལྡན་པ་རྣམས་ལ་ཞག་ཟླའི་ཚད་
བཟུང་སྟེ། །དམ་དུ་བཅས་ནས་མཆོད་དུས་མི་ཆག་པར་ཕྱི་ནང་མི་བསྲེ། དམ་བཅས་པ་ལ་མ་གཏོགས་པ་གཞན་དང་སྦྱར་བར་མི་བྱའོ། །གཞན་དུ་སྦྱོར་བ་བྱས་ན་དམ་ལས་འདས་ཏེ། མངལ་གྱི་སྲི་བུ་ཁ་དམར་དུ་སྐྱེའོ། །དམ་ལས་མ་འདས་བཀའ་བཞིན་
དུ་བསྲུངས་ན། སངས་རྒྱས་དང་བྱང་ཆུབ་སེམས་དཔའི་སྲས་སུ་སྐྱེའོ། །གཟུངས་མ་འདི་དག་དང་བཀའ་འཐུན་པར་བསྒྲུབས་ན་འགྲུབ་པར་འགྱུར་བར་ཐེ་ཚོམ་མེད་དོ། །བཅོམ་ལྡན་འདས་དཔལ་རྡོ་རྗེ་སེམས་དཔས་གསུངས་སོ། །ཧེ་རུ་ཀ་རོལ་པ་ལས་
གསང་བའི་ལྷ་མོ་མཆོད་པའི་སྦྱོར་བའི་ལེའུ་སྟེ་གསུམ་པའོ།། །། དེ་ནས་བཅོམ་ལྡན་འདས་དཔལ་རྡོ་རྗེ་སེམས་དཔས་རུ་ལུའི་བསྙེན་པའི་ཏིང་ངེ་འཛིན་ལ་སྙོམས་པར་བཞུགས་སོ། །ཞུགས་ནས་ཉིད་ཀྱི་སྐུ་དང་གསུང་དང་ཐུགས་
རྡོ་རྗེ་ལས་འདི་ཕྱུང་ངོ་། །རུ་ལུ་ཆོས་ཉིད་དུ་ཤེས་པ་ནི་ༀ་ལ་དཔལ་ཆེན་པོ་ཡབ་ལྔ་ལ་ཡུམ་ཁྲག་འཐུང་རྒྱལ་མོ་ལྔ་ཡང་སྐུ་ལ་རྫོགས་སོ། །དེ་ཉིད་ལྟ་བས་སྲིན་པོར་སོང་གིས་དོགས་ནས་ཡེ་ཤེས་ལྔར་བསྟན་ཏོ། །ཨ་ལྟར་སྣང་
བ་ཆོས་ཀྱི་དབྱིངས་ཀྱི་ཡེ་ཤེས། །ཟླ་ཚེས་མེ་ལོང་ལྟ་བུའི་ཡེ་ཤེས། །རྣ་རུ་སོ་སོར་རྟོག་པའི་ཡེ་ཤེས། །མ་མཉམ་པ་ཉིད་ཀྱི་ཡེ་ཤེས། །ཨ་ལས་བཏགས་པར་བྱ་བ་ནན་ཏན་གྱི་ཡེ་ཤེས། ཡབ་ཡུམ་རྣམས་ཀྱང་དེ་བཞིན་དུ་སྦྱར། ཆོས་ཐམས་ཅད་མ་
བྱུང་མ་སྐྱེས་པའི་ངང་ལ་སྐྱེ་བའི་ཆོ་འཕྲུལ་བསྟན་ནོ། །བོ། །རུ་ལུ་དཀྱིལ་འཁོར་དུ་ཤེས་པ་ནི་ཕུང་པོ་ལྔ་རིགས་ལྔ་འབྱུང་བ་ལྔ་ཡུམ་ལྔ་ཁམས་དང་སྐྱེ་མཆེད་བྱང་ཆུབ་སེམས་དཔའ་དང་སེམས་མ་དང་སྤྲུལ་པ་ལྕམ་དྲལ། ཕུང་པོ་ལྔ་ཧེ་རུ་ཀ་ལྔ། 
འབྱུང་བ་ལྔ་ཁྲག་འཐུང་རྒྱལ་མོ་ལྔ། ཁམས་དང་སྐྱེ་མཆེད་འཕྲ་མེན་མ་བཅུ་དྲུག །སྒལ་ཚིགས་དབང་ཕྱུག་མ་ཉི་ཤུ་རྩ་བརྒྱད། བ་སྤུ་ཉག་མ་རེ་རེ་སྤྲུལ་པའི་འཕྲ་མེན་མ་དང་ཕོ་ཉ། ཡན་ལག་སྒོ་བ་བཞི། སྤྲུལ་པ་ཐུགས་ཀྱི་རྒྱན་ཏེ། སྔགས་

104-1-143b

མ་ཧཱ་ཡོ་གའོ། །དཀྱིལ་འཁོར་ལ་ཡང་ཕྱོགས་དང་གྲལ་མ་ནོར་བར་དགོད་དོ། །སྒོ་སྐྱོང་ཡན་ཆད་རིམ་བཞིན་དུ་དགོད། རུ་ལུ་ལྷར་ཤེས་པ་ནི་བཅོམ་ལྡན་འདས་དཔལ་ཀུན་དུ་བཟང་པོ་བྱང་ཆུབ་སེམས་ཀྱི་དོན་རྟོགས་ན་སངས་རྒྱས་ཡིན་པར་
ཤེས་པར་བྱའོ། །རུ་ལུ་མཆོད་པར་ཤེས་པ་ནི་བཅོམ་ལྡན་འདས་བྱང་ཆུབ་སེམས་ཀྱི་དོན་རྟོགས་ན། བདག་བྱང་ཆུབ་ཀྱི་སེམས་མཆོད་པས་འཕགས་པའི་ཚོགས་མཉེས་པ་སྟེ། འདྲངས་ཤིང་ཚིམ་པར་འགྱུར་རོ། །ཚིམ་པས་དངོས་
གྲུབ་ཐོབ་པར་འགྱུར་རོ། །རུ་ལུ་བསྙེན་པར་ཤེས་པ་ནི་བསྙེན་པ་ནི་དཔལ་ཆེན་པོའི་སྐུའོ། །ཉེ་བའི་བསྙེན་པ་ནི་ཡུམ་ཀྲོ་དྷི་ཤྭ་རིའོ། །བསྒྲུབ་པ་ནི་འཕྲ་མེན་མ་བཅུ་དྲུག །བསྒྲུབ་པ་ཆེན་པོ་ནི་འདི་ལྟར་བསྒྲུབ་པས་འབྲས་བུ་དྲོད་རྣམ་པ་
གསུམ་དང་སྦྱར་རོ། །འོད་ཀྱི་དྲོད་ནི་བདག་བསྒྲུབ་པར་བྱེད་པའི་དུསུ་བདག་གི་ལུས་ལ་འོད་འབྱུང་བ་ནི་དྲོད་དང་པོ་དང་སྦྱར་རོ། །འདོན་པའི་དྲོད་ནི་བདག་བསྒྲུབ་པ་བྱེད་པའི་དུས་སུ་བདག་གི་ལུས་བལ་འདབ་གཡེངས་པ་ལྟར་བྱེད་ན་དྲོད་འབྲིང་པོ་དང་སྦྱར་
རོ། །དྲོད་ཀྱི་དྲོད་ནི་བདག་གི་སེམས་ཏག་ཏག་རང་རང་ནམ་མཁར་འཕུར་སྙམ་བྱེད་ན་ཐ་མ་དག་སྦྱར་རོ། །བཅོམ་ལྡན་འདས་དཔལ་རྡོ་རྗེ་སེམས་དཔས་བཀའ་སྩལ་པ། དོན་དམ་པར་བསྙེན་པ་ནི་བྱང་ཆུབ་ཀྱི་སེམས་ཀུན་དུ་བཟང་པོའི་ཉེ་བའི་
བསྙེན་པ་ནི་བྱང་ཆུབ་ཀྱི་སེམས་ཀུན་དུ་བཟང་མོའོ། །དེ་ལ་གཉིས་སུ་མེད་པ་ནི་བསྒྲུབ་པ། རྒྱུ་བྱང་ཆུབ་ཀྱི་སེམས་སྐྱེ་བ་མེད་པའི་དབྱིངས་ལས་མ་གཡོས་ལ་འབྲས་བུ་ཀུན་རྫོབ་བྱང་ཆུབ་ཀྱི་སེམས་ཕྱག་རྒྱ་སྣ་ཚོགས་ཅིར་སྣང་ཡང་སྒྱུ་མ་ཡེ་ཤེས་ཀྱི་
ཕྱག་རྒྱ་ཙམ་དུ་སྣང་། སྣང་ཙམ་ཉིད་ན་རྒྱུ་དང་འབྲས་བུ་གཉིས་ཀ་སྟེ། རྒྱུ་འབྲས་རོ་གཅིག་པའི་བྱང་ཆུབ་ཀྱི་སེམས་ཤེས་པར་བྱ་སྟེ། ཐིག་ལེ་ཆེན་པོའི་ངང་དུ་ཡེ་ནས་མ་བཅོས་པར་ལྷུན་གྱིས་གྲུབ་པར་གནས་པ་ནི་ལྷུན་གྱིས་གྲུབ་པའི་བྱང་ཆུབ་
ཀྱི་སེམས་ཞེས་བྱ་སྟེ། བསྒྲུབ་པ་ཆེན་པོའོ། །རུ་ལུ་སྒྲར་ཤེས་པ་ནི་བྱི་ཁུང་ན་བུང་བ་ཆེན་པོའི་སྐད་ཙམ་རང་གི་རྣ་བས་ཐོས་པ་ལས་མ་གཏོགས་པ་གཞན་གྱིས་ཚོར་བར་མི་བྱའོ། །རུ་ལུ་དབྱངས་སུ་ཤེས་པ་ནི། ཚངས་པའི་དབྱངས་ཀྱིས་འདྲེན་

104-1-144a

སྟངས་ཀྱིས། །རྒྱལ་བ་རྒྱ་མཚོ་ཐུགས་དམ་བསྐུལ། །རྡོ་རྗེ་སྲིན་པོ་ངུར་སྒྲ་ཡིས། །ཁམས་གསུམ་མ་ལུས་དབང་དུ་སྡུད། །འཁུན་ཅིང་གདུང་བའི་སྒྲ་དབྱངས་ཀྱིས། །མ་དང་མཁའ་འགྲོ་ཐུགས་དམ་བསྐུལ། །ཁོང་ཀུན་འདྲེན་པའི་
གདུང་དབྱངས་ཀྱིས། །ཀེའུ་རི་བརྒྱད་ཀྱི་ཐུགས་དམ་བསྐུལ། །མཁུར་བ་དབུགས་ཀྱི་རླུང་འབྱིན་གྱིས། །སེང་གདོང་ལ་སོགས་ཐུགས་དམ་བསྐུལ། །སྔགས་ཀྱི་ཡིག་འབྲུ་བཟླས་པ་ཡིས། །རྡོ་རྗེ་ཚིག་ལ་སྐད་མདངས་མེད། །དེ་ནས་བཅོམ་ལྡན་
འདས་ཀྱི་ལས་ཀྱི་བཟླས་པ་འདི་གསུངས་སོ། །དམ་ཚིག་ཡེ་ཤེས་དཔལ་འབར་མ། །ༀ་ནི་སྐུ་གསུང་ཐུགས་ཀྱི་ངང་། །རུ་ནི་གཟི་བརྗིད་འཕྲུལ་པོ་ཆེ། །ལུ་ནི་ཡུམ་ཆེན་དཔལ་འབར་མ། །བྷྱོ་ནི་མ་སྲིང་རྒྱ་མཚོ་ཚོགས། །རུ་ལུ་གསེར་ཕྲེང་
རྒྱ་མཚོ་སྟེ། །ཕར་སྤྲོས་པས་ནི་སྐུ་ལ་ཐིམ། །སླར་བསྡུད་པས་ནི་ཐུགས་ལ་ཐིམ། །ༀ་རུ་ལུ་རུ་ལུ་ཧཱུྃ་བྷྱོ་ཧཱུྃ། ཧཱུྃ་ལས་རྡོ་རྗེ་རྩེ་ལྔ་པ། །པྃ་ལས་པད་མར་གྱུར་པའི་དབུས། །མ་ལས་ཉི་མའི་དཀྱིལ་འཁོར་བསམ། །ཤ་ད་པ་ལ་སོགས་པ་ཡི། །
བསྐུལ་བ་དག་ནི་ཚུལ་བཞིན་དུ། །བསྙེན་པ་དང་ནི་ཉེ་བསྙེན་པའོ། །བསྒྲུབ་པ་དང་ནི་བསྒྲུབ་ཆེན་པོ། །ཡུམ་ནི་པད་མའི་དཀྱིལ་འཁོར་དུ། །བདེ་བ་ཐུགས་ཀྱི་དཀྱིལ་འཁོར་སྤྲོ། །སངས་རྒྱས་སྤྲིན་ཚོགས་མ་ལུས་ལ། །དགྱེས་མཉམ་མཆོག་གི་སྦྱིན་པས་
བསྟིམ། །སྟོང་གསུམ་སྟོང་གི་འཇིག་རྟེན་ན། །སྐུ་ཡི་སྤྲུལ་པ་བསམ་མི་ཁྱབ། །དེ་ཡང་དཔལ་ཆེན་ཉིད་གྱི་སྐུ། །སྟོང་གསུམ་སྟོང་གི་འཇིག་རྟེན་ན། །གསུང་གི་སྤྲུལ་པ་བསམ་མི་ཁྱབ། །དེ་ཡང་དཔལ་ཆེན་ཉིད་གྱི་གསུང་། །སྟོང་གསུམ་སྟོང་གི་འཇིག་རྟེན་ན། །ཐུགས་
ཀྱི་སྤྲུལ་པ་བསམ་མི་ཁྱབ། །དེ་ཡང་དཔལ་ཆེན་ཉིད་ཀྱི་ཐུགས།  སྟོང་གསུམ་སྟོང་གི་འཇིག་རྟེན་ན། ཤར་ཕྱོགས་སྟོང་གི་འཇིག་རྟེན་ན། །ཀུན་ཀྱང་བཛྲ་ཧེ་རུ་ཀར་བྱིན་གྱིས་བརླབས་ནས། །བཛྲ་ཧེ་རུ་ཀའི་དངོས་གྲུབ་དུས་འདིར་སྩོལ། །སྟོང་གསུམ་སྟོང་གི་
འཇིག་རྟེན་ན། །ལྷོ་ཕྱོགས་སྟོང་གི་འཇིག་རྟེན་ན། །ཀུན་ཀྱང་རཏ་ན་ཧེ་རུར་བྱིན་བརླབས་ནས། །རཏ་ན་ཧེ་རུ་ཀ་ཡི་དངོས་གྲུབ་དུས་འདིར་སྩོལ། །སྟོང་གསུམ་སྟོང་གི་འཇིག་རྟེན་ན། །ནུབ་ཕྱོགས་སྟོང་གི་འཇིག་རྟེན་ན། །ཀུན་ཀྱང་པད་མ་ཧེ་རུར་བྱིན་བརླབས་ནས། །

104-1-144b

པད་མ་ཧེ་རུ་ཀ་ཡི་དངོས་གྲུབ་དུས་འདིར་སྩོལ། །སྟོང་གསུམ་སྟོང་གི་འཇིག་རྟེན་ན། །བྱང་ཕྱོགས་སྟོང་གི་འཇིག་རྟེན་ན། །ཀུན་ཀྱང་ཀར་མ་ཧེ་རུར་བྱིན་བརླབས་ནས། །ཀར་མ་ཧེ་རུ་ཀ་ཡི་དངོས་གྲུབ་དུས་འདིར་སྩོལ། །སྟོང་གསུམ་སྟོང་གི་འཇིག་རྟེན་ན། །གནས་
རབ་གནས་ནི་བསམ་མི་ཁྱབ། །དུར་ཁྲོད་ཆེན་པོ་གནས་ཀྱི་མཆོག །བདེ་བ་ཆེན་པོ་གནས་ཀྱི་མཆོག །ཡུམ་གྱི་མཁའ་དབྱིངས་གནས་ཀྱི་མཆོག །དེ་ཡང་དཔལ་ཆེན་ཉིད་ཀྱི་གནས། །སྟོང་གསུམ་སྟོང་གི་འཇིག་རྟེན་ན། །ཟས་རབ་ཟས་ནི་བསམ་མི་ཁྱབ། །རྡོ་
རྗེ་དྲི་ཆེན་ཟས་ཀྱི་མཆོག །རྡོ་རྗེ་ག་ཕུར་ཟས་ཀྱི་མཆོག །བདུད་རྩི་རྣམ་ལྔ་ཟས་ཀྱི་མཆོག །དེ་ཡང་དཔལ་ཆེན་ཉིད་ཀྱི་ཟས། །སྟོང་གསུམ་སྟོང་གི་འཇིག་རྟེན་ན། །སྐོམ་རབ་སྐོམ་ནི་བསམ་མི་ཁྱབ། །རག་ཏ་དྲི་ཆུ་སྐོམ་གྱི་མཆོག །དེ་ཡང་དཔལ་
ཆེན་ཉིད་ཀྱི་སྐོམ། །སྟོང་གསུམ་སྟོང་གི་འཇིག་རྟེན་ན། །སྐྱོག་རབ་སྒྱོགས་ནི་བསམ་མི་ཁྱབ། །བན་དྷ་གསར་སྙིང་སྐྱོགས་ཀྱི་མཆོག །དེ་ཡང་དཔལ་ཆེན་ཉིད་ཀྱི་སྐྱོགས། །སྟོང་གསུམ་སྟོང་གི་འཇིག་རྟེན་ན། །ཡབ་རབ་ཡབ་ནི་བསམ་མི་ཁྱབ། །
ཀུན་དུ་བཟང་པོ་ཡབ་ཀྱི་མཆོག །དེ་ཡང་དཔལ་ཆེན་ཉིད་ཀྱི་ཡབ། །སྟོང་གསུམ་སྟོང་གི་འཇིག་རྟེན་ན། །ཡུམ་རབ་ཡུམ་ནི་བསམ་མི་ཁྱབ། །ཀུན་དུ་བཟང་མོ་ཡུམ་གྱི་མཆོག །དེ་ཡང་དཔལ་ཆེན་ཉིད་ཀྱི་ཡུམ། །ༀ་རུ་ལུ་འདི་ནི་སྐུ་ཡི་སྐུ། །རུ་ལུ་འདི་ནི་
སྐུ་ཡི་གསུང་། །རུ་ལུ་འདི་ནི་སྐུ་ཡི་ཐུགས། །རུ་ལུ་འདི་ནི་གསུང་གི་སྐུ། །རུ་ལུ་འདི་ནི་གསུང་གི་གསུང་། །རུ་ལུ་འདི་ནི་གསུང་གི་ཐུགས། །རུ་ལུ་འདི་ནི་ཐུགས་ཀྱི་སྐུ། །རུ་ལུ་འདི་ནི་ཐུགས་ཀྱི་གསུང་། །རུ་ལུ་འདི་ནི་ཐུགས་ཀྱི་ཐུགས། །སྐུར་གསལ་
གསུང་གསལ་ཐུགས་ཀྱང་གསལ། །སྐུ་དོན་གསུང་དོན་ཐུགས་ཀྱི་དོན། །རུ་ལུར་མ་གྱུར་གང་ཡང་མེད། །སྟོང་ཁམས་ཐམས་ཅད་རུ་ལུས་བཀང་། །རུ་ལུ་དངོས་གྲུབ་དུས་འདིར་གསོལ། །རུ་ལུ་དངོས་སུ་སྣང་བ་ནི་སྐུ། །དེ་ཉིད་མ་སྐྱེས་པ་ནི་གསུང་། །སྣང་
བ་དང་མ་བྱུང་བ་གཉིས་སུ་མེད་པ་ནི་ཐུགས་སོ། །རུ་ལུ་སྐུ་གསུམ་གསུང་གསུམ། ཐུགས་གསུམ། དགུ་ཕྲུགས་ཀྱི་དོན་ཏོ། །ༀ་རུ་ལུ་རུ་ལུ་ཧཱུྃ་བྷྱོ་ཧཱུྃ། །ༀ་ནི་དཔལ་ཆེན་ཧེ་རུ་ཀ་ཡབ་ཡུམ་མོ། །རུ་ལུ་གོང་མ་བརྒྱད་ནི་ཀེའུ་རི་མ་བརྒྱད། རུ་ལུ་འོག་མ་

104-1-145a

བརྒྱད་ནི་སིང་ཧ་མ་བརྒྱད། ཧཱུྃ་ནི་སྒོ་བ་ཡབ་ཡུམ་བརྒྱད། བྷྱོ་ནི་དབང་ཕྱུག་མ་ཉི་ཤུ་རྩ་བརྒྱད། །ཧཱུྃ་ནི་སྡུད་པ་བྱང་ཆུབ་སེམས། ལྷ་རེ་རེ་ལ་སྙིང་པོ་གྲངས་བརྒྱ་རྩ་བརྒྱད་དབུལ་ལོ། །ཁྲོ་བོ་རྣམས་ནི་ཀྲོ་དྷ་ནི་རུ་ལུ་རུ་ལུ་ཧཱུྃ་བྷྱོ་ཧཱུྃ། དེ་ནས་བཅོམ་
ལྡན་འདས་ཧེ་རུ་ཀ་རོལ་པའི་ཏིང་ངེ་འཛིན་དུ་ཞུགས་ཏེ། དེ་བཞིན་གཤེགས་པ་ཐམས་ཅད་ཀྱི་ཁྲོ་གཉེར་སྙིང་པོ་ཆེན་པོ་འདི་ཉིད་ཀྱི་སྐུ་དང་གསུང་དང་ཐུགས་རྡོ་རྗེ་ལས་ཕྱུང་ངོ་། །ༀ་བཛྲ་བི་སྐུ་ཏི་མ་ཧཱ་ཀྲོ་དྷ་མ། ཧ་ན་ཧ་ན། གྲིཧྣ་གྲིཧྣ། མཱ་ར་
མཱ་ར། བན་ཛ་བན་ཛ་ད་ཧ་ད་ཧ། པ་ཙ་པ་ཙ། ཧཱུྃ་དྲུྃ་བྲི་བྲི། བྲ་མ་ཡ་བྲ་མ་ཡ། བི་དྭན་སརྦཱ་བ་ར་ན་སརྦ་དུཥྚྃ། མ་ཏ་མ་ཏ། མོ་ཏ་མོ་ཏ། ཧཱུྃ་བྲི་ཏྲྃ་ཏྲྃ། བྲི་ཧཱུྃ་ཏྲྃ་ཏྲྃ། དེ་ནས་བཅོམ་ལྡན་འདས་ཁྲོ་བོ་ཆེན་པོ་པད་མ་འབྱུང་གནས་ཞེས་བྱ་བའི་ཏིང་ངེ་འཛིན་ལ་སྙོམས་
པར་ཞུགས་སོ། སོ། །བཅོམ་ལྡན་འདས་ཀྱི་སྐུ་དང་གསུང་དང་ཐུགས་རྡོ་རྗེ་ཐུགས་ཀ་ནས་ཕྱུང་ངོ་། །པད་མ་ཛ་ལ་མ་ཧཱ་ཀྲོ་དྷ་པདྨ་བ་མུ་ཀ་ཁ་ཁ། སརྦ་དུཥྚྃ། ཁ་ཧི་ཁ་ཧི།  སརྦ་དུསྟ་བ། དུསྟ་ན་མ། ད་མ་ད་མ། བཛྲ་ཤོ་ད་ཀ །ཏ་མ་ཐ་མ་ཐ། ཀྲོ་དྷ་ཀོ་དྷ། བཛྲ་
ཁ་ར་ཙ། པ་ལ་དུ་རུ། ག་བེ་ག་ཏྲ་ས་ཡ་ཏྲ་ས་ཡ་མ་ཧཱ་བཛྲ་པ་ད་བ་མུ་ཀ །པྲ་མ་པྲ་མ་ཧཱུྃ་ཕཊ། ཏི་ཧ་ཧ་ཏི་ཧ་ཏི། ཙ་ཏུར་མུ་ཁ། །བི་ཕྲན་ཤ་ན་ཧཱུྃ་ཧྲི། ཧཱུྃ་ཧཱུྃ་ཧཱུྃ་ཧྲི། རྡོ་རྗེ་ཆེན་པོ་འཇིགས་བྱེད་ཅེས་བྱ་བའི་ཁྲོ་བོ་ཆེན་པོའི་སྙིང་པོ་འདི་ཉིད་ཀྱི་སྐུ་དང་གསུང་དང་
ཐུགས་ཡེ་ཤེས་ཀྱི་སྙིང་ཀ་ནས་ཕྱུང་ངོ་། །ༀ་བཛྲ་བེ་ག་མ་ཧཱ་ཀྲོ་དྷ་སརྦ་དུཥྚྃ། ས་མ་ཡ་བཀྵ་ཡ། ཧཱུྃ་ཧཱུྃ་ཧཱུྃ། ཕཊ་ཕཊ་ཕཊ། བཛྲ་ས་ཀྵ་ཧ་ན་ཧ་ན་ཧཱུྃ་ཕཊ། ཁྲོ་བོ་ཆེན་པོ་ཐམས་ཅད་ཕྱག་རྒྱ་ཆེན་པོ་མངོན་པར་སྤྲུལ་ནས་མཆེ་བ་ཆེན་པོ་འཁྱིལ་ཅིང་ཞལ་མི་
སྡུག་པ། སྤྱན་སྟོང་པ། ཉི་མ་ཆེན་པོ་སྟོང་གི་གཟི་བརྗིད་ཅན་རབ་དུ་ཟ་བར་བྱེད་པའི་མདོག་སྔོན་པོའི་སྐུ། དུར་ཁྲོད་ཆེན་པོའི་དཔལ་ཆེན་གྱི་ཕྱག་ཆ་མིའི་ཀེང་རུས་ཁྲག་དང་ཤ་དང་ལུད་པ་དང་རྐང་དང་ཚིལ་རྣམས་ཟས་སུ་གསོལ་བ། མིའི་ལྤགས་པ་
རྣམས་གཡོགས་ཏེ་བསྡམས་པ། མི་མགོའི་ཕྲེང་བ་དབུ་ལ་འཛིན་པ། སེང་གེ་དང་། གླང་པོ་དང་། བོང་བུ་དང་། རྔ་མོ་དང་། མ་ཧེ་དང་། ཕག་དང་། ལྕེ་སྤྱང་དང་། ར་དང་། ཁྱི་དང་། འུགས་པ་དང་། བྱ་རོག་དང་། གཞད་དང་། བྱི་ལ་དང་། གཟིག་དང་། 

104-1-145b

སྟག་ལ་སོགས་པ་ཁྲོ་བོའི་བྱོལ་སོང་གི་གདོང་ལ་སོགས་པ་བརྒྱ་སྟོང་མང་པོ་རང་གི་བ་སྤུའི་བུ་ག་ནས་བྱུང་སྟེ། དཀྱིལ་འཁོར་ཆེན་པོའི་ཚུལ་གྱིས་ཤར་ཕྱོགས་འཇིགས་བྱེད་འདུལ་བ། ཞལ་རྣམ་པར་བསྙེན་པ། འཇིགས་པ་ལྟ་བུའི་སྤྱན་དང་། 
ཞལ་རྡོ་རྗེ་མཆེ་བ་ཆེར་གཙིགས་པ། འཇིགས་པར་བྱེད་པའི་ཁྲོ་བོ་ཆེན་པོ་བརྒྱད་སྟོང་གི་གཡོག་དང་། ཤར་ཕྱོགས་དཀྱིལ་འཁོར་དུ་འཁྱིལ་བར་གྱུར་ཏེ་གནས་སོ། །ལྷོ་ཕྱོགས་ཀྱི་དཀྱིལ་འཁོར་དུ་ཁྲོ་གཉེར་ཅན་མང་པོ་བརྒྱ་སྟོང་གཡོག་དང་བཅས་
པར་གནས་སོ། །ནུབ་ཕྱོགས་སུ་ཡང་རྟ་གདོང་ཁྲོ་བོ་ཆེན་པོ་བརྒྱ་སྟོང་མང་པོ་གཡོག་དང་བཅས་ཏེ་གནས་སོ། །བྱང་དུ་ཡང་འུར་འུར་ཆན་པོ་ཁྲོ་བོ་བརྒྱད་སྟོང་མང་པོ་གཡོག་དང་བཅས་ཏེ་གནས་སོ། །བཅོམ་ལྡན་འདས་ཤིན་དུ་ཁྲོ་བོ་ཆེན་པོའི་ཚོགས་བརྒྱ་
སྟོང་མང་པོས་བསྐོར་ནས་དབུས་ཀྱི་དཀྱིལ་འཁོར་ན་བཞུགས་ཏེ། ཧེ་རུ་ཀའི་ཁྲོ་བོའི་ཚོགས་ཆེན་པོ་དེ་དག་དང་། ཁྲོ་བོ་ཆེན་པོ་བརྒྱ་སྟོང་མང་པོའི་རི་རབ་ཀྱི་རྡུལ་ཕྲན་དང་མཉམ་པ་བསྐྱེད་བྱུང་ནས་ནམ་མཁའི་དབྱིངས་རབ་འབྱམས་ཐམས་ཅད་སྣང་བར་བྱས་ཏེ། 
སྟོང་གསུམ་གྱི་འཇིག་རྟེན་གྱི་ཁམས་འདི་ཐམས་ཅད་གང་བར་བྱས་སོ། །ཤིན་ཏུ་དགྱེས་པའི་ཁྲོ་བོ་ཆེན་པོས་ཁྲོ་བོའི་ཚོགས་རྣམས་ལ་བཀའ་སྩལ་པ། ན་མོ་རདྣ་ཏྲ་ཡཱ་ཡ།  ན་མ་ཤྩན་ཌ་བཛྲ་པཱ་ཎཱ་ཡ། མ་ཧཱ་ཡཀྵ་སེ་ན་པཱ་ཏ་ཡེ། ཏདྱ་ཐཱ། 
ༀ་བྷོ་བྷོ། མ་ཧཱ་བ་རེ་བ་ད་ར་བ། མ་ཧཱ་དྷི། ཧ་ར་ཧ་ར། གྲི་ཧྣ་གྲི་ཧྣ། མ་ར་མ་ར། བན་ཛ་བན་ཛ། ཀྵི་ཀྲ་ན་མ་ཧཱ་བཛྲ་ཙནྜ་དྷ། སརྦ་དུཥྚཱྃ་དུ་ཀུ། ཧ་ན་ཧ་ན། ད་ཧ་ད་ཧ། པ་ཙ་པ་ཙ། མ་ཐ་མ་ཐ་ཧཱུྃ་ཕཊ། འདི་གསུངས་མ་ཐག་ཏུ། འཇིགས་བྱེད་ཆེན་པོ་དབུལ་
བར་བྱེད་པ། རང་གི་སྐུ་ནམ་མཁའི་དབྱིངས་ཀྱི་ཚུལ་དུ་བྱེད་དོ། །ཁྲོ་བོ་བརྒྱ་སྟོང་པོ་ཞལ་རྣམ་པར་བསྙེར་བ། མཆེ་བ་གཙིགས་པ། འཁྱིལ་ཅིང་བསྒྱུར་བ་ཕྱག་བརྒྱ་སྟོང་མང་པོ་ལ་མཚོན་ཆ་སྣ་ཚོགས་བསྣམས་པ། ཞལ་བརྒྱ་སྟོང་མང་པོ་མེ་ལྕེ་བཞིན་
དུ་འབར་བའི་སྐུ། ༀ་མ་ཧཱ་བཛྲ་ཨང་། ཧ་ས་ཧ་ས། ཧ་ཧ་ཧ་ཧཱུྃ་ཧ། ༀ་ཏི། ༀ་མ་ཧཱ། བེ་ར་བ་བེ། ཤིང་ཤིང་། ཏྲ་ཏྲ་ཏྲྃ་ཏྲྃ། ཧ་ཧ་ཨི་ཏི། དེ་ནས་འཇིགས་བྱེད་ཆེན་པོ་འདུལ་བར་བྱེད་པའི་ཁྲོ་བོ་དེས་ཧེ་རུ་ཀའི་ང་རོ་འབྱིན་ཅིང་མགོ་བོ་ནས་མནན་ཏོ། །རྡོ་རྗེ་ཧེ་རུ་ཀའི་

104-1-146a

རོལ་བའི་བདག་ཉིད་ཀྱི་མཐུ་ཆེན་པོས་འཇིགས་བྱེད་ཆེན་པོའི་ང་རོ་འབྱིན་ཅིང་སྒྱུ་མའི་སྦུ་གུ་དྲངས་ནས་ཁྲག་དང་རུས་པ་དང་རྐང་རྣམས་ཟ་ཞིང་ཆེམ་ཆེམ་མཛད་པས། དེའི་འཁོར་ལ་རབ་ཏུ་སྟོན་པར་མཛད། མ་མོའི་ཚོགས་ཐམས་ཅད་ཀྱང་
སྒྲེན་མོར་བྱས་ཏེ་སྨ་ཕབ་ནས་ཧེ་རུ་ཀའི་ཚོགས་ཆེན་པོའི་མཐུ་དང་གཟི་བྱིན་བསྐྱེད་ནས། འཁོར་ཐམས་ཅད་ཐུལ་སྐྱབས་འོག་ཏུ་ཡང་བཙུད་ནས་དམ་ཚིག་ལ་གནས་ཏེ་ཡང་དག་པར་བཞུགས་སོ། །དེ་ནས་བཅོམ་ལྡན་འདས་ཁྲོ་བོ་དྲུག་པོའི་བཞད་
པས་བཞད་ཅིང་། ༀ་བཛྲ་བྷྲི་ཀུ་ཏི་ཧ་ན་ཧ་ན། གྲིཧྞ་གྲིཧྞ། མ་ཏ་མ་ཏ། ཀྲི་ན་ཙ་རི་ཡ། སི་སུ་ར་མ་ཧཱ་ས། སྲ་ཏི་རེ་ཀེ་བ་སུ་ར་ཛ་ལ་ན་ལ་ར་ཚི་པྲ་ཏི་ཛ་ལི་ཏ། མ་སུ་ར་ཏཾ། ཨཱ་ཀད་ཏ་ཊ། ཨཱ་ཀད་ཊ། ཨ་ཕྱ་ཝ། ཨ་ཕྱ་ཝ། ཀྲིསྣ་ཙཀྲ་བེ་ར་བརྟི་ད་ཡན་ཧཱུྃ་བྲི། དེ་ནས་
ཁྲག་འཐུང་གི་སྔགས། ༀ་བཛྲ་སུྰ་རྱ་བྲི་ཀུ་ཏི། ཁྲོ་ད་མ་ཧཱ་ཀྲི་ཧེ། ད་ར་པ་ད་ར་བ། སུ་ར་དུ་ར་ཏི། ༀ་ས་མེ་དད་མ་ནི་ཙ་ན། ༀ་བྲ་བྲ་བི་བྲྃ་བ། དེ་ནས་རྟ་གདོང་གི་ཁྲོ་བོ་ཆེན་པོའི་སྔགས། བ་ཧྲི། ༀ་མ་ཧཱ་བཛྲ་བ་ད། བ་མུ་ག །ཁ་ཁ། ཁཱ་ཧི་ཁཱ་ཧི། ཙ་དུ་ར་མུ་
ཁང་། བ་བ་བི་བ། ཨ་རུ་ཏི་རམ། མ་ཀཱརྱ་ཧྲི་ད་ཡན། དྲ་ན། ད་མ་དེའུ། བཛྲ་བ་དྃ་བ་མུ་ཀ །ཧི་ཧི། ཤ་ཧི་ཤ་མ་ཧཱ་ཤེ་ཤ་ཧི་ཧི། དེ་ནས་རྡོ་རྗེ་ཆེན་པོའི་རྟ་གད་ཆེན་པོ་མཛད་ཅིང་བཞུགས་སོ། །བཅོམ་ལྡན་འདས་ཁྲོ་བོ་ཆེན་པོས་ཁྲོས་པ་དང་བཅས་པའི་ལྟ་བས་གཟིགས་
ཏེ། ཨོཾ་གུ་ལུ་གུ་ལུ་བཛྲ་མ་ཧཱ་ཀྲོ་དྷ་ཨཱ་ཀར་ཥ་ཡ། ཨཱ་ཀར་ཥ་ཡ། ཤ་ཀྲ་ཧྲྀ་ད་ཡཱ་ན་མ་ཧཱ་བཛྲ་དྃཥྚཱྃ་ཡ། ཧཱུྃ་བྷཀྵ་ཡ་ཤྲིཾ། དེ་ནས་བཅོམ་ལྡན་འདས་ཁྲོ་བོ་ཆེན་པོ་རྣལ་འབྱོར་པ་རྣམས་དང་རོལ་ཅིང་། རང་གི་ཤིན་དུ་དགྱེས་པའི་ཀུན་དུ་ལོངས་སྤྱོད་པའི་ཁྲོ་བོ་ཆེན་པོའི་དཀྱིལ་
འཁོར་དུ་བཞུགས་སོ། །དེ་ནས་བཅོམ་ལྡན་འདས་དེ་བཞིན་གཤེགས་པ་ཐམས་ཅད་འདུ་བར་མཛད་ནས། བཅོམ་ལྡན་འདས་ལ་བསྐུལ་བར་མཛད་དོ། །ༀ་མ་ཧཱ་སུ་ར་ཏ། བཛྲ་མ་ཧཱ་ཀྲོ་དྷ་བ་སཾ་ཧར་སྃ་ཧ་ར། སརྦ་ཀྲོ་དྷ་མ་ཤ་མ་ཤ་མ། པྲ་ཤ་མ་པྲ་ཤ་མ། སརྦ་ཀྲོ་དྷ་
ཨུཙྪུཥྨ་ཀྲོ་དྷ་བྷ་བ་ས་མ་ཡ། མ་ཧཱ་མ་དྲ་ལེ་སྟ་མ་ཡ། སརྦ་དུཥྚ་པྲ་དུཥྚ་པྲཥྚ་ཀྲོ་དྷ་མ་བ་བ་བ་ཡ། ཛྭ་ལ་ཡ་ཤ་ཀྲ་པཱ་དྃ། བཻ་ཤ་ར་མ་ཡེ། ཤ་ར་མ་ཧཱ། བྷ་ག་བནྡྷ། སུ་ར་ཏི། སརྦ་ཏ་ཐཱ་ག་ཏཱ་སཱ་དཱ་ན། ས་མ་ཡེ་ན་ཙ་ཧོཿ། སུ་ར་ཏ། ས་མ་ཨི་ཏི། དེ་ནས་བཅོམ་ལྡན་འདས་

104-1-146b

ཁྲོ་བོ་ཆེན་པོ་ཉིད་ཀྱི་སྐུ་དང་གསུང་དང་ཐུགས་རྡོ་རྗེ་ལས་ཕྱུང་ངོ་། །ༀ་ཛ་ཧཱུྃ་བྃ་ཧོཿ། ཊཱཀྐི་ཧཱུྃ་ཛ་ཧཱུྃ་ཊཱཀྐི་ཧཱུྃ་ཊཱཀྐི་ཧཱུྃ། ༀ་ག་ཏ་ཤེ་ཧཱུྃ་ཛཿ། ཨཱ་ཀར་ཥ་ཡ། པྲ་བེ་ཤ་ཡ། བནྡྷ་ཡ། བ་ཤི་ཀུ་རུ། སརྦ་ཀྲོ་དྷ་ས་མ་ཡ། ཛ་ཧཱུྃ་བྃ་ཧོཿ། ཊཱཀྐི་ཧཱུྃ་ཛཿཛཿཧཱུྃ། ཊཱཀྐི་ཧཱུྃ། དེ་ནས་བཅོམ་
ལྡན་འདས་ཀྱི་ཁྲོ་བོ་ཆེན་པོ་འདི་ཕྱུང་ངོ་། །ༀ་སུམ་བྷ་ནི་སུམ་བྷ་མ་ཧཱ་ཀྲོ་དྷི་ཤྭ་རི་ཧཱུྃ་ཕཊ། བདུད་རྩིའི་ཁྲོ་བོའི་དབང་མོ་ཕྱུང་ངོ་། །ༀ་བཛྲ་ཨ་མྲྀ་ཏ་མ་ཧཱ་ཀྲོ་དྷི་ཤྭ་རི། ཨུཙྪ་བཛྲ་ཨ་མྲྀ་ཏ་ཧཱུྃ་ཨཱཿ། དེ་ནས་བཅོམ་ལྡན་འདས་མ་བདུད་རྩི་ཆེན་མོ་འདི་ཀུན་དུ་ཁྲོས་
ཏེ། རུ་ལུ་རུ་ལུ་ཞེས་བྱ་བ་འབྱིན་ཅིང་རང་གི་པད་མོ་ལ་བཅོམ་ལྡན་འདས་ཀྱི་རྡོ་རྗེ་བཅུག་ནས་བདུད་རྩི་ཡང་དག་པར་བསྒྲུབ་པའི་རིགས་པ་ཕྱུང་ངོ་། །ༀ་ཨ་མྲྀ་ཏ་ས་མན་ཙི་བ་ནི་ཨ་མྲྀ་ཏ་སུ་མུ་ཏེ། པྲ་བེ་ཤ་ཡ་སརྦཱན་བཛྲ། པད་མ་མས། ཡོ་གི་ནི་ར། མ་ཧཱ་བོ་དྷི་
ཙི། བི་ཏ་བི་ཏི་མུརྟྟི་ཡ། རྡོ་རྗེ་ཁྲོ་བོའི་དབང་མོ་ཞེས་བྱ་བ་ཉིད་ཀྱི་སྐུ་དང་གསུང་དང་ཐུགས་རྡོ་རྗེ་ལས་ཕྱུང་ངོ་། །ༀ་སརྦ་ཏ་ཐཱ་ག་ཏཱ་མ་ཧེ་ཤྭ་རི་སརྦ་དུཥྚཱྃ། སུ་ཏ་ནི་མ་ཧཱ་པྲཱ་ལ་ཡཱན། སྨ་ཤཱ་ན་བི་ཤ་རྩེ། མ་ཧཱ་བཛྲ་ཀྲོ་དྷ་དྃཥྚ་ཀཱ་ར་ལེ་བི་ཀྲྀ་ཏ། བ་དེ་ན། སརྦ་ཤ་དུ་བྲ་མ་ཎྀ་
ཧཱུྃ་ཧཱུྃ་མ་ཧཱ་ཀྲོ་དྷི་ཤྭ་རི་ཧཱུྃ་ཕཊ། ཁྲོ་བོ་འདི་རྣམས་ཕྱག་ན་མཚོན་ཆ་སྣ་ཚོགས་བསྣམས་པ། ཞལ་གསུམ་པ། མདོག་ཨིནྡྲ་ནཱི་ལའི་འོད་འདྲ་བ། རྡོ་རྗེ་དང་། ཐོ་བ་གཅིག་ཁང་པ་དང་། ཐོད་པ་དང་། མདུང་དང་། དགྲ་སྟ་དང་། ཞགས་པ་དང་། རྩེ་གསུམ་དང་། བེ་ཅོན་
དང་། མུ་སུ་དང་། འཁོར་ལོ་དང་། ཀ་ན་ཡ་དང་། ཏོ་མ་དང་། མདའ་དང་། གཞུ་དང་། ཤཀྟི་དང་། གྲི་རྣམས་ཕྱག་ན་འཛིན་པ། ཐོད་པའི་ཕྲེང་བ་མགུལ་རྒྱན་དུ་བྱས་ནས་ཉི་མ་བརྒྱའི་མེའི་འོད་འདྲ་བའོ། །དེའི་དབུས་མདུན་དུ་རྡོ་རྗེ་ཁྲག་འཐུང་ཆེན་མོ་དེ་དང་འདྲ་བའི་
གཟུགས་དང་ཆ་ལུགས་འཛིན་པ་རིག་པ་འདིས་བཞགས་པར་བྱའོ། །ༀ་བཛྲ་མ་ཧཱ་དྷ་ར།  མ་ཧཱ་ཀྲོ་དྷི་ཤྭ་རི་མ་ཧཱ་སྨ་ཤཱ་ནི། པི་ཤ་ནི་ལ་ཛྭ་ལ་ཡ། མ་ཧཱ་ས་པྲ་པྲ་ཛྭ་ལ་ཏེ། མུ་ཏི་ད་ར། ཀ་པཱ་ལ་མཱ་ལ། བུ་ཤི་ད། མ་ཀུ་ཏེ། མ་ར་རུ་དྷི། ར་དྲ་ར་བ། ཙི་པུ་རི་ཏ། ཀ་པཱ་ལ་ཧསྟེ། 
ཁ་ཊྭཱངྒ་བཛྲ། ཏྲི་ཤུྰ་ལ་གནྡྷ། མ་ཧཱ་ཀྲོ་དྷེ་ཧཱུྃ་ཧཱུྃ་ཧཱུྃ་ཧཱུྃ་ཧཱུྃ་ཧཱུྃ། ཧེ་ཧེ་རུ་ཏ་མུ་ཏ་པྲ་ཡེ་ཧཱུྃ་ཕཊ། དེ་ནས་བཅོམ་ལྡན་འདས་ཁྲོ་བོ་ཆེན་པོ་གཟི་བརྗིད་མཆོག་དང་ལྡན་བ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་སོ། །རྡོ་རྗེ་ཉི་མ་ཉིད་ཀྱི་ཁྲོ་བོ་ཉིད་ཀྱི་སྐུ་དང་གསུང་དང་ཐུགས་རྡོ་

104-1-147a

རྗེ་ལས་ཕྱུང་ངོ་། །ༀ་ཧཱུྃ་ཏྲྃ་ཨཱཿསུརྱ་བཛྲ་ཀྲོ་དྷི་ཤྭ་རཱི།  ད་མ་ད་མ། གྲ་ས་གྲ་ས་ཨསྟ་མ་ཧཱུྃ་ཕཊ། ཨྃ་ཧཱུྃ་བྲྃ་དྲ་དྲ་དྲ། ཁྲོ་མོ་ཆེན་མོ་འདི་ལྷོ་ཕྱོགས་སུ་བཞག་པར་བྱ་སྟེ། གཟི་བརྗིད་ཆེན་མོ་རབ་གཏོང་ཞིང་། །ཤིན་དུ་འཇིགས་པ་མེ་བཞིན་འབར། །དཔུང་པ་བཅུ་
དྲུག་རྣོ་བ་ཆེ། །དཔུང་རྒྱན་ཐོད་པ་བརྩེགས་པ་བྱས། །སྤྱན་ནི་རབ་དམར་སྔོ་བསངས་མདོག །མཚོན་ཆ་སྣ་ཚོགས་བསྣམས་པར་བརྩོན། །གདུག་པ་ཐམས་ཅད་ཆ་བྱེད་ཅིང་། །ཡི་དགས་ཆེན་པོ་སྟག་ལ་ཞོན། །རང་གི་གཡོག་གིས་མདུན་དུ་བསྐོར། །དེ་ནས་
བཅོམ་ལྡན་འདས་པད་མོའི་འོད་ཟེར་འཕྲོ་བའི་འོད་ཟེར་ཕྲེང་བ་ཆེན་པོ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ཏེ། པད་མོའི་ཁྲོ་མོ་འདི་ཉིད་ཀྱི་སྐུ་དང་གསུང་དང་ཐུགས་རྡོ་རྗེ་ལས་ཕྱུང་ངོ་། །ༀ་ཧྲཱིཿབཛྲ་པདྨ་བ་མུ་ཀེ། ཁ་ཁ། ཁཱ་ཧི་ཁཱ་ཧི། མ་ཧཱ་མ་ཧོ་དི་ར། 
བི་གོ་བེ་ཧཱུྃ། ཧེ་ཧཱུྃ་ཧཱུྃ་ཧཱུྃ་ཧཱུྃ་ཧཱུྃ་ཧྲཱི་ཧ། ཤ་ཏི་ཤ་མ་ཐ་བ། བཛྲ་པ་ད་པ་ན་ལ་མ་ཧོཿ། ཏེ་ཏོ་ཧཱུྃ་ཧཱུྃ་ཧཱུྃ་ཧི་ཧི་ཧཱུྃ། དཀྱིལ་འཁོར་གྱི་ནི་དབུས་ཉིད་དུ། །འདི་ནི་རྒྱབ་དུ་བཞག་པར་བྱ། །རྣོ་བ་ཆེན་པོ་ཞལ་གསུམ་པ། །རྟ་གདོང་གྱེན་དུ་སྟོན་པ་སྟེ། །ཁྲོ་བོ་ཆེན་པོ་དཔུང་བཅུ་དྲུག །རྣམ་པར་
བསྒྱུར་བའི་མི་སྡུག་གདོང་། །མི་ལྟོ་སྟན་ལ་ཡང་དག་ཞོན། །ཁྲག་མང་པོ་ལ་འཐུང་བྱེད་པ། །མཚོན་ཆ་སྣ་ཚོགས་འཛིན་པ་སྟེ། །ཁྲོས་པའི་དབུ་རྒྱན་ཐོད་པ་བརྩམས། །འོད་ཟེར་རྣོན་པོ་གཏོང་བྱེད་ཅིང་། །གཡོག་བཅས་དཀྱིལ་འཁོར་རྒྱན་དུ་བཞུགས། །དེ་ནས་བཅོམ་
ལྡན་འདས་ཀྱི་ཡེ་ཤེས་གདོན་མི་ཟ་བའི་རྡོ་རྗེ་ཁྲོ་བོ་གཉིས་སུ་མེད་པའི་འདུལ་བའི་ཐབས་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ཏེ། ཁྲོས་པའི་དབང་མོ་ཆེན་མོ་འདི་ཉིད་ཀྱི་སྐུ་དང་གསུང་དང་ཐུགས་རྡོ་རྗེ་ལས་ཕྱུང་ངོ་། །ༀ་སརྦ་ཨ་མོ་གྷ་མ་ཧཱ་བི་ཤྭེ་ཤྭ་རི། 
ཧཱུྃ་ཧཱུྃ་ཧྃ་ཧྃ་ཧྃ་མ་གྲོ་ཏི་གྲ་མ་ཁེ། མ་ཧཱ་བི་ཤྭ་རུྰ་པ་དྷ་རི་ཎྀ་སརྦ་དུཥྚ་པྲ་ཤ་མ་ནི། ཧཱུྃ་ཧཱུྃ་ཧཱུྃ་ཕཊ། འདི་ཉིད་ཀྱིས་ནི་ཅི་རིགས་པར། །རྡོ་རྗེ་གདོན་མི་ཟ་དཀྱིལ་དུ། །གཡོག་དང་བཅས་པ་རྣམ་བ་བཞི། །སྣ་ཚོགས་དམ་ཚིག་བཞག་བྱ་སྟེ། །སྣ་ཆོགས་པ་དང་ཁྱད་པར་ཀུན་དུ་ཡོངས་
སུ་བསྐོར་ནས་གནས། །བསྐྱེད་པ་དང་ནི་བཅུམ་པའི་གདོང་། །རབ་ཏུ་དྲག་པའི་རོ་བྱད་ཞིང་། །གདོང་གཉེར་ཐོད་པས་པས་རྩེ་མོ་བྱས། །དཔུང་པ་བཅུ་དྲུག་གིས་རྒྱན་པའི། །ཁྲོ་མོ་ཆེན་མོ་གདོང་གསུམ་ལ། །ཟ་བྱེད་མེ་བཞིན་ལྟ་བ་ཡི། །དེ་ཡི་རེ་བོ་ཐམས་ཅད་ཀྱི། །གཡོག་

104-1-147b

ནི་རྣམ་པ་བཞི་རྣམས་ཀྱང་། །རང་གི་ཕྱག་དང་མཚན་མར་ལྡན། །དཔུང་པ་བརྒྱད་དང་ལྡན་པ་ཡི། །དེ་ནི་ཆོ་ག་ཅི་བཞིན་དུ། །འབྱུང་མོ་ཕྱག་རྒྱ་ཡང་དག་ཞོན། །དུར་ཁྲོད་བཞིན་དུ་འཇིགས་བྱེད་པ། །ཕྱི་ཡི་རྣལ་འབྱོར་མ་ཚོགས་རྣམས། །དེ་དག་ཀུན་དུ་ཡོངས་སུ་
བསྐོར། །བཞག་གམ་བྲི་བར་བྱ་ཡང་རུང་། །དེ་ནི་དེ་ཡི་སྟན་ལ་གནས། །བཞིན་མི་སྡུག་ལ་དཔུང་བཞི་མོ། །གདུག་པའི་ཁྲོ་མོ་རྣམ་བསྒྱུར་བཅས། །དེ་ལ་སོགས་པ་རིམ་པར་ལྡན། །མཁས་པས་དཀྱིལ་འཁོར་བྲི་བར་བྱ། །དེ་ནས་བཅོམ་ལྡན་འདས་ཀྱིས་
གསང་བའི་སྔགས་རྣམས་ཉིད་ཀྱི་སྐུ་དང་གསུང་དང་ཐུགས་རྡོ་རྗེ་ལས་ཕྱུང་ངོ་། །ༀ་སརྦ་བཛྲ་དྷ་ར་ཨ་ནུ་རཱ་གི་ཎཱི་མ་ཧཱ་ཏི་ཤ་ཏྲི་ཧཱུྃ་ཕཊ། །ༀ་སརྦ་བཛྲ་ཨཱ་ཀཪྵ་ཎི། མ་ཧཱ་ཀྲོ་དྷི་ཤྭ་རི་ཧཱུྃ་ཛཿཛཿཛཿཧཱུཾ་ཧཱུྃ་ཧཱུྃ། ༀ་བཛྲ་དྷ་ར་ཀུ་ལ་མ་ནུ་རཱ་གི་ཎི་མ་ཧཱ་བཛྲ་ཀྲོ་དྷཱི་ཤྭ་རི་ཧཱུྃ་ཧ་ཧེ་ཕཊ་ཧོཿ། ༀ་སརྦ་བཛྲ་དྷ་རོ་གྲ་
མ་ཧཱ་ཀྲོ་དྷ་ཧཱུྃ་ས་ས་ཧཱུྃ་ཕཊ། ༀ་སརྦ་བཛྲ་དྷ་ར་མ་ཧི་ཧ་ཙ་ཨ་བེ་ཤ་ཀ་ཧཱུྃ་ཏྲུྃ་ཧཱུྃ། ༀ་སརྦ་བཛྲ་དྷ་ར་མ་ཧཱ་སུ་ཏ་པྲི་ཏི་ཀ་རོ་ཀེ་དྲ་ཐ་ཏ་ཐ། ༀ་སརྦ་བཛྲ་དྷ་ར་མ་ཧཱ་བཛྲ་ཧེ་རུ་ཀ་མ་ཧཱ་ཀྲོ་དྷཱི་ཤྭ་རི། མ་ཧཱ་བི་ཙ་ཡོ་ཙ་ར་བ་ཡེ། ཧཱུྃ་ཧཱུྃ་ཧཱུྃ་དྲུྃ་དྲུྃ་དྲྃ་དྲྃ་ཐ། ༀ་སརྦ་བཛྲ་དྷ་ར་མ་ཧཱ་ཀྲོ་དྷ་ཨ་ཏ་
ཧ་སི་ནི། ཧཱུྃ་ཧཱུྃ་དྲིྃ་དྲིྃ་ཏྲོ་ཊ་ཡ། ཏྲོ་ཊ་ཡ། ཧཱུྃ་ཕཊ། ༀ་སརྦ་བཛྲ་དྷ་ར་མ་ཧཱ་བཛྲ་ཀྲོ་དྷ་བྷཀྵ་ཎི་ཧཱུྃ་ཧཱུྃ་ཧཱུྃ། བྷཀྵ་ཡ་བྷཀྵ་ཡ་ཧཱུྃ་ཧྲཱིཿ། ༀ་སརྦ་བཛྲ་མ་ཧཱ། །བཛྲ་དྷ་ར་བཛྲ་ཏིཀྵྞ་ཀྲོ་དྷི་ཤྭ་རི་ཚིནྡྷ་ཚིནྡྷ་ཧཱུྃ་བཛྲ་ཏིཀྵྞ་ཧསྟེ། ཚེ་ད་ཡ་ཚེ་ད་ཡ། ཧཱུྃ་མ་ཐ་མ་ཐ།  ༀ་སརྦ་བཛྲ་དྷ་ར་མ་མ་
ཧཱ་བཛྲ་ཀྲོ་དྷ་རི་ནི་ཧཱུྃ་མ་ཧཱ་གྲ་དུ་བཱི་ནི། ཧཱུྃ་ཧཱུྃ་པཱ་ཏ་ཡ་པཱ་ཏ་ཡ། མ་ཧཱ་བཛྲ་ཙ་ཀྲེ་ན་ཙ་ཀྲེ་ན་ཙུརྞ་ཧཱུྃ་ཧཱུྃ་ཕཊ། ༀ་སརྦ་བཛྲ་དྷ་ར་མ་ཧཱ་ཀེ་ར་བཱ་ཙ་ནི། ཧཱུྃ་ཧཱུྃ་ཧཱུྃ། མ་ཏ་མ་ཏ།  ༀ་སརྦ་བཛྲ་མ་ཧཱ་དྷ་ར་མི་ཏ་པི་ཤ་མུ་ཁ་ཧཱུྃ་ཧཱུྃ་ཕཊ་ཕཊ། ༀ་སརྦ་བཛྲ་མ་ཧཱ་དྷ་ར་མ་ཡ་བ་དེ། ཧུ་དུ་ཧཾ་ཧཾ་ཧཾ་ཕཊ་ཕཊ་
ཕཊ། ༀ་སརྦ་བཛྲ་དྷ་ར་མ་ཧཱ་བཛྲ་ཡཀྵི་ཎི་ཧཱུྃ་ཧཱུྃ། ཁ་ཁ། ཁཱ་ཧི་ཁཱ་ཧི། ཨ་བི་བ་བཱི་ཧཱུྃ་ཕཊ། ༀ་སརྦ་བཛྲ་དྷ་ར་མ་ཧཱ་བཛྲ་པ་ན་དི་ནི་མ་ཧཱ་ཀྲོ་དྷེ་བནྡྷ་ཡ་བནྡྷ་ཡ། བི་དྷ་ཡ་ཧཱུྃ་ཕཊ། ༀ་སརྦ་བཛྲ་དྷ་ར་ད་ད་ཧ་ནི།  མ་ཧཱ་ཀྲོ་དྷི་ཤྭ་རི་ཧཱུྃ་ཧཱུྃ་ཕཊ། ༀ་སརྦ་བཛྲ་དྷ་ར་ཀྲོ་དྷི་མཱ་ལ་ནི། ཧཱུྃ་
ཧཱུྃ། གྲུྃ་གྲུྃ་གྲུྃ། ༀ་སརྦ་བཛྲ་དྷ་ར་མ་ཧཱ་བཛྲ་ཀྲོ་དྷ་གནྡྷ་ག་ས་ནི། ཧཱུྃ་ཧཱུྃ་གྲུྃ་གྲུྃ། ༀ་སརྦ་བཛྲ་དྷ་རི་མ་ཧཱ། ཀྲོ་དྷཱི་ཤྭ་རི་མ་ཧཱ་མ་ཧོཿ། ཀཱ་ལ་དྷ་རི་ཎི་ཏི་པ་ཡ། ཧོ་ད་ཧོ་ད། ༀ་སརྦ་བཛྲ་དྷ་ར་མ་ཧཱ་ཀྲོ་དྷི་ཤྭ་རི་མ་ཧཱ་ལ་སེ་ཧཱུྃ། ༀ་སརྦ་བཛྲ་དྷ་ར་མ་ཧཱ་ཀྲོ་དྷི་ཤྭ་རི་མཱ་ལེ་དྷ་ར་ཎི་ཧཱུྃ། ༀ་

104-1-148a

སརྦ་བཛྲ་དྷ་ར་དྷ་ར་མ་ཧཱ་ཀྲོ་དྷི་ག་ཏི་ནི་ཧཱུྃ་ཧཱུྃ་ཧེ་ཧེ། ༀ་སརྦ་བཛྲ་དྷ་ར་མ་ཧཱ་ཀྲོ་དྷི་ཤྭ་རི་ནི་རི་ཏེ་ཀེ་ཧཱུྃ། ༀ་སརྦ་བཛྲ་དྷ་ར་མ་ཧཱ་ཀྲོ་དྷ་མ་ཧཱ་ཀ་ར་ཤི་ན། ཛཿཛཿཧཱུྃ་ཧཱུྃ་ཛཿ། ༀ་སརྦ་བཛྲ་དྷ་ར་མ་ཧཱ་ཀྲོ་དྷ་དྷ་ར་མ་ཧཱ་བཛྲ་པཱ་ཤ་ཧཱུྃ་ཧཱུྃ་ཧཱུྃ། ༀ་སརྦ་ཏ་ཐཱ་ག་ཏཱ་མ་ཧཱ་བཛྲ་ཀྲོ་དྷེ། 
བནྡྷེ་བནྡྷེ། བནྡྷ་ཡ་བནྡྷ་ཡ་ཧཱུྃ་བྃ། ༀ་སརྦ་ཏ་ཐཱ་ག་ཏཱ་བཛྲ་དྷ་ར་མ་ཧཱ་ཀྲོ་དྷེ་པ་ཤེ། ཧཱུྃ་ཧཱུྃ་ཧཱུྃ་ཧོ་ཧོ་ཧོ། ༀ་ཧཱུྃ་ཏྲྃ་ཧྲི་ཧཱ།  དེ་ནས་བཅོམ་ལྡན་འདས་རྡོ་རྗེ་མཁའ་ལ་འགྲོ་བ་ཐམས་ཅད་ཀྱི་སྙིང་པོ་འདི་ཉིད་ཀྱི་སྐུ་དང་གསུང་དང་ཐུགས་རྡོ་རྗེ་ལས་ཕྱུང་ངོ་། །ༀ་སརྦ་
ཏ་ཐཱ་ག་ཏཱ་མ་ཧཱ་བཛྲ་དྷ་ར། ༀ་བཛྲ་ཀྲོ་དྷ་གྷྲྀ་ཎི་ཧཱུྃ་ཕཊ། ༀ་བཛྲ་ཀྲོ་དྷ་ཊཱཀྐི་ནི། མ་ཧཱ་ཧེ་མ་པ་ཏི་བ་ཧཱུྃ་ཕཊ། ༀ་བཛྲ་ཊཱཀྐི་ནི་ཀུ་མཱ་རི་ཡེ་ཧཱུྃ་ཕཊ། ༀ་བཛྲ་ཊཱཀྐི་ནི་དྲ་ཤ་མཱ་ར་ཡ་ཧཱུྃ་ཕཊ། ༀ་བཛྲ་ཊཱཀྐི་ནི་མ་ཧཱ་བཛྲ་མུཥྚི་ནི།  བིདྱ་བིདྱ། སུམ་བྷ་ནི་སུམ་བྷ་ནི་ཧཱུྃ་ཕཊ། ༀ་སརྦ་ཊཱ་
ཀི་ནི་མ་ཧཱ་བཛྲ་ཀྲོ་དྷ་ར་ལི་ཧཱུྃ་ཕཊ། ༀ་བཛྲ་ཊཱཀྐི་ནི་མ་ཧཱ་བཛྲ་ཀྲོ་དྷ་ཙཀྲ་ཎི། ཚིན་དྷ་ཚིན་དྷ་ཧཱུྃ་ཕཊ། ༀ་བཛྲ་ཊཱཀྐི་ནི། མ་ཧཱ་མི་ཐོད་པ་ཏི་ཀེ་ཧཱུྃ་ཕཊ། ༀ་བཛྲ་ཊཱཀྐི་ནི་སེ་མྱ་ཀྲོ་དྷི་ཤྭ་རི་ཧཱུྃ་ཕཊ། ༀ་བཛྲ་ཊཱིཀྐི་ནི་མ་ཧཱ་བཛྲ་དྷ་ན་ཏེ་ཧཱུྃ་ཕཊ། ༀ་བཛྲ་ཊཱཀྐི་ནི་མ་ཧཱ་མ་རི་ཎི་ཧཱུྃ་
ཕཊ། ༀ་བཛྲ་ཊཱཀྐི་ནི་མ་ཧཱ་ཨ་མྲྀ་ཏ་ཀ་པཱ་ལི་ཧསྟེ་ཧཱུྃ་ཕཊ།  ༀ་བཛྲ་ཊཱཀྐི་ནི། མ་ཧཱ་སེ་ནྱ་ཀྲོ་དྷི་ཤྭ་རི་ཧཱུྃ་ཕཊ། ༀ་བཛྲ་ཊཱཀྐི་ནི་མྲྀ་ཏུ་དན་ད་རི་ཧཱུྃ་ཕཊ། ༀ་བཛྲ་ཊཱཀྐི་ནི་ནི་བཛྲ་སྲྀ་ག་ལི་ཧཱུྃ་ཕཊ། ༀ་བཛྲ་ཊཱཀྐི་ནི་པི་པ་པི་པ་རུ་དྷི་ར་མ་མ་ཧཱ་བཛྲ་པ་ལི་ཧཱུྃ་ཕཊ། ༀ་བཛྲ་ཊཱཀྐི་ནི་
མ་ཧཱ་བཛྲ་པཱ་ཤ་པ་པ་ཤཀྵ་ཧཱུྃ་ཕཊ། ༀ་བཛྲ་ཊཱཀྐི་ནི་མ་ཧཱ་བཛྲ་ཤ་ནི་པི་ཕེ་ཧཱུྃ་ཕཊ། ༀ་བཛྲ་ཊཱཀྐི་ནི། མ་ཧཱ་བཛྲ་བི་ཤེ་ཧཱུྃ་ཕཊ། ༀ་བཛྲ་ཊཱཀྐི་ནི་ཨཱ་ན་ཡ་ཨཱ་ན་ཡ་ཧཱུྃ་ཕཊ། ༀ་བཛྲ་ཊཱཀྐི་ནི། མ་ཧཱ་བཛྲ་བེ་ཀ་ནི་གུ་གུ་མ་ཡ་ཧཱུྃ་ཕཊ། ༀ་བཛྲ་ཊཱཀྐི་ནི་བཛྲ་ཛྲྭ་ལ་ཡ། བྷསྨི་ཀུ་རུ་
ཧཱུྃ་ཕཊ། ༀ་བཛྲ་ཊཱཀྐི་ནི་མ་ཧཱ་བཛྲ་མི་ཀ་ཏེ་ཧཱུྃ་ཕཊ། ༀ་བཛྲ་ཊཱཀྐི་ནི་མ་ཧཱ་བཛྲ་ཧསྟེ་ཧཱུྃ་ཕཊ། ༀ་བཛྲ་ཊཱཀྐི་ནི་མ་ཧཱ་བཛྲ་ཀེ་ལི་པྲ་བེ་ཤ་པྲ་བེ་ཤ་ཧཱུྃ་ཕཊ། ༀ་བཛྲ་ཊཱཀྐི་ནི་མ་ཧཱ་སུ་མྃ་སཱ་ཤ་ནི་ཧཱུྃ་ཕཊ། ༀ་བཛྲ་ཊཱཀྐི་ནི་མ་ཧཱ་ཀ་ར་ཧཱུྃ་ཕཊ། ༀ་བཛྲ་ཊཱཀྐི་ནི་མ་ཧཱ་ཀ་ར་
ཤ་ནི་མི་ཏ་ཀ་ལ་མུ་ཀི་ཧཱུྃ་ཛཿཛཿཧཱུྃ་ཕཊ། ༀ་བཛྲ་ཊཱཀྐི་ནི་ཡ་བི་ཤ་ནི་ཧཱུྃ་ཕཊ། ཁྲོ་བོ་སྤྱིའི་བསྙེན་པའི་སྙིང་པོ་འདི་གསུངས་སོ། །ༀ་བ་ཧཱུྃ་བི་བི་ཏ་རོ། དྲ་སན་ཏི་ཏ། ཡི་ནི་ཤེ་ཤེ། སརྦ་བི་དཱ་ན་ཡ། སརྦ་ཏ་ཐཱ་ག་ཏཱ་ཛ་ལེ་ཛ་ལེ། པྲ་ཛ་ལེ་པྲ་ཛ་ལེ། གུར་བི་

104-1-148b

གུར་བི། ཀྵ་མ་སརྦ་མ་བ་པྲ་ཎི། བྷྱོ་ཧཱུྃ་ཧཱུྃ་ༀ་རུ་ལུ་རུ་ལུ་ཧཱུྃ་བྷྱོ་ཧཱུྃ། བསྙེན་པའི་གྲངས་བརྒྱ་དང་སྟོང་དང་འབུམ་མོ། །བཅོམ་ལྡན་འདས་དཔལ་རྡོ་རྗེ་སེམས་དཔའ་ཧེ་རུ་ཀ་རོལ་པ་ལས་གསང་བའི་ཁྲོ་བོའི་བསྙེན་པའི་ལེའུ་སྟེ་བཞི་པའོ།། །།
དེ་ནས་བཅོམ་ལྡན་འདས་དཔལ་ཧེ་རུ་ཀ་རོལ་པ་རྡོ་རྗེ་ཁྲོ་བོའི་ཏིང་ངེ་འཛིན་ལ་སྙོམས་པར་ཞུགས་ཏེ། ཉིད་ཀྱི་སྐུ་དང་གསུང་དང་ཐུགས་རྡོ་རྗེ་ལས་འདི་ཕྱུང་ངོ་། །ཁྲོ་བོ་རྡོ་རྗེ་མགྱོགས་པའི་དབུ་ལྔ་བཅུ་རྩ་གཅིག །ཕྱག་བརྒྱ་རྩ་གཉིས་པ་ཕྱུང་སྟེ། ༀ་བཛྲ་ཊཱཀྐི་ནི་མ་
ཧཱ་བན་ཏེ། བྃ་བྃ་ཕཊ། ༀ་བཛྲ་ཊཱཀྐི་ནི་མ་ཧཱ་དོ་ཤ་ན་ས་ཡེ་ཧཱུྃ་ཕཊ། ཨ་ཨ། ༀ་བཛྲ་མ་ཧཱ་རཀྵ་ས་མ་ས་རུ་ཏི། ར་མ་ཏི་ད་པྲི་ཡ། མ་ཧཱ་ཀུམ་བ་ཀཱ་རུ་ཎ། ཧཱུྃ་ཧཱུྃ་ཧཱུྃ། ཀྵ་ༀ་བཛྲ་མ་ཧཱ་རཀྵ། ཨ་གཏྟ་ཡ། པྲ་བེ་ཤ་ཡ། པྲ་བེ་ཤ་ཡ། སརྦ་བཛྲ་ག་ལ། བ་ཤི་ན་བ་ན་ད་བ་ན་ད། 
ཧཱུྃ་ཧཱུྃ་ཧཱུྃ། ཕཊ། ༀ་བཛྲ་རཀྵ་བན་དྷ་ཡ་བན་དྷ་ཡ། བི་ཤ་ཡ། བི་ཤ་ཡ། བི་བི་ཤ་ན་སརྦཱ་ན། ཧཱུྃ་ཧཱུྃ་ཕཊ། ༀ་བཛྲ་མ་ཧཱ་ར་ཤ་ས། བན་དྷ་ཡ་བན་དྷ་ཡ། སརྦ་མ་ཧཱ་བི་ཀྲྀ་ཏ་ན་ན། ད་ཤ་གྲཱི་བ་ཧཱུྃ་ཕཊ། དེ་ནས་བཅོམ་ལྡན་འདས་དཔལ་ཀུན་དུ་བཟང་པོ་ཧེ་རུ་ཀའི་
སྤྲུལ་པའི་ཏིང་ངེ་འཛིན་ལ་སྙོམས་པར་ཞུགས་ཏེ། ཉིད་ཀྱི་སྐུ་དང་གསུང་དང་ཐུགས་རྡོ་རྗེ་ལས་ཕྱུང་ངོ་། །སྨུག་ནག་སྔོ་ནག །ཧཱུྃ་ཧཱུྃ་ཧཱུྃ་ཧཱུྃ་ཧཱུྃ་ཧཱུྃ་ཧཱུྃ་ཧཱུྃ་ཧཱུྃ་ཧཱུྃ། ཧཱུྃ་ཧཱུྃ་ཧཱུྃ་ཧཱུྃ་ཧཱུྃ་ཧཱུྃ་ཧཱུྃ་ཧཱུྃ་ཧཱུྃ་ཧཱུྃ། ཧཱུྃ་ཧཱུྃ་ཧཱུྃ་ཧཱུྃ་ཧཱུྃ་ཧཱུྃ་ཧཱུྃ་ཧཱུྃ་ཧཱུྃ་ཧཱུྃ། ཧཱུྃ་ཧཱུྃ་ཧཱུྃ་ཧཱུྃ་ཧཱུྃ་ཧཱུྃ་ཧཱུྃ་ཧཱུྃ་ཧཱུྃ་ཧཱུྃ། ཧཱུཾ་ཧཱུཾ་ཧཱུཾ་ཧཱུཾ་ཧཱུཾ་ཧཱུཾ་ཧཱུཾ་ཧཱུཾ་ཧཱུཾ་ཧཱུཾ་ཧཱུཾ་ཧཱུཾ་ཧཱུཾ་ཧཱུྃ་ཧཱུྃ་ཧཱུྃ་ཧཱུྃ་ཧཱུྃ་ཧཱུྃ་ཧཱུྃ་ཧཱུཾ་
ཧཱུྃ་ཧཱུྃ་ཧཱུྃ་ཕཊ་ཕཊ་ཕཊ་ཕཊ་ཕཊ་ཕཊ་ཕཊ་ཕཊ་ཕཊ་ཕཊ། ཕཊ་ཕཊ་ཕཊ་ཕཊ་ཕཊ་ཕཊ་ཕཊ་ཕཊ་ཕཊ་ཕཊ། ཕཊ་ཕཊ་ཕཊ་ཕཊ་ཕཊ་ཕཊ་ཕཊ་ཕཊ་ཕཊ་ཕཊ། ཕཊ་ཕཊ་ཕཊ་ཕཊ་ཕཊ་ཕཊ་ཕཊ་ཕཊ་ཕཊ་ཕཊ། ཕཊ་ཕཊ་ཕཊ་ཕཊ་ཕཊ་ཕཊ་ཕཊ་ཕཊ་ཕཊ་ཕཊ། ཕཊ། ཞལ་
རེ་རེ་ནས་ཧཱུྃ་དང་ཕཊ་ཀྱི་སྒྲ་མང་པོ་ཕྱུང་བས། ཁྲོ་བོ་འབུམ་དུ་གཅིག་དུ་ཕྱུང་སྟེ། ཧཱུྃ་དང་ཕཊ་ཀྱི་སྒྲ་མང་པོ་འབྱིན་ཅིང་འཇིག་རྟེན་གྱི་ཁམས་དུས་གཅིག་ཏུ་གང་བར་གྱུར་ཏེ། དྲེགས་པ་ཐམས་ཅད་བརྒྱལ་བར་གྱུར་ཏོ། །དེ་ནས་བཅོམ་ལྡན་འདས་ཧེ་རུ་ཀ་རོལ་པ་
མ་དང་། མཁའ་འགྲོ་མ་རྣམས་ཀྱི་ཏིང་ངེ་འཛིན་དུ་ཞུགས་ཏེ། མ་དང་མཁའ་འགྲོ་མ་འབུམ་ཆོས་ཀྱི་དབྱིངས་ནས་བཞེངས་ཏེ། ཉིད་ཀྱི་སྐུ་དང་གསུང་དང་ཐུགས་རྡོ་རྗེ་ལས་ཕྱུང་ངོ་། །མ་མོ་འབུམ་གྱི་རྒྱལ་མོ་དབྱིངས་ནས་བཞེངས། །ཁྱོད་ནི་ཡེ་ཤེས་ལྷ་མོ་འབུམ་

104-1-149a

གྱི་གཙོ། །ཞིང་ལྤགས་རློན་པས་ས་གཞི་འགེངས་མཛད་མ། །ཞིང་ཆེན་རློན་པས་གཡང་གཞི་རལ་པ་ཅན། །གཟིགས་ལྤགས་རློན་པ་སྟོང་གིས་སྐུ་སྨད་ཀླུབས། །སྦྲུལ་ནག་འབུམ་གྱིས་ཡན་ལག་རྒྱན་དུ་སྒྲིལ། །ཐོད་རློན་ཐོད་སྐམ་ཐོད་ཚལ་མགུར་ཆུ་
དཔུང་རྒྱན་སེར་རལ་ཁ། །ཁྱོད་ཀྱི་རྡོ་རྗེ་ཐེའུ་གཤོག་གཡས་པ་ལས། །ཡེ་ཤེས་ལྷ་མོ་ཚོགས་ནི་བརྒྱ་ཡང་འཚེར། །ཁྱོད་ཀྱི་རྡོ་རྗེ་ཐེའུ་གཤོག་གཡོན་པ་ལ། །ལས་བྱེད་ལྷ་མོ་བརྒྱད་བཅུ་གནས། །ཉིན་ཞིང་རྒྱ་མཚོ་གཏིང་ནས་བཞུགས་པའི་ཚེ། །ཀླུ་རྒྱལ་
འབུམ་གྱིས་བཀྲིས་ཤིང་མཆོད་པ་འབུལ། །མཚན་ཞིང་རི་རབ་རྩེ་ལ་བཞུགས་པའི་ཚེ། །གནོད་སྦྱིན་བུ་མོ་ཁྱོད་ཀྱི་ཕོ་ཉར་གཏོང་། །བདུད་ཀྱི་བུ་མོ་འཁོལ་ཞིང་ང་རྒྱལ་དྲག་ཏུ་གནོན། །གཤེད་མ་དོན་དུ་གཉེར་ཞིང་དགྲ་སྙིང་ཚལ་པར་འགས། །གསུར་
ཆེན་དུད་པས་འཇིག་རྟེན་མ་ལུས་འགེངས། །ཤ་ཆེན་རོ་ལ་རྔམ་ཞིང་དཔལ་ཆེན་ཞལ་དུ་སྟོབ། །རང་ཡང་ཟ་ཞིང་གྲོགས་ལ་འདར་བར་བྱེད། །མ་དང་མཁའ་འགྲོ་དབྱིངས་ནས་བསྐུལ་བསྐྱོད་ལ། །ལས་ལ་འཁྲིལ་ཞིང་ཆོས་ཀྱི་དབྱིངས་སུ་བསྟེན། །
མཁའ་འགྲོ་ཟ་བྱེད་མགྱོགས་མ་གཤོག་པ་ཅན། །མཁའ་འགྲོ་འཇུག་བྱེད་ཡིད་འཕྲོག་ནུ་མ་ཅན། །མཁའ་འགྲོ་རྔམ་པའི་ཞལ་གདངས་མཆེ་བ་ཅན། །མཁའ་འགྲོ་འབྱུང་བ་འཛིན་པའི་སྡེར་མོ་ཅན། །མཁའ་འགྲོ་ཁམས་གསུམ་རྔུབ་པའི་མཆུ་
རིངས་མ། །མཁའ་འགྲོ་དུག་གསུམ་ཟ་བྱེད་འབར་བའི་སྐུ། །ལས་ཀྱི་མཁའ་ལ་འགྲོ་བའི་ཤུགས་ཅན་མ། །དོན་གྱིས་མཁའ་ལ་འགྲོ་བའི་ཡེ་ཤེས་ཡུམ། །དེ་ནས་མཁའ་འགྲོ་མ་བརྒྱད་དཔལ་ཆེན་པོའི་ཏིང་ངེ་འཛིན་གྱིས་ལས་བྱེད་པར་གྱུར་ཏོ། །དེ་ནས་
བཅོམ་ལྡན་འདས་ཧེ་རུ་ཀའི་རོལ་པ་མ་དང་མཁའ་འགྲོ་མ་དེ་རྣམས་དང་གཉིས་སུ་མེད་པའི་སྦྱོར་བ་རྩེ་གཅིག་མའི་ཏིང་ངེ་འཛིན་དུ་མཛད་དོ། །འདོད་ཆགས་ཞེ་སྡང་གཏི་མུག་གསུམ་ལ་སྐྱེས་པའི་བདུད་བག་ཆགས་ཀྱིས་མཚམས་སྦྱར་ཏེ། བདུད་རུ་ཏྲ་
ནག་པོ་སེམས་ཅན་དང་རྣལ་འབྱོར་པ་ལ་འཚེ་ཞིང་གནོད་པར་བྱེད་པ་ཟ་བར་བྱེད་པ་དེ་ལ་བཅོམ་ལྡན་འདས་ཧེ་རུ་ཀའི་རོལ་པས་ཕོ་ཉའི་ཏིང་ངེ་འཛིན་དུ་ཞུགས་ཏེ། ཉིད་ཀྱི་སྐུ་དང་གསུང་དང་ཐུགས་རྡོ་རྗེ་ལས་ཕྱུང་ངོ་། །ཏིལ་མར་སྣ་ཚོགས་ཀྱིས་ལུས་བསྐུས་པའི་

104-1-149b

རྡོ་རྗེ་མཆེ་བ་ཅན་དང་། ནག་མོ་མི་ཐོད་ཐོགས་པའི་རྡོ་རྗེ་ཕྲེང་བ་ཅན་དང་། རྣལ་འབྱོར་ཡེ་ཤེས་རྡོ་རྗེ་དམ་ཚིག་མ་དང་། མགོ་བོ་ཅོད་པན་ལེགས་སྤྲས་རྡོ་རྗེ་ཁྲག་འཐུང་མ་དང་། ལག་ན་མཚོན་ཐོགས་པའི་རྡོ་རྗེ་ཕྲེང་མ་དང་། དགྲ་བགེགས་དབང་དུ་སྡུད་པའི་རྡོ་རྗེ་གཡུལ་
ཟློག་མ་དང་། སྦྲུལ་གྱི་སྐ་རགས་འཆིང་ཞིང་ལག་ན་མདུང་ཐུང་རལ་གྲི་ཐོགས་མ་དང་། ཞིང་ལྤགས་རྐེད་པས་བཀྲིས་ཤིང་ཁྲག་གིས་མྱོས་མ་དང་། མིག་རྩ་དམར་པོར་གྱུར་པའི་རྡོ་རྗེ་འཁྲུག་མ་དང་། མཚན་མོ་དུར་ཁྲོད་དུ་རྒྱུ་བའི་འབྱུང་མོ་སྒྲོལ་མ་དང་། ཀོ་རློན་
སྨད་བཀྲིས་ཐོད་པ་སེ་རལ་ཁར་ཐོགས་མ་དང་། མི་རོ་རྒྱུ་མ་ཚེམས་ཀྱིས་འདྲེན་པའི་རྡོ་རྗེ་ཟབ་མོ་དང་། ཁྲག་གི་ཐིག་ལེས་བརྒྱན་པའི་རྡོ་རྗེ་དྲི་ཚོར་མ་དང་། ཞིང་ཆུང་འཛིན་པའི་རྡོ་རྗེ་འཁྲུག་མ་དང་། རྡོ་རྗེ་ཞག་གི་ཚོམ་བུ་ཅན་ཆེན་མོ་དང་། རྡོ་རྗེ་མི་རོ་ཤ་ལ་
ཆེམ་ཆེམ་ཟ་བའི་རྡོ་རྗེ་མཆེ་བ་འཛིན་མ་དང་། དྲག་པོ་འདུལ་བའི་རྡོ་རྗེ་དྲག་མོ་ཆེན་མོ་དང་། མ་མོ་སྐྲག་པར་བྱེད་པའི་ཁམས་གསུམ་དབང་དུ་སྡུད་མ་དང་། ཞིང་ལ་སྐམ་པར་བྱེད་པའི་རྡོ་རྗེ་ཁ་ཊྭཱྃ་ག་དང་། ནག་མོ་ལུས་མདོག་གནག་པའི་རྡོ་རྗེ་མེ་སྟག་འཕྲོ་བ་མོ་དང་། 
ཟས་སུ་ཁྲག་ཚིལ་ཟ་བའི་རྡོ་རྗེ་སྲིན་མོ་དང་། ཀུན་ལ་དབང་མཛད་རྡོ་རྗེ་པད་མ་འཛིན་པ་དང་། ཟས་སུ་ཤ་རློན་ཟ་བའི་རྡོ་རྗེ་རྔ་མོ་དང་། ཨེ་མ་མ་ཚོགས་རྡོ་རྗེ་ཟ་བྱེད་མ་དང་། དཔལ་ལྡན་ཆེན་པོ་རྡོ་རྗེ་ལྕང་ལོ་ཅན་མ་དང་། ཁ་ནས་རྡོ་རྗེ་མེ་འབར་རྒྱ་མཚོ་སྐེམས་མ་དང་། 
ལག་ན་བདུད་རྩི་རྡོ་རྗེ་འཛིན་མ་དང་། ནག་མོ་མིག་གཅིག་རྡོ་རྗེ་ལྕགས་ཀྱུ་འཛིན་མ་དང་། སྦྲུལ་གྱི་ཞགས་པ་ཐོགས་པའི་རྡོ་རྗེ་གཤོག་པ་ཅན་དང་། ལྕགས་ཀྱི་བྱ་ཁྲ་ཁྱུང་གི་གཡུ་མིག་ཅན་དང་། ཐལ་བའི་མཚན་མས་རྡོ་རྗེ་འབྱུག་མ་དང་། རྡོ་རྗེ་རལ་གཅིག་
ཆེན་མོ་ཟ་བྱེད་མ་དང་། རྡོ་རྗེ་ཏྲི་ཤཱུ་ལ་ཐོགས་པའི་ཞག་གི་ཚོམ་བུ་ཅན་དང་། ཚམ་ངམ་དྲག་ཤུལ་སྤྱོད་པའི་རྡོ་རྗེ་སྒྲོལ་མ་དང་། འཇིགས་པའི་གཟུགས་ཅན་རྡོ་རྗེ་བདུད་འདུལ་མོ་དང་། རྣམ་པར་བསྒྱིངས་པའི་རྡོ་རྗེ་གཟུགས་ཅན་མ་དང་། ཅིར་ཡང་འགྱུར་
བའི་རྡོ་རྗེ་རྫུ་འཕྲུལ་ཅན་དང་། ཁྲོ་གཉེར་སྤྱན་བགྲད་རྣལ་འབྱོར་སྔོ་ནག་ཆེན་མོ་དང་། མཆེ་བ་གཙིགས་པའི་རལ་པ་འཁྱིལ་མ་དང་། ཐོད་པ་རློན་པའི་རྡོ་རྗེ་མུན་ཙ་ལ་དང་། དབུ་གསུམ་ཕྱག་དྲུག་རྡོ་རྗེ་མི་ལྤགས་གཡང་གཞི་གསོལ་བ་དང་། སྟི་ར་ཆུང་

104-1-150a

ངུ་མང་པོ་བརྒྱུས་ནས་བརྒྱན་ཏེ་རྡོ་རྗེ་བརྗིད་མ་དང་། ཚམ་ངམ་བརྐྱང་བསྐུམ་རྡོ་རྗེ་འཇིག་རྟེན་སྐྲག་མ་དང་། བདུད་བཞི་གནོན་པའི་རྡོ་རྗེ་བན་དར་ལྡན་པ་དང་། སྟིར་ཆེན་གློ་སྙིང་འདྲེན་པའི་རྡོ་རྗེ་ཁྲག་འཐུང་མ་དང་འཇིགས་སུ་རུང་བའི་རྔུབས་པའི་
པའི་རྔེའུ་ཆུང་ཐོགས་པའི་རྡོ་རྗེ་རྐན་སྒྲ་ཅན་དང་། ལོག་པར་ལྟ་བའི་རྡོ་རྗེ་བདུད་རྣམས་འདུལ་བ་དང་། རོ་ལ་རྔམ་པའི་རྡོ་རྗེ་ཟ་བ་མོ་དང་། གསོད་ཅིང་སྦྱོང་བའི་རྣལ་འབྱོར་སྔོ་ནག་མ་དང་། ཁྲོ་གཉེར་སྤྱན་བགྲད་རྡོ་རྗེ་མཆེ་གཙིག་མ་དང་།  ཚམ་ངམ་ཆེན་མོ་མཛད་པའི་
ཏྲི་ཤུྰལ་མདའ་འཕེན་རྡོ་རྗེ་འགེངས་མ་དང་། དགྱེས་པར་བྱེད་པའི་རྡོ་རྗེ་སེ་གོལ་རྡེབས་མ་དང་། འགུགས་པར་བྱེད་པའི་རྡོ་རྗེ་རྣལ་འབྱོར་དམར་ནག་འཇིགས་པའི་སྐུ་དང་། སངས་རྒྱས་ཀུན་གྱི་རྡོ་རྗེ་ཡུམ་ཆེན་མོ་དང་། རྣལ་འབྱོར་ཆེན་མོ་དུར་ཁྲོད་བདག་མོ་དང་། 
ཚམ་རྔམ་གར་མཁན་ཆེན་མོ་རྡོ་རྗེ་སྟགས་ཚུལ་ཅན་དང་། རྣལ་འབྱོར་མཐིང་ནག་རྡོ་རྗེ་སྟིར་ཆེན་ཟ་བ་མོ་དང་། བདུད་བཞི་འཇོམས་པའི་རྡོ་རྗེ་གདུག་པ་གླད་འགེམས་མ་དང་། གསོད་པའི་ལས་ལ་དགྱེས་པའི་ཁྲོ་མོ་རྡོ་རྗེ་ལྗང་མ་དང་། ཁྲོ་གཉེར་འཇིགས་པའི་དབུ་
གཅིག་ཕྱག་དྲུག་མ་དང་། རྡོ་རྗེ་ཏྲི་ཤུྰ་རྡེའུ་འཛིན་པའི་རྡོ་རྗེ་རྐན་སྒྲ་རྡེབས་མ་དང་། འཆིང་ཞིང་སྡོམ་པའི་རྣལ་འབྱོར་སེར་ནག་དང་།  གཏུམ་མོ་ཞེ་སྡང་སྟིར་ཆེན་ཟ་བ་མོ་དང་། ཞིང་ཆེན་ནང་གྲོལ་འབྱིན་ཅིང་རྡོ་རྗེ་ཚམ་རྔམ་ཅན་དང་། སྒྲོལ་བར་བྱེད་པའི་རྡོ་རྗེ་མཐིང་ནག་དང་། 
སྤྱན་བགྲད་མཆེ་གཙིགས་རྡོ་རྗེ་ཆེན་མོ་དང་། སྟི་ར་འདྲེན་པའི་རྡོ་རྗེ་ཁྲག་འཐུང་ཞལ་དུ་སྟོབས་མ་དང་། སྤུ་གྲིས་འདེབས་པའི་རྡོ་རྗེ་བན་དར་ལྡན་མ་དང་། ཟངས་གྲིས་འདེབས་ཤིང་ཁ་ཊྭཱྃ་འཕེན་པའི་རྡོ་རྗེ་ཤ་ཟ་བ་མོ་དང་། རོ་ལ་བརྐམ་པའི་རྡོ་རྗེ་ཟ་སྟངས་ཆེན་མོ་དང་། 
རྡོ་རྗེ་སེར་ནག་སེང་གེ་མགོ་ཅན་དང་། མཆེ་གཙིགས་སྤྱན་གསུམ་འཇིགས་པའི་རྡོ་རྗེ་སྡང་མིག་ཅན་དང་། མཆི་ཚོགས་མང་པོས་བསྐོར་བའི་རྡོ་རྗེ་ཞེ་སྡང་འཇོམས་མ་དང་། མཐིང་ནག་རྡོ་རྗེ་སེང་གེ་རལ་པ་ཅན་དང་། རྡོ་རྗེ་ཡེ་ཤེས་སྐུའི་ཆ་ལུགས་འཆང་མ་དང་། 
མི་འཇིགས་སྟི་རའི་གཡང་གཞི་གསོལ་མ་དང་། སྲོག་ཆགས་མང་པོའི་སྙིང་འབྱིན་རྡོ་རྗེ་ཀླད་འགེམས་མ་དང་། དམར་མོ་ཆེན་མོ་སྟི་ར་མགོ་ཅན་དང་། ཡེ་ཤེས་ལྔའི་རྡོ་རྗེ་ཆ་ལུགས་འཆང་མ་དང་། མི་འཇིགས་བཞིའི་གཡང་གཞི་སེ་རལ་ཁར་ཐོགས་མ་དང་། བཀའ་

104-1-150b

ལས་མི་འདའ་ཐུགས་དམ་སྐོང་ཞིང་ལས་མཛད་མ་དང་། བན་ད་རག་ཏས་བཀང་ནས་གཙོ་ལ་སྟོབས་ཤིང་དགྲ་སྡང་ཀླད་འགེམས་མ་དང་། གསོད་བྱེད་སྔོ་ནག་དུར་བྱའི་མགོ་ཅན་དང་། མཆི་ཚོགས་འཁོར་དུ་བསྐོར་ཞིང་འདོད་ཆགས་འཇོམས་པའི་རྡོ་རྗེ་ཟ་བ་མོ་དང་། 
ཐལ་ཆེན་རག་ཏས་རྡོ་རྗེ་སྐུ་ལ་བརྒྱན་མ་དང་། སྤུ་གྲི་མགོ་གཅོད་བན་ད་འཐུང་ཞིང་གསོད་ལ་དགའ་བ་མོ་དང་། རྡོ་རྗེ་ཞགས་པ་འཆིང་ཞིང་ཁྲག་འཐུང་ཞལ་དུ་སྟོབ་པ་དང་། མཐིང་ནག་འགྱིང་སྟབས་རྡོ་རྗེ་ཤྭ་ན་ཁྱི་མགོ་ཅན་དང་། གློ་སྙིང་འདྲེན་པའི་རྡོ་རྗེ་ལྕགས་ཀྱུ་
འཛིན་མ་དང་། ཕྲག་དོག་འཇོམས་པར་བྱེད་པའི་རྡོ་རྗེ་ཟ་བ་དང་། དམར་ནག་འགྱིང་བའི་བྱ་རྒོད་མགོ་ཅན་དང་། ཞིང་ཆེན་རྒྱུ་འདྲེན་གཏི་མུག་འཇོམས་པར་བྱེད་མ་དང་། གཤོག་ཚོགས་མང་པོས་བསྐོར་བའི་ཐོད་རློན་འཛིན་མ་དང་། སེར་ནག་འགྱིང་བའི་ཕོ་རོག་
མགོ་ཅན་དང་། ཀླུ་རྣམས་འདུམ་པར་བྱེད་པའི་སྔགས་དང་ཕྱག་རྒྱ་འཆང་མ་དང་།  མཐིང་ནག་འགྱིང་བ་བྱ་རོག་མགོ་ཅན་དང་། སེར་ནག་གསོད་པར་བྱེད་པའི་མགོ་ཅན་དང་། ཤ་ཁྲག་ཟ་བའི་མཁའ་འགྲོ་དབུ་གསུམ་མ་དང་། ལྕགས་ཀྱུས་འདྲེན་པ་མི་འཇིགས་སྦྱོར་
བ་དང་། རྡོ་རྗེ་བཀའི་ཕོ་ཉ་སྤྱན་གསུམ་མཆེ་བ་ཅན་དང་། རྡོ་རྗེ་བྲན་མོ་གཏུམ་བག་ཅན་དང་། འཇིགས་པའི་གཟུགས་ཅན་རྡོ་རྗེ་ཁྲག་འཐུང་མ་དང་། སྙིང་རྗེ་ཕག་གི་མགོ་ཅན་དང་།  རྡོ་རྗེ་སྦྲུལ་གྱི་མགོ་ཅན་དང་། རྡོ་རྗེ་གཟིག་གི་མགོ་ཅན་དང་། རྡོ་རྗེ་བྱི་བའི་མགོ་ཅན་དང་། 
རྡོ་རྗེ་ཕ་བང་མགོ་ཅན་དང་། རྡོ་རྗེ་དྲེད་ཀྱི་མགོ་ཅན་དང་། རྡོ་རྗེ་དོམ་གྱི་མགོ་ཅན་དང་། རྡོ་རྗེ་སྡིག་པའི་མགོ་ཅན་དང་། རྡོ་རྗེ་ཝའི་མགོ་ཅན་དང་། རྡོ་རྗེ་སྟག་གི་མགོ་ཅན་དང་། རྡོ་རྗེ་རྟའི་མགོ་ཅན་དང་། རྡོ་རྗེ་སྤྱང་ཀུའི་མགོ་ཅན་དང་། རྡོ་རྗེ་བུབ་ཤུད་ཀྱི་མགོ་ཅན་དང་། 
རྡོ་རྗེ་ཤ་བའི་མགོ་ཅན་དང་། རྡོ་རྗེ་སྐྱིན་གྱི་མགོ་ཅན་དང་། རྡོ་རྗེ་ཕག་གི་མགོ་ཅན་དང་། རྡོ་རྗེ་རྔ་མོའི་མགོ་ཅན་དང་། རྡོ་རྗེ་བྱ་རོག་མགོ་ཅན་དང་།  རྡོ་རྗེ་སྤང་ཏིའི་མགོ་ཅན་དང་། རྡོ་རྗེ་སྐེ་ཀའི་མགོ་ཅན་དང་། རྡོ་རྗེ་ཁྲའི་མགོ་ཅན་དང་། རྡོ་རྗེ་སྤྲེའིུ་མགོ་ཅན་དང་། རྡོ་རྗེ་ཁུ་
བྱུག་མགོ་ཅན་དང་། རྡོ་རྗེ་སེང་གེ་མགོ་ཅན་དང་། རྡོ་རྗེ་ཕ་བང་མགོ་ཅན་དང་། རྡོ་རྗེ་ཤ་བའི་མགོ་ཅན་དང་། རྡོ་རྗེ་སྲིན་བྱའི་མགོ་ཅན་དང་། རྡོ་རྗེ་སྲེ་མོ་མགོ་ཅན་དང་། རྡོ་རྗེ་ཟེར་མོ་མགོ་ཅན་དང་། རྡོ་རྗེ་དམག་པ་ཐང་གོག་གི་མགོ་ཅན་དང་། རྡོ་རྗེ་ཉི་མའི་ཞགས་པ་

104-1-151a

ཅན་དང་། རྡོ་རྗེ་མེ་ལྕེ་གློག་ཕྲེང་འཛིན་དང་། རྡོ་རྗེ་སྲིན་མོ་མདུང་ཐུང་འཕེན་པ་དང་། རྡོ་རྗེ་རལ་གྲི་སྒྲ་འབྱིན་མ་དང་། རྡོ་རྗེ་ཀླུ་མོ་ཐོགས་འབེབས་མོ་དང་། རྡོ་རྗེ་འཇིགས་བྱེད་བ་ལང་གི་སྣ་དང་། རྡོ་རྗེ་གནོད་སྦྱིན་ཁྱུང་གདོང་མ་དང་། རྡོ་རྗེ་ལག་ན་
ཁྲག་ཐོགས་མ་དང་། རྡོ་རྗེ་ཟླ་བ་སྐར་མདའ་ལྟར་གཏོང་བ་དང་། རྡོ་རྗེ་དམ་ཚིག་བསྲུང་མ་དཔལ་ཕྲེང་མ་དང་། རྡོ་རྗེ་ལག་ན་ཕུར་བུ་འདྲིལ་མ་དང་། རྡོ་རྗེ་རི་རབ་བསྙིལ་བའི་རྔམ་སྟངས་ཅན་དང་། རྡོ་རྗེ་དམར་མོ་སྤྱན་གསུམ་ཤིན་དུ་མི་སྲུན་མ་དང་། རྡོ་རྗེ་ཅིར་
ཡང་འགྱུར་བའི་རྫུ་འཕྲུལ་ཅན་ཆེན་མོ་དང་། རྡོ་རྗེ་མཁའ་འགྲོ་མའི་མགྱོགས་མ་དང་། རྡོ་རྗེ་སྨུག་ནག་གཏིབས་པའི་མེད་དཔལ་ཅན་དང་། རྡོ་རྗེ་ཀེ་རུས་འཆའ་བའི་ཚེམས་རྣོན་མ་དང་། རྡོ་རྗེ་བཞད་མའི་ཤིན་དུ་གད་རྒྱངས་ཆེན་མོ་དང་། རྡོ་རྗེ་ནང་གྲོལ་འདྲེན་
མ་ཀང་ཀའི་མགོ་ཅན་དང་། རྡོ་རྗེ་སྒྲ་འབྱིན་འབྲུག་སྒྲོགས་མ་དང་། རྡོ་རྗེ་བདུད་རྩི་རིན་ཆེན་ཆར་འབེབས་མ་དང་། རྡོ་རྗེ་ཤུགས་འཆང་རྡོ་རྗེ་སྒྲོལ་མ་དང་། རྡོ་རྗེ་དབང་མོ་རྡོ་རྗེ་སྡེར་མོའི་ཚོགས་དང་། རྡོ་རྗེ་ཤན་པ་སྤུ་གྲིའི་རྣོན་པོའི་སོ་ཅན་དང་། རྡོ་རྗེ་གོ་
ཆ་སྲ་བར་བྱེད་པ་དང་། རྡོ་རྗེ་སྤྲིན་ཚོགས་མང་པོ་སྡུད་པར་བྱེད་པ་དང་། རྡོ་རྗེ་འུར་འུར་ཤིག་ཤིག་གཡོ་བར་བྱེད་པ་དང་། རྡོ་རྗེ་རྐན་སྒྲ་རྡེབས་པའི་དྲག་ཤུལ་ཅན་ཆེན་མོ་དང་། རྡོ་རྗེ་ཟ་བར་བྱེད་པའི་ཕཊ་ཕཊ་སྒྲོགས་མ་དང་། རྡོ་རྗེ་བརྐྱང་བསྐུམ་གཤིན་
རྗེ་གནོན་མ་དང་། རྡོ་རྗེ་ཞིང་ཆེན་ཁྲག་འཛག་ཐོད་རློན་སྐུ་ལ་བརྒྱན་པ་དང་། རྡོ་རྗེ་དྲག་པོའི་ང་རོ་འབྱིན་པའི་གདོང་གསུམ་མ་དང་། རྡོ་རྗེ་ཡུད་ཙམ་འདུལ་ཕྱོགས་བཅུར་འཕྲོ་མ་དང་། རྡོ་རྗེ་སེང་གེ་སྟབས་སུ་མཆོད་པའི་ང་རྒྱལ་ཅན་དང་།  རྡོ་རྗེ་སྤྲུལ་པ་
མང་པོ་འགྱེད་པའི་བྱ་ཁྲ་ཁྱི་སྒྱིགས་ཅན་དང་། རྡོ་རྗེ་སྟིར་གནས་མྱུལ་བྱ་ཁྲ་ཁྱི་སྒྱིགས་ཅན་དང་། རྡོ་རྗེ་དམ་ཚིག་གི་ཚོགས་མྱུལ་མ་བྱ་ཁྲ་ཁྱི་སྒྱིགས་ཅན་དང་། རྡོ་རྗེ་ཕྱི་ནང་མཚམས་མྱུལ་མ་བྱ་ཁྲ་ཁྱི་སྒྱིགས་ཅན་དང་། རྡོ་རྗེ་དམ་ཚིག་གི་རྗེས་གཅོད་མ་བྱ་ཁྲ་ཁྱི་སྒྱིགས་ཅན་དང་། རྡོ་རྗེ་དེ་བྱའི་སྦྱོར་མྱུལ་མ་བྱ་ཁྲ་ཁྱི་
སྒྱིགས་ཅན་དང་། རྡོ་རྗེ་འདོད་ཆགས་མ་བྱ་ཁྲ་ཁྱི་སྒྱིགས་ཅན་དང་། རྡོ་རྗེ་དུར་ཁྲོད་རོ་ཟ་འདུལ་བའི་བྱ་ཁྲ་ཁྱི་སྒྱིགས་ཅན་དང་། རྡོ་རྗེ་དམར་མོ་བཀྲ་གསལ་དབང་སྡུད་མ་དང་། རྡོ་རྗེ་སེར་མོ་སྦྲུལ་གྱི་སྐ་རགས་ཅན་དང་། རྡོ་རྗེ་གནམ་ལྕགས་འུར་མོ་ཐོག་འབེབས་

104-1-151b

མ་དང་། རྡོ་རྗེ་བརྒྱལ་བྱེད་དངས་པར་བྱེད་མ་དང་། རྡོ་རྗེ་བསྡམས་པས་སྲིན་མོ་བརྒྱལ་བར་བྱེད་མ་དང་། རྡོ་རྗེ་ཁ་ནས་མི་ཁྲག་རྟ་ཁྲག་འཛག་མ་དང་། རྡོ་རྗེ་དབུ་སྟོང་ཕྱག་སྟོང་བདུད་ཀྱི་དཔུང་རྣམས་འདུལ་བར་བྱེད་མ་དང་། རྡོ་རྗེ་འབུམ་ཕྲག་ཡངས་པའི་མཁའ་
འགྲོ་ཆེན་མོ་དང་། རྡོ་རྗེ་རལ་པ་སྤྱི་གཙུག་འཁྱིལ་མ་དང་། རྡོ་རྗེ་སྐུ་ཡིས་རོལ་པའི་མཁའ་འགྲོ་འབར་མ་དང་། རྡོ་རྗེ་གསུང་གི་སྤྲུལ་པ་ཕྱོགས་བཅུར་འགྱེད་མ་དང་། རྡོ་རྗེ་ཐུགས་ཀྱི་སྒྱུ་འཕྲུལ་མངའ་མ་ཆེན་མོ་དང་། རྡོ་རྗེ་ཐུགས་ཀྱི་སྒྱུ་འཕྲུལ་དབང་
ཕྱུག་མོ་དང་། རྡོ་རྗེ་རིན་ཆེན་སྐུའི་དབང་ཕྱུག་མ་དང་།  རྡོ་རྗེ་པད་མོ་དབང་ཕྱུག་མ་དང་། རྡོ་རྗེ་དབྱིངས་ལ་སྦྱོར་ཞིང་སྟན་བྱེད་མ་དང་། རྡོ་རྗེ་མགྱོགས་མ་དབུ་དགུ་མ་དང་། རྡོ་རྗེ་སྒྲ་འབྱིན་མ་དང་། རྡོ་རྗེ་ཚེར་མ་དང་། རྡོ་རྗེ་མྱོང་མ་དང་། རྡོ་རྗེ་རེག་བྱེད་ཀུན་ལ་འཁྱམས་
དང་། རྡོ་རྗེ་དམར་ནག་དབུ་གསུམ་མ་དང་། རྡོ་རྗེ་སྔོ་ནག་རལ་པ་ཅན་ཆེན་མོ་དང་། རྡོ་རྗེ་ལྗང་ནག་དབུ་བརྒྱ་མ་དང་། རྡོ་རྗེ་ལྗང་སྔོ་དབུ་དྲུག་མ་དང་། རྡོ་རྗེ་བ་ལང་གི་མགོ་ཅན་མ་དང་། རྡོ་རྗེ་སེར་ནག་དབུ་བཅྭ་ལྔ་མ་དང་། རྡོ་རྗེ་སྨུག་ནག་དབུ་བརྒྱ་མ་དང་། རྡོ་རྗེ་ལྗང་སེར་
ཁྲོ་གཏུམ་དབུ་དགུ་མ་དང་། རྡོ་རྗེ་སེར་མོ་དབུ་གཅིག་མ་དང་། རྡོ་རྗེ་དཀར་མོ་དབུ་ལྔ་མ་དང་།  རྡོ་རྗེ་ནག་མོ་དབུ་གསུམ་མ་དང་། རྡོ་རྗེ་བསྙེམས་མ་བྱ་ཁྲ་ཁྱི་སྒྱིགས་ཅན་དང་། རྡོ་རྗེ་སེར་མོ་བྱ་ཁྲ་ཁྱི་སྒྱིག་ཅན་དང་། རྡོ་རྗེ་དུར་ཁྲོད་ཀྱི་བདག་མོ་བྱ་ཁྲ་ཁྱི་སྒྱིག་
ཅན་དང་། རྡོ་རྗེ་གཏུན་ཁུང་མ་བྱ་ཁྲ་ཁྱི་སྒྱིག་ཅན་དང་།  རྡོ་རྗེ་མདའ་བསྙག་མ་བྱ་ཁྲ་ཁྱི་སྒྱིག་ཅན་དང་། རྡོ་རྗེ་སྐུལ་བྱེད་མ་བྱ་ཁྲ་ཁྱི་སྒྱིག་ཅན་དང་། རྡོ་རྗེ་རླུང་འབྱིན་མ་བྱ་ཁྲ་ཁྱི་སྒྱིག་ཅན་དང་། རྡོ་རྗེ་རྗོད་བྱེད་མ་བྱ་ཁྲ་ཁྱི་སྒྱིག་ཅན་དང་། རྡོ་རྗེ་འཇིགས་བྱེད་
མ་བྱ་ཁྲ་ཁྱི་སྒྱིག་ཅན་དང་། རྡོ་རྗེ་བདུད་རྩི་སྦྱོར་མ་བྱ་ཁྲ་ཁྱི་སྒྱིག་ཅན་དང་། རྡོ་རྗེ་འཕྲོག་མ་བརླག་བྱེད་མ་བྱ་ཁྲ་ཁྱི་སྒྱིག་ཅན་དང་། རྡོ་རྗེ་རྨོངས་བྱེད་མ་བྱ་ཁྲ་ཁྱི་སྒྱིག་ཅན་དང་། རྡོ་རྗེ་ཡིད་འཕྲོག་མ་བྱ་ཁྲ་ཁྱི་སྒྱིག་ཅན་དང་། རྡོ་རྗེ་ཁྲག་འཇོམས་མ་བྱ་ཁྲ་ཁྱི་སྒྱིག་ཅན་དང་། 
རྡོ་རྗེ་ཚེ་འཇོམས་མ་བྱ་ཁྲ་ཁྱི་སྒྱིག་ཅན་དང་། རྡོ་རྗེ་རྨུངས་བྱེད་མ་བྱ་ཁྲ་ཁྱི་སྒྱིག་ཅན་དང་། རྡོ་རྗེ་སྲིན་མོ་སྙིང་ཟན་མ་བྱ་ཁྲ་ཁྱི་སྒྱིག་ཅན་དང་། རྡོ་རྗེ་སྐུལ་མ་བྱ་ཁྲ་ཁྱི་སྒྱིག་ཅན་དང་། རྡོ་རྗེ་འབེབས་མ་བྱ་ཁྲ་ཁྱི་སྒྱིག་ཅན་དང་། རྡོ་རྗེ་དཔལ་བདག་མ་བྱ་ཁྲ་ཁྱི་སྒྱིག་ཅན་

104-1-152a

དང་། རྡོ་རྗེ་རྐན་འཇིབ་མ་བྱ་ཁྲ་ཁྱི་སྒྱིག་ཅན་དང་། རྡོ་རྗེ་གནས་མ་མགྱོགས་བྱེད་མ་བྱ་ཁྲ་ཁྱི་སྒྱིག་ཅན་དང་། རྡོ་རྗེ་སྒྲུབ་པ་ཚེ་འཛིན་མ་བྱ་ཁྲ་ཁྱི་སྒྲིག་ཅན་དང་། རྡོ་རྗེ་ཐོད་རློན་དང་སྦྲུལ་ནག་འཁྱིལ་བ་ཅན་དང་། རྡོ་རྗེ་ཞིང་ཆེན་སྟོད་གཡོགས་ཆུ་སྲིན་སྨད་
གཡོགས་ཅན་དང་། རྡོ་རྗེ་ཟ་བྱེད་ཁ་འབར་མ་དང་། རྡོ་རྗེ་ནམ་མཁའ་ལྡིང་དང་། རྡོ་རྗེ་ཁྲ་དང་འུག་པ་དང་། རྡོ་རྗེ་བྱ་རྒོད་ཆེན་མོ་དང་། རྡོ་རྗེ་བྱིན་ལག་དང་། རྡོ་རྗེ་ཀང་ཀའི་ལུས་ལ་ཆུ་སྲིན་གྱི་མགོ་ཅན་དང་། རྡོ་རྗེ་གཤོག་པ་གཏམས་པ་དང་། རྡོ་རྗེ་སྡེར་མོ་
ལྕགས་ཀྱུ་མ་དང་། རྡོ་རྗེ་མཆུ་རྩེ་གཅིག་མའི་གདོང་ཅན་མ་དང་། རྡོ་རྗེ་སོ་གྲི་ཅན་དང་། རྡོ་རྗེ་ཁ་གདངས་མ་དང་། རྡོ་རྗེ་ཀརྨ་མུད་ཀ་ར་དང་། རྡོ་རྗེ་འཇིགས་པར་པར་བྱེད་པའི་གཟུགས་ཅན་དང་། རྡོ་རྗེ་སྨིགས་བུའི་མགོ་ཅན་དང་། རྡོ་རྗེ་ཁྭའི་མགོ་ཅན་དང་། རྡོ་རྗེ་ཡིད་ལས་བྱུང་བའི་མདུན་པ་མོ་དང་། རྡོ་
རྗེ་མྱོས་པ་མོ་དང་། རྡོ་རྗེ་དྲ་བ་མོ་དང་། རྡོ་རྗེ་ཏིང་ངེ་འཛིན་དང་། རྡོ་རྗེ་བྱེད་པ་དང་། རྡོ་རྗེ་དང་བ་མོ་དང་། རྡོ་རྗེ་ཁ་སྤུ་ཅན་དང་། རྡོ་རྗེ་རལ་གྲི་སྤུ་ཅན་དང་། རྡོ་རྗེ་ལྕགས་ཀྱི་ལྤགས་པ་ཅན་དང་། རྡོ་རྗེ་ཟངས་ཀྱི་ཁ་སྤུ་ཅན་དང་། རྡོ་རྗེ་ཀ་ལི་པི་ཀའི་དབྱིངས་ཅན་དང་། རྡོ་རྗེ་དབང་སྦྱིན་
མའི་ཚོགས་དང་། རྡོ་རྗེ་དགྱེས་པ་ཆེན་མོའི་ཚོགས་དང་། རྡོ་རྗེ་སྒྱུ་འཕྲུལ་གྱི་ཚོགས་དང་།  རྡོ་རྗེ་ཏིང་ངེ་འཛིན་གྱི་ཚོགས་དང་། རྡོ་རྗེ་སྙོམས་པར་འཇུག་པའི་ཚོགས་དང་། རྡོ་རྗེ་ཆེད་དུ་འཛིན་པའི་ཚོགས་དང་། རྡོ་རྗེ་བྱིན་གྱིས་བརླབས་པའི་ཚོགས་དང་། རྡོ་རྗེ་རབ་ཏུ་
གཏོགས་པའི་ཚོགས་དང་། རྡོ་རྗེ་གསང་བའི་ཚོགས་དང་། རྡོ་རྗེ་གཟུགས་གྱི་ཚོགས་དང་། རྡོ་རྗེ་སྒྲའི་ཚོགས་དང་། རྡོ་རྗེ་དྲིའི་ཚོགས་དང་། རྡོ་རྗེ་རོའི་ཚོགས་དང་། རྡོ་རྗེ་རེགས་གི་ཚོགས་དང་། རྡོ་རྗེ་ཁྲོ་མོའི་ཚོགས་དང་། རྡོ་རྗེ་གོས་གྱོན་པའི་ཚོགས་དང་། རྡོ་རྗེ་
བཟའ་བཏུང་གི་ཚོགས་དང་། རྡོ་རྗེ་བྲོ་གར་གྱི་ཚོགས་དང་། རྡོ་རྗེ་ངོ་མཚར་གྱི་ཚོགས་དང་། རྡོ་རྗེ་ལྷ་མོའི་ཚོགས་དང་། རྡོ་རྗེ་ཀླུ་མོའི་ཚོགས་དང་། རྡོ་རྗེ་དབྱེ་བར་བྱེད་མའི་ཚོགས་དང་། རྡོ་རྗེ་པད་མོ་ཕྲེང་བ་མའི་ཚོགས་དང་། རྡོ་རྗེ་བདེ་བ་མོའི་ཚོགས་དང་། རྡོ་རྗེ་སྤྲིན་སྡུད་མའི་
ཚོགས་དང་། རྡོ་རྗེ་དགྱེས་པ་མོའི་ཚོགས་དང་། རྡོ་རྗེ་མཉམ་པའི་ཚོགས་དང་། རྡོ་རྗེ་ཉི་ཟླའི་འོད་ཀྱི་ཚོགས་དང་། རྡོ་རྗེ་མཁའ་འགྲོ་མའི་ཚོགས་དང་། རྡོ་རྗེ་ཡིད་བཞིན་གྱི་ཚོགས་དང་། རྡོ་རྗེ་མཆོག་ཕྲན་འཛིན་པའི་ཚོགས་དང་། རྡོ་རྗེ་ཞིང་འཛིན་པའི་ཚོགས་དང་། རྡོ་རྗེ་ང་

104-1-152b

རྒྱལ་ཅན་ཀྱི་ཚོགས་དང་། རྡོ་རྗེ་ཐིམ་པར་བྱེད་པའི་ཚོགས་དང་། རྡོ་རྗེ་ངོ་མཚར་ཆེན་པོའི་ཚོགས་དང་། རྡོ་རྗེ་འཁོར་ལོ་མའི་ཚོགས་དང་། རྡོ་རྗེ་པད་མོའི་ཚོགས་དང་། རྡོ་རྗེ་ཁྲོ་བོའི་ཚོགས་དང་། རྡོ་རྗེ་མཉམ་པར་རྫོགས་པའི་ཚོགས་དང་། རྡོ་རྗེ་བཀའ་ཉན་སྤྲུལ་པའི་
ཚོགས་དང་། རྡོ་རྗེ་དངོས་གྲུབ་ལས་ཀྱི་ཚོགས་དང་། རྡོ་རྗེ་སྤྱོད་པས་ཅི་ལའང་ཐོགས་པ་མེད་པའི་ཚོགས་དང་། རྡོ་རྗེ་རིགས་སུ་ཐབས་མཁས་པའི་ཚོགས་དང་། རྡོ་རྗེ་འོད་འཕྲོ་བ་འབར་བའི་ཚོགས་དང་། རྡོ་རྗེ་ཆགས་པ་མེད་པའི་ཚུལ་དུ་གནས་པའི་ཚོགས་དང་། 
རྡོ་རྗེ་སྡུག་བསྔལ་སེལ་བར་བྱེད་པའི་ཚོགས་དང་། རྡོ་རྗེ་རིགས་སུ་སྐྱེས་པའི་ཚོགས་དང་། རྡོ་རྗེ་མེ་སྟག་ཕྲ་མོའི་ཚོགས་དང་། རྡོ་རྗེ་སེམས་མ་ཡེ་ཤེས་སུ་སྣང་བའི་ཚོགས་དང་། རྡོ་རྗེ་མེད་པའི་ཚོགས་དང་། རྡོ་རྗེ་སྙོམ་ལས་མེད་པའི་ཚོགས་དང་། རྡོ་རྗེ་སྒྱིད་ལུག་
མེད་པའི་ཚོགས་དང་། རྡོ་རྗེ་ཐེ་ཚོམ་མེད་པར་བསྒྲུབ་པའི་ཚོགས་དང་། རྡོ་རྗེ་གསང་བ་མའི་ཚོགས་དང་། རྡོ་རྗེ་རབ་ཏུ་དགྱེས་པ་མའི་ཚོགས་དང་། རྡོ་རྗེ་རོལ་མོའི་ཚོགས་དང་། རྡོ་རྗེ་རྣམ་པར་སྤྲོས་བའི་ཚོགས་དང་། རྡོ་རྗེ་རྒྱན་བཀོད་པ་མོའི་ཚོགས་དང་། རྡོ་རྗེ་བསྟན་
པ་མོའི་ཚོགས་དང་། རྡོ་རྗེ་ནམ་མཁའ་ལ་རྒྱུ་བ་མོའི་ཚོགས་དང་། སྙིང་རྗེ་སྐྱོན་དག་པ་མོའི་ཚོགས་དང་། རྡོ་རྗེ་ཕྱོགས་འཛིན་པ་མོའི་ཚོགས་དང་། རྡོ་རྗེ་གདུལ་བ་མོའི་དགོངས་པའི་ཚོགས་དང་། རྡོ་རྗེ་རྟེན་པ་མོའི་ཚོགས་དང་། རྡོ་རྗེ་ཚིགས་མཚོན་པ་མོའི་
ཚོགས་དང་། རྡོ་རྗེ་གབ་པ་མོའི་ཚོགས་དང་། རྡོ་རྗེ་སྦས་པ་མོའི་ཚོགས་དང་། རྡོ་རྗེ་ཐུགས་འཛིན་པ་མོའི་ཚོགས་དང་། རྡོ་རྗེ་འབྱུང་བ་མོའི་ཚོགས་དང་། རྡོ་རྗེ་ཤེས་རབ་འཛིན་པ་མོའི་ཚོགས་དང་། རྡོ་རྗེ་བདེ་བའི་ཚོགས་དང་། རྡོ་རྗེ་རོལ་མོའི་ཚོགས་དང་། 
རྡོ་རྗེ་ཐུགས་ཀྱི་ཡེ་ཤེས་འཛིན་པའི་ཚོགས་དང་། རྡོ་རྗེ་དྲང་སྣང་མོའི་ཚོགས་དང་། རྡོ་རྗེ་རང་འབྱུང་མོའི་ཚོགས་དང་། རྡོ་རྗེ་ཀུན་དུ་མང་བའི་ཚོགས་དང་། རྡོ་རྗེ་ཤེས་རབ་ཀྱི་མིག་དང་ལྡན་པའི་ཚོགས་དང་། རྡོ་རྗེ་ཀུན་བཟང་ལོངས་སྤྱོད་གནས་པའི་ཚོགས་དང་། རྡོ་རྗེ་
རྨོངས་པར་བྱེད་པ་མོའི་ཚོགས་དང་། རྡོ་རྗེ་སྲོག་ཟ་བར་བྱེད་པ་མོའི་ཚོགས་དང་། རྡོ་རྗེ་ཟ་མོའི་ཚོགས་དང་། རྡོ་རྗེ་ཁྲག་ཟ་བའི་ཚོགས་དང་། རྡོ་རྗེ་ཚིལ་ཟ་བའི་ཚོགས་དང་། རྡོ་རྗེ་རྐང་ཟ་བའི་ཚོགས་དང་། རྡོ་རྗེ་བསོད་ནམས་གཏེར་འཆང་བའི་ཚོགས་དང་། རྡོ་རྗེ་ཡེ་ཤེས་

104-1-153a

དཀྱིལ་འཁོར་དང་ལྡན་པའི་ཚོགས་དང་། རྡོ་རྗེ་སྒྲ་མཐའ་ཡས་པའི་ཚོགས་དང་། རྡོ་རྗེ་ཡོན་ཏན་ཕྲིན་ལས་ཀྱི་ཚོགས་དང་། རྡོ་རྗེ་ལྷུན་གྱིས་གྲུབ་པའི་ཚོགས་དང་། རྡོ་རྗེ་སྤྲུལ་པ་འབྱུང་བ་མོའི་ཚོགས་དང་། རྡོ་རྗེ་རྒྱུ་ལས་འབྱུང་བ་མོའི་ཚོགས་
དང་། རྡོ་རྗེ་གཏུམ་བག་ཅན་དང་། རྡོ་རྗེ་གདུག་པ་གཏོང་བ་སྦྲུལ་གྱིས་ཆུན་པོ་ཅན་དང་། རྡོ་རྗེ་འཇིགས་པའི་མགོ་བརྒྱད་པ་དང་། རྡོ་རྗེ་མགོ་སྣ་ཚོགས་པར་སྤྲུལ་པའི་ཚོགས་དང་། རྡོ་རྗེ་ལུས་སྟོང་ལ་མགོ་བཅུ་པ་དང་། རྡོ་རྗེ་ལུས་བརྒྱ་ལ་མགོ་གཅིག་པའི་
ཚོགས་དང་། རྡོ་རྗེ་ལུས་སྣ་ཚོགས་དང་། རྡོ་རྗེ་ཡན་ལག་འབུམ་ཡོད་པ་དང་། རྡོ་རྗེ་གདུག་པའི་ལག་ཆ་སྣ་ཚོགས་ཐོགས་པ་དང་། རྡོ་རྗེ་ལུས་བརྒྱ་ལ་མགོ་སྟོང་ཡོད་པ་དང་། རྡོ་རྗེ་ལུས་བརྒྱ་ལ་མགོ་བརྒྱ་པ་དང་། རྡོ་རྗེ་ལུས་བཅུ་ལ་མགོ་གཅིག་པ་དང་།  
མགོ་བརྒྱད་པ་ལ་རྐང་པ་བརྒྱད་པ་དང་། མགོ་དགུ་པ་ལ་རྐང་པ་གཅིག་པ་དང་། དེའི་འཁོར་གྱི་ཡང་སྤྲུལ་གྱི་ཕོ་ཉ་ནི་ལྕགས་ཀྱི་ཁྱི་སྟེ་རྐང་གསུམ་པོ་དང་། ལོང་བ་རྒྱབ་སྤྲེལ་བ་དང་། ནག་པོ་མགོ་དགུ་པའོ། །ཤར་གྱི་དཀར་མོ་སྤྱང་དུང་གི་ཁྱི་མོ་ཆེན་མོ་དང་། ལྷོའི་
སྦྲུལ་གྱི་ཞགས་པ་ཅན་དང་། ནུབ་ཀྱི་དམར་མོ་ཟངས་ཀྱི་མཆེ་བ་ཅན་དང་། བྱང་གི་སེར་མོ་དྲིལ་བུ་ཅན་དང་། འདི་རྣམས་ཀྱི་ཕོ་ཉ་མོ་ནི་ཤར་གྱི་རྡོ་རྗེ་སྡེར་མོ་དང་། ལྷོའི་ནག་མོ་དུང་གདུང་མ་དང་། ནུབ་ཀྱི་དམར་མོ་སེང་གེའི་མགོ་ཅན་དང་། བྱང་གི་སེར་མོ་ལས་
ཀྱི་བདག་མོ་དང་། རྡོ་རྗེ་རུས་ཆེན་ཕྲེང་བ་ཅན་དང་། རྡོ་རྗེ་ཟངས་ཀྱི་ཕྲེང་བ་ཅན་དང་། རྡོ་རྗེ་ལྕགས་ཀྱི་ཕྲེང་བ་ཅན་དང་། རྡོ་རྗེ་རལ་གྲི་སོ་ཅན་དང་། རྡོ་རྗེ་ནམ་མཁའི་གུང་གཅོད་མ་དང་། རྡོ་རྗེ་ཉི་མའི་ཟེར་ཞོན་མ་དང་། རྡོ་རྗེ་ཆུ་བོའི་གཞུང་འདྲལ་མ་དང་། རྡོ་རྗེ་རྒྱ་མཚོའི་
གཏིང་དཀྲུག་མ་དང་། འདི་རྣམས་ཀྱི་སྐུ་མདོག་ནི་སྣ་ཚོགས་པའོ། །ཕྱག་ན་མཚོན་ཆ་སྣ་ཚོགས་པའོ། །དྲག་བྱེད་དེ་བདག་པོས་སྒྲོལ་བར་བྱེད་པའོ། །དེ་ནས་བཅོམ་ལྡན་འདས་དཔལ་ཧེ་རུ་ཀས་སྐུ་དང་གསུང་དང་ཐུགས་རྡོ་རྗེ་ལས་ཕོ་ཉའི་ལས་འདི་གསུངས་སོ། །
ༀ་ཧཱུྃ་ཕོ་ཉ་སུམ་བརྒྱ་དྲུག་བཅུ་རྣམས། །ཡུད་ཙམ་གྱིས་ནི་ཀུན་འདུལ་ཞིང་། །ཡུད་ཙམ་གྱིས་ནི་ཕྱོགས་བཅུར་འཕྲོ། །ཧཱུྃ་དང་ཕཊ་ཀྱི་སྒྲ་སྒྲོགས་ཤིང་། །བསྐལ་པའི་འབྲུག་སྒྲ་ཆེན་པོ་ལྡིར། །མགོ་གསུམ་པོ་ལ་ལྕགས་སྡེར་ཅན། །མི་ཤ་ཟ་ཞིང་བདུད་དཔུང་འཇོམས། །

104-1-153b

བལྟས་པས་བདུད་རྣམས་ཚིག་བྱེད་ཅིང་། །ཀླུ་ཡི་ཁྱིམ་རྣམས་རབ་ཏུ་འཇོམས། །རབ་ཏུ་མི་སྲུན་འདི་དག་ནི། །འདི་ཡང་དཔལ་གྱི་ཕོ་ཉ་སྟེ། །ལས་རྣམས་ཐམས་ཅད་གྲུབ་པར་གྱིས། །མཚན་དང་དཔེ་བྱད་གཉིས་ལས་འཕྲོས། །མགྱོགས་པ་མགྱོགས་མའི་
ཕོ་ཉར་ལྡན། །གློག་རྒྱུ་མ་དང་འདྲ་བར་གྲགས། །ཆོས་ཉིད་ཁྱབ་པས་མཚན་མ་དབྱིངས་སུ་སྡུད། །ཡེ་ཤེས་ཐུགས་རྗེས་འབྲེལ་བས་ཀུན་ལ་ཁྱབ། །ཕྲིན་ལས་དྲ་བས་འགྲོ་བ་རླབས་ཀྱིས་གྲོལ། །དེ་ཕྱིར་ལྷ་མོ་རིན་ཆེན་དྲ་བ་མ། །ༀ་ཛྭ་ལ་བཛྲ་ཧཱུྃ། 
ཡེ་ཤེས་གློག་འགྱུས་མཚན་མ་དབྱིངས་སུ་གཅོད། །སྐད་ཅིག་ཐུགས་རྗེས་འཁོར་བ་དབྱེ་བསལ་བྱེད། །ཕྲིན་ལས་གློག་འགྱུས་འགྲོ་བ་ཡིད་ཀྱིས་སྒྲོལ། །དྲ་བས་སྡུད་ལ་གློག་འགྱུ་མ་ཡིས་འདྲེན། །བཛྲ་ཨ་མ་ཀ་ཧཱུྃ། །འོད་ཟེར་དུད་ཀ་འཕྲོ་བ་ནི། །
ཧཱུྃ་དང་ཕཊ་ཀྱི་སྒྲ་སྒྲོགས་ཤིང་། །བསྐལ་པའི་འབྲུག་སྒྲ་ཆེན་པོ་བཞིན། །ཀུན་ཀྱང་མགྱོགས་མ་རླུང་དང་མཚུངས། །མིག་གསུམ་ཡོ་ལ་ལྕགས་སྡེར་ཅན། །མགོ་སུམ་པོ་ལ་རྐང་གསུམ་པ། །མང་དུ་ཟ་ཞིང་བདུད་ཁྱིམ་འཇོམས། །བལྟས་
པས་བདུད་རྣམས་ཚིག་བྱེད་ཅིང་། །ཀླུ་ཡི་གནས་ཀྱང་ངེས་པར་འཇོམས། །འདི་རྣམས་ཁྲོ་བོའི་ཕོ་ཉ་སྟེ། །ཧ་ཧ་རུ་ལུའི་སྒྲ་སྒྲོགས་ཤིང་། །གང་གིས་རླུང་ཕྱོགས་སོང་བ་ཡི། །ཁྲོ་བོ་ཐམས་ཅད་ངེས་པར་འཇིག །ན་མོ་བྱི་ཙི་རི་བྷྱོ། །ཧ་ཧ་རུ་ལུ་རུ་ལུ་
བྷྱོ། །མགོ་བརྒྱད་པོ་ལ་རྐང་བརྒྱད་པོ། །ལག་པ་བརྒྱད་ལ་མིག་ཀྱང་བརྒྱད། །ལག་པ་བརྒྱད་ནི་རྡོ་རྗེ་འཛིན། །རྟ་མགྲིན་གནས་ཀྱང་ངེས་པར་འཇོམས། །མགོ་དྲུག་པོ་ལ་རྐང་དྲུག་པོ། །ལག་པ་དྲུག་ནི་རྒྱུད་དྲུག་གཅོད། །རྐང་པ་གསུམ་ནི་ཕུར་བུ་
འདྲིལ། །གཡོན་པ་གསུམ་ནི་གཏོར་མ་སྦྱིན། །གང་ནས་གང་དུ་འགྲོ་བའི་ཚེ། །རྐང་པ་ལྕགས་ཕུར་རབ་ཏུ་དྲག །འོད་ཟེར་དུད་ཀས་རེག་པ་ནི།  ཚངས་པའི་གནས་ཀྱང་རབ་ཏུ་འཇིག །ལག་པ་གཡོན་པས་སྐྱོད་པ་ནི། །འཕྲ་མེན་འཁོར་བཅས་རལ་
པར་འབར། །ལྕགས་ཀྱུས་དགྲ་སྟ་རབ་ཐོགས་ཤིང་། །ཞིང་ཆེན་ཡན་ལག་འཛིན་པ་འཕྲོ། །བྱང་གི་ཕྱོགས་ནས་འབྱུང་བ་ནི། །ལྕགས་ཀྱི་ཁྱི་སྟེ་རྐང་གསུམ་པོ། །ལྕགས་ཀྱི་ལུས་ལ་ཉི་མའི་མིག །སྤུ་ནི་ལྕགས་ཀྱུ་བསྲེགས་པ་འདྲ། །པང་ནི་གློག་པས་ངེས་

104-1-154a

པར་མགྱོགས། །སྐད་ནི་འབྲུག་པས་ཤིན་དུ་ཆེ། །རབ་ཏུ་མི་སྲུན་འདི་དག་ནི། །ཕྱག་ན་རྡོ་རྗེའི་མཐུ་ཡང་འཕྲོག །མགོ་དགུ་པོ་ལ་རྐང་གཅིག་པོ། །ལུས་ཀྱང་གནག་ལ་འོད་ཕུང་གནག །ཡན་ལག་གནག་ལ་སྦྲུལ་གྱིས་བརྒྱན། །རལ་
པ་གནག་ཅིང་མཆེ་བ་གནག །མིག་ཀྱང་གནག་ལ་ལག་གནག་པོ། །མགྱོགས་ཀྱང་རླུང་གིས་བསྐྱོད་དུ་མེད། །འདི་དག་ཕོ་ཉའི་མཆོག་ཡིན་པས། །ལས་རྣམས་ཐམས་ཅད་གྲུབ་པར་གྱིས། །ལོང་བ་རྒྱབ་སྦྲེལ་ཕྱི་མ་ནང་། །མང་ས་ཟ་ཞིང་རི་ལུ་སྒྲོལ། །
མིག་ཀྱང་མེད་ལ་ཅང་མི་སྨྲ། །ཡང་ན་ལག་པ་སྦྲེལ་ཏེ་འགྲོ། །འདི་ཡང་ཁྲོ་བོའི་ཕོ་ཉ་སྟེ། །ལས་རྣམས་ཐམས་ཅད་གྲུབ་པར་བྱེད། །ཤར་གྱི་ཕྱོགས་ནས་འགུགས་པ་ནི། །དུང་གི་ཁྱི་མོ་ཆེན་མོ་ལ། །དུང་གི་བ་ལང་སྣ་ཁྲིད་ཅན། །དུང་གི་མི་
མོ་ཆེན་མོ་ཞོན། །ལག་ན་ལྕགས་ཀྱུ་འབར་བ་ཐོགས། །ལྷོའི་ཕྱོགས་ནས་འགུགས་པ་ནི། །ལྕགས་ཀྱི་ཁྱི་སྟེ་རྐང་གསུམ་པ། །ལྕགས་ཀྱི་སྤྱང་མོ་མགོ་དགུ་ལ། །ལྕགས་ཀྱི་མི་མོ་ཆེན་མོ་ཞོན། །ལག་ན་ཞགས་པ་སྒྲིལ་མ་ཐོགས། །ནུབ་ཀྱི་
ཕྱོགས་ན་འགུགས་པ་ནི། །ཟངས་གྱི་ཁྱི་མོ་ཆེན་མོ་ལ། །ཟངས་ཀྱི་ཁྱི་མོ་ཆེན་མོ་ཞོན། །ལག་ན་ལྕགས་སྒྲོག་སྒྲིལ་མ་ཐོགས། །བྱང་གི་ཕྱོགས་ནས་འགུགས་པ་ནི། །གསེར་གྱི་ཁྱི་མོ་ཆེན་མོ་ལ། །གསེར་གྱི་མི་མོ་ཆེན་མོ་ཞོན། །ལག་ན་རྡོ་རྗེ་ཕུར་བུ་
འདྲིལ། །འདི་ཡང་དཔལ་གྱི་ཕོ་ཉ་སྟེ། །ལས་རྣམས་ཐམས་ཅད་གྲུབ་པར་གྱིས། །དེ་ནས་བཅོམ་ལྡན་འདས་དཔལ་ཧེ་རུ་ཀ་ཕོ་ཉ་བསྒྲུབ་པའི་དཀྱིལ་འཁོར་འདི་གསུངས་སོ། །དཀྱིལ་འཁོར་འདོམ་གང་གྲུ་བཞི་ལ། །དབུས་སུ་འཁོར་ལོ་རྩིབས་
བཞི་ལ། །དབུས་སུ་བཅོམ་ལྡན་འདས་ཧེ་རུ་ཀའི་རོལ་པ། །སྐུ་མདོག་མཐིང་ནག་དབུ་གསུམ་བརྒྱ་ཕྱག་དྲུག་བརྒྱ་པ་ཞིག་དགོད། །ཤར་དུ་རྡོ་རྗེ་ཏིལ་མར་དགོད། །ལྷོར་སྟག་གི་མགོ་ཅན་དགོད། །ནུབ་དུ་གཡག་གི་མགོ་ཅན་དགོད། །བྱང་དུ་སྦྲུལ་གྱི་མགོ་
ཅན་དགོད། །དེའི་ཕྱི་རིམ་པད་མ་ལ་བརྒྱ་རྩ་བརྒྱད་རིམ་པ་གསུམ་ལ་ཕོ་ཉ་སུམ་བརྒྱ་བཅུ་དགོད་དོ། །དེའི་ཕྱི་རིམ་སྣམ་བུ་ལ་ཕོ་ཉ་ལྔ་བཅུ་རྩ་བརྒྱད་དགོད་དོ། །དེའི་ཕྱི་རིམ་སྣམ་བུ་ལ་ཡང་སྦྲུལ་གྱི་ཕོ་ཉ་དགོད་དོ། །དེའི་ཕྱི་རིམ་སྒོ་བ་བཞི། ཕོ་ཉ་ལས་བྱེད་

104-1-154b

བཞི་དགོད་དོ། །ཅི་བགྱི་དང་། བཀའ་ཉན་དང་། བཀའི་ཕོ་ཉ་དང་། སྤྲུལ་པ་དང་། ཡང་སྤྲུལ་པ་དང་། འདི་རྣམས་ཡང་དག་པའི་བདེན་དུ་ངེས་པར་རིགས་པར་བྱའོ། །བཅོམ་ལྡན་འདས་དེ་བཞིན་གཤེགས་པ་ཤིན་དུ་གསང་བ་ཧེ་རུ་ཀའི་རོལ་པ་ལས་
རྡོ་རྗེ་ཕོ་ཉའི་ལེའུ་སྟེ་ལྔ་པའོ།། །། དེ་ནས་བཅོམ་ལྡན་འདས་ཀྱིས་ཉིད་ཀྱིས་སྐུ་དང་གསུང་དང་ཐུགས་རྡོ་རྗེ་ལས་ཧེ་རུ་ཀའི་ལས་ཀྱི་བཟླས་པ་འདི་གསུངས་ཤིང་ཕྱུང་ངོ་། །བདག་མེད་གཉིས་རྟོགས་སྒྲིབ་པ་གཉིས་སྤངས་པ། །ཐུགས་རྗེ་སྤྲུལ་
པས་འགྲོ་བ་མ་ལུས་སྒྲོལ། །ཡུལ་མེད་མ་སྐྱེས་བྱམས་པའི་ཆོས་དབྱིངས་ལས། །འཛིན་པ་མི་རྟོག་སྙིང་རྗེ་ཞེན་ཆགས་ཁྲོ། །གཉིས་མེད་དག་ལས་ཕྲིན་ལས་སྙིང་རྗེ་སྙོམས། །དཔལ་ཆེན་ཁྲག་འཐུང་ཁྱོད་ལ་ཕྱག་འཚལ་ལོ། །རྟོག་འཇོམས་སྤྱོད་པ་འཐུན་
པས་འགྲོ་འདུལ་ཞིང་། །བརྡ་ཅན་ཡན་ལག་ལེན་པའི་དོན་གོ་ལ། །ལྷ་བརྒྱུད་བརྗོད་པས་དངོས་གྲུབ་ཀུན་དང་འབྲེལ། །བཀའ་དོན་གཏན་ཚིགས་རིགས་པས་བརྗོད་པར་འོས། །ཞེས་བྱ་བའི་དོན་ཏོ། །ལུང་གསུམ་མན་ངག་གསུམ་དང་
སྤྱི་དོན་གསུམ། །ལུང་གི་སྤྱི་གཅོད་མན་ངག་གདེང་དུ་བྱ། །སྤྱི་ཁོག་བཅུ་བཞིས་དོན་གྱི་ཁོག་ཕུབ་ལ། །བཞི་བཅོམ་དྲུག་ལྡན་རྩིས་མགོས་ས་གཅད་དེ། །ཁྲོ་བོ་རྟོག་པ་མཚན་མའི་གཉེར་གྱིས་བཤད། །འདི་ནི་ཁྲག་འཐུང་རྔོམ་བརྗིད་རྒྱལ་པོའི་ལུང་། །
ཞེས་ཚིག་ཉུང་ཞིང་མདོར་འདུས་ལ་དོན་མང་པོར་འབྱུང་བས་མདོའི་སྡེ་ཞེས་བྱའོ། །བཅོམ་ལྡན་འདས་དཔལ་རྡོ་རྗེ་སེམས་དཔས་བཀའ་སྩལ་པ། ལུང་གསུམ་གྱིས་སྣ་གྲངས་ཏེ་རྡེའུ་བྱའོ། །མན་ངག་གསུམ་གྱིས་འཇུག་བསྡུས་ཏེ་བློ་ལ་བཞག་པའི་དོན་
ཏོ། །སྤྱི་དོན་གསུམ་གྱིས་ལུང་ཐམས་ཅད་ཀྱི་སྤྱི་གཅད་དོ། །སྤྱི་ཁོག་བཅུ་བཞིས་དོན་གྱི་ཁོག་དབུབ་བོ། །བདུད་བཞི་བཅོམ་པས་ཡོན་ཏན་ཀུན་ལ་སྣང་བའི་ཆེ་བ་བཅོམ་མོ། །རྩིས་མགོ་དྲུག་གིས་ས་གཅད་དོ། །ཁྲོ་བོ་རྟོག་པ་མཚན་མའི་གཉེར་གྱིས་
བཤད་པས་ནི་གོལ་ས་དང་ནི་སྒྲིབ་པ་སྤང་ངོ་། །ཡོན་ཏན་ཀུན་རྔོམ་པས་བརྗིད་གཞན་ལ་སྣང་ཕྱིར་རྔོམ་བརྗིད་ཆེན་པོ་སུམ་བཅུ་རྩ་དྲུག་བསྟན་ཏེ། །རྒྱལ་པོ་ཡིན་པའི་རྟགས་ནི་རིན་པོ་ཆེ་སྣ་བདུན་གྱིས་རྒྱལ་པོར་གསོལ་ལོ། །ལུང་གིས་སྤྱི་དྲིལ་དེ་བཤད་

104-1-155a

དོ། །དེ་ལྟར་རྣམ་པ་བཅུར་ངེས་ནས། །དེ་ནི་ཕྱེ་བྱང་ངོ་བསྟན་ཏེ་གསེས་ནས་བཤད་པ། དེ་ལ་ལུང་གསུམ་ནི་ཞི་གནས་མི་རྟོག་དངོས་པོ་མཁའ་ཁྱབ་འདྲ། །ལྷག་མཐོང་མ་རྨོངས་གཟའ་སྐར་མཁའ་ལ་བཀྲམ། །གདོད་བཅས་
དོན་དང་བསྟུན་དེ་འཚམ་པར་བཤད། །ཏིང་འཛིན་ཤེས་རབ་བཀའ་ལུང་གསུམ་དུ་ངེས། །དེ་ལ་མན་ངག་གསུམ་ནི་བདག་ཏུ་མི་རྟོག་སྤྲུལ་པ་མཛོད་ནས་ཐོང་། །ཡུལ་དུ་མ་གྲུབ་གཞན་མེད་མཛད་དུ་གཤེགས། །ཡུལ་སེམས་གཉིས་
མེད་མ་སྐྱེས་དབྱིངས་སུ་གཅིག །ཉན་ཐོས་རང་རྒྱལ་སེམས་ཙམ་སྤོང་མན་ངག །དེ་ལ་སྤྱི་དོན་གསུམ་ནི། མེད་རྒྱུ་བཏག་ཆགས་སྒྲུབ་འགྲུབ་བལྟས་པར་སྣང་། །སྤྱོད་འཐུན་ཁྲོ་དྲག་གདུག་པའི་དབལ་གསོས་འདུལ། །རྟོག་འཇོམས་
སྨན་རྫས་དངོས་ལེན་དངོས་གྲུབ་རྒྱུ། །འདི་ནི་ཁྲོ་བོ་སྤྱི་ཡི་དོན་དུ་བཤད། །དེ་ལ་སྤྱི་ཁོག་བཅུ་བཞི་ནི། །གང་ཁྲོ་གང་ལ་ཅི་ཕྱིར་གང་གིས་ཁྲོ། །གང་ཁྲོ་རྣམ་པ་བཞིར་ནི་ཤེས་བྱ་སྟེ། །རང་ཁྲོ་ཤུགས་ཁྲོ་བར་བཅས་དང་བཅོས། །རྟོགས་པ་ཐུགས་
རྗེ་རང་བཞིན་འདུལ་བའི་དབང་། །གང་ལ་སྙིང་རྗེས་ཁྲོས་ཏེ་ཡུལ་དང་གནས། །ལས་དང་འབྲས་བུ་སེམས་ཅན་སྒྲུབ་པའོ། །ལས་བཞི་སྒྲོལ་མཛད་འབྲས་བུ་སྐུ་གསུང་ཐུགས། །ཅི་ཕྱིར་རྒྱུ་དང་འབྲས་བུ་གཉིས་ལ་ནི། །དུས་གསུམ་མི་
ཡོང་ཤ་རུས་ཁྲག་ལ་རོལ། །གང་གི་རོ་ནི་ཧཱུྃ་དང་ཧ་ཧེ་ཕཊ། །གནས་ན་ལྟ་འོག་མཁའ་སྟོང་ཡེ་ཤེས་ཐུགས། །བསྐྱེད་ཐབས་ཆོ་འཕྲུལ་གསུམ་པོ་ཁྲོ་བོའི་སྐུ། །འབྲས་བུ་དཔལ་ཆེན་འཕྲ་མེན་ཚོགས་ཀྱི་བསྐོར། །འཕྲ་མེན་ལས་དྲག་འགྲོ་བ་
ཅིས་འདུལ་མཛད། །དེ་ལ་བདུད་བཞི་གཞོམ་པ་ནི། །ཚམ་ངམ་དྲག་པོས་ལྷ་ཆེན་འདར་འགྱེལ་བརྫིས། །བརྟུལ་ཞུགས་རོལ་པས་གདོས་བཅས་ཕུང་པོ་བཤིག །དུག་གསུམ་བརླག་ཕྱིར་ཤ་རུས་ཁྲག་ལ་ཟ། །རྣམ་ཤེས་འཆི་མེད་རྒྱལ་བའི་
གནས་སུ་སྟོབས། །རྩིས་མགོ་དྲུག་ནི་དབང་དང་རབ་ཏུ་ལྡན་པ་དང་། །དཔལ་དང་གཟུགས་དང་གྲགས་པ་དང་། །ཡེ་ཤེས་དང་ནི་ནན་ཏན་དང་། །དྲུག་དང་ཡང་དག་ལྡན་ཕྱིར་རོ། །དེ་ལ་དབང་ནི་ཆགས་སྡང་གཏི་མུག་ང་རྒྱལ་ཕྲག་དོག་ནི། །

104-1-155b

མཉེས་སྟོབས་ཡུམ་དང་འཇིགས་ཚུལ་སྐུ་ཡི་སྤྲུལ། །དྲན་མེད་ཐོད་པ་ཁམ་པོར་གཡང་གཞི་ནི། །ཁ་དང་རྒྱལ་མཚན་ཆེ་དང་ལྷ་ཆེན་གནོན། །དེ་ལ་དཔལ་དྲུག་ནི། བྱམས་ལས་ཁྱབ་པ་ཐུགས་དམ་དམིགས་ཀྱིས་བསྒྲལ། །ཐུགས་རྗེས་
འགྲོ་བ་ཐམས་ཅད་བུ་ལྟར་དགོངས། །སྨོན་ལམ་དབང་གིས་འཁོར་བར་ཇི་སྲིད་བཞུགས། །གཞན་དོན་མཛད་པས་བདག་དོན་ལྷུན་གྱིས་གྲུབ། །ཡོངས་སུ་རྫོགས་པ་བདེ་བ་ཆེན་པོའི་དཔལ། །ཁྲོ་རྒྱལ་ཁྲག་འཐུང་དཔལ་ཏེ་རྣམ་དྲུག་ཡིན། །
དེ་ལ་དཔལ་ཡོངས་སུ་རྫོགས་པ་བདེ་བ་ཆེན་པོའི་དཔལ་ནི་བསམ་གྱིས་མི་ཁྱབ་པ་བཞི་སྟེ། དེ་ཡང་གང་ཞེ་ན། སྐུ་གསུམ་ས་གསུམ་སེམས་དཔའ་རྟོགས་དཀའ་བ། །བཀའ་ཁྱབ་སྤྲིན་འདལ་ཆར་འབབ་ཆུ་བོའི་རྒྱུན། །ཏིང་འཛིན་བསམ་ཡས་
བོ་དྷིས་ཐོགས་པ་དེ། །བསམ་ཡས་བསམ་ཁྱབ་མཁས་ལ་གཟའ་སྐར་གསལ། །ཀླུ་མཐུ་གདུལ་ཕྱིར་ཀླུ་ལྔས་སྐུ་བརྒྱན་པ། །མང་ཆེན་གསུང་སྒྲ་དབྱངས་དང་ཕོ་ཉའི་དབང་། །དུག་ལྔས་གདོས་བཅས་འདུ་བྱེད་བརྒྱན་བྱས་པ། །ཁྲག་སྤྲུལ་གཡང་
གཞི་ཁྭ་ཏ་དྲེགས་པ་འཇོམས། །དེ་ལ་གཟུགས་རྣམས་པ་གཉིས་ནི། མི་ཐུད་བུས་པའི་གཟུགས་འདྲ་ལ། །ཨ་གོན་ལ་ནི་རྐང་ལག་གཏམས། །དྲང་སྲོང་ཁྲོས་པའི་ཆ་བྱད་ལ། །ཤིན་དུ་མཁྲང་ཞིང་སྐེམས་པགས་བྲི། །གནོད་སྦྱིན་སྙིང་བགས་མི་
མཐུན་གཟུགས་དང་ནི། །འདུལ་དབང་ཡིད་དགས་སྲིན་པོ་དྲང་སྲོང་འདྲ། །དེ་ལ་གྲགས་པ་ནི་བུད་དྷ་བོ་དྷེས་བསྟོད་དམ་སྲས་སྤུན་དགོངས། །གཏི་མུག་གཟེངས་བསྟོད་ང་རྒྱལ་གནོན་པར་གྲགས། །དེ་ལ་ཡེ་ཤེས་ནི། རྣམ་དག་དབྱིངས་མཁྱེན་འཁོར་
བའི་སྐྱོན་དང་བྲལ། །འགྲོ་བའི་རྒྱུད་མཁྱེན་འཁོར་བའི་མཐའ་ལས་འདས། །གཉིས་སུ་མེད་པར་མཁྱེན་པས་དབུ་མའི་ངང་། །མདོར་ན་ཐམས་ཅད་པ་ཡི་ཡེ་ཤེས་ཡིན། །དེ་ལ་ནན་ཏན་ནི། ནན་ཏན་སྙིང་པོ་ཟག་མེད་ཟག་བཅས་འདུ། །ནན་ཏན་ཕྲིན་
ལས་འགྲོ་བ་གནས་ནས་འདོན། །བསམ་ཡས་ནན་ཏན་འགྲོ་བ་ཆུད་མི་གསོན། །ནན་ཏན་མཆོག་གིས་མཆོག་དུ་ཤེས་པར་བྱ། །ད་ནི་ལུང་རྣམ་པ་གསུམ་སྤྱིར་དྲིལ་ཏེ་བཤད་དོ། །དེ་ཡང་མི་འདའ་བ་རྒྱན་གྱི་ལུང་དང་། ཆེ་མཆོག་ཡོན་ཏན་གྱི་ལུང་དང་། 

104-1-156a

ཡན་ལག་རྟགས་ཀྱི་ལུང་གིས་བཤད་དོ། །དེ་ལ་མི་འདའ་བ་རྒྱན་གྱི་ལུང་ནི། གླང་ཆེན་འདུལ་སྟོབས་ཐེག་པའི་རྒྱན་ཞེས་པ། །བདུད་འཇོམས་སྨན་རྫས་གྲུབ་དང་ལྟ་བའི་གཞུངས། །སྟག་ནི་དཔའ་རྟུན་ཟ་བྱེད་རྒྱན་ཞེས་པ། །ཡེ་ཤེས་ཐུགས་
རྗེའི་ཕྲིན་ལས་ངང་དུ་བསྟན། །སྦྲུལ་ནི་གཉེན་ལྕུག་ཕྲིན་ལས་རྒྱན་ཞེས་པ། །འཇིགས་ཚུལ་དུག་གནོན་འཁྲུལ་པ་ཡུམ་གྱི་རྒྱན། །ཐོད་ཕྲེང་དབང་སྒྲོལ་འཆད་པའི་རྒྱན་ཞེས་པ། །སྐུ་གསུམ་ཐེག་གསུམ་དུས་གསུམ་དབང་ཆད་སྒྲོལ། །གཡང་
གཞི་ཚུལ་ཁྲིམས་གོས་ཀྱི་རྒྱན་ཞེས་པ། །བྱང་ཆུབ་སེམས་ཚུལ་དམ་ཁྲིམས་གོས་ཞེས་བྱ། །རཀ་ཏ་ཐུགས་རྗེ་ཆགས་པའི་རྒྱན་ཞེས་པ། །མི་རྟོག་དབྱིངས་ནས་ཐུགས་རྗེའི་སྤྱན། །གཟི་ཆེན་དོན་དམ་བཅུད་ཀྱི་རྒྱན་ཞེས་པ། །བཅུད་ཀྱི་ཐིག་ལེ་
དོན་དམ་ཀུན་དུ་འོང་། །ཐལ་བ་འདུལ་བྱེད་ཕྲིན་ལས་རྒྱན་ཞེས་པ། །ཡི་གེ་འཁོར་ལོས་མཚན་མ་ཐལ་བར་རློག །མེ་ནི་འབར་འཕྲོ་འདུ་སྲེག་གློང་དཀྱིལ་ཞེས། །ཡེ་ཤེས་ཐུགས་རྗེ་དབྱིངས་འདུལ་ཕྲིན་ལས་ཏེ། །ཟད་པར་བྱེད་པའི་མཐའ་འདས་དཀྱིལ་
ཞེས་བྱ། །མེ་སྒྲ་སྒྲ་ཆེན་ཐ་དད་སྒྲ་ཞེས་པ། །ཆོས་སྐུ་ཁྱབ་དང་ཏིང་འཛིན་སྣ་ཚོགས་པ། །རལ་པ་ཁམ་ནག་སྙིལ་ཞིང་ཕྱེ་མ་ནི། །དེ་ནས་ཆོས་ཉིད་དབང་དྲག་སྤྲུལ་པ་འཕྲོ། །སྐུ་མདོག་མཐིང་ནག་ནམ་མཁའི་རྒྱན་ཞེས་བྱ། །འདུལ་དབང་མཐའ་
མེད་ཡོན་ཏན་དགོངས་པ་གཏིང་མི་དཔོགས་ཤེས་བྱའོ། །དེ་ལ་ཁྲག་འཐུང་ཞེས་བྱ་བའི་སྒྲ་ནི་གོང་དུ་བཤད་པར་ཟད་དོ། །དེ་ལ་དཔལ་ཧེ་རུའི་སྐུ་མདོག་དང་ཕྱག་མཚན་ཅིར་ཡང་མ་ངེས་བར་འབྱུང་སྟེ་གང་ལྟར་བསྒྱུར་ཡང་འགྲུབ་པོ་ཞེས་བཤད་
དོ། །དེ་ཡང་མཚན་ཉིད་མེད་པའི་ཕྱག་རྒྱ་དང་། །དེ་ལ་དངོས་བྱུང་ཕྱག་རྒྱ་རྣམས། །ངེས་པ་མེད་པར་དཔའ་བོས་བཤད། །མཁས་པས་བསྒོམས་ལ་ཅི་དགར་འགྲུབ་ཅེས་འབྱུང་ངོ་། །འོ་ན་ཡང་འདིའི་གནས་སྐབས་སུ། ཧེ་རུ་ཀ་དབུ་གསུམ་
ཕྱག་དྲུག་ཞབས་བཞིར་བགྲད་དེ། དེ་ཡང་ཡན་ལག་རྟགས་ཀྱི་ལུང་གིས་བཤད་ན། གྲུབ་པ་རྟགས་ཀྱི་ཕྱག་རྒྱ་དང་། མཛད་པ་རྟགས་ཀྱི་ཕྱག་རྒྱ་དང་གཉིས་སོ། །དེ་ལ་གྲུབ་པ་རྟགས་ཀྱི་ཕྱག་རྒྱ་ནི་དབུ་གསུམ་དུག་གསུམ་སྐུ་གསུང་ཐུགས་

104-1-156b

ལྷུན་གྲུབ། །ལྟ་སྤྱོད་རྣམ་གསུམ་གྲུབ་པའི་རྟགས། །སྤྱན་དགུ་ས་གསུམ་སྐུ་གསུམ་ཡེ་ཤེས་གསུམ་སྟེ་དགུ། །བགྲོད་མེད་ཐོབ་མེད་དམིགས་པ་ལས་འདས་པ། །རྟག་ཆད་སྤྱན་གཉིས་མཐའ་ཡངས་དབུ་མའི་སྤྱན། །ཤངས་གསུམ་སྲོག་ལ་
མངའ་མཛད་ཏིང་འཛིན་གསུམ། །དེ་བཞིན་ཉིད་དུ་ཀུན་དུ་སྣང་ཞེས་བྱ། །སྒྲ་ཆེན་ཐ་དད་སྒྲ་ཆེན་ཆོས་སྐུ་ཏིང་འཛིན་སྙན། །ཞལ་གསུམ་རྣམ་ཐར་སྒོ་གསུམ་ལྷུན་གྱིས་གྲུབ། །ལྗགས་གསུམ་ཐེག་གསུམ་མཐར་ཕྱིན་ཤེས་བྱའི་རྟགས། །མཆེ་
བཞི་ཕྲིན་ལས་མཐར་ཕྱིན་ཞི་བའི་ཚུལ། །ཡེ་ཤེས་དྲུག་ནི་མཐར་ཕྱིན་ཕྱག་དྲུག་སྟེ། །ཕ་རོལ་ཕྱིན་དྲུག་མཐར་ཕྱིན་ཕྱག་མཚན་དྲུག །ཞབས་བཞི་ལམ་བཞིར་བགྲོད་པ་མེད་པ་ཐོབ། །དེ་ལ་མཛད་པ་རྟགས་ཤེས་བྱ་བ་ནི། །སྤྱན་
དགུ་ས་དགུ་འདུལ་བའི་བྱེ་བྲག་གཟིགས། །སྤྱན་གསུམ་སྲིད་གསུམ་མགོ་རྒྱུད་སོ་སོར་མཁྱེན། །ཤངས་གསུམ་ནས་བྱུང་སྤྲུལ་པས་སྟོང་གསུམ་འགེངས། །སྙན་དྲུག་འགྲོ་དྲུག་གནས་ནས་ཅི་གསོལ་གསན། །དབུ་གསུམ་སྲིད་གསུམ་མགོན་
མཛད་སྐུ་གསུང་ཐུགས། །ཞལ་གསུམ་དབྱིངས་སུ་དུག་གསུམ་ཟད་བར་རྔུབ། །ལྗགས་གསུམ་ཐེག་གསུམ་བསྟན་པའི་གདངས་ངར་སྒྲོགས། །ཁམས་གསུམ་ཉུག་བྱེད་རྡོ་རྗེ་སྲིན་མོ་ལྕེ། །མཆེ་བཞི་སྐྱེ་ཤི་རྩ་ནས་གཅོད་པར་མཛད། །ཕྱག་དྲུག་རྒྱུད་དྲུག་འཁོར་
བ་གཏིང་ནས་འདོན། །ཕྱག་མཚན་ཕ་རོལ་ཕྱིན་དྲུག་འགྲོ་ནོན་མཛད། །ཞབས་བཞིར་ཕྲིན་ལས་རྣམ་བཞི་བགྲོད་མེད་སྒྲོལ། །ཡན་ལག་རྟགས་ཀྱི་ལུང་གིས་འདི་ལྟར་ཡང་དག་བཤད། །རྡོ་རྗེ་ཡེ་ཤེས་ཕ་རོལ་ཕྱིན་པ་ནི། །རང་བཞིན་མི་འགྱུར་ལས་
ནི་འབིགས་ཤིང་འཇོམས། །ཆོས་སྐུ་རྡོ་རྗེ་ཏོག་དང་བག་ཆགས་བསྲེག །ཡེ་ཤེས་ཡིན་ཕྱིར་དེ་ལ་དེ་སྐད་བྱ། །བན་ད་བཟོད་པའི་ཕ་རོལ་ཕྱིན་པ་ནི། །ཆོས་དབྱིངས་སྤྲོས་མེད་ཡེ་ཤེས་བཞི་དང་ལྡན། །ཡེ་ཤེས་དབྱིངས་རྟོག་ཞེན་ཁྲག་ཐུགས་
རྗེ་སྐྱེ། །མཐའ་གཉིས་སྐྱོན་ལ་མི་བསྔགས་བཟོད་པའི་མཆོག །ཁ་ཊྭཱྃ་སྟོབས་ཀྱི་ཕ་རོལ་ཕྱིན་པ་ནི། །དུག་གསུམ་དགའ་བྱེད་དྲེགས་པའི་ལྷ་བདུད་འཇོམས། །སྟོང་གསུམ་སྲིད་པ་ཡོ་འདུལ་རྒྱལ་པོའི་རྟགས། །ཀུན་ལ་མངའ་མཛད་འཁོར་

104-1-157a

རྣམས་དབང་དུ་སྡུད། །ཞིང་ཆེན་སྨོན་ལམ་ཕ་རོལ་ཕྱིན་པ་ནི། །འབོད་པའི་གཡབ་མོས་འཁོར་རྣམས་དབང་དུ་སྡུད། །སྦྱིན་པའི་ཟ་བས་མཁའ་འགྲོ་ཚིམ་པར་བྱེད། །རྡེག་པའི་དབྱིག་པས་གདོན་བཅས་ཕུང་པོ་བཤིག །རྟོག་
པ་ཆོས་ཉིད་དྲན་མེད་ཤེས་ལྔ་བཟུང་། །ཇི་ལྟར་སྨོན་ཅིང་གྲུབ་པས་དེ་སྐད་བྱ། །ཐོང་གཤོལ་ཐབས་ཀྱིས་ཕ་རོལ་ཕྱིན་པ་ནི། །ཉོན་མོངས་ཐ་བ་ཐུགས་རྗེས་ཟློག་མཛད་ཅིང་། །ཡེ་ཤེས་ཆོས་དབྱིངས་མཐའ་དང་བྲལ་བའི་རྟགས། །ཐབས་ཀྱིས་སྐུ་
གསུམ་ལྷུན་གྲུབ་སྤྲུལ་པ་འཕྲོ། །བརྡ་ནི་ཤེས་རབ་ཕ་རོལ་ཕྱིན་བསྟན་པ། །ཡུལ་མེད་མ་སྐྱེས་ཆོས་སྐུ་རྔ་སྒོ་ལ། །འཛིན་པ་བདག་མེད་རིག་པའི་དབྱུ་གུས་བརྡུངས། །གསུང་རབ་རྔ་སྒྲས་འགྲོ་བ་ཤེས་རབ་སྐྱེད། །འཁོར་ལོ་བསམ་བཏན་ལྷག་པ་གསུམ་
གྱི་མཚན། །ཚུལ་ཁྲིམས་ཏིང་འཛིན་ཤེས་རབ་གསུམ་དང་ལྡན། །པད་མ་འདམ་སྐྱེས་མ་ཆགས་ཐུགས་རྗེས་སྤྱོད། །ཚུལ་ཁྲིམས་ཕ་རོལ་ཕྱིན་པའི་ངང་དུ་བསྟན། །མི་ཟད་པར་ལྡན་སྦྱིན་པའི་ཕ་རོལ་ཕྱིན། །རལ་གྲི་ཡེ་ཤེས་ཐུགས་རྗེ་མཐའ་གཉིས་
གཅོད། །རྩེ་གཅིག་ཏིང་འཛིན་གཉིས་ལས་བརྩོན་འགྲུས་མཛད། །དགྲ་སྟ་ཞགས་པ་ལ་སོགས་ཕྱག་མཚན་རྣམས། །རང་གཉེར་ལས་ཀྱི་བརྡ་ཙམ་ཆོས་སྐུ་རྟོགས་པར་བསྟན། །དེ་ལ་འདི་མན་ཆད་ཆེ་མཆོག་ཡོན་ཏན་གྱི་ལུང་གིས་སྤྱིར་དྲིལ་ཏེ་བཤད་པ་
ནི། ཡོན་ཏན་གྱི་བརྗིད་ལ་ཕྲིན་ལས་ཀྱི་རྔོམ་སུམ་བཅུ་རྩ་དྲུག་བསྟན་པ་ནི་དེ་ལ་སྐུའི་རྔོམ་པ་བཞི་ལ་ནམ་མཁའ་རི་མོ་ཕྱག་རྒྱར་རྔོམ། །ཅིར་ཡང་འགྱུར་བཞི་བཞུགས་ཚུལ་རྔོམ། ཟིལ་གྱིས་གནོན་པའི་གདན་རྔོམ། ཚམ་ངམ་ཆེན་པོའི་སྟོབས་རྔོམ་པ་དང་བཞི་
འོ། །དེ་ཡང་ཀུན་རྫོབ་རང་བཞིན་མེད་པ་ལ་ནམ་མཁའ་ལ་སྤྲིན་དྲ་བའི་ཚུལ་དང་། ལྷ་དང་འཕགས་པ་ཚངས་པ་དང་། སྨོན་ལམ་ཅིར་ཡང་འགྱུར་བའི་བཞུགས་ཐབས་ཀྱི་ཚུལ་དང་། སྲིད་པའི་འཁོར་ལོ་ཟིལ་གྱིས་གནོན་པ་དྲི་མེད་པད་མ་ཉི་ཟླ་འོད་
ཡོན་ཏན་རྟགས་དེ་གདན་ཁྲིའི་ཚུལ་དང་། སྟོབས་ཆེན་བཅུའི་ཚུལ་དང་། རྣམ་པ་ནི་འོག་ནས་འཆད་དོ། །གསུང་གི་རྔོམ་བཞི་ལ་ཧོམ་ལྔ་འབྲེལ་བར་འབྱུང་བའི་ཞལ་རྔོམ། ཟླ་གམ་ཅིར་ཡང་འགྱུར་བའི་ལྗགས་རྔོམ། སྐྱེ་ཤི་རྩ་བ་གཅོད་པའི་

104-1-157b

ཚེམས་རྔོམ། གསུང་སྒྲ་འབྲུག་ལྟར་སྒྲོགས་པའི་དབྱངས་རྔོམ་པའོ། །དེ་ཡང་ཞལ་ཡེ་ཤེས་ཀྱི་ཕྱག་རྒྱ་རྣམ་པ་ལྔའི་བསྲེག་ཁང་དུ་རོ་རྣམ་པ་ལྔས་ཚིམ་ཞིང་མཆོད་པ་འབྲེལ་པ་རྣམ་ལྔའི་ཚུལ་དང་། གསུང་དབྱངས་ཚུལ་འདུས་བྱས་དང་། 
རང་བཞིན་ཟུང་མ་འདྲེས་པར་སྟོན་པའི་ཚུལ་དང་། མཆེ་བ་བཞི་ཡེ་ཤེས་བཞིའི་འཕྲོ་འདུས་དུག་བཞི་ཡེ་ཤེས་བཞིས་གཅོད་པའི་ཚུལ་དང་། འབྲུག་ལྟར་སྒྲོགས་པའི་ཡན་ལག་དྲུག་བཅུའི་དབྱངས་ཀྱིས་སྙན་པའི་མདོ་སྡེས་གོ་བར་སྒྲོགས་
ཤིང་ཟིལ་གྱིས་གནོན་པའི་ཚུལ་དང་རྣམ་པར་བཤད་དོ། །ཐུགས་ཀྱི་རྔོམ་པ་བཞི་ལ་ཏིང་ངེ་འཛིན་ཕྱག་རྒྱའི་རྒྱན་གྱི་སྐར་ཚོགས་ལྟར་རྔོམ། ཕྲིན་ལས་རྒྱ་མཚོ་རྒྱན་གྱི་དབའ་རླབས་ལྟར་རྔོམ། ཡོན་ཏན་ས་གཞི་རྒྱན་གྱི་རྩི་ཤིང་ལྟར་རྔོམ། མཛད་པ་
རོལ་མོ་རྒྱན་གྱི་གར་ཐབས་ལྟར་རྔོམ་པའོ། །དེ་ཡང་རྒྱ་ཆེན་པོ་བཞི་ནི་རང་བཞིན་དང་རྒྱན་དུ་དབྱེའོ། །ལྷག་མཐོང་གི་རང་བཞིན་ལས་ལྷག་མཐོང་གི་རྒྱན་མ་གཡོས་པར་སྣང་བའི་ཚུལ་དང་།  ཞི་གནས་ཀྱི་རང་བཞིན་ལ་ཞི་གནས་ཀྱི་རྒྱན་ཁྱད་པར་དུ་འབྱུང་
བའི་ཚུལ་དང་། ཞི་གནས་ཀྱི་རང་བཞིན་བཟོད་པ་ལས་ལྷག་མཐོང་གི་རྒྱན་གྱིས་ཕན་འདོགས་པའི་ཚུལ་དང་། ཞི་གནས་ཀྱི་རང་བཞིན་མི་ཟད་མ་གོལ་བ་ལས་ལྷག་མཐོང་གི་རྒྱན་གྱིས་ཅིར་ཡང་འགྱུར་བའི་དགའ་བ་སྐྱེད་པའི་ཚུལ་ལོ། །མཐུའི་རྔོམ་
པ་བཞི་ལ་རུ་ཏྲ་གཅོས་པའི་གནས་རྔོམ། ལྷ་ཆེན་གནོན་པའི་གདན་རྔོམ། ཁམས་གསུམ་སྒྲོལ་བའི་ཞིང་རྔོམ། རྟོགས་འཇོམས་སྤྱོད་པའི་བརྟུལ་ཞུགས་རྔོམ། དེ་ཡང་གནས་ཁྱད་པར་ཅན་བཀྲ་ཤིས་ཤིང་ཅིས་ཀྱང་མི་ཚུགས་པའི་ཚུལ་དང་།  
གནས་ཁྱད་པར་ཅན་ཐམས་ཅད་ཟིལ་གྱིས་གནོན་པའི་ཚུལ་དང་། ཞིང་ཁྱད་པར་ཅན་ཁམས་གསུམ་ཡོ་སྒྲོལ་བའི་ཚུལ་དང་། སྤྱོད་པ་ཁྱད་པར་ཅན་སྲིད་པའི་རྟོག་པ་དུས་གཅིག་ཏུ་བཅོམ་པའི་ཚུལ་ལོ། །རྔོམ་ཚུལ་སུམ་བཅུ་རྩ་གཉིས་བཤད་དོ། །
དེ་ལ་བརྗིད་ཆེན་པོ་ལ། སྐུ་ཆེ་ཡན་ལག་རགས་པས་བརྗིད་ཆེ། གྲངས་མང་རྐྱེན་དང་འཚམ་པས་བརྗིད་ཆེ། བཀུར་འོས་གཙོ་བོར་མཐོང་བས་བརྗིད་ཆེ། ཁྱད་ཞུགས་ཡིད་དང་འཐད་པས་བརྗིད་ཆེ་བ་སྟེ་བཞིའོ། །དེ་ཡང་ཆོས་སྐུ་དང་མཉམ་པར་འབྱུང་བའི་

104-1-158a

སྒོ་ནས་སྐུ་ཆེ། ཐུགས་རྗེ་དང་མཉམ་པར་འབྱུང་བའི་སྒོ་ནས་སྤྲུལ་རགས། སེམས་འདུ་བྱེད་དང་མཉམ་པར་འབྱུང་བའི་སྒོ་ནས་སྤྲུལ་པ་གྲངས་མང་། སྨོན་ལམ་གྱིས་སྒོ་ནས་རིགས་དང་འཐུན་པའི་རྐྱེན་དུ་འཚམ། སྤྱོད་ལམ་གྱི་སྒོ་ནས་བཀུར་བར་
འོས། རིགས་བཙུན་པའི་སྒོ་ནས་གཙོ་བོར་མཐོང་། རང་བཞིན་གྲུབ་པའི་སྒོ་ནས་ཁྱད་ཞུགས། ཕྲིན་ལས་ཀྱི་སྒོ་ནས་ཡིད་དང་འཐད། གསུང་གི་བརྗིད་བཞི་ལ་གདངས་ཆེ་སྟོང་གསུམ་གང་བས་བརྗིད་ཆེ། ཚིག་མྱུར་ཐེ་ཙོམ་གཅོད་པས་བརྗིད་ཆེ། བདག་ལ་ཆེར་
སྟོན་སྙམ་པས་བརྗིད་ཆེ། ཁྱད་ཞུགས་ཡོན་ཏན་མཐོང་བས་བརྗིད་ཆེ་དེ་ཡང་ཆོས་སྐུས་ཁྱབ་པའི་སྒོ་ནས་སྒྲ་ཆེ། སྒྲ་ཐ་དད་པའི་སྒོ་ནས་སྟོང་གསུམ་གང་། སྒྲ་དབྱངས་སྒོ་ནས་ཀུན་གྱིས་གོ་བས་མྱུར། ཉེ་བར་བསྒྱུར་བའི་སྒོ་ནས་ཐེ་ཙོམ་གཅོད། བྱམས་པའི་སྒོ་
ནས་བདག་ལ་གཟིགས། །ཐུགས་རྗེའི་སྒོ་ནས་ཉི་ཚེར་སྟོན། །ཤེས་པའི་བྱེ་བྲག་གི་སྒོ་ནས་ཁྱད་ཞུགས། །ཚིག་གི་ཡོན་ཏན་གྱི་སྒོ་ནས་འདུལ། ཐུགས་ཀྱི་བརྗིད་བཞི་ལ། ཡངས་པ་རེ་དོགས་མེད་པས་བརྗིད་ཆེ། གསལ་བ་མཐའ་གཉིས་སྤངས་པས་བརྗིད་ཆེ། 
ཐུགས་རྗེ་ཐུགས་དམ་མཐར་འབྱིན་པས་བརྗིད་ཆེ། མ་རྨོངས་ཐབས་ཀྱིས་འདུལ་བས་བརྗིད་ཆེའོ། །དེ་ཡང་གཉིས་མེད་པའི་སྒོ་ནས་ཡངས། སྤང་བླང་མེད་པའི་སྒོ་ནས་རེ་དོགས་མེད། ལྷག་མཐོང་གི་སྒོ་ནས་དབུ་མང་གསལ། ཞི་གནས་ཀྱི་སྒོ་ནས་མི་
འགྱུར་བས་གཉིས་མཐའ་སྤངས། མཛད་པ་རྒྱུན་མི་འཆད་པའི་སྒོ་ནས་ཐུགས་རྗེ་ཆེ། འཁོར་བ་ཅི་སྲིད་བཞུགས་པའི་སྒོ་ནས་ཐུགས་དམ་མཐར་འབྱིན། ཤེས་རབ་ཀྱི་སྒོ་ནས་རྨོངས་པ་སེལ། ཏིང་ངེ་འཛིན་གྱི་སྒོ་རྣམས་ཐབས་ཀྱིས་འདུལ། ཡོན་ཏན་གྱི་
བརྗིད་པ་བཞི་ལ། མེད་པ་ཟད་མི་ཤེས་པས་བརྗིད་ཆེ། གཅིག་ལ་འདོད་དགུར་སྟོན་པས་བརྗིད་ཆེ། གནོད་སྦྱོར་ཕན་པར་འདོད་པས་བརྗིད་ཆེ། ཐབས་མཁས་སྐྱོན་གྱིས་མི་གོས་པས་བརྗིད་ཆེའོ། །དེ་ཡང་བདག་ཏུ་མི་འཛིན་པའི་སྒོ་ནས་མེད། མེད་པའི་སྒོ་ནས་ཟད་མི་ཤེས། 
ཡེ་ཤེས་ཀྱི་སྒོ་ནས་གཅིག །སེམས་ཀྱི་སྒོ་ནས་འདོད་དགུར་སྟོན། སེམས་ཀྱི་སྒོ་ནས་གནོད་པར་སྦྱོར། གྲུབ་པ་རྒྱུའི་སྒོ་ནས་ཕན་པར་མཛད། ཤེས་བྱའི་སྒོ་ནས་ཐབས་མཁས། སྤྱོད་པའི་སྒོ་ནས་སྐྱོན་གྱིས་མ་གོས། ཕྲིན་ལས་ཀྱི་བརྗིད་བཞི་ལ། མི་མཉེལ་

104-1-158b

ཉམ་ཕག་རོལ་པས་བརྗིད་ཆེ། འཁོར་བ་ཡུན་རིངས་མི་མཉེལ་བར་བརྗིད་ཆེ། མགོན་སྐྱབས་རྒྱུན་དུ་མཛད་པས་བརྗིད་ཆེ། དགོངས་པའི་དོན་རྣམས་མཛད་པས་བརྗིད་ཆེའོ། །དེ་ཡང་སྒྱུ་མར་གྱུར་བའི་སྒོ་ནས་མི་མཉེལ། རང་བཞིན་གཅིག་པའི་སྒོ་ནས་ཕག་ཏུ་རོལ། །
སྤྱོད་པའི་སྒོ་ནས་འཁོར་བར་ཡུན་རིང་པོར་བཞུགས། བྱ་བ་མེད་པའི་སྒོ་ནས་མི་མཉེལ། མཐུ་ཡི་སྒོ་ནས་མགོན་སྐྱབས་ཆེ། དམ་བཅས་པའི་སྒོ་ནས་འགྲོ་དོན་རྒྱུན་དུ་མཛད། རྩེ་གཅིག་གི་སྒོ་ནས་མཐའ་གཉིས་ཀྱི་སྐྱོན་དགོངས། །ནན་ཏན་གྱི་སྒོ་ནས་བྱ་བ་གྲུབ། 
བརྗིད་ཉི་ཤུ་དང་སྒོ་བཞི་བཅུ་སྟེ་སྤྱིར་དྲུག་བཅུདེ་ལ་རིན་པོ་ཆེ་སྣ་བདུན་ནི་འཁོར་ལོ་རིན་པོ་ཆེའི་དབང་བཅུས་སྐྱེ་བ་བཞི་ལ་དབང་བསྐུར་རོ། །བཙུན་མོ་རིན་པོ་ཆེས་ནི་ཡུལ་གྱི་རྒྱལ་པོ་ལ་མཉེས་པར་དབུལ་ལོ། །དམག་མི་རིན་པོ་ཆེའི་ཚུལ་
དགུས་ཕ་རོལ་གྱི་དཔུང་འཇོམས་སོ། །ཁྱིམ་བདག་རིན་པོ་ཆེའི་ཚད་མེད་པ་བཞིས་རྒྱལ་པོའི་ཆབ་སྲིད་འཛིན་ཏོ། །གླང་པོ་རིན་པོ་ཆེའི་སྟོབས་བཅུས་ཕ་རོལ་བདག་དང་གཞན་གྱི་དོན་བྱེད་དོ། །རྟ་རིན་པོ་ཆེའི་མྱུར་མགྱོགས་རྫུ་འཕྲུལ་གྱི་རྐང་པ་བཞིས་བགྲོད་པའི་
གནས་སླེབ་པར་བྱེད་དོ། །ཡིད་བཞིན་གྱི་ནོར་བུ་རིན་པོ་ཆེ་ནི་རྣམ་པ་བཞིའི་སྒོ་ནས་སེམས་ཅན་གྱི་རེ་འདོད་སྐོང་ངོ་། །ལུང་རྣམ་པ་གསུམ་ནི་མི་འདའ་བ་རྒྱན་གྱི་ལུང་ལ་སོགས་པ་གོང་དུ་རྩིས་མགོ་སྤྱིར་སྦྱར་བར་ཟད། དེ་ནས་འཁོར་ལོ་རིན་པོ་ཆེའི་དབང་
བཅུ་ནི། སྐྱེ་བཞི་སྐུར་སྟོན་སྐྱེ་བཞི་སྒྲོལ་མཛད་པ། །ལྷ་མི་སྡིག་སྦྲུལ་མཆེ་བ་བཞི་རུ་སྟོན། །ཡོ་བྱད་བྲིད་པའི་འདོད་ཡོན་ལྔ་དང་ནི། །རྟོག་པ་གཞོམ་ཕྱིར་སྨན་ལྔ་དང་ལེན་རོལ། །ཅི་ལྟར་མོས་བཞིན་འདོད་དགུ་གཟུགས་སྟོན་པ། །གར་དབང་འཐད་
དགའི་ཚུལ་དུ་རོལ་པ་མཛད། །རྫུ་འཕྲུལ་བ་སྤུའི་དབྱིངས་ནས་འཕྲ་མེན་འཕྲོ། །ལུས་ནི་ཅི་རྫུ་སེམས་ནི་ཆོ་འཕྲུལ་སྟོན། །གད་རྒྱངས་གདངས་ངར་སྒྲོགས་པ་སྣ་ཚོགས་ཀྱིས། །མཆེ་བ་ཟིལ་གནོན་ཐ་དད་ཆོས་རྣམས་སྟོན། །ཤེས་རབ་ཐབས་ལྡན་སྤྱན་གཉིས་
དབུ་མའི་ངང་། །དབྱིངས་ལས་མ་གཡོས་ཅིར་ཡང་ས་ལེ་མཁྱེན། །སེམས་ཀྱི་བྱེ་བྲག་ཏིང་འཛིན་ཐ་དད་འཕྲོ། །བསམ་གྱིས་མི་ཁྱབ་བཞི་ལ་རོལ་པ་མཛད། །རྡོ་རྗེ་སྡེར་མོ་ལྤགས་པ་སྤུ་ཕྲེང་བརྒྱན། །འཁོར་བ་ཅི་སྲིད་བཞུགས་པའི་ཚེ་ལ་དབང་། །ལྟ་བ་རྣམ་

104-1-159a

བཞི་སྤྱན་ཟུར་གྱིས་བསྐུལ་བས། །འཕྲ་མེན་བཞི་འཕྲོ་ཕྱོགས་བཞིར་ལས་བཞི་མཛད། །སྨོན་ལམ་དབང་གིས་དྲག་པོའི་སྐུར་སྟོན་པ། །དུས་མཐའི་བསྐལ་པ་བཞིན་དུ་བཤོལ་དུ་མེད། །དེ་ལ་བརྩུན་མོ་རིན་པོ་ཆེའི་དབང་ནི། མ་ཆགས་རྡོ་རྗེ་
གཟུགས་ཀྱི་ཡུམ་གྱི་འཁྱུད། །ཞི་གནས་ཏིང་འཛིན་མི་གཡོ་ཡུམ་གྱིས་སྦྱོར། །ཐོགས་མེད་ཤུགས་འཆང་དོན་གྲུབ་ཡུམ་གྱིས་བསྐྱོད། །ལྷག་མཐོང་ཡེ་ཤེས་ཡུམ་གྱིས་མཉེས་བྱེད་འབེབས། །འབྱུང་བ་བཞི་པོ་རྡོ་རྗེ་ལྷ་མོ་སྟེ། །བདེ་བ་ཆེན་པོའི་སྐུ་ལ་མཉེས་པར་
དབུལ། །དམག་མི་རིན་པོ་ཆེ་ཡི་ཚུལ་དགུ་ནི། བསྒྲེགས་པས་འགྲོ་བ་ཤེས་རབ་བསྐྱེད་པའི་ཚུལ། །ཉམ་ང་མེད་པའི་མཛའ་སྤྱོད་དཔའ་བོའི་ཚུལ། །གདུག་རྩུབས་གདོས་བཅད་བརྒྱན་པས་འཇིགས་པའི་ཚུལ། །ལོག་པར་ལྟར་བ་ཞེ་གཅོད་གཤེ་བའི་ཚུལ། །
རྨད་དུ་བྱུང་བའི་ཆོས་སྒྲོགས་གཞད་པའི་ཚུལ། །ཤིན་ཏུ་གདུལ་དཀའ་ལ་ཁྲོ་སྙིང་རྗེའི་ཚུལ། །སྨོན་ལམ་དབང་གིས་མི་ཤོམ་རྔམ་པའི་ཚུལ། །ཉོན་མོངས་གྲུབ་པའི་གྱུར་མཛད་ངོ་མཚར་ཚུལ། །ཁྲོ་དྲག་དབྱིངས་ནས་མི་གཡོ་ཞི་བའི་ཚུལ། །དེ་ལ་ཁྱིམ་བདག་
རིན་པོ་ཆེའི་ཚད་མེད་པ་བཞི་ནི། ཁྲོ་གཏུམ་ཚད་མེད་བྱམས་པར་སྣང་། །བསོད་ཆེན་སྙིང་རྗེ་བདག་ཉིད་ཆེ། །བསྒྲལ་ཞིང་བསྟབས་པ་དགའ་བའི་མཆོག །ཡལ་བར་མི་འདོར་བཏང་སྙོམས་སོ། །དེ་ལ་གླང་པོ་རིན་པོ་ཆེའི་སྟོབས་བཅུ་ནི། ཐུགས་རྗེ་ཆེན་
པོའི་སྟོབས་ནི་དྲེགས་ཆེན་བསྙེངས་ཕྱིར་གནོན། །ཆོས་ཉིད་སྟོབས་ནི་མི་དམིགས་ནམ་མཁའི་མདོག །མི་འབྱེད་སྟོབས་ནི་དངོས་གྲུབ་བདུད་རྩིའི་རྒྱུན། །མ་སྤངས་སྟོབས་ནི་གདོད་བཅས་སྐུ་ལ་བརྒྱན། །མ་གཡོས་སྟོབས་ན་དོན་འཐུན་གྲོལ་བའི་བརྒྱན། །
སྨོན་ལམ་སྟོབས་ནི་བསྐལ་པར་ཡོངས་གྲོལ་མཛད། །སྤྲུལ་པའི་སྟོབས་ནི་མགོ་བརྙན་འཕྲ་མེན་འཕྲོ། །ཕྲག་དོག་ལོག་ལྟ་འཁོར་བར་གཅིག་མི་གཏོང་། །འདོད་ཆགས་ཡུད་ཙམ་འཕྲལ་འདོད་སྤྱན་བཟློག་དམར། །དེ་ལ་རྟ་རིན་པོ་ཆེའི་རྫུ་འཕྲུལ་གྱི་རྐང་པ་བཞི་ནི། །
ཆོས་དབྱིངས་མེད་བཞིན་ཅིར་སྣང་བ། །མཁའ་ལ་འཇའ་ཚོན་བཞིན་དུ་རྣམ་པར་བཀྲམ། །ཡེ་ཤེས་རྫུ་འཕྲུལ་ཆོས་ཀྱི་དབྱིངས་རྟོགས་པ། །མཁའ་ལ་ཉི་ཤར་བཞིན་དུ་གསལ་ལ་སྟོང་། །ཚོགས་གཉིས་རྫོགས་པའི་རྫུ་འཕྲུལ་བྱེ་བྲག་ནི། །མཁའ་དང་

104-1-159b

མཉམ་པའི་སྤྲིན་ཕུང་བཞིན་དུ་འདལ། །སྤྲུལ་པའི་བྱེ་བྲག་འཕྲོ་བའི་རྫུ་འཕྲུལ་ནི། །རོ་ལ་ཅིག་ཆར་འབབས་སྣོད་བྱེ་བྲག་ཕྱེ། །དེ་ལ་ནོར་བུ་རིན་པོ་ཆེའི་རང་བཞིན་ནི། །འགྲོ་རྣམས་ཅི་ལྟར་འདོད་པའི་རེ་འདོད་སྐོང་། །མི་ཟད་བདག་ཉིད་གཏེར་ཆེན་ནམ་མཁའི་
མདོག །སྲིད་གསུམ་མུན་ནག་སེལ་བའི་ཡེ་ཤེས་སྒྲོན། །དུས་གསུམ་རྒྱུན་མི་འཆད་པའི་རིན་ཆེན་ཕྲེང་། །ལུང་གསུམ་ནི་རྩིས་མགོ་སྤྱིར་སྦྱར་བ་ཡིན་ནོ། །ད་ནི་ལྷ་རྒྱུད་ཀྱི་རྟོགས་པ་སོ་སོར་བཤད་པ་བྱ་སྟེ།  འགྲོ་རྣམས་ཅི་ལྟར་འདུལ་ཞིང་གཤེགས་
མཛད་པ། །ཤེས་རབ་ནམ་མཁའི་བསྐལ་པ་དགའ་རྒྱུད་སྟོན། གཏི་མུག་ཚུལ་གྱིས་གཏི་མུག་འཇོམས་མཛད་པ། །གཏི་མུག་རྡོ་རྗེ་བུདྡྷ་ཧེ་རུ་ཀ །ཡེ་ཤེས་རྡོ་རྗེས་ཉོན་མོངས་རྡོ་རྗེ་འཇོམས། །ཐབས་འཛིན་མཆོད་པའི་དངོས་པོ་བཤིག །ཞེ་སྡང་ཚུལ་གྱིས་ཞེ་
སྡང་འཇོམས་མཛད་པ། །ཞེ་སྡང་རྡོ་རྗེ་བཛྲ་ཧེ་རུ་ཀ །རིན་ཆེན་དབྱིག་ལྟར་ཀུན་སྐོང་ཞིང་། །བདག་མེད་ཞི་གནས་ཆུ་ཡི་བསྐལ་པས་འཁྲུ། །ང་རྒྱལ་ཚུལ་གྱིས་ང་རྒྱལ་འཇོམས་མཛད་པ། །ང་རྒྱལ་རྡོ་རྗེ་རཏ་ན་ཧེ་རུ་ཀ །འཁོར་བའི་འདམ་དུ་པད་ལྟར་སྐུ་འཁྲུང་
ཤིང་། །ལྷག་མཐོང་མེ་ཆེན་འབར་བས་ཐམས་ཅད་སྲེག །འདོད་ཆགས་ཚུལ་གྱིས་འདོད་ཆགས་འཇོམས་མཛད་པ། །འདོད་ཆགས་རྡོ་རྗེ་པད་མ་ཧེ་རུ་ཀ ། ཕྲིན་ལས་རྒྱ་མཚོས་འགྲོ་བའི་དོན་མཛད་པའི། །ཤེས་བྱ་ཐོགས་མེད་བསྐལ་པའི་རླུང་གིས་བསྐྱོད། །
ཕྲག་དོག་ཚུལ་གྱིས་ཕྲག་དོག་འཇོམས་མཛད་པ། །ཕྲག་དོག་རྡོ་རྗེ་ཀརྨ་ཧེ་རུ་ཀ །སྐུ་ཡི་ལོངས་སྤྱོད་སྣ་ཚོགས་མི་དམིགས་ཤིང་། །ཤེས་རབ་མཐར་ཕྱིན་གཏི་མུག་རྣམ་པར་དག །ཕྱག་རྒྱ་གཟུགས་ཀྱི་མཆོད་པས་མཉེས་མཛད་ཅིང་། །ཆོས་དབྱིངས་ནམ་
མཁའི་དབང་བསྐུར་ཁྲོ་མོ་རྒྱལ། །ཐུགས་ཀྱི་ལོངས་སྤྱོད་སྣ་ཚོགས་མི་དམིགས་ཤིང་། །བརྩོན་འགྲུས་མཐར་ཕྱིན་ཞེ་སྡང་རྣམ་པར་དག །རྟོགས་པ་རེག་བྱའི་མཆོད་པས་མཉེས་མཛད་ཅིང་། །སྲ་བརྟན་རྡོ་རྗེ་དབང་བསྐུར་ཁྲོ་མོ་རྒྱལ། །གསུང་གི་ལོངས་སྤྱོད་
སྣ་ཚོགས་མི་དམིགས་ཤིང་། །ཚུལ་ཁྲིམས་མཐར་ཕྱིན་འདོད་ཆགས་རྣམས་པར་དག །གསུང་རབ་སྒྲ་ཡི་མཆོད་པས་མཉེས་མཛད་ཅིང་། །ལྷག་མཐོང་ཡེ་ཤེས་དབང་བསྐུར་ཁྲོ་མོ་རྒྱལ། །ཡོན་ཏན་ལོངས་སྤྱོད་སྣ་ཚོགས་མི་དམིགས་ཤིང་། །

104-1-160a

སྦྱིན་པས་མཐར་ཕྱིན་ང་རྒྱལ་རྣམ་པར་དག ། ངར་འཛིན་བྲོ་མཆོག་མཆོད་པས་མཉེས་མཛད་ཅིང་། །བདག་མེད་ཞི་གནས་དབང་བསྐུར་ཁྲོ་མོ་རྒྱལ། །ཕྲིན་ལས་ལོངས་སྤྱོད་སྣ་ཚོགས་མི་དམིགས་ཤིང་། །བཟོད་པས་མཐར་ཕྱིན་ཕྲག་དོག་རྣམ་པར་དག །
ཚུལ་ཁྲིམས་དྲི་མེད་མཆོད་པས་མཉེས་མཛད་ཅིང་། །ཐོགས་མེད་ལས་ལ་དབང་བསྐུར་ཁྲོ་མོ་རྒྱལ། །ཐུགས་མཆོག་རྣམ་དག་ཡེ་ཤེས་དཀར་མོའི་ཚོགས། །འགུགས་མཛད་ཡེ་ཤེས་ལྔ་ཡི་དབྱུག་ཏོ་ཅན། །དྲན་པས་རྒྱུད་ལྔ་སྒྲོལ་མཛད་ཞི་བར་གཟིགས། །སྲིད་
གསུམ་འཇོམས་བྱེད་དབྱུག་ཐོགས་གཽ་རི་མ། །སྐུ་ཡི་ཡོན་ཏན་ཚོགས་སྡུད་རྐུན་མོའི་ཚོགས། །མཐུ་འཕྲོག་ཞི་གནས་ལྷག་མཐོང་ཟུང་དུ་འབྲེལ། །བདེན་གཉིས་ལྟ་བས་ཁྲོ་ཚུལ་འགྲོ་ལ་གཟིགས། །དམ་ཚིག་དབྱིངས་མཆོག་སྐུལ་བྱེད་ཙོའུ་རི་མ། །གསུང་
གིས་ཐམས་ཅད་ཟིལ་གནོན་རྨོངས་པའི་ཚོགས། །དབང་མཛད་མཐའ་གཉིས་མི་ཡོང་ཆུ་སྲིན་ནི། །མི་གནས་རྒྱལ་མཚན་འཛིན་ཅིང་མྱོས་པར་ལྟ། །སྟོང་གསུམ་དབང་མཛད་རྒྱལ་བྱེད་པྲ་མོ་ཧ། །ཐལ་བ་བྱེད་པས་ཐལ་བྱེད་མ་ཡི་ཚོགས། །ཀུན་གྱི་དངོས་གྲུབ་རྡོ་རྗེ་
རྩེ་དགུ་འཛིན། །ས་དགུ་རྟོག་འཇོམས་ཤི་བ་སློང་བར་གཟིགས། །འཇིག་རྟེན་ཐལ་བྱེད་རྡེའུ་ཐེགས་བེ་ཏ་ལི། །འབྱེད་མེད་ཤེས་རབ་མི་རྟོག་ལྦོས་མོའི་ཚོགས། །འཁོར་བའི་རྒྱུད་འཛིན་འཆིང་ཞིང་དབང་འདྲེན་ལས། །ཁྲོ་གར་གཟིགས་ཚུལ་རྒྱུན་གྱིས་
ཐུགས་རྗེས་སྒྲོལ། །བདེ་མཆོག་དབྱིངས་སུ་འདྲེན་མཛད་པུཀྐ་སི། །ཞེ་སྡང་ཚུལ་གྱིས་དོན་མཛད་གཏུམ་མའི་ཚོགས། །མྱོས་མཛད་དབྱིངས་དང་ཡེ་ཤེས་གཉིས་མེད་པའི། །ཐུགས་རྗེས་དཀྲུག་ཅིང་རོ་ཟའི་ཚུལ་དུ་གཟིགས། །སྣོད་བཅུད་དཀྲུགས་ནས་སྐོངས་
མཛད་གྷསྨ་རི། །ཆགས་པའི་ཚུལ་གྱིས་དོན་མཛད་སྨེ་ཤ་ཅན། །མ་ནི་རྒྱུད་འཕེལ་གཟུང་འཛིན་བྲལ་བའི་རྟགས། །མཐའ་གཉིས་སྤངས་པས་རྣམ་པར་གཡེངས་ཚུལ་བཞུགས། །འབར་བ་སྟོང་གསུམ་སྟོབས་བྱེད་ཙཎ་ཌ་ལི། །ཐམས་ཅད་འབྱུང་བའི་ལྷུན་
འགྱུར་མ་ཚོགས་མ། །ཀུན་གྱི་ལས་མཛད་ཆོས་ཀུན་སྙིང་པོ་འཛིན། །ཀུན་ལ་རོལ་པས་གཟིགས་ཚུལ་ཀུན་དང་ལྡན། །ཐུགས་རྗེ་འཇིག་རྟེན་སྒྲོལ་མཛད་སྨ་ཤ་ནི། །འཇོམས་བྱེད་རྩལ་མཆོག་རྡོ་རྗེ་ཐུགས་ཀྱི་ཡུམ། །གཉེན་པོ་སྟོབས་ཀྱིས་ཐམས་

104-1-160b

ཅད་ཟིལ་གྱིས་གནོན། །ཤེས་རབ་ཐབས་ལྡན་སྐུ་གསུམ་བདག་གཞན་དོན། །སྡུག་བསྔལ་ཞེ་སྡང་གསོད་བྱེད་སིང་ཧ་མ། །དཔའ་བརྟུན་ཟ་བྱེད་ཡེ་ཤེས་ཐུགས་རྗེའི་ལས། །བརྩོན་འགྲུས་མྱུར་བའི་ཤུགས་འཆང་འགྲོ་དོན་དུ། །ཐུགས་རྗེ་ཡེ་ཤེས་
རྩེ་གཅིག་སོ་སོར་གཟིགས། །ང་རྒྱལ་འཆི་བདག་འཇོམས་མཛད་བྱ་ཁྲ་མ། །མཛེས་བྱེད་དམ་ཚིག་རྣམ་དག་གསུང་གི་ཡུམ། །ཐབས་མཁས་སྤྱོད་པས་བདག་དང་གཞན་དོན་མཛད། །དོན་གྱི་ཆོས་སྐུ་ཏིང་འཛིན་ལྗགས་ལ་གཏང་། །འདོད་
ཆགས་དུར་ཁྲོད་འཇོམས་མཛད་སྲི་ཀ་མ། །མི་མ་བྱེད་སྤྱོད་པས་མཆོག་རིགས་ཀྱི་ཡུམ། །གཡེར་བའི་ཕྲིན་ལས་འགྲོ་ལ་ཐུགས་རྗེས་སྲུང་། །ཆོས་ཉིད་སྐུ་ལ་ཡེ་ཤེས་སྤྱན་གྱིས་གཟིགས། །ཕྲག་དོན་ལས་གྲུབ་ཟ་བྱེད་ཤྭ་ན་མ། །ཡིད་ཀྱི་ཡེ་ཤེས་
སོ་སོ་ཀུན་ལ་རྟོག །རྣམ་ཤེས་ཀྱིས་བསད་གོད་འབྲང་ཚུལ་ཁྲིམས་སྲུང་། །འཁོར་བའི་རྒྱུན་གཅོད་རྒྱུད་འཛིན་རྒྱུ་གྲི་འཛིན། །མགྱོགས་མས་སྙིགས་བྱེད་ཁྲག་འཐུང་ཀྱི་གྱ་མ། །རྣམ་ཤེས་མཉམ་ཉིད་ཡིད་འགྲོགས་མཚན་མ་འཇོམས། །
གསད་པའི་གོད་རྣམས་སྦྱིན་པས་ཕ་རོལ་ཕྱིན། །མཐའ་འདས་ཆོས་སྐུ་གཟུགས་འཛིན་སྤངས་ཚུལ་བཟུང་། །འགྲོ་བའི་སྡུག་བསྔལ་ཚེ་འཕྲོག་ཀ་ཀ་མ། །བསླད་པས་མི་འགྱུར་བཀྲུས་པས་མི་འདག་ཅིང་། །མི་མཐུན་གཉེན་པོས་མི་
ཤིགས་བཟོད་པའི་མཆོག །ཆོས་སྐུ་ཐུགས་སུ་ཆུད་ཕྱིར་ཞལ་ན་ཐོགས། །ཡོན་ཏན་ཡིད་བཞིན་བདག་ཉིད་ཀང་ཀ་མ། །དབྱིངས་ལ་མི་རྟོག་འགྲོ་ལ་ཐུགས་རྗེས་གཟིགས། །གཉིས་ལ་མི་གནས་ཤེས་རབ་ཕ་རོལ་ཕྱིན། །དབྱིངས་ཀྱི་ཐུགས་རྗེས་
ཕྲིན་ལས་འདུས་མ་བྱས། །མཐའ་གཉིས་སྤངས་པའི་རྔམ་ཚུལ་ཀ །བཅུ་དྲུག་ཞགས་གིས་ཟླ་བའི་དཀྱིལ་འཁོར་རྫོགས། །དཔལ་ཆེན་བཅུ་དྲུག་ས་ལ་ལྷུན་གྱིས་གྲུབ། །བསོད་ནམས་ཡེ་ཤེས་ཚོགས་གཉིས་རྫོགས་པའི་སྐུ། །
ཐོག་མ་མེད་ཅིང་ཡོན་ཏན་ཟླ་བ་མེད། །སྦྱིན་པས་རིགས་པའི་ཀླུང་དུ་མཚོ་དྲང་ལྟར། །འཁོར་བས་འཇིགས་ནས་ཐུགས་རྗེའི་ལྕགས་ཀྱུས་འདྲེན། །དཔའ་བར་འགྲོ་བའི་ཏིང་འཛིན་དོན་མཛད་པ། །ཐུགས་རྗེས་ཤར་མཛད་རྟ་གདོངས་

104-1-161a

ལྕགས་ཀྱུ་མ། །དོན་དང་འཐུན་པས་ཀུན་ཀྱང་དགའ་བར་མཛད། །བྱམས་པའི་ཞགས་པ་འཁོར་བའི་རྒྱུན་འཛིན་ཅིང་། །རིན་ཆེན་ཕྱག་རྒྱས་སེམས་ཅན་རེ་འདོད་སྐོང་། །ཡོན་ཏན་ཚོགས་རྫོགས་ཕག་གདོང་ཞགས་པ་མ། །
གཞན་གྱི་དོན་དུ་སྤྱད་པས་བདག་གི་དོན། །ཤེས་རབ་སྒྲོལ་མས་མུན་པའི་སྡུག་བསྔལ་སེལ། །དོན་གཉིས་མི་འདའ་དགའ་བའི་མཆོག །ཀུན་གཉེན་མ་རིག་ནུབ་མཛད་ཉི་ཟླའི་སྤྱན། །སྙན་པར་སྨྲ་བས་ཀུན་ཀྱང་བཀའ་བཞིན་བྱེད། །བཏང་
སྙོམས་ཐབས་མཁས་ཐུགས་རྗེས་འགྲོ་དོན་དུ། །ཕབ་ནས་རྣམ་ཤེས་ཐལ་བའི་གཟུགས་ཀྱང་འཚོ། །ཆོས་སྟོན་བག་ཆགས་བྱང་མཛད་དྲིལ་འཁྲོལ་མ། །ད་ནི་སྲིན་མོའི་ལྷ་རྒྱུད་བཤད་དེ། བཅྭ་བརྒྱད་སྤྱན་གྱིས་བཅྭ་བརྒྱད་
ཁམས་ལ་གཟིགས། །བཅྭ་བརྒྱད་ཤངས་ནས་བཅྭ་བརྒྱད་སྤྲུལ་པ་འབྱུང་། །བཅྭ་བརྒྱད་ཁམས་ལ་བཅྭ་བརྒྱད་སྐུར་སྟོན་ཅིང་། །བཅྭ་བརྒྱད་ཐུགས་ཀྱིས་བཅྭ་བརྒྱད་འདུལ་ཐབས་མངའ། །བཅྭ་བརྒྱད་སྙན་གྱིས་བཅྭ་བརྒྱད་ཁམས་
གསན་ཅིང་། །བཅྭ་བརྒྱད་ལྗགས་ཀྱིས་གསུང་རབས་བཅྭ་བརྒྱད་འཆད། །བརྒྱ་རྩ་བརྒྱད་ཀྱིས་དགོངས་པ་བསམས་མི་ཁྱབ། །ས་དགུར་ཐུགས་རྗེས་དོན་མཛད་དབུ་དགུར་ལྡན། །བརྗོད་གནོན་ཞབས་བརྒྱད་ཕྱོགས་བརྒྱད་ལྷ་བརྒྱད་
གནོན། །ཅི་ལྟར་རོལ་ཡང་སྤྱན་དགུར་དབྱིངས་མི་གཡོ། །འདུལ་བའི་དབང་དུ་བསྐལ་པའི་ཚུལ་སྟོན་ཅིང་། །རྡོ་རྗེ་སྲིན་པོས་ཅི་འདུལ་ཡིད་བཞིན་རྫོགས། །རྣམ་ཐར་གསུམ་ལས་སྐུ་གསུམ་ཕྲིན་ལས་འབྱུང་། །སྤྱོད་པ་རྣམ་དག་སྨོན་
ལམ་སྟོབས་ཀྱིས་གཤེགས། །རལ་བསིགས་སྤྲུལ་པས་འགྲོ་དོན་རྩེ་གཅིག་རོལ། །བཅྭ་བརྒྱད་སྟོང་པས་མཉེས་མཛད་རྩ་ཏིང་མ། །བརྗིད་པའི་སྟོབས་ཀྱིས་ཀླུ་རྣམས་ཟིལ་གནོན་ཅིང་། །ཕྲ་མའི་སྐྱོན་སྤངས་ངག་གི་དབང་ཕྱུག་ཆེ། །འབད་པ་མེད་
པའི་བརྩོན་འགྲུས་ཤུགས་དང་ལྡན། །ཆོས་ལ་དབང་མཛད་ཧ་ཡ་གྲི་བ་དཔལ། །འཛིན་ཚུལ་སྟབས་ཀྱིས་དྲང་སྲོང་ཚར་གཅོད་ཅིང་། །ལོག་ལྟའི་ཉེས་སྤངས་ཡང་དག་ལྷ་དང་ལྡན། །ཚུལ་ཁྲིམས་མཐར་ཕྱིན་དྲང་སྲོང་སྤྱོད་པས་ཚེ། །སྐྱེ་ལ་དབང་མཛད་བྲན་

104-1-161b

ཚུལ་མི་གཡོ་མགོན། །ཤུགས་འཆང་སྟབས་ཀྱིས་རླུང་ལྷ་ཚར་གཅོད་ཅིང་། །འཁྱལ་པའི་སྤྱོད་སྤངས་ངག་གི་དབང་ཕྱུག་ཆེ། །འདོད་པ་ཀུན་ལ་སྦྱིན་མཛད་རྒྱལ་པོའི་ཚུལ། །སེམས་ལ་དབང་མཛད་འདོད་པའི་ཁྲོ་བོ་རྒྱལ། །འཚིར་བའི་སྟབས་
ཀྱིས་གནོད་སྦྱིན་ཞབས་ཀྱིས་མནན། །ངག་ཙུབ་སྐྱོན་སྤངས་ངག་གི་དབང་ཕྱུག་ཆེ། །སྨོན་ལམ་མཐར་ཕྱིན་བདུད་འདུལ་ཐུགས་རྗེའི་རྩེ། །ལས་ལ་དབང་མཛད་བདུད་རྩི་ཀུཎ་ཌ་ལི། །གནོན་པའི་སྟབས་ཀྱིས་འབྱུང་པོ་ཚར་གཅོད་ཅིང་། །གནོད་
སེམས་ཉེས་སྤངས་ཐུགས་ཀྱི་དབང་ཕྱུག་ཆེ། །མཉེན་པའི་སྟོབས་ཀྱིས་མི་མཐུན་གནོན་མཛད་ཅིང་། །རྫུ་འཕྲུལ་དབང་མཛད་འཇིགས་བྱེད་སྟོབས་པོ་ཆེ། །རྡེགས་པའི་སྟོབས་ཀྱིས་སྲིན་པོ་ཚར་གཅོད་ཅིང་། །བདེན་དང་བྲལ་བའི་བརྫུན་སྤངས་
སྐྱོན་སེལ་བ། །མཚན་མའི་ཐབས་ཀྱིས་མཚན་མ་འདུལ་མཛད་པ། །ཡེ་ཤེས་དབང་མཛད་དབྱུག་པ་སྔོན་པོ་ཅན། །འདེབས་པའི་སྟབས་ཀྱིས་ས་བདག་ཚར་གཅོད་ཅིང་། །བརྣབ་སེམས་སྐྱོན་སྤངས་ཐུགས་ཀྱི་དབང་ཕྱག་ཆེ། །བཟོད་པ་ས་གཞི་
ལྟ་བུ་གཞིར་འགྱུར་བ། །སྨོན་ལམ་དབང་མཛད་འདམ་སྐྱེས་ཀུཎ་ཌ་ལི། །ཟློག་པའི་སྟོབས་ཀྱིས་བདུད་རྣམས་ཚར་གཅོད་ཅིང་། །འདོད་ཆགས་སྐྱོན་སྤངས་སྐུ་ཡི་དབང་ཕྱུག་ཆེ། །ཡེ་ཤེས་མཐར་ཕྱིན་ཉི་ཟླའི་འོད་གཞིན་གསལ། །སྐྱེ་བཞི་མོས་
པས་དབང་མཛད་ཧཱུྃ་ཀ་ར། །རོལ་པའི་སྟོབས་ཀྱིས་ལྷ་རྣམས་ཚར་གཅོད་ཅིང་། །མ་བྱིན་ལེན་པའི་སྐྱོན་སྤངས་བདག་ཉིད་ཆེ། །རབ་ཏུ་ཤེས་པའི་ཤེས་རབ་མཐར་འབྱིན་པ། །ཡོ་བྱད་དབང་མཛད་གཞན་གྱིས་མི་ཐུབ་རྒྱལ། །འཇིགས་བྱེད་སྟབས་
ཀྱིས་འཆི་བདག་ཟིལ་གནོན་ཅིང་། །སྲོག་གཅོད་ཉེས་སྤངས་སྐུ་ཡི་དབང་ཕྱུག་ཆེ། །གཟུང་འཛིན་སྐྱོན་སྤངས་བསམ་གཏན་ངང་ལ་གནས། །ཚེ་ལ་དབང་མཛད་འཇིགས་བྱེད་གཤིན་རྗེ་གཤེད། །ཡེ་ཤེས་ཐུགས་རྗེས་ཟིན་པས་མཐར་
མི་འཆིང་། །ཐུགས་རྗེས་ཟིན་པའི་སྲིད་ལས་གྲོལ། །གཉིས་ལ་མི་གནས་མཐའ་བྲལ་དབུ་མར་བསྙེམས། །འདོད་པའི་རྒྱལ་པོ་མཉེས་མཛད་ལ་སེ་ཀེ། རིག་པའི་སྡེར་ཆེན་ཆོས་ཀྱི་དབྱིངས་ཉིད་འཛིན། །ཐུགས་རྗེ་ལྕགས་ཀྱུས་འཁོར་

104-1-162a

བ་མི་གཏོང་ཞིང་། །ཤེས་རབ་ཐབས་ཀྱིས་ལྕགས་ཀྱུས་མཐའ་གཉིས་འཛིན། །གཙོ་བོ་དབྱུག་སྔོན་མཉེས་མཛད་དྲ་ཏི་རུ། །ཡེ་ཤེས་མཚན་སྡུད་ཐུགས་རྗེ་ཁྲོད་འབྱུང་ཞིང་། །སྤྲུལ་པས་འགྲོ་བསྒྲལ་སྐུ་དང་ཡེ་ཤེས་འཕྲོ། །ཤེས་སྙིང་
མ་སྐྱེས་དབུ་མའི་རིག་པ་སྐྱེ། །སྟ་ན་བ་ཏིས་ཁྲོ་རྒྱལ་གཤིན་རྗེ་མཉེས། །དབྱིངས་སུ་མཚན་མ་ཤེས་རབ་ཐོ་བས་བརྡུངས། །ཐུགས་རྗེས་སེམས་ཅན་ཕྲིན་ལས་མཚན་མ་འཇོམས། །དབུ་མར་ཡེ་ཤེས་སྙིང་རྗེ་མི་རྟོག་དང་། །མི་གཡོ་མགོན་པོ་མཉེས་
མཛད་མུ་ཧ་ལ། །རྡོ་རྗེ་གཏུམ་མོ་མཚན་མའི་དངོས་པོ་བཅོམ། །ཐུགས་རྗེ་རྔམ་ཚུལ་སྲིད་པ་ཐལ་བར་བརླག །གཉིས་ལ་མི་གནས་མཐའ་བྲལ་དབུ་མར་བསྡིགས། །ཧ་ཡ་གྲི་བ་མཉེས་མཛད་ཙཎ་ཌ་ལི། ཕྲ་མོར་འབིགས་པའི་ཡེ་ཤེས་དབྱིངས་
སུ་འཕེན། །འབིགས་པའི་ཡེ་ཤེས་གནད་དུ་ཐུགས་རྗེས་རྡེག །མ་ཁྱོགས་དབུ་མ་ཆེན་པོའི་དོན་སྟོན་པ། །གཞན་གྱིས་མི་ཐུབ་མཉེས་བྱེད་ཤ་ཡ་ཏི། །མཚན་མ་མེད་པའི་དབྱིངས་ཐོས་རིག་པའི་སྒྲ། །དབྱིངས་ཉིད་རིག་ཤེས་དབྱིངས་ལ་ཉན་པའི་
སྒྲ། །དེ་ལ་བསྟན་པ་གསུང་གི་སྒྲ་འབྱིན་པ། །བདུད་རྩིར་འཁྱིལ་པ་ཤ་ཡ་ཡ་ཏིས་མཉེས། །བདག་རྟོག་ལོག་ལྟའི་མཚན་མ་ཀུན་བཅོམ་ཞིང་། །ཟ་བྱེད་མཆེ་བས་སྐྱེ་བཞི་རྩད་གཅད་དེ། །སྐུ་དང་ཡེ་ཤེས་མ་སྐྱེས་མི་དམིགས་པ། །པད་མོ་འཁྱིལ་
བ་མཉེས་བྱེད་མ་ར་ན། །ཐུགས་དམ་དབང་གིས་རྣམ་དག་དབྱིངས་ནས་བསྐུལ། །ཐུགས་རྗེས་ཤུགས་ཀྱིས་འགྲོ་བ་གནས་ནས་འདྲེན། །གཉིས་མེད་མཆོད་བསྐུལ་དབུ་མའི་དགྱེས་པ་སྟོབ། །མ་ཧ་ཧ་ལ་མཉེས་མཛད་ཙུན་ད་མ། །བསྐྱོད་པའི་ཡེ་ཤེས་
ས་རྣམས་དུས་གཅིག་གཅོད། །ཐུགས་རྗེ་ཤུགས་ཀྱིས་འགྲོ་བ་གནས་ནས་སྤོར། །ཐབས་དང་ཤེས་རབ་བསྐྱོད་པས་མཐའ་གཉིས་སྤོར། །བ་ཡ་བ་ཏིས་ཁམས་གསུམ་ཧཱུྃ་མཛད་མཉེས། །སྡུག་བསྔལ་ཐུགས་རྗེས་མི་བཟོད་ཕྲིན་ལས་དཔའ། །ཡལ་
བར་མི་འདོར་བརྩོན་འགྲུས་ཤུགས་ཀྱིས་བརྟན། །གདོང་ནས་དོན་མཛད་འཁོར་བ་མཐར་ཐུག་སྒྲོལ། །དེ་ཕྱིར་དཔའ་བརྟུལ་ཟ་བྱེད་བྱ་ཁྲ་མ། །སྡང་མིག་མི་འགྱུར་ཐུགས་རྗེས་ཞེ་ལ་གནོན། །མཐུ་རྩལ་རྔོམ་བརྗིད་འགྱུར་མེད་བདུད་དཔུང་བཟློག །ཚམ་ངམ་

104-1-162b

རལ་བསིགས་གདངས་ངར་འཇིག་རྟེན་འགེངས། །དེ་ཕྱིར་འགྱུར་མེད་འཕྲ་མེན་ཙ་ས་ར། །རྟོག་པའི་དགྲ་སྤངས་དྲན་པའི་དགོན་པར་གནས། །འཁྲུལ་སྐྱོན་དྲི་མེད་ཤེས་བཞིན་རྫི་མཆོར་སྤོང་། །འགྲོ་དོན་དུས་ལ་བབ་ན་ཐུགས་རྗེས་འཇུག །དེ་ཕྱིར་འཇུག་
པར་བྱེད་པའི་ཧ་རི་ན། །ཆོས་དབྱིངས་གནས་མལ་རྟོག་པའི་སྐྱོན་སེལ་ཞིང་། །ཐུགས་རྗེ་སྤུ་རིས་སྤྲུལ་པ་བསམ་མི་ཁྱབ། །དུག་གསུམ་འཇོམས་མཛད་ཤ་རུས་ཁྲག་ལ་རོལ། །སེལ་བྱེད་སྤྲུལ་པས་དོན་མཛད་དྷྱ་མ། །ཡང་དག་ཟོན་ཆགས་འགྲོ་དོན་ཐབས་
མཁས་ལྡན། །མི་འདུལ་ཟིང་ཐུབ་བཏང་སྙོམས་ཆེན་པོར་བཞུགས། །དུས་ལ་བབ་ནས་བརྩོན་འགྲུས་ཤུགས་དང་ལྡན། །དེའི་ཕྱིར་མཁས་བརྩོན་མཛད་པའི་རྩ་ལ་མ། །ཡེ་ཤེས་དབྱིངས་ལ་འཇུག་པ་ཤེས་བྱ་ཟ། །དབྱིངས་ཉིད་ཤེས་ལ་འཇུག་པ་ཉོན་
མོངས་ཟ། །གཉིས་མེད་ཡེ་ཤེས་ཕྲིན་ལས་འཁོར་བ་ཟ། །དེ་ཕྱིར་ཟ་བྱེད་པུ་ཀ་མུ་ཀ་བ། །རིགས་བརྩུན་གཉེན་པོར་འགྱུར་བས་ཐམས་ཅད་འདུལ། །ཕྲིན་ལས་རྩལ་གྱིས་བདུད་དཔུང་ཐམས་ཅད་འཇོམས། །སྟོང་ཉིད་སྒྲ་བསྒྲགས་མུ་སྟེགས་ཝ་ཚོགས་འཇིགས། །
དེ་ཕྱིར་འཇོམས་བྱེད་རྩ་མཆོག་སིང་ཧ་མ། །དབྱིངས་ལ་ཡེ་ཤེས་ཉལ་ཞིང་ཐུགས་རྗེ་རྨི། །ལྷིང་ནག་ནག་པོ་དྲག་པོ་སྐུ་སྟོན་པ། །ཐུགས་མཆོག་རྣམ་དག་ཆོས་ཉིད་དབྱིངས་སུ་མཁྱེན། །དེ་ཕྱིར་རྨི་བྱེད་འཕྲ་མེན་རིཀྵ་མ། །ཡེ་ཤེས་ཐུགས་རྗེ་སྟོབས་ཀྱིས་མཐའ་
གཉིས་གནོན། །ཚམ་ངམ་རལ་བསིགས་སྤྲུལ་པས་བདུད་དཔུང་འཇོམས། །ལས་སུ་ཅི་མཛད་བརྩོན་འགྲུས་སྟོབས་ཀྱིས་རོལ། །དེ་ཕྱིར་སྟོབས་ལྡན་འཕྲ་མེན་ཧཀྵ་མ། །ལྷག་མཐོང་ཆོས་དབྱིངས་ཞི་གནས་རླན་གྱིས་བརྒྱལ། །ཐུགས་རྗེ་འཁོར་
བར་སྨོན་ལམ་སྟོབས་ཀྱིས་མྱོས། །རྟོག་འཇོམས་རྫས་ལ་གཙང་སྨེ་མེད་པར་རོལ། །དེ་ཕྱིར་འཕྲ་མེན་མྱོས་བྱེད་ཨུ་ཀ་ར། །ཡིད་གཡོ་ལས་ཅན་སེམས་པར་གྱུར་པ་ནི། །ཡེ་ཤེས་དབང་གིས་ཐུགས་རྗེས་འགྲོ་ལ་གཡོ། །དོན་མཛད་གོད་འབྲང་ཡེ་ཤེས་
དབྱིངས་སུ་མཁྱེན། །དེ་ཕྱིར་ཚུལ་ཁྲིམས་ཆེན་པོ་ཀྱི་ཀྱ་མ། །བསམ་པའི་དངོས་པོ་འདོད་ལ་འདུན་པ་ནི། །དབྱིངས་ཉིད་མཉམ་ཉིད་ཡེ་ཤེས་མཁྱེན་པ་ཟ། །ཐུགས་རྗེ་འདུན་པས་འཁོར་བ་བག་ཆགས་སྦྱོང་། །དེ་ཕྱིར་འཕྲ་མེན་ཟ་བྱེད་དོན་ཀ་མ། །དབྱིངས་

104-1-163a

ལ་སེམས་འཛིན་ཡིད་ལ་བྱེད་པར་འགྱུར། །ཡེ་ཤེས་དབྱིངས་རྟོགས་དྲངས་པ་ཉིན་མོ་ཉལ། །འགྲོ་མདོངས་རྨོངས་ལ་ཐུགས་རྗེས་མཚན་མོ་ལྡན། །ཡེ་ཤེས་ཐུགས་རྗེས་དྲངས་པའི་ཨུ་ལུ་ཀ །བརྟགས་པའི་དངོས་ལ་རྩེ་གཅིག་ཏིང་འཛིན་
འགྱུར། །མཉམ་ཉིད་མཐའ་བྲལ་དབྱིངས་ལས་མི་གཡོ་བ། །རྟོག་གེ་སྤྱོད་ཡུལ་བྱིས་པས་མི་མཐོང་བ། །དེ་ཕྱིར་སྦེབ་བྱེད་འཕྲ་མེན་བ་ཡ་ཏ། །ལས་འབྲས་བདེན་ལ་ཡིད་ཆེས་དང་གྱུར་ཏེ། །མཉམ་ཉིད་དབྱིངས་སུ་ཡེ་ཤེས་ཐུགས་ཀྱིས་མགྱོགས། །ཞི་གནས་
སྤྱན་རྫི་ལྷག་མཐོང་བགྲོད་ཚགས་ཆུང་། །དེ་ཕྱིར་འཕྲ་མེན་མགྱོགས་བྱེད་བྷག་ཤི་ཏ། །ངེས་པའི་དངོས་ལ་འཛིན་པའི་མོས་པར་གྱུར། །ལྷག་མཐོང་ཡེ་ཤེས་དབྱིངས་ཉིད་མཉམ་འགྱུར་འཛིན། །ཞི་གནས་གཅེས་པར་འཛིན་པ་མི་འཕྲོགས་པ། །དེ་ཕྱིར་འཕྲ་
མེན་འཛིན་མ་ཙ་ཏ་མ། །འདྲིས་པའི་དངོས་པོ་མ་བརྗེད་དྲན་པར་གྱུར། །དབྱིངས་དང་ཡེ་ཤེས་གཉིས་མེད་མ་བརྗེད་དྲན། །ཏིང་འཛིན་འབུམ་ཕྲག་ལྷག་མཐོང་སོ་སོར་གསལ། །གཉིས་ལ་མ་རྨོངས་ཟིན་མ་ཏི་ཏི་ལ། །ཆོས་རྣམས་འབྱེད་པའི་བྱེད་པར་གྱུར་
པ་ནི། །མཉམ་ཉིད་ངང་དུ་ལོག་ལྟ་སེལ་བྱེད་ཅིང་། །རིག་པ་སྐྱེད་པས་སོམ་ཉི་ཐེ་ཚོམ་གཅོད། །དེ་ཕྱིར་འཕྲ་མེན་གསོད་བྱེད་ན་ཀུ་ལ། །འཇུག་པ་རང་དབང་མེད་པའི་གཉིད་གྱུར་པ། །བསྟན་པའི་ཆོས་སྒྲོགས་ལོག་ལྟ་མྱོས་བྱེད་ཅིང་། །མཉམ་དང་མི་མཐུན་
ལོག་ལྟ་མྱོས་བྱེད་ཕྱིར། །ཐམས་ཅད་མྱོས་བྱེད་འཕྲ་མེན་འུ་ཤི་ཀ །གསུམ་འདུས་གཅོད་པའི་རེག་པར་གྱུར་པ་ནི། །ཕྲིན་ལས་བྱེ་བྲག་མང་པོ་ཅི་མཛད་ཅིང་། །ཕྱག་རྒྱ་བཞི་པོ་མ་སྐྱེས་དབྱིངས་སུ་བྲོས། །དེ་ཕྱིར་འཕྲ་མེན་འབྲོས་བྱེད་ཀ་སི་ཀ །འཁོར་བའི་རྡོ་རྗེ་
བརྗོད་པས་མྱ་ངན་འདས། །ཆོས་སྐུ་རྡོ་རྗེ་བརྗོད་པས་མཐའ་གཉིས་སྤངས། །རྗོད་བྱེད་བརྗོད་བྲལ་དོན་གྱི་ཚིག་དང་བྲལ། །དེ་ཕྱིར་རྗོད་བྱེད་བཛྲ་པ་ཤ་མ། །ཆོས་ཉིད་རྡོ་རྗེས་མཚན་མའི་དངོས་པོ་བཤིག །ཡེ་ཤེས་རྡོ་རྗེས་གཟུང་འཛིན་རྟོག་པ་བསྲེགས། །
ཕྱག་མཚན་རྡོ་རྗེས་དྲེགས་པའི་ལྷ་བདུད་བཅོམ། །དེ་ཕྱིར་འཇོམས་བྱེད་བཛྲ་བེ་ར་བེ། །འཆི་མེད་བདུད་རྩི་ཡུལ་སེམས་སྐྱེ་འགག་མེད། །གྲུབ་པའི་བདུད་རྩི་བསམ་པའི་འབྲས་བུ་ཐོབ། །ཐུགས་རྗེས་འགྲོ་བདུད་རྩི་གཏོང་བླ་མེད་བསྒྲུབ། །རྩི་མཆོག་ཡེ་ཤེས་བཛྲ་

104-1-163b

ཨ་མྲྀ་ཏ། །ཡེ་ཤེས་འཕྲོག་བྱེད་ཡོན་ཏན་རྒྱ་མཚོ་བསྒྲུབ། །ཐུགས་རྗེས་འཕྲོག་བྱེད་འཇིག་རྟེན་དབང་དུ་སྡུད། །ཡེ་ཤེས་ཐུགས་རྗེས་གཉིས་མེད་དབང་དུ་འུབ། །དེ་ཕྱིར་བརླབ་བྱེད་བཛྲ་མ་ར་ན། །དེ་ནི་པད་མ་དབང་ཆེན་དང་། དབང་
ཕྱུག་མ་ལྷ་རྒྱུད་བརྗོད་པར་བྱའོ། །བཅྭ་ལྔ་སྤྱན་གྱིས་རྒྱུད་ལྔའི་མི་དགེ་བཅུ། །ཡེ་ཤེས་ལྔ་དང་སོ་སོ་ཅིས་འདུལ་མཁྱེན། །སྙན་བཅུས་མི་དགེ་བཅུ་ཡི་སྡུག་བསྔལ་གསན། །ཤངས་ལྔ་ནས་བྱུང་རིགས་ལྔའི་སྤྲུལ་འཕྲོས་པས། །རྒྱུད་ལྔའི་མགོན་
མཛད་བརྩོན་ལྡན་རྟ་དབུ་ལྔ། །དུག་ལྔ་ཞལ་དུ་ཤར་ཏེ་རྔུབ་མཛད་ཅིང་། །ལྗགས་ལྔ་ཐེ་ཚོམ་གཅོད་ཕྱིར་ཐེག་ལྔ་འཆང་། །སྐྱེ་བཞི་ལས་བཞིས་སྒྲོལ་མཛད་ཤོག་བཞིས་སྐྱོད། །བཅུ་དྲུག་དམྱལ་ཁམས་བཅུ་དྲུག་ཕྱག་གིས་འདྲེན། །ཕྱོགས་བརྒྱད་
འདུལ་ཕྱིར་ཞབས་བརྒྱད་ཁྲོ་བརྒྱད་བཅོམ། །རིགས་བཞི་སྣོད་བཅུད་ཉི་ཟླ་འོད་དང་བརྫིས། །ཕྱོགས་བཞི་རྩལ་དྲུག་དབང་ཕྱུག་ཡང་ཆེས་མནན། །ཆེ་བ་ཆེ་བ་ཡང་ཆེ་བླ་ན་མེད། །བཅུ་དྲུག་ཞག་གིས་ཟླ་དཀྱིལ་རྫོགས་པ་ལྟ། །ཚོགས་གཉིས་རྫོགས་
པས་བཅུ་དྲུག་ས་ལ་ཞུགས། །ཕྱོགས་བཞི་དབུ་ལྔར་འབར་ལྟར་རིགས་ལྔའི་དབུ། །མཁྱེན་པའི་ཡེ་ཤེས་ཐུགས་རྗེས་གཟིགས། །ཚོགས་ཆེན་ཡོངས་སུ་རྫོགས་པའི་དཀྱིལ་འཁོར་དང་། །དབང་ཆེན་ཡོངས་སུ་འདུས་པའི་དཀྱིལ་འཁོར་དང་། །ཚོགས་ཆེན་
གཉིས་རྫོགས་ཡེ་ཤེས་ལྷུན་གྲུབ་པ། །དཀྱིལ་འཁོར་གསུམ་གྱིས་བརྗིད་པའི་ཁྲོ་བོ་རྒྱལ། །ཐུགས་རྗེ་འདམ་སྐྱེས་སྤྱོད་པ་སྐྱོན་མི་གོས། །མཐའ་གཉིས་དབང་མཛད་པད་མ་ཧེ་རུ་ཀ །རྔམ་པའི་ཚུལ་གྱིས་སྲིན་མོ་གཟུགས་འཛིན་ཅིང་། །ཐོད་རུས་གདུག་པ་འབུམ་མར་ཟས་
སུ་ཟ། །སྲིད་པའི་སེམས་ཅན་ཆགས་པའི་སྙིང་ཁྲག་གསོལ། །དབང་དྲག་ལས་མཛད་མ་བུ་རཀྵ་སི། །སྡུག་བསྔལ་མྱ་ངན་འདས་རྟོག་ཚངས་པའི་གཟུགས། །ཚད་མེད་བཞི་རྫོགས་རྟགས་ཀྱི་དབུ་བཞིར་ལྡན། །ཞབས་བཞིས་སྨྲ་འདོན་གླིང་བཞིར་བཀྲ་ཤིས་བརྗོད། །
གཏི་མུག་ཡིད་བཞིན་རིན་ཆེན་པྲ་མ་ཏི། །ཐམས་ཅད་མཉམ་པ་ཉིད་རྟོགས་རིགས་མཆོག་མ། །མ་རིག་དུག་གསུམ་འཇོམས་མཛད་དཔལ་རྩེ་བསྣམས། །བུད་མེད་ཆགས་ཚུལ་དབང་མཛད་བཀའ་ཟློག་མ། །ཆགས་པའི་སྐྱོན་བྲལ་ཏེ་ཆེན་རེའུ་ཏྲི་མ། །ཐམས་ཅད་རྒྱུ་

104-1-164a

མ་བཞིན་དུ་རྟོགས་མཁྱེན་མ། །འབྲེལ་བའི་ཐུགས་རྗེས་སེམས་ཅན་ཀུན་ལ་གཏོགས། །ཕྲིན་ལས་རྒྱ་མཚོ་སྒྲོལ་བའི་བཞེད་ཆེན་ཅན། །འཁོར་བའི་རྒྱུད་གཅོད་དྲག་མོ་བོ་སྣ་བེ། །འདུ་བྱེད་མི་རྟག་དྲིལ་བུའི་སྒྲ་ལྟར་མཁྱེན། །རྟག་པར་གཞོན་
ཚུལ་འཁོར་བ་ཇི་སྲིད་བཞུགས། །ཉོན་མོངས་ཐ་བ་འབིགས་པའི་མདུང་ཐུང་འཕེལ། །གཞོན་ཚུལ་ཆགས་པས་དབང་མཛད་གོའུ་རི། །རྡོ་རྗེ་ལས་མཛད་ཀུན་གྱི་བླ་ན་མེད། །ལྷ་ཡི་རྒྱལ་སྲིད་ཆོས་ལ་དབང་བསྒྱུར་ཞིང་། །མཚོན་སྦྱིན་བརྒྱ་མཛད་མི་དམིགས་
སྐུ་དཀར་མདོག །གསོད་བྱེད་རྡོ་རྗེ་འབེབས་བྱེད་ཨིན་དྲ་མ། །བྱམས་དང་ཐུགས་རྗེས་དབང་མཛད་སྐུ་མདོག་དམར། །བན་ད་སྣོད་ཡངས་བཅུད་ཀྱི་ཁྲག་མཚོ་ལ། །རྔམ་པའི་ཞལ་དུ་དུག་གསུམ་ཟ་བྱེད་མ། །སྡུག་བསྔལ་དབྱིངས་སུ་སྐྱོངས་མཛད་པ་ཀི་ལམ། །
སེམས་ཅན་གདུལ་ཐབས་ཁྲོ་བོ་མཆོག་ཏུ་མཁྱེན། །མུན་སེལ་སྒྲོན་འབར་བདུད་ཀྱི་ནད་གསོས་མཛད། །འདམ་སྐྱེས་པད་ལྟར་འཁོར་བར་སྐུ་འཁྲུངས་ཀྱང་། །ཆགས་པའི་སྐྱོན་བྲལ་དབང་མཛད་ཨ་མྲི་ཏ། །ཞི་བའི་ལས་ནི་གསོད་པའི་མཆོག་ཏུ་མཁྱེན། །ཟླ་ལྟར་
ཡོན་ཏན་ཆ་ཤས་མཐར་ཕྱིན་སྐུ། །གདུང་བའི་ནད་སེལ་འཇིག་རྟེན་སྒྲོལ་མཛད་ཅིང་། །གཏན་མཆོག་ཐམས་ཅད་སྟོབས་བྱེད་སེའུ་མྱ་ལ། །དབྱུག་པ་འཚོག་པ་འདྲ་བ་གཞན་མེད་མཁྱེན། །ཐབས་ཀྱིས་མ་རྨོངས་ཕྲིན་ལས་ལྗང་གུའི་མདོག །ནན་དབང་དྲག་
ཤུལ་འཚོག་པའི་དབྱུག་ཏོ་བསྣམས། །དྲེགས་བྱེད་སྤྱི་ནས་འཇོམས་མཛད་ད་ན་ཧ་མ། །ལོག་པར་ལྟ་བ་འཇིགས་བྱེད་སྤྱན་གྱི་མཆོག །སྐྱེ་བ་འཕྲོག་བྱེད་སྐྱེ་རྒྱུན་ཁྲག་མཚོ་གསོལ། །ལས་མཛད་ཆགས་པ་གསེར་གྱི་རྐེད་ཆིངས་ཅན། །དྲག་མོ་རྔམ་ཚུལ་གློག་
འགྱུར་ཀྵ་སི། །ཕྲེང་བ་རྒྱན་གྱི་ནང་ན་མཆོག་ཏུ་མཛེས། །སྙིང་རྗེ་རྒྱུན་སྐད་བ་སུ་ཞགས་པ་ཡིས། །ཆགས་མེད་ཞིང་དུ་ཁམས་གསུམ་ཀུན་འདྲེན་མ། །རྒྱུན་གྱིས་ཐུགས་རྗེས་སྒྲོལ་མཛད་བག་ཀྵ་སི། །འཚོག་པ་དབྱུག་པས་འཆང་བའི་མཆོག་ཏུ་མཁྱེན། །
གཏུན་བུས་གདུག་པ་མ་ལུས་འཇོམས་མཛད་མ། །ཡོན་ཏན་མི་ཟད་ནོར་གྱི་གཏེར་འཛིན་མ། །སྟོང་གསུམ་ནོར་གྱིས་རྒྱས་མཛད་རལ་གྲི་མ། །ར་རོ་འདྲ་བར་དཔའ་བོ་གཞན་མེད་མཁྱེན། །ཆོས་རྣམས་གཉིས་མེད་དོན་རྟོགས་རྟག་ཏུ་མྱོས། །ཉོན་མོངས་ཐ་

104-1-164b

བ་བཟློག་པའི་གཤོལ་བསྣམས་ཤིང་། །དགེ་བའི་ལོ་ཏོག་སྐྱེད་མཛད་རུ་ཏི་རམ། །བརྟན་པ་ཙམ་གྱིས་གཞན་ཕམ་དཔའ་བོ་མཆོག །མ་ལུས་གསོད་བྱེད་ལས་ལ་འཇུག་མཛད་ཅིང་། །བསྙེངས་པ་མི་མངའ་འགྲོ་དོན་གཅིག་པུ་སྤྱོད། །གསོད་བྱེད་འདྲ་མཛད་
ཨེ་ཀ་ར་ཙ་མ། །བུད་མེད་ཆགས་པས་འགྲོ་བ་དབང་དུ་བྱེད། །ཐམས་ཅད་མ་ལུས་མགུ་བྱེད་དགེ་བའི་ལས། །འདོད་ལྷའི་མདའ་འཕེན་སྲིད་གསུམ་ཡིད་འཕྲོག་མ། །ཐུགས་རྗེས་ཞེན་པའི་མ་ནོ་ཧ་ར་མ། །ཁྲག་ལས་ཟས་གཞན་མེད་པར་རྟོགས་མཁྱེན་ཅིང་། །
གདོན་རྣམས་བསྒྱུར་བའི་ལས་མཛད་སྒོ་གཏོང་ཅན། །མི་ཟད་ནོར་གྱི་གཏེར་ལྡན་བུམ་པ་འཛིན། །སྡུག་བསྔལ་རེ་སྐོང་ཐག་ཐུག་སི་ཏི་ཀ །རེག་བྱའི་སེམས་ནི་རླུང་གི་ཁམས་ཏེ་མཆོག །སྲིད་གསུམ་དབུགས་ཀྱི་སྲོག་སྦྱིན་ཚེ་འཕེལ་མ། །བདེར་གཤེགས་
རས་རྒྱུས་སེམས་ཅན་སྒྲོལ་མཛད་ཅིང་། །ཁམས་གསུམ་གནས་ནས་སྐྱོན་མཛད་པ་ཡ་བེ། །སྙིགས་མ་ལྔ་ལྡན་ལྔ་བརྒྱའི་ཐ་མ་ལ། །སྲིད་གསུམ་འཁོར་བའི་སེམས་ཅན་གདུལ་དཀའ་བ། །གསང་བ་ཉིད་ལ་ལས་ཀྱིས་འདུལ་བར་མཛད། །སྡུག་བསྔལ་
དབྱིངས་སུ་གསོལ་མཛད་མ་ར་ན། །གཟི་བརྗིད་ཅན་དེ་མེ་ཡི་ཁམས་ཏེ་མཆོག །འབར་བ་མཆོག་གིས་གདུག་པ་མ་ལུས་བསྲེགས། །ཟ་བྱེད་བསྐལ་པ་དུས་མཐའི་ཚུལ་སྟོན་པ། །ལྷག་མཐོང་ཡེ་ཤེས་འབར་འཕྲོ་ཨག་ན་ཡེ། །མཆེ་བ་དག་པས་སྐྱེ་བཞི་
རྩད་གཅོད་བཞུགས། །ཉན་ཐོས་ཐ་བ་ཟློག་མཛད་ཕག་གི་དབུ། །འོག་གི་ཕྱོགས་ནས་སྲིད་གསུམ་སྟོབས་ཀྱིས་སྤོར། །སྐྱེ་བཞི་རྩད་གཅོད་ཟ་བྱེད་པ་ར་ཏི། །འཆི་བདག་ཐམས་ཅད་གནས་ནས་མ་འཕོས་མཁྱེན། །ཐམས་ཅད་གསོད་བྱེད་དམ་ཉམས་
འཆི་བདག་མཛད། །དམ་ཚིག་གསྲུང་བའི་འཆི་བདག་ཟློག་མཛད་ཅིང་། །ལུང་གི་དུར་ཁྲོད་དབང་མཛད་ཛ་མུན་ཏི། །འཇིགས་ལས་ལྷགས་པའི་གྲགས་ནི་གཞན་མེད་མཁྱེན། །སྟོང་ཕྲག་བརྒྱད་བཅུ་གྲགས་ལ་མངའ་མཛད་ཅིང་། །སྣ་ཆེན་གླང་སྣ་བདུད་
རྩི་འགའུ་ཝང་མཐོང་། །སྡུག་བསྔལ་ནད་གསོས་མཛད་པའི་པུ་ཏ་མ། །ཆུ་ལས་ལྷག་པའི་ནོར་ནི་གཞན་མེད་མཁྱེན། །ནོར་གྱི་ཚོགས་རྣམས་མ་ལུས་འཕྲོག་མཛད་ཅིང་། །གདུག་པ་འདུལ་ཕྱིར་དུག་གཏོང་སྦྲུལ་ཞགས་བསྣམས། །ཞི་གནས་ཏིང་

104-1-165a

འཛིན་དབང་སྡུད་བ་རུ་ན། །འགྲོ་བའི་དོན་མཛད་མི་འགྱུར་སྐུ་མདོག་གནག །སྲིད་གསུམ་འཇོམས་མཛད་ཏྲི་ཤུལ་གདེངས་པོ་བསྣམས། །ཐུགས་རྗེ་ཤུགས་ཀྱིས་འདྲེན་མཛད་ལྕགས་ཀྱུ་བསྣམས། །འཁོར་བར་ཐུགས་རྗེས་ཤར་བའི་ཀ་
མ་ལ། །ཆགས་པའི་ཐུགས་རྗེས་དོན་མཛད་ར་མགོ་ཅན། །བྱམས་པའི་ཞགས་པ་འཁོར་བའི་རྒྱུད་འཛིན་ཅིང་། །གང་ལ་ཅི་འདུལ་དེ་ལ་དེས་སྟོན་པ། །ཡོན་ཏན་ཚོགས་རྫོགས་རེ་སྐོང་ཙ་ཀ་ལམ། །སྟོན་པའི་བཀའ་དང་རང་གི་དམ་བཅའ་
གཉིས། །མི་འདའ་མ་གྲུབ་རབ་ཏུ་བརྟན་པར་བཞུགས། །དམ་ཚིག་སྒྲོག་གིས་སེམས་ཅན་འདུལ་མཛད་ཅིང་། །མ་རིག་ནུབ་མཛད་ཀུམ་པ་ཀ་རྣམ་འཕྲུལ། །སྐུ་གསུམ་ཡོན་ཏན་ཕྲིན་ལས་མཐའ་ཀླས་པ། །སྟོང་པའི་སྒྲས་བསྐུལ་འགྲོ་བའི་
རྒྱུད་ལ་འབེབས། །སོ་སོའི་སྐད་དུ་ཆོས་ཀྱི་སྒྲ་སྒྲོགས་པ། །མ་ཆགས་བྱང་མཛད་ལམ་པོ་དྷ་ར་མ། །དཔལ་རྡོ་རྗེ་སེམས་དཔའ་ཧེ་རུ་ཀ་རོལ་པ་ལས་བཟླས་པའི་ལེའུ་སྟེ་དྲུག་པའོ།། །། དེ་ནས་བཅོམ་ལྡན་འདས་དཔལ་རྡོ་རྗེ་སེམས་
དཔའ་ཉིད་ཀྱི་སྐུ་དང་གསུང་དང་ཐུགས་རྡོ་རྗེ་ལས་ཐབས་དང་ཤེས་རབ་ཀྱི་བྱང་ཆུབ་ཀྱི་སེམས་ཀྱི་དབང་འདི་བཀའ་སྩལ་ཏོ། །དཀྱིལ་འཁོར་འདོམ་གང་གྲུ་བཞི་ལ་དབུས་སུ་པད་མ་འདབ་མ་བརྒྱད། པད་མའི་ལྟེ་བ་ལ་རག་ཏའི་མཎ་ཌལ་བྱས་ཏེ། དབུས་སུ་བཛྲ་ཧེ་
རུ་ཀ ། ཤར་དུ་བུད་དྷ་ཧེ་རུ་ཀ །ལྷོར་རད་ན་ཧེ་རུ་ཀ །ནུབ་ཏུ་པདྨ་ཧེ་རུ་ཀ །བྱང་དུ་ཀརྨ་ཧེ་རུ་ཀ །མཚམས་བཞིར་ཁྲོ་མོ་དབང་ཕྱུག་མ་བཞི། དེའི་ཕྱི་རིམ་སྣམ་བུ་ལ་གོའུ་རིམ་བརྒྱད། དེའི་ཕྱི་རིམ་ལ་སིང་ཧ་མ་བརྒྱད། སྒོ་བཞི་དང་སྒོ་ཁྱུད་དང་བཅས་པ། །ཞིང་
གི་རྒྱལ་མཚན། རས་ཆེན་གྱི་འཕན་གདུགས། ཙིད་ཏའི་ཐོག་མང་སའི་བླ་རེས། དེ་ནས་བཅོམ་ལྡན་འདས་ཐབས་དང་ཤེས་རབ་གཉིས་སུ་མེད་པའི་བྱང་ཆུབ་ཀྱི་སེམས་ཡུམ་གྱི་སྐུ་ལ་བསྟིམས་ཏེ། ཡུམ་ཀུན་དུ་བཟང་མོས་རང་གི་མཐའ་ལ་བྱང་ཆུབ་ཀྱི་
སེམས་བླངས་ཏེ། ཉིད་ལས་མི་གཞན་པའི་འཁོར་རྣམས་དབང་བསྐུར་རོ། །དེ་ནས་བཅོམ་ལྡན་འདས་ཉིད་ཀྱི་སྐུ་དང་གསུང་དང་ཐུགས་རྡོ་རྗེ་ལས་ཕྱུང་ངོ་། །བྱང་ཆུབ་སེམས་ཉིད་སྒོམ་པའི་དབང་། །དབྱིངས་དང་དབྱིངས་ཀྱིས་དཀྱིལ་འཁོར་འདིར། །སེམས་

104-1-165b

ཉིད་རྟོགས་པའི་ཐིག་བཏབ་ཏེ། །དེ་རུ་སློབ་མ་བསྐུར་བར་བྱ། །ཆོས་རྣམས་ཐམས་ཅད་བརྟག་པར་དཀའ། །བརྗོད་པའི་ཐ་སྙད་ཀུན་ལས་འདས། །ད་ལྟར་ས་གསུམ་གནོན་པ་ནི། །སེམས་ཅན་ནང་ན་མི་ཡིན་ཏེ། །སངས་རྒྱས་མིས་ནི་བསྒྲུབ་ཐག་ཉེ། །བྱང་
ཆུབ་སེམས་དེའི་དོན་རྟོགས་ནས། འབྲས་བུ་ཡངས་དག་མངོན་དུ་འཆར། །དེ་ལས་ཀྱང་ནི་མ་གཏོགས་པ། །དེ་ལས་སངས་རྒྱས་གཞན་ན་མེད། །སེམས་ཉིད་དངོས་པོ་དེ་ལས་མེད། །བསྟན་ཅིང་ཡང་ནི་རྟོགས་པར་དཀའ། །བསྒོམ་པའི་དངོས་གཞི་གཞི་
འང་དེ་ལས་མེད། །སེམས་ཀྱིས་བརྟག་པར་དཀའ་ན་ཡང་། །ཚིག་གིས་འདི་ཡིན་བསྟན་དཀའ་ཞེས། །སངས་རྒྱས་བྱང་ཆུབ་སེམས་ཉིད་འདི། །དེ་རིང་ཁྱོད་ལ་བསྐུར་བར་བྱ། །བོ་དྷི་ཙིཏ་ཏ་ཧཱུྃ། ཕྱི་ཡི་ཚུལ་དུ་རྟོགས་འགྱུར་ན། །སེམས་ལ་སྲིད་པ་
ཐམས་ཅད་ཆུབ་བར་འགྱུར། །ནང་གི་ཚུལ་དུ་རྟོགས་འགྱུར་ན། །སེམས་ལ་སྐུ་གསུང་ཐུགས་ཀྱང་འཕྲུགས་པར་གནས། །གསང་བའི་ཚུལ་དུ་སྣང་བ་ཐམས་ཅད་ནི། །ཡུམ་ཆེན་ཀུན་དུ་བཟང་མོ་ཞེས་ཀྱང་བྱ། །སེམས་ནི་སྣང་བ་ཤར་བའི་ཡེ་ཤེས་
ཡིན། །གཉིས་སུ་མེད་པར་རྟོགས་ན་ཆོས་ཀྱི་སྐུ། །བྱང་ཆུབ་སེམས་ཀྱིས་དེང་འདིར་དབང་བསྐུར་རོ། །བཛྲ་ཙིཏྟ་ཧཱུྃ། མངོན་པའི་སངས་རྒྱས་ཆེ་བ་ཡུམ་ཆེན་ཀུན་དུ་བཟང་། །བདག་ཉིད་ཆེན་པོ་སངས་རྒྱས་ཀུན་ཏུ་བཟང་པོ་ནི། །ཡབ་ཡུམ་གཉིས་སུ་མེད་པར་
གྱུར་པ་ལས། །བྱང་ཆུབ་སེམས་ཉིད་བདེ་བ་ཆེན་པོ་ཡིན། །ཆོས་ཀྱི་དབྱིངས་སུ་སངས་རྒྱས་བདེ་བ་ཆེན་པོ་ནི། །ཡུམ་དང་སེམས་ཉིད་གཉིས་སུ་མེད་པ་ཡིན། །རྡོ་རྗེ་སེམས་ནི་ཡེ་ནས་མི་འགྱུར་ཏེ། །སྐྱེ་འགག་མེད་པའི་སེམས་ཉིད་དོན་ཡིན་ཏེ། །སེམས་
དཔའ་ཡི་ནི་བདུད་བཞི་མེད་པའི་དོན། །ཀུན་དུ་ཁྱབ་ཅིང་བདལ་བ་དཔག་ཏུ་མེད། །ཐམས་ཅད་མན་ངག་ལ་ནི་ཐམས་ཅད་རྟེན། གདོད་ནས་འཚང་ནི་རྒྱ་བའི་ཆེ་བར་གསུངས། ཕྱི་ནི་སྣོད་ཀྱི་འཇིག་རྟེན་རྟོགས་འགྱུར་ན། །འབྱུང་བ་ལྔ་ལས་སངས་རྒྱས་གཞན་
ན་མེད། །ནང་ནི་བཅུད་ཀྱི་འཇིག་རྟེན་རྟོགས་འགྱུར་ན། །སེམས་ལས་མ་རྟོགས་སངས་རྒྱས་གཞན་ན་མེད། །བྱང་ཆུབ་སེམས་ཀྱིས་དབང་བསྐུར་རོ། །བསྡུ་བའི་གནས་སུ་ངེས་པ་མེད་ཅེས་བྱ། །རང་འབྱུང་ཡེ་ཤེས་ཉིད་ཀྱང་ཚིག་གི་མཐའ་ལས་འདས། །

104-1-166a

སེམས་ལ་དངོས་པོ་མེད་ཅིང་གཟུང་དུ་མེད། །གནས་ནི་ཡུམ་གྱི་བྷ་ག་ཡ་ཏི་སྟེ། །རྣམ་པར་མི་རྟོག་ཆོས་ཉིད་སྟོང་པར་གསལ། །བྱང་ཆུབ་སེམས་ཀྱིས་དེང་འདིར་དབང་བསྐུར་རོ། །རིག་པ་རྙེད་པ་དག་ལ་ཤིན་དུ་གསལ། །བྱང་ཆུབ་སེམས་ཀྱི་དངོས་
གཞི་མ་གཏོགས་པ། །སངས་རྒྱས་གཞན་ན་མེད་ཅེས་འབྱུང་བ་ཡང་། །མི་རྟོག་པའི་ལྟ་བ་མི་བསླད་པའི་ཡེ་ཤེས་ཏེ། །མི་གཏོང་བའི་སྤྱོད་པ་མི་འགྱུར་བའི་སེམས་ཉིད་ཡིན། །མི་འདའ་བའི་དམ་ཚིག་མི་འབྲལ་བའི་གཟུངས། །མི་གཡོ་བ་ཡི་
ཆོས་ཉིད་དབྱིངས་དག་པས། །བྱང་ཆུབ་སེམས་ཀྱིས་དེང་འདིར་དབང་བསྐུར་རོ། །མཉམ་པར་ཤེས་པ་སངས་རྒྱས་ཀུན་གྱིས་རྗེ། །མཐོ་རིས་སྲིན་མོ་ན་རག་དམྱལ་བ་ཀུན། །མཉམ་པའི་དོན་དང་རིག་པ་གཉིས་མེད་པས། །འདི་དང་ཕྱི་མའི་དོན་དུ་
བསྒོམ་པར་བྱ། །བྱང་ཆུབ་སེམས་ཀྱིས་དེང་འདིར་དབང་བསྐུར་རོ། །མཛོད་གསུམ་སྟོན་པ་སངས་རྒྱས་ཀུན་གྱི་རྗེ། །ཕྱི་མའི་དོན་དུ་སྲིད་པའི་གནས་འགྲོ་བས། །ནང་གི་ཚུལ་དུ་གནས་ནི་རྟོགས་འགྱུར་ན། །སྐུ་གསུང་ལུས་ངག་ཡིད་གསུམ་
གནས་གྱུར་ན། །དེ་ཡང་གསང་བའི་གནས་སུ་རྟོགས་པར་བྱ། །ཀུན་གཞི་ཡིད་དང་རྣམ་ཤེས་ཡིད་དང་གསུམ། །གསང་བའི་མཛོད་གསུམ་ཡིན་པས་བསྐུར་བར་བྱ། །དེ་ལ་སེམས་ཀྱི་གཟུགས་ནི་ཅི་འདྲ་བ། །ཙིཏྟའི་དབྱིངས་ནས་འོད་ནི་ཚོན་གང་འཕྲོ། །
དཀར་སེར་སྣུམ་ལ་འདྲིལ་བ་གཅིག་ཏུ་གནས། །ལས་འཕྲོ་ལེན་ལས་གཞན་ནི་ལེན་པའི་ཚེ། །སེམས་ནི་རྟ་དགུགས་ཉིད་རྒྱུ་བ་ཡི་འདུས། །མི་ཆགས་མི་འཁོར་བ་ཡི་དོན་དེ་ནི། །འོད་དང་བཅས་པ་ཚོན་གང་གསལ་བར་བསྒོམ། །བྱང་ཆུབ་
སེམས་ཀྱིས་དེང་འདིར་དབང་བསྐུར་རོ། །རྟག་པ་ཆེན་པོ་རྣམ་སྣང་མཛད། །མི་བསྐྱོད་པ་ནི་སེམས་ཀྱི་མཆོག །བདག་གི་ལུས་ནི་རྟག་པ་སྟེ། །བདག་གིས་གསུང་ནི་འགྱུར་བ་ཡིན། །བདག་གི་སེམས་ནི་མི་བསྐྱོད་པ། །སེམས་ཉིད་དུས་གསུམ་འགྱུར་བ་མེད་
པར་གསུངས། །བྱང་ཆུབ་སེམས་ཀྱིས་དེང་འདིར་དབང་བསྐུར་རོ། །ཐིག་ལེ་ཆེན་པོ་དགུ་ཡི་ལུང་བསྟན་པ། །མན་ངག་གཉིར་ཆེན་རྣམ་ཤེས་ཚོགས་དགུ་སྟེ། །ཡིད་ཀྱིས་རྣམ་ཤེས་ལས་འཕྲོ་ལེན་པའི་དོན། །རྣམ་པར་ཤེས་པའི་བྱང་ཆུབ་སེམས་

104-1-166b

ཉིད་འདི། །བྱང་ཆུབ་སེམས་ཀྱིས་དེང་འདིར་དབང་བསྐུར་རོ། །མེད་པའི་ཕྱལ་བ་དང་ནི་གཅིག་པུ་ལྷུན་གྱིས་རྫོགས། །སངས་རྒྱས་ཀུན་གྱི་རྗེ་བཙན་བསྐལ་པར་མི་ཉམས་རྡུལ་ཙམ་མེད། །རིག་པའི་རྒྱལ་པོ་རྡོ་རྗེ་རང་དབང་ལས། །གཞན་ནས་སངས་
རྒྱས་བཙལ་གྱུར་ཀྱང་། །བཙལ་ཀྱང་རྒྱལ་བ་མི་རྙེད་དོ། །ཐམས་ཅད་འགྱུར་མེད་བྱང་ཆུབ་སེམས་དཔའ་ལས། །མ་གཏོགས་གཞན་ན་མེད་ཅེས་བྱ་བར་གསུངས། །བྱང་ཆུབ་སེམས་ཉིད་མཉམ་པར་ཁྱབ་འདལ་ཏེ། །བདག་དང་གཞན་དུ་
མེད་པར་རྟོགས་པ་ལ། །དེ་ལྟར་སུས་རྟོགས་སྐྱེས་བུ་གཅིག་པུ་ཡིན། །ལྷུན་གྱིས་རྫོགས་པ་ཞེས་ཀྱང་དེ་ལ་བྱ། །བྱང་ཆུབ་སེམས་ཀྱིས་དེང་འདིར་དབང་བསྐུར་རོ། །དྲན་པའི་སེམས་ཅན་སེམས་ཀྱི་རང་བཞིན་ནི། །དཀར་འཚེར་སྣུམ་ལ་
འདྲིལ་བས་བྱང་ཆུབ་སེམས། །འཛངས་པ་ཟིན་པོ་སེམས་ཤེས་དེ་ལ་བྱ། །བླུན་པོ་བྱོལ་སོང་སེམས་ནི་ན་བུན་དུད་པས་འདྲེས། །སེམས་གནས་ཕུང་པོ་ཙི་ཏའི་དབྱིངས་དཀྱིལ་ན། །འོད་ཀྱི་ཐིག་ལེ་དཀར་འཚེར་གནས་པ་ནི། །ང་དང་བདག་ཏུ་
འཛིན་པའི་སེམས་དེ་ནི། །ཏི་དང་ར་དང་ནས་བཏགས་ཞབས་འཁྱུད་རྣམས། །གུ་གུ་ཟླ་ཚེས་དག་ཏུ་གནས་གྱུར་ཏེ། །མི་ལས་སངས་རྒྱས་དག་ཏུ་གནས་བསྒྱུར་ནས། །དུས་གསུམ་སངས་རྒྱས་ཀུན་གྱི་ཐུགས་ཀྱི་ས་བོན་འདི། །བདག་གི་མ་ཡེངས་
བརྗོད་བྲལ་མེད་པར་འདི་བསྒོམས་ནས། །སངས་རྒྱས་འབྲས་བུ་ཡང་དག་བྱང་ཆུབ་སེམས། །བྱང་ཆུབ་སེམས་ཀྱིས་དེང་འདིར་དབང་བསྐུར་རོ། །ཉམས་པའི་ཆད་པ་བྱུང་བ་ལ། །མགོན་ཆུན་དེ་ལས་གཞན་མེད་དོ། །རྣལ་འབྱོར་དམ་ཉམས་
གཞན་གྱིས་མི་སྐོངས་ཀྱིས། །བདག་གི་སེམས་ཉིད་ཀུན་དུ་བཟང་པོའི་ངང་གྱུར་ན། །བྱ་ཙ་དང་ནི་བྲལ་ཞིང་འདས་པ་ཡིན། །འཁོར་བ་དང་ནི་མྱ་ངན་འདས་པ་ཡང་། །ང་དང་བདག་ཏུ་འཛིན་པ་དབྱེར་མེད་མཉམ་པ་ཆེན་པོ་དང་། །དེ་ལ་སངས་རྒྱས་
གང་ནས་བཙལ་ཀྱང་རྒྱལ་བས་རྙེད་པར་མ་གསུངས་སོ། །བྱང་ཆུབ་སེམས་ཀྱིས་དེང་འདིར་དབང་བསྐུར་རོ། །གླང་པོ་དཔལ་གྱི་ཐུགས་ཁ་ནས། །ལྕགས་ཀྱི་ཟེར་ཆེན་བཞི་འཕྲོས་ཏེ། །གླང་པོ་དཔལ་ཆེན་ཧེ་རུ་ཀའི། །ལུས་ངག་ཡིད་གསུམ་

104-1-167a

སྐུ་གསུང་ཐུགས་ཀྱི་དཀྱིལ་འཁོར་ལས། །འོད་ཟེར་དགུ་འཕྲོས་གདུག་པ་མ་ལུས་བཅོམ། །འགྲོ་བ་མཐའ་དག་རྣམས་ཀྱི་དོན་བྱས་ཏེ། །བདག་གི་རྣམ་པར་ཤེས་པའི་ཚོགས་བརྒྱད་ཀྱང་། །ཀུན་གཞི་སྙིང་ལ་འདུས་པའི་ཧེ་རུ་ཀ །དེ་ལྟར་ལགས་
པས་རྟོགས་ན་བྱང་ཆུབ་སེམས། །གང་ནས་བཙལ་ཀྱང་རྙེད་པར་མི་འགྱུར་ཏེ། །བྱང་ཆུབ་སེམས་ཀྱིས་དེང་འདིར་དབང་བསྐུར་རོ། །བདག་མེད་ཁམས་ཀྱི་སྣོད་གང་དུ། །རྒྱ་ཆེ་གསལ་བའི་ཁམས་བཀང་སྟེ། །རེ་དོགས་མེད་པར་ཕུང་འགྲོ་ཡང་། །ཉམ་
ང་མེད་པ་ལམ་གྱི་མཆོག །གཟའ་གཏད་མེད་པས་དོན་དུ་བདེ། །དེ་བས་རང་སེམས་བགྲོད་པའི་ས། །བྱང་ཆུབ་སེམས་ནི་ཡངས་ཞིང་རྒྱ་ཆེ་སྟེ། །དེ་བས་བདག་གིས་ལུས་རྟོགས་ན། །སྣོད་བཅུད་ལ་སོགས་རྟོགས་པའི་སྐྱེས་མཆོག་རྣམས། །ཤེས་
གསལ་བློ་ལྡན་རྣམས་ལ་ཡེ་ནས་རྙེད་པ་གསལ། །བླ་མའི་རྒྱུད་མཆོག་དེ་ལ་ཡོད་ཅེས་གསུངས་ཏེ་རྫོགས། །རྫོགས་པའི་བྱང་ཆུབ་སེམས་ཀྱིས་དབང་བསྐུར་རོ། །བསྒོམས་པས་རྙེད་པར་མི་འགྱུར་མ་བསྒོམས་སྟོང་བྲལ་མེད། །ཐུགས་ནས་ཞལ་
དུ་བྱུང་བ་འགྲོ་བའི་དོན་དུ་གསུངས། །རྣ་རྒྱུད་སྟོན་པས་ཐུགས་བརྟོལ་ཏེ། །ལུས་དང་སེམས་ལས་མ་གཏོགས་བསྒོམ་དུ་མེད། །བསྒོམས་ནས་སེམས་ཉིད་གཞན་ནས་བཙལ་ཡང་རྙེད་པར་མ་གསུངས་སོ། །དུས་གསུམ་རྒྱལ་བས་ཡེ་ནས་མ་
བཅོས་ཏེ། །རང་སེམས་གདོད་ནས་མ་སྐྱེས་ཆོས་ཀྱི་སྐུ། །ཆོས་ཉིད་བསྒོམ་པར་བྱ་བ་གང་ཡང་མེད། །མན་ངག་ཤེས་རབ་སྦྱིན་ཆེན་དེས་གསུངས་པས། །ལུས་དང་སེམས་ལས་མ་གཏོགས་ན། །བདག་གི་སྐུ་གསུང་ཐུགས་ལ་ཚང་བར་གནས། །
གལ་ཏེ་བརྗོད་པའི་མཐའ་བཞི་ཡོད་ན་ནི། །དོན་རྫོགས་སྒོམ་པ་པོ་ཡང་ཡོད་པར་འགྱུར། །ལུས་སེམས་སྐྱེ་བ་མེད་བདེན་པས། །བསྒོམ་དུ་མེད་པར་འཇོག་པ་གང་། །དོན་ཀུན་རྫོགས་ཤིང་ཆུབ་པར་དེར་གནས་སོ། །བྱང་ཆུབ་སེམས་ཀྱིས་དེང་འདིར་
དབང་བསྐུར་རོ། །ཟླ་གསང་དཀར་དམར་རླུང་ཀ་ལྕི། །ཟླ་བ་ཤེས་རབ་གསལ་བ་ཐབས་ཆེན་ཏེ། །ཐིག་ལེ་བྱང་ཆུབ་སེམས་ཉིད་དཀར་ལ་འཚེར་བ་ཡི། །དམར་བ་ཡུག་གི་རག་ཏ་བྱང་ཆུབ་སེམས། །རླུང་ལ་ཤོར་དུ་མི་རྩལ་ཐིག་ལེ་སྒྲོམ་དུ་སྦ། །

104-1-167b

དེ་ལས་མ་གཏོགས་སངས་རྒྱས་གཞན་ན་མེད། །མན་ངག་ཚུལ་དུ་ཟླ་བའི་གཟུགས་ཡིན་ཏེ། །གསང་བའི་ཚུལ་དུ་ཡིད་ཀྱི་རྣམ་ཤེས་ཉིད་ཀྱང་ཟླ་བ་ཡིན། །ཐིག་ལེ་སེམས་ཀྱི་རང་བཞིན་སྣུམ་ལ་འདྲིལ། །མན་ངག་ལེན་པར་བྱེད་པས་སེམས་ཀྱི་
ཐིག་ལེ་ཡིན། །སེམས་ལས་མ་གཏོགས་སངས་རྒྱས་གཞན་ན་མེད། །བྱང་ཆུབ་སེམས་ཀྱིས་དེང་འདིར་དབང་བསྐུར་རོ། །རང་འབྱུང་ཆེ་བའི་ཡེ་ཤེས་མི་འགྱུར་ལ། །ཆོས་ཉིད་རང་གིས་གནས་པའི་རང་བཞིན་ལ། །དམིགས་བྲལ་ཏིང་འཛིན་
རྒྱ་མཚོར་རབ་སྤྲུལ་ཏེ། །ཡིད་ནི་འཕགས་པའི་ལམ་ནི་གནས་པ་ནི། །ཕྲ་ཞིང་ཟབ་པ་བསྟན་དཀའ་རྒྱལ་བའི་སྐུ། །དྲན་པ་བྱེད་པའི་རྩོལ་དང་སྲོག་ཆགས་གསུམ། །ཀུན་གཞི་པད་མའི་ཡིག་འབྲུ་གསལ་བར་བྱེད། །བྱང་ཆུབ་སེམས་ཀྱིས་དེང་
འདིར་དབང་བསྐུར་རོ། །རྒྱུ་ནི་སྐྱེ་བ་མེད་པས་རྣམ་པར་དག །འབྲས་བུ་འགགས་པ་མེད་པས་བྱང་ཆུབ་སེམས། །བྱང་ཆུབ་སེམས་དེ་སྐྱེ་མེད་ཡེ་ཤེས་དབྱིངས། །སྐྱེ་མེད་མི་འགྱུར་མི་ཤིགས་རྡོ་རྗེའི་དོན། །སེམས་ལ་རྡོ་རྗེ་སེམས་དཔའ་རབ་ཏུ་བསྒོམ། །
བྱང་ཆུབ་སེམས་ཀྱིས་དེང་འདིར་དབང་བསྐུར་རོ། །འབྱུང་བ་ཆེན་པོ་བཅོམ་ལྡན་འདས། །ནམ་མཁའ་རྡོ་རྗེ་སྣང་བ་སྟོན་པའི་སངས་རྒྱས་སོ། །ས་རྡོ་རྗེ་ཆོས་ཉིད་ཡེ་ནས་གནས་པའི་སངས་རྒྱས་སོ། །མེ་རྡོ་རྗེ་ཆོས་ཉིད་རིན་པོ་ཆེའི་སངས་རྒྱས་སོ། །
ཆུ་རྡོ་རྗེ་སྙིང་རྗེ་ཆེན་པོས་བརླན་པའི་སངས་རྒྱས་སོ། །རླུང་རྡོ་རྗེ་འདོད་པ་སྒྲོལ་བའི་སངས་རྒྱས་སོ། །འབྱུང་བ་བཅོམ་ལྡན་འདས་ཀྱིས་དབང་བསྐུར་རོ། །དངོས་གྲུབ་སྩོལ་བ་རྣམ་གཉིས་ཏེ། །ངེས་པའི་ལུང་དང་རང་བཞིན་ནོ། །ཆོས་ཀྱི་དབྱིངས་ལས་མངའ་
བརྙེས་ནས། །གང་ལྟར་བསྒྲུབ་ཀྱང་དབྱིངས་ཀྱི་དོན། །ཆོས་ཀྱི་དབྱིངས་ལ་འཆར་བ་དང་། །དབང་ཆེན་དབང་སྒྱུར་འཆི་བ་མེད། །སྤྲུལ་པ་ཀུན་དུ་བཟང་པོ་ཉིད། །སྒྲིབ་དང་འཆི་བར་མི་འགྱུར་རོ། །བྱང་ཆུབ་སེམས་ཀྱི་དབང་བསྐུར་རོ། །ལྷུན་གྱིས་
གྲུབ་པའི་དབང་ཆེན་ནི། །དེ་ཡང་ས་གསེར་ཟླ་བ་མེད། །གསེར་དང་འདྲ་བའི་བྱང་ཆུབ་སེམས། །བྱང་ཆུབ་སེམས་ནི་ས་ཞེས་བྱ། །ཟླ་བ་མེ་དང་འདྲ་བ་ཡིན། །བྱང་ཆུབ་སེམས་ཉིད་ཀུན་དུ་བཟང་། །གསལ་ཞིང་དྲོ་ལ་ཉོན་མོངས་སྲེག །

104-1-168a

བྱང་ཆུབ་སེམས་ཀྱི་དབང་བསྐུར་རོ། །དོན་ནི་དབྱིངས་དང་ཡེ་ཤེས་ཡིན། །ཡབ་ཡུམ་གཉིས་མེད་རོལ་པ་ཡི། །རག་ཏ་བྱང་ཆུབ་སེམས་དཀྱིལ་ན། །མ་སྐྱེས་རྫོགས་པའི་ཧེ་རུ་ཀ །སྐུ་དང་གསུང་དང་ཐུགས་ཀྱི་རྒྱུད། །ཡོན་ཏན་ཕྲིན་
ལས་རྫོགས་མཛད་པ། །གསང་བའི་དོན་གྱིས་དབང་བསྐུར་རོ། །གསང་བ་ཡུམ་ཆེན་ཀུན་དུ་བཟང་། །རག་ཏ་བྱང་ཆུབ་སེམས་དཀྱིལ་ན། །མ་ཧཱ་སུ་ཁའི་དཀྱིལ་འཁོར་དབྱིངས། །སེམས་ཀྱི་ཐིག་ལེས་ཐིག་བཏབ་སྟེ། །དཀྱིལ་འཁོར་
ཟླུམ་པོ་འཁྱིལ་པ་ལ། །ཆོས་ཀྱི་དབྱིངས་ལས་སྤྲོས་པའི་སྐུ། །དོན་གྱི་དབྱིངས་ནས་ལྷ་དང་ལྷ་མོ་དགོད། །ངེས་པའི་དོན་གྱི་དབང་བསྐུར་རོ། །ང་དང་རང་བཞིན་བདག་ཉིད་ཆེན་པོ་སྟེ། །ལྷུན་གྱིས་རྫོགས་དང་སྤྲོས་བ་མེད་པ་ཡི། །ཐུགས་
ཀྱི་དཀྱིལ་ནས་འབྱུང་བ་རིགས་ཀྱི་སྲས། །ཀུན་དུ་བཟང་པོ་ཡུམ་དང་དོན་གྱི་ཐབས་ཆེན་ལས། །མན་ངག་དང་བཅས་པ་ཡི་ཡེ་ཤེས་སྙིང་པོའི་དོན། །བཅོམ་ལྡན་གསང་བའི་མཆོག་གི་དཀྱིལ་འཁོར་ན། །དཔལ་ཆེན་ཀུན་དུ་བཟང་པོ་ཡེ་ཤེས་
ཏེ། །གསང་བའི་བྱང་ཆུབ་སེམས་ཀྱིས་དབང་བསྐུར་རོ། །དཀྱིལ་འཁོར་མ་ཧཱ་སུ་ཁའི་གནས། །མ་ཧཱ་སུ་ཁའི་དབྱིངས་ཉིད་ན། །བྱང་ཆུབ་སེམས་ཉིད་དེ་ཁོ་ན། །ཡེ་ཤེས་ཆེན་པོ་ལྷུན་གྱིས་རྫོགས་ནས་གནས། །མ་ཧཱ་སུ་ཁ་གསང་བ་ཆེན་
པོ་འདི། །དོན་དང་ལྡན་ཏེ་ཀུན་དུ་བཟང་པོ་ཡིན། །ངང་ལས་མ་གཡོས་ཀུན་དུ་བཟང་པོ་ནི། །གཉིས་སུ་མེད་པར་རྣམ་པར་དག་པའི་ཕྱིར། །གསང་བའི་བྱང་ཆུབ་སེམས་ཀྱིས་དབང་བསྐུར་རོ། །ཡུམ་གྱི་ནགས་ཚལ་ཆེན་པོ་འདུལ་མེད་
དུ། །རྟག་ཏུ་མཉམ་པ་ཉིད་ཀྱི་ངང་དུ་བཞུགས། །ངང་ནི་དུས་གསུམ་བཞུགས་ཤིང་རང་བཞིན་འགྱུར་བ་མེད་པ་ཡིན། །བདག་ཉིད་འདུས་མ་བྱས་པས་སྐྱེ་བ་མེད་པར་ལྷུན་གྱིས་གྲུབ། །གསང་བའི་བྱང་ཆུབ་སེམས་ཀྱིས་དབང་བསྐུར་རོ། །
སྲིད་པ་བྱང་ཆུབ་སེམས་སུ་མ་བཅོས་ཐིག་ལེར་ཟླུམ། །སྔར་འདས་དང་ལྡན་བཞུགས་དང་ཕྱིས་འབྱུང་བའི། །སེམས་ཉིད་རྟོགས་པའི་བྱང་ཆུབ་སེམས་དཔའ་རྣམས། །ཉོན་མོངས་དྲི་མ་ཡེ་ནས་མེད་པའོ། །ཡེ་ནས་སངས་རྒྱས་མ་སྐྱེས་

104-1-168b

ལྷུན་གྱིས་གྲུབ། །བྱང་ཆུབ་སེམས་ཉིད་གསང་བའི་དབང་བསྐུར་རོ། །དཔལ་ཆེན་ཀུན་དུ་བཟང་པོ་དབྱེ་བ་མེད་པའི་དོན། །སྐུ་གསུང་ཐུགས་ཀྱི་རྒྱུད་ལས་སྤྲུལ་པ་མང་པོ་འཕྲོ། །ལྷག་པའི་ཡེ་ཤེས་བྱེ་བྲག་གཅིག་འདུའོ། །ཕྱག་རྒྱ་འགྱུར་
བ་མེད་པ་རྒྱན་གྱི་ཕྱག་རྒྱའོ། །སྐུ་ནི་ཐམས་ཅད་ཆོས་ཀྱི་སྐུ་རུ་འདུས། །ལམ་ནི་ཐམས་ཅད་རོལ་པས་ཆུབ་པའོ། །ཡུམ་གྱི་དབྱིངས་ཆེན་རང་བཞིན་རྣམ་པར་དག །ཟས་ནི་ཐམས་ཅད་བདུད་རྩི་ལྔ་ཡི་དོན། །སྤྱོད་པ་བྱ་བ་མེད་པ་ཆེན་
པོའོ། །ཐུགས་ནི་རྟོག་པ་མི་མངའ་ས་ལེ་བའོ། །ལྡེམ་དགོངས་དོན་དམ་བྱང་ཆུབ་སེམས་ཀྱི་དོན། །བྱང་ཆུབ་སེམས་ཀྱིས་དེང་འདིར་དབང་བསྐུར་རོ། །རྣར་བརྒྱུད་སྟོན་པས་ཐུགས་བརྟོལ་ཏེ། །ངེས་པའི་ལུང་དང་དོན་ཡང་སངས་རྒྱས་ཡིན། །
སངས་རྒྱས་མཉམ་དང་དབྱིངས་སུ་འགྲོ་བ་ཞེས། །བྱང་ཆུབ་སེམས་ནི་ཀུན་ཏུ་རྟག་པའི་དོན། །རྫོགས་པའི་ཡེ་ཤེས་བདེ་བ་ཆེན་པོ་ཉིད། །དབང་མཆོག་འདིས་ནི་དབང་བསྐུར་རོ། །སྐུ་རྒྱན་འཁོར་ལོ་ལུང་ཆེན་ཟབ་མོ་ནང་ནས་གསལ། །ལྔ་
བཞི་ནང་དུ་འཁོར་བ་ཡང་། །ཡེ་ཤེས་སངས་རྒྱས་དེ་ལས་མེད། །ལྟ་བ་འདི་ལ་གནས་ཤིང་རྣལ་འབྱོར་སྐལ་པ་བཟང་། །བདེར་གཤེགས་ཀུན་གྱི་ཐུགས་དམ་བྱང་ཆུབ་སེམས་ཀྱི་དོན། །དོན་དམ་དབང་མཆོག་འདིས་ནི་དབང་བསྐུར་རོ། །
དབྱིངས་ནས་གསལ་ཤར་བདལ་བ་ལ། །ཐུགས་ཀྱི་དཀྱིལ་འཁོར་བྱམ་རེ་ཡས། །རྫོགས་པའི་དཀྱིལ་འཁོར་ཡིད་ལ་ཐིམ། །འགྲེང་ལྡོག་སྤྱིའུ་ཚུགས་གར་འགྱུར་ཡང་། །གང་ལྟར་བྱས་པ་བྱང་ཆུབ་སེམས་ཀྱི་དོན། །ཐིག་ལེ་
ཆེན་པོའི་དཀྱིལ་འཁོར་དུ། །མུན་ནག་ལངས་ཀྱང་ཁམས་གསུམ་གསལ། །ཡེ་ཤེས་ཁྲུས་ཀྱི་རྫིང་བུ་རུ། །དྲི་ལ་དག་པས་རྡུལ་མི་འགོ། །དབང་མཆོག་འདིས་ནི་དབང་བསྐུར་རོ། །དེ་ནས་བཅོམ་ལྡན་འདས་ཉིད་ལས་གཞན་
པའི་འཁོར་རིགས་བཞིས་འཁོར་བའི་འཕྲ་མེན་མ་དང་། ཁྲོ་བོ་རྡོ་རྗེ་བཀའི་ཕོ་ཉ་རྣམས་ལ་བཀའ་སྩལ་ཏོ། །སངས་རྒྱས་ཀུན་གྱི་རྡོ་རྗེ་དབང་། །དེ་རིང་ཁྱོད་ལ་བསྐུར་བར་བྱ། །སངས་རྒྱས་རྣམས་སུ་གྲུབ་བྱའི་ཕྱག །རྡོ་རྗེ་འདི་ནི་ཁྱོད་ཀྱིས་

104-1-169a

ལོང་། །ཤེས་རབ་ཐབས་ཀྱི་ཕྱག་རྒྱ་འཛིན། །རྣམ་གྲོལ་དག་པས་གསུང་སྐད་སྒྲོགས། །དྲིལ་བུ་འདི་ནི་སྒྲ་སྙན་གྱིས། །ཕྱོགས་བཅུ་ཀུན་ཏུ་སྒྲོགས་པར་བྱེད། །དབང་མཆོག་འདིས་ནི་དབང་བསྐུར་རོ། །དེ་ནས་དཀྱིལ་འཁོར་ཁྲུང་
གང་ཚད་དུ་བྱ། །རག་ཏའི་མགོ་མ་ཡིན་གྱིས་བྱུགས་པ་ལ། །དེ་རུ་དཔལ་ཆེན་དགོད་པར་བྱ། །འཕྲ་མེན་འཁོར་དང་ཕོ་ཉས་བསྐོར། །དེ་རུ་སློབ་མ་གཞུགས་པར་བྱ། །དེ་ནས་རིགས་ཀྱི་བུ་མཆོག་དེས། །རྒྱལ་སྲིད་དང་ནི་རང་གི་ལུས། །
བུ་དང་ཆུང་མ་ནོར་གྱི་དབྱིག །རབ་ཏུ་གཅེས་དང་ཡིད་འཐད་དབུལ། །དབང་ཕྱུག་ལོངས་སྤྱོད་ལྔས་མཆོད་ན། །དཀྱིལ་འཁོར་ཐམས་ཅད་མཆོད་པ་ཡིན། །དེ་ནས་བཅོམ་ལྡན་འདས་ཀྱིས་ཕྱི་དང་ནང་དང་གསང་བ་གསུམ་གྱིས་བཀའ་
སྩལ་ཏོ། །ཕྱི་ཡི་དབང་རིན་པོ་ཆེ་སྣ་བདུན་ལ་སོགས་ཏེ་དབང་རྫས་ལྔ་བཅུ་རྩ་ལྔས་དབང་བསྐུར་རོ། །ནང་དབང་དཔལ་ཆེན་པོ་ཡབ་ཡུམ་དང་། ཁྲོ་བོ་དང་འཕྲ་མེན་རྣམས་ཀྱི་ཕྱག་མཚན་གྱིས་དབང་བསྐུར་རོ། །གསང་དབང་ཐབས་
དང་ཤེས་རབ་བྱང་ཆུབ་སེམས་ཀྱིས་དབང་བསྐུར་རོ། །བཅོམ་ལྡན་འདས་ཧེ་རུ་ཀ་རོལ་པ་གསང་བ་ཟབ་མོ་ལས་དབང་གི་ལེའུ་སྟེ་བདུན་པའོ།། །། དེ་ནས་བཅོམ་ལྡན་འདས་དཔལ་རྡོ་རྗེ་སེམས་དཔའ་ཉིད་ཀྱི་སྐུ་དང་གསུང་དང་
ཐུགས་རྡོ་རྗེ་ལས་འདི་ཕྱུང་ངོ་། །ཆོས་ཐམས་ཅད་ཡེ་ནས་སངས་རྒྱས་ཀྱིས་ཀྱང་མཁྱེན་པའི་ཡེ་ཤེས་ལ་སྐུ་གསུང་ཐུགས་མངའ་བའི་རྟགས་སུ་དང་པོ་ཕྱག་རྒྱ་ཆེན་པོ་དྲུག་དང་ལྡན་པར་བསྒོམ་མོ། །དེ་ནས་ཀུན་མཁྱེན་ཡེ་ཤེས་ཀྱིས་ཐབས་མཁས་
པའི་ཐུགས་རྗེས་གོ་ཤག་གིས་ཕྱེ་ལ་ཀུན་དུ་སྣང་གི་ཏིང་ངེ་འཛིན་དུ་བསྒོམ་མོ། །དེ་ནས་རྒྱུའི་ཏིང་ངེ་འཛིན་དུ་ཡི་གེ་ཧཱུྃ་མཐིང་ནག་ལས་སྐུ་སྨུག་ནག་འཇིགས་པའི་སྐུ། །གསུང་གི་དྲག་ཤུལ་སྤྱོད་པའི་སྔགས། ཐུགས་ཏིང་ངེ་འཛིན་ཧཱུྃ་མཐིང་ནག་
ལས་འཕགས་པའི་སྐུར་བསྒོམ་མོ། །དེ་ནས་ཧེ་རུ་ཀ་རོལ་པ་ཉིད་ཀྱི་སྐུ་དང་གསུང་དང་ཐུགས་རྡོ་རྗེ་ལས་འདི་ཕྱུང་ངོ་། །ཆོས་ཐམས་ཅད་སྟོང་པ་ཉིད་ཀྱི་ཏིང་ངེ་འཛིན་དང་གཉིས་སུ་མེད་པའི་ཏིང་ངེ་འཛིན་དང་། འཁྱིལ་པའི་ཏིང་ངེ་འཛིན་དང་། 

104-1-169b

མཉེས་པ་ཆེན་པོའི་ཏིང་ངེ་འཛིན་དང་། །གྲུབ་པ་རྫས་ཀྱི་ཏིང་ངེ་འཛིན་དང་། །རྡོ་རྗེ་ཚོགས་ཀྱི་ཏིང་ངེ་འཛིན་དང་། རྡོ་རྗེ་བཟའ་བའི་ཏིང་ངེ་འཛིན་དང་། བདུད་རྩི་བཏུང་བའི་ཏིང་ངེ་འཛིན་དང་། ལྷའི་རྣལ་འབྱོར་གྱི་ཏིང་ངེ་འཛིན་དང་།  ཕྱག་རྒྱ་ཆེན་པོའི་ཏིང་
ངེ་འཛིན་དང་། རྫོགས་པ་ཆེན་པོའི་ཏིང་ངེ་འཛིན་དང་། རྡོ་རྗེ་གསལ་བའི་ཏིང་ངེ་འཛིན་དང་། དཀྱིལ་འཁོར་ཆེན་པོའི་ཏིང་ངེ་འཛིན་དང་། བླ་ན་མེད་པའི་ཏིང་ངེ་འཛིན་དང་། རྡོ་རྗེ་གསང་བའི་ཏིང་ངེ་འཛིན་དང་། དགྱེས་པ་ཆེན་པོའི་ཏིང་
ངེ་འཛིན་དང་། དོན་ཡོད་པའི་ཏིང་ངེ་འཛིན་དང་། ཉོན་མོངས་པ་དང་བྲལ་བའི་ཏིང་ངེ་འཛིན་དང་། ཀུན་དུ་འདུས་པའི་ཏིང་ངེ་འཛིན་དང་། རྟོག་པ་འཇོམས་པ་ཆེན་པོའི་ཏིང་ངེ་འཛིན་དང་། ཚུལ་ཁྲིམས་ཆེན་པོའི་ཏིང་ངེ་འཛིན་དང་། དབུ་མ་
ཆེན་པོའི་ཏིང་ངེ་འཛིན་དང་། བདེན་པ་ཉིད་ཀྱི་ཏིང་ངེ་འཛིན་དང་། །སྒྲ་སྒྲོགས་པའི་ཏིང་ངེ་འཛིན་དང་། དམ་ཚིག་གི་ཏིང་ངེ་འཛིན་དང་། ལྷུན་གྱིས་གྲུབ་པའི་ཏིང་ངེ་འཛིན་དང་། ཀུན་དུ་བཟང་པོའི་ཏིང་ངེ་འཛིན་དང་། འབར་བ་ཆེན་པོའི་
ཏིང་ངེ་འཛིན་དང་། གཏུམ་པོ་རྔམ་པའི་ཏིང་ངེ་འཛིན་དང་།  མཚན་མ་མེད་པའི་ཏིང་ངེ་འཛིན་དང་། རྡོ་རྗེ་ལུ་གུ་རྒྱུད་ཀྱི་ཏིང་ངེ་འཛིན་དང་། རྡོ་རྗེ་འགུགས་པའི་ཏིང་ངེ་འཛིན་དང་། རྡོ་རྗེ་ལས་ཀྱི་ཏིང་ངེ་འཛིན་དང་། ཁྲག་འཐུང་ཆེན་པོའི་ཏིང་ངེ་འཛིན་
དང་། རྡོ་རྗེ་ལྦོས་པའི་ཏིང་ངེ་འཛིན་དང་། སེང་གདོང་ཆེན་པོའི་ཏིང་ངེ་འཛིན་དང་། གཞད་གདོང་ཆེན་པོའི་ཏིང་ངེ་འཛིན་དང་། རྡོ་རྗེ་མཚོན་ཆའི་ཏིང་ངེ་འཛིན་དང་། རྡོ་རྗེའི་དུར་ཁྲོད་ཀྱི་ཏིང་ངེ་འཛིན་དང་། དྲེགས་པ་ཆེན་པོའི་ཏིང་ངེ་འཛིན་དང་། རྡོ་རྗེ་
ངོ་མཚར་གྱི་ཏིང་ངེ་འཛིན་དང་། བསྙེན་པའི་ཏིང་ངེ་འཛིན་དང་། རྡོ་རྗེ་གཤེགས་པའི་ཏིང་ངེ་འཛིན་དང་། འཐོར་བའི་ཏིང་ངེ་འཛིན་དང་། བརྒྱལ་བའི་ཏིང་ངེ་འཛིན་དང་།  རྔམ་པར་བྱེད་པའི་ཏིང་ངེ་འཛིན་དང་། གློ་སྙིང་ནང་གྲོལ་འདྲེན་ཅིང་ཟ་བའི་
ཏིང་ངེ་འཛིན་དང་། སྤྲུལ་པའི་ཏིང་ངེ་འཛིན་དང་། ཆོ་འཕྲུལ་གྱི་ཏིང་ངེ་འཛིན་དང་། བྱིན་གྱི་བརླབས་ཀྱི་ཏིང་ངེ་འཛིན་དང་།  མཆོད་པའི་ཏིང་ངེ་འཛིན་དང་། ཡོངས་སུ་རྫོགས་པའི་ཏིང་ངེ་འཛིན་དང་། །བཅོམ་ལྡན་འདས་ཧེ་རུ་ཀ་རོལ་བའི་རྒྱུད་གསང་བ་

104-1-170a

ཟབ་མོ་ལས་ཏིང་ངེ་འཛིན་གྱི་ལེའུ་སྟེ་བརྒྱད་པའོ།། །། དེ་ནས་བཅོམ་ལྡན་འདས་ཧེ་རུ་ཀ་རོལ་པའི་མཉེས་པ་ཆེན་པོའི་མཆོད་པ་འདི་ཉིད་ཀྱི་སྐུ་དང་གསུང་དང་ཐུགས་རྡོ་རྗེ་ལས་ཕྱུང་ངོ་། །དེ་ལ་མཆོད་པ་དམ་པ་ནི། །
ཐོག་མར་རྟོག་བསྒོམས་བདག་ཉིད་བསྒྲལ། །དེ་ནས་གཉིས་མེད་བློ་ཡིས་ནི། །བློ་ངན་འཇིག་རྟེན་སྙིང་རེ་རྗེ། །གཉིས་སུ་མེད་པར་བསྒྲལ་བར་བྱ། །འཁྲིལ་བའི་འཇིག་རྟེན་མཉམ་སྦྱོར་བས། །བདག་ཉིད་མཉེས་པས་མཆོད་པར་བྱ། །མཉམ་པའི་གྲུབ་
རྫས་ཆེན་པོ་དག །བདག་དང་མཉམ་པའི་ཚོགས་ལ་འབུལ། །བཟའ་དང་བཏུང་དང་བཅའ་དང་བགོ། །ལོངས་སྤྱོད་ལྔ་ལྡན་ཐམས་ཅད་ནི། །དཀྱིལ་འཁོར་ལ་ནི་དབུལ་བར་བྱ། །མཉེས་པའི་མཆོད་པ་ཆེན་པོས་རབ་ཏུ་མཆོད། །ཤ་ཆེན་དང་ནི་དྲི་
ཆེན་དང་། །ག་པུར་རག་ཏའི་དྲི་ཆུ་དང་། །མ་ཧེ་རྟ་དང་ཁྱི་ཤ་དང་། །ན་གེ་གེ་རྒྱ་གཤོག་པ་ཅན། །འདི་དག་འཕགས་པའི་ཚོགས་ལ་དབུལ། །པད་མ་ཅན་དང་དུང་ཅན་དང་། །བ་ལང་ཅན་དང་རོ་མོ་ཅན། །འདི་དག་མཉེས་པའི་མཆོད་པར་དབུལ། །
ཞིང་གི་རྒྱལ་མཚན་ཤ་ཆེན་ཏོག །རས་ཆེན་དག་གི་བླ་རེས་དང་། །ཞིང་གི་དབྱུག་པ་ཙིཏ་ཏའི་ཏོག །ཏིལ་མར་དག་ཏུ་བཅས་པ་རྣམས། །འདི་དག་མཆོད་པར་དབུལ་བར་བྱ། །མཉེས་པའི་མཆོད་པས་རབ་མཆོད་ན། །ཐམས་ཅད་མ་ལུས་མངོན་
སངས་རྒྱས། །ཕྱི་ཡི་མཆོད་པ་དང་ནང་གི་མཆོད་པའོ། །བཅོམ་ལྡན་འདས་ཧེ་རུ་ཀ་རོལ་པ་ལས་མཆོད་པ་གསང་བའི་ལེའུ་སྟེ་དགུ་པའོ།། །། དེ་ནས་བཅོམ་ལྡན་འདས་ཧེ་རུ་ཀ་རོལ་པ་ཉིད་ཀྱི་སྐུ་དང་གསུང་དང་ཐུགས་རྡོ་རྗེ་
ལུས་ཕྱུང་ངོ་། །བླ་མེད་མི་སྤང་བ་དང་། བླ་མ་བསྐུར་བ་དང་། སྔགས་དང་ཕྱག་རྒྱ་རྒྱུན་མི་འཆད་པ་དང་། ཡང་དག་པའི་ལམ་ལ་ཞུགས་པ་དང་། གསང་བའི་དོན་དུ་མི་སྨྲ་བ་དང་། རྩ་བ་ལྔ་དང་སྒྲུབ་པ་དང་། བསྲུང་བ་དང་། གཏི་མུག་དང་། འདོད་
ཆགས་དང་། ཞེ་སྡང་དང་། ང་རྒྱལ་དང་། ཕྲག་དོག་དག་མི་སྤང་ངོ་། །དཀར་རྩི་དམར་རྩི་དྲི་ཆེན་ཤ །དག་པའི་སྣོད་བཅུད་མི་འདོར་རོ། །ཡན་ལག་བཅུ་ཡི་དམ་ཚིག་སྟེ། །ཡེ་ནས་མ་ཉམས་རྟོགས་པས་སྤྱད། །བསྲུང་ཞིང་བསྒྲུབ་པའི་དམ་ཚིག་

104-1-170b

ནི། །རྩ་བ་ཡིན་ཏེ་རིགས་མེད་འགྱུར། །མི་སྤོང་མི་འདོར་གཉིས་པོ་ནི། །ཡན་ལག་དམ་ཚིག་འདའ་དཀའ་བའོ། །མཉམ་ལ་མཉམ་པར་སྦྱོར་བ་ནི། །མཉམ་པའི་དམ་ཚིག་ལ་གནས་ན། །མཉམ་རྫོགས་ཆེན་པོ་ཐོབ་གྱུར་ནས། །འདས་
ན་སངས་རྒྱས་མ་ཡིན་ནོ། །རྩ་ཉམས་པ་ཡི་ཕྱལ་བ་དག །གསོ་ལ་ཉེ་བར་མི་བརྩོན་དང་། །སྐད་ཅིག་ཡུད་ཙམ་སྨྲ་མི་བྱེད། །ཉམས་གྱུར་ཉེས་པ་བརྗོད་མི་ལང་། །རྩ་བའི་དམ་ཚིག་ཉམས་གྱུར་ན། །བསྒྲུབ་པ་ཐམས་ཅད་ཉམས་
པར་འགྱུར། །ཡིད་དུ་མི་འོང་སྣ་ཚོགས་པའི། །འབྲས་བུ་མི་འདོད་བཞིན་དུ་འདུ། །ཡན་ལག་དམ་ཚིག་ཉམས་གྱུར་ན། །འབྲས་བུ་མེད་ཅིང་ངན་འགྲོར་ལྟུང་། །དམ་ཚིག་རྣམས་ནི་རྡོ་རྗེ་སྟེ། །སངས་རྒྱས་རྣམས་ཀྱིས་བདག་ཉིད་ཡིན། །
རྩ་བའི་དམ་ཚིག་ལྔ་ལ་ནི། །གཅིག་ལ་གཉིས་དང་བཅུ་ཕྲག་གསུམ། །ཡན་ལག་དམ་ཚིག་ལྔ་གཉིས་ལ། །གཅིག་ལ་བཅུ་ཕྲག་གཉིས་སུ་མེད། །བསྲུང་བར་བྱ་བ་དང་མི་སྤང་བ་བརྒྱ་ཉི་ཤུ། དང་དུ་བླང་བ་བརྒྱ་ཉི་ཤུ། སྤྱད་པར་བྱ་བ་བརྒྱ་ཉི་
ཤུ། སྤྱིར་སུམ་བརྒྱ་དྲུག་བཅུའོ། །དམ་ཚིག་འདི་རྣམས་མ་ཉམས་ན་འཚང་རྒྱའོ། །ཉམས་ན་དམྱལ་བ་ཡིན་པར་ཤེས་པར་བྱའོ། །བཅོམ་ལྡན་འདས་ཧེ་རུ་ཀ་རོལ་པ་ལས་དམ་ཚིག་གི་ལེའུ་སྟེ་བཅུ་པའོ།། །།
དེ་ནས་བཅོམ་ལྡན་འདས་རྡོ་རྗེ་སེམས་དཔའ་ཧེ་རུ་ཀ་རོལ་པ་ཉིད་ཀྱི་སྐུ་དང་གསུང་དང་ཐུགས་རྡོ་རྗེ་ལས་འདི་ཕྱུང་ངོ་། །བླང་བར་བྱ་བའི་སྣོད་ནི་གང་། །སྤང་བར་བྱ་བ་ཅི་ལྟ་བུ། །མཚན་ཉིད་རྣམ་པ་དུ་ཞིག་མཆིས། །སྤྱད་པར་བྱ་བ་དུ་ཞིག་མཆིས། །དེ་
ནས་བཅོམ་ལྡན་འདས་ཀྱིས་ཧེ་རུ་ཀ་རོལ་པའི་དོན་བཀའ་སྩལ་པ། དུམ་བུ་གཅིག་དང་དུམ་བུ་གཉིས། །གསུམ་དང་བཞི་དང་ལྔ་པ་དང་། །དྲུག་པ་དང་ནི་བདུན་པ་དང་། །དུམ་བུ་བརྒྱད་པ་རབ་ཏུ་གྲགས། །བྲམ་ཟེ་རྒྱལ་རིག་རྗེའུ་རིགས་དང་། །
དམངས་རིགས་བུད་མེད་རིགས་མ་ངེས། །དཀར་དང་དམར་དང་དཀར་སྔོ་དང་། །སྔོ་དང་དེ་བཞིན་སེར་སྐྱ་སྟེ། །ཐལ་བའི་མདོག་དང་མདོག་མི་སྡུག །ཁ་དོག་བདུན་དུ་རབ་ཏུ་གྲགས། །ཉི་རིམ་དང་ནི་གླང་པོའི་རྒྱབ། །འཁོར་བ་དེ་བཞིན་བྱ་རོག་རྗེས། །

104-1-171a

དུང་སྔོ་གཅིག་དང་དུང་གཉིས་དང་། །ཆག་པ་དང་ནི་མཚམས་གྱེས་པ། །འདི་དག་ཐམས་ཅད་རབ་བརྟགས་ཏེ། །རབ་ཏུ་བརྟགས་དེ་སྤྱད་པར་བྱ། །ཤིན་དུ་མཉམ་པའི་ས་ཕྱོགས་སམ། །སྙི་བ་འམ་ཡང་ན་དུལ་བའི་སར། །
སྔགས་ཀྱིས་བཏབ་སྟེ་གནམ་དུ་བསྒྱུར། །ལྟུང་བའི་མཚན་ཉིད་འདི་རིག་བྱ། །ལྷོ་ཕྱོགས་ཁ་བལྟས་བྲམ་ཟེ་མེད། །སྲིན་པོའི་ཕྱོགས་བལྟས་གླང་པོ་སྙོལ། །ནུབ་ཀྱི་ཕྱོགས་བལྟས་རིགས་ངན་ཏེ། །རླུང་གི་ཕྱོགས་བལྟས་གསང་མི་ཐུབ། །
བྱང་གི་ཕྱོགས་བལྟས་ཕྱུག་པོར་འགྱུར། །དབང་ལྡན་ཕྱོགས་བལྟས་སྔགས་གྲུབ་སྟེར། །ཤར་དུ་བལྟས་ན་བདག་ཉིད་གསོད། །མེ་ཡི་ཕྱོགས་བལྟས་ཤེའུ་ཤིང་མེད། །འོག་དུ་བལྟས་ན་རྐུན་པོར་སྤྱོད། །སྟེང་དུ་བལྟས་ན་བུད་མེད་
གསོད། །གློར་བལྟས་དེ་ནི་རིགས་ངན་ཏེ། །སྣོད་ཀྱི་མཚན་ཉིད་འདི་རྣམས་སོ། །དེ་ནས་གཞན་ཡང་གཤད་བྱ་སྟེ། །དགེ་བ་སྤྲུལ་པའི་སྣོད་དག་ནི། །དུམ་བུ་གཅིག་པ་ས་ལ་དབང་། །གཉིས་པ་དེ་ནི་རྒྱལ་ཕྲན་འགྱུར། །གསུམ་པ་དེ་
ཡང་ནོར་ལ་དབང་། །བཞི་པ་དེ་ཡང་སྔགས་སྒྲུབ་འགྱུར། །ལྔ་པ་དེ་ཡང་ཆོས་ཀྱང་སྒྲུབ། །དྲུག་པ་དེ་ནི་སློང་བ་ཡིན། །བདུན་པ་དེ་ནི་བརྟུལ་ཤུགས་སོ། །བརྒྱད་པ་ཡོངས་སུ་སྤང་བར་བྱ། །དུམ་བུ་གཅིག་པ་བྲམ་ཟེའི་རིགས། །
གཉིས་པ་དེ་ནི་རྒྱལ་པོའི་རིགས། །གསུམ་པ་རྗེའུ་རིགས་ཡིན་པ་སྟེ། །བཞི་པ་དེ་ནི་དམངས་རིགས་སོ། །བུ་གུ་མེད་དང་མང་བ་ནི། །མཁས་པས་ཤིན་དུ་སྤང་བར་བྱ། །བོང་ཆུང་བ་དང་སྲབ་པ་དང་། །གང་དག་སེར་པོར་གྱུར་པ་ནི། །བུད་མེད་ཡིན་
པར་ཤེས་པར་བྱ། །བུད་མེད་རབ་ཏུ་དམད་པས་ན། །དེ་དག་རབ་ཏུ་སྤང་བར་བྱ། །སེར་སྐྱ་དང་ནི་དཀར་བ་དང་། །ཁ་དོག་སྣ་ཚོགས་སྤང་བར་བྱ། །དུང་མེད་པ་དང་དུང་གཉིས་དག །ལྷ་མོ་སྤྲུལ་པས་མི་བླང་ངོ་། །དུང་སྔོ་བ་དག་སྡུག་བསྔལ་ཏེ། །བྱ་རོག་
རྗེས་ནི་འཐབ་རྩོད་འགྱུར། །ཉི་རིམ་གྱིས་ནི་གསོད་པར་འགྱུར། །གླང་པོ་རྒྱབ་ནི་ནད་དུ་འགྱུར། །འདི་ལས་གཞན་ཡང་བཤད་བྱ་སྟེ། །གསང་བ་སྒྲུབ་ཐོད་མཚན་ཉིད་ནི། །ཡན་ལག་ཆེ་ཕྲ་མང་བའི་བདག །དཔག་བསམ་ཤིང་ནི་ཡོད་གྱུར་ན། །འདོད་

104-1-171b

པའི་འབྲས་བུ་ཐོབ་འགྱུར་ཏེ། །སྔགས་པ་དེ་ལ་ཐེ་ཙོམ་མེད། །དབུས་ན་གཤོང་བུ་བཞི་ཡོད་ན། །འདི་ནི་འདོད་འཇོ་བ་ཞེས་བྱ། །མདུན་ན་གཤོང་བུ་གཉིས་ཡོད་ན། །ཡིད་བཞིན་ནོར་བུ་ཞེས་བྱའོ། །དེ་ཡི་མཚན་ཉིད་ལྡན་པའི་སྣོད། །སུ་དག་
རྟག་ཏུ་འཆང་བ་ནི། །ལོངས་སྤྱོད་ཐར་པ་ཐོབ་འགྱུར་ཏེ། །དེ་ལ་ལྷ་མོ་ཐེ་ཚོམ་མེད། །དེ་ནས་རིགས་ནི་རྣམ་བཤད་དེ། །སྣོད་རྣམས་ཀྱི་ནི་བྱེ་བྲག་དང་། །དུང་དང་ཀུན་ཟླ་འདྲ་བའི་མདོག །སྣུམ་ལ་མཉམ་དུ་སྡུག་པ་ནི། །སྔགས་རྣམས་
ཐམས་ཅད་འགྲུབ་སྟེར་ཡིན། །དབང་ཕྱུག་ཆེན་པོར་ཤེས་པར་བྱ། །ཐལ་བའི་མདོག་ལ་བོང་ཡང་ཆེ། །པད་མའི་དབྱིབས་སུ་འདབ་མར་བརྒྱན། །ཚངས་པའི་སྐུད་པ་གསོལ་བ་ཡོད། །འདི་དང་ཚངས་པར་རིག་པར་བྱ། །སྦྲང་རྩི་
སེར་སྐྱའི་མདོག་འདྲ་བའི། །ཞི་བའི་ཐིག་ལེས་རྣམ་པར་བརྒྱན། །ཁྱབ་འཇུག་པ་ཡི་སྣོད་ཡིན་ཏེ། །ཟུག་རྔུ་དགྲ་རྣམས་འཇོམས་པར་བྱེད། །ཁ་དོག་དམར་ཞིང་ལྔ་པ་ལ། །པད་མོ་དམར་བས་བརྒྱན་པ་དང་། །ཟླུམ་པ་ཤིན་དུ་
རྣམ་པ་སྟེ། །སྣོད་འདི་གཞོན་ནུ་མ་ཞེས་བྱ། །ཅུང་ཟད་སེར་ཞིང་ཟླུམ་ལ་ཟབ། །གང་དག་རྡོ་རྗེ་མཚན་ཡོད་པ། །དེ་ཡི་མཚན་ལྡན་གང་ཡིན་པ། །དབང་ཕྱུག་ཆེན་མོ་རིགས་ཆེན་ཡིན། །ཕག་མོའི་གདོང་དབྱིབས་འདྲ་བ་ལ། །
རབ་ཏུ་མཁྲེགས་ཤིང་མུ་ཏིག་འཕྲོ། །ཤ་ཡི་དྲི་དག་མནམ་པ་ཡི། །སྣོད་ནི་ཕག་གདོང་མ་ཞེས་བྱ། །ཐལ་བའི་མདོག་ལ་བོང་ཡང་ཆེ། །ཐིག་ལེ་ཆེན་པོས་རྣམ་པར་བརྒྱན། །ཁྲག་འཛག་པ་ཡི་དྲི་མནམ་པ། །འཇིགས་བྱེད་མ་
ཡི་སྣོད་ཅེས་བྱ། །སྣོད་ཀྱི་ཁྱད་པར་ཤེས་བྱས་ནས། །སྔགས་པས་འདི་དག་རྟག་འཆང་ན། །བདག་བཀའ་བྱེད་ནི་བཞིན་བཟངས་མ། །དེ་ལ་བགེགས་ཀྱིས་ཚུགས་མི་འགྱུར། །དེ་ནས་གཞན་ཡང་བཤད་པར་བྱ། །སྣོད་ཀྱི་དངོས་པོ་ཁྱད་པར་
ནི། །ཚངས་པ་བྲམ་ཟེ་བཅང་བར་བྱ། །རྟག་ཏུ་དངོས་གྲུབ་སྦྱིན་པར་བྱེད། །སྒྲུབ་པ་ཆེན་པོའི་དུས་དག་ཏུ། །ཁྱབ་འཇུག་དང་ནི་འབྱོར་ཀུན་ལ། །རྟག་ཏུ་ལས་རྣམས་འགྲུབ་པར་བྱེད། །རྒྱལ་རིགས་ཀྱིས་ནི་གཞོན་ནུ་མ། །ཕ་རོལ་ཡུལ་

104-1-172a

ནི་རྣམ་པར་འཇོམས། །རྗེའུ་རིགས་ཀྱི་ནི་དམ་ཆེན་མོ། །བློ་དང་ལྡན་པས་བཟློག་ཕྱིར་བཤད། །གསད་དང་བསྒྲལ་དང་བསྟབས་པའི་ཕྱིར། །དམངས་རིགས་ཀྱིས་ནི་ཕག་གདོང་བཅང་། །ལས་དང་རིགས་རྣམས་ཐམས་ཅད་
དང་། །འཇིགས་བྱེད་མས་ནི་དངོས་གྲུབ་སྟེར། །རེ་བ་མེད་པས་བདག་ཉིད་མས། །གྲུབ་པའི་ཁྱད་པར་འདི་ཤེས་པས། །འདུ་བ་མེད་པས་བདག་བསམས་ཏེ། །རྟག་ཏུ་འདི་དག་སྤྱད་ཅིང་བཅང་། །བདག་གི་དངོས་གྲུབ་སྐྱེ་བ་ཡི། །སྔགས་
པས་དེ་ནས་བཤད་པར་བྱ། །ༀ་ན་བ་བ་ཏོ། བ་དུ་བ་ཡ་སྨ་ཤ་ན། བ་སི་ནི་ཨི་ཏང་ཀ་པཱ་ལ། ཨ་བེ་ཤ་ཡ། ཨ་བེ་ཤ་ཡ། ཧཱུྃ་ཕཊ་སྭཱ་ཧཱ། ཐལ་བ་དང་། མེ་ཏོག་དང་། ཆུ་ལ་ལན་བརྒྱ་རྩ་བརྒྱད་སྣོད་ལ་བཏབ་ཏེ་བླང་བར་བྱ། རི་མོ་རྡོ་རྗེ་འཁོར་ལོ་དང་། །
མཆོད་རྟེན་དང་ནི་རིན་པོ་ཆེ། །པད་མ་དང་ནི་ལྗོན་ཤིང་དང་། །དབུས་ན་བུ་ག་གཉིས་ཡོད་པ། །མདུན་ན་གཤོང་བུ་གསུམ་དང་གཉིས། །གང་དག་རྡོ་རྗེ་མཚན་ཡོད་པ། །དཔལ་དང་ལྡན་པའི་སྣོད་གནས་སོ། །སྲུབས་གཅིག་པ་དང་
སྲུབས་གཉིས་དང་། །སྲུབས་གསུམ་པ་དང་སྲུབས་བཞི་པ། །ལྔ་དང་དྲུག་དང་བདུན་དང་བརྒྱད། །དགུ་དང་བཅུ་དང་བཅུ་གཉིས་དག །བཅོམ་ལྡན་འདས་ཀྱིས་བཀའ་སྩལ་ཏོ། །བཅུ་དྲུག་པ་དང་ཉི་ཤུ་དྲུག །འདི་དག་རབ་ཏུ་སྤང་བར་བྱ། །
བཅོམ་ལྡན་འདས་ཧེ་རུ་ཀ་རོལ་པ་ལས་ཀུན་དུ་བཟང་པོ་ཧེ་རུ་ཀ་རོལ་པ་སྣོད་བརྟག་པའི་ལེའུ་སྟེ་བཅུ་གཅིག་པའོ།། །། དེ་ནས་དབང་ཕྱུག་ཆེན་པོ་བསྒྲལ་བའི་ཐབས་འདི་བཅོམ་ལྡན་འདས་
དཔལ་ཀུན་དུ་བཟང་པོའི་སྐུ་དང་གསུང་དང་ཐུགས་རྡོ་རྗེ་ལས་འདི་ཕྱུང་ངོ་། །མ་ཧཱ་རུ་དྲའི་རྒྱུད་དུར་ཁྲོད་མ་ཧཱ་རུ་དྲ་བརྒྱུད་པའི་དབང་དུ་བསྡུ་བའི་མཆོག །ཕྱི་རོལ་ཕྱོགས་གར་བདེ་བའི་སར་ཞིང་ཆེན་སྟན་གར་འོས་པ་གཅིག་ཏུ་མཎ་ཌལ་བྱུགས་
ཏེ།  གནས་ཆེན་པོ་དུར་ཁྲོད་གྱི་བདག་པོ་ཆེན་པོའི་ཆ་ལུགས་ཅི་ལྟར་ཉམ་ཚིགས་བཅད་ལས་བྱུང་བ་བཞིན་ཚོན་གྱིས་བྲིས། ཡང་ན་ཐལ་རིས་དང་། ཡིད་ཀྱིས་བཀོད་ཀྱང་རུང་། སྟ་ནའི་དཀྱིལ་འཁོར་བཤམ། དེའི་དབུས་སུ་ཧོམ་ཁུང་གྲུ་

104-1-172b

གསུམ་པ་ཞིག་བཀོད། རྡོ་རྗེ་སློབ་དཔོན་གྱིས་ཏིང་ངེ་འཛིན་གྱི་ཕྱག་རྒྱ་བཅའ་སྟེ། མཉམ་པ་ཉིད་དུ་བསྒོམ་པའི་སྔགས་ལ། ཨ་ས་མ་ཧཱ་ཙ་ལ་དྷརྨ་དྷ་ཏུ་སྭ་བྷཱ་བ་ཨཱད་མ་ཀོ་ཧྃ་ཞེས་ཅུང་ཟད་བསྒོམས་པའི་རྗེས་ལ། མི་གཡོ་ཕྱག་རྒྱ་ཆེན་པོ་དང་། །
ཆོས་ཀྱི་སྐུ་ལས་བཞེངས་པ་ཡི། །གཉིས་མེད་ཕྱག་རྒྱ་རོལ་པ་ཡིས། །དུས་ལ་བབ་པོ་ས་མ་ཡ་ཞེས་བརྗོད་ནས། །རྣལ་འབྱོར་གཞན་གྱིས་འདི་ལྟར་བྱིན་གྱིས་བརླབས་ནས་མཁས་པ་གཅིག་གིས་ལས་འདི་བགྱི། དབང་
གི་གཏམ་རྒྱུད་བཤད། རྒྱུད་ཀྱི་གཙུག་ལག་ཆེན་པོ་དང་བདེན་པའི་ཚིག་གིས་བསྒྲགས་ནས། འཕགས་པ་ཐམས་ཅད་བདག་ལ་གསོན། །འབྱུང་པོ་མང་པོ་ཀུན་ཉོན་ཅིག །ཐུགས་རྗེ་དང་ངད་ཤེས་རབ་དང་། །ཐབས་ལ་
མཁས་པའི་བྱིན་བརླབས་ཀྱིས། །འགྲོ་བ་ཐམས་ཅད་སྤྱོད་པར་མཛད། །འགྲོ་བའི་བདག་པོ་ཚེ་དང་སྲོག །གསོན་པོ་བདེ་བའི་བར་གཅོད་པ། །བདུད་དང་གཤིན་རྗེ་འཁོར་བཅས་ཀུན། །བཅོམ་ཞིང་གསད་པའི་གཉེན་པོ་ནི། །འཇམ་དཔལ་
འཕྲུལ་གྱི་ཁྲོ་བོ་དེས། །སྲིད་གསུམ་མཐར་བྱེད་རྔམ་པ་དང་། །ཐོད་དབྱུག་དྲག་པོ་མི་མཛད་པས། །གཤིན་རྗེ་བཅོམ་སྟེ་བསད་ནས་ཀྱང་། །རོ་ཡང་ལྷོ་ཡི་འཛམ་གླིང་དུ། །བོར་ནས་ས་གཞི་དུར་ཁྲོད་ཀྱི། །བདག་པོ་གདོལ་པ་དྲག་པོ་
ཡིས། །རོ་ཡི་ཉལ་ཐབས་གན་རྐྱལ་ཏེ། །མགོ་ནི་ལྷོ་ནུབ་མཚམས་སུ་བསྟན། །རྐང་པ་བྱང་ཤར་མཚམས་སུ་བསྟན། །དེ་ཡང་ཅུང་ཟད་བསྣོལ་བའོ། །ལག་པ་གཡས་གཡོན་འཁྲིག་མ་ལ། །ཁྱི་གཉིས་དང་ནི་བྱ་རྒོད་དོ། །ཐལ་བའི་
མདོག་ལ་སྐུ་སྒྲེང་བ། །དེ་ཡི་ལུས་སྙིང་ཡན་ལག་ནི། །མ་མོ་ཆེན་མོ་རྣམས་ཀྱིས་གནས། །དུར་ཁྲོད་ཆེན་པོ་འདི་དག་གོ། །དེ་ཡི་སྙིང་ནི་མ་ཧཱའི་ལྟོ། །དུར་ཁྲོད་ཆེན་པོ་བསིལ་ཚལ་ན། །མ་མོ་ཆེན་མོ་གོའུ་རི་མ། །མཁས་མ་
སྙིང་སྟོབས་ཆེ་བའི་གནས། །དེ་ཡི་མགོ་ནི་ལྷོ་ཕྱོགས་ཀྱི། །སིང་ག་ལ་ཡི་གླིང་ཕྲན་ན། །མ་མོ་ཆེན་མོ་ཙོའུ་རི་མ། །མཐོང་ཐོས་རྔམ་པའི་རྫུ་འཕྲུལ་མངའ། །ལག་པ་གཡས་ནི་ཤར་ལྷོ་མཚམས། །བལ་ཡུལ་ན་ནི་པུ་ཀ་སི། །

104-1-173a

འཁོར་དང་ལོངས་སྤྱོད་སྣ་ཚོགས་ལྡན། །ལྷག་པར་ཟས་ཀྱི་འབྱོར་པ་ཆེ། །ལག་པ་གཡོན་ནི་ལྷོ་ནུབ་མཚམས། །ས་ཡི་ཚལ་ན་བེ་ཏ་ལི། །ཕྱག་ན་རྡོ་རྗེ་དབང་གི་གནས། །དེ་ནས་མཐུ་དང་དབང་ཡང་ཆེ། །
རྐང་པ་གཡས་པ་བྱང་ཤར་མཚམས། །ལི་ཡུལ་ན་ནི་ཙཎ་ཌ་ལི། །ཤང་ཀ་ན་ཞེས་གྲགས་པ་དེ། །དེ་ཡང་འཁོར་དང་ལོངས་སྤྱོད་ལྡན། །རྐང་པ་གཡོན་པ་ནུབ་བྱང་མཚམས། །སྐད་ནི་སྐད་སྣ་འཐུན་པས་ན། །མ་མོ་ཆེན་མོ་པྲ་མོ་ཧ། །
བདེ་སྐྱིད་ལྡན་པའི་ས་ལ་གནས། །ཕོ་མཚན་སྟེང་གི་བྱང་ཕྱོགས་ན། །ཨུ་རྒྱན་ཡུལ་ན་གྷསྨ་རི། །སྦྱོར་བས་ལོངས་སྤྱོད་འཇུག་པས་ན། །དངོས་གྲུབ་ཅན་ཡང་དེ་ན་མང་། །དེ་ནས་སྟ་ནའི་དཀྱིལ་འཁོར་
འདིར། །བྲིས་ཏེ་བསམས་ནས་དགོངས་པ་ནི། །དུར་ཁྲོད་བདག་པོས་འདུས་པ་དང་། །དབང་དུ་སྡུད་པའི་ལས་བརྩམ་གྱིས། །སངས་རྒྱས་ཀུན་གྱི་བྱིན་བརླབས་ཞེས་བརྗོད་དོ། །དེ་ནས་འགེང་ལ་རྡོ་རྗེ་ཁུ་ཚུར་དཀུ་གཡས་སུ་
གཞག་ཅིང་། མིག་གིས་ཕྱོགས་བཅུར་བལྟས་ཏེ། །འཛམ་བུ་གླིང་གི་འཇིག་རྟེན་འདི། །སྐྱེ་ཤི་གནས་ནི་དུར་ཁྲོད་ཀྱི། །རང་བཞིན་ཡིན་ནོ་རྣམ་གཟིགས་ནས། །ས་བཞི་དུར་ཁྲོད་གནས་སུ་བསྟན། །བདག་གིས་ཡིད་ཆེས་
པར་བྱ་ཞིང་། །སྟ་ནའི་དཀྱིལ་འཁོར་བསམས་ལ་གར་བྲིས་པའི་སར་བལྟས་ཏེ། དེའི་བདག་པོ་ལ་སྡིགས་པའི་ཕྱིར་ལྡན་པ་གཡས་བྱོ་ཞིང་སྡང་མིག་དྲག་ཏུ་བགྲད། མིག་གི་འབྲས་བུ་དྲིལ་ལ། སརྦ་པ་པ་ཀ་ར་ཧེ་རུ་ཀ །བྱི་སྟ་ན་མ་ཧྃ་ཀ་རུ་དྲ་
ཧཱུྃ་ཕཊ། །རིགས་ལྔའི་འཁོར་དང་བཅས་པ་ཁྲོ་བོའི་ངང་དུ་གྱུར་ཏེ། བདག་དང་འདྲ་བར་བསམས་ལ། དེ་ནས་འགྱིང་རྔམ་པ་ལས་རལ་པ་བསིགས་ལ། ལག་པ་གཡས་པ་བསྒྲེང་སོར་མོ་གྱེན་དུ་བགྲད་ལ་བ་ཡ་ཀེ་རྩི་ཏ་ཛ་ལ་ཧཱུྃ་ཕཊ། ཅེས་
བརྗོད་ནས་ལག་པ་སྟ་ཟུར་དུ་བཞག་ཅིང་ལག་པ་གཡོན་པ་རྔམ་པ་བཞིན་དུ་སྐྲ་གྱེན་དུ་བཏེག་ལ། པྲཛྙཱ་ཀེ་ཤི་རྩི་ཏ་ཛྭ་ལ་ཧཱུྃ་ཕཊ་ཅེས་བརྗོད་ལ་རྔོམ་པའི་ང་རོ་བགྱི། མཆེ་བ་འདར་རྐན་སྒྲ་དྲག་ཏུ་གཏོགས་ལ་རྔོམ་བརྗིད་ཆེན་པོའི་ཚུལ་དང་

104-1-173b

ལྡན་པར་བསམ། ༀ་པྲཛྙཱ་སུ་པ་ཡ་ན་ཧཱུྃ་ཕཊ། རྐང་པ་གཡས་པ་བསྐུམ། ༀ་བཛྲ་ཀྲོ་དྷ་ཨེ་ཤ་ཡ་ཧཱུྃ། དེ་ནས་སླར་གོ་ཆའི་ཕྱག་རྒྱ་སྙིང་ཀར་བཅིངས་ལ་བཏང་སྟེ། ༀ་བཛྲ་ཀ་བ་ཙ་ཞེས་བརྗོད་ནས་གོ་བགོ་བར་བསམས་
ཏེ། གནས་ལྔར་བསྲུང་ཞིང་། ༀ་ན་མ་དྷུ་བ་བི། སྤྱི་བོར་ཐལ་མོ་སྦྱར་ཏེ། སརྦ་བུདྷ་མུ་དྲྭ་སྃ་ཧ་ར་ན། ཨ་བྷི་ཥིཉྩ་ཧཱུྃ་ཕཊ་ཅེས་བརྗོད་པས་སྐུ་ཅིར་ཡང་འགྱུར་བའི་ཕྱག་རྒྱ་བཅས་ཏེ། རྐང་ལག་བཞིའི་ཚོགས་བསྐུམ་མགོ་མགྲིན་འཁྲིལ་
ཅིང་བསྒྲིལ་ལ་ཧཱུྃ་ཞེས་ཚིག་འབྲུ་དྲག་པོས་གཡས་གཡོན་དུ་ལྟ་བའི་ཚུལ་དྲག་པོ་རེ་རེ་བགྱི། སུམ་བྷ་ནི་སུམ་བྷ་ཧཱུྃ་ཞེས་དྲག་ཏུ་བརྗོད་དོ། །རྡོ་རྗེ་དྲིལ་བུ་བསིལ་ཏེ། བརྐྱང་བསྐུམས་བསྒྲེང་ལ་འགྱིང་ཞིང་དཀྱིལ་འཁོར་ཕྱོགས་སུ་མཆོངས་ལ། 
ཁམས་གསུམ་ནས་འབྱུང་སེམས་ཅན་རྣམས། །རྡོ་རྗེ་སྐུ་ཡི་ཁྱད་པར་གྱིས། །འོད་ཟེར་ཚུལ་དུ་བསྡུས་ནས་ཀྱང་། །དེ་དག་བདག་གི་ལུས་ལ་གཟུང་། །སྦྲོ་བ་རྡོ་རྗེ་ཐམས་ཅད་ཀྱི། །སྐུ་དང་ཡེ་ཤེས་མཆོག་གིས་བྱ། །ཐར་པའི་བླ་མེད་དཀྱིལ་
འཁོར་འདིར། །བྲོད་པ་ཅན་རྣམས་དར་བ་ལྟར། །སྐལ་དང་ལྡན་པ་རིགས་ཀྱི་བུ། །བདེ་བར་འོངས་པ་ལེགས་པ་འོངས། །རྩེ་རྒྱལ་བསྟན་པའི་གནས་ཆེན་འདིར། །བོདྷི་ཙི་ཏིའི་གནས་ཉིད་དུ། །ཁམས་གསུམ་འཁོར་བ་ཀུན་
བསྡུའོ། །ཆོས་ཉིད་སྐྱེ་འགག་མེད་པ་ལས། །དབྱིངས་སུ་ཐིམ་པས་གཉིས་སུ་མེད། །ཀུན་གྱི་ངོ་བོ་མཉམ་ཉིད་དེ། །ཐམས་ཅད་སྙིང་པོ་བྱང་ཆུབ་ལས། །མ་སྐྱེས་པས་ན་འགག་པ་འཇིག །བདག་ཉིད་མེད་པས་མཉམ་པའི་
སྐུ། །ཐུགས་རྗེ་ཆེན་པོ་ཅིར་མི་མཛད། །སེམས་ཅན་མ་རིག་རྨོངས་པའི་བློས། །བདག་དང་བདག་གིས་སོ་སོར་ཕྱེ། །ལོག་རྟོག་ཕྱིན་ཅི་ལོག་བཞིས་བཅིངས། །འཁོར་བ་རྒྱུད་ལྔ་ཡི་ཁ་བྲིམས། །མྱ་ངན་མི་འདའ་ཡུན་རིངས་
ཏེ། །ཐུགས་རྗེ་ཆེན་པོའི་བྱིན་བརླབས་ཀྱིས། །སྐུ་ཡི་སྤྲུལ་པ་ཕྱོགས་བཅུར་བཀྱེ། །གསུང་གིས་མཐའ་ཡས་སེམས་ཅན་སྒྲོལ། །ཐུགས་ནི་ཚད་མེད་བཞི་དང་ལྡན། །སྐུ་གསུམ་འགྲོ་བའི་ཚུལ་སྟོན་པས། །དུས་ལ་བབ་

104-1-174a

པའི་སེམས་ཅན་དག །ལས་ལ་བབ་པའི་རྣལ་འབྱོར་པས། །རྡོ་རྗེ་དབྱིངས་ཀྱི་དཀྱིལ་འཁོར་དུ། །ཐུགས་རྗེ་ལྕགས་ཀྱུས་བཀུག་ནས་ནི། །ཡང་དག་ཉིད་ལ་ཡང་དག་གྲོལ། །ཡང་དག་བསྒྲོལ་ནས་བདེ་
ཆེན་ཐོབ། །མི་ལྡོག་ས་ལ་ངེས་པར་ཕྱིན། །ཕྱིན་པ་ཙམ་གྱིས་དབང་ཐོབ་ནས། །རྒྱལ་བའི་ཞིང་ཁམས་དབྱིངས་ཉིད་མཐོང་། །རྒྱུད་དྲུག་གནས་སུ་མི་སྐྱེ་ཕྱིར། །དཔའ་བོ་འབྲུ་ལྔས་ལམ་ལྔ་དགག །ཕུང་པོ་ཁམས་
དང་སྐྱེ་མཆེད་རྣམས། །འཁྲུག་པའི་བག་ཆགས་བག་ལ་ཉལ། །བདེ་འགྲོ་ལམ་ལ་སྒྲིབ་པའི་རྣམས། །ཡེ་ཤེས་འབར་པའི་མེས་བསྲེགས་ཏེ། །མཚན་ཉིད་མེད་པར་སྟོང་པར་འགྱུར། །སྦྱོར་བའི་ལྷུམས་སུ་ཕཊ་ཀྱིས་
ཕཊ། །གསང་བའི་དབྱིངས་སུ་ཧཱུྃ་གིས་བསྡུ། །སྐུར་བསྐྱེད་ཡེ་ཤེས་སྐུར་བསྡུས་པས། །འོག་མིན་གནས་མཆོག་དམ་པ་རུ། །ཆོས་ཀྱི་འཁོར་ལོ་སྐོར་ཞིང་གཤེགས། །སྟོང་གསུམ་མ་ལུས་གདོན་པ་ནི། །འབུམ་གྱི་ཆར་ཡང་མི་ཕོད་
དོ། །སྐྱེས་བུ་ཆེན་པོའི་རྣལ་འབྱོར་གྱིས། །བསྐལ་བ་འབར་ཞིང་སྙིང་རྗེའི་མཆོག །ཉན་ཐོས་དགྲ་བཅོམ་རང་རྒྱལ་དང་། །ས་བཅུ་བྱང་ཆུབ་སེམས་དཔའ་དང་། །འཇིག་རྟེན་འདས་པའི་མཆོད་པས་མཆོད། །དེ་ནས་འགྱིང་ཞིང་དཀྱིལ་
འཁོར་ཕྱོགས་སུ་མཆོངས་ལ། མ་ཏང་གི་གནས་དང་ལུང་གི་ཚུལ་དུ་སྨོས་པ་བཞིན་གསལ་བར་བསྒོམས་ཏེ། དེའི་འཁོར་འབྱུང་པོ་མང་པོ་ཡང་མངོན་དུ་བཀུག་པར་བསམས་ཏེ། རྐང་པ་གཉིས་བསྣོལ་བའི་དྲུང་དུ་ཕྱིན་ནས་བྱང་
ཤར་མཚམས་སུ་ཁ་བལྟས་ཏེ། བདག་ཉིད་བརྐྱང་བསྐུམ་གྱི་ཚུལ་དུ་འགྲེང་ལ། འཛུབ་མོ་གཉིས་རྡོ་རྗེ་ལྕགས་ཀྱུའི་ཕྱག་རྒྱ་བཅིངས་ལ། གནས་ཀྱི་སྒོ་འདི་སུས་བཅད། །སེམས་ཀྱི་བདག་པོས་བཅད་དམ་ཅི། །གཟུང་
འཛིན་རྐ་ལག་བསྣོལ་བའི་སྒོ། །ཡུལ་ལས་འདས་པའི་ཞབས་ཀྱིས་ཕྱེ། །དེ་ནས་ཧཱུྃ་ཕཊ་པྲ་བེ་ཤ་ཧཱུྃ་ཕཊ། རྐང་པས་ཤག་གིས་ཕྱེ་བར་བསམ། །དེ་ནས་ལག་པ་གཡས་པ་རྡོ་རྗེ་གསུམ་པའི་ཕྱག་རྒྱ་བྱ། གཡོན་པའི་འཛུབ་

104-1-174b

མོ་སྙིང་གར་བསྒྲེང་སྟེ། ༀ་ཤྲཱི་ཧེ་རུ་ཀ་མ་ཧཱ་བཛྲ་སརྦ་དུཥྚན་ས་མ་ཡ་མུ་དྲ་པྲ་བཉྩ་ཧཱུྃ་ཕཊ་སྭཱ་ཧཱ། ཟུང་མཐར་བྱེད་ཀྱིས་གཟུང་། ལས་མཐར་བྱེད་གང་གིས་མནན་ནས་ཁ་ལྷོ་ཕྱོགས་སུ་བལྟས་ཏེ།  བརྐྱང་བསྐུམ་དུ་བསྒྲེང་ལ་
ཨ་ཨ་ཞེས་བརྗོད་ལ། ལྕགས་ཀྱུས་སྙིང་ཀར་སྒོ་ཕྱེ་བར་བསམ། གཡས་ནས་རྒྱབ་ཏུ་བསྐོར་ཏེ། ལུས་ཀྱི་ནང་དུ་ཞུགས་མ་ཐག་ཏུ་རྐང་པ་བཤིབས་ཏེ། དམ་ཚིག་གི་ཕྱག་རྒྱ་བཅས་ཏེ། ཧཱུྃ་ཞེས་སྒོ་ཕྱེ་བར་བསམ། 
གཡས་རྒྱབ་ཀྱིས་བསྐོར་བས་འབོད་པར་བྱ། ཨེ་ཧྱེ་ཧི་མ་ཧཱ་ཀ་རུ་ཤ །དྲྃ་ཀརྨ་བཛྲ་ཧཱུྃ་ཕཊ། མ་ཧཱ་དེ་བ་མ་ཏ་རུ་དྲ་ཛ། ཞེས་རྡོ་རྗེ་གར་གྱི་གོམ་པ་འདོར་ཞིང་ལྟེ་བའི་ཕྱོགས་སུ་སོང་ལ། ཤིན་དུ་དམར་པོ་བཞི་ལྟེ་བའི་ཕྱོགས་བཞིར་དགོད་དོ། །
ཡི་གེ་ཧཱུྃ་མཆོག་ཏུ་བརྗོད་ཅིང་། གཡས་གཡོན་དུ་ལམ་ཅིག་ཏུ་གར་གྱིས་བསྐོར་བར་བྱའོ། །དེ་ནས་སྙིང་པོ་འདི་བརྗོད་པར་བྱའོ། །དྷོ་ཙེ་ཕྱ་དྷོ་ཙེ་ཕྱ།  མ་ནུ་དྷ་རྃ། ཨ་མ་དྷ་རྃ། ཤྲཱི་མ་ཧཱ་ཀཱ་པཱ་ལ། དྷོ་ཙ་ཕྱྃ། པད་མ་རག་ཏ་དྷ་
རྃ། བཛྲ་དྷ་རྃ། བཛྲ་མ་ཧཱ་མྃ་བ་དྷ་རྃ། ཞེས་བརྗོད་དོ། །དེ་ནས་གར་གྱི་ཚུལ་དུ་སྙིང་ཀ་ཕྱོགས་སུ་སོང་ལ། དམ་ཚིག་གི་ཕྱག་རྒྱ་བཅིངས་ནས་ཅི་ལྟར་བདེ་བ་གཏོར་མ་སྦྱིན་པར་མཁྱེན་པ་ནི་ཤེས་རབ་མཁའ་དབྱིངས་དང་། མ་ཏང་གི་ལུས་
སུ་དབྱེར་མེད་པར་གཞལ་ཡས་ཁང་འབར་བའི་ནང་དུ་ཁྲོ་བོ་ཧེ་རུ་ཀ་ཕྱིའི་འཕྲ་མེན་ལ་སོགས་པ་འཁོར་དང་བཅས་པ་བཀོད་དོ། །སྤྱན་དྲང་བའི་ཕྱིར་ཐབས་དང་ཤེས་རབ་ཀྱི་དབྱིངས་ནས་ཡི་གེ་ཛ་ལས་ལྕགས་ཀྱུས་གསལ་བར་ཕྱོགས་བཅུར་འཕྲོས་
ཏེ། ཕྱིའི་རྣལ་འབྱོར་དགུག་ཅིང་སྤྱན་དྲང་བའི་ཕྱག་རྒྱ་གསལ་བ་ལས་འཁོར་དང་བཅས་པ་སྤྱན་དྲང་ངོ་། །མི་གསང་བའི་བསད་པ་ཆེན་པོ་ཆོས་ཉིད་ཀྱིས་བསྒྲལ་བ་དང་། སྐུ་གསུང་ཐུགས་ཆེ་བའི་ཡོན་ཏན་གྱིས་བསྒྲལ་བ་དང་། བདག་
ཉིད་ཆེན་པོ་ལྷུན་གྱིས་གྲུབ་པས་བསྒྲལ་ལོ། །བཅོམ་ལྡན་འདས་ཧེ་རུ་ཀ་རོལ་པ་གསང་བ་ཟབ་མོའི་དོན་བདུད་འདུལ་བའི་ལེའུ་སྟེ་བཅུ་གཉིས་པའོ།། །། དེ་ནས་བཅོམ་ལྡན་འདས་ཀྱིས་ཧེ་རུ་ཀའི་ལས་ཀྱི་བཟླས་པ་

104-1-175a

འདི་སྐུ་དང་གསུང་དང་ཐུགས་རྡོ་རྗེ་ལས་འདི་ཕྱུང་ངོ་། །འདས་པའི་དུས་ན་སྔོན་བྱུང་བ། །དེ་བཞིན་གཤེགས་པའི་གསུང་རབ་ལས། །འགྲོ་བའི་ཚུལ་དུ་སྔོན་འབྱུང་སྟེ། །དེ་ཚེ་སེམས་ཅན་ཐམས་ཅད་ཀུན། །
ཤིན་དུ་ཁྲོ་ཞིང་གདུག་པར་གྱུར། །ཤིན་ཏུ་ཁྲོ་དྲག་གཏུམ་པ་ཡང་། །ཞི་བས་ཕན་པར་མི་འགྱུར་ཏེ། །ཤེས་རབ་ཐབས་ཀྱི་ངོ་བོ་ཡིས། །ཁྲོ་བས་དེ་བཞིན་གཤེགས་ཀུན་མཛད། །སངས་རྒྱས་ཐུགས་རྗེས་ཁྲོས་པ་ཡིས། །
ཐམས་ཅད་འཇིགས་པའི་མཆོག་ཡིན་ཏེ། །རྡོ་རྗེ་སེམས་དཔའ་དེ་བཞིན་གཤེགས། །དམ་ཚིག་ལ་སྡང་རྣམ་སྦྱང་ཕྱིར། །དུར་ཁྲོད་གར་གྱི་ཕྱག་རྒྱར་གསལ། །ཧཱུྃ་བཞིས་ཧེ་རུ་ཀ་བསྒོམ། ཧས་ཧེ་རུ་ཀ་ལ་སོགས་པ་བསྒོམ། 
ཧེས་སིང་ཧ་ལ་སོགས་པ་སྒོམ། ཕཊ་ཀྱིས་སྒོ་བ་ལ་སོགས་པ་བསྒོམ། ཧཱུྃ་ཧ་ཧེ་ཕཊ་ཀྱིས་ཏིང་ངེ་འཛིན་བཟླས། སྔགས་འདིས་སྤྱན་དྲང་ངོ་། །སརྦ་དུཥྚྃ་ན་ས་མ་ཡ་མུད་ཏྲ་པྲ་བན་ཙ་ཀྲ་ཧཱུྃ་ཕཊ། ཨེ་ཧྱེ་ཧི་བྷ་ག་བན། ཛཿཧཱུྃ་བྃ་ཧོ༔། རུ་
ལུ་རུ་ལུ། ཛཿཧཱུྃ་བྃ་ཧོཿ། ཨེ་ཧྱེ་ཧི་ཏྲི་ཤ་ཧོ་ས་མ་ཡ་ཧོ། ཨེ་ཧྱེ་ཧི་ཨ་ར་ལི་དྷིང་དྷིང་། དད་པ་དང་ནི་དམ་ཚིག་གིས། །ཚུར་གཤེགས་ཚུར་གཤེགས་ཧེ་རུ་ཀ །ཆོས་སྐུ་ཞི་བའི་ངང་ལས་མ་གཡོས་ཀྱང་། །གཟུགས་སྐུ་
འཇིགས་ཚུལ་བསྟན་དུ་གསོལ། །ཐུགས་རྗེ་ཆེན་པོ་ཐབས་མཁས་པས། །གདུག་པ་འདུལ་ཕྱིར་གཤེགས་སུ་གསོལ། །ཚོགས་རྗེ་ཚོགས་བདག་དཔལ་དང་ལྡན། །ཚོགས་ཀྱི་སློབ་དཔོན་གཤེགས་སུ་གསོལ། །ཡེ་ཤེས་རྟོགས་
པའི་ཁྱད་པར་ལས། །སྤྲུལ་པ་མང་པོའི་ཚོགས་དང་གཤེགས། །ༀ་ཤྲཱི་ཧེ་རུ་མ་ཧཱ་བཛྲ། སརྦ་དུཥྚྃ་ས་མ་ཡ་མུ་དྲ་པྲ་བེ་ཤ་ཡ་ཤྲཱི་ཧེ་རུ་ཀ་ཧཱུྃ་ཕཊ། ༀ་ཛཿཧཱུྃ་བྃ་ཧོཿ ཤྲཱི་ཧེ་རུ་ཀ་མ་ཧཱ་བཛྲ་སརྦ་དུཥྚྃ་ས་མ་ཡ་མུ་ཏྲ་པྲ་བན་ཙ་ཀྲ་ཧཱུྃ་ཕཊ། བདེ་
གཤེགས་ཕོ་བྲང་དཀྱིལ་འཁོར་འདིར། །འགྲོ་བ་མ་ལུས་བསྒྲལ་བའི་ཕྱིར། །དོན་ཀྱི་དབང་དུ་དགོངས་ནས་ཀྱང་། །འཁོར་བཅས་རབ་འབར་གཤེགས་སུ་གསོལ། །ༀ་ཤྲཱི་ཧེ་རུ་ཀ་མ་ཧཱ་བཛྲ་ས་མ་ཡ་ཧི། སརྦ་དུཥྚྃ་ཀཱ་ཡ་བཱ་ཀ་ཙིཏྟ་བཛྲ་ཧཱུྃ་ཕཊ། 

104-1-175b

སེམས་ཅན་དོན་ཕྱིར་ནན་ཏན་མཆོག་བསྐྱེད་ཅིང་། །ཡེ་ཤེས་ཐུགས་རྗེས་བདག་ལ་དགོངས་ནས་ཀྱང་། །མི་གཉིས་དོན་ཕྱིར་དངོས་གྲུབ་མཆོག་གི་རྣམས། །བདག་ཅག་སྩལ་ཅིང་བརྟན་པར་བཞུགས་སུ་གསོལ། །ༀ་ཤྲཱི་ཧེ་རུ་ཀ་མ་ཧཱ་བཛྲ་སརྦ་
དུཥྚྃ་ས་མ་ཡ་མུ་ཏྲ་ཨ་མ་བ་སྟམ་བྷ་ཀ་ཧཱུྃ་ཕཊ། ༀ་གུ་ཧྱ་ཏྲི་ཤ་ས་མ་ཡ། གུ་ཧྱ་ཏྲི་ཤ་ས་མ་ཡ་ཧོ། ༀ་བཛྲ་གུ་ཧྱ་ཏྲི་ཤ་ས་མ་ཡ་ཧཱུྃ། དམ་ཚིག་ས་ལ་བཞེངས་པ་ཡི། །དཔལ་ཆེན་ཁྲག་འཐུང་འཁོར་དང་བཅས། །དམ་ཚིག་ཚུལ་
བཞིན་མ་གཤེགས་སམ། །གྲུབ་པ་མཆོག་དག་མ་སྩལ་ན། །སྐུ་གསུང་ཐུགས་དང་འགལ་བའོ། །ཛཿཧཱུྃ་བྃ་ཧོཿ ཤྲཱི་ཧེ་རུ་ཀ་མ་ཧཱ་བཛྲ་སརྦ་དུཥྚྃ་ས་མ་ཡ་མུ་དྲ་པྲ་བན་ཙཀྲ་བཱཀྵ་ཡ་བཱཀྵ་ཡ་བི་ཏོག་ས་ཡ་བི་ཏོག་ས་ཡ། ཧེ་བྷ་ག་བན། བུདྡྷ་
ཀྵེ་ཏྲྃ་པྲ་ཏི་སྟམ་བྷ་ཀ་ཧཱུྃ་ཕཊ། སྐུ་གསུངས་ཐུགས་སུ་བདག་སྦྱོར་བས། །ཕོ་བྲང་དཀྱིལ་འཁོར་རང་ལས་སྤྲུལ། །ང་ནི་བདུད་ཀྱི་བདུད་བདག་སྟེ། །མཁའ་འགྲོ་ཚོགས་བཅས་བསྡུས་པའོ། །ༀ་ཤྲཱི་བཛྲ་ཀ་ར་མུ་ཀ་ཤ་ར་ཡཱ་ཡ་ན་མཿ། 
ༀ་བཛྲ་ར་ག་ས་མ་ཡཱ་ཡ་ན་མཿ། ༀ་ཤྲཱི་བཛྲ་ཁ་ཊྭྃ་ག་པྲ་མ་ཡཱ་ཡ་ན་མཿ། ༀ་ཤྲཱི་གན་དྷེ་ཛ་ཡཱ་ཡ་ན་མཿ། ཨ་ཏི་པུ་ཧོ། པྲ་ཏི་པུ་ཧོ། ཏ་ཐཱ་བན་དྷ་ནྃ་ཀ་རོ་ཡ་མི་མ་ཧཱ་ཡོ་གི་ནི། ཨ་ཏི་པུ་ཧོ། པྲ་ཏི་པུ་ཧོ། བདག་མེད་ཕྱོགས་བྲལ་དོན་
དམ་ཐུགས་ཆུད་ཅིང་། །བྱམས་དང་སྙིང་རྗེ་སྒྲ་ཟུན་མི་མངའ་ཡང་། །གདུག་པ་འདུལ་ཕྱིར་དུས་ལས་མི་འདའ་བའི། །འཇིགས་བྱེད་ཧེ་རུ་ཀ་ལ་ཕྱག་འཚལ་ལོ། །ནམ་མཁའི་ལུས་ཅན་གར་ཡང་ཐོགས་མེད་ཅིང་། །འདོད་དགུར་སྒྱུར་བའི་
གཟུགས་ཅན་འཕྲུལ་མོ་ཆེ། །མ་སྲིང་བྱམས་པའི་ཚུལ་གྱིས་འགྲོགས་མཛད་མ། །ཕྱི་ནང་མཁའ་འགྲོའི་ཚོགས་ལ་ཕྱག་འཚལ་ལོ། །ཛཿཧཱུྃ་བྃ་ཧོཿ ཤྲཱི་ཧེ་རུ་ཀ་ཡ་ཧཱ་ཨི་དན་པུ་ཡ་ཏི་བ་ལིན་ཏ། པྲ་ཏི་ཛ་ཧོ། ཤྲཱི་བན་ཁ་ཁ་ཁཱ་ཧི་ཁཱ་ཧི། 
ཛཿཧཱུྃ་བྃ་ཧོཿ ཤྲཱི་ཧེ་རུ་ཀ་མ་ཧཱ་བཛྲ་ཨཱ་བེ་ཤ་ཡ། པྲ་བེ་ཤ་ཡ། ཧཱུྃ་ཁཱ་ཧི། ཧེ་རུ་ཀ་ཡི་གནས་བཅུ་དང་། །དུར་ཁྲོད་ཆེན་པོ་གནས་བརྒྱད་ནས། །དཔལ་ཆེན་འཁོར་བཅས་སྤྱན་དྲང་ཏེ། །དུར་ཁྲོད་མཆོག་གི་གནས་འདི་རུ། །

104-1-176a

ཞིང་ཆེན་གསར་སྙིང་ཏིར་ར་བཅས། །དམར་གྱི་ཨརྒྷྃ་རྒྱ་མཚོར་བསྐྱིལ། །མཁའ་འགྲོ་འབར་བའི་ཚོགས་བཅས་ཀྱིས། །མ་ལུས་གཤེགས་ཤིང་བསྣམས་སུ་གསོལ། །ཛཿཧཱུྃ་བྃ་ཧོཿ ཤྲཱི་ཧེ་རུ་ཀ་མ་ཧཱ་བཛྲ་
སརྦ་དུཥྚྃ་ས་མ་ཡ་མུ་དྲ་པྲ་བན་ཙཀྲ། ཁ་ཁ་ཁཱ་ཧི་ཁཱ་ཧི་ད་ཡན་བི་བ་ཧཱུྃ་ཕཊ། ང་ནི་ཟ་བྱེད་ཆེན་པོ་སྟེ། །ཁམས་གསུམ་མ་ལུས་བསྒྲལ་བར་བྱ། །གདུལ་དཀའ་མ་ལུས་འདུལ་བའི་ཕྱིར། །ཤ་རུས་ལ་སོགས་བཟའ་བར་བྱ། །ཛཿཧཱུྃ་བྃ་
ཧོཿ ཤྲཱི་ཧེ་རུ་ཀ་མ་ཧཱ་བཛྲ་སརྦ་དུཥྚྃ་ན་ས་མ་ཡ། མ་ཧཱ་མྃ་ས་མ་ཧཱ་རཀྟ། མ་ཧཱ་ཙིཏ་ཏ། མ་ཧཱ་བ་སུ་ཏ། མ་ཧཱ་པཉ་ཙ་ཨ་མྲྀ་ཏ་ཁ་ཁ་ལེ་ལེ་ཧཱུྃ་བྷྱོ་ཧཱུྃ་བྷྱོ་ཧཱུྃ། རང་འབྱུང་གདོད་ནས་དག་པའོ། །རྩ་བརྒྱད་སྟོང་ལ་སྦྱར་བའི་སྨན། །
རིགས་ལྔ་དམ་ཚིག་ལྔ་ཡི་དངོས། །ཡེ་ཤེས་ལྔ་རྫོགས་གྲུབ་པའི་རྫས། །རྒྱུད་ལྔའི་སེམས་ཅན་ཀུན་སྒྲོལ་བའི། །དུག་ལྔ་སེལ་བའི་བདུད་རྩི་སྟེ། །ཕྱོགས་བཅུ་སངས་རྒྱས་ཐམས་ཅད་དང་། །བྱང་ཆུབ་སེམས་དཔའི་ཚོགས་ཆེན་གྱིས། །
ཐུགས་དམ་དབྱིངས་ཉིད་བསྐུལ་བའི་མཆོག །སྐུ་གསུང་ཐུགས་ཀྱི་ངང་ཉིད་འདི། །བདག་ཅག་དད་པས་འབུལ་ལགས་ན། །བཞེས་ཏེ་ཀུན་དུ་དགྱེས་མཛོད་ལ། །འཕྲུལ་གྱི་དངོས་གྲུབ་བདག་ལ་སྩོལ། །ༀ་སརྦ་ཏ་ཐཱ་ག་ཏཱ་མ་ཧཱ་ཨརྒྷྃ་
པྲ་ཏི་ཛ་ཧོ། དཔལ་ལྡན་ཤྲཱི་ཧེ་རུ་ཀ་དང་། །ཡུམ་ཆེན་ཀྲོདྷི་ཤྭ་རི་ལ། །དམ་ཚིག་མཆོག་གི་མཆོད་པ་འབུལ། །བཞེས་ཏེ་ཀུན་དུ་དགེས་མཛད་ལ། །འཕྲུལ་གྱི་དངོས་གྲུབ་བདག་ལ་སྩོལ། །ༀ་སརྦ་ཏ་ཐཱ་ག་ཏཱ་མ་ཧཱ་ཨརྒྷམ་པྲ་
ཏི་ཛ་ཧོ། དཔལ་ཆེན་བཛྲ་ཧེ་རུ་དང་། །བཛྲ་ཀྲོ་དྷི་ཤྭ་རི་ལ། །དམ་ཚིག་གི་ནི་མཆོད་པ་འབུལ། །དཔལ་ཆེན་རཏ་ན་ཧེ་རུ་དང་། །རད་ན་ཀྲོ་དྷི་ཤྭ་རི་ལ། །དམ་ཚིག་མཆོག་གི་མཆོད་པ་འབུལ། །དཔལ་ཆེན་པད་མ་ཧེ་རུ་དང་། །
པད་མ་ཀྲོ་དྷི་ཤྭ་རི་ལ། །དམ་ཚིག་མཆོག་གི་མཆོད་པ་འབུལ། །དཔལ་ཆེན་ཀརྨ་ཧེ་རུ་དང་། །ཀརྨ་ཀྲོ་དྷི་ཤྭ་རི་ལ། །དམ་ཚིག་མཆོག་གི་མཆོད་པ་འབུལ། །ༀ་སརྦ་ཏ་ཐཱ་ག་ཏཱ་མ་ཧཱ་ཨརྒྷམ་པྲ་ཏི་ཛ་ཧོ། །དཔལ་ཆེན་མི་

104-1-176b

ཕམ་རྡོ་རྗེ་དང་། །མ་ཚོགས་དབང་ཕྱུག་འཁོར་གྱི་རྐྱེན། །གོའུ་རི་ལ་སོགས་བརྒྱད་རྣམས་དང་། །སིང་ཧ་ལ་སོགས་བརྒྱད་རྣམས་ལ། །དམ་ཚིག་མཆོག་གི་མཆོད་པ་འབུལ། །མ་མོ་ཆེན་མོ་བདུན་རྣམས་དང་། །སྲིང་མོ་ཆེན་མོ་
བཞི་རྣམས་དང་། །མཁའ་འགྲོ་འཁོར་བཅས་ཐམས་ཅད་ལ། །དམ་ཚིག་མཆོག་གི་མཆོད་པ་འབུལ། །བཞེས་ཏེ་ཀུན་དུ་དགྱེས་མཛོད་ལ། །འཕྲུལ་གྱི་དངོས་གྲུབ་བདག་ལ་སྩོལ། །ༀ་སརྦ་ཏ་ཐཱ་ག་ཏཱ་མ་ཧཱ་ཨརྒྷམ་པྲ་ཏི་ཛ་
ཧོ། ཤྲཱི་བན་ཁ་ཧི། དཔལ་ཆེན་སེམས་དཔའ་འཁོར་རྒྱ་མཚོ་དང་བཅས་པ་དང་། དཔལ་ཆེན་པོ་ཤྲཱི་ཧེ་རུ་ཀ །བཛྲ་ཌཱ་ཀི་ནཱི་འཁོར་རྒྱ་མཚོ་དང་བཅས་པ་དང་། གཞན་ཡང་རྡོ་རྗེ་རྣལ་འབྱོར་གྱི་དབང་ཕྱུག་ཆེན་མོ་མཆེད་ལྕམ་དྲལ་འཁོར་
རྒྱ་མཚོ་དང་བཅས་པ་ཐམས་ཅད་དགོངས་སུ་གསོལ་ལོ། །དིང་གནས་མཆོག་དམ་པ་འདིར་འཕགས་པ་ཐམས་ཅད་མཆོད་པ་དང་། རྡོ་རྗེ་མཆེད་ལྕམ་དྲལ་ཕྱོགས་བཅུ་ན་བཞུགས་པ་དང་།  ད་ལྟར་བཞུགས་པའི་ཐུགས་དམ་བཀང་བ་དང་། 
སེམས་ཅན་ཐམས་ཅད་བླ་ན་མེད་པའི་གནས་སུ་བསྒྲལ་བའི་ཕྱིར་རྒྱུ་མཆོག་རྐང་བཞི་པ་ཞིག་ཡོན་དུ་འབུལ་ཞིང་མཆིས་ན། ཐུགས་རྗེས་བཟུང་ཞིང་བསྒྲལ་དུ་གསོལ་ལོ། །རྒྱུ་མཆོག་འདི་ཐུགས་རྗེས་བཟུང་ནས་མ་བསྒྲལ་ན། འདི་ལ་སྤྱོད་
པ་ཞིག་མཆིས་ཏེ། རྣལ་འབྱོར་ཐེག་པའི་གཞུང་ལས་ཀྱང་ཚུལ་བཞིན་དུ་མ་བགྱིས་ཏེ། དེ་བཞིན་གཤེགས་པའི་ཚད་མ་ཁྱད་དུ་བསད་པ་དང་། རྡོ་རྗེ་སློབ་དཔོན་དང་།  མཆེད་དང་ལྕམ་དྲལ་ལ་ངན་སེམས་དང་དཔྱད་སེམས་བསྐྱེད་པ་དང་། 
མཆེད་ལ་འཁུས་པ་དང་། དམ་ལས་འདས་པ་དང་། སྤ་ལོ་དང་སྒྱུ་གསོག །བརྫུན་དང་ཁ་གསག །ཕྱི་ཚུལ་དང་རྒྱབ་ཉན་བགྱིས་ནས་རྡོ་རྗེ་སློབ་དཔོན་སྙིང་ནས་དམོད་ཅིང་བླ་མ་ལ་དབང་ཟོས་པ་དང་མཉམ་པའི་སྤྱོད་ཡུལ་སུན་ཕྱུང་
སྟེ། སྦྱོར་སྒྲོལ་སྒོ་བཀག་པ་དང་། དད་པ་ཅན་གྱི་ཚོགས་བཅག་སྟེ། གདུང་སེམས་ཀྱི་རྒྱུན་བཅད་པས་ཕྲག་དོག་དབང་གིས་སྐུ་གསུང་ཐུགས་ཀྱི་གདུང་འཚོབ་བའི་བར་ཆད་ཀྱིས་ད་ལྟར་ངན་སོང་གི་གནས་ན་འཁྱམས་

104-1-177a

ཞིང་རྟོག་པའི་དྲ་བས་ནི་བཅིངས། འཁོར་བའི་སྙིས་ནི་ཟིན་ནས་དམྱལ་ཁམས་གྱི་གཏིང་བརྒྱུད་པར་ངེས་ཏེ། ཞིང་བཅུ་དང་ལྡན་པ་འདི་དམ་ཚིག་ཚུལ་བཞིན་དུ་བསྒྲལ་བས། འདིའི་རྣམ་པར་
ཤེས་པ་བླ་ན་མེད་པའི་གནས་སུ་བསྒྲལ་བ་ཡང་གནས་སྟོབས་པར་བྱིན་གྱིས་བརླབ་ཏུ་གསོལ། ལྔ་ཕུང་གི་ཡན་ལག་ནི་ཀུན་དུ་བཟང་པོ་མཆོད་པའི་སྤྲིན་ཕུང་དུ་གྱུར་ཏེ། དེ་བཞིན་གཤེགས་པ་ཐམས་ཅད་ཀྱི་ཡེ་ཤེས་དགྱེས་
པའི་ངང་དུ་ཐིམ་པར་སྨོན་ཏོ། །སྨོན་ལམ་བརྗོད་དེ་བསྒྲལ་བར་བྱའོ། །སྤྱི་གཙུག་ཏུ་ༀ། ལག་པ་གཡས་པར་སྭཱ། གཡོན་པ་ལ་ཧཱ། སྙིང་གར་ཧཱུྃ། ལུས་ལ་ༀ། ༀ་མ་ཧཱ་སུ་ར་ཏ་སྟྭྃ། ཛཿཧཱུྃ་བྃ་ཧོ༔། ས་མ་ཡ་སྟྭྃ། 
ༀ་བཛྲ་ཀྲོ་དྷ་ཤྲཱི་ཧེ་རུ་ཀ་ཨ་ཨ་ཧཱུྃ་ཕཊ། ༀ་བཛྲ་ཀྲོ་དྷ་ག་ཛ་ཧཱུྃ་ཕཊ། ༀ་བཛྲ་ཀྲོ་དྷ་ཡཀྵ་ཧ་ན་ཧ་ན་ཧཱུྃ་ཕཊ། ༀ་བཛྲ་ཀྲོ་དྷ་ནཱི་ལ་དཎྞ་ད་ཧ་ད་ཧ་ཧཱུྃ་ཕཊ། ༀ་བཛྲ་ཀྲོ་དྷ་ཡ་མན་ཏ་ཀ་པ་ཙ་པ་ཙ་ཧཱུྃ་ཕཊ། ༀ་བཛྲ་ཀྲོ་དྷ་ཨཱརྱ་ཨ་ཙ་ལ་བྃ་དྷ་བྃ་དྷ་
ཧཱུྃ་ཕཊ། ༀ་བཛྲ་ཀྲོ་དྷ་ཧ་ཡ་གྲི་བ་ཧུ་ལུ་ཧུ་ལུ་ཧཱུྃ་ཕཊ། ༀ་བཛྲ་ཀྲོ་དྷ་ཨ་པ་ར་ཙིཏ་སྟིཥྛ་སྟིཥྛ་ཏིཥྛ་ཧཱུྃ་ཕཊ། ༀ་བཛྲ་ཀྲོ་དྷ་ཨ་མྲྀ་ཏ་ཀུཎ་ཌ་ལི་ཙི་ཚནྡ་ཙྪིནྡ་ཧཱུྃ་ཕཊ། ༀ་བཛྲ་ཀྲོ་དྷ་ཏྲི་ལོ་ཀྱ་བི་ཛ་ཡ་བྷིན་ད་བྷིན་ད་ཧཱུྃ་ཕཊ། ༀ་བཛྲ་ཀྲོ་དྷ་མ་
ཧཱ་བ་ལ་སྤོ་ཊ་སྤོ་ཊ་ཧཱུྃ་ཕཊ། མ་མ་མ་མ། བོ་བོ་བོ་བོ། ཛཿཛཿཛཿཛཿ། མི་འགྱུར་ནམ་མཁའི་རང་བཞིན་ལས། །གཟུགས་སྣང་རྟོག་པ་རྣམ་པར་བསྒྲིབས། །བག་ཆགས་མ་ལུས་སྦྱོང་བའི་ཕྱིར། །ཁམས་གསུམ་མ་ལུས་བསྒྲལ་
བར་བྱ། །ང་ནི་ཟ་བྱེད་ཆེན་པོ་སྟེ། །སེམས་ཅན་ཐམས་ཅད་གསད་པར་བྱ། །མ་སྐྱེས་ཕྱིར་ཡང་གསད་པར་བྱ། །རྣམ་ཤེས་ཧཱུྃ་གི་བསྡུས་ནས་ཀྱང་། །ཤ་རུས་ལ་སོགས་བཟའ་བར་བྱ། །ང་ནི་ཁྲག་འཐུང་ཆེན་པོ་སྟེ། །
འཁོར་བའི་དྲ་བས་ཆགས་པ་ཡི། །དམར་ཆེན་དག་གི་རྒྱ་མཚོ་ལ། །འཁོར་གྱི་མཁའ་འགྲོ་ཚོགས་དང་རོལ། །མ་རུངས་གདུག་པས་མ་ཆགས་ཤིང་། །དམ་ཚིག་ལ་སྡང་དགྲ་ཆེན་རྣམས། །ཐུགས་རྗེ་བྱམས་སེམས་ལྡན་པ་ཡིས། །

104-1-177b

ངོ་མཐོན་སྟོབས་ཀྱིས་བསྒྲལ་བར་བྱ། །པྲ་བེ་ཤ་ཡ་ཕཊ། ཙི་ཏ་ཟུྃ། སུམ་བྷ་ནི་སུམ་བྷ་ཧཱུྃ། གྲི་ཧ་ན་པ་ཡ་གྲི་ཧ་ན་པ་ཡ་ཧཱུྃ། ཨཱ་ན་ཡ་ཧོ་བྷ་ག་བན་བི་དྱ་རཱ་ཛ་ཡ་ཧཱུྃ། ཨཱ་ན་ཡ་ཧོ། །བཛྲ་ཌཱ་ཀི་ནི། ཨ་ཡང་། སྥ་ར་ན་ཕཊ། 
བཛྲ་ཡུ་ཏི་ཛ། དྲག་པོ་ལས་ཀྱིས་བསྒྲལ་བའི་རྣམས། །འཁོར་བའི་ལམ་ལྔ་སྒོ་ཡང་གཅད། །རྣམ་ཤེས་ཧཱུྃ་གིས་བསྡུས་བརྔུབས་ནས། འོག་མིན་གནས་མཆོག་བླ་མེད་འདིར། །གཙོ་བོ་ལྔ་དང་གཙོ་མོ་ལྔ། །སེམས་པ་དང་
ནི་སེམས་མ་དང་། །ཁྲོ་བོ་དང་ནི་ཁྲོ་མོ་ཡི། །སྦྱོར་བའི་ལྷུམས་སུ་ཕཊ་ཀྱིས་འཕང་། །ཞེ་སྡང་རྡོ་རྗེ་འཁོར་བཅས་པས། འཇིག་རྟེན་ཁམས་ནི་རབ་འབྱམས་ཀུན། །སྐད་ཅིག་ཡུད་ལ་བརླག་མཛད་དེ། །བརླག་པར་མ་གྱུར་
གང་ཡང་མེད། །འདོད་ཆགས་རྡོ་རྗེ་འཁོར་བཅས་རྣམས། །འཇིག་རྟེན་ཁམས་ནི་རབ་འབྱམ་ཀུན། །ཡུད་ཙམ་གྱིས་ནི་དབང་མཛད་དེ། །དབང་དུ་མ་གྱུར་གང་ཡང་མེད། །ང་རྒྱལ་རྡོ་རྗེ་འཁོར་བཅས་རྣམས། །འཇིག་རྟེན་
ཁམས་ནི་རབ་འབྱམ་ཀུན། །དཔལ་ལྡན་གཟི་བརྗིད་ཆེན་པོ་རྣམས། །ཡུད་ཙམ་གྱིས་ནི་རྒྱས་པར་མཛོད། །གཏི་མུག་རྡོ་རྗེ་འཁོར་བཅས་རྣམས། །འཇིག་རྟེན་ཁམས་ནི་རབ་འབྱམ་ཀུན། །ཡུད་ཙམ་གྱིས་ནི་ཞི་མཛད་དེ། །
ཞི་བར་གྱུར་པས་དབྱིངས་ལ་རོལ། །བདག་ཅག་མཆེད་ལྕམ་དྲལ་རྣམས་ཀྱིས་རྡོ་རྗེ་སློབ་དཔོན་དབང་ཟོས་པ་དང་། ཕྲག་དོག་གི་དབང་གིས་མཆེད་ལྕམ་དྲལ་མངན་སེམས་དང་དབྱེ་སེམས་བགྱིས་པ་དང་། གཉིད་དབང་གིས་ལེ་ལོར་གྱུར་
པ་དང་། སེམས་གཡེངས་པས་སྔགས་དང་ཕྱག་རྒྱ་ཟུར་ཆག་པ་དང་། དམ་ཚིག་དང་དུ་ལེན་རྔོ་མ་ཐོག་པས་སྨད་པའི་དམ་ཚིག་ཉམས་སོ་འཚལ་ཐམས་ཅད་མཐོལ་ཞིང་བཤགས་སོ། །རྒྱུ་མཆོག་རྐང་བཞི་པ་འདི་ཕྲིན་ལས་རྣམ་བཞིས་
བསྒྲལ་བ་ཡང་གནས་སྟོབས་པར་སྨོན་ཏོ། །བདག་ཅག་མཆེད་ལྕམ་དྲལ་འདི་ཚོགས་པ་རྣམས་ཀྱིས་ཡིད་ལ་རྟག་པའི་དངོས་གྲུབ་ཐོབ་པར་གྱུར་ཅིག །ཤྲཱི་ཧེ་རུ་ཀ་བྱ་ཤན། བཛྲ་བེ་ར་བ་ན་ཤན། བཛྲ་ཀ་ར་ཛ་ལི་ཏ། ༀ་བཛྲ་ཀྲོ་དྷ་རུ་ལུ་

104-1-178a

རུ་ལུ་ཧཱུྃ་ཕཊ། ཨུར་ཏ་ཀེ་ཤ་པྲ་ལ་བན། ཤ་ཏ་ཤ་པྲ་དྲ། ཤ་མ་བ་ར་ན་ཤྲ་མ་ལ་ཧ་ཧ་ཧ་ཧཱུྃ། ཀ་ར་བྃ། བཛྲ་ཀ་ར་བྃ། བཛྲ་ཀ་ར་ན་ཏ། ཏྲི་ཤུྰ་ལ་ཨ་གུ་ཛ། པ་ར་ཤ་ར་ན་སུ་ཤོ་མ་མ། པྲ་ཡོ་མ་ཧཱ་ཙན་ཌ། སུ་རེ་པ་རུ་
ན། ཀུ་བེ་ར་ན། ནི་ར་བ་བྲི་ཙི་ཏི་མ་ཧཱ་ཀུ་རུ་ནན། ཤྲཱི་ཧེ་རུ་ཀ་ཏ་ན་ཏི། ལ་ལ་གན་དུ་ས་ཏ་མ་ཧང་ཡ་ཀུ་ར་ཀ་ཏེ། ཀུ་ཤ་ལ་ཛི་མོ་ཏ། བ་ར་མོ། གན་ཏ་གན་ཏ། ཀར་ཏ་ཀ །ག་བོ་ཛ་ལ་ནི། བ་པུ་ར་ཏི་བ་ཏ། ཀོ་ཤ་བི་ཤ་ལ། ཨི་སན་
པད་མ་ཙན་དྲི་ན་ཀ །མང་གུ་ན་ད་རེ། ཙི་རི་ཀ་ཏ། ཙི་ཏ་སྟི། ཛ་བི་སྟྲ། བྷན་དྷ་ཧེ་རུ་ཀ །བཛྲ་མ་རང་ས་ན་ས་རང་། བ་མུན་ཀ་ན། ཏིག་ཤྣ། ཏྲྃ་སྟང་ག་ཡ། ཛ་ཡ་བ་ཀེ་དོང་། བི་ཀ་ར་བེ་ར། མ་ར་མ་ཧཱ། རི་ཙ་ཡང་སང་ས་ར། མ་ཧཱ་རུ་ན། 
ཛཱ་ལ་པ་ནི། ཧོ་ཧོ་ཧ། རོ་ན་རོ་ཧཱུྃ་ཧཱུྃ། རེ་ན་རོ་དེ་ན། ཧེ་ཧེ་ར་ན་རོ། བཞི་ལ་བསྟོད། ཐ་མེད་ཏང་བཏིང་།  བ་བ་ཏི་ཀ་བ་ར་མཉ་ཛུ། གྲི་ན་ཛ་ལ་པ་ར་ཧོ། ཧེ་ཧེ་རོ་ན་རོ། ༀ་ཕུར་བུ་སྲ་སྟི་སྲ་ཧོ། ༀ་ཕུར་བུ་ཤ་ཏ་ཤྃ་ཀ །ཕུར་བུ་བ་ཏ་བ་ཏི་ཧོ། ཕུར་
བུ་བ་སཱ་ས་ར་ཧཱུྃ། བྱིན་གྱིས་བརླབས་པ། ༀ་ཨེ་ཤ་ཧཱུྃ་བེ་ཤེ་ཧཱུྃ་ས་མ་ཡ་བཀྵ་ཧཱུྃ། རུ་ལུ་རུ་ལུ་ཧཱུྃ་བྷྱོ་ཧཱུྃ། ཁ་རྃ་པྲ་ཏི་ཛ་ཧོ། མཆོད་པ་འབུལ། བཤགས་པ་བྱ། སྨོན་ལམ་གདབ། ཕྱོགས་བཅུ་མཐས་ཀླས་མུ་མེད་པའི་སངས་རྒྱས་བཅོམ་ལྡན་
འདས་ཡེ་ཤེས་སེམས་དཔའི་འཁོར་རྒྱ་མཚོ་དང་བཅས་པ་དང་། དཔལ་ཆེན་པོ་ཤྲཱི་ཧེ་རུ་ཀ་བཛྲ་ཌཱ་ཀི་ནཱི་ཚོགས་ཀྱིས་དམ་ཚིག་གིས་ས་ལ་གཞེས་པའི་ནང་གི་རྣལ་འབྱོར་དང་། ཕྱིའི་གྲུབ་པ་ལ་སོགས་ཏེ། འཕྲ་མེན་གྱི་འཁོར་བསམ་གྱིས་མི་ཁྱབ་པ་ལ་
སོགས་པ་རྡོ་རྗེ་ཐེག་པ་བསྲུང་བར་ཞལ་འཆེས་པའི་འཕགས་པ་ཐམས་ཅད་དང་། རིག་འཛིན་སྩལ་འཆང་དུ་གྱུར་པའི་མི་ལ་སོགས་ཏེ། སྤྲུལ་པ་སྣ་ཚོགས་སུ་སྐུ་བཞེངས་ནས་སློབ་དཔོན་གྱི་ས་ལ་བཞེངས་ཤིང་སེམས་ཅན་གྱི་དོན་མཛད་
པ་ལ། བདག་ཅག་མཆེད་ལྕམ་དྲལ་འདིར་ཚོགས་པ་རྣམས་ཀྱིས་མཆོད་པའི་ཞལ་ཟས་འདི་དག་ཚུལ་བཞིན་དུ་བྱིན་གྱིས་བརླབས་ནས་འབུལ་བས་མཐའ་ཡས་པའི་སེམས་ཅན་ཐམས་ཅད་ཡེ་ཤེས་བླ་མའི་ས་ནོན། དམ་ཚིག་ཉམས་པ་

104-1-178b

ཐམས་ཅད་སྐོངས་པར་གྱུར་ནས་སོ་སོའི་ཐུགས་དམ་སྐོངས་པར་སྨོན་ཏོ། །རྣལ་འབྱོར་སྔ་རབས་སྐུ་ཚེ་འདས་པ་རྣམས་ཀྱང་སྒྲིབ་པ་རྣམ་གཉིས་ནི་བྱང་། ཚོགས་གཉིས་ནི་རྫོགས། བདག་ཅག་གི་སྟོང་གྲོགས་སུ་གྱུར་ཅིག །བདག་
གིས་སྔ་སླད་དམ་རྫས་བསྒྲལ་བ་དང་། སེམས་ཅན་གྱི་སྲོག་བཀུམ་མོ་འཚལ་ཐམས་ཅད་ཀྱང་ཡེ་ཤེས་ངང་གིས་བསྒྲོལ་ཞིང་རྣལ་འབྱོར་གྱི་སྐལ་པ་ཅན་དུ་གྱུར་ཅིག །བདག་ཅག་རྣམས་ཀྱི་ཚེ་སྔ་མ་ནས་ད་ལྟར་གྱི་སློབ་དཔོན་དུ་
གྱུར་པ་དང་། རྒྱུད་གཅིག་ཅིང་ཡི་དམ་གཅིག་པའི་ཐུགས་དམ་ལ་མ་གཉེས་པར་ཕོག་པ་དང་། བདག་གི་སྙིང་རྗེ་ཆུངས་བའི་རྐྱེན་གྱིས་འཕགས་པ་ཐུགས་དམ་བསྐུལ་བའི་སྩལ་འཕང་དམས་པ་དང་། གནང་བའི་དབང་ལས་ཕམ་པར་
གྱུར་པ་དང་། གཏི་མུག་མ་ཚོར་བའི་རྐྱེན་གྱིས་བདེ་བ་དང་སྡུག་བསྔལ་གྱི་རྐྱེན་མི་བཟོད་དེ། ལུས་ངག་ཡིད་གསུམ་གྱིས་སེམས་དཀྲུགས་ནས་མ་ཡིན་པའི་ཆོས་སྨྲ་བ་དང་། སྤྱོད་ལམ་མི་མཁས་པའི་རྐྱེན་གྱིས་དམ་ཚིག་གི་ལྷ་དང་། 
སློབ་དཔོན་དང་། དགེ་བའི་བཤེས་གཉེན་དང་། རྡོ་རྗེ་མཆེད་ལྕམ་དྲལ་ཐུགས་དམ་གྱི་ལྷ་ཡལ་བར་བཞག་ནས་དངོས་གྲུབ་ཐམས་ཅད་འཕང་བར་གྱུར་པ་དང་། མཁྱེན་གསལ་གོང་མ་རྣམས་དང་བྲལ་བའི་རྐྱེན་གྱིས་མཆོད་པའི་ཡོ་བྱད་རྒྱུན་མི་གཅིག་
པ་དང་། མཆོད་པ་མ་ཡིན་པའི་གྲོགས་པོ་ལ་བརྟེན་ནས་རྒྱུན་མི་གཅིག་པ་དང་། བསོད་ནམས་འདྲེས་པས་རྩལ་ཚད་མར་གྱུར་ཏེ། ལེ་ལོ་དང་།  བཏང་སྙོམས་ཀྱི་དབང་དུ་གྱུར་ནས་ཐུགས་རྗེའི་གནས་སུ་མ་གྱུར་ཏེ། ཡེ་ཤེས་ལྷ་དང་སྲུང་
མ་རྣམས་འཕང་བར་གྱུར་པ་དང་། རྒྱང་ཕན་གྱི་ཆོས་ཀྱིས་གདུངས་ནས་བདེ་བའི་ཡོ་བྱད་དང་བྲལ་ཏེ། ཉེས་པ་བསགས་པའི་ཆ་ཤས་དང་། མཆོད་སྦྱིན་མི་ཆུང་བའི་སྒྲིབ་པ་དང་། བླ་ན་མེད་པའི་བྱང་ཆུབ་ཏུ་སེམས་བསྐྱེད་པ་ལས་ཐེ་ཚོམ་
གཅོད་པའི་བསམ་པ་མ་ཡིན་པ་བྱུང་བ་དང་། ཤིན་དུ་སྡུག་བསྔལ་བར་གྱུར་པ་རྣམས་རྗེསུ་དྲན་ཞིང་གནོང་བའི་སེམས་ཀྱིས་མཐོལ་ཞིང་བཤགས་སོ། །བཤགས་བྱ་འདི་ནི་བརྗོད་པ་ཙམ་གྱིས་ཚོར་བ་དང་མ་ཚོར་བ་དང་བག་ཆགས་བྱང་བར་སྨོན་ཏོ། །

104-1-179a

གནས་ཐོབ་པ་དང་རྒྱུད་བྱང་བས་ཕྱིར་མི་ལྡོག་པའི་ས་ཐོབ་པར་གྱུར་ཅིག །ལྷ་དང་སློབ་དཔོན་གྱི་དབང་དང་སྔོན་ཅི་ལྟར་དཀྱིལ་འཁོར་གནང་བ་དང་། མི་སྐྱོལ་ཞིང་དངོས་གྲུབ་རྣམ་བཞི་ཡང་ཐོབ་པར་གྱུར་ཅིག །སྐྱོན་བརྗོད་པ་
ཐམས་ཅད་དང་བྲལ་ཞིང་དགེ་བའི་རྩ་བ་བསགས་པ་རྣམས་ཡོན་ཏན་ཚད་མ་བཞིན་ཐོབ་པར་གྱུར་ཅིག །དེ་ནས་ཚོགས་ཀྱི་གཏོར་མ་གཏང་། ༀ་ཤྲཱི་ཧེ་རུ་ཀ་མ་ཧཱ་བཛྲ་ཌཱ་ཀི་ནཱི་ནཱྃ།  བཛྲ་གོའུ་རི་ཧ། བཛྲ་ཙོའུ་རི་ཧ། བཛྲ་པྲ་མོ་ཧ། བཛྲ་
པེ་ཏ་ལི། བཛྲ་པུཀྐ་སི། བཛྲ་གྷསྨ་རི། བཛྲ་ཙན་ཌ་ལི། བཛྲ་སྨ་ཤ་ནི། བཛྲ་ཧེ་རུ་ཀ་ས་མ་ཡ་ཡོ་གི་ཤྭ་རི། སརྦ་ཌཱ་ཀི་ནན། རུ་ལུ་རུ་ལུ་ཧཱུྃ་བྷྱོ་ཧཱུྃ། དབྱུག་པའི་བརྡ་ཡིས་མཚོན་ནས་ཀྱང་། །མ་ཚོགས་དབང་ཕྱུག་སྤྱན་འདྲེན་
གྱིས། །དམ་ཚིག་ཚུལ་བཞིན་གཤེགས་སུ་གསོལ། །ཐལ་མོ་བརྡ་ཡིས་མཚོན་ནས་ཀྱང་། །མ་ཚོགས་དབང་ཕྱུག་སྤྱན་འདྲེན་གྱིས། །དམ་ཚིག་ཚུལ་བཞིན་གཤེགས་སུ་གསོལ། །གླུ་ཡི་བརྡ་ཡིས་མཚོན་ནས་ཀྱང་། །མ་ཚོགས་
དབང་ཕྱུག་སྤྱན་འདྲེན་གྱིས། །དམ་ཚིག་ཚུལ་བཞིན་གཤེགས་སུ་གསོལ། །བསྐལ་པ་མེ་ལྟར་འབར་བ་ཡིས། །འོད་ཟེར་འདུ་འཕྲོ་ཀློང་དཀྱིལ་ན། །སྐུ་ནི་དུད་ཁ་ཆེན་པོ་ལ། །ཞལ་གསུམ་པོ་ལ་ཕྱག་དྲུག་སྟེ། །གནག་
དང་མཐིང་ག་དམར་བའི་དབུ། །གཡས་ཀྱི་གསུམ་ན་ཐོགས་པ་ནི། །རྡོ་རྗེས་བཀུག་ཅིང་ཞལ་དུ་གསོལ། །ཁྱུང་གི་ཁྲ་ཆེན་འབར་བའོ། །གཡོན་པ་གསུམ་ན་ཐོགས་པ་ནི། །སྟི་རའི་རྒྱུ་མའི་ཞགས་པ་དང་། །ཐོད་རློན་དམར་གྱིས་
བཀང་བ་དང་། །སྟི་ར་ཕྲ་མོ་གསུས་པ་ནས། །གློ་སྙིང་ནང་གྲོལ་འབྱིན་ཅིང་ཟ། །གླང་ཆེན་ཀོ་རློན་གོས་སུ་གྱོན། །ཞིང་ལྤགས་གཡང་གཞི་ཤམ་ཐབས་ཅན། །ཐོད་རློན་ཕྲེང་བས་རྒྱན་དུ་བྱས། །མ་ལུས་པ་དག་གསན་དུ་གསོལ། །
རྒྱུ་ལས་བྱུང་བས་དེ་བཞིན་གཤེགས། །སྟོན་ནི་མ་ནོར་དོན་མཛད་པ། །མངག་པའི་གནས་སུ་ཡུད་ཙམ་གྱིས། །ཐམས་ཅད་ཁོ་ནར་དབང་མཛད་མཛོད། །སྲུངས་ཤིག་མྱུར་དུ་རྣམ་རྒྱལ་དཔལ། །ཐལ་བ་བཞིན་དུ་རབ་ཏུ་ལྷོགས། །

104-1-179b

རོལ་ཅིག་དགོངས་ཅིག་དེ་བཞིན་གཤེགས། །མཱ་ར་ན་ཏ་ཐ། འབྱུང་པོའི་ཤ་ནི་ཟན་པས་ཞིམ། །འབྱུང་པོའི་ཁྲག་ནི་ཆང་བས་ཞིམ། །འབྱུང་པོའི་རུས་པ་ཞིམ་པ་སྟེ། །ཐམས་ཅད་གསོལ་ཏེ་དགྱེས་པར་མཛོད། །དཔལ་ཆེན་
ཧེ་རུ་ཀ །མཁའ་འགྲོ་འབར་བའི་ཚོགས་ཆེན་པོ། །ཤིན་དུ་མི་བཟད་འཇིགས་པའི་གཟུགས། །ནམ་མཁའི་ཁམས་ཀུན་ཁྱབ་པར་སྤྲུལ། །ལྷིང་ནག་གཅེར་བུ་རལ་པ་ཅན། །མི་ལྤགས་རློན་པ་གོས་སུ་གྱོན། །ཐལ་བའི་
མཚན་མས་བྱུགས་པ་སྟེ། །ཁྲག་དང་ཞག་གི་ཐིག་ལེས་བརྒྱན། །ཕྲེང་བ་མང་པོས་རྒྱན་དུ་བྱས། །ལག་ན་ཏྲི་ཤུྰལ་ཐོད་པ་ཐོགས། །དུག་གསུམ་བཤིགས་པར་དམ་བཅས་པའི། །རྡོ་རྗེ་མེ་ཕུང་འཁྲུག་པའི་ཚུལ། །རེ་བ་
ཐམས་ཅད་སྐོངས་མཛད་པའི། །ཁྱོད་ཀྱི་ཐུགས་དམ་དུས་ལ་བབ། །ཐེག་ཆེན་རྣལ་འབྱོར་སྤྱོད་པ་ལ། །གནོད་པའི་དགྲ་བགེགས་གཏན་ནས་ཕྱུང་། །ཐམས་ཅད་གཅིག་ཏུ་བསྡུས་ནས་ཀྱང་། །རྡུལ་ཕྲན་བཞིན་དུ་བརླག་པ་དང་། །
སེམས་ཉིད་ཐེག་པ་ཆེན་པོ་ཡི། །རྣམ་ཐར་ལ་ནི་དགོད་པར་མཛོད། །རྣལ་འབྱོར་བདེ་མཆོག་སྒྱུ་མས་སྤྲུལ། །དམ་ཚིག་དག་ལ་འཇུག་དུ་གསོལ། །ཉོན་མོངས་ཀུན་ལས་རྒྱལ་བར་མཛོད། །མ་ལུས་པ་དག་བསྣམས་སུ་གསོལ། །
རྣམ་པ་སྣ་ཚོགས་འདོད་ཆགས་རྒྱུད་ཀྱིས་སེམས་ཅན་མ་ལུས་ལུས་པ་མེད་པར་འདུལ་མཁས་པ། །དེ་བཞིན་གཤེགས་པ་ཀུན་ཀྱི་མཁའ་འགྲོ་བདེ་མཆོག་སྒྱུ་མས་ཐམས་ཅད་རབ་སྤྲུལ་རྣམ་པར་སྤྲུལ། །དེ་ན་ཏེ་ཐེ་ཧཱུྃ། རྣམ་པ་སྣ་
ཚོགས་དག་པའི་རྒྱུད་ཀྱིས་སེམས་ཅན་མ་ལུས་ལུས་པ་མེད་པར་འདུལ་མཁས་པ། །དེ་བཞིན་གཤེགས་པ་ཀུན་གྱི་མཁའ་འགྲོ་སྒྱུ་མའི་བདེ་མཆོག་ཐམས་ཅད་རབ་སྤྲུལ་རྣམ་པར་སྤྲུལ། །ཧཱུྃ་ཧཱུྃ་ཧཱུྃ། རྣམ་པ་སྣ་ཚོགས་ཁྲོ་བོ་
རྒྱུད་ཀྱིས་སེམས་ཅན་མ་ལུས་ལུས་པ་མེད་པར་འདུལ་མཁས་པ། །དེ་བཞིན་གཤེགས་པ་ཀུན་གྱི་མཁའ་འགྲོ་སྒྱུ་མས་ཐམས་ཅད་རབ་སྤྲུལ་རྣམ་པར་སྤྲུལ། །རུ་ལུ་རུ་ལུ་ཧཱུྃ་བྷྱོ་ཧཱུྃ། རྣམ་པ་སྣ་ཚོགས་ཐབས་ཀྱི་རྒྱུད་ཀྱིས་

104-1-180a

སེམས་ཅན་མ་ལུས་ལུས་པ་མེད་པར་འདུལ་མཁས་པ། །དེ་བཞིན་གཤེགས་པ་ཀུན་གྱི་མཁའ་འགྲོ་སྒྱུ་མས་ཐམས་ཅད་རབ་སྤྲུལ་རྣམ་པར་སྤྲུལ། །ཧཱུྃ་ཨེ་ཤ་ཧཱུྃ་བེ་ཤ་ཧཱུྃ། ན་མོ་རད་ན་ཏྲ་ཡཱ་ཡ། ན་མ་ཤྩཎྜ་
དྷ་བཛྲ་བཱ་ཎ་ཡེ། མ་ཧཱ་ཡཀྵ་སེ་ན་པཱ་ཏ་ཡེ། ཏདྱ་ཐཱ། ཨེ་ཧྱེ་ཧི་ས་མ་ཡ། ཨཱ་ན་ཡ་བཛྲ་ཤན་ཏིང་། བཛྲ་ཀྲོ་དྷ་ན། བཛྲ་ཙཀྲི་བཛྲ་གན། བཛྲ་མུ་སྟིང་། བཛྲ་ཏི་བ་ཏི། བཛྲ་གན་ཏི། བཛྲ་གན་ད། བཛྲ་
ཨ་ཀྲིང་། བཛྲ་རཀྵ། བཛྲ་དང་ཥྚཱྃ། བཛྲ་ཤན་ཏིང་། བཛྲ་ཨེ་ཀ་ར་ཙ་མ། བཛྲ་མ་ནོ་ཧ་ར་མ། བཛྲ་དུན་ཏིང་། བཛྲ་ནཱི་ལམ། བཛྲ་ན་ལམ། བཛྲ་གྲི་ཏ། བཛྲ་མུ་ཀྲིང་། བཛྲ་ཀི་ལམ། བཛྲ་ཨུ་སསྨ། བཛྲ་མ་
ཀ་རད་ཝ། བཛྲ་བི་དྱ་ཙ་ར་ཙ་ནི་ཀ །ཁ་ན་ཁ། ཏུ་ཏ་ཁ། སརྦ་ཨ། ཤ་ས་ཁ། སརྦ་མ་ཨཱ་ཀཪྵ་ཡ། པྲ་བེ་ཤ་ཡ། བན་དྷ་ཡ་བན་དྷ་ཡ། སརྦ་ཌཱ་ཀི་ནི་ནན། ཨེ་ཨ་ར་ལི་མ་ནུ་སྨ་ར་ཡ་ཕཊ། མི་ཡི་སྲིན་མོ་ཚངས་མ་དང་། །ཁྲོ་བོ་
དང་ནི་འཇུག་སྲེད་མོ། །གཞོན་ནུ་མོ་དང་དབང་པོ་དང་། །རྡོ་རྗེ་དམར་མོ་བདུད་རྩི་མོ། །ཞི་བ་མ་དང་བེ་ཅོན་མོ། །ཟིན་མོ་དང་ནི་ཟ་བ་མོ། །རྡོ་རྗེ་དགའ་བ་མོ་དང་ནི། །ཤིན་དུ་ཁྲག་འཐུང་མོ། །གཅིག་པུ་སྦྱོང་དང་ཡིད་འཕྲོག་མོ། །གྲུབ་མོ་
དང་ནི་རླུང་མོ་དང་། །རྡོ་རྗེ་ཡང་ནི་གསོད་ཆེན་མོ། །མེ་མོ་ཕག་མོ་རྒན་བྱད་མོ། །སྣ་ཆེན་མོ་དང་ཆུ་ལྷ་མོ། །རྡོ་རྗེ་ནག་མོ་ཆེན་མོ་དང་། །རྡོ་རྗེ་ར་སྟེ་དམར་སེར་མོ། །རྡོ་རྗེ་སྔོ་ནག་བུམ་རྣ་མོ། །རྡོ་རྗེ་དམར་སེར་དྲིལ་འཁྲོལ་མ། །མ་མོ་ཆེན་མོ་ཁྱེད་
རྣམས་ཀྱིས། །ཇི་ལྟར་ཁས་བླངས་དམ་བཅས་པའི། །འཇིག་རྟེན་འདས་དང་འཇིག་རྟེན་པའི། །ཡེ་ཤེས་ཐོབ་པར་བྱ་བ་དང་། །བསྒྲུབ་པ་རྣམས་ཀྱི་ལས་བྱ་ཞེས། །རྡོ་རྗེ་བྱིན་ནས་མིང་བཏགས་ཏེ། །དམ་བཅས་བཞིན་དུ་ཧེ་རུ་ཀ །
ད་ལྟར་ཁྱོད་ཀྱིས་གཟུགས་མཆོག་རྣམས། །མངོན་པར་སྟོན་ལ་གྲུབ་པ་འཕྲུལ། །ཅི་སྙེད་གྲུབ་མཆོག་མ་ཕུལ་ཞིང་། །ཁྱེད་རྣམས་མངོན་དུ་མ་གྱུར་ན། །རབ་ཏུ་སྟ་ནའི་དཀྱིལ་འཁོར་འདིར། །གདུག་ལ་ལས་རྣམས་ཀུན་གྱིས་ཤིག །

104-1-180b

ༀ་པད་མ་བ་ད་མུ་མུ་ཀ །ཨཱ་ཀཪྵ་ཡ། ཨཱ་ཀཪྵ་ཡ། པྲ་བེ་ཤ་ཡ། པྲ་བེ་ཤ་ཡ། བན་དྷ་ཡ། བན་དྷ་ཡ། ཏོ་ཤ་ཡ་ཏོ་ཤ་ཡ། བཛྲ་ཌཱ་ཀི་ནཱི་ཧྲི་ད་ཡན། ༀ་ༀ་ཧཱུྃ། གཏོར་མ་དཀྱིལ་འཁོར་གྱི་ཕྱི་རོལ་དུ་བསྒྱུར་
ལ་ཁ་བན་དྷ་དང་རས་ཆེན་གྱིས་བཅད་ལ་རྟ་མགྲིན་དབང་གི་ཕྱག་རྒྱ་བཅས་ལ་མཆོད་དོ། །བཅོམ་ལྡན་འདས་ཧེ་རུ་ཀ་རོལ་པ་ལས་ཁྲོ་བོ་བསྐྱེད་རྫོགས་ལས་ཀྱིས་བཟླས་པའི་ལེའུ་སྟེ་བཅུ་གསུམ་པའོ།། །། དེ་ནས་བཅོམ་
ལྡན་འདས་དཔལ་ཀུན་དུ་བཟང་པོ་ཉིད་ཀྱི་སྐུ་དང་གསུང་དང་ཐུགས་རྡོ་རྗེ་ལས་འདི་ཕྱུང་ངོ་། །ཞི་བའི་མཆོག་གཏན་ཕྲེང་བའི་ཕྲིན་ལས་རབ་བསྡུས་པ། ཚད་མེད་སྙིང་རྗེ་སྐྱེད་པ་དང་། །བྱང་ཆུབ་སེམས་དཔའ་དག་ལ་ནི། །སྔོན་དུ་འགྲོ་བའི་ལམ་མཆོག་སྟེ། །
སྒྲུབ་པ་པོས་ནི་ནན་ཏན་བྱ། །ཁྲག་འཐུང་ཐུགས་སུ་གནས་པ་ནི། །ཡེ་ཤེས་གཙོ་མོ་མཆོག་ཉིད་དེ། །གསུམ་པ་ལས་ནི་འདས་པའི་ཕྱིར། །རྩེ་མོ་མེད་པའི་ལས་སུ་བསྟན། །དེ་ནི་གཟུགས་དང་བྱིན་བརླབས་དང་། །བཟླས་བརྗོད་དང་ནི་ཕྲིན་ལས་དང་། །
དུས་དང་གནས་དང་བདག་ཉིད་དག །ཕུན་སུམ་ཚོགས་པ་བདུན་པོ་སྟེ། །བཏབ་ན་ཅི་འདོད་སྦྱིན་ནོ་ཞེས། །དམ་ཚིག་བདག་པོས་རབ་ཏུ་གསུངས། །འདས་ན་ལྷ་ཡང་བརླགས་པའི་ཕྱིར། །རང་གི་བཀའ་ལས་རང་མི་འདའ། །གཟུགས་
ནི་ཐུགས་ཀྱི་ཕྱག་རྒྱ་དབྱིངས་ལ་སྟེ། །ལྕགས་དང་ལྕགས་ལྔ་སེང་ལྡེང་ལ་སོགས་པ་ཚེར་མ་ཅན་གྱི་ཤིང་ལས་སོར་བརྒྱད་དམ་བཅུ་གཉིས་པར་བྱས་པ་མགོ་འཇུག་མ་ནོར་བར་ཤིང་རྩ་བ་ཕྱོགས་སུ་མགོ་བྱས་ལ། སོར་བརྒྱད་ལ་སོར་གཅིག་ལ་
རྒྱ་མདུད། །རྐེད་པར་སོར་གཅིག་ལ་རྒྱ་མདུད་སྟོད་ཟུར་བརྒྱད། །སྨད་ཟུར་གསུམ་དུ་བྱས་ལ། རི་རབ་ལྟར་བརྗིད་པ་འདུག་པ་ནི་གཟུགས་སོ། །བྱིན་བརླབས་ནི་ཐོག་མ་ཉིད་སྐུ་གསུམ་དུ་བྱིན་གྱི་བརླབ་པར་བྱ་སྟེ། །དེའི་འོག་ཏུ་རྒྱ་མདུད་
གཞལ་མེད་ཁང་དུ་དམིགས་ཏེ། ཕྱོགས་བཞི་དབུས་དང་ལྔར། ཧཱུྃ་བསྒྲིལ་མ་ལྔ་བཞག་སྟེ། དབུས་སུ་ཧེ་རུ་ཀ །ཤར་དུ་ཁམས་གསུམ་རྣམ་པར་རྒྱལ་བ། ལྷོར་གཤིན་རྗེ་གཤེད། ནུབ་དུ་རྟ་མགྲིན། བྱང་དུ་སྟོབས་པོ་ཆེ། འདི་རྣམས་སོ་སོའི་སྙིང་པོ་དྲན་པ་ཙམ་གྱིས་བསྐུལ་

104-1-181a

ཏེ་ཕྱི་ནང་གི་མཆོད་པ་ཅི་འབྱོར་པ་ཕུལ་ཏེ། དམ་ཚིག་རྗེས་སུ་བཀུག་ནས་གཉིས་སུ་མེད་པའི་རྒྱན་རྫོགས་པར་མཛད་པ་ནི་ལོངས་སྤྱོད་རྫོགས་པའི་སྐུར་བྱིན་གྱིས་བརླབ་པོ། །དེ་ནས་སྲས་ཕུར་བུའི་ཁྲོ་བོ་བསྐྱེད་པ་ནི། ༀ་བཛྲ་ཀྲོ་དྷ་ཀཱི་ལི་ཀཱི་ལ་ཡ་མན་ཕཊ། ཅེས་བརྗོད་
པའི་ལྟེ་བ་ཡན་ཆད་མཐིང་ནག་ལ་དབུ་ཁམ་པ་ཟུར་གསུམ་པའི་ཐབས་སུ་བསྒྲེང་ལ། བྲང་གིས་འགྲོ་ཆེན་པོ་དང་། ཐོད་རློན་གྱིས་བཅིངས་ཤིང་བཤམས་ལ། སྤྱན་གསུམ་སྡང་མིག་ཏུ་བགྲད་དེ། ཕྱག་གཡོན་པའི་ཕུར་བུ་ལ་གཟིགས། མཆེ་བ་བཙིགས་པ། རབ་ཏུ་རྔམ་པ། དུར་ཁྲོད་
ཀྱི་མེ་ཕུང་གི་ནང་དུ་ལྟེ་བ་མན་ཆད་ལྕགས་ཀྱི་ཕུར་པ་ཟུར་གསུམ་པ། ཨེའི་ནང་དུ་སུམ་ཆ་ཙམ་ནུབ་པ་ལ་ཕྱག་བཞི་ལ་གཡས་ཀྱི་གོང་མ་སྟ་རི་ཁ་ཡར་བསྟན་ཏེ་བརྡེག་པར་བྱ་སྟེ། གཡོན་པ་རི་རབ་ཀྱིས་གནོན་པའི་སྟོབས་སུ་འཛིན་པ། གཡོན་དང་པོས་རྡོ་རྗེ་ཁ་ཊྭཱྃ་ག་འཁྲོལ་ཞིང་
བདུད་ཀྱི་ཁམས་འཇིགས་པ། འོག་མ་ཕུར་བུ་ཟུར་གསུམ་འདེབས་པའི་སྟབས་སུ་གཟས་ཤིང་། ངན་སོང་གསུམ་དུ་འཇིགས་པ། སྟོབས་དང་མཐུ་ལ་སོགས་པ་ཁྲོ་བོ་ཐམས་ཅད་འདུས་པས་ཀྱང་ཆེ་བ་གཅིག་ཕྱུང་སྟེ། རྟག་པ་ཆེན་པོ་བཞུགས་པར་བསྟན་པ་ནི་སྤྲུལ་པའི་སྐུར་བྱིན་
གྱིས་བརླབ་པོ། །དེ་ལ་རིགས་ལྔར་བྱིན་གྱིས་བརླབ་པར་བྱ་སྟེ། འབྲུ་ལྔས་གནས་ལྔ་བྱིན་གྱིས་བརླབ་པོ། །སྐུ་གསུང་ཐུགས་སུ་བྱིན་གྱིས་བརླབ་པར་བྱ་སྟེ། སྤྱི་གཙུག་ཏུ་ཨོཾ། རྐེད་པར་ཧྲི། རྩེ་མོར་ཕཊ་བསམ་མོ། །དེའི་འོག་ཏུ་ཐུགས་ཀྱི་ཡེ་ཤེས་རྩེ་གཅིག་པར་བྱིན་
གྱིས་བརླབ་པར་བྱ་སྟེ། ཟུར་གསུམ་དུ་ཕཊ་གསུམ། ངོས་གསུམ་དུ་ཧཱུྃ་གཞག་གོ། ད་ནས་སྐུ་བལྟས་པ་དང་། རིགས་སོ་སོའི་ཁྲོ་བོ་ཐམས་ཅད་ཀྱིས་དབང་བསྐུར་བར་བྱ་སྟེ། ཁྲོ་བོ་དཀྱིལ་འཁོར་དེ་དག་ཉིད་ཕྱོགས་བཅུར་འཕྲོས་པ་སླར་འདུས་ནས། ཧཱུྃ་ཧཱུྃ་ཕཊ་
ཕཊ་ཀྱིས་སྒྲ་འབྱིན་ཅིང་དེའི་སྐུ་ལ་བསྟིམས་ཏེ། དབང་དང་བྱིན་བརླབས་ཐམས་ཅད་བརླན་པར་བྱའོ། །དེ་ནས་འགྲོ་བའི་དོན་ལ་གཤེགས་ནས་ཕྱོགས་བཅུའི་བདེ་བར་གཤེགས་ཐམས་ཅད་དང་། སྔོན་ཐུགས་དམ་དུ་ཞལ་གྱིས་བཞེས་པ་ལགས་པས་དེས་གྲོས་
མཛད་ཅིང་བསྐུལ་བ་ལ་བཞུགས་པ་དང་། བདག་ཉིད་ཀྱང་བདག་ཉིད་ཆེན་པོ་ཡིན་པས་ཕུར་པ་ཡང་བདག་ཉིད་ཆེན་པོ་ཉིད་དུ་དབང་བསྐུར་ཞིང་བྱིན་གྱིས་བརླབ་པར་བྱ་བའི་ཕྱིར། ལག་པར་མ་ལས་ཉི་མའི་དཀྱིལ་འཁོར་དུ་གྱུར་པའི་སྟེང་དུ་ཧཱུྃ། གཡོན་པའི་

104-1-181b

སྟེང་དུ་ཨ་ལས་ཟླ་བའི་དཀྱིལ་འཁོར་གྱུར་པའི་སྟེང་དུ་ཏ་བསམ་མོ། །གུང་མོ་ལ་ཨོཾ། མཐེ་བོ་ལ་ཧཱུྃ། མཛུབ་མོ་ལ་ཏྲྃ། སྲིན་ལག་ལ་ཧྲི། མཐེའུ་ཆུང་ལ་ཧ། འདི་རྣམས་ཟླ་བའི་དཀྱིལ་འཁོར་དུ་གྱུར་པའི་སྟེང་དུ་གཞག་སྟེ། སུ་ར་ད་སྟྭྃ་ཞེས་བརྗོད་པས་ཐལ་མོ་མཉམ་པར་སྦྱར་
ལ། ༀ་བཛྲ་ཨ་ཛ་ལི་ཧཱུྃ། ཞེས་བརྗོད་པས་སོར་མོ་ཅུང་ཟད་བསྣོལ་ལོ། །ༀ་བཛྲ་བན་དྷ་ཧཱུྃ་ཞེས་བརྗོད་པས་སོར་མོ་རྒྱབ་ཏུ་བསྣོལ་ལ་བསྡམ་མོ། །ས་མ་ཡ་སྟྭྃ་ཞེས་བརྗོད་པས་ཕུར་པ་བླངས་ཏེ་འཆང་བའི་ནང་དུ་བཅུག་ལ། ལག་པ་ཆང་པ་ཕྱེ་ལ་མཐེ་བོ་དང་སྲིན་ལག་དང་མཐེའུ་
ཆུང་དང་གཉིས་ཀྱི་བར་དུ་ཡང་གཞུག །མཐེ་བོས་ཆུང་ཟད་བསྒུལ་ཞིང་དྲུད་དོ། །ཨོཾ་བཛྲ་ཨཱ་བེ་ཤ་ཡ། ཨ་ཨ་ཞེས་བརྗོད་པས་ཕྱོགས་བཅུ་དུས་གསུམ་དུ་གཤེགས་པ་ཡབ་ཡུམ་སྲས་དང་བཅས་པ་ཐམས་ཅད་ཞེ་སྡང་རྗེས་སུ་དྲན་པའི་སྐུ་ཡུངས་འབྲུ་ཙམ་བར་མཚམས་
མེད་པར་ཕུར་པ་ལ་བསྡུ་ཞིང་བསྟིམ་མོ། །སྐུ་གསུང་ཐུགས་ཀྱི་བདག་པོ་ཆེན་པོ་ཉིད་དུ་རྫོགས་པའི་བྱིན་གྱིས་བརླབ་ཅིང་དབང་བསྐུར་བར་བྱ་སྟེ། སོར་མོ་རྒྱབ་ཏུ་བསྣོལ་ལ་གུང་མོ་བཤིབས་ཏེ། བསྒྲེང་བའི་བར་དུ་ཕུར་བུ་བཅུག་ལ། ཨོཾ་བཛྲ་ས་ཏྭ་ར་ཛ་ཧཱུྃ་ཕཊ་ཞེས་བརྗོད་པས་བཟླས་
སོ། །དེ་ནས་སོར་མོ་པུག་པུག་བྱས་ཏེ།   ལག་པས་ཕུར་པ་བཟུང་ལ། ཨོཾ་ཧཱུྃ་ཧྲི༔ ཕུར་བུ་བ་ཕཊ་ཞེས་བརྗོད་པས་དེ་ནས་སོར་མོ་རྒྱབ་ཏུ་བསྣོལ་ལ་ཐེ་བོང་གཉིས་བཤིབས་པའི་ཆང་བར་བཅུག་ནས། ཨོཾ་ཙྪིན་ད་ཙྪིན་ད། ཧ་ན་ཧ་ན། ཏི་བ་ཏ་ཙཀྲ་ཧཱུྃ་ཕཊ་ཅེས་བརྗོད་ནས་དྲིལ་ཏེ། བདག་
ཉིད་ཆེན་པོ་ཐམས་ཅད་གཉིས་སུ་མེད་པའི་སྦྱོར་བ་མཛད་པའི་གཟི་བྱིན་ཐམས་ཅད་ཕུར་པའི་སྐུ་ལ་བསྟིམས་པས་སྟོང་གསུམ་གང་བར་མེ་སྟག་འཕྲོ་ཞིང་དམིགས་པ་ཐམས་ཅད་སྒྲུབ་པའི་བྱིན་དང་། དབང་དང་ལྡན་པར་གྱུར་ཏེ། མདུན་གྱི་ནམ་མཁའ་ལ་ཨེའི་གདན་ལ་བཞུགས་
པར་གསོལ་ནས་ཡུངས་ཀར་གྱི་རྒྱལ་པོས་བྲབ་ཅིང་གུ་གུལ་སྦྱར་བས་བདུགས་ལ། ཕྱི་ནང་གི་མཆོད་པ་ཐམས་ཅད་མཆོད་པར་བྱའོ། །དེ་ནས་ཡིད་ལ་བརྣག་པའི་ཕྲིན་ལས་བཅོལ་ཏེ་དེའི་བྱིན་བརླབས་སོ། །བཟླས་བརྗོད་ནི་བདག་ཉིད་ལས་ཀྱི་ལྷའི་ཏིང་ངེ་འཛིན་དུ་
བཞུགས་ལ་སྙིང་གར་ཉི་མའི་དཀྱིལ་འཁོར་ལ་ཧཱུྃ་མཐིང་ནག་པ་གཅིག་བསམས་ལ། ཨོཾ་བཛྲ་ཀྲོ་དྷ་ཀཱི་ལི་ཀཱི་ལ་ཡ་མཱ་ར་ཡ་ཕཊ་ཅེས་བརྗོད་པས་ཕུར་བུའི་ཁྲོ་བོ་ཅི་འདྲ་བ་ཞིག་དེ་ལས་བྱུང་སྟེ་ཕྱོགས་བཅུ་ཐམས་ཅད་དུ་སེམས་ཅན་གྱི་དོན་བྱས་ནས་ཕུར་བུ་ལ་བསྟིམ་མོ། །

104-1-182a

འདི་འབུམ་འམ། བདུན་འབུམ་འམ། ས་ཡ་བྱེ་བ་སྙེད་བྱ་སྟེ་བསྙེན་པ་གཏོང་པར་འདོད་ན་ཕུར་བུ་ཉིད་སྙིང་ག་ལ་བསྡུ་སྟེ། འདི་ནི་བཟླས་བརྗོད་དོ། །ཕྲིན་ལས་ནི་ཐོག་མ་ཉིད་བརྟག་པའི་ས་རྙེད་ནས་བསྐྲད་པ་དང་མཚམས་གཅད་པ་ལ་སོགས་པ་བྱས་ནས་སྐད་ཅིག་
མའི་ཏིང་ངེ་འཛིན་གྱིས་ཁྲོ་བོའི་སྡང་མིག་དང་། མཚོན་ཆའི་ཆར་དང་། རྡོ་རྗེ་གནོད་སྦྱིན་ལ་སོགས་པས་བསྐྲད་ནས་ཕུར་པ་བཅུ་ཁྲོ་བོ་བཅུར་བྱིན་གྱིས་བརླབས་ཏེ་ཕྱོགས་བཅུར་བཏབ་ནས་ཅི་ཙམ་འདོད་པ་ཐམས་ཅད་མཚམས་གཅད་དོ། །རིགས་ལྔའི་ལྷ་མཉེས་པར་བྱ་ཏེ། དེ་ནས་ལས་ཀྱི་ལྷ་མཉེས་པར་བྱས་ནས་
དེ་ནས་ཏིང་ངེ་འཛིན་གོང་ནས་བྱུང་བ་དང་། བསྙེན་པ་ཚང་ནས་གནས་ཆེན་པོར་དཀྱིལ་འཁོར་གྲུ་གསུམ་ལ་རྩེ་མོ་ལྷོ་ཕྱོགསུ་བསྟན་ཏེ། ཞིང་ཆེན་གྱི་ཐལ་བ་དང་། སྐེ་ཚེ་དང་། ལན་ཚྭ་དང་ཞིང་ཆེན་གྱི་རག་ཏ་དང་། སྲུབ་མའི་ལོ་མའི་ལོ་མ་དང་། ཁྲེ་དང་ཙི་ཙེ་དང་། སུམ་མ་དང་། གྲོག་
མཁར་གྱི་ས་དང་། བོང་བུའི་བདུད་རྩི་ལས་སྦྲུས་ཏེ། ཞིང་ཆེན་གྱི་ཐལ་བ་མ་རྙེད་ན་ཏིལ་ནག་པོ་ལས་གཞི་བླངས་ཏེ་གཟུགས་བྱས་ཀྱང་རུང་། རི་མོ་བྲིས་ལ་མདོག་སྨུག་ནག་ཏུ་བགྱིས་ཏེ་ཤུལ་བ་ལ་སོགས་པ་ལ་ཞིང་ཆེན་གྱི་རག་ཏས་ཧཱུྃ་ཆེ་གེ་མོ་མཱ་ར་ཡ་ཕཊ། ཅེས་བྲིས་ཏེ། སྙིང་
གར་གླན་ཏེ་དཀྱིལ་འཁོར་གྱི་སྟེང་དུ་གན་རྒྱལ་དུ་བཞག་སྟེ།  མགོ་བོ་ལྷོ་ཕྱོགས་སུ་བསྟན་ཏེ། གདོན་དེ་ཉིད་དགུག་པ་ནི་མངག་གཞུག་གམ། ཁྲོ་བོ་སུམ་བྷ་ནི་སྦྱོར་བ་ཡང་རུང་སྟེ། གསང་བའི་ཐུགས་ཁ་འམ་སྙིང་གར་ཟླ་བའི་དཀྱིལ་འཁོར་དམར་པོ་ཞིག་བཞག་ལ་
ཛཿཧཱུྃ་བྃ་ཧོཿབཛྲ་ཨཾ་ཀུ་ཤ་ཆེ་གེ་མོ་ཞིག་ཧཱུྃ་ཞེས་བརྗོད་ནས་ཁྲོ་བོ་ལྕགས་ཀྱུ་ཅན་གྲངས་མེད་པ་རྒྱུད་མ་ཤ་སྟག་བྱུང་བས་བགེགས་ཀྱི་སྙིང་ག་ནས་བཟུང་སྟེ། དེར་འོངས་པ་དང་། ཛཿཧཱུྃ་བྃ་ཧོཿཆེ་གེ་མོ་མཱ་ར་ཡ་པྲ་པེ་ཤ་ཕཊ་རན་ཙམ་དུ་བརྗོད་ལ། གཟུགས་སམ་རི་མོ་ལ་ཕབ་ལ་ལྕགས་
ཀྱུ་དང་། ཞགས་པ་དང་། ལྕགས་སྒྲོགས་གི་ཕྱག་རྒྱ་བཅིངས་པ་དང་། བསྡམས་པ་དང་། དེའི་སེམས་མ་འཁྲུགས་པར་དག་པར་བྱས་ནས་ཨེའི་ནང་དུ་རྩེ་མོ་འོག་ཏུ་སོང་བར་བསམ། དེ་ནས་ཕུར་པ་བླངས་ཏེ།  ལས་ཀྱི་ལྷའི་སྙིང་པོ་དང་བཅས་པས་དྲག་ཏུ་ཆུང་ཟད་བསྐུལ་ལོ། །ཐལ་མོ་
སྦྱར་ཕུར་བུ་ཐབས་ཀྱིས་གསོར་ལ་རྡོ་རྗེ་སྡེར་མོའི་སྔགས་བཟླས་ནས་ཏིང་ངེ་འཛིན་གསལ་བར་མ་ཁུགས་ཀྱི་བར་དུ་དྲིལ་ན་ཏིང་ངེ་འཛིན་ལ་ཞུགས་པ་དང་། གདན་གྱི་སྟེང་དུ་རྩེ་མོ་ནས་གང་ཙམ་མ་རེག་པར་གཟས་ལ་ཁྲོ་བོའི་སྐྱེའམ་མ་རྐེད་པ་ནས་ལག་པ་གཡོན་པས་བཟུང་སྟེ། རྡོ་རྗེ་ཐོ་བའི་སྟ་རེ་

104-1-182b

ལག་པས་རྡོག་ཅིང་རྡོ་རྗེ་སྡེར་མོའི་སྔགས་ལན་གསུམ་དང་ཉི་ཤུ་རྩ་གཅིག་གདབ་ཅིང་བཟླས་ཏེ། སེང་ལྡེང་གི་ཕུར་པ་སོར་བརྒྱད་པ་གཅིག་སྙིང་གར་བཏབ་དཔྲལ་བར་གཅིག་གདབ། དཔུང་མགོ་གཉིས་དང་བརླའི་ནང་རོལ་གཉིས་སུ་ཡང་གདབ། ལྟེ་བ་ཁུང་དུ་ཡང་གདབ། སྡེར་མོའི་སྔགས། ན་མཿས་མན་
ཏ་ཀཱ་ཡ་བཱ་ཀ་ཙི་ཏ་བཛྲ་ནན། ཨོཾ་གྷ་གྷ་གྷཱ་ཏ་ཡ། སརྦ་དུཤྚ་ན། མཱ་ར་ཡ་ཕཊ། ཀི་ལི་ཀི་ལཱ་ཡ་སརྦ་པཱ་པམ་ཕཊ། ཧཱུྃ་ཧཱུྃ་བཛྲ་ཀི་ལི་ཀི་ལཱ་ཡ་བཛྲ་དྷ་རོད། ཨཱ་ཛྙ་པ་ཡ་ཏི་ཀཱ་ཡ་བཱ་ཀ་ཙི་ཏ་བཛྲ་ཀི་ལ་ཡ་ཧཱུྃ་ཕཊ་དྲག་ཏུ་བརྗོད། ཕུར་པ་དེ་བཏབ་ཟིན་ནས་དེའི་སྟེང་དུ་ལས་ཀྱི་ལྷ་ཕྱག་རྒྱ་དང་སྔགས་ཀྱིས་མནན་ཏེ་ལག་པ་
གཉིས་སོར་མོ་བསྣོལ་བ་མཐེ་བོ་དང་མཐེའུ་ཆུང་རྩེ་སྦྱར་བརྐྱང་ནས་གཞན་ནི་དྲག་པོར་རྒྱབ་ཏུ་བསྐྱེད་དེ་དེའི་སྔགས། ཨོཾ་བཛྲ་ཀརྨ་ཀྲོ་དྷ་ཧཱུྃ་ཕཊ། ལན་ཉི་ཤུ་རྩ་གཅིག་བཟླས་ཏེ་གཡས་ཕྱོགས་སུ་བསྐོར་ཏེ་ཀཱི་ལ་ཡའི་མགོ་ལ་ལན་གསུམ་བདུག་གོ། དེ་ནས་ཕུར་པ་སླར་མི་འབྱུང་བ་དང་། སུས་ཀྱང་
མི་ཕྱིན་པ་དང་། ལྷག་པར་ཡང་ཟད་ཅིང་ཐལ་ཕྱིན་པར་བསམ་མོ། །དེ་ནས་དམ་ཚིག་གི་ཕྱག་རྒྱ་བསྟན་ཏེ།  སོར་མོ་རྣམས་རྒྱབ་ཏུ་བསྣོལ་ལ་བཅངས་ནས་གུང་མོ་གཉིས་རྒྱབ་སྦྱར་རྩེ་མོ་རྣོན་པོར་བསྒྲེང་ལ་ཕུར་པའི་ཀླད་དུ་གནོན། ཕུར་པའི་ལྷ་དང་བགེགས་ཆེ་གེ་མོ་ཁྱོད་དམ་ཚིག་འདི་ལས་མ་འདའ་
ཞིག་པར་བསྒོ་ཞིང་སྔགས་འདིས་ལན་བདུན་བཟླས་སོ། །ཨོཾ་སརྦ་ཏ་ཐཱ་ག་ཏཱ་ས་མ་ཡ་ཧཱུྃ་ཕཊ་ཅེས་བྱའོ། །འདི་ནི་སེམས་མ་དམ་ཚིག་གི་སྔགས་དང་ཕྱག་རྒྱ་སྟེ། བསྒོ་བ་ཐམས་ཅད་ཉན་པར་བསམ་སོར་མོ་གཉིས་ནང་དུ་བསྣོལ་ཏེ། མཐེའུ་བོ་དང་མཐེའུ་ཆུང་ངོ་སྦྱར་ལ་བསྒྲེང་། ཁུ་ཚུར་མི་
བཅང་བར་སོར་མོ་རྣམས་ཕྱིར་བསྐྱེད་དེ་ཕུར་པའི་སྟེང་དུ་མནན་ཅིང་སྔགས་འདི་བརྗོད་དོ། །ཨོཾ་བཛྲ་ཀྲོ་དྷ་ཧ་ན་ཧ་ན། ད་ཧ་ད་ཧ། པཱ་ཙ་པཱ་ཙ། བན་དྷ་བན་དྷ། ཙྪིན་ད་ཙྪིན་ད། རྦ་ན་རྦ་ན་ཕཊ། ཉི་ཤུ་རྩ་གཅིག་བཟླས་སོ། །སྟོབས་པོ་ཆེའི་སྔགས་དང་ཕྱག་རྒྱ་སྟེ། གོང་དུ་བཀའ་ཉན་པས་བདག་གི་
དབང་དུ་གྱུར་ནས་ཅི་བསྒོ་བ་ཐམས་ཅད་བྲན་བཞིན་དུ་ལས་བྱེད་པར་འགྱུར་རོ། །ཡུངས་ཀར་གྱི་རྒྱལ་པོས་བརྡེག །གུར་གུམ་སྦྱར་མས་བདུགས་ལ་གཞག་གོ། དེ་ནས་ལག་པ་གཉིས་སྦྱར་ལ། མཐེའུ་ཆུང་གཉིས་གཅིག་ལ་གཅིག་ཁྱུད་མཛུབ་མོ་གཉིས་སྦྱར་ཏེ་མཐེའུ་ཆུང་གཉིས་གཅིག་ལ་གཅིག་འཁྱུད། མཛུབ་མོ་གཉིས་ཁ་
གྲམ་ལ་གཡས་གཡོན་དུ་སྒྲེང་། ཡིད་ཙམ་དགུ་བར་བྱ་ལྷག་མ་རྣམས་ནང་དུ་བཅངས་ལ་མཛུབ་མོ་གཉིས་མཆེ་བར་བསམས་ཏེ་རྐང་པ་གཡོན་པས་བགེགས་ཀྱི་སྙིང་གར་མནན་ཏེ་ལན་བདུན་བཟླས། ཨོཾ་བཛྲ་ཀྲོ་དྷ་ཡཀྵ་ཁ་ཁ། ཁཱ་ཧི་ཁཱ་ཧི། ཧཱུྃ་ཧཱུྃ་ཕཊ་ཕཊ་ཅེས་བརྗོད་དེ། །དེ་ནས་རྡོ་རྗེ་བེ་ཅོན་གྱི་སྔགས་དང་ཕྱག་རྒྱ་སྟེ། 

104-1-183a

ལག་པ་གཉིས་རྡོ་རྗེ་ལུ་གུ་རྒྱུད་དུ་སྦྲེལ་ལ་མཐེ་བོང་གཡོན་པའི་སྟེང་དུ་བཞག །མཛུབ་མོ་གཉིས་ངོ་སྦྱར་ཏེ་བསྒྲེང་ནས་སྡང་མིག་ཏུ་བགྲད་ལ་རྡེག་ཅིང་སྔགས་འདི་ལན་བདུན་གསུམ་ཉི་ཤུ་རྩ་གཅིག་གམ་བརྒྱ་རྩ་བརྒྱད་བཟླས་སོ། །ཨོཾ་བཛྲ་ཀྲོ་དྷ་མ་ཧཱ་བ་ལ། ཧ་ན་ཧ་ན་ད་ཧ་བ་ཙ་བི་
དྷྭྃ་ས་ཡ་ཛ་ཊི་ལམ་པོ་དྷཱ་ར་ཨུཙྪུས་མ་ཀྲོ་དྷ་ཧཱུྃ་ཕཊ་ཅེས་བརྗོད་དོ། །དེ་ནས་ཡུངས་ཀར་གྱི་རྒྱལ་པོ་བརྡེག་ཅིང་ལས་འདི་ཤིན་ཏུ་བརྟན་ཞིང་གྲུབ་པར་བཅོལ་ལོ། །རྡོ་རྗེ་བརྗིད་གནོན་གྱི་བསམ་གཏན་གྱིས་མནན་པར་བྱའོ། །ཁྲོ་བོ་རྣམས་ཀྱི་སྤྱི་བོ་ནས་འདུས་པའི་སྟེང་དུ་ཧཱུྃ་མཐིང་ནག་ལ་རྡོ་རྗེ་
ལྕགས་ཀྱུའི་རྒྱ་གྲམ་མེ་ལྕེའི་ཕྲེང་བས་བསྐོར་བའི་རྒྱ་གྲམ་གྱི་དཀྱིལ་འཁོར་ཡི་གེ་གསུམ་གསེར་བཙོ་མའི་མདོག་འདྲ་བ་ཞིག་ཏུ་གནས་པ་ལས། ཨོཾ་བཛྲ་བཛྲ་མེརྟ་ཧཱུྃ་ས་མ་ཡ་སྟྭྃ་ཞེས་བརྗོད་པ་ལས་གསེར་གྱི་རི་རབ་དཔག་ཚད་བྱེ་བ་གྲུ་བཞི་པ་གཅིག་ཏུ་གྱུར་ལ་དེའི་སྟེང་ན་བཅོམ་ལྡན་
འདས་དོན་ཡོད་གྲུབ་པ་སྐུ་མདོག་ལྗང་ཁུ་དབུ་གསུམ་ཕྱག་དྲུག་ལ། ཕྱག་གཡས་དང་པོ་རྡོ་རྗེ་འབར་བ་ཕྱར་ཏེ་བསྣམས། གཡོན་དང་པོ་རྡོ་རྗེ་རྒྱ་གྲམ་ཐུགས་ཀར་བསྟན། འཁོར་དཔག་ཏུ་མེད་པས་ཕོ་བྲང་གཏམས་པ་ཁྲོ་བོ་རྣམས་ཀྱིས་ཤིན་དུ་གཟིར་ཞིང་མི་གཡོ་བ་དང་། ལས་མ་
གྲུབ་ན་བསྐལ་པ་མཐར་ཐུག་ན་ཡང་གནས་པར་བསམ། ཕྲིན་ལས་ཀྱང་དེ་བཞིན་དུ་བཅོལ་ཏེ་གཞག་གོ། ཡོ་བྱད་ཐམས་ཅད་ཀྱང་ནག་པོར་བསམ། གཏོར་མ་ནག་པོ་ཆ་གཅིག་བཤམས་ཏེ་དམ་ཚིག་ཅན་གྱི་འཁོར་དང་བཅས་པ་དང་། འཇིག་རྟེན་ཐམས་ཅད་ལ་བསྔོ་ཞིང་
དབུལ་ལོ། །དྲག་པོའི་གཏོར་མ་ཆ་གཅིག་གནོད་བྱེད་དེ་ཉིད་བཀུག་སྟེ་ཟར་གཞུག་གོ། ཕྲིན་ལས་འདིའི་དུས་སུ་འཕྲ་མེན་མ་དང་། གནོད་སྦྱིན་མོ་དང་། སྲིན་མོ་རྣམས་ཀྱང་སྤྱན་དྲངས། གཏོར་མ་དབུལ་ལོ། །ཛཿཧཱུྃ་བྃ་ཧོ༔། ཨེ་ཧྱེ་ཧི་བྷ་ག་བཱན། བྱ་ད་ཡཀྵ་ཛ། བྷྱོ་རུ་ལུ་རུ་ལུ་
ཧཱུྃ་ཞེས་ལན་གསུམ་བརྗོད་དེ་སྤྱན་དྲང་། པྲ་ཏིཙྪ་ཧོ་ཞེས་བརྗོད་ལ་གཏོང་། ཨོཾ་ས་མ་ཡ་ཨརྒྷྃ་པྲ་ཏཱི་ཙྪ་ཧཱུྃ་སྭཱ་ཧཱ་ཞེས་ལན་གསུམ་བརྗོད་ལ་ཨ་མྲྀ་ཏ་ཕུལ་ལ་ལས་བཅོལ་ལོ། །འདིའི་ཕྲིན་ལས་སོ། །དུས་ནི་ཚེས་བཅུ་བདུན་ནམ་མར་གྱི་ངོ་ལ་ཉིན་མཚན་གྱི་གུང་དུ་གཟའ་དང་
སྦྱར་བ་དང་། བསྙེན་པ་ཚང་བ་དང་། རྟགས་བྱུང་བ་ལ་སོགས་ཏེ་འདི་ནི་དུས་སོ། །གནས་ནི་ཤིང་རྐང་གཅིག་པ་དང་གནོད་པར་ངེས་པ་ཏེ། འདི་ནི་གནས་སོ། །བདག་ཉིད་བྱང་ཆུབ་སེམས་ལ་གཞོལ་ཞིང་མང་དུ་ཐོས་པ་དང་། ལས་ལ་མཁས་པ་དང་། ལྷ་ཉེ་བར་གྱུར་པ་དང་། 

104-1-183b

མི་ཕྱེད་པའི་དད་པ་ཐོབ་པ་དང་། དྲག་ཅིང་ལྟོས་པ་མེད་པའི་སེམས་དང་ལྡན་པ་དང་། ཕྲག་དོག་མེད་པ་དང་། གཞན་ལ་རེ་བ་མེད་པ་དང་། དམ་ཚིག་མ་ཉམས་པའོ། །འདི་ནི་བདག་ཉིད་དོ། །དེ་ནས་བཅོམ་ལྡན་འདས་ཀྱིས་ཉིད་ཀྱི་སྐུ་དང་གསུང་དང་ཐུགས་རྡོ་རྗེ་ལས་འདི་ཕྱུང་ངོ་། །
ཞི་རྒྱས་དབང་དང་མངོན་སྤྱོད་དང་། མནན་བཟློག་དྲུག་ཏུ་བཀའ་སྩལ་ཏོ། །ཞི་བའི་ཞི་བ་ཆེན་པོ་ནི་དཀྱིལ་འཁོར་འདོམ་གང་ཐབ་ཁུང་ཟླུམ་པོ་ཆག་གང་ཐབ་ཀྱི་དཀྱིལ་དུ་འཁོར་ལོ་རྩིབས་བཞི་མཐོ་གང་ཟླུམ་པོ་ཕར་སོར་གཅིག །འཇིམ་པ་འམ་བོང་བ་ལ་འབུར་དུ་བརྐོས་
ཏེ་གཞག །ཐབ་ཀྱི་ཁ་ཁྱེར་རྡོ་རྗེ་ར་བས་བསྐོར། དེའི་ཕྱི་རིམ་ཟླུམ་པོ་ལ་པད་མ་འདབ་བརྒྱད་བྲི། བཀྲ་ཤིས་ཀྱི་ལྷ་མོ་དང་། མཆོད་པའི་ལྷ་མོ་དགོད། བསྲེག་པའི་རྫས་ཤུ་གུ་ཤུག་ཤགས། མར་དཀར། ཁ་ར། སྦྲང་རྩི། འབྲས་ཅན། འབྲས་ཐུག །འབྲས་ཡོས། ཏིལ་ཞོ། ནས་ཐུག་
སོ་བ། གྲོ་སོ་བ། ཏིལ་སོ་བ། སྲན་མ་ཤ །ཡུངས་ཀར། འབྲས་ཀྱི་ལག་པ་ན། གཏོར་མ་དཀར་པོ། འབྲས་ལ་བགྱི། ཡོ་བྱད་ཐམས་ཅད་དཀར་པོ། མཚོན་དཀར་པོས་བྲི། ཆས་གོས་གསུམ་དཀར་པོ། ལྷའི་སྐུ་མདོག་ཀྱང་དཀར་པོ།  གྲངས་དང་སྦྱར་ནས་མཆོད་པར་བྱའོ། །རྒྱས་
པའི་དཀྱིལ་འཁོར་འདོམ་གང་གྲུ་བཞི། ལྷ་ནི་སྔ་མའི་སྟེང་དུ་གནོད་སྦྱིན་མོ་བརྒྱད་ཀྱིས་བསྣན། ཕོ་ཉ་ཡང་འབྱུང་ངོ་། །ཡོ་བྱད་ཐམས་ཅད་ཀྱང་སེར་པོ། དགང་གཟར་སེར་པོ། ཕྲུགས་སུ་བཅས་པ་གྲངས་བཞིན་དུ་དབུལ་ལོ། །དབང་གི་དཀྱིལ་འཁོར་འདོམ་གང་གྲུ་
བཞི་ལ། དཀྱིལ་འཁོར་གྱི་སྟེང་དུ་ཟླ་གམ་ཕྱེད་པར་བཅད་པའི་ཚུལ་དུ་བྱ། ལས་ཀྱི་ལྷ་པད་མ་གར་གྱི་དབང་ཕྱུག་དགོད། བསྲེག་རྫས་དམར་པོ། གཏོར་མ་དམར་པོ། ཆོས་གོས་དམར་པོ། ལྷའི་གྲངས་བཞིན་དུ་དབུལ། དྲག་པོའི་དཀྱིལ་འཁོར་འདོམ་གང་གྲུ་བཞི་དབུས་སུ་གྲུ་
གསུམ། ཟབས་སུ་ཁྲུ་ཕྱེད། གྲུ་གསུམ་དུ་མདའ་གཞུ། མཐའ་ཐོད་པ་གསར་སྙིང་གིས་བསྐོར། དཔལ་ཆེན་མོ་དང་ཁྲོ་བཅུ་དགོད་ཡོ་བྱད་ཐམས་ཅད་ནག་པོ། བསྲེག་རྫས་ནག་པོ། དཀྱིལ་འཁོར་ཡང་ནག་པོ། གཏོར་མ་ཡང་ནག་པོ། ལས་ཀྱི་ཁྲོ་བོ་བཅུ་དང་། འཕྲ་མེན་མ་
ཆས་གོས་ནག་པོ། སྦྱིན་སྲེག་ལྷའི་གྲངས་བཞིན་ཏུ་དབུལ་ལོ། །ཨོཾ་ཤན་ཏིང་གན་ཏིང་ཏི་ཀར་པྲ་ཤ་མ་ནི་རཱ་ཙ་ཏ། ཨ་བ་བ་སྭ་བ་བ། ཨ་མུ་ཀ་སི། སྭ་སྟི་ཤི་བྃ། ཀུ་རུ་སྭཱ་ཧཱ། ཞི་བའོ། །བ་ཤང་ཀུ་རུ་པྲ་ཤ་མ་ན་ཡེ་ཧོ། པུཥྟྀཾ་ཀུ་རུ་སྭཱ་ཧཱ། སུམ་བྷ་ནི་སུམ་བྷ་ནི་ཧཱུྃ། བཅོམ་

104-1-184a

ལྡན་འདས་དཔལ་ཀུན་དུ་བཟང་པོ་ཧེ་རུ་ཀ་རོལ་པ་ལས་ཁྲོ་བོ་མནན་བཟློག་གི་ལེའུ་སྟེ་བཅུ་བཞི་པའོ།། །། དེ་ནས་བཅོམ་ལྡན་འདས་དཔལ་ཀུན་ཏུ་བཟང་པོ་ཐུགས་གསང་བའི་དཀྱིལ་འཁོར་འདི་ཕྱུང་ངོ་། །དཀྱིལ་འཁོར་འདོམ་གང་གྲུ་བཞི་ལ་
ཐིག་བཞི་གདབ་པས་རེའུ་ཆ་དགུ། དབུས་སུ་ཟླ་བ་ཕྱེད་པར་བཅས་པའི་ཚུལ་དུ་བྱ། དེའི་ཕྱི་རིམ་འཕྲ་མེན་མ་བཅུ་དྲུག །སྒོ་བ་བཞི། ཁམ་ཕོར་རི་མོར་བྲིས་པ་དགུ། སྣང་བའི་འོད་བཅས་པ་འགྲམ། ཚིལ་ཆེན་དང་ནི་ཙིད་ཏའི་ཏོག ། རས་ཆེན་འཕན་གདུགས་ལ་སོགས་པ། །
དཀྱིལ་འཁོར་རྒྱུན་ཏུ་བྲི་བར་བྱ། །བན་དྷའི་གནམ་ཡོལ། ཞིང་གི་རྒྱལ་མཚན། །ཐོད་པའི་ཕྲེང་བ་ལ་སོགས་པ་དགོད།  རག་ཏ་དྲི་ཆེན་གྱི་མཎ་ཌལ་བྱ། ཡོ་བྱད་ཐམས་ཅད་ཚང་བར་བསོགས་ལ།  འཕགས་པ་མཆོད་ཅིང་བདག་ཀྱང་བཟའོ། །དམ་མ་འདྲེས་ཤིང་མི་གཅིག་པ། 
སྤྱོད་ལམ་ཡན་ཆད་ཅིའི་སྒོ་ནས་ཀྱང་སྒྲུབ་པའི་ཞལ་ཟས་དང་། ཚོགས་རྣམས་ཕྱི་རོལ་ཏུ་བྱུང་ངོ་། །བཅོམ་ལྡན་འདས་རྡོ་རྗེ་སེམས་དཔའི་སྒྲུབ་པ་པོ་ཉིད་ཏིང་ངེ་འཛིན་གཉིད་དབང་དུ་མི་གཏང་། སྤྱོད་པའི་རྣལ་འབྱོར་པས་སྐུ་གསུང་ཐུགས་དངོས་གྲུབ་ཀྱི་དབྱིག་བསྒྲུབ་པ་དང་། སྲིད་པ་གསུམ་
གྱི་སེམས་ཅན་རྒྱུའི་སྡུག་བསྔལ་གྱིས་གདུངས་པ་རྣམས་གྲོལ་བར་མཛད་པའི་ཕྱིར་ཚུལ་མཁས་པ་དང་། སྤྱོད་པ་གཟོབ་པས་རྣལ་འབྱོར་བསྒྲུབ་པ་ལ་འཇུག་པར་བྱའོ། །དེ་ལ་དང་པོར་སྒྲུབ་པ་ལ་བགེགས་མི་འཇུག་པར་བྱ་བའི་ཕྱིར་མཚམས་གཅད་དོ། །ཏིང་ངེ་འཛིན་དང་ལྟ་
བ་དང་། སྔགས་དང་ཕྱག་རྒྱ་དང་། རྒྱལ་མཚན་དང་རྫས་འདི་དག་གིས་རབ་ཏུ་གཅད་པར་བྱའོ། །བསྙེན་པ་ཉེ་བསྙེན་དབང་ཡང་རྫོགས། །རྫོགས་ནས་དངོས་གྲུབ་བླང་བར་བྱ། །ལྷའི་གྲངས་བཞིན་བསྙེན་པ་དབུལ་བར་བྱའོ། །སྙིང་པོ་ནི། ཨོཾ་རུ་ལུ་རུ་ལུ་ཧཱུྃ་བྷྱོ་ཧཱུྃ་ཞེས་དྲང་ངོ་། །
དེ་ནས་བསྙེན་བསྒྲུབ་ལགས་པ་དང་། ཡོ་བྱད་རྣམས་ཕྱི་རོལ་དུ་མི་འབྱུང་། གནས་སུ་མི་བགྱེར། ལྷ་དང་བདག་མཆོད་ལ་སོགས་པའི་རྗེས་ལ་ལྷག་མ་དཀྱིལ་འཁོར་སའི་འོག་ཏུ་རིན་པོ་ཆེས་ཁ་བཅད་ལ་སྦ་བར་བྱའོ། །དོན་དེ་ལྟར་བྱས་ནས་སངས་རྒྱས་དང་། 
བྱང་ཆུབ་སེམས་དཔའི་སྲས་སུ་སྐྱེའོ། །དེ་ལྟར་མ་བྱས་ན་དམྱལ་བར་ལྟུང་བར་འགྱུར་རོ། །དེ་ནས་བཅོམ་ལྡན་འདས་ཀྱིས་འཕྲ་མེན་མའི་བསྒྲུབ་པ་འདི་ཉིད་ཀྱི་སྐུ་དང་གསུང་དང་ཐུགས་རྡོ་རྗེ་ལས་ཕྱུང་ངོ་། །དཀྱིལ་འཁོར་འདོམ་གང་གྲུ་བཞི་ལ་དབུས་སུ་གོའུ་རི། 

104-1-184b

དེའི་ཕྱི་རིམ་པདྨ་མདབ་མ་བརྒྱད་ལ་ཤར་དུ་སྟག་གི་མགོ་ཅན་ལྷོ་རུ་གཡག་གི་མགོ་ཅན། ནུབ་ཏུ་སེང་གེའི་མགོ་ཅན། བྱང་དུ་གཟིག་གི་མགོ་ཅན། ཤར་ལྷོར་ཕ་བང་གི་མགོ་ཅན། ལྷོ་ནུབ་ཏུ་ཕུག་ཤུད་ཀྱི་མགོ་ཅན། ནུབ་བྱང་དུ་སྲིན་བྱའི་མགོ་ཅན། བྱང་ཤར་དུ་
སྐེ་གའི་མགོ་ཅན། སྒོ་བ་བཞི་དགོད།  དཀྱིལ་འཁོར་འདོམ་གང་གྲུ་བཞི་ལ་དབུས་སུ་ཙོའུ་རི། དེའི་ཕྱི་རིམ་པད་མ་འདབ་མ་བཞི་ལ། ཤར་དུ་སྨིགས་བུའི་མགོ་ཅན། ལྷོར་བྱ་རྒོད་ཀྱི་མགོ་ཅན། ནུབ་ཏུ་ཤ་བའི་མགོ་ཅན། བྱང་དུ་ཁུ་བྱུག་གི་མགོ་ཅན། 
མཚམས་བཞིར་ཕ་ཝང་གི་མགོ་ཅན། ཁྲ་མགོ་ཅན་དང་། བྱན་ལག་གི་མགོ་ཅན་དང་། ཕོ་རོག་གི་མགོ་ཅན་དང་རྣམས་སོ། །བསྒོ་བ་བཞི་དགོད་དོ། །དཀྱིལ་འཁོར་འདོམ་གང་གྲུ་བཞི་ལ་དབུས་སུ་པྲ་མོ་ཧ། དེའི་ཕྱི་རིམ་འཁོར་ལོའི་རྩིབས་བཞི་ལ་ཤར་དུ་
འུག་པའི་མགོ་ཅན་དང་། ལྷོར་སྤྱང་ཀིའི་མགོ་ཅན་དང་། ནུབ་ཏུ་སྦྲུལ་གྱི་མགོ་ཅན་དང་བྱང་དུ་གཟིག་གི་མགོ་ཅན་མཚམས་བཞིར་སྲེ་མོའི་མགོ་ཅན། དྲེད་མགོ་ཅན་དང་། སྡིག་པའི་མགོ་ཅན་དང་། ཝའི་མགོ་ཅན་རྣམས་སོ། །སྒོ་བ་བཞི་དགོད་དོ། །དཀྱིལ་འཁོར་འདོམ་གང་གྲུ་བཞི་
ལ་དབུས་སུ་བེ་ཏ་ལི། པདྨ་འདབ་མ་བཅུ་དྲུག་ལ་ཡེ་ཤེས་ཀྱི་ཁྲོ་མོ་བཅུ་དྲུག་དགོད་དོ། །མཚམས་བཞིར་ཡེ་ཤེས་ཀྱི་ཁྲོ་མོ་བཞིན་དགོད་དོ། དཀྱིལ་འཁོར་འདོམ་གང་གྲུ་བཞི་ལ་དབུས་སུ་བུ་ཀ་སི། དེའི་ཕྱི་རིམ་པདྨ་འདབ་མ་བཞི་ལ་ཤར་དུ་རྟའི་མགོ་ཅན། ལྷོར་ནམ་མཁའ་
ལྡིང་གི་མགོ་ཅན། ནུབ་ཏུ་ཁྱིའི་མགོ་ཅན། བྱང་དུ་སྤང་ཏིའི་མགོ་ཅན། མཚམས་བཞིར་ཡང་སྤྲུལ་བཞི་དགོད་དོ། །དེའི་ཕྱི་རིམ་སྒོ་བ་བཞི་དགོད་དོ། །དཀྱིལ་འཁོར་འདོམ་གང་གྲུ་བཞི་ལ་དབུས་སུ་གྷསྨ་རི། དེའི་ཕྱི་རིམ་པདྨ་འདབ་མ་བཞི་ལ་ཤར་དུ་རྡོ་རྗེ་དབྱིངས་ཕྱུག་མ། ལྷོར་རིན་
ཆེན་དབྱིངས་ཕྱུག་མ། ནུབ་ཏུ་པདྨ་དབྱིངས་ཕྱུག་མ། བྱང་དུ་ལས་ཀྱི་དབྱིངས་ཕྱུག་མ། ནུབ་ཏུ་ཁྱིའི་མགོ་ཅན། མཚམས་བཞིར་ཕག་གི་མགོ་ཅན་མ། བྱི་ལའི་མགོ་ཅན། ཆུ་སྲིན་གྱི་མགོ་ཅན། རའི་མགོ་ཅན་རྣམས་སོ། །སྒོ་བཞི་དགོད་དོ། །དཀྱིལ་འཁོར་འདོམ་གང་གྲུ་བཞི་
ལ་དབུས་སུ་སྨ་ཤ་ནི། དེའི་ཕྱི་རིམ་པདྨ་འདབ་བརྒྱད་ལ་ཤར་དུ་སྟི་རའི་གནས་ཉུལ་མ། ལྷོར་རྡོ་རྗེ་ཕུང་ཉུལ་མ། ནུབ་ཏུ་མཆོད་པའི་ཚོགས་ཉུལ་མ། བྱང་དུ་དེ་བའི་སྦྱོར་ཉུལ་མ། ཤར་ལྷོར་དམ་ཚིག་རྗེས་གཅོད་མ། ལྷོ་ནུབ་ཏུ་ཕྱི་ནང་གི་མཚམས་མྱུལ་མ། དུར་ཁྲོད་གནས་

104-1-185a

ཕྱུག་མའི་ལྷག་མྱུལ་མ། དེའི་མཚམས་བཞིར་རྡོ་རྗེ་སྒྲོལ་མྱུལ་མ། བསྙེན་པའི་མཚམས་མྱུལ་མ། དགོངས་པའི་དོན་མྱུལ་མ། དུར་ཁྲོད་གནས་མྱུལ་མ་དགོད་དོ། །དཀྱིལ་འཁོར་འདོམ་གང་གྲུ་བཞི་ལ་དབུས་སུ་ཙཎ་ཌ་ལི། པདྨ་འདབ་མ་བཞི་ལ། ཤར་
དུ་རྡོ་རྗེ་སྡེར་མོ། ལྷོར་རྡོ་རྗེ་གཏུམ་མོ། ནུབ་ཏུ་དུར་ཁྲོད་བདག་མོ། བྱང་དུ་རྡོ་རྗེ་སྒྲོལ་མ། དེའི་མཚམས་བཞིར་རྡོ་རྗེ་ཏིབ་ཏིབ་དང་། རྡོ་རྗེ་ཏེག་ཏེག་དང་། རྡོ་རྗེ་འཛིན་མ་དང་། རྡོ་རྗེ་ཡིད་གཡོ་མ་དང་། སྒོ་བཞི་དགོད། དཀྱིལ་འཁོར་འདོམ་གང་གྲུ་བཞི་ལ། དབུས་སུ་སིང་ཧ་མུ་ཁ། 
པདྨ་འདབ་མ་བརྒྱད་ལ། ཆུ་སྲིན་གྱི་ལུས་ལ་སེང་གེའི་མགོ་ཅན་བརྒྱད་ཀྱིས་བསྐོར། སྒོ་བཞི་དགོད། དཀྱིལ་འཁོར་འདོམ་གང་གྲུ་བཞི་ལ། དབུས་སུ་བྱཱ་གྷྲི་མུ་ཁ། པདྨ་འདབ་མ་བརྒྱད་ལ།  ཀང་ཀའི་ལུས་ལ་སྟག་གི་མགོ་ཅན་བརྒྱད་ཀྱིས་བསྐོར། སྒོ་བཞི་དགོད། དཀྱིལ་
འཁོར་འདོམ་གང་གྲུ་བཞི་ལ། དབུས་སུ་སྲི་ལ་མུ་ཁ། པདྨ་འདབ་མ་བརྒྱད་ལ་སེང་གེའི་ལུས་ལ་ཝའི་མགོ་ཅན་བརྒྱད་ཀྱིས་བསྐོར། སྒོ་བཞི་དགོད། དཀྱིལ་འཁོར་འདོམ་གང་གྲུ་བཞི་ལ། དབུས་སུ་ཤྭ་ན་མུ་ཁ། པདྨ་འདབ་མ་བརྒྱད་ལ་ཕོ་རོག་གི་ལུས་ལ་ཁྱིའི་མགོ་ཅན་བརྒྱད་
ཀྱིས་བསྐོར། སྒོ་བཞི་དགོད། དཀྱིལ་འཁོར་འདོམ་གང་གྲུ་བཞི་ལ་དབུས་སུ་གྲྀ་དྷ་མུ་ཁ།  པདྨ་འདབ་མ་བརྒྱད་ལ་ཀང་ཀའི་ལུས་ལ་བྱ་རྒོད་ཀྱི་མགོ་ཅན་བརྒྱད་ཀྱིས་བསྐོར། སྒོ་བཞི་དགོད། དཀྱིལ་འཁོར་འདོམ་གང་གྲུ་བཞི་ལ་དབུས་སུ་ཀང་ཀ་མུ་ཁ། པདྨ་འདབ་མ་
བརྒྱད་ལ། སྤྱང་ཀུའི་ལུས་ལ་ཀང་ཀའི་མགོ་ཅན་བརྒྱད་ཀྱིས་བསྐོར། སྒོ་བཞི་དགོད། དཀྱིལ་འཁོར་འདོམ་གང་གྲུ་བཞི་ལ་དབུས་སུ་ཀང་ཀ་མུ་ཁ། པདྨ་འདབ་མ་བརྒྱད་ལ་འུག་པའི་ལུས་ལ་ཕོ་རོག་གི་མགོ་བཏགས་པ་བརྒྱད་ཀྱིས་བསྐོར། སྒོ་བཞི་དགོད། དཀྱིལ་འཁོར་
འདོམ་གང་གྲུ་བཞི་ལ་དབུས་སུ་ཨུ་ལུ་མུ་ཁ། པདྨ་འདབ་མ་བརྒྱད་པ་ལ་ཕོ་རོག་གི་ལུས་ལ་འུག་པའི་མགོ་བཏགས་པ་བརྒྱད་ཀྱིས་བསྐོར། སྒོ་བཞི་དགོད། དེ་ནས་བཅོམ་ལྡན་འདས་འཕྲ་མེན་མའི་ཏིང་ངེ་འཛིན་དུ་བཞུགས་ནས་འགྲོ་བ་རྣམས་ཀྱི་དོན་མཛད་དོ། །བཅོམ་ལྡན་འདས་དཔལ་
ཀུན་ཏུ་བཟང་པོ་རྡོ་རྗེ་སེམས་དཔའ་ཧེ་རུ་ཀ་རོལ་པ་ལས་འཕྲ་མེན་མ་བསྒྲུབ་པའི་ལེའུ་སྟེ་བཅྭ་ལྔ་པའོ།། །། དེ་ནས་བཅོམ་ལྡན་འདས་ཀྱིས་སྐུ་དང་གསུང་དང་ཐུགས་དངོས་གྲུབ་ཀྱི་ཏིང་ངེ་འཛིན་དུ་ཞུགས་ཏེ། ཉིད་ཀྱི་སྐུ་དང་གསུང་དང་ཐུགས་རྡོ་རྗེ་ལས་འདི་ཕྱུང་ངོ་། །སྐུ་དང་

104-1-185b

གསུང་དང་ཐུགས་ལས་སྤྲུལ་པའི་ཧེ་རུ་ཀ །ཆོས་དབྱིངས་དོན་དམ་རིག་པའི་དབྱིངས་ན་བཞུགས། །ཕྱག་རྒྱ་ཡུམ་གྱི་མཁའ་ལ་བཞུགས་ནས་ཀྱང་། །སྐུ་གསུང་ཐུགས་ཀྱི་དངོས་གྲུབ་བདག་ལ་སྩོལ། །ཡེ་ཤེས་ཁྲོ་རྒྱལ་སྤྲུལ་པ་མང་པོ་འཕྲོ། །ཕྱག་མཚན་སྣ་ཚོགས་འགྲོ་དོན་
མང་པོར་མཛད། །ལས་བྱེད་མཁའ་འགྲོ་ཆོས་དབྱིངས་སྐུ་ལ་འཁྲིལ། །ཡེ་ཤེས་ཁྲོ་རྒྱལ་དངོས་གྲུབ་བདག་ལ་སྩོལ། །འཕྲ་མེན་ཟ་བྱེད་མཆེ་གཤོག་འབར་བའི་ཚོགས། །དབང་ཕྱུག་འཇུག་བྱེད་ཡིད་འཕྲོག་ནུ་མ་ཅན། །རྡོ་རྗེ་མཆུ་ཅན་སྡེར་ཆེན་གཤོག་པ་ཅན། །འཕྲ་མེན་ཟ་
བྱེད་ཆེན་མོ་དངོས་གྲུབ་བདག་ལ་སྩོལ། །རྡོ་རྗེ་ཡང་སྤྲུལ་ཆེན་པོ་ཆོས་དབྱིངས་མཁའ་ལ་ཤར། །མཚོན་ཐོགས་སྤྲུལ་པ་སྣ་ཚོགས་འགྲོ་དོན་མཛད། །རྟག་ཏུ་དོན་མཛད་ཐུགས་རྗེ་ཤུགས་ལས་བྱུང་། །འཕྲ་མེན་ཡང་སྤྲུལ་ཆེན་པོ་དངོས་གྲུབ་སྩོལ། །སྨོན་ལམ་གྲུབ་པ་འགག་
པ་མེད་པའི་ཆོས་ཉིད་ཅན། །འགྲོ་བའི་དོན་སྒྲུབ་རབ་ཏུ་བརྩོན་པ་མཐའ་ཡས་པ། །སེམས་ཅན་རྣམས་ལ་དངོས་གྲུབ་མཆོག་རྣམས་ངེས་པར་སྩོལ། །ཡེ་ཤེས་ཆོས་དབྱིངས་སྐད་ཚོགས་ཟླ་ཉིའི་ཞལ། །ལས་མཛད་ཡེ་ཤེས་ནན་ཏན་དོན་ལ་བཞུགས། །རྒྱུ་འབྲས་གཉིས་
ཀྱིས་འགྲོ་བའི་དོན་མཛད་པ། །སྒོ་བ་ཡབ་ཡུམ་དངོས་གྲུབ་སྩལ་དུ་གསོལ། །རྡོ་རྗེ་མཁའ་འགྲོ་དབྱིངས་ཀྱི་ཡེ་ཤེས་ཡུམ། །ལས་བྱེད་མ་མོ་ཀུན་ལ་དབང་མཛད་མ། །ཕྱག་བརྙན་སྤྲུལ་པ་སྣ་ཚོགས་འགྲོ་དོན་མཛད། །རྡོ་རྗེ་མཁའ་འགྲོའི་དངོས་གྲུབ་བདག་ལ་སྩོལ། །
རྡོ་རྗེ་གཤོག་པ་ཐོགས་པའི་ཡིད་འཕྲོག་མ། །རྡོ་རྗེ་སྡེར་མོ་ཕྱོགས་བཅུར་སྤྲུལ་པ་འཕྲོ། །རྡོ་རྗེ་ལས་བྱེད་མ་མོ་བརྒྱ་ཡང་འགྱེད། །དབང་ཕྱུག་ཕོ་ཉའི་དངོས་གྲུབ་བདག་ལ་སྩོལ། །མི་མཉམ་པ་ཡི་ལྷ་ཁྱོད་རྟག་ཏུ་ནི། །ཐུགས་རྗེ་ཅན་གྱིས་གཟིགས་ཤིང་འགྲོ་བའི་དཔལ། །
བླ་མེད་བྱང་ཆུབ་བསྒྲུབ་པར་དམ་བཅས་པ། །བདག་ཅག་ལས་ཀྱི་འབྲས་བུ་མཆིས་པར་མཛོད། །དེ་ནས་བཅོམ་ལྡན་འདས་ལ་འཁོར་རྣམས་འདུས་ནས་གསོལ་པ། སྔོན་ཚེ་ཡེ་ཤེས་བརྙེས་པའི་ལྷ། །དེ་ཡི་འཁོར་དུ་གཏོགས་པ་མ་དང་མཁའ་འགྲོ་མ། །རྩེ་གཅིག་བསྙེན་
ཀྱང་ཡེ་ཤེས་ལྷ་དང་འཕྲ་མེན་ཁྱོད་བསྙེན་བསྙེན། །བསྙེན་པའི་དུས་ན་རྒྱང་མ་རིང་། །བསྒྲུབ་པའི་དུས་ན་མཐུ་མ་ཆུང་། །ཡང་བསྙེན་ནི་ཡང་ཡང་བསྙེན་ན། །དཔལ་ཆེན་འཕྲ་མེན་ཁྱེད་ལྟར་མ་ལགས་ཀྱི། །ལང་ཀའི་ཚོགས་ཀྱི་སྲིན་མོ་ཡང་། །ཕ་བས་བྱམས་ཤིང་ཁུ་བས་གདུང་། །

104-1-186a

ཡང་བསྒྲུབ་པ་ནི་ཡང་བསྒྲུབས་ན། །ལང་ཀའི་ཚོགས་ཀྱི་སྲིན་མོ་ཡང་། །མ་བས་བྱམས་ཤིང་སྲིད་པས་གདུང་། །གདུངས་པས་མཆི་མའི་ཚུལ་དུ་དཀུ། །ཡེ་ཤེས་ལྷའི་ཐུགས་ཀྱིས་བཟོད་ལགས་སམ། །དངོས་གྲུབ་སྐལ་དང་ལྡན་པར་མི་དམིགས་ཀྱང་། །སྔོན་གྱི་
ཐུགས་དམ་དབང་གིས་དངོས་གྲུབ་སྩོལ། །དེ་སྐད་ཅེས་གསོལ་པ་དང་། བཅོམ་ལྡན་འདས་ཀྱི་སྐུ་གསུང་ཐུགས་ཀྱི་སྤྲུལ་པའི་དངོས་གྲུབ་འཁོར་རྣམས་ལ་སྩལ་ཏོ། །འཁོར་རྣམས་ཀྱིས་ཀྱང་རྡོ་རྗེ་ཆོས་ཀྱི་སྡུད་པ་པོ་དངོས་གྲུབ་སྩལ་ཏོ། །བཅོམ་ལྡན་འདས་ཧེ་རུ་ཀ་རོལ་པ་
ལས་སྐུ་གསུང་ཐུགས་ཀྱི་དངོས་གྲུབ་དབྱིག་བསྒྲུབ་པའི་ལེའུ་སྟེ་བཅུ་དྲུག་པའོ།། །། དེ་ནས་བཅོམ་ལྡན་འདས་ཀྱིས་བཀའི་དམ་པའི་དོན་གྱི་གསང་བ་ཟབ་མོ་འདི་ཉིད་ཀྱི་སྐུ་དང་གསུང་དང་ཐུགས་རྡོ་རྗེ་ལས་ཕྱུང་ནས་སྤྲུལ་པ་ལྕམ་དྲལ་འདི་མགོ་འཇུག་གི་དོན་རྒྱུ་དང་འབྲས་བུ་
གཉིས། དབྱིངས་དང་ཡེ་ཤེས་གཉིས། ཐབས་དང་ཤེས་རབ་གཉིས།  ཀུན་རྫོབ་དང་དོན་དམ་གཉིས། མདོར་བསྡུས་ན་དོན་དམ་ལ་ལྷུན་གྱིས་གྲུབ་པའི་བྱང་ཆུབ་སེམས་སུ་བསྡུའོ། །རྒྱུད་འདིའི་མགོ་འཇུག་གི་དོན་དཔལ་ཀུན་དུ་བཟང་པོར་འདུས་སོ། །ཀུན་དུ་བཟང་
པོ་སྐུ་མི་ཟད་རྒྱན་གྱི་འཁོར་ལོ་དང་། གསུང་མི་ཟད་རྒྱན་གྱི་འཁོར་ལོ་དང་། ཐུགས་མི་ཟད་རྒྱན་གྱི་འཁོར་ལོ་དང་། སྐུ་གསུང་ཐུགས་བདེ་བ་ཆེན་པོ་ཡེ་ཤེས་ཀྱི་དཀྱིལ་འཁོར་ཉིད་ཀྱང་བྱང་ཆུབ་ཀྱི་སེམས་ཀྱང་འདུས་སོ། །བཅོམ་ལྡན་འདས་བྱང་ཆུབ་སེམས་དཔའི་
ཀུན་ཏུ་བཟང་པོར་འདུས་པའི་དོན་ནི་བཅོམ་ལྡན་འདས་ཀྱིས་སྡུད་པ་པོ་རྡོ་རྗེ་ཆོས་ལ་གཏད་དོ། །སྐུ་གསུང་ཐུགས་ཀྱི་དོན་གསང་བ་ཟབ་མོ་འདི་རྡོ་རྗེ་ཆོས་ཀྱི་སྡུད་པ་པོ་ལ་གཏད་དོ། །དེ་ནས་བཅོམ་ལྡན་འདས་ལ་རྡོ་རྗེ་ཆོས་ཀྱི་སྡུད་པ་པོས་ལུས་ངག་ཡིད་གསུམ་རྗེས་སུ་ཡི་རང་སྐྱེས་
ཏེ། བཅོམ་ལྡན་འདས་ལ་བསྟོད་པ། ཀུན་གཞི་རྣལ་འབྱོར་རྫོགས་པའི་དཀྱིལ་འཁོར་ན། །ཟབ་ཅིང་གཏིང་དཔག་དཀའ་བ་རྒྱལ་བའི་སྐུ་བཞུགས་སོ། །སྤྲུལ་པ་མང་པོས་འགྲོ་དོན་རྫོགས་པར་མཛད། །དཔལ་ཆེན་ཀུན་བཟང་ཁྱོད་ལ་ཕྱག་འཚལ་ལོ། །ཡེ་ཤེས་
ཁྲོ་བོ་ཆོས་ཉིད་དབྱིངས་ན་བཞུགས། །སྤྲུལ་པའི་ཁྲོ་བོས་ལས་རྣམས་རྫོགས་པར་མཛད། །འཕྲ་མེན་ཡང་སྤྲུལ་ཡེ་ཤེས་དབྱིངས་སུ་འཁྱིལ། །ཁྲོ་བོ་འཁོར་མོའི་ཚོགས་ལ་ཕྱག་འཚལ་ལོ། །སྐུ་གསུང་དངོས་གྲུབ་ཡ་མཚན་ཆོ་འཕྲུལ་ཅན། །

104-1-186b

སྐུ་གསུང་ཐུགས་ལ་སྤྲུལ་པ་མང་པོ་འཕྲོ། །མཁའ་འགྲོ་ཟ་བྱེད་འཕྲ་མེན་ཕོ་ཉ་མ། །མགྱོགས་པའི་ཚོགས་ལ་ཕྱག་འཚལ་ལོ། །ལས་རྣམས་དྲག་ཤུལ་མཛད་པའི་ཁྲོ་རྒྱལ་སྐུ། །དེ་བཞིན་གཤེགས་པའི་མན་ངག་གསང་ཆེན་
རྣམས། །ཀླུང་ནས་གྲོལ་བར་མཛད་པ་ཡེ་ཤེས་ཡུམ། །སྒོ་བ་སྒོ་མའི་ཚོགས་ལ་ཕྱག་འཚལ་ལོ། །དེ་ནས་བཅོམ་ལྡན་འདས་ཀྱིས་འཁོར་རྣམས་རྗེས་སུ་ཡི་རང་སྟེ། ལེགས་སོ་ལེགས་སོ་ཞེས་བྱ་བ་བྱིན་ཏེ། བཀའ་དམ་པ་གསང་བ་ཟབ་མོའི་ཏན་ཏྲ་འདི་སྡུད་པ་པོ་རྡོ་རྗེ་
ཆོས་ལ་གཏད་དོ། །དེ་ནས་སྡུད་པ་པོ་རྡོ་རྗེ་ཆོས་ཀྱིས་བཅོམ་ལྡན་འདས་དཔལ་ཀུན་ཏུ་བཟང་པོ་ཧེ་རུ་ཀ་འཁོར་དང་བཅས་པ་རྣམས་ལ་སྐུ་གསུང་ཐུགས་ཀྱི་བཤགས་པ་ཕུལ་ལོ། །འདོད་ཆགས་ཞེ་སྡང་གཏི་མུག་དབང་དུ་གྱུར་པས་ན། །ལུས་ངག་སེམས་ཀྱིས་སྡིག་
བགྱིས་མཐོལ་ཞིང་བཤགས། །ཐེག་པ་དམན་པའི་དབང་དུ་གྱུར་པས་ན། །ཐབས་ཆེན་སྤྱད་དང་མ་སྤྱད་མཐོལ་ཞིང་བཤགས། །མ་རིག་ལོག་པའི་དབང་དུ་གྱུར་པས་ན། །ཡང་དག་དོན་མ་རྟོགས་པ་མཐོལ་ཞིང་བཤགས། །སྙིང་རྗེ་ཆུངས་ཤིང་ཞེ་སྡང་དབང་དུ་གྱུར་པས་
ན། །འགྲོ་བའི་དོན་མ་བགྱིས་པ་མཐོལ་ཞིང་བཤགས། །ལེ་ལོ་གཉིད་ཀྱི་དབང་དུ་གྱུར་པས་ན། །བསྒོམ་དང་བསྒྲུབ་ལ་གཡེལ་བ་མཐོལ་ཞིང་བཤགས། །སེར་སྣ་འཇུར་འགེགས་དབང་དུ་གྱུར་པས་ན། །མཆོད་པ་ལོ་ཟླ་འདས་པ་མཐོལ་ཞིང་བཤགས། །ང་རྒྱལ་
ཁེངས་སེམས་དབང་དུ་བསྡུས་པ་ན། །སློབ་དཔོན་སྐུ་མ་མཉེས་པ་མཐོལ་ཞིང་བཤགས། །བརྩེ་གདུང་ཆུང་བའི་དབང་དུ་གྱུར་པས་ན། །གྲོགས་མཆེད་ཐུགས་དང་འགལ་བ་མཐོལ་ཞིང་བཤགས། །ཟ་རོག་ངན་པའི་དབང་དུ་གྱུར་པས་ན། །ཕུད་དང་ལྷག་མར་གྱུར་
པ་མཐོལ་ཞིང་བཤགས། །ཕུད་དང་ལྷག་མ་ཉམས་པའི་སྐྱོན་དབང་གིས། །ཕུད་ལ་ཐུགས་དང་འགལ་བ་མཐོལ་ཞིང་བཤགས། །ཕུད་ལ་ཐུགས་དང་འགལ་བའི་སྐྱོན་དབང་གིས། །མཁའ་འགྲོ་བཀའ་ཆད་གནས་སུ་གྱུར་པ་མཐོལ་ཞིང་བཤགས། །སྒྲོལ་བའི་
དུས་སུ་སྙིང་རྗེ་ཆུངས་བ་ཡིས། །སེམས་ཅན་གནས་མ་སྟོབས་པ་མཐོལ་ཞིང་བཤགས། །ཉོན་མོངས་གནས་མ་སྟོབས་པའི་སྐྱོན་དབང་གིས། །ཡུན་གྱི་སྒྲིབ་པར་གྱུར་པ་མཐོལ་ཞིང་བཤགས། །སྦྱོར་བའི་དུས་སུ་ཏིང་འཛིན་མ་གསལ་བས། །གཟུངས་

104-1-187a

མ་ཐུགས་དང་འགལ་བའི་སྐྱོན་དབང་གིས། །ཆགས་ཤིང་འཁོར་བའི་གནས་སུ་མཐོལ་ཞིང་བཤགས། །བཤགས་ནས་སྐུ་གསུང་ཐུགས་ཀྱི་དངོས་གྲུབ་སྩོལ། །དེ་སྐད་ཅེས་བཟོད་པ་ཕུལ་ནས་བཅོམ་ལྡན་འདས་ཀྱིས་ཀྱང་ཚངས་པ་གནང་སྟེ། བཀའ་
དམ་པ་འདི་ཡང་ནས་ཡང་དུ་རྡོ་རྗེ་ཆོས་ཀྱི་སྡུད་པ་པོ་ལ་གཏད་དོ། །དེ་ནས་རྡོ་རྗེ་ཆོས་ཀྱིས་བཀའ་དམ་པ་འདི་མ་ཆགས་པའི་དབང་གིས་བཀའ་བཞིན་བྱས་སོ། །དེ་ནས་འཁོར་དེ་དག་ཐལ་མོ་སྦྱར་ནས་རྗེས་སུ་ཡིད་རང་ངོ་། །དེ་ནས་བཅོམ་ལྡན་འདས་ཀྱིས་གསུང་པ་ལ་
མངོན་པར་བསྟོད་དོ། །བཅོམ་ལྡན་འདས་ཧེ་རུ་ཀ་རོལ་པ་ལས་ཡོངས་སུ་གཏད་པའི་ལེའུ་སྟེ་བཅུ་བདུན་པའོ། །དེ་ནས་བྱང་ཆུབ་སེམས་དཔའ་དེ་དག་དང་། ལྷ་དང་། ཀླུ་དང་། ལྷ་མ་ཡིན་དུ་བཅས་པའི་འཇིག་རྟེན་ཡི་རངས་ཏེ། བཅོམ་ལྡན་འདས་ཀྱིས་གསུངས་
པ་ལ་མངོན་པར་བསྟོད་དོ། །གསང་བའི་སྙིང་པོ་ཟབ་མོ་མཆོག་དཔལ་སྙིང་རྗེ་རོལ་པའི་རྒྱུད་རྫོགས་སྷོ།། །།རྒྱ་གར་གྱི་ལོ་ཙྪ་བ་མཁས་པར་ལོབས་པ་བལ་པོ་ཤྲི་ཀིར་ཏིས་གཏན་ལ་ཕབ་སྟེ། སྐད་གསར་པས་བསྒྱུར་ནས་སོག་པོ་མཆོག་གི་སྙིང་པོ་དང་། 
ཨན་བཀྲ་ཤིས་དང་། བལ་པོ་བཟང་བཀྲ་ཤིས་རྒྱ་མཚོས་ཡོན་བདག་བགྱིས་ནས་མང་ཡུལ་བྱམས་སྤྲིན་གཙུག་ལག་ཁང་གི་ཡ་ཐོག་གི་དབུ་རྩེར་ཤིན་དུ་གསང་སྟེ། སྐད་གསལ་བར་བསྒྱུར་རོ། ། བམ་པོ་ཆེན་པོ་བརྒྱད་པ། ༄༅།  །རྒྱ་གར་སྐད་དུ།  སརྦ་པཉྩ་ཨ་མྲྀ་ཏ། ས་ར་སིདྡྷི་མ་ཧཱ་
དུ་ཀ །ཧྲི་ད་ཡཱ་ན་པ་ར་བིད་ཏྭན་ཨཥྚ། བོད་སྐད་དུ།  ཐམས་ཅད་བདུད་རྩི་ལྔའི་རང་བཞིན། དངོས་གྲུབ་ཆེན་པོ་ཉེ་བའི་སྙིང་པོ་མཆོག །བམ་པོ་ཆེན་པོ་བརྒྱད་པ། དཔལ་ཀུན་དུ་བཟང་པོ་ལ་ཕྱག་འཚལ་ལོ། །བཅོམ་ལྡན་གསང་བ་མཆོག་གི་དཀྱིལ་
འཁོར་ན། །ཤིན་དུ་རྣལ་འབྱོར་དབང་ཕྱུག་ཚོགས། །རྒྱལ་བ་རྒྱ་མཚོ་འཁོར་དང་བཅས། །སྐལ་ལྡན་རྣམས་དང་ཐབས་གཅིག་བཞུགས། །གནས་མཆོག་ཡུམ་གྱི་དཀྱིལ་འཁོར་ན། །གཉིས་མྱེད་ལྷུན་གྱིས་གནས་པའི་ཚེ། །དེ་ཚེ་ཉན་ཐོས་དགེ་འདུན་དང་། །རང་རྒྱལ་
ཐེག་ཆེན་མདོ་སྡེ་དང་། །བྱང་ཆུབ་སེམས་དཔའི་དགེ་འདུན་དང་། །ཉན་ཐོས་དགེ་འདུན་ཆེན་པོ་དང་། །དགྲ་བཅོམ་མིང་ཡང་མེད་ནང་དུ། །ཀུན་བཟང་ཐུགས་ཀྱི་དཀྱིལ་འཁོར་ནས། །དགོངས་སྟེ་འདི་སྐད་བསྟན་པའི་ལུང་། །བཤད་ཅིང་འགྲོལ་བའི་དུས་གཅིག་དང་། །

104-1-187b

འདི་སྐད་བསྟན་པའི་དུས་གཅིག་ན། །སྲིད་གསུམ་ཡེ་ནས་བདུད་རྩི་ལྔ། །མ་བཅོས་ཡེ་ནས་རྫོགས་སངས་རྒྱས། །ཀུན་ཏུ་བཟང་པོའི་ཐུགས་དཀྱིལ་ནས། །དུས་གསུམ་སྲིད་གསུམ་སྐུ་གསུང་ཐུགས། །ཡེ་ནས་བདུད་རྩི་ཡིན་པའི་ཕྱིར། །ངེས་པའི་ཀློང་ནས་བཀའ་སྩལ་པ། །
ཟབ་མོའི་ཀློང་ནས་ཕྱུང་སྟེ་བསྟན། །དེ་ནས་བདེར་གཤེགས་ཐམས་ཅད་དང་། །ཐབས་གཅིག་བཞུགས་ཏེ་དགོངས་པ་ནི། །བླ་ན་མེད་པའི་བྱང་ཆུབ་ཏུ། །ཡེ་ཤེས་མཉམ་ཉིད་ཉམས་རྙེད་ནས། །རྡོ་རྗེ་གསང་བའི་གྲལ་བཀོད་དེ། །ཀུན་གྱི་དམ་པར་འདི་གསུངས་སོ། །
བཀའ་ཡི་དམ་པ་མཆོག་གི་ལུང་། །ངེས་པར་ཕྱུང་སྟེ་གསུངས་པ་འདིའོ། །སྒྲུབ་དང་སྒྲུབ་པར་བྱ་བ་དང་། །འབྲས་བུ་ཐོབ་པར་བྱ་བའི་ཕྱིར། །གསང་སྔགས་གསང་བའི་མན་ངག་འདི། །བདུད་རྩི་དམ་པ་མཆོག་གི་ལུང་། །སྙིང་པོར་བསྡུས་པའི་ངེས་པར་འདི། །བྱང་
ཆུབ་འབྱུང་བ་སྙིང་པོ་མཆོག །ལྟ་བ་དང་ནི་སྤྱོད་པ་དང་། །དམ་ཚིག་བསྒྲུབ་པ་ཕྲིན་ལས་དང་། །ངེས་པར་སྒྲུབ་དང་བསྒྲུབ་བྱའི་ཕྱིར། །ཟབ་མོ་བསྡུས་པའི་ལུང་འདི་གསུངས། །བསམ་གྱིས་མི་ཁྱབ་བསྟན་པ་དང་། །བརྒྱད་ཁྲི་བཞི་སྟོང་རྣམ་གྲངས་ཀྱང་། །
ཐེག་པའི་སྒོ་ནི་གསུམ་དུ་གསུངས། །གསང་ཉིད་ཐེག་པར་བསྡུས་དང་བཞི། །ལྡེམ་པོར་དགོངས་དང་དོན་དམ་ཡང་། །བཀྲི་བའི་དོན་དེ་སངས་རྒྱས་ཡིན། །རྣ་བརྒྱུད་བསྟན་པས་ཐུགས་བརྟོལ་ཏེ། །ཐིག་ལེ་ཆོས་སྐུས་ཁྱབ་པའི་ཕྱིར། །ངེས་པའི་ལུང་ཡང་
སངས་རྒྱས་སོ། །སངས་རྒྱས་མཉམ་དང་དབྱིངས་སུ་འགྲོ། །ངེས་པའི་ལུང་ཡང་རྣམ་གཅིག་ཏུ། །གསང་སྔགས་གསང་བས་སངས་རྒྱས་ཏེ། །བྱང་ཆུབ་སེམས་འདི་ཀུན་དུ་དག ། རྫོགས་པའི་ཡེ་ཤེས་བདེ་ཆེན་ཉིད། །མ་ལུས་མཐའ་དག་ཉིད་ཀྱི་རྒྱ། །ཡེ་ནས་བྱ་མེད་བྱ་མི་
དགོས། །རྒྱུ་དང་འབྲས་བུ་འཁྲུལ་པའི་སྒྲ། །མི་རྟོག་སྦྱོང་བའི་ཡུལ་མིན་ནོ། །དེ་ལྟའི་ཡུལ་དུ་རྟོག་འཛིན་གྱིས། །འཁོར་བའི་རྒྱ་མཚོར་གྱུར་པ་ཡིན། །ངེས་འབྱུང་ཆོས་སྐུ་ཆེན་པོ་ལ། །བྷ་གར་ཇི་བཞིན་བཞག་པས་ན། །བྱང་ཆུབ་ཉིད་དེ་ལྟུང་གནས་མེད། །བུ་གཅིག་མ་
རྩོལ་བདེ་བར་གནོས། །རྒྱུད་དང་ལུང་དང་མན་ངག་ཀྱང་། །རྨངས་དང་རྗེའུ་དང་རྒྱལ་པོའི་ཚུལ། །ཁྱད་པར་རྩལ་འཕང་ཐག་རིང་ཡང་། །གཅིག་ལ་གཅིག་རྟེན་གཅིག་གི་ངང་། །དབྱེར་མེད་ཚུལ་གཅིག་རང་བཞིན་བས། །ཅིག་སྟེ་མ་གྲངས་ཡོངས་ཀྱི་མེད། །དབྱེར་མེད་

104-1-188a

ངང་དུ་རྟོགས་པ་ལ། །བདུད་རྩི་ཞེས་ནི་དེ་ལ་བྱའོ། །དེ་ལས་སྐུ་གསུང་ཐུགས་ཀྱི་བདག །སྐུ་དང་རྒྱན་དང་འཁོར་ལོ་ཡང་། །ལུང་ཆེན་ཟབ་མོའི་ནང་ན་གསལ། །ལྔ་བཞི་ནང་དུ་འཁོར་བ་ཡང་། །ཡེ་ཤེས་སངས་རྒྱས་དེ་ལས་མེད། །དབྱིངས་སུ་གྱུར་པས་མཉམ་གནས་པས། །
ཡེ་ནས་སངས་རྒྱས་བདེ་ཆེན་ཉིད། །བདུད་རྩི་ཞེས་ནི་དེ་ལ་བརྗོད། །སྐྱེ་ཤི་མེད་པའི་དབྱིངས་སུ་གྱུར། །དབྱིངས་འགྱུར་དག་མཉམ་ལྷུན་གྲུབ་པས། །ལྟ་བ་འདི་ལ་གནས་པ་ཡི། །རྣལ་འབྱོར་འདི་ནི་སྐལ་བ་བཟང་། །ཅི་སྤྱད་ཅི་བསྒོམས་ཅི་བསྒྲུབ་ཀྱང་། །བདུད་རྩི་ཉིད་ཏེ་སྨན་གྱི་མཆོག །བདེར་
གཤེགས་ཉིད་ཀྱི་ཐུགས་དམ་ཉིད། །བྱིན་བརླབས་ངོ་མཚར་རྒྱ་ཆེར་འབྱུང་། །རྒྱལ་བ་རྒྱ་མཚོ་རྣམས་ཀྱི་གསོས། །སངས་རྒྱས་བདེ་ཆེན་ཉིད་ལས་བྱུང་། །ཐམས་ཅད་མ་ལུས་བདུད་རྩི་འདི། །སྤྲོས་མེད་ཐིག་ལེར་གནས་པ་ལས། །མཐའ་ཡས་སེམས་ཅན་དོན་གྱི་ཕྱིར། །རང་ལ་
མཆོད་ཅིང་རང་གིས་བཟའ། །བསྒྲུབ་པ་པོས་ནི་ནན་ཏན་བྱོས། །ཞེས་བཅོམ་ལྡན་འདས་དཔལ་ཀུན་ཏུ་བཟང་པོས། ཡེ་ཤེས་ཆེན་པོའི་ཐུགས་ནས་དགོངས་ཏེ་བཀའ་སྩལ་པའོ། །བདུད་རྩི་ཆེན་པོ་མཆོག་གི་ལུང་ལས་བྱང་ཆུབ་སེམས་དེ་ཁོ་ན་ཉིད་ལྟ་བར་བསྟན་པའི་མན་ངག་ཆེན་པོ་
གསང་བའི་དོན་དང་པོ་སྟེ། ཐུགས་ཀྱི་རྒྱ་མཚོའི་ནང་ནས་གསང་བའི་མཛོད་ཆེན་པོ་ལས་བམ་པོ་ཆེན་པོ་བརྒྱད་པའི་དང་པོ།། །། ༄༅།  །རྒྱ་གར་སྐད་དུ།  ཨ་མྲྀ་ཏ་ར་ས་ཡ་ན། ཏ་ན་ཛྷ་ཡ།  པྲ་ཤསྟ་པྲ་མ་ན་ཤྲི་ཀན་པྲ་ཤ་སྟ་ཡ་ན་མོ། བོད་སྐད་དུ།  ཚངས་པ་ལ་སོགས་
པ་དྲང་སྲོང་དང་། ལྷ་དང་ཀླུ་དང་མིའི་བྱང་ཆུབ་སེམས་དཔའ་རྣམས་ལ་ཕྱག་འཚལ་ལོ། །དེ་ནས་ཚངས་པའི་གཙོ་བོ་མཆོག །དུང་གི་ཐོར་ཚུགས་ཁོང་སེང་ཅན། །ཚངས་པ་ཀུན་གྲོལ་ཆེན་པོ་དང་། །དྲང་སྲོང་ཆེན་པོ་ལྗང་སྔོན་དང་། །ཙ་ར་ཀ་དང་ནམ་སོ་སྐྱེས། །ཐ་སྐར་བུ་དང་ལྷ་སྐབས་དང་། །
རྒྱུན་ཤེས་པ་དང་གཡོན་ཕྱོགས་ལྷ། །ཐང་ལ་གནས་དང་མེ་བཞིན་འཇུག །དཀའ་གཉིས་སྤྱོད་དང་ཀ་ལ་ཡན། །ཤིང་ཁྱེར་དང་ནི་ལྗང་སྔོན་བུ། །ཉི་མ་ཟླ་བ་ཀླུ་རུ་བཅས། །ཤིང་གི་ལྷ་མོ་འོད་འཆང་མ། །སྨན་གྱི་ལྷ་མོ་ནོར་གྱི་རྒྱུན། །འདི་ཀུན་འཁོར་དང་བཅས་པ་ཡིས། །ཀུན་བཟང་ལྷ་
ལ་ཕྱག་འཚལ་ནས། །སྨན་གྱི་དབང་དང་དམ་ཚིག་མནོས། །དྲང་སྲོང་རྣམས་ལ་རྗེས་སུ་གནང་། །དེ་ནས་ཀུན་བཟང་བདེར་གཤེགས་ཀྱིས། །སྨན་གྱི་རྒྱལ་པོ་བདུད་རྩི་མཆོག །ངེས་པའི་ལུང་འདི་བཀའ་སྩལ་ཏོ། །དེ་ནས་ཐུགས་རྗེའི་ཆོ་འཕྲུལ་གྱིས། །ས་རྣམས་རབ་ཏུ་གཡོས་

104-1-188b

ནས་ནི། །སྟོང་གསུམ་འཇིག་རྟེན་ས་སྟེངས་སུ། །ཐམས་ཅད་སྨན་ཆེན་ར་ས་ཡན། །སྐྱེ་བ་མེད་ལས་ཐམས་ཅད་སྐྱེས། །དེ་ལྟར་སྨིན་པར་བྱེད་པ་ཡང་། །ཐུགས་རྗེ་རྒྱ་མཚོ་ཆེན་པོ་ལས། །ཐུགས་རྗེ་སྤྲིན་ནི་ཁྱབ་པ་ཡིས། །སྤྲིན་ཆེན་གློག་གི་ཕྲེང་བ་ཅན། །ཡུད་ཙམ་སྒྲ་དང་
བཅས་པ་ཡིས། །ས་སྟེངས་ཁེངས་པར་ཆར་ཕབ་ནས། །དེ་ཉིད་ཐུགས་རྗེ་སྙོམས་པའི་མགོན། །ཆུ་ཡི་ཕུང་པོ་བདུད་རྩི་ཡིས། །མ་ལུས་པར་ནི་ངོམས་པར་བྱས། །བདུད་རྩིའི་རྒྱ་མཚོ་ཐིགས་ཆེན་གྱིས། །ས་དང་སྨན་རྣམས་ཀུན་གྱི་གསོས། །རི་རབ་རྩེ་དང་རི་སུལ་དང་། །སྨན་
ལྗོངས་དང་ནི་ནག་ཚལ་དང་། །ལྕང་ལོ་ཅན་གྱི་འཁོར་ཀུན་དུ། །སྤྲིན་ཆེན་བདུད་རྩི་ཆར་གྱིས་རླན། །ཆུ་དེ་ཐམས་ཅད་རོ་གཅིག་སྟེ། །ཆུ་ཡི་བཅུད་ལས་སྐྱེས་པ་ནི། །དཔག་བསམ་ཤིང་དང་གེལ་བའི་ཤིང་། །ལྗོན་ཤིང་དང་ནི་ཙུ་ཏའི་ཤིང་། །ས་སྟེངས་ཁེབས་པར་སྐྱེས་པ་སྟེ། །
བདུད་རྩིར་གྱུར་ཏེ་ཐམས་ཅད་རྒྱས། །སྡོང་པོ་དང་ནི་སྡོང་ཆེན་དང་། །རྩ་བ་སྡོང་པོ་ཤུན་ལྤགས་དང་། །སྙིང་པོ་ཡལ་ག་ལོ་མ་དང་། །འདབ་མ་མེ་ཏོག་འབྲས་བུར་བཅས། །དེ་བཞིན་འབྲུ་ཡི་རྣམ་གྲངས་ཀུན། །ཐམས་ཅད་བངས་ཤིང་སྨིན་པར་མཛད། །འཐུངས་ན་ངོམས་ཏེ་
རྒྱས་པར་གྱུར། །སོ་སོའི་ཡུལ་དང་གནས་དག་དང་། །མདོག་དང་རོ་དང་དྲི་དང་མཐུ། །གང་གི་ས་བོན་དེ་ཉིད་ལས། །དེ་དག་རང་རང་འབྱིན་པར་བྱེད། །དེ་བཞིན་སྲོག་ཆགས་ཐམས་ཅད་ཀུན། །ར་ས་ཡ་ནའི་རྫས་ལ་སྤྱོད། །འགྲོ་བ་དྲུག་གི་གསོས་སུ་འགྱུར། །བདུད་རྩི་སྒོ་
ནི་རྣམ་པར་ཕྱེ། །འཇིག་རྟེན་མགོན་པོས་བཀའ་སྩལ་ཏོ། །དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་འཇམ་དཔལ་རྣོན་པོས་བསྡུས་ཏེ་བཀའ་སྩལ་པ། ལྷ་དང་ཀླུ་དང་དྲང་སྲོང་དང་། མིའི་བྱང་ཆུབ་སེམས་དཔའི་དགེ་བསྙེན་ཆེན་པོ་དྲི་མ་མེད་པར་གྲགས་པ་ལི་ཙ་བི་
ལ་སོགས་པ་ལ་བདུད་རྩི་ར་ས་ཡ་ན་ཏ་ནན་ཛྷ་ཡ་འདི་དག་བསྟན་ནོ། །དང་པོར་བསྒྲུབ་པའི་ཡུལ་དང་གནས་ནི། ཨུ་ཧུ་སི་ཏི་པ་ཙ་ཞེས་བྱ་སྟེ། བ་ཏྲི་ས་ཞེས་ཀྱང་བྱ་བ། རིའི་རྒྱལ་པོ་གསེར་མདོག་ཅན་གྱི་རྩེ་མོ་རྟ་རྣ་རི་ཞེས་བྱ་བ་དེར།  ར་ས་ཡ་ན་ཞེས་བྱ་བ་དྲང་སྲོང་རྣམས་ཀྱིས་
བསྒྲུབས་སོ། །དེ་ཡང་ཐང་ཅིག་ཡུད་ཀྱིས་འགྲུབ། །ལ་ལ་ཉིན་ཞག་གཅིག་གིས་འགྲུབ། །ལ་ལ་ཉིན་ཞག་བདུན་གྱིས་འགྲུབ། །འཐའ་མ་ཉི་ཤུ་གཅིག་གིས་འགྲུབ། །དེ་ལ་ཐེ་ཚོམ་མེད་པས་འགྲུབ། །དེ་དག་ཀུན་གྱི་མཚན་ཉིད་ནི། །རྩ་བ་སྡོང་བུ་ཡལ་ག་དང་། །

104-1-189a

ལོ་མ་འདབ་མ་མེ་ཏོག་དང་། །ཤུན་ལྤགས་འབྲས་བུ་སྙིང་པོར་བཅས། །རོ་དང་མཐུ་དང་མདོག་དང་ལས། །རྩ་བ་གཅིག་ལ་ཡན་ལག་བརྒྱད། །ཡན་ལག་བརྒྱད་ལས་ཡོན་ཏན་སྟོང་། །འདི་དག་ཀུན་གྱི་ཡོན་ཏན་ཡང་། །བཞི་བརྒྱ་རྩ་བཞིའི་ནད་སེལ་ཞིང་། །བདུད་
བཞི་ངེས་པར་འཇོམས་པར་བྱེད། །སྨན་གྱི་རྒྱལ་པོ་བདུད་རྩིའི་མཆོག །བཅོམ་ལྡན་འདས་ཀྱིས་བཀའ་སྩལ་ཏོ། །དྲང་སྲོང་ཆེན་པོ་འདི་ཀུན་ཀྱང་། །མངོན་ཤེས་ལྔ་དང་ལྡན་འགྱུར་ཞིང་། །རིག་པའི་གནས་མཆོག་བཅྭ་བརྒྱད་ཤེས། །དེ་ནས་སྨན་ནི་བསྒྲུབ་པར་བྱ། །སྟེགས་
བུ་ཁྲུ་གང་པ་གཅིག་ལ། །མཎ་ཌལ་གཙང་མའི་དྲིས་བྱུགས་ལ། །དེ་ཡི་དབུས་སུ་སྨན་གྱི་མཆོག །བདུད་རྩི་ཅོང་ཟི་རྣམ་གསུམ་དང་། །སེར་སྐྱ་བ་ལས་བྱུང་བ་ཡི། །འོ་མ་བྲེ་གང་བཙགས་ནང་དུ། །ཨ་ཤོ་ཀན་འདའི་ཕྱེ་མ་དང་། །བསྲེས་ནས་བསྐོལ་བའི་ནང་དུ་གདབ། །
ལྕགས་ལས་བྱས་པའི་སྣོད་དུ་བླུགས། །སྟེགས་བུའི་དབུས་སུ་བཞག་ནས་ནི། །བྱིན་གྱིས་བརླབ་པའི་སྔགས་འདི་དག །སྟོང་ངམ་བརྒྱ་ནི་རྩ་བརྒྱད་བཟླས། །ཨོཾ་བཛྲ་ཨ་མྲྀ་ཏ། པ་ལ་ལི་ཀ །བེ་ལ་ལིག་ཙན་ད་ལིག་སྭཱ་ཧཱ། དངོས་གྲུབ་བླང་བའི་སྔགས་འདིའོ། །ཨ་མྲྀ་ཏ་སིདྡྷི་བྱི་
ཙུརྣ་ཡ་སྭཱ་ཧཱ། པུ་ཙ་ལྷ་ཧ་ཀན། བྱིན་གྱིས་བརླབ་ཅིང་བཟའ་བ་ཡང་། །ཉི་མའི་གུང་ལ་བཟའ་བར་བྱ། །དོན་དམ་ཐིག་ལེ་བདེན་པ་ལས། །སྙིང་པོ་མེད་ལས་སྙིང་པོ་བླང་། །རྣམ་སྨིན་འབྲས་བུ་རིག་འཛིན་འགྲུབ། །ནད་མེད་ལོ་བརྒྱ་འཚོ་བར་བྱེད། །དེ་ནས་དྲང་སྲོང་ཉི་ཤུ་
གཅིག །གྲུབ་པའི་རིག་འཛིན་མཆོག་ཏུ་གྱུར། །དེ་ཡི་འོག་ཏུ་དྲང་སྲོང་མཆོག །བཅྭ་ལྔ་ཡིས་ནི་བདུད་རྩི་སྨན། །ར་ས་ཡ་ན་དམ་པ་འདི། །ཚེ་ཡི་རིག་འཛིན་འདོད་པའི་ཕྱིར། །གཞོན་ནུ་སྲེད་ཅེས་བྱ་བ་དང་། །འདྲོན་སྐྱོབ་ཅེས་ནི་བྱ་བ་དང་། །རྩིབས་ཀྱི་མུ་ཁྱུད་ལ་སོགས་
པས། །ཆུ་བོ་གང་གཱའི་འགྲམ་དུ་བསྒྲུབས། །ལྷ་རྫས་དགེ་བ་ཨ་རུ་ར། །རིགས་བདུན་ས་ལ་ལྷུང་བ་ནི། །བརྒྱ་བྱིན་བདུད་རྩི་འཐུང་བའི་ཚེ། །ཐིགས་པ་བདུན་ནི་ཁ་ནས་ལྟུང་། །རླུང་གི་ཁྱེར་ཏེ་ས་ལས་སྐྱེས། །བདུད་རྩིའི་གཙོ་བོར་རབ་ཏུ་གྲགས། །རླུང་དང་མཁྲིས་པ་བད་
ཀན་དང་། །འདུས་པའི་ནད་དང་དུས་ཀྱི་ནད། །དུས་མིན་འཆི་ལས་ཐར་བར་བྱེད། །རླུང་མཁྲིས་བད་ཀན་འདི་ཀུན་ཡང་། །གཅིག་ལ་འང་ལྔ་ལྔ་ཡོད་པར་བཤད། །དེ་ཀུན་རབ་ཏུ་བསལ་བའི་ཕྱིར། །ཕུང་པོའི་བདུད་དང་ཉོན་མོངས་བདུད། །ལྷ་བུ་བདུད་དང་འཆི་བདག་

104-1-189b

བཅོམ། །བདུད་རྩི་འདི་ཡིས་སེལ་བར་བྱེད། །ཤར་ལྷོ་ནུབ་བྱང་གང་ཡང་རུང་། །བྲག་ཕུག་སྟོང་པ་ཡོད་པ་ལས། །བདུད་རྩི་འཛག་པའི་ཁུ་བ་ནི། །རིན་ཆེན་སྣ་ལྔ་འབྱུང་བའོ། །མིང་ནི་ཤི་ལ་མཛའ་དུ་ཞེས། །ར་ས་ཡ་ན་བདུད་རྩིའི་མཆོག །ཨ་རུ་ར་བརྒྱ་རྩ་བརྒྱད་དམ། །ཡང་ན་ཉི་
ཤུ་རྩ་གཅིག་གམ། །སུལ་བུ་ཟླུམ་པོར་གྱུར་བཙོས་ཏེ། །དེ་དག་རབ་ཏུ་བཙོས་པ་དང་། །ལྕགས་ཟངས་འཁར་བའི་སྣོད་ནང་དུ། །བཀང་སྟེ་སྟེགས་བུ་གོང་མ་ཡི། །དབུས་སུ་བདུད་རྩི་སྨན་དེ་གཞག །བྱིན་གྱིས་བརླབ་པ་སྔ་མ་བཞིན། །འོད་དང་དྲི་དང་བྲོ་བ་འང་མེད། །རྟགས་འདི་
རྣམ་གསུམ་གང་བྱུང་ཡང་། །ལག་པ་གཡོན་པ་དཀན་ཏེ་ཕྱར། །མཐེ་བོང་སྲིན་ལག་མཐིལ་དུ་དགུག །བླངས་ཏེ་བཏུང་བའི་སྔགས་འདིའོ། །ཨོཾ་ཨ་མྲྀ་ཏ་སི་ཏི་བི་ཙུ་རྣ་ཡ། །ལྷ་ཧ་ཀ་ན་ཞེས་བརྗོད་དོ། །དེའི་ཡོན་ཏན་བརྗོད་མི་ལང་། །རྡོ་རྗེ་བྲག་དང་འདྲར་འགྱུར་ཏེ། །ནད་མེད་
རྟག་ཏུ་དར་ལ་བབ། །གྲུབ་པའི་རིག་འཛིན་དམ་པར་འགྱུར། །སྲིད་པ་ཆགས་ནས་སྲུབས་ཤིང་གིས། །བསྲུབས་པའི་འབྲས་བུ་རིན་པོ་ཆེ། །མེ་ཤེལ་ཆུ་ཤེལ་གཉིས་བྱུང་བ། །དེ་ཡང་ཐབས་དང་ཤེས་རབ་སྟེ། །ཉིན་མཚན་གཉིས་ལ་དབང་བྱེད་པའོ། །དེ་ཉིད་ཟུང་ཡང་
འཁོར་དུ་བཅས། །དེ་ནས་བདུད་རྩི་ཟགས་པ་ནི། །ས་དམན་དག་ཏུ་མི་སྐྱེ་སྟེ། །ཨ་ལ་པེ་ཏས་སར་ཀལ་བ། །ལྷ་དང་དྲི་ཟ་གནོད་སྦྱིན་དང་། །རིན་ཆེན་སྣ་ཚོགས་འབྱུང་ཁུངས་གནས། །ལེགས་ལྡན་གངས་རི་གཉན་གྱི་ཤོད། །རི་བྲག་ཆུ་ཀླུང་བགེགས་གནས་སུ། །ལྷུང་ནས་
བབས་ཏེ་སྐྱེས་པ་ནི། །ཨྃ་ལི་ཀ་དང་བྲིས་རྩི་ཀ །ཉི་མ་གཟི་བརྗིད་ལྡན་པའི་ཆུ། །ཨ་ལ་བེ་ཏ་སར་སྲ་ཀལ་བ་བྲྀཀྵ་འབྲུ། །དེ་བཞིན་ཟླ་བ་གཟི་ལྡན་ཆུ། །དེ་ཡི་ས་བོན་ལྷུང་བ་ནི། །གསེར་མདོག་བདུད་རྩི་འདྲ་བར་གསལ། །དམར་བ་མེར་བླུགས་བུས་བུས་ཟེར། །གཟུགས་
བཟང་མཛེས་པ་ཕུན་སུམ་ཚོགས། །ཚེར་མ་རྣོ་བ་དཔལ་དང་ལྡན། །བདུད་རྩི་ཤིང་དང་འབྲས་བུར་ལྡན། །དུག་རྣམས་འཇོམས་ཤིང་སླར་ཡང་ཟློག །སྣ་ཚོགས་ནད་རྣམས་སེལ་བར་བྱེད། །ཉི་མའི་འོད་དང་ཟླ་བའི་མདོག །རོ་ཡང་རྣམ་པ་སྣ་ཚོགས་ལྡན། །རག་ཏའི་གཙོ་བོར་
འདི་སྦྱོར་ཅིག །ཚངས་པ་ཚེ་དང་ལྡན་པར་འགྱུར། །ཉི་མ་ཟླ་བའི་དངོས་གྲུབ་ཐོབ། །ར་ས་ཡ་ནའི་གཙོ་བོ་ཡིན། །དེ་ནས་དྲང་སྲོང་གཞོན་ནུ་སྲིད། །ཁྱབ་འཇུག་སྤང་གཉིས་བྱ་བ་ཡི། །རྭ་ཡི་གཞུ་ཐོགས་མི་སྲུན་པ། །ལག་ན་མཚོན་ཆ་སྣ་ལྔ་ཐོགས། །དེའི་སྲིད་པ་ཆགས་པའི་

104-1-190a

བཅུད། །བདུད་རྩི་རྣམ་ལྔ་བསྐུས་པ་ལས། །ཁ་ནས་ཐིགས་གཉིས་ས་ལ་ལྷུང་། །དེ་ནས་བདུད་རྩི་དམ་པའི་མཆོག །ར་ས་ཡ་ན་ཕྱི་མའི་རྒྱུ། །བུ་མོ་བཟང་མོ་གཅིག་ཏུ་གྱུར། །ཆུ་ཀླུང་གང་གཱའི་བྱེ་མ་ལ། །ཡོད་དེ་སྐྱེ་བ་བསྟན་པ་ནི། །ཉེའུ་ཤིང་རམ་ཉེའུ་ཞེས་བྱའོ། །
འགན་ཏ་ཀུ་ལེ་པར་པ་ཏ། །གན་ད་པྲི་ཡ་ཀུ་མ་ཧ་གོ་ན་སིག་ཧ་མ་ཁ། ཚེར་མ་ཡར་ལྟ་མར་ལྟ་བའོ། །དེ་ལ་ལྷ་བྲན་ཚོགས་ཀུན་གྱིས། །བསྐོར་ཞིང་མཆོད་པ་བྱེད་པ་ཡིན། །སྟོན་ཟླ་ཐ་ཆུང་དཔྱིད་ཟླ་འབྲིང་། །ཉ་ཡི་ཚེ་ན་བཙལ་བར་བྱའོ། །བཙལ་བའི་ཐབས་ནི་འདི་ལྟར་
རོ། །བྱིས་པ་ལོ་དྲུག་ལོ་བདུན་པ། །ཁྲུས་བྱས་དར་ལྡན་གོས་བསྐོན་ནས། །ཤར་ཕྱོགས་ངོས་སུ་ཁ་བལྟས་ཏེ། །ལྷ་ཕྱག་ལན་གསུམ་བྱས་ནས་ནི། །དེ་དག་རྩ་ནས་དབྱུང་བའི་སྔགས། །ཏདྱ་ཐཱ་ཤོ་ཧོད་ག་ཏེ་ད་རེ་སྭཱ་ཧཱ། ཕྱག་འཚལ་བདུད་རྩི་མཆོག་ཁྱོད་ལ། །ཕྱག་འཚལ་
བདུད་རྩི་ལས་འབྱུང་བ། །སྟོབས་དང་གཟི་བརྗིད་འཕེལ་མཛད་མ། །རང་འབྱུང་སྟོན་པའི་བཀའ་བཞིན་དུ། །ལྷ་མོ་ཁྱོད་ནི་དབང་གྱུར་ཅིག །ཁུ་བ་ར་ས་ཡ་ནིའི་མཆོག །དངོས་གྲུབ་མཆོག་ཏུ་ཉེ་བ་ཁྱོད། །ཚེ་དང་སྟོབས་ནི་བདག་སྩོལ་ཅིག །ཡེ་ཤེས་ཐམས་ཅད་
གསལ་བར་མཛོད། །ཤུན་ལྤགས་དང་ནི་རྒྱུད་པ་བསལ། །ཐོ་ཏོ་བསྙིལ་ཏེ་སླར་ལ་སྦའོ། །སྙིང་པོ་བརྡུངས་ལ་ཁུ་བ་ཡང་། །རས་ནི་སར་པའི་ནང་དུ་བཙིར། །བདག་ཉིད་ལུས་ཀྱང་ཁྲུས་བྱས་ཏེ། །དར་ལྡན་གོས་བཟངས་གྱོན་ནས་ནི། །སྨན་དུ་བསྒྲུབ་པའི་འཛབ་
ལ་འཇུག །བསྙེན་དང་འཛབ་བསྒོམ་བྱས་ནས་ནི། །སྟོང་ངམ་འབུམ་འམ་ཅི་ནུས་བཟླས། །བཟའ་བ་འམ་ཡང་ན་འཐུང་བའི་ཚེ། །ཉུག་ཆུ་བའི་འོ་མ་བཏུང་། །ཡང་ན་ཕྱེ་མ་མཆོག་ཏུ་བགམ། །བཟའ་ཞིང་བཏུང་བའི་སྔགས་འདིའོ། །ན་མ་ཛ་ར་ཨ་ག་ཛ་ཏུ་སྭཱ་ཧཱ། ཞག་
གམ་ཟ་མ་རེ་རེ་ཡང་། །སྲང་རེའི་ཆ་ནས་བསྐྱེད་དེ་བཟའ། །ཟོས་པའི་ཡོན་ཏན་འདི་རྣམས་སོ། །ལུས་ངག་ཡིད་གསུམ་དབང་པོ་གསལ། །བདུད་རྩི་འདི་དག་སུ་འཐུང་བ། །ཇི་ལྟར་ལྷ་རྣམས་འཆི་མེད་ལྟར། །ཀླུ་རྣམས་ལ་ནི་སྨན་བཞིན་ནོ། །ཤིང་རྣམས་ལ་ནི་ཆུ་བཞིན་ནོ། །
མེ་ཏོག་ལ་ནི་ཟླ་བ་བཞིན། །ལོ་ནི་ལྔ་བརྒྱ་ལོན་བར་དུ། །བཅུ་དྲུག་མདོག་ནི་གཞོན་ནུ་འདྲ། །ནད་མེད་རྟག་ཏུ་དར་ལ་བབ། །སྟོབས་ཀྱང་གླང་པོ་ཆེ་དང་འདྲ། །མངོན་ཤེས་ལྔ་དང་ལྡན་པར་འགྱུར། །འོ་མ་དག་དང་བཏུང་བའམ། །མར་ཁུ་འམ་སྦྲང་རྩི་དག་དང་བཏུང་། །

104-1-190b

ཞག་གཅིག་ཟོས་ན་ཡོན་ཏན་བཅུ། །ཞག་བདུན་ཟོས་ན་ཡོན་ཏན་བརྒྱ། །ཉི་ཤུ་རྩ་གཅིག་ཟོས་ན་ནི། །བརྒྱ་རྩ་བརྒྱད་འདིས་ཐོབ་པར་འགྱུར། །བུད་མེད་སྟོང་ལ་ཁྱབ་པར་སྦྱོར། །ས་བོན་མི་ཟད་འབྲས་བུ་ཡང་། །བུ་ཕོར་འཕེལ་ཞིང་དཔའ་དང་ལྡན། །མི་རྣམས་ཀྱིས་ནི་མི་སོད་དོ། །ཟླ་
གཅིག་ཟོས་ན་ཡོན་ཏན་ནི། །ངོ་ཡང་ཟླ་བ་ཉ་བ་བཞིན། །གནོད་སྦྱིན་སྲིན་པོས་མི་སོད་དོ། །ལྷ་རྣམས་ཀུན་དང་མཉམ་པར་འགྱུར། །ཟག་པ་ཟད་ནས་ནམ་མཁར་འཕུར། །རྡོ་རྗེ་འགྲོས་ཀྱིས་ནམ་མཁར་འགྲོ། །རིགས་འཛིན་གོ་འཕང་འདིར་ཐོབ་བོ། །འདྲེས་པ་གང་ཟག་མི་
ཡི་ཟས། །ཟོས་ན་དངོས་གྲུབ་མི་ཐོབ་ངེས་ཞེས་ལུང་དུ་བཀའ་སྩལ་ཏོ། །དེ་ནས་དྲང་སྲོང་ཏྲག་ཤ་ན། །རྒྱལ་པོ་ཤེས་ཉེན་ཅན་ཞེས་བྱ། །ལྷ་དང་དྲང་སྲོང་ཐམས་ཅད་ལ། །མཆོད་སྦྱིན་རྒྱ་ཆེན་བྱས་པ་ལས། །མ་ཧཱ་དེ་བ་ལྷ་ཆེན་པོ། །ཀུན་གྱི་འཇུག་ཏུ་སྤྱན་དྲངས་པས། །ལྷ་
ཆེན་དྲག་པོ་དེ་ཁྲོས་ཏེ། །ལྷ་ཆེན་དེ་ཡི་དཔྲལ་བ་ལས། །མིག་གཅིག་ལྷག་པར་བྱུང་བ་སྟེ། །ལྷ་དང་དྲང་སྲོང་ཐམས་ཅད་ལ། །རླུང་འཁྲིས་བད་ཀན་སྣ་ཚོགས་དང་། །དེ་བཞིན་མི་ལ་རིམས་ནད་དག །རླུང་ལྷའི་ལག་པར་བསྐུར་ནས་གཏོར། །ལྷ་དང་དྲང་སྲོང་མང་པོས་ཀྱང་། །མ་ཤེས་
མ་ཚོར་མྱོས་པར་འགྱུར། །ཕྱེ་མའི་རྒྱལ་པོ་འདབ་མ་འདི། །ས་སྟེངས་ཁྱབ་པར་སྐྱེས་པ་ལ། །དྲང་སྲོང་རྣམས་ཀྱང་མཆོད་པ་བྱེད། །ལུག་མིག་མེ་ཏོག་ཆེན་པོ་འདི། །ར་ས་ཡ་ནའི་རྒྱལ་མོ་སྟེ། །བ་ཡི་འོ་མ་དག་དང་བསྐོལ། །རྔུབས་ཅིག་འཐུངས་པས་བ་སྤུ་ལངས། །རྔུབས་གཉིས་
འཐུངས་བའི་ཡོན་ཏན་ནི། །རིམས་ནད་ཐམས་ཅད་བྱང་བར་བྱེད། །རྔུབས་གསུམ་འཐུངས་པའི་ཡོན་ཏན་ནི། །མིག་རྩ་དམར་ཞིང་མདོག་ཀྱང་གཞོན། །ཕྱེ་མ་གྲིབ་མར་བསྐམས་པ་དང་། །མ་ཏོ་ལ་ཡི་ཁུ་བར་སྦྱར། །བླུད་ན་དགྲ་རྣམས་མྱོས་པར་འགྱུར། །ལྷ་ཡིས་བསྲུངས་ཀྱང་འཆི་བར་འགྱུར། །
བྱིན་གྱི་བརླབ་པའི་སྔགས་འདིའོ། །སྟོང་ངམ་བརྒྱ་ནི་རྩ་བརྒྱད་བཟླས། །ཨོཾ་སོའུ་གྲི་བཱ་ཧ་ན་ཧ་ན་ཧཱུྃ། མ་ར་ཡ་མ་ར་ཡ། ཙེ་ཏ་ཡ་ཙེ་ཏ་ཡ་སུ་གྲི་བ་ཕཊ། བདུད་རྩི་ར་ས་ཡ་ནའི་གཙོ། །ཤུ་དག་དང་ནི་རུ་རྟ་དང་། །ཕྱེ་མར་བྱས་ཏེ་སུ་བླུད་པ། །རྒྱལ་པོ་བུད་མེད་དབང་དུ་འགྱུར། །འགྲི་ཧ་འགྲོ་ལོ་ཀི་
དང་སྦྱར། །དགྲ་ལ་བླུད་ན་རྣ་བ་འོན། །ལུག་མིག་གྲིབ་མར་བསྐམས་པ་དང་། །སུ་ཏིའི་འོ་མར་སྦྱར་བ་ནི། །དགྲ་ལ་བླུད་ན་འཆི་བར་འགྱུར། །ལྷ་ཆེན་དྲག་པོས་བསྐྱེད་པ་ནི། །འཇམ་དཔལ་གཞོན་ནུས་མཁྱེན་པ་ལས། །ལྷ་དང་དྲང་སྲོང་གཞན་མི་ཤེས། །དེ་སྐད་ཅེས་བཅོམ་ལྡན་འདས་

104-1-191a

འཇམ་དཔལ་གཞོན་ནུས། མི་མཇེད་ཀྱི་བདག་པོ་ལྷ་ཚངས་པ་དང་། དྲང་སྲོང་དང་། ཀླུའི་རྒྱལ་པོ་འཇོག་པོ་དང་། སྐལ་པ་བཟང་པོའི་མིའི་བྱང་ཆུབ་སེམས་དཔའ་ལི་ཙ་བི་ལ་སོགས་པ་རྣམས་ལ་བཀའ་སྩལ་ཏོ། །དེ་ཡང་ཚེ་ཕྱི་མ་འམ་དུས་ཕྱི་མར་མི་སྡོད་པར། སྐལ་པ་བཟང་པོའི་འབྲས་བུ་
མངོན་དུ་ཐོབ་པ་དང་། འབྲས་བུ་ཚེ་འདི་ཉིད་ལ་སྨིན་ཏོ། །དེ་ནས་རྩི་ཡི་ལྷ་མོ་མཆོག །མིང་ནི་གྲུབ་པའི་བློ་གྲོས་མ། །བུ་མོ་མུ་ལ་ཞེས་བྱ་བ། །དེ་ཡི་ས་བོན་ལྷུང་བ་ནི། །འཛམ་གླིང་ཤིང་གི་ནགས་ལ་སྐྱེས། །རག་ཏ་ཞེས་ནི་འདིར་གྲགས་པ། །ར་ས་ཡ་ནའི་གཙོ་མོ་སྟེ། །རྩ་བ་རག་ཏ་མུ་
ལ་ཁ། །རྩ་བ་མེ་ཏོག་འབྲས་བུ་རྣམས། །འཐུན་པར་ཟད་པར་དམར་བ་སྟེ། །འབྲས་བུ་སྲན་མ་མ་ཤ་ཙམ། །གྱེན་དུ་ཟུག་པ་དེ་བརྐོ་བ། །སྟོན་ཟླ་ར་བའི་ཉ་ལ་བརྐོའོ། །སྲིད་པའི་ན་དང་ནགས་ལས་སྐྱེས། །ཁྲག་གི་ཉུངས་མ་ཞེས་ནི་གྲགས། །རློན་པའི་ཁུ་བ་བཙིར་བ་དང་། །པདྨའི་རག་ཏ་
ཆ་མཉམས་བསྲེས། །དེ་དག་བསྒྲུབ་པའི་སྔགས་འདིའོ། །ཨོཾ་ན་མོ་ར་ག་རག་ཏ་མུ་ལ་བུ་ནེ་སྭཱ་ཧཱ། འགྲོ་བ་དབང་བྱེད་དམ་པ་ཡིན། །རྩི་ཡི་ལྷ་མོས་བཀའ་སྩལ་ཏོ། །མིང་གི་མེད་དུ་མི་རུང་ངོ་། །རྒྱལ་བུ་དོན་གྲུབ་བྱ་བ་དེ། །མྱ་ངན་འདས་པའི་སྐུ་གདུང་ནི། །ཤ་རི་རམ་ཞེས་གྲགས་པ་
ཡིན། །དེ་ཡི་ས་བོན་འཕེལ་བ་ནི། །འཛམ་གླིང་ས་སྟེངས་ཁྱབ་པར་སྐྱེས། །མ་ཧཱ་ནི་ལེ་ཞེས་བྱ་བ། །མིང་ནི་ཐ་སྐར་རྡོ་རྗེ་ཡིན། །མེ་ཏོག་ཐ་སྐར་གཞོན་ནུ་སྟེ། །སྙེ་མ་ཟུར་གསུམ་ཏིལ་གང་འདྲ། །རྡོ་རྗེ་བྲག་ཀྱང་འཇོམས་པར་ནུས། །ཤ་རི་རམ་དང་རུས་པ་ཡི། །སྦྱར་བའི་འཕྲད་
ཀྱི་དམ་པར་རུང་། །མིང་གི་མེད་དུ་མི་རུང་ངོ་། །དེའི་ཡོན་ཏན་ཐམས་ཅད་ཀྱང་། །རུས་པ་སྲ་འཁྲེགས་རྡོ་རྗེར་འགྱུར། །ཕྱག་ན་རྡོ་རྗེའི་མཐུ་ཡང་མཉམ། །ར་ས་ཡ་ནའི་མཆོག་ཏུ་གསུངས། །དེ་ནས་ལྷ་ཡི་དབང་པོ་མཆོག །བརྒྱ་བྱིན་བུ་ཡི་ལག་པ་རུ། །གནོད་སྦྱིན་རྒྱལ་པོས་
མདའ་བརྒྱབ་པ། །དེ་ཡི་དུམ་བུ་ལག་སོར་ཡང་། །ས་སྟེངས་ཁྱབ་པར་སྐྱེས་པ་ནི། །ལི་རྩི་ཙི་ལག་དབང་པོ་ལག །སྡོང་བུ་ཡལ་ག་མཛེར་བ་མེད། །མེ་ཏོག་ཟུར་གསུམ་མདའ་སྒྲོ་འདྲ། །རྩ་བ་ལག་སོར་ལྔ་པ་སྟེ། །དབྱར་ཟླ་ཐ་ཆུངས་ཉ་ལ་བརྒོ། །བསྒྲུབ་པོས་ལག་
མཐིལ་གཡོན་དུ་གཞག །ར་ས་ཡ་ན་ཐམས་ཅད་ཀྱི། །དངོས་གྲུབ་བླང་བའི་ཕྱག་རྒྱ་ཡིན། །དེ་ཚེ་མེད་དུ་མི་རུང་ངོ་། །མང་དུ་འཕེལ་འགྱུར་བསྒྲུབ་རྫས་ཡིན། །ལུས་ལ་འབྱུང་བའི་དྲི་ཆེན་དང་། །བསྒྲལ་བའི་དྲི་ཆེན་ཡུངས་ཀར་གསུམ། །ཆ་མཉམས་འཐུངས་ན་དུག་རྣམས་ཐུབ། །

104-1-191b

འཚོ་བྱེད་དུག་ནི་སེལ་བའི་ཕྱིར། །བདུད་རྩི་ཞེས་ནི་དེ་ལ་བྱའོ། །མིང་གིས་མེད་དུ་མི་རུང་ངོ་། །འཆི་བདག་བདུད་ཀྱང་དེས་བཅོམ་མོ། །པུརྣ་ཞེས་བྱའི་རྣ་བ་ཡང་། །སྲིན་པོ་པུརྣ་ཡི་རྣ་བ་སྟེ། །བསྒྲལ་བའི་རྣ་བ་དག་དང་སྦྱར། །རྣ་བའི་མངོན་ཤེས་ཐོབ་པར་བྱེད། །མིང་གིས་མེད་དུ་མི་རུང་
ངོ་། །བྷ་ཧུ་ལུག་མིག་མེ་ཏོག་དང་། །མཁའ་ལྡིང་བྱ་ཡི་མིག་དང་སྦྱར། །ཨཱ་ལ་བི་ག་ཤང་ཤང་དེའུ། །རྨ་བྱ་ངང་པ་ཀོ་ཀྀ་ལ། །འདི་རྣམས་བསྒྲལ་བའི་མིག་དང་སྦྱར། །མིག་གིས་མངོན་ཤེས་དེས་ཐོབ་སྟེ། །སྟོབས་ལྡན་གྱི་ནི་མིག་ཡིན་ནོ། །མིང་གིས་མེད་དུ་མི་རུང་ངོ་། །ཙི་ཏ་
ཀ་དང་སྙིང་ཞོ་ཤ །ཐམས་ཅད་གནོད་སྦྱིན་སྙིང་གི་བརླ། །བསྒྲལ་བའི་ཙིད་ཏ་དག་དང་སྦྱར། །མངོན་ཤེས་ལྔ་ཡི་དངོས་གྲུབ་ཐོབ། །མིང་གིས་མེད་དུ་མི་རུང་ངོ་། །བུད་མེད་གོང་བཤད་འདྲ་བ་ཡི། །ཀླད་པ་གོ་རོ་ཙ་ན་འབྱུང་། །དེ་ནི་བན་གླང་རིགས་ཅན་ཡིན། །བསྒྲལ་བའི་
ཀླད་པ་ཐམས་ཅད་དང་། །ཐང་ཕལ་ཧྭ་ཡི་རྩ་བར་སྦྱར། །མདངས་ཀྱི་དངོས་གྲུབ་དེས་ཐོབ་འགྱུར། །ཧ་ལྕེ་ཀི་ཡ་ཁ་འབར་མའི། །ལྕེ་ཡིན་པས་ན་ལྕེ་དང་སྦྱར། །དབང་ངོ་ལྕགས་ཀྱི་དངོས་གྲུབ་དང་། །སྤྱན་རས་གཟིགས་ཀྱི་དངོས་གྲུབ་ཐོབ། །མིང་གིས་མེད་དུ་མི་རུང་ངོ་། །སྲིད་པའི་
བདག་པོ་ཚངས་པའི་གཙོ། །མིང་ནི་མགོ་བཙུན་ཕྱྭ་ཞེས་བྱའོ། །ནལ་གྱི་བུ་ནི་ཛི་ཧྭི་ཞེས། །སྐད་མ་ཕྱུང་གི་ལྕེ་ཞེས་བྱའོ། །སྐད་ཕྱུང་བ་ནི་ཚངས་པ་སྟེ། །སྐད་མ་ཕྱུང་གི་གྲུབས་པར་གཅད། །དེ་དང་སྦྱར་བའི་འཕྲད་ནུ་ནི། །མེ་ཏོག་རྨ་ལོ་ཀྲིལ་ཀྲིལ་སྟེ། །མིང་ནི་བ་ཡ་ས་
ཡའོ། །རྩ་བ་མ་ཧཱ་གོ་ན་སིག །མེ་ཏོག་གསེར་གྱི་མདུན་ཞུ་ཅན། །ཤར་ཕྱོགས་སུ་ནི་ཁ་ལྟ་བ། །འདིའི་ཀུན་ཧ་ལྕེ་ཀི་ཡ་སྟེ། །ཆ་མཉམས་བཏགས་ཏེ་ཕྱེ་མར་བྱ། །ཟླ་བ་གཟའ་ཡིས་ཟིན་པའི་ཚེ། །ཡི་དམ་ལྷ་ལ་མཆོད་བྱ་ཞིང་། །ཕྱེ་མ་རྒྱ་ཆང་ནང་དུ་གདབ། །ཐང་ཅིག་ཡུད་
ཀྱིས་འགྲུབ་པ་སྟེ། །རྟ་མགྲིན་དབང་གིས་དངོས་གྲུབ་ཐོབ། །བསྒྲལ་བའི་ལྕེ་ནི་ཐམས་ཅད་དང་། །སྦྱར་བ་འཕྲད་ཀྱི་དམ་པར་རུང་། །མིང་གིས་མེད་དུ་མི་རུང་ངོ་། །སྣ་དང་གནའ་མའི་འབྲས་བུར་སྦྱར། །ཚངས་པའི་གསུང་དབྱངས་སྒྲོགས་ནུས་འགྱུར། །བསྒྲལ་བའི་
སྣ་ནི་ཐམས་ཅད་སྦྱར། །མིང་གིས་མེད་དུ་མི་རུང་ངོ་། །དུང་དང་འབྲུག་རུས་གདུང་དང་ནི། །བསྒྲལ་བའི་རུས་པ་ཐམས་ཅད་སྦྱར། །ལུས་ཀྱི་རྡོ་རྗེ་མངོན་ཤེས་ཐོབ། །མིང་གིས་མེད་དུ་མི་རུང་ངོ་། །རྒྱ་མཚོ་དབུའ་བ་འདུས་པའི་ཆུ། །སྣ་ཚོགས་ཆུ་དང་གངས་ཀྱི་ཆུ། །ལན་ཚྭ་སྣ་

104-1-192a

ཚོགས་དྲི་ཆུ་རྣམས། །བསྒྲལ་བའི་ཆུ་ནི་ཐམས་ཅད་སྦྱར། །རྡོ་རྗེ་ཆུ་ཡི་བདུད་རྩི་སྟེ། །རྟག་ཏུ་འགྲོ་བའི་དོན་བྱེད་ནུས། །མིང་གིས་མེད་དུ་མི་རུང་ངོ་། །དགོངས་པའི་དོན་དུ་སེམས་ཅན་མཐའ་དག་ལ་སྣང་བ་དང་། །ནུས་མཐུའི་ཡོན་ཏན་གྱིས་སེམས་ཅན་ཀུན་ལ་ཕན་
འདོགས་པར་ནུས་སོ། །འགྲོ་བ་ཡོངས་ཀྱི་གསོས་མཛད་པར་དགོངས་ནས། བཅོམ་ལྡན་འདས་དཔལ་ཀུན་ཏུ་བཟང་པོས་ཡེ་ཤེས་ཀྱི་ཐུགས་ནས་དགོངས་ནས་མགུར་གྱི་བུམ་པར་དྲིལ་ཏེ། ལྗགས་ཀྱི་དབང་པོ་ལ་བཀྲམ་སྟེ། ཞལ་འཛུམ་པ་མཛད་ནས། མཁྱེན་རབ་ཀྱི་དང་
པོ་འཇམ་དཔལ་རྣོན་པོ་དང་། རྡོ་རྗེ་ཆོས་ལ་བཀའ་སྩལ་ཏོ། །འཇམ་དཔལ་གྱིས་དཀྱིལ་འཁོར་གྱི་སྲས་མཆོག་ཉེ་བ་དང་། ཚངས་པ་དང་དྲང་སྲོང་དང་། ལྷ་དང་ཀླུ་དང་། མིའི་བྱང་ཆུབ་སེམས་དཔའ་བ་མ་ལ་གྷིར་ཏི་རྣམས་ལ་བཀའ་སྩལ་ཏོ། །བདུད་རྩི་ཆེན་པོ་མཆོག་གི་ལུང་གི་
སྡེ་ལས། སྨན་ར་ས་ཡན་བསྒྲུབ་པའི་ལུང་འབུམ་སྡེ་ལས་བཏུས་པ། བམ་པོ་ཆེན་པོ་གཉིས་པ།། །། ༄།  །རྒྱ་གར་སྐད་དུ།  པྲཛྙཱ་བྷ་ག་བ་ན་མ་ཧཱ་རཱ་ཛཱ། བོད་སྐད་དུ།  བཅོམ་ལྡན་འདས་གཉིས་མེད་ཀྱི་རྒྱལ་པོ་ཆེན་པོ་ལ་ཕྱག་འཚལ་ལོ། །དེ་ནས་
སྤྱོད་པ་བསྟན་ཏེ། ལུང་ཨ་ནུ་ཡོ་ག་པ་རྫོགས་པའི་རྣལ་འབྱོར་དུ་བསྟན་ཏེ། ལྟ་བ་དང་ནི་སྤྱོད་པ་དང་། གཟུངས་ཀྱི་མཚན་ཉིད་འདི་གསུངས་སོ། །དེ་བཞིན་དམ་ཚིག་ཆེན་པོ་འང་བསྟན། །ལས་འདི་ལུང་གིས་བསྒྲུབ་བྱ་ན། །མི་སྤོང་བ་ནི་དང་དུ་བླང་། །སྤྱོད་པ་དམ་ཚིག་
བཅྭ་ལྔ་བསྲུང་། །ཤེས་པ་ལྔ་དང་བསྲུང་བ་གསུམ། །སྟོང་རྩ་བརྒྱད་དུ་བསྲུངས་པས་ནི། །རྩ་བརྒྱད་སྟོང་ཞེས་དེ་ལ་བྱའོ། །དེ་ཡང་མ་ཧཱ་ས་མ་ཡ། །བཞི་པོ་རྫོགས་ན་ཀུན་ཏུ་བཟང་། །ཞི་རྒྱས་དབང་དང་མངོན་སྤྱོད་དང་། །གནན་བཟློག་དྲུག་ནི་གཅིག་ཏུའོ། །དང་ལ་ག་
ནི་ལུང་བཤད་དེ། །ཁྲུ་ཚད་བཞི་དང་ལྡན་པ་ནི། །ཡོན་ཏན་བཅུ་གཅིག་དང་ཡང་ལྡན། །བཞིན་བཟངས་མིག་གིས་དཀྱུས་རིང་བ། །སྟོད་སྨད་ཕྱེད་ལ་རྐེད་པ་ཕྲ། །ཚིགས་པ་ཟླུམ་ལ་སོར་མོ་རིང་། །ཡོན་ཏན་འོད་ཅན་བཅུ་གཅིག་ལོ། །ཡེ་ཤེས་རིགས་ཅན་ཡིན་པར་བཤད། །
བཅུ་གསུམ་རྡོ་རྗེ་རིགས་སུ་འགྲུབ། །བཅུ་དྲུག་སྔགས་པས་འགྲུབ་ངེས་པའོ། །རིན་ཆེན་རིགས་མཆོག་ཡིན་པར་བསྟན། །ཉི་ཤུ་གཅིག་པ་པདྨའི་རིགས། །སྤྱན་རས་གཟིགས་དབང་རྟ་མཆོག་འགྲུབ། །ཉི་ཤུ་རྩ་ལྔ་ལོན་པས་ནི། །ཐོགས་མེད་བྱང་ཆུབ་སེམས་ཀྱང་འདྲེན། །

104-1-192b

ཐམས་ཅད་ལས་ཀྱི་རིགས་མཆོག་འགྲུབ། །སུམ་བཅུ་རྩ་གཅིག་ཕན་ཆད་ཀྱིས། །སེམས་ཕེབས་ཚུན་ཆད་ཀུན་དུ་དགེའོ། །ཡིད་དུ་འོང་བ་དམ་པ་ཡིན། །བདེར་གཤེགས་རིགས་སུ་འགྲུབ་པར་བཤད། །བདེ་ཆེན་འདུ་འབྲལ་མེད་པའི་གཟུངས། །དེ་དག་མ་ལུས་གང་རྙེད་པ། །
ལུས་ཀྱང་ཁྲུས་བྱས་གཙང་མར་བྱའོ། །དྲི་ཞིམ་ཙན་དན་གོ་བན་དང་། །ཛྷ་ཏི་པ་ལ་ཀུ་རུ་ཚེ། །ཀ་ཀོ་ལ་དང་ག་བུར་དང་། །ཨ་ཀ་རུ་དང་དུ་རུསྐ། །གྷི་ཧྭང་གླང་པོའི་སྤོས་རྣམས་ཀྱིས། །བྱུགས་ནས་རྒྱན་དང་ཕྲེང་བ་གདགས། །དར་དང་རས་བལ་འཇམ་པོ་དང་། །གོས་རྒྱན་
ཆས་ཀླུབས་བསྐོན་ནས་ནི། །གསེར་གྱི་རྣ་ཆ་གདུབ་ཀོར་དང་། །དོ་ཤལ་དཔུང་རྒྱན་སེ་མོ་དོ། །རིན་ཆེན་སྣ་ཚོགས་བརྒྱན་དུ་གདགས། །ཇི་བཞིན་བདེ་བའི་སྟན་དག་ལ། །གཡོན་ཕྱོགས་སུ་ནི་གཞག་པར་བྱ། །བསྙེན་པ་དང་ནི་ཉེ་བསྙེན་དང་། །བསྒྲུབ་དང་བསྒྲུབ་ཆེན་བྱ་
བ་ནི། །དཀྱིལ་འཁོར་འདོམ་གང་གྲུ་བཞི་པ། །འཕང་དུ་སོར་བཞིའི་ཚད་དུ་བྱ། །རྡོ་རྗེ་དྲི་ཆུས་མན་ཌལ་བྱུག །ཤ་ཆེན་གུ་གུལ་པོག་གིས་བདུག །དཀྱིལ་འཁོར་དེ་ལ་བསྐོར་ཏེ་བདུག །གཡོན་དུ་དེ་བྱི་བཞག་ནས་ནི། །བྷ་ག་དེ་ཉིད་བྱིན་གྱིས་བརླབ། །སྤྱི་བོར་ཨོཾ་དཀར་
འོད་ལྡན་པ། །ལྕེ་ལ་ཨྃ་དམར་དམ་པ་བསམ། །སྙིང་ཀར་ཟླ་དཀྱིལ་ཧཱུྃ་མཐིང་ཀ །ལྟེ་བར་སྭ་སྔོན་འོད་ལྡན་པ། །རྐང་པར་ཧ་ལྗང་འོད་ལྡན་པ། །པ་ལས་པདྨའི་དབྱིངས་སུ་ཡང་། །གྲུ་གསུམ་མེ་འོད་འབར་བ་བསམ། །ཉོན་མོངས་ལྔ་རྣམས་སྦྱང་བ་དང་། །སྡུག་
བསྔལ་ལྔ་ནི་ཚར་གཅད་ཕྱིར། །ལག་གཡས་གཞན་གྱིས་མི་ཐུབ་མ། །གཡོན་པ་རོ་ལངས་ཆེན་མོ་སྟེ། །དེ་ཡི་ཁ་ལ་ཁྲོ་གཉེར་མ། །རལ་པ་གཅིག་མ་པདྨ་ལའོ། །གསང་ཡུམ་ལྔ་དང་ཁྲོ་མོ་བཞི། །བྱིན་གྱིས་བརླབས་ཏེ་སྔགས་བཟླས་པ། །ༀ་ཨཱྃ༔ ཧཱུྃ་སྭཱ་ཧཱ། 
བྷ་ག་བན་ནི་ཉིད་ཀྱི་བཀའ། །ཕྱག་རྒྱ་བཞི་རུ་བདག་གྱུར་པས། །གཉིས་སུ་མེད་པར་མཉམ་སྦྱར་ནས། །ལྷ་ཡི་བདུད་དམ་ཕུང་པོའི་བདུད། །ཉོན་མོངས་བདུད་དང་འཆི་བདག་བཅོམ། །ཕྱག་རྒྱ་ཆེན་པོ་བཞི་དང་ལྡན། །མཁའ་ལ་སེམས་ཕེབས་འཕྲོས་པའི་ཚེ། །བྱང་
ཆུབ་འཁོར་བ་མྱ་ངན་འདས། །གཉིས་སུ་མེད་པའི་སར་ཕྱིན་ནོ། །བཅོམ་ལྡན་འདས་ཀྱིས་བཀའ་སྩལ་ཏོ། །སངས་རྒྱས་སེམས་ཅན་ཐམས་ཅད་དང་། །མཚན་མར་བཏགས་པ་ཐམས་ཅད་ཀུན། །བདེ་ཆེན་ཉིད་ལས་གཞན་མ་ཡིན། །བདེ་ཆེན་ཉིད་ལས་གཞན་

104-1-193a

པའི་ཆོས། །སངས་རྒྱས་ཉིད་ཀྱིས་མི་མཁྱེན་ཏོ། །ཕྱི་ནང་མ་ལུས་སྣོད་བཅུད་ཀྱང་། །བྱང་ཆུབ་སེམས་སུ་རྣམ་དག་པས། །སྐྱེ་མེད་ཡེ་ཤེས་ཡུམ་གྱི་དབྱིངས། །གཉིས་མེད་བདུད་རྩི་ཆེན་པོ་སྟེ། །ཡབ་ཡུམ་བདེ་བའི་ངང་དུ་གསལ། །འདི་ནི་སྙིང་པོ་བྱང་ཆུབ་
སེམས། །བདེར་གཤེགས་ཀུན་གྱིས་བཀའ་སྩལ་ཏོ། །ལུས་ཀུན་ཡོངས་སུ་འཁྱུད་པ་ཡིས། །རྡོ་རྗེ་པདྨར་ལྡན་བྱས་ནས། །རང་འབྱུང་རྣམས་ནི་བདེ་མཆོག་སེམས། །ཕུལ་བས་མྱུར་དུ་གྲུབ་པ་ནི། །ཨོཾ་ར་ག་པཱུ་ཛ་ཧོ། །དངོས་གྲུབ་བླང་ཞིང་འདི་བརྗོད་དོ། །བྱང་
ཆུབ་སེམས་ཀྱིས་དབང་བསྐུར་ཏེ། །དངོས་གྲུབ་བསྒྲུབ་པ་ལ་གཟུང་ངོ་། །བདུད་རྩི་ཆེན་པོ་མཆོག་གི་ལུང་གི་ནང་ནས། བསྒྲུབ་པ་ཆེན་པོའི་ལུང་དང་། གཟུངས་ཀྱི་མཚན་ཉིད་དང་། སྦྱོར་བའི་མན་ངག་དང་། གཱ་ན་བསྒྲུབ་པའི་ལུང་དང་། བྱང་ཆུབ་ཀྱི་སེམས་ཀྱི་
ཡོན་ཏན་དང་། ཨ་མྲྀ་ཏ་གྲུབ་པའི་ལུང་སྟེ། བམ་པོ་ཆེན་པོ་གསུམ་པ།། །། ༄།  །རྒྱ་གར་སྐད་དུ།  སྟ་ན་མ་ཧཱ་ད་ར་པཉྩ། བོད་སྐད་དུ།  འབྲས་བུ་ཆེན་པོ་ལྔ་བསྒྲལ་བའོ། །དཔལ་ཆེན་ཁྲོ་རྒྱལ་འཁོར་དང་བཅས་པ་ལ་ཕྱག་འཚལ་ལོ། །མི་ཕྱེད་དང་བས་
ཕྱག་འཚལ་ན། །དེ་ནས་སྟ་ནའི་ལུང་བཤད་དེ། །ཡེ་ནས་རྒྱུ་ཉིད་དག་པ་ལས། །ང་དང་བདག་ཏུ་འཛིན་པ་ཡིས། །ཁམས་གསུམ་འཁོར་བའི་རྒྱུ་རུ་གྱུར། །ཁམས་གསུམ་དེ་དག་བསྒྲལ་བའི་ཞིང་། །ཨཱ་ས་མ་ཙ་ལ་དྷརྨ་དྷ་ཏུ། སྭ་བྷཱ་བ་ཨཱད་མ་ཀོ་ཧྃ། རྃ་ཡྃ་ཁྃ་ཏ་ཐ་ཕཊ། 
བཅོམ་ལྡན་འདས་ཀྱིས་བཀའ་སྩལ་ཏོ། །མི་གཡོ་ཕྱག་རྒྱ་ཆེན་པོའི་ངང་། །དབང་ཕྱུག་ཆེན་པོའི་བསྒྲལ་ཐབས་ནི། །འཚོ་བའི་བདག་པོའི་ཚེ་དང་སྲོག །ཐུགས་རྗེའི་ངང་དང་ཤེས་རབ་དང་། །ཐབས་ལ་མཁས་པའི་བྱིན་བརླབས་ཀྱིས། །འགྲོ་བ་ཐམས་ཅད་སྦྱོང་བར་
མཛད། །བདུད་དང་གཤིན་རྗེ་འཁོར་བཅས་ཀུན། །གཉིས་མེད་ཕྱག་རྒྱར་རོལ་པ་ཡིས། །དུས་ལ་བབ་པོ་ས་མ་ཡ། །ཨོཾ་སརྦ་པཱ་པ་ཀར་ཧེ་ཧ་ས་སི་སྟམ། ཏྲྃ་ཀ་རུ་ནི་ཧཱུྃ་ཛ་ཛ། མ་ཏང་གི་ནི་རྣམ་ཤེས་དེ། །ངེས་པར་གཟུགས་ལ་ཕབ་ནས་ནི། །ཏ་གི་ཞལ་ནི་ནུབ་ཏུ་བསྟན། །
དབང་དུ་བསྡུ་བའི་ལས་མཛད་ཀྱིས། །སངས་རྒྱས་ཀུན་གྱི་བྱིན་གྱིས་བརློབས། །ཁམས་གསུམ་མ་ལུས་བསྒྲལ་བའི་ཞིང་། །སྟ་ན་ཆེན་པོ་བྱ་བའི་ཕྱིར། །བདེར་གཤེགས་མང་པོ་ཀུན་འདུས་ཤིང་། །བྱམས་དང་སྙིང་རྗེ་ལྡན་པ་ཡིས། །ཉོན་མོངས་འཁོར་བའི་རྒྱ་དྲལ་ཏོ། །

104-1-193b

གནས་ཀྱི་སྒོ་འདི་སུ་ཡིས་བཅད། །སེམས་ཀྱི་བདག་པོས་བཅད་དམ་ཅི། །གཟུང་འཛིན་རྐང་པ་བསྣོལ་བ་ཡིས། །ཡུལ་ལས་འདས་པའི་སྒོ་ཕྱེ་ཤིག་ཞེས་བརྗོད་དེ། །སྒོ་དབྱེའོ། །ཀ་ཏ་རི་ཀ་ན་པྲ་བེ་ཤ །གཡོན་པའི་ཞབས་ཀྱིས་རུ་ཏྲའི་གཟུགས། །གནས་ཀྱི་སྒོ་འདི་བཅད་
བཞིན་དུ། །བདེ་བར་གཤེགས་པའི་སྐྱབས་སུ་གསོལ། །ཤི་བའི་སྡུག་བསྔལ་འདིར་བྱུང་ངོ་ཞེས་ལྷ་ཆེན་པོ་བརྒྱད་ཀྱིས་དུས་གཅིག་ཏུ་ཚིག་དེ་སྨྲས་སོ། །ཊ་ཀི་བརྒྱད་ཀྱིས་བཀའ་སྩལ་པ། །དྲེགས་པ་མ་རུངས་ལྷ་ཆེན་ཁྱོད། །སེམས་ཀྱི་སྒོ་ཀུན་ད་དབྱེ་ཡིས། །རྡོ་རྗེ་འབར་བའི་
སྤུ་གྲི་ཡིས། །གནས་ཀྱི་སྒོ་ཀུན་དེས་ཕྱེ་ནས། །སེམས་ཀྱིས་བདག་པོས་གཟུང་བར་བྱ། །སྟོན་པས་གསུངས་པ། སྐྱེ་བའི་རྐྱེན་གྱིས་འཆི་བ་ཡིན། །སྡིག་པའི་རྐྱེན་གྱིས་བཅོམ་པས་འཆི། །བདག་ཀྱང་དངོས་པོར་ལྟ་བས་འཇིག །ང་ཡི་བསྟན་པ་འདི་ལ་གཟུང་། །འོན་ཀྱང་འཆི་
བའི་སྡུག་བསྔལ་བྲལ། །གཟུགས་འཛིན་རྐང་ལག་ཡུལ་ལས་བཟླས། །ཕོ་མོ་བསྣོལ་ཏེ་མནན་པ་ཡང་། །མགོ་ནི་ལྷོ་ནུབ་མཚམས་སུ་བསྟན། །རྐང་པ་བྱང་ཤར་མཚམས་སུ་བརྐྱང་། །ཏ་ཀའི་ཞབས་ནི་གཡས་པ་ཡིས། །རུ་ཏྲ་ལིང་གའི་སྟེང་དུ་མནན། །དེ་ལྟར་ལིང་ག་མནན་བྱས་
ནས། །ཐར་བྱེད་ཆེན་པོའི་འགྱིང་སྟབས་ཀྱིས། །རྔོམ་བརྗིད་ཆེན་པོས་འདི་སྐད་དོ། །ས་མ་ཡ་ཀེ་ཤ་ཙི་ཏ་ཛྭ་ལ་ཧཱུྃ་ཕཊ། ཞེས་མནན་ནོ། །མ་ཧཱ་དེ་བ་རུ་ཏྲ་ཛ་ཞེས་པ་དང་། ཁམས་གསུམ་ནས་འབྱུང་སེམས་ཅན་རྣམས། །རྡོ་རྗེ་སྐུ་ཡི་ཁྱད་པར་གྱིས། །འོད་ཟེར་ཚུལ་དུ་བསྡུས་
ནས་ནི། །དེ་དག་བདག་གིས་གཟུགས་ལ་གཟུང་། །སྤྲོ་བ་རྡོ་རྗེ་ཐམས་ཅད་ཀྱིས། །སྐུ་དང་ཡེ་ཤེས་མཆོག་གིས་བྱའོ། །ཐར་པའི་ལམ་འབྱེད་དཀྱིལ་འཁོར་འདིར། །བྲོད་པ་ཅན་རྣམས་འོང་བ་ལྟར། །སྐལ་དང་ལྡན་པ་རིགས་ཀྱི་བུ། །བདེ་བར་འོངས་པ་ལེགས་ཏེ་འོངས། །
རྣལ་འབྱོར་དབང་ཕྱུག་ཆེན་པོ་ཡིས། །རྩེ་རྒྱལ་བསྟན་པའི་གནས་ཆེན་འདིར། །བོ་དྷི་ཙིཏ་ཏའི་དབྱིངས་ཉིད་དུ། །ཁམས་གསུམ་འཁོར་བ་ཀུན་བསྡུའོ། །ཆོས་ཉིད་སྐྱེ་འགག་མེད་པ་ལ། །བདེ་བར་གཤེགས་དང་འགྲོ་བ་ཞེས། །དབྱིངས་སུ་གཅིག་པས་གཉིས་སུ་
མེད། །ཀུན་ཀྱང་ངོ་བོ་མཉམ་ཉིད་དེ། །ཐམས་ཅད་སྙིང་པོ་བྱང་ཆུབ་སེམས། །མ་སྐྱེས་པས་ན་འགག་པ་འཇིག །བདག་ཉིད་མེད་ན་མཉམ་པའི་སྐུ། །ཐུགས་རྗེ་ཆེན་པོ་ཅིར་མི་མཛད། །ཡེ་ནས་དེ་ལྟར་དེ་བཞིན་དུ། །སེམས་ཅན་མ་རིག་རྨོངས་པའི་བློས། །བདག་དང་བདག་

104-1-194a

གིར་སོ་སོར་འཛིན། །རྟག་ཆད་མཐའ་གཉིས་མ་སྤོངས་ཏེ། །ནོར་བས་བཏགས་པའི་ཕུང་པོ་ལྔ། །ལོག་རྟོག་ཕྱིན་ཅི་ལོག་བཞིས་བཅིངས། །ཉོན་མོངས་སྡུག་བསྔལ་རྒྱུ་བསགས་ཏེ། །འཁོར་བའི་རྒྱུད་ལྔ་ཁ་བྲིམས་པས། །མྱ་ངན་མི་འདའ་ཡུན་རིངས་ཏེ། །ཕུང་
པོ་ཁམས་དང་སྐྱེ་མཆེད་ལ། །འཁྲུལ་པའི་བག་ཆགས་བག་ལ་ཉལ། །བདེ་འགྲོའི་ལམ་ལ་བསྒྲིབས་པའི་རྣམས། །འཁོར་བའི་ལམ་ལྔ་རྒྱུན་གཅད་ཕྱིར། །ངན་སོང་རྣམ་པར་སྦྱོང་པའོ། །མ་ཐ་མ་ཐ་སརྦ་པྲེ་ཏ་ག་ཏི་ཧེ་ཏུྃ་ཧཱུྃ་ཕཊ། པ་ཙ་པ་ཙ་སརྦ་ཏི་ར་ཡ་བ་ཏེ་ཧེ་ཏུྂ་ཧུྃ་ཕཊ། 
ད་ཧ་ད་ཧ་སརྦ་ན་རཀ་ག་ཏི་ཧེ་ཏུཾ་ཧུྃ་ཕཊ། དེ་ལྟར་ངན་སོང་རྣམས་སྦྱངས་ཏེ། །སྡུག་བསྔལ་གསུམ་གྱི་སྒོ་གཅད་ཕྱིར། །རྃ་ཡྃ་ཁྃ་ཞེས་བརྗོད་ལ། །ཡེ་ཤེས་འབར་བའི་མེས་བསྲེགས་ཏེ། །མཚན་ཉིད་མེད་པར་སྟོང་པར་འགྱུར། །དུས་ལ་བབ་པའི་སེམས་ཅན་དེ། །ལས་ལ་བབ་པའི་
རྣལ་འབྱོར་པས། །རྡོ་རྗེ་དབྱིངས་ཀྱི་དཀྱིལ་འཁོར་འདིར། །ཐུགས་རྗེ་ལྕགས་ཀྱུས་བཀུག་ནས་ནི། །སྐལ་དང་ལྡན་པའི་རྣམ་ཤེས་དེ། །ཐུགས་རྗེ་ཆེན་པོའི་བྱིན་བརླབས་ཀྱིས། །སྐུ་ཡི་སྤྲུལ་པ་ཕྱོགས་བཅུར་བཀྱེ། །གསུང་གིས་སེམས་ཅན་མཐའ་དག་གྲོལ། །ཐུགས་ཚད་མེད་
བཞི་དང་ལྡན། །ཉི་ཟླ་གསལ་བའི་དཀྱིལ་འཁོར་དུ། །ཚེ་དཔག་མེད་པར་དབང་བསྐུར་ནས། །ཡང་དག་ཉིད་ལ་ཡང་དག་སྒྲོལ། །ཡང་དག་བསྒྲལ་ན་བདེ་ཆེན་ཐོབ། །མི་ལྡོག་ས་ལ་ངེས་པར་ཕྱིན། །ཕྱིན་པ་ཙམ་གྱིས་དབང་ཐོབ་ནས། །རྒྱལ་བའི་ཞིང་ཁམས་དབྱིངས་ཉིད་མཐོང་། །
རྒྱུ་དྲུག་གནས་སུ་མི་སྐྱེ་ཕྱིར། །དཔའ་བོ་འབྲུ་ལྔས་ལམ་ལྔ་དགག །ཨོཾ་ཨཱ་ཧཱུྃ་སྭཱ་ཧཱ། འོག་མིན་དགའ་ལྡན་ལྷ་ཡུལ་རུ། །ཡེ་ཤེས་རླུང་གིས་བཏེགས་ནས་ནི། །སྦྱོར་བའི་ལྷུམས་སུ་ཕཊ་གྱིས་འཕང་། །ཨ་ནྲི་སུ་ཏྲི་པྲི་དུ། གང་ཡང་རུང་བའི་རྣམ་ཤེས་དེ། །གསང་བའི་དབྱིངས་
སུ་ཧཱུྃ་གིས་བསྡུ། །སྐུར་བསྐྱེད་ཡེ་ཤེས་སྐུར་སྤྲོས་ཏེ། །དབྱིངས་དང་ཡེ་ཤེས་ལྷུན་གྲུབ་པས། །སངས་རྒྱས་ཞིང་ཁམས་རབ་འབྱམས་དང་། །བདེ་གཤེགས་ཕོ་བྲང་དཀྱིལ་འཁོར་དུ། །རྫུ་འཕྲུལ་ཞབས་དང་ལྡན་པ་ཡིས། །འཕགས་པའི་ལམ་དུ་རླུང་ཞུགས་ནས། །ཆོས་ཀྱི་
འཁོར་ལོ་སྐོར་ཞིང་གཤེགས། །འཇིག་རྟེན་ལྷ་ཡི་གཙོ་བོ་དང་། །ཉན་ཐོས་དགྲ་བཅོམ་རང་རྒྱལ་དང་། །ས་བཅུའི་བྱང་ཆུབ་སེམས་དཔའ་ཡིས། །འཇིག་རྟེན་འདས་པའི་མཆོད་པས་མཆོད། །སྟུག་པོས་བརྒྱན་པའི་ས་འདས་ནས། །པདྨ་སྤྱན་གྱི་ས་ལ་བཞག །འཆི་

104-1-194b

བ་མེད་པའི་ཆོས་སྐུ་ཐོབ། །སྟོང་གསུམ་མ་ལུས་བཏོན་པ་བས། །འབུམ་གྱི་ཆར་ཡང་མི་ཕོད་དེ། །རང་སེམས་མ་བཅོས་ཡེ་ནས་ཆུབ། །སྐྱེས་བུ་ཆེན་པོ་རྣལ་འབྱོར་གྱིས། །བསྒྲལ་བ་འབའ་ཞིག་སྙིང་རྗེའི་མཆོག །དེ་ནས་མ་ཏྲང་རུ་ཏྲ་དེ་བསྒྲལ་ཏེ། །སྔོན་འབྱུང་བ་ཡི་
གླེང་གཞི་དང་། །གཏན་ཚིགས་སུ་དགོངས་ནས། ཕྱི་རབས་ཀྱི་སྔགས་འཆང་རྣམས་ཡིད་ཆེས་པར་བྱ་བ་དང་། དད་པ་ཅན་གྱི་རྣལ་འབྱོར་པ་རྣམས་དྲང་བའི་ཕྱིར། དུར་ཁྲོད་ཆེན་པོའི་གནས་བརྒྱད་དང་། མ་མོ་ཆེན་མོ་བརྒྱད་དང་། རང་འབྱུང་གི་མཆོད་རྟེན་ཆེན་པོ་བརྒྱད། འདི་
མན་ཆད་གཏན་ཚིགས་དང་བཅས་ཏེ་བསྟན་ཏོ། །གོང་དུ་བསྒྲལ་བའི་བསམ་རྒྱུད་ནི་འོག་ནས་ཞིབ་ཏུ་བསྟན་ནོ། །འདི་ཡང་བསྣོར་ཏེ་ལུང་གཅུས་ནས་བསྟན་ནོ། །བདུད་དང་དབང་ཕྱུག་གཤིན་རྗེ་དེ། །ཐུགས་རྗེ་ཚད་མེད་བཞིས་བསྒྲལ་ནས། །རོ་ཡི་ཉལ་ཐགས་གན་
རྐྱལ་ཏེ། །འཛམ་བུའི་གླིང་ལོའི་གླིང་ཁམས་སུ། །བོར་ནས་ས་གཞིར་གྱུར་པ་ནི། །དུར་ཁྲོད་ཆེན་པོ་བརྒྱད་དུ་གྱུར། །མགོ་ནི་ལྷོ་ནུབ་མཚམས་སུ་བསྟན། །རྐང་པ་བྱང་ཤར་མཚམས་སུ་བསྟན། །ལག་པ་གཉིས་ནི་གཡས་གཡོན་བརྐྱང་། །མགོ་དང་ལུས་སྙིང་ཡན་
ལག་ཀུན། །གནས་ཀྱི་དུར་ཁྲོད་ཆེན་པོ་བརྒྱད། །དེ་ནི་དཔལ་ཆེན་བཞུགས་གནས་ཡིན། །ཐུགས་རྗེ་ཆེན་པོའི་བྱིན་བརླབས་ཀྱིས། །རོ་ཡི་སྲུངས་མ་ཆེན་མོ་ནི། །མ་མོ་ཆེན་མོ་བརྒྱད་བཞག་གོ། དེ་ཡི་གནས་རྟེན་ཆེན་པོར་ཡང་། །མཆོད་རྟེན་ཆེན་པོ་གཟི་བྱིན་
ཅན། །རང་འབྱུང་རེ་རེ་བཞག་པ་ཡིན། །དེ་ལྟར་ས་གཞི་འདི་ཀུན་ཡང་། །བཀྲ་ཤིས་ཡ་མཚན་ཐུགས་རྗེ་ཅན། །ཆོས་དང་དངོས་གྲུབ་འབྱུང་བའི་གནས། །ཆོ་འཕྲུལ་འབྱུང་བར་བཀའ་སྩལ་ཏོ། །དེ་ཡི་ལུས་སྙིང་མ་ག་ཏ། །དུར་ཁྲོད་ཆེན་པོ་བསིལ་བའི་ཚལ། །
མ་མོ་ཆེན་མོ་ཀེའུ་རི་གནས། །མཁས་ཤིང་སྙིང་སྟོབས་ཆེ་བའི་སའོ། །མཆོད་རྟེན་མིང་ནི་བདེ་བྱེད་རྟེན། །དེ་ཡི་མགོ་བོ་ལྷོ་ཕྱོགས་ཀྱི། །དུར་ཁྲོད་ཆེན་པོ་བཞག་པ་ནི། །སིང་ག་ཡུལ་གྱི་གླིང་ཕྲན་ཡིན། །མ་མོ་ཆེན་མོ་ཙེའུ་རི་གནས། །མཐོང་ཐོས་རྣམ་པའི་འཕྲུལ་
བག་ཅན། །མཆོད་རྟེན་རི་བོ་ཏ་ལ་ལ། །ལག་པ་གཡས་པ་ཤར་ལྷོའི་མཚམས། །དུར་ཁྲོད་ཆེན་པོ་བལ་ཡུལ་ཡིན། །མ་མོ་ཆེན་མོ་པུ་ཀ་སི། །ལྷག་པར་ཟས་ཀྱི་ལོངས་སྤྱོད་ཆེ། །མཆོད་རྟེན་ཁ་ཤོ་བྱཱ་གྷྲི་ཁའོ། །ལག་པ་གཡོན་ནི་ལྷོ་ནུབ་མཚམས། །དུར་ཁྲོད་

104-1-195a

ཆེན་པོ་ས་ལའི་ཡུལ། །མ་མོ་ཆེན་མོ་བེ་ཏ་ལི། །ཕྱག་ན་རྡོ་རྗེ་དབང་གི་གནས། །དེ་ནི་མཐུ་དང་དབང་ཡང་ཆེ། །གྱད་ཡུལ་ཆེན་པོའི་ས་ལས་ནི། །མཆོད་རྟེན་མ་ལ་ས་གན་ད། །རྐང་པ་གཡས་པ་བྱང་ཤར་མཚམས། །དུར་ཁྲོད་ཆེན་པོ་ལི་ཡི་ཡུལ། །མ་མོ་ཆེན་
མོ་ཙན་ཌ་ལི། །ལྷ་མོ་ཤང་ཀི་ནི་ཞེས་གྲགས། །ཆུ་དང་མེ་གྲུབ་རྫུ་འཕྲུལ་ཅན། །མཆོད་རྟེན་མིང་ནི་གེའུ་ཏོ་ཤན། །རྐང་པ་གཡོན་པ་ནུབ་བྱང་མཚམས། །དུར་ཁྲོད་ཆེན་པོ་ཁ་ཆེའི་ཡུལ། །མ་མོ་ཆེན་མོ་པྲ་མོ་ཧ། །བདེ་སྐྱིད་ལྡན་པ་ཕུན་སུམ་ཚོགས། །མཆོད་རྟེན་
མིང་ནི་སྐ་ནི་སྐ། །ཕོ་མཚན་སྟེང་གི་བྱང་ཕྱོགས་ན། །དུར་ཁྲོད་ཆེན་པོ་ཨུ་རྒྱན་ཡུལ། །མ་མོ་ཆེན་མོ་གྷ་སྨ་རི། །འབྱོར་པའི་ལོངས་སྤྱོད་ལྔ་དང་ལྡན། །དངོས་གྲུབ་ཅན་ཡང་དེ་ན་མང་། །གཟིའི་མཆོད་རྟེན་ཆེན་པོ་སྟེ། །མིང་ཡང་དྷརྨ་ཙ་ཀྲའོ། །དེ་ཡི་ནང་གྲོལ་
ཐམས་ཅད་ཀུན། །དུར་ཁྲོད་ཆེན་པོ་ཟ་ཧོར་ཡུལ། །རྒྱ་མཚོའི་སྒོ་གླིང་མ་ཧ་དོ། །ལང་ག་པུ་རངས་སྲིན་པོའི་གནས། །མ་མོ་ཆེན་མོ་སྨ་ཤ་ནི། །མངོན་ཤེས་རྫུ་འཕྲུལ་བསམ་མི་ཁྱབ། །སྲིན་པོ་སྲིན་མོ་ཤ་ཟ་རྣམས། །དེ་དག་ཀུན་ལ་དབང་སྒྱུར་ཞིང་། །རིན་ཆེན་ནོར་དང་
དཔག་བསམ་ཤིང་། །འབྱོར་པའི་ཡོ་བྱད་ཀུན་དང་ལྡན། །མཆོད་རྟེན་བདེ་བྱེད་གཞོན་ནུའོ། །འཇིག་རྟེན་ཀུན་དུ་བསྟན་པ་ཡི། །དུར་ཁྲོད་ཆེན་པོའི་གནས་བརྒྱད་དོ། །དེ་ལྟར་སྟ་ནའི་དཀྱིལ་འཁོར་འདིར། །འདས་པའི་དུས་ན་སྔོན་འབྱུང་བའི། །སངས་རྒྱས་
ཀུན་གྱིས་བྱིན་གྱིས་བརླབས། །དེ་ལྟར་གྱུར་པའི་འཛམ་གླིང་དུ། །སྐྱེ་ཤི་གནས་པའི་ཡུལ་ཡིན་པས། །ཕྱི་རབས་སྔགས་ཀྱི་སྒྲུབ་པ་པོས། །འཇིག་བྱེད་ཆེན་པོ་ཁྲག་མཐུང་གི། དུས་གསུམ་རྒྱལ་བའི་བཀའ་བཞིན་དུ། །བསྐྱེད་ནས་བྱིན་གྱིས་བརླབས་པ་
ནི། །སྔགས་མཆོག་བདུད་རྩིར་བསྒྲུབ་པའི་ཕྱིར། །རྒྱུ་དང་དམ་རྫས་ཐམས་ཅད་ནི། །སངས་རྒྱས་སྒྲུབ་པའི་རྒྱུ་དང་བཞི། །དམ་ཚིག་དམ་པར་བསྲུང་བའི་རྫས། །བྱིན་གྱི་བརླབ་པར་བྱ་བའོ། །དེ་ནས་འཇིག་བྱེད་ཆེན་པོའི་དཀྱིལ་འཁོར་བསྐྱེད་དེ། ངེས་དོན་
ཅིག་ཏུ་ལམ་རྒྱུད་ལྔ་ནི་འབྲས་བུ་ཆེན་པོ་ལྔ་ཡིན་ཏེ། དེ་དག་ཐམས་ཅད་འཇིགས་བྱེད་ཆེན་པོའི་དཀྱིལ་འཁོར་གྱིས་དུས་གཅིག་ཏུ་བསྒྲལ་བའི་ཕྱིར།  བདུད་ཡག་ཤ་མ་ཧཱ་རུ་ཏྲ་ཞེས་བྱ་བ་ཞིག །དུས་དེར་བསྒྲལ་ཞིང་གནས་སྤར་རོ། །དེ་ལ་བདག་ཉིད་སྐུ་ནི་སྨུག་ནག་

104-1-195b

འབར། །ཕྱག་ན་མཚོན་ཆ་སྣ་ཚོགས་བསྣམས། །པྲཛྙཱ་ཀེ་ཤ་ཙི་ཏ་ཛྭ་ལ་ཧཱུྃ་ཕཊ། མ་ནུ་ད་རྃ་ཏོ་ཤ་ཕྱུང་། ཨུ་མ་ད་རམ་བཛྲ་མ་ཧཱ་མང་ས། ཏྲ་མ་ཁའི་ཞེས་བསྒྲལ་ཏེ། ཨེ་ཧྱེ་ཧི་མ་ཧཱ་རུ་ཏྲ། ཤ་ཏུ་མ་ཀ་ར། བཛྲ་ནི་ཧཱུྃ་ཕཊ། མ་ཧཱ་དེ་བཾ་རུ་ཏྲ་ཧཱུྃ་ཛ་ཛཱ་ཞེས་བརྗོད་དེ། སྟ་ན་དང་གྷ་ན་ཆེན་
པོར་བྱས།  རྣམ་པར་ཤེས་པ་བྱང་ཆུབ་སེམས་སུ་དབང་བསྐུར་རོ། །དེ་ན་སྟ་ནའི་དཀྱིལ་འཁོར་འདིར། །དུར་ཁྲོད་བདག་པོ་བཏུལ་ནས་ནི། །འཁོར་བཅས་མ་ལུས་དབང་དུ་བསྡུས། །འཇིག་རྟེན་གཙོ་བོ་ལྷ་བརྒྱད་དང་། །སྲིན་མོ་བརྒྱད་དང་བུ་མོ་བརྒྱད། །དབང་ཕྱུག་ཉི་ཤུ་རྩ་
བརྒྱད་ཀྱིས། །འདི་སྐད་ཅེས་ནི་ཁས་བླངས་ཏེ། །མགྲིན་གཅིག་ཏུ་ནི་རབ་སྨྲས་པ། །ཧོ་རྡོ་རྗེ་འབར་བའི་མེ་དཔུང་གིས། །བསྐལ་པ་བས་ཀྱང་སྲེག་མཛད་པ། །འཇིག་ཚུལ་རྔམ་པའི་ཁྱད་པར་ཅན། །དབུ་མང་རྩུབ་པའི་ཚིག་སྒྲོགས་ཤིང་། །ཕྱག་མངས་འཇིག་པའི་མཚོན་
ཆ་བསྣམས། །ཞི་བའི་ཕྱག་སྟོང་སྤྱན་སྟོང་ཡང་། །འཇིག་རྟེན་ཁམས་ཀུན་སྤ་གོང་ན། །ཁྲོ་གཉེར་ཕྱག་སྟོང་སྤྱན་སྟོང་གིས། །དཔའ་བོ་སྒེག་དང་འཇིགས་སུ་རུང་། །རྒོད་དང་གཤེ་དང་འཇིགས་པར་བྱེད། །སྙིང་རྗེ་རྔམ་དང་ཞི་བར་སྟོན། །འབར་བའི་ཚོགས་ཆེན་སྣ་ཚོགས་ཅན། །
ཁམས་གསུམ་ལྷ་ཆེན་ཐམས་ཅད་དང་། །འཇིག་རྟེན་ཐལ་བར་རློག་མཛད་པ། །ཨེ་མ་ཧོ་ཆེ་མཆོག་ཧེ་རུ་ཀ །ཁྲོ་རྒྱལ་ཁྱོད་ལ་སྐྱབས་སུ་མཆིའོ། །ཐུགས་རྗེ་ནན་ཏན་བདག་ཅག་གཟུང་། །གལ་ཏེ་བཀའ་བཞིན་མ་བགྱིས་ན། །བདག་ཅག་རྣམས་ཀྱི་མགོ་ལུས་སྙིང་། །དུམ་བུ་
བརྒྱར་ནི་གཏུབས་འགྱུར་བགྱིད། །དེ་ཕྱིར་འབར་བས་བདག་མ་གཏང་། །ཞེས་འཐུན་པར་སྨྲས་སོ། །ཁམས་གསུམ་ཐམས་ཅད་བསྒྲལ་བའི་ཞིང་། །རྒྱུ་དྲུག་གནས་པའི་སེམས་ཅན་རྣམས། །བསྡུ་བའི་སྦྱོར་བས་ཀུན་བསྡུས་ནས། །མི་ལྡོག་དབྱིངས་སུ་ཡང་དག་
ཉིད། །ཐིག་ལེ་ཆེན་པོས་དབང་བསྐུར་ཏེ། །ཟླ་གསང་དབུས་ན་བྱང་ཆུབ་སེམས། །རྫོགས་སངས་རྒྱས་ལ་སོམ་ཉི་མེད། །ཤ་ཆེན་བཤང་གཅི་ཁུ་བ་ཁྲག །བདེ་གཤེགས་ལྔའི་ས་བོན་ཏེ། །རྣམ་པར་དྲི་ཆེན་སྣང་བར་མཛད། །ཕྱི་རོལ་ཆེན་པོ་ལྔ་དག་ལ། །ནང་གི་
རྒྱུ་འབྲས་ཡེ་ནས་དག །མི་བསྐྱོད་བྱང་ཆུབ་སེམས་ཉིད་དེ། །དམིགས་སུ་མེད་པས་དག་པ་ཡིན། །མང་ས་རིན་ཆེན་འབྱུང་ལྡན་པོ། །མཉམ་དང་མི་མཉམ་དབྱེར་མེད་དོ། །སྣག་པ་རཀྟ་མཐའ་ཡས་ཐུགས། །སྐྱེ་འགག་མེད་དེ་ཡེ་ནས་དག །དོན་ཡོད་

104-1-196a

དྲི་ཆུ་ལས་གྲུབ་པ། །དྲི་མེད་རྒྱུ་ནས་རྣམ་པར་དག །ཀུན་ཀྱང་གཙང་ཞིང་དྲི་མེད་པས། །ཐམས་ཅད་མ་ལུས་སངས་རྒྱས་ལྔ། །ལུས་པ་མེད་པས་ཡེ་ཤེས་དང་། །མ་བཅོས་ཡེ་ནས་དེ་ཉིད་དོ། །དེ་ཕྱིར་སྨན་ཆེན་བཅུད་གྱིས་མཆོག །བདུད་རྩི་ཞེས་ནི་དེ་ལ་བྱའོ། །རྟོགས་
པའི་ཀླུང་དུ་སུ་འདྲིས་པ། །མི་ཞེས་བྱ་བ་སངས་རྒྱས་ཡིན། །བཅོམ་ལྡན་འདས་ནི་གུད་ན་མེད། །འབྱུང་བ་ལྔ་ལས་གྱུར་པའི་རྒྱུ། །སྤྲུལ་པས་རིགས་ལྔའི་སངས་རྒྱས་ཡིན། །རང་གི་ལུས་ལ་བསྡུ་བའི་ཕྱིར། །སྐུ་གསུམ་རྡོ་རྗེ་དབང་ཐོབ་འགྱུར། །དེ་ཕྱིར་བསྒྲུབ་པའི་རྫས་སུ་
གསུངས། །དེ་སྐད་ཅེས་སྨན་སྤྱོད་པའི་ལུང་དུ་བཀའ་སྩལ་ཏོ། །བདུད་རྩི་ཆེན་པོ་མཆོག་གི་ལུང་། འབུམ་སྡེར་བཞུགས་པའི་ནང་ནས། ལུང་ཨ་ནུ་ཡོ་གའི་སྤྱོད་པ་བླ་ན་མེད་བསྟན་པ་སྟེ། བམ་པོ་ཆེན་པོ་བཞི་པ།། །། ༄།  །རྒྱ་གར་སྐད་དུ།  ཀུལ་པཉྩ་བུདྡྷ་ན་མ༔། 
བོད་སྐད་དུ།  རིགས་ལྔ་བདེ་བར་གཤེགས་པ་ལ་ཕྱག་འཚལ་ལོ། །མ་ཧཱ་ཡོ་གའི་དོན་དུ་བསྒྲུབ་པའི་ཐབས་འདི་བསྟན་ཏོ། །རི་ནི་ཉམས་དགའ་མདངས་བཟང་བའི། །ཡིད་འོང་གནས་སུ་འདུག་ནས་ནི། །བྱིན་བརླབས་མཚམས་བཅད་བརྟན་བྱས་ནས། །དཀྱིལ་འཁོར་
འདོམ་གང་གྲུ་བཞི་པ། །དྲི་སྣ་ལྔ་ཡིས་མཎྜལ་བྱའོ། །ཐིག་བཞི་བཏབ་པས་དཀྱིལ་འཁོར་བརྒྱད། །མཎྜལ་བརྒྱད་པའི་གཞུང་བཞིན་བྲི། །དེ་ཡི་རྩེ་མོ་བརྒྱད་ལ་ཡང་། །ཡིད་བཞིན་ནོར་བུ་འབར་བ་བྲི། །དེ་ཡི་དབུས་སུ་བསམ་པ་ཡང་། །སྲིད་གསུམ་བྷནྡྷ་བཟང་ཀོང་
ཡུག །ཡེ་ནས་མ་བཅོས་རང་འབྱུང་སྣོད། །དཔལ་དང་ལྡན་པའི་སྣོད་བཞག་ལ། །དེ་ཡི་ནང་དུ་བླུགས་པའི་སྨན། །ཡེ་ནས་རང་བྱུང་བདུད་རྩི་ལྔ། །ཤ་ཆེན་བཤང་གཅི་ཁུ་བ་ཁྲག །དག་པའི་རྒྱུ་སྟེ་བདུད་རྩིའི་དངོས། །སྟོང་ལས་སྦྱར་བས་ཡེ་ནས་དག །བཏག་དང་
བཙག་དང་གཞལ་བ་ཡི། །ཉི་ཟླ་གསལ་བའི་དཀྱིལ་འཁོར་དུ། །འབྲུ་ལྔ་ཡེ་ཤེས་འཕྲོ་འདུ་ལས། །སྟོང་ཁམས་ཁྱབ་པར་དོན་བྱས་ཏེ། །བཅུད་ཀྱི་དམ་པ་ཀུན་བསྡུས་ནས། །དུས་གསུམ་སངས་རྒྱས་མཆོད་པའི་ཕྱིར། །བཀའ་བཞིན་བསྟན་པའི་དངོས་གྲུབ་བླང་། །
མུ་ཏིག་དཀར་པོ་དྲི་མེད་ལྟར། །སྒྲུབ་པ་པོས་ནི་ནན་ཏན་བྱའོ། །འགུ་ཡ་ལག་པའི་ཕྱག་རྒྱ་ཡིས། །གཞུང་བཞིན་བརྟན་ནས་འཕྲོ་འདུ་བྱ། །དེ་དབུས་ཀླུ་བདག་ས་བོན་གྱིས། །དངོས་གྲུབ་དམ་པ་བླང་བར་བྱ། །དགུ་པའི་སྔགས་ཀྱིས་བཏབ་ནས་ནི། །ལེ་ལོ་མེད་པའི་

104-1-196b

བརྩོན་འགྲུས་ཀྱིས། །བར་ཆད་མེད་པའི་འཕྲོ་འདུ་བྱའོ། །ཨོཾ་གྱིས་ཡེ་ཤེས་འོད་ཕྱུང་ཞིང་། །ཨཱཿཡིས་མེས་བསྲེགས་ཐལ་བར་འགྱུར། །ཧཱུྃ་གིས་བདུད་རྩི་རྣམ་པར་དག །གསལ་ལ་འབྱུང་འཇུག་ལྷ་ནེ་བོས། །རྟགས་དང་མཚན་མ་བདུན་གྱིས་འབྱུང་། །འོད་དང་དུ་བ་དྲི་དང་
སྒྲ། །ལྷ་མོའི་གཟུགས་ཀྱང་སྟོན་པར་འགྱུར། །མང་དུ་འཕེལ་ན་བསྒྲུབ་རྫས་ཡིན། །དེ་ལ་ཡ་མཚན་བསྐྱེད་མི་བྱ། །མཚན་མའི་རྟགས་དག་མ་བྱུང་ན། །བཀང་སོའི་ཆོ་ག་རྒྱ་བསྐྱེད་ཅིག །སྤོགས་ཐགས་བསྐྱར་ལ་རྩལ་ཤུགས་དབྱུང་། །དམ་ཚིག་ཆེན་པོ་བཀང་བའི་ཕྱིར། །
བསྒྲུབ་རྫས་རྣམས་ཀྱང་བསྟར་ནས་གཞག །དེ་ནས་མཆོད་ཅིང་དངོས་གྲུབ་བླང་། །སློབ་མ་ལ་ཡང་དབང་བསྐུར་རོ། །བླ་མ་ལུང་ལྡན་དེས་ཀྱང་ནི། །ཚིགས་སུ་བཅད་པ་འདི་དག་བརྗོད་དོ། །གདོད་ནས་མ་སྐྱེས་རྣམ་དག་ཆོས་ཀྱི་དབྱིངས། །དག་དང་མ་དག་མི་རྟོག་རྟོག་
ལས་འདས། །སྔ་མ་འདས་དང་ད་ལྟར་ཕྱིས་འབྱུང་བ། །དུས་གསུམ་གཅིག་ལ་སྐུ་བསྟན་ཕྱི་བཤོལ་མེད། །དངོས་གྲུབ་སྣ་ཚོགས་རླབས་ཆེན་འབར་བ་ཅན། །སུ་འདོད་སྦྱིན་གྱིས་ད་ལྟ་འདི་ལ་ལོང་། །སྐལ་པར་སྦྲེབས་དང་གཏི་མུག་མུན་ནག་ལ། །སྤྲིན་མཐོངས་ཉི་
ཤར་ཁུད་པར་དྲོ་བ་བཞིན། །བདུད་རྩི་རྒྱལ་པོ་དབང་ཆེན་འདི་བྱིན་པས། །རིག་འཛིན་རྒྱལ་པོ་གཙོ་བོའི་གོ་འཕང་ཐོབ། །ཚེ་དང་སྐོངས་དང་ཡིད་དུ་འོང་། །བགེགས་རྣམས་ཞི་བ་ལ་སོགས་ཏེ། །ནད་དང་བྲལ་ནས་ཅི་འདོད་པའི། །ཡོན་ཏན་རྩ་བརྒྱད་འདི་
ཡིས་ཐོབ། །ཞེས་བཀའ་སྩལ་ནས། དེ་ནས་ཡང་བཅོམ་ལྡན་འདས་རིགས་ལྔ་བདེ་བར་གཤེགས་པས་བཀའ་སྩལ་ཏོ། །བཅོམ་ལྡན་འདས་ཀྱིས་ལུང་འདི་ལས། །དབང་བསྐུར་གནང་བ་གང་ཡིན་པ། །འཁོར་རྣམས་ཀུན་གྱིས་ཐོབ་པར་ཤོག །ཞེས་བཀའ་
སྩལ་ཏོ། །ཡང་འཁོར་ཉེ་བའི་སྲས་མཆོག་དམ་པ་འཇམ་དཔལ་ལ་སོགས་པས་དབང་མནོས་ནས། ཡང་རིག་ལྔ་དང་རིགས་རྒྱ་མཚོའི་གཙོ་བོ་ལ་ལུང་གི་དོན་ཞུས་པ། རྟོག་པ་དང་མི་རྟོག་པའི་དོན་ཇི་ལྟར་བལྟ། དོན་གྱི་འབྲས་བུ་གང་ལགས་ཞེས་གསོལ་པ་
ལས། ཀུན་ཏུ་བཟང་པོ་དང་རིགས་ལྔ་བདེ་བར་གཤེགས་པས་བཀའ་སྩལ་པ། ཚངས་དང་དྲང་སྲོང་གཙང་མ་ཟ། །དེ་དག་གྲོལ་བར་ངས་མ་བཤད། །ཀླུ་དང་བྲམ་ཟེ་གཙང་མ་ཟ། །དེ་དག་གྲོལ་བར་ངས་མ་བཤད། །བྱོལ་སོང་རྩྭ་མཆོག་ཟ་བ་ཡང་། །ཇི་སྲིད་

104-1-197a

འཚོ་བའི་བར་དུ་ཟ། །དེ་དག་གྲོལ་བར་ངས་མ་བཤད། །ཡང་དག་དོན་གྱི་ལུང་འདི་ཉོན། །རྣལ་འབྱོར་ཐབས་དང་ལྡན་པས་ནི། །ཆོས་སྐུ་གཅིག་ལས་ཐ་དད་པའི། །རིགས་ལྔའི་ཁ་དོག་འདི་བཤད་དོ། །འདི་ལྟར་རྟོགས་ན་གྲོལ་ཞེས་བཤད། །
རང་བཞིན་ཡེ་ནས་དག་པའི་རྫས། །མཉམ་པའི་དབྱིངས་སུ་རབ་རྟོགས་ན། །གཉིས་མེད་དོན་གྱིས་ཟིན་པ་ཡིན། །ཇི་ལྟར་དམིགས་པ་བཞིན་དུ་འགྲུབ། །དངོས་དང་དངོས་མེད་རྟོག་པའི་མཚན། །གཙང་དང་མི་གཙང་རྟོག་པའི་མཚན། །མཁས་པས་དབུས་ལ་གནས་
མི་འགྱུར། །ཡེ་ཤེས་སྐུ་ལྔ་བསྟན་པའི་ཕྱིར། །བྱང་ཆུབ་སེམས་ནི་དཀར་བས་ན། །དྲི་མེད་དཀར་བས་ཡེ་ཤེས་སྐུའོ། །རཀྟ་ཆགས་མེད་དམར་བས་ན། །ཆགས་མེད་རྣམ་དག་ཆོས་ཀྱི་སྐུའོ། །མང་ས་ཡིད་བཞིན་རིན་ཆེན་སྔོ། །སྣ་ཚོགས་འབྱུང་གནས་མཉམ་ཉིད་སྐུའོ། །
རིན་ཆེན་གསེར་མདོག་སྣང་མཛད་དེ། །མངོན་འབྱུང་སྤྲུལ་པ་ཆོས་ཀྱི་སྐུའོ། །དྲི་ཆུ་དག་བྱེད་ལྗང་གུའི་མདོག །  ཀུན་དུ་དོན་གྲུབ་ལས་རབ་སྐུའོ། །སྐུ་ལྔ་ལྷུན་གྲུབ་བདུད་རྩི་འདི། །སོ་སོའི་ལུས་ལ་གནས་པ་ཡིན། །དྲི་ཆེན་དྲི་ཆུ་རཀྟ་དང་། །མངས་སེམས་ཆུ་འདི་རྣམས་ཀུན། །སེམས་
ཅན་རྟོག་པ་བཟློག་པའི་ཕྱིར། །གཙོ་རུ་དང་དུ་བླང་བར་བྱའོ། །གཙང་སྨེ་མེད་པར་ཀུན་གྱིས་སྤྱོད། །འདི་དག་གྲོལ་བར་ངས་བཤད་དོ། །ཐེ་ཚོམ་མེད་པས་དངོས་གྲུབ་ཐོབ། །སྤྱོད་པའི་སྐྱེས་བུ་རྣལ་འབྱོར་པས། །ཚེ་འདི་ཉིད་ལ་གྲུབ་པར་འགྱུར། །ཅེས་བཅོམ་ལྡན་འདས་
རིགས་ལྔ་བདེ་བར་གཤེགས་པས་བཀའ་སྩལ་ཏོ། །འདི་ཡན་ཆད་མ་ཧཱ་ཡོ་གའི་དོན་གྱི་ལུང་དང་བསྒྲུབ་ཐབས་བདུད་རྩི་ཆེན་པོ་འབུམ་སྡེ་ལས་བཏུས་པའི། བམ་པོ་ཆེན་པོ་ལྔ་པ།། །། ༄༅།  །རྒྱ་གར་སྐད་དུ།  ཨ་མྲྀ་ཏ་ཀུཎྜ་ལི་ན་མ༔ བོད་སྐད་དུ།  
བདུད་རྩི་འཁྱིལ་པ་ལ་ཕྱག་འཚལ་ལོ། །བདུད་རྩི་རྒྱལ་ལ་ཕྱག་འཚལ་ནས། །བདུད་རྩི་སྦྱོར་བའི་ཐབས་བསྟན་ཏེ། །དེ་བཞིན་གཤེགས་པ་ཀུན་གྱིས་བདུད་རྩི་བསྒྲུབ་པའི་དགོངས་པ་ལ་ཞུགས་ཏེ། དེ་ནས་བདུད་རྩི་རྒྱལ་པོ་ཡིས། །བདུད་རྩི་སྦྱོར་བའི་ཐབས་འདི་བསྟན་
ཏེ་བཀའ་སྩལ་ཏོ། །དང་པོར་ཕུན་སུམ་ཚོགས་པའི་ཡུལ། །དགའ་ཞིང་བར་ཆད་མེད་པའི་གནས། །བཙལ་ནས་ཉིད་ཀྱི་དབང་དུ་བྱའོ། །དེ་ནས་རང་ལུས་བསྲུང་བའི་ཕྱིར། །ལག་ཆ་ཕུན་སུམ་ཚོགས་པ་ཡིས། །བར་ཆད་བྱེད་པའི་དགྲ་བགེགས་བཟློག །དེ་ནས་བསྒྲུབ་པའི་

104-1-197b

ཡོ་བྱད་རྣམས། །འཚོ་བ་ཟས་ཀྱི་ཡོ་བྱད་རྣམས། །བསྒྲུབ་པ་དམ་རྫས་ཡོ་བྱད་དང་། །རྐྱེན་ཟློག་སྨན་གྱི་ཡོ་བྱད་དང་། །དེ་ལྟར་ཕུན་སུམ་ཚོགས་ལྡན་ནས། །ཇི་བཞིན་བདེ་བར་འདུག་ནས་ནི། །ས་གཞི་རབ་ཏུ་སྦྱང་བྱས་ཏེ། །ཚེས་གྲངས་ཡར་གྱི་བརྒྱད་ལ་བརྩམ། །སྔ་དྲོའི་དུས་ནས་
དཀྱིལ་འཁོར་བྱ། །མཎ་ཌལ་འདོམ་གང་པ་ལྔ་བྲི། །བསྒྲུབ་པ་ཆེན་པོ་བྱ་བའི་ཕྱིར། །དྲི་ཆེན་དྲི་ཆུའི་བརྐྱང་ནུལ་བྱའོ། །དུར་ཁྲོད་ཐོད་པ་ལྔ་ནང་དུ། །ཚིལ་ཆེན་མེ་མར་རེ་རེ་ཡང་། །མེ་མར་སྡོང་བུ་ལྔ་བརྒྱ་བྱའོ། །མེ་མར་ལྔ་བརྒྱ་གཏམས་ནས་ནི། །དེ་ནས་བསྒྲུབ་པ་བརྩམ་བྱ་ཞིང་། །
རྫོགས་པའི་ལས་ནི་རྣམ་བཞི་བྱ། །ཞི་བའི་ཚེ་ན་བྱང་དུ་བལྟའོ། །གཱ་ནའི་ཚེ་ན་ནུབ་ཏུ་བལྟའོ། །སྟ་ན་ཆེན་པོ་ལྷོ་རུ་བལྟའོ། །རྒྱས་པའི་ཚེ་ན་ཤར་དུ་བལྟའོ། །ཡང་ན་ཕྲིན་ལས་རྣམ་པ་བཞི། །སོ་སོའི་ཕྱོགས་ཕྱོགས་དག་ནས་བལྟའོ། །དེ་ལྟར་འདུག་སྟངས་བསྟན་ནས་ནི། །
ཤར་གྱི་དཀྱིལ་འཁོར་སྟེང་དུ་ནི། །བསྒྲུབ་རྫས་ཐམས་ཅད་བཞག་པར་བྱའོ། །ལྷོ་ཡི་དཀྱིལ་འཁོར་སྟེང་དུ་ནི། །མེ་མར་ལྔ་བརྒྱ་སྨོས་པ་བཞག །ནུབ་གྱི་དཀྱིལ་འཁོར་སྟེང་དུ་ནི། །བསྒྲུབ་པ་ཡབ་ཡུམ་གནས་པར་བྱ། །བྱང་གི་དཀྱིལ་འཁོར་སྟེང་དུ་ནི། །རྒྱུ་མཆོག་
ཆེན་པོ་གཞག་པར་བྱ། །དབུས་ཀྱི་དཀྱིལ་འཁོར་སྟེང་དུ་ནི། །བྲམ་ཟེ་བཀྲ་ཤིས་གཙང་མའི་རིགས། །བཀྲ་ཤིས་ཐོད་པ་གཞག་པར་བྱའོ། །ཡང་ན་བྷནྡྷ་དཔལ་ལྡན་རྫོགས། །ཟླུམ་ཞིང་འཁྱིལ་པ་པདྨ་འདྲ། །དབུས་ན་བུ་ག་གཅིག་ཡོད་པ། །དེ་ཡི་ནང་དུ་ཧྲཱི་ཞེས་
བྲིའོ། །དེ་ཡི་ནང་དུ་བླུགས་པ་ནི། །སྙིང་པོ་ཚིམ་བྱེད་བཅུད་ཀྱི་མཆོག །གཙོ་བོ་ལྔ་དང་འབྲས་བུ་ལྔ། །དྲི་ཞིམ་བཅུད་ལྡན་ཐམས་ཅད་ཀུན། །འདི་དག་རབ་ཏུ་བསྐྱབ་པའི་ཕྱིར། །མང་པོ་འདུས་པ་མཐུ་བྱིན་ཆེ། །ཡང་ན་རྩ་བ་བརྒྱད་དང་སྦྱར། །གོ་ཙི་ཧྭ་དང་ལེང་
ལེང་ཧྭ། །འགིའུ་ཝང་ཙིའུ་ཧྭང་རཱ་ས་ཡཱན། །ག་པུར་མུ་ཏིག་ལན་ཚྭ་རྣམས། །འདི་རྣམས་རྩ་བ་བརྒྱད་དང་སྦྱར། །ཡང་ན་གཙོ་བོ་ལྔར་སྦྱར་བ། །ཨ་འབྲས་རྒུན་འབྲུམ་པ་ན་སེ། །གེར་རྒྱ་ཨ་རུ་ར་དང་ལྔ། །འདི་ནི་ནང་གི་འབྲས་བུ་ལྔའོ། །ཤ་ལྔ་དག་དང་སྦྱར་
བ་ཡང་། །དབང་པོ་ལྔ་ཡི་གཟུགས་དང་སྦྱར། །དེ་ཡི་ཕྲད་དུ་དགོས་པ་ཡང་། །མིག་དང་རྣ་བ་སྣ་དང་ལྕེ། །གཙོ་བོ་ཙིཏྟ་ཉིད་དང་ལྔའོ། །ཤིང་ཏོག་རྒུན་འབྲུམ་ཀ་ཀོ་ལ། །ཨ་འབྲས་པ་ན་བུམ་ཤ་ལྔའོ། །དྲི་ནི་ཆེན་པོ་སྣ་ལྔ་དང་། །ཆ་ཡི་གྲངས་དང་མཉམ་སྟེ་

104-1-198a

སྦྱར། །ནཱ་ག་གེ་སར་ཤིང་ཚ་དང་། །སུག་སྨེལ་གནྡྷ་པ་ཏྲ་དང་། །ཀུན་ཏུ་ར་དང་དྲི་སྣ་ལྔའོ། །ཡང་ན་དྲི་ཡི་རྒྱལ་པོ་ལྔ། །རྒྱ་སྤོས་འཛའ་ཏི་ཕ་ལ་དང་། །ག་པུར་ཙན་དན་ལི་ཤི་ལྔའོ། །དེ་བཞིན་སྤོས་ལྔའི་དམ་པ་ཡང་། །ཨ་ཀ་རུ་དང་དུ་རུ་སྐ། །པོག་དང་སྦྲང་རྩི་
ལྕེ་བོག་དང་། །གསེར་དངུལ་ཟངས་ལྕགས་གཡུ་དང་ལྔ། །བདར་རམ་ཞིབ་ཏུ་བཏགས་ཏེ་བླུགས། །འདི་དག་རབ་ཏུ་མཉམ་ཞིང་བསོག །འདི་དག་སྦྱར་ཞིང་བཏག་པའི་སྔགས། །ཨོཾ་ཨ་མྲྀ་ཏ་མུ་ས་ལ། གྲ་ཧེ་ཧ་ན་ཧ་ན་ཧཱུྃ་ཕཊ། འདི་རྣམས་སྦྱར་བའི་བདུད་རྩི་མཆོག །
དངོས་གྲུབ་འབྲས་བུ་ངེས་ཐོབ་བོ། །འབྲས་བུ་རྣམ་ལྔ་བསྒྲལ་བའི་ཕྱིར། །བྱང་གི་ཕྱོགས་ཀྱི་དཀྱིལ་འཁོར་དུ། །མེ་ལྕེ་གླ་གླི་སྙིང་ལ་སོགས། །གསང་བའི་བརྡ་ཚིག་དག་གིས་ནི། །དེ་དག་རབ་ཏུ་སྦ་ཞིང་བསྒྲུབ། །ཕྱོགས་བཞི་དབུས་དང་ལྔ་རུ་གཞག །རྒྱུ་མཆོག་ཆེན་པོ་ཁྲུས་
བྱས་ནས། །མངོན་སྤྱོད་མངོན་སྤྱོད་ཡ་མཚན་གྱི། །འཇིག་བྱེད་འཇིགས་བྱེད་ཆེན་པོ་ཡི། །ཨེ་ཡི་དཀྱིལ་འཁོར་སུམ་བརྩེག་གི། །སྟེང་དུ་བཞག་ནས་དབང་བསྐུར་རོ། །དེ་ནས་དཔལ་ཆེན་ཧེ་རུ་ཀ །དུར་ཁྲོད་བདག་པོ་ཆེན་པོ་ནི། །ཆེ་མཆོག་ཤིན་དུ་མི་བཟད་པ། །དབུ་མངས་
ཕྱག་ཆ་རྩུབ་པ་བསྣམས། །སྨུག་ནག་སྐུ་ནི་འབར་བ་ཅན། །ཞལ་ནི་ཉི་ཤུ་རྩ་གཅིག་སྟེ། །ཕྱག་ཀྱང་བཞི་བཅུ་རྩ་གཉིས་སོ། །ཨོཾ་བཛྲ་མ་ཧཱ་ཤྲཱི་ཧེ་རུ་ཀ །རྃ་ཛྭ་ལ་ཧཱུྃ། གསང་བའི་ཡུམ་ཡང་ཡབ་དང་འཐུན། །མ་ཧཱ་ཀྲོ་དྷཱི་ཤྭ་རི། ཨོཾ་སརྦ་ཏ་ཐཱ་ག་ཏ་མུ་དྲཱ་ཨ་བྷི་ཤིཉྩ་ཧཱུྃ། 
ཞེས་ཡུམ་དབང་བསྐུར་ནས། གཞན་ཡང་རིགས་དང་མཐུན་པ་རུ། །ཕྱོགས་བཞི་དག་ཏུ་དགོད་པར་བྱའོ། །དེ་ཡང་ཚུལ་བཞིན་བྱིན་གྱིས་བརླབ། །ཨེ་ཧྱེ་ཧི་མ་ཧཱ་རུ་ཏྲ་ཧཱུྃ་ཕཊ། སརྦེད་ཨ་ཨ་ཞེས་བརྗོད་པས། ཙིཏྟ་དྲང་ངོ་། །ཡང་ནས་ཡང་དུ་སྤར་བྱས་ཏེ། །དུག་
གསུམ་རྩ་བ་དེར་གཅད་དོ། །རྒྱུ་འབྲས་འཐུན་ཞིང་སྦྱར་བ་ཡང་། །ཡངས་ཤིང་རྒྱུད་ལ་གོམས་པ་དང་། །ཆོས་སྐུ་ཞི་བའི་ཏིང་འཛིན་ཡོད། །ཡོན་ཏན་བརྒྱད་དང་ལྡན་པ་ལ། །ངེས་པའི་དོན་དབང་ཐོས་པར་བྱའོ། །འབྱུང་བ་བཞི་ལས་སྐྱེད་པའི་ཡུམ། །ཚུལ་བཞི་
དག་དང་ལྡན་པ་འམ། །ཡང་ན་མཚན་བཟངས་སུམ་བཅུ་ནི། །ལུས་ལ་རྫོགས་པར་ཡོད་པ་ལ། །ཟླ་གསང་དཀར་དམར་རླུང་དཀར་ལྕི། །དེ་བཞིན་སྲིང་མོ་རྣལ་འབྱོར་མ། །བཙལ་ནས་བསྒྲུབ་པ་ཆེན་པོ་བྱའོ། །འོ་མ་སྤོས་ཆུས་མགོ་ལུས་བཀྲུ། །དཀྱིལ་

104-1-198b

འཁོར་ནང་དུ་གཞག་པར་བྱ། །འཛག་པའི་དུས་སུ་སྦྱར་བ་ཡི། །ཁྲག་ཆེན་པོ་ནི་སེམས་དང་བཅས། །རཱ་ས་ཡཱ་ནའི་གཙོ་བོར་བྱའོ། །བདུད་རྩི་དམ་པའི་སྣོད་བསྟན་པ། །ཀུན་བྱེད་ཐམས་ཅད་ཟ་བ་ཡི། །སློབ་མ་དཔའ་བརྟུལ་གཙང་སྒྲ་ཅན། །སྐྱོན་དྲུག་རྣམ་པར་སྤངས་པ་
ཡི། །མི་ཕྱེད་པ་ནི་དགུ་དང་ལྡན། །དམ་ཚིག་ཐམས་ཅད་མ་ཉམས་ཤིང་། །སྲོག་ལུས་བུ་དང་ཆུང་མ་དང་། །རིན་ཆེན་སྣ་ཚོགས་འབུལ་བྱེད་པ། །སྲིང་མོ་ཤིན་ཏུ་བརྒྱན་པ་ཡང་། །སློབ་དཔོན་བླ་མ་དེ་ལ་དབུལ། །དེ་ལྟར་འབུལ་བའི་སློབ་མའི་མཆོག །ཡུད་ཡང་
པཉྩ་ཡན་ཆད་ཀྱིས། །རབ་ཏུ་འབྲུ་ནི་གདམས་པས་བྱའོ། །ཐུགས་ཀྱི་དངོས་གྲུབ་དམ་པ་འདི། །རང་བྱུང་ང་ཡིས་བསྟན་པའི་ཕྱིར། །རེ་བ་མེད་པས་བླང་བར་བྱ། །མ་དག་པ་ནི་འཚམས་གཅད་དོ། །ལས་ཀྱི་གཙོར་ནི་བཀང་བ་དང་། །སྦྱང་དང་འཚམས་དང་
བསལ་བར་བྱའོ། །ཉི་ཟླ་པདྨ་ཡང་དག་གནས། །བདག་ཉིད་དཔའ་བོ་འབྲུ་ལྔ་ཡིས། །གནས་ལྔ་དག་ཏུ་བསམ་པར་བྱའོ། །དངོས་གྲུབ་རབ་འབྲིང་ཐ་མ་གསུམ། །མ་ཐོབ་བར་དུ་མི་གཏང་ཞིང་། །གཏང་ན་བར་ཆད་ཆེན་པོ་འགྱུར། །གསང་སྔགས་བདུད་རྩི་ཡོན་
ཏན་འདི། །སད་པའི་ཕྱིར་ཡང་བསྒྲུབ་དགོས་ན། །མཁས་པས་བདེན་པའི་དོན་ཤེས་ནས། །དོན་ལ་ཐེ་ཚོམ་ཅི་སྟེ་ཟ། །ཞེས་ཐེ་ཚོམ་བཅད་ལ། དངོས་གྲུབ་བླང་བའི་སྔགས་འདིའོ། །ཨ་ཧོཿ སུ་ཁ་དྷརྨ་གཱ་ཡ་ནི། ཨ་མྲྀ་ཏ་སིདྡྷི་ཧྲཱི༔ ཞེས་དངོས་གྲུབ་བླང་ངོ་། །གནས་
ལྔ་དག་ཏུ་བསམ་པ་ཡང་། །སྤྱི་གཙུག་དབུས་སུ་ཟླ་བ་སྟེ། །དེར་ནི་ཨོཾ་དཀར་འོད་ལྡན་པ། །འོད་ཟེར་ལྔ་ནི་འཕྲོས་པ་ལས། །སླར་འདུས་སྣང་མཛད་གཙོ་བོ་སྟེ། །རྟག་པའི་ཕྱག་རྒྱ་བཅིངས་པའོ། །ལྕེ་ལ་ཧྲི་དམར་འོད་འཕྲོས་པས། །སླར་འདུས་མཐའ་ཡས་
ཆོས་ཀྱི་གསུང་། །མཉམ་པའི་ཕྱག་རྒྱར་གནས་པའོ། །སྙིང་གར་ཡི་གེ་ཧཱུྃ་མཐིང་ག །འོད་ཟེར་ལྔ་ནི་འཕྲོ་བའོ། །སླར་འདུས་མི་འཁྲུགས་སེམས་པ་སྟེ། །ཕྱག་གཉིས་རྡོ་རྗེ་དྲིལ་བུ་བསྣམས། །ཡང་ན་བདུད་འདུལ་ས་གནོན་ནོ། །ལྟེ་བར་ཡི་གེ་སྭཱ་སེར་
པོ། །འོད་ཟེར་ལྔ་ནི་འཕྲོ་བ་ལས། །སླར་འདུས་རིན་ཆེན་དམ་པའི་གཙོ། །ཕྱག་རྒྱ་ཡིད་བཞིན་སྦྱིན་པའོ། །གསང་བར་ཡི་གེ་ཧཱ་ལྗང་གུ། འོད་ཟེར་སྣ་ལྔ་འཕྲོ་པ་ལས། །སླར་འདུས་དོན་ཡོད་གྲུབ་པ་སྟེ། །ཞི་བའི་ཕྱག་རྒྱར་མཉམ་རྫོགས་པའོ། །རིགས་

104-1-199a

ལྔ་གཏོགས་པ་འདི་ཀུན་ཡང་། །རང་འབྱུང་གི་ནི་དཀྱིལ་འཁོར་ཡིན། །དེ་ལྟར་འོད་ཟེར་ལྔ་ལྔ་ཡིས། །ཉི་ཤུ་རྩ་ལྔའི་འཕྲོ་འདུ་ལས། །ཁམས་གསུམ་འགྲོ་བའི་དོན་བྱས་ནས། །སླར་འདུས་སྨན་ལྔ་ཉིད་ལ་བསྡུ། །སྨན་ཉིད་ཕྱག་རྒྱར་གསལ་
འབར་ནས། །འོད་ཟེར་སྣ་ལྔ་སླར་འདུས་ནས། །ཕྱག་མཚན་སོ་སོར་གསལ་འགྱུར་ཏེ། །གསེར་གྱི་འཁོར་ལོ་ཟུར་བརྒྱད་ལས། །དྲི་ཆེན་བདུད་རྩི་ཞུ་བའོ། །ཧཱུྃ་ལས་རྡོ་རྗེ་རྩེ་ལྔ་པ། །འབར་ནས་བྱང་ཆུབ་སེམས་སུ་ཞུ། །སྭཱ་ལས་རིན་ཆེན་འོད་འབར་ཏེ། །མ་ཧཱ་མོཾ་ས་བདུད་རྩིར་
ཞུའོ། །ཧྲིཿལས་འོད་ཟེར་སྣ་ཚོགས་པའོ། །པདྨ་རཀྟ་ཐིག་ལེར་ཞུའོ། །ཧཱ་ལྗང་འོད་འཕྲོ་སྣ་ཚོགས་པས། །དག་པའི་དྲི་ཆུ་བདུད་རྩིར་ཞུའོ། །དེ་ལྟར་འཕྲོ་འདུ་བྱ་བ་ཡང་། །གོམས་པས་ཡང་ནས་ཡང་དུ་བྱའོ། །དེ་ནས་བདུད་རྩི་རྣམ་ལྔ་ལ། །བསམ་པའི་ཡི་གེ་དམ་པ་ལྔ། །ཨོཾ་ཧཱུྃ་སྭཱ་ཧྲཱིཿ
ཨཱ། རྩ་བའི་ཡི་གེ་ལྔ་པོ་ཡང་། །འོད་ཟེར་འཕྲོ་བ་སྔ་མ་བཞི། །དེ་ནས་འཛབ་བསྒོམ་བཟླས་པའི་སྔགས། །དགུ་པ་འདི་ནི་འཛབ་དུ་དྲང་། །ཨོཾ་བཛྲ་ཙིཏྟ་ས་མ་ཡ་ཧཱུྃ་ཐ། དེ་ལ་བདུད་རྩིའི་ཕྱག་རྒྱ་ནི། །ལག་པ་གཡོན་པའི་དཔུང་པ་བརྐྱང་། །མཐེ་བོང་སྲིན་ལག་མཐིལ་དུ་དགུག །
རྡོ་རྗེ་མཚོན་གང་བཅས་པ་དང་། །མཛུབ་མོ་གུང་མོ་མཐེའུ་ཆུང་བརྐྱང་། །སྦྱར་ཏེ་ལག་པའི་མཐིལ་གྱིས་ནི། །བདུད་རྩི་སྣོད་གྱི་སྟེང་དུ་གནོན། །དེ་ནས་བདུད་རྩི་བྱིན་གྱིས་བརླབ། །ཏིང་འཛིན་མེ་དང་འདྲ་བ་ལས། །བཟླས་བརྗོད་རླུང་དང་འདྲ་བ་ཡིས། །གླལ་དང་ལུད་པས་བར་མི་
གཅད། །དེ་ནས་བདུད་རྩི་བྱིན་གྱིས་བརླབ། །བཛྲ་ཨ་མྲྀ་ཏ་ཨོཾ་ཨཱ༔ ཧཱུྃ་ཧྲི་ཐཱ། འདི་ནི་རྩ་བའི་དཀྱིལ་འཁོར་ལྔའོ། །ཛཿཧཱུྃ་བྃ་ཧོཿ། མ་ཧཱ་ཨ་མྲྀ་ཏ་ཨཱ་བེ་ཤ་ཧོཿ། ཞེས་བཅོམ་ལྡན་འདས་བདུད་རྩི་རྒྱལ་པོས་བཀའ་སྩལ་ཏོ། །བདུད་རྩི་དམ་པ་མཆོག་གི་ལུང་ལས། འབྲས་བུ་ཆེན་པོ་
ལྔ་བསྒྲལ་བའི་ལུང་ངེས་པ་དང་། དེ་བསྒྲལ་ནས་དེ་སྨན་དུ་སྦྱར་བའི་ཐབས་བསྟན་པའི་བདུད་རྩི་ཆེན་པོ་ས་མ་ཡ་འབུམ་སྡེ་ལས། བམ་པོ་ཆེན་པོ་དྲུག་པ།། །། ༄༅།  །རྒྱ་གར་སྐད་དུ།  ཨ་མྲྀ་ཏ་ཀ་ལ་ཤ་སིདྡྷི། བོད་སྐད་དུ།  བདུད་རྩི་བུམ་པའི་ལུང་། དཔལ་
བདུད་རྩི་བདེ་བ་ཆེན་པོ་ལ་ཕྱག་འཚལ་ལོ། །ཕན་བྱེད་མགོན་ལ་ཕྱག་འཚལ་ནས། །བསྒྲུབ་པའི་ཡུལ་དང་གནས་བསྟན་ཏེ། །ཤར་ལྷོ་ནུབ་བྱང་ཕྱོགས་བཞིའི་རི། །དྲང་སྲོང་ཆེན་པོའི་བསྒྲུབ་ལུགས་དང་། །འཕྲ་མེན་མའི་སྦྱར་ལུགས་དང་། །རྩི་སྨན་འཁྲུངས་པའི་ཡུལ་ཁམས་དང་། །

104-1-199b

ཤིང་དང་ནག་ཀྱི་ལྷ་མོའི་གནས། །རི་བོར་སྨན་ལྗོངས་ཙནྡན་གནས། །བཞུགས་པའི་གནས་སུ་བསྒྲུབ་པར་བྱའོ། །དུག་རྣམས་བདུད་རྩིར་སྦྱར་བའི་ཐབས། །རྩ་བ་དང་ནི་ཡན་ལག་བཅས། །རཱ་ས་ཡཱ་ན་ལ་སོགས་རྫས། །ཚང་བར་བསོགས་ནས་བསྒྲུབ་པར་བྱའོ། །རི་བོར་ནགས་འདབ་ཆུ་
ངོགས་སམ། །བྲག་ཕུག་སྟོང་པ་ཐིབས་པོ་འམ། །བསྒྲུབ་པའི་གནས་མཆོག་དེར་བྱའི་ཕྱིར། །ས་གཞི་རབ་ཏུ་བརྟག་པར་བྱ། །མཉམ་ཞིང་སྣུམ་པའི་ས་སྣག་ཅན། །ཟུག་རྔོ་སྲིན་བྲག་མེད་པ་དང་། །ཚྭ་སྒོས་ས་དང་བ་ཚ་མེད། །མ་གྲུག་མ་གས་མཉམ་པོ་ལ། །བསྒྲུབ་པའི་གནས་
མཆོག་དེར་བྱའོ། །རང་འབྱུང་ཁྲོ་བོ་ཆེན་པོ་བཅུས། །ཕྱོགས་མཚམས་ཕུར་པས་གཏབ་ནས་ནི། །གནས་དང་ས་གཞི་དག་པར་སྦྱང་། །ༀ་བཛྲ་ཀཱི་ལ་ཡ་མ་ཧཱ་ཀྲོ་དྷ་ཧཱུྃ་ཧཱུྃ་ཕཊ་ཕཊ། གརྫ་གརྫ་ཧཱུྃ་ཕཊ། ཧ་ན་ཧ་ན་ཧཱུྃ་ཕཊ། ད་ཧ་ད་ཧ་ཧཱུྃ་ཕཊ། པ་ཙ་པ་ཙ་ཧཱུྃ་ཕཊ། བནྡྷ་བནྡྷ་ཧཱུྃ་ཕཊ། ཧུ་ལུ་ཧུ་ལུ་ཧཱུྃ་ཕཊ། ཏིཥྛ་
ཏིཥྛ་ཧཱུྃ་ཕཊ། ཚིནྡྷ་ཚིནྡྷ་ཧཱུྃ་ཕཊ། བྷིནྡ་བྷིནྡ་ཧུྃ་ཕཊ། སྥོ་ཊ་ཡ་སྥོ་ཊ་ཡ་ཧུྃ་ཕཊ། ཕྱོགས་བཅུ་དག་ཏུ་མཚམས་བཅད་དོ། །ས་གཞི་རབ་ཏུ་སྦྱངས་ནས་ནི། །དཀྱིལ་འཁོར་འདོམ་གང་གྲུ་བཞི་བྱ། །དྲི་སྣ་ལྔ་དང་རཀྟ་ཡིས། །བྱུགས་པའི་མཎྜལ་བཟང་དུ་བྱའོ། །བཱ་སུ་ཏ་ཡིས་རྒྱུ་
ཕྲེང་གིས། །ཐིག་ནི་བཅུ་དྲུག་ཆར་ཡང་གདབ། །དེ་ལ་ཐིག་ལེ་བཅུ་དྲུག་གམ། །ཡང་ན་ཕྱག་མཚན་བཅུ་དྲུག་དགོད། །དེའི་དབུས་སུ་བཞག་པའི་སྣོད་ནི། །ཐོད་པ་མ་གས་མ་ཆག་པ། །ཡང་ན་རུས་སྦལ་མགོ་ཡང་རུང་། །དཀྱིལ་འཁོར་དེ་ཡི་དབུས་སུ་གཞག །བདུད་རྩི་སྣ་
གྲངས་བརྒྱ་རྩ་བརྒྱད། །བཏགས་ཏེ་ཐོད་པའི་ནང་དུ་དགང་། །འཁོར་ལོ་ལྟེ་བའི་དབུས་སུ་གཞག །ཕྱོགས་བཞི་མཚམས་བརྒྱད་རྣམས་སུ་ཡང་། །སྣོད་ནི་བཞི་འམ་བརྒྱད་བཞག་ལ། །རིགས་དང་ཁ་དོག་འཐུན་པའི་དར། །བནྡྷ་ལྔ་ཡི་ཁ་ནས་དགབ། །ཡང་ན་བུམ་པའི་མགུལ་
ཆིངས་བྱའོ། །རཱ་ས་ཡཱ་ན་ལ་སོགས་རྫས། །ཇི་སྙེད་འབྱོར་པས་མ་ལུས་ཀུན། །དཀྱིལ་འཁོར་དེ་ལ་བསྐོར་ཏེ་གཞག །དེ་བཞིན་དར་དཀར་མཐིང་ཡོལ་གྱིས། །དཀྱིལ་འཁོར་འཁོར་བར་རབ་བསྐོར་ནས། །དཀྱིལ་འཁོར་གྲྭ་བཞིར་མདའ་བཞི་གཟུགས། །མེ་ལོང་བཞི་དང་རཏྣ་བཞི། །
རལ་གྲི་བཞི་དང་ཕུར་པ་བརྒྱད། །དཀྱིལ་འཁོར་འཁོར་བར་བསྐོར་ཏེ་གཞག །ཏིང་འཛིན་རྣམ་གསུམ་རིགས་བཞིན་བསྒོམ། །རྒྱུ་ཡི་ཏིང་འཛིན་འབྲས་བུ་ལས། །དེ་ཉིད་བྱང་ཆུབ་སེམས་སུ་འགྱུར། །འབྱུང་ལྔ་ཡུམ་གྱི་དཀྱིལ་འཁོར་དག །བྱང་ཆུབ་སེམས་ལས་རིམས་བཞིན་

104-1-200a

སྐྱེད། །རྃ་ཡྃ་ཁྃ་སུ་བྲུྃ། ནམ་མཁའི་དབྱིངས་དང་མཉམ་པ་ཡི། །གཞལ་ཡས་གསལ་བར་གྱུར་པར་བསྒོམ། །དབུས་སུ་བྱང་ཆུབ་སེམས་ཆེན་པོ། །ཤར་དུ་རྡོ་རྗེ་དྲི་ཆེན་ཚེ། །ལྷོ་རུ་མཱང་ས་ཤ་སྣ་ཚོགས། །ནུབ་ཏུ་པདྨ་རཀྟའི་ཚོགས། །བྱང་དུ་དྲི་ཆུ་སྣ་ཚོགས་ཏེ། །འདི་རྣམས་
རིམ་བཞིན་བཀོད་པ་ལ། །གཙོ་བོས་སྦྱོར་བ་ཚུལ་བཞིན་བགྱིས་ནས། མེ་ལོང་ཡུ་བ་ཅན་གྱི་སྟེང་དུ། བྱང་ཆུབ་ཀྱི་སེམས་བླངས་ཏེ། དབུས་ཀྱི་སྣོད་བླངས་ལ། ཁ་ཤར་ཕྱོགས་སུ་བལྟས་ཏེ། བྱང་ཆུབ་སེམས་ཀྱིས་གཡབ་ཅིང་དབྱངས་འདི་བརྗོད་དོ། །བྱང་ཆུབ་སེམས་འདིའི་ཡེ་
ཤེས་རང་བཞིན་ཏེ། །དྲི་མེད་རྣམ་དག་ཆར་བཞིན་བབ་པ་ལས། །འགྲོ་བ་ཀུན་སྐྱེད་ཡིད་བཞིན་ནོར་བུའི་ཚུལ། །གདོད་ནས་དག་པས་བདུད་རྩིའི་རང་བཞིན་ལ། །གཉིས་མེད་སྦྱོར་བས་རྡོ་རྗེའི་རིགས་ཆེན་འགྲུབ། །མེ་ལོང་ཡེ་ཤེས་དེ་ཉིད་ཡིན་པར་བཤད་ཞེས་བརྗོད་དེ། དབུས་ཀྱི་བནྡྷའི་ནང་
དུ། ཤེལ་ཕོར་བཞག་ལ། བྱང་ཆུབ་སེམས་ཐམས་ཅད་དང་། གདུང་དང་གོ་རོ་ཙ་ན་ལ་སོགས་པ་ཀུན་བསྡུས་ལ་བླུགས་སོ། །འགུ་ཡ་ལག་གི་ཕྱག་རྒྱ་ཡིས། །དེ་ཡི་སྟེང་དུ་བཞག་ནས་ནི། །སྒྲུབ་པ་པོ་ཀུན་ཁ་ཤར་ཕྱོགས་སུ་བལྟས་ཏེ། བྱང་ཆུབ་ཀྱི་སེམས་ཀྱིས་གཡབ་ཅིང་། སྔགས་
འདི་བརྒྱད་རྩ་བརྒྱད་བཟླས་སོ། །ཨོཾ་ཨཱ༔ ཧཱུྃ་བཛྲ་ས་ཏྭ་ཧཱུྃ། སརྦ་ཨེ་ཤུདྡྷེ། ཨ་མྲྀ་ཏ་སུ་ཁ་མ་ཧཱ་ཡོ་ག་ཧཱུྃ། ཙིཏྟ་ཧུྃ་ཨོཾ་ཨཱ༔ ཧུྃ། ཨཀྴོ་བྷྱ༔ དྭེ་ཥ་ར་ཏི་ས་མ་ཡ་སྟྭྃ་ཞེས་བརྗོད་ནས། དབུས་སུ་བླུགས་ལ་གཞག་གོ། ལྷོ་ཕྱོགས་སུ་ཁ་བལྟས་ཏེ། མ་ཧཱ་མཱང་སའི་སྣོད་བླངས་ལ་འདི་
སྐད་བརྗོད་དོ། །སེམས་ཅན་རྣམས་ནི་གནས་ལ་ཆགས། །ནོར་བས་བདག་ཉིད་གཙང་མར་འཛིན། །དོན་གྱིས་སུན་ནི་མ་ཕྱུང་ན། །བསོད་ནམས་ཐམས་ཅད་དང་བྲལ་བའི། །ཡི་དགས་སྐམ་ཐག་ཆད་པ་ཡང་། །བདག་ལུས་གཏོང་བར་མི་ཕོད་ན། །ལྷ་ལ་སོགས་པའི་བསོད་ནམས་ཀྱིས། །
ལུས་ཅན་རྣམས་ལ་སྨོས་ཅི་དགོས། །དེ་བས་འདི་ཀུན་སུན་དབྱུང་ཞིང་། །རང་འབྱུང་བདུད་རྩི་བསྟན་པའི་ཕྱིར། །ལྷས་ཀྱང་ལྷའི་བདག་ཉིད་བཟའ། །མི་ལ་སོགས་པ་དེ་བཞིན་དུ། །རྣལ་འབྱོར་པས་ཀྱང་སྤྱད་ཅིང་བཟའ། །འདི་ལྟར་བདག་གཞན་མི་འབྱེད་པས། །བླང་དོར་མེད་པར་
གྲོལ་བ་ཡིས། །མཉམ་པ་ཉིད་ཀྱི་དོན་མཐོང་ན། །ཐམས་ཅད་མཉམ་ཉིད་ཡེ་ཤེས་སྐུ། །བདེ་གཤེགས་རིན་ཆེན་རིགས་མཆོག་འགྲུབ། །ཨོཾ་ཨཱ༔ ཧཱུྃ་མ་ཧཱ་མཱང་ས། ས་མ་ཡ་ར་ཧོ་ཧྃ། རཏ་ན་ར་ཏི་ས་མ་ཡ་སྟྭྃ་ཞེས་བརྗོད་དེ། རིན་པོ་ཆེའི་རིགས་ཡབ་ཡུམ་སྤྱན་དྲང་ཞིང་བརྒྱ་རྩ་

104-1-200b

བརྒྱད་བརྗོད་དེ། མ་ཧཱ་མཱང་ས་དང་། ཤ་སྣ་ཚོགས་བསྟབས་ཤིང་ལྷོར་གཞག་གོ། ཁ་ནུབ་ཕྱོགས་སུ་བལྟས་ཏེ། རཀྟ་སྣ་ཚོགས་ཀྱི་སྣོད་བླངས་ལ་འདི་སྐད་བརྗོད་དོ། །རཱ་ག་རཀྟ་པདྨ་འབྱུང་། །སྨད་པ་མི་གཙང་རྫས་འདི་དག །ཆགས་ཡུལ་བདེ་བའི་གནས་ཡིན་ཏེ། །པདྨ་རིགས་ཀྱི་དམ་ཚིག་
འགྲུབ། །སོ་སོར་རྟོགས་པའི་ཡེ་ཤེས་ཡིན་ཞེས་བརྗོད་ཅིང་། ནུབ་ཕྱོགས་ཀྱི་སྣོད་གྱི་ནང་དུ་བླུགས་ལ་བཞག །ཨོཾ་ཨཱ༔ ཧཱུྃ་མ་ཧཱ་པདྨ་རཀྟ་མུ་ལ། ཨ་མྲྀ་ཏཱ་བྷ་རཱ་ག་ར་ཏི། ས་མ་ཡ་ཧུྃ་སུ་ཁ་ཧྲི༔ ཞེས་བརྗོད་དེ་ནུབ་ཕྱོགས་སུ་གཞག་གོ། ཁ་བྱང་ཕྱོགས་སུ་བལྟས་ཏེ་དྲི་ཆུའི་སྣོད་བླངས་
ནས་འདི་སྐད་བརྗོད་དོ། །ཀུན་འབྱུང་ཟག་པ་གུར་གུམ་ཆུ། །རྡོ་རྗེ་དྲི་ཡི་ཆུ་ཡིན་ཏེ། །ཆུ་ལས་མ་བྱུང་གང་ཡང་མེད། །ལས་ཀྱི་རིགས་ཀྱི་དམ་ཚིག་དང་། །ནན་ཏན་ཡེ་ཤེས་མཆོག་ཀྱང་འགྲུབ། །ཨོཾ་ཨཱ༔ ཧཱུྃ་ཨ་མོ་གྷ་སིདྡྷི། བཛྲ་ར་ཏི་ས་མ་ཡ་སྟྭྃ་ཞེས་བརྗོད་དེ་བྱང་ཕྱོགས་སུ་
གཞག་གོ། ཤར་གྱི་སྣོད་དང་དྲི་ཆེན་བླངས་ཏེ་འདི་སྐད་བརྗོད་དོ། །སྨད་པ་མི་གཙང་སྙིགས་མ་འདི། །རྟོག་པ་དེ་ཉིད་སྙིགས་མ་ཡིན། །ཚེ་མཆོག་འཛིན་པའི་བདུད་རྩི་སྟེ། །གདོད་ནས་དག་པའི་རང་བཞིན་པས། །བདེ་གཤེགས་ཀུན་གྱི་ཐུགས་དམ་ཉིད། །གཉིས་མེད་
སྐུ་རུ་སྦྱོར་བས་ན། །ཆོས་དབྱིངས་ཡེ་ཤེས་དམ་ཚིག་འགྲུབ། །ཨོཾ་བཻ་རོ་ཙ་ན་མོ་ཧ་ར་ཏི་ས་མ་ཡ་སྟྭྃ། མ་ཧཱ་ཡོ་ག་ཨ་ཏི་སྥཱ་ར་ཎ་བ་ལནྟི། ཨ་མྲྀ་ཏཱ་ཨུ་ཙི་ཐ་ཨ་དྷི་ཏིཥྛ་ཨོཾ་ཞེས་བརྗོད་དོ། །དེ་ནས་བསྒྲུབ་པ་པོ་ཀུན་གྱིས་ཐལ་མོ་སྦྱར་ཏེ། དབུས་ཀྱི་སྣོད་ཡུམ་གྱིས་བླངས་ཏེ་འདི་སྐད་
བརྗོད་དོ། །ཡེ་ཤེས་སྙིང་པོ་ཅན་རྣམས་ཀྱི། །སངས་རྒྱས་ཀུན་གྱི་ཆོས་ཉིད་འདི། །སྙིང་པོ་ཆོས་ཀྱི་དོན་ལས་འབྱུང་། །བྱང་ཆུབ་སྤྱོད་པའི་གནས་འདི་ཡིན། །སྨད་པར་བྱ་བའི་རྫས་ལྔ་པོ། །གཅིག་ལ་ཡོན་ཏན་ལྔ་ལྔ་འམ། །གཅིག་ལ་འང་ཡོན་ཏན་གསུམ་དུ་དབྱེ། །
དམ་ཚིག་རྩ་བ་བཅྭ་ལྔ་ཡིན། །ཡན་ལག་ཉི་ཤུ་རྩ་བརྒྱད་དོ། །སྣོད་བཅུད་དབུས་སུ་འདུས་ནས་ནི། །བཅུ་དྲུག་པོར་ཡང་བསྟན་པར་བྱའོ། །ཐབས་དང་ཤེས་རབ་ལྡན་པ་ལས། །སེམས་དཔའ་སེམས་མའི་ཚོགས་སུ་བལྟའོ། །རྩ་བ་བརྒྱད་དང་ཡན་ལག་བརྒྱད། །
རྫས་ནི་སེམས་དཔའ་བཅུ་དྲུག་སྟེ། །སྣོད་དབྱིངས་སེམས་མ་བཅུ་དྲུག་ཡིན། །འཁོར་ལོ་རྩིབས་ནི་བཅུ་དྲུག་ཀྱང་། །རང་བཞིན་མི་གཉིས་དབྱིངས་ཅིག་པས། །ཕྱག་རྒྱ་ཐིག་ལེ་ལྡན་པར་བསྒོམ། །སུམ་བཅུ་རྩ་གཉིས་མཚན་ལྡན་པ། །དཔེ་བྱད་བཟང་པོ་བརྒྱ་བཅུས་བརྒྱན། །

104-1-201a

རྡོ་རྗེ་དབྱིངས་ཀྱི་དཀྱིལ་འཁོར་རྫོགས། །རྒྱུ་ཡང་གསང་ལ་འབྲས་བུ་འང་གསང་། །རྡོ་རྗེ་དབྱིངས་ཀྱི་དཀྱིལ་འཁོར་ལ། །མཛོད་ལྡན་དཔལ་གྱི་ཕྱག་རྒྱ་དང་། །ཁ་འབྱེད་རྡོ་རྗེ་ཕྱག་རྒྱ་ནི། །འཁོར་ལོ་རྩིབས་ཀྱི་དབུས་སུ་གཞག །བདུད་རྩི་ལྔ་དང་རྩ་བ་བརྒྱད། །མིག་
དང་རྣ་བ་སྣ་དང་ལྕེ། །མཚན་དང་རྣམ་ཤེས་ཡུལ་དང་བཅས། །འདུས་ལ་མ་བྱས་རྡོ་རྗེ་སྟེ། །དགོངས་པ་འདུས་པས་རྡོ་རྗེར་བཤད། །རྡོ་རྗེ་སེམས་དཔར་རབ་སྦྱར་ནས། །རྡོ་རྗེ་སེམས་དཔའ་ཉིད་དུ་འགྱུར། །ཨོཾ་ཨཱ༔ ཧུྃ་སརྦ་བཉྩ་ཨ་མྲྀ་ཏ་བཛྲ་ས་ཏྭ་ཧཱུྃ་ཞེས་བརྗོད་དེ། བདུད་
རྩི་རྣམ་ལྔ་བྱིན་གྱིས་བརླབ་ཅིང་བསྐུལ་ལོ། །དེ་ནམ་ཡང་རྩ་བ་བརྒྱད་དང་ཡན་ལག་སྟོང་དུ་འདུས་ཤིང་སྦྱར་བ་དང་བསྐུལ་བའི་ཚིག་འདི་བརྗོད་དོ། །དེ་ནས་ཡང་སྣོད་སྟོང་པར་དགུན་ཆང་དང་། སྦྲང་ཆང་དང་། རྒྱ་ཆང་དང་། བུ་རམ་ཆང་དང་། འབྲས་ཆང་དང་། ཆང་སྣ་ཚོགས་སྦྲེང་ཞིང་འདི་སྐད་བརྗོད་བརྗོད་
དོ། །འབྲུ་རྣམས་ལ་ཡང་ཆང་མེད་དེ། །ཆུ་ལ་ཆང་གི་རང་བཞིན་མེད། །མཁས་པས་འབྲུ་དང་ཆུར་སྦྱར་ན། །མཉམ་ཉིད་ཀྱི་ཆང་དུ་འགྱུར། །ཆང་བྱིན་གྱིས་བརླབ་བའི་སྔགས། ཨོཾ་ཨ་མྲྀ་ཏ་ཛ་གད་པྲ་བ་སྭཱཧཱ། ༀ་ཛི་བ་སྭཱཧཱ། སྨན་ཆང་དུ་བླུགས་ལ། བཀྲུག་པའི་སྔགས། མུ་ས་ལ་
མུ་ས་ལ། རོ་མཆོག་གོ་འཕང་ཐོབ་པར་འགྱུར། །མི་གཙང་བ་ལའང་གཙང་བ་མེད། །མན་ངག་ཅན་གྱི་གྲུབ་པ་པོས། །མཁས་པས་གཉིས་མེད་སྦྱར་བས་ན། །མཉམ་པ་ཉིད་ཀྱི་དོན་ཐོབ་འགྱུར། །ཀྲོ་དྷཱི་ཤྭ་རཱི་ཤོ་དྷ་ཡ་སྃ་ཤོ་དྷ་ཡ། ཡང་འོ་མ་སྣ་ཚོགས་སྦྲེང་ཞིང་འདི་སྐད་བརྗོད་དོ། །
རྟ་དང་མི་ལ་སོགས་པ་ཡི། །ཇི་ལྟར་འོ་མར་གྱུར་པ་ལ། །མཁས་ལྡན་ཆེན་པོས་རབ་སྦྱར་ན། །ཡོན་ཏན་ཞོ་དང་མར་ལྟར་སྣང་། །དེ་བཞིན་རྫས་རྣམས་བསྒྱུར་བས་ན། །མཉམ་ཉིད་ཡོན་ཏན་མར་ལྟར་འགྲུབ་ཞེས་བརྗོད་དེ། བྱང་ཆུབ་སེམས་ཀྱི་སྣོད་དུ་སྦྲེང་ངོ་། །དེ་ནས་རིན་པོ་ཆེ་སྣ་
ཚོགས་བདར་ཞིང་འདི་སྐད་བརྗོད་དོ། །དཔེར་ན་གསེར་དང་རིན་ཆེན་ལྟར། །ཅིག་ཏུ་བསྲེས་དང་སོ་སོར་གནས། །སོ་སོར་གནས་ཀྱང་རང་རང་གི། །ཁ་དོག་མཚན་ཉིད་སོ་སོར་གསལ། །རིན་ཆེན་ཡོན་ཏན་དེ་འདྲ་ཡང་། །བསྡུས་ནས་ཡོན་ཏན་རྨད་དུ་འགྱུར། །དེ་བས་གཉིས་སྤྲས་མཛེས་པར་
སྣང་། །དེ་བཞིན་རྫས་ཀྱི་ཡོན་ཏན་ཡང་། །རང་གི་ཡོན་ཏན་རིན་ཆེན་སྣང་། །གཉིས་མེད་མཉམ་པར་སྦྱར་བས་ན། །བླ་མེད་ཡོན་ཏན་རྨད་དུ་འགྱུར། །ཐམས་ཅད་གཅིག་ཏུ་བསྡུ་བའོ། །དེ་ནས་བདུད་རྩི་རཱ་ས་ཡཱ་ན་སྣ་ཚོགས་བསྡུས་ཏེ། སྣོད་སྟོང་པར་ཆུ་སྣ་ཚོགས་སྦྲེང་ཞིང་འདི་

104-1-201b

བརྗོད་དོ། །ཆུ་རྣམས་སྣ་ཚོགས་ཐ་དད་པ། །རྒྱ་མཚོར་ཕྱིན་ན་ལན་ཚྭའི་རོ། །དེ་དག་ཐམས་ཅད་བསྡུས་པའི་དཔལ། །རྒྱ་མཚོ་ཙམ་དུ་རླབས་ཆེ་ལ། །ཆོས་ཀྱི་དབྱིངས་སུ་རོ་གཅིག་གོ། འབྱུང་བ་ལྔ་ཡི་ཐུགས་རྗེ་ལས། །སྨན་དང་བདུད་རྩི་རྣམ་ལྔ་པོ། །འགྲོ་བ་ཡོངས་ཀྱི་གསོས་མཛད་པ། །ཐུགས་རྗེས་
བྱིན་གྱིས་བརླབས་པའོ། །དངོས་པོ་མེད་ལས་དངོས་གྲུབ་བླང་། །བྱང་ཆུབ་སེམས་ཀྱི་སྤྲིན་ཡིན་པས། །ཇི་ལྟར་དམིགས་པ་བཞིན་དུ་འགྲུབ་པར་འགྱུར་དེ་སྐད་ཅེས་བརྗོད་དེ། སྨན་ལག་ཏུ་བླངས་ནས། ངོས་ངོས་ནས་སྨན་ཆེ་བའི་ཡོན་ཏན་བརྗོད་དོ། །རང་འབྱུང་གདོད་ནས་དག་པ་ཡི། །རྩ་བརྒྱད་སྟོང་
ལས་སྦྱར་བའི་སྨན། །རཱ་ས་ཡཱ་ན་ལ་སོགས་རྫས། །རྩ་བ་འབུམ་ཕྲག་ཡངས་པའི་བཅུད། །གཉིས་མེད་བདེ་ཆེན་ལས་འབྱུང་བའི། །བྱང་ཆུབ་སེམས་ནི་རྡོ་རྗེ་སྟེ། །ཤ་ཆེན་མཆོད་པ་རིན་པོ་ཆེ། །ཟས་མཆོག་ཚེའི་དྲི་ཆེན་པོ། །པདྨ་མེ་ཏོག་ཡང་དག་ལྡན། །རྡོ་རྗེ་ཆུ་སྟེ་བདུད་རྩི་མཆོག །
ག་པུར་ཤེལ་གྱི་སྤོས་ཕོར་བྲི། །རིན་ཆེན་མེ་ལྟར་འབར་བའི་ཚོགས། །ཡོན་ཏན་འབུམ་ཕྲག་ཡངས་པའི་བཅུད། །རིགས་ལྔ་དམ་ཚིག་ལྔ་ཡི་དངོས། །ཡེ་ཤེས་ལྔ་རྫོགས་གྲུབ་པའི་རྫས། །རྒྱུད་ལྔ་སེམས་ཅན་ཀུན་སྒྲོལ་བའི། །དུག་ལྔ་སེལ་བའི་ཐབས་མཆོག་སྟེ། །ཐམས་ཅད་རྣལ་འབྱོར་
བདུད་རྩི་ཆེ། །མ་ལུས་འདུས་པའི་ཐིག་ལེ་སྟེ། །སངས་རྒྱས་ཀུན་དང་མཉམ་སྦྱོར་ཕྱིར། །གཅིག་ཏུ་དཔའ་བོ་རོ་རྣམས་དང་། །གཉིས་སུ་མེད་པར་མཉམ་སྦྱར་ནས། །དུས་གསུམ་སངས་རྒྱས་ཐམས་ཅད་དང་། །རྒྱལ་བ་རྒྱ་མཚོ་རྣམས་ལ་མཆོད་ཞེས་བརྗོད་དེ། དེ་ནས་ཤེས་རབ་ཡུམ་རྣམས་
ཀྱིས། སྨན་ལག་ཏུ་བཞག་ལ། ཡང་བཀྲ་ཤིས་པ།   དོན་ལ་དམ་པ་འདི་བརྗོད་དོ། །ངོ་མཚར་རྨད་དུ་བྱུང་བའི་ཆོས། །ནམ་མཁའ་དང་ནི་མཉམ་པའི་གནས། །རྣམ་པར་མི་རྟོག་སྣང་བ་ལས། །ཀུན་རྫོབ་ཙམ་དུ་བསྟན་པ་མཚར་ཞེས་བརྗོད་དོ། །སྨན་སྣོད་བཅུད་ཆས་པར་ལག་ཏུ་བླངས་
ལ། ཡུམ་གྱི་གཙོ་བོ་ལ་བདུད་རྩི་ཕུལ་ཏེ། གཙོ་བོས་བླངས་ཏེ་ཕྱག་རྒྱ་ཆེན་པོར་བསྒྱུར་ཞིང་བསྒོམ་མོ། །དེ་ནས་བསྒྲུབ་པ་པོའི་གཙོ་བོས་དཔལ་ཆས་སུ་ཞུགས་ཏེ། བ་ཡང་ཉོ་བ་ཏི་དང་།  བ་ཡང་ཤང་གི་ར་དང་། ན་ར་སི་ར་དང་། ཐལ་ཆེན་གྱི་ཐིག་ལེས་བརྒྱན་ཏེ། སྲོ་ཙ་ཨྃ་ཛ་ན་དང་། 
དགུག་ཅིང་གཡབ་པའི་དམ་རྫས། མཆོག་ག་ཧསྟི་དང་། བརྟ་ཤ་རིལ་དང་། ཤུན་ཆེན་གྱི་འབྲེང་བ་འདྲེ་བརྡབ་པའི་ལྕག་དང་། རྐང་གི་གླིང་བུ་བུད་ཅིང་ཀུ་ཤའི་གླུ་བླང་། མཆོག་གི་ཚར་མ་དང་། ཤུན་ཆེན་གྱི་གཡང་གཞི་བཏིང་ལ། གུ་གུལ་གྱི་མགོ་མ་ཡེང་གིས་བསྐུས་ལ་

104-1-202a

རཀྟའི་ཐིག་ལེ་དགུ་བྱས་ཏེ། མཚོན་རེ་རེའི་སྟེང་དུ་ཏ་ཀྲིད་བརྒྱད་གཞག་གོ། བྱཱ་གྷྲ་ཚར་མའི་གཡང་བཞི་ཏ་ཀིས་གྱོན་ལ། མདུང་ལ་བ་དན་ཕྱར་ནས་ཐོགས་ཏེ། དཀྱིལ་འཁོར་ཡང་འཁོར་ལོ་རྩིབས་བརྒྱད། དབུས་སུ་ཟླ་གམ་དམར་པོ་གཅིག་བྲིས་ནས། དེའི་སྟེང་དུ་སྨན་
སྤུངས་ལ། སྒྲུབ་པ་པོ་ཡབ་ཡུམ་ཡང་སྦྱོར་བ་ཚུལ་བཞིན་དུ་བགྱི། ལྷ་མོ་བཅུ་དྲུག་གི་བསྙེན་པ་བརྒྱ་རྩ་བརྒྱད་ཡན་ཆད་གདོན་ནོ། །དེ་ནས་བྱིན་གདབ་ཅིང་། དབབ་པའི་ཕྱག་རྒྱ་ཡང་བྱའོ། །གཡབ་མོའི་བརྡ་ལ་སོགས་ཏེ་བརྡ་སྣ་ཚོགས་དང་། ཐབས་ཀྱི་རྡོ་རྗེ་བཛྲ་ཤ་རཱི་རྃ་ལ་སོགས་
པ་དང་། ཡང་ན་མཆོག་གི་ལག་པ་གཡོན་གྱིས། སྨན་དགུག་ཅིང་གཡབ་ཅིང་། མཁར་གཞོང་གི་ནང་དུ་བསྲེས་ཏེ་བཙགས་ལ་སྨན་བནྡྷའི་ནང་དུ་བླུགས་ལ། རྡོ་རྗེས་དཀྲུག་ཅིང་གླུ་དང་གར་དང་རྔ་དང་། དམ་པའི་ཚིག་གིས་བསྟོད་དོ། །སྤོས་ཀྱིས་བདུག་ཅིང་གར་གྱི་བྲོ་ཐགས་
དང་། རྡོ་རྗེ་འགྲོས་ཀྱིས་དཀྱིལ་འཁོར་དུ། བདུད་རྩི་དབུས་སུ་བཞག་ལ་བསྐོར་རོ། །དེ་ནས་ངོས་ངོས་ནས་ཀྱང་ཆེ་བའི་ཡོན་ཏན་བརྗོད་དོ། །ཡང་ཞི་བའི་ལྷའི་དཀྱིལ་འཁོར་ཡང་། རིགས་སོ་སོའི་ཡིག་འབྲུ་ཀུན་སྨན་ལ་གཏིམ་ཞིང་འདི་བརྗོད་དོ། །ཨོཾ་ཨ་མྲྀ་ཏ་སརྦ་མ་ཧཱ་ཡོ་ག་ཧཱུྃ། 
ཨོཾ་བཛྲ་སརྦ་ས་མ་ཡ་ཧུྃ། ཨོཾ་མ་ཧཱ་སརྦ་ཨ་མྲྀ་ཏ་མ་ཧཱ་སུ་ཁ་ཧྲཱི༔། ཨོཾ་སརྦ་ཨེ་ཤུདྷེ། ཀྲོ་དྷཱི་ཤྭ་རི། སརྦ་ཤོ་དྷ་ཡ། ཨོཾ་ཨཱ༔ ཧུྃ་བཛྲཱ་ཨ་མྲྀ་ཏ་ཧུྃ་ཧྲཱི༔ ཐ་ཞེས་རབ་ཏུ་ཡང་བཟླས་སོ། །དེ་ནས་ཧོམ་དང་སྦྱིན་སྲེག་དང་། མེའི་ཕུད་ཀྱང་ནང་དུ་བླུགས་སོ། །དེ་ནས་སེམས་སྦྱང་བའི་
སྨན། ལེང་ལེང་ཧྭ་དང་། ཤེལ་ག་པུར་དང་།  སྙིང་ཞོ་ཤ་དང་། མཁལ་མ་ཞོ་ཤ་དང་། སླ་གོར་ཞོ་ཤ་དང་། ཤུ་དག་ཀུ་བེ་ར་དང་། ཤུ་དག་པྲ་མེ་དང་། ཤུ་དག་ནབ་སེ་དང་། རཱ་ས་ཡཱ་ན་དང་། རཱ་ས་ཡཱ་ན་ཏ་ན་ཛ་ཡ་དང་། ཁྲུས་མཁན་ཨུཏྤ་ལའི་ཐིག་ལེས་བརྒྱན་ལ། གདོད་སྨན་
བསྲེ་ཞིང་སྦྱར་ནས། དཀྲུགས་ལ་བན་དར་སྩལ་ཏེ། བན་ད་གཉིས་ཁ་སྦྱར་ལ། དར་གྱིས་བཅིངས་ལ། མཚམས་སུ་རྒྱས་བཏབ་ལ། བཟོད་དཀྱིལ་འཁོར་ཟླ་གམ་གྱི་དབུས་སུ་གཞག་གོ། སྔགས་དགུ་པ་འཛབ་དུ་དྲང་ངོ་། །འདི་མགོ་མཇུག་ཏུ་ཚོགས་ཀྱི་མཆོད་པ་བར་
མི་གཅད། མཛད་པ་བཅུ་གཉིས་ཀྱི་འཕྲོ་འདུ་ཡང་བྱ། སྨན་བསྒྲུབ་པའི་དོན་དང་།  སྦྱར་ཐབས་བསྟན་པའི་ལུང་དང་། ལས་ཀྱི་རིམ་པའི་སྐུལ་ཚིག་དང་། ཡོ་བྱད་དུ་བྱས་པའི་རྣམས་པ་བདུད་རྩི་ཆེན་པོ་མཆོག་གི་ལུང་ལས། བདུད་རྩི་བུམ་པའི་ལུང་གི་བམ་པོ་བདུད་རྩི་

104-1-202b

འབུམ་སྡེ་ལས་འབྱུང་བའི་དོན། བམ་བོ་ཆེན་པོ་བདུན་པ།། །། ༄༅།  །རྒྱ་གར་སྐད་དུ།  བྷ་ག་བཱན་མཉྫུ་ཤྲཱི་ཏཱིཀྵྞ་ན་མ༔ སིདྡྷྃ། བོད་སྐད་དུ།  བཅོམ་ལྡན་འདས་འཇམ་དཔལ་རྣོན་པོ་ལ་ཕྱག་འཚལ་ལོ། །དེ་ནས་བཅོམ་ལྡན་འདས་དཔལ་ཉིད་སྐུ་རྡོ་རྗེ་ལྟ་བུ་བྱང་ཆུབ་ཀྱི་
དགོངས་པ་ཉིད་ལ་བཞུགས་པ་ལ། བཅོམ་ལྡན་འདས་བྱང་ཆུབ་ཀྱི་སེམས་རྡོ་རྗེ་ཀུན་ཏུ་བཟང་པོ་ནི། དུས་གསུམ་འདུ་འབྲལ་མེད་པའི། ཡུམ་གྱི་ཚལ་ཆེན་པོ་ན་དགོངས་པ་ཆོས་ཀྱི་དབྱིངས་ཞི་བ་ཆེན་པོ་ལ་བཞུགས་སོ། །རིགས་ལྔ་བདེ་བར་གཤེགས་པ་རྣམས་ཀྱང་། གསང་བའི་ཡུམ་
བཞི་དང་།  འཁོར་བྱང་ཆུབ་སེམས་དཔའི་ཚོགས་དང་། སེམས་མའི་ཚོགས། རྡོ་རྗེ་དབྱིངས་ཀྱི་དཀྱིལ་འཁོར་ན། སྲས་མཆོག་དམ་པ་ཉེ་བའི་འཁོར། རིགས་ཀྱི་རྒྱལ་པོ་མ་ལུས་པ་རྣམས་དང་།  ཚངས་པ་ཆེན་པོ་རྣམས་དང་། དྲང་སྲོང་ཆེན་པོ་དང་། ལྷ་དང་ཀླུ་དང་། ལི་ཙ་བི་
ལ་སོགས་པའི་མི་རྣམས་ཀུན་ལ་དཔལ་ཀུན་ཏུ་བཟང་པོས་བཀའ་སྩལ་པ། ནན་ཏན་གྱིས་ནི་བརྩོན་འགྲུས་བསྐྱེད། །ཐེ་ཚོམ་མེད་ན་ངེས་པར་འགྲུབ། །བདུད་རྩི་ཆེན་པོ་རྣམ་ལྔ་འདི། །སྤྱད་ཅིང་བཅངས་བའི་ཡོན་ཏན་དང་། །རང་བཞིན་དང་ནི་ངོ་བོ་དང་། །མཐུ་དང་བྱིན་གྱིས་
བརླབས་ཀྱིས་འགྲུབ། །མི་བརྗེད་རྒྱུན་གྱི་ཏིང་ངེ་འཛིན། །ངེས་པར་བསྒྲུབས་པའི་ཡོན་ཏན་ནི། །ངེས་པའི་མན་ངག་གསུམ་དུ་བསྟན་ཞེས་བཀའ་སྩལ།   ནས། སྡུད་པ་པོ་ཆོས་ཀྱི་དོན། འཇམ་དཔལ་རྣོན་པོ་ལ་གཏད་དོ། །དེ་ནས་འཕགས་པ་འཇམ་དཔལ་གྱིས། རྡོ་རྗེ་དབྱིངས་
ཀྱི་དཀྱིལ་འཁོར་གྱི་ལྷ་འཁོར་ཚོགས་རྒྱ་མཚོ་དང་བཅས་པ་རྣམས་ལ་འདི་སྐད་བརྗོད་དོ། །ཨེ་མ་ཧོ༔ སངས་རྒྱས་ཀུན་ཏུ་བཟང་། །གསང་ཆེན་ཐིག་ལེ་ཉིད་ལ་རྫོགས། །མ་རིག་མུན་སེལ་ཡེ་ཤེས་སྒྲོན། །དཔའ་བོ་ཁྱོད་ལ་སྐྱབས་སུ་མཆིའོ། །རང་འབྱུང་དྲི་མེད་བདུད་རྩི་འདི། །སངས་
རྒྱས་ཀུན་གྱིས་སྔགས་པའི་མཆོག །མི་ཤེས་དྲི་མ་ཀུན་བཅོམ་ནས། །ངེས་པའི་དབྱིངས་ལ་འགོད་མཛད་པ། །གཉིས་མེད་གུས་པས་ཕྱག་འཚལ་ལོ། །སྣང་མཛད་རྡོ་རྗེ་རྒྱལ་སྤྱན་དང་། །མི་བསྐྱོད་ཉི་མ་སྣང་མཐའ་ཡས། །དོན་ཡོད་བདུད་རྩི་འཁྱིལ་བ་ལ། །དགྱེས་ཤིང་གུས་
པས་ཕྱག་འཚལ་ལོ། །དབྱིངས་ཕྱུག་ཡུམ་གྱི་ཚོགས་རྣམས་ལ། །དགའ་བའི་ཡིད་ཀྱིས་འདུད་ཕྱག་འཚལ། །ལག་ན་རྡོ་རྗེ་རྒྱལ་པོ་དང་། །ཀུན་བཟང་བློ་གྲོས་ཆེན་པོ་དང་། །དོན་རབ་ས་སྙིང་ལ་སོགས་ལ། །རབ་ཏུ་གུས་པས་ཕྱག་འཚལ་ལོ། །ནམ་མཁའི་འཇིག་རྟེན་དབང་

104-1-203a

པོ་དང་། །འགྲོ་བ་འཛིན་མཆོག་དམ་པ་ལ། །གཉིས་མེད་གུས་པས་ཕྱག་འཚལ་ལོ། །དག་ལ་རང་བཞིན་དྲི་མེད་སྐུ། །ཚུལ་བཞིན་ཕྲེང་བ་དབྱངས་དང་གར། །སྤྱོད་མཆོག་དགའ་སྡུག་ཕྱག་འཚལ་ལོ། །བདུག་པ་མེ་ཏོག་མར་མེ་ཧོ། །གཟུགས་མཆོག་མཉེས་མཛད་ལྷ་མོ་ལ། །མོས་
པས་འདུད་ཅིང་ཕྱག་འཚལ་ལོ། །རིགས་བྱེད་ཚོགས་ཀྱི་བདག་པོ་མཆོག །རྡོ་རྗེ་སྲིན་པོ་འདུལ་མཛད་པ། །ཁྲོ་རྒྱལ་ཡབ་ཡུམ་འཁོར་བཅས་ལ། །གུས་པས་བསྟོད་དེ་ཕྱག་འཚལ་ལོ། །དེ་ནས་འཁོར་རྒྱལ་བ་རྒྱ་མཚོ་དང་བཅས་པ་རྣམས་ཀྱིས་ལེགས་སོ་ལེགས་སོ། །ཨ་ལ་ལ་ཧོ༔
ཞེས་བརྗོད་ནས་གནང་ངོ་། །དེ་ནས་དབང་བྱིན་ཏེ། འཕགས་པ་བྱང་ཆུབ་སེམས་དཔའ་སེམས་དཔའ་ཆེན་པོ་ཁྱོད་ཀྱིས། ཐམས་ཅད་བདུད་རྩིའི་རང་བཞིན་ལ། མཁྱེན་རབས་དང་པོས་ཀུན་གྱི་མཆོད་པ་ཆེན་པོ་མཛད་དོ། །དེ་ཡང་ཉིད་ཀྱིས་ཉིད་ལ་མཆོད་དེ། འདི་མན་ཆད་ཡེ་ཤེས་ཀྱི་
ལྷ་རྣམས་ཀྱིས་ཏིང་ངེ་འཛིན་བྱང་ཆུབ་ཀྱི་སེམས་བདུད་རྩི་ཆེན་པོར་ཐིམ་ནས། མཉམ་པ་ཉིད་ཀྱི་དབྱིངས་ལ་མི་སྣང་བར་བྱས་ནས། མ་ཧཱ་སུ་ཁ་ལ་སྦས་ཏེ་བཞུགས་པ་ལས། དེ་ནས་བཅོམ་ལྡན་འདས་དཔལ་ཀུན་ཏུ་བཟང་པོ་དང་། རིགས་ལྔ་བདེ་བར་གཤེགས་པ་རྣམས་ཀྱིས་
འཕགས་པ་འཇམ་དཔལ་ལ་བཀའ་སྩལ་པ། བྱང་ཆུབ་སེམས་དཔའ་མཁྱེན་རབ་ཀྱི་དང་པོ་ཁྱོད་ལ། ད་ངེད་ཀྱི་ཆོས་འདི་བསྡུས་ཏེ་བཤད་དོ། །འཇམ་དཔལ་རྡོ་རྗེ་ཆོས་འདི་ལྟ་སྟེ། །ཨེ་མ་ཧོ༔ གསང་བ་ལས་བྱུང་བའི། །མ་རིག་མུན་སེལ་སྒྲོན་མེའི་མཆོག །དཔའ་བོ་ཁྱོད་ལ་སྐྱབས་
སུ་མཆིའོ། །ནན་ཏན་གྱིས་ནི་བརྩོན་འགྲུས་བྱོས། །ཞེས་པ་དང་། འཇམ་དཔལ་བདུད་རྩི་འདིའི་ཆོས་ཀྱི་དོན་ནི། དཔེར་ན་མེ་དང་འདྲ་སྟེ། ཆུང་སྟེ་རྡུལ་ཙམ་ནས་ཆེ་སྟེ་སྲིད་པའི་རི་བོ་ཡང་སྲེག་གོ། དེ་བཞིན་དུ་བདུད་རྩི་འདི་ནི་དཔེར་ན་ཉི་མ་དང་འདྲ་སྟེ། ཉི་མའི་འོད་ཟེར་ཆེན་པོ་ནི་འཛམ་
བུ་གླིང་དུ་ཐོག་མ་ཉིད་དུ་རིའི་རྒྱལ་པོ་ཆེན་པོ་བརྒྱད་ལ་སྣང་བར་བྱེད་དོ། །དེའི་འོག་ཏུ་ཁོ་ར་ཁོར་ཡུག་ཏུ་སྣང་བར་བྱེད་དོ། །དེའི་འོག་ཏུ་རི་བོ་ཆེ་རྣམས་ལ་སྣང་བར་བྱེད་དོ། །དེའི་འོག་ཏུ་རི་ནག་པོ་རྣམས་ལ་སྣང་བར་བྱེད་དོ། །དེའི་འོག་ཏུ་གངས་རི་མཐོན་པོ་རྣམས་ལ་སྣང་བར་
བྱེད་དོ། །དེའི་འོག་ཏུ་འཛམ་བུ་གླིང་འདིར་ས་ཕྱོགས་དམའ་བ་རྣམས་ལ་སྣང་བར་བྱེད་དོ། །ཉི་མའི་འོད་ཟེར་ཆེན་པོ་དེ་ལ།  བླང་དོར་མེད་དེ་མི་རྟོག་མི་སེམས་སོ། །རྣམ་པར་ཡང་མི་རྟོག་མི་སེམས་སོ། །རྡོ་རྗེ་ཆོས་དང་འཇམ་དཔལ་ཉི་མའི་འོད་རྣམས་ནི། དབྲི་བསྐོལ་མེད་དོ། །

104-1-203b

དེ་བཞིན་དུ་སེམས་ཅན་གྱི་རྣམ་པར་ཤེས་པ་ལ་ཡང་། དེ་དང་འདྲ་སྟེ་དབྲི་བསྐོལ་མེད་དོ། །ཕྱེ་བ་དང་བསྐྱེད་པ་དང་། བསྐྱུངས་བ་ཡང་མེད་དོ། །དེ་བཞིན་དུ་ཆོས་བདུད་རྩི་འདི་ཡང་བསམ་གྱིས་མི་ཁྱབ་པའི་དབྱིངས་སུ་བསྟན་པ་ཡིན་པའི་ཕྱིར།  བདུད་རྩི་ཆེན་པོ་འདི་
དབུ་ལས་བསམ་གྱིས་མི་ཁྱབ་པ་བསྟན་ཞེས་སྨོས་པ་ཡིན་ནོ། །དེ་བཞིན་དུ་ཆོས་བདུད་རྩི་ཆེན་པོའི་ལུང་འདི་ཡང་མ་སྐྱེས་མི་འགག་མི་རྟོག་པས། མཚན་མ་དང་མཚན་མ་མེད་པ་དང་། མི་གནས་པ་ལ་རྣམ་པར་ཁྱབ་སྟེ་གནས་སོ། །དེ་བཞིན་དུ་ཆོས་བདུད་རྩི་ཆེན་པོ་འདི་
ཡང་ཉི་མའི་འོད་ཟེར་དང་འདྲ་བར་ཀུན་ལ་ཁྱབ་པར་གནས་ཏེ། སྐལ་ལྡན་རིགས་ལྔས་འབྱུང་བ་ལྔ་ལ་ཁྱབ་ཅིང་། འབྱུང་བ་ལྔ་ཉིད་རིགས་ཀྱི་ཡུམ་ལྔའི་ཚལ་ཆེན་པོ་སྟེ། ཡུམ་ལྔ་དང་ཡབ་ལྔ་ཡང་གདོད་ནས་དག་སྟེ། ཉི་མའི་འོད་བཞིན་དུ་ཤར་རོ། །དེ་ནས་བཅོམ་ལྡན་
འདས་ཀྱིས་འཁོར་རྒྱལ་བ་རྒྱ་མཚོ་རྣམས་བཤད་དོ། །དེ་ནས་བཅོམ་ལྡན་འདས་ཀྱིས་འཁོར་རྒྱལ་བ་རྒྱ་མཚོ་རྣམས་ལ་ཁྱབ་བོ། །དེ་ནས་སྲིད་པའི་འཇིག་རྟེན་དུ་མི་མཇེད་ཀྱི་བདག་པོ་ཚངས་པའི་ལྷ་རྣམས་དང་ཀླུ་རྣམས་ལ་ཁྱབ་པོ། །དེ་ནས་མིའི་བྱང་ཆུབ་སེམས་དཔའ་རྣམས་
དང་། རིམ་པས་ནམ་མཁའི་ཉི་མ་བཞིན་ཁྱབ་ཅིང་ཤར་བ་སྟེ། ཐུགས་རྗེའི་བདུད་རྩི་འདི་ཡང་སྲིད་པ་གསུམ་དུ་ཉི་མ་བཞིན་དུ་ཤར་བར་བྱ་སྟེ། འཇམ་དཔལ་སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་ན། སངས་རྒྱས་ཀྱི་ཞིང་ཕྲ་རབ་སྙེད་ལ། བསམ་གྱིས་མི་
ཁྱབ་པའི་ལུས་ཕུལ་བས་ནི། བདུད་རྩི་ཆེན་པོ་འདི་ལུས་ལ་བཅངས་པ་བསོད་ནམས་ཆེའོ། །འཇམ་དཔལ་དུས་གསུམ་གྱི་སངས་རྒྱས་ཀྱི་ཞིང་ཡོངས་སུ་སྦྱང་བ་བས་ནི། བདུད་རྩི་འདི་ལུས་ཀྱི་མགུལ་དུ་བཏགས་པ་འབུམ་གྱི་ཆར་ཡང་མི་ཕོད་དོ། །འཇམ་དཔལ་བསྐལ་
པ་གངྒཱའི་ཀླུང་གི་བྱེ་མ་སྙེད་ཀྱི་སངས་རྒྱས་རྣམས་ལ་སྤྱི་བོས་བཀུར་ཞིང་ཕྱག་བྱ་བའི་དོན་ནི། བདུད་རྩི་ཆེན་པོ་འདི་སྤྱི་བོ་ལ་བསྐུར་བའི་ཡོན་ཏན་ནི། སངས་རྒྱས་ཐམས་ཅད་བཀུར་བ་ཡིན་ནོ། །འཇམ་དཔལ་བསྐལ་པ་སྟོང་གི་བར་དུ་སེམས་ཅན་གྱི་དོན་བྱ་བ་བས་ནི། 
བདུད་རྩི་ཆེན་པོ་འདིས་ལན་ཅིག་གིས་འགྲོ་བའི་དོན་བྱས་པས། དམྱལ་ཁམས་བརྒྱད་ཀྱི་འཇིག་རྟེན་ཡང་ཐར་པའི་ལམ་དུ་འདྲེན་པ་ཡིན་ནོ་ཞེས་གསུངས་པ་དང་། དེ་ནས་བཅོམ་ལྡན་འདས་ཀྱི་ཚིགས་སུ་བཅད་དེ་བཀའ་སྩལ་པ། བདུད་རྩི་ཆེན་པོའི་རང་བཞིན་ནི། །ཁ་དོག་

104-1-204a

དབྱིབས་དང་མཚན་མ་མེད། །འགོག་པ་མེད་ཅིང་དབྱེ་བ་འང་མེད། །རྩ་བ་མེད་ཅིང་རྟེན་པ་འང་མེད། །བདུད་རྩི་ཆེ་ལ་བརྗོད་པ་འང་མེད། །ཉོན་མོངས་དུག་དང་བདུད་བཞི་བཅོམ། །དྲི་མེད་དག་པའི་བྱང་ཆུབ་སེམས། །ངེས་དོན་དེ་ལ་འདུད་པར་བྱོས། །དེ་ནས་བཅོམ་ལྡན་འདས་དང་
དམ་པའི་ཆོས་བདུད་རྩིའི་ལུང་འདི་ལ་འཕགས་པ་འཇམ་དཔལ་གྱིས་སླར་ལ་ལན་གསུམ་དུ་བསྟོད་པ། ནམ་མཁའི་མཚན་ཉིད་སངས་རྒྱས་ཏེ། །མཚན་ཉིད་མེད་པས་ནམ་མཁའ་འདྲའོ། །བྱ་བ་མེད་པས་གྲོལ་བ་སྟེ། །བདུད་རྩི་མཆོག་ལ་ཕྱག་འཚལ་ལོ། །ཆུ་ཟླ་བཞིན་དུ་
དྲི་བྲལ་བས། །ཐམས་ཅད་རྟོག་པ་ཡོངས་སུ་སྤངས། །བདག་ཏུ་འཛིན་མེད་རྣམ་པར་དག །བདུད་རྩི་རྒྱལ་ལ་ཕྱག་འཚལ་ལོ། །དུས་གསུམ་ཆོས་ཀྱི་དབྱིངས་དང་མཉམ། །བདུད་དང་ངན་སོང་གསུམ་ལས་ཐར། །ལེན་པ་མེད་ཅིང་གཏོང་བ་འང་མེད། །དྲི་མེད་དག་པའི་བྱང་ཆུབ་
སེམས། །བདུད་རྩི་མཆོག་ལ་ཕྱག་འཚལ་ལོ། །དུས་གསུམ་སངས་རྒྱས་སྐྱེད་པའི་རྒྱུ། །ཁམས་གསུམ་སེམས་ཅན་འདྲེན་པའི་དཔལ། །འགྲོ་བ་དྲུག་གི་སྒྲིབ་སྦྱོང་བ། །བདུད་རྩི་རྒྱལ་ལ་ཕྱག་འཚལ་ལོ། །དེ་སྐད་ཅེས་གསོལ་ནས། ཕྱི་ནང་གི་སྣོད་བཅུད་རིལ་སྨན་རཱ་ས་
ཡཱ་ན་དང་། བདུད་རྩིར་གནས་སོ་ཞེས་ལུང་དང་མན་ངག་དག་དུ་བསྡུས་ཏེ་བཀའ་སྩལ་པའོ། །བདུད་རྩི་ཆེན་པོ་མཆོག་གི་ལུང་། ལུང་གི་རྒྱལ་པོ་ཆེན་པོ་རྟོག་པའི་མཆོག་ལས་འཁོར་ལོ་བསྐོར་བའི་ནང་ནས་ལུང་གི་བམ་པོ་ཆེན་པོ་བརྒྱད་པའི་འགྲེལ་པ་ཆེན་པོའི་དོན། བམ་པོ་ཆེན་པོ་བརྒྱད་
པ། རྫོགས་སྷོ། །།སྤྱིར་བདུད་རྩི་འབུམ་སྡེ་ལས་མྱུར་ཤས་ཙམ་ཅིག་བི་མ་ལ་མི་ཏྲས་བཤད་ཅིང་། ལོ་ཙྪ་བ་ཛྙཱ་ན་ཀུ་མ་རས་སྒྱུར་བའོ། །རྡོ་རྗེ་ཡང་དབང་གཏེར་གྱི་ལགས། རྫོགས་སྷོ།། །།རྡོ་རྗེ་ཁྲོས་པས་ཞེ་སྡང་གཅོད། །མཚོན་ཆེན་སྔོན་པོ་འབར་བའི་ངང་། །ནམ་
མཁའི་དཀྱིལ་ནས་ཐིགས་པ་ཤར། །སྲོག་གི་སྒོ་རུ་ཤར་བ་དང་། །སྙིང་གི་སྒོ་རུ་བསྒོམ་པར་བྱ། །སྙིང་རྗེས་བསྒྲལ་བའི་དམ་ཚིག་ནི། །གསད་ཅིང་གནན་པ་མ་ཡིན་ཏེ། །ཕུང་པོ་རྡོ་རྗེ་གཏམས་བྱས་ནས། །རྣམ་པར་ཤེས་པ་རྡོ་རྗེར་བསྒོམ། །ཨོཾ་བཛྲ་ཀི་ལི་ཀཱི་ལ་ཡ། སརྦ་བིགྷྣཱན་བྃ་ཧཱུྃ་ཧཱུྃ་ཕཊ། 
རྡོ་རྗེ་གཞོན་ནུ་རིག་འཛིན་རྣམས། །སྲིད་པ་རྡོ་རྗེ་གྲུབ་མཛོད་ཅིག །སྲིད་པ་རྡོ་རྗེ་ཕུར་པའི་ལྷ། །ཡེ་ཤེས་ཁྲོ་བོ་གྲུབ་པར་མཛོད། །སངས་རྒྱས་ཀུན་གྱི་ཡེ་ཤེས་སྐུ། །ངང་ཉིད་རྡོ་རྗེ་ཆོས་དབྱིངས་ལས། །འབར་བའི་ཁྲོ་བོ་མི་བཟད་པ། །སྐུ་ཡི་དབྱིག་ཏུ་བདག་གྱུར་ཅིག །ཐབས་ཀྱི་སྤྱོད་པས་འགྲོ་དོན་

104-1-204b

དུ། །བྱམས་དང་སྙིང་རྗེས་གང་འདུལ་བ། །སངས་རྒྱས་ཕྲིན་ལས་རྫོགས་མཛད་ནས། །དབང་དང་བྱིན་བརླབས་འདིར་གསོལ་ཅིག །ཨོཾ་བཛྲ་ཀྲོ་དྷ་ཧཱུྃ་ཀཱ་ར་ཧཱུྃ། གརྫྫ་གརྫྫ་ཧཱུྃ་ཕཊ། ཁྲོ་བོ་ཆེན་པོ་ཧཱུྃ་ཀཱ་ར་དང་། ཡུམ་རྡོ་རྗེ་སྒྲ་འབྱིན་མ། སྤྲུལ་པའི་འཕྲ་མེན་མ་ཕག་གི་མགོ་ཅན་དང་། 
སྨིགས་བུའི་མགོ་ཅན་ནོ། །ཨོཾ་བཛྲ་ཀྲོ་དྷ་བི་ཛ་ཡ་ཧཱུྃ། ཧ་ན་ཧ་ན་ཧཱུྃ་ཕཊ། ཁྲོ་བོ་ཆེན་པོ་རྣམ་པར་རྒྱལ་བ་དང་། ཡུམ་རྡོ་རྗེ་རྣམ་སྙེམས་མ། སྤྲུལ་པའི་འཕྲ་མེན་མ་སྟག་གི་མགོ་ཅན་དང་། བྱ་རྒོད་ཀྱི་མགོ་ཅན་ནོ། །ཨོཾ་བཛྲ་ཀྲོ་དྷ་ནཱི་ལ་དཎྜཿཧཱུྃ། ད་ཧ་ད་ཧ་ཧཱུྃ་ཕཊ། ཁྲོ་བོ་ཆེན་པོ་དབྱུག་པ་སྔོན་པོ་དང་། 
ཡུམ་རྡོ་རྗེ་སྡེར་མོ། སྤྲུལ་པའི་འཕྲ་མེན་མ་གཡག་གི་མགོ་ཅན་དང་། བྱ་རོག་གི་མགོ་ཅན་ནོ། །ཨོཾ་བཛྲ་ཀྲོ་དྷ་ཡ་མཱནྟ་ཀ་ཧཱུྃ། པ་ཙ་པ་ཙ་ཧཱུྃ་ཕཊ། ཁྲོ་བོ་ཆེན་པོ་གཤིན་རྗེ་གཤེད་པོ་དང་། ཡུམ་དུར་ཁྲོད་ཀྱི་བདག་མོ། སྤྲུལ་པའི་འཕྲ་མེན་མ་ཤ་བའི་མགོ་ཅན་དང་། འུག་པའི་མགོ་ཅན་ནོ། །
ཨོཾ་བཛྲ་ཀྲོ་དྷ་ཨཱརྱ་ཨ་ཙ་ལ་ཧཱུྃ། བནྡྷ་བནྡྷ་ཧཱུྃ་ཕཊ། ཁྲོ་བོ་ཆེན་པོ་མི་གཡོ་མགོན་པོ་དང་། ཡུམ་རྡོ་རྗེ་གཏུན་ཁུང་མ། སྤྲུལ་པའི་འཕྲ་མེན་མ་གཟིག་གི་མགོ་ཅན་དང་།  ཁྭའི་མགོ་ཅན་ནོ། །ཨོཾ་བཛྲ་ཀྲོ་དྷ་ཧ་ཡ་གྲཱི་བ་ཧཱུྃ། ཧུ་ལུ་ཧུ་ལུ་ཧཱུྃ་ཕཊ། ཁྲོ་བོ་ཆེན་པོ་རྟ་མགྲིན་དང་། ཡུམ་རྡོ་རྗེ་གཏུམ་མོ། 
སྤྲུལ་པའི་འཕྲ་མེན་མ་བྱི་ལའི་མགོ་ཅན་དང་། པུ་ཤུད་ཀྱི་མགོ་ཅན་ནོ། །ཨོཾ་བཛྲ་ཀྲོ་དྷ་ཨ་པ་རཱ་ཛི་ཏ་ཧཱུྃ། ཏིཥྛ་ཏིཥྛ་ཧཱུྃ་ཕཊ། ཁྲོ་བོ་ཆེན་པོ་དཔལ་ལྡན་གཞན་གྱིས་མི་ཐུབ་པ་དང་། ཡུམ་རྡོ་རྗེ་མདའ་སྙེམས་མ། སྤྲུལ་པའི་འཕྲ་མེན་མ་སྤྱང་ཀུའི་མགོ་ཅན་དང་། ཁྲའི་མགོ་ཅན་ནོ། །ཨོཾ་བཛྲ་
ཀྲོ་དྷ་ཨ་མྲྀ་ཏ་ཀུཎ་ཌ་ལི་ཧཱུྃ། ཚིནྡྷ་ཚིནྡྷ་ཧཱུྃ་ཕཊ། ཁྲོ་བོ་ཆེན་པོ་བདུད་རྩི་འཁྱིལ་པ་དང་། ཡུམ་རྡོ་རྗེ་རླུང་འབྱིན་མ། སྤྲུལ་པའི་འཕྲ་མེན་མ་སེང་གེའི་མགོ་ཅན་དང་། ཕ་ཝང་གི་མགོ་ཅན་ནོ། །ཨོཾ་བཛྲ་ཀྲོ་དྷ་ཏྲཻ་ལོ་ཀྱ་བི་ཛ་ཡ་ཧཱུྃ། བིནྡྷ་བིནྡྷ་ཧཱུྃ་ཕཊ། ཁྲོ་བོ་ཆེན་པོ་ཁམས་གསུམ་རྣམ་པར་
རྒྱལ་བ་དང་། ཡུམ་རྡོ་རྗེ་གསོད་ཆེན་མ། སྤྲུལ་པའི་འཕྲ་མེན་མ་དྲེད་ཀྱི་མགོ་ཅན་དང་། ཟེར་མོའི་མགོ་ཅན་ནོ། །ཨོཾ་བཛྲ་ཀྲོ་དྷ་མ་ཧཱ་བ་ལ་ཧཱུྃ། སྥོ་ཊ་སྥོ་ཊ་ཧཱུྃ་ཕཊ། ཁྲོ་བོ་སྟོབས་པོ་ཆེ་དང་། ཡུམ་རྡོ་རྗེ་བསྐྱོད་ཆེན་མ། སྤྲུལ་པའི་འཕྲ་མེན་མ་དྲེད་ཀྱི་མགོ་ཅན་དང་། བྱི་བའི་མགོ་ཅན་
ལ་སོགས་པ་རྣམས་ཀྱིས་གཏམས་པའོ། །སྲིད་པའི་ཕུར་བུ་བསྒྲུབ་པ་དང་། །དབང་དང་དངོས་གྲུབ་བླང་བའི་ཕྱིར། །ཡེ་ཤེས་ཁྲོ་བོ་གཤེགས་སུ་གསོལ། །ཁྲོ་བོ་ཆེན་པོ་གཤེགས་ནས་ཀྱང་། །རྟགས་དང་མཚན་མ་བསྟན་པ་དང་། །ཀཱི་ལ་ཡ་ཡི་དངོས་གྲུབ་གསོལ། །

104-1-205a

དམ་ཚིག་ཆེན་པོའི་དུས་ལ་བབ། །སྤྲུལ་པ་ཆེན་པོའི་དུས་ལ་བབ། །ཕྱག་གཉན་ཆེན་མོའི་དུས་ལ་བབ། །ཤྭ་ན་མུ་ཁའི་དུས་ལ་བབ། །བདག་ཉིད་ཆེན་མོའི་དུས་ལ་བབ། །ཁྱེད་ཀྱི་ཕྲིན་ལས་དུས་ལ་བབ། །ས་བདག་ཆེན་མོའི་དུས་ལ་བབ། །མཐུ་རྩལ་དབྱུང་བའི་དུས་ལ་བབ། །
བྱང་ཆུབ་མཆོག་ཏུ་སེམས་བསྐྱེད་ཅིང་། །དུས་གསུམ་རྒྱལ་བའི་གདུང་འཚོབ་པ། །རིག་འཛིན་བདག་ཅག་རྣམས་ལ་ནི། །གནོད་ཅིང་གདུག་པའི་དགྲ་དང་བགེགས། །བདུད་དང་བར་དུ་གཅོད་པ་རྣམས། །ཁྲོ་བོ་ཆེན་པོའི་བྱིན་བརླབས་ཀྱིས། །ཡུད་ཙམ་གྱིས་ནི་འདིར་བཀུག་ནས། །མངོན་སྤྱོད་
ཚུལ་བཞིན་བསྒྲལ་བ་དང་། །ལུས་ངག་རྡུལ་དུ་བཤིག་ནས་ཀྱང་། །སྡུག་བསྔལ་ཉམས་སུ་མྱོང་བར་མཛོད། །ཨོཾ་ལཱྃ་ཧཱུྃ་ལཱྃ། སྟྃ་བྷ་ཡ་ནན། མོ་ཧ་ག་ཡ་བྷ་ག་བཱན། ཤི་ཀྲི་བི་ཀྲི། ཤྲཱི་བཛྲ་ཧཱུྃ་ཀཱ་ར་ཧཱུྃ་ཧཱུྃ་ཕཊ་ཕཊ། བཛྲ་ཀཱི་ལི་ཀཱི་ལ་ཡ། ཛ༔ ཧཱུྃ་བྃ་ཧོ༔། སརྦ་བིགྷྣཱན། ཨོཾ་བཛྲ་ཀཱི་ལི་ཀཱི་ལ་ཡ་
ཧཱུྃ་ཧཱུྃ་ཕཊ་ཕཊ། བཛྲ་ཧཱུྃ་ཀཱ་ར་ཧཱུྃ་ཕཊ།  ཧཱུྃ་ཀཱ་ར་ཧཱུྃ་ཨཱཿདངོས་གྲུབ་བར་ཆད་བྱེད་བའི་བགེགས། །གདུག་ཅིང་སྡང་སེམས་བྱེད་པ་རྣམས། །ཟུང་ཅིག་རྒྱོབ་ཅིག་རྣམ་པར་ཆིངས། །གཏོགས་ཤིག་གྲོགས་དང་བྲལ་བར་གྱིས། །རིངས་བར་ཁུག་ལ་སྨྲར་ཆུག་ཅིག །ཕོབ་ཅིག་རྣམ་པར་གཟིར་བར་
གྱིས། །ངའི་དབང་དུ་གྱུར་ནས་ཀྱང་། །བསྒོ་བའི་བཀའ་རྣམས་ཉན་པར་གྱིས། །ཧཱུྃ་པ་ར་བི་དྷྭན་ཧཱུྃ་ཕཊ། ཚིནྡྷ་ཚིནྡྷ་ཧཱུྃ་ཕཊ། བིནྡྷ་བིནྡྷ་ཧཱུྃ་ཕཊ། གྲྀཧྣ་གྲྀཧྣ་ཧཱུྃ་ཕཊ། ཧ་ན་ཧ་ན་ཧཱུྃ་ཕཊ། བནྡྷ་བནྡྷ་ཧཱུྃ་ཕཊ། ཏ་ཐཱ་ཡ་ཏ་ཐཱ་ཡ་ཧཱུྃ་ཕཊ། ཧ་ས་ཡ། ར་ན་ཧ་ཏ་ན་ཧཱུྃ་ཕཊ། ཤྲི་ཀྲི་ན་ཨ་ན་ཡ་ཧཱུྃ་ཕཊ། 
ཛྭ་ལཱ་པ་ཡ་ཛྭ་ལཱ་བ་ཡ་ཧཱུྃ་ཕཊ། ཨཱ་བེ་ཤ་ཡ་ཨཱ་བེ་ཤ་ཡ་ཧཱུྃ་ཕཊ། བིདྡྷ་ཡ་བིདྡྷ་ཡ་ཧཱུྃ་ཕཊ། བྲན་དང་ཕོ་ཉ་བཀའ་ཉན་ཚོགས། །ཁྱོད་ཀྱི་དམ་ཚིག་དུས་ལ་བབ། །སྔོན་ཆད་ཇི་བཞིན་དམ་བཅས་པའི། །མངོན་སྤྱོད་ཕྲིན་ལས་མྱུར་དུ་མཛོད། །ཧ་ན་ཧ་ན་བཛྲ། ད་ཧ་ད་ཧ་བཛྲ། པ་ཙ་པ་ཙ་བཛྲ། 
མ་ཐ་མ་ཐ་བཛྲ། ཛྭ་ལ་ཛྭ་ལ་བཛྲ། སུ་རུ་སུ་རུ་བཛྲ། མུ་རུ་མུ་རུ་བཛྲ། ཀ་ཏངྐ་ཏེ་ཡ། ཛ་ཡ་བི་ཛ་ཡེ་ཡ། ཨ་ཛི་ཏེ་ཨ་པ་རཱ་ཛི་ཏ་ཡ། མ་ར་སཻ་ནྱྃ་པྲ་མརྡ་ནཱ་ཡ་ཧཱུྃ་ཕཊ། རྡོ་རྗེ་གསང་བའི་བཀའ་ལས་ནི། །སྡིག་ཅན་གང་ཞིག་འདའ་བྱེད་པ། །སྟོབས་ཆེན་ཁྲོ་བོ་ཆེན་པོ་ཡིས། །གླད་པ་
ཚལ་བ་བརྒྱ་རུ་ཁོས། །ཉོན་ཅིག་བགེགས་དང་ལོག་འདྲེན་ཚོགས། །ང་ཡི་བཀའ་ལས་འདའ་མ་བྱེད། །ཧཱུྃ་མ་མ་བ་ཤི་ཀུ་རུ།  མ་ཐ་མ། ཉྱ་ཀ་ར། ཨི་ནན་དསྟི། མ་མ་ཀརྨ་ཤྲི་ཀྲང་ཀ་རེ་ཡ། གདུག་ཅིང་སྡང་སེམས་ལྡན་པ་ཡི། །ལྷ་འམ་འོན་ཏེ་བདུད་ཀྱང་རུང་། །ང་ལ་བར་ཆད་

104-1-205b

བྱེད་པ་རྣམས། །མཐུ་དང་རྫུ་འཕྲུལ་མེད་པར་བྱོས། །སརྦ་ཨཱ་ན་ཡ་ཧཱུྃ་ཕཊ། ཏད་ཐཱ་ཡ་ཏད་ཐཱ་ཡ་ཧཱུྃ་ཕཊ། བརྡུངས་ཤིག་རྡོ་རྗེ་འབར་བའི་གཏུན། །བཀའ་ལས་འདའ་བྱེད་སྡིག་ཅན་རྣམས། །རྡོ་རྗེ་མེ་དབལ་སྙིང་སྲེགས་ནས། །ལུས་ངག་རྡུལ་ཕྲན་བཞིན་དུ་ལྷོགས། །ཁྲོ་བོ་འབར་བའི་
གཏུན་ཁུང་དུ། །རྡོ་རྗེ་ཐོ་བས་བརྡུངས་བྱས་ནས། །ལྷ་ཡང་རུང་སྟེ་བསྒྲལ་བར་བྱ། །ཁ་ཐམ། ཁ་ཐམ། ཁ་ཐམ། ཧཱུྃ་ཧཱུྃ་ཧཱུྃ། ཕཊ་ཕཊ་ཕཊ། བཛྲ་ཡཀྵ་ཀྲོ་དྷ་ཁཱ་ཧི། ཁཱ་ཧི། ཁཱ་ཧི། ཧི་ཧི་ཧི། ཧ་ཧ་ཧ། ཧཱུྃ་ཧཱུྃ་ཧཱུྃ། ཕཊ་ཕཊ་ཕཊ། ཆོས་ཉིད་ཀྱི་བདེན་པའོ། །གསང་སྔགས་ཀྱི་བྱིན་གྱི་
བརླབས་སོ། །སངས་རྒྱས་ཀྱི་མཐུའོ། །ཨ་བྷི་ཙཱརྱའི་དུས་ལ་བབ་པའི་བརྣག་པ་དེ་ཁོ་ན་ལའོ། །ཀཱི་ལི་ཀཱི་ལ་ཡ་ཉི་ཤུ་རྩ་གཅིག་བཟླས། བཅྭ་བརྒྱད། དཀར་ནག་གི་མཚམས་སུའོ། །ཧཱུྃ་ཧཱུྃ། ཕཊ་ཕཊ། ཙམ་བཟླས་སོ། །རྫོགས་སྷོ།། །། ༄༅༅།  །རྒྱ་གར་སྐད་དུ།  ཌཱ་ཀི་ནཱི་ཨགྣི་
ཛི་ཧྭ་ཛྭ་ལཱ་ཏནྟྲྃ། བོད་སྐད་དུ།  མཁའ་འགྲོ་མ་མེ་ལྕེ་འབར་བའི་རྒྱུད། སྲིད་གསུམ་འཇིགས་བྱེད་དྲག་པོ་རྡོ་རྗེའི་སྐུ། །བདག་དང་གཞན་གྱི་དཔལ་གྱུར་སྙིང་རྗེ་ཅན། །བདུད་ལས་རྣམ་རྒྱལ་ཡེ་ཤེས་ལྔ་དང་ལྡན། །ཕྱག་ན་རྡོ་རྗེ་ཆེ་ལ་ཕྱག་འཚལ་བསྟོད། །འདི་སྐད་བདག་གིས་ཐོས་པ་
དུས་གཅིག་ན། རི་རབ་རིའི་རྩེ་མོ་གཤིན་རྗེ་འབར་བའི་ཕོ་བྲང་། གནོད་སྦྱིན་ཨུཏྤ་ལའི་གདོང་གནས་པའི་དུར་ཁྲོད། སྲིན་པོ་མ་ཏངྐ་རུ་ཏྲ་ཀའི་འཆགས། བདུད་གཙུག་ཕུད་ནག་པོའི་ཁང་པ། རྩུབ་འགྱུར་གྱི་ཚལ་ཆེན་པོ། ལྷ་དང་ལྷ་མ་ཡིན་གཡུལ་འགྱེད་པའི་གནས། འབྱུང་
པོ་དགེ་བ་ཁ་ཊྭཱྃ་གའི་ཤིང་ནག་པོ་ཏི་ཤ་ཀ་སྐྱེ་ས། སྲིན་མོ་ཀངྐཱ་ལ་ཟངས་ཀྱི་གཤོག་པ་མེ་ལྟར་འབར་བའི་ཞིང་ཁམས་མི་རོ་གསར་རྙིང་མང་པོ་ཡོད་པ། ནམ་མཁའ་ལས་ཏྲི་ཤུྰ་ལ། འཁོར་ལོ་དང་ལྕེ་འབབ་པ། ས་གཞི་ལས་རལ་གྲི་དང་། སྤུ་གྲི་དང་མདུང་རྩེ་ལྔ་པ་སྐྱེས་པ། རི་བོ་ཐམས་
ཅད་ཀེང་རུས་སུ་སྣང་བ། ཆུ་ཀླུང་ཐམས་ཅད་རྣག་ཁྲག་ཏུ་འབབ་པ། ས་ཕྱོགས་ཐམས་ཅད་ནི་མི་རོ་ཨུཏྤ་ལ་སྔོན་པོ་ཡི་དྲི་མནམ་པ། ཉེ་འཁོར་ན་རྔམ་པ་དང་། ངུ་བའི་ང་རོ་རབ་ཏུ་འཇིགས་པ་དྲག་སྟེ། ཤིན་ཏུ་འཇིགས་པ་རབ་ཏུ་སྐྱི་གཡའ་བའི་གནས་དེ་ན། བཅོམ་ལྡན་འདས་
དཔལ་འཇིགས་བྱེད་ཀྱི་རྒྱལ་པོ། རིག་སྔགས་དང་གསང་སྔགས་ཀྱི་བདག་པོ། ཐབས་དང་ཤེས་རབ་ཀྱི་དབང་ཕྱུག །སྐུ་དང་ཡེ་ཤེས་ཀྱི་རང་བཞིན། དྲག་པོ་ཆེན་པོ་དཔལ་ཕྱག་ན་རྡོ་རྗེ་སྙིང་རྗེ་ཆེན་པོ་གཏུམ་ཞིང་ཁྲོ་བ། ལུས་བསྐལ་བའི་མེ་ཆེན་པོ་ལྟར་འབར་བ།  སྲིད་པ་གསུམ་དང་། 

104-1-206a

བདུད་བཞི་དང་། ཉོན་མོངས་པ་བརྒྱད་ཁྲི་དང་། སྒྲིབ་པ་རྣམ་པ་གཉིས་ལས་རབ་ཏུ་རྒྱལ་བ། སངས་རྒྱས་སྟོང་རྩ་བརྒྱད་ཀྱི་ཐུགས་ཡང་དག་པའི་ཡེ་ཤེས་ལས་གྲུབ་པ། ལྷ་མ་སྲིན་སྡེ་བརྒྱད་ཀྱིས་མཆོད་ཅིང་ཕྱག་བྱས་པ། ཉི་མ་སྟོང་གི་གཟི་དང་ལྡན་པ། དབུ་སྐྲ་
ཁམ་པ་གྱེན་ལ་རྫེས་པ།  སྤྱན་སྡང་མིག་མེ་ལྟར་འབར་བ། ཤངས་ཀྱི་རླུང་སྒྲོམ་ནས་བསྐལ་པའི་རླུང་འབྱུང་བ། ཞལ་གྱི་མཆེ་བ་རྡོ་རྗེ་ཟླ་ཚེས་སུ་གཙིགས་པ། རིན་པོ་ཆེ་མརྐ་ཏའི་དབུ་བརྒྱན་པ།  རིགས་ལྔའི་རྒྱལ་བ་མི་བསྐྱོད་པ་བཞུགས་པ། ཐོད་པ་སྐམ་རློན་གྱི་དབུ་བརྒྱན་དང་
མགུར་ཆུ་ཅན། མཆོག་དང་གླང་གི་ཀོ་བས་བརྒྱན་པ། ལག་ན་ཡེ་ཤེས་ཀྱི་རྡོ་རྗེ་རྩེ་ལྔ་པ་འཛིན་པ། ཀླུའི་རྒྱལ་པོ་གཟི་ཅན་གྱིས་ཐོད་དུ་བཅིངས་པ། ཀླུ་ཏཀྵ་ཀས་རྐེད་ཅིངས་བྱས་པ། ཀླུ་ཀུན་ནས་གདུགས་དང་། སོག་མ་མེད་ཀྱིས་གདན་ཁྲི་བྱས་ཏེ། ཁྲོ་བོ་ཆེན་པོའི་ཆ་བྱད་དུ་
བྱས་ནས་བཞུགས་སོ། །དེའི་འཁོར་ནི་ཚངས་པ་དང་། འཇུག་སྲེད་དང་། བརྒྱ་བྱིན་དང་། མ་ཧཱ་ཀཱ་ལི་དང་། དྲང་སྲོང་མེ་བཞི་འཇུག་དང་། ཐང་ལ་གནས་དང་།  གཤིན་རྗེ་རྟེལ་པ་ནག་པོ་དང་། སྲིན་པོ་རཱ་མ་ཎ་དང་། ཆུའི་ལྷ་དང་། རླུང་གི་ལྷ་དང་། གནོད་སྦྱིན་ཆེན་པོ་
ཀུ་བེ་ར་དང་། འབྱུང་པོ་དབང་ལྡན་དང་། ཉི་མ་དང་། ཟླ་བ་དང་།  སྐར་མ་དང་། ས་བདག་ལག་ཆེན་དང་། མ་མོ་ནག་མོ་རལ་གཅིག་མ་དང་། ལྟོ་འཕྱེ་རབ་བརྟན་དང་། གྲུལ་བུམ་དང་། དྲི་ཟ་དང་། མི་འམ་ཅི་དང་། རྣམ་ཐོས་ཀྱི་བུ་དང་།  ལྷ་མ་ཡིན་དང་། ནམ་མཁའ་ལྡིང་དང་། འབྱུང་པོ་
ཕོ་མོ་དང་། གཅན་ཟན་གྱི་ཚོགས་ནི་སེང་གེ་དང་། སྟག་དང་། ཁྲ་དང་། སྤྱང་ཀི་དང་། དོམ་དང་། ཆུ་སྲིན་དང་། གུང་དང་། གཟིག་དང་། ལྕེ་སྤྱང་དང་། སྲེ་མོ་དང་། ཁྱི་ལི་འདུ་དང་། འཕར་བ་དང་། སྲམ་དང་། བྱའི་ཚོགས་ཀྱང་བྱ་རྒོད་དང་། ཆུ་གླག་དང་། དུར་བྱ་ཀཱངྐ་དང་། གཞད་དང་། 
ཁྱུང་དང་། བྱ་རོག་དང་། སོ་བྱ་དང་། འུག་པ་དང་། ཁྲ་དང་། སྐྱེ་ག་དང་། སྲིན་བྱ་དང་། ཤང་ཤང་ཏེའུ་དང་། ནེ་ཙོ་ཡང་ཡོད་དོ། །གཞན་ཡང་གླང་པོ་དང་། ཤ་སྦྲང་དང་། སྦྲུལ་གདུག་པ་ཅན་དང་། རུ་སྦལ་དང་། རྔ་མོ་དང་། བསེ་དང་། ཕག་རྒོད་དང་། བ་མེན་དང་། ཁྱི་སྙ་དང་། ཤ་བ་
དང་། གླ་བ་ལ་སོགས་པས་བསྐོར་ཏེ་བཞུགས་སོ། །དེའི་ཚེ་འཁོར་འདུས་པ་དེ་རྣམས་ཀྱི་ནང་ནས་གླང་པོ་ཆེ་རབ་ཏུ་བརྟན་པ་གཙུག་ན་གསེར་གྱི་དྲ་བས་བརྒྱན་པ། མགོ་བོ་སུམ་བཅུ་རྩ་གསུམ་ཡོད་པའི་སྟེང་ན། ཉེ་དབང་སུམ་བཅུ་རྩ་གཉིས་ཀྱི་དབུས་ནས། ལྷ་རྣམས་ཀྱི་དབང་

104-1-206b

པོ་བརྒྱ་བྱིན་ཞེས་བྱ་བ། སྤྱི་བོའི་གཙུག་ན་ཡིད་བཞིན་གྱི་ནོར་བུ་རིན་པོ་ཆེ་འབར་བ། ལུས་ལ་གསེར་དང་། བཻ་ཌཱུརྱས་བརྒྱན་པ། དེས་འཁོར་ལོས་བསྒྱུར་བའི་ཆ་བྱད་དུ་བྱས་ནས། གླང་པོ་ཆེའི་སྟན་ལས་ལངས་ཏེ། དཔལ་ཕྱག་ན་རྡོ་རྗེ་ལ་བསྐོར་བ་ལན་གསུམ་བྱས་ནས། རྒྱལ་སྲིད་རིན་པོ་ཆེ་སྣ་
བདུན་གྱིས་མཆོད་པ་བྱས་སོ། །དེ་ནས་བརྒྱ་བྱིན་གྱིས་འདི་སྐད་ཅེས་གསོལ་ཏོ། །རྡོ་རྗེ་འཛིན་པ་གསང་དབང་པོ། །ཡིད་བཞིན་ནོར་བུ་རབ་འདྲ་ཞིང་། །དངོས་གྲུབ་ཚོགས་ལ་མངའ་བརྙེས་ཁྱོད། །སྙིང་རྗེ་བདག་པོ་ཡིན་པས་ན། །མ་འོངས་སེམས་ཅན་སྐལ་ལྡན་གྱི། །རྡོ་རྗེ་མཁའ་
འགྲོ་གོ་འཕངས་མཆོག །ནག་མོ་མེ་ལྕེ་འབར་བའི་རྒྱུད། །བདག་ནི་ཁྱོད་ལ་དྲི་བར་འཚལ། །དེང་འདིར་སྟོན་པས་སྐབས་འབྱེད་ཞུ། །ཞེས་གསོལ་པ་དང་། དཔལ་ཧཱུྃ་མཛད་ཆེན་པོ་དེས་མེ་འབར་བའི་གདན་ལས་བཞེངས་ཏེ།  རྡོ་རྗེ་རྣམ་པར་བསྒྱིངས་པའི་ཏིང་ངེ་འཛིན་ལ་སྙོམས་
པར་ཞུགས་ནས། བརྒྱ་བྱིན་ལ་སེང་གེའི་ལྟ་སྟངས་ཀྱིས་གཟིགས།   ནས། གླང་པོ་ཆེ་འགྱིང་བག་ཏུ་གོམ་པ་གསུམ་བོར་ཏེ། ཧཱུྃ་ཧཱུྃ་ཧཱུྃ་གི་སྔགས་བཟླས་ཏེ། ཡེ་ཤེས་ཀྱི་ཕྱག་གིས་རྡོ་རྗེ་ལན་གསུམ་ནམ་མཁའ་ལ་དྲིལ་ཏེ། འཇིག་རྟེན་གྱི་ཁམས་འདི་རྣམ་པ་དྲུག་ཏུ་གཡོས་སོ། །
དེ་ནས་དཔལ་ཕྱག་ན་རྡོ་རྗེས་འདི་སྐད་ཅེས་བཀའ་སྩལ་ཏོ། །སྙིང་རྗེའི་ཡིད་ཀྱིས་བརྒྱ་བྱིན་ཉོན། །སྐལ་ལྡན་དུས་མཐའི་སེམས་ཅན་རྣམས། །མི་ནུབ་ཆོས་ཀྱི་རྒྱལ་མཚན་དང་། །རྡོ་རྗེ་མཁའ་འགྲོ་མེ་ལྕེའི་རྒྱུད། །བདག་གཞན་དོན་ལ་འཇིགས་མེད་པ། །ངས་བཤད་
ཁྱོད་ཀྱི་ཡིད་ཀྱིས་གཟུང་ཅེས་བཀའ་སྩལ་པ་དང་། བརྒྱ་བྱིན་ལ་སོགས་པའི་འཁོར་ཤིན་ཏུ་དགའ་བ་དང་། སྤྲོ་བ་སྐྱེས་ནས། ལ་ལས་ནི་མེ་ཏོག་མནྡཱ་ར་བ་དང་། པུཎྜ་རཱི་ཀ་དང་། པདྨ་དང་། ཨུཏྤ་ལ་དང་། ཙམ་པ་ཀ་དང་། བུ་རམ་དང་། བདུག་སྤོས་དང་། མར་མེ་དང་། 
བྱུག་པ་དང་། ཁ་ཟས་དང་། གདུགས་དང་། བ་དན་དང་།  བསིལ་ཡབ་དང་། བླ་རེ་དང་། རྒྱལ་མཚན་དང་། ཕན་ལ་སོགས་པ་ཕྱིའི་མཆོད་པས་མཆོད་དོ། །འཁོར་ལ་ལས་ནི་བདུད་རྩི་རྣམ་པ་ལྔ་དང་། ལྕགས་ཀྱུ་ལ་སོགས་པ་ནང་གི་མཆོད་པས་མཆོད་དོ། །འཁོར་
ལ་ལས་ལྷ་མོ་དང་གནོད་སྦྱིན་མོའི་ཆ་བྱད་དུ་བྱས་ནས་གསང་བའི་མཆོད་པས་ཕུལ་ལོ། །དེ་ནས་དཔལ་ཕྱག་ན་རྡོ་རྗེ་ལ་ལྷའི་དབང་པོ་བརྒྱ་བྱིན་གྱིས་འདི་སྐད་ཅེས་གསོལ་ཏོ། །ཁྲོ་ཆེན་དུས་མཐའི་མེ་ལྟར་འབར། །དྲག་པོ་ཧཱུྃ་མཛད་རྡོ་རྗེ་འཛིན། །ད་ལྟར་འདོད་པའི་

104-1-207a

ཁམས་འདི་ན། །ལྷ་མོ་ནག་མོ་ཞེས་བྱ་བ། །གཏུམ་ཞིང་ཁྲོ་ལ་ལུས་ཀྱང་འཇིགས། །སྲིད་གསུམ་སྐྲག་པའི་ནུས་མཐུ་ཅན། །དངོས་གྲུབ་དམ་པའི་གཞིར་གྱུར་འདི། །དང་པོ་གླེང་གཞི་རྒྱུའི་རྒྱུད། །སློབ་དཔོན་སློབ་མ་གང་གི་རྒྱུད། །དོན་དམ་ཀུན་རྫོབ་ལྟ་བའི་རྒྱུད། །
དཀྱིལ་འཁོར་དམ་པ་གསུམ་གྱི་རྒྱུད། །ཐང་ཀ་ལྷ་རྟེན་སྐུ་གཟུགས་རྒྱུད། །དཔོན་དང་གཡོག་ནི་དམ་རྫས་རྒྱུད། །བསྐྱེད་དང་རྫོགས་ནི་ཏིང་འཛིན་རྒྱུད། །རྗེ་དང་ཁོལ་གྱི་སྔགས་ཀྱི་རྒྱུད། །བཅའ་བ་ཕྱག་རྒྱ་བཅུ་གཉིས་རྒྱུད། །མཆོད་པ་གཏོར་མ་སྦྱིན་སྲེག་རྒྱུད། །འདའ་
བར་དཀའ་བ་དམ་ཚིག་རྒྱུད། །གྲུབ་པའི་དྲོད་ཚད་མཚན་མའི་རྒྱུད། །སྤོགས་དང་གནད་ལ་དབབ་པའི་རྒྱུད། །མི་འབྲལ་འགྲོགས་པ་གཟུངས་ཀྱི་རྒྱུད། །པྲ་དང་མཚན་མ་དབབ་པའི་རྒྱུད། །དབང་བསྐུར་གནང་བ་སྦྱིན་པའི་རྒྱུད། །སོ་སོ་ལས་ཀྱི་བྱེ་བྲག་རྒྱུད། །མར་མེ་
དང་ནི་བདུད་རྩི་རྒྱུད། །ཐིག་ལེ་ཡེ་ཤེས་མན་ངག་རྒྱུད། །ལྷ་སྲིན་སྡེ་བརྒྱད་བསྟོད་པའི་རྒྱུད། །འཁོར་ལ་ཡོངས་སུ་གཏད་པའི་རྒྱུད། །ཐ་མ་ལུང་དུ་བསྟན་པའི་རྒྱུད། །དགོས་འབྲེལ་ཉི་ཤུ་རྩ་གཉིས་གང་། །སྟོན་པས་བཀའ་སྩོལ་བདག་ཉན་འཚལ། །དེ་སྐད་
ཅེས་གསོལ་པ་དང་། དཔལ་ཕྱག་ན་རྡོ་རྗེ་བཀའ་སྩལ་པ། བརྒྱ་བྱིན་ལ་སོགས་པ་ཁྱེད་རྣམས་ཀྱིས། རྡོ་རྗེ་མཁའ་འགྲོ་མའི་དངོས་གྲུབ་འབྱུང་བའི་རྒྱུད་ཆེན་པོ་ཞུ་བ་ཞུས་པ་ལེགས་སོ་ལེགས་སོ། །ཁྱེད་ཀྱང་རབ་ཏུ་ཉོན་ལ་ཡིད་ལ་བཟུང་ཅིག །དེས་རྣམ་པར་ཕྱེ་བ་
བསྟན་པར་བྱའོ། །སྔོན་འདོད་པའི་ཁམས་འདི་ཉིད་ན། རི་རབ་ཀྱི་རྩེ་བྱང་ཤར་གྱི་མཚམས། ཤིང་ཡོངས་འདུ་ས་རྟོལ་ཞེས་བྱ་བ། རྩེ་མོ་ན་བྱ་ཁྱུང་ག་རུ་ཌ་གནས་པ། ལོ་མ་ལ་འདོད་པའི་ཡོན་ཏན་ལྔ་རང་འབྱུང་བ། འབྲས་བུ་ལ་རིན་པོ་ཆེ་སྣ་བདུན་ལོ་ཏོག་ལྟར་སྨིན་པ། །
ཡལ་གི་རྩེ་གཡུའི་ཟེ་བའི་བར་བར་ན། ལྷ་དང་ལྷ་མོ་དང་། གཟའ་དང་སྐར་མ་དང་། ཉི་མ་དང་ཟླ་བའི་ཚོགས་ཀྱིས་བརྒྱན་པ། རྩ་བའི་ངོས་ལ་ཁྲུས་ཀྱི་རྫིང་བུ་བདུན་ལ། རེ་རེ་ལ་ཤིང་རྟ་རེ་རེ། ཤིང་རྟ་རེ་རེ་ལ་བུ་མོ་བདུན་བདུན་བུ་མོ་རེ་རེ་ལ་གཡོག་མོ་བདུན་བདུན། གཡོག་
མོ་རེ་རེ་ལ་རྨ་བྱ་བདུན་བདུན་ཡོདོ་ཤིང་རྟ་དེའི་ས་ཕྱོགས་ན། སྨན་གྱི་རྣམ་པ་སྣ་ཚོགས་དང་། ལོ་ཏོག་གི་རིགས་ཁྲི་ཕྲག་བཞི་རང་སྐྱེ་བ་ཙནྡན་དང་། ག་བུར་དང་། གོ་ཤཱིཪྵ་དང་། སྦྲུལ་གྱི་སྙིང་པོ་རྫིང་བུ་ལྔ་བརྒྱས་བསྐོར་ཏེ། དེ་ལྟ་བུའི་ཤིང་དེ་ཐུན་མོང་གི་བསོད་ནམས་ཀྱིས་སྐྱེས་

104-1-207b

སོ། །དེའི་དུས་ལ་འདོད་པའི་ཤིང་དེ་ནི་ལྷ་རྣམས་ཀྱིས་དབང་བྱེད་པའི་ཚེ། རི་རབ་ཀྱི་རྩ་བ་ན་འོད་མི་སྣང་བ་ཞེས་བྱ་བའི་གནས་ན། ལྷ་མ་ཡིན་གྱི་རྒྱལ་པོ་སུམ་བརྩེགས་དང་། ཐག་ཟངས་རིས་དང་། ཧེ་རནྣ་ཀེ་ཤུན་དང་། རྣམ་པར་སྣང་བྱེད་དང་། རབ་སིམ་དང་། སྒྲ་གཅན་འཛིན་ལ་སོགས་
པ་བྱེ་བ་དུང་ཕྱུར་ཙམ། ཤིན་ཏུ་མི་སྡུག་པའི་ཆ་བྱད་དུ་བྱས་ནས། རབ་ཏུ་རྔམ་པའི་ང་རོ་དང་། འཇིགས་ཤིང་སྐྲག་པའི་མཚོན་ཆ་ཐོག་ནས། རི་རབ་ཀྱི་ཁ་ཆོས་བཟངས་ཞེས་བྱ་བར་ལྷགས་སོ། །དེ་ནས་རི་རབ་ཀྱི་ཁ་ལ་ལྷ་བ་སུ་དེ་བ་དང་། ལྷ་མ་ཧཱ་དེ་བ་དང་། བརྒྱ་བྱིན་ཉིད་
ལ་སོགས་པ། ལྷ་བྱེ་བ་དུང་ཕྱུར་ལ་ལྷ་མ་ཡིན་རྣམས་ཀྱིས་འདི་སྐད་ཅེས་སྨྲས་སོ། །རི་རབ་རྩེ་གནས་སུམ་བཅུ་རྩ་གསུམ་ལྷ། །ཤིང་འདིའི་ལྷ་དང་ལྷ་མིན་ཐུན་མོང་ལས། །ད་ལྟ་འདོད་པའི་ཁྱེད་ཅག་ལྷ་དབང་ན། །ད་ནི་ངེད་ཅག་ལྷ་མིན་བདུད་ལ་བླང་། །ཞེས་སྨྲས་པ་དང་།  
ལྷ་རྣམས་ཀྱིས་སླར་སྨྲས་པ། དཔག་བསམ་ཤིང་ལ་འདོད་ཡོན་བསམ་ཡས་ཀྱང་། །བསོད་ནམས་དབང་གིས་ལྷ་ལ་ཡོངས་སུ་གྲུབ། །གཞན་ལ་ཡོད་ན་སྐམས་ཤིང་མེད་པར་འགྱུར། །དེ་བས་ཁྱེད་ལ་ལྗོན་ཤིང་ངེད་མི་སྟེར། །ཞེས་སྨྲས་པ་དང་། སླར་ལྷ་ལ་སྨྲས་པ། 
ཐུན་མོངས་ལས་གྲུབ་བདེ་ལྡན་ལྗོན་པའི་ཤིང་། །ལྷ་ཡིས་དབང་བྱས་ངེད་ལ་མི་སྟེར་ན། །འཇིག་རྟེན་སྲེག་པའི་མཚོན་གྱི་ཆར་ཕབ་ལ། །ལྷ་དང་ལྷ་མིན་གཡུལ་ཆེན་འགྱེད་ཅེས་ཟེར། །ཅེས་སྨྲས་ཏེ། སླར་ཡང་སོང་ནས་ལྷ་མ་ཡིན་གྱིས་དམག་དྲངས་སོ། །གླང་པོ་ཆེས་སྲུངས་ཀྱི་
མགོ་སུམ་བཅུ་རྩ་གཉིས་ལ་གནོད་སྦྱིན་སུམ་བཅུ་རྩ་གཉིས་ཞོན་ཏེ། དབུས་ཀྱི་མགོ་ལ་དབང་པོ་ཐག་ཟངས་རིས་ཞོན་ཏེ། གླང་པོ་ཆེའི་སྣ་ལ་ཀ་མ་ལ་ནག་པོ་བཏགས་ཏེ། ལྷ་མ་ཡིན་གྱི་དམག་བྱེ་བ་དུང་ཕྱུར་གྱིས་བསྐོར་ཏེ། རྫུ་འཕྲུལ་གྱི་ནམ་མཁའ་ལ་མཚོན་གྱི་ཆར་ཆེན་པོ་
མེ་ལྕེ་འབར་བ་འདྲ་བའི་ཆར་འབེབས་ཏེ་དམག་དྲངས་སོ། །དེ་ནས་ཆོས་བཟང་ཞེས་བྱ་བའི་གདན་སར་ལྷ་རྣམས་འཚོགས་ཏེ། འཐབ་པར་བརྩམས་པ་དང་། དང་པོ་ལྷ་རྣམས་ཀྱིས་ཁྲོ་མ་ཤེས་ནས་རྩུབ་འགྱུར་གྱི་ཁང་པ་ན། ཁྲོ་བོ་ལངྐ་ནག་པོ་ཁྲོས་པའི་ཁ་ཆུ་ཁྲོ་ཆུའི་རྫིང་བུ་
བདུན་འཁྱིལ་བ་ལས་འཐུངས་སོ། །དེར་ལྷ་རྣམས་ཞེ་སྡང་སྐྱེས་ཏེ་ཤིན་ཏུ་ཁྲོ་བར་གྱུར་ནས། བཟོའི་ལྷ་བི་ཤོ་ཀར་མས་ནུབ་གཅིག་ལ་གསེར་ཁྲབ་བྱེ་བ་ཕྲག་དགུ་འབུམ་རང་བརྡུངས་སོ། །ལྷ་མ་ཧཱ་ཀྲོ་དྷས་ནུག་གཅིག་ལ་མཚོན་རལ་གྲི་དང་། འཁོར་ལོ་དང་། ཐོད་པ་དང་། 

104-1-208a

ལྕགས་ཀྱུ་དང་། དགྲ་སྟ་དང་། མདུང་རྩེ་གསུམ་པ་བྱེ་བ་ཕྲག་དགུ་ཁྲི་དགུ་འབུམ་རང་བརྡུངས་སོ། །དུས་དེ་ཙམ་ན་ལྷ་རྣམས་གོ་མཚོན་ཐོགས་ཏེ། གླང་པོ་ཆེ་རབ་ཏུ་བརྟན་པའི་མགོ་སུམ་བཅུ་རྩ་གཉིས་ལ་ཉེ་དབང་སུམ་བཅུ་རྩ་གཉིས་ཞོན། དབུས་ཀྱི་མགོ་བོ་ལ་ལྷའི་
དབང་པོ་བརྒྱ་བྱིན་ཞོན། ལྷ་དམག་བྱེ་བ་དུང་ཕྱུར་གྱིས་མཐའ་བརྟེན་ཏེ། གླང་པོ་ཆེའི་སྣ་ལ་རལ་གྲི་བཏགས་ནས་ལྷ་དང་ལྷ་མ་ཡིན་གཉིས་གཡུལ་བཀྱེའོ། །དུས་དེ་ཙམ་ན་ལྷས་མཚོན་རྒྱབ་པ་རྣམས་ནི། ཁྲག་གར་ཕོག་པ་ལ་བདུད་ཀྱི་དམག་མི་ཁྲི་ཁྲི་ཙམ་དུ་འཕེལ་ལོ། །ལྷ་མ་ཡིན་
གྱིས་མཚོན་བརྒྱབ་པ་ལ་ནི་ཁྲག་ལ་དམག་མ་འཕེལ་བར་ཤིའོ། །དེར་ལྷ་ཐམས་ཅད་གཏིང་འཕམ་སྟེ། ལྷ་མ་ཡིན་རབ་ཏུ་རྒྱལ་བའི་དུས་སུ། ཕྱག་ན་རྡོ་རྗེ་ཉིད་ཀྱིས་ལྷ་རྣམས་རྒྱལ་བར་བྱ་བའི་ཕྱིར། དཔལ་བེའུ་དབུས་ནས་ཧཱུྃ་མཐིང་ནག་འབར་བ་གཅིག་སྤྲུལ་ཏེ། ལྷ་བིཥྞུ་རཱ་ཛའི་
དཔལ་བེའུ་དབྱིངས་སུ་ལྕགས་ཀྱི་འཛེར་བ་ཅིག་ཏུ་གྱུར་ཏོ། །མཛེར་པ་གཏོལ་བའི་ནང་ནས་བུད་མེད་སྔོན་མོ་དབུ་སྐྲ་བཻ་ཌཱུརྱའི་ཆུན་འཕྱངས་ཅན། མིག་ཨུཏྤ་ལའི་འདབ་མ་འདྲ་བ། མཚན་དང་དཔེ་བྱད་དུ་ལྡན་པ་ཅིག་བྱུང་ངོ་། །དེ་ལ་ལྷ་རྣམས་ཀྱིས་མིང་བཏགས་པ། ལྷ་མོ་ཨུ་མཱ་དེ་
བཱ་བྱ་བར་བཏགས། ལྷའི་བུ་མོ་དེ་ཀུན་གྱི་ཆུང་མར་འདོད་པ་ལ། ནམ་མཁའ་ལ་ཕྱག་ན་རྡོ་རྗེས་ངའི་སྤྲུལ་པའི་ཚིགས་བཅད་འདི་བསྒྲགས་སོ། །ལྷའི་རྒྱལ་སྲིད་མཐོ་ཞིང་བརྟན་པ་དང་། །རིས་དྲུག་སེམས་ཅན་དགེ་ལ་དགོད་པ་དང་། །ལྷ་མིན་བདུད་ཀྱི་གཡུལ་ཆེན་བཟློག་པའི་
ཕྱིར། །དབང་ཕྱུག་ལྷ་ལ་ཨུ་མཱ་ཆུང་མར་བྱིན། །ཞེས་བསྒྲགས་སོ། །དུས་དེའི་ཚེ་ན་འཛམ་བུའི་གླིང་གི་ནུབ་བྱང་མཚམས། ཡཀྵ་ཀ་མ་ལ་འབར་བའི་དུར་ཁྲོད་ན། ལྷ་མ་ཧཱ་དེ་བ་དགེ་སློང་གི་ཆ་ལུགས་སུ་འགོག་པའི་བརྟུལ་ཞུགས་དྲག་པོ་ལ་ཞུགས་པའི་དྲུང་དུ་ཨུ་མཱ་དེ་བཱ་
ཁྲིད་ནས་ཞག་བདུན་ཕྲག་བདུན་དྲོད་ལ་བཙས་པས།   འདོད་པའི་འཁྲིག་པ་སྤྱད་དོ། །འཁྲིག་པ་སྤྱད་པའི་དབང་གིས་བར་སྣང་ལ་གཟའ་དང་སྐར་མ་བྱུང་ངོ་། །དེར་ལྷ་མོ་ཨུ་མཱ་དེ་ལ་བུ་ཚ་མིང་སྲིང་གཉིས་སྐྱེས་སོ། །མིང་པོ་ནི་གཤིན་རྗེ་མ་ཧཱ་ཀཱ་ལ་ཞེས་གྲགས་སོ། །སྲིང་
མོ་ནི་ལྷ་མོ་དམར་མོ་ཙ་མུཎྜི་ཞེས་བྱ་བར་གྲགས་སོ། །གཤིན་རྗེ་མིང་སྲིང་དེ་གཉིས་ཆོས་བཟང་ལྷའི་མདུན་སར་ཁྲིད་ནས་ཕྱིན་ཏོ། །དེ་ནས་ཕྱག་ན་རྡོ་རྗེ་ཉིད་ཀྱིས། གཤིན་རྗེའི་མིང་སྲིང་ལ། མ་ཧཱ་ཡཀྵ་བདུད་ལས་རྣམ་པར་རྒྱལ་བའི་དབང་བསྐུར་ཏེ། སྔར་བཞིན་དུ་ལྷ་དང་ལྷ་མ་

104-1-208b

ཡིན་གཉིས་གཡུལ་ཆེན་པོ་བཀྱེའོ། །དེ་ནས་གཤིན་རྗེ་མ་ཧཱ་ཀཱ་ལས། ལག་ན་གསལ་ཤིང་རི་རབ་ཙམ་གཅིག་གིས། ལྷ་མ་ཡིན་གྱི་གཡུལ་ངོར་དྲིལ་བས་གཡུལ་བཟློག་གོ། ཙ་མུཎྜིའི་རལ་གྲི་མེ་ལྕེ་ཕྲེང་བ་ཞེས་བྱ་བས།  ལྷ་མ་ཡིན་ཧེ་ར་ཎ་ཀེ་ཤུའི་མགོ་བཅད་དོ། །དེ་ནས་ལྷ་
དམག་མང་པོས་ཀྱང་ལྷ་མ་ཡིན་ལ་མཚོན་ཆའི་ཆར་ཕབ་ནས། ཁྲག་རྣམས་དམག་མིར་སྤྲུལ་པ་འདྲ་སྟེ། ལྷ་མོ་ཙ་མུཎྜིས་ཧེ་ར་ཎ་ཀེ་ཤུའི་ཐོད་པས། ཁྲག་བཅུས་ཤིང་རོལ་པས་འཕེལ་མ་ནུས་པར་བྱེད་ཀྱིན་མཚོན་གྱི་ཆར་ཕབ་ནས། ཙ་མུཎྜིའི་ལྟེ་བ་ལ་ལྷ་བྱེ་བ་དུང་ཕྱུར་རྣམས་ཀྱི་རྫོང་
བྱས་པས་འཐབས་སོ། །ལྷ་དམག་དཀར་པོ་རྒྱལ་བར་བྱས་ཤིང་དཔག་བསམ་ཤིང་གི་མངའ་བདག་ཏུ་གྱུར་ཏེ། རྣམ་པར་རྒྱལ་བའི་ཁང་གཟངས་ཡང་རང་བྱུང་དུ་ཡོད་དོ། །ལྷ་མ་ཡིན་འཕམ་པར་གྱུར་ཏོ། །བརྒྱ་བྱིན་ཉོན་ཅིག །དེ་ནས་ལྷའི་བུ་མོ་ཙ་མུཎྜི་དེས། རི་ཁྲོད་ཆེན་པོ་
མདངས་དགའ་ཞེས་བྱ་བར། ཤིང་རི་ཁྲོད་ཞེས་བྱ་བའི་ལོ་མ་གྱོན་ནས། ལོ་བདུན་དུ་འཕགས་པ་མི་ཕམ་པའི་གཟུངས་བཟླས་པས། ལྷ་མོ་པརྞྞ་ཤ་བ་རི་རི་ཁྲོད་ལོ་མ་ཅན་ཞེས་བྱ་བར་གྱུར་ཏོ། །དེ་ནས་ལྷ་མོ་དེས་གླུ་དུང་གི་མཛེར་པ་ཅན་ཞེས་བྱ་བའི་བྱང་ཆུབ་སེམས་དཔའ་དེ་
བྱ་ཁྱུང་ཀ་རུ་ཎ་ཞེས། ལྷ་མོ་པརྞྞ་ཤ་བ་རི་དེས་བྱ་ཁྱུང་བརྟུལ་བས་ཀླུ་བསྐྱངས་ཏེ། ལྷ་མོ་དཀར་མོ་དུང་སྐྱོང་མ་ཞེས་བྱ་བར་གྱུར་ཏོ། །ལྷ་མོ་དུང་སྐྱོང་མ་དེ་ནི་རི་རབ་རྩེ་མོ་རྣམ་པར་རྒྱལ་བའི་ཁང་བཟངས་རྩེ། བྱང་ཤར་གྱི་མཚམས་བྱང་ཆུབ་ཀྱི་ཤིང་དྲུང་ན། རིན་པོ་ཆེའི་
ཁང་པ་བདུན་བརྩེགས་ཀྱི་གཞལ་ཡས་ཀྱི་ཁང་ན། རིན་པོ་ཆེའི་ཁྲི་སྟེངས་ན། གསེར་དངུལ་བཻ་ཌཱུརྱའི་དབུ་རྒྱན་དང་མགུར་ཆུས་བརྒྱན་ཏེ། ལུས་འགྱིང་བག་ཏུ་བཞུགས་སོ། །ལྷའི་བུ་དང་བུ་མོ་མང་པོས་ཀྱང་ལོངས་སྤྱོད་དང་།  གླུ་དང་དབྱངས་དང་། རོལ་མོ་བསམ་
གྱིས་མི་ཁྱབ་པའི་མཆོད་པ་བྱེད་དོ། །བརྒྱ་བྱིན་ཉོན་ཅིག །དེ་ནས་ཡུལ་ལངྐ་པུ་རི་རུ་སུ་སྲིན་པོའི་གྲོང་ཁྱེར་བདུན་འབུམ་ཡོད་པ་ལ། ལྷ་རྣམས་ཀྱིས་སྐྱོན་ཕབ་སྟེ། སྲིན་པོ་དཱ་ཤཱ་གྲཱི་བ་དང་། དེའི་སྲིང་མོ་རྣ་ལ་རྩེ་གཉིས་ལུས་སོ། །དེ་ནས་སྲིན་པོ་ད་ཤ་གྲཱི་
བས། ལྷ་དང་མི་འདུལ་འདོད་པའི་དོན་ཆེད་དུ། སྲིང་མོ་ལྷ་མ་ཧཱ་དེ་བ་ལ་བཙུན་མོར་ཕུལ་ལོ། །དེ་ནས་ལྷ་དབང་ཕྱུག་མ་ཧཱ་དེ་བ་དང་། སྲིང་མོ་རྣ་ལ་རྩེ་གཉིས་ཚོགས་པ་ལས། ཕས་ནི་ཁྱེའུར་སྨོན་ལམ་བཏབ།  མས་ནི་བུ་མོར་སྨོན་ལམ་བཏབ། མའི་སྨོན་

104-1-209a

ལམ་མཐུ་བཙན་པས། ཡ་མཚན་ཅན་གྱི་བུ་མོ་གཅིག་བྱུང་། ཕ་ཁྲོས་པས་ཐལ་ཁུང་དུ་བོར་རོ། །མས་སླར་བླངས་ནས་ལུས་ཀྱི་དྲོད་ལ་བཙས་ནས། ཨཱ་ཡུ་བྷྲུྰྃ་ཞེས་ཚེ་དྲངས་གསོས་ཏེ། ཕས་མིང་བཏགས་པ་སྦས་པའི་ཐལ་མདོག་མར་མིང་བཏགས། 
མས་མིང་མི་ཕམ་ཁྲོ་གཉེར་རོ་ལངས་མར་མིང་བཏགས། གནོད་སྦྱིན་ལག་ན་རྡོ་རྗེས་དམོད་བཙུགས་ནས་མིང་བཏགས་པ། དུས་ཐམས་ཅད་དུ་ནག་མོ་རེ་མ་ཏི་ཞེས་བྱ་བར་གྲགས་པར་གྱུར་ནས། སངས་རྒྱས་ཀྱི་བསྟན་པ་བསྲུང་བའི་ནུས་མཐུ་དང་ལྡན་པར་གྱུར་ཅིག་ཅེས་མིང་
དུ་བཏགས་པའི་ཚེ། བར་སྣང་གི་ལྷ་མ་སྲིན་སྡེ་བརྒྱད་པོ་ཡོངས་ཀྱིས་ཀྱང་དེ་ལྟར་གྱུར་ཅིག་ཅེས་བཟླས་སོ། །དེ་ནས་སྐྱེ་བ་ཐམས་ཅད་དུ་ནག་མོ་རེ་མ་ཏི་ཞེས་བྱ་བར་གྲགས་སོ། །ལྷ་མོ་དུང་སྐྱོང་མས་མིང་བཏགས་པ་ནི། སྲིན་མོ་དམར་འདབ་ཕུར་བའི་ལྷ་གསེར་ཅན་
ཞེས་བྱ་བར་མིང་བཏགས་སོ། །དུས་དེར་སྲིན་པོ་ད་ཤ་གྲཱི་བ་དེས། ང་ནི་ལྕེབ་པོ་ལྕེབ་བོའི་སྒྲས་འཇིག་རྟེན་དུ་གྲགས་སོ། །སྲིང་མོ་དང་རྣ་ལ་རྩེ་གཉིས་ཀྱིས་མིང་པོ་མ་ལྕེབ་པར་ཅི་འདོད་པ་ང་ལ་སྨྲོས་ཤིག་ཅེས་གསོལ་ཏོ། །ད་ཤ་གྲཱི་བས་གསོལ་བ། ང་ནི་ལྷ་མོ་དུང་སྐྱོང་
འདོད་དོ་ཞེས་གསོལ་ཏོ། །སྲིང་མོས་སྨྲས་པ་ངའི་ནུ་མོ་ཕུར་པའི་ལྷ་འདི་ནི་ལྷ་མོ་དུང་སྐྱོང་གི་ཁོལ་མོ་བྱེད་དུ་གསོལ་ཏེ། དེ་ནས་གདོད་བསླུའོ་ཞེས་སྨྲས་སོ། །དེ་ནས་རྣ་ལ་རྩེ་ཡིས་བུ་མོ་ཁྲིད་ནས་དཀར་མོ་དུང་སྐྱོང་གི་གཡོག་ཏུ་ཕུལ་ལོ། །དེ་ནས་རེ་མ་ཏིས་དཀར་མོ་དུང་སྐྱོང་
ལ་འདི་སྐད་ཅེས་གསོལ་ཏོ། །ཀྱེ་ཆེ་ཞེ་ཆེན་མོ་རིགས་ཀྱི་ཡུམ། །བདག་ཉིད་ཆེན་མོ་ག་གར་མ། །དབུ་བཟངས་རིན་ཆེན་ཐོར་ཙུགས་ལ། །བཻ་ཌཱུར་སྔོན་མོ་འོད་ལམ་ལམ། །ཞལ་བཟངས་པདྨའི་དཀྱིལ་འཁོར་དུ། །ཉི་ཟླ་ཕྲུགས་གཅིག་བརྒྱན་བཀོད་དེ། །ཚེམས་བཟངས་
དུང་ལ་ལྗགས་བཟངས་མེ། །ཁྱོད་འདྲ་འཇིག་རྟེན་ཁམས་ན་མེ། །བདག་ནི་ཁྱོད་ཀྱི་གཏན་འབངས་བགྱི། །ཁྱོད་ཀྱིས་བདག་ལ་ཐུགས་བརྩེར་དགོངས། །བདག་ཀྱང་གློ་བ་ཉེ་བར་བགྱི། །ཅེས་གསོལ་ཏོ། །དེ་ནས་ལྷ་མོའི་གཡོག་མོ་བྱས་ནས་གློ་བ་ཉེ་བར་བྱས་ཏེ་ལྷ་མོའི་ཡིད་ལ་ཅི་འདོད་
པ་དགོས་པ་བྱས་སོ། །དེ་ནས་ལྷ་མོ་ཡང་ཁོ་མོ་དེ་ལ་དགྱེས་ནས་གཅེས་པར་བྱེད་དེ། དེའི་ཚེ་དེའི་དུས་ན་ཡུལ་ལངྐ་ཀ་པུ་རི་རུ། སྤྲེའུ་འབལ་ལེ་དང་མགྲིན་བཟངས་འཐབས་པ་ལ་ལྷ་ཐབས་ཅད་ལྟད་མོ་ལ་འགྲོ་བས། ལྷ་མོ་ཨུ་མཱས་བུ་མོ་དུང་སྐྱོང་མ་ལ་འདི་སྐད་ཅེས་སྨྲས་སོ། །

104-1-209b

དེ་རིང་ཁྱོད་ཀྱི་གན་དུ་སུ་འོངས་པས་ཁྱོད་བསླུ་སྟེ་འོང་བས། དེ་ལ་མ་ལྟ་ཅིག་ཅེས་བསྟན་ཙམ་ན། ཁོལ་མོས་སྐབས་དེར་ད་ཤ་གྲཱི་བ་ལ་སྦྲན་ནོ། །དེར་སྲིན་པོ་ད་ཤ་གྲཱི་བས། སྲིན་གྱི་བོང་བུ་དམར་གྭ་ལ་ཞོན་ནས། ལྷ་མོའི་ཕོ་བྲང་སྒོར་ཕྱིན་ཏེ་སྲིན་པོ་ཁོ་བདག་ནི་མིའི་ཆ་བྱད་ལ་ཤིན་ཏུ་གཟུགས་བཟང་ལ་མཛེས་པ་
གཅིག་ཏུ་སྤྲུལ། བོང་བུ་ནི་རི་དགས་གྭ་དོར་སྨུག་པོ་ཅིག་ཏུ་སྤྲུལ་ཏེ། ལྷ་མོ་དུང་སྐྱོང་མའི་སྤྱན་སྔར་ཕྱིན་ནས། རོལ་མོའི་སིལ་སྙན་དང་གླུ་དབྱངས་སྣ་ཚོགས་བྱས་པས་བསླུས་སོ། །ལྷ་མོ་རོལ་མོ་ལ་དགའ་བས་འཛུམ་ཅིག་ཤོར་རོ། །དེ་ནས་སྲིན་པོས་གླགས་རྙེད་དེ། 
ལྕགས་ཀྱི་ལྷམ་སྒྲོག་སྔོན་པོ་བཀྲོལ་ནས་བཟུང་སྟེ་གླུ་འདི་སྐད་བླངས་སོ། །ཀྱེ་ཡོངས་འདུ་ཤིང་གི་གནས་མཆོག་ན། །རིན་ཆེན་མཛེས་པའི་ཕོ་བྲང་ནས། །བདེ་ལྡན་འཕྲུལ་གྱི་ལྡིང་ཁང་ན། །འགྱིང་བག་ཚུལ་དུ་གར་མཛད་པ། །དབང་ཕྱུག་སྲས་མོ་མ་ལགས་སམ། །
དགའ་བྱེད་དུང་སྐྱོང་མ་ལགས་སམ། །ལྷ་མོ་མང་པོའི་ཚོགས་དང་རོལ། །དབུའི་སྙན་ཆ་གདུབ་འཁོར་ནི། །རིན་ཆེན་མཛེས་པས་ཀུན་ནས་སྤྲས། །སྤྱན་ནི་ཨུཏྤ་ལ་འདབ་མ་འདྲ། །ཤངས་ནི་བིལ་བའི་འབྲས་བུ་འདྲ། །ཞལ་ནས་ཨུཏྤལ་ངད་ཀྱང་བྲོ། །སྐུ་ནི་འཁྲིལ་ལྡེམ་གཞོན་
ཚུལ་འདྲ། །གསུང་ནི་ཚངས་པའི་དབྱངས་སྙན་མཆོག །ནུ་འབུར་སྟོད་སྨད་ཕྱེད་པས་འགྱིང་། །ཁྱོད་འདྲའི་སྐུ་ནི་གཞན་ན་དཀོན། །ལྷའི་ལོངས་སྤྱོད་མཛེས་པས་མི་བྲེལ་ཡང་། །ཞབས་ཀྱི་ཆས་སུ་ལྕགས་སྒྲོག་འདི་འབུལ་ཞེས། །ཅི་མཛད་ཅི་སྡུག་ཅི་ཡང་གསུང་བ་
སྙན། །ཁམས་གསུམ་དག་ན་ཁྱོད་འདྲ་ཤིན་ཏུ་དཀོན། །སེམས་ཅན་ཀུན་གྱིས་ལྟ་བས་མི་ངོམས་ཁྱོད། །བདག་གིས་དབུལ་འདི་བཞེས་པར་གནང་བར་མཛོད། །ཅེས་ཕུལ་བ་ལ། ལྷ་མོས་ལྕགས་སྒྲོག་བླངས་སོ། །དེ་ནས་རང་གི་རྐང་པ་གཡས་པ་ལ་དཀྲིས་ཏེ་རྒྱན་
བྱས་སོ། །དེ་ནས་ཁོལ་མོ་དེས། ཇོ་མོ་དུང་སྐྱོང་མ་ལ་ཞུས་པ། ཀྱེ་ཇོ་མོ་བདེ་མཆོག་དུང་སྐྱོང་མ། བདག་ཞུ་བ་གཅིག་མཆིས་ན་གནང་ངམ་བྱས་པ་ལ། ཇོ་མོ་ན་རེ་ཁྱོད་གློ་བ་ཉེ་བས་ཅི་ཞུས་པ་གནང་ངོ་ཟེར་རོ། །དེ་ནས་ལྷ་ནི་ངག་བདེན་པའི་སྡོམ་པ་ཡོད་པས། ཇི་སྐད་སྨྲས་པ་ལྟར་བྱེད་
པ་ཡིན་ནོ། །དེ་ནས་ཁོལ་མོས་གསོལ་པ། ཀྱེ་བདག་གི་ཡུན་གྱི་རྗེར་གྱུར་དུང་སྐྱོང་མ། །ཁྱོད་འདྲ་འཇིག་རྟེན་གཞན་ན་མེད། །འགྲོགས་པས་ཟླ་མེད་སྐར་མ་གཅིག་ཤར་འདྲ། །དེང་འདིར་མཆིས་བས་ལྕགས་སྒྲོག་འབུལ་མཁན་དེ། །གཏན་གྱི་གྲོགས་ཟླར་མཛད་པར་ཞུ་བ་

104-1-210a

འབུལ། །བདག་ཀྱང་རྟག་ཏུ་ཁྱོད་ཀྱི་བྲན་མོ་བྱེད། །ཞེས་ཞུས་པ་ལ། ལྷ་མོ་དེས་སྔར་ཁས་བླངས་པ་དེས་མི་བྱ་བའི་དབང་མེད་ནས། ལྷ་མོ་ན་རེ་ཁྱོར་བྱའི་མི་དེ་གང་ན་འདུག །སུ་ཡིན་བྱས་པ་ལ། ཁོལ་མོས་སྨྲས་པ། དེ་ནི་བདག་གི་ཞང་པོ་སྲིན་པོ་ད་ཤ་གྲཱི་
བ་ཡིན། ཡུལ་ལངྐ་པུ་ར་ན་འདུག་ཅེས་སྨྲས་པ་དང་།  དེ་ནས་དུང་སྐྱོང་མ་དབང་མེད་དུ་སྲིན་པོའི་ཆུང་མར་སོང་ངོ་། །དེ་ནས་ལྷ་མོ་ཨུ་མཱས་བུ་མོ་དུང་སྐྱོང་མ་ལ་དམོད་པ་བོར་བ་ངའི་བུ་མོ་རབ་ཏུ་གཅེས་པར་བྱས་ཏེ། ལྷའི་ལོངས་སྤྱོད་མཛེས་པས་མི་བྲེལ་ཡང་། །ང་ལ་
གསངས་ནས་སྲིན་པོའི་ཆུང་མར་སོང་། །ཕྱིན་ཅད་བུ་མོ་ཁྱོད་ཀྱང་སྲིན་དང་འགྲོགས། །མི་ཤ་ཟ་ཡི་ཞིང་མི་ལྤགས་གྱོན་པར་གྱུར། །སྲོག་གཅོད་བྱེད་ཅིང་མི་ཡི་ཐོད་ཁྲག་ཐོགས། །བོང་བུ་ཞོན་ལ་ལྷའི་ཁ་དོག་ཉམས། །སྲིན་གྱི་ཁ་དོག་ནག་ལ་འཇིགས་པར་ཤོག །
དེ་ཡི་ཁོལ་མོ་རེ་མ་ཏི་ཁྱོད་ཀྱང་། །ང་ཡི་བུ་མོ་བསླུས་ཏེ་སྲིན་ལ་བྱིན། །ཁྱོད་ཀྱང་མི་སྡུག་འཇིགས་པའི་གདོང་དུ་གྱུར། །ཚེ་རབ་ཀུན་ཏུ་ཁྱོ་དང་མ་ཕྲད་ཅིག་ཅེས་དམོད་པ་བཅུ་གཉིས་པ་བོར་རོ། །དེ་ནས་བུ་མོ་ལ་མའི་དམོད་པས་བསྡིགས་ནས་ལྷའི་ཁ་དོག་
དཀར་པོ་ཉམས་ཏེ་མཐིང་ནག་ཏུ་གྱུར། མི་ཤ་ཟ་མི་ཁྲག་འཐུང་། མི་ལྤགས་གྱོན་བོང་བུ་ཞོན། གཅེར་བུར་བུད་ནས་འདུག་གོ། བུ་ནི་སྲིན་པོ་ཕྲུ་གུ་སེང་གེ་ཟླ་དང་། མེ་ཏོག་ཅོད་པན་དང་། གངས་ཅན་དང་། མཆེ་བ་བདུན་པ་ལ་སོགས་པ་ལྔ་བརྒྱ་སྐྱེས་ཙམ་
ན། ཁྱོ་སྲིན་པོ་ད་ཤ་གྲཱི་བ་ཤིའོ། །དེ་ནས་བུ་མོ་དུང་སྐྱོང་མ་ཡང་ཡུགས་སའི་ཆ་ལུགས་བྱས་ཏེ། སྐྲ་མདུན་སྐྲ་ལན་བུ་གཅིག་ལ་བླས་སོ། །བྲན་མོ་ཕུར་བའི་ལྷ་ཡང་དམོད་པ་སྡིག་པས། སྲིན་གྱི་ཕག་རྫི་བྱེད་ཙམ་ན། ཕག་རྫི་དུན་བུ་སྲིན་བྱ་བས་མོ་ལ་
དབང་མེད་དུ་ཆགས་པ་སྤྱད་དོ། །དེ་ནས་ཕུར་པ་ལྷ་ཡང་ནལ་བུ་སྦྲུམ་མོ། །དེ་ནས་དཔོན་གཡོག་གཉིས་ཀྱིས་སྲིན་པོའི་བོང་བུ་བརྐུས་པ་ཞོན་ནས། ད་ཤ་གྲཱི་བའི་རལ་གྲི་སྡིག་པ་ཅན་བརྐུས་པ་གཡས་ན་ཐོགས། སྲིན་པོའི་ནོར་བུ་རིན་པོ་ཆེ་བརྐུས་ནས་
ནེའུ་ལེའི་རྐྱལ་བུར་སྦས་ནས། ལག་པ་གཡོན་དུ་ཐོགས་ནས་བྲོས་སོ། །ཕྱི་ནས་སྲིན་པོའི་དམག་གིས་བསད་ཀྱིས་དོག་ནས། བོང་བུ་བསྐྱོད་ནས་ཁ་ཕྱིར་བསྟན་ཏེ། ཕྱི་ན་སྲིན་པོ་བྱ་ར་བྱེད་ཅིང་ཕྱིན་ནོ། །ཐ་མར་དུར་ཁྲོད་གཅིག་ཏུ་ཕྱིན་ན་སྐྱེས་པ་གཡུལ་

104-1-210b

དུ་བསད་པའི་རོ་གཅིག་དང་ཕྲད་དོ། །དེ་ནས་ཁོང་གཉིས་ཤ་དེ་བསྲེགས་ནས་ཟ་འདོད་པ་ལ་གཙུབ་ཤིང་མེད་ནས། རྒྱ་མཚོའི་འགྲམ་ན་རྡོ་སོལ་གྱི་རི་ལ་ཆར་བབ་ནས་མེ་འབར་བ་མཐོང་ནས་རྡོ་སོལ་མེ་བླངས་ནས་ཤ་བསྲེགས་ནས་ཟོས་སོ། །ཕྱི་ན་ཁྱི་དཀར་
པོ་གཅིག་འབྲང་བ་ཡང་བསད་ནས་ཟོས་སོ། །ལྤགས་པ་ལ་རྒྱལ་མཚན་བྱས་སོ། །དེ་ནས་ཁོལ་མོ་རེ་མ་ཏི་ལ་ནལ་ཕྲུག་སྐྱེས་སོ། །ཁོང་གཉིས་ཀྱིས་ནལ་ཕུག་གི་ཤ་ཡང་ཟོས་སོ། །དེ་ནས་ཇོ་མོས་བོང་བུ་ལ་ཞོན་ཁོལ་མོས་ཁ་ཁྲིད་བྱས་ནས་རྒྱ་མཚོའི་
ཁར་ཕྱིན་ནས། གཤིན་རྗེ་རླུང་གི་འཁོར་ལོ་ཅན་ཞག་བདུན་བསྒོམས་པས། རླུང་ནག་ཚུབ་མ་ནག་པོ་གཅིག་དྲུང་དེར་གྲུབ་བོ། །དེ་ནས་ལྷ་མོ་དཔོན་གཡོག་གཉིས་ཀྱིས། སྣང་སྲིད་ཀྱི་ལྷ་འདྲེ་མཐུ་བོ་ཆེ་པོས་ནས་སྨོན་ལམ་བཏབ་པ། ང་ཡང་ཚེ་འདི་
འཕོས་མ་ཐག་ཏུ་གསང་སྔགས་ཀྱི་གྲུབ་པ་ཐོབ་ནས་རྒྱལ་བའི་ཞལ་མཐོང་སྟེ། འདོད་པའི་ཁམས་ཀྱི་དབང་ཕྱུག་མར་ཤོག་ཤིག །ངའི་བྲན་མོ་ཕུར་པའི་ལྷ་འདི་ཡང་དུས་ཐམས་ཅད་དུ་ངའི་འབངས་ཀ་མ་ལར་ཤོག་ཤིག །ནོར་དུ་མི་མགོ་ལ་
ལོངས་སྤྱོད་པར་ཤོག་ཤིག །ཞོན་པ་བོང་བུ་ལ་བྱེད་ལ། ལག་ཆ་རལ་གྲི་ལ་བྱེད་བར་ཤོག་ཤིག་ཅེས་སྨྲས་སོ། །རྒྱ་མཚོ་སྐོར་ཞིང་རླུང་ཚུབ་མ་ལ་བཱ་ཡ་བེ་བཱ་ཡ་བེ་ཞེས་བོས་ཙམ་ན། ཚུབ་མ་བྱུང་བས་དཔོན་གཡོག་གཉིས་ཀ་རྒྱ་མཚོའི་ནང་དུ་བསྐྱུར་ཏེ་བཏང་
ངོ་། །དེ་ནས་ལྷ་མོ་དུང་སྐྱོང་མ་དེས་མི་ཤ་ཟོས་པའི་མཐུ་དང་། རང་གི་སྨོན་ལམ་གྱི་དབང་གིས། རྒྱ་མཚོའི་འགྲམ་དུ་དུར་ཁྲོད་ཆེན་པོ་རོའི་ཚལ་ཞེས་བྱ་བར། གཤིན་རྗེའི་ལྷ་མཐུ་ཅན་གྱི་བུ་མོར་སྐྱེས་ཏེ། གནོད་སྦྱིན་མ་ཆེན་མོ་ལ་ཁ་དོག་མཐིང་ནག་ལ་
རབ་ཏུ་འཇིགས་པ། མིག་རྩ་དམར་བ་མཆེ་བ་ཟང་ཡག་ལ་རལ་པ་ཏིང་ཟ་བང་དུ་འདུག་པ་ཅིག་ཏུ་གྱུར་ཏེ། གཤིན་རྗེ་མཱ་རུ་རྩེ་དང་སྦྱོར་བ་བྱས་པ་ལ་བུ་བདུད་ཁྲམ་ནག་པོ་བྱ་བ་བྱུང་། བོང་བུ་ཡང་དམར་གྭ་ལ་གཡུའི་རྣ་བ་ཅན་རླུང་གི་གཤོག་པ་ཅན། 
མིག་འཇུག་མར་ལ་ཡོད་པ་ཅིག་ཏུ་བྱུང་ནས་ནོར་སྐལ་བྱེད་དོ། །དེ་ནས་ཁོལ་མོ་རེ་མ་ཏི་རོ་ལངས་མ་འདི་ནི་སྐྱེ་བ་གང་བླངས་ཞེ་ན། རྒྱ་མཚོའི་ནང་དུ་བུད་མེད་ལུས་པོ་ཕྱེད་སྐམས་ལ་ཆུ་སྲིན་གྱི་མགོ་ཅན་གཅིག་ཏུ་སྐྱེས་ཏེ།  མིང་ཡང་ཀླུ་མོ་གཞོགས་སྐམས་
104-1-211a

ཆུ་སྲིན་མགོ་ཀླུ་མོ་རེ་མ་ཏི་ཞེས་བྱ་བར་བཏགས་ནས། ཞག་དགུ་བཅུ་ན་ཚེ་འཕོས་ནས་། སྐྱེ་བ་བླངས་པ་ནི་ཡུལ་དྲི་ཟའི་གྲོང་ཁྱེར་གསེར་སྡིངས་སྐྱེད་མོས་འཚལ་ཞེས་བྱ་བ་ན། དུག་ཤིང་ནག་པོ་འགྱུར་མེད་ཀྱི་རྩ་བ་ན་བདུད་རི་ཏི་འགོང་ཉག་དང་། 
དྲན་པ་དབང་བྱེད་གཉིས་བྱི་བྱས་པ་ལ་ཞག་དྲུག་བཅུ་རྩ་གཅིག་ན་བུ་མོ་གཅིག་སྐྱེས་ཏེ། ཕས་ནི་སྲིད་པ་གསུམ་གྱི་བློ་འཕྲོག་མར་བཏགས། མས་མིང་བཏགས་པ་ནི་ཡ་ཚ་ན་འཕྲུལ་གྱི་གཤོག་པ་ཅན་དུ་བཏགས། བདུད་ཕོ་མོ་གཉིས་ཀྱིས་རང་གི་བུ་མོ་ལ་སྐྲ་ཉག་རེ་
ལ་གསེར་དང་། བཻ་ཌཱུ་རྱའི་ཆུན་འཕྱང་དང་། རིན་པོ་ཆེའི་དབུ་རྒྱན་དང་། ཉི་ཟླའི་ཐོད་རྡེང་དང་། ཐོད་པའི་མགུར་ཆུ་དང་། སྦྲུལ་གྱི་གདུ་བུས་བརྒྱན་ཏེ། བྱི་བྱས་པའི་ནལ་ཕྲུག་ཡིན་པས། བདུད་ཀྱིས་རིན་པོ་ཆེ་སྣ་ལྔའི་ཁང་པའི་དབུས་སུ་ཐོད་པའི་གཞལ་
ཡས་ཁང་བྱས། ཐོད་པའི་ནང་དུ་ཡང་ཐོད་འཕྲུལ་གྱི་ལྡིང་ཁང་གྲུབ། དེའི་ནང་དུ་ཁང་པ་བདུན་བརྩེགས་ཀྱི་བདུན་ཚོགས་ཀྱི་ནང་དུ། མི་རོ་འབུམ་གྱི་ཁྲི་སྟེངས་སུ་བུ་མོ་དེ་སུས་མ་མཐོང་སུས་ཀྱང་མ་ཚོར་བར་སྦས་ཏེ། སྒོ་སྨྲ་བོ་ལག་རིངས་དང་། ནམ་གྲུ་
ཁྲབ་ཐོགས་ཀྱིས་བཅད་དོ། །བདུད་ཀྱི་དམག་གི་རྒྱལ་མོ་དང་། གླིང་བཞིའི་རྒྱལ་མོ་དང་། ས་བདག་གི་རྒྱལ་མོ་དང་། དེ་རྣམས་ཀྱིས་ཁང་པ་དེ་རབ་ཏུ་སྲུང་ཞིང་འཁོད་དོ། །བརྒྱ་བྱིན་ཉོན་ཅིག །དེའི་ཚེ་ན་ལྷ་མོ་དུང་སྐྱོང་མ་ནི། སྔོན་གྱི་ཁོལ་མོ་རེ་མ་ཏི་རོ་
ལངས་མ་བདུད་ཀྱི་བུ་མོར་སྐྱེས་པ་བཀུག་ནས་ཁོལ་འདོད་པ་ལས། ཕྱག་ན་རྡོ་རྗེ་ངའི་གསང་སྔགས་བྱེ་བ་ཕྲག་བཅྭ་བརྒྱད་བཟླས་པས། གསང་སྔགས་དེའི་བྱིན་གྱི་བརླབས་ལས། མཁའ་འགྲོའི་ཏིང་ངེ་འཛིན་གྲུབ་པ་མོ། །ལག་ན་པདྨ་ཧེ་རུ་ཀ་ཐོགས་
པ་གཅིག་རང་བྱུང་བས། མ་བདུད་ཀྱི་ཡུལ་དང་ཕོ་བྲང་ཀུན་བྱིན་གྱིས་བརླབས་པའི་ཚེ་ན། བདུད་ཀྱི་རྒྱལ་པོ་དང་། བློན་པོ་དང་། འཁོར་རྣམས་དྲན་པ་མེད་པར་མྱོས་པར་གྱུར་ཏོ། །བདུད་ཀྱི་བུ་མོ་རེ་མ་ཏི་དེས་སྔོན་གྱི་ཇོ་མོ་ལྷ་མོ་དུང་སྐྱོང་མ་དྲན་པས། ཡིད་
ཕྱོགས་ཏེ་དུང་སྐྱོང་མའི་སྤྱན་སྔར་འགྲོ་འདོད་པའི་བསམ་པ་དྲག་པོ་བྱུང་ནས། བདུད་རི་ཏི་འགོང་ཉག་གི་མཚོན་བདུད་ཀྱི་ཁྲམ་བམ་ནག་པོ་དེ། བུ་མོ་རེ་མ་ཏིས་བརྐུས་ནས། ལག་པ་གཡས་སུ་ཐོགས། མའི་མཚོན་གྱིས་གྲུག་གུ་སྔོན་དམར་དེ་བརྐུས་

104-1-211b

ནས་ལག་པ་གཡོན་ན་ཐོགས་ནས། ནམ་ཕར་ཕྱེད་ཚུར་ཕྱེད་ན་ཇོ་མོ་དུང་སྐྱོང་མའི་གན་དུ་བྲོས་ཏེ་ཕྱིན་ནས། ལུས་གཅེར་བུར་འདུག་པ་ལ། ཁྱིམ་བདག་རབ་སྦྱིན་གསལ་གྱི་བ་རྫི་མོ་དམངས་རིགས་མོ་བྱ་ཧ་མུ་ཞེས་བྱ་བ་དེ་རེ་ལྡེ་ནག་པོ་གྱོན་ནས་འདུག་པ་དང་ཕྲད། མོས་
དམངས་རིགས་མོ་བསད་ནས་ཤ་ཟོས། པགས་པ་རྐེད་ལ་དཀྲིས། དེའི་གོས་རེ་ལྡེ་བཤུས་ནས་བདུད་མོ་ཉིད་གྱོན་ནས་ཕྱིན་ཙམ་ན། ལམ་ཁར་སྲིན་མོ་བུ་རྣ་ཤ་བའི་གསུར་ཁྲག །ནད་ཀྱི་རྫིང་བུ་ཅིག་ཡོད་པའི་ཁར་ཕྱིན་པ་ལས། བདུད་མོ་རེ་མ་ཏིས་སྐོམ་
ནས་ཐོག་ཅིག་འཐུངས་ཙམ་ན། ཁ་རླངས་ལས་ནད་དུ་སོང་བས། མོའི་ཁ་རླངས་གར་ཕོག་པས་རིམས་ནད་བྱུང་ངོ་། །དེར་མོ་རང་ཡང་ངོ་ཚ་སྐྱེས་ནས། སྔར་གྱི་དམངས་རིགས་མོ་བསད་པའི་རླུང་བུ་རྐེད་ལས་བཀྲོལ་ཏེ། ནང་ནད་ཀྱི་རྫིང་བུས་བཀང་ནས། ཁ་
སྦྲུལ་གྱིས་བཅིངས་ཏེ། མཆན་ཁུང་དུ་སྦས་ནས། སེམས་ཅན་ལ་གདུག་པར་བྱ་བར་བསམས་ཏེ། ཕྱིན་ཙམ་ན། བཙན་སྐྱ་རྡོ་རྗེ་ཟླ་བ་དང་ཕྲད་པ་ན་དེ་བདུད་མོ་ཆེན་མོ་ཆགས་པ་སྤྱད་དགོས། རྔན་པ་ཡང་སྦྱིན་ཟེར་ནས། མོ་བཟུང་ནས་ཆགས་པ་སྤྱད་པའི་ཁུ་བ་
ཐིགས་པ་གཅིག་འཛམ་བུའི་གླིང་དུ་བོ་བ་ནི་ཇོད་ཇི་དཀར་པོར་སོང་། དེར་བཙན་སྐྱ་རྡོ་རྗེ་ཟླ་བའི་ལག་ན་ཤོད་རྡེའུ་དཀར་ནག་གང་ལ་བོར་བ་ཕུང་བར་བྱེད་པ་བདུན་ཡོད་པ་ལ། མོ་ལ་བྱི་རྔན་དུ་བྱིན་པ་དེ་བླངས་ཏེ། ལག་པ་གཡོན་དུ་བཟུང་ནས། གྲོང་ཁྱེར་སྦྲང་
ལྡན་ཞེས་བྱ་བར་ཕྱིན་ཙམ་ན། རྒྱལ་པོ་སེང་གེ་རྩལ་ལ་བསོད་སྙོམས་བྱས་ཏེ། སྦྲང་རྩི་ལྷུང་བཟེད་གང་ཕུལ་ནས། སྦྲང་རྩི་ལག་ཏུ་ལེན་ཁར་ཕྱག་ཚང་བས་ཧུབ་བྱས་ནས་མོ་ལ་སྦྱིན། མོས་བླངས་ཙམ་ན། བར་སྣང་གི་ལྷ་རྣམས་ཀྱིས་བདུད་མོ། རྒྱལ་པོའི་ཁོལ་མོའི་ལྷག་
མ་དང་ཁ་འཕྲོ་འཐུང་ངམ། ཆེ་བ་ཉམས་སོ་ཞེས་ཟེར་ཙམ་ན། བདུད་མོ་རེ་མ་ཏི་ཁྲོས་པས་ཡིད་འཁྲུགས་ཏེ། རྒྱལ་རིགས་ལ་དེར་རིམས་ནད་བཏང་ངོ་། །དེར་རྒྱལ་པོའི་དཀོར་ཟངས་ཀྱི་དྲ་བ་དགུ་ཕུལ་ནས་རིམས་བཅད་དོ། །དེ་ནས་ནག་མོ་རེ་མ་ཏི་དེས། 
རྒྱ་མཚོའི་འགྲམ་དུ་དུར་ཁྲོད་ཆེན་པོ་རོའི་ཚལ་དུ་སྔོན་གྱི་ཇོ་མོ་དུང་སྐྱོང་མའི་སྤྱན་སྔར་ཕྱིན་ཏོ། །དེ་ནས་དཔོན་གཡོག་གཉིས་འགྲོགས་ནས། སྲིད་པ་གསུམ་གྱི་སེམས་ཅན་ཟད་ཅིང་སྟོངས་པར་བྱེད་པའི་དུས་དེ་ཙམ་ན། ཇོ་མོ་དུང་སྐྱོང་མའི་ཞོན་པ་སྲིན་གྱི་

104-1-212a

བོང་བུ་དམར་གྭ་དང་།  སྲིན་མོ་རྣ་ལ་དུན་རྩེའི་རྒོད་མ་ཟངས་ཀྱི་སོ་ཅན་གཉིས་ཆགས་པ་སྤྱད་པ་ལས། དྲེའུ་མོ་སྔོན་མོ་རླུང་གི་གཤོག་པ་ཅན་གཅིག་བྱུང་བ་དེ། རྒྱུ་མའི་འཐུར་ལ་ཟངས་ཀྱི་སྒ་བསྟད་ནས། ལྷ་མོ་དུང་སྐྱོང་མས་ཁོལ་མོ་རེ་མ་ཏི་ལ་
ཞོན་པར་བྱིན། དེར་ཇོ་མོ་ནི་བོང་བུ་དམར་གྭ་ལ་ཞོན། ཁོལ་མོས་དྲེའུ་སྔོན་མོ་ལ་ཞོན། རྗེ་མོས་མི་ལྤགས་གོན་ཐོད་པ་དང་རལ་གྲི་ལག་ན་ཐོགས། ཁོལ་མོས་རེ་ལྡེ་ནག་པོ་གྱོན། ལག་ན་ཁྲམ་བམ་དང་། ཤོད་རྡེའུ་ཐོགས། དེ་ནས་ཤིན་དུ་མཐུ་རྩལ་ཆེ་སྟེ་
སྐྱེ་བ་རྣམ་བཞིའི་སེམས་ཅན་ཡོ་ཟད་ཅིང་སྟོངས་པ་ཙམ་དུ་ཟོས་སོ། །འཇིག་རྟེན་གྱི་མཁའ་འགྲོ་མ། དཀར་མོའི་ཚོགས་དང་། སྔོན་མོ་དང་དམར་མོ་དང་། སེར་མོའི་ཚོགས་དང་། ལྷ་མོ་དང་། བདུད་མོ་དང་། སྲིན་མོ་དང་། བསམ་གྱིས་མི་ཁྱབ་པ་མང་པོ་ཡང་
ལྷ་མོ་རྗེ་ཁོལ་གྱི་འབངས་བགྱི་ཟེར་ཞིང་བྲན་དུ་འོངས་སོ། །བརྒྱ་བྱིན་ཉོན་ཅིག་དུས་དེ་ཙམ་ན་ལྷ་མོ་དཔོན་གཡོག་གཉིས། བུད་མེད་ཀྱི་རང་བཞིན་དུ་གྱུར་པ་ཉིད་ཀྱིས། རྟག་པར་འདོད་པའི་འཁྲིག་པ་སྤྱད་པའི་ཆེད་དུ་ཁྱོ་དགུ་དང་སྦྱོར་བ་བྱེད་དེ། ཇེ་མོ་ལ་
ཁྱོ་ལྔ་ཁོལ་མོ་ལ་ཁྱོ་བཞི་ཡོད་དེ། རྗེ་མོའི་ཁྱོ་ལྔ་ནི།  གཟའ་རཱ་ཧུ་ལ། སྲིན་པོ་སྒྲ་ལྡན། གཤིན་རྗེ་མཱ་རུ་རྩེ། བདུད་ཆར་ཀ་ནག་པོ། །ཀླུ་ཀུནྡཱ་ལ་དང་ལྔ། ཁོལ་མོའི་ཁྱོ་བཞི་ནི། འབྱུང་པོ་དགེ་བ་དང་།  བགེགས་བཱི་ན་ཡ་ཀ་དང་། གནོད་སྦྱིན་ཡཀྵ་ཀ་པ་ལ་
དང་། རླུང་བཱ་བེ་དང་བཞིའོ། །དེ་ལྟར་དཔོན་གཡོག་གཉིས་ཀྱི་ཁྱོ་དགུ་ནི། ཉིན་པར་ནི་མཆན་ཁུང་གཡོན་དུ་བསྐུངས་ཤིང་སྦེད་ལ། མཚན་མོ་དུར་ཁྲོད་དུ་བསྐུང་ཞིང་སྦྱོར་བ་བྱེད་དོ། །བརྒྱ་བྱིན་ཉོན་ཅིག་དེ་ནས་ལྷའི་བུ་མོ་ལ་སྔོན་གྱི་ལས་འཕྲོས་འབྲེལ་ཞིང་
དགེ་བ་སྤྱད་པའི་ཤུགས་ཀྱིས། བྱང་ཆུབ་ཀྱི་ཤིང་དྲུང་ན། བཅོམ་ལྡན་འདས་བཞུགས་པའི་སྤྱན་སྔར་ཕྱིན་ནས། ལྷ་མོ་དེས་བྱང་ཆུབ་མཆོག་ཏུ་སེམས་བསྐྱེད་དེ། བཅོམ་ལྡན་འདས་ཀྱི་ཞབས་ལ་ཕྱག་འཚལ་ནས་རང་གི་སྙིང་པོ་འདི་ཕུལ་ལོ། །ཏདྱ་ཐཱ། 
ཨོཾ་རུ་རུ་བེ་ཏིསྟ་བ་དོ་སི། རུ་རུ་རོ་རུ་བེསྟི་སྟ་བ་དོ་སི། ཙ་པ་ལ་ཨ་ཤུགྨེ་ཧཱུྃ་བྷྱོ་ཛཿཞེས་ཕུལ་ལོ། །ཁོལ་མོས་རང་གི་སྙིང་པོ་ཕུལ་བ། ཏདྱ་ཐཱ། ཨོཾ་རུ་རུ་བེ་རོ་རུ་ཧཱུྃ་ཏིསྟ་ཏོ་སི། རགྨོ་ཙིཏྟ་ཁ་རགྨ་དུན་བྷྱོ། མ་མ་ཏྲགྼཀྵ་ཁ་མུནྟྲ་བ་ཏྲ་རཀྴ་ཙིཏྟ་ཁ་རགྨ་དུྃ་ཧཱུྃ་བྷྱོ། 

104-1-212b

རུ་ལུ་ས་མ་ཡ་ཕྲ་མ་མ་ཧཱ་སྟི་ཕྲ་བྷྱོ་ཞེས་ཕུལ་ལོ། །དེ་ནས་བྱང་ཆུབ་མཆོག་ཏུ་སེམས་བསྐྱེད་ནས་ལྷ་མོ་དཔོན་གཡོག་གཉིས་ཀྱིས་ཨ་སུ་རའི་བྲག་ཕུག་ཏུ་ཕྱིན་པ་ལས་བྲམ་ཟེ་མཆོག་སྲེད་བསྒྲུབ་པ་དང་ཕྲད་དོ། །ལྷ་མོས་ཁྱོད་འདི་ན་ཅི་བྱེད་བྱས་པ་ལ། བྲམ་ཟེ་
མཆོག་སྲེད་ཀྱིས་སྨྲས་པ། སྔོན་ཁམས་འདི་ཉིད་ན་དགེ་སློང་བརྟན་པའི་སྡེ་དང་། དགེ་སློང་མ་དར་རི་སྡེ་གཉིས་ཁྲིམས་ཉམས་ཏེ་རྒྱལ་པོའི་ཆད་པས་བསད་དོ། །དེ་སྐྱེ་བ་འཕོས་པ་ནི། བདུད་ལྃང་འགེའུ་རི་དང་། རོ་ཤ་ཁ་འདར་གཉིས་སུ་གྱུར་ཏེ། ཡུལ་མི་
ཅི་ཡོད་ཟད་པར་ཟོས་ནས། དེ་ནས་ང་ལ་ཟ་རེས་བབ་པས། ང་ནི་བདུད་འདུལ་བའི་ཕྱིར། ཡུམ་ཨེ་ཀ་ཛ་ཊི་རལ་གཅིག་མ། བསྒྲུབ་བོ་ཞེས་ཟེར་རོ། །དུང་སྐྱོང་མ་ན་རེ་འོ་ན་ངེད་དཔོན་གཡོག་ཀྱང་བསྒྲུབ་པར་བྱ་ན། ཡོན་ཏན་དེ་ལྟ་བུ་ཡོད་དམ་བྱས་ན། བྲམ་ཟེ་
ན་རེ་ཁྱེད་གཉིས་དངོས་གྲུབ་ཅི་འདོད་པ་ཡིན། ལྷ་མོ་ན་རེ་ངེད་གཉིས་འདོད་པའི་ཁམས་ཀྱི་དབང་མོ་ཆེར་གྱུར་ནས། སངས་རྒྱས་ཀྱི་བསྟན་པ་བསྲུང་བའི་གྲུབ་པ་འདོད་བྱས་པ་ལ། འོ་ན་གྲུབ་པར་བྱའོ་ཞེས་ཟེར་ནས། བྲམ་ཟེ་དང་ལྷ་མོ་དཔོན་གཡོག་བསྒྲུབ་པ་
བྱས་པས་ཡུམ་ཨེ་ཀ་ཛ་ཊི་ཞལ་མཐོང་ནས་གྲུབ་པ་ཐོབ་བོ། །ཡུམ་ཨེ་ཀ་ཛ་ཊིས། ལྷ་མོ་དུང་སྐྱོང་མའི་མིང་ནི། དཔལ་ལྷ་མོ་ནག་མོ་མ་ཧཱ་ཀཱ་ལི་ཞེས་བཏགས་སོ། །ཁོལ་མོའི་མིང་ནི་ཡཀྴ་རེ་མ་ཏི་ཞེས་བྱ་བར་བཏགས་སོ། །འདོད་ཁམས་འདུལ་བའི་དབང་མོ་ཆེར་དབང་
བསྐུར་རོ། །མ་ཧཱ་ཀཱ་ལིས་ཀྱང་ཆོས་བསྐྱང་ཞིང་བསྟན་པ་བསྲུང་བར་ཁས་བླངས་སོ། །རང་གི་སྙིང་པོ་འདི་ཕུལ་ལོ། །ༀ་རུ་རུ་བེ་ཏིསྟ་བ་དོ་སི། རུ་རུ་རོ་རུ་བེ་ཏིསྟ་བ་དོ་སི། ཙ་བ་ལ་ཨ་ཤུག་མེ་བྷྱོ་ཛ༔ རེ་མ་ཏིས་ཀྱང་། ཨོཾ་རུ་རུ་རོ་རུ་བེ་ཏིསྟ་བ་དོ་སི། རག་མོ་
ཙིཏྟ་ཁ་རག་མ་ཧཱུྃ་བྷྱོ། མ་མ་ཏྲག་རག་ཤ་ཁ་མུན་ཏྲ་བ་ཏྲ་ཏྲག་རག་ཤ །ཙིཏྟ་ཁ་རག་མེ་རེ་མ་ཏི་ས་མ་ཡ་ཕྲ་མ་ཡ་ཕྲ་མ་མ་ཧཱ་ཏེ་ཕྲ་དུན་བྷྱོ། ཛ༔ ཛ༔ རུ་ལུ་བྷྱོ་ཞེས་ཕུལ་ལོ། །བདུད་ལྃ་ང་འགེའུ་རི་དང་རོ་ཤ་ཁ་འདར་བསྒྲལ་ལོ། །དེ་ནས་སའི་ལྷ་མོ་བརྟན་མས་ཀྱང་ནམ་
གྲུ་མཆེད་བརྒྱད་ཀྱང་འབངས་སུ་ཕུལ་ལོ། །སྲིན་ཡུལ་དུ་དམག་དྲངས་པས། སྲིན་པོ་ཡགྴ་ཀོ་རེ་བསྒྲལ་ལོ། །བརྒྱ་བྱིན་ཉོན་ཅིག །དེ་ནས་འཕགས་པ་སྤྱན་རས་གཟིགས་ཀྱིས། དཔལ་རྟ་མགྲིན་དུ་སྤྲུལ་པའི་བསྒྲུབ་པ་བྱས་ཏེ། རྟ་མགྲིན་གྱི་ཞལ་མཐོང་ཞིང་གསང་

104-1-213a

བའི་གཟུངས་མ་བྱས་ཏེ། རྗེ་མོའི་མིང་དཔལ་ལྷ་མོ་ནག་མོར་བཏགས་སོ། །ཁོལ་མོའི་མིང་ནི་རྡོ་རྗེ་གློག་མ་སྲིན་དུ་མིང་བཏགས་སོ། །དེས་ཕྱག་རྒྱ་ཆེན་པོའི་དབང་བསྐུར་རོ། །ལས་ཀྱི་ལྷར་བྱིན་གྱིས་བརླབས་སོ། །དེའི་ཚེ་ན་དཔལ་ལྷ་མོ་
ནག་མོས། དཔལ་རྟ་མགྲིན་ལ་སྙིང་པོ་མདོང་དུ་ཕུལ་ལོ། །བསྟན་པ་བསྲུང་བར་ཁས་བླངས་སོ། །དེ་ནས་སྔོན་གྱི་ཨུ་མ་དེ་བཱ་དང་རྣ་ལ་རྩེ་གཉིས་ཀྱང་། སྔོན་གྱི་བུ་མོ་གཉིས་ལ་སྲིན་ལག་རྩེ་ལ་ནུ་ཞོ་གླུགས་པས་བྲོས་ནས། དྲེད་མོའི་རལ་པས་གཡབ་མོས་
འབོད་དེ། བུ་མོ་གཉིས་མའི་དྲུང་དུ་ཕྱིན་ཙམ་ན། དབང་བསྐུར་ཞིང་དམ་བསྒྲགས། བསྟན་པ་བསྲུང་བར་དབང་བྱིན་ཏོ། །འཁོར་ལོས་གྱུར་པའི་རྒྱལ་པོས་ཀྱང་རང་གི་རྩ་དང་ཁྲག་དང་ཁུ་བའི་མཆོད་པ་བྱས་ནས། ལྷ་དང་མིའི་རྒྱལ་སྲིད་ཕུལ་ནས། རྨ་བྱ་རིན་
པོ་ཆེའི་གཤོག་པ་ཅན་སྤྱི་བོ་ན་ནོར་བུ་རིན་པོ་ཆེ་ཡོད་པ། ཇོ་མོ་ལ་ནོར་སྐལ་དུ་བྱིན་ནོ། །བྱ་དེ་མོ་ནག་མོ་སྤྱི་བོ་ན་ནོར་བུ་རིན་པོ་ཆེ་ཡོད་པ་ཅིག་ཁོལ་མོ་ལ་ནོར་སྐལ་དུ་བྱིན་ནས། ལྷ་མོ་རྗེ་ཁོལ་གཉིས་འཁོར་ལོས་སྒྱུར་བའི་རྒྱལ་པོས་བྱིན་པའི་རྨ་བྱ་དང་། དེ་མོ་ནག་མོ་
གཉིས་གཏན་གྱི་ནོར་སྐལ་བྱེད་ཅིང་ཆགས།  དེ་ནས་དཔལ་ལྷ་མོ་ནི་གསང་བའི་གནས་དུར་ཁྲོད་རོ་ཁང་ནག་པོའི་དབུས་མཱ་རུ་ཙེའི་སྒོ་འགྲམ་དུ། དཔལ་ཕྱག་ན་རྡོ་རྗེའི་ཧེ་རུ་ཀའི་དངོས་གྲུབ་སྒྲུབ་པའི་ཚེ། དཔལ་ཕྱག་ན་རྡོ་རྗེའི་དངོས་གྲུབ་གྲུབ་སྟེ། དཔལ་ཕྱག་
ན་རྡོ་རྗེས་ལྷ་མོ་དཔོན་གཡོག་ལ་སྤྱི་བོ་གཙུག་ཏུ་དཔལ་རྟ་མགྲིན་གསང་བའི་དབང་བསྐུར། ལུས་ངག་ཡིད་གསུམ་ལ་ཁྲག་འཐུང་ཧེ་རུ་ཀའི་དབང་བསྐུར། ཐུགས་ཀྱི་དཔལ་བེའུ་རིགས་ལྔ་སངས་རྒྱས་ཀྱི་དབང་བསྐུར། སྐུ་སྟོད་ཀྱི་རྒྱན་དུ་འཕྲ་མེན་མ་བཅུ་
དྲུག་གི་དབང་བསྐུར། ལྗགས་ཀྱི་དཀར་དམར་ལ་ལྕགས་ཀྱུ་གསང་བའི་དབང་བསྐུར་རོ། །གནད་མདོ་ཆེན་དྲུག་ཏུ་ཚོམ་བུ་གསང་བའི་དབང་བསྐུར་རོ། །གསང་བ་པདྨ་ལ་ཐིག་ལེ་ཡེ་ཤེས་ཤར་བའི་དབང་བསྐུར། རྡོ་རྗེ་ཕོ་ཉ་མོ་དྲུག་བཅུ་རྩ་བཞི་
འཁོར་དུ་དབང་བསྐུར། པདྨ་གར་གྱི་དབང་ཕྱུག་ནི་སྤྲུལ་པ་དང་ཡང་སྤྲུལ་དུ་དབང་བསྐུར། དེའི་ཚེ་འཇིག་རྟེན་གྱི་ཁམས་འདི་རྣམ་པ་དྲུག་ཏུ་གཡོས་སོ། །དེ་ནས་དཔལ་ཕྱག་ན་རྡོ་རྗེས་ཇོ་མོའི་མིང་ནི་དཔལ་མ་ཧཱ་ཀཱ་ལི་ཞེས་བཏགས་སོ། །ཁོལ་མོའི་མིང་

104-1-213b

ནི་གནོད་སྦྱིན་ཤན་པ་ནག་མོ་རེ་མ་ཏི་ཞེས་བཏགས་སོ། །སངས་རྒྱས་ཀྱི་བསྟན་པ་བསྲུང་བར་གཉེར་གཏད་དོ། །དེ་ནས་དཔལ་ཕྱག་ན་རྡོ་རྗེ་ཉིད་ལ། དཔལ་ལྷ་མོས་རང་གི་སྙིང་པོ་ཕུལ་ཏེ། སངས་རྒྱས་ཀྱི་བསྟན་པ་དུས་རྟག་ཏུ་བསྲུང་བར་ཁས་བླངས་སོ། །
དེ་ནས་དཔལ་ལྷ་མོ་དེ་མཐུ་དང་རྫུ་འཕྲུལ་བསམ་གྱིས་མི་ཁྱབ་པར་གྱུར་ཏོ། །འདོད་པའི་ཁམས་ཀྱི་དབང་ཕྱུག་མར་གྱུར་པའི་ཚེ། ལྷ་ཚངས་པས་ཉི་མའི་རྒྱན་ཕུལ་ཁྱབ་འཇུག་གི་ཟླ་བའི་རྒྱན་ཕུལ། རྣམ་ཐོས་སྲས་ཀྱིས་སེང་གེའི་རྣ་ཆ་ཕུལ། ནམ་མཁའི་ལྷ་བྲན་རྣམས་ཀྱིས་དྲིལ་བུའི་
རྒྱན་ཕུལ། སྲིན་པོ་དང་ཤ་ཟ་རྣམས་ཀྱིས་ཐོད་ཕྲེང་དང་ཁྲག་དང་ཞག་གི་ཐིག་ལེ་ཕུལ་ལོ། །ཀླུ་དགའ་བོས་སྦྲུལ་གྱི་གདེངས་ཀ་ཕུལ། ལྷ་མོ་དེ་སྲིད་པ་གསུམ་ན་འགྲན་པའི་ཟླ་མེད་པར་གྱུར་ཏོ། །དེ་ནས་བརྒྱ་བྱིན་གྱིས་གསོལ་པ། ཀྱེ་བཅོམ་ལྡན་འདས་
གསང་བའི་བདག་པོ། འདོད་པའི་ཁམས་ཀྱི་དབང་ཕྱུག་མ་འདི། དང་པོར་ལྷའི་བུ་མོར་གྱུར་པ་དང་། བར་དུ་སྲིན་པོའི་ཆུང་མར་གྱུར་པ་དང་། ད་ལྟར་འདོད་པའི་ཁམས་ཀྱི་དབང་ཕྱུག་མར་གྱུར་པ་འདི། སྔོན་གྱི་རྐྱེན་ཅི་ལས་གྲུབ་ལགས་ཞེས་གསོལ་
པ་དང་། གསང་བའི་བདག་པོས་བཀའ་སྩལ་པ། བརྒྱ་བྱིན་ཉོན་ཅིག །ད་ལྟར་ལྷ་མོ་ནག་མོ་འདི་སྔོན་སངས་རྒྱས་འཁོར་བ་འཇིག་གི་བསྟན་པ་ལ་ལྷ་མོ་འོད་ཟེར་ཅན་དུ་གྱུར་ཏེ་དགེ་བ་བཅུ་ཤ་སྟག་སྤྱད་དོ། །དེ་ནས་སངས་རྒྱས་གསེར་ཐུབ་ཀྱི་བསྟན་པ་ལ་ལྷ་མོ་
དཔལ་བསྟན་མ་ཞེས་བྱ་བར་གྱུར་ཏེ་ཞེ་སྡང་རང་ཁ་མར་སྤྱད་དོ། །དེ་ནས་སངས་རྒྱས་འོད་སྲུང་གི་བསྟན་པ་ལ་ལྷ་མོ་མཉྫུ་ཞེས་བྱ་བར་གྱུར་ཏེ། དུས་དེ་ཙམ་ན་ཤཱཀྱ་ཐུབ་པ་ནི་དགེ་སློང་དབང་ཕྱུག་དཔའ་བོ་ཞེས་བྱ་བར་གྲགས་སོ། །དགེ་སློང་དེ་ལ་ལྷ་མོ་མཉྫུས་
མཆོད་གནས་བྱས་ཤིང་སྨོན་ལམ་གཅིག་ཏུ་བཏབ་བོ། །བརྒྱ་བྱིན་ཉོན་ཅིག །དེ་ད་ལྟ་ན་ནི་ལྷ་མོ་འདི་ལ་སངས་རྒྱས་གསུམ་གྱི་རིང་གི་རྣམ་པར་སྨིན་པ་ཤཱཀྱ་ཐུབ་པའི་བསྟན་པ་ལ་དུས་གཅིག་ཏུ་སྨིན་ནོ། །ལྷ་མོ་འདི་དང་པོར་མ་ཧཱ་དེ་བའི་བུ་མོར་སྐྱེས་པ་ནི་
དང་པོར་དགེ་བ་སྤྱད་པའི་མཐུའོ། །བར་དུ་སྲིན་པོའི་ཆུང་མར་གྱུར་ནས་རང་ལྕེབ་པ་ནི་ཞེ་སྡང་སྤྱད་པའོ། །ཐ་མར་ད་ལྟར་འདོད་པའི་ཁམས་ཀྱི་དབང་ཕྱུག་མར་གྱུར་པ་ནི། སངས་རྒྱས་ཐམས་ཅད་ཀྱིས་དབང་བསྐུར་ནས་ཤཱཀྱ་ཐུབ་པའི་བསྟན་པ་བསྲུང་བ་ནི། 

104-1-214a

སྔོན་ཤཱཀྱ་ཐུབ་པ་ལ་སྡིག་བཤགས་བྱས་ཀྱི་སྨོན་ལམ་བཏབ་བོ། །ཁོལ་མོ་རེ་མ་ཏི་སྔགས་ཀྱི་བསོད་ནམས་ལས་གྲུབ་པའོ། །མཁའ་འགྲོ་མ་མེ་ལྕེ་འབར་བའི་རྒྱུད་ལས་གླེང་བཞིའི་ལེའུ་སྟེ་དང་པོའོ།། །། དེ་ནས་ལྷའི་དབང་
པོ་བརྒྱ་བྱིན་གྱིས། གསང་བའི་བདག་པོ་དཔལ་ཕྱག་ན་རྡོ་རྗེ་ལ་འདི་སྐད་ཅེས་གསོལ་ཏོ། །ཀྱེ་བཅོམ་ལྡན་མགོན་པོ་གསང་བའི་བདག །མ་འོངས་ཕྱི་མའི་སེམས་ཅན་རྣམས། །མཁའ་འགྲོ་རྣལ་འབྱོར་རབ་བསྒྲུབ་པའི། །སློབ་དཔོན་
སློབ་མའི་མཚན་མའི་རྒྱུད། །གང་ཡིན་བདག་གིས་ཉན་པར་འཚལ། །ཞེས་ཞུས་པའི་ཚེ། གསང་བའི་བདག་པོས་བཀའ་སྩལ་པ། །དཔལ་ལྡན་ལྷ་མོ་རྡོ་རྗེ་མཁའ་འགྲོ་མ། །ཐུན་མོང་མ་ཡིན་ཀུན་གྱིས་བྱ་བ་མིན། །དེ་ཡང་སློབ་དཔོན་མཚན་ཉིད་
བཤད། །སློབ་དཔོན་ཆོས་ལ་རབ་འདུད་པ། །ཚད་མེད་བཞིར་ལྡན་སྙིང་རྗེ་ཅན། །ཕྱི་ནང་གསང་བའི་དབང་ཐོབ་ནས། །དམ་ཚིག་སྲོག་བཞིན་འཛིན་བྱེད་ཅིང་། །བདེན་པ་གཉིས་རྟོགས་ལྟ་བ་ཅན། །སྔགས་དང་ཕྱག་རྒྱ་མི་སྤོང་ཞིང་། །རྟག་ཏུ་ཕྱག་
རྒྱ་ཆེ་ལ་གནས། །སེམས་ཅན་དོན་བྱེད་མན་ངག་ལྡན། །དེ་ནི་སློབ་དཔོན་མཚན་ཉིད་སྟེ། །སློབ་མ་དུལ་ལ་དད་པ་ཅན། །བླ་མའི་ཞབས་ལ་རབ་འདུད་ཅིང་། །དད་དང་སྟོང་ཕོད་སྙིང་རྗེ་ཅན། །འདུལ་དང་སྡོམ་པ་དམ་ཚིག་འཛིན། །ལྷ་དང་སློབ་དཔོན་རྟག་ཏུ་བཅང་། །
གསང་སྔགས་འཛིན་པའི་སྣོད་ལྡན་ལ། །སློབ་མར་བྱ་བ་ང་ཡིས་བཤད། །དཔལ་མཁའ་འགྲོ་མ་མེ་ལྕེ་འབར་བའི་རྒྱུད་ལས་སློབ་དཔོན་དང་སློབ་མའི་ཚད་བསྟན་པའི་ལེའུ་སྟེ་གཉིས་པའོ།། །། དེ་ནས་ལྷའི་དབང་པོ་བརྒྱ་བྱིན་གྱིས། དཔལ་
ཕྱག་ན་རྡོ་རྗེ་ལ་འདི་སྐད་ཅེས་གསོལ་ཏོ། །རྡོ་རྗེ་སེམས་དཔའ་དཔའ་བོ་ཆེ། །དུས་མཐའི་རྣལ་འབྱོར་བསྐྱང་སླད་དུ། །རྡོ་རྗེ་གསང་བའི་མཁའ་འགྲོ་མའི། །ལྟ་བ་དམ་པ་བདག་ཉན་འཚལ། །ཞེས་ཞུས་པའི་ཚེ། དཔལ་ཕྱག་ན་རྡོ་རྗེས་བཀའ་སྩལ་པ། བདག་
དང་རྡོ་རྗེ་མཁའ་འགྲོ་མའི། །གདོད་ནས་མ་སྐྱེས་གཟུང་འཛིན་ཡུལ་དང་བྲལ། །ང་དང་བདག་འཛིན་མཚན་མའི་རྟོག་པ་བཅོམ། །དོན་དམ་ཀུན་རྫོབ་སྐྱེ་བ་མེད་པའི་གཞི། །གཉིས་མེད་ཆོས་ཀྱི་དབྱིངས་དུ་དབྱེར་མེད་ཅིང་། །སྟོང་ཉིད་ཆོས་སྐུ་ནམ་མཁའ་ཡེ་

104-1-214b

ཤེས་ལྔ། །སྤྲུལ་པའི་ཕྱག་རྒྱ་ལྷ་དང་ལྷ་མོའི་མཚན་མར་སྣང་། །མཁའ་ལ་འཇའ་འདྲ་རང་བཞིན་ག་ལ་ཡོད། །སྙིང་རྗེའི་དབང་གིས་འགྲོ་དོན་བྱེད་པ་ན། །མདོར་ན་སངས་རྒྱས་སྤྲུལ་པ་ཡིན་པ་སྟེ། །ཁོལ་མོ་བྱང་ཆུབ་སེམས་དཔའི་སྤྲུལ་པའོ། །མཚན་མའི་སྲིན་
མོ་བདུད་མོར་བལྟ་མི་བྱ། །མཁའ་འགྲོ་མ་མེ་ལྕེ་འབར་བའི་རྒྱུད་ལས་ལྟ་བ་བསྟན་པའི་ལེའུ་སྟེ་གསུམ་པའོ།། །། དེ་ནས་ལྷའི་དབང་པོ་བརྒྱ་བྱིན་གྱིས་འདི་སྐད་ཅེས་གསོལ་ཏོ། །གསང་བའི་བདག་པོ་ཡེ་ནས་ཐུགས་རྗེ་ཅན། །རྡོ་རྗེ་མཁའ་འགྲོ་མ་ཡི་
དངོས་གྲུབ་བསྒྲུབ་པའི་ཕྱིར། །དཀྱིལ་འཁོར་རྣམ་པ་གསུམ་གྱི་རྒྱུད་བཤད་འཚལ། །ཞེས་ཞུས་པའི་ཚེ། ཕྱག་ན་རྡོ་རྗེས་བཀའ་སྩལ་པ། བརྒྱ་བྱིན་ལ་སྩོགས་འཁོར་རྣམས་རབ་ཏུ་ཉོན། །དཀྱིལ་འཁོར་རྣམ་གསུམ་མཚན་མའི་ཕྱག་རྒྱ་ནི། །རང་
བཞིན་དཀྱིལ་འཁོར་བྱང་ཤར་རི་རབ་རྩེ། །ཏིང་འཛིན་དཀྱིལ་འཁོར་རྣལ་འབྱོར་སེམས་ཀྱི་ཡུལ། །གཟུགས་བརྙན་དཀྱིལ་འཁོར་གནས་བཞིའི་ས་ལ་བྱ། །ཚོན་རྩི་མི་རུས་ལྡོང་རོས་རམས་དང་སྐྱེགས། །མཐིང་ནག་གྲུ་བཞིའི་དབུས་ནི་ཨེ་གྲུ་གསུམ། །
དབུས་སུ་གཙོ་བོ་ཕྱག་ན་རྡོ་རྗེ་སྟེ། །དེ་ཡི་གཡས་སུ་ལྷ་མོ་ནག་མོ་སྟེ། །གཡོན་དུ་མ་མོའི་ཏིང་འཛིན་གྲུབ་པ་མོ། །གཙོ་བོའི་མདུན་དུ་ཁོལ་མོ་རེ་མ་ཏི། །དེ་ཡི་ཕྱི་རིམ་སྲིད་པའི་མ་མོ་དང་། །སྟག་སྤྱང་བྱ་རྒོད་སེང་གེ་ཁྱུང་གིས་བསྐོར། །ཕྱིར་རིམ་ཐོད་ཕྲེང་མེ་རི་
ཀེང་རུས་བྲི། །ཙ་ཀ་ལི་འམ་ཡིག་འབྲུ་ཕྱག་མཚན་བྲི། །མཁའ་འགྲོ་མ་མེ་ལྕེ་འབར་བའི་རྒྱུད་ལས་དཀྱིལ་འཁོར་བསྟན་པའི་ལེའུ་སྟེ་བཞི་པའོ།། །།  དེ་ནས་ལྷའི་དབང་པོ་བརྒྱ་བྱིན་གྱིས། དཔལ་ཕྱག་ན་རྡོ་རྗེ་ལ་འདི་སྐད་ཅེས་གསོལ་ཏོ། །
ཀྱེ་འཇིག་བྱེད་ཆེ་མཆོག་འགྲོ་ཀུན་འདུལ་བའི་གཙོ། །རྡོ་རྗེ་མཁའ་འགྲོ་ནག་མོ་དམ་པ་ཡི། །དངོས་གྲུབ་བསྒྲུབ་པའི་རྫས་རྣམས་གང་ལགས་པའི། །གསང་བའི་བདག་པོ་བདག་ལ་བཤད་དུ་གསོལ། །ཞེས་ཞུས་པ་དང་། ཕྱག་ན་རྡོ་རྗེ་བཀའ་སྩལ་པ། རྡོ་རྗེ་མཁའ་
འགྲོའི་དངོས་གྲུབ་འདོད་པའི་མིས། །རྫས་རྣམས་མེད་ན་དངོས་གྲུབ་མི་ཐོབ་སྟེ། །རྨོངས་པས་ས་བོན་བཙུབས་ཤིང་བཙུབས་སྟན་འདྲ། །ཀུན་ཀ་ཚང་ན་དངོས་གྲུབ་མཚན་མ་སྟེར། །མཁའ་འགྲོ་མ་ལ་རྫས་ནི་རྣམ་པ་བདུན། །བོད་པའི་རྫས་དང་མ་མོ་

104-1-215a

བསྟེན་རྫས་དང་། །མཆོད་པའི་རྫས་དང་དམ་ཚིག་བསྲེ་བའི་རྫས། །བསྐུལ་བའི་རྫས་དང་མཚན་མ་དབབ་པའི་རྫས། །ཐ་མར་གནད་ལ་འབེབས་ཤིང་བཟློག་པའི་རྫས། །བདུན་པོ་འདི་ཚང་གྲུབ་པའི་མཚན་མ་འབྱུང་། །གཙོ་བོ་ཕྱག་ན་རྡོ་རྗེའི་དམ་
རྫས་ནི། །གོ་རོ་ཙ་ན་གཙོ་བོ་བོད་པའི་རྫས། །གཙོ་བོའི་རྟེན་ནི་སེང་ལྡེང་མི་རུས་ཕུར། །གསལ་བ་ལྔ་དང་བདུད་རྩིས་གཙོ་བོ་མཆོད། །དམ་ཚིག་བཅུ་ཡིས་རྡོ་རྗེ་ས་ནི་མཆོད། །གུ་གུལ་ནག་པོ་ཡུངས་ནག་ཏིལ་གྱིས་བསྐུ། །སྤོས་དང་ལྕེ་པོག་མི་ཚིལ་མཚན་
མ་འབེབས། །གཙོ་བོ་གནད་ལ་འབེབས་པ་ཨ་མྲྀ་ཏ། །དཔལ་ལྡན་ལྷ་མོ་ནག་མོའི་བོད་རྫས་ནི། །གཡབ་དར་དང་ནི་ཧསྟ་མི་ཚིལ་དང་། །ཅོང་ཞུན་སྤོས་ལྔས་བསྲེགས་ལ་འབོད། །ལྷ་མོའི་རྟེན་ནི་བུ་མོ་གཙང་མ་དང་། །རྒྱ་མཚོར་ཤི་བའི་བུད་
མེད་ཐོད་པ་གཉིས། །མཁར་དུ་བརྩིགས་ལ་དཀྱིལ་འཁོར་དབུས་སུ་ཁ་སྤྲད་ལ། །མི་གསོད་མཚོན་གྱི་རལ་གྲི་སོར་བརྒྱད་པ། །ཡུ་བ་མ་བྲིས་དཀྱིལ་འཁོར་དབུས་སུ་གཟུགས། །རྨ་བྱ་སེང་གེ་གཡང་གཞི་གོ་ཟུང་ནག་པའོ། །རྗེ་མོ་ལྷ་མོ་ནག་མོའི་དམ་རྫས་ནི། །
དགེ་སློང་ཤ་དང་མི་རོ་སེང་གེའི་སྙིང་། །དྲི་རྒོད་ཤ་དང་དབང་པོ་རྣམ་པ་ལྔ། །རུ་ཏྲ་ནག་པོའི་སྙིང་དང་བདུད་རྩི་ལྔ། །སྨན་མའི་ཁྲག་དང་ཤ་ཁྲག་སྣ་ཚོགས་དང་། །ཕྱེ་མ་ལྔ་ཡིས་གཏོར་བས་གུར་ཀུམ་བརྫི། །པདྨའི་རཀྟས་བྱུགས་ལ་རྒྱུན་གཏོར་བྱ། །ལྷ་མོ་ནག་མོ་
འདི་དང་དམ་ཚིག་བསྲེ་བའི་རྫས། །རུ་ཧི་རྡོ་རྗེ་པདྨ་མི་དེ་སྔགས། །བསྐུལ་རྫས་མི་ཡི་ཚིལ་དང་གུ་གུལ་བསྲེག །མཚན་མ་འབེབས་པ་བུ་མོ་གཙང་མའོ། །གནད་ལ་འབེབས་ཤིང་བཟློག་པ་ཡུགས་སའི་རྐང་། །ཁོལ་མོ་རེ་མ་ཏིའི་བོད་རྫས་ནི། །དྲེད་མོའི་
རལ་པས་གཡབ་ཅིང་སྲིན་ལག་བསྟན། །གུ་གུལ་དང་ནི་མི་ཚིལ་གསུར་གྱིས་བོད། །རེ་མ་ཏི་ཡི་རྟེན་དུ་ལུག་ནག་གམ། །དེ་མོ་ནག་མོ་དྲི་མོ་ཡི་ཐོད་པའོ། །ཁོལ་མོ་རེ་མ་ཏིའི་མཆོད་རྫས་ནི། །བུམ་པ་གང་བའི་ཁྲག་དང་ཨ་མྲྀ་ཏ། །ནལ་བུའི་ཤ་དང་མི་
ཤ་ཆང་ཕུད་དོ། །དམ་ཚིག་བསྲེ་ཞིང་རྟག་ཏུ་མཆོད་པའི་རྫས། །རུ་ཧི་རྡོ་རྗེ་པདྨ་དག་གི་ཤིས། །བསྐུལ་རྫས་གུ་གུལ་ནག་དང་ཅོང་ཟིའོ། །མཚན་མ་འབེབས་པ་བུ་མོ་གཙང་མའོ། །གནད་ལ་འབེབས་ཤིང་བཟློག་རྫས་དྲེའུ་ཡི་རྐང་། །འདི་རྣམས་གཙང་ཞིང་

104-1-215b

མ་ཉམས་ཚོགས་འགྱུར་ན། །རྡོ་རྗེ་མཁའ་འགྲོ་མའི་ཚོགས་རྣམས་ནི། །བུས་པས་ཨུ་དུམ་བར་བ་མཐོང་བ་ལྟར། །དགའ་བ་སྐྱེས་ནས་མི་ལ་དངོས་གྲུབ་གསྟེར། །དེ་བས་ནན་ཏན་བསྐྱེད་ལ་བརྩོན་པར་བྱ། །མཁའ་འགྲོ་མ་མེ་ལྕེ་འབར་བའི་རྒྱུད་ལས་དཔོན་གཡོག་
གི་དམ་རྫས་བསྟན་པའི་ལེའུ་སྟེ་ལྔ་པའོ།། །། དེ་ནས་ལྷའི་དབང་པོ་བརྒྱ་བྱིན་གྱིས། དཔལ་ཕྱག་ན་རྡོ་རྗེ་ལ་འདི་སྐད་ཅེས་གསོལ་ཏོ། །ཀྱེ་གསང་བདག་ཕྱག་ན་རྡོ་རྗེ་འདུལ་བའི་གཙོ། །བསྒྲུབ་པའི་རྟེན་གྱི་རྡོ་རྗེ་མཁའ་འགྲོ་སྐུ། །ཐང་ཀ་བྲི་བའི་ནན་
ཏན་འདྲི་བར་འཚལ། །ཞེས་ཞུས་པའི་ཚེ། གསང་བའི་བདག་པོས་བཀའ་སྩལ་པ། མཁའ་འགྲོའི་རྟེན་གྱི་སྐུ་གཟུགས་ནི། །མིས་མ་འཕྲིགས་པར་དུར་ཁྲོད་འགྲོ་དང་ཕྱག་ན་རྡོ་རྗེ་དང་། །ལྷ་མོའི་སྙེན་པ་འབུམ་འབུམ་བཟླས། །དེ་ལ་སྦྱིན་སྲེག་
གཏོར་མ་འབུལ། །རི་མོ་མཁན་ལ་དབང་བསྐུར་རོ། །དམ་ཚིག་རབ་ཏུ་སྦྱིན་པར་བྱ། །དེ་ནས་བུད་མེད་ཞབས་མ་དང་། །རོ་དཀྲིས་དག་གི་རས་དག་ནི། །རོ་བསྲེགས་འགལ་བའི་ཤིང་གིས་ཀྱང་། །བྲོ་བའི་ཚོན་རྩི་རྣམ་པ་ལྔ། །དཔའ་བོ་འབྲུ་ལྔའི་
འཕྲོ་འདུ་ལས། །རྒྱལ་བ་རིགས་ལྔར་བྱིན་བརླབས་ལ། །དབུས་སུ་ཕྱག་ན་རྡོ་རྗེ་བྲི། །མདུན་དུ་ལྷ་མོ་ནག་མོ་ནི། །བོང་ཞོན་རལ་གྲི་ཐོགས་པར་བྲི། །གཡོན་དུ་ཁོལ་མོ་རེ་མ་ཏི། །དྲེའུ་ཞོན་ཁྲམ་བམ་ཐོགས་པའོ། །གཡས་སུ་བྲམ་ཟེ་མཆོག་སྲེད་ནི། །
མགྲིན་པ་སྨ་ར་དཀར་ལ་རིང་། །ཀྲིཥྞའི་སྟན་ལ་ལོང་ཕྲེང་འཛིན། །རྨ་བྱ་ནེའུ་ལེ་ཐོགས་པའོ། །དེ་ཡི་གཡོན་དུ་བདག་ཉིད་ནི། །ཀྲིཥྞའི་སྟན་ལ་ལོང་ཕྲེང་འཛིན། །རྨ་བྱའི་སྤུ་དང་ནེའུ་ལེ་ཐོགས། །དེ་ནས་རང་གི་སྲིན་ཁྲག་གིས། །སྐུ་གཟུགས་
རྣམས་ཀྱི་སྤྱན་ཕྱེ་ལ། །མདུན་དུ་གཏོར་མའི་སྦྱིན་སྲེག་དབུལ། །ཞབས་ལ་བཏུད་དེ་ཕྱག་བྱས་ལ། །དངོས་གྲུབ་གང་འདོད་གསོལ་བ་གདབ། །དཀྱིལ་འཁོར་དབུས་སུ་བཞུགས་སུ་གསོལ། །ལྷ་ཡི་སྐུ་ཡི་ཐུགས་ཀར་ནི། །སྲིན་ལག་ཁྲག་གིས་ཟླ་
གམ་བྲི། །དེ་ཡི་དབུས་སུ་སྙིང་པོ་བྲི། །དེའི་དབུས་རྒྱུས་ཆེན་སུམ་སྒྲིལ་བདགས། །རྩེ་མོ་བདག་བཟུང་བཟླས་པ་བྱ། །ཡང་ན་ལུགས་མ་དག་ལ་བྱ། །དེ་ལྟར་བྱས་ན་དངོས་གྲུབ་རྒྱུ། །མཁའ་འགྲོ་མ་མེ་ལྕེ་འབར་བའི་རྒྱུད་ལས་སྐུ་གཟུགས་བསྟན་

104-1-216a

པའི་ལེའུ་སྟེ་དྲུག་པའོ།། །། དེ་ནས་ལྷའི་དབང་པོ་བརྒྱ་བྱིན་གྱིས། གསང་བའི་བདག་པོ་དཔལ་ཕྱག་ན་རྡོ་རྗེ་ལ་འདི་སྐད་ཅེས་གསོལ་ཏོ། །ཀྱེ་གསང་མཛད་དྲག་པོ་ཧཱུྃ་མཛད་ཆེ། །དཔལ་ལྡན་རྡོ་རྗེ་མཁའ་འགྲོ་མའི། །ཏིང་འཛིན་བསྒོམ་
ཐབས་བདག་ལ་ཤོད། །ཅེས་གསོལ་པ་དང་། ཕྱག་ན་རྡོ་རྗེས་བཀའ་སྩལ་པ། ལྷའི་དབང་པོ་བརྒྱ་བྱིན་ཉོན་ཅིག །སྐྱེ་བ་མེད་པའི་ངང་ལས་སྤྲུལ་པའི་ཆོ་འཕྲུལ་ནི། །ཧཱུྃ་ལས་རྡོ་རྗེ་རྩེ་ནི་ལྔ་པ་སྟེ། །དེ་ནི་བདག་ཉིད་ཕྱག་ན་རྡོ་རྗེ་ཡིན། །མདོག་ལྗང་
སྔོ་ལ་ཁྲོ་བོའི་ཆ་བྱད་དེ། །ལུས་འགྱིང་བག་ཅན། དབུ་སྐྲ་རལ་པ་གྱེན་ལ་བརྫེས་པ་ལ། རིགས་ལྔའི་དབུ་རྒྱན་ཅན། ཕྱག་ན་ཡེ་ཤེས་ཀྱི་རྡོ་རྗེ་རྩེ་ལྔ་པ་འབར་བ། ལུས་ལ་གླང་ཆེན་གྱི་ཀོ་བ་དང་། མཆོག་གི་གཡང་གཞི་དང་། སྟག་གི་ཤམ་ཐབས་དང་། ཐོད་
པའི་ཕྲེང་བ་དང་། སྦྲུལ་གྱི་ཆུན་པོས་ལུས་བརྒྱན་པ། སྤྱན་མིག་དམར་བ། མཆེ་བ་གཙིགས་པ། བསྐལ་པའི་མེ་དཔུང་ལྟར་འབར་བའོ། །དེའི་མདུན་དུ་དཔལ་ལྷ་མོ་ནག་མོ་བསྐྱེད་དེ། མ་ཧཱ་ཀཱ་ལི་བཱ་ཡཱ་བེ་སྥ་ར་ཎ་ཡང་། དེ་ནི་རླུང་ནག་ཚུབ་མའི་དཀྱིལ་འཁོར་བསྐྱེད་
པའོ། །མ་ཧཱ་ཀཱ་ལི་ཛྭ་ལ་རྃ། དེ་ནི་མེའི་དཀྱིལ་འཁོར་བསྐྱེད་པའོ། །དེའི་དབུས་སུ་བྷྲཱུྃ་བི་ཤྭ་བི་ཤྭ་བི་ཤུདྷེ་ཀ་པཱ་ལ་ཧཱུྃ། དེ་ནི་ཐོད་པའི་གཞལ་ཡས་ཁང་ངོ་། །གརྡྷ་པ་ཧཱུྃ། དེ་ནི་བོང་བུ་དམར་གྭ་ལ་མིག་མཇུག་མ་ན་ཡོད་པ། རླུང་གི་གཤོག་པ་ཅན་ནོ། །ཏི་ར་བྃ་བོང་
བུའི་ཐོག་ཏུ་ཞིང་བསྣོལ་བའོ། །མ་སུརྱ་མཎྜ་ལ་ཨ། ཉི་ཟླའི་གདན་ནོ། །བྷྱོ་ནག་མོའྀ་འཕྲོ་འདུ་ལས། ལྷ་མོའི་ཏིང་ངེ་འཛིན། ཨོཾ་དེ་བཱི་ཤྲཱི་མ་ཧཱ་ཀཱ་ལཱི་ཧཱུྃ་ཞེས་པ་ལ། རང་གི་བྱང་ཆུབ་ཀྱི་སེམས་ལ། ལྷ་མོ་ནག་མོ་ནི་ཁ་དོག་ནག་མོ་ལ། རལ་པ་གཏིང་ཟ་
པད་དུ་འདུག་པ། མིག་རྩ་དམར་བ་ཁ་གདངས་པ། མཆེ་བ་གཙིགས་པ། ལུས་ལ་སྦྲུལ་དང་། ཐོད་པས་བརྒྱན་པ། ལག་ན་རལ་གྲི་དང་།  ནེའུ་ལེ་ཐོགས་པའོ། །ཐལ་བ་དང་ཁྲག་དང་ཞག་གིས་མཚོན་པའོ། །རྣ་བ་ལ་དྲིལ་བུ་དང་སེང་གེ་ལ་བྱས་པ། ཉི་མ་དང་
ཟླ་བས་ལུས་བརྒྱན་པའོ། །སྐུ་སྨད་གླང་གི་ཀོ་བས་བརྒྱན་པའོ། །རྐང་པ་ལ་ལྕགས་སྒྲོག་གིས་བརྒྱན་པའོ། །ལྷ་མོ་དེའི་སྤྱན་སྔར་རེ་མ་ཏི་ཁོལ་མོ་བསྐྱེད་དེ། ཡྃ་བཱ་ཡ་བེ་རླུང་གི་ཚུབ་མའོ། །བྷྲཱུྃ་བི་ཧ་ར་ཎ་ཧཱུྃ། རིན་པོ་ཆེའི་གཞལ་ཡས་ཁང་ངོ་། །དེའི་ནང་དུ་ཀ་པཱ་

104-1-216b

ལ་བྷྲཱུྃ་ལས་ཐོད་པའི་གཞལ་ཡས་ཁང་ངོ་། །དེའི་ནང་རྟི་རྟི་སྟི་བྲུྃ་ལས་འཕྲུལ་གྱི་ལྡིང་ཁང་ངོ་། །དེའི་ནང་དུ་ཁང་པ་བདུན་བསྐྱེད་དོ། །དེའི་ནང་དུ་དྲེའུ་རླུང་གི་གཤོག་པ་ཅན་བསྐྱེད་དོ། །དེའི་སྟེང་དུ་བསེའི་གདན་ནོ། །དེའི་སྟེང་དུ་མ་ནག་མོའི་འཕྲོ་འདུ་ལས། རཀྴ་རེ་མ་ཏི་
ཧཱུྃ་ཞེས་པ་ལས། བདུད་ཀྱི་བུ་མོ་རེ་མ་ཏི་དེ་ནག་མོ་རལ་པ་ཁམ་པ་ལ། མེ་སྟག་དང་རིན་པོ་ཆེས་བརྒྱན་པའོ། །མིག་དམར་བ་མཆེ་བ་གཙིགས་པ། རེ་ལྡེ་ནག་པོ་དང་མི་ལྤགས་གྱོན་པ། ལག་པ་ན་ཁྲམ་བམ་དང་། ཤོད་རྡེའུ་ཐོགས་པའི་སྦྲུལ་གྱི་
གདེངས་ཀ་དང་། ཉི་ཟླའི་ཐོད་རྡེགས་དང་། ནད་ཀྱི་ཁ་རླངས་ཅན། སྟག་གི་ཤམ་བུ་དང་། ཟངས་ཀྱི་དྲ་བ་དང་། མཚོན་གྱི་གྲུ་གུ་དང་ལྡན་པ་རྣམས་བསྐྱེད་དོ། །བྷྱོ་བྷྱོ་བྷྱོ་བྷྱོ་ཞེས་བརྗོད་པ་ལས། འཁོར་ནག་མོ་འབུམ་བསྐྱེད་དོ། །དཔལ་མེ་ལྕེ་འབར་བའི་རྒྱུད་ལས་ཏིང་ངེ་
འཛིན་བསྟན་པའི་ལེའུ་སྟེ་བདུན་པའོ།། །། དེ་ནས་ལྷའི་དབང་པོ་བརྒྱ་བྱིན་གྱིས། དཔལ་ཕྱག་ན་རྡོ་རྗེ་ལ་འདི་སྐད་ཅེས་གསོལ་ཏོ། །མཉམ་ཉིད་རྡོ་རྗེའི་སྐུ་བསྙེམས་གསང་བའི་ལྷ། །མཚན་མ་འཇོམས་པའི་དཔའ་བརྟན་དྲག་ཤུལ་ཅན། །རྡོ་རྗེ་མཁའ་འགྲོ་མེ་ལྕེ་ཕྲེང་
བ་ཡི། །སྲོག་སྙིང་བསྒྲུབ་པའི་སྔགས་རྣམས་བཤད་པར་ཞུ་ཞེས་གསོལ་པ་དང་། དཔལ་ཕྱག་ན་རྡོ་རྗེས་བཀའ་སྩལ་པ། སྔགས་ཞེས་བྱ་བ་མཁའ་འགྲོའི་སྲོག་རྩ་ཡིན། །གྲངས་ཀྱང་མང་ལ་ཟུར་ཡང་མ་ཆག་སྟེ། །གུག་སྐྱེད་ཚེག་དྲག་དག་ཀྱང་མ་ནོར་ན། །ལྷ་མོ་
ནག་མོ་སྔོན་དུ་འགུགས་པ་ཡིན། །ཞེས་བཀའ་སྩལ་པ་དང་། དཔལ་ཕྱག་ན་རྡོ་རྗེ་དེ། རྡོ་རྗེ་ལྟ་བུའི་ཏིང་ངེ་འཛིན་ལ་ཞུགས་ཏེ། དཔལ་ཕྱག་ན་རྡོ་རྗེས་རང་གི་སྙིང་པོ་འདི་ཐུགས་ཀ་ནས་ཕྱུང་ངོ་། །ཨོཾ་བཛྲ་ཙནྜ་མ་ཧཱ་རོ་ཥ་ཎ་ཧཱུྃ། གཙོ་བོ་ཕྱག་ན་རྡོ་རྗེའི་བསྙེན་
པ་འདི། སྔོན་དུ་འབུམ་ཚོ་བདུན་དུ་བཟླས་པ་བྱས་ལ། གཏོར་མ་དང་ནི་སྦྱིན་སྲེག་གིས་མཆོད་དེ། དེས་ནི་ཕྱག་ན་རྡོ་རྗེའི་གྲུབ་པ་ཐོབ། །ལྷ་མོ་བཀུག་ཅིང་དབང་དུ་བྱེད་པར་ནུས། །དེ་ནས་གདོད་ཅིག་ལྷ་མོའི་སྔགས་ལ་འཇུག །སྔགས་ནི་དཔོན་མོའི་སྙིང་དང་གཡོག་
མོའི་སྲོག །མངོན་དུ་འགུགས་པ་སྲོག་གི་སྙིང་པོའི་སྔགས། །གཙོ་བོའི་སྤྱན་འདྲེན་གཡོག་མོ་འགུགས་པའི་སྔགས། །མི་གཡོ་བརྟན་པ་རྡོ་རྗེ་གདན་གྱི་སྔགས། །མཉེས་པར་བྱ་ཕྱིར་གཏོར་མ་དབུལ་བའི་སྔགས། །གིང་དུ་དབང་བསྐུར་དམ་ལ་གདགས་

104-1-217a

པའི་སྔགས། །མངག་གཞུགས་ཕན་གནོད་ལས་ལ་བསྐུལ་བའི་སྔགས། །མི་བྱ་དབང་མེད་གནད་ལ་འབེབས་པའི་སྔགས། །སྐུ་གསུང་ཐུགས་ཀྱི་དངོས་གྲུབ་བླང་བའི་སྔགས། །ཞབས་ལ་འདུད་པའི་སློབ་མ་དབང་བསྐུར་སྔགས། །ལྷ་དང་
བགེགས་ཀྱི་ཉམས་ལེན་བརྟག་པའི་སྔགས། །བརྡ་དང་མཆོད་པ་རྡོ་རྗེ་གསང་བའི་སྔགས། །བར་ཆད་མཚན་མ་ངན་པ་བཟློག་པའི་སྔགས། །བཅུ་གཉིས་རྡོ་རྗེའི་གསང་སྔགས་བསྟན་པར་བྱ། །དཔལ་ལྷ་མོ་ནག་མོའི་སྲོག་སྙིང་ལ། །ཨོཾ་རུ་རུ་བེ་ཏིསྟ་བ་
དོ་སི། རུ་རུ་རོ་རུ་བེ་ཏིཥྟ་བ་དོ་སི། པ་ཙ་ལ་ཨ་ཤུག་མེ་ཧཱུྃ་བྷྱོ་ཛ༔། ཁོལ་མོ་རེ་མ་ཏིའི་སྲོག་སྙིང་ལ། ཨོཾ་རུ་རུ་རོ་རུ། ཧུ་ཏིཥྟ་བ་ཏོ་སི།  རག་མོ་ཙིཏྟ་ཁ་རག་མོ་ཧཱུྃ་བྷྱོ། མ་མ་ཏྲག་རཀྵ། ཁ་མུནྟྲ་བ་ཏྲ་བ་ཏྲག་རཀྵ་ཙིཏྟ་ཁ་རག་མ། རེ་མ་ཏི་ས་མ་ཡ་
པྲ་མ་མ་ཧཱ་སྟེ་ཕྲ་དུན་བྷྱོ་རུ་ལུ་རུ་ལུ་བྷྱོ་ཛཱ༔ ཛཱ༔ དེ་ནི་སྲོག་ལས་འདྲེན་པའི་སྔགས་ཡིན་ཏེ། །ས་ཡ་བཟླས་ན་མ་མོ་མངོན་དུ་ཡོང་། །བྱེ་བ་བཟླས་ན་ཕྱག་རྒྱ་སྟོན་པར་བྱེད། །འབུམ་ཕྲག་གིས་ཀྱང་དངོས་གྲུབ་མཚན་མ་སྟེར། །ཁོལ་མོའི་སྙིང་པོ་བཟླས་མ་ཐོག་
ནས་འོང་། །ས་མ་ཡ་དུ་ལིང་རཀྴ་སི། ཧེ་རཀྴ། བྷྱོ་རཀྵ། དུྃ་རཀྵ་མཱ་རཱཀྵ་སི། མཱ་མཱ་མཱ་མཱ། རུ་ལུ་རུ་ལུ། རུ་ལུ་རུ་ལུ། བྷྱོ་བྷྱོ་བྷྱོ་བྷྱོ། རུ་རུ་རུ་རུ། དེ་ནི་འཁོར་མ་མོ་འབུམ་གྱི་སྤྱིའི་སྙིང་པོའོ། །ཨོཾ་མ་ཧཱ་ཀཱ་ལི་མཎྜ་ལ་མ་ཏྲེ། ཨཱ་གཙྪ་ཡ། ཨཱ་གཙྪ་ཡ། 
པྲ་བེ་ཤ་ཡ། པྲ་བེ་ཤ་ཡ། ཏིཥྛ་ཏིཥྛ། ཨ་བ་ལོ་ཀ །ཨ་བ་ལོ་ཀ་ཡེ། ཧཱུྃ་ཛ༔། དེ་ནི་སྤྱན་དྲང་བའི་སྔགས་སོ། །ཨོཾ་མ་ཧཱ་ཀཱ་ལི་མ་མ་ས་མ་ཡ། ཤི་ཏི་ཏིཥྛ་སྟྭྃ། མ་ཧཱ་ཀཱ་ལི་ཨཱ་བེ་ཤ་ཡ། རེ་མ་ཏི་ས་མ་ཡ་བེ་ས། དེ་ནི་གདན་གདིང་བའི་སྔགས་སོ། །ཨ་མཥྚ་
བི་མ་ཧཱ་ཀཱ་ལི་རེ་མ་ཏི་བ་ལིྃ་ཁ་ཁ་ཁཱ་ཧི་ཁཱ་ཧི། མ་ཧཱ་པཱུ་ཛ་ཧོ༔། ཨ་མྲྀ་ཏ་ཁ་ཁ་ལེ་ལེ། དེ་ནི་གཏོར་མ་འབུལ་བའི་སྔགས་སོ། །མ་མ་ས་མ་ཡ་མ་ཧཱ་ཀཱ་ལི་ས་མ་ཡ། མ་ཧཱ་ཀཱ་ལ་ཀཱ་ཡ་ས་མ་ཡ། མ་ཧཱ་ཀཱ་ལི་ཝཱ་ཀ་ས་མ་ཡ། མ་ཧཱ་ཀཱ་ལི་ཙིཏྟ་ས་མ་ཡ། མ་ཧཱ་མུ་ཏྲི་ཀ་པཱ་ལ་ཧཱུྃ། དེ་ནི་
དམ་ཚིག་བསྟན་པའི་སྔགས་སོ། །ཨོཾ་བཛྲ་ཛོ་གི་ནི་ཏི་བི་མ་ཧཱ་ཀཱ་ལི་ས་མ་ཡ།  བཛྲ་ཀྲོ་དྷ་ཀརྨ་རཀྵ་ཧཱུྃ། དེ་ནི་ལས་ལ་བསྐུལ་བའི་སྔགས་སོ། །ཨོཾ་རུ་རུ་རུ་ཙ་ཧཱུྃ། ཨ་ཤུག་མེ་བ་ཏྲི་རུ་ཏྲ་ཁ་ཤ་ལ་ནག་མོ་ཧཱུྃ། རག་ཤ་ཙིཏྟ་མ་ཧཱ་ས་མཱ་དྷི། མ་རུ་ཁ་ཙིཏྟ་

104-1-217b

ནན། རག་མོ་ཏི་ཀི་མ་ཛ༔། མ་མ་ཏི་ཏི་ཧཱུྃ་བྷྱོ། དེ་ནི་དཔོན་གཡོག་གནད་ནས་བསྐུལ་བའི་སྔགས་སོ། །ཨོཾ་བཛྲ་ཌཱ་ཀི་ནི་དེ་བ་མ་ཧཱ་ཀཱ་ལ་རེ་མ་ཏི། ཀཱ་ཡ་ཝཱ་ཀ་ཙིཏྟ་སི་ཏི་ས་མ་ཡ་ཕ་ལ་ཨཱ་བེ་ཤ་ཡ་ཨ། དེ་ནི་དངོས་གྲུབ་བླང་བའི་སྔགས་སོ། །ཨོཾ་མ་ཧཱ་ཀཱ་ལི་ཡེ་
ཧཱུྃ་ཕཊ། རུ་རུ་ཙ་པ་ལ་ཨ་ཤུག་མེ་ཧཱུྃ་མ་ཧཱ་ཀཱ་ལི་ཨ་བྷི་ཥིཉྩ།  ཀ་པཱ་ལ་ཧྲི་ནི། མ་ཧཱ་ཛྙཱ་ན། ཀཱ་ཡ་ཝཱ་ཀ་ཙིཏྟ་སིདྡྷི་ཧཱུྃ། དེ་ནི་དབང་བསྐུར་བའི་སྔགས་སོ། །ཧྲིང་ཧྲིང་ཙ་མིཎྜི་གུ་ར་ཙེ་ཧཱུྃ། དེ་ནི་ཉམ་ལེན་བརྟག་པའི་སྔགས་སོ། །ཧཱུྃ་ཕཊ། མ་ཧཱ་དེ་བི་ཀཱ་ལི་དུཥྚནྟ་ཀ་ཧ་
ན་ད་ཧ་པ་ཙ་ཧུ་ལུ་ནན། དྷ་ཧ་པ་ཙ་མཱ་ར་ཡ་ཧཱུྃ་ཕཊ། དེ་ནི་མཚན་མ་ངན་པ་བཟློག་པའི་སྔགས་སོ། །ཧཱུྃ་ཧཱུྃ་ཧཱུྃ་ཧཱུྃ་ཧཱུྃ་ཧཱུྃ་ཧཱུྃ་ཧཱུྃ། ཧྲིང་ཧྲིང་ཧྲིང་ཧྲིང་ཧྲིང་ཧྲིང་ཧྲིང་ཧྲིང་། ཏ་ཀི་ཏ་ཀི་ཏ་ཀི་ཏ་ཀི་ཏ་ཀི་ཏ་ཀི་ཏ་ཀི་ཏ་ཀི། བྲུྃ་གེམ་བྲུྃ་གེམ་བྲུྃ་གེམ་བྲུྃ་གེམ་བྲུྃ་གེམ་བྲུྃ་གེམ་བྲུྃ་གེམ་བྲུྃ་
གེམ། ཧཱུྃ་དུྃ་ཧཱུྃ་དུྃ་ཧཱུྃ་དུྃ་ཧཱུྃ་དུྃ་ཧཱུྃ་དུྃ་ཧཱུྃ་དུྃ་ཧཱུྃ་དུྃ། ཕཊ་ཏ་ཀ་ཕཊ་ཏ་ཀ་ཕཊ་ཀ་ཕཊ་ཀ་ཕཊ་ཀ་ཕཊ་ཀ་ཕཊ་ཀ །དེ་ནི་རྡོ་རྗེ་མ་ཧཱ་མཁའ་འགྲོ་མའི་རྔ་སྒྲའོ། །མཁའ་འགྲོ་མ་མེ་ལྕེ་འབར་བའི་རྒྱུད་ལས་སྔགས་བསྟན་པའི་ལེའུ་སྟེ་བརྒྱད་པའོ།། །། དེ་ནས་ལྷའི་དབང་
པོ་བརྒྱ་བྱིན་གྱིས། དཔལ་ཕྱག་ན་རྡོ་རྗེ་ལ་འདི་སྐད་ཅེས་གསོལ་ཏོ། །བཅོམ་ལྡན་མགོན་པོ་རྒྱལ་ཚབ་ལས་ཀྱི་ལྷ། །རྡོ་རྗེ་མཁའ་འགྲོ་ཡི་རྣལ་འབྱོར་མ་ཡི། །གསང་བའི་ཕྱག་རྒྱ་བདག་ལ་བསྟན་པར་འཚལ་ཞེས་ཞུས་པ་དང་། ཕྱག་ན་རྡོ་རྗེས་བཀའ་སྩལ་པ། རྣལ་
འབྱོར་གསང་བའི་ཕྱག་རྒྱ་དམ་པ་ནི། །སྤང་བར་མི་བྱ་རྟག་ཏུ་བཅང་བར་བྱའོ། །དང་པོ་གཙོ་བོ་རྡོ་རྗེ་རྒྱལ་ལ་གནས། །རླུང་གིས་མེ་སྦར་བོང་ཞོན་དབང་ཕྱུག་མ། །ལྕགས་ཀྱུས་བཟུང་ནས་གཤོག་པས་ཟིལ་གྱིས་གནོན། །བོང་བུས་གདན་འདིངས་ཐོད་པས་དབང་
བསྐུར་ཏེ། །ཐོད་རློན་དམ་བརྟན་གཉིས་མེད་དངོས་གྲུབ་བླང་། །རྟག་ཏུ་མཚན་མ་ངན་པ་ཕྱག་རྒྱས་བཟློག །དང་པོ་གཙོ་བོ་རྡོ་རྗེ་རྩེ་ལྔ་ནི། །ལག་གཉིས་སོར་མོ་རྒྱབ་དུ་བསྣོལ་བཅངས་ལ། །མཐེ་བོང་གུང་མོ་མཐེའུ་ཆུང་བཤིབས་ལ་བསྒྲེང་། །རྡོ་རྗེ་རྩེ་ལྔ་ཕྱག་ན་
རྡོ་རྗེའི་རྒྱའོ། །དང་པོ་རླུང་ནག་ཚུབ་མའི་ཕྱག་རྒྱ་ནི། །ལག་ན་ཐལ་སྦྱར་གུང་སྤྲོད་བསྒྲེང་བ་དང་། །མཐེ་ཆུང་སྲིན་ལག་ཚིགས་བསྣོལ་བགྲད་པ་དང་། །དེ་བརྐྱང་མཐེ་བོང་གུང་གཏད་མཛུབ་མོ་གཉིས་བསྒྲེང་རྫོང་། །རྩེ་མོ་བཀུག་པ་རླུང་གི་ཕྱག་བརྒྱའོ། །མེ་རི་སྨུག་ནག་

104-1-218a

འབར་བའི་ཕྱག་རྒྱ་ནི། །མཛུབ་མོ་གཉིས་ནི་སོར་མོ་དགུག་བྱས་ཏེ། །ཐེ་བོང་བཀུག་སྟེ་དེ་ལ་གཏད་བྱས་ལ། །གུང་མོ་མཐེའུ་ཆུང་བསྒྲེང་སྟེ་ཕྱར་བའོ། །ལྷ་མོ་ནག་མོའི་རལ་གྲིའི་ཕྱག་རྒྱ་ནི། །ལག་གཡས་མཐེའུ་ཆུང་བཀུག་སྟེ་མཐེ་བོས་མནན། །གུང་
མཛུབ་སྲིན་ལག་བཤིབས་ཏེ་བསྒྲེང་བའོ། །ཁོལ་མོ་རེ་མ་ཏིའི་ཕྱག་རྒྱ་ནི། །ལག་པ་གཡས་བཀུག་མཐེ་བོས་མནན་བྱས་ཏེ། །ལྷག་མ་གསུམ་བརྐྱང་བས་ནི་ཁྲམ་བམ་ཕྱག་རྒྱ་ཡིན། །མ་མོ་དགུག་པ་ལྕགས་ཀྱུའི་ཕྱག་རྒྱ་ནི། །ལག་གཉིས་རྒྱབ་སྤྲད་མཐེའུ་ཆུང་བསྒྲེང་
ནས་ནི། །མཛུབ་མོ་གཉིས་བཀུག་གུང་སྲིན་མཐེ་བོས་བསྡུ། །བརྐྱང་སྟེ་ཕྲལ་ནས་སྙིང་ཀར་ལྕགས་ཀྱུ་གཉིས། །ཟིལ་གྱིས་མནན་པ་ཁྱུང་གཤོག་ཕྱག་རྒྱ་ནི། །མཐེ་བོང་གཉིས་གཤིབས་སོར་མོ་གཤོག་ལྟར་བརྐྱང་། །གདན་མཆོག་བོང་བུ་དག་གི་ཕྱག་རྒྱ་ནི། །མཐེའུ་
ཆུང་བསྣོལ་བས་སྲིན་ལག་མནན་བྱས་ཏེ། །སྲིན་ལག་ཐོར་ཏོ་མཐེ་བོས་མནན་པའོ། །དེ་བཞིན་གུང་མོ་གཉིས་ནི་ནང་དུ་བསྟན། །བྱིན་བརླབས་དབང་བསྐུར་ཐོད་ཕྲེང་ཕྱག་རྒྱ་ནི། །ལག་པ་གཡས་གཡོན་ཁུ་ཚུར་བཅངས་པ་ལ། །མཐེབ་མཛུབ་བཞི་པོ་ལྕགས་སྒྲོག་
ལྟ་བུར་སྦྲེལ། །ལག་གཉིས་ཐོད་རློན་དམ་ཚིག་ཕྱག་རྒྱ་ནི། །མཐེ་བོང་མཛུབ་མོ་བཀུག་ནས་བཟླུམ་བྱས་ཏེ། །བཀུག་ནས་སྲིན་ལག་གཉིས་གཅུག་མིག་འབྲས་འདྲ། །གུང་མོ་མཐེའུ་ཆུང་གཉིས་ནི་ཐོད་རློན་ཁ། །དངོས་གྲུབ་བླང་བའི་བདུད་རྩི་བུམ་པ་ནི། །ལག་གཉིས་
སོར་བཅུ་རྩེ་བསྡུས་བཀུག་ལ་ཟླུམ། །མཚན་ངན་བཟློག་པ་ཏྲི་ཤུལ་ཕྱག་རྒྱ་ནི། །ལག་གཡས་མཐེབ་མཛུབ་སྲིན་ལག་མཐིལ་དུ་དགུག །མཐེ་བོ་གུང་མོ་མཐེའུ་ཆུང་ཕྱར་ལ་བསྒྲེང་། །མཁའ་འགྲོ་མ་མེ་ལྕེ་འབར་བའི་རྒྱུད་ལས་ཕྱག་རྒྱ་བསྟན་པའི་ལེའུ་སྟེ་དགུ་པའོ།། །།
དེ་ནས་ལྷའི་དབང་པོ་བརྒྱ་བྱིན་གྱིས། དཔལ་ཕྱག་ན་རྡོ་རྗེ་ལ་འདི་སྐད་ཅེས་གསོལ་ཏོ། །ཀྱེ་སྟོབས་པོ་ཆེ་ལ་གནོད་སྦྱིན་གྲགས་པ་ཅན། །རིག་སྔགས་གསང་སྔགས་ཚོགས་ཀྱི་མངའ་བདག་གིས། །རྡོ་རྗེ་མཁའ་འགྲོ་མཉེས་པར་བྱ་བའི་ཕྱིར། །
མཆོད་པའི་རིམ་པ་བདག་ལ་བཤད་དུ་གསོལ་ཞེས་ཞུས་པ་ལ། གསང་བའི་བདག་པོས་བཀའ་སྩལ་པ། རྡོ་རྗེ་མཁའ་འགྲོའི་དངོས་གྲུབ་མྱུར་བྱའི་ཕྱིར། །མཉེས་པར་བྱས་ཏེ་མཆོད་པ་རྟག་ཏུ་འབུལ། །དང་པོར་མཆོད་པའི་རྫས་ཀྱི་གཏོར་མ་འབུལ། །

104-1-218b

གཉིས་པ་ལ་ནི་སྦྱིན་སྲེག་དབུལ་བའོ། །དེ་བཞིན་གསུམ་པ་གསང་བའི་མཆོད་པ་དབུལ། །དང་པོར་གཏོར་མ་ཤ་ལྔ་བདུད་རྩི་ལྔ། །མཆོད་པའི་རྫས་དང་འཛ་གད་རག་ཏ་རྣམས། །པདྨ་མཛེས་པའི་སྣོད་དུ་བཀང་བྱས་ནས། །རླུང་གི་མེ་སྦར་ཨ་ཡིས་ཐོད་པ་
བཀོལ། །ཧཱུྃ་གིས་རྡོ་རྗེས་རབ་ཏུ་དཀྲུགས་ནས་ཀྱང་། །ཨ་དཀར་འབར་བས་ཁ་ཟས་དུག་བཅོམ་ལ། །དཔའ་བོ་འབྲུ་ལྔས་བདུད་རྩིར་བྱིན་གྱིས་བརླབས། །དང་པོས་གཙོ་བོ་ཕྱག་ན་རྡོ་རྗེ་མཆོད། །གཉིས་པས་ལྷ་མོ་འཐུངས་པར་བསམ། །ཐ་མ་རེ་མ་ཏི་ཡིས་བརྔུབས་པར་
བསྒོམ། །ཨོཾ་བཛྲ་པཱ་ཎི་ཧཱུྃ། ཌཱ་ཀི་ནཱི་མ་ཧཱ་ཀཱ་ལི། ཡཀྴ་རེ་མ་ཏི། མ་མ་ཤ་ཏྲུྃ་ཨ་མུ་ཀ །མ་ཙ་མེ་ཏ་བ་ས་མ་ས། རུ་ཏི་ཛི་བྃ། པྲཱི་ཡ་བགྴི་ནི། ཨི་དྃ་བ་ལིྃ་གྲྀཧྣ་གྲྀཧྣ། ཁ་ཁ་ཁ་ཁ། ཁཱ་ཧི་ཁཱ་ཧི། གསང་སྔགས་དེས་ནི་རྟག་ཏུ་གཏོར་མ་དབུལ་བའོ། །དེ་ནས་སྦྱིན་
སྲེག་དབུལ་བ་བསྟབ་པར་བྱ། །སྐུ་གཟུགས་མདུན་དུ་མེ་ཐབ་བསྐོར་བྱས་ཏེ། །འོ་མ་ཚེར་མ་ཡོད་པའི་ཤིང་བརྩིགས་ལ། །བྲམ་ཟེའི་ཁྱིམ་ནས་མེ་བླངས་མེ་སྦར་ལ། །བསྲེགས་རྫས་མི་ཤ་མར་ནག་སྦྲང་རྩི་ཆང་། །ཁྲག་ལ་སྦྱར་ལ་ཁྲི་ཕྲག་གཅིག་ཏུ་དབུབ། །བསྒོམ་
ཐབས་མེ་ཉིད་མེ་ལྷ་ར་སྐྱེས་ཞོན་པ་ལ། །ཕྱག་བཞི་གཡས་ན་དབྱུག་པ་དང་ནི་མཆོད་སྦྱིན་ནོ། །གཡོན་ན་གྷུནྡྷེ་དང་ནི་བགྲང་ཕྲེང་རབ་ཏུ་འཛིན། །དེ་ཡི་སྙིང་གར་ཕྱག་ན་རྡོ་རྗེ་དང་། །ལྷ་མོ་ཉིད་དང་ཁོལ་མོ་རེ་མ་ཏི། །གསལ་བར་སྐྱེད་ལ་སྦྱིན་སྲེག་དབུལ་བར་བྱའོ། །གཉིས་
པ་གཙོ་བོ་ཕྱག་ན་རྡོ་རྗེ་མཆོད། །གསུམ་པས་ལྷ་མོ་ནག་མོ་དེ་ལ་དབུལ། །དེ་བཞིན་ཐ་མས་རེ་མ་ཏི་ལ་མཆོད། །སོ་སོའི་སྙིང་པོ་བཟླས་ཤིང་དབུལ་བར་བྱའོ། །ཨོཾ་བཛྲ་ཙཎྜ་མ་ཧཱ་རོ་ཥ་ཎ་ཧཱུྃ། མ་ཧཱ་དེ་བི་ཀཱ་ལི་ཧཱུྃ། ཡཀྴ་རེ་མ་ཏི་ཧཱུྃ། ཨགྣ་ཡེ་ཧ་བྱ་ཀ་བྱ། མ་ཧཱ་ཏི་
བ་ཏི་བ་ཏི་བྱ། སརྦ་དུཥྚཱ་ན་བཀྴ་ནི་ཁ་རྃ་ཁཱ་ཧི་སྭཱ་ཧཱ། དེ་ནས་ཐལ་བ་དུར་ཁྲོད་དུ་བསྐྱལ། དེ་ནས་གསང་བའི་མཆོད་པ་རབ་བཤད་བྱ། །དངོས་ལ་མཁའ་འགྲོ་གསལ་ལམ་ཏིང་འཛིན་ལ། །གསང་བ་ཡེ་ཤེས་ཧཱུྃ་དང་ཨྃ་གཉིས་ལ། །རྡོ་རྗེ་པད་མས་རབ་ཏུ་
དཀྲུགས་ནས་ཀྱང་། །ཟླ་བས་མཁའ་འགྲོ་རབ་ཏུ་མཉེས་འགྱུར་ཏེ། །ཐུགས་ཀྱི་ཐིག་ལེས་བདག་གི་གཟི་བྱིན་བསྐྱེད། །ཐུགས་ཀྱི་དངོས་གྲུབ་དམ་པའི་མན་ངག་གོ། མ་ཧཱ་ཀཱ་ལི་ས་མ་ཡ་བོདྷི་ཙིཏྟ། མ་ཧཱ་པུ་ཛ་གུ་ཧྱ་སྟྭྃ་སྤྲོ་བའོ། །མ་ཧཱ་ཀཱ་ལི་ས་མ་ཡ་

104-1-219a

མ་ཧཱ་རཀྟ་གུ་ཧྱ་སྟྭྃ། ཨཱ་བེ་ཤ་ཨ། བསྡུ་བའོ། །མཁའ་འགྲོ་མ་མེ་ལྕེ་འབར་བའི་རྒྱུད་ལས་མཆོད་པའི་ལེའུ་སྟེ་བཅུ་པའོ།། །། དེ་ནས་ལྷའི་དབང་པོ་བརྒྱ་བྱིན་དེས། དཔལ་ཕྱག་ན་རྡོ་རྗེ་ལ་འདི་སྐད་ཅེས་གསོལ་ཏོ། །ཡེ་ཤེས་ལྔར་ལྡན་
དཔའ་བརྟན་ཐུགས་རྗེ་ཅན། །དཔལ་ལྡན་མི་བསྐྱོད་རྡོ་རྗེ་སེམས་དཔའ་ཁྱོད། །རྡོ་རྗེ་མཁའ་འགྲོ་མའི་དངོས་གྲུབ་ནི། །སྲོག་དང་འདྲ་བའི་དམ་ཚིག་བདག་ཉན་འཚལ། །ཞེས་གསོལ་པ་དང་། དཔལ་ཕྱག་ན་རྡོ་རྗེས་བཀའ་སྩལ་པ། མཁའ་འགྲོ་མའི་དམ་ཚིག་ནི། །
གསང་བའི་ཕྱག་རྒྱ་འདའ་དཀའ་བ། །མི་ཤིགས་རྒྱལ་པོས་དབང་བསྐུར་ཏེ། །རྡོ་རྗེ་མཚན་མ་འཇོམས་པའི་རྒྱུ། །དམ་ཚིག་དེ་ཉིད་རབ་བཤད་བྱ། །འདས་ན་རྡོ་རྗེ་དམྱལ་བ་མ་འདས་དངོས་གྲུབ་དམ་པའི་རྒྱུ། །གཙོ་བོ་ཕྱག་ན་རྡོ་རྗེ་དང་། །ལྷ་མོ་ནག་མོ་དཔོན་
གཡོག་ལ། །སྐུ་གསུང་ཐུགས་ཀྱི་དམ་ཚིག་ནི། །གཙོ་བོའི་སྐུ་ཡི་དམ་ཚིག་ནི། །སྐུ་ཡི་ཕྱག་རྒྱ་མི་སྤོང་ཞིང་། །ལྷ་དང་སློབ་དཔོན་མཉེས་པར་བྱ། །རྡོ་རྗེ་སྤུན་ལ་གདུང་བ་བསྐྱེད། །གཙོ་བོའི་གསུང་གི་དམ་ཚིག་ནི། །བཟླས་བརྗོད་སྙིང་པོ་རྒྱུན་མི་གཅོད། །མི་ཡེངས་
རྫུན་སྤངས་གསང་སྔགས་འཛིན། །གཙོ་བོའི་ཐུགས་ཀྱི་དམ་ཚིག་ནི། །གསང་བ་གཞན་ལ་མི་སྤེལ་ཞིང་། །སྟན་གན་འབྲས་བུ་ལྔ་ལ་སྤྱོད། །དེ་ནས་གཙོ་མོའི་དམ་ཚིག་བཤད། །ལྷ་མོའི་སྐུ་ཡི་དམ་ཚིག་ནི། །བོང་བུ་ལ་ནི་བྱམས་པར་བྱ། །ཁལ་གྱིས་མི་མནན་དབྱུག་
མི་བརྡེག །རྨ་བྱའི་མདོས་ནི་རྟག་ཏུ་བཅང་། །མེ་ཡི་དཀྱིལ་འཁོར་མཐོང་བ་ན། །མེ་ཏོག་བསྐྱེས་ལྟར་དགའ་བར་བྱ། །རྟག་ཏུ་ཡི་དམ་མི་འདའ་བའི། །ཞག་རེ་ཕྱག་རྒྱ་གཉིས་གཉིས་བསྟན། །ལྷ་མོ་གསུང་གི་དམ་ཚིག་ནི། །རྒྱུན་ཏུ་བཟླས་པ་བྱེད་པ་དང་། །ནེའུ་ལེ་མཐོང་ན་
བསྟོད་པ་བྱ། །ཕྱག་རྒྱ་བསྟན་ཞིང་དགའ་བར་བྱ། །ཞིང་ལྤགས་རྫས་ཀྱི་སྣོད་དུ་བྱ། །ཚུབ་མ་དག་དང་ཕྲད་གྱུར་ན། །རྐེད་པར་མི་གཅོད་རྒྱབ་མི་བསྟན། །ཚེས་གྲངས་ཤིས་དང་ནམ་གུང་ལ། །ཕྱག་རྒྱ་བྱ་ཞིང་བསྟོད་པ་བྱ། །ལྷ་མོའི་ཐུགས་ཀྱི་དམ་ཚིག་ནི། །འཇིག་
རྟེན་གང་དང་གང་དག་ན། །བུད་མེད་ཡུགས་ས་ཡོད་པ་ལ། །བྱམས་པར་བྱ་ཞིང་ཆགས་པ་སྤྱད། །རྟག་ཏུ་བུ་མོ་གཙང་མ་བསྟེན། །ལྷ་མོ་ཟླ་མཚན་རྒྱུ་དུས་སུ། །གསང་བའི་མཆོད་པས་དམ་བསྲེའོ། །ལྷ་མོའི་ཁོལ་མོ་རེ་མ་ཏིའོ། །དེ་ཡི་སྐུ་ཡི་དམ་ཚིག་ནི། །

104-1-219b

བྱིས་པ་དག་གི་ནལ་ཕྲུག་ལ། །གོས་དང་ཁ་ཟས་མགྲོན་དུ་སྦྱིན། །རྟག་པར་དེ་ལ་བྱམས་པར་བྱ། །ཤིང་ལོ་སོར་བཞི་རྐེད་པར་གཅད། །ཕྱེད་ལ་མ་མོའི་སྐུ་བྲིས་ཏེ། །ཕྱེད་ལ་དངོས་གྲུབ་གསོལ་བར་བྲི། །དེ་ནི་རྟག་ཏུ་བཅང་བའོ། །ཁོལ་མོ་གསུང་གི་དམ་ཚིག་ནི། །
མ་ཕེབས་བར་དུ་སྲོག་སྙིང་དྲང་། །ནུབ་རེ་གཏོར་མ་འདར་མི་རུང་། །ཁ་འཕྲོ་དག་ཀྱང་བསྲེ་བ་མིན། །ཕྲེང་བ་ལ་ཡང་རིག་པ་བསྲུང་། །བདག་གིས་དགྲ་ལ་བྱད་བྱས་ཏེ། །ཕྱིས་ནི་བཅོས་པར་མ་བཤད་དོ། །ཁས་བླངས་ཡོལ་དུ་ག་ལ་རུང་། །ཕུད་ཀྱང་ཉམས་པར་བྱ་བ་
མིན། །རྡོ་སོལ་ཆུར་ནི་བསྐྱུར་མི་བྱ། །ཁོལ་མོ་ཐུགས་ཀྱི་དམ་ཚིག་ནི། །ནལ་བུ་ཡོད་པའི་སྦྲུམ་མ་ལ། །མེ་ཏོག་གཏོར་ཞིང་བྱམས་པར་བྱ། །ཁ་ཟས་སྦྱིན་ཞིང་རྔན་མི་བགྲང་། །སྣ་ཁྲག་ཟླ་མཚན་བླང་བར་བྱ། །དམ་ཚིག་ཡོད་རུང་མེད་རུང་སྟེ། །བདག་མ་ཡིན་
པའི་རྣལ་འབྱོར་ལ། །རང་གི་ལྷ་དང་སྙིང་པོ་དང་། །རྫས་དང་ཕྱག་རྒྱ་མི་བསྟན་ནོ། །མཚན་མ་རྡོ་སོལ་ཞུ་བས་བསྐུ། །བྱ་ནག་ལུག་ནག་རྟག་ཏུ་བཅང་། །ཐེ་ཚོམ་ཟར་ནི་མི་རུང་ངོ་། །དཔོན་གཡོག་སྤྱི་ཡི་དམ་ཚིག་ནི། །རུ་ཧི་རྡོ་རྗེ་པདྨའི་མི། །རྟག་ཏུ་བཅངས་ལ་བསྟེན་
ཅིང་མཆོད། །དེ་དང་བྲལ་དུ་མི་རུང་ངོ་། །རྣལ་འབྱོར་དངོས་གྲུབ་ཐོབ་བྱའི་ཕྱིར། །སྐུ་གསུང་ཐུགས་ཀྱི་དམ་ཚིག་བསྟན། །བརྒྱ་བྱིན་དག་གིས་རབ་ཞུས་པ། །དམ་ཚིག་ཉམས་པའི་སྐྱོན་ནི་གང་། །དམ་ཚིག་བསྲུངས་བའི་ཡོན་ཏན་གང་། །འབྱུང་པོའི་གཙོ་བོས་
བཤད་དུ་གསོལ། །ཕྱག་ན་རྡོ་རྗེས་བཀའ་སྩལ་པ། །རབ་ཏུ་བཤད་ཀྱིས་བརྒྱ་བྱིན་ཉོན། །གཙོ་བོ་ཕྱག་ན་རྡོ་རྗེ་ཡི། །སྐུ་ཡི་དམ་ཚིག་ཉམས་པ་ན། །མཐོ་རིས་གོ་འཕངས་རྒྱུད་ལམ་འཆད། །གསུང་གི་དམ་ཚིག་ཉམས་པ་ན། །བསྒྲུབས་ཀྱང་དངོས་གྲུབ་མི་འཐོབ་
ཅིང་། །སྔགས་ལ་ནུས་མཐུ་མེད་པར་རོ། །ཐུགས་ཀྱི་དམ་ཚིག་ཉམས་པ་ན། །མཁའ་འགྲོའི་ཆད་པས་རབ་བཅད་ནས། །ངེས་པར་རྡོ་རྗེ་དམྱལ་བར་སྐྱེ། །དངོས་གྲུབ་མེད་པར་བར་ཆོད་འབྱུང་། །དཔལ་ལྡན་ལྷ་མོ་ནག་མོ་ཡི། །སྐུ་ཡི་དམ་ཚིག་ཉམས་པ་ན། །
རྒྱལ་པོ་ཆད་དང་སྦྲུལ་གདུག་དང་། །མེ་དང་ཆུ་ཡི་བར་དུ་ཆོད། །གསུང་གི་དམ་ཚིག་ཉམས་པ་ན། །བསྒྲུབ་ལ་གཡེལ་ཤིང་ནུས་མཐུ་མེད། །བསྒྲུབ་པ་རྩོམ་རེས་བར་ཆད་འོང་། །ཐུགས་ཀྱི་དམ་ཚིག་ཉམས་པ་ན། །ཉམས་ལེན་འོང་ཞིང་རིམས་ནད་འོང་། །ཁོལ་མོ་

104-1-220a

བདུད་མོ་རེ་མ་ཏིའི། །སྐུ་ཡི་དམ་ཚིག་ཉམས་གྱུར་ན། །འཁོར་ལ་རིམས་ནད་སྨྱོ་འབོག་འོང་། །དགྲ་རྣམས་ཚེ་དང་བསོད་ནམས་འཕེལ། །གསུང་གི་དམ་ཚིག་ཉམས་པ་ན། །བུ་དང་ཆུང་མ་འཆི་བ་དང་། །སྙིང་མི་དགའ་ཞིང་ཁ་ཡང་ཡོ། །
ནོར་དང་ལོངས་སྤྱོད་ཟད་པར་འགྱུར། །ཐུགས་ཀྱི་དམ་ཚིག་ཉམས་པ་ན། །རང་གི་ཚེ་ལ་བར་ཆོད་འོང་། །མཛེ་དང་རྒྱུ་གཟེར་ན་ཞིང་འབོག །སྤྱི་ཡི་དམ་ཚིག་ཉམས་པ་ན། །རྟག་པར་བསྒྲུབ་ཀྱང་འགྲུབ་དུས་མེད། །རྟག་པར་དགྲ་དང་མི་འབྲལ་ལོ། །ཡང་ནི་ལྷ་
དབང་རྒྱ་བྱིན་ཉོན། །དམ་ཚིག་བསྲུང་བའི་ཡོན་ཏན་ལ། །གཙོ་བོ་ཕྱག་ན་རྡོ་རྗེ་ཡི། །སྐུའི་དམ་ཚིག་མ་ཉམས་ན། །བླ་མེད་བྱང་ཆུབ་གོ་འཕང་འཐོབ། །གསུང་གི་དམ་ཚིག་མ་ཉམས་ན། །ཕྱག་ན་རྡོ་རྗེའི་ཞལ་མཐོང་ནས། །རྡོ་རྗེའི་ངག་ལ་དབང་ཐོབ་
འགྱུར། །ཐུགས་ཀྱི་དམ་ཚིག་མ་ཉམས་ན། །ཕྲིན་ལས་རྣམ་བཞི་མངོན་དུ་འགྲུབ། །མཁའ་འགྲོ་མ་རྣམས་མངོན་དུ་འཁོལ། །མཐུ་དང་རྫུ་འཕྲུལ་བསམས་པས་འགྲུབ། །དཔལ་ལྡན་ལྷ་མོ་ནག་མོ་ཡི། །སྐུ་ཡི་དམ་ཚིག་མ་ཉམས་ན། །ལྷ་སྲིན་
ཕོ་མོས་ཕྱག་བྱེད་དེ། །འདོད་པའི་ཁམས་ཀྱི་རྒྱལ་སྲིད་ཐོབ། །གསུང་གི་དམ་ཚིག་མ་ཉམས་ན། །སྔགས་བཟླས་མཁའ་འགྲོ་མངོན་དུ་འོང་། །བར་ཆད་མེད་པར་དངོས་གྲུབ་སྟེར། །ཐུགས་ཀྱི་དམ་ཚིག་མ་ཉམས་ན། །བདུད་དང་དགྲ་ཡིས་མི་
ཚུགས་ཤིང་། །རྟག་ཏུ་རིམས་ནད་མི་འབྱུང་ཞིང་། །དགྲ་རྣམས་ཐེ་ཚོམ་མེད་པར་འཆི། །ལྷ་མི་ཡོངས་ཀྱིས་བཀུར་བར་འགྱུར། །ཚེ་རིང་ནོར་དང་ལྡན་པར་འགྱུར། །དེ་ནས་ནག་མོ་རེ་མ་ཏིའི། །སྐུ་ཡི་དམ་ཚིག་མ་ཉམས་ན། །འཁོར་ནི་
བཀྲ་ཤིས་དར་ཅིང་རྒྱས། །དགྲ་དང་དགེགས་རྣམས་ཕུང་བར་བྱེད། །གསུང་གི་དམ་ཚིག་མ་ཉམས་ན། །བུ་དང་ཆུང་མ་དར་བ་དང་། །ནོར་དང་ལོངས་སྤྱོད་རྒྱས་པར་འགྱུར། །མིག་རྣོན་རྐང་མགྱོགས་རོ་ལངས་འགྲུབ། །ཐུགས་ཀྱི་དམ་
ཚིག་མ་ཉམས་ན། །ཚེ་རིང་གྲགས་པ་ཐོབ་པ་དང་། །ལུས་ལ་ཆད་ཀྱིས་མི་ཐེབས་ཤིང་། །སེམས་ལ་སྡུག་བསྔལ་མེད་པར་འགྱུར། །མཐུ་རྩལ་ཆེན་པོ་ཐོབ་པར་འགྱུར། །སྤྱི་ཡི་དམ་ཚིག་མ་ཉམས་ན། །གཙོ་བོ་ཕྱག་ན་རྡོ་རྗེ་དང་། །ལྷ་མོ་ནག་

104-1-220b

མོ་དཔོན་གཡོག་ཀུན། །རྟག་ཏུ་བདག་དང་མི་འབྲལ་ལོ། །ཇི་ལྟར་འདོད་པའི་དོན་དེ་འགྲུབ། །གང་ལྟར་མངག་པའི་ལས་དེ་བྱེད། །མཁའ་འགྲོ་མེ་ལྕེ་འབར་བའི་རྒྱུད་ལས། དམ་ཚིག་གི་ལེའུ་སྟེ་བཅུ་གཅིག་པའོ།། །། དེ་ནས་ལྷའི་
དབང་པོ་བརྒྱ་བྱིན་གྱིས། དཔལ་ཕྱག་ན་རྡོ་རྗེ་ལ་འདི་སྐད་ཅེས་གསོལ་ཏོ། །ཧཱུྃ་མཛད་ཧཱུྃ་གི་རྒྱལ་པོ་རྡོ་རྗེ་ཆེ། །རྡོ་རྗེ་མཁའ་འགྲོའི་དྲོད་ཚད་མཚན་མ་ཤོད། །ཅེས་ཞུས་པ་དང་། དཔལ་ཕྱག་ན་རྡོ་རྗེས་བཀའ་སྩལ་པ། སྐྱེས་བུ་བློ་ལྡན་མན་ངག་རྩལ་ཅན་གྱིས། །གསང་
སྔགས་ཏིང་འཛིན་ཕྱག་རྒྱར་རབ་ལྡན་ན། །རྡོ་རྗེ་མཁའ་འགྲོའི་གྲུབ་རྟགས་འདི་ལྟར་འབྱུང་། །གྲུབ་རྟགས་ཕྱི་ནང་གསང་བ་གསུམ་དུ་བཤད། །ནང་གི་གྲུབ་རྟགས་མིག་དང་རྣ་བ་དང་། །སྣ་དང་ལྕེ་དང་ལུས་དང་སྙིང་ལ་འབྱུང་། །གལ་ཏེ་མིག་གིས་སྲིད་པ་གསུམ་མཐོང་
ན། །གཙོ་བོ་ཕྱག་ན་རྡོ་རྗེའི་མཚན་མ་ཡིན། །མིག་གིས་ལྷ་མོ་མཐོང་ན་ལྷ་མོ་ཡིན། །མིག་ནི་འདར་ཞིང་འགུལ་ན་རེ་མ་ཏི། །རྣ་བས་སྲིད་པ་གསུམ་པོ་ཐོས་ན་རྡོ་རྗེ་འཛིན། །མཁའ་འགྲོས་གཏམ་ཟེར་ཐོས་ན་ལྷ་མོས་བསྟན། །བུད་མེད་འབྲུག་སྒྲ་སྒྲོགས་ན་རེ་མ་ཏི། །
སྣ་ལ་ག་པུར་དྲི་ནི་རྡོ་རྗེ་འཛིན། །ཀུ་མུ་ད་ཡི་དྲི་ནི་ལྷ་མོ་ཉིད། །སྤོས་སམ་གུར་གུམ་བྲོ་ན་རེ་མ་ཏི། །ལྕེ་ལ་དམ་ཆོས་འཆད་ན་རྡོ་རྗེ་འཛིན། །ལྕེ་ལ་གསང་སྔགས་ཟློས་ན་ལྷ་མོ་ཡིན། །ལེགས་ཉེས་མཚན་མ་སྨྲ་ན་རེ་མ་ཏི། །ལུས་ནི་འཕྲོ་ན་ཕྱག་ན་རྡོ་རྗེ་ཡིན། །
ལུས་ལ་འོད་འབྱུང་བ་ནི་ལྷ་མོའི་རྟགས། །ལུས་པོ་འདར་རམ་སྐྱི་ཤ་བུང་བ་དང་། །ཤ་རྩ་འགུལ་ན་རེ་མ་ཏི་ཡི་བཏགས། །གླལ་ལམ་སྐྱུག་ཅིང་མཆི་མ་འོང་བ་ན། །ལྷ་མོ་དཔོན་གཡོག་ཡོ་ག་ཕེབས་པ་ཡིན། །གལ་ཏེ་སྙིང་གིས་སྐྱེ་བ་དྲན་པ་ན། །ཕྱག་ན་
རྡོ་རྗེའི་དངོས་གྲུབ་མཚན་མའོ། །སྙིང་ནི་དགའ་ལ་འཚིག་ན་རྗེ་མོ་ཡིན། །སྙིང་འདི་ཁྲི་ལ་འཚིག་ན་ཁོལ་མོ་ཡིན། །ད་ནི་གསང་བའི་གྲུབ་རྟགས་བསྟན་པར་བྱ། །སྔགས་དང་ཏིང་འཛིན་ནུས་པ་སྐྱེད་ཙམ་ན། །རྡོ་རྗེ་དབུས་ཀྱི་རྩ་ཡི་ནམ་མཁའ་ལ། །བྱང་ཆུབ་
སེམས་ཀྱི་དགའ་བདེ་སྐྱེ་བ་ན། །མཁའ་འགྲོ་རང་ལ་ཤར་བར་བཤད། །ད་ནི་ཕྱི་ཡི་གྲུབ་རྟགས་བསྟན་པར་བྱ། །ཕྱི་ཡི་རྟགས་ནི་རབ་འབྲིང་ཐ་མ་གསུམ། །རབ་ནི་ལྷ་མོ་ཉིད་ཀྱི་སྐུ་མཐོང་སྟེ། །ནམ་མཁའི་དབུས་སུ་ཕྱག་ན་རྡོ་རྗེ་མཐོང་། །བུད་མེད་

104-1-221a

དཀར་མོ་བཞད་ཅིང་བྱུང་བ་ན། །གསང་བའི་ཡེ་ཤེས་དངོས་གྲུབ་སྟེར་བའོ། །ནག་མོ་རལ་པ་ཅན་དུ་བྱུང་བ་ན། །འདོད་ཁམས་འདུལ་བའི་མཐུ་རྩལ་དངོས་གྲུབ་བདག་ལ་སྟེར། །དམར་མོ་བསེ་ཡི་རལ་པ་ཅན་དུ་བྱུང་བ་ན། །འཇིག་རྟེན་
དབང་དུ་སྡུད་པའི་དངོས་གྲུབ་སྟེར། །སེར་མོ་ཐོད་པའི་ཕྲེང་བ་ཅན་དུ་བྱུང་བ་ན། །ཚེ་དང་ལོངས་སྤྱོད་རྒྱས་པའི་གྲུབ་པ་སྟེར། །མཁའ་འགྲོ་གྲུབ་རྟགས་འབྲིང་པོ་ནི། །རྡོ་རྗེ་ནམ་མཁའ་ལས་དབས་གཙོ་བོ་ཡིན། །རྗེ་མོ་ལྷ་མོ་དུང་སྐྱོང་གྲུབ་རྟགས་ལ། །རྫས་ལུད་དང་
ནི་མུན་པ་ཤིན་ཏུ་ནག །མེ་ཏོག་ཆར་འབབ་འབྲུག་དང་རླུང་དམར་དང་། །བུད་མེད་གཟུགས་དང་གཞའ་ཚོན་སྟོན་པའོ། །ཁོལ་མོ་རེ་མ་ཏིའི་གྲུབ་རྟགས་ནི། །འབྲུག་དང་རླུང་དམར་སྒོ་རྡུང་ཁང་ཐོག་འཚེག །ཐིབས་ཐིབས་མནན་དང་ཐྭལ་ཐྭལ་སྨྲ་བའོ། །གྲུབ་རྟགས་
ཐ་མ་རྨི་ལམ་དག་ཏུ་སྟོན། །བྱང་ཆུབ་སེམས་དཔའ་རྨིས་ན་གཙོ་བོ་ཡིན། །མ་དང་སྲིང་མོ་རྨིས་ན་ཇོ་མོ་ཡིན། །ཆུང་མ་ཁོལ་མོ་རྨིས་ན་གཡོག་མོ་ཡིན། །བོང་བུ་ཤ་བ་རྨིས་ན་རྗེ་མོ་ཡིན། །གྲིའུ་དང་བྱ་ནག་རྨིས་ན་ཁོལ་མོ་ཡིན། །མ་མོ་གྲུབ་ནས་དབང་དུ་
འདུས་པ་ན། །བུད་མེད་དག་གིས་བདག་ལ་ཕྱག་འཚལ་ན། །འཛུམ་ཞིང་འཁྲིག་གོ་བྱེད་པ་སྤྱོད་པ་ཡིན། །མ་མོ་གྲུབ་ནས་དབང་དུ་མ་འདུས་ན། །མི་སྡུག་གཟུགས་སུ་སྟོན་ཞིང་རྗེ་མོར་རྫུ། །གཅན་ཟན་ཟར་འོང་མ་མོ་ཕྱག་སྒུགས་སོ། །དམ་ཚིག་ཉམས་
ནས་མ་མོ་འཁྲུགས་གྱུར་ན། །མ་མོ་ནང་འཐབ་མཚོན་གྱི་ཆར་པ་འབབ། །བྱ་ནག་ནང་འཐབས་ཁྲག་གི་ན་བུན་འཁྲིགས། །ལྟས་དེ་མཐོང་ན་བཀའ་ཆད་འོང་བའི་རྟགས། །གལ་ཏེ་ལྟེ་ཕུར་ནག་མོ་ལ་སོགས་པའི། །དམ་སྲི་རྣམས་ཀྱིས་བསྒྲུབ་པར་བར་
གཅོད་ན། །གྲང་ལ་འཁྲིགས་ཤིང་ཁྱིམ་དུ་འགྲོ་སྙིང་འདོད། །ཁ་བླ་སྨྲ་སྙིང་འདོད་ལ་ཁྲོ་ཞིང་འཚིག །བུད་མེད་རྐུབ་དང་མོ་མཚན་སྟོན་པ་རྨི། །གལ་ཏེ་གཏོར་མ་དུས་ལས་ཡོལ་བ་ན། །མོ་མཚན་དང་ནི་སྔོན་གྱི་དབང་རྟགས་སྟོན། །དུ་བ་འཁྲིགས་ནས་
བུད་མེད་གླལ་བ་མཐོང་། །བུད་མེད་ངུ་བ་མཐོང་ན་ཉམས་པ་གནོད། །མིག་ནི་བཙུམས་པ་ཏིང་འཛིན་གཡེལ་བའི་རྟགས། །ཐལ་མོ་རྡེབ་ན་དམ་ཚིག་མ་ཚང་ཟེར། །ལྕེ་རྩེ་སྟོན་ན་སྙིང་པོ་ཆད་པ་ཡིན། །སོ་སྒྲ་འཁྲིགས་ན་གཞན་དང་འཐབ་མོ་འོང་། །

104-1-221b

རྒོད་བ་ཐོས་ན་དགྲ་བགེགས་བསྒྲལ་བའི་རྟགས། །ཁྲོ་ན་བར་ཆད་འོང་བ་སྦྲོན་བ་ཡིན། །སྦྱོར་བར་བྱེད་ན་དངོས་གྲུབ་སྟེར་བ་ཡིན། །རྒྱང་གླུ་ལེན་པ་མཐོང་ན་གྲུབ་ཐག་རིང་། །མཆི་རིས་ངོ་ལ་ཡོད་ན་རིམས་ནད་འོང་། །གར་ཐབས་བྱེད་ཅིང་བྱུང་ན་ཅི་བསམས་འགྲུབ། །
གླིང་བུ་འབུད་པ་མཐོང་ན་གཏོར་མ་འདོད་པ་ཡིན། །ཕྲེང་བ་བགྲང་བ་མཐོང་བ་ན་སྦྱིན་སྲེག་འདོད་པ་ཡིན། །ཁ་ལའོ་བྱེད་སྦྱོར་བ་འདོད་པ་ཡིན། །བོང་བུ་ཞོན་པ་རྨིས་ན་རྗེ་མོ་ཡིན། །དྲེའུ་ཞོན་པ་རྨིས་ན་ཁོལ་མོ་ཡིན། །སྙི་སྦམས་ཐོགས་པ་མཐོང་ན་རང་ལ་ཕྱགས། །
གཡབ་དར་ཐོགས་པ་མཐོང་ན་རང་ལ་ཆགས་པའོ། །མེ་ལོང་ཐོགས་པ་མཐོང་ན་ཆུང་མའི་ལུས་ལ་ཆགས། །སྟང་སྟབས་བྱེད་པ་སློབ་མའི་ལུས་ལ་ཆགས། །བྱ་དང་གཅན་ཟན་གཏོར་མ་ཟ་བ་བཟང་། །ཁ་རོག་འདུག་ན་སྙིང་པོ་ཕྱག་རྒྱ་ནོར། །འཛུམ་པ་མཐོང་
ན་བདག་ཉིད་ཚེ་རིང་རྟགས། །གོས་ལ་མེ་རག་ཡོད་ན་སློབ་མ་ཉམས། །ཤ་བ་ཞོན་ན་ནོར་རྣམས་འཕེལ་བའི་རྟགས། །མ་མོ་གྲུབ་པའི་རྟགས་རྣམས་གང་བྱུང་ཡང་། །དེ་ནས་གྲུབ་རྟགས་བཟང་པོ་མཐོང་བ་ན། །བདུད་རྩི་བུམ་པའི་ཕྱག་རྒྱ་བཅས་ལ་ནི། །དངོས་
གྲུབ་བླང་བའི་སྔགས་ནི་བཟླས་བྱས་ལ། །སྙིང་ལ་ཅི་འདོད་པ་ཡི་དངོས་གྲུབ་བླང་། །མ་དང་སྲིང་མོ་ཁོལ་མོ་དམ་ལ་གདགས། །མཚན་མ་ངན་པ་དག་ནི་མཐོང་བ་ན། །མཚན་མ་ངན་པ་བཟློག་པའི་ཏྲི་ཤུྰལ་ཕྱག་རྒྱ་བཅའ། །མཚན་མ་ངན་པ་བཟློག་པ་སྔགས་
ཀྱིས་བཟློག །གལ་ཏེ་བདག་ནི་གཞན་དུ་དོན་གཉེར་ན། །བུད་མེད་ལག་ན་རྫས་ནི་གང་བ་ཐོགས། །བྱ་དང་གཅན་ཟན་མངོན་དུ་འགྲོ་ན་བཟང་། །དེ་ཚེ་གཏོར་མ་ཕུལ་ལ་དོན་ལ་འགྲོ། །སྤྱད་སྟོང་ཐོགས་པ་མཐོང་ན་དོན་མི་གཉེར། །གྲུབ་པའི་དྲོད་ཚད་རྣལ་
འབྱོར་སྤྱི་ལ་གཅེས། །མཁའ་འགྲོ་མ་མེ་ལྕེ་འབར་བའི་རྒྱུད་ལས་དྲོད་ཚད་བསྟན་པའི་ལེའུ་སྟེ་བཅུ་གཉིས་པའོ།། །། དེ་ནས་དཔལ་ཕྱག་ན་རྡོ་རྗེ་ལ། ལྷའི་དབང་པོ་བརྒྱ་བྱིན་གྱིས་འདི་སྐད་ཅེས་གསོལ་ཏོ། །ཐབས་དང་ཤེས་རབ་མངའ་མཛད་རྡོ་རྗེ་
འཛིན། །རྡོ་རྗེ་མཁའ་འགྲོ་བསྒྲུབས་ཀྱང་མ་གྲུབ་ན། །སྤོབས་ཤིང་གནད་ལ་དབབ་པར་ཞུ་ཅེས་གསོལ་པ་དང་། དཔལ་ལྡན་ཕྱག་ན་རྡོ་རྗེས་བཀའ་སྩལ་པ། སྐྱེས་བུ་ཏིང་འཛིན་བློ་ལྡན་རྩལ་ཅན་གྱིས། །རྡོ་རྗེ་མཁའ་འགྲོ་མའི་གསང་སྔགས་གཙོར་བླངས་ཏེ། །

104-1-222a

གང་འདོད་དངོས་གྲུབ་མི་ཐོབ་མི་སྲིད་དོ། །འོན་ཀྱང་བསྒྲུབ་ཐག་རིང་བ་ན། །དེ་ལ་ཉེས་དམིགས་རྣམ་པ་བཞི། །སྔོན་གྱི་ལས་འཕྲོས་མ་འབྲེལ་དང་། །བསྙེན་པ་ཞག་གྲངས་ཉུངས་བ་དང་། །བགེགས་ཀྱིས་བར་དུ་གཅོད་པ་དང་། །རྣལ་
འབྱོར་དམ་ཚིག་ཉམས་པ་བཞི། །བསྒྲུབ་ཐག་རིང་བའི་རྒྱུ་བཞི་ཡིན། །དེ་བཞིན་མཚན་མ་ངོས་བཟུང་སྟེ། །སྔོན་གྱི་ལས་འཕྲོས་མ་འབྲེལ་ན། །བསྒྲུབས་ཀྱང་དངོས་གྲུབ་མཚན་མ་མེད། །བཟླས་བརྗོད་བསྙེན་པ་གྲངས་ཉུངས་ན། །གྲུབ་རྟགས་འོང་ཞིང་
ལས་མི་ཉན། །བགེགས་ཀྱིས་བར་དུ་གཅོད་པ་ན། །སྙིང་མི་དགའ་ལ་འགྲོ་ཞིང་འཇིགས། །རྣལ་འབྱོར་དམ་ཚིག་ཉམས་པ་ན། །བར་ཆོད་རྐྱེན་དབང་དྲག་པོ་འབྱུང་། །འོན་ཀྱང་མི་གཞག་བསྐྱར་ཞིང་བསྒྲུབ། །སྔོན་གྱི་ལས་འཕྲོས་མ་འབྲེལ་ན། །དང་པོ་བསྙེན་
པ་ཡུན་རིངས་ལ། །དེ་ནས་གནད་ལ་དབབ་པ་ནི། །བསྒྲུབ་པའི་དཀྱིལ་འཁོར་བྱང་ཤར་དུ། །དུར་ཁྲོད་ས་ལ་གྲུ་གསུམ་དཀྱིལ། །འཕང་དུ་ཁྲུ་གང་ཡོད་པ་བརྩིགས། །མི་ཡི་ཁྲག་གིས་ཆག་ཆག་གདབ། །དེ་ནས་ཞིང་སོགས་གཡས་པ་ལ། །ལྷ་མོ་ཉིད་ཀྱི་
སྐུ་བྲིས་ལ། །རྒྱུས་པའི་གཟུངས་ཐག་སྙིང་གར་གདགས། །གྲུ་གསུམ་སྟེང་དུ་གན་གྱལ་མནན། །གཟུངས་ཐག་རྩེ་མོ་སོས་བཟུང་ལ། །ཧཱུྃ་མཛད་ཆེན་པོར་གསལ་བསྒོམས་ལ། །མ་མོ་གསོད་པའི་སྙིང་པོ་བཟླས། །རག་མོ་ཙིཏྟ་རཀྟ་སྟི་ར་ཏི་ཏི་
མཱ་ར་ཡ་ཧཱུྃ།  ཛཿ། དེ་སྐད་གསང་སྔགས་བཟླས་ནས་ནི། །མ་མོའི་སྙིང་ཁྲག་རྔུབ་པར་བསྒོམ། །མ་མོ་བོང་བུར་བཅས་པ་རྣམས། །མ་ཏྲང་བཞིན་དུ་འགྱེལ་བར་བསམ། །དེ་ནས་སྙིང་གར་རྡོག་པས་མནན། །ཙིཏྟ་ཛྭ་ལ་རྃ་ཞེས་པས། །བདག་གི་ཞལ་ནས་མེ་
བྱུང་བས། །མ་མོ་ཐུལ་གྱིས་བསྲེགས་པར་བསམ། །མ་མོའི་ས་བོན་མྃ་ནག་མོ། །བདག་གི་ཞབས་འོག་རྒྱུད་པ་ལས། །མ་མ་རུ་ལུ་ཞེས་བརྗོད་པ་ལས། །བདག་ཉིད་དཔལ་གྱི་ཞབས་འོག་ནས། །ལྷ་མོ་ནུས་པའི་ཐོད་ཕྲེང་ཅན། །ཐལ་མོ་སྦྱར་ནས་འདུག་
པར་བསྒོམ། །རྟ་མགྲིན་ཕྱག་རྒྱས་དབང་དུ་བསྡུ། །ཁྱུང་གཤོག་ཕྱག་རྒྱས་ཟིལ་གྱིས་མནན། །གནད་ལ་གདབ་པའི་དམ་རྫས་བསྲེག །དེ་ལྟར་ལན་གཅིག་བསད་པ་དེས། །གཟུགས་ནི་རྡོག་པའི་འོག་ནས་དབྱུང་། །བྱང་ཤར་མཚམས་སུ་བཞུགས་སུ་གསོལ། །

104-1-222b

སྨྲེས་བཤགས་བྱ་ཞིང་གདུང་གླུ་བླང་། །བདུད་རྩི་རྣམ་པ་ལྔ་ཡིས་གསོ། །མཚང་ནས་བྲུ་ཞིང་གནད་ནས་བསྐུལ། །དེ་ནས་བསྒྲུབ་པ་བསྐྱར་ལ་བརྩམ། །ཐེ་ཚོམ་མེད་པར་འགྲུབ་པར་འགྱུར། །བསྙེན་པ་ཞག་གྲངས་ཉུངས་བ་ན། །མི་རུས་སམ་ནི་རུ་རག་ཤ །ལུང་
ཐང་དག་གི་ཕྲེང་བ་ལ། །མ་ཡེངས་གྲངས་ཀྱི་བསྙེན་པ་ནི། །འབུམ་ཚོ་བདུན་དུ་བཟླས་ཀྱང་རུང་། །ཡང་ན་མཚན་མའི་བཟླས་པ་ཤིས། །བགེགས་ཀྱིས་བར་དུ་གཅོད་པ་ན། །གྲུ་གསུམ་ཨེ་དོང་ནག་པོ་བརྐོ། །མི་ཁྱི་ཕག་གི་ཆག་ཆག་གདབ། །ཁམ་ས་རྫ་
ཡི་ལིང་ག་ལ། །སྙིང་གར་དམ་སྲིའི་མིང་བྲིས་ལ། །རབས་ཆད་ནག་པོའི་ཐོད་པར་གཞུག །ཐོད་པ་དོང་གི་ནང་དུ་གཞུག །འབར་བའི་དཀྱིལ་འཁོར་གསལ་བར་བསྒོམ། །དམ་སྲི་བཀུག་ཅིང་བསྟིམ་བྱས་ལ། །མི་རུས་སོར་བརྒྱད་ཕུར་པ་ཡིས། །མི་གཡོ་
མགོན་པོར་གསལ་བསྒོམས་གདབ། །མཚན་མ་ངན་པ་བཟློག་སྔགས་བཟླས། །དེ་རྟིང་རྡོ་བ་ནག་པོ་ལ། །རི་རབ་རྡོ་རྗེ་རྒྱ་གྲམ་བྲི། །འབྲུབ་ཁུང་དེ་ཡི་ཁ་བཅད་ལ། །དེ་གཏིང་སྐུ་གདུང་ནག་པོ་བརྩིག །དེ་ནི་དམ་སྲི་མནན་པར་བཤད། །རྣལ་འབྱོར་དམ་ཚིག་ཉམས་
པ་ལ། །མཁའ་འགྲོ་མ་ཡི་ཆད་པ་འབྱུང་། །ཉམས་ཆད་ཆེ་ན་བཀའ་ཆད་ཆེ། །བསྒྲུབ་པ་གྲུབ་རྟགས་མེད་པ་དང་། །རང་ཉིད་སྲོག་ལ་བབ་པའོ། །ཉམས་པ་འབྲིང་གི་བཀའ་ཆད་ནི། །འཁོར་ལ་རྐྱེན་དང་རིམས་ནད་འབྱུང་། །ཉམས་པ་ཐ་མའི་བཀའ་ཆད་ནི། །དགྲ་
དང་ནོར་ལ་གོད་ཀ་འབྱུང་། །དེ་ནས་ཉམས་པ་བཀང་བ་བསྟན། །ཉམས་པ་ཆེན་པོ་བཀང་བ་ནི། །གཏོར་མ་ཁྲི་དང་སྦྱིན་སྲེག་ཁྲི། །དེ་བཞིན་ར་ཙ་གསུམ་གྱིས་བཀང་། །དེས་ཀྱང་སྐོངས་པར་མི་འགྱུར་ན། །དང་པོ་མཁའ་ལྡིང་གསུམ་གྱིས་བཀང་། །དེ་ནས་ཤེལ་
ནག་གསུམ་གྱིས་བཀང་། །བཀའ་ཆད་འབྲིང་པོ་བྱུང་བ་ན། །གཏོར་མ་སྟོང་དང་སྦྱིན་སྲེག་སྟོང་། །མཁའ་ལྡིང་གཉིས་དང་སྤྱི་ནག་གཉིས། །དེ་བཞིན་ར་ཙ་གཉིས་ཀྱིས་བཀང་། །མདངས་ཀྱི་མར་མེ་བཅྭ་བརྒྱད་དབུལ། །བཀའ་ཆད་ཐ་མ་བྱུང་བ་ན། །གཏོར་མ་བརྒྱ་དང་སྦྱིན་
སྲེག་བརྒྱ། །མཁའ་ལྡིང་གཅིག་དང་ཤེལ་ནག་གཅིག །ར་ཙ་གཅིག་གིས་སྐོངས་བར་བཤད། །མཁའ་འགྲོ་མ་མེ་ལྕེ་འབར་བའི་རྒྱུད་ལས་སྤོགས་ཤིང་ཐུགས་དམ་སྐོང་བའི་ལེའུ་སྟེ་བཅུ་གསུམ་པའོ།། །། དེ་ནས་ལྷའི་དབང་པོ་བརྒྱ་བྱིན་གྱིས། 

104-1-223a

དཔལ་ཕྱག་ན་རྡོ་རྗེ་ལ་འདི་སྐད་ཅེས་གསོལ་ཏོ། །དྲག་པོ་དཔལ་འབར་གནོད་སྦྱིན་ཁྲོས་པའི་གཙོ། །རྡོ་རྗེ་མཁའ་འགྲོའི་དངོས་གྲུབ་བསྒྲུབ་འདོད་པས། །རྟག་ཏུ་བསྟེན་པ་རྡོ་རྗེ་འཛིན་པས་ཤོད། །ཅེས་གསོལ་པ་དང་། དཔལ་ཕྱག་ན་རྡོ་རྗེས་
བཀའ་སྩལ་པ། ཉོན་ཅིག་མཁའ་འགྲོ་རྟག་ཏུ་བསྟེན་པ་ནི། །དང་པོ་གྲུབ་ཅིང་མཚན་མ་ཐོབ་པ་ཅེས། །དེ་ནས་ཕྱི་ནང་གསང་བ་གསུམ་དུ་བསྟེན། །དཔོན་མོའི་ཕྱིའི་རྟེན་ནི་རྨ་བྱའོ། །རྨ་བྱའི་སྙིང་གར་བྷྱོ་ལས་ལྷ་མོ་བསྐྱེད། །ཁོལ་མོའི་ཕྱི་ཡི་རྟེན་ནི་བྱ་ནག་མོ། །
སྙིང་གར་བྷྱོ་ལས་རེ་མ་ཏི་བསྐྱེད་ལ། །རྨ་བྱ་དེ་མོ་ནག་གམ་ཤེལ་ནག་ལ། །སྣ་ལ་མ་མོ་དཔོན་གཡོག་ལེགས་པར་དབབ། །དེ་ནས་ཕྱི་ནང་གསང་བའི་དབང་བསྐུར་ལ། །དུས་སུ་གཏོར་མས་མཆོད་ཅིང་རྟེན་དུ་བཟུང་། །ནང་གི་རྟེན་ནི་སྐུ་དང་གསང་མཚན་ནོ། །
རང་གི་གཟུགས་དང་གསང་མཚན་ཁ་སྤྲད་ལ། །བར་དུ་རུ་ཏི་རྡོ་རྗེ་པད་མ་མི། །གསང་བ་ག་བུར་སྩལ་ཏེ་ལུས་ལ་བསྲེལ། །གསང་བའི་རྟེན་ནི་ལྷན་ཅིག་གྲུབ་པའི་ལྷ། །གསང་བ་ཡེ་ཤེས་ཐིག་ལེ་མ་མོར་གཏའོ། །དེ་ནས་རྟག་ཏུ་སྔགས་དང་ཕྱག་རྒྱ་དང་། །
ཏིང་འཛིན་རྫས་དང་དམ་ཚིག་མི་སྤོང་ངོ་། །རྟག་ཏུ་ཟས་ཀྱི་ཕུད་ཀྱིས་བསྟེན་པར་བཤད། །མཁའ་འགྲོ་མ་མེ་ལྕེ་འབར་བའི་རྒྱུད་ལས་མ་མོ་རྟག་ཏུ་བསྟེན་པའི་ལེའུ་སྟེ་བཅུ་བཞི་པའོ།། །། དེ་ནས་དཔལ་ཕྱག་ན་རྡོ་རྗེ་ལ། ལྷའི་དབང་པོ་བརྒྱ་བྱིན་གྱིས་
འདི་སྐད་ཅེས་གསོལ་ཏོ། །ཀྱེ་དཔལ་འབར་ཆེན་མོ་ཉི་མ་སྟོང་གི་གཟི། །རྡོ་རྗེ་ལྷ་མོ་མཁའ་འགྲོ་མ་དཔལ་གྱི་ལྷ་མོའི། །པྲ་རྟགས་དབབ་དང་སློབ་མ་དབང་བསྐུར་བའི། །མ་མོ་དབབ་པའི་གསང་སྔགས་བདག་ལ་ཤོད་ཅེས་གསོལ་པ་དང་། དཔལ་ཕྱག་ན་རྡོ་རྗེས་
བཀའ་སྩལ་པ། ལྷ་མོ་འབེབས་ཤིང་སློབ་མ་དབང་བསྐུར་བའི། །སློབ་དཔོན་ཉིད་ཀྱིས་མ་མོ་གྲུབ་པ་ཅེས། །དེ་ནས་མ་མོ་གྲུབ་པའི་སློབ་དཔོན་དེས། །དུར་ཁྲོད་ཆེན་པོར་ཞག་བདུན་བསྙེན་པ་བྱ། །སྔགས་དང་མན་ངག་རྫས་སུ་ལྡན་པར་བྱ། །དང་ལ་རང་ལ་
མ་མོ་ཕེབས་པར་དབབ། །དེ་ནས་སློབ་མ་དཀྱིལ་འཁོར་འཇུག་པ་དང་། །མེ་ཏོག་དོར་དང་ལྷ་ངོ་བསྟན་བྱ་དང་། །དཔལ་ཕྱག་ན་རྡོ་རྗེའི་དབང་བཞི་བསྐུར། །དང་པོ་རྡོ་རྗེ་རྩེ་ལྔ་འབར་བའི་དབང་། །གཉིས་པ་ཤེས་རབ་དྲིལ་བུ་དག་གི་དབང་། །དེ་བཞིན་

104-1-223b

གསུམ་པ་ལ་ནི་དབུ་རྒྱན་ཏེ། །བཞི་པ་རིགས་ལྔ་ཡེ་ཤེས་ལྔའི་དབང་། །དེ་ནས་ལྷ་མོ་ནག་མོའི་དབང་བཞི་བསྐུར། །དང་པོ་ལ་ནི་ཐོད་པའི་དབང་། །གཉིས་པས་ཤེས་རབ་རལ་གྲིས་དབང་བསྐུར་ཏེ། །གསུམ་པ་ལ་ནི་ནེའུ་ལེའི་རྒྱལ་བའོ། །
དེ་བཞིན་བཞི་པ་དཔའ་བོ་ཧསྟ་སྦྱིན། །དེ་ནས་རེ་མ་ཏི་ཡི་དབང་བཞི་བསྐུར། །དང་པོ་དུར་ཁྲོད་གཡང་གཞིའི་དབང་། །གཉིས་པ་རྡོ་རྗེ་ཌ་མ་རུ་ཡི་དབང་། །གསུམ་པ་ཁ་ཊྭཱྃ་བདུད་གྱི་ཁྲམ་བམ་དབང་། །དེ་བཞིན་བཞི་པ་ཆུ་གྲི་འདོད་པའི་དབང་། །དབང་ནི་བསྐུར་
བའི་སྔགས་ཀྱང་བཟླས་པར་བྱ། །བཅུ་གཉིས་རིམ་པ་སྔོན་དུ་རྗེས་པ་དང་། །སྐུ་དང་གསུང་གི་དམ་ཚིག་དབོག་པར་བྱའོ། །དེ་ནས་གསང་བའི་དབང་ལ་འཇུག་པར་བྱ་སྟེ། །དབང་པོ་བྲམ་ཟེ་རྒྱལ་རིགས་རྗེའུ་རིགས་ཀྱི། །བུ་མོ་བརྒྱད་དང་བཅུ་དྲུག་ཉི་ཤུ་མ། །
མིག་གི་དཀྱུས་རིངས་སྔོ་བསངས་ནུ་མ་རྒྱས། །སྐྲ་བཟངས་སོ་དཀར་ཨུཏྤལ་བྲོ། །དེ་ལ་ཁྲུས་བྱས་མེ་ཏོག་གསེར་གྱིས་བརྒྱན། །དབང་པོ་ལྔ་ལ་བདུད་རྩི་དག་གིས་གདབ། །དཔྲལ་བར་ཕྱག་ན་རྡོ་རྗེའི་གསང་སྔགས་བྲི། །དེ་ཡི་སྙིང་གར་ལྷ་མོའི་སྙིང་པོ་ལ། །ལྟེ་བར་
རེ་མ་ཏི་ཡི་སྙིང་པོ་བྲི། །སྨན་ལྔ་བདུད་རྩི་ལྔ་ཡི་ཟས་བྱིན་ལ། །གསང་བའི་པདྨར་རུ་ཧུ་རྡོ་རྗེ་སྩལ། །དེ་ནས་བསྒྲུབ་པའི་དཀྱིལ་འཁོར་ནུབ་ཕྱོགས་སུ། །དབང་བསྐུར་སྟེགས་བུ་ཟླུམ་པོ་དམར་པོ་བརྩིགས། །དེ་ཡི་སྟེང་དུ་བུ་མོ་དེ་བཞག་ལ། །ཕྱོགས་མཚམས་
ཀུན་དུ་ཚིལ་དང་ལྕོང་ཟི་བསྲེག །སྟེང་འོག་ཀུན་དུ་ཞིང་གི་བླ་རེ་གདན། །མདུན་དང་རྒྱབ་དུ་གཏོར་མ་སྦྱིན། །དེ་ནས་མ་མོའི་སྙིང་པོ་འབུམ་དུ་གདོན། །དེ་ནས་རྡོ་རྗེ་སློབ་དཔོན་གུ་རུ་ཡིས། །ཌ་མ་རུ་རྡུང་མ་མོ་དྲག་ཏུ་བོད། །སྲོག་སྙིང་དྲང་ཞིང་གཡབ་དར་གཡབ། །
དེ་ནས་བུ་མོ་དེ་ལ་སེམས་གཏང་ལ། །སྔགས་འདི་བཟླས་ཤིང་གདོང་དུ་རྟག་ཏུ་བལྟ། །བུ་མོ་མ་ཡེངས་ས་ལེ་བསྒོམ་དུ་བཞུག །ཨོཾ་ཙཎྜ་མ་ཧཱ་རོ་ཥ་ཎ་ཧཱུྃ་ས་མ་ཡ་པྲ་ཐཱ་རུ་རུ་རོ་རུ་ཙ་པ་ལ་ཨ་ཤུག་མེ་ས་མ་ཡ་པྲ་ཐཱ། ཁ་མུནྟྲ་པྲ་མ་ཡ་མ་ཏིསྟི་པྲ་ཡོ་ག་
སིདྡྷི་ས་མ་ཡ་པྲ་ཐཱ། ཨཱ་བེ་ཤ་ཨ། དྲག་ཏུ་མ་མོ་བསྐུལ་ཞིང་དབབ་པར་བྱའོ། །ཕེབས་པར་དཀའ་ན་གནད་ལ་འབེབས་རྫས་བསྲེག །ལན་གསུམ་མ་མོ་འབུམ་གྱིས་ངེས་པར་ཕེབས། །བཟང་ངན་ལེགས་ཉེས་མཚན་མ་ཐྭལ་ཐྭལ་སྨྲའོ། །ཡང་ན་

104-1-224a

མི་སྨྲ་བར་ཡང་ཕེབས་པར་བྱེད། །དེ་ནས་བུ་མོ་དེ་ཡི་ལུས་པོ་ལ། །སྤོས་དང་མེ་ཏོག་མར་མེ་དྲི་ཆབ་ཀྱིས། །དང་པོ་ལ་ནི་མའི་ཡི་མཆོད་པ་བྱ། །ཤ་ལྔ་བདུད་རྩི་ལྔ་དང་བཟའ་བཏུང་གིས། །དེ་ནས་གཉིས་པ་ནང་གི་མཆོད་པ་དབུལ། །
གསང་བའི་མཆོད་པ་ཁུ་བའི་ཐིག་ལེ་དེས། །དང་པོས་གཙོ་བོ་རྡོ་རྗེ་འཛིན་པ་མཆོད། །གཉིས་པས་ལྷ་མོ་དཔོན་གཡོག་མཆོད་པར་བྱ། །གསུམ་པས་ཁུ་བ་བདག་བཏུང་དངོས་གྲུབ་བླངས། །གཟུངས་མ་མཁའ་འགྲོ་ཡིན་པར་ངེས་བསྐྱེད་ལ། །གཟུངས་
མའི་ལྕེ་ལ་གཞག་ལ་དམ་ཚིག་བསྲེ། །དེ་ནས་ཐིག་ལེ་སློབ་མའི་ལྕེ་ལ་གཞག །དེ་ནས་མ་མོ་ཐུགས་ཀྱི་དབང་སྦྱིན་ནོ། །དེ་ནས་བུ་མོ་དེའི་མདུན་དུ་ནི། །དབང་གི་རྟགས་སུ་ཟླ་གམ་དམར་པོ་བརྩིག །དེ་ནས་སློབ་མ་སྟེགས་བུའི་ཁ་ལ་གཞག །མཁའ་འགྲོ་ཀུན་
ལ་སྦྱིན་སྲེག་གཏོར་མ་དབུལ། །དེ་ནས་བུ་མོ་ཤེས་རབ་མ་དེ་ཡིས། །མ་མོ་འདོད་ཀྱི་སློབ་མ་དེ་ལ་དབབ། །མ་མོ་བསྐུལ་བའི་རྫས་རྣམས་བསྲེག་པར་བྱ། །ཕྱི་དང་ནང་གི་གྲོད་ཚད་མཚན་མ་དབས། །མཚན་མ་ཕེབས་ནས་ཐུགས་ཀྱི་དམ་ཚིག་དབོབ། །དམ་
ཚིག་བསྲེ་བའི་གསང་བའི་དབང་བསྐུར་རོ། །དེས་ནི་མཁའ་འགྲོ་མངོན་དུ་འགྲུབ་པར་བཤད། །མ་མོ་མཁའ་འགྲོ་ཐུགས་ཀྱི་གསང་རྒྱུད་འདི། །དབང་དང་དམ་ཚིག་མེད་པའི་སློབ་མ་ལ། །ཚིག་གཅིག་བསྟན་ཡང་ཚེའི་འདུ་བྱེད་བསྐུལ། །མྱུར་དུ་ཤི་ནས་རྡོ་རྗེ་དམྱལ་
བར་སྐྱེ། །དེ་བས་དབང་བསྐུར་གནང་བ་ཐོབ་ལ་སྦྱིན་པར་བཤད། །མཁའ་འགྲོ་མ་མེ་ལྕེ་འབར་བའི་རྒྱུད་ལས་དབང་བསྐུར་བའི་ལེའུ་སྟེ་བཅྭ་ལྔ་པའོ།། །། དེ་ནས་ལྷའི་དབང་པོ་བརྒྱ་བྱིན་དེས་དཔལ་ཕྱག་ན་རྡོ་རྗེ་ལ་འདི་སྐད་ཅེས་གསོལ་ཏོ། །
ཀྱེ་མ་ཕྱག་ན་རྡོ་རྗེ་ཆེ། །ངོ་མཚར་བྱིན་བརླབས་རྣམས་ཀྱི་མཆོག །ལྷ་མོ་གྲུབ་པའི་རྣལ་འབྱོར་པའི། །ལས་ཀྱི་རིམ་པ་བཤད་དུ་གསོལ། །ཅེས་གསོལ་པ་དང་། དཔལ་རྡོ་རྗེ་འཛིན་པས་བཀའ་སྩལ་པ། ཉོན་ཅིག་ལྷའི་དབང་པོ་བརྒྱ་བྱིན་ཉོན། །ལྷ་མོའི་
གྲུབ་པ་ཐོབ་པའི་རྣལ་འབྱོར་པས། །སོ་སོའི་ལས་ལ་ཆེད་དུ་མ་བརྩམས་ཀྱང་། །ཡིད་ལ་ཅི་འདོད་བསམས་པ་ཙམ་གྱིས་འགྲུབ། །འོན་ཀྱང་ཆེད་དུ་སྒྲུབ་པ་རྩོམ་པ་ན། །ལས་ཀྱི་བྱེ་བྲག་དམ་པ་ངས་བཤད་དོ། །མ་མོ་གྲུབ་པ་རྣམས་ཀྱིས་བྱ་བ་ཡིན། །

104-1-224b

དང་པོའི་ལས་ཅན་རྣམས་ཀྱིས་མི་བརྩམ་མོ། །བརྒྱ་བྱིན་ཉོན་ཅིག །ཞི་བའི་ལས་ཀྱི་ཁྱད་པར་ནི། །བུ་རམ་སྦྲང་རྩི་འགི་ཝང་དང་། །གུ་གུལ་སྤོས་དང་འོ་མ་དང་། །མར་ཁུ་ཏིལ་དང་འབྲས་ཆན་དང་། །ཨ་ག་རུ་དང་དུ་རུསྐ། །གང་ལ་བྱ་བའི་མིང་དང་བཅས། །རི་ལུ་ཁྲི་ཚོ་གཅིག་
བྱས་ལ། །ཞི་བའི་ཐབས་ཁུང་ཟླུམ་པོ་དང་། །འོ་མ་ཡོད་པའི་ཤིང་བརྩིགས་ལ། །མཁའ་འགྲོ་མ་རྣམས་དཀར་པོ་ལ། །བདུད་རྩིའི་བུམ་པ་ཐོགས་ནས་ཀྱང་། །གང་ལ་བྱ་བའི་སྤྱི་བོ་ནས། །དབང་བསྐུར་ལུས་པོ་ཞི་བར་བསྒོམ། །མེ་སྦར་རི་ལུ་རིམ་གྱིས་བསྲེག །གོང་མའི་
སྲོག་སྙིང་བཟླས་ཤིང་དབུལ། །སྲོག་གི་སྙིང་པོའི་གཞུག་རྒྱན་དུ། །ཤནྟིྃ་ཀུ་རུ་སྭཱ་ཧཱ་བཟླས། །འབུམ་ཚོ་བཞི་རུ་བཟླས་བྱས་ལ། །བདུད་དང་བགེགས་རྣམས་ཞི་བ་དང་། །དགྲ་དང་ནད་ཡམས་ཞི་བར་བྱེད། །རྒྱས་པའི་ལས་སུ་བྱ་བ་ནི། །གུར་གུམ་སྟ་རྒའི་དགུན་
འབྲུ་དང་། །ཨུཏྤལ་མར་ཁུ་འགི་ཝང་དང་། །བདུད་རྩི་ལྔ་དང་དཔག་བསམ་ཤིང་། །གང་ལ་བྱ་བའི་མིང་དང་བཅས། །ཁྲི་ཚོ་གཉིས་ཀྱི་རི་ལུ་བྱ། །རྒྱས་པའི་ཐབ་ཁུང་གྲུ་བཞི་པ། །འབྲས་བུ་ཡོད་པའི་ཤིང་བརྩིགས་ལ། །གཙོ་བོ་ཕྱག་ན་རྡོ་རྗེ་དང་། །མཁའ་
འགྲོ་མ་ཀུན་སེར་པོ་ལ། །རིན་ཆེན་མཛོད་དང་བུམ་པ་ཐོགས། །གང་ལ་བྱ་བའི་སྙིང་ག་རུ། །དབང་བསྐུར་ཕུང་པོ་རྒྱས་པར་ཤོག །མེ་སྦར་རི་ལུ་རིམ་གྱིས་དབུལ། །ༀ་ཙཎྜ་མ་ཧཱ་རོ་ཥ་ཎ་ཧཱུྃ། ཁ་མུནྟྲ་བ་ཏྲ་བ་ཏྲ་ཏྲག་རག་མོ་པུཥྚིངྐུ་རུ་སྭཱ་ཧཱ། འབུམ་ཚོ་བརྒྱད་
དུ་བཟླས་བ་བྱ། །ཚེ་དང་རིགས་རྒྱུད་འཕེལ་བར་བྱེད། །ནོར་དང་ལོངས་སྤྱོད་འཕེལ་བར་འགྱུར། །དབང་གི་ལས་སུ་བྱ་བ་ནི། །སྦྲང་རྒོད་ར་ཁྲག་ཆང་དང་ཆབ་ཚན་དང་། །ཁུག་ཆོས་ལུག་མིག་པ་དང་ནི། །ཡུང་དང་གླ་རྩི་ཅོང་ཞུན་དང་། །ཉ་ཤ་མར་ཁུ་རྒྱ་སྐྱེགས་ནི། །རི་
ལུ་ཁྲི་ཚོ་གསུམ་བྱས་ལ། །དབང་གི་ཐབ་ཁུང་ཟླ་གམ་ལ། །ཚེར་མ་ཅན་གྱི་ཤིང་བརྩིགས་ལ། །གཙོ་དང་འཁོར་གྱི་མ་མོ་ཀུན། །མདོག་དམར་ལྕགས་ཀྱུ་ཐོགས་པ་ཡིས། །གང་ལ་བྱ་བ་བཀུག་པར་བསྒོམ། །མེ་སྦར་རི་ལུ་རིམས་ཀྱིས་བསྲེག །ཨོཾ་ཙཎྜ་མ་ཧཱ་
རོ་ཥ་ཎ་ཧཱུྃ། པ་ཙ་ལ་ཨ་ཤུག་མེ། པྲ་མ་མ་ཧཱ་སྟི་པྲ་ཆེ་གེ་མོ་ཨཱ་ཀཪྵ་མ་ནཱ་ཡ་ཧྲཱིཿཛཿ། འབུམ་ཚོ་བཅུ་དྲུག་བཟླས་པ་ན། །འཁོར་ལོས་སྒྱུར་བའི་རྒྱལ་པོ་དང་། །སྟག་དང་གླང་པོ་ནོར་བུ་དང་། །འགྲོ་བ་བཟང་དང་བློན་པོ་དང་། །དམག་མི་དང་ནི་ལྷ་མི་དང་། །

104-1-225a

ཀླུ་དང་གནོད་སྦྱིན་བུ་མོ་དང་། །ཀུན་ཀྱང་བདག་གི་དབང་དུ་འགྱུར། །བསྲེག་པའི་ལས་སུ་བསྟན་པ་ནི། །དྲག་པོའི་མེ་ཐབ་གྲུ་གསུམ་དུ། །དུག་ཤིང་ཚེར་མའི་མེ་བུས་ལ། །རྟ་དང་མགྲིན་རིང་ཤ་དང་ཆིལ། །ཁྭ་ཡི་སྒྲོ་དང་ཐར་ནུའི་ཆང་། །གང་ལ་
བྱ་བའི་མིང་དང་བཅས། །འབུམ་ཚོ་རུ་ནི་བཟླས་པ་བྱ། །རླུང་གི་དཀྱིལ་འཁོར་སྟེང་དུ་ནི། །རླུང་གི་རྔ་མོ་སྔོན་མོ་བསྐྱོན། །དེ་སྟེང་གང་ལ་བྱ་བ་བསྐྱོན། །རེ་མ་ཏིའི་སྣ་ནས་ཁྲིད། །ལྷ་མོ་ནག་མོས་ཕྱི་ནས་དེད། །ཕྱག་ན་རྡོ་རྗེས་རྒྱབ་ནས་ཕུལ། །དཔག་ཚད་བརྒྱད་ཁྲིར་
བསྐྲད་པར་བསམ། །སྙིང་པོ་བཟླས་ཤིང་ཡ་སྟགས་བསྲེག །སྙིང་པོ་ཐ་མ་སྐྲོད་ཅེས་བསྐུལ། །ཡུལ་ནས་དབྱུང་ཞིང་འཁྱམས་པར་ནུས། །ཕཊ་ཙ་པ་ལ་ཨ་ཤུག་མེ། །སྥཱ་ར་ཎ་མ་ཡྃ་ཕཊ་ཕཊ་སྐྲོད་ཅིག །དབྱེ་བའི་ལས་སུ་བསྟན་པ་ནི། །རྟ་གཡག་བྱ་རོག་
འུག་པའི་ཤ །བཙན་དུག་སྐྱེ་ཚེ་སྤྱང་གུའི་ཚིལ། །མཛའ་བོ་གཉིས་ཀྱི་མིང་བཅས་ལ། །ཚེར་མའི་ཤིང་ལ་མེ་བུས་ལ། །འབུམ་ཚོ་གཅིག་ཏུ་བསྟབས་པ་བྱ། །སྲོག་གི་སྙིང་པོའི་ཐ་མར་ནི། །མ་མ་ཏྲག་རག་ཤ་རུ་ཏྲ་མཱ་ར་ཡ་ཧཱུྃ་ཕཊ། གཙྪ་ཕཊ་ཞེས་ནི་བཟླས་
པ་བྱ། །ཐེ་ཚོམ་མེད་པར་དབྱེ་བར་ནུས། །བུད་མེད་འགུགས་པའི་སྦྱོར་བ་ནི། །ལན་ཚྭ་རྒྱ་སྐྱེགས་རྡོ་སོལ་དང་། །ལྕོང་ཟི་བུ་རམ་ཉ་ཤ་དང་། །སྦྲང་རྩི་མངལ་ཁྲག་ཁུ་བ་དང་། །གང་ལ་བྱ་བའི་མིང་ངམ་སྐྲ། །རི་ལུ་བརྒྱ་རྩ་བརྒྱད་བྱས་ལ། །སེང་ལྡེང་མེ་ལ་བསྲེག་
པར་བྱ། །དུ་བ་བྱུང་ན་འདོད་ཆགས་ལངས། །མེ་ལྕེ་འབར་ནས་ཁུགས་པར་བྱེད། །སྔགས་ནི་མཁའ་འགྲོའི་སྙིང་པོས་བྱ། །ཐ་མ་བུད་མེད་འདིས་ཁུག་བྱ། །དེས་ནི་ཐེ་ཚོམ་མེད་པར་ནུས། །ལྐུགས་པར་བྱ་བ་བསྟན་པ་ནི། །ཁམ་པའི་རྫས་ལ་དགྲ་གཟུགས་བྱ། །
ལུག་གི་རྐན་ལ་མིང་བྲིས་ལ། །དེ་ཡི་སྙིང་གར་གཞུག་པར་བྱ། །ཁ་ཡི་ནང་དུ་ཉ་མགོ་གཞུག །ཁ་ནི་ཚེར་མས་རབ་ཏུ་གཏུར། །གཟུགས་ནི་ཁྱི་མགོའི་ཁར་གཞག་ལ། །ཁྱི་ཡི་མགོ་སྤྱང་གུའི་རྒྱུས་པས་བཀྲིས། །གསང་སྔགས་བརྒྱ་རྩ་བརྒྱད་དུ་བཟླས། །ཨོཾ་
བཛྲ་ཙཎྜ་རོ་ཥ་ཎ་ཧཱུྃ། རེ་མ་ཏི་ཆེ་གེ་མོ་བགྴ་ཧཱུྃ། སོས་པར་བྱ་ན་སླར་ལ་བཤིག །གལ་ཏེ་མ་བཤིག་མནན་ན་ནི། །མ་ཤིའི་བར་དུ་ཁ་འཐམས་སོ། །སྨྱོ་བའི་ལུས་སུ་བྱ་བ་ནི། །བཙན་དུག་ལྡོང་རོས་སྦྲུལ་ནག་གོ། སྡིག་པའི་རྭ་དང་བྱེའུ་ཆུང་རོ། །གང་ལ་བྱ་བའི་མིང་

104-1-225b

དང་བཅས། །དེ་ཉིད་ཀྱི་ནི་གནས་སུ་བསྲེག །ཆེ་གེ་མོ་ཤ་ཏྲཱུན་ནཱ། ཤ་པྲ་མ་ཡ་ཧཱུྃ་ཕཊ། ཐེ་ཚོམ་མེད་པར་འབོག་ཅིང་སྨྱོ། །རེངས་པར་བྱ་བ་བསྟན་པ་ནི། །དྲི་རྒོད་རོ་སྲེགས་རུས་པ་དང་། །ཨ་པྲ་ནག་པོའི་འབྲས་བུ་དང་། །དམངས་རིགས་ཁྱིམ་ཀྱི་དུད་པ་དང་། །
བྱི་ལའི་ཤ་དང་བཙན་དུག་དང་། །ཕབས་དང་སུག་པ་གུ་གུལ་ནག་པོ་དང་། །ཕྱེ་མ་དག་ཏུ་རབ་སྦྱར་ལ། །སྔགས་ནི་འབུམ་དུ་བཟླས་པ་བྱ། །ཨོཾ་པཱ་ཎི་བཛྲ་མ་ཧཱ་ཀ་ལི་ཙ་པ་ལ་ཧཱུྃ། སྦོ་ཏ་གྲུམ་སྔོ་སྲེང་ཧཱུྃ་ཧཱུྃ་ཧཱུྃ་དེ་རྣམས་ཀྱི་ནི་ཕྱེ་མ་དེ། །གང་ལ་གཏོར་བས་རེངས་པར་
ནུས། །རང་ལུས་སྦ་བའི་སྦྱོར་བ་ནི། །ཁྭ་ཏ་ནག་པོའི་ཚང་ཤིང་ལ། །ཨུཏྤལ་ནག་པོའི་ཁུ་བས་བྱུག །བྲམ་ཟེའི་གོ་རོ་ཙ་ནས་བསྐུ། །བསྒྲུབ་པའི་དཀྱིལ་འཁོར་དབུས་སུ་གཟུགས། །ཕྱག་ན་རྡོ་རྗེའི་སྙིང་པོ་བཟླས། །དེ་ནས་ན་བུན་བུ་མོ་བདུན། །སྲིན་བལ་ནང་དུ་དྲིལ་
ལ་གཞག །ལྷ་མོ་དཔོན་གཡོག་སྙིང་པོ་བཟླས། །སྲིན་བལ་ཐུལ་པོ་ཤིང་ལ་གདགས། །མིས་མ་མཐོང་བར་ལུས་ལ་བཙའ། །བདག་ནི་སུས་ཀྱང་མི་མཐོང་ངོ་། །ཉོན་ཅིག་ལྷ་དབང་བརྒྱ་བྱིན་ཉོན། །བསྟན་པ་གཉན་པོ་བཤིག་པ་དང་། །རྡོ་རྗེ་སློབ་དཔོན་བརྙས་
པ་དང་། །གསད་པའི་སྦྱོར་བ་རབ་ཏུ་བཤད། །རྗེ་མོས་གསད་པའི་ལས་བཞི་དང་། །ཁོལ་མོ་ནག་མོའི་ཐུན་དྲུག་ནི། །ངས་གསུངས་པ་ལ་ཐེ་ཚོམ་མེད། །གསད་པའི་ལས་བཞི་བསྟན་པ་ནི། །དང་པོར་ཁྲག་ནད་དབབ་པ་དང་། །གཉིས་པ་རིམས་ནད་དབབ་པ་དང་། །
གསུམ་པ་ཚ་བ་འབྲུམ་ནག་འབར། །བཞི་པ་སྙིང་གཟེར་འབར་བའོ། །ནད་བཞི་གང་འདོད་འབར་བས་བསད། །ཁྲག་ནད་དག་གིས་དགྲ་གསད་ན། །རོ་ཚས་ལས་ལ་ལིངྒ་བྲི། །ཚ་བ་གསུམ་གྱི་ཁུ་བས་བསྐུ། །བཟླས་པ་བྱ་ཞིང་གཏོར་མ་གཏང་། །ཕེབས་པ་དང་དབབ་
ཅིང་བསྐུལ་བར་བྱ། །ཨོཾ་བཛྲ་ཙཎྜ་མ་ཧཱ་རོ་ཥ་ཎ་ཧཱུྃ། ཨོཾ་རུ་རུ་ཏིཥྚ་བ་ཏོ་སི། རུ་རུ་བེ་རོ་རུ་བེ་ཏིཥྚ་བ་ཏོ་སི། ཙ་པ་ལ་ཨ་ཤུག་མེ། ཆེ་གེ་མོ་རག་ཏ་རོ་གེ་ནག་མཱ་ར་ཡ་ཧཱུྃ་ཕཊ། ཁྲི་ཚོ་གཅིག་ཏུ་བཟླས་བྱས་ལ། །ལིང་ག་གཏོར་མར་དབུལ་བར་བྱ། །ཁྲག་
ནད་ཀྱིས་ནི་འཆི་བར་འགྱུར། །ད་ནི་རིམས་ནད་དབབ་པ་བཤད། །བཙན་དུག་མདའ་དུག་རྒྱུ་གཟེར་ཁྲག །ཆང་དང་ལོ་དུག་ཁྲག་དང་བཞི། །ཐོད་པ་དུམ་བུ་བརྒྱད་པར་སྩལ། །ཞིང་རས་དག་གིས་ཁ་བཅད་ལ། །སྔགས་འདི་སུམ་འབུམ་བཟླས་པ་བྱ། །ཨོཾ་

104-1-226a

བཛྲ་ཙཎྜ་མ་ཧཱ་རོ་ཥ་ཎ་ཧཱུྃ། རུ་རུ་བེ་ཏིཥྚ་བ་ཏོ་སི། རུ་རུ་རོ་རུ་ཧོ་རུཥྚ་བ་ཏོ་སི། ཙ་པ་ལ་ཨ་ཤུག་མེ་ཧཱུྃ་བྱ་ཧ་ད་མི་རོ་གེ་ནག་ཨཱ་བེ་ཤ་ཡ། མཱ་ར་ཡ་ཕཊ། རང་ཉིད་ཁྲོས་པའི་ཆ་ལུགས་བྱ། །དགྲ་ཡི་ཕྱོགས་སུ་མཚན་མོ་གཏོར། །རིམས་ནད་དག་གིས་ཕུང་
བར་ནུས། །ཚ་བའི་ནད་ཀྱིས་གསད་པ་ནི། །རབས་ཆད་ནག་པོའི་ཤ་ཁྲག་དང་། །བྱ་རོག་འུག་པའི་ཤ་ཚིལ་དང་། །སེང་སྟག་བྱ་རྒོད་ལྕུང་གའི་སྙིང་། །རྟ་ནག་ར་རོག་ཕག་གི་སྙིང་། །སྤྱང་མོའི་སྙིང་དང་རྨེ་གྲིའི་ཤ །ལྕོང་ཞུན་དང་ནི་འགི་ཝང་སྦྱར། །དུག་དང་ཁྲག་
ཀྱང་བསྲེས་བྱས་ལ། །རི་ལུ་ཁྲི་ཚོ་བཞི་བྱས་ལ། །མ་ཏྲང་ནག་པོའི་ཞལ་བཅས་ལ། །མ་ཏྲང་དེ་ཡི་ཁ་ནང་དུ། །དུག་ཤིང་ནག་པོའི་ཧོམ་སྦར་སྟེ། །རྡོ་རྗེ་མཁའ་འགྲོ་དཔོན་གཡོག་ཀྱང་། །ནག་མོ་རལ་པ་རྔམ་བག་ཅན། །ལག་ན་རལ་གྲི་ཐོགས་པ་ཡི། །དགྲ་ཤ་
བཅད་ཅིང་ཟ་བར་བསྒོམ། །རི་ལུ་རེ་དང་དགྲ་མིང་རེ། །བསྡེབས་ཤིང་བསྲེགས་པའི་ལས་བྱའོ། །མ་མོ་བསྐུལ་བའི་རྫས་རེ་བསྲེག །ནག་མོ་ཆེན་མོའི་དམོད་པ་ནི། །ཨོཾ་བཛྲ་ཙཎྜ་མ་ཧཱ་རོ་ཥ་ཎ་ཧཱུྃ། རུ་རུ་བེ་ཏིཥྚ་བ་ཏོ་སི་རུ་རུ་རོ་རུ་བ་ཏིཥྚ་བ་ཏོ་སི། ཙ་པ་ལ་
ཨ་ཤུག་མེ། མ་མ་སརྦ་ཤ་ཏྲུྃ་ཨ་མུ་ཀ་ཤཱི་གྷྲྃ་མཱ་ར་ཎ། ཛྭ་ལ་རྃ་ཙིཏྟ་ཛྭ་ལ་ཛི་བྃ་རུ་དྷི་རྃ་མཱ་ར་ཡ་ནཱ་ཤ་ཡ་ཧཱུྃ་ཕཊ། དེ་ནས་ཐལ་བ་ཧོཾ་ཁུང་མནན། །ཚ་བའི་ནད་ལ་ཐེ་ཚོམ་མེད། །སྙིང་གཟེར་འབར་བས་དགྲ་བསད་ན། །ལྕགས་སམ་དུག་ཤིང་ཕུར་བུ་ལ། །
ལུས་ལ་བཅངས་ལ་བསྙེན་པ་དབུལ། །སྤྱི་བོར་ཕྱག་ན་རྡོ་རྗེ་བསྒོམ། །རྐེད་པར་ལྷ་མོ་ནག་མོ་བསྒོམ། །རྩེ་མོར་རེ་མ་ཏི་ཡང་བསྒོམ། །ལོགས་ལ་འཁོར་གྱི་མ་མོ་བསྒོམ། །ཀཱི་ལ་ཡ་ལ་བསྒོམ་པ་རྣམས། །སྐུ་སྟོད་རྒྱན་དང་ལག་ཆར་ལྡན། །རྐེད་པར་ཞེ་སྡང་
སྦྲུལ་གྱིས་དཀྲིས། །སྐུ་སྨད་གདུག་པའི་ཕུར་བུ་འབར། །ལུས་ལ་བཅངས་ལ་བསྙེན་པ་དབུལ། །ཨོཾ་བཛྲ་ཙཎྜ་མ་ཧཱ་རོ་ཥ་ཎ་ཧཱུྃ། རུ་རུ་བེ་ཏིཥྚ་བ་ཏོ་སི། རུ་རུ་རོ་རུ་བེ་ཏིཥྚ་བ་ཏོ་སི། ཙ་པ་ལ་ཨ་ཤུག་མེ། རེ་མ་ཏི་བཛྲ་ཀི་ལི་ཀཱི་ལ་ཡ་ཧཱུྃ་མཱ་ར་ཎ་ཧཱུྃ་ཕཊ། རྟག་
ཏུ་བསྙེན་པ་དབུལ་བྱས་ལ། །གཏོར་མ་སྦྱིན་སྲེག་དག་གིས་མཆོད། །དེ་ནས་དགྲ་ཡི་གཟུགས་བྱས་ལ། །རྐང་ལག་དག་ལ་བཏབ་པ་ན། །སྙིང་ལ་བཏབ་ན་འཆི་བར་བྱེད། །སྙིང་གཟེར་འབར་བའི་ཆོ་གའོ། །ཁོལ་མོ་ནག་མོའི་ཐུན་དྲུག་ནི། །འགུ་ལི་ནག་

104-1-226b

མོའི་ཐོད་པའི་ཐུན། །ནིར་ཏི་ནག་མོ་མདའ་ཡི་ཐུན། །རཀྟ་ནག་མོ་ཁྲག་གི་ཐུན། །ཙ་རྃ་ནག་མོ་སྒོང་ངའི་ཐུན། །བྱི་ཤ་ནག་མོ་དུག་གི་ཐུན། །ཙིཏྟ་ནག་མོ་སྙིང་གི་ཐུན། །ནག་མོའི་ཐུན་དྲུག་རབ་བཤད་བྱ། །འགུ་ལི་ནག་མོའི་ཐོད་མདའ་ནི། །མི་རོ་བཀྲིས་པའི་
དཀྲིས་མ་ལ། །དུག་དང་ཁྲག་གི་སྣག་ཚ་ཡིས། །དབུས་ནས་བསྐོར་ལ་ཡི་གེ་བྲི། །ཨོཾ་ཙཎྜ་མ་ཧཱ་རོ་ཥ་ཎ་ཧཱུྃ། ཞེས་བྱ་བ་དབུས་སུ་བྲི། །དེ་ཡི་ཕྱི་རིམ་དུ་རུ་རུ་བེ་ཏིཥྚ་བ་དོ་སི། རུ་རུ་རོ་རུ་བེ་ཏིཥྚ་བ་དོ་སི། ཙ་པ་ལ་ཨ་ཤུག་མེ་ཧཱུྃ་བྷྱོ་ཞེས་བྲི། དེའི་ཕྱི་རིམ་དུ་རུ་རུ་
བེ་རོ་རུ་ཧཱུྃ་ཏིཥྚ་བ་དོ་སི། རག་མོ་ཙིཏྟ་ཁ་རག་མ་ཧཱུྃ་བྷྱོ། མ་མ་ཏྲག་རག་ཤ་ཁ་མུན་ཏྲ་བ་ཏྲ་བ་ཏྲག་རག་ཤ་ཙི་ཏྲ་ཁ་རག་མ།  རེ་མ་ཏི་ས་མ་ཡ་མ་ཧཱ་པྲ་མ་སྟི་པྲ་དུན་བྷྱོ་ཛ༔ ཛ༔། རུ་ལུ་བྷྱོ་བྷྱོ་ཞེས་བྲི། དེའི་ཕྱི་རིམ་དུ་མ་ནག་མོས་བསྐོར། དེའི་ཕྱི་རིམ་དུ་བྷྱོས་
བསྐོར། དེ་ནས་སྔགས་ཀྱི་འཁོར་ལོ་དེ། །ནལ་ཐོད་དུམ་བུ་བརྒྱད་པར་སྩལ། །ཐོད་པ་དེའི་ནང་དུ་ནི། །བྃ་དང་ཁྱི་རྒྱ་ར་རོག་སྙིང་། །ཡུགས་ས་མོ་ཡི་མངལ་ཁྲག་དང་། །ནད་གང་འདོད་པའི་ཤ་རུས་ཁྲག །དུག་སྣ་ཚོགས་དང་ཁྲག་སྣ་ཚོགས། །ཆང་དང་སྦྱར་
ལ་ཐོད་པར་བླུག །ཐོད་པ་གཡང་བཞིའི་སྟེང་དུ་གཞག །དེ་རག་མཛ་ཏི་ཏ་བྃ་དང་། །མཁའ་འགྲོ་མ་ལ་ཕུལ་ནས་ནི། །སྐེ་ཚེ་ཡུངས་ནག་ཐལ་ཆེན་ལ། །སྔགས་འདི་བཟླས་ལ་ཐོད་པར་བླུག །ཨོཾ་རུ་རུ་བེ་རོ་རུ་ཧཱུྃ་ཏིཥྚ་བ་ཏོ་སི། ཧཱུྃ་ཧཱུྃ། ཙ་པ་ལ་ཨ་ཤུག་མེ། 
ཀརྨ་དེ་བྱི་མུ་དི་རཱ་ག་བྃ་ཧཱུྃ་ཧཱུྃ་ཙ་པ་ལ་ཨག་ཤུག་མེ། མུ་ཡྃ་རཀྵ་ཐུམ་དུ་ན་ནན། ཁ་རག་ཙ་མུན་ཏི་ཧཱུྃ་ཧཱུྃ་ཙ་པ་ལ་ཨ་ཤུག་མེ། ཨ་ཀམ་མཱ་ར་ཎ་ཧཱུྃ་ཕཊ། སྔགས་དེ་ཁྲི་ཚོ་ཐོན་པའི་ཚེ། །གོ་རོ་ཙ་ནས་ཁ་བཅད་ལ། །དུར་ཁྲོད་དག་ཏུ་གནས་དག་སྟེ། །ནམ་
ཕྱེད་ཐོད་མདའ་དགྲ་ལ་འཕང་། །མ་མོ་བསྐུལ་བའི་དམ་རྫས་བསྲེག །དེ་ནི་ཕུང་ཞིང་རླག་པར་བྱེད། །ནིར་ཏི་ནག་མོའི་མདའ་ཐུན་ནི། །མདའ་སྒྲོ་བྱ་ལྩུང་ཀ་ཡིས་སྒྲོན། །དུག་ཤིང་ནག་པོའི་མདེའུ་བཙུགས་ལ། །བམ་གྱི་སྙིང་ཁྲག་ཡུགས་སའི་ཁྲག །
བཙན་དུག་ཡུངས་དཀར་སྐེ་ཚེ་དང་། །མི་རིགས་དགུའི་སོ་སེན་དང་། །བྱ་དང་གཅན་དགུའི་སྡེར་མོ་དང་། །ཚེར་མ་དགུ་དང་མཚོན་དབལ་དགུ། དྲི་རྒོད་ཁྲག་དང་གཡུལ་སྤྲད་ས། །དེ་རྣམས་བསྲེས་པའི་ཕྱེ་མ་ལ། །མ་མོ་ལས་ལ་བསྐུལ་བ་དང་། །གནད་

104-1-227a

ལ་དབབ་པའི་སྔགས་ཀྱིས་གདབ། །དེ་ཡི་གཏིང་ལ་ཐུན་གྱི་མཐུ། །དམེ་གྲི་ནག་མོའི་ཟོར་སྔགས་བཟླས། །རག་མོ་ཙིཏྟ་མོ་ཙ་ཙ་མོ་བྷྱོ། ཧི་ལི་ཧི་ལི་མ་མ་བྷྱོ། བཛྲ་ཨ་ལི་ག་སྲི་ག་སི་ཧཱུྃ་བྷྱོ།  བཛྲ་མ་མ་ཏི་བྷྱོ། དེ་སྐད་སྔགས་ནི་བཟླས་ནས་ནི། །རྫས་
དང་ཕུར་ཐུན་མདའ་སྦུབས་བླུག །མདའ་ཉིད་དུག་དང་ཁྲག་གིས་བྱུག །དུར་ཁྲོད་འགལ་བའི་གཞུ་བརྡུངས་ལ། །མདེའུ་ཡི་རྩེ་མོ་བསྲེག་བྱས་ལ། །མདའ་དེ་ནམ་ཕྱེད་དགྲ་ལ་འཕང་། །གང་ལ་བྱ་བ་གྲི་རུ་འཆི། །རག་ཏ་ནག་མོའི་ཁྲག་ཐུན་ནི། །མི་རྟ་ར་ཁྱི་
ཕག་ཁྲག་དང་། །རིམས་ནད་ཁྲག་དང་གུ་གུལ་དང་། །ཚེར་མ་དགུ་དང་མཆེ་སྡེར་དགུ། །ཀླུ་ཡི་ཆུ་དང་བཙན་དུག་དང་། །རྡར་གྲི་འབུམ་ཏྲི་ནང་དུ་སྩལ། །ཡུངས་ཀར་དག་ལ་ཐུན་སྔགས་འདི། །བདུན་ཁྲི་བཟླས་ལ་ཁྲག་གི་ནང་དུ་བླུག །རུ་རུ་ཙ་དུག་ཨ་
ཤུག་མེ་བ་ཏི་རུ་ཏྲ་ཁ་ཤལ་མོ། ཆེ་གེ་མོ་ཨ་མུ་ཀ་རཀྟ་ཙ་ར་ནན། མཱ་ར་ཡ་མཱ་ར་ཡ་རུ་ཏི་རྃ། ཨཱ་ཀཪྵ་ཡ་ཨ་ཧཱུྃ་ཕཊ། དེ་སྐད་ཁྲག་ལ་སྔགས་བཟླས་ལ། །མ་མོ་ལས་ལ་བསྐུལ་སྔགས་གདབ། །དེ་ནས་ཁྲག་གི་ཟོར་མདའ་དེ། །རོ་བཀྲིས་དག་གི་
འུར་རྡོར་སྩལ། །ནམ་ཕྱེད་དགྲ་ལ་འཕང་བར་བྱའོ། །དེས་ནི་གང་ལ་བྱ་བ་འཆི། །ཙ་ར་ནག་མོའི་སྒོང་ཐུན་ནི། །བྱ་མོ་ནག་མོའི་སྒོང་ང་ཡི། །སྤྱི་བོ་བརྟོལ་བའི་སྒོང་སྟོང་དུ། །རིམས་ཀྱི་ཁྲག་དང་བཙན་དུག་སྩལ། །ཡུངས་ཀར་ཐལ་ཆེན་མཚོན་དཔལ་ལ། །
སྲོག་གི་སྙིང་པོ་འབུམ་དུ་བཟླས། །ཐ་མར་སྒོང་ཐུན་གདབ་སྔགས་བཟླས། །ཁ་མུན་ཏྲ་བ་ཏྲ་བ་ཏྲག་ཤ་རག་མོ་ཏེ་ཀེམ་ཛ༔ ཛཱཿ། ཁ་རག་ཏེ་ཀེམ་བྷྱོ་བྷྱོ༔ དེ་ནས་སྒོ་ང་ཁ་བཅད་ལ། །ཧསྟ་ལག་པར་བཅུག་ལ་འཕང་། །མཁར་ལ་བརྒྱབ་ཀྱང་འཇིག་པར་ནུས། །
དགྲ་ལ་འཕང་ན་ཐེ་ཚོམ་མེད། །བྱི་ཤ་ནག་མོའི་དུག་ཐུན་ནི། །མ་ཧེའི་རྭ་འམ་བ་མེན་དུ། །མདའ་དུག་བཙན་དུག་ལོ་དུག་དང་། །རིམས་ནད་ཁྲག་དང་ཆང་བླུགས་ལ། །རྭ་རུ་ནང་ཉིད་ཁར་བཅུག་ལ། །དང་ལ་མཁའ་འགྲོའི་སྙིང་པོ་དང་། །ལས་ལ་
བསྐུལ་སྔགས་མིང་དང་བཅས། །དེ་ནས་དུག་གི་དབལ་སྔགས་བཟླས། །ཧཱུྃ་རེ་མ་ཏི་མ་མ་རུ་ལུ་རག་ཥ་བྷྱོ། རེ་མ་ཏི་བྱི་ཤི་མ་ཡ་སྟ་ཡག་ཤ་ཀྲོ་དྷ་ཆེ་གེ་མོ་མཱ་ར་ཡ་ཕཊ། རྭ་རྩེ་ཕྲ་མོ་བཅད་པར་ནི། །དུག་གི་ཁུ་བ་མི་མགོས་གཏིས། །མི་

104-1-227b

མགོ་དུག་གིས་ཁེངས་ཙམ་ན། །མ་མོ་བསྐུལ་བའི་རྫས་བསྲེགས་ལ། །ཁྲམ་བམ་ཕྱག་རྒྱ་བཅས་ལ་ནི། །ནམ་ཕྱེད་ཁྲོས་ཏེ་དགྲ་ལ་འཕང་། །ཐེ་ཚོམ་མེད་པར་དགྲ་བརླག་གོ། ཙིཏྟ་ནག་མོའི་སྙིང་ཐུན་ནི། །སྤྱང་གི་སྟག་དང་སྲེ་མོང་སྙིང་། །ཁྱི་དང་
འུག་པ་ཝ་ཡི་སྙིང་། །ཕོ་རོག་ཁྲག་དང་སྦྲུལ་གྱི་སྙིང་། །ཐོད་པའི་ནང་དུ་སྩལ་ལ་ནི། །དང་པོ་མ་མོ་དཔོན་གཡོག་གི། །གནད་ལ་བསྐུལ་བའི་སྔགས་བཟླས་ཤིང་། །མ་མོ་བསྐུལ་བའི་དམ་རྫས་བསྲེག །དེ་ནས་སྙིང་གི་ཐུན་སྔགས་ནི། །ཏྲག་
རག་ཤ་ཙི་ཏ་དུང་རོ་ཏ་མ་ཏ་སྨ་ར་ར་ཏ་བྷྱོ། །དེ་སྐད་བཟླས་པའི་སྙིང་ཐུན་དེས། །གྲོང་ལ་བརྒྱབ་ཀྱང་ཕུང་བར་བྱེད། །ནག་མོ་འབར་བའི་ཐུན་དྲུག་འདིས། །མཁར་ལ་བརྒྱབ་ཀྱང་འཇིག་པ་ལ། །གཡུལ་ངོ་ཆེན་པོར་བརྒྱབ་ཀྱང་ཟློགས། །གཞན་གྱི་
བྱད་དང་སྔགས་ཀྱང་ཟློགས། །དགྲ་དང་བགེགས་ལ་ཐེ་ཚོམ་མེད། །ཡང་ནི་བཤད་ཀྱིས་བརྒྱ་བྱིན་ཉོན། །བསྟན་པ་གཉན་པོའི་སྐུ་དགྲ་ལ། །ལྟས་ངན་བྱ་ནག་དབབ་པ་སྟེ། །དང་པོ་བྱ་ནག་བཟུང་བྱས་ལ། །བཅུ་གཉིས་དབང་གི་རིམ་པ་བསྐུར། །
དེ་ནས་བྱ་ལ་མ་མོ་དབབ། །བྱ་དེ་མིག་རྩ་རྒོད་པ་དང་། །སྐད་འབྱིན་གཤོག་པ་གདེང་བ་ན། །མ་མོ་ཕེབས་པའི་རྟགས་ཡིན་པས། །ཕྱི་དང་ནང་གི་མཆོད་པ་བྱ། །ཕྱག་རྒྱ་དགུ་ནི་རབ་བསྟན་ལ། །དབང་བསྐུར་དམ་ཚིག་སྦྱིན་པར་བྱ། །དེ་ནས་མ་མོ་
བསྐུལ་སྔགས་བཟླས། །ལས་ལ་བསྐུལ་བའི་དམ་རྫས་བསྲེག །སྔགས་འདིས་བྱ་དེ་སྤར་ལ་གཏང་། །ཨོཾ་ཀྵ་རག་ཤ་ཙི་ཏ་ཁ་རག་མ་ཙིཏྟ་ཏུང་ཏུང་ཛ་ཤ་ཡུ་ཏ་ཏི་བྷྱོ། རེ་མ་ཏི་རཱཀྵ་སི་རུ་ལུ་རུ་ལུ་པྲ་མ་མ་ཧཱ་སྟི་པྲ་དུང་བྷྱོ། ཀར་མ་ས་མ་ཡ་བྷྱོ་བྷྱོ་བྷྱོ་ཞེས་
གཏད་དོ། །དེས་ནི་བྱ་ནག་གང་དུ་སྨོས་པར་འགྲོའོ། །མཁའ་འགྲོ་མ་མེ་ལྕེ་འབར་བའི་ལས་ཀྱི་རྒྱུད་ལས་ལས་སོ་སོ་མ་མོའི་བྱེ་བྲག་བསྟན་པའི་ལེའུ་སྟེ། བཅུ་དྲུག་པའོ།། །། དེ་ནས་ལྷའི་དབང་པོ་བརྒྱ་བྱིན་དེས། དཔལ་ཕྱག་ན་
རྡོ་རྗེ་ལ་འདི་སྐད་ཅེས་གསོལ་ཏོ། །ཀྱེ་རིག་སྔགས་གསང་སྔགས་བདག་པོ་གསང་དབང་པོ། །ཕྱག་ན་རྡོ་རྗེ་ཐིག་ལེ་བསྟན་པ་བསྲུང་བ་ཡི་དོན་དུ། །བདུད་རྩི་འཆང་བཞིན་མར་མེ་གསོད་པ་ཡི། །སྐྱེས་བུ་ཆེན་པོ་མངའ་བདག་བཤད་དུ་གསོལ། །

104-1-228a

ཞེས་ཞུས་པ་ལ། དཔལ་ཕྱག་ན་རྡོ་རྗེས་བཀའ་སྩལ་པ། ལྔ་བརྒྱ་ཐ་མ་མེ་ལྟར་འབར་བའི་ཚེ། །ཉམས་པ་བསོད་པའི་སྦྱོར་བ་བཤད་ཀྱིས་ཉོན། །དང་པོ་མཁའ་འགྲོ་མེ་ལྕེ་བསྒྲུབ་པའི་རྣལ་འབྱོར་པས། །སྐབས་སུ་གསད་པའི་ལས་
ལ་འཇུག་པ་ནི། །དང་ལ་མཚན་མ་ཕེབས་པའི་བསྙེན་པ་བྱ། །གཏོར་མ་སྦྱིན་བསྲེག་སྟི་རས་བུ་ཙ་བྱ། །ཁམ་ས་རྐང་རྗེས་དྲི་ཆུ་སྐྲ་ཤད་ལ། །གང་ལ་བྱ་བའི་སྙིང་གར་མིང་། །དུག་དང་བདུད་རྩིའི་གཏོར་མའི་ནང་དུ་སྩལ། །དེ་ནས་མ་མོ་ཞག་བདུན་གདབ་ཅིང་བསྟབ། །
བསྐུལ་བ་གནད་ལ་གདབ་པའི་དམ་རྫས་བསྲེག །གནད་ལ་དབབ་ཅིང་ལས་ལ་བསྐུལ་སྔགས་བཟླས། །ཏིང་འཛིན་ཁྲག་འཐུང་བདུད་མོའི་བར་དུ་ནི། །སྙིང་གི་འོད་ཟེར་དག་གིས་དྲངས་བྱས་ཏེ། །བདུད་རྩི་དྲངས་པའི་སྦྱོར་བ་སྟོན་པ་ནི། །གསལ་བ་དངོས་གྲུབ་
སྤྱི་སྟེ་ལོག་པ་ཡིས། །གསང་སྦུགས་བདུད་རྩི་བདུད་མོའི་ཞལ་དུ་དྲང་། །ཐུགས་ཀྱི་དཀར་དམར་པད་མའི་སྦུ་གུར་སྤྲོ། །བདག་གི་སྦུབས་ན་ཐུགས་ཀྱི་དཔལ་བེའུ་རྒྱས། །དེ་ནས་མར་མེ་གསད་པའི་ཏིང་འཛིན་ནི། །བཞིས་བསྡུས་དབུས་ནས་ནྲི་ལས་འོད་
འབར་བ། །བདག་ཉིད་བདུད་མོའི་རང་བཞིན་གསལ་བ་ལ། །སྤྲོ་བའི་རླུང་གིས་མར་མེ་གཏིང་ནས་སྦར། །བུད་པའི་རླུང་གིས་མར་མེ་ཁད་ཀྱིས་གསད། །འདྲེན་པའི་རླུང་གིས་ཐིག་ལེའི་རྩེ་མོར་དྲང་། །དང་པོས་བཀྲག་ཤོར་གཉིས་པས་སུམ་ཆ་ཉམས། །
གསུམ་པས་ཕྱེད་ལ་བཞི་པས་སུམ་གཉིས་མེད། །ལྔ་པས་མུན་ཁང་ལྟར་གྱུར་བདག་ལ་གསལ། །མར་མེ་བདུད་རྩི་ལོ་གྲངས་དུ་ལོན་ཐུབ། །དེ་ནས་དགྲ་གཟུགས་འགུ་ལིང་ནག་པོར་གཞུག །ཧོམ་ཁུང་ནང་དུ་རྩང་ནང་ཕུར་བུས་བསྐོར། །ནག་མོ་རོ་
ཟན་ཁ་ལ་མེ་འབར་མ། །མ་བདུད་རྒྱལ་པོ་ལྷག་པའི་སྙིང་རྗེ་ཅན། །ཁྲག་འཐུང་རེ་མ་ཏིའི་དམོད་པ་ནི། །ཏྲག་རག་ཤ་རེ་མ་ཏིའི་ཧཱུྃ་ཨ་མུ་ཀ་སྲི་ཀྲམ་མ་ར་ན་ཡ་མ་རག་མོ་ཨརྱ་ཙ་ཙ་ཐི་གི་མ་ཁ་ལ་བྷྱོ་བྷྱོ། རག་མོ་ཙི་ཏ་ཁ་རག་མ་བྷྱོ། རག་མོ་ཏི་ཀི་མ་ཛ༔ ཛ༔། 
ཁ་ལེ་དུན་བྷྱོ། །ཁ་རག་ཏི་ཀི་མ་ཛ་ཁ་ལེ་དུན་བྷྱོ། མ་རག་ཐུན་མ་བྷྱོ། ཆེ་གེ་མོ་མཱ་ར་ཡ་ཧཱུྃ་ཕཊ། གསང་སྔགས་དེ་ནི་ཁྲི་ཚོ་གཉིས་སུ་གདབ། །ཡུངས་ཀར་ཐལ་ཆེན་དག་ལ་སྔགས་ལ་གདབ། །འགུ་ལིང་དུར་ཁྲོད་སྙིང་བའི་གཏིང་དུ་མནན། །གང་ལ་བྱ་བ་དེ་ནི་ཞག་

104-1-228b

བདུན་ལེན། །མཁའ་འགྲོ་མ་མེ་ལྕེ་འབར་བའི་རྒྱུད་ལས་མར་མེ་བསྟན་པའི་ལེའུ་སྟེ་བཅུ་བདུན་པའོ།། །། དེ་ནས་ལྷའི་དབང་པོ་བརྒྱ་བྱིན་གྱིས་དཔལ་ཕྱག་ན་རྡོ་རྗེ་ལ་འདི་སྐད་ཅེས་གསོལ་ཏོ། །ཀྱེ་བདེ་བ་ཆེན་པོ་རྡོ་རྗེ་འཆང་། །འཁོར་བའི་རྒྱུན་ལམ་
བཅད་པ་དང་། །ཡེ་ཤེས་ནུས་པ་བསྐྱེད་པའི་ཕྱིར། །ཐིག་ལེ་ཡེ་ཤེས་མན་ངག་འདི། །སྙིང་རྗེ་ཅན་གྱིས་བཤད་དུ་གསོལ་ཞེས་ཞུས་པའི་ཚེ།  དཔལ་ཕྱག་ན་རྡོ་རྗེ་དེས་གསང་བའི་ཐུགས་ཀ་ནས། ཡེ་ཤེས་འབྱུང་བ་ཞེས་བྱ་བའི་འོད་ཟེར་བཀྱེ་ནས་འཛུམ་པའི་
མདངས་ཀྱིས་འདི་སྐད་ཅེས་བཀའ་སྩལ་ཏོ། །ཡེ་ཤེས་རྡོ་རྗེ་ཐིག་ལེ་ནི། །ཐུན་མོང་མ་ཡིན་ཤེས་པར་བཀའ། །དོན་དམ་ཀུན་རྫོབ་གཉིས་སུ་བཤད། །དོན་དམ་སེམས་ཀྱི་སྤྱོད་ཡུལ་ལོ། །ཀུན་རྫོབ་ལས་ཀྱི་ཕྱག་རྒྱ་དངོས། །རྒྱལ་རིགས་བུ་མོ་དེ་ལ་བསྟེན། །རང་རིག་
རྩལ་གྱིས་རླུང་གཡོས་ཏེ། །རླུང་གི་ཐིག་ལེ་ཡེ་ཤེས་མེ། །རྡོ་རྗེ་གསང་བས་ས་བོན་བསྐུལ། །རྟོག་མེད་གསང་བའི་ཐིག་ལེ་ལ། །མི་བསྐྱོད་མཉམ་པར་སེམས་གཏད་ན། །མར་མེའི་རྩེ་མོ་ལྟ་བུར་བརྟན། །གནས་པའི་རྩ་ཡི་ནམ་མཁའ་ལ། །སྲོག་འདྲེན་ཐིག་ལེ་
བསྒོམས་པའི་ཚེ། །བརྟན་དང་གཡོ་བའི་དངོས་པོ་ཀུན། །བདེན་གཉིས་བྱང་ཆུབ་དོན་གསལ་ནས། །དང་བའི་ཆུ་ལ་གཟུགས་བསྙན་བཞིན། །རྒྱལ་བའི་གོ་འཕང་རང་ལ་འཆར། །མཁའ་འགྲོ་མའི་རང་བཞིན་གྲུབ། །ལྷན་ཅིག་སྐྱེས་པའི་ལྷ་མོའི་དོན། །མཁའ་
འགྲོ་མ་མེ་ལྕེ་འབར་བའི་རྒྱུད་ལས། ཡེ་ཤེས་ཀྱི་ཐིག་ལེ་བཤད་པའི་ལེའུ་སྟེ་བཅྭ་བརྒྱད་པའོ།། །།  དེ་ནས་ལྷའི་དབང་པོ་བརྒྱ་བྱིན་དེས། དཔལ་ཕྱག་ན་རྡོ་རྗེ་ལ་འདི་སྐད་ཅེས་གསོལ་ཏོ། །བགེགས་ཀྱི་གཙོ་བོ་དབང་ཕྱུག་རྗེ། །འགྲོ་བ་ཐུགས་རྗེས་
བསྐྱང་བའི་ཕྱིར། །བཅུ་དྲུག་རྡོ་རྗེ་འཕྲུལ་གྱི་རྒྱུད། །དཔའ་བོ་ཆེན་པོས་བཤད་དུ་གསོལ་ཞེས་ཞུས་པ་དང་། དཔལ་ཕྱག་ན་རྡོ་རྗེས་བཀའ་སྩལ་པ། མ་འོངས་ཕྱི་མའི་སེམས་ཅན་རྣམས། །དད་དང་སྤྲོ་བ་བསྐྱེད་པའི་ཕྱིར། །རྫུ་འཕྲུལ་བཅུ་དྲུག་བཤད་ཀྱིས་
ཉོན། །དང་པོ་ལྷའི་རྣལ་འབྱོར་ལ། །དྲོད་དང་མཚན་མ་ཐོབ་པར་བྱ། །དེ་ནས་འཕྲུལ་ལ་འཇུག་པ་ནི། །ཨ་ནུ་ས་ཏིའི་རི་ལུ་སྦྱར། །རྨ་བྱ་ཁྲུང་ཁྲུང་ནེ་ཙོ་ཤ །ཉ་དང་སྤྲེའུ་དང་བྱི་ལའི་ཤ །རྔ་མོ་ཁྭ་ཏ་ངང་པའི་ཤ །ནེའུ་ལེ་སོ་བྱ་མཐིང་རིལ་ཤ །དེ་རྣམས་

104-1-229a

སྐམས་པའི་ཕྱེ་མ་དང་། །བིལ་བའི་ཤིང་དང་ཨ་རུ་ར། །ཤིང་ཚ་སུག་སྨེལ་རུས་སྦལ་རུས། །ཀ་ཀ་རུ་དང་མེ་ཁྱེར་སྲིན། །མི་རུས་དང་ནི་ཕག་རྒོད་ཁྲག །མི་རྒོད་སྐྲ་དང་ཆུ་གླག་སྒྲོ། །དེ་རྣམས་བསྲེས་ལ་རི་ལུ་བྱ། །སྦྲང་རྒོད་དག་གིས་མགོ་
བསྡུས་ལ། །དུར་ཁྲོད་ཐོད་པའི་བྲ་བུར་གསལ། །ཕྱག་ན་རྡོ་རྗེའི་སྙིང་པོ་དང་། །མ་མོའི་སྲོག་སྙིང་བདུན་འབུམ་བཟླས། །བར་བར་བྲམ་ཟེའི་མེ་ལ་བསྲོ། །དེ་ནས་སྣ་ཡི་རི་ལུ་ལ། །འོད་དང་མེ་སྟག་འཕྲོས་ཙམ་ན། །ཟངས་སམ་ལྕགས་ཀྱི་ག་བུར་སྩལ། །དེ་ནས་
རྡོ་རྗེ་མཁའ་འགྲོ་ལ། །དུག་དང་ཁྲག་གི་སྦྱིན་སྲེག་དབུལ། །ཨ་བུ་ས་ཏིའི་རི་ལུ་དེ། །རང་གི་ལྕེ་ལ་མྱངས་བ་ན། །རྟག་ཏུ་བཙན་དུག་འཐུང་བར་ནུས། །ཡང་ན་མ་མོ་མཁའ་འགྲོ་ལ། །སོ་བྱ་རོག་མོའི་སྦྱིན་སྲེག་དབུལ། །ཨ་བུ་སི་ཏིའི་རི་ལུ་དེ། །རྐང་པའི་མཐིལ་དུ་
བསྐུས་པ་དེས། །ཆུ་ཡི་སྟེང་དུ་འགྲོ་བར་བྱེད། །མ་མོ་མཁའ་འགྲོ་དཔོན་གཡོག་ལ། །ཆང་དང་བྱ་རྒོད་སྦྱིན་སྲེག་དབུལ། །རི་ལུ་ཡན་ལག་བཞི་ལ་བསྐུ། །བདག་ནི་ནམ་མཁའ་དག་ལ་འཕུར། །རྡོ་རྗེ་མཁའ་འགྲོ་མ་དག་ལ། །མི་ཤའི་མར་ཁུ་སྦྱིན་སྲེག་
དབུལ། །རི་ལུ་ལྕེ་ལ་མྱངས་པ་ན། །སྐྱེ་བ་སྔ་ཕྱི་དྲན་པར་ནུས། །མ་མོ་དག་དང་མཁའ་འགྲོ་ལ། །མར་དང་ར་ཁྲག་སྦྱིན་སྲེག་དབུལ། །ཨ་བུ་སི་ཏིའི་རི་ལུ་དེ། །བུད་མེད་གང་གི་དཔྲལ་བར་བསྐུས། །དེ་ནི་བདག་གི་དབང་དུ་འགྱུར། །རྡོ་རྗེ་ནག་མོ་ཆེན་མོ་ལ། །
ཆང་དང་སྦྲང་རྒོད་སྦྱིན་སྲེག་དབུལ། །དེ་ནས་རི་ལུ་མིག་ལ་བསྐུ། །སྲིད་པ་གསུམ་ཀ་དུས་གཅིག་མཐོང་། །རྡོ་རྗེ་མཁའ་འགྲོ་ཆེན་མོ་ལ། །མར་དང་ཁྭ་ཏིའི་སྦྱིན་སྲེག་དབུལ། །རི་ལུ་རྐང་པའི་མཐིལ་ལ་བསྐུ། །ཉིན་གཅིག་དཔག་ཚད་བརྒྱད་ཁྲིར་
ཕྱིན། །རྡོ་རྗེ་ལྷ་མོ་ནག་མོ་ལ། །ཁྲག་དང་མར་ཁུའི་སྦྱིན་སྲེག་དབུལ། །རི་ལུས་མཆན་ཁུང་གཉིས་བསྐུས་ན། །རང་ལུས་སུས་ཀྱང་མི་མཐོང་ངོ་། །དཔལ་ལྡན་ལྷ་མོ་དཔོན་གཡོག་ལ། །འབྲས་དང་བུ་རམ་སྦྱིན་སྲེག་དབུལ། །རི་ལུ་ཁོང་པར་འཐུངས་པ་ན། །
ཚེ་ལོ་སྟོང་ནི་ཐུབ་པར་ངེས། །དཔལ་ལྡན་རྡོ་རྗེ་ལྷ་མོ་ལ། །འབྲུ་དང་མར་ཁུའི་སྦྱིན་སྲེག་དབུལ། །རི་ལུ་ལུས་ལ་བསྲེལ་བ་ན། །ནོར་གྱི་གཏེར་ལ་སྤྱོད་པར་འགྱུར། །དེ་ནས་མཁའ་འགྲོ་མ་ལ་ནི། །ཏིལ་དང་མི་ཤའི་སྦྱིན་སྲེག་དབུལ། །ཨ་བུ་སི་ཏིའི་རི་ལུ་དེ། །

104-1-229b

མི་རོ་སར་པའི་ཁར་བཅུག་ནས། །མ་མོའི་སྙིང་པོ་འབུམ་བཟླས་ན། །མི་རོ་ལངས་ནས་དངོས་གྲུབ་གཏེར། །གསེར་དང་དངུལ་དུ་འགྱུར་ཡང་རུང་། །ཡང་ན་དེ་ལ་རལ་གྲི་སྦྱིན། །ཅི་འདོད་ཕོ་ཉའི་མངག་གཞུག་བྱེད། །ཕྲིན་ལས་རྣམ་བཞི་གང་བཅོལ་འགྲུབ། །
རྡོ་རྗེ་དཔལ་ལྡན་ལྷ་མོ་ལ། །གོ་རོ་ཙ་ནའི་སྦྱིན་སྲེག་དབུལ། །རི་ལུ་ནད་པའི་ལུས་ལ་བསྐུ། །ནད་པ་རྣམས་ནི་འཚོ་བར་བྱེད། །ཡང་ནི་རྡོ་རྗེ་ལྷ་མོ་ལ། །ཆང་དང་འགི་ཝང་སྦྱིན་སྲེག་དབུལ། །རི་ལུ་བགྱིས་པ་ལྟེ་བར་བསྐུ། །སྲིན་བུ་དག་ནི་
འཚོ་བའོ། །རྡོ་རྗེ་དཔལ་ལྡན་ནག་མོ་ལ། །ཏིལ་མར་སྐེ་ཚེའི་སྦྱིན་སྲེག་དབུལ། །རི་ལུ་མེ་རུ་བསྲེགས་པ་ན། །དགྲ་ལ་ཐོག་དང་སེར་བ་འབེབས། །རྡོ་རྗེ་ལྷ་མོ་ནག་མོ་ལ། །མར་དང་མུ་ཏིག་སྦྱིན་སྲེག་དབུལ། །རི་ལུ་དཔྲལ་བའི་དབྱིངས་སུ་བསྐུ། །
རྒྱལ་པོའི་ཆད་པ་མི་འབྱུང་ཞིང་། །མེ་དང་ཆུས་ཀྱང་མི་ཚུགས་སོ། །རྡོ་རྗེ་མཁའ་འགྲོ་མ་ཀུན་ལ། །མེ་ཏོག་བུ་རམ་སྦྱིན་སྲེག་དབུལ། །རི་ལུ་ལྟེ་བར་བསྐུས་པ་ན། །སྦྲུལ་དང་བཙན་གྱིས་མི་ཚུགས་སོ། །བྱད་སྟེམས་ཀྱང་ནི་བཟློགས་པར་འགྱུར། །མཁའ་
འགྲོ་མ་མེ་ལྕེ་འབར་བའི་རྒྱུད་ལས་རྫུ་འཕྲུལ་བཅུ་དྲུག་གི་ལེའུ་སྟེ་བཅུ་དགུ་པའོ།། །། དེའི་ཚེ་འཁོར་འདུས་པའི་ནང་ནས། ལྷའི་དབང་པོ་བརྒྱ་བྱིན་སྟན་ལས་ལངས་ཏེ། དཔལ་ལྡན་ཕྱག་ན་རྡོ་རྗེ་ལ་བསྟོད་པ། བཅོམ་
ལྡན་མགོན་པོ་རྡོ་རྗེ་འཛིན། །སྐུ་གསུང་ཡེ་ཤེས་ལྔར་ལྡན་ལྷ། །ཐབས་དང་ཤེས་རབ་བདག་ཉིད་ཅན། །རིག་སྔགས་གསང་སྔགས་དངོས་པོ་འཛིན། །སྲིད་པ་གསུམ་གྱིས་བཀུར་བའི་གནས། །ལྷ་སྲིན་བརྒྱད་ཀྱིས་མཆོད་ཅིང་བསྟོད། 
ཉོན་མོངས་བདུད་ལས་རྣམ་པར་རྒྱལ། །ཕྱག་ན་རྡོ་རྗེ་ཆེ་ལ་ཕྱག་འཚལ་བསྟོད། །དཔལ་ལྷ་མོ་ལ་དགེ་བཅུའི་སྒོ་ནས་བསྟོད་པ། བརྒྱ་བྱིན་གྱིས་བསྟོད་པ། དེ་ནས་དཔལ་ལྷ་མོ་ལ་ལྷ་མ་སྲིན་སྡེ་བརྒྱད་ཀྱིས་སོ་སོ་ནས་དཔལྷ་མོ་བསྟོད་པ། 
དེ་ནས་གཡོག་མོ་རེ་མ་ཏི་ལ། བདུད་རི་སྟེ་འགོང་ཉག་གིས། འདུལ་ཐབས་ཀྱི་དབང་གིས་སྒོ་ནས་བསྟོད་པ། ལྷ་ལ་དབང་བསྒྱུར་ལྷ་མོ་དཔལ་འབར་མ། །དབང་ཕྱུག་སྲས་མོ་ལྷ་མོ་གཟི་ལྡན་མ། །སུམ་བཅུ་རྩ་གསུམ་གནས་ཀྱི་གཙོ་མོ་སྟེ། །

104-1-230a

ལྷ་མོ་རེ་མ་ཏི་ལ་ཕྱག་འཚལ་བསྟོད། །བདུད་ལས་དབང་བསྒྱུར་བདུད་མོ་དཔལ་འབར་མ། །རི་ཏི་འགོང་ཉག་བུ་མོ་རེ་མ་ཏི། །ནག་མོ་རྩེ་དགུ་གནས་ཀྱི་གཙོ་མོ་སྟེ། །བདུད་མོ་རེ་མ་ཏི་ལ་ཕྱག་འཚལ་བསྟོད། །ཀླུ་
ལ་དབང་བསྒྱུར་ཀླུ་མོ་དཔལ་འབར་མ། །གཙུག་ན་རིན་ཆེན་བུ་མོ་ཡིད་འོང་བྱམས། །རོལ་མཚོ་བདུན་གྱི་གནས་ཀྱི་གཙོ་མོ་སྟེ། །ཀླུ་མོ་རེ་མ་ཏི་ལ་ཕྱག་འཚལ་བསྟོད། །གནོད་སྦྱིན་དབང་བསྒྱུར་གནོད་སྦྱིན་དཔལ་འབར་མ། །གང་
བ་བཟང་པོའི་བུ་མོ་ཤང་ཀ་ན། །ནགས་ཚལ་དྲ་བ་ཅན་གྱི་གཙོ་མོ་སྟེ། །གནོད་སྦྱིན་རེ་མ་ཏི་ལ་ཕྱག་འཚལ་བསྟོད། །བསྟོད་པའི་ལེའུ་སྟེ་ཉི་ཤུ་པའོ།། །། དེ་ནས་དཔལ་ཕྱག་ན་རྡོ་རྗེ་དེས། པད་མའི་གདན་ལས་སྐུ་
བཞེངས་ཏེ་འདི་སྐད་ཅེས་གསོལ་ཏོ། །སྲས་མཆོག་འཁོར་གྱི་དམ་པ་བརྒྱ་བྱིན་ཉོན། །ལྷ་དང་ལྷ་མིན་མི་དང་ནམ་མཁའ་ལྡིང་། །བགེགས་དང་གཤིན་རྗེ་མ་མོ་དང་། །ཤ་ཟ་ལྟོ་འཕྱེ་དྲི་ཟ་དང་། །སྲིན་པོ་གྲུལ་བུམ་བདུད་དམ་མི། །སྔགས་འཆང་རྣལ་
འབྱོར་གནོད་སྦྱིན་དང་། །ང་ཡི་འཁོར་རྣམས་རབ་ཏུ་ཉན་པར་གྱིས། །ངས་ནི་རྡོ་རྗེ་ཏིང་འཛིན་ལྷུན་གྱིས་གྲུབ། །ངས་ནི་མཚན་མ་འཇོམས་པའི་ཕྱག་རྒྱ་རྙེད། །ངས་ནི་ཐུན་མོང་སྟོན་པའི་བདུད་ལས་རྒྱལ། །ངས་ནི་སྙིང་རྗེས་འགྲོ་ཀུན་དགེ་ལ་འགོད། །
ངས་ནི་ཐབས་དང་ཤེས་རབ་ཀུན་ལ་བྱེད། །ངས་ནི་རྡོ་རྗེ་མཁའ་འགྲོའི་གསང་རྒྱུད་འདི། །ཐུན་མོང་མ་ཡིན་མེ་ལྕེ་འབར་མ་འདི། །ངོ་མཚར་ཐབས་མཆོག་དངོས་གྲུབ་དམ་པའི་གཞི། །ངས་ནི་བཤད་ཟིན་ཁྱོད་ལ་རབ་ཏུ་གཏད། །སྐལ་ལྡན་དད་དང་བརྩོན་
འགྲུས་ཡོད་ལ་གཏད། །སྙིང་རྗེ་གཞོལ་ཞིང་བརྟུལ་ཞུགས་ཆེ་ལ་གཏད། །བདེན་གཉིས་དོན་རྟོགས་ཡིད་རིངས་བརྟན་ལ་གཏད། །བརྣག་པའི་གཟུངས་ཐུབ་སྣོད་ལྡན་ཡོངས་ལ་གཏད། །ཟུང་ཤིག་ཆོངས་ཤིག་སྣོད་ལྡན་རྣམས་ལ་ཤོད། །འདི་ཡི་
དོན་རྣམས་རྩེ་གཅིག་ཡིད་ཀྱིས་ཉོན། །འདིས་ནི་མི་ནུབ་ཆོས་ཀྱི་རྒྱལ་མཚན་ཆེན་པོ་ཐོབ། །འདིས་ནི་ཆོས་ཀྱི་དབང་ཕྱུག་གོ་འཕང་ཐོབ། །འདིས་ནི་ཡིད་བཞིན་རིན་ཆེན་འབར་བ་ཐོབ། །འདིས་ནི་ཅི་འདོད་ཐོགས་མེད་དངོས་གྲུབ་ཐོབ། །བློ་དམན་

104-1-230b

ཤེས་ཆུང་ཉན་ཐོས་རྣམས་ལ་གསང་། །ལོག་པའི་མཐར་འཁྱམས་མུ་སྟེགས་ཅན་ལ་གསང་། །དམུ་རྒོད་མི་མཁས་བསྐུར་པ་མཁན་ལ་གསང་། །དད་མེད་སྙིང་རྗེ་སྤངས་པ་རྣམས་ལ་གསང་། །མ་རིག་རྨོངས་པའི་ལེ་ལོ་ཅན་ལ་གསང་། །
ཞེས་བཀའ་སྩལ་ནས། །བརྒྱ་བྱིན་གྱིས་སྤྱི་བོས་བླངས་སོ། །འཁོར་ལ་གཏད་པའི་ལེའུ་སྟེ་ཉི་ཤུ་རྩ་གཅིག་པའོ།། །། དེ་ནས་ལྷའི་དབང་པོ་བརྒྱ་བྱིན་དེས། དཔལ་ཕྱག་ན་རྡོ་རྗེ་ལ་འདི་སྐད་ཅེས་གསོལ་ཏོ། །ཀྱེ་བཅོམ་ལྡན་
འདས་ལུང་བསྟན་དུ་གསོལ། བདེ་བར་གཤེགས་པ་མཁའ་འགྲོ་མ་ལུང་བསྟན་དུ་གསོལ་ཞེས་ཞུས་པ་དང་། དཔལ་ཕྱག་ན་རྡོ་རྗེས་བཀའ་སྩལ་པ། མཁའ་འགྲོ་མ་ལྷ་མོ་ནག་མོ་འདིས། བསྐལ་པ་མང་པོའི་སྔོན་རོལ་ནས། །དུས་གསུམ་རྒྱལ་བའི་
ཞལ་མཐོང་སྟེ། །དམན་པའི་ཞིང་འདིར་སྤྲུལ་སྐུ་ཡིས། །ལྷ་མོའི་ཚུལ་དུ་སྐུ་བསྟན་ནས། །འགྲོ་བའི་དོན་ལ་རབ་ཏུ་བརྩོན། །ཉོན་མོངས་སྒྲིབ་པ་རབ་ཏུ་སྤངས། །ད་ལྟར་ཤེས་བྱའི་སྒྲིབ་པ་སྦྱོང་། །དེ་ཡི་ཁོལ་མོ་རེ་མ་ཏི། །སྨོན་ལམ་དབང་གིས་
འགྲོ་དོན་བྱེད། །བསྒོམ་པའི་ལམ་ལ་རབ་གནས་ནས། །ད་ལྟར་ཉོན་མོངས་སྒྲིབ་པ་སྦྱོང་། །འདི་ནས་དུས་འདི་ཕྱི་མའི་ཚེ། །མཁའ་འགྲོ་ལྷ་མོ་ནག་མོ་འདི། །བྱང་ཤར་མཚམས་ཀྱི་འཇིག་རྟེན་ཁམས། །པད་མོ་རྣམ་པར་རོལ་པ་དེར། །ཡང་དག་
རྫོགས་པའི་སངས་རྒྱས་སུ། །པད་མའི་དཔལ་ཞེས་བྱ་བར་ནི། །ངས་ནི་ལྷ་མོ་ལུང་བསྟན་ཏོ། །དེ་ཡི་གཡོག་མོ་རེ་མ་ཏི། །པད་མ་ཅན་གྱི་ཞིང་ཁམས་དེ། །བདེ་བའི་བྱང་ཆུབ་སེམས་དཔའ་ནི། །བློ་གྲོས་བཤེས་གཉེན་བྱ་བར་ནི། །དེ་འདིར་
ངས་ནི་ལུང་བསྟན་ནོ། །མཁའ་འགྲོ་མ་མེ་ལྕེ་འབར་བའི་རྒྱུད་ལས་ཡོངས་སུ་ལུང་བསྟན་པའི་ལེའུ་སྟེ་ཉི་ཤུ་རྩ་གཉིས་པ་རྫོགས་སོ།། །།མཆོད་ན་རྒྱལ་བ་རིགས་ལྔ་རྟག་ཏུ་མཆོད། །སྲུང་ན་དམ་ཚིག་ཉི་ཤུ་རྩ་
བརྒྱད་སྲུངས། །དགྲ་བྱུང་ལྷ་མོ་ནག་མོ་མཚོན་ཆར་ཕྱུང་། །ཉེས་ཆུང་ཁ་འཐབ་ཙམ་ལ་མཚོན་མི་དབྱུང་། །ང་ཡི་དཀོར་ཁང་འཇིག་ན་མཚོན་ཆར་ཕྱུང་། །དཀོན་མཆོག་དབུ་འཕང་སྨོད་ན་མཚོན་ཆར་ཕྱུང་། །སངས་རྒྱས་བསྟན་པ་འཇིག་ན་མཚོན་ཆར་

104-1-231a

ཕྱུང་། །དཀོན་མཆོག་སྐུ་དགྲ་དར་ན་མཚོན་ཆར་ཕྱུང་། །ཞེས་སློབ་དཔོན་པད་མས་སློབ་བུ་གླང་དཔལ་གྱི་སེང་གེ་ལ་དེ་སྐད་ཅེས་བཀའ་སྩལ་ཞིང་གདམས་སོ།། །།
༄༅༅།  །རྒྱ་གར་སྐད་དུ།  བཛྲ་མནྟྲ་བྷི་རུ་སནྟི་མ་ར་ཏནྟྲ་ནཱ་མ༔ བོད་སྐད་དུཿ དྲག་སྔགས་འདུས་པ་རྡོ་རྗེ་རྩ་བའི་རྒྱུད་ཞེས་བྱ་བཿ བཅོམ་ལྡན་འདས་མཐུས་སྟོབས་ཀྱི་བདག་པོ་ལ་ཕྱག་འཚལ་ལོ། འདི་
སྐད་བདག་གི་ཐོས་པ་དུས་གཅིག་ན༔ བཅོམ་ལྡན་འདས་རྡོ་རྗེ་འཛིན་པ་ཆེན་པོ་ཉིདཿ རི་རབ་ཆེན་པོའི་ཡང་སྟེངསཿ ལྕང་ལོ་ཅན་གྱི་གནས་མཆོག །རབ་ཏུ་རྒྱན་པའི་ཕོ་བྲང་ཆེན་པོ་ནཿ ཡུམ་ཆེན་མོ་འབྱུང་བ་ལྔའི་
བདག་མོ་དངཿ གཉིས་སུ་མེད་པར་སྙོམས་པར་ཞུགས་ཏེཿ སྐུ་ལས་འོད་ཟེར་སྣ་ཚོགས་རབ་ཏུ་སྤྲོས་ནས། འཇིག་རྟེན་གྱི་ཁམས་ཀྱི་གདུག་པ་ཅན་དང་། དྲེགས་པ་ཅན་དང་། གཟི་བརྗིད་ཅན་དང་། དྲག་ཤུལ་ཅན་ལ་
སོགས་པ་དག་གིས་གནས་ཐམས་ཅད་རབ་ཏུ་གཡོ་ཞིང་སྐྱོད་པར་མཛད་པསཿ དེ་དག་གི་སྡེ་དཔོན་དང་བཅས་འཁོར་དང་གཡོག་ཏུ་བཅས་པ་རྣམསཿ རླུང་གི་ཤུགས་ཀྱིས་སྐྱོད་པ་བཞིན་དུ་ལྷགས་པ་ནི་འདི་ལྟ་སྟེ། གཤིན་རྗེ་ཚེ་
བདག་ནག་པོ་ཆེན་པོ་ཡུམ་དང་བཅས་པ་དང་། བདུད་ནག་པོ་ཆེན་པོ་མེའི་ཁ་རླངས་ཅན་དང་། ཡུམ་བདུད་མོ་ནག་མོ་ཁྲག་འཛག་མ་དང་། སྲིན་པོའི་རྒྱལ་པོ་གསོད་བྱེད་ནག་པོ་ཡུམ་དང་བཅས་པ་དངཿ གནོད་སྦྱིན་ཆེན་པོ་
གང་བ་བཟང་པོ་དང་། ཡུམ་གནོད་སྦྱིན་མོ་ཤ་ཟ་རལ་ཅིག་མ་དང་། ལྷའི་རྒྱལ་པོ་དབང་ཕྱུག་ཆེན་པོ་དང་། རུ་ཏྲའི་བདག་པོ་ཐར་པ་ནག་པོ་དངཿ རྨུ་རྗེ་བཙན་པོ་རྒྱལ་པོ་ཆེན་པོ་དངཿ ཕྱི་རོལ་ལྷའི་བདག་པོ་ཀཱ་ལ་ནག་པོ་དང་། 
ཁྱབ་འཇུག་ཆེན་པོ་ཀུན་དུ་རྒྱུ་བ་དངཿ ཀླུའི་བདག་པོ་གཞོན་ནུ་གཏུམ་པོ་དང་། ལྷའི་རྒྱལ་པོ་ལི་ཕྱིང་ཆེན་པོ་དངཿ གནོད་སྦྱིན་ཆེན་པོ་ལ་ག་རྒྱུ་བ་དང་། བདག་ཉིད་ཆེན་པོ་རྡོ་རྗེ་མཛེས་པ་དངཿ ཀླུ་བདུད་ཆེན་པོ་ཡམ་ཤུད་དམར་

104-1-231b

པོ་དངཿ གཞན་ཡང་ལྷ་དང་། ཀླུ་དང་། ལྷ་མ་ཡིན་དང་། ཟ་བྱེད་དང་། ཡི་དྭགས་དང་། འབྱུང་པོའི་ཚོགས་དང་། ཕོ་ཉའི་ཚོགས་འཇིགས་པར་བྱེད་པ་བསམ་གྱིས་མི་ཁྱབ་པ་རབ་ཏུ་འདུས་སོཿ། །དེ་ནས་བཅོམ་
ལྡན་འདས་ཀྱིས་གདུག་བྱེད་ཆེན་པོའི་འཁོར་དེ་དག་རབ་ཏུ་འདུལ་བར་མཁྱེན་ནས། དུར་ཁྲོད་ཆེན་པོའི་དཀྱིལ་འཁོར་མངོན་པར་སྤྲུལ་པར་མཛད་དེ། ནམ་མཁའི་དབྱིངས་ཀྱི་དཀྱིལ་འཁོར་དག །གཟུགས་སུ་སྙན་པ་རབ་ཏུ་
འཇིགས། སྒྲ་ནི་མི་སྙན་དྲག་ཅིང་གཏུམ༔ དྲི་ནི་མི་ཞིམ་རུལ་མྱགས་གསུངཿ རོ་ནི་ཁ་སྐྱུར་ཚ་བར་བྲོ། །རེག་བྱ་ཚ་རྩུབ་མི་གདུག་སྤྱོད། ཿ ཞེ་སྡང་ཆེན་པོའི་མེ་འབར་ཞིང་ང་རྒྱལ་ཀེང་རུས་བྲག་ཏུ་གཏམསཿ 
གཏི་མུག་མུན་ནག་རབ་ཏུ་འཐིབསཿ འདོད་ཆགས་ཁྲག་གི་ཆུ་ཆེན་འབྲུགཿ ཕྲག་དོག་རླུང་ནི་རབ་ཏུ་འཁྲུགསཿ སྟི་ར་ཆེན་པོའི་ལོངས་སྤྱོད་ལཿ སྟག་གཟིག་གཅན་ཟན་ལྕེ་སྤྱང་དང་ཀཱང་ཀ་དུར་བྱ་འདབ་ཆགས་ཚོགསཿ 
ཤ་ཟ་ཁྲག་འཐུང་རུས་པ་འཇོམསཿ བམ་དང་རུལ་དང་མྱགས་པ་དངཿ བྱེ་དང་བྲལ་དང་གཞིག་པ་དངཿ ཟོས་དང་འཐོར་དང་རབ་ཏུ་འཐོརཿ བྲུལ་དང་ཟགས་དང་བརླག་པ་དངཿ བཙོ་དང་རྒོད་དང་གླལ་བ་དངཿ འཇིགས་ཤིང་
གདུག་དང་རྔམ་པ་དངཿ རོལ་པའི་ལོངས་སྤྱོད་རབ་ཏུ་སྤྲུལཿ ཀུན་ཀྱང་གདུག་པའི་སེམས་འཆང་ཞིངཿ གསོད་གཅོད་ཤག་གཏུབ་ལུས་ཀྱིས་ལསཿ ཚིག་རྩུབ་བརླང་བའི་ང་རོར་འབྱིནཿ འཁྲོས་པའི་བརྟུལ་ཞུགས་དྲག་པོ་ཡིསཿ 
མ་ལུས་འདུལ་ཞིང་ཚར་གཅོད་པའིཿ མངོན་པར་གཅོད་ལ་རབ་ཏུ་བཀོདཿ འདི་ལྟར་མཐོང་ཞིང་སྣང་གྱུར་པཿ ཀུན་རྫོབ་ཙམ་དུ་སྣང་བ་ལསཿ སེམས་ཅན་གཅིག་གི་བ་སྤུ་ལཿ ཅུང་ཟད་གནོད་པ་ཡོང་མེད་དེཿ རང་གི་རྣམ་
རྟོག་བདེ་བར་སྤྱོདཿ ངེས་པའི་དེ་ཉིད་ཁོ་ནའོཿ ཆོ་འཕྲུལ་ཆེན་པོ་བསྟན་པའི། གླེང་གཞིའི་ལེའུ་སྟེཿ དང་པོའོཿ །། དེ་ནས་སངས་རྒྱས་ཐམས་ཅད་ཀྱིས། །རྡོ་རྗེ་འཆང་བའི་རྒྱལ་པོ་ཡིསཿ

104-1-232a

དུས་གསུམ་རྒྱལ་བ་སྲས་བཅས་ཀྱིསཿ ཐོག་མ་མེད་པའི་དུས་ཉིད་ནསཿ མ་ལུས་བསྟན་པ་བསྲུང་མཛད་པའི། །གསང་བདག་ཆེན་པོར་དབང་བསྐུར་ཕྱིརཿ གནོད་སྦྱིན་ལག་ན་རྡོ་རྗེ་འཆངཿ ལྔ་བརྒྱའི་གྲོགས་
དང་བཅས་པ་ཡིསཿ སོ་སོ་གཙོ་ཆེན་མདུན་ཉིད་ནསཿ རང་གི་སྟན་ལས་རབ་ཏུ་ལངསཿ མངོན་དུ་སྤྱོད་པའི་སྤྲུལ་པ་མཛད། །ཐུགས་ཀྱི་གནས་པའི་ས་བོན་ལས༔ ཕྱོགས་བཅུ་ནམ་མཁའི་མཐར་ཐུག་ཀུནཿ ལྗང་ནག་
རླུང་གིས་རབ་ཏུ་དགྲོགསཿ ཁྲག་གི་རྦ་རློང་འཁྲུག་ཅིང་གཡོཿ ཤ་རུས་གཏམས་པའི་ས་གཞི་ལས༔ བསྐལ་པའི་མེ་རི་རབ་ཏུ་འབརཿ བནྡྷ་འབར་བའི་གཞལ་ཡས་ཁངཿ གདུག་ཅིང་འཇིགས་སུ་རུང་བ་ནིཿ སྟོབས་ཆེན་
རྣམས་ཀྱང་ཉེར་མི་སྤྱོདཿ ཕྲིན་ལས་མ་ལུས་རྫོགས་མཛད་ལུསཿ ཕྱི་ནང་མཐའ་དབུས་ཀུན་ལ་ཁྱབཿ བསྟན་ལ་རབ་སྡང་ཕ་རོལ་པོསཿ ཕུང་པོ་ཞབས་ཀྱི་གདན་དུ་གཏིངཿ འོད་གདན་གཙང་མ་གསུམ་དང་
བཅསཿ ཆེ་བ་མཆོག་གི་སྐུར་མཛད་དེཿ རིག་ཅན་མཐར་གནས་དབུར་མནན་ཅིངཿ སྟོང་པ་བཅྭ་བརྒྱད་དག་ཅིང་སྣངཿ ཕྱག་གི་དྲེགས་པའི་ལྷ་བརྒྱད་བསྒྲལཿ བནྡྷ་ཙིཏྟ་གཡས་གཡོན་བསྣམསཿ ཐུགས་ཀྱི་དབང་རྟགས་དང་
པོས་གཟུངཿ ཐུགས་རྗེ་མི་འགྱུར་མཐིང་ནག་མདོགཿ མི་འཇིགས་རིག་པར་མནན་པའི་ཞབསཿ བདུད་བཞི་ཕྱོགས་དང་བཅས་པས་གནོནཿ མ་ལུས་དབང་དུ་བསྡུད་པའི་ཕྱིརཿ རལ་པ་ཁམ་ནག་སྲིད་རྩེར་འབརཿ འབར་
བའི་སྤྱན་གྱིས་ཁམས་གསུམ་གཟིགསཿ གདངས་པའི་ཤངས་ཀྱིས་སྲིད་གསུམ་རྔུབཿ ཤངས་ཀྱི་རླུང་སྒྲས་སྟོང་གསུམ་ཁྱབཿ རྣོ་དབལ་ཚེམས་ཀྱིས་གདུག་པ་སྒྲོལཿ ལྗགས་འདྲིལ་རྐན་སྒྲ་དྲག་པོར་བརྡེབསཿ ཁྲོ་གཉེར་
འོད་ཀྱིས་དབང་དུ་བསྡུདཿ དཔའ་བའི་ཆས་ཀྱིས་རབ་ཏུ་བརྒྱནཿ བསྲུང་བའི་ལྷ་རྣམས་སྐུ་ལ་རྫོགསཿ སྟོབས་ལྡན་དེ་ཉིད་མཉེས་མཛད་པའིཿ འབྱུང་བ་ཆེ་ལ་དབང་བསྒྱུར་མཿ དབུ་གསུམ་ཕྱག་དྲུག་ཞབས་བཞི་མཿ གྲི་གུག་

104-1-232b

ཏྲི་ཤུལ་བདུད་རྩི་གཡསཿ བནྡྷ་ཞིང་ཆེན་གཡང་གཞི་གཡོནཿ གཙོ་བདག་ཚུལ་འཛིན་རབ་ཏུ་སྒེགཿ དགྱེས་མཛད་རབ་ཏུ་རོལ་པ་ལསཿ འདུལ་བྱེད་སྤྲུལ་པ་རབ་ཏུ་འཕྲོཿ ཕྱོགས་བཅུ་འཇིག་རྟེན་ཁམས་ཀུན་གྱིཿ གཏུམ་
པོ་གདུག་པའི་ཚུལ་འཆང་བའིཿ དྲག་སྔགས་བདག་པོ་མ་ལུས་ཀུནཿ རང་ཉིད་སོ་སོའི་འཁོར་བཅས་པའིཿ བརྟེན་དང་གནས་ལ་རེ་རེར་སྣངཿ རང་དབང་མེད་པར་འདུད་ཅིང་གཡོཿ ༀ་བཛྲ་སརྦ་དུཥྚཱན་ཨེ་ཀ་ཡ་
མ་མ་བྷེ་ར་བྷ་གྲྀཧྞ་ཧཱུྃ་ཕཊ༔ བདུད་དང་གཤིན་རྗེ་སྲིན་པོ་དངཿ གནོད་སྦྱིན་ལྷ་དང་ལོག་ལྟ་ཅནཿ རྨུ་རྗེ་ཆེ་དང་ཕྱི་རོལ་ཕྱོགསཿ གདུག་བྱེད་མཁའ་ལ་རྒྱུ་བ་དངཿ བྱོལ་སོང་ལྟོས་འགྲོ་ལུས་འཛིན་དངཿ ང་རྒྱལ་
འཆང་དང་སྤྲུལ་པ་ཅནཿ ཐང་ཁོབ་གནས་མཐའ་མ་ལུས་རྒྱུཿ ལྷ་བདུད་མི་མ་ཡིན་གྱི་གནསཿ ཁ་བ་ཅན་དུ་ཕྱོགས་ཤིང་བསྲེགཿ ལས་ཀྱི་ལུས་ཀྱི་ནུས་པ་འབྱིནཿ མ་ལུས་པ་རྣམས་ཐམས་ཅད་ཀུནཿ 
ཤུགས་དྲག་རླུང་གིས་བསྐྱོད་པ་བཞིནཿ རབ་ཏུ་འདར་ཞིང་མདུན་དུ་གནསཿ ཐུགས་རྗེ་བདག་པོས་དགོངས་མཛད་ཀྱངཿ གཏུམ་རྔམ་འཇིགས་བྱེད་ཆེན་པོའི་སྐུཿ གསང་ཚིག་དྲག་པོ་གསུང་གི་སྒྲསཿ མ་ལུས་ཚིམ་
པར་བཀའ་སྩལ་པཿ ཨེ་མ་འཇིག་རྟེན་ཁམས་ཀུན་གྱིཿ དྲག་སྔགས་བདག་པོ་དྲེགས་པ་ཅནཿ སྔོན་གྱི་རྡོ་རྗེ་འཆང་ཆེན་དངཿ རང་གི་བཀའ་ལས་མ་འདའ་བརཿ ཁྱེད་རྣམས་རང་གི་འཁོར་དང་བཅསཿ སོ་སོའི་
ལུས་དང་བཏགས་པའི་མིངཿ རིགས་དང་བརྟེན་དང་བྱེད་པའི་ལསཿ སྡེ་དང་ཆ་ལུགས་ལོངས་སྤྱོད་རྣམསཿ འཇིགས་བྱེད་གནས་འདིར་མྱུར་དུ་སྟོནཿ ཁྱེད་རྣམས་འདི་ལས་འདའ་བྱེད་ནཿ ང་ཡི་སྲོག་གི་དམ་ཚིག་གིསཿ ཁྱེད་
ཀྱི་ལུས་སེམས་སྲོག་དང་བཅསཿ མ་ལུས་བསྟན་ནས་བརླག་པར་བྱ་ཞེས་བཀའ་སྩལ་ནསཿ དྲག་སྔགས་ཀྱི་ཚོགས་འདི་དག་ཀྱང་བཀའ་སྩལ་ཏོཿ ༀ་སརྦ་དུཥྚཱནྟ་ཀ་ཧ་ན་ད་ཧ་པ་ཙ་ཧཱུྃ་ཕཊཿ ཡ་མ་རཱ་ཛ་མྲྀ་ཏ་ག་སྱ་མ་མཿ

104-1-233a

ཀྵེ་ཏ་མཱ་ར་ཡ་ཧྲིང་ཧྲིང་ཛཿཛཿ དུ་ཕྲག་རཱ་ཛ་དུག་དུན་མ་ཏིང་མཱ་ར་ཡ་ཧྲིང་ཧྲིང་ཛཿཛཿ རཀྴ་རག་མོ་མ་མ་ར་ཏི་ཀ་མཱ་ར་ཡ་ཧྲིང་ཧྲིང་ཛཿཛཿ ཡཀྵ་ཨ་པ་སྨ་ར་རཀྴ་མི་རུ་ཤམ་པ་མཱ་ར་ཡ་ཧྲིང་ཧྲིང་ཛཿཛཿ མ་ཧཱ་དེ་བ་ཤྭ་ར་རཱ་
ཛ་མཱ་ར་ཡ་ཧྲིང་ཧྲིང་ཛཿཛཿ མ་ཏྲངྐ་རུ་ཏྲ་ཀཱ་ལ་མཱ་ར་ཡ་ཧྲིང་ཧྲིང་ཛཿཛཿ མུན་མུན་པ་ཙ་ཙིཏྟ་མཱ་ར་ཡ་ཧྲིང་ཧྲིང་ཛཿཛཿ ཏིརྟི་ཀ་མ་ཏེ་མ་ཧཱ་དེ་བ་མཱ་ར་ཡ་ཧྲིང་ཧྲིང་ཛཿཛཿ བིཥྚུ་བི་ཏྲ་རོཀྟི་ཛ་མཱ་ར་ཡ་ཧྲིང་ཧྲིང་ཛཿཛཿ ནཱ་ག་རཱ་ཛ་ཀུ་མ་ཙནྡྷ་
མཱ་ར་ཧྲིང་ཧྲིང་ཛཿཛཿ རཱ་ཛ་བྷུ་ལོང་ཨེ་ས་ཡ་མཱ་ར་ཡ་ཧྲིང་ཧྲིང་ཛཿཛཿ མ་ཧཱ་ཁུ་ལོ་ས་བྷོ་མཱ་ར་ཡ་ཧྲིང་ཧྲིང་ཛཿཛཿ བཛྲ་སཱ་དྷུཿ   སོ་ཨ་མ་ཙ་མཱ་ར་ཡ་ཧྲིང་ཧྲིང་ཛཿཛཿ ཨ་བྷི་ཤུ་ཏྲྃ་ལི་མཱ་ར་ཡ་ཧྲིང་ཧྲིང་ཛཿཛཿ ནྲྀ་ཧུར་ཐུམས་ཛཿ། ཤ་
ཏྲུྃ་མཱ་ར་ཡ་རྦད་ཞེས་བརྗོད་ཅིང་སྐུ་འཇིགས་བྱེད་འབར་བ་ནི་སླར་ཡང་འཇིགས་སུ་རུང་བར་བསྟན་ཏོཿ སངས་རྒྱས་ཐམས་ཅད་ཀྱི་ཞིང་ཁམས་སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་ཐམས་ཅད་མ་རུངས་པའི་སྒྲ་
ཆེན་པོ་དང་། འོད་དང་གློག་འབར་བ་དང་རླུང་གི་ཤུགས་དྲག་པོས་གང་བར་གྱུར་ཏོ། །བདུད་དང་གཤིན་རྗེ་ལ་སོགས་པའི་ཕྱོགས་བཅུའི་དྲེགས་པ་ཅན་རྣམས་ཀྱང་རང་རང་གི་འཁོར་དང་བཅས་ཏེ། རབ་ཏུ་འདུས་ནསཿ 
རང་རང་གི་རིགས་ཀྱི་དྲེགས་པ་དག་ཕུལ་ཏེ། བཅོམ་ལྡན་འདས་ཉིད་ཀྱི་མདུན་དུ་ཉེ་བར་གྱུར་ནསཿ བཀའ་རབ་ཏུ་བསྒྲུབ་པར་བརྩོལ་བར་གྱུར་ཏོ། །དྲག་སྔགས་འདུས་པ་རྩ་བའི་རྒྱུད་ལས་བྱིན་བརླབས་ཆེན་པོས་དབང་དུ་
བསྡུ་བའི་ལེའུ་སྟེ་གཉིས་པའོཿ །།          དེ་ནས་བཅོམ་ལྡན་འདས་ལ་འཇིག་རྟེན་གྱི་ཁམས་ཀྱི་བདུད་ཀྱི་རྒྱལ་པོ་མེའི་ཁ་རླངས་ཅན་ཞེས་བྱ་བཿ མདོག་ནག་པོཿ ཁ་ནས་མེ་འབར་བཿ ལག་ན་ཁྲམ་ཤིང་དང་བདུད་
ཞགས་ནག་པོ་ཐོགས་པ། ཞིང་ལྤགས་ཀྱི་གོས་གྱོན་པཿ ཡུམ་བདུད་མོ་ནག་མོ་ཁྲག་འཛག་མ་ཞེས་བྱ་བཿ ལག་ན་ཁྲམ་ཤིང་དང་ཐོད་པ་རློན་པ་ཐོགས་ཤིང་གོས་སུ་མི་ལྤགས་གྱོན་པཿ བདུད་རྟ་ནག་པོ་ལ་ཁྱོ་ཤུག་གཉིས་ཆར་

104-1-233b

ཞོན་ནས། བཅོམ་ལྡན་འདས་ཀྱི་སྤྱན་སྔར་བདུད་ཀྱི་རིགས་ཀྱི་ལྷའི་ཚོགས་དང་བཅས་ནས་རིངས་པར་ལྷགས་སོ། །དེ་བཞིན་དུ་འཆི་བདག་གཤིན་རྗེ་ཞེས་བྱ་བ། མདོག་ནག་ཐོད་པ་གྲི་གུག་འཛིན༔ ཆུང་མ་གཤིན་
རྗེ་ཟ་བྱེད་མཿ གྲི་གུག་ཐོད་པ་ཕྱག་གིས་འཛིནཿ ཁྱོ་ཤུག་ཤིང་ལྤགས་རློན་པ་བགོསཿ མ་ཧེ་ཆུ་གླང་ཞོན་ནས་ནི༔ གཤིན་རྗེ་ཕོ་མོའི་ཚོགས་དང་བཅསཿ འགལ་བྱེད་གཟོར་ཞིང་མྱུར་དུ་ལྷགསཿ སྲིན་པོ་གསོད་བྱེད་ཡབ་
ཡུམ་ཡངཿ མདོག་ནག་ཞིང་གི་ལྤགས་པ་བགོསཿ རལ་གྲི་གྲི་གུག་གཡས་ཀྱིས་བཟུངཿ གཡོན་གྱིས་མི་མགོ་ཐོད་ཁྲག་ཐོགསཿ སྟག་དང་སེང་གེ་ཞོན་པ་སྐྱོདཿ སྲིན་པོའི་ཚོགས་བཅས་མྱུར་དུ་འཁོདཿ གནོད་སྦྱིན་གང་བ་
བཟང་པོ་དངཿ ཆུང་མ་ཤ་ཟ་རལ་ཅིག་དང་༔ མཐིང་ནག་མགྱོགས་བྱེད་རྟ་ལ་ཞོནཿ ཞིང་ལྤགས་གྱོན་ཏེ་ཕྱག་གཉིས་ཀྱིསཿ རལ་གྲི་དར་ནག་ཞིང་ལྤགས་བཟུངཿ གནོད་སྦྱིན་ཚོགས་དང་བཅས་ཏེ་འཁོད། །དྲག་སྔགས་བདག་པོའི་
སྡེ་དཔོན་ཏེཿ ཤར་ལྷོ་ནུབ་བྱང་ཕྱོགས་དག་གིསཿ གནས་སུ་གཙོ་ལ་འདུད་ཅིང་འཁོདཿ དབང་ཕྱུག་ཆེན་པོ་ཞེས་བྱ་བཿ འཇིག་རྟེན་ལྷ་ཡི་སྔགས་དག་གིསཿ དཀར་པོ་བ་དན་ཤེལ་གྲི་ཐོགསཿ དར་དཀར་གོས་ཅན་གནམ་རུ་ཞོནཿ དྲེགས་
པ་ལྷ་ཡི་བདུད་འཁོར་བཅསཿ རིངས་པར་བཅས་དེ་ཤར་ཕྱོགས་འཁོདཿ ཐར་པ་ནག་པོ་ཞེས་བྱ་བཿ མདོག་ནག་མཆོད་གཏོར་དུག་ཐུན་འཛིནཿ དོམ་ནག་ཞོན་ཏེ་ཞིང་ལྤགས་བགོསཿ སྡེ་དང་བཅས་ཏེ་ལྷོ་ཕྱོགས་འཁོདཿ རྨུ་
རྗེ་ནག་པོ་ཞེས་བྱ་བཿ དར་ནག་དང་ནི་ཞགས་པ་ཐོགསཿ བེར་ནག་གྱོན་ཏེ་རྨུ་རྟ་ཞོནཿ རང་གི་སྡེ་དང་ནུབ་ཕྱོགས་འཁོདཿ མུ་སྟེགས་ནག་པོ་ཆེན་པོ་ཡངཿ ཁ་ཊྭཱྃ་དང་ནི་ཏྲི་ཤུྰལ་བཟུངཿ མི་ལྤགས་བགོས་ཞིང་མ་ཧེ་ཞོནཿ རང་གི་
སྡེ་བཅས་བྱང་དུ་འཁོདཿ ཁྱབ་འཇུག་རོག་ཏི་ཞེས་བྱ་བཿ མཐིང་ནག་ཁྲམ་ཤིང་དགྲ་སྟ་འཛིནཿ སྤྲིན་ནག་བགོས་ཤིང་འབྲུག་སྔོན་ཞོནཿ གཟའ་བདུད་འཁོར་བཅས་སྟེང་ཕྱོགས་འཁོདཿ ཀླུ་རྒྱལ་སོག་མ་མེད་ཞེས་པཿ། །གོས་

104-1-234a

ནག་སྦྲུལ་ལྤགས་ན་བཟའ་ཅནཿ བུམ་པ་དང་ནི་རུས་སྦལ་འཛིནཿ ཆུ་སྲིན་ཞོན་ཏེ་ཀླུ་ཚོགས་བཅསཿ འོག་གི་ཕྱོགས་སུ་འཁོད་ཅིང་འདུག །གཞན་ཡང་ལི་བྱི་ལག་དགུ་དངཿ ཐེ་སེ་གཙོ་དང་ཡམ་ཤུད་ཀྱིཿ 
སོ་སོའི་སྔགས་ཀྱི་བདག་པོ་དག །དཀར་སེར་དམར་སེར་མདོག་ལྡན་ཞིངཿ ཤེལ་གྲི་ཐོགས་ཤིང་ལག་དགུ་འགྱེདཿ དར་དམར་མདུང་རིངས་ལག་གིས་འཛིནཿ རྟ་དཀར་བྱ་རྒོད་ར་སྐྱེས་དངཿ རྟ་དམར་ཞོན་ཏེ་ཞིང་ལྤགས་བགོསཿ 
སོ་སོའི་སྡེ་དང་གཡོག་བཅས་ཤིང་། །ཕྱོགས་ཀྱི་སྒོ་བཞིར་གནས་བཅས་འཁོདཿ གཞན་ཡང་ལྷ་ཀླུ་གནོད་སྦྱིན་དངཿ མ་མོ་གཤིན་རྗེ་སྲིན་པོ་བདུད། །རུ་ཏྲ་མུ་སྟེགས་འགོང་ཐེ་དངཿ གིང་རྨུ་གཟའ་དང་རྒྱན་བྲན་སྨནཿ སྣང་
སྲིད་ལྷ་སྲིན་དྲེགས་པ་ཅནཿ དེད་དཔོན་ཆེན་པོ་རྣམས་ཀྱི་འཁོརཿ ཕྱི་དང་ནང་དང་གསང་བ་དང་། །ཡང་གསང་དང་ནི་དྲག་པོ་དང་། བཏགས་ཤིང་ཆགས་པ་སྨྲས་པ་དང་། ལས་བྱེད་ཤན་པ་ཐོར་ཤོད་དངཿ ཆེ་གྲགས་རྩལ་
དང་མ་མོ་དངཿ མུན་ཐིབས་སྟོང་འཁྲུགས་སྲོག་གཅོད་དངཿ གླེན་ཞིང་དབང་ཆེ་ལ་སོགས་རྣམསཿ བཅོམ་ལྡན་རྡོ་རྗེ་འཆང་བ་ཡི། །བཀའ་བཞིན་རྗེས་སུ་སྒྲུབ་བྱེད་པསཿ མ་ཐོགས་དུར་ཁྲོད་གནས་ཆེན་དུཿ འདར་ཞིང་མྱུར་བའི་
ཤུགས་དང་བཅསཿ རང་གི་ནུས་པ་རབ་བསྟན་ཏེཿ བཀའ་ཉན་གསུང་སྡོད་རྗེས་འབྲངས་གནསཿ དེ་ལྟར་འཁོད་པའི་འཇིག་རྟེན་པའི་དྲེགས་པའི་བདག་པོ་སྔགས་ཀྱི་སྟོབས་དང་ལྡན་པ་དེ་དག་གིས། རང་རང་གི་འཁོར་དང་། 
རིགས་ཀྱི་སྡེ་དང་། མཐུ་དང་། ལོངས་སྤྱོད་ཀྱི་ཁྱད་པར་དག་ཀྱངཿ བཅོམ་ལྡན་འདས་ཀྱི་སྤྱན་སྔར་བསྟན་ནས། འདི་སྐད་ཅེས་ཀྱང་གསོལ་ཏོ། །བཅོམ་ལྡན་འདས་རྡོ་རྗེ་འཛིན་པ་ཆེན་པོཿ བདག་ཅག་ལ་སོགས་པ་འཇིག་རྟེན་གྱི་
ཁམས་ན་གནས་པའིཿ མ་རུངས་པའི་ཚོགས་གདུག་པ་ཅན། སྡང་བ། གནོད་པ་དང་། ཤུགས་པ་དང་། འཚེ་བ་དང་རྩོད་པའི་བསམ་པ་དང་ལྡན་ཞིང་། བྱམས་པ་དང་། སྙིང་རྗེ་དང་། ཕན་པའི་སེམས་སྐྱེ་བར་མི་ནུས་པ་རྣམས་ཀྱིས་ཏེཿ

104-1-234b

རང་རང་གི་ཁམས་དང་། བྱེད་པ་དང་། རིགས་དང་། ལས་ཀྱི་བྱ་བ་དང་། རྟེན་དང་། ནུས་པ་དང་། དབང་གི་ཁྱད་པར་དག་དང་། འཐུན་པའི་བསྟན་པ་མི་བཟད་པ་སྟོབས་དང་ལྡན་པ་དག་བཀའ་སྩལ་པར་གསོལ་ཞེས་གསོལ་ཏོ། །
དྲག་སྔགས་འདུས་པ་རྩ་བའི་རྒྱུད་ལས་ཚོགས་ཀྱི་དཀྱིལ་འཁོར་རབ་ཏུ་བཀོད་པའི་ལེའུ་སྟེ་གསུམ་པའོཿ །།        དེ་ནས་རྡོ་རྗེ་འཛིན་པ་ཡིསཿ སྐུ་ཡི་ཆེ་བ་རབ་སྟོན་ཅིངཿ གསུང་གི་སྙིང་པོས་གནད་སྐུལ་ཏེཿ 
ཐུགས་ཀྱི་དགོངས་པ་གཙོར་མཛད་ནསཿ འཇིག་རྟེན་དྲེགས་པ་ཅན་དང་མཐུ་སྟོབས་ཅནཿ འདུས་པའི་འཁོར་ལ་བཀའ་སྩལ་པ། །ཧཱུྃ་འཇིག་རྟེན་དྲེགས་པའི་ཚོགས་ཆེན་རྣམསཿ ངའི་བཀའ་བཞིན་ཉན་པར་བགྱིཿ ང་ནི་
ཆོས་སྐུ་བདེ་ཆེན་ཏེཿ ཡེ་ནས་མ་བཅོས་ལྷུན་གྱིས་གྲུབཿ སྣང་བའི་སྐུ་ལ་དངོས་པོ་མེད། །ཡེ་ཤེས་སྐུ་སྟེ་སྐུ་ཡི་མཆོག །ང་ནི་སྔགས་གསུང་མཐུ་ཆེན་ཏེཿ ཡེ་ནས་ཐ་སྙད་སྒྲ་དང་བྲལཿ བརྗོད་པའི་གསུང་ལ་འཛིན་པ་
མེད། །མ་འགགས་གསུང་སྟེ་གསུང་གི་དཔལཿ ང་ནི་བདེན་པའི་ཐུགས་མཆོག་སྟེ། །ཡེ་ནས་མཚན་མེད་ཡང་དག་བྲལཿ གཉིས་མེད་ཐུགས་ལས་རྩོལ་བ་མེད། །སྐྱེ་མེད་ཐུགས་ཏེ་ཐུགས་ཀྱི་དཔལ། །ང་ནི་ཡོན་ཏན་
ཚོགས་ཆེན་ཏེ། །ལྷུན་གྱིས་གྲུབ་ཅིང་བསམ་མི་ཁྱབཿ སྨོན་མེད་དགོས་པ་མ་ལུས་འབྱུངཿ དངོས་གྲུབ་ཆེན་པོ་བསྐྱེད་པའི་གཞིཿ ང་ནི་ཕྲིན་ལས་མཛད་པའི་སྟེཿ ཡོངས་རྫོགས་བརྩོན་པའི་བདག་ཉིད་ཅནཿ ཞི་རྒྱས་དབང་དང་
མངོན་དུ་སྤྱོདཿ སྣ་ཚོགས་གཞན་དོན་ལྷུན་གྱིས་རྫོགསཿ འཇིག་རྟེན་སྔགས་བདག་དྲེགས་པ་ཅནཿ གཙོ་ཆེན་དབང་སྒྱུར་ཁྱེད་རྣམས་ཀྱངཿ ང་དང་དུས་གསུམ་སངས་རྒྱས་ཀྱིཿ ཐུགས་དང་ཡེ་ཤེས་གཉིས་སུ་མེདཿ གསུང་དང་དབྱེ་བ་
ཡོད་མ་ཡིནཿ སྐུ་ལ་སོ་སོར་མི་བལྟ་སྟེཿ ཡོན་ཏན་མཉམ་པ་ཉིད་དུ་རྫོགསཿ ཕྲིན་ལས་གཅིག་ཏེ་ཐུན་མོང་བསྒྲུབཿ ཐོག་མ་མེད་ནས་ད་ལྟའི་བརཿ ཉོན་མོངས་ལས་ཀྱི་རྒྱུ་འབྲས་ཀྱིསཿ གནས་ངན་ལེན་གྱི་ཕུང་པོར་སྨིནཿ

104-1-235a

ང་རྒྱལ་དྲེགས་པའི་ལུས་ངག་སེམསཿ སྟོབས་དང་ནུས་པ་དཔག་མེད་རྫོགསཿ ཆེ་བཙན་དབང་ཕྱུག་ལྡན་གྱུར་ཀྱངཿ ཡང་དག་ངེས་པའི་དོན་མ་རྟོགསཿ དོན་དམ་བདེན་པ་ཁོང་མ་ཆུདཿ སྤྲོས་བྲལ་དགེ་ལ་
བློ་མ་ཕྱོགསཿ རང་རིག་རྒྱལ་བའི་སྟོབས་མ་སྙེདཿ སྐྱེ་མེད་དབྱིངས་ཀྱི་རྩལ་མ་ཤརཿ བདེ་ཆེན་གནས་ཀྱི་གདེང་མ་ཐོབཿ མཚོན་མེད་བཅུད་ཀྱི་རོ་མ་མྱོངཿ ཆོས་ཉིད་སྐུའི་གཟུགས་མ་མཐོངཿ ཡེ་ཤེས་གློང་གི་སྒོ་མ་ཕྱེདཿ 
དེ་བས་རིགས་ཀྱི་བུ་རྣམས་ཀྱིསཿ རང་གི་གནས་ལ་རབ་ཏུ་རྟོགསཿ ལུས་ལ་བདག་ཏུ་ཡོང་མ་འཛིནཿ ངག་ལ་བརྗོད་པར་མ་སྨྲ་ཅིགཿ སེམས་ལ་དངོས་པོར་གང་མ་རྟོགཿ གནས་ཡུལ་རིགས་ཁམས་སྡེ་དང་དཔུངཿ བརྟེན་
རྫས་ལོངས་སྤྱོད་དབང་སྐལ་རྣམསཿ ང་དང་ང་ཡིར་གཟུང་བྱ་མིནཿ ཐུན་མོང་དང་ནི་ཐ་དད་ཅིགཿ དེ་དག་མ་ལུས་སྟོང་པ་སྟེ། །སྟོང་པ་ཉིད་ཀྱང་དེ་དག་གོཿ དེ་ལས་གུད་ན་གཞན་མེད་དེཿ གཞན་ལས་གུད་ནའང་དེ་མེད་ཅིངཿ མ་སྐྱེས་
མ་འགགས་མཚན་ཉིད་མེདཿ མ་ཕྲི་མ་བསྣན་མ་སླད་ཅིངཿ མ་བཅོས་མ་སྒྱུར་མ་བྱུང་ལཿ མ་སྐྱེས་མ་བསྒྲུབས་མ་བཤད་པའིཿ དོན་ཆེན་དེ་ནི་རང་ཉིད་ལསཿ ཕྱི་ནང་སྔ་ཕྱི་སྟེང་དང་འོགཿ ཕྱོགས་མཚམས་འཁོར་འདས་ལུས་
དང་སེམསཿ ཀུན་ནས་རྙེད་པ་མ་ཡིན་ཏེཿ འདི་ན་འང་ཡོད་པ་མ་ཡིན་ནོཿ ཤ་ཁྲག་ལྤགས་དང་རུས་པ་དངཿ སྙིང་དང་གློ་བ་སྣོད་རྣམས་དངཿ དབང་པོ་ཡན་ལག་བཅས་པ་ལཿ བདེ་ཆེན་དམ་པ་དེ་མི་གནསཿ དེ་ལས་གཞན་
ནའང་གནས་མིན་ཏེཿ གནས་མ་གྲུབ་ལ་གནས་ཞེས་བརྗོདཿ གནས་ཡོད་མཉམ་ན་དེར་རྟོགས་ཤིགཿ  ཇི་འདྲ་ཅི་ཞིག་ཇི་ལྟ་བུཿ གང་ནས་འོངས་ཤིང་གང་དུ་སོངཿ གང་ན་འདུག་ཅིང་ཅི་ཞིག་བྱེདཿ དབྱིབས་དང་ཁ་དོག་མིང་དང་མཚནཿ 
རིགས་དང་ཁམས་ལ་རབ་ཏུ་རྟོགསཿ དེ་ལ་དེ་ཡིས་དེར་ལྟས་པས། །འཐོང་བ་མེད་པ་བལྟ་བ་ཡིཿ གང་ལ་གང་གིས་གར་བསྒོམས་པསཿ བསྒོམ་དང་བྲལ་ལ་སྒོམ་ཞེས་བྱཿ ཅི་ལ་སུ་ཞིག་སྤྱིར་སྤྱོད་པསཿ སྤྱོད་དགུ་མི་གནས་

104-1-235b

སྤྱོད་པ་ཆེཿ སུ་ལས་སུས་ཐོབ་ཅི་བསྒྲུབས་པསཿ མ་གྲུབ་རང་གནས་འབྲས་བུ་སྟེཿ མ་ལུས་མེད་ཅིང་རྣམ་པ་ཡིཿ ཡོན་ཏན་ཡོངས་རྫོགས་དབང་ཕྱུག་གོཿ ཞི་དང་རྒྱས་དང་མངོན་དུ་སྤྱོདཿ དབང་དུ་བསྡུ་བ་ཕྲིན་ལས་ཡིནཿ རང་ལ་
རྫོགས་ཞིང་རང་གིས་གྲུབཿ ཐག་ཆོད་པ་དང་བསྟན་པ་དངཿ ཚད་ལྡན་མཐར་ཕྱིན་ལ་བཟླ་དངཿ འདས་དང་མ་འདས་སྟོན་པ་དངཿ བཤད་དང་ཉན་དང་བསྡུད་པ་དངཿ གནས་དུས་ཡོན་ཏན་སྐྱོན་རྣམས་ནིཿ རང་གི་དེ་ཉིད་
རྟོགས་པས་འགྲུབ་ཞེས་བཀའ་སྩལ་ཏོཿ དྲག་སྔགས་འདུས་པ་རྩ་བའི་རྒྱུད་ལས་དོན་དམ་པའི་གནས་ཉེ་བར་བསྟན་པའི་ལེའུ་སྟེཿ བཞི་པའོ༔ ༔ དེ་ནས་རྡོ་རྗེ་འཛིན་པ་ཡིསཿ 
དགོས་པ་ཆེན་པོ་འདི་གསུངས་ཏེ༔ ཡེ་ནས་མ་བྱུང་མ་སྐྱེས་པའིཿ ཆོས་ཉིད་དོན་གྱི་སྙིང་པོ་ནིཿ གཟུང་འཛིན་མཐའ་བྲལ་དོན་རྟོགས་ཏེཿ ང་བདག་འཛིན་པའི་རྣམ་རྟོག་གིསཿ དྲེགས་ཤིང་གཟིར་བའི་རུ་ཏྲ་དེཿ མ་སྒྲལ་བ་ནི་ཉེས་པ་
སྟེཿ ཐབས་དང་ཤེས་རབ་སྙིང་རྗེ་གསུམཿ འཐུན་ཞིང་འཚུངས་ལྡན་སྲས་ཀྱིས་སྒྲལཿ དམ་པའི་དོན་དེ་མ་རྟོགས་པརཿ དངོས་པོར་སྤྱད་པས་འཁོར་བར་ལྟུངཿ མཁས་རྟོགས་ལྡན་པས་སྤྱད་པ་ཡིསཿ འཕགས་པ་མཉེས་
ཤིང་སེམས་ཅན་སྒྲོལཿ ཚོགས་གཉིས་རྫོགས་ཏེ་སྐུ་གསུམ་ཐོབཿ རྣམ་རིག་མཐོང་བས་ལ་ཐག་གཅདཿ བརྟུལ་ཤུགས་དྲག་པོས་བསྒྲུབ་པ་བརྩམཿ དབང་དུ་བསྡུ་དང་གདུལ་བའི་ཕྱིརཿ འཇིག་རྟེན་ལས་ཀྱིས་བསྡུས་པའི་
རྒྱུདཿ ང་དང་སྟོན་པ་རྣམས་ཀྱིས་བཤདཿ ཆོས་དབྱིངས་རང་གནས་དུར་ཁྲོད་དུཿ རིག་པ་འཛིན་པ་རྣམས་ཀྱིས་ནིཿ སངས་རྒྱས་བསྟན་པའི་དོན་དུ་བསྡུདཿ སྙིགས་མ་རབ་ཏུ་བདོ་བའི་དུསཿ བསྡོད་ཅིང་གཙུགས་ལས་ལྟོས་པའི་ཆོསཿ 
སྐྱོན་དང་ཡོན་ཏན་ཚུལ་དུ་འབྱུངཿ བསྟན་པ་འཇིག་བྱེད་ལས་ངན་ཅནཿ དྲག་སྔགས་སྟོབས་ཀྱིས་བསྒྲལ་བྱས་ནསཿ  རྫོགས་པའི་སངས་རྒྱས་ཐོབ་པར་འགྱུརཿ དཀྱིལ་འཁོར་གནས་པའི་བརྟེན་ཡིན་ནོཿ ལྷ་དང་སྔགས་དང་ཏིང་ངེ་

104-1-236a

འཛིནཿ རྫས་རྣམས་རྒྱུ་དང་རྐྱེན་དུ་འགྱུརཿ ལིང་ག་ཉའོ་དམིགས་པའི་བརྟེནཿ མིང་རུས་བྱང་བུས་རྣམ་ཤེས་དངཿ བླ་ཚེ་འཁོར་བའི་བརྟེན་ཡིན་ཏེཿ འགུགས་འདྲེན་གྱིས་ནི་དེ་དག་འགུགསཿ ཕོ་ཉས་ལས་ཀུན་བསྒྲུབ་
པར་བྱེདཿ སྔགས་དང་རྫས་ཀྱི་དཔལ་སྐྱེད་ཅིངཿ ཐུན་རྫས་རྣམས་ཀྱི་མྱོས་པ་དངཿ རེངས་ལྐུགས་མཚོན་འབེབས་བརྡུལ་དུ་ལྷོགསཿ ནད་དུ་འབེབས་ཤིང་སྙིང་ནས་འདྲནཿ ལྷ་དང་འབྱེད་ཅིང་རྩ་བ་གཅོདཿ བྱང་ཆུབ་སེམས་ཀྱི་
དངོས་པོ་ནིཿ དོན་པོ་ཁྲག་གི་ལན་བུའི་མགོཿ ཀུན་གཞི་ཏིལ་འབྲུ་ཙམ་ཞིག་གནསཿ རྩ་བ་རླུང་གནས་འདྲ་བས་ཏེཿ ཕུར་པ་མེ་སྦལ་ལྟ་བུ་ཡིསཿ བསྡུད་ཤིང་བསྲེགས་ཏེ་གཅད་པ་ཡིསཿ དམིགས་པ་བརྟེན་དང་བྲལ་
བར་བྱསཿ བཀྲགས་དང་གཟི་མདངས་རང་ལ་འདུསཿ ཕྲིན་ལས་རྣམ་གཞིས་གཟིར་བ་ལཿ དགེ་སྡིག་ངོ་བོ་ཉིད་དུ་མཉམཿ ལྟ་སྤྱོད་ལྡན་པས་ཞིང་བཅུས་ཏེཿ ཕ་རོལ་བླ་མེད་གནས་སུ་བསྒྲལཿ བར་མ་དོའི་རྣམ་ཤེས་ནིཿ 
ཧཱུྃ་དང་ཕཊ་ཀྱི་འཕྲོ་འདུ་ཡིསཿ སྦྱང་དང་སྤར་བའི་ལས་རྣམས་བྱཿ ཕྱོགས་བཅུ་རྒྱལ་བའི་སྲས་སུ་བསྐྱེདཿ ཕུང་པོ་ལྷག་མ་ཙམ་ཉིད་ནིཿ རྟེན་གསུམ་གྱི་ནི་རབ་ཏུ་སྦྱངཿ ཆོས་སྐུའི་གཟུགས་བརྙན་བསྟན་པར་བྱཿ འདིས་ནི་ཕ་རོལ་བླ་ན་
མེདཿ སྤྲུལ་པ་དུས་གསུམ་སངས་རྒྱས་དངཿ རྒྱལ་སྲས་བྱང་ཆུབ་སེམས་དཔའ་ཡིཿ སྤྱོད་པ་རླབས་ཆེན་སྤྱད་པའོ་ཞེས་བཀའ་སྩལ་ཏོཿ དྲག་སྔགས་འདུས་པ་རྩ་བའི་རྒྱུད་ལས་སྒྲོལ་བ་ཏིང་ངེ་འཛིན་གྱི་དམིགས་པའི་
ལེའུ་སྟེཿ ལྔ་པའོ༔ ༔  དེ་ནས་རྡོ་རྗེ་འཛིན་པ་ཡིསཿ ལས་ཀྱི་བྱེ་བྲག་འདི་གསུངས་ཏེཿ ཐོག་མར་འདི་ལ་བཤིས་པའི་གནསཿ དུར་ཁྲོད་ཆུ་གླིང་རི་ཡི་སུལཿ ཁྲོས་ཤིང་གདུག་པའི་གནས་དེ་རུཿ 
རབ་ཏུ་མནག་ཅིང་རྡེང་ལྡན་པསཿ དམ་ཚིག་ལྡན་པའི་སྒྲུབ་པོ་སྟེཿ ཡོངས་སུ་རྫོགས་པའི་སློབ་མ་ཡིསཿ སྔོན་དུ་བླ་མ་མཉེས་བྱས་ཤིངཿ ལྷག་པའི་ལྷ་ཉིད་སྟོབས་དང་ལྡནཿ རྡོ་རྗེ་འཛིན་པ་ཧེ་རུ་ཀཿ ཉེ་དང་ལྡན་པ་གཉིས་སུ་མེདཿ

104-1-236b

ཚད་དང་ལྡན་པར་འགྱུར་བ་སྟེཿ ཡང་དག་ངེས་པའི་བརྟགས་མཐོང་ནསཿ རབ་ཏུ་འབད་པར་བྱ་བ་ནིཿ སྨིན་འབྱོར་གདུག་ཅིང་ཤིས་པའི་སཿ ལས་ལ་མངག་པ་དེ་དག་ལཿ དྲེགས་པ་གཙོ་འཁོར་དམིགས་པའི་བརྟེནཿ འདོམ་
གང་ལ་སོགས་ཚད་དང་ལྡནཿ ལྟེ་བ་ལས་ནི་འཁོར་ལོའི་རྩིབསཿ བཞི་འམ་དྲུག་གམ་བརྒྱད་དུ་འགོདཿ བར་ཁྱམས་ཕྱོགས་གཞིར་སྒོ་བཞིར་བཅསཿ རིམ་པ་གསུམ་གྱི་ཐོད་ཕྲེང་ལྡནཿ རང་གི་རིགས་ལ་སྔགས་པ་ཡིཿ 
དབྱིབས་དང་ཁ་དོག་རྒྱན་དང་བརྟགསཿ ཐམས་ཅད་ལྡན་པ་ཉིད་དུ་བྱཿ དྲེགས་པ་ཅན་རྣམས་སྐུ་ཡི་བརྟེནཿ བྲིས་སམ་རྐོས་སམ་བརྩིགས་པ་དགཿ རང་གི་གནས་སུ་མཛེས་པར་དགོདཿ གསུང་གི་སྙིང་པོ་འང་དེ་བཞིན་ནོཿ ཐུགས་
རྟེན་རང་རང་ཕྱག་ཆ་འམཿ སྔོན་ནས་བསགས་པའི་རྫས་ཡིན་ནོཿ རང་སྔགས་བསགས་པའི་འཁོར་ལོ་དངཿ འཐུན་གཟུགས་སྲོག་གི་རྒྱལ་མཚན་རྣམསཿ ནང་དུ་མཚོན་པའི་བརྟེན་དུ་གཟུགསཿ དེ་དག་ཙིཏྟ་སོ་སོ་རུཿ དམིགས་པའི་
སྙིང་པོ་དྲིལ་ཏེ་བཞུགསཿ གསང་ཞིང་སྦས་པའི་རྟེན་དུ་འགྱུརཿ དེ་ཡི་བྱང་ཤར་ཕྱོགས་མཚམས་སུཿ ང་ཡི་སྔར་བཤད་རྒྱུ་ཉིད་ལཿ ཨེ་དབྱིབས་བཞི་དང་བརྒྱད་བཅུ་གཉིསཿ ཁྲུ་གང་འཛུབ་གང་མཐུར་དུ་བརྐོཿ གདུག་ཅིང་
དྲག་པོའི་རྫས་ཀྱི་བྱུགཿ གདུག་ཅིང་བསྲེག་པའང་དེ་ཡིས་སོཿ དེ་ཉིད་དགོད་པའི་རྫས་རྣམས་ནིཿ རྒྱུད་མེད་གཟུགས་ངན་ཀ་པཱ་ལཿ སེང་ལྡེང་གསེར་ཤིང་ཡན་ལག་སྐྱེསཿ དཔལ་ལྡན་དྲག་པོའི་ཕུར་པ་དངཿ ཤེལ་ནག་གནམ་
རུ་གནག་པོ་དངཿ གི་ལིང་དཀར་དང་གདོང་དམར་དངཿ ཟླ་མི་ཅིག་དང་སྲིད་ཤིང་དངཿ ཙ་ར་ཀ་དང་འགྲིན་སྙན་དངཿ ས་སྤྱོད་ཆུ་སྤྱོད་རྣམས་ཀྱི་ལུསཿ ཕྱི་དང་བར་དང་གསང་བས་བརྒྱནཿ བསྲེགས་ཆེན་སྤྱིའི་མཉེས་པའི་རྫསཿ རྒྱན་
ལྡན་གཟུགས་དང་རྔ་གླིང་སྒྲསཿ བསུང་ཆེན་དྲི་དང་ཤ་ཁྲག་རོཿ ཚ་རྩུབ་རེག་དང་འབྲུ་བཅུད་བཤོསཿ ཤ་ཆེན་དམ་རྫས་བདུད་རྩིའི་ཚོགསཿ རབ་ཏུ་སྟར་ཞིང་འབད་པས་སྦྱརཿ དཔའ་ཞིང་བརྟུལ་ཕོད་སྐྱེས་བུ་ཡིསཿ ངའི་སྔོན་

104-1-237a

གྱི་ཕྲིན་ལས་བཞིནཿ ཁྲོ་ལ་ཁྲོས་པས་ཞི་མཛད་དེཿ ཐ་མས་གནས་པའི་འབྱུང་ཆེན་ལྔཿ དྲག་པོ་སྔགས་ཀྱི་འབྱུང་བར་བསྒོམཿ ཀེང་རུས་འབར་བའི་རི་རབ་བམཿ དུར་ཁྲོད་འཇིགས་པའི་གཞལ་མེད་ཁངཿ བན་ད་གནས་རིགས་གསུམ་
གྱི་བརྩིགསཿ ཏི་ར་གསར་རྙིང་ཚོགས་ཀྱིས་གཏམསཿ རག་ཏ་དམར་པོ་བྲུབ་ཅིང་འབབཿ ཚིལ་ཆེན་དུད་པ་འཁྱིལ་ཞིང་འཕྱུརཿ དབང་པོ་དོན་སྙིང་འཕྱོ་ཞིང་འབྲུལཿ བདུད་རྩི་བཤང་གཅི་དྲི་བསུང་ལྡནཿ ཡན་
ལག་ཉིང་ལག་རྐང་ཞིང་རྙིལཿ ཤུན་དང་ལྤགས་པ་བརྒྱངས་ཤིང་འཕྱརཿ ཕྱོགས་བཞི་མཚམས་དང་སྟེང་དང་འོགཿ བཅུས་དང་འཕྱང་བ་བསྐུམ་དང་བརྒྱངསཿ རྒྱལ་མཚན་དང་ནི་ཟ་ར་ཚགསཿ བ་དན་བླ་བྲེས་
ལྷབ་ལྷུབ་དངཿ ཕུར་པ་དང་ནི་ལྟབ་མ་དངཿ ཡོལ་ཀོ་ཀ་མ་ལ་རྟམས་ནིཿ རབ་ཏུ་མཛེས་པའི་རྒྱན་གྱིས་བརྒྱནཿ གཞལ་ཡས་འབར་བ་དེ་འདྲ་བཿ རབ་ཏུ་སྔགས་པ་འདི་ལས་བཤདཿ དྲེགས་པའི་
བདག་པོ་ཡུམ་དང་བཅསཿ སྦྱོར་ཞིང་དགོས་པ་དེ་ཉིད་ཀྱིསཿ བདག་གི་རང་བཞིན་ཡོངས་སུ་བསྐྱེདཿ འཕྲོ་དང་ཆས་ཀྱི་ཁྱད་པར་དངཿ བསྡུ་དང་རང་གི་གནས་སུ་བརྟགཿ སྐུར་གྱུར་གང་གི་མཚན་ཉིད་ངོ་བོ་དངཿ 
བྱང་ཆུབ་སེམས་ཀྱི་བྱ་བ་ཡིསཿ ཡུམ་དང་བཅས་པ་ཡོངས་སུ་རྫོགསཿ དེ་ཡི་ལས་ཀྱང་སྔར་བཞིན་དུཿ རྒྱལ་མཛད་རང་གི་ཕྱག་རྟེན་དུཿ དམིགས་པ་མྱུར་ལྷགས་དེ་ཡི་འཁོརཿ བདུད་དང་གཤིན་རྗེ་
སྲིན་པོ་དངཿ གནོད་སྦྱིན་དྲགས་པོའི་ཀླུ་དང་ལྷཿ རང་རང་ཆུང་མར་བཅས་པ་དགཿ ངས་བཤད་བཞིན་དུ་འཇིགས་པར་བསམཿ སྒོ་བཞིར་གནས་པ་དེ་དག་སྟེཿ ལྷ་དང་མ་མོ་རྒྱལ་པོ་གིངཿ བཙན་འགོང་
རྨུ་དང་མུ་སྟེགས་དངཿ རང་གི་སྡེ་དང་དཔུང་དུ་བཅསཿ མ་ལུས་དྲེགས་པ་ཅན་གྱི་ཚོགསཿ འདི་ལས་རབ་བརྗོད་གང་ཡིན་པཿ དེ་ཉིད་དུ་ནི་གསལ་བར་བྱཿ ང་ཡི་སྐུ་དང་གསུང་དང་ཐུགསཿ ཡེ་ཤེས་རིགས་ཀྱི་དབང་

104-1-237b

བསྐུར་ཞིངཿ བྱིན་གྱིས་བརླབས་ནས་རྒྱས་བཏབ་སྟེཿ དེ་ལ་རང་བཞིན་གནས་པ་སྟིམཿ ཡོངས་རྫོགས་སྐུ་ཡིས་བསྟན་པ་བསྒྲུབཿ ཕྱག་འཚལ་མཆོད་པ་འབུལ་ཞིང་བསྟོདཿ རབ་ཏུ་མཉེས་པ་རྒྱ་
ཆེར་བྱཿ ཕྱི་དང་ནང་དང་གསང་བ་ཡིསཿ བསྡུ་དང་སྦྱོར་དང་སྒྲོལ་བ་དངཿ གནས་དང་རིང་དང་རིམ་པ་དངཿ བསྐྱེད་དང་དབབ་པ་མཉེས་པ་ཡིཿ གནས་ལུགས་ལྷུན་གྲུབ་མ་བཅོས་པསཿ དྲག་སྔགས་རོལ་
པ་མ་འགགས་སྤྱོདཿ རང་གི་ལས་ལ་སྦྱར་བ་ནིཿ བདུད་ཀྱི་ཁྲམ་དང་གཤིན་རྗེའི་ལྟོཿ སྲིན་པོའི་དམར་དང་གནོད་སྦྱིན་བྱདཿ ལྷ་ཡི་ཆང་དང་མ་མོའི་རིམསཿ གཟ་ཡི་ཀི་ཀང་ཀླུ་ཡི་དུགཿ ཚེ་ཆད་པ་དང་
ཁྲི་མོན་བཅུགཿ གཅན་ཟན་འཛུམས་དང་ལྕགས་སྒྲོག་ཚུདཿ ནད་དང་མཚོན་ཉིད་ཁོང་ཞུགས་དངཿ དུག་འཐུངས་ཐོག་བབས་བཞིན་དུ་དྲགཿ ཐར་ཞེས་བྱ་བ་གདགས་སུ་མེདཿ བདུད་ནི་མ་བརྟགས་སྲོག་ལ་རྒོལཿ 
གཤིན་རྗེ་འཁོར་བའི་འཁོར་ལོས་གཅོདཿ སྲིན་པོ་རལ་གྲིའི་སོ་ཡིས་འགེམསཿ གནོད་སྦྱིན་གནམ་ལྕགས་ཐོག་གིས་འཇོམསཿ ལྷ་ནི་འདོད་པའི་མདུང་གིས་སོརཿ མ་མོ་དཔག་མེད་མདའ་བཞིན་འབིགསཿ གཟའ་
བདུད་སྟོབས་ཆེན་སྒྱོགས་ཀྱིས་བརྡེགཿ ཀླུ་ནི་ས་འོག་རལ་གྱི་སོགསཿ ཐམས་ཅད་འདུལ་ཞིང་གཅོད་པའི་སྔགསཿ མུན་པ་གླིང་འཁྲུགས་བདུད་ཀྱི་སྐདཿ ངུ་འབོད་ལྟ་བུ་གཤིན་རྗེ་སྟེཿ རོ་ལེན་དུར་པ་སྲིན་པོས་འགྲེནཿ 
ལྕེ་མདུང་དྲག་པོ་གནོད་སྦྱིན་ནོཿ བཀའ་ཆད་དྲག་སྩལ་ལྷ་ཡི་དམོདཿ ངུ་འབོད་གདུང་བ་མ་མོ་སྟེཿ འབྲུག་སྒྲ་གློག་འབྱིན་གཟའ་བདུད་དོཿ ཀླུ་ཡིས་སྦྲུལ་ནག་དུག་གིས་འཇོམསཿ འཇིག་རྟེན་ལྷ་སྲིན་རང་སྒྲ་ཡིསཿ ཕལ་
པ་རྣམས་ལ་དམོད་པར་བྱེདཿ དེ་ནི་དྲག་སྔགས་དམོད་པའོ། །ཞེས་བཀའ་སྩལ་ཏོ། །དྲག་སྔགས་འདུས་པ་རྩ་བའི་རྒྱུད་ལས་དམོད་པ་ཉེ་བར་བསྒྲུབ་པའི་ལེའུ་སྟེ་དྲུག་པའོ༔  ༔ དེ་ནས་རྡོ་རྗེ་

104-1-238a

འཛིན་པ་ཡིསཿ སོ་སོའི་དྲག་སྔགས་དམོད་པ་བསྟནཿ ཕུང་ཤིགས་བདུད་ཀྱི་དྲག་སྔགས་ནིཿ རབས་ཆད་ནག་པོའི་ཐོད་པ་རུཿ ཤེལ་ནག་སྙིང་དུ་ཉའོ་སྩལཿ དུར་ཁྲོད་རས་ནག་རྒྱ་ཡིས་གདབཿ ཚོན་སྣ་ལྔ་ལྔ་
འམ་ནག་པོས་བཅིངསཿ གྲི་ལྕགས་སྦུག་མ་སྲོག་རྩར་གཞུགཿ ཡུངས་ཀར་ཡུངས་ནག་ཏིལ་ནག་དངཿ སྐེ་རྩེ་ཤང་ཚེ་ཟི་ར་དངཿ ཟངས་ལྕགས་རྡོ་ཡི་ཕྱེ་མ་དངཿ དུག་ཁྲག་ངར་དང་བཅས་པ་རྣམསཿ མུ་སུ་རི་ཡི་ཐོད་
པར་བསྡུཿ བདུད་ཀྱི་སྲོག་ཏིག་སྔགས་ཀྱིས་མངགཿ བདུད་པོ་ནག་པོ་ཁ་མུན་དེ་བ་མི་ལ་ཆོཿ ཀ་ལ་མུ་ཏྲི་མཱ་ར་ཡཿ དགྲ་བོ་སྙིང་ལིང་ཙིཏྟ་རྦུདཿ ནྲྀ་བཟླུམ་ཁྱིགསཿ བྲམ་བྲམ་རོ་ལ་འདུསཿ ཟེར་སྤྲུགསཿ རོ་སྤྲུགསཿ 
བདུད་རྗེས་ཆོདཿ བདུད་མོས་རོལཿ བདུད་བུས་གཏོརཿ བྃ་ཁྱིགསཿ པྲ་མ་ནིཿ ཤ་ཏྲུྃ་མཱ་ར་ཡ་རྦདཿ མུན་པ་གླིང་ཁྲུགས་ཞེས་བྱ་བཿ མ་འོངས་བདུད་ཀྱི་རང་སྐད་དེཿ རྟག་ཏུ་བརྗོད་ཅིང་སྦུག་མར་བྲབཿ གང་ལ་དམིགས་
པ་དེ་མྱུར་དུཿ སྣང་སྲིད་བདུད་ཀྱིས་སྲོག་ནས་འདྲེནཿ མི་ནག་གོ་མཚོན་བཅས་པ་དངཿ སྔགས་ནག་བུད་མེད་མོན་དང་རྡོཿ ཁྱི་ནག་རྟ་ནག་བྱ་ནག་དངཿ རྒོད་ནག་དྲེ་ནག་ཤེལ་ནག་དངཿ རི་ནག་མཚོ་ནག་ཤེལ་ནག་ཚོགསཿ 
དམག་དང་འཁྲུག་དང་འཐབ་པ་དངཿ ཁྲིད་དང་གསོད་དང་ཤ་བ་དགཿ ལས་བྱེད་གྲུབ་པའི་རྟགས་སུ་འགྱུརཿ དེ་ནས་ཉའོ་སྟབ་ཅིང་སྒྲལཿ གྲི་མཚོན་ཕུར་པ་རྣམས་ཀྱིས་གཏུབ། །ལྷག་མ་བདུད་རྩི་ཤ་ཁྲག་སྦྱརཿ 
ཀུ་ཀུ་ནག་པོའི་ཟས་སུ་སྦྱིནཿ རོལ་པར་མི་བྱེད་སྐྱར་ལ་བསྒྲུབཿ རུ་ཏྲས་མྱོས་ཤིང་འཐིབ་ནས་འཆིཿ འཆི་བདག་གཤིན་རྗེའི་དྲག་སྔགས་ནིཿ རྒྱུད་མེད་ཕོ་མོ་ཀ་པཱ་ལཿ ཟ་མ་རྟོགས་ཏུ་ཁ་སྦྱར་ལཿ ནང་དུ་དེ་ཉིད་ཙིཏྟ་
གཞུགཿ ཕོ་ཐོད་སྟེང་ནས་སྤྱི་བོར་ཕུགཿ བཅིང་དང་དགབ་པ་དྲང་བ་དགཿ སྔར་བཤད་རྫས་ཀྱིས་བྲབ་ཅིང་བརྡེགཿ ཡེ་མ་མེ་ཏ་ཀྵེཿ ར་ཙ་ས་ཏོ་མེཿ རུ་ཙ་ན་ཡོ་ནིཿ རོ་མ་ཙ་ནིཿ ས་མ་རཱ་ཛཿ མུ་ཀ་སྙིང་ཁྲག །རྩ་ལ་

104-1-238b

རྦདཿ ཡ་མ་དབུགས་ལ་རྔུབསཿ རོ་ཙ་ཡ་མཱ་རཱ་ཛཿ རཱ་ཛ་བྃ་རིལ་རྦདཿ ཡ་མ་རཱ་ཛཿཧྲི་སྙིང་གོང་ཆོདཿ ཡ་མ་སྙིངཿ ཡ་མ་ཁྲགཿ ཡ་མ་དུ་བྃ་རིལ་རྦདཿ གཤིན་རྗེ་བསྡུས་ཤིང་དྲིལ་བའི་སྔགསཿ རབ་ཏུ་མངགས་
ཏེ་ཙིཏྟར་བྲབཿ ཤ་ཁྲག་ཆེན་པོས་མཉེས་པར་བྱཿ གསོད་བྱེད་ནག་པོའི་ཚོགས་རྣམས་ཀྱིས༔ དོན་སྙིང་རློན་པར་སྟེར་བ་དངཿ སྙིང་དང་ཐོད་པ་འཕར་བ་འབྱུངཿ དེ་ནས་ལས་ལ་སྦྱར་བྱས་ནཿ གང་ལ་དམིགས་པ་མྱུར་དུ་
སྒྲོལཿ གཏུམ་ཁྲོ་སྲིན་པོའི་དམོད་པ་ནིཿ མྱུར་ཤིའི་ཐོད་པར་དེ་སྙིང་ནངཿ དམིགས་པ་རྣམས་ཀྱི་གཟུགས་བརྙན་དེཿ མིང་སྔགས་ལྡན་པ་བཙལ་བྱས་ཏེཿ ལེབ་རྒན་ཁ་དོག་དར་གྱིས་དྲིལཿ སྔོ་དམར་སྐུད་པའི་དྲ་
བར་གཞུགཿ སྟི་ར་གསར་པ་ཁ་ཕྱེ་ལཿ དབང་པོ་དོན་སྙིང་ནང་གྲོལ་གྱིཿ  སྲིན་པོ་སྐང་ཞིང་དམོད་པ་བཟླསཿ རག་ཤ་སྲིན་པོ་ས་མུན་ཛཿ རག་ཤ་རུ་ཏྲ་ཧུ་ར་ཧུ་ར་བྷྱོཿ རུ་གཉན་ནག་པོ་དགྲ་ལ་བྷྱོཿ དགྲ་བོ་མུ་ལེ་ཤིན་སོད་སོདཿ 
ཧབ་ལེ་ཧོབ་ལེ་ཁ་ཐུན་བྷྱོཿ རག་ཤ་ཛཿ ཏྲི་ཏ་ཛཿ དུ་ར་དུ་ར་ཤན་ཛཿ རག་ཤ་རྦདཿ ནྲྀ་མཱ་ར་ཡ་སོདཿ དམོད་པ་རྫས་ལ་བཟླས་ཤིང་བརྡེགཿ མི་ནག་ཤན་པའི་ཚོགས་རྣམས་ཀྱིསཿ ཁྲིད་དང་གསོད་དང་དོན་སྙིང་སྟེརཿ ལས་
ལ་སྦྱར་བ་ཚུལ་བཞིན་གྱིསཿ དགྲ་བོའི་དོན་པོ་མྱུར་དུ་སྒྲོལཿ དྲག་སྔགས་གནོད་སྦྱིན་དྲག་སྔགས་ནིཿ རྟ་དཀར་སྙིང་དང་ཐོད་པ་ནིཿ ཉའོ་བཞུགས་པའི་སྣོད་དུ་མངགསཿ རག་ཆེན་ལ་ཕུག་མུ་ས་ལཿ སྙིང་སྣ་ཁྲག་སྣ་
སྦྱར་བས་མཆོདཿ གནོད་སྦྱིན་སྲོག་ཏིག་དམོད་ལ་བརྗོདཿ ཡཀྵ་བ་ཧུ་ད་རི་ཛཿ མ་ག་ལ་བག་ཤ་ཛཿ རུ་རུ་མ་རུ་ཏྲ་མ་ཏི་ཛཿ ཡཀྵ་སྙིང་ལ་ཤད་ཤད་དུ་ཛཿ ཡཀྵ་སྲོག་ལ་བྲེང་ཐུན་ཛཿ མིང་ཤར་ཚོགས་དང་འོད་དང་
སྒྲ། །རླུང་དམར་དག་དང་བུ་ཡུག་འོངཿ གསང་བའི་རྫས་ཀྱིས་དྲག་ཏུ་བརྡེགཿ ལྷག་མ་བསྲེགས་ཅིང་རླུང་གིས་གཏོརཿ དེ་ཉིད་ཁྲག་ཏུ་སྐྱུགས་ཏེ་སྒྲོལཿ དྲག་རྩལ་ལྷ་ཡི་དྲག་སྔགས་ནིཿ ལྷ་གཡག་དཀར་

104-1-239a

པོའི་སྙིང་ནང་དུཿ བརྣགས་པའི་གཟུགས་དང་མིང་རུས་བྲིསཿ སྔོན་དམར་སྐུད་པས་སྐེ་ནས་གདགསཿ རྗེ་རིགས་ཐོད་པའི་ནང་དུ་གཞུགཿ དར་དཀར་གྱིས་ནི་ཁ་གཅད་ལཿ ཚོན་སྐུད་སྣ་ལྔས་བཅིང་བར་བྱཿ བྱ་རྒོད་དར་
མའི་སྒྲོ་རྩ་ནིཿ སྲོག་རྩར་བཅུག་ལ་དཀྱིལ་དུ་བརྟོལཿ དཀྱིལ་འཁོར་མདའ་གང་གྲུ་བཞི་ལཿ དབུསུ་གྲུ་གསུམ་མཐུར་དུ་བྲུཿ ལྷ་རྡོ་གསུམ་གྱི་སྒྱེད་པོ་ལཿ གོང་གི་ཐོད་པ་གཞག་པར་བྱཿ འཐུན་རྫས་གཤོས་གཙང་
སྔོན་ཆ་དངཿ རུ་དཀར་སྙིང་དང་ཤེལ་དཀར་སྙིངཿ བྱ་དཀར་སྙིང་དང་རུ་མཚོན་དངཿ བ་དན་དཀར་པོ་རྟེན་དུ་གཟུགསཿ ཡུངས་ཀར་སྔགས་ཀྱི་མདའ་ཆོག་ནིཿ ཐུན་ཀྱི་རྫས་སུ་གཞག་པར་བྱཿ དྲག་སྔགས་སྙིང་གི་ནང་
དུ་བྲབཿ སྟོབས་ལྡན་རྡོ་རྗེ་འཛིན་གསལ་བསཿ ལྷ་རྣམས་འདུས་པའི་སྔགས་རྣམས་སྦྲེངཿ  མ་ཧཱ་དེ་བ་ཏི་ཛཿཏི་ཛཿ །ས་མ་ཕྲ་མ་ན་རག་ཤ་ཀྃ་ཀ་ལ་ཡ་ཧཱུྃ། དེ་བ་རཱ་ཛ་མ་ཧཱ་ནི་ཛཿ །དགྲ་བོ་མ་ར་ཡ་ཐུན་རྦད་ཐུན་རྦད། ཤག་
སེན་ཛཿཛཿ ཤག་སེན་ཛཿཛཿཧཱུྃ་ཧཱྃ། ཙ་ཏུར་མུ་ཁ་རག་ཤ་མ་ན། ཀང་ཀ་མ་ཡ་ཧཱུྃ། མ་ཧཱ་དེ་བ་ཨ་མུ་ཀ་མཱ་ར་ཡ་སོད། འཇིག་རྟེན་གྲགས་པ་མཐུ་རྩལ་ཅནཿ ལྷ་ཡི་བོད་རྦད་གསད་གསུམ་དྲིལ། །དྲག་ཏུ་བཟླས་ཤིང་སྙིང་ནས་བྲབཿ རྟགས་ནི་
རྒྱལ་པོ་རྗེ་དཔོན་དངཿ སྐྱེས་པ་སྟག་ཆས་དར་མ་དངཿ ཞུབ་ཅན་ཕོ་ཚོགས་འོང་བ་ནིཿ གསོད་གཅོད་བྱེད་དང་སྙིང་འབྱིན་དངཿ དངོས་སུ་སྙིང་ཕྱུང་འཕང་བ་འོངཿ རྟགས་བྱུང་སྙིང་ནས་ལིང་ཀ་དབྱུང་། །མཚོན་གྱིས་གཏུབ་ལ་མེ་ལ་བསྲེག །
ཐལ་བ་ཉའོ་བྱས་ནས་ནིཿ ཐོད་པར་བཅུག་ལ་ལྷ་རྟེན་ནམཿ འཇིག་རྟེན་ལྷ་ཆེན་གནས་སར་མནནཿ ལྷ་ཡི་དལ་ཡམས་དགྲ་ལ་ཕེབསཿ ནད་བདག་མ་མོའི་དྲགས་སྔགས་ནིཿ ནྲྀ་དྲིའི་མོ་ཡི་ཐོད་པ་རུཿ དེའི་སྙིང་ན་ལིང་ཀ་གཞུགཿ མཐིང་
ནག་དར་གྱིས་ཁ་གཅད་ལཿ ཐོད་པ་ཚོན་སྐུད་ལྔ་ཡི་བཅིངསཿ དཀྱིལ་འཁོར་མཐིང་ནག་གྲུ་གསུམ་དབུསཿ ཐོད་པ་བཅུག་ལ་བསྒྲུབ་པར་བྱཿ སྨུག་ནག་གསུམ་གྱི་སྙིང་ཁྲག་གིསཿ མ་མོ་འཁོར་དང་བཅས་པ་མཆོདཿ ཡུངས་ཀར་

104-1-239b

ཡུངས་ནག་སྐེ་ཚེ་སོགསཿ དྲག་པོའི་ཐུན་རྫས་འཚོགས་ཚང་ལཿ མ་མོ་རྣམས་ཀྱི་དམོད་པ་མངགཿ མ་མོ་སྙིང་ཁ་རགཿ མ་མོ་སྙིང་ཁ་རགཿ མ་མ་རགྴཿ  མ་མ་རག་ཤཿ ཏྲག་རག་ཤ་སྙིང་ཁྲག་ལ་ཧུབས་ཛཿ སྙིང་ཁྲག་
རྩ་ལ་དུན་དུན། ཏྲག་རག་ཤ་མ་མ་ཛཿཛཿ དམ་དམ་དགྲ་སྙིང་རྦད་བུ་ནན་མ་མ་ནྲྀ་སྙིང་ཙིཏྟ་ལ་ཐུན། ཏྲག་རག་ཤ་ཏྲ་རག་ཤ་མོ་ཐུན་ཐུན། མུགས་མུགས་མྱོགས་མྱོགས་རྦད་རྦད་ཛཿཛཿམ་མ་ཐུན། སྙིང་ཁྲག་ཐུན། ཤ་ཏི་ཏ་མ་མ་རག་མོ། ས་མ་
ཡ་བྷྱོ་བྷྱོཿ མ་མོའི་སྲོག་ཏིག་བསྡུས་པ་ཡིསཿ གསད་པ་ལས་ཀྱི་ངན་སྔགས་འདིཿ གྲི་ལྕགས་ལས་བྱས་སྤུ་གུ་འམཿ བྱ་རྒོད་སྒྲོ་རྩའི་ནང་ནས་མངགཿ མ་སྲིང་མོན་མོ་ཕལ་མོ་དངཿ བྱི་མོ་ལ་སོགས་བུད་མེད་ཚོགསཿ 
བྱ་ནག་རྒོད་ནག་ཚོགས་ཆེན་ལྷགསཿ དངོས་སུ་ཤ་དང་མགོ་སུག་སྟེརཿ ཙིཏྟ་དངོས་སུ་འཕར་བ་དངཿ བསད་བརྟགས་ཡོངས་སུ་རྫོགས་པ་དངཿ སྙིང་ལ་ཕུར་པས་གདབ་ཅིང་བསདཿ དུག་ཤིང་མེ་ལ་སྦྱིན་སྲེག་བྱཿ ཐུན་ཁྲག་
དམིགས་པའི་དགྲ་ལ་འཕངཿ ཐལ་བ་བསྡུས་ལ་ཉའོ་བྱཿ དུར་ཁྲོད་དབུས་སུ་གནས་པར་བྱཿ རིམས་ནད་དག་གིས་དམིགས་པ་སྒྲོལཿ དྲག་པོའི་གཟའ་ཡི་དྲག་སྔགས་ནིཿ མོན་པ་ནག་པོའི་ར་རོག་པོའིཿ ཐོད་པར་སྙིང་ནང་ལིང་ག་བཞུགཿ 
སྲོག་རྩར་གྲི་ལྕགས་སྦུ་གུ་གཞུགཿ ཡུངས་ཀར་ཡུངས་ནག་ཟངས་ལྕགས་ཕྱེཿ ཐུན་དུ་སྔགས་ཏེ་ཐོད་པར་བྲབཿ མཱ་ར་བ་ཤ་མི་ཀིཿ དུ་རུ་དུ་རུ། མ་ཏི་ཛྭ་ལ་ཏི་ཛཿ ཙ་བ་མ་ནི། རུ་རུ་ར་ཧུ་ལཿ ཨ་ཏྲ་ཏ་ཏྲ་པད་མ་ཤ་ར་ཤ་ར་ཤསྟ། 
ཨུ་མུ་ཀ་མུ་ར་རུ་ཕཊ། ཏྲི་ལིང་ཀ་ཤངྐ་དུ་དྲི། ཛཿཛཿཡག་ཤ་ཐུན། བུམ་དྲིལ་ཤི་ནི་བྃ་བྷ་བ་ཧི། ཁ་ཡག་ཁ་དུན་ཏི། རུ་ཏི་ཤུ་ཏ་ཏི་ཏྲིག་ཤུ་ལ་པྲ་ཏི། མཱ་ར་ཡ་ཛཿ། དབང་ཆེན་གཟའ་ཡི་དྲག་སྔགས་འདི། །དྲག་པོའི་རྫས་ལ་མངགས་ཏེ་
བརྡེགཿ ཤ་རུལ་ཁྲག་རུལ་བཙོས་དང་རྗེནཿ དཀར་གསུམ་དམར་གསུམ་རྫས་ཀྱིས་མཆོདཿ ཉི་ཟླ་ཀླད་ལ་འཁོར་བ་དངཿ མོན་པ་ནག་པོ་འོང་བ་དངཿ སྦྲུལ་ཆེན་གཤོག་ཅན་འཁྱུག་པ་དངཿ བར་སྣང་འཇའ་ཡིས་ཁེངས་པ་དངཿ དགྲ་

104-1-240a

བོ་དངོས་སུ་ཁྲིད་ནས་འོངཿ རྒོད་དང་རི་དགས་གསོད་པ་དངཿ དོན་སྙིང་ནང་ཁྲོལ་སྟེར་ཞིང་རོལཿ དེ་ལྟའི་གསོད་རྟགས་རྫོགས་པ་དངཿ སྙིང་དང་ལིང་ག་ཧོཾ་མེར་བསྲེགཿ ཐུན་རྫས་དགྲ་ཡི་ཡུལ་དུ་གཏོརཿ ཐོད་
པ་ཀླུ་ཡི་བརྟན་སར་སྦཿ ཆུ་འཁྱགས་སེར་བ་དྲག་ཏུ་དབབཿ ཧུར་ཐུམས་ནད་ཀྱིས་གློ་བུར་འཆིཿ ཁ་ལྐུགས་རྐང་ལག་རེངས་པར་འགྱུརཿ ཿགདུག་པ་ཀླུ་ཡི་དྲག་སྔགས་ནིཿ ལུང་གསུམ་འདུས་པའི་དབེན་གནས་སུཿ 
སྟེགས་བུ་མཐིང་ནག་གྲུ་གསུམ་བྲུསཿ དགྲ་ཡི་ཕྲ་མེས་མགོ་བོ་འམཿ ཡང་ན་འཛེ་ཅན་ཐོད་པ་རུཿ དགྲ་ཡི་མིང་རུས་བྲིས་ཏེ་གཞུགཿ གཙང་མའི་སྣོད་དུ་དཀར་གསུམ་དངཿ མངར་གསུམ་ཀླུ་སྨན་སྣ་ཚོགས་དངཿ རྟག་ཏུ་
མཆོད་ཅིང་མངགས་པར་བྱཿ ༀ་ནག་པོ་ཏི་པ་ཙ་ཡཿ ནཱ་ག་རཱ་ཛཿ དགྲ་བོ་ཧེ་ཁུ་ལ་ཕེ་ཤན། ནཱ་ག་པོས་ཕོསཿ ཤིག་ཤིག །ཧུ་ཡ་ཧུ་ཡ། ཏི་ཡ་ཏི་ཡ། ཏི་པ་ཙ་ཏི་པ་ཙ། ཨ་ཤ་ནག་པོ་ཏི་པ་ཙ་ཡ། ནཱ་ག་རཱ་ཛ་དགྲ་བོ་མཱ་ར་ཡ་རྦད། ཤག་
ཏི་རྦད། སྲོག་ཏི་རྦད། སྙིང་ཏི་རྦད། སྙིང་ལ་རིལ་ཤམ་ཤམ་རྦད། ༀ་ཤན་ནག་པོ་ཕེ་རག་ཨུད་ནཱ་ག་རཱ་ཛ་ནན། ཐི་ལི་ནཱན། ཕོ་ལི་ནཱན། དྲག་ཏུ་བརྗོད་ཅིང་བསྒྲུབ་པ་ཡིསཿ མེ་ཆེན་འབར་དང་ཆུ་ཆེན་བྲུགཿ  བ་གླང་སྦལ་སྦྲུལ་
སྡོམ་སྡིག་ཚོགསཿ ཤིང་གཅོད་ས་སྙིལ་བྲག་རལ་སོགསཿ ལུས་ལ་ཤུ་བ་སྐྲང་ལོ་བྱུངཿ སྟོབས་ལྡན་གཉེན་པོས་དྲག་ཏུ་བཅུནཿ དེ་ནས་བྱང་བལྟས་ཆུ་མིག་ཏུཿ བ་ལིང་གཏང་ཞིང་བདེན་པ་བརྡརཿ ཐོད་པ་ལིང་གར་བཅས་
པ་མནནཿ ཀླུ་རྒྱལ་འཁོར་དང་བཅས་ལ་གཏདཿ ཕུང་པོ་ལྷག་མེད་གཏང་བར་བསམཿ གནས་སུ་བྱིན་ལ་བསྲུང་བར་བྱཿ དགྲ་ནི་འཛེ་དང་རྨུགས་པས་འཆིཿ སྡེ་བརྒྱད་སོ་སོའི་དྲག་སྔགས་ཀྱིསཿ འཇིག་རྟེན་ལས་ཀྱིས་མནར་
བ་ཡིཿ བསྟན་པའི་རུ་ཏྲ་གདུག་པ་ཅནཿ མ་ལུས་རྣམས་ཀྱི་གཤེད་དུ་འགྱུརཿ ཞེས་བཀའ་སྩལ་ཏོ། །དྲག་སྔགས་འདུས་པ་རྩ་བའི་རྒྱུད་ལས་དྲེགས་པའི་སྡེ་སོ་སོའི་ལས་ལ་སྦྱར་བ་དྲག་སྔགས་ཀྱི་ལེའུ་སྟེཿ བདུན་པའོཿ །།

104-1-240b

དེ་ནས་རྡོ་རྗེ་འཛིན་པ་ཡིསཿ འཇིག་རྟེན་དྲེགས་པ་ཅན་རྣམས་ཀྱིསཿ སོ་སོའི་རིགས་དང་གཏན་ཚིགས་དངཿ སྡེ་དང་ལས་ཀྱི་བྱེད་པ་བསྟནཿ སྔོན་གྱི་འཇིག་རྟེན་ཁམས་འདི་ཉིདཿ ཕུང་པོ་ཉོན་མོངས་ལ་བསྟེན་
ནསཿ ང་རྒྱལ་དྲེགས་པའི་དབང་གིས་མྱོསཿ རང་གཞན་ཀུན་ལ་འཚེ་ཞིང་རྩོདཿ གནས་ངན་ལེན་གྱིས་ཁ་ཁྲིད་བྱསཿ ལེགས་པའི་ལན་དུ་ཉེས་པར་སྤྱོདཿ མ་རིག་རྩ་བ་ཡན་ལག་གིསཿ གཏི་མུག་མུན་ཐིབས་བདུད་
དང་ཀླུཿ ང་རྒྱལ་སྟོབས་ཀྱི་དྲེགས་པ་བདགཿ ལྷ་དང་རྒྱལ་པོ་གོལ་སར་འགྱུརཿ ཕྲག་དོག་གཟའ་དང་གཤིན་རྗེའི་རིགསཿ འདོད་ཆགས་མ་མོ་གནོད་སྦྱིན་རིགསཿ ཞེ་སྡང་བཙན་དང་སྲིན་པོར་གོལཿ སྲོག་ལུས་འབྲེལ་བས་
བདུད་ཞེས་བྱཿ ཡི་དགས་གཤིན་རྗེ་རྡོག་རྣམས་རྗེཿ ཕྲ་མོར་རྒྱུ་བ་སྣང་ཞིང་དྲེགསཿ དེ་ཡི་དོན་གྱིས་སྲིན་པོར་བྱུངཿ གང་གིས་གནོད་པ་སྦྱིན་བྱེད་པཿ དེ་ཡི་རིགས་དང་མཚན་ཉིད་དོཿ གང་ལས་བསྐྱེད་པ་མ་མོ་སྟེཿ 
སྐྱོད་བྱེད་ནུས་པ་ལྷ་ཡིན་ནོཿ གདུག་ཅིང་གཏུམ་པས་མི་འཆོར་བཿ གཟའ་ཞེས་བྱ་བར་བརྗོད་པ་ཡིནཿ བླུན་ཞིང་མྱོས་པས་ཀླུ་ཞེས་བྱཿ འགྲོ་བ་རིགས་དྲུག་སོ་སོ་ལཿ བདུད་དང་ལྷ་དང་ལྷ་མིན་ཏེཿ གནོད་སྦྱིན་
གཟའ་དང་རྒྱུ་སྐར་བཅསཿ རྒྱལ་ཆེན་རིགས་བཞིའི་ལྷ་ཡི་སྡེཿ མ་མོ་སྲིན་པོ་མི་ཡི་སྡེཿ གཤིན་རྗེ་ཡི་དགས་སྡེ་ཡིན་ཏེ།  ཀླུ་ནི་བྱོལ་སོང་སྡེ་ཡིན་ནོཿ བདུད་རིས་ཕོ་དང་མོའི་རིགསཿ ཡེ་ནས་གནས་དང་བློ་བུར་
བྱུངཿ འཐབ་དང་མྱོས་དང་དྲེགས་པར་བྱེདཿ སྲེད་དང་ཆགས་པར་བྱེད་པ་སྟེཿ གཤིན་རྗེ་ལས་དང་ཞི་བས་ཏེཿ གཟུགས་ཅན་གཟུགས་མེད་དབང་ཅན་དངཿ དབང་མེད་ཕྱི་དང་ནང་ཁྱད་པརཿ ལས་ཀྱིས་རབ་ཏུ་བསྒྲིམས་
པ་ཡིཿ སྲིན་པོ་ཤ་ཟ་རྒན་མོ་ཅནཿ སྤྲུལ་པ་དང་ནི་གཟུ་ལུམས་ཅནཿ རབ་ཏུ་རྒྱུ་དང་གཅིག་པུ་གནས། །གནོད་སྦྱིན་གཙོ་དང་འཁོར་གྱིས་བརྟགསཿ གྲོལ་བ་དང་ནི་རང་རྒྱུད་དེཿ །ཐ་དད་རིགས་ནི་བཅྭ་བརྒྱད་དེཿ གནོད་ཅིང་

104-1-241a

འཚེ་བའི་བདག་ཉིད་ཅནཿ ལྷ་ནི་འདོད་པའི་གཟུགས་ཅན་དངཿ གཟུགས་མེད་ལྷ་མ་ཡིན་དུ་གཏོགསཿ རབ་ཏུ་གདུག་རྩུབ་ཚེ་བས་ནིཿ ལྷ་མིན་མི་མ་ཡིན་དུ་གྲགསཿ གང་ལས་བྱུང་དང་གང་ལས་སྲིངཿ  གང་
གིས་སྐྱེད་པའི་གཞིར་གྱུར་པཿ མ་མོ་ཞེས་སུ་གྲགས་པ་སྟེཿ ལས་དང་ཡེ་ཤེས་བསྡུས་ཤིང་ཕྱེཿ ཕྲ་དང་རགས་པའི་ཁྱད་པར་གྱིསཿ ཆེ་ཆུང་གཙོལ་དང་འཁོར་དུ་སྣངཿ མཁའ་ལ་རྒྱུ་བའི་དྲག་ཤུལ་ཅནཿ ལས་ཀྱི་ཕུང་
པོ་ཁོ་ནའོཿ རྒྱལ་པོ་བླ་རྗེ་བྲམ་ཟེ་དངཿ རྨངས་དང་གདོལ་པ་ཅན་རྣམས་ཀྱིསཿ ཉི་ཤུ་རྩ་ལྔའི་ཡན་ལག་འགྱུརཿ ཐ་དད་རིགས་ནི་སྡེ་ཡིན་ནོཿ འདི་དག་ཐོག་མའི་ལས་ཀྱི་དངོསཿ དངོས་དང་རང་བཞིན་མཚན་ཉིད་ཀྱིསཿ 
མ་རིག་འཁྲུལ་པའི་གཟུང་འཛིན་བྱུངཿ བདག་བལྟ་བག་ལ་ཉལ་དུ་གནསཿ གཡོ་འགུལ་འཕྲ་མོའི་ཀུན་ནས་ལྡང་། འཁྲུག་ཅིང་འཚེ་དང་རྩོད་པར་ཤརཿ བསོད་ནམས་ལས་དང་དེ་མ་ཡིནཿ ལས་ཀྱི་མཐའ་གཉིས་གཡང་
སར་ལྷུངཿ གནག་ཅིང་མི་དགེ་ཟག་པར་བཅསཿ ཁ་ན་མ་ཐོ་ལུང་མ་བསྟནཿ ལོག་པ་ལུས་ངག་ཡིད་གསུམ་གྱིསཿ གནས་ངན་ལེན་པའི་རྒྱུན་ཆགས་འཐུངཿ དུས་གསུམ་ཕྱོགས་དང་བཅས་པ་ཡིཿ། ། རྗེས་
སུ་འགྲོ་དང་བཟློག་པ་ཡིསཿ འཁོར་བ་བརྟེན་གཞི་དམ་པོ་བཙུགསཿ སོ་སོར་མ་རིག་སྲོག་ལ་གཅོདཿ ལོངས་སྤྱོད་འཕྲོག་ཅིང་རྣམ་པར་འཚེཿ གཟི་མདངས་འབྱོར་པ་སྡེ་དང་བཅསཿ གང་ཡིན་འཇོམས་ཤིང་
རླག་ནུས་ལཿ རྒྱུད་ལ་སྡུག་བསྔལ་སྐྱེད་བྱེད་པཿ མ་རུངས་ཉེས་པ་འབྱིན་བྱེད་ལསཿ སྲོག་ལེན་ཚེ་འཕྲོག་གཅོད་དང་ཤཿ མྱོས་འཐིབས་བྱི་ནད་རིམས་དང་ཡམསཿ གཅོག་འགྱེལ་གདུག་པའི་ནད་འབེབས་ཤིངཿ 
རྨེ་དང་འཁྲུག་པ་རྩོད་པ་དངཿ ཐོར་ཤོད་ལས་དང་དམོད་པ་ཡིསཿ རང་གི་སྡེ་ལས་རེ་རེ་ཡངཿ ཀུན་ལ་ཁྱབ་པ་བརྒྱད་བརྒྱད་དེཿ དྲུག་བཅུ་རྩ་དྲུག་ཡན་ལག་བཅསཿ ལས་ཀྱི་དབྱེ་བ་བསམ་མི་ཁྱབཿ དྲེགས་

104-1-241b

པའི་བདག་པོ་སོ་སོ་ཡི། །རང་བཞིན་དགོས་པའི་བྱེ་བྲག་གིསཿ དུས་གསུམ་སངས་རྒྱས་བསྟན་པ་དགཿ ཚུལ་བཞིན་སྲུང་བའི་དམ་ཚིག་ཅནཿ དྲག་སྔགས་ལས་ཀྱི་དམོད་པ་ལཿ བརྒྱ་དང་བཅུ་གཉིས་བཅུ་
དྲུག་གིསཿ ནུས་པ་རྫུ་འཕྲུལ་མཐུ་ལ་སོགསཿ རང་གི་རིགས་ལ་གང་སྔགས་པཿ དེ་དང་དེ་ལ་རབ་སྦྱར་བསཿ ལས་ཀྱི་མཐའ་ལ་གང་དམིགས་པཿ རྡོ་རྗེ་ཅན་གྱིས་ཡོངས་གྲུབ་སྟེཿ ང་ཡི་སྟོབས་དང་ནུས་པ་
དངཿ མཐུ་དང་རྫུ་འཕྲུལ་ཡོན་ཏན་ཚོགསཿ ལུས་ངག་ཡིད་ཀྱིས་རབ་འབད་པཿ གང་ཡིན་དེ་ལ་མངོན་པར་འབྱུངཿ དེ་ཡི་ཐུན་མོང་ཡོངས་འགྲུབ་ཅིངཿ མཐར་ཕྱིན་པ་ཡང་ལེན་པར་བྱེདཿ འདི་ལས་མ་འོངས་
རྙོག་པ་ཅནཿ ཐེ་ཚོམ་བསྐྱེད་པར་མ་བྱེད་ཅིགཿ ང་དང་རྒྱལ་བ་ཐམས་ཅད་ཀྱིསཿ འདི་ནི་རབ་ཏུ་མངགས་པའོ་ཞེས་བཀའ་སྩལ་ཏོཿ དྲག་སྔགས་འདུས་པ་རྩ་བའི་རྒྱུད་ལས་དྲེགས་པ་ཅན་གྱི་སྡེ་རིགས་དབྱེ་བ་བསྟན་
པའི་ལེའུ་སྟེ༔ བརྒྱད་པའོ༔  ༔ དེ་ནས་རྡོ་རྗེ་འཛིན་པ་ཡིསཿ ལས་ལ་སྦྱར་བའི་རིམ་པ་གསུངསཿ དུར་ཁྲོད་ཆུ་གླིང་རི་རྩེ་དངཿ ཆུ་འདུས་ངམ་གྲོག་འཇིགས་སུ་རུངཿ ཕུང་ཤུལ་ནགས་
ཁྲོད་མ་རུངས་པཿ དྲེགས་པ་ལས་ཀྱི་གནས་ཡིན་ནོཿ མི་རུས་མི་བསོད་ཕུང་ཤུལ་སཿ རྡུར་ཟད་ཕེ་ཏ་རུལ་ཆད་སཿ ས་སྨིན་དྲི་ཆེན་མ་རུངས་ཁྲགཿ ལས་ཀྱི་རྟེན་འབྲེལ་དམིགས་པའི་རྫསཿ རྟ་ནག་དྲེ་ནག་མ་ཧེ་དངཿ ཆུ་གླང་
དང་ནི་སྟག་སེང་དངཿ རྟ་དཀར་ནེ་ལེ་རྒོད་དཀར་དངཿ དོམ་ནག་རྨུ་རྟ་བན་གླང་དངཿ འབྲུག་ཆེན་རྨ་བྱ་རུས་སྦལ་དངཿ བྱ་ཁྱི་ཀུ་ཀུ་ཤེལ་དང་མིཿ རྒྱལ་མཚན་ཐོད་པ་སྙིང་དང་ཁྲགཿ བདུད་རྩི་འབྲུ་བཅུད་བྱང་ཆུབ་སེམསཿ 
རང་གཟུགས་སྙིང་པོ་འཁོར་ལོ་བཅསཿ རྒྱན་ལྡན་ཤོས་ཆ་འཐུན་པའི་རྫསཿ དམ་ཚིག་མཆོད་ཅིང་བརྟེན་པའོཿ སོ་སོར་སྔགས་པའི་ལས་ཁུང་དུཿ ཐོད་ངན་འབྲུ་ནག་དུག་ཁྲག་གཡོསཿ རྒྱུ་གསུམ་ཕུ་ས་མཚོན་ཆ་རྣམསཿ

104-1-242a

གསང་བ་ཐུན་གྱི་རྫས་ཡིན་ནོཿ རྨེ་ཁྲག་གསུམ་དང་དྲི་ངན་གསུམཿ སྲོག་ཆགས་གསུམ་དང་རྨེ་རྫས་གསུམཿ ཐབ་རྫས་གསུམ་དང་བསྲེག་རྫས་གསུམཿ རྟེན་ས་གསུམ་དང་དྲིལ་ས་གསུམཿ བཞུགས་
ས་གསུམ་དང་དབབ་ས་གསུམཿ ཀུན་རྫོགས་རྩོལ་བའི་སྦྱོར་བ་ཡིསཿ ཆུ་དྲག་དབབ་པ་ངེས་པར་འགྲུབཿ རིགས་སུལ་སྣོད་དང་མཆོད་རྫས་དངཿ གནས་སྦྱོང་བྱང་ཆུབ་སྲིད་འདོར་བློསཿ ལེགས་སླངས་ཡིད་ཀྱིས་
འཐུན་སྤྱད་པསཿ གང་ལ་དམིགས་པ་དེར་གཏད་པསཿ ཆོས་སྐུའི་གཟུགས་བརྙན་རྟེན་ཁང་ལཿ སྟེང་འོག་གནས་གསུམ་བདག་པོ་གསུམཿ རྒྱ་མཚོའི་གཏིང་དང་རི་རབ་ཟུརཿ བར་སྣང་ཁམས་དང་ནམ་
མཁའི་དབྱིངསཿ བསྲུང་དང་བཟློག་དང་གསད་པའི་ལསཿ དམགས་དཔུང་བསྡུ་དང་དཔལ་སྐྱེད་དངཿ རབ་ཏུ་འཁྲོས་དང་སྦྱོར་བ་ཞིགཿ ལས་ཀྱིས་ཕ་རོལ་དམོད་པས་བཟློགཿ ངན་པའི་ཐོད་པ་སྣ་གསུམ་དངཿ 
ཤིས་པ་མ་ཡིན་ས་བརྒྱད་དུཿ བརྟེན་ཅིང་འབྲེལ་བ་འབྱུང་སྦྱོར་བསཿ དམིགས་པའི་ནུས་སྟོབས་གནོན་པར་བྱེདཿ ཁྱད་པར་ལས་ཀྱི་བྱེ་བྲག་གིསཿ རྒྱལ་པོ་ཡ་རབས་རྗེ་དཔོན་དངཿ ཆུང་མ་སློབ་དཔོན་མཁན་
པོ་དངཿ རབ་བྱུང་ཁྱིམ་པ་སྔགས་སྤྱོད་དངཿ ཕྱི་རོལ་ཕྱོགས་དང་ཆོས་ཀྱི་གྲོགསཿ ཆེ་བཙན་དྲེགས་པས་བསྙེམས་པ་དངཿ ང་རྒྱལ་ལྡན་ཞིང་སྐལ་པ་བཟངཿ ཀུན་གྱིས་བཀུར་ཞིང་བརྗོད་པ་དངཿ སེམས་རྒྱུད་བསྲེལ་
དང་ཡུན་གྱིས་དྲིནཿ ཉེ་བར་བསྟན་ཅིང་སློབ་སྦྱོང་གནསཿ ལྷག་པའི་ལྷ་ཡིས་རབ་སྐྱངས་ཏེཿ ཐུན་མོང་ནུས་པའི་སྟོབས་རྙེད་ཅིངཿ ཡོན་ཏན་གཅིག་གིས་རབ་བསྡུས་པསཿ ཚར་གཅད་དཀའ་བའི་ཡུལ་ཡིན་ཏེ། །མ་ལུས་
གང་ལ་མངགས་པ་ཡིཿ ཏིང་ངེ་འཛིན་དང་དམིགས་པའི་གྲོགསཿ རབ་སྔགས་བརྩོན་འགྲུས་ཅན་གྱིས་བསྒྲལཿ གཞན་ཡང་ཞི་དང་རྒྱས་པ་དངཿ དབང་དང་མངོན་པར་སྤྱོད་རྣམས་དངཿ རྡོ་རྗེ་འཛིན་པ་ང་དང་གཞནཿ

104-1-242b

མཚུངས་ལྡན་རྣམས་ཀྱིས་བཤད་པ་བཞིནཿ ཐོགས་མེད་ནུས་པའི་སྟོབས་ཀྱིས་སྤྱདཿ དེ་དག་གསང་བའི་དམོད་པ་ཡངཿ དྲེགས་པ་སྡེ་བརྒྱད་སོ་སོ་ཡིཿ གལ་གནད་སྙིང་པོ་འདི་དག་གོཿ ཡ་མ་དུ་ཧ་ན་ཧ་ན་
ཏིཥྚ་ཏིཥྚ་རུ་ཏྲ་མ་མ་སོད་སོད། ཁ་ཏྲི་ཛ་མ་ཏྲི་ཛཿཛཿཤོག་ཏྲི་ཛཿཡག་ཤ་ཛཿད་ཏྲི་ཛཿཤ་ཏྲི་པ་ཏྲི་ཛཿ། ཙིཏྟ་པྲ་མ་ཡ་ཨ་མུ་ཀ་སྲོག་ལ་ཛཿཛཿབྷྱོ། ཏྲི་ཙ་པ་ལ་ཨག་ཤུག་མེ། ཨ་བྷི་ཤ །ཨ་བྷི་ཤུ། ཙག་ཏྲ་རིག་ཤ་ས་
མ་ཡ་དུན་ཐུམ་རིལ་ལི་ལི། མྱགས་མྱགས་མྱོགས། སྲོག་ལ་ཐུན་རྦདཿ རག་ཤ་སྲོག་ལ་ཕྲིག་ཕྲིག །ཨ་པ་ཏི་ལི་ཀི་ནི་ཡ་མ་ཤྲི་ཧྲི་སྟི་བྷྲི་ཀྲི་ཏ་ན་ཀྲོ་མ་རི་པ་ཏྲ་སྲོག་ལ་དུན་བྷྱོ། མ་ཧཱ་ཡག་ཤ་ཐུམ་རིལ་རྦདཿ མ་རུ་ཙེ་དྷ་ཤ་འགྲི་
པ་པྲ་མ་ལིང་། གསོད་སྒྲ་གཅོད་བྱེད་འཕྲོག་བྱེད་ཀྱིསཿ མ་ལུས་ལས་ལ་མངགས་པར་འགྱུརཿ ནྲྀ་ཧུར་ཐུམས་ཛཿ ཤ་ཏྲུྃ་མཱ་ར་ཡ་རྦདཿ ཨ་མུ་ཀ་མཱ་ར་ཡ་ནུ་མ་ཀ་མ་རུ་སོད་སོདཿ གསད་པ་ཐུན་གྱི་དམོད་པའོཿ བྱི་ཤ་མི་ཀི་དུ་རུ་མི་ཏྲི་ཀ་
ཏ་ཛྭ་ལ་ཨ་ཏ་ཛྭ་ལ་སྭཱ་ཧཱཿ ཙ་པ་ཏི་རཱ་ཧུ་ལ་མ་ཧཱ་ཀྲོ་དྷ་ཀ་པ་ཤར་ཤར་ཏ་ཤར་ཏི་ཧཱུྃ་ཕཊ། བི་ཤུ་ལ་དུ་མ་གི་ཤ་ཛྭ་ལ་ཨ་ནཿ མ་ཧཱ་ཙནྡྷ་རག་ཤ་ཧྲྀ་ད་ནྲྀ་མ་ཡ་རུ་ཏྲ་ས་ཏྲི་བྱི་ནཱ་ག་རཱ་ཙ་བེ་ག་ཨ་ནནྟ་རགྴ་ཏི་སནྡྷ་རཀྵི་ར་ཙིཏྟ་བྷ་མི་ཀུ་རུཿ མུ་ཧྲི་ཙནྡྷ་དུམ་བུ་
དུམ་བུ། ཁ་ལ་རག་ཤ་ཐུམ་རི་ལི་ལི། མ་མ་ས་མ་ཡ་ཏྲག་རག་ཤ་ཏྲག་རག་ཤ་མ་ཏྲི་ག་ནཿ མ་ས་ཁ་ཡ་ཀུ་རུ་ཏི་ཙེ་བྷ་ལི་མུ་ཏ་ད་ར་ད་ར། ཏྲི་ཀ་ར་མི་ཏྲིཿ དུལ་དུལ། སྙིང་ཁྲག་ལ་རིལ་རིལ། རྩ་ལ་ཐུན་ཐུན། ཏྲག་རག་མོ་ཧྲིལ་ཧྲིལ། 
ཤག་ཤག །ཤར་ཤར་རྦད། མ་མ་ཙག་ཤ་ཏྲག་ཏུ་ཕྲོམ། ཨ་སེ་ལ་མི་བྱི་རུ་ལུ་རུ་ལུ་མ་མ་ཏྲག་རག་ཤ་ཧྲིལ་ཧྲིལ་ཤར་བྷྱོཿ མཱ་ར་ཡ་རྃ་ཧྲིལ་ཤར་བྷྱོཿ ཤེལ་ཏྲ་ཧཱུྃ་དྲག་དུ་རྩར་ཤུ་ཏི་ཕྲོཾ་ཀར་ཕྲོཾ། ཕྱིར་མ་ཏི་པ་ཤད། མི་ཀི་རི་ར་ཧུ་ལ་ཤག་
ཤག་ཧྲིལ་ཕོབཿ ཁྲག་ལ་ཙ་ར་མུ་ཤ་བྷྱོཿ ཏྲག་རམ་ཐུན་ཤག་རིལ་རམ་ཤར་བྷྱོཿ བདུད་ཕྲོཾ་ཀར་ཤུ་ཏི་ཕྲོཾ། ན་ག་ཧྲིལ་སེན་ཤག་ས་དུ་མ་ཧྲིལ་བྷྱོཿ པྲ་ཏ་པ་ཤ་ཡ་ཡ་མ་སྙིང་ཡ་མ་ཁྲག །ར་ཧུ་ལ་ཧྲིལ་ཧྲིལ་ཤག་ཤག །སེར་སེར། ཏུག་ཏུག །

104-1-243a

ཡ་ཡ། ཕོབ་ཕོབ། མུ་ཀ་ཡེ། ཀ་པ་ཡེཿ ཨ་པ་ཡེཿ། ཧྲི་སྟི་བྱི་ཀྲིན་ཏེ། ཛ་པ་ཏི་ར་ཧུ་ལ་མ་ཧཱ་ཀྲོ་ཏ་ཀ་བབ་ཏ་ཤར་ཤལ་ཏ་ཏེ་ཧཱུྃ་ཕཊ། ཐིག་ནིག །ཤུ་ཏི་ཕྲོཾ། བདུད་ཕྲོཾ། མཐོངས་ཕྱེ། ལྕགས་སྒྲོག་ཁྲོལ། མི་རེང་སོད། རྐྱང་རྗེ་རྐྱང་
མོ་ཙུ་རུ་ཙུ་རུ། ཧོ་ཧོ། ཕྲོཾ་ཕྲོཾ། མུ་ར་མུ་ར་ཤ །དུ་རུ་ཕྲོཾ། ཐོག་ཧཱུྃ་ཧཱུྃ་སོད་སོད། རླུང་དང་སྤྲིན་དང་རབ་རྒྱུ་དངཿ ཕྱོགས་དང་བརྟགས་ཀྱི་ཚད་ལྡན་པསཿ དབབ་པའི་སྦྱོར་བ་ཤེས་པར་བྱཿ སྟེང་འོག་བར་གསུམ་དྲག་པོའི་ལསཿ གཞུག་
དང་གཏོར་དང་བསྲེག་པའི་དང་། །བསྐོལ་དང་དགུག་དང་སྦྲེང་བ་དངཿ བོད་དང་དམོད་དང་གདུང་བ་དངཿ གཟིར་དང་སྐོར་དང་གཞིག་པ་དངཿ གཅད་དང་དྲིལ་བའི་ལས་རྣམས་ཀྱིསཿ སྨིན་པའི་ལོ་ཐོག་འཇོམས་པར་བྱེད། །
ནག་པོ་ཏི་པ་ཙ་ཡ་ན་རག་ཤ །རཱ་ཛ་དྷེ་གུ་ལ་ཕེ་ཤ་རག་ཤ་ནཱན། ཕོས་ཕོས། ཤིག་ཤིག །ཧུ་ཡ་ཧུ་ཡ། ཏིརྱ་ཏིརྱ་ཀཱ་ལ་ནཱ་ག་བནྡྷ་དགྲ་བོ་མཱ་ར་ཡ་ཛཿ། ནག་པོ་ཏི་པ་ཙ་ཡ་ཕེ་ཤ་རག་ཤ་ཛཿ ནཱ་ག་ཀ་ཀ་ལ་ཕེ་ཤ་རག་ཤ་ཛཿཛཿ། ཨ་ཤ་ན་
ནཱ་ག་ཏི་པ་ཙ་ཡ་དགྲ་བོ་མ་ར་ཡ་ཛཿ།  ནཱ་ག་རཱ་ཛ་ཤག་ཏི་སྲོག་ཏི་ལ་རྦདཿ སྙིང་ལ་རོལ། ཤམ་ཤམ་རྦད། ཨི་ཤ་ན་ནཱན།  ཕེ་ཤ་རག་ཤ་ཨུ་ནཱན། ནཱ་ག་ནཱན་ཐི་ལི་ནཱན། ཕི་ལི་ནཱན། རྩི་རི་ནཱན། ཨ་པ་ར་སོད་རྨག །དུལ་དུལ་
ཀཱ་ལ་རྔུབས་མྱོགས་ཐིབས། མཱ་ར་ཡ་འདུས་འདུས། དྷ་ར་དྷ་ར། དྷུ་རུ་དྷུ་རུ། རུ་རུ། ར་ར། ཏི་ཏི། ཏྲི་མོ་ཏི་ཏི། ག་རུ་ག་ར་ག་ཏོར་ཛ་མ་ར་ཏེ་གང་། མན་ཛཿཕེ་ཤན་རག་ཤ་ཨུ་ཏ་ནཱན། བྷ་ཤི་ནི། ཤ་ར་ལེ། ཤུ་རུ་མུ་ལེ། དྷ་
ཏ་མ་རེ་ན། ཧུ་ཡ་ཧུ་ཡ། ར་ཏི་ར་ཏི། ཐི་རི་ཤག་ཙག་གི། ནྲྀ་མཱ་ར་ཏྲི་ཡ་མ་དུ་ཡ་མ་སྙིང་ཡ་མ་ཁྲག་ཚལ་པ་བྃ་རིལ། ནག་པོ་ཏི་པ་རག་ཤ་ནཱན། ཁུག་རོ་ལ་བྃ། དགྲ་བོ་མཱ་ར་ཡ་ཛཿ །     ནག་པོ་ཏི་པ་ཙ། སྙིང་ལ་ཛཿ      །     ཤག་ཤན་ནཱན་
ཁུག་ཐུམ་རིལ་རྦད། ཙན་དྲི་རག་ཤ་རོ་ལ་ཁུག་ཐུན་ཀཱ་ལ་སྙིང་ལ་ཐུམ་རིལ་རྦད། ཀཱ་ལ་ཤོ་རོ་སྙིང་ལ་ཏྲག་ཤ་ཧ་ར་ཀ །ཨ་མུ་ཀ་མཱ་ར་ཡ་ཐུམ་རིལ་རྦད་ནཱནཿ ཁུགས་དང་འགྲོ་དང་ལས་བྱེད་པའིཿ རང་གི་རྟགས་དང་ལྡན་པ་ནཿ

104-1-243b

དམིགས་པའི་ལས་ལ་སྦྱར་བར་བྱ།    ཟློག་དང་མ་གྲུབ་འཁྱིལ་པ་དངཿ འབྱམས་དང་བསྡུགས་དང་ཟད་མཐར་གཏུགས། །གཉེན་པོ་འདབ་མ་སྣ་སེལ་དངཿ བསྡུ་དང་སྤོ་དང་མི་ཟད་གཏེར། །ལོངས་སྤྱོད་ཐུག་པ་མེད་
པ་ཡིས།    དབྱིངས་ཀྱི་ངང་དུ་གཏད་པར་བྱ།   སྡེ་བརྒྱད་སོ་སོའི་མིང་གི་སྔགས། རང་སྐད་དམོད་པའི་ཡན་ལག་ལ།   དྷེ་བ་ཨ་བྱི་སརྦ་བྷྱོ་བཟློག །པྲ་ལ་དུན་རྩེ་ཕོབ། བཛྲ་འགྲིག་ཤོ་ས་མ་ཡ་ཧྲི་བྷྱོཿ བསན་ཏི་མ་རུ་རུ། 
ཡ་མ་ཏྲིག་བྷུ་ཏ་ཀྵི་པ་ལོ་ཧཱུྃ། བཟློག་བསྒྱུར་གདུག་པའི་དྲག་སྔགས་ཀྱིསཿ ལས་ཀྱི་མཐར་སྒྱུར་མ་ལུས་པརཿ ང་འམ་ང་དང་འདྲ་བ་ཡིཿ རྡོ་རྗེ་འཛིན་པ་གཞན་རྣམས་ཀྱིསཿ ཕྱི་ནང་གསང་བའི་ལས་རྣམས་ཀྱིསཿ 
གང་ལ་མངགས་པ་དེ་དག་སྦྱརཿ གཞན་གྱིས་ཐེ་ཚོམ་མི་བྱ་སྟེཿ ང་དང་དུས་གསུམ་སངས་རྒྱས་ཀྱིསཿ དེ་ལ་རིག་པར་སྣང་བ་ཡིན་ཞེས་བཀའ་སྩལ་ཏོ། །དྲག་སྔགས་འདུས་པ་རྩ་བའི་རྒྱུད་ལས་ཕྲིན་ལས་
དམིགས་པའི་ཁྱད་པར་ལས་སྦྱར་བའི་ལེའུ་སྟེཿ དགུ་པའོ།། །། དེ་ནས་རྡོ་རྗེ་འཛིན་པ་ཡིས། །ཡོན་ཏན་བསྟོད་པ་འདི་གསུངས་སོ། །ཧཱུྃ་དུར་ཁྲོད་ཆེན་པོའི་རོལ་པའི་དཀྱིལ་འཁོར་ནས། །
གཏུམ་དྲག་མེ་ལྟར་འབར་བའི་གཞལ་ཡས་ན། །གདུག་བྱེད་རུ་ཏྲ་སྟི་རའི་ཁྲི་སྟེངས་ན། །མདངས་ལྡན་ཉི་ཟླ་པད་མའི་གདན་སྟེངས་ན། །དྲེགས་པའི་བདག་པོ་རྡོ་རྗེ་འཛིན་པའི་གཙོ། །བཅོམ་ལྡན་དཔལ་ཆེན་སྟོབས་ལྡན་ནག་པོ་
ནི། །སྐུ་མདོག་མཐིང་ནག་རབ་ཏུ་འབར། །ས་དགུ་རྫོགས་པས་དབུ་དགུ་བསྟན། །སྟོང་པ་བཅྭ་བརྒྱད་ལྡན་པའི་ཕྱགཿ ཞབས་ཀྱིས་བརྗིད་པའི་བདུད་བཞི་གནོནཿ དབུས་མཐིང་གཡས་དཀར་གཡོན་དམར་བས། །
ཁྲོ་ཞིང་གཞད་དང་གཙིགས་པའི་ཞལཿ རལ་པ་ཁམ་ནག་སྲིད་རྩེར་འབརཿ ཁམས་གསུམ་མ་ལུས་སྤྱན་གྱིས་གཟིགསཿ ཤངས་ཀྱིས་སྲིད་གསུམ་མ་ལུས་རྔུབཿ སྙན་གྱིས་སྟོང་གསུམ་འབྲུག་སྒྲས་འགེངསཿ ཚེམས་

104-1-244a

ཀྱིས་གནོད་གདུག་མ་ལུས་སྒྲོལཿ ལྗགས་ཀྱིས་གློག་དམར་འཇིག་རྟེན་ཁྱབཿ ཁྲོ་གཉེར་འོད་ཀྱིས་དབང་དུ་སྡུདཿ ཕྲིན་ལས་རིགས་ཀྱིས་དབུ་ལ་བརྒྱནཿ བཅྭ་བརྒྱད་ཕྱག་གི་དང་པོ་གཉིསཿ དབང་བསྡུད་རྡོ་རྗེ་
དྲིལ་བུ་འཛིནཿ གཡས་གཡོན་འོག་མའི་ཕྱག་བརྒྱད་ནཿ དྲེགས་པའི་ལྷ་བརྒྱད་བན་ད་གཡསཿ །ཙིཏྟ་སྲོག་རྩ་གཡོན་ན་བསྣམསཿ   །འབར་བའི་ཆས་ཀྱིས་སྐུ་ལ་བརྒྱནཿ བསྲུང་བའི་ལྷ་བརྒྱད་སྐུ་ལ་རྫོགསཿ གཡས་
གཡོན་ཞབས་ཀྱི་དྲེགས་པ་གཟིརཿ མ་རུངས་གདུལ་དཀའ་རྣམས་ཀྱི་གཤེདཿ ལོག་ལྟ་རུ་ཏྲ་འདུལ་བའི་དཔལཿ འབྱུང་ལྔའི་བདག་མོ་གཉིས་མེད་ཡུམཿ དབུ་གསུམ་ཕྱག་དྲུག་ཞབས་བཞི་སྦྱོརཿ །གྲི་གུག་ཏྲི་ཤུྰལ་བདུད་རྩི་གཡསཿ བན་ད་
ཞིང་ཆེན་གཡང་གཞི་གཡོནཿ མཐིང་ནག་འོད་ཀྱིས་ཀུན་ཏུ་ཁྱབཿ ཆེད་འགའ་རིགས་ཀྱི་སྤྲུལ་པ་འདིཿ །དབུ་གསུམ་ཕྱག་དྲུག་ཞབས་བཞིར་བསྒྲདཿ སྐུ་མདོག་མཐིང་ནག་ཁྲོས་ཤིང་རྔམཿ ཕྱག་དྲུག་གཡས་གཡོན་དང་པོ་ཡིསཿ རྡོ་རྗེས་
དུང་ཁྲག་དཀྲུག་ཅིང་གསོལཿ གཡས་གཡོན་གཉིས་ཀྱི་ཕྱག་བཞི་ཡིསཿ །ལྷ་བརྒྱད་ཀླུ་བརྒྱད་ཙིཏྟ་རོལཿ །ཡུམ་ཆེན་ཞལ་གཅིག་ཕྱག་གཉིས་མཿ སྐུ་མདོག་མཐིང་ནག་ཞབས་གཉིས་སྦྱོརཿ གཡས་ཀྱི་ནམ་མཁའ་སྟོང་ཁམས་འདེགསཿ 
གཡོན་གྱིས་འཇིག་རྟེན་ས་གཞི་གནོནཿ །ཞལ་ནས་འབྱུང་བ་ལྔ་འཆར་མཿ །དཔལ་ཆེན་ཡབ་ཡུམ་བྱིན་བརླབས་ལསཿ སྤྲུལ་པའི་དྲེགས་པ་ཕོ་མོ་གཙོཿ བདུད་མོ་ནག་མོ་ཁ་སླངས་ཅནཿ ཞལ་གཅིག་ཕྱག་གཉིས་སྐུ་མདོག་མཐིངཿ 
ཁྲམ་ཤིང་ཏྲི་ཤུྰལ་གཡས་ན་བསྣམསཿ གཡོན་གྱིས་ཁ་ཊྭཱྃ་ཞགས་པ་འཕེནཿ ན་བཟའ་ཞིང་ལྤགས་རློན་པ་གསོལཿ ཞབས་གཉིས་གདུག་པའི་སྙིང་གར་གཟིརཿ བདུད་མོ་ནག་མོ་ཁྲག་འཛག་མཿ ཁྲག་བྃ་ཐོད་རློན་ཕྱག་
ན་བསྣམསཿ སྐུ་ལ་ཞིང་ལྤགས་གསར་པ་བགོསཿ བདུད་རྟ་ནག་པོ་ཆིབས་སུ་བཅིབསཿ ཞབས་ཀྱིས་དགྲ་བགེགས་བཤུགས་ཀྱིས་སྒྲོལཿ འཆི་བདག་གཤིན་རྗེ་ནག་པོ་ནིཿ ཞལ་གཅིག་ཕྱག་གཉིས་སྐུ་མདོག་ནགཿ

104-1-244b

ཕྱག་གཡས་ཐོད་ཁྲག་གྲི་གུག་གཡོནཿ བཙུན་མོ་ཡུམ་ཆེན་ཟ་བྱེད་མཿ གྲི་གུག་ཐོད་པ་ཕྱག་ན་བསྣམསཿ ཡབ་ཡུམ་ཞིང་ལྤགས་རློན་པ་གསོལཿ མ་ཧེ་ཁྲོས་དང་ཆུ་གླང་བཅིབསཿ ཞབས་ཀྱིས་དགྲ་བགེགས་ཕོ་མོ་གཟིརཿ 
སྲིན་པོ་གསོད་བྱེད་སྐུ་མདོག་གནགཿ ཕྱག་ན་རལ་གྲི་ཐོད་ཁྲག་བསྣམསཿ ཡུམ་ཆེན་གསོད་པར་བྱེད་མ་ཡངཿ གྲི་གུག་མི་ཐོད་ཕྱག་ན་བསྣམསཿ ན་བཟའ་ཤིང་ལྤགས་རློན་པ་གསོལཿ སྟགས་སེང་རོལ་པ་ཆིབས་སུ་བཅིབསཿ 
གནོད་སྦྱིན་གང་བ་བཟང་པོ་ཡངཿ །ཞལ་གཅིག་ཕྱག་གཉིས་སྐུ་མདོག་སྔོཿ །དར་ནག་འཕྱར་ཞིང་ཞིང་ལྤགས་བརྡེགཿ །ཡུམ་ཆེན་ཤ་ཟ་རལ་གཅིག་མཿ །ཡུལ་གྱི་ཚུལ་འཛིན་སྤྲུལ་པ་མོཿ ཞིང་ལྤགས་གྱོན་ཏེ་གྱི་ལིང་
བཅིབསཿ དྲག་སྔགས་བདག་པོ་ཆེན་པོ་ནིཿ དབང་ཕྱུག་ཆེན་པོ་ལྷ་ཡི་གཙོཿ མདོག་དཀར་ཤེལ་གྲི་བ་དན་འཕྱརཿ ན་བཟའ་དར་དཀར་བེར་ཆེན་གསོལཿ ཆིབས་སུ་གནམ་རུ་དཀར་པོ་བཅིབསཿ ཐར་པ་ནག་པོ་རུ་ཏྲའི་གཙོཿ 
མཆོད་གཏོར་དུག་ཐུན་ཕྱག་ན་བསྣམསཿ ཞིང་ལྤགས་གྱོན་ཏེ་དོམ་ནག་བཅིབསཿ རྨུ་བདུད་རྗེ་དཔོན་ནག་པོ་ནིཿ དར་ནག་འཕྱར་ཞིང་སྟི་ར་འདྲདཿ བེར་ནག་གསོལ་ཞིང་རྨུ་རྟ་བཅིབསཿ མུ་སྟེགས་ཀ་ལ་
ཡག་ཤ་ནིཿ མཐིང་ནག་ཁ་ཊྭཱྃ་ཏྲི་ཤཱུལ་འཛིནཿ ཞིང་ལྤགས་བགོས་ཏེ་མ་ཧེ་བཅིབསཿ ཁྱབ་འཇུག་རོག་ཏི་ནག་པོ་ཡངཿ ཁྲམ་ཤིང་དགྲ་སྟ་ཕྱག་གིས་འཛིནཿ སྤྲིན་ནག་བགོས་ཏེ་འབྲུག་སྔོན་བཅིབསཿ ཀླུ་
རྒྱལ་བ་རུ་ཎ་ཡི་རྗེཿ སེར་ནག་སྦྲུལ་གྱི་ན་བཟའ་གསོལཿ བུམ་པ་རུས་སྦལ་ཕྱག་གིས་འཛིནཿ ཆིབས་སུ་ཆུ་སྲིན་མགོ་དགུ་བཅིབསཿ རྒྱལ་པོ་ཧར་མཛེས་ཞེས་བྱ་བཿ མདོག་དཀར་ཤེལ་གྲི་དར་དཀར་འཛིནཿ སྲས་
མཆོག་འབར་བ་དམར་པོ་སྟེཿ མདུངས་རིངས་གཡས་ལ་ཤན་གྲི་གཡོནཿ རྡོ་རྗེ་མཛེས་པ་མདོག་དམར་པོཿ རུ་མཚོན་དགྲ་སྟ་ཕྱག་གིས་འཛིནཿ ཁུ་ལེ་ལག་དགུ་འབར་བ་ཡངཿ མདོག་སེར་སྤྲུལ་པའི་ལག་དགུ་འགྱེདཿ

104-1-245a

ཞིང་ལྤགས་བགོས་ཤིང་སྟི་ར་གནོནཿ དྲག་སྔགས་བདག་པོ་གཙོ་འཁོར་ཡངཿ རང་གི་རིགས་ཀྱི་འཁོར་འདུལ་བཿ སོ་སོའི་སྤྲུལ་པ་བསམ་མི་ཁྱབཿ གཅོད་པར་བྱེད་པ་བདུད་ཀྱི་སྡེཿ འཆི་བར་བྱེད་པ་གཤིན་རྗེའི་སྡེཿ 
གསོད་བྱེད་ཤན་པ་སྲིན་པོའི་སྡེཿ གདུག་རྩུབ་འཆང་བ་གནོད་སྦྱིན་སྡེཿ དྲག་རྩལ་ལྡན་པ་ལྷ་ཡི་སྡེཿ ནད་གདོན་འབེབས་པ་མ་མོའི་སྡེཿ ནམ་མཁའ་དབང་སྒྱུར་གཟའ་ཡི་སྡེཿ གླེན་ལྐུགས་གདུག་པ་ཀླུ་ཡི་སྡེཿ །སྡེ་བརྒྱད་དམོད་
པའི་དྲག་སྔགས་ཅནཿ མཐུ་དང་རྫུ་འཕྲུལ་བསམ་མི་ཁྱབཿ འཁོར་དང་སྡེ་རིགས་བརྗོད་མི་ལངཿ ཕྲིན་ལས་ལོངས་སྤྱོད་མི་ཟད་གཏེརཿ ཡོན་ཏན་ནུས་པ་དཔག་ཏུ་མེདཿ ཞེས་སྡང་ཅན་ལ་ཁྲོས་པར་སྟོནཿ །ང་རྒྱལ་ཅན་ལ་
ལྷག་པར་སྟོནཿ །འདོད་ཆགས་ཅན་ལ་མི་གདུག་སྟོནཿ གཏི་མུག་ཅན་ལ་མྱོས་པར་སྟོནཿ སེར་སྣ་ཅན་གྱིས་འཕྲོག་པར་བྱེདཿ ཕྲག་དོག་ཅན་ལ་འཇིགས་པར་སྟོནཿ ཁྱོད་ཀྱིས་མི་འདུལ་གཅིག་མེད་ཀྱིསཿ  །མཆོད་
ཅིང་བཀང་བའི་ཐུན་རྫས་བཞེསཿ །བཅོལ་ཅིང་གཉེར་བའི་ལས་མཛོད་ཅིགཿ །བསྟོད་ཅིང་བསྒྲུབས་པས་ལས་མཛོད་དགྱེས་པར་མཛོདཿ ཿདེ་ནས་རང་གི་སྙིང་པོ་དང་། །འཇིག་རྟེན་དྲེགས་པའི་བདག་པོ་རྣམསཿ །སོ་སོའི་
སྔགས་ཀྱི་ལས་ལ་སྦྱརཿ །རྡོ་རྗེ་འཛིན་པ་ཆེན་པོ་ཡིསཿ བྱང་ཆུབ་སེམས་ཀྱི་བསམ་པ་ཡིསཿ །བལྟོས་དང་རེ་བ་ཀུན་སྤངས་ཏེཿ སངས་རྒྱས་བསྟན་པ་རབ་དམིགས་ནསཿ དྲག་སྔགས་བདག་པོ་ཉེར་བསྒྲུབས་ནཿ ང་དང་སངས་
རྒྱས་ཐམས་ཅད་མཉེསཿ རིག་པ་འཛིན་པའི་ས་ཐོབ་ཅིངཿ སེམས་ཅན་རྣམས་ཀྱི་སྟོན་པར་འགྱུརཿ ཐུན་མོང་བ་དང་ཉེ་བ་དངཿ མཆོག་འགྱུར་རིང་བའི་དངོས་གྲུབ་ཀུནཿ དཔའ་བོ་དེ་ལས་མངོན་དུ་འབྱུངཿ 
ཡོན་ཏན་མཆོག་གི་སྟོབས་རྙེད་ཅིངཿ འཇིག་རྟེན་ཆོས་ལས་རབ་སྔགས་པའིཿ །བྱང་ཆུབ་སེམས་དཔའི་སྤྱོད་པ་དངཿ །ས་ཆེན་པོ་ལ་རྟོགས་པ་ཡིཿ །རླབས་ཆེན་རྣམས་ཀྱང་ནུས་པར་སྤྱོདཿ མཐུ་སྟོབས་ནུས་པ་

104-1-245b

པ་སྙེམས་པ་ཡིསཿ གཞན་གྱིས་བརྫི་བར་མི་ནུས་ཤིངཿ རང་གི་དབང་དུ་ཁུགས་པ་དངཿ བསྒོ་བ་རྩོད་པ་མེད་པར་འགྱུར་ཞེས་བཀའ་སྩལ་ཏོཿ དྲག་སྔགས་འདུས་
པ་རྩ་བའི་རྒྱུད་ལས་བསྟོད་པ་ཡོན་ཏན་བརྗོད་པའི་ལེའུ་སྟེ༔ བཅུ་པའོ།། །།  དེ་ནས་བཅོམ་ལྡན་འདས་རྡོ་རྗེ་འཛིན་པ་ཆེན་པོསཿ །ཉིད་ཀྱི་སྐུ་འཇིགས་བྱེད་ཆེན་
པོའི་ལུགས་སུ་སྐུ་སྤྲུལ་ཏེཿ ཐུགས་ཆོས་ཉིད་ཞི་བ་ཆེན་པོའི་ཏིང་ངེ་འཛིན་ལ་སྙོམས་པར་ཞུགས་ནས། སྐུའི་གནས་ཐམས་ཅད་ལས་འོད་ཀྱི་དྲ་བ་དཔག་ཏུ་མེད་པ་ཕྱུང་ནས། ཕྱོགས་བཅུའི་འཇིག་
རྟེན་གྱི་ཁམས་ཐམས་ཅད་ཀྱི་དྲེགས་པ་ཅན་གྱི་གནས་ཐམས་ཅད་ཁྱབ་པར་མཛད་ནསཿ མ་རུངས་ཤིང་གདུག་པ་དང་གཏུམ་པའི་སེམས་དང་བསམ་པ་ཐམས་ཅད་ཀྱང་མ་ལུས་པར་ཞི་བ་བྱང་ཆུབ་ཀྱི་སེམས་དང་ལྡན་
པར་གྱུར་ཏེ། ཕན་པ་དང་། བདེ་བ་དང་། གནོད་པ་མེད་པ་དང་། བརྩེ་བ་དང་། ཡིད་དགའ་བ་དང་བཅས་པས་ཕྱོགས་དེར་སྣང་བར་གྱུར་ནས། ཐམས་ཅད་ཀྱིས་བཅོམ་ལྡན་
འདས་རྡོ་རྗེ་འཛིན་པ་དེ་ལ་ཕྱག་འཚལ་ཞིང་འདི་སྐད་ཅེས་གསོལ་ཏོཿ ཀྱེ་མ་བཅོམ་ལྡན་རྡོ་རྗེ་འཆངཿ ཁྱོད་ཀྱི་བསྟན་པ་གསང་ཆེན་འདིཿ མ་འོངས་པ་ཡི་དུས་དག་ཏུཿ རབ་ཏུ་
རྒྱས་པར་འགྱུར་ཞིག་ནཿ བདག་ཅག་འཇིག་རྟེན་དྲེགས་པ་ཅནཿ ཞི་བའི་སེམས་སུ་གནས་བྱས་པསཿ རྗེས་སུ་སྤྱོད་པ་གང་ཡིན་པཿ དེ་ལ་རྒྱས་པ་ཕན་པར་བསྟནཿ 
ཕྲིན་ལས་དང་ནི་ལྟ་སྤྱོད་ཀྱིསཿ ཁྱབ་པ་དེ་ལས་ཡོངས་རྫོགས་ཞིངཿ གྲོགས་དང་བྲན་དང་རྨངས་བཞིན་དུཿ གང་གིས་བསྒོ་བ་དེ་བཞིན་བགྱིཿ དམ་ཚིག་བསྲུངས་པའི་ཡོན་ཏན་དངཿ རོལ་པའི་ཏིང་

104-1-246a

འཛིན་ལྡན་པ་ལཿ བཀའ་ལས་འདའ་བ་མི་སྤྱོད་ཅིངཿ གསུང་བཞིན་བསྒྲུབ་པ་རབ་ཏུ་སྤྲོཿ བཅོམ་ལྡན་རྡོ་རྗེ་འཛིན་ཁྱོད་ཀྱིསཿ ཇི་ལྟར་མངགས་པའི་ལས་རྣམས་ནིཿ བདག་ཅག་ནུས་པས་
མྱུར་དུ་བསྒྲུབཿ བྱིན་གྱིས་བརླབ་པ་གཙོར་མཛོད་ཅིག་ཅེས་གསོལ་ནས་རང་རང་གི་གནས་སུ་དེངས་ཤིང་ཕྱིན་པར་གྱུར་ཏོ། །བཅོམ་ལྡན་འདས་ཀྱི་འོད་ཟེར་གྱི་བཀོད་པ་རྣམས་རང་གི་འཁོར་གྱི་སྣང་བ་ཐམས་ཅད་ཀྱང་ཉིད་ཀྱི་སྐུའི་དབྱིངས་
སུ་བསྡུད་ཤིང་སྐུ་ཉིད་ཀྱང་ཆོས་ཀྱི་སྐུའི་རང་བཞིན་དུ་གནས་པར་མཛད་དོ། །དྲག་སྔགས་འདུས་པ་རྩ་བའི་རྒྱུད་ལས་ཕྲིན་ལས་ཀྱི་གཉེར་ཕུལ་བའི་ལེའུ་སྟེ། བཅུ་གཅིག་པའོ། །
དྲག་སྔགས་འདུས་པ་རྡོ་རྗེ་རྩ་བའི་རྒྱུད་ཅེས་བྱ་བ་རྫོགས་སྷོ།། །།རྒྱ་གར་གྱི་མཁན་པོ་ཆེན་པོ་སློབ་དཔོན་པད་མ་འབྱུང་གནས་དང་། བོད་ཀྱི་ལོ་ཙྪ་བ་བདག་བཻ་རོ་རྩ་ནས་
བསྒྱུར་ཅིང་ཞུས་ཏེ་གཏན་ལ་ཕབ་པའོ། །རྒྱལ་པོ་ཁྲི་སྲོང་ལྡེ་བཙན་གྱི་བླའི་ཕྱག་དཔེ་ལ་ཞལ་བཤུས་པ་ལས་བརྒྱུད་པའོ། །ག་རུ་ཌེ་ན་ཝཱ་བུ་ན༔ པྲིཙྪ།།  །།

104-1-246b

This is a blank page without text

104-1-247a

༄༅།  །རྒྱ་གར་སྐད་དུ།  ལོ་ཀ་སྟོ་ཏྲ་པཱུ་ཛ་ཏནྟྲ་ནཱ་མ་ནོ་པི་ཀ་སནྟ་ཀྃ། བོད་སྐད་དུ། འཇིག་རྟེན་མཆོད་བསྟོད་སྒྲུབ་པ་རྩ་བའི་རྒྱུད་ཞེས་བྱ་བ་བཅོམ་ལྡན་འདས་རྡོ་རྗེ་འཛིན་པ་ལ་ཕྱག་འཚལ་ལོ། །འདི་སྐད་
བདག་གིས་ཐོས་པ་དུས་གཅིག་ན། བཅོམ་ལྡན་འདས་དེ་བཞིན་གཤེགས་པ་ཐམས་ཅད་ཀྱི་སྐུ་དང་གསུང་དང་ཐུགས་ཀྱི་བདག་ཉིད་གསང་བ་ཆེན་པོ་རྡོ་རྗེ་འཛིན་པ། དུས་གསུམ་གྱི་སངས་རྒྱས་མ་ལུས་པ་ཐམས་ཅད་ཀྱི་སྐུ་དང་གསུང་
དང་ཐུགས་ཀྱི་ཕྲིན་ལས་མ་ལུས་པ་ཡང་དག་པར་བསྒྲུབ་པར་མཛད་པ། མཐུ་དང་། སྟོབས་དང་། མི་འཇིགས་པ་དང་། དབང་ཕྱུག་དང་། གཟུགས་ཀྱིས་འཇིགས་པར་བྱེད་པ། གཏུམ་པོ་དང་། དྲག་ཤུལ་ཅན་དང་། དྲེགས་པ་
ཅན་དང་། སྟོབས་ཅན་དང་། བཟོད་པར་དཀའ་བ་དག་མྱུར་དུ་འདུལ་བར་བྱེད་པ། བདེ་བར་གཤེགས་པ་ཐམས་ཅད་ཀྱི་ཐུགས་ཀྱི་སྙིང་པོ་དེ་ཁོ་ན་ཉིད་ལས་ཕྱུང་བ། བྱང་ཆུབ་སེམས་དཔའ་སེམས་དཔའ་ཆེན་པོ་གཙོ་བོ་ས་ཆེན་
པོ་མཐར་ཕྱིན་པ་ལ་རབ་ཏུ་བཞུགས་པ། འདོད་པའི་ཁམས་དང་གཟུགས་ཀྱི་ཁམས་སུ་གཏོགས་པའི་དབང་ཕྱུག་ལྷའི་རིགས་རྣམས་ཀྱི་བདག་པོ་ཆེན་པོ་ལྕང་ལོ་ཅན་གྱི་གནས་དང་རི་རབ་ཀྱི་གནས་ཀྱི་གནོད་སྦྱིན་རྣམས་ཀྱི་དེད་དཔོན་ཆེན་པོ་དེ། 
འོག་མིན་གྱི་གནས་ལྷའི་རྒྱལ་པོའི་ཁང་བཟངས་ན་བཞུགས་སྟེ། དུས་གསུམ་དུ་རྣམ་པར་བཞུགས་པའི་སངས་རྒྱས་རྣམས་ཀྱི་སྐུ་གསུང་ཐུགས་ཀྱི་རྣམ་པར་འཕྲུལ་པའི་འོད་ཟེར་སྣ་ཚོགས་བཀྱེ་ནས་ཚིག་འདི་སྐད་དུ་བསྐུལ་ཏེ། ཀྱེ་ཀྱེ་གསང་
བདག་རྡོ་རྗེ་འཛིན། །ཁྱོད་ནི་སངས་རྒྱས་ཐམས་ཅད་ཀྱིས། །བསྟན་པ་དམ་པ་བསྲུང་བ་ཡི། །མཐུ་སྟོབས་བདག་པོར་དབང་བསྐུར་ཏེ། །དམ་ཚིག་ཆེན་པོ་དེ་གཟིགས་ལ། །སྐུ་གསུང་ཐུག་ཀྱི་གསང་བ་ལས། །འཇིགས་བྱེད་འཇིགས་པར་བྱེད་པ་ཡི། །
སྐུ་མཆོག་དྲག་པོའི་གསུང་དང་བཅས། །གཏུམ་པོའི་ཐུགས་ཀྱིས་ཤུགས་ཕྱུང་ལ། །གདུལ་དཀའ་མ་ལུས་འདུལ་བའི་ཕྱིར།     །སྤྲུལ་པ་སྔ་འཕྲུལ་ཕྲིན་ལས་ཀྱིས། །སྔོན་གྱི་ཐུགས་དམ་རོལ་པར་མཛོད་ཞེས་བསྐུལ་མ་ཐག་ཏུ་བཅོམ་ལྡན་

104-1-247b

འདས་དེ་སངས་རྒྱས་ཀྱི་ཕྲིན་ལས་མཛད་པའི་དུས་ལ་བབ་པར་མཁྱེན་ནས། །ཉིད་ཀྱི་སྐུ་གསུང་ཐུགས་ཞི་བ་ཆོས་ཉིད་དེ་བཞིན་ལས་མ་གཡོས་ཀྱང་གདུལ་བར་བྱ་བའི་ཡུལ་དྲག་ཤུལ་ཅན་རྣམས་ལ་གཟིགས་ནས། ཕྱོགས་བཅུ་ནམ་མཁའི་
མཐའ་དང་མཉམ་པའི་འཇིག་རྟེན་གྱི་ཁམས་མ་ལུས་པ་ཐམས་ཅད་དུ་སྐུའི་རྣམ་པར་འཕྲུལ་པ་བསམ་གྱིས་མི་ཁྱབ་པ་ཁྲོ་བོ་ཆེན་པོའི་གཟུགས་འདི་ལྟ་སྟེ། སྐུ་མདོག་མཐིང་ནག་ཞལ་དགུ་པ་ལ། གཡས་ཀྱི་ཞལ་ནི་ཁམ་ནག་གཙིགས་པ། 
གཡོན་གྱི་ཞལ་ནི་སྨུག་ནག་བསྡུས་པ། དབུས་ཀྱི་ཞལ་ནི་མཐིང་ནག་ཁྲོ་ཞིང་རྔམ་པ།    ཕྱག་གཡས་ཀྱི་རྡོ་རྗེ་འབར་བས་གཡོན་གྱི་ཐོད་ཁྲག་དཀྲུག་ཅིང་གསོལ་བ། གཡས་འོག་མ་བརྒྱད་ན་ལྷ་ཆེན་པོ་བསྒྲལ་བའི་མགོ་གཅད་དེ་བསྣམས་
ལ། གཡོན་འོག་མ་བརྒྱད་ན་ཀླུ་ཆེན་པོ་བརྒྱད་ཀྱི་མགོ་བསྣམས་པཿ དེ་དག་ཀྱང་གཡང་གཞི་དང་བཅས་པ། གཡས་ཀྱི་སྤྱན་དགུ་གྱེན་ལ་བཟློག་པ། གཡོན་གྱི་སྤྱན་དགུ་འཕྲེད་ལ་གཟིགས་པ། དབུས་ཀྱི་སྤྱན་དགུ་མཐུར་ལ་སྡང་མིག་
མཛད་པ། ཁྲོ་གཉེར་དྲག་པོ་དཔྲལ་བར་བསྡུས་པ། ཤངས་ནས་སྲིད་པའི་རླུང་དྲག་པོ་འཚུབ་པ། ཞལ་ནས་བསྐལ་པའི་མེ་འབར་བ། མཆེ་བ་དམར་པོ་བར་སྣང་ཁམས་སུ་གཙིགས་པ། སྨ་ར་ཨག་ཚོམ་སྤྲིན་བཞིན་དུ་གཏིབ་པཿ དབུ་སྐྲ་རལ་
པ་ཁམ་ནག་སྲིད་པའི་རྩེ་མོར་འབར་ཞིང་འཁྱིལ་བ། སྙན་ནས་གདུག་པའི་སྒྲ་ཆེན་པོ་འབྱིན་པ། སྦྲུལ་གྱི་ཆུན་པོས་ཡན་ལག་དཀྲིས་པ། བདུད་དང་རུ་ཏྲ་བསྒྲལ་བ་དང་གླང་པོ་ཆེའི་ལྤགས་པ་ན་བཟར་གསོལ་བ། སྟག་གི་ལྤགས་པས་སྐུ་སྨད་
དཀྲིས་པ། ཁྲག་དང་ཞག་གི་ཐིག་ལེ་དང་རི་མོས་བརྒྱན་པ། ཐལ་ཆེན་གྱི་ལུས་ལ་བྱུགས་པ། ཐོད་བ་སྐམ་པོ་དང་རློན་པ་དང་། ཤ་ཁྲག་ར་རི་ཅན་གྱིས་ཕྲེང་བར་བྱས་ནས་བརྒྱན་པ། ཞབས་བརྒྱད་ཀྱི་ཚངས་པ་དང་ཁྱབ་འཇུག་དང་དབང་ཕྱུག་
ཆེན་པོ་དང་། རྒྱ་བྱིན་ཆུང་མ་དང་བཅས་པ་དག་མནན་པ། ཡུམ་ཆེན་མོ་རབ་ཏུ་གཏུམ་མོ་འཇིགས་བྱེད་མ་རང་གི་སྐུ་དང་མཚུངས་པ་ཞིག་དང་མཉམ་པར་སྦྱོར་བ། གྲངས་མེད་ཅིང་བརྗོད་ཀྱིས་མི་ལང་བ་བྱེ་བ་ཏིལ་གྱི་གང་བུ་བཞིན་དུ་གྱུར་པ་ཐམས་

104-1-248a

ཅད་ཀྱང་། ཨོཾ་བཛྲ་ཙཎྜ་སརྦ་དུཥྚཱནྟ་ཀ་ཧ་ན་ད་ཧ་པ་ཙ་ཧཱུྃ་ཕཊ། ཞེས་བྱ་བའི་གསུང་སྒྲ་དྲག་པོ་འབྱིན་པ། དེ་དག་རེ་རེ་ལས་ཀྱང་སྤྲུལ་པ་དང་སྤྲུལ་པའི་ཡང་སྤྲུལ་བསམ་གྱིས་མི་ཁྱབ་པ་རབ་ཏུ་སྣང་བར་མཛད་པ། འཇིག་རྟེན་གྱི་ཁམས་
ཀྱི་དྲེགས་པ་ཅན་ལྷའི་ཚོགས་དང་། བདུད་དང་། གཤིན་རྗེ་དང་། སྲིན་པོ་དང་། གནོད་སྦྱིན་དང་། གཟའ་བདུད་དང་། ཀླུ་དང་། རྒྱལ་པོ་དང་། གིང་དང་། མ་མོ་ཆེན་མོ་རྣམས་དང་། མཁའ་འགྲོའི་ཚོགས་དང་། རུ་ཏྲ་དང་། མུ་སྟེགས་དང་། སྲོག་
གི་བདག་པོ་དང་། ནོར་གྱི་བདག་པོ་དང་། ཚེའི་བདག་པོ་དང་། སྔགས་ཀྱི་བདག་པོ་དང་། སྲིད་པའི་བདག་པོ་དང་། གཞན་ཡང་འཇིག་རྟེན་གྱི་ཁམས་ཐམས་ཅད་དང་། དུར་ཁྲོད་ཆེན་པོ་དང་། ཡུལ་ཆེན་པོ་དང་། འཛམྦུའི་གླིང་གི་མཐའ་འཁོབ་ཀྱི་ས་དང་། 
རིའི་རྒྱལ་པོ་དང་། རི་ཕྲ་མོ་དང་། རྒྱ་མཚོ་དང་། ཆུ་བྲན་དང་། ཡོངས་སུ་འདུ་བའི་ཤིང་དང་། ནགས་ཚལ་ཆེན་པོ་དང་། གནས་ཕྲ་མོ་བསམ་གྱིས་མི་ཁྱབ་པ་དག་ན་གནས་པའི་འཇིག་རྟེན་གྱི་དྲེགས་པ་ཅན་ཕོ་དང་མོའི་རྣམ་པར་འདུག་པ་དང་། གཙོ་བོ་དང་། 
འཁོར་དང་ཁྱད་པར་རྒྱུ་བ་དང་། བྲན་དང་གཡོག་གི་ཚོགས་དང་བཅས་པ་དག་གིསཿ རང་རང་གི་གནས་ནས་མྱུར་བ་དངང་ཞིང་སྐྲག་ལ་འཇིགས་པ་དང་ཡང་བའི་སེམས་དང་། དུལ་བའི་སེམས་ཀྱིས་འཐོན་ཏེཿ བཅོམ་ལྡན་འདས་དེའི་སྤྱན་སྔར་རླུང་དྲག་
པོའི་ཤུགས་ཀྱིས་རབ་ཏུ་བསྐྱོད་པའི་ཤིང་བལ་གྱི་འདབ་མ་བཞིན་དུ་རང་དབང་མེད་པར་ལྷགས་པར་གྱུར་ཏེ། ཕྱོགས་བཅུའི་འཇིག་རྟེན་གྱི་ཁམས་མ་ལུས་པ་དང་། ཁྱད་པར་དུ་མི་འཇེད་ཀྱི་འཇིག་རྟེན་གྱི་ཁམས་ན་གླིང་བཞི་དང་། རྒྱ་མཚོ་ཆེན་པོ་དང་། 
རོལ་པའི་ཆུ་ཀླུའི་གནས་དང་བཅས་པ། རི་རབ་ཆེན་པོ་དང་། རི་བདུན་གྱི་གནོད་སྦྱིན་གྱི་ཚོགས་དང་། ལྷའི་གནས་འདོད་པའི་ཁམས་དང་གཟུགས་ཀྱི་ཁམས་དང་། གཟུགས་མེད་པའི་ཁམས་དང་བཅས་པ་དང་། དམྱལ་བ་དང་། ཡི་དགས་དང་།     
བྱོལ་སོང་གི་གནས་ན་གནས་པ་དང་། འཛམྦུའི་གླིང་གི་སའི་ཆ་ན་གནས་པའི་དྲེགས་པ་ཅན་རྣམས་སོ་སོ་ནས་རང་རང་གི་མདུན་ན་དྲག་པོ་ཆེན་པོའི་སྐུ་གཟི་བྱིན་དཔག་ཏུ་མེད་པ། གཞན་དག་གིས་ཉེ་བའི་ཐུགས་མི་ཐུབ་པ་རེ་རེ་འདུག་པ་མཐོང་སྟེ། དེ་

104-1-248b

དག་ཐམས་ཅད་ཐ་དད་དུ་རང་རང་གི་སྡེ་དཔོན་ཆེན་པོ་རྣམས་ལ་སྐྱབས་སུ་འགྲོ་བར་བྱེད་དོ། །སྡེ་དཔོན་ཆེན་པོ་རྣམས་ནི་འཇིགས་བྱེད་ཆེན་པོའི་སྐུ་གསང་བ་པའི་བདག་པོ་དེ་ལ་རང་གི་འཁོར་དང་བཅས་ཏེ་སྐྱབས་སུ་འགྲོ་བར་བྱེད་དེ། ཐམས་ཅད་ཀྱི་རང་རང་
གི་གཟུགས་དང་ལོངས་སྤྱོད་དང་འཁོར་དང་། རྒྱན་དང་བཞོན་པ་དང་གནས་དང་ཉེ་བར་བདེ་བར་སྤྱོད་པ་ཕྲིན་ལས་ཁྱད་པར་མ་ལུས་པར་སྟོན་ཅིང་། མིང་གི་སྙིང་པོ་རྣམས་མངོན་དུ་ཕྱུང་སྟེ་སྨྲས་སོ། །མ་ཧཱ་དེ་བ་ཨེ་ཛཿ། ཨུ་མ་དེ་བ་ཨེ་ཛཿ། དྷུ་པྲ་
མ་དུ་ཕྲག་ཛཿ །དུནྟི་མ་དུ་ཛཿ། ཅེས་འཇིག་རྟེན་གྱི་དབང་ཕྱུག་ཆེན་པོ་ཡབ་ཡུམ་བདུད་ཕོ་མོ་དང་བཅས་པ་རྣམས་ཀྱིས་རང་རང་གི་མིང་ཕུལ་བའོ། །དེ་ནས་གཤིན་རྗེའི་དེད་དཔོན་རང་གི་ཚོགས་དང་བཅས་པས་རང་རང་གི་མིང་དང་སྲོག་དང་བཅས་པ་ཕུལ་
བ། ཧྲཱིཿཥྚི་ཀྲྀཥྞ་ཡ་མ་པྲེ་ཏ་ཛཿ། མ་མ་ཡ་མུནྟྲི་བྷི་ཏྲི་ཛཿ ཞེས་ཕུལ་ལོ། །དེ་ནས་སྲིན་པོའི་སྡེ་དཔོན་རང་གི་འཁོར་དང་བཅས་པའི་མིང་གི་སྙིང་པོཿ། རཱཀྵ་ར་ཤ་ར་མ་ཏི་རཀྵ་མ་ཤུ་ཏི་ཛཿ ཞེས་ཕུལ་ལོ། །དེ་ནས་གནོད་སྦྱིན་གྱི་སྡེ་དཔོན་རང་གི་འཁོར་
དང་བཅས་པའི་མིང་དང་སྲོག་གི་སྙིང་པོ་ཡཀྵ་ཀུ་བེ་རཀྵ་ཏ་མེ་ཡཀྵི་མ་ཤ་ཛཿཞེས་ཕུལ་ལོ། །དེ་ནས་འཇིག་རྟེན་གྱི་གནོད་སྦྱིན་ལྷའི་སྡེ་དཔོན་ཁ་བ་ཅན་གྱི་དབང་པོས་རང་གི་མིང་ཕུལ་བ།     །གྃ་བྷ་བྷ་ཏ་ཏྲ་དྷེ་བ་ཏ་རུ་ཏི་ཛཿཞེས་ཕུལ་ལོ། །དེ་ནས་འཇིག་རྟེན་གྱི་རྒྱལ་
ཕྲན་གྱི་དེད་དཔོན་ལྷའི་ཐེ་བཅུ་གསུམ་གྱི་བདག་པོས་མིང་ཕུལ་བཿ གྃ་ཏ་པ་ཤ་ལི་བ་ར་ཏྲི་སཾ་ཀ་ར་ཤ་ཛཿཞེས་ཕུལ་ལོ། །དེ་ནས་སྤྱི་བདུད་ཀྱི་སྡེ་དཔོན་རང་གི་འཁོར་དང་བཅས་པས་མིང་གི་སྙིང་པོ་སྨྲས་པཿ དུསྤྲ་ཤྃ་ཛ་ཨ་ཀ་རུ་ཀྃ་ཙ་ཛཿཞེས་ཕུལ་ལོ། །
དེ་ནས་ཡེ་ཤེས་དང་ལས་ལ་གྲུབ་པའི་དང་དམ་ཚིག་གི་ཚོགས་ཀྱི་བདག་མོ་སྲིད་པ་དབང་བསྡུད་མ་དངཿ རལ་པ་གཅིག་མ་དང་། མཁའ་འགྲོ་མའི་ཚོགས་ཀུན་གྱི་རང་རང་གི་སྙིང་པོ་ཕུལ་བཿ མ་མ་ཏྲག་མུ་ཏྲ་ར་ཙ་ཨེ་ཀ་ཛ་ཏི་རུ་རུ་རོ་ཏིཥྚ་བྷཏྟོ་རེ་ཏུ་མ་ཏི་
ཁ་མུནྟྲ་པ་ཙ་ལ་མེ་ཤ་ཛཿཞེས་ཕུལ་ལོ། །དེ་ནས་འཇིག་རྟེན་གྱི་ལྷ་བཙན་པོ་དང་། རུ་ཏྲའི་རིགས་ཀྱི་དེད་དཔོན་ཆེན་པོ་རྣམས་ཀྱི་རང་རང་གི་མིང་གི་སྙིང་པོ། དེ་བ་ཨ་བྷི་ཤུ་ཏྲི་རུ་ཏྲ་ནི་ཇི་ཧྃ་ཤྃ་ཏྲི་ཛཿཞེས་ཕུལ་ལོ། །དེ་ནས་འཇིག་རྟེན་གྱི་བགེགས་ཀྱི་

104-1-249a

རྒྱལ་པོ་དང་། མུ་སྟེགས་བྱེད་པ་དང་། བདུད་རྨུ་བའི་ཚོགས་ཀྱིས་རང་རང་གི་མིང་གི་སྙིང་པོ། བི་ནཱ་ཡ་ཀ་ཏིརྠི་ཏ་ཀ་དུ་མུན་མུན་བཿ ཞེས་ཕུལ་ལོ། །དེ་ནས་འཇིག་རྟེན་གྱི་སྲོག་གི་བདག་པོ་དང་། གནོད་སྦྱིན་ཀླུའི་བདག་པོ་རྡོ་རྗེ་ཅན་
དང་། བླའི་རྒྱལ་པོ་ཆེན་པོ་དངཿ  ལྷའི་དབང་ཕྱུག་ནག་པོ་ཆེན་པོའི་ཚོགས་ཀྱི་སྡེ་དཔོན་ཆེན་པོ་རྣམས་ཀྱི་རང་རང་གི་མིང་གི་སྙིང་པོ། གིངྐ་ར་ཏྲི་པ་ལེ་རཱ་ཛ་བཛྲ་བུ་རུ་ལུ་ཛ་བཛྲ་ལ་རུ་ཏྲི་ཛ་མ་ཧཱ་ཀཱ་ལ་ཡཀྵི་ཛཿཞེས་ཕུལ་ལོ། །དེ་ནས་འཇིག་རྟེན་གྱི་ཀླུ་
དང་གཟའ་སྐར་གྱི་སྡེ་དཔོན་ཆེན་པོ་རྣམས་ཀྱིས་རང་རང་གི་མིང་གི་སྲོག་གི་སྙིང་པོ་ཕྱུང་བ་ནཱ་ག་ཙི་ཏ་ཧུ་ཡ་ནཱ་ག་མེ་ཀྵེ་ཏྲ་ཧུ་ལ་གྷུ་ཧེ་པ་ཤ་མི་ཀེ་ཧཱུྃ་ཛཿཞེས་ཕུལ་ལོ། །གཞན་ཡང་འཇིག་རྟེན་གྱི་ཁམས་ཀྱི་དྲེགས་པའི་དབང་ཕྱུག་མ་རུངས་པའི་
འཁོར་དང་བཅས་པ་དག་གིས་རང་རང་གི་ལུས་དང་སྲོག་དང་བཅས་པ།     །ཨེ་ཨ་ནྲི་ཛཿས་མ་ཡ་སྲོག་བྲེང་བྲེང་ཛཿཛཿཞེས་ཕུལ་ལོ། །དེ་ནས་བཅོམ་ལྡན་འདས་ཀྱིས་དྲེགས་པ་ཅན་འཁོར་དང་བཅས་པ་དེ་དག་དབུགས་ཕྱུང་ནས་མི་འཇིགས་པ་
བྱིན་ཏེ་འདི་སྐད་དུ། ཀྱེ་མ་འཇིག་རྟེན་གྲགས་པའི་ཚོགསཿ ཁྱེད་རྣམས་ང་ལ་མ་འཇིགས་ཤིགཿ ང་ནི་སངས་རྒྱས་ཐམས་ཅད་ཀྱིཿ སྐུ་གསུང་ཐུགས་ཀྱི་ཕྲིན་ལས་བདགཿ ཆོས་ཉིད་ཞི་བ་ཆེན་པོ་ཡིཿ ཐུགས་རྗེ་
དང་ནི་ཡེ་ཤེས་ཀྱིསཿ དུས་གསུམ་འདུས་བྱས་འདུས་མ་བྱསཿ སྐད་ཅིག་ཉིད་ལ་མངོན་དུ་གསལཿ མ་འོངས་སེམས་ཅན་དོན་གྱི་ཕྱིརཿ སྣ་ཚོགས་ལུས་ཀྱི་གསང་བ་སྟོནཿ དྲེགས་པའི་སྡེ་དཔོན་ཁྱེད་རྣམས་ཀྱངཿ ཐོག་མ་
མེད་ནས་ད་ལྟའི་བརཿ ཉོན་མོངས་འཁྲུལ་པའི་དབང་གྱུར་ཏེཿ གནས་ངན་ལེན་གྱི་བག་ཆགས་ཀྱིསཿ ལུས་ངག་ཡིད་ཀྱིས་མི་དགེར་སྤྱོདཿ འཁོར་བའི་སྡུག་བསྔལ་རྒྱུན་མི་འཆདཿ ན་རག་ཆེན་པོར་ལྷུང་ནས་ནིཿ ཐར་པའི་
དུས་མེད་འབྱུང་སྲིད་ཀྱིསཿདེ་བས་ད་ལྟའི་དུས་མཆོག་འདིརཿ ང་དང་སངས་རྒྱས་ཐམས་ཅད་ཀྱིསཿ སྐུ་གསུང་ཐུགས་དང་ཡོན་ཏན་དངཿ མཛད་པའི་ཕྲིན་ལས་རབ་སོན་ལཿ བསྒོ་བའི་གསུང་བཞིན་ཉན་པར་གྱིསཿ

104-1-249b

ལས་དང་སྲིད་པ་དོན་ཡོད་ལཿ མི་དགེའི་བག་ཆགས་དོར་བར་གྱིསཿ བསླབ་པའི་གཞི་བཟུང་སེམས་བསྐྱེད་ལཿ མཐུ་སྟོབས་ནུས་པ་དྲག་ཤུལ་དགཿ སངས་རྒྱས་བསྟན་པའི་རྗེས་སུ་སྤྱོདཿ རིག་འཛིན་རྣམས་ཀྱི་བཀའ་
བཞིན་སྐྱོངསཿ ཁྱེད་ཅག་རྒྱལ་པོ་རྗེ་དཔོན་དངཿ བྲན་གཡོག་ཚུལ་དུ་ལུས་བརྟེན་པཿ དངོས་གྲུབ་གསོལ་ཞིང་ཕྲིན་ལས་སྒྲུབསཿ གལ་ཏེ་དེ་ལྟར་མི་བྱེད་ཅིངཿ གསང་བའི་ཚིག་ལས་འགལ་བྱེད་ནཿ ཁྱེད་ཀྱི་ལུས་སེམས་
སྲོག་གི་རྒྱུདཿ ད་ལྟ་ཉིད་དུ་མ་རུངས་འགྱུར་ཞེས་བཀའ་སྩལ་ནས་དམ་པའི་མཐའ་ཚིགས་ལ་བཀོད་ནས་བཞག་གོ། འཇིག་རྟེན་པའི་སྡེ་དཔོན་གྱི་ཚོགས་རབ་ཏུ་འདུལ་བ་གླེང་བཞིའི་ལེའུ་སྟེ་དང་པོའོ།། །།
དེ་ནས་འདོད་པའི་ཁམས་ཀྱི་ལྷའི་དབང་ཕྱུག་ཆེན་པོ་ཡབ་ཡུམ་ལ་སོགས་པའི་དྲེགས་པ་ཅན་གྱི་འཁོར་རབ་ཏུ་འདུས་པ་དེ་དག་གིས། བཅོམ་ལྡན་འདས་དེ་བཞིན་གཤེགས་པ་ཐམས་ཅད་ཀྱི་སྐུ་གསུང་ཐུགས་གསང་བའི་བདག་པོ་
ཆེན་པོ་ལ་འདི་སྐད་ཅེས་གསོལ་ཏོ། །ཀྱེ་མ་བཅོམ་ལྡན་གསང་བའི་བདག །འཇིག་རྟེན་གནས་པའི་དྲག་ཤུལ་ཅནཿ འདོད་ཆགས་ཞེ་སྡང་སྲེད་ལེན་གྱིསཿ གང་གིས་མཆོད་ཅིང་བརྟེན་བྱས་ནསཿ བདག་ཅག་རྣམས་
ནི་དགའ་མགུ་རངསཿ ཁྱོད་ཀྱི་བཀའ་ལུང་རྗེས་བཞིན་དུཿ བརྟུལ་ཞུགས་འཛིན་པ་དེ་དག་ལཿ ཕྲིན་ལས་སྤྱོད་པའི་གྲོགས་བྱའི་ཕྱིརཿ བདག་ཅག་སོ་སོའི་གནས་དང་དུསཿ རང་གི་སྡེ་དང་འཁོར་གཡོག་དཔུངཿ འཐུན་པའི་
ལས་དང་ལོངས་སྤྱོད་དངཿ ཆ་ལུགས་རིགས་དང་བསམ་པ་དངཿ ཁམས་དང་བྱེད་པའི་ཚུལ་དག་དངཿ དམ་ཚིག་སྦྱོར་བའི་ཁྱད་པར་དགཿ བདག་ཅག་རྣམས་དང་མ་འོངས་པའིཿ རིག་པའི་ཚུལ་འཛིན་དོན་ཕྱིར་རུཿ 
མ་ལུས་རྒྱས་པར་བཤད་དུ་གསོལ་ཞེས་གསོལ་པསཿ དེ་ནས་བཅོམ་ལྡན་འདས་ཀྱིས་འཇིག་རྟེན་གྱི་དྲེགས་པ་ཅན་དག་གི་གཙོ་བོ་དབང་ཕྱུག་ཆེན་པོ་ལ་སོགས་པ་རྣམསཿ སོ་སོའི་ལས་དང་གཅིག་ཏུ་སྦས་པ་དངཿ

104-1-250a

ཐ་དད་དུ་སྦྱར་བ་དང་། ངེས་པ་དང་མ་ངེས་པ་དང་། རིམ་པ་དང་འཆོལ་བ་དང་། ཕྱི་དང་ནང་དང་། གསང་བ་དངཿ  སྦས་པ་དང་། འཚོགས་པ་དང་། འཐོར་བ་དང་། འཐུན་པའི་རྫས་དང་། སྙིང་
པོ་དང་། མ་ག་པ་དང་། གཉེར་གཏད་པ་དང་། སྐུལ་བ་དང་། རྦད་པ་དང་། བཟློག་པ་དང་། ཚར་གཅད་པ་དང་། གཟིར་བ་དང་། སྤོགས་པ་དང་། ལས་སྣ་ཚོགས་པ་དག་གི་སྒོ་ནསཿ རོལ་པ་ཆེན་པོའི་གསང་
བ་སྐུ་གསུང་ཐུགས་ཀྱི་རྡོ་རྗེ་དམ་ཚིག་ཆེན་པོ་ལས་ཕྱུང་སྟེ་བཀའ་སྩལ་ཏོ། །ཉོན་ཅིག་འཇིག་རྟེན་དྲེག་པའི་ཚོགསཿ ཕྱི་མའི་ཚེ་ན་སྙིགས་མའི་དུསཿ དགེ་སྦྱོང་ཆེན་པོའི་བསྟན་པ་འདིཿ སོ་སོ་སྐྱེ་བོ་རྣམས་ལ་སྣངཿ 
ཉན་ཐོས་རང་རྒྱལ་རྣམས་ཀྱི་ཚུལཿ རྡོ་རྗེ་འཆང་བ་རྣམས་ཀྱི་སྐུཿ རྒྱུད་དག་ས་ལམ་རྫོགས་ལ་གསལཿ སྤྲོས་མེད་ཆོས་སྐུ་འདུ་འབྲལ་མེདཿ ཏིང་ངེ་འཛིན་ལ་སྦྱངས་བས་འགྲུབ ༩ཿ༡  བསམ་པ་ཚེ་སྔ་སྨོན་པ་ཡིསཿ 
རིགས་དྲུག་སོ་སོའི་བདག་པོར་སྣངཿ ལས་ཀྱི་དྲེགས་པས་ཁྱེད་རྣམས་ནིཿ འཇིགས་ཤིང་འཇིགས་པར་བྱེད་པ་ཡིསཿ གཏུམ་ཞིང་དཔའ་ལ་ཆེས་དཔའ་བསཿ གདུལ་ཞིང་དྲག་པར་ནུས་པ་ལསཿ ཞི་བས་འདུལ་བར་མི་
འགྱུར་ཏེཿ རིག་པ་འཛིན་པའི་སྐྱེས་བུ་ནིཿ སྟོབས་ལྡན་དྲེགས་ཚོགས་ཀུན་འདུལ་བཿ ཁམས་གསུམ་སྤྱི་ལ་དབང་སྒྱུར་བྱེདཿ ང་དང་གཉིས་མེར་སྦྱོར་བ་ཡིསཿ ལས་ཀྱི་བྱ་བ་རབ་རྫོགས་པསཿ དུར་ཁྲོད་ཆེན་པོ་རབ་
འཇིགས་པསཿ བྱིན་གྱིས་བརླབས་པའི་དབེན་ས་རུཿ སྒྲིབ་བྱང་བསོད་ནམས་བསགས་པས་དངཿ བར་ཆོད་བདུད་བཟློག་ལས་ལ་འབདཿ འཐུན་རྫས་ས་ལ་ཕོ་བྲང་བཞེངསཿ དམ་ཚིག་དྲག་པོའི་རྫས་ཀྱིས་བྲནཿ 
ཐོད་མཁར་བང་མཛོད་ལྡན་པ་འམཿ ཨེ་ཁྲམ་གྲངས་དང་སྦྱར་བར་བྱཿ དྲེགས་པའི་ལུས་ངག་ཡིད་གནས་བརྟེནཿ ངས་བཤད་ཚུལ་དང་འཐུན་པར་དགོདཿ ཕྱི་རོལ་སྒོ་སོགས་བརྒྱན་འཇིགས་ལྡནཿ དུར་ཁྲོད་ཆེན་

104-1-250b

པོ་སྔོན་དུ་ཕྱུངཿ  ཙ་ར་མ་ཧེ་ཆུ་གླང་དངཿ སེང་གེ་གླང་ཆེན་རྟ་ནག་དངཿབྱ་ཁྱི་ལུག་ནག་རྔ་མོ་དངཿ     སྟག་དང་བྱ་རྒོད་ཁྱི་ཕག་གནགཿ བདུར་བྱ་ཆུ་སྲིན་ཉ་རུས་སྦལཿ རྒོད་དཀར་རྒོད་གནག་རྟ་དཀར་དམརཿ སོ་
བྱ་དྲེའུ་བ་གླང་རྣམསཿ རྒྱལ་མཚན་ཤ་ཁྲག་སྙིང་དང་བཅསཿ སོ་སོའི་འཐུན་པའི་གནས་སུ་བཤམཿ འབྲུ་བཟང་བཤོས་དང་དམ་ཚིག་རྫསཿ བདུད་རྩི་ཤ་ཁྲག་སྙིང་སྦྱར་བཿ རིན་ཆེན་བཅུད་ཀྱིས་སྦྲེངས་བ་ནིཿ གྲངས་
མཉམ་ཡང་ན་ཕྱོགས་བཞིར་བཞགཿ གདུགས་དང་བ་དན་བླ་རེས་དངཿ ལྡ་ལྡི་དྲ་བ་ཟ་ར་ཚགསཿ འདི་ལ་ཤིས་ཤིང་འཐུན་པས་ཏེཿ སྟག་གཟིག་དོམ་དྲེད་འཕར་སྤྱང་དངཿ ཀཱངྐ་དུར་བྱ་བྱ་རྒོད་ཁྲཿ མི་རྟ་བ་གླང་ཀེ་ལེ་ཡིཿ 
ཤ་རྒྱུས་ལྤགས་པ་མགོ་ཡིས་བྱཿ མདའ་གཞུ་མདུང་དང་ཁ་ཊྭཱྃ་གཿ རལ་གྲི་ཆུ་གྲི་སྤུ་གྲི་དངཿ ཏྲི་ཤུྰལ་ཕུར་པ་སོ་མངས་དངཿ མཚོན་ཆ་དྲག་པོས་སྐོར་ཞིང་མསཿ མཛེས་དང་མི་མཛེས་སྙན་མི་སྙནཿ དྲི་ང་བ་དང་གདང་
བ་དངཿ ཁ་མངར་ཚ་སྐྱུར་རྩུབ་པ་དངཿ ཚ་གྲང་འཇམ་རྩུབ་དྲོ་དང་བསིལཿ གཟུགས་སྒྲ་དྲི་རོ་རེག་རྣམས་ཀྱིསཿ ཇི་ལྟར་འདོད་པ་བཞིན་དུ་གཏརཿ དེ་ནས་རྡོ་རྗེ་འཛིན་པ་དེསཿ ཕྱི་ནང་གསང་བའི་བསྲུང་བ་ཡིསཿ གནོད་ཅིང་འཚེ་
བ་ཚར་གཅད་དེཿ བསོད་ནམས་ཚོགས་ཀྱིས་རང་རྒྱུད་སྦྱངཿ གཞན་ཕན་བྱང་ཆུབ་སེམས་ཀྱིས་བསྒྲུབཿ ཆོས་རྣམས་གནས་ལུགས་བཞིན་དུ་སྒོམཿ མ་མཐོང་བ་ལ་སྙིང་རྗེ་བསྐྱེདཿ ངོ་བོ་སྐྱེད་རྒྱུ་ཧཱུྃ་དུ་སྒོམཿ དེ་ལས་སྣོད་ཀྱི་
གཞི་མོ་ལྔཿ ཡེ་ཤེས་འབྱུང་བ་ལྔ་རུ་བསམཿ སྟེང་དུ་རིན་ཆེན་རི་རབ་ཀྱིཿ དབུས་སུ་དུར་ཁྲོད་གཞལ་མེད་ཁངཿ ཐོད་མཁར་ཨེ་ཏྲྃ་སུམ་བཅུ་པཿ གཟུགས་བརྙན་བཞིན་དུ་ཏིང་འཛིན་སྐྱེདཿ དབུས་སུ་ཉི་ཟླ་པདྨ་དངཿ 
རོ་བཞི་སྣོལ་བའི་སྟེང་ཉིད་དུཿ རྡོ་རྗེ་འཆང་བའི་སྐུ་གསུང་ཐུགསཿ ང་ཉིད་ཀུན་ལ་སྣང་བཞིན་བསམཿ ཡུམ་ཆེན་ཁམས་གསུམ་སྤྱི་འདུལ་མཿ གཙོ་དང་གཉིས་མེད་སྦྱོར་བ་ལསཿ ཐབས་དང་ཤེས་རབ་འོད་ཟེར་ལསཿ

104-1-251a

ཨེ་དགུའི་རྣམ་པ་ས་བོན་ཚུལཿ འཕྲོ་འདུས་གྲི་གུག་ཁ་ཊྭཱྃ་གསལཿ དེ་ཉིད་གསལ་བའི་རྒྱུད་སྦྱངས་པསཿ འདོད་ཁམས་དབང་ཕྱུག་གཙོ་བོ་ཆེཿ   ལྷ་མོ་ཡུམ་དང་བཅས་པར་འགྱུརཿ སེང་གེ་གླང་
ཆེན་ཞབས་ཀྱིས་གནོནཿ ཞལ་གཅིག་ཕྱག་གཉིས་མཐིང་ནག་རྔམཿ ན་བཟའ་ལྗང་ནག་ཀླུབས་བེར་གསོལཿ གཙོ་ཆེན་གྲི་གུག་ཙིཏྟ་བསྣམསཿ ཡུམ་གྱིས་ཁ་ཊྭཱྃ་ཐོད་ཁྲག་བཟུངཿ ཡབ་ཡུམ་གཉིས་མེད་ཐུགས་ཀ་
ནསཿ ཡ་མན་དུནྟི་རཀྵ་ཏ་ཡཀྵ་ལསཿ ཕྱོགས་བཞིར་བདུད་དང་གཤིན་རྗེ་དངཿ སྲིན་པོ་གནོད་སྦྱིན་སྡེ་དཔོན་དངཿ ཡབ་ཡུམ་བཅས་པ་གསལ་བར་སྤྲོཿ གྲ་ཧེ་ནཱ་ག་སྟེང་འོག་ཏུ་ནི་བདུད་ཀླུ་གཟའིཿ སྡེ་དཔོན་
ཡབ་ཡུམ་སྤྲོ་ཞིང་བསྐྱེདཿ དེ་བ་ཏྲི་ཛཿདུ་ཏྲི་ཏཿ གང་བཟང་ལྷ་དང་རྣམ་རྒྱལ་དངཿ སྤྱི་བདུད་སྡེ་དཔོན་ཤར་དུ་སྐྱེདཿ མ་མྃ་ཛ་ཏིཿདྷ་ཀི་ལསཿ མ་ཆེན་སྲིད་པའི་རྒྱལ་མོ་དངཿ རལ་གཅིག་མ་དང་འགྱོགས་བྱེད་མཿ 
མོ་ཚོགས་སྡེ་དཔོན་ལྷོ་ཕྱོགས་སུའོ། །རུ་ཏྲཿཨ་བྷིཿ་ཧྃ་ཤྃ་ལསཿ ལྷ་སྦྱིན་བཙན་དམར་རིལ་བཙན་གྱིཿ སྡེ་དཔོན་ནུབ་ཀྱི་ཕྱོགས་སུ་སྐྱེདཿ བི་ཏྲཿ་ཏི་ཐིཿརྨུ་དུ་ལསཿ བགེགས་དང་མུ་སྟེགས་རྨུ་བདུད་ཀྱིཿ 
སྡེ་དཔོན་བྱང་གི་ཕྱོགས་སུ་བསྐྱེདཿ ཏྲི་ཡྃཿར་ཏྲི་ས་ཏྲི་ན་ཏྲི་ལསཿ སྲིད་པའི་སྲོག་གི་བདག་པོ་དངཿ གནོད་སྦྱིན་ཀླུ་ཚ་བདུད་རྒྱལ་པོཿ སྐུ་ལྷ་གསང་བ་རྡོ་རྗེ་ལེགསཿ ནག་པོ་ཆེན་པོ་ཆོས་བསྲུང་རྗེཿ ཤར་ལྷོ་ནུབ་བྱང་སྒོ་
བཞིར་བསྐྱེདཿ ཕྱི་རོལ་འཁྱམས་སུ་དྲེགས་པ་ཅནཿ སོ་སོའི་གཡོག་འཁོར་མང་པོ་དགཿ བཀའ་ཉན་གསུང་སྡོད་ཚུལ་དུ་བསྐྱེདཿ རང་རང་སྔགས་ཀྱིས་བསྟན་པར་བྱཿ དབང་པོའི་ཚུལ་དུ་གསལ་བ་དངཿ འཇིག་རྟེན་རང་
རྒྱུད་སོ་སོ་ཡིཿ གནས་ནས་འོད་ཀྱིས་བཀྱེ་བ་དངཿ གསང་བའི་སྙིང་པོས་མྱུར་དུ་བོདཿ ཏིང་ངེ་འཛིན་གྱི་ཚུལ་འདྲ་བཿ རང་གི་གཟུགས་བརྙན་ལུས་ལ་བསྟིམཿ རང་རྒྱུད་པ་དང་གཟུགས་བརྙན་འདྲེསཿ ༀ་ཨཱཿ་ཧཱུྃ། 

104-1-251b

ༀ་བཛྲ་ཙཎྜ་སརྦ་དུཥྚཱནྟ་ཀ་ཧ་ན་ད་ཧ་པ་ཙ་ཧཱུྃ་ཕཊཿ སྐུ་གསུང་ཐུགས་ལྡན་བྱིན་བརླབ་ཅིངཿ རྡོ་རྗེ་འཆང་བས་དབང་བསྐུར་བྱཿ དུར་ཁྲོད་གནས་ཀྱི་སྒོ་བཞི་ནསཿ བཀའ་ཉན་ལས་བྱེད་སྡེ་བརྒྱད་ཀྱིསཿ ལུས་ངག་གུས་པས་
ཕྱག་འཚལ་ཞིངཿ ཕྱི་ནང་གསང་བའི་འདོད་ཡོན་ཚོགསཿ འཚེ་ཞིང་གདུག་པའི་བསམ་པ་ཅནཿ གཟུགས་ཅན་གཟུགས་མེད་བཅས་པ་ཡིསཿ དྲེགས་པའི་ཚོགས་ལ་མཉེས་པར་དབུལཿ སྐུ་ཡི་ཆ་ལུགས་སོ་སོ་
ཡིཿ དོན་བརྟགས་འཐུན་པའི་ཚིག་གིས་བསྟོདཿ སྐུ་གསུང་ཐུགས་ཀྱི་ཡོན་ཏན་དངཿ ཕྲིན་ལས་སྨོས་ཏེ་ཐུགས་དམ་སྐུལཿ རྡོ་རྗེ་འཛིན་པའི་སྐུ་གསུང་ཐུགསཿ གསལ་བསྟན་ཚད་དང་ལྡན་པ་ཡིསཿ ནམ་
མཁའི་ཁམས་ཀུན་མཐས་ཁྱབ་ཀུནཿ རང་གི་ཡུལ་གསུམ་གསལ་བར་དམིགསཿ དྲེགས་པའི་སྡེ་དཔོན་རེ་རེའི་དྲུངཿ སྡུལ་སྙེད་འདུལ་བྱེད་གཉེན་པོ་གནསཿ ཕལ་པ་རེ་རེའི་གནས་དྲུང་དུཿ སྡེ་དཔོན་ཆེན་པོ་དེ་
བཞིན་བསམཿ བཀའ་ཉན་གསུང་སྡོད་གཡོ་མི་ནུསཿ ཅུང་ཙམ་འདའ་བར་མི་སྤྱོད་ཅིངཿ རང་གི་འདོད་པ་མི་སྤོབས་ལཿ སྐད་ཅིག་ཙམ་ལ་དོན་སྒྲུབ་དམིགསཿ དེ་ཉིད་ཀྱིས་ནི་གཙོ་ཆེན་གྱིསཿ བསྙེན་ཅིང་བསྒྲུབ་
པ་ཚད་རྟགས་ལྡནཿ ཡོངས་སུ་རྫོགས་པར་གྱུར་ནས་ནིཿ དྲེགས་པའི་དེད་དཔོན་ཚོགས་རྣམས་ཀྱིསཿ སོ་སོའི་གཟུགས་བརྙན་གསལ་བཏབ་སྟེཿ རང་གི་མིང་གི་སྙིང་པོ་དངཿ གཅོད་འཕྲོག་ཡི་གེ་སྤོས་ཏེ་བཟླསཿ 
དུས་ཚད་གྲངས་དང་མཚན་མ་ཡིསཿ ཚད་བཟུང་མ་ནོར་གྲུབ་པ་ཡིསཿ རྟགས་ལ་ཕབ་སྟེ་ལས་ལ་སྦྱརཿ ང་ཉིད་རྗེས་སུ་སྒྲུབ་བྱེད་པསཿ དྲེགས་པ་མྱུར་དུ་དབང་དུ་སྡུད་ཞེས་བཀའ་སྩལ་ཏོ། །འཇིག་རྟེན་པའི་དེད་དཔོན་
གྱི་ཚོགས་ཉེ་བར་སྒྲུབ་པའི་རྩ་བའི་ལས་ཀྱི་གཉེར་གཏད་པའི་ལེའུ་སྟེཿ  གཉིས་པའོ།། །། དེ་ནས་རབ་ཏུ་བཤད་བྱ་བཿ འདི་དག་ཀུན་ལ་ངས་བཤད་པའིཿ སྡེ་དཔོན་ཆེན་པོ་རང་གནས་ནསཿ བོད་དང་བཞུག་

104-1-252a

དང་མཉེས་པ་དངཿ བསྟོད་དང་ཐུགས་དམ་བསྐུལ་བ་དགཿ ཚིག་བརྗོད་འདི་ཡིས་བརྟན་པར་བྱཿ ཐུགས་རྗེ་རྣམ་དག་དབྱིངས་ཀྱི་དཀྱིལ་འཁོར་ནསཿ ཆོས་སྐུ་སྟོང་ཉིད་དབྱིངས་ལས་མ་
གཡོས་ཀྱངཿ འཇིག་རྟེན་དྲེགས་པའི་ཚོགས་རྣམས་འདུལ་བའི་ཕྱིརཿ ཁྲོ་ཆེན་དཔའ་གཏུམ་འཇིགས་བྱེད་སྐུར་བསྟན་པཿ ཐུགས་དམ་དགྱེས་བསྐུལ་གསང་བའི་ཡུམ་དང་བཅསཿ མ་རྟོགས་
ཤུགས་ཀྱིས་འདུལ་ཕྱིར་གཤེགས་སུ་གསོལཿ དྲེགས་པའི་དབང་ཕྱུག་འཇིག་རྟེན་ལྷ་ཡི་གཙོཿ འདོད་པའི་ལྷ་མོ་བདེ་ཆེན་འབྱུང་གནས་མཿ འཁོར་ཚོགས་དྲག་ཤུལ་མཐུ་སྟོབས་དཔུང་གི་བདགཿ ཁྲོ་གཏུམ་
གདུག་པའི་རྩལ་འཆང་དཔལ་དང་ལྡནཿ རྡོ་རྗེ་འཆང་གི་བཀའ་བཞིན་རྗེས་སུ་སྒྲུབཿ དམ་ཚིག་རྗེས་དགོངས་གནས་འདིར་གཤེགས་སུ་གསོལཿ བཛྲ་སརྦ་དུཥྚནྟ་ཨ་ཏ་ན་ཡ་ཨེ་ཛ་བྷྱོཿ ཨ་གཙྪ་ས་མ་ཡ་ཧྲིང་ཧྲིངཿ 
དུར་ཁྲོད་གསང་བ་མཆོག་གི་དཀྱིལ་འཁོར་འདིརཿ ལྷ་ཆེན་ཉི་ཟླ་པདྨའི་གདན་སྟེངས་སུཿ བཅོམ་ལྡན་ཁྲོ་རྒྱལ་རྔམ་བརྗིད་འབར་བའི་སྐུཿ ཡབ་ཡུམ་ད་གྱེས་པར་རོལ་ཅིང་བཞུགས་སུ་གསོལཿ སྣང་སྲིད་དྲེགས་པ་
མ་ལུས་དེད་དཔོན་གཙོ། །འདོད་ཁམས་བདག་པོ་དགྱེས་མཛད་ཡུམ་དང་བཅསཿ ལྷ་སྲིན་ཚོགས་ཀྱི་གཙོ་ཆེན་འཁོར་དང་བཅསཿ ཕྲིན་ལས་འཐུན་པའི་གདན་ལ་བཞུགས་སུ་གསོལཿ བཛྲ་སརྦ་དུཥྚན་ཨ་ཏ་ན་ཡ་ཨེ་ཛ་བྷྱོཿ 
ས་མ་ཡ་སྟི་ཏ་བཛྲ་ཧཱུྃ་ཛཿདུས་གསུམ་སངས་རྒྱས་ཐུགས་ཀྱི་སྙིང་པོ་མཆོགཿ ཆོས་ཀྱི་སྐུ་ལས་གཟུགས་སྐུ་འགྲོ་དོན་སྤྲུལཿ ཆེ་བཙན་འགྲན་ཟླ་མེད་པ་ཁྲོ་བོའི་རྗེཿ   དབང་བསྡུད་ཡུམ་དང་བཅས་ལ་ཕྱག་འཚལ་བསྟོདཿ 
ཕྱོགས་བཅུའི་རྒྱལ་བ་མ་ལུས་སྲས་དང་བཅསཿ དམ་བཅས་བསྟན་པའི་ཚུལ་བསྲུང་འཇིག་རྟེན་མགོནཿ ཞིང་བཅུ་སྒྲོལ་མཛད་ཕྲིན་ལས་དྲག་ཤུལ་ཅནཿ སྡེ་དཔོན་སུམ་བཅུའི་ཚོགས་ལ་ཕྱག་འཚལ་ལོ།  ཿ  །བཛྲ་སརྦ་

104-1-252b

དུཥྚན་ཨ་ཏ་ན་ཡ་ཨེ་ཛ་བྷྱོཿ ན་མ་ཨཱ་ར་ལི་ཧོཿ  དཔལ་ཆེན་དྲེགས་པ་ཀུན་འདུལ་ཡབ་ཡུམ་ལཿ སྐུ་གསུང་ཐུགས་མཉེས་མཆོད་པ་འབུལ་བ་ནིཿ གདུགས་དང་རྒྱལ་མཚན་བ་དན་བླ་རེ་དངཿ ཕྲེང་བ་ཕྱེ་མ་ལྡ་ལྡི་ཟ་ར་
ཚགསཿ བདུག་སྤོས་མེ་ཏོག་མར་མེ་ཆབ་བསིལ་དངཿ གཟུགས་མཛེས་སྒྲ་སྙན་དྲི་ཞིམ་རོ་བྲོ་དངཿ རེག་འཇམ་འདོད་ཡོན་མ་ལུས་ཇི་སྙེད་པའིཿ འཕགས་པའི་ཐུན་མོང་མཆོད་ཚོགས་བཞེས་སུ་གསོལཿ ཁྱད་པར་གསང་
བའི་མཆོད་པ་འབུལ་བ་ནིཿ དུས་གསུམ་གནས་སུ་སྦྱངས་པའི་ཤ་རུས་ཁྲགཿ དུག་ལྔ་སྨན་དུ་གྲུབ་པའི་དམ་ཚིག་རྫསཿ སྟོབས་མཆོག་ནུས་པ་བ་ལིང་མཆོད་པ་དངོསཿ ཐུགས་རྗེས་འཐུན་པའི་ངང་གིས་བཞེས་སུ་
གསོལཿ  དཔལ་ཆེན་ཡབ་ཡུམ་བཀའ་བཞིན་རྗེས་སྒྲུབ་པའིཿ དབང་ཕྱུག་ཆེན་པོ་ཡབ་ཡུམ་མངའ་བདག་རྗེཿ  འཇིག་རྟེན་འདས་ཀྱང་འཁོར་བའི་ཆ་ལུགས་འཛིནཿ བཀའ་ཡི་བསྟན་བསྲུངས་སྡེ་དཔོན་སུམ་བཅུ་ལཿ 
འདོད་པའི་ཡོན་ཏན་མཆོད་ཅིང་སྦྱིན་པ་ནིཿ དཀར་དམར་སེར་ལྗང་ལ་སོགས་མདོགཿ ཟླུམ་པོ་གྲུ་བཞི་ལ་སོགས་དབྱིབསཿ ཆེ་ཆུང་སྦོམ་འཕྲ་རིང་ཐུང་ཚདཿ མཛེས་དང་མི་མཛེས་སྡུག་མི་སྡུགཿ འབྱུང་བ་རྟེན་འབྲེལ་
རོལ་མོའི་སྒྲཿ གླུ་ཚིགས་བསྟོད་དབྱངས་སྙན་པའི་ཚིགཿ སྤོས་སྨན་བདུད་རྩི་མེ་ཏོག་དྲིཿ བསྲེག་སུངས་བྃ་སུངས་དྲི་དང་ངདཿ ཁ་མངར་ཚ་སྐྱུར་བསྐ་བ་དངཿ ལན་ཚྭ་སྤོད་དང་བྱེ་སྐྱུ་དངཿ འཇམ་རྩུབ་བསིལ་ཡང་ཚ་
དང་བྲོཿ སོ་སོའི་ཡོན་ཏན་ཚོགས་དང་བཅསཿ འདོད་དགུར་འབུལ་གྱིས་བཞེས་སུ་གསོལཿ བདུད་རྩི་ལྔ་དང་ཤ་ལྔ་དངཿ དོན་སྙིང་ལྔ་དང་འབྱུང་བ་ལྔཿ དབང་པོ་ལྔ་དང་ཡུལ་ལྔ་དངཿ ཕུང་པོ་ལྔ་དང་ནང་རོལ་ལྔཿ 
འཚེ་ཞིང་གསོད་དང་བར་དུ་གཅོདཿ གདུག་པར་སེམས་ཤིང་ལོག་པར་ལྟཿ མི་མཐུན་ཕྱོགས་ལྔར་བཅས་པ་རྣམསཿ སོ་སོར་འབུལ་གྱིས་བཞེས་སུ་གསོལཿ བཛྲ་སརྦ་དུཥྚཱན་ཨ་ཏ་ན་ཡ་ཨེ་ཙ་ཛ་བྷྱོཿ མ་ཧཱ་བ་ལིནྟ༔

104-1-253a

ཨ་མྲྀ་ཏཿ  སུ་ཀ་ཏཿ  མཱྃ་སཿ  རཀྟཿ པི་པ་ཏཿ  བཱ་སུ་ཏཿ  ལ་མ་ཏཿ ཨི་དྃ་གྲྀ་ཧྞནྟུ་ས་མ་དུཿ ཁ་ཁཿཁཱ་ཧི་ཁཱ་ཧིཿ  བཅོམ་ལྡན་དཔལ་ཆེན་དྲེགས་པ་ཀུན་འདུལ་དངཿ ཡུམ་ཆེན་ཁམས་གསུམ་
སྤྱི་འདུལ་འཁོར་བཅས་ཀྱིསཿ སྐུ་མདོག་འགྱུར་མེད་མེ་ལོང་གཟུགས་བརྙན་བཞིནཿ གསལ་ཞིང་རྟོག་མེད་སྣང་བ་མ་འགགས་པཿ སྐུ་ལྔ་ལྷུན་གྲུབ་རྫོགས་པའི་དངོས་གྲུབ་གསོལཿ གསུང་མཆོག་འགག་མེད་བྲག་ཆ་སྒྲ་བརྙན་
བཞིནཿ སྙན་དང་མི་སྙན་གྲགས་སྟོང་ཚངས་པའི་གསུངཿ གསུང་དབྱངས་ནམ་མཁའི་མཐས་ཁྱབ་དངོས་གྲུབ་གསོལཿ ཐུགས་མཆོག་སྤྲོས་བྲལ་བསམ་འདས་ཆོས་ཀྱི་དབྱིངསཿ མི་རྟོག་བདེ་ཆེན་ཐབས་དང་ཤེས་རབ་དངཿ
རྩོལ་མེད་མི་གཡོ་མཆོག་གི་དངོས་གྲུབ་གསོལཿ ཡོན་ཏན་བརྗོད་ཀྱིས་མི་ལང་སྣ་ཚོགས་ཡོདཿ འདས་དང་མ་འདས་མཆོག་དང་ཐུན་མོང་གིཿ གྲུབ་པ་བརྒྱད་དང་མཐར་ཐུག་དངོས་གྲུབ་གསོལཿ འཇིགས་པ་བརྒྱད་སོགས་
ཞི་དང་འབྱོར་པ་རྒྱསཿ ལོག་ལྟ་མོས་པའི་ཚུལ་གྱིས་དབང་དུ་བདུདཿ མངོན་སྤྱོད་དགྲ་བགེགས་འདུལ་བའི་དངོས་གྲུབ་གསོལཿ བཛྲ་སརྦ་དུཥྚཱན་ཨ་ཏ་ན་ཡ་ཨེ་ཛ་ཀཱ་ཡ་སིདྡྷིཿ བཱ་ཀ་སིདྡྷིཿ  ཙིཏྟ་སིདྡྷིཿ  གུ་ཎ་སིདྡྷིཿ ཀརྨྨ་སིདྡྷིཿ
ཧཱུྃ་ཧཱུྃ་ཧཱུྃཿ བཅོམ་ལྡན་དཔལ་ཆེན་དྲེགས་པ་ཀུན་འདུལ་ནིཿ དབུ་དགུ་ཕྱག་ནི་བཅྭ་བརྒྱད་དེཿ སྐུ་མདོག་མཐིང་ནག་ཁྲོ་ཞིང་རྔམཿ གཡས་ཀྱི་ཞལ་གསུམ་སྨུ་ནག་བགྲདཿ གཡོན་གྱི་ཞལ་གསུམ་ཁམ་ནག་གཙིགསཿ 
དབུ་སྐྲ་རལ་པ་མེ་དཔུང་འབརཿ སྤྱན་དགུ་སྡང་མིག་བཟློག་ཅིང་བགྲདཿ ཤངས་ནས་སྲིད་པའི་རླུང་ནག་འཐོརཿ སྙན་ནས་སྟོང་གསུམ་འབྲུག་སྒྲ་འདིརཿ སྨ་ར་ཨག་ཚོམ་མེ་ལྟར་འབརཿ མཆེ་གཙིགས་སྲིད་གསུམ་
རྩ་བ་གཅོདཿ ཕྱག་དགུ་གཡས་གཡོན་དང་པོ་ཡིསཿ རྡོ་རྗེས་ཐོད་ཁྲག་དཀྲུག་ཅིང་གསོལཿ གཡས་ཀྱི་ཕྱག་བརྒྱད་འོག་མ་ནཿ དྲེགས་པའི་ལྷ་བརྒྱད་བསྒྲལ་བ་ཡིཿ གཡང་གཞི་མགོ་བོར་བཅས་ཏེ་བསྣམསཿ གཡོན་

104-1-253b

གྱི་ཕྱག་བརྒྱད་འོག་མ་ནཿ ཀླུ་ཆེན་བརྒྱད་ཀྱི་བན་དྷ་རུཿ དྲེགས་པའི་སྙིང་ཁྲག་བཀང་ནས་གསོལཿ དཔའ་བོའི་ཆས་བརྒྱད་སྐུ་ལ་རྫོགསཿ ཞབས་བརྒྱད་བརྐྱང་བསྐུམ་དོར་སྟབས་ཀྱིསཿ 
ཁམས་གསུམ་བདག་པོ་སྡེ་བཞི་མནནཿ ཡུམ་ཆེན་ཁམས་གསུམ་སྤྱི་འདུལ་མཿ ཞལ་གཅིག་ཕྱག་གཉིས་མཐིང་ནག་སྐུཿ རྡོ་རྗེ་འཕྱར་ཞིང་ཐོད་ཁྲག་སྟོབཿ གཉིས་མེད་ཐུགས་ཀྱི་ཕྲིན་ལས་ཀྱིསཿ འཇིག་རྟེན་དྲེགས་པ་བྲན་
དུ་འཁོལཿ ལྷ་སྲིན་སྡེ་བརྒྱད་ལས་ལ་འགྱེདཿ དགྲ་བགེགས་གདུག་པ་རྩད་ནས་གཅོདཿ ཁྲོ་རྒྱལ་གཙོ་ལ་ཕྱག་འཚལ་བསྟོདཿ དཔལ་གྱི་བཀའ་བཞིན་ལས་མཛད་པའིཿ ལྷ་ཆེན་དབང་ཕྱུག་ཆེན་པོ་ནིཿ ཞལ་
གཅིག་ཕྱག་གཉིས་སྐུ་མདོག་མཐིངཿ ཕྱག་གཡས་གྲི་གུག་ཙིཏྟ་གཡོནཿ ལྷ་མོ་ཨུ་མཱ་དེ་བ་ནིཿ སྐུ་མདོག་མཐིང་ནག་གཙོ་ལ་འདུདཿ ཕྱག་གཡས་རྩེ་གསུམ་ཐོད་ཁྲག་གཡོནཿ སེང་གེ་གླང་ཆེན་གདན་ལ་
བཞུགསཿ སྡེ་དཔོན་དྲེགས་པ་ཀུན་གྱི་གཙོཿ ཡབ་ཡུམ་སྐུ་ལ་ཕྱག་འཚལ་བསྟོདཿ བདུད་ཀྱི་རྒྱལ་པོའི་སྡེ་དཔོན་ནིཿ ཁྲམ་ཤིང་གཡས་ལ་དགྲ་སྟ་གཡོནཿ བདུད་རྟ་ནག་པོའི་ཁྲི་ལ་བཞུགསཿ སྦྱོར་ཡུམ་བདུད་
མོ་རེ་མ་ཏིཿ  ཁྲག་བམ་གཡས་ལ་ནད་རྐྱལ་གཡོནཿ བོང་བུ་གྭ་དམར་གདན་ལ་བཞུགསཿ གཤིན་རྗེའི་སྡེ་དཔོན་ཆེན་པོ་ནིཿ བེ་ཅོན་གཡས་ལ་ཐོད་དབྱུག་གཡོནཿ སྦྱོར་ཡུམ་གཤིན་རྗེ་ཟ་བྱེད་མོཿ ཕྱག་གཉིས་
སྲིད་པའི་འཁོར་ལོ་སྐོརཿ  ཡབ་ཡུམ་མ་ཧེ་ཆུ་གླང་གནོནཿ སྲིན་པོའི་སྡེ་དཔོན་གློག་ཕྲེང་ཅནཿ ཕྱག་གཉིས་ཐོག་སེར་འདྲིལ་ཞིང་འཕེནཿ སྲིན་མོ་སྦལ་མགོ་ཁྲག་མིག་མཿ ཕྱག་གཡས་ཕུར་པ་ཁྲག་ཕོར་གཡོནཿ 
ཡབ་ཡུམ་འབྲུག་དང་རྔ་མོ་གནོནཿ གནོད་སྦྱིན་སྡེ་དཔོན་མེ་སྦལ་ནིཿ ཕྱག་གཡས་རིན་ཆེན་གཡོན་རལ་གྲིཿ སྦྱོར་ཡུམ་གནོད་སྦྱིན་ནག་མོ་ནིཿ ཕྱག་གཡས་སྤུ་གྲི་གཡོན་སྦྱང་མོཿ སྟག་སེང་ཕག་མོ་ཞབས་ཀྱིས་མནནཿ

104-1-254a

བཟའ་བདུད་དེད་དཔོན་ཆེན་པོ་ནིཿ ཕྱག་གཡས་མདའ་གཞུ་གཡོན་སྦྲུལ་ཞགསཿ སྐུ་སྨད་སྦྲུལ་འཁྲིལ་འབྲུག་ཆེན་གནོནཿ སྦྱོར་ཡུམ་ཐོག་གི་བུ་ཡུག་ཅནཿ གཡས་གཡོན་ཕྱག་གིས་ཐོག་སེར་འབེབསཿ ཀླུ་རྒྱན་དེད་
དཔོན་ཆེན་པོ་ནིཿ ཕྱག་གཡས་སྦྲུལ་ཞགས་གཡོན་ནད་རྐྱལཿ སྦྱོར་ཡུམ་ཀླུ་མོ་ནག་མོ་ནིཿ སྦྲུལ་མགོ་ཕྱག་མཚན་ཡབ་ཀྱི་ཚུལཿ ཡབ་ཡུམ་ཆུ་སྲིན་རུས་སྦལ་གནོནཿ ཕྱོགས་བཞི་སྟེང་འོག་གནས་བཞུགས་
པའིཿ དྲེགས་པའི་དེད་དཔོན་འདི་དག་ནིཿ ཀུན་ཀྱང་སྐུ་མདོག་མཐིང་ནག་ལཿ འཁྲོས་པའི་ཆ་བྱད་འཇིགས་ཚུལ་ཅནཿ དུར་ཁྲོད་གཡང་གཞིའི་ཆས་ཀྱིས་བརྒྱནཿ རང་གི་ཚོགས་འདུས་འཕྲིན་ལས་མཛདཿ ཡབ་
ཡུམ་བཅས་ལ་ཕྱག་འཆལ་བསྟོདཿ གནོད་སྦྱིན་ལྷ་ཡི་རྒྱལ་པོ་ནིཿ ཤེལ་གྲི་བ་དན་དཀར་པོ་འཛིནཿ རྒོད་དཀར་རུ་བཟང་ཞབས་ཀྱིས་མནནཿ གནམ་རྒྱལ་ཆེན་པོ་དེད་དཔོན་ནིཿ ཕྱག་གཡས་ལྡན་དཀར་གཡོན་
ཤེལ་གྲིཿ རྟ་དཀར་རྡོག་དམར་ཞབས་ཀྱིས་མནནཿ སྤྱི་བདུད་རྒྱལ་པོ་གུ་རུམ་རྩེཿ ཕྱག་གཡས་བ་དན་གཡོན་ཤེལ་གྲིཿ ཞབས་གཉིས་རྡོ་རྟ་རྡོ་བོ་གནོནཿ དཀར་པོའི་དེད་དཔོན་ཆེན་པོ་གསུམཿ ཤར་ཕྱོགས་
གནས་ལ་ཕྱག་འཆལ་བསྟོདཿ སྲིད་པའི་མ་མོ་དེད་དཔོན་མོཿ འཁོར་ལོ་གཡས་ལ་མེ་ལོང་གཡོནཿ ཞབས་གཉིས་འབྲུག་མོ་མགོ་དགུ་གནོནཿ སྔགས་ཀྱི་བསྲུངས་མ་ཆེན་མོ་ནིཿ ཙིཏྟ་གཡས་ལ་སྤྱང་མོ་གཡོནཿ 
དྲེ་རྟ་ནག་མོ་ཞབས་ཀྱིས་གནོནཿ མཁའ་འགྲོ་ནག་མོ་འགྱོགས་བྱེད་མཿ རྒྱུ་ཞགས་གཡས་ལ་མཚོན་གྲུ་གཡོནཿ སོ་བྱ་ནག་པོ་ཞབས་ཀྱིས་གནོནཿ ནག་མོའི་དེད་དཔོན་མ་མོ་གསུམཿ ལྷོ་ཕྱོགས་གནས་ལ་
ཕྱག་འཚལ་བསྟོདཿ རྡོ་རྗེ་བདུད་འདུལ་ནག་པོ་ནིཿ གཡས་གཡོན་ཕྱག་གིས་ཐུན་ཁྲག་འཕེནཿ བྲག་བཙན་སྲོག་ཟན་དམར་པོ་ནིཿ མདའ་གཞུ་འཕེན་ཞིང་དར་དམར་འཕྱརཿ ཆེ་བཙན་འགོང་རྒྱལ་ཆེན་པོ་ནིཿ

104-1-254b

ཤག་ལང་དང་ནི་ཞགས་པ་འཛིནཿ དམར་པོའི་དེད་དཔོན་རྒྱལ་པོ་གསུམཿ ཀུན་ཀྱང་རྟ་དམར་ཞབས་ཀྱིས་གནོནཿ ནུབ་ཕྱོགས་སྐྱོང་ལ་ཕྱག་འཚལ་བསྟོདཿ བི་ནཱ་ཡ་ཀ་བགེགས་ཀྱི་རྒྱལཿ ཕྱག་གཡས་ཁ་ཊྭཱྃ་གཡོན་ཐོད་
ཁྲགཿ ཕྱི་རོལ་སྐྱོང་བའི་མུ་སྟེགས་གཙོཿ ཏྲི་ཤུྰལ་གཡས་ལ་ཐོང་ཁྲག་གཡོནཿ རྨུ་བདུད་ཆེན་པོ་ཕྲག་མེད་ནིཿ མདའ་གཞུ་དང་ནི་ཤང་ལང་འཛིནཿ ནག་པོའི་ཚོགས་ཀྱི་དེད་དཔོན་གསུམཿ བདུད་རྟ་ནག་པོ་ཞབས་ཀྱིས་
གནོནཿ བྱང་ཕྱོགས་གནས་ལ་ཕྱག་འཚལ་བསྟོདཿ ཚངས་པའི་རྒྱལ་པོ་སྲོག་གི་བདགཿ སྤུ་གྲི་གཡས་ལ་ཉི་ཞགས་གཡོནཿ སེང་གེ་དཀར་པོ་ཞབས་ཀྱིས་གནོནཿ བདུད་ཀྱི་རྒྱལ་པོ་ནོར་གྱི་བདགཿ བདུད་ཞགས་གཡས་
ལ་སྤུ་གྲི་གཡོནཿ བན་གླང་སྣ་རིངས་ཞབས་ཀྱིས་གནོནཿ སྐུ་ལྷའི་རྒྱལ་པོ་ཡུལ་གྱི་བདགཿ ཕྱག་གཡས་རྡོ་རྗེ་གཡོན་པ་དནཿ ར་དཀར་གནམ་རུ་ཞབས་ཀྱིས་གནོནཿ ནག་པོ་ཆེན་པོ་ཚོགས་ཀྱི་བདགཿ ཕྱག་གཡས་བེ་ཅོན་
གཡོན་ཐོད་ཁྲགཿ རྟ་ནག་མགྱོགས་པ་ཞབས་ཀྱིས་གནོནཿ ཕྱོགས་ཀྱི་སྡེ་དཔོན་ཆེན་པོ་བཞིཿ སྐུ་མདོག་དཀར་སེར་དམར་ནག་མཛེསཿ སྒོ་བཞིར་གནས་ལ་ཕྱག་འཚལ་བསྟོདཿ སྡེ་དཔོན་དྲེགས་པ་འདི་དག་ནིཿ ཁྲོ་ཞིང་གཏུམ་
པའི་ཚུལ་འཆང་ཞིངཿ ན་བཟའ་གཡང་གཞི་འཇིགས་པའི་ཆསཿ སྣ་ཚོགས་མཛེས་པའི་རྒྱན་དང་ལྡནཿ རང་གི་འཁོར་གཡོག་ཚོགས་ཀྱིས་སྐོརཿ   སྤྲུལ་པའི་ཆོ་འཕྲུལ་བསམ་མི་ཁྱབཿ མཆོད་བསྟོད་ཆེན་པོས་ཁྱེད་སྒྲུབས་
ནཿ སོ་སོའི་ཚོགས་འདུལ་ཕྲིན་ལས་མཛོདཿ ཞེས་བརྗོད་ཏིང་འཛིན་ལྡན་པ་ཡིསཿ དྲེགས་པའི་དེད་དཔོན་མཆོད་ཅིང་བསྟོདཿ འདི་ལྟར་སྤྱོད་པའི་རྣལ་འབྱོར་གྱིསཿ འཇིག་རྟེན་གཙོ་བདག་གཞུང་བཞིན་སྒྲུབཿ  རྡོ་རྗེ་འཛིན་
དང་གཉིས་སུ་མེདཿ ཞེས་བཀའ་སྩལ་ཏོ།   ཿ འཇིག་རྟེན་གྱི་དེད་དཔོན་ཉེ་བར་བསྒྲུབ་པ་རྡོ་རྗེའི་དམ་ཚིག་མཆོད་བསྟོད་ཀྱི་ལེའུ་སྟེཿ    གསུམ་པའོ།། །། དེ་ནས་རབ་ཏུ་བཤད་བྱ་བཿ

104-1-255a

འཇིག་རྟེན་དྲེགས་པ་དབང་སྡུད་ཅིངཿ ཚར་གཅད་ལས་ལ་སྐོལ་བའི་ཕྱིརཿ བྱིན་བརླབས་གནས་པའི་དབང་བསྐུར་བཤདཿ གསང་ཞིང་དབེན་པའི་གནས་དག་ཏུཿ སྔར་བཤད་ལས་ཀྱི་
ཕོ་བྲང་བཤམ། །ཡོ་བྱད་རྫས་ཀྱི་ཁྱད་པར་འཕགསཿ མ་ལུས་པར་ནི་གཟུང་བར་བྱཿ རྡོ་རྗེ་འཆང་བ་རྗེས་འབྲང་བཅསཿ མཚན་ཉིད་ལྡན་པ་མངོན་སུམ་སྦྱརཿ དུས་ཀྱི་གྲངས་དང་མཚན་མའི་རྟགསཿ 
བསྙེན་པའི་ལུང་བཞིན་བརྩོན་པར་འབདཿ གཟུགས་བརྙན་བདག་པོ་སློབ་མ་རྣམསཿ ཁྱད་པར་གནས་པའི་སྟ་གོན་བྱཿ བྲིས་དང་སྐོས་པ་ལ་སོགས་པའིཿ སྡེ་དཔོན་རྣམས་ཀྱིས་གཟུགས་བརྙན་དངཿ   ཕུར་པ་
གྲངས་དང་མཉམ་པར་དགྲམཿ གཞན་ཡང་བུམ་པ་མཆོད་གཏོར་དངཿ དུག་གཏོར་ཐུན་གཏོར་ཐུན་རྫས་དངཿ ཤ་ཁྲག་བཤོས་ཆང་བཟའ་བཏུང་སོགསཿ རྒྱལ་མཚན་བ་དན་མདའ་དང་གཞུཿ དཔའ་བའི་ཆས་
དང་རོལ་མོའི་སྒྲཿ རབ་ཏུ་བརྡར་ཞིང་མཛེས་པར་བཤམཿ རྡོ་རྗེ་འཛིན་པས་ཏིང་འཛིན་བསརཿ ལས་ཀྱི་རྒྱལ་པོས་མཆོད་བསྟོད་བྱཿ རྒྱུ་དང་མདངས་ཀྱིས་ཐུགས་དམ་བཀངཿ བཤགས་དྲལ་བཅུགས་སྤྱང་དབབ་པ་
བྱཿ མོས་ཤིང་སྤྲོས་བདག་དང་བ་ཡིསཿ བདུད་འདུལ་གཙོ་ལ་སྐྱབས་སུ་འགྲོཿ བསྟན་པ་བསྲུང་བར་སེམས་བསྐྱེད་དེཿ བླ་མ་སངས་རྒྱས་རྡོ་རྗེ་འཛིནཿ ཧེ་རུ་ཀ་དང་གཉིས་མེད་ལཿ གདུག་བྱེད་ལོག་ལྟ་འདུལ་ནུས་པའིཿ 
མཐུ་དབང་ཆེན་པོའི་གཞུང་འཚལ་གྱིཿ བརྩེ་བའི་ཐུགས་ཀྱིས་དགོངས་ནས་ནིཿ དཀྱིལ་འཁོར་དམ་པར་གཞུག་ཏུ་གསོལཿ ཉོན་ཅིག་སྐལ་ལྡན་རིགས་ཀྱི་བུཿ  དུས་གསུམ་སངས་རྒྱས་སྐུ་གསུང་ཐུགསཿ གནས་པའི་
བསྟན་པ་བསྲུང་བའི་ཕྱིརཿ སྤྲོ་བས་འཇུག་པ་ཁྱོད་ལགས་ཀྱིསཿ མངོན་སྤྱོད་བརྟུལ་ཞུགས་དམ་པ་ཡིསཿ དམ་ཚིག་ཆེན་པོའི་སར་འདུག་ཤོགཿ མགོན་པོ་ཧེ་རུ་ཀ་དཔལ་རྗེཿ འདུལ་བའི་འཁོར་ཚོགས་བཅས་པ་

104-1-255b

ཡིཿ དྲག་ཤཱུལ་སྤྱོད་པའི་ཕོ་བྲང་དུཿ མཛེས་པའི་མེ་ཏོག་བདག་དབུལ་གྱིསཿ རྡོ་རྗེ་དམ་ཚིག་འདི་བཞེས་ལཿ དྲེགས་པ་འདུལ་ནུས་དངོས་གྲུབ་སྩོལཿ པྲ་ཏི་གྲྀཧྞ་པུཥྤ་ཧཱུྃཿདཔལ་ལྡན་རྡོ་རྗེ་འཆང་པའིཿ 
རྗེས་འཇུག་རིགས་ཀྱི་བུ་ཁྱོད་ནིཿ ཐོག་མ་མེད་ནས་ད་ལྟའི་བརཿ བསྟན་པ་བསྲུང་བའི་སྐལ་ལྡན་ཏེཿ སྡེ་དཔོན་དབང་ཆེན་དཀྱིལ་འཁོར་འདིརཿ བསྟན་ལ་རབ་དགའ་སེམས་ཀྱིས་ལྟོསཿ བཛྲ་ཡ་ས་མ་ཡ་མ་དྷ་ལ་
ཙག་ཤུ་པྲ་བེ་ཤ་ཡ་ཕཊཿ རྡོ་རྗེ་བདུད་རྩི་དམ་ཚིག་ཆུཿ འདི་ལས་དུས་གསུམ་འདའ་མི་བྱཿ གྲུབ་པའི་འབྲས་བུ་གཉིས་ཡིན་ཏེཿ ཚུལ་བཞིན་མི་འདའ་བྲོས་དོར་ཅིགཿ མ་ཧཱ་ས་མ་ཡ་ཨི་ད་ནྟེ་ནཱ་ར་ཀཱན་ཥཱ་བ་མི་ལྃཿ
རྡོ་རྗེ་འཛིན་པ་བཀའ་དྲིན་ཆེཿ  ཐུགས་རྗེས་རྟག་ཏུ་བྱིན་བརླབ་ཕྱིརཿ འདི་ནས་རྫོགས་སངས་རྒྱས་ཀྱི་བརཿ མཐུ་སྟོབས་དངོས་གྲུབ་སྩལ་དུ་གསོལཿ བཛྲ་ས་མ་ཡ་ཙིཏྟ་སིདྡྷི་སིདྡྷི་ཧཱུྃཿ ཐོག་མའི་སངས་རྒྱས་སྲས་
བཅས་ཀྱིཿ རྗེས་སུ་སྒྲུབ་པ་བདག་ཡིན་གྱིསཿ   འཇིག་རྟེན་འདས་དང་མ་འདས་པའིཿ ལྷ་དང་དྲེགས་པ་མཐུ་སྟོབས་ཅནཿ གཙོ་དང་འཁྲོ་དུ་བཅས་རྣམས་ཀྱིསཿ སྐུ་གསུང་ཐུགས་ཀྱི་དམ་ཚིག་དགོངསཿ རྡོ་རྗེ་སློབ་
མ་རིག་འཛིན་ལཿ དབང་བསྐུར་དངོས་གྲུབ་རྩོལ་མཛད་པཿ ནུས་ཆེན་རྟགས་མཚན་བསྟན་དུ་གསོལཿ རྡོ་རྗེ་འཛིན་པ་དཔལ་ལྡན་གྱིསཿ ཁྲི་སྟན་ཆེན་པོའི་སྟེང་འདུག་ལཿ སྣོད་ལྡན་སློབ་མ་མདུན་བཞག་སྟེཿ 
དཀྱིལ་འཁོར་གནས་པའི་བུམ་པ་ཡིསཿ སྐུ་གསུང་ཐུགས་སུ་དབང་བསྐུར་བྱཿ གཉེན་པོ་གཙོ་དང་གདུལ་བྱའི་ཡུལཿ དྲེགས་ཆེན་ཡབ་ཡུམ་འཁོར་བཅས་ཀྱིཿ མཛེས་པའི་སྐུ་གཟུགས་སྐུ་ཡི་དབངཿ སོ་
སོའི་ཚིག་བསྟོད་སྙིང་པོ་དངཿ སྨོན་ལམ་བཅས་པ་གསུང་གིའོཿ རང་རྒྱུད་གནས་དག་དོན་རྟགས་ཀྱིསཿ ཆོས་སྐུར་དབང་བསྐུར་ཐུགས་ཀྱིའོཿ རིགས་སྦྱངས་སྟོབས་ལ་ངང་གི་གསལཿ ཕུར་པ་དྲག་

104-1-256a

ཤུལ་རྫས་ཀྱི་དབངཿ མཆོད་གཏོར་བཤོས་ཆ་སྐུ་གསུང་ཐུགསཿ མ་ལུས་མཉེས་པར་བྱེད་པས་ཏེཿ ཡོ་བྱད་ཚོགས་ཀྱི་ལོངས་སྤྱོད་སྤེལཿ རྒྱལ་མཚན་བ་དན་སྒྲ་
དང་བཅསཿ དུས་རྣམས་ཀུན་ཏུ་མངའ་ཐང་རྒྱསཿ ཤ་ཁྲག་དུག་གཏོར་ཐུན་རྫས་རྣམསཿ དྲེགས་པའི་དེད་དཔོན་དབང་སྡུད་ཅིངཿ ཕོ་ཉ་ཕྲིན་ལས་བསྐུལ་མཛད་དེཿ མངོན་སྤྱོད་གདུག་པ་ཚར་གཅོད་དབངཿ 
འདི་དག་ཀྱང་ནི་གཟུགས་བརྙན་སྒྲཿ དོན་ངོ་ཤེས་པས་དབང་བསྐུར་ཏེཿ ཆོས་སྐུ་སྤྱི་དང་དྲེགས་པ་ཡིཿ སྡེ་དཔོན་སོ་སོའི་དམ་ཚིག་རྩལཿ ཐུགས་རྗེ་དང་ནི་རྟོགས་པ་ཡིསཿ རང་བཞིན་དོན་གྱིས་སྒྲོལ་བྱེད་པའིཿ 
དཔག་མེད་དོན་ཆེན་འདིར་འདུས་ཏེཿ ཐ་དད་མི་གནས་ཅིག་ཡིན་ནོཿ གཟུང་དང་འཛིན་པའི་བདག་ཉིད་ཀྱིསཿ ཕྱི་ནང་འཁོར་བཅས་སོ་སོར་སྣངཿ མ་ལུས་དབང་བསྡུ་ཟིལ་མནན་ཕྱིརཿ སོ་སོའི་སྙིང་པོ་ཚད་ཀྱིས་
སྟིམཿ ང་རྒྱལ་བརྟན་པོ་མདུན་དུ་སྐྱེསཿ དོན་སྙིང་ཤ་རུས་ཁྲག་སོགས་བཟའཿ དུས་གསུམ་ཚར་གཅད་དབྱིངས་ནས་དབྱུངཿ གཟུགས་བརྙན་སྟིམས་ལ་རབ་ཏུ་གསལཿ དབང་བསྡུ་ལས་བཅོལ་འདུལ་བའི་
ཕྱིརཿ ཞབས་འོག་མནན་ཏེ་བྲན་བཞིན་བསྒོཿ དམ་ཚིག་རྫས་མཆོད་སྔར་བཞིན་གསོཿ དམ་ཚིག་དབབ་ཅིང་བསྟོད་སྐུལ་བཅོལཿ འཇིག་རྟེན་ལྷ་སྲིན་ཁྱེད་རྣམས་ཀྱངཿ ང་དང་སངས་རྒྱས་ཐམས་ཅད་ཀྱིསཿ 
ཞལ་མཐོང་ལུང་བསྟན་མཆོག་བསྩལ་པཿ སྲིད་པའི་ས་བོན་ཕྲ་མོ་ཡིསཿ ད་རུང་འཇིག་རྟེན་ལས་ལ་སྤྱོདཿ རང་རྒྱུ་ད་རྩུབ་མོས་ཕན་གནོད་སྦྱོརཿ ང་ནི་བཀའ་ཡི་དམ་ཚིག་བཟུངཿ མ་འོངས་དུས་ན་བསྒྲུབ་བྱ་དངཿ 
སྒྲུབ་པར་བྱེད་པ་དེ་དག་དངཿ མཉམ་པར་ཀུན་ལ་དབང་སྒྱུར་ཏེཿ ཆོས་ཉིད་རིག་པའི་རྒྱལ་པོ་རྫོགསཿ ཐེག་མཆོག་མ་འདྲེས་ཅིར་ཡང་སྟོནཿ མ་ལུས་མྱུར་དུ་རྫོགས་བྱའི་ཕྱིརཿ རྒྱལ་ཚབ་སྤྱི་བོར་བཞག་

104-1-256b

གནས་པཿ ཀུན་ཏུ་བཟང་པོ་ཉིད་ཐོབ་འགྱུར་ཞེས་བཀའ་སྩལ་ཏོ། །འཇིག་རྟེན་གྱི་སྡེ་དཔོན་ཆེན་པོ་ཉེ་བར་བསྒྲུབ་པའི་རྡོ་རྗེ་དམ་ཚིག་ཆེན་པོའི་དཀྱིལ་འཁོར་དུ་དབང་བསྐུར་བའི་ལེའུ་སྟེཿ
བཞི་པའོ།། ༓ །།  དེ་ནས་རབ་ཏུ་བཤད་བྱ་བ། དྲེགས་པའི་འཁོར་ཚོགས་མཉེས་བྱའི་ཕྱིར། །འཐུན་རྫས་གཟུགས་ཀྱིས་བཀང་བ་ནི།   །རི་བོའི་རྩེ་མོའི་ཆུ་བོའི་མདོ། །འཇིག་
རྟེན་དབང་ཕྱུག་འདུ་གནས་སུཿ སྐལ་མེད་ཡུལ་ལ་མཆོད་སྦྱིན་གནསཿ ཐོད་མཁར་རིའུ་མིག་དགུ་སོགས་སམཿ ཡང་ན་གླིང་བཞི་རི་རབ་བརྩིགཿ འབྲུ་དང་ཤ་ཁྲག་སྣ་ཚོགས་པཿ རིན་ཆེན་སྤོས་སྨན་མེ་ཏོག་
སྩལཿ དྲེགས་པ་བདག་པོ་སོ་སོ་ཡིཿ གཟུགས་བརྙན་རང་གི་འཁོར་དང་བཅསཿ སྐུ་མདོག་ཕྱག་མཚན་ཡོངས་རྫོགས་ཤིངཿ རང་གི་གདན་ཁྲི་བཞོན་པར་བཅིབསཿ རི་རབ་ཐོད་མཁར་ཡང་སྟེངས་སུཿ ལྷ་
ཆེན་ཡབ་ཡུམ་འཁོར་བཅས་བཞུགསཿ བང་རིམ་རེའུ་མིག་དང་པོ་གསུམཿ བདུད་དང་གཤིན་རྗེ་སྲིན་པོ་དངཿ གནོད་སྦྱིན་གཟའ་དང་ཀླུ་རྣམས་ཀྱིཿ སྡེ་དཔོན་ཡབ་ཡུམ་འཁོར་བཅས་དགོདཿ གཉིས་པོ་ལ་
ནི་དཀར་པོ་དངཿ ནག་པོ་དམར་པོ་ནག་པོའོཿ སྡེ་དཔོན་བཅུ་གཉིས་གནས་སུ་བྱཿ གསུམ་པའི་ཕྱོགས་བཞིར་སྒོ་བསྲུངས་བཞིཿ འཁོར་བཅས་རང་གི་གནས་སུ་དགོདཿ ཐ་མ་གསུམ་འམ་བཞི་པ་ལཿ 
ཕྱི་ནང་གསང་བ་སྦས་པ་ལཿ གསང་བའི་གཏེར་དང་དྲག་པོ་སྔགསཿ ལས་བྱེད་བཏགས་ཆགས་ལྷ་མ་སྲིནཿ སྡེ་བརྒྱད་གཟུགས་བརྙན་གནས་སུ་དགོདཿ གཙོ་ཆེན་སུམ་བཅུའི་འཐུན་རྫས་ནིཿ རང་གི་
གདན་ནམ་ཞོན་པ་ཡིཿ སྲོག་ཆགས་གཟུགས་ནི་ལྔ་འམ་བཅུཿ བརྒྱ་འམ་སྟོང་ངམ་གྲུབ་ཚད་བྱཿ སྐྱེས་པ་བུད་མེད་གླང་ཆེན་རྟཿ   བན་གླང་ར་ལུག་བྱ་ར་ཁྱིཿ ལོངས་སྤྱོད་སྐོར་རྫས་སྔར་བཞིན་ནོཿ སྡེ་བརྒྱད་

104-1-257a

ཕལ་པ་ཀུན་ལ་ནིཿ ཤེས་ལྡན་མི་དང་བྱོལ་སོང་སྟེཿ འདབ་ཆགས་གཅན་ཟན་རི་དགས་དངཿ ས་ཆུར་གནས་དང་དུད་འགྲོའི་ཚོགསཿ མཐོང་ཐོས་དྲན་པ་རྣམས་ཀྱི་གཟུགསཿ ཇི་ལྟར་ནུས་པའི་གྲངས་ཀྱིས་སྐོར། །
འདི་དག་བཀང་བའི་ཡོ་བྱད་ནིཿ འགྲོ་བའི་གླུད་དུ་འབུལ་བ་ནིཿ རིན་ཆེན་ངར་མི་བརྒྱན་ལྡན་དངཿ ནམ་མཁའ་སེམས་ཀྱི་གཟུགས་བརྙན་དངཿ སྐུ་གསུང་ཐུགས་ལྡན་རྒྱང་བུ་དངཿ ཤིང་གླུད་ཡུལ་འཁོར་མཚོན་པ་དངཿ སྐྱེས་
པ་བུད་མེད་ཕྱག་ཆ་དངཿ རྒྱལ་མཚན་བ་དན་རུ་མཚོན་རྣམསཿ དྲེགས་པ་སོ་སོའི་སྐུ་མདོག་དངཿ འཐུན་པ་གྲངས་མཉམ་གནས་སུ་དགོདཿ མཆོད་གཏོར་བཤོས་ཆ་མར་མེ་དངཿ གླིང་ཚད་ཆུང་དུ་དེ་བཞིན་ནོཿ བཟློག་བསད་
དྲག་པོ་ཟོར་གྱི་རྫསཿ སྦྱིན་པའི་ས་ལ་ཟོར་ཕོར་དུཿ གྲུ་གསུམ་མཉམ་བྱས་དུག་ཁྲག་དངཿ ཐུན་རྫས་སྣ་ཚོགས་བཙལ་བ་དངཿ གདུག་པའི་ཤིང་གི་རྩངས་ཕུར་དངཿ བནྡྷ་དུག་ཐུན་གཏོར་མར་བཅསཿ བཞི་བརྒྱད་བཅུ་དྲུག་སུམ་བཅུ་གཉིསཿ 
ཅི་རིགས་སྦྱར་ཏེ་མཛེས་པར་དགོདཿ སྟེང་དུ་ཞིང་ལྤགས་གཡང་གཞི་འམཿ དར་ནག་མཚོན་སྐུད་གདུགས་ཀྱིས་དབུབཿ ཐ་མར་རས་བཟང་ཡོལ་བས་བྲེཿ དེ་ནས་རྡོ་རྗེ་འཛིན་པ་ཡིསཿ གཙོ་ཆེན་སྐྱེད་ཅིང་རྫོགས་པ་
དངཿ དྲེགས་པ་མཆོད་བསྟོད་མཉེས་བྱས་ནསཿ གཟུགས་བརྙན་འཐུན་རྫས་སྔོ་བ་ནིཿ རྣལ་འབྱོར་ཏིང་འཛིན་ང་རྒྱལ་གསརཿ   བདུད་རྩི་མཆོད་སྐྱེམས་རཀྟ་སྦྲེངཿ ཤ་ཆེན་སྤོས་ཀྱི་དྲི་བསུང་འབུལཿ རྔ་ཆེན་གླིང་བུ་རོལ་མོ་
སྒྲ་ཆེན་སྒྲགསཿ མདའ་ཆེན་བ་དན་ནག་པོས་གཡབཿ ཧཱུྃ་ང་ནི་དཔལ་ཆེན་ཧེ་རུ་ཀཿ གདུལ་དཀའ་མ་ལུས་འདུལ་བར་བྱེདཿ འཇིག་རྟེན་དྲེགས་པ་ཟས་སུ་ཟཿ   ཁམས་གསུམ་སྲིད་གསུམ་ང་ཡི་དབངཿ   སྣང་སྲིད་འཁོར་འདས་
ང་ཡི་བྲནཿ ང་ཡི་བཀའ་བཞིན་འདིར་འདུས་ཤིགཿ ཉོན་མོངས་དབང་གི་དྲེགས་པ་ཡིཿ ལྷ་བདུད་གཤིན་རྗེ་སྲིན་པོ་དངཿ གནོད་སྦྱིན་གཟའ་ཀླུ་རྒྱལ་པོ་དངཿ གིང་དང་མ་མོ་ལྷ་བཙན་དངཿ རང་གི་སྡེ་དང་གཡོག་དུ་བཅསཿ དམ་

104-1-257b

ཚིག་དབང་གིས་གནས་འདིར་བཞུགསཿ འཐུན་པའི་རྫས་ཀྱིས་ཐུགས་དམ་སྐོངསཿ རི་རབ་ཆེན་པོའི་ཡང་སྟེངས་ནསཿ ལྷ་ཆེན་དབང་ཕྱུག་ཆེན་པོ་བཞེངསཿ བཙུན་མོ་ཨུ་མ་དེ་བ་བཞེངསཿ ན་བཟའ་དར་ནག་བེར་ཆེན་
གསོལཿ ཆིབས་སུ་སེང་གེ་གླང་ཆེན་ཆིབསཿ ཁྱོད་ཀྱི་ཆོ་འཕྲུལ་སྟོན་པ་ནིཿ གཡས་ན་ཕོ་རྒྱུད་ཕོ་ཉར་འགྱེདཿ གཡོན་ན་ཕོ་རྒྱུད་ལས་ལ་འཁོལཿ འཁོར་དུ་འཇིག་རྟེན་དྲེགས་པས་སྐོརཿ དམ་ཚིག་དབང་གིས་གནས་འདིར་བཞུགསཿ 
འཐུན་པའི་རྫས་ཀྱིས་ཐུགས་དམ་བསྐང་། །རྩལ་གྱི་རྒྱལ་པོ་སེང་གེ་དངཿ སྟོབས་ཀྱི་རྒྱལ་པོ་གླང་ཆེན་དངཿ ཤེས་ལྡན་མི་དང་ཅང་ཤེས་རྟཿ  ཐེག་ཆེན་གླང་དང་འདོད་འཇོའི་བཿ རིན་ཆེན་ལུག་དང་གཙང་ལྡན་དངཿ  ཐོས་གསང་ཁྱི་དང་
མཁའ་ལྡིང་བྱཿ ཁྱེད་ཀྱིས་བཞེས་པའི་སྐོར་དུ་འབུལཿ རིན་ཆེན་བརྒྱན་ལྡན་དར་མི་དངཿ སེམས་ཀྱི་གཟུགས་བརྙན་ནམ་མཁའ་དངཿ སྐུ་གསུང་ཐུགས་ལྡན་རྒྱང་བུ་དངཿ ཤིང་རིས་ཡུལ་མཁར་མཚོན་པ་དངཿ ཕོ་གླུད་མདའ་དང་
མོ་གླུད་འཕངཿ རྒྱལ་མཚན་བ་དན་རུ་མཚོན་རྣམསཿ ཉིད་ཀྱི་སྐུ་མདོག་དང་འཐུན་པའིཿ རྣལ་འབྱོར་རྣམས་ཀྱི་གླུད་དུ་འབུལཿ དམ་རྫས་སྦྱར་བའི་མཆོད་གཏོར་དངཿ འཐུན་རྫས་ལྡན་པའི་བཤོས་ཆ་དངཿ སྣང་གསལ་འོད་ལྡན་
མར་མེ་དངཿ རྒྱན་ལྡན་མཛེས་པའི་གླིང་ཚད་དངཿ མཛེས་པའི་གཟུགས་དང་སྙན་པའི་སྒྲཿ   ཞིམ་པའི་དྲི་དང་བདའ་བའི་རོཿ ཁྱེད་ཀྱི་ཐུགས་དམ་བཀང་ཕྱིར་འབུལཿ ལྷ་ཆེན་ཡབ་ཡུམ་འཁོར་དང་བཅསཿ སྔོན་གྱི་དམ་ཚིག་རྗེས་དགོངས་
ཏེཿ མདོས་གླུད་འཐུན་རྫས་བཞེད་པའི་སྐོརཿ སྣ་ཚོགས་སྦྱར་བ་འདི་བཞེས་ལཿ སངས་རྒྱས་བསྟན་པ་ཁྱེད་ཀྱིས་བསྲུངསཿ དཀོན་མཆོག་དབུ་འཕང་ཁྱོད་ཀྱིས་བསྟོདཿ རྣལ་འབྱོར་སྐུ་དགྲ་ཁྱེད་ཀྱིས་སྒྲོལཿ སྒྲུབ་པ་པོ་ལ་བར་གཅོད་པའིཿ 
སྟོང་ཕྲག་བརྒྱད་བཅུའི་བགེགས་རིགས་རྣམསཿ བཞི་བརྒྱ་རྩ་བཞིའི་ནད་རྣམས་དངཿ གློ་བུར་གནོད་པ་བརྒྱད་བཅུ་ཅིགཿ ཡེ་འདྲོག་སུམ་བརྒྱ་དྲུག་བཅུའི་ཚོགསཿ དུས་མིན་འཆི་བ་རྣམ་བརྒྱད་དངཿ གཤིས་ངན་འགུམ་པ་བཅྭ་ལྔ་དངཿ

104-1-258a

གཟུགས་ཅན་དགྲ་དང་གཟུགས་མེད་བགེགསཿ རྨི་ལམ་ངན་དང་མཚན་ལྟས་ངན་པ་རྣམསཿ ཞི་དང་བསལ་ཞིང་བཟློག་པ་དངཿ གདུལ་དང་ཚར་བཅད་ལས་མཛོད་ཅིགཿ རི་རབ་ཆེན་པོའི་ཤར་ཕྱོགས་ནསཿ སྲིས་པའི་
རྒྱལ་པོ་སྐོས་རྗེ་ནིཿ བདུད་རྣམས་ཀུན་གྱི་སྡེ་དཔོན་བཞེངསཿ ན་བཟའ་མཐིང་ནག་བེར་ཆེན་གསོལཿ རལ་པ་ནག་པོ་མུན་ལྟར་གཏིབསཿ སྤྱན་མིག་ཉི་ཟླ་འཁྱིལ་བ་འདྲཿ  རྣོ་སྦལ་མཆེ་བ་ཟླ་ཚེས་གཙིགསཿ སྨ་ར་ཁམ་ནག་སྲིད་རྩེར་
འབརཿ ཆིབས་སུ་བདུད་རྟ་ནག་པོ་བཅིབསཿ ཁྱོད་ཀྱི་ཆོ་འཕྲུལ་སྟོན་པ་ནིཿ ཁྲམ་ཐོགས་བདུད་སྡེ་གཡས་ནས་རོལཿ ཤོད་ཐོགས་རྩིས་པ་གཡོན་ནས་འགྱེདཿ སྣང་སྲིད་ཕོ་བདུད་ཁྱོད་ཀྱི་འཁོརཿ དམ་ཚིག་དབང་གི་གནས་འདིར་བཞུགསཿ འཐུན་
པའི་རྫས་ཀྱིས་ཐུགས་དམ་བཀངཿ ཤུགས་ལྡན་རྟ་ནག་ལ་སོགས་པཿ ཁྱོད་ཀྱིས་བཞེད་པའི་སྐོར་དུ་འབུལཿ རིན་ཆེན་ངར་མི་ལ་སོགས་པཿ རྣལ་འབྱོར་རྣམས་ཀྱི་གླུད་དུ་འབུལཿ དམ་རྫས་མཆོད་གཏོར་ལ་སོགས་པཿ ཁྱེད་ཀྱི་ཐུགས་
དམ་བསྐང་ཕྱིར་འབུལཿ སྲིད་པའི་བདུད་རྗེ་འཁོར་བཅས་ཀྱིསཿ སྔོན་གྱི་དམ་ཚིག་རྗེས་དགོངས་ལཿ ཇི་ལྟར་བཅོལ་བའི་ལས་མཛོད་ཅིགཿ བདུད་མོ་ཆེན་མོ་རེ་མ་ཏིཿ མ་བདུད་ཀུན་གྱི་སྡེ་དཔོན་བཞེངསཿ དཔལ་ལྡན་ནག་མོ་འཇིགས་གཟུགས་
ཅནཿ ནག་མོ་ཤ་ཟློག་བདུད་ཀྱི་མཿ སྐུ་ལ་མཐིང་ནག་བེར་ཆེན་གསོལཿ ཆིབས་སུ་བོང་བུ་གྭ་དམར་ཆིབསཿ ཁྱོད་ཀྱི་ཆོ་འཕྲུལ་བསྟན་པ་ནིཿ མ་བདུད་འབུམ་ཕྲག་ཕོ་ཉར་འགྱེདཿ ནག་མོ་སྟོང་སྡེ་ལས་ལ་འཛུདཿ སྣང་སྲིད་བདུད་མོ་ཁྱོད་
ཀྱི་འཁོརཿ དམ་ཚིག་དབང་གིས་གནས་འདིར་བཞུགསཿ ཅང་ཤེས་བོང་བུ་ལ་སོགས་པཿ འཐུན་པའི་རྫས་ཀྱིས་ཐུགས་དམ་བཀངཿ སྲིད་པའི་བདུད་མོ་འཁོར་བཅས་ཀྱིསཿ ཇི་ལྟར་བཅོལ་བའི་འཕྲིན་ལས་མཛོདཿ རི་རབ་ཆེན་པོའི་ལྷོ་
ཕྱོགས་ནསཿ གཤིན་རྗེ་ཡ་མ་རཱ་ཛ་སྟེཿ གཤིན་རྗེའི་ཚོགས་ཀྱི་སྡེ་དཔོན་བཞེངསཿ སྐུ་མདོག་ནག་པོ་རལ་པ་ཅནཿ གདུག་པའི་ཐོད་སྦྲུལ་གཡང་གཞིས་བརྒྱནཿ གཅན་ཟན་གདུག་པའི་ལྤགས་པས་དཀྲིསཿ ཤ་ཟའི་མགོ་གཅད་ཐོད་

104-1-258b

དུ་བཅིངསཿ ཞལ་བགྲད་མཆེ་བ་རབ་ཏུ་གཙིགསཿ མ་ཧེ་ནག་པོ་ཆིབས་སུ་ཆིབསཿ ཁྱོད་ཀྱི་ཆོ་འཕྲུལ་བསྟན་པ་ནིཿ གཤིན་རྗེ་ཕོ་མོ་ཕོ་ཉར་འགྱེདཿ འཆི་བདག་གཤིན་རྗེ་བཙུན་མོ་སྟེཿ གསོད་བྱེད་མོན་མོའི་ཚུལ་འཛིན་ཅིངཿ 
གཤིན་རྗེ་མོ་ཡི་སྡེ་དཔོན་བཞེངསཿ ཟ་བྱེད་དུར་ཁྲོད་ཆས་ཀྱིས་བརྒྱནཿ  གཡང་གཞི་ནག་མོ་སྐུ་ལ་གསོལཿ ཆུ་གླང་ནག་པོ་ཆིབས་སུ་ཆིབསཿ ཁྱོད་ཀྱི་ཆོ་འཕྲུལ་བསྟན་པ་ནིཿ ཡི་དགས་ཕོ་མོ་ལས་ལ་འཛུདཿ སྣང་སྲིད་གཤིན་རྗེ་ཁྱོད་
ཀྱི་འཁོརཿ དམ་ཚིག་དབང་གི་གནས་འདིར་བཞུགསཿ མ་ཧེ་ཆུ་གླང་ལ་སོགས་པཿ འཐུན་པའི་རྫས་ཀྱིས་ཐུགས་དམ་བཀངཿ གཤིན་རྗེ་ཕོ་མོ་འཁོར་དང་བཅསཿ ཇི་ལྟར་བཅོལ་བའི་ཕྲིན་ལས་མཛོདཿ རི་རབ་ཆེན་པོའི་ནུབ་ཕྱོགས་
ནསཿ སྲིན་པོ་ནག་པོ་གློག་ཕྲེང་ཅནཿ སྲིན་པོའི་ཚོགས་ཀྱི་སྡེ་དཔོན་བཞེངསཿ སྐུ་མདོག་མཐིང་ནག་འབར་བ་ལཿ གློག་དང་འོད་ཀྱི་ཕྲེང་བས་བརྒྱནཿ འབྲུག་ཆེན་འུར་པ་ཆིབས་སུ་ཆིབསཿ ཁྱོད་ཀྱི་ཆོ་འཕྲུལ་སྟོན་པ་ནིཿ སྲིན་པོ་འབུམ་
ཕྲག་ཕོ་ཉར་འགྱེདཿ སྲིན་མོ་གསོད་བྱེད་ལས་ལ་འཛུདཿ གཅན་ཟན་གདུག་པ་ཕྱི་ནས་རོལཿ འཁོར་དུ་སྣང་སྲིད་སྲིན་པོས་བསྐོརཿ སྲིན་མོ་སྦལ་མགོ་ཁྲག་མིག་མཿ སྲིན་མོ་རྣམས་ཀྱི་སྡེ་དཔོན་བཞེངསཿ སྐུ་མདོག་དམར་ནག་
འཇིགས་སུ་རུངཿ ལུས་ལ་ཁྲག་གིས་ལྭ་ནག་གསོལཿ རུས་སྦལ་དཀར་པོའི་ཐོར་ཚུགས་ཅནཿ ཆིབས་སུ་རྔ་མོ་གདོང་དྲུག་ཆིབསཿ ཁྱོད་ཀྱི་ཆོ་འཕྲུལ་བསྟན་པ་ནིཿ སྲིན་མོ་ཁ་འབར་ཕོ་ཉར་འགྱེདཿ གདོང་སྲིན་ནག་མོ་ལས་ལ་འཛུདཿ 
སྣང་སྲིད་སྲིན་མོ་འཁོར་དང་བཅསཿ སྲོག་གཅོད་སྲིན་པོ་ཡབ་ཡུམ་འཁོརཿ དམ་ཚིག་དབང་གི་གནས་འདིར་བཞུགསཿ འབྲུག་སྔོན་རྔ་མོ་ལ་སོགས་པཿ འཐུན་པའི་རྫས་ཀྱིས་ཐུགས་དམ་བཀངཿ སྲིན་པོ་ཕོ་མོའི་འཁོར་གྱིས་བསྐོརཿ 
ཇི་ལྟར་བཅོལ་བའི་ཕྲིན་ལས་མཛོདཿ རི་རབ་ཆེན་པོའི་བྱང་ཕྱོགས་ནསཿ གནོད་སྦྱིན་ཡཀྵ་མེ་དབལ་ཅནཿ གནོད་སྦྱིན་ཀུན་གྱི་སྡེ་དཔོན་བཞེངསཿ སྐུ་མདོག་མཐིང་སྔོན་འབར་བ་ལཿ མེ་དཔུང་ཚུབ་མ་ན་བཟར་གསོལཿ སྟག་སེང་རྔམ་

104-1-259a

པ་ཆིབས་སུ་ཆིབསཿ ཁྱོད་ཀྱི་ཆོ་འཕྲུལ་བསྟན་པ་ནིཿ གཡས་ན་མེ་དབལ་འབར་བ་ལཿ གཡོན་ན་དུད་འཐུལ་ཕྱུ་རུ་རུཿ གནོད་སྦྱིན་སྟོང་སྡེ་ཕོ་ཉར་འགྱེདཿ ཞུབ་ཆས་འབུམ་སྡེ་ལས་ལ་འཛུདཿ འཇིག་རྟེན་གནོད་
སྦྱིན་འཁོར་གྱིས་བསྐོརཿ གནོད་སྦྱིན་ཆེན་མོ་བློ་མོན་མཿ གནོད་སྦྱིན་བུ་མོ་གདུག་པ་ཅནཿ ནག་མོ་རྡོ་རྗེ་ལྕགས་མཆུ་མཿ སྙན་ཆ་རིན་ཆེན་ནེའུ་ལེས་བརྒྱནཿ སྐུ་ལ་བ་ཏི་ནག་པོ་གསོལཿ ཆིབས་སུ་ལྕགས་ཀྱི་ཕག་མོ་ཆིབསཿ 
ཁྱོད་ཀྱི་ཆོ་འཕྲུལ་བསྟན་པ་ནིཿ ནོར་འཛིན་མོ་ནི་ཕོ་ཉར་འགྱེདཿ ཀློ་མོན་ནག་མོ་ལས་ལ་འཛུདཿ གནོད་སྦྱིན་མོ་ནི་འབུམ་སྡེས་སྐོརཿ   ཤན་པ་གནོད་སྦྱིན་ཡབ་ཡུམ་འཁོརཿ དམ་ཚིག་དབང་གི་གནས་འདིར་བཞུགསཿ སྟག་སེང་ཕག་མོ་
ལ་སོགས་པའིཿ འཐུན་པའི་རྫས་ཀྱིས་ཐུགས་དམ་བཀངཿ གནོད་སྦྱིན་ཕོ་མོ་འཁོར་དང་བཅསཿ ཇི་ལྟར་བཅོལ་བའི་འཕྲིན་ལས་མཛོདཿ རི་རབ་ཆེན་པོའི་སྟེང་ཕྱོགས་སུཿ གཟའ་བདུད་ཆེན་པོ་མི་བཟད་པཿ རོག་ཏི་ཁྱབ་འཇུག་
རཱ་ཧུ་ལཿ གཟའ་བདུད་སྡེ་དཔོན་ཆེན་པོ་བཞེངསཿ མགོ་དགུ་སྨད་སྦྲུལ་མགོ་མངས་ལུསཿ ཆིབས་སུ་འབྲུག་ཆེན་གློག་འགྱུ་ཆིབསཿ ཁྱོད་ཀྱི་ཆོ་འཕྲུལ་བསྟན་པ་ནིཿ འབྲུག་སྒྲ་སྟོང་གསུམ་ལྡི་རི་རིཿ  ནམ་མཁའ་གློག་འོད་ཁྱུགས་
སེ་ཁྱུགསཿ གཟའ་བྲན་རྒྱུ་སྐར་ཕོ་ཉར་འགྱེདཿ ཐོག་སེར་ཀི་ཀང་དྲག་ཏུ་འབེབསཿ གཟའ་བདུད་སྟོང་གི་འཁོར་གྱིས་བསྐོརཿ གནམ་སྨན་ཐོག་གི་བུ་ཡུག་མཿ གདོང་མོ་རྣམས་ཀྱི་སྡེ་དཔོན་བཞེངསཿ སྐུ་མདོག་དམར་སྐྱ་མཛེས་པ་
ལཿ ན་བཟའ་གུ་ཟུ་མཛེས་པ་གསོལཿ འབྲུག་སྒྲ་གློག་གི་འོད་ལ་ཞོནཿ ཁྱོད་ཀྱི་ཆོ་འཕྲུལ་བསྟན་པ་ནིཿ གཟའ་ཆེན་ཉི་ཟླ་ཀླད་ལ་སྐོརཿ རྒྱུ་སྐར་ཚོགས་ནི་ཞལ་ལ་འཆརཿ ལྷ་སྨན་འབུམ་ནི་ཕོ་ཉར་འགྱེདཿ གདོང་ཟོར་མ་མོ་
ལས་ལ་འཛུདཿ ཟོར་གདོང་སྲིན་མོའི་འཁོར་གྱིས་སྐོརཿ གཟའ་གདོང་གནམ་སྨན་ཡབ་ཡུམ་འཁོརཿ དམ་ཚིག་དབང་གིས་གནས་འདིར་བཞུགསཿ འབྲུག་ཆེན་འུར་པ་ལ་སོགས་པའིཿ འཐུན་པའི་རྫས་ཀྱིས་ཐུགས་

104-1-259b

དམ་བཀངཿ གཟའ་བདུད་གདོང་མོ་སྨན་དང་བཅསཿ ཇི་ལྟར་བཅོལ་བའི་འཕྲིན་ལས་མཛོདཿ རི་རབ་ཆེན་པོའི་འོག་ཕྱོགས་ནསཿ ཀླུ་བདུད་ནག་མོ་མགོ་དགུ་པོཿ ཀླུ་རྣམས་ཀུན་གྱི་སྡེ་དཔོན་ཡིནཿ སྐུ་སྟོད་དུད་ཁ་ནག་མོ་ལཿ ཚ་
བའི་འབུ་སྲིན་ཉི་ལི་ལིཿ སྐུ་སྨད་དུག་སྦྲུལ་ནག་པོ་ལཿ གྲང་བའི་སྦལ་ལྕོང་ཕྲ་ལ་ལཿ ཆིབས་སུ་ཆུ་སྲིན་མགོ་དགུ་ཆིབསཿ ཁྱོད་ཀྱི་ཆོ་འཕྲུལ་བསྟན་པ་ནིཿ ཀླུ་རྒྱལ་སྟོང་ནི་ཕོ་ཉར་འགྱེདཿ ཀླུ་བྲན་འབུམ་ནི་ལས་ལ་འཛུདཿ ཀླུ་
བདུད་གདུག་པའི་འཁོར་གྱིས་བསྐོརཿ ཀླུ་མོ་ཡཀྵ་ནག་མོ་ནིཿ ཀླུ་བདུད་མ་མོའི་སྡེ་དཔོན་བཞེངསཿ སྐུ་མདོག་དུད་ཁ་འཇིགས་བག་ཅནཿ སྦྲུལ་ནག་གཤིབས་པའི་རལ་པ་ལསཿ མཛེ་དང་ཤུ་བའི་ཚ་ཚ་འཕྲོཿ སྦྲུལ་གྱི་ཐུལ་བ་
ན་བཟར་གསོལཿ སྦལ་སྦྲུལ་ཉེའུ་ཐ་ར་རཿ རུ་སྦལ་ནག་པོ་ཆིབས་སུ་ཆིབསཿ ཁྱོད་ཀྱི་ཆོ་འཕྲུལ་བསྟན་པ་ནིཿ ཀླུ་རིགས་ལྔ་ཡི་སྤྲུལ་པ་འགྱེདཿ ས་བདག་གདུག་པའི་ཕོ་ཉ་གཏོངཿ སྣང་སྲིད་ཀླུ་མོའི་འཁོར་དང་བཅསཿ གདུག་པ་ཀླུ་
བདུད་ཡབ་ཡུམ་འཁོརཿ དམ་ཚིག་དབང་གིས་གནས་འདིར་བཞུགསཿ ཆུ་སྲིན་རུ་སྦལ་ལ་སོགས་པའིཿ འཐུན་པའི་རྫས་ཀྱིས་ཐུགས་དམ་བཀངཿ ཀླུ་བདུད་ཕོ་མོ་ཡབ་ཡུམ་འཁོརཿ ཇི་ལྟར་བཅོལ་བའི་འཕྲིན་ལས་མཛོདཿ རི་རབ་
ཆེན་པོ་མཛེས་པ་ཡིཿ བང་རིམ་གཉིས་པའི་ཤར་ཕྱོགས་ལཿ གནོད་སྦྱིན་རྒྱལ་པོ་གང་བ་བཟངཿ སྲིད་པ་ལྷ་ཡི་སྡེ་དཔོན་བཞེངསཿ མདོག་དཀར་རལ་ཀ་འབར་བ་གསོལཿ གནམ་རུ་དཀར་པོ་ཆིབས་སུ་ཆིབསཿ ཁྱོད་ཀྱི་ཆོ་འཕྲུལ་
སྟོན་པ་ནིཿ གནོད་སྦྱིན་སྟོང་ནི་ཕོ་ཉར་འགྱེདཿ ལྷ་དམག་འབུམ་སྡེ་ལས་ལ་འཛུདཿ བ་དན་ཅན་ནི་གཡས་ནས་རོལཿ གོ་མཚོན་ཅན་ནི་གཡོན་ནས་རོལཿ གནོད་སྦྱིན་ལྷ་ཡི་འཁོར་དང་བཅསཿ སྐྱེས་བུ་གནམ་རྒྱལ་ཆེན་པོ་ནིཿ རྒྱལ་
ཕྲན་ཀུན་གྱི་སྡེ་དཔོན་བཞེངསཿ ན་བཟའ་དར་ཟབ་བེར་ཆེན་གསོལཿ རྟ་དཀར་རྔོག་དམར་ཆིབས་སུ་ཆིབསཿ ཁྱོད་ཀྱི་ཆོ་འཕྲུལ་བསྟན་པ་ནིཿ རྒྱལ་བྲན་སྟོང་སྡེ་ཕོ་ཉར་འགྱེདཿ གྲོང་རྒྱུ་ཕྲ་མོ་ལས་ལ་འཛུདཿ ཐེ་རྒྱལ་ཕྲ་མོའི་འཁོར་དང་

104-1-260a

བཅསཿ སྤྱི་བདུད་རྒྱལ་པོ་གུ་རུམ་རྩེཿ  མི་མ་ལྷ་ཡི་སྡེ་དཔོན་བཞེངསཿ སྐུ་སྟོད་རྒྱ་ཆེའི་གླག་པ་གསོལཿ འབུམ་བྱེ་སྨན་གྱི་ཤམ་ཐབས་ཅནཿ དབུ་ལ་ཤེལ་སྨོག་དཀར་པོ་གསོལཿ ཆིབས་སུ་རྡོ་རྟ་དྲོ་བོ་ཆིབསཿ ཁྱོད་
ཀྱི་ཆོ་འཕྲུལ་སྟོན་པ་ནིཿ སྲིད་པའི་ཁྱུང་ཆེན་ཀླད་ན་ལྡིངཿ སྟག་སེང་ཚང་མ་ཕྱི་ནས་རོལཿ སྡེ་དཔོན་མཆེད་ལྔ་ཕོ་ཉར་འགྱེདཿ མ་སངས་སྤུན་དགུ་ལས་ལ་འཛུདཿ ལྷ་མ་སྲིན་གྱི་འཁོར་དང་བཅསཿ སྐྱེས་བུ་དཀར་པོ་སྡེ་གསུམ་ཡངཿ 
དམ་ཚིག་དབང་གིས་གནས་འདིར་བཞུགསཿ གནམ་རུ་རྟ་དཀར་དྲོ་བོ་ཆིབསཿ འཐུན་པའི་རྫས་ཀྱིས་ཐུགས་དམ་བཀངཿ དཀར་པོ་སྡེ་གསུམ་འཁོར་དང་བཅསཿ ཇི་ལྟར་བཅོལ་བའི་ཕྲིན་ལས་མཛོདཿ བམ་རིམ་གཉིས་པའི་ལྷོ་ཕྱོགས་
ནསཿ མ་ཆེན་སྲིད་པའི་རྒྱལ་མོ་ནིཿ སྣང་སྲིད་མ་མོའི་སྡེ་དཔོན་བཞེངསཿ ན་བཟའ་དར་ནག་གུ་ཟུ་གསོལཿ ཆིབས་སུ་འབྲུག་མོ་ཡིད་མགྱོགས་ཆིབསཿ ཁྱོད་ཀྱི་ཆོ་འཕྲུལ་སྟོན་པ་ནིཿ ཚོགས་ཀྱི་རྗེ་མོ་ཕོ་ཉར་འགྱེདཿ སྨན་མོ་ལྔ་བཅུ་
རྩ་བརྒྱད་འཁོརཿ སྣང་སྲིད་མ་མོའི་ཚོགས་ཀྱིས་སྐོརཿ ཨེ་ཀ་ཛ་ཊི་རལ་གཅིག་མཿ བཀའ་ཡི་བསྲུངས་མའི་སྡེ་དཔོན་ནིཿ སྐུ་ལ་ན་བཟའ་མཐིང་ནག་གསོལཿ ཆིབས་སུ་དྲེ་རྟ་ནག་མོ་ཆིབསཿ ཁྱོད་ཀྱི་ཆོ་འཕྲུལ་སྟོན་པ་ནིཿ སྲིན་མོ་
ནག་མོ་ཕོ་ཉར་འགྱེདཿ བལ་མོ་ནག་མོ་ལས་ལ་འཁོལཿ མ་མོ་ནག་མོ་སྣ་ཚོགས་སྤྲུལཿ སྨུག་ནག་འབུམ་གྱིས་འཁོར་དང་བཅསཿ དཔལ་ལྡན་ནག་མོ་འགྱོགས་བྱེད་མཿ མཁའ་འགྲོ་ཚོགས་ཀྱི་སྡེ་དཔོན་བཞེངསཿ ན་བཟའ་མཐིང་
ནག་གུ་ཟུ་གསོལཿ ཆིབས་སུ་སོ་བྱ་རོག་པོ་ཞོནཿ ཁྱོད་ཀྱི་ཆོ་འཕྲུལ་སྟོན་པ་ནིཿ རིགས་ཀྱི་མཁའ་འགྲོ་ཕོ་ཉར་འགྱེདཿ སྣ་ཚོགས་མཁའ་འགྲོ་ལས་ལ་འཛུདཿ སྣང་སྲིད་མཁའ་འགྲོའི་འཁོར་གྱིས་སྐོརཿ དཔལ་ལྡན་ནག་མོ་སྡེ་གསུམ་
ཡངཿ དམ་ཚིག་དབང་གིས་གནས་འདིར་བཞུགསཿ འབྲུག་དང་དྲེ་རྟ་སོ་བྱ་སོགསཿ འཐུན་པའི་རྫས་ཀྱིས་ཐུགས་དམ་སྐངཿ ནག་མོ་སྡེ་གསུམ་འཁོར་དང་བཅསཿ ཇི་ལྟར་བཅོལ་བའི་འཕྲིན་ལས་མཛོདཿ བང་རིམ་གཉིས་པའི་

104-1-260b

ནུབ་ཕྱོགས་ནསཿ སྐྱེས་བུ་རྡོ་རྗེ་བདུད་འདུལ་ནིཿ གནོད་སྦྱིན་རུ་ཏྲའི་སྡེ་དཔོན་བཞེངསཿ ན་བཟའ་མཐིང་ནག་བེར་ཆེན་གསོལཿ རལ་པ་ནག་པོ་མུན་ལྟར་གཏིབསཿ ཆིབས་སུ་རྟ་དྲེ་ནག་པོ་ཆིབསཿ ཞིང་ལྤགས་གྱོན་པ་ཕོ་ཉར་
འགྱེདཿ རལ་ཆས་བགོས་པ་ལས་ལ་འཛུདཿ སྣང་སྲིད་རུ་ཏྲའི་འཁོར་གྱིས་བསྐོརཿ བཙན་རྒྱལ་སྲོག་ཟན་དམར་པོ་ནིཿ སྲིད་པའི་བཙན་གྱི་སྡེ་དཔོན་བཞེངསཿ སྐུ་ལ་དར་དཀར་རས་དམར་གསོལཿ ཆིབས་སུ་རྟ་དམར་གློག་
འགྱུ་ཆིབསཿ ཁྱོད་ཀྱི་ཆོ་འཕྲུལ་སྟོན་པ་ནིཿ དབུ་ལ་བསེ་རྨོག་དཀར་པོ་གསོལཿ བཙན་པོ་ཁ་བཞི་ཕོ་ཉར་འགྱེདཿ མགྱོགས་པ་སྡེ་བརྒྱད་ལས་ལ་འཛུདཿ སྣང་སྲིད་དྲེགས་པའི་བཙན་གྱིས་བསྐོརཿ སྐྱེས་བུ་ཡམ་ཤུད་དམར་པོ་
ནིཿ བཙན་འགོང་རྣམས་ཀྱི་སྡེ་དཔོན་བཞེངསཿ སྐུ་ལ་ཟབ་དམར་བེར་ཆེན་གསོལཿ ཆིབས་སུ་རྟ་དམར་ཡིད་མགྱོགས་ཆིབསཿ ཁྱོད་ཀྱི་ཆོ་འཕྲུལ་བསྟན་པ་ནིཿ གཡས་སུ་བྲོ་བརྡུང་ཆི་ལི་ལིཿ གཡོན་ན་པྱུགས་གླུ་ཀྱུ་རུ་རུཿ  རྟ་
ཞོན་སྟོང་ནི་ཕྱི་ན་འབྲེངཿ སྲིད་པའི་བཙན་འགོད་འཁོར་དང་བཅསཿ སྐྱེས་མཆོག་དམར་པོ་སྡེ་གསུམ་ནིཿ དམ་ཚིག་དབང་གིས་གནས་འདིར་བཞུགསཿ དྲེ་ནག་རྟ་དམར་ལ་སོགས་པའིཿ འཐུན་པའི་རྫས་ཀྱིས་ཐུགས་དམ་བཀངཿ 
དམར་པོ་སྡེ་གསུམ་འཁོར་དང་བཅསཿ ཇི་ལྟར་བཅོལ་བའི་ཕྲིན་ལས་མཛོདཿ བང་རིམ་བཞི་པའི་བྱང་ཕྱོགས་ནསཿ བི་ནཱ་ཡ་ཀ་བགེགས་ཀྱི་རྒྱལཿ ལོག་འདྲེན་ཀུན་གྱི་སྡེ་དཔོན་བཞེངསཿ ན་བཟའ་མཐིང་ནག་བེང་ཆེན་
གསོལཿ ཆིབས་སུ་རྟ་ནག་འགྱོགས་པ་ཆིབསཿ ཁྱོད་ཀྱི་ཆོ་འཕྲུལ་སྟོན་པ་ནིཿ རྒྱལ་ཆེན་བཞི་ནི་ཕོ་ཉར་འགྱེདཿ ཕྱོགས་སྐྱོང་ཚོགས་ནི་ལས་ལ་འཛུདཿ སྣང་སྲིད་བགེགས་ཀྱི་ཚོགས་ཀྱིས་བསྐོརཿ དབང་ཕྱུག་གུ་ལང་ནག་པོ་
ནིཿ མུ་སྟེགས་ཚོགས་ཀྱི་སྡེ་དཔོན་བཞེངསཿ ན་བཟའ་མཐིང་ནག་བེར་ཆེན་གསོལཿ ཆིབས་སུ་སྟག་སེང་མ་ཧེ་ཆིབསཿ ཁྱོད་ཀྱི་ཆོ་འཕྲུལ་བསྟན་པ་ནིཿ ས་གཞི་ཀུན་ནི་དམག་གིས་འགེངསཿ བར་སྣང་མཚོན་དང་དར་

104-1-261a

གྱིས་བཀངཿ ནམ་མཁའ་གློག་དང་འོད་ཀྱིས་འགེངསཿ གཅན་ཟན་འདབ་ཆགས་རྒྱུག་ཅིང་ལྡིངཿ མུ་སྟེགས་ནག་པོའི་འཁོར་གྱིས་སྐོརཿ རྨུ་བདུད་ནག་མོ་བཀྲག་མེད་ནིཿ རྨུ་བདུད་ཚོགས་ཀྱི་སྡེ་དཔོན་བཞེངསཿ 
ན་བཟའ་མཐིང་ནག་བེར་ཆེན་གསོལཿ ཆིབས་སུ་རྨུ་རྟ་ནག་པོ་ཆིབསཿ ཁྱོད་ཀྱི་ཆོ་འཕྲུལ་བསྟན་པ་ནིཿ རྨུ་བདུད་འབུམ་ཕྲག་ཕོ་ཉར་འགྱེདཿ རྨུ་བྲན་སྟོང་སྡེ་ལས་ལ་འཛུདཿ སྣང་སྲིད་རྨུ་ཡི་འཁོར་གྱིས་སྐོརཿ སྐྱེས་མཆོག་ནག་
པོ་སྡེ་གསུམ་ཡངཿ དམ་ཚིག་དབང་གིས་གནས་འདིར་བཞུགསཿ སྟག་སེང་མ་ཧེ་རྟ་ལ་སོགསཿ འཐུན་པའི་རྫས་ཀྱིས་ཐུགས་དམ་བཀངཿ ཕྱི་རོལ་ནག་པོའི་ཚོགས་དང་བཅསཿ ཇི་ལྟར་བཅོལ་བའི་འཕྲིན་ལས་མཛོདཿ རི་རབ་ཆེན་
པོ་མཛེས་པ་ཡིསཿ   བང་རིམ་གསུམ་པའི་ཤར་ཕྱོགས་ལཿ ཚངས་པ་དཀར་པོ་སྲོག་གི་བདགཿ ལྷ་ཆེན་གིང་གི་སྡེ་དཔོན་བཞེངསཿ སྲིད་པ་གསུམ་གྱི་མྱུར་མགྱོགས་པརཿ སྐུ་ལ་བྱ་རྒོད་ཐུལ་བ་གསོལཿ ཆིབས་སུ་སེང་གེ་དཀར་པོ་ཆིབསཿ 
ཁྱོད་ཀྱི་ཆོ་འཕྲུལ་བསྟན་པ་ནིཿ གིང་ཆེན་བཅྭ་བརྒྱད་ཕོ་ཉར་འགྱེདཿ གིང་བདུད་ཕོ་མོ་ལས་ལ་འགྱེདཿ མི་རྟ་ར་ལུག་བྱ་དང་ཁྱིཿ   སྟག་དང་བྱ་རྒོད་ལ་སོགས་པའིཿ འཐུན་པའི་རྫས་ཀྱིས་ཐུགས་དམ་བཀངཿ བང་རིམ་གསུམ་པའི་ལྷོ་ཕྱོགས་
ལཿ གནོད་སྦྱིན་རྒྱལ་པོ་ནོར་གྱི་བདགཿ  སྐུ་ལ་དོམ་གྱི་གླག་པ་གསོལཿ  ཆིབས་སུ་བ་གླང་སྣ་རིངས་ཆིབསཿ ཁྱོད་ཀྱི་ཆོ་འཕྲུལ་བསྟན་པ་ནིཿ སྐྱེས་པ་བརྒྱ་དང་བུད་མེད་བརྒྱཿ   ཉན་ཐོས་སྟོང་དང་སྔགས་པ་སྟོངཿ འབག་སེང་མོན་
བུ་བསམ་མི་ཁྱབཿ སྟག་སེང་བ་གླང་སྤྲ་དང་སྤྲེཿ  འཐུན་པའི་རྫས་ཀྱིས་ཐུགས་དམ་བཀངཿ བང་རིམ་གསུམ་པའི་ནུབ་ཕྱོགས་ལཿ རྡོ་རྗེ་མཛེས་བ་ཞེས་བྱ་བཿ འཇིག་རྟེན་ལྷ་ཡི་སྡེ་དཔོན་ཡིནཿ མ་ཐར་ཤེལ་གྱི་ན་བཟའ་གསོལཿ 
ཀུན་ཀྱང་ཤེལ་གྱི་ན་བཟའ་གསོལཿ ར་དཀར་གནམ་རུ་ཆིབས་སུ་ཆིབསཿ ཁྱོད་ཀྱི་ཆོ་འཕྲུལ་སྟོན་པ་ནིཿ འཛིན་གིང་བཞི་བཅུ་ཕོ་ཉར་འགྱེདཿ རང་གི་འཁོར་སྡེ་ལས་ལ་འཛུདཿ ཙ་ར་བྱ་ཁྱི་ལ་སོགས་པའིཿ  འཐུན་པའི་རྫས་ཀྱིས་ཐུགས་དམ་བཀངཿ བང་རིམ་

104-1-261b

གསུམ་པའི་བྱང་ཕྱོགས་ལཿ ལྷ་ཆེན་ནག་པོ་ཆེན་པོ་ཏེཿ བསྟན་པ་བསྲུང་བའི་སྡེ་དཔོན་བཞེངསཿ ན་བཟའ་ལྗང་ནག་བེར་ནག་གསོལཿ ཆིབས་སུ་བདུད་རྟ་བྲ་ནག་ཆིབསཿ ཁྱོད་ཀྱི་ཆོ་འཕྲུལ་བསྟན་པ་ནིཿ ལྷ་དམག་
ཕྱོགས་ཀྱི་དབུགས་འབྱིན་ཅིངཿ ལྷ་མིན་གཡུལ་ངོ་རབ་ཏུ་བཟློགཿ ཕྱོགས་སྐྱོང་དཔལ་མགོན་ལས་ལ་འཛུདཿ མི་རྟ་ར་ལུག་བྱ་དང་ཁྱིཿ ནག་པོའི་ཚོགས་ཀྱིས་ཐུགས་དམ་བཀངཿ དྲེགས་པའི་བཀའ་ཉན་སྒོ་བསྲུངས་བཞིཿ རང་
གི་བཀའ་ཉན་འཁོར་དང་བཅསཿ དམ་ཚིག་དབང་གིས་གནས་འདིར་བཞུགསཿ འཐུན་པའི་རྫས་ཀྱིས་ཐུགས་དམ་བཀངཿ དབང་ཆེན་སྡེ་བཞི་འཁོར་དང་བཅསཿ ཇི་ལྟར་བཅོལ་པའི་ཕྲིན་ལས་མཛོདཿ བང་རིམ་ཐ་མའི་ཕྱོགས་
བཞི་ནཿ ཕྱི་ཡི་ལྷ་སྲིན་སྡེ་བརྒྱད་དངཿ ནང་གི་ལྷ་སྲིན་སྡེ་བརྒྱད་དངཿ སྦས་པའི་ལྷ་སྲིན་སྡེ་བརྒྱད་དངཿ གསང་བའི་ལྷ་སྲིན་སྡེ་བརྒྱད་དངཿ ཡང་གསང་གཏེར་གྱི་ལྷ་སྲིན་དངཿ དྲག་པོ་སྔགས་ཀྱི་ལྷ་སྲིན་དངཿ ལས་བྱེད་མྱུར་
མགྱོགས་ལྷ་སྲིན་དངཿ བརྟགས་ཤིང་ཆགས་པའི་ལྷ་སྲིན་དངཿ སྡེ་བརྒྱད་འཁོར་དང་བཅས་པ་ལཿ ཁྱེད་ཀྱི་ཐུགས་དམ་བཀང་བ་ནིཿ ཤེས་ལྡན་མི་དང་ཅང་ཤེས་རྟཿ  ཐེག་ཆེན་གླང་དང་འདོད་འཇོའི་བཿ རིན་ཆེན་ལུག་དང་གཙང་ལྡན་
རཿ ཐོས་གསང་ཁྱི་དང་མཁའ་ལྡིང་བྱཿ ཁྱེད་ཀྱི་བཞེད་པའི་སྐོར་དུ་འབུལཿ རིན་ཆེན་བརྒྱན་ལྡན་ངར་མི་དངཿ སེམས་ཀྱི་གཟུགས་ལྡན་ངར་མི་དངཿ སྐུ་གསུང་ཐུགས་ལྡན་རྒྱང་བུ་དངཿ ཤིང་གླུད་ཡུལ་མཁར་མཚོན་པ་དངཿ ཕོ་
བླུད་མདའ་དང་མོ་བླུད་འཕངཿ རྒྱལ་མཚན་བ་དན་རོལ་མོ་རྣམསཿ ཉིད་ཀྱི་སྐུ་མདོག་དང་འཐུན་པཿ རྣལ་འབྱོར་རྣམས་ཀྱི་གླུད་དུ་འབུལཿ དམ་རྫས་སྦྱར་བའི་མཆོད་གཏོར་དངཿ འཐུན་རྫས་ལྡན་པའི་བཤོས་ཆ་དངཿ སྣང་གསལ་འོད་ལྡན་
མར་མེ་དངཿ རྒྱན་ལྡན་མཛེས་པའི་གླིང་ཚད་དངཿ མཛེས་པའི་གཟུགས་དང་སྙན་པའི་སྒྲཿ  ཞིམ་པའི་དྲི་དང་བདའ་བའི་རོཿ ཁྱེད་ཀྱི་ཐུགས་དམ་བཀང་ཕྱིར་འབུལཿ འཇིག་རྟེན་དྲེགས་པ་འཁོར་དང་བཅསཿ སྔོན་གྱི་དམ་ཚིག་རྗེས་

104-1-262a

དགོངས་ཏེཿ མདོ་བླུད་འཐུན་རྫས་བཞེད་པའི་སྐོརཿ སྣ་ཚོགས་སྦྱར་བ་འདི་བཞེས་ལཿ སངས་རྒྱས་བསྟན་པ་ཁྱེད་ཀྱིས་སྲུངསཿ དཀོན་མཆོག་དབུ་འཕང་ཁྱེད་ཀྱིས་སྟོདཿ རྣལ་འབྱོར་སྐུ་དགྲ་ཁྱེད་ཀྱིས་སྒྲོལཿ སྒྲུབ་
པ་པོ་ལ་བར་གཅོད་པའིཿ སྟོང་ཕྲག་བརྒྱད་བཅུའི་བགེགས་རིགས་དངཿ བཞི་བརྒྱ་རྩ་བཞིའི་ནད་རྣམས་དངཿ གློ་བུར་གནོད་པ་བརྒྱད་བཅུ་གཅིགཿ ཡེ་འདྲེག་སུམ་བརྒྱ་དྲུག་བཅུའི་ཚོགསཿ དུས་མིན་འཆི་བ་རྣམ་བརྒྱད་དངཿ 
གཤིས་ངན་འགུམ་པ་བརྒྱད་བཅུ་གཅིགཿ གཟུགས་ཅན་དགྲ་དང་གཟུགས་མེད་བགེགསཿ རྨི་ལམ་མཚན་ལྟས་ངན་པ་རྣམསཿ ཞི་དང་བསལ་ཞིང་བཟློག་པ་དངཿ གདུལ་དང་ཚར་གཅད་ལས་མཛོད་ཅིགཿ ཞེས་བརྗོད་རང་གི་
འཐུན་རྫས་སྟབཿ བསྐང་བཟློག་གསད་དང་གསོ་ལ་སོགསཿ ཇི་ལྟར་འདོད་པའི་ཕྲིན་ལས་བཅོལཿ གང་ལ་དམིགས་པ་དེ་བཞིན་འགྲུབ་ཞེས་བཀའ་སྩལ་ཏོཿ འཇིག་རྟེན་གྱི་དྲེགས་པ་ཅན་གྱི་སྡེ་དཔོན་འཁོར་དང་བཅས་པ་རྣམས་མཆོད་
བསྟོད་རྒྱ་ཆེན་པོའི་སྒོ་ནས་ཉེ་བར་བསྒྲུབ་པའི་ལེའུ་སྟེཿ  ལྔ་པའོ།། །། དེ་ནས་རབ་ཏུ་བཤད་བྱ་བཿ དྲེགས་པའི་འཁོར་ཚོགས་འདི་རྣམས་ཀུནཿ ངོ་བོ་རང་རིག་བྱང་ཆུབ་སེམསཿ མ་སྐྱེད་དབྱིངས་ལས་གཡོས་པ་མེདཿ འཇིག་
རྟེན་གནས་དང་འཐུན་འཇུག་ཅིངཿ   མཆོད་དང་བསྟོད་པས་མཉེས་འགྱུར་བསཿ འཇིག་རྟེན་མཆོད་བསྟོད་ཞེས་སུ་བརྗོདཿ ཕྱི་ནང་གསང་བའི་བྱེ་བྲག་སྟེཿ སྣང་དང་སྲིད་པའི་དཀྱིལ་འཁོར་ཀུནཿ གསང་བའི་བདག་པོ་དེ་ཉིད་དངཿ གནས་
སྐབས་མཆོད་བསྟོད་ཕྱི་ཡིན་ནོཿ དག་པའི་ཏིང་ངེ་འཛིན་ལས་བྱུངཿ རང་གི་སྣང་བ་འདུས་པའི་ཚོགསཿ དབང་པོའི་ཡུལ་གྱི་ལོངས་སྤྱོད་དངཿ གཙང་སྤྲའི་རྟོག་པ་སྦྱང་པའི་རྫསཿ འདོད་ཆགས་བཞི་དང་འབྲུ་བཅུད་རྩིཿ  གཉིས་མེད་
ཕ་རོལ་སྣང་བྱེད་པཿ རང་གི་ངང་དུ་མཉེས་བྱེད་ཅིངཿ སོ་སོའི་མཚན་དང་དཔེ་བྱད་དགཿ ངེས་པར་བསྟན་པ་ནང་གིའོཿ སེམས་དང་སེམས་ལ་སྟར་བའི་ཚོགསཿ ཐམས་ཅད་ཡེ་ནས་དཀྱིལ་འཁོར་ཆེཿ མ་བཅོས་རང་བཞིན་ལྷུན་

104-1-262b

གྱིས་གྲུབཿ ལུང་ནས་མ་ལུས་འདུས་པ་ལསཿ ཆོས་གཞན་མེད་དེ་ཡུལ་ཉིད་དངཿ ཡུལ་དུ་འཛིན་པ་སྣང་བའི་བདགཿ གཉིས་མེད་རྟོགས་ཤིང་ཁོང་དུ་ཆུདཿ མཆོད་བསྟོད་རབ་ཏུ་གསང་བ་ཡིཿ ལུས་ལས་སྤྲུལ་ཞིང་བསྒྲུབས་པས་
སྐུཿ འབྲུ་བཅུ་སྒྲ་ཡི་འཁོར་ལོ་གསུངཿ རང་གྲོལ་སྙིང་པོ་མ་བཅོས་ཐུགསཿ ལྷ་ཀླུ་གནོད་སྦྱིན་བཙན་དང་བདུདཿ སྲིན་པོ་གཟའ་དང་མོ་རིགས་རྣམསཿ དྲེགས་ཤིང་གདུག་པ་ཁྲོ་ཞིང་གཏུམཿ མྱུར་མགྱོགས་རྨུགས་ཤིང་འཐིབས་
པ་དངཿ དྲག་དང་དབྱིངས་པ་སོ་སོའི་སྡེཿ རི་རབ་བཤོས་གཙང་བརྒྱན་དང་བཅསཿ འབྲུ་ལུག་སྙིང་རྩེ་ཙཱ་རུའི་དབྱིབསཿ དཀར་དམར་བཅུད་ལྡན་དམིགས་ཀྱིས་མཆོདཿ ཕ་དང་རྒྱལ་པོ་གྲོགས་དང་ལྷཿ མ་དང་རྗེ་ཁོལ་བྲན་ལྟ་བུཿ བརྟེན་
པ་རང་གི་ཚུལ་ཡིན་ནོཿ ཆེ་བཙན་དབང་གི་དངོས་གྲུབ་དངཿ ལོངས་སྤྱོད་འཕེལ་ཞིང་མངག་པར་བླངཿ རྒྱུད་འཇམ་སྐྱབས་ཆེ་བཀའ་ཉན་ཞིངཿ དྲག་རྩལ་ལྡན་ཞིང་སླར་མི་ལྡོགཿ ཤིན་ཏུ་ཉེ་བ་ཡོན་ཏན་སྟེཿ   རང་ལ་རྩུབ་ཅིང་འཆའ་བ་དངཿ 
ལོངས་སྤྱོད་མི་འབྱོར་མི་འཕྲོད་དངཿ བློ་བུར་ནད་ཀྱིས་གཟིར་བྱེད་ཅིངཿ སླར་ལྡོག་བཀྲ་ཤིས་ཉམས་པ་དངཿ བསྒོ་བ་མི་ཉན་དོན་མེད་ཅིངཿ རང་རྒྱུད་རྩུབ་ཅིང་ཁེངས་པ་དངཿ རིགས་རྒྱུད་མ་སྨིན་ཀུན་གྱིས་བརྙསཿ བསམས་དོན་མི་གྲུབ་
མངའ་ཐང་ཉམསཿ རྒྱུད་དོན་སྦས་པ་མ་ཤེས་སྐྱོནཿ ཁྲིམས་ཀྱི་བདག་པོ་ལྟ་བུའི་ལྷཿ  གནད་ཀྱིས་བཅིང་ཞིང་བསྒྲུབ་པར་བྱཿ དབང་ཆེན་ཕ་དང་མཚུངས་པའི་བདུདཿ མཚུངས་མེད་གྲོགས་དང་འདྲ་བའི་བཙནཿ གནོད་སྦྱིན་ཁྲིམས་
ཀྱི་གཙོ་ལྟ་བུཿ སྲིན་པོ་སྲོག་ལ་རྒོལ་བའི་གཤེདཿ གཟའ་རྒོད་ལག་ཡན་གཞོན་ལྟ་བུཿ སྡོང་བུ་དུག་སྦྲུལ་ལྟ་བུ་ཀླུཿ མོ་རྒྱུད་དབང་ཆེན་རྗེ་དབོན་མཿ མཚུངས་ལྡན་དེ་ཡི་གཉེན་པོས་བསྒྲུབཿ ཁུགས་སུ་མ་བཅུག་བསྒོ་མི་ཉནཿ སེ་
ལོང་གནད་མེད་བདུད་དུ་འགྱུརཿ བཅུད་ཕུར་མ་ཐེབས་སླར་ལ་ལྡོགཿ རང་གི་རབ་རོལ་མ་བཞར་གཡེལཿ ལྟོ་བ་མ་དཀྲུགས་ལས་མི་མྱུརཿ ལོག་ནོན་མ་ལྡན་བདག་ཉིད་སྟོབཿ དབང་དུ་མ་འདུས་སྒོ་མི་ཉནཿ གནད་ཀྱིས་མན་ངག་

104-1-263a

བརྒྱད་ཀྱིས་ནིཿ མཆོད་བསྟོད་སྒྲུབས་ཏེ་ཕྲིན་ལས་བཅོལ་ཞེས་བཀའ་སྩལ་ཏོ། །འཇིག་རྟེན་གྱི་སྡེ་དཔོན་ཆེན་པོ་རྣམས་ཀྱི་ཟབ་པའི་མཆོད་བསྟོད་གནད་ཀྱི་ལེའུ་སྟེཿ   དྲུག་པའོ།། །། དེ་ནས་གཞན་
ཡང་རབ་བཤད་བྱཿ འཇིག་རྟེན་དྲེགས་པའི་སྡེ་དཔོན་རྣམསཿ དྲག་པོའི་ལས་ལ་སྦྱར་བ་ནིཿ དུར་ཁྲོད་གདུག་པའི་གནས་དག་ཏུཿ རྩ་བའི་བསྙེན་པ་སྔོན་སོང་ནསཿ སོ་སོའི་འཐུན་པའི་རྫས་བསར་ཏེཿ དྲག་པོའི་ལས་ཀྱི་ཁང་པ་ནིཿ 
ཨེ་དབྱིབས་སུམ་བཅུ་ལྡན་པར་བཤམཿ ཕྱི་ནང་གསང་བ་སྐུ་གསུང་ཐུགསཿ གནས་བྱིན་བརླབ་དང་བསྐང་དང་མཆོདཿ སྤྱི་དང་སོ་སོར་བསྔགས་པ་དགཿ རབ་ཏུ་བདེ་བར་འདོད་པས་དམིགསཿ གཟུགས་སྒྲ་བསམ་པའི་ནུས་པ་ཡིསཿ 
ལུས་དང་ལུས་ཀྱི་འཕྲུལ་འཁོར་དངཿ སྲོག་དང་སྲོག་གི་གཉེན་པོ་ཡིསཿ སེམས་དང་སེམས་ཀྱི་ངོ་བོ་ལསཿ ཕྱི་ནང་ཀུན་ཏུ་བསྔགས་པ་སྟེཿ འཕྲོ་འདུ་འོད་ཀྱིས་དྲང་ཞིང་དགུགཿ རང་གཞན་དམིགས་པ་དེ་ལ་སྟིམཿ ཤ་ལུས་ཁྲག་སོགས་
མ་ལུས་བཟསཿ དྲེགས་པའི་སྡེ་དཔོན་སྐུ་གསུང་ཐུགསཿ མ་ལུས་མཉེས་པ་འདི་ཡིས་བྱཿ གང་ལ་དམིགས་པ་ཚད་ཀྱིས་སྒྲོལཿ ཏིང་ངེ་འཛིན་གྱི་བརྟུལ་ཤུགས་ཀྱིསཿ བུལ་དང་མྱུར་བའི་བློ་ཡི་སྟོབསཿ འདི་ལ་ཐེ་ཚོམ་མི་བྱ་སྟེཿ 
རྡོ་རྗེ་འཆང་ཆེན་གསང་བའི་བཀའཿ གལ་ཏེ་འབར་བས་མངོན་སྤྱོད་ཅིངཿ མྱུར་དུ་འཕོ་བར་བྱ་བ་ནིཿ རྣོ་སྦལ་ཚ་རྩུབ་དྲི་ང་བའིཿ ཡམ་ཤིང་གདུག་པས་དབྱིབས་ལྡན་བརྩིགཿ རྡོལ་པ་རིགས་ངན་ཤན་པ་དངཿ གཡུང་མོ་གྲོགས་བྲལ་
ཁྱིམ་གྱི་མེསཿ སྦར་ཞིང་དུག་ཁྲག་མངར་བ་ལཿ གཟུགས་བརྙན་རྫོགས་པར་ལོངས་སྤྱོད་པའིཿ སླར་ཡང་དམིགས་ཏེ་ལྷག་མ་དབུལཿ གཙོ་དང་འཁོར་གྱིས་རབ་ཕྱེ་བའིཿ དྲག་པོའི་ཚིག་གིས་རབ་ཏུ་བགྲངཿ དྲེགས་པའི་བདག་པོ་སོ་སོ་
ཡིཿ ཆེ་བརྗོད་གནད་དང་བཅས་པ་ཡིསཿ སྟབ་ཅིང་སྦྱིན་པ་རིམ་བཞིན་བྱཿ དྲང་སྲོང་ཕྲིན་ལས་རྫོགས་པར་བསྐུལཿ ཐལ་ཆེན་དང་ནི་དྲག་པོའི་རྫསཿ རྨེ་ཁྲག་གསུམ་དང་གསོད་བྱེད་གསུམཿ མཚོན་བྲལ་རིན་ཆེན་གསུམ་གྱི་དབྱིགཿ

104-1-263b

རང་བྱུང་བཀྲ་ཤིས་བཟློག་པའི་རྫསཿ ནང་དུ་འདུ་འཕྲོར་སྦྱར་བ་ནིཿ སྒྲ་ཚིག་ཏིང་ངེ་འཛིན་ལྡན་པསཿ སྟོབས་ཆེན་འཁོར་ལོས་དབབ་ཅིང་འཕངཿ དྲེགས་པ་འཁོར་བཅས་ལས་སུ་དམིགསཿ གཞན་ཡང་མཆོད་རྫས་གཟུགས་བརྙན་
བྱསཿ རབ་ཏུ་བསྟན་པའི་དམིགས་པས་བསྟིམཿ འགྱུ་གནས་ས་དང་ཆུ་ཕུག་དངཿ སྲ་བཤེར་འཐབ་དང་ཕུང་ཤུལ་དངཿ རྒྱ་མཚོའི་དབུས་དང་ལམ་པོ་ཆེཿ མཚོན་གྱིས་བརྡེགས་དང་རླུང་གི་སྐྱལཿ བག་མེད་ལྷུང་ཞིང་མེ་ཆུས་འཇོམསཿ 
ལུགས་ནས་བྱུང་བའི་རྟེན་འབྲེལ་ཏེཿ བརྣག་པའི་ཡིད་ཀྱིས་འཛིན་ཕུར་གདབཿ གདུག་བྱེད་འཁོར་དང་ཟས་སུ་གཏདཿ ཇི་སྲིད་འཁོར་བ་མ་སྟོངས་བརཿ ཐར་བར་མི་འགྱུར་ལས་ཀྱི་གིངཿ བྱམས་དང་སྙིང་རྗེའི་སེམས་མ་རྟོགསཿ 
འདི་ལྟར་མངོན་པར་སྤྱད་པ་ཡིསཿ བསྟན་ལ་རབ་སྡང་ཕྱིར་གྱུར་པའིཿ རྗེས་འབྲེང་ལོག་པར་ལྟ་བ་རྣམསཿ ཚར་གཅོད་སྒྲོལ་ཞིང་འདུལ་བ་ཡི་ཞེས་བཀའ་སྩལ་ཏོ།   །འཇིག་རྟེན་གྱི་སྡེ་དཔོན་ཆེན་པོའི་ཕྲིན་ལས་དྲག་པོའི་ལས་ལ་སྦྱར་
བའི་ལེའུ་སྟེ་བདུན་པའོ།། །། དེ་ནས་གཞན་ཡང་གཤད་པ་ནིཿ འཇིག་རྟེན་དྲེགས་བ་རང་གི་གནདཿ གསང་བའི་སྙིང་པོ་དྲག་ཤུལ་གཟུངསཿ ཀུན་བསྡུས་དྲིལ་དང་ཕྱེ་མས་མནནཿ བཛྲ་སརྦ་དུཥྚཱནཿ ཨེ་ཀ་པ་ར་ཨསྟ་ན་ཡཿ 
མ་ཧེ་ཤྭ་ར་དེ་བ་དེ་བིཿ དུ་ཕྲག་དུན་ཏིང་མ་ཡཿ པྲེ་ཏ་བི་ཀྲྀ་སྟ་ན་རཀྵ་རཀྵོ་ཡཀྵ་ཀྵི་ཏཿ བིཥྚི་པ་ཏྲ་ཨ་སེ་ལ་ཛ་ནཱ་ག་གུ་ལིང་ཤ་ཛཿ ཙ་དུ་ཏྲི་ཙ་ར་ཙ་ལ་མ་དུ་ཏྲིཿ མ་མ་རུ་ལུ་མནྟྲ་རཱ་ཛ་དུ་མ་ཏིཿ མ་ཀཱ་ལ་རུ་ཏྲ་ཏཱིཀྵྞ་ཏིཪྠི་ཀ་ཐཿ ཨ་བྷི་ཤུ་ཏྲི་པ་
ཤ་ལི་ཧྃ་ཤྃ་ཏྲི་ཛཿ ། རཱ་ཛ་གིངྐ་རཿ ས་དུ་ཏྲི་ནཱ་ཐ་ཀཱ་ལ་ཨཱ་གཙྪ།  ཧྲིང་ཧྲིང་ཛཿ  བོད་པའི་སྔགས་སོ། །བཛྲ་སརྦ་དུཥྚཱན་ཨེ་ཀ་པ་ར་སརྦ་པཉྩ་ཨ་མྲྀ་ཏ་ཨ་གཙྪ། བ་ལིནྟ་གྲྀཧྞ་ཨི་མྃ་ཏ་གྲྀ་ཧྞནྟུ་མ་ཧཱ་ག་ཎ་པཱུ་ཛ་ཁ་ཁ་ཁཱ་ཧི་ཁཱ་ཧི། འདི་
དག་སྦྱར་བས་མཆོད་པར་འགྱུརཿ སརྦ་ཨཱ་ཡུ་མི་ཏྲ་སིདྡྷི་པུ་ཏྲ་བརྟ་ནི་སིདྡྷི་པུ་ཏྲ་བ་ཧུ་བྷ་དྲ་བཱ་སུ་དྷ་ར་རཏྣ་རཏྣ་པུཥྚི་སིདྡྷི།  མ་ཧཱ་ཛྙཱ་ན་སརྦ་དྷརྨ་གརྦྷ་ཀཱ་ཡ་བཱ་ཀྩིཏྟ་སིདྡྷི་སིདྡྷིཿ ཕ་ལ་སིདྡྷི་མ་ཧཱ་སིདྡྷི་ཨ་བེ་ཤ་ཡ་ཨཿ ཧ་ཧ་ཧི་ཧོཿ རབ་

104-1-264a

ཏུ་སྦྱར་བས་དངོས་གྲུབ་བླངཿ སརྦ་ཤ་ཏྲུྃ་ཡཀྵ་རྦད་རྦད་བྷྱོ་བྷྱོ། འདི་ཡིས་རབ་ཏུ་རྦད་པར་བྱཿ ནྲྀ་ཧུར་ཐུྃས་ཛཿཛཿ  ཤ་ཏྲུྃ་ཙིཏྟ་མཱ་ར་ཡ་རྦདཿ རཱུ་པ་ཡ་ཀནྡ་རྦུད་རྦུད་ཕཊ་ཕཊ་མཱ་ར་མཱ་ར་ཐུཾས་ཐུཾསཿ  ཧ་ན་ཧ་ནཿ ད་ཧ་ད་ཧཿ་
པ་ཙ་པ་ཙ།  ཏིཥྛ་ཏིཥྠ།  ཐུན་རྦད་ཐུན་རྦད།  འདི་ཡིས་དམིགས་པ་རབ་ཏུ་གསདཿ མ་མཱ་ར་ཡ་ཕྲི་པྲེ་ཏ་ཀ་ཧྲིང་ཧྲིངཿ ཏྲི་ཤ་ཕཱ་ལི་རུ་པ་ཡ།  བིནྡྷ་བིནྡྷ། ཧུ་ལུ་ཧུ་ལུ།  རྦད་ནཱན་ལྃ་ནཱན།  ༀ་ནཱན་ཧཱུྃ་ནན།   སྟྃ་བྷ་ཡ་སྟྃ་བྷ་ཡ་
ནཱན་ཞེས་པ་ཡིས་ནི་མནན་བར་བྱཿ སརྦ་མཱ་ར་ཧ་ཀ་རྃ་རྃ།  ཛྭ་ལ་རྃ་ཛྭ་ལ་རྃ།  སྥོ་ཊ་ཡ་སྥོ་ཊ་ཡ།  ཧོ་ཧ་ཡ་ཧོ་ཧ་ཡ།  རཾ་ཙ་ཡ་རཾ་ཀུ་ཡ་ཞེས་པས་མ་ལུས་བསྲེག་པར་བྱཿ མཱ་ར་ཤ་ཏྲུཾ་ཐུན་བྷྱོ་ཐུམ་རིལ་བྷྱོ་ན་ཏེ་ཐུན།   ཨཱ་བེ་
ཤ་ཡ་བྷྱོཿ དམིགས་པ་འདི་ཡིས་འཕང་བར་བྱའོ། བཛྲ་ཨུཙྪ་ཊ་ཡ་ཕཊ་ཨ་གྲི་སརྦ་བྷྱོ་བཟློགཿ ས་མ་ཡ་རྦད་ས་མྱགས་བཟློག །ཕ་རོལ་ནུས་པ་འདི་ཡིས་བཟློག །མ་ཧཱ་བྷ་རི་ཤ་ཡ། ཨ་བྷེ་ཤ་ཡེ་པྲ་ཙ་ཡ། བེ་རྩ་
ཡ་བེ་ཙ་ཡ་ཞི་བས་ལུགས་དབྱུང་ཆུ་དབབ་པའོཿ ནཱ་ག་གྲ་ཧེ་བི་ཙ་ཡ་ཕྲོྃ་ཕྲོྃ་ཧྲིལ་ཧྲིལ།  ཤར་ཤར།   རྃ་ན་ཙག་ནེ་ཕྲོྃ་ཧྲིལ་ཤར་ཤར་ཕོབ་ཕོབ།   དྲག་པོས་བཟློག་ཅིང་སྟབ་པའོཿ མ་ཧཱ་ཤཱནྟིྃ་པུཥྚཾི་ཝ་ཤྱྃ་ཀུ་རུ་མཱ་ར་ཡ་ཛ་ཡ་ཀརྨ་མ་ལི་ཨ་
མུ་ཀི་སིདྡྷི་སུ་སིདྡྷི་ཀར་སྭ་སྟི་སྭཱ་ཧཱ། ཕྲིན་ལས་ཐམས་ཅད་རབ་སྒྲུབ་པ་ཡིཿ   འཐུན་པའི་རྫས་དང་ཏིང་འཛིན་གྱིསཿ ལས་ཀྱི་ཁྱད་པར་སོ་སོར་དབྱེཿ  གནས་སྒྱུར་དང་ནི་གྲུབ་པའི་མཐའཿ སྙིང་རྗེ་བྱམས་པས་རང་བསྐུལ་ཞིངཿ 
ཀུན་ཏུ་ཁྱབ་པའི་མཆོད་སྦྱིན་བྱཿ ཞི་དང་རྒྱས་དང་དབང་དུ་བྱཿ དྲག་བོས་སྒྲལ་ཞིང་ཚར་གཅོད་པའིཿ ལས་ཀུན་རང་གཞན་དོན་དུ་སྤྱདཿ འཇིག་རྟེན་གནས་ཤིང་སྲོག་དང་སྙིངཿ ཡི་གེ་གསལ་བར་རང་འབྱུང་གནསཿ མངོན་དུ་རྒྱུ་བ་ཐུགས་ཀ་སྟེཿ རིང་ཐུང་ཕོ་
མོ་ཁྲག་དང་དུསཿ ཆགས་སྡང་སྙིང་སྲོག་སྙིང་རྗེ་གཙེརཿ རྡོ་རྗེ་པདྨ་རླུང་དང་གནསཿ ཐབས་དང་ཤེས་རབ་ཆོས་ཅན་དངཿ ཆོས་ཉིད་ལས་དང་འབྲས་བུ་ཡིསཿ མི་འཆང་གནད་འཚང་བོད་དང་དྲངཿ གྲོགས་དང་ལྡན་པས་

104-1-264b

ལས་ལ་སྦྱར་ཞེས་བཀའ་སྩལ་ཏོ། །འཇིག་རྟེན་གྱི་སྡེ་དཔོན་ཆེན་པོ་རྣམས་ཀྱི་ལས་སྣ་ཚོགས་ཀྱི་རྩ་བའི་སྙིང་པོ་གནད་ཀྱི་ལེའུ་སྟེཿ  བརྒྱད་པའོ།། །། དེ་ནས་ཡང་དག་བཤད་བྱ་བཿ འཇིག་རྟེན་དྲེགས་པའི་
གཙོ་ཆེན་རྣམསཿ ཚུལ་བཞིན་རབ་ཏུ་བསྒྲུབས་པ་ཡིསཿ གྲུབ་ཅིང་ཉེ་བའི་རྟགས་རྣམས་ནིཿ ཉམས་དང་རྦད་རྟགས་རྨི་ལམ་རྟགསཿ འདི་ལ་སོ་སོར་འབྱུང་འགྱུར་ཏེཿ དགའ་ཞིང་མདངས་ལྡན་སྟོབས་རྙེད་དངཿ བདེ་དང་རྟོགས་པ་
སྤྲོ་བསྐྱེད་ཅིངཿ མངོན་རྒྱུ་ཡིད་ཀྱིས་གདེང་ཐོབ་ཀྱིསཿ ཉམས་ང་བག་ཚ་དོགས་མེད་ཅིངཿ ནུས་ལན་ཕྲིན་ལས་མཐར་ཕྱིན་རྟོགསཿ འདི་དག་ལ་སོགས་རིམ་པར་འབྱུངཿ ལུས་འཇམ་དབུགས་ཀྱིས་མི་གནོད་ཅིངཿ ཡང་ཞིང་བརྟན་
ལ་ཁྱད་པར་དགའཿ ནད་དང་གདོན་གྱིས་བརྫི་མི་ནུསཿ འབྱུང་བའི་ནུས་པས་མི་སྐྱོད་ཅིངཿ ཁ་དོག་དང་ལྡན་སྡུག་ཅིང་མཛེསཿ འདི་ལ་སོགས་པ་ལུས་འབྱུང་གདའཿ ཇི་ལྟར་བསྒོ་བ་བཞན་གྱིས་འཛིནཿ རང་དང་སངས་རྒྱས་རྣམས་ཀྱིས་
གསུངསཿ འཐུན་པའི་ཚུལ་གྱིས་མི་དོར་ལཿ སྙན་དང་མི་སྙན་ཅི་བརྗོད་རྣམསཿ ཚངས་པ་ཡི་དབྱངས་བཞིན་དུ་འོངཿ གྲག་ཐོས་ཙམ་གྱིས་དབང་དུ་བྱེདཿ ཚུལ་མཛེས་འཇུག་པ་དག་གི་བརྡཿ གང་ལ་བརྩམས་པ་དེ་འགྲུབ་ཅིངཿ མ་
ཞུམ་མི་སྤོར་མི་འདོར་བསཿ དབང་དང་ལྡན་ཞིང་མི་གཡོ་ལཿ གསང་བའི་མཐུ་སྟོབས་རབ་ཏུ་ཐོབཿ ཡིད་ཀྱི་ཡུལ་དུ་བརྡ་འབྱུང་བའིཿ སྔ་ཕྱི་དེ་མ་ཐག་པའོཿ བག་ཆགས་མ་ཡིན་རྨི་ལམ་ནིཿ  རྒྱལ་པོ་མཁན་པོ་སློབ་དཔོན་དངཿ ཆེ་
བཙན་རིགས་ལྡན་བརྒྱན་བཅས་ལྡནཿ གཅན་ཟན་འདབ་ཆགས་དུད་འགྲོ་དངཿ སྐྱེས་བ་བུད་མེད་བུས་པ་སོགསཿ རང་གི་གནས་སུ་ལྷགས་པ་ནིཿ ཉེ་བར་འགྲུབ་པའི་རྟགས་ཡིན་ནོཿ བྲན་འབངས་མངག་པའི་ཚུལ་འཆང་ཞིངཿ 
བཀའ་བསྒོ་ལས་བྱེད་ཉན་པ་བརྟགསཿ རིང་བའི་གནས་ནས་གླུ་ལེན་ཅིངཿ རྒྱང་མིག་བལྟ་བ་གཡེལ་བའི་རྟགསཿ རང་ལ་ཆད་པའི་ལས་རྩོམ་ཞིངཿ ཉེས་ལན་འདེད་པ་བཟློག་པའི་རྟགསཿ ཟས་སྐོམ་འདོད་ཅིང་འཁྲིག་ལན་

104-1-265a

བསྙགཿ རང་ཉིད་གནོད་འགྱོད་མ་སྐོངས་རྟགསཿ འཇོམ་ཞིང་དུད་མོས་འདེབས་བྱེད་པཿ མ་དག་ལུས་སྣང་ཉམས་པའི་རྟགསཿ རང་གི་བསྒོ་བ་མི་ཉན་ཞིངཿ སླར་ཞིང་ཚུར་ལ་འཁོལ་འདོད་པཿ གཉེན་པོས་དབང་དུ་མ་གྱུར་
རྟགསཿ མཚོན་ཆ་བརྡུང་ཞིང་ཚད་མ་ལྡནཿ ནུས་མེད་བྱ་བ་མི་འགྲུབ་པསཿ སྔགས་ཀྱི་ནུས་པ་མ་གྲུབ་རྟགསཿ གཞན་འདོད་རང་ལ་མེད་པ་དངཿ རང་གི་ཡོད་པ་འདོད་མེད་རྣམསཿ མཆོད་བཀང་ཐུན་རྫས་མ་ཚང་རྟགསཿ ཤ་རུས་ཁྲག་སོགས་
ལོངས་སྤྱོད་ཅིངཿ ངོ་མཐོན་རབ་ཏུ་ཆེ་བ་ནཿ ལས་བྱས་འགྲུབ་པའི་རྟགས་ཡིན་ནོཿ ཕ་རོལ་དམག་ཚོགས་མ་བྱུང་ཞིངཿ སྒོ་མེད་ཁང་པར་བདག་ཞུགས་ལཿ ངན་སྔགས་གཞན་གྱིས་བཟློག་པའི་རྟགསཿ བྱེ་བྲག་སྡེ་བརྒྱད་སོ་སོ་ནིཿ མི་དང་
དུད་འགྲོ་འདབ་ཆགས་སོགསཿ ཕོ་ཚོགས་ནག་པོ་བདུད་ཀྱི་རྟགསཿ མོ་ཚོགས་བརྒྱན་བཟང་མ་མོ་སྟེཿ ཆེ་བཙན་འབག་སེང་གཙུག་ལག་ཁངཿ བུས་པ་སྤྲ་སྤྲེ་རྒྱལ་པོའི་རྟགསཿ མི་རྟ་ཁྲ་སྤྱང་རི་དགས་ནིཿ བྲག་བཙན་རི་བཙན་རྟགས་
ཡིན་ནོཿ ཆུ་གནས་དུད་འགྲོ་ཀླུ་ཡི་རྟགསཿ མ་ཧེ་ར་ལུག་མིག་མདངས་དངཿ མུན་པ་བུ་ཡུག་གཟའ་ཡི་རྟགསཿ སྐྱེས་པ་ཆས་བཟང་འབྱོར་པ་ཅནཿ རི་མཚོ་ལ་གནས་གནོད་སྦྱིན་རྟགསཿ ཉ་པ་ཤན་བ་བྱ་པ་དངཿ དམག་གི་གོ་མཚོན་
སྲིན་པོའི་རྟགསཿ འདི་དག་སྔར་བཤད་བཟང་ངན་སྦྱརཿ བྱེ་བྲག་སྒྲུབ་པའི་རྟགས་སུ་འགྱུར་ཞེས་བཀའ་སྩལ་ཏོ། །འཇིག་རྟེན་གྱི་སྡེ་དཔོན་ཆེན་པོ་བསྒྲུབ་པའི་རྟགས་ཀྱི་ལེའུ་སྟེ་དགུ་པའོ།།    །། དེ་ནས་གཞན་ཡང་རབ་བཤད་པཿ དྲེགས་
པ་ཅན་གྱི་ཁྱད་པར་རྫསཿ མཛེས་པའི་གཟུགས་བརྙན་སྐུ་ཡི་རྟེནཿ མིང་ནས་བོད་པ་གསུང་གི་རྟེནཿ ཕྱག་མཚན་དམ་པ་ཐུགས་ཀྱི་རྟེནཿ ལུག་གཡག་དཀར་པོ་སྦལ་སྦྲུལ་ཉཿ གླང་རྟ་སྔོན་པོ་རིན་པོ་ཆེཿ གཡུལ་བཤམས་མྱུར་བསྒྲལ་བྱ་གཅན་
དངཿ རྣེལ་བུ་ཤེལ་ནག་བྱ་ནག་དངཿ རྟ་ལུག་ཁྱི་དང་རྒོད་གནག་དངཿ ར་ཕག་བྱ་ཁྱི་དཀར་པོ་དངཿ ཀླ་ཀློ་ར་རོག་དོམ་ཁྱི་གནགཿ སྦྲུལ་ནག་བྱ་རྒོད་ར་སྐྱེས་དངཿ རྟ་ར་བྱ་ཁྱི་དམར་པོ་ཡིཿ སྙིང་ཁྲག་མགོ་དང་རྒྱལ་མཚན་ནིཿ ལྷ་ཀླུ་གནོད་སྦྱིན་

104-1-265b

སྲིན་པོ་དངཿ མ་མོ་བདུད་དང་རྒྱལ་པོ་གིངཿ གཤིན་རྗེ་གཟའ་དང་བཙན་རྣམས་ཀྱིཿ རིམ་བཞིན་སོ་སོ་བརྟེན་པའི་རྫསཿ རབ་ཏུ་གསང་བ་ཉིད་ཡིན་ནོཿ ཨེ་ལྡན་གདུག་བཅས་རྒྱུད་མེད་ཀྱིཿ ཐོད་པ་མཚོན་ཆ་ཕུར་པ་དགཿ དུག་ཁྲག་རིན་ཆེན་
དྲག་པོའི་འབྲུཿ ཀུན་ཚོགས་རབ་ཏུ་གསང་བའི་རྫསཿ གྲུ་བཟུང་སྣོད་ནི་ཤ་ཁྲག་བཅསཿ རུ་བཟངས་རིགས་མེད་མྱུར་སོང་ཆུཿ མྱུ་གུ་སྣ་ཚོགས་དྲི་ལྡན་རྫསཿ ཆུ་དྲག་དཔའ་རབས་དུད་པའི་རྫས་ཡིན་ནོཿ མཆོད་རྟེན་རི་རབ་རྒྱ་གྲམ་བཅསཿ 
རྨེ་རྫས་རིས་ངན་མགོ་བོ་གསུམཿ དམིགས་པའི་འབབ་རྫས་པདྨ་ནིཿ སླར་ལ་བཟློག་པའི་རྫས་ཡིན་ནོཿ ནད་གདུག་བྃ་རིལ་མགོ་རྐང་རྣམསཿ རབ་ཏུ་མནན་པའི་རྫས་ཡིན་ནོཿ དུག་ཁྲག་ཚོགས་དང་མཚན་མ་ངནཿ དམིགས་པའི་བརྟེན་
ལ་འཕང་བའི་རྫསཿ ངན་པའི་ས་ཡི་རྟེན་ཁང་དངཿ གདུག་ཅིང་རབ་ཏུ་ཚ་བའི་ཤིངཿ འབྲུ་ནག་དུག་ཁྲག་སྲེས་པའི་རྫསཿ གཞན་ཡང་དབང་ཅན་དྲེགས་པའི་འཁོརཿ སོ་སོའི་རིགས་དང་སྡེར་བཅས་པའིཿ འཐུན་དང་མི་མཐུན་གཙང་དང་
རྨེཿ  བསྔགས་པའི་ཀུན་རྫས་ཤེས་པར་འགྱུརཿ མ་འོངས་དུས་ན་རྡོ་རྗེ་འཆངཿ རང་གི་རིག་འཛིན་བྱང་ཆུབ་སེམསཿ བརྟུལ་ཞུགས་ཅན་གྱིས་འགྲུབ་པ་ཡིསཿ དབུས་དང་མཐའ་འཁོབ་ཡུལ་རྣམས་དངཿ སངས་རྒྱས་ཞིང་གི་འཇིག་
རྟེན་ཁམསཿ ཀུན་ནས་སྡེ་དཔོན་གཡོག་བཅས་པའིཿ ཡིད་དང་དངོས་པོའི་ལུས་ཅན་རྣམསཿ ཁམས་དང་རིགས་པ་བསམ་པ་དངཿ སྐྱེད་པ་བརྟེན་གནས་ཡོ་བྱད་དངཿ མ་ལུས་རྫོགས་པར་རབ་ཏུ་རྟོགསཿ ཤེས་ལྡན་མིག་ཅན་རྣམས་ལ་སྟོནཿ 
དེ་ཚེ་དྲེགས་པའི་གཙོ་ཆེན་རྣམསཿ ད་ལྟ་ང་ཡིས་གདམས་པ་ཡིནཿ ཡང་དག་དོན་ལ་མ་འདའ་ཅིགཿ ཁྱེད་རྣམས་ཀྱང་ནི་དུས་ནམ་ཞིགཿ ལས་ཀྱི་གནས་ངན་ལེན་སྤངས་ཏེཿ བྱང་ཆུབ་ས་ལ་མྱུར་འགྲོ་ཡིསཿ དེ་བས་བཀའ་ཡི་དམ་མནོས་ལཿ 
ཇི་ལྟར་དམིགས་པ་བཞིན་སྒྲུབས་ཤིངཿ གསང་ཆེན་ང་ཡི་བསྟན་པའི་ཚུལཿ ཕྱི་རོལ་ཕྱོགས་ལ་སོགས་པ་ཡིསཿ ཉམས་ཤིང་རྨས་པར་མི་འགྱུར་བསཿ རྒྱས་ཤིང་བསྟན་པར་ཁྱོད་ཀྱིས་བྱོསཿ ཞེས་བཀའ་སྩལ་ཏོཿ འཇིག་རྟེན་གྱི་སྡེ་

104-1-266a

དཔོན་ཆེན་པོའི་རྟེན་རྫས་དང་ལས་ཀྱི་གཉེར་བསྒོ་བའི་ལེའུ་སྟེ་བཅུ་པའོ།།    །། དེ་ནས་བཅོམ་ལྡན་འདས་དེ་བཞིན་གཤེགས་པ་ཐམས་ཅད་ཀྱི་སྐུ་དང་གསུང་དང་ཐུགས་ཀྱི་བདག་ཉིད་གསང་བ་ཆེན་པོའི་སྐུའི་རྣམ་པར་
རོལ་པ་ཆེན་པོ་དེ་དག་ཉིད་ཀྱི་སྐུ་ལ་རབ་ཏུ་བསྡུས་པ་མཛད་དེཿ   དགྱེས་པའི་གསུང་གིས་འདི་སྐད་ཅེས་བཀའ་སྩལ་ཏོ། །ཀྱེ་མ་འདུས་པའི་འཁོར་ཚོགས་རྣམསཿ བདུད་དང་གཤིན་རྗེ་ལ་སོགས་པའིཿ འཇིག་རྟེན་དབང་ཆེན་གཙོ་ཆེན་རྣམསཿ 
མཐར་ཐུག་མྱ་ངན་འདས་ནས་ཀྱངཿ དུས་གསུམ་སངས་རྒྱས་ཐམས་ཅད་ཀྱིཿ སྟེན་པའི་མཐའ་ཚིགས་སྒྲུབ་པ་དངཿ རྣལ་འབྱོར་ལམ་གྱི་གྲོགས་མཛད་ཕྱིརཿ དྲག་པོའི་སྐུ་གསུང་ཐུགས་ཉིད་དངཿ ཡོན་ཏན་འཕྲིན་ལས་སྣ་ཚོགས་སྟོནཿ ཕྱི་
མའི་དུས་ན་རིག་པ་འཛིནཿ སྐྱེས་བུ་བརྩོན་ལྡན་རྣམས་ཀྱི་ནིཿ གཉིས་སུ་འཛིན་པར་ཡོང་མི་བྱཿ ཡུལ་སྣང་ཕྱི་ནང་མ་ལུས་ཀུནཿ རང་རིགས་སེམས་ཀྱི་རྒྱལ་པོར་བསྒྲུབཿ དེ་ནི་མ་བཅོས་ཡུལ་མི་བྲལཿ མ་ཆད་མ་ལྷུང་བདག་པོ་མེདཿ 
གཉིས་མེད་མཉམ་ཉིད་ལྷུན་གྱིས་གྲུབཿ ངེས་འགྱུར་སྤང་བླང་རྩོལ་སེམས་བྲལཿ མ་ལུས་རྩ་བ་སྙིང་གི་སྲོགཿ  དེ་ཉིད་ཤེས་བྱ་རབ་ཏུ་བླངཿ   དབང་གི་རྒྱལ་པོ་འཆར་བར་འགྱུརཿ གལ་ཏེ་ང་དང་དྲེགས་པ་ཅནཿ སོ་སོ་རང་རྒྱུད་ལྡན་པ་
ཡིསཿ གཉིས་འཛིན་ཡིད་ཀྱི་རྟོགས་སྤྱོད་ཅིངཿ མཚན་མར་རབ་ཏུ་སྒོམ་བྱེད་པརཿ རྐང་མེད་ཁམས་གསུམ་སྒྲོད་འདོད་ཅིངཿ མིག་མེད་སྟོང་གསུམ་བལྟ་དང་མཚུངསཿ བདུད་བཞི་དགའ་བ་སྐྱེད་པར་བྱེདཿ དེ་བས་རིགས་མཆོག་
མ་རྣམས་ཀྱིསཿ གསང་བདག་ང་ཉིད་ཤེས་པར་གྱིས་ཞེས་བཀའ་སྩལ་ནསཿ ཉིད་ཀྱི་སྐུ་གསུང་ཐུགས་ཀྱི་དཀྱིལ་འཁོར་ཆེན་པོ་ཆོས་ཉིད་དེ་བཞིན་ཉིད་སྤྲོས་དང་དྲལ་བའི་དབྱིངས་སུ་ཐིམ་པར་མཛད་དོཿ ཿའཇིག་རྟེན་གྱི་སྡེ་དཔོན་
ཆེན་པོ་འཁོར་དང་བཅས་པ་ཆོས་སྐུ་མཐར་ཐུག་ཏུ་སྒྲུབ་པར་གདམས་པའི་ལེའུ་སྟེ་བཅུ་གཅིག་པའོ།། །།དྲེགས་པ་ཅན་གྱི་སྡེ་དཔོན་འཇིག་རྟེན་མཆོད་བསྟོད་སྒྲུབ་པ་རྩ་བའི་རྒྱུད་ཞེས་བྱ་བ་རྫོགས་སྷོ།། །། མངྒཱ་ལྃ།། །།