106-1-1a

༼འ༽ ༄༅། ༈ །གསང་སྔགས་རྒྱུད་འབུམ་གྱི་སྐོར་བཞུགས་སོ། །
(黃)  秘密經第二十三部

106-1-1b

༄༅།  །སྤྱན་འདྲེན་རྒྱུད་གསུམ་པ། བླ་མའི་བླ་མ་བླ་མེད་དཀོན་མཆོག་གསུམ། །ཆེ་བའི་ཆེ་
མཆོག་དབང་མཆོག་དམ་པ་ལ། །གུས་པས་ཕྱག་འཚལ་དང་བས་སྐྱབས་སུ་མཆི། །གནམ་སའི་
མངའ་བདག་སྐྱེ་དགུའི་ལོངས་སྤྱོད་གཞི། །བསྟན་པ་དམ་པ་ཆོས་ཀྱི་མགོན་མཛད་པ། །ཚངས་པ་བརྒྱ་
བྱིན་རྒྱལ་ཆེན་ཡུལ་འཁོར་སྲུང་། །འཕགས་སྐྱེས་མིག་མི་བཟང་དང་ལུས་ངན་པོ། །འཇིག་རྟེན་སྐྱོང་བ་
དབང་པོ་མེ་ལྷ་དང་། །གཤིན་རྗེ་བདེན་བྲལ་ཆུ་ལྷ་རླུང་གི་ལྷ། །རྣམ་ཐོས་བུ་དང་དབང་བདག་ས་ཡི་ལྷ། །
ཉི་ཟླ་གཟའ་སྐར་ཕྱོགས་ཀྱི་གླང་པོ་རྣམས། །བློན་པོ་སྡེ་དཔོན་ལྷ་མོ་ཕྱོགས་མཚམས་སྲུང་། །བཙུན་
མོ་སྲས་བཅས་སོ་སོའི་འཁོར་ཀུན་དང་། །ལྷ་ཡི་སྡེ་དཔོན་ཆེན་པོར་མཚན་གྲགས་པ། །ཁྱབ་འཇུག་
ཚོགས་བདག་ནན་ཏི་ཀར་ཏི་ཀ །ནག་པོ་ཆེན་པོ་སྟོབས་ཆེན་སྟོབས་པོ་ཆེ། །གནོད་འཛིན་པད་མ་པད་

106-1-2a

མ་ཆེན་པོ་དང་། །དུང་དང་དུང་ཆེན་གང་པོ་ཤིན་དུ་གང་། །མགྲིན་བཟང་གང་བ་བཟང་པོ་ནོར་བུ་བཟང་། །བུམ་རྣ་དྲིལ་རྣ་རྣ་གསུམ་རྣ་བོ་ཆེ། །ཡང་དག་ཤེས་དང་ཡང་དག་རྒྱལ་བ་དང་། །རྒྱལ་བའི་ཁྱུ་མཆོག་འབྲོག་གནས་གངས་
ལ་གནས། །བདེ་རི་ལྔས་རྩེན་ལྔ་ལེན་ཚིགས་ལྔ་སེར། །མགྲིན་བཅུ་རྣམ་འཇིགས་འབྲུག་སྒྲ་ནམ་མཁའི་དབྱངས། །སྟོང་གསུམ་རྒྱ་མཚོ་དགའ་བོ་བསྙེན་དགའ་བོ། །མ་དྲོས་གཟི་ཅན་ནོར་རྒྱས་གདོན་ལ་འཇེབས། །
དྲང་སྲོང་རིག་འཛིན་ཆར་སྤྲིན་ལོ་ཏོག་ལྷ། །ལམ་ལྷ་ཉིན་མཚན་དུས་མཚམས་ཚེས་གྲངས་ཡུད། །ཧ་ནུ་མན་ཏ་ལ་སོགས་མཐུ་ཆེན་དང་། །ཚིག་དབང་ལྷ་མོ་སྒྲ་དབྱངས་དབྱངས་ཅན་དང་། །བེའུ་འདྲ་དཔལ་གྱི་ལྷ་མོ་འོད་ཟེར་ཅན། །
དཀར་ཤམ་བརྗོད་སྐྱོབ་གང་གཱ་ཡ་མུ་ན། །སྲས་འཕན་དུང་ཅན་རི་མཁར་ནག་མོ་དང་། །མ་བདུན་སྲིང་མོ་བདུན་དང་སྲིང་མོ་བཞི། །ནག་མོ་ཆེན་མོ་རལ་པ་གཅིག་ལ་སོགས། །ལྷ་མོ་ཆེན་མོ་གནོད་སྦྱིན་ཆེན་མོ་དང་། །སྲིན་མོ་ཆེན་མོ་ཤ་
ཟ་ཆེན་མོ་དང་། །གཞོན་ནུའི་སྐུ་འཚོ་རྫུ་འཕྲུལ་དབང་གིས་འཕགས། །སླག་ཆེན་བརྗིད་པ་ལྷ་དམག་གཡུལ་དུ་བསྟོད། །རྨད་གྲགས་ཆེན་པོའི་དགེ་བསྙེན་ཆེན་པོ་དང་། །ལྷ་སྲས་གཞོན་ནུ་ཀླུ་སྲས་གཞོན་ནུ་དང་། །རིག་འཛིན་
གཞོན་ནུ་དྲང་སྲོང་གཞོན་ནུ་དང་། །བི་ཀྵུས་བསྟེན་པའི་གཞོན་ནུ་ལྔ་བརྒྱ་སྤུན། །གནོད་སྦྱིན་གཞོན་ནུ་ཏི་ར་ཀ་ལ་སོགས། །གཟི་བརྗིད་ཆེན་པོའི་གཞོན་སྡེ་ཐམས་ཅད་དང་། །སྐྱེ་དགུའི་བདག་པོ་ལ་སོགས་ལྷ་དང་ཀླུ། །གནོད་སྦྱིན་དྲི་ཟ་
ལྟོ་འཕྱེ་ལྷ་མ་ཡིན། །གསེར་འདབ་གྲུལ་བུམ་སྲིན་པོ་མི་འམ་ཅི། །འབྱུང་པོ་ཤ་ཟ་ཡུལ་བདག་འདྲེ་ལ་སོགས། །ཅང་ཤེས་སྙིང་རྗེའི་ལམ་དུ་ཞུགས་དགུ་དང་། །རིག་པའི་ལྕགས་ཀྱུས་ཟིན་པ་ཀུན་གསོན་ཅིག །གང་གི་མིང་ལ་
འང་བཀྲ་ཤིས་དཔལ་འབར་བ། །ཡི་གེ་གཉིས་འབྲེལ་དཀོན་མཆོག་གསུམ་གྱི་མཚན། །སྐྱེས་བུ་གང་ཞིག་ཉན་ཏམ་འདོན་པ་ཡང་། །གཞའ་གསང་ཡུན་གྱི་ཆུ་སྲིད་འཐོབ་འགྱུར་ན། །ཡོན་ཏན་ཕུན་སུམ་དཔག་ཡས་དཀོན་མཆོག་ལ། །

106-1-2b

བསྙེན་བཀུར་མཉེས་བྱེད་བཀའ་ལ་གུས་པ་དང་། །ཆོས་ཐོས་ཉམས་སུ་ལེན་པ་ཅི་ཞིག་སྨོས། །དེ་བས་གསུང་རབ་དཔག་བསམ་རྒྱས་པ་ཡི། །ལྷ་ཡི་ལོངས་སྤྱོད་ཚལ་དུ་ཀུན་གཤེགས་ཏེ། །ཆོས་རྗེ་ཉི་མ་ཐམས་ཅད་མཁྱེན་པའི་བཀའ། །
བདུད་སྡེ་ལྟ་མིན་གཡུལ་ལས་རྒྱལ་བྱེད་པ། །རིན་ཆེན་འོད་མཆོག་ལྷ་དབང་གཙུག་གི་རྒྱན། །བག་ཡོད་དད་པའི་སྤྱི་བོས་བླང་བར་མཛོད། །ཀྱེ་རྒྱལ་བའི་སྲས་ཁྱོད་ཚུར་ཤོག །བདག་དང་སེམས་ཅན་ཀུན་ཀྱང་ཡོངས་སུ་མྱ་ངན་ལས་
འདས་པར་བགྱིས་ལ། སེམས་ཅན་མ་རྒལ་བས་མ་འཇིགས་པར་བསོད་ནམས་དང་ཡེ་ཤེས་ཀྱི་ཚོགས་བཙལ་བས་མི་ངོམས་པ་ལ་སེམས་ཞོག་ཤིག །མངོན་པར་འདུ་བྱེད་པའི་རང་བཞིན་གྱི་མཚན་ཉིད་ཀྱང་མ་གཏང་ཤིག །
སངས་རྒྱས་ཀྱི་གཟུགས་ཀྱི་སྐུ་ཡང་མ་དོར་ཅིག །འདོད་ཆགས་དང་བྲལ་བའང་ཐོབ་པར་གྱིས་ཤིག །ཆོས་ཐམས་ཅད་ལ་ཆགས་པ་མེད་པའི་ཐམས་ཅད་མཁྱེན་པའི་ཡེ་ཤེས་ཀྱང་བཙལ་བར་གྱིས་ཤིག །ཆོས་ཐམས་ཅད་ལ་གཞན་གྱི་
དྲིང་འཇོག་པ་མེད་པར་སངས་རྒྱས་ཀྱི་ཞིང་ཡང་ཡོངས་སུ་སྦྱང་བར་གྱིས་ཤིག །ཞིང་གི་མཚན་ཉིད་ནམ་མཁའ་ལྟ་བུར་ཡང་ཤེས་པར་གྱིས་ཤིག །སེམས་ཅན་ཡོངས་སུ་སྨིན་པར་བྱ་བས་མ་སྐྱོ་ཤིག །བདག་མེད་པའི་མཚན་ཉིད་ཀྱང་མ་
སྤོང་ཤིག །མངོན་པར་ཤེས་པ་ལ་ཡང་རྣམ་པར་འཕྲུལ་པར་གྱིས་ཤིག །ཆོས་ཀྱི་དབྱིངས་ལས་ཀྱང་མ་གཡོ་ཤིག །བྱང་ཆུབ་ཏུ་སེམས་བསྐྱེད་པ་ཡང་མ་གཏང་ཤིག །ཐམས་ཅད་མཁྱེན་པའི་ཡེ་ཤེས་ལ་ཡང་འབྱུང་བར་གྱིས་
ཤིག །ཆོས་ཀྱི་འཁོར་ལོ་བསྐོར་བས་སེམས་ཅན་ཐམས་ཅད་ཚིམ་པར་གྱིས་ཤིག །ཆོས་ཉིད་བརྗོད་དུ་མེད་པ་ལས་ཀྱང་འདའ་བར་མ་བྱེད་ཅིག །དེ་བཞིན་གཤེགས་པའི་རྣམ་པར་འཕྲུལ་པ་དང་བྱིན་གྱི་བརླབས་ཀྱང་ཡོངས་སུ་
སྟོན་ཅིག །བྱང་ཆུབ་སེམས་དཔའི་ལུས་ཀྱང་མ་དོར་ཅིག །སྐྱེ་བའི་སྐྱེ་མཆེད་ཐམས་ཅད་དུ་ཡང་སྣང་བར་གྱིས་ཤིག །ཡོངས་སུ་མྱ་ངན་ལས་འདའ་བ་ཆེན་པོ་ཡང་ཡོངས་སུ་སྟོན་ཅིག་ཅེས། ཀྱེ་རྒྱལ་བའི་སྲས་འདི་དག་ནི་ལྟ་བའི་

106-1-3a

ཆོས་ཟུང་དང་སྣྲེལ་ཞིར་སྒྲུབ་པ་མངོན་བར་བསྒྲུབ་པ་རྣམས་ཉེ་བར་སྒྲུབ་པ་འདི་དག་ནི་སངས་རྒྱས་ཀྱི་ཕྲིན་ལས་ཡང་དག་ཕུལ་གྱི་ཆོས་བཅུ་པ་ཞེས་བྱའོ། །ཀྱེ་རྒྱལ་བའི་སྲས་འདི་དག་ནི་བྱང་ཆུབ་སེམས་དཔའ་རྣམས་ཀྱི་སངས་རྒྱས་ཀྱི་
ཕྲིན་ལས་ཏེ། བྱང་ཆུབ་སེམས་དཔའ་རྣམས་རང་བྱུང་གི་ཕྲིན་ལས་གཞན་གྱི་དྲིང་འཇོག་པ་མེད་པར་བླ་ན་མེད་པའི་བྱང་ཆུབ་འཐོབ་པར་འགྱུར་བ་དག་གོ། །ལྷའི་རྒྱལ་པོ་དབང་ཆེན་མཆོག་སྦྱིན་གཙོ། །དཔའ་བོ་འཇིགས་མེད་འཇིག་
རྟེན་ཀུན་ལ་གྲགས། །ཤེས་རབ་འོད་གསལ་ཟླ་བ་ཉ་བའི་ཞལ། །སྐྱེས་མཆོག་སྨོན་ལམ་ཕྲིན་ལས་གཅིག་པའི་མཆེད། །ཚངས་པ་བརྒྱ་བྱིན་འཇིག་རྟེན་སྐྱོང་ལ་སོགས། །རྡོ་རྗེ་ཏིང་འཛིན་རི་རབ་སྲུབ་ཤིང་དང་། །སྙིང་རྗེ་བརྩོན་འགྲུས་
ཀླུ་ཡི་སྲུབ་ཐག་གིས། །ཤེས་རབ་ཆེན་པོའི་རྒྱ་མཚོ་བསྲུབས་པའི་བཅུད། །དམ་ཆོས་བདུད་རྩིའི་འགྲོན་དུ་གཤེགས་ཀུན་ལ། །ཆོས་བསྒྲགས་བསོད་ནམས་དབྱིག་ཀྱང་སྤྱིར་འབུལ་གྱིས། །སྲིན་དམག་ལྷ་མིན་གཡུལ་ལས་རྒྱལ་
བ་དང་། །ལྷ་ཡི་རྒྱལ་སྲིད་དབུ་རྨོག་བཙན་པར་བསྔོ། །གཟི་བྱིན་གཡོག་འཁོར་ལོངས་སྤྱོད་འཕེལ་བ་དང་། །མཐུ་རྩལ་གོ་འཕང་ཁྱད་པར་ཐོབ་པར་བསྔོ། །རྫུ་འཕྲུལ་མངོན་ཤེས་ཕ་རོལ་ཕྱིན་ལ་སོགས། །རྣམ་པར་ཐར་པའི་
སྒོ་ཀུན་རྫོགས་པ་དང་། །དགེ་བའི་ཕྲིན་ལས་དགོངས་དགུ་གྲུབ་པར་བསྔོ། །དམ་ཆོས་བདུད་རྩིའི་བདེ་བས་ལུས་ཁྱབ་སྟེ། །སྡུག་བསྔལ་གནོད་པའི་རྒྱུད་ལས་གྲོལ་བར་བསྔོ། །དགེ་བའི་བཤེས་གཉེན་བཀའ་དྲིན་བྱམས་པའི་གཉེན། །
བདག་ཅག་ཉོན་མོངས་མཚོན་གྱིས་རྨས་པ་རྣམས། །ཐུགས་རྗེའི་བྱིན་གྱི་བརླབས་ཀྱིས་བསྐྱང་བ་དང་། །གང་གིས་གང་ལ་སྤྱི་བོས་མཐུ་སྐྱེད་ཅིང་། །དེ་བཞིན་གཤེགས་པའི་བསྟན་པ་བསྲུང་བར་གསོལ། །མ་འོས་འཁྲུལ་པའི་ནོངས་
པ་མཆིས་སོ་འཚལ། །དུས་རིག་རྒྱུད་མཁྱེན་ཀུན་ལ་བཟོད་པར་གསོལ། །ལྷ་ཚོགས་ཆོས་ཀྱི་སྦྱིན་པའི་བཀྲ་ཤིས་ཀྱིས། །ཕུན་སུམ་ཚོགས་འཛིན་དམ་ཆོས་རྒྱས་པར་སྨོན། །རྒྱུད་གསུམ་པ་རྫོགས་སྷོ།། །།རྒྱུད་གསུམ་པ། 

106-1-3b

ཚངས་པ་བརྒྱ་བྱིན་རྒྱལ་ཆེན་ལྷ་དང་ཀླུ། །གནོད་སྦྱིན་དྲི་ཟ་ལྟོ་འཕྱེ་ལྷ་མ་ཡིན། །གསེར་འདབ་གྲུལ་བུམ་མི་འམ་ཅི་ལ་སོགས། །སེམས་ཅན་གང་དག་བདེ་གཤེགས་སྲས་རྣམས་དང་། །ནོར་བདུན་ཕུན་སུམ་དཔལ་བཞེད་ཀུན་
གསོན་ཅིག །སངས་རྒྱས་བཅོམ་ལྡན་ཡོན་ཏན་བསམ་མི་ཁྱབ། །དམ་པའི་ཆོས་ཀྱི་ཡོན་ཏན་བསམ་མི་ཁྱབ། །འཕགས་པའི་དགེ་འདུན་ཡོན་ཏན་བསམ་མི་ཁྱབ། །དཀོན་མཆོག་བསམ་མི་ཁྱབ་ལ་མངོན་དད་པའི། །
རྣམ་སྨིན་བླ་ན་མེད་པའང་བསམ་མི་ཁྱབ། །བསྐལ་པ་བྱེ་བ་ཁྲག་ཁྲིག་བགྲང་བར་ཡང་། །དཀོན་མཆོག་མཚན་ཐོས་ཙམ་ཡང་རྙེད་དཀའ་བས། །བརྒྱ་ལམ་ལན་ཅིག་ཁོམ་ལྡན་ལུས་རྙེད་རྣམས། །རྫུ་འཕྲུལ་དད་པའི་ཤུགས་
ཀྱིས་འདིར་གཤེགས་ཏེ། །རྣམ་པར་གྲོལ་བའི་རིན་ཆེན་སྣ་ཚོགས་གླིང་། །ཟབ་མོ་རྒྱལ་བའི་བཀའ་ལ་ཀུན་གསོན་ཅིག །བསྔོ་བ་གང་དག་དམ་ཆོས་ལྷུར་ལེན་འདིར་འདུས་པ། །ལྷ་ཀླུ་གནོད་སྦྱིན་ལ་སོགས་མཐུ་ཆེན་
རྣམས། །ཆོས་ཀྱི་བསོད་ནམས་ཤས་ཀྱང་ཁྱེད་བཞེས་ཏེ། །གཟི་བྱིན་འཁོར་འཕེལ་དགོངས་པ་གྲུབ་པར་བསྔོ། །གསུང་རབ་བདུད་བརྩིའི་རྗེས་སུ་སྒྲུབས་མཛོད་ལ། །གང་ལ་ཅི་རིགས་སོ་སོར་དཔལ་བསྐྱེད་ཅིང་། །དེ་བཞིན་
གཤེགས་པའི་བསྟན་པ་བསྲུང་བར་གསོལ། །རྒྱུད་གསུམ་པ་རྫོགས་སྷོ།། །། ༄༅། །རྒྱ་གར་སྐད་དུ། ཨཱརྱ་རད་ནོལ་ཀ་ནཱ་མ་དྷཱ་ར་ཎཱི་མ་ཧཱ་ཡཱ་ན་སཱུ་ཏྲ། བོད་སྐད་དུ། འཕགས་པ་དཀོན་མཆོག་ཏ་ལ་ལའི་གཟུངས་ཤེས་བྱ་བ་
ཐེག་པ་ཆེན་པོའི་མདོ། སངས་རྒྱས་དང་། བྱང་ཆུབ་སེམས་དཔའ་ཐམས་ཅད་ལ་ཕྱག་འཚལ་ལོ། །འདི་སྐད་བདག་གིས་ཐོས་པ་དུས་གཅིག་ན། བཅོམ་ལྡན་འདས་རྒྱལ་པོའི་ཁབ་ན། བྱ་རྒོད་ཀྱི་ཕུང་པོའི་རི་ལ་དགེ་སློང་སྟོང་དུ་
ཚང་བ་ཐམས་ཅད་ཀྱང་དཀར་པོའི་ཆོས་ཡོངས་སུ་རྫོགས་པ། སེང་གེའི་སྒྲ་ཆེན་པོ་སྒྲོག་པ། ཡེ་ཤེས་ཀྱི་ཚོགས་དཔག་ཏུ་མེད་པ་ཚོལ་བ་ལ་མཁས་པ་ཤ་སྟག་གི་དགེ་སློང་གི་དགེ་འདུན་ཆེན་པོ་དང་ཐབས་གཅིག་ཏུ་བཞུགས་

106-1-4a

སོ། །བྱང་ཆུབ་སེམས་དཔའི་དགེ་འདུན་ཆེན་པོ་འདི་ལྟ་སྟེ། བྱང་ཆུབ་སེམས་དཔའ་སེམས་དཔའ་ཆེན་པོ་ཀུན་དུ་བཟང་པོ་དང་། བྱང་ཆུབ་སེམས་དཔའ་སེམས་དཔའ་ཆེན་པོ་ལག་ན་ཕྱག་རྒྱ་རིན་པོ་ཆེ་དང་། བྱང་ཆུབ་སེམས་དཔའ་
སེམས་དཔའ་ཆེན་པོ་རྟག་ཏུ་བརྩོན་དང་། བྱང་ཆུབ་སེམས་དཔའ་སེམས་དཔའ་ཆེན་པོ་ཡོན་ཏན་གྱིས་བརྒྱན་པ་དང་། བྱང་ཆུབ་སེམས་དཔའ་སེམས་དཔའ་ཆེན་པོ་བསོད་ནམས་མངོན་པར་བསྒྲགས་དང་། བྱང་ཆུབ་སེམས་
དཔའ་སེམས་དཔའ་ཆེན་པོ་བློ་གྲོས་ཆེན་པོ་དང་། བྱང་ཆུབ་སེམས་དཔའ་སེམས་དཔའ་ཆེན་པོ་ཡོན་ཏན་བཀོད་པ་དང་། བྱང་ཆུབ་སེམས་དཔའ་སེམས་དཔའ་ཆེན་པོ་རྡོ་རྗེའི་བློ་གྲོས་དང་། བྱང་ཆུབ་སེམས་དཔའ་སེམས་དཔའ་
ཆེན་པོ་རྡོ་རྗེའི་སྙིང་པོ་དང་། བྱང་ཆུབ་སེམས་དཔའ་སེམས་དཔའ་ཆེན་པོ་རྡོ་རྗེའི་འོད་དང་། བྱང་ཆུབ་སེམས་དཔའ་སེམས་དཔའ་ཆེན་པོ་རྡོ་རྗེའི་མཚོན་ཆ་དང་། བྱང་ཆུབ་སེམས་དཔའ་སེམས་དཔའ་ཆེན་པོ་རྡོ་རྗེ་སྲ་བ་དང་། བྱང་ཆུབ་
སེམས་དཔའ་སེམས་དཔའ་ཆེན་པོ་ས་འཛིན་དང་། བྱང་ཆུབ་སེམས་དཔའ་སེམས་དཔའ་ཆེན་པོ་གཟུངས་ཀྱི་བློ་གྲོས་དང་། བྱང་ཆུབ་སེམས་དཔའ་སེམས་དཔའ་ཆེན་པོ་དོན་ཀུན་མཐོང་དང་། བྱང་ཆུབ་སེམས་དཔའ་སེམས་དཔའ་
ཆེན་པོ་སྤྱན་རས་གཟིགས་དབང་ཕྱུག་དང་། བྱང་ཆུབ་སེམས་དཔའ་སེམས་དཔའ་ཆེན་པོ་མཐུ་ཆེན་ཐོབ་དང་། བྱང་ཆུབ་སེམས་དཔའ་སེམས་དཔའ་ཆེན་པོ་བློ་གྲོས་བརྟན་པ་དང་། བྱང་ཆུབ་སེམས་དཔའ་སེམས་དཔའ་ཆེན་
པོ་ལག་ན་རྡོ་རྗེ་དང་། བྱང་ཆུབ་སེམས་དཔའ་སེམས་དཔའ་ཆེན་པོ་འཇམ་དཔལ་གཞོན་ནུར་གྱུར་པ་དང་། བྱང་ཆུབ་སེམས་དཔའ་སེམས་དཔའ་ཆེན་པོ་ངན་སོང་སྤོང་པ་དང་། བྱང་ཆུབ་སེམས་དཔའ་སེམས་དཔའ་ཆེན་པོ་མྱ་ངན་དང་
མུན་པ་ཐམས་ཅད་འཇོམས་པ་དང་། བྱང་ཆུབ་སེམས་དཔའ་སེམས་དཔའ་ཆེན་པོ་རབ་ཀྱི་རྩལ་གྱིས་རྣམ་པར་གནོན་པ་དང་། བྱང་ཆུབ་སེམས་དཔའ་སེམས་དཔའ་ཆེན་པོ་མི་ལེན་མི་འདོར་བ་དང་། བྱང་ཆུབ་སེམས་

106-1-4b

དཔའ་སེམས་དཔའ་ཆེན་པོ་ཙན་དན་སྙིང་པོ་དང་། བྱང་ཆུབ་སེམས་དཔའ་སེམས་དཔའ་ཆེན་པོ་བློ་གྲོས་རྒྱ་མཚོ་དང་། བྱང་ཆུབ་སེམས་དཔའ་སེམས་དཔའ་ཆེན་པོ་འབྱུང་དཀའ་དང་། བྱང་ཆུབ་སེམས་དཔའ་སེམས་དཔའ་
ཆེན་པོ་དགའ་འབྱུང་དང་། བྱང་ཆུབ་སེམས་དཔའ་སེམས་དཔའ་ཆེན་པོ་སྤྱོད་པའི་བློ་གྲོས་དང་། བྱང་ཆུབ་སེམས་དཔའ་སེམས་དཔའ་ཆེན་པོ་སྤོབས་པ་བརྩེགས་དང་། བྱང་ཆུབ་སེམས་དཔའ་སེམས་དཔའ་ཆེན་པོ་
མགྱོགས་པའི་སྙིང་པོ་དང་། བྱང་ཆུབ་སེམས་དཔའ་སེམས་དཔའ་ཆེན་པོ་བྱམས་པ་དང་། དེ་དག་ལ་སོགས་པ་བྱང་ཆུབ་སེམས་དཔའ་སེམས་དཔའ་ཆེན་པོ་རྣམ་པར་ཐར་པ་བསམ་གྱིས་མི་ཁྱབ་པ་ལ་གནས་པ། 
དཔའ་བར་འགྲོ་བའི་ཏིང་ངེ་འཛིན་གྱིས་ངེས་པར་འབྱུང་བ། དབྱངས་སྒྲ་ཐོགས་པ་མེད་པ། སངས་རྒྱས་ཀྱི་ཞིང་དཔག་ཏུ་མེད་པ་ཟིལ་གྱིས་གནོན་པ་ལ་མཁས་པ། མི་འཇིགས་པ་ལ་གནས་པ། རྗེས་སུ་ཆགས་པ་དང་། 
ཁོང་ཁྲོ་བ་དང་བྲལ་བ། ཡིད་དུ་འོང་བའི་དབྱངས་དང་ལྡན་པ། ཁམས་གསུམ་ལ་མ་ཆགས་པ། གཡོག་འཁོར་མི་ཕྱེད་པ་དང་ལྡན་པ། ཐམས་ཅད་མཁྱེན་པ་ཉིད་ལས་ངེས་པར་སྐྱེས་པ། ཏིང་ངེ་འཛིན་དང་སྙོམས་པར་འཇུག་
པ་ཚད་མེད་པ་དང་ལྡན་པ། རེ་བ་ཐམས་ཅད་ཡོངས་སུ་སྐོང་བ། ཤེས་རབ་ཀྱི་ཕ་རོལ་ཏུ་ཕྱིན་པ་རྟོགས་པར་ཁོང་དུ་ཆུད་པ། ལུས་དང་ངག་དང་ཡིད་ཀྱི་ལས་ཀྱི་མཐའ་དོན་ཡོད་པ་ལ་མོས་པ། ཐམས་ཅད་མཁྱེན་པ་ཉིད་ལ་མངོན་
བར་བརྩོན་པ། ཏིང་ངེ་འཛིན་དང་སྤྱོད་པ་ཚད་མེད་པར་བྱིན་གྱིས་བརླབས་པ། མི་འཇིགས་པ་ཐོབ་པ། སྟོང་པ་ཉིད་སྤྱོད་ཡུལ་བ། མཚན་མ་མེད་པ་ལ་གནས་པ་ཤ་སྟག་དང་ཡང་ཐབས་ཅིག་གོ། །དེ་ནས་བྱང་ཆུབ་སེམས་དཔའ་
སེམས་དཔའ་ཆེན་པོ་ཀུན་དུ་བཟང་པོ་ཞེས་བྱ་བ་འཁོར་དེ་ཉིད་དུ་འདུས་པར་གྱུར་ཏེ་འདུག་པ་དེས་བཅོམ་ལྡན་འདས་ཀྱི་ཞབས་ལ་མགོ་བོས་ཕྱག་འཚལ་ནས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས་ཆོས་

106-1-5a

ཀྱི་དབྱིངས་ཇི་ལྟར་རྟོགས་པར་བགྱི། བཅོམ་ལྡན་འདས་ཀྱིས་བཀའ་སྩལ་པ། རིགས་ཀྱི་བུ་ཆོས་ཀྱི་དབྱིངས་ནི་དངོས་པོ་མེད་པར་རྟོགས་པར་བྱའོ། །རིགས་ཀྱི་བུ་ཆོས་ཀྱི་དབྱིངས་ནི་ནམ་མཁའ་དང་མཚུངས་པ་དང་། སྤྲོས་པ་མེད་
པ་དང་མ་སྤྲོས་པ་དང་བླང་བ་མེད་པ་དང་དོར་བ་མེད་པ་དང་དངོས་པོ་མེད་པ་དང་གནས་པ་མེད་པ་སྟེ་དེ་ལྟར་རྟོགས་པར་བྱའོ། །བྱང་ཆུབ་སེམས་དཔའ་ཀུན་དུ་བཟང་པོས་གསོལ་པ། བཅོམ་ལྡན་འདས་ཅི་ལགས། ཆོས་ཀྱི་དབྱིངས་འབྱུང་
བ་ལགས་སམ། བཅོམ་ལྡན་འདས་ཀྱིས་བཀའ་སྩལ་པ། རིགས་ཀྱི་བུ་ཆོས་ཀྱི་དབྱིངས་ནི་འབྱུང་བ་མེད་པའོ། །རིགས་ཀྱི་བུ་ཆོས་ཀྱི་དབྱིངས་ནི་བསམ་གྱིས་མི་ཁྱབ་པའོ། །རིགས་ཀྱི་བུ་ཆོས་ཀྱི་དབྱིངས་ནི་དངོས་པོ་མེད་པ་རྟོགས་
པ་སྟེ། དངོས་པོ་གང་དུ་ཡང་བརྗོད་པར་བྱ་བ་མ་ཡིན་ཞིང་བསྟན་པར་བྱ་བ་མ་ཡིན་པའོ། །བྱང་ཆུབ་སེམས་དཔའ་ཀུན་དུ་བཟང་པོས་གསོལ་པ། བཅོམ་ལྡན་འདས་བྱང་ཆུབ་ལ་རྣམ་པ་དུ་མཆིས། བཅོམ་ལྡན་འདས་ཀྱིས་
བཀའ་སྩལ་པ། རིགས་ཀྱི་བུ་བྱང་ཆུབ་ཀྱི་རྣམ་པ་ནི་ཚད་མེད་དེ་དེ་ནི་ཚད་དང་ལྡན་པར་བསྟན་པར་མི་ནུས་སོ། །བྱང་ཆུབ་སེམས་དཔའ་ཀུན་དུ་བཟང་པོས་གསོལ་པ། བཅོམ་ལྡན་འདས་ཅི་ལགས། ཆོས་ཀྱི་དབྱིངས་རྣམ་
པར་རྟོག་པར་བགྱིད་དམ། བཅོམ་ལྡན་འདས་ཀྱིས་བཀའ་སྩལ་པ། རིགས་ཀྱི་བུ་ཆོས་ཀྱི་དབྱིངས་ནི་རྣམ་པར་མི་རྟོག་གོ། །བྱང་ཆུབ་སེམས་དཔའ་ཀུན་དུ་བཟང་པོས་གསོལ་པ། བཅོམ་ལྡན་འདས་གལ་ཏེ་ཆོས་ཀྱི་དབྱིངས་
རྣམ་པར་མི་རྟོག་པ་ལགས་ན། བྱིས་པ་སོ་སོའི་སྐྱེ་བོ་རྣམས་ཅིའི་སླད་དུ་རྟོག་པར་བགྱིད། བཅོམ་ལྡན་འདས་ཀྱིས་བཀའ་སྩལ་པ། རིགས་ཀྱི་བུ་བྱིས་པ་སོ་སོའི་སྐྱེ་བོ་ཐམས་ཅད་ནི་རྟོག་པ་དང་། རྣམ་པར་རྟོག་པ་དང་། 
ཡོངས་སུ་རྟོག་པ་ལས་བྱུང་བའོ། །བྱང་ཆུབ་སེམས་དཔའ་ཀུན་དུ་བཟང་པོས་གསོལ་པ། བཅོམ་ལྡན་འདས་དེ་བཞིན་གཤེགས་པ་རྣམས་ཀྱི་བྱང་ཆུབ་ནི་ཟབ་ལགས་སོ། །བཅོམ་ལྡན་འདས་ཀྱིས་བཀའ་སྩལ་པ། 

106-1-5b

རིགས་ཀྱི་བུ་དེ་དེ་བཞིན་ཏེ། ཅི་སྐད་སྨྲས་པ་དེ་དེ་བཞིན་ནོ། །རིགས་ཀྱི་བུ་གཞན་ཡང་ཆོས་ཐམས་ཅད་སྤྲོས་པ་མེད་པ་ནི་བྱང་ཆུབ་ཅེས་བྱའོ། །དེ་ནས་འཇམ་དཔལ་གཞོན་ནུར་གྱུར་པ་འཁོར་དེ་ཉིད་དུ་འདུས་པར་གྱུར་ཏེ་འདུག་པ་དེས་
བཅོམ་ལྡན་འདས་ཀྱི་ཞབས་ལ་མགོ་བོས་ཕྱག་འཚལ་ཏེ་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས་ཀྱིས་དཀོན་མཆོག་ཏ་ལ་ལ་ཞེས་བགྱི་བའི་གཟུངས་བཤད་དུ་གསོལ། བཅོམ་ལྡན་འདས་ཀྱིས་བཀའ་སྩལ་
པ། རིགས་ཀྱི་བུ་བྱང་ཆུབ་སེམས་དཔའ་ཀུན་དུ་བཟང་པོ་ཆོས་ཐམས་ཅད་ལ་ཐོགས་པ་མེད་པའི་སྤོབས་པ་ལ་གནས་པ་འདི་ལ་དྲིས་ཤིག་དང་། འདིས་ཁྱོད་ལ་སྟོན་པར་འགྱུར་རོ། །དེ་ནས་འཇམ་དཔལ་གཞོན་ནུར་གྱུར་པས་བཅོམ་ལྡན་
འདས་ལ་མངོན་དུ་ཕྱོགས་ཏེ་འདུག་ནས་སོར་མོ་བཅུ་ཐལ་མོ་སྦྱར་ཏེ་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །ཐམས་ཅད་མཁྱེན་ཅིང་ཐམས་ཅད་གཟིགས་པ་བཅོམ་ལྡན་འདས་ཉིད་ཀྱིས་ཅིའི་སླད་དུ་མི་བཤད། བཅོམ་
ལྡན་འདས་ཀྱིས་བཀའ་སྩལ་པ། རིགས་ཀྱི་བུ་གང་ན་བྱང་ཆུབ་སེམས་དཔའ་ཡོན་ཏན་འདི་ལྟ་བུ་དང་ལྡན་པ་དག་འཁོད་པ་དེ་ན་དེ་བཞིན་གཤེགས་པ་རྣམས་བཏང་སྙོམས་སུ་བཞུགས་སོ། །འཇམ་དཔལ་གྱིས་གསོལ་པ། 
བཅོམ་ལྡན་འདས་དེ་བཞིན་གཤེགས་པ་རྣམས་ནི་འདིར་བཏང་སྙོམས་སུ་བཞུགས་པ་མ་ལགས་སོ། །བཅོམ་ལྡན་འདས་ཀྱིས་བཀའ་སྩལ་པ། རིགས་ཀྱི་བུ་ང་ནི་སེམས་ཅན་གྱི་ཁམས་ཡལ་བར་འདོར་བ་མ་ཡིན་ཏེ། རིགས་
ཀྱི་བུ་འོན་ཀྱང་བྱང་ཆུབ་སེམས་དཔའ་རྣམས་ཀྱི་བསྟན་པ་ནི་བསྟན་པ་ཚད་མེད་ཅིང་བསྟན་པ་བསམ་གྱིས་མི་ཁྱབ་བོ། །དེ་ནས་འཇམ་དཔལ་གཞོན་ནུར་གྱུར་པས་ཡང་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་
ལྡན་འདས་ཀྱིས་དཀོན་མཆོག་ཏ་ལ་ལ་ཞེས་བགྱི་བའི་གཟུངས་བཤད་དུ་གསོལ། བཅོམ་ལྡན་འདས་ཀྱིས་བཀའ་སྩལ་པ། རིགས་ཀྱི་བུ་བྱང་ཆུབ་སེམས་དཔའ་ཀུན་དུ་བཟང་པོ་འདི་ལ་དྲིས་ཤིག་དང་། འདིས་ཁྱོད་ལ་སྟོན་པར་འགྱུར་

106-1-6a

རོ། །དེ་ཅིའི་ཕྱིར་ཞེ་ན། རིགས་ཀྱི་བུ་སྐྱེས་བུ་དམ་པ་འདི་ནི་ཡེ་ཤེས་ཀྱི་ཚོགས་ལ་གནས་པའོ། །འཇམ་དཔལ་གྱིས་གསོལ་པ། གལ་ཏེ་དེ་བཞིན་གཤེགས་པས་བདག་ལ་དགོངས་ན་བདག་གིས་སྐྱེས་བུ་དམ་པ་འདི་ལ་དྲི་བར་བགྱིའོ། །
བཅོམ་ལྡན་འདས་ཀྱིས་བཀའ་སྩལ་པ། འཇམ་དཔལ་ཁྱོད་ཀྱིས་ཏིང་ངེ་འཛིན་རྡུལ་ཕྲ་རབ་ཀྱི་རྡུལ་སྙེད་ཐོབ་པ་ཡིན་ན་དེ་བཞིན་གཤེགས་པ་ལ་གསོལ་བ་གདབ་ཅི་དགོས། རིགས་ཀྱི་བུ་ཁྱོད་ནི་སངས་རྒྱས་ཀྱི་ཆོས་ཐམས་ཅད་ལ་སྐལ་
བ་དང་ལྡན་པ་ཡིན་ནོ། །འཇམ་དཔལ་གྱིས་གསོལ་པ། བཅོམ་ལྡན་འདས་བདག་གིས་སངས་རྒྱས་ཀྱི་ཆོས་གང་དག་ཀུན་དུ་བསྟེན་པ་དང་། བསྒོམས་པ་དང་མང་དུ་བགྱིས་པ་དེ་ཐམས་ཅད་ནི་དེ་བཞིན་གཤེགས་པའི་སྐྱེས་བུའི་མཐུར་
རིག་པར་བགྱིའོ། །བཅོམ་ལྡན་འདས་ཀྱིས་བཀའ་སྩལ་པ། རིགས་ཀྱི་བུ་ལེགས་སོ་ལེགས་སོ། །ཁྱོད་ཀྱིས་ཚིག་འདི་ལེགས་པར་སྨྲས་ཏེ། འོན་ཀྱང་འཇམ་དཔལ་ང་ཁྱོད་ལ་གསོལ་བ་འདེབས་ཀྱིས་ཁྱོད་བྱང་ཆུབ་སེམས་
དཔའ་ཀུན་དུ་བཟང་པོ་ལ་དྲིས་ཤིག །དེ་ནས་བཅོམ་ལྡན་འདས་ལ་འཇམ་དཔལ་གཞོན་ནུར་གྱུར་པས་འདི་སྐད་ཅེས་གསོལ་ཏོ། །བཅོམ་ལྡན་འདས་བྱང་ཆུབ་སེམས་དཔའ་ཀུན་དུ་བཟང་པོ་འདི་ནི་ཤིན་ཏུ་ཟབ་མོ་སྟོན་པ་སྟེ། ཐེག་པ་
ཆེན་པོ་རྟོགས་པར་ཁོང་དུ་ཆུད་པ་ལགས་སོ། བཅོམ་ལྡན་འདས་ཀྱིས་བཀའ་སྩལ་པ། རིགས་ཀྱི་བུ་ཁྱོད་ཀྱང་ཆོས་ཐམས་ཅད་ཀྱི་དབང་ཕྱུག་གི་རྒྱལ་པོ་ཡིན་གྱིས་བདག་ལ་མ་གསུང་ཤིག ། ཡང་རིགས་ཀྱི་བུ་ཁྱོད་ནི་སྟོང་པ་ཉིད་
ལ་གནས་པའི་ཏིང་ངེ་འཛིན་བསམ་གྱིས་མི་ཁྱབ་པ་དང་ལྡན་པའོ། །དེ་ནས་འཇམ་དཔལ་གཞོན་ནུར་གྱུར་པས་བྱང་ཆུབ་སེམས་དཔའ་ཀུན་དུ་བཟང་པོ་ལ་སོར་མོ་བཅུའི་ཐལ་མོ་སྦྱར་ཏེ་ཕྱག་འཚལ་ནས་བྱང་ཆུབ་སེམས་དཔའ་ཀུན་
དུ་བཟང་པོ་ལ་འདི་སྐད་ཅེས་སྨྲས་སོ། །ཀྱེ་རྒྱལ་བའི་སྲས་ཁྱོད་ཀྱིས་བདག་ལ་སྐབས་ཕྱེ་ན་ཁྱོད་ལ་བདག་ཡི་གེ་འབྲུ་གཉིས་ཤིག་འདྲིའོ། །བྱང་ཆུབ་སེམས་དཔའ་ཀུན་དུ་བཟང་པོས་སྨྲས་པ། རིགས་ཀྱི་བུ་དེའི་དུས་ལ་ད་བབ་པར་

106-1-6b

ཤེས་ན་དྲིས་ཤིག །དེ་ནས་འཇམ་དཔལ་གཞོན་ནུར་གྱུར་པས་བྱང་ཆུབ་སེམས་དཔའ་སེམས་དཔའ་ཆེན་པོ་ཀུན་དུ་བཟང་པོ་ལ་འདི་སྐད་ཅེས་སྨྲས་སོ། །ཀྱེ་རྒྱལ་བའི་སྲས་སངས་རྒྱས་སངས་རྒྱས་ཤེས་བྱ་བའི་གཞིའི་དོན་གང་
ཡིན། བྱང་ཆུབ་སེམས་དཔའ་ཀུན་དུ་བཟང་པོས་སྨྲས་པ། ཀྱེ་རྒྱལ་བའི་སྲས་སངས་རྒྱས་ཀྱི་གཞིའི་དོན་ནི་གཞི་མེད་པའི་དོན་ཏོ། །སངས་རྒྱས་ཀྱི་གཞིའི་དོན་ནི་དངོས་པོ་མེད་པའི་དོན་ཏོ། །སངས་རྒྱས་ཀྱི་གཞིའི་དོན་ནི་བསམ་གྱིས་
མི་ཁྱབ་པའི་དོན་ཏོ། །སངས་རྒྱས་ཀྱི་གཞིའི་དོན་ནི་མི་མཉམ་པ་དང་མཉམ་པའི་དོན་ཏོ། །སངས་རྒྱས་ཀྱི་གཞིའི་དོན་ནི་སྤྲོས་པ་མེད་པའི་དོན་ཏོ། །སངས་རྒྱས་ཀྱི་གཞིའི་དོན་ནི་མ་སྤྲོས་པའི་དོན་ཏོ། །སངས་རྒྱས་ཀྱི་གཞིའི་དོན་ནི་
བླང་བ་མེད་པའི་དོན་ཏོ། །སངས་རྒྱས་ཀྱི་གཞིའི་དོན་ནི་དོར་བ་མེད་པའི་དོན་ཏོ། །སངས་རྒྱས་ཀྱི་གཞིའི་དོན་ནི་ནམ་མཁའ་དང་མཚུངས་པའི་དོན་ཏོ། །སངས་རྒྱས་ཀྱི་གཞིའི་དོན་ནི་བསྙད་དུ་མེད་པའི་དོན་ཏེ། རིགས་ཀྱི་བུ་སངས་རྒྱས་
ཀྱི་ཆོས་རྣམས་ཀྱི་རང་བཞིན་ནི་དེ་ལྟ་བུ་ཡིན་ནོ། །འཇམ་དཔལ་གྱིས་སྨྲས་པ། ཀྱེ་རྒྱལ་བའི་སྲས་གལ་ཏེ་ཆོས་ཐམས་ཅད་སྤྲོས་པ་མེད་པ་ཡིན་ན། འོ་ན་སངས་རྒྱས་ཀྱི་ཆོས་རྣམས་ཤེས་ཇི་སྐད་བསྟན། བྱང་ཆུབ་སེམས་དཔའ་
ཀུན་དུ་བཟང་པོས་སྨྲས་པ། ཀྱེ་རྒྱལ་བའི་སྲས་བསྟན་པ་འདི་ནི་བསྟན་དུ་མེད་པའོ། །འཇམ་དཔལ་གྱིས་སྨྲས་པ། ཀྱེ་རྒྱལ་བའི་སྲས་བསྟན་དུ་མེད་ན་ཅི་ཞིག་བསྟན། བྱང་ཆུབ་སེམས་དཔའ་ཀུན་དུ་བཟང་པོས་སྨྲས་པ། 
འཇམ་དཔལ་བསྟན་དུ་མེད་པ་ནི་བཏགས་ཏེ་བསྟན་ཏོ། །འཇམ་དཔལ་གྱིས་སྨྲས་པ། ཀྱེ་རྒྱལ་བའི་སྲས་བཏགས་པས་ཅི་ཞིག་འདོགས་པར་བྱེད། བྱང་ཆུབ་སེམས་དཔའ་ཀུན་དུ་བཟང་པོས་སྨྲས་པ། འཇམ་དཔལ་བཏགས་པས་ནི་དངོས་
པོ་ཡང་མི་འདོགས། དངོས་པོ་མེད་པ་ཡང་མི་འདོགས་སོ། །འཇམ་དཔལ་གྱིས་སྨྲས་པ། ཀྱེ་རྒྱལ་བའི་སྲས་གལ་ཏེ་བཏགས་པས་དངོས་པོ་ཡང་མི་འདོགས་དངོས་པོ་མེད་པ་ཡང་མི་འདོགས་ན་ཐེག་པ་གསུམ་པོ་དག་ཇི་ལྟར་བསྟན། 

106-1-7a

བྱང་ཆུབ་སེམས་དཔའ་ཀུན་དུ་བཟང་པོས་སྨྲས་པ། འཇམ་དཔལ་ཁྱོད་ཆོས་ཀྱི་དབྱིངས་ཆགས་པ་མེད་པ་ལ་ཆགས་པར་མ་བྱེད། དེ་ཅིའི་ཕྱིར་ཞེ་ན། འཇམ་དཔལ་དེ་བཞིན་གཤེགས་པས་ཆོས་ཐམས་ཅད་ནི་དངོས་པོ་མེད་པའོ་
ཞེས་བསྟན་པའི་ཕྱིར་ཏེ། གང་དངོས་པོ་མེད་པའི་ཕྱིར་ཞེ་ན། ཕུང་པོ་ལྔ་དམིགས་པ་མེད་པའི་ཕྱིར་རོ། །འཇམ་དཔལ་གྱིས་སྨྲས་པ། བྱང་ཆུབ་སྤྲོས་པ་དང་བཅས་པ་ཡིན་ནམ། འོན་ཏེ་སྤྲོས་པ་མེད་པ་ཡིན། བྱང་ཆུབ་སེམས་དཔའ་
ཀུན་དུ་བཟང་པོས་སྨྲས་པ། རིགས་ཀྱི་བུ་བྱང་ཆུབ་ནི་སྤྲོས་པ་དང་བཅས་པ་ཡང་མ་ཡིན། སྤྲོས་པ་མེད་པ་ཡང་མ་ཡིན་ཏེ། འདི་ལྟར་བྱང་ཆུབ་དང་། སྤྲོས་པ་དང་བཅས་པ་དང་། སྤྲོས་པ་མེད་པ་དེ་ནི་གཉིས་སུ་མེད་དེ་གཉིས་སུ་
དབྱེར་མེད་དོ། །དེ་ནས་བཅོམ་ལྡན་འདས་ཀྱིས་བྱང་ཆུབ་སེམས་དཔའ་སེམས་དཔའ་ཆེན་པོ་ཀུན་དུ་བཟང་པོ་ལ་རིགས་ཀྱི་བུ་བསམ་གྱིས་མི་ཁྱབ་པ་བསྟན་པ་འདི་ལེགས་སོ་ལེགས་སོ་ཞེས་བྱ་བ་བྱིན་ནོ། །གཏམ་འདི་
བརྗོད་པས་ལྷ་དང་བཅས་པའི་འཇིག་རྟེན་འདི་ལ་རྨོངས་པར་འགྱུར་རོ། །འཇམ་དཔལ་གྱིས་གསོལ་པ། བཅོམ་ལྡན་འདས་ཆོས་བསྟན་པ་འདི་ལྟ་བུ་ནི་རྣམ་པ་འཚལ་བར་མི་རུང་ངོ་། །བཅོམ་ལྡན་འདས་ཀྱིས་བཀའ་སྩལ་པ། 
རིགས་ཀྱི་བུ་དེ་དེ་བཞིན་ཏེ། ཇི་སྐད་སྨྲས་པ་བཞིན་ནོ། །དེ་ནས་བཅོམ་ལྡན་འདས་ལ་འཇམ་དཔལ་གཞོན་ནུར་གྱུར་པས་འདི་སྐད་ཅེས་གསོལ་ཏོ། །བཅོམ་ལྡན་འདས་ཆོས་ཐམས་ཅད་ལགས་སམ། བཅོམ་ལྡན་
འདས་ཀྱིས་བཀའ་སྩལ་པ། རིགས་ཀྱི་བུ་དེ་དེ་བཞིན་ཏེ། ཇི་སྐད་སྨྲས་པ་བཞིན་ནོ། །དེ་ནས་བཅོམ་ལྡན་འདས་ལ་བྱང་ཆུབ་སེམས་དཔའ་ཀུན་དུ་བཟང་པོས་འདི་སྐད་ཅེས་གསོལ་ཏོ། །བཅོམ་ལྡན་འདས་རྣམ་པར་དག་པའི་
སྒོ་འདི་ནི་མོས་པར་བགྱི་དཀའ་བ་ལགས་སོ། །བཅོམ་ལྡན་འདས་ཀྱིས་བཀའ་སྩལ་པ། རིགས་ཀྱི་བུ་དེ་དེ་བཞིན་ཏེ། ཇི་སྐད་སྨྲས་པ་བཞིན་ནོ། །དེ་ནས་བཅོམ་ལྡན་འདས་ལ་བྱང་ཆུབ་སེམས་དཔའ་བློ་གྲོས་རྒྱ་མཚོས་འདི་སྐད་

106-1-7b

ཅེས་གསོལ་ཏོ། །བཅོམ་ལྡན་འདས་བྱང་ཆུབ་སེམས་དཔའ་ཀུན་དུ་བཟང་པོས་རྣམ་པར་དག་པའི་སྒོ་བསྟན་པ་འདི་ལེགས་པར་སྨྲས་ལགས་སོ། །བཅོམ་ལྡན་འདས་ཀྱིས་བཀའ་སྩལ་པ། རིགས་ཀྱི་བུ་དེ་དེ་བཞིན་ཏེ། ཇི་སྐད་
སྨྲས་པ་བཞིན་ནོ། །རིགས་ཀྱི་བུ་གཞན་ཡང་འདི་ནི་ཆོས་ཐམས་ཅད་ཀྱི་རྒྱུ་འཐུན་པ་ཡིན་ནོ། །འདི་ནི་ཆོས་ཀྱི་ཆར་ཆེན་པོ་ཡིན་ནོ། །དེ་ནས་ཤིང་ས་ལ་ཆེན་པོ་ལྟ་བུའི་བྲམ་ཟེ་མཉམ་པ་ཉིད་དུ་གནས་པས་བཅོམ་ལྡན་འདས་ལ་
འདི་སྐད་ཅེས་གསོལ་ཏོ། །བཅོམ་ལྡན་འདས་བྱང་ཆུབ་ནི་མཉམ་པ་ཉིད་བསམ་གྱིས་མི་ཁྱབ་པ་ལགས་ཏེ། དེ་ལ་ཡི་གེ་མི་དམིགས། ཚིག་འབྲུ་མི་དམིགས་སོ། །བཅོམ་ལྡན་འདས་ཀྱིས་བཀའ་སྩལ་པ། རིགས་ཀྱི་བུ་དེ་དེ་
བཞིན་ཏེ། ཆོས་ཀྱི་དབྱིངས་ལ་ཚིག་འབྲུ་མི་སྣང་། དོན་ཀྱང་མི་སྣང་ངོ་། །དེ་ནས་བཅོམ་ལྡན་འདས་ལ་འཇམ་དཔལ་གཞོན་ནུར་གྱུར་པས་འདི་སྐད་ཅེས་གསོལ་ཏོ། །བཅོམ་ལྡན་འདས་སྟོང་པ་ཉིད་ཀྱི་རྒྱུ་འཐུན་པ་གང་ལགས། རྣམ་
པ་གང་ལགས། རྟགས་གང་ལགས། མཚན་མ་གང་ལགས། བཅོམ་ལྡན་འདས་ཀྱིས་བཀའ་སྩལ་པ། འཇམ་དཔལ་སྟོང་པ་ཉིད་ནི་བརྗོད་དུ་མེད་པ། བསྙད་དུ་མེད་པ་སྟེ། བརྗོད་དུ་མེད་པའི་ཆོས་ཉིད་འདི་ལ་མོས་པ་གང་ཡིན་པ་
དེ་སྟོང་པ་ཉིད་ཅེས་བྱའོ། །སྟོང་པ་ཉིད་དེ་ནི་ཡི་གེ་མེད་པ་སྟེ། དེའི་ཕྱིར་སྟོང་པ་ཉིད་ཅེས་བྱའོ། །སྟོང་པ་ཉིད་དེ་ནི་བསྙད་དུ་མེད་པ་སྟེ། དེའི་ཕྱིར་སྟོང་པ་ཉིད་ཅེས་བྱའོ། །རིགས་ཀྱི་བུ་ཆོས་ཐམས་ཅད་ནི་ངོ་བོ་ཉིད་ཀྱིས་སྟོང་ངོ་། །དེ་ནས་
བཅོམ་ལྡན་འདས་ལ་ཚེ་དང་ལྡན་པ་ཤཱ་ར་དྭ་ཏིའི་བུས་འདི་སྐད་ཅེས་གསོལ་ཏོ། །བཅོམ་ལྡན་འདས་བྱང་ཆུབ་སེམས་དཔའ་བསམ་གྱིས་མི་ཁྱབ་པའི་ཆོས་ལ་གནས་པ་རྣམས་ཀྱི་རྣམ་པར་འཕྲུལ་པ་ལ་གཟིགས། བཅོམ་ལྡན་
འདས་ཀྱིས་བཀའ་སྩལ་པ། ཚེ་དང་ལྡན་པ་ཤཱ་ར་དྭ་ཏིའི་བུ་སེམས་དང་པོ་བསྐྱེད་པའི་བྱང་ཆུབ་སེམས་དཔའི་ཤེས་པ་ནི་མཆོག་ཡིན་གྱི་དགྲ་བཅོམ་པའི་ཤེས་པ་ནི་དེ་ལྟ་མ་ཡིན་ནོ། །དེ་ཅིའི་ཕྱིར་ཞེ་ན། དགྲ་བཅོམ་པ་ནི་སངས་རྒྱས་ཀྱི་ཆོས་

106-1-8a

རྣམས་ལས་རིང་དུ་གནས་ལ། བྱང་ཆུབ་སེམས་དཔའ་དེ་ནི་སངས་རྒྱས་བཅོམ་ལྡན་འདས་སུ་འགྱུར་བའི་ཕྱིར་རོ། །དེ་ནས་བཅོམ་ལྡན་འདས་ལ་བྱང་ཆུབ་སེམས་དཔའ་སེམས་དཔའ་ཆེན་པོ་ཆོས་ཐམས་ཅད་ཀྱི་དབང་
ཕྱུག་གི་རྒྱལ་པོས་འདི་སྐད་ཅེས་གསོལ་ཏོ། །བཅོམ་ལྡན་འདས་ཇི་ལྟར་བཅོམ་ལྡན་འདས་ཀྱིས་གསུངས་པའི་དོན་བདག་གིས་འཚལ་བ་ལྟར་ན་ཉན་ཐོས་ཀྱིས་ནི་ཉན་ཐོས་ཀྱི་ཆོས་རྣམས་མ་ཐོབ་པ་ཉིད་ལགས་སོ། །བཅོམ་ལྡན་འདས་
ཀྱིས་བཀའ་སྩལ་པ། རིགས་ཀྱི་བུ་ཉན་ཐོས་ཀྱིས་ཉན་ཐོས་ཀྱི་ཆོས་རྣམས་མ་ཐོབ་པ་ནི་མ་ཡིན་ཏེ། འོན་ཀྱང་ཉན་ཐོས་ལ་བྱང་ཆུབ་སེམས་དཔའ་དང་ལྷན་ཅིག་ཏུ་དྲིས་པ་ལ་ལན་གདབ་པའམ། སྤྱོད་པའི་བྱིན་གྱིས་བརླབ་པར་བྱ་བའི་
ནུས་པ་དང་མཐུ་ག་ལ་ཡོད། དེ་ནས་བཅོམ་ལྡན་འདས་ལ་འཇམ་དཔལ་གཞོན་ནུར་གྱུར་པས་འདི་སྐད་ཅེས་གསོལ་ཏོ། །བཅོམ་ལྡན་འདས་ཤཱ་ར་དྭ་ཏིའི་བུ་འདི་ནི་དེ་བཞིན་གཤེགས་པས་ཤེས་རབ་དང་ལྡན་པ་རྣམས་ཀྱི་མཆོག་ཏུ་
བསྟན་པ་ལགས་ན་བསྟན་པ་འདི་གང་ལ་བསྟན་པ་ལགས། བཅོམ་ལྡན་འདས་ཀྱིས་བཀའ་སྩལ་པ། འཇམ་དཔལ་ངས་གང་བསྟན་པ་འདི་ནི་བསྟན་པ་མེད་པའོ། །དེ་ནས་འཇམ་དཔལ་གཞོན་ནུར་གྱུར་པས་གནས་བརྟན་ཤཱ་ར་དྭ་ཏིའི་བུ་ལ་
འདི་སྐད་ཅེས་སྨྲས་སོ། །གནས་བརྟན་གྱིས་ཉན་ཐོས་ཀྱི་ཆོས་རྣམས་ཐོབ་བམ། སྨྲས་པ་དེ་ནི་མ་ཡིན་ནོ། །འཇམ་དཔལ་གྱིས་སྨྲས་པ། འོ་ན་ཅི་ཁྱོད་སོ་སོའི་སྐྱེ་བོའམ། སྨྲས་པ་དེ་ནི་མ་ཡིན་ནོ། །འཇམ་དཔལ་གྱིས་སྨྲས་པ། འོ་ན་
ཅི་ཁྱོད་སློབ་པའམ། སྨྲས་པ། དེ་ནི་མ་ཡིན་ནོ། །འཇམ་དཔལ་གྱིས་སྨྲས་པ། འོ་ན་ཁྱོད་ཅི་ཤེས་རབ་དང་ལྡན་པའི་མཆོག་ཡིན་ནམ། སྨྲས་པ། དེ་ནི་མ་ཡིན་ནོ། །འཇམ་དཔལ་གྱིས་སྨྲས་པ། གལ་ཏེ་བཙུན་པ་ཤཱ་ར་དྭ་ཏིའི་བུ་སོ་སོའི་སྐྱེ་བོ་
ཡང་མ་ཡིན། སློབ་པ་ཡང་མ་ཡིན། ཤེས་རབ་དང་ལྡན་པའི་མཆོག་ཀྱང་མ་ཡིན་ན་དེ་ཉིད་ཁྱོད་དམིགས་པ་ཅན་དུ་འགྱུར་རོ། །ཤཱ་ར་དྭ་ཏིའི་བུས་སྨྲས་པ། རིགས་ཀྱི་བུ་ཁོ་བོ་ནི་སྐྱེས་བུ་དམ་པ་རྒྱ་མཚོ་ལྟར་གཏིང་དཔག་དཀའ་བ་ཁྱོད་དང་འགྱེད་

106-1-8b

པར་མི་བྱེད་དོ། །འཇམ་དཔལ་གྱིས་སྨྲས་པ། བཙུན་པ་ཤཱ་ར་དྭ་ཏིའི་བུ་ཁྱོད་ནི་རྒན་རབས་ཐུ་བོ་མཆོག་ཡིན་གྱིས་བཙུན་པ་ཤཱ་ར་དྭ་ཏིའི་བུ་དེ་སྐད་མ་ཟེར་ཅིག །གནས་བརྟན་གྱིས་སྨྲས་པ། རིགས་ཀྱི་བུ་རྒས་པའི་དངོས་པོས་ནི་ཅི་ཡང་འཐོབ་པར་
མི་འགྱུར། མངོན་བར་རྟོགས་པར་མི་འགྱུར་རོ། །རིགས་ཀྱི་བུ་དོན་དེ་ཉིད་ཤེས་པར་བྱ་བའི་ཕྱིར་ཁྱོད་ལ་དཔེ་བྱའོ། །རིགས་ཀྱི་བུ་འདི་ལྟ་སྟེ་དཔེར་ན་རྡོ་རྗེ་ངན་ངོན་གྱིས་ཀྱང་རི་བྲག་ཆེན་པོ་རྣམ་པར་འཇིག་གོ། །རིགས་ཀྱི་བུ་དེ་བཞིན་དུ་ཁྱོད་ཀྱི་སྤུའི་
ཁུང་བུ་གཅིག་ན་ཤེས་རབ་འདུག་པ་གང་ཡིན་པ་དེ་ནི་ཁོ་བོ་ལྟ་བུའི་སེམས་ཅན་རྡུལ་ཕྲ་རབ་ཀྱི་རྡུལ་སྙེད་རྣམས་ལ་མེད་དོ། །རིགས་ཀྱི་བུ་དོན་དེ་ཉིད་ཤེས་པར་བྱ་བའི་ཕྱིར་ཡང་ཁྱོད་ལ་དཔེ་བྱའོ། །རིགས་ཀྱི་བུ་འདི་ལྟ་སྟེ་དཔེར་ན། བ་ལང་
གླང་པོ་ཆེ་ཤིན་དུ་མི་བཟད་པ་ཆེན་པོ་དེ་ཡང་མི་སྟོབས་དང་ལྡན་པས་ལྕགས་ཀྱུ་ཆུང་ངུས་དུལ་བར་བྱེད་དོ། །རིགས་ཀྱི་བུ་དེ་བཞིན་དུ་ཁྱོད་ནི་སྟོབས་དང་ལྡན་པ། ཁོ་བོ་ནི་ཉམ་ཆུང་བ་སྟེ། གླང་པོ་ཆེ་ཆེན་པོ་འདི་ལྟ་བུ་དང་ཁོ་བོ་འགྱེད་ག་
ལ་ནུས། དེ་ནས་བཅོམ་ལྡན་འདས་ལ་གནས་བརྟན་ཤཱ་ར་དྭ་ཏིའི་བུས་འདི་སྐད་ཅེས་གསོལ་ཏོ། །བཅོམ་ལྡན་འདས་འདི་ལྟ་སྟེ། དཔེར་ན་མི་དམུས་ལོང་གིས་ཤུལ་དུ་མཆི་བ་འམ། གྲོང་ཁྱེར་མཐོང་བར་ཡང་རྔོ་མི་ཐོག་ན།  
ནས་ཁྱིམ་དུ་མཆི་བའི་རྔོ་ལྟ་ག་ལ་ཐོག་སྟེ། དེ་ནི་གནས་མ་མཆིས་སོ། །དེ་བཞིན་དུ་གླང་པོ་ཆེ་ཆེན་པོ་ལྟ་བུ་འདི་དག་གི་མདུན་ན་བདག་ནི་དམུས་ལོང་དང་མཚུངས་པར་མཐོང་སྟེ། སངས་རྒྱས་ཀྱི་ཆོས་འདི་དག་ནི་དེ་ཙམ་དུ་རྒྱ་ཆེ་བ་
ལགས་སོ། །བདག་ནི་སངས་རྒྱས་ཀྱི་ཆོས་རྣམས་ཀྱི་སྣོད་དུ་མ་གྱུར་ཏེ། ད་ཅི་བགྱིར་ཡང་མ་མཆིས་སོ། །བཅོམ་ལྡན་འདས་ཀྱིས་བཀའ་སྩལ་པ། ཤཱ་ར་དྭ་ཏིའི་བུ་དེ་སྐད་མ་ཟེར་ཅིག །ཤཱ་ར་དྭ་ཏིའི་བུ་འདི་ལྟ་སྟེ། དཔེར་ན་དེ་བཞིན་གཤེགས་
པའི་འོད་ཀྱིས་སེམས་ཅན་ཇི་སྙེད་ཅིག་ལ་རེག་པ་དེ་དག་ཐམས་ཅད་སངས་རྒྱས་ཀྱི་ཆོས་རྣམས་ཐོབ་པ་ཡིན་ནོ། །ཤཱ་ར་དྭ་ཏིའི་བུ་དེ་བཞིན་དུ་ཁྱོད་ནི་ཏིང་ངེ་འཛིན་མཐའ་ཡས་ཤིང་བསམ་གྱིས་མི་ཁྱབ་པ་ཐོབ་པ་ཡིན་ནོ། །བཅོམ་ལྡན་འདས་ཀྱིས་

106-1-9a

ཆོས་ཀྱི་རྣམ་གྲངས་འདི་བཤད་པ་ན། ལྷ་དང་མིའི་སྐྱེ་དགུ་ལས་སེམས་ཅན་དགུ་ཁྲི་ཉིས་སྟོང་གིས་ཆོས་མངོན་བར་རྟོགས་པར་གྱུར་ཏོ། །དེ་ནས་བྱང་ཆུབ་སེམས་དཔའ་ཆོས་ཀྱི་བློ་གྲོས་བྱང་ཆུབ་སེམས་དཔའི་ཏིང་ངེ་འཛིན་དཀོན་མཆོག་ཏ་
ལ་ལ་སྦྱོར་བ་མཐའ་ཡས་པ་ཞེས་བྱ་བ་དེ་ལ་སྙོམས་པར་ཞུགས་སོ། །བྱང་ཆུབ་སེམས་དཔའ་ཆོས་ཀྱི་བློ་གྲོས་སྙོམས་པར་ཞུགས་མ་ཐག་ཏུ་ཕྱོགས་བཅུའི་ཕྱོགས་རེ་རེའི་འཇིག་རྟེན་གྱི་ཁམས་སངས་རྒྱས་ཀྱི་ཞིང་སྟོང་ཕྲག་བཅུའི་རྡུལ་ཕྲ་རབ་
ཀྱི་རྡུལ་སྙེད་ཀྱི་ཕ་རོལ་ནས་སངས་རྒྱས་བཅོམ་ལྡན་འདས་སངས་རྒྱས་ཀྱི་ཞིང་སྟོང་ཕྲག་བཅུའི་རྡུལ་ཕྲ་རབ་ཀྱི་རྡུལ་སྙེད་ཀྱིས།  ཞལ་མངོན་བར་བསྟན་ཏེ། སངས་རྒྱས་བཅོམ་ལྡན་འདས་དེ་དག་ཐམས་ཅད་ཀྱང་མཚན་རྡོ་རྗེའི་སྙིང་པོ་ཞེས་བྱ་
བར་འཐུན་པ་ཤ་སྟག་གོ། །ཕྱོགས་གཅིག་ཇི་ལྟ་བར་ཕྱོགས་བཅུ་རྣམས་ནས་ཀྱང་དེ་བཞིན་ཏེ། སངས་རྒྱས་བཅོམ་ལྡན་འདས་དེ་དག་གིས་དེ་ལ་འདི་སྐད་ཅེས་བཀའ་སྩལ་ཏོ། །ཆོས་ཀྱི་བློ་གྲོས་ཁྱོད་དེ་ལྟར་བྱང་ཆུབ་སེམས་དཔའི་ཏིང་
ངེ་འཛིན་སྦྱོར་བ་མཐའ་ཡས་པ་ལ་སྙོམས་པར་ཞུགས་པ་ལེགས་སོ་ལེགས་སོ། །རིགས་ཀྱི་བུ་འདི་ལྟ་སྟེ། བཅོམ་ལྡན་འདས་དེ་བཞིན་གཤེགས་པ་རྣམ་པར་སྣང་མཛད་འདི་ཉིད་ཀྱི་སྔོན་གྱི་སྨོན་ལམ་དང་། སྔོན་གྱི་བྱིན་གྱི་བརླབས་དང་། 
ཁྱོད་ཉིད་ཀྱི་དགེ་བའི་རྩ་བ་ཉེ་བར་བསྟན་པས་འདི་ལྟ་སྟེ་ཆོས་ཐམས་ཅད་བསྟན་པར་བྱ་བ་དང་། སངས་རྒྱས་ཀྱི་ཡེ་ཤེས་རྣམ་པར་སྦྱང་བ་དང་། སངས་རྒྱས་ཀྱི་ཡེ་ཤེས་རྣམ་པར་འཕེལ་བར་བྱ་བ་དང་། ཆོས་ཀྱི་དབྱིངས་སུ་འཇུག་པར་
བྱ་བ་དང་། སེམས་ཅན་གྱི་ཁམས་རྣམ་པར་དགྲོལ་བ་དང་། ཆགས་པ་མེད་པའི་ཡེ་ཤེས་ལ་འཇུག་ཅིང་ཆུད་པར་བྱ་བ་དང་། ཀུན་དུ་སྦྱོར་བར་བྱ་བ་དང་། སྐད་ཐམས་ཅད་བརྗོད་པར་བྱ་བ་དང་། ཐམས་ཅད་མཁྱེན་པའི་ཡེ་ཤེས་ལ་འཇུག་པར་
བྱ་བ་དང་། ཆོས་ཐམས་ཅད་ལ་སྒྲིབ་པ་མེད་པར་བྱ་བ་དང་། དུས་གསུམ་ཐམས་ཅད་ཡོངས་སུ་ཤེས་པའི་ཆོས་བསྟན་པ་ལ་འཇུག་པར་བྱ་བའི་ཕྱིར་ཕྱོགས་བཅུ་ནས་དེ་བཞིན་གཤེགས་པ་སངས་རྒྱས་ཀྱི་ཞིང་སྟོང་ཕྲག་བཅུའི་རྡུལ་ཕྲ་རབ་ཀྱི་

106-1-9b

རྡུལ་སྙེད་ཐམས་ཅད་ཀྱང་མཚན་འཐུན་པ་འདི་དག་ཐམས་ཅད་ཁྱོད་ལ་བྱིན་གྱིས་རློབ་ཀྱིས་རིགས་ཀྱི་བུ་འདི་ལྟ་སྟེ། བྱང་ཆུབ་སེམས་དཔའ་རྣམ་པར་གཞག་པ་བཅུ་ལས་བརྩམས་ཏེ། སངས་རྒྱས་ཀྱི་མཐུ་དང་སངས་རྒྱས་ཀྱི་བྱིན་གྱིས་བརླབས་ཀྱིས་
ཆོས་བསྟན་པ་འདི་ལ་སྤོབས་པ་སྐྱེད་ཅིག །དེ་ནས་སངས་རྒྱས་བཅོམ་ལྡན་འདས་དེ་དག་གིས་བྱང་ཆུབ་སེམས་དཔའ་ཆོས་ཀྱི་བློ་གྲོས་ལ་ཐོགས་པ་མེད་པའི་ཡེ་ཤེས་ཀྱི་སྣང་བ་དང་། སྒྲིབ་པ་མེད་པ་དང་། ཆོད་པ་མེད་པ་དང་། བརྗེད་པ་མེད་པའི་ཆོས་ཉིད་
དང་། ཐ་དད་པ་མེད་པའི་ཡེ་ཤེས་དང་། ཁ་ན་མ་ཐོ་བ་མེད་པ་དང་ཟིལ་གྱིས་མི་ནོན་པ་དང་། ཞུམ་པ་མེད་པ་དང་། འཕྲོགས་པ་མེད་པའི་ཆོས་ཉིད་དང་། བརྗོད་པ་བཟང་པོ་ཉེ་བར་སྒྲུབ་པ་མཛད་དོ། །དེ་ཅིའི་ཕྱིར་ཞེ་ན། འདི་ལྟར་ཏིང་ངེ་འཛིན་འདི་ཉིད་ཀྱི་ཆོས་ཉིད་
ཐོབ་པའི་ཕྱིར་རོ། །དེ་ནས་སངས་རྒྱས་བཅོམ་ལྡན་འདས་དེ་དག་གིས་ཕྱག་གཡས་པ་བརྐྱང་སྟེ། བྱང་ཆུབ་སེམས་དཔའ་ཆོས་ཀྱི་བློ་གྲོས་ཀྱི་མགོ་ལ་ཉུག་པ་མཛད་དེ། སངས་རྒྱས་བཅོམ་ལྡན་འདས་དེ་དག་གིས་བྱང་ཆུབ་སེམས་དཔའ་ཆོས་
ཀྱི་བློ་གྲོས་ལ་རེག་མ་ཐག་ཏུ། དེ་ནས་ཏིང་ངེ་འཛིན་དེ་ལས་ལངས་ནས་བྱང་ཆུབ་སེམས་དཔའ་དེ་དག་ལ་སྨྲས་པ། ཀྱེ་རྒྱལ་བའི་སྲས་དག་བྱང་ཆུབ་སེམས་དཔའ་རྣམས་ཀྱི་རིགས་འདི་ནི་འདི་ལྟ་སྟེ། ཆོས་ཀྱི་དབྱིངས་ཀྱིས་ཀླས་པ་དང་། 
ནམ་མཁའི་ཁམས་ཀྱི་མཐས་གཏུགས་པས་རྒྱ་ཆེ་བའོ། །ཀྱེ་རྒྱལ་བའི་སྲས་དག་འདི་ལྟར་བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་ནི་འདས་པའི་སངས་རྒྱས་བཅོམ་ལྡན་འདས་རྣམས་ཀྱི་རིགས་སུ་སྐྱེ་བ་ཡིན། མ་བྱོན་
པའི་སངས་རྒྱས་བཅོམ་ལྡན་འདས་རྣམས་ཀྱི་རིགས་སུ་སྐྱེ་བ་ཡིན། ད་ལྟར་བྱུང་བའི་སངས་རྒྱས་བཅོམ་ལྡན་འདས་རྣམས་ཀྱི་རིགས་སུ་སྐྱེ་བ་ཡིན་ནོ། །དེ་ནས་བྱང་ཆུབ་སེམས་དཔའ་དེ་དག་གིས་བྱང་ཆུབ་སེམས་དཔའ་ཆོས་ཀྱི་བློ་གྲོས་ལ་
འདི་སྐད་ཅེས་སྨྲས་སོ། །ཀྱེ་རྒྱལ་བའི་སྲས་གང་དག་འདས་པ་དང་། མ་བྱོན་པ་དང་ད་ལྟར་བྱུང་བའི་སངས་རྒྱས་བཅོམ་ལྡན་འདས་རྣམས་ཀྱི་རིགས་སུ་སྐྱེ་བའི་བྱང་ཆུབ་སེམས་དཔའ་སེམས་དཔའ་ཆེན་པོ་དེ་དག་ནི་གང་ཡིན། གང་ལས་བསམས་

106-1-10a

ཏེ་དེ་སྐད་སྨྲ། ཀྱེ་རྒྱལ་བའི་སྲས་དག་བྱང་ཆུབ་སེམས་དཔའ་རྣམས་ཀྱི་བྱང་ཆུབ་སེམས་དཔའ་རྣམ་པར་གཞག་པ་བཅུ་པོ་དེ་དག་གང་ཡིན་པ་དེ་ཤོད་ཅིག །དེ་སྐད་ཅེས་སྨྲས་པ་དང་། བྱང་ཆུབ་སེམས་དཔའ་ཆོས་ཀྱི་བློ་གྲོས་ཀྱིས་བྱང་
ཆུབ་སེམས་དཔའ་དེ་དག་ལ་འདི་སྐད་ཅེས་སྨྲས་སོ། །ཀྱེ་རྒྱལ་བའི་སྲས་དག་བྱང་ཆུབ་སེམས་དཔའ་རྣམས་ཀྱི་བྱང་ཆུབ་སེམས་དཔའ་རྣམ་པར་གཞག་པ་ནི་བཅུ་པོ་འདི་དག་སྟེ། དེ་དག་ནི་འདས་པ་དང་མ་བྱོན་པ་དང་ད་ལྟར་བྱུང་བའི་སངས་རྒྱས་
བཅོམ་ལྡན་འདས་རྣམས་ཀྱིས་གསུངས་སོ། །གསུང་ངོ་། །གསུང་བར་འགྱུར་རོ། །བཅུ་གང་ཞེ་ན། འདི་ལྟ་སྟེ། སེམས་དང་པོ་བསྐྱེད་པའི་བྱང་ཆུབ་སེམས་དཔའ་རྣམ་པར་གཞག་པ་དང་། ལས་དང་པོ་པ་དང་། རྣལ་འབྱོར་སྤྱོད་པ་དང་། སྐྱེ་བར་སྐྱེས་
པ་དང་། སྦྱོར་བ་ཕུན་སུམ་ཚོགས་པ་དང་། བསམ་པ་ཕུན་སུམ་ཚོགས་པ་དང་། ཕྱིར་མི་ལྡོག་པ་དང་གཞོན་ནུར་གྱུར་པ་དང་རྒྱལ་ཚབ་དང་། དབང་བསྐུར་བ་ཐོབ་པའི་བྱང་ཆུབ་སེམས་དཔའ་རྣམ་པར་གཞག་པའོ། །ཀྱེ་རྒྱལ་བའི་སྲས་
དག་བྱང་ཆུབ་སེམས་དཔའ་རྣམས་ཀྱི་བྱང་ཆུབ་སེམས་དཔའ་རྣམ་པར་གཞག་པ་ནི་བཅུ་པོ་དེ་དག་སྟེ། དེ་དག་ནི་འདས་པ་དང་།   མ་བྱོན་པ་དང་། ད་ལྟར་བྱུང་བའི་སངས་རྒྱས་བཅོམ་ལྡན་འདས་རྣམས་ཀྱིས་གསུངས་སོ། །གསུང་ངོ་། །
གསུང་བར་འགྱུར་རོ། །ཀྱེ་རྒྱལ་བའི་སྲས་དག་དེ་ལ་སེམས་དང་པོ་བསྐྱེད་པའི་བྱང་ཆུབ་སེམས་དཔའ་རྣམ་པར་གཞག་པ་གང་ཞེ་ན། ཀྱེ་རྒྱལ་བའི་སྲས་དག་འདི་ལ་སེམས་དང་པོ་བསྐྱེད་པའི་བྱང་ཆུབ་སེམས་དཔའ་ནི་སངས་རྒྱས་
བཅོམ་ལྡན་འདས་རྣམས་མཐོང་མ་ཐག་ཏུ་གཟུགས་བཟང་བ་འམ། མཛེས་པའམ། ཁ་དོག་བཟང་པོ་རྒྱས་པའམ། རྒྱ་ཆེ་བའམ། གཟི་བརྗིད་ཆེ་བའམ། རྫུ་འཕྲུལ་གྱི་རྣམ་པར་འཕྲུལ་པའམ། ཀུན་རྗོད་པའི་རྣམ་པར་འཕྲུལ་པ་
འམ། རྗེས་སུ་བསྟན་པའི་རྣམ་པར་འཕྲུལ་པ་མཐོང་ངམ། སེམས་ཅན་སྡུག་བསྔལ་བ་དག་མཐོང་ངམ། དེ་བཞིན་གཤེགས་པའི་བསྔགས་པ་རྒྱ་ཆེར་ཐོས་ན་འདི་ལྟ་སྟེ། རྣམ་པ་ཐམས་ཅད་མཁྱེན་པའི་ཡེ་ཤེས་འདོད་ཅིང་ཐོག་མ་ཉིད་དུ་

106-1-10b

བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་སེམས་བསྐྱེད་དོ། །སེམས་བསྐྱེད་མ་ཐག་པ་དེ་ཉིད་ཀྱིས་བསྙེན་པར་དཀའ་བའི་གནས་བཅུ་ཡོངས་སུ་བཟུང་བར་འགྱུར་ཏེ། བཅུ་གང་ཞེ་ན། འདི་ལྟ་སྟེ། གནས་དང་གནས་མ་ཡིན་པ་ཤེས་པ་དང་། 
འདས་པ་དང་།  མ་འོངས་པ་དང་ད་ལྟར་བྱུང་བའི་ཆོས་ཡང་དག་པར་བླངས་པ་ཤེས་པ་དང་། ཐམས་ཅད་དུ་འགྲོ་བའི་ལམ་ཤེས་པ་དང་། ཁམས་དུ་མ་སྣ་ཚོགས་ཤེས་པ་དང་། མོས་པ་དང་རྣམ་པར་གྲོལ་བ་དུ་མ་ཤེས་པ་དང་། དབང་པོ་མཆོག་དང་མཆོག་
མ་ཡིན་པ་ཤེས་པ་དང་། བསམ་གཏན་དང་། རྣམ་པར་ཐར་པ་དང་། ཏིང་ངེ་འཛིན་དང་། སྙོམས་པར་འཇུག་པའི་ཀུན་ནས་ཉོན་མོངས་པ་དང་། རྣམ་པར་བྱང་བ་དང་ལྡང་བ་ཐམས་ཅད་ཤེས་པ་དང་། སྔོན་གྱི་གནས་རྗེས་སུ་དྲན་པའི་ཤེས་པ་དང་། ལྷའི་མིག་
གི་ཤེས་པ་དང་། ཟག་པ་ཟད་པ་ཤེས་པ་སྟེ། བསྙེན་པར་དཀའ་བའི་གནས་བཅུ་པོ་དེ་དག་ཡོངས་སུ་བཟུང་བར་འགྱུར་རོ། །ཀྱེ་རྒྱལ་བའི་སྲས་དག་འདི་ནི་སེམས་དང་པོ་བསྐྱེད་པའི་བྱང་ཆུབ་སེམས་དཔའ་རྣམ་པར་གཞག་པའོ། །ཀྱེ་རྒྱལ་བའི་སྲས་
དག་སེམས་དང་པོ་བསྐྱེད་པའི་བྱང་ཆུབ་སེམས་དཔའ་སེམས་དཔའ་ཆེན་པོ་དེ་སངས་རྒྱས་མཆོད་པ་དང་། བྱང་ཆུབ་སེམས་དཔའི་བདེ་བའི་ཡོ་བྱད་ལ་སྦྱར་བར་བྱའོ། །དེ་ལ་འཇིག་རྟེན་གྱི་བདག་པོར་འགྱུར་བ་དང་། མཆོག་ཏུ་བྱ་བ་དང་ཟིལ་
གྱིས་མི་གནོན་པ་དང་། སངས་རྒྱས་དཔག་ཏུ་མེད་པ་དང་ཕྲད་པ་དང་། རབ་ཏུ་ཞི་བའི་ཏིང་ངེ་འཛིན་ལ་རྣལ་འབྱོར་དུ་བྱ་བ་དང་། འཁོར་བའི་འཁོར་ལོ་རྣམ་པར་བཟློག་པ་དང་། དམ་པའི་ཆོས་ཀྱི་འཁོར་ལོ་རབ་ཏུ་
བསྐོར་བ་དང་། སེམས་ཅན་སྡུག་བསྔལ་བ་ཡོངས་སུ་བསྐྱབ་པ་ཡང་བརྗོད་པར་བྱའོ། །དེ་ཅིའི་ཕྱིར་ཞེ་ན། འདི་ལྟར་སེམས་བསྐྱེད་མ་ཐག་པ་དེ་ཉིད་ཀྱིས་ཤས་ཆེར་སངས་རྒྱས་ཀྱི་ཆོས་ཐམས་
ཅད་ལ་སྦྱོར་ཞིང་གོང་དུ་གནས་གང་དག་ཐོས་པའི་གནས་དེ་དག་ལ་ཡང་བདག་ཉིད་སྦྱོར་གྱི། གཞན་གྱི་དྲིང་ལ་མི་འཇོག་པ་ཐོབ་པའི་ཕྱིར་ཏེ། ཀྱེ་རྒྱལ་བའི་སྲས་དག་འདི་ནི་སེམས་དང་པོ་བསྐྱེད་

106-1-11a

པའི་བྱང་ཆུབ་སེམས་དཔའ་རྣམ་པར་གཞག་པའོ། །ཀྱེ་རྒྱལ་བའི་སྲས་དག་དེ་ལ་ལས་དང་པོ་པའི་བྱང་ཆུབ་སེམས་དཔའ་རྣམ་པར་གཞག་པ་གང་ཞེ་ན། ཀྱེ་རྒྱལ་བའི་སྲས་དག་འདི་ལ་ལས་དང་པོ་པའི་བྱང་ཆུབ་
སེམས་དཔའ་ནི་སེམས་ཅན་རྣམས་ལ་ཐོག་མ་ཉིད་དུ་སེམས་རྣམ་པ་བཅུ་བསྐྱེད་དེ། རྣམ་པ་བཅུ་གང་ཞེ་ན། འདི་ལྟ་སྟེ། ཕན་པར་བྱ་བའི་སེམས་དང་བདེ་བར་བྱ་བའི་སེམས་དང་། སྙིང་བརྩེ་བའི་སེམས་དང་། མཉེན་པའི་སེམས་
དང་། སྡུག་པའི་སེམས་དང་། ཕན་གདགས་པའི་སེམས་དང་། ཀུན་དུ་བསྲུང་བའི་སེམས་དང་། སྙོམས་པའི་སེམས་དང་། སློབ་དཔོན་གྱི་སེམས་དང་། སྟོན་པའི་སེམས་ཏེ། སེམས་རྣམ་པ་བཅུ་པོ་འདི་དག་སྐྱེད་དོ། །ཀྱེ་རྒྱལ་བའི་སྲས་དག་འདི་ནི་ལས་
དང་པོ་པའི་བྱང་ཆུབ་སེམས་དཔའོ། །ཀྱེ་རྒྱལ་བའི་སྲས་དག་ལས་དང་པོ་པའི་བྱང་ཆུབ་སེམས་དཔའ་དེ་ལུང་མནོད་པ་དང་། ཁ་ཏོན་ལ་སྦྱར་བར་བྱའོ། །མང་དུ་ཐོས་ནས་རབ་ཏུ་དབེན་པ་ལ་སྦྱར་བར་བྱའོ། །རབ་ཏུ་དབེན་པར་གྱུར་ནས་དགེ་
བའི་བཤེས་གཉེན་ལ་མངོན་པར་དགའ་བ་ལ་སྦྱར་བར་བྱའོ། །དགེ་བའི་བཤེས་གཉེན་ལ་མངོན་པར་དགའ་ནས་བཀའ་བློ་བདེ་བ་ལ་སྦྱར་བར་བྱའོ། །བཀའ་བློ་བདེ་བར་གྱུར་ནས་དུས་ཤེས་པ་ལ་སྦྱར་བར་བྱའོ། །དུས་ཤེས་པར་གྱུར་
ནས་མི་འཇིགས་པ་ལ་སྦྱར་བར་བྱའོ། །མི་འཇིགས་པར་གྱུར་ནས་དོན་ཤེས་པ་ལ་སྦྱར་བར་བྱའོ། །དོན་ཤེས་པར་གྱུར་ནས་ཆོས་ཀྱི་རྗེས་སུ་འབྲང་བ་ལ་སྦྱར་བར་བྱའོ། །ཆོས་ཀྱི་རྗེས་སུ་འབྲང་བར་གྱུར་ནས་བརྗེད་པ་མེད་པའི་ཆོས་ཉིད་
ལ་སྦྱར་བར་བྱའོ། །རྨོངས་པ་མེད་པར་གྱུར་ནས་ཆོས་རྣམ་པར་དགོད་པ་ལ་སྦྱར་བར་བྱའོ། །དེ་ཅིའི་ཕྱིར་ཞེ་ན། འདི་ལྟར་སེམས་བསྐྱེད་མ་ཐག་པ་དེ་ཉིད་ཀྱིས་ཤས་ཆེར་སངས་རྒྱས་ཀྱི་ཆོས་ཐམས་ཅད་ལ་མངོན་བར་བརྩོན་པར་བྱེད་ཅིང་གོང་དུ་
གནས་གང་དག་ཐོབ་པའི་གནས་དེ་དག་ལ་ཡང་བདག་ཉིད་སྦྱོར་གྱི་གཞན་གྱི་དྲིང་ལ་མི་འཇོག་པ་ཐོབ་པའི་ཕྱིར་ཏེ། ཀྱེ་རྒྱལ་བའི་སྲས་དག་འདི་ནི་ལས་དང་པོ་པའི་བྱང་ཆུབ་སེམས་དཔའ་རྣམ་པར་གཞག་པའོ། །ཀྱེ་རྒྱལ་བའི་

106-1-11b

སྲས་དག་དེ་ལ་རྣལ་འབྱོར་སྤྱོད་པའི་བྱང་ཆུབ་སེམས་དཔའ་རྣམ་པར་གཞག་པ་གང་ཞེ་ན། ཀྱེ་རྒྱལ་བའི་སྲས་དག་འདི་ལ་རྣལ་འབྱོར་སྤྱོད་པའི་བྱང་ཆུབ་སེམས་དཔའ་ནི་དམིགས་པ་རྣམ་པ་བཅུས་ཆོས་རྣམས་རྟོགས་པར་བྱེད་དེ། 
བཅུ་གང་ཞེ་ན། འདི་ལྟ་སྟེ། ཆོས་ཐམས་ཅད་ལ་མི་རྟག་པ་ཉིད་དུ་རྟོགས་པར་བྱེད་པ་དང་། ཆོས་ཐམས་ཅད་ལ་སྡུག་བསྔལ་བ་ཉིད་དང་། བདག་མེད་པ་ཉིད་དང་། སྟོང་པ་ཉིད་དང་། གཡོ་བ་མེད་པ་ཉིད་དང་། དབུགས་འབྱིན་པ་མེད་
པ་ཉིད་དང་། གནས་མེད་པ་ཉིད་དང་། རྣམ་པར་རྟོག་པ་མེད་པ་ཉིད་དང་། རྩོལ་བ་མེད་པ་ཉིད་དང་། མངོན་པར་འདུ་བྱེད་པ་མེད་པ་ཉིད་དུ་རྟོགས་པར་བྱེད་དེ། ཆོས་ཀྱི་རྗེས་སུ་འབྲང་བར་གྱུར་པའི་ཕྱིར་སྦྱོར་བར་མི་བྱེད། མི་སྦྱོར་
བར་ཡང་མི་བྱེད་དེ། ཀྱེ་རྒྱལ་བའི་སྲས་དག་འདི་ནི་རྣལ་འབྱོར་སྤྱོད་པའི་བྱང་ཆུབ་སེམས་དཔའོ། །ཀྱེ་རྒྱལ་བའི་སྲས་དག་རྣལ་འབྱོར་སྤྱོད་པའི་བྱང་ཆུབ་སེམས་དཔའ་དེ་ནི་སེམས་ཅན་གྱི་ཁམས་བརྟག་པ་ལ་སྦྱར་བར་བྱའོ། །
ཆོས་ཀྱི་དབྱིངས་བརྟག་པ་ལ་སྦྱར་བར་བྱའོ། །འཇིག་རྟེན་གྱི་ཁམས་བརྟག་པ་ལ་སྦྱར་བར་བྱའོ། །སའི་ཁམས་བརྟག་པ་ལ་སྦྱར་བར་བྱའོ། །ཆུའི་ཁམས་དང་མེའི་ཁམས་དང་རླུང་གི་ཁམས་དང་ནམ་མཁའི་ཁམས་དང་། 
གཟུགས་ཀྱི་ཁམས་དང་གཟུགས་མེད་པའི་ཁམས་བརྟག་པ་ལ་སྦྱར་བར་བྱའོ། །དེ་ཅིའི་ཕྱིར་ཞེ་ན། འདི་ལྟར་དེ་ནི་ཤས་ཆེར་ཆོས་རྣམས་ལ་སྣང་བ་འཇུག་ཅིང་གོང་དུ་གནས་གང་དག་ཐོས་པའི་གནས་དེ་དག་ལ་ཡང་བདག་ཉིད་
སྦྱོར་གྱི་གཞན་གྱི་དྲིང་ལ་མི་འཇོག་པ་ཐོབ་པའི་ཕྱིར་ཏེ། ཀྱེ་རྒྱལ་བའི་སྲས་དག་འདི་ནི་རྣལ་འབྱོར་སྤྱོད་པའི་བྱང་ཆུབ་སེམས་དཔའ་རྣམ་པར་གཞག་པའོ། །ཀྱེ་རྒྱལ་བའི་སྲས་དག་སྐྱེ་བར་སྐྱེས་པའི་བྱང་ཆུབ་སེམས་དཔའ་རྣམ་
པར་གཞག་པ་གང་ཞེ་ན། ཀྱེ་རྒྱལ་བའི་སྲས་དག་འདི་ལ་སྐྱེ་བར་སྐྱེས་པའི་བྱང་ཆུབ་སེམས་དཔའ་ནི་ཡོངས་སུ་སྦྱོང་བར་བྱེད་པ་བཅུས་གསུང་རབ་འཕགས་པར་སྐྱེས་པ་ཡིན་ཏེ། བཅུ་གང་ཞེ་ན། འདི་ལྟ་སྟེ། ཆོས་ཉིད་ལས་ཕྱིར་མི་ཟློགས་པ་དང་། སངས་རྒྱས་ལ་

106-1-12a

མི་ཕྱེད་པའི་དད་པ་མཐར་ཐུག་པར་འགྱུར་བ་ཡོངས་སུ་གྲུབ་པ་དང་། ཆོས་ངེས་པར་སེམས་པ་དང་། སེམས་ཅན་ལ་རྣམ་པར་དཔྱོད་པ་དང་། ཞིང་ལ་རྣམ་པར་དཔྱོད་པ་དང་། འཇིག་རྟེན་ལ་རྣམ་པར་དཔྱོད་པ་དང་། 
ལས་ལ་རྣམ་པར་དཔྱོད་པ་དང་། རྣམ་པར་སྨིན་པ་ལ་རྣམ་པར་དཔྱོད་པ་དང་། འཁོར་བ་ལ་རྣམ་པར་དཔྱོད་པ་དང་། མྱ་ངན་ལས་འདས་པ་ལ་རྣམ་པར་དཔྱོད་པ་སྟེ། ཡོངས་སུ་སྦྱོང་བ་བྱེད་པ་བཅུ་པོ་དེ་དག་གིས་གསུང་རབ་
འཕགས་པར་སྐྱེས་པ་ཡིན་ཏེ། ཀྱེ་རྒྱལ་བའི་སྲས་དག་འདི་ནི།  སྐྱེ་བར་སྐྱེས་པའི་བྱང་ཆུབ་སེམས་དཔའོ། །ཀྱེ་རྒྱལ་བའི་སྲས་དག་སྐྱེ་བར་སྐྱེས་པའི་བྱང་ཆུབ་སེམས་དཔའ་དེ་ནི་འདས་པའི་སངས་རྒྱས་ཀྱི་ཆོས་མཉམ་པ་ཉིད་རྣམ་པར་དཔྱད་པ་
ལ་སྦྱར་བར་བྱའོ། །མ་བྱོན་པའི་སངས་རྒྱས་ཀྱི་ཆོས་མཉམ་པ་ཉིད་རྣམ་པར་དཔྱད་པ་ལ་སྦྱར་བར་བྱའོ། །ད་ལྟར་བྱུང་བའི་སངས་རྒྱས་ཀྱི་ཆོས་མཉམ་པ་ཉིད་རྣམ་པར་དཔྱད་པ་ལ་སྦྱར་བར་བྱའོ། །སངས་རྒྱས་ཐམས་ཅད་ཀྱི་ཆོས་མཉམ་པ་ཉིད་
རྣམ་པར་དཔྱད་པ་ལ་སྦྱར་བར་བྱའོ། །འདས་པའི་སངས་རྒྱས་ཀྱི་ཆོས་ཡང་དག་པར་འགྲུབ་པ་རྣམ་པར་དཔྱད་པ་ལ་སྦྱར་བར་བྱའོ། །མ་བྱོན་པའི་སངས་རྒྱས་ཀྱི་ཆོས་ཡང་དག་པར་འགྲུབ་པ་རྣམ་པར་དཔྱད་པ་ལ་སྦྱར་བར་བྱའོ། །ད་ལྟར་བྱུང་
བའི་སངས་རྒྱས་ཀྱི་ཆོས་ཡང་དག་པར་འགྲུབ་པ་རྣམ་པར་དཔྱད་པ་ལ་སྦྱར་བར་བྱའོ། །སངས་རྒྱས་ཐམས་ཅད་ཀྱི་ཆོས་ཡང་དག་པར་འགྲུབ་པ་རྣམ་པར་དཔྱད་པ་ལ་སྦྱར་བར་བྱའོ། །འདས་པའི་སངས་རྒྱས་ཀྱི་ཆོས་ཡོངས་སུ་འགྲུབ་པ་མཉམ་པ་
ཉིད་རྣམ་པར་དཔྱད་པ་ལ་སྦྱར་བར་བྱའོ། །མ་བྱོན་པའི་སངས་རྒྱས་ཀྱི་ཆོས་ཡོངས་སུ་འགྲུབ་པ་མཉམ་པ་ཉིད་རྣམ་པར་དཔྱད་པ་ལ་སྦྱར་བར་བྱའོ། །ད་ལྟར་བྱུང་བའི་སངས་རྒྱས་ཀྱི་ཆོས་ཡོངས་སུ་འགྲུབ་པ་མཉམ་པ་ཉིད་རྣམ་པར་
དཔྱད་པ་ལ་སྦྱར་བར་བྱའོ། །སངས་རྒྱས་ཐམས་ཅད་ཀྱི་ཆོས་ཡོངས་སུ་འགྲུབ་པ་མཉམ་པ་ཉིད་རྣམ་པར་དཔྱད་པ་ལ་སྦྱར་བར་བྱའོ། །དེ་ཅིའི་ཕྱིར་ཞེ་ན། འདི་ལྟར་དེ་ནི་ཤས་ཆེར་དུས་གསུམ་མཉམ་པ་ཉིད་

106-1-12b

དུ་རྟོགས་པར་བྱེད་ཅིང་། གོང་དུ་གནས་གང་དག་ཐོས་པའི་གནས་དེ་དག་ལ་ཡང་བདག་ཉིད་སྦྱོར་གྱི་གཞན་གྱི་དྲིང་ལ་མི་འཇོག་པ་ཐོབ་པའི་ཕྱིར་ཏེ། ཀྱེ་རྒྱལ་བའི་སྲས་དག་འདི་ནི་སྐྱེ་བར་སྐྱེས་པའི་བྱང་ཆུབ་སེམས་དཔའ་རྣམ་པར་
གཞག་པའོ། །ཀྱེ་རྒྱལ་བའི་སྲས་དག་དེ་ལ་སྦྱོར་བ་ཕུན་སུམ་ཚོགས་པའི་བྱང་ཆུབ་སེམས་དཔའ་རྣམ་པར་གཞག་པ་གང་ཞེ་ན། ཀྱེ་རྒྱལ་བའི་སྲས་དག་འདི་ལ་སྦྱོར་བ་ཕུན་སུམ་ཚོགས་པའི་བྱང་ཆུབ་སེམས་དཔའ་ནི་དགེ་
བའི་ལས་གང་ཅི་རྩོམ་ཡང་དེ་དག་ཐམས་ཅད་སེམས་ཅན་ཐམས་ཅད་ཡོངས་སུ་བསྐྱབ་པ་དང་། སེམས་ཅན་ཐམས་ཅད་ལ་ཕན་པར་འདོད་པར་བྱ་བ་དང་། སེམས་ཅན་ཐམས་ཅད་ལ་བདེ་བར་སྦྱར་བ་དང་། སེམས་
ཅན་ཐམས་ཅད་ལ་སྙིང་བརྩེ་བར་བྱ་བ་དང་། སེམས་ཅན་ཐམས་ཅད་རབ་ཏུ་ཐར་བར་བྱ་བ་དང་། སེམས་ཅན་ཐམས་ཅད་ལ་གནོད་པ་མེད་པར་བྱ་བ་དང་། སེམས་ཅན་ཐམས་ཅད་དྲང་བར་བྱ་བ་དང་། སེམས་ཅན་ཐམས་ཅད་
དད་པར་བྱ་བ་དང་། སེམས་ཅན་ཐམས་ཅད་གདུལ་བ་དང་། སེམས་ཅན་ཐམས་ཅད་ཡོངས་སུ་མྱ་ངན་ལས་བཟླ་བའི་ཕྱིར་རྩོམ་སྟེ། ཀྱེ་རྒྱལ་བའི་སྲས་དག་འདི་ནི་སྦྱོར་བ་ཕུན་སུམ་ཚོགས་པའི་བྱང་ཆུབ་སེམས་དཔའོ། །ཀྱེ་རྒྱལ་བའི་སྲས་དག་སྦྱོར་བ་ཕུན་སུམ་ཚོགས་པའི་
བྱང་ཆུབ་སེམས་དཔའ་དེ་ལ་གནས་བཅུ་ཡང་དག་པར་བརྗོད་པར་བྱ་སྟེ། བཅུ་གང་ཞེ་ན། འདི་ལྟ་སྟེ། སེམས་ཅན་མཐའ་ཡས་པ་དང་། སེམས་ཅན་དཔག་ཏུ་མེད་པ་དང་། སེམས་ཅན་གྲངས་མེད་པ་དང་། སེམས་ཅན་བསམ་གྱིས་
མི་ཁྱབ་པ་དང་། སེམས་ཅན་མཚུངས་པ་མེད་པ་དང་། སེམས་ཅན་གཞལ་དུ་མེད་པ་དང་། སེམས་ཅན་སྟོང་པ་ཉིད་དང་། སེམས་ཅན་གཡོ་བ་མེད་པ་ཉིད་དང་། སེམས་ཅན་མེད་པ་ཉིད་དང་། སེམས་ཅན་རང་བཞིན་མེད་པ་
ཉིད་དོ། །དེ་ཅིའི་ཕྱིར་ཞེ་ན། འདི་ལྟར་དེ་ཤས་ཆེར་མངོན་བར་ཞེན་པ་མེད་པ་ལ་སེམས་འཇོག་ཅིང་གོང་དུ་གནས་གང་དག་ཐོས་པའི་གནས་དེ་དག་ལ་ཡང་བདག་ཉིད་སྦྱོར་གྱི་གཞན་གྱི་དྲིང་ལ་མི་འཇོག་པ་ཐོབ་པའི་ཕྱིར་ཏི། 

106-1-13a

ཀྱེ་རྒྱལ་བའི་སྲས་དག་འདི་ནི་སྦྱོར་བ་ཕུན་སུམ་ཚོགས་པའི་བྱང་ཆུབ་སེམས་དཔའ་རྣམ་པར་གཞག་པའོ། །ཀྱེ་རྒྱལ་བའི་སྲས་དག་དེ་ལ་བསམ་པ་ཕུན་སུམ་ཚོགས་པའི་བྱང་ཆུབ་སེམས་དཔའ་རྣམ་པར་གཞག་པ་
གང་ཞེ་ན། ཀྱེ་རྒྱལ་བའི་སྲས་དག་འདི་ལ་བསམ་པ་ཕུན་སུམ་ཚོགས་པའི་བྱང་ཆུབ་སེམས་དཔའ་ནི་ཆོས་བཅུ་ཐོས་ན་སངས་རྒྱས་ཀྱི་ཆོས་རྣམས་ལ་བསམ་པ་ངེས་པ་ཡིན་ཏེ། བཅུ་གང་ཞེ་ན། འདི་ལྟ་སྟེ། སངས་རྒྱས་ཀྱི་
བསྔགས་པའམ། བསྔགས་པ་མ་ཡིན་པ་འཆད་ཀྱང་རུང་སངས་རྒྱས་ཀྱི་ཆོས་རྣམས་ལ་བསམ་པ་ངེས་པ་ཡིན། ཆོས་ཀྱི་བསྔགས་པའམ། བསྔགས་པ་མ་ཡིན་པ་འཆད་ཀྱང་རུང་། བྱང་ཆུབ་སེམས་དཔའ་རྣམས་ཀྱི་བསྔགས་པའམ། 
བསྔགས་པ་མ་ཡིན་པ་འཆད་ཀྱང་རུང་སྟེ། སངས་རྒྱས་ཀྱི་ཆོས་རྣམས་ལ་བསམ་པ་ངེས་པ་ཡིན། བྱང་ཆུབ་སེམས་དཔའི་སྤྱོད་པའི་བསྔགས་པའམ། བསྔགས་པ་མ་ཡིན་པ་འཆད་ཀྱང་རུང་སྟེ། སངས་རྒྱས་ཀྱི་ཆོས་
རྣམས་ལ་བསམ་པ་ངེས་པ་ཡིན། སེམས་ཅན་གྱི་ཁམས་རྒྱ་ཆུང་ཞེས་འཆད་པའམ། སེམས་ཅན་གྱི་ཁམས་རྒྱ་ཆེ་ཞེའམ། སེམས་ཅན་གྱི་ཁམས་ཀུན་ནས་ཉོན་མོངས་པ་ཅན་ཞེའམ། སེམས་ཅན་གྱི་ཁམས་ཀུན་
ནས་ཉོན་མོངས་པ་ཅན་མ་ཡིན་ཞེའམ། སེམས་ཅན་གྱི་ཁམས་གདུལ་སླ་ཞེའམ། སེམས་ཅན་གྱི་ཁམས་གདུལ་དཀའ་ཞེའམ། ཆོས་ཀྱི་དབྱིངས་རྒྱ་ཆུང་ཞེའམ། ཆོས་ཀྱི་དབྱིངས་རྒྱ་ཆེ་ཞེའམ། འཇིག་རྟེན་གྱི་ཁམས་དག་
འཇིག་ཅེའམ། མི་འཇིག་ཅེའམ། ཆོས་ཀྱི་དབྱིངས་ཡོད་ཅེའམ། ཆོས་ཀྱི་དབྱིངས་མེད་ཅེས་འཆད་ཀྱང་རུང་སྟེ་སངས་རྒྱས་ཀྱི་ཆོས་རྣམས་ལ་བསམ་པ་ངེས་པ་ཡིན་ཏེ། ཀྱེ་རྒྱལ་བའི་སྲས་དག་འདི་ནི་བསམ་པ་ཕུན་སུམ་ཚོགས་པའི་བྱང་ཆུབ་སེམས་
དཔའོ། །ཀྱེ་རྒྱལ་བའི་སྲས་དག་བསམ་པ་ཕུན་སུམ་ཚོགས་པའི་བྱང་ཆུབ་སེམས་དཔའ་དེ་ལ་ཆོས་ཀྱི་རྗེས་སུ་འཇུག་པ་བཅུ་ཡང་དག་པར་བརྗོད་པར་བྱ་སྟེ། བཅུ་གང་ཞེ་ན། འདི་ལྟ་སྟེ། ཆོས་ཐམས་ཅད་མཚན་

106-1-13b

མ་མེད་པ་ཉིད་དུ་ཡང་དག་པར་བརྗོད་པར་བྱ་བ་དང་། ཆོས་ཐམས་ཅད་མཚན་ཉིད་མེད་པ་ཉིད་དང་། དངོས་པོ་མེད་པ་ཉིད་དང་། མེད་པ་ཉིད་དང་། བརྫུན་པ་ཉིད་དང་། དབེན་པ་ཉིད་དང་། ངོ་བོ་ཉིད་མེད་པ་ཉིད་དང་། སྒྱུ་མ་ལྟ་
བུ་ཉིད་དང་། རྨི་ལམ་ལྟ་བུ་ཉིད་དང་། རྣམ་པར་རྟོག་པ་མེད་པ་ཉིད་དུ་ཡང་དག་པར་བརྗོད་པར་བྱའོ། །དེ་ཅིའི་ཕྱིར་ཞེ་ན། འདི་ལྟར་དེ་མི་འཕྲོགས་པའི་ཕྱིར་ཤས་ཆེར་ལྷག་པའི་བསམ་པ་རྣམ་པར་འཕེལ་བའི་ཆོས་ཅན་
དུ་གྱུར་ཅིང་། གོང་དུ་གནས་གང་དག་ཐོས་པའི་གནས་དེ་དག་ལ་ཡང་བདག་ཉིད་སྦྱོར་གྱི་གཞན་གྱི་དྲིང་ལ་མི་འཇོག་པ་ཐོབ་པའི་ཕྱིར་ཏེ། ཀྱེ་རྒྱལ་བའི་སྲས་དག་འདི་ནི་བསམ་པ་ཕུན་སུམ་ཚོགས་པའི་བྱང་ཆུབ་སེམས་དཔའ་རྣམ་པར་
གཞག་པའོ། །ཀྱེ་རྒྱལ་བའི་སྲས་དག་དེ་ལ་ཕྱིར་མི་ལྡོག་པའི་བྱང་ཆུབ་སེམས་དཔའ་རྣམ་པར་གཞག་པ་གང་ཞེ་ན། ཀྱེ་རྒྱལ་བའི་སྲས་དག་འདི་ལ་ཕྱིར་མི་ལྡོག་པའི་བྱང་ཆུབ་སེམས་དཔའ་ནི་དམིགས་པ་བཅུ་ཐོས་ན། སངས་རྒྱས་
ཀྱི་ཆོས་རྣམས་ལས་ཕྱིར་མི་ལྡོག་སྟེ། བཅུ་གང་ཞེ་ན། འདི་ལྟ་སྟེ། སངས་རྒྱས་ཡོད་དོ་ཞེའམ་མེད་དོ་ཞེས་ཐོས་ཀྱང་སངས་རྒྱས་ཀྱི་ཆོས་རྣམས་ལས་ཕྱིར་མི་ལྡོག་པ་དང་། ཆོས་ཡོད་དོ་ཞེའམ་མེད་དོ་ཞེས་བྱ་བ་དང་། 
བྱང་ཆུབ་སེམས་དཔའ་ཡོད་དོ་ཞེའམ་མེད་དོ་ཞེས་བྱ་བ་དང་། བྱང་ཆུབ་སེམས་དཔའི་སྤྱོད་པ་ཡོད་དོ་ཞེའམ་མེད་དོ་ཞེས་བྱ་བ་དང་། བྱང་ཆུབ་སེམས་དཔའ་བྱང་ཆུབ་སེམས་དཔའི་སྤྱོད་པ་ལ་ངེས་པར་འབྱུང་ངོ་ཞེའམ་ངེས་པར་མི་འབྱུང་
ངོ་ཞེས་བྱ་བ་དང་། དེ་བཞིན་གཤེགས་པ་དག་འདས་སོ་ཞེའམ་མ་འདས་སོ་ཞེས་བྱ་བ་དང་། དེ་བཞིན་གཤེགས་པ་དག་བྱོན་ཏོ་ཞེའམ་བྱོན་པ་མ་ཡིན་ནོ་ཞེས་བྱ་བ་དང་། དེ་བཞིན་གཤེགས་པ་དག་ད་ལྟར་བྱུང་བའོ་ཞེའམ། 
ད་ལྟར་བྱུང་བ་མ་ཡིན་ནོ་ཞེས་བྱ་བ་དང་། སངས་རྒྱས་ཀྱི་ཡེ་ཤེས་ཟད་དོ་ཞེའམ་མི་ཟད་དོ་ཞེས་བྱ་བ་དང་། དུས་གསུམ་པོ་དག་མཚན་ཉིད་གཅིག་ཅེའམ་མཚན་ཉིད་གཅིག་པ་མ་ཡིན་ནོ་ཞེས་ཐོས་ཀྱང་སངས་རྒྱས་ཀྱི་ཆོས་རྣམས་ལས་

106-1-14a

ཕྱིར་མི་ལྡོག་པ་སྟེ། ཀྱེ་རྒྱལ་བའི་སྲས་དག་འདི་ནི་ཕྱིར་མི་ལྡོག་པའི་བྱང་ཆུབ་སེམས་དཔའོ། །ཀྱེ་རྒྱལ་བའི་སྲས་དག་ཕྱིར་མི་ལྡོག་པའི་བྱང་ཆུབ་སེམས་དཔའ་དེ་ལ་ཆོས་ཀྱི་རྒྱུན་བཅུ་ཡང་དག་པར་བརྗོད་པར་བྱ་སྟེ། བཅུ་
གང་ཞེ་ན། འདི་ལྟ་སྟེ། ཆོས་ཐམས་ཅད་གཅིག་པ་ཉིད་དང་། ཐ་དད་པ་ཉིད་དུ་ཡང་དག་པར་བརྗོད་པར་བྱའོ། །མང་བ་དང་གཅིག་པ་ཉིད་དང་། ཡི་གེ་ལ་དོན་སྒྲོ་བཏགས་པ་དང་། དོན་ལ་ཡི་གེ་སྒྲོ་བཏགས་པ་དང་། དངོས་པོས་དངོས་པོ་
མེད་པ་སྒྲོ་བཏགས་པ་དང་། དངོས་པོ་མེད་པས་དངོས་པོ་སྒྲོ་བཏགས་པ་དང་། མཚན་མས་མཚན་མ་མེད་པ་སྒྲོ་བཏགས་པ་དང་། མཚན་མ་མེད་པས་མཚན་མ་སྒྲོ་བཏགས་པ་དང་། མཚན་ཉིད་ཀྱིས་མཚན་ཉིད་མེད་པ་སྒྲོ་བཏགས་པ་དང་། 
མཚན་ཉིད་མེད་པས་མཚན་ཉིད་སྒྲོ་བཏགས་པ་ཡང་དག་པར་བརྗོད་པར་བྱའོ། །དེ་ཅིའི་ཕྱིར་ཞེ་ན། འདི་ལྟར་དེ་ཤས་ཆེར་ཆོས་ཐམས་ཅད་ལ་མཁས་པ་ཡོངས་སུ་སྨིན་པའི་ཚུལ་ལ་ངེས་པར་འབྱུང་ཞིང་གོང་དུ་གནས་གང་དག་ཐོས་པའི་གནས་དེ་དག་
ལ་ཡང་བདག་ཉིད་སྦྱོར་གྱི་གཞན་གྱི་དྲིང་ལ་མི་འཇོག་པ་ཐོབ་པའི་ཕྱིར་ཏེ། ཀྱེ་རྒྱལ་བའི་སྲས་དག་འདི་ནི་ཕྱིར་མི་ལྡོག་པའི་བྱང་ཆུབ་སེམས་དཔའ་རྣམ་པར་གཞག་པའོ། །ཀྱེ་རྒྱལ་བའི་སྲས་དག་དེ་ལ་གཞོན་ནུར་གྱུར་པའི་བྱང་ཆུབ་སེམས་དཔའ་རྣམ་
པར་གཞག་པ་གང་ཞེ་ན། ཀྱེ་རྒྱལ་བའི་སྲས་དག་འདི་ལ་གཞོན་ནུར་གྱུར་པའི་བྱང་ཆུབ་སེམས་དཔའ་ནི་ཆོས་རྟོགས་པ་བཅུ་དང་ལྡན་པ་ཡིན་ཏེ། བཅུ་གང་ཞེ་ན། འདི་ལྟ་སྟེ། ལུས་ཀྱི་ལས་འབྲས་བུ་ཡོད་པ་དང་ལྡན་པ་ཡིན། ངག་གི་ལས་འབྲས་
བུ་ཡོད་པ་དང་ལྡན་པ་ཡིན། ཡིད་ཀྱི་ལས་འབྲས་བུ་ཡོད་པ་དང་ལྡན་པ་ཡིན། སེམས་བསྐྱེད་པ་ཙམ་གྱིས་སྐྱེ་བ་མངོན་པར་བསྒྲུབ་པ་ཡིན། སེམས་ཅན་གཞན་དག་དང་། གང་ཟག་གཞན་རྣམས་ཀྱི་བསམ་པ་ཤེས་པར་བྱེད་ཅིང་མོས་
པ་ལ་རྟོག་པ་ཡིན། སེམས་ཅན་གྱི་ཁམས་ཐ་དད་པ་རབ་ཏུ་ཤེས་པ་ཡིན། འདོད་པའི་ཁམས་ཐ་དད་པ་རབ་ཏུ་ཤེས་པ་ཡིན། གཟུགས་མེད་པའི་ཁམས་ཐ་དད་པ་རབ་ཏུ་ཤེས་པ་ཡིན།  གཟུགས་མེད་པའི་ཁམས་ཐ་དད་པ་རབ་ཏུ་ཤེས་པ་

106-1-14b

ཡིན། དུས་ཇི་ལྟ་བ་བཞིན་དུ་འགྲོ་བའི་ཕྱིར་མངོན་བར་ཤེས་པ་མྱུར་བ་ཡིན་ཏེ། ཀྱེ་རྒྱལ་བའི་སྲས་དག་འདི་ནི་གཞོན་ནུར་གྱུར་པའི་བྱང་ཆུབ་སེམས་དཔའོ། །ཀྱེ་རྒྱལ་བའི་སྲས་དག་གཞོན་ནུར་གྱུར་པའི་བྱང་ཆུབ་སེམས་དཔའ་དེ་ལ་ཆོས་
མངོན་བར་བསྒྲུབ་པ་བཅུ་ཡང་དག་པར་བརྗོད་པར་བྱ་སྟེ། བཅུ་གང་ཞེ་ན། འདི་ལྟ་སྟེ། སངས་རྒྱས་ཀྱི་ཞིང་ཡོངས་སུ་ཤེས་པ་དང་། སངས་རྒྱས་ཀྱི་ཞིང་རབ་ཏུ་གཡོ་བར་བྱ་བ་དང་། སངས་རྒྱས་ཀྱི་ཞིང་བྱིན་གྱིས་བརླབ་པ་དང་། སངས་རྒྱས་
ཀྱི་ཞིང་རྣམ་པར་དཔྱད་པ་དང་། སངས་རྒྱས་ཀྱི་ཞིང་དུ་འགྲོ་བ་དང་། འཇིག་རྟེན་གྱི་ཁམས་གྲངས་མེད་པར་འགྲོ་བ་དང་། དྲི་བ་གྲངས་མེད་པ་དྲི་བ་དང་། ཡིད་ཀྱི་ལུས་མངོན་པར་བསྒྲུབ་པ་དང་། སྒྲ་སྐད་ལ་སྦྱོར་བ་ཚད་མེད་པ་དང་། 
སེམས་བསྐྱེད་པས་སངས་རྒྱས་ཀྱི་ཞིང་གྲངས་མེད་པ་ཡོངས་སུ་འགྲུབ་པ་ཡང་དག་པར་བརྗོད་པར་བྱའོ། །དེ་ཅིའི་ཕྱིར་ཞེ་ན། འདི་ལྟར་དེ་ཤས་ཆེར་མངོན་པར་བསྒྲུབ་པ་མཁས་པ་ལ་སྦྱོར་ཞིང་། གོང་དུ་གནས་གང་དག་ཐོས་པའི་གནས་དེ་
དག་ལ་ཡང་བདག་ཉིད་སྦྱོར་གྱི་གཞན་གྱི་དྲིང་ལ་མི་འཇོག་པ་ཐོབ་པའི་ཕྱིར་ཏེ། ཀྱེ་རྒྱལ་བའི་སྲས་དག་འདི་ནི་གཞོན་ནུར་གྱུར་པའི་བྱང་ཆུབ་སེམས་དཔའ་རྣམ་པར་གཞག་པའོ། །ཀྱེ་རྒྱལ་བའི་སྲས་དག་དེ་ལ་རྒྱལ་ཚབ་ཀྱི་བྱང་ཆུབ་སེམས་དཔའ་རྣམ་
པར་གཞག་པ་གང་ཞེ་ན། ཀྱེ་རྒྱལ་བའི་སྲས་དག་འདི་ལ་གཞོན་ནུ་རྒྱལ་ཚབ་ཀྱི་བྱང་ཆུབ་སེམས་དཔའ་ནི་ཆོས་རྟོགས་པར་བྱ་བ་བཅུ་ལ་མཁས་པ་ཡིན་ཏེ། བཅུ་གང་ཞེ་ན། འདི་ལྟ་སྟེ། སེམས་ཅན་གྱི་སྐྱེ་བ་རྟོགས་པར་བྱ་བ་ལ་
མཁས་པ་ཡིན། ཉོན་མོངས་པ་རྒྱུ་བ་རྟོགས་པར་བྱ་བ་ལ་མཁས་པ་ཡིན། བག་ཆགས་ཀྱི་མཚམས་སྦྱོར་བ་རྟོགས་པར་བྱ་བ་ལ་མཁས་པ་ཡིན། སྤྱོད་ཡུལ་ལ་སྦྱོར་བ་རྟོགས་པར་བྱ་བ་ལ་མཁས་པ་ཡིན། ཆོས་ཉིད་རྟོགས་པར་བྱ་བ་
ལ་མཁས་པ་ཡིན། ཉེ་བར་སྤྱད་པ་རྟོགས་པར་བྱ་བ་ལ་མཁས་པ་ཡིན། འཇིག་རྟེན་གྱི་ཁམས་རྣམ་པར་དབྱེ་བ་རྟོགས་པར་བྱ་བ་ལ་མཁས་པ་ཡིན། སྔོན་གྱི་མཐའ་དང་ཕྱི་མའི་མཐའ་དང་། ད་ལྟར་བྱུང་བ་ཤེས་པ་རྟོགས་པར་བྱ་བ་ལ་མཁས་པ་ཡིན། ཀུན་རྫོབ་

106-1-15a

ཀྱི་བདེན་པ་ངེས་པར་རྟོག་པ་རྟོགས་པར་བྱ་བ་ལ་མཁས་པ་ཡིན་ཏེ། ཀྱེ་རྒྱལ་བའི་སྲས་དག་འདི་ནི་རྒྱལ་ཚབ་ཀྱི་བྱང་ཆུབ་སེམས་དཔའོ། །ཀྱེ་རྒྱལ་བའི་སྲས་དག་རྒྱལ་ཚབ་ཀྱི་བྱང་ཆུབ་སེམས་དཔའ་དེ་ལ་གནས་བཅུ་ཡང་དག་པར་
བརྗོད་པར་བྱ་སྟེ། བཅུ་གང་ཞེ་ན། འདི་ལྟ་སྟེ། རྒྱལ་པོའི་ཕོ་བྲང་འཁོར་ལ་མཁས་པ་ཡང་དག་པར་བརྗོད་པར་བྱའོ། །རྒྱལ་པོའི་ཕོ་བྲང་འཁོར་ཀུན་དུ་སྤྱད་པ་དང་། རྒྱལ་པོའི་ཕོ་བྲང་འཁོར་དུ་འཇུག་པ་དང་། རྒྱལ་པོའི་ཕོ་བྲང་
འཁོར་དུ་རྣམ་པར་དཔྱད་པ་དང་། ཆོས་ཀྱི་རྒྱལ་པོའི་དབང་བསྐུར་བ་དང་། ཆོས་ཀྱི་རྒྱལ་པོའི་བྱིན་གྱི་བརླབས་དང་། ཆོས་ཀྱི་རྒྱལ་པོའི་ཕ་རོལ་གནོན་པ་དང་། ཆོས་ཀྱི་རྒྱལ་པོའི་གནས་དང་། ཆོས་ཀྱི་རྒྱལ་པོའི་བཀའ་ལུང་ཡང་དག་པར་བརྗོད་པར་བྱའོ། །དེ་ཅིའི་
ཕྱིར་ཞེ་ན། འདི་ལྟར་དེའི་སེམས་ཤས་ཆེར་ཆོས་ཐམས་ཅད་ལ་སྒྲིབ་པ་མེད་པར་བསྒྲུབ་པ་ལ་འཇུག་ཅིང་གོང་དུ་གནས་གང་དག་ཐོས་པའི་གནས་དེ་དག་ལ་ཡང་བདག་ཉིད་སྒྲུབ་ཀྱི་གཞན་གྱི་དྲིང་ལ་མི་འཇོག་པ་ཐོབ་པའི་ཕྱིར་ཏེ། ཀྱེ་རྒྱལ་བའི་སྲས་དག་
འདི་ནི་རྒྱལ་ཚབ་ཀྱི་བྱང་ཆུབ་སེམས་དཔའ་རྣམ་པར་གཞག་པའོ། །ཀྱེ་རྒྱལ་བའི་སྲས་དག་དེ་ལ་དབང་བསྐུར་བ་ཐོབ་པའི་བྱང་ཆུབ་སེམས་དཔའ་རྣམ་པར་གཞག་པ་གང་ཞེ་ན། ཀྱེ་རྒྱལ་བའི་སྲས་དག་འདི་ལ་དབང་བསྐུར་བ་
ཐོབ་པའི་བྱང་ཆུབ་སེམས་དཔའ་ནི་ཤེས་པ་མངོན་བར་སྒྲུབ་པ་བཅུ་དང་ལྡན་པ་ཡིན་ཏེ། བཅུ་གང་ཞེ་ན། འདི་ལྟ་སྟེ། འཇིག་རྟེན་གྱི་ཁམས་གྲངས་མེད་པ་རབ་ཏུ་གཡོ་བར་བྱེད་པ་མང་བ་ཡིན། འཇིག་རྟེན་གྱི་ཁམས་
གྲངས་མེད་པ་བྱིན་གྱིས་རློབ་པ་མང་བ་ཡིན། འཇིག་རྟེན་གྱི་ཁམས་གྲངས་མེད་པ་སེམས་གཅིག་གིས་འདའ་བར་བྱེད་པ་མང་བ་ཡིན། འཇིག་རྟེན་གྱི་ཁམས་གྲངས་མེད་པ་ཡོངས་སུ་སྦྱང་བ་བྱེད་པ་མང་བ་ཡིན། 
སེམས་ཅན་གྲངས་མེད་པའི་སེམས་གཅིག་གིས་རྣམ་པར་རིག་པར་བྱེད་པ་མང་བ་ཡིན། འཇིག་རྟེན་གྱི་ཁམས་གྲངས་མེད་པ་ལ་རྣམ་པར་ལྟ་བ་མང་བ་ཡིན། སེམས་ཅན་གྲངས་མེད་པའི་སེམས་ཀྱི་སྤྱོད་པ་ལ་

106-1-15b

སེམས་གཅིག་གིས་རྣམ་པར་དཔྱོད་པ་ལ་མཁས་པ་ཡིན། སེམས་ཅན་གྲངས་མེད་པའི་དབང་པོ་སེམས་གཅིག་གིས་རྟོགས་པར་བྱེད་པ་ལ་མཁས་པ་ཡིན། སེམས་ཅན་གྲངས་མེད་པ་འདུལ་བ་ལ་མཁས་པ་ཡིན། 
སེམས་ཅན་གྲངས་མེད་པའི་རྣམ་པ་ཐམས་ཅད་མཁྱེན་པ་ཉིད་ཀྱི་སེམས་ལ་འཛུད་པ་ལ་མཁས་པ་ཡིན་ནོ། །ཀྱེ་རྒྱལ་བའི་སྲས་དག་རྒྱལ་ཚབ་ཀྱི་ས་ལ་གནས་པའི་བྱང་ཆུབ་སེམས་དཔའ་མན་ཆད་གང་གིས་ཀྱང་དབང་བསྐུར་བ་ཐོབ་
པའི་བྱང་ཆུབ་སེམས་དཔའ་དེའི་ལུས་ཀྱི་ལས་ཤེས་པར་མི་ནུས། ངག་གི་ལས་ཤེས་པར་མི་ནུས། ཡིད་ཀྱི་ལས་ཤེས་པར་མི་ནུས། རྫུ་འཕྲུལ་ཤེས་པར་མི་ནུས། རྫུ་འཕྲུལ་ལ་རྣམ་པར་ལྟ་བ་ཤེས་པར་མི་ནུས། འདས་པའི་དུས་
ལ་རྣམ་པར་ལྟ་བ་ཤེས་པར་མི་ནུས་ཞིང་མངོན་པར་འདུ་བྱེད་པ་ཤེས་པར་མི་ནུས། བློས་རྣམ་པར་ལྟ་བ་ཤེས་པར་མི་ནུས། སེམས་ཀྱི་ཡུལ་ཤེས་པར་མི་ནུས། ཡེ་ཤེས་ཀྱི་སྤྱོད་ཡུལ་ཤེས་པར་མི་ནུས་ཏེ། ཀྱེ་རྒྱལ་བའི་སྲས་དག་འདི་ནི་
དབང་བསྐུར་བ་ཐོབ་པའི་བྱང་ཆུབ་སེམས་དཔའོ། །ཀྱེ་རྒྱལ་བའི་སྲས་དག་དབང་བསྐུར་བ་ཐོབ་པའི་བྱང་ཆུབ་སེམས་དཔའ་དེ་དག་ལ་སངས་རྒྱས་བཅོམ་ལྡན་འདས་དག་གནས་བཅུ་ཡང་དག་པར་བརྗོད་པ་མཛད་དེ། བཅུ་གང་ཞེ་ན། 
འདི་ལྟ་སྟེ། དུས་གསུམ་ཤེས་པ་དང་། སངས་རྒྱས་ཀྱི་ཆོས་ཤེས་པ་དང་། ཆོས་ཀྱི་དབྱིངས་དབྱེར་མེད་པ་ཤེས་པ་དང་། ཆོས་ཀྱི་དབྱིངས་མཐའ་དང་དབུས་མེད་པ་དང་། འཇིག་རྟེན་གྱི་ཁམས་ཐམས་ཅད་རྒྱས་པར་དགང་བ་དང་། 
འཇིག་རྟེན་གྱི་ཁམས་ཐམས་ཅད་སྣང་བར་བྱེད་པ་དང་། འཇིག་རྟེན་གྱི་ཁམས་ཐམས་ཅད་བྱིན་གྱིས་བརླབ་པ་དང་། སེམས་ཅན་ཐམས་ཅད་ཡོངས་སུ་ཤེས་པ་དང་། ཆོས་ཐམས་ཅད་མངོན་བར་ཤེས་པ་དང་། སངས་རྒྱས་
ཀྱི་ཡེ་ཤེས་མཐའ་ཡས་པ་བརྗོད་པ་མཛད་དོ། །དེ་ཅིའི་ཕྱིར་ཞེ་ན། འདི་ལྟར་དེ་ནི་ཤས་ཆེར་ཐམས་ཅད་མཁྱེན་པ་ཉིད་ལ་སེམས་འཇུག་པའི་ཕྱིར་ཏེ། ཀྱེ་རྒྱལ་བའི་སྲས་དག་འདི་ནི་དབང་བསྐུར་བ་ཐོབ་པའི་བྱང་ཆུབ་སེམས་དཔའ་

106-1-16a

རྣམ་པར་གཞག་པའོ། །བྱང་ཆུབ་སེམས་དཔའ་ཆོས་ཀྱི་བློ་གྲོས་ཀྱིས་བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་ཀྱི་བྱང་ཆུབ་སེམས་དཔའ་རྣམ་པར་གཞག་པ་བཅུ་བཤད་མ་ཐག་ཏུ་དེ་ནས་དེའི་ཚེ་སངས་རྒྱས་
ཀྱི་མཐུས་ཕྱོགས་རེ་རེར་ཡང་སངས་རྒྱས་ཀྱི་ཞིང་སྟོང་ཕྲག་བཅུའི་རྡུལ་ཕྲ་རབ་ཀྱི་རྡུལ་སྙེད་ཀྱི་འཇིག་རྟེན་གྱི་ཁམས་རྣམ་པ་དྲུག་ཏུ་གཡོས། རབ་ཏུ་གཡོས། ཀུན་དུ་རབ་ཏུ་གཡོས་སོ། །འགུལ། རབ་ཏུ་འགུལ། ཀུན་དུ་རབ་ཏུ་
འགུལ་ཏོ། །ལྡེག །རབ་ཏུ་ལྡེག །ཀུན་དུ་རབ་ཏུ་ལྡེག་གོ། འུར་འུར་རབ་ཏུ་འུར་འུར། ཀུན་དུ་རབ་ཏུ་འུར་འུར་རོ། །ཆེམ་ཆེམ། རབ་ཏུ་ཆེམ་ཆེམ། ཀུན་དུ་རབ་ཏུ་ཆེམ་ཆེམ་མོ། །འཁྲུགས། རབ་ཏུ་འཁྲུགས། ཀུན་དུ་རབ་
ཏུ་འཁྲུགས་སོ། །སངས་རྒྱས་ཀྱི་མཐུ་དང་། ཆོས་ཉིད་ཐོབ་པས་ལྷའི་མེ་ཏོག་གི་སྤྲིན་གྱི་ཆར་ཡང་མངོན་པར་བབ་བོ། །ལྷའི་བདུག་པའི་སྤྲིན་གྱི་ཆར་ཡང་མངོན་པར་བབ་བོ། །ལྷའི་སྤོས་ཀྱི་སྤྲིན་གྱི་ཆར་ཡང་མངོན་བར་བབ་བོ། །
ལྷའི་ཕྱེ་མའི་སྤྲིན་གྱི་ཆར་དང་། ལྷའི་ཕྲེང་བའི་སྤྲིན་གྱི་ཆར་དང་། ལྷའི་གོས་ཀྱི་སྤྲིན་གྱི་ཆར་དང་། ལྷའི་རིན་པོ་ཆེའི་སྤྲིན་གྱི་ཆར་དང་། ལྷའི་པད་མའི་སྤྲིན་གྱི་ཆར་དང་། ལྷའི་རྒྱན་ཕྲེང་གི་སྤྲིན་གྱི་ཆར་དང་། ལྷའི་རྒྱན་གྱི་སྤྲིན་གྱི་ཆར་
ཡང་མངོན་བར་བབ་བོ། །ལྷའི་སིལ་སྙན་རྣམས་ཀྱང་མ་དཀྲོལ་བར་སྒྲ་བྱུང་ངོ་། །ལྷའི་སྣང་བ་ཡང་རབ་ཏུ་བྱུང་ངོ་། །ལྷའི་ང་རོ་ཡང་གྲག་གོ། །གླིང་བཞི་པ་འདིར་རི་རབ་ཀྱི་རྩེ་མོར་ལྷའི་དབང་པོའི་ཁང་པར་ཇི་ལྟ་བ་དེ་བཞིན་དུ་འཇིག་རྟེན་གྱི་
ཁམས་ཐམས་ཅད་དུ་ཡང་ཆོས་བསྟན་པ་འདི་ཁྱབ་པར་གྱུར་ནས་བྱུང་སྟེ་ལྷག་ཆད་མེད་དོ། །ཚིག་འབྲུ་འདི་དག་ཉིད་ཀྱིས་དོན་འདི་ཉིད་སྟོན་ཏོ། །སངས་རྒྱས་ཀྱི་མཐུས་སངས་རྒྱས་ཀྱི་ཞིང་སྟོང་ཕྲག་བཅུའི་རྡུལ་ཕྲ་རབ་ཀྱི་རྡུལ་སྙེད་ཀྱི་འཇིག་
རྟེན་གྱི་ཁམས་རྣམས་ཀྱི་ཕ་རོལ་ནས་བྱང་ཆུབ་སེམས་དཔའ་སངས་རྒྱས་ཀྱི་ཞིང་སྟོང་ཕྲག་བཅུའི་རྡུལ་ཕྲ་རབ་སྙེད་ལྷགས་ཏེ། ཕྱོགས་བཅུ་རྒྱས་པར་བཀང་ནས་འདི་སྐད་ཅེས་འཛེར་ཏོ། །ཀྱེ་རྒྱལ་བའི་སྲས་དེ་ལྟར་ཁྱོད་བྱང་ཆུབ་སེམས་དཔའི་

106-1-16b

ཆོས་ཉིད་འདི་སྟོན་པ་ལེགས་སོ་ལེགས་སོ། །ཀྱེ་རྒྱལ་བའི་སྲས་བདག་ཅག་ཀྱང་མིང་ཆོས་ཀྱི་བློ་གྲོས་ཤེས་བྱ་བ་ཤ་སྟག་སྟེ། འཇིག་རྟེན་གྱི་ཁམས་ཆོས་ཀྱི་སྤྲིན་ཅེས་བྱ་བ་དག་ནས་དེ་བཞིན་གཤེགས་པའི་མཚན་ཆོས་ཀྱི་བློ་གྲོས་
བཟང་པོ་ཞེས་བྱ་བ་ཤ་སྟག་གི་ཐད་ནས་འདིར་ཕྱིན་ཏོ། །སངས་རྒྱས་ཀྱི་བྱིན་གྱི་བརླབ་ཀྱིས་དེ་དག་ཐམས་ཅད་དུ་ཆོས་བསྟན་པ་འདི་བྱུང་སྟེ། འཁོར་འདི་ལྟ་བུ་དག་གི་ནང་དུ་ཚིག་འབྲུ་འདི་དག་གིས་དོན་འདི་ཉིད་སྟོན་ཏེ། ལྷག་ཆད་མེད་དོ། །
ཀྱེ་རྒྱལ་བའི་སྲས་བདག་ཅག་ནི་ཁྱོད་ཀྱི་དཔང་དུ་གྱུར་ཏེ། སངས་རྒྱས་ཀྱི་མཐུས་འཇིག་རྟེན་གྱི་ཁམས་འདིར་ཕྱིན་ཏོ། །བདག་ཅག་ཇི་ལྟར་འཇིག་རྟེན་གྱི་ཁམས་འདིར་ཕྱིན་པ་དེ་བཞིན་དུ་ཕྱོགས་བཅུའི་འཇིག་རྟེན་གྱི་ཁམས་ཐམས་ཅད་
ཀྱི་གླིང་བཞི་པ་ཐམས་ཅད་དུ་རི་རབ་ཀྱི་རྩེ་མོར་ལྷའི་དབང་པོའི་ཁང་པ་རྣམས་སུ་ཡང་བྱང་ཆུབ་སེམས་དཔའ་སངས་རྒྱས་ཀྱི་ཞིང་བཅུའི་རྡུལ་ཕྲ་རབ་ཀྱི་རྡུལ་སྙེད་ཕྱིན་པར་གྱུར་ཏོ། ། དེ་ནས་སངས་རྒྱས་ཀྱི་མཐུས་བྱང་ཆུབ་སེམས་དཔའ་ཆོས་
ཀྱི་བློ་གྲོས་ཀྱིས་ཕྱོགས་བཅུར་རྣམ་པར་བལྟས་ཏེ། ཐམས་ཅད་དང་ལྡན་པའི་འཁོར་དང་། ཆོས་ཀྱི་དབྱིངས་ལ་ཡང་རྣམ་པར་བལྟས་ནས་དེའི་ཚེ་ཚིགས་སུ་བཅད་པ་འདི་དག་སྨྲས་སོ། །རང་བྱུང་ཤིན་དུ་རྣམ་དག་བློ་མངའ་བ། །མཛེས་ཤིང་གཟུགས་
ཀྱི་སྟོབས་དང་ལྡན་གྱུར་པ། །བསྙེན་དཀའ་མཚན་གྱིས་བརྒྱན་པ་མཐོང་གྱུར་ནས། །བྱང་ཆུབ་དོན་དུ་བརྟན་པ་སེམས་འཇོག་བྱེད། །དོ་ཟླ་མེད་པའི་རྫུ་འཕྲུལ་སྟོབས་རྣམས་དང་། །ཀུན་བརྗོད་བཟང་དང་རྗེས་སུ་བསྟན་པ་དང་། །སྡུག་བསྔལ་
བཟད་རླག་འཇིག་རྟེན་འགྲོ་མཐོང་ནས། །བྱང་ཆུབ་དོན་དུ་བརྟན་པ་སེམས་འཇོག་བྱེད། །ཡོན་ཏན་ཀུན་གྱི་འབྱུང་གནས་དེ་བཞིན་གཤེགས། །ཀུན་ཏུ་བཟང་པོའི་ཡོན་ཏན་ཐོས་གྱུར་ནས། །ནམ་མཁའི་དབྱིངས་འདྲ་འགྱུར་
བ་མེད་པ་ཡི། །བྱང་ཆུབ་དོན་དུ་བརྟན་པ་སེམས་འཇོག་བྱེད། །གནས་རྣམས་ཇི་སྙེད་གང་དག་ཡོད་གྱུར་དང་། །རང་བཞིན་གནས་པའི་གནས་རྣམས་གཞན་དག་ཀྱང་། །གཞན་མིན་དངོས་པོར་རྣམ་པར་

106-1-17a

རྟོགས་བྱ་ཕྱིར། །བྱང་ཆུབ་དོན་དུ་བརྟན་པ་སེམས་འཇོག་བྱེད། །འདས་དང་མ་འོངས་ད་ལྟར་དུས་དག་ན། །དགེ་དང་མི་དགེའི་ལས་རྣམས་གང་ཡོད་པ། །དེ་དག་རྒྱུ་རྣམས་རྟོགས་པར་བྱ་བའི་ཕྱིར། །བྱང་ཆུབ་དོན་དུ་བརྟན་པ་སེམས་
འཇོག་བྱེད། །ཏིང་འཛིན་བསམ་གཏན་རྣམ་ཐར་སྤྱོད་པ་དང་། །དེ་བཞིན་སྙོམས་འཇུག་རྣམ་དག་མཐར་ཐུག་པ། །དེ་དག་གནས་སྐབས་རྟོགས་པར་བྱ་བའི་ཕྱིར། །བྱང་ཆུབ་དོན་དུ་བརྟན་པ་སེམས་འདི་འཇོག །འཇིག་རྟེན་
བརྩོན་འགྲུས་སྟོབས་དང་དབང་པོ་རྣམས། །ཅི་འདྲ་ཅི་འདྲ་དེ་ཡིད་དང་བ་དེར། །རིམ་པ་དེ་དག་རྟོགས་པར་བྱ་བའི་ཕྱིར། །བྱང་ཆུབ་དོན་དུ་བརྟན་པ་སེམས་འཇོག་བྱེད། །འཇིག་རྟེན་ཀུན་གྱི་མོས་པ་ཅི་འདྲ་དང་། །ལྷག་པའི་བསམ་པ་ཐ་
དད་རྣམ་གསུམ་ནས། །བསྟན་བཅོས་དུ་མ་རྟོགས་པར་བྱ་བའི་ཕྱིར། །བྱང་ཆུབ་དོན་དུ་བརྟན་པ་སེམས་འཇོག་བྱེད། །རྣམ་པ་སྣ་ཚོགས་རྣམ་པ་དུ་མའི་ཁམས། །གང་དག་འཇིག་རྟེན་གསུམ་འདིར་ཡོད་ཀུན་གྱི། །ཁམས་
ཀྱི་རང་བཞིན་རྟོགས་པར་བྱ་བའི་ཕྱིར། །བྱང་ཆུབ་དོན་དུ་བརྟན་པ་སེམས་དེ་འཇོག །ཆོས་འདིར་ཀུན་དུ་འགྲོ་བར་གང་གྱུར་ཅིང་། །དགེ་བའི་འཇུག་པ་གང་ཡང་རབ་འཇུག་པ། །ཡང་དག་རང་བཞིན་རྟོགས་པར་བྱ་བའི་ཕྱིར། །
བྱང་ཆུབ་དོན་དུ་བརྟན་པ་སེམས་འཇོག་བྱེད། །ཞིང་རྣམས་ཐམས་ཅད་ཇི་ལྟར་འབྱུང་བ་དང་། །སེམས་ཅན་ཇི་ལྟར་ས་ལས་འབྱུང་འགྱུར་ཞེས། །ཆགས་མེད་མིག་ནི་རབ་ཏུ་དབྱེ་བའི་ཕྱིར། །བྱང་ཆུབ་དོན་དུ་
བརྟན་པ་སེམས་འདི་འཇོག །འདས་པའི་དུས་དང་ད་ལྟར་བྱུང་དུས་ན། །སེམས་ཅན་རིས་དངོས་མཚན་ཉིད་གང་ཡོད་དང་། །སྔོན་གྱི་གནས་རྣམས་རྟོགས་པར་བྱ་བའི་ཕྱིར། །བྱང་ཆུབ་དོན་དུ་བརྟན་པ་
སེམས་འདི་འཇོག །ཇི་ལྟར་འགྲོ་བར་སེམས་ཅན་འཆིང་བྱེད་པ། །ཀུན་དུ་སྦྱོར་བ་འཇིག་རྟེན་གང་ཡོད་པའི། །ཉོན་མོངས་ཟད་པ་རྟོགས་པར་བྱ་བའི་ཕྱིར། །བྱང་ཆུབ་དོན་དུ་བརྟན་པ་སེམས་འདི་འཇོག །འཇིག་རྟེན་

106-1-17b

གསུམ་ན་ཐ་སྙད་གང་བཏགས་དང་། །ངག་ལམ་སྔགས་ཚུལ་སྤྱོད་པ་གང་ཡོད་པ། །བརྡ་ཡི་བདེན་པ་རྟོགས་པར་བྱ་བའི་ཕྱིར། །བྱང་ཆུབ་དོན་དུ་བརྟན་པ་སེམས་འདི་འཇོག །ཆོས་རྣམས་ཐམས་ཅད་བརྗོད་དུ་མེད་པ་སྟེ། །
སྟོང་པ་མི་གཡོ་རང་བཞིན་ངོ་བོ་ཉིད། །དོན་དམ་བདེན་པ་རྟོགས་པར་བྱ་བའི་ཕྱིར། །བྱང་ཆུབ་དོན་དུ་བརྟན་པ་སེམས་འཇོག་བྱེད། །ཞིང་རྣམས་དག་ཏུ་ས་གཡོ་བསྟན་པ་དང་། །རྒྱ་མཚོ་དག་ཀྱང་རྣམ་པར་འཁྲུགས་པ་དང་། །
དེ་བཞིན་གཤེགས་ཀྱི་རྫུ་འཕྲུལ་བསྟན་པའི་ཕྱིར། །བྱང་ཆུབ་དོན་དུ་བརྟན་པ་སེམས་འདི་འཇོག །འོད་ཟེར་རྩེ་མོ་རེ་ལས་འོད་ཟེར་རྣམས། །དེ་བཞིན་ཕྱོགས་བཅུ་ཀུན་དུ་རབ་ཏུ་འགྱད། །དེ་དག་འོད་གཅིག་རྟོགས་པར་བྱ་བའི་
ཕྱིར། །བྱང་ཆུབ་དོན་དུ་བརྟན་པ་སེམས་འཇོག་བྱེད། །ཞིང་མང་བསམ་གྱིས་མི་ཁྱབ་གང་ཡོད་པ། །དེ་དག་རང་གི་ལག་ཏུ་མངོན་སྤྲུལ་ཏེ། །སྒྱུ་མའི་ཚུལ་དེ་རྟོགས་པར་བྱ་བའི་ཕྱིར། །བྱང་ཆུབ་དོན་དུ་བརྟན་པ་སེམས་
འཇོག་བྱེད། །ཞིང་རྣམས་ཇི་ལྟར་དེ་བཞིན་སེམས་ཅན་ཀུན། །གནོད་པ་མེད་པར་ལག་པའི་མཐིལ་བཞག་ནས། །ཆོས་རྣམས་སྲོག་མེད་རྟོགས་པར་བྱ་བའི་ཕྱིར། །བྱང་ཆུབ་དོན་དུ་བརྟན་པ་སེམས་འདི་འཇོག །
རྒྱ་མཚོ་རྣམས་ན་ཇི་སྙེད་ཆུ་ཡོད་པ། །སྐྲ་རྩེའི་ཐིགས་པའི་ནང་དུ་འཇུག་པར་བྱེད། །མ་ལུས་མཐར་ཐུག་རྟོགས་པར་བྱ་བའི་ཕྱིར། །བྱང་ཆུབ་དོན་དུ་བརྟན་པ་སེམས་འདི་འཇོག །ཞིང་རྣམས་ཀུན་ན་ཕྲ་རབ་རྡུལ་གྱི་བག །
གང་ཡོད་དེ་དག་མ་ལུས་བགྲང་བྱེད་ཅིང་། །ཕྲ་རབ་རྡུལ་གྲངས་རྟོགས་པར་བྱ་བའི་ཕྱིར། །བྱང་ཆུབ་དོན་དུ་བརྟན་པ་སེམས་འཇོག་བྱེད། །འཇིག་རྟེན་འདི་ན་འདས་དང་དེ་བཞིན་དུ། །མ་འོངས་སྲེག་པའི་བསྐལ་པས་འཇིགས་པ་
རྣམས། །བསྐལ་པ་ཟད་པ་རྟོགས་པར་བྱ་བའི་ཕྱིར། །བྱང་ཆུབ་དོན་དུ་བརྟན་པ་སེམས་འདི་འཇོག །དུས་གསུམ་དག་གི་དེ་བཞིན་གཤེགས་རྣམས་དང་། །སྟོན་པ་རང་རྒྱལ་ཐོས་ལས་བྱུང་རྣམས་ཀྱི། །ཆོས་ཀྱི་རང་བཞིན་

106-1-18a

རྟོགས་པར་བྱ་བའི་ཕྱིར། །བྱང་ཆུབ་དོན་དུ་བརྟན་པ་སེམས་འདི་འཇོག །བརྗོད་དུ་མེད་པའི་འཇིག་རྟེན་ཁམས་ཀྱི་རྣམས། །སྐྲ་ཡིས་བཅིངས་ནས་མ་ལུས་སྲང་ལ་འདེབས། །དངོས་པོའི་རང་བཞིན་རྟོགས་པར་བྱ་
བའི་ཕྱིར། །བྱང་ཆུབ་དོན་དུ་བརྟན་པ་སེམས་འདི་འཇོག །ཁོར་ཡུག་རི་བོ་བསམ་གྱིས་མི་ཁྱབ་པ། །སྐྲ་ཡིས་བཅིངས་ནས་མ་ལུས་སྲང་ལ་འདེབས། །རགས་དང་ཕྲ་བ་རྟོགས་པར་བྱ་བའི་ཕྱིར། །བྱང་ཆུབ་དོན་དུ་བརྟན་པ་
སེམས་འདི་འཇོག །ལུས་པ་མེད་པའི་འཇིག་རྟེན་ཁམས་རྣམས་སུ། །སྐད་ཅིག་གཅིག་ལ་དབྱངས་ཀྱིས་གོ་བར་བྱེད། །དབྱངས་ཀྱི་ཡན་ལག་དག་པ་བསྟན་པའི་ཕྱིར། །བྱང་ཆུབ་དོན་དུ་བརྟན་པ་སེམས་འདི་འཇོག །
འཇིག་རྟེན་ཀུན་གྱི་སྒྲ་རྣམས་ཅི་འདྲ་བ། །སྐད་ཅིག་གཅིག་ལ་སྐད་ཅིག་རྗོད་བྱེད་ཅིང་། །ཞི་བའི་རང་བཞིན་རྟོག་པར་བྱ་བའི་ཕྱིར། །བྱང་ཆུབ་དོན་དུ་བརྟན་པ་སེམས་འདི་འཇོག །འཇིག་རྟེན་གསུམ་པོ་མ་ལུས་རྟོགས་པར་བྱེད། །
སེམས་ཅན་ཀུན་གྱིས་རབ་ཏུ་རྣམ་པར་ཤེས། །ལྕེ་ཡངས་རྒྱ་ཆེན་རྟོགས་པར་བྱ་བའི་ཕྱིར། །བྱང་ཆུབ་དོན་དུ་བརྟན་པ་སེམས་འཇོག་བྱེད། །ཞིང་རྣམས་ཀུན་དུ་བརྗོད་དང་འདྲ་བར་ཡང་། །སྐད་ཅིག་གཅིག་ལ་ལྟ་གྱུར་སེལ་བར་བྱེད། །རྣམ་
རྟོག་ཆོས་རྣམས་རྟོགས་པར་བྱ་བའི་ཕྱིར། །བྱང་ཆུབ་དོན་དུ་བརྟན་པ་སེམས་འཇོག་བྱེད། །འདིར་ནི་ཞིང་རྣམས་ཐམས་ཅད་མ་ལུས་པར། །དེ་བཞིན་གཤེགས་པས་གང་ཞིང་རང་བྱུང་གི། །ཆོས་རྣམས་སྐད་ཅིག་གཅིག་
ལ་རྟོག་བྱའི་ཕྱིར། །བྱང་ཆུབ་དོན་དུ་བརྟན་པ་སེམས་འདི་འཇོག །རྡུལ་ཕྲན་ཐ་དད་ལྟ་བུར་འཇིག་རྟེན་ཁམས། །རྣམ་པ་ཀུན་དུ་མངོན་པར་སྤྲུལ་བྱེད་ཅིང་། །ཡིད་ལས་བྱུང་བ་དེ་དག་རྟོགས་བྱའི་ཕྱིར། །བྱང་ཆུབ་དོན་དུ་བརྟན་
པ་སེམས་འཇོག་བྱེད། ། འདས་དང་དེ་བཞིན་མ་བྱོན་སངས་རྒྱས་རྣམས། །ཇི་སྙེད་གང་དག་འཇིག་རྟེན་བཞུགས་སོ་ཅོག །སེམས་ཀྱི་སྐད་ཅིག་གཅིག་ལ་རྟོགས་བྱའི་ཕྱིར། །བྱང་ཆུབ་དོན་དུ་བརྟན་པ་སེམས་འཇོག་བྱེད་

106-1-18b

ཚིག་གཅིག་བརྗོད་ཀྱང་བསམ་གྱིས་མི་ཁྱབ་པའི། །བསྐལ་པ་ཟད་ཀྱི་དེ་ལ་ཉམས་པ་མེད། །ཚིག་རབ་དབྱེ་བ་རྟོགས་པར་བྱ་བའི་ཕྱིར། །བྱང་ཆུབ་དོན་དུ་བརྟན་པ་སེམས་འདི་འཇོག །ཕྱོགས་བཅུ་རྣམས་ཀྱི་འཇིག་རྟེན་ཐམས་ཅད་
ཀྱི། །འགྲོ་བ་ཅི་འདྲ་ལྡོག་པ་ཅི་འདྲ་བ། །སེམས་ཀྱི་སྐད་ཅིག་གཅིག་ལ་རྟོགས་བྱའི་ཕྱིར། །བྱང་ཆུབ་དོན་དུ་བརྟན་པ་སེམས་འཇོག་བྱེད། །ཕྱོགས་རྣམས་ཀུན་དུ་འགྲོ་ཡང་ལུས་ཀྱིས་སམ། །ངག་གམ་ཡིད་ཀྱིས་གང་དུའང་ཆགས་པ་མེད། །
དུས་གསུམ་སྟོང་པ་ཉིད་དུ་རྟོགས་བྱའི་ཕྱིར། །བྱང་ཆུབ་དོན་དུ་བརྟན་པ་སེམས་འདི་འཇོག །བྱང་ཆུབ་སེམས་ནི་ཇི་ལྟར་བསྐྱེད་པ་བཞིན། །གཞལ་ཡས་བསྐལ་པར་ཕྱོགས་སུ་རྒྱུ་བྱེད་ཅིང་། །སངས་རྒྱས་སྤྱན་སྔར་མཆོད་པར་བྱའོ་
ཞེས། །འདི་ནི་མི་ལྡོག་རྣམས་ཀྱི་བསྟན་པ་ཡིན། །ཕྱོགས་བཅུ་དག་གི་འཇིག་རྟེན་ཐ་དད་པར། །འཇིག་རྟེན་བདག་པོར་རྒྱལ་བའི་སྲས་འགྱུར་བ། །གང་ཡང་རུང་བ་དམ་པ་སྒྲོགས་པར་བྱེད། །འདི་ནི་མི་ལྡོག་རྣམས་ཀྱི་བསྟན་པ་ཡིན། །
བྱང་ཆུབ་དོན་དུ་སྲིད་པར་སྤྱད་སྤྱོད་ཚེ། །བྱང་ཆུབ་སེམས་དཔའི་བདེ་སྦྱོར་གང་ཡིན་པ། །དེའི་བསྔགས་པ་རྟག་ཏུ་རྗོད་པར་བྱེད། །འདི་ནི་མི་ལྡོག་རྣམས་ཀྱི་བསྟན་པ་ཡིན། །ཆོས་མཆོག་ཆོས་རབ་ཕུལ་དུ་ཕྱིན་པ་དང་། །ཁྱད་པར་
འཕགས་ཆོས་བླ་མེད་གང་ཡོད་པ། །དེ་དག་བྱང་ཆུབ་སེམས་དཔའ་རྣམས་ལ་སྟོན། །འདི་ནི་མི་ལྡོག་རྣམས་ཀྱི་བསྟན་པ་ཡིན། །ཡོན་ཏན་ཀུན་ལྡན་དེ་བཞིན་གཤེགས་པ་ཡི། །ཆེ་ཉིད་འདི་ན་ཡོད་ཀྱི་གཞན་མེད་པ། །དེ་ལ་བྱང་ཆུབ་སེམས་དཔའ་
སྦྱོར་བར་བྱེད། །འདི་ནི་མི་ལྡོག་རྣམས་ཀྱི་བསྟན་པ་ཡིན། །ཚད་མེད་གཞལ་ཡས་བསམ་གྱིས་མི་ཁྱབ་པའི། །སངས་རྒྱས་རྣམས་དང་ཕྲད་གྱུར་ཅི་འདྲ་བ། །བྱང་ཆུབ་སེམས་དཔའ་དེ་ལ་སྟོན་པར་བྱེད། །འདི་ནི་མི་ལྡོག་རྣམས་ཀྱི་བསྟན་པ་ཡིན། །ཏིང་
འཛིན་གང་དག་ཇི་སྙེད་ཡོད་པ་དང་། །དེ་བཞིན་ཏིང་འཛིན་རྒྱུད་ཀྱི་རྣམ་པ་དག །དེ་དག་བདེ་གཤེགས་སྲས་ལ་རྗོད་པར་བྱེད། །འདི་ནི་མི་ལྡོག་རྣམས་ཀྱི་བསྟན་པ་ཡིན། །འཁོར་བའི་འཁོར་ལོ་རྣམ་པར་ཟློག་པ་དང་། །དམ་པའི་ཆོས་ཀྱི་འཁོར་ལོ་རབ་བསྐོར་བ། །

106-1-19a

འཇིག་རྟེན་ཀུན་གྱིས་རྟག་ཏུ་མ་བསྐོར་བ། །བྱང་ཆུབ་སེམས་དཔའ་རྣམས་ལ་དེ་བསྟན་བྱ། །ཤིན་དུ་སྡུག་བསྔལ་འཇིག་རྟེན་ཐམས་ཅད་དང་། །ངན་སོང་ས་རྣམས་དག་ཏུ་གནོད་གྱུར་པའི། །གནས་དང་སྐྱབས་དང་དཔུང་གཉེན་གྱུར་པ་
དེ། །བྱང་ཆུབ་སེམས་དཔའ་རྣམས་ལ་བསྟན་པར་བྱ། །གང་ཞིག་བྱང་ཆུབ་དོན་དུ་སེམས་འཇོག་པ། །དེ་ནི་དང་པོའི་བྱང་ཆུབ་སེམས་དཔར་བསྟན། །བསླབ་པའི་གདམས་ངག་ཇི་བཞིན་ངེས་བྱས་པ། །ཇི་བཞིན་རྣམ་པར་གཞག་འདི་དེའི་
ཡིན། །ནད་བྲལ་རྣམས་ཀྱི་བསྟན་པ་ཇི་བཞིན་དུ། །འཇིག་རྟེན་ཀུན་ལ་ཕན་པ་བྱ་བའི་ཕྱིར། །དེ་ལྟར་ཐོག་མ་སུ་ཞིག་སེམས་བསྐྱེད་པ། །འདི་ནི་གཉིས་ཏེ་དང་པོའི་ལས་ཅན་ནོ། །ཕན་པ་ཐོབ་བྱེད་སེམས་དང་རབ་དང་བདེ། །གཉེན་དང་
སྡུག་དང་དེ་བཞིན་སྡུད་སེམས་དང་། །ཀུན་དུ་བསྲུང་བའི་སེམས་དང་སྙོམས་པའི་སེམས། །སློབ་དཔོན་སེམས་དང་སྙོམས་པར་སྟོན་པའི་སེམས། །དེ་འདྲ་དག་ལ་སེམས་གནས་གྱུར་པ་དེ། །ལུང་ནོད་ཁ་ཏོན་བྱེད་པར་སྦྱར་བར་བྱ། །
མང་དུ་ཐོས་ནས་དགོན་པར་གནས་སུ་གཞུག །དབེན་པར་གྱུར་ནས་དགེ་བཤེས་སྟེན་དུ་གཞུག །དགེ་བཤེས་རྣམས་ལ་བཀའ་བློ་བདེ་བར་བྱ། །དུས་ཚོད་ཤེས་ལ་ཤེས་བཞིན་ལྡན་པར་བྱ། །དུས་ཤེས་གྱུར་ནས་ཤིན་དུ་འཇིགས་
མེད་བྱ། །འཇིགས་པ་མེད་ནས་དོན་ལ་བརྩོན་པར་བྱ། །དོན་ཤེས་གྱུར་ནས་དེ་བཞིན་ཆོས་བརྗོད་བྱ། །ཆོས་རྣམས་ཀུན་ལ་རྨོངས་གྱུར་མེད་པར་བྱ། །རྨོངས་པ་མེད་པར་གྱུར་ནས་རྒྱལ་བའི་སྲས། །ལེགས་པར་གསུངས་པའི་ཆོས་
ལ་བསམ་པར་བྱ། །འདི་ནི་དང་པོའི་ལས་ཅན་བརྗོད་པ་སྟེ། །བྱང་ཆུབ་ཞུགས་པའི་བྱང་ཆུབ་སེམས་དཔའ་ཡིན། །འདི་ནི་གདམས་པ་འདི་ནི་བསྟན་པ་སྟེ། །འདི་ལ་སུ་སློབ་དེ་ནི་སངས་རྒྱས་སྲས། །བྱང་ཆུབ་སེམས་དཔའ་གསུམ་
པ་གང་ཡིན་པ། །ཆོས་ཀྱི་རྒྱལ་པོའི་བསྟན་ལ་རབ་ཏུ་སྦྱོར། །མི་རྟག་ཉིད་དང་སྡུག་བསྔལ་སྟོང་ཉིད་དང་། །བདག་མེད་པ་དང་གཡོ་བ་མེད་པ་དང་། །དེ་བཞིན་ཆོས་འདི་ཐམས་ཅད་བདག་མིན་དང་། །མངོན་བར་འདུ་བྱེད་མེད་དང་དབེན་པ་དང་། །

106-1-19b

འདི་དག་ཐམས་ཅད་རྟོག་པ་མེད་ཡིན་པར། །བྱང་ཆུབ་སེམས་དཔའ་དེ་ལྟར་རྟོག་པར་བྱེད། །སེམས་ཅན་ཁམས་དང་ཆོས་ཀྱི་དབྱིངས་ལ་ཡང་། །བརྟག་པར་བྱ་ཕྱིར་དེ་ནི་གཟེང་ཡང་བསྟོད། །འཇིག་རྟེན་ཁམས་ནི་མཐའ་ཡས་མུ་མེད་ཅེས། །
དེ་ལྟར་དེ་ནི་དཔྱོད་དུ་གཞུག་པར་བྱ། །འདི་ན་ས་དང་ཆུ་དང་དེ་བཞིན་མེ། །རླུང་དང་ནམ་མཁའ་ཇི་སྙེད་ཡོད་པ་དང་། །ཕྱོགས་ན་འདོད་དང་གཟུགས་དང་གཟུགས་མེད་པ། །དེ་དག་རྣམས་ལ་དེ་ནི་དཔྱོད་དུ་གཞུག །རྒྱ་ཆེན་ཆོས་རྣམས་ཀུན་དང་
ཁམས་རྣམས་ཀྱི། །རང་བཞིན་མ་ལུས་མཐར་ཐུག་བརྟག་བྱ་བ། །དེ་ནི་སངས་རྒྱས་སྲས་པོ་སྦྱོར་བྱེད་ལ། །ཕན་པར་བྱ་ཕྱིར་རྗེས་སུ་བསྟན་པ་ཡིན། །བྱང་ཆུབ་སེམས་དཔའ་སྐྱེ་བར་གང་སྐྱེས་པ། །བསྟན་ལ་སྐྱེས་ཤིང་རབ་ཏུ་འབྱུང་བར་
བྱེད། །བློ་ལྡན་དེ་ནི་དངོས་མེད་དངོས་པོ་རྟོགས། །དམ་ཆོས་གནས་སུ་སྐྱེས་ཏེ་ལེགས་པར་སྐྱེས། །དེ་ནི་རང་གི་ས་ལས་ཡོངས་མི་ལྡོག །སངས་རྒྱས་མཐར་ཐུག་ཡིན་པར་འཛིན་པ་སྐྱེ། །རྟག་ཏུ་ཆོས་ལ་ངེས་པར་སེམས་དང་ལྡན། །
སེམས་ཅན་རང་བཞིན་ཅི་འདྲར་རྣམ་པར་དཔྱོད། །ལས་དང་འཇིག་རྟེན་དག་དང་ཞིང་རྣམས་དང་། །རྣམ་པར་སྨིན་དང་འཁོར་དང་མྱ་ངན་འདས། །རྣམ་པར་དབྱེ་བ་རྒྱལ་བའི་སྲས་ཀྱིས་ཤེས། །དེ་ཐུགས་སྐྱེས་པའི་བྱང་ཆུབ་སེམས་དཔར་
བརྗོད། །ཐམས་ཅད་མཁྱེན་པ་འདས་དང་བྱུང་རྣམས་དང་། །མ་བྱོན་དག་ཀྱང་ཆོས་རྣམས་རྣམ་དཔྱད་ནས། །གྲུབ་དང་གང་ཡང་ལེགས་སྐྱེས་མཐར་ཐུག་དང་། །རང་བྱུང་རྣམས་ཀྱི་གྲུབ་པ་ཅི་འདྲ་བ། །སངས་རྒྱས་དམ་པ་དེ་དག་ཐམས་
ཅད་ནི། །དུས་གསུམ་མཉམ་ཉིད་རྗེས་སུ་ཞུགས་པ་ཤེས། །ནམ་ཡང་མཉམ་ཉིད་བྱེ་བྲག་འབྱེད་མི་བྱེད། །དེ་ནི་དུས་གསུམ་ཐ་དད་མེད་པར་འཇུག །གང་གི་ཕན་ཡོན་རྣམ་པ་འདི་འདྲ་བ། །དེ་ནི་བྱང་ཆུབ་སེམས་དཔའ་བཞི་པ་སྟེ། །
འདི་དག་རབ་བསྒྲུབས་བྱང་ཆུབ་སེམས་དཔའ་དེ། །བྱང་ཆུབ་དོན་དུ་ངེས་པར་འབྱུང་བར་འགྱུར། །དེ་ལྟར་བྱང་ཆུབ་སེམས་དཔའ་ལྔ་པ་སྟེ། །སྦྱོར་བ་ཕུན་སུམ་ཚོགས་པར་བརྗོད་པ་ཡིན། །ཐབས་ལ་མཁས་པའི་རྗེས་སུ་ཞུགས་པ་

106-1-20a

སྟེ། །བསོད་ནམས་ལས་དག་བརྩམས་པས་མཐར་ཕྱིན་བྱེད། །དེ་ལྟར་བསོད་ནམས་རབ་ཏུ་ཅི་བྱེད་ཀྱང་། །འཇིག་རྟེན་ཀུན་གྱི་རྟེན་དུ་འགྱུར་བ་དང་། །ཕན་པར་འདོད་དང་བདེ་བ་ཐོབ་བྱེད་དང་། །སྙིང་བརྩེ་བ་དང་སྐྱེ་དགུ་དགྲོལ་འགྱུར་བྱེད། །
འཇིག་རྟེན་གནོད་གྱུར་གདུལ་བར་བྱ་བའི་ཕྱིར། །འདྲེན་པར་བྱེད་ཅིང་རབ་ཏུ་དང་བར་བྱེད། །སེམས་ཅན་མང་པོ་ཐམས་ཅད་གདུལ་འདོད་དང་། །མྱ་ངན་འདས་པའི་སེམས་ཀྱིས་མཐུ་ཡང་ཆེ། །འཇིག་རྟེན་ཐམས་ཅད་མཐའ་མ་མེད་པ་
དང་། །དེ་བཞིན་དཔག་ཏུ་མེད་ཅིང་གྲངས་མེད་དང་། །མཚུངས་མེད་བསམ་ཡས་མཉམ་མེད་གཞལ་ཡས་དང་། །སྟོང་པ་མི་གཡོ་མེད་པའི་རང་བཞིན་ཤེས། །དེ་ནི་བྱང་ཆུབ་སེམས་དཔའ་ལྔ་པ་སྟེ། །སྦྱོར་བ་ཕུན་ཚོགས་ཕན་དང་སྙིང་བརྩེ་ལྡན། །
དེ་ལ་རྗེས་སུ་བསྟན་པ་འདི་འདྲ་སྟེ། །ཡོན་ཏན་ཀུན་དང་ལྡན་པ་རྣམས་ཀྱིས་བསྟན། །དེ་ནི་སེམས་ཅན་མཐའ་ཡས་ཐམས་ཅད་དང་། །ཆོས་ཀྱི་ངོ་བོ་ཉིད་ལ་རྨོངས་པ་མེད། །ཤིན་ཏུ་བློ་ལྡན་རྟོག་བྲལ་རྣམ་རྟོག་མེད། །འཇིག་རྟེན་ལྷ་དང་བཅས་
པས་དབྱེར་མི་ཕྱེད། །སངས་རྒྱས་ཆོས་དང་བྱང་ཆུབ་སེམས་དཔའ་དང་། །སྤྱོད་པའི་བསྔགས་དང་བསྔགས་པ་མ་ཡིན་དང་། །སེམས་ཅན་ཆུང་ངམ་ཡང་ན་ཆེའོ་ཞེས། །ཐོས་པར་གྱུར་ཀྱང་བསམ་ལས་ནུར་བ་མེད། །སེམས་ཅན་ཉོན་
མོངས་ཅན་ནམ་རྣམ་དག་གམ། །གདུལ་སླ་ཞེ་འམ་གདུལ་བར་དཀའ་ཞེ་འམ། །ཆོས་དབྱིངས་ཆུང་ཞེའམ་ཡང་ན་རྒྱ་ཆེ་ཞེའམ། །འཇིག་པར་འགྱུར་ཞེའམ་འཆགས་པར་འགྱུར་ཞེ་འམ། །ཆོས་དབྱིངས་ཡོད་ཅེའམ་མེད་ཅེས་ཐོས་
གྱུར་ཀྱང་། །དུས་གསུམ་རྟོགས་པའི་བྱང་ཆུབ་སེམས་དཔའ་དེ། །ངེས་པར་སེམས་ཤིང་ཐམས་ཅད་རྣམ་དཔྱོད་དེ། །སངས་རྒྱས་ཆོས་འདིར་བསམ་པ་ཤིན་དུ་ངེས། །མཚན་མ་མེད་དང་མཚན་ཉིད་མེད་པ་དང་། །དངོས་མེད་རང་བཞིན་
བརྫུན་ཞིང་དབེན་པ་དང་། །སྒྱུ་མའི་རང་བཞིན་མི་གཡོར་འདྲ་བ་ཡི། །ཆོས་མཆོག་ཞི་བ་འདི་འདྲ་ཉན་པར་བྱེད། །དེ་ལྟར་མི་ལྡོག་བྱང་ཆུབ་སེམས་དཔའ་ནི། །སངས་རྒྱས་ཆོས་དང་བྱང་ཆུབ་སེམས་དཔའ་དང་། །སྤྱོད་པ་ཡོད་

106-1-20b

དམ་མེད་ཅེས་ངེས་པར་དཔྱོད། །འབྱུང་ངམ་མི་འབྱུང་ཞེ་ནའང་ཕྱིར་མི་ལྡོག །དེ་བཞིན་གཤེགས་པ་འདས་ཤེའམ་མ་འདས་ཤེའམ། །མ་བྱོན་ཅེ་འམ་མ་བྱོན་མ་ཡིན་ཞེའམ། །བྱུང་ངམ་མ་བྱུང་ཟད་དམ་མི་ཟད་དམ། །དེ་བཞིན་
མཚན་ཉིད་གཅིག་གམ་མཚན་ཉིད་མེད། །གཅིག་དང་ཐ་དད་རྣམ་པ་མང་པོ་དང་། །དོན་དམ་ཚིག་འབྲུ་དངོས་དང་དངོས་མེད་པ། །ཐམས་ཅད་སྒྲོ་བཏགས་རྣམ་པ་གཞན་ཉིད་དུ། །མི་ལྡོག་བྱང་ཆུབ་སེམས་དཔའ་ཡིད་ཆེས་བྱེད། །
མཚན་མ་མེད་དང་མཚན་མ་ཡོད་པ་དང་། །མཚན་ཉིད་མེད་དང་མཚན་གྱིས་མཚོན་པ་དང་། །རྣམ་པར་ཕྱེ་བ་ཕན་ཚུན་སྦྱར་བ་རྣམས། །ཐོས་ནས་འདི་ལ་མཐར་ཐུག་འཇུག་པར་བྱེད། །གཞོན་ནུར་གྱུར་པའི་བྱང་ཆུབ་སེམས་དཔའ་
ནི། །ལུས་དང་ངག་དང་དེ་བཞིན་ཡིད་ཀྱིས་ཀྱང་། །འབྲས་བུ་ཡོད་པའི་ལས་རྣམས་བྱེད་འགྱུར་ཞིང་། །ཇི་ལྟར་འདོད་བཞིན་འདིར་ནི་སྐྱེ་བ་སྟོན། །ཕ་རོལ་རྣམས་ཀྱི་བསམ་པ་རྟོག་བྱེད་ཅིང་། །དེ་དག་རྣམས་ཀྱི་མོས་པ་སྤྱོད་པར་བྱེད། །
སེམས་ཅན་སྤྱོད་དང་རྗེས་སུ་འཐུན་ཆོས་དང་། །ཞིང་རྣམས་འཇིག་དང་ཆགས་པ་རྣམས་ཀྱང་ཤེས། །ཇི་ལྟར་འདོད་སྦྱིན་མྱུར་དུ་མངོན་ཤེས་ཐོབ། །ཕྱོགས་རྣམས་ཀུན་དུ་ཡིད་ནི་འཇུག་པར་བྱེད། །བདེ་གཤེགས་བསྔགས་
པའི་ཆོས་རྣམས་ཐོས་ནས་ཀྱང་། །དེ་ལ་དེ་ནི་ནུར་བར་འགྱུར་བ་མེད། །ཡོངས་སུ་ཤེས་དང་ཞིང་གཡོ་བྱེད་པ་དང་། །དེ་བཞིན་བྱིན་གྱིས་བརླབ་དང་རྣམ་དཔྱོད་དང་། །ཇི་ལྟར་སྐད་ཅིག་གྲངས་མེད་འགྲོ་འགྱུར་བ། །ཞིང་དུ་འགྲོ་བར་བྱ་བ་བརྗོད་པར་བྱ། །
དེ་ནི་དྲི་བ་གྲངས་མེད་འདྲི་བར་བྱེད། །ལུས་རྣམས་ཅི་འདྲར་ཡིད་ཀྱི་ལུས་ཀྱང་སྟོན། །དེ་ལ་སྒྲ་སྐད་སྦྱོར་བ་འབྱམ་ཀླས་དང་། །སྐད་ཅིག་ལ་ཡང་སངས་རྒྱས་གྲངས་མེད་བརྗོད། །བྱང་ཆུབ་སེམས་དཔའ་རྒྱལ་ཚབ་གང་ཡིན་པ། །སེམས་ཅན་རྣམས་
ཀྱི་འཇུག་པ་ཇི་བཞིན་ཤེས། །དེ་དག་ཉོན་མོངས་རྒྱུད་དང་བག་ཆགས་དང་། །སྤྱོད་ཡུལ་གང་ཡིན་སྦྱོར་བ་གང་ཡིན་དང་། །ཐ་དད་ཆོས་དང་རྒྱུ་བ་ཅི་འདྲ་དང་། །འཇིག་རྟེན་རྣམ་པར་ཕྱེ་དང་སྔོན་མཐའ་དང་། །བརྡ་ཡི་བདེན་དང་དོན་དམ་བདེན་པ་

106-1-21a

དག ། །མ་ལུས་རྟོགས་པར་བྱ་ལ་མཁས་པ་ཡིན། །ཕོ་བྲང་འཁོར་ལ་མཁས་པ་ཚར་འབྱིན་ཏེ། །དེར་ཡང་ཇི་ལྟར་ཀུན་དུ་སྤྱད་པ་དང་། །གནས་དང་དེ་བཞིན་འཇུག་པར་བྱ་བ་དང་། །ཕོ་བྲང་འཁོར་ནི་ཅི་འདྲ་དཔྱད་པ་དང་། །དམ་ཆོས་
རྒྱལ་པོའི་དབང་བསྐུར་ཅི་འདྲ་དང་། །བྱིན་གྱི་བརླབས་དང་གཞན་གནོན་ཅི་འདྲ་དང་། །ཆོས་ལ་འཇུག་དང་བཀའ་ལུང་བརྗོད་བྱ་སྟེ། །འདི་ནི་རྒྱལ་ཚབ་ས་ལ་འཇུག་པ་ཡིན། །དེ་ཙམ་གྱིས་ན་དེའི་མཐར་ཐུག་སྟེ། །ཇི་སྐད་བསྟན་བཞིན་གཞན་
དུ་འགྱུར་བ་མེད། །ཚེ་ཡི་འདུ་བྱེད་ནམ་ཞིག་འདོར་བ་ན། །ཚུལ་ལྡན་རྒྱལ་ཚབ་རྒྱལ་བར་མངོན་དུ་ཕྱོགས། །དབང་བསྐུར་གང་ཡིན་བདེ་གཤེགས་སྲས་གཅིག་སྟེ། །ཐུ་བོ་ཁྱད་འཕགས་མཐར་ཕྱིན་བདག་ཉིད་ཅན། །སྐྲ་ཐིགས་གཅིག་
གིས་ཆུ་ཚད་གཟུང་དུ་རུང་། །འདིར་ནི་བསམ་པ་བགྲང་བས་རྟོགས་མ་ཡིན། །རྒྱལ་སྲས་རྣམས་ཀྱི་སྤྱོད་པ་འདི་འདྲ་སྟེ། །འདི་ན་སེམས་ཅན་ལ་ལས་ཞིང་རྣམས་ཀུན། །ཕྲ་རབ་རྡུལ་དུ་རླགས་ནས་མ་ལུས་འགྲང་། །གྲངས་མེད་འདི་སྙེད་
ཅིག་ཅེས་གཅོད་བྱེད་པ། །དེ་ཀུན་འདིར་ནི་བྱང་ཆུབ་སེམས་དཔས་ཤེས། །འདས་དང་དེ་བཞིན་མ་བྱོན་སངས་རྒྱས་དང་། །གང་དག་ཕྱོགས་བཅུ་དག་ན་བཞུགས་པ་དང་། །རང་སངས་རྒྱས་དང་དེ་བཞིན་ཉན་ཐོས་ཀྱི། །ས་བོན་གྱུར་པ་
བྱང་ཆུབ་སེམས་དེ་སྐྱེ། །ཐོག་མར་བྱང་ཆུབ་སེམས་ཤེས་གང་བརྗོད་པ། །དེ་ནི་ཇི་ལྟའི་ཚུལ་དུའང་གྲངས་མེད་དེ། །འཇིག་རྟེན་ཁམས་འདི་ཀུན་ཀྱང་ཁྱབ་གྱུར་ན། །དེ་ལས་གོང་དུ་བརྗོད་པ་ཅི་ཞིག་ཡོད། །དེ་ནས་བྱང་ཆུབ་སེམས་
དཔའ་ཀུན་དུ་བཟང་པོས་བྱང་ཆུབ་སེམས་དཔའ་ཆོས་ཀྱི་བློ་གྲོས་ལ་འདི་སྐད་ཅེས་སྨྲས་སོ། །རིགས་ཀྱི་བུ་ཁྱོད་ཀྱིས་དཀོན་མཆོག་ཏ་ལ་ལའི་གཟུངས་བཤད་པ་ལེགས་པར་སྨྲས་སོ། །རིགས་ཀྱི་བུ་སངས་རྒྱས་ཀྱི་ཡོན་ཏན་རྣམས་
ནི་བསམ་གྱིས་མི་ཁྱབ་སྟེ། གང་དག་ཆོས་ཀྱི་རྣམ་གྲངས་འདིའི་མིང་ཐོས་པའི་སེམས་ཅན་དེ་དག་ཀྱང་ཐམས་ཅད་མཁྱེན་པ་ཉིད་དུ་ཉེ་བར་གྱུར་པ་ཡིན་ན། །གང་དག་ཆོས་ཀྱི་རྣམ་གྲངས་འདི་འཛིན་པ་དང་། ཀློག་པ་དང་ཀུན་

106-1-21b

ཆུབ་པར་བྱེད་པ་དང་། དེ་བཞིན་ཉིད་དུ་སྒྲུབ་པར་བྱེད་པ་ལྟ་སྨོས་ཀྱང་ཅི་དགོས་ཏེ། དེ་དག་ནི་ངེས་པར་སངས་རྒྱས་སུ་འགྱུར་རོ། །ཆོས་ཀྱི་བློ་གྲོས་ཀྱིས་སྨྲས་པ། ཀྱེ་རྒྱལ་བའི་སྲས་དེ་དེ་བཞིན་ནོ། །ཇི་སྐད་སྨྲས་པ་བཞིན་ཏེ། 
ཤེས་རབ་ཟབ་མོ་དང་ལྡན་པ་དེ་དག་ནི་དེ་བཞིན་གཤེགས་པས་དབང་བསྐུར་བ་ཡིན་པར་རིག་པར་བྱའོ། །བྱང་ཆུབ་སེམས་དཔའ་ཀུན་དུ་བཟང་པོས་སྨྲས་པ། རིགས་ཀྱི་བུའམ་རིགས་ཀྱི་བུ་མོ་གང་ལ་ལ་ཞིག་གི་རྣ་ལམ་དུ་
འདི་ལྟ་བུའི་ཆོས་འདི་དག་གྲག་པར་གྱུར་པའི་སྐྱེས་བུ་དམ་པ་དེ་དག་ཀྱང་སངས་རྒྱས་ཀྱི་ཆོས་རྣམས་ལ་ལུང་བསྟན་པར་རིག་པར་བྱ་བ་ཡིན་ན། ཆོས་ཀྱི་རྣམ་གྲངས་འདི་གང་དག་གིས་ལག་ཏུ་ཐོབ་པ་ལྟ་སྨོས་ཀྱང་ཅི་དགོས། དེ་ནས་
ཚེ་དང་ལྡན་པ་ཤཱ་ར་དྭ་ཏིའི་བུས་བཅོམ་ལྡན་འདས་ཀྱི་ཞབས་ལ་མགོ་བོས་ཕྱག་འཚལ་ཏེ་འདི་སྐད་ཅེས་གསོལ་ཏོ། །བཅོམ་ལྡན་འདས་གཟིགས་སུ་གསོལ། བདག་གིས་འདི་ལྟ་བུའི་ཆོས་འདི་དག་མ་འཚལ་བས་བདག་ནི་དམུས་
ལོང་དང་འདྲ་བ་ལགས་སོ། །བཅོམ་ལྡན་འདས་བདག་གཅིག་པུ་དམུས་ལོང་ལྟ་བུར་གྱུར་པར་མ་བས་ཀྱི། བཅོམ་ལྡན་འདས་སེམས་ཅན་གང་དག་གིས་ཆོས་ཀྱི་རྣམ་གྲངས་འདི་མ་ཐོས་པ་དེ་དག་ཐམས་ཅད་ཀྱང་དམུས་ལོང་
ལྟ་བུར་གྱུར་པ་ལགས་སོ། །བཅོམ་ལྡན་འདས་ཀྱིས་བཀའ་སྩལ་པ། གནས་བརྟན་དེ་དེ་བཞིན་ཏེ། ཇི་སྐད་སྨྲས་པ་བཞིན་ནོ། །ཤཱ་ར་དྭ་ཏིའི་བུས་གསོལ་པ། བཅོམ་ལྡན་འདས་ཀྱིས་བསམ་གྱིས་མི་ཁྱབ་པ་ཉིད་བཤད་དུ་
གསོལ། བཅོམ་ལྡན་འདས་ཀྱིས་བཀའ་སྩལ་པ། ཤཱ་ར་དྭ་ཏིའི་བུ་སོང་ལ་བརྒྱ་བྱིན་དང་། ཚངས་པ་དང་འཇིག་རྟེན་སྐྱོང་བ་ཐམས་ཅད་སྐུལ་ཅིག །དེ་བཞིན་གཤེགས་པའི་བཀའ་ཡང་སྒྲོགས་ཤིག །ཆོས་ཀྱི་ཕྱག་
རྒྱ་དམ་པ་དཀོན་མཆོག་ཏ་ལ་ལ་ཞེས་བྱ་བའི་གཟུངས་འདི་ཡང་འཁོར་དེར་སྒྲོགས་ཤིག །དེ་ནས་ཚེ་དང་ལྡན་པ་ཤཱ་ར་དྭ་ཏིའི་བུས་དེ་བཞིན་གཤེགས་པའི་བཀའ་ཐོས་ནས་དཀོན་མཆོག་ཏ་ལ་ལའི་གཟུངས་འདིའི་དོན་

106-1-22a

གྱི་ཕྱིར་ཡོངས་སུ་སྐོམ་པས་བརྒྱ་བྱིན་དང་ཚངས་པ་དང་འཇིག་རྟེན་སྐྱོང་བ་དེ་དག་ལ་དོན་འདིའི་སྐབས་བརྗོད་དེ་ཆོས་ཉན་པ་ཐམས་ཅད་འདུ་བར་གྱིས་ཤིག །དེ་བཞིན་གཤེགས་པ་དཀོན་མཆོག་ཏ་ལ་ལའི་གཟུངས་འཆད་ཅིང་
བསམ་གྱིས་མི་ཁྱབ་པ་ཉིད་ཀྱང་སྟོན་པར་འགྱུར་གྱིས་འདུ་བར་གྱིས་ཤིག །ཁྱེད་ཕྱིས་འགྱོད་པར་གྱུར་ཏ་རེ། ཀྱེ་གྲོགས་པོ་དག་མདོ་སྡེ་རིན་པོ་ཆེ་འདི་ལྟ་བུ་དག་འཇིག་རྟེན་དུ་འབྱུང་བ་ནི་ཤིན་དུ་རྙེད་པར་དཀའོ། །དེ་ནས་སྐད་
ཅིག་དེ་ཉིད་ལ་བརྒྱ་བྱིན་དང་ཚངས་པ་དང་འཇིག་རྟེན་སྐྱོང་བ་ཐམས་ཅད་འདུས་ནས་བཅོམ་ལྡན་འདས་ལ་ལན་གསུམ་བསྐོར་བ་བྱས་ཏེ། བཅོམ་ལྡན་འདས་ཀྱི་སྤྱན་སྔར་འཁོད་ནས་ཐལ་མོ་སྦྱར་ཏེ། བཅོམ་ལྡན་འདས་ལ་གསོལ་
བ་བཏབ་པ། བཅོམ་ལྡན་འདས་ཀྱིས་དཀོན་མཆོག་ཏ་ལ་ལའི་གཟུངས་བཤད་དུ་གསོལ། དེ་ནས་བཅོམ་ལྡན་འདས་ཅང་མི་གསུང་བར་གྱུར་པས་གནང་བ་མཛད་དོ། །བརྒྱ་བྱིན་དང་ཚངས་པ་དང་འཇིག་རྟེན་སྐྱོང་བ་ཐམས་
ཅད་ཀྱིས་ལན་གཉིས་ལན་གསུམ་དུ་གསོལ་བ་བཏབ་ན་ཡང་བཅོམ་ལྡན་འདས་ཅང་མི་གསུང་བར་གྱུར་ཏོ། །དེ་ནས་བཅོམ་ལྡན་འདས་ལ་ཚེ་དང་ལྡན་པ་ཤཱ་ར་དྭ་ཏིའི་བུས་འདི་སྐད་ཅེས་གསོལ་ཏོ། །བཅོམ་ལྡན་འདས་
ཀྱིས་དཀོན་མཆོག་ཏ་ལ་ལ་ཞེས་བགྱི་བའི་གཟུངས་བཤད་དུ་གསོལ། བདེ་བར་གཤེགས་པས་བཤད་དུ་གསོལ། དེ་ནས་བཅོམ་ལྡན་འདས་ཀྱིས་དེའི་ཚེ་ཞལ་ནས་ལྗགས་ཀྱི་དབང་པོ་ཕྱུང་སྟེ། རིགས་ཀྱི་བུ་
གང་ལ་ལ་དག་དཀོན་མཆོག་ཏ་ལ་ལའི་གཟུངས་འདིའི་དོན་གྱི་ཕྱིར་དེ་བཞིན་གཤེགས་པ་ལ་གསོལ་བ་འདེབས་པ་དེ་དག་ཐམས་ཅད་ནི་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ལས་ཕྱིར་མི་ལྡོག་པར་
འགྱུར་རོ་ཞེས་སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་སུ་དབྱངས་ཀྱིས་གོ་བར་མཛད་དོ། །དེ་ནས་བཅོམ་ལྡན་འདས་ཀྱིས་ཡང་ཚེ་དང་ལྡན་པ་ཤཱ་ར་དྭ་ཏིའི་བུ་ལ་འདི་སྐད་ཅེས་བཀའ་སྩལ་ཏོ། །ཤཱ་ར་དྭ་ཏིའི་བུ་

106-1-22b

ཁྱོད་སོང་ལ་འཇམ་དཔལ་གཞོན་ནུར་གྱུར་པ་ལ་ཆོས་བཤད་པར་གསོལ་བ་ཐོབ་ཤིག །དེའི་ཚེ་འཇམ་དཔལ་གཞོན་ནུར་གྱུར་པ་ཤིང་བླག་ཤ་དང་ས་ལའི་དྲུང་གཞན་ཞིག་ན་དཀྱིལ་མོ་དཀྲུང་བཅས་ཤིང་ལུས་མི་གཡོ་
བར་འདུག་སྟེ། ཉི་མ་བྱེ་བ་ཁྲག་ཁྲིག་བརྒྱ་སྟོང་བས་ལྷག་པའི་ཁ་དོག་བཀོད་པ་ཆེན་པོ་དང་ལྡན་པའི་ཁང་པ་བརྩེགས་པ་ན་བརྒྱ་བྱིན་དང་ཚངས་པ་དང་འཇིག་རྟེན་སྐྱོང་བ་རྣམས་ཀྱིས་ཡོངས་སུ་བསྐོར་ཅིང་མདུན་གྱིས་བལྟས་ནས་
འདུག་པར་གྱུར་ཏེ། གསེར་གྱི་ཁ་དོག་ལྟ་བུའི་ལུས་དང་དཔལ་གྱིས་ལམ་མེ་ལྷན་ནེ་ལྷང་ངེར་འདུག་གོ། །དེ་ནས་ཚེ་དང་ལྡན་པ་ཤཱ་ར་དྭ་ཏིའི་བུས་འཇམ་དཔལ་གཞོན་ནུར་གྱུར་པ་ག་ལ་བ་དེར་སོང་སྟེ་ཕྱིན་ནས་འཇམ་དཔལ་གཞོན་ནུར་གྱུར་པ་
ལ་འདི་སྐད་ཅེས་སྨྲས་སོ། །རིགས་ཀྱི་བུ་དེ་བཞིན་གཤེགས་པ་ནི་ཁྱོད་ལ་ཆོས་བཤད་པར་གསོལ་བ་འདེབས་སོ། །དེ་ནས་འཇམ་དཔལ་གཞོན་ནུར་གྱུར་པས་ཚེ་དང་ལྡན་པ་ཤཱ་ར་དྭ་ཏིའི་བུ་ལ་འདི་སྐད་ཅེས་སྨྲས་སོ། །བཙུན་བ་ཤཱ་
ར་དྭ་ཏིའི་བུ་དེ་བཞིན་གཤེགས་པ་ཞེས་བྱ་བའི་གཞིའི་དོན་འདི་གང་ཡིན། ཤཱ་ར་དྭ་ཏིའི་བུས་སྨྲས་པ། རིགས་ཀྱི་བུ་ཁྱོད་ནི་ཤེས་རབ་ཟབ་པ་སྟེ། ཁོ་བོས་ནི་ཁྱོད་དང་འགྱེད་མི་ནུས་སོ། །འཇམ་དཔལ་གྱིས་སྨྲས་པ། ཁྱོད་སྙིང་ལས་ཆུང་ངུར་
འདུག་ཤིག་དང་ཁྱོད་ཀྱིས་ཇི་ལྟར་བཟོད་པ་དེ་བཞིན་དུ་བསྟན་པར་བྱའོ། །ཤཱ་ར་དྭ་ཏིའི་བུས་སྨྲས་པ། རིགས་ཀྱི་བུ་ཁོ་བོ་ཉན་གྱིས་ཁྱོད་ཀྱིས་ཤོད་ཅིག །དེ་ནས་འཇམ་དཔལ་གཞོན་ནུར་གྱུར་པས་ཏིང་ངེ་འཛིན་དེ་ལས་ལངས་ཏེ། སྟོང་གསུམ་གྱི་སྟོང་
ཆེན་པོའི་འཇིག་རྟེན་གྱི་ཁམས་དབྱངས་ཀྱིས་གོ་བར་བྱས་སོ། །དེ་ནས་དེའི་ཚེ་སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་ན་གནས་གཙང་མའི་རིས་ཀྱི་ལྷའི་བུ་ནས་འོག་མིན་གྱི་བར་གྱི་ལྷའི་བུ་ཇི་སྙེད་འཁོད་པ་དེ་དག་ཐམས་
ཅད་འདུས་པར་གྱུར་ཏོ། །རྒྱལ་པོ་ཆེན་པོ་བཞི་དཔུང་དང་གཡོག་ཏུ་བཅས་པ་ཡང་གནོད་སྦྱིན་བྱེ་བ་དུ་མ་དང་ལྷན་ཅིག་འདུས་པར་གྱུར་ཏོ། །བརྒྱ་བྱིན་དང་ཚངས་པ་དང་འཇིག་རྟེན་སྐྱོང་བ་རྣམས་ཀྱང་འདུས་པར་གྱུར་ཏོ། ལྷའི་བུ་མོ་མང་པོ་

106-1-23a

ཡང་འདུས་པར་གྱུར་ཏོ། །དགེ་སློང་གི་འཁོར་དང་། དགེ་སློང་མའི་འཁོར་དང་། དགེ་བསྙེན་གྱི་འཁོར་དང་། དགེ་བསྙེན་མའི་འཁོར་དང་། དེ་བཞིན་དུ་སུམ་བཅུ་རྩ་གསུམ་པའི་བར་གྱི་འཁོར་དང་། འཐབ་བྲལ་གྱི་འཁོར་
དང་། དགའ་ལྡན་གྱི་འཁོར་དང་། འཕྲུལ་དགའི་འཁོར་དང་། གཞན་འཕྲུལ་དབང་བྱེད་ཀྱི་ལྷའི་འཁོར་དང་། ཚངས་པའི་འཁོར་དང་། དེ་བཞིན་དུ་འོག་མིན་གྱི་བར་གྱི་ལྷའི་འཁོར་རྣམས་འདུས་པར་གྱུར་ཏོ། །དེ་བཞིན་དུ་ཉན་ཐོས་
ཀྱི་ཚོགས་ཀྱང་འདུས་པར་གྱུར་ཏེ། འདི་ལྟ་སྟེ། ཚེ་དང་ལྡན་པ་རབ་འབྱོར་དང་། ཚེ་དང་ལྡན་པ་འོད་སྲུང་ཆེན་པོ་དང་། ཚེ་དང་ལྡན་པ་མཽད་གལ་གྱི་བུ་ཆེན་པོ་དང་། ཚེ་དང་ལྡན་པ་ཤཱ་ར་དྭ་ཏིའི་བུ་དང་། ཚེ་དང་ལྡན་པ་ཀཱ་ཏྱཱའི་བུ་ཆེན་
པོ་དང་། ཚེ་དང་ལྡན་པ་མ་འགགས་པ་དང་། ཚེ་དང་ལྡན་པ་ག་ཡཱ་འོད་སྲུང་དང་། ཚེ་དང་ལྡན་པ་གསུས་པོ་ཆེ་དང་། ཚེ་དང་ལྡན་པ་ལམ་ཕྲན་བསྟན་དང་། ཚེ་དང་ལྡན་པ་ནམ་གྲུ་དང་། ཚེ་དང་ལྡན་པ་ཆུ་ཀླུང་འོད་སྲུང་དང་། ཚེ་དང་ལྡན་
པ་སྟེང་རྒྱས་འོད་སྲུང་དང་། ཚེ་དང་ལྡན་པ་བྱམས་མའི་བུ་གང་པོ་དང་། ཚེ་དང་ལྡན་པ་སྒྲ་གཅན་ཟིན་དང་། ཚེ་དང་ལྡན་པ་བཟང་སྐྱོང་དང་། ཚེ་དང་ལྡན་པ་རླངས་པ་དང་། ཚེ་དང་ལྡན་པ་ཀུན་དགའ་བོ་དང་། དེ་དག་དང་ཉན་ཐོས་ཆེན་པོ་གཞན་
དག་དང་། གྲགས་འཛིན་ལ་སོགས་པ་དགེ་སློང་མ་ལྔ་བརྒྱ་ཡང་འདུས་པར་གྱུར་ཏོ། །ཁམས་ཀྱི་རྒྱལ་པོ་དང་། སྟོབས་ཀྱི་འཁོར་ལོས་བསྒྱུར་བ་དག་ཀྱང་འདུས་པར་གྱུར་ཏོ། །རྒྱལ་རིགས་དང་བྲམ་ཟེ་དང་ཁྱིམ་བདག་གི་འཁོར་དག་ཀྱང་འདུས་
པར་གྱུར་ཏོ། །དེ་ནས་ཚེ་དང་ལྡན་པ་ཤཱ་ར་དྭ་ཏིའི་བུས་བཅོམ་ལྡན་འདས་ལ་ལན་གསུམ་བསྐོར་བ་བྱས་ཏེ་འདི་སྐད་ཅེས་གསོལ་ཏོ། །བཅོམ་ལྡན་འདས་དེང་འདི་ལྟར་འཁོར་ཆེན་པོ་འདུས་པ་འདི་སུའི་མཐུ་ལགས། དེ་ཇི་ལྟར་འཚལ་བར་བགྱི། 
བཅོམ་ལྡན་འདས་ཀྱིས་བཀའ་སྩལ་པ། ཚེ་དང་ལྡན་པ་ཤཱ་ར་དྭ་ཏིའི་བུ་འདི་ནི་དཀོན་མཆོག་ཏ་ལ་ལའི་གཟུངས་ཀྱི་མཐུ་ཡིན་ནོ། །ཤཱ་ར་དྭ་ཏིའི་བུས་གསོལ་པ། བཅོམ་ལྡན་འདས་དཀོན་མཆོག་ཏ་ལ་ལའི་གཟུངས་མཉན་པར་འཚལ་ལོ། །

106-1-23b

བཅོམ་ལྡན་འདས་ཀྱིས་བཀའ་སྩལ་པ། ཤཱ་ར་དྭ་ཏིའི་བུ་སོང་ལ་འཇམ་དཔལ་གཞོན་ནུར་གྱུར་པ་དང་། བྱང་ཆུབ་སེམས་དཔའ་ཀུན་དུ་བཟང་པོ་ལ་གསོལ་བ་ཐོབ་ཤིག །དེ་ནས་ཚེ་དང་ལྡན་པ་ཤཱ་ར་དྭ་ཏིའི་བུས་འཇམ་དཔལ་གཞོན་ནུར་གྱུར་པ་ལ་
འདི་སྐད་ཅེས་སྨྲས་སོ། །རིགས་ཀྱི་བུ་ཁྱོད་ཀྱིས་ཏིང་ངེ་འཛིན་རིན་པོ་ཆེ་བསྟན་པ་དཀོན་མཆོག་ཏ་ལ་ལ་འདི་ཤོད་ཅིག །འཇམ་དཔལ་གྱིས་སྨྲས་པ། བཙུན་པ་ཤཱ་ར་དྭ་ཏིའི་བུ་དཀོན་མཆོག་ཏ་ལ་ལའི་གཟུངས་ཉན་པར་འགྱུར་བ་སུ་ཡིན། 
ཤཱ་ར་དྭ་ཏིའི་བུས་སྨྲས་པ། འཁོར་བཞི་འདུས་པ་འདི་དག་དང་བརྒྱ་བྱིན་དང་ཚངས་པ་དང་འཇིག་རྟེན་སྐྱོང་བ་རྣམས་འདུས་པ་འདི་དག་སྟེ། ཁོ་བོ་ཡང་ཉན་པའི་ཕྱིར་འོངས་སོ། །དེ་ནས་འཇམ་དཔལ་གཞོན་ནུར་གྱུར་པས་གནས་བརྟན་ཤཱ་ར་དྭ་ཏིའི་བུ་
ལ་འདི་སྐད་ཅེས་སྨྲས་སོ། །གནས་བརྟན་ཤཱ་ར་དྭ་ཏིའི་བུ་ཆོས་ཉན་པ་འདི་དག་ནི་སྒྱུ་མས་བྱུང་བ་ཤ་སྟག་ན་ཁོ་བོས་སུ་ལ་ཆོས་བཤད། ཉན་པ་ནི་སུ་ཡིན། འཆད་པ་ནི་སུ་ཡིན། གནས་བརྟན་གྱིས་སྨྲས་པ། སྐྱེས་བུ་དམ་པ་ཁྱོད་ཀྱིས་ཤོད་
ཅིག །ཁོ་བོས་མཉན་ཏོ། །འཇམ་དཔལ་གྱིས་སྨྲས་པ། བཙུན་པ་ཤཱ་ར་དྭ་ཏིའི་བུ་བཤད་ཅེས་བྱ་བ་དེ་གང་གི་ཚིག་བླ་དགས་ཡིན། སྨྲས་པ། འཇམ་དཔལ་བཤད་པ་ཞེས་བྱ་བ་དེ་ནི་སྟོང་པ་ཉིད་ཀྱི་ཚིག་བླ་དགས་སོ། །སྨྲས་པ། 
ཤཱ་ར་དྭ་ཏིའི་བུ་སྟོང་པ་ཉིད་གང་གི་ཚིག་བླ་དགས་ཡིན། སྨྲས་པ། འཇམ་དཔལ་སྟོང་པ་ཉིད་ནི་ཚིག་མེད་པ་ཡིན་ནོ། །འཇམ་དཔལ་གྱིས་སྨྲས་པ། བཙུན་པ་ཤཱ་ར་དྭ་ཏིའི་བུ་ཆོས་ཐམས་ཅད་ནི་བསྟན་དུ་མེད་པ་ཡིན་ཏེ། དེ་དག་ནི་བསྟན་དུ་མེད་ཅིང་
མཉན་དུ་མེད་དོ། །གནས་བརྟན་གྱིས་སྨྲས་པ། རིགས་ཀྱི་བུ་ཁྱོད་ཀྱིས་ཇི་ལྟ་བུ་བསྟན་པ་དེ་དག་ཐམས་ཅད་ནི་སྟོང་པ་ཉིད་བསྟན་པ། མཚན་མ་མེད་པ་བསྟན་པ། སྨོན་པ་མེད་པ་བསྟན་པ། བླང་བ་མེད་པ་བསྟན་པ། དོར་བ་མེད་པ་བསྟན་པ། 
སྤྲོས་པ་མེད་པ་བསྟན་པ་སྟེ། མ་སྤྲོས་པ་བསྟན་པ་ཡིན་ནོ། །དེ་ནས་ཐམས་ཅད་དང་ལྡན་པའི་བྱང་ཆུབ་སེམས་དཔའི་འཁོར་དེ་དང་། བརྒྱ་བྱིན་དང་ཚངས་པ་དང་འཇིག་རྟེན་སྐྱོང་བ་དེ་དག་ཀྱང་རབ་ཏུ་དགའ་ནས་མགྲིན་གཅིག་ཏུ་འཇམ་

106-1-24a

དཔལ་གཞོན་ནུར་གྱུར་པ་དང་། ཚེ་དང་ལྡན་པ་ཤཱ་ར་དྭ་ཏིའི་བུས་དཀོན་མཆོག་ཏ་ལ་ལའི་གཟུངས་འདི་ལེགས་པར་བཤད་དོ་ཞེས་ལེགས་སོ་ཞེས་བྱ་བ་བྱིན་ནོ། །དེ་ནས་ཚེ་དང་ལྡན་པ་རབ་འབྱོར་གྱིས་འཇམ་དཔལ་གཞོན་ནུར་
གྱུར་པ་ལ་འདི་སྐད་ཅེས་སྨྲས་སོ། །འཇམ་དཔལ་བྱང་ཆུབ་སེམས་དཔས་དཀོན་མཆོག་ཏ་ལ་ལའི་གཟུངས་འདི་ཇི་ལྟར་གཟུང་བར་བྱ། བཀླག་པར་བྱ། ཀུན་ཆུབ་པར་བྱ། གཞན་དག་ལ་ཡང་རྒྱ་ཆེར་ཡང་དག་པར་བཤད་པར་བྱ། འཇམ་དཔལ་
གྱིས་སྨྲས་པ། རབ་འབྱོར་གཟུངས་འདི་ནི་སྐྱེ་བ་མེད་པར་ཡིད་ལ་བྱའོ། །དངོས་པོ་མེད་པ་དང་། མཚན་ཉིད་མེད་པ་དང་། སྤྲོས་པ་མེད་པ་དང་། དོར་བ་མེད་པར་ཡིད་ལ་བྱའོ། །འཇམ་དཔལ་གཞོན་ནུར་གྱུར་པས་ཆོས་ཀྱི་རྣམ་གྲངས་འདི་བཤད་པ་ན་
འཁོར་དེའི་ནང་ནས་བྱང་ཆུབ་སེམས་དཔའ་དགུ་བཅུ་རྩ་གཉིས་ཀྱིས་དཔའ་བར་འགྲོ་བའི་ཏིང་ངེ་འཛིན་ཐོབ་པར་གྱུར་ཏོ། །ལྷ་དང་མི་དྲུག་བཅུ་རྩ་གཉིས་ནི་མི་སྐྱེ་བའི་ཆོས་ལ་བཟོད་པ་ཐོབ་པར་གྱུར་ཏོ། །དེ་ནས་བྱང་ཆུབ་སེམས་དཔའ་ཀུན་དུ་
བཟང་པོ་སྟན་ལས་ལངས་ཏེ་བླ་གོས་ཕྲག་པ་གཅིག་ཏུ་གཟར་ནས་ཐལ་མོ་སྦྱར་ཏེ། བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས་བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་ཀྱི་སྙིང་རྗེ་ཆེན་པོ་ཅི་འདྲ་བ་ཞིག་
ལགས། བཅོམ་ལྡན་འདས་ཀྱིས་བཀའ་སྩལ་པ། རིགས་ཀྱི་བུ་འདི་ལ་བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་ཀྱི་སྙིང་རྗེ་ཆེན་པོ་ནི་གང་ཁམས་གསུམ་པ་ཡོངས་སུ་མི་གཏོང་བ་སྟེ། འདི་ནི་སྙིང་རྗེ་ཆེན་པོ་ཡིན་ནོ། །གང་སེམས་
ཅན་ཐམས་ཅད་ལ་སངས་རྒྱས་ཀྱི་ཞིང་ཀུན་དུ་སྟོན་པ་འདི་ནི་སྙིང་རྗེ་ཆེན་པོ་ཡིན་ནོ། །གང་སེམས་ཅན་ཚུལ་ཁྲིམས་འཆལ་བ་ཡོངས་སུ་འཛིན་པ་འདི་ནི་སྙིང་རྗེ་ཆེན་པོ་ཡིན་ནོ། །གང་ཤེས་རབ་ཀྱི་ཕ་རོལ་དུ་ཕྱིན་པ་མི་འདོར་བ་འདི་ནི་སྙིང་རྗེ་ཆེན་པོ་
ཡིན་ནོ། །གང་སེམས་ཅན་ཐམས་ཅད་ཀྱི་དོན་གྱི་ཕྱིར་ལུས་དང་སྲོག་ཡོངས་སུ་གཏོང་བ་དེ་ནི་སྙིང་རྗེ་ཆེན་པོ་ཡིན་ནོ། །གང་འདོད་ཆགས་སྤྱོད་པའི་སེམས་ཅན་རྣམས་ལ་བྱམས་པ་ཡང་དག་པར་བརྗོད་བ་འདི་ནི་སྙིང་རྗེ་ཆེན་པོ་ཡིན་ནོ། །གང་སེམས་

106-1-24b

ཅན་སྟོབས་དང་ལྡན་རྣམས་ལ་བྱམས་པ་འདི་ནི་བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་ཀྱི་སྙིང་རྗེ་ཆེན་པོ་ཡིན་ནོ། །རིགས་ཀྱི་བུ་གཞན་ཡང་བྱང་ཆུབ་སེམས་དཔའ་སེམས་དཔའ་ཆེན་པོ་སེམས་ཅན་ཐམས་ཅད་ལ་ཞེ་འགྲས་
པ་མེད་པའི་སེམས་སུ་བྱའོ། །འདྲི་བ་མེད་པ་མང་དུ་བྱའོ། །དེ་ནས་བཅོམ་ལྡན་འདས་ལ་བྱང་ཆུབ་སེམས་དཔའ་ཀུན་དུ་བཟང་པོས་འདི་སྐད་ཅེས་གསོལ་ཏོ། །སྐྱེ་བོ་མང་པོ་ལ་སྨན་པ་དང་། སྐྱེ་བོ་མང་པོ་ལ་བདེ་བ་དང་། འཇིག་རྟེན་ལ་ཐུགས་
བརྩེ་བ་དང་། སྐྱེ་བོ་ཕལ་པོ་ཆེ་དང་ལྷ་དང་མི་རྣམས་ཀྱི་དོན་དང་སྨན་པ་དང་། བདེ་བར་འགྱུར་བའི་སླད་དུ་བཅོམ་ལྡན་འདས་ཀྱིས་དཀོན་མཆོག་ཏ་ལ་ལ་ཞེས་བགྱི་བའི་གཟུངས་བཤད་དུ་གསོལ། སེམས་ཅན་ཐམས་ཅད་ལ་སྨན་པ་དང་། ཐུགས་བརྩེ་བ་
མངའ་བ་བཅོམ་ལྡན་འདས་ཀྱིས་བཤད་དུ་གསོལ། དེ་ནས་བཅོམ་ལྡན་འདས་ཀྱིས་ཚངས་པའི་དབྱངས་ཀྱིས་བྱང་ཆུབ་སེམས་དཔའ་དེ་དག་ལ་འདི་སྐད་ཅེས་བཀའ་སྩལ་ཏོ། །ཁྱེད་ཀྱི་ནང་ན་ཕྱི་མའི་ཚེ་ཕྱི་མའི་དུས་ལྔ་བརྒྱ་པ་ཐ་མ་ལ་དམ་པའི་ཆོས་ནུབ་པའི་
དུས་ཀྱི་ཚེ་ཆོས་ཀྱི་རྣམ་གྲངས་འདི་ཡང་དག་པར་རབ་ཏུ་སྟོན་པར་སྤྲོ་བ་སུ་ཡོད། དེ་ནས་བྱང་ཆུབ་སེམས་དཔའ་ཀུན་དུ་བཟང་པོ་དང་། འཇམ་དབལ་གཞོན་ནུར་གྱུར་པ་དང་། བྱང་ཆུབ་སེམས་དཔའ་སྤྱན་རས་གཟིགས་དབང་ཕྱུག་དང་། བྱང་ཆུབ་
སེམས་དཔའ་མཐུ་ཆེན་ཐོབ་དང་། བྱང་ཆུབ་སེམས་དཔའ་ངན་སོང་སྤོང་དང་། བྱང་ཆུབ་སེམས་དཔའ་སྨན་གྱི་རྒྱལ་པོ་དང་། བྱང་ཆུབ་སེམས་དཔའ་སྤོབས་པ་བརྩེགས་པ་དང་། བྱང་ཆུབ་སེམས་དཔའ་ཆོས་ཐམས་ཅད་ཀྱིས་མངོན་
འཕགས་རྒྱལ་པོ་དང་། བྱང་ཆུབ་སེམས་དཔའ་བློ་གྲོས་མི་ཟད་པ་དང་། བྱང་ཆུབ་སེམས་དཔའ་བློ་གྲོས་རྒྱ་མཚོ་དང་། བྱང་ཆུབ་སེམས་དཔའ་རིན་ཆེན་ཟེ་བ་ལྡན་དང་། བྱང་ཆུབ་སེམས་དཔའ་ནོར་བུ་འོད་དང་། བྱང་ཆུབ་སེམས་
དཔའ་གཙུག་ན་ནོར་བུ་ཅན་དང་། བྱང་ཆུབ་སེམས་དཔའ་རྣམ་པར་ལྟ་དང་། བྱང་ཆུབ་སེམས་དཔའ་བལྟར་མི་མཐོང་དང་། བྱང་ཆུབ་སེམས་དཔའ་རྟག་ཏུ་ལྟ་དང་། བྱང་ཆུབ་སེམས་དཔའ་ལག་ན་རྡོ་རྗེ་དང་། བྱང་ཆུབ་སེམས་དཔའ་རིན་ཆེན་

106-1-25a

ཕུང་པོ་དང་། བྱང་ཆུབ་སེམས་དཔའ་དཀོན་མཆོག་འབྱུང་གནས་དང་། བྱང་ཆུབ་སེམས་དཔའ་ཆོས་དཔལ་དང་། བྱང་ཆུབ་སེམས་དཔའ་ཏོག་དཔལ་དང་། བྱང་ཆུབ་སེམས་དཔའ་ནོར་དཔལ་དང་། བྱང་ཆུབ་སེམས་དཔའ་བསོད་
ནམས་དཔལ་དང་། བྱང་ཆུབ་སེམས་དཔའ་ཙན་དན་དཔལ་དང་། བྱང་ཆུབ་སེམས་དཔའ་ཆོས་ཀྱི་བློ་གྲོས་དང་། བྱང་ཆུབ་སེམས་དཔའ་བདུད་རྩི་བློ་གྲོས་དང་། བྱང་ཆུབ་སེམས་དཔའ་བསམ་ཡས་བློ་གྲོས་དང་། བྱང་ཆུབ་སེམས་
དཔའ་བསོད་ནམས་ཀྱིས་བརྒྱན་དང་། བྱང་ཆུབ་སེམས་དཔའ་ཡོན་ཏན་གྱིས་བརྒྱན་དང་། བྱང་ཆུབ་སེམས་དཔའ་མཚན་གྱིས་བརྒྱན་དང་། བྱང་ཆུབ་སེམས་དཔའ་རྟག་ཏུ་དགོད་ཅིང་དབང་པོ་ཐམས་ཅད་རབ་ཏུ་དགའ་བ་དང་། 
བྱང་ཆུབ་སེམས་དཔའ་རིའི་རྩེ་མོ་རྡོབ་པའི་རྒྱལ་པོ་དང་། བྱང་ཆུབ་སེམས་དཔའ་སྤོབས་པ་མཁས་དང་། བྱང་ཆུབ་སེམས་དཔའ་རྟག་ཏུ་ལག་བརྐྱང་དང་། བྱང་ཆུབ་སེམས་དཔའ་ས་འཛིན་དང་། བྱང་ཆུབ་སེམས་དཔའ་སྤོབས་
པ་མྱུར་དང་། བྱང་ཆུབ་སེམས་དཔའ་ནམ་མཁའི་སྙིང་པོ་དང་། བྱང་ཆུབ་སེམས་དཔའ་ཟླ་བའི་སྙིང་པོ་དང་། བྱང་ཆུབ་སེམས་དཔའ་ཉི་མའི་སྙིང་པོ་དང་། བྱང་ཆུབ་སེམས་དཔའ་ཟླ་བ་དྲི་མ་མེད་པའི་སྙིང་པོ་དང་། བྱང་ཆུབ་སེམས་དཔའ་
ཉི་གདུགས་སྙིང་པོ་དང་། བྱང་ཆུབ་སེམས་དཔའ་མངོན་འཕགས་རྒྱལ་པོ་དང་། བྱང་ཆུབ་སེམས་དཔའ་ལྷུན་པོ་ཆེན་པོ་དང་། བྱང་ཆུབ་སེམས་དཔའ་བློ་གྲོས་བརྟན་པ་དང་། བྱང་ཆུབ་སེམས་དཔའ་སྤོབས་པ་དཔའ་བ་དང་། བྱང་
ཆུབ་སེམས་དཔའ་སེམས་དཔའ་ཆེན་པོ་བྱམས་པ་དང་། དེ་དག་ལ་སོགས་པ་བྱང་ཆུབ་སེམས་དཔའ་བྱེ་བ་ཁྲག་ཁྲིག་བརྒྱ་སྟོང་ཕྲག་དྲུག་བཅུ་རྩ་གཉིས་ཀྱིས་མགྲིན་གཅིག་ཏུ་ཚིག་ཏུ་སྨྲས་པ། བཅོམ་ལྡན་འདས་སླད་མའི་ཚེ་སླད་
མའི་དུས་ལྔ་བརྒྱ་ཐ་མ་ལ་དམ་པའི་ཆོས་ནུབ་པའི་དུས་ཀྱི་ཚེ་བདག་ཅག་ཐམས་ཅད་འདུས་ཤིང་ཚོགས་ཏེ་དཀོན་མཆོག་ཏ་ལ་ལ་ཞེས་བགྱི་བའི་གཟུངས་ཡང་དག་པར་བཤད་པར་སྤྲོ་ལགས་སོ། །བཅོམ་ལྡན་འདས་ཀྱིས་བཀའ་སྩལ་པ། 

106-1-25b

རིགས་ཀྱི་བུ་དག་ལེགས་སོ་ལེགས་སོ། །རིགས་ཀྱི་བུ་དག་འདི་ནི་བྱ་དཀའ་བ་སྟེ། ཆོ་ག་འདི་འདྲ་བ་འདི་ནི་ཤིན་དུ་བྱ་དཀའ་བའོ། །དེ་ནས་བཅོམ་ལྡན་འདས་ཀྱིས་བྱང་ཆུབ་སེམས་དཔའ་ཀུན་དུ་བཟང་པོ་ལ་འདི་སྐད་ཅེས་བཀའ་སྩལ་ཏོ། །རིགས་ཀྱི་
བུ་སྐྱེ་བོ་མང་པོ་ལ་ཕན་པ་དང་། སྐྱེ་བོ་མང་པོ་ལ་བདེ་བར་འགྱུར་བ་དཀོན་མཆོག་ཏ་ལ་ལའི་གཟུངས་ཉོན་ཅིག །དེ་ནས་བཅོམ་ལྡན་འདས་ཀྱིས་བཀོད་པ་ཆེན་པོའི་སེང་གེའི་ཁྲི་ལ་བཞུགས་ཏེ་སྔགས་བཀའ་སྩལ་པ། དེ་བཞིན་གཤེགས་པ་དགྲ་
བཅོམ་པ་ཡང་དག་པར་རྫོགས་པའི་སངས་རྒྱས་ཐམས་ཅད་ལ་ཕྱག་འཚལ་ལོ། །ཏདྱ་ཐཱ། ༀ་མྃ། བྷ་ར་ཏེ། བྷ་ར་ཏེ། བྷ་ར་བྷ་ར་ན་ཏེ་སྭཱ་ཧཱ། དེ་ནས་བཅོམ་ལྡན་འདས་ཀྱིས་ཨ་ལ་ལ་ཆོས། ཨ་ལ་ལ་ཆོས། ཨ་ལ་ལ་ཆོས་ཤེས་ལན་གཉིས་ལན་གསུམ་
དུ་ཆེད་དུ་བརྗོད་པ་ཆེད་དུ་བརྗོད་པ་མཛད་དོ། །དེ་ནས་བཅོམ་ལྡན་འདས་ལ་བྱང་ཆུབ་སེམས་དཔའ་ཀུན་དུ་བཟང་པོས་འདི་སྐད་ཅེས་གསོལ་ཏོ། །བཅོམ་ལྡན་འདས་ཆོས་ཆོས་ཤེས་བགྱི་བ་འདིའི་གཞིའི་དོན་གང་ལགས། བཅོམ་ལྡན་འདས་ཀྱིས་
བཀའ་སྩལ་པ། རིགས་ཀྱི་བུ་ཆོས་ཐམས་ཅད་ཀྱི་གཞིའི་དོན་ནི་གཞི་མེད་པའི་དོན་ཏོ། །ཆོས་ཐམས་ཅད་ཀྱི་གཞིའི་དོན་ནི་དངོས་པོ་མེད་པའི་གཞིའི་དོན་ཏོ། །ཆོས་ཐམས་ཅད་ཀྱི་གཞིའི་དོན་ནི་ནམ་མཁའི་གཞིའི་དོན་ཏོ། །ཆོས་ཐམས་ཅད་ཀྱི་
གཞིའི་དོན་ནི་བླང་བ་མེད་པའི་གཞིའི་དོན་ཏོ། །ཆོས་ཐམས་ཅད་ཀྱི་གཞིའི་དོན་ནི་དོར་བ་མེད་པའི་གཞིའི་དོན་ཏོ། །དེ་ནས་བྱང་ཆུབ་སེམས་དཔའ་ཀུན་དུ་བཟང་པོས་གསོལ་པ། བཅོམ་ལྡན་འདས་འོ་ན་ཅིའི་སླད་དུ་ཆོས་ཐམས་ཅད་ཅེས་བགྱི། 
བཅོམ་ལྡན་འདས་ཀྱིས་བཀའ་སྩལ་པ། རིགས་ཀྱི་བུ་ཆོས་ཐམས་ཅད་ཅེས་བྱ་བ་ནི་མིག་དང་། རྣ་བ་དང་སྣ་དང་ལྕེ་དང་ལུས་དང་ཡིད་དང་དེ་བཞིན་དུ་ཁམས་རྣམས་དང་སྐྱེ་མཆེད་རྣམས་དང་། རྟེན་ཅིང་འབྲེལ་པར་འབྱུང་བ་སྟེ། རིགས་ཀྱི་བུ་འདི་ནི་ཆོས་
ཐམས་ཅད་ཅེས་བྱའོ། །རིགས་ཀྱི་བུ་གཞན་ཡང་ཆོས་ཐམས་ཅད་ནི་གཟོད་མ་ནས་མ་སྐྱེས་པའི་ཕྱིར་སྟོང་པའོ། །དེ་ནས་འཇམ་དཔལ་གཞོན་ནུར་གྱུར་པས་བྱང་ཆུབ་སེམས་དཔའ་ཀུན་དུ་བཟང་པོ་ལ་འདི་སྐད་ཅེས་སྨྲས་སོ། །ཀྱེ་རྒྱལ་བའི་སྲས་དཀོན་

106-1-26a

མཆོག་ཏ་ལ་ལའི་གཟུངས་འདི་ཇི་ལྟར་གཟུང་བར་བྱ། དེ་སྐད་ཅེས་སྨྲས་པ་དང་། བྱང་ཆུབ་སེམས་དཔའ་ཀུན་དུ་བཟང་པོས་འཇམ་དཔལ་གཞོན་ནུར་གྱུར་པ་ལ་འདི་སྐད་ཅེས་སྨྲས་སོ། །དེ་བཞིན་ཉིད་བསྟན་པ་དང་། སྐྱེ་བ་མེད་པའི་དེ་
བཞིན་ཉིད་དང་། འབྱུང་བ་མེད་པའི་དེ་བཞིན་ཉིད་དང་། མཚན་ཉིད་མེད་པའི་དེ་བཞིན་ཉིད་དང་། ནམ་མཁའི་དེ་བཞིན་ཉིད་དང་། དངོས་པོ་མེད་པའི་དེ་བཞིན་ཉིད་དང་། ངོ་བོ་ཉིད་ཀྱི་དེ་བཞིན་ཉིད་དང་། དངོས་པོ་མེད་པའི་ངོ་བོ་ཉིད་ཀྱི་དེ་བཞིན་
ཉིད་དུ་གཟུངས་འདི་གཟུང་བར་བྱ་སྟེ། རིགས་ཀྱི་བུ་དཀོན་མཆོག་ཏ་ལ་ལའི་གཟུངས་འདི་གཟུང་བ་དང་། ཀུན་དུ་གཟུང་བ་དང་བསྒོམ་པ་དང་རྣམ་པར་དཔྱད་པ་དང་། གདགས་པ་དང་། རབ་ཏུ་གཞག་པ་དང་། རྣམ་པར་དགྲོལ་བ་དང་རྣམ་
པར་དབྱེ་བ་དང་གསལ་བར་བྱ་བ་ནི་འདི་འདྲ་སྟེ། རིགས་ཀྱི་བུ་འདི་ནི་དཀོན་མཆོག་ཏ་ལ་ལའི་གཟུངས་བསྒོམ་པ་དང་། རྣམ་པར་བརྟག་པའི་དོན་ཏོ། །དེ་ནས་ཚེ་དང་ལྡན་པ་ཤཱ་ར་དྭ་ཏིའི་བུས་འཇམ་དཔལ་གཞོན་ནུར་གྱུར་པ་ལ་འདི་སྐད་ཅེས་
སྨྲས་སོ། །འཇམ་དཔལ་ཁྱོད་ཆོས་ཀྱི་རྣམ་གྲངས་འདི་ལ་ཡང་དག་པར་ཞུགས་ནས་ཡུན་ཇི་སྲིད་ཅིག་ལོན། འཇམ་དཔལ་གྱིས་སྨྲས་པ། ཤཱ་ར་དྭ་ཏིའི་བུ་འདོད་ཆགས་དང་། ཞེ་སྡང་དང་གཏི་མུག་རྣམས་ཡུན་ཇི་སྲིད་ནས་ཞུགས་པ་
སྲིད་དོ། །ཤཱ་ར་དྭ་ཏིའི་བུས་སྨྲས་པ། རིགས་ཀྱི་བུ་འདོད་ཆགས་དང་ཞེ་སྡང་དང་གཏི་མུག་རྣམས་ཡུན་ཇི་སྲིད་ཅིག་ནས་ཞུགས། འཇམ་དཔལ་གྱིས་སྨྲས་པ། ཤཱ་ར་དྭ་ཏིའི་བུ་སའི་ཁམས་ཡུན་ཇི་སྲིད་ཅིག་ནས་ཞུགས་པ་སྲིད་དོ། །
ཤཱ་ར་དྭ་ཏིའི་བུས་སྨྲས་པ། རིགས་ཀྱི་བུ་སའི་ཁམས་ཡུན་ཇི་སྲིད་ནས་ཞུགས། འཇམ་དཔལ་གྱིས་སྨྲས་པ། ཤཱ་ར་དྭ་ཏིའི་བུ་རིག་པ་དང་། མ་རིག་པ་ཡུན་ཇི་སྲིད་ཅིག་ནས་ཞུགས་པ་སྲིད་དོ། །ཤཱ་ར་དྭ་ཏིའི་བུས་སྨྲས་པ། རིགས་ཀྱི་བུ་
རིག་པ་དང་། མ་རིག་པ་ཡུན་ཅི་སྲིད་ནས་ཞུགས། འཇམ་དཔལ་གྱིས་སྨྲས་པ། ཤཱ་ར་དྭ་ཏིའི་བུ་ནམ་མཁའི་ཁམས་ཡུན་ཇི་སྲིད་ཅིག་ནས་ཞུགས་པ་སྲིད་དོ། །ཤཱ་ར་དྭ་ཏིའི་བུས་སྨྲས་པ། འཇམ་དཔལ་ནམ་མཁའི་ཁམས་ཡུན་ཇི་སྲིད་

106-1-26b

ནས་ཞུགས། འཇམ་དཔལ་གྱིས་སྨྲས་པ། ཤཱ་ར་དྭ་ཏིའི་བུ་དངོས་པོ་མེད་པའི་ངོ་བོ་ཉིད་ཀྱི་ཆོས་ཐམས་ཅད་ཡུན་ཇི་སྲིད་ནས་ཞུགས་པ་སྲིད་དོ། །དེ་ནས་ཚེ་དང་ལྡན་པ་ཤཱ་ར་དྭ་ཏིའི་བུས་འཇམ་དཔལ་གཞོན་ནུར་གྱུར་པ་ལ་འདི་སྐད་ཅེས་སྨྲས་
སོ། །ཁོ་བོ་སྐྱེས་བུ་དམ་པ་འདི་ལྟ་བུ་དག་དང་གཏམ་བྱ་བའི་ནུས་པ་ཁོ་བོ་ལ་ག་ལ་ཡོད། རིགས་ཀྱི་བུ་འདི་ལྟ་སྟེ་དཔེར་ན། ཁྱི་དང་བྱི་ལ་ཐམས་ཅད་དམ། ཝ་ཐམས་ཅད་ཀྱིས་ཀྱང་རིའི་རྒྱལ་པོ་རི་རབ་གཞིག་པར་མི་ནུས་སོ། །རིགས་ཀྱི་བུ་
དེ་བཞིན་དུ་ཤཱ་ར་དྭ་ཏིའི་བུ་འདི་འདྲ་བའི་ཉན་ཐོས་ཐམས་ཅད་ཀྱིས་ཀྱང་བྱང་ཆུབ་སེམས་དཔའི་བསྟན་པ་གཅིག་གི་མཐའ་ཡང་རྟོགས་པར་མི་ནུས་ན་འཇམ་དཔལ་གཞོན་ནུར་གྱུར་པའི་བསྟན་པ་ལྟ་ཅི་སྨོས། དེ་ནས་བྱང་ཆུབ་
སེམས་དཔའ་ཀུན་དུ་བཟང་པོས་འཇམ་དཔལ་གཞོན་ནུར་གྱུར་པ་ལ་འདི་སྐད་ཅེས་སྨྲས་སོ། །འཇམ་དཔལ་བཞུད་ལ་ཕྱི་མའི་ཚེ་ཕྱི་མའི་དུས་ན་མདོ་སྡེའི་རྒྱལ་པོ་འཛིན་པ་ཆོས་སྨྲ་བ་དེ་དག་ལ་ཀུན་དུ་བསྲུང་བ་དང་། ཡོངས་སུ་བསྐྱང་བ་
མཛད་པར་དེ་བཞིན་གཤེགས་པ་ལ་གསོལ་བ་ཐོབ་ཤིག །དེ་ནས་འཇམ་དཔལ་གཞོན་ནུར་གྱུར་པས་རང་གི་ཆོས་ཀྱི་སྟན་ལས་ལངས་ནས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །གང་དག་ཆོས་ཀྱི་རྣམ་གྲངས་འདི་འཛིན་
པ་དང་། ཀློག་པ་དང་ཀུན་ཆུབ་པར་བགྱིད་པ་དང་། གཞན་དག་ལ་ཡང་རྒྱ་ཆེར་ཡང་དག་པར་སྟོན་པར་བགྱིད་པ། ཆོས་སྨྲ་བ་དེ་དག་གི་ཡོན་ཏན་གྱི་ཁྱད་པར་རྣམས་བཅོམ་ལྡན་འདས་ཀྱིས་བཤད་དུ་གསོལ། བཅོམ་ལྡན་འདས་ཀྱིས་
བཀའ་སྩལ་པ། འཇམ་དཔལ་དགེ་སློང་མདོ་སྡེའི་རྒྱལ་པོ་འཛིན་པ་ཆོས་སྨྲ་བ་དེ་དག་ནི་ངའི་ཆོས་ཀྱི་སྐུ་ལ་ངེས་པར་འབྱུང་བར་འགྱུར་རོ། །དེ་དག་ནི་སངས་རྒྱས་ཀྱི་བྱང་ཆུབ་ཐོབ་པར་འགྱུར་རོ། །དེ་དག་ནི་སངས་རྒྱས་ཀྱི་ཆོས་རྣམས་ལ་
ཉེ་བར་འགྱུར་རོ། །དེ་དག་ལ་བདུད་དང་བདུད་ཀྱི་རིས་ཀྱི་ལྷའི་བུ་གླགས་ལྟ་བ་རྣམས་ཀྱིས་གླགས་མི་རྙེད་པར་འགྱུར་རོ། །རིགས་ཀྱི་བུ་གང་སུ་དག་ཆོས་སྨྲ་བའི་དགེ་སློང་དེ་ལ་སེ་གོལ་གཏོག་པ་གཅིག་ཙམ་སྲིད་ཅིག་མི་བྱམས་པའི་སེམས་

106-1-27a

སྐྱེད་པ་དེ་དག་ནི་མིར་འགྱུར་བ་ལས་ཀྱང་རིང་དུ་གྱུར་པ་ཡིན་ན་སངས་རྒྱས་ཀྱི་བྱང་ཆུབ་ལས་ལྟ་སྨོས་ཀྱང་ཅི་དགོས། འཇམ་དཔལ་གཞན་ཡང་གང་དག་མདོ་སྡེའི་རྒྱལ་པོ་འདི་འཛིན་པའི་དགེ་སློང་རྣམས་ལ་མ་དད་པའི་སེམས་སྐྱེད་
པ་དེ་དག་ནི་སོ་ཐགས་ངན་པར་འགྱུར། ལྕེ་དང་སྣ་མེད་པར་འགྱུར། རྐ་ལག་ཕྱི་ཕྱོགས་སུ་འགྱུར། ལུས་ནད་བུ་ཅན་དུ་འགྱུར། མིག་མེད་པར་འགྱུར། ཤེས་རབ་འཆལ་པའི་རང་བཞིན་ཅན་དུ་འགྱུར། བརྩོན་འགྲུས་ཆུང་བར་འགྱུར་ཏེ། 
འཇམ་དཔལ་འདི་དག་ནི་མི་གཏི་མུག་པ་དེ་དག་གི་སྐྱོན་དུ་གྱུར་པའོ། །འཇམ་དཔལ་མདོར་བཤད་ན་དེ་དག་འཆི་བའི་དུས་ཀྱི་ཚེ་དེ་དག་གི་སྤུའི་ཁུང་བུ་རེ་རེར་ཡང་སེམས་ཅན་དམྱལ་བའི་སྡུག་བསྔལ་དཔག་ཏུ་མེད་པར་འཇུག་གོ། །གལ་ཏེ་
མིར་སྐྱེས་ན་ཡང་རྟག་ཏུ་དམུས་ལོང་དུ་འགྱུར། ལྕེ་མེད་པར་འགྱུར་རོ། །འཇམ་དཔལ་གཞན་ཡང་གང་དག་ཆོས་ཀྱི་རྣམ་གྲངས་འདི་སྤོང་བ་དེ་དག་ནི་ཚེ་འདི་ཉིད་ལ་ལུས་མཛེ་ཅན་དུ་འགྱུར། མཆུ་འཇིགས་འཇིགས་ལྟར་འདུག་པར་འགྱུར། 
ལུས་ཞོམ་པར་འགྱུར། ལུས་གཅེར་བུར་འགྱུར། ལུས་སྐམ་པོར་འགྱུར། ཡི་དགས་འདྲ་བར་འགྱུར་རོ། །འཇམ་དཔལ་གཞན་ཡང་མི་གཏི་མུག་པ་དེ་དག་གང་དུ་སྐྱེ་བར་འགྱུར་བ་དེ་དག་གི་གནས་ནི་ངས་སངས་རྒྱས་ཀྱི་ཡེ་ཤེས་
བསམ་གྱིས་མི་ཁྱབ་པས་མཁྱེན་ཏོ། །འཇམ་དཔལ་གཞོན་ནུར་གྱུར་པས་གསོལ་པ། བཅོམ་ལྡན་འདས་ཀྱིས་ལུང་བསྟན་དུ་གསོལ། བདེ་བར་གཤེགས་པས་ལུང་བསྟན་དུ་གསོལ། བཅོམ་ལྡན་འདས་ཀྱིས་བཀའ་སྩལ་པ། 
འཇམ་དཔལ་ཁ་རོག་དེ་སྐད་མ་འདྲི་ཤིག །འདི་ལ་ལྷ་དང་བཅས་པའི་འཇིག་རྟེན་མྱོས་པར་འགྱུར་ཏེ་སྐྲག་པར་འགྱུར། དངང་བར་འགྱུར། རབ་ཏུ་དངང་བར་འགྱུར་རོ། །འཇམ་དཔལ་གྱིས་གསོལ་པ། སེམས་ཅན་འདི་དག་གིས་འདི་ལྟ་བུ་ཐོས་
ནས་སླན་ཆད་ནམ་ཡང་དམ་པའི་ཆོས་སྤོང་བར་མི་འགྱུར་བར་བགྱི་བའི་སླད་དུ་ཐུགས་བརྩེ་བར་དགོངས་ཏེ། བཅོམ་ལྡན་འདས་ཀྱིས་བཤད་དུ་གསོལ། བཅོམ་ལྡན་འདས་ཀྱིས་བཀའ་སྩལ་པ། འཇམ་དཔལ་སའི་འོག་ན་སེམས་ཅན་

106-1-27b

དམྱལ་བ་ཡོད་པའི་མིང་ལ་འདི་ལྟ་སྟེ། ཚ་བ་དང་རབ་ཏུ་ཚ་བ་དང་ཐིག་ནག་དང་ཀུན་དུ་འབར་བ་དང་རབ་ཏུ་འབར་བ་དང་རེག་དཀའ་བ་དང་། དྲག་པོ་དང་མཆུ་རྣོན་དང་ལྕགས་ཀྱི་ཐུ་ལུམ་དང་ལྕགས་ཀྱི་བེ་ཅོན་དང་མུན་ཁུང་དང་མགོ་བསྟོད་དང་སྤྱིའུ་
ཚུགས་དང་སྤྲེའུ་གདོང་དང་རྟག་ཏུ་འབར་དང་རུལ་པ་དང་རྟག་ཏུ་དྲི་ང་དང་རབ་འཇོམས་དང་ངེས་འཇོམས་དང་ཤིན་དུ་གནོད་འཇོམས་རྣམས་ཏེ་འཇམ་དཔལ་མི་གཏི་མུག་པ་དེ་དག་གང་དུ་སྐྱེ་བར་འགྱུར་བའི་སེམས་ཅན་དམྱལ་བ་ནི་འདི་དག་གོ། །དེ་ནས་
བཅོམ་ལྡན་འདས་ལ་བྱང་ཆུབ་སེམས་དཔའ་ཀུན་དུ་བཟང་པོས་འདི་སྐད་ཅེས་གསོལ་ཏོ། །བཅོམ་ལྡན་འདས་ཆོས་སྨྲ་བ་དེ་དག་འདི་ནས་ཤི་འཕོས་ནས་གང་དུ་སྐྱེ་བར་འགྱུར། བཅོམ་ལྡན་འདས་ཀྱིས་བཀའ་སྩལ་པ། ཀུན་
དུ་བཟང་པོ་ཁྱོད་ཀྱིས་ཞུས་པ་དེ་ལེགས་པར་ཞུས་སོ། །ཀུན་དུ་བཟང་པོ་རིགས་ཀྱི་བུ་འམ། རིགས་ཀྱི་བུ་མོ་ཆོས་སྨྲ་བ་དེ་འདི་ནས་ཤི་འཕོས་ནས་བཅོམ་ལྡན་འདས་དེ་བཞིན་གཤེགས་པ་སྤོབས་པ་བསམ་གྱིས་མི་ཁྱབ་པའི་
སངས་རྒྱས་ཀྱི་ཞིང་འཇིག་རྟེན་གྱི་ཁམས་རབ་ཏུ་བརྒྱན་པར་སྐྱེ་བར་འགྱུར་ཏེ། འཇིག་རྟེན་གྱི་ཁམས་དེ་ན་བྱང་ཆུབ་སེམས་དཔའ་ཀུན་ནས་མཛེས་པ་ཤ་སྟག་གོ། །འཆི་བའི་དུས་ཀྱི་ཚེ་རིགས་ཀྱི་བུ་དེ་ལ་སངས་རྒྱས་བྱེ་བ་
ཕྲག་བཅུ་གཉིས་མངོན་དུ་འགྱུར་རོ། །རིགས་ཀྱི་བུ་མདོར་ན་རིགས་ཀྱི་བུ་དེའི་ཕན་ཡོན་ནི་གྲངས་མེད་དཔག་ཏུ་མེད་དེ། དེ་དག་ནི་བསྐལ་པ་སྟོང་དག་གིས་ཀྱང་བརྗོད་པར་མི་ནུས་སོ། །བྱང་ཆུབ་སེམས་དཔའ་ཀུན་དུ་བཟང་པོས་
གསོལ་པ། བཅོམ་ལྡན་འདས་སླད་མའི་ཚེ་སླད་མའི་དུས་ན་གང་དག་ཆོས་ཀྱི་རྣམ་གྲངས་འདི་སྤོང་བར་འགྱུར་བའི་སེམས་ཅན་ཇི་ལྟ་བུ་དག་འབྱུང་བར་འགྱུར། བཅོམ་ལྡན་འདས་ཀྱིས་བཀའ་སྩལ་པ། ཀུན་དུ་བཟང་
པོ་འདི་ལྟ་བུའི་ཆོས་འདི་དག་སྤོང་བར་འགྱུར་བའི་སེམས་ཅན་དེ་དག་ནི་ཕལ་ཆེར་རབ་ཏུ་བྱུང་བ་དག་འབྱུང་སྟེ། འདི་སྐད་དུ་འདི་དག་ནི་སྙན་དངགས་སྦྱར་བ་ཡིན་གྱི། འདི་དག་ནི་དེ་བཞིན་གཤེགས་པས་གསུངས་པ་མ་ཡིན་

106-1-28a

ནོ། །འདི་དག་ནི་རང་བཟོར་བྱས་པ་ཡིན་ཏེ། མདོ་སྡེ་འདི་དག་ནི་སྔོན་ནམ་ཡང་མ་ཐོས་སོ་ཞེས་འཛེར་ཅིང་དེ་དག་ཆོས་ཀྱི་རྣམ་གྲངས་འདི་སྤོང་བར་འགྱུར་རོ། །སྤངས་ནས་ཀྱང་མཐོལ་ཞིང་འཆགས་པར་མི་འགྱུར་
ཏེ། དེ་དག་ཆོས་སྤངས་པས་འཆི་བའི་ཚེ་སེམས་ཅན་དམྱལ་བ་ཀུན་དུ་འབར་བ་མི་བཟད་པར་སྐྱེ་བར་འགྱུར་རོ། །སྐྱེས་མ་ཐག་ཏུ་ལྕགས་ཀྱི་འཁོར་ལོས་མི་གཏི་མུག་པ་དེ་དག་གི་མགོ་གཅད་ནས་ས་ལ་ལྟུང་བར་འགྱུར་རོ། །
དེ་ལྟར་གྱུར་ནས་ཀྱང་བསྐལ་པ་མང་པོ་བསྐལ་པ་བརྒྱ་ཕྲག་མང་པོ་དང་། བསྐལ་པ་སྟོང་ཕྲག་མང་པོར་དམུས་ལོང་དུ་འགྱུར་རོ། །གལ་ཏེ་བསྐལ་པ་བརྒྱ་དག་འདས་ནས་མིར་སྐྱེ་བར་འགྱུར་ན་ཡང་ཚེ་རབས་ཐམས་ཅད་དུ་དམུས་
ལོང་དུ་སྐྱེ་བར་འགྱུར་ཞིང་ལྕེ་མེད་པ་དང་། གདོང་ཕྱིན་ཕྱོགས་སུ་འདུག་པ་དང་ལྟག་སྒུར་དང་། འཇིང་པ་ནུབ་པ་དང་རྐང་གྱོལ་དང་ང་རོ་ཁྱི་སྐད་ལྟ་བུ་དང་རྟག་ཏུ་བཀྲེས་ཤིང་སྐོམ་པས་ཉེན་པ་དང་། ལུས་སྐམས་པ་དང་ཁ་མནམ་པ་དང་། 
སེམས་ཅན་ཐམས་ཅད་ཀྱིས་མཐོང་ངམ་ཐོས་ན་ཡིད་དུ་མི་འོང་བར་སྐྱེ་བར་འགྱུར་རོ། །དེ་ནས་ཐམས་ཅད་དང་ལྡན་པའི་འཁོར་དེས་མགྲིན་གཅིག་ཏུ་ཚིག་སྨྲས་པ། བཅོམ་ལྡན་འདས་མ་འཚལ་བ་བདག་ཅག་གིས་མདོ་སྡེ་
འདི་ལྟ་བུ་དག་སྤངས་པ་དང་། ཆོས་སྨྲ་བ་དེ་དག་ལ་ཁྲོས་པའི་སེམས་ཀྱིས་བལྟས་པར་གྱུར་པ་རྣམས་ནོངས་པ་ལ་ནོངས་པར་འཆགས་སོ། །བཅོམ་ལྡན་འདས་བདག་ཅག་ཇི་ལྟར་བྱིས་པར་གྱུར་པ་དང་། ཇི་ལྟར་རྨོངས་པར་གྱུར་པ་
དང་། ཇི་ལྟར་ཤེས་རབ་འཆལ་པར་གྱུར་པ་དང་། ཇི་ལྟར་བློ་ཆུང་བར་གྱུར་པ་རྣམས་འཆགས་ཤིང་མཆིས་ན་སངས་རྒྱས་བཅོམ་ལྡན་འདས་རྣམས་དགོངས་སུ་གསོལ། དེ་ནས་ཉན་ཐོས་ཆེན་པོ་དེ་དག་དང་བརྒྱ་བྱིན་དང་ཚངས་
པ་དང་འཇིག་རྟེན་སྐྱོང་བ་དེ་དག་དང་དགེ་སློང་དང་དགེ་སློང་མ་དང་དགེ་བསྙེན་དང་དགེ་བསྙེན་མ་དེ་དག་དངངས་ནས་བཅོམ་ལྡན་འདས་བདག་ཅག་ནི་བསྟན་པ་འདི་ལྟ་བུ་འདི་ཐོས་ནས་རབ་ཏུ་དངངས་ལགས་

106-1-28b

སོ། །བཅོམ་ལྡན་འདས་ཀྱིས་བཀའ་སྩལ་པ། གྲོགས་པོ་དག་དེ་དེ་བཞིན་ནོ། །ཇི་སྐད་སྨྲས་པ་བཞིན་ཏེ། ཁྱེད་ཀྱིས་སྐྲག་པར་བྱ་བའི་རིགས་སོ། །གྲོགས་པོ་དག་ང་ཐམས་ཅད་མཁྱེན་པའི་ཡེ་ཤེས་བརྙེས་པ་ཡིན་ན་
ང་ཉིད་ཀྱང་སྐྲག་ན་གང་དག་ངའི་སློབ་མ་རྣམས་ལྟ་ཅི་སྨོས། རིགས་ཀྱི་བུ་དག་ཆོས་འདི་ནི་ཟབ་པ་སྟེ། དེ་ནི་མིའམ་མི་མ་ཡིན་པའམ་ལྷའམ་ཀླུའམ་གནོད་སྦྱིན་ནམ། དྲི་ཟའམ་སུས་ཀྱང་རྣམ་པར་དཀྲུག་པར་མི་ནུས་ན་དགེ་སྦྱོང་
ངམ། བྲམ་ཟེ་གཞན་དག་གིས་ལྟ་ག་ལ་ནུས་ཏེ་ཅི་སྨོས། རིགས་ཀྱི་བུ་དག་ཆོས་ཀྱི་རྣམ་གྲངས་འདི་ནི་ལྷ་དང་བཅས་པའི་འཇིག་རྟེན་གྱི་མཆོད་རྟེན་དུ་གྱུར་བ་སྟེ། རིགས་ཀྱི་བུ་དག་དཔེར་ན་དཀོན་མཆོག་ཟ་མ་ཏོག་ཇི་ལྟ་བར་མདོ་
སྡེའི་རྒྱལ་པོ་འདི་ཡང་དེ་བཞིན་དུ་བལྟ་བར་བྱའོ། །དེ་ནས་བཅོམ་ལྡན་འདས་ལ་འཇམ་དཔལ་གཞོན་ནུར་གྱུར་པས་འདི་སྐད་ཅེས་གསོལ་ཏོ། །བཅོམ་ལྡན་འདས་འདི་ནི་ལེགས་པར་གསུངས་པ་ལགས་སོ། །བཅོམ་ལྡན་འདས་
དགེ་སློང་དེ་ལྟ་བུ་དེ་དག་གིས་དད་པས་སྩལ་བ་ཇི་ལྟར་ཡོངས་སུ་འཇུ་བར་འགྱུར། བཅོམ་ལྡན་འདས་ཀྱིས་བཀའ་སྩལ་པ། འཇམ་དཔལ་གང་དག་ཆོས་ཀྱི་རྣམ་གྲངས་འདི་སྤོང་བ་དང་། ཆོས་སྨྲ་བ་དེ་དག་ལ་མི་བྱམས་པའི་
སེམས་སྐྱེད་པ་དེ་དག་ནི་ཉི་མ་གཅིག་གམ། སེ་གོལ་གཏོགས་པ་གཅིག་སྲིད་ཙམ་ཞིག་དད་པས་བྱིན་པ་ཡོངས་སུ་སྤྱད་པའམ། ཐ་ན་དགེ་འདུན་ལ་ཕུལ་བའི་ས་ལ་མཆིལ་མ་ཐལ་གཅིག་འདོར་དུ་ཡང་ངས་མ་གནང་ངོ་། །
དེ་ནས་བཅོམ་ལྡན་འདས་ལ་ཚེ་དང་ལྡན་པ་ཤཱ་ར་དྭ་ཏིའི་བུས་འདི་སྐད་ཅེས་གསོལ་ཏོ། །བཅོམ་ལྡན་འདས་མཚམས་མ་མཆིས་པ་ལྔ་པོ་དག་འདི་དང་ཉེ་བ་ལགས་སམ། འོན་ཏེ་རིང་བ་ལགས། བཅོམ་ལྡན་འདས་
ཀྱིས་བཀའ་སྩལ་པ། གནས་བརྟན་ཤཱ་ར་དྭ་ཏིའི་བུ་ཁ་རོག་དེ་སྐད་མ་སྨྲ་ཤིག །དེ་ཅིའི་ཕྱིར་ཞེ་ན། ཤཱ་ར་དྭ་ཏིའི་བུ་མཚམས་མེད་པ་ལྔ་པོ་དག་ནི་བླའི་ཆོས་ཀྱི་རྣམ་གྲངས་འདི་སྤངས་པ་ནི་ནམ་ཡང་དེ་ལྟ་མ་ཡིན་ནོ། །

106-1-29a

ཤཱ་ར་དྭ་ཏིའི་བུ་མཚམས་མེད་པ་ལྔ་བྱེད་པ་ནི་མཚམས་མེད་པ་ལྔ་པོ་དག་མྱུར་དུ་ཟད་པར་བྱས་ནས་མིར་སྐྱེ་བར་འགྱུར་རོ། །དམ་པའི་ཆོས་སྤོང་བའི་གང་ཟག་དེ་ནི་ནམ་ཡང་སངས་རྒྱས་ཀྱི་ཆོས་རྣམས་ཐོབ་པར་མི་འགྱུར་
ཏེ། དེ་ནི་བདག་ཀྱང་ཕུང་ལ་གཞན་ཡང་ཕུང་བར་བྱེད་པར་འགྱུར་རོ། །དེ་ནས་ཚེ་དང་ལྡན་པ་ཤཱ་ར་དྭ་ཏིའི་བུ་བཅོམ་ལྡན་འདས་ཀྱི་སྤྱན་སྔ་ན་ངུ་ཞིང་འདི་སྐད་ཅེས་གསོལ་ཏོ། །ཨེ་མ་འོ་དམ་པའི་ཆོས་སྤོང་བའི་སེམས་ཅན་རྣམས་
ནི་སྡུག་བསྔལ་ལོ། །ལས་ཀྱི་སྒྲིབ་པ་འདི་ལྟ་བུ་དག་ནི་བདག་གིས་རྨི་ལམ་ན་ཡང་མཐོང་བར་མ་གྱུར་ཅིག ། དེ་ནས་བཅོམ་ལྡན་འདས་ཀྱིས་ཚེ་དང་ལྡན་པ་ཤཱ་ར་དྭ་ཏིའི་བུ་ལ་འདི་སྐད་ཅེས་བཀའ་སྩལ་ཏོ། །ཤཱ་ར་དྭ་ཏིའི་
བུ་དེ་སྙམ་མ་སེམས་ཤིག་ངས་ཆོས་བསྟན་པ་ནི་འབྱུང་བ་དང་བཅས་པ་ཡིན་ན་འཇིག་རྟེན་ནི་ལས་བདག་གིར་བྱ་བ། རང་གི་ལས་ཀྱི་བགོ་སྐལ་ལ་སྤྱོད་པ། རང་གི་ལས་བརྟན་པར་བྱ་བ་སྟེ། སེམས་ཅན་དག་རང་རང་གི་ལས་
རྣམས་ཀྱིས་སྡུག་བསྔལ་གྱི་ཚོར་བ་མྱོང་གི་དེ་ལ་དེ་བཞིན་གཤེགས་པས་ནི་མ་ལན་ནོ། །ཤཱ་ར་དྭ་ཏིའི་བུ་ངས་ནི་དགེ་ལེགས་སུ་འགྲོ་བའི་ལམ་བཤད་དེ། བདེ་བར་འགྲོ་བ་དང་། འཇིགས་པ་མེད་པར་འགྲོ་བ་དང་། 
མྱ་ངན་ལས་འདའ་བར་འགྲོ་བ་དང་། འཆི་བ་མེད་པར་འགྲོ་བའི་ལམ་བཤད་ན། འོན་ཀྱང་སེམས་ཅན་འདི་དག་ནི་ལུས་ཀྱིས་ཉེས་པར་སྤྱོད་པ་དང་ལྡན། ངག་གིས་ཉེས་པར་སྤྱོད་པ་དང་ལྡན། ཡིད་ཀྱིས་ཉེས་
པར་སྤྱོད་པ་དང་ལྡན་ཞིང་འཕགས་པ་རྣམས་ལ་སྐུར་པ་འདེབས་པ་དང་། ལོག་པར་ལྟ་བ་དག་སྟེ། ལོག་པར་ལྟ་བའི་ལས་དང་། ཆོས་ཡང་དག་པར་སྤངས་པའི་རྒྱུས་ལུས་ཞིག་ནས་ཤི་བའི་འོག་ཏུ་ངན་སོང་ངན་འགྲོ་ལོག་
པར་ལྟུང་བའི་སེམས་ཅན་དམྱལ་བ་རྣམས་སུ་སྐྱེ་སྟེ། དེ་ལ་དེ་བཞིན་གཤེགས་པས་ནི་མ་ལན་ནོ། །ཤཱ་ར་དྭ་ཏིའི་བུ་སེམས་ཅན་ཐམས་ཅད་ལ་ངའི་སྙིང་རྗེ་འདི་ལྟ་བུ་སྐྱེ་སྟེ། ངས་སེམས་ཅན་གཅིག་གི་དོན་དུ་

106-1-29b

ཡང་བསྐལ་པའམ། བསྐལ་པ་ལས་ལྷག་པར་སེམས་ཅན་དམྱལ་བའི་སྡུག་བསྔལ་རྣམས་མྱོང་བར་བྱའི་སེམས་ཅན་གཅིག་པོ་ནི་ཡོངས་སུ་གཏང་བར་མི་བྱའོ་སྙམ་སྟེ། ཤཱ་ར་དྭ་ཏིའི་བུ་དེ་བཞིན་གཤེགས་པའི་སྙིང་རྗེ་ཆེན་
པོ་ནི་དེ་འདྲའོ། །ཤཱ་ར་དྭ་ཏིའི་བུ་འདི་ལྟ་སྟེ་དཔེར་ན། མི་ཞིག་ལ་བུ་གཅིག་པ་གཟུགས་བཟང་བ་མཛེས་པ། བལྟ་ན་སྡུག་པ་ཁ་དོག་བཟང་པོ་རྒྱས་པ་མཆོག་དང་ལྡན་པ་ཞིག་ཡོད་ལ། དེ་རྐྱེན་འགའ་ཞིག་དང་ཕྲད་ནས་འཆི་བའི་དུས་
བྱས་པར་གྱུར་ན། མི་དེ་བུ་ལ་སེམས་པས་སྡུག་བསྔལ་ཞིང་ཡིད་མི་བདེ་བར་གྱུར་ཏེ། ངུ་ཞིང་སྨྲེ་སྔགས་འདོན་ཏོ། །ཤཱ་ར་དྭ་ཏིའི་བུ་དེ་བཞིན་དུ་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཀྱང་
སེམས་ཅན་སྡུག་བསྔལ་བ་དག་ལ་བུ་གཅིག་པ་བཞིན་དུ་དགོངས་པ་མཛད་དེ། དེ་བཞིན་གཤེགས་པ་དག་ཉོན་མོངས་པ་རྣམས་དང་ལྷན་ཅིག་གནས་པ་ནི་མ་ཡིན་ནོ། །ཤཱ་ར་དྭ་ཏིའི་བུ་འདི་ལྟ་སྟེ་དཔེར་ན་རྒྱ་མཚོ་ཆེན་པོ་ནི་ཤི་
བའི་རོ་དང་ལྷན་ཅིག་མི་གནས་སོ། །ཤཱ་ར་དྭ་ཏིའི་བུ་དེ་བཞིན་དུ་དེ་བཞིན་གཤེགས་པ་དག་ཀྱང་ཉོན་མོངས་པ་རྣམས་དང་ལྷན་ཅིག་མི་གནས་སོ། །ཤཱ་ར་དྭ་ཏིའི་བུ་འདི་ལྟ་སྟེ་དཔེར་ན་སྒྱུ་མ་མཁན་ནམ། སྒྱུ་མ་མཁན་གྱི་སློབ་མ་མཁས་
པས་ལམ་པོ་ཆེའི་བཞི་མདོར་སྐྱེ་བོའི་ཚོགས་ཆེན་པོ་མངོན་པར་སྤྲུལ་ཏེ། བྱ་བ་དག་སྟོན་ཀྱང་བྱ་བ་དེ་དག་ནི་ཡུལ་ན་མི་གནས་ཕྱོགས་ན་མི་གནས་ཏེ། མ་སྐྱེས་མ་འགགས་ཤིང་འགག་པར་མི་འགྱུར་རོ། །ཤཱ་ར་དྭ་ཏིའི་བུ་
དེ་བཞིན་དུ་དེ་བཞིན་གཤེགས་པ་རྣམས་ཀྱང་སེམས་ཅན་རྣམས་ཡོངས་སུ་སྨིན་པར་མཛད་ཅིང་འདོད་ཆགས་ཀྱི་སྤྱོད་པ་ཡང་སྟོན་ཏེ། མཛད་པ་སྟོན་ཀྱང་སྤྱོད་པ་དེ་དག་ནི་ཡོད་པ་མ་ཡིན་ནོ། །དཔེར་ན་ནམ་མཁའི་
ཁམས་ནི་རྣམ་པར་རྟོག་པ་མེད་ཅིང་སྤྲོས་པ་མེད་པའོ། །དེ་བཞིན་དུ་དེ་བཞིན་གཤེགས་པའི་སྐུ་ལ་ཡང་རྣམ་པར་རྟོག་པ་མེད་ཅིང་སྤྲོས་པ་མེད་དོ། །འོན་ཀྱང་སེམས་ཅན་རྣམས་དང་འཐུན་

106-1-30a

པར་དེ་བཞིན་གཤེགས་པ་རྣམས་འཐུན་པར་མཛད་དེ། སེམས་ཅན་རྣམས་ཇི་ལྟར་འདུལ་བར་འགྱུར་བ་དེ་བཞིན་དུ་དེ་བཞིན་གཤེགས་པ་རྣམས་འཐུན་པར་འཇུག་གོ། །ཤཱ་ར་དྭ་ཏིའི་བུ་དེ་བཞིན་གཤེགས་པ་ལ་འཁྲུལ་པ་
མི་མངའོ། །དེ་བཞིན་གཤེགས་པ་ལ་མི་མཁྱེན་པ་མི་མངའོ། །དེ་བཞིན་གཤེགས་པ་ལ་བསྙེལ་བ་མི་མངའོ། །ཤཱ་ར་དྭ་ཏིའི་བུ་ང་ནི་ལྷ་དང་བཅས་པའི་འཇིག་རྟེན་གྱི་ཐུ་བོ་དང་། གཙོ་བོ་དང་རབ་དང་མཆོག་དང་ཕུལ་དང་བླ་མ་དང་བླ་ན་
མེད་པ་དང་གོང་ན་མེད་པ་དང་མི་མཉམ་པ་དང་མཉམ་པ་ཡིན་ཏེ། ཤཱ་ར་དྭ་ཏིའི་བུ་ཚིག་སྨྲས་པ་འདི་ནི་བདེན་པའི་རྗེས་སུ་འཐུན་པའོ། །རབ་ཏུ་བྱུང་བ་འམ། ཁྱིམ་པ་ཡང་རུང་སྟེ། སེམས་ཅན་གང་དག་ཆོས་ཀྱི་རྣམ་གྲངས་འདི་སྤོང་
བ་དེ་དག་ཐམས་ཅད་ནི་སེམས་ཅན་དམྱལ་བའི་སྡུག་བསྔལ་འདི་ལྟ་བུ་དག་རྙེད་པར་འགྱུར་རོ། །དེ་ནས་ཚེ་དང་ལྡན་པ་རབ་འབྱོར་གྱིས་བཅོམ་ལྡན་འདས་ཀྱིས་བསྟན་པ་འདི་ཐོས་ནས་ཐལ་མོ་སྦྱར་ཏེ་བཅོམ་ལྡན་འདས་ལ་འདི་
སྐད་ཅེས་གསོལ་ཏོ། །བཅོམ་ལྡན་འདས་སེམས་ཅན་དེ་དག་གིས་ནི་རྙེད་པ་ནོངས་པར་རྙེད་དོ། །གང་དག་ཆོས་ཀྱི་རྣམ་གྲངས་འདི་སྤོང་བར་འགྱུར་བ་དེ་དག་ལྕེ་ཅི་འདྲ་བ་ཞིག་ཏུ་འགྱུར་བ་ལགས། བཅོམ་ལྡན་འདས་ཀྱིས་
བཀའ་སྩལ་པ། རབ་འབྱོར་དེ་དག་གི་ལྕེ་ནི་དཔག་ཚད་འབུམ་པར་འགྱུར་ཏེ། དེ་ལ་ལྕགས་ཀྱི་ཐོང་གཤོལ་འབར་བ་རབ་ཏུ་འབར་བ། མཆེད་ཅིང་འབར་བ། མེ་ལྕེ་གཅིག་ཏུ་གྱུར་པ་བྱེ་བ་ཕྲག་ལྔ་བརྒྱས་
རྨོ་བར་འགྱུར་རོ། །དེ་ཅིའི་ཕྱིར་ཞེ་ན། འདི་ལྟར་དེས་ངག་མ་བསྲུངས་པའི་ཕྱིར་ཏེ། རབ་འབྱོར་མི་གཏི་མུག་པ་དེ་དག་གི་ལས་ཀྱི་སྒྲིབ་པ་ནི་དེ་ལྟ་བུར་འགྱུར་རོ། །དེ་ནས་སངས་རྒྱས་ཀྱི་མཐུས་ཐམས་ཅད་དང་ལྡན་པའི་འཁོར་
དེས་དེ་བཞིན་གཤེགས་པས་བསྟན་པ་ནི་རྨད་དུ་བྱུང་བ་ཆེན་པོ་ལགས་སོ་ཞེས་ཆེད་དུ་བརྗོད་པ་ཆེད་དུ་བརྗོད་དོ། །དེ་ནས་བཅོམ་ལྡན་འདས་ལ་ལྷའི་དབང་པོ་བརྒྱ་བྱིན་གྱིས་འདི་སྐད་ཅེས་གསོལ་ཏོ། །བཅོམ་ལྡན་འདས་

106-1-30b

བདག་གིས་ཆོས་སྨྲ་བའི་དགེ་སློང་དེ་དག་ཕྲག་པ་ལ་བཀུར་བར་བགྱིའོ། །མེ་ཏོག་དང་བདུག་པ་དང་སྤོས་དང་ཕྲེང་བ་དང་བྱུག་པ་རྣམས་ཀྱིས་མཆོད་པར་བགྱིའོ། །གདུགས་ལན་གསུམ་མཚན་ལན་གསུམ་དུ་ཕྱག་བགྱིའོ། །བསྙེན་
བཀུར་བགྱིའོ། །སྟི་སྟང་བགྱིའོ། །བླ་མར་བགྱིའོ། །རི་མོར་བགྱིའོ། །མཆོད་པར་བགྱིའོ། །རྗེད་པར་བགྱིའོ། །གསོལ་བར་བགྱིའོ། །སྟི་སྟང་བགྱི་བ་དང་། བླ་མར་བགྱི་བ་དང་། གུས་པས་བསྲུང་བར་བགྱིའོ། །དེ་ཅིའི་སླད་དུ་ཞེ་ན། 
དེ་དག་ནི་བཅོམ་ལྡན་འདས་ཀྱི་སྲས་ཏེ་ཆོས་ཀྱི་སྐུ་ལས་ངེས་པར་བྱུང་བའི་སླད་དུའོ། །བཅོམ་ལྡན་འདས་འདི་ལྟ་སྟེ་དཔེར་ན་རྒྱལ་པོ་རྒྱལ་རིགས་སྤྱི་བོ་ནས་དབང་བསྐུར་བའི་བུར་གྱུར་པ། གཟུགས་བཟང་བ། མཛེས་
པ། བལྟ་ན་སྡུག་པ་དེ་ནི་འོག་མ་ཐམས་ཅད་ཀྱི་མཆོད་པའི་འོས་དང་། ཕྱག་བགྱི་བའི་འོས་ལགས་སོ། །དེ་བཞིན་དུ་ཆོས་སྨྲ་བ་དེ་དག་ཀྱང་ལྷ་དང་བཅས་པའི་འཇིག་རྟེན་གྱི་མཆོད་པའི་འོས་དང་ཕྱག་བགྱི་བའི་འོས་ལགས་
སོ། །དེ་ནས་བཅོམ་ལྡན་འདས་ཀྱིས་བྱང་ཆུབ་སེམས་དཔའ་ཀུན་དུ་བཟང་པོ་ལ་འདི་སྐད་ཅེས་བཀའ་སྩལ་ཏོ། །རིགས་ཀྱི་བུ་ལྷའི་དབང་པོ་བརྒྱ་བྱིན་གྱིས་ཆོས་སྨྲ་བའི་དགེ་སློང་དེ་དག་སྙིང་ལས་ཆུང་ངུར་བྱ་བ་དང་། 
ཡོངས་སུ་བསྐྱང་བ་དང་། ཀུན་དུ་བསྲུང་བ་དང་། བསྐྱབ་པའི་ཕྱིར་ཚིག་འདི་ལེགས་པར་སྨྲས་སོ། །བྱང་ཆུབ་སེམས་དཔའ་ཀུན་ཏུ་བཟང་པོས་གསོལ་པ། བཅོམ་ལྡན་འདས་བདག་གིས་ཀྱང་རིགས་ཀྱི་བུའམ། 
རིགས་ཀྱི་བུ་མོ་དེ་དག་ཀུན་ཏུ་བསྲུང་བར་བགྱིའོ། །ཡོངས་སུ་བསྐྱབ་པ་དང་། ཡོངས་སུ་གཟུང་བ་དང་། ཞི་བ་དང་བདེ་ལེགས་སུ་འགྱུར་བར་བགྱིའོ། །དཔག་ཚད་བརྒྱ་ཁོ་ར་ཁོར་ཡུག་ཏུ་ཡོངས་སུ་བསྐྱང་བར་བགྱིའོ། །དེ་ནས་
བཅོམ་ལྡན་འདས་ཀྱིས་བྱང་ཆུབ་སེམས་དཔའ་ཀུན་དུ་བཟང་པོ་ལ་རིགས་ཀྱི་བུ་ཚིག་འདི་ལེགས་པར་སྨྲས་པ་ལེགས་སོ་ལེགས་སོ་ཞེས་བྱ་བ་བྱིན་ནོ། །དེ་ནས་བཅོམ་ལྡན་འདས་ཀྱིས་ཚངས་པའི་དབྱངས་ཀྱིས་ཚིགས་སུ་བཅད་

106-1-31a

པ་འདི་བཀའ་སྩལ་ཏོ། །གཞན་ལ་ཕན་དང་བདེ་བ་བྱེད་པ་བསགས་པ་པོ། །རྣམ་པ་སྣ་ཚོགས་རབ་མཛེས་མཆོག་རབ་ཚིག་ལྡན་པ། །ཤིན་དུ་དྲི་མེད་བཞིན་ལྡན་ཁྱོད་ཀྱི་བསམ་པ་མཆོག །ཡོན་ཏན་རིན་ཆེན་མི་
མཉམ་མཉམ་པའི་ཚིགས་ལེགས་སྨྲས། །དེ་ནས་བཅོམ་ལྡན་འདས་ལ་བྱང་ཆུབ་སེམས་དཔའ་ཀུན་དུ་བཟང་པོས་འདི་སྐད་ཅེས་གསོལ་ཏོ། །བཅོམ་ལྡན་འདས་བྱང་ཆུབ་སེམས་དཔའ་སེམས་དཔའ་ཆེན་པོ་དག་
ཆོས་དུ་དང་ལྡན་ན་དཀོན་མཆོག་ཏ་ལ་ལའི་གཟུངས་འཐོབ་པར་འགྱུར། བཅོམ་ལྡན་འདས་ཀྱིས་བཀའ་སྩལ་པ། རིགས་ཀྱི་བུ་བྱང་ཆུབ་སེམས་དཔའ་སེམས་དཔའ་ཆེན་པོ་དག་ཆོས་གཅིག་དང་ལྡན་ན་དཀོན་
མཆོག་ཏ་ལ་ལའི་གཟུངས་འཐོབ་བོ། །ཆོས་གཅིག་པོ་གང་ཞེ་ན། འདི་ལྟ་སྟེ། སེམས་ཅན་ཐམས་ཅད་ལ་ཁོང་ཁྲོ་བ་མེད་པའོ། །ཀུན་དུ་བཟང་པོ་བྱང་ཆུབ་སེམས་དཔའ་སེམས་དཔའ་ཆེན་པོ་དག་གི་ཆོས་གཉིས་
ཏེ། གཉིས་གང་ཞེ་ན། འདི་ལྟ་སྟེ། ཕྲག་དོག་མེད་པ་དང་རློམ་སེམས་མེད་པ་སྟེ། ཀུན་དུ་བཟང་པོ་འདི་དག་ནི་བྱང་ཆུབ་སེམས་དཔའ་སེམས་དཔའ་ཆེན་པོ་དག་གི་ཆོས་གཉིས་སོ། །ཀུན་དུ་བཟང་པོ་གཞན་ཡང་བྱང་ཆུབ་
སེམས་དཔའ་སེམས་དཔའ་ཆེན་པོ་ནི་སེམས་ཅན་ཐམས་ཅད་ལ་དབང་པོ་གནོད་པར་མི་འགྱུར་རོ། །རིགས་ཀྱི་བུ་གཞན་ཡང་བྱང་ཆུབ་སེམས་དཔའ་སེམས་ཅན་ཐམས་ཅད་ལ་ཐམས་ཅད་ཀྱི་ཐམས་
ཅད་དུ་རྣམ་པར་འཚེ་བ་བསྐྱེད་པར་མི་བྱའོ། །བྱང་ཆུབ་སེམས་དཔའི་ཡོན་ཏན་བརྗོད་པ་འདི་བཤད་པ་དང་། དཀོན་མཆོག་ཏ་ལ་ལའི་གཟུངས་ཀྱི་ཁྱད་པར་གྱི་ཡོན་ཏན་ཡོངས་སུ་བརྗོད་པ་བཤད་པ་ན་ལྷ་དང་། མིའི་སྐྱེ་དགུ་
ལས་སེམས་ཅན་དཔག་ཏུ་མེད་པས་གཟུངས་ཐོབ་པར་གྱུར་ཏོ། །དཀོན་མཆོག་ཏ་ལ་ལའི་གཟུངས་ཀྱི་ཁྱད་པར་གྱི་ཡོན་ཏན་ཡོངས་སུ་བརྗོད་པའི་ལེའུའོ།། །།དེ་ནས་ཚེ་དང་ལྡན་པ་ཀུན་དགའ་བོ་སྟན་ལས་

106-1-31b

ལངས་ཏེ། བླ་གོས་ཕྲག་པ་གཅིག་ཏུ་གཟར་ནས་པུས་མོ་གཡས་པའི་ལྷ་ང་ས་ལ་བཙུགས་ཏེ། བཅོམ་ལྡན་འདས་ག་ལ་བ་དེ་ལོགས་སུ་ཐལ་མོ་སྦྱར་བ་བཏུད་ནས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས་
ཆོས་ཀྱི་རྣམ་གྲངས་འདི་ནི་ཟབ་ལགས་སོ། །བཅོམ་ལྡན་འདས་ཀྱིས་བཀའ་སྩལ་པ། ཀུན་དགའ་བོ་དེ་དེ་བཞིན་ཏེ། གཟུགས་ཟབ་པའི་ཕྱིར་ཟབ་བོ། །ཚོར་བ་དང་འདུ་ཤེས་དང་འདུ་བྱེད་དང་རྣམ་པར་ཤེས་པ་ཟབ་པའི་ཕྱིར་ཟབ་བོ། །
སྟོང་པ་ཉིད་ཟབ་པའི་ཕྱིར་ཟབ་བོ། །ནམ་མཁའ་ཟབ་པའི་ཕྱིར་ཟབ་བོ། །ཀུན་དགའ་བོས་གསོལ་པ། བཅོམ་ལྡན་འདས་བདག་གིས་ཆོས་ཀྱི་ཕུང་པོ་བརྒྱད་ཁྲི་བཞི་སྟོང་དེ་བཞིན་གཤེགས་པ་ལས་མངོན་དུ་ཐོས་ན་ཆོས་ཀྱི་རྣམ་
གྲངས་འདི་ལྟ་བུ་ནི་ནམ་ཡང་མ་ཐོས་སོ། །བཅོམ་ལྡན་འདས་ཀྱིས་བཀའ་སྩལ་པ། ཆོས་ཀྱི་རྣམ་གྲངས་འདི་ནི་ཤིན་དུ་ཐོས་པར་བྱ་དཀའ་བ་ཡིན་ནོ། །ཀུན་དགའ་བོས་གསོལ་པ། སླད་མའི་ཚེ་སླད་མའི་དུས་ལྔ་བརྒྱ་པ་ཐ་མ་ལ་དམ་པའི་ཆོས་ནུབ་
པའི་དུས་ཀྱི་ཚེ་སེམས་ཅན་མང་པོ་དག་ལ་སངས་རྒྱས་ཀྱི་མཛད་པ་བགྱིད་པར་འགྱུར་བར་བཅོམ་ལྡན་འདས་ཀྱིས་ཆོས་ཀྱི་རྣམ་གྲངས་འདི་བྱིན་གྱིས་བརླབ་ཏུ་གསོལ། བཅོམ་ལྡན་འདས་ཀྱིས་བཀའ་སྩལ་པ། ཀུན་དགའ་བོ་ངས་ཆོས་ཀྱི་རྣམ་གྲངས་འདི་
བྱིན་གྱིས་བརླབས་ཟིན་ཏེ། དེ་བཞིན་གཤེགས་པ་ཤཱཀྱ་ཐུབ་པ་ངས་ཆོས་སྨྲ་བ་དེ་དག་ཀྱང་བྱིན་གྱིས་བརླབས་སོ། །ཀུན་དགའ་བོ་གང་ལ་ལ་ཞིག་ཆོས་ཀྱི་རྣམ་གྲངས་འདི་ཡི་གེར་འདྲི་བ་དེ་ནི་མིག་ན་བར་མི་འགྱུར། ལྕེ་ན་བར་མི་འགྱུར། སྣ་ན་བར་མི་འགྱུར། སོ་ན་བར་
མི་འགྱུར། ལག་པ་དང་རྐང་པ་ན་བར་མི་འགྱུར། ཀླད་པ་ན་བར་མི་འགྱུར། རྣ་བ་ན་བར་མི་འགྱུར། ལུས་དམན་བར་མི་འགྱུར། ལུས་དྲི་མི་ཞིམ་བར་མི་འགྱུར། ཕ་རོལ་གྱི་གནོད་པས་འཆི་བའི་དུས་བྱེད་པར་མི་འགྱུར་རོ། །དེ་ལ་མི་དང་མི་མ་ཡིན་པ་ཐམས་ཅད་སྲུང་
བར་འགྱུར་རོ། །འདི་ནས་ཤི་འཕོས་ནས་ཀྱང་དེ་སྤྲོས་པ་ཐམས་ཅད་ཡོངས་སུ་སྤངས་ནས་བདེ་འགྲོ་མཐོ་རིས་ཀྱི་འཇིག་རྟེན་དུ་ལྷ་རྣམས་ཀྱི་ནང་དུ་སྐྱེ་བར་འགྱུར་རོ། །ཀུན་དགའ་བོས་གསོལ་པ། བཅོམ་ལྡན་འདས་ཆོས་འདི་བཤད་པའི་ཚེ་བདུད་བར་ཆད་མི་

106-1-32a

བགྱིད་པའི་རྒྱུ་གང་ལགས། རྐྱེན་གང་ལགས། བཅོམ་ལྡན་འདས་ཀྱིས་བཀའ་སྩལ་པ། ཀུན་དགའ་བོ་བདུད་ཐམས་ཅད་ཆོས་ཀྱི་རྣམ་གྲངས་འདི་ལ་བར་ཆད་བྱེད་མི་ནུས་ཏེ། ཀུན་དགའ་བོ་གང་གི་ཚེ་བདུད་སྡིག་ཅན་འདི་སྙམ་
དུ་བདག་དཀོན་མཆོག་ཏ་ལ་ལའི་གཟུངས་འཆད་པ་ལ་བར་ཆད་བྱེད་དུ་འགྲོའོ་སྙམ་པའི་སེམས་བསྐྱེད་པ་དེའི་ཚེ། བདུད་སྡིག་ཅན་གྱི་རང་གི་ཁྱིམ་ཀུན་དུ་འབར་བ་མཐོང་སྟེ། ཀུན་དགའ་བོ་ཆོས་ཀྱི་རྣམ་གྲངས་འདི་དེ་ལྟར་ཟབ་
བོ། །ཀུན་དགའ་བོ་ས་ཕྱོགས་གང་ན་ཆོས་ཀྱི་རྣམ་གྲངས་འདི་སྤྱོད་པའི་ས་ཕྱོགས་དེ་མཆོད་རྟེན་དུ་འགྱུར། ཕྱག་བྱ་བའི་འོས་སུ་ཡང་འགྱུར་རོ། །ཀུན་དགའ་བོས་གསོལ་པ། གལ་ཏེ་དེ་བཞིན་གཤེགས་པ་ས་ཕྱོགས་གང་ན་
བཞུགས་པའི་ས་ཕྱོགས་དེ་ཉིད་ན་ཆོས་ཀྱི་རྣམ་གྲངས་འདི་ཡང་གནས་པར་གྱུར་ལ། བདག་དེ་བཞིན་གཤེགས་པ་ལ་བལྟ་བའི་སླད་དུ་མཆིས་ཤིང་། མཆིས་ནས་ཀྱང་སྔར་དེ་བཞིན་གཤེགས་པ་ལ་ཕྱག་བགྱིས་ནས་སླད་ཀྱིས་
ཆོས་ཀྱི་རྣམ་གྲངས་འདི་ལ་ཕྱག་བགྱིས་ན་ནོངས་པ་ཅི་མཆིས། བཅོམ་ལྡན་འདས་ཀྱིས་བཀའ་སྩལ་པ། ཀུན་དགའ་བོ་གང་གི་ཚེ་ཁྱོད་ཀྱིས་ཆོས་ཀྱི་རྣམ་གྲངས་འདི་ལྟ་བུ་བཀོལ་ཏེ། ང་ལ་ཕྱག་འཚལ་བ་དེའི་ཚེ་ཁྱོད་ཉེས་པ་དང་
བཅས་པར་འགྱུར་རོ། །ཀུན་དགའ་བོ་གཞན་ཡང་ང་ལྷ་དང་བཅས་པའི་འཇིག་རྟེན་གྱི་ཐུ་བོ་དང་། གཙོ་བོ་དང་མཆོག་དང་དམ་པ་ཡིན་གྱི། ཀུན་དགའ་བོ་ངས་སྔར་ཆོས་ཀྱི་རྣམ་གྲངས་འདི་ཐོས་ནས་ཕྱིས་བྱང་ཆུབ་མངོན་པར་རྫོགས་པར་
སངས་རྒྱས་སོ། །ཀུན་དགའ་བོས་གསོལ་པ། བཅོམ་ལྡན་འདས་དེ་བཞིན་གཤེགས་པས་གང་ལས་ཏིང་ངེ་འཛིན་རིན་པོ་ཆེ་དཀོན་མཆོག་ཏ་ལ་ལ་བསྟན་པ་འདི་གསན་པ་དེ་བཞིན་གཤེགས་པའི་གོང་ན་སུ་མཆིས། བཅོམ་ལྡན་
འདས་ཀྱིས་བཀའ་སྩལ་པ། ཀུན་དགའ་བོ་མིའི་འཇིག་རྟེན་དང་ལྷའི་འཇིག་རྟེན་དང་དྲི་ཟའི་འཇིག་རྟེན་ན་ངའི་གོང་ན་སུ་ཡང་མེད་དེ། འོན་ཀྱང་བྱང་ཆུབ་སེམས་དཔའི་སྤྱད་པ་སྤྱོད་པ་ན་ངས་བཅོམ་ལྡན་འདས་དེ་བཞིན་གཤེགས་པ་

106-1-32b

ཡེ་ཤེས་ཐོགས་པ་མེད་པ་བརྩེགས་པའི་སྙིང་པོ་འོད་ཟེར་བཟང་པོ་བསམ་གྱིས་མི་ཁྱབ་པའི་འོད་ཟེར་དུ་མའི་ལྟེ་བ་རྒྱས་པ་ལས་མངོན་དུ་ཐོས་ཏེ་ཀུན་དགའ་བོ་བྱ་དཀའ་བ་ཆེན་པོ་བྱེ་བ་ཁྲག་ཁྲིག་བརྒྱ་སྟོང་དུ་མ་མྱོང་ནས་ངས་
ཆོས་ཀྱི་རྣམ་གྲངས་འདི་ཐོས་ཏེ། དེའི་ཚེ་དེ་བཞིན་གཤེགས་པ་དེས་ང་ལུང་བསྟན་ཏོ། །ཀུན་དགའ་བོ་དེ་ལྟ་བས་ན་ཁྱོད་ཀྱིས་སྔར་ཆོས་ཀྱི་རྣམ་གྲངས་འདི་ལ་ཕྱག་གྱིས་ལ་ཕྱིས་ང་ལ་ཕྱག་འཚོལ་ཅིག །དེ་ནས་བརྒྱ་བྱིན་དང་
ཚངས་པ་དང་འཇིག་རྟེན་སྐྱོང་བ་དེ་དག་ཐམས་ཅད་ཀྱིས་མགྲིན་གཅིག་ཏུ་ཚིག་འདི་སྐད་ཅེས་སྨྲས་སོ། །ཨ་ལ་ལ་ཆོས། ཨ་ལ་ལ་ཆོས། ཆོས་རྣམས་ཀྱི་རྣམ་པར་འཕྲུལ་པ་ཨ་ལ་ལའོ། །སེམས་ཅན་གང་དག་ཆོས་ཀྱི་རྣམ་གྲངས་འདིའི་མིང་
ཐོས་པ་དེ་དག་ཀྱང་ཕྱག་བྱ་བའི་འོས་ཡིན་ན། གང་དག་འཛིན་པ་དང་ཀློག་པ་དང་ཀུན་ཆུབ་པར་བྱེད་པ་དང་། གཞན་དག་ལ་ཡང་རྒྱ་ཆེར་ཡང་དག་པར་རབ་ཏུ་སྟོན་པ་ལྟ་སྨོས་ཀྱང་ཅི་དགོས་ཏེ། དེ་དག་ནི་དེ་བཞིན་གཤེགས་པ་ཞེས་བརྗོད་པར་
བྱའོ། །དེ་ནས་བཅོམ་ལྡན་འདས་ཀྱིས་བརྒྱ་བྱིན་དང་ཚངས་པ་དང་འཇིག་རྟེན་སྐྱོང་བ་དེ་དག་ལ་ཀྱེ་གྲོགས་པོ་དག་ཁྱོད་ཀྱིས་ཚིག་འདི་ལེགས་པར་སྨྲས་པ་ལེགས་སོ་ལེགས་སོ་ཞེས་བྱ་བ་བྱིན་ནོ། །དེ་ནས་བཅོམ་ལྡན་འདས་ཀྱི་ཞལ་
ནས་ལྗགས་ཀྱི་དབང་པོ་ཕྱུང་སྟེ། སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་ལྗགས་ཀྱི་དབང་པོས་སྣང་བར་བྱས་ནས་བྱང་ཆུབ་སེམས་དཔའ་ཀུན་དུ་བཟང་པོ་ལ་འདི་སྐད་ཅེས་བཀའ་སྩལ་ཏོ། །སེམས་ཅན་གང་དག་
ཆོས་ཀྱི་རྣམ་གྲངས་འདི་མི་ཐོས་པ་དེ་དག་ནི་ཇི་ལྟར་མི་དམུས་ལོང་གིས་ཉི་མའི་སྣང་བ་མི་མཐོང་བ་དང་། ཇི་ལྟར་ཚོང་བ་ཐབས་མི་ཤེས་པ་དང་། ཇི་ལྟར་མི་དབུལ་པོ་གཞན་གྱི་ངོར་ལྟ་བ་དང་འདྲ་སྟེ། དེ་དག་གི་དོན་དུ་ངས་དཔེ་འདི་བྱས་ན་ཅི་ནས་
སེམས་ཅན་རྣམས་ཆོས་རིན་པོ་ཆེའི་ཕུང་པོ་འདི་འདྲ་བ་ལས་རིང་དུ་མི་འགྱུར་བར་བྱ་བའི་ཕྱིར་ཆོས་ཀྱི་རྣམ་གྲངས་འདིའི་ཆེད་དང་སེམས་ཅན་ཐམས་ཅད་ཀྱི་དོན་དུ་ང་ཁྱོད་ལ་གསོལ་བ་འདེབས་ན་རིགས་ཀྱི་བུ་ཁྱོད་སྤྲོའམ། 

106-1-33a

དེ་ནས་བྱང་ཆུབ་སེམས་དཔའ་ཀུན་དུ་བཟང་པོ་སྟན་ལས་ལངས་ཏེ་བླ་གོས་ཕྲག་པ་གཅིག་ཏུ་གཟར་ནས་པུས་མོ་གཡས་པའི་ལྷ་ང་ས་ལ་བཙུགས་ཏེ། བཅོམ་ལྡན་འདས་ག་ལ་བ་དེ་ལོགས་སུ་ཐལ་མོ་སྦྱར་བ་བཏུད་ནས་ངུ་ཞིང་
བྱང་ཆུབ་སེམས་དཔའ་ཀུན་དུ་བཟང་པོ་རང་གི་ཆོས་ཀྱི་སྟན་ལས་ལངས་མ་ཐག་ཏུ་དེ་ནས་དེའི་མོད་ལ་སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་འདི་རྣམ་པ་དྲུག་ཏུ་གཡོས། རབ་ཏུ་གཡོས། ཀུན་དུ་རབ་ཏུ་གཡོས་སོ། །འགུལ། 
རབ་ཏུ་འགུལ། ཀུན་དུ་རབ་ཏུ་འགུལ་ཏོ། །ལྡེག །རབ་ཏུ་ལྡེག །ཀུན་དུ་རབ་ཏུ་ལྡེག་གོ། །འུར་འུར། རབ་ཏུ་འུར་འུར། ཀུན་དུ་རབ་ཏུ་འུར་འུར་རོ། །ཆེམ་ཆེམ། རབ་ཏུ་ཆེམ་ཆེམ། ཀུན་དུ་རབ་ཏུ་ཆེམ་ཆེམ་མོ། །འཁྲུགས། རབ་ཏུ་
འཁྲུགས། ཀུན་དུ་རབ་ཏུ་འཁྲུགས་སོ། །འཇིག་རྟེན་དུ་སྣང་བ་ཆེན་པོ་ཡང་བྱུང་བར་གྱུར་ཏོ། །དེ་ནས་བྱང་ཆུབ་སེམས་དཔའ་ཀུན་དུ་བཟང་པོས་སོར་མོ་བཅུའི་ཐལ་མོ་སྦྱར་ཏེ་ངུ་ཞིང་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་
ལྡན་འདས་བདག་སྤྲོ་ལགས་སོ། །བདེ་བར་གཤེགས་པ་བདག་སྤྲོ་ལགས་སོ། །བཅོམ་ལྡན་འདས་ཁྱོད་ནི་ཐམས་ཅད་མཁྱེན་པ། སེམས་ཅན་ཐམས་ཅད་ལ་ཕན་པར་བཞེད་པ། ཐུགས་རྗེ་ཆེན་པོ་དང་ལྡན་པ་ལགས་ཀྱི་སྟེང་དུ་
བདག་ནི་དེ་བཞིན་གཤེགས་པ་ལས་སྐྱེས་པ་ལགས་ན། ཅིའི་སླད་དུ་དེ་བཞིན་གཤེགས་པའི་བཀའ་ལྟར་མི་བགྱིད། བཅོམ་ལྡན་འདས་དེ་བཞིན་གཤེགས་པའི་བཀའ་ནི་བདུད་རྩིའི་བཀའ་ལགས་ན། བདག་དེ་བཞིན་
གཤེགས་པའི་བཀའ་དང་འགལ་བར་བགྱིད་པའི་མཐུ་བདག་ལ་ག་ལ་མཆིས། བཅོམ་ལྡན་འདས་བདག་གིས་ནི་བྱས་པ་གཟོ་བར་བགྱི་བ་ལགས་ཀྱི། བྱས་པ་མི་གཟོ་བར་བགྱི་བ་མ་ལགས་སོ། །དེ་ནས་བཅོམ་ལྡན་འདས་ཀྱིས་བྱང་
ཆུབ་སེམས་དཔའ་ཀུན་དུ་བཟང་པོ་ལ་ལེགས་སོ་ཞེས་བྱ་བ་བྱིན་ཏེ། ཀྱེ་རྒྱལ་བའི་སྲས་ལེགས་སོ་ལེགས་སོ། །ཁྱོད་ནི་དེ་བཞིན་གཤེགས་པ་རྣམས་ཀྱི་སྲས་ཀྱི་ཐུ་བོ་དང་། གཙོ་བོ་དང་མཆོག་དང་དམ་པ་དང་ཕུལ་ཡིན་ཏེ། ཆོས་ཀྱི་རྣམ་

106-1-33b

གྲངས་འདི་ཁྱོད་ལ་ཡོངས་སུ་གཏད་དོ། །འདི་ནི་ངའི་སྟོན་པ་ཡིན་ཏེ། དེའི་ཕྱིར་ཁྱོད་ཀྱིས་བསྲུང་བར་བྱའོ། །དུས་དུས་སུ་སྟི་སྟང་གྱིས་ཤིག །རིན་པོ་ཆེའི་སྣོད་དུ་ཆུག་ལ་ཕྲག་པ་ལ་ཐོགས་ཤིག །ཕྱི་མའི་ཚེ་ཕྱི་མའི་དུས་ན་དགེ་སློང་སྡིག་
པ་ཅན་དེ་དག་ལ་ཡིད་མ་རྟོན་ཅིག །རིགས་ཀྱི་བུ་འདི་ནི་ཁྱོད་ལ་རྗེས་སུ་བསྟན་པའོ། །བྱང་ཆུབ་སེམས་དཔའ་ཀུན་དུ་བཟང་པོས་གསོལ་པ། བཅོམ་ལྡན་འདས་རབ་ཏུ་བྱུང་བ་ཅི་འདྲ་བ་དེ་དག་འབྱུང་བར་འགྱུར། བཅོམ་ལྡན་
འདས་ཀྱིས་བཀའ་སྩལ་པ། རིགས་ཀྱི་བུ་ཁ་རོག་དེ་སྐད་མ་འདྲི་ཤིག ། བྱང་ཆུབ་སེམས་དཔའ་ཀུན་དུ་བཟང་པོས་གསོལ་པ། སེམས་ཅན་མང་པོ་ལ་སྨན་པར་བགྱིད་པར་འགྱུར་ལགས་ན། བཅོམ་ལྡན་འདས་ཀྱིས་བཤད་དུ་
གསོལ། བདེ་བར་གཤེགས་པས་བཤད་དུ་གསོལ། བཀའ་སྩལ་པ།  ཀུན་དུ་བཟང་པོ་བཤད་ཀྱིས་ཉོན་ཅིག །འཁོར་རྒྱ་མཚོ་ལྟ་བུ་འདི་དང་འཇམ་དཔལ་དང་སྤྱན་རས་གཟིགས་དབང་ཕྱུག་ལ་སོགས་པ་བྱང་ཆུབ་སེམས་དཔའ་
སེམས་དཔའ་ཆེན་པོ་གྲངས་མེད་དཔག་ཏུ་མེད་པ་ཐམས་ཅད་ཡིད་ལ་བྱེད་པ་གཞན་ཐོང་ལ། ཕྱི་མའི་ཚེ་ཕྱི་མའི་དུས་ན་རབ་ཏུ་བྱུང་བ་ཅི་འདྲ་བ་དག་འབྱུང་བར་འགྱུར་བ་དེ་དག་ཉོན་ཅིག །དེ་ནས་བཅོམ་ལྡན་འདས་ཀྱིས་བྱང་ཆུབ་
སེམས་དཔའ་ཀུན་དུ་བཟང་པོ་ལ་འདི་སྐད་ཅེས་བཀའ་སྩལ་ཏོ། །ཀུན་དུ་བཟང་པོ་རབ་ཏུ་བྱུང་བ་དམ་པའི་ཆོས་སུན་འབྱིན་པ། ཁྱིམ་ལ་ཆགས་པ། རྙེད་པ་ལ་ཆགས་པ། གཙུག་ལག་ཁང་ལ་ཆགས་པ། གནས་ལ་ཆགས་
པ། ལྷུང་བཟེད་དང་ཆོས་གོས་ལ་ཆགས་པ། ཁྱིམ་སུན་པར་བྱེད་པ། སྡིག་པའི་ཆོས་ཀུན་དུ་སྤྱོད་པ་དེ་དག་འབྱུང་སྟེ། ཀུན་དུ་བཟང་པོ་མི་གཏི་མུག་པ་དེ་དག་གི་དོན་དུ་ངས་མདོ་སྡེ་འདི་ཡོངས་སུ་གཏད་ཀྱིས་མདོ་འདི་ནུབ་པར་གྱུར་ཏ་རེ། 
དེ་ནས་ཕྱོགས་བཅུ་ནས་ལྷ་དང་ཀླུ་དང་། གནོད་སྦྱིན་དང་། དྲི་ཟ་ཐམས་ཅད་ལྷགས་ཏེ། བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས་བདག་ཅག་ཀྱང་ཐམས་ཅད་འདུས་ཤིང་ཚོགས་ཏེ། ཇི་སྲིད་འཚོ་བའི་བར་དང་

106-1-34a

དམ་པའི་ཆོས་ཇི་སྲིད།  གནས་ཀྱི་བར་དུ་ཆོས་ཀྱི་རྣམ་གྲངས་འདི་ཡོངས་སུ་བསྐྱང་བར་བགྱིའོ། །ཆོས་སྨྲ་བའི་དགེ་སློང་དེ་དག་ལ་ཡང་ཡོངས་སུ་བསྐྱང་བར་བགྱིའོ། །སྟི་སྟང་དུ་བགྱིའོ། །བཙུན་པར་བགྱིའོ། །རིམ་གྲོར་བགྱིའོ། །
མཆོད་པར་བགྱིའོ་བརྗེད་པར་བགྱིའོ། །གསོལ་བར་བགྱིའོ། །དེ་ནས་བཅོམ་ལྡན་འདས་ཀྱིས་བྱང་ཆུབ་སེམས་དཔའ་ཀུན་དུ་བཟང་པོ་ལ་སོགས་པ་བྱང་ཆུབ་སེམས་དཔའ་བྱེ་བ་ཕྲག་དགུ་བཅུ་རྩ་གཉིས་པོ་དེ་དག་ལ་ཡང་དག་པར་
སྐུལ་བའི་ཚིགས་སུ་བཅད་པ་འདི་དག་གསུངས་སོ། །ཡོན་ཏན་ཕ་རོལ་ཕྱིན་པ་དེ་དག་གི། །ཡོན་ཏན་ཀུན་བཤད་ཐམས་ཅད་ང་ལས་ཉོན། །ང་རྒྱལ་རྒྱགས་དང་བག་མེད་སྤང་བྱོས་ལ། །དགའ་ཞིང་མགུ་བའི་ཡིད་ཀྱིས་མཉན་
པར་གྱིས། །མ་ག་དྷཱ་འདིར་ཤིང་དབང་བྱང་ཆུབ་དྲུང་། །རང་བྱུང་མི་ཡི་སེང་གེ་བཞུགས་ཤེས་གྲག །ཏིང་འཛིན་རྣམ་པར་ཐར་པ་མཆོག་ལ་གནས། །ཤིང་རྒྱལ་ཆེན་པོ་དེ་ཡི་དྲུང་ན་བཞུགས། །ཕྱོགས་བཅུའི་ཞིང་རྡུལ་སྙེད་དང་དེ་
ཐབས་གཅིག །སྐྱེས་བུ་དམ་པ་རྣམས་ཀྱིས་དཔའ་བོ་བསྐོར། །སངས་རྒྱས་ཕལ་ཆེན་ཞེས་བྱའི་ཏིང་ངེ་འཛིན། །ཏིང་འཛིན་དེ་ལ་མི་ཡི་དབང་པོ་གནས། །མི་དབང་དེ་ནི་སྙོམས་པར་ཞུགས་རྟོགས་ནས། །འཇམ་དཔལ་
གཞོན་ནུ་ཤར་གྱི་ཕྱོགས་ལོགས་ནས། །སངས་རྒྱས་ཞིང་བཅུ་རྡུལ་སྙེད་ལྷན་ཅིག་ཏུ། །སྐྱེས་བུ་དམ་པ་རྣམས་དང་རྒྱལ་དྲུང་འོངས། །དེ་བཞིན་སྦྱར་ཏེ་ཕྱོགས་བཅུའི་ཞིང་ཀུན་ནས། །སངས་རྒྱས་སྲས་པོ་དཔལ་ཞེས་བྱ་བ་ཀུན། །
ཕྱོགས་བཅུའི་ཞིང་རྡུལ་སྙེད་དང་ལྷན་ཅིག་ཏུ། །སྐྱེས་བུ་དམ་པ་རྣམས་དང་ལྷགས་པར་གྱུར། །དེར་འདུས་གྱུར་ནས་འཇིག་རྟེན་ཕན་འདོད་པ། །འཇམ་དཔལ་གྲགས་པ་མཐའ་ཡས་ལྡན་རྣམས་ལ། །སེམས་ཅན་དམ་པ་བཟང་
པོའི་དཔལ་གྱིས་དྲིས། །སངས་རྒྱས་སྲས་ཀྱི་སྤྱོད་གང་ཡོན་ཏན་ཅི། །དེ་ནས་སེམས་དཔའ་འཇམ་དཔལ་ཞེས་བྱ་བ། །རྙོག་པ་མེད་པས་བྱང་ཆུབ་ཡོན་ཏན་དང་། །བདེ་ཡངས་ཡོན་ཏན་ལྡན་གྱི་སྤྱོད་ཡུལ་གཙང་། །སེམས་ཅན་དམ་

106-1-34b

པ་བཟང་པོའི་དཔལ་ལ་དྲིས། །སངས་རྒྱས་སྲས་པོ་རྣམས་ཀྱི་སྤྱོད་ཡུལ་གཙང་། །རྒྱལ་བས་བསྟེན་པ་བདག་གིས་འདིར་སྨྲས་ཀྱིས། །ཁྱོད་ཀྱང་སངས་རྒྱས་སྲས་ན་ཡོན་ཏན་དང་། །སྤྱོད་པ་གང་དག་ཡིན་པ་བརྗོད་པར་གྱིས། །བཟང་པོའི་
དཔལ་གྱིས་སྨྲས་པ་རྒྱལ་སྲས་ཉོན། །ཡོན་ཏན་མཐའ་ཡས་ལྡན་དེའི་ཡོན་ཏན་ལས། །དཔེ་ཚུལ་ཅུང་ཟད་ཙམ་ཞིག་བརྗོད་པར་བྱ། །རྒྱ་མཚོའི་ཐིགས་པ་བཞིན་དུ་ཤིན་དུ་ཆུང་། །བྱང་ཆུབ་གཞིར་གྱུར་པའི་རང་བྱུང་སེམས། །
ཐོག་མ་ཉིད་དུ་བསྐྱེད་པ་གང་ཡིན་པ། །དེ་ཡི་ཡོན་ཏན་བསྔགས་པ་མཐའ་ཡས་ཏེ། །མཚུངས་མེད་ཀྱིས་ཀྱང་ཡོངས་སུ་བརྗོད་མི་སྤྱོད། །ཕ་རོལ་ཕྱིན་དང་ས་ཡི་ཡོན་ཏན་རྣམས། །བསྐལ་པ་མང་པོར་སྤྱད་པ་ཅི་སྨོས་ཏེ། །ཕྱོགས་
བཅུའི་རྒྱལ་བ་ཀུན་གྱིས་དེ་དག་གི། །ཡོན་ཏན་ཆུ་བོ་ཟད་པར་མཛད་མི་སྤྱོད། །ཡོན་ཏན་མཐའ་ཡས་རྣམས་ཀྱི་ཡོན་ཏན་ལས། །དཔེ་ཚུལ་ཅུང་ཟད་ཙམ་ཞིག་བརྗོད་བྱ་སྟེ། །མཁའ་ལ་བྱ་རྗེས་འདྲ་བར་ཆུང་བ་དང་། །ས་ཆེན་རྣམས་
ལས་རྡུལ་ཕྲན་གཅིག་དང་མཚུངས། །བྱང་ཆུབ་ཡོན་ཏན་གནས་ཀྱི་སེམས་སྐྱེ་བ། །རྒྱུ་མེད་མ་ཡིན་གྱི་ན་མ་ཡིན་གྱི། །རྒྱལ་དང་རྒྱལ་བའི་ཆོས་དང་དགེ་འདུན་ལ། །དད་དང་དང་བ་བསྐྱེད་ནས་སེམས་སྐྱེ་སྟེ། །དེ་ནི་འདོད་དང་ལོངས་སྤྱོད་
རྒྱལ་སྲིད་དང་། །བདག་ལ་བདེ་དང་སྙན་དང་གྲགས་ཕྱིར་མིན། །འགྲོ་བའི་སྡུག་བསྔལ་མ་ལུས་ཞི་བྱའི་ཕྱིར། །འཇིག་རྟེན་ཕན་པ་བྱེད་པའི་སེམས་སྐྱེའོ། །རྟག་ཏུ་སེམས་ཅན་ཕན་པར་བྱ་ཕྱིར་དང་། །ཞིང་རྣམས་སྦྱང་དང་སངས་རྒྱས་
མཆོད་པ་དང་། །ཆོས་ཡོངས་གཟུང་དང་སངས་རྒྱས་བྱང་ཆུབ་དང་། །ཡེ་ཤེས་རྣམ་པར་སྦྱང་ཕྱིར་སེམས་དེ་སྐྱེ། །རྒྱལ་བ་ཀུན་དང་ཆོས་དང་དེ་བཞིན་དུ། །འཕགས་པའི་ཚོགས་ལ་རྟག་ཏུ་དད་པ་དང་། །དང་ཞིང་མོས་དང་གུས་པ་རབ་བསྐྱེད་ནས། །
བླ་མ་གུས་པར་མཆོད་ཕྱིར་སེམས་དེ་སྐྱེ། །རྒྱལ་དང་རྒྱལ་བའི་ཆོས་ལ་དད་གྱུར་ཅིང་། །སངས་རྒྱས་སྲས་ཀྱི་སྤྱོད་ལ་དད་བྱེད་ལ། །བྱང་ཆུབ་བླ་ན་མེད་ལ་དད་གྱུར་ནས། །སྐྱེས་བུ་ཆེན་པོ་རྣམས་ཀྱི་སེམས་སྐྱེའོ། །དད་པའི་སྟོབས་ཀྱིས་མི་བདག་

106-1-35a

གྱུར་པ་རྣམས། །བསམ་ཡས་རྒྱ་ཆེན་མཆོད་པས་མཆོད་བྱས་ཤིང་། །ཆོས་དང་དེ་བཞིན་མི་ཕྱེད་དགེ་འདུན་ལ། །བསམ་ཡས་མཆོད་པས་མཆོད་ནས་སེམས་སྐྱེའོ། །དད་པ་སྔོན་འདྲེན་མ་ལྟར་སྐྱེད་པ་སྟེ། །ཡོན་ཏན་ཐམས་ཅད་
སྲུང་ཞིང་འཕེལ་བར་བྱེད། །དོགས་པ་སེལ་ཅིང་ཆུ་བོ་རྣམས་ལས་སྒྲོལ། །དད་པ་བདེ་བའི་གྲོང་ཁྱེར་མཚོན་པ་ཡིན། །དད་པ་རྙོག་པ་མེད་ཅིང་སེམས་དང་བྱེད། །ང་རྒྱལ་སྤོང་ཞིང་གུས་པའི་རྩ་བ་ཡིན། །དད་པ་གཏེར་དང་ནོར་དང་རྐང་པའི་
མཆོག །ལག་པ་བཞིན་དུ་དགེ་སྡུད་རྩ་བ་ཡིན། །དད་པ་ཡོངས་སུ་གཏོང་ལ་དགའ་བར་བྱེད། །དད་པ་རྒྱལ་བའི་ཆོས་ལ་རབ་དགའ་སྐྱེད། །དད་པ་ཡོན་ཏན་ཡེ་ཤེས་ཁྱད་པར་བྱེད། །སངས་རྒྱས་གོ་འཕང་སྟོན་ཅིང་ཐོབ་པར་བྱེད། །དབང་
པོ་རྣོ་ཞིང་རབ་ཏུ་གསལ་བར་བྱེད། །དད་པའི་སྟོབས་ལ་གཞན་གྱིས་མི་རྫི་ཞིང་། །ཉོན་མོངས་རྣམ་པར་སེལ་བའི་གཞི་རྟེན་ཡིན། །དད་པ་རང་འབྱུང་ཡོན་ཏན་རྣམས་ཀྱང་ཚོལ། །དད་པ་ཆགས་པའི་སྒོ་ལ་ཆགས་པ་མེད། །མི་དལ་སྤངས་ཤིང་
དལ་བའི་མཆོག་གཅིག་ཡིན། །དད་པ་བདུད་ཀྱི་ལམ་ལས་འདའ་བྱེད་ཅིང་། །ཐར་པའི་ལམ་མཆོག་སྟོན་པར་བྱེད་པ་ཡིན། །ཡོན་ཏན་ཞིང་གི་ས་བོན་མ་རུལ་བ། །དད་པ་བྱང་ཆུབ་ཞིང་ནི་རྣམ་པར་སྐྱེད། །ཡེ་ཤེས་ཁྱད་པར་ཡོན་
ཏན་འཕེལ་བར་བྱེད། །དད་པ་རྒྱལ་བ་ཐམས་ཅད་སྟོན་པ་ཡིན། །དད་པས་མོས་པའི་ཁྱད་པར་དགའ་རྣམས་ཀྱི། །དེ་ལ་སྤྱོད་པ་རིམ་གྱིས་བརྗོད་པར་བྱ། །འདི་འདྲའི་ཆོས་ནི་འཇིག་རྟེན་རབ་དཀོན་ཏེ། །རྒྱ་མཚོའི་ནང་ན་རིན་ཆེན་རྒྱལ་
པོ་བཞིན། །གང་དག་རྟག་ཏུ་སངས་རྒྱས་དད་གུས་པ། །དེ་དག་ཚུལ་ཁྲིམས་བསླབ་པ་ཡོངས་མི་འདོར། །གང་དག་ཚུལ་ཁྲིམས་བསླབ་པ་མི་འདོར་བ། །ཡོན་ཏན་ལྡན་དེ་ཡོན་ཏན་ལྡན་པས་བསྟོད། །ཚུལ་ཁྲིམས་བྱང་ཆུབ་སེམས་
སྟོན་བྱེད་པ་སྟེ། །སློབ་པའི་ས་ཡི་ཡོན་ཏན་རྣམས་ལ་སྦྱོར། །ཚུལ་ཁྲིམས་བསླབ་པ་འདོར་བར་མི་བྱེད་པ། །དེ་དག་རྒྱལ་བས་བསྔགས་པའི་འོས་སུ་འགྱུར། །གང་དག་རྟག་ཏུ་སངས་རྒྱས་དད་གུས་པ། །དེ་དག་རྒྱལ་ལ་མཆོད་པ་རྒྱ་ཆེན་

106-1-35b

བྱེད། །གང་དག་རྒྱལ་ལ་མཆོད་པ་ཆ་བྱེད་པ། །དེ་དག་སངས་རྒྱས་དད་པ་བསམ་མི་ཁྱབ། །གང་དག་རྟག་ཏུ་ཆོས་ལ་དད་གུས་པ། །དེ་དག་རྒྱལ་བར་ཆོས་ཉན་ངོམས་པ་མེད། །གང་དག་རྒྱལ་བའི་ཆོས་ཉན་མི་ངོམས་པ། །དེ་དག་ཆོས་ལ་
མོས་པ་བསམ་མི་ཁྱབ། །གང་དག་རྟག་ཏུ་དགེ་འདུན་དད་གུས་པ། །དེ་དག་མི་ལྡོག་དགེ་འདུན་དད་པ་ཡིན། །གང་དག་མི་ལྡོག་དགེ་འདུན་རབ་དད་པ། །དེ་དག་དད་པའི་སྟོབས་ཀྱིས་མི་ལྡོག་འགྱུར། །གང་དག་དད་པའི་སྟོབས་ཀྱིས་མི་
ལྡོག་པ། །དེ་དག་དབང་པོ་རྣོ་ཞིང་རབ་ཏུ་གསལ། །གང་དག་དབང་པོ་རྣོ་ཞིང་རབ་གསལ་བ། །དེ་དག་སྡིག་པའི་གྲོགས་པོ་རྣམ་པར་སྤངས། །གང་དག་སྡིག་པའི་གྲོགས་པོ་རྣམ་སྤངས་པ། །དེ་དག་ཆོས་ལྡན་གྲོགས་ཀྱིས་ཡོངས་
སུ་བཟུང་། །གང་དག་ཆོས་ལྡན་གྲོགས་ཀྱིས་ཡོངས་བཟུང་བ། །དེ་དག་དགེ་བ་རྒྱ་ཆེན་སོགས་པར་བྱེད། །གང་དག་དགེ་བ་རྒྱ་ཆེན་སོགས་བྱེད་པ། །བདག་ཉིད་ཆེན་པོ་དེ་དག་རྒྱུ་སྟོབས་ལྡན། །བདག་ཉིད་ཆེན་པོ་རྒྱུ་སྟོབས་གང་ལྡན་པ། །
དེ་དག་མོས་པའི་ཁྱད་པར་རྒྱ་ཆེན་འགྱུར། །གང་དག་མོས་པའི་ཁྱད་པར་རྒྱ་ཆེ་བ། །དེ་དག་རྒྱལ་བ་ཀུན་གྱིས་རྟག་བྱིན་བརླབས། །གང་དག་རྒྱལ་བ་ཀུན་གྱིས་བྱིན་བརླབས་པ། །དེ་དག་བྱང་ཆུབ་དོན་དུ་སེམས་ཀྱང་སྐྱེ། །གང་དག་བྱང་ཆུབ་
དོན་དུ་སེམས་སྐྱེ་བ། །དེ་དག་དྲང་སྲོང་ཆེན་པོའི་ཡོན་ཏན་བརྩོན། །དྲང་སྲོང་ཆེན་པོའི་ཡོན་ཏན་གང་བརྩོན་པ། །དེ་དག་རིགས་མཐོ་སངས་རྒྱས་རིགས་སུ་སྐྱེ། །གང་དག་རིགས་མཐོ་སངས་རྒྱས་རིགས་སྐྱེས་པ། །དེ་དག་མཉམ་ཞིང་སྦྱོར་
དང་མི་སྦྱོར་སྤངས། །མཉམ་ཞིང་སྦྱོར་དང་མི་སྦྱོར་གང་སྤངས་པ། །དེ་དག་དད་དང་བསམ་པ་རྣམ་པར་དག །གང་དག་དད་དང་བསམ་པ་རྣམ་དག་པ། །དེ་དག་ལྷག་པའི་བསམ་པ་དམ་པ་མཆོག །གང་དག་ལྷག་བསམ་དམ་པ་མཆོག་
ལྡན་པ། །དེ་དག་རྟག་ཏུ་ཕ་རོལ་ཕྱིན་པ་སྤྱོད། །གང་དག་རྟག་ཏུ་ཕ་རོལ་ཕྱིན་སྤྱོད་པ། །དེ་དག་ཐེག་པ་ཆེན་པོ་འདི་ལ་ཞུགས། །གང་དག་ཐེག་པ་ཆེན་པོ་འདིར་ཞུགས་པ། །དེ་དག་སངས་རྒྱས་རྣམས་ལ་སྒྲུབ་པས་མཆོད། །གང་དག་སྒྲུབ་

106-1-36a

པས་སངས་རྒྱས་མཆོད་བྱེད་པ། །དེ་དག་སངས་རྒྱས་རྗེས་སུ་དྲན་མི་ཕྱེད། །གང་དག་སངས་རྒྱས་རྗེས་དྲན་མི་ཕྱེད་པ། །དེ་དག་རྟག་ཏུ་སངས་རྒྱས་བསམ་ཡས་མཐོང་། །གང་དག་སངས་རྒྱས་བསམ་ཡས་རྟག་མཐོང་བ། །དེ་ལ་
ནམ་ཡང་སངས་རྒྱས་མི་བཞུགས་མིན། །གང་དག་ནམ་ཡང་སངས་རྒྱས་མི་བཞུགས་མིན། །དེ་དག་བར་སྐབས་ཆོས་ལས་ཉམས་མི་འགྱུར། །གང་དག་བར་སྐབས་ཆོས་ལས་མི་ཉམས་པ། །དེ་དག་སྤོབས་པ་སྒྲིབ་པ་མེད་པར་
འགྱུར། །གང་དག་སྤོབས་པ་སྒྲིབ་པ་མེད་གྱུར་པ། །དེ་དག་ཆོས་རབ་སྟོན་པ་མཐའ་ཡས་འགྱུར། །གང་དག་ཆོས་རབ་སྟོན་པ་མཐའ་ཡས་པ། །དེ་དག་འགྲོ་ལ་བྱམས་ཤིང་ཕན་པར་འདོད། །གང་དག་འགྲོ་ལ་བྱམས་ཤིང་ཕན་འདོད་པ། །
དེ་དག་སྙིང་རྗེ་ཆེན་པོའི་རྩ་བ་བརྟན། །གང་དག་སྙིང་རྗེ་ཆེན་པོའི་རྩ་བརྟན་པ། །དེ་དག་ཆོས་དགའ་དགའ་བའི་དབང་པོར་འགྱུར། །གང་དག་ཆོས་དགའ་དགའ་བའི་དབང་པོ་ཅན། །དེ་དག་འདུས་བྱས་སྐྱོན་གྱིས་ཡལ་བར་བོར། །གང་དག་
འདུས་བྱས་སྐྱོན་གྱིས་ཡལ་བོར་བ། །དེ་དག་ང་རྒྱལ་རྒྱགས་མེད་བག་མེད་མིན། །གང་དག་ང་རྒྱལ་རྒྱགས་མེད་བག་མེད་མིན། །དེ་དག་རྟག་ཏུ་བདག་དང་གཞན་དོན་བརྩོན། །གང་དག་རྟག་ཏུ་བདག་གཞན་དོན་བརྩོན་པ། །དེ་དག་
འཁོར་བར་ཡོངས་སུ་སྐྱོ་བ་མེད། །གང་དག་འཁོར་བར་ཡོངས་སུ་མི་སྐྱོ་བ། །དེ་དག་རྟུན་པ་དམ་པ་མཆོག་དང་ལྡན། །གང་དག་རྟུན་པ་དམ་པ་མཆོག་ལྡན་པ། །དེ་དག་མངོན་ཤེས་རྣམ་པར་དག་པ་སྐྱེས། །གང་དག་མངོན་ཤེས་རྣམ་པར་
དག་སྐྱེས་པ། །དེ་དག་འགྲོ་བའི་སྤྱོད་པ་མང་པོ་རྟོགས། །གང་དག་འགྲོ་བའི་སྤྱོད་པ་མང་རྟོགས་པ། །དེ་དག་འགྲོ་བ་ཡོངས་སུ་སྨིན་བྱེད་མཁས། །འགྲོ་བ་ཡོངས་སུ་སྨིན་བྱེད་གང་མཁས་པ། །དེ་དག་འགྲོ་བ་སྡུད་ཤེས་ཆོ་ག་མཁས། །
འགྲོ་བ་སྡུད་ཤེས་ཆོ་ག་སུ་མཁས་པ། །དེ་དག་བསྡུ་བའི་དངོས་པོ་བཞི་ལ་བརྩོན། །གང་དག་བསྡུ་བའི་དངོས་པོ་བཞིར་བརྩོན་པ། །དེ་དག་འགྲོ་བའི་དོན་ནི་མཐའ་ཡས་བྱེད། །གང་དག་འགྲོ་དོན་མཐའ་ཡས་བྱེད་གྱུར་པ། །དེ་དག་ཤེས་རབ་

106-1-36b

ཐབས་ལ་རྟེན་པ་ཡིན། །གང་དག་ཤེས་རབ་ཐབས་ལ་རྟེན་གྱུར་པ། །དཔའ་བོ་དེ་དག་བླ་མེད་ལམ་ལ་གནས། །དཔའ་བོ་གང་དག་བླ་མེད་ལམ་གནས་པ། །དེ་དག་བདུད་དཔུང་རྣམས་ཀྱིས་ཡོངས་མི་ཚུགས། །གང་དག་བདུད་དཔུང་རྣམས་ཀྱིས་
མི་ཚུགས་པ། །དེ་དག་བདུད་ཀྱི་ལམ་ལས་རབ་ཏུ་འདས། །གང་དག་བདུད་ཀྱི་ལམ་ལས་རབ་འདས་པ། །དེ་དག་མི་ལྡོག་ས་ནི་རྗེས་སུ་འཐོབ། །གང་དག་མི་ལྡོག་ས་ནི་ཐོབ་གྱུར་པ། །དེ་དག་མི་སྐྱེ་བཟོད་པ་ཐོབ་པ་ཡིན། །གང་དག་མི་སྐྱེ་
བཟོད་པ་ཐོབ་གྱུར་པ། །འཇིག་རྟེན་སྒྲོན་ཏེ་རྒྱལ་བས་ལུང་བསྟན་ཏོ། །འཇིག་རྟེན་སྒྲོན་གང་རྒྱལ་བས་ལུང་བསྟན་པ། །དེ་དག་རྒྱལ་བ་ཀུན་དང་མངོན་སུམ་གནས། །རྒྱལ་བ་ཀུན་དང་མངོན་སུམ་སུ་གནས་པ། །དེ་དག་རྒྱལ་གསང་རྣམ་
འཕྲུལ་ཆོ་ག་མཁས། །རྒྱལ་གསང་རྣམ་འཕྲུལ་ཆོ་ག་སུ་མཁས་པ། །དེ་དག་རྒྱལ་བ་ཀུན་གྱིས་དགོངས་པ་ཡིན། །གང་དག་རྒྱལ་བ་ཀུན་གྱིས་དགོངས་གྱུར་པ། །དེ་དག་ཡོན་ཏན་ཀུན་གྱིས་ལེགས་པར་བརྒྱན། །གང་དག་ཡོན་ཏན་ཀུན་
གྱིས་ལེགས་བརྒྱན་པ། །དེ་དག་བསོད་ནམས་དམ་པས་ལུས་ཀྱང་སྦྱངས། །བསོད་ནམས་མཆོག་གིས་གང་ལུས་རྣམ་སྦྱངས་པ། །དེ་དག་གསེར་གྱི་རི་བོ་འདྲ་བར་འབར། །གསེར་གྱི་རི་བོ་འདྲ་བར་སུ་འབར་བ། །དེ་དག་སུམ་བཅུ་རྩ་
གཉིས་མཚན་རྣམས་རྫོགས། །གང་དག་སུམ་བཅུ་རྩ་གཉིས་མཚན་རྫོགས་པ། །དེ་དག་ལུས་རྣམས་དཔེ་བྱད་བཟང་པོས་སྤྲས། །གང་དག་ལུས་རྣམས་དཔེ་བྱད་བཟང་སྤྲས་པ། །དེ་དག་ལུས་ཀྱི་འོད་ནི་མཐའ་ཡས་སོ། །གང་དག་
ལུས་ཀྱི་འོད་ནི་མཐའ་ཡས་པ། །དེ་དག་འོད་ཟེར་བཀོད་པ་བསམ་མི་ཁྱབ། །གང་དག་འོད་བཀོད་བསམ་གྱིས་མི་ཁྱབ་པ། །དེ་དག་འོད་ལས་པད་མ་རྣམས་ཀྱང་འབྱུང་། །གང་དག་འོད་ལས་པད་མ་རྣམས་བྱུང་བ། །དེ་དག་རྒྱལ་གཟུགས་པད་
མའི་གདན་འཁོད་པར། །ཕྱོགས་བཅུའི་འཇིག་རྟེན་དག་ཏུ་སྟོན་བྱེད་ཅིང་། །དོན་ཡོད་གནས་པ་སེམས་ཅན་འདུལ་བར་བྱེད། །གང་དག་རྒྱལ་གཟུགས་པད་མའི་གདན་འཁོད་བར། །ཕྱོགས་བཅུའི་འཇིག་རྟེན་དག་ཏུ་སྟོན་བྱེད་ཅིང་།། དོན་ཡོང་

106-1-37a

གནས་པ་སེམས་ཅན་འདུལ་བྱེད་པ། །དེ་དག་མངོན་ཤེས་རྣམ་འཕྲུལ་མཐའ་ཡས་སོ། །གང་དག་མངོན་ཤེས་རྣམ་འཕྲུལ་མཐའ་ཡས་པ། །དེ་དག་བསམ་གྱིས་མི་ཁྱབ་ཞིང་རྒྱུ་ཞིང་། །བསམ་གྱིས་མི་ཁྱབ་ཆོས་རྣམས་སྟོན་པར་བྱེད། །
སེམས་ཅན་བསམ་གྱིས་མི་ཁྱབ་ཚིམ་པར་བྱེད། །གང་དག་བསམ་གྱིས་མི་ཁྱབ་ཆོས་སྟོན་ཅིང་། །སེམས་ཅན་བསམ་གྱིས་མི་ཁྱབ་ཚིམ་བྱེད་པ། །དེ་དག་སོ་སོ་རིགས་ཤེས་སྟོབས་རྣམས་ཀྱིས། །བསམ་པ་ཇི་བཞིན་འཇིག་རྟེན་
སེམས་ཅན་འདུལ། །དེ་དག་རྟག་ཏུ་ལུས་དང་ངག་དང་ཡིད། །ཡེ་ཤེས་སྔོན་དུ་འགྲོ་ཞིང་རྗེས་སུ་འབྲང་། །གང་དག་རྟག་ཏུ་ལུས་དང་ངག་དང་ཡིད། །ཡེ་ཤེས་སྔོན་དུ་འགྲོ་ཞིང་རྗེས་འབྲང་བ། །དེ་དག་སྨོན་ལམ་སྟོབས་ཀྱིས་ཅི་འདོད་པར། །སེམས་ཅན་
རྒྱུད་ན་གཟུགས་ནི་སྟོན་པར་བྱེད། །གང་དག་སྨོན་ལམ་སྟོབས་ཀྱིས་ཅི་འདོད་པར། །སེམས་ཅན་རྒྱུད་ན་གཟུགས་ནི་སྟོན་བྱེད་པ། །དེ་དག་ཚིག་རྣམས་རྗོད་པར་བྱེད་པའི་ཚེ། །དབྱངས་ཀྱི་ཡན་ལག་བསམ་ཡས་སྒྲ་འབྱུང་ངོ་། །གང་དག་ཚིག་
རྣམས་རྗོད་པར་བྱེད་པའི་ཚེ། །དབྱངས་ཀྱི་ཡན་ལག་བསམ་ཡས་སྒྲ་འབྱུང་བ། །དེ་དག་འགྲོ་བ་མ་ལུས་ཀུན་གྱི་སེམས། །སྐད་ཅིག་གཅིག་ལ་སེམས་ཀྱིས་རྣམ་པར་ཤེས། །གང་དག་འགྲོ་བ་མ་ལུས་ཀུན་གྱི་སེམས། །སྐད་ཅིག་གཅིག་
ལ་སེམས་ཀྱིས་རྣམ་ཤེས་པ། །དེ་དག་ནམ་ཡང་མི་འཆི་སྐྱེ་མི་འགྱུར། །ཉོན་མོངས་རྒྱུ་བའང་འབྱུང་བར་འགྱུར་བ་ཡིན། །གང་དག་ནམ་ཡང་མི་འཆི་མི་སྐྱེ་ཞིང་། །ཉོན་མོངས་རྒྱུ་བའང་འབྱུང་བར་མི་འགྱུར་བ། །དེ་དག་ཡོན་ཏན་ཆོས་ཉིད་ཡེ་ཤེས་
ལུས། །ཆོས་ཀྱིས་རབ་ཏུ་ཕྱེ་བས་འཇིག་རྟེན་རྒྱུ། །གང་དག་ཡོན་ཏན་ཆོས་ཉིད་ཡེ་ཤེས་ལུས། །ཆོས་ཀྱིས་རབ་ཕྱེ་འཇིག་རྟེན་རྒྱུ་བྱེད་པ། །དེ་དག་ས་བཅུ་རྣམས་དང་དབང་བཅུ་དང་། །ཕ་རོལ་ཕྱིན་དང་རྣམ་ཐར་མཆོག་ལ་གནས། །གང་དག་ས་
བཅུ་རྣམས་དང་དབང་བཅུ་དང་། །ཕ་རོལ་ཕྱིན་དང་རྣམ་ཐར་མཆོག་གནས་པ། །དེ་དག་དབང་བསྐུར་བཀོད་དང་རྣམ་འཕྲུལ་དང་། །ཏིང་འཛིན་མཆོག་ལ་གནས་པ་རྗེས་སུ་འཐོབ། །གང་དག་དབང་བསྐུར་བཀོད་དང་རྣམ་འཕྲུལ་དང་།། ཏིང་

106-1-37b

འཛིན་མཆོག་ལ་གནས་པ་རྗེས་ཐོབ་པ། །དེ་དག་ཕྱོགས་བཅུའི་རྒྱལ་བ་ཐམས་ཅད་ལས། །དབང་བསྐུར་ཐམས་ཅད་མ་ལུས་ནོད་པར་བྱེད། །གང་དག་ཕྱོགས་བཅུའི་རྒྱལ་བ་ཐམས་ཅད་ལས། །དབང་བསྐུར་ཐམས་ཅད་མ་ལུས་ནོད་བྱེད་པ། །
དེ་དག་སྤྱི་བོར་ཕྱོགས་བཅུའི་སངས་རྒྱས་ཀྱིས། །ཕྱག་མཐིལ་བདུད་རྩི་ཅན་གྱིས་དབང་བསྐུར་ཏོ། །གང་དག་སྤྱི་བོར་ཕྱོགས་བཅུའི་སངས་རྒྱས་ཀྱིས། །ཕྱག་མཐིལ་བདུད་རྩི་ཅན་གྱིས་དབང་བསྐུར་བ། །མཐུ་བརྟན་དེ་དག་ནམ་མཁའ་ལྟ་བུར་
ནི། །མ་ལུས་ཁྱབ་བྱས་ཕྱོགས་རྣམས་ཀུན་དུ་གནས། །མཐུ་བརྟན་གང་དག་ནམ་མཁའ་ལྟ་བུར་ནི། །མ་ལུས་ཁྱབ་བྱས་ཕྱོགས་རྣམས་ཀུན་གནས་པ། །མཚུངས་མེད་དེ་དག་སྤྱོད་ཡུལ་ལྷར་བཅས་ཀྱི། །འཇིག་རྟེན་རྣམས་ཀྱིས་
ཤེས་པར་ཡོང་མི་ནུས། །མཚུངས་མེད་གང་དག་སྤྱོད་ཡུལ་ལྷར་བཅས་ཀྱི། །འཇིག་རྟེན་རྣམས་ཀྱིས་ཤེས་པར་མི་ནུས་པ། །དེ་དག་རྟུན་པ་ཀུན་དང་མཐོང་བ་དང་། །མིང་ཐོས་པ་དང་སྤོབས་པ་དོན་ཡོད་དོ། །གང་དག་རྟུན་པ་ཀུན་དང་མཐོང་བ་
དང་། །མིང་ཐོས་པ་དང་སྤོབས་པ་དོན་ཡོད་པ། །སྐྱེས་ཆེན་དེ་དག་སྦྱིན་པ་སྦྱིན་བྱེད་ཀྱི། །སྦྱིན་པ་ཐམས་ཅད་དོན་ཡོད་འགྱུར་བ་ཡིན། །སྐྱེས་བུ་དམ་པ་དེ་དག་རྣམས་ཀྱི་མཐུས། །ཆོས་ཀྱང་གནས་ཤིང་བྱམས་པ་ཉམས་མི་འགྱུར། །དགེ་
བའི་ལས་རྣམས་རབ་ཏུ་སྤྱོད་འགྱུར་ཏེ། །དཀོན་མཆོག་མཐུ་ཡང་དམ་པ་མཆོག་ཏུ་འགྱུར། །རྡོ་རྗེ་མཁྲེགས་པའི་རིན་ཆེན་མཆོག་ཡོད་པ། །དེ་ཡི་མཐུ་ཡིས་རྒྱ་མཚོར་རིན་ཆེན་རྣམས། །མི་ཟད་མི་འགྲིབ་འཕེལ་བར་མི་འགྱུར་ཏེ། །དེ་
བཞིན་ཡོན་ཏན་མཐའ་ཡས་ཡོན་ཏན་ཆུ། །གང་ན་སངས་རྒྱས་མེད་པའི་ཞིང་གྱུར་པ། །དེ་ནི་བྱང་ཆུབ་རྣམ་པར་སངས་རྒྱས་སྟོན། །ཕྱོགས་རྣམས་གང་ན་ཆོས་ཀྱང་མེད་གྱུར་པ། །ཕྱོགས་དེར་ཆོས་ཀྱི་གཏེར་ནི་སྟོན་པར་བྱེད། །དེ་དག་རྟོག་
མེད་རྣམ་པར་མི་རྟོག་ཅིང་། །དེ་དག་ལྷུན་གྱིས་གྲུབ་པར་ཕྱོགས་ཀུན་དུ། །ཟླ་བ་ལྟ་བུར་སྣང་བར་རབ་སྟོན་ཅིང་། །ཐབས་སྟོང་དག་གིས་སེམས་ཅན་འདུལ་བར་བྱེད། །དེ་དག་སྐད་ཅིག་རེ་ལ་ཕྱོགས་བཅུ་ཡི། །འཇིག་རྟེན་ཀུན་དུ་བྱང་ཆུབ་སངས་རྒྱས་

106-1-38a

སྟོན། །འཁོར་ལོ་བསྐོར་དང་མྱ་ངན་འདས་ཞི་དང་། །རིང་བསྲེལ་རབ་ཏུ་རྒྱས་པའང་དཔའ་བོ་སྟོན། །མཁས་པ་དེ་དག་ཉན་ཐོས་རང་རྒྱལ་ས། །སངས་རྒྱས་བཀོད་པ་རྣམ་འཕྲུལ་མཐའ་ཡས་པ། །བསྐལ་པ་བསམ་མི་ཁྱབ་པར་སྟོན་
བྱེད་ཅིང་། །ཐེག་གསུམ་སྒོ་ནས་སེམས་ཅན་འདུལ་བར་བྱེད། །མོས་པ་ཀུན་གྱི་བསྒྲུབ་པ་ཤེས་པ་རྣམས། །ཁྱེའུ་དང་བུ་མོ་བུད་མེད་ལུས་རྣམས་དང་། །ལྷ་མི་ལྷ་མིན་ཀླུ་དང་གནོད་སྦྱིན་དང་། །གྲུལ་བུམ་ལྟོ་འཕྱེ་ཆེན་པོའི་གཟུགས་རྣམས་
སྟོན། །རྒྱ་མཚོའི་ཕྱག་རྒྱའི་ཏིང་ངེ་འཛིན་གྱི་སྒོས། །དཔའ་བོ་དེ་དག་འགྲོ་བའི་གཟུགས་སྤྱོད་དང་། །རྟགས་དང་སྤྱོད་དང་སྒྲ་སྐད་འཇུག་པ་དག །ཇི་སྙེད་ཐམས་ཅད་མ་ལུས་སྟོན་པར་བྱེད། །དེ་དག་ཞིང་བཀོད་བསམ་གྱིས་མི་ཁྱབ་
པས། །ཕྱོགས་བཅུའི་རྒྱལ་བ་ཀུན་ལ་མཆོད་པར་བྱེད། །གང་དག་ཞིང་བཀོད་བསམ་གྱིས་མི་ཁྱབ་པས། །ཕྱོགས་བཅུའི་རྒྱལ་བ་ཀུན་ལ་མཆོད་བྱེད་པ། །དེ་དག་འོད་ཟེར་བཀོད་པ་བསམ་ཡས་ཤིང་། །སེམས་ཅན་འགྲེལ་པའི་ཡེ་ཤེས་
མཐའ་ཡས་སོ། །གང་དག་འོད་ཟེར་བཀོད་པ་བསམ་ཡས་ཤིང་། །སེམས་ཅན་འགྲེལ་པའི་ཡེ་ཤེས་བསམ་ཡས་པ། །དེ་དག་ལུས་དང་ངག་གི་རྣམ་འཕྲུལ་དང་། །ཡིད་ཀྱི་རྣམ་པར་འཕྲུལ་པ་བསམ་མི་ཁྱབ། །གང་དག་ལུས་དང་
ངག་གི་རྣམ་འཕྲུལ་དང་། །ཡིད་ཀྱི་རྣམ་འཕྲུལ་བསམ་གྱིས་མི་ཁྱབ་པ། །དེ་དག་སྦྱིན་དང་ཚུལ་ཁྲིམས་རྣམ་འཕྲུལ་དང་། །བཟོད་དང་བརྩོན་འགྲུས་རྣམ་འཕྲུལ་བསམ་མི་ཁྱབ། །གང་དག་སྦྱིན་དང་ཚུལ་ཁྲིམས་རྣམ་འཕྲུལ་དང་། །བཟོད་བརྩོན་
རྣམ་འཕྲུལ་བསམ་གྱིས་མི་ཁྱབ་པ། །དེ་དག་སངས་རྒྱས་ཕལ་ཆེན་ཏིང་འཛིན་སྒོས། །བསམ་གཏན་རྣམ་པར་འཕྲུལ་དང་ཤེས་རབ་དང་། །ཐབས་དང་མངོན་ཤེས་རྣམ་འཕྲུལ་བསམ་མི་ཁྱབ། །ཡོན་ཏན་ཀུན་གྱི་རྣམ་འཕྲུལ་མཐའ་ཡང་ཡས། །
དེ་དག་ཕྲ་རབ་རྡུལ་འཇུག་ཏིང་ངེ་འཛིན། །རྡུལ་རྣམས་ཀུན་ལ་མངོན་པར་སྒྲུབ་བྱེད་ཅིང་། །རྡུལ་གཅིག་སྟེང་ན་ཞིང་རྣམས་བསམ་མི་ཁྱབ། །སྟོན་པར་བྱེད་ཀྱང་རྡུལ་ལ་འཕེལ་བ་མེད། །རྡུལ་དེའི་སྟེང་ན་སངས་རྒྱས་བཅས་ཞིང་དང་། །སངས་རྒྱས་

106-1-38b

མེད་པའི་ཞིང་ཡང་ཁ་ཅིག་སྟོན། །ཉོན་མོངས་རྣམ་དག་དོག་པ་ཁ་ཅིག་དང་། །ཡངས་ཤིང་ཕྲ་དང་ཆེ་བའི་ཞིང་ཡང་སྟོན། །ཞིང་རྣམས་ལ་ལ་འཇིག་དང་འཆགས་པ་དང་། །ལ་ལ་སྤྱིའུ་ཚུགས་གྱུར་དང་འཐུན་པ་དང་། །ལ་ལ་སྣྲེལ་ཞི་སྨིག་རྒྱུ་
ལྟ་བུ་དང་། །ལ་ལ་མིག་འཕྲུལ་ལྟ་བུར་གྱུར་པ་རྣམས། །ཇི་ལྟར་རྡུལ་གཅིག་སྟེང་དུ་སྟོན་བྱེད་པ། །དེ་བཞིན་རྡུལ་རྣམས་མ་ལུས་ཀུན་ལ་སྟོན། །དྲང་སྲོང་ཏིང་འཛིན་རྣམ་འཕྲུལ་འདི་འདྲ་སྟེ། །གྲགས་པ་མཐའ་ཡས་རྣམ་ཐར་འདི་འདྲའོ། །
དེ་དག་རྒྱལ་མཆོད་རྣམ་འཕྲུལ་ཏིང་ངེ་འཛིན། །རྒྱལ་བ་ཀུན་ལ་མངོན་བར་སྒྲུབ་བྱེད་ཅིང་། །ལག་པའི་མཐིལ་དུ་སྟོང་གསུམ་རྒྱས་བཀང་སྟེ། །སྐྱེས་བུ་ཆེན་པོ་རྣམས་ལ་མཆོད་པ་བྱེད། །ཕྱོགས་བཅུ་དག་ན་མེ་ཏོག་ཕྲེང་བ་དང་། །སྤོས་
བྱུག་རིན་ཆེན་རིན་ཆེན་ཇི་སྙེད་པ། །དེ་དག་བྱང་ཆུབ་ཤིང་དྲུང་བཞུགས་པ་ཡི། །རྒྱལ་རྣམས་མཆོད་ཕྱིར་ལག་པའི་མཐིལ་ནས་འབྱིན། །གོས་དང་ཕྱེ་མ་རིན་ཆེན་ཇི་སྙེད་དང་། །རྒྱལ་མཚན་བ་དན་གདུགས་མཆོག་སྣ་ཚོགས་དང་། །
གསེར་གྱིས་བརྒྱན་པའི་རིན་ཆེན་བླ་རེ་རྣམས། །དེ་དག་ལག་པའི་མཐིལ་ནས་ཆར་དུ་འབེབས། །ཕྱོགས་བཅུ་དག་ན་ཡོ་བྱད་མཐའ་ཡས་གང་། །དྲང་སྲོང་ཆེན་པོ་རྣམས་ལ་མཆོད་འོས་པ། །དེ་དག་ལག་པའི་མཐིལ་ནས་ཆར་
འབེབས་ཤིང་། །བྱང་ཆུབ་ཤིང་དྲུང་བཞུགས་པའི་རྒྱལ་བ་མཆོད། །ཕྱོགས་རྣམས་དག་ན་རོལ་མོ་ཇི་སྙེད་པ། །རྔ་དང་རྫ་རྔ་སྒྲ་སྙན་པི་བང་དང་། །སིལ་སྙན་སྒྲ་དང་སྒྲ་ཆེན་གླིང་བུ་རྣམས། །དེ་དག་ལག་པའི་མཐིལ་ནས་རབ་ཏུ་
སྒྲོགས། །ཕྱོགས་བཅུ་ཀུན་གྱི་དཔེ་ཟླ་མེད་རྣམས་ཀྱི། །ཡང་དག་ཡོན་ཏན་བསྔགས་པ་སྣ་ཚོགས་དང་། །བསྟོད་པའི་ཚིགས་བཅད་སྒྲུབ་པ་སྣ་ཚོགས་པ། །དེ་དག་ལག་པའི་མཐིལ་ནས་རབ་ཏུ་སྒྲོགས། །འོད་ཟེར་གང་དག་ལས་
དགེས་ཡོངས་བསགས་པ། །ལག་པ་གཡས་ནས་ཡོངས་སུ་འགྱེད་བྱེད་ཅིང་། །སྤོས་ཆུས་རྒྱལ་བའི་ཞིང་རྣམས་ཐམས་ཅད་དུ། །འབེབས་ཤིང་འཇིག་རྟེན་སྒྲོན་མ་རྣམས་ལ་མཆོད། །འོད་ཟེར་བཀོད་དང་ལྡན་པ་མཛེས་པའི་འོད། །པད་

106-1-39a

མའི་རྒྱན་ཕྲེང་བསམ་ཡས་རབ་འཕྱང་བ། །པད་མ་མཚན་རབ་གཟུགས་ཅན་དུ་མ་དག །ལག་ནས་རྒྱལ་བ་རྣམས་ལ་མཆོད་པར་བྱེད། །མེ་ཏོག་ཕལ་ཆེན་མེ་ཏོག་བླ་རེ་དང་། །མེ་ཏོག་བཀོད་པའི་འོད་ཟེར་རབ་བཀྱེ་སྟེ། །མེ་ཏོག་སྣ་ཚོགས་
ཀུན་ཏུ་བཀྲམ་བྱས་ཤིང་། །བདག་ཉིད་ཆེན་པོ་དེ་དག་རྒྱལ་བ་མཆོད། །བདུག་པ་ཕལ་ཆེན་བདུག་པའི་བླ་རེ་དང་། །བདུག་པ་བཀོད་པའི་འོད་ཟེར་རབ་བཀྱེ་སྟེ། །བདུག་པ་སྣ་ཚོགས་ཀུན་དུ་བཀྲམ་བྱས་ཤིང་། །བདག་ཉིད་ཆེན་པོ་དེ་དག་རྒྱལ་བ་
མཆོད། །ཕལ་ཆེན་སྤོས་དང་སྤོས་ཀྱི་བླ་རེ་དང་། །སྤོས་ཀྱིས་བཀོད་པའི་འོད་ཟེར་རབ་བཀྱེ་སྟེ། །སྣ་ཚོགས་སྤོས་རྣམས་ཀུན་དུ་བཀྲམ་བྱས་ཤིང་། །བདག་ཉིད་ཆེན་པོ་དེ་དག་རྒྱལ་བ་མཆོད། །ཕྲེང་བ་ཕལ་ཆེན་ཕྲེང་བའི་བླ་རེ་དང་། །ཕྲེང་
བ་བཀོད་པའི་འོད་ཟེར་རབ་བཀྱེ་སྟེ། །ཕྲེང་བ་སྣ་ཚོགས་ཀུན་དུ་བཀྲམ་བྱས་ཤིང་། །བདག་ཉིད་ཆེན་པོ་དེ་དག་རྒྱལ་བ་མཆོད། །ཕྱེ་མ་ཕལ་ཆེན་ཕྱེ་མའི་བླ་རེ་དང་། །ཕྱེ་མ་བཀོད་པའི་འོད་ཟེར་རབ་བཀྱེ་སྟེ། །ཕྱེ་མ་སྣ་ཚོགས་ཀུན་དུ་བཀྲམ་
བྱས་ཤིང་། །བདག་ཉིད་ཆེན་པོ་དེ་དག་རྒྱལ་བ་མཆོད། །ན་བཟའ་ཕལ་ཆེན་ན་བཟའི་བླ་རེ་དང་། །ན་བཟའ་བཀོད་པའི་འོད་ཟེར་རབ་བཀྱེ་སྟེ། །ན་བཟའ་སྣ་ཚོགས་ཀུན་དུ་བཀྲམ་བྱས་ཤིང་། །བདག་ཉིད་ཆེན་པོ་དེ་དག་རྒྱལ་བ་མཆོད། །ཕལ་
ཆེན་གདུགས་དང་གདུགས་ཀྱི་བླ་རེ་དང་། །གདུགས་ཀྱི་བཀོད་པའི་འོད་ཟེར་རབ་བཀྱེ་སྟེ། །སྣ་ཚོགས་གདུགས་རྣམས་ཀུན་དུ་བཀྲམ་བྱས་ཤིང་། །བདག་ཉིད་ཆེན་པོ་དེ་དག་རྒྱལ་བ་མཆོད། །རིན་ཆེན་ཕལ་ཆེན་རིན་ཆེན་བླ་རེ་དང་། །
རིན་ཆེན་བཀོད་པའི་འོད་ཟེར་རབ་བཀྱེ་སྟེ། །རིན་ཆེན་སྣ་ཚོགས་ཀུན་དུ་བཀྲམ་བྱས་ཤིང་། །བདག་ཉིད་ཆེན་པོ་དེ་དག་རྒྱལ་བ་མཆོད། །པད་མ་ཕལ་ཆེན་པད་མའི་བླ་རེ་དང་། །པད་མ་བཀོད་པའི་འོད་ཟེར་རབ་བཀྱེ་སྟེ། །པད་མ་སྣ་
ཚོགས་ཀུན་དུ་བཀྲམ་བྱས་ཤིང་། །བདག་ཉིད་ཆེན་པོ་དེ་དག་རྒྱལ་བ་མཆོད། །རྒྱན་ཕྲེང་ཕལ་ཆེན་རྒྱན་ཕྲེང་བླ་རེ་དང་། །རྒྱན་ཕྲེང་བཀོད་པའི་འོད་ཟེར་རབ་བཀྱེ་སྟེ། །རྒྱན་ཕྲེང་སྣ་ཚོགས་ཀུན་དུ་བཀྲམ་བྱས་ཤིང་། །བདག་ཉིད་ཆེན་པོ་

106-1-39b

དེ་དག་རྒྱལ་བ་མཆོད། །རྒྱལ་མཚན་མཆོག་བཀོད་འོད་ཟེར་རབ་བཀྱེ་ཞིང་། །དེ་དག་རྒྱལ་མཚན་དཀར་དམར་སེར་པོ་དང་། །སྔོ་དང་རྒྱལ་མཚན་བཀོད་པ་སྣ་ཚོགས་པ། །དུ་མས་རྒྱལ་བའི་ཞིང་རྣམས་བརྒྱན་པར་བྱེད། །ནོར་བུ་འདྲ་བ་སྣ་ཚོགས་
བཀོད་པའི་གདུགས། །དར་གྱི་ལྡ་ལྡི་བ་དན་རབ་སྤྱངས་ཤིང་། །དྲིལ་གཡེར་དྲ་བ་རྒྱལ་བའི་གསུང་སྒྲོགས་པ། །དེ་བཞིན་གཤེགས་པའི་དབུ་ལ་དེ་དག་འཛིན། །ལག་པའི་མཐིལ་ནས་མཆོད་པ་མཐའ་ཡས་རྣམས། །རྒྱལ་བ་གཅིག་ལ་
དེ་དག་བྱེད་པ་ལྟར། །རྒྱལ་བ་མ་ལུས་ཀུན་ལ་འང་དེ་བཞིན་ཏེ། །དྲང་སྲོང་ཏིང་འཛིན་རྣམ་འཕྲུལ་དེ་འདྲའོ། །དེ་དག་འགྲོ་བ་སྡུད་པའི་ཡེ་ཤེས་ཀྱིས། །རྣམ་པར་འཕྲུལ་དང་ཏིང་འཛིན་མཆོག་བསྒྲུབས་ཤིང་། །བྱ་བ་དག་དང་བསྙེན་
བཀུར་ཀུན་གྱི་སྒོ། །ཐབས་སྟོང་དག་གིས་སེམས་ཅན་འདུལ་བར་བྱེད། །ཁ་ཅིག་དེ་བཞིན་གཤེགས་པ་མཆོད་སྒོ་དང་། །སྦྱིན་པ་བསམ་གྱིས་མི་ཁྱབ་གཏོང་སྒོ་དང་། །སྦྱངས་པའི་ཡོན་ཏན་ཚུལ་ཁྲིམས་ཀུན་སྒོ་དང་། །བཟོད་པ་
མི་ཟད་མི་འཁྲུགས་སྒོ་དག་དང་། །ཁ་ཅིག་བརྟུལ་ཞུགས་དཀའ་ཐུབ་བརྩོན་སྒོ་དང་། །བསམ་གཏན་རབ་ཏུ་ཞི་བར་གནས་སྒོ་དང་། །དོན་ལ་རྣམ་ངེས་ཤེས་རབ་སྒོ་རྣམས་དང་། །སྤྱད་པ་ཀུན་ལྡན་ཐབས་ཀྱི་སྒོ་དག་དང་། །ཚངས་
པའི་གནས་པ་དག་དང་མངོན་ཤེས་སྒོ། །བསྡུ་བའི་དངོས་པོས་ཕན་པར་འདོད་སྒོ་དང་། །བསོད་ནམས་བསགས་དང་ཡེ་ཤེས་སྒོ་དག་དང་། །བདེན་དང་བརྟེན་དང་རྣམ་པར་ཐར་སྒོ་དང་། །ཁ་ཅིག་སྟོབས་དང་དབང་པོ་ལམ་སྒོ་དང་། །ཉན་
ཐོས་ཐེག་པས་རྣམ་པར་གྲོལ་སྒོ་དང་། །རྐྱེན་གྱི་ཐེག་པས་རྣམ་པར་དག་སྒོ་དང་། །ཐེག་པ་མཆོག་གི་རྣམ་པར་འཕྲུལ་སྒོ་དང་། །ཁ་ཅིག་མི་རྟག་ཉིད་དང་སྡུག་བསྔལ་སྒོ། །ཁ་ཅིག་བདག་མེད་སྲོག་མེད་སྒོ་དག་དང་། །མི་སྡུག་འདུ་ཤེས་
འདོད་ཆགས་བྲལ་སྒོ་དང་། །ཞི་འགོག་ཏིང་ངེ་འཛིན་གྱི་སྒོ་ཡིས་འདུལ། །འགྲོ་བའི་སྤྱོད་པའི་སྒོ་རྣམས་ཇི་སྙེད་པ། །དེ་སྙེད་ཆོས་ཀྱི་སྒོ་ལ་རབ་ཞུགས་ཏེ། །དེ་དག་ཀུན་དུ་རྣམ་ཐར་སྒོ་དག་ནས། །བསམ་པ་ཇི་བཞིན་འཇིག་རྟེན་སེམས་

106-1-40a

ཅན་འདུལ། །གང་དག་ཀུན་དུ་རྣམ་ཐར་སྒོ་དག་ནས། །བསམས་བཞིན་འཇིག་རྟེན་སེམས་ཅན་འདུལ་བྱེད་པ། །དེ་དག་སུས་ཀྱང་མཚན་མར་གཟུང་མི་ནུས། །ཏིང་འཛིན་རྣམ་པར་འཕྲུལ་པ་དེ་འདྲའོ། །དེ་དག་དགའ་བ་བཀོད་པའི་ཏིང་འཛིན་
མཆོག །འགྲོ་བ་ཐམས་ཅད་ཡོངས་སྨིན་འཐུན་བྱེད་པ། །དགའ་བདེ་སྤྲོ་བ་རབ་དགའ་ཀུན་ལྡན་པས། །བསམས་པ་བསྟན་ནས་སེམས་ཅན་འདུལ་བར་བྱེད། །གང་དུ་ལོ་ཉེས་འཇིག་རྟེན་ཡོ་བྱད་གང་། །བདེ་བྱེད་ཐམས་ཅད་རབ་ཏུ་དཀོན་གྱུར་པ། །
དེར་ནི་ཀུན་གྱིས་བསམས་བཞིན་བྱ་བ་ཡིན། །སྦྱིན་པ་སྦྱིན་ཞིང་འགྲོ་བའི་དོན་རྣམས་བྱེད། །དེ་དག་ཟས་སྐོམ་མཆོག་དང་རོ་མཆོག་དང་། །གོས་དང་བགོ་བ་རིན་ཆེན་སྣ་ཚོགས་དང་། །རྒྱལ་སྲིད་ནོར་དང་བདག་ཕངས་ཡོངས་གཏོང་
བས། །སྦྱིན་ལ་མོས་པའི་འགྲོ་བ་འདུལ་བར་བྱེད། །བརྟན་པ་དེ་དག་མཚན་མཆོག་ལུས་སྤྲས་ཤིང་། །གོས་དང་རྒྱན་མཆོག་བགོས་ཤིང་བརྒྱན་བྱས་ཏེ། །ཕྲེང་བས་སྤུད་ཅིང་སྤོས་ཀྱིས་བསྐུས་པ་ཡི། །གཟུགས་རྣམས་བསྟན་
པས་སེམས་ཅན་འདུལ་བར་བྱེད། །མཐོང་ན་དགའ་ཚིམ་རབ་ཏུ་དགའ་རྣམས་ལ། །བློ་མཆོག་དེ་དག་གཟུགས་མཆོག་གཟུགས་བཟང་བ། །གཟུགས་ཀྱི་དམ་པ་ཡོངས་སུ་སྟོན་བྱེད་ཅིང་། །གཟུགས་ལ་མོས་པའི་སེམས་ཅན་འདུལ་
བར་བྱེད། །དེ་དག་ཀ་ལ་པིང་ཀའི་སྒྲ་སྙན་དང་། །ཁུ་བྱུག་ཀུན་ལ་ངང་པའི་སྒྲ་སྐད་དང་། །རྔ་དང་ཚངས་དང་མི་འམ་ཅི་ཡི་སྒྲས། །མོས་པ་ཀུན་ལ་དེ་བཞིན་ཆོས་ཀྱང་སྟོན། །སྟོང་ཕྲག་བརྒྱད་བཅུ་རྩ་བཞི་གང་ཡིན་པས། །རྒྱལ་བ་གང་
དག་འགྲོ་བའི་དོན་མཛད་པའི། །ཆོས་ཀྱི་བྱེ་བྲག་སྒོ་མོ་དེ་དག་གིས། །བསམ་པ་ཇི་བཞིན་འཇིག་རྟེན་སེམས་ཅན་འདུལ། །དེ་དག་བདེ་དང་སྡུག་བསྔལ་གྲོགས་ཀྱང་བྱེད། །དོན་དང་གནོད་པའི་གྲོགས་ཀྱང་དེ་བཞིན་བྱེད། །བྱ་བ་ཀུན་ལ་གྲོགས་
སུ་འགྱུར་བྱས་ཤིང་། །གྲོགས་ཀྱི་སྒོ་ནས་སེམས་ཅན་འདུལ་བར་བྱེད། །སྡུག་བསྔལ་གནོད་པ་འདུས་བྱས་སྐྱོན་གྱི་རྣམས། །གྲོགས་ཀྱི་དོན་དུ་དེ་དག་བཟོད་བྱེད་ཅིང་། །འགྲོ་བ་ཀུན་ལ་ཕན་དོན་བདེ་དོན་དུ། །དེ་དག་གྲོགས་དོན་གནོད་པ་

106-1-40b

དང་དུ་ལེན། །གང་ན་མངོན་བྱུང་མེད་ཅིང་ཆོས་མེད་དེ། །དགོན་པར་འགྲོ་དང་ཐར་པ་མི་དམིགས་པ། །དེར་ནི་རྒྱལ་སྲིད་འབྱོར་པ་རབ་སྤངས་ཏེ། །ཞི་བའི་ཡིད་ཀྱིས་གནས་མེད་མངོན་བར་འབྱུང་། །དེ་དག་ཁྱིམ་དང་འཆིང་དང་སྲིད་པའི་གནས། །
འགྲོ་བ་ཐམས་ཅད་ཡོངས་སུ་གྲོལ་བའི་རྒྱུར། །འདོད་པའི་དགའ་བ་ཀུན་ལ་མི་གནས་པར། །མངོན་བར་བྱུང་ཞིང་ཐར་པ་རབ་ཏུ་བརྗོད། །དེ་དག་སྤྱོད་པ་བཅུ་རྣམས་རྗོད་བྱེད་ཅིང་། །སྐྱེས་ཆེན་རྣམས་ཀྱི་ཆོས་སྤྱོད་གང་ཡིན་དང་། །དྲང་སྲོང་
རྣམས་ཀྱི་སྤྱོད་ཀུན་མ་ལུས་པར། །ཡོངས་སུ་བརྗོད་ཅིང་འགྲོ་བའི་དོན་རྣམས་བྱེད། །གང་ན་སེམས་ཅན་དཔག་མེད་ཚེ་ལྡན་ཞིང་། །བདེ་དང་ལྡན་ལ་ཉོན་མོངས་ཆུང་ཡོད་པ། །དེར་ནི་རྒ་བས་ཉེན་ཅིང་ནད་པུ་ཅན། །བདག་ལ་དབང་མེད་
འཆི་བའི་དབང་གྱུར་སྟོན། །འདོད་ཆགས་འབར་ཞིང་ཞེ་སྡང་རབ་འབར་ལ། །འཇིག་རྟེན་གཏི་མུག་མེ་ཆེན་རབ་འབར་ཞིང་། །རྒ་དང་ན་དང་འཆི་བ་རབ་འབར་བའི། །འཇིག་རྟེན་བསྟན་ནས་སེམས་ཅན་འདུལ་བར་བྱེད། །དེ་དག་
སངས་རྒྱས་སྟོབས་བཅུ་བརྩོན་བཞི་དང་། །ཆོས་ཀྱི་ཁྱད་པར་བཅྭ་བརྒྱད་རྣམས་ཀྱིས་ཀྱང་། །སངས་རྒྱས་ཆེ་བའི་བདག་ཉིད་རྗོད་བྱེད་ཅིང་། །སངས་རྒྱས་ཡོན་ཏན་རྣམས་ཀྱིས་འགྲོ་དོན་བྱེད། །དེ་དག་ཀུན་བརྗོད་རྫུ་འཕྲུལ་རྗེས་བསྟན་
པས། །གཟུགས་ཀྱི་བྱིན་བརླབས་སྟོབས་ཀྱིས་ཐམས་ཅད་དུ། །དེ་བཞིན་གཤེགས་པའི་རྫུ་འཕྲུལ་སྟོན་བྱེད་ཅིང་། །རྫུ་འཕྲུལ་རྣམ་པར་འཕྲུལ་པས་སེམས་ཅན་འདུལ། །དེ་དག་ཐབས་ཚུལ་རྣམ་པ་སྣ་ཚོགས་ཀྱིས། །འཇིག་རྟེན་རྒྱུ་
ཞིང་འགྲོ་བའི་དོན་རྣམས་བྱེད། །འཇིག་རྟེན་མི་ཆགས་ཆུ་ལ་པད་མ་བཞིན། །དགའ་ཞིང་དད་པར་བྱེད་ལ་རྣམ་པར་རྒྱུ། །དེ་དག་སྙན་དངགས་མཁན་རྒྱལ་སྙན་དངགས་སྦྱོར། །གར་མཁན་རྔ་མཁན་གྱད་དང་རོལ་མོ་མཁན། །བཞག་
མཛེས་རྒྱན་ཕྲེང་ཐོགས་ཤིང་གར་བྱེད་དང་། །སྒྱུ་མ་མཁན་པོ་གཟུགས་བཟང་ཀུན་དུ་སྟོན། །གྲོང་བ་གྲོང་དཔོན་ཁ་ལོ་སྒྱུར་བར་འགྱུར། །དེ་བཞིན་དེད་དཔོན་ཚོང་དཔོན་ཁྱིམ་བདག་འགྱུར། །རྒྱལ་པོ་བློན་པོ་མདུན་འདོན་ཕོ་ཉ་དང་། །སྨན་པ་

106-1-41a

འཇིག་རྟེན་བསྟན་བཅོས་ཆོ་ག་མཁན། །དེ་དག་དགོན་པར་ལྗོན་ཤིང་ཆེན་པོར་འགྱུར། །སྨན་དང་རིན་ཆེན་མི་ཟད་གཏེར་རྣམས་དང་། །ཡིད་བཞིན་ནོར་བུ་འདོད་འབྱིན་སྡོང་པོ་དང་། །ལམ་གོལ་དོང་བ་རྣམས་ལ་ལམ་སྟོན་འགྱུར། །
འཇིག་རྟེན་བྱུང་ནས་མི་རིང་ཤེས་གྱུར་ཅིང་། །སེམས་ཅན་ལས་ཀྱི་ཚུལ་རྣམས་མི་ཤེས་པ། །དེ་དག་ཀུན་ལ་རྨོས་ཆོས་ཚོང་ཐབས་དང་། །སྣ་ཚོགས་བཟོ་རྣམས་འཇིག་རྟེན་རྗོད་པར་བྱེད། །འཚེ་བྱེད་གནོད་པ་མེད་པའི་སྦྱོར་བ་གང་། །སེམས་
ཅན་བདེ་བྱེད་མཁས་པས་རབ་བསྔགས་པ། །རིགས་སྟོབས་སྨན་དང་བསྟན་བཅོས་སྣ་ཚོགས་ཀུན། །དྲང་སྲོང་དེ་དག་རྣམས་ཀྱིས་རབ་ཏུ་བརྗོད། །གང་ལ་ལྷར་བཅས་འཇིག་རྟེན་མོས་འགྱུར་བ། །དྲང་སྲོང་སྤྱོད་མཆོག་དམ་པ་གང་ཡིན་
དང་། །བརྟུལ་ཞུགས་དཀའ་སྤྱད་དཀའ་ཐུབ་མཆོག་ཀུན་ཀྱང་། །མཁས་པ་དེ་དག་རྣམས་ཀྱིས་རབ་ཏུ་བརྗོད། །དེ་དག་སྤྱོད་ཅན་ཀུན་རྒྱུ་མུ་སྟེགས་ཅན། །གདུང་བ་གཽ་ཏ་མ་དང་མི་སྨྲར་སྤྱོད། །གཅེར་བུ་གོས་མེད་ལྷུར་ལེན་དགེ་སྦྱོང་ལ། །
མུ་སྟེགས་ཅན་གྱི་སློབ་དཔོན་མཁས་པར་སྟོན། །དེ་དག་ཀུན་དུ་འཚོ་བའི་ཆོས་འཛིན་དང་། །བླ་ན་ཡོད་དང་བླ་ན་མེད་རྣམས་དང་། །རལ་པ་རིང་དང་གཞོན་ནུའི་བརྟུལ་ཞུགས་ཅན། །དེ་དག་ཏུ་ཡང་སློབ་དཔོན་འགྱུར་བ་ཡིན། །ཉི་མའི་
རྗེས་ལྟ་དཀའ་ཐུབ་ལྔ་ལྡན་དང་། །ཁྱི་དང་བ་ལང་བརྟུལ་ཞུགས་རི་དགས་སྤྱོད། །གླེའུ་ཅན་དག་དང་མུ་སྟེགས་སུམ་བཅུ་པ། །དེ་དག་ཏུ་ཡང་དེ་དག་སློབ་དཔོན་འགྱུར། །ལྷ་ཡི་ཤེས་ལ་འཇུག་པ་དགའ་རྣམས་དང་། །མུ་སྟེགས་ཉེ་རེག་
ཡུལ་དུ་རྒྱུ་རྣམས་སུ། །རྩ་བ་འབྲས་བུ་ཆུ་སྤྱོད་གྱུར་ནས་ཀྱང་། །བསམ་ཡས་ཆོས་ལ་དེ་དག་དམ་པ་མཆོག །ཅོག་པུར་འདུག་དང་གཅིག་པུ་རྒྱུ་བ་དང་། །ཚེར་མ་རྩྭ་དང་ཐལ་བར་ཉལ་བ་དང་། །གང་དག་གཏུན་ཤིང་མལ་ཅན་གནས་པ་དང་། །
དེ་དག་ཏུ་ཡང་དེ་དག་སློབ་དཔོན་འགྱུར། །ཕྱི་རོལ་མུ་སྟེགས་ཅན་རྣམས་ཇི་སྙེད་པ། །དེ་དག་བསམ་པ་མོས་པ་རྟོགས་བྱས་ཤིང་། །བསྙེན་དཀའ་མི་བཟད་དྲག་ཤུལ་དཀའ་ཐུབ་ཀྱིས། །མུ་སྟེགས་ཅན་གྱི་སྡུག་བསྔལ་སྤང་བར་འདུལ། །འཇིག་

106-1-41b

རྟེན་ལྟ་བས་འཁྲུགས་པ་ཤེས་བྱས་ནས། །ལྟ་བ་ངན་ལ་གནས་པའི་མུ་སྟེགས་ཅན། །ཀུན་ལ་ཕྲ་བའི་གཞི་དང་ཐབས་ཚུལ་གྱིས། །དེ་དག་རྣམས་ལ་བདེན་པ་སྟོན་པར་བྱེད། །ལ་ལར་འགྲོ་ལྡིང་བ་ཡི་སྔགས་ཀྱི་གཞི། །ཤིན་ཏུ་གསང་བའི་གཞི་
ཡིས་བདེན་པ་སྟོན། །ལ་ལ་དག་ལ་གསལ་ཞིང་དྲང་ཚིག་གིས། །ལ་ལ་དག་ལ་ལྷ་ཡི་གསང་ཚིག་གིས། །ལ་ལ་དག་ལ་ཡི་གེ་དབྱེ་ཚིག་དང་། །དོན་ལ་རྣམ་ངེས་རྡོ་རྗེའི་ཚིག་རྣམས་དང་། །རྒོལ་བ་འདུལ་བ་ཤེས་པའི་ཚིག་རྣམས་དང་། །
བསྟན་བཅོས་ཐུབ་མེད་ཐར་པའི་ཚིག་རྣམས་ཀྱིས། །ལ་ལ་དག་ལ་མི་སྐད་ཚིག་རྣམས་དང་། །ཀུན་ལ་འཇུག་པའི་ཚིག་ངེས་ཚིག་རྣམས་ཀྱིས། །ལ་ལ་དག་ལ་ལྷ་ཚིག་ངེས་ཚིག་དང་། །ཀླུ་ཡི་ངེས་ཚིག་གནོད་སྦྱིན་ངེས་ཚིག་གིས། །ལ་ལར་
སྲིན་པོ་འབྱུང་པོ་ཤ་ཟ་དང་། །དྲི་ཟ་གྲུལ་བུམ་ལྟོ་འཕྱེ་ཆེ་ཚིག་དང་། །མི་ཅི་ལྷ་མིན་མཁའ་ལྡིང་ཚིག་རྣམས་ཀྱིས། །བདེན་པ་བསྟན་ཅིང་ཐར་པར་འདྲེན་པར་བྱེད། །དེ་དག་བདེན་དང་ངེས་ཚིག་ཚུལ་ཤེས་ཏེ། །དེ་ལྟར་རྒྱལ་བའི་ཆོས་རྣམས་མ་
ལུས་པའི། །ཆོས་ཉིད་བསམ་ཡས་ཚིག་ལམ་ཤེས་པས་སྟོན། །དེ་དག་ཏིང་འཛིན་རྣམ་འཕྲུལ་དེ་འདྲའོ།། །། དེ་དག་འགྲོ་བདེ་མཆོག་གི་ཏིང་ངེ་འཛིན། །འགྲོ་བ་ཀུན་ལ་མངོན་བར་སྒྲུབ་བྱེད་ཅིང་། །འོད་ཟེར་བསམ་གྱིས་མི་ཁྱབ་རབ་བཀྱེ་སྟེ། །
འོད་ཟེར་བཀྱེ་ནས་སེམས་ཅན་འདུལ་བར་བྱེད། །མཐོང་ན་ལེགས་པའི་འོད་ཟེར་རབ་གཏོང་ཞིང་། །སེམས་ཅན་ཇི་སྙེད་འོད་ཟེར་དེ་ཤེས་པ། །དེ་དག་མཐོང་ལེགས་དོན་མེད་མ་ཡིན་ཏེ། །བླ་ན་མེད་པའི་ཡེ་ཤེས་མཆོག་གི་རྒྱུ། །མི་རྣམས་
ཀུན་ལ་སངས་རྒྱས་ཡོངས་བསྟན་ཅིང་། །ཆོས་ཀྱང་ཡོངས་བསྟན་དེ་ལ་མ་བསྟན་ཅིང་། །རྒྱལ་བའི་སྐུ་གཟུགས་མཆོད་རྟེན་བསྟན་བྱས་པས། །དེས་ན་མཐོང་ལེགས་འོད་ཟེར་གྲུབ་པར་འགྱུར། །ལྷ་ཡིས་འོད་ཟེར་ཟིལ་གྱིས་གནོན་
པ་ཡི། །འོད་ཟེར་འོད་བྱེད་ཅེས་བྱ་རབ་གཏོང་ཞིང་། །རྡུལ་དང་མུན་པ་ཐམས་ཅད་བསལ་བྱས་ཏེ། །འཇིག་རྟེན་ཕན་པའི་འོད་དེས་རབ་ཏུ་སྣང་། །སེམས་ཅན་གང་དག་འོད་དེས་བསྐུལ་བྱས་པ། །དེ་དག་རྒྱལ་བ་མཆོད་ཕྱིར་སྒྲོན་མ་འཛིན། །

106-1-42a

དེ་དག་རྒྱལ་བ་མཆོད་ཕྱིར་སྒྲོན་བཟུང་བས། །འཇིག་རྟེན་སྒྲོན་མ་མཛད་པའི་རྒྱལ་བར་འགྱུར། །འབྲུ་མར་མར་མེ་མར་གྱི་མར་མེ་དང་། །རྩྭ་ཤིང་འདམ་བུ་འོད་མའི་སྒྲོན་མ་དང་། །སྤོས་དང་བཅུད་ལེན་རིན་ཆེན་སྒྲོན་མ་དག །རྒྱལ་བ་རྣམས་
ལ་ཕུལ་ནས་འོད་བྱེད་ཐོབ། །སྒྲོལ་ཞེས་བྱ་བའི་འོད་ཟེར་རབ་གཏོང་ཞིང་། །སེམས་ཅན་གང་དག་འོད་དེས་བསྐུལ་བྱས་པ། །དེ་དག་སྲེད་ཡངས་སྲིད་པའི་རྒྱ་མཚོ་ལས། །སེམས་ཅན་བསྒྲལ་བའི་དོན་དུ་གོ་ཆ་གྱོན། །གང་དག་སྲེད་ཡངས་
སྲིད་པའི་རྒྱ་མཚོ་ལས། །སེམས་ཅན་བསྒྲལ་བའི་དོན་དུ་གོ་གྱོན་པ། །དེ་དག་ཆུ་བོ་བཞི་ལས་རབ་ཏུ་སྒྲོལ། །མྱ་ངན་མེད་པ་བདེ་བའི་གྲོང་ཁྱེར་སྟོན། །སྟེགས་དང་ཟམ་པ་དུ་མ་བྱས་པ་དང་། །ཆུ་ཀླུང་ལམ་ལ་སྒྲོལ་བའི་གྲུ་འབྱིན་ཏེ། །འདུས་
བྱས་སུན་ཕྱུང་ཞི་བ་བསྔགས་བྱས་པས། །དེས་ན་སྒྲོལ་བའི་འོད་ཟེར་གྲུབ་པར་འགྱུར། །སྐོམ་པ་སེལ་བའི་འོད་ཟེར་རབ་གཏོང་ཞིང་། །སེམས་ཅན་གང་དག་འོད་དེས་བསྐུལ་བྱས་པ། །འདོད་པའི་ཡོན་ཏན་སྐོམ་པ་རབ་སྤངས་ཤིང་། །ཆོས་ལ་མོས་
པའི་རོ་ནི་དོན་དུ་གཉེར། །འདོད་པའི་ཡོན་ཏན་སྐོམ་པ་རབ་སྤངས་ཏེ། །ཆོས་མོས་རོ་ལ་དོན་དུ་གཉེར་གྱུར་པས། །བདུད་རྩི་ཆར་པ་འབེབས་པའི་སངས་རྒྱས་འགྱུར། །འཇིག་རྟེན་སྐོམ་པའི་སྲེད་པ་རྣམ་པར་སེལ། །རྫིང་དང་ཆུ་ཀླུང་ཁྲོན་པ་
ཆུ་དོང་དང་། །མཚོ་རྣམས་བྱང་ཆུབ་དོན་དུ་བྱེད་བཙུད་དེ། །འདོད་པ་སྨད་ཅིང་བསམ་གཏན་བསྔགས་བྱས་པས། །དེས་ན་སྲེད་པ་སེལ་བ་གྲུབ་པར་གྱུར། །དགའ་བར་བྱེད་པའི་འོད་ཟེར་རབ་གཏོང་ཞིང་། །སེམས་ཅན་གང་དག་འོད་དེས་
བསྐུལ་བྱས་པ། །དགའ་བ་རྒྱས་ཤིང་བྱང་ཆུབ་མཆོག་དོན་དུ། །རང་བྱུང་འགྱུར་བར་བྱ་ཞེས་སེམས་བསྐྱེད་དོ། །ཐུགས་རྗེ་ལྡན་པའི་སྐུ་གཟུགས་མཚན་བརྒྱན་པ། །པད་མའི་གདན་ལ་བཞུགས་པ་རྣམས་བྱས་ཤིང་། །རྟག་ཏུ་སངས་
རྒྱས་ཡོན་ཏན་རྣམས་བརྗོད་པས། །དེས་ན་དགའ་བྱེད་འོད་ཟེར་གྲུབ་པར་གྱུར། །མགུ་བར་བྱེད་པའི་འོད་ཟེར་རབ་གཏོང་ཞིང་། །སེམས་ཅན་གང་དག་འོད་དེས་བསྐུལ་བྱས་པ། །རྟག་ཏུ་སངས་རྒྱས་ལ་ནི་དགའ་མགུ་ཞིང་། །ཆོས་ལ་དགའ་

106-1-42b

མགུ་དགེ་འདུན་དགའ་མགུའོ། །དེ་དག་རྟག་ཏུ་སངས་རྒྱས་དགའ་མགུ་ཞིང་། །ཆོས་ལ་དགའ་མགུ་དགེ་འདུན་དགའ་མགུ་ནས། །སངས་རྒྱས་ཆོས་དང་འཕགས་པའི་ཚོགས་རྣམས་དང་། །རྟག་ཏུ་འགྲོགས་ཐོབ་བཟོད་པ་བླ་མེད་
ཐོབ། །སངས་རྒྱས་རྗེས་དྲན་ཆོས་དང་ཚོགས་མཆོག་ལ། །སེམས་ཅན་མང་པོ་བསྐུལ་ཅིང་དྲན་བྱས་ཏེ། །བྱང་ཆུབ་སེམས་ཀྱི་ཡོན་ཏན་རབ་བརྗོད་པས། །དེས་ན་མགུ་བྱེད་འོད་ཟེར་གྲུབ་པར་འགྱུར། །བསོད་ནམས་བསགས་པའི་འོད་ཟེར་
རབ་གཏོང་ཞིང་། །སེམས་ཅན་གང་དག་འོད་དེས་བསྐུལ་བྱས་པ། །བླ་ན་མེད་པའི་བྱང་ཆུབ་དོན་གཉེར་ཞིང་། །སྦྱིན་པ་སྣ་ཚོགས་དུ་མ་སྦྱིན་པར་བྱེད། །གཏན་པ་མེད་པའི་མཆོད་སྦྱིན་དེ་བྱེད་ཚེ། །སློང་བ་རྣམས་ཀྱི་བསམ་པ་རྫོགས་
བྱས་ཏེ། །བསམ་པ་ཐམས་ཅད་སྦྱིན་པ་བྱིན་བྱས་པས། །བསོད་ནམས་བསགས་པའི་འོད་ཟེར་གྲུབ་པར་འགྱུར། །ཡེ་ཤེས་ལྡན་པའི་འོད་ཟེར་རབ་གཏོང་ཞིང་། །སེམས་ཅན་གང་དག་འོད་དེས་བསྐུལ་བྱས་པ། །ཆོས་གཅིག་སྒོ་མོ་
ནས་ནི་དུ་མ་ཡི། །ཆོས་ཀྱི་སྒོ་རྣམས་ཡུད་ཀྱིས་ཁོང་དུ་ཆུད། །ཆོས་ཀྱི་དབྱེ་བ་སེམས་ཅན་འཛིན་བཙུད་དེ། །དོན་ལ་ངེས་པའི་ཡེ་ཤེས་རྣམ་ཕྱེ་ཞིང་། །ཆོས་ཀྱི་ཚིག་དོན་བརྗོད་པ་བྱས་པས་ན། །དེས་ན་ཡེ་ཤེས་ལྡན་པའི་འོད་ཟེར་གྲུབ། །
ཤེས་རབ་སྒྲོན་མའི་འོད་ཟེར་རབ་གཏོང་ཞིང་། །སེམས་ཅན་གང་དག་འོད་དེས་བསྐུལ་བྱས་པ། །སྟོང་པ་བདག་མེད་མ་སྐྱེས་མ་བྱུང་ཞིང་། །རང་བཞིན་མེད་པའི་ཆོས་ལ་རབ་ཏུ་འཇུག །བདག་པོ་མེད་ཆོས་སྟོང་པ་བྱེད་མེད་པ། །སྒྱུ་མ་
སྨྱིག་རྒྱུ་ཆུ་ཟླ་མཚུངས་འདྲ་ཞིང་། །རྨི་ལམ་མཚུངས་ལ་གཟུགས་བརྙན་འདྲ་བ་དག །བསྟན་པས་ཤེས་རབ་སྒྲོན་མ་དེ་གྲུབ་བོ། །ཆོས་ཀྱི་རྣམ་འཕྲུལ་འོད་ཟེར་རབ་གཏོང་ཞིང་། །སེམས་ཅན་གང་དག་འོད་དེས་བསྐུལ་བྱས་པ། །
མི་ཟད་བཟོད་ཀྱི་གཟུངས་ནི་ཐོབ་གྱུར་ནས། །དེ་བཞིན་གཤེགས་པ་ཀུན་གྱི་མཛོད་ཀྱང་འཛིན། །ཆོས་འཛིན་རྣམས་ལ་ཡོངས་སུ་ཕན་གདགས་ཏེ། །དྲང་སྲོང་རྣམས་ལ་ཆོས་ཀྱིས་བསྲུང་བྱས་ཤིང་། །འགྲོ་བ་ཆོས་ཀྱིས་

106-1-43a

རྗེས་སུ་བསྲུང་བྱས་པས། །ཆོས་ཀྱི་རྣམ་འཕྲུལ་འོད་ཟེར་གྲུབ་པར་འགྱུར། །གཏོང་དང་ལྡན་པའི་འོད་ཟེར་རབ་གཏོང་ཞིང་། །སེམས་ཅན་འཇུངས་པ་གང་དག་དེས་བསྐུལ་བ། །ལོངས་སྤྱོད་མི་རྟག་མི་བརྟན་ཤེས་གྱུར་ནས། །དེ་དག་རྟག་ཏུ་
གཏོང་ལ་དགའ་མོས་འགྱུར། །མ་དུལ་གདུལ་དཀའི་སེམས་ཅན་སེར་སྣ་ཅན། །ནོར་རྣམས་རྨི་ལམ་སྤྲིན་དང་འདྲར་ཤེས་ནས། །དགའ་བའི་ཡིད་ཀྱིས་སྦྱིན་པ་སྤེལ་བྱས་པས། །དེས་ན་སྟོང་དང་ལྡན་པའི་འོད་གྲུབ་བོ། །ཡོངས་སུ་གདུང་མེད་འོད་ཟེར་
རབ་གཏོང་ཞིང་། །ཁྲིམས་འཆལ་སེམས་ཅན་གང་དག་དེས་བསྐུལ་བ། །ཚུལ་ཁྲིམས་རྣམ་པར་དག་ལ་གནས་གྱུར་ནས། །རང་བྱུང་འགྱུར་བར་བྱ་ཞེས་སེམས་བསྐྱེད་དོ། །དགེ་བའི་ལས་ལམ་ཡོངས་སུ་དག་པ་དང་། །ཚུལ་ཁྲིམས་ལ་ཡང་
སེམས་ཅན་མང་འཛུད་ཅིང་། །བྱང་ཆུབ་སེམས་ཀྱང་ཡང་དག་འཛིན་འཇུག་པས། །ཡོངས་གདུང་མེད་པའི་འོད་ཟེར་དེ་གྲུབ་བོ། །བཟོད་པ་བཀོད་པའི་འོད་ཟེར་རབ་གཏོང་ཞིང་། །མི་བཟོད་སེམས་ཅན་གང་དག་དེས་བསྐུལ་བ། །ཁྲོ་དང་ཐ་བ་ང་རྒྱལ་
ཡོངས་སྤངས་ཤིང་། །དེ་དག་རྟག་ཏུ་བཟོད་མོས་དགའ་བར་འགྱུར། །སྡིག་ལྡན་རྣམས་ཀྱི་ཉེས་བྱས་བཟོད་བྱས་ཏེ། །བྱང་ཆུབ་དོན་དུ་འཁྲུགས་པ་མ་བྱས་ཤིང་། །བཟོད་པའི་ཡོན་ཏན་རྟག་ཏུ་བསྔགས་བརྗོད་པས། །དེས་ན་བཟོད་པ་བཀོད་
པ་དེ་གྲུབ་བོ། །སྦྱངས་དང་ལྡན་པའི་འོད་ཟེར་རབ་གཏོང་ཞིང་། །ལེ་ལོའི་སེམས་ཅན་གང་དག་དེས་བསྐུལ་བ། །རིགས་པར་བརྩོན་པ་དཀོན་མཆོག་གསུམ་རྣམས་ལ། །སྦྱོར་བ་སྐྱོ་མེད་མཆོད་པ་བྱེད་པར་འགྱུར། །རིགས་པར་བརྩོན་
པ་དཀོན་མཆོག་གསུམ་རྣམས་ལ། །སྦྱོར་བ་སྐྱོ་བ་མེད་པས་མཆོད་བྱས་ནས། །དེ་དག་བདུད་བཞིའི་ལམ་ལས་རབ་འདས་ཏེ། །བྱང་ཆུབ་བླ་མེད་མྱུར་དུ་རེག་པར་འགྱུར། །སེམས་ཅན་མང་པོ་བརྩོན་འགྲུས་འཛིན་བཅུག་སྟེ། །དཀོན་
མཆོག་གསུམ་ལ་མཆོད་པ་རབ་བྱས་ནས། །ཟད་པའི་དུས་ན་དམ་ཆོས་ཡོངས་བཟུང་བས། །དེས་ན་སྦྱངས་དང་ལྡན་པའི་འོད་ཐོབ་བོ། །ཞི་བར་བྱེད་པའི་འོད་ཟེར་རབ་གཏོང་ཞིང་། །རྣམ་འཁྲུགས་སེམས་ཅན་གང་དག་དེས་བསྐུལ་བ། །དེ་དག་

106-1-43b

ཆགས་མེད་སྡང་མེད་རྨོངས་མེད་ཅིང་། །རྟོགས་པར་གྱུར་ནས་མཉམ་བཞག་སེམས་སུ་འགྱུར། །སྡིག་པའི་གྲོགས་པོ་སྐྱོན་ལྡན་སྤྱོད་ཅན་དང་། །འདྲེ་བ་ཡོངས་སུ་རྣམ་པར་སྤང་བྱས་ཏེ། །དགོན་པར་རབ་ཞི་བསམ་གཏན་བསྔགས་བརྗོད་པས། །
དེས་ན་ཞི་བར་བྱེད་པའི་འོད་གྲུབ་བོ། །ཤེས་རབ་བཀོད་པའི་འོད་ཟེར་རབ་གཏོང་ཞིང་། །ཤེས་འཆལ་སེམས་ཅན་ཇི་སྙེད་དེས་བསྐུལ་བ། །བདེན་དང་བརྟེན་དང་རྣམ་ཐར་ཚུལ་རྣམས་དང་། །དབང་པོ་ཤེས་པ་རྟོགས་པར་ཁོང་ཆུད་འགྱུར། །
བདེན་དང་བརྟེན་དང་རྣམ་ཐར་ཚུལ་རྣམས་དང་། །དབང་པོ་ཤེས་པ་རྟོགས་པར་ཁོང་ཆུད་ཅིང་། །ཉི་མ་སྒྲོན་མའི་ཏིང་འཛིན་ཐོབ་གྱུར་ནས། །ཤེས་རབ་སྣང་བར་མཛད་པའི་རྒྱལ་བར་འགྱུར། །རྒྱལ་སྲིད་ནོར་དང་བདག་ཕངས་ཡོངས་བཏང་
སྟེ། །བྱང་ཆུབ་དོན་དུ་ཆོས་གང་བཙལ་བྱས་པ། །ཤེས་རབ་བཀོད་པའི་འོད་ཟེར་དེ་གྲུབ་བོ། །སངས་རྒྱས་ལྡན་པའི་འོད་ཟེར་རབ་གཏོང་ཞིང་། །སེམས་ཅན་གང་དག་འོད་དེས་བསྐུལ་བྱས་པ། །སངས་རྒྱས་སྟོང་ཕྲག་
དུ་མ་བསམ་ཡས་རྣམས། །པད་མ་དམ་པ་རྣམས་ལ་བཞུགས་པར་མཐོང་། །སངས་རྒྱས་ཆེ་དང་སངས་རྒྱས་རྣམ་ཐར་དང་། །སངས་རྒྱས་རྣམ་འཕྲུལ་མཐའ་ཡས་བརྗོད་བྱས་ཤིང་། །སངས་རྒྱས་སྟོབས་དང་རྫུ་འཕྲུལ་རབ་
བརྗོད་པས། །དེ་ནས་སངས་རྒྱས་ལྡན་པའི་འོད་གྲུབ་བོ། །མི་འཇིགས་སྦྱིན་པའི་འོད་ཟེར་རབ་གཏོང་ཞིང་། །འཇིགས་ཉེན་སེམས་ཅན་གང་དག་དེར་རེག་པ། །འབྱུང་པོ་གཟའ་དང་གསད་བརྡེག་བཅིང་བ་དང་། །ནད་འགོ་
འཇིགས་པ་ཀུན་ལས་ཐར་བར་འགྱུར། །མི་འཇིགས་སྦྱིན་པས་སེམས་ཅན་གང་བསྐྱབས་དང་། །སྲོག་ཆགས་གསོད་ལས་བཟློག་པ་བྱས་པ་དང་། །འཇིགས་པ་སྐྱབས་ཚོལ་རྣམས་ལ་སྐྱབས་བྱས་པས། །མི་འཇིགས་
སྦྱིན་པའི་འོད་ཟེར་དེས་གྲུབ་བོ། །བདེ་བ་ཀུན་བྱེད་འོད་ཟེར་རབ་གཏོང་ཞིང་། །ནད་པ་ན་བ་གང་དག་དེས་རེག་པ། །རྣམ་པ་ཀུན་དུ་ནད་ཀྱི་སྡུག་བསྔལ་ཐར། །བསམ་གཏན་ཏིང་འཛིན་བདེ་བ་རྣམས་ཀྱང་ཐོབ། །ནད་གསོས་

106-1-44a

འབྲས་བུ་སྨན་དང་རྩ་བ་དང་། །རིན་ཆེན་བཅུད་ལེན་སྤོས་དང་བྱུག་པ་དང་། །བུ་རམ་སྦྲང་རྩི་འོ་མ་མར་དག་དང་། །འབྲུ་མར་ཟས་སྐོམ་བྱིན་པས་དེ་ཐོབ་བོ། །སངས་རྒྱས་སྟོན་པའི་འོད་ཟེར་རབ་གཏོང་ཞིང་། །ཚེ་ཟད་ཐ་མར་གང་
དག་དེས་བསྐུལ་བ། །སངས་རྒྱས་རྗེས་དྲན་སངས་རྒྱས་མཐོང་བར་འགྱུར། །དེ་དག་ཤི་འཕོས་སངས་རྒྱས་བཞུགས་ཞིང་འགྲོ། །འཆི་བའི་དུས་སུ་སངས་རྒྱས་དྲན་བྱས་ཏེ། །དགའ་བྱེད་རྒྱལ་བའི་སྐུ་གཟུགས་བསྟན་བྱས་ཤིང་། །
འཆི་ཀར་སངས་རྒྱས་སྐྱབས་སུ་གཏང་བརྗོད་པས། །སངས་རྒྱས་སྟོན་པའི་འོད་ཟེར་དེ་ཐོབ་བོ། །ཆོས་རབ་རྗོད་པའི་འོད་ཟེར་རབ་གཏོང་ཞིང་། །སེམས་ཅན་གང་དག་འོད་དེས་བསྐུལ་བྱས་པ། །ཆོས་ཉན་ཀློག་ཅིང་ཡི་གེར་
འདྲི་བར་བྱེད། །དེ་དག་རྟག་ཏུ་ཆོས་ལ་དགའ་མོས་འགྱུར། །ཆོས་ཀྱི་མུ་གེ་བྱུང་ཚེ་ཆོས་བརྗོད་དེ། །ཆོས་ཚོལ་རྣམས་ཀྱི་བསམ་པ་རྫོགས་བྱས་ཤིང་། །འདུན་པ་བསྐྱེད་དེ་ཆོས་ལ་བརྩོན་གྱིས་ཤེས། །བརྗོད་པས་ཆོས་རབ་
བརྗོད་པ་དེ་ཐོབ་བོ། །སངས་རྒྱས་སྲས་རྣམས་ཡོངས་སུ་བསྐུལ་བའི་ཕྱིར། །དབྱངས་དང་ལྡན་པའི་འོད་ཟེར་རབ་གཏོང་ཞིང་། །འཇིག་རྟེན་གསུམ་ན་སྒྲ་རྒྱུད་ཇི་སྙེད་པ། །ཀུན་ཀྱང་དེ་བཞིན་གཤེགས་པའི་
གསུང་དུ་ཐོས། །གསང་བསྟོད་སྒྲ་ཡིས་དྲང་སྲོང་ཆེ་བསྟོད་དེ། །རྒྱལ་བའི་གསུང་སྒྲ་དོན་དུ་སིལ་སྙན་དང་། །སྒྲ་ཆན་དྲིལ་བུ་སྦྱིན་རྣམས་འགྲོ་ཀུན་ལ། །རབ་ཏུ་བསྒྲགས་པས་དབྱངས་ལྡན་འོད་གྲུབ་བོ། །
འཆི་མེད་སྦྱིན་པའི་འོད་ཟེར་རབ་གཏོང་ཞིང་། །སེམས་ཅན་གང་དག་འོད་དེས་བསྐུལ་བྱས་པ། །བག་མེད་སྤྱོད་པ་ཐམས་ཅད་རབ་སྤངས་ཏེ། །ཡོན་ཏན་ཀུན་ལ་བརྩོན་པ་ཉམས་སུ་ལེན། །འདུས་བྱས་རྟག་ཏུ་བདེ་
བ་མེད་པ་སྟེ། །སྡུག་བསྔལ་འཚེ་བ་དུ་མས་ཡོངས་སུ་གང་། །འགོག་པ་རྟག་ཏུ་བདེ་ཞིང་ཞི་སྐྱིད་ཅེས། །བརྗོད་པས་འཆི་མེད་སྦྱིན་པ་དེ་ཐོབ་བོ། །ཁྱད་པར་ལྡན་པའི་འོད་ཟེར་རབ་གཏོང་ཞིང་། །སེམས་ཅན་གང་དག་

106-1-44b

འོད་དེས་བསྐུལ་བྱས་པ། །རྒྱལ་བ་རྣམས་ཀྱི་ཚུལ་ཁྲིམས་ཁྱད་པར་དང་། །ཏིང་འཛིན་ཁྱད་པར་ཤེས་རབ་ཁྱད་པར་ཐོས། །ཐུབ་ཆེན་རྒྱལ་པོའི་ཁྲིམས་ཀྱིས་མཆོག་གྱུར་ཅིང་། །ཏིང་འཛིན་མཆོག་དང་ཤེས་རབ་མཆོག་གྱུར་ཅེས། །བྱང་ཆུབ་དོན་དུ་
བསྟོད་ཅིང་བསྔགས་བརྗོད་པས། །དེས་ན་ཁྱད་པར་ལྡན་པའི་འོད་གྲུབ་བོ། །རིན་ཆེན་བཀོད་པའི་འོད་ཟེར་རབ་གཏོང་ཞིང་། །སེམས་ཅན་གང་དག་འོད་དེས་བསྐུལ་བྱས་པ། །རིན་ཆེན་མི་ཟད་གཏེར་རྣམས་ཐོབ་གྱུར་ནས། །དྲང་སྲོང་ཆེ་ལ་རིན་
ཆེན་དམ་པས་མཆོད། །རྒྱལ་དང་རྒྱལ་བའི་མཆོད་རྟེན་རིན་ཆེན་ཕུལ། །སྐྱེ་བོ་ཉོན་མོངས་རིན་ཆེན་རྣམས་ཀྱིས་བསྡུས། །རྒྱལ་བ་རྣམས་ལ་རིན་ཆེན་རབ་ཕུལ་བས། །རིན་ཆེན་བཀོད་པའི་འོད་ཟེར་གྲུབ་པར་འགྱུར། །སྤོས་རབ་སྣང་
བའི་འོད་ཟེར་རབ་གཏོང་ཞིང་། །སེམས་ཅན་གང་དག་འོད་དེས་བསྐུལ་བྱས་པ། །མི་ལ་མེད་སྤོས་ཡིད་འོང་ཚོར་གྱུར་ནས། །སངས་རྒྱས་ཡོན་ཏན་རྣམས་ལ་ངེས་པར་འགྱུར། །མི་དང་ལྷ་ཡི་སྤོས་དང་བྱུག་པ་ཡིས། །མི་ཡི་
གཙོ་ལ་མཆོད་པ་རབ་བྱས་ཏེ། །སྤོས་ལས་རྒྱལ་བའི་གཟུགས་དང་མཆོད་རྟེན་དག །བྱས་པས་སྤོས་རབ་སྣང་བ་དེ་གྲུབ་བོ། །སྣ་ཚོགས་བཀོད་པའི་འོད་ཟེར་རབ་གཏོང་ཞིང་། །རྒྱལ་མཚན་བ་དན་གདུགས་མཆོག་སྣ་ཚོགས་དང་། །
སིལ་སྙན་བསྒྲགས་ཤིང་སྤོས་ཀྱིས་བདུགས་པ་ཡིས། །ཕོ་བྲང་དམ་པ་མཛེས་བྱས་མེ་ཏོག་བཀྲམ། །སིལ་སྙན་དག་གིས་རྒྱལ་བ་རྣམས་བསྡུ་ཞིང་། །མེ་ཏོག་བྱུག་པ་བདུག་སྤོས་ཕྱེ་མ་དང་། །རྒྱལ་མཚན་བ་དན་གདུགས་
མཆོག་རྣམས་ཀྱིས་མཆོད། །དེས་ན་སྣ་ཚོགས་བཀོད་པ་གྲུབ་པར་གྱུར། །ཤིན་དུ་དང་བྱེད་འོད་ཟེར་རབ་གཏོང་ཞིང་། །ས་རྣམས་ལག་འཐིལ་བཞིན་དུ་གནས་པར་བྱེད། །མཆོད་རྟེན་དྲང་སྲོང་གནས་རྣམས་སྦྱངས་བྱས་པས། །དེས་ན་
ཤིན་དུ་དང་བའི་འོད་གྲུབ་བོ། །སྤྲིན་དང་ལྡན་པའི་འོད་ཟེར་རབ་གཏོང་ཞིང་། །སྤོས་ཀྱི་ཆར་འབེབས་སྤྲིན་རྣམས་ཀུན་དུ་གནས། །མཆོད་རྟེན་འཁོར་སར་སྤོས་ཀྱི་ཆུས་བཏབ་པས། །སྤྲིན་དང་ལྡན་པའི་འོད་དེ་རབ་ཏུ་ཐོབ། །ལྷབ་ལྷུབ་

106-1-45a

བཀོད་པའི་འོད་ཟེར་རབ་གཏོང་ཞིང་། །གཅེར་བུ་གོས་ཡོད་རྒྱན་དང་ལྡན་པར་འགྱུར། །གོས་དང་བགོ་བ་རྒྱན་ཕྲེང་སྣ་ཚོགས་དག །སྦྱིན་པ་བྱས་པས་ལྷབ་ལྷུབ་བཀོད་པ་གྲུབ། །རོ་མཆོག་ལྡན་པའི་འོད་ཟེར་རབ་གཏོང་ཞིང་། །
བཀྲེས་པ་ཁ་ཟས་རོ་མཆོག་ཐོབ་པར་འགྱུར། །ཟས་དང་སྐོམ་དང་རོ་མཆོག་སྣ་ཚོགས་རྣམས། །བྱིན་པས་རོ་མཆོག་ལྡན་པའི་འོད་གྲུབ་བོ། །ནོར་རྣམས་སྟོན་པའི་འོད་ཟེར་རབ་གཏོང་ཞིང་། །དབུལ་པོ་དག་གིས་རིན་ཆེན་གཏེར་
རྣམས་འཐོབ། །དཀོན་མཆོག་གསུམ་ལ་གཏེར་གཞི་མི་ཟད་པ། །དབུལ་བ་བྱས་པས་ནོར་སྟོན་འོད་ཐོབ་བོ། །མིག་རྣམ་སྦྱོང་བའི་འོད་ཟེར་རབ་གཏོང་ཞིང་། །དེ་ཚེ་ལོང་བས་སྣ་ཚོགས་གཟུགས་རྣམས་མཐོང་། །རྒྱལ་
བ་དག་དང་རྒྱལ་བའི་མཆོད་རྟེན་ལ། །མར་མེ་ཕུལ་བས་མིག་སྦྱོང་འོད་ཟེར་གྲུབ། །རྣ་བ་རྣམ་སྦྱོང་འོད་ཟེར་རབ་གཏོང་ཞིང་། །རྣ་བ་ཉམས་པས་སྒྲ་མང་ཐོས་པར་འགྱུར། །རྒྱལ་བ་རྣམས་དང་རྒྱལ་བའི་མཆོད་རྟེན་ལ། །སིལ་
སྙན་ཕུལ་བས་རྣ་སྦྱོང་འོད་ཟེར་གྲུབ། །སྣ་རྣམ་སྦྱོང་བའི་འོད་ཟེར་རབ་གཏོང་ཞིང་། །སྔོན་ཆད་མ་ཚོར་དྲི་ཞིམ་ཚོར་བར་འགྱུར། །རྒྱལ་བ་རྣམས་དང་རྒྱལ་བའི་མཆོད་རྟེན་ལ། །སྤོས་རབ་ཕུལ་བས་སྣ་སྦྱོང་འོད་ཟེར་གྲུབ། །
ལྕེ་རྣམ་སྦྱོང་བའི་འོད་ཟེར་རབ་གཏོང་ཞིང་། །སྒྲ་སྙན་ཡིད་འོང་རྣམས་ཀྱིས་སངས་རྒྱས་བསྟོད། །མི་སྙན་བརླང་བར་སྨྲ་བ་རྣམ་སྤངས་ཏེ། །འཇམ་པར་སྨྲས་པས་ལྕེ་སྦྱོང་འོད་ཟེར་གྲུབ། །ལུས་རྣམ་སྦྱོང་བའི་འོད་ཟེར་རབ་གཏོང་
ཞིང་། །དབང་པོ་ཉམས་པ་དབང་པོ་ལྡན་པར་འགྱུར། །རྒྱལ་བ་རྣམས་དང་རྒྱལ་བའི་མཆོད་རྟེན་ལ། །ལུས་བཏུད་བྱས་པས་ལུས་རྣམ་སྦྱོང་བ་ཐོབ། །སེམས་རྣམ་སྦྱོང་བའི་འོད་ཟེར་རབ་གཏོང་ཞིང་། །སྨྱོས་པ་ཐམས་
ཅད་སེམས་དང་ལྡན་པར་འགྱུར། །ཏིང་འཛིན་དབང་རྗེས་སེམས་འགྲོ་བྱས་པས་ན། །སེམས་རྣམ་སྦྱོང་བའི་འོད་ཟེར་དེ་གྲུབ་བོ། །གཟུགས་རྣམ་སྦྱོང་བའི་འོད་ཟེར་རབ་གཏོང་ཞིང་། །མི་དབང་རྣམས་ཀྱིས་བསམ་

106-1-45b

ཡས་སྐུ་མཐོང་སྟེ། །སྐུ་གཟུགས་རི་མོ་སྣ་ཚོགས་མང་པོ་དང་། །མཆོད་རྟེན་བརྒྱན་བྱས་གཟུགས་སྦྱོང་འོད་གྲུབ་བོ། །སྒྲ་རྣམ་སྦྱོང་བའི་འོད་ཟེར་རབ་གཏོང་ཞིང་། །སྒྲ་ནི་སྒྲ་མི་སྟོང་པར་རབ་ཏུ་ཤེས། །རྐྱེན་ལས་བྱུང་བས་བྲག་ཆ་འདྲའོ་
ཞེས། །སྒྲ་རྣམས་བསྟན་པས་འོད་ཟེར་དེ་གྲུབ་བོ། །དྲི་རྣམ་སྦྱོང་བའི་འོད་ཟེར་རབ་གཏོང་ཞིང་། །དྲི་ང་ཐམས་ཅད་དྲི་ཞིམ་མཆོག་ཏུ་འགྱུར། །སྤོས་རབ་མཆོག་ཆུས་རྒྱལ་བའི་མཆོད་རྟེན་དག །ཁྲུས་བྱས་བྱང་ཆུབ་ཞིང་གི་འོད་དེ་
ཡིན། །རོ་བྲོ་སྦྱོང་བའི་འོད་ཟེར་རབ་གཏོང་ཞིང་། །དུག་ཅན་དུག་མེད་རོ་ཡི་མཆོག་ཏུ་འགྱུར། །སངས་རྒྱས་ཉན་ཐོས་བཅས་དང་ཕ་མ་ལ། །རོ་མཆོག་ཐམས་ཅད་ཕུལ་བའི་འོད་དེ་ཡིན། །རེག་རྣམ་སྦྱོང་བའི་འོད་ཟེར་རབ་གཏོང་
ཞིང་། །རེག་ན་རྩུབ་པ་འཇམ་ཞིང་བདེ་བར་འགྱུར། །མདུང་ཐུང་རྩེ་གསུམ་རལ་གྲི་མདའ་ཆེན་ཆར། །ཕྲེང་བ་འཇམ་པ་པད་མ་ཨུཏ་པལ་འགྱུར། །བཅོས་བུའི་རས་མང་འཇམ་ཞིང་རེག་བདེ་རྣམས། །རྒྱལ་བ་རྣམས་ཀྱི་གཤེགས་ཤུལ་
བཏིང་བཀྲམ་སྟེ། །མེ་ཏོག་བྱུག་པ་ན་བཟའ་འཇམ་རྣམས་དང་། །ཕྲེང་བ་བླ་རེ་ཕུལ་བའི་འོད་དེ་ཡིན། །ཆོས་རྣམ་སྦྱོང་བའི་འོད་ཟེར་རབ་གཏོང་ཞིང་། །འཇིག་རྟེན་ཕན་མཛད་རྒྱལ་བ་ཐམས་ཅད་ཀྱི། །སྤུ་རྣམས་ཀུན་ནས་ཆོས་
རྣམས་བསམ་མི་ཁྱབ། །བྱུང་བ་ཐོས་ནས་མོས་པ་ཐམས་ཅད་ཚིམ། །རྐྱེན་ལས་བྱུང་བ་མ་སྐྱེས་ངོ་བོ་ཉིད། །རྒྱལ་བ་རྣམས་ཀྱི་སྐུ་ནི་ཆོས་སྐུ་སྟེ། །ཆོས་ཉིད་མཁའ་བཞིན་རྟག་ཏུ་གནས་སོ་ཞེས། །བརྗོད་པས་ཆོས་རྣམས་
སྦྱོང་བ་ཐོབ་པར་འགྱུར། །འོད་ཟེར་སྒོ་མོ་དེ་དག་ལ་སོགས་པ། །དྲང་སྲོང་རྣམས་ཀྱི་སྤུ་ཡི་སྒོ་གཅིག་ནས། །འོད་ཟེར་གང་གཱའི་བྱེ་མ་སྙེད་འབྱུང་སྟེ། །ཀུན་ཀྱང་ལས་སྦྱོར་ཐ་དད་ཚུལ་ཅན་ནོ། །ཇི་ལྟར་དེ་དག་སྤུ་ཡི་སྒོ་གཅིག་ནས། །འོད་
ཟེར་གང་གཱའི་བྱེ་མ་སྙེད་འབྱུང་བ། །མ་ལུས་སྤུ་རྣམས་ཀུན་ནས་དེ་བཞིན་ཏེ། །དྲང་སྲོང་ཏིང་འཛིན་རྣམ་འཕྲུལ་འདི་འདྲའོ། །ཡོན་ཏན་གང་གིས་འོད་ཟེར་གང་གྲུབ་པའི། །ཡོན་ཏན་དེ་གྲོགས་སྔོན་ཆད་གང་གྱུར་པ། །དེ་དག་ཉིད་

106-1-46a

ལས་འོད་ཟེར་རབ་འབྱུང་སྟེ། །དྲང་སྲོང་ཡེ་ཤེས་རྣམ་འཕྲུལ་འདི་འདྲའོ། །དེ་དག་བསོད་ནམས་སྔོན་གྲོགས་གང་ཡིན་ལ། །རྗེས་སུ་ཡིད་རང་གསོལ་བ་སུས་བཏབ་དང་། །གང་གིས་མཐོང་སྟེ་དགེ་བ་བསགས་གྱུར་པ། །
དེ་དག་ཀུན་གྱིས་འོད་གཟེར་དེ་དག་ཤེས། །གང་དག་བསོད་ནམས་བྱས་ཤིང་དགེ་བསགས་དང་། །གང་དག་ཡང་ཡང་སངས་རྒྱས་རྣམས་མཆོད་ཅིང་། །སངས་རྒྱས་ཡོན་ཏན་འདུན་ཏེ་དོན་གཉེར་བ། །དེ་དག་ཀུན་ལ་འོད་ཟེར་
དེ་དག་བསྐུལ། །དཔེར་ན་དམུས་ལོང་ཉི་མ་མི་མཐོང་ཡང་། །དེ་མེད་མ་ཡིན་འཇིག་རྟེན་དག་ཏུ་འཆར། །མིག་དང་ལྡན་པས་ཤར་བར་ཤེས་གྱུར་ནས། །ཀུན་ཀྱང་རང་རང་སོ་སོའི་ལས་ལ་འཇུག །དེ་བཞིན་སྐྱེས་ཆེན་འོད་
ཟེར་དེ་དག་ཀུན། །རབ་ཏུ་འབྱུང་ཡང་ལོག་པས་ཉེན་གྱུར་ཅིང་། །མོས་ཉམས་ཕལ་པ་རྣམས་ཀྱིས་མི་མཐོང་སྟེ། །བློ་གྲོས་ཡངས་པ་རྣམས་ལ་དེ་དག་མོད། །དཔེར་རྒྱན་ནོར་བུ་བཞོན་པ་གཞལ་མེད་ཁང་། །བཅུད་ཀྱིས་
ལེན་དང་རིན་ཆེན་བྱུག་པ་སྤོས། །དེ་དག་སྐྱེ་བོ་ཆེ་ལ་ཡོད་མོད་ཀྱི། །ཕོངས་པར་གྱུར་པ་རྣམས་ལ་དེ་དག་མེད། །དེ་བཞིན་སྐྱེས་ཆེན་འོད་ཟེར་དེ་དག་མོད། །དེ་དག་ཡོད་ཀྱང་ལོག་པས་ཉེན་གྱུར་ཅིང་། །མོས་པ་ཉམས་པ་
རྣམས་ཀྱིས་མི་མཐོང་སྟེ། །བློ་གྲོས་ཡངས་པ་རྣམས་ལ་དེ་དག་མོད། །གང་དག་འོད་ཟེར་དབྱེ་བ་འདི་ཐོས་ནས། །དད་ཅིང་མོས་ལ་དང་བ་སྐྱེས་གྱུར་ན། །བདག་ནི་ཡོན་ཏན་ཆེར་འགྱུར་མི་འགྱུར་ཞེས། །དེ་དག་དོགས་དང་སོམ་ཉི་
མི་སྐྱེད་དོ། །དེ་དག་གཡོག་འཁོར་བཀོད་པ་རྣམ་འཕྲུལ་བ། །ཏིང་འཛིན་དམ་པ་མངོན་བར་གྲུབ་བྱེད་ཅིང་། །ཕྱོགས་བཅུ་ཀུན་དུ་དོ་ཟླ་མེད་རྣམས་ཀྱི། །ཞམ་རིང་སངས་རྒྱས་སྲས་རྣམས་སྟོན་པར་བྱེད། །འོད་
བཀོད་དེ་དག་པད་མ་སྣ་ཚོགས་པ། །སྟོང་གསུམ་ཚད་ཙམ་བྱིན་གྱིས་བརླབས་བྱས་ནས། །དཀྱིལ་དཀྲུང་བཅས་པའི་ལུས་ཀྱིས་ཀུན་ཁྱབ་སྟོན། །ཏིང་འཛིན་རྣམ་པར་འཕྲུལ་པ་འདི་འདྲའོ། །དེ་དག་ཞིང་བཅུའི་རྡུལ་སྙེད་

106-1-46b

པད་མ་གཞན། །འཁོར་དང་བཅས་པ་བྱིན་གྱིས་བརླབས་བྱས་ཤིང་། །སངས་རྒྱས་སྲས་ཀྱིས་ཐམས་ཅད་ཡོངས་སུ་བསྐོར། །དེ་དག་ཏིང་འཛིན་ཏིང་འཛིན་མེད་པར་གནས། །དྲང་སྲོང་དེ་ཡིས་སེམས་ཅན་གང་དག་རྣམས། །ཡོངས་སུ་
སྨིན་བྱས་སངས་རྒྱས་ལེགས་བསྒྲུབས་པ། །དེ་དག་པད་མ་ཆེན་པོ་དེ་བསྐོར་ཅིང་། །ཀུན་ཀྱང་ཐལ་མོ་སྦྱར་ནས་ལྟ་ཞིང་འཁོད། །གང་དག་ཏིང་འཛིན་གནས་པར་རབ་ཞུགས་པ། །སྐྱེས་ཆེན་རྣམས་ཀྱི་ཆོས་ཉིད་འདི་ཡིན་ཏེ། །རང་གི་
སློབ་མས་ཀུན་ཀྱང་ཡོངས་བསྐོར་ནས། །སྐར་མའི་ཚོགས་ཀྱིས་ཟླ་བ་བསྐོར་བ་བཞིན། །དེ་དག་ཇི་ལྟར་ཕྱོགས་གཅིག་རབ་འཇུག་ཅིང་། །ཞབས་འབྲིང་སངས་རྒྱས་སྲས་རྣམས་སྟོན་བྱེད་པ། །དེ་བཞིན་ཕྱོགས་རྣམས་མ་ལུས་
ཀུན་དུ་སྟོན། །ཏིང་འཛིན་རྣམ་པར་འཕྲུལ་པ་འདི་འདྲའོ། །དེ་དག་ཕྱོགས་ཀྱི་དྲ་བ་ཁྱབ་གནས་པའི། །ཏིང་འཛིན་དམ་པ་མངོན་བར་སྒྲུབ་བྱེད་ཅིང་། །ཁ་ཅིག་མཉམ་བཞག་ཁ་ཅིག་ལྡང་བར་ཡང་། །ཕྱོགས་བཅུ་ཀུན་དུ་རང་གི་ལུས་སྟོན་ཏོ། །
དེ་དག་ཤར་གྱི་ཕྱོགས་སུ་མཉམ་བཞག་ཅིང་། །ནུབ་ཀྱི་ཕྱོགས་ནས་དཔའ་བོ་རྣམ་པར་ལྡང་། །ནུབ་ཀྱི་ཕྱོགས་སུ་མཉམ་པར་བཞག་གྱུར་ནས། །བདག་ཉིད་ཆེན་པོ་ཤར་གྱི་ཕྱོགས་ནས་ལྡང་། །དེ་བཞིན་ཕྱོགས་བཅུ་རྣམས་
སུ་རབ་ཏུ་འཇུག །གཞན་གྱི་ཕྱོགས་སུ་མཉམ་པར་བཞག་གྱུར་ལ། །ཡེ་ཤེས་ཡོན་ཏན་ཕྱུག་པོ་གཞན་ནས་ལྡང་། །དྲང་སྲོང་ཏིང་འཛིན་རྣམ་འཕྲུལ་འདི་འདྲའོ། །ཤར་ཕྱོགས་སངས་རྒྱས་ཞིང་རྣམས་གང་ཡིན་པ། །གྲངས་
མེད་མ་ལུས་དག་ན་རང་བྱུང་བ། །དེ་དག་སྤྱན་སྔར་ཞབས་དྲུང་དེ་དག་རྣམས། །ཞི་བའི་ཏིང་ངེ་འཛིན་ལ་གནས་པར་སྣང་། །ཕྱོགས་དེར་མཉམ་པར་བཞག་པར་བསྟན་བྱས་ནས། །དཔའ་བོ་ནུབ་ཀྱི་ཞིང་རྣམས་མ་ལུས་པར། །རྣམ་པར་
ལྡང་ཞིང་མངོན་སུམ་རྒྱལ་ཀུན་ལ། །མཆོད་པ་དུ་མ་རབ་ཏུ་བྱེད་པར་སྣང་། །ནུབ་ཕྱོགས་སངས་རྒྱས་ཞིང་རྣམས་གང་ཡིན་པ། །གྲངས་མེད་མ་ལུས་དག་ན་བཞུགས་སངས་རྒྱས། །དེ་དག་སྤྱན་སྔར་ཞབས་དྲུང་དེ་དག་རྣམས། །

106-1-47a

ཞི་བའི་ཏིང་ངེ་འཛིན་ལ་གནས་པར་སྣང་། །ཕྱོགས་དེར་མཉམ་པར་བཞག་པར་བསྟན་བྱས་ནས། །དཔའ་བོ་ཤར་གྱི་ཞིང་རྣམས་མ་ལུས་པར། །རྣམ་པར་ལྡང་ཞིང་མངོན་སུམ་རྒྱལ་ཀུན་ལ། །མཆོད་པ་དུ་མ་རབ་ཏུ་བྱེད་པར་སྣང་། །དེ་བཞིན་
ཕྱོགས་བཅུ་དག་གི་ཞིང་རྣམས་སུ། །ཕྱོགས་རྣམས་མ་ལུས་ཀུན་དུ་བརྟན་པ་འཇུག །ཁ་ཅིག་མཉམ་བཞག་ཁ་ཅིག་ལངས་གྱུར་ཅིང་། །འཇིག་རྟེན་སྒྲོན་མ་རྣམས་ལ་མཆོད་བྱེད་སྣང་། །དེ་དག་མིག་གི་ལམ་ལ་མཉམ་བཞག་ཅིང་། །གཟུགས་ཀྱི་
ལམ་ནས་བདག་ཉིད་ཆེན་པོ་ལྡང་། །གཟུགས་རྣམས་བསམ་གྱིས་མི་ཁྱབ་སྟོན་པ་ན། །དེ་ལ་ལྷར་བཅས་འཇིག་རྟེན་རྨོངས་པར་འགྱུར། །གཟུགས་ཀྱི་ལམ་ལ་མཉམ་པར་བཞག་གྱུར་ལ། །མི་ནི་མ་སྐྱེས་མ་བྱུང་རང་བཞིན་
ཏེ། །སྟོང་པ་བྱེད་པ་མེད་པར་རབ་སྟོན་ཅིང་། །མིག་གི་ལམ་ནས་དྲན་ལྡན་རྣམ་པར་ལྡང་། །དེ་དག་རྣ་བའི་ལམ་ལ་མཉམ་བཞག་ཅིང་། །སྒྲ་ཡི་ལམ་ནས་བདག་ཉིད་ཆེན་པོ་ལྡང་། །གང་ལ་ལྷར་བཅས་འཇིག་རྟེན་རྨོངས་འགྱུར་
བ། །སྒྲ་དང་སྐད་རྣམས་ཀུན་ལ་རབ་ཏུ་ཞུགས། །སྒྲ་ཡི་ལམ་ལ་མཉམ་པར་བཞག་གྱུར་ཅིང་། །རྣ་བ་མ་སྐྱེས་མ་བྱུང་རང་བཞིན་ཏེ། །སྟོང་པ་བྱེད་པ་མེད་པར་རབ་སྟོན་ཅིང་། །རྣ་བའི་ལམ་ནས་དྲན་ལྡན་རྣམ་པར་ལྡང་། །
དེ་དག་སྣ་ཡི་ལམ་ལ་མཉམ་བཞག་ཅིང་། །དྲི་ཡི་ལམ་ནས་བདག་ཉིད་ཆེན་པོ་ལྡང་། །གང་དུ་ལྷར་བཅས་འཇིག་རྟེན་རྨོངས་འགྱུར་བ། །དྲི་མཆོག་དམ་པ་འཇུག་པར་རབ་ཏུ་ཞུགས། །དྲི་ཡི་ལམ་ལ་མཉམ་པར་བཞག་གྱུར་
ཅིང་། །སྣ་ནི་མ་སྐྱེས་མ་བྱུང་རང་བཞིན་ཏེ། །སྟོང་པ་བྱེད་པ་མེད་པར་རབ་སྟོན་ཅིང་། །སྣ་ཡི་ལམ་ནས་དྲན་ལྡན་རྣམ་པར་ལྡང་། །དེ་དག་ལྕེ་ཡི་ལམ་ལ་མཉམ་བཞག་ཅིང་། །རོ་མཆོག་ཀུན་གྱི་ལམ་ནས་རྣམ་པར་ལྡང་། །
གང་དུ་ལྷར་བཅས་འཇིག་རྟེན་རྨོངས་འགྱུར་བ། །བདག་ཉིད་ཆེན་པོ་རོ་མཆོག་རྣམས་དང་ལྡན། །རོ་མཆོག་རྣམས་ལ་མཉམ་པར་བཞག་གྱུར་ཅིང་། །ལྕེ་ནི་མ་སྐྱེས་མ་བྱུང་རང་བཞིན་ཏེ། །སྟོང་པ་བྱེད་པ་མེད་པར་རབ་སྟོན་

106-1-47b

ཅིང་། །ལྕེ་ཡི་ལམ་ནས་དྲན་ལྡན་རྣམ་པར་ལྡང་། །དེ་དག་ལུས་ཀྱི་ལམ་ལ་མཉམ་བཞག་ཅིང་། །རེག་པའི་ལམ་ནས་བདག་ཉིད་ཆེན་པོ་ལྡང་། །གང་དུ་ལྷར་བཅས་འཇིག་རྟེན་རྨོངས་འགྱུར་བ། །འཇིག་རྟེན་བདེ་བ་སྐྱེད་པའི་རེག་ལ་
ཞུགས། །རེག་པའི་ལམ་ལ་མཉམ་པར་བཞག་གྱུར་ཅིང་། །ལུས་ནི་མ་སྐྱེས་མ་བྱུང་རང་བཞིན་ཏེ། །སྟོང་པ་བྱེད་པ་མེད་པར་རབ་སྟོན་ཅིང་། །ལུས་ཀྱི་ལམ་ནས་དྲན་ལྡན་རྣམ་པར་ལྡང་། །དེ་དག་སེམས་ཀྱི་ལམ་ལ་མཉམ་བཞག་ཅིང་། །
ཆོས་ཀྱི་ལམ་ནས་བདག་ཉིད་ཆེན་པོ་ལྡང་། །གང་དུ་ལྷར་བཅས་འཇིག་རྟེན་རྨོངས་འགྱུར་བ། །ཆོས་ལ་གནས་པའི་འཇུག་པ་རབ་ཏུ་ཞུགས། །ཆོས་ལམ་རྣམས་ལ་མཉམ་པར་བཞག་གྱུར་ཅིང་། །སེམས་ནི་མ་སྐྱེས་མ་བྱུང་
རང་བཞིན་ཏེ། །སྟོང་པ་བྱེད་པ་མེད་པར་རབ་སྟོན་ཅིང་། །སེམས་ཀྱི་ལམ་ནས་དྲན་ལྡན་རྣམ་པར་ལྡང་། །དེ་དག་བྱིས་པའི་ལུས་ལ་མཉམ་བཞག་ཅིང་། །ལང་ཚོ་ཤུགས་ལ་གནས་པ་རྣམས་ལས་ལྡང་། །ལང་ཚོ་ཤུགས་གནས་
རྣམས་ལ་མཉམ་བཞག་ཅིང་། །རྒས་ཤིང་འཁོགས་པའི་ལུས་ལས་རྣམ་པར་ལྡང་། །རྒས་ཤིང་འཁོགས་པའི་ལུས་ལ་མཉམ་བཞག་ཅིང་། །དད་པའི་དགེ་བསྙེན་མ་ཡི་ལུས་ལས་ལྡང་། །དགེ་བསྙེན་དད་མའི་ལུས་ལ་
མཉམ་བཞག་ཅིང་། །དད་པའི་དགེ་བསྙེན་ལུས་ལས་རྣམ་པར་ལྡང་། །དད་པའི་དགེ་བསྙེན་ལུས་ལ་མཉམ་བཞག་ཅིང་། །དགེ་སློང་མ་ཡི་ལུས་ལས་རྣམ་པར་ལྡང་། །དགེ་སློང་མའི་ལུས་ལ་མཉམ་བཞག་ཅིང་། །དགེ་
སློང་མང་དུ་ཐོས་པའི་ལུས་ལས་ལྡང་། །དགེ་སློང་མང་ཐོས་ལུས་ལ་མཉམ་བཞག་ཅིང་། །སློབ་དང་མི་སློབ་ལུས་ལས་རྣམ་པར་ལྡང་། །སློབ་དང་མི་སློབ་ལུས་ལ་མཉམ་བཞག་ཅིང་། །རྐྱེན་གྱི་སངས་རྒྱས་ལུས་ལས་རྣམ་པར་
ལྡང་། །རྐྱེན་གྱི་སངས་རྒྱས་ལུས་ལ་མཉམ་བཞག་ཅིང་། །སངས་རྒྱས་སྐུ་མཆོག་རབ་ལས་རྣམ་པར་ལྡང་། །སངས་རྒྱས་སྐུ་མཆོག་རབ་ལ་མཉམ་བཞག་ཅིང་། །ལྷ་ཡི་ལུས་གཟུགས་ལས་ནི་རྣམ་པར་ལྡང་། ལྷ་ཡི་ལུས་

106-1-48a

གཟུགས་ལ་ནི་མཉམ་བཞག་ཅིང་། །རྫུ་འཕྲུལ་ཆེན་པོ་ཀླུ་ཡི་ལུས་ལས་ལྡང་། །རྫུ་འཕྲུལ་ཆེན་པོའི་ལུས་ལ་མཉམ་བཞག་ཅིང་། །འཕྲུལ་ཆེན་གནོད་སྦྱིན་ལུས་ལས་རྣམ་པར་ལྡང་། །འཕྲུལ་ཆེན་གནོད་སྦྱིན་ལུས་ལ་
མཉམ་བཞག་ཅིང་། །འབྱུང་པོ་ཀུན་གྱི་ལུས་ལས་རྣམ་པར་ལྡང་། །འབྱུང་པོ་ཀུན་གྱི་ལུས་ལ་མཉམ་བཞག་ཅིང་། །སྤུ་ཡི་སྒོ་གཅིག་ནས་ནི་རྣམ་པར་ལྡང་། །སྤུ་སྒོ་གཅིག་ལ་མཉམ་པར་བཞག་གྱུར་ཅིང་། །སྤུ་སྒོ་ཐམས་ཅད་
ནས་ནི་རྣམ་པར་ལྡང་། །སྤུ་སྒོ་ཀུན་ལ་མཉམ་པར་བཞག་གྱུར་ཅིང་། །སྐྲ་རྩེ་གཅིག་གི་ཁྱོན་ལས་རྣམ་པར་ལྡང་། །སྐྲ་རྩེ་གཅིག་གི་ཁྱོན་ལ་མཉམ་བཞག་ཅིང་། །སྐྲ་རྩེ་ཀུན་གྱི་ཁྱོན་ལས་རྣམ་པར་ལྡང་། །སྐྲ་རྩེ་ཀུན་གྱི་ཁྱོན་
ལ་མཉམ་བཞག་ཅིང་། །ཕྲ་རབ་རྡུལ་གྱི་རྡུལ་ལས་དེ་དག་ལྡང་། །རྡུལ་གཅིག་ལ་ནི་མཉམ་པར་བཞག་གྱུར་ཅིང་། །མ་ལུས་རྡུལ་རྣམས་ཀུན་ལས་རྣམ་པར་ལྡང་། །རྡུལ་རྣམས་མ་ལུས་ཀུན་ལ་མཉམ་བཞག་ཅིང་། །རྒྱ་
མཚོའི་རྡོ་རྗེའི་གཞི་ལས་རྣམ་པར་ལྡང་། །རྒྱ་མཚོའི་རྡོ་རྗེའི་གཞི་ལ་མཉམ་བཞག་ཅིང་། །ནོར་བུའི་ཤིང་ཏོག་དག་ལས་རྣམ་པར་ལྡང་། །ཤིང་ཏོག་རྣམས་ལ་མཉམ་པར་བཞག་གྱུར་ནས། །རྒྱལ་བ་རྣམས་ཀྱི་འོད་ཟེར་སྒོ་
ནས་ལྡང་། །རྒྱལ་བའི་འོད་ཟེར་སྒོ་ལ་མཉམ་བཞག་ཅིང་། །རྒྱ་མཚོའི་ཆུ་ཡི་ཆུ་ཀླུང་རྣམས་ལས་ལྡང་། །རྒྱ་མཚོའི་ཆུ་ཀླུང་རྣམས་ལ་མཉམ་བཞག་ཅིང་། །བདག་ཉིད་ཆེན་པོ་མེ་ཡི་ལམ་ནས་ལྡང་། །མེ་ཡི་ལམ་ལ་མཉམ་པར་
བཞག་གྱུར་ཅིང་། །རླུང་གི་ལམ་ལས་དྲན་ལྡན་རྣམ་པར་ལྡང་། །རླུང་གི་ལམ་ལ་མཉམ་པར་བཞག་གྱུར་ཅིང་། །བདག་ཉིད་ཆེན་པོ་ས་ཡི་གཞི་ལས་ལྡང་། །ས་ཡི་གཞི་ལ་མཉམ་པར་བཞག་གྱུར་ཅིང་། །ལྷ་ཀུན་གཞལ་མེད་
ཁང་ལས་རྣམ་པར་ལྡང་། །ལྷ་ཀུན་གཞལ་མེད་ཁང་ལ་མཉམ་བཞག་ཅིང་། །དྲན་ལྡན་དེ་དག་མཁའ་ལས་རྣམ་པར་ལྡང་། །ཡོན་ཏན་བསམ་ཡས་བསགས་པ་དེ་དག་གི། །ཏིང་འཛིན་རྣམ་ཐར་དེ་དག་བསམ་མི་ཁྱབ། །

106-1-48b

རྒྱལ་བ་ཀུན་གྱིས་བསྐལ་པ་བསམ་ཡས་སུ། །བཤད་པ་མཛད་ཀྱང་ཟད་པར་མཛད་མི་སྤྱོད། །འགྲོ་ལས་རྣམ་སྨིན་བསམ་གྱིས་མི་ཁྱབ་སྟེ། །རྒྱལ་བ་ཀུན་གྱིས་དེ་དག་གསུངས་པ་ནི། །ཀླུ་ཡི་རྣམ་འཕྲུལ་སངས་རྒྱས་
རྣམ་འཕྲུལ་དང་། །བསམ་བྱེད་བསམ་གཏན་རྣམ་འཕྲུལ་བསམ་མི་ཁྱབ། །དེ་དག་ལ་ཡང་དཔེ་བསྟན་བརྗོད་པར་བྱ། །དེ་དག་འདྲ་བའི་དཔེ་ཟླ་ཅང་མེད་དེ། །མཁས་ཤིང་རིག་པའི་སྐྱེ་བོ་དཔེ་རྣམས་ཀྱིས། །བསྟན་ན་
མྱུར་དུ་དོན་རྣམས་ཤེས་པར་འགྱུར། །རྣམ་ཐར་བརྒྱད་ཀྱི་དབང་ལ་གནས་པ་ཡི། །ཉན་ཐོས་གཅིག་ཏུ་གྱུར་ནས་མང་པོར་འགྱུར། །མང་པོར་གྱུར་ནས་ཕྱིར་ཡང་གཅིག་གྱུར་ཏེ། །མཁའ་ལ་བསམ་
གཏན་འཆའ་ཞིང་འབར་བར་བྱེད། །སྨད་ནས་མེ་འབར་སྟོད་ནས་ཆུ་ཡི་རྒྱུན། །སྟོད་ནས་མེ་འབར་སྨད་ནས་ཆུ་ཡི་རྒྱུན། །འགྲོ་དང་འགྲེང་དང་ཉལ་དང་འདུག་པ་དང་། །ལུས་འཕྲུལ་སྐད་ཅིག་གཅིག་ལ་བསམ་མི་ཁྱབ། །དེ་ནི་སྙིང་རྗེ་ཆེ་དང་མི་
ལྡན་ཞིང་། །བྱང་ཆུབ་མི་ཚོལ་འཇིག་རྟེན་ཡལ་འདོར་ཡང་། །ལུས་ཀྱི་རྣམ་འཕྲུལ་བསམ་ཡས་སྟོན་བྱེད་ན། །འཇིག་རྟེན་ཕན་འདོད་ཅི་ཕྱིར་སྟོན་མི་བྱེད། །ཉི་ཟླ་མཁའ་ལ་རྣམ་པར་རྒྱུ་འདོང་
ཞིང་། །ཕྱོགས་རྣམས་ཀུན་གྱི་ཆུ་ཡི་དོང་དག་དང་། །མཚོ་མཚེའུ་མཚོ་བྲན་སྣོད་དང་རིན་ཆེན་དང་། །རྒྱ་མཚོ་ཆུ་ཀླུང་རྣམས་སུ་གཟུགས་བརྙན་སྟོན། །དེ་བཞིན་གཟུགས་རྣམས་བསམ་གྱིས་
མི་ཁྱབ་པ། །སྐྱེས་བུ་དཔའ་བོ་ཕྱོགས་བཅུ་ཀུན་དུ་སྟོན། །ཏིང་འཛིན་རྣམ་ཐར་ཀུན་གྱི་ཚུལ་ལ་མཁས། །དེ་ལ་དེ་བཞིན་གཤེགས་པ་རང་བྱུང་དབང་། །དང་བའི་མཚོ་ལ་ཡན་ལག་བཞི་པའི་དམག །
དེ་དག་སོ་སོ་རང་གི་གཟུགས་བརྙན་མཐོང་། །རལ་གྲི་མདའ་ཆེན་གཞུ་དང་མདའ་རྣམས་དང་། །གོ་གྱོན་བཞོན་དང་ཐེག་པར་བཅས་སུ་མཐོང་། །གང་གི་གཟུགས་གང་གནས་གང་ཆ་བྱད་གང་། །དེ་དང་དེ་དག་དེ་ལྟར་ཆུ་ལས་མཐོང་། །

106-1-49a

འོན་ཀྱང་ཆུ་ལ་བྱམས་སྡང་རྣམ་རྟོག་མེད། །དྲང་སྲོང་ཏིང་འཛིན་རྣམ་འཕྲུལ་འདི་འདྲའོ། །རྒྱ་མཚོའི་ལྷ་མོ་སྒྲ་ལྡན་ཞེས་བྱ་བ། །སེམས་ཅན་རྒྱ་མཚོར་ཇི་སྙེད་སྐྱེས་རྣམས་ཀྱི། །སྒྲ་ཡི་ཡན་ལག་དབྱངས་ཀྱི་ཚུལ་མཁས་ཏེ། །རང་
གི་སྐད་ཀྱིས་སྐད་ཀུན་ཚིམ་པར་བྱེད། །སྒྲ་ལྡན་ཆགས་སྡང་གཏི་མུག་ཅན་དེ་ཡང་། །སྐད་རྣམས་ཀུན་གྱི་སྒྲ་ཡི་ཚུལ་མཁས་ན། །གཟུངས་དང་ཆོས་ཀྱི་སྟོབས་ལ་དབང་ཐོབ་རྣམས། །ལྷར་བཅས་འཇིག་རྟེན་ཅི་ཕྱིར་མགུ་མི་བྱེད། །
ཏུམ་བུ་རུ་ཡི་ཆུང་མ་དབྱངས་ལྡན་མ། །ཚངས་པའི་བུ་མོ་ཡིད་ལས་བྱུང་བ་དེ། །བདེན་དང་དམ་བཅས་མི་འཚེ་དགའ་རྣམས་ཀྱི། །སེམས་དང་ཡིད་དང་ཁ་ཡི་སྒོར་འཇུག་སྟེ། །དབྱངས་ལྡན་ཆགས་ཅན་ཞེ་སྡང་ཅན་དེ་ཡང་། །བརྟུལ་
ཞུགས་གྲུབ་འཐུན་དབྱངས་ཀྱི་ཡན་ལག་གིས། །ཡིད་འོང་སྐད་ཀྱིས་འཇིག་རྟེན་མགུ་བྱེད་ན། །ཡེ་ཤེས་ཡོན་ཏན་ཕྱུག་རྣམས་ཅིས་མི་བྱེད། །རིག་སྔགས་ཚུལ་མཁས་སྒྱུ་མའི་མཁན་པོ་ནི། །སྣ་ཚོགས་གཟུགས་མང་མཐའ་
ཡས་སྟོན་པར་བྱེད། །ཉིན་མཚན་ཡུད་དང་ཟླ་བ་ལོ་བརྒྱ་དང་། །ཁྱིམ་བཟང་རྒྱས་པ་ཤིན་དུ་མཛེས་པ་སྟོན། །འདོད་ཆགས་སྡང་ལྡན་སྒྱུ་མའི་མཁན་པོ་ཡང་། །སྒྱུ་མའི་འཕྲུལ་གྱིས་འཇིག་རྟེན་མགུ་བྱེད་ན། །བསམ་གཏན་མངོན་
ཤེས་རྣམ་ཐར་རབ་བསླབས་པ། །སྤྱོད་ཚུལ་མཁས་རྣམས་ཅི་ཕྱིར་མགུ་མི་བྱེད། །ལྷ་དང་ལྷ་མིན་དབང་པོ་འཐབ་པའི་ཚེ། །རྒྱལ་ལྡན་ལྷ་ཡིས་ལྷ་མིན་ཕམ་བྱས་ན། །དེ་དག་འཇིགས་པས་གདུགས་བཅས་བཞིན་བཅས་ཤིང་། །
ཐེག་བཅས་དམག་བཅས་གོ་གྱོན་བཞིན་དུ་འབྱེར། །འདོད་ཆགས་སྡང་ལྡན་ལྷ་དབང་དེ་དག་ཀྱང་། །ལུས་ཀྱི་རྣམ་འཕྲུལ་བསམ་ཡས་སྟོན་བྱེད་ན། །དབང་ཕྱུག་རྫུ་འཕྲུལ་དབང་གནས་དཔའ་བོ་རྣམས། །ལུས་ཀྱི་རྣམ་འཕྲུལ་ཅི་
ཕྱིར་སྟོན་མི་བྱེད། །རྡོ་རྗེ་འཆང་བའི་གླང་པོ་ས་སྲུང་བུ། །དབང་པོའི་འཁོར་གྱུར་རྫུ་འཕྲུལ་ཆེན་པོ་དེ། །མགོ་བོ་སུམ་བཅུ་རྩ་གསུམ་མངོན་སྤྲུལ་ཅིང་། །མགོ་རྣམས་ཀུན་ལའང་མཆེ་བ་དྲུག་དྲུག་སྟེ། །མཆེ་བ་དེ་དག་སོ་སོ་རེ་རེ་ལ་

106-1-49b

འང་། །རྫིང་བུ་ཆུས་གང་བདུན་བདུན་སྤྲུལ་པ་བྱེད། །རྫིང་རེ་ལ་འང་པད་མ་སྣ་ཚོགས་པ། །རྣམ་པར་བཀོད་པ་བདུན་བདུན་སྤྲུལ་པ་བྱེད། །པད་མ་རེ་རེའང་ལྷ་ཡི་བུ་མོ་དག །སྒྱུ་རྩལ་ཀུན་ཤེས་བདུན་བདུན་སྤྲུལ་པ་བྱེད། །དེ་དག་རྩེད་མོ་གླུ་
གར་ཚུལ་ལ་མཁས། །སུམ་བཅུ་རྩ་གསུམ་དབང་པོ་དེ་དང་རྩེ། །གླང་པོ་དེ་ཡང་ལུས་ནི་བསྒྱུར་བྱས་ཏེ། །ལྷ་རྣམས་ཀུན་དང་འགྲོགས་ཤིང་འདྲེ་བར་བྱེད། །སྤྱོད་པའི་ཚུལ་དང་ལོངས་སྤྱོད་ཀུན་ཀྱང་འཐུན། །གླང་པོ་མཆོག་གི་རྣམ་
འཕྲུལ་དེ་ལྟར་སྣང་། །གླང་པོ་ཆགས་སྡང་གཏི་མུག་ལྡན་དེ་ཡང་། །འདི་འདྲའི་རྫུ་འཕྲུལ་རབ་ཏུ་སྟོན་བྱེད་ན། །ཤེས་རབ་ཐབས་ཀྱི་སྟོབས་ལ་སྦྱངས་བ་རྣམས། །ཏིང་འཛིན་བརྒྱ་ཡིས་རྣམ་འཕྲུལ་ཅིས་མི་བྱེད། །སྒྲ་གཅན་ཇི་ལྟར་
འདོད་བཞིན་ལུས་འཕྲུལ་ཏེ། །རྡོ་རྗེའི་གཞི་ལ་རྐང་པ་འཇོག་བྱེད་ཅིང་། །རྒྱ་མཚོ་ལྟེ་བར་ཕྱིན་པ་ཙམ་དུ་སྟོན། །རི་རབ་རྩེ་དང་ཉིད་ཀྱི་མགོ་ཡང་སྙོམ། །སྒྲ་གཅན་ཆགས་སྡང་གཏི་མུག་ལྡན་དེ་ཡང་། །འདི་འདྲའི་རྫུ་འཕྲུལ་རབ་ཏུ་སྟོན་
བྱེད་ན། །འཇིག་རྟེན་སྒྲོན་མ་བདུད་རྣམས་རབ་འཇོམས་པ། །རྫུ་འཕྲུལ་མཐའ་ཡས་ཅི་ཕྱིར་སྟོན་མི་བྱེད། །བརྒྱ་བྱིན་རྣམ་འཕྲུལ་བསམ་ཡས་རབ་སྣང་སྟེ། །ལྷ་དང་ལྷ་མིན་དབང་པོ་གཡུལ་འགྱེད་ཚེ། །ལྷ་མིན་བྱེད་པ་འཕྱེས་
པ་ཇི་སྙེད་པ། །དེ་སྙེད་བརྒྱ་བྱིན་རང་གི་ལུས་ལས་སྤྲུལ། །ལྷ་མིན་དབང་དང་ལྷ་མིན་ཕལ་ཀུན་གྱིས། །བརྒྱ་བྱིན་རང་རང་མདུན་ན་འདུག་པར་ཤེས། །དེ་ནི་རྡོ་རྗེ་འཆང་བས་བཟུང་ངོ་ཞེས། །ལྷ་མིན་དབང་པོ་ཀུན་ཀྱང་མགོ་མྱོས་
གྱུར། །འཇིགས་པར་བྱེད་པའི་མིག་སྟོང་རབ་བསྟན་ཏེ། །རྡོ་རྗེ་མེ་ལྕེ་འབར་བ་ཐོགས་བྱེད་ཅིང་། །ལུས་ལ་གོ་བགོས་གཟི་བརྗིད་སྙེན་དཀའ་བའི། །བརྒྱ་བྱིན་མཐོང་ནས་ལྷ་མིན་དབང་པོ་འབྱེར། །དེ་ཡང་བསོད་ནམས་ཕལ་
པའི་མཐུ་སྟོབས་ཀྱིས། །ལྷ་རྒྱལ་དོན་དུ་རྣམ་པར་འཕྲུལ་བྱེད་ན། །འགྲོ་བ་མ་ལུས་ཀུན་གྱི་སྐྱབས་གྱུར་པ། །བསོད་ནམས་མི་ཟད་རྣམས་ལྟ་ཅིས་མི་འཕྲུལ། །ལྷ་ལ་སྐུལ་མ་འདེབས་པའི་ལྷ་ཡི་རྔ། །ལྷ་ལས་རྣམ་པར་སྨིན་

106-1-50a

པས་གྲུབ་གྱུར་པ། །ལྷ་རྣམས་བག་མེད་གནས་པར་ཤེས་གྱུར་ནས། །རྔ་དེ་ནམ་མཁའ་ལས་ནི་སྒྲ་སྒྲོགས་ཏེ། །འདོད་པ་ཐམས་ཅད་མི་རྟག་ཐེར་ཟུག་མིན། །ཐ་ཤལ་མི་བརྟན་དབུ་བའི་ངོ་བོ་ཉིད། །སྒྱུ་མ་སྨིག་རྒྱུ་ཆུ་ཟླ་མཚུངས་
ཤིང་འདྲ། །སྲིད་པ་ཐམས་ཅད་རྨི་ལམ་སྤྲིན་དང་མཚུངས། །བག་མེད་ཐམས་ཅད་དགྲར་བཅས་མྱ་ངན་ཅན། །འཆི་བའི་ལམ་ཡིན་མི་འཆི་ལམ་མ་ཡིན། །ཇི་སྙེད་སུ་དག་བག་མེད་གནས་གྱུར་པ། །དེ་དག་འཆི་བདག་ཆུ་སྲིན་ཆེན་
པོས་ཟིན། །སྡུག་བསྔལ་རྩ་བ་ཡོངས་འཛིན་ཐམས་ཅད་ཡིན། །སྐྱེ་བ་ཐམས་ཅད་འཕགས་པ་རྣམས་ཀྱིས་སྨད། །འདོད་པའི་ཡོན་ཏན་རྣམས་ཀྱི་ཡུལ་ལ་རྨོངས། །ཆོས་ཀྱི་སྟོབས་ལ་རྟག་དགའ་གྱིས་ཞེས་བསྐུལ། །
རྔ་དེས་བསྐུལ་ནས་བརྒྱ་བྱིན་ལྷ་རྣམས་དང་། །ལྷ་ཡི་འདུན་ས་ཆོས་བཟང་འདུག་ནས་སུ། །གཏམ་གང་ཞི་ཞིང་འདོད་ཆགས་བྲལ་འཐུན་པ། །ཆོས་ཀྱི་གཏམ་དེ་ལྷ་རྣམས་ཀུན་ལ་བརྗོད། །རྔ་དེ་གཟུགས་མེད་བསྟན་དུ་མི་རུང་ཡང་། །
དེ་ལྟར་རྔ་སྒྲས་དོན་ཆེན་རབ་བྱེད་ན། །བསམ་པ་ཇི་བཞིན་གཟུགས་ནི་ཡོངས་སྟོན་རྣམས། །འགྲོ་བ་ཀུན་གྱི་དོན་ཆེན་ཅིས་མི་བྱེད། །ལྷ་དང་ལྷ་མིན་དབང་པོ་གཡུལ་འགྱེད་ཚེ། །ལྷ་ཡི་བསོད་ནམས་ཁྱད་པར་མཐུ་སྟོབས་ཀྱིས། །
ལྷ་ལ་སྐུལ་མ་འདེབས་པའི་ལྷ་ཡི་རྔ། །ལྷ་རྣམས་མ་འཇིགས་ཤིག་ཅེས་སྒྲ་འབྱིན་ཏེ། །རྔ་ཡིས་བསྐུལ་ནས་ལྷ་རྣམས་རབ་དགའ་ཞིང་། །སྐྲག་པ་མེད་དེ་སྟོབས་ཀྱང་སྐྱེས་པར་གྱུར། །ལྷ་མིན་དབང་པོ་སྐྲག་པས་ཉེན་པ་རྣམས། །
འཇིགས་ནས་དམག་བཅས་དེ་ཡི་མོད་ལ་འབྱེར། །དེ་ལྟར་སྒྲ་སྐད་འབྱིན་པའི་རྔ་འདྲ་བ། །འགྲོ་བ་ཀུན་གྱི་སྐྱབས་དང་དཔུང་གཉེན་པོ། །ཉོན་རྨོངས་བདུད་བཅོམ་སྙིང་རྗེ་ཆེ་ལྡན་རྣམས། །ཞི་བའི་སྒྲ་བསྒྲགས་ཉོན་མོངས་སེལ་བར་
བྱེད། །དབང་པོའི་ལྷ་ཡི་བུ་མོ་དགུ་བཅུ་གཉིས། །དབང་པོའི་སྤྲུལ་པས་ཀུན་ཀྱང་དགའ་བར་འགྱུར། །གཅིག་ཀྱང་བདག་དང་བརྒྱ་བྱིན་རྩེ་བར་ཤེས། །གཅིག་ལྟར་ལྷ་མོ་ཀུན་ཀྱང་དེ་བཞིན་ནོ། །ལྷ་མོ་ཀུན་དང་དགའ་བར་གནས་སྣང་

106-1-50b

ཡང་། །ཆོས་བཟང་འདུན་ས་ན་ཡང་དེ་བཞིན་འདུག །ལྷ་རྣམས་ཀུན་ལ་ཆོས་རབ་སྟོན་སྣང་ཞིང་། །བརྒྱ་བྱིན་སྐད་ཅིག་གཅིག་ལ་རྣམ་པར་འཕྲུལ། །བརྒྱ་བྱིན་ཆགས་སྡང་གཏི་མུག་ལྡན་པ་ཡང་། །སྤྲུལ་པས་རང་གི་
འཁོར་རྣམས་དགའ་བྱེད་ན། །འགྲོ་དོན་མི་སྐྱོ་སྦྱོར་རྣམས་ཅི་ཡི་ཕྱིར། །རྫུ་འཕྲུལ་སྟོབས་ཀྱིས་འཇིག་རྟེན་མགུ་མི་བྱེད། །བདུད་ཀྱི་དཀྲུགས་མ་འགྲོ་བའི་དབང་སྒྱུར་བ། །དེ་ཡི་དབང་དུ་སེམས་ཅན་འདི་ཀུན་འདོང་། །ལས་
དང་ཉོན་མོངས་ཀུན་དུ་ཞུགས་པ་ཡིས། །སོ་སོའི་སྐྱེ་བོ་ཐམས་ཅད་བདུད་དེས་བཅིངས། །ཆགས་སྡང་གཏི་མུག་ལྡན་པའི་བདུད་དེ་ཡང་། །འགྲོ་བ་ཐམས་ཅད་དབང་དུ་འགྱུར་བྱེད་ན། །དབང་བཅུ་དབང་ཐོབ་རྣམས་ལ་ཅི་
སྨོས་ཏེ། །འགྲོ་བ་ཐམས་ཅད་རང་གི་ཕྱོགས་མི་འཇོག །སྟོང་གསུམ་གནས་ཀྱི་བདག་པོ་ཚངས་པ་ཡང་། །སྟོང་གསུམ་ཚངས་གནས་ཇི་སྙེད་ཡོད་པ་ན། །དེ་དག་ཀུན་ན་འདུག་པར་རབ་སྣང་ཞིང་། །ཚངས་པའི་སྒྲ་
དབྱངས་ཤིན་ཏུ་ཡིད་འོང་སྒྲོགས། །ཚངས་དེ་འཇིག་རྟེན་པ་ཡི་ཚངས་ལམ་གྱི། །བསམ་གཏན་མངོན་ཤེས་རྣམ་པར་འཕྲུལ་བྱེད་ན། །འཇིག་རྟེན་རབ་འདས་བླ་ན་མེད་པ་ཡི། །བསམ་གཏན་རྣམ་ཐར་གནས་པ་ཅིས་མི་
འཕྲུལ། །དབང་ཕྱུག་ཆེན་པོའི་ཤེས་པའི་རྣམ་འཕྲུལ་ལྟོས། །རྒྱ་མཚོའི་སྤྲིན་གྱིས་ཆར་ཐིགས་རབ་བཀྱེ་བ། །སྐད་ཅིག་གཅིག་ལ་ཐམས་ཅད་འགྲང་བ་བྱེད། །ཐིགས་འགའི་ཟེར་ཀྱང་མ་ཤེས་དེ་མེད་ན། །བསླབ་པ་
བསྐལ་པ་བསམ་ཡས་རབ་བསླབས་ཏེ། །བྱང་ཆུབ་བླ་མེད་ཡེ་ཤེས་ཐོབ་པ་རྣམས། །ཅི་ཕྱིར་སྐད་ཅིག་གཅིག་ལ་སེམས་ཀྱིས་ནི། །འགྲོ་བ་མ་ལུས་ཀུན་གྱི་སེམས་མི་ཤེས། །སེམས་ཅན་ལས་སྨིན་བསམ་གྱིས་མི་
ཁྱབ་པས། །འཇིག་རྟེན་འདི་ཀུན་རླུང་ལས་ཡོངས་སུ་བྱུང་། །རྒྱ་མཚོ་རི་དང་ལྷ་ཡི་གཞལ་མེད་ཁང་། །རིན་ཆེན་རྣམ་ཕྱེ་ས་བོན་བཀྲམ་པའང་བྱུང་། །རླུང་ལས་སྤྲིན་བྱུང་ཆར་པའང་ཀུན་དུ་འབབ། །རླུང་གིས་སྤྲིན་ཀྱང་རབ་ཏུ་ཞི་

106-1-51a

བར་བྱེད། །འཇིག་རྟེན་ལོ་ཏོག་འཕེལ་བའང་རླུང་བྱེད་དེ། །རླུང་ནི་འགྲོ་བ་ཀུན་ལ་ཕན་པ་སྐྱེད། །རླུང་དེ་ཕ་རོལ་ཕྱིན་ལ་མ་བསླབས་ཤིང་། །སངས་རྒྱས་ཡོན་ཏན་རྣམས་ལ་མ་བསླབས་ཀྱང་། །འཇིག་རྟེན་རྣམ་སྨིན་བསམ་
ཡས་སྟོན་བྱེད་ན། །དམ་པ་ཐོབ་རྣམས་ཅི་ཕྱིར་སྟོན་མི་བྱེད། །རྒྱ་མཚོའི་འབྲུག་སྒྲའི་སྤྲིན་གྱི་ཆུ་ཚོགས་ནི། །བྱ་སྐད་རི་དགས་སྐད་དང་སྐྱེས་པ་དང་། །བུད་མེད་བུ་མོ་ཁྱེའུ་སྐད་ཅི་སྙེད་པ། །ཀུན་གྱི་སྒྲ་སྙན་སེམས་ཅན་རྣམས་ལ་
སྒྲོགས། །དེ་ལྟར་སྒྲ་སྙན་རང་བཞིན་སྒྲ་ཤེས་ནས། །སྒྲིབ་པ་མེད་པའི་སྤོབས་དང་ལྡན་འགྱུར་ཞིང་། །འགྲོ་བ་ཀུན་ལ་སྒྲ་སྙན་བརྗོད་བྱས་ནས། །ཡིད་འོང་སྒྲ་ཡིས་འཇིག་རྟེན་མགུ་བར་བྱེད། །རྒྱ་མཚོ་འདི་ལ་ངོ་མཚར་རྨད་
ཀྱི་ཆོས། །འགྲོ་ཀུན་རྒྱ་དང་མཚུངས་པས་རྒྱ་མཚོ་སྟེ། །ཆུ་དང་འབྱུང་པོ་རིན་ཆེན་ཡོང་མི་ཟད། །ཆུ་རྣམས་བཟུང་བས་ངོམས་པར་འགྱུར་བ་མེད། །དེ་བཞིན་དེ་དག་འགྲོ་ཀུན་རྒྱ་འདྲ་སྟེ། །བསོད་ནམས་བསམ་གཏན་རྣམ་པར་
ཐར་རྣམས་དང་། །ཤེས་རབ་ཡེ་ཤེས་ཡོན་ཏན་ཀུན་མི་ཟད། །བསོད་ནམས་ཡོན་ཏན་སོགས་པས་ངོམས་པ་མེད། །རྒྱ་མཚོའི་ཀླུ་ནི་རྣམ་པར་རྩེ་བ་ན། །ས་ཡི་གཞི་ནས་དབང་སྒྱུར་གནས་ཀྱི་བར། །གླིང་བཞི་བཅས་པར་
སྤྲིན་ཆེན་རྒྱས་འགེངས་ཏེ། །དེ་དག་ཀུན་ཀྱང་སྣ་ཚོགས་བཀོད་པ་མང་། །དེ་ནི་དབང་སྒྱུར་གནས་སུ་འཛམ་གླིང་གི། །གསེར་གྱི་མདོག་གི་སྤྲིན་རྣམས་རྣམ་པར་སྒྲུབ། །འཕྲུལ་དགར་མུ་ཏིག་དམར་པོའི་མདོག་ལྟ་བུ། །དགའ་ལྡན་
གནས་སུ་ཁ་བ་བ་མོའི་མདོག །འཐབ་བྲལ་གནས་སུ་མཐོན་མཐིང་བཻ་ཌཱུརྱ། །སུམ་བཅུ་རྩ་གསུམ་རྡོ་ཡི་སྙིང་པོ་འདྲ། །སྐྱོང་བའི་གནས་སུ་ཤེལ་གྱི་མདོག་ལྟ་བུ། །རྒྱ་མཚོར་རྡོ་རྗེ་མི་ཕྱེད་མཁྲེགས་འདྲ་བ། །མི་ཅི་གནས་སུ་སྤོས་
མཆོག་འཁྲིགས་ལྟ་བུ། །ཀླུ་ཡི་གནས་སུ་པད་མའི་མདོག་འདྲ་བ། །གསང་བའི་གནས་སུ་ངང་པ་བྱ་གར་མདོག །ལྷ་མིན་གནས་སུ་རི་བྲག་མདོག་འདྲ་བ། །བྱང་དུ་གསེར་གྱི་འོད་ཟེར་མདོག་སྟོན་ཏེ། །གླིང་རྣམས་གཞན་དུ་སྣ་ཚོགས་

106-1-51b

བཀོད་པ་སྟོན། །འཛམ་བུའི་གླིང་དུ་རི་སྔོན་འདྲ་བ་སྟེ། །གང་ན་ཅི་མཐོ་སྤྲིན་རྣམས་དེ་བཞིན་ནོ། །དབང་སྒྱུར་གནས་སུ་གསེར་སྤྲིན་ངེས་བསྟན་ནས། །ཉི་མའི་མདོག་འདྲ་གློག་ཀྱང་རབ་ཏུ་འགྱེད། །འཕྲུལ་དགའི་གནས་སུ་ཟླ་འོད་བཟང་
འདྲ་དང་། །དགའ་ལྡན་གནས་སུ་འཛམ་བུའི་གསེར་མདོག་འདྲ། །འཐབ་བྲལ་གནས་སུ་ཁ་བ་བ་མོའི་མདོག །སུམ་བཅུ་རྩ་གསུམ་གསེར་གྱི་འོད་ཟེར་འདྲ། །སྐྱོང་བའི་གནས་སུ་དཔལ་གྱི་སྙིང་པོའི་མདོག །རྒྱ་མཚོར་མུ་ཏིག་དམར་
པོའི་མདོ་འདྲ་བཀོད། །མི་ཅི་གནས་སུ་མཐོན་མཐིང་བཻ་དཱུརྱ། །ཀླུ་ཡི་གནས་སུ་དཔལ་གྱི་སྙིང་པོའི་མདོག །གསང་བའི་གནས་སུ་ཤེལ་གྱི་མདོག་འདྲ་བ། །ལྷ་མིན་གནས་སུ་རྡོ་ཡི་སྙིང་པོ་འདྲ། །བྱང་དུ་ནོར་བུ་སྐར་མདོག་ཁ་དོག་
འདྲ། །གླིང་གཞན་རྣམས་སུའང་བཀོད་པ་གཞན་དང་གཞན། །འཛམ་བུའི་གླིང་དུ་ཟླ་བའི་ནོར་བུ་འབར། །སྤྲིན་གྱི་མཚན་ཉིད་འཐུན་པའི་གློག་ཀྱང་འགྱེད། །དེ་ནི་དབང་སྒྱུར་གནས་སུ་ཚངས་སྒྲ་སྒྲོགས། །འཕྲུལ་དགའ་གནས་སུ་རྔ་སྒྲ་
སྒྲོག་པར་བྱེད། །དགའ་ལྡན་གནས་སུ་སིལ་སྙན་རོལ་མོའི་སྒྲ། །འཐབ་བྲལ་གནས་སུ་ལྷ་ཡི་བུ་མོའི་སྒྲ། །སུམ་བཅུ་གསུམ་དུ་མི་ཅི་མང་པོའི་སྐད། །སྐྱོང་བའི་གནས་སུ་དྲི་ཟའི་སྐད་དུ་སྟེ། །རྒྱ་མཚོར་རི་འཐབ་སྒྲ་སྐད་འདྲ་བའོ། །
མི་ཅི་གནས་སུ་གླིང་བུ་ཀུ་ལན་སྒྲ། །ཀླུ་ཡི་གནས་སུ་ཀ་ལ་པིང་ཀའི་སྒྲ། །གསང་བའི་གནས་སུ་ཀླུ་ཡི་བུ་མོའི་སྒྲ། །ལྷ་མིན་གནས་སུ་ལྷ་ཡི་རྫ་རྔའི་སྒྲ། །མི་ཡི་གནས་སུ་རྒྱ་མཚོ་གླིང་བུའི་སྒྲ། །དེ་ནི་དབང་སྒྱུར་གནས་སུ་ལྷ་སྤོས་
ཞིམ། །མེ་ཏོག་སྣ་ཚོགས་བཀོད་པའི་ཆར་ཡང་འབེབས། །འཕྲུལ་དགར་ཟླ་བ་ཟླ་བཟངས་འདྲ་བ་ཡི། །མེ་ཏོག་མན་དཱར་ཕྲེང་དང་བྱུག་པ་འབེབས། །དགའ་ལྡན་གནས་སུ་ནོར་བུ་ཆེན་པོའི་མདོག །རྒྱན་གྱི་དམ་པ་རིན་ཆེན་སྣ་ཚོགས་
དང་། །གཙུག་གི་ནོར་བུ་ཟླ་བ་འདྲ་བ་དང་། །གསེར་མདོག་འདྲ་བའི་དར་ལའི་ཆར་ཡང་འབེབས། །རྒྱལ་མཚན་གདུགས་དང་བ་དན་སྣ་ཚོགས་དང་། །ཕྲེང་བ་རྣམས་དང་རྒྱན་དང་བྱུག་པ་དང་། །མུ་ཏིག་དམར་དང་གསེར་དང་དར་ལ་དང་། །སིལ་

106-1-52a

སྙན་ཡིད་འོང་འཐབ་བྲལ་གནས་སུ་འབེབས། །སུམ་བཅུ་གསུམ་དུ་ཡིད་སྦྱིན་ནོར་བུ་མཆོག །སྐྱོང་བའི་གནས་སུ་ཙན་དན་སྙིང་པོའི་མཆོག །གུར་གུམ་སིལ་མ་ལྷ་ཤིང་ཏ་མ་ལ། །སྤོས་ཆུའི་རྒྱུན་དང་མེ་ཏོག་རབ་ཏུ་འབེབས། །
སྐྱོང་བའི་གནས་སུ་ཀླུ་ཡི་དབང་པོ་དེ། །ཉམ་སྟོབས་སྐྱེ་བའི་ཁ་ཟས་སྐོམ་གྱི་རྣམས། །ཁ་དོག་དྲི་ཞིམ་རོ་དང་ལྡན་པ་དང་། །དེ་མིན་རིན་ཆེན་བསམ་ཡས་ཆར་ཡང་འབེབས། །དེ་ནི་རྒྱ་མཚོ་ཆེན་པོར་རྒྱུན་དུ་ཡང་། །ཆར་རྒྱུན་མི་འཆད་གཉའ་
ཤིང་ཙམ་དག་དང་། །རྣམ་རྒྱལ་ཆེན་པོ་མཛོད་རྣམས་མི་ཟད་པ། །མི་ཅི་གནས་སུ་རྒྱན་ཕྲེང་སྣ་ཚོགས་དང་། །པད་མ་ཨུཏ་པལ་རས་དང་རིན་ཆེན་དང་། །མེ་ཏོག་བར་ཤ་མ་ལི་ཕྱེ་མ་སྤོས། །པི་བང་གླིང་བུ་སྒྲ་སྙན་རྫ་རྔ་འབེབས། །ཀླུ་ཡི་གནས་
སུ་མུ་ཏིག་དམར་པོ་སྟེ། །གསང་བར་ནོར་བུ་རིན་ཆེན་སྐར་མདོག་འདྲ། །ལྷ་མིན་གནས་སུ་རལ་གྲི་མདའ་ཆེན་དང་། །དགྲར་འདུལ་གཞུ་དང་སྟེའུ་ཀའི་ཆར་པ་འབེབས། །བྱང་དུ་དེ་ནི་རྒྱལ་ཕྲེང་རིན་ཆེན་དང་། །མེ་ཏོག་བར་ཤ་མ་ལི་ཙམ་པའི་
ཕྲེང་། །ཀུ་རན་གཙང་དང་ཨ་ཏི་མུག་ཏ་འབེབས། །གླིང་གཞན་རྣམས་སུའང་སྣ་ཚོགས་ཆར་པ་འབེབས། །འཛམ་བུའི་གླིང་དུ་ཆུ་གསལ་དང་བ་ཡི། །ཆར་རྣམས་ཆོས་བཞིན་ཕྲ་བའི་རྒྱུན་དུ་འབེབས། །མེ་ཏོག་འབྲས་བུ་སྨན་དང་
སྤོས་དང་ཤིང་། །ལོ་ཏོག་བདེ་བྱེད་འཇིག་རྟེན་རྣམས་སུ་སྐྱེད། །དེ་ལྟར་སྤྲིན་བཀོད་བསམ་གྱིས་མི་ཁྱབ་དང་། །གློག་འབྱིན་འབྲུག་སྒྲོགས་བཀོད་པའི་ཆར་འབེབས་ཀྱང་། །གནས་ནས་མི་གཡོ་རྣམ་པར་རྟོག་པ་མེད། །ཀླུ་ཡི་རྣམ་
འཕྲུལ་དེ་ལྟར་བསམ་མི་ཁྱབ། །རྒྱ་མཚོའི་ཆུ་ན་གནས་པ་དེ་ལྟར་ཡང་། །ཀླུ་ཡི་རྣམ་འཕྲུལ་བསམ་ཡས་སྟོན་བྱེད་ན། །ཆོས་ཀྱི་རྒྱ་མཚོར་ཞུགས་པའི་ཡོན་ཏན་ཕྱུག །རྣམ་འཕྲུལ་བསམ་ཡས་ཅི་ཕྱིར་སྟོན་མི་བྱེད། །བག་ཙམ་
སྨོས་པའི་དཔེ་ཚུལ་འདི་དག་གིས། །སྐྱེས་ཆེན་དེ་དག་རྣམས་ཀྱི་བརྗོད་པ་བྱས། །དཔའ་བོ་དེ་དག་དཔེ་རྣམས་ཀུན་དང་བྲལ། །དེ་དག་དེ་འདྲའི་རྣམ་ཐར་དབང་བསྒྱུར་རོ། །བློ་གྲོས་དམ་པ་བློ་གྲོས་རྒྱ་ཆེན་ལྡན། །མ་ནོར་བློ་གྲོས་མཐའ་ཡས་

106-1-52b

བློ་གྲོས་ཅན། །ཡེ་ཤེས་མཆོག་ལྡན་ཁྱད་པར་བློ་ཅན་གྱི། །རྣམ་ཐར་མཆོག་རྣམས་འདི་ལྟ་རྣམས་ཀྱིས་བཤད། །རྣམ་ཐར་དམ་པ་འདི་དག་སུས་ཐོས་ནས། །ཡིད་ཆེས་འཛིན་ཅིང་འཇིག་རྟེན་སྒྲོག་བྱེད་པ། །དེ་དག་ངོ་མཚར་རྨད་བྱུང་ཆོས་
ལྡན་ཏེ། །དེ་དག་དགའ་བྱེད་མི་ཡི་འཇིག་རྟེན་ན། །འདི་འདྲའི་ཆོས་འདིར་གང་དག་དད་གྱུར་པ། །སེམས་ཅན་སོ་སོའི་སྐྱེ་བོའི་ཚོགས་ན་དཀོན། །གང་དག་དགེ་བསགས་བསོད་ནམས་བྱས་གྱུར་པ། །དེ་དག་རྒྱུ་ཡི་སྟོབས་ཀྱིས་འདི་ལ་དད། །
གང་དག་ཉན་ཐོས་ཐེག་པའང་ཡིད་ཆེས་པའི། །མི་དག་མི་ཡི་འཇིག་རྟེན་རྣམས་ན་ཉུང་། །དེ་བས་རྐྱེན་གྱི་ཐེག་པར་རབ་ཏུ་ཉུང་། །ཐེག་པ་ཆེན་པོར་དེ་དག་དེ་བས་ཉུང་། །ཐེག་པ་ཆེ་ལ་ཞུགས་པ་དེ་དཀོན་ཏེ། །གང་དག་ཆོས་འདིར་དད་པའང་རབ་
དཀོན་ན། །འཇུག་ཅིང་འཛིན་པ་སྨོས་ཀྱང་ཅི་དགོས་ཏེ། །གང་དག་དེ་བཞིན་བསྒྲུབ་པ་སྨོས་ཅི་དགོས། །གང་དག་སྟོང་གསུམ་རི་དང་རྒྱ་མཚོར་བཅས། །ཕྱི་མའི་བསྐལ་པར་མགོ་བོས་འདེག་བྱེད་ཀྱང་། །ཆོས་འདིར་དད་པའི་བྱ་དཀའ་
ཅི་འདྲ་བ། །དེ་འདྲ་དེ་ནི་དེ་ལ་ཡོད་མ་ཡིན། །ལ་ལས་སྟོང་གསུམ་རྡུལ་སྙེད་སེམས་ཅན་ལ། །བདེ་བ་ཀུན་གྱིས་བསྐལ་པར་བསྙེན་བཀུར་ཀྱང་། །ཆོས་འདིར་དད་པའི་བསོད་ནམས་ཅི་འདྲ་བ། །བསོད་ནམས་ཁྱད་པར་དེ་འདྲ་དེ་ལ་མེད། །
ལ་ལ་ཞིང་བཅུ་རི་དང་རྒྱ་མཚོར་བཅས། །ལག་པའི་མཐིལ་དུ་བསྐལ་པར་མཁར་འཛིན་ཀྱང་། །ཆོས་འདིར་དད་པའི་བྱ་དཀའ་ཅི་འདྲ་བ། །དེ་འདྲ་དེ་ནི་དེ་ལ་ཡོད་མ་ཡིན། །ལ་ལས་ཞིང་བཅུ་རྡུལ་སྙེད་སེམས་ཅན་ལ། །དགེ་བ་ཀུན་
གྱིས་བསྐལ་པར་བསྙེན་བཀུར་ཀྱང་། །ཆོས་འདིར་དད་པའི་བསོད་ནམས་ཅི་འདྲ་བ། །བསོད་ནམས་ཁྱད་པར་དེ་འདྲ་དེ་ལ་མེད། །ལ་ལས་ཞིང་བཅུའི་རྡུལ་སྙེད་སངས་རྒྱས་རྣམས། །བདེ་བ་ཀུན་གྱིས་བསྐལ་པར་བསྙེན་བཀུར་བས། །
གང་གིས་ཆོས་ཀྱི་ལེའུ་འདི་གཟུང་བྱས་པ། །བསོད་ནམས་དེ་ནི་དེ་བས་ཁྱད་པར་འཕགས། །རྣམ་ཐར་དེ་དག་རབ་ཏུ་བསྟན་པའི་ཚེ། །ཕྱོགས་བཅུའི་ཞིང་རྣམས་ཐམས་ཅད་གཡོས་པར་གྱུར། །བདུད་ཀྱི་གནས་རྣམས་མོག་

106-1-53a

མོག་བྱས་གྱུར་ཅིང་། །སྒྲ་རབ་ཕྱུང་བས་ངན་སོང་རབ་ཏུ་ཞི། །ཕྱོགས་བཅུ་ཀུན་གྱི་མི་ཡི་སེང་གེ་རྣམས། །དེ་དག་ཀུན་གྱིས་མངོན་བར་ཞལ་བསྟན་ཏེ། །ཕྱག་བརྐྱང་མཛད་ནས་ཡོན་ཏན་མཐའ་ཡས་པ། །བཟང་པོ་དཔལ་གྱི་མགོ་ལ་
བཞག་པར་གྱུར། །ཕྱག་གི་མཐིལ་གྱིས་མགོ་ལ་བྱུག་མཛད་དེ། །རྣམ་ཐར་འདི་དག་ལེགས་པར་བཤད་པ་ལེགས། །ཁྱོད་ཀྱིས་ལེགས་བསྟན་རྗེས་སུ་ངེད་དགྱེས་ཞེས། །སངས་རྒྱས་དེ་དག་ཀུན་གྱིས་གསུང་བརྗོད་དོ། །དེ་ནས་བཅོམ་
ལྡན་འདས་ཀྱིས་ཚིགས་སུ་བཅད་པ་བསྟན་པ་འདི་དག་བཀའ་སྩལ་ནས་ཅང་མི་གསུང་བར་གྱུར་ཏོ། །དེ་ནས་སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་འདི་ན་གང་དག་འཁོད་པའི་ལྷ་ཐམས་ཅད་དང་། མི་དང་མི་མ་ཡིན་པ་དེ་
དག་ཐམས་ཅད་ཀྱིས་དེ་བཞིན་གཤེགས་པས་འདི་ལེགས་པར་བཀའ་སྩལ་ཏོ། །ཀྱེ་མ་དེ་བཞིན་གཤེགས་པས་ཆོས་ཀྱི་འཁོར་ལོ་བསྐོར་བ་གཉིས་པ་འདི་མཛད་དོ། །ཆོས་བསྟན་པ་འདི་སྔོན་མ་ཐོས་སོ། །སེམས་ཅན་གང་དག་ཆོས་
ཀྱི་རྣམ་གྲངས་འདི་རྙེད་པར་འགྱུར་བ་དེ་དག་ནི་ཤིན་དུ་དཀོན་ཏེ། སེམས་ཅན་དེ་དག་ནི་དགེ་བའི་རྩ་བ་ངན་ངོན་དང་ལྡན་པ་མ་ཡིན་ནོ། །སེམས་ཅན་དེ་དག་ནི་སངས་རྒྱས་མང་པོ་ལ་བསྙེན་བཀུར་བྱས་པ་ཡིན་ནོ། །སེམས་ཅན་དེ་
དག་ནི་ལྷ་དང་བཅས་པ་བདུད་དང་བཅས་པ་ཚངས་པ་དང་བཅས་པའི་འཇིག་རྟེན་ལ་མཆོད་རྟེན་ལྟ་བུར་འགྱུར་ཏེ། དེ་དག་ནི་བདུད་དམ། བདུད་ཀྱི་རིས་ཀྱི་ལྷ་རྣམས་སམ། །རབ་ཏུ་བྱུང་བ་རྣམས་སམ། ཁྱིམ་ན་གནས་པ་རྣམས་
སམ། དེ་བཞིན་དུ་རྒྱལ་པོ་རྣམས་སམ། བློན་པོ་ཆེན་པོ་རྣམས་སམ། ཁྱིམ་བདག་རྣམས་ཀྱིས་གཙེ་བར་མི་ནུས་སོ་ཞེས་ཅ་ཅོ་དང་ག་ཞའི་སྒྲ་ཕྱུང་ངོ་། །དེ་ནས་བཅོམ་ལྡན་འདས་ལ་ཚེ་དང་ལྡན་པ་རབ་འབྱོར་ཀྱིས་འདི་སྐད་ཅེས་
གསོལ་ཏོ། །བཅོམ་ལྡན་འདས་མདོ་སྡེ་དཀོན་མཆོག་འདི་ལྟ་བུ་དག་འཇིག་རྟེན་དུ་འབྱུང་བ་ནི་རྙེད་པར་དཀའ་བ་ལགས་ཏེ། འོན་ཀྱང་དེ་བཞིན་གཤེགས་པའི་མཐུས་ཆོས་འདི་ལྟ་བུ་ནི་འཇིག་རྟེན་དུ་བྱུང་ཞིང་། དེ་བཞིན་གཤེགས་

106-1-53b

པའི་མཐུ་ཉིད་ཀྱིས་སེམས་ཅན་དེ་དག་གིས་ཀྱང་ཐོས་ལགས་སོ། །དེ་ནས་བཅོམ་ལྡན་འདས་ཀྱིས་ལྗགས་ཀྱི་དབང་པོ་ཕྱུང་ནས་ཚེ་དང་ལྡན་པ་ཀུན་དགའ་བོ་ལ་བཀའ་སྩལ་པ། ཀུན་དགའ་བོ་ཁྱོད་ཀྱིས་ཆོས་ཀྱི་རྣམ་གྲངས་འདི་ཟུང་
ཤིག །ཆོངས་ཤིག །ལྷོགས་ཤིག །ཀུན་ཆུབ་པར་གྱིས་ཤིག །དེ་ནས་ཚེ་དང་ལྡན་པ་ཀུན་དགའ་བོས་བཅོམ་ལྡན་འདས་ལ་ལན་གསུམ་བསྐོར་བ་བྱས་ཏེ་འདི་སྐད་ཅེས་གསོལ་ཏོ། །བཅོམ་ལྡན་འདས་བདག་གིས་ཆོས་ཀྱི་
རྣམ་གྲངས་འདི་གཟུང་ལགས་ཏེ། སླན་ཆད་མི་བསྐྱུད་པར་བགྱིད་དོ། །བཅོམ་ལྡན་འདས་ཀྱིས་དེ་སྐད་ཅེས་བཀའ་སྩལ་ནས། ཐམས་ཅད་དང་ལྡན་པའི་བྱང་ཆུབ་སེམས་དཔའི་འཁོར་དེ་དང་། བྱང་ཆུབ་སེམས་དཔའ་
འཕགས་པ་ཀུན་དུ་བཟང་པོ་དང་། འཇམ་དཔལ་གཞོན་ནུར་གྱུར་པ་དང་། ཚེ་དང་ལྡན་པ་ཤཱ་ར་དྭ་ཏིའི་བུ་དང་། ཉན་ཐོས་ཆེན་པོ་གཞན་དག་དང་། ལྷ་དང་། མི་དང་། ལྷ་མ་ཡིན་དང་། དྲི་ཟར་བཅས་པའི་འཇིག་རྟེན་ཡི་རངས་ཏེ། 
བཅོམ་ལྡན་འདས་ཀྱིས་གསུངས་པ་ལ་མངོན་པར་བསྟོད་དོ། །འཕགས་པ་དཀོན་མཆོག་ཏ་ལ་ལའི་གཟུངས་ཞེས་བྱ་བ་ཐེག་པ་ཆེན་པོའི་མདོ་རྫོགས་སོ།།  །།རྒྱ་གར་གྱི་མཁན་པོ་སུ་རེན་དྲ་བོ་དྷི་དང་། ཞུ་ཆེན་
གྱི་ལོ་ཙྪ་བ་བན་དེ་ཡེ་ཤེས་སྡེས་བསྒྱུར་ཅིང་ཞུས་ཏེ་གཏན་ལ་ཕབ་པ། སྐར་ཞུས། ། ༄༅།  །རྒྱ་གར་སྐད་དུ། ཨཱརྱ་ཛྙཱ་ནོལྐཱ་ནཱ་མ་དྷཱ་ར་ཎཱི་སརྦ་ག་ཏི་པ་རི་ཤོ་དྷ་ནི། བོད་སྐད་དུ། འཕགས་པ་ཡེ་ཤེས་ཏ་ལ་ལ་
ཞེས་བྱ་བའི་གཟུངས་འགྲོ་བ་ཐམས་ཅད་ཡོངས་སུ་སྦྱོང་བ། ཐམས་ཅད་མཁྱེན་པ་ལ་ཕྱག་འཚལ་ལོ། །སངས་རྒྱས་དང་། །བྱང་ཆུབ་སེམས་དཔའ་ཐམས་ཅད་ལ་ཕྱག་འཚལ་ལོ། །བཅོམ་ལྡན་འདས་དེ་བཞིན་
གཤེགས་པ་ཡེ་ཤེས་ཏ་ལ་ལ་ལ་ཕྱག་འཚལ་ལོ། །དེ་བཞིན་གཤེགས་པ་གསེར་གྱི་འོད་བརྩེགས་སྣང་བ་ལ་ཕྱག་འཚལ་ལོ། །དེ་བཞིན་གཤེགས་པ་བདེན་གསུང་ལ་ཕྱག་འཚལ་ལོ། །དེ་བཞིན་གཤེགས་པ་

106-1-54a

འཇིགས་པའི་སྒྲ་སྒྲོགས་རྒྱལ་པོ་ལ་ཕྱག་འཚལ་ལོ། །དེ་ནས་བྱང་ཆུབ་སེམས་དཔའ་ཀུན་དུ་བཟང་པོ་དང་། བྱང་ཆུབ་སེམས་དཔའ་འཇམ་དཔལ་གཞོན་ནུར་གྱུར་པ་དང་། བྱང་ཆུབ་སེམས་དཔའ་གཟུངས་
ཀྱི་དབང་ཕྱུག་དང་། བྱང་ཆུབ་སེམས་དཔའ་ལག་ན་རྡོ་རྗེ་དང་། བྱང་ཆུབ་སེམས་དཔའ་བཞི་པོ་དེ་དག་དང་། དེ་བཞིན་གཤེགས་པ་དེ་དག་ཟླ་བ་དང་། ཉི་མའི་གནས་ན་བཞུགས་སོ། །དེ་ནས་ལྷའི་བུ་ཟླ་བ་དང་ཉི་མ་
གཉིས་དེ་བཞིན་གཤེགས་པ་དེ་དག་ག་ལ་བཞུགས་པ་དང་། བྱང་ཆུབ་སེམས་དཔའ་དེ་དག་ག་ལ་བ་དེར་སོང་ནས། དེ་གཉིས་ཀྱིས་དེ་བཞིན་གཤེགས་པ་རྣམས་རིན་པོ་ཆེ་བཀོད་པའི་སེང་གེའི་ཁྲི་ལ་བཞུགས་པ་རྣམས་
དང་། ཁང་པ་བརྩེགས་པ་འཛམ་བུའི་རྒྱལ་མཚན་བརྩེགས་པ་དག་གི་ནང་ན་བྱང་ཆུབ་སེམས་དཔའ་དེ་དག་འཁོད་པ་ཡང་མཐོང་ངོ་། །དེ་ནས་ལྷའི་བུ་ཟླ་བ་དང་ཉི་མ་གཉིས་གཅིག་ལ་གཅིག་སེམས་ཏེ། ཇི་ལྟར་བྱས་ན་བདག་
ཅག་གིས་དེ་བཞིན་གཤེགས་པ་རྣམས་དང་། བྱང་ཆུབ་སེམས་དཔའ་འདི་རྣམས་ལས་སེམས་ཅན་ཐམས་ཅད་ལ་སྣང་བ་སྦྱིན་པ་དང་། མུན་པ་མུན་ནག་བསལ་བའི་ཕྱིར་ཤར་བའི་གཟུངས་སྔགས་ཕྱོགས་བཅུར་
ཁྱབ་པའི་བློ་ཅན་ཞེས་བྱ་བ་གང་གི་མཐུས་བདག་ཅག་སེམས་ཅན་ཐམས་ཅད་ལ་སྣང་བར་བྱེད་པ་ཐོབ་པར་འགྱུར་ཞིག་གུ་སྙམ་མོ། །དེ་ནས་དེ་བཞིན་གཤེགས་པ་དེ་དག་དང་། བྱང་ཆུབ་སེམས་དཔའ་དེ་དག་གིས་
ལྷའི་བུ་ཟླ་བ་དང་ཉི་མ་དེ་དག་གི་སེམས་ཀྱི་ཡོངས་སུ་རྟོག་པ་ཐུགས་ཀྱིས་མཁྱེན་ནས། དེའི་ཚེ་དེ་བཞིན་གཤེགས་པ་བྱང་ཆུབ་སེམས་དཔའ་དང་བཅས་པ་དེ་དག་གིས་གཟུངས་སྔགས་འདི་བཀའ་སྩལ་པ། སྱཱད་ཡ་ཐེ་དན། 
ཙཀྵུ་ཤུ་ར་དང་། ཙཀྵུ་ཤུ་བྷ།  དྷུ་ལ་མེ་ཐཱ་ཀ་ལང་ཐ། ཨིད་ཏིད་ཐན་ས།  སཱུ་རད་ཊ། སཱུ་རད་ཊ། སུད་ཐཱ་ཡ། ཨིད་ཐན་ས།  བེ་ལཱ་བེ་ལཱ།  པ་ཎི་ཙ་རུ་མཱུརྟི་ནི། ཨཱ་ར་ཎི། ཨཱ་ར་ཎི། ཀཱ་ལ་པ་ཎི། ཀཱ་ལ་པ་ཎི། ཏུ་རུ་དུ་སི། ཏུ་རུ་དུ་སི། དྷ་སུ་ཏེ། 

106-1-54b

དྷ་སུ་ཏི། དྷི་རི་དྷི་རི། དྷུ་རུ་དྷུ་རུ། དྷུ་རུ་དྷུ་རུ། ཀཱ་ལ་ཀཱ་ལ། སད་ཐཱ་ས། གཱི་ལ་གཱི་ལ། གཱི་ལ་པ་ཡ། གཱི་ལ་པ་ཡ། དྷུ་སུ་དྷུ་སུ། སུན་དྷུ་སུན་དྷུ། སིད་ཐཱ་སུ། ཨད་ཐཱ་སུ། ཨེ་ཐཱ་སུ། ཨེ་ཐཱ་སཱ་པཱ་ནི། ཡུ་ཙུ་རེ་དྷེ། སུ་དྷ་རེ། 
ཀ་ར་ཀ་ར། ཀི་རི་ཀི་རི། ཀུ་རུ་ཀུ་རུ། ཀུརྨ་ཀུརྨ། ཀུརྨ་པ་ཎི། ཀུརྨ་པ་ཎི། ཀེ་ལུ་ཀེ་ལུ། ཀེ་ལ་པ་ནི། ཀེ་ལ་པ་ནི།   ཀརྐཱ་རི། ཀརྐཱ་རི། ལ་རུ་བུདྡྷ། དྷུ་རུ་དྷེ། དྷུ་རུ་དྷེ། མ་ཧཱ་དྷུ་རུ་དྷེ། ཀ་ར་ཀ་ར། ཀི་རི་ཀི་རི། 
པི་ཧུ་སི། པི་ཧུ་སི། དྷ་སུ་དྷ་སུ། ཧ་སུ་ཧ་སུ། ཧ་སུ་པ་ནི་སྭཱ་ཧཱ། དེ་ནས་བྱང་ཆུབ་སེམས་དཔའ་ཀུན་དུ་བཟང་པོས་ལྷའི་བུ་ཟླ་བ་དང་ཉི་མ་གཉིས་ལ་འདི་སྐད་ཅེས་སྨྲས་སོ། །ཀྱེ་མ་རིགས་ཀྱི་བུ་དག་གཟུངས་
སྔགས་འདི་ནི་སེམས་ཅན་ངན་སོང་དུ་འགྲོ་བ་རྣམས་ལ་ཕན་གདགས་པའི་ཕྱིར་སངས་རྒྱས་བྱེ་བ་ཕྲག་བརྒྱད་བཅུ་རྩ་བཞིས་གསུངས་པ་ཡིན་ཏེ། རིགས་ཀྱི་བུ་དག་ཨུ་དུམ་བ་རའི་མེ་ཏོག་ནི་ཆེས་རྙེད་པར་སླའི། 
གཟུངས་སྔགས་ཀྱི་ཚིག་འདི་དག་ནི་འཇིག་རྟེན་དུ་འབྱུང་བ་ནི་དེ་ལྟ་མ་ཡིན་ནོ། །རིགས་ཀྱི་བུ་དག་གཟུངས་སྔགས་ཀྱི་ཚིག་འདི་དག་ནི་ཆེས་རྙེད་པར་སླའི། འདི་དག་ནི་འཆང་བའམ་ཀློག་པ་ནི་དེ་ལྟ་མ་ཡིན་ནོ། །རིགས་ཀྱི་བུ་
དག་སངས་རྒྱས་འབྱུང་བ་ནི་ཆེས་རྙེད་པར་སླའི། གཟུངས་སྔགས་ཀྱི་ཚིག་འདི་དག་འཇིག་རྟེན་དུ་འབྱུང་བ་ནི་དེ་ལྟ་མ་ཡིན་ནོ། །རིགས་ཀྱི་བུ་དག་གལ་ཏེ་སེམས་ཅན་མནར་མེད་པ་ན་འཁོད་པ་བསྐལ་པར་གནས་པ། 
མཚམས་མེད་པ་ལྔ་བྱེད་བྱེད་པ། དམ་པའི་ཆོས་སྤོང་བར་བྱེད་པའི་སེམས་ཅན་དེ་དག་གི་ཕྱིར་གཟུངས་སྔགས་ཀྱི་ཚིག་འདི་དག་ཞག་ཉི་ཤུ་རྩ་གཅིག་གི་བར་དུ་ཉིན་ལན་གསུམ་མཚན་ལན་གསུམ་བརྗོད་ན། དེའི་ཚེ་
གཟུངས་སྔགས་ཀྱི་ཚིག་འདི་དག་གི་མཐུས་སེམས་ཅན་དམྱལ་བ་ཆེན་པོ་མནར་མེད་པ་ཁ་བརྒྱར་འགྱེས་པར་འགྱུར་ལ། སེམས་ཅན་དེ་དག་ཀྱང་ཡོངས་སུ་ཐར་བར་འགྱུར་ན་འཛམ་བུའི་གླིང་བའི་མི་རྣམས་ལྟ་ཅི་སྨོས་ཏེ། གང་དག་

106-1-55a

གི་རྣ་ལམ་དུ་གྲག་པར་གྱུར་པ་དེ་དག་གིས་ནི་བདག་ཅག་ནི་དེ་བཞིན་གཤེགས་པ་བཞི་པོ་རྣམས་དང་། བྱང་ཆུབ་སེམས་དཔའ་བཞི་པོ་རྣམས་དང་། ཟླ་བ་དང་ཉི་མ་རྣམས་ཀྱིས་ཡོངས་སུ་ཟིན་པ་ཡིན་ནོ་སྙམ་དུ་ཤེས་
པ་ཁོ་ནར་བྱ་སྟེ། འདི་ལ་སོམ་ཉིའམ་ཡིད་གཉིས་བསྐྱེད་པར་མི་བྱའོ། །ཏདྱ་ཐཱ། དྷུ་ན་ཊི། དྷུ་ན་ཊི། མ་ཧཱ་དྷུ་ན་ཊི། སུ་རུ་སུ་རུ་སྭཱ་ཧཱ། ཤུ་ཀླ་བི་ཤོ་དྷ་ནི། ཏ་ར་ཏ་ར་སྭཱ་ཧཱ། ཛོ་ཏིཤྤྲ་དཱི་པེ། ཏུ་རུ་ཏུ་རུ་སྭཱ་ཧཱ། པད་མ་མཱ་ལི་ནི། སཏྱ་
ཏ་ར་བུདྡྷི། ཧུ་རུ་ཧུ་རུ་སྭཱ་ཧཱ། སཏྱ་བུདྡྷི། སཏྱ་ཨ་བ་ལོ་ཀི་ནི། ཀ་ར་ཀ་ར། ཀི་རི་ཀི་རི་སྭཱ་ཧཱ། དྷ་ར་ན་བུ་ཊི། ཨ་པྲ་ཏི་ཧ་ཏ་བུདྡྷི། ཙུ་རུ་ཙུ་རུ་སྭཱ་ཧཱ། ལཀྵ་ན་ཙི་ཏེ། དྷཱུ་མ་པ་རི་ཧ་རེ། ཧུ་རུ་ཧུ་རུ། ཁུ་རུ་ཁུ་རུ་སྭཱ་ཧཱ། དྷ་ར་དྷ་ར། 
མཱ་དྷ་ར། དྷ་ར་དྷ་ར། དྷ་ར་ཡན་ཏི་ཡེ་སྭཱ་ཧཱ། སུ་པྲ་ཏི། སུ་མ་ཏེ། ཨ་པྲ་ཏི་ཧ་ཏ་བུདྡྷི། དྷ་ར་དྷ་ར། དྷ་ར་ཡན་ཏི་ཡེ་སྭཱ་ཧཱ། བཅོམ་ལྡན་འདས་དེ་བཞིན་གཤེགས་པ་ཡེ་ཤེས་ཏ་ལ་ལ་ལ་ཕྱག་འཚལ་ལོ། །དེ་བཞིན་གཤེགས་
པ་གསེར་གྱི་འོད་བརྩེགས་སྣང་བ་ལ་ཕྱག་འཚལ་ལོ། །དེ་བཞིན་གཤེགས་པ་བདེན་གསུང་ལ་ཕྱག་འཚལ་ལོ། །དེ་བཞིན་གཤེགས་པ་འཇིགས་པའི་སྒྲ་སྒྲོགས་རྒྱལ་པོ་ལ་ཕྱག་འཚལ་ལོ། །སྭཱ་ཧཱ། །འཕགས་
པ་ཡེ་ཤེས་ཏ་ལ་ལ་ཞེས་བྱ་བའི་གཟུངས་འགྲོ་བ་ཐམས་ཅད་ཡོངས་སུ་སྦྱོང་བ་རྫོགས་སོ།།  །།སྐར། །  ༄༅།  །རྒྱ་གར་སྐད་དུ། ཨཱརྱ་ཨ་པ་རི་མི་ཏ་ཨཱ་ཡུར་ཛྙཱ་ན་ནཱ་མ་མ་ཧཱ་ཡཱ་ན་སཱུ་ཏྲ། བོད་སྐད་དུ། འཕགས་
པ་ཚེ་དང་ཡེ་ཤེས་དཔག་ཏུ་མེད་པ་ཞེས་བྱ་བ་ཐེག་པ་ཆེན་པོའི་མདོ། །སངས་རྒྱས་དང་བྱང་ཆུབ་སེམས་དཔའ་ཐམས་ཅད་ལ་ཕྱག་འཚལ་ལོ། །འདི་སྐད་བདག་གིས་ཐོས་པ་དུས་གཅིག་ན། བཅོམ་ལྡན་འདས་མཉན་
དུ་ཡོད་པ་ན་འཛེ་ཏའི་ཚལ་མགོན་མེད་ཟ་སྦྱིན་གྱི་ཀུན་དགའ་ར་བ་ན། དགེ་སློང་བརྒྱ་ཕྲག་ཕྱེད་དང་བཅུ་གསུམ་གྱི་དགེ་སློང་གི་དགེ་འདུན་ཆེན་པོ་དང་། བྱང་ཆུབ་སེམས་དཔའ་སེམས་དཔའ་ཆེན་པོ་རབ་ཏུ་མང་པོ་དང་

106-1-55b

ཐབས་གཅིག་ཏུ་བཞུགས་སོ། །དེ་ནས་བཅོམ་ལྡན་འདས་ཀྱིས་འཇམ་དཔལ་གཞོན་ནུར་གྱུར་པ་ལ་བཀའ་སྩལ་པ། འཇམ་དཔལ་སྟེང་གི་ཕྱོགས་ན་འཇིག་རྟེན་གྱི་ཁམས་ཡོན་ཏན་དཔག་ཏུ་མེད་པ་སོགས་པ་ཞེས་བྱ་བ་ཞིག་
ཡོད་དེ། དེ་ན་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཚེ་དང་ཡེ་ཤེས་དཔག་ཏུ་མེད་པ་ཤིན་དུ་རྣམ་པར་ངེས་པ་གཟི་བརྗིད་ཀྱི་རྒྱལ་པོ་ཞེས་བྱ་བ་བཞུགས་ཏེ། ཚེ་འཛིན་ཅིང་མཐར་ཕྱིན་པར་
གཞེས་ཏེ། སེམས་ཅན་རྣམས་ལ་ཆོས་ཀྱང་སྟོན་ཏོ། །འཇམ་དཔལ་གཞོན་ནུར་གྱུར་པ་ཉོན་ཅིག །འཛམ་བུའི་གླིང་འདིའི་མི་རྣམས་ནི་ཚེ་ཐུང་བ་ལས་ཚེ་ལོ་བརྒྱ་ཐུབ་པ་ཤ་སྟག་སྟེ། དེ་དག་ལས་ཀྱང་ཕལ་ཆེར་དུས་མ་
ཡིན་པར་འཆི་བར་བསྟན་ཏོ། །འཇམ་དཔལ་སེམས་ཅན་གང་དག་དེ་བཞིན་གཤེགས་པ་ཚེ་དཔག་ཏུ་མེད་པ་དེའི་ཡོན་ཏན་དང་བསྔགས་པ་ཡོངས་སུ་བརྗོད་པ་ཞེས་བྱ་བའི་ཆོས་ཀྱི་རྣམ་གྲངས་འདི་ཡི་གེར་འདྲི་འམ། ཡི་གེར་
འདྲིར་འཇུག་གམ། མིང་ཙམ་ཡང་ཉན་ཏམ་ཀློག་པ་ནས་གླེགས་བམ་ལ་བྲིས་ཏེ་ཁྱིམ་ན་འཆང་བར་བྱེད་དམ། མེ་ཏོག་དང་བདུག་པ་དང་སྤོས་དང་ཕྲེང་བ་རྣམས་ཀྱིས་མཆོད་པར་འགྱུར་བ་དེ་དག་གི་ཚེ་ཡོངས་སུ་ཟད་པ་ལས་
ཚེ་ལོ་བརྒྱ་ཐུབ་པར་འགྱུར་རོ། །འཇམ་དཔལ་སེམས་ཅན་གང་དག་ཚེ་དང་ཡེ་ཤེས་དཔག་ཏུ་མེད་པ་ཤིན་དུ་རྣམ་པར་ངེས་པ་གཟི་བརྗིད་ཀྱི་རྒྱལ་པོའི་མཚན་བརྒྱ་རྩ་བརྒྱད་ཐོས་པར་གྱུར་པ་དེ་དག་གི་ཚེ་ཡང་འཕེལ་བར་འགྱུར་
རོ། །སེམས་ཅན་གང་དག་ཚེ་ཟད་ཀར་མཚན་འཆང་བར་འགྱུར་བ་དེ་དག་གི་ཚེ་ཡང་རྣམ་པར་འཕེལ་བར་འགྱུར་རོ། །འཇམ་དཔལ་དེ་ལྟ་བས་ན་རིགས་ཀྱི་བུའམ་རིགས་ཀྱི་བུ་མོ་ཚེ་རིང་བར་འདོད་པ་དེ་དག་དེ་བཞིན་གཤེགས་
པ་ཚེ་དཔག་ཏུ་མེད་པ་དེའི་མཚན་བརྒྱ་རྩ་བརྒྱད་ཉན་ནམ། ཡི་གེར་འདྲི་འམ་ཡི་གེར་འདྲིར་འཇུག་ན་དེ་དག་གི་ཡོན་ཏན་དང་ལེགས་པར་འགྱུར་བ་ནི་འདི་དག་གོ། ཨོཾ་ན་མོ་བྷ་ག་བ་ཏེ་ཨ་པ་རི་མི་ཏ་ཨ་ཡུར་ཛྙཱ་ན་སུ་བི་ནི་ཤྩི་

106-1-56a

ཏ་ཏེ་ཛོ་རཱ་ཛཱ་ཡ་ཏ་ཐཱ་ག་ཏཱ་ཡ་ཨར་ཧ་ཏེ་སམྱཀ་སྃ་བུདྡྷཱ་ཡ། ཏདྱ་ཐཱ། ཨོཾ་པུ་ཎྱེ་པུ་ཎྱེ་མ་ཧཱ་པུ་ཎྱེ་ཨ་པ་རི་མི་ཏ་པུ་ཎྱེ་ཨ་པ་རི་མི་ཏ་པུ་ཎྱེ་ཛྙཱ་ན་སྃ་བྷ་རོ་པ་ཙི་ཏེ། ཨོཾ་སརྦ་སྃ་སྐཱ་ར་པ་རི་ཤུད་དྷ་དྷརྨྨ་ཏེ་ག་ག་ན་ས་མུད་ག་ཏེ་སྭ་བྷཱ་བ་བི་ཤུད་དྷེ་
མ་ཧཱ་ན་ཡ་པ་རི་བཱ་རེ་སྭཱ་ཧཱ། འཇམ་དཔལ་དེ་བཞིན་གཤེགས་པའི་མཚན་བརྒྱ་རྩ་བརྒྱད་པོ་འདི་དག་གང་ལ་ལ་ཞིག་ཡི་གེར་འདྲི་འམ་ཡི་གེར་འདྲིར་འཇུག་གམ། གླེགས་བམ་ལ་བྲིས་ཏེ་ཁྱིམ་ན་འཆང་
ངམ་ཀློག་པར་གྱུར་པ་དེའི་ཚེ་ཟད་པ་ལས་ཚེ་ལོ་བརྒྱ་ཐུབ་པར་འགྱུར་ཏེ། འདི་ནས་ཤི་འཕོས་ནས་ཀྱང་དེ་བཞིན་གཤེགས་པ་ཚེ་དཔག་ཏུ་མེད་པའི་སངས་རྒྱས་ཀྱི་ཞིང་འཇིག་རྟེན་གྱི་ཁམས་ཡོན་ཏན་དཔག་ཏུ་
མེད་པ་སོགས་པར་སྐྱེ་བར་འགྱུར་རོ། །ཨོཾ་ན་མོ་བྷ་ག་བ་ཏེ་ཨ་པ་རི་མི་ཏ་ཨཱ་ཡུར་ཛྙཱ་ན་སུ་བི་ནི་ཤྩི་ཏ་ཏེ་ཛོ་རཱ་ཛཱ་ཡ་ཏ་ཐཱ་ག་ཏཱ་ཡ་ཨ་ར་ཧ་ཏེ་སམྱཀ་སྃ་བུ་དྡྷཱ་ཡ། ཏདྱ་ཐཱ། ཨོཾ་པུ་ཎྱེ་པུ་ཎྱེ་མ་ཧཱ་པུ་ཎྱེ་ཨ་པ་རི་མི་ཏ་པུ་ཎྱེ་ཨ་པ་
རི་མི་ཏ་པུ་ཎྱེ་ཛྙཱ་ན་སྃ་བྷ་རོ་པ་ཙི་ཏེ། ཨོཾ་སརྦ་སྃ་སྐཱ་ར་པ་རི་ཤུད་དྷ་དྷརྨྨ་ཏེ་ག་ག་ན་ས་མུད་ག་ཏེ་སྭ་བྷཱ་བ་བི་ཤུད་དྷེ་མ་ཧཱ་ན་ཡ་པ་རི་བཱ་རེ་སྭཱ་ཧཱ། ཡང་དེའི་ཚེ་སངས་རྒྱས་བྱེ་བ་ཕྲག་དགུ་བཅུ་རྩ་དགུས་དགོངས་པ་གཅིག་
དང་དབྱངས་གཅིག་གིས་ཚེ་དཔག་ཏུ་མེད་པའི་མདོ་སྡེ་འདི་གསུངས་སོ། །ཨོཾ་ན་མོ་བྷ་ག་བ་ཏེ་ཨཱ་པ་རི་མི་ཏ་ཨཱ་ཡུར་ཛྙཱ་ན་སུ་བི་ནི་ཤྩི་ཏ་ཏེ་ཛོ་རཱ་ཛཱ་ཡ་ཏ་ཐཱ་ག་ཏཱ་ཡ་ཨར་ཧ་ཏེ་སྃ་མྱག་སྃ་བུདྡྷཱ་ཡ། 
ཏདྱ་ཐཱ། ཨོཾ་པུ་ཎྱེ་པུ་ཎྱེ་མ་ཧཱ་པུ་ཎྱེ་ཨ་པ་རི་མི་ཏ་པུ་ཎྱེ་ཨ་པ་རི་མི་ཏ་པུ་ཎྱེ་ཛྙཱ་ན་སྃ་བྷ་རོ་པ་ཙི་ཏེ། ཨོཾ་སརྦ་སྃ་སྐཱ་ར་པ་རི་ཤུད་དྷ་དྷརྨྨ་ཏེ་ག་ག་ན་ས་མུད་ག་ཏེ་སྭ་བྷཱ་བ་བི་ཤུད་དྷེ་མ་ཧཱ་ན་ཡ་པ་རི་བཱ་རེ་སྭཱ་
ཧཱ། ཡང་དེའི་ཚེ་སངས་རྒྱས་བྱེ་བ་ཕྲག་བརྒྱད་བཅུ་རྩ་བཞིས་དགོངས་པ་གཅིག་དང་དབྱངས་གཅིག་གིས་ཚེ་དཔག་ཏུ་མེད་པའི་མདོ་སྡེ་འདི་གསུངས་སོ། །ཨོཾ་མོ་བྷ་ག་བ་ཏེ་ཨ་པ་རི་མི་ཏ་ཨ་ཡུར་

106-1-56b

ཛྙཱ་ན་སུ་བི་ནི་ཤྩི་ཏ་ཏེ་ཛོ་རཱ་ཛཱ་ཡ་ཏ་ཐཱ་ག་ཏཱ་ཡ་ཨ་ར་ཧ་ཏེ་སམྱཀ་སྃ་བུ་དྡྷཱ་ཡ། ཏདྱ་ཐཱ། ཨོཾ་པུ་ཎྱེ་པུ་ཎྱེ་མ་ཧཱ་པུ་ཎྱེ་ཨ་པ་རི་མི་ཏ་པུ་ཎྱེ་ཨ་པ་རི་མི་ཏ་པུ་ཎྱེ་ཛྙཱ་ན་སྃ་བྷ་རོ་པ་ཙི་ཏེ། ཨོཾ་སརྦ་སྃ་སྐཱ་ར་པ་རི་
ཤུད་དྷ་དྷརྨྨ་ཏེ་ག་ག་ན་ས་མུད་ག་ཏེ་སྭ་བྷཱ་བ་བི་ཤུད་དྷེ་མ་ཧཱ་ན་ཡ་པ་རི་བཱ་རེ་སྭཱ་ཧཱ། ཡང་དེའི་ཚེ་སངས་རྒྱས་བྱེ་བ་ཕྲག་བདུན་བཅུ་རྩ་བདུན་གྱིས་དགོངས་པ་གཅིག་དང་དབྱངས་གཅིག་གིས་ཚེ་དཔག་ཏུ་
མེད་པའི་མདོ་སྡེ་འདི་གསུངས་སོ། །ཨོཾ་ན་མོ་བྷ་ག་བ་ཏེ་ཨ་པ་རི་མི་ཏ་ཨཱ་ཡུར་ཛྙཱ་ན་སུ་བི་ནི་ཤྩི་ཏ་ཏེ་ཛོ་རཱ་ཛཱ་ཡ་ཏ་ཐཱ་ག་ཏཱ་ཡ་ཨ་ར་ཧ་ཧེ་སམྱཀ་སྃ་བུདྡྷཱ་ཡ། ཏ་དྱ་ཐཱ། ཨོཾ་པུ་ཎྱེ་པུ་ཎྱེ་མ་ཧཱ་པུ་ཎྱེ་
ཨ་པ་རི་མི་ཏ་པུ་ཎྱེ་ཨ་པ་རི་མི་ཏ་པུ་ཎྱེ་ཛྙཱ་ན་སྃ་བྷ་རོ་པ་ཙི་ཏེ། ཨོཾ་སརྦ་སྃ་སྐཱ་ར་པ་རི་ཤུད་དྷ་དྷརྨྨ་ཏེ་ག་ག་ན་ས་མུད་ག་ཏེ་སྭ་བྷཱ་བ་བི་ཤུད་དྷེ་མ་ཧཱ་ན་ཡ་པ་རི་བཱ་རེ་སྭཱ་ཧཱ། ཡང་དེའི་ཚེ་སངས་རྒྱས་བྱེ་བ་ཕྲག་དྲུག་
བཅུ་རྩ་ལྔས་དགོངས་པ་གཅིག་དང་དབྱངས་གཅིག་གིས་ཚེ་དཔག་ཏུ་མེད་པའི་མདོ་སྡེ་འདི་གསུངས་སོ། །ཨོཾ་ན་མོ་བྷ་ག་བ་ཏེ་ཨ་པ་རི་མི་ཏ་ཨཱ་ཡུར་ཛྙཱ་ན་སུ་བི་ནི་ཤྩི་ཏ་ཏེ་ཛོ་རཱ་ཛཱ་ཡ་ཏ་ཐཱ་ག་ཏཱ་ཡ་
ཨར་ཧ་ཏེ་སམྱཀ་སྃ་བུད་དྷཱ་ཡ། ཏདྱ་ཐཱ། ཨོཾ་པུ་ཎྱེ་པུ་ཎྱེ་མ་ཧཱ་པུ་ཎྱེ་ཨ་པ་རི་མི་ཏ་པུ་ཎྱེ་ཨ་པ་རི་མི་ཏ་པུ་ཎྱེ་ཛྙཱ་ན་སྃ་བྷ་རོ་པ་ཙི་ཏེ། ཨོཾ་སརྦ་སྃ་སྐཱ་ར་པ་རི་ཤུད་དྷ་དྷརྨྨ་ཏེ་ག་ག་ན་ས་མུད་ག་ཏེ་སྭ་བྷཱ་
བ་བི་ཤུད་དྷེ་མ་ཧཱ་ན་ཡ་པ་རི་བཱ་རེ་སྭཱ་ཧཱ། ཡང་དེའི་ཚེ་སངས་རྒྱས་བྱེ་བ་ཕྲག་ལྔ་བཅུ་རྩ་ལྔས་དགོངས་པ་གཅིག་དང་དབྱངས་གཅིག་གིས་ཚེ་དཔག་ཏུ་མེད་པའི་མདོ་སྡེ་འདི་གསུངས་སོ། ། ཨོཾ་
ན་མོ་བྷ་ག་བ་ཏེ་ཨ་པ་རི་མི་ཏ་ཨ་ཡུར་ཛྙཱ་ནསུ་བི་ནི་ཤྩི་ཏ་ཏེ་ཛོ་རཱ་ཛཱ་ཡ་ཏ་ཐཱ་ག་ཏཱ་ཡ་ཨ་ར་ཧ་ཏེ་སམྱཀ་སྃ་བུ་དྡྷཱ།  

106-1-57a

ཡ། ཏདྱ་ཐཱ། ཨོཾ་པུ་ཎྱེ་པུ་ཎྱེ་མ་ཧཱ་པུ་ཎྱེ་ཨ་པ་རི་མི་ཏ་པུ་ཎྱེ་ཨ་པ་རི་མི་ཏ་པུ་ཎྱེ་ཛྙཱ་ན་སཾ་བྷ་རོ་པ་ཙི་ཏེ། ཨོཾ་སརྦ་སྃ་སྐཱ་ར་པ་རི་ཤུད་དྷ་དྷརྨྨ་ཏེ་ག་ག་ན་ས་མུད་ག་ཏེ་སྭ་བྷཱ་བ་བི་ཤུད་དྷེ་མ་ཧཱ་ན་ཡ་པ་
རི་བ་རེ་སྭཱ་ཧཱ། །ཡང་དེའི་ཚེ་སངས་རྒྱས་བྱེ་བ་ཕྲག་སུམ་ཅུ་རྩ་ལྔས་དགོངས་པ་གཅིག་དང་དབྱངས་གཅིག་གིས་ཚེ་དཔག་ཏུ་མེད་པའི་མདོ་སྡེ་འདི་གསུངས་སོ། །ཨོཾ་ན་མོ་བྷ་ག་བ་ཏེ་ཨ་པ་རི་མི་ཏ་ཨཱ་ཡུར་ཛྙཱ་ན་
སུ་བི་ནི་ཤྩི་ཏ་ཏེ་ཛོ་རཱ་ཛཱ་ཡ་ཏ་ཐཱ་ག་ཏཱ་ཡ་ཨ་ར་ཧ་ཏེ་སམྱཀ་སྃ་བུདྡྷཱ་ཡ། ཏདྱ་ཐཱ། ཨོཾ་པུ་ཎྱེ་པུ་ཎྱེ་མ་ཧཱ་པུ་ཎྱེ་ཨ་པ་རི་མི་ཏ་པུ་ཎྱེ་ཨ་པ་རི་མི་ཏ་པུ་ཎྱེ་ཛྙཱ་ན་སྃ་བྷ་རོ་པ་ཙི་ཏེ། ཨོཾ་སརྦ་སྃ་སྐཱ་ར་པ་རི་ཤུད་དྷ་དྷརྨྨ་ཏེ་
ག་ག་ན་ས་མུད་ག་ཏེ་སྭ་བྷཱ་བ་བི་ཤུད་དྷེ་མ་ཧཱ་ན་ཡ་པ་རི་བཱ་རེ་སྭཱ་ཧཱ། ཡང་དེའི་ཚེ་སངས་རྒྱས་བྱེ་བ་ཕྲག་སུམ་བཅུ་སུམ་བཅུ་རྩ་དྲུག་གིས་དགོངས་པ་གཅིག་དང་དབྱངས་གཅིག་གིས་ཚེ་དཔག་ཏུ་མེད་པའི་མདོ་སྡེ་འདི་
གསུངས་སོ། །ཨོཾ་ན་མོ་བྷ་ག་བ་ཏེ་ཨ་པ་རི་མི་ཏ་ཨཱ་ཡུར་ཛྙཱ་ན་སུ་བི་ནི་ཤྩི་ཏ་ཏེ་ཛོ་རཱ་ཛཱ་ཡ་ཏ་ཐཱ་ག་ཏཱ་ཡ་ཨ་ར་ཧ་ཏེ་སམྱཀ་སྃ་བུདྡྷཱ་ཡ། ཏདྱ་ཐཱ། ཨོཾ་པུ་ཎྱེ་པུ་ཎྱེ་མ་ཧཱ་པུ་ཎྱེ་ཨ་པ་རི་མི་ཏ་པུ་ཎྱེ་ཨ་པ་རི་མི་ཏ་
པུ་ཎྱེ་ཛྙཱ་ན་སྃ་བྷ་རོ་པ་ཙི་ཏེ། ཨོཾ་སརྦ་སྃ་སྐཱ་ར་པ་རི་ཤུད་དྷ་དྷརྨྨ་ཏེ་ག་ག་ན་ས་མུད་ག་ཏེ་སྭ་བྷཱ་བ་བི་ཤུད་དྷེ་མ་ཧཱ་ན་ཡ་པ་རི་བཱ་རེ་སྭཱ་ཧཱ། །ཡང་དེའི་ཚེ་སངས་རྒྱས་བྱེ་བ་ཕྲག་ཉི་ཤུ་རྩ་ལྔས་དགོངས་
པ་གཅིག་དང་དབྱངས་གཅིག་གིས་ཚེ་དཔག་ཏུ་མེད་པའི་མདོ་སྡེ་འདི་གསུངས་སོ། །ཨོཾ་ན་མོ་བྷ་ག་བ་ཏེ་ཨ་པ་རི་མི་ཏ་ཨཱ་ཡུར་ཛྙཱ་ན་སུ་བི་ནི་ཤྩི་ཏ་ཏེ་ཛོ་རཱ་ཛཱ་ཡ་ཏ་ཐཱ་ག་ཏཱ་ཡ་ཨ་ར་ཧ་ཏེ་སམྱཀ་
སྃ་བུདྡྷཱ་ཡ། ཏདྱ་ཐཱ། ཨོཾ་པུ་ཎྱེ་པུ་ཎྱེ་མ་ཧཱ་པུ་ཎྱེ་ཨ་པ་རི་མི་ཏ་པུ་ཎྱེ་ཨ་པ་རི་མི་ཏ་པུ་ཎྱེ་ཛྙཱ་ན་སྃ་བྷ་རོ་པ་ཙི་ཏེ། ཨོཾ་སརྦ་སྃ་སྐཱ་ར་པ་རི་ཤུད་དྷ་དྷརྨྨ་ཏེ་ག་ག་ན་ས་མུད་ག་ཏེ་སྭ་བྷཱ་བ་བི་

106-1-57b

ཤུད་དྷེ་མ་ཧཱ་ན་ཡ་པ་རི་བཱ་རེ་སྭཱ་ཧཱ། ཡང་དེའི་ཚེ་སངས་རྒྱས་བྱེ་བ་ཕྲག་གང་གཱའི་ཀླུང་བཅུའི་བྱེ་མ་སྙེད་ཀྱིས་དགོངས་བ་གཅིག་དང་དབྱངས་གཅིག་གིས་ཚེ་དཔག་ཏུ་མེད་པའི་མདོ་སྡེ་འདི་གསུངས་སོ། །ཨོཾ་ན་མོ་བྷ་ག་
བ་ཏེ་ཨ་པ་རི་མི་ཏ་ཨཱ་ཡུར་ཛྙཱ་ན་སུ་བི་ནི་ཤྩི་ཏ་ཏེ་ཛོ་རཱ་ཛཱ་ཡ་ཏ་ཐཱ་ག་ཧཱ་ཡ་ཨ་ར་ཧ་ཧེ་སམྱཀ་སྃ་བུདྡྷཱ་ཡ།   ཏ་དྱ་ཐཱ། ཨོཾ་པུ་ཎྱེ་པུ་ཎྱེ་མ་ཧཱ་པུ་ཎྱེ་ཨ་པ་རི་མི་ཏ་པུ་ཎྱེ་ཨ་བ་རི་མི་ཏ་པུ་ཎྱེ་ཛྙཱ་ན་སྃ་བྷ་རོ་པ་ཙི་ཏེ། ཨོཾ་སརྦ་སྃ་
སྐཱ་ར་པ་རི་ཤུད་དྷ་དྷརྨྨ་ཏེ་ག་ག་ན་ས་མུད་ག་ཏེ་སྭ་བྷཱ་བ་བི་ཤུད་དྷེ་མ་མ་ཧཱ་ན་ཡ་པ་རི་བཱ་རེ་སྭཱ་ཧཱ། །གང་ཞིག་ཚེ་དཔག་ཏུ་མེད་པའི་མདོ་སྡེ་འདི་ཡི་གེར་འདྲི་འམ་ཡི་གེར་འདྲིར་འཇུག་ན་དེ་ཚེ་ཟད་པ་ལས་ཚེ་ལོ་བརྒྱ་ཐུབ་པར་འགྱུར་
ཏེ་ཚེ་ཡང་རྣམ་པར་འཕེལ་བར་འགྱུར་རོ། །ཨོཾ་ན་མོ་བྷ་ག་བ་ཏེ་ཨ་པ་རི་མི་ཏ་ཨཱ་ཡུར་ཛྙཱ་ན་སུ་བི་ནི་ཤྩི་ཏ་ཏེ་ཛོ་རཱ་ཛཱ་ཡ་ཏ་ཐཱ་ག་ཏཱ་ཡ་ཨ་ར་ཧ་ཏེ་སམྱཀ་སྃ་བུདྡྷཱ་ཡ། ཏདྱ་ཐཱ། ཨོཾ་པུ་ཎྱེ་པུ་ཎྱེ་མ་ཧཱ་པུ་ཎྱེ་ཨ་པ་རི་མི་ཏ་པུ་
ཎྱེ་ཨ་པ་རི་མི་ཏ་པུ་ཎྱེ་ཛྙཱ་ན་སྃ་བྷ་རོ་པ་ཙི་ཏེ། ཨོཾ་སརྦ་སྃ་སྐཱ་ར་པ་རི་ཤུད་དྷ་དྷརྨྨ་ཏེ་ག་ག་ན་ས་མུད་ག་ཏེ་སྭ་བྷཱ་བ་བི་ཤུད་དྷེ་མ་ཧཱ་ན་ཡ་པ་རི་བཱ་རེ་སྭཱ་ཧཱ། གང་ཞིག་ཚེ་དཔག་ཏུ་མེད་པའི་མདོ་སྡེ་འདི་ཡི་གེར་འདྲི་འམ་ཡི་གེར་འདྲིར་འཇུག་ན་དེ་སེམས་
ཅན་དམྱལ་བ་དང་། བྱོལ་སོང་གི་སྐྱེ་གནས་དང་གཤིན་རྗེའི་འཇིག་རྟེན་དུ་ནམ་ཡང་སྐྱེ་བར་མི་འགྱུར། དེ་ནམ་དུ་ཡང་མི་ཁོམ་པར་སྐྱེ་བར་མི་འགྱུར་ཏེ། གང་དང་གང་དུ་སྐྱེ་བ་ཐམས་ཅད་དུ་སྐྱེ་བ་དྲན་པར་འགྱུར་རོ། །
ཨོཾ་ན་མོ་བྷ་ག་བ་ཏེ་ཨ་པ་རི་མི་ཏ་ཨཱ་ཡུར་ཛྙཱ་ན་སུ་བི་ནི་ཤྩི་ཏ་ཏེ་ཛོ་རཱ་ཛཱ་ཡ་ཏ་ཐཱ་ག་ཏཱ་ཡ་ཨར་ཧ་ཏེ་སམྱཀ་སྃ་བུདྡྷཱ་ཡ། ཏདྱ་ཐཱ། ཨོཾ་པུ་ཎྱེ་པུ་ཎྱེ་མ་ཧཱ་པུ་ཎྱེ་ཨ་པ་རི་མི་ཏ་པུ་ཎྱེ་ཨ་པ་རི་མི་ཏ་པུ་ཎྱེ་ཛྙཱ་ན་སྃ་བྷ་རོ་པ་ཙི་ཏེ། ཨོཾ་སརྦ་
སྃ་སྐཱ་ར་པ་རི་ཤུད་དྷ་དྷརྨྨ་ཏེ་ག་ག་ན་ས་མུད་ག་ཏེ་སྭ་བྷཱ་བ་བི་ཤུད་དྷེ་མ་ཧཱ་ན་ཡ་པ་རི་བཱ་རེ་སྭཱ་ཧཱ། གང་ཞིག་ཚེ་དཔག་ཏུ་མེད་པའི་མདོ་སྡེ་འདི་ཡི་གེར་འདྲི་འམ་ཡི་གེར་འདྲིར་འཇུག་ན་དེས་ཆོས་ཀྱི་ཕུང་པོ་བརྒྱད་ཁྲི་བཞི་སྟོང་འདྲིར་

106-1-58a

བཅུག་པར་འགྱུར་རོ། །ཨོཾ་ན་མོ་བྷ་ག་བ་ཏེ་ཨ་པ་རི་མི་ཏ་ཨཱ་ཡུར་ཛྙཱ་ན་སུ་བི་ནི་ཤྩི་ཏ་ཏེ་ཛོ་རཱ་ཛཱ་ཡ་ཏ་ཐཱ་ག་ཏཱ་ཡ་ཨ་ར་ཧ་ཏེ་སམྱཀ་སྃ་བུདྡྷཱ་ཡ། ཏདྱ་ཐཱ། ཨོཾ་པུ་ཎྱེ་པུ་ཎྱེ་མ་ཧཱ་པུ་ཎྱེ་ཨ་པ་རི་མི་ཏ་པུ་ཎྱེ་ཨ་པ་རི་མི་ཏ་པུ་ཎྱེ་
ཛྙཱ་ན་སྃ་བྷ་རོ་པ་ཙི་ཏེ། ཨོཾ་སརྦ་སྃ་སྐཱ་ར་པ་རི་ཤུད་དྷ་དྷརྨྨ་ཏེ་ག་ག་ན་ས་མུད་ག་ཏེ་སྭ་བྷཱ་བ་བི་ཤུ་དྷེ་མ་ཧཱ་ན་ཡ་པ་རི་བཱ་རེ་སྭཱ་ཧཱ། གང་ཞིག་ཚེ་དཔག་ཏུ་མེད་པའི་མདོ་སྡེ་འདི་ཡི་གེར་འདྲི་འམ་ཡི་གེར་འདྲིར་འཇུག་ན་དེས་ཆོས་ཀྱི་ཕུང་
པོ་བརྒྱད་ཁྲི་བཞི་སྟོང་བྱེད་དུ་བཅུག་པ་དང་རབ་ཏུ་གནས་པར་བྱས་པ་ཡིན་ནོ། །ཨོཾ་ན་མོ་བྷ་ག་བ་ཏེ་ཨ་པ་རི་མི་ཏ་ཨཱ་ཡུར་ཛྙཱ་ན་སུ་བི་ནི་ཤྩི་ཏ་ཏེ་ཛོ་རཱ་ཛཱ་ཡ་ཏ་ཐཱ་ག་ཏཱ་ཡ་ཨ་ར་ཧ་ཏེ་སམྱཀ་སྃ་བུདྡྷཱ་ཡ། ཏདྱ་ཐཱ། ཨོཾ་པུ་ཎྱེ་པུ་ཎྱེ་
མ་ཧཱ་པུ་ཎྱེ་ཨ་པ་རི་མི་ཏ་པུ་ཎྱེ་ཨ་པ་རི་མི་ཏ་པུ་ཎྱེ་ཛྙཱ་སྃ་སྃ་བྷ་རོ་པ་ཙི་ཏེ། ཨོཾ་སརྦ་སྃ་སྐཱ་ར་པ་རི་ཤུད་དྷ་དྷརྨྨ་ཏེ་ག་ག་ན་ས་མུད་ག་ཏེ་སྭ་བྷཱ་བ་བི་ཤུད་དྷེ་མ་ཧཱ་ན་ཡ་པ་རི་བཱ་རེ་སྭཱ་ཧཱ། གང་ཞིག་ཚེ་དཔག་ཏུ་མེད་པའི་མདོ་
སྡེ་འདི་ཡི་གེར་འདྲི་འམ་ཡི་གེར་འདྲིར་འཇུག་ན་དེའི་མཚམས་མེད་པ་ལྔ་བྱས་པ་ཡང་ཡོངས་སུ་བྱང་བར་འགྱུར་རོ། །ཨོཾ་ན་མོ་བྷ་ག་བ་ཏེ་ཨ་པ་རི་མི་ཏ་ཨཱ་ཡུར་ཛྙཱ་ན་སུ་བྷི་ནི་ཤྩི་ཏ་ཏེ་ཛོ་རཱ་ཛཱ་ཡ་ཏ་ཐཱ་ག་ཏཱ་ཡ་ཨར་ཧ་
ཏེ་སམྱཀ་སྃ་བུདྡྷཱ་ཡ། ཏདྱ་ཐཱ། ཨོཾ་པུ་ཎྱེ་པུ་ཎྱེ་མ་ཧཱ་པུ་ཎྱེ་ཨ་པ་རི་མི་ཏ་པུ་ཎྱེ་ཨ་པ་རི་མི་ཏ་པུ་ཎྱེ་ཛྙཱ་ན་སྃ་བྷ་རོ་པ་ཙི་ཏེ། ཨོཾ་སརྦ་སྃ་སྐཱ་ར་པ་རི་ཤུད་དྷ་དྷརྨྨ་ཏེ་ག་ག་ན་ས་མུད་ག་ཏེ་སྭ་བྷཱ་བ་བི་ཤུད་དྷེ་མ་ཧཱ་
ན་ཡ་པ་རི་བཱ་རེ་སྭཱ་ཧཱ། གང་ཞིག་ཚེ་དཔག་ཏུ་མེད་པའི་མདོ་སྡེ་འདི་ཡི་གེར་འདྲི་འམ་ཡི་གེར་འདྲིར་འཇུག་ན་དེའི་སྡིག་པའི་ཕུང་པོ་རི་རབ་ཙམ་ཡང་ཡོངས་སུ་བྱང་བར་འགྱུར་རོ། །ཨོཾ་ན་མོ་བྷ་ག་བ་ཏེ་
ཨ་པ་རི་མི་ཏ་ཨཱ་ཡུར་ཛྙཱ་ན་སུ་བི་ནི་ཤྩི་ཏ་ཏེ་ཛོ་རཱ་ཛཱ་ཡ། ཏ་ཐཱ་ག་ཏཱ་ཡ། ཨ་ར་ཧ་ཏེ་སམྱཀ་སྃ་བུདྡྷཱ་ཡ། ཏདྱ་ཐཱ། ཨོཾ་པུ་ཎྱེ་པུ་ཎྱེ་མ་ཧཱ་པུ་ཎྱེ་ཨ་པ་རི་མི་ཏ་པུ་ཎྱེ་ཨ་པ་རི་མི་ཏ་པུ་ཎྱེ་ཛྙཱ་ན་སྃ་བྷ་རོ་པ་ཙི་ཏེ། 

106-1-58b

ཨོཾ་སརྦ་སྃ་སྐཱ་ར་པ་རི་ཤུད་དྷ་དྷརྨྨ་ཏེ་ག་ག་ན་ས་མུད་ག་ཏེ་སྭ་བྷཱ་བ་བི་ཤུད་དྷ་མ་ཧཱ་ན་ཡ་པ་རི་བཱ་རེ་སྭཱ་ཧཱ། གང་ཞིག་ཚེ་དཔག་ཏུ་མེད་པའི་མདོ་སྡེ་འདི་ཡི་གེར་འདྲི་འམ་ཡི་གེར་འདྲིར་འཇུག་ན་དེ་ལ་བདུད་དམ་བདུད་ཀྱི་རིས་ཀྱི་ལྷ་དང་། 
གནོད་སྦྱིན་དང་སྲིན་པོས་གླགས་བལྟས་ཀྱང་གླགས་རྙེད་པར་མི་འགྱུར་རོ། །ཨོཾ་ན་མོ་བྷ་ག་བ་ཏེ་ཨ་པ་རི་མི་ཏ་ཨཱ་ཡུར་ཛྙཱ་ན་སུ་བི་ནིཤྩི་ཏ་ཏེ་ཛོ་རཱ་ཛཱ་ཡ་ཏ་ཐཱ་ག་ཏཱ་ཡ་ཨར་ཧ་ཏེ་སམྱཀ་སྃ་བུདྡྷཱ་ཡ། ཏདྱ་ཐཱ། ཨོཾ་པུ་ཎྱེ་པུ་ཎྱེ་མ་ཧཱ་པུ་ཎྱེ་ཨ་
པ་རི་མི་ཏ་པུ་ཎྱེ་ཨ་པ་རི་མི་ཏ་པུ་ཎྱེ་ཛྙཱ་ན་སྃ་བྷ་རོ་པ་ཙི་ཏེ། ཨོཾ་སརྦ་སྃ་སྐཱ་ར་པ་རི་ཤུད་དྷ་དྷརྨྨ་ཏེ་ག་ག་ན་ས་མུད་ག་ཏེ་སྭ་བྷཱ་བ་བི་ཤུད་དྷེ་མ་ཧཱ་ན་ཡ་པ་རི་བཱ་རེ་སྭཱ་ཧཱ། གང་ཞིག་ཚེ་དཔག་ཏུ་མེད་པའི་མདོ་སྡེ་འདི་ཡི་གེར་འདྲི་འམ་ཡི་གེར་
འདྲིར་འཇུག་ན་དེ་འཆི་བའི་དུས་ཀྱི་ཚེ་སངས་རྒྱས་བྱེ་བ་ཕྲག་དགུ་བཅུ་རྩ་དགུས་མངོན་སུམ་དུ་ཆོས་སྟོན་པ་མཛད་དེ། སངས་རྒྱས་སྟོང་གིས་དེ་ལ་ཕྱག་རྐྱོང་བར་འགྱུར་རོ། །སངས་རྒྱས་ཀྱི་ཞིང་ནས་སངས་རྒྱས་ཀྱི་ཞིང་དུ་འགྲོ་བར་
མཛད་པར་འགྱུར་ཏེ། འདི་ལ་ཐེ་ཚོམ་དང་སོམ་ཉི་དང་ཡིད་གཉིས་མ་ཟ་ཤིག །ཨོཾ་ན་མོ་བྷ་ག་བ་ཏེ་ཨ་པ་རི་མི་ཏ་ཨཱ་ཡུར་ཛྙཱ་ན་སུ་བི་ནི་ཤྩི་ཏ་ཏེ་ཛོ་རཱ་ཛཱ་ཏ་ཐཱ་ག་ཏཱ་ཡ་ཨར་ཧ་ཏེ་སམྱཀ་སྃ་བུདྡྷཱ་ཡ། ཏདྱ་ཐཱ། ཨོཾ་པུ་ཎྱེ་
པུ་ཎྱེ་མ་ཧཱ་པུ་ཎྱེ་ཨ་པ་རི་མི་ཏ་པུ་ཎྱེ་ཨ་པ་རི་མི་ཏ་པུ་ཎྱེ་ཛྙཱ་ན་སྃ་བྷ་རོ་པ་ཙི་ཏེ། ཨོཾ་སརྦ་སྃ་སྐཱ་ར་པ་རི་ཤུད་དྷ་དྷརྨྨ་ཏེ་ག་ག་ན་ས་མུད་ག་ཏེ་སྭ་བྷཱ་བ་བི་ཤུད་དྷེ་མ་ཧཱ་ན་ཡ་པ་རི་བཱ་རེ་སྭཱ་ཧཱ། གང་ཞིག་ཚེ་དཔག་ཏུ་མེད་པའི་མདོ་སྡེ་
འདི་ཡི་གེར་འདྲི་འམ་ཡི་གེར་འདྲིར་འཇུག་ན་རྒྱལ་པོ་ཆེན་པོ་བཞི་དེའི་ཕྱི་བཞིན་འབྲང་ཞིང་བསྲུང་བ་དང་། བསྐྱབ་པ་དང་སྦེད་པ་བྱེད་པར་འགྱུར་རོ། །ཨོཾ་ན་མོ་བྷ་ག་བ་ཏེ་ཨ་པ་རི་མི་ཏ་ཨཱ་ཡུར་ཛྙཱ་ན་སུ་བི་ནི་ཤྩི་ཏ་ཏེ་ཛོ་
རཱ་ཛཱ་ཡ་ཏ་ཐཱ་ག་ཏཱ་ཡ་ཨར་ཧ་ཏེ་སམྱཀ་སྃ་བུདྡྷཱ་ཡ། ཏདྱ་ཐཱ། ཨོཾ་པུ་ཎྱེ་པུ་ཎྱེ་མ་ཧཱ་པུ་ཎྱེ་ཨ་པ་རི་མི་ཏ་པུ་ཎྱེ་ཨ་པ་རི་མི་ཏ་པུ་ཎྱེ་ཛྙཱ་ན་སྃ་བྷ་རོ་པ་ཙི་ཏེ། ཨོཾ་སརྦ་སྃ་སྐཱ་ར་པ་རི་ཤུད་དྷ་དྷརྨྨ་ཏེ་ག་ག་ན་ས་མུད་ག་ཏེ་སྭ་བྷཱ་བ་བི་ཤུད་

106-1-59a

དྷེ་མ་ཧཱ་ན་ཡ་པ་རི་བཱ་རེ་སྭཱ་ཧཱ། གང་ཞིག་ཚེ་དཔག་ཏུ་མེད་པའི་མདོ་སྡེ་འདི་ཡི་གེར་འདྲི་འམ་ཡི་གེར་འདྲིར་འཇུག་ན་དེ་དེ་བཞིན་གཤེགས་པ་འོད་དཔག་ཏུ་མེད་པའི་སངས་རྒྱས་ཀྱི་ཞིང་འཇིག་རྟེན་གྱི་ཁམས་བདེ་བ་ཅན་དུ་སྐྱེ་
བར་འགྱུར་རོ། །ཨོཾ་ན་མོ་བྷ་ག་བ་ཏེ་ཨ་པ་རི་མི་ཏ་ཨཱ་ཡུར་ཛྙཱ་ན་སུ་བི་ནི་ཏ་ཏེ་ཛོ་རཱ་ཛཱ་ཡ་ཏ་ཐཱ་ག་ཏཱ་ཡ་ཨར་ཧ་ཏེ་སམྱཀ་སྃ་བུདྡྷཱ་ཡ། ཏདྱ་ཐཱ། ཨོཾ་པུ་ཎྱེ་པུ་ཎྱེ་མ་ཧཱ་པུ་ཎྱེ་ཨ་པ་རི་མི་ཏ་པུ་ཎྱེ་ཨ་པ་རི་མི་ཏ་པུ་ཎྱེ་ཛྙཱ་ན་སྃ་བྷ་རོ་པ་ཙི་ཏེ། 
ཨོཾ་སརྦ་སྃ་སྐཱ་ར་པ་རི་ཤུད་དྷ་དྷརྨྨ་ཏེ་ག་ག་ན་ས་མུད་ག་ཏེ་སྭ་བྷཱ་བ་བི་ཤུད་དྷེ་མ་ཧཱ་ན་ཡ་པ་རི་བཱ་རེ་སྭཱ་ཧཱ། ས་ཕྱོགས་གང་དུ་མདོ་སྡེ་དཀོན་མཆོག་འདི་འདྲི་བའི་ས་ཕྱོགས་དེ་ཡང་མཆོད་རྟེན་དུ་འགྱུར་ཏེ་ཕྱག་བྱ་བར་འོས་པར་འགྱུར་རོ། །
བྱོལ་སོང་གི་སྐྱེ་གནས་སུ་སོང་བ་བྱ་དང་རི་དགས་གང་དག་གི་རྣ་ལམ་དུ་གྲགས་པར་གྱུར་པ་དེ་དག་ཐམས་ཅད་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་མངོན་བར་རྫོགས་པར་འཚང་རྒྱ་བར་འགྱུར་རོ། །ཨོཾ་ན་མོ་བྷ་ག་བ་
ཏེ་ཨ་པ་རི་མི་ཏ་ཨཱ་ཡུར་ཛྙཱ་ན་སུ་བི་ནི་ཤྩི་ཏ་ཏེ་ཛོ་རཱ་ཛཱ་ཡ་ཏ་ཐཱ་ག་ཏཱ་ཡ་ཨར་ཧ་ཏེ་སམྱཀ་སྃ་བུདྡྷཱ་དྡྷཱ་ཡ། ཏདྱ་ཐཱ། ཨོཾ་པུ་ཎྱེ་པུ་ཎྱེ་མ་ཧཱ་པུ་ཎྱེ་ཨ་པ་རི་མི་ཏ་པུ་ཎྱེ་ཨ་པ་རི་མི་ཏ་པུ་ཎྱེ་ཛྙཱ་ན་སྃ་བྷ་རོ་པ་ཙི་ཏེ། ཨོཾ་སརྦ་སྃ་སྐཱ་ར་པ་རི་ཤུད་དྷ་དྷརྨྨ་
ཏེ་ག་ག་ན་ས་མུད་ག་ཏེ་སྭ་བྷཱ་བ་བི་ཤུད་དྷེ་མ་ཧཱ་ན་ཡ་པ་རི་བཱ་རེ་སྭཱ་ཧཱ། གང་ཞིག་ཚེ་དཔག་ཏུ་མེད་པའི་མདོ་སྡེ་འདི་ཡི་གེར་འདྲི་འམ་ཡི་གེར་འདྲིར་འཇུག་ན་དེ་བུད་མེད་ཀྱི་ལུས་སུ་ནམ་ཡང་སྐྱེ་བར་མི་འགྱུར་རོ། །ཨོཾ་ན་མོ་བྷ་ག་བ་ཏེ་ཨ་པ་རི་མི་
ཏ་ཨཱ་ཡུར་ཛྙཱ་ན་སུ་བི་ནིཤྩི་ཏ་ཏེ་ཛོ་རཱ་ཛཱ་ཡ་ཏ་ཐཱ་ག་ཏཱ་ཡ་ཨར་ཧ་ཏེ་སམྱཀ་སྃ་བུདྡྷཱ་ཡ། ཏདྱ་ཐཱ། ཨོཾ་པུ་ཎྱེ་པུ་ཎྱེ་མ་ཧཱ་པུ་ཎྱེ་ཨ་པ་རི་མི་ཏ་པུ་ཎྱེ་ཨ་པ་རི་མི་ཏ་པུ་ཎྱེ་ཛྙཱ་ན་སྃ་བྷ་རོ་པ་ཙི་ཏེ། ཨོཾ་སརྦ་སྃ་སྐཱ་ར་པ་རི་ཤུད་དྷ་དྷརྨྨ་ཏེ་ག་ག་ན་ས་མུད་ག་ཏེ་
སྭ་བྷཱ་བ་བི་ཤུད་དྷེ་མ་ཧཱ་ན་ཡ་པ་རི་བཱ་རེ་སྭཱ་ཧཱ། གང་ལ་ལ་ཞིག་ཆོས་ཀྱི་རྣམ་གྲངས་འདིའི་ཕྱིར་ཀཱར་ཥ་པཱ་ཎ་འགའ་ཞིག་སྦྱིན་པ་བྱིན་ན་དེས་སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་རིན་པོ་ཆེ་སྣ་བདུན་གྱིས་ཡོངས་སུ་བཀང་སྟེ་སྦྱིན་

106-1-59b

པ་བྱིན་པར་འགྱུར་རོ། །ཨོཾ་ན་མོ་བྷ་ག་བ་ཏེ་ཨ་པ་རི་མི་ཏ་ཨཱ་ཡུར་ཛྙཱ་ན་སུ་བི་ནི་ཤྩི་ཏ་ཏེ་ཛོ་རཱ་ཛཱ་ཡ་ཏ་ཐཱ་ག་ཏཱ་ཡ་ཨར་ཧ་ཏེ་སམྱཀ་སྃ་བུདྡྷཱ་ཡ། ཏདྱ་ཐཱ། ཨོཾ་པུ་ཎྱེ་པུ་ཎྱེ་མ་ཧཱ་པུ་ཎྱེ་ཨ་པ་རི་མི་ཏ་པུ་ཎྱེ་ཨ་པ་རི་ཏ་པུ་ཎྱེ་ཛྙཱ་ན་སྃ་བྷ་རོ་པ་ཙི་ཏེ། 
སརྦ་སྃ་སྐཱ་ར་པ་རི་ཤུད་དྷ་དྷརྨྨ་ཏེ་ག་ག་ན་ས་མུད་ག་ཏེ་སྭ་བྷཱ་བ་བི་ཤུད་དྷེ་མ་ཧཱ་ན་ཡ་པ་རི་བཱ་རེ་སྭཱ་ཧཱ། གང་ལ་ལ་ཞིག་ཆོས་ཀྱི་རྣམ་གྲངས་འདི་ལ་མཆོད་པ་བྱེད་པར་འགྱུར་བ་དེས་དམ་པའི་ཆོས་མཐའ་དག་མཆོད་པར་འགྱུར་རོ། །ཨོཾ་ན་མོ་བྷ་ག་བ་
ཏེ་ཨ་པ་རི་མི་ཏ་ཨཱ་ཡུར་ཛྙཱ་ན་སུ་བི་ནི་ཤྩི་ཏ་ཏེ་ཛོ་རཱ་ཛཱ་ཡ་ཏ་ཐཱ་ག་ཏཱ་ཡ་ཨར་ཧ་ཏེ་སམྱཀ་སྃ་བུདྡྷཱ་ཡ། ཏདྱ་ཐཱ། ཨོཾ་པུ་ཎྱེ་པུ་ཎྱེ་མ་ཧཱ་པུ་ཎྱེ་ཨ་པ་རི་མི་ཏ་པུ་ཎྱེ་ཨ་པ་རི་མི་ཏ་པུ་ཎྱེ་ཛྙཱ་ན་སྃ་བྷ་རོ་པ་ཙི་ཏེ། ཨོཾ་སརྦ་སྃ་སྐཱ་ར་པ་རི་ཤུད་དྷ་དྷརྨྨ་ཏེ་ག་ག་ན་
ས་མུད་ག་ཏེ་སྭ་བྷཱ་བ་བི་ཤུད་དྷེ་མ་ཧཱ་ན་ཡ་པ་རི་བཱ་རེ་སྭཱ་ཧཱ། འདི་ལྟ་སྟེ་དཔེར་ན་དེ་བཞིན་གཤེགས་པ་རྣམ་པར་གཟིགས་དང་། གཙུག་ཏོར་ཅན་དང་ཐམས་ཅད་སྐྱོབ་དང་ལོག་པར་དད་སེལ་དང་གསེར་ཐུབ་དང་འོད་སྲུང་དང་ཤཱཀྱ་ཐུབ་པ་
ལ་སོགས་པ་ལ་རིན་པོ་ཆེ་སྣ་བདུན་གྱི་མཆོད་པ་རྣམས་ཀྱིས་མཆོད་པ་བྱས་པའི་བསོད་ནམས་ཀྱི་ཕུང་པོའི་ཚད་ནི་བགྲང་བར་ནུས་ཀྱི། ཚེ་དཔག་ཏུ་མེད་པའི་མདོ་སྡེ་འདིའི་བསོད་ནམས་ཀྱི་ཕུང་པོའི་ཚད་ནི་བགྲང་བར་མི་ནུས་སོ། །
ཨོཾ་ན་མོ་བྷ་ག་བ་ཏེ་ཨ་པ་རི་མི་ཏ་ཨཱ་ཡུར་ཛྙཱ་ན་སུ་བི་ནི་ཏ་ཏེ་ཛོ་རཱ་ཛཱ་ཡ་ཏ་ཐཱ་ག་ཏཱ་ཡ་ཨར་ཧ་ཏེ་སམྱཀ་སྃ་བུདྡྷཱ་ཡ། ཏདྱ་ཐཱ། ཨོཾ་པུ་ཎྱེ་པུ་ཎྱེ་མ་ཧཱ་པུ་ཎྱེ་ཨ་པ་རི་མི་ཏ་པུ་ཎྱེ་ཨ་པ་རི་མི་ཏ་པུ་ཎྱེ་ཛྙཱ་ན་སྃ་བྷ་རོ་པ་ཙི་ཏེ། ཨོཾ་སརྦ་སྃ་སྐཱ་ར་
པ་རི་ཤུད་དྷ་དྷརྨྨ་ཏེ་ག་ག་ན་ས་མུད་ག་ཏེ་སྭ་བྷཱ་བ་བི་ཤུད་དྷེ་མ་ཧཱ་ན་ཡ་པ་རི་བཱ་རེ་སྭཱ་ཧཱ། འདི་ལྟ་སྟེ་དཔེར་ན་རིན་པོ་ཆེའི་ཕུང་པོ་རི་རབ་ཙམ་སྤུངས་ཏེ་སྦྱིན་པ་བྱིན་པ་དེའི་བསོད་ནམས་ཀྱི་ཕུང་པོའི་ཚད་ནི་བགྲང་བར་ནུས་ཀྱི། ཚེ་དཔག་ཏུ་མེད་
པའི་མདོ་སྡེ་འདིའི་བསོད་ནམས་ཀྱི་ཕུང་པོའི་ཚད་ནི་བགྲང་བར་མི་ནུས་སོ། །ཨོཾ་ན་མོ་བྷ་ག་བ་ཏེ་ཨ་པ་རི་མི་ཏ་ཨཱ་ཡུར་ཛྙཱ་ན་སུ་བི་ནི་ཤྩི་ཏ་ཏེ་ཛོ་རཱ་ཛཱ་ཡ་ཏ་ཐཱ་ག་ཏཱ་ཡ་ཨར་ཧ་ཏེ་སམྱཀ་སྃ་བུདྡྷཱ་ཡ། ཏདྱ་ཐཱ། ཨོཾ་པུ་ཎྱེ་པུ་ཎྱེ་མ་ཧཱ་པུ་ཎྱེ་ཨ་པ་

106-1-60a

རི་མི་ཏ་པུ་ཎྱེ་ཨ་པ་རི་མི་ཏ་པུ་ཎྱེ་ཛྙཱ་ན་སྃ་བྷ་རོ་པ་ཙི་ཏེ། ཨོཾ་སརྦ་སྃ་སྐཱ་ར་པ་རི་ཤུད་དྷ་དྷརྨྨ་ཏེ་ག་ག་ན་ས་མུད་ག་ཏེ་སྭ་བྷཱ་བ་བི་ཤུད་དྷེ་མ་ཧཱ་ན་ཡ་པ་རི་བཱ་རེ་སྭཱ་ཧཱ། འདི་ལྟ་སྟེ་དཔེར་ན་རྒྱ་མཚོ་ཆེན་པོ་བཞི་ཆུས་ཡོངས་སུ་གང་བའི་
ཐིགས་པ་ནི་རེ་རེ་ནས་བགྲང་བར་ནུས་ཀྱི་ཚེ་དཔག་ཏུ་མེད་པའི་མདོ་སྡེ་འདིའི་བསོད་ནམས་ཀྱི་ཕུང་པོའི་ཚད་ནི་བགྲང་བར་མི་ནུས་སོ། །ཨོཾ་ན་མོ་བྷ་ག་བ་ཏེ་ཨ་པ་རི་མི་ཏ་ཨཱ་ཡུར་ཛྙཱ་ན་སུ་བི་ནི་ཤྩི་ཏ་ཏེ་ཛོ་རཱ་ཛཱ་ཡ་ཏ་ཐཱ་ག་ཏཱ་ཡ་ཨར་ཧ་ཏེ་སམྱཀ་སྃ་
བུདྡྷཱ་ཡ། ཏདྱ་ཐཱ། ཨོཾ་པུ་ཎྱེ་པུ་ཎྱེ་མ་ཧཱ་པུ་ཎྱེ་ཨ་པ་རི་མི་ཏ་པུ་ཎྱེ་ཨ་པ་རི་མི་ཏ་པུ་ཎྱེ་ཛྙཱ་ན་སྃ་བྷ་རོ་པ་ཙི་ཏེ། ཨོཾ་སརྦ་སྃ་སྐཱ་ར་པ་རི་ཤུད་དྷ་དྷརྨྨ་ཏེ་ག་ག་ན་ས་མུད་ག་ཏེ་སྭ་བྷཱ་བ་བི་ཤུད་དྷེ་མ་ཧཱ་ན་ཡ་པ་རི་བཱ་རེ་སྭཱ་ཧཱ། གང་ཞིག་ཚེ་དཔག་ཏུ་
མེད་པའི་མདོ་སྡེ་འདི་ཡི་གེར་འདྲི་འམ་ཡི་གེར་འདྲིར་འཇུག་གམ། སྟི་སྟང་དུ་བྱས་ཏེ་མཆོད་པ་བྱེད་པར་འགྱུར་བ་དེས་ཕྱོགས་བཅུའི་སངས་རྒྱས་ཀྱི་ཞིང་ཐམས་ཅད་དུ་དེ་བཞིན་གཤེགས་པ་ཐམས་ཅད་ལ་ཕྱག་བྱས་པ་དང་མཆོད་
པ་བྱས་པ་ཡིན་ནོ། །ཨོཾ་ན་མོ་བྷ་ག་བ་ཏེ་ཨ་པ་རི་མི་ཏ་ཨཱ་ཡུར་ཛྙཱ་ན་སུ་བི་ནི་ཏ་ཏེ་ཛོ་རཱ་ཛཱ་ཡ་ཏ་ཐཱ་ག་ཏཱ་ཡ་ཨར་ཧ་ཏེ་སམྱཀ་སྃ་བུདྡྷཱ་ཡ། ཏདྱ་ཐཱ། ཨོཾ་པུ་ཎྱེ་པུ་ཎྱེ་མ་ཧཱ་པུ་ཎྱེ་ཨ་པ་རི་མི་ཏ་པུ་ཎྱེ་ཨ་པ་རི་མི་ཏ་པུ་ཎྱེ་ཛྙཱ་ན་སྃ་བྷ་རོ་
པ་ཙི་ཏེ། ཨོཾ་སརྦ་སྃ་སྐཱ་ར་པ་རི་ཤུད་དྷ་དྷརྨྨ་ཏེ་ག་ག་ན་ས་མུད་ག་ཏེ་སྭ་བྷཱ་བ་བི་ཤུད་དྷེ་མ་ཧཱ་ན་ཡ་པ་རི་བཱ་རེ་སྭཱ་ཧཱ། སྦྱིན་པའི་སྟོབས་ཀྱིས་སངས་རྒྱས་ཡང་དག་འཕགས། །མི་ཡི་སེང་གེས་སྦྱིན་པའི་སྟོབས་
རྟོགས་ཏེ། །སྙིང་རྗེ་ཅན་གྱི་གྲོང་ཁྱེར་འཇུག་པ་ན། །སྦྱིན་པའི་སྟོབས་ཀྱི་སྒྲ་ནི་གྲག་པར་འགྱུར། །ཚུལ་ཁྲིམས་སྟོབས་ཀྱིས་སངས་རྒྱས་ཡང་དག་འཕགས། །མི་ཡི་སེང་གེས་ཚུལ་ཁྲིམས་སྟོབས་
རྟོགས་ཏེ། །སྙིང་རྗེ་ཅན་གྱི་གྲོང་ཁྱེར་འཇུག་པ་ན། །ཚུལ་ཁྲིམས་སྟོབས་ཀྱི་སྒྲ་ནི་གྲག་པར་འགྱུར། །བཟོད་པའི་སྟོབས་ཀྱིས་སངས་རྒྱས་ཡང་དག་འཕགས། །མི་ཡི་སེང་གེས་བཟོད་པའི་

106-1-60b

སྟོབས་རྟོགས་ཏེ། །སྙིང་རྗེ་ཅན་གྱི་གྲོང་ཁྱེར་འཇུག་པ་ན། །བཟོད་པའི་སྟོབས་ཀྱི་སྒྲ་ནི་གྲག་པར་འགྱུར། །བརྩོན་འགྲུས་སྟོབས་ཀྱིས་སངས་རྒྱས་ཡང་དག་འཕགས། །མི་ཡི་སེང་གེས་བརྩོན་
འགྲུས་སྟོབས་རྟོགས་ཏེ། །སྙིང་རྗེ་ཅན་གྱི་གྲོང་ཁྱེར་འཇུག་པ་ན། །བརྩོན་འགྲུས་སྟོབས་ཀྱི་སྒྲ་ནི་གྲག་པར་འགྱུར། །བསམ་གཏན་སྟོབས་ཀྱིས་སངས་རྒྱས་ཡང་དག་འཕགས། །མི་ཡི་སེང་གེས་བསམ་
གཏན་སྟོབས་རྟོགས་ཏེ། །སྙིང་རྗེ་ཅན་གྱི་གྲོང་ཁྱེར་འཇུག་པ་ན། །བསམ་གཏན་སྟོབས་ཀྱི་སྒྲ་ནི་གྲག་པར་འགྱུར། །ཤེས་རབ་སྟོབས་ཀྱིས་སངས་རྒྱས་ཡང་དག་འཕགས། །མི་ཡི་སེང་གེས་ཤེས་
རབ་སྟོབས་རྟོགས་ཏེ། །སྙིང་རྗེ་ཅན་གྱི་གྲོང་ཁྱེར་འཇུག་པ་ན། །ཤེས་རབ་སྟོབས་ཀྱི་སྒྲ་ནི་གྲག་པར་འགྱུར། །ཨོཾ་ན་མོ་བྷ་ག་བ་ཏེ་ཨ་པ་རི་མི་ཏ་ཨཱ་ཡུར་ཛྙཱ་ན་སུ་བི་ནི་ཏ་ཏེ་ཛོ་རཱ་ཛཱ་ཡ་ཏ་ཐཱ་ག་ཏཱ་ཡ་
ཨར་ཧ་ཏེ་སམྱཀ་སྃ་བུདྡྷཱ་ཡ། ཏདྱ་ཐཱ། ༀ་པུ་ཎྱེ་པུ་ཎྱེ་མ་ཧཱ་པུ་ཎྱེ་ཨ་པ་རི་མི་ཏ་པུ་ཎྱེ་ཨ་པ་རི་མི་ཏ་པུ་ཎྱེ་ཛྙཱ་ན་སྃ་བྷ་རོ་པ་ཙི་ཏེ། ཨོཾ་སརྦ་སྃ་སྐཱ་རི་པ་རི་ཤུད་དྷ་དྷརྨྨ་ཏེ་ག་ག་ན་ས་མུད་ག་ཏེ་སྭ་བྷཱ་བ་བི་ཤུད་དྷེ་
མ་ཧཱ་ན་ཡ་པ་རི་བཱ་རེ་སྭཱ་ཧཱ། བཅོམ་ལྡན་འདས་དགྱེས་ཤིང་དེ་སྐད་ཅེས་བཀའ་སྩལ་ནས། འཇམ་དཔལ་གཞོན་ནུར་གྱུར་པ་དང་ཐམས་ཅད་དང་ལྡན་པའི་འཁོར་དེ་དག་དང་ལྷ་དང་མི་དང་ལྷ་མ་ཡིན་དང་དྲི་ཟར་
བཅས་པའི་འཇིག་རྟེན་ཡི་རངས་ཏེ། བཅོམ་ལྡན་འདས་ཀྱིས་གསུངས་པ་ལ་མངོན་བར་བསྟོད་དོ། །འཕགས་པ་ཚེ་དཔག་ཏུ་མེད་པ་ཞེས་བྱ་བ་ཐེག་པ་ཆེན་པོའི་མདོ།  རྫོགས་སོ།། །།ཨོཾ་གཅིག་པ་དང་
གཉིས་པ་དང་གསུམ་པ་དང་གསུམ་ཡོད་པ་ལས།  ཨོཾ་གསུམ་པ་འདི་དག་པ་ཡིན་ཏེ། འདི་ལ་ཚེ་དཔག་མེད་མཚན་བརྒྱ་རྩ་བརྒྱད་པ་ཞེས་ཟེར་རོ། །འདི་ལ་ཡི་གེ་བརྒྱ་རྩ་བཅུ་ཡོད་པ་ནི་ཀློག་པའི་ཆེད་དུ་ཨ་གཉིས་དཀྱུས་སུ་བཅུག་པ་ཡིན་ནོ། །འདི་རྒྱ་དཔེ་དངོས་ལ་

106-1-61a

བྲིས་སོ།།   །། རྒྱ་གར་སྐད་དུ།  ཨཱརྱ་ཨཱ་པ་རི་མི་ཏ་ཨཱ་ཡུར་ཛྙཱ་ན་ཧྲྀ་ད་ཡ་ནཱ་མ་དྷཱ་ར་ཎཱི། བོད་སྐད་དུ།  འཕགས་པ་ཚེ་དང་ཡེ་ཤེས་དཔག་ཏུ་མེད་པའི་སྙིང་པོ་ཞེས་བྱ་བའི་གཟུངས། སངས་རྒྱས་དང་བྱང་ཆུབ་སེམས་དཔའ་
ཐམས་ཅད་ལ་ཕྱག་འཚལ་ལོ། །འདི་སྐད་བདག་གིས་ཐོས་པའི་དུས་གཅིག་ན། བཅོམ་ལྡན་འདས་གང་གཱ་ཏས་བསྐོར་བའི་རྫིང་བུའི་འགྲམ་ན། དགེ་སློང་ལྔ་བརྒྱའི་དགེ་སློང་གི་དགེ་འདུན་ཆེན་པོ་དང་། བྱང་ཆུབ་སེམས་དཔའི་དགེ་
འདུན་ཆེན་པོ་དང་ཐབས་ཅིག་ཏུ་བཞུགས་ཏེ། དེ་ནས་བཅོམ་ལྡན་འདས་ཀྱིས་དགེ་སློང་རྣམས་ལ་བཀའ་སྩལ་ནས། དགེ་སློང་དེ་དག་བཅོམ་ལྡན་འདས་ཀྱི་ལྟར་ཉན་པ་དང་། བཅོམ་ལྡན་འདས་ཀྱིས་དེ་དག་ལ་འདི་སྐད་ཅེས་
བཀའ་སྩལ་ཏོ། །འདི་ནས་ནུབ་ཀྱི་ཕྱོགས་རོལ་ན། །བདེ་བ་ཅན་གྱི་འཇིག་རྟེན་ཁམས། །དེ་ན་རྫོགས་པའི་སངས་རྒྱས་བཞུགས། །དེ་བཞིན་གཤེགས་པ་ཚེ་དཔག་མེད། །སུ་ཞིག་དེ་ཡི་མཚན་བརྗོད་ན། །དེ་ནི་དེ་རུ་སྐྱེ་བར་འགྱུར། །
འཆི་བའི་དུས་སུ་སྟོན་པ་ནི། །དགེ་སློང་དགེ་འདུན་བཅས་ཏེ་མཐོང་། །དེ་ན་བུད་མེད་ཡོད་མ་ཡིན། །མངལ་ན་གནས་པ་ཡོད་མ་ཡིན། །རིན་ཆེན་རྣམས་ཀྱི་པད་མོ་ལས། །རྫུ་འཕྲུལ་ཆེན་པོ་འབྱུང་བར་འགྱུར། །ཟས་དང་
གོས་དང་སྨན་རྣམས་དང་། །ཆོས་གོས་མལ་ཆ་ལྷུང་བཟེད་རྣམས། །སེམས་ཀྱི་བསམས་མ་ཐག་ཏུ་ནི། །དེ་དག་མོད་ལ་འབྱུང་བར་འགྱུར། །ཕྱོགས་བཅུར་བཞུགས་པའི་སངས་རྒྱས་རྣམས། །བདེ་བ་ཅན་གྱི་
བསྔགས་པ་བརྗོད། །དེ་ལྟར་སངས་རྒྱས་བསམ་མི་ཁྱབ། །སངས་རྒྱས་ཆོས་ཀྱང་བསམ་མི་ཁྱབ། །འཕགས་པའི་དགེ་འདུན་བསམ་མི་ཁྱབ། །བསམ་མི་ཁྱབ་ལ་དད་བྱས་ན། །རྣམ་པར་སྨིན་པ་བསམ་མི་ཁྱབ། །
རྣམ་དག་ཞིང་དུ་སྐྱེ་བར་འགྱུར། །དགེ་སློང་དག་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཚེ་དཔག་མེད་ཀྱི་ཕོ་བྲང་འཁོར་དང་བཅས་པ་ཞེས་བྱ་བ་རྒྱར་དཔག་ཚད་ཁྲི་ཡོད་པ་ཞིག་ཡོད་དེ། 

106-1-61b

རྒྱལ་རིགས་སུ་སྐྱེས་སོ། །དགེ་སློང་དག་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཚེ་དཔག་མེད་ཀྱི་ཡབ་ནི་འཁོར་ལོས་སྒྱུར་བའི་རྒྱལ་པོ་བཟང་པོའི་མཆོག་ཅེས་བྱ་བར་གྱུར་ཏོ། །དེའི་ཡུམ་ནི་
གཟི་བརྗིད་ཅན་ཞེས་བྱ་བར་གྱུར་ཏོ། །དེའི་བཙུན་མོ་ནི་རྒྱལ་རིགས་བཟང་སྐྱོང་མ་ཞེས་བྱ་བར་གྱུར་ཏོ། །དགེ་སློང་དག་དེ་བཞིན་གཤེགས་པ་ཚེ་དཔག་མེད་ཀྱི་སྲས་ནི་ཟླ་བའི་འོད་ཅེས་བྱ་བར་གྱུར་ཏོ། །རིམ་གྲོ་པ་ནི་སྙན་པ་དྲི་མ་
མེད་ཅེས་བྱ་བར་གྱུར་ཏོ། །དགེ་སློང་དག་དེ་བཞིན་གཤེགས་པ་ཚེ་དཔག་མེད་ཀྱི་ཤེས་རབ་ཅན་གྱི་མཆོག་ཏུ་གྱུར་པ་ནི་བཟང་པོའི་ཏོག་ཅེས་བྱ་བར་གྱུར་ཏོ། །རྫུ་འཕྲུལ་དང་ལྡན་པའི་མཆོག་དང་བརྩོན་འགྲུས་ཆེན་པོ་དང་
ལྡན་པའི་མཆོག་ནི་བཀོད་པ་ཆེན་པོ་ཞེས་བྱའོ། །དགེ་སློང་དག་དེ་བཞིན་གཤེགས་པ་ཚེ་དཔག་མེད་ཀྱི་བདུད་ནི་མཆོད་པའི་རྒྱལ་པོ་ཞེས་བྱ་བར་གྱུར་ཏོ། །ལྷ་བྱིན་གྱི་མིང་ནི་དང་བ་ཞེས་བྱ་བར་གྱུར་ཏོ། །དགེ་སློང་དག་
དེ་བཞིན་གཤེགས་པ་ཚེ་དཔག་མེད་ཀྱི་ཉན་ཐོས་འདུས་པ་ཆེན་པོ་ནི་ཉན་ཐོས་ཆེན་པོ་དྲུག་ཁྲི་ཡོད་དོ། །དགེ་སློང་དག་སེམས་ཅན་ཐམས་ཅད་ཀྱིས་ལེགས་པར་བསམས་ཏེ། དེ་བཞིན་གཤེགས་པ་ཚེ་དཔག་མེད་ཀྱི་
མཚན་ལེགས་པར་བཟུང་ལ། ཞག་བཅུར་སངས་རྒྱས་རྗེས་སུ་དྲན་པ་ཡིད་ལ་མ་ཡེངས་པར་བསྒོམ་ཞིང་འཇིག་རྟེན་གྱི་ཁམས་བདེ་བ་ཅན་ན་བཞུགས་པའི་དེ་བཞིན་གཤེགས་པ་ཚེ་དཔག་མེད་རྒྱུན་དུ་ཡིད་ལ་བྱའོ། །དཔལ་
འཆི་མེད་རྔ་སྒྲའི་རྒྱལ་པོ་ཞེས་བྱ་བའི་གཟུངས་འདི་ཡང་རྟག་ཏུ་བཟླས་བརྗོད་བྱའོ། །ཉིན་ལན་གསུམ་མཚན་ལན་གསུམ་ཡན་ལག་ལྔས་ཕྱག་བྱས་ལ། སེམས་ཅན་ཐམས་ཅད་ཀྱིས་དེ་བཞིན་གཤེགས་པ་ཚེ་དཔག་
མེད་བསམས་ན་ཞག་བཅུ་འདས་པའི་དུས་སུ་དེ་བཞིན་གཤེགས་པ་ཚེ་དཔག་མེད་མཐོང་བར་འགྱུར་རོ། །ཕྱོགས་བཅུ་ན་བཞུགས་པའི་སངས་རྒྱས་བཅོམ་ལྡན་འདས་ཐམས་ཅད་ཀྱང་མཐོང་བར་འགྱུར་རོ། །དགེ་བའི་རྩ་བ་ཐམས་

106-1-62a

ཅད་ཀྱང་འཇིག་རྟེན་གྱི་ཁམས་བདེ་བ་ཅན་དུ་ཡོངས་སུ་བསྔོས་ན། དེ་འཆི་བའི་དུས་ཀྱི་ཚེ་དེ་བཞིན་གཤེགས་པ་ཚེ་དཔག་མེད་མདུན་ན་བཞུགས་པར་འགྱུར་རོ། །དེ་བཞིན་གཤེགས་པ་ཚེ་དཔག་མེད་དེའི་སངས་རྒྱས་ཀྱི་ཞིང་དུ་
སྐྱེ་བར་འགྱུར་རོ། །དགེ་སློང་དག་འཆི་མེད་རྔ་སྒྲའི་རྒྱལ་པོ་ཞེས་བྱ་བའི་གཟུངས་དེ་གང་ཞེ་ན། ཏདྱ་ཐཱ། ཤ་བ་ལེ། ཨ་བ་ལེ། ས་མ་ཛ་ལེ། ནིར་དེ་ཤེ། ནིར་ཛ་ཏེ། ནི་རུག་ཏེ།   ནིར་མུ་ཁེ། ཛྭ་ལ་པ་རི་ཚེ་ད་ནི། སུ་ཁ་བ་ཏི་ནིར་དེ་ཤེ། ཨ་མི་
ཏེ། ཨཱ་ཡུ་གར་བྷ་ནིར་ཧཱ་ནི། ཨ་མྲི་ཏི་ཨཱ་ཡུར་པྲ་ས་ད་ནི། ནིར་བུདྡྷི་ཨཱ་ཀཱ་ཤ་ནིར་དེ་ཤེ། ཨཱ་ཀཱ་ཤ་ནི་རྫ་ཏི། ཨཱ་ཀཱ་ཤ་ནིར་ཀུ་ཤ་ལེ། ཨཱ་ཀཱ་ཤ་ནི་དར་ཤཱ་ནེ། ཨཱ་ཀཱ་ཤ་ཨ་དྷིཥྛཱ་ནེ། སུ་ཁ་བ་ཏི་ཨ་དྷི་ཥྛཱ་ནེ་རཱུ་པ་ནིར་དེ་ཤེ། ཙ་ཏྭཱ་རི་དྷརྨ་པྲ་སཱ་ད་ནེ། 
ཙ་ཏྭ་རི་ཨཱརྱ་སཏྱ་པྲ་སཱ་ད་ནི། ཙ་ཏྭ་རི་མཱརྐ་བྷ་ན་པྲ་སཱ་ད་ནི་བ་ལ་བིརྱ་པྲ་སཱ་ད་ནེ། དྷརྨཱ་ཚེ་ད་ནི། ཀུ་ཤ་ལེ། ཀུ་ཤ་ལ་ནིར་དེ་ཤ །ཀུ་ཤ་ལ་པྲ་ཏིཥྛཱ་ནེ། བུདྡྷཱ་ཀུ་ཤ་ལེ། བི་ཤུད་དྷ་པྲ་བྷ། ས་དྷརྨ་ཀ་ར་ནི།   ནིརྫ་ཏི། ནིར་བུདྡྷེ། བི་མ་ལེ། བི་ར་ཛེ། 
རཱ་ཛཱ་ས། ར་ས་གྲེ། ར་སཱ་གྲ་པ་ལེ། ར་སཱ་གྲ། ཨ་དྷི་ཏེ། ཀུ་ལེ་པྲ་ཏི་ཀུ་ལེ། བི་ཀུ་ལེ། དྷན་ཏེ་ཏེ་སུ་དྷན་ཏ་ཙིད་ཏེ། སུ་པྲ་ཤན་ཏ་ཙིད་ཏེ། སུ་པྲ་ཏི་ཏེ། སུ་ལེ་སུ་མུ་ཁཱི། དྷརྨེ་ཙ་དྷརྨེ།  བ་ལེ་ཙ་བ་ལེ། ཨ་ནུ་ཤ་ཨ་བ་ལེ། བུདྡྷ་ཨཱ་
ཨཱ་ཀཱ་ཤཱ་གུཎ་བུདྡྷ།    ཨཱ་ཀཱ་ཤཱ་ནིར་གུ་ཎི།  ཨ་མྲྀ་ཏ་དུ་བྷི༔ སྭ་རེ་སྭཱ་ཧཱ། དགེ་སློང་དག་དད་པའི་རིགས་ཀྱི་བུ་འམ་རིགས་ཀྱི་བུ་མོ་གང་ལ་ལ་འཆི་མེད་རྔ་སྒྲའི་རྒྱལ་པོ་ཞེས་བྱ་བའི་གཟུངས་འདི་ཇི་སྐད་བསྟན་པ་དེ་བཞིན་དུ་
ཁ་ཏོན་བྱེད་པ་དེས། གོས་གཙང་མ་བགོས་ཏེ་ས་ཕྱོགས་གཙང་ཞིང་དྲི་མ་མེད་པར་དེ་བཞིན་གཤེགས་པ་ཚེ་དཔག་མེད་ལ་མེ་ཏོག་དང་སྤོས་ཀྱིས་མཆོད་པ་བྱའོ། །བྱང་ཆུབ་ཀྱི་སྙིང་པོའི་པད་མའི་གནས་དང་། བྱང་ཆུབ་
ཀྱི་ཤིང་ཕུན་སུམ་ཚོགས་པ་ཡང་ཡིད་ལ་བྱའོ། །དེ་ལ་ཡང་འདོད་པ་བསྐྱེད་པར་བྱ་སྟེ། འདོད་པ་དང་དད་པ་བྱས་ན་དེ་བཞིན་གཤེགས་པ་ཚེ་དཔག་མེད་དེའི་སངས་རྒྱས་ཀྱི་ཞིང་དུ་སྐྱེ་བར་འགྱུར་རོ། །དགེ་སློང་དག་

106-1-62b

དེ་བཞིན་གཤེགས་པ་ཚེ་དཔག་མེད་ཀྱི་ཤིང་གི་རྒྱལ་པོ་ནི་རིན་པོ་ཆེའི་པད་མ་རྣམ་པར་སྣང་བ་ཞེས་བྱ་བ་ཤིང་དེ་མེ་ཏོག་དང་། འབྲས་བུ་ཕུན་སུམ་ཚོགས་པའོ། །པད་མའི་གདན་ནི་དག་ཅིང་གསལ་ལ་བཟང་ཞིང་བཀྲ་བའི་འོད་ཟེར་ཅན་
ཞེས་བྱ་སྟེ། རིན་པོ་ཆེ་དུ་མས་བསྐོར་བ་ལ་དེ་བཞིན་གཤེགས་པ་ཚེ་དཔག་མེད་བཞུགས་སོ། །གཡས་ན་ནི་བྱང་ཆུབ་སེམས་དཔའ་སྤྱན་རས་གཟིགས་དབང་ཕྱུག་གོ། །གཡོན་ན་ནི་བྱང་ཆུབ་སེམས་དཔའ་མཐུ་ཆེན་ཐོབ་པ་སྟེ། བྱང་ཆུབ་
སེམས་དཔའི་ཚོགས་གྲངས་མེད་པས་བསྐོར་ཏོ། །དད་པའི་རིགས་ཀྱི་བུའམ་རིགས་ཀྱི་བུ་མོ་གང་ལ་ལ་མོས་པ་དང་དད་པ་དང་གུས་པ་མང་བ་དེ་དེར་སྐྱེ་བར་འགྱུར་ཏེ། གསེར་གྱི་ས་གཞི་ཆེན་པོ་ལ་རིན་པོ་ཆེ་སྣ་བདུན་གྱི་པད་མ་ཆེན་
པོ་དག་ལ་བརྫུས་ཏེ་སྐྱེ་བར་འགྱུར་རོ། །དགེ་སློང་དག་དགེ་སློང་ཕ་འམ། དགེ་སློང་མ་འམ་དགེ་བསྙེན་ཕ་འམ་དགེ་བསྙེན་མ་གང་ལ་ལ་བཅོམ་ལྡན་འདས་དེ་བཞིན་གཤེགས་པ་ཚེ་དཔག་མེད་དེའི་མཚན་ཡང་དག་པར་འཛིན་པ་དེ་
ལ་མེའི་འཇིགས་པ་མི་འབྱུང་། ཆུའི་འཇིགས་པ་མི་འབྱུང་། དུག་གི་འཇིགས་པ་མི་འབྱུང་། མཚོན་ཆའི་འཇིགས་པ་མི་འབྱུང་། གནོད་སྦྱིན་གྱི་འཇིགས་པ་མི་འབྱུང་། སྲིན་པོའི་འཇིགས་པ་མི་འབྱུང་། སྔོན་གྱི་ལས་ཀྱི་རྣམ་
པར་སྨིན་པ་ནི་གང་ལ་ཡང་མ་གཏོགས་སོ། །བཅོམ་ལྡན་འདས་ཀྱིས་དེ་སྐད་ཅེས་བཀའ་སྩལ་ནས། དགེ་སློང་དེ་དག་དང་ཐམས་ཅད་དང་ལྡན་པའི་འཁོར་དེ་དག་དང་ལྷ་དང་མི་དང་ལྷ་མ་ཡིན་དང་དྲི་ཟར་བཅས་པའི་འཇིག་རྟེན་ཡི་རངས་ཏེ། 
བཅོམ་ལྡན་འདས་ཀྱིས་གསུངས་པ་ལ་མངོན་བར་བསྟོད་དོ། །འཕགས་པ་ཚེ་དང་ཡེ་ཤེས་དཔག་ཏུ་མེད་པའི་སྙིང་པོ་ཞེས་བྱ་བའི་གཟུངས་རྫོགས་སོ།། །།རྒྱ་གར་གྱི་མཁན་པོ་པུ་ཎྱ་སྭ་བྷ་ཝ་དང་། ལོ་ཙྪ་་བ་པ་ཚབ་ཉི་མ་གྲགས་ཀྱིས་
བསྒྱུར་བའོ།། །། རྒྱ་གར་སྐད་དུ།  ཨཱརྱ་པ་རི་མི་ཏ་གུ་ཎ་ཨ་ཨ་ནུ་ཤང་སཱ་ནཱ་མ་དྷཱ་ར་ཎཱི། བོད་སྐད་དུ།  འཕགས་པ་ཡོན་ཏན་བསྔགས་པ་དཔག་ཏུ་མེད་པ་ཞེས་བྱ་བའི་གཟུངས། དཀོན་མཆོག་གསུམ་ལ་ཕྱག་འཚལ་ལོ། །

106-1-63a

ན་མོ་རད་ན་ཏྲ་ཡཱ་ཡ། ན་མོ་བྷ་ག་བ་ཏེ། ཨ་མི་ཏ་བྷཱ་ཡ། ཏ་ཐཱ་ག་ཏཱ་ཡ། ཨར་ཧ་ཏེ། སྃམྱཀ་སྃ་བུདྡྷཱ་ཡ། ཏདྱ་ཐཱ། ཨོཾ་ཨ་མྀ་ཏེ། ཨ་མྀ་ཏོད་བྷཱ་བེ། ཨ་མྀ་ཏ་སྃ་བྷ་བེ་ཨ་མྀ་ཏ་བྀ་ཀྲན་ཏེ། ཨ་མྀ་ཏ་ག་མི་ནི། 
ག་ག་ན་ཀིར་ཏི་ཀ་རེ། སརྦ་ཀླེ་ཤ་ཀྵ་ཡྃ་ཀ་རཱི་སྭཱ་ཧཱ། གཟུངས་འདིའི་ཆོ་ག་ནི་འདི་ཡིན་ཏེ། ལན་ཅིག་བརྗོད་པས་བསྐལ་པ་འབུམ་དུ་བསགས་པའི་ལས་ཀྱི་སྒྲིབ་པ་འབྱང་བར་འགྱུར་རོ། །ཉིན་རེ་བཞིན་དུ་དུས་གསུམ་དུ་
བཟླས་བརྗོད་བྱས་ན་སྡིག་པ་ཐམས་ཅད་འབྱང་བར་འགྱུར་རོ། །སངས་རྒྱས་སྟོང་གིས་བསྐྱེད་པའི་དགེ་བའི་རྩ་བ་འཐོབ་པར་འགྱུར་རོ། །ལན་ཉི་ཤུ་རྩ་གཅིག་བཟླས་བརྗོད་བྱས་ན་རྩ་བའི་ལྟུང་བ་བཞི་པོ་འབྱང་བར་འགྱུར་རོ། །
ལན་འབུམ་བཟླས་བརྗོད་ན་འཕགས་པ་བྱམས་པ་མཐོང་བར་འགྱུར་རོ། །ལན་ཉིས་འབུམ་བཟླས་བརྗོད་བྱས་ན། འཕགས་པ་སྤྱན་རས་གཟིགས་དབང་ཕྱུག་མཐོང་བར་འགྱུར་རོ། །ལན་སུམ་འབུམ་བཟླས་བརྗོད་བྱས་ན་དེ་
བཞིན་གཤེགས་པ་འོད་དཔག་མེད་མཐོང་བར་འགྱུར་རོ། །ཕན་ཡོན་གཞན་ཡང་དཔག་ཏུ་མེད་པ་ཡོད་ན་ཡང་མདོར་བསྡུས་ཏེ་བསྟན་པ་ཡིན་ནོ། །འཕགས་པ་ཡོན་ཏན་བསྔགས་པ་དཔག་ཏུ་མེད་པ་ཞེས་བྱ་བའི་གཟུངས་རྫོགས་སོ།།  
།།  ༄༅།།   །།རྒྱ་གར་སྐད་དུ།  ཨཱརྱ་སབ་ཏ་བུདྡྷི་ཀན་ནཱ་མ་མ་ཧཱ་ཡཱ་ན་སཱུ་ཏྲ། བོད་སྐད་དུ།  འཕགས་པ་སངས་རྒྱས་བདུན་པ་ཞེས་བྱ་བ་ཐེག་པ་ཆེན་པོའི་མདོ། སངས་རྒྱས་དང་བྱང་ཆུབ་སེམས་དཔའ་ཐམས་ཅད་ལ་ཕྱག་འཚལ་ལོ། །
འདི་སྐད་བདག་གིས་ཐོས་པ་དུས་གཅིག་ན། བཅོམ་ལྡན་འདས་ཏི་སེའི་རིའི་རྩེ་མོ་ལྷའི་གནས་ན་དྲང་སྲོང་གི་སྤྱོད་པ་དང་། ཧ་ཅང་ཡང་མི་རིང་བ་ཞིག་ན་དགེ་སློང་ལྔ་བརྒྱ་ཙམ་གྱི་དགེ་སློང་གི་དགེ་འདུན་ཆེན་པོ་དང་། བྱང་ཆུབ་སེམས་དཔའ་
ལྔ་བརྒྱ་ལ་འདི་ལྟ་སྟེ། བྱང་ཆུབ་སེམས་དཔའ་སེམས་དཔའ་ཆེན་པོ་བྱམས་པ་དང་། བྱང་ཆུབ་སེམས་དཔའ་སེམས་དཔའ་ཆེན་པོ་ནམ་མཁའི་སྙིང་པོ་དང་། ཀུན་དུ་བཟང་པོ་དང་། མཐའ་ཡས་མེ་ཏོག་དང་། ཀུན་ནས་མེ་ཏོག་དང་། དེ་དག་ལ་

106-1-63b

སོགས་པ་བྱང་ཆུབ་སེམས་དཔའ་སྐྱེ་བ་གཅིག་གིས་ཐོགས་པ་ཤ་སྟག་དང་ཐབས་ཅིག་ཏུ་བཞུགས་སོ། །དེ་ནས་བཅོམ་ལྡན་འདས་ཀྱིས་རིའི་རྩེ་མོའི་ནགས་ཁྲོད་དེ་ཉིད་ན་དགེ་སློང་ཞིག་འབྱུང་པོས་ཟིན་ནས། བརྡོལ་ཞིང་གཅེར་བུ་གོས་མེད་
ལ་ལག་པ་བགྲེང་སྟེ་ངུ་ཞིང་འདུག་པ་གཟིགས་སོ། །དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་ནམ་མཁའི་སྙིང་པོས་བླ་གོས་ཕྲག་པ་གཅིག་ཏུ་གཟར་ཏེ། པུས་མོ་གཡས་པའི་ལྷ་ང་ས་ལ་བཙུགས་ནས། བཅོམ་ལྡན་འདས་
ག་ལ་བ་དེ་ལོགས་སུ་ཐལ་མོ་སྦྱར་བ་བཏུད་དེ། བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས་ནམ་མཁའི་དཀྱིལ་ན་ཀྱི་ཧུད་ཅེས་སྒྲ་འབྱིན་པ་འདི་དང་། དགེ་སློང་གཅེར་བུ་གོས་མ་མཆིས་ལ་ལག་པ་བསྟོད་པ་ཅིག་
ཤོས་འདི་ཡང་སུ་ཞིག་ལགས། དེ་ནས་བཅོམ་ལྡན་འདས་ཀྱིས་བྱང་ཆུབ་སེམས་དཔའ་སེམས་དཔའ་ཆེན་པོ་ནམ་མཁའི་སྙིང་པོ་ལ་འདི་སྐད་ཅེས་བཀའ་སྩལ་ཏོ། །ནམ་མཁའི་སྙིང་པོ་འདི་ནི་ནད་ཀྱིས་བཏབ་པ་ཡིན་ནོ། །ཅིག་ཤོས་
འདི་ཡང་ནད་ཀྱིས་བཏབ་པ་ཡིན་ནོ། །དེ་ནས་བཅོམ་ལྡན་འདས་ལ་བྱང་ཆུབ་སེམས་དཔའ་སེམས་དཔའ་ཆེན་པོ་ནམ་མཁའི་སྙིང་པོས་འདི་སྐད་ཅེས་གསོལ་ཏོ། །ནད་ཐམས་ཅད་རབ་ཏུ་ཞི་བར་བགྱིད་པ་དང་། འབྱུང་པོ་ཐམས་ཅད་ཟློག་
པའི་རིག་སྔགས་བཅོམ་ལྡན་འདས་ཀྱིས་བསྟན་དུ་གསོལ། བཀའ་སྩལ་དུ་གསོལ། དེ་ནས་བཅོམ་ལྡན་འདས་ཀྱིས་སངས་རྒྱས་བདུན་སྤྲུལ་པ་མཛད་དེ། དེ་ནས་ནམ་མཁའ་ལ་དེ་བཞིན་གཤེགས་པ་དྲུག་བྱུང་ངོ་། །བདུན་པ་ནི་བཅོམ་ལྡན་
འདས་དེ་བཞིན་གཤེགས་པ་ཤཱཀྱ་ཐུབ་པའོ། །དེ་ནས་དེ་བཞིན་གཤེགས་པ་རྣམ་པར་གཟིགས་སྟེང་གི་ནམ་མཁའ་ལ་བཞུགས་ཏེ། སེམས་ཅན་ཐམས་ཅད་ལ་ཕན་པའི་དོན་དང་། ནད་ཐམས་ཅད་རབ་ཏུ་ཞི་བར་བྱ་བ་དང་། འབྱུང་པོ་
ཐམས་ཅད་བཟློག་པའི་ཕྱིར་གསང་སྔགས་ཀྱི་གཞི་འདི་དག་བཀའ་སྩལ་ཏོ། །ན་མོ་བུདྡྷཱ་ཡ། ན་མོ་དྷརྨཱ་ཡ། ན་མཿསྃ་གྷཱ་ཡ། ཏདྱ་ཐཱ། ཨོཾ་ཧ་ལ་ཧ་ལ། ཧི་ལ་ཧི་ལཱ་ཡ། ན་མོ་ཛ་ག་ན་མི་ཙ་ནཱ་ཡ། ན་མོ་ན་མཿསྭཱ་ཧཱ། དེ་བཞིན་གཤེགས་པ་

106-1-64a

རྣམ་པར་གཟིགས་ཀྱིས་བྱང་ཆུབ་སེམས་དཔའ་སེམས་དཔའ་ཆེན་པོ་ནམ་མཁའི་སྙིང་པོ་ལ་འདི་སྐད་ཅེས་བཀའ་སྩལ་ཏོ། །ནམ་མཁའི་སྙིང་པོ་གང་ལ་ལ་ཞིག་རིག་སྔགས་འདི་འཆང་ངམ། ཀློག་གམ། ཀུན་ཆུབ་པར་བྱེད་
ན་དེའི་ལུས་ལ་མཚོན་གྱིས་མི་ཚུགས། ཆུ་དང་མེའི་སྡུག་བསྔལ་བའི་ནད་ཀྱིས་འཆི་བའི་དུས་བྱེད་པར་མི་འགྱུར། །དུས་མ་ཡིན་པའི་འཆི་བས་འཆི་བའི་དུས་བྱེད་པར་མི་འགྱུར་རོ། །དེ་དུག་ཟོས་ཀྱང་ཟས་བཞིན་དུ་འགྱུར་རོ། །ཟས་དང་
སྐོམ་ལ་ལན་བདུན་བཟླས་བརྗོད་བྱས་ཏེ་ཟོས་ན་ཕ་རོལ་གྱི་གནོད་པ་མི་འབྱུང་ངོ་། །ནད་ཐམས་ཅད་ཀྱིས་བཏབ་པར་མི་འགྱུར་རོ། །རིང་དུ་འཚོ་བར་འགྱུར་རོ། །ཐོས་པ་འཛིན་པར་འགྱུར་རོ། །དེ་བཞིན་གཤེགས་པ་བདུན་གྱི་གཟུགས་
མཐོང་བར་འགྱུར་རོ། །མཚོན་བཏབ་པའི་རྣ་བར་བཟླས་བརྗོད་བྱས་ལ་སྣ་མའི་མར་སྦྱིན་ནོ། །མཛེ་དང་སྐྲངས་ནད་ཀྱིས་བཏབ་པ་རྣམས་ལ་སྣ་མའི་མར་དང་། ཨུད་པལ་སྔོན་པོ་དང་། ཤུ་ཏི་དང་། ཉེའུ་ཤིང་པ་རྣམས་བསྲེས་པའི་
མར་བྱིན་ན་ནད་ཐམས་ཅད་སོས་པར་འགྱུར་རོ། །ལས་ཐམས་ཅད་ལ་ཡང་སྦྱར་བར་བྱའོ། །དེ་ནས་དེ་བཞིན་གཤེགས་པ་གཙུག་ཏོར་ཅན་སྟེང་གི་ནམ་མཁའ་ལ་བཞུགས་ཏེ། སེམས་ཅན་ཐམས་ཅད་ལ་ཕན་པའི་དོན་
དང་། ནད་ཐམས་ཅད་རབ་ཏུ་ཞི་བར་བྱ་བ་དང་། འབྱུང་པོ་ཐམས་ཅད་བཟློག་པའི་ཕྱིར་གསང་སྔགས་ཀྱི་གཞི་འདི་དག་བཀའ་སྩལ་ཏོ། །ན་མོ་བུདྡྷཱ་ཡ། ན་མོ་དྷརྨཱ་ཡ། ན་མཿསྃ་གྷཱ་ཡ། ༀ་པ་ཙ་པ་ཙ་པ་ཙ་པཱ་ཡ། 
སརྦ་བྷཱུ་ཏ་ནཱན། ཙིན་ད་ཡ། ཀཱི་ལ་ཡ། པ་ར་བིདྱ་ནཱན་སྭཱ་ཧཱ། ནམ་མཁའི་སྙིང་པོ་སེམས་ཅན་ཐམས་ཅད་ལ་ཕན་པའི་དོན་དང་། ནད་ཐམས་ཅད་རབ་ཏུ་ཞི་བར་བྱ་བ་དང་། བསྒོམ་ཉེས་པ་དང་། རྨི་ལམ་ངན་པ་ཐམས་
ཅད་བཟློག་པ་དང་། དུས་མ་ཡིན་པར་འཆི་བ་དགག་པའི་ཕྱིར་སངས་རྒྱས་བྱེ་བ་ཁྲག་ཁྲིག་བརྒྱ་སྟོང་ཕྲག་དུ་མས་གསུངས་ཤིང་ངས་ཀྱང་ད་ལྟར་བཤད་པའི་སྙིང་པོ་འདི་ཟུང་ཤིག །ནམ་མཁའི་སྙིང་པོ་གང་ལ་ལ་ཞིག་ངའི་སྙིང་པོ་འདི་

106-1-64b

ཉིན་མཚན་གསུམ་ཡིད་ལ་བྱེད་ན། དེ་ལ་ཕ་རོལ་གྱི་གནོད་པ་འབྱུང་བར་མི་འགྱུར་རོ། །གཉིད་ཀྱིས་ལོག་པའི་རྨི་ལམ་ན་དེ་བཞིན་གཤེགས་པའི་གཟུགས་མཐོང་བར་འགྱུར་རོ། །གཤིས་ངན་དུ་འཆི་བར་མི་འགྱུར་རོ། །འདི་ནས་
ཤི་འཕོས་ནས་དེ་བཞིན་གཤེགས་པ་དང་ཕྲད་པར་འགྱུར་ཞིང་མཉེས་པར་བྱེད་པར་འགྱུར་རོ། །དེ་ནས་འདིའི་ཆོ་ག་གཞན་ནི་ནད་ཐམས་ཅད་ལ་སྐུད་པས་བཅིང་བར་བྱའོ། །འདུས་པ་ལས་གྱུར་པ་ལ་གནའ་མའི་མར་ལ་བཟླས་བརྗོད་
བྱས་ཏེ་སྦྱིན་ནོ། །ཆུས་ཕྱོགས་བཅིང་བར་བྱའོ། །སྐུད་པས་བདག་ལ་བསྲུང་ངོ་། །བྱིས་པ་རྣམས་ཀྱི་གདོན་དག་ལ་སྐུད་པ་སྔོན་པོ་གདགས་སོ། །མཚན་བཏབ་པའི་རྣ་བར་ལན་བདུན་བཟླས་བརྗོད་བྱའོ། །གཞན་དག་ལ་ཡང་རང་
གི་བློས་སྦྱར་བར་བྱའོ། །དེ་ནས་དེ་བཞིན་གཤེགས་པ་ཐམས་ཅད་སྐྱོབ་སྟེང་གི་ནམ་མཁའ་ལ་བཞུགས་ཏེ། སེམས་ཅན་ཐམས་ཅད་ལ་ཕན་པའི་དོན་དང་། ནད་ཐམས་ཅད་རབ་ཏུ་ཞི་བར་བྱ་བ་དང་། འབྱུང་པོ་ཐམས་ཅད་བཟློག་
པའི་ཕྱིར་གསང་སྔགས་གཞི་འདི་དག་བཀའ་སྩལ་ཏོ། །ན་མོ་བུདྡྷཱ་ཡ། ན་མོ་དྷརྨཱ་ཡ། ན་མཿསྃ་གྷཱ་ཡ། ༀ་ཀ་ལ་ཀ་ལ། ཀི་ལི་ཀི་ལི། ཀུ་ལུ་ཀུ་ལུ། ཀུ་ལོད་སཱ་དྷ་ན་ནཱྃ་ཀུ་རུ་སརྦ་གྲ་ཧ་ཎཱྃ་སྭཱ་ཧཱ། ནམ་མཁའི་སྙིང་པོ་གསང་
སྔགས་ཀྱི་གཞི་འདི་དག་ནི་བསྐལ་པ་བཟང་པོའི་དེ་བཞིན་གཤེགས་པ་འདས་པ་དང་། མ་བྱོན་པ་དང་ད་ལྟར་བྱུང་བ་ཐམས་ཅད་ཀྱིས་གསུངས་ཤིང་ངས་ཀྱང་ད་ལྟར་བཤད་པ་སྟེ། ནམ་མཁའི་སྙིང་པོ་ཁྱོད་ཀྱིས་གསང་
སྔགས་ཀྱི་གཞི་འདི་དག་ཟུང་ཤིག །གང་ལ་ལ་ཞིག་འཛིན་ཏམ། ཀློག་གམ། ཀུན་ཆུབ་པར་བྱེད་ན་དེའི་ལུས་ལ་མཚོན་གྱིས་མི་ཚུགས། དུག་གིས་མི་ཚུགས། དབྱིག་དུག་གིས་མི་ཚུགས། རིམས་
ནད་ཀྱིས་མི་འདེབས་ཤིང་། ཆུ་དང་། དུས་མ་ཡིན་པར་འཆི་བ་དང་། གཤིས་ངན་དུ་འཆི་བར་མི་འགྱུར་ཏེ། །སྔོན་གྱི་ལས་ཀྱི་སྒྲིབ་པ་ནི་མ་གཏོགས་སོ། །དགེ་སློང་ངམ་དགེ་སློང་མའམ། དགེ་བསྙེན་ནམ་དགེ་བསྙེན་

106-1-65a

མ་གང་ལ་ལ་ཞིག་ནང་པར་ལངས་ནས་མགོ་བཀྲུས་ཏེ། དེ་བཞིན་གཤེགས་པའི་སྤྱན་སྔར་ལན་བརྒྱ་རྩ་བརྒྱད་བརྗོད་ན་དེའི་ལས་ཀྱི་སྒྲིབ་པ་ཐམས་ཅད་བྱང་བར་འགྱུར་རོ། །དེ་ལ་སེམས་ཅན་སྡང་བ་གང་དག་རྒྱལ་པོ་རྣམས་ཐོག་
མར་སྨྲ་བར་འགྱུར་རོ། །སེམས་ཅན་ཐམས་ཅད་དེའི་དབང་དུ་འགྱུར་རོ། །འཇིགས་པ་ཐམས་ཅད་ཀྱི་ནང་དུ་ཡིད་ལ་བྱའོ། །འཐབ་པ་དང་ཐབ་མོ་དང་རྩོད་པ་དང་འགྱེད་པ་ཐམས་ཅད་དུ་སྐུད་པ་དཀར་པོ་གདགས་སོ། །མི་ནད་ལ་ཤིང་
འོ་མ་ཅན་ལས་སྐུད་པ་བྱས་ཏེ་རྣ་བ་ལ་གདགས་སོ། །དམག་རེངས་པར་བྱེད་པར་འདོད་པས་ཞོ་དང་སྦྲང་རྩི་ལ་བཏགས་པའི་འབྲས་ཡོས་ལ་ལན་བརྒྱ་རྩ་བརྒྱད་སྦྱིན་བསྲེག་བྱའོ། །རཱ་ཛཱ་ནཱན་རཱ་ཛཱ་མཱ་ཏྲམ་བཱ་བ་ཤི་ཀ་ར་ཏུ་ཀཱ་མེ་ན། 
འོ་མ་ཅན་གྱི་ཤིང་གིས་མེ་སྦར་ཏེ་བུས་ལ་བསྲེག་བྱ་ཏིལ་དག་ལན་སྟོང་སྦྱིན་བསྲེག་བྱའོ། །བདག་དང་སེམས་ཅན་ཐམས་ཅད་ཀྱི་སྒྲིབ་པ་ཐམས་ཅད་དང་། སྡིག་པ་སྦྱང་ཞིང་དཔལ་ཆེན་པོ་དང་། ནོར་གྱི་ཕུང་པོ་ཆེན་པོ་སྒྲུབ་པར་
འདོད་ན་འོ་མ་ཅན་གྱི་ཤིང་གི་སྦར་ཤིང་གིས་མེ་བུས་ལ་བསྲེག་བྱ་ཏིལ་དག་ལན་སྟོང་སྦྱིན་བསྲེག་བྱའོ། །སྡིག་པ་ཇི་སྙེད་པ་ཐམས་ཅད་སྦྱོང་བར་འདོད་པ་དང་། རིག་སྔགས་ཐམས་ཅད་གྲུབ་པར་འདོད་པ་དང་། བདག་བཀྲུ་བར་འདོད་
པས་ཤུ་ཏི་དང་། ནལ་དང་ཁྲེ་དང་ཤི་རི་ཤ་དང་རྒྱ་སྤོས་དང་གུམ་ཀུམ་དང་གླ་སྒང་དང་ཨིནྡྲཱ་བ་རུ་ན་དང་བྱང་ཆུབ་ཀྱི་ཤིང་དང་ཨ་མྲའི་མགོ་ཐོགས་དང་འདི་རྣམས་ཀྱིས་བཀྲུ་བར་བྱ་སྟེ། སངས་རྒྱས་ཀྱི་སྤྱན་སྔར་ཉིན་ཞག་གཅིག་སྨྱུང་བ་
བྱ་ཞིང་བུམ་པ་སར་པ་བཞག་སྟེ། ཟླ་བ་ཉ་ལ་སངས་རྒྱས་ཀྱི་གཟུགས་ཀྱི་སྤྱན་སྔར་སྙིང་པོས་ལན་སྟོང་རྩ་བརྒྱད་བསྔགས་ལ་ཁྲུས་བྱའོ། །དུག་མི་གདུག་པར་བྱེད་པར་འདོད་པས་སངས་རྒྱས་ཀྱི་སྤྱན་སྔར་སེང་ལྡེང་གི་ཐུར་མ་བའི་
ལྕི་བར་སྨྱུགས་པ་བརྒྱ་རྩ་བརྒྱད་མིང་ནས་སྨོས་ཏེ་སྦྱིན་བསྲེག་བྱས་ན་དུག་མི་གདུག་པར་འགྱུར་རོ། །གདོན་དང་བསྲུང་བ་དང་འབྱུང་པོ་ལ་སོགས་པའི་ལས་ཐམས་ཅད་ལ་ཡང་སྦྱར་བར་བྱས་ན་བདེ་བར་གནས་པར་འགྱུར་རོ། །

106-1-65b

དེ་ནས་བཅོམ་ལྡན་འདས་དེ་བཞིན་གཤེགས་པ་ལོག་པར་དད་སེལ་སྟེང་གི་ནམ་མཁའ་ལ་བཞུགས་ཏེ། སེམས་ཅན་ཐམས་ཅད་ལ་ཕན་པའི་དོན་དང་། ནད་ཐམས་ཅད་རབ་ཏུ་ཞི་བར་བྱ་བ་དང་། འབྱུང་པོ་ཐམས་ཅད་བཟློག་པའི་
ཕྱིར་གསང་སྔགས་ཀྱི་གཞི་འདི་དག་བཀའ་སྩལ་ཏོ། །ན་མོ་བུདྡྷཱ་ཡ། ན་མོ་དྷརྨཱ་ཡ། ན་མཿསྃ་གྷཱ་ཡ། ན་མཿཀྲ་ཀུད་ཚན་དཱ་ཡ། ཏ་ཐཱ་ག་ཏཱ་ཡ། ཨར་ཧ་ཏེ་ས་མྱཀ་སྃ་བུདྡྷཱ་ཡ། ཨོཾ་ཀ་ཊ་ཀ་ཊ། ཀ་ཋ་ཀ་ཋ། ཀི་ཊི་ཀི་ཊི། ཀི་ཋི་ཀི་ཋི། ཀི་ཊ་པ་ཡ་
ན་མཿསྭཱ་ཧཱ། ནམ་མཁའི་སྙིང་པོ་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ལོག་པར་དད་སེལ་ཞེས་བྱ་བ་གང་གཱའི་ཀླུང་གི་བྱེ་མ་སྙེད་དག་གིས་གསུངས་ཤིང་རྗེས་སུ་ཡི་རང་བའི་སྙིང་པོ་འདི་ཁྱོད་ཀྱིས་ཟུང་ཤིག །བླངས་ཤིང་
བཟུང་སྟེ། ཀུན་ཆུབ་པར་བྱས་ན་ཕྱི་མའི་ཚེ་དགེ་སློང་དང་། དགེ་སློང་མ་དང་། དགེ་བསྙེན་དང་། དགེ་བསྙེན་མ་དག་དེའི་ཚེ་དཀོན་མཆོག་གསུམ་ལ་དད་པ་རྙེད་ནས་ཁྲུས་བྱས་ཏེ། བཅོམ་ལྡན་འདས་ལ་མེ་ཏོག་དང་། བདུག་པ་དང་སྤོས་དག་གིས་མཆོད་པ་བྱས་
ནས་གསང་སྔགས་འདི་ལན་བརྒྱ་རྩ་བརྒྱད་འབྱོང་བར་འགྱུར་ཏེ། ཚེ་རབས་བདུན་དུ་ཚེ་རབས་དྲན་པར་འགྱུར་རོ། །ལྷ་རྣམས་ཀྱི་ནང་དུ་ལྷའི་ཆེ་བ་ཉིད་ཐོབ་པར་འགྱུར་རོ། །ཡང་ན་མི་རྣམས་ཀྱི་ནང་དུ་འཁོར་ལོས་སྒྱུར་བར་འགྱུར་རོ། །ཡང་
ན་ཆོ་ག་བཞིན་དུ་སྒྲུབ་ན་དེ་མིར་སྐྱེ་བ་ཐ་མ་ཐོབ་པར་འགྱུར་ཏེ། འདི་ནས་ཤི་འཕོས་ནས་ཀྱང་འཇིག་རྟེན་གྱི་ཁམས་བདེ་བ་ཅན་དུ་སྐྱེ་བར་འགྱུར་རོ། །ཚེ་འདི་ལ་ཡང་རྟག་ཏུ་བརྗོད་ན་ནད་ཐམས་ཅད་ལས་ཐར་བར་འགྱུར་རོ། །ཐོས་པ་འཛིན་པར་འགྱུར་རོ། །
ཟས་དང་སྐོམ་གྱི་རྣམ་པ་ལ་ལན་བདུན་བསྔགས་ཏེ་ཟོས་འཐུངས་ན་ནད་ཐམས་ཅད་ལས་ཐར་བར་འགྱུར་རོ། །ཅི་སྟེ་སྐོམ་ཞི་བར་འདོད་ན་བཟའ་ཐམས་ཅད་ལ་ལན་སྟོང་རྩ་བརྒྱད་ཀྱིས་བཀྲུ་བར་བྱའོ། །ལྷོག་རྒལ་གཅད་ན་ཟངས་ཁབ་ཀྱིས་བྱའོ། །
འཐབ་པ་དང་། རྩོད་པ་དང་། བཅིང་པ་ཐམས་ཅད་ལས་ཐར་བར་བྱ་ན་ལན་བདུན་བཟླས་བརྗོད་བྱས་ན་རྟག་ཏུ་ནོར་ཡང་འཕེལ་བར་འགྱུར། བགེགས་དང་ལོག་འདྲེན་ཐམས་ཅད་ལས་ཀྱང་ཐར་བར་འགྱུར་རོ། །ཅི་སྟེ་དེ་བཞིན་གཤེགས་

106-1-66a

པ་མཐོང་བར་འདོད་ན་དེས་ཕྱོགས་གཙང་མར་འཇིག་རྟེན་གྱི་འཁོར་སར་དཀྱིལ་འཁོར་བསྐུས་ལ་ཨ་ག་རུས་བདུགས་ཏེ། ལན་སྟོང་རྩ་བརྒྱད་བཟླས་བརྗོད་བྱས་ལ། དེའི་དྲུང་དུ་སྔས་ཤར་ཕྱོགས་སུ་བསྟན་ཏེ་ཉལ་ན་དེ་བཞིན་གཤེགས་
པ་མཐོང་བར་འགྱུར་རོ། །ཡིད་ལ་ཅི་སྨོས་པ་དེ་ཐམས་ཅད་སྟོན་ཏོ། །ཚེ་འམ་སྟོབས་སམ་ཕམ་རྒྱལ་ཐམས་ཅད་ཀྱང་སྟོན་ཏོ། །དེ་ནས་དེ་བཞིན་གཤེགས་པ་གསེར་ཐུབ་སྟེང་གི་ནམ་མཁའ་ལ་བཞུགས་ཏེ། སེམས་ཅན་ཐམས་
ཅད་ལ་ཕན་པའི་དོན་དང་། ནད་ཐམས་ཅད་རབ་ཏུ་ཞི་བར་བྱ་བ་དང་། འབྱུང་པོ་ཐམས་ཅད་བཟློག་པའི་ཕྱིར་གསང་སྔགས་ཀྱི་གཞི་འདི་དག་བཀའ་སྩལ་ཏོ། །ན་མོ་བུདྡྷཱ་ཡ། ན་མོ་དྷརྨཱ་ཡ། ན་མཿསྃ་གྷཱ་ཡ། ན་མ་ཀ་ན་ཀ་མུ་ན་ཡེ། 
ཏ་ཐཱ་ག་ཏཱ་ཡ། ཨར་ཧ་ཏེ་སྃ་མྱཀ་སྃ་བུདྡྷཱ་ཡ། ཏདྱ་ཐཱ། ཨོཾ་ས་ར་ས་ར་ས་ར་ས་ར། སི་རི་སི་རི་སི་རི་སི་རི། སི་རཱ་ཡ། དྷ་མ་དྷ་མ་དྷ་མ་དྷ་མ། དྷུ་མ་དྷུ་མ་དྷུ་མ་དྷུ་མཱ་ཡ། ན་མོ་ན་མ།   ཀ་ན་ཀ་མུ་ན་ཡེ། ཏ་ཐཱ་ག་ཏཱ་ཡ། ཨར་ཧ་ཏེ་སྃ་
མྱཀ་སྃ་བུད་སྭཱ་ཧཱ། དེ་ནས་དེ་བཞིན་གཤེགས་པ་གསེར་ཐུབ་ཀྱིས་བྱང་ཆུབ་སེམས་དཔའ་ནམ་མཁའི་སྙིང་པོ་ལ་འདི་སྐད་ཅེས་བཀའ་སྩལ་ཏོ། །ནམ་མཁའི་སྙིང་པོ་གང་ལ་ལ་ཞིག་སྙིང་པོ་འདི་འཛིན་ཅིང་རྟག་ཏུ་བཟླས་བརྗོད་
བྱེད་པ་དེ་ལ་མཚོན་གྱིས་འཇིགས་པ་མི་འབྱུང་། མེ་དང་ཆུ་དང་ལྕེ་འབབས་པས་འཆི་བའི་དུས་བྱེད་པར་མི་འགྱུར། དུག་ཐམས་ཅད་ཀྱང་ཟས་དང་འདྲ་བར་ཐུབ་པར་འགྱུར། དུས་མ་ཡིན་པར་འཆི་བས་འཆི་བའི་དུས་བྱེད་པར་
མི་འགྱུར། གཤིས་ངན་དུ་འཆི་བར་མི་འགྱུར། ཚེ་རིང་བར་འགྱུར། ལོངས་སྤྱོད་ཆེ་བར་འགྱུར། རྟག་ཏུ་དེ་བཞིན་གཤེགས་པ་དང་ཕྲད་པར་འགྱུར། དེ་བཞིན་གཤེགས་པས་བྱིན་གྱིས་བརླབས་པར་འགྱུར་རོ། །
དུས་གསུམ་དུ་བཟླས་བརྗོད་བྱས་ན་སྔོན་གྱི་ལས་ཀྱི་སྒྲིབ་པ་ཐམས་ཅད་བྱང་བར་འགྱུར་རོ། །ཇི་སྟེ་ཕ་རོལ་ནད་ལས་ཐར་བར་བྱེད་འདོད་ན་ཅི་ནུས་སུ་གཏོར་མ་གཏོང་ཞིང་པོག་གམ། ཨ་ག་རུའི་བདུག་པས་བདུགས་ལ་གཟའ་

106-1-66b

ཐམས་ཅད་ལ་ཁྲུས་བྱའོ། །མཛེ་དང་སྐྲངས་ནད་དང་མཆིན་སྐྲན་ལ་ཤུ་དག་འཇམ་པོ་བཏགས་ལ་སྦྲང་རྩི་དང་བསྲེས་ཏེ། སངས་རྒྱས་བཅོམ་ལྡན་འདས་ཀྱི་སྤྱན་སྔར་ལན་སྟོང་རྩ་བརྒྱད་བསྔགས་ལ་བསྐུས་ན་མཛེ་ནད་ཐམས་ཅད་
སོས་པར་འགྱུར་རོ། །ཞག་བཞི་པ་ལ་སངས་རྒྱས་བཅོམ་ལྡན་འདས་ཀྱི་སྤྱན་སྔར་སྣ་མའི་མེ་ཏོག་གི་ཕྲེང་བ་ལ་ལན་སྟོང་རྩ་བརྒྱད་བསྔགས་ཏེ་མིའི་མགོ་ལ་བཅིངས་ན་ཞག་བཞི་པའི་རིམས་སོས་པར་འགྱུར་རོ། །མཚན་བཏབ་
པའི་རྣ་བར་བཟླས་བརྗོད་བྱས་ན་རྗེད་བྱེད་ལས་ཐར་བར་འགྱུར་རོ། །ལུས་སྲུལ་པོས་ཟིན་པ་རྣམས་ལ་སངས་རྒྱས་ལ་ཕུལ་བའི་མེ་ཏོག་གིས་བདུག་གོ། །དེ་ལ་སོགས་པའི་ལས་རྣམས་བྱེད་དེ་ལས་ཐམས་ཅད་པ་ཞེས་བྱའོ། །
དེ་ནས་དེ་བཞིན་གཤེགས་པ་འོད་སྲུང་སྟེང་གི་ནམ་མཁའ་ལ་བཞུགས་ཏེ། སེམས་ཅན་ཐམས་ཅད་ལ་ཕན་པའི་དོན་དང་། ནད་ཐམས་ཅད་རབ་ཏུ་ཞི་བར་བྱ་བ་དང་། འབྱུང་པོ་ཐམས་ཅད་བཟློག་པའི་ཕྱིར་གསང་སྔགས་ཀྱི་གཞི་འདི་དག་བཀའ་
སྩལ་ཏོ། །ན་མོ་བུདྡྷཱ་ཡ། ན་མོ་དྷརྨཱ་ཡ། ན་མཿསྃ་གྷཱ་ཡ། ཨོཾ་ཧ་ར་ཧ་ར་ཧ་ར་ཧ་ར། ཧ་ཧ་ཧ། ན་མཿཀཱ་ཤྱ་པཱ་ཡ། ཏ་ཐཱ་ག་ཏཱ་ཡ། ཨ་ར་ཧ་ཏེ།  སྃ་མྱཀ་སྃ་བུདྡྷཱ་ཡ། སི་དྷྱན་ཏུ་མན་ཏྲ་པཱ་ད་སྭཱ་ཧཱ། དེ་ནས་དེ་བཞིན་གཤེགས་པ་འོད་
སྲུང་གིས་བྱང་ཆུབ་སེམས་དཔའ་སེམས་དཔའ་ཆེན་པོ་ནམ་མཁའི་སྙིང་པོ་ལ་འདི་སྐད་ཅེས་བཀའ་སྩལ་ཏོ། །ནམ་མཁའ་སྙིང་པོ་སྙིང་པོ་འདི་ནི་སངས་རྒྱས་བཅོམ་ལྡན་འདས་གང་གཱའི་ཀླུང་སུམ་བཅུ་རྩ་གཉིས་ཀྱི་བྱེ་མ་སྙེད་དག་གིས་
གསུངས་པ་སྟེ། ནམ་མཁའི་སྙིང་པོ་ཁྱོད་ཀྱིས་ཀྱང་སྙིང་པོ་འདི་ཟུང་ཤིག །ཀུན་ཆུབ་པར་གྱིས་ཤིག །གང་ལ་ལ་ཞིག་འཛིན་ཏམ། ཀློག་གམ། ཀུན་ཆུབ་པར་བྱེད་དམ། ཉིན་མོ་འམ། མཚན་མོ་ལན་གསུམ་གསུམ་ཟླས་རྗོད་བྱེད་
ན་མདོར་ན་རྨི་ལམ་ན་ཡང་དེ་བཞིན་གཤེགས་པ་མཐོང་བར་འགྱུར་རོ། །དེའི་ལས་ཀྱི་སྒྲིབ་པ་ཐམས་ཅད་ཀྱང་བྱང་བར་འགྱུར་ཏེ། སྔོན་གྱི་ལས་ནི་མ་གཏོགས་སོ། །ལས་ཐམས་ཅད་ལ་ཡང་སྦྱར་བར་བྱའོ། །མཛེ་དང་ཤ་ག་ར་

106-1-67a

ལ་སོགས་པ་ལ་སངས་རྒྱས་ལ་ཕུལ་བའི་མེ་ཏོག་ལ་སངས་རྒྱས་ཀྱི་སྤྱན་སྔར་ལན་སྟོང་རྩ་བརྒྱད་བསྔགས་ཏེ། བཀླགས་ཤིང་བཀྲུས་ན་སོས་པར་འགྱུར་རོ། །ཀླད་པ་ན་བ་ལ་སངས་རྒྱས་ལ་ཕུལ་བའི་མེ་ཏོག་སངས་རྒྱས་
ཀྱི་སྤྱན་སྔར་བཞག་སྟེ། སངས་རྒྱས་ཀྱི་སྤྱན་སྔར་ལན་བདུན་བཟླས་བརྗོད་བྱའོ། །ཐམས་ཅད་དུ་ཡང་སྦྱར་བར་བྱའོ། །དེ་ནས་བཅོམ་ལྡན་འདས་དེ་བཞིན་གཤེགས་པ་ཤཱཀྱ་ཐུབ་པ་སྟེང་གི་ནམ་མཁའ་ལ་བཞུགས་ཏེ། སེམས་
ཅན་ཐམས་ཅད་ལ་ཕན་པའི་དོན་གྱི་ཕྱིར་རིག་སྔགས་འདི་དག་བཀའ་སྩལ་ཏོ། །ན་མོ་བུདྡྷཱ་ཡ། ན་མོ་དྷརྨཱ་ཡ། ན་མཿསྃ་གྷཱ་ཡ། ཏདྱ་ཐཱ། གྷུ་མེ་གྷུ་མེ་གྷུ་མེ། མ་ཧཱ་གྷུ་མེ། ཏ་ལེ་ཏ་ལེ། མ་ཧཱ་ཏ་ལེ། ཙ་ལེ་
ཙ་ལེ། མ་ཧཱ་ཙ་ལེ། དྷུ་རེ་དྷུ་རེ། མ་ཧཱ་དྷུ་རེ། ཏི་རི་ཏི་རི། མ་ཧཱ་ཏི་རི། ཀི་ལི་ཀི་ལི། མ་ཧཱ་ཀི་ལི། ཙུ་རུ་ཙུ་རུ། མ་ཧཱ་ཙུ་རུ། མི་ལི་མི་ལི། མ་ཧཱ་མི་ལི། ཏི་ལི་ཏི་ལི། མ་ཧཱ་ཏི་ལི། དྷུ་མེ་དྷུ་མེ། མ་ཧཱ་དྷུ་མེ། 
ཙ་ལེ་ཙ་ལེ། མ་ཧཱ་ཙ་ལེ། ཁི་རི་ཁི་རི། མ་ཧཱ་ཁི་རི། ཙི་ལི་ཙི་ལི། མ་ཧཱ་ཙི་ལི་སྭཱ་ཧཱ། དེ་ནས་དེ་བཞིན་གཤེགས་པ་ཤཱཀྱ་ཐུབ་པས་བྱང་ཆུབ་སེམས་དཔའ་སེམས་དཔའ་ཆེན་པོ་ནམ་མཁའི་སྙིང་པོ་ལ་འདི་སྐད་ཅེས་བཀའ་སྩལ་
ཏོ། །ནམ་མཁའི་སྙིང་པོ་ཀླད་པའི་ནད་བསལ་ན་མཚོན་དང་ལག་མཐིལ་གྱིས་བྱའོ། །སྤྲིན་བཟློག་ན་ཤིང་ཀ་ར་བི་རའི་ལྕུག་མས་བྱའོ། །དུག་སྤོ་ན་ཆུས་བྱའོ། །ལས་གཞན་རྣམས་ཀྱང་བྱའོ། །ཁྲུས་ཀྱི་ཆོ་གས་སྦྱར་བར་བྱའོ། །
ཆོ་ག་ཐམས་ཅད་ཀྱིས་ཐམས་ཅད་དུ་སྦྱར་བར་བྱའོ། །བཅོམ་ལྡན་འདས་ཀྱིས་དེ་སྐད་ཅེས་བཀའ་སྩལ་ནས། བྱང་ཆུབ་སེམས་དཔའ་སེམས་དཔའ་ཆེན་པོ་ནམ་མཁའི་སྙིང་པོ་ཡི་རངས་ཏེ། བཅོམ་ལྡན་འདས་ཀྱིས་གསུངས་
པ་ལ་མངོན་པར་བསྟོད་དོ། །འཕགས་པ་སངས་རྒྱས་བདུན་པ་ཞེས་བྱ་བ་ཐེག་པ་ཆེན་པོའི་མདོ་རྫོགས་སོ།། །། ༄༅།  །རྒྱ་གར་སྐད་དུ། ཨཱརྱ་དྭ་ད་ཤ་བུདྡྷ་ཀན་ནཱ་མ་མ་ཧཱ་ཡཱ་ན་སཱུ་ཏྲ། བོད་སྐད་དུ།  འཕགས་

106-1-67b

པ་སངས་རྒྱས་བཅུ་གཉིས་པ་ཞེས་བྱ་བ་ཐེག་པ་ཆེན་པོའི་མདོ། སངས་རྒྱས་དང་བྱང་ཆུབ་སེམས་དཔའ་ཐམས་ཅད་ལ་ཕྱག་འཚལ་ལོ། །འདི་སྐད་བདག་གིས་ཐོས་པ་དུས་གཅིག་ན། བཅོམ་ལྡན་འདས་
རྒྱལ་པོའི་ཁབ་ན་བྱ་རྒོད་ཕུང་པོའི་རི་ལ་དགེ་སློང་སྟོང་ཉིས་བརྒྱ་ལྔ་བཅུའི་དགེ་སློང་གི་དགེ་འདུན་ཆེན་པོ་དང་ཐབས་གཅིག་ཏུ་བཞུགས་ཏེ། བྱང་ཆུབ་སེམས་དཔའ་མི་ཕམ་པ་ལ་སོགས་པ་བྱང་ཆུབ་སེམས་དཔའ་ཁྲི་ཉིས་
སྟོང་གི་བྱང་ཆུབ་སེམས་དཔའི་དགེ་འདུན་ཆེན་པོ་དང་ཡང་ཐབས་གཅིག་གོ། །དེ་ནས་བཅོམ་ལྡན་འདས་ཀྱིས་བྱང་ཆུབ་སེམས་དཔའ་སེམས་དཔའ་ཆེན་པོ་བྱམས་པ་ལ་བཀའ་སྩལ་པ། བྱམས་པ་སངས་རྒྱས་ཀྱི་ཞིང་
འདི་ནས་ཤར་ཕྱོགས་ལོགས་སུ་སངས་རྒྱས་ཀྱི་ཞིང་བྱེ་བ་ཁྲག་ཁྲིག་འབུམ་ཕྲག་བརྗོད་དུ་མེད་པ་བཅུའི་རྡུལ་ཕྲ་རབ་ཀྱི་རྡུལ་སྙེད་ཀྱི་སངས་རྒྱས་ཀྱི་ཞིང་འདས་པ་ན། འཇིག་རྟེན་གྱི་ཁམས་མུ་ཏིག་ཅན་ཞེས་བྱ་བ་ཡོད་དེ། 
དེ་ན་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ནམ་མཁའ་དཔལ་དྲི་མེད་རྡུལ་སེལ་རབ་མཛེས་ཡོན་ཏན་གྱི་ཏོག་གི་འོད་མེ་ཏོག་པད་མ་བཻ་དཱུརྱའི་འོད་ཟེར་རིན་པོ་ཆེའི་གཟུགས་ལྟ་བུའི་སྐུ་
དང་ལྡན་པ་སྤོས་མཆོག་དམ་པས་མཆོད་པ་སྐུ་རྣམ་པར་སྤྲས་ཤིང་ལེགས་པར་བརྒྱན་པ་གཙུག་ཏོར་གྱི་གཙུག་ནས་ཉི་མའི་འོད་ཟེར་དཔག་མེད་ཟླ་འོད་སྨོན་ལམ་གྱིས་བརྒྱན་པ་རབ་སྤྲུལ་བཀོད་པ་ཆེན་པོ་ཆོས་ཀྱི་དབྱིངས་
ལས་མངོན་འཕགས་ཆགས་མེད་རིན་ཆེན་རྒྱལ་པོ་ཞེས་བྱ་བ་ད་ལྟར་ཡང་བཞུགས་ཏེ་འཚོ་ཞིང་གཞེས་ལ་ཆོས་ཀྱང་སྟོན་ཏོ། །སུ་རྒྱལ་བ་དེའི་མཚན་འཛིན་པ་དེ་བསྐལ་པ་ཆེན་པོ་འཛམ་བུའི་གླིང་གི་རྡུལ་ཕྲ་རབ་ཀྱི་
རྡུལ་སྙེད་ཀྱི་བསྐལ་པར་འཁོར་བ་ལས་ལྡོག་གོ། །དེས་བྱང་ཆུབ་སེམས་དཔའ་སེམས་དཔའ་ཆེན་པོ་འདྲ་བ་མེད་ཅེས་བྱ་བ་ལུང་བསྟན་ཏེ། དེ་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་

106-1-68a

སངས་རྒྱས་ནམ་མཁའ་དཔལ་དྲི་མེད་རྡུལ་སེལ་རབ་མཛེས་ཡོན་ཏན་གྱི་ཏོག་གི་འོད་མེ་ཏོག་པད་མ་བཻ་དཱུརྱའི་འོད་ཟེར་རིན་པོ་ཆེའི་གཟུགས་ལྟ་བུའི་སྐུ་དང་ལྡན་པ་སྤོས་མཆོག་དམ་པས་མཆོད་པ་སྐུ་རྣམ་པར་སྤྲས་ཤིང་ལེགས་པར་བརྒྱན་
པ་གཙུག་ཏོར་གྱི་གཙུག་ནས་ཉི་མའི་འོད་ཟེར་དཔག་མེད་ཟླ་འོད་སྨོན་ལམ་གྱིས་བརྒྱན་པ་རབ་སྤྲུལ་བཀོད་པ་ཆེན་པོ་ཆོས་ཀྱི་དབྱིངས་ལས་མངོན་འཕགས་ཆགས་མེད་རིན་ཆེན་རྒྱལ་པོ་དེ་ཡོངས་སུ་མྱ་ངན་ལས་འདས་པའི་དམ་པའི་ཆོས་
ནུབ་མ་ཐག་ཏུ་བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་བར་རྫོགས་པར་འཚང་རྒྱ་བར་འགྱུར་ཏེ། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རིག་པ་དང་ཞབས་སུ་ལྡན་པ། བདེ་བར་གཤེགས་
པ། འཇིག་རྟེན་མཁྱེན་པ། སྐྱེས་བུ་འདུལ་བའི་ཁ་ལོ་སྒྱུར་བ་བླ་ན་མེད་པ། ལྷ་དང་མི་རྣམས་ཀྱི་སྟོན་པ། སངས་རྒྱས་བཅོམ་ལྡན་འདས་ཆུ་ལྷ་གཞོན་ནུ་ཉི་མའི་སྒྲོན་མ་ཟླ་བའི་མེ་ཏོག་པད་མ་གསེར་སྡུག་ནམ་མཁའ་
ལྟ་བུའི་སྐུ་ལྡན་རྣམ་པར་སྣང་མཛད་འོད་ཟེར་རབ་བརྒྱན་ཐོགས་མེད་འཁོར་ལོའི་དཀྱིལ་འཁོར་ཕྱོགས་བཅུར་འོད་ཟེར་རབ་འབྱིན་འཇིག་རྟེན་ཁམས་ཀུན་སྣང་བྱེད་ཏོག་གི་རྒྱལ་མཚན་རྒྱལ་པོ་ཞེས་བྱ་བ་འཇིག་རྟེན་དུ་འབྱུང་བར་འགྱུར་
རོ། །ཤར་ཕྱོགས་དེ་ཉིད་ཀྱི་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་བཀོད་པ་ཐམས་ཅད་དྲི་མེད་འོད་ཅེས་བྱ་བའི་མཚན་ཡང་གཟུང་ངོ་། །ཚིག་གདོན་ཏོ། །ཕྱག་བྱའོ། །ལྷོ་ཕྱོགས་ཀྱི་དེ་བཞིན་
གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་སྤོབས་པའི་རྒྱན་ལ་དགོངས་པ་ཞེས་བྱ་བའི་མཚན་ཡང་གཟུང་ངོ་། །ཡིད་ལ་བྱའོ། །ནུབ་ཕྱོགས་ཀྱི་དེ་བཞིན་གཤེགས་པ་དྲི་མེད་ཟླ་བའི་ཏོག་གི་རྒྱལ་པོ་གྲགས་
ལྡན་ཞེས་བྱ་བའི་མཚན་ཡང་གཟུང་ངོ་། །ཕྱག་བྱའོ། །བྱང་ཕྱོགས་ཀྱི་དེ་བཞིན་གཤེགས་པ་མེ་ཏོག་གི་བཀོད་པ་སྣང་བར་མཛད་པ་ཞེས་བྱ་བའི་མཚན་ཡང་གཟུང་ངོ་། །ཕྱག་བྱའོ། །ཤར་ལྷོའི་ཕྱོགས་མཚམས་ཀྱི་དེ་བཞིན་

106-1-68b

གཤེགས་པ་འོད་མཛད་ཅེས་བྱ་བའི་མཚན་ཡང་གཟུང་ངོ་། །ཕྱག་ཀྱང་བྱའོ། །ལྷོ་ནུབ་ཀྱི་ཕྱོགས་མཚམས་ཀྱི་དེ་བཞིན་གཤེགས་པ་རིན་ཆེན་མཆོག་གི་ཏོག་གྲགས་ལྡན་ཞེས་བྱ་བའི་མཚན་ཡང་གཟུང་ངོ་། །ཕྱག་ཀྱང་བྱའོ། །
ནུབ་བྱང་གི་ཕྱོགས་མཚམས་ཀྱི་དེ་བཞིན་གཤེགས་པ་འཇིགས་མེད་རྣམ་པར་གཟིགས་ཤེས་བྱ་བའི་མཚན་ཡང་གཟུང་ངོ་། །ཕྱག་བྱའོ། །བྱང་ཤར་གྱི་ཕྱོགས་མཚམས་ཀྱི་དེ་བཞིན་གཤེགས་པ་འཇིགས་བྲལ་བག་ཚ་མི་
མངའ་སྤུ་ཟིང་མི་བྱེད་ཅེས་བྱ་བའི་མཚན་ཡང་གཟུང་ངོ་། །ཕྱག་བྱའོ། །འོག་གི་ཕྱོགས་ཀྱི་དེ་བཞིན་གཤེགས་པ་སེང་གེ་བསྒྱིངས་པའི་མིད་པ་ཞེས་བྱ་བའི་མཚན་ཡང་གཟུང་ངོ་། །ཕྱག་བྱའོ། །སྟེང་གི་ཕྱོགས་ཀྱི་དེ་བཞིན་
གཤེགས་པ་གསེར་འོད་གཟི་བརྗིད་འཇིགས་བྲལ་རྒྱལ་པོ་ཞེས་བྱ་བའི་མཚན་ཡང་གཟུང་ངོ་། །ཕྱག་བྱའོ། །བྱམས་པ་དད་པའི་རིགས་ཀྱི་བུའམ། རིགས་ཀྱི་བུ་མོས་བཅོམ་ལྡན་འདས་དེ་བཞིན་གཤེགས་པ་
དགྲ་བཅོམ་པ་ཡང་དག་པར་རྫོགས་པའི་སངས་རྒྱས་བཅུ་གཉིས་པོ་འདི་དག་གི་མཚན་བརྗོད་ལ་ཉི་མ་བཅུར་སྡིག་པ་ཐམས་ཅད་ཀྱི་ཉེས་པ་བཤགས་པར་བྱ། དགེ་བའི་རྩ་བ་ཐམས་ཅད་ལ་རྗེས་སུ་ཡི་རང་བར་བྱ། 
སངས་རྒྱས་ཐམས་ཅད་ལ་བསྐུལ་བ་དང་། སངས་རྒྱས་ཐམས་ཅད་ལ་གསོལ་བ་གདབ་པ་དང་། དགེ་བའི་རྩ་བ་ཐམས་ཅད་ཆོས་ཀྱི་དབྱིངས་སུ་ཡོངས་སུ་བསྔོ་བས་ཡོངས་སུ་བསྔོ་བར་བྱའོ། །འོན་ཀྱང་སྡིག་པ་ཐམས་ཅད་ཟད་
པར་འགྱུར་རོ། །ལས་ཀྱི་སྒྲིབ་པ་ཐམས་ཅད་རྣམ་པར་བྱང་བར་འགྱུར་རོ། །དེའི་འོག་ཏུ་སངས་རྒྱས་ཀྱི་ཞིང་གི་ཡོན་ཏན་བཀོད་པ་ཕུན་སུམ་ཚོགས་པ་དང་། མི་འཇིགས་པ་ཕུན་སུམ་ཚོགས་པ་དང་། མཚན་ཕུན་སུམ་ཚོགས་པ་དང་། བྱང་ཆུབ་སེམས་དཔའི་དགེ་
འདུན་ཕུན་སུམ་ཚོགས་པ་དང་། གཟུངས་ཕུན་སུམ་ཚོགས་པ་ཡང་འཐོབ་བོ། །ཏིང་ངེ་འཛིན་ཕུན་སུམ་ཚོགས་པ་ཡང་འཐོབ་བོ། །བསམ་པ་ཇི་ལྟ་བ་བཞིན་སངས་རྒྱས་ཀྱི་ཞིང་ཡོངས་སུ་དག་པ་ཕུན་སུམ་ཚོགས་པ་དང་། དགེ་བའི་བཤེས་གཉེན་ཕུན་སུམ་

106-1-69a

ཚོགས་པ་ཡང་མྱུར་དུ་ཡོངས་སུ་འཛིན་ཏོ། །བླ་ན་མེད་པ་ཡང་དག་པར་རྫོགས་པའི་བྱང་ཆུབ་ལས་ཉམས་པར་མི་འགྱུར་ཞིང་ཡོངས་སུ་ཉམས་པར་ཡང་མི་འགྱུར་རོ། །འཁོར་བ་ན་འཁོར་བའི་ཚེ་ཡང་ཀུན་དུ་མཛེས་པ་དང་། དེའི་ལོངས་
སྤྱོད་ཕུན་སུམ་ཚོགས་པ་དང་། རིགས་ཕུན་སུམ་ཚོགས་པ་དང་། སྐྱེ་བ་ཕུན་སུམ་ཚོགས་པ་དང་། རུས་ཕུན་སུམ་ཚོགས་པ་དང་། གཟུགས་ཕུན་སུམ་ཚོགས་པ་དང་། རིས་འདྲ་བའི་སྐྱེ་བོའི་འཁོར་ཕུན་སུམ་ཚོགས་པ་ཡང་ཡོངས་སུ་འཛིན་
ཏོ། །དེ་ལ་འདི་སྐད་ཅེས་བྱ་སྟེ། །གང་དང་གང་དུ་སྐྱེས་པ་ཡི། །ཚེ་རབས་ཚེ་རབས་ཐམས་ཅད་དུ། །མཐོང་ན་དགའ་ཞིང་དགའ་བྱེད་དང་། །འོད་བྱེད་པ་དང་མཐུ་ཆེན་དང་། །འབྱོར་པ་ཆེན་པོར་འགྱུར་བ་ཡིན། །གཟུངས་ཀྱི་གསང་
སྔགས་ཀྱི་གཞི་འདི་རྣམས་ཀྱང་བརྗོད་པར་བྱའོ། །ཏདྱ་ཐཱ། ཨ་ཁེ་མ་ཁེ། ས་མན་ཏ་མུ་ཁེ། སཽ་ཏི་ཡུག་ཏེ། ནི་རུག་ཏེ། པྲ་བྷེ་ས་མ་ཡོ་གེ། ཙིད་ཏ་ཙིད་ཏ་རྟེ། ཨ་ཁེ། མ་ཁེ། མ་ད་ནེ། བི་བརྟེ། ས་མན་ཏ་གུ་ཎི། ས་ཏྱཱ་ར་མེ། 
ཡུག་ཏེ་པྲ་ཡུག་ཏེ། ཡུག་ཏེ། ཧི་ལི་མི་ལི། མ་ས་ལེ། ཨཱ་ན་ལེ། ཙ་མེ། ཨ་ཙི་ཏེ། ཙོ་ཙེ།  ཨ་ར་ཧེ། བ་ཧུད་ཚེ། མ་ཡུ་གྲ་ཧེ། ཧེ་མ་བ་ཏི། ཛྱོ་ཏི་བ་ཏི། དྷརྨ་ཙིང་ཏེ། ཙྱུ་ཏ་པང་གེ། ཨ་བི་ཀྵེ་བེ། ར་དྷྲི་ཀྵེ་མེ། སྐན་དྷ་བི་བ་ག་
ཏེ། སངས་རྒྱས་དང་བྱང་ཆུབ་སེམས་དཔའ་ཐམས་ཅད་ལ་ཕྱག་འཚལ་ལོ། །སངས་རྒྱས་ཀྱི་བྱིན་གྱི་བརླབས་ཀྱིས་གསང་སྔགས་ཀྱི་གཞི་རྣམས་གྲུབ་པར་གྱུར་ཅིག །དེ་ལ་འདི་སྐད་ཅེས་བྱ་སྟེ། གཟུངས་འདི་དག་ནི་གཟུང་
བྱས་ན། །ཕྱོགས་བཅུ་དག་ན་གང་བཞུགས་པ། །བྱེ་བ་དྲུག་བཅུའི་དྲང་སྲོང་རྣམས། །དེ་དག་དེ་ལ་དགོངས་པར་འགྱུར། །སྐྱེ་བ་དག་ནི་ཀུན་དུ་ཡང་། །དགེ་བའི་བཤེས་གཉེན་རྙེད་པར་འགྱུར། །ཅུང་ཟད་དགེ་བ་གང་ཡིན་པ། །
དོན་རྣམས་ཐམས་ཅད་འབྱོར་པར་འགྱུར། །པད་མའི་སྙིང་པོར་བཞུགས་པ་ཡི། །སངས་རྒྱས་རྣམས་ནི་མངོན་སུམ་མཐོང་། །གཟུངས་འདི་དག་ནི་འཛིན་བྱེད་པ། །མཁས་པ་དཔལ་ལྡན་རྫུས་ཏེ་སྐྱེ། །དྲན་དང་བློ་གྲོས་རྟོགས་པ་དང་། །

106-1-69b

མོས་དང་ཤེས་རབ་རབ་ཏུ་འཕེལ། །ཐོས་པ་ཐམས་ཅད་འཛིན་པར་འགྱུར། །ཐོས་པ་ཐམས་ཅད་འཛིན་མ་ཉམས། །འཇིག་རྟེན་མགོན་པོ་འདི་དག་གི། །མཚན་རྣམས་སུ་ཞིག་རྗོད་བྱེད་པ། །ངན་འགྲོ་ཐམས་ཅད་སྤངས་ནས་ནི། །
བཟང་འགྲོར་མྱུར་དུ་འགྲོ་བར་འགྱུར། །ཏིང་ངེ་འཛིན་དང་གཟུངས་ཀྱི་མཆོག །དེ་དག་དེ་ལ་མངོན་བར་འགྱུར། །བྱང་ཆུབ་རབ་ཏུ་དེ་འཚང་རྒྱ། །ཞིང་ནི་བྱེ་བ་ཕྲག་སྟོང་དག །གསེར་གྱིས་བཀང་སྟེ་སྦྱིན་བྱིན་པས། །གང་ཞིག་དེ་བཞིན་གཤེགས་
རྣམས་ཀྱི། །མཚན་རྣམས་འཛིན་པར་བྱེད་པ་ཡི། །བསོད་ནམས་ཕུང་པོ་དེ་ཆེས་མང་། །རྟག་ཏུ་ཚེ་རབས་དྲན་པར་འགྱུར། །བྱང་ཆུབ་སྤྱད་པ་སྤྱོད་པའི་ཚེ། །མི་ཁོམ་ཐམས་ཅད་རྣམ་སྤངས་ཏེ། །སངས་རྒྱས་འབྱུང་བ་རབ་མཛེས་རྙེད། །
རྫོགས་པའི་སངས་རྒྱས་མཉེས་པར་བྱེད། །དད་པ་བླ་ན་མེད་པ་འཐོབ། །སངས་རྒྱས་རྣམས་ལ་རབ་དད་ཅིང་། །མཆོད་པ་དམ་པ་བྱེད་པར་འགྱུར། །སངས་རྒྱས་འབྱུང་བ་མཉེས་བྱེད་དེ། །མཐོང་ནས་སྟོན་ལ་རབ་ཏུ་དང་། །འཇིག་རྟེན་སྒྲོན་མ་
མཐོང་ནས་ནི། །མཆོད་པ་བཟང་པོ་བྱེད་པར་འགྱུར། །མཚན་རྣམས་འདི་དག་འཛིན་བྱེད་པ། །བསྐལ་པ་བྱེ་བ་གྲངས་མེད་དུ། །འཁོར་བ་རྣམ་པར་སྤངས་ནས་སུ། །བྱང་ཆུབ་མྱུར་དུ་འཚང་ཡང་རྒྱ། །ཉིན་ཞག་བདུན་དུ་ཚང་བར་ནི། །
མཚན་རྣམས་འདི་དག་འཛིན་བྱེད་ན། །གང་གིས་འདྲེན་རྣམས་མཐོང་འགྱུར་བའི། །རྒྱ་ཆེན་མིག་ནི་སྦྱངས་པར་འགྱུར། །འཇིག་རྟེན་མགོན་པོ་དེ་དག་གི། །མཚན་རྣམས་མི་གང་འཛིན་བྱེད་པ། །སྐྱེ་བ་གང་དང་གར་སྐྱེས་པར། །
དེ་ནི་ཕྱག་བྱའི་འོས་སུ་འགྱུར། །མཚན་རྣམས་འདི་དག་འཛིན་བྱེད་པ། །བསྐལ་པ་བྱེ་བ་བསམ་ཡས་སུ། །བཀུར་སྟེ་མ་ཡིན་ཐོབ་མི་འགྱུར། །འཇིག་རྟེན་དག་ན་གྲགས་པ་འཐོབ། །མཚན་རྣམས་འདི་དག་འཛིན་བྱེད་པ། །དེ་ལ་
བསྐལ་པ་དུ་མར་ནི། །ལྷ་རྣམས་སྟི་སྟང་བྱེད་པར་འགྱུར། །བྱང་ཆུབ་མྱུར་དུ་མཚང་ཡང་རྒྱ། །མཚན་རྣམས་འདི་དག་འཛིན་བྱེད་པ། །མོས་མེད་ཤེས་རབ་འཆལ་མི་འགྱུར། །གཡོ་དང་སྒྱུ་ནི་རྣམ་པར་སྤངས། །རྟག་ཏུ་སངས་རྒྱས་

106-1-70a

རྣམས་ཀྱང་མཐོང་། །མཚན་རྣམས་འདི་དག་འཛིན་བྱེད་པ། །ལྷ་དང་དྲི་ཟ་ཀླུ་དབང་དང་། །མཁའ་ལྡིང་ལྷ་མིན་གསང་བ་པ། །རྟག་ཏུ་དེ་ལ་བསྲུང་བར་བྱེད། །གཟུགས་དང་མཚན་ནི་ཕུན་སུམ་ཚོགས། །ནོར་ཆེན་ཁྱིམ་དུ་
སྐྱེ་བར་འགྱུར། །སེམས་ཅན་ཀུན་ལ་སྦྱིན་པར་བྱེད། །དཔའ་ཞིང་གཏོང་ཕོད་སེར་སྣ་མེད། །བསྐལ་པ་བྱེ་བ་བརྒྱ་མང་པོར། །ལྷ་ཡི་ཙན་དན་དམར་པོ་དང་། །ཤིན་ཏུ་དྲི་ཞིམ་སྤོས་ཀུན་གྱི། །སྤོས་ངད་དེ་ཡི་ཁ་ནས་འབྱུང་། །མཚན་
རྣམས་འདི་དག་འཛིན་བྱེད་པ། །བསྐལ་པ་བྱེ་བར་སྒྲ་སྐད་ནི། །ཚངས་པའི་དབྱངས་དང་ལྡན་པར་འགྱུར། །རྟག་ཏུ་ཆོས་རྒྱལ་ཚུལ་དང་ལྡན། །མཚན་རྣམས་འདི་དག་འཛིན་བྱེད་པ། །རིན་ཆེན་སྣ་བདུན་པད་མ་འདབ། །བྱེ་བ་སྟོང་ཕྲག་
མང་ཡོད་ལས། །འབྱོར་ཆེན་དེ་སྐྱེ་ལྷ་གཟུགས་ལྡན། །མཚན་རྣམས་འདི་དག་སུ་འཛིན་པ། །དེ་ནི་ཕ་མ་སྤུན་སྡུག་དང་། །སྐྱེ་བོ་དག་གི་ཚོགས་རྣམས་དང་། །འབྲལ་བར་འགྱུར་བ་མི་མཐོང་ངོ་། །དྲང་སྲོང་ཆེན་པོ་རྣམས་ཀྱི་མཚན། །
བུད་མེད་ཀྱིས་ནི་གཟུང་བྱས་ན། །བུད་མེད་ལུས་ལ་མ་ཆགས་ནས། །སྐྱེས་པ་བློ་གྲོས་ལྡན་པར་འགྱུར། །མི་ཡི་ལུས་ནི་ཐོབ་གྱུར་ནས། །བླ་མེད་བྱང་ཆུབ་ཐོབ་འགྱུར་ཏེ། །ཆོས་ཀྱི་འཁོར་ལོ་རབ་བསྐོར་ནས། །འདོད་པ་ཞི་བཞིན་མྱ་ངན་
འདའ། །མཚན་རྣམས་འདི་དག་སུ་འཛིན་པ། །དེ་ཡི་ལུས་ལ་མཚོན་དང་ནི། །དུག་དང་མེ་དང་རྒྱལ་པོ་དང་། །གཡོན་ཅན་རྣམས་ཀྱིས་མི་ཚུགས་སོ། །མཚན་རྣམས་འདི་དག་སུ་འཛིན་པ། །དེ་ཡི་སེམས་ལ་ནམས་ཀྱང་ནི། །དཔུང་དང་
བཞོན་པར་བཅས་པ་ཡི། །བདུད་གྱིས་གླགས་རྙེད་མི་འགྱུར་རོ། །འདི་དག་གི་ནི་མཚན་གྱི་རྣམས། །མི་གང་འཛིན་པར་བྱེད་པ་དེ། །ཞིང་ནི་བྱ་བ་བསམ་ཡས་པར། །ནམ་མཁའ་ལས་ནི་འགྲོ་བར་འགྱུར། །སངས་རྒྱས་བསྟན་པ་རྣམས་མཆོད་
ནས། །འཇིགས་པ་མེད་པར་ཞུ་བ་ཞུ། །དེ་དག་དེ་ཡི་བསམ་མཁྱེན་ནས། །རྒྱལ་བ་དེ་དག་ལུང་སྟོན་འགྱུར། །སངས་རྒྱས་མགོན་པོ་དེ་དག་ལས། །ལུང་བསྟན་པ་ནི་ཐོབ་གྱུར་ནས། །དེ་ནི་ཤིན་དུ་ཡི་རངས་ཏེ། །རྒྱལ་བའི་བསྟན་ལ་ཐེ་ཚོམ་མེད། །

106-1-70b

མཚན་རྣམས་འདི་དག་འཛིན་བྱེད་པ། །འཇིག་རྟེན་མགོན་པོ་རྣམས་ལས་ནི། །ཟབ་མོའི་ཆོས་ནི་ཐོས་འགྱུར་ཏེ། །ཐོས་ནས་ཐམས་ཅད་འཛིན་པར་འགྱུར། །དེ་ནས་ཕ་རོལ་ཕྱིན་ས་དང་། །མི་འཇིགས་པ་དང་སྟོབས་རྣམས་དང་། །མཚན་
དང་དཔེ་བྱད་བཟང་པོ་རྣམས། །མ་ལུས་པར་ནི་རྫོགས་པར་འགྱུར། །སངས་རྒྱས་དེ་དག་རྣམས་ཀྱི་ནི། །གང་གི་ཞིང་དུ་འདོད་གྱུར་པ། །དེར་ནི་བླ་མེད་ཡང་དག་རྫོགས། །བྱང་ཆུབ་རྟོགས་ནས་འཚང་རྒྱར་འགྱུར། །སྐྱེས་པ་འམ་ནི་
བུད་མེད་གང་། །མཚན་རྣམས་འདི་དག་འཛིན་པ་ཡི། །ཡོན་ཏན་འདི་དང་གཞན་དག་ཀྱང་། །སངས་རྒྱས་བསྐལ་པར་རྒྱུན་དུ་གསུང་། །བག་ཡོད་ལྡན་པར་གྱུར་ནས་ནི། །ཡོན་ཏན་ཕུན་སུམ་འདི་ཐོས་ནས། །རྫོགས་པའི་
སངས་རྒྱས་གྲགས་ལྡན་པ། །དེ་དག་མཚན་རྣམས་འཛིན་པར་འགྱུར། །སངས་རྒྱས་འདི་དག་དཔལ་སྙིང་པོ། །སྤྲིན་གྱི་རྒྱལ་པོ་མི་ཡི་མཆོག །འཇིག་རྟེན་མགོན་པོ་འདི་དག་གི། །མཚན་ནི་བསྐལ་པར་གང་ཉན་དང་། །གང་དག་འདི་
རྣམས་མཚན་ཉན་ཅིང་། །ཐོས་ནས་གུས་པར་བྱེད་འགྱུར་བ། །དེ་དང་དེ་དག་ཤེས་རབ་ཆེ། །རྐང་གཉིས་རྣམས་ཀྱི་མཆོག་ཏུ་འགྱུར། །དྲང་སྲོང་ཆེན་པོ་དེ་དག་གི། །འདི་འདྲའི་མཚན་དག་ཐོས་གྱུར་ནས། །བག་ཡོད་ལྡན་ཞིང་མཁས་གྱུར་
ལ། །ཤེས་རབ་ལྡན་པ་སུ་མི་འཛིན། །བཅོམ་ལྡན་འདས་ཀྱིས་དེ་སྐད་ཅེས་བཀའ་སྩལ་ནས། བྱང་ཆུབ་སེམས་དཔའ་སེམས་དཔའ་ཆེན་པོ་བྱམས་པ་དང་། བྱང་ཆུབ་སེམས་དཔའ་དེ་དག་དང་། དགེ་སློང་དེ་དག་དང་། ཐམས་ཅད་དང་
ལྡན་པའི་འཁོར་དེ་དང་། ལྷ་དང་མི་དང་ལྷ་མ་ཡིན་དང་། དྲི་ཟར་བཅས་པའི་འཇིག་རྟེན་ཡི་རངས་ཏེ། བཅོམ་ལྡན་འདས་ཀྱིས་གསུངས་པ་ལ་མངོན་བར་བསྟོད་དོ། །འཕགས་པ་སངས་རྒྱས་བཅུ་གཉིས་པ་ཞེས་བྱ་བ་ཐེག་པ་ཆེན་པོའི་
མདོ་རྫོགས་སྷོ།། །།རྒྱ་གར་གྱི་མཁན་པོ་ཛི་ན་མི་ཏྲ་དང་། དཱ་ན་ཤཱི་ལ་དང་། ཞུ་ཆེན་གྱི་ལོ་ཙྪ་བ་བན་དེ་ཡེ་ཤེས་སྡེས་བསྒྱུར་ཅིང་ཞུས་ཏེ། སྐད་གསར་ཆད་ཀྱིས་ཀྱང་བཅོས་ནས་གཏན་ལ་ཕབ་པ། སྐར།། ༄༅། །རྒྱ་གར་སྐད་དུ། ཨཱརྱ་བུདྡྷ་ཧྲི་དཱ་

106-1-71a

ཡ་ནཱ་མ་དྷཱ་ར་ཎཱི་དྷརྨ་པ་རྱཱ་ཡ། བོད་སྐད་དུ། འཕགས་པ་སངས་རྒྱས་ཀྱི་སྙིང་པོ་ཞེས་བྱ་བའི་གཟུངས་ཀྱི་ཆོས་ཀྱི་རྣམ་གྲངས། སངས་རྒྱས་དང་བྱང་ཆུབ་སེམས་དཔའ་ཐམས་ཅད་ལ་ཕྱག་འཚལ་ལོ། །འདི་སྐད་བདག་གིས་
ཐོས་པ་དུས་གཅིག་ན། བཅོམ་ལྡན་འདས་དེ་བཞིན་གཤེགས་པའི་སྤྱོད་ཡུལ་ཆོས་ཀྱི་དབྱེ་དགོན་པ་རིན་པོ་ཆེ་བཀོད་པའི་འཁོར་གྱི་ཁྱམས། ཡེ་ཤེས་ཀྱི་རྣམ་པར་དཔྱད་པ། སྔོན་སངས་རྒྱས་ཀྱིས་བྱིན་གྱིས་བརླབས་པ། སེམས་ཅན་
ཐམས་ཅད་ཀྱིས་མངོན་བར་བསྟོད་པ། བྱང་ཆུབ་སེམས་དཔའ་ཆེན་པོའི་གནས་རྣམ་པ་ཐམས་ཅད་ཀྱི་མཆོག་དང་ལྡན་པ། ཆོས་ཐམས་ཅད་མཉམ་པ་ཉིད་ཀྱི་རྗེས་སུ་སྤྱོད་པ། ཀུན་ནས་འོད་ཀྱི་ཁང་བཟངས་ཀྱི་དབུས་ན་
བྱང་ཆུབ་སེམས་དཔའ་བྱེ་བ་ཁྲག་ཁྲིག་འབུམ་ཕྲག་དུ་མ་ཐམས་ཅད་ཀྱང་ལུང་བསྟན་པ། ཐམས་ཅད་ཀྱང་འཇིག་རྟེན་གྱི་ཁམས་ཐ་དད་པ་ནས་འདུས་པ། ཐམས་ཅད་ཀྱང་དེ་བཞིན་གཤེགས་པ་ཆོས་ཀྱི་རྒྱལ་པོའི་སྲས། 
ཐམས་ཅད་ཀྱང་གཟུངས་དང་ཏིང་ངེ་འཛིན་སྣ་ཚོགས་ཐོབ་པ་ཤ་སྟག་གིས་ཡོངས་སུ་བསྐོར་ཅིང་མདུན་གྱིས་བལྟས་ནས་ཐབས་གཅིག་ཏུ་བཞུགས་ཏེ་ཆོས་སྟོན་ཏོ། །དེ་ནས་བཅོམ་ལྡན་འདས་ཀྱིས་བྱང་ཆུབ་སེམས་དཔའི་
འཁོར་རྒྱ་ཆེན་པོ་ལ་བཀའ་སྩལ་པ། རིགས་ཀྱི་བུ་དག་སྐྱེ་བོ་མང་པོ་ལ་ཕན་པ་དང་། སྐྱེ་བོ་མང་པོ་ལ་བདེ་བ་དང་། འཇིག་རྟེན་ལ་ཐུགས་བརྩེ་བ་དང་། ལྷ་དང་མིའི་སྐྱེ་བོ་ཕལ་པོ་ཆེའི་དོན་དང་། ཕན་པ་དང་། བདེ་བའི་ཕྱིར་དེ་བཞིན་
གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་གང་གཱའི་ཀླུང་གི་བྱེ་མ་སྙེད་ཀྱིས་གསུངས་པ་སངས་རྒྱས་ཀྱི་སྙིང་པོ་ཞེས་བྱ་བའི་གཟུངས་ཀྱི་ཆོས་ཀྱི་རྣམ་གྲངས་ཡོད་དོ། །རིགས་ཀྱི་བུའམ་རིགས་ཀྱི་བུ་མོ་གང་
ལ་ལ་སངས་རྒྱས་ཀྱི་སྙིང་པོ་ཞེས་བྱ་བའི་གཟུངས་ཀྱི་ཆོས་ཀྱི་རྣམ་གྲངས་འདི་འཆང་ངམ། འཛིན་ཏམ། ཀློག་གམ། ཀུན་ཆུབ་པར་བྱེད་དམ། གཞན་དག་ལ་ཡང་རྒྱ་ཆེར་ཡང་དག་པར་རབ་ཏུ་སྟོན་ཏམ། དད་དམ། ལྷག་པའི་བསམ་

106-1-71b

པས་མོས་པར་བྱེད་ན། དེ་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ལས་ཕྱིར་མི་ལྡོག་པར་འགྱུར། ཆོས་ཐམས་ཅད་འཛིན་པ་དང་མི་འབྲལ་བར་འགྱུར། སངས་རྒྱས་བཅོམ་ལྡན་འདས་རྣམས་དང་མི་འབྲལ་བར་འགྱུར། དེ་བཞིན་
གཤེགས་པ་ལ་བལྟ་བ་དང་། བསྙེན་བཀུར་བྱེད་པ་དང་མི་འབྲལ་བར་འགྱུར། ཆོས་ཉན་པ་དང་མི་འབྲལ་བར་འགྱུར། དགེ་འདུན་ལ་རིམ་གྲོ་བྱེད་པ་དང་མི་འབྲལ་བར་འགྱུར། བསྐལ་པ་སྟོང་དུ་འཁོར་བའི་སྲིད་པའི་རྒྱ་མཚོ་ཕྱིར་བསྙིལ་བར་
འགྱུར། བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་བར་རྫོགས་པར་སངས་རྒྱས་ཀྱི་བར་དུ་ཚེ་རབས་དྲན་པར་འགྱུར། མྱུར་དུ་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་མངོན་བར་རྫོགས་པར་འཚང་རྒྱ་བར་འགྱུར། དེ་ལ་
འབྱུང་པོའི་ཚོགས་ཐམས་ཅད་སྲུང་བར་འགྱུར། ལྷ་དང་ཀླུ་དང་གནོད་སྦྱིན་དང་དྲི་ཟ་དང་། ལྷ་མ་ཡིན་དང་ནམ་མཁའ་ལྡིང་དང་མི་འམ་ཅི་དང་ལྟོ་འཕྱེ་ཆེན་པོ་དང་མི་དང་མི་མ་ཡིན་པ་ཐམས་ཅད་དགའ་བར་འགྱུར། དེའི་ལུས་ལ་ནད་ཀྱིས་
མི་ཚུགས་པར་འགྱུར། ཕ་རོལ་གྱི་གནོད་པས་འཆི་བའི་དུས་བྱེད་པར་མི་འགྱུར། ཆད་པ་སྤང་བ་དང་། མཚོན་ཆ་སྤང་བ་དང་། དུག་བཅིལ་ནས་འཆི་བའི་དུས་བྱེད་པར་མི་འགྱུར། དེ་ལ་བདུད་སྡིག་ཅན་གྱིས་གླགས་རྙེད་
པར་མི་འགྱུར། བདུད་ཀྱི་རིས་ཀྱི་ལྷ་རྣམས་ཀྱིས་སྐབས་རྙེད་པར་མི་འགྱུར་ཏེ། གང་དུ་ཡིད་ལ་བྱས་པ་དེར་བདུད་ཀྱི་རིས་ཀྱི་ལྷ་དེ་དག་ཐམས་ཅད་སྐྲག་ཅིང་དངང་བར་འགྱུར་ཞིང་ཕྱོགས་བཅུར་འབྲོས་པར་འགྱུར་རོ། །དེ་ལ་
འདི་དག་ནི་སངས་རྒྱས་ཀྱི་ཚིག་གོ། །སངས་རྒྱས་ཀྱི་ཚིག་ཆེན་པོའོ། །སངས་རྒྱས་ཀྱིས་གནང་བའི་ཚིག་ཆེན་པོའོ། །སངས་རྒྱས་ཐམས་ཅད་ཀྱི་ཚིག་གོ། །དེ་བཞིན་གཤེགས་པ་ཐམས་ཅད་ཀྱི་ཚིག་ཡིན་ནོ། །ཏདྱ་ཐཱ། བུདྡྷེ་
སུ་བུདྡྷེ། མ་ཧཱ་བུདྡྷེ། ཨི་ཧཱ་བུདྡྷེ། ཏད་ཏྲ་བུདྡྷེ། བུདྡྷེ།  བུདྡྷེ།   མ་ཏི། བུདྡྷེ། སརྦ་བུདྡྷ། ཨ་ནུ་མ་ཏི། སརྦ་བུདྡྷ། ཨ་ནུ་ཛྙཱ་ན་ཏེ། བུདྡྷ། བུདྡྷ། བུདྡྷ། བུདྡྷ། བུདྡྷ། 

106-1-72a

བུདྡྷ། བུདྡྷ། བུདྡྷ། བུདྡྷ། བུདྡྷ། སངས་རྒྱས་ཀྱི་ཡུལ་མཐའ་ཡས་ཏེ། ཆོས་བསྟན་པ་ཡང་མཐའ་ཡས་མོད་ཀྱི། གཅིག་ཏུ་ཡིད་ལ་བྱ་བ་ནི་མདོར་ན་བསྒོམ་པའོ། །གཟུངས་འདི་ནི་སེམས་ཅན་རྣམས་ལ་ཐུགས་བརྩེ་བའི་ཕྱིར། 
སངས་རྒྱས་ཐམས་ཅད་ཀྱིས་གསུངས་པ་སྟེ། ཆོས་ཐམས་ཅད་ཀྱི་ཕྱག་རྒྱ་ཡིན་ནོ། །ཏདྱ་ཐཱ། ཤུདྡྷེ། སུ་ཤུདྡྷེ། སུ་ཤུདྡྷེ། ཤོ་དྷ་ནི། སྃ་ནི་རྨ་ལེ། མ་ལ་ཨ་པ་ག་ཏེ། ག་ཏི་ས་མ་དྷི་དྷི་ཏྲན་ཏི། ཀྲ་མེ་ས་མ་ས་རེ། ས་རཱ་ས་ར་པ་རི་ཨ་ཤོ་
ཀེ། བི་ཤོ་ཀ །ཤོ་ཀ་ཤ་མ་ནི། ཤན་ཏེ། ཨུ་པ་ཤན་ཏེ།   པྲ་ཤན་ཏེ།   ཨ་བ་བྷཱ་སེ། སརྦ་པུ་ཎྱེ་པ་རི་མཎ་ཏི་ཏེ། སརྦ་དྷརྨ་པྲ་ཏི་མཎ་ཏི་ཏེ། ཧ་ར་ཧ་ར། མ་ལ་ཧ་ར། ཙ་ར་ཙ་ར། སྃ་ཙ་ར། ཙ་ལ་ཙ་ལ་སྃ་ཙ་ལ། ཏ་ལ་ཏ་ལ། མ་ཏ་ལ་ས་མ་ཏ་ལ། 
རི་ནེ་རི་ནེ། སུ་མི་ནི།  ནི་ནེ། ས་མ་རི་ནེ། རི་ན་མ་ཏི།   ལོ་ཀ་དྷ་རེ། ལོ་ཀ་དྷ་རི་ཎེ། དྷ་ར་དྷ་ར། ཌ་ར་ཌ་ར། རོ་དྷ་རོ་དྷ། མ་ཧཱ་བི་ཛ་ཡ། བཱ་ཧི་ནི། ཧ་ན་ཧ་ན། སརྦ་བུདྡྷེ། ཧྲི་ཕྲེ་ཤི། ཏྲ་སི། སརྦ་ཛྙཱ་པ་ཐེ། སརྦ་ཛྙཱ་པ་ར་མི་ཏེ། མ་ཧཱ་པྲ་ཏི་བྷ་ན་སྃ། ཕན་ནེ། 
ས་མན་ཏ། ཨ་ལོ་ཀེ་བུདྡྷ། བི་ཤ་ཡེ། བུདྡྷ། པྲ་ཏི་མཎ་ཌི་ཏེ། བྷ་ག་བ་ཏེ་ས་ར་ས་ར། པྲ་ས་ར་པྲ་ས་ར། བི་ས་ར་བི་ས་ར། པྲ་ས་ར་སརྦ་ཤོ་ཤ་ཨ་པ་ག་ཏེ་སྭཱ་ཧཱ། བཅོམ་ལྡན་འདས་ཀྱིས་སངས་རྒྱས་ཀྱི་སྙིང་པོའི་གཟུངས་ཀྱི་
ཆོས་ཀྱི་རྣམ་གྲངས་འདི་བཤད་མ་ཐག་ཏུ་རི་དང་གནས་སུ་བཅས་པ་དང་། ཚལ་རྣམ་པ་དྲུག་ཏུ་གཡོས། སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་ཀྱི་ས་ཡང་གཡོས་སོ། རབ་ཏུ་གཡོས་སོ། ཀུན་དུ་རབ་ཏུ་གཡོས་སོ། །རྒྱ་
མཚོ་ཆེན་པོ་ཡང་འཁྲུགས། རབ་ཏུ་འཁྲུགས། ཀུན་དུ་རབ་ཏུ་འཁྲུགས་སོ། །རིའི་རྒྱལ་པོ་རི་རབ་ཀྱང་ལྡེག་ཅིང་འགུལ་ཏོ། །བདུད་ཀྱི་གནས་ཐམས་ཅད་སྐྲག་ནས། བདུད་ཀྱི་རིས་ཀྱི་ལྷ་རྣམས་དང་། བདུད་སྡིག་ཅན་
རྣམས་ཤིན་དུ་སྡུག་བསྔལ་ཞིང་ཡིད་མི་བདེ་བར་གྱུར་ནས་ཉམས་ཐག་གོ། །སེམས་ཅན་གང་དག་ས་ཆེན་པོ་གཡོས་པར་མཐོང་བ་དེ་དག་གིས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ལ་

106-1-72b

ཕྱག་འཚལ་ལོ། །དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ལ་ཕྱག་འཚལ་ལོ། །ཞེས་ཆེད་དུ་བརྗོད་པ་ལན་གསུམ་ཆེད་དུ་བརྗོད་དོ། །ལྷ་གང་དག་སངས་རྒྱས་ལ་མངོན་བར་དད་པ་དེ་དག་གིས་ལྷའི་མ་
ཏོག་མན་དཱ་ར་བ་དང་། མན་དཱ་ར་བ་ཆེན་པོས་བཅོམ་ལྡན་འདས་ལ་གཏོར། མངོན་བར་གཏོར་ནས། གང་དག་སངས་རྒྱས་ལ་སྐྱབས་སུ་དོང་བ་དེ་དག་ཐམས་ཅད་རབ་ཏུ་དགའ་བ་སྐྱེས་སོ། །དེ་ལ་འདི་སྐད་ཅེས་བྱ་སྟེ། ཤཱཀྱ་སེང་གེ་
ཡང་དག་རྫོགས་པ་ཡི། །སངས་རྒྱས་སྐྱོབ་པས་སྐད་ཅིག་ཡུད་གང་ལ། །སངས་རྒྱས་ཐམས་ཅད་ཀྱི་ནི་སྙིང་པོ་ཡི། །གཟུངས་འདི་དག་ནི་རབ་ཏུ་བཤད་པ་ཡི། །སྐད་ཅིག་ཡུད་དེར་ས་ཡང་རྣམ་དྲུག་གཡོས། །རྒྱ་མཚོ་འཁྲུགས་ཤིང་
བདུད་ཀྱི་གནས་ཀུན་ཀྱང་། རབ་ཏུ་གཡོས་ནས་བདུད་ཀྱི་རིས་རྣམས་ཀྱི། །ལྷ་དག་རབ་ཏུ་དངངས་ཤིང་འཁྲུགས་པར་འགྱུར། །བདུད་ཡིད་མི་བདེ་སྡུག་བསྔལ་མྱ་ངན་ནོན། །དེ་ཚེ་ལྷ་རྣམས་ངོ་མཚར་རབ་ཐོས་ནས། །འཇིག་རྟེན་
མགོན་ལ་མཆོད་པ་བྱ་བའི་ཕྱིར། །ནམ་མཁར་གནས་ནས་མེ་ཏོག་མན་དཱ་འཐོར། །གང་དག་སངས་རྒྱས་མངོན་དད་གཞན་རྣམས་ཀྱི། །སེ་མོ་དོ་དང་དོ་ཤལ་སྤོས་རྣམས་དང་། །ཕྱེ་མ་དག་དང་བྱུག་པ་གོས་རྣམས་དང་། །
རྒྱན་དང་དཔུང་རྒྱན་དག་ཀྱང་རབ་ཏུ་འབུལ། །བརྒྱད་པོ་འདི་དག་ནི་དེའི་ཡོན་ཏན་གྱི་ཕན་ཡོན་གྱི་རྒྱན་དུ་འགྱུར་བའོ། །བརྒྱད་གང་ཞེ་ན། འདི་ལྟ་སྟེ། བྱང་ཆུབ་ཀྱི་སེམས་མི་བརྗེད་པའི་རྒྱན་དང་། ཐོས་པ་ཐམས་ཅད་ཡོངས་སུ་ཚོལ་བས་མི་ངོམས་
པའི་རྒྱན་དང་། ཆོས་ཟབ་མོ་རྣམ་པར་ངེས་པ་རྟེན་ཅིང་འབྲེལ་པར་འབྱུང་བའི་རྒྱན་དང་། སེམས་ཅན་ཐམས་ཅད་ཀྱི་དབང་པོ་མཆོག་དང་མཆོག་མ་ཡིན་པ་ཤེས་པའི་རྒྱན་དང་། ཇི་ལྟར་ཐོས་པ་དང་ཇི་ལྟར་ཁོང་དུ་ཆུད་པའི་ཆོས་
རྣམས་ལ་ཚུལ་བཞིན་སོ་སོར་རྟོག་ཅིང་དཔྱོད་པའི་རྒྱན་དང་། སེམས་ཅན་ཐམས་ཅད་ཡོངས་སུ་སྨིན་པར་བྱ་བའི་ཕྱིར་ཆོས་ཐམས་ཅད་མི་དམིགས་པའི་རྒྱན་དང་། རྒྱན་དེ་ཡང་སངས་རྒྱས་ཀྱིས་བྱིན་གྱི་བརླབས་ཀྱིས་ཐབས་ལ་མཁས་པའི་

106-1-73a

རྒྱན་དང་། གཟུངས་ཐོབ་པའི་རྒྱན་ཏེ། བརྒྱད་པོ་དེ་དག་ནི་དེའི་ཡོན་ཏན་གྱི་ཕན་ཡོན་གྱི་རྒྱན་དུ་འགྱུར་རོ། །གཟུངས་འདི་རྟག་པར་རྒྱུན་དུ་ཡིད་ལ་བྱའོ། །སངས་རྒྱས་རྗེས་སུ་དྲན་པ་བསྒོམ་པར་བྱའོ། །གཟུངས་ཀྱི་གཞི་འདི་དག་རྣམས་ཡིད་ལ་བྱས་
ན་ལས་ཀྱི་སྒྲིབ་པ་ཐམས་ཅད་ཡོངས་སུ་བྱང་བར་འགྱུར་རོ། །པད་མ་རྣམ་པར་བཀོད་པ་ཞེས་བྱ་བའི་ཏིང་ངེ་འཛིན་ཀྱང་ཐོབ་བོ། །ནད་ཐམས་ཅད་དང་། ན་བ་ཐམས་ཅད་ལ་ལག་པས་བྱབ་པར་བྱའོ། །བཟླས་བརྗོད་ཀྱང་དཔག་ཏུ་མེད་པར་
བྱའོ། །བཅོམ་ལྡན་འདས་ཀྱིས་དེ་སྐད་ཅེས་བཀའ་སྩལ་ནས། བྱང་ཆུབ་སེམས་དཔའ་སེམས་དཔའ་ཆེན་པོ་དེ་དག་དང་། ཉན་ཐོས་ཆེན་པོ་དེ་དག་དང་། ལྷ་དང་མི་དང་ལྷ་མ་ཡིན་དང་དྲི་ཟར་བཅས་པའི་འཇིག་རྟེན་ཡི་རངས་ཏེ། 
བཅོམ་ལྡན་འདས་ཀྱིས་གསུངས་པ་ལ་མངོན་བར་བསྟོད་དོ། །འཕགས་པ་སངས་རྒྱས་ཀྱི་སྙིང་པོ་ཞེས་བྱ་བའི་གཟུངས་ཀྱི་ཆོས་ཀྱི་རྣམ་གྲངས་རྫོགས་སོ།། །།རྒྱ་གར་གྱི་མཁན་པོ་ཛི་ན་མི་ཏྲ་དང་། 
དཱ་ན་ཤཱི་ལ་དང་། ཞུ་ཆེན་གྱི་ལོ་ཙྪ་བ་བན་དེ་ཡེ་ཤེས་སྡེས་བསྒྱུར་ཅིང་ཞུས་ཏེ། སྐད་གསར་ཆད་ཀྱིས་ཀྱང་བཅོས་ནས་གཏན་ལ་ཕབ་པ། སྐར་ཞུས།། ༄༅།  །རྒྱ་གར་སྐད་དུ། ཨཱརྱ་
བུདྡྷ་ཧྲྀ་ད་ཡ་ནཱ་མ་དྷཱ་ར་ཎཱི། བོད་སྐད་དུ། འཕགས་པ་སངས་རྒྱས་ཀྱི་སྙིང་པོ་ཞེས་བྱ་བའི་གཟུངས། སངས་རྒྱས་དང་བྱང་ཆུབ་སེམས་དཔའ་ཐམས་ཅད་ལ་ཕྱག་འཚལ་ལོ། །འདི་སྐད་བདག་གིས་ཐོས་
པ་དུས་གཅིག་ན། བཅོམ་ལྡན་འདས་རྒྱ་མཚོའི་འགྲམ་གྱི་སྐྱེད་མོས་ཚལ་ན་སངས་རྒྱས་ཀྱི་སྤྱོད་ཡུལ་གྱི་ཤིང་ལྗོན་པ་ཀུན་ནས་སེང་གེའི་ཁྲི་ལ་བཞུགས་ཏེ། ལྷའི་འཁོར་གྱིས་ཀུན་ནས་བསྐོར་ཅིང་མདུན་གྱིས་བལྟས་
ཏེ་ཆོས་སྟོན་ཏོ། །དེ་ནས་བཅོམ་ལྡན་འདས་ཀྱིས་དབང་ཕྱུག་ཆེན་པོ་དཀའ་ཐུབ་བཟང་པོ་ལ་སོགས་པ་གནས་གཙང་མའི་རིས་ཀྱི་ལྷའི་བུ་རྣམས་ལ་བཀའ་སྩལ་པ། ལྷའི་བུ་དག་དེའི་ཕྱིར་ལེགས་པར་རབ་ཏུ་

106-1-73b

ཉོན་ལ་ཡིད་ལ་ཟུང་ཤིག་དང་བཤད་དོ། །དེ་བཞིན་གཤེགས་པ་ཕྱི་མའི་དུས་ན་འཁོར་བཞི་བསྡུ་བ་དང་རྗེས་སུ་གཟུང་བ་དང་ཀུན་དུ་རྗེས་སུ་གཟུང་བ་དང་ཁྱད་པར་དུ་འགྲོ་བར་བྱ་བ་དང་། དོན་ཐམས་ཅད་དང་ཆོས་ཐམས་ཅད་
དང་ལྡན་པ་ཡོངས་སུ་རྫོགས་པར་བྱ་བ་དང་། ཐེག་པ་ཆེན་པོ་ལ་ཡང་དག་པར་ཞུགས་པ་རྣམས་རྣམ་པ་ཐམས་ཅད་དུ་ཁྱད་པར་ཐོབ་པར་བྱ་བའི་ཕྱིར་སངས་རྒྱས་ཀྱི་སྙིང་པོ་ཞེས་བྱ་བའི་གཟུངས་ཀྱི་ཆོས་ཀྱི་རྣམ་གྲངས་
སྟོན་ཏོ། །འཆད་དོ། །དེ་ཁྱེད་ཀྱིས་ཟུང་ལ་ད་ལྟར་དང་ང་ཡོངས་སུ་མྱ་ངན་ལས་འདས་ནས་ཕྱི་མའི་དུས་ནི་ཐེག་པ་ཆེན་པོ་ལ་ཡང་དག་པར་ཞུགས་པའི་འཁོར་རྣམ་བཞི་རྣམས་ལ་སྟོན་ཅིག །ཤོད་ཅིག །ཡལ་བར་
མི་དོར་བར་ངེས་པར་བསྟན་པར་བྱ། བསྒྲག་པར་བྱའོ། །ཇི་ཙམ་དུ་ཕོངས་པར་གྱུར་པ་རྣམས་དང་། སྒྲིབ་པ་དང་ལྡན་པ་རྣམས་ལ་དེ་བཞིན་གཤེགས་པའི་གསུང་བསྐྱང་ཞིང་ངེས་པར་བསྟན་པར་བྱ། བསྒྲག་པར་
བྱའོ། །གསོལ་པ། བཅོམ་ལྡན་འདས་དེ་བཞིན་དུ་བགྱི་སྟེ། དེ་བཞིན་གཤེགས་པས་ཇི་སྐད་བཀའ་སྩལ་པ་དེ་བཞིན་དུ་འཚལ་ལོ། །དེ་བཞིན་གཤེགས་པའི་བཀའ་འདི་ནན་ཏན་གྱིས་ཡོངས་སུ་
རྫོགས་པར་བགྱིའོ། །བཅོམ་ལྡན་འདས་ཀྱིས་བཀའ་སྩལ་པ། ལྷའི་བུ་དག་སངས་རྒྱས་ཀྱི་སྙིང་པོ་ཞེས་བྱ་བའི་ཆོས་ཀྱི་རྣམ་གྲངས་གང་ཞེ་ན། ཏདྱ་ཐཱ། ཨ་མ་ལེ། ནིརྨ་ལེ། སརྦ་ཨཱ་ཀཱ་ར་ཨཪྠ་
པ་རི་པྲ་བ་ཏེ། ཨ་ས་མྃ་ཏ་སརྦ་ཀུ་ན་ཨཱ་ཀཱ་རེ་ཏྲྱ་དྷ། ཨ་སྃ་ག་ཨ་ནཱ་བྲི་ཏེ། ས་མྃ་ཏ། ད་ཤ་དི་ཤ །པ་རི་པཱུ་རྞ་ཛྙཱ་ནེ། སརྦ་ཨ་སྃ་ག་དར་ཤ་པྲཱ་བ་ཏེ། སརྦ་དྷརྨ་མ་བི་ཤ་ཏ་པ་རི་པཱུརྞེ། སརྦ་ཨ་ཀཱ་རཱ། 
ཨ་སྃ་ག་ས་མ་ནྭ་ཏེ། ས་མན་ཏ་ཨ་པྲ་ཏི་ཧ་ཏ་ཏེ་ཛེ་ཏྲྱ་དྷ་ད་ཤ་སུ། དི་ཀྵུ་བ་རི་པྲཱ་བ་ཏ། ཨཪྠེ།  ཤཱན་ཏཱ། པྲཱ་ཤཱན་ཏཱ། ཨུ་པཱ་ཤཱན་ཏཱ། ས་མ་ཤཱན་ཏཱ། བི་མོ་ཀྵ་ཨ་ནུ་པྲ་བ་ཏེ། སུ་པྲ་ཏི་བུདྡྷ་དྷརྨ་དྷཱ་ཏུ། 

106-1-74a

ཨ་ཏྱན་ཏ་སུ་ནི་སྲི་ཏེ། སརྦ་ཨཱ་ཀཱ་རཱ་ནི་ས་ས་ར་ཎ། ཨ་ན་བ་ཤེ་ཥ་པཱ་རང་ག་ཏེ། བི་པྲ་མུག་ཏ། ཨ་སྃ་ཡོ་ག །བི་པྲ་ཡོ་ག །སྠི་ཏེ་དྷརྨ་ཏེ། ག་ག་ན་ས་མ་པྲ་ཀྲི་ཏི་པ་རི་ཤུདྡྷ། ནཱིརྨ་ལེ། ཨ་ས་མན་ཏ། 
ཏྲྱ་དྷཱ་ཨ་ནུ་ག་ཏ། སུ་པྲ་བ་ཏེ་པཱུརྦན་ཏ། ཨ་པ་རན་ཏ། མ་དྷྱ་ཏྲྱ་དྷྭ་ས་མྃ་ཏ་ཨ་ནུ་པྲཱབ་ཏཱེ། ཨ་ན་བ་ཤེ་ཥ། པ་རི་ཛྙཱ་པྲ་ཧ་ན། བྷ་བ་ན། ས་ཀྵད་ཀྲི་ཡ་པ་ར་མ་པ་རང་ག་ཏེ། ཡ་ཐཱ་བ་ཏི་ཏ་ཐཱ་ཀཱ་ཀི། སརྦ་ཨཱ་ཀཱ་རཱ་སམ་པན་
ནེ། སརྦ་ཨཱ་ཀཱ་ར་མ་ཧཱ་མཻ་ཏྲི་མ་ཧཱ་ཀ་རུ་ཎཱ། སརྦ་ཨཱ་ཀཱ་རཱ་ས་མ་ས་གྲ་ཧ་ཨ་ནུ་པྲ་བ་ཏེ། ལྷའི་བུ་དག་འདི་ནི་སངས་རྒྱས་ཀྱི་སྙིང་པོ་ཞེས་བྱ་བའི་གཟུངས་ཀྱི་ཆོས་ཀྱི་རྣམ་གྲངས་ཏེ། ཐེག་པ་ཆེན་པོ་ལ་ཡང་དག་པར་ཞུགས་པའི་
འཁོར་བཞི་པོ་ལས་རིགས་ཀྱི་བུའམ། རིགས་ཀྱི་བུ་མོ་གང་ལ་ལ་ཞིག་གིས་ལུས་ལ་ཐོགས་སམ། ལེགས་པར་ཁ་ཏོན་དུ་བྱས་ཏེ་འཛིན་པ་དེས་དམན་པའི་སེམས་སུ་མི་བྱ་སྟེ། དེ་བཞིན་གཤེགས་པ་ཇི་ལྟ་བ་བཞིན་དུ་དེ་
དག་གི་སྤྱི་གཙུག་གི་སྟེང་གི་མཚམས་སུ་གནས་པར་འགྱུར་རོ། །ཁ་ཅིག་ནི་ངེས་པར་སངས་རྒྱས་མཐོང་བར་འགྱུར་རོ། །ཁ་ཅིག་ནི་ཐོས་པར་འགྱུར། ཁ་ཅིག་ནི་ཆོས་སྟོན་པར་འགྱུར། ཁ་ཅིག་ནི་གཟུངས་མི་བརྗེད་པར་
འགྱུར། སློབ་པ་ལམ་ལ་གནས་པ་རྣམས་ནི་ལམ་གྱི་རྒྱུན་མི་འཆད་ཅིང་ཆོས་སྟོན་པ་རྒྱུན་མི་འཆད་པར་འགྱུར། ཀུན་དུ་འཛིན་པ་མི་བརྗེད་པར་ཡང་འགྱུར། སྐྱེ་བ་གཅིག་གིས་ཐོགས་པ་གྲུབ་པར་འགྱུར། དེ་དག་དང་
ལྡན་ན་ཐོས་པ་རྒྱ་མཚོ་ཐམས་ཅད་ཀྱི་གཟུངས་ཐོབ་པར་འགྱུར། མི་སྐྱེ་བའི་ཆོས་ལ་བཟོད་པ་ཐོབ་པར་འགྱུར་བ་ནས་སངས་རྒྱས་ཀྱི་རྣམ་པར་ཐར་པ་སྒྲིབ་པ་མེད་པ་དང་། ཡོངས་སུ་རྫོགས་པའི་བར་དུ་རྗེས་སུ་ཐོབ་པར་འགྱུར་
རོ། །ཁྱེད་ཀྱིས་ཚེ་འདི་ལ་ངའི་བསྟན་པའི་དགོངས་པ་ཁོང་དུ་ཆུད་པར་བྱའོ། །རིགས་ཀྱི་བུའམ་རིགས་ཀྱི་བུ་མོ་དེ་དག་ལ་ཡང་ངེས་པར་བསྟན་པར་བྱ་ཞིང་བསྒྲག་པར་བྱའོ། །ཡལ་བར་མི་འདོར། ཕྱི་བཤོལ་མི་

106-1-74b

བྱ། བརྗེད་པར་མི་བྱའོ། །གསོལ་པ། བཅོམ་ལྡན་འདས་དེ་བཞིན་དུ་བསྒྲུབ་པར་བགྱིའོ། །བཅོམ་ལྡན་འདས་སངས་རྒྱས་ཀྱི་སྙིང་པོ་ཞེས་བགྱི་བའི་གཟུངས་ཀྱི་ཆོས་ཀྱི་རྣམ་གྲངས་འདི་སླད་མའི་དུས་ན་འཁོར་བཞི་རྣམས་ལ་ཕྱི་
བཤོལ་མ་མཆིས་པ་དང་། མི་བསྐྱུད་པར་བསྟན་པར་བགྱི། བཤད་པར་བགྱིའོ། །རིགས་ཀྱི་བུའམ་རིགས་ཀྱི་བུ་མོ་དེ་དག་ལ་ཡང་ངེས་པར་བསྟན་པར་བགྱི་ཞིང་བསྒྲག་པར་བགྱིའོ། །དེས་ན་དེ་བཞིན་གཤེགས་
པའི་བཀའ་ལུང་དང་འཐུན་པར་འགྱུར། བདག་ཅག་གིས་དེ་བཞིན་གཤེགས་པའི་དམ་པའི་ཆོས་ཡོངས་སུ་བཟུང་བར་འགྱུར། རིགས་ཀྱི་བུའམ། རིགས་ཀྱི་བུ་མོ་དེ་དག་ལ་ཡང་དོན་ཆེན་པོ་དང་ཕན་པའི་དངོས་པོ་ཆེན་པོར་འགྱུར་
ལགས་སོ། །བཅོམ་ལྡན་འདས་ཀྱིས་བཀའ་སྩལ་པ། ལྷའི་བུ་དག་དེའི་ཕྱིར་ཇི་སྐད་སྨྲས་པ་དེ་བཞིན་དུ་གྱིས་ཤིག །འདི་ནི་ཁྱེད་ལ་རྗེས་སུ་བསྟན་པའོ། །བཅོམ་ལྡན་འདས་ཀྱིས་དེ་སྐད་ཅེས་བཀའ་སྩལ་ནས། 
དབང་ཕྱུག་ཆེན་པོ་དཀའ་ཐུབ་བཟང་པོ་ལ་སོགས་པ་གནས་གཙང་མའི་རིས་ཀྱི་ལྷའི་བུ་རྣམས་དང་། ཐམས་ཅད་དང་ལྡན་པའི་འཁོར་དེ་ཡི་རངས་ཏེ་བཅོམ་ལྡན་འདས་ཀྱིས་གསུངས་པ་ལ་མངོན་བར་བསྟོད་དོ། །
འཕགས་པ་སངས་རྒྱས་ཀྱི་སྙིང་པོ་ཞེས་བྱ་བའི་གཟུངས་རྫོགས་སོ།། །།རྒྱ་གར་གྱི་མཁན་པོ་ཛི་ན་མི་ཏྲ་དང་། དཱ་ན་ཤཱི་ལ་དང་། ཞུ་ཆེན་གྱི་ལོ་ཙྪ་བ་བན་དེ་ཡེ་ཤེས་སྡེས་བསྒྱུར་ཅིང་ཞུས་ཏེ། 
སྐད་གསར་ཆད་ཀྱིས་ཀྱང་བཅོས་ནས་གཏན་ལ་ཕབ་པ། ༄༅། །རྒྱ་གར་སྐད་དུ། ཨཱརྱ་སརྦ་བུདྡྷ་ཨང་ག་བ་ཏི་ནཱ་མ་དྷཱ་ར་ཎཱི། བོད་སྐད་དུ། འཕགས་པ་སངས་རྒྱས་
ཐམས་ཅད་ཀྱི་ཡན་ལག་དང་ལྡན་པ་ཞེས་བྱ་བའི་གཟུངས། སངས་རྒྱས་དང་བྱང་ཆུབ་སེམས་དཔའ་ཐམས་ཅད་ལ་ཕྱག་འཚལ་ལོ། །འདི་སྐད་བདག་གིས་ཐོས་པ་དུས་གཅིག་ན། བཅོམ་ལྡན་

106-1-75a

འདས་གང་གཱའི་ཀླུང་ཆེན་པོའི་འགྲམ་ན་འཇིག་རྟེན་སྐྱོང་བ་བཞི་དང་ཐབས་གཅིག་ཏུ་བཞུགས་ཏེ། དེའི་ཚེ་བཅོམ་ལྡན་འདས་ཀྱིས་རྣམ་ཐོས་ཀྱི་བུ་ལ་སོགས་པ་རྒྱལ་པོ་ཆེན་པོ་བཞི་ལ་འདི་སྐད་ཅེས་བཀའ་སྩལ་
ཏོ། །རྒྱལ་པོ་ཆེན་པོ་དག་སྐྱེས་པ་དང་། བུད་མེད་དང་ཁྱེའུ་དང་བུ་མོ་རྣམས་ལ་འཇིགས་པ་ཆེན་པོ་བཞི་པོ་འདི་དག་འབྱུང་ངོ་། །བཞི་གང་ཞེ་ན། འདི་ལྟ་སྟེ། རྒ་བ་དང་ན་བ་དང་རྒུད་པ་དང་འཆི་བའོ། །དེ་ལ་ཡང་
འཇིགས་པ་ཆེན་པོ་གཅིག་སྟེ། འདི་ལྟར་འཆི་བདག་གི་འཇིགས་པ་ཆེན་པོ་སྟེ། བཙམ་པ་མེད་པ། གཉེན་པོ་མེད་པ། རྟག་ཏུ་ཕྱི་བཞིན་འབྲང་བའོ། །རྒྱལ་པོ་ཆེན་པོ་དག་དེ་ལ་འཇིགས་པ་ཆེན་པོ་གཅིག་པོ་དེའི་
གཉེན་པོ་ངས་འདིར་བརྗོད་པར་བྱའོ། །དེ་ནས་བཅོམ་ལྡན་འདས་ལ་རྒྱལ་པོ་ཆེན་པོ་བཞིས་འདི་སྐད་ཅེས་གསོལ་ཏོ། །བཅོམ་ལྡན་འདས་གང་གི་སླད་དུ་བཅོམ་ལྡན་འདས་ཀྱིས་སྲོག་རབ་ཏུ་སྩལ་བས། སྐྱེ་དགུ་རྗེས་སུ་བཟུང་བ་ནི་དེང་
བདག་ཅག་གིས་རྙེད་པ་ལེགས་པར་རྙེད་དོ། །དེ་ནས་བཅོམ་ལྡན་འདས་ཤར་ཕྱོགས་སུ་མངོན་དུ་ཕྱོགས་ཏེ་བཞུགས་ནས། སེ་གོལ་གྱི་སྒྲས་དེ་བཞིན་གཤེགས་པ་ཐམས་ཅད་ལ་བསྐུལ་ཏེ་འདི་སྐད་ཅེས། དེ་བཞིན་གཤེགས་པ་དགྲ་
བཅོམ་པ་ཡང་དག་པར་རྫོགས་པའི་སངས་རྒྱས་གང་སུ་དག་སེམས་ཅན་རྣམས་ལ་ཐུགས་བརྩེ་བའི་སླད་དུ་བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་བར་རྫོགས་པར་སངས་རྒྱས་པ་དེ་དག་བདག་གི་གྲོགས་མཛོད་ཅིག །
དེས་ན་བདག་འདིར་སངས་རྒྱས་ཐམས་ཅད་ཀྱི་བྱིན་གྱི་བརླབས་ཀྱིས་བྱིན་གྱིས་བརླབས་ནས་སེམས་ཅན་ཐམས་ཅད་ཀྱི་དུས་མ་ཡིན་པར་འཆི་བ་རབ་ཏུ་བཟློག་པར་བགྱིའོ། །སྔོན་མ་བསྐོར་བའི་ཆོས་ཀྱི་འཁོར་ལོ་གཉིས་པ་ཡང་བསྐོར་
བར་བགྱིའོ་ཞེས་གསུང་ངོ་། །དེ་བཞིན་དུ་ལྷོ་དང་ནུབ་དང་བྱང་དང་སྟེང་དང་འོག་གི་དེ་བཞིན་གཤེགས་པ་ཐམས་ཅད་ལ་བསྐུལ་ཏེ། འདི་སྐད་ཅེས། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་གང་སུ་དག་

106-1-75b

སེམས་ཅན་རྣམས་ལ་ཐུགས་བརྩེ་བའི་དོན་དུ་བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་བར་རྫོགས་པར་སངས་རྒྱས་པ་དེ་དག་བདག་གི་གྲོགས་མཛོད་ཅིག་ཅེས་གསུང་ངོ་། །དེ་བཞིན་དུ་ཕྱོགས་མཚམས་རྣམས་སུ་ཡང་འདི་སྐད་
ཅེས་གང་གི་ཕྱིར་འདི་དག་ཚེ་དང་སྟོབས་དང་ཁ་དོག་དང་ལྡན་པ་ཡོངས་སུ་འགྲུབ་ཅིང་དུས་མ་ཡིན་པར་འཆི་བའི་འཇིགས་པ་འབྱུང་བར་མི་འགྱུར་བར་སངས་རྒྱས་ཐམས་ཅད་བདག་གི་གྲོགས་མཛོད་ཅིག་ཅེས་གསུང་ངོ་། །དེ་ནས་ཕྱོགས་བཅུའི་
སའི་ཁམས་ཇི་སྙེད་སངས་རྒྱས་ཀྱི་སྤྱན་ལ་སྣང་བར་འགྱུར་བ་དེ་སྙེད་ཀྱི་འཇིག་རྟེན་གྱི་ཁམས་དག་སངས་རྒྱས་བཅོམ་ལྡན་འདས་ཀྱིས་ཏིལ་གྱི་གང་བུ་བཞིན་དུ་གང་སྟེ། དེ་དག་གིས་དེ་བཞིན་གཤེགས་པའི་གྲོགས་མཛད་པར་
ཞལ་གྱིས་བཞེས་ནས་དེ་བཞིན་གཤེགས་པ་དེ་དག་ཐམས་ཅད་འདི་སྐད་གསུང་ངོ་། །ཏདྱ་ཐཱ། ཙ་ལཱ་ཙ་ལཱ་ཙ་ལེ། བི་ན་ཏི། སྭ་སྟི་ཀེ། ཙཀྲ། ཨང་ག་ཏི། པྲ་ཤ་མན་ཏུ། སརྦ་རོ་ག །ཨ་ན་ཊེ། ཀུ་ན་ཊེ། མ་ཧཱ་ཀུ་ན་ཊེ། ཙ་རེ་ཙ་རེ་རེ། ཧེ་མ་གི་རི། 
ཧེ་མ་གཽ་རི། ཧེ་མ་ནི་ཤུན་ཏི། ཧེ་མ་སི་སི། ཀོ་འུར་བེ་ཀོ་འུར་བ་བེ། ཧེ་ཀུ་ར་རེ། ཀུ་ར་རེ། ཀུ་མ་ཏི། བི་ཥ་ས་མ་ཎེ། ཤི་ཥུ་བྷི། ཙ་ལེ་ཙ་ལེ། བི་ཙ་ལེ། མཱ་བི་ལམ་བ། ཧུ་མུ་ཧུ་མུ་སྭཱ་ཧཱ། གསང་བ་པའི་བདག་པོ་ཇི་སྙེད་པ་ཐམས་ཅད་ཀྱང་དེ་
བཞིན་གཤེགས་པ་ཐམས་ཅད་དང་ཉེ་བར་འདུག་ནས་དེ་དག་གིས་སྨྲས་པ། ཧཱུྃ་ཧཱུྃ། སི་སི་སྭཱ་ཧཱ། དེ་སྐད་ཅེས་བཀའ་སྩལ་པ་དང་དེ་བཞིན་གཤེགས་པ་ཐམས་ཅད་མི་སྣང་བར་གྱུར་ཏོ། །དེ་ནས་བཅོམ་ལྡན་འདས་ལ་རྒྱལ་པོ་ཆེན་པོ་
རྣམ་ཐོས་ཀྱི་བུས་འདི་སྐད་ཅེས་གསོལ་ཏོ། །བཅོམ་ལྡན་འདས་བདག་གིས་ཀྱང་དེ་བཞིན་གཤེགས་པའི་བྱིན་གྱི་བརླབས་ཀྱིས་བསྲུང་བར་བགྱིའོ། །དུས་མ་ལགས་པར་འགུམ་པ་ལས་བཟློག་པར་བགྱིའོ། །ཏདྱ་ཐཱ། ཤྭེ་ཏེ། 
ཤྭེ་ཏེ། ཤྭེ་ཏ། ལེ་ལི་ལི། འཕགས་སྐྱེས་པོས་ཀྱང་སྨྲས་པ། མཱ་ཏྃ་གེ་མཱ་ཏྃ་གེ། མཱ་ཏྃ་གི་ནི། ཤཱུ་མཱ་ཤཱུ་མུ། །ཡུལ་འཁོར་སྲུང་གིས་ཀྱང་སྨྲས་པ། ཙ་རེ་ཙ་རེ་རེ་སྭཱ་ཧཱ། མིག་མི་བཟང་གིས་ཀྱང་

106-1-76a

སྨྲས་པ། བ་ལིམ་བ་པ། བཅོམ་ལྡན་འདས་ཀྱིས་འདི་སྐད་ཅེས་བཀའ་སྩལ་ཏོ། །རྒྱལ་པོ་ཆེན་པོ་དག་གང་ལ་ལ་ཞིག་སངས་རྒྱས་ཐམས་ཅད་ཀྱིས་གཟིགས་པའི་རིག་སྔགས་འདི་ཉིན་རེ་ལ་ལན་རེ་འདོན་ན་རིགས་ཀྱི་བུའམ། 
རིགས་ཀྱི་བུ་མོ་དེ་ལ་སྟོན་པར་འདུ་ཤེས་བསྐྱེད་པར་བྱའོ། །རིགས་ཀྱི་བུའམ་རིགས་ཀྱི་བུ་མོ་དེ་ངན་སོང་གསུམ་དུ་འགྲོ་བར་མི་འགྱུར་རོ། །འདིས་སེམས་ཅན་ཐམས་ཅད་ཀྱི་སྲོག་ལ་ཕན་བཏགས་པར་འགྱུར་རོ། །གང་ཞིག་
སེམས་ཅན་ཐམས་ཅད་ཀྱི་དོན་དུ་ཉིན་གཅིག་བཞིན་དུ་ཚིག་ཏུ་འདོན་པ་དང་། གང་ཡང་འདི་ཀློག་པ་དེ་ལ་དུས་མ་ཡིན་པར་འཆི་བའི་འཇིགས་པ་མེད་དོ། །དེའི་ལུས་ལ་ནད་ངན་པ་འབྱུང་བར་མི་འགྱུར་རོ། །ཆུས་འཆི་བའི་
དུས་བྱེད་པར་མི་འགྱུར་རོ། །མེས་མ་ཡིན། མཚོན་གྱིས་མ་ཡིན། དུག་གིས་མ་ཡིན། ལྕེ་འབབ་པས་མ་ཡིན་ནོ། །གང་ན་རྒྱལ་བའི་བུ་དག་རིག་སྔགས་འདོན་པའི་ས་ཕྱོགས་དེ་སངས་རྒྱས་དང་། བྱང་ཆུབ་སེམས་དཔའ་
ཐམས་ཅད་ཀྱིས་དགོངས་པར་རིག་པར་བྱའོ། །ཡི་གེར་འདྲིའམ། ཡི་གེར་འདྲིར་འཇུག་པ་དེས་སངས་རྒྱས་བཅོམ་ལྡན་འདས་ལ་རིམ་གྲོར་བྱ་བ་ཐམས་ཅད་ཀྱིས་སྟི་སྟང་བྱས་པར་འགྱུར་རོ། །དེ་ཅིའི་ཕྱིར་ཞེ་ན། སེམས་ཅན་
རྣམས་ལ་རིམ་གྲོ་བྱེད་པ་ནི་སངས་རྒྱས་ལ་རིམ་གྲོ་བྱེད་པ་ཡིན་ནོ་ཞེས་དེ་བཞིན་གཤེགས་པ་རྣམས་གསུང་བའི་ཕྱིར་རོ། །སུ་ཞིག་གིས་འདི་བྲིས་ནས་ཡན་ལག་ལ་བཏགས་ན་དེའི་ཡན་ལགས་ཐམས་ཅད་བསྲུངས་པར་འགྱུར་རོ། །
བཅོམ་ལྡན་འདས་ཀྱིས་དེ་སྐད་ཅེས་བཀའ་སྩལ་ནས། རྒྱལ་པོ་ཆེན་པོ་བཞི་དང་། ཐམས་ཅད་དང་ལྡན་པའི་འཁོར་དེ་དང་། ལྷ་དང་མི་དང་ལྷ་མ་ཡིན་དང་དྲི་ཟར་བཅས་པའི་འཇིག་རྟེན་ཡི་རངས་ཏེ། བཅོམ་ལྡན་འདས་ཀྱིས་
གསུངས་པ་ལ་མངོན་བར་བསྟོད་དོ། །འཕགས་པ་སངས་རྒྱས་ཐམས་ཅད་ཀྱི་ཡན་ལག་དང་ལྡན་པ་ཞེས་བྱ་བའི་གཟུངས་རྫོགས་སོ།། །།རྒྱ་གར་གྱི་མཁན་པོ་ཛི་ན་མི་ཏྲ་དང་། དཱ་ན་ཤཱི་ལ་དང་། ཞུ་ཆེན་གྱི་ལོ་ཙྪ་བ་བན་དེ་

106-1-76b

ཡེ་ཤེས་སྡེས་བསྒྱུར་ཅིང་ཞུས་ཏེ། སྐད་གསར་ཆད་ཀྱིས་ཀྱང་བཅོས་ནས་གཏན་ལ་ཕབ་པ། སྐར་ཞུས། །༄༅།  །རྒྱ་གར་སྐད་དུ། ཨཱརྱ་ཙན་དན་ཨང་ག་ནཱ་མ་དྷཱ་ར་ཎཱི། བོད་སྐད་དུ། འཕགས་པ་ཙན་དན་གྱི་ཡན་ལག་ཅེས་བྱ་བའི་
གཟུངས། སངས་རྒྱས་དང་བྱང་ཆུབ་སེམས་དཔའ་ཐམས་ཅད་ལ་ཕྱག་འཚལ་ལོ། །འདི་སྐད་བདག་གིས་ཐོས་པ་དུས་གཅིག་ན། བཅོམ་ལྡན་འདས་རྒྱལ་པོའི་ཁབ་ན་དགེ་སློང་གི་དགེ་འདུན་ཆེན་པོ་དགེ་སློང་ཁྲི་ཉིས་སྟོང་ལྔ་བརྒྱ་
འི་དགེ་སློང་གི་དགེ་འདུན་ཆེན་པོ་དང་། བྱང་ཆུབ་སེམས་དཔའ་སེམས་དཔའ་ཆེན་པོ་རབ་ཏུ་མང་བ་དང་། གཞན་ཡང་ལྷ་ཁྱད་པར་ཅན་མང་པོ་དང་ཐབས་གཅིག་ཏུ་བཞུགས་ཏེ། དེ་ནས་བཅོམ་ལྡན་འདས་གདན་བཤམས་པ་
ལ་དེ་བཞིན་གཤེགས་པའི་ཆོ་འཕྲུལ་གྱིས་ལམ་མེ། ལྷན་ནེ། ལྷང་ངེར་བཞུགས་སོ། །དེ་ནས་བཅོམ་ལྡན་འདས་ཀྱིས་འཁོར་དེར་བྱང་ཆུབ་སེམས་དཔའ་སེམས་དཔའ་ཆེན་པོ་སྤྱན་རས་གཟིགས་དབང་ཕྱུག་དང་། ཟླ་འོད་གཞོན་
ནུར་གྱུར་པ་ལ་བཀའ་སྩལ་པ། རིགས་ཀྱི་བུ་འཇིག་རྟེན་གྱི་ཁམས་འདིའི་ཕ་རོལ་གྱི་ཡང་ཆེས་ཕ་རོལ་འཇིག་རྟེན་གྱི་ཁམས་བྱེ་བ་ཁྲག་ཁྲིག་འབུམ་ཕྲག་གང་གཱའི་ཀླུང་གྲངས་མེད་པའི་བྱེ་མ་སྙེད་འདས་པ་ན། ཙན་དན་གྱི་
དཔལ་ཞེས་བྱ་བའི་འཇིག་རྟེན་གྱི་ཁམས་ཡོད་དེ། དེ་ན་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཙན་དན་གྱི་ཡན་ལག་ཅེས་བྱ་བ་ད་ལྟར་ཡང་བཞུགས་ཏེ། འཚོ་ཞིང་གཞེས་ལ་ཆོས་ཀྱང་སྟོན་
ཏོ། །གང་འཇིག་རྟེན་གྱི་ཁམས་དེའི་སེམས་ཅན་དེ་དག་ཐམས་ཅད་ནི་ཕྱིར་མི་ལྡོག་པར་གྱུར་པ་ཤ་སྟག་སྟེ། བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཙན་དན་གྱི་ཡན་
ལག་དེས་སེམས་ཅན་ཐམས་ཅད་ཀྱི་དོན་གྱི་ཕྱིར་ཙན་དན་གྱི་ཡན་ལག་ཅེས་བྱ་བའི་གཟུངས་ཀྱི་རིག་པའི་གསང་སྔགས་ཀྱི་གཞི་གསུངས་པ་འདི་ཐོས་ནས་ཕྱིར་མི་ལྡོག་པ་དེ་དག་སྡིག་པ་དང་བྲལ་ཞིང་བྱང་ཆུབ་ཀྱི་སེམས་དང་

106-1-77a

མི་འབྲལ་ལོ། །བཅོམ་ལྡན་འདས་དེ་བཞིན་གཤེགས་པ་ཚེ་དཔག་མེད་དང་། དེ་བཞིན་གཤེགས་པ་མར་མེ་མཛད་དང་། དེ་བཞིན་གཤེགས་པ་རྣམ་པར་སྣང་མཛད་དང་། གཞན་ཡང་འདས་པའི་སངས་རྒྱས་
བཅོམ་ལྡན་འདས་རྣམས་ཀྱིས་ཀྱང་སྔོན་ཆད་གསུངས་ཏེ། ངས་ཀྱང་ཁྱེད་རྣམས་ལ་བཤད་ཀྱིས། སེམས་ཅན་ཐམས་ཅད་རྗེས་སུ་གཟུང་བའི་ཕྱིར་ལེགས་པར་རབ་ཏུ་ཉོན་ལ་ཡིད་ལ་ཟུང་ཤིག །ཕྱི་མའི་ཚེ་ཕྱི་མའི་དུས་ལྔ་བརྒྱ་པ་
ཐ་མ་ལ་དམ་པའི་ཆོས་རྣམ་པར་འཇིག་པའི་ཚེ། ཐམས་ཅད་ཆོས་དང་མི་ལྡན་པ། མཚམས་མེད་པ་བྱེད་པ་དང་དམ་པའི་ཆོས་ལ་སྨོད་པ་དང་། མཆོད་རྟེན་འདྲལ་བ། དགེ་འདུན་གྱི་རྫས་ལ་རྐུ་འཕྲོག་བྱེད་པ་དང་། དགེ་སྦྱོང་
མ་ཡིན་པར་དགེ་སྦྱོང་དུ་ཁས་འཆེ་བ། སློབ་དཔོན་དང་མཁན་པོ་སྤོང་བ་དག་འབྱུང་སྟེ། དེ་དག་རྗེས་སུ་གཟུང་བའི་ཕྱིར་ཙན་དན་གྱི་ཡན་ལག་གི་གཟུངས་ཀྱི་གསང་སྔགས་གཞི་སངས་རྒྱས་ཐམས་ཅད་ཀྱིས་བྱིན་གྱིས་བརླབས་
པ་འདི་བཤད་ཀྱིས། བྱང་ཆུབ་སེམས་དཔའ་རྣམས་ང་ལ་ཉོན་ཅིག །དེ་ནས་བྱང་ཆུབ་སེམས་དཔའ་སྤྱན་རས་གཟིགས་དབང་ཕྱུག་དང་། ཟླ་འོད་གཞོན་ནུར་གྱུར་པས་བཅོམ་ལྡན་འདས་ཀྱི་ཞབས་གཉིས་ལ་མགོ་བོས་
ཕྱག་འཚལ་ནས་བསྐུལ་བ། བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་དང་། གཞན་ཡང་སེམས་ཅན་བྱེ་བ་ཁྲག་ཁྲིག་ཕྲག་འབུམ་རྣམས་ལ་ཐུགས་བརྩེ་བ་དང་། སྡིག་པ་བྱང་བར་བགྱི་བའི་སླད་དུ་བཅོམ་
ལྡན་འདས་བཤད་དུ་གསོལ། བདེ་བར་གཤེགས་པ་བཤད་དུ་གསོལ། དེ་བཞིན་གཤེགས་པ་བཤད་དུ་གསོལ། བདག་ཅག་གིས་ཀྱང་གཟུངས་ཀྱི་གསང་སྔགས་གཞི་དེ་དག་གཟུང་བར་བགྱི་སྟེ། སེམས་ཅན་
ཐམས་ཅད་ཀྱི་དོན་དུ་རྒྱ་ཆེར་ཡང་དག་པར་བཤད་པར་བགྱིའོ། །སངས་རྒྱས་དང་བྱང་ཆུབ་སེམས་དཔའ་ཐམས་ཅད་ལ་ཕྱག་འཚལ་ལོ། །ཏདྱ་ཐཱ། ཙི་རཱ་ཏེ། མ་རཱི་ཙཱི་ཀི། དུར་ད་མེ། དུར་དན་ཏེ། དུར་རཱ་ནུ་པྲ་བིཥྚེ། 

106-1-77b

ཙན་ད་ནཱྃ་ག་ཛེ། ས་མན་ཏ་པ་རི་ཤོ་དྷ་ནི། བི་ཤུདྡྷ་ཤཱི་ལེ། ཙ་རིད་ཏྲ་པ་ཏི། ཨན་ཙེ་དྱ་པྲ་ཏི་བྷ་ནེ། སརྦ་བུདྡྷ་ཨ་དྷི་ཏེ། བྷ་ག་བ་ཏེ། པཱ་པཀྵ་ཡེ། ཨ་ཤཱ་མེ་པ་རི་པུ་རཱ་ཡ་སྭཱ་ཧཱ། རིགས་ཀྱི་བུ་ཕོ་དང་རིགས་ཀྱི་བུ་མོ་གང་ལ་ལ་ཞིག་
གཟུངས་ཆེན་པོའི་གསང་སྔགས་གཞི་འདི་དག་འཛིན་ཏམ། ཀློག་གམ་སྟོན་ཏམ། ཀུན་ཆུབ་པར་བྱེད་ན། དེ་ཚེ་འདི་ཉིད་ལ་མིག་རྣམ་པར་དག་པར་འགྱུར་རོ། །ཐོས་མ་ཐག་ཏུ་སྡིག་པ་ལས་རབ་ཏུ་གྲོལ་བར་འགྱུར། བྱང་ཆུབ་
སེམས་དཔའ་ཐམས་ཅད་ཀྱིས་བྱིན་གྱིས་བརླབས་པར་འགྱུར། དེ་བཞིན་གཤེགས་པའི་སྐུ་གཟུགས་ཀྱང་མཐོང་བར་འགྱུར། ཟླ་བ་ཕྱེད་ཀྱི་བར་དུ་བཟླས་པ་བྱས་ན་འཕགས་པ་སྤྱན་རས་གཟིགས་དབང་ཕྱུག་དང་། ཟླ་འོད་གཞོན་
ནུར་གྱུར་པ་མཐོང་བར་འགྱུར། མཚམས་མེད་པ་ལྔའི་སྡིག་བྱས་པ་ཡང་འབྱང་བར་འགྱུར། སྐྱེ་བ་དྲན་པར་འགྱུར། ཚེ་རྗེས་ནས་ཀྱང་ལྷ་རྣམས་ཀྱི་ནང་དུ་སྐྱེ་བར་འགྱུར། ཁྱིམ་བདག་ཆེན་པོ་སྐྱིད་པ་དག་གི་ནང་དུ་སྐྱེ་བར་འགྱུར། 
སྐྱེ་བོ་ཐམས་ཅད་དགའ་བར་འགྱུར་རོ། །འདི་ལྟར་ས་ཆེན་པོ་མ་ལུས་པ་འདི་ནི་གྲུམ་པར་འགྱུར་ཡང་སྲིད། རྒྱ་མཚོ་ནི་སྐམས་ཀྱང་སྲིད། དེ་བཞིན་དུ་རིའི་རྒྱལ་པོ་རི་རབ་ནི་འཇིག་པར་འགྱུར་ཡང་སྲིད། རླུང་ནི་ཞགས་པས་བཅིང་
དུ་རུང་ཡང་སྲིད། ཟླ་བ་དང་ཉི་མ་ནི་སའི་སྟེང་དུ་ལྷུང་ཡང་སྲིད། ནམ་མཁའ་ནི་ལག་པ་གཉིས་ཀྱིས་མནན་དུ་རུང་ཡང་སྲིད། མེ་ནི་ཆུར་འགྱུར་ཡང་སྲིད། འབྱུང་བ་ཆེན་པོ་བཞི་ནི་གཞན་དུ་འགྱུར་ཡང་སྲིད། སེམས་ཅན་ཐམས་
ཅད་ཀྱི་སེམས་གཅིག་ཏུ་འགྱུར་ཡང་སྲིད་ཀྱི། དེ་བཞིན་གཤེགས་པས་གསུངས་ཤིང་བྱིན་གྱིས་བརླབས་པ་ནི་གཞན་དུ་འགྱུར་མི་སྲིད་དེ། སུས་ཀྱང་བསྐྱོད་པའམ། བསྒུལ་བར་མི་ནུས་སོ། །འདི་ལ་ནི་བདུད་སྡིག་ཅན་གྱིས་གླགས་
རྙེད་པར་མི་འགྱུར་རོ། །དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་སྤྱན་རས་གཟིགས་དབང་ཕྱུག་གིས། བཅོམ་ལྡན་འདས་ལ་ཕྱག་འཚལ་ནས་འདི་སྐད་ཅེས་གསོལ་ཏོ། །བཅོམ་ལྡན་འདས་བདག་གིས་ཀྱང་གཟུངས་

106-1-78a

འདིའི་ཆོ་ག་བཤད་པར་བགྱིའོ། །ཆོས་ཀྱི་རྒྱལ་པོའི་མཆོད་རྟེན་རིང་བསྲེལ་དང་བཅས་པའམ། སངས་རྒྱས་ཀྱི་སྐུ་གཟུགས་ཀྱི་སྤྱན་སྔར་ཙན་དན་དཀར་པོའི་དཀྱིལ་འཁོར་བགྱིས་ཏེ། མེ་ཏོག་སིལ་མ་གཏོར་ལ་ཙན་
དན་གྱི་བདུག་པས་བདུགས་ཏེ། ཟླ་བ་ཚེས་ནས་བརྩམས་ནས་ཚེས་བཅྭ་ལྔའི་བར་དུ་དུས་གསུམ་དུ་ཁྲུས་བགྱི་ཞིང་གོས་ཀྱང་ལན་གསུམ་དུ་བརྗེས་ཏེ། ཁ་ཟས་སྲེག་བྱ་འཚལ་ཞིང་གསོ་སྦྱོང་དང་ལྡན་པ། སེམས་ཅན་
ཐམས་ཅད་ལ་སེམས་སྙོམས་པས་ཟླ་བ་ཉའི་ཉིན་བར་ཞག་གཅིག་སྨྱུང་བ་བགྱིས་ཏེ། རྩྭ་བམ་གྱི་སྟེང་ན་མཆིས་ཤིང་རྩྭ་བམ་བཏིང་བའི་སྟེང་དུ་ཉལ་ནས་སེམས་རྩེ་གཅིག་ཏུ་བཟླས་པ་བགྱིད་ཅིང་མེ་ཏོག་དྲི་ཞིམ་པོས་
ལན་བརྒྱ་སྟོང་དུ་གཏོར་ན་ས་གཡོ་བར་འགྱུར། བདག་ཉིད་ཀྱང་བཅོམ་ལྡན་འདས་དེ་བཞིན་གཤེགས་པ་འོད་དཔག་མེད་དང་། སྤྱན་རས་གཟིགས་དབང་ཕྱུག་མཐོང་བར་འགྱུར། གཟུངས་ཆེན་པོ་ཐོས་མ་ཐག་ཏུ་ཅི་འདོད་
པ་དེ་ཐོབ་པར་འགྱུར། ཐོས་པ་འཛིན་པར་ཡང་འགྱུར། ལས་ཀྱི་སྒྲིབ་པ་ཐམས་ཅད་ཀྱང་བྱང་བར་འགྱུར་རོ། །བཅོམ་ལྡན་འདས་ཀྱིས་དེ་སྐད་ཅེས་བཀའ་སྩལ་ནས། དགེ་སློང་དེ་དག་དང་བྱང་ཆུབ་སེམས་དཔའ་དེ་
དག་དང་། ཐམས་ཅད་དང་ལྡན་པའི་འཁོར་དེ་དང་། ལྷ་དང་མི་དང་ལྷ་མ་ཡིན་དང་དྲི་ཟར་བཅས་པའི་འཇིག་རྟེན་ཡི་རངས་ཏེ། བཅོམ་ལྡན་འདས་ཀྱིས་གསུངས་པ་ལ་མངོན་བར་བསྟོད་དོ། །འཕགས་པ་ཙན་དན་གྱི་ཡན་
ལག་ཅེས་བྱ་བའི་གཟུངས་རྫོགས་སོ།། །།རྒྱ་གར་གྱི་མཁན་པོ་ཛི་ན་མི་ཏྲ་དང་། དཱ་ན་ཤཱི་ལ་དང་། ཞུ་ཆེན་གྱི་ལོ་ཙྪ་བ་བན་དེ་ཡེ་ཤེས་སྡེས་བསྒྱུར་ཅིང་ཞུས་ཏེ་སྐད་གསར་ཆད་ཀྱིས་ཀྱང་བཅོས་ནས་གཏན་ལ་ཕབ་པ།།  སྐར།། 
 ༄༅། །རྒྱ་གར་སྐད་དུ། ཨཱརྱ་ཨ་གྲ་པྲ་དཱི་པ་དྷཱ་ར་ཎཱི་བི་དྱཱ་རཱ་ཛཱ། བོད་སྐད་དུ། འཕགས་པ་རིག་སྔགས་ཀྱི་རྒྱལ་པོ་སྒྲོན་མ་མཆོག་གི་གཟུངས། སངས་རྒྱས་དང་། བྱང་ཆུབ་སེམས་དཔའ་ཐམས་ཅད་ལ་ཕྱག་འཚལ་ལོ། །འདི་སྐད་

106-1-78b

བདག་གིས་ཐོས་པ་དུས་གཅིག་ན། བཅོམ་ལྡན་འདས་མཉན་ཡོད་ན་རྒྱལ་བུ་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་དགེ་སློང་སྟོང་ཉིས་བརྒྱ་ལྔ་བཅུའི་དགེ་སློང་གི་དགེ་འདུན་ཆེན་པོ་དང་། ལྷ་དང་
མི་འབུམ་ཕྲག་དུ་མ་དང་། བྱང་ཆུབ་སེམས་དཔའ་འབུམ་ཕྲག་དུ་མ་དང་ཐབས་གཅིག་ཏུ་བཞུགས་ཏེ། ཡོངས་སུ་བསྐོར་ཅིང་མདུན་གྱིས་བལྟས་ནས་ཆོས་སྟོན་ཏོ། །སངས་རྒྱས་ཀྱི་ཞིང་འདི་ནས་སངས་རྒྱས་ཀྱི་ཞིང་བྱེ་བ་བརྒྱ་ཕྲག་
སྟོང་འདས་པ་ན་འཇིག་རྟེན་གྱི་ཁམས་མེ་ཏོག་མཐའ་ཡས་ཤེས་བྱ་བ་དེ་ན་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་སྒྲོན་མ་མཆོག་ཅེས་བྱ་བ་ད་ལྟར་བཞུགས་ཏེ་འཚོ་ཞིང་གཞེས་ལ་ཆོས་ཀྱང་
སྟོན་པ་དེས་བྱང་ཆུབ་སེམས་དཔའ་འོད་ཆེན་པོ་དང་། འོད་དཔག་མེད་ཅེས་བྱ་བ་བྱང་ཆུབ་སེམས་དཔའ་གཉིས་འཇིག་རྟེན་གྱི་ཁམས་མི་མཇེད་འདིར་བཏང་ངོ་། །དེ་ནས་བྱང་ཆུབ་སེམས་དཔའ་དེ་གཉིས་རྒྱལ་བུ་རྒྱལ་བྱེད་ཀྱི་ཚལ་
མགོན་མེད་ཟས་སྦྱིན་གྱི་ཀུན་དགའ་ར་བ་ག་ལ་བ་དང་། བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཤཱཀྱ་ཐུབ་པ་ག་ལ་བ་དེར་སོང་སྟེ་ཕྱིན་ནས། བཅོམ་ལྡན་འདས་ཀྱི་ཞབས་ལ་
མགོ་བོས་ཕྱག་འཚལ་ཏེ། བཅོམ་ལྡན་འདས་ལ་ལན་གསུམ་བསྐོར་བ་བྱས་ནས་ཕྱོགས་གཅིག་ཏུ་འདུག་གོ། །ཕྱོགས་གཅིག་ཏུ་འདུག་ནས་བྱང་ཆུབ་སེམས་དཔའ་དེ་གཉིས་ཀྱིས་བཅོམ་ལྡན་འདས་ལ་འདི་སྐད་ཅེས་གསོལ་
ཏོ། །བཅོམ་ལྡན་འདས་སངས་རྒྱས་ཀྱི་ཞིང་བྱེ་བ་ཕྲག་འབུམ་འདས་པ་ན་འཇིག་རྟེན་གྱི་ཁམས་མེ་ཏོག་མཐའ་ཡས་ཞེས་བགྱི་བ་དེ་ན་བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་སྒྲོན་མ་
མཆོག་ཅེས་བགྱི་བ་ད་ལྟར་བཞུགས་ཏེ་འཚོ་ཞིང་གཞེས་ལ་ཆོས་ཀྱང་སྟོན་ཏོ། །བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་སྒྲོན་མའི་མཆོག་དེས་བདག་ཅག་གཉིས་འཇིག་

106-1-79a

རྟེན་གྱི་ཁམས་མི་མཇེད་འདིར་བཏང་སྟེ། བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་སྒྲོན་མའི་མཆོག་དེས་བཅོམ་ལྡན་འདས་ལ་གནོད་པ་ཆུང་ངམ། ཉམ་ང་བ་
ཉུང་ངམ། བསྐྱོད་པ་ཡང་ངམ། འཚོ་འམ། སྟོབས་དང་བདེ་བ་དང་ཁ་ན་མ་ཐོ་བ་མ་མཆིས་པ་ལ་རེག་པར་གནས་སམ་ཞེས་སྙུན་གསོལ་ལོ། །འདི་སྐད་ཅེས་ཀྱང་གསུང་ངོ་། །འདི་ན་མིའམ། མི་མ་ལགས་པའམ། འབྱུང་པོའམ། ཤ་
ཟའམ། གནོད་སྦྱིན་ནམ། སྲིན་པོའམ། གྲུལ་བུམ་འམ། གྲུལ་བུམ་གྱི་སྡེ་དཔོན་ནམ། རྒྱལ་པོའམ། བློན་པོ་ཆེན་པོའམ། ཆོམ་རྐུན་ནམ། སྦྲུལ་ལམ། སྲིན་བུའམ། སྲིན་བུ་ལུ་ཏའམ། སྦྲང་བུ་ལྕགས་ཕྱེའམ། ཉེ་བའི་ཉོན་
མོངས་པ་གང་ཡང་རུང་བ་དག་འཚེ་བར་བགྱིད་པ་འགའ་ཡང་མ་མཆིས་སམ་ཞེས་གསུང་ངོ་། །སེམས་ཅན་རྣམས་ཀྱི་དོན་དང་། སྨན་པ་དང་། བདེ་བ་དང་། མདངས་དང་ལྡན་པར་བགྱི་བ་དང་། གཟི་བརྗིད་དང་ལྡན་པར་བགྱི་བ་དང་། 
གྲགས་པ་དང་ལྡན་པར་བགྱི་བ་དང་། ཡོན་ཏན་དང་ལྡན་པར་བགྱི་བ་དང་། སྟོབས་དང་ལྡན་པར་བགྱི་བ་དང་། མདོག་དང་ལྡན་པར་བགྱི་བ་དང་། བསྲུང་བ་དང་། སྦ་བ་དང་། བསྐྱབ་པའི་སླད་དུ་བཅོམ་ལྡན་འདས་དེ་བཞིན་གཤེགས་པ་དགྲ་
བཅོམ་པ་ཡང་དག་པར་རྫོགས་པའི་སངས་རྒྱས་སྒྲོན་མའི་མཆོག་དེས་གཟུངས་ཀྱི་གསང་སྔགས་གཞི་འདི་དག་ཀྱང་བསྐུར་ཏེ། འདི་ལྟ་སྟེ། ཛྭ་ལེ་ཛྭ་ལེ། ཛྭ་ལེ་ག་ཏེ། ཧུག་ཀུ། མུག་ཀུ། སྃ་མ་ཏེ། མ་ཧཱ་སྃ་མ་ཏེ། མ་ཧཱ་ཛྭ་ལེ། ཛྭབ་
ལ་མེ། ས་ཧེ་ས་ཧེ། མ་ཧཱ་ཛྭ་ལེ། ཨུག་ཀེ་མུག་ཀེ། ཤ་མེ། སྃ་མ་ཏེ། མ་ཧཱ་སྃ་མ་ཏེ། མ་ཧཱ་ཤ་མེ་སྭཱ་ཧཱ། དེ་ནས་བཅོམ་ལྡན་འདས་ཀྱིས་ཚེ་དང་ལྡན་པ་ཀུན་དགའ་བོ་ལ་བཀའ་སྩལ་པ། ཀུན་དགའ་བོ་ཁྱོད་ཀྱིས་གསང་སྔགས་གཞི་འདི་དག་
ཟུང་ཤིག །ལོང་ཤིག་ཆོངས་ཤིག་ལྷོགས་ཤིག །ཀུན་ཆུབ་པར་གྱིས་ཤིག  །གཞན་དག་ལ་ཡང་རྒྱ་ཆེར་རབ་ཏུ་སྟོན་ཅིག །ཀུན་དགའ་བོ་སངས་རྒྱས་འབྱུང་བ་རྙེད་པར་དཀའོ། གཟུངས་ཀྱི་གསང་སྔགས་ཀྱི་གཞི་འདི་དག་རྙེད་པར་དཀའོ། །ཀུན་

106-1-79b

དགའ་བོ་གཟུངས་ཀྱི་གསང་སྔགས་གཞི་དག་འཛིན་པ་ཡང་ཤིན་ཏུ་རྙེད་པར་དཀའོ། །ཀུན་དགའ་བོ་རིགས་ཀྱི་བུའམ། རིགས་ཀྱི་བུ་མོ་གང་ལ་ལ་གཟུངས་ཀྱི་གསང་སྔགས་གཞི་འདི་དག་འཛིན་པ་དང་། ལེན་པ་དང་འཆང་བ་དང་ཀློག་པ་དང་ཀུན་
ཆུབ་པར་བྱེད་པ་དང་གཞན་དག་ལ་ཡང་རྒྱ་ཆེར་རབ་ཏུ་སྟོན་པ་དེ་ནི་ཚེ་རབས་བདུན་དུ་ཚེ་རབས་དྲན་པར་འགྱུར་རོ། །ཚེ་འདི་ཉིད་ལ་ཡང་སྔོན་གྱི་ལས་མ་གཏོགས་པར་གཞན་གྱི་གནོད་པ་ཐམས་ཅད་ལས་ཡང་དག་པར་འདའ་བ་དང་། འགྲོ་
བ་ཐམས་ཅད་དང་རྗེས་སུ་འཐུན་པར་འགྱུར་རོ། །ཀུན་དགའ་བོ་གཟུངས་ཀྱི་གསང་སྔགས་གཞི་འདི་དག་ནི་སངས་རྒྱས་བྱེ་བ་ཕྲག་བདུན་བཅུ་རྩ་བདུན་གྱིས་གསུངས་ཏེ། གང་གཟུངས་ཀྱི་གསང་སྔགས་གཞི་འདི་དག་ལས་འདའ་བར་
བྱེད་པ་དེ་ནི་དེ་དག་ཐམས་ཅད་ལ་འཁུས་པ་ཡིན་ནོ། །དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་མ་ཕམ་པ་སྟན་ལས་ལངས་ཏེ། བླ་གོས་ཕྲག་པ་གཅིག་ཏུ་གཟར་ནས་པུས་མོ་གཡས་པའི་ལྷ་ང་ས་ལ་བཙུགས་ཏེ། བཅོམ་
ལྡན་འདས་ག་ལ་བ་དེ་ལོགས་སུ་ཐལ་མོ་སྦྱར་བ་བཏུད་ནས། བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས་བདག་གིས་ཀྱང་སེམས་ཅན་རྣམས་ཀྱི་དོན་དང་། སྨན་པ་དང་བདེ་བ་དང་མདངས་དང་ལྡན་པར་བགྱི་བ་
བ་དང་།  གཟི་བརྗིད་དང་ལྡན་པར་བགྱི་བ་དང་། གྲགས་པ་དང་ལྡན་པར་བགྱི་བ་དང་། ཡོན་ཏན་དང་ལྡན་པར་བགྱི་བ་དང་། སྟོབས་དང་ལྡན་པར་བགྱི་བ་དང་། མདོག་དང་ལྡན་པར་བགྱི་བ་དང་། བསྲུང་བ་དང་སྦ་བ་དང་བསྐྱབ་པའི་སླད་དུ་
གཟུངས་ཀྱི་གསང་སྔགས་གཞི་འདི་རྣམས་བརྗོད་པར་བགྱིའོ། །འདི་ལྟ་སྟེ། ཨད་ཏེ། བད་ཏེ། ནད་ཏེ། ཀུ་ནད་ཏེ། པུ་ཀ་སི། ཀུ་པུ་ཀ་སེ། ཀ་སེ། ཨ་ན་ཀ་སེ། ནཱ་མ་ཀ་སེ། ཨ་ནུ་ཏ། པྲཱ་ནུ་ཏ། ཁ་ཛེ། མ་ཧཱ་ཁ་ཛེ། ས་ད་པ་ཕེ། ཏ་ཌ་
ཕེ། ཏུ་ཌ་ཕེ། ཧི་ལི་མི་ལི། ཏི་ལེ་སྭཱ་ཧཱ། དེ་ནས་བཅོམ་ལྡན་འདས་ཀྱིས་ཚེ་དང་ལྡན་པ་ཀུན་དགའ་བོ་ལ་བཀའ་སྩལ་པ།  ཀུན་དགའ་བོ་ཁྱོད་ཀྱིས་གཟུངས་ཀྱི་གསང་སྔགས་གཞི་འདི་དག་ཟུང་ཤིག  །ལོང་ཤིག་ཆོངས་ཤིག་ལྷོགས་ཤིག་

106-1-80a

ཀུན་ཆུབ་པར་གྱིས་ཤིག །གཞན་དག་ལ་ཡང་རྒྱ་ཆེར་ཡང་དག་པར་རབ་ཏུ་སྟོན་ཅིག །ཀུན་དགའ་བོ་སངས་རྒྱས་འབྱུང་བ་རྙེད་པར་དཀའ་འོ། །གཟུངས་ཀྱི་གསང་སྔགས་གཞི་འདི་དག་རྙེད་པར་དཀའོ། །ཀུན་དགའ་བོ་
གཟུངས་ཀྱི་གསང་སྔགས་གཞི་འདི་དག་འཛིན་པ་ཡང་ཤིན་དུ་རྙེད་པར་དཀའོ། །ཀུན་དགའ་བོ་རིགས་ཀྱི་བུའམ་རིགས་ཀྱི་བུ་མོ་གང་ལ་ལ་གཟུངས་ཀྱི་གསང་སྔགས་གཞི་འདི་དག་འཛིན་པ་དང་། ལེན་པ་དང་འཆང་བ་དང་ཀློག་པ་དང་
ཀུན་ཆུབ་པར་བྱེད་པ་དང་། གཞན་དག་ལ་ཡང་རྒྱ་ཆེར་རབ་ཏུ་སྟོན་པ་དེ་ནི་ཚེ་རབས་བཅུ་གཉིས་སུ་ཚེ་རབས་དྲན་པར་འགྱུར་རོ། །ཚེ་འདི་ཉིད་ལ་ཡང་སྔོན་གྱི་ལས་མ་གཏོགས་པར་གཞན་གྱི་གནོད་པ་ཐམས་ཅད་ལས་ཡང་དག་པར་འདའ་བ་དང་། 
འགྲོ་བ་ཐམས་ཅད་དང་རྗེས་སུ་འཐུན་པར་འགྱུར་རོ། །ཀུན་དགའ་བོ་གཟུངས་ཀྱི་གསང་སྔགས་གཞི་འདི་དག་ནི་སངས་རྒྱས་བྱེ་བ་ཕྲག་བརྒྱད་བཅུ་རྩ་གཉིས་ཀྱིས་གསུངས་ཏེ། གང་གཟུངས་ཀྱི་གསང་སྔགས་གཞི་འདི་དག་ལས་
འདའ་བར་བྱེད་པ་ནི་དེ་དག་ཐམས་ཅད་ལ་འཁུས་པ་ཡིན་ནོ། །དེ་ནས་འཇམ་དཔལ་གཞོན་ནུར་གྱུར་པ་སྟན་ལས་ལངས་ཏེ། བླ་གོས་ཕྲག་པ་གཅིག་ཏུ་གཟར་ནས་པུས་མོ་གཡས་པའི་ལྷ་ང་ས་ལ་བཙུགས་ཏེ། བཅོམ་ལྡན་འདས་
ག་ལ་བ་དེ་ལོགས་སུ་ཐལ་མོ་སྦྱར་བ་བཏུད་ནས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས་བདག་གིས་ཀྱང་སེམས་ཅན་རྣམས་ཀྱི་དོན་དང་། སྨན་པ་དང་བདེ་བ་དང་མདངས་དང་ལྡན་པར་བགྱི་བ་དང་། 
གཟི་བརྗིད་དང་ལྡན་པར་བགྱི་བ་དང་། གྲགས་པ་དང་ལྡན་པར་བགྱི་བ་དང་། ཡོན་ཏན་དང་ལྡན་པར་བགྱི་བ་དང་། སྟོབས་དང་ལྡན་པར་བགྱི་བ་དང་། མདོག་དང་ལྡན་པར་བགྱི་བ་དང་། བསྲུང་བ་དང་སྦ་བ་དང་བསྐྱབ་པའི་སླད་དུ་གཟུངས་
ཀྱི་གསང་སྔགས་གཞི་འདི་རྣམས་བརྗོད་པར་བགྱིའོ། །དེ་འདི་ལྟ་སྟེ། ཨ་ག་ཁེ། བ་ག་ཁེ། ན་ཛི་ཏེ། ནཱ་གཱ་ས་རེ། ན་ཧི་ལེ། ཛ་ཧི་ལེ། ཛ་ཧི་ལ་བ་ཏེ། ཙཎ་ཌཱི་ལ་བ་ཏེ་སྭཱ་ཧཱ། དེ་ནས་བཅོམ་ལྡན་འདས་ཀྱིས་ཚེ་དང་ལྔན་བ་ཀུན་

106-1-80b

དགའ་བོ་ལ་བཀའ་སྩལ་པ། ཀུན་དགའ་བོ་ཁྱོད་གཟུངས་ཀྱི་གསང་སྔགས་གཞི་འདི་དག་ཟུང་ཤིག །ལོང་ཤིག །ཆོངས་ཤིག །ལྷོགས་ཤིག །ཀུན་ཆུབ་པར་གྱིས་ཤིག །གཞན་དག་ལ་ཡང་རྒྱ་ཆེར་རབ་ཏུ་སྟོན་ཅིག །ཀུན་དགའ་བོ་
སངས་རྒྱས་འབྱུང་བ་རྙེད་པར་དཀའོ། །གཟུངས་ཀྱི་གསང་སྔགས་གཞི་འདི་དག་རྙཻད་པར་དཀའོ། །ཀུན་དགའ་བོ་གཟུངས་ཀྱི་གསང་སྔགས་གཞི་འདི་དག་འཛིན་པ་ཡང་ཤིན་དུ་རྙེད་པར་དཀའོ། །ཀུན་དགའ་བོ་རིགས་ཀྱི་བུའམ། རིགས་
ཀྱི་བུ་མོ་གང་ལ་ལ་གཟུངས་ཀྱི་གསང་སྔགས་གཞི་འདི་དག་འཛིན་པ་དང་། ལེན་པ་དང་འཆང་བ་དང་ཀློག་པ་དང་། ཀུན་ཆུབ་པར་བྱེད་པ་དང་། གཞན་དག་ལ་ཡང་རྒྱ་ཆེར་རབ་ཏུ་སྟོན་པ་དེ་ནི་ཚེ་རབས་བཅུ་གསུམ་དུ་ཚེ་རབས་དྲན་པར་འགྱུར་རོ། །
ཚེ་འདི་ཉིད་ལ་ཡང་སྔོན་གྱི་ལས་མ་གཏོགས་པ་གཞན་གྱི་གནོད་པ་ཐམས་ཅད་ལས་ཡང་དག་པར་འདའ་བ་དང་། འགྲོ་བ་ཐམས་ཅད་དང་རྗེས་སུ་འཐུན་པར་འགྱུར་རོ། །ཀུན་དགའ་བོ་གཟུངས་ཀྱི་གསང་སྔགས་ཀྱི་གཞི་འདི་དག་ནི་
སངས་རྒྱས་བྱེ་བ་ཕྲག་བརྒྱད་བཅུ་རྩ་གཉིས་ཀྱིས་གསུངས་ཏེ། གང་གཟུངས་ཀྱི་གསང་སྔགས་གཞི་འདི་དག་ལས་འདའ་བར་བྱེད་པ་དེ་ནི་དེ་དག་ཐམས་ཅད་ལ་འཁུས་པ་ཡིན་ནོ། །དེ་ནས་བཅོམ་ལྡན་འདས་ཀྱིས་དགེ་སློང་རྣམས་ལ་
བཀའ་སྩལ་པ། དགེ་སློང་དག་ངས་ཀྱང་སེམས་ཅན་རྣམས་ཀྱི་དོན་དང་ཕན་པ་དང་བདེ་བ་དང་མདངས་དང་ལྡན་པར་བྱ་བ་དང་། གཟི་བརྗིད་དང་ལྡན་བར་བྱ་བ་དང་། གྲགས་བ་དང་ལྡན་བར་བྱ་བ་དང་། ཡོན་ཏན་དང་ལྡན་བར་
བྱ་བ་དང་། སྟོབས་དང་ལྡན་བར་བྱ་བ་དང་། མདོག་དང་ལྡན་བར་བྱ་བ་དང་། བསྲུང་བ་དང་སྦ་བ་དང་བསྐྱབ་པའི་ཕྱིར་གཟུངས་ཀྱི་གསང་སྔགས་གཞི་རྣམས་བཤད་དོ། །འདི་ལྟ་སྟེ།  ཨད་ཏེ། བ་ད་ཊེ། ན་ད་ཊེ། ཀུ་ནད་ཊེ། ཊ་ཀེ་
ཨེ་ཊ་ཀེ། ཏ་ཏ་བེ། ཏུ་ཊ་བེེ། ར་ཊ་ཀེ། ལོ་ལེ། ཧུ་ལེ། ཧི་ལེ། མི་ལེ། ཏི་ལེ། ཤཱི་ལེ། ཤཱི་ལ། ཨ་ཌྷེ། བ་ཌྷེ། ན་ཌྷེ། ཀུ་ན་ཌྷེ། ཨ་ཌ་བ་ཧཱི། བཎ་བ་ཏཱི། ཀ་སེ་ཀ་སེ་ཀ་སེ། ཕ་སེ་ཕ་སེ་ཕ་སེ། མ་ཧཱ་ཕ་སེ་

106-1-81a

ཕ་སེ་སྭཱ་ཧཱ། དེ་ནས་བཅོམ་ལྡན་འདས་ཀྱིས་ཚེ་དང་ལྡན་པ་ཀུན་དགའ་བོ་ལ་བཀའ་སྩལ་པ། ཀུན་དགའ་བོ་ཁྱོད་ཀྱིས་གཟུངས་ཀྱི་གསང་སྔགས་གཞི་འདི་དག་ཟུང་ཤིག །ལོང་ཤིག །ཆོངས་ཤིག །ལྷོགས་ཤིག །ཀུན་ཆུབ་
པར་གྱིས་ཤིག །གཞན་དག་ལ་ཡང་རྒྱ་ཆེར་རབ་ཏུ་སྟོན་ཅིག །ཀུན་དགའ་བོ་སངས་རྒྱས་འབྱུང་བ་རྙེད་པར་དཀའོ། །གཟུངས་ཀྱི་གསང་སྔགས་གཞི་འདི་དག་རྙེད་པར་དཀའོ། །ཀུན་དགའ་བོ་གཟུངས་ཀྱི་གསང་སྔགས་འདི་དག་
སྟོན་པ་ཡང་ཤིན་དུ་རྙེད་པར་དཀའོ། །ཀུན་དགའ་བོ་རིགས་ཀྱི་བུ་འམ། རིགས་ཀྱི་བུ་མོ་གང་ལ་ལ་གཟུངས་ཀྱི་གསང་སྔགས་གཞི་འདི་དག་འཛིན་པ་དང་ལེན་པ་དང་འཆང་བ་དང་ཀློག་པ་དང་ཀུན་ཆུབ་པར་བྱེད་པ་དང་། གཞན་དག་
ལ་ཡང་རྒྱ་ཆེར་རབ་ཏུ་སྟོན་པ་དེ་ནི་ཚེ་རབས་བཅུ་བཞིར་ཚེ་རབས་དྲན་པར་འགྱུར་རོ། །ཚེ་འདི་ཉིད་ལ་ཡང་སྔོན་གྱི་ལས་མ་གཏོགས་པར་གཞན་གྱི་གནོད་པ་ཐམས་ཅད་ལས་འདའ་བ་དང་། འགྲོ་བ་ཐམས་ཅད་དང་རྗེས་སུ་འཐུན་པར་
འགྱུར་རོ། །ཀུན་དགའ་བོ་གཟུངས་ཀྱི་གསང་སྔགས་གཞི་འདི་དག་ནི་སངས་རྒྱས་བྱེ་བ་ཕྲག་བརྒྱད་བཅུ་རྩ་བཞིས་གསུངས་ཏེ། གང་གཟུངས་ཀྱི་གསང་སྔགས་གཞི་འདི་དག་ལས་འདའ་བར་བྱེད་པ་དེ་ནི་དེ་དག་ཐམས་ཅད་ལ་འཁུས་པ་
ཡིན་ནོ། །རིགས་ཀྱི་བུ་འམ་རིགས་ཀྱི་བུ་མོ་གང་ལ་ལ་དག་གིས་གཟུངས་ཀྱི་གསང་སྔགས་གཞི་འདི་དག་ཤིང་སྐམ་པོ་གཤེར་བག་མེད་པ་ལ་བསྲུང་བ་བྱས་ཏེ། ཡོངས་སུ་བསྐྱབས་པ་དང་ཡོངས་སུ་གཟུང་བ་དང་བཅིང་བ་
དང་ཞི་བ་དང་། བདེ་ལེགས་སུ་འགྱུར་བ་བྱས་ན་ཤིང་དེ་ལས་ལྕུ་གུ་དང་། ལོ་མ་དག་ཀྱང་སྐྱེ་བར་འགྱུར་ཏེ། མེ་ཏོག་དང་འབྲས་བུ་རྣམས་ཀྱང་མངོན་བར་འགྲུབ་བར་འགྱུར་ན། མིར་གྱུར་པ་ལྟ་ཅི་སྨོས། ནམཿ་སརྦ་བུ་བྷྱ། 
སིད་དྷྱན་ཏུ་དྷཱ་ར་ཎཱི། མན་ཏྲ་པཱ་ད་ནི་སྭཱ་ཧཱ། དེ་ནས་བཅོམ་ལྡན་འདས་ཀྱིས་ཡང་དགེ་སློང་རྣམས་ལ་བཀའ་སྩལ་བ། དགེ་སློང་དག་སེམས་ཅན་རྣམས་ཀྱི་དོན་དང་། ཕན་བ་དང་བདེ་བ་དང་མ་དངས་དང་ལྡན་བར་

106-1-81b

བྱ་བ་དང་། གཟི་བརྗིད་དང་ལྡན་བར་བྱ་བ་དང་། གྲགས་པ་དང་ལྡན་བར་བྱ་བ་དང་། ཡོན་ཏན་དང་ལྡན་བར་བྱ་བ་དང་། སྟོབས་དང་ལྡན་བར་བྱ་བ་དང་། མདོག་དང་ལྡན་བར་བྱ་བ་དང་། བསྲུང་བ་དང་སྦ་བ་དང་བསྐྱབ་པའི་
ཕྱིར་གཟུངས་ཀྱི་གསང་སྔགས་གཞི་གཞན་དག་ཀྱང་བཤད་བར་བྱའོ། འདི་ལྟ་སྟེ། ཨད་ཏེ། མད་ཏེ། པ་ཀེ། པཱ་ར་ཀེ། པེ་ཀེ་ཌཱ། དྲ་མ་ཏི། ཊུ་མ་ཊི། ཊུ་ཌ་མ་ཊི། ཊུ་ཌ་ཊུ་རེ། སུ་རེ། ཧི་ལེ། མུ་ལེ། ཏི་ལེ་སྭཱ་ཧཱ། །དེ་ནས་
བཅོམ་ལྔན་འདས་ཀྱིས་ཚེ་དང་ལྔན་བ་ཀུན་དགའ་བོ་ལ་བཀའ་སྩལ་བ། །ཀུན་དགའ་བོ་ཁྱོད་ཀྱིས་གཟུངས་ཀྱི་གསང་སྔགས་གཞི་འདི་དག་ཟུང་ཤིག །ལོང་ཤིག །ཆོངས་ཤིག །ལྷོགས་ཤིག །ཀུན་ཆུབ་པར་གྱིས་ཤིག །
གཞན་དག་ལ་ཡང་རྒྱ་ཆེར་རབ་ཏུ་སྟོན་ཅིག །ཀུན་དགའ་བོ་སངས་རྒྱས་འབྱུང་བ་རྙེད་པར་དཀའོ། །གཟུངས་ཀྱི་གསང་སྔགས་གཞི་འདི་དག་རྙེད་པར་དཀའོ། །ཀུན་དགའ་བོ་གཟུངས་ཀྱི་གསང་སྔགས་གཞི་འདི་དག་འཛིན་
པ་ཡང་ཤིན་དུ་རྙེད་པར་དཀའོ། །ཀུན་དགའ་བོ་རིགས་ཀྱི་བུ་འམ་རིགས་ཀྱི་བུ་མོ་གང་ལ་ལ་གཟུངས་ཀྱི་གསང་སྔགས་གཞི་འདི་དག་འཛིན་བ་དང་། ལེན་པ་དང་། འཆང་བ་དང་། ཀློག་པ་དང་། ཀུན་ཆུབ་པར་བྱེད་པ་དང་། གཞན་དག་ལ་
ཡང་རྒྱ་ཆེར་རབ་ཏུ་སྟོན་བ་དེ་ནི་ཚེར་བས་ཉི་ཤུ་རྩ་གཅིག་ཏུ་ཚེར་བས་དྲན་བར་འགྱུར་རོ། །ཚེ་འདེ་ཉིད་ལ་ཡང་སྔོན་གྱི་ལས་མ་གཏོགས་པར་གཞན་གྱི་གནོད་པ་ཐམས་ཅད་ལས་འདའ་བ་དང་། འགྲོ་བ་ཐམས་ཅད་དང་རྗེས་སུ་འཐུན་
བར་འགྱུར་རོ། །གང་ལ་ལ་ཞིག་ལ་བསྲུང་བ་བྱས་ན་དེ་ལ་ཡང་འབྱུང་པོ་ཐམས་ཅད་ཀྱིས་མི་ཚུགས་སོ། །ལྷ་དང་ཀླུ་དང་གནོད་སྤྱིན་དང་དྲི་ཟ་དང་ལྷ་མ་ཡིན་དང་ནམ་མཁའ་ལྡིང་དང་མི་འམ་ཅི་དང་ལྟོ་འཕྱེ་ཆེན་པོ་དང་། མི་དང་མི་མ་ཡིན་བ་
ཐམས་ཅད་ཀྱིས་མི་ཚུགས་སོ། །སྦྲུལ་དང་སྲིན་བུ་དང་སྲིན་བུ་ལུ་ཏ་དང་། སྤྲང་བུ་ལྕགས་ཕྱེ་ཐམས་ཅད་ཀྱིས་མི་ཚུགས་སོ། །རིམས་རླུང་དང་མཁྲིས་པ་དང་བད་ཀན་དང་འདུས་པ་དང་། དུས་ཚིགས་འགྱུར་བ་ལས་བྱུང་བ་ཐམས་ཅང་ཀྱིས་མི་

106-1-82a

ཚུགས་སོ། །ཞག་གཅིག་པ་འམ། ཞག་གཉིས་པ་འམ། ཞག་གསུམ་པ་འམ། ཞག་བཞི་པ་འམ། ཞག་བདུན་པ་འམ། ཟླ་བ་ཕྱེད་པ་འམ། ཟླ་བ་གཅིག་པ་འམ། ལོ་གཅིག་པ་འམ། ནད་རྒྱུན་རིངས་སམ། སྐད་ཅིག་
པ་རྣམས་ཀྱིས་མི་ཚུགས་སོ། །འབྲས་སམ། ཕོལ་མིག་གམ། རྐང་ཤུ་འམ། ལྷོག་པ་འམ། མེ་དབལ་ལམ། ཤུ་བ་འམ། ཁྱི་རྔོ་འམ། གཡན་པ་འམ། མཛེ་ཐམས་ཅད་དམ། གློག་པ་ཐམས་ཅད་དམ། གཤེད་བྱེད་ཐམས་
ཅད་དམ། སྒྱུར་བའི་ལས་ཐམས་ཅད་དམ། བྱད་ཐམས་ཅད་དང་། རོ་ལངས་ཐམས་ཅད་ཀྱིས་ཀྱང་མི་ཚུགས་སོ། །ཀུན་དགའ་བོ་གཟུངས་ཀྱི་གསང་སྔགས་གཞི་འདི་དག་ནི་སངས་རྒྱས་བྱེ་བ་ཕྲག་དགུ་བཅུ་རྩ་དགུས་གསུངས་ཏེ། 
གང་གཟུངས་ཀྱི་གསང་སྔགས་གཞི་འདི་དག་ལས་འདའ་བར་བྱེད་པ་དེ་ནི་དེ་དག་ཐམས་ཅད་ལ་འཁུས་པ་ཡིན་ནོ། །ཀུན་དགའ་བོ་གཟུངས་ཀྱི་གསང་སྔགས་གཞི་འདི་དག་ནི་རྒྱལ་པོའི་ཕོ་བྲང་ན་འདུག་ན་ཡང་ཡིད་ལ་བྱའོ། །ཆོམ་རྐུན་
གྱི་ནང་ན་འདུག་ན་ཡང་ཡིད་ལ་བྱའོ། །སྲིན་པོའི་ནང་ན་འདུག་ན་ཡང་ཡིད་ལ་བྱའོ། །གཅན་ཟན་ཁྲོ་བོའི་ནང་ན་འདུག་ན་ཡང་ཡིད་ལ་བྱའོ། །འབྲོག་དགོན་པའི་ནང་ན་འདུག་ན་ཡང་ཡིད་ལ་བྱའོ། །ཀླུང་དང་བགྲོད་དཀའ་བ་ན་འདུག་ན་
ཡང་ཡིད་ལ་བྱའོ། །མེའི་ནང་ན་འདུག་ན་ཡང་ཡིད་ལ་བྱའོ། །ཆུའི་ནང་ན་འདུག་ན་ཡང་ཡིད་ལ་བྱའོ། །དེ་ཡིད་ལ་བྱས་པ་དེ་རྣམས་ལས་འཇིགས་པ་དེ་དག་ཐམས་ཅད་མི་འབྱུང་ངོ་། །དེས་དུག་ཟོས་པ་ཐམས་ཅད་ཀྱང་ཁ་ཟས་ཉིད་
དུ་འགྱུར་རོ། །ཀུན་དགའ་བོ་གཟུངས་ཀྱི་གསང་སྔགས་གཞི་འདི་དག་འཛིན་པ་ནི་འབྱུང་པོ་ཐམས་ཅད་ཀྱིས་མི་ཚུགས་སོ། །ཡི་དགས་ཐམས་ཅད་དང་། སྲུལ་པོ་ཐམས་ཅད་དང་། གཤེད་བྱེད་ཐམས་ཅད་དང་། སྒྱུར་བའི་ལས་
ཐམས་ཅད་དང་། བྱད་ཐམས་ཅད་དང་། མི་དང་མི་མ་ཡིན་པ་ཐམས་ཅད་ཀྱིས་མི་ཚུགས་ཏེ། ཀུན་དགའ་བོ་མདོར་ན་དེ་ལ་གཞན་གྱི་གནོད་པ་ཐམས་ཅད་ཀྱིས་མི་ཚུགས་སོ། །ཀུན་དགའ་བོ་གསད་པའི་རིགས་པ་ནི་ཆད་པས་

106-1-82b

བྲལ་བར་འགྱུར་རོ། །ཆད་པས་གཅད་པའི་རིགས་པ་ནི་བརྡེགས་པས། བརྡེགས་པའི་རིགས་པ་ནི་བརྒྱད་པས། བརྒྱད་པའི་རིགས་པ་ནི་བསྡིགས་པས། བསྡིགས་པའི་རིགས་པ་ནི་མིག་ཚུགས་སུ་བལྟས་པས་ཐར་བར་འགྱུར་རོ། །
ཀུན་དགའ་བོ་གཟུངས་ཀྱི་གསང་སྔགས་གཞི་འདི་དག་གིས་གང་ལ་བསྲུང་བ་བྱས་པ་འམ། ཡོངས་སུ་བསྐྱབ་པ་བྱས་པ་འམ། ཡོངས་སུ་བཟུང་བ་འམ། བཅིངས་པ་འམ། ཞི་བ་དང་བདེ་ལེགས་སུ་འགྱུར་བ་བྱས་པ་གཞན་དུ་
འགྱུར་བ་དེ་ནི་གནས་མེད་དེ། ལྷ་དང་བཅས། བདུད་དང་བཅས། ཚངས་པ་དང་བཅས་པའི་འཇིག་རྟེན་དང་། དགེ་སྦྱོང་དང་བྲམ་ཟེར་བཅས་པའི་སྐྱེ་དགུ་དང་ལྷ་དང་མི་དང་ལྷ་མ་ཡིན་གྱི་ནང་ན་ཡང་ངས་མ་མཐོང་ངོ་། །དེ་ཅིའི་ཕྱིར་ཞེ་ན། 
གཟུངས་ཀྱི་གསང་སྔགས་གཞི་འདི་དག་ནི་གནོད་པ་དང་། ནད་འགོ་བ་དང་འཁྲུག་པ་ཐམས་ཅད་ལས་ངེས་པར་འབྱུང་བར་བྱིན་གྱིས་བརླབས་པའི་ཕྱིར་རོ། །དེ་ནས་ཆོས་ཀྱི་རྣམ་གྲངས་འདི་རྫོགས་པའི་རྗེས་ལ་རྒྱལ་པོ་ཆེན་པོ་བཞིས་
བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས་བདག་ཅག་གིས་ཀྱང་ཆོས་ཀྱི་རྣམ་གྲངས་འདི་རྒྱ་ཆེར་རྒྱས་པར་བགྱི་བ་དང་། ཆོས་སྨྲ་བ་དེ་དག་རྗེས་སུ་ཡོངས་སུ་གཟུང་བ་དང་། དམ་པའི་ཆོས་ཅི་ནས་ཀྱང་
ཡུན་རིང་དུ་གནས་པ་དང་། བདུད་ཐམས་ཅད་ཚར་གཅད་པའི་སླད་དུ་གཟུངས་ཀྱི་གསང་སྔགས་གཞི་འདི་རྣམས་རྗེས་སུ་སྩལ་བར་འཚལ་ན། བཅོམ་ལྡན་འདས་ཀྱིས་དེ་ལ་ལེགས་སོ་ཞེས་བགྱི་བ་གནང་བར་མཛད་དུ་གསོལ། དེ་ནས་
བཅོམ་ལྡན་འདས་ཀྱིས་རྒྱལ་པོ་ཆེན་པོ་བཞི་ལ་ཐུགས་བརྩེ་བའི་ཕྱིར་ཅང་མི་གསུང་བར་གྱུར་པས་གནང་སྟེ། རྒྱལ་པོ་ཆེན་པོ་བཞི་པོ་དེ་དག་གིས་ཀྱང་བཅོམ་ལྡན་འདས་ཀྱིས་ཅང་མི་གསུང་བར་གྱུར་པས་གནང་བར་རིག་ནས་ཆེད་དུ་བརྗོད་
པ་ཆེད་དུ་བརྗོད་དོ། །དེ་ནི་འདི་ལྟ་སྟེ། ད་ནད་ཌེ། དེ་ནད་ཌེ། མ་ཧཱ་ནད་ཌེ། ཛམ་བྷ་ནེ། སྟམ་བྷ་ནེ། ཊ་ཊེ། ཊ་ཊ་ནེ། མ་ཧཱ་ཊ་ཊ་ནེ། ཀུད་ཊེ། ཀུཊྚ་ནེ། མ་ཧཱ་ཀུཊྚ་ནེ། དྷརྨ་ལེ། ཙརྨ་ལེ། སྭཱ་ཧཱ། བཅོམ་ལྡན་འདས་འདི་དག་ནི་གཟུངས་འདིའི་འཁོར་

106-1-83a

གྱི་ཚིག་ལྟ་བུར་གདའ་བ་ལགས་ཏེ། རིགས་ཀྱི་བུ་འམ་རིགས་ཀྱི་བུ་མོ་གང་ལ་ལ་གཟུངས་སྔགས་གཞི་འདི་དག་འཛིན་པ་དང་། བཟླས་ཏེ་བཏོན་ནས་འཆང་བ་དེ་ནི་སྔོན་གྱི་ལས་མ་གཏོགས་པར་གཞན་གྱི་གནོད་པ་ཐམས་ཅད་
ལས་འདའ་བ་དང་། འགྲོ་བ་ཐམས་ཅད་དང་རྗེས་སུ་འཐུན་པར་འགྱུར་རོ། །དེ་ལ་ནི་དམ་པའི་ཆོས་ཐམས་ཅད་ཡོངས་སུ་གཟུང་བ་ལ་ཡང་བར་ཆད་འབྱུང་བར་མི་འགྱུར་ལགས་སོ། །དེ་ནས་བཅོམ་ལྡན་འདས་ཀྱིས་རྒྱལ་པོ་ཆེན་པོ་
བཞི་པོ་དག་ལ་གྲོགས་པོ་དག་ཁྱེད་བསྟན་པ་ཡུན་རིང་དུ་གནས་པར་བྱ་བའི་ཕྱིར་ཞུགས་པ་ལེགས་སོ་ལེགས་སོ་ཞེས་བྱ་བ་བྱིན་ནོ། །དེ་ནས་བཅོམ་ལྡན་འདས་ཀྱིས་ཚེ་དང་ལྡན་པ་ཀུན་དགའ་བོ་ལ་བཀའ་སྩལ་པ། ཀུན་དགའ་བོ་ཁྱོད་
ཀྱིས་དེ་དག་རྫུ་འཕྲུལ་ཆེ་བར་འགྱུར་བ་དང་། ཕན་ཡོན་ཆེ་བ་དང་བྱིན་ཆེ་བར་འགྱུར་བའི་ཕྱིར་གཟུངས་ཀྱི་ཆོས་ཀྱི་རྣམ་གྲངས་འདི་ཟུང་ཤིག །ལོང་ཤིག །ཆོངས་ཤིག །ལྷོགས་ཤིག །ཀུན་ཆུབ་པར་གྱིས་ཤིག །གཞན་དག་ལ་ཡང་རྒྱ་
ཆེར་རབ་ཏུ་སྟོན་ཅིག །གསོལ་པ། བཅོམ་ལྡན་འདས་རྒྱས་པར་བགྱི་བའི་སླད་དུ་བདག་གིས་གཟུང་ལགས་སོ། །དེ་ནས་བཅོམ་ལྡན་འདས་ཀྱིས་དོན་འདི་ཉིད་རྒྱས་པར་བསྟན་པའི་ཕྱིར་དེའི་ཚེ་ཚིགས་སུ་བཅད་པ་འདི་དག་བཀའ་
སྩལ་ཏོ། །གཟུངས་སྔགས་གྱི་ནི་མདོ་སྡེ་འདི། །སངས་རྒྱས་ཀུན་གྱིས་གསུངས་པ་སྟེ། །སེམས་ཅན་རྣམས་ལ་ཕན་པའི་ཕྱིར། །དེ་ནི་ངས་ཀྱང་བཤད་པ་ཡིན། །གང་ཞིག་གཟུངས་སྔགས་མདོ་སྡེ་འདི། །འཛིན་ཏམ་ཡང་
ན་ཀློག་བྱེད་པ། །ཚེ་རབས་ཉི་ཤུ་རྩ་གཅིག་ཏུ། །དེ་ནི་ཚེ་རབས་དྲན་པར་འགྱུར། །གཟུངས་སྔགས་འདི་རྗོད་བྱེད་དེ་ལ། །མི་མིན་གང་ཡང་རུང་བ་དང་། །གནོད་སྦྱིན་གྲུལ་བུམ་སྲིན་པོ་དག །ནམས་ཀྱང་བར་ཆད་མི་བྱེད་དོ། །
གཟུངས་སྔགས་འདི་རྗོད་བྱེད་དེ་ལ། །འདོད་ཁམས་དབང་ཕྱུག་གང་ཡིན་པ། །སྡིག་ཅན་བདུད་དེ་ནམ་དུ་ཡང་། །བར་ཆད་བྱེད་པར་མི་འགྱུར་རོ། །གཟུངས་སྔགས་འདི་འཛིན་བྱེད་དེ་ཡི། །ཕ་མ་དང་ནི་ཕུ་ནུ་དང་། །སྲིང་མོ་མཛའ་བཤེས་

106-1-83b

གཉེན་དག་ཀྱང་། །ལོག་པར་ལྟུང་བར་མི་འགྱུར་རོ། །དེ་ཕྱིར་གཟུངས་སྔགས་མདོ་སྡེ་འདི། །འཇིགས་མེད་གང་གིས་ཐོས་གྱུར་ནས། །གཟུངས་སྔགས་འདི་རྗོད་བྱེད་པ་དེས། །ནམས་ཀྱང་འཇིགས་པར་མི་བྱའོ། །གཟུངས་
སྔགས་འདི་འཛིན་བྱེད་དེ་ཡིས། །བསྐལ་པ་བྱེ་བ་སྟོང་རྣམས་སུ། །སྒྲིབ་པའི་ལས་ནི་གང་བྱས་པ། །ཞག་བདུན་གྱིས་ནི་བྱང་བར་འགྱུར། །བྱང་ཆུབ་སེམས་དཔའི་བསོད་ནམས་གང་། །བསྐལ་པ་བྱེ་བར་བསྒྲུབས་པ་ཀུན། །
གཟུངས་སྔགས་འདི་འཛིན་བྱེད་པ་དེས། །ཞག་བདུན་གྱིས་ནི་ཟིལ་གྱིས་ནོན། །ཕྱོགས་བཞིའི་འཇིག་རྟེན་སྐྱོང་བ་པོ། །རྒྱལ་པོ་ཆེན་པོ་བཞི་པོ་དག །ལུས་ངན་དང་ནི་ཡུལ་འཁོར་སྲུང་། །མིག་མི་བཟང་དང་འཕགས་སྐྱེས་པོ། །ཁ་
དོག་ལྡན་ཞིང་གྲགས་དང་ལྡན། །འཁོར་བཅས་བློན་བཅས་དེ་དག་ཀྱང་། །གཟུངས་སྔགས་འདི་ནི་རྗོད་བྱེད་པ། །དེ་ལ་རྟག་ཏུ་སྲུང་བར་བྱེད། །བཅོམ་ལྡན་འདས་ཀྱིས་དེ་སྐད་ཅེས་བཀའ་སྩལ་ནས། ཚེ་དང་ལྡན་པ་ཀུན་དགའ་བོ་
དང་ཉན་ཐོས་ཆེན་པོ་དེ་དག་དང་། འཕགས་པ་བྱམས་པ་དང་། འཇམ་དཔལ་ལ་སོགས་པ་བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་དང་། རྒྱལ་པོ་ཆེན་པོ་བཞི་དང་ལྷ་དང་མི་དང་ལྷ་མ་ཡིན་དང་དྲི་ཟར་བཅས་
པའི་འཇིག་རྟེན་ཡི་རངས་ཏེ། བཅོམ་ལྡན་འདས་ཀྱིས་གསུངས་པ་ལ་མངོན་པར་བསྟོད་དོ། །འཕགས་པ་རིག་སྔགས་ཀྱི་རྒྱལ་པོ་སྒྲོན་མ་མཆོག་གི་གཟུངས་རྫོགས་སོ།།  །། སྐར་མ་ཞུས།།
།། ༄༅། །རྒྱ་གར་སྐད་དུ། ཨཱརྱ་ཨ་བྷི་ཥཱིཉྩ་ནི་ནཱ་མ་དྷཱ་ར་ཎཱི། བོད་སྐད་དུ། འཕགས་པ་དབང་བསྐུར་བ་ཞེས་བྱ་བའི་གཟུངས། སངས་རྒྱས་དང་བྱང་ཆུབ་སེམས་དཔའ་ཐམས་ཅད་ལ་ཕྱག་
འཚལ་ལོ། །འདི་སྐད་བདག་གིས་ཐོས་པ་དུས་གཅིག་ན། བཅོམ་ལྡན་འདས་མཉན་ཡོད་ན་རྒྱལ་བུ་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་དགེ་སློང་བརྒྱད་སྟོང་གི་དགེ་འདུན་ཆེན་པོ་དང་། 

106-1-84a

བྱང་ཆུབ་སེམས་དཔའ་གྲངས་མེད་པ་བྱེ་བ་སྔོན་གྱི་རྒྱལ་བ་ལ་ལྷག་པར་བྱ་བ་བྱས་པ་རྣམས་དང་ཐབས་གཅིག་ཏུ་བཞུགས་ཏེ། དེ་ནས་བཅོམ་ལྡན་འདས་ཀྱིས་ཚེ་དང་ལྡན་པ་ཤཱ་རིའི་བུ་ལ་བཀའ་སྩལ་པ། ཤཱ་རིའི་བུ་ཁྱོད་
ཀྱིས་འདི་ལྟ་སྟེ། བྱང་ཆུབ་སེམས་དཔའི་མ་དང་། བྱང་ཆུབ་སེམས་དཔའི་སྔོན་གྱི་སྤྱོད་པ་དང་། བདེན་པའི་སྨོན་ལམ་དང་། བྱང་ཆུབ་སེམས་དཔས་ཡོངས་སུ་གཟུང་བ། བྱང་ཆུབ་སེམས་དཔའི་ཆོས་འདི་དག་སྒོམས་ཤིག །
སྟོན་ཅིག །འདི་ལྟ་སྟེ། གཟུངས་ཀྱི་ཆོས་ཀྱི་རྣམ་གྲངས་སོ། །དེ་ནས་ཚེ་དང་ལྡན་པ་ཤཱ་རིའི་བུས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས་གཟུངས་ནི་ཡུལ་ན་མི་གནས། ཕྱོགས་ན་མི་གནས་ན་བཅོམ་
ལྡན་འདས་གཟུངས་གཟུངས་ཤེས་བགྱི་བ་ལ། བཅོམ་ལྡན་འདས་གཟུངས་ཤེས་བགྱི་བ་འདིའི་ཚིག་གི་དོན་གང་ལགས། དེ་སྐད་ཅེས་གསོལ་པ་དང་། བཅོམ་ལྡན་འདས་ཀྱིས་ཚེ་དང་ལྡན་པ་ཤཱ་རིའི་བུ་ལ་འདི་སྐད་ཅེས་བཀའ་
སྩལ་ཏོ། །ཤཱ་རིའི་བུ་ལེགས་སོ་ལེགས་སོ། །ཤཱ་རིའི་བུ་ཁྱོད་འདི་ལྟར་ཐེག་པ་ཆེན་པོ་ལ་ཡང་དག་པར་ཞུགས་པ་དང་། ཐེག་པ་ཆེན་པོ་ལ་མངོན་བར་བརྩོན་པ་དང་། ཐེག་པ་ཆེན་པོ་ལ་ལྷག་པར་བྱ་བ་བྱེད་པ་དང་། ཁྱོད་
གཟུངས་ཡུལ་ན་མི་གནས། ཕྱོགས་ན་མི་གནས་པར་སྟོན་པ་ཡང་ལེགས་སོ། །དེ་ཅིའི་ཕྱིར་ཞེ་ན། ཤཱ་རིའི་བུ་གཟུངས་ནི་ཆོས་ཉིད་ཀྱིས་འདས་པ་དང་། མ་འོངས་པ་དང་། ད་ལྟར་བྱུང་བ་མ་ཡིན་ཏེ། ཤཱ་རིའི་བུ་
གཟུངས་ནི་འདས་པ་ཞེས་མི་འཆད། མ་འོངས་པ་ཞེས་མི་འཆད། ད་ལྟར་བྱུང་བ་ཞེས་མི་འཆད། དངོས་པོར་མི་འཆད། དངོས་པོ་མེད་པར་མི་འཆད། མཚན་མ་དང་། མཚན་མ་མེད་པར་མི་འཆད། ཆོས་གང་
སྐྱེ་བའི་ཕྱིར་རམ། འགག་པའི་ཕྱིར་མི་འཆད་མོད་ཀྱི། ཤཱ་རིའི་བུ་འོན་ཀྱང་བྱང་ཆུབ་སེམས་དཔའ་ལ་ཕན་པར་བཞེད་པའི་ཕྱིར་སྟོན་ཏེ། གང་འདི་གཟུངས་ཀྱི་ཆོས་ཀྱི་རྣམ་གྲངས་ཀྱི་གཟུངས་ནི་གཟུགས་མེད་པ། 

106-1-84b

བྱ་བའི་ལམ་དུ་གྱུར་པ། རིགས་པའི་སྟོབས་ཀྱིས་གནས་པ། སངས་རྒྱས་ཀྱི་ཡོན་ཏན། སངས་རྒྱས་ཀྱི་ལྷག་པར་བྱ་བ་སྒྲུབ་པ། སངས་རྒྱས་ཀྱི་ཚུལ་ཁྲིམས། སངས་རྒྱས་ཀྱི་བསྡུས་པ། སངས་རྒྱས་ཀྱི་མཚམས་སྦྱོར་
བ། སངས་རྒྱས་འབྱུང་བའོ། །དེ་ནས་ཚེ་དང་ལྡན་པ་ཤཱ་རིའི་བུས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས་གཟུངས་གང་ལ་གནས་ཤིང་གཟུངས་དེ་ཐོབ་ན་བྱང་ཆུབ་སེམས་དཔའ་བླ་ན་མེད་པ་ཡང་དག་
པར་རྫོགས་པའི་བྱང་ཆུབ་ལས་ཕྱིར་མི་ལྡོག་པར་འགྱུར་བ་དང་། དམ་བཅའ་བ་བཟང་བ་དང་། ཆོས་ལ་མི་གནས་པ་དང་། བདག་ཐེ་ཚོམ་མ་མཆིས་པ་དང་། སློབ་དཔོན་མ་མཆིས་པ་དང་། རང་གི་ལམ་ལ་གནས་པ་བཅོམ་
ལྡན་འདས་བཤད་དུ་གསོལ། བདེ་བར་གཤེགས་པ་བཤད་དུ་གསོལ། བཅོམ་ལྡན་འདས་ཀྱིས་བཀའ་སྩལ་པ། ཤཱ་རིའི་བུ་ལེགས་སོ་ལེགས་སོ། །ཤཱ་རིའི་བུ་གཟུངས་ཐོབ་པའི་བྱང་ཆུབ་སེམས་དཔའ་ནི་སངས་རྒྱས་
ཉིད་དུ་བརྗོད་དོ། །ཤཱ་རིའི་བུ་གང་ལ་ལ་ཞིག་བྱང་ཆུབ་སེམས་དཔའ་གཟུངས་ཐོབ་པ་ལ་སྟི་སྟང་དུ་བྱེད་དམ། བླ་མར་བྱེད་དམ། རིམ་གྲོར་བྱེད་དམ། མཆོད་ན་དེས་སངས་རྒྱས་ཐམས་ཅད་ལ་སྟི་སྟང་བྱས་པར་འགྱུར་རོ། །གང་
དག་གིས་གཟུངས་འདི་ཐོས་པ་དང་། གང་དག་མོས་པ་དེ་དག་ཀྱང་སངས་རྒྱས་རྣམས་ཇི་ལྟ་བ་དེ་བཞིན་དུ་མཆོད་པའི་འོས་སུ་འགྱུར་ཞིང་བྱང་ཆུབ་ཀྱི་སེམས་དང་མི་འབྲལ་བར་འགྱུར་རོ། །ཤཱ་རིའི་བུ་གཟུངས་ནི་འདི་ཡིན་ཏེ། 
སན་དྷཱ་ར་ཎཱི། ཨུད་དྷཱ་ར་ཎཱི། སམ་པྲ་ཏི་ཏཱ། སུ་ཏ་མ། སུ་པྲ་ཏི་ཏཱ། བི་ཛཱ་ཡ་བ་ལཱ། སྭ་བྷ་པྲ་ཏི་ཛྙཱ། ཨཱ་རོ་ཧཱ། ཛྙཱ་ན་པ་ཏི། ཨུད་པཱ་ད་ནཱི། བི་ནཱ་མ་ནཱི། ཨ་བྷི་ཥིཉྩ་ནི། ཨ་བྷི་བྷྱ་ཧཱ་རཱ། ཤུ་བྷ་བ་ཊི། ཨ་ནི་ཤྲཱི་ཏ། བ་ཧུ་
ཀུམ་བྷ། ཨ་བྷི་བ་ཙ། ཤཱ་རིའི་བུ་འདི་དག་ནི་དབང་བསྐུར་བ་ཞེས་བྱ་བའི་གཟུངས་ཀྱི་ཆོས་ཀྱི་མིང་རྣམས་ཏེ། འདས་པ་རྣམས་དང་། མ་འོངས་པ་རྣམས་དང་། ད་ལྟར་བྱུང་བ་རྣམས་དང་། ལེགས་པར་གནས་པ་

106-1-85a

རྣམས་བྱང་ཆུབ་སེམས་དཔའ་གང་གིས་ལེགས་པར་བཟུང་སྟེ། འཆང་བ་དེ་མྱུར་དུ་མངོན་བར་རྫོགས་པར་འཚང་རྒྱ་བར་བྱ་བའི་ཕྱིར་བསྐལ་པ་བརྒྱ་དང་། བསྐལ་པ་སྟོང་དག་སྨོན་ལམ་གྱིས་ཟད་པར་བྱེད་པར་འགྱུར། 
དེ་ལ་མཚོན་གྱིས་མི་ཚུགས་པར་འགྱུར། མེ་དང་སྲོག་ཆགས་མི་སྲུན་པ་རྣམས་ཀྱིས་མི་ཚུགས་པར་འགྱུར་རོ། །དེ་ཅིའི་ཕྱིར་ཞེ་ན། འདི་ལྟར་ཤཱ་རིའི་བུ་གཟུངས་འདི་ནི་འདས་པའི་སངས་རྒྱས་ཀྱི་ཡུམ་མོ། །ཤཱ་རིའི་བུ་རིགས་ཀྱི་བུའམ་
རིགས་ཀྱི་བུ་མོ་གང་ལ་ལས་སྟོང་གསུམ་གྱི་སྟོང་ཆེན་པོ་གྲངས་མེད་པ་བཅུ་མཐར་ཆགས་སུ་གང་བའི་སངས་རྒྱས་རྣམས་ལ་ན་བཟའ་དང་། ཞལ་ཟས་བཟང་པོས་བསྐལ་པ་གྲངས་མེད་པར་བཟུང་བ་བྱས་པ་བས། རིགས་ཀྱི་བུ་
འམ་རིགས་ཀྱི་བུ་མོ་གཞན་གང་གིས་གཟུངས་འདི་ལས་ཐ་ན་ཚིག་གཅིག་ཙམ་བཟུང་བ་དེ་བས་ཆེས་བསོད་ནམས་མང་དུ་སྐྱེད་དོ། །དེ་ཅིའི་ཕྱིར་ཞེ་ན། ཤཱ་རིའི་བུ་དབང་བསྐུར་བའི་གཟུངས་འདི་ནི། སངས་རྒྱས་ཀྱི་ཡུམ་
ཡིན་པའི་ཕྱིར་རོ། །བཅོམ་ལྡན་འདས་ཀྱིས་དེ་སྐད་བཀའ་སྩལ་ནས། དགེ་སློང་དེ་དག་དང་། བྱང་ཆུབ་སེམས་དཔའ་དེ་དག་དང་། ལྷ་དང་མི་དང་ལྷ་མ་ཡིན་དང་དྲི་ཟར་བཅས་པའི་འཇིག་རྟེན་ཡི་རངས་
ཏེ། བཅོམ་ལྡན་འདས་ཀྱིས་གསུངས་པ་ལ་མངོན་བར་བསྟོད་དོ། །འཕགས་པ་དབང་བསྐུར་བ་ཞེས་བྱ་བའི་གཟུངས་རྫོགས་སོ།། །།རྒྱ་གར་གྱི་མཁན་པོ་ཛི་ན་མི་ཏྲ་དང་། དཱ་ན་ཤཱི་ལ་དང་། 
ཞུ་ཆེན་གྱི་ལོ་ཙྪ་བ་བན་དེ་ཡེ་ཤེས་སྡེས་བསྒྱུར་ཅིང་ཞུས་ཏེ། སྐད་གསར་ཆད་ཀྱིས་ཀྱང་བཅོས་ནས་གཏན་ལ་ཕབ་པ། སྐར་ཞུས།། ༄༅། །དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་
ཤཱཀྱ་ཐུབ་པ་ལ་ཕྱག་འཚལ་ལོ། །ཏདྱ་ཐཱ། མུ་ནི་མུ་ནི་མ་ཧཱ་མུ་ནི་ཡེ་སྭཱ་ཧཱ། ལན་ཅིག་བཟླས་བརྗོད་བྱས་ན་བསྐལ་པ་བྱེ་བ་བརྒྱ་ཕྲག་བརྒྱད་ཁྲིའི་བར་དུ་སྡིག་པ་བྱས་པ་གང་ཡིན་པ་དེ་དག་ཐམས་ཅད་འབྱང་བར་

106-1-85b

འགྱུར་རོ། །འཕགས་པ་ཤཱཀྱ་ཐུབ་པའི་སྙིང་པོའི་གཟུངས་རྫོགས་སོ།། །། དཀོན་མཆོག་གསུམ་ལ་ཕྱག་འཚལ་ལོ། །དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་འཕགས་པ་
རྣམ་པར་སྣང་མཛད་འོད་ཀྱི་རྒྱལ་པོ་ལ་ཕྱག་འཚལ་ལོ། །བྱང་ཆུབ་སེམས་དཔའ་སེམས་དཔའ་ཆེན་པོ་ནམ་མཁའི་སྙིང་པོ་ལ་ཕྱག་འཚལ་ལོ། །ཏདྱ་ཐཱ། ཀ་ལ་ཀ་ལ། ཀི་ལི་ཀི་ལི། བི་རི་བི་རི། ཧུ་རུ་ཧུ་རུ། བཻ་རོ་ཙ་ན་རཥྨི་སན་ཙོ་དི་ཏ་ཨ་
གཙྪ་ཨཱརྱ་ཨཱ་ཀཱ་ཤ་གརྦྷ་མ་ཧཱ་ཀ་རུ་ཎི་ཀ་པཱུ་ར་ཡ་ཧ་ཤཱ་ན། དྷ་ར་ཡ་བུདྡྷ་བི་ཤྩ་ཡ་ན། ཙ་ར་ཙ་ར། ཙི་རི་ཙི་རི་སྭཱ་ཧཱ། བཏོན་པས་འགྲུབ་སྟེ། མཚོན་ཆ་དང་མེ་དང་ཆུ་དང་དུག་དང་དུག་སྦྱར་མ་དང་། བྱད་སྟེམ་རྣམས་ཀྱིས་མི་ཚུགས་
སོ། །རྒྱལ་པོ་དང་ཆོམ་རྐུན་ལ་སོགས་པ་ཐམས་ཅད་ཀྱིས་གླགས་མི་རྙེད་དོ། །གང་དུ་བྲིས་ཏེ་བཞག་པ་དེར་ཡམས་ཀྱི་ནད་དང་གནོད་པ་དང་འགོ་བའི་ནད་ཐམས་ཅད་མི་འབྱུང་བར་འགྱུར་རོ། །དྲི་མ་མེད་པའི་འོད་ཅེས་བྱ་
བའི་ཏིང་ངེ་འཛིན་ཀྱང་འཐོབ་པར་འགྱུར་རོ། །འཕགས་པ་རྣམ་པར་སྣང་མཛད་ཀྱི་སྙིང་པོ་ཞེས་བྱ་བའི་གཟུངས་རྫོགས་སོ།། །།  ༄༅། །བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་
པའི་སངས་རྒྱས་སྨན་གྱི་བླ་བཻ་དཱུརྱ་འོད་ཀྱི་རྒྱལ་པོ་ལ་ཕྱག་འཚལ་ལོ། །ཨོཾ་བྷཻ་ཥ་ཛྱེ་བྷཻ་ཥ་ཛྱེ་མ་ཧཱ་བྷཻ་ཥ་ཛྱེ་བྷཻ་ཥ་ཛྱེ་རཱ་ཛ་ས་མུད་ག་ཏེ་སྭཱ་ཧཱ། དེ་བཞིན་གཤེགས་པ་སྨན་གྱི་བླའི་སྙིང་པོའི་གཟུངས་རྫོགས་སྷོ།། །། 
སངས་རྒྱས་དང་བྱང་ཆུབ་སེམས་དཔའ་ཐམས་ཅད་ལ་ཕྱག་འཚལ་ལོ། །དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་རྒྱལ་བའི་བླ་མས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །
བཅོམ་ལྡན་འདས་རྒྱལ་བའི་བླ་མའི་གཟུངས་སྔགས་ཀྱི་གཞི་འདི་གང་གིས་བཟུང་བས་ཆོས་ཐམས་ཅད་བཟུང་བ་དང་བཅངས་པར་འགྱུར་རོ། །མི་ཁོམ་པ་བརྒྱད་

106-1-86a

ལས་འདས་པར་འགྱུར་རོ། །ཚེ་རབས་ཐམས་ཅད་དུ་ཡང་གནོད་སྦྱིན་དེ་ལ་བསྲུང་བ་དང་། བསྐྱབ་པ་དང་། སྦ་བར་བྱེད་ལ་དེ་ལ་ནད་ཐམས་ཅད་ཀྱིས་འཇིགས་པ་མེད་དོ། །སྱཱད་ཡ་ཐེ་དན། བུདྡྷེ་བུདྡྷེ། ཛ་ཡོད་ཏ་ར། 
བོ་དྷ་ནི་བོ་དྷ་ནི། སྃ་བོ་དྷི་མ་ཧཱ་སྃ་བོ་དྷི། ཨ་དྷི་བད་བྷོ་དྷ་ནི། ཧ་ལ་ཧ་ལ་ཧ་ལ། ཧི་ལི་ཧི་ལི་ཧི་ལི། ཧུ་ལུ་ཧུ་ལུ་ཧུ་ལུ། སརྦ་བུདྡྷ། དྷརྨ་ཨ་བ་བོ་དྷི་ནི། སྥུ་ཊ་སྥུ་ཊ་སྥུ་ཊ་ནི། སརྦ་པཱ་པ་ནི། བུདྡྷ་ཨ་དྷིཥྛ་ནི་ན་སྭཱ་ཧཱ། 
འཕགས་པ་རྒྱལ་བའི་བླ་མའི་གཟུངས་རྫོགས་སོ།། །།སྐར།། ༄༅། །རྒྱ་གར་སྐད་དུ། བྷ་ག་བན་ཨ་མི་ཏཱ་བྷ་དྷཱ་ར་ཎཱི་མན་ཏྲ། བོད་སྐད་དུ། བཅོམ་ལྡན་འདས་སྣང་བ་མཐའ་ཡས་ཀྱི་གཟུངས་སྔགས། བཅོམ་ལྡན་
འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་སྣང་བ་མཐའ་ཡས་ལ་ཕྱག་འཚལ་ལོ། །ཏདྱ་ཐཱ། ཨ་མི་ཏེ། ཨ་མི་ཏོད་བྷ་བེ། ཨ་མི་ཏ་སྃ་བྷ་བེ། ཨ་མི་ཏ་བི་ཀྲན་ཏྃ་ཀ་རེ། ཨ་མི་ཏ་ག་ག་ན་
ཀཱིར་ཏི་ཀ་རེ་སརྦ་ཀླེ་ཤཀྵ་ཡྃ་ཀ་རི་སྭཱ་ཧཱ། གཟུངས་འདིའི་ཡོན་ཏན་ནི་བསྐལ་པ་བརྒྱ་སྟོང་དུ་བསགས་པའི་ལས་ཀྱི་སྒྲིབ་པ་ཡང་འདི་ལན་གསུམ་བཟླས་བརྗོད་བྱས་ན་སྒྲིབ་པ་དེ་རྣམས་ཟད་པར་འགྱུར་རོ། །ལན་ཉི་ཤུ་རྩ་གཅིག་
བཟླས་ན་རྩ་བ་བཞིའི་ལྟུང་བ་ཡང་སྡིག་པ་ཡོངས་སུ་བྱང་བར་འགྱུར་ཏེ། སངས་རྒྱས་སྟོང་ལ་དགེ་བའི་རྩ་བ་བསྐྲུན་པར་འགྱུར་རོ། །བཅོམ་ལྡན་འདས་སྣང་བ་མཐའ་ཡས་རྗེས་སུ་དྲན་པར་བྱའོ། །སངས་རྒྱས་དང་བྱང་ཆུབ་
སེམས་དཔའ་ཐམས་ཅད་ལ་ཕྱག་འཚལ་ལོ། །ན་མོ་རད་ན་ཏྲ་ཡཱ་ཡ། མ་ཧཱི་དུ་ཧི་ཀི་སྭཱ་ཧཱ། ལུས་ལ་ནད་བྱུང་བ་འམ། ནད་ཁོང་སྐམས་སུ་གྱུར་ཀྱང་རུང་སྟེ། ལན་ཉི་ཤུ་རྩ་གཅིག་བསྔགས་ཏེ། བསིལ་ཡབ་ཀྱིས་དེ་ལ་
གཡབས་ན་ནད་མེད་པར་འགྱུར་རོ། །གཟུངས་སྔགས་དེ་གསུངས་མ་ཐག་ཏུ་འཁོར་ཐམས་ཅད་ཡི་རངས་ཏེ། བཅོམ་ལྡན་འདས་ཀྱིས་གསུངས་པ་ལ་མངོན་བར་བསྟོད་དོ། །བཅོམ་ལྡན་འདས་སྣང་བ་མཐའ་ཡས་ཀྱི་

106-1-86b

གཟུངས་རྫོགས་སོ།། །། དཀོན་མཆོག་གསུམ་ལ་ཕྱག་འཚལ་ལོ། །དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རྣམ་པར་སྣང་མཛད་ཀྱི་རྒྱལ་པོ་ལ་ཕྱག་འཚལ་ལོ། །བྱང་ཆུབ་སེམས་དཔའ་
སེམས་དཔའ་ཆེན་པོ་སྙིང་རྗེ་ཆེན་པོ་དང་ལྡན་པ་འཕགས་པ་ནམ་མཁའི་སྙིང་པོ་ལ་ཕྱག་འཚལ་ལོ། །ཏདྱ་ཐཱ། བཛྲ་མ་བུ། བཛྲ་མ་བུ་བུདྡྷ་ཛྲེ། བཛྲ་མ་བུ་བུདྡྷ་ཛྲེ་ཤཱུ་ནྱ་ཏ་པྲ་བྷེ་ཤེ། བཻ་རོ་ཙ་ན་གརྦྷེ། པཉྩེ་དི་ཡ། ཨ་བ་
བོ་དྷ་ན་སྭཱ་ཧཱ། ཆོ་ག་ནི་རྟག་ཏུ་བཟླས་བརྗོད་བྱས་ན་ཤེས་རབ་ཀྱི་ཕ་རོལ་དུ་ཕྱིན་པ་ལ་གནས་པ་ཐོབ་པར་འགྱུར་རོ། །བདུད་ཐམས་ཅད་དང་དགྲ་ཐམས་ཅད་དང་ལོག་འདྲེན་ཐམས་ཅད་ཀྱིས་མི་ཚུགས་སོ། །འཆི་བའི་ཚེ་འཕགས་
པ་འོད་དཔག་མེད་མཐོང་བར་འགྱུར་རོ། །དེ་བཞིན་དུ་དེ་བཞིན་གཤེགས་པ་ཐམས་ཅད་དང་། བྱང་ཆུབ་སེམས་དཔའ་ཐམས་ཅད་ཀྱང་མཐོང་བར་འགྱུར་རོ། །ཇི་ལྟར་སྨོན་ལམ་བཏབ་པ་བཞིན་དུ་སྐྱེ་བར་འགྱུར་རོ། །རྫོགས་སོ།། །།
དཀོན་མཆོག་གསུམ་ལ་ཕྱག་འཚལ་ལོ། །དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་པད་མའི་སྤྱན་ལ་ཕྱག་འཚལ་ལོ། །བྱང་ཆུབ་སེམས་དཔའ་སེམས་དཔའ་ཆེན་པོ་སྒྲིབ་པ་ཐམས་ཅད་རྣམ་
པར་སེལ་བ་ལ་ཕྱག་འཚལ་ལོ། །ཏདྱ་ཐཱ། ༀ་ཏ་ར་ཏ་ར། ཏི་རི་ཏི་རི། ཏུ་རུ་ཏུ་རུ། ཀ་ལ་ཀ་ལ། ཀི་ལི་ཀི་ལི། ཀུ་ལུ་ཀུ་ལུ། བྷ་ར་བྷ་ར། བྷི་རི་བྷི་རི། བྷུ་རུ་བྷུ་རུ། བྷ་ཡ་བྷ་ཡ། ཀུ་རུ་ཀུ་རུ། སརྦ་ཀརྨ་ཨཱ་བ་ར་ཎ་ཛ་ནི་མེ་ཤ་པྲ་བྷ་ཡ་སྭཱ་ཧཱ། 
ཛྭ་ལ་ནི་བི་དྷ་ནི་བེ་སྭཱ་ཧཱ། ཀུ་རུ་པྃ་ཙ་ལི་སྭཱ་ཧཱ། ས་ག་ར་སྃ་བི་རེ་སྭཱ་ཧཱ། སརྦ་ཏ་ཐཱ་ག་ཏཱ་ཨ་དྷི་ཏེ་སྭཱ་ཧཱ། གཟུངས་འདིའི་ཆོ་ག་ནི་འདི་ཡིན་ཏེ། ནང་པར་ལངས་ནས་ལན་བརྒྱ་རྩ་བརྒྱད་བཟླས་བརྗོད་བྱས་ན་ཞག་ཉི་ཤུ་རྩ་གཅིག་ལོན་པའི་
ཚེ་ལས་ཀྱི་སྒྲིབ་པ་ཐམས་ཅད་ཟད་པར་འགྱུར་རོ། །སྤྱན་ལྔ་ཡང་རྣམ་པར་དག་པར་འགྱུར་རོ། །དེ་ལ་མིག་ནད་འབྱུང་བར་མི་འགྱུར་རོ། །ལུས་ལ་ནད་འབྱུང་བར་མི་འགྱུར་རོ། །ཡིད་ཀྱི་ཉེས་པ་འབྱུང་བར་མི་འགྱུར་རོ། །སྤྱན་ལྔ་

106-1-87a

ཡང་རྣམ་པར་དག་པར་འགྱུར་རོ། །དེ་བཞིན་དུ་ཡིད་རྣམ་པར་དག་པ་ལྔ་ཡང་ཐོབ་པར་འགྱུར་རོ། །ཚེ་རབས་ཐམས་ཅད་དུ་སངས་རྒྱས་འབྱུང་བ་དང་ཕྲད་པར་འགྱུར་རོ། །བྱང་ཆུབ་ཀྱི་སྙིང་པོ་ལ་གནས་ཀྱི་བར་དུ་སངས་རྒྱས་
མཐོང་བ་དང་ཆོས་མཐོང་བ་དང་དགེ་འདུན་ལ་བསྙེན་བཀུར་བྱེད་པ་དང་། སེམས་ཅན་ཐམས་ཅད་ཡོངས་སུ་སྨིན་པར་བྱེད་པ་དང་འབྲལ་བར་མི་འགྱུར་རོ། །ལུས་མཛེས་པར་འགྱུར་རོ། །སེམས་དང་བར་འགྱུར་རོ། །འཕགས་པ་པད་མའི་
སྤྱན་ཞེས་བྱ་བའི་གཟུངས་རྫོགས་སོ།། །། བཅོམ་ལྡན་འདས་སྣང་བ་མཐའ་ཡས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ལ་ཕྱག་འཚལ་ལོ། །ཏདྱ་ཐཱ། ཨ་མི་ཏེ། ཨ་མི་ཏོད་བྷ་བེ། 
ཨ་མི་ཏ་སྃ་བྷ་བེ། ཨ་མི་ཏ་བི་ཀྲཱན་ཏ་གཱ་མི་ནི། ག་ག་ན་ཀཱིར་ཏི་ཀ་རི། སརྦ་གླེ་ཤ་ཀྵ་ཡྃ་ཀ་རི་སྭཱ་ཧཱ། གཟུངས་འདིའི་ཡོན་ཏན་ནི་བསྐལ་པ་བརྒྱ་སྟོང་དུ་བསགས་པའི་ལས་ཀྱི་སྒྲིབ་པའང་ལན་གསུམ་བཟླས་པ་བྱས་ན་དེ་རྣམས་ཟད་
པར་རིག་པར་བྱའོ། །ཉི་ཤུ་རྩ་གཅིག་ཏུ་བཟླས་པ་བྱས་ན་རྩ་བ་བཞིའི་ལྟུང་བའི་སྡིག་ཡོངས་སུ་བྱང་བར་འགྱུར་ཏེ། སངས་རྒྱས་སྟོང་ལ་དགེ་བའི་རྩ་བ་བསྐྲུན་པར་ཡང་འགྱུར་རོ། །སྣང་བ་མཐའ་ཡས་རྗེས་སུ་དྲན་པ་རྫོགས་སོ།། །། 
ཟླ་བའི་འོད་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ལ་ཕྱག་འཚལ་ལོ། །ཏདྱ་ཐཱ། ཙན་དྲེ་ཙན་དྲེ། སུ་ཙན་དྲ། མ་ཏི་ཙན་དྲ། ཙན་དྲ་ཀ་ར་ཎ། སི་རི་སི་རི། བུདྡྷ་ཨ་དྷི་ཥྛི་ཏེ། ཀི་ལི་ཀི་ལི། 
དྷརྨ་ཨ་དྷི་ཏེ། ཀི་ལི་ཀི་ལི། སྃ་གྷ་ཨ་དྷི་ཏེ་སྭཱ་ཧཱ། རིགས་ཀྱི་བུའམ་རིགས་ཀྱི་བུ་མོ་གང་གིས་རྟག་ཏུ་ནང་པར་ལངས་ཏེ། ཟླ་བའི་འོད་དེ་བཞིན་གཤེགས་པའི་མཚན་དྲན་པར་བྱེད་པ་དེ་ནི་བསྐལ་པ་བཞི་ཁྲིར་ཚེ་རབས་དྲན་
པར་འགྱུར་ཏེ། དེ་ནི་ངན་སོང་དུ་ལྟུང་བར་མི་འགྱུར་རོ། །ཟླ་བའི་འོད་ཀྱི་མཚན་རྗེས་སུ་དྲན་པས་ཡོན་ཏན་དེ་རྣམས་ཐོབ་པར་འགྱུར་རོ། །ཟླ་བའི་འོད་ཀྱི་མཚན་རྗེས་སུ་དྲན་པ་རྫོགས་སོ།། །། ན་མཿསརྦ་ཏ་ཐཱ་ག་ཏ་ཧྲྀ་ད་ཡ། ཨཱ་ནུ་

106-1-87b

ག་ཏེ། ཨོཾ་ཀུ་རུྃ་གི་ནི་སྭཱ་ཧཱ། འདི་ལན་ཅིག་བཟླས་པས་ཀྱང་བསྐལ་པ་འབུམ་ཕྲག་བརྒྱད་སྟོང་དུ་བསགས་པའི་ལས་ཀྱི་སྒྲིབ་པ་ཡང་ཟད་པར་འགྱུར་རོ། །དེ་བཞིན་གཤེགས་པ་སྤྱིའི་སྙིང་པོ་རྗེས་སུ་དྲན་པ་རྫོགས་སོ།། །། སངས་རྒྱས་
རིན་ཆེན་གཙུག་ཏོར་ཅན་ལ་ཕྱག་འཚལ་ལོ། །ན་མོ་རད་ན་ཤི་ཁེ་ནེ། ཏ་ཐཱ་ག་ཏཱ་ཡ། ཨར་ཧ་ཏེ་སམྱག་སྃ་བུདྡྷཱ་ཡ། ཏདྱ་ཐཱ། རད་ནེ་རད་ནེ་རད་ན་ཤི་ཁེ་ནེ་སྭཱ་ཧཱ། འཆི་བའི་ཚེ་དྲན་ན་ངན་སོང་ཀུན་ལས་རྣམ་པར་གྲོལ་བར་འགྱུར། འཆི་
འཕོས་ནས་ཀྱང་སུམ་བཅུ་རྩ་གསུམ་གནམ་གྱི་ལྷར་སྐྱེའོ། །སངས་རྒྱས་རིན་ཆེན་གཙུག་ཏོར་གྱི་མཚན་རྗེས་སུ་དྲན་པ་རྫོགས་སོ།། །། ༄༅། །རྒྱ་གར་སྐད་དུ། ཨཱརྱ་བི་མ་ལ་ནཱ་མ་དྷཱ་ར་ཎི། བོད་སྐད་དུ། འཕགས་པ་དྲི་མ་མེད་པ་
ཞེས་བྱ་བའི་གཟུངས། སངས་རྒྱས་དང་བྱང་ཆུབ་སེམས་དཔའ་ཐམས་ཅད་ལ་ཕྱག་འཚལ་ལོ། །འདི་སྐད་བདག་གིས་ཐོས་པ་དུས་གཅིག་ན། བཅོམ་ལྡན་འདས་རྒྱལ་པོའི་ཁབ་ན། བྱ་རྒོད་ཀྱི་ཕུང་པོའི་རི་ལ་བཞུགས་ཏེ། 
དེ་ནས་བཅོམ་ལྡན་འདས་ཀྱིས་བྱང་ཆུབ་སེམས་དཔའ་བློ་གྲོས་རྣམ་པར་དག་པ་ལ་བཀའ་སྩལ་པ། བློ་གྲོས་རྣམ་པར་དག་པ་ཚུལ་ཁྲིམས་ཡོངས་སུ་དག་པས་དེ་བཞིན་གཤེགས་པ་ཡོངས་སུ་དག་གོ། །བློ་གྲོས་རྣམ་པར་དག་
པ་ཏིང་ངེ་འཛིན་ཡོངས་སུ་དག་པས་དེ་བཞིན་གཤེགས་པ་ཡོངས་སུ་དག་གོ། །བློ་གྲོས་རྣམ་པར་དག་པ་བཟོད་པ་ཡོངས་སུ་དག་པས་དེ་བཞིན་གཤེགས་པ་ཡོངས་སུ་དག་གོ། །བློ་གྲོས་རྣམ་པར་དག་པ་ཕན་པའི་དངོས་པོ་ཡོངས་སུ་
དག་པས་དེ་བཞིན་གཤེགས་པ་ཡོངས་སུ་དག་གོ། །བློ་གྲོས་རྣམ་པར་དག་པ་བྱམས་པ་ཡོངས་སུ་དག་པས་དེ་བཞིན་གཤེགས་པ་ཡོངས་སུ་དག་གོ། །བློ་གྲོས་རྣམ་པར་དག་པ་སྙིང་རྗེ་ཡོངས་སུ་དག་པ་དང་། དགའ་བ་ཡོངས་སུ་
དག་པ་དང་། བཏང་སྙོམས་ཡོངས་སུ་དག་པས་དེ་བཞིན་གཤེགས་པ་ཡོངས་སུ་དག་གོ། །བློ་གྲོས་རྣམ་པར་དག་པ་རྣམ་པར་གྲོལ་བ་ཡོངས་སུ་དག་པ་དང་། རྣམ་པར་གྲོལ་བའི་ཡེ་ཤེས་མཐོང་བ་ཡོངས་སུ་དག་པས་དེ་བཞིན་གཤེགས་པ་

106-1-88a

ཡོངས་སུ་དག་གོ། །བློ་གྲོས་རྣམ་པར་དག་པ་སྟོབས་ཡོངས་སུ་དག་པ་དང་། མི་འཇིགས་པ་ཡོངས་སུ་དག་པ་དང་། སངས་རྒྱས་ཀྱི་ཆོས་ཡོངས་སུ་དག་པས་དེ་བཞིན་གཤེགས་པ་ཡོངས་སུ་དག་གོ། །བློ་གྲོས་རྣམ་པར་དག་པ་ཐམས་
ཅད་མཁྱེན་པའི་ཡེ་ཤེས་ཡོངས་སུ་དག་པས་དེ་བཞིན་གཤེགས་པ་ཡོངས་སུ་དག་གོ། །བློ་གྲོས་རྣམ་པར་དག་པ་དེ་ལྟར་དེ་བཞིན་གཤེགས་པ་ཡོངས་སུ་དག་པ་ལ་སུ་ཞིག་མེ་ཏོག་དང་། ཕྲེང་བ་དང་སྤོས་དང་གདུགས་དང་རྒྱལ་མཚན་
ལ་སོགས་པ་དང་རོལ་མོའི་སྒྲ་དང་བྱུག་པ་རྣམས་ཀྱིས་སྟི་སྟང་དུ་བྱེད་པ་དེའི་བསོད་ནམས་ཀྱི་ཕུང་པོའི་མཐའ་རྟོགས་པར་མི་ནུས་ཏེ། དེའི་མཐའ་ནི་ཐེག་པ་གསུམ་པོ་ལས་ཐེག་པ་གང་ཡང་རུང་བས་མྱ་ངན་ལས་འདས་པའི་མཐའ་ཐུག་
པ་མ་གཏོགས་པར་བསོད་ནམས་ཀྱི་ཕུང་པོ་དེ་ཕྱི་མའི་མཐར་ཡང་ཟད་པར་མི་ནུས་སོ། །དེ་ཅིའི་ཕྱིར་ཞེ་ན། བློ་གྲོས་རྣམ་པར་དག་པ་ཇི་ལྟར་དེ་བཞིན་གཤེགས་པའི་སངས་རྒྱས་ཀྱི་ཆོས་ཐམས་ཅད་ཀྱི་ཚད་མེད་པ་དེ་བཞིན་དུ། དེ་བཞིན་
གཤེགས་པ་ལ་ཡོན་ཕུལ་བ་ཡང་ཚད་མེད་དོ། །མཐའ་ཡས་སོ། །བསམ་གྱིས་མི་ཁྱབ་བོ། །མཚུངས་པ་མེད་དོ། །གྲངས་མེད་དོ། །དཔག་གིས་མི་ལང་ངོ་། །བརྗོད་དུ་མེད་དོ། །བློ་གྲོས་རྣམ་པར་དག་པ་སུ་ཞིག་དེ་བཞིན་གཤེགས་པ་
ད་ལྟར་བཞུགས་ཏེ། འཚོ་ཞིང་གཞེས་པ་ལ་སྟི་སྟང་དུ་བྱེད་པ་དང་། བླ་མར་བྱེད་པ་དང་རི་མོར་བྱེད་པ་དང་མཆོད་པ་དང་རྗེད་པ་དང་། ཕྱི་མའི་ཚེ་ཕྱི་མའི་དུས་ལྔ་བརྒྱ་ཐ་མ་ལ་སུ་ཞིག་དེ་བཞིན་གཤེགས་པ་ཡོངས་སུ་མྱ་ངན་ལས་འདས་
པའི་རིང་བསྲེལ་ཡུངས་འབྲུ་ཙམ་ལ་སྟི་སྟང་བྱེད་པ་དང་། བླ་མར་བྱེད་པ་དང་རི་མོར་བྱེད་པ་དང་མཆོད་པ་དང་བརྗེད་པ་དང་ཡང་དག་པར་སེམས་ཉེ་བར་བཞག་སྟེ། བྱང་ཆུབ་ཏུ་གཞོལ་བའི་སེམས་བསྐྱེད་པས་ཕྱག་འཚལ་བ་དང་། 
ཕྱག་བྱེད་པ་དང་སྟི་སྟང་བྱེད་པ་དང་བླ་མར་བྱེད་པ་དང་། རི་མོར་བྱེད་པ་དང་མཆོད་པ་དང་བརྗེད་པ་དང་གསོལ་བ་དང་བསྔགས་པ་དང་། སྐོར་བ་བྱེད་པ་དེས་ཕན་ཡོན་ལྔར་ཤེས་པར་བྱ་སྟེ། ལྔ་གང་ཞེ་ན། དྲན་པ་དང་ལྡན་

106-1-88b

པར་འགྱུར་བ་དང་། རྟོགས་པ་དང་ལྡན་པར་འགྱུར་བ་དང་། ངོ་ཚ་ཤེས་ཤིང་ཁྲེལ་ཡོད་པ་དང་ལྡན་པར་འགྱུར་བ་དང་། མྱུར་དུ་སངས་རྒྱས་བཅོམ་ལྡན་འདས་མཐོང་བར་འགྱུར་བ་དང་། མཐོང་ནས་ཀྱང་དད་པ་སྐྱེད་པར་འགྱུར་
བ་སྟེ། ཕན་ཡོན་ལྔ་པོ་དེ་དག་ཏུ་ཤེས་པར་བྱའོ། །དེ་ལས་གཞན་ཡང་ཆོས་བཞིར་ཤེས་པར་བྱ་སྟེ། བཞི་གང་ཞེ་ན། དེ་བཞིན་གཤེགས་པས་བསྟན་པའི་ཚིག་སོ་སོར་འཛིན་པ་དང་། དེ་དག་ཀྱང་ཇི་སྐད་བསྟན་པ་
བཞིན་དུ་སྒྲུབ་པ་དང་། སངས་རྒྱས་བཅོམ་ལྡན་འདས་རྣམས་དང་ཉེ་བར་འགྱུར་བ་དང་། མྱུར་དུ་སངས་རྒྱས་ཀྱི་ཞིང་ཡོངས་སུ་དག་པར་སྐྱེ་བར་འགྱུར་བ་སྟེ། ཆོས་བཞི་པོ་དེ་དག་ཡོངས་སུ་འཛིན་པར་འགྱུར་རོ། །བློ་གྲོས་
རྣམ་པར་དག་པ་བྱང་ཆུབ་སེམས་དཔའ་ཆོས་བཞི་དང་ལྡན་ན་བདུད་དམ་བདུད་ཀྱི་རིས་ཀྱི་ལྷའི་བུ་རྣམས་ཀྱིས་མི་རྫི་བར་འགྱུར་ཏེ། བཞི་གང་ཞེ་ན། རིགས་ཆེ་བ་དང་། བཙས་མ་ཐག་ཏུ་སངས་རྒྱས་བཅོམ་ལྡན་འདས་རྣམས་ཡིད་
ལ་བྱེད་པ་དང་། ཕྱི་མའི་དུས་ན་དམ་པའི་ཆོས་འཛིན་པ་དང་། རྟག་ཏུ་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རྣམས་ཀྱིས་བྱིན་གྱིས་བརླབས་པར་འགྱུར་བ་སྟེ། བློ་
གྲོས་རྣམ་པར་དག་པ་བྱང་ཆུབ་སེམས་དཔའ་ཆོས་བཞི་པོ་དེ་དག་དང་ལྡན་ན་བདུད་དམ་བདུད་ཀྱི་རིས་ཀྱི་ལྷའི་བུ་རྣམས་ཀྱིས་མི་རྫི་བར་འགྱུར་རོ། །བློ་གྲོས་རྣམ་པར་དག་པ་བྱང་ཆུབ་སེམས་དཔའི་
ཐེག་པ་ལ་ཡང་དག་པར་ཞུགས་པ་གང་གིས་དེ་བཞིན་གཤེགས་པའི་མཆོད་རྟེན་མཐོང་ནས་དད་པ་བསྐྱེད་དེ། པུས་མོ་གཉིས་ཀའི་ལྷ་ང་ས་ལ་བཙུགས་ནས་ཕྱག་འཚལ་ཏེ། དེ་བཞིན་
གཤེགས་པ་སྐྱེས་བུ་ཆེན་པོའི་མཚན་སུམ་བཅུ་རྩ་གཉིས་ཀྱིས་སྐུ་ལེགས་པར་བརྒྱན་པ་དེ་ཅི་འདྲ་བར་བདག་ཀྱང་དེ་འདྲ་བའི་ལུས་ཐོབ་པར་གྱུར་ཅིག་ཅེས་དེ་ལྟར་མོས་པ་བསྐྱེད་ན། 

106-1-89a

བློ་གྲོས་རྣམ་པར་དག་པ་བསོད་ནམས་ཀྱི་ཕུང་པོ་དེའི་མཐའ་བརྗོད་པར་མི་ནུས་ཏེ། བླ་ན་མེད་པ་ཡང་དག་པར་རྫོགས་པའི་བྱང་ཆུབ་ལ་གནས་པའི་ཕྱིར་རོ། །བསོད་ནམས་ཀྱི་ཕུང་པོ་དེ་ནི་རྒྱལ་པོ་ཉིད་དམ། བརྒྱ་བྱིན་ཉིད་དམ། ཚངས་
པ་ཉིད་དམ། ཉན་ཐོས་ཉིད་དམ། རང་སངས་རྒྱས་ཉིད་དམ། བླ་ན་མེད་པ་ཡང་དག་པར་རྫོགས་པའི་སངས་རྒྱས་ཉིད་ཀྱིས་ཀྱང་ཟད་པར་བྱར་མི་ནུས་སོ། །དེ་ཅིའི་ཕྱིར་ཞེ་ན། བློ་གྲོས་རྣམ་པར་དག་པ་རིགས་ཀྱི་བུའམ། རིགས་ཀྱི་བུ་
མོ་དེས་བསོད་ནམས་ཀྱི་ཕུང་པོ་བསམ་གྱིས་མི་ཁྱབ་པ་ཡོངས་སུ་བཟུང་བ་ཡིན་ཏེ། བློ་གྲོས་རྣམ་པར་དག་པ་འདི་ལྟ་སྟེ། དཔེར་ན་དེ་བཞིན་གཤེགས་པ་བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་
པར་རྫོགས་པར་སངས་རྒྱས་པ་གྲོང་ཁྱེར་དུ་འཇུག་གམ། གཙུག་ལག་ཁང་ངམ། གྲོང་དུ་འཇུག་ཀྱང་རུང་། དེ་བཞིན་གཤེགས་པ་ཐམས་ཅད་དུ་རྒྱུ་ཡང་རུང་། འཆག་ཀྱང་རུང་། འགྲེང་ཡང་རུང་། འདུག་ཀྱང་རུང་། ཆོས་སྟོན་ཀྱང་
རུང་། སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་ན་སེམས་ཅན་ལྷའམ། ཀླུ་འམ། གནོད་སྦྱིན་ནམ། དྲི་ཟའམ། ལྷ་མ་ཡིན་ནམ། ནམ་མཁའི་ལྡིང་ངམ། མིའམ་ཅིའམ། ལྟོ་འཕྱེ་ཆེན་པོའམ། མིའམ། 
མི་མ་ཡིན་པའམ། ཤིང་ངམ། རིའམ། ཁུང་བུའམ། བྱ་སྐྱིབས་ཀྱང་རུང་སྟེ། ཐམས་ཅད་དེ་བཞིན་གཤེགས་པ་ག་ལ་བ་དེ་ལོགས་སུ་འདུད་པ་དང་། རབ་ཏུ་འདུད་པ་དང་། ཀུན་དུ་འདུད་པ་མི་བྱེད་པ་དེ་གང་ཡང་མེད་དེ། ཇི་ལྟར་
དེ་བཞིན་གཤེགས་པ་དགེ་བའི་རྩ་བ་ཐམས་ཅད་དང་ལྡན་པ་ལ་བྱེད་པ་དེ་བཞིན་དུ་རིགས་ཀྱི་བུའམ། རིགས་ཀྱི་བུ་མོ་དེ་དག་གྲོང་ངམ། གྲོང་ཁྱེར་རམ། གྲོང་རྡལ་ལམ། ཡུལ་འཁོར་རམ། ཕོ་བྲང་འཁོར་ན་རྒྱུ་བ་ལ་སེམས་ཅན་
རྣམས་འདུད། རབ་ཏུ་འདུད། ཀུན་ཏུ་རབ་ཏུ་འདུད་པར་འགྱུར་རོ། །བཅོམ་ལྡན་འདས་འོད་དཔག་མེད་ལ་ཕྱག་འཚལ་ལོ། །ཨ་མི་ཏཱ། མ་ཏེ་པྲ་བྷེ། མ་ཧཱ་པྲ་བྷེ། པྲ་བྷ་བ་ཏི། པྲ་བྷ་བ་ཏི། པྲ་བྷ་བ་ཏི། པྲ་བྷ་བ་ཏི། པྲ་བྷ་བ་ཏི། པྲ་བྷ་བ་ཏི། 

106-1-89b

པྲ་བྷ་བ་ཏི། པྲ་བྷ་བ་ཏི། པྲ་བྷ་བ་ཏི། པྲ་བྷ་བ་ཏི། བཅོམ་ལྡན་འདས་མཐུས་བསྟན་དུ་གསོལ། བཅོམ་ལྡན་འདས་མཐུས་བསྟན་དུ་གསོལ། ཏདྱ་ཐཱ། མ་ཏི་མ་ཏི། མ་ཏི་མ་ཏི། མ་ཏི་མ་ཏི། མ་ཏི་མ་ཏི། མ་ཏི་མ་ཏི། སྨྲིཏི། སྨྲིཏི། སྨྲིཏི། སྨྲིཏི། སྨྲིཏི། སྨྲིཏི། སྨྲི་
ཏི། སྨྲིཏི། སྨྲིཏི། སྨྲིཏི། མ་ཧཱ་སྨྲི་ཏི། མ་ཧཱ་སྨྲི་ཏི། མ་ཧཱ་སྨྲི་ཏི། ཆགས་པ་མི་མངའ་བ་གཏི་མུག་བསལ་ཏུ་གསོལ། སོ་མེ། སོ་མེ། སོ་མེ། སོ་མེ། སོ་མེ། སོ་མེ། སོ་མེ་སོ་མེ། སོ་མེ་སོ་མེ། སོའུ་མན་སྱ་མུ་པ་ན་ཡ། སོའུ་མ་ན་སྱ་མུ་པ་ན་ཡ། སོའུ་མ་ན་
སྱ་མུ་པ་ན་ཡ། སོའུ་མ་ན་སྱ་མུ་པ་ན་ཡ། སོའུ་མ་ན་སྱ་མུ་པ་ན་ཡ། སོའུ་མ་ན་སྱ་མུ་པ་ན་ཡ། སོའུ་མ་ན་སྱ་མུ་པ་ན་ཡ། སོའུ་མ་ན་སྱ་མུ་པ་ན་ཡ། སོའུ་མ་ན་སྱ་མུ་པ་ན་ཡ། སོའུ་མ་ན་སྱ་མུ་པ་ན་ཡ། ཤི་ཁི་ཤི་ཁི། ཤི་ཁི་ཤི་ཁི། ཤི་ཁི་
ཤི་ཁི། ཤི་ཁི་ཤི་ཁི། ཤི་ཁི་ཤི་ཁི། ཞི་བར་གྱུར་ཅིག །བགེགས་མེད་པར་གྱུར་ཅིག །པྲ་བྷ་བ་ཏི། མ་ཧཱ་མཏྱེ། རཤྨི། རཤྨི། རཤྨི། རཤྨི། རཤྨི། རཤྨི། རཤྨི། རཤྨི། རཤྨི། རཤྨི། །སངས་རྒྱས་བཅོམ་ལྡན་
འདས་འདི་དག་གི་མཚན་ཀྱང་གཟུང་བར་བྱ་ཞིང་ཕྱག་བྱའོ། །འདི་ལྟ་སྟེ། བཅོམ་ལྡན་འདས་རིན་ཆེན་འབྱུང་གནས་དང་། བཅོམ་ལྡན་འདས་རིན་ཆེན་ཉི་མ་དང་། བཅོམ་ལྡན་འདས་རིན་ཆེན་མཁྲེགས་དང་། བཅོམ་ལྡན་
འདས་རིན་ཆེན་ཏོག་དང་། བཅོམ་ལྡན་འདས་རིན་ཆེན་འོད་འཕྲོ་དང་། བཅོམ་ལྡན་འདས་རིན་ཆེན་མཐུ་དང་། བཅོམ་ལྡན་འདས་མི་འཁྲུགས་པ་དང་། བཅོམ་ལྡན་འདས་འོད་དཔག་མེད་དང་། བཅོམ་ལྡན་འདས་
དབྱངས་དཔག་མེད་དང་། བཅོམ་ལྡན་འདས་ཐུབ་དཀའ་དང་། བཅོམ་ལྡན་འདས་གྲགས་པ་མཐའ་ཡས་དང་། བཅོམ་ལྡན་འདས་རིན་ཆེན་འོད་དང་། བཅོམ་ལྡན་འདས་བདེ་ཆེན་བརྙེས་དང་། བཅོམ་ལྡན་འདས་སྐར་མ་
འི་འོད་དང་། བཅོམ་ལྡན་འདས་བདེན་དབྱངས་དང་། བཅོམ་ལྡན་འདས་ནད་ཀྱི་དྲི་མ་བྲལ་བ་དང་། བཅོམ་ལྡན་འདས་ཟླ་བ་དཀར་དང་། བཅོམ་ལྡན་འདས་དྲི་མ་མེད་པའི་འོད་དང་། བཅོམ་ལྡན་འདས་ཉི་མ་དཀར་བ་དང་། 

106-1-90a

བཅོམ་ལྡན་འདས་ཉི་མའི་འོད་དང་། བཅོམ་ལྡན་འདས་འོད་དག་པ་དང་། བཅོམ་ལྡན་འདས་རིན་ཆེན་མཐའ་ཡས་དང་། བཅོམ་ལྡན་འདས་རིན་ཆེན་སྙིང་པོ་དང་། བཅོམ་ལྡན་འདས་རིན་ཆེན་འབྱུང་བ་དང་། བཅོམ་ལྡན་
འདས་ཟླ་བའི་སྒྲོན་མ་དང་། བཅོམ་ལྡན་འདས་པད་མའི་སྡེ་དང་། བཅོམ་ལྡན་འདས་པད་མའི་སྒྲ་དང་། བཅོམ་ལྡན་འདས་པད་མའི་མཆོག་དང་། བཅོམ་ལྡན་འདས་ཡོན་ཏན་མཆོག་དང་། བཅོམ་ལྡན་འདས་གསེར་འོད་དང་། 
བཅོམ་ལྡན་འདས་ཚངས་པའི་དབང་ཕྱུག་རྒྱལ་པོ་དང་། བཅོམ་ལྡན་འདས་གསེར་ལྟ་བུར་སྣང་བ་དང་། བཅོམ་ལྡན་འདས་གསེར་གྱི་འབྱུང་གནས་དང་། བཅོམ་ལྡན་འདས་ཀླུའི་དབང་ཕྱུག་རྒྱལ་པོ་དང་། བཅོམ་ལྡན་འདས་མེ་ཏོག་དང་། 
བཅོམ་ལྡན་འདས་སྤོས་ཐམས་ཅད་ཀྱི་དབང་ཕྱུག་རྒྱལ་པོ་དང་། བཅོམ་ལྡན་འདས་ཕྲེང་བའི་རྒྱལ་པོ་དང་། བཅོམ་ལྡན་འདས་དཔའ་བརྟན་པའི་སྡེ་དང་། བཅོམ་ལྡན་འདས་མཚོན་ཆ་སྤོང་དང་། བཅོམ་ལྡན་འདས་དཔལ་གྱི་སྙིང་
པོ་ནོར་བུ་རིན་ཆེན་སྣང་དང་། བཅོམ་ལྡན་འདས་དཔག་མེད་རྟོགས་འོད་དང་། བཅོམ་ལྡན་འདས་སེང་གེ་སྒྲ་དང་། བཅོམ་ལྡན་འདས་སེང་གེ་དབང་ཕྱུག་རྒྱལ་པོ་དང་། བཅོམ་ལྡན་འདས་མཐུ་ཆེན་བརྩོན་འགྲུས་ངེས་
འབྱུང་དང་། བཅོམ་ལྡན་འདས་སྙིང་པོས་ཟིལ་གནོན་དང་། བཅོམ་ལྡན་འདས་རྔ་སྒྲ་རྒྱལ་པོ་དང་། བཅོམ་ལྡན་འདས་ཟླ་བ་མཆོག་དང་། བཅོམ་ལྡན་འདས་པད་མས་ཟིལ་གནོན་དང་། བཅོམ་ལྡན་འདས་འཇིག་
རྟེན་སྒྲོན་མ་དང་། བཅོམ་ལྡན་འདས་མེ་དང་། བཅོམ་ལྡན་འདས་སྐྲག་བྱེད་དང་། བཅོམ་ལྡན་འདས་རིན་ཆེན་མུ་ཁྱུད་དང་། བཅོམ་ལྡན་འདས་རྟག་ཏུ་ཡོངས་སུ་མྱ་ངན་ལས་འདས་པ་དང་། བཅོམ་ལྡན་འདས་བློ་ཡངས་
དང་། བཅོམ་ལྡན་འདས་རིན་ཆེན་དཔག་མེད་སྤྲུལ་འོད་དང་། བཅོམ་ལྡན་འདས་རི་རབ་ལྟར་རྣམ་པར་གནོན་པ་དང་། བཅོམ་ལྡན་འདས་ཕྱག་ན་རིན་ཆེན་མཆོག་དང་། བཅོམ་ལྡན་འདས་རིན་ཆེན་འདུས་པའི་དཔལ་དང་། 

106-1-90b

བཅོམ་ལྡན་འདས་ཕྱིར་མི་ལྡོག་པའི་འཁོར་ལོ་རིན་པོ་ཆེའི་ཚིག་གི་དཔལ་དང་། བཅོམ་ལྡན་འདས་ཀུན་ནས་རྣམ་པར་སྣང་མཛད་རྣམ་པར་དག་པ་བརྙེས་པ་དང་། བཅོམ་ལྡན་འདས་ཉི་ཟླ་སྒྲོན་མ་དང་། བཅོམ་ལྡན་འདས་ལྷུན་
པོ་དང་། བཅོམ་ལྡན་འདས་ལྷུན་པོ་ཆེན་པོ་དང་། བཅོམ་ལྡན་འདས་རི་རབ་དང་། བཅོམ་ལྡན་འདས་ཤིན་ཏུ་ལྷུན་པོ་དང་། བཅོམ་ལྡན་འདས་རི་རབ་ལྟ་བུའོ། །ཏདྱ་ཐཱ། པ་ཏ་པ་ཏ། ད་མ་ད་མ། གྷ་མ་གྷ་མ་སྭཱ་ཧཱ། ཤར་ཕྱོགས་
ལོགས་ན་སངས་རྒྱས་བཅོམ་ལྡན་འདས་འདི་དག་ལ་སོགས་པ་འཁོར་དང་བཅས་པ་གང་དག་བཞུགས་པ་འདྲེན་པ་དེ་དག་ལ་ཕྱག་འཚལ་ལོ། །དེ་དག་གིས་ཀྱང་བདག་འཁོར་དང་བཅས་པ་ལ་ནད་མེད་པ་དང་། ཞི་བར་བསྲུང་
དུ་གསོལ། ལྷོ་ཕྱོགས་ལོགས་ན་སངས་རྒྱས་བཅོམ་ལྡན་འདས་གང་དག་བཞུགས་པ་འདྲེན་པ་དེ་དག་ལ་ཕྱག་འཚལ་ལོ། །དེ་དག་གིས་ཀྱང་བདག་ལ་ནད་མེད་པ་དང་ཞི་བར་བསྲུང་དུ་གསོལ། །ནུབ་ཕྱོགས་ལོགས་ན་སངས་རྒྱས་
བཅོམ་ལྡན་འདས་གང་དག་བཞུགས་པ་འདྲེན་པ་དེ་དག་ལ་ཕྱག་འཚལ་ལོ། །དེ་དག་གིས་ཀྱང་བདག་ལ་ནད་མེད་པ་དང་། ཞི་བར་བསྲུང་དུ་གསོལ། བྱང་ཕྱོགས་ལོགས་ན་སངས་རྒྱས་བཅོམ་ལྡན་འདས་གང་དག་བཞུགས་པ་
འདྲེན་པ་དེ་དག་ལ་ཕྱག་འཚལ་ལོ། །དེ་དག་གིས་ཀྱང་བདག་ལ་ནད་མེད་པ་དང་། ཞི་བར་བསྲུང་དུ་གསོལ། འོག་གི་ཕྱོགས་ལོགས་ན་སངས་རྒྱས་བཅོམ་ལྡན་འདས་གང་དག་བཞུགས་པ་འདྲེན་པ་དེ་དག་ལ་ཕྱག་འཚལ་ལོ། །
དེ་དག་གིས་ཀྱང་བདག་ལ་ནད་མེད་པ་དང་། ཞི་བར་བསྲུང་དུ་གསོལ། སྟེང་གི་ཕྱོགས་ལོགས་ན་སངས་རྒྱས་བཅོམ་ལྡན་འདས་གང་དག་བཞུགས་པ་འདྲེན་པ་དེ་དག་ལ་ཕྱག་འཚལ་ལོ། །དེ་དག་གིས་ཀྱང་བདག་ལ་ནད་མེད་པ་དང་། 
ཞི་བར་བསྲུང་དུ་གསོལ། ཕྱོགས་མཚམས་ལོགས་ན་སངས་རྒྱས་བཅོམ་ལྡན་འདས་གང་དག་བཞུགས་པ་འདྲེན་པ་དེ་དག་ལ་ཕྱག་འཚལ་ལོ། །དེ་དག་གིས་ཀྱང་བདག་ལ་ནད་མེད་པ་དང་། ཞི་བར་བསྲུང་དུ་གསོལ། ཏདྱ་ཐཱ། 
106-1-91a

མ་ལེ། བི་མ་ལཱ་ཀ་རེ།  བི་མ་ལ་སྃ་བྷ་བེ་སྭཱ་ཧཱ། བི་མ་ལེ། མ་བི་མ་ལེ། བི་མ་ལེ། བི་མ་ལེ། བི་མ་ལེ། བི་མ་ལེ། བི་མ་ལེ། བི་མ་ལེ། བི་མ་ལཱ་ཀ་རེ། བི་མ་ལཱ་ཀ་རེ། བི་མ་ལཱ་ཀ་རེ། བི་མ་ལཱ་ཀ་རེ། བི་མ་ལཱ་ཀ་
རེ། བི་མ་ལཱ་ཀ་རེ། བི་མ་ལཱ་ཀ་རེ། བི་མ་ལཱ་ཀ་རེ། བི་མ་ལ་ས་མུད་ག་ཏེ། བི་མ་ལ་ས་མུད་ག་ཏེ། བི་མ་ལ་ས་མུད་ག་ཏེ། བི་མ་ལ་ས་མུད་ག་ཏེ། བི་མ་ལ་ས་མུད་ག་ཏེ། བི་མ་ལ་ས་མུད་ག་ཏེ། བི་མ་ལ་ས་མུད་ག་ཏེ། 
བི་མ་ལ་ས་མུད་ག་ཏེ། བི་མ་ལ་ས་མུད་ག་ཏེ། རིག་སྔགས་འདི་ནི་རིག་སྔགས་ཆེ། །ལྷ་རྣམས་ཀྱིས་ནི་བརྗོད་པ་ཡིན། །འདི་ནི་དུས་གསུམ་བརྗོད་བྱས་ན། །ནད་རྣམས་ལས་ནི་ཡོངས་སུ་ཐར། །མི་མ་ཡིན་གྱིས་གང་བྱས་
དང་། །སྡིག་པ་གང་དག་སྦྱོར་བྱས་དགྲོལ། །དེ་དག་དྲན་པ་བརྗེད་མི་འགྱུར། །བཟུང་བ་རྣམས་ཀྱང་ཆུད་མི་ཟ། །དེ་དག་སྐྱེ་བ་རྣམས་སུ་ཡང་། །རྟག་ཏུ་སངས་རྒྱས་འབྲལ་མི་འགྱུར། །སུ་ཞིག་དྲི་མ་མེད་པའི་གཟུངས། །
འདི་ནི་དགའ་བས་འཛིན་བྱེད་པ། །ཞིང་རྣམས་ཀུན་ཏུ་རྒྱུ་བ་ན། །དཔལ་ལྡན་པད་མའི་སྙིང་པོར་འབྱུང་། །མཚན་རྣམས་ཀྱིས་ནི་ལེགས་པར་བརྒྱན། །ཡན་ལག་འོད་ཟེར་དྲ་བ་འབྱུང་། །ཏདྱ་ཐཱ། ཀུ་ཊི་ཀུ་ཊི། ཀུད་ཙཱ་ལོ། 
ཨེ་ལ། ཨེ་ལ། མུག་ཏ། ཀོད་ཐཱ་ལོ། །ཨེ་རི་རི། ར་མྲི་ཏི་སྭཱ་ཧཱ། བཅོམ་ལྡན་འདས་ཀྱིས་དེ་སྐད་ཅེས་བཀའ་སྩལ་ནས། བྱང་ཆུབ་སེམས་དཔའ་སེམས་དཔའ་ཆེན་པོ་བློ་གྲོས་རྣམ་པར་དག་པ་དང་། ལྷ་དང་། མི་དང་། ལྷ་མ་
ཡིན་དང་། དྲི་ཟར་བཅས་པའི་འཇིག་རྟེན་ཡི་རངས་ཏེ། བཅོམ་ལྡན་འདས་ཀྱིས་གསུངས་པ་ལ་མངོན་བར་བསྟོད་དོ། །འཕགས་པ་དྲི་མ་མེད་པ་ཞེས་བྱ་བའི་གཟུངས། རྫོགས་སྷོ།། །།
རྒྱ་གར་གྱི་མཁན་པོ་ཛི་ན་མི་ཏྲ་དང་། དཱ་ན་ཤཱི་ལ་དང་། ཞུ་ཆེན་གྱི་ལོ་ཙྪ་བ་བན་དེ་ཡེ་ཤེས་སྡེས་བསྒྱུར་ཅིང་ཞུས་ཏེ། སྐད་གསར་ཆད་ཀྱིས་ཀྱང་བཅོས་ནས་གཏན་ལ་ཕབ་པ། སྐར་ཞུས།།

106-1-91b

རྒྱ་གར་སྐད་དུ། ཨཱརྱ་བི་ཤི་ཥ་བ་ཏི་ནཱ་མ་དྷཱ་ར་ཎཱི། བོད་སྐད་དུ། འཕགས་པ་ཁྱད་པར་ཅན་ཞེས་བྱ་བའི་གཟུངས། སངས་རྒྱས་དང་། བྱང་ཆུབ་སེམས་དཔའ་ཐམས་ཅད་ལ་ཕྱག་འཚལ་ལོ། །འདི་སྐད་བདག་གིས་ཐོས་པ་དུས་
གཅིག་ན། བཅོམ་ལྡན་འདས་སྦྲུལ་གྱི་ལོའི་དགུན་ཟླ་ར་བའི་ཚེས་ཉི་ཤུ་ལ་ཡུལ་ཕུག་རོན་ཅན་ན། གྲོང་ཁྱེར་སན་ཙོ་ཞེས་བྱ་བའི་གཙུག་ལག་ཁང་ན་བཞུགས་ཏེ། དེའི་ཚེ་དགེ་སློང་ཚེ་བརྗོད་ཅེས་བྱ་བ་དོན་ཞིག་གི་ཕྱིར་གྲོང་ཁྱེར་
གནས་སོང་ཞེས་བྱ་བར་སོང་སྟེ། དགེ་སློང་དེ་རྒྱ་ཡུལ་གྱི་གྲོང་ཁྱེར་ནས་དཔག་ཚད་བརྒྱའི་ལམ་དུ་ཕྱིན་པ་དང་། དགེ་སློང་དེས་པར་དེར་མི་ལུས་ཆེན་པོ་ཁྲུན་དུ་མཐུ་སུམ་བཅུ་ཡོད་པ། བཞིན་མཐོ་བཞི་པ་ཞིག་རྒྱང་རིང་པོ་ནས་
མཐོང་ངོ་། །མཐོང་ནས་ཀྱང་དགེ་སློང་ཚེ་རྗོད་དེས་མི་དེ་ལྟ་བུ་དེ་ལ་འདི་སྙམ་དུ་བསམས་ཏེ། ཀྱེ་མ་མི་འདི་ནི་ལུས་ཆེ་སྟེ། འདི་ནི་འཇམ་དཔལ་གཞོན་ནུར་གྱུར་པ་ཡིན་དུ་ངེས་སོ་སྙམ་ནས། དེས་པུས་མོ་གཉི་གའི་ལྷ་ང་ས་ལ་བཙུགས་
ཏེ། མི་ལུས་ཆེན་པོ་ག་ལ་བ་དེ་ལོགས་སུ་ཐལ་མོ་སྦྱར་བ་བཏུད་ནས། མི་ལུས་ཆེན་པོ་དེ་ལ་འདི་སྐད་ཅེས་སྨྲས་སོ། །ཇི་ཁྱོད་འཇམ་དཔལ་གཞོན་ནུར་གྱུར་པ་སྟེ། འདི་ན་གདའ་འམ། འཇམ་དཔལ་གྱིས་སྨྲས་པ། 
དགེ་སློང་དེ་དེ་བཞིན་ནོ། །དགེ་སློང་དེས་སྨྲས་པ། འཇམ་དཔལ་ཁྱོད་ཅིའི་སླད་དུ་འདི་ན་གདའ། འཇམ་དཔལ་གཞོན་ནུར་གྱུར་པས་སྨྲས་པ། དགེ་སློང་འཛམ་བུའི་གླིང་འདིར་སེམས་ཅན་རྣམས་ལ་ནད་རྣམ་པ་སྣ་ཚོགས་བྱུང་སྟེ། 
གནོད་སྦྱིན་དང་། ལྷ་མ་ཡིན་དང་། ནམ་མཁའ་ལྡིང་དང་། དྲི་ཟ་རྣམས་རིའི་རྒྱལ་པོ་རི་རབ་ཀྱི་ངོས་གཅིག་ལ་གནས་སོ། །དེས་ཉི་ཟླའི་འོད་ཀྱང་མི་མངོན། ཉི་མ་དང་། ཟླ་བ་དང་། གཟའ་དང་། རྒྱུ་སྐར་རྣམས་ཀྱང་ནམ་མཁའི་
བར་སྐབས་ན་མི་སྣང་ངོ་། །དེའི་ཚེ་ལྷ་དང་། ལྷ་མ་ཡིན་ཀྱང་གཡུལ་འགྱེད་དེ། གཡུལ་བཀྱེ་བ་དང་ལྷ་རྣམས་ནི་ཕམ། ལྷ་མ་ཡིན་རྣམས་ནི་རྒྱལ་ཏེ། དེའི་ཚེ་འབྱུང་པོ་དང་། ཡི་དགས་རྣམས་བུད་མེད་ཀྱི་གཟུགས་ཀྱིས་

106-1-92a

སེམས་ཅན་རྣམས་ལ་ནད་གཏོང་སྟེ། འདི་ལྟ་སྟེ། ལྐོག་མའི་ལྷ་གོར་ན་བ་དང་། འབྲུམ་ཕྲན་དང་། མེ་དབལ་དང་། ལྟོ་ན་བ་དང་། རིམས་ཉིན་གཅིག་པ་དང་། ཉིན་གཉིས་པ་དང་། ཉིན་གསུམ་པ་དང་། ཉིན་བཞི་པ་དང་། རླུང་ལས་གྱུར་
པ་དང་། མཁྲིས་པ་ལས་གྱུར་པ་དང་། བད་ཀན་ལས་གྱུར་པ་དང་། འདུས་པ་ལས་གྱུར་པ་དང་། ཀླད་པ་ན་བ་དང་། ཕོལ་མིག་དང་། གཡན་པ་དང་། ཚད་པ་དང་། མིག་ནད་ལ་སོགས་པ་ཉེ་བར་སྒྲུབ་བོ། །འདི་ལྟ་སྟེ། ཆར་ཆེ་བ་
དང་། ཐན་པ་དང་། དུས་མ་ཡིན་པའི་ཆར་གྱིས་ལོ་ཏོག་ཕུན་སུམ་ཚོགས་པའི་འོངས་འཕྲོག །སེམས་ཅན་རྣམས་ཀྱི་མདངས་འཕྲོག །ཚེ་དང་། སྟོབས་དང་། མདོག་དང་། གཟུགས་འཕྲོག་སྟེ། དེའི་ཚེ་འཛམ་བུའི་གླིང་ན་སེམས་ཅན་ཐམས་
ཅད་ནད་སྣ་ཚོགས་ཀྱིས་ཡོངས་སུ་ཉེན་ཏོ། །གཏུམ་པོ་སེང་གེ་དང་། སྤྱང་ཀི་དང་། སྟག་དང་། སྦྲུལ་ལ་སོགས་པའི་གཟུགས་ཀྱིས་སེམས་ཅན་རྣམས་ཀྱི་མདངས་འཕྲོག་སྟེ། འཛམ་བུའི་གླིང་གི་སེམས་ཅན་རྣམས་ལ་དུས་མ་ཡིན་པར་ཆུད་ཟ་བར་ཉེ་བར་
གནས་པས་སེམས་ཅན་རྣམས་ནད་ལས་ཐར་བར་བྱ་བ་ཡང་དཀའ་སྟེ། འཛམ་བུའི་གླིང་འདིར་སེམས་ཅན་རྒན་པ་དང་། བར་མ་དང་། གཞོན་པ་དག་ལས་དཀྲིགས་ཕྲག་སུམ་བཅུ་འཆི་བར་འགྱུར་རོ། །དེའི་ཕྱིར་ང་དགེ་སློང་ཁྱོད་
ཀྱི་གན་དུ་འོངས་ཀྱིས། ཁྱོད་ཀྱིས་འཛམ་བུའི་གླིང་གི་སེམས་ཅན་ཐམས་ཅད་ལ་ཆོས་ཀྱི་རྣམ་གྲངས་འདི་སྒྲོགས་ཤིག །དེ་ཅིའི་ཕྱིར་ཞེ་ན། འཛམ་བུའི་གླིང་པའི་སེམས་ཅན་ཐམས་ཅད་ནི་འདི་སྙམ་དུ་བདག་ཅག་ཇི་ལྟར་སྡུག་
བསྔལ་གྱིས་བཅིངས་པ་ཐམས་ཅད་ལས་ཐར་བར་འགྱུར་སྙམ་དུ་རེ་བའི་ཕྱིར་རོ། །དེ་ལྟ་བས་ན་དགེ་སློང་ཁྱོད་ཀྱིས་སེམས་ཅན་ཐམས་ཅད་ལ་མདོ་འདི་སྒྲོགས་ཏེ། སེམས་ཅན་ཐམས་ཅད་ལ་དགེ་བའི་རྩ་བ་བསྐྱེད་པའི་
ཕྱིར་ནན་ཏན་གྱིས་ཤིག །དཀོན་མཆོག་གསུམ་ལ་རྟག་པར་རྒྱུན་དུ་དད་པར་གྱིས་ཤིག །ལྷ་རྗེད་ཅིག །དེ་བཞིན་གཤེགས་པའི་མཆོད་རྟེན་རྣམས་སམ། སྐུ་གཟུགས་རྣམས་ལ་སྤོས་དང་། མེ་ཏོག་དང་། 

106-1-92b

བདུག་པ་རྣམས་ཀྱིས་མཆོད་པར་གྱིས་ཤིག །ཁྱད་པར་ཅན་གྱི་གཟུངས་ཀྱང་ལྷོགས་ཤིག །ཉི་མ་བདུན་ཡན་ལག་བརྒྱད་དང་ལྡན་པའི་གསོ་སྦྱོང་ལ་ཉེ་བར་གནས་པར་གྱིས་ཤིག །བཅོམ་ལྡན་འདས་དེ་བཞིན་གཤེགས་པ་བློ་
ཡངས་ཟབ་མོ་འབྲུག་བསྒྲགས་རྒྱལ་པོ་ལ་ཕྱག་འཚལ་ལོ། །ཏདྱ་ཐཱ། བི་པུ་ལ་གརྫི་ཏེ། བི་པུ་ལ་སྭཱ་རེ། བི་པུ་ལ་ཡོ་ནི་ཤེ། ཨ་ན་ལ་སེ། ཨ་ན་ལ་སྃ་བྷ་བེ། ཨ་ན་ལ་ས་གི་ཏྃ་ག་ཏེ་སྭཱ་ཧཱ། དེ་བཞིན་གཤེགས་པ་སྒྲིབ་པ་ཐམས་
ཅད་རྣམ་པར་སེལ་བ་ལ་ཕྱག་འཚལ་ལོ། །ཏདྱ་ཐཱ། ཧེ་མ་ཧེ་མ། ཧ་མ་ཧ་མ་སྭཱ་ཧཱ། དེ་བཞིན་གཤེགས་པ་འོད་དཔག་མེད་ལ་ཕྱག་འཚལ་ལོ། །ཏདྱ་ཐཱ། ཨ་མི་ཏོད་བྷ་བེ། ཨ་མི་ཏ་སྃ་བྷ་བེ། ཨ་མི་ཏ་བི་ཀྲིན་ཏེ། ཨ་མི་ཏ་བི་
ཀྲན་ཏྃ་ཀ་རེ། ཨ་མི་ཏ་ག་ག་ན་ཀཱིར་ཏི་ཀ་རེ་སྭཱ་ཧཱ། དེ་བཞིན་གཤེགས་པ་ཡོན་ཏན་འབྱུང་གནས་ལ་ཕྱག་འཚལ་ལོ། །ཏདྱ་ཐཱ། ག་ག་ན་ཨ་ཀ་ར། ག་ག་ན་སྃ་བྷ་བེ། ག་ག་ན་ཀཱིར་ཏི་ཀ་རེ་སྭཱ་ཧཱ། དེ་བཞིན་གཤེགས་པ་ཀུན་ནས་
སྤོས་མཆོག་ལ་ཕྱག་འཚལ་ལོ། །ཏདྱ་ཐཱ། ས་མ་ས་མེ་སྭཱ་ཧཱ། དེ་བཞིན་གཤེགས་པ་གཞན་གྱིས་མི་ཐུབ་པའི་རྒྱལ་མཚན་གྱིས་འབྲུག་བསྒྲགས་གཤེགས་པ་ལ་ཕྱག་འཚལ་ལོ། །ཏདྱ་ཐཱ། ཨ་ས་མ་ས་མེ་སྭཱ་ཧཱ། དེ་བཞིན་
གཤེགས་པ་ང་རྒྱལ་གནོན་པ་ལ་ཕྱག་འཚལ་ལོ། །ཏདྱ་ཐཱ། མ་ན་བི་ཤུད་དྷེ། པད་མེ་ཤྭ་རེ། པད་མ་སྃ་བྷ་བེ། ཀིང་ཀ་རེ། ཧི་ཏྃ་ཀ་རི་ཡེ་སྭཱ་ཧཱ། སངས་རྒྱས་དང་། བྱང་ཆུབ་སེམས་དཔའ་ཐམས་ཅད་ལ་ཕྱག་འཚལ་ལོ། །
དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་སྒྲིབ་པ་ཐམས་ཅད་རྣམ་པར་སེལ་བ་ལ་ཕྱག་འཚལ་ལོ། །ཏདྱ་ཐཱ། ཤྭེ་ཏ་ཀ་ར་བྷེ་ཛྭ་ལི་ཎཱི་སྭཱ་ཧཱ། ཛྃ་བྷ་ནེ། སྟྃ་བྷ་ནེ། མོ་ཧ་ནེ་སྭཱ་ཧཱ། པོ་ཎ་ཌ་རི་ཀཱ་ཡ་
སྭཱ་ཧཱ། ཧོ་མེ་དྷརྨེ་དྷརྨཱ་ཙིན་ཧཱ་ཡེ་སྭཱ་ཧཱ། དྷ་རེ་བྷི་དྷ་རེ། ཀ་ལ་པིང་ཀ་རུ་ཏཱ་ཡེ་སྭཱ་ཧཱ། ཤཱན་ཏེ། ཀཱིན་ནེ། ནིརྦཱ་པ་ཎྱེ་སྭཱ་ཧཱ། དྷུ་རུ་དྷུ་རུ། བི་དུ་རུ་དྷི་ཡེ་སྭཱ་ཧཱ། བི་ལ་མ་པྲ་ཙུན་དྷཱ་ཡེ་སྭཱ་ཧཱ། ཨ་བ་ལོ་ཀི་ཏ། བི་ལོ་ཀེ་ཏཱ་ཡེ་སྭཱ་ཧཱ། ཨང་ཉཱ་

106-1-93a

ནྱ་བི་དྷ་མ་ནྱེ་སྭཱ་ཧཱ། པད་མ་སྭ་རེ། པད་མ་སྃ་བྷ་བེ། ཀིང་ཀ་རེ་ཧི་ཏང་ཀ་རི་ཡེ་སྭཱ་ཧཱ། སངས་རྒྱས་དང་། བྱང་ཆུབ་སེམས་དཔའ་ཐམས་ཅད་ལ་ཕྱག་འཚལ་ལོ། །ཏདྱ་ཐཱ། ཙན་དྲ་པྲ་བྷེ། ཙན་དྲ་ན་གརྦྷེ།  ཙན་དྲ་ན་ཙུརྞེ།  ཀེ་
ཀེ་ལ་ས་བ་ཏི། སརྦ་བུད་དྷ་ཨ་དྷི་ཥྛི་ཏ་ཨ་ནུ་མོ་དི་ཏེ་སྭཱ་ཧཱ། བྱང་ཆུབ་སེམས་དཔའ་འཕགས་པ་འཇམ་དཔལ་ལ་ཕྱག་འཚལ་ལོ། །ཏདྱ་ཐཱ། ཛ་ཡེ་ཛ་ཡེ། ཛ་ཡ་ལ་བ་དྷེ། ཛ་ཡ་མ་ཧཱ་མ་ཧེ་སྭཱ་ཧཱ། བྱང་ཆུབ་སེམས་དཔའ་
སེམས་དཔའ་ཆེན་པོ་འཕགས་པ་སྤྱན་རས་གཟིགས་དབང་ཕྱུག་ལ་ཕྱག་འཚལ་ལོ། །ཏདྱ་ཐཱ། ག་ག་ན་ཨརྱེ། ག་ག་ན་ས་མུད་ག་ཏེ། ག་ག་ན་བི་ཀྲཱན་ཏ།  བི་ཀྲཱན་ཏེ། ཨེ་ཛི་མེ་ཛི། པད་མོ་ཛི་སྭཱ་ཧཱ། བྱང་ཆུབ་སེམས་
དཔའ་ཀུན་ཏུ་བཟང་པོ་ལ་ཕྱག་འཚལ་ལོ། །ཏདྱ་ཐཱ། ཧེ་བྷ་དྲེ། མ་ཧཱ་བྷ་དྲེ། ཨ་ཏི་བྷ་དྲེ། ས་མན་ཏ་བྷ་དྲེ། བི་ག་ཏ་རཱ་ཛ་མེ། མ་ཧཱ་བི་ག་ཏ་རཱ་ཛ་སེ། ཨ་ཏི་བི་ག་ཏ་རཱ་ཛ་སེ། ཧེ་མ་བ་ཏི། ཀརྨ་ཨཱ་བ་ར་ཎ་བི་ཤོ་དྷ་ནེ་སྭཱ་ཧཱ། 
བྱང་ཆུབ་སེམས་དཔའ་འཕགས་པ་བྱམས་པ་ལ་ཕྱག་འཚལ་ལོ། །ཏདྱ་ཐཱ། མཻ་ཏྲྀ་མཻ་ཏྲི། མཻ་ཏྲ་མ་ན་སེ་སྭཱ་ཧཱ། བྱང་ཆུབ་སེམས་དཔའ་འཕགས་པ་ནམ་མཁའི་སྙིང་པོ་ལ་ཕྱག་འཚལ་ལོ། །ཏདྱ་ཐཱ། གརྦྷེ་གརྦྷེ་
གརྦྷེ། གརྦྷ་བི་ཤོ་དྷ་ནེ་སྭཱ་ཧཱ། བྱང་ཆུབ་སེམས་དཔའ་འཕགས་པ་བློ་གྲོས་མི་ཟད་པ་ལ་ཕྱག་འཚལ་ལོ། །ཏདྱ་ཐཱ། ཨ་ཀྵ་ཡེ་ནུ། ཨ་ཀྵ་ཡེ་ཕུ། ཨ་ཀྵ་ཡ་ཀརྨ་བི་ཤོ་དྷ་ནེ་ཕུ་སྭཱ་ཧཱ། བྱང་ཆུབ་སེམས་དཔའ་
དྲི་མ་མེད་པར་གྲགས་པ་ལ་ཕྱག་འཚལ་ལོ། །ཏདྱ་ཐཱ། ཀཱིརྟི་ཏཱ་སརྦ་ཛ་ནཻ། ཨ་བྷི་ཀཱིརྟི་ཏ་སརྦ་ཛི་ནཻ། བཛྲ་ཨ་ཀ་རེ། བཛྲ་སྃ་བྷ་བེ། བཛྲ་བེ་དཱ་ཀ་རེ་སྭཱ་ཧཱ། བྱང་ཆུབ་སེམས་དཔའ་སྒྲིབ་པ་ཐམས་ཅད་རྣམ་པར་སེལ་བ་ལ་ཕྱག་
འཚལ་ལོ། །ཏདྱ་ཐཱ། སརྦ་ཨཱ་བ་ར་ཎ་བི་སྐྃ་བི་ཎྱཻ་སྭཱ་ཧཱ། དྷཱ་ཏུ་བི་ཀ་ར་ཎྱཻ་སྭཱ་ཧཱ། མེ་གྷ་བི་སྦོ་ཊ་མེ་སྭཱ་ཧཱ། ཨ་པ་རཱ་ཛི་ཏ་ཀཱ་ཡེ་སྭཱ་ཧཱ། བ་ལ་ད་ད་ཎྱཻ་སྭཱ་ཧཱ། བོ་དྡྱད་དད་ཎྱཻ་སྭཱ་ཧཱ། ཀརྨ་ནིརྦྷ་བི་ཏ་ཀཱ་ཡཻ་སྭཱ་ཧཱ། ཨེ་ཀ་ཨ་ར་མ་ཡཻ་སྭཱ་ཧཱ། ཡོ་གཱ་

106-1-93b

ཙཱ་རཱ་ཡཻ་སྭཱ་ཧཱ། སརྦ་བུད་དྷ་ཨ་བི་ཥི་ག་ཏཱ་ཡཻ་སྭཱ་ཧཱ། བྲཧྨོ་པ་ཀུ་ཏེ་ཡཻ་སྭཱ་ཧཱ། སརྦ་དྷརྨ་ཨ་བྷི་ཥིག་ཏཱ་ཡཻ་སྭཱ་ཧཱ། སརྦ་བུད་དྷ་ཨ་བྷི་ཥཱ་ཏ་ཡཻ་སྭཱ་ཧཱ། ཨེ་ཀ་ཤྲིང་ག་ཡཻ་སྭཱ་ཧཱ། ཨ་ཤྲིང་གཱ་ཡཻ་སྭཱ་ཧཱ། བྷཱུ་ཏཱ་ཡཻ་སྭཱ་ཧཱ། ཨ་སྃ་བྷཱུ་ཏ་ཡེ་སྭཱ་ཧཱ། 
སརྦ་དུཿཁོ་པ་ཤ་མ་ཎྱཻ་སྭཱ་ཧཱ། ཟླ་འོད་གཞོན་ནུར་གྱུར་པ་ལ་ཕྱག་འཚལ་ལོ། །ཏདྱ་ཐཱ། ཙན་དྲ་པྲ་བྷེ། སུ་པྲ་བྷེ། པྲ་བྷ་ཨ་ཀ་རེ། པྲ་བྷོད་ག་ཏེ། པྲ་བྷོད་ག་ཏེ། པྲ་བྷ་བ་ཏི། པྲ་བྷ་བ་ཏི། དྷརྨ་བི་ཤུད་དྷེ། ཀརྨཱ་བི་ཤུད་དྷིར་བཱ་བ་ཏུ་མཻ་སྭཱ་ཧཱ། 
ཚེ་རྗོད་གང་ལ་ལ་ཞིག་རིག་སྔགས་འདིས་ཉིན་ཞག་བདུན་དུ་ཉིན་ལན་བདུན་མཚན་ལན་བདུན་དུ་བྱབ་པ་བྱས་ན། དེའི་ལས་ཀྱི་སྒྲིབ་པ་མ་ལུས་པར་རྣམ་པར་དག་པར་འགྱུར་རོ། །དགེ་སློང་བདུན་ལ་ཟས་སྦྱིན་ནོ། །མེ་ལས་
མེ་སྤེལ་བར་བྱའོ། །མཚན་མོ་མར་མེ་ཐོགས་ཏེ་མཆོད་རྟེན་ལ་སྟི་སྟང་དུ་བྱས་ལ་བསྐོར་བར་བྱའོ། །དམ་པའི་ཆོས་བྲི་བ་དང་། བཀླག་པ་ལ་བརྩོན་པར་བྱའོ། །གལ་ཏེ་ཡམས་ཀྱི་ནད་ཆེར་བྱུང་ནས་ཁྱིམ་ནས་ཁྱིམ་དང་། གྲོང་
ནས་གྲོང་དང་། གྲོང་ཁྱེར་ནས་གྲོང་ཁྱེར་དུ་གན་དྷ་ར་སའི་བདུག་པ་དང་། གཏོར་མ་དང་། ལྷ་བཤོས་ཀྱིས་མཆོད་པར་བྱའོ། །ནད་པ་གང་ཡིན་པ་དེས་ཀྱང་ཆོ་ག་འདི་བཞིན་དུ་བྱས་ན་དེ་མྱུར་དུ་ནད་ལས་ཐར་བར་འགྱུར་རོ། །དེ་ནས་ཡང་
འཇམ་དཔལ་གཞོན་ནུར་གྱུར་པས་དགེ་སློང་ཚེ་བརྗོད་ལ་འདི་སྐད་ཅེས་སྨྲས་སོ། །དགེ་སློང་རིགས་ཀྱི་བུ་འམ། རིགས་ཀྱི་བུ་མོ་གང་ལ་ལ་ཞིག་ཆོས་ཀྱི་རྣམ་གྲངས་འདི་འཛིན་ཏམ། ཀློག་གམ། ཡི་གེར་འདྲི་འམ། ཡི་གེར་འདྲིར་
འཇུག་གམ། གཞན་དག་ལ་ཡང་རྒྱ་ཆེར་ཡང་དག་པར་སྟོན་ན་དེ་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ལས་ཕྱིར་མི་ལྡོག་པར་འགྱུར། ཡང་འཇམ་དཔལ་གཞོན་ནུར་གྱུར་པས་དགེ་སློང་ཚེ་བརྗོད་ལ་འདི་སྐད་ཅེས་སྨྲས་སོ། །
ཆོས་ཀྱི་རྣམ་གྲངས་འདི་ཅི་ནས་སྐྱེ་བོ་ཐམས་ཅད་ཀྱི་རྣ་ལམ་དུ་གྲག་པར་འགྱུར་བར་ཡུལ་ནས་ཡུལ་དང་། གྲོང་ཁྱེར་ནས་གྲོང་ཁྱེར་དང་། གྲོང་ནས་གྲོང་དུ་བཀུར་བར་བྱའོ། །འཇམ་དཔལ་གཞོན་ནུར་གྱུར་པས་དགེ་སློང་ཚེ་བརྗོད་ལ་འདི་སྐད་

106-1-94a

ཅེས་སྨྲས་སོ། །ཚེ་རྗོད་རིགས་ཀྱི་བུ་འམ། རིགས་ཀྱི་བུ་མོ་གང་ལ་ལས་ཆོས་ཀྱི་རྣམ་གྲངས་འདི་ལན་གཅིག་བཀླགས་ན་དེ་བདག་ཉིད་ཐར་བར་འགྱུར་རོ། །སུས་ལན་གཉིས་བཀླགས་ན་དེ་བུ་དང་ཆུང་མ་དང་ལྷན་ཅིག་ཐར་བར་འགྱུར་རོ། །
སུས་ལན་གསུམ་བཀླགས་ན་དེ་རྩ་ལག་གི་སྐྱེ་བོ་དང་བཅས་ཏེ་ཐར་བར་འགྱུར་རོ། །སུས་ལན་བཞི་བཀླགས་ན་དེ་ཡུལ་འཁོར་ཐམས་ཅད་ཀྱང་ཐར་བར་འགྱུར་རོ། །སུས་ལན་ལྔ་བཀླགས་ན་དེ་ཉེ་འཁོར་གྱི་རྒྱལ་པོ་དང་བཅས་པ་ཐར་བར་འགྱུར་
རོ། །ཡང་འཇམ་དཔལ་གཞོན་ནུར་གྱུར་པས་དགེ་སློང་ཚེ་བརྗོད་ལ་འདི་སྐད་ཅེས་སྨྲས་སོ། །ཆོས་ཀྱི་རྣམ་གྲངས་འདི་མྱུར་དུ་ཡུལ་གཞན་དུ་ཏུ་བསྐུར་བར་བྱ་སྟེ། དེར་ཡང་ཡོན་ཏན་འདི་དག་འབྱུང་བར་འགྱུར་རོ། །ཚེ་བརྗོད་གང་གིས་ཆོས་ཀྱི་རྣམ་གྲངས་
འདི་ཐོས་ལ་མི་འཛིན་ཏམ། མི་ཀློག་གམ། ཡི་གེར་མི་འདྲི་འམ། ཡི་གེར་འདྲིར་མི་འཇུག་གམ། ཀུན་ཆུབ་པར་མི་བྱེད་དམ། གཞན་དག་ལ་རྒྱ་ཆེར་ཡང་དག་པར་མི་སྟོན་ཏམ། ཡུལ་གཞན་དུ་མི་འབྱིན་ཏམ། སེམས་ཅན་ཐམས་ཅད་དང་ཐུན་
མོང་དུ་བྱས་ཏེ། མི་ཉན་ཏམ། བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་ཡོངས་སུ་མི་བསྔོ་ན་མཚམས་མེད་པ་ལྔ་བྱེད་པ་རྣམས་ཀྱི་འགྲོ་བ་ཅི་འདྲ་བ་དེ་འདྲ་བར་དེ་མངོན་པར་འགྲུབ་སྟེ། སངས་རྒྱས་དང་བྱང་ཆུབ་སེམས་
དཔའ་ཐམས་ཅད་ཀྱིས་སྨད་པའོ། །ཡང་འཇམ་དཔལ་གཞོན་ནུར་གྱུར་པས་དགེ་སློང་ཚེ་བརྗོད་ལ་འདི་སྐད་ཅེས་སྨྲས་སོ། །ཚེ་རྗོད་སུ་ཞིག་འདི་ཚད་མར་མི་བྱེད་པ་དེ་ནི་ངས་ཐོག་མ་ཉིད་དུ་དད་པར་བྱས་པ་མ་ཡིན་ནོ། །འདི་ལྟར་འཛམ་
བུའི་གླིང་པའི་སེམས་ཅན་ཐམས་ཅད་བདེ་བར་འགྱུར་བར་བྱ་བའི་ཕྱིར་ང་རིའི་རྒྱལ་པོ་རི་རབ་ལ་སོང་སྟེ། ལྷ་དང་དྲི་ཟ་རྣམས་ལ་རྗེས་སུ་བསྟན་པ་དང་འཐུན་བྱ་བའི་ཕྱིར་ནན་ཏན་བྱའོ། །དེ་སྐད་ཅེས་སྨྲས་ནས། འཇམ་དཔལ་གཞོན་
ནུར་གྱུར་པ་དེ་ཉིད་དུ་མི་སྣང་བར་གྱུར་ཏོ། །དགེ་སློང་ཚེ་རྗོད་ཀྱིས་ཀྱང་འཇམ་དཔལ་གཞོན་ནུར་གྱུར་པས་སྨྲས་པ་ལ་མངོན་བར་བསྟོད་དེ་གཟུང་ནས་སོང་ངོ་། །འཕགས་པ་ཁྱད་པར་ཅན་ཞེས་བྱ་བའི་གཟུངས། རྫོགས་སོ།། །།

106-1-94b

རྒྱ་གར་གྱི་མཁན་པོ་ཛི་ན་མི་ཏྲ་དང་། དཱ་ན་ཤཱི་ལ་དང་། ཞུ་ཆེན་གྱི་ལོ་ཙྪ་བ་བན་དེ་ཡེ་ཤེས་སྡེས་བསྒྱུར་ཅིང་ཞུས་ཏེ་སྐད་གསར་ཆད་ཀྱིས་ཀྱང་བཅོས་ནས་གཏན་ལ་ཕབ་པ། སྐར་ཞུས།། ༄༅། །སངས་རྒྱས་བཅོམ་ལྡན་འདས་
ཀྱི་མཚན་བརྒྱ་རྩ་བརྒྱད་པ་གཟུངས་སྔགས་དང་བཅས་པ། ཐམས་ཅད་མཁྱེན་པ་ལ་ཕྱག་འཚལ་ལོ། །བཅོམ་ལྡན་འདས་སྙིང་རྗེའི་ཙན་དན་དྲི་ཞིམ་པོའི་སྤོས་ཀྱིས་བྱུགས་པའི་སྐུ། ཞབས་པད་མ་ལྷ་དང་ལྷ་མ་ཡིན་གྱི་ནོར་
བུའི་ཅོད་པན་ཅན་གྱིས་གཏུགས་པ། རང་བྱུང་སེལ་མཛད། བླ་མ། འཇིག་རྟེན་ཐམས་ཅད་ལ་ཕན་པར་མཛད་པ། སྟོན་པ་དེ་བཞིན་གཤེགས་པ། ཐུབ་པ་ཉེས་པ་དང་བྲལ་བ། ཞི་བའི་བདག་ཉིད་ཅན། གཟུགས་མཛེས་པ། མཚན་
གསལ་བའི་གཟི་བརྗིད་ཅན། སྐུ་དཔེ་བྱད་ཀྱིས་བརྒྱན་པ། ཡོན་ཏན་ཐམས་ཅད་ཡང་དག་པར་རྫོགས་པ་ལ་ཕྱག་འཚལ་ལོ། །པད་མ་རྒྱས་པ་ལྟར་ཞལ་བཞད་དེ། ཚེམས་དཀར་ཞིང་སྙོམས་ལ་ཐགས་བཟང་བས་རབ་ཏུ་རྒྱས་
ཤིང་སྣང་ལ་ནོར་བུ་དྲི་མ་མེད་པ་ལྟར་འོད་གསལ་ཞིང་མཛེས་ཏེ། སྤ་ཞིང་གསལ་བ། ཉི་མ་འོད་ཟེར་སྟོང་འབར་བ་མང་པོའི་འོད་སྣང་བའི་དཀྱིལ་འཁོར་ཟིལ་གྱིས་གནོན་པ། ཐུབ་པའི་མཆོག་སྟོབས་བཅུ་དང་ལྡན་པ་
ལ་ཕྱག་འཚལ་ལོ། །འདུད་དོ། །རབ་ཏུ་འདུད་དོ། །བསྟོད་དོ། ༀ་བྷོ་ཧཱུྃ་ཧཱུྃ། ཨཱ་ཨཱ། ཧཱི་ཧཱི། ཤི་བ་ཤི་བ། ཤཱན་ཏི་ཤཱན་ཏི། ཤ་མ་ཤ་མ། ཤ་མ་པ་ཡ། ཏ་ཐཱ་ག་ཏཱ་ཨ་ནུ་ག་ཏ། སྭ་བྷཱ་བ། ཨ་བྷཱ་བ། ས་མུད་ཏཱ་ཡ། ཨ་ས་མ་པ་ལ། 
ཨ་བི་ར་ལ་བ་ལ། ཨ་མི་ཏ་བ་ལ། ཨ་ཏི་བ་ལ། གྷུྃ་གྷུྃ། དྷོོ་དྷོོ། བྷྲོོ་བྷྲོོ། བྷྲེ་དུ་བྷྲེ་དུ། གྷུྃ་གྷུྃ། དྷཽ་དྷཽ། བྷྲཽ་བྷྲཽ། བྷྲེ་དུ་བྷྲེ་དུ། ཧཱི་ཧཱི། བྷ་ག་བཱན། བྷ་བཱན་ཏ་ཀ །སུ་རཏ་བྷོ་ག་མ་ཧཱ་ཤཱན་ཏི་ཀ་ར། པཱ་པ་ཀི་ལྦི་ཥ་ཎ་ཤ་ཀ་སྭཱ་ཧཱ། དེ་ནས་དཔེ་བྱད་མཚན་གསལ་བས། །
ཡན་ལག་ཐམས་ཅད་རབ་བརྒྱན་ཅིང་། །ཉི་མ་བཞིན་དུ་གསལ་བ་པོ། །འབར་བའི་དཀྱིལ་འཁོར་རྒྱན་མངའ་བ། །གྲགས་ཤིང་དྲི་མ་རབ་སྤངས་ལ། །དྲི་མེད་སྐྱོན་བྲལ་ཆོས་

106-1-95a

ཀྱི་བློ། །ཁྱབ་བདག་ཆེན་པོའི་སྟོབས་བཅུར་ལྡན། །རྡུལ་བྲལ་དཔལ་དང་ལྡན་པ་པོ། །རིན་ཆེན་ས་གཞི་ཆེན་པོ་ལ། །ཕོ་བྲང་རྩེ་མོ་རྡོ་རྗེའི་རྩེ། །རྒྱལ་བའི་སྲས་རྣམས་གནས་གྱུར་པ། །ནོར་བུ་དུ་མ་རབ་འཕྲོ་ཞིང་། །
འོད་ཟེར་དྲི་མེད་གསལ་བཀོད་པའི། །རྡོ་རྗེའི་དཀྱིལ་འཁོར་ཕོ་བྲང་ན། །ཐུབ་པའི་ལོངས་སྤྱོད་ས་གཞི་ལ། །སེང་གེའི་ཁྲི་ཆེན་ཡངས་ལ་བཞུགས། །ནོར་བུ་དབྱིག་གི་ས་གཞི་དང་། །ཁྲི་ཆེན་རབ་སྤ་དེ་ཉིད་ལ། །དེ་བཞིན་
གཤེགས་པ་དགྱེས་ཆེན་གྱིས། །ཕུན་སུམ་ཚོགས་པ་རྒྱན་ཀོ་ལྟ། །ཐུབ་པ་མེ་ཟླ་ནོར་བུའི་འོད། །ཉི་ཟེར་ནོན་པའི་འོད་ལྡན་པ། །བདེ་བླག་ཤིན་ཏུ་བཀྲ་ཤིས་ཚུལ། །འོད་གསལ་སྐྱིལ་མོ་དཀྲུང་བཅས་ནས། །སྐུ་འོད་འབར་བའི་
དཀྱིལ་འཁོར་ཅན། །འོད་གསལ་རྒྱས་པ་ཐུབ་དབང་གི། དྲི་མེད་འོད་ཟེར་བཀྱེ་བ་ནི། །མི་གཡོ་རྡོ་རྗེ་ཅན་ཞེས་བྱ། །དཀྱིལ་འཁོར་ཆེན་པོར་ཞུགས་པ་ཡི། །རྡོ་རྗེ་ཅན་དག་རབ་བཏུལ་བ། །གང་ཡིན་དེ་ཀུན་དག་བྱས་ནས། །དཀྱིལ་
འཁོར་དྲི་མེད་སྐོར་བར་བྱེད། །ངན་སོང་དམ་ཚིག་དྲི་མ་ཀུན། །ལེགས་པར་ཤིན་ཏུ་དག་བྱས་ནས། །སྲིད་གསུམ་དཀྱིལ་འཁོར་རྒྱ་ཆེ་བ། །རྣམ་པ་དུ་མར་འོད་གསལ་བ། །འགྲོ་དང་མི་འགྲོ་མ་ལུས་པ། །བསྐོར་ནས་བདེ་
ཆེན་རྡོ་རྗེ་ཅན། །རྡོ་རྗེ་རལ་གྲི་ཐོགས་པ་དེ། །ཅོད་པན་མ་གཡོས་ནང་དུ་ཞུགས། །དེ་ནས་འཇིགས་པའི་སྒྲ་སྐད་ཀྱིས། །འགེངས་ཤིང་མིག་ནི་གློག་ལྟར་འགྱུ། །རིག་སྔགས་ཧཱུྃ་ཞེས་སྒྲོགས་པ་པོ། །རྡོ་རྗེ་འཇིགས་བྱེད་འཇིགས་
བྱེད་པ། །བཞིན་མཛེས་འཛུམ་གྱིས་རྣམ་པར་བརྒྱན། །སྡིག་མེད་མིག་རྩ་རྒོད་གྱུར་ཅིང་། །སྟན་ལས་ལངས་ཏེ་ཕྱག་འཚལ་ནས། །ལེགས་པར་མཆོད་བྱས་སྨྲས་པ་ནི། །ཀྱེ་མ་སྐྱེ་བའི་ཕྱོགས་འཇོམས་ཤིང་། །བསྐལ་
པ་དུ་མའི་དྲི་མ་སེལ། །རིག་སྔགས་ཡོན་ཏན་སྒྲུབ་བྱེད་པ། །ཐུབ་མཆོག་རྣམས་ཀྱིས་རབ་ཏུ་གསུངས། །དེ་གཟིགས་དགེ་བ་དུ་མ་བརྙེས། །སངས་རྒྱས་བློ་གྲོས་རྒྱས་པར་གྱུར། །བྱང་ཆུབ་སེམས་དཔའ་བློ་

106-1-95b

གྲོས་ཆེ། །བསྐལ་པ་གཅིག་ཏུ་སྤྱོད་པས་ཀྱང་། །བརྒྱུད་མར་སངས་རྒྱས་ཀུན་འབྱུང་ཞིང་། །སྤྱོད་པ་དུ་མ་འབྱུང་བ་ཡི། །ཡོན་ཏན་བརྒྱའི་ཡི་སྤོས་ལྡན་འདི། །ཐོས་པ་སྤྲོ་བར་མི་ནུས་སོ། །ལོངས་སྤྱོད་རྒྱ་མཚོ་ཆེན་པོ་
ཅན། །བྱང་ཆུབ་སེམས་མཆོག་དཀྱིལ་འཁོར་དུ། །རྒྱལ་མཆོག་རྣམས་ཀྱིས་དབང་བསྐུར་བའི། །ཕྱིར་མི་ལྡོག་པའི་ཆོས་ཅན་ལྡན། །འདི་ཐོས་སངས་རྒྱས་སྤྱོད་པ་ཡི། །སེམས་ཅན་ཀུན་གྱི་སྡིག་པ་རྣམས། །མ་ལུས་
རབ་ཏུ་བསལ་ནས་ནི། །བློ་ཆེན་དྲི་མ་མེད་པར་འགྱུར། །ཞི་ཞིང་དག་བྱེད་བཀྲ་ཤིས་ལ། །རྡུལ་མེད་བརྒྱན་ཏེ་ཞི་བར་བྱེད། །དགེ་ཞིང་མྱ་ངན་ཐམས་ཅད་སེལ། །སྡུག་བསྔལ་ཐམས་ཅད་ངེས་པར་འཇོམས། །དབང་བྱེད་གསང་
སྔགས་དམ་པ་སྟེ། །ས་སྟེངས་སྡིག་པ་ཐམས་ཅད་སེལ། །མ་སྨད་འབྲས་བུ་ངེས་པར་སྦྱིན། །བསྟན་པ་ཡིན་ཏེ་སྡང་བ་འདུལ། །ཉེས་པ་བྱས་པ་སེལ་བ་ཡིན། །གཟུངས་འདི་གང་གིས་ཐོས་གྱུར་དེ། །སངས་རྒྱས་རྙེད་
པར་དཀའ་བ་ཡང་། །རིང་པོར་མི་ཐོགས་ཐོབ་པར་འགྱུར། །སྒྲིབ་པ་ཐམས་ཅད་རབ་ཞི་ཞིང་། །ཁྱབ་བདག་ཉོན་མོངས་ཀུན་སེལ་བ། །གང་ཞིག་ཉོན་མོངས་ཞི་བྱེད་པའི། །གཟུངས་འདི་འཆང་བར་བྱེད་པ་ཡིས། །ཀུན་ཏུ་བཟང་
པོ་ཉིད་དང་ནི། །ལག་ན་རྡོ་རྗེ་ཉིད་ཀྱང་འཐོབ། །རིག་སྔགས་འཆང་གི་བདག་པོ་ཡང་། །འདི་ཐོས་པ་ནི་ཐོབ་པར་འགྱུར། །འཇིག་རྟེན་ཀུན་ན་ལམ་མེ་བ། །བཅོམ་ལྡན་རྣམ་པར་སྣང་མཛད་ཀྱང་། །དཀྱིལ་འཁོར་དམ་པ་གཏིང་
མེད་པ། །འདི་ནི་ཇི་སྲིད་མ་གསན་པར། །རབ་ཞི་ཉོན་མོངས་འདུལ་བ་ཡི། །རང་འབྱུང་གོ་འཕང་མ་བརྙེས་ཏེ། །རྣམ་པར་དག་ཕྱིར་གསན་གྱུར་ནས། །གསན་མ་ཐག་ཏུ་རྣམ་པར་དག །དེ་ཕྱིར་ཕུན་སུམ་ཚོགས་པ་དང་། །ལེགས་པར་འདོད་
པས་བརྗོད་པར་བྱ། །གཞན་གྱིས་མི་ཐུབ་གཟུངས་གསན་ནས། །ཐུབ་པ་ཀུན་གྱིས་གང་བརྙེས་པ། །འཁོར་བ་འདིར་ནི་ནམ་དུ་ཡང་། །བདུད་ཀྱི་ལས་དང་འཁྲུག་མེད་དང་། །མྱ་ངན་མེད་ཅིང་འཐབ་མེད་པ། །གཟུངས་ལ་གནས་པས་ཐོབ་

106-1-96a

པར་འགྱུར། །གནས་ཀྱི་དམ་པ་ཐོབ་ནས་ཀྱང་། །ཐུབ་པ་དྲི་མ་མེད་པའི་བློ། །གཟིགས་པ་བཟང་རྣམས་གར་གཤེགས་པའི། །བཟང་འགྲོ་དེར་ནི་འགྲོ་བར་འགྱུར། །ལེགས་པ་འདོད་པ་རྣམས་ཀྱིས་ནི། །ཚིག་གི་མདོ་འདི་མཉན་པར་གྱིས། །ཉོན་མོངས་
ཟད་པར་བྱ་བ་ལ། །རྒྱལ་བས་གསུངས་པའི་གཟུངས་འདིས་ཆོག །སྡིག་པ་བྱེད་ཅིང་དགེ་ལ་སྡང་། །སྡིག་པའི་རང་བཞིན་རབ་འཇུངས་པ། །གང་གིས་ཐོས་ནས་དེ་སྤོང་བ། །ང་ཡི་མངོན་སུམ་འབྱོར་བར་འགྱུར། །སྡིག་པ་གཞན་ཡང་མི་བྱ་ཞིང་། །
སྔ་མ་རྣམས་ཀྱང་བཤགས་པར་བྱ། །གཟུངས་མཆོག་འདི་ཡི་མཐུ་སྟོབས་ཀྱིས། །སྡིག་པ་ཐམས་ཅད་འབྱང་བར་འགྱུར། །ཚེ་རབས་གཞན་ནི་སྟོང་དག་དང་། །ཚེ་རབས་བྱེ་བ་ཕྲག་བརྒྱར་ཡང་། །སྡིག་པ་མི་དགེ་གང་བྱས་པ། །དག་འགྱུར་
འདི་ལ་ཐེ་ཚོམ་མེད། །ཡར་གྱི་ངོ་ནི་ཚེས་བརྒྱད་དང་། །དེ་བཞིན་ཚེས་ནི་བཅྭ་ལྔ་ལ། །བསྙེན་གནས་ལེགས་པར་ལྷུར་བླངས་ལ། །ཆོ་ག་བཞིན་དུ་སངས་རྒྱས་མཆོད། །དེ་ནས་རྨོངས་པ་མེད་པར་ཡང་། །ཉོན་མོངས་དགྲ་ནི་རབ་འཇོམས་ཤིང་། །ཤིན་ཏུ་
ཐུབ་དཀའ་དཔེ་མེད་པ། །ཉེས་པ་ཟློག་པའི་གཟུངས་བརྗོད་ན། །ཐུབ་པའི་ཞལ་གྱི་ཟླ་བའི་འོད། །འབར་བ་ངེས་པར་མཐོང་བར་འགྱུར། །དེས་ན་ཚོགས་རྣམས་རྫོགས་པ་ཡི། །རྒྱལ་བའི་སྲས་པོ་ཉིད་དུ་འགྱུར། །འོད་དཔག་མེད་ལ་མངའ་བ་ཡི། །
ཡོན་ཏན་མཐའ་ཡས་རབ་རྒྱས་པ། །བསྐལ་པ་བྱེ་བ་སྟོང་དུ་ཡང་། །མཐའ་མི་རྟོགས་པ་ཐོབ་པར་འགྱུར། །དེ་ནས་རྡོ་རྗེ་འཛིན་གྱི་ཚིག །དཀྱིལ་འཁོར་དག་ན་གནས་རྣམས་ཀྱིས། །ཐོས་ནས་རྒྱན་རྣམས་སྣ་ཚོགས་པ། །བཅོམ་ལྡན་
འདས་ལ་འབུལ་བར་བྱེད། །རྡོ་རྗེ་རལ་གྲི་ལ་སོགས་པ། །ལྷ་བདག་གསལ་བ་ཐམས་ཅད་དང་། རི་བོ་ཏི་སེའི་རི་རབ་ལ། །གནས་པའི་རིག་སྔགས་འཆང་རྣམས་དང་། །དེ་བཞིན་དཀྱིལ་འཁོར་ཆེན་པོ་ན། །འཁོད་པའི་རིག་སྔགས་འཆང་
རྣམས་དང་། །མ་ལ་ཡ་ཡི་རི་བོ་ལ། །གནས་ཤིང་རྒྱན་འབར་ཐོགས་རྣམས་དང་། །ཁྱབ་འཇུག་ལྷ་ཆེན་ལ་སོགས་པ། །ལྷ་ཡི་བདག་པོ་རྣམས་དང་ནི། །ལག་ན་རྡོ་རྗེ་ལ་སོགས་པ། །བྱང་ཆུབ་སེམས་དཔའ་སྟོབས་ཆེན་རྣམས། །

106-1-96b

ནོར་བུའི་དཔུང་རྒྱན་རྣ་ཆ་དང་། །རྒྱན་རྣམས་རབ་ཏུ་གཡོ་བའི་ལུས། །རབ་ཏུ་བསྐྱོད་དེ་ལངས་ནས་ནི། །སྡིག་བྲལ་མངའ་བདག་རྒྱལ་བ་ལ། །ཕྱག་འཚལ་ཐལ་མོ་སྦྱར་བྱས་ནས། །ཀུན་གྱིས་ས་ཡི་དབང་ཕྱུག་པོ། །ཐུབ་མཆོག་དམ་པ་དེ་
ལ་ནི། །མཚན་བརྒྱ་རྩ་བརྒྱད་དག་གིས་བསྟོད། །མཉམ་ཉིད་ཆོས་ཏེ་དེ་བཞིན་ཉིད། །ཤིན་དུ་རྟོགས་པ་ལམ་མེ་བ། །དུལ་བ་བརྟན་པ་དྲི་མ་སེལ། །དྲི་མ་མེད་པ་སྐྱོན་བྲལ་བ། །ཐུབ་པ་སངས་རྒྱས་ཤིན་དུ་ཞི། །འཇིག་རྟེན་མགོན་པོ་སྐྱེ་དགུ་
འི་བདག །དེ་བཞིན་གཤེགས་པ་ཉོན་མོངས་ཐུལ། །དེ་བཞིན་རྒྱལ་བ་རྡུལ་བསལ་བ། །སྟོན་པ་སྟོན་མཛད་བརྟན་པ་སྟེ། །སྡིག་པ་མེད་པ་རྡུལ་དང་བྲལ། །འཇིག་རྟེན་མགོན་མཛད་སྣང་མཛད་པ། །དག་པ་ཞི་བ་ཟས་གཙང་སྲས། །ཉོན་མོངས་
རབ་བཅོམ་ཕན་འདོགས་པ། །སྟོན་པ་པོ་སྟེ་དྲི་མ་སེལ། །སྤྱོད་ཚུལ་དྲི་མེད་ཚུལ་བཟང་བ། །ཟབ་པ་རྣམ་པར་གནོན་པ་བརྟན། །བརྩན་པོ་ཐུགས་བརྩེ་རྣམ་པར་རྒྱལ། །མགོན་པོ་དེ་བཞིན་མགོན་མཛད་པ། །ཞི་བའི་བདག་ཉིད་ཞེ་སྡང་
བྲལ། །བཅིངས་པ་ལས་གྲོལ་ངེས་པར་གྲོལ། །འཇིག་རྟེན་ཀུན་མཆོག་འཁྲ་བའི་ས། །བདག་གིར་མི་འཛིན་དྲི་མ་མེད། །ངན་སོང་སེལ་བ་དཔལ་དང་ལྡན། །དཔལ་མཛད་དེ་བཞིན་ཕན་པ་མཛད། །མཉམ་པ་མེད་པ་དཔེ་མེད་པ། །
ཁྱབ་བདག་ཉོན་མོངས་ལས་རྣམས་སྤོང་། །ཁེངས་པ་མེད་པ་དམན་པ་མེད། །མཉམ་པ་དེ་བཞིན་མི་མཉམ་མཉམ། །སྣང་བ་བརྙེས་པ་སྣང་བྱེད་མེད། །འཇིག་རྟེན་སྣང་མཛད་སྡིག་མེད་པ། །སྒྲིབ་པ་ཐམས་ཅད་སྤངས་པ་སྟེ། །
འཇིག་རྟེན་ཀུན་ལ་ཕན་པར་བརྩོན། །དཔའ་བོ་ཞི་བ་ཞི་མཛད་པ། །ཉོན་མོངས་དགྲ་རྣམས་ཟད་པར་མཛད། །མངའ་བདག་ཐབས་མཁྱེན་ཐབས་ཆེ་བ། །སེམས་ཅན་ཀུན་གྱི་འཁྲ་ས་ལགས། །དོན་ཡོད་རྙེད་དཀའ་བློ་དང་ལྡན། །
རྡོ་རྗེའི་དཀྱིལ་འཁོར་ཐུབ་པར་དཀའ། །སྐྱོབ་པ་འཇིགས་སེལ་ཚངས་པ་སྟེ། །དེ་བཞིན་སངས་རྒྱས་ཆོས་འཛིན་པ། །དཔའ་བོ་ཆེན་པོ་འཇིགས་པ་མད། །གཟུགས་བཟང་མཚན་རྣམས་གསལ་བ་སྟེ། །སུམ་བཅུ་རྩ་གཉིས་

106-1-97a

མཚན་མངའ་བ། །ཆོས་ཀྱི་ལོངས་སྤྱོད་རྒྱ་མཚོ་ལགས། །དཔེ་བྱད་བཟང་པོ་བཀོད་པ་ཡིས། །སྤྲས་པའི་བདག་ཉིད་ཡ་མཚན་སྟོན། །དཀའ་བ་མེད་པའི་སྟོན་པ་པོ། །དེ་བཞིན་དེས་པ་བདེ་སྦྱིན་པ། །མཐུ་
ཅན་ཡངས་པ་རྒྱ་ཆེ་བ། །བདུད་བཞིའི་སྟོབས་རྣམས་སེལ་མཛད་པ། །བརྩོན་ཆེན་སྤྲོ་བ་ཆེ་བ་སྟེ། །དགྱེས་པ་ཆེན་པོ་སྟོབས་པོ་ཆེ། །མཐུ་བརྙེས་བརྟན་པོ་ཆེན་པོ་སྟེ། །གནས་ལྡན་དབང་གིས་དར་བ་ལགས། །གསལ་
བ་གསུང་ལྡན་དཔེ་མེད་པ། །དགེ་བ་སྟོང་པ་ཉིད་ཀྱིས་རྒྱལ། །རབ་ཏུ་ཞི་བ་མུན་པ་མེད། །བློ་གྲོས་ཆེན་པོ་ཆོས་འཛིན་པ། །ཕུན་སུམ་ཚོགས་ལྡན་ས་ཆེན་བརྙེས། །འདོད་པ་རྣམས་ནི་འདུལ་མཛད་པ། །དཔལ་མཛད་དཔལ་
མངའ་དཔལ་དང་ལྡན། །དཔལ་གྱིས་ལོངས་སྤྱོད་ཤིན་ཏུ་རྒྱས། །བཅོམ་ལྡན་ལེགས་བསྒོས་བསྒོ་བར་མཛད། །གསུང་ལྡན་བཀྲ་ཤིས་རྒྱལ་བའི་གནས། །མཉམ་ཉིད་མཉམ་པ་ཉིད་མཁྱེན་པ། །མཉམ་པ་ཉིད་ཀྱིས་
མཚན་དཔག་མེད། །རབ་ཏུ་དགྱེས་པ་ལོངས་སྤྱོད་གསལ། །གཞི་བཅས་སེམས་པ་མཉམ་པ་ལགས། །བློ་དག་བློ་ལྡན་དྲི་མ་སྤངས། །གནས་ཆེན་བརྟན་པར་ལྡན་པ་སྟེ། །རྒྱས་པར་ལོངས་སྤྱོད་དྲི་མ་མེད། །ཐུབ་པ་ཐུགས་རྗེའི་རྒྱན་
མངའ་བ། །སྐལ་པ་བཟང་པོ་འཇིགས་པའི་སྐྱབས། །དེ་བཞིན་འཇིགས་མེད་ཉོན་མོངས་སེལ། །དྲི་མེད་སྐྱོན་བྲལ་ལོངས་སྤྱོད་ཅན། །སྣ་ཚོགས་འོད་ལྡན་དཀྱིལ་འཁོར་མཛེས། །སྐུ་བཟང་དགེ་བའི་རིམ་པ་མཆོག །ཐུགས་རྗེའི་
འོད་ལྡན་འོད་བཟང་བ། །མི་གནས་ལོངས་སྤྱོད་དམ་པ་ལགས། །ཆོས་ཀྱི་རྒྱུ་སྟེ་ཡོན་ཏན་གནས། །རྗེད་འོས་མཆོག་གནས་ལོངས་སྤྱོད་ཆེ། །ནམ་མཁའ་མཚན་ཏེ་རྣམ་དག་བློ། །རིན་ཆེན་གཟུགས་འདྲ་བཀྲ་ཤིས་པ། །ཁྱུ་མཆོག་ཆེ་སྤྱན་
བ་རྫི་མ། །རྒྱལ་བ་སྐྱོན་བསལ་ཤེས་རབ་ཅན། །ཤེས་རབ་ཐབས་དང་ལྡན་པ་སྟེ། །འཇིག་རྟེན་མི་དགེ་ཀུན་ལས་འདས། །དག་པར་ལོངས་སྤྱོད་བསྟན་པ་ཅན། །ས་དང་སྟོབས་དང་ཡེ་ཤེས་བཟོད། །ཕ་རོལ་ཕྱིན་པ་ཀུན་ལ་མངའ། །ཏིང་

106-1-97b

འཛིན་མཉམ་པར་ལོངས་སྤྱོད་པ། །རྣམ་ཐར་སྒོ་ལ་མངོན་སུམ་པ། །གཏོང་བ་སངས་རྒྱས་ཀུན་དང་མཉམ། །ཆོས་ཆེན་བདེ་བར་འཆར་བ་ལགས། །ཐམས་ཅད་མཁྱེན་པའི་ཡུལ་ལས་འདས། །སྤྱོད་ཡུལ་སྒྲིབ་པ་མི་མངའ་བ། །བྱང་ཆུབ་
སེམས་དཔའི་དབང་པོ་རྒྱལ། །དམ་པའི་དོན་ཏེ་ཚུལ་ཆེ་བ། །ཤེས་བྱའི་ཡུལ་རྣམས་མཐའ་དག་ལ། །སྒྲིབ་པ་མེད་པར་འཆར་བ་བརྙེས། །རིགས་ཆེན་འཐུན་པར་སྐྱེས་པ་སྟེ། །དེ་བཞིན་གཤེགས་པའི་དགེ་བའི་གནས། །ཁྱད་པར་
བརྙེས་པ་མཉམ་ཉིད་བརྙེས། །མི་མཉམ་སངས་རྒྱས་ཀུན་དང་མཉམ། །དོན་ཆེན་ཤིན་ཏུ་མཐར་ཕྱིན་པ། །ཉོན་མོངས་བྲལ་བ་ཐུབ་པར་དཀའ། །དགེ་སྦྱོང་སྡིག་པ་སྦྱོང་མཛད་པ། །གནོད་པ་མེད་པར་བདེ་བར་འབྱིན། །བློ་རྒྱ་ཆེ་བ་ཐམས་
ཅད་མཁྱེན། །ཐོས་པའི་མཚོན་ཆ་མ་ལུས་གསན། །དཀོན་པ་བདེ་བར་ཐོབ་འགྱུར་བ། །མཉམ་པ་ཁྱད་པར་ཡུལ་དང་ལྡན། །འཇིག་རྟེན་ཐམས་ཅད་དར་མཛད་མགོན། །ཞི་གནས་མཚོན་ཆ་ཐུབ་པར་དཀའ། །བསམ་གྱིས་མི་ཁྱབ་བསམ་
ཡས་ཡུལ། །དཔེ་མེད་པ་སྟེ་དཔེར་བྱ་བ། །འོད་བཟང་རབ་དགྱེས་དཔལ་དང་ལྡན། །ལེགས་གསུང་བློ་ཡི་སྟོབས་ཀྱིས་འབྱུང་། །མཁས་པ་ཞལ་བཟང་བདེ་སྦྱིན་པ། །རབ་དགྱེས་འདས་པའི་སྤྱོད་ཡུལ་ཅན། །གསུང་བ་ཆེན་པོ་ཡེ་ཤེས་ཆེ། །
གནས་ཆེན་བཀྲ་ཤིས་ཆེན་པོ་སྟེ། །མཆོད་པར་གྱུར་པ་ཡུལ་ལས་འདས། །བྱ་བའི་མཚན་ཉིད་མེད་པ་པོ། །སངས་རྒྱས་ཡུལ་དུ་སྐྱེས་པ་སྟེ། །ཤེས་བྱའི་སྤྱོད་ཡུལ་རྒྱ་ཆེ་བ། །ཀུན་མཁྱེན་ལོངས་སྤྱོད་འབྲས་བུ་ཅན། །འཇིག་རྟེན་
དབང་འདས་སྤྱོད་ཡུལ་བ། །ཀུན་མཁྱེན་ཡུལ་གྱི་སྣང་བ་སྟེ། །ཐབས་མངའ་ཕུན་སུམ་ཚོགས་ལྡན་པ། །རྫུ་འཕྲུལ་རོལ་པའི་ཐབས་དང་ལྡན། །ཆོས་ཀྱི་གར་ཐབས་སྟོན་པ་པོ། །རབ་སྟོན་ཡོན་ཏན་སྒྱུར་མཛད་པ། །སྤྱོད་པ་མ་
ལུས་འདུལ་བར་མཛད། །ཡོངས་སུ་རྫོགས་པ་རྣམ་པར་དག །སངས་རྒྱས་སྤྱོད་ཡུལ་རྣམ་སངས་རྒྱས། །བགེགས་མེད་མ་ལེགས་བྱེད་པ་བཅོམ། །བདུད་ཀྱི་དྲེགས་པ་སེལ་བར་མཛད། །གཡུལ་ངོར་རྣམ་པར་རྒྱལ་

106-1-98a

བ་བརྙེས། །དཔའ་བོ་ཆེན་པོ་ཕམ་མེད་སྟོབས། །ཐེག་པ་ཆེན་པོའི་ཤིང་རྟ་བཅིབས། །བློ་ཆེན་རྒལ་བར་དཀའ་བ་ཡི། །ཉོན་མོངས་རྒྱ་མཚོའི་ཕ་རོལ་གཤེགས། །ཐེག་པ་ཆེན་པོའི་ཚུལ་ལ་གནས། །ཐེག་པ་མཆོག་ལ་ལོངས་
སྤྱོད་པ། །ཉན་ཐོས་འདས་པའི་སྤྱོད་ཡུལ་ཅན། །རང་རྒྱལ་ལས་ཀྱང་འདས་པ་སྟེ། །སངས་རྒྱས་ས་ཡི་འབྲས་བུར་གནས། །གོང་ནས་གོང་དུ་ཁྱད་པར་མཁྱེན། །ཁྱོད་ནི་ནམ་མཁའི་གནས་ན་བཞུགས། །བདེ་འབྱུང་ས་དང་ཞིང་
རྣམས་ཀྱི། །མཚོ་ཆེན་དག་ལ་ལོངས་པར་སྤྱོད། །སངས་རྒྱས་དབང་པོ་རྒྱས་པ་ལ། །མཚན་བརྒྱ་རྩ་བརྒྱད་ཀྱིས་བསྟོད་ནས། །དེ་ལ་ལྷ་སོགས་ཚོགས་རྣམས་ཀྱིས། །ཕྱག་བྱས་མགོ་སྨད་ཕྱོགས་གཅིག་འཁོད། །དེ་ནས་
དཀྱིལ་འཁོར་ཆེན་པོ་ན། །གནས་པ་མ་ལུས་ཆེམ་མེར་འཁོད། །ཐོད་དུ་རྡོ་རྗེའི་ཐོད་འཆིང་བ། །ལངས་ནས་ཅོད་པན་རབ་ཏུ་གཡོས། །དཀྱིལ་འཁོར་མཐོན་པོ་ཐམས་ཅད་དུ། །སྐད་བེར་ཆེན་པོས་ཡོངས་བཀང་ནས། །ནོར་བུའི་རྒྱན་ནི་
རྣམ་གཡོ་ཞིང་། །ཧ་ཧ་གྲགས་པའི་སྒྲ་སྒྲོགས་ཏེ། །ཀྱེ་མ་སངས་རྒྱས་ཡོན་ཏན་ཆེ། །བསྐལ་པ་གྲངས་མེད་གསུམ་བསགས་པ། །བྱང་ཆུབ་སེམས་སོགས་མཆོག་རྣམས་ཀྱིས། །མཚན་བརྒྱ་རྩ་བརྒྱད་ལེགས་པར་བརྗོད། །ཀྱེ་མ་རྙེད་དང་
བདེ་འབྱུང་བ། །མཚན་བརྒྱ་རྩ་བརྒྱད་ཐོས་ནས་ཀྱང་། །གང་ཞིག་ཀློག་ཅིང་རྒྱལ་ལ་བསྟོད། །འབྲས་བུ་ཆེན་པོ་འགྲུབ་པར་འགྱུར། །མཚན་བརྒྱ་རྩ་བརྒྱད་སྔགས་བཅས་པ། །བཅོམ་ལྡན་འདས་དྲུང་བརྗོད་ན་ནི། །སྒྲིབ་དང་ཀུན་ནས་ཉོན་
མོངས་དང་། །སྡིག་པ་ཐམས་ཅད་དག་པ་འཐོབ། །མཚན་བརྒྱ་རྩ་བརྒྱད་མཆོག་བཏོན་ན། །སྒྲིབ་པ་ཀུན་ལས་ངེས་གྲོལ་ཞིང་། །ཉོན་མོངས་མཐའ་དག་རྣམ་པར་སྤོང་། །ཤེས་རབ་ཆེན་པོ་ཉིད་དུ་འགྱུར། །དེ་ནི་ལོངས་སྤྱོད་ཆེན་པོ་དང་། །
བདེ་བ་ལས་ཀྱང་ཉམས་མི་འགྱུར། །དེ་ནི་ཚེ་རབས་ཐམས་ཅད་དུ། །བློ་ལྡན་ཚེ་རབས་དྲན་པར་འགྱུར། །དེ་ནས་རྡོ་རྗེའི་ཐོད་འཆིང་བ། །ཡོན་ཏན་མཐའ་ཡས་སྲས་དེ་ལ། །བཅོམ་ལྡན་བདུད་ལས་རྒྱལ་བ་ཡིས། །མངོན་

106-1-98b

སུམ་གཟིགས་ནས་བཀའ་སྩལ་པ། །རྒྱལ་བའི་ས་འདི་ཞི་བ་སྟེ། །ང་རྒྱལ་ལ་སོགས་ཉོན་མོངས་འཇོམས། །འཇིག་རྟེན་བདེ་བ་ཀུན་ལས་འདས། །དེ་བཞིན་གཤེགས་བདེ་མངོན་དུ་ཕྱོགས། །གཞན་གྱིས་མི་ཚུགས་གཟུངས་དང་
ནི། །མཚན་བརྒྱ་རྩ་བརྒྱད་ཉན་བྱེད་པ། །དེ་དག་རྣམ་དག་བདག་ཉིད་དེ། །སེམས་ཅན་ཀུན་ལ་བདེ་འདོད་པ། །ལན་ཅིག་ཐོས་པ་ཙམ་གྱིས་ཀྱང་། །དེ་དག་ས་ཆེན་འབྲས་བུར་གནས། །རིང་པོར་མི་ཐོགས་དགའ་འགྱུར་ན། །འཆང་སོགས་
ལྟ་ལ་ཅི་ཞིག་སྨོས། །དེ་ཕྱིར་རྟག་ཏུ་རབ་བསྒྲིམས་ལ། །གཏན་དུ་བདེ་བ་འདོད་པ་ཡིས། །ཡོན་ཏན་རྒྱ་མཚོ་ལྡན་པའི་གཟུངས། །མཉན་པར་བྱ་ཞིང་བཅང་བར་བྱ། །གང་ཞིག་ནང་པར་ལངས་ནས་བརྗོད། །བདག་ཉིད་ཀྱིས་ཀྱང་
བཏོན་ན་ནི། །དེ་ཡི་དོན་ཀུན་འགྲུབ་འགྱུར་ལ། །གནོད་པ་དང་ཡང་ཕྲད་མི་འགྱུར། །འདི་ནི་ཡོན་ཏན་ཀུན་གྱི་སྤོས། །དགེ་བ་ཕུན་སུམ་ཚོགས་སྦྱིན་པ། །ཀུན་མཁྱེན་བླ་མེད་འབྲས་བུའི་མཆོག །བདེ་འབྱུང་ཐོབ་པར་བྱེད་པ་
ཡིན། །འབྲས་བུ་འབྱོར་པ་ཅི་ཡང་རུང་། །ཐོབ་པར་མི་འགྱུར་དོགས་པ་མེད། །ཀུན་མཁྱེན་གོ་འཕང་ཐོབ་གྱུར་ནས། །དཔེ་མེད་གནས་སུ་འགྲོ་བར་འགྱུར། །དེ་ནི་དགེ་ཞིང་འབྲས་བུར་ལྡན། །སངས་རྒྱས་ས་ཡི་འབྲས་བུ་སྦྱིན། །
ཡིད་དུ་འོང་ཞིང་ཡོན་ཏན་ལྡན། །སྙིང་རྗེ་དྲི་མ་མེད་སྦྱིན་པ། །འདི་ནི་མཉམ་པ་ཉིད་ཀྱི་མདོ། །འཇིག་རྟེན་ཀུན་ནས་དགའ་བ་སྟེ། །འཇིག་རྟེན་ཀུན་གྱི་བདེ་འབྱུང་བ། །འདི་དང་འདྲ་བ་གང་ཡང་མེད། །སྟོན་པ་སངས་རྒྱས་
བཅོམ་ལྡན་འདས་ཀྱི་མཚན་བརྒྱ་རྩ་བརྒྱད་པ་གཟུངས་སྔགས་དང་བཅས་པ། རྫོགས་སོ།། །། འཕགས་པ་སྤྱན་རས་གཟིགས་དབང་ཕྱུག་གི་མཚན་བརྒྱ་རྩ་བརྒྱད་པ་གཟུངས་སྔགས་དང་བཅས་
པ། བྱང་ཆུབ་སེམས་དཔའ་སེམས་དཔའ་ཆེན་པོ་སྤྱན་རས་གཟིགས་དབང་ཕྱུག་ལ་ཕྱག་འཚལ་ལོ། །ན་མཿ སརྦ་བུད་དྷ་བོ་དྷི་ས་ཏྭ་ནཱྃ། ས་མན་ཏ་ཨ་མོ་གྷ་ཨ་པྲ་ཏི་ཧ་ཏ་ཤ་ས་ན་ནཱྃ། ན་མ་ཨཱརྱ་ཨ་བ་ལོ་ཀི་ཏེ་ཤྭ་རཱ་ཡ། མ་ཧཱ་བོ་དྷི་

106-1-99a

སཏྭཱ་ཡ། བཛྲ་སཏྭཱ་ཡ། བཛྲ་བི་པུ་ལཱ་ཡ། པད་མ་སམ་བྷ་བཱ་ཡ། པད་མ་ཡོ་ན་ཡེ། ཏདྱ་ཐཱ། ༀ་ཧྲཱི་ཀ་ར། ཤྲཱི་ཀ་ར། པྲ་བྷ་ཀ་ར། བཛྲ་སཏྭ། བཛྲ་སམ་བྷ་བ། པད་མ་སམ་བྷ་བ། པད་མ་སཱ་ག་ར། པད་མ་གོ་ཙ་
ར། བ་ར་དྷ་མ་ཧཱ་ཀཱ་རུ་ཎི་ཀ །ཀཱ་རུ་ཎི་སམ་བྷ་བ། ཧཱུྃ་ཧཱུྃ། དྷ་ར་དྷ་ར། ད་ར་ད་ར། བ་ར་བ་ར། མ་ཧཱ་ཀཱ་རུ་ཎི་ཀ་མ་ཧཱ་ཤུད་དྷ་སཏྭ་སྭཱ་ཧཱ། དེ་ནས་ཕྱོགས་བཅུའི་དེ་བཞིན་གཤེགས་པ་ཐམས་ཅད་ཀྱིས་ཕྱག་གཡས་པ་
བརྐྱང་སྟེ་བྱང་ཆུབ་སེམས་དཔའ་ཆེན་པོ་སྤྱན་རས་གཟིགས་དབང་ཕྱུག་གི་མགོ་བོ་ལ་བྱུགས་ནས་བཀའ་སྩལ་པ། ཡོན་ཏན་རིན་པོ་ཆེའི་ཕུང་པོ་ཁྱོད་ཀྱིས་གཟུངས་སྔགས་འདི་བཤད་པས་སེམས་ཅན་རྣམས་ལ་སངས་རྒྱས་འབྱུང་
བའི་ཆོས་བསྟན་པ་ལེགས་སོ་ལེགས་སོ། །འདི་ནི་ཐོས་པ་ཙམ་གྱིས་ཀྱང་སེམས་ཅན་རྣམས་ཤིན་ཏུ་རྣམ་པར་དག་པར་བྱེད་པའོ། །གང་ལ་ལ་ཉན་པ་དང་། འཆང་བ་དང་། ཀློག་པ་དང་། ཀུན་ཆུབ་པར་བྱེད་པ་དེས་ནི་ཡོན་ཏན་
ཕུན་སུམ་ཚོགས་པ་ཐམས་ཅད་དང་། དག་པའི་མཆོག་ཀྱང་ཐོབ་པར་འགྱུར་རོ། །དེ་ནས་ལྷའི་དབང་པོ་དབང་ཕྱུག་ཆེན་པོ་དཔག་ཚད་འབུམ་ཕྲག་དུ་མར་ཁྱབ་ཅིང་འཇིག་རྟེན་གསུམ་པོ་ཀུན་ཏུ་རྒྱས་ཀོ་ལྟ་སྟེ། འཁོར་དང་བཅས་པ་
དང་། རྡོ་རྗེའི་དཀྱིལ་འཁོར་དུ་འདུས་པའི་བྱང་ཆུབ་སེམས་དཔའ་ཐམས་ཅད་ཀྱིས་མགོ་བོ་བཏུད་ནས་འཕགས་པ་སྤྱན་རས་གཟིགས་དབང་ཕྱུག་ལ་སའི་དབང་ཕྱུག་དཔའ་བོ་རྣམ་པར་རྩེ་བ་ཞེས་བྱ་བའི་མཚན་བརྒྱ་རྩ་བརྒྱད་པས་
མངོན་བར་བསྟོད་པ། ས་ཡི་དབང་ཕྱུག་རྡོ་རྗེའི་དཀྱིལ་འཁོར་བ། །སྲིད་གསུམ་མ་ལུས་ཡོན་ཏན་ཆེན་པོའི་བདག །དྲི་མེད་སྐྱོན་བྲལ་གསལ་བའི་དཀྱིལ་འཁོར་ཅན། །སྙིང་རྗེས་ཁྱབ་པའི་དཀྱིལ་འཁོར་རྒྱ་ཆེ་བ། །རབ་དགའ་རབ་དགྱེས་
རབ་ཏུ་སྟོན་པ་པོ། །བསྐལ་པ་བཟང་པོ་རྣམ་ཐར་ཞི་བའི་མཆོག །ཤིན་ཏུ་རྣམ་དག་ཡོན་ཏན་ཆེན་པོའི་བདག །རྣམ་དག་དུ་མར་གྲགས་པའི་མེ་ཏོག་ཐོད། །རབ་མཆོག་སྲིད་གསུམ་དག་གི་མིག་གཅིག་པ། །མཆོག་སྦྱིན་

106-1-99b

འགྲོ་བ་ཀུན་གྱི་འབྱོར་པ་མཛེས། །དཔག་མེད་པས་ཀྱང་དཔག་མེད་བསྐལ་པར་འབྱུང་། །སྐྱབས་དང་ཡིད་འཕྲོག་དག་ཅིང་གསལ་བར་མཛད། །ནོར་བུའི་ཐོད་ཅན་རྡོ་རྗེ་ལས་བྱུང་བ། །སྲིད་གསུམ་གཅིག་པུ་དཔའ་བོ་པད་མའི་སྤྱན། །ཐོས་པའི་
རྒྱ་མཚོ་སེམས་ཅན་ཀུན་བས་དཔའ། །འགྲོ་བ་ཐམས་ཅད་རྣམ་པར་གྲོལ་མཛད་མཆོག །སྙན་ཆ་འགུལ་ཞིང་པད་མ་དག་པ་བསྣམས། །དབང་ཕྱུག་བདེ་གཤེགས་བཞུགས་པའི་ཐོར་ཚུགས་ཅན། །ཚུལ་བཟང་ཡོན་ཏན་རྐྱེན་དུ་
འཚམ་པའི་གཟུགས། །འཇིག་པའི་རླུང་ཆེན་འཚུབ་པའི་མཚོན་ཆ་ཅན། །དགེ་བའི་རྒྱུ་སྟེ་དམ་པ་སྩོལ་བའི་རྒྱུ། །ཚུལ་གྱི་ལོངས་སྤྱོད་བདེ་ཆེན་མཆོག་གི་རྒྱུ། །དཀྱིལ་འཁོར་མཆོག་གི་སྤྱོད་ཡུལ་རྒྱུ་གཅིག་པ། །སྲིད་
གསུམ་སྒྲོལ་བའི་ཟམ་པ་གཅིག་པུ་ལགས། །དཀྱིལ་འཁོར་མཆོག་གི་རྒྱན་ཏེ་སྡིག་མེད་པ། །གསེར་མདོག་འོད་རྒྱན་རྟེན་དུ་གྱུར་པ་སྟེ། །མཉམ་པ་ཉིད་ཀྱིས་མི་མཉམ་མཚུངས་པར་འགྱུར། །ས་བརྙེས་འོད་ཟེར་རྒྱས་པ་
རྒྱན་ཕྲེང་མངའ། །ཆེན་པོའི་ཆེ་བ་ཐོག་མ་མེད་པ་སྟེ། །སྔ་མ་མུན་པ་བསལ་ཅིང་ཉོན་མོངས་མེད། །དགེ་བ་དག་པ་སྤྱོད་ཡུལ་རྣམ་པར་དག །ཚུལ་གྱིས་དཀྱིལ་འཁོར་ཡངས་ཤིང་རྣམ་པར་དག །སྲིད་གསུམ་དབང་ཕྱུག་
པད་མ་ལས་བྱུང་བ། །སྲིད་གསུམ་བདེ་ཅན་ཡངས་པའི་དབང་ཕྱུག་སྟེ། །དབང་ཕྱུག་མི་གཡོ་རྣལ་འབྱོར་མཁས་པ་པོ། །དེ་བཞིན་གཤེགས་པ་ཆེན་པོ་རབ་མཆོག་ཡངས། །ནོར་བུའི་རྒྱན་གྱི་རྡོ་རྗེ་རྒྱན་དུ་ཐོགས། །པད་
མས་བརྒྱན་པ་ལྷུན་པོ་ལས་བྱུང་བ། །དགེ་སྣོད་ཡོན་ཏན་ཆེན་པོའི་སྣོད་གཅིག་པ། །བདེ་ལ་ལོངས་སྤྱོད་རྣམ་འདྲེན་ཆེན་པོའི་བདག །སྨོན་ལམ་རྒྱ་ཆེན་རྒྱ་མཚོ་ལྡན་པ་སྟེ། །འགྲོ་བ་སྲིད་པར་ལྷུང་བ་གྲོལ་མཛད་པ། །ས་དང་
མཉམ་པ་ཐམས་ཅད་གཟིགས་པར་མཛད། །སྐལ་བཟང་བསྐལ་པ་སྟོང་གི་སྣང་བ་པོ། །རྡོ་རྗེ་མཆོག་གིས་སྒེག་པའི་དཀྱིལ་འཁོར་ཅན། །ཡོན་ཏན་རྣམ་གྲགས་ཁྱབ་པར་དཀྱིལ་འཁོར་བ། །དགེ་བའི་མཚན་ཉིད་དཔའ་

106-1-100a

བོའི་རྩལ་མངའ་བ། །དེ་བཞིན་ཉིད་ཆོས་རོ་མཁྱེན་སྤྱོད་ཡུལ་ཅན། །ཅོད་པན་ཐིག་ལེ་དམར་པོའི་དཀྱིལ་འཁོར་ལྡན། །ལྷ་ཆེན་བརྒྱ་མངའ་སུམ་བཅུ་གསུམ་བདག་དབང་། །ལྷ་དང་ལྷ་མིན་དབང་བྱས་རྣམས་ཀྱིས་བཏུད། །
བརྩོན་འགྲུས་བརྒྱ་དང་ལྡན་ཞིང་རྩལ་སྟོང་མངའ། །བསོད་ནམས་བརྒྱ་མངའ་མཚོན་ཆ་བརྒྱ་འཆང་བ། །པད་མ་བརྒྱ་པ་པད་མ་ཉིད་ལས་བྱུང་། །དཀྱིལ་འཁོར་བརྒྱ་ཡི་དབུས་ན་མཛེས་པ་སྟེ། །ཆོས་བརྒྱ་ལྡན་པ་མཆོག་སྟོང་སྟོན་པ་པོ། །
སངས་རྒྱས་སྟོང་ཕྲག་མང་པོས་ཡོངས་བསྟོད་པ། །བསྐལ་པ་རབ་འབྱམ་མང་པོར་མཁས་པ་སྟེ། །དཀྱིལ་འཁོར་མང་པོ་དག་ན་དཔའ་བའི་སྐུ། །འཇིག་རྟེན་འདས་པའི་མཐུ་མངའ་སྟོན་པ་པོ། །རྒྱ་ཆེན་དྲི་མེད་དཀྱིལ་འཁོར་དབུས་ན་བཞུགས། །
རབ་དགའ་བསྒྱིངས་པ་འཐོར་མཛད་མེ་ཏོག་ཐོད། །ན་བཟའ་དར་དཀར་ལ་བནབས་འོད་མཛད་པ། །ཐུགས་ཀྱི་དཀྱིལ་འཁོར་ཐུགས་རྗེས་བརྒྱན་པ་ལས། །ཆ་ཕྲར་གསེར་མཛད་མཐའ་ཡས་ཟད་མི་ཤེས། །དཔའ་བོ་ཉི་མའི་འོད་
ཟེར་བརྒྱ་མངའ་བ། །ནོར་བུའི་དཀྱིལ་འཁོར་ཟླ་འདྲ་འོད་གསལ་ཞིང་། །ཉི་མས་ཁ་ཕྱེ་པད་མ་མཆོག་བསྣམས་པ། །མེ་ཏོག་མཚོན་ཆ་ཐོགས་པའི་ལྷ་ཞེས་གྲགས། །གཙུག་པུད་གསུམ་པ་ཚངས་སྲས་སྐྱེ་དགུའི་བདག །བཙུན་
རིགས་མཆོག་སྟེ་རིགས་ཆེན་ནང་དུ་སྐྱེས། །རང་གི་རིགས་གསལ་དབང་ཆེན་དཀྱིལ་འཁོར་བ། །པད་མ་བཟང་པོའི་རིགས་མཆོག་ཐིག་ལེས་མཚན། །སྤྱན་བཟང་དགེ་བའི་ལྷ་རྣམས་རྟེན་གྱུར་པ། །གསང་སྔགས་མང་པོ་
འཛིན་པའི་དབང་ཕྱུག་པོ། །ཚོགས་ཆེན་མདུན་མ་འདུས་པའི་མངའ་བདག་ལགས། །སྤྱན་གསུམ་དག་གིས་དཀྱིལ་འཁོར་མཛེས་གྱུར་པ། །ཀ་ལ་པིང་ཀའི་སྐད་ཀྱིས་སྡང་བ་འདུལ། །མདའ་དང་རུ་གཞུ་སྟོབས་ཆེན་མཚོན་
ཆ་བསྣམས། །སྟོབས་ཀྱི་ལྷ་སྟེ་སྟོབས་དང་བརྩོན་པས་འདུལ། །རྒྱན་རྣམས་སྣ་ཚོགས་ལེགས་པར་སྤྲས་པ་སྟེ། །རྒྱལ་བ་རིག་སྔགས་འཆང་བ་མང་པོས་བསྟོད། །ཚོགས་མཆོད་དག་བྱེད་རྣམས་ཀྱིས་རབ་བསྟོད་

106-1-100b

པ། །ཆུ་སྲིན་འཛིན་ཁྲིའི་འཇིགས་ལས་རབ་གྲོལ་མཛད། །གཟུགས་མང་མངའ་ཞིང་བདེ་སྐྱིད་རབ་སྦྱིན་པ། །ལྷ་ཡུལ་འགྲོ་བའི་ཁྱད་པར་དཀྱིལ་འཁོར་ཅན། །མཚུངས་མེད་པས་ཀྱང་མཚུངས་མེད་མཐུ་རྩལ་མངའ། །སྟབས་
གཤེགས་ཡོན་ཏན་ཆེ་མཆོག་འོད་ཟེར་ལྡན། །འཇིག་རྟེན་ནང་ན་མཁས་པ་སྤྱན་རས་གཟིགས། །ས་གཞིའི་དཀྱིལ་འཁོར་དབུས་ཀྱི་དཀྱིལ་འཁོར་ཅན། །འོད་ཟེར་མང་པོ་སྟོང་ཕྲག་ཟད་མི་ཤེས། །ཉོན་མོངས་
རྡུལ་རྣམས་ཐམས་ཅད་སེལ་མཛད་པ། །མཐའ་དང་བྲལ་བ་ཀུན་ཏུ་གཟིགས་པ་སྟེ། །རབ་ཞི་ཀུན་ལས་འཕགས་པའི་སྤྱོད་ཡུལ་ཅན། །དོན་དང་ཚུལ་ལ་སེམས་ཅན་གཅིག་དཔའ་བ། །ཐེག་པ་བཟང་པོ་འཛིན་
པའི་ཉི་མ་ལགས། །དུལ་དང་སྦྱིན་དང་ཚུལ་ལ་དད་པ་བརྙེས། །སྐྱེ་དགུ་རྣམས་ཀྱི་དྲི་མ་མ་ལུས་བཅོམ། །བློ་གྲོས་བཟང་པོ་རབ་དགྱེས་སྟོན་པ་པོ། །བདེ་ལྡན་གོས་རྒྱན་ཡང་བ་སྣ་ཚོགས་ཅན། །བཅོམ་ལྡན་འབྱུང་
བའི་འཇིགས་པ་མེད་པར་མཛད། །རྟག་ཏུ་དགེ་བ་ཀུན་མཆོག་སྦྱིན་པ་པོ། །རྒྱལ་བས་གསུངས་པའི་རྣམ་ཐར་བརྙེས་པའི་བློ། །བདེ་བ་ལོངས་སྤྱོད་ཆེར་འབྱུང་དྲི་མ་མེད། །ཞལ་གྱི་དཀྱིལ་འཁོར་རྒྱས་ཤིང་དྲི་
མེད་པ། །མི་དང་སྲེད་མེད་བརྒྱ་བྱིན་ལག་པའི་མཆོག །འཇིག་རྟེན་མང་པོ་གཟིགས་པའི་དབང་ཕྱུག་པོ། །སྟོབས་དང་རིགས་དང་མཐུ་སྟོབས་ཆེ་བ་ལགས། །སངས་རྒྱས་མཚུངས་ཤིང་ཆོས་མཆོག་རིན་
ཆེན་མཚུངས། །དགེ་འདུན་མཚུངས་ཤིང་ཆགས་བྲལ་ཐུབ་པར་དཀའ། །ཁྱད་པར་གསུམ་འཕགས་རིན་ཆེན་མཆོག་ཆེན་མཚུངས། །ཁྱབ་བདག་ཉོན་མོངས་རྣམ་གསུམ་རྡུལ་བསལ་བ། །རྡོ་རྗེ་སེམས་
མཆོག་ཁྱོད་ལ་ཕྱག་འཚལ་ལོ། །པད་མ་དྲི་མེད་ཕྱག་གི་དབུས་བསྣམས་པ། །ཐོར་ཚུགས་ཅན་ལ་གཟུགས་ལྡན་ཅོད་པན་ཐོགས། །སྤྱི་བོ་འོད་དཔག་མེད་རྒྱས་ཁྱོད་ཕྱག་འཚལ། །

106-1-101a

དེ་ནས་བཅོམ་ལྡན་རང་བྱུང་མུན་སེལ་བ། །རྔ་ཆེན་སྒྲ་ལྟར་བརྟན་པས་བཀའ་སྩལ་པ། །མཆོག་ཆེན་རྡོ་རྗེ་གླུ་ལ་བསྟོད་པ་ཡི། །མིང་བརྒྱ་རྩ་བརྒྱད་སྐྱོན་སེལ་ལེགས་པ་མང་། །ཇི་སྟེ་ལ་ལ་རྟག་ཏུ་དགེ་མཆོག་འདོད། །
སྤྱན་རས་གཟིགས་དབང་ལ་ནི་བསྟོད་བྱེད་པ། །དེས་ནི་རིང་པོར་མི་ཐོགས་ཡོན་ཏན་གྱི། །ལོངས་སྤྱོད་མཆོག་ཆེན་ཆོས་ནི་ཐོབ་པར་འགྱུར། །མི་ནི་གང་ཞིག་རྟག་ཏུ་འདིས་བསྟོད་པ། །སྤྱན་རས་གཟིགས་དབང་དམ་པ་སྦྱིན་
པར་བྱེད། །སྡིག་པ་རྣམས་ཀྱང་དེ་ལ་འབྱུང་མི་འགྱུར། །འདོད་པ་གང་ཡིན་བདེ་བླག་དེ་ཡིས་འཐོབ། །དེ་ནི་སྡིག་པའི་དྲི་མས་མི་གོས་ཏེ། །ལམ་སྲང་བཟང་པོར་དམིགས་ཏེ་འགྲོ་བར་འགྱུར། །སྲིད་གསུམ་སྐྱབས་འོས་
གཅིག་པུ་པད་མ་སྐྱེས། །དེ་འདྲར་ཆོས་ཀྱི་མཆོག་ལ་སྤྱོད་པར་འགྱུར། །དེ་ལྟར་མིང་གི་ཁྱད་པར་གྲུབ་འདོད་ཅིང་། །གང་ཞིག་རྟག་ཏུ་བདེ་བ་འདོད་པ་ཡིས། །འགྲོ་ཀུན་སྐྱེ་རྒུའི་བདག་པོ་སྤྱན་རས་གཟིགས། །པད་མ་ལས་བྱུང་རྟག་ཏུ་བསྟོད་
པར་གྱིས། །བཅོམ་ལྡན་འདས་བླ་མ་འཕགས་པ་སྤྱན་རས་གཟིགས་དབང་ཕྱུག་གི་མཚན་བརྒྱ་རྩ་བརྒྱད་པ་གཟུངས་སྔགས་དང་བཅས་པ། རྫོགས་སོ།། །།འཕགས་པ་བྱམས་པའི་མཚན་བརྒྱ་རྩ་བརྒྱད་པ་
གཟུངས་སྔགས་དང་བཅས་པ། བྱང་ཆུབ་སེམས་དཔའ་སེམས་དཔའ་ཆེན་པོ་བྱམས་པ་ལ་ཕྱག་འཚལ་ལོ། །དེ་ནས་བྱང་ཆུབ་སེམས་དཔའ་ཆེན་པོ་བྱམས་པས་རང་གི་སྙིང་པོ་སྨྲས་པ། ན་མ་སྟྲཻ་ཡེ་ད་དྷྭི་ཀཱ་ནཱྃ། སརྦ་ཏ་ཐཱ་ག་
ཏཱ་ནཱྃ། ཏདྱ་ཐཱ། ས་ར་ས་ར། སུ་རུ་སུ་རུ། དྷ་ར་དྷ་ར། མ་ཧཱ་དྷ་ར། ཙ་ར་ཙ་ར། མ་ཧཱ་ཙ་ར། བྷ་ར་བྷ་ར། མ་ཧཱ་བྷ་ར། ཀམ་པ་ཀམ་པ། མ་ཧཱ་ཀམ་པ། ཧཱུྃ་མ་ཧཱ་སྥ་ར་ཎ་དྷརྨ་གྲ། སཱ་ག་ར་སྭཱ་ཧཱ། 
དེ་ནས་དེ་བཞིན་གཤེགས་པ་ཐམས་ཅད་ཀྱིས་འདི་སྐད་ཅེས་བཀའ་སྩལ་ཏོ། །ཀྱེ་མ་གཟུངས་ཆེན་མོ་འདི་ནི་ཡོན་ཏན་ཆེ་བ་སྟེ་མཐའ་ཡས་པར་ཁྱབ་པ། བསྐལ་པ་བྱེ་བ་ཕྲག་མང་པོར་ཡང་ཤིན་ཏུ་ཐོས་པར་དཀའ་བ། སངས་རྒྱས་

106-1-101b

འབྱུང་བ་ཐམས་ཅད་སྟོན་པ། དེ་བཞིན་གཤེགས་པ་གྲངས་མེད་པ་འཇིག་རྟེན་གྱི་ཁམས་ཐམས་ཅད་སྙེད་ཀྱིས་བསྙེན་བཀུར་མཛད་མཛད་པ། སྒྲིབ་པ་དང་། སྡུག་བསྔལ་བ་དང་། འཁྲུག་པ་དང་། རྨི་ལམ་ངན་པ་དང་། ལྟས་
ངན་པ་ཐམས་ཅད་ལས་ཐར་བར་བྱེད་པ། སེམས་ཅན་གྱི་ཁམས་མཐའ་ཡས་མུ་མེད་པ་ཡོངས་སུ་ཐར་བར་བྱེད་པ་སྟེ་ཤིན་ཏུ་དཀོན་པའོ། །དེ་ནས་རྡོ་རྗེའི་དཀྱིལ་འཁོར་གྱི་འཁོར་ལྷ་དང་ལྷ་མ་ཡིན་དུ་བཅས་པ། ནོར་བུའི་
ཅོད་པན་གྱིས་བསྒྱིངས་པ། །རྒྱན་ཕྲེང་རབ་ཏུ་གཡོ་བ་རྣམས་ཀྱིས་སྤྱི་བོར་ཐལ་མོ་སྦྱར་ནས་བྱང་ཆུབ་སེམས་དཔའི་མཆོག་འཕགས་པ་བྱམས་པ་ལ་མཚན་བརྒྱ་རྩ་བརྒྱད་ཀྱིས་མངོན་བར་བསྟོད་པ། དཔའ་བོ་ཆེན་པོ་
ཐབས་བརྙེས་པ། །རྒྱལ་ཚབ་མི་ཡི་བདག་པོ་སྟེ། །འཇིག་རྟེན་བདག་པོ་རྣམ་པར་གསལ། །དར་བ་ཆེན་པོ་མངོན་པར་རྒྱས། །ཚན་ཆེན་སྟོབས་ལྡན་ཆེ་བ་སྟེ། །དེ་བཞིན་ཡངས་ཤིང་རྡུལ་དང་བྲལ། །དབང་ཆེན་རྩེ་ལྟར་འོད་
ལྡན་པ། །ས་ཡི་དབང་ཕྱུག་རྣམ་པར་གནོན། །རྒྱལ་ཆེན་མཚོན་ཆ་བརྒྱ་པ་སྟེ། །མཚོན་ཆ་ཆེན་པོ་རྡོ་རྗེའི་མཚོན། །ཡོན་ཏན་འོད་བརྒྱས་བསྒྱིངས་པ་སྟེ། །ནོར་བུའི་རྣ་ཆའི་རྒྱན་ཐོགས་པ། །སྲིད་གསུམ་དག་ན་སྤ་
བའི་སྐུ། །རྒྱ་མཚོ་ལྟ་བུའི་སྤྱོད་ཡུལ་ཅན། །ལྷུན་པོ་ཟླ་འབྱིན་ཏི་སེ་ཡི། །རྩེ་ནས་དཀྱིལ་འཁོར་འཆར་བ་པོ། །དཀྱིལ་འཁོར་ཆེན་པོ་ལོངས་སྤྱོད་པ། །རབ་ཏུ་དགའ་བ་དེ་བཞིན་དེས། །ཡོངས་སུ་དགའ་ལྡན་ཆེན་པོའི་ལྷ། །
ཆེ་བ་ལྷ་རྣམས་ཀུན་གྱི་མཆོག །སངས་རྒྱས་གདུང་རྒྱུད་རྒྱས་མཛད་ཅིང་། །སངས་རྒྱས་དཀྱིལ་འཁོར་རྒྱན་དང་ལྡན། །སངས་རྒྱས་ལོངས་སྤྱོད་ལོངས་པར་སྤྱོད། །སངས་རྒྱས་བསྟན་པ་སྟོན་པ་པོ། །ཏི་སེ་ཟླ་འབྱིན་བཞིན་དུ་
ཡངས། །ས་ཡི་དབང་ཕྱུག་བདེ་མཛད་པ། །པད་མ་འདབ་སྟོང་རྩེ་མོ་ཅན། །རྡོ་རྗེའི་པད་མ་ལེགས་པར་སྐྱེས། །ཆོས་ཀྱི་ལོངས་སྤྱོད་ལོངས་པར་སྤྱོད། །ས་དང་མཉམ་པ་ཐུབ་པར་དཀའ། །སྣང་བར་བྱེད་པ་འབྱུང་བ་པོ། །

106-1-102a

སྲིད་གསུམ་ཡེ་ཤེས་ཉི་མ་ལགས། །གཙོ་བོ་ཆེན་པོ་ཆེར་གྲགས་པ། །སེང་གེ་ཆེན་པོ་སྟོབས་པོ་ཆེ། །ཆ་ལུགས་ཆེན་པོ་ཞལ་ཆེ་བ། །སྐྱེ་བོ་ངན་དང་སྡུག་བསྔལ་འདུལ། །རྡོ་རྗེ་བྱི་རུ་བཻ་དཱུརྱ། །ནོར་བུའི་དབུ་ཐོད་རྒྱན་
དུ་ཐོགས། །བྱི་རུ་གསེར་གྱི་གཅལ་བཀྲམ་ལ། །སྐུ་ཆེན་ཞབས་ཀྱི་སྟབས་ཀྱིས་གཤེགས། །ཞལ་མདངས་ཉི་མ་དུ་མའི་གཟི། །ལྕང་ལོ་ཅོད་པན་དབུ་ཐོད་ཅན། །རིག་སྔགས་འཆང་བརྒྱས་ཞབས་ལ་བཏུད། །རྗེད་པར་
བྱ་བ་རྣམས་ཀྱིས་མཆོད། །ནོར་བུ་བརྒྱ་འགུལ་འོད་ཟེར་གྱིས། །བྲང་གི་ཕྱོགས་རྣམས་དག་པར་བྱས། །ཅོད་པན་ཅན་ཏེ་འོད་འཚེར་བ། །ཉི་མ་བྱེ་བ་བརྒྱ་འོད་ལྡན། །རིན་ཆེན་སྣ་ཚོགས་མཆོག་བཀྲམ་ཞིང་། །དྲི་མེད་དཀྱིལ་
འཁོར་རབ་ཏུ་འཕྲོ། །རླུང་གིས་མ་ལུས་བསྐྱོད་པ་ཡི། །འབར་བ་ཆེན་པོའི་ལྟ་བ་ཅན། །འོད་ཟེར་མང་པོས་ཕོག་པ་ཡི། །ཕན་པའི་ཐབས་ནི་རབ་སྟོན་པ། །བརྗིད་པའི་ཚུལ་གྱིས་བཞད་པ་ཡི། །འོད་ཀྱིས་ཞལ་གསལ་རྔ་ཡབ་
བསྐྱོད། །དཔུང་རྒྱན་འོད་ཟེར་སྤེལ་མར་བཀོད། །ཚོན་བྲིས་ཤིན་ཏུ་མཛེས་པར་འཚེར། །ལྷུན་པོ་ཕྲད་ཅིང་འཁྲུགས་པ་ལྟར། །ཧ་ཧ་ཞེས་པའི་སྒྲ་ཆེན་སྒྲོགས། །རྡོ་རྗེ་ཆེན་པོ་རྩེད་མོ་ཅན། །ཤིན་ཏུ་དགའ་མཛད་བདེ་སྦྱིན་
པ། །བྱམས་པའི་དཀྱིལ་འཁོར་གོ་ཆར་བགོས། །བཙན་པ་ཀུན་ལས་རྣམ་པར་རྒྱལ། །སྙིང་རྗེའི་སྟོབས་ལས་བྱུང་བ་སྟེ། །མཚོན་ཆ་ཆེན་པོ་ཤིན་ཏུ་འབར། །བྱམས་པ་བྱམས་པའི་རྟོག་པ་ཅན། །ཀུན་ནས་སྤ་བའི་དཀྱིལ་
འཁོར་བ། །མ་ཕམ་ཐུབ་མེད་དག་པ་སྟེ། །སངས་རྒྱས་ཆ་ལུགས་མཉམ་མེད་ཆེ། །བྱམས་པའི་སྙིང་པོ་སྙིང་པོ་ཆེ། །བྱམས་པའི་པད་མ་ལས་བྱུང་བ། །རྡོ་རྗེ་འཆང་ཆེན་རྡོ་རྗེ་ཅན། །རྡོ་རྗེའི་བསྟན་པའི་དཀྱིལ་འཁོར་པ། །རིག་སྔགས་
འཆང་བ་རྣམས་ཀྱིས་བཏུད། །དེ་བཞིན་བསྙེན་ཅིང་བསྟོད་པ་པོ། །གྲུབ་པ་ཆེན་པོ་རིག་སྔགས་གྲུབ། །རྡོ་རྗེའི་དཀྱིལ་འཁོར་མཛེས་པར་མཛད། །ཐམས་ཅད་གྲུབ་མཛད་གྲུབ་པ་པོ། །སངས་རྒྱས་གདུང་གི་སྡོང་ཆེན་ལགས། །

106-1-102b

གསང་སྔགས་ཆེན་པོའི་རྣམ་པར་ངེས། །མདོ་སྡེའི་བཀོད་པ་མདོ་སྡུད་པ། །ངེས་གྱུར་ངེས་པའི་འོད་སྒྲོན་གྱི། །སྣང་བས་དྲི་མ་སེལ་བར་མཛད། །འབར་བ་རྩ་དམར་འོད་སྣང་བ། །དཀྱིལ་འཁོར་དཀར་པོ་ཆེ་བ་སྟེ། །
གཞུང་དང་འཐུན་པའི་ཆོས་དབྱིངས་དང་། །ཉེ་བར་གྱུར་ཅིང་ཤིན་ཏུ་ངེས། །སྭཱ་ཧཱ་སྭཱ་ཧཱའི་བདག་པོ་མཆོག །འོད་ཟེར་བདེ་ལེགས་བདེ་ལེགས་མཛད། །སྟོབས་ཆེན་འཆང་བ་བཀྲ་ཤིས་པ། །ཉི་མ་འདྲ་སྟེ་སྙོམས་པ་ལགས། །
སྟོང་བྱེད་རྒྱལ་བའི་ལོངས་སྤྱོད་ལྡན། །མཁའ་ལྟར་དྲི་མེད་སྤྱོད་ཡུལ་ཅན། །དཔའ་བོ་རྡོ་རྗེས་འཇོམས་པར་མཛད། །རྡོ་རྗེ་ཆེན་པོ་རབ་སྒྲུབ་པ། །སྒྲུབ་པ་པོ་སྟེ་རྩོད་པ་མེད། །དཀྱིལ་འཁོར་ལྡན་པ་རྡོ་རྗེ་སྟོན། །རླུང་ཆེན་
ཤུགས་ཀྱིས་བསྐྱོད་པ་ཡི། །གཡོ་དང་འབྲུག་སྒྲོགས་སྒྲ་ལྡན་པ། །སངས་རྒྱས་སྤྱོད་ཡུལ་པད་མ་སྟེ། །དེ་བཞིན་ཉིད་ཀྱི་མཚོ་ལས་སྐྱེས། །མངོན་ཤེས་ཆེན་པོ་མངོན་ཤེས་བརྙེས། །ཁྱབ་བདག་སངས་རྒྱས་ཀུན་དང་
མཉམ། །དེ་ནས་ས་ཡི་དབང་ཕྱུག་པོ། །བྱམས་པའི་དཀྱིལ་འཁོར་བྱམས་པ་ལ། །བསྟོད་ནས་ཀུན་མཁྱེན་གནོད་བྲལ་བ། །ཐུབ་པ་ཉི་མས་བཀའ་སྩལ་པ། །ཀྱེ་མ་མིང་བརྒྱ་རྩ་བརྒྱད་མཆོག །མིང་གི་ཡོན་ཏན་འོད་
ལྡན་པ། །བདེ་དང་ཕུན་སུམ་ཚོགས་སྒྲུབ་པ། །ཐབས་ཆེན་བླ་ན་མེད་པ་སྟེ། །མིང་བརྒྱ་རྩ་བརྒྱད་འདི་དག་ནི། །འཇིག་རྟེན་ཀུན་གྱི་བདེ་སྐྱེད་པ། །འདི་ནི་བཏོན་པ་ཙམ་གྱིས་ཀྱང་། །སྡིག་པ་ཐམས་ཅད་དག་པར་འགྱུར། །
སྡིག་པ་དག་ལས་རྒྱལ་བ་ཡི། །བྱམས་པ་བསྟོད་པའི་གནས་པོ་ལ། །མིང་བརྒྱ་རྩ་བརྒྱད་དམ་པ་འདིས། །མི་ནི་ལ་ལ་གང་བསྟོད་པ། །དེ་ལ་ལྷ་ལ་སོགས་ཀུན་དང་། །ལག་ན་རྡོ་རྗེ་སྟོབས་ཆེན་རྣམས། །རྟག་པ་ཉིད་དུ་སྡུག་བསྔལ་
ཀུན། །གཏན་དུ་བསལ་ཕྱིར་བརྩོན་པར་བྱེད། །གང་ཞིག་མིང་བརྒྱ་རྩ་བརྒྱད་མཆོག །མྱུར་དུ་འདོན་པའི་མི་དེ་ནི། །སངས་རྒྱས་ས་ཡང་ཐོབ་འགྱུར་ཏེ། །འདི་ལ་ཐེ་ཚོམ་ཡོད་མེད་དོ། །ནང་པར་མལ་ནས་ལངས་ནས་ནི། །གང་ཞིག་བྱམས་

106-1-103a

པའི་སེམས་ཀྱིས་བསྟོད། །དེ་ལ་བྱམས་པ་རྟོགས་པ་ཡི། །བྱམས་པ་བདེ་ལེགས་བྱེད་པར་འགྱུར། །དེ་ཕྱིར་དྲི་མ་ཐམས་ཅད་སེལ་བྱེད་ཅིང་། །སྡིག་འཇོམས་ཡོན་ཏན་ཐམས་ཅད་སྐྱེད་པ་དང་། །དེ་བཞིན་འཇིག་རྟེན་སྡུག་བསྔལ་
སེལ་བ་ཡི། །མིང་བརྒྱ་རྩ་བརྒྱད་ཆེད་དུ་དག་པར་ལྷོགས། །འཕགས་པ་བྱམས་པའི་མཚན་བརྒྱ་རྩ་བརྒྱད་པ་གཟུངས་སྔགས་དང་བཅས་པ།  རྫོགས་སོ།། །། འཕགས་པ་ནམ་མཁའི་སྙིང་པོའི་མཚན་བརྒྱ་རྩ་བརྒྱད་
པ་གཟུངས་སྔགས་དང་བཅས་པ། འཕགས་པ་ནམ་མཁའི་སྙིང་པོ་ཞལ་རས་རྒྱ་ཆེ་ཞིང་སྤྱན་གྱི་འོད་འཕྲོ་བས་ནམ་མཁའི་དཀྱིལ་དྲི་ཞིམ་པར་མཛད་པ་ལ་ཕྱག་འཚལ་ལོ། །ནམ་མཁའི་སྤྱོད་ཡུལ་ཅན་སའི་དཀྱིལ་འཁོར་
ཐམས་ཅད་སྣང་བར་མཛད་པ་ལ་ཕྱག་འཚལ་ལོ། །ཨོཾ་སྭ་སྟི་ཀ་མཱ་ལ་ཀྵི་བི་པུ་ལ་སམ་བྷ་བ། དྷརྨ་དྷརྨ་གོ་ཙ་ར་སྭཱ་ཧཱ། གཟུངས་འདི་བརྗོད་མ་ཐག་ཏུ་ངན་སོང་དང་ངན་འགྲོ་ཐམས་ཅད་ནི་རབ་ཏུ་ཞི་བར་གྱུར། ས་ཡང་
གཡོས་པར་གྱུར། རྔ་བོ་ཆེ་དག་གི་སྒྲ་ཡང་གྲགས་པར་གྱུར། སངས་རྒྱས་ཐམས་ཅད་ཀྱིས་ཀྱང་ལེགས་སོ་ཞེས་བྱ་བ་བྱིན་ནོ། །དེ་ནས་བཅོམ་ལྡན་འདས་རྣམ་པར་སྣང་མཛད་ཀྱིས་བཀའ་སྩལ་པ། ཀྱི་འཁོར་གྱི་
དཀྱིལ་འཁོར་ན་འཁོད་པའི་སེམས་ཅན་རྣམས་ནམ་མཁའི་སྙིང་པོའི་སྙིང་པོ་དཀྱིལ་འཁོར་མངོན་སུམ་པ་རྣམས་ཀྱི་སྭཱ་ཧཱ་མཆོག་གི་གཟུངས་འབྱུང་བར་ཤིན་དུ་དཀའ་བ། བསོད་ནམས་ཆེན་པོ། སྡིག་པ་དང་ཉོན་མོངས་
པ་ཐམས་ཅད་སྲེག་པ། བྱང་ཆུབ་སེམས་དཔའ་ཐམས་ཅད་ཀྱི་མ། རིན་པོ་ཆེའི་ཕུང་པོར་གྱུར་པ་འདི་ཉོན་ཅིག་དང་།  འདི་ཐོས་པས་དྲི་མ་མེད་པར་འགྱུར་ཞིང་ལེགས་པར་ཁྲུས་བྱས་པར་འགྱུར་ལ་ཤིན་དུ་
རྣམ་པར་དག་པར་འགྱུར་རོ། །པད་མ་ལྟ་བུར་འགྱུར་ཏེ། འཁོར་གྱི་འདམ་གྱིས་མི་གོས་སོ། །ཉི་མ་ལྟ་བུར་འགྱུར་ཏེ། སེམས་ཅན་ཐམས་ཅད་སྣང་བར་བྱེད་དོ། །ཟླ་བ་ལྟ་བུར་འགྱུར་ཏེ། སེམས་ཅན་ཐམས་

106-1-103b

ཅད་རབ་ཏུ་སིམ་པར་བྱེད་དོ། །ནམ་མཁའ་ལྟ་བུར་འགྱུར་ཏེ། ངན་སོང་གི་སྡུག་བསྔལ་ཐམས་ཅད་ཀྱིས་མི་གོས་སོ། །ས་གཞི་ལྟ་བུར་འགྱུར་ཏེ། མཐོ་དམན་མེད་དོ། །ལྷུན་པོ་ལྟ་བུར་འགྱུར་ཏེ། སེམས་ཅན་ཐམས་ཅད་
ཀྱིས་བསྐྱོད་པར་མི་ནུས་སོ། །ཐར་བ་ལྟ་བུར་འགྱུར་ཏེ། བདེ་བ་དང་སྡུག་བསྔལ་གྱིས་མི་གོས་སོ། །དེ་ལ་སོགས་པ་ཡོན་ཏན་སྟོང་ཕྲག་བགྲངས་བ་ཚད་མེད་གྲངས་མེད་པ་དག་ཐོབ་པར་འགྱུར་ཏེ། ཉན་པ་དང་། འཆང་བ་དང་། 
ཀློག་པ་དང་། རྗོད་པ་དང་། སྟོན་པ་ཙམ་དང་། བཟླས་བརྗོད་བྱས་པ་ཙམ་གྱིས་གང་ཅི་ཡང་རུང་སྟེ། དེའི་འདོད་པ་དང་། སྨོན་པ་དང་། རེ་བ་དེ་དག་འགྲུབ་པར་འགྱུར་རོ། །བཟླས་བརྗོད་བྱས་པ་ཙམ་གྱིས་ཀྱང་ཆར་ཆེས་པ་དང་། ཆར་
མི་འབབ་པ་དང་། སྡང་བས་དཀྲུགས་པ་དང་། མི་ནད་དང་། རྨི་ལམ་ངན་པ་དང་། གནོད་པ་འབྱུང་བ་དང་། འཇིགས་པའི་དུས་དང་། འཆི་བ་དང་། ཆོམ་རྐུན་དང་། དགོན་པ་དང་། གཡུལ་འགྱེད་པ་དང་། གཅན་ཟན་དང་། 
མུ་གེའི་སྡུག་བསྔལ་རྣམས་ལས་ཡོངས་སུ་སྲུང་བར་བྱེད་ལ། བདེ་བ་དང་འབྱོར་པ་དང་། ཅི་འདོད་པ་དང་། ཅི་ལ་དགའ་བ་ཐམས་ཅད་ཀྱང་འགྲུབ་པར་འགྱུར་རོ། །དེ་ནས་འཁོར་དེ་དག་ཐམས་ཅད་ཀྱིས་ཧ་ཧ་ཞེས་ཅ་ཅོ་དང་ག་ཞ་
བཏོན་ཏེ། སྒྲ་རིང་ཞེས་བྱས་ནས་གོས་དང་། རྒྱན་སྣ་ཚོགས་བསྐྱོད་དེ། སྙིང་ནས་ཕྱག་འཚལ་ནས་བྱང་ཆུབ་སེམས་དཔའ་ཐམས་ཅད་ལ་དབང་བྱེད་པ་འཕགས་པ་ནམ་མཁའི་སྙིང་པོའི་མཚན་བརྒྱ་རྩ་བརྒྱད་པའི་བསྔགས་
པ་རྒྱ་མཚོའི་བསྟོད་པ་ཡང་དག་པར་བརྗོད་པ། ནམ་མཁའི་སྙིང་པོའི་སྲིད་གསུམ་སེམས་ཅན་མཆོག །འབྱོར་ལྡན་བློ་གྲོས་རིན་ཆེན་རྒྱ་མཚོ་མངའ། །སེམས་ཅན་དག་པ་བླ་མེད་རིན་ཆེན་མཆོག །ཐར་པའི་ས་བོན་འཁོར་
བའི་སྡུག་བསྔལ་སེལ། །ཀུན་མཁྱེན་ཚུལ་མཁྱེན་ལེགས་དང་ལེགས་མིན་མཁྱེན། །ཐར་མཁྱེན་ཆོས་མཁྱེན་བདེ་དང་མི་བདེ་མཁྱེན། །ལམ་མཁྱེན་གཅེས་མཁྱེན་དགེ་དང་མི་དགེ་མཁྱེན། །དུས་མཁྱེན་དགེ་མཁྱེན་སྟོབས་

106-1-104a

དང་སྟོབས་མིན་མཁྱེན། །འགྲོ་མཆོག་ཆོས་མཆོག་སེམས་ཅན་ཡོན་ཏན་མཆོག །ལམ་མཆོག་སྔགས་མཆོག་ཚུལ་དང་ཚུལ་མིན་མཆོག །རྒྱན་མཆོག་ཆོས་མཆོག་འཛིན་དང་འཛིན་མིན་མཆོག །དག་མཆོག་
རྟོགས་མཆོག་མཆོག་དང་མཆོག་མིན་མཆོག །ཞི་རབ་སྙིང་རྗེའི་རབ་སྟེ་འཁོར་གྱི་རབ། །འོད་རབ་ཐར་པའི་རབ་སྟེ་རྟེན་གྱི་རབ། །རྒྱ་རབ་སྔགས་ཀྱི་རབ་སྟེ་ཐུགས་བརྩེའི་རབ། །མཉམ་རབ་སེམས་ཅན་རབ་སྟེ་གསུམ་རིག་
རབ། །ལེགས་སྒྲོན་མཆོག་སྒྲོན་སྟོབས་དང་སྟོབས་མིན་སྒྲོན། །ཐར་སྒྲོན་རིགས་སྒྲོན་རྒྱལ་དང་རྒྱལ་མིན་སྒྲོན། །དགེ་སྒྲོན་གཟི་སྒྲོན་ནོར་བུའི་འོད་ཀྱི་སྒྲོན། །རྒྱུ་སྐར་ཟླ་བའི་རྒྱན་ལས་ཤར་བའི་སྒྲོན། །མཆོག་འོད་ཡོན་
ཏན་ཀུན་གྱི་འོད་ཟེར་འོད། །ལེགས་འོད་ཐར་པའི་ཕོ་བྲང་རྟེན་གྱི་འོད། །འོད་ཆེན་གཏི་མུག་རབ་ཏུ་འབྱེད་པའི་འོད། །རྡོ་རྗེའི་འོད་འབར་བདེ་བའི་འོད་འཆར་བ། །རྡོ་རྗེའི་དབང་པོ་འདྲེན་དབང་སེམས་ཅན་དབང་། །རིན་ཆེན་འོད་ཀྱི་
དཀྱིལ་འཁོར་རྒྱན་དབང་པོ། །རྒྱལ་དབང་རྒྱལ་བའི་སྟོབས་རྒྱུན་ཚད་མེད་དབང་། །དཔའ་བོ་རིག་སྔགས་འཆང་དབང་སྲིད་གསུམ་དབང་། །རྡོ་རྗེ་བཟང་པོ་རྡོ་འོད་རྡོ་རྗེ་འབར། །རྡོ་རྗེ་སེམས་དཔའ་རྡོ་རྗེ་འབར་བས་བརྒྱན། །
རྡོ་རྗེ་འོད་ཅན་རྡོ་འཛིན་རྡོ་རྗེ་དྲག །རྡོ་རྗེ་རྒྱ་ཆེན་རྡོ་རྗེ་རབ་མཆོག་དབང་། །ན་བཟའ་སྔོ་ཞིང་སྐུ་ཡི་ཆ་ལུགས་སྔོ། །སྐུ་མདོག་སྔོ་ཞིང་སྔོ་བའི་འོད་ཀྱིས་བརྒྱན། །རལ་གྲི་རྣོ་འཇེབས་སྔོ་ཞིང་བརྟན་པ་བསྣམས། །མཁའ་སྔོ་གཞལ་མེད་
ཁང་འབར་ནང་ན་བཞུགས། །ལྷ་ཞལ་དྲི་མེད་ཤིན་དུ་མི་བཟད་འབར། །རབ་ཏུ་དྲག་ལ་འོད་ཟེར་འཕྲོ་ཞིང་འགྱུ། །སྡིག་སེལ་རྡུལ་ལྟར་འཁྲུག་བྱེད་ཕྲེང་མཆོག་ཅན། །གློག་གི་སྟོབས་ཀྱིས་སྣང་བས་བསྒེག་ལ་བརྟན། །རལ་གྲི་
མཚོན་ཐོགས་དབང་ལྡན་མཐུ་སྟོབས་མཚོན། །རྡོ་ཡི་ཡི་མཚོན་ཐོགས་མདའ་དང་མདུང་ཐུང་འཇིགས། །འཁོར་ལོའི་མཚོན་ཐོགས་བཅིབས་པ་རི་དང་འཁྲུལ། །གསལ་ཤིང་མཚོན་ཐོགས་བགེགས་ཀྱི་སྟོབས་འཇོམས་པ། །

106-1-104b

བདེ་འབྱུང་འཇིག་རྟེན་གསུམ་བདག་རྡོ་རྗེའི་དབྱུག །སྐུ་རྣམས་ཐམས་ཅད་ཉི་མའི་འོད་ཀྱིས་བརྒྱན། །གྲགས་པའི་རིགས་སུ་བྱུང་བས་རྒྱལ་པོ་མཛད། །མུ་ཏིག་ཕྲེང་བས་བསྒེགས་ཤིང་མཛེས་པར་བགྱིས། །སྐུ་མཛེས་
བརྙེས་ཤིང་ཕུན་སུམ་ཚོགས་པ་བརྙེས། །རབ་འབྱམ་མཆོག་བརྙེས་ས་ལ་འཇུག་པ་བརྙེས། །མཐུ་སྟོབས་ལྷག་པ་བརྙེས་ཤིང་གྲུབ་བརྙེས་ལ། །རིག་པ་གསུམ་གྱི་སྟོབས་བརྙེས་མཐུ་བརྙེས་པ། །བདེ་འདྲེན་ཞི་བ་
འདྲེན་ཅིང་འོད་འདྲེན་པ། །ཆ་ལུགས་གསལ་མཆོག་དར་བ་ཆེན་པོ་འདྲེན། །བྱམས་འདྲེན་ཉི་མ་འདྲེན་ཅིང་སྐྱེ་བ་འདྲེན། །ལེགས་འདྲེན་ཞིང་གི་སྟོབས་འདྲེན་སྙིང་རྗེ་ཅན། དྲི་མེད་ཆ་ལུགས་གསལ་བ་ཆ་ལུགས་འབར། །
རྣམ་གྲགས་བསྒེག་པས་གྲགས་པའི་བ་དན་ཅན། །འགྲོ་བའི་སྐབས་འབྱེད་འཇུག་དང་ལྡོག་པ་མཁྱེན། །ལོངས་སྤྱོད་གསལ་བར་སྟོན་པའི་སེམས་ཀྱིས་འཇུག །སྐུ་དམར་སྐུ་མཐོན་སྐུ་མཛེས་སྐུ་བཟང་བ། །སྐུ་སེར་སྐུ་
དཀར་དར་བ་ཆེན་པོའི་སྐུ། །སྐུ་རོལ་རྡོ་རྗེའི་སྐུ་མངའ་སྤྱན་ལེགས་སྐུ། །རིགས་སྐུ་རིག་སྔགས་འཆང་བ་རིན་ཆེན་བསྣམས། །གཙུག་གི་ནོར་བུ་གཙུག་ཅན་ཅོད་པན་མཆོག །ཅོད་པན་ཅན་ཏེ་ཆོས་འཛིན་རྡོ་རྗེ་མཆོག །དཔལ་འཛིན་རིན་ཆེན་
དམ་པ་འཆང་བའི་མཆོག །སྔགས་གཞི་ཕྱག་རྒྱ་འཆང་བ་ཕུན་སུམ་ཚོགས། །རབ་མཛེས་མཁའ་ལ་གཤེགས་ཤིང་རབ་ཏུ་རྒྱུ། །སྲིད་གསུམ་ཉི་མ་གཅིག་པུ་འོད་སྟོང་མངའ། །རི་རྩེར་འཆར་བ་བདལ་ལེགས་བཀྲ་ཤིས་པ། །ཡོན་ཏན་
མཐུ་སྟོབས་ཁྱད་པར་རྣམ་པར་གྲགས། །ནོར་བུ་ཆེན་པོ་ནོར་སྡུག་ནོར་བུའི་འོད། །ཉི་མའི་ནོར་བུ་ཚུལ་སྤྱོད་ནོར་བུ་འབར། །ཡིད་བཞིན་ནོར་བུ་འགྲོ་ཀུན་མགོན་གཅིག་པུ། །ནམ་མཁའི་དཀྱིལ་ན་ནོར་བུ་གཅིག་སྣང་བ། །སེམས་ཅན་རྣམ་
དག་ཡངས་ཤིང་རྣམ་པར་གྲགས། །སྲིད་གསུམ་སྲུང་མ་གཅིག་པུ་རྒྱལ་སྲས་མཆོག །ཞི་བ་རབ་ཏུ་ཞི་བ་སྐྱབས་འོས་སྟག །སྐྱེ་དགུའི་བདག་པོ་པད་བྱུང་པད་མ་སྐྱེས། །ཀུན་ནས་འོད་བཟང་ལེགས་

106-1-105a

བཤད་ཆོས་མངའ་བ། །དར་བ་ལེགས་བཤད་རབ་དུལ་ལེགས་བཤད་ཕྱག །བློ་བཟང་འོད་བཟང་བདེ་ལྡན་སྐྱེ་གནས་བཟང་། །མཁས་རབ་ཞི་རབ་མཆོག་གི་ཆོས་དང་ལྡན། །ཞི་མཛད་རྒྱལ་འབྱུང་བདེ་བ་འབྱུང་བའི་
གནས། །འོད་ཀྱི་འབྱུང་གནས་བདེ་མཛད་དབང་དུ་མཛད། །ལེགས་འབྱུང་ཤེས་རབ་འབྱུང་གནས་སྟོབས་སྐྱེད་པ། །སྙིང་རྗེའི་འབྱུང་གནས་བློ་བཟང་རྣམ་གྲགས་མཛད། །རྣམ་གྲོལ་ངེས་གྲོལ་ཤིན་ཏུ་གྲོལ་བའི་བློ། །བློ་
ཡངས་རྣམ་པར་བཀྲམ་ཞིང་རྣམ་པར་གྲགས། །ཀུན་ཏུ་ལོངས་སྤྱོད་སྒོ་སྟེ་བློ་ཡི་མཆོག ། བློ་གྲོས་བརྟན་པ་དཀོན་མཆོག་གསུམ་ལས་བསྒྲུབས། །སངས་རྒྱས་པད་མ་འདབ་རྒྱས་འདྲ་བའི་ཞལ། །དག་ཅིང་སྤྱན་ཡངས་ཆ་
ལུགས་ཡིད་དུ་འཐད། །སྙིང་པོ་གསལ་བའི་སྙིང་པོ་བརྟེན་ཞིང་དུལ། །ངོ་བོ་ཉིད་ཀྱིས་རྒྱུན་བརྙེས་རབ་གསལ་བ། །སྤྱན་ཟུར་མདའ་ནི་རབ་ཏུ་གཏད་ལེགས་པ། །འཇིགས་མེད་ཞལ་རས་སྟོན་གྱི་ཟླ་བ་འདྲ། །མདུང་ཐུང་
བརྒྱ་ཡི་མཚོན་མཆོག་མཚོན་ཆ་རྫོགས། །དྲག་པོ་འཇིགས་པ་སྡིག་སེལ་གསུམ་ལས་སྐྱེས། །རབ་དུལ་མཁས་པ་འགྲོགས་དགའ་འདྲིས་པར་སླ། །རབ་ཏུ་དྲག་པ་གཉེན་རབ་གསེར་མདོག་ཅན། །ལྷ་ཆེན་བདེ་བྱེད་
གསལ་ཤིང་ཕྱག་ན་བསྣམས། །སྤྱན་གསུམ་རིག་པ་གསུམ་ལྡན་མེ་གསུམ་སེལ། །འདོད་བཟང་མེ་ཏོག་མཚོན་ཐོགས་མེ་ཏོག་མདའ། །ན་བཟའ་བཟང་བནབས་གཡས་འཕེན་ཚབས་ཆེར་འཕེན། །ལེགས་བྲིས་
སྣ་ཚོགས་མཚོན་ཆ་སྣ་ཚོགས་མདའ། །ན་བཟའ་སྣ་ཚོགས་སྣ་ཚོགས་རྒྱན་གྱི་དཔལ། །ཞལ་རས་ཟླ་བ་འོད་ཟེར་རྒྱས་པ་འདྲ། །ཞལ་མདངས་བསྟན་པས་འཇིག་རྟེན་ཀུན་འབྱོར་མཛད། །བཤད་པ་ཉི་མའི་འོད་ཟེར་རབ་འཇེབས་
མངའ། །ཞལ་མདངས་རྒྱ་མཚོ་གསལ་མཛད་ལམ་མེ་བ། །དབང་ཆེན་རྡོ་རྗེའི་ཐོག་ལགས་འཇིགས་པའི་སྒྲ། །རྡོ་རྗེ་དྲག་པོ་ནོར་བུ་གཡོ་བ་འཛིན། །སྒྲ་སྙན་སྣང་བར་མཛད་པའི་མཐུ་དང་ལྡན། །བློ་གྲོས་ཆེན་པོ་བློ་གྲོས་རྣོ་བའི་མཆོག །

106-1-105b

རྒྱན་འཛིན་དཔལ་འཛིན་རིན་ཆེན་ཞལ་དང་ལྡན། །རྒྱུ་དང་མི་རྒྱུ་འགྲོ་བ་ཀུན་གྱི་གནས། །དེ་བཞིན་གཤེགས་པ་མགོན་སྲས་ཕྲེང་བ་བཟང་། །སྟོབས་ཆེན་འཇིག་རྟེན་བློ་གྲོས་ངོ་བོ་ཉིད། །སྐྱེ་དགུའི་བདག་པོ་བཀའ་ལུང་མཉམ་ཞིང་བརྟགས། །
མི་ཡི་མངའ་བདག་མཐོ་རིས་སྐྱེད་པའི་རྒྱུ། །སྒྱུ་འདྲ་འདོད་པའི་མདའ་དང་རྡོ་རྗེ་ཅན། །མཐུ་སྟོབས་མངའ་ཞིང་སྤྱན་བཟང་སྡུག་པར་ལྡན། །སྟོན་པ་བཟང་པོ་སྟོང་ཉིད་ལམ་གྱི་སྟེགས། །གཅེས་གསུམ་འཕེལ་བའི་རྒྱུ་ལ་འཇུག་པ་མཛད། །
བརྟན་པོ་རྒྱུ་ལ་རབ་ཏུ་ངེས་གྱུར་པ། །དཀྱིལ་འཁོར་དམ་པ་ཀུན་གྱི་སློབ་དཔོན་ལགས། །གཅིག་པུ་སྐྱེ་དགུའི་དཀྱིལ་འཁོར་ཆོ་ག་མཁྱེན། །རྣམ་པར་སྣང་མཛད་ཞིང་གི་གནས་ནས་སྐྱེས། །དབང་བསྐུར་བརྙེས་ཤིང་ས་བཅུར་
ལེགས་པར་གནས། །གནས་ཆེན་སོན་པ་མཆོག་གནས་གཅིག་པུ་ལགས། །སྐྱེ་དགུ་རྣམས་ཀྱི་ཉོན་མོངས་སེལ་བ་དང་། །སྡིག་འཇོམས་མཚན་བརྒྱ་རྩ་བརྒྱད་འདི་ཐོས་ནས། །བདེ་གཤེགས་སྲས་མཆོག་སུ་ཞིག་འདོན་བྱེད་པ། །
འཇིག་རྟེན་ཟླ་བ་གཅིག་ཤར་བཞིན་དུ་སྣང་། །ནམ་མཁའི་སྙིང་པོ་སེམས་ཅན་གཅིག་པུ་ཡི། །མདུན་འདུག་ནང་པར་བསྟོད་པ་འདི་བརྗོད་གང་། །དེ་ནི་སྲིད་གསུམ་སེམས་ཅན་མཆོག་འགྱུར་ཞིང་། །དྲི་མའི་གནས་ཀུན་ལས་
ཀྱང་ཐར་བར་འགྱུར། །གཡུལ་དང་འཐབ་རྩོད་ཤིན་དུ་མི་བཟད་དང་། །མུ་གེའི་གནོད་པ་མི་ནད་བྱུང་བ་ན། །མཁས་པ་སུ་ཞིག་སྔར་ལངས་དད་བསྐྱེད་ནས། །ནམ་མཁའི་སྙིང་པོ་ལ་ནི་བསྟོད་བྱེད་པ། །དེ་ནི་འཇིགས་པའི་འབྱུང་
གནས་ཐམས་ཅད་དང་། །སྡུག་བསྔལ་འབྱུང་འདྲེན་སྡིག་པ་རྣམས་ལས་གྲོལ། །དེས་ནི་ཞི་མཆོག་མཆོག་བདེ་ཀུན་གནས་དང་། །བདེ་བ་རྒྱ་ཆེན་ངེས་པར་ཐོབ་པར་འགྱུར། །བདེ་འཐོབ་ལོངས་སྤྱོད་འཕེལ་བར་བྱ་བ་
འམ། །རྒྱལ་སྲིད་འཐོབ་དང་བྱད་གཟུགས་ནོར་འཐོབ་དང་། །རིགས་འཐོབ་ཡོན་ཏན་ཀུན་གྱི་གཞི་བསྒྲུབ་ཕྱིར། །བཏོན་ན་འགྲུབ་འགྱུར་འདི་ལ་ཐེ་ཚོམ་མེད། །དེ་ཕྱིར་ཇི་སྟེ་རྟག་ཏུ་འདོད་བདེ་ཀུན། །འདོད་ན་འགྲོ་བ་ཀུན་ལ་

106-1-106a

གཅིག་དཔའ་བ། །ནམ་མཁའི་སྙིང་པོ་སྲིད་གསུམ་མགོན་པོ་ལ། །རྟག་ཏུ་བརྟན་ཅིང་བསྔགས་ཀྱང་བསྟན་པར་བགྱི། །འཕགས་པ་ནམ་མཁའི་སྙིང་པོའི་མཚན་བརྒྱ་རྩ་བརྒྱད་པ་གཟུངས་སྔགས་དང་བཅས་པ།  
རྫོགས་སྷོ།། །། འཕགས་པ་ཀུན་དུ་བཟང་པོའི་མཚན་བརྒྱ་རྩ་བརྒྱད་པ་གཟུངས་སྔགས་དང་བཅས་པ། བྱང་ཆུབ་སེམས་དཔའ་སེམས་དཔའ་ཆེན་པོ་སྙིང་རྗེ་ཆེན་པོ་ཀུན་དུ་བཟང་པོ་ནམ་མཁའི་དཀྱིལ་ཀུན་དུ་རབ་འབྱམ་མ་
ལུས་པ་དང་མཉམ་པའི་ངོ་བོ་ཉིད་ཀྱི་ཆོས་ཀྱི་སྣང་བ་གསལ་བ་བརྙེས་པ། སའི་དཀྱིལ་འཁོར་ཀུན་དུ་འཕྲོས་པའི་སྐུ་ཐ་དད་པ་མེད་ཅིང་དུས་གསུམ་གྱི་སྐུ་མཉམ་པ་ཉིད་བརྙེས་པ། གཟུགས་སྣ་ཚོགས་ཅན། བྱང་ཆུབ་སེམས་
དཔའ་སེམས་དཔའ་ཆེན་པོའི་མཆོག་དང་། རབ་མཆོག་དམ་པ་སྦྱིན་པ། ཡོན་ཏན་ཆེན་པོའི་སྐུས་ཀུན་དུ་མངའ་མཛད་པ་ལ་ཕྱག་འཚལ་ལོ། །དེ་ནས་དེའི་ཚེ་བྱང་ཆུབ་སེམས་དཔའ་སེམས་དཔའ་ཆེན་པོའི་མཆོག་ཀུན་
དུ་བཟང་པོ་གཟུགས་སྣ་ཚོགས་ཅན། བྱང་ཆུབ་སེམས་དཔའ་རྣམས་ཀྱི་ཏིང་ངེ་འཛིན་རབ་འབྱམ་སའི་དབང་ཕྱུག་ཆེན་པོ་ཞེས་བྱ་བ་ལ་སྙོམས་པར་ཞུགས་སོ། །དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་ཀུན་དུ་བཟང་པོ་
སྙོམས་པར་ཞུགས་མ་ཐག་པ་དེའི་ཚེ་སྟོང་ཆེན་པོའི་འཇིག་རྟེན་གྱི་ཁམས་ཀྱི་རྡུལ་ཕྲ་རབ་ཀྱི་རྡུལ་སྙེད་ཀྱི་སྐུ་རབ་འབྱམ་ཀུན་ཏུ་ཡོངས་སུ་རྒྱས་པར་གྱུར་ཏེ། ནམ་མཁའི་ཁམས་ཀྱི་ཁོངས་སུ་གཏོགས་པའི་སྐུ་རྣམས་
སའི་དཀྱིལ་འཁོར་དུ་མ་དག་ཏུ་ཀུན་ནས་འཁོད་པར་གྱུར་ཏོ། །དེ་ནས་སངས་རྒྱས་ཀྱི་ཞིང་རབ་འབྱམས་ཐམས་ཅད་ཀྱི་ཁོངས་སུ་གཏོགས་པའི་དེ་བཞིན་གཤེགས་པ་རྣམས་ཀྱིས་ཕྱག་གཡས་པ་བརྐྱང་སྟེ། བྱང་ཆུབ་སེམས་
དཔའ་ཆེན་པོ་ཀུན་དུ་བཟང་པོའི་མགོ་བོ་ལ་བྱུགས་ནས།  བཀའ་སྩལ་པ། རིགས་ཀྱི་བུ་ལེགས་སོ་ལེགས་སོ། །སངས་རྒྱས་འབྱུང་བ་ཐམས་ཅད་ཀྱི་སྙིང་པོ་གཟུངས་ཆེན་མོ་ཤོད་ཅིག །དེ་ནས་བྱང་ཆུབ་སེམས་

106-1-106b

ཆེན་པོའི་མཆོག །ལུས་འོད་ཟེར་འབུམ་གྱིས་སྣང་བར་བྱས་པས་དེའི་ཚེ།  སངས་རྒྱས་ཀྱི་ཞིང་ཐམས་ཅད་གཡོ་བར་བྱས་ནས། གཟུངས་འདི་བཤད་དོ། །ཏདྱ་ཐཱ། ཨོཾ་ན་མོ་ན་མསྟྲི་བྷུ་བ་ནེ་ཤྭ་རེ། མ་ཧཱ་བྷོ་གཱ་ཡ། ཨ་ས་མ་ས་
མ། ཨ་མྲི་ཏ་ས་མ། ཨ་ནན་ཏ་ས་མ། ག་ག་ན་ས་མ། ཏྲི་བྷུ་བ་ན་ས་མ། ཨ་ཤེ་ཥ་ས་མ། བེ་ཥ་ས་མ། པ་ར་མ་ཨརྠ་ས་མ། སྭ་བྷཱ་བ་ས་མ། ཏ་ཐཱ་ཏཱ་ས་མ། ཨ་ར་ཛེ་ས་མ། ཤུད་དྷི་ས་མ། བུད་དྷི་ས་མ། དྷརྨ་ཏ་ཐཱ་ཏཱ་ས་མ། ཨ་བྷི་ཤ་མ་ས་མ། 
ས་མ་ས་མ། ཨེ་ག་ནཱ་ཡ། སཱ་ག་ར་བི་ཤུད་དྷ།  ཨཱ་ལོ་ཀ་ཧི་ཧི་ལ་བ་དྷ་བ་དྷ་ལ་བ་དྷ།  བི་ཛ་ཡ་བི་ཛ་ཡ། ཨོཾ་པྲ་ས་ག་ཏ། ན་ཡ་ན་ཡ། ཧྃ་ནིར་ཨ་དྷིཥྛ་ན། སྃ་བྷོ་ག །ཨམ་ཨ་ན་ལ་ཡ་ལ་ཡ། དྷརྨ་ཨ་གྲ། དྷ་ར་དྷ་ར། ཛ་ཡ་ཛ་ཡ། ཧཱུྃ་ཧཱུྃ། 
དྷ་མ་དྷ་མ་སྭཱ་ཧཱ། དེ་ནས་རྒྱལ་བའི་སྲས་ཀྱི་ཐུ་བོ་འཇིག་རྟེན་ཐམས་ཅད་ཀྱི་མགོན་པོ་གཅིག་པུ། སེམས་ཅན་ཐམས་ཅད་ལ་ཕན་པར་འདོད་པ་བྱང་ཆུབ་སེམས་དཔའ་ཀུན་དུ་བཟང་པོས་བཅོམ་ལྡན་འདས་ཀྱི་ཞལ་དུ་བལྟས་
ཏེ། སའི་དཀྱིལ་འཁོར་གཡོ་བར་བྱས་ནས་དེ་སྐད་ཅེས་སྨྲས་ཏེ། འཇིག་རྟེན་གསུམ་པོ་ཀུན་དུ་གང་བར་བྱས་སོ། །དེ་ནས་ལྷ་དང་ལྷ་མ་ཡིན་དུ་བཅས་པའི་བྱང་ཆུབ་སེམས་དཔའ་ཆེན་པོ་རྣམས་ཀྱིས་གང་བའི་དཀྱིལ་འཁོར་ནས་
གང་གསེར་གྱི་འོད་ཟེར་འབར་ཞིང་སྣང་ལ་རབ་ཏུ་གཡོ་བས་བརྒྱན་པའི་ལུས་ཅན་ས་སྟེང་ཀུན་གྱི་རྡོ་རྗེ་མེ་ཏོག་ཐོད་སྟན་ཆེན་པོ་ལས་བསྐྱོད་དེ། དཀྱིལ་འཁོར་ནས་ལངས་ནས་ཧ་ཧ་ཞེས་བྱ་བའི་སྒྲ་ཕྱུང་སྟེ་སྨྲས་པ། ཀྱེ་མ་སྙིང་རྗེ་ཆེན་པོ་དང་
ཡོན་ཏན་གྲངས་མེད་པའི་རྒྱ་མཚོ་རབ་ཏུ་འབྱམ་པའི་གཟུངས་ཆེན་མོ། ཀྱེ་མ་སངས་རྒྱས་འབྱུང་བ་ཆེན་མོ། མཐའ་དང་དབུས་མེད་པའི་ས་གསུམ་དང་མཉམ་ཞིང་སེམས་ཅན་གྱི་ཁམས་གྲངས་མེད་པ་ཡོངས་སུ་སྨིན་པར་བྱ་བའི་ཕྱིར་
གནས་པ། ཆོས་ཀྱི་དཀྱིལ་འཁོར་གནས་པ་མེད་པའི་གཟུངས་ཆེན་མོ། ཀྱེ་མ་བསྐལ་པ་མཐའ་ཡས་པ་ནས་འཕངས་པའི་སྡིག་པའི་བག་ཆགས་སེལ་ཅིང་ཉོན་མོངས་པའི་རྒྱ་མཚོ་སྐེམས་ལ་ལྟ་བའི་རི་བོ་འཐོར་བར་བྱེད་པའི་གཟུངས་

106-1-107a

ཆེན་མོ། བསྐལ་པ་མཐའ་ཡས་པར་དགེ་བའི་རྩ་བའི་ཚོགས་འབྱུང་བ་ཡང་དག་པར་མ་བསགས་ཤིང་། བདེ་བར་གཤེགས་པ་འབུམ་ཕྲག་དུ་མ་མངོན་སུམ་དུ་མཐོང་བས་བྱང་ཆུབ་ཀྱི་ས་བོན་མ་བསྒྲུབས་ལ། ཐམས་ཅད་
མཁྱེན་པའི་སའི་ཁྱད་པར་གྱི་ཡོན་ཏན་རྒྱ་མཚོ་ཡོངས་སུ་རྫོགས་པ་རྗེས་སུ་ཐོབ་པ་མ་ཡིན་པ་གཞན་ནི་སུས་ཀྱང་དེ་བཞིན་གཤེགས་པ་ཐམས་ཅད་ཀྱི་སྙིང་པོ་གཟུངས་ཆེན་མོ་འདི་མཉན་པར་ཡང་མི་ནུས་ན། གཟུང་བའམ། 
བཀླག་པའམ། ཀུན་ཆུབ་པར་བྱ་བ་ལྟ་ཅི་སྨོས། གཟུངས་ཆེན་མོ་འདིའི་མིང་ཙམ་ཡང་བསྐལ་པ་བྱེ་བ་ཕྲག་སྟོང་གི་བར་དུ་ཐོས་པར་དཀའོ། །ཀྱེ་མ་གཟུངས་ཆེན་མོ་འདི་ནི་སེམས་ཅན་གང་དག་གི་ལག་ན་འདུག་པ་དེ་དག་ནི་རྙེད་
པ་ལེགས་པར་རྙེད་པའོ། །འཚོ་བ་བཟང་པོས་འཚོ་བའོ། །མངོན་པར་ཤེས་པ་རྣམས་ཀྱི་གཞི་བཟང་པོའོ། །དགེ་བའི་རྩ་བ་ཡང་དག་པར་རྫོགས་པའོ། །དེ་བཞིན་གཤེགས་པའི་སྤྱོད་ཡུལ་ལ་གནས་པའོ། །ཡོན་ཏན་
ཐམས་ཅད་ཡང་དག་པར་རྫོགས་པའོ། །འདི་ལན་ཅིག་བརྗོད་པ་ཙམ་གྱིས་ངན་སོང་གི་སྡུག་བསྔལ་ཐམས་ཅད་ལས་ཐར་བར་འགྱུར་རོ། །ལན་གཉིས་བརྗོད་པ་ཙམ་གྱིས་སྡིག་པ་ཐམས་ཅད་ལས་གྲོལ་བར་འགྱུར་
རོ། །ལན་གསུམ་བརྗོད་པ་ཙམ་གྱིས་ཉོན་མོངས་པ་ཐམས་ཅད་ལས་གྲོལ་བར་འགྱུར་རོ། །དེ་ལྟར་ན་བརྗོད་པ་ཙམ་གྱིས་གོང་ནས་གོང་དུ་ཡོན་ཏན་རྣམས་འཐོབ་པར་འགྱུར་ཏེ། དེ་བཞིན་གཤེགས་པ་ཡང་མཐོང་བར་
འགྱུར་རོ། །འཆག་བཞིན་དུ་བཟླས་བརྗོད་བྱས་ན་སྡུག་བསྔལ་ཐམས་ཅད་ལས་ཐར་བར་འགྱུར་རོ། །ཤིང་གཅིག་འགྲེང་གི་དྲུང་དུ་བཟླས་བརྗོད་བྱས་ན་གྲུབ་པ་ཐམས་ཅད་འཐོབ་པར་འགྱུར་རོ། །འགྲོ་བཞིན་དུ་བཟླས་
བརྗོད་བྱས་ན་སེམས་ཅན་ཐམས་ཅད་དབང་དུ་འགྱུར་རོ། །ནགས་ཚལ་ཆེན་པོའི་ནང་དུ་སྐྱིལ་མོ་དཀྲུང་བཅས་ཏེ་འདུག་ལ་ལན་བདུན་བརྗོད་ན་བསམ་གཏན་ཆེན་པོ་འཐོབ་པར་འགྱུར་ལ་ཉོན་མོངས་པ་ཡང་བྲལ་བར་

106-1-107b

འགྱུར་རོ། །འཕགས་པ་ཀུན་དུ་བཟང་པོའི་སྐུ་གཟུགས་ཀྱི་དྲུང་དུ་སྐྱིལ་མོ་དཀྲུང་བཅས་ཏེ་འདུག་ལ་མེ་ཏོག་ལ་སོགས་པ་ཇི་སྙེད་པས་མཆོད་ནས་ལུས་ངལ་བར་འགྱུར་གྱི་བར་དུ་གཟུངས་ཆེན་མོ་འདི་བརྗོད་ལ། ངལ་བར་གྱུར་
ནས་དེ་ཉིད་དུ་ཉལ་ན་རྨི་ལམ་དུ་བྱང་ཆུབ་སེམས་དཔའ་ཀུན་དུ་བཟང་པོ་མཐོང་བར་འགྱུར་ཏེ། ཕྱག་གཡས་པས་དེ་ལ་བྱུགས་ནས་ཡང་དག་པར་དབུགས་འབྱིན་པར་མཛད་དེ། ཆོས་ཀྱི་སྣང་བ་ཆེན་པོ་ཡང་གསོལ་བར་མཛད་
དོ། །འདི་སྐད་དུ་རྒྱལ་བའི་སྲས་ལེགས་སོ་ལེགས་སོ། །ཁྱོད་ནི་དེ་བཞིན་གཤེགས་པའི་དཀྱིལ་འཁོར་ཆེན་པོར་ཞུགས་པ་ཡིན་ཏེ། ཁྱོད་ཚེ་རྗེས་ནས་ས་ཆེན་པོ་འཐོབ་པར་འགྱུར་རོ། །ཞེས་ཀྱང་གསུངས་སོ། །དེ་ནས་
ལུས་བདེ་བ་དང་། སེམས་བདེ་བ་དང་། དགའ་བ་ཆེན་པོ་དང་། དང་བ་དང་། མཆོག་ཏུ་དགའ་བ་ཆེན་པོ་དང་ལྡན་བཞིན་དུ་སད་པར་འགྱུར་རོ། །མཐུ་ཆེ་བ་དང་། དབང་ཆེ་བར་གྲགས་པར་ཡང་འགྱུར་རོ། །ལྷ་རྣམས་ཀྱང་དེ་ལ་
བལྟ་བའི་ཕྱིར་འོང་ངོ་། །ནང་པར་ལངས་ནས་བྱང་ཆུབ་སེམས་དཔའ་རྣམས་ཀྱིས་ཡང་དག་པར་བསྡུས་པའི་མདོ་སྡེ་རྣམས་བཀླག་པར་བྱའོ། །སེམས་ཅན་ཐམས་ཅད་ལ་ཡང་ཕན་པ་དང་བདེ་བའི་སེམས་བསྐྱེད་པར་
བྱའོ། །དེ་ནས་ཕ་རོལ་ཏུ་ཕྱིན་པ་ཐམས་ཅད་ཡོངས་སུ་རྫོགས་ཤིང་སྡིག་པ་ཐམས་ཅད་དང་བྲལ་ཏེ། ཉོན་མོངས་པའི་ཕྱོགས་རྣམས་བཅོམ་ལ། དེ་བཞིན་གཤེགས་པ་རྣམས་ཀྱིས་ཀྱང་བསྔགས་པར་འགྱུར་
རོ། །ལྷ་ལ་སོགས་པ་ཡང་དེ་ལ་བསྲུང་བ་དང་། བསྐྱབ་པ་དང་། སྦ་བའི་ཕྱིར་བརྩོན་པར་འགྱུར་རོ། །དེ་ལྟར་ཇི་སྐད་བསྟན་པ་བཞིན་དུ་བྱེད་པའི་རྒྱལ་བའི་སྲས་དེ་ནི་རིང་པོ་མི་ཐོགས་པར་ཀུན་ཏུ་བཟང་
པོའི་ས་ཆེན་པོ་ལ་འཇུག་པར་འགྱུར་རོ། །དེ་ནས་རྡོ་རྗེ་གཙུག་ཕུད་ལ་སོགས་པ་སྟོང་གསུམ་གྱི་བདག་པོ་རིག་སྔགས་འཆང་ཆེན་མོ་རྣམས་དང་། སྤྱན་ཆེན་མོ་ལ་སོགས་པ་རིག་སྔགས་འཆང་ཆེན་མོ་རྣམས་དང་། རྡོ་རྗེ་སྙིང་པོ་ལ་སོགས་

106-1-108a

པ་བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་དང་། རྡོ་རྗེ་ཞགས་པ་ལ་སོགས་པ་རིག་སྔགས་ཀྱི་ལྷ་ཆེན་པོ་རྣམས་དང་། རིན་ཆེན་དྲ་བ་ཅན་ལ་སོགས་པ་རིག་སྔགས་ཀྱི་ལྷ་མོ་ཆེན་མོ་རྣམས་དང་། ལྷ་མོ་
སྒྲོལ་མ་ལ་སོགས་པ་བྱང་ཆུབ་སེམས་དཔའ་ཆེན་པོའི་དཀྱིལ་འཁོར་གྱི་ལྷ་རྣམས་དང་། དར་ཆེན་དང་། གཟུགས་བཟང་དང་། ཤིན་ཏུ་བལྟ་ན་སྡུག་པ་ལ་སོགས་པ་གཞོན་ནུ་རྣམས་དང་། གཞོན་ནུ་མ་རྣམས་དང་། 
བྲན་རྣམས་དང་། བྲམ་མོ་རྣམས་དང་། མི་འཁྲུགས་པ་ལ་སོགས་པ་ལོག་འདྲེན་ཆེན་པོ་རྣམས་དང་། ལུས་མཆོག་ལ་སོགས་པ་སྲིན་པོའི་དབང་པོ་རྣམས་དང་། མ་མོ་ལ་སོགས་པ་སྲིན་མོ་རྣམས་དང་། དབང་ཕྱུག་ཆེན་པོ་
ལ་སོགས་པ་ལྷའི་དབང་ཕྱུག་རྣམས་དང་། རྡོ་རྗེ་མེ་ཏོག་ཐོད་ལ་སོགས་པ་དཀྱིལ་འཁོར་ཆེན་པོར་འདུས་པའི་བྱང་ཆུབ་སེམས་དཔའ་ལ་སོགས་པ་ཐམས་ཅད་ལངས་ནས། བྱང་ཆུབ་སེམས་དཔའ་ཆེན་པོའི་མཆོག་
འཕགས་པ་ཀུན་ཏུ་བཟང་པོ་ལ་མཚན་བརྒྱ་རྩ་བརྒྱད་བླ་ན་མེད་པའི་ཡོན་ཏན་གྱི་སྣང་བ་ཞེས་བྱ་བས་བསྟོད་པ། ཀུན་ཏུ་བཟང་པོ་ཀུན་གྱི་མཆོག །སྣ་ཚོགས་ཀུན་གྱི་འབྱོར་པ་ཆེ། །དཀྱིལ་འཁོར་ཆེན་པོ་རྡོ་རྗེ་མཆོག །སྣ་ཚོགས་
གཟུགས་ཅན་ཕྱོགས་ཀྱི་བདག །རྡོ་རྗེ་ཆེན་པོ་དགྱེས་པ་ཆེ། །གཟི་བརྗིད་ཆེན་པོ་སྟོབས་པོ་ཆེ། །གནོན་དང་རབ་གནོན་དཔལ་གྱི་རབ། །ཁྱབ་བདག་རྒྱལ་བའི་བློ་གྲོས་རྒྱལ། །རྡོ་རྗེ་ཆེན་པོ་རབ་ཏུ་བཞད། །བསྒྲུབ་དཀའ་ཆེན་པོ་སྒྲུབ་མཛད་པ། །རོལ་
མོ་ཆེན་པོས་རྣམ་པར་རོལ། །རབ་དགའ་ཆེན་པོ་འདུལ་བ་པོ། །ལྷ་ཆེན་དབང་ཕྱུག་ཆེན་པོ་སྟེ། །བཙན་པོ་ཁྱབ་འཇུག་སྐྱེ་དགུའི་བདག །ས་སྟེང་ས་འོག་ས་ལ་དགྱེས། །དེ་བཞིན་ས་འཛིན་ས་གསུམ་པ། །དུལ་དང་སྦྱིན་པའི་གོ་རིམས་
ཐབས། །རབ་མཁྱེན་སྟོང་གི་མངའ་བདག་ལགས། །ཤེས་ཉེན་ཅན་ཏེ་བཟོད་ལ་དགྱེས། །བརྩོན་འགྲུས་འབྱུང་བ་འབྱོར་པ་ཆེ། །བརྩོན་འགྲུས་བཅུ་དང་ཐབས་བཅུ་པ། །སྟོབས་བཅུའི་སྲས་ཆེན་ཐུ་བོ་སྟེ། །མཐུ་སྟོབས་སྟོང་གིས་སྤྲོ་བ་དང་། །

106-1-108b

ཡོངས་སུ་ལྡན་ཞིང་བཅུ་སེལ་བ། །རྡུལ་སེལ་རྒྱལ་པོ་ཆེན་པོ་སྟེ། །རྒྱལ་པོ་དཀྱིལ་འཁོར་རྒྱ་མཚོ་བ། །རྡུལ་རྣམས་རབ་ཏུ་ཞི་བའི་ཐབས། །ཆོ་ག་མཁྱེན་པ་བློ་མངའ་བ། །མཁས་པ་མཛེས་པ་སྐལ་པ་བཟང་། །ཤིན་ཏུ་སྡུག་པ་དགའ་སྐྱེད་པ། །སྙིང་པོ་ཆེན་
པོ་ལས་བྱུང་དཔལ། །ཉོན་མོངས་བྲལ་བ་ཐུབ་པར་དཀའ། །ས་དང་མཉམ་པ་མཁའ་དང་མཉམ། །རླུང་དང་མཚུངས་པའི་སྤྱོད་ཡུལ་ཅན། །གཟི་བརྗིད་ཉིད་དེ་གཟི་བརྗིད་མཚུངས། །རྒྱ་མཚོ་བཞི་ཡི་ཆུ་དང་འདྲ། །རྨུགས་དང་སྨྱོ་
བ་ཞི་བར་མཛད། །ཐུབ་པར་དཀའ་བའི་ཉོན་མོངས་འཇིལ། །གཡུལ་སེལ་གཡུལ་ལ་དགྱེས་པ་སྟེ། །གཡུལ་གྱི་ཉེས་པ་རབ་འཇོམས་པ། །གསུང་བཟང་ངང་པའི་གདངས་སུ་བཞད། །དབང་པོ་ཉེ་དབང་དབང་ཆེན་སྲས། །
དབང་པོ་ལས་ལྷག་ཐུབ་དང་མཉམ། །ཆོས་འཛིན་འབྱོར་དང་ལྡན་པར་བསྟན། །རབ་དགའི་བུ་ལོན་ཞི་མཛད་པ། །ཉོན་མོངས་འདམ་རྫབ་སྐེམས་པར་མཛད། །དཔའ་བོ་རྒྱགས་པའི་རིམས་ནད་སེལ། །ཁྲོ་བོའི་དྲེགས་པ་རྣམ་པར་
འཇོམས། །གསུང་སྙན་འཇམ་པ་ཉིད་དང་ལྡན། །མཉམ་པ་མི་མཉམ་མཉམ་པ་དང་། །མཉམ་མེད་ཡུལ་ལས་རྣམ་པར་འདས། །སངས་རྒྱས་ཀུན་དང་སྤྱོད་ཡུལ་གཅིག །བྱང་ཆུབ་སྙིང་པོར་རྒྱ་ཆེར་རོལ། །རིམ་པ་རབ་སྟོན་དགེ་བ་སྟེ། །
སྤྱན་བཟང་ཕུན་སུམ་ཚོགས་པ་དགེ། གཙང་མ་ལམ་བཟང་སྦྱིན་མཛད་པ། །དག་མཛད་བསྲེག་སྦྱིན་མཆོག་སྦྱིན་པོ། །འཇོམས་བྱེད་བགེགས་རྣམས་རྣམ་པར་འཇོམས། །འཐོབ་མཛད་དཔེ་མེད་གསུང་བ་པོ། །རྡོ་རྗེའི་འཇིག་རྟེན་
གཅིག་སྣང་བ། །སྐྱེས་པ་བུད་མེད་ཚོགས་ཀྱི་བདག །ངེས་པར་ཡོན་ཏན་འབྱོར་མཛད་པ། །སེམས་ཅན་འཁོར་བ་ཞི་མཛད་པ། །བརྟན་པོ་སྡིག་པ་རྣམས་དང་བྲལ། །ཀུན་ཏུ་རྣམ་རྒྱལ་སྣང་བ་པོ། །
ཀུན་ཏུ་རྒྱལ་བའི་དཀྱིལ་འཁོར་ཅན། །ཀུན་ཏུ་རྒྱ་མཚོའི་སྣང་བ་མཛད། །ཀུན་ཏུ་ཉེས་པ་སེལ་བ་ལགས། །མི་བཟད་ས་འོག་རྣམ་པར་དཀྲུགས། །དེ་བཞིན་ཟད་མཛད་ཐུག་པར་མཛད། །

106-1-109a

ཉོན་མོངས་རྒྱ་མཚོ་རྣམ་པར་དཀྲུགས། །ཉོན་མོངས་ཕྱོགས་རྣམས་ཟད་པར་མཛད། །འབར་བའི་དཀའ་བ་འཕྲོ་མཛད་པ། །རྒྱགས་ཤིང་བདོ་བ་ཞི་བར་མཛད། །རྡོ་རྗེ་ཆེན་པོ་སྟོབས་སྐྱེད་པ། །སྡང་བ་ཐམས་ཅད་ངེས་པར་འཇོམས། །
ཕ་རོལ་བཞུགས་པ་སྡིག་སེལ་བ། །དག་པ་ནམ་མཁའི་སྤྱོད་ཡུལ་ཅན། །དག་པ་སྦྱིན་ཞིང་ཡོན་ཏན་སྦྱིན། །འབྲས་བུ་སྦྱིན་ཞིང་ཀུན་སྦྱིན་པ། །ཡེ་ཤེས་སྦྱིན་ཞིང་བསོད་ནམས་སྦྱིན། །ལོངས་སྤྱོད་སྦྱིན་ཞིང་རྒྱལ་སྦྱིན་པ། །དབང་ཕྱུག་སྦྱིན་
ཞིང་ཚིག་སྦྱིན་ལ། །ནོར་སྦྱིན་ཚོགས་ལྡན་རྡོ་རྗེ་ཅན། །གཟུགས་སྦྱིན་དཔའ་བོ་རྣམ་པར་རྒྱལ། །དག་ཅིང་དགེ་བའི་ཚུལ་སྦྱིན་པ། །བདེ་འབྱུང་གཙུག་ན་ནོར་བུ་ཐོགས། །ས་འཛིན་གཟུང་བར་དཀའ་བ་པོ། །དཀྱིལ་འཁོར་མགུ་བར་
སྒྲུབ་མཛད་པ། །འབབ་ཅིང་དེ་བཞིན་འབེབས་པར་མཛད། །རིན་ཆེན་དྲ་བ་རིན་ཆེན་མཉམ། །སྒྲོན་མ་མུན་སེལ་རྒྱལ་བ་ཅན། །ཡོན་ཏན་ཡེ་ཤེས་ཐེག་ཆེན་ལྡན། །བརྟན་མཆོག་ཆེ་བའི་ཆོས་ཉིད་ཅན། །གསུང་བ་ཆེན་པོ་
ཤེས་རབ་ཆེ། །སངས་རྒྱས་ཚུལ་ནི་རབ་སྟོན་པ། །མཆོད་པ་ཆེན་པོ་ཐེག་ཆེན་གྱི། །ཐེག་པ་བླ་ན་མེད་པར་ལྡན། །མཆོད་པ་ཆེན་པོའི་ཆོས་ཤེས་པ། །འབྲས་བུ་ཆེན་པོ་ཆོས་ཀྱི་མཆོག །སྟོན་མཛད་འདུལ་མཛད་སྟོན་པ་
པོ། །ཞི་བ་དེ་བཞིན་ཞི་མཛད་པ། །བཟང་པོ་བཟང་དང་མཚུངས་པ་ཉིད། །ཀུན་ཏུ་རབ་འབྱམ་སེལ་མཛད་པ། །སྙིང་རྗེ་ཡེ་ཤེས་སྙིང་པོ་མཁྱེན། །སྙིང་རྗེའི་འོད་ཀྱི་དཀྱིལ་འཁོར་ཅན། །སྙིང་རྗེ་ཆེན་པོ་ཡོངས་སུ་
རྫོགས། །དུས་ཆེན་རྣམ་པར་དག་པར་མཛད། །མཚོ་མཆོག་དང་བ་རབ་མཐོ་བ། །རྩོད་ཆེན་འདས་པའི་སྤྱོད་ཡུལ་ཅན། །སྐྱེ་དགུ་སྲུང་ཞིང་སྤྱན་ཡངས་པ། །རྙེད་པར་དཀའ་བའི་འབྱོར་བ་ཅན། །ཀུན་ཏུ་སྤྱོད་པ་ཁོང་དགེ་བ། །དགའ་
བའི་དམ་པ་སྦྱིན་པ་པོ། །ཀུན་ཏུ་ཡུལ་ཀུན་མངའ་བ་སྟེ། །ཞེ་ས་བཟང་པོ་རྟག་ཏུ་མངའ། །དུལ་བ་སངས་རྒྱས་ཀུན་དང་མཉམ། །དཀྱིལ་འཁོར་ཆེན་པོའི་པད་མ་ལགས། །ཟླ་བ་ལྟ་བུར་སིམ་མཛད་ཐབས། །མཁས་པ་རྒྱགས་སྤངས་

106-1-109b

ཆོ་ག་མཁྱེན། །སྤྱོད་ཡུལ་གཅིག་ལ་གནས་པ་སྟེ། །དེ་བཞིན་གཤེགས་པའི་ཡེ་ཤེས་མངའ། །དམ་ཚིག་ཆེན་པོ་དེ་ཉིད་མཁྱེན། །སློབ་དཔོན་ཆེན་པོ་གྲགས་པ་ཆེ། །དམ་པ་ཉིད་དེ་བླ་ན་མེད། །གསང་སྔགས་རླབས་ནི་རྒྱས་པར་མཛད། །
དེ་ལྟར་ཁྱབ་བདག་ཆེན་པོ་ནི། །ཡོན་ཏན་བརྒྱ་ཡི་སྤོས་ཀྱིས་རྒྱས། །དག་ཅིང་བྱང་ལ་མཁས་ལ་སོགས། །ཡོན་ཏན་འབྱུང་ལ་རིག་སྔགས་རྒྱལ། །གཙུག་ན་ནོར་བུ་ཐོགས་ལ་སོགས། །མཆོག་རྣམས་ཀྱིས་ནི་བསྟོད་ནས་ཀྱང་། །སྡུག་བསྔལ་
ཆུ་བོ་བཅོམ་པ་ཡི། །བཅོམ་ལྡན་འདས་ཀྱིས་ཚིག་འདི་གསུངས། །ཀྱེ་མ་བསྟོད་པ་ཆེན་པོ་བརྒྱ། །མིང་བརྒྱ་རྩ་བརྒྱད་དམ་པ་ཡིན། །མི་རྣམས་ལ་ལ་གང་ཞིག་གིས། །སྡིག་བསལ་ཀུན་ཏུ་བཟང་པོ་ལ། །སྙིང་ནས་འདི་ཡིས་བསྟོད་བྱས་ན། །
དེས་ནི་སངས་རྒྱས་ཉིད་ཀྱང་འཐོབ། །གང་ཞིག་མིང་བརྒྱ་རྩ་བརྒྱད་འདོན། །མི་དེ་ཡོན་ཏན་ཡོངས་རྫོགས་ཤིང་། །དེ་བཞིན་གཤེགས་ཚུལ་ཆེ་བ་ཡི། །ཡེ་ཤེས་མ་ལུས་སྨྲ་བར་ནུས། །དེ་ལྟར་ཐུབ་མཆོག་སྲས་པོ་ཡོན་ཏན་བརྒྱ་ཡི་སྤོ་ལས་ངེས་པར་
བྱུང་གྱུར་ཅིང་། །ཡོན་ཏན་སྣ་ཚོགས་འབྱུང་དང་འཇིག་རྟེན་ཡན་ཆད་དག་གིས་ཡོན་ཏན་རྒྱས་རྣམས་ལ། །བསྟོད་པ་ཆེན་པོས་སྣང་བྱས་རྒྱལ་བའི་སྲས་ལ་བསྟོད་པས་ཉིན་རེ་བསྟོད་བྱས་ན། །སྟོབས་བཅུ་མངའ་བའི་སྐུར་འགྱུར་སྣང་བ་
ཐོབ་ཅིང་རྣམ་དག་ཡོན་ཏན་འབྱུང་གནས་འགྱུར། །འཕགས་པ་ཀུན་ཏུ་བཟང་པོའི་མཚན་བརྒྱ་རྩ་བརྒྱད་པ་གཟུངས་སྔགས་དང་བཅས་པ། རྫོགས་སོ།། །། འཕགས་པ་ལག་ན་རྡོ་རྗེའི་མཚན་
བརྒྱ་རྩ་བརྒྱད་པ་གཟུངས་སྔགས་དང་བཅས་པ། བྱང་ཆུབ་སེམས་དཔའ་སེམས་དཔའ་ཆེན་པོ་ཕྱག་ན་རྡོ་རྗེ་ལ་ཕྱག་འཚལ་ལོ། །དེ་ནས་བྱང་ཆུབ་སེམས་དཔའ་ལག་ན་རྡོ་རྗེས་རང་གི་སྙིང་པོ་སྨྲས་པ། ཨོཾ་བཛྲ་ཙཎ་ཌ་
སརྦ་དུཥྚ་ན་ཏ་ཀ །ཧ་ན། ད་ཧ། པ་ཙ་ཧཱུྃ་ཕཊ། དེ་ནས་གཟུངས་སྔགས་འདི་བཤད་མ་ཐག་ཏུ་ས་ཆེན་པོ་གཡོས་པར་གྱུར་ཏེ། བགེགས་དང་ལོག་འདྲེན་ཐམས་ཅད་ཀྱང་སྐྲག་ནས་ཉམ་ཐག་པའི་སྐད་

106-1-110a

བྱུང་ངོ་། །དཀྱིལ་འཁོར་ཆེན་པོར་འདུས་པ་ཐམས་ཅད་ཀྱང་ཧ་ཧ་ཞེས་འཛེར་ཏོ། །ལྷ་ལ་སོགས་པ་རིག་སྔགས་འཆང་ཆེན་པོ་རྣམས་ཀྱིས་ཀྱང་རྒྱན་གྱི་ཆར་ཆེན་པོ་ཕབ་བོ། །བཅོམ་ལྡན་འདས་ཀྱིས་ཀྱང་ཞལ་འཛུམ་བཞིན་དུ་
རྡོ་རྗེ་འཆང་ལ་གཟིགས་ནས་བཀའ་སྩལ་པ། སྡང་བ་སེལ་བ་འཁོར་འདི་དག་ཧ་ཅང་སྐྲག་པར་མ་བྱེད་ཅིག །རྡོ་རྗེ་འཆང་གིས་གསོལ་པ། བཅོམ་ལྡན་འདས་བདག་གི་གཟུངས་འདི་ནི་མཆོག་ཏུ་གསང་བ་ལགས་སོ། །རིག་སྔགས་
ཐམས་ཅད་ཀྱི་མཆོག་དང་། བགེགས་ཐམས་ཅད་ཟློག་པ་དང་། སྡང་བ་ཐམས་ཅད་སེལ་བ་དང་། དམ་པ་སྩོལ་བ་དང་། འབྱོར་པ་སྩོལ་བ་དང་། སྡང་བ་རྣམས་དགའ་བར་བགྱིད་པ་དང་། ཐོས་ན་དོན་མཆིས་པ་དང་། 
བརྗོད་ན་དོན་མཆིས་པ་དང་། བསྙེན་བཀུར་བགྱིས་ན་དོན་མཆིས་པ་དང་། སྟོབས་བསྐྱེད་པ་དང་། གཟུགས་བཟང་བར་བགྱིད་པ་དང་། སྤོབས་པ་སྐྱེད་པ་དང་། དབང་ཕྱུག་ཐོབ་པར་བགྱིད་པ་དང་། ནོར་དང་ལྡན་པར་བགྱིད་པ་
དང་། དབང་བགྱིད་པ་དང་། སྡང་བ་འཇོམས་པ་དང་། སྡང་བ་འཇིག་པར་བགྱིད་པ་དང་། དུག་སེལ་བ་དང་། རྒྱལ་བར་བགྱིད་པ་དང་། དགའ་བར་བགྱིད་པ་དང་། མཆོག་ཏུ་དགའ་བར་བགྱིད་པ་དང་། དང་བར་བགྱིད་
པ་དང་། ང་རྒྱལ་འཇོམས་པ་དང་། ཕ་རོལ་ཕམ་པར་བགྱིད་པ་དང་། སྡིག་པ་ཞི་བར་བགྱིད་པ་དང་། ནོངས་པ་བགྱིས་པ་སྦྱོང་བ་དང་། འདོད་ཆགས་ལ་སོགས་པའི་ཉོན་མོངས་པ་ཞི་བར་བགྱིད་པ་དང་། མཚམས་
མ་མཆིས་པ་ཟློག་པ་དང་། རྨི་ལམ་ངན་པ་ཞི་བར་བགྱིད་པ་དང་། བཀྲ་མི་ཤིས་པ་ཞི་བར་བགྱིད་པ་དང་། དཔལ་སྐྱེད་པ་དང་། སྐལ་བ་བཟང་པོར་བགྱིད་པ་དང་། སེམས་ཅན་ཐམས་ཅད་དགའ་བར་བགྱིད་པ་དང་། 
གཞན་ལ་དབང་བགྱིད་པ་དང་། ཅི་འཚལ་བ་སྩོལ་བ་དང་། ཡོན་ཏན་ཐམས་ཅད་ཕུན་སུམ་ཚོགས་པར་བགྱིད་པ་དང་། ཆར་ཆེས་པ་དང་། ཆར་མི་འབབ་པ་དང་། དུས་ཀྱི་གནོད་པ་རབ་ཏུ་ཞི་བར་བགྱིད་པ་

106-1-110b

ལགས་ཏེ། གཡུལ་ཆེན་པོ་དང་། མི་ནད་ཆེན་པོ་དང་། རྩོད་པ་ཆེན་པོ་དང་། མི་མ་ལགས་པ་ལ་སོགས་པ་འཇིག་པ་དང་། སྡང་བ་དང་། བྱད་སྟེམ་དང་། རོ་ལངས་ཀྱི་སྦྱོར་བ་ཆེན་པོ་དང་། སྐྲོད་པ་དང་། སྲོག་འཇིག་པའི་ཚེ་དང་། འཇིགས་
པ་ཆེན་པོ་བྱུང་བ་ན། ནང་པར་ལངས་ནས་ལུས་ཁྲུས་བགྱིས་ལ། གོས་དཀར་པོ་འཚལ་ཏེ། ཁ་ཤར་ཕྱོགས་སུ་བལྟས་ལ། བཅོམ་ལྡན་འདས་རྡོ་རྗེ་འཆང་གི་གདོང་དུ་ལྟ་ཞིང་ལན་བདུན་བརྗོད་ན། བརྗོད་པ་ཙམ་གྱིས་འཇིགས་པ་ཐམས་
ཅད་ལས་ཐར་བར་འགྱུར་ཞིང་གྲུབ་པ་ཆེན་པོ་ཡང་ཐོབ་པར་འགྱུར་ལ། ཐམས་ཅད་དུ་ཡང་རྒྱལ་བར་འགྱུར་ཏེ། སེམས་ཅན་རྣམས་ལ་བསྲུང་བ་དང་། སྐྱོབ་པ་དང་། སྦེད་པ་ནི་གཟུངས་ཆེན་མོ་འདི་ལས་ལྷག་པ་མ་མཆིས་སོ། །དེ་ནས་
འཁོར་ཐམས་ཅད་ངོ་མཚར་དུ་གྱུར་ནས་རྡོ་རྗེ་འཆང་ལ་མཚན་བརྒྱ་རྩ་བརྒྱད་ཀྱིས་མངོན་པར་བསྟོད་པ། །རྡོ་རྗེ་སེམས་དཔའ་སེམས་དཔའ་ཆེ། །རྡོ་རྗེ་རྒྱལ་པོ་བདེ་བ་ཆེ། །རྡོ་རྗེ་འཇིགས་པ་དགྱེས་པ་ཆེ། །རྡོ་རྗེ་སྙིང་པོ་སྟོབས་པོ་ཆེ། །
རྡོ་རྗེ་འཁྲུགས་པ་ཞགས་པ་ཆེ། །རྡོ་རྗེ་འཇིགས་བྱེད་འཇིགས་པར་མཛད། །རྡོ་རྗེ་ཧཱུྃ་གི་ཧཱུྃ་ལགས་ཏེ། །རྡོ་རྗེ་ས་འོག་འཇིགས་པ་པོ། །ཆགས་པའི་རྡོ་རྗེ་ཆགས་པ་ཆེ། །ཆགས་པའི་ཞགས་པ་འགྱོགས་པ་ཆེ། །ཕྱག་དམར་ཕྱག་ནི་
རིང་བ་སྟེ། །སྤྱན་དམར་སྤྱན་དང་ལྡན་པ་ལགས། །རྡོ་རྗེ་མཐོན་ཀ་མཐོན་ཀ་ཆེ། །མཐོན་ཏིང་དབུ་སྐྲས་བརྒྱན་པ་ལགས། །རལ་གྲི་སྔོན་པོ་རལ་གྲི་ཆེ། །དཀྱིལ་འཁོར་སྔོན་པོའི་དཀྱིལ་འཁོར་ཅན། །མཐོན་ཀའི་སྤྱན་ཏེ་དབུ་སྔོ་བ། །
འོད་ཆེན་མཐོན་ཀའི་འོད་དང་ལྡན། །རྡོ་རྗེ་སྔོན་པོ་སྟོབས་མི་མཚུངས། །རྡོ་རྗེ་སྤྲོ་བའི་སྟོབས་པོ་ཆེ། །ཁྲོ་བོའི་རྡོ་རྗེ་ཁྲོ་བོ་ཆེ། །སེལ་མཛད་ཁྲོ་བོའི་རྒྱགས་པ་སེལ། །ཁྲོས་པའི་སྤྱན་ནི་རབ་ཏུ་བསྟོད། །ཁྲོ་བོ་བགེགས་རིགས་སེལ་
བར་མཛད། །གཞུ་བསྣམས་ཞགས་པ་བསྣམས་པ་སྟེ། །རྡོ་རྗེའི་མདས་ནི་ངེས་པར་འགུམས། །དབྱིག་ཐོགས་རྡོ་རྗེའི་རལ་གྲི་བསྣམས། །རྡོ་རྗེའི་ཞགས་པས་རབ་ཏུ་འཇོམས། །རྡོ་རྗེའི་འཁོར་ལོ་འཁོར་ལོ་ཆེ། །འཇིགས་

106-1-111a

པའི་སྒྲ་སྒྲོགས་རབ་ཏུ་ཁྲོ། །སྣ་ཚོགས་སྐུ་སྟེ་ཐིག་ལེས་བྲིས། །གཟི་བརྗིད་སྐྱེད་པ་གྲགས་མཛད་པ། །བཟོད་པར་དཀའ་བ་རེག་མི་བཟོད། །སྡིག་དང་བགེགས་རྣམས་གཅོད་མཛད་པ། །དྲག་པོ་ཆེན་པོ་རྡོ་རྗེ་ཁྲོ། །སྒྱེལ་བྱེད་དྲག་པོ་
སྒྱེལ་བར་མཛད། །གཏིང་དཔག་དཀའ་བ་རིང་དུ་གཤེགས། །རིན་ཆེན་རྒྱ་མཚོ་རབ་ཏུ་དགའ། །རྒྱ་མཚོ་ལྷུན་པོའི་དཔུང་དང་ལྡན། །པད་མ་ཏི་སེ་ལྷུན་པོའི་རྩེ། །གད་རྒྱངས་ཆེན་པོས་བཞད་པ་པོ། །སྤྱོད་ཡུལ་བསྐལ་པ་
གྲངས་མེད་གསུམ། །རིག་སྔགས་འཆང་མཆོག་རྡོ་རྗེ་ཅན། །རིག་སྔགས་འཆང་ཆེན་མངའ་བདག་ལགས། །ན་བཟའ་ལྕང་ལོ་རྩ་དམར་གསོལ། །མཐོན་ཀ་ན་བཟའ་མཐོན་ལ་དགྱེས། །སྲིན་པོ་སྲུང་བ་དྲག་པོ་སྟེ། །མེ་ཏོག་
ཕྲེང་བའི་རྒྱན་ལ་དགྱེས། །ཉི་མ་ཆེན་པོ་ཉི་མའི་འོད། །འོད་ཟེར་བརྒྱ་ཕྲག་རབ་ཏུ་འགྱེད། །གྲོལ་མཛད་མགོན་པོ་སྟོན་པ་པོ། །རབ་མཆོག་རབ་མཆོག་རྣམས་ཀྱིས་མཆོད། །མགྲིན་ཆེན་མགྲིན་པའི་མདོག་སྔོ་བ། །མགུར་
བཟང་ཞལ་བཟང་དམ་པ་ལགས། །ཅོད་པན་ཆེན་པོ་རྡོ་རྗེའི་འོད། །ཕུན་སུམ་ཚོགས་ལྡན་སེམས་དག་པ། །ཡེ་ཤེས་ཆེ་ལྡན་སྲུང་བ་ཆེ། །རླུང་དམར་ལངས་ཏེ་སྤྱོད་ཡུལ་རིང་། །གཙོ་བོ་སྒྲོལ་མཛད་ཕ་རོལ་གཤེགས། །
འཇིགས་ལས་གྲོལ་བ་རབ་འཇིགས་པ། །རྒྱལ་ཆེན་གཙུག་ན་ནོར་བུ་ཐོགས། །མཚོན་ཆ་ཆེན་པོ་སྣ་ཚོགས་མཚོན། །འཇིག་རྟེན་གསུམ་གྱི་ཚུལ་ཆེན་གཅིག །གསུམ་གཟིགས་རྩེ་གསུམ་གཙུག་པུད་གསུམ། །
འདོད་པའི་ལྷ་སྟེ་སྣང་ཆེན་མཚན། །ཟ་བ་པོ་སྟེ་འཇིགས་པར་མཛད། །མཐོ་བ་སྐུ་མཆོག་ཞལ་གསུམ་པ། །ཚམ་ཚོམ་མེད་དེ་སྲིད་ལས་བྱུང་། །རྟག་པ་སྐར་དགྱེས་དུས་འབྱོར་པ། །རྒྱུ་སྐར་རྒྱལ་རིགས་འཕེལ་
བར་མཛད། །རྒྱལ་པོ་སྔགས་འཆང་ཆེན་པོ་སྟེ། །བགེགས་ཀུན་དབང་ཕྱུག་མཁས་པ་ལགས། །བཻ་དཱུརྱ་ལྟར་དྲི་མེད་སྐུ། །མཛེས་ཤིང་སྟོབས་སྐྱེད་སྣ་ཚོགས་སྟོབས། །དགའ་བ་སྐྱེད་པ་དགའ་བར་མཛད། །

106-1-111b

དཀོན་མཆོག་གསུམ་པོ་འཛིན་པའི་མཆོག །ལྷ་ཆེན་དཔའ་བོ་ཆེན་པོ་སྟེ། །བརྟེན་པོ་དཔའ་བོ་ལྷམ་མེ་བ། །བདེ་བ་ཆེན་པོ་འཆིང་བ་གཅོད། །དམ་དུ་འཆིང་བའི་རྩལ་མངའ་བ། །མཚོན་ཆ་ཆེ་ཚོགས་ཅོད་པན་ཅན། །རིག་
སྔགས་འཆང་བའི་ཚོགས་དགའ་བ། །པད་མ་ཆེན་པོའི་ཕྱག་རིང་བ། །པད་མ་ལས་བྱུང་པད་མའི་མཆོག །ནག་པོ་ཆེན་པོ་འབྱུང་པོ་ཆེ། །གཏུམ་ཆེན་ཐོག་ཐོག་ཆེན་པོ་སྟེ། །རླུང་ཆེན་བཞད་མོ་འབྱུང་བ་དང་། །རྡོ་རྗེའི་མཚོན་
ཆ་བརྒྱ་རྫོགས་པ། །རྟུལ་ཕོད་ཐུབ་དཀའ་བརྩོན་པ་སྟེ། །འབྱུང་པོ་ཆེན་པོའི་ཚོགས་ཀྱི་རྗེ། །ཞི་བ་དབང་པོ་རྡོ་རྗེའི་མཚོན། །བྲག་གི་རྩེ་མོ་རྣམ་པར་འགེམས། །རྒྱལ་བའི་སྲས་པོ་གཟུགས་ཆེ་བ། །རྡོ་རྗེ་ཡིས་ནི་དཀྱིལ་འཁོར་བརྒྱན། །
རྡོ་རྗེའི་ལྕགས་མདས་སྲེག་མཛད་པ། །རྡོ་རྗེའི་མདས་ནི་རྣམ་པར་སྦྱོང་། །རྡོ་རྗེ་དོན་ཡོད་རྡོ་རྗེ་དབང་། །རྡོ་རྗེ་བཟང་པོ་རྡོ་རྗེའི་རྩལ། །ཡེ་ཤེས་དག་པ་ཐེག་པ་ཆེ། །ཐབས་བརྙེས་སྙིང་རྗེ་ཆེན་པོ་ལགས། །རྡོ་རྗེ་ཆེན་པོ་རྩེད་མོ་ཅན། །
སྤྱན་བཟང་རྣམ་པར་གཟིགས་པ་པོ། །རྡོ་རྗེ་དྲིལ་བུ་རྣམ་དག་སྤྱན། །མཛའ་བོ་སྡུག་པ་དམ་ཚིག་མཁྱེན། །རྡོ་རྗེ་ཆེན་པོ་མགོན་པོ་པ། །རྡོ་རྗེ་ས་འོག་འཇིགས་པར་མཛད། །རྡོ་རྗེ་ཆེན་པོ་གད་རྒྱངས་སྒྲོགས། །མེ་ཏོག་ཆུན་པོ་འོད་གསལ་
བ། །དག་པ་ཟས་གཙང་སྲས་ཀྱི་སྲས། །དེས་པ་སྐལ་བཟང་གཙང་བ་ལགས། །སྣ་ཚོགས་ཅན་ཏེ་ལྷ་ཀུན་མཆོག །རྡོ་རྗེའི་དཔུང་གི་དཀྱིལ་འཁོར་ལྡན། །རྡོ་རྗེའི་གཙུག་སྡུག་ཤེས་རབ་ཅན། །རྡོ་རྗེའི་བཀོད་པ་རབ་ཏུ་མཛེས། །
མཛེས་པ་ཤིན་ཏུ་རྣམ་པར་དག །བསྐལ་པའི་རླུང་ཆེན་ལྟ་བུ་ལགས། །དཔའ་བོ་གསང་བ་ཆེན་པོ་འཆང་། །རིག་སྔགས་འཆང་གི་མཆོག་གིས་རྗེད། །གསང་བ་པོ་སྟེ་གསང་བ་གསུང་། །སྐྱེས་པ་བུད་མེད་ཚོགས་དགའ་
བ། །རྡོ་རྗེ་ཐོག་ཐོག་སྒྲ་ཆེན་སྒྲོགས། །རྡོ་རྗེའི་སྒྲོག་སྟེ་རྣམ་པར་འཇོམས། །རྡོ་རྗེའི་ལྕགས་ཀྱུ་དགྱེས་པ་ཆེ། །རྡོ་རྗེ་འབར་བ་ཆེར་འབར་བ། །ནོར་བུས་སྤྲས་པའི་ན་བཟའ་གསོལ། །སྤོས་དང་མེ་ཏོག་ཕྲེང་གིས་

106-1-112a

བརྒྱན། །དབུ་ཡི་སྙན་ཆ་གདུབ་ཀོར་བཏགས། །སངས་རྒྱས་བསྟན་པ་སྟོན་པ་པོ། །རྒྱལ་པོ་སངས་རྒྱས་ཀུན་དང་མཉམ། །དབང་ཕྱུག་ཆེན་པོ་གྲགས་པ་ཆེ། །དཀྱིལ་འཁོར་སློབ་དཔོན་དཀྱིལ་འཁོར་ཅན། །སངས་རྒྱས་དཀྱིལ་
འཁོར་སྟོན་པ་པོ། །དབུ་རྒྱན་ཅོད་པན་ཀུན་ནས་བཅིངས། །སྣ་ཚོགས་རྒྱན་གྱིས་བརྒྱན་པ་ལགས། །དེ་ལྟར་རྡོ་རྗེ་དབང་ཕྱུག་མགོན། །མཚན་བརྒྱ་རྩ་བརྒྱད་དག་གིས་བསྟོད། །རྡོ་རྗེ་དོན་ཡོད་པས་གསུངས་པ། རྡོ་རྗེ་གསང་བས་
བརྒྱན་པ་ཡི། །རྡོ་རྗེ་མཚན་རྩ་བརྒྱད་པ་འདི། །མིང་ནི་རྡོ་རྗེ་དོན་ཡོད་འབྱུང་། །སྡང་བ་ཐམས་ཅད་ཟློག་བྱེད་པ། །མིང་ནི་བརྒྱ་རྩ་བརྒྱད་པ་འདི། །དད་པ་གང་ཞིག་འཆང་བྱེད་པ། །གྲུབ་པ་ཐམས་ཅད་ཐོབ་འགྱུར་ཞིང་། །ངེས་པ་ཀུན་
ལས་རྣམ་པར་གྲོལ། །ལག་ན་རྡོ་རྗེ་སྟོབས་པོ་ཆེ། །རྟག་ཏུ་ཕྱི་བཞིན་འབྲང་བར་འགྱུར། །ལག་ན་རྡོ་རྗེའི་ཡོན་ཏན་ཆེ། །གང་ཞིག་ནང་པར་ལངས་ནས་བརྗོད། །དེ་ནི་སྡིག་པ་ཀུན་ལས་གྲོལ། །ངན་འགྲོ་ཀུན་ལས་ཐར་བར་འགྱུར། །
གསང་སྔགས་ཐོག་མར་སྨོས་པ་འདི། །སུ་ཞིག་ནང་པར་ལངས་ནས་འདོན། །རྒྱལ་པོ་ཆེན་པོ་གྲོང་ཁྱེར་བ། །གཉེན་རྣམས་ཀྱང་ནི་དགའ་བར་འགྱུར། །བསྟོད་པའི་མཆོག་འདི་སུ་འདོན་པ། །འཇིག་རྟེན་ཐམས་ཅད་དེ་དབང་
འགྱུར། །སྡིག་པ་ཐམས་ཅད་ཟད་པ་དང་། །ཚེ་དང་བསོད་ནམས་འཕེལ་བར་འགྱུར། །ཇི་ལྟར་འདོད་པ་དམ་པ་ཡིས། །བདེ་བ་དེ་ཡིས་ཐོབ་པར་འགྱུར། །གང་ཞིག་ནང་པར་ལངས་ནས་ནི། །ལག་ན་རྡོ་རྗེའི་དྲུང་དུ་
བརྗོད། །དེ་ནི་ཇི་ལྟར་འདོད་པ་དང་། །ལྡན་འགྱུར་འདི་ལ་ཐེ་ཚོམ་མེད། །མིང་བརྒྱ་རྩ་བརྒྱད་འདོན་པ་ལ། །བགེགས་དང་ལོག་འདྲེན་ཐམས་ཅད་དང་། །འཇིགས་བྱེད་རྒྱལ་པོ་རྣམས་ཀྱིས་ཀྱང་། །ཟིལ་གྱིས་གནོན་པར་
མི་ནུས་སོ། །ཤེས་རབ་ཅན་ནི་གང་ཞིག་གིས། །མིང་བརྒྱ་རྩ་བརྒྱད་མཆོག་བཏོན་ན། །གཟུགས་བཟང་སྟོབས་ནི་སྐྱེ་བ་དང་། །བདེ་བ་འཕེལ་བ་དེ་ཡིས་འཐོབ། །གང་ཞིག་མིང་བརྒྱ་རྩ་བརྒྱད་འདི། །ངེས་པར་གནས་ཤིང་

106-1-112b

གཙང་མར་འདོན། །མདོར་ན་ཡོན་ཏན་རྒྱས་པ་ཡི། །བདེ་བ་དེ་ཡིས་ཐོབ་པར་འགྱུར། །འཕགས་པ་ལག་ན་རྡོ་རྗེའི་མཚན་བརྒྱ་རྩ་བརྒྱད་པ་གཟུངས་སྔགས་དང་བཅས་པ། རྫོགས་སོ།། །། འཕགས་པ་འཇམ་
དཔལ་གཞོན་ནུར་གྱུར་པའི་མཚན་བརྒྱ་རྩ་བརྒྱད་པ་གཟུངས་སྔགས་དང་བཅས་པ། ཕྱོགས་བཅུའི་ཡང་དག་པར་རྫོགས་པའི་སངས་རྒྱས་ཤེས་བྱ་མཐའ་དག་མ་ལུས་པར་ཁྱབ་ཅིང་མཆོག་ཏུ་རྨད་དུ་བྱུང་བ་རྣམ་པར་དག་པའི་
བློ་མངའ་བ་རྣམས་ལ་ཕྱག་འཚལ་ལོ། །འཇམ་དཔལ་གཞོན་ནུར་གྱུར་པ་ཐུགས་དྲི་མ་དང་སྐྱོན་ཐམས་ཅད་དང་བྲལ་བ། ཡོན་ཏན་དྲི་མ་མེད་པའི་ཚོགས་ཀྱི་འོད་ཟེར་གྱིས་བརྒྱན་པའི་སྐུ་ཞབས་རྟེན་གྱི་པད་མ་ལ་ལྷ་དང་མི་དང་། 
ལྷ་མ་ཡིན་དང་། ཀླུ་དང་། རིག་སྔགས་འཆང་རྣམས་ཀྱི་ཐོར་ཚུགས་དང་ཅོད་པན་གྱི་རྩེ་མོས་གཏུགས་པ་ལ་ཕྱག་འཚལ་ལོ། །བྱང་ཆུབ་སེམས་དཔའ་ཆེན་པོ་འཇམ་པའི་དབྱངས་ངན་སོང་གི་འགྲོ་བ་སྣ་ཚོགས་རྣམ་པར་
འཇོམས་པ་ལ་ཕྱག་འཚལ་ལོ། །ཏདྱ་ཐཱ། ཨོཾ་བྷོ་མ་ཧཱ་མ་ཎི་རུ་ཙི་ར་ཀ་ལཱ་པ་བི་ཏྲ། མུག་ཏ་དཱ་མ། ཨ་ལྃ་ཀྲི་ཏ་ཤ་རི་ར། པ་ར་སཏྭ་མོ་ཙ་ཀ །ཏ་ཐཱ་ག་ཏ་མ་ཧཱ་དྷརྨ་ཀོ་ཥ་དྷ་ར། པྲ་བ་ར་དྷརྨ་ལབ་ཧ། བི་ཛ་ཡ་སུ་ར་ཏ། སམ་བྷོ་
ག་ཨུ་པ་ད་ཤ་ཀ །ཀླེ་ཤ་ག་ར་པྲ་ཤ་མ་ཀ །ཤཱུ་ནྱ་ཏཱ་སྭ་བྷཱ་བ། ཨ་ནུ་སྭ་རི། མ་ཧཱ་བོ་དྷི་ས་ཏྭ་བ་ར། བ་ར་ཧ། བ་ར་ན་ད་ད། ཨོཾ་མ་ཧཱ་པཱ་ཤ་པྲ་ས་ར། ཨ་ས་མ་ས་མ། ཨ་ནན་ཏ་ས་མ། ཨ་མན་ཏ་བྷ་དྲ། ས་མན་
ཏ་སན་དྷ་ར། ས་མན་ཏ་ཨ་ཀ་ར། ས་མན་ཏ་པྲ་ས་ར། ས་ར་ས་ར། ཧེ་ཧེ།  མཉྫུ་ར་བ། མ་ཧཱ་བཛྲ་ཁཌ་ཁ། ཚིན་དྷ་ཚིན་དྷ། བྷིན་དྷ་བྷིན་དྷ། བི་ར་ཛ་བི་ར་ཛ། ཀརྨ་ཨ་བ་ག་མ་ཀ །ཀུ་རུ་ཀུ་རུ། དྷུ་རུ་དྷུ་རུ། སུ་རུ་སུ་རུ། མུ་རུ་
མུ་རུ། དྷ་དྷ་དྷ་དྷ། དྷུ་དྷུ་དྷུ་དྷུ། མ་ཧཱ་མ་ཧཱ་མ་ཧཱ་མ་ཧཱ། མོ་ཧ་ཡ་མོ་ཧ་ཡ། བྷོ་བྷོ། བྷི་མ་བྷི་མ། ན་ད་ན་ད། ས་ར་ས་ར། མ་ཧཱ་བོ་དྷེ་སཏྭ། མོ་ཙ་ཡ། མ་མ་ནཱ་ཐ། མ་ནུ་སྲི་ཏ། ཨ་བ་ཡ་དུཿ

106-1-113a

ཁ་ན། སུ་ཀ་ད། མ་ཧཱ་ཀ་ར་ཎི་ཀཱ། ཨ་ནཱ་ཐཱ་ཧན། དུཿཁི་ཏོ་ཧན། ས་ར་ཛོ་ཧན།  ཨུད་པད་དྲུ་ཏོ་ཧན། ཨ་བི་བིག་ཏོ་ཧན། ཀུ་སི་དྷོ་ཧན། མཱ་ར་ན་དྷརྨོ་ཧན། ཏྭན་བྷ་ག་བཱན། དུཿཁི་ཏ་ནཱྃ། སུ་ཀན་ད་ད། ཨ་ནཱ་ཐ་ནཱྃ། ས་ནཱ་ཐཱ་ཀ་ར། 
ས་ར་ཛ་སམ། བི་ར་ཛ་སྐ་ར། ཨུ་པད་དྲུ་ཏཱ་མཱྃ། སྭ་ར་ཨུ་པ་དྲ་བ་པྲ་ཤ་མ་ཀ །ཨ་བི་བི་ག་ཏ་ནཱྃ། ཀུ་ཤ་ལ་སྃ་བྷ་ར། པ་རི་པཱུ་ར་ཡི་ཏཱ། ཀུ་སི་ད་ནཱྃ། མ་ཧཱ་བིརྱ་དྷ་ཏཱ། མཱ་ར་ན་དྷརྨི་ཎ། མ་མི་ཏ་པ་དཱ་དཱ་ཏཱ། མ་མ་བི་བྷ་ག་བཱན། ནཱ་ཐོ་བྷ་བ། ཤ་ར་ནཱྃ། 
པ་ར་ཡ་ནཱྃ། ཏྲ་ཏཱ། སརྦ་དུཿཁཱ་ནི་མེ་པྲ་ཤ་མ་ཡ། སརྦ་ཀླེ་ཤ་ར་ཛཱྃ་སི་མི། ཨ་བ་ན་ཡ། སརྦ་སན་ས་ར་ཨུ་པ་དྲ་བ། དུཿཁ་ནི་མེ་ནཱ་ཤ་ཡ། སརྦ་ཀུ་ཤ་ལ་དྷརྨ་པ་རི་པཱུ་ར་མེ་ཀུ་རུ། སརྦ་ཀརྨ་ཨ་བ་ར་ཎ། ཀླེ་ཤ་པ་ར་བ་ཏ་མེ་བི་ཀ་རི། མ་ཧཱ་
བོ་དྷི་སཏྭ་སི་བི་དྷི། བིརྱ་པཱ་ར་མི་ཏཱ། ཡོ་གྃ་མེ་སན་ནི་ཡོ་ཛ་ཡ། ཨ་ར་ཎ་དྷརྨ། བི་ར་ཀ་བི་ར་ཛ། སན་ཛ་ཧ། པྲ་ཛ་ཧ། དྷར་ཎི་ས་མ། ཁ་ས་མ། ཛ་ལ་ནི་དྷ་ས་མ། མེ་རུ་ས་མ། མ་ཧཱ་བོ་དྷི་སཏྭ་བ་ར་ད་སྭཱ་ཧཱ། རིག་སྔགས་དོན་ཀུན་སྒྲུབ་པ་
འདི། །འཇམ་པའི་དབྱངས་ཀྱིས་བཤད་པ་ན། །དེ་མ་ཐག་ཏུ་སེམས་ཅན་རྣམས། །སྐྱེ་དང་རྒ་བ་ཟད་པར་འགྱུར། །ངན་འགྲོ་ཐམས་ཅད་ཞི་གྱུར་ནས། །བདུད་ཀྱི་སྡེ་རྣམས་རབ་ཏུ་འདར། །ལྷ་རྣམས་ཐམས་ཅད་རབ་ཏུ་དགའ། །ལོག་
འདྲེན་རྣམས་ནི་སྐྲག་པར་གྱུར། །སྡིག་པ་ཞི་བར་བྱེད་པ་ཡི། །གཟུངས་འདི་བཤད་པའི་མོད་ལ་ཡང་། །གྲངས་མེད་ཕྲག་ནི་དུང་ཕྱུར་སྙེད། །འཁོར་བའི་བཙོན་ར་དག་ནས་ཐར། །འཇམ་དཔལ་གཞོན་ནུར་གྱུར་པ་ཡིས། །
འཇམ་པའི་དབྱངས་ནི་རབ་བསྒྲགས་ཤིང་། །གང་ཚེ་རིག་སྔགས་བཤད་པ་ན། །བྲག་དང་ནགས་དང་ཚལ་དུ་བཅས། །རྒྱུ་བ་དང་ནི་མི་རྒྱུ་བའི། །ས་གཞི་དེ་ཡི་ཚེ་ན་གཡོས། །སངས་རྒྱས་འོད་ཀྱི་སྣང་བ་ཡིས། །ས་ཡི་སྟེང་ཡང་
ཁྱབ་པར་གྱུར། །བགེགས་དང་ལོག་འདྲེན་ཐམས་ཅད་དང་། །སྲིན་པོ་མི་བཟང་གཟུགས་ཅན་རྣམས། །སྟོབས་བཅུ་ལྡན་ལ་ཕྱག་འཚལ་ཞེས། །སྐད་ཕྱུང་ཚིག་ནི་འཐུན་པར་སྨྲས། །ལྷ་རྣམས་ཞི་བའི་ཆ་ལུགས་ཅན། །

106-1-113b

ཐམས་ཅད་ཡིད་ནི་དགའ་གྱུར་ནས། །གང་ན་རྡོ་རྗེ་རལ་གྲི་ཆེ། །དེ་ཡི་དྲུང་ལྷགས་སྨྲས་པ་ནི། །ཕྱག་འཚལ་མཆོག་སྦྱིན་རྡོ་རྗེའི་མཆོག །འཇམ་པའི་དབྱངས་ནི་སྟོབས་ཆེན་ལ། །ཤུགས་སྟོང་ལྡན་པ་རྒྱལ་བ་ཅན། །བགེགས་
ཀྱི་ཡུལ་འཁོར་རབ་འཇོམས་པ། །སྔགས་འཆང་གསང་སྔགས་ཆེན་པོ་འཆང་། །སྣ་ཚོགས་གཟུགས་ཅན་མི་ཡི་བདག །ཤིན་དུ་སྟོབས་ལྡན་གཟུགས་མཛེས་འཇིགས། །དྲག་པོ་དྲག་པོ་རབ་འཇོམས་པ། །གཟི་བརྗིད་གཟི་
བརྗིད་མངའ་བའི་དཔལ། །དཔལ་ལྡན་མཉམ་པ་མེད་པའི་དཔེ། །རྡོ་རྗེ་ཅན་ཏེ་སྙིང་སྦྱོང་བ། །མི་ཤེས་པ་ཡི་རབ་རིབ་སེལ། །སྒེག་པའི་ཆ་ལུགས་མཆོག་མངའ་བ། །སྐྱེ་དགུའི་བདག་པོ་སྒེག་པར་དགྱེས། །གཞུ་སྟོབས་ཅན་ལ་
ཕྱག་རིང་བ། །ཉོན་མོངས་དགྲ་རྣམས་སེལ་བར་མཛད། །མཛེས་པ་ན་བཟའ་སྣ་ཚོགས་གསོལ། །མེ་ཏོག་ཕྲེང་རྒྱན་སྣ་ཚོགས་ཅན། །སྤྱན་བཟང་དབུ་ནི་མཛེས་པ་སྟེ། །དགྱེས་ཤིང་ན་བཟའ་མཛེས་པར་གསོལ། །འཇམ་པའི་
དབྱངས་དེ་རབ་ཏུ་བཞད། །དཀར་ནག་འབྱེས་པའི་སྤྱན་མངའ་བ། །ཧ་ཧའི་སྒྲ་ནི་གྲགས་པར་བསྒྲགས། །རབ་ཏུ་དང་བས་བསྟན་པ་དགའ། །རྒྱ་ཆེན་གསེར་གྱི་མདོག་དང་ལྡན། །རྒྱ་མཚོའི་སྙིང་པོའི་སྤྱོད་ཡུལ་ཅན། །ཚུལ་
མཁྱེན་ཚུལ་ལྡན་འཇིགས་པ་སྟེ། །སྡང་བའི་སྙིང་ནི་འཇིགས་པར་མཛད། །ཆ་ལུགས་སྔོ་ལ་ས་སྐྱོང་བ། །ལྷ་ཡི་བདག་པོ་དགའ་བར་མཛད། །འདོད་པའི་ལྷ་སྟེ་འདོད་སེལ་བསྟན། །རྒྱལ་པོའི་འཇིག་རྟེན་ས་འཛིན་པ། །
བརྟན་པོ་རྣམས་ལ་བརྟན་པར་གྲགས། །ཡོན་ཏན་དག་གིས་ཕྱོགས་སུ་བཞད། །བཏུད་པ་ཡིས་བཏུད་ཕྱག་བགྱིས་པ། །རྟག་ཏུ་མཆོད་ཅིང་རྗེད་པ་ལགས། །སྟོབས་པོ་ཆེ་ལ་ཤུགས་ཆེ་བ། །ཕྱག་རིང་གཡུལ་ཆེན་མངའ་བ་
པོ། །སྒེག་ཆེན་རྡོ་རྗེ་དམ་པ་སྟེ། །འཛེམ་ཤེས་རབ་སྲུང་ངོ་ཚ་ཤེས། །དཀྱིལ་འཁོར་ཆེན་པོའི་སྙིང་པོའི་མཆོག །དཀྱིལ་འཁོར་ཆེན་པོ་སྟོན་པ་པོ། །དཀྱིལ་འཁོར་ཆེན་པོར་གྲགས་པ་སྟེ། །དཀྱིལ་འཁོར་ཆེན་པོ་མཛད་པ་ལགས། །དཀྱིལ་འཁོར་

106-1-114a

འཁོར་སློབ་དཔོན་དཀྱིལ་འཁོར་ཅན། །ཞབས་ལ་རྗེད་པའི་ཚོགས་དང་ལྡན། །ཧ་ཧ་སྭཱ་ཧཱའི་བདག་ཆེ་བ། །མཆོད་པ་ཆེན་པོ་ས་དང་མཉམ། །ཧཱུྃ་གིས་འཇིགས་མཛད་འཇིགས་པ་སྟེ། །འཇིགས་པའི་འོད་ཀྱིས་གསལ་བ་པོ། །
ལྷ་དང་ལྷ་མིན་རྣམས་ཀྱིས་བཏུད། །དེ་བཞིན་མཆོད་ཅིང་རི་མོར་བགྱིད། །ཞམ་རིང་གད་རྒྱངས་ཆེན་པོ་ཅན། །རླུང་དྲག་མུན་པ་སེལ་མཛད་པ། །འཇིག་རྟེན་གསུམ་དུ་སྙན་པར་གྲགས། །གནོད་སྦྱིན་སྲིན་པོས་བསྙེན་བཀུར་བ། །དྲག་
པོ་དཀར་མཛད་བདེ་འབྱུང་བ། །མངའ་བདག་གཙུག་གི་ནོར་བུ་ཅན། །འཛུམ་ཞིང་སྒེག་པར་ཀུན་ཏུ་སྟོན། །སྤྱོད་པ་ས་ལྟར་བརྟན་པ་ལགས། །ནོར་བུའི་དཀྱིལ་འཁོར་འོད་མཛེས་པ། །ཉི་མ་གསལ་བ་ལམ་མེ་བ། །ཉི་མའི་འོད་འདྲ་
འཇའ་བཀུག་བཞིན། །ཐ་ལེར་ཞུགས་ཤིང་རྒྱ་ཆེར་བཞད། །མཐོང་ན་དགའ་ཞིང་དགའ་བར་མཛད། །ནོར་སྦྱིན་དེ་བཞིན་གསང་སྔགས་སྦྱིན། །དབང་ཕྱུག་སྦྱིན་ཞིང་རྒྱལ་སྲིད་སྦྱིན། །གཟུགས་སྦྱིན་དེ་བཞིན་སྟོབས་སྦྱིན་པ། །
དཔལ་ལྡན་དཔལ་མཛད་བགེགས་གནོན་རི། །ཀུན་དུ་རྨོངས་པ་སེལ་བར་མཛད། །འདུས་པའི་ནང་དུ་གདན་གཤེགས་པ། །ཞབས་ལ་མཆོད་པའི་ཚོགས་བསགས་པ། །དཔུང་རྒྱན་སྙན་ཆ་གདུབ་ཀོར་ཅན། །ནོར་བུའི་རྒྱན་གྱིས་
བརྒྱན་པ་སྟེ། །རྒྱུ་དང་མི་རྒྱུ་འགྲོ་བའི་སྒྲོན། །རབ་རིབ་སེལ་བར་མཛད་པ་པོ། །སྟོན་པ་སྟོན་མཛད་སྐྱོང་མཛད་པ། །དབང་པོ་མངའ་བདག་དམག་གི་མཆོག །འཇིགས་པ་སེལ་བར་མཛད་པ་སྟེ། །འཇིགས་པ་མེད་པའི་གནས་
སྦྱིན་པ། །དཀར་བ་སྔོ་བ་འོད་བཟང་བ། །མགྲིན་སྔོན་གྱི་ནི་སྟོན་པ་ལགས། །ཇི་ལྟར་འདུལ་བ་འདུལ་འགྱུར་བ། །དེ་བཞིན་ཆ་ལུགས་རབ་ཏུ་སྟོན། །ཤེས་རབ་རལ་གྲིས་འདེབས་པར་མཛད། །སྟོང་ཉིད་ཆོས་ནི་ལྷུར་འཛིན་པ། །བྱམས་པ་
མཆོག་དང་ཐ་མ་མཁྱེན། །རྣམ་པར་གྲགས་པ་གསན་པ་དེས། །རིག་སྔགས་འཆང་བ་རྣམས་ཀྱིས་བསྟོད། །རིག་སྔགས་འཆང་བ་སྟོབས་པོ་ཆེ། །ཤིན་ཏུ་རྣམ་རྒྱལ་འཁོར་ལོས་སྒྱུར། །འཇིགས་མེད་བློ་གྲོས་ཤེས་རབ་ཅན། །དེ་བཞིན་

106-1-114b

གཤེགས་པ་ཆོས་འཛིན་པ། །མགུར་བཟང་འདུལ་མཛད་ཞི་བ་སྟེ། །ཞི་བའི་ལམ་ནི་སྟོན་མཛད་པ། །ལྷ་དང་ལྷ་མིན་བཅས་པས་བཀུར། །སེམས་ཅན་ཐམས་ཅད་འཇིགས་མེད་མཛད། །སེམས་ཅན་ཀུན་ལ་རབ་སྟོན་པ། །བརྟན་པོ་སེམས་ཅན་
ཀུན་གྱི་མཆོག །སེམས་ཅན་རྣམས་ཀྱི་བློ་ལ་མཁས། །སྲེད་མེད་བུ་སྟེ་དྲག་ཤུལ་སྟོབས། །མེ་ཡི་འོད་དང་འདྲ་བ་སྟེ། །བྱིས་པ་སྐུ་མཆོག་མཆོག་སྦྱིན་པ། །རྩེད་མོ་རོལ་མོ་སྟོན་པར་མཛད། །ཕྱག་རྒྱ་མཛད་ཅིང་གསང་སྔགས་མཛད། །
བདག་གིར་མི་འཛིན་རྡུལ་མེད་བརྟན། །མཁའ་འདྲ་དཔེ་མེད་སྨྲ་མཁས་པ། །བདུད་དཔུང་ངེས་པར་འཇོམས་པ་པོ། །མི་མཆོག་བཙན་པ་བསྐྱོད་དུ་མེད། །དེ་བཞིན་ཐུབ་མེད་རྣམ་པར་རྒྱལ། །བརྟན་པོ་སངས་རྒྱས་
དེ་བཞིན་གཤེགས། །མྱ་ངན་མེད་ཅིང་གནས་པ་མེད། །འཇོམས་མེད་ཚིག་བཟང་ཆུ་ལུགས་བཟང་། །དཔའ་བོ་དགྲ་རྣམས་རབ་འཇོམས་པ། །ཚན་ཆེན་ངེས་འཇོམས་རྣལ་འབྱོར་པ། །འདོད་
པ་གནོད་པ་ཁྱབ་པར་གཤེགས། །མགོན་པོ་རྒྱལ་བའི་སྲས་ཀྱི་མཆོག །གཤིན་རྗེ་ཕམ་མཛད་སྐྱེ་དགུ་སྲུང་། །ལས་དང་ཉོན་མོངས་རབ་སྲེག་པ། །སྟོན་མཛད་ཉོན་མོངས་སེལ་བ་ལགས། །
ལེགས་པ་ཁྱོད་ཀྱི་མཆོག་གི་མཚན། །བརྒྱ་རྩ་བརྒྱད་པ་རབ་གསལ་ཞིང་། །དད་པ་བསྐྱེད་པར་བྱེད་པ་འདི། །ལྷ་མཆོག་རྣམས་ཀྱིས་རབ་ཏུ་བཤད། །བགེགས་ཆེན་དང་ནི་ལོག་འདྲེན་དང་། །
གནོད་སྦྱིན་ལྷ་མིན་སྲིན་པོ་དང་། །མདངས་འཕྲོག་གཏུམ་པོ་རྒོད་རྣམས་ཀྱིས། །དེ་རིང་ལེགས་པར་བསྟོད་པར་གྱུར། །འཇམ་དཔལ་རྡོ་རྗེ་མཆོག་གིས་རབ། །བསྒྱིངས་པས་བལྟས་པའང་བདེ་བར་
གྱུར། །དེ་དག་ཀུན་ལ་བལྟས་ནས་ཀྱང་། །འདི་སྐད་དུ་ནི་ཚིག་སྨྲས་པ། །ཁྱེད་ཀུན་རྟག་ཏུ་བགེགས་མེད་ཅིང་། །ངེས་ལེགས་ཐར་པ་ཐོབ་གྱུར་ལ། །འཇིགས་མེད་བཀྲ་ཡང་ཤིས་པར་ཤོག །

106-1-115a

ང་ལ་འཇིགས་པར་མ་སེམས་ཤིག །དེ་ནས་རབ་ཏུ་ཆེར་བཞད་ཅིང་། །འབྲུག་ཆེན་སྒྲ་ནི་སྒྲོགས་པ་ཡིས། །དེ་བཞིན་གཤེགས་པ་ཞལ་གསལ་བས། །ཤར་ཕྱོགས་གཟིགས་
ནས་བཀའ་སྩལ་པ། །ཀྱེ་མ་གསང་སྔགས་མཆོག་གི་ཡུལ། །སེམས་ཅན་གཏི་མུག་བསལ་བའི་ཕྱིར། །སེམས་ཅན་རྣམས་ཀྱི་བསོད་ནམས་ཚོགས། །ཤིན་ཏུ་རྒྱས་པ་བྱུང་བར་གྱུར། །
ཀྱེ་མ་བསོད་ནམས་ཆེར་བྱས་པའི། །སེམས་ཅན་རྣམས་ནི་རབ་སྦྱང་ཕྱིར། །དམ་པ་སྦྱིན་པའི་གྲུབ་པའི་གཟུངས། །འཇམ་པའི་ཀློག་གིས་རབ་ཏུ་བཤད། །ལ་ལ་གང་ཞིག་མཉམ་བཞག་
ནས། །སྡུག་བསྔལ་ཐམས་ཅད་སེལ་བ་ཡི། །གྲུབ་པའི་གཟུངས་འདི་འདོན་པའམ། །ཡང་ན་ཉན་ཏམ་སེམས་ཀྱང་རུང་། །དེ་ཡི་དོན་ཀུན་འགྲུབ་འགྱུར་ཞིང་། །སྡུག་བསྔལ་ཀུན་ལས་ཐར་བར་
འགྱུར། །སྡིག་པ་ཐམས་ཅད་རྣམ་དག་པ། །དེ་ཡིས་ངེས་པར་ཐོབ་པར་འགྱུར། །དེ་བཞིན་གཤེགས་པའི་ས་ཆེན་ཡང་། །རིང་པོར་མི་ཐོགས་དེ་ཡིས་འཐོབ། །བྱང་ཆུབ་སེམས་དཔའ་རྣམས་ཀྱི་ས། །
རབ་དགའ་ཤིན་དུ་དྲི་མ་མེད། །འོད་བྱེད་པ་དང་འོད་འཕྲོ་ཅན། །སྦྱང་དཀའ་དེ་བཞིན་མངོན་དུ་གྱུར། །རིང་དུ་སོང་དང་མི་གཡོ་བ། །ལེགས་པའི་བློ་གྲོས་ཆོས་ཀྱི་སྤྲིན། །ས་ཆེན་དམ་པ་དེ་དག་ཀྱང་། །
གང་ཞིག་ངེས་གནས་འདེང་པ་ཡི། །སེམས་ཅན་ཆེན་པོས་མི་ཐོགས་པར། །ཚེ་ཟད་ནས་ནི་ཐོབ་པར་འགྱུར། །སྡིག་པ་ཐམས་ཅད་རྣམ་དག་དང་། །སེམས་ཅན་ཀུན་ལ་སྡུག་པ་དང་། །
སྤྲོས་པ་ཐམས་ཅད་ཞི་བ་ཡི། །བྱང་ཆུབ་བླ་མེད་ཐོབ་པར་འགྱུར། །རིག་སྔགས་འཆང་ཀུན་བསྐྱེད་པ་དང་། །སྡིག་པ་ཐམས་ཅད་ཞི་བྱེད་པ། །བཀྲ་ཤིས་མཆོག་ཏུ་དགེ་བ་ཡི། །མིང་བརྒྱ་

106-1-115b

རྩ་བརྒྱད་ཡིད་འོང་འདི། །སོར་མོ་བཅུ་ཡི་ཐལ་སྦྱར་ནས། །འཇམ་པའི་དབྱངས་ཀྱི་མདུན་འདུག་ལ། །ཤིན་ཏུ་དང་བའི་སེམས་ཀྱིས་སུ། །ནང་པར་ལངས་ནས་སུ་བརྗོད་པ། །དེ་ལ་རིག་སྔགས་
འཆང་ཀུན་དང་། །དེ་བཞིན་ལྷ་ཡི་བདག་པོ་རྣམས། །གནོད་སྦྱིན་སྲིན་པོ་མང་པོ་དག །རྟག་ཏུ་ཡང་ནི་བསྲུང་བར་བྱེད། །དེ་བཞིན་གཤེགས་པའི་སྲས་ཀུན་དང་། །དེ་བཞིན་གཤེགས་པ་ཉིད་རྣམས་དང་། །
དེ་བཞིན་རྡོ་རྗེའི་མཚོན་འཆང་རྣམས། །དེ་ལ་ངེས་པར་སྲུང་བར་བྱེད། །དེ་ནི་སངས་རྒྱས་སྐུར་བཞུགས་ཤིང་། །མཉམ་པར་བཞག་པར་སྣང་བར་འགྱུར། །གནོད་སྦྱིན་ལྷ་ཡི་བདག་པོ་རྣམས། །བགེགས་
དང་ལོག་འདྲེན་ཆེན་པོ་དག །དགའ་ཞིང་བསམ་པ་དམ་པ་ཡིས། །རྒྱང་མ་དག་ནས་ཕྱག་ཀྱང་འཚལ། །དེ་ཕྱིར་བགེགས་རྣམས་དགའ་གྱུར་པས། །འཚེ་བར་བྱེད་ཀྱང་མི་ནུས་སོ། །ལན་
ཅིག་བཀླགས་ན་ཚངས་ཆེན་དང་། །བསོད་ནམས་མཉམ་པ་ཐོབ་པར་འགྱུར། །ཤེས་རབ་ཆེན་པོ་གང་ཞིག་གིས། །ཉིན་རེ་མཚན་མཆོག་བརྗོད་བྱས་ན། །དྲི་མ་མེད་ཅིང་རབ་དག་ལ། །རབ་ཏུ་
འོད་གསལ་སྒྲ་སྙན་དང་། །སེམས་ཅན་ཐམས་ཅད་དགའ་བ་ཡི། །ཡིད་དུ་འོང་བའི་གནས་ཀྱང་འཐོབ། །མཚུངས་པ་མེད་ཅིང་སྟོབས་བསྐྱེད་ལམ་མཆོག་འགྲོ་བ་དང་། །འོད་གསལ་དམ་ཚིག་ཅན་གྱི་ལྷ་
རྣམས་ཀྱིས་བསྟོད་ཅིང་། །ཡིད་འཕྲོག་ལྷ་དང་ལྷ་མིན་ཚོགས་ཏེ་འདུན་པ་ཡི། །གཟུངས་འདི་རྒྱལ་བ་རྣམས་ཀྱིས་ལེགས་པར་གསུངས་པ་ཡིན། །འཕགས་པ་འཇམ་དཔལ་གྱི་མཚན་བརྒྱ་རྩ་བརྒྱད་
པ་གཟུངས་སྔགས་དང་བཅས་པ། རྫོགས་སོ།། །། འཕགས་པ་སྒྲིབ་པ་ཐམས་ཅད་རྣམ་པར་སེལ་བའི་མཚན་བརྒྱ་རྩ་བརྒྱད་པ་གཟུངས་སྔགས་དང་བཅས་པ། བྱང་ཆུབ་

106-1-116a

སེམས་དཔའ་སེམས་དཔའ་ཆེན་པོ་སྒྲིབ་པ་ཐམས་ཅད་རྣམ་པར་སེལ་བ་ལ་ཕྱག་འཚལ་ལོ། །ཨོཾ་ཨ་མྲི་ཏ་བིན་དུ་ཛ་བ་མ་ཧཱ་སུ་ཁ་སྭཱ་ཧཱ། དེ་ནས་བཅོམ་ལྡན་འདས་དེ་བཞིན་གཤེགས་པ་རྣམ་པར་
སྣང་མཛད་ཀྱིས་ཕྱག་གཡས་པ་བརྐྱང་སྟེ། བྱང་ཆུབ་སེམས་དཔའ་སེམས་དཔའ་ཆེན་པོ་སྒྲིབ་པ་ཐམས་ཅད་རྣམ་པར་སེལ་བ་ཚིམ་པར་མཛད་ནས་བཀའ་སྩལ་པ། ཡོན་ཏན་རིན་པོ་ཆེའི་ཚོགས་ཅན་ཁྱོད་ཀྱི་
གཟུངས་སྔགས་འདི་ཕྱུང་བས་སེམས་ཅན་རྣམས་ཀྱི་བདེ་བ་ཆེན་པོ་བསྐྱེད་པ་ལེགས་སོ་ལེགས་སོ། །ཀྱེ་རྒྱལ་བའི་སྲས་གང་ལ་ལ་གཟུངས་སྔགས་འདི་ཐོས་པ་དེ་ནི་དེ་བཞིན་གཤེགས་པ་གང་གཱའི་ཀླུང་བཅུའི་
བྱེ་མ་སྙེད་ཀྱི་སྤྱན་སྔར་དགེ་བའི་རྩ་བ་བསྐྱེད་པ་དང་ལྡན་པར་འགྱུར་རོ། །གང་ལ་ལའི་རྣ་ལམ་དུ་གྲག་པར་གྱུར་པ་དེ་ཡང་སྒྲིབ་པ་དང་བྲལ་བར་འགྱུར་རོ། །སྐུ་གདུང་དང་ལྡན་པའི་མཆོད་རྟེན་གྱི་དྲུང་དུ་ཟླ་བ་ཡར་གྱི་ངོ་ཚེས་
བརྒྱད་དམ། ཚེས་བཅྭ་ལྔ་ལ་སྨྱུང་བར་འདུག་ཅིང་གསོ་སྦྱོང་དང་ལྡན་པར་བྱས་ཏེ། སྤོས་དང་། བདུག་པ་དང་། མར་མེ་དང་། མེ་ཏོག་དང་། མེ་ཏོག་ཕྲེང་དང་། བྱུག་པ་ལ་སོགས་པས་
མཆོད་ལ་བསྐོར་བ་བྱས་ནས་བཟླས་བརྗོད་བྱས་ན། དམ་པ་ཅི་འདོད་པ་ཐོབ་པར་འགྱུར་ཏེ། སྡིག་པ་ཐམས་ཅད་དང་། སྡུག་བསྔལ་བ་དང་། འཇིགས་པ་ཐམས་ཅད་ལས་ཐར་བར་འགྱུར་རོ། །བྱང་
ཆུབ་སེམས་དཔའ་སྒྲིབ་པ་ཐམས་ཅད་རྣམ་པར་སེལ་བ་ལ་སྤོས་ལ་སོགས་པས་མཆོད་དེ་བཟླས་བརྗོད་བྱས་ན་རྨི་ལམ་དུ་སྟོན་པར་འགྱུར་ཏེ། བསམ་པ་ཐམས་ཅད་ཡོངས་སུ་རྫོགས་པར་བྱེད་ཅིང་། ཉོན་
མོངས་པ་དང་སྡུག་བསྔལ་ཐམས་ཅད་སེལ་བར་བྱེད་དོ། །དེ་ནས་རྡོ་རྗེ་མེ་ཏོག་ཐོད་ཆེན་པོ་ས་གསུམ་གྱི་དབང་ཕྱུག་དང་ཐབས་གཅིག་ཏུ་འཁོར་གྱི་དཀྱིལ་འཁོར་ཆེན་པོ་དེའི་ནང་ནས་སྟན་ལས་ལངས་ཏེ། 

106-1-116b

བྱང་ཆུབ་སེམས་དཔའ་ཆེན་པོ་སྒྲིབ་པ་ཐམས་ཅད་རྣམ་པར་སེལ་བ་ལ་བཏུད་ནས། མཚན་བརྒྱ་རྩ་བརྒྱད་ཀྱིས་མངོན་བར་བསྟོད་པ། སེམས་ཅན་ཀུན་གྱི་གཙོ་བོ་ཆེ། །བྱང་ཆུབ་སེམས་དཔའི་ཚུལ་
ཆེ་བ། །ཉོན་མོངས་དྲི་མ་ཀུན་ལས་འདས། །ཆོས་དབྱིངས་ཁྱོད་ལ་ཕྱག་འཚལ་ལོ། །སྒྲིབ་པ་ཀུན་ལས་ངེས་པར་གྲོལ། །ཉོན་མོངས་དྲི་མ་ཀུན་སེལ་ཅིང་། །ཉེས་པ་ཀུན་ལས་རྣམ་པར་གྲོལ། །སྐྱོན་
བྲལ་ཁྱོད་ལ་ཕྱག་འཚལ་ལོ། །ལམ་སྲང་གཅིག་པུའི་ཚུལ་སྟོན་ཅིང་། །ཐེག་པ་གཅིག་པུའི་ཚུལ་གཅིག་པ། །ཐེག་པ་ཆེན་པོའི་ཚུལ་བརྙེས་ཏེ། །ཐེག་པ་དག་པ་ཁྱོད་ཕྱག་འཚལ། །སྣང་
བ་ཆེན་པོ་སྣང་བ་བརྙེས། །ཡོན་ཏན་དཀྱིལ་འཁོར་འཇིག་རྟེན་བདག །ཟླ་བ་བཞིན་དུ་འོད་དཀར་བ། །འཇིག་རྟེན་འདས་པ་ཁྱོད་ཕྱག་འཚལ། །ཐེག་པ་ཆེན་པོ་དག་པ་ཆེ། །སངས་རྒྱས་ཐེག་
པ་རྟོགས་གྱུར་ཅིང་། །རྡོ་རྗེའི་དཀྱིལ་འཁོར་རྣམ་གྲགས་པ། །རྡོ་རྗེ་ཆེན་པོ་ཁྱོད་ཕྱག་འཚལ། །དཔའ་བོ་ཆེན་པོ་བདུད་ལས་རྒྱལ། །དར་བ་ཆེན་པོ་ཉོན་མོངས་ཆོམས། །བགེགས་
ཐུབ་གཤིན་རྗེ་ཐུབ་པ་སྟེ། །རིན་ཆེན་དྲ་བ་ཁྱོད་ཕྱག་འཚལ། །ཟླ་བ་ཆེན་པོ་ཉི་མ་ཆེ། །ལྷུན་པོ་ཆེན་པོ་དབང་ཕྱུག་ཆེ། །ལྷ་ཆེན་མགོན་པོ་ཆེན་པོ་སྟེ། །འབྱོར་པ་ཆེན་པོ་ཁྱོད་ཕྱག་
འཚལ། །སྒྲིབ་པ་ཐམས་ཅད་གཅོད་མཛད་ཅིང་། །སྒྲིབ་པ་ཐམས་ཅད་སེལ་མཛད་པ། །ཀུན་མཁྱེན་ཡོན་ཏན་བདག་ཉིད་ཆེ། །རྣམ་སེལ་ཁྱོད་ལ་ཕྱག་འཚལ་ལོ། །སངས་རྒྱས་
སྤྱོད་ཡུལ་ཞུགས་པ་སྟེ། །ཆོས་ཀྱི་སྤྱོད་ཡུལ་གཤེགས་པ་ལགས། །ཡེ་ཤེས་དབང་ཕྱུག་ཡེ་ཤེས་ཆེ། །སྲེད་བྲལ་ཁྱོད་ལ་ཕྱག་འཚལ་ལོ། །སྐུ་མཛེས་ཡོན་ཏན་སྙིང་པོ་མཁྱེན། །

106-1-117a

རྡོ་རྗེ་ཡི་ནི་དཀྱིལ་འཁོར་བརྒྱན། །སངས་རྒྱས་ལམ་སྟེ་དོན་ཡོད་ཆེ། །ཡེ་ཤེས་དག་པ་ཁྱོད་ཕྱག་འཚལ། །བསྟན་པ་གནས་པ་དབང་བདག་པོ། །བདེ་མཛད་ཐུགས་ཀྱང་ཞི་བ་སྟེ། །
ཡངས་པ་དྲི་མེད་ཤེས་རབ་ཅན། །སྣང་བ་དག་པ་ཁྱོད་ཕྱག་འཚལ། །ཟབ་ཅིང་བརྟན་ལ་རྣམ་པར་གནོན། །ཞི་ལ་འཇིག་རྟེན་དག་པར་མཛད། །སྟོན་པ་སྐྱབས་འོས་སྲིད་གསུམ་ན། །དཔའ་
བཙན་ཁྱོད་ལ་ཕྱག་འཚལ་ལོ། །སྐལ་བ་ཆེན་པོ་ཉོན་མོངས་བཅོམ། །འཁོར་བའི་དཀྱིལ་འཁོར་འཇོམས་པ་སྟེ། །ཞི་བ་ཞི་མཛད་བདེ་འབྱུང་བ། །ཆུ་བོ་ཞི་མཛད་ཁྱོད་ཕྱག་འཚལ། །
ཐར་པའི་རྒྱུ་སྟེ་ཆོས་ལུགས་ཆེ། །བདེ་འགྲོར་གནས་པ་དྲི་མ་མེད། །རྣམ་དག་ཐུགས་མངའ་ཞི་བ་མཁྱེན། །ཉེས་སེལ་ཁྱོད་ལ་ཕྱག་འཚལ་ལོ། །རྩེ་མོ་ཡངས་པར་རྣམ་པར་གྲགས། །
སྔགས་ཆེན་མང་པོས་འདུལ་མཛད་པ། །སྙིང་པོ་ཆེན་པོ་དཀྱིལ་འཁོར་མཆོག །དཀྱིལ་འཁོར་མཁྱེན་པ་ཁྱོད་ཕྱག་འཚལ། །སྡུག་བསྔལ་གསུམ་སེལ་གསུམ་གྱི་མཆོག །དཀོན་མཆོག་གསུམ་
དང་སྤྱོད་ཡུལ་འདྲ། །རྣམ་གསུམ་མཁྱེན་པ་རྙེད་པའི་བདག །རྣམ་ཐར་གསུམ་ཁྱོད་ཕྱག་འཚལ་ལོ། །བྱང་ཆུབ་སེམས་དཔའ་ཡོན་ཏན་གྱི། །འབྱོར་པ་བརྙེས་ཤིང་མཉམ་ཉིད་བརྙེས། །
བསྐལ་པ་དག་ནི་གྲངས་མེད་པར། །ཚོགས་ཆེན་བསགས་པ་ཁྱོད་ཕྱག་འཚལ། །ས་ལ་གནས་པ་ས་ཆེན་བརྙེས། །ས་ཡི་འབྲས་བུ་ཕུན་སུམ་ཚོགས། །ཡང་དག་ས་འཛིན་ལས་བྱུང་བ། །ཡེ་ཤེས་ས་
ཁྱོད་ཕྱག་འཚལ་ལོ། །ཏིང་ངེ་འཛིན་ལ་མངའ་བརྙེས་པ། །ཉེས་གསུམ་སྤོང་ཞིང་སྡིག་པ་སེལ། །ཏིང་འཛིན་མཁྱེན་ཅིང་རྒྱ་ཆེ་བ། །མཉམ་པ་ཉིད་མཉམ་ཁྱོད་ཕྱག་འཚལ། །མགོན་པོ་ཆེན་པོ་སྣང་བ་ཆེ། །

106-1-117b

སྡུག་བསྔལ་ཆེན་པོའི་དྲི་མ་སེལ། །ཞི་གྱུར་མ་ལུས་ཞི་མཛད་པ། །ཡོན་ཏན་ཕ་མཐའ་ཁྱོད་ཕྱག་འཚལ། །སངས་རྒྱས་ཀུན་མཚུངས་གསུང་ལྡན་པ། །ཆོས་ཀུན་ཞི་བ་ཕུན་སུམ་ཚོགས། །དཀོན་མཆོག་
གསུམ་རིགས་དཔེ་མེད་པ། །རིན་ཆེན་མཐའ་ཡས་ཁྱོད་ཕྱག་འཚལ། །རྡོ་རྗེ་ཆེན་པོ་དྲི་མེད་མཆོག །རྡོ་རྗེའི་མཚོན་བསྣམས་སྡིག་མི་མངའ། །ནམ་མཁའ་མ་ལུས་ཡུལ་དང་ལྡན། །ཡེ་
ཤེས་སྤྱོད་ཡུལ་རྒྱ་མཚོ་མངའ། །དེ་བཞིན་གཤེགས་དང་ཡུལ་གཅིག་པ། །སེལ་བ་པོ་སྟེ་དྲི་མ་སྦྱོང་། །ཤེས་རབ་ཆེན་པོ་རྒྱལ་བའི་སྲས། །སྲེད་གཅོད་ཁྱོད་ལ་ཕྱག་འཚལ་ལོ། །རྡོ་རྗེའི་
དཀྱིལ་འཁོར་རྡོ་རྗེའི་མཆོག །རྡོ་རྗེའི་འདུལ་བ་རྡོ་རྗེ་འཆང་། །རྡོ་རྗེ་རྩལ་ཅན་རྣམས་ཀྱི་རྩལ། །རྡོ་རྗེ་སྣང་བ་ཁྱོད་ཕྱག་འཚལ། །རིན་ཆེན་ཆེན་པོ་རིན་ཆེན་བློ། །རིན་ཆེན་རྡོ་རྗེ་འོད་
ཆེ་བ། །རིན་ཆེན་འོད་མཛེས་རིན་ཆེན་འབྱུང་། །རིན་ཆེན་བསྟན་པ་སྲུང་མཛད་པ། །སྟོང་པ་ཉིད་ཀྱི་ཡུལ་བརྙེས་པ། །ཡེ་ཤེས་སྟོང་པ་ཉིད་ཀྱིས་སྟོན། །སྟོང་ཉིད་ལོངས་སྤྱོད་ཡུལ་
དང་ལྡན། །སྟོང་ཉིད་མཆོག་ཁྱོད་ཕྱག་འཚལ་ལོ། །ཤེས་རབ་མཚུངས་མེད་ཤེས་རབ་ཅན། །དགེ་བ་རྣམ་དག་ས་དང་བྲལ། །ཆོས་གཅིག་ལས་བྱུང་སྣང་བ་པོ། །འཇིག་རྟེན་འདས་པའི་
ཚུལ་ཆེན་ལགས། །འཇིག་རྟེན་སྣང་མཛད་སྨྲ་མཁས་པ། །འཇིག་རྟེན་ཆོས་ལས་རྣམ་པར་འདས། །འཇིག་རྟེན་མཁྱེན་པའི་ཡོན་ཏན་བརྙེས། །བརྒྱན་པར་མཛད་པ་དཀྱིལ་འཁོར་
དག །ཉེས་པ་མ་ལུས་བསལ་བ་སྟེ། །ཕྱལ་ཆེན་སྐྱེ་བོ་ཀུན་ལ་ཕན། །ས་འཛིན་རྣམ་པར་གྲགས་པ་པོ། །ཀུན་མཁྱེན་ཁྱོད་ལ་ཕྱག་འཚལ་ལོ། །དགའ་མཁྱེན་དགའ་ལ་ལོངས་

106-1-118a

སྤྱོད་པ། །དགའ་བའི་རིགས་མཆོག་རྣམས་ཀྱི་མཆོག །དགའ་བར་མཛད་པའི་རྟོག་པ་ཅན། །དགའ་ལ་སྣང་བ་ཁྱོད་ཕྱག་འཚལ། །སྒེག་ཆེན་འཇམ་ཞིང་དགོངས་པར་ལྡན། །རྣམ་
བར་བསྒེགས་ལ་སྤྱོད་པ་བརྟན། །རྡོ་རྗེ་རིག་པ་སྒེག་པའི་མཆོག །སྒེག་ཆེན་ཁྱོད་ལ་ཕྱག་འཚལ་ལོ། །སངས་རྒྱས་བྱང་ཆུབ་སེམས་དཔའི་མཆོག །རྡོ་རྗེ་མཆོག་གིས་དཀྱིལ་འཁོར་ཆེ། །ཐེག་
པ་ཆེན་པོའི་ཚུལ་ལ་གནས། །བླ་མེད་མཆོག་ཁྱོད་ཕྱག་འཚལ་ལོ། །དཔའ་བོ་བྱང་ཆུབ་སེམས་དཔའི་མཆོག །སྒྲིབ་པ་ཐམས་ཅད་སེལ་མཛད་ལ། །རྡོ་རྗེའི་དཀྱིལ་འཁོར་འཁོར་རྣམས་ཀྱིས་ནི། །
མིང་བརྒྱ་རྩ་བརྒྱད་ཀྱིས་བསྟོད་ནས། །རྡོ་རྗེའི་བསྟན་པ་རྣམ་གྲགས་པ། །བཅོམ་ལྡན་རྡོ་རྗེ་ཅན་གྱིས་གསུངས། །ཀྱེ་མ་འབྱོར་ཆེན་སྣང་བ་ཡི། །དཀྱིལ་འཁོར་རྒྱལ་བའི་དཀྱིལ་འཁོར་པ། །གང་ཞིག་
མིང་བརྒྱ་རྩ་བརྒྱད་པ། །འདི་དག་སོ་སོར་རྗོད་བྱེད་ན། །ང་ནི་ཉེས་པ་ཀུན་ཟློག་ཅིང་། །རྟག་ཏུ་དེ་ཡི་ཕྱི་བཞིན་འབྲང་། །ནང་བར་ལངས་ནས་གཙང་མ་ཡིས། །སྒྲིབ་པ་ཐམས་ཅད་སེལ་བ་ལ། །
བློ་ལྡན་གང་ཞིག་བསྟོད་བྱེད་པ། །དེ་ཡི་སྡིག་པ་མེད་པར་འགྱུར། །གང་ཞིག་མིང་བརྒྱ་རྩ་བརྒྱད་མཆོག །ནང་པར་ལངས་ནས་རྗོད་བྱེད་པ། །སྡང་བ་ཐམས་ཅད་དེ་དབང་འགྱུར། །བགེགས་རྣམས་ཀྱིས་
ཀྱང་ཡོངས་སུ་གཏང་། །སྡིག་པ་དག་པ་འཐོབ་པ་དང་། །དེ་བཞིན་བསོད་ནམས་འཕེལ་བ་དང་། །ཡེ་ཤེས་རྒྱ་མཚོ་ལོངས་སྤྱོད་ཅིང་། །ས་མཆོག་ཆེན་པོ་ཐོབ་པར་འགྱུར། །གང་ཞིག་ངེས་པར་གནས་བྱས་ལ། །མིང་
བརྒྱ་རྩ་བརྒྱད་མཆོག་འདོན་པ། །དེས་ནི་འབྱོར་ཆེན་སངས་རྒྱས་ས། །རིང་པོར་མི་ཐོགས་ཐོབ་པར་འགྱུར། །རྒྱུད་ཆེན་ལྡན་ཞིང་བློ་ཆེ་བ། །གང་ཞིག་མིང་མཆོག་འདོན་པ་ནི། །རྡོ་རྗེའི་དཀྱིལ་འཁོར་བསྟན་པ་ལ། །

106-1-118b

རིང་པོར་མི་ཐོགས་འཇུག་པར་འགྱུར། །བྱང་ཆུབ་སེམས་དཔའ་ཆེན་པོ་སྒྲིབ་པ་ཐམས་ཅད་རྣམ་པར་སེལ་བའི་མཚན་བརྒྱ་རྩ་བརྒྱད་པ་གཟུངས་སྔགས་དང་བཅས་པ།  རྫོགས་སོ།། །། འཕགས་པ་
སའི་སྙིང་པོའི་མཚན་བརྒྱ་རྩ་བརྒྱད་པ་གཟུངས་སྔགས་དང་བཅས་པ། དཀྱིལ་འཁོར་གྱི་རྒྱལ་པོ་ཆེན་པོ་བྱང་ཆུབ་སེམས་དཔའ་སེམས་དཔའ་ཆེན་པོ་སའི་སྙིང་པོ་ལ་ཕྱག་འཚལ་ལོ། །ཨོཾ་སུམ་བྷ་ནི། སུམ་བྷ།  ཧ་ར་
ཙ་ར། མ་ཧཱ་པཱ་ཤ་མ་རུ་ཏཱ། ཨ་མོ་གྷ་བཛྲ་ས་ཏྭ་སྭཱ་ཧཱ། དེ་ནས་ཡོན་ཏན་སྦྱིན་པ་ཡི། །གཟུངས་འདི་བཤད་མ་ཐག་ཏུ་ཡང་། །རྡོ་རྗེའི་དཀྱིལ་འཁོར་དམ་པ་ནི། །ཏི་སེའི་གངས་བཅས་གཡོས་པར་གྱུར། །
ས་ཡི་སྙིང་པོ་ཚོགས་དབང་ལ། །བཅོམ་ལྡན་རྡོ་རྗེ་ཅན་གྱིས་སྨྲས། །སྐལ་ལྡན་ཆེན་པོ་ལེགས་སོ་ལེགས། །ས་སྟེང་ཁྱོད་ཀྱིས་ཡངས་པར་བྱས། །ཁྱོད་ཀྱི་གཟུངས་ནི་རྣམ་གྲགས་ཤིང་། །
ཡོན་ཏན་དཔག་མེད་མཆོག་བསྐྱེད་པ། །སེམས་ཅན་ཀུན་གྱི་སྡུག་བསྔལ་དང་། །ཉེས་པ་ཟློག་བྱེད་ཐོས་པ་ནི། །འཁོར་བར་རབ་ཏུ་རྒྱུ་བ་ན། །ཉེས་པ་ཀུན་གྱིས་མི་གོས་ཏེ། །ཇི་ལྟར་
འདམ་གྱི་པད་མ་དག །འདམ་གྱི་ཉེས་པས་མི་གོས་བཞིན། །ལུས་ཅན་དག་ལས་སུ་ཡང་རུང་། །ཁྱོད་ཀྱི་གསང་སྔགས་འཆང་བྱེད་པ། །དེ་དག་ལས་ནི་གཅིག་ཙམ་ཡང་། །བྱང་ཆུབ་
ལས་ནི་ལྡོག་མི་འགྱུར། །མཁས་པ་གང་ཞིག་གཟུངས་སྔགས་མཆོག །ཐོས་ནས་མོས་པར་བྱེད་པ་ནི། །ངེས་པར་ཡོན་ཏན་ཐམས་ཅད་ཀྱང་། །ཐོབ་པར་འགྱུར་ཏེ་ཐེ་ཚོམ་མེད། །དེ་
ནས་ཐམས་ཅད་ལྡན་པའི་འཁོར། །ལངས་ཏེ་ས་ཡི་དབང་ཕྱུག་པོ། །ས་ཡི་སྙིང་པོ་ས་མཆོག་ལ། །མིང་བརྒྱ་རྩ་བརྒྱད་སྨྲས་པ་ནི། །ས་ཡི་སྙིང་པོ་གཙོ་བོ་ཆེ། །གློག་འགྱུ་ལྟ་བུའི་སྤྱན་

106-1-119a

མངའ་བ། །ཅོད་པན་ཅན་ཏེ་ས་བརྙེས་པ། །ཕུན་སུམ་ཚོགས་ལྡན་འབྱོར་བ་མཆོག །རིག་ལྡན་རིག་མཛད་མཆོད་པའི་གནས། །གཙོ་བོ་དགེ་སྦྱོང་སྟོན་པ་པོ། །གཞི་བཅས་ལྡན་པའི་རླུང་གི་ཚུལ། །
སྭཱ་ཧཱའི་བློ་ལྡན་སྙིང་རྗེའི་རབ། །ཐམས་ཅད་མཁྱེན་པའི་ཉི་མའི་མཆོག །སྙིང་པོ་སྙིང་པོ་མཁྱེན་པར་གྲགས། །གསང་སྔགས་རོལ་ཅིང་རྒྱ་ཆེར་རོལ། །ས་ཡི་དབང་ཕྱུག་གར་ཐབས་ཅན། །སྒེག་པོ་ཞལ་བཟང་གར་མཁན་
ལྡན། །འབྲས་བུ་མངོན་སུམ་སྟོན་པ་པོ། །རབ་འབྱོར་བློ་གྲོས་སྙིང་པོ་མཁྱེན། །སྙིང་པོ་བརྙེས་པ་འཇིགས་པ་མེད། །མགོན་པོ་སངས་རྒྱས་གཟུགས་མངའ་བ། །ཤེས་རབ་ཀྱིས་ནི་མ་ལུས་གཟིགས། །འདོད་
ཆགས་ལ་སོགས་སྐྱོན་བསལ་ཅིང་། །གར་ཐབས་ཆེན་པོ་སྟོན་པ་པོ། །སྟོན་པ་དཔག་བསམ་ཤིང་དང་འདྲ། །ནམ་མཁའི་དབང་ཕྱུག་གསུང་སྙན་པ། །ཉི་མ་ཆེན་པོ་ཉིད་ཡིན་ཏེ། །དབང་ཕྱུག་ཆེན་པོ་འབར་བས་བསྐོར། །ཡོན་
ཏན་མཐའ་ཡས་ལོངས་སྤྱོད་པ། །ས་ཡི་དབང་ཕྱུག་སྤྱོད་ཡུལ་ཅན། །ཆོས་ཀྱི་ལོངས་སྤྱོད་ལོངས་སྤྱོད་ཆེ། །ཡོན་ཏན་རྒྱ་མཚོའི་གང་ཆེན་མཚོ། །ཡོན་ཏན་སྣ་ཚོགས་ལོངས་སྤྱོད་པ། །དེ་བཞིན་གཤེགས་པའི་རིགས་ཀྱི་
མཆོག །ཐབས་ཚུལ་ཟབ་ལ་མཁས་པ་སྟེ། །ཐེག་པ་ཆེན་པོ་འཇིགས་པ་མེད། །མཆོད་པ་ཆེན་པོ་སྒྲ་ཆེ་བ། །ཟླ་ལྟར་གྲགས་པའི་དཀྱིལ་འཁོར་ཅན། །རྡོ་རྗེ་འཆང་ཆེན་མཚན་བརྒྱ་པ། །རྡོ་རྗེ་དཀྱིལ་འཁོར་མེ་
ཏོག་ཐོད། །བློ་གྲོས་ཆེན་པོ་ཕྱག་རིང་བ། །པད་མ་ཆེན་པོ་སྟོབས་པོ་ཆེ། །གསང་སྔགས་ཆེན་པོ་ཚོགས་ཆེན་པོ། །ས་གཞི་ཆེན་པོ་ལྷུན་པོ་ལགས། །ལག་ན་རྡོ་རྗེ་ཡོན་ཏན་དེས། །ནོར་བུའི་མེ་ཏོག་ཐོད་ཀྱིས་བརྒྱན། །
མཉམ་ཉིད་འབྱམ་ལོངས་སྤྱོད་པ་ཡི། །རྒྱ་ཆེན་ཞིང་གི་རྒྱ་མཚོ་ཅན། །རྡོ་རྗེའི་འོད་མངའ་རྡོ་རྗེ་ལྡན། །ས་ཡི་བདག་པོ་ལྷུན་པོ་བཞིན། །ས་ལ་ལོངས་སྤྱོད་ལོངས་སྤྱོད་བཟང་། །མཚོན་ཆ་གཡོ་བ་ཕུན་སུམ་ཚོགས། །རབ་འབྱམ་

106-1-119b

སྣོད་ནི་རྣམ་པར་གྲགས། །སྨྲ་མཁས་རྡོ་རྗེ་རབ་འཇོམས་པ། །སྤྱན་རྩ་ཡིད་ཙམ་དམར་བ་སྟེ། །མེ་ཏོག་སྔོན་པོའི་ཐོད་ཀྱིས་བཅིངས། །སྤྲོ་བ་ཆེན་པོ་ཕྱག་རིང་བ། །བརྟན་པོ་བརྟན་ལ་བདེ་སྦྱིན་པ། །དེད་དཔོན་དཔལ་བཟང་
ཆེན་པོ་སྟེ། །གངས་ཅན་ལྷུན་པོ་ལྟ་བུ་ལགས། །དབང་པོ་གཤིན་རྗེའི་རྒྱལ་ཆེན་དང་། །བཙན་པོ་ཁྱབ་འཇུག་སྟོབས་དབང་ཕྱུག །འཇིག་རྟེན་མཆོག་རིགས་སངས་རྒྱས་ཚངས། །དེ་བཞིན་ཉིད་ཚུལ་སྤྱོད་ཡུལ་
ཅན། །རིན་ཆེན་ཏོག་སྟེ་ཆེར་བཞད་པ། །དགྱེས་པ་ན་བཟའ་སྣ་ཚོགས་གསོལ། །གཟིགས་པ་རིང་བ་སྤྱན་ཡངས་པ། །ནམ་མཁའ་བཞིན་དུ་ཐོགས་པ་མེད། །ཐོགས་པ་མི་དཔོགས་
རིན་ཆེན་གཙུག །སྲིད་གསུམ་འདོད་པ་མེད་པའི་རྒྱུ། །དུལ་བ་ཉོན་མོངས་དྲི་མ་བསལ། །དག་པ་གཙང་བ་གསོ་སྦྱོང་ཅན། །རྣམ་པར་གནོན་པའི་གཡུལ་ལས་འདས། །ལྗང་མདོག་སྐྱབས་
མཛད་སྙིང་རྗེ་ཆེ། །སྟོབས་ཀྱིས་གྲགས་པ་རྒྱ་ཆེ་བ། །བསམས་ན་ཤེས་པའི་སྤྱོད་ཡུལ་ཅན། །དཔའ་བོ་སེང་གེ་འཇིགས་པར་བྱེད། །སྡང་བ་རྣམས་ཀྱི་སྙིང་འཇོམས་པ། །
མངའ་བདག་གྲགས་པ་ཡུལ་དང་ལྡན། །དགའ་བ་རྒྱ་ཆེན་རབ་འབྱུང་བ། །རིགས་མཁྱེན་རིགས་ཀྱི་སྙིང་པོ་མཁྱེན། །རིགས་ཀུན་ཏུ་ནི་མཆོད་པ་ལགས། །རྒྱལ་
པོ་རིགས་མཆོག་སྐྱེས་པའི་རྟེན། །རྡོ་རྗེ་ཡི་ནི་དཀྱིལ་འཁོར་རྒྱན། །རྡོ་རྗེ་ས་འོག་རབ་གྲགས་པ། །རིག་སྔགས་འཆང་བ་སྟོབས་པོ་ཆེ། །མངོན་བར་འཕགས་
པ་ཁྱབ་པ་མཆོག །མགྲིན་བཟངས་ནད་དང་བྲལ་བ་ལགས། །སྐྱོང་མཛད་སྟོན་པ་དག་པ་སྟེ། །སངས་རྒྱས་ལམ་ནི་རབ་སྟོན་པ། །གྲོལ་བ་སྨིན་མཛད་འདུད་

106-1-120a

པར་མཛད། །དཀྱིལ་འཁོར་མ་ལུས་རྣམས་ཀྱིས་བརྒྱན། །རབ་ཞུགས་དཀྱིལ་འཁོར་རྣམས་ལ་མཁས། །རྡོ་རྗེའི་སློབ་དཔོན་ཡོན་ཏན་རྟེན། །གྲུབ་པ་སྦྱིན་པ་རྣམ་དག་མཆོག །ཚུལ་དང་ཚུལ་མིན་རྟོགས་
པ་པོ། །དཀྱིལ་འཁོར་རྩ་སེར་མངའ་བ་སྟེ། །འོད་ཟེར་ལྗང་ཁུའི་འོད་དང་ལྡན། །སེར་ལ་ན་བཟའ་སེར་པོ་བནབས། །དཀྱིལ་འཁོར་མ་ལུས་ཀུན་གྱི་བརྒྱན། །སྤྱན་རྩ་དམར་བ་ཟླ་བའི་དཔལ། །ནོར་བུ་སྣ་ཚོགས་འོད་འབྱུང་བ། །
རྡོ་རྗེ་བརྒྱ་ཡི་སྟོབས་ཀྱིས་སྤྲོ། །མཉམ་ཉིད་མཉམ་པ་དྲི་མ་མེད། །སྐུ་ཡང་དག་ཅིང་ན་བཟའ་དག །དག་པ་མཁྱེན་ཅིང་དག་པར་ལྡན། །དག་པའི་ཆོས་མངའ་སྣང་བ་སྟེ། །འབྱུང་ལྡན་སྲིད་པ་སེལ་མཛད་པ། །འཁོར་བ་ཟད་
མཛད་ཤེས་རབ་ཅན། །ཚུལ་ཤེས་ཚུལ་ལ་སྤྱོད་ཡུལ་བ། །རྡོ་རྗེ་རྒྱ་མཚོའི་སྙིང་པོ་ལགས། །རྡོ་རྗེ་སེམས་དཔའ་དགེ་བ་ཆེ། །འབྱུང་ལྡན་རབ་འབྱམ་ཤེས་རབ་ཅན། །མ་ལུས་གྲགས་པའི་འོད་བཟང་བ། །ས་ཡི་སྙིང་པོ་སྙིང་པོ་ཆེ། །
རྡོ་རྗེའི་སྙིང་པོ་རྣམ་པར་འདྲེན། །དཔག་ཏུ་མེད་པ་དཔག་མེད་རྫོགས། །ཁྱད་པར་འཕགས་པའི་ཡུལ་ལ་གནས། །ཟབ་ཅིང་གསལ་བའི་གཙོ་བོ་སྟེ། །ཟླ་བའི་དཀྱིལ་འཁོར་འོད་ཟེར་བསིལ། །དགའ་དད་དང་བ་སྐྱེད་པ་སྟེ། །
ཡེ་ཤེས་རྒྱ་ཆེན་སྤྱོད་ཡུལ་བ། །རླུང་གི་དྲག་ཤུལ་ལྟ་བུར་དྲག །དྲག་པོ་ལགས་ཏེ་དྲག་སེལ་གཙང་། །རྒྱལ་བར་བྱེད་ཅིང་རྒྱལ་བ་ཞི། །རྒྱལ་བའི་དཔལ་མཛད་དགའ་བར་མཛད། །ལྷུན་པོ་ཏི་སེ་མ་ལ་ཡས། །སྤྱོད་ཡུལ་ཟབ་མོ་ནོན་
པ་སྟེ། །རིན་ཆེན་རྡོ་རྗེ་སྙིང་པོ་ཆེ། །ས་གཞིའི་སྤྱོད་ཡུལ་མངའ་བ་ལགས། །རིན་ཆེན་བྲག་ལས་བྱུང་བའི་འོད། །རྡོ་རྗེའི་དཀྱིལ་འཁོར་དག་གིས་བརྒྱན། །དེ་བཞིན་གཤེགས་ལ་ལྷུར་དགྱེས་པ། །ཤུགས་དྲག་དཔལ་གྱི་གཞི་རྟེན་ལགས། །
རབ་གསལ་དཔལ་མཛད་གཙང་མ་སྟེ། །ཕྱོགས་བཅུའི་དབང་ཕྱུག་དབང་ཕྱུག་ཆེ། །དེ་ལྟར་རྡོ་རྗེ་འཆང་ཆེན་ལ། །མིང་བརྒྱ་རྩ་བརྒྱད་མཆོག་རྣམས་ཀྱིས། །རྡོ་རྗེ་སེམས་དཔས་བསྟོད་ནས་ནི། །རྡོ་རྗེ་ས་གསུམ་དབང་མཆོག་སྨྲས། །

106-1-120b

ཡོན་ཏན་སྙིང་པོ་ཤེས་རྣམས་ཀྱིས། །མིང་བརྒྱ་རྩ་བརྒྱད་མཆོག་བརྗོད་ཅིང་། །ཉེས་པ་ཟློག་པ་འདི་ལས་གཞན། །ས་ཡི་སྟེང་ན་ངས་མ་མཐོང་། །མིང་བརྒྱ་རྩ་བརྒྱད་དམ་པ་འདི། །ཐམས་ཅད་འགྲུབ་བྱེད་དགའ་བ་སྟེ། །སྡིག་པ་ཐམས་ཅད་
སེལ་བ་དང་། །དྲི་མ་ཀུན་བྲལ་ཡོན་ཏན་ངེས། །དེ་ཕྱིར་བསྒྲིམ་པ་ཐམས་ཅད་ཀྱིས། །ཕུན་སུམ་ཚོགས་པ་འདོད་པའི་མིས། །མིང་བརྒྱ་རྩ་བརྒྱད་དགེ་བ་འདི། །རྟག་ཏུ་ཡང་ནི་བརྗོད་པར་གྱིས། །མིང་བརྒྱ་རྩ་བརྒྱད་དམ་པ་འདི། །
བསམ་པ་ཀུན་དང་འབྱོར་པ་ཡི། །གནས་མཆོག་བླ་ན་མེད་པ་སྟེ། །དཔལ་ཡོན་རྒྱ་ཆེན་སྦྱིན་པ་ཡིན། །ཡིད་ནི་ཤིན་དུ་དང་བ་ཡིས། །ས་ཡི་སྙིང་པོའི་མཚན་གསལ་བ། །འདོད་པ་ཐམས་ཅད་རབ་སྒྲུབ་པའི། །ཡོན་ཏན་
མཆོག་ནི་གང་བརྗོད་དང་། །དཔལ་ཡོན་རྒྱ་ཆེན་འཛིན་པ་ཡི། །མིང་བརྒྱ་རྩ་བརྒྱད་དམ་པ་འདི། །མི་ནི་གང་ཞིག་རྗོད་བྱེད་པ། །སྡུག་བསྔལ་ཀུན་ལས་མྱུར་དུ་འགྲོལ། །འཕགས་པ་སའི་སྙིང་པོའི་མཚན་བརྒྱ་རྩ་བརྒྱད་པ་གཟུངས་
སྔགས་དང་བཅས་པ། རྫོགས་སོ། །སངས་རྒྱས་འཁོར་བརྒྱད་དང་བཅས་པའི་མཚན་བརྒྱ་རྩ་བརྒྱད་པ་གཟུངས་སྔགས་དང་བཅས་པ། རྫོགས་སོ།།  །།སྐར་ཞུས།། ༄༅།  །རྒྱ་གར་སྐད་དུ། ཨཱརྱ་ཨཥྚ་མཎ་ཌ་ལ་ཀ་ནཱ་མ་མ་ཧཱ་ཡཱ་ན་སཱུ་
ཏྲ། བོད་སྐད་དུ། འཕགས་པ་དཀྱིལ་འཁོར་བརྒྱད་པ་ཞེས་བྱ་བ་ཐེག་པ་ཆེན་པོའི་མདོ། སངས་རྒྱས་དང་བྱང་ཆུབ་སེམས་དཔའ་ཐམས་ཅད་ལ་ཕྱག་འཚལ་ལོ། །འདི་སྐད་བདག་གིས་ཐོས་པ་དུས་གཅིག་ན། བཅོམ་ལྡན་འདས་
རི་གྲུ་འཛིན་ན་འཕགས་པ་སྤྱན་རས་གཟིགས་དབང་ཕྱུག་གི་གནས་ན་བྱང་ཆུབ་སེམས་དཔའ་བྱེ་བ་ཁྲག་ཁྲིག་འབུམ་ཕྲག་དུ་མ་དང་ཐབས་གཅིག་ཏུ་བཞུགས་ཏེ། དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་རིན་
ཆེན་སྙིང་པོ་ཟླ་བ་སྣང་བ་ཞེས་བྱ་བ་བྱང་ཆུབ་སེམས་དཔའི་འཁོར་དེ་ཉིད་དུ་འདུས་པར་གྱུར་ནས་འདུག་པ་དེ་སྟན་ལས་ལངས་ནས་ཆོས་གོས་ཕྲག་པ་གཅིག་ཏུ་གཟར་ཏེ། པུས་མོ་གཡས་པའི་ལྷ་ང་ས་ལ་བཙུགས་ནས། བཅོམ་

106-1-121a

འདས་ག་ལ་བ་དེ་ལོགས་སུ་ཐལ་མོ་སྦྱར་བ་བཏུད་དེ། བཅོམ་ལྡན་འདས་ལ་འདི་སྐད་ཅེས་གསོལ་ཏོ། །གལ་ཏེ་ཞུས་ནས་ཞུ་བ་ལུང་བསྟན་པའི་སླད་དུ་བཅོམ་ལྡན་འདས་ཀྱིས་བདག་ལ་སྐབས་ཕྱེ་ན། བཅོམ་ལྡན་འདས་དེ་བཞིན་
གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ལ་བདག་ཕྱོགས་འགའ་ཞིག་ཞུའོ། །དེ་སྐད་ཅེས་གསོལ་པ་དང་། བཅོམ་ལྡན་འདས་ཀྱིས་བྱང་ཆུབ་སེམས་དཔའ་སེམས་དཔའ་ཆེན་པོ་རིན་ཆེན་སྙིང་པོ་ཟླ་བ་སྣང་བ་ལ་
འདི་སྐད་ཅེས་བཀའ་སྩལ་ཏོ། །རིན་ཆེན་སྙིང་པོ་ཟླ་བ་སྣང་བ་ཁྱོད་ཅི་དང་ཅི་འདོད་པ་དྲིས་ཤིག་དང་། ངས་དྲིས་པ་དེ་དང་དེའི་ལུང་བསྟན་པས་ཁྱོད་ཀྱི་སེམས་རངས་པར་བྱའོ། །དེ་སྐད་ཅེས་བཀའ་སྩལ་པ་དང་། བྱང་ཆུབ་སེམས་དཔའ་སེམས་དཔའ་
ཆེན་པོ་རིན་ཆེན་སྙིང་པོ་ཟླ་བ་སྣང་བས། བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས་རིགས་ཀྱི་བུའམ། རིགས་ཀྱི་བུ་མོ་གང་ལ་ལ་ཞིག་དཀྱིལ་འཁོར་བརྒྱད་པ་བགྱིད་པར་འཚལ་ན་དེས་ཇི་ལྟར་བགྱི། བཅོམ་ལྡན་
འདས་ཀྱིས་བཀའ་སྩལ་པ། རིགས་ཀྱི་བུ་ཁྱོད་སྐྱེ་བོ་མང་པོ་ལ་ཤིན་དུ་ཕན་པ་དང་། སྐྱེ་བོ་མང་པོ་ལ་བདེ་བ་དང་། དུས་གསུམ་དུ་སྐྱེས་པའི་སེམས་ཅན་རྣམས་ཀྱི་མཚུངས་པ་མེད་པའི་ཡེ་ཤེས་བསྒྲུབ་པའི་ཕྱིར་རིགས་ཀྱི་བུ་ཁྱོད་སྤོབས་པ་སྐྱེས་པ་ནི་བཟང་སྟེ་
ལེགས་སོ་ལེགས་སོ། །རིགས་ཀྱི་བུ་དེའི་ཕྱིར་སྙིང་པོ་གང་བརྗོད་པ་ཙམ་གྱིས་མཚམས་མེད་པ་ལྔ་འབྱང་ཞིང་དངོས་གྲུབ་ཐམས་ཅད་ཀྱང་ཐོབ་པར་འགྱུར་བ་བྱང་ཆུབ་སེམས་དཔའ་བརྒྱད་ཀྱི་སྙིང་པོ་ཉོན་ཅིག །ཨོཾ་མ་ཧཱ་ཧཱུྃ་མ་ཧཱ་བཱི་ར་སྭཱ་ཧཱ། 
སྙིང་པོ་འདིས་ནི་དབུས་ཀྱི་བཅོམ་ལྡན་འདས་མཆོད་དོ། །ཨོཾ་ཧྲཱི་ཧཱུྃ་པད་མ་པྲི་ཡ་སྭཱ་ཧཱ། འཕགས་པ་སྤྱན་རས་གཟིགས་དབང་ཕྱུག་གི་སྙིང་པོའོ། །ཨོཾ་མེ་ཧཱ་རཱ་ཎ་སྭཱ་ཧཱ། བྱམས་པའི་སྙིང་པོའོ། །ཨོཾ་ཨཱ་ཀཱ་ཤ་གརྦྷ་ཡ་སྭཱ་ཧཱ། ནམ་མཁའི་སྙིང་པོའི་
སྙིང་པོའོ། །ཨོཾ་སྭཱ་ཧྲི་རཱ་ཛ་ཡ་སྭཱ་ཧཱ། ཀུན་དུ་བཟང་པོའི་སྙིང་པོའོ། །ཨོཾ་ཀུ་རུ་བྷ་ན་ར་ཧ་སྭཱ་ཧཱ། ལག་ན་རྡོ་རྗེའི་སྙིང་པོའོ། །ཨོཾ་ཤྲཱི་ཨྃ་རྃ་ག་སྭཱ་ཧཱ། འཇམ་དཔལ་གཞོན་ནུར་གྱུར་པའི་སྙིང་པོའོ། །ཨོཾ་ནི་སྭཱ་རྃ་བྷ་སྭཱ་ཧཱ། སྒྲིབ་པ་ཐམས་ཅད་

106-1-121b

རྣམ་པར་སེལ་བའི་སྙིང་པོའོ། །ཨོཾ་ཀྵི་ཏི་ཧ་རཱ་ཛ་སྭཱ་ཧཱ། སའི་སྙིང་པོའི་སྙིང་པོའོ། །བྱང་ཆུབ་སེམས་དཔའ་བརྒྱད་ཀྱི་སྙིང་པོ་དེ་བཞིན་གཤེགས་པ་དང་ལྡན་པ་འདི་རིགས་ཀྱི་བུའམ། རིགས་ཀྱི་བུ་མོ་གང་ལ་ལ་ཞིག་གིས་དཀྱིལ་འཁོར་
གྱི་མདུན་དུ་ལན་ཅིག་བརྗོད་ན་དེའི་དོན་ཐམས་ཅད་གྲུབ་པར་འགྱུར་ཏེ། མྱུར་དུ་བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་བར་རྫོགས་པར་འཚང་རྒྱ་བར་འགྱུར་རོ། །བཅོམ་ལྡན་འདས་ཀྱིས་དེ་སྐད་ཅེས་བཀའ་
སྩལ་ནས། བྱང་ཆུབ་སེམས་དཔའ་སེམས་དཔའ་ཆེན་པོ་དེ་དག་ཡི་རངས་ཏེ། བཅོམ་ལྡན་འདས་ཀྱིས་གསུངས་པ་ལ་མངོན་བར་བསྟོད་དོ། །འཕགས་པ་དཀྱིལ་འཁོར་བརྒྱད་པ་ཞེས་བྱ་བ་ཐེག་པ་ཆེན་པོའི་མདོ།  རྫོགས་
སོ།། །། རྒྱ་གར་གྱི་མཁན་པོ་ཛི་ན་མི་ཏྲ་དང་། དཱ་ན་ཤཱི་ལ་དང་། ཞུ་ཆེན་གྱི་ལོ་ཙྪ་བ་བན་དེ་ཡེ་ཤེས་སྡེས་བསྒྱུར་ཅིང་ཞུས་ཏེ་སྐད་གསར་ཆད་ཀྱིས་ཀྱང་བཅོས་ནས་གཏན་ལ་ཕབ་པ། སྐར།། ༄༅།  །རྒྱ་གར་སྐད་དུ།  ཨཱརྱ་སརྦ་
ཏ་ཐཱ་ག་ཏ་ཨ་དྷིཥྛཱ་ན་ཧྲི་ད་ཡ་གུ་ཧྱ་དྷཱ་ཏུ་ཀ་རཎ་ཌ་ནཱ་མ་དྷཱ་ར་ཎཱི་མ་ཧཱ་ཡཱ་ན་སཱུ་ཏྲ། བོད་སྐད་དུ།  འཕགས་པ་དེ་བཞིན་གཤེགས་པ་ཐམས་ཅད་ཀྱི་བྱིན་གྱི་བརླབས་ཀྱི་སྙིང་པོ་གསང་བའི་རིང་བསྲེལ་གྱི་ཟ་མ་ཏོག་ཅེས་བྱ་བའི་
གཟུངས་ཐེག་པ་ཆེན་པོའི་མདོ། སངས་རྒྱས་དང་། བྱང་ཆུབ་སེམས་དཔའ་ཐམས་ཅད་ལ་ཕྱག་འཚལ་ལོ། །འདི་སྐད་བདག་གིས་ཐོས་པ་དུས་གཅིག་ན། བཅོམ་ལྡན་འདས་ཡུལ་མ་ག་དྷ་ན་དྲི་མ་མེད་པའི་ཀུན་དགའ་
ར་བ་ན་རིན་པོ་ཆེ་སྣ་བདུན་གྱི་རྫིང་ན། བྱང་ཆུབ་སེམས་དཔའི་དགེ་འདུན་ཆེན་པོ་དང་ཉན་ཐོས་ཀྱི་དགེ་འདུན་ཆེན་པོ་དང་། ལྷ་དང་། ཀླུ་དང་། གནོད་སྦྱིན་དང་། དྲི་ཟ་དང་། ལྷ་མ་ཡིན་དང་། ནམ་མཁའ་ལྡིང་དང་། མིའམ་ཅི་དང་། ལྟོ་འཕྱེ་
ཆེན་པོ་དང་། མི་དང་། མི་མ་ཡིན་པ་བྱེ་བ་མང་པོ་རྣམས་དང་། ཡུལ་གྱི་མི་འབུམ་ཕྲག་དུ་མ་རྣམས་ཀྱིས་ཡོངས་སུ་བསྐོར་ཅིང་མདུན་དུ་བྱས་ནས་ཐབས་གཅིག་ཏུ་བཞུགས་སོ། །དེ་ནས་འཁོར་གྱི་ནང་དེ་ན་བྲམ་ཟེ་ཆེན་པོ་ཤིང་

106-1-122a

ས་ལ་ཆེན་པོ་ལྟ་བུ་མཁས་པ། འཛངས་པ། གསལ་བ། ཡིད་གཞུངས་པ། མཐོང་ན་དགའ་བ། དགེ་བ་བཅུའི་ལས་ཀྱི་ལམ་ཡོངས་སུ་བཟུང་བ་དྲི་མེད་ལེགས་སྣང་ཞེས་བྱ་བ་ཞིག་ཡོད་དེ། དེ་ཡང་གཅིག་ཏུ་དཀོན་མཆོག་
གསུམ་ལ་དད་ཅིང་གུས་ལ་ཕྱག་བྱེད་པའི་དགེ་བའི་བསམ་པ་དང་ལྡན་པ། ཞིབ་མོ་བརྟགས་པ། སེམས་ཅན་ཐམས་ཅད་དང་དགེ་བའི་དོན་ལ་བརྩོན་པ། ནོར་ཆེ་བ། ལོངས་སྤྱོད་ཆེ་བ། ཕྱུག་པ། རྫས་མང་བ། ཡོ་བྱད་ཕུན་
སུམ་ཚོགས་པ་ཡིན་ནོ། །དེ་ནས་བྲམ་ཟེ་ཆེན་པོ་དྲི་མེད་ལེགས་སྣང་བཅོམ་ལྡན་འདས་ག་ལ་དེར་སོང་སྟེ་ཕྱིན་ནས། བཅོམ་ལྡན་འདས་ལ་ལན་བདུན་བསྐོར་བ་བྱས་ནས། བཅོམ་ལྡན་འདས་ལ་མེ་ཏོག་དང་། བདུག་
པས་མངོན་བར་མཆོད་དོ། །ན་བཟའ་རིན་འབུམ་རི་བ་ཡང་གསོལ། བཅོམ་ལྡན་འདས་ལ་མུ་ཏིག་གི་དོ་ཤལ་འབུམ་རི་བ་ཡང་གསོལ་ནས་ཞབས་གཉིས་ལ་མགོ་བོས་ཕྱག་འཚལ་ཏེ། བཅོམ་ལྡན་འདས་ཀྱི་སྤྱན་
སྔར་འདུག་ནས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས་སྲས་ཚོགས་ཀྱི་འཁོར་དང་བཅས་པ་བདག་གི་སྡུམ་པར་གདུགས་ཚོད་ལ་སྤྱན་འདྲེན་ན། དེའི་སླད་དུ་བཅོམ་ལྡན་འདས་ཀྱིས་
གནང་བར་མཛད་པར་ཅི་གནང་། དེ་ནས་བཅོམ་ལྡན་འདས་ཀྱིས་བྲམ་ཟེ་ཆེན་པོ་དྲི་མེད་ལེགས་སྣང་གིས་སྤྱན་དྲངས་པར་ཐུགས་སུ་ཆུད་ནས་ཅང་མི་གསུང་བར་གྱུར་པས་གནང་ངོ་། །དེ་ནས་བྲམ་ཟེ་ཆེན་པོ་དྲི་མེད་ལེགས་སྣང་
བཅོམ་ལྡན་འདས་ཀྱི་སྤྱན་སྔ་ནས་ཅང་མི་གསུང་བས་གནང་བར་རིག་ནས་དེ་རིངས་པ་རིངས་པར་རང་གི་ཁྱིམ་དུ་སོང་སྟེ། དེ་ཉིད་ཀྱི་མཚན་མོ་འདས་པ་དང་། ཞལ་ཟས་དང་། ཡོ་བྱད་དང་། ཞལ་ཟས་རོ་བརྒྱ་པ་མང་པོ་བཤམས་
ནས་བཀོད་པ་ཆེན་པོས་བཀྲ་ཤིས་ཀྱི་གཞལ་མེད་ཁང་ཆེན་པོ་དང་། གཞལ་མེད་ཁང་ཆེན་པོ་སྣ་ཚོགས་དང་། མེ་ཏོག་དང་། བདུག་པ་ཁྱེར་ཏེ།  འཁོར་མང་པོ་དང་། སིལ་སྙན་དང་། ཕེག་རྡོབ་པས་བཅོམ་ལྡན་འདས་ག་ལ་བ་དེར་

106-1-122b

སོང་སྟེ་ཕྱིན་ནས། བཅོམ་ལྡན་འདས་ལ་དུས་ལ་བབ་པར་གསོལ་ཏོ། །དེ་ནས་བཅོམ་ལྡན་འདས་ལ་བྲམ་ཟེ་ཆེན་པོ་དྲི་མེད་ལེགས་སྣང་གིས་འདི་སྐད་ཅེས་གསོལ་ཏོ། །བཅོམ་ལྡན་འདས་འདི་ནི་གཤེགས་པའི་དུས་ལགས་ཏེ། 
བཅོམ་ལྡན་འདས་གཤེགས་པའི་དུས་ཀྱི་ཚོད་ལ་བབ་ན་བདག་ལ་གནང་བར་མཛད་པར་ཅི་གནང་། དེ་ནས་བཅོམ་ལྡན་འདས་ཀྱིས་བྲམ་ཟེ་ཆེན་པོ་དྲི་མེད་ལེགས་སྣང་དབུགས་ཕྱུང་ནས་ཉིད་ཀྱི་འཁོར་ལ་གཟིགས་ཏེ་བཀའ་སྩལ་
པ། འཁོར་ཇི་ལྟར་ལྷགས་པ་ཐམས་ཅད་དེང་དོན་ཆེན་པོ་མཛད་པར་འགྱུར་གྱིས་ཚུར་ཤེག །དེ་ནས་བཅོམ་ལྡན་འདས་གདན་དེ་ལས་བཞེངས་མ་ཐག་ཏུ་བཅོམ་ལྡན་འདས་ཀྱི་སྐུ་ལས་འོད་ཟེར་ཐ་དད་པ་སྣ་ཚོགས་བྱུང་སྟེ། འོད་ཟེར་གྱི་སྣང་བ་
དེས་ཕྱོགས་བཅུའི་སངས་རྒྱས་ཀྱི་ཞིང་ཐམས་ཅད་སྣང་བར་བྱས་ནས་དེ་བཞིན་གཤེགས་པ་ཐམས་ཅད་ལ་ཡང་དག་པར་བསྐུལ་ཏེ་གཟིགས་ནས་གཤེགས་པར་ཤེས་སོ། །དེ་ནས་བྲམ་ཟེ་ཆེན་པོ་དྲི་མེད་ལེགས་སྣང་གིས་མཆོད་པ་དང་། 
བཀུར་སྟི་ཆེན་པོས་མཆོད་ཅིང་བཅོམ་ལྡན་འདས་ཀྱི་གཤེགས་ཤུལ་མཛེས་པ་ཆེར་བྱས་སོ། །འཁོར་མང་པོ་དང་། ལྷ་དང་། ཀླུ་དང་། གནོད་སྦྱིན་དང་། དྲི་ཟ་དང་། ལྷ་མ་ཡིན་དང་། ནམ་མཁའ་ལྡིང་དང་། མི་འམ་ཅི་དང་། ལྟོ་འཕྱེ་ཆེན་པོ་དང་། བརྒྱ་
བྱིན་དང་། ཚངས་པ་དང་། འཇིག་རྟེན་སྐྱོང་བ་དང་། དབང་ཕྱུག་ཆེན་པོ་དང་། སྲེད་མེད་ཀྱི་བུ་དང་། རྒྱལ་པོ་ཆེན་པོ་བཞིས་ཀྱང་གཤེགས་ཤུལ་མཛེས་པར་བྱས་སོ། །དེ་ནས་བཅོམ་ལྡན་འདས་དང་ཧ་ཅང་ཡང་མི་རིང་བའི་ལམ་གྱི་བར་གྱི་ནང་
ཞིག་ན་སྐྱེད་མོས་ཚལ་བདེ་བྱེད་ཅེས་བྱ་བ་ཞིག་ཡོད་དོ། །སྐྱེད་མོས་ཚལ་དེའི་ནང་ན་མཆོད་རྟེན་རྙིང་པ་ཆེན་པོ་ཞིག་ཡོད་དེ། ཞིག་པ་ཚེར་མས་གང་བ། རྩྭ་དང་། ཤིང་དང་། གྱོ་མོས་ཀུན་ཏུ་གང་བ་ཕྱག་དར་གྱི་ཕུང་པོ་ལྟ་བུ་ཞིག་ཡོད་དོ། །
དེ་ནས་བཅོམ་ལྡན་འདས་ཀྱིས་དེའི་དྲུང་དུ་གཤེགས་པ་དང་། མཆོད་རྟེན་རྙིང་པ་ཕྱག་དར་གྱི་ཕུང་པོ་ལྟ་བུ་དེ་ཡང་ཀུན་ནས་འབར་ཞིང་འོད་ཟེར་འབར་བ་ཁ་དོག་སྣ་ཚོགས་པ་དག་བྱུང་ངོ་། །ཕྱག་དར་གྱོ་མོའི་ཕུང་པོ་དེ་ལས་ཀྱང་ལེགས་སོ་

106-1-123a

ཞེས་བྱ་བའི་སྒྲ་བྱུང་ངོ་། །དེ་བཞིན་གཤེགས་པ་ཤཱཀྱ་ཐུབ་པ་ལེགས་སོ་ལེགས་སོ། །དེང་ནི་དེ་བཞིན་གཤེགས་པའི་ལྟས་བཟང་པོའོ། །བྲམ་ཟེ་ཆེན་པོ་དེ་བཞིན་གཤེགས་པ་སྤྱན་དྲངས་པ་ནི་ཡང་ཁྱོད་ལེགས་སོ། །
དེང་ཁྱོད་ལ་དོན་ཆེན་པོ་མཛད་པར་འགྱུར་རོ། །དེ་ནས་བཅོམ་ལྡན་འདས་དེ་བཞིན་གཤེགས་པས་མཆོད་རྟེན་རྙིང་པ་ཕྱག་དར་གྱི་ཕུང་པོ་ལྟ་བུ་དེ་ལ་ཡན་ལག་ལྔས་ཕྱག་མཛད་ནས་ལན་གསུམ་བསྐོར་བ་མཛད་ནས་ཉིད་ཀྱི་སྐུ་ལས་ན་
བཟའ་བསིལ་ནས་མཆོད་རྟེན་རྙིང་བ་ཕྱག་དར་གྱི་ཕུང་པོ་ལྟ་བུ་དེ་ལ་གསོལ་ཏེ། བཅོམ་ལྡན་འདས་ཀྱིས་མཆི་མ་བྱུང་བ་ཆེན་པོ་ཕྱུང་བས་བཤུམས་པ་མཛད་ནས། བཅོམ་ལྡན་འདས་ཀྱིས་འཛུམ་པ་བསྟན་ཏེ། འཛུམ་པ་བསྟན་པ་དེས་
ཕྱོགས་བཅུའི་དེ་བཞིན་གཤེགས་པ་ཐམས་ཅད་ལག་མཐིལ་ན་བཞུགས་པ་བཞིན་དུ་མཐོང་ངོ་། །དེ་བཞིན་གཤེགས་པ་ཐམས་ཅད་ཀྱང་སྤྱན་མཆི་མས་གང་ཞིང་བཞུགས་སོ། །དེ་བཞིན་གཤེགས་པ་དེ་དག་ཐམས་ཅད་ཀྱིས་
ཀྱང་འོད་ཟེར་བཀྱེ་སྟེ། མཆོད་རྟེན་རྙིང་པའི་ཕུང་པོ་ཆེན་པོ་དེར་ཞུགས་སོ། །དེ་ནས་འཁོར་མང་པོ་འདུས་པ་དེ་དག་ཡ་མཚན་ཆེན་པོར་གྱུར་ཅིང་ཡི་ཆད་དེ་འཁོད་པར་གྱུར་ཏོ། །དེ་ནས་གནོད་སྦྱིན་གྱི་སྡེ་དཔོན་ཆེན་པོ་ལག་ན་རྡོ་རྗེ་ལུས་ནི་འདར། 
སྙིང་ནི་འགུལ། རྡོ་རྗེ་ནི་གསོར་ཞིང་།  རིངས་པ་རིངས་པར་བཅོམ་ལྡན་འདས་ག་ལ་བ་དེར་སོང་སྟེ་ཕྱིན་ནས། བཅོམ་ལྡན་འདས་ཀྱི་ཞབས་གཉིས་ལ་མགོ་བོས་ཕྱག་འཚལ་ཏེ། བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་
ལྡན་འདས་བཤུམས་པའི་སྔ་ལྟས་ཆེན་པོ་གདའ་བ་གང་གིས་ན། བཅོམ་ལྡན་འདས་ཀྱི་སྤྱན་མཆི་མས་གང་བ་བསྟན་པའི་སྔ་ལྟས་གདའ་བ་བཅོམ་ལྡན་འདས་ཅི་ལགས། ཅིའི་སླད་དུ་བཅོམ་ལྡན་འདས་ཀྱིས་འཁོར་འདིའི་ནང་དུ་
ཞུ་བ་འདི་སྐབས་དབྱེ་བར་ཅི་གནང་། དེ་ནས་བཅོམ་ལྡན་འདས་ཀྱིས་གནོད་སྦྱིན་གྱི་སྡེ་དཔོན་ཆེན་པོ་ལག་ན་རྡོ་རྗེ་ལ་འདི་སྐད་ཅེས་བཀའ་སྩལ་ཏོ། །ལག་ན་རྡོ་རྗེ་རིང་བསྲེལ་གྱི་ཕུང་པོ་དེ་བཞིན་གཤེགས་པའི་མཆོད་རྟེན་དེ་བཞིན་

106-1-123b

གཤེགས་པ་བྱེ་བ་ཏིལ་གྱི་གང་བུ་སྙེད་ཐམས་ཅད་ཀྱི་སྙིང་པོའི་གཟུངས་ཀྱི་ཕྱག་རྒྱའི་མཆོད་རྟེན་གྱི་ཆོས་ཀྱི་རྣམ་གྲངས་ཡོད་དེ། ལག་ན་རྡོ་རྗེ་ཆོས་ཀྱི་རྣམ་གྲངས་འདི་གང་ན་གནས་པ་དེར་དེ་བཞིན་གཤེགས་པ་འབུམ་ཕྲག་བྱེ་བ་ཏིལ་གྱི་
གང་བུ་སྙེད་གནས་ཤིང་དེ་བཞིན་གཤེགས་པ་ཁར་ཡས་ཁར་ཡས་ཞེས་བྱ་བ་སྙེད་ཀྱི་སྐུ་གདུང་རིང་བསྲེལ་རྣམས་གནས་སོ། །ཆོས་ཀྱི་ཕུང་པོ་བརྒྱད་ཁྲི་བཞི་སྟོང་གནས་སོ། །དེ་བཞིན་གཤེགས་པ་འབུམ་ཕྲག་བྱེ་བ་ཏིལ་གྱི་གང་
བུ་ཇི་སྙེད་པ་དགུ་བཅུ་རྩ་དགུའི་གཙུག་ཏོར་དང་། སྤྱི་བོ་ཡང་དེ་བཞིན་དུ་གནས་སོ། །ལག་ན་རྡོ་རྗེ་གང་ན་ཆོས་ཀྱི་རྣམ་གྲངས་འདི་གནས་པ་དེ་ནི་དེ་བཞིན་གཤེགས་པའི་མཆོད་རྟེན་དུ་ལུང་བསྟན་ཏོ། །ལག་ན་རྡོ་རྗེ་ཆོས་ཀྱི་རྣམ་གྲངས་
འདི་ནི་ཕན་ཡོན་ཆེ་ཞིང་མཐུ་ཆེ་བ་ཡིན་ནོ། །ལག་ན་རྡོ་རྗེ་ཆོས་ཀྱི་རྣམ་གྲངས་འདི་ནི་ཕན་ཡོན་ཆེ་བ་ཡིན་ནོ། །ལག་ན་རྡོ་རྗེ་ཆོས་ཀྱི་རྣམ་གྲངས་འདི་ནི་བཀྲ་ཤིས་ཐམས་ཅད་རྫོགས་པར་བྱེད་པ་ཡིན་ནོ། །དེ་ནས་བཅོམ་ལྡན་འདས་
ལས་འཁོར་མང་པོ་འདུས་པ་དེ་དག་གིས་ཆོས་ཀྱི་རྣམ་གྲངས་འདི་ཐོས་ནས་ཆོས་རྣམས་ལ་ཆོས་ཀྱི་མིག་རྡུལ་མེད་ཅིང་དྲི་མ་དང་བྲལ་ལ་ཉེ་བའི་ཉོན་མོངས་པ་དང་བྲལ་ལོ། །ཁ་ཅིག་གིས་ནི་རྒྱུན་ཏུ་ཞུགས་པའི་འབྲས་བུ་ཐོབ་བོ། །
ཁ་ཅིག་གིས་ནི་དགྲ་བཅོམ་པ་ཉིད་དོ། །ཁ་ཅིག་གིས་ནི་རང་བྱང་ཆུབ་ཀྱི་འབྲས་བུའོ། །ཁ་ཅིག་གིས་ནི་ཕྱིར་མི་འོང་བའི་འབྲས་བུའོ། །ཁ་ཅིག་གིས་ནི་ལན་ཅིག་ཕྱིར་འོང་བའི་འབྲས་བུའོ། །ཁ་ཅིག་གིས་ནི་བྱང་ཆུབ་སེམས་དཔའི་
ས་ལ་གནས་སོ། །ཁ་ཅིག་གིས་ནི་བྱང་ཆུབ་ཏུ་ལུང་བསྟན་པ་ཐོབ་བོ། །ཁ་ཅིག་གིས་ནི་ས་དང་པོའོ། །ཁ་ཅིག་གིས་ནི་ས་གཉིས་པའོ། །ཁ་ཅིག་གིས་ནི་ས་གསུམ་པའོ། །ཁ་ཅིག་གིས་ནི་ས་བཞི་པའོ། །ཁ་ཅིག་གིས་ནི་ས་ལྔ་པའོ། །
ཁ་ཅིག་གིས་ནི་ས་དྲུག་པའོ། །ཁ་ཅིག་གིས་ནི་ས་བདུན་པའོ། །ཁ་ཅིག་གིས་ནི་ས་བརྒྱད་པའོ། །ཁ་ཅིག་གིས་ནི་ས་དགུ་པའོ། །ཁ་ཅིག་གིས་ནི་ས་བཅུ་པ་ལ་གནས་པར་གྱུར་ཏོ། །ཁ་ཅིག་གིས་ནི་ཕ་རོལ་ཏུ་ཕྱིན་པ་དྲུག་ཡོངས་སུ་

106-1-124a

རྫོགས་སོ། །བྲམ་ཟེ་ཆེན་པོ་དེ་ཡང་མངོན་བར་ཤེས་པ་ལྔ་ཐོབ་ཅིང་དྲི་མ་དང་བྲལ་བ་དང་། སེར་སྣ་དང་ཕྲག་དོག་དང་བྲལ་བར་གྱུར་ཏོ། །གནོད་སྦྱིན་གྱི་སྡེ་དཔོན་ཆེན་པོ་ལག་ན་རྡོ་རྗེས་ཆོ་འཕྲུལ་ཆེན་པོ་འདི་ལྟ་བུ་མཐོང་
ནས་ངོ་མཚར་དང་རྨད་དུ་བྱུང་བ་ཆེན་པོར་གྱུར་ཏེ། །བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས་ཆོས་ཀྱི་རྣམ་གྲངས་ཀྱི་མཚན་ཐོས་པས་ཀྱང་ཕན་ཡོན་གྱི་ཡོན་ཏན་གྱིས་བརྒྱན་པ་འདི་ལྟ་བུ་ཐོབ་ན། བཅོམ་ལྡན་
འདས་གང་གི་སླད་དུ།  ཕུ་དུད་དང་། བཀུར་སྟི་དང་།  ཤིན་ཏུ་མང་པོ་བགྱིད་པར་འགྱུར་བལྟ་ཅི་སྨོས་ཏེ། བཅོམ་ལྡན་འདས་དེ་བསོད་ནམས་ཀྱི་ཕུང་པོ་ཇི་ལྟ་བུ་ཡང་མཐོང་བར་འགྱུར། བཅོམ་ལྡན་འདས་ཀྱིས་བཀའ་སྩལ་པ། 
ལག་ན་རྡོ་རྗེ་ཉོན་ཅིག །རིགས་ཀྱི་བུའམ། རིགས་ཀྱི་བུ་མོའམ། དགེ་སློང་ངམ། དགེ་སློང་མའམ། དགེ་བསྙེན་ནམ། དགེ་བསྙེན་མ་གང་ལ་ལས་ཆོས་ཀྱི་རྣམ་གྲངས་འདི་འདྲི་བར་བྱེད་ན། ལག་ན་རྡོ་རྗེ་དེས་དེ་བཞིན་གཤེགས་
པ་འབུམ་ཕྲག་བྱེ་བ་ཁྲག་ཁྲིག་ཏིལ་གྱི་གང་བུ་སྙེད་དགུ་བཅུ་རྩ་དགུའི་བསོད་ནམས་ཀྱི་ཕུང་པོ་དང་། དགེ་བའི་རྩ་བ་བསྐྱེད་པ་དང་ལྡན་པར་འགྱུར་ཞིང་། དེ་བཞིན་གཤེགས་པ་དེ་རྣམས་ཀྱིས་རྗེས་སུ་བཟུང་བར་འགྱུར་རོ། །
གང་ཞིག་ཀློག་པར་བྱེད་པ་དེ་དག་ཀྱང་དེ་བཞིན་གཤེགས་པ་རྣམས་ཀྱིས་གསུངས་པའི་མདོ་སྡེ་རྣམས་བཅངས་པར་འགྱུར་རོ། །གང་ཞིག་ཆོས་ཀྱི་རྣམ་གྲངས་འདི་ལྟ་བུ་འཛིན་པ་དེ་དག་ཕྱོགས་བཅུའི་དེ་བཞིན་གཤེགས་པ་
འབུམ་ཕྲག་བྱེ་བ་ཁྲག་ཁྲིག་ཏིལ་གྱི་གང་བུ་སྙེད་དགུ་བཅུ་རྩ་དགུ་དང་ཕྱོགས་རེ་རེའི་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རྣམས་ཀྱིས་བཟུང་བར་འགྱུར་ཞིང་། ཉིན་གཅིག་བཞིན་གཟིགས་
པར་འགྱུར་རོ། །གང་ཞིག་ཆོས་ཀྱི་རྣམ་གྲངས་འདི་ལ་མཆོད་པ་བྱེད་པ་དང་། ཁོང་དུ་ཆུད་པར་བྱེད་པ་དང་། མེ་ཏོག་དང་། བདུག་པ་དང་། དྲི་དང་། མེ་ཏོག་ཕྲེང་རྒྱུད་དང་། བྱུག་པ་དང་། ན་བཟའ་དང་། རྒྱན་གྱིས་མཆོད་པ་བྱེད་པའི་རིགས་ཀྱི་བུའམ། 

106-1-124b

རིགས་ཀྱི་བུ་མོའམ། དགེ་བསྙེན་ནམ། དགེ་བསྙེན་མ་དེས་ཕྱོགས་བཅུ་དང་། ཕྱོགས་རེ་རེའི་དེ་བཞིན་གཤེགས་པ་འབུམ་ཕྲག་བྱེ་བ་ཁྲག་ཁྲིག་ཏིལ་གྱི་གང་བུ་སྙེད་དགུ་བཅུ་རྩ་དགུ་ལ་ལྷ་རྫས་ཀྱི་མེ་ཏོག་དང་། བདུག་པ་དང་། དྲི་དང་། 
མེ་ཏོག་ཕྲེང་རྒྱུད་དང་། བྱུག་པ་དང་། ན་བཟའ་དང་། ལྷབ་ལྷུབ་དང་། རྒྱན་གྱིས་མཆོད་པར་འགྱུར་རོ། །ཕྱོགས་རེ་རེའི་དེ་བཞིན་གཤེགས་པ་ལ་དེ་བཞིན་གཤེགས་པའི་མཆོད་པའི་སྤྲིན་རིན་པོ་ཆེ་སྣ་བདུན་ལས་བྱས་པའི་རི་རབ་ཆེན་པོ་
ཙམ་གྱི་ཕུང་པོའི་ཡོན་ཏན་འབྱུང་བར་འགྱུར་རོ། །དེ་ནས་ལྷ་དང་། ཀླུ་དང་། གནོད་སྦྱིན་དང་། དྲི་ཟ་དང་། ལྷ་མ་ཡིན་དང་། ནམ་མཁའ་ལྡིང་དང་། མིའམ་ཅི་དང་། ལྟོ་འཕྱེ་ཆེན་པོ་དང་། མི་དང་མི་མ་ཡིན་པ་རྣམས་དང་། སེམས་ཅན་གྱི་
ཚོགས་ཆེན་པོ་དེ་རྣམས་ཀྱང་ཡ་མཚན་དུ་གྱུར་ནས་གཅིག་ལ་གཅིག་འདི་སྐད་དུ་མཆོད་རྟེན་རྙིང་པ་ཕྱག་དར་དང་། གྱོ་མོའི་ཕུང་པོ་དེ་བཞིན་གཤེགས་པའི་བྱིན་གྱི་བརླབས་ཀྱིས་བྱིན་གྱིས་བརླབས་ནས། འདི་ནི་ཆོ་འཕྲུལ་གྱི་ཆོ་འཕྲུལ་ཆེན་པོ་
སྟོན་པས་མཐུ་ཆེ་བ་ཡིན་ནོ་ཞེས་ཟེར་རོ། །དེ་ནས་བཅོམ་ལྡན་འདས་ལ་གནོད་སྦྱིན་གྱི་སྡེ་དཔོན་ཆེན་པོ་ལག་ན་རྡོ་རྗེས་འདི་སྐད་ཅེས་གསོལ་ཏོ། །བཅོམ་ལྡན་འདས་འདི་སུས་ཕྱག་དར་གྱི་ཕུང་པོར་བགྱིས་པ་ལས་རིན་པོ་ཆེའི་
མཆོད་རྟེན་དུ་གདའ་བར་བགྱིས། བཅོམ་ལྡན་འདས་ཀྱིས་བཀའ་སྩལ་པ། ལག་ན་རྡོ་རྗེ་འདི་ཕྱག་དར་གྱི་ཕུང་པོ་མ་ཡིན་གྱི། འདི་ནི་རིན་པོ་ཆེ་སྣ་བདུན་ལས་བྱས་པའི་རིན་པོ་ཆེའི་མཆོད་རྟེན་ཆེན་པོ་ཡིན་ནོ། །ལག་ན་རྡོ་རྗེ་འོན་
ཀྱང་སེམས་ཅན་རྣམས་ཀྱི་ལས་ཀྱི་འབྲས་བུ་རྣམ་པར་སྨིན་པ་སྟོན་པས་ནུབ་པར་འགྱུར་གྱི། སངས་རྒྱས་རྣམས་ཀྱི་དེ་བཞིན་གཤེགས་པའི་རིང་བསྲེལ་གྱི་སྙིང་པོའི་མཆོད་རྟེན་རྣམས་ནི་འཇིག་པའམ། འགྱེས་པར་མི་འགྱུར་
ཏེ། དེ་བཞིན་གཤེགས་པའི་རྡོ་རྗེའི་སྙིང་པོའི་སྐུ་ཇི་ལྟར་འགྱེས་པར་འགྱུར། འོན་ཀྱང་སེམས་ཅན་རྣམས་ཀྱི་ལས་ཀྱི་འབྲས་བུ་རྣམ་པར་སྨིན་པ་སྣང་བ་ལས་ཀྱང་ནུབ་པར་གྱུར་ཏོ། །ལག་ན་རྡོ་རྗེ་གཞན་ཡང་ཕྱི་མའི་དུས་ཕྱི་མའི་ཚེ་སྡིག་པ་

106-1-125a

ཀུན་ཏུ་སྤྱོད་པ་དང་། སྡིག་པ་ཅན་དང་། དམྱལ་བ་ལ་གཞོལ་བ་ཤིན་ཏུ་ཚབས་ཆེར་འབྱུང་བར་འགྱུར། སངས་རྒྱས་མ་ཡིན། ཆོས་མ་ཡིན། དགེ་འདུན་ཚོལ་བ་མ་ཡིན་ཞིང་དགེ་བའི་རྩ་བ་དག་ཀྱང་སྐྱེད་པར་མི་བྱེད་དེ། རྒྱུ་དེ་
དང་རྐྱེན་དེས་དམ་པའི་ཆོས་ནུབ་བོ། །ལག་ན་རྡོ་རྗེ་དེའི་ཕྱིར་ངའི་མིག་གཉིས་མཆི་མས་གང་ལ་དེ་བཞིན་གཤེགས་པ་ཐམས་ཅད་ཀྱང་མཆི་མ་བྱུང་ངོ་། །དམ་པའི་ཆོས་ཀྱི་རྣམ་གྲངས་འདི་ལྟ་བུ་ནི་ནུབ་པར་འགྱུར་གྱིས། དེ་བཞིན་
གཤེགས་པའི་མཆོད་རྟེན་ནི་མ་གཏོགས་ཏེ། དེ་ལ་དེ་བཞིན་གཤེགས་པ་ཐམས་ཅད་ཀྱིས་བྱིན་གྱིས་རློབ་པར་འགྱུར་རོ། །དེ་ནས་བཅོམ་ལྡན་འདས་ལ་གནོད་སྦྱིན་གྱི་སྡེ་དཔོན་ཆེན་པོ་ལག་ན་རྡོ་རྗེས་འདི་སྐད་ཅེས་གསོལ་ཏོ། །བཅོམ་
ལྡན་འདས་གང་ཞིག་ཆོས་ཀྱི་རྣམ་གྲངས་འདི་བྲིས་ཏེ། མཆོད་རྟེན་གྱི་ནང་དུ་འཇོག་ན་དགེ་བའི་རྩ་བ་ཅི་ཞིག་སྐྱེ་བར་འགྱུར། བཅོམ་ལྡན་འདས་ཀྱིས་བཀའ་སྩལ་པ། ལག་ན་རྡོ་རྗེ་གང་ཞིག་ཆོས་ཀྱི་རྣམ་གྲངས་འདི་བྲིས་ཏེ། མཆོད་
རྟེན་གྱི་ནང་དུ་བཞག་པ་དེ་དེ་བཞིན་གཤེགས་པ་ཐམས་ཅད་ཀྱི་རྡོ་རྗེའི་སྙིང་པོའི་རིང་བསྲེལ་གྱི་མཆོད་རྟེན་དུ་འགྱུར་རོ། །དེ་བཞིན་གཤེགས་པ་ཐམས་ཅད་ཀྱི་གཟུངས་ཀྱི་སྙིང་པོ་གསང་བས་བྱིན་གྱིས་བརླབས་པའི་མཆོད་རྟེན་དུ་
འགྱུར་རོ། །དེ་བཞིན་གཤེགས་པ་ཏིལ་གྱི་གང་བུ་སྙེད་དགུ་བཅུ་རྩ་དགུའི་མཆོད་རྟེན་དུ་འགྱུར་རོ། །དེ་བཞིན་གཤེགས་པ་ཐམས་ཅད་ཀྱི་གཙུག་ཏོར་དང་། སྤྱན་གྱི་མཆོད་རྟེན་དུ་བྱིན་གྱིས་བརླབས་པར་འགྱུར་རོ། །གང་ཞིག་
སངས་རྒྱས་ཀྱི་གཟུགས་བརྙན་ནམ། མཆོད་རྟེན་ཐམས་ཅད་ཀྱི་ནང་དུ་འཇོག་པར་བྱེད་ན་དེ་བཞིན་གཤེགས་པའི་གཟུགས་བརྙན་རིན་པོ་ཆེ་སྣ་བདུན་གྱི་རང་བཞིན་དུ་བྱིན་གྱིས་བརླབས་པར་འགྱུར་རོ། །འཁོར་ལོའི་ཕྲེང་
བ་དང་། དྲིལ་བུ་གཡེར་ཀ་དྲ་བར་སྦྲེལ་བ་དང་བཅས་པ་དང་། བཀྲ་ཤིས་དང་ཆར་ཁབ་ཀྱི་གཟུགས་དང་དྲིལ་བུར་བཅས་པ་རིན་པོ་ཆེ་སྣ་བདུན་གྱི་རང་བཞིན་དུ་བྱིན་ཀྱིས་བརླབས་པར་འགྱུར་རོ། །དེ་བཞིན་གཤེགས་པ་ཐམས་

106-1-125b

ཅད་དང་། ཆོས་ཀྱི་རྣམ་གྲངས་འདིའི་མཐུ་དང་། བྱིན་གྱི་བརླབས་དང་། བདེན་པ་དང་། དམ་ཚིག་བྱང་ཆུབ་ཀྱི་སྙིང་པོ་ལ་ཐུག་གི་བར་དུ་བྱིན་གྱིས་བརླབས་པར་འགྱུར་རོ། །སེམས་ཅན་གང་དག་མཆོད་རྟེན་དེ་ལ་ཕུ་དུད་དང་། སྟི་སྟང་བྱེད་
པ་དེ་དག་ངེས་པར་ཕྱིར་མི་ལྡོག་པར་འགྱུར་ཞིང་། བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་བར་རྫོགས་པར་འཚང་རྒྱ་བར་འགྱུར་རོ། །ཕྱག་འཚལ་བ་གཅིག་དང་། བསྐོར་བ་གཅིག་གིས་མནར་མེད་པ་ལ་ཐུག་པ་ལ་
སོགས་པ་རྣམས་ལས་ཡོངས་སུ་ཐར་བར་འགྱུར་ཞིང་། བླ་ན་མེད་པ་ཡང་དག་པར་རྫོགས་པའི་བྱང་ཆུབ་ལས་ཕྱིར་མི་ལྡོག་པར་འགྱུར་རོ། །གནས་གང་ན་མཆོད་རྟེན་ནམ། གཟུགས་བརྙན་འདི་ལྟ་བུ་གནས་པའི་ས་ཕྱོགས་
དེ་ཡང་དེ་བཞིན་གཤེགས་པ་ཐམས་ཅད་ཀྱིས་བྱིན་གྱིས་བརླབས་པར་འགྱུར་རོ། །ཕྱོགས་དེར་ཀླུ་མི་སྲུན་པས་ཀྱང་མི་ཚུགས་པར་འགྱུར། སད་དང་སེར་བས་ཀྱང་མི་ཚུགས་པར་འགྱུར། གནས་དེར་སྲོག་ཆགས་མི་སྲུན་པའམ། 
གདུག་པས་ཀྱང་མི་ཚུགས་པར་འགྱུར། གཅན་ཟན་གྱིས་མི་ཚུགས་པར་འགྱུར། བྱ་མི་སྲུན་པ་དང་། ནེ་ཙོ་དང་། རི་སྐེགས་དང་། བྱི་བ་དང་། སྲེ་མོ་དང་། ཤ་སྦྲང་དང་། སྦྲང་བུ་དང་། བྱེ་བ་དང་། སྦྲང་མ་མཆུ་གསུམ་པ་དང་། 
མཆུ་རིངས་དང་། རྟ་བླ་བའི་འཇིགས་པ་ཡང་མི་འབྱུང་བར་འགྱུར། སྦྲུལ་གདུག་པས་ཚུགས་པར་མི་འགྱུར་རོ། །ཕྱོགས་དེར་ཡམས་ཀྱི་ནད་དང་། ནད་འགོ་བ་དང་། འཁྲུག་པ་ཡང་མི་འབྱུང་བར་འགྱུར། གནོད་སྦྱིན་དང་། 
སྲིན་པོ་དང་། འབྱུང་པོ་དང་། ཡི་དགས་དང་། འདྲེ་དང་། རྗེད་བྱེད་ཀྱི་འཇིགས་པ་ཡང་མི་འབྱུང་བར་འགྱུར། གདོན་ཐམས་ཅད་ཀྱིས་ཀྱང་མི་ཚུགས་པར་འགྱུར། རིམས་ཐམས་ཅད་ཀྱིས་ཀྱང་མི་ཚུགས་པར་འགྱུར། ནད་ཐམས་
ཅད་དང་། འབྲས་དང་། ཕོལ་མིག་དང་། ལྷོག་པ་དང་། མཚན་བར་རྡོལ་བ་དང་། རྐང་ཤུ་དང་། གཡན་པ་དང་། མཛེས་ཀྱང་མི་ཚུགས་པར་འགྱུར་ཞིང་མཆོད་རྟེན་མཐོང་བ་ཙམ་གྱིས་ཐམས་ཅད་འབྱང་བར་འགྱུར་རོ། །ཕྱོགས་དེར་བ་ལང་

106-1-126a

གི་ནད་དང་། ཕྱུགས་ནད་དང་། དུད་འགྲོའི་སྐྱེ་གནས་རྣམ་པ་མང་པོ་གཞན་དག་གི་ནད་དང་། སྐྱེས་པ་དང་། བུད་མེད་དང་། ཁྱེའུ་དང་། བུ་མོའི་ནད་ཀྱིས་ཀྱང་ནམ་ཡང་མི་ཚུགས་པར་འགྱུར། དུས་མ་ཡིན་པར་འཆི་བས་ཀྱང་
དུས་མ་ཡིན་པར་འཆི་བར་མི་འགྱུར། དུག་གིས་མ་ཡིན། མཚོན་གྱིས་མ་ཡིན་ཞིང་། མེ་དང་ཆུས་ཀྱང་ནམ་ཡང་མི་ཚུགས་པར་འགྱུར། ཕ་རོལ་གྱི་དམག་ཚོགས་ཀྱི་འཇིགས་པས་མ་ཡིན། ལོ་ཉེས་ཀྱི་འཇིགས་པས་ཀྱང་ནམ་
ཡང་མི་ཚུགས་པར་འགྱུར། རྒྱལ་པོ་ཆེན་པོའི་དམག་གི་འཇིགས་པ་ཡང་མི་འབྱུང་བར་འགྱུར་རོ། །རྒྱལ་པོ་ཆེན་པོ་བཞི་ཡང་རྟག་ཏུ་རྒྱུན་མི་འཆད་པར་སྲུང་བར་འགྱུར་རོ། ས་ཕྱོགས་དེར་སྲུང་བར་བྱེད། ཡོངས་སུ་སྐྱོང་བར་
བྱེད་དོ། །གནོད་སྦྱིན་གྱི་སྡེ་དཔོན་ཆེན་པོ་ཉི་ཤུ་རྩ་བརྒྱད་པོ་དེ་དག་ཀྱང་རྟག་ཏུ་རྒྱུན་མི་འཆད་པར་སྲུང་བ་དང་། སྐྱོབ་པ་དང་། སྦེད་པ་བྱེད་པར་འགྱུར་རོ། །རྒྱུ་སྐར་ཉི་ཤུ་རྩ་བརྒྱད་དང་། ཟླ་བ་དང་། ཉི་མ་དང་། མཇུག་རིངས་ཆེན་
པོ་ཡང་ཉིན་མཚན་འཐུན་པར་བྱེད་པར་འགྱུར་རོ། །ཀླུའི་རྒྱལ་པོ་ཐམས་ཅད་ཀྱང་རྟག་ཏུ་རྒྱུན་མི་འཆད་པར་མདངས་མི་འཕྲོག་ཅིང་། ལེགས་པ་ཁོ་ནར་ཆར་གྱི་རྒྱུན་འབེབས་པར་འགྱུར་རོ། །ལྷ་ཐམས་ཅད་ཀྱང་
མཆོད་རྟེན་ཆེན་པོ་དེ་ལ་ཕྱག་འཚལ་བ་དང་། བཀུར་སྟི་བྱ་བ་དང་། མཆོད་པ་བྱ་བའི་ཕྱིར་གནས་སུམ་ཅུ་རྩ་གཉིས་ནས་དུས་གསུམ་དུ་འོང་ངོ་། །ཡུལ་ན་གནས་པ་ཐམས་ཅད་ཀྱང་མཆོད་རྟེན་དང་གཟུགས་བརྙན་
དེའི་དྲུང་དུ་དུས་གསུམ་དུ་འོང་ངོ་། །བསྟོད་པར་བྱེད། བསྐོར་བ་བྱེད་པར་འགྱུར་རོ། །ལྷ་རྣམས་ཀྱི་དབང་པོ་བརྒྱ་བྱིན་ཀྱང་ལྷའི་བུ་མོ་དང་། ལྷའི་ཚོགས་རྣམས་དང་ལྷན་ཅིག་ཏུ་རྒྱུན་མི་འཆད་པར་མཆོད་རྟེན་ནམ་གཟུགས་བརྙན་
དེའི་དྲུང་དུ་ཉིན་མཚན་དུས་གསུམ་དུ་འོང་སྟེ། ཕྱག་འཚལ་བ་དང་། མཆོད་པ་ལ་འོང་ངོ་། །དེ་བཞིན་གཤེགས་པ་ཐམས་ཅད་ཀྱང་རྟག་པར་དགོངས་པ་དང་། བྱིན་གྱིས་རློབ་ཅིང་བཞུགས་སོ། །མཆོད་རྟེན་དང་གཟུགས་བརྙན་

106-1-126b

ཇི་ལྟ་ཇི་ལྟ་དུ་ལས་བྱེད་པའི་ས་འམ། རྡོའི་འམ། ཤིང་གིའམ། དངུལ་གྱིའམ། གསེར་གྱིའམ། ཟངས་ཀྱི་བྱེད་པ་དང་། ཆོས་ཀྱི་རྣམ་གྲངས་འདི་ཡང་བྲིས་ཏེ། དེའི་ནང་དུ་བཞག་ན་བཞག་མ་ཐག་ཙམ་གྱིས་རིན་པོ་ཆེ་སྣ་བདུན་
གྱི་རང་བཞིན་དུ་བྱིན་གྱིས་བརླབས་པར་འགྱུར་རོ། །འཕང་དང་། ཐེམ་སྐས་དང་། ཁ་རན་དང་། འཁོར་ལོའི་ཕྲེང་བ་དང་། བཀྲ་ཤིས་དང་། གདུགས་དང་། དྲིལ་བུ་འཕྱང་བ་དང་། བ་དན་དང་། དྲིལ་བུ་གཡེར་ཀའི་དྲ་བ་ཐམས་ཅད་
ཀྱང་རིན་པོ་ཆེ་སྣ་བདུན་གྱི་རང་བཞིན་དུ་འགྱུར་རོ། །ཕྱོགས་བཞི་ཀུན་ན་ཡང་དེ་བཞིན་གཤེགས་པའི་གཟུགས་བརྙན་གནས་པར་འགྱུར་རོ། །དེ་བཞིན་གཤེགས་པ་ཐམས་ཅད་ཀྱི་བྱིན་གྱི་བརླབས་ཀྱིས་བྱིན་གྱིས་བརླབས་
པའི་མཆོད་རྟེན་རིན་པོ་ཆེ་དང་སྐུ་གདུང་གི་སྙིང་པོའི་མཆོད་རྟེན་དང་། མཆོད་གནས་སུ་འགྱུར་རོ། །སྐུ་གཟུགས་དང་མཆོད་རྟེན་དེ་འོག་མིན་གྱི་གནས་ཀྱི་ལྷས་ཀྱང་ཡོངས་སུ་བསྐྱང་བ་དང་། མཆོད་པས་ཡོངས་སུ་གཟུང་བར་འགྱུར་
རོ། །དེ་ནས་བཅོམ་ལྡན་འདས་ལ་གནོད་སྦྱིན་གྱི་སྡེ་དཔོན་ཆེན་པོ་ལག་ན་རྡོ་རྗེས་འདི་སྐད་ཅེས་གསོལ་ཏོ། །བཅོམ་ལྡན་འདས་ཆོས་ཀྱི་རྣམ་གྲངས་འདི་ཡོན་ཏན་གྱི་ཁྱད་པར་འདི་ཇི་ལྟ་བུར་འགྱུར། བཅོམ་ལྡན་འདས་ཀྱིས་
བཀའ་སྩལ་པ། དེ་བཞིན་གཤེགས་པ་ཐམས་ཅད་ཀྱི་བྱིན་གྱི་བརླབས་ཀྱི་སྙིང་པོ་གསང་བ་རིང་བསྲེལ་གྱི་ཟ་མ་ཏོག་གི་ཕྱག་རྒྱའི་གཟུངས་ཡིན་ཏེ། ལག་ན་རྡོ་རྗེ་དེས་ན་མཐུ་འདི་ནི་ཡོན་ཏན་གྱི་ཁྱད་པར་འདི་ལྟ་བུར་བྱིན་
གྱི་བརླབས་ཀྱིས་བྱིན་གྱིས་བརླབས་པ་ཡིན་ནོ། །རྡོ་རྗེ་འཛིན་གྱིས་གསོལ་པ། བཅོམ་ལྡན་འདས་རིན་པོ་ཆེའི་ཟ་མ་ཏོག་གི་ཕྱག་རྒྱའི་གཟུངས་ཀྱི་ཆོས་ཀྱི་རྣམ་གྲངས་བཤད་པར་ཅི་གནང་། བཅོམ་ལྡན་འདས་ཀྱིས་བཀའ་སྩལ་པ། 
ལག་ན་རྡོ་རྗེ་ཉོན་ཅིག །དེ་བཞིན་གཤེགས་པ་འདས་པ་དང་། མ་བྱོན་པ་དང་། ད་ལྟར་བྱུང་བ་དང་། གང་དག་ཡོངས་སུ་མྱ་ངན་ལས་འདས་པའི་སངས་རྒྱས་བཅོམ་ལྡན་འདས་ཐམས་ཅད་ཀྱི་དེ་བཞིན་གཤེགས་པའི་སྐུ་ནི་གསུམ་

106-1-127a

དག་སྟེ། ཆོས་ཀྱི་སྐུ་དང་། ལོངས་སྤྱོད་རྫོགས་པའི་སྐུ་དང་། དེ་བཞིན་དུ་སྤྲུལ་པའི་སྐུ་སྟེ། དུས་གསུམ་པ་ཐམས་ཅད་ཀྱི་རིང་བསྲེལ་གྱི་ཟ་མ་ཏོག་གི་ཕྱག་རྒྱའི་གཟུངས་ཀྱི་ཆོས་ཀྱི་རྣམ་གྲངས་ཡིན་ནོ། །ན་མ་སྟྲཻ་ཡད་དྷི་ཀ་ནཱྃ། སརྦ་ཏ་
ཐཱ་ག་ཏཱ་ནཱྃ།  ཨོཾ་བྷུ་བི་བཱ་བན་བ་ར་བ་ཙ་ཊེ། ཙུ་ལུ་ཙུ་ལུ། དྷ་རེ་དྷ་རེ། སརྦ་ཏ་ཐཱ་ག་ཏཱ་དྷཱ་ཏུ་དྷ་རེ། པད་མཱ་མ་བྷི་ཏི།  ཛ་ཡ་བཱ་རེ། ཨུ་ཙུ་ལ་སྨ་ར་ཏ་ཐཱ་ག་ཏཱ། དྷརྨཱ་ཙཀྲ་པྲ་བར་ཏེ་ན་བཛྲ་བོདྷི་མཎ་ཌ་ཨ་ལྃ་ཀ་ར། ཨ་ལྃ་ཀྲི་ཏི། སརྦ་ཏ་ཐཱ་ག་ཏཱ་ཨ་དྷི་ཥྛི་ཏེ། 
བོ་དྷ་ཡ་བོ་དྷ་ཡ། བོ་དྷ་ནི་བོ་དྷ་ནི། བུད་དྷ་ཡ་བུད་དྷ་ཡ། སྃ་བོ་དྷ་ནི་སྃ་བོ་དྷ་ཡ། ཙ་ལ་ཙ་ལ་ཙ་ལྃ་ཏུ།  སརྦ་ཨ་བ་ར་ཎ་ནི། སརྦ་པཱ་པྃ་བི་ག་ཏེ། ཧུ་རུ་ཧུ་རུ། སརྦ་ཤོ་ཀཱ་བི་ཀ་ཏི། སརྦ་ཏ་ཐཱ་ག་ཏཱ་ཧྲི་ད་ཡ་བཛྲི་ཎི། སྃ་བྷ་བ་སྃ་བྷ་བ། ཏ་ཐཱ་ག་ཏཱ་
གུ་ཧེ་དྷ་ར་ཎི་མུ་དྲཻ།  བུད་དྷེ་སུ་བུད་དྷེ། སརྦ་ཏ་ཐཱ་ག་ཏཱ་ཨ་དྷི་ཏེ་དྷཱ་ཏུ་གར་བྷེ་སྭཱ་ཧཱ། ས་མ་ཡ་ཨ་དྷི་ཏེ་སྭཱ་ཧཱ། སརྦ་ཏ་ཐཱ་ག་ཏཱ་ཧྲི་ད་ཡ་དྷཱ་ཏུ་མུ་དྲཻ་སྭཱ་ཧཱ། སུ་པྲ་ཏི་ཏ་སྟུ་བེ་ཏ་ཐཱ་ག་ཏཱ་ཨ་དྷི་ཏེ་ཧཱུྃ་ཧཱུྃ་སྭཱ་ཧཱ། ཨོཾ་སརྦ་ཏ་ཐཱ་ག་ཏཱ་ཨུཥྞཱི་ཥ་དྷཱ་ཏུ་
མུ་དྲཱ་ཎི། སརྦ་ཏ་ཐཱ་ག་ཏཱ་ན་ས་དྷཱ་ཏུ་བི་བྷུ་ཤི་ཏ་ཨ་དྷི་ཏེ་ཧུ་རུ་ཧུ་རུ། ཧཱུྃ་ཧཱུྃ་སྭཱ་ཧཱ། བཅོམ་ལྡན་འདས་ཀྱིས་རིང་བསྲེལ་གྱི་ཟ་མ་ཏོག་གི་ཕྱག་རྒྱའི་གཟུངས་འདི་བཤད་མ་ཐག་ཏུ་ཕྱོགས་བཅུ་དང་། ཕྱོགས་རེ་རེ་ཀུན་ནས་དེ་བཞིན་
གཤེགས་པ་འབུམ་ཕྲག་བྱེ་བ་ཁྲག་ཁྲིག་ཏིལ་གྱི་གང་བུ་སྙེད་དགུ་བཅུ་རྩ་དགུ་གཤེགས་ནས། བཅོམ་ལྡན་འདས་ཤཱཀྱ་ཐུབ་པ་ལ་ཤཱཀྱ་ཐུབ་པས་སེམས་ཅན་ཐམས་ཅད་ཀྱི་དོན་དུ་འཛམ་བུའི་གླིང་དུ་ཆོས་ཀྱི་རྣམ་གྲངས་འདི་ལྟ་
བུའི་ཆོས་ཀྱི་གཏེར་བཞག་པ་དང་། རིང་བསྲེལ་གྱི་སྙིང་པོའི་མཆོད་རྟེན་བྱིན་གྱིས་བརླབས་པ་ལེགས་སོ་ལེགས་སོ་ཞེས་བྱ་བ་བྱིན་ཏེ། འདི་ནི་དེ་བཞིན་གཤེགས་པ་ཐམས་ཅད་ཀྱི་དམ་ཚིག་དང་བྱིན་གྱི་བརླབས་པ་ཡིན་ནོ། །གང་ན་
རིང་བསྲེལ་གྱི་ཕྱག་རྒྱའི་གཟུངས་འདི་སྟོན་པར་བྱེད་དམ། མཆོད་རྟེན་གྱི་ནང་དུ་འཇོག་གམ། གཟུགས་བརྙན་གྱི་ནང་དུ་འཇོག་པར་བྱེད་པ་དེར་དེ་བཞིན་གཤེགས་པ་ཐམས་ཅད་ཀྱང་གཅིག་ཏུ་རྟག་ཏུ་རྒྱུན་མི་འཆད་པར་རྗེས་སུ་འབྲང་ཞིང་

106-1-127b

བཞུགས་པར་འགྱུར་རོ། །ཐམས་ཅད་དུ་དེ་བཞིན་གཤེགས་པའི་བྱིན་གྱི་བརླབས་ཀྱིས་བྱིན་གྱིས་བརླབས་པར་འགྱུར་རོ། །དེ་ནས་གཟུངས་བཤད་པ་དང་། ཇི་ཙམ་ན་མཆོད་རྟེན་རྙིང་པ་ཕྱག་དར་གྱི་ཕུང་པོ་ལྟ་བུ་དེ་རིན་པོ་ཆེ་སྣ་བདུན་
གྱི་རང་བཞིན་གྱི་མཆོད་རྟེན་དུ་མངོན་པར་འཕགས་ཤིང་། འཕང་དང་། ལེགས་པར་རྣམ་པར་འབྱེས་པ་དང་། འཁོར་ལོའི་ཕྲེང་བ་དང་། བཀྲ་ཤིས་དང་བཅས་པར་གྱུར་ཏོ། །བཅོམ་ལྡན་འདས་དགྱེས་ནས་དེ་སྐད་ཅེས་བཀའ་སྩལ་ནས། བྱང་ཆུབ་
སེམས་དཔའ་སེམས་དཔའ་ཆེན་པོ་ལག་ན་རྡོ་རྗེ་དང་། ལྷ་དང་། ཀླུ་དང་། གནོད་སྦྱིན་དང་། དྲི་ཟ་དང་། ནམ་མཁའ་ལྡིང་དང་། མིའམ་ཅི་དང་། ལྟོ་འཕྱེ་ཆེན་པོ་དེ་དག་དང་། ལྷ་དང་། མིར་བཅས་པའི་འཇིག་རྟེན་བཅོམ་ལྡན་འདས་
ཀྱིས་གསུངས་པ་ལ་ཡི་རངས་ཏེ་མངོན་བར་བསྟོད་དོ། །འཕགས་པ་དེ་བཞིན་གཤེགས་པ་ཐམས་ཅད་ཀྱི་སྙིང་པོ་གསང་བ་རིང་བསྲེལ་གྱི་ཟ་མ་ཏོག་ཅེས་བྱ་བའི་གཟུངས་ཐེག་པ་ཆེན་པོའི་མདོ། རྫོགས་སྷོ།། །།རྒྱ་གར་
གྱི་མཁན་པོ་བིདྱ་ཀ་ར་པྲ་བྷ་དང་། ཞུ་ཆེན་གྱི་ལོ་ཙྪ་བ་བན་དེ་རྩངས་དེ་བེན་དྲ་རཀྵི་ཏས་བསྒྱུར་ཅིང་ཞུས། སྐར་ཞུས།། ༄༅།  །བོད་སྐད་དུ། ཤེས་པས་ཐམས་ཅད་མཐར་ཕྱིན་པར་གྲུབ་པའི་མཆོད་རྟེན་ཞེས་བྱ་བའི་གཟུངས། སྐད་ཤེས་ཐམས་མཐར་གྲུབ་མཆོད་ཞེས་བའི་དཀོན་
མཆོག་གསུམ་ལ་ཕྱག་འཚལ་ལོ། །བཅོམ་ལྡན་འདས་རྡོ་རྗེ་འཛིན་པ་ལ་ཕྱག་འཚལ་ལོ། །བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཆོས་ཐམས་ཅད་ཀྱི་ཚུལ་དང་། འདུལ་བ་དང་། 
རྣམ་པར་འཕྲུལ་བའི་གཟི་བརྗིད་ཀྱི་རྒྱལ་པོ་ལ་ཕྱག་འཚལ་ལོ། །ཕྱག་འཚལ་དུས་གསུམ་སངས་རྒྱས་ལ། ཕྱག་འཚལ་དཀོན་མཆོག་གསུམ་དགེ་ལ། །མི་འཁྲུགས་པ་དང་འོད་དཔག་མེད། །སྤྱན་རས་གཟིགས་ལ་བདག་ཕྱག་
འཚལ། །རིགས་གསུམ་ལ་ཡང་ཕྱག་འཚལ་ལོ། །འདི་སྐད་བདག་གིས་ཐོས་པ་དུས་གཅིག་ན། །བཅོམ་ལྡན་འདས་རྡོ་རྗེ་འཛིན་པ་ཆེན་པོ་རི་རབ་ཆེན་པོ་སྣ་ལྔ་ལས་གྲུབ་པ། གཞི་ཉིད་མཆོད་རྟེན་གྱི་རང་བཞིན་དུ་གནས་པའི་སྟེང་ན། རིན་པོ་ཆེ་སྣ་

106-1-128a

ཚོགས་པའི་ཁང་པ་དང་། ཚད་མེད་པའི་མཆོད་རྟེན་བཞི་དང་། རང་བཞིན་གྱི་མཆོད་རྟེན་ཆེན་པོའི་གནས་ཡིན་པའི་ཕྱིར་རྩེ་མོའི་དབྱིབས་ཀྱང་མཆོད་རྟེན་དུ་གྱུར་པའི་གནས་ན། ལག་ན་རྡོ་རྗེ་དང་། འཇམ་དཔལ་དང་། སྤྱན་རས་
གཟིགས་དང་། བྱམས་པ་ལ་སོགས་པ་ས་བཅུའི་བྱང་ཆུབ་སེམས་དཔའ་རྣམས་དང་། ཚངས་པ་དང་། བརྒྱ་བྱིན་དང་། རྒྱལ་པོ་ཆེན་པོ་བཞི་ལ་སོགས་པ་གཙང་རིས་ཀྱི་མགོན་པོ་རྣམས་དང་ཐབས་ཅིག་ཏུ་བཞུགས་སོ། །
དེ་ནས་བཅོམ་ལྡན་འདས་ཀྱིས་དབུའི་གཙུག་ཏོར་དང་། ཐུགས་ཀའི་དཔལ་བེའུ་ལ་སོགས་པ་རྣམས་ནས་འོད་ཟེར་ཁ་དོག་རྣམ་པ་སྣ་ཚོགས་པ་བྱེ་བ་ཁྲག་ཁྲིག་བརྒྱ་སྟོང་དྲུག་བཅུ་སྙེད་ཅིག་བཀྱེ་སྟེ། སྟོང་གསུམ་གྱི་སྟོང་ཆེན་པོའི་
འཇིག་རྟེན་གྱི་ཁམས་གྲངས་མེད་པ་བསམ་གྱིས་མི་ཁྱབ་ཅིང་བརྗོད་ཀྱིས་མི་ལང་བ་ཐམས་ཅད་འོད་ཟེར་གྱི་སྣང་བ་ཆེན་པོས་ཏིལ་གྱི་གང་བུ་བཞིན་དུ་གང་ཞིང་ཁྱབ་པར་མཛད་པས་མཐའ་ཡས་པའི་སེམས་ཅན་ཐམས་ཅད་ལོང་བ་
རྣམས་ཀྱིས་གཟུགས་མཐོང་བ་དང་། འོན་པ་རྣམས་ཀྱིས་སྒྲ་ཐོས་པ་དང་། དིག་པ་རྣམས་སྨྲ་ཤེས་པ་དང་། ཐེང་པོ་རྣམས་དང་། ཞ་བོ་རྣམས་འགྲོ་ཞིང་ཡན་ལག་རངས་པ་དང་། ནད་པ་རྣམས་ནད་དང་བྲལ་བ་དང་། དམྱལ་བ་རྣམས་
ཚེ་ཕྲི་ནས་རིམས་ཀྱིས་སྡུག་བསྔལ་ལས་ཐར་བ་དང་། གཞན་ཡང་འགྲོ་བ་སེམས་ཅན་རྣམས་རིམ་གྱིས་དྲན་པ་རྙེད་པར་བྱས་ནས། ནམ་མཁའི་ཁམས་ཐམས་ཅད་ཡིད་ཀྱི་མཆོད་རྟེན་ཆོས་ཀྱི་སྐུས་གང་ཞིང་རྒྱས་པར་བྱས་ཏེ། འོད་
ཟེར་དེ་དག་སླར་བཅོམ་ལྡན་འདས་ཀྱི་དབུའི་གཙུག་ཏུ་འདུས་པ་ལས་ཆོས་ཀྱི་སྐུའི་གཟུགས་བརྙན་དུ་གྱུར་ཏོ། །དེ་ནས་ལག་ན་རྡོ་རྗེ་ལ་སོགས་པའི་འཁོར་རྣམས་ངོ་མཚར་དུ་གྱུར་ནས་བཅོམ་ལྡན་འདས་ལ་བླ་རེ་དང་། རྒྱལ་མཚན་དང་། 
འཕན་དང་། གདུགས་དང་། རྔ་ཡབ་དང་། དྲིལ་བུ་དང་། དར་སྤྱང་དང་། སྤོས་དང་། མེ་ཏོག་དང་། ཕྲེང་བ་དང་། བྱུག་པ་དང་། མར་མེ་དང་། བཤོས་དང་། རོལ་མོ་ལ་སོགས་པའི་མཆོད་པ་རྣམས་ཀྱིས་མཆོད་ནས་བཅོམ་ལྡན་འདས་ལ་འདི་

106-1-128b

སྐད་ཅེས་གསོལ་ཏོ། །བཅོམ་ལྡན་འདས་འགྲོ་བའི་མགོན་པོ་ཐུགས་རྗེ་ཆེན་པོ་དང་ལྡན་པས་མཆོད་རྟེན་བྱིན་གྱིས་བརླབ་པའི་ཆོ་ག་རིག་པ་ཆེན་མོ་བི་མ་ལ་ཨུཥྞཱི་ཥའི་གཟུངས་བཤད་དུ་གསོལ། བཅོམ་ལྡན་འདས་ཀྱིས་
བཀའ་སྩལ་པ། མཆོད་རྟེན་བྱིན་གྱིས་བརླབ་པའི་ཆོ་ག་རིག་པ་ཆེན་མོ་བི་མ་ལ་ཨུཥྞཱི་ཥའི་གཟུངས་འདི་ནི་རིགས་ཀྱི་བུའམ། རིགས་ཀྱི་བུ་མོ་གང་ལ་ལ་ཞིག་གིས་འཛིན་ཏམ། འཆང་ངམ། བྲིས་སམ། ཀློག་གམ། མིང་ཉན་པར་
བྱེད་ན། དེ་མཚམས་མེད་པ་ལྔ་དང་མི་དགེ་བ་བཅུ་དང་། སྡིག་པའི་ལས་ཅི་བྱས་པ་ཐམས་ཅད་མ་ལུས་པར་བྱང་བར་འགྱུར་རོ། །བི་མ་ལ་ཨུཥྞཱི་ཥའི་རིག་པ་ཆེན་མོའི་མཆོད་རྟེན་བྱིན་གྱིས་བརླབ་པའི་ཆོ་ག་འདིའོ། །ཨོཾ་སྟྲཻ་ཡད་དྷེ་
སརྦ་ཏ་ཐཱ་ག་ཏཱ་ཧྲི་ད་ཡ་གརྦྷེ། ཛྭ་ལ་དྷརྨ་དྷཱ་ཏུ་གརྦྷེ། སྃ་ཧ་ར་ན་ཨ་ཡུ་སྃ་ཤོ་དྷཱ་ཡ། པ་པྃ་སརྦ་ཏ་ཐཱ་ག་ཏཱ་ས་མན་ཏ་ཨུཥྞཱི་ཥ་བི་མན་ཏོ་བི་ཤུད་དྷེ་སྭཱ་ཧཱ། རིག་པ་ཆེན་མོ་འདི་གསུངས་མ་ཐག་ཏུ་འཇིག་རྟེན་གྱི་ཁམས་ཐམས་ཅད་
མཆོད་རྟེན་གྱི་རང་བཞིན་དུ་འགྱུར་རོ། །རིག་པ་ཆེན་མོ་འདི་གྲོ་གའམ། རས་སམ། ཤིང་ཤུན་ལ་བྲིས་ཏེ་རྒྱལ་མཚན་གྱི་རྩེ་མོ་ལ་བཏགས་ན།  ལྷ་དང་མི་ལ་སོགས་པ་ཐམས་ཅད་ཀྱིས་མཆོད་ཅིང་ཕྱག་བྱ་བ་དང་། བཀུར་སྟིར་བྱ་བའི་
འོས་སུ་འགྱུར་བ་དང་། རིག་པ་ཆེན་མོ་འདི་ལུས་སམ། མགུལ་དུ་ཐོགས་ན། དེ་ལྷ་དང་། མི་དང་། མི་མ་ཡིན་པ་ལ་སོགས་པ་རྣམས་ཀྱིས་སངས་རྒྱས་ཉིད་དུ་བལྟ་བར་འགྱུར་རོ། །བདག་ཉིད་རི་བྲག་གམ། ཚལ་ལམ། དགོན་པའམ། 
ས་ཕྱོགས་གང་དུ་འགྲོ་བའི་ཚེ་རིག་པ་ཆེན་མོ་འདི་བརྗོད་ན་རི་དང་ས་ཕྱོགས་ཐམས་ཅད་མཆོད་རྟེན་དང་འདྲ་བར་འགྱུར་རོ། །ཏྲཻ་ཡད་དྷེ་སརྦ་ཏ་ཐཱ་ག་ཏཱ་ཧྲི་ད་ཡ་གར་བྷེ། ཛྭ་ལ་དྷརྨ་དྷཱ་ཏུ་གར་བྷེ། སྃ་ཧ་ར་ཎ་ཨ་ཡུ་སྃ་ཤོ་དྷ་ཡ། པཱ་པྃ་སརྦ་
ཏ་ཐཱ་ག་ཏཱ་ས་མན་ཏ་ཨུཥྞཱི་ཥ་བི་མ་ལ་བི་ཤུ། མ་ཧཱ་བེ་ར་ཛེ་ར་གྃ་བི་ར་སི། དྷརྨ་དྷཱ་ཏུ་གར་བྷེ། བི་བི་ས་ར་ཨ་ཨ་ལྃ་སྭཱ་ཧཱ་ཞེས་བརྗོད་ན། ས་གཞི་ཐམས་ཅད་ཀྱང་མཆོད་རྟེན་གྱི་རང་བཞིན་དུ་འགྱུར་རོ། །བདག་ཉིད་ཆུའམ། ཆུ་བོའམ། མཚོའམ། 

106-1-129a

རྒྱ་མཚོ་ལ་སོགས་པ་གང་ལས་རྒལ་བ་ན་ཡང་རིག་པ་ཆེན་མོའི་སྔགས་འདིས་བཏབ་ན་ཆུ་དེ་ཐམས་ཅད་ཀྱང་མཆོད་རྟེན་གྱི་རང་བཞིན་དུ་འགྱུར་རོ། །ཏྲཻ་ཡད་དྷེ་སརྦ་ཏ་ཐཱ་ག་ཏཱ་ཧྲི་ད་ཡ་གར་བྷེ། ཛྭ་ལ་དྷརྨ་དྷཱ་ཏུ་གར་བྷེ། སྃ་ཧ་ར་ན་
ཨ་ཡུ་སྃ་ཤོ་དྷ་ཡ། པཱ་པྃ་སརྦ་ཏ་ཐཱ་ག་ཏཱ་ས་མན་ཏཱ།   བི་མ་ལ་ཨུཥྞཱི་ཥ་བི་ཤུད་དྷ།   མ་ཧཱ་བེ་ར་ཙེ་ར་གྃ་བི་ར་སི་དྷརྨ་དྷཱ་ཏུ་བི་བི་ས་ར་ཨ་མ་མ་ཀི་སྭཱ་ཧཱ་ཞེས་བརྗོད་ན། ཆུ་ཐམས་ཅད་ཀྱང་མཆོད་རྟེན་གྱི་རང་བཞིན་དུ་འགྱུར་རོ། །
གཞན་ཡང་བདག་ཉིད་ཀྱིས་ནམ་མཁའ་གང་ནས་གང་ཁྱབ་པར་རིག་པ་ཆེན་མོའི་སྔགས་འདི་བཏབ་ན། ནམ་མཁའ་ཐམས་ཅད་ཀྱང་མཆོད་རྟེན་གྱི་རང་བཞིན་ཏུ་འགྱུར་རོ། །ཨོཾ་སྟྲཻ་ཡད་དྷེ་སརྦ་ཏ་ཐཱ་ག་ཏཱ་ཧྲི་ད་ཡ་གར་བྟེ། 
ཛྭ་ལ་དྷརྨ་དྷཱ་ཏུ་གར་བྷེ།   སྃ་ཧ་ར་ཎ་ཨཱ་ཡུ་སྃ་ཤོ་དྷ་ཡ། པཱ་པྃ་སརྦ་ཏ་ཐཱ་ག་ཏཱ་ས་མན་ཏོ། བི་མ་ལ་ཨུཥྞཱི་ཥ་བི་ཤུད་དྷེ། མ་ཧཱ་བེ་ར་ཙེ་ར་གྃ་བི་ར་སི་དྷརྨ་དྷཱ་ཏུ་བི་བི་ས་ར་ཨ་ཨ་ཨེ་ཁྃ་ཡ་སྭཱ་ཧཱ་ཞེས་བརྗོད་ན། ནམ་མཁའི་ཁམས་ཐམས་ཅད་
མཆོད་རྟེན་གྱི་རང་བཞིན་དུ་འགྱུར་ཏེ། ཕྱག་བྱ་བ་དང་། བསྐོར་བ་བྱ་བ་དང་། མཆོད་པ་བྱ་བའི་འོས་སུ་འགྱུར་རོ། །བི་མ་ལ་ཨུཥྞཱི་ཥའི་གཟུངས་འདི་བཟླས་ཏེ།  འབྱུང་བ་ཆེན་པོ་ལྔ་པོ་གང་ལ་ཡང་མཆོད་རྟེན་བཏབ་ན་ཉོན་མོངས་པ་
དང་། སྒྲིབ་པ་ཐམས་ཅད་དག་པར་འགྱུར་རོ། །གཞན་ཡང་ས་དང་། ཤིང་དང་། རྡོ་དང་། འཇིམ་པ་དང་། འབི་འབི་གང་ཡང་རུང་བ་ལ་རིག་པའི་སྔགས་འདིས་བཏབ་སྟེ། མཆོད་རྟེན་བཏབ་ན་རིན་པོ་ཆེ་སྣ་ཚོགས་ཀྱི་མཆོད་རྟེན་གྱི་
རྒྱུར་འགྱུར་ཏེ། ཨོཾ་རད་ན་ཙེ་ཏེ་པན་ཙ་ཡེ་བི་བི་ས་ར་སྭཱ་ཧཱ་ཞེས་བརྗོད་ནས་བའི་ལྕི་བ་ལ་སོགས་པས་བྱུགས་ན་ཐམས་ཅད་རིན་པོ་ཆེའི་མཆོད་རྟེན་གྱི་རྒྱུར་འགྱུར་རོ། །རིག་པ་ཆེན་མོའི་སྔགས་འདི་མ་བཏབ་ན། གང་ཞིག་གསེར་
དང་། དངུལ་དང་། བཻ་དཱུརྱ་ལ་སོགས་པ་རིན་པོ་ཆེ་སྣ་བདུན་ལས་མཆོད་རྟེན་བཞེངས་སུ་གསོལ་ཡང་རྡོ་དང་། ཤིང་དང་། ཁམ་པ་དང་འདྲ་བར་འགྱུར་རོ། །དེ་ཅིའི་ཕྱིར་ཞེ་ན། དེ་ནི་འདི་ཉིད་རྫས་ཀྱི་རང་བཞིན་ལས་སྙིང་པོ་དང་གསང་སྔགས་

106-1-129b

བྱིན་གྱི་བརླབས་མ་བཞུགས་པའི་ཕྱིར་རོ། །རིག་པ་ཆེན་མོ་འདིས་བྱིན་གྱིས་བརླབས་ཏེ་བཏབ་ན། འབྱུང་བ་ཆེན་པོ་གང་ལ་མཆོད་རྟེན་བཏབ་ཀྱང་བསྐལ་པ་དཔག་ཏུ་མེད་པ་ཐམས་ཅད་ཀྱི་སྒྲིབ་པའི་དྲི་མ་དག་ནས། ཁྱིམ་
བདག་གི་རིགས་ཤིང་ས་ལ་ཆེན་པོ་ལྟ་བུར་སྐྱེས་ནས་ཕྱིར་མི་ལྡོག་པའི་ས་ཐོབ་པར་འགྱུར་རོ། །རིག་པ་ཆེན་མོ་འདིས་བྱིན་གྱིས་བརླབས་ཏེ། རྡོ་དང་།   ཤིང་ལེབ་ལ་སོགས་པ་ལ་མཆོད་རྟེན་བཏབ་ན། དེ་གདོན་མི་ཟ་བར་བྲམ་
ཟེའི་རིགས་ཤིང་ས་ལ་ཆེན་པོ་ལྟ་བུར་སྐྱེས་ནས་ས་བཅུ་རིམ་གྱིས་བགྲོད་དེ། བཅུ་གཅིག་ཀུན་དུ་འོད་ཀྱི་ས་ཐོབ་པར་འགྱུར་རོ། །རིག་པ་ཆེན་མོ་འདིས་བྱིན་གྱིས་བརླབས་ཏེ། གསེར་དང་། དངུལ་དང་། བཻ་དཱུརྱ་ལ་སོགས་
པ་ལ་མཆོད་རྟེན་བཏབ་ན། དེ་གདོན་མི་ཟ་བར་རྒྱལ་རིགས་ཤིང་ས་ལ་ཆེན་པོ་ལྟ་བུར་སྐྱེས་ནས་རྡོ་རྗེ་འཛིན་པའི་ས་ཐོབ་པར་འགྱུར་རོ། །གཞན་ཡང་རིག་པ་ཆེན་མོའི་སྔགས་འདིས་བཏབ་ན་མཆོད་རྟེན་གཅིག་བཏབ་ན་ཡང་
བྱེ་བ་བཏབ་པར་འགྱུར་རོ། །རིག་པ་ཆེན་མོ་འདིས་མ་བཏབ་ན་བྱེ་བ་བཏབ་ཀྱང་གཅིག་དང་འདྲ་བར་འགྱུར་རོ། །དེ་ཅིའི་ཕྱིར་ཞེ་ན། གོང་མ་བཞིན་ནོ། །རིག་པ་ཆེན་མོ་དེའི་སྔགས་ནི་འདི་ཡིན་ཏེ། ཏདྱ་ཐཱ། སཱུཀྵྨེ། སཱུཀྵྨེ། 
ས་མེ་ས་མ་ཡེ། ཤན་ཏེ་དཱན་ཏེ། ནིར་གུ་ལེ། ཡ་ཤོ་ཏེ་ཙོ། སརྦ་བུད་དྷ།  ཨ་དྷིཥྛཱ་ན་ཨ་དྷི་ཏེ། ཨ་ནུ་མི་དེ་སྭཱ་ཧཱ། འདིའི་ཆོ་ག་ནི་འདི་ཡིན་ཏེ། འཇིམ་པའི་གོང་བུ་ལ་ལན་ཉི་ཤུ་རྩ་གཅིག་བཟླས་བརྗོད་བྱས་ཏེ། མཆོད་
རྟེན་གཅིག་བཏབ་ན་བྱ་བ་བཏབ་པར་འགྱུར་རོ། །བརྒྱ་བཏབ་པའི་གྲངས་དང་ཕན་ཡོན་ནི་འཕགས་པ་ཉན་ཐོས་ཀྱི་དགྲ་བཅོམ་པ་རྣམས་ཀྱིས་ཀྱང་བརྗོད་པར་མི་ནུས་སོ། །སྟོང་བཏབ་པའི་གྲངས་དང་ཕན་ཡོན་ནི་
བྱང་ཆུབ་སེམས་དཔའ་རྣམས་ཀྱིས་ཀྱང་བརྗོད་པར་མི་ནུས་སོ། །ཁྲི་བཏབ་པའི་གྲངས་དང་ཕན་ཡོན་ནི་དེ་བཞིན་གཤེགས་པ་རྣམས་ཀྱིས་ཀྱང་བརྗོད་པར་མི་ནུས་སོ། །འབུམ་བཏབ་པའི་གྲངས་དང་ཕན་ཡོན་ནི་ཕྱོགས་

106-1-130a

བཅུ་དུས་གསུམ་གྱི་དེ་བཞིན་གཤེགས་པ་རྣམས་ཀྱིས་ཀྱང་བརྗོད་པར་མི་ནུས་སོ། །དེ་བས་ན་མཆོད་པའི་རྟེན་ལྔ་མན་ཆད་གདབ་པའི་མཆོད་པའི་ཆོ་གར་བྱ་བ་ནི་ཐོག་མར་མཆོད་རྟེན་བརྩིག་པའི་གནས་སམ། 
མཆོད་རྟེན་གྱི་འཇིམ་པའི་གནས་སམ། མཆོད་རྟེན་གྱི་འཇིམ་པའི་གནས་གང་ནས་བླངས་པའི་གནས་དེར་ས་བདག་གིས་བྱིན་གྱིས་བརླབ་ཅིང་ས་ལ་གནས་པའི་གདོན་བགེགས་བསམ་སྦྱོར་ངན་པ་མཆོད་རྟེན་དང་། 
དགེ་བ་ལ་བར་ཆད་བྱེད་པ་རྣམས་མཚམས་གཅད་པར་བྱ་སྟེ། ཐིག་སྐུད་ལ་རིག་པ་ཆེན་པོའི་སྔགས་འདིས་གདབ་སྟེ། ཨོཾ་བཛྲ་སུ་ཏྲ་ཧཱུྃ་ཕཊ་ཅེས་བརྗོད་ནས་ཐིག་སྐུད་དེ་ཉིད་རྡོ་རྗེའི་སྐུད་པར་དམིགས་ནས་མཆོད་རྟེན་གྱི་ས་ཁྱོན་
ཇི་ཙམ་རན་པ་དང་འཇིམ་པའི་ས་ཁྱོན་ཇི་ཙམ་རན་པ་ཐིག་གིས་ས་བཅད། དེ་བཞིན་དུ་ས་བཅད་ན་ས་གཞི་དེ་ཉིད་མཆོད་རྟེན་གྱི་རྒྱུ་རིན་པོ་ཆེ་རྣམ་པ་སྣ་ཚོགས་པ་དང་འདྲ་བར་འགྱུར་རོ། །དེ་ནས་ས་དེ་ཉིད་ལ་སེང་ལྡེང་གི་ཕུར་བུ་སོར་
བརྒྱད་པ་ལ་རིག་པ་ཆེན་མོའི་སྔགས་འདི་གདབ་པར་བྱ་སྟེ། ཨོཾ་བཛྲ་ཀཱི་ལི་ཀཱི་ལ་ཡ་སརྦ་དུཥྚ་ན་ཧཱུྃ་ཕཊ།  ཅེས་བྱ་བ་འདི་ལན་བདུན་བཟླས་ཏེ། རྡོ་རྗེ་ཕུར་བུར་དམིགས་ཏེ་དབུས་དང་གྲྭ་བཞིར་གདབ་བོ། །དེ་བཞིན་དུ་བཏབ་ན་མི་དང་མི་མ་
ཡིན་པ་ལས་བསྲུང་བར་འགྱུར་རོ། །སྔོན་གྱི་ལས་ཀྱི་རྣམ་པར་སྨིན་པ་ནི་མ་གཏོགས་སོ། །སེང་ལྡེང་གི་ཕུར་བུ་ནི་མཆོད་རྟེན་གྱི་འཇིམ་པའི་ས་ཇི་ཙམ་དགོས་པ་མ་བླངས་ཀྱི་བར་དུ་མི་དབྱུང་བར་གཞག་གོ། །དེ་ནས་ཏིལ་དང་ཡུངས་
ཀར་ལ་རིག་པ་ཆེན་མོའི་སྔགས་འདི་བརྗོད་པར་བྱ་སྟེ། ཨོཾ་ཨ་མྲི་ཏེ་ཧ་ན་ཧ་ན་ཧཱུྃ་ཕཊ་ཅེས་ལན་བདུན་བཟླས་ཏེ། སའི་ཕྱོགས་སུ་གཏོར་བས་སའི་ཕྱོགས་དེ་ཉིད་ཀྱང་དེ་བཞིན་གཤེགས་པའི་བཞུགས་གནས་དཔག་ཏུ་
མེད་པར་འགྱུར། དེ་ལྟར་ས་གཞི་དེ་བཞིན་གཤེགས་པའི་བཞུགས་གནས་སུ་བྱིན་གྱིས་བརླབ་ཏེ། བགེགས་ཀྱི་བསམ་སྦྱོར་ངན་པ་ལས་མཚམས་བཅད་དེ། སྤོས་དང་། མེ་ཏོག་དང་། གཏོར་མ་ལ་སོགས་པ་རྣམས་ཀྱིས་

106-1-130b

ཀྱང་ས་ཕྱོགས་དེ་ན་གནས་པའི་ལྷ་དང་། ཀླུ་དང་། ལྷ་མ་ཡིན་ལ་སོགས་པ་རྣམས་ལ་མཆོད་ཅིང་བསྔོས་ཏེ། བི་མ་ལ་ཨུཥྞཱི་ཥའི་གཟུངས་འདི་བཀླགས་ན། ས་ཕྱོགས་དེ་ཡང་ཤིན་དུ་བཀྲ་ཤིས་ཤིང་བྱིན་ཆགས་པར་འགྱུར་རོ། །
དེ་ནས་མཆོད་རྟེན་གྱི་འཇིམ་པའི་ས་བརྐོ་བའི་ཚེ་རིག་པ་ཆེན་མོའི་སྔགས་འདི་བཟླས་ཏེ་བརྐོ་བར་བྱའོ། །ཨོཾ་བཛྲ་ཁ་ན་ཁ་ན་ཧཱུྃ་ཕཊ།  ཅེས་བཟླས་ཤིང་ས་གཞི་དེ་ཉིད་རིན་པོ་ཆེ་སྣ་ལྔར་གྱུར་པར་དམིགས་ཏེ་བརྐོས་ན། དེ་བཞིན་གཤེགས་
པའི་སྐུ་རྣམ་པར་དག་པའི་རྒྱུར་འགྱུར་རོ། །དེ་ནས་ས་གཙང་མ་བླངས་པ་དེ་དག་གནས་གཙང་མ་གཅིག་ཏུ་བཞག་ནས་ས་བརྡུང་བའི་ཆོ་ག་ནི་ཐོ་བ་ལ་བདུད་རྩི་འཁྱིལ་པའི་ཕྱག་རྒྱ་རྡོ་རྗེ་རྩེ་གསུམ་པས་མནན་ཏེ། རིག་པ་ཆེན་མོའི་
སྔགས་འདིས་བཏབ་སྟེ་བརྡུང་ངོ་། །བཛྲ་མུང་ཀ་ར་ཨ་ཀོ་ཊ་ཡ་ཨ་ཀོ་ཊ་ཡ་ཧཱུྃ་ཕཊ་ཅེས་ལན་བདུན་བཟླས་ཏེ། རྡོ་རྗེའི་ཐོ་བར་དམིགས་ཤིང་བརྡུངས་ན་ཉོན་མོངས་པ་དང་། བག་ཆགས་ཐམས་ཅད་མ་ལུས་པར་བྱང་ཞིང་བཅོམ་པར་འགྱུར་
རོ། །དེ་ནས་འཇིམ་པ་བརྫི་བ་ནི་སྤོས་ཆབ་ལ་བདུད་རྩི་འཁྱིལ་པའི་ཕྱག་རྒྱས་གཏུགས་ཏེ། སྤོས་ཆུ་དེའི་ནང་དུ་ཡང་ཆོས་ཉིད་ཀྱི་ཡི་གེ་ཨ་ཞེས་བྱ་བ་དཀར་པོ་ལས་ཟླ་བའི་དཀྱིལ་འཁོར་འོད་དང་བཅས་པར་དམིགས་ཏེ། ཟླ་བའི་
དཀྱིལ་འཁོར་གྱི་འོད་ཟེར་ཆེན་པོ་དེས་སྤོས་ཆུ་དེ་ཁྱབ་པར་གྱུར་ནས། སྤོས་ཆུ་ཉིད་བདུད་རྩིའི་རང་བཞིན་དུ་གྱུར་པར་དམིགས་ནས་རིག་པ་ཆེན་མོའི་སྔགས་འདི་བརྗོད་པར་བྱའོ། །ཨོཾ་ཨ་མྲི་ཏེ་ཧཱུྃ་ཕཊ།  ཅེས་བྱ་བ་ལན་བདུན་བཟླས་ཏེ་
བྱིན་གྱིས་བརླབས་པས། དེ་ཉིད་ཀྱང་བདུད་རྩི་ཆེན་པོའི་ཆུ་རྒྱུན་དང་འདྲ་བར་འགྱུར་རོ། །དེ་ནས་འཇིམ་པ་བརྫི་བའི་སྔགས་ཆེན་མོ་འདི་བརྗོད་པར་བྱའོ། །ཨོཾ་བཛྲ་བྲ་མརྟ་ན་ཡ་ཧཱུྃ་ཕཊ་ཅེས་ལན་བདུན་བརྗོད་དེ། འཇིམ་པ་དེ་ཉིད་དེ་བཞིན་
གཤེགས་པའི་སྐུར་འགྱུར་རོ། །དེ་ནས་འཇིམ་པ་དེ་ཉིད་དེ་བཞིན་གཤེགས་པའི་སྐུ་བསམ་གྱིས་མི་ཁྱབ་པར་བྱིན་གྱིས་བརླབ་པ་ནི་འཇིམ་པ་དེ་ཉིད་ལ་བདུད་རྩི་འཁྱིལ་པའི་ཕྱག་རྒྱ་བཅིངས་ཏེ། རིག་པ་ཆེན་མོའི་གཟུངས་འདི་བརྗོད་

106-1-131a

པར་བྱའོ། །ན་མོ་རད་ན་ཏྲ་ཡཱ་ཡ། ཏདྱ་ཐཱ། སཱུཀྵྨེ། སཱུཀྵྨེ། ཤན་ཏེ་ཤན་ཏེ། དན་ཏེ་དན་ཏེ། ནི་ར་ཀུ་ལེ། ཡ་ཤེ་ཡ་ཤེ། བ་ཏི་ཏེ་ཙོ་ཤུད་དྷེ་བི་ཤུད་དྷེ། སརྦ་ཏ་ཐཱ་ག་ཏཱ། ཨ་དྷིཥྛཱ་ན། ཨ་དྷི་ཏེ། ཨ་ན་མོ་ཏེ་ཧི་ཏེ་སྭཱ་ཧཱ་ཞེས་བདག་
ཉིད་ཀྱིས་རིག་པ་ཆེན་མོ་འདི་ལན་བདུན་གསུམ་ཉི་ཤུ་རྩ་གཅིག་བཟླས་ཏེ། རིག་པ་ཆེན་མོའི་སྔགས་འདིས་བྱིན་གྱིས་བརླབས་ན་འཇིམ་པ་ཉིད་ལས་ཡེ་ཤེས་ཀྱི་འོད་ཟེར་སྣ་ལྔ་ཕྱོགས་བཅུར་འཕོས་པར་འགྱུར་རོ། །ཕྱོགས་
བཅུར་འཕྲོས་ནས་ཀྱང་སེམས་ཅན་ཐམས་ཅད་ཀྱི་དོན་ཇི་ལྟར་འདུལ་བར་བྱས་པར་འགྱུར་རོ། །འོད་ཟེར་དེ་དག་སླར་འདུས་པས་ཀྱང་འཇིམ་པ་ཉིད་རིན་པོ་ཆེ་སྣ་ལྔའི་རང་བཞིན་དུ་གྱུར་ནས། དེ་བཞིན་གཤེགས་པའི་སྐུ་བསམ་
གྱིས་མི་ཁྱབ་པའི་རྒྱུ་རྐྱེན་དང་ལྡན་པར་འགྱུར་རོ། །དེ་ལྟར་ཡིད་ཀྱིས་ཀྱང་དམིགས་སོ། །དེ་ནས་འབི་འབི་བྱེད་པའི་ཚེ་རིག་པ་ཆེན་མོ་འདི་བརྗོད་པར་བྱ་སྟེ། ཨོཾ་བཛྲ་ཨ་ཡུ་ཤེ་སྭཱ་ཧཱ་ཞེས་ལན་བདུན་བཟླས་ཏེ། བྱིན་གྱིས་
བརླབས་ན། འབི་འབི་ཉིད་ལས་ཡེ་ཤེས་ཀྱི་འོད་ཟེར་གྱི་སྤྲིན་གྱིས་ཕྱོགས་བཅུའི་འཇིག་རྟེན་གྱི་ཁམས་མཐའ་ཡས་པར་འཕྲོས་ཤིང་ཁྱབ་སྟེ། འགྲོ་བ་མང་པོའི་དོན་བྱེད་པར་འགྱུར་རོ། །འོད་ཟེར་གྱི་སྤྲིན་ཕུང་དེ་དག་སླར་
འབི་འབིའི་ནང་དུ་འདུས་པས་ཀྱང་དེ་ཉིད་ཡེ་ཤེས་རིན་པོ་ཆེའི་རང་བཞིན་ཤེལ་སྒོང་ལྟར་ཡོངས་སུ་དག་པར་འགྱུར་རོ། །དེ་བཞིན་དུ་ཡིད་ཀྱིས་ཀྱང་དམིགས་སོ། །དེ་ནས་འབི་འབི་ནང་དུ་བི་མ་ལ་ཨུཥྞཱི་ཥའི་སྙིང་པོ་མུ་དྲའི་
ཕྱག་རྒྱར་བྱས་པའམ། གྲོ་གའམ། རས་སམ། ཤོག་ཤོག་གམ། ཤིང་ཤུན་ལ་སྔགས་བྲིས་པ་དང་། དེའི་ནང་དུ་རིགས་ལྔ་སོ་སོའི་སྙིང་པོ། ཨོཾ་ཧཱུྃ་ཏྲྃ་ཧྲིྃ་ཨཿ། དེ་རྣམས་ཕྲུགས་སུ་སྦྱར་ཏེ། མུ་དྲའི་ཕྱག་རྒྱར་བྱས་པའམ། 
ཡི་གེར་བྲིས་པའམ། གང་ཡང་རུང་སྟེ་ནང་དུ་སྩལ་ན། དེ་བཞིན་གཤེགས་པའི་ཐུགས་ཡེ་ཤེས་དང་ལྡན་པར་འགྱུར་རོ། །ནང་དུ་སྩོལ་བའི་ཚེ་རིག་པའི་སྔགས་འདི་བརྗོད་པར་བྱའོ། །ཨོཾ་བཛྲ་གར་བྷེ་སྭཱ་ཧཱ་ཞེས་བྱ་བ་བཟླས་ན་དེ་

106-1-131b

བཞིན་གཤེགས་པ་ཐམས་ཅད་ཀྱི་ཐུགས་ཡེ་ཤེས་དེའི་ནང་དུ་འདུས་ཤིང་ཞུགས་པར་འགྱུར་རོ། །ཡིད་ཀྱིས་ཀྱང་དམིགས་སོ། །དེ་ནས་ཙེ་ཏྱའི་ཕོར་བུའི་ནང་དུ་ཡུངས་ཀར་རམ། ཏིལ་མར་གྱིས་བསྐུ་བའི་སྔགས་རིག་པ་
ཆེན་མོ་འདི་བརྗོད་པར་བྱའོ། །ཨོཾ་ཨ་ར་ཛེ་བ་རི་ཛེ་སྭཱ་ཧཱ་ཞེས་ལན་གསུམ་བཟླས་ཤིང་བྱིན་གྱིས་བརླབས་ན་དེ་ཉིད་ཐབས་དང་ཤེས་རབ་འབྲེལ་བ་ལས་ཆོས་ཀྱི་དབྱིངས་ཉིད་ཀྱི་མཆོད་རྟེན་དུ་འགྱུར་རོ། །དེ་བཞིན་དུ་ཡིད་ཀྱིས་ཀྱང་
དམིགས་སོ། །དེ་ནས་མཆོད་རྟེན་འདེབས་པའི་ཚེ་རིག་པ་ཆེན་མོ་འདི་བརྗོད་པར་བྱའོ། །ཨོཾ་བཛྲ་མུད་ཀ་ར་ཨ་ཀོ་ཊ་ཡ་ཨ་ཀོ་ཊ་ཡ་ཧཱུྃ་ཕཊ། ཅེས་བཟླས་ཤིང་མཆོད་རྟེན་བཏབ་ན་དབྱིངས་དང་ཡེ་ཤེས་གཉིས་སུ་མེད་པར་འབྲེལ་བ་
ལས་ཆོས་ཀྱི་སྐུའི་མཆོད་རྟེན་དུ་འགྱུར་རོ། །དེ་ནས་བི་མ་ལ་ཨུཥྞཱི་ཥའི་སྙིང་པོ་གོང་ནས་བྱུང་བས་ཀྱང་མཆོད་རྟེན་བཏབ་ན་དབྱིངས་དང་ཡེ་ཤེས་གཉིས་སུ་མེད་པར་འབྲེལ་བ་ལས་ཆོས་ཀྱི་སྐུའི་མཆོད་རྟེན་འབྱམ་ཀླས་པར་
འགྱུར་རོ། །དེ་ནས་མཆོད་རྟེན་ཕོར་བུའི་ནང་ནས་འབྱུང་བའི་རིག་པ་ཆེན་མོའི་སྔགས་འདི་བརྗོད་ལ་དབྱུང་ངོ་། །ཨོཾ་དྷརྨ་དྷཱ་ཏུ་ཡེ་སྭཱ་ཧཱ། དྷརྨ་དྷཱ་ཏུ་གར་བྷེ་སྭཱ་ཧཱ་ཞེས་ལན་བདུན་བཟླས་ཏེ་མཆོད་རྟེན་ཕྱུང་ན་ཐབས་དང་ཤེས་རབ་
གཉིས་སུ་མེད་པར་འབྲེལ་བ་ལས་མཆོད་རྟེན་ཆོས་ཀྱི་སྐུ་འབྱམ་ཀླས་པ་འབྱུང་སྟེ། འགྲོ་བ་སེམས་ཅན་ཐམས་ཅད་ཀྱི་དོན་འཁོར་བ་མ་སྟོངས་ཀྱི་བར་དུ་ཕུན་སུམ་ཚོགས་པར་མཛད་པར་འགྱུར་རོ། །དེ་བཞིན་དུ་ཡིད་ཀྱིས་ཀྱང་
དམིགས་སོ། །དེ་ནས་མཆོད་རྟེན་སྣོད་ནས་ཕྱུང་བ་ལ་འཁོར་ལོ་གཟུགས་པའི་རིག་པ་ཆེན་མོའི་སྔགས་འདི་བརྗོད་པར་བྱའོ། །ཨོཾ་པྲ་མ་ན་ཡེ་སྭཱ་ཧཱ་ཞེས་བཟླས་ནས་འཁོར་ལོ་བཙུགས་ན་རིན་པོ་ཆེའི་གདུགས་དང་། རིན་པོ་ཆེའི་
ཏོག་དང་། རིན་པོ་ཆེའི་རྒྱལ་མཚན་དང་། རིན་པོ་ཆེའི་ཤར་བུ་དང་། དར་གྱི་ལྷབ་ལྷུབ་ལ་སོགས་པ་རྣམས་ཀྱིས་བརྒྱན་ཏེ། མྱ་ངན་ལས་འདས་པའི་ཡོན་ཏན་སྣ་ཚོགས་ཀྱིས་བརྒྱན་ཏེ། འགྲོ་བའི་དོན་ཡིད་བཞིན་དུ་མཛད་པར་འགྱུར་རོ། །

106-1-132a

དེ་བཞིན་དུ་ཡིད་ཀྱིས་ཀྱང་དམིགས་སོ། །དེ་ནས་མཆོད་རྟེན་ན་བཟའ་གསོལ་བའི་ཚེ་རིག་པ་ཆེན་མོ་འདི་བཟླས་ལ་གསོལ་ཏོ། །ཨོཾ་དྷརྨ་དྷཱ་ཏུ་སྭ་བྷཱ་བ་བི་ཤུད་དྷེ་དྷརྨ་ཏེ་སྭཱ་ཧཱ་ཞེས་ལན་མང་དུ་བཟླས་ཏེ་བཏབ་ན་ཆོས་ཀྱི་དབྱིངས་
རྣམ་པར་དག་པའི་དོན་དང་ལྡན་པར་འགྱུར་རོ། །དེ་ནས་མཆོད་རྟེན་བཏབ་པའི་དཀྱིལ་འཁོར་མཆོད་རྟེན་ལྟར་བཏབ་ནས་དཀྱིལ་འཁོར་ཡང་ཕྱོགས་བཞི་དབུས་དང་ལྔར་བྲི་བར་བྱའོ། །དེ་བཞིན་དུ་མཆོད་རྟེན་གྱི་གྲངས་བརྒྱའམ། སྟོང་ངམ། 
གང་བཏབ་པ་དེའི་གྲངས་དང་མཆོད་རྟེན་གྱི་ཤོང་ཚད་ཀྱི་དཀྱིལ་འཁོར་གྱི་རེའུ་མིག་རྡོའི་སྟེགས་བུ་བརྩིགས་པ་ནི་སའམ། རྡོའམ། ཤིང་ལ་སོགས་པ་ལ་དཀྱིལ་འཁོར་གྲུ་བཞིར་བགྱིས་ཏེ། འོག་གི་ཁྲི་ཡང་སེང་གེའི་ཁྲིའམ། རིན་
པོ་ཆེའི་ཁྲིའམ། པད་མའི་ཁྲི་སྟེགས་སུ་བྱས་ལ། དེའི་སྟེང་དུ་འགོ་མ་ཡེང་དང་། སྤོས་ཆུས་ཆག་ཆག་བཏབ་སྟེ། དབུས་དང་ཕྱོགས་བཞིར་མཆོད་རྟེན་བཞུགས་པའི་ས་ཀུན་དུ་གུར་གུམ་དང་། ཙན་དན་གྱི་ཆུས་ཟླུམ་པོར་བསྐུས་
ལ། སྲད་བུས་ཐིག་བཏབ་ལ་དཀྱིལ་འཁོར་བྲི་བར་བྱ་སྟེ། དཀྱིལ་འཁོར་བྲི་བ་ཡང་མཆོད་རྟེན་ལྔར་བཏབ་ན་དཀྱིལ་འཁོར་གྱི་ཕྱོགས་བཞི་དབུས་དང་ལྔར་བྲི་བར་བྱའོ། །དེ་བཞིན་དུ་མཆོད་རྟེན་གྱི་གྲངས་བརྒྱའམ། སྟོང་གང་བཏབ་
པ་དེའི་གྲངས་ཀྱི་མཆོད་རྟེན་ཤོང་ཚད་ཀྱི་དཀྱིལ་འཁོར་རེའུ་མིག་རྡོ་རྗེ་དྲ་བའི་ཐིག་གིས་ས་གཅད་པར་བྱའོ། །མཆོད་རྟེན་གཞག་པའི་ས་གཞི་ཐམས་ཅད་པད་མ་འདབ་མ་བརྒྱད་པར་བྲི་བར་བྱའོ། །དེ་ནས་མཆོད་རྟེན་གྱི་དཀྱིལ་འཁོར་
དུ་བཞུགས་པའི་ཚེ་རིག་པ་ཆེན་མོའི་སྔགས་འདི་བརྗོད་ལ་བཞུགས་སུ་གསོལ་ལོ། །ཨོཾ་སུ་པྲ་ཏིཥྛ་སྟུ་བེ་སྭཱ་ཧཱ་ཞེས་ལན་གསུམ་བཟླས་ཏེ་མཆོད་རྟེན་བཞག་ན་བདག་དང་གཞན་གྱི་དོན་ཕུན་སུམ་ཚོགས་པར་སྤྱོད་པར་འགྱུར་
རོ། །དེ་ནས་མཆོད་རྟེན་དགོད་པའི་རིམ་པ་ནི་དང་པོ་དབུས་སུ་དགོད། དེ་ནས་ཤར་དུ་དགོད། དེ་ནས་ལྷོར་དགོད། དེ་ནས་ནུབ་ཏུ་དགོད། དེ་ནས་བྱང་གི་བར་དུ་རིམ་པ་བཞིན་དུ་དགོད་པར་བྱའོ། །དགོད་པའི་ཚེ་རིག་པ་ཆེན་མོའི་

106-1-132b

སྔགས་འདི་བརྗོད་པར་བྱའོ། །ཨོཾ་བཛྲ་པད་མ་ས་ཡ་ཡེ་སྭཱ་ཧཱ་ཞེས་ལན་གསུམ་དུ་བཟླས་ལ་རྡོ་རྗེ་དང་པད་མའི་གདན་ལ་བཞུགས་སུ་གསོལ་ཞེས་བྱས་ལ། ས་གཞི་དང་། ནམ་མཁའི་ཁམས་དང་རྒྱ་མཚོའི་མཛིངས་ཐམས་ཅད་མཆོད་
རྟེན་གྱི་གང་བར་ཡིད་ཀྱིས་ཀྱང་དམིགས་སོ། །གཞན་ཡང་མཆོད་རྟེན་རེ་རེ་བཏབ་ནས་ཐལ་བྱུང་དཀྱིལ་འཁོར་སྟེང་དུ་བཞུགས་ལ། སྤོས་དང་།  མེ་ཏོག་ལ་སོགས་པ་མཆོད་པ་རྣམ་པ་ལྔས་མཆོད་ཅིང་བཞུགས་སུ་གསོལ། 
མཆོད་རྟེན་གྱི་ཁ་དོག་ལ་སོགས་པ་བསྐུ་བ་ནི་ཞི་བའི་དཀར་པོ། རྒྱས་པའི་སེར་པོ། དབང་དམར་པོ། བསྲུང་བའི་ལྗང་ཁུར་དམིགས་ཏེ། ན་བཟའ་ཡང་དེ་དེ་བཞིན་དུ་གསོལ་ལ་ཡིད་ཀྱིས་ཀྱང་དེ་བཞིན་དུ་དམིགས་སོ། །དེ་ནས་
མཆོད་རྟེན་གྱི་དཀྱིལ་འཁོར་བྱིན་གྱིས་བརླབ་པར་བྱ་སྟེ། དཀྱིལ་འཁོར་གྱི་སྟེང་དུ་ཡི་གེ་རྃ་དམར་པོ་གནས་པ་ལས་རིག་པ་ཆེན་མོའི་སྔགས་འདི་བརྗོད་པར་བྱ་སྟེ། ཧཱུྃ་རྃ་སྭཱ་ཧཱ་ཞེས་ལན་གསུམ་བཟླས་པས་དེ་ཉིད་ཡེ་ཤེས་ཀྱི་
མི་དཔུང་ཆེན་པོར་རབ་ཏུ་འབར་ནས་གནས་དེ་དག་གི་རྟོག་པ་རྣམ་པར་སྦྱངས་ཏེ། དཀྱིལ་འཁོར་གྱི་གཞི་དེ་ཉིད་རིན་པོ་ཆེ་སྣ་ལྔ་ལས་གྲུབ་པའི་དཀྱིལ་འཁོར་དུ་འགྱུར་རོ། །དེ་བཞིན་དུ་ཡིད་ཀྱིས་ཀྱང་དམིགས་སོ། །དེ་ནས་
དཀྱིལ་འཁོར་ལེའུ་ཚེ་ལྔའམ། བརྒྱའམ། སྟོང་ངམ། གང་བྲིས་པའི་དབུས་རྣམས་སུ་ཡི་གེ་ཨ་དཀར་པོ་གནས་པ་ལས་རིག་པ་ཆེན་པོའི་སྔགས་འདི་བརྗོད་པར་བྱ་སྟེ། ཨོཾ་ཨ་ཙན་དྲེ་མཎ་ཌ་ལ་ཧཱུྃ་ཕཊ།   ཅེས་གྲངས་
ཇི་ཙམ་རན་པར་བཟླས་ན་མཆོད་རྟེན་གྱི་གདན་ཟླ་བའི་དཀྱིལ་འཁོར་རེ་རེར་འགྱུར་རོ། །དེ་བཞིན་དུ་ཡིད་ཀྱིས་ཀྱང་དམིགས་སོ། །དེ་ནས་མཆོད་རྟེན་གྱི་ཆོ་ག་མཛད་པའི་ཚེ་ཁ་ཤར་ནུབ་གང་བདེར་བལྟས་ལ། བདག་ཉིད་རྡོ་རྗེ་འཛིན་
པའི་སྐུ་ཕྱག་རྒྱ་ཆེན་པོར་ཏིང་ངེ་འཛིན་གྱིས་བསྒྱུར་ཏེ། སྙིང་ཀར་ཟླ་བའི་དཀྱིལ་འཁོར་གྱི་སྟེང་དུ་རྡོ་རྗེ་རྩ་ལྔ་པ་ཡེ་ཤེས་ཀྱི་འོད་དཔུང་འཕྲོ་བ་གནས་པར་བྱས་ལ། སྐུ་དང་བ་སྤུའི་གསེབ་ཐམས་ཅད་ནས་ཀྱང་ཡེ་ཤེས་ཀྱི་འོད་ཟེར་དང་། 

106-1-133a

སངས་རྒྱས་ཀྱི་དཀྱིལ་འཁོར་དང་བཅས་པའི་སྤྲིན་ཕུང་བཞིན་དུ་མཐར་འབྱམ་ཀླས་པར་འཕྲོས་ཤིང་སེམས་ཅན་གྱི་ཁམས་ཐམས་ཅད་དུ་བྱིན་གྱིས་བརླབས་ཤིང་དོན་མཛད་ནས་སླར་སྐུའི་ནང་དུ་ཐིམ་པར་འགྱུར་ཏེ། དེ་བཞིན་
དུ་ཡིད་ཀྱིས་ཀྱང་དམིགས་སོ། །དེ་ནས་མཆོད་རྟེན་གྱི་གཞལ་ཡས་ཁང་བསྐྱེད་པ་ནི་མཆོད་རྟེན་དཀྱིལ་འཁོར་དུ་བཞག་པ་ལ་རྡོ་རྗེ་དབྱིངས་མའི་ཕྱག་རྒྱ་བཅིངས་ནས་མཆོད་རྟེན་གྱི་སྟེང་དུ་རེག་པར་བྱས་ལ། རིག་པ་ཆེན་མོའི་སྔགས་
འདི་བརྗོད་པར་བྱའོ། །ཨོཾ་བཛྲ་དྷཱ་ཏུ་ཨ་དྷི་ཏིཥྛ་ཧཱུྃ་ཞེས་བཟླས་ཏེ་བྱིན་གྱིས་བརླབས་པས་རིན་པོ་ཆེ་སྣ་ཚོགས་ཀྱི་གཞལ་མེད་ཁང་གི་གནས་ཁང་གི་ནང་ན་རིན་པོ་ཆེའི་ས་གཞི་དང་། ཆོས་ཀྱི་དབྱིངས་ཀྱི་དཀྱིལ་འཁོར་གྱི་སྟེང་ན་
ཟླ་བའི་གདན་གྱི་དབུས་ན་མཆོད་རྟེན་བཞུགས་པར་འགྱུར་རོ། །དེ་བཞིན་དུ་ཡིད་ཀྱིས་ཀྱང་དམིགས་སོ། །དེ་ལྟར་དུ་མཆོད་རྟེན་རེ་རེ་བཏབ་སྟེ།  བཞག་ནས་དེ་ལ་མཆོད་པའི་རྣམ་པས་མཆོད་ནས་ནི་སེང་གེའི་རྒྱལ་མཚན་དང་། 
འབྲས་ཆེན་དང་། སྤྱན་གཟིགས་སྣ་ཚོགས་དང་འདྲ་ཞིང་དགོད་པ་དང་། བླ་རེ་དང་། འཕན་དང་། གདུགས་དང་། ཕྲེང་བ་དང་། བདུག་པ་དང་། མར་མེ་དང་། སྤོས་དང་། མཆོད་པའི་རྣམ་པ་རྣམས་རྣམ་པར་དག་པར་སྦྱང་བའི་རིག་པ་
ཆེན་མོ་འདི་བརྗོད་པར་བྱའོ། །ཨོཾ་སརྦ་པཱུ་ཛ་པུཥྤེ་སྭཱ་ཧཱ་ཞེས་བཟླས་ཏེ་བྱིན་གྱིས་བརླབས་པས་ཀུན་དུ་བཟང་པོའི་མཆོད་པའི་སྤྲིན་ཕུང་ཕུན་སུམ་ཚོགས་པས་རྣམ་པར་འཁྲིགས་ཤིང་ཆར་གྱི་རྒྱུན་བཞིན་དུ་འབབ་པར་འགྱུར་རོ། །
དེ་བཞིན་དུ་ཡིད་ཀྱིས་ཀྱང་དམིགས་སོ། །མཆོད་རྟེན་མཆོད་པ་རྣམ་པ་ལྔ་པོ་ཆ་ཆ་རེ་རེས་མཆོད་ཅིང་། ཡོན་དུ་དར་རུ་ཆུང་དང་། འཕན་ལ་སོགས་པའི་བླ་རེ་དང་། གདུགས་བུ་ཆུང་ཡང་རུང་སྟེ་རེ་རེ་དབུལ་ལོ། །དེ་ལྟར་ཆོ་ག་བཞིན་
དུ་བཏབ་པ་ལགས་ན་དགོངས་བརྒྱུད་ཀྱི་ཏིང་ངེ་འཛིན་གསལ་བར་བྱ་བ་ནི་མཆོད་རྟེན་གྱི་ཕྱོགས་བཞི་དབུས་དང་ལྔར་རིགས་ལྔའི་སངས་རྒྱས་སྐུ་མདོག་དང་། རྒྱན་དང་། ཆ་ལུགས་དང་། འཁོར་ཕུན་སུམ་ཚོགས་པ་ཚུལ་བཞིན་དུ་

106-1-133b

དགོངས་ཏེ་དམིགས་པར་བྱའོ། །ཡེ་ཤེས་ལྔ་ལས་གྲུབ་པའི་མཆོད་རྟེན་དེ་ཡང་རང་བཞིན་གྱིས་རྣམ་པར་དག་ཅིང་གསལ་བ་དེ་དག་བུམ་པའི་དབུས་སུ་བི་མ་ལ་ཨུཥྞཱི་ཥའི་གཟུངས་ཀྱི་སྙིང་པོ་དང་། རིགས་ལྔ་སོ་སོའི་སྙིང་པོ་འབྲུ་
རེ་ལ་ཁ་དོག་གསེར་བཙོ་མ་བཞིན་དུ་དང་ཞིང་འཚེར་བ་ཅིག་ཏུ་དམིགས་ལ། དེ་དག་ལས་ཡེ་ཤེས་ཀྱི་འོད་ཟེར་སྣ་ཚོགས་འབྱམ་ཀླས་པར་རིགས་ལྔ་ཕྱོགས་བཅུ་འཕྲོས་པ་ལས་དེ་བཞིན་གཤེགས་པའི་སྐུའི་སྤྲིན་གྱིས་ནམ་མཁའི་
མཐས་ཀླས་ཤིང་ཆོས་ཀྱི་དབྱིངས་ཀྱི་མུར་ཐུག་པར་བརྒྱན་ཅིང་གྲུབ་པར་གྱུར་ནས་འཇིག་རྟེན་གྱི་ཁམས་ཐམས་ཅད་བྱིན་གྱིས་བརླབས་ཏེ། འགྲོ་བ་ཐམས་ཅད་ཀྱི་དོན་འདི་མཛད་ཅིང་རེ་བ་བཀང་ནས་སླར་འདུས་ཏེ། དེ་ཉིད་ཀྱི་དབུའི་
གཙུག་དང་།  ཐུགས་ཀར་ཕོག་འཕྲིན་ལས་ཀྱི་སྒྲིབ་པ་ལ་སོགས་པ་རྣམ་པར་དག་སྟེ། སྐུ་དང་། གསུང་དང་། ཐུགས་རྡོ་རྗེ་ཉིད་དུ་གྱུར་པར་དམིགས་ལ། དུང་ཕོར་གྱི་ནང་སྤོས་ཆབ་དང་། དྲི་སྣ་ཚོགས་སྦྱར་བའི་ཨརྒས་གསོལ་ཏོ། །
ཨརྒའི་ཕྱག་རྒྱ་བཅིངས་ལ་དེའི་སྟེང་དུ་དུང་ཕོར་བཞག་ལ་སྤོས་ཆུའི་ནང་དུ་ཨ་དཀར་པོ་ལས་ཟླ་བའི་དཀྱིལ་འཁོར་དུ་གྱུར་པའི་འོད་ཟེར་གྱིས་སྤོས་ཆུ་ཉིད་ཡེ་ཤེས་ཀྱི་བདུད་རྩིའི་རང་བཞིན་དུ་གྱུར་པར་དགོངས་ཤིང་དམིགས་ཏེ། མཆོད་
པ་དབུལ་བའི་རིག་པ་ཆེན་མོ་འདི་བརྗོད་པར་བྱའོ། །ཨོཾ་ཨ་མྲི་ཏེ་ཨརྒྃ་པྲ་ཏཱིཙྪ་སྭཱ་ཧཱ།  ཞེས་བཟླས་ནས་དབུའི་སྤྱི་བོར་ལན་གསུམ་དུ་བདུགས་ཤིང་སྦྲེངས་ཏེ་ཕུལ་བས། འཕགས་པ་ཐམས་ཅད་མཉེས་པར་འགྱུར་རོ། །
ཚིག་ཏུ་ཡང་འཕགས་པ་ཐམས་ཅད་མཉེས་པར་གྱུར་ཅིག་ཅེས་ཀྱང་བརྗོད་དོ། །དེ་ནས་ཕྱག་རྒྱའི་རྒྱ་མཚོའི་སྤྲིན་གྱིས་དབུའི་གཙུག་ཏུ་བཀྲམ་སྟེ་ཡེ་ཤེས་ཀྱི་སྐུའི་ནང་དུ་འདུས་ཤིང་ཕུན་སུམ་ཚོགས་པའི་དབང་ཐམས་
ཅད་བསྐུར་བར་དམིགས་སོ། །དེ་ནས་བི་མ་ལ་ཨུཥྞཱི་ཥའི་གཟུངས་འདི་ཀླག་ཅིང་ལན་ཅི་མང་དུ་བརྗོད་པར་བྱས་ལ་བསྔོ་བ་དང་སྨོན་ལམ་རྒྱས་པར་གདབ་པར་བྱའོ། །ཆོ་ག་འདི་བཞིན་དུ་རྫོགས་པར་བྱ་བ་མི་

106-1-134a

བདེ་ཡང་རང་གི་ལྷ་ཉིད་ཀྱི་ཏིང་ངེ་འཛིན་གྱིས་སྐུར་བསྒྱུར་བ་ལས་དགོངས་པ་མཉམས་པར་བྱ་སྟེ། མཆོད་རྟེན་དང་། མཆོད་པའི་ཡོ་བྱད་ལ་སོགས་པ་ཐམས་ཅད་རང་བཞིན་གྱིས་ཆོས་ཀྱི་དབྱིངས་རྣམ་པར་དག་པར་དགོངས་ཏེ། མཆོད་
རྟེན་བཏབ་ན་ཡང་ཆོ་ག་རྒྱས་པར་བྱ་བ་དང་འདྲ་སྟེ་འགལ་བ་མེད་དོ། །དེ་བཞིན་དུ་མ་གྱུར་ན་ཡང་བི་མ་ལ་ཨུཥྞཱི་ཥའི་གཟུངས་འདི་ཀློག་པ་དང་། འཛིན་པ་དང་། ཡི་གེར་འདྲི་ཞིང་འཆང་བས་མཆོད་རྟེན་བཏབ་ན་ཆོ་ག་རྒྱས་པར་
མཛད་པ་ཉིད་འདི་ཡིན་ཏེ། མཆོད་རྟེན་དེ་དེ་བཞིན་གཤེགས་པའི་སྐུར་བསྒྱུར་ནས་བདག་དང་གཞན་གྱི་དོན་ཕུན་སུམ་ཚོགས་པར་བྱེད་པར་འགྱུར་རོ། །བི་མ་ལ་ཨུཥྞཱི་ཥའི་གཟུངས་འདི་མ་བརྗོད་ན་མཆོད་རྟེན་ལ་མཆོད་པ་ཕུལ་ཞིང་
མངའ་གསོལ་ཡང་མངའ་ཕུལ་བར་མི་འགྱུར་རོ། །གཞུང་ལས་ཀྱང་འདི་སྐད་ཅེས་འབྱུང་ངོ་། །རིག་སྔགས་གསང་སྔགས་ཐམས་ཅད་ཀྱི། །སྔགས་ཀྱི་རང་བཞིན་མི་གསལ་ཞིང་། །དགོངས་པའི་ཏིང་འཛིན་མི་གསལ་བས། །མཆོད་
རྟེན་ལ་སོགས་སྐུ་གཟུགས་རྣམས། །བཏབ་ཀྱང་རྫོགས་པར་ཡོང་མི་འགྱུར་ཞེས་འབྱུང་ངོ་། །གང་ཞིག་གསང་སྔགས་དང་དགོངས་པར་ལྡན་པས་མཆོད་རྟེན་དང་སྐུ་གཟུགས་བཏབ་པའི་ཡོན་ཏན་ནི་ཇི་སྐད་དུ། མཆོད་རྟེན་ཆོ་
ག་དམ་པ་འདི། །བསོད་ནམས་བགྱིས་པའི་ཁྱད་པར་ནི། །གཟུངས་འདི་བཟླས་པའི་མཆོད་རྟེན་གྱིས། །གཅིག་བཏབ་བྱེ་བ་བཏབ་དང་འདྲ། །ཡུན་རིང་དུས་ནས་འཁོར་བ་ཡི། །མཚམས་མེད་ལྔ་དང་སྡིག་དཔུང་རྣམས། །
ཇི་སྙེད་ཡོད་པ་མ་ལུས་འབྱང་། །ཚེ་རིང་ཕུན་སུམ་ཚོགས་པར་འགྱུར། །ཚེ་རབས་གཞན་དུ་སྐྱེ་བ་ན། །རིགས་མཆོག་དམ་པར་སྐྱེས་ནས་ཀྱང་། །ལོངས་སྤྱོད་མཆོག་དང་རབ་ལྡན་ཞིང་། །འཁོར་ལོས་སྒྱུར་བའི་རྒྱལ་པོར་སྐྱེ། །
ཚེ་རབས་སྔ་ཕྱི་དྲན་པར་འགྱུར། །དུས་གསུམ་འཇིག་རྟེན་ཐམས་ཅད་དུ། །དཀོན་མཆོག་གསུམ་དང་མི་འབྲལ་ཞིང་། །བགེགས་དང་གནོད་པས་དེ་མི་བསྐྱོད། །བསམ་པ་ཡོངས་སུ་འགྲུབ་པར་འགྱུར། །མཐར་ནི་མངོན་བར་འཚང་

106-1-134b

རྒྱའོ། །བི་མ་ལ་ཨུཥྞཱི་ཥའི་གཟུངས། རྫོགས་སྷོ།།  །།སྐར་ཞུས།། ༄༅།  །རྒྱ་གར་སྐད་དུ། ཨཱརྱ་མ་ཧཱ་མ་ཎི་བི་པུ་ལ་བི་མུ་ད་བེ་ཤྭཱ་སུ་པྲ་ཏིཥྛི་ཏ་གུ་ཧྱྃ་པ་ར་མ་ར་ཧ་སྱན་ཀལ་པ་རཱ་ཛཱ་ནཱ་མ་དྷཱ་ར་ཎཱི། བོད་སྐད་དུ། འཕགས་པ་
ནོར་བུ་ཆེན་པོ་རྒྱས་པའི་གཞལ་མེད་ཁང་ཤིན་དུ་རབ་ཏུ་གནས་པ་གསང་བ་དམ་པའི་གསང་བའི་ཆོ་ག་ཞིབ་མོའི་རྒྱལ་པོ་ཞེས་བྱ་བའི་གཟུངས། བམ་པོ་དང་པོ། སངས་རྒྱས་དང་། བྱང་ཆུབ་སེམས་དཔའ་ཐམས་ཅད་ལ་
ཕྱག་འཚལ་ལོ། །དེ་ནས་བཅོམ་ལྡན་འདས་ཀྱིས་རྒྱལ་པོའི་ཁབ་ཀྱི་གྲོང་ཁྱེར་ཆེན་པོར་འདུས་པ་དང་པོ་ལ་བདུད་བྱེ་བ་ཕམ་པར་མཛད། དཔྱོད་པ་དང་། ཀུན་ཏུ་རྒྱུ་དང་། གཅེར་བུ་པ་ཐམས་ཅད་དང་། མུ་སྟེགས་ཅན་གཞན་རྣམས་ཀྱང་
བཏུལ་ནས་ཕམ་པར་མཛད་དེ། འཁོར་བའི་སྐྱོན་འཁོར་བའི་ཆུ་བོའི་ཕ་རོལ་ཏུ་གཤེགས་སོ། །གང་གི་ཚེ་བདུད་ཀྱི་སྡེ་བྱེ་བ་ཁྲག་ཁྲིག་བརྒྱ་སྟོང་ཕྲག་དུ་མ་གཡོག་བདུད་ཀྱི་སྡེ་ཕྲག་དཀྲིགས་པ་ཅན་དག་གིས་འཛམ་བུའི་གླིང་བཀང་
བ། དེའི་ཚེ་བཅོམ་ལྡན་འདས་ཀྱིས་ས་གཞི་རྡོ་རྗེར་བྱིན་གྱིས་བརླབས་ནས་སེམས་ཅན་དེ་དག་གིས་འཇིགས་ཤིང་འཇིགས་སུ་རུང་བའི་སྒྲ་ཡང་མ་ཐོས་ཤིང་མཚོན་ཆའི་ཆར་དེ་དག་ཐམས་ཅད་ཀྱང་མེ་ཏོག་སྣ་ཚོགས་སུ་བབ་པར་གྱུར་
ཏོ། །རྒྱལ་པོའི་ཁབ་ཀྱི་གྲོང་ཁྱེར་གྱི་སུམ་མདོའི་དབུས་དེའི་ས་དེ་ཡང་རྡོལ་ནས་རིན་པོ་ཆེ་སྣ་བདུན་གྱི་པད་མ་མདབ་མ་སྟོང་པ། སྡོང་བུ་ནི་བཻ་དཱུརྱ། སྙིང་པོ་ནི་འཛམ་བུ་ཆུ་བོའི་གསེར། ཟེ་བ་ནི་རྡོའི་སྙིང་པོ། སྲིད་ནི་ཚངས་པའི་
འཇིག་རྟེན་གྱི་བར་ལ་ཐུག་པ། འོད་དང་ལྡན་པ་ཞིག་བྱུང་སྟེ། པད་མ་དེ་བྱུང་ནས་ཕྱོགས་བཅུ་ཐམས་ཅད་དུ་སྣང་བར་བྱས་སོ། །དེ་ནས་པད་མ་དེ་ལས་ནོར་བུ་རྡོ་རྗེ་མཆོག་ལྡན་ཞེས་བྱ་བའི་གཟུངས་ཀྱིས་སྐུལ་བའི་སྒྲ་
འདི་བྱུང་ངོ་། །ཕྱོགས་བཅུ་ན་བཞུགས་པའི་དེ་བཞིན་གཤེགས་པ་གང་ལགས་པ་ཐམས་ཅད་ལ་ཕྱག་འཚལ་ལོ། །ཨོཾ་མ་ཎི་བཛྲ་ཧྲི་ད་ཡ། བཛྲ་མཱ་ར་སཻ་ནྱ་བིད་དྲ་བ་ནི། ཧ་ན་ཧ་ན། བཛྲ་གར་བྷེ།  ཏྲ་ས་ཡ་ཏྲ་ས་ཡ། སརྦ་

106-1-135a

མཱ་ར་བ་བ་ན་ནི་ཧཱུྃ་ཧཱུྃ། སན་དྷ་ར་སན་དྷ་ར། བུད་དྷ་མཻ་ཏྲི་སརྦ་ཏ་ཐཱ་ག་ཏཱ། བཛྲེ་ཀ་ལ་པ་ཨ་དྷི་ཏི་སྭཱ་ཧཱ། པད་མ་དེ་ལས་ཡང་ལེགས་སོ་ཞེས་བྱ་བའི་སྒྲ་གྲག་སྟེ། དེས་སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་འདི་
སྒྲས་བཀང་ནས། ཤཱཀྱ་ཐུབ་པ་སྲིད་པའི་དགོན་པ་ལས་ནི་རྒལ། བདུད་ནི་བཅོམ། ཉོན་མོངས་པའི་རྡུལ་ནི་སྤངས། མ་རིག་པའི་སྒོ་ངའི་སྦུབས་ནི་དྲལ། ཆོས་ཀྱི་སྒྲོན་མ་ཆེན་པོ་ནི་སྦར་ཏེ། གང་གི་ཕྱིར་གཟུངས་འདིའི་མཐུས་
ས་གཞི་རྡོ་རྗེར་བྱིན་གྱིས་བརླབས་ནས་བདུད་ནི་བཅོམ་པ་ལེགས་སོ་ལེགས་སོ། །དེ་ནས་གསང་བ་པའི་བདག་པོ་ལག་ན་རྡོ་རྗེ་སྤུ་ཟིང་ཞེས་བྱེད་ཅིང་ལུས་འདར་ནས་བཅོམ་ལྡན་འདས་ཀྱི་ཞབས་གཉིས་ལ་གཏུགས་ཏེ། བཅོམ་
ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས་ཅིའི་སླད་དུ་རིག་སྔགས་ཆེན་མོ་འདི་འདུས་པ་དང་པོ་ལ་འཛམ་བུའི་གླིང་དུ་བྱུང་ལགས། བཅོམ་ལྡན་འདས་རིག་སྔགས་འདི་འཇིག་རྟེན་དུ་སྔོན་བྱུང་བར་མ་ཐོས་ལགས་
སོ། །དེ་ནས་བཅོམ་ལྡན་འདས་ཀྱིས་གསང་བ་པའི་བདག་པོ་ལག་ན་རྡོ་རྗེ་ལ་བཀའ་སྩལ་པ། ལག་ན་རྡོ་རྗེ་ནོར་བུ་ཆེན་པོ་རྒྱས་པའི་གཞལ་མེད་ཁང་ཤིན་དུ་རབ་ཏུ་གནས་པ་གསང་བ་ཞེས་བྱ་བའི་གཟུངས་ཡོད་དེ། དེའི་མཐུས་སྟོང་
གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་འདི་རྡོ་རྗེའི་རང་བཞིན་དུ་གྱུར་ནས། མཚོན་ཆའི་ཆར་འབབ་པ་འདི་ཡང་མེ་ཏོག་སྣ་ཚོགས་སུ་གྱུར་ཏེ་འབབ་བོ། །གཟུངས་འདིའི་མཐུས་བདུད་ཀྱི་འཁོར་བཅོམ་ནས་སྲོག་ཆགས་
བྱེ་བ་བཏུལ་ཏོ། །འདིའི་མཐུས་སུམ་མདོའི་དབུས་སུ་པད་མ་འདི་བྱུང་བར་གྱུར་ཏོ། །ལག་ན་རྡོ་རྗེ་གཟུངས་འདི་མེད་པར་མངོན་བར་རྫོགས་པར་བྱང་ཆུབ་པར་མི་ནུས། བདུད་བྱེ་བ་ཕམ་པར་མ་ཡིན། ཉོན་མོངས་པའི་རྒྱ་མཚོ་
སྐེམས་པར་མ་ཡིན་ཏེ། ཆོས་ཀྱི་སྒྲོན་མ་སྦར་བར་མི་ནུས་སོ། །ལག་ན་རྡོ་རྗེ་ངས་དཀའ་བ་བྱེ་བ་ཁྲག་ཁྲིག་བརྒྱ་སྟོང་ཕྲག་དུ་མ་སྤྱོད་ན་ཇི་སྲིད་ངས་གཟུངས་འདི་མཉན་པ་དང་། མངོན་བར་བརྩོན་པས་བརྩོན་འགྲུས་མ་བྱས་ཀྱི་

106-1-135b

བར་དུ་ངས་སངས་རྒྱས་ཉིད་ཐོབ་པར་མ་ནུས་ཀྱི། ཕྱིས་ངས་སངས་རྒྱས་ཉིད་ཐོབ་བོ། །ལག་ན་རྡོ་རྗེ་གཟུངས་འདི་ནི་མཐུ་ཆེ་ཞིང་ཕན་ཡོན་ཆེ་བ་ཡིན་ནོ། །ལག་ན་རྡོ་རྗེ་འདི་ནི་སངས་རྒྱས་བཅོམ་ལྡན་འདས་རྣམས་ཀྱི་ཆོས་ཉིད་དེ་ཁོ་ན་
ཉིད་ཡང་དག་པར་སངས་རྒྱས་ཀྱི་སྐུ་ཡོངས་སུ་སྒྲུབ་པ་ཡིན་ནོ། །ལག་ན་རྡོ་རྗེ་འདིའི་མིང་བཟུང་བ་ཙམ་གྱིས་དེ་བཞིན་གཤེགས་པ་ཐམས་ཅད་ཀྱི་མཚན་བཟུང་བར་འགྱུར་རོ། །བརྗོད་ཅིང་བཟླས་པ་ཙམ་གྱིས་དེ་བཞིན་གཤེགས་པ་
ཐམས་ཅད་ལ་མཆོད་པ་དང་། བསྙེན་བཀུར་དང་། ཞབས་ལ་ཕྱག་བྱས་པར་འགྱུར་རོ། །དེ་ནས་བཅོམ་ལྡན་འདས་ལ་བྱང་ཆུབ་སེམས་དཔའ་སེམས་དཔའ་ཆེན་པོ་ལག་ན་རྡོ་རྗེས་མེ་ཏོག་སྣ་ཚོགས་དང་། དྲི་དང་། བདུག་པ་སྣ་
ཚོགས་ཀྱིས་མཆོད་ནས། བཅོམ་ལྡན་འདས་ལ་ལན་གསུམ་བསྐོར་བ་བྱས་ཏེ། བཅོམ་ལྡན་འདས་ཀྱི་ཞབས་ལ་གཏུགས་ནས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས་མི་མཇེད་ཀྱི་འཇིག་རྟེན་གྱི་
ཁམས་དེ་ན་ཡོན་ཏན་གྱི་ཁྱད་པར་ཅི་འདྲ་བ་དག་གདའ་བ་བསྟན་དུ་གསོལ། བཅོམ་ལྡན་འདས་དེ་བཞིན་གཤེགས་པའི་སྐུ་ཡང་དག་པའི་ཆོས་ཀྱི་གཞི་འདི་དག་ལས་གཞན་པ་དགེ་བའི་རྩ་བ་ངན་ངོན་ཙམ་གྱིས་ནི་སེམས་ཅན་རྣམས་ཀྱི་
ཚོགས་བསགས་པར་མི་བགྱི་ལགས་སོ། །དེ་ནས་བཅོམ་ལྡན་འདས་ཀྱིས་གསང་བ་པའི་བདག་པོ་ལག་ན་རྡོ་རྗེ་ལ་འདི་སྐད་ཅེས་བཀའ་སྩལ་ཏོ། །ལག་ན་རྡོ་རྗེ་སེམས་ཅན་དེ་དག་ནི་སྙོམ་ལས་ཅན། བརྩོན་འགྲུས་དམན་པ། གཏི་
མུག་གིས་རྨོངས་པ། འདོད་པའི་དྲེགས་པས་རྨོངས་པ། ཡིད་ཆེས་པར་དཀའ་བ། ཕར་མི་འཛིན་པ། མར་མི་འཛིན་པ། དགེ་སྦྱོང་དུ་མི་འཛིན་པ། བྲམ་ཟེར་མི་འཛིན་པ། རིགས་ཀྱི་གཙོ་བོ་ལ་བསྙེན་བཀུར་མི་བྱེད་པ་དེ། 
དེས་ནི་གཟུངས་འདི་ལག་ཏུ་འོང་བར་མི་འགྱུར་ཞིང་། བསོད་ནམས་ཆུང་བ། སྐལ་བ་ཆུང་བ། བློ་ཞན་པ་རྣམས་ཀྱིས་ཀྱང་ཉན་པར་མི་འགྱུར། འཆད་པར་མི་འགྱུར་ཞིང་། སྡིག་པ་ཐམས་ཅད་འཇིག་པར་བྱེད་པ། དེ་བཞིན་

106-1-136a

གཤེགས་པས་གསུང་པའི་གཟུངས་འདི་ལ་དང་བ་སྐྱེད་པར་མི་འགྱུར་རོ། །དེ་ནས་བཅོམ་ལྡན་འདས་ཀྱིས་གནོད་སྦྱིན་གྱི་སྡེ་དཔོན་ཆེན་པོ་ལག་ན་རྡོ་རྗེ་ལ་འདི་སྐད་ཅེས་བཀའ་སྩལ་ཏོ། །རིགས་ཀྱི་བུ་ང་ནི་འདི་ནས་ཤར་
ཕྱོགས་ལོགས་སུ་སངས་རྒྱས་ཀྱི་ཞིང་ཚད་མེད་པ་གང་གཱའི་ཀླུང་གི་བྱེ་མ་དང་མཉམ་པའི་སངས་རྒྱས་ཀྱི་ཞིང་བྱེ་བ་ཁྲག་ཁྲིག་བརྒྱ་སྟོང་འདས་པ་དེ་ན་འཇིག་རྟེན་གྱི་ཁམས་ནོར་བུའི་སྒྲོན་མ་ཞེས་བྱ་བ་གྲོང་ཁྱེར་ཁོ་ར་
ཁོར་ཡུག་ཏུ་དཔག་ཚད་བཅུ་གཉིས་པའི་ར་བ་རིན་པོ་ཆེ་སྣ་བདུན་ལས་བྱས་པ། རྒྱས་པ། བདེ་བ། ཉམས་དགའ་བ། ལོ་ལེགས་པ། སྐྱེ་བོ་དང་། མི་མང་པོས་གང་བ། སྐྱེས་པ་དང་། བུད་མེད་དང་། ཁྱེའུ་དང་། 
བུ་མོ་དང་། སྐྱེ་བོའི་ཚོགས་ཐམས་ཅད་རྒྱན་ཐམས་ཅད་ཀྱིས་བརྒྱན་པ་ཉིད་སྣང་ཞིང་ནོར་བུ་དང་། གསེར་འབར་བའི་མགོ་རྒྱན་སྣ་ཚོགས་ཀྱིས་མགོ་བརྒྱན་པ། ལྷའི་གཟུགས་ཅན། མཐུ་དང་བརྩོན་འགྲུས་ཆེན་པོ་དང་
ལྡན་པ། ཤེས་ཉེན་ཐམས་ཅད་དང་ལྡན་པ་རིག་པའི་གནས་རྟོགས་པར་ཁོང་དུ་ཆུད་པ། སྣང་བ་ཡོད་པར་འགྲོའོ། །འཇིག་རྟེན་གྱི་ཁམས་དེ་ན་རྒྱལ་པོ་ནོར་བུ་སྣ་ཚོགས་ཤེས་བྱ་བ་རྒྱལ་སྲིད་བྱེད་དུ་འཇུག་སྟེ། 
བློན་པོ་བྱེ་བ་ཕྲག་བརྒྱད་བཅུས་ཡོངས་སུ་བསྐོར་ཅིང་བཙུན་མོ་དམ་པ་གསལ་བྱེད་མ་ཞེས་བྱ་བ་བུད་མེད་ཉི་ཁྲིའི་འཁོར་ཅན་ལྷའི་བུ་མོ་ཐམས་ཅད་ཀྱི་ལུས་ལ་འགྲན་པ་ཞིག་ཡོད་དོ། །འཇིག་རྟེན་གྱི་ཁམས་
དེ་ན་ཡང་མེ་ཏོག་གི་ཤིང་དང་། འབྲས་བུའི་ཤིང་དང་། དྲང་ཆུའི་ཤིང་དང་། དྲིའི་ཤིང་གང་ཡིན་པ་དེ་དག་ཐམས་ཅད་ཀྱང་རིན་པོ་ཆེ་སྣ་བདུན་གྱི་རང་བཞིན་ཡིན་ནོ། །ཆུ་ལས་སྐྱེས་པའི་མེ་ཏོག་གང་ཡིན་པ་དེ་དག་ཐམས་
ཅད་ཀྱང་རིན་པོ་ཆེ་སྣ་བདུན་གྱི་རང་བཞིན་ཡིན་ནོ། །ཐང་ལས་སྐྱེས་པའི་མེ་ཏོག་གང་ཡིན་པ་དེ་དག་ཐམས་ཅད་ནི་འཛམ་བུ་ཆུ་བོའི་གསེར་གྱི་རང་བཞིན་ཡིན་ནོ། །མི་རྣམས་ཀྱི་ཚེའི་ཚད་ནི་བསྐལ་པ་བརྒྱད་ཁྲི་ཐུབ་

106-1-136b

སྟེ། ཐམས་ཅད་ཀྱང་དགེ་བ་བཅུའི་ལས་ཀྱི་ལམ་དང་ལྡན་པ། སངས་རྒྱས་དང་། ཆོས་དང་། དགེ་འདུན་ལ་མངོན་པར་དད་པ་ཡིན་ནོ། །རྒྱལ་པོ་དེ་ཡང་ཆོས་དང་འཐུན་པས་རྒྱལ་སྲིད་སྐྱོང་བར་བྱེད་ཀྱིས་ཆོས་དང་མི་མཐུན་
པས་ནི་མ་ཡིན་ཏེ། སེམས་ཅན་ཐམས་ཅད་ལ་ཕན་པའི་བསམ་པ་ཅན་ཡིན་ནོ། །འཇིག་རྟེན་གྱི་ཁམས་དེ་ན་ཡང་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ནོར་བུ་ཆེན་པོ་རྣམ་པར་
བཀྲ་བ་རབ་གནས་གཙང་མ་ཞེས་བྱ་བ་བྱང་ཆུབ་སེམས་དཔའི་ཚོགས་ཆེན་པོས་ཡོངས་སུ་བསྐོར་ཅིང་རིག་སྔགས་འཆང་བྱེ་བ་ཕྲག་མང་པོས་ཡོངས་སུ་བསྐོར་ནས་སངས་རྒྱས་ཀྱི་མཛད་པ་མཛད་དེ། དེ་བཞིན་
གཤེགས་པ་དེ་ནི་གསེར་གྱི་ཁ་དོག་གི་སྐུ་མཚན་སུམ་བཅུ་རྩ་གཉིས་དང་། དཔེ་བྱད་བཟང་པོ་བརྒྱད་བཅུ་མངའ་བ། འོད་འདོམ་གང་གིས་ཀུན་ནས་བསྐོར་བ། འོད་རིན་པོ་ཆེ་སྣ་བདུན་ལྟར་ཤིན་ཏུ་སྤ་བ་ཡིན་ནོ། །བྱང་
ཆུབ་སེམས་དཔའ་དེ་དག་ཐམས་ཅད་ཀྱང་གསེར་གྱི་ཁ་དོག་གི་ལུས་འོད་འཕྲོ་བ། མཚན་དང་ལྡན་པ། རིན་པོ་ཆེ་སྣ་བདུན་གྱི་པད་མའི་སྟན་ལ་འཁོད་པ་སྟེ། ཐམས་ཅད་ཀྱང་སྤོབས་པ་མི་ཟད་པ། སྒྲིབ་པ་མེད་
པའི་ཡེ་ཤེས་སྤྱོད་ཡུལ་བ། རིག་པའི་གནས་རྟོགས་པར་ཁོང་དུ་ཆུད་པས་འདི་ལྟ་སྟེ། ནོར་བུ་ཆེན་པོ་རྒྱས་པའི་གཞལ་མེད་ཁང་ཤིན་དུ་གནས་པ་གསང་བ་ཞེས་བྱ་བའི་གཟུངས་སེམས་ཤིང་གཟུངས་དེ་ཉིད་ཀྱི་
མཐུས་ཡོན་ཏན་གྱི་ཁྱད་པར་འདི་བྱུང་བར་གྱུར་ཏོ། །དེ་བཞིན་གཤེགས་པ་དེ་ཡང་གཟུངས་འདི་སེམས་ཅན་ཐམས་ཅད་ལ་རབ་ཏུ་སྟོན་ཏོ། །སེམས་ཅན་དེ་རྣམས་ཀྱང་གཟུངས་འདིའི་མཐུས་བདེ་བ་ཉམས་སུ་མྱོང་བ་སྟེ་
སེམས་ཅན་དེ་དག་ཐམས་ཅད་སེམས་ཅན་དམྱལ་བ་དང་། དུད་འགྲོའི་སྐྱེ་གནས་དང་། གཤིན་རྗེའི་འཇིག་རྟེན་དང་། ལྷ་མ་ཡིན་གྱི་རིས་རྣམས་ལས་ཡོངས་སུ་ཐར་བར་གྱུར་ཏོ། །ངན་སོང་གི་སྒོ་ཐམས་ཅད་ཀྱང་བཅད་པར་གྱུར་ཏོ། །

106-1-137a

མཐོ་རིས་ཀྱི་སྒོ་རྣམས་ཕྱེའོ། །བདེ་འགྲོའི་སྒོ་ཐམས་ཅད་ཀྱང་ཕྱེ་སྟེ། འཇིག་རྟེན་གྱི་ཁམས་དེའི་སེམས་ཅན་གང་ཡིན་པ་དེ་དག་ཐམས་ཅད་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ལ་ཡང་དག་པར་ཞུགས་
སོ། །འཇིག་རྟེན་གྱི་ཁམས་དེ་ན་སེམས་ཅན་ཐམས་ཅད་བྱམས་པའི་སེམས་ཀྱིས་གནས་ཏེ། འདི་ལྟ་སྟེ། ཆུ་དང་འོ་མ་གཅིག་ཏུ་གྱུར་པ་བཞིན་ནོ། །དེ་བཞིན་གཤེགས་པ་དེས་ཀྱང་སྔོན་བྱང་ཆུབ་སེམས་དཔར་གྱུར་པ་ན་ནོར་བུ་
ཆེན་པོ་རྒྱས་པའི་གཞལ་མེད་ཁང་ཤིན་དུ་རབ་ཏུ་གནས་པའི་གསང་བ་འདི་སྒྲུབ་པ་ན་སྨོན་ལམ་འདི་སྐད་ཅེས། བདག་གིས་སངས་རྒྱས་ཀྱི་ཞིང་དུ་སྐྱེ་བར་གྱུར་པའི་སེམས་ཅན་གང་ཡིན་པ་དེ་དག་ཐམས་ཅད་ངེས་པར་བླ་ན་མེད་པ་ཡང་
དག་པར་རྫོགས་པའི་བྱང་ཆུབ་ལས་ཕྱིར་མི་ལྡོག་པར་གྱུར་ཅིག་ཅེས་སྨོན་ལམ་བཏབ་བོ། །གང་དག་གཟུངས་འདི་ཉན་པ་དང་། འཆང་བ་དང་། ཀློག་པ་དང་། ཀུན་ཆུབ་པར་བྱེད་པ་དང་། སྒོམ་པ་དང་། འདོན་པ་དང་། སེམས་པ་
དང་། སྒྲུབ་པར་བྱེད་པ་དང་། ཆུང་ངུ་ན་མིང་ཉན་པར་བྱེད་དམ། ལག་པས་རེག་གམ། ལུས་ལ་འཆང་ངམ། མིག་གིས་མཐོང་བ་ཙམ་འམ། གླེགས་བམ་ལ་བྲིས་པའམ། རས་ལ་བྲིས་པའམ། བརྩིག་པ་ལ་བྲིས་
པ་མཐོང་ན་མཚམས་མེད་པ་ལྔ་བྱས་པའམ། མནར་མེད་པར་གཞོལ་བའམ། དམ་པའི་ཆོས་སྤངས་པའམ། འཕགས་པ་ལ་སྐུར་པ་བཏབ་པའམ། ཤེན་པའམ། གདོལ་པའམ། རྔོན་པའམ། བྱ་བའམ། 
ལོང་བའམ། འོན་པའམ། ཤ་བཀྲ་ཅན་ནམ། བཀྲེན་པའམ། ཞར་བའམ། སྒུར་པོའམ། དམ་དཔའམ། སྔོན་གྱི་ལས་ཀྱིས་འཕངས་པའི་སྒྲིབ་པ་ཅན་ནམ། མྱོང་བར་གྱུར་པར་མ་ངེས་པའམ། བདུད་ཀྱི་
ཞགས་པས་བཅིངས་པའམ། ལྟ་བ་ངན་པར་ལྷུང་བའམ། ལོག་འདྲེན་གྱིས་ཟིན་པའམ། རྒྱུ་སྐར་དང་། གཟའ་གནོད་པར་བྱས་པ་དེ་དག་ཐམས་ཅད་ངེས་པར་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ལས་ཕྱིར་མི་

106-1-137b

ལྡོག་པར་འགྱུར་རོ། །ཆུང་ངུ་ན་དུད་འགྲོའི་སྐྱེ་གནས་པ་རི་དགས་དང་། བྱ་དང་། སྦྲང་བུ་མཆུ་རིངས་དང་། ཤ་སྦྲང་དང་། བྱི་བ་དང་། གྲོག་སྦུར་རྣམས་དང་། གཞན་ཡང་སྲོག་ཆགས་ཀྱི་རིགས་སྣ་ཚོགས་སྒོ་ང་ལས་སྐྱེས་པ་
འམ། དྲོད་གཤེར་ལས་སྐྱེས་པའམ། རྫུས་ཏེ་སྐྱེས་པ་ལ་སོགས་ཏེ། དེ་དག་ཐམས་ཅད་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ལས་ཕྱིར་མི་ལྡོག་པར་འགྱུར་ཏེ། འདི་ལ་ཐེ་ཚོམ་དང་། ཡིད་གཉིས་བསྐྱེད་པར་མི་བྱའོ། །དེ་ནས་
བཅོམ་ལྡན་འདས་ཀྱིས་ཚིག་འདི་གསུངས་མ་ཐག་ཏུ་འཁོར་དེ་དག་ཐམས་ཅད་དགའ་ཞིང་བ་སྤུའི་ཁུང་བུ་རྣམས་གཡོས་པར་གྱུར་ཏོ། །ལྷའི་མེ་ཏོག་ཨུཏ་པ་ལ་དང་། པད་མ་དང་། ཀུ་མུ་ཏ་དང་། པད་མ་དཀར་པོ་དང་། མན་དཱ་ར་བ་དང་། མན་
དཱ་ར་ཆེན་པོའི་ཆར་ཡང་རབ་ཏུ་འབབ་བོ། །ལྷའི་སིལ་སྙན་རྣམས་ཀྱང་སྒྲ་འབྱིན་ཏོ། །འཁོར་གྱི་དཀྱིལ་འཁོར་དེ་དག་ཐམས་ཅད་ཀྱི་རང་རང་གི་ལུས་ལས་ཀྱང་འོད་ཟེར་བྱུང་བར་གྱུར་ཏོ། །བཅོམ་ལྡན་འདས་ཀྱི་སྤྱན་སྔར་ཡང་རིན་པོ་ཆེ་སྣ་བདུན་
གྱི་ཁང་པ་བརྩེག་མ་བཀྲ་བ། བལྟ་ན་སྡུག་པ། ཤིན་ཏུ་རྣམ་པར་ཕྱེ་བ། ཉམས་དགའ་བ། ཀ་བ་བཞི་ཟུག་པ། སྒོ་བཞི་དོད་པ། ཐེམ་སྐས་བཞི་དང་ལྡན་པ། འོད་འབར་བ། གྲྭ་བཞི་ན་ནོར་བུ་རིན་པོ་ཆེ་ཆེན་པོ་བཞི་ཉི་མ་ལྟར་
འབར་བ། ནོར་བུ་དང་། རིན་པོ་ཆེ་དང་། མུ་ཏིག་གི་དྲ་བ་དུ་མ་སྤྱངས་པ། དྲིལ་བུ་མང་པོས་མཛེས་པར་བྱས་པ། དར་གྱི་བ་དན་མང་པོས་ཀུན་ནས་བརྒྱན་པ། མེ་ཏོག་སྣ་ཚོགས་དུ་མའི་ཆུན་པོས་མཛེས་པར་བྱས་པ་ཞིག་བྱུང་
ངོ་། །ས་འདི་ཡང་རྣམ་པ་དྲུག་ཏུ་རབ་ཏུ་གཡོས་ཏེ། འགུལ་ལྡེག་ལ་སྒྲ་འབྱིན་ཅིང་མཐོ་བ་དང་དམའ་བར་གྱུར་ཏོ། །ལྷའི་གནས་ཐམས་ཅད་ཀྱང་འོད་ཀྱིས་སྣང་བར་བྱས་ཏེ། ལྷའི་གནས་ན་གནས་པ་ཐམས་ཅད་བསྐུལ་ཏོ། །
རྒྱལ་པོ་ཆེན་པོ་བཞི་ཡང་བསྐུལ་ཏོ། །རིག་སྔགས་འཆང་གི་གནས་ཐམས་ཅད་ཀྱང་བསྐུལ་ཏོ། །ལྷའི་གནས་ཐམས་ཅད་ཀྱང་འབར། ཀུན་དུ་རབ་ཏུ་འབར་ཞིང་མེ་ལྕེ་གཅིག་ཏུ་གྱུར་པ་དང་། བར་ཆད་བྱེད་པའི་ལོག་འདྲེན་

106-1-138a

ཐམས་ཅད་ཀྱང་དངངས་སྐྲག་སྟེ། ཆོ་ངེས་འདེབས་ཤིང་ཕྱོགས་བཅུར་བྱེར་རོ། །དེ་ནས་བཅོམ་ལྡན་འདས་ཀྱི་མཛོད་སྤུ་ནས་འོད་ཟེར་རབ་ཏུ་བཀྱེ་སྟེ། ཕྱོགས་བཅུའི་འཇིག་རྟེན་གྱི་ཁམས་ཐམས་ཅད་ཀུན་ནས་སྣང་
བར་བྱས་ཤིང་སངས་རྒྱས་ཀྱི་ཞིང་ཐམས་ཅད་སྣང་བར་བྱས་ཏེ། སངས་རྒྱས་བཅོམ་ལྡན་འདས་དེ་རྣམས་བསྐུལ་ནས་སླར་དབུའི་གཙུག་ཏུ་ནུབ་བོ། །དེ་ནས་སངས་རྒྱས་བཅོམ་ལྡན་འདས་དེ་རྣམས་ཀྱིས་དེ་བཞིན་གཤེགས་པ་
དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཤཱཀྱ་ཐུབ་པ་དེ་ལ་ལེགས་སོ་ཞེས་བྱ་བ་བྱིན་ཏེ། བཅོམ་ལྡན་འདས་ལེགས་སོ་ལེགས་སོ། །བཅོམ་ལྡན་འདས་ཁྱོད་དེ་བཞིན་གཤེགས་པ་ནོར་བུ་བཟང་པོ་རྣམ་པར་
བཀྲ་བ་རབ་གནས་གཙང་མ་དེ་གཟིགས་པ་དང་། ཕྱག་བགྱི་བ་དང་། བསྙེན་བཀུར་བགྱི་ཞིང་བཞུད་པའི་དུས་ལ་བབ་ཀྱིས་བཞུད་ལ་ནོར་བུ་ཆེན་པོ་རྒྱས་པའི་གཞལ་མེད་ཁང་ཤིན་ཏུ་རབ་ཏུ་གནས་པ་གསང་བ་ཞེས་བགྱི་
བའི་གཟུངས་དེ་ཡང་རྒྱས་པར་གསོན་ཅིག །བཅོམ་ལྡན་འདས་གཟུངས་དེ་ནི་མཐུ་ཆེ་ཞིང་ཕན་ཡོན་ཆེ་བ་ལགས་སོ། །གཟུངས་དེ་ནི་སྔོན་གྱི་དེ་བཞིན་གཤེགས་པ་རྣམས་ཀྱིས་བྱིན་གྱིས་བརླབས་པ་ལགས་ཏེ། གང་
ལ་ལ་ཞིག་ཉན་ཏམ། ཆུང་ངུ་ན་མིང་ངམ། ལག་པས་རེག་ན་ཡང་ཕྱིར་མི་ལྡོག་པར་འགྱུར་ཞིང་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་མངོན་བར་རྫོགས་པར་སངས་རྒྱས་པར་འགྱུར་རོ། །དེ་ནས་བཅོམ་ལྡན་
འདས་ཀྱིས་ཕྱོགས་བཅུའི་སངས་རྒྱས་ཀྱི་ཞིང་ཐམས་ཅད་ནས་གཤེགས་པའི་སངས་རྒྱས་བཅོམ་ལྡན་འདས་རྣམས་ཀྱིས་གསོལ་བ་བཏབ་པར་ཐུགས་སུ་ཆུད་ནས་ཡང་འོད་ཟེར་བྱེ་བ་ཁྲག་ཁྲིག་བརྒྱ་སྟོང་བཀྱེ་སྟེ། ཇི་ལྟར་
ལྷགས་པའི་འཁོར་དེ་ལ་བོས་ནས་འདི་སྐད་ཅེས་བཀའ་སྩལ་ཏོ། །རིགས་ཀྱི་བུ་ཚུར་ཤེག །དེ་བཞིན་གཤེགས་པའི་བརྡ་བྱུང་བ་ནི་འདི་ཡིན་ནོ། །དེ་ནས་བཅོམ་ལྡན་འདས་ཉིད་ཀྱིས་གདན་ལས་བཞེངས་པ་དང་། ཁང་

106-1-138b

པ་བརྩེག་མ་དེའི་དབུས་སུ་རྡོ་རྗེའི་སེང་གེའི་ཁྲི་བྱུང་ནས། ཁྲི་དེའི་སྟེང་དུ་རིན་པོ་ཆེའི་པད་མ་བཀྲ་བ། བལྟ་ན་སྡུག་པ། ཡིད་དུ་འོང་བ། སྡོང་བུ་ནི་གསེར། པད་མའི་སྙིང་པོ་ནི་མུ་ཏིག་དམར་པོ་ཅན་ཞིག་བྱུང་སྟེ། དེ་ལ་བཅོམ་ལྡན་
འདས་བཞུགས་སོ། །བཅོམ་ལྡན་འདས་བཞུགས་མ་ཐག་ཏུ་ས་ཆེན་པོ་འདི་ཆེ་ཐང་དུ་གཡོས་པར་གྱུར་ཏོ། །བཅོམ་ལྡན་འདས་ཀྱང་ནོར་བུ་ཆེན་པོ་དག་པ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་སོ། །འཁོར་
ཐམས་ཅད་དབུགས་ཕྱུང་ནས་སྟེང་གི་ནམ་མཁའི་དཀྱིལ་དུ་འཁོར་གྱི་དཀྱིལ་འཁོར་ཐམས་ཅད་འཁོད་དེ། འཁོར་མང་པོ་དང་། འཁོད་པ་ཆེན་པོ་དང་། སངས་རྒྱས་ཀྱི་བྱིན་གྱི་བརླབས་ཆེན་པོ་དང་། རྣམ་པར་སྤྲུལ་པ་
དང་། བྱང་ཆུབ་སེམས་དཔའ་མང་པོའི་འཁོར་དང་། ལྷ་དང་། ཀླུ་དང་། གནོད་སྦྱིན་དང་། དྲི་ཟ་དང་། ལྷ་མ་ཡིན་དང་། ནམ་མཁའ་ལྡིང་དང་། མིའམ་ཅི་དང་། ལྟོ་འཕྱེ་ཆེན་པོ་དང་། མི་དང་། མི་མ་ཡིན་པ་མང་པོ་དང་། རིག་
སྔགས་འཆང་བྱེ་བ་ཕྲག་མང་པོའི་འཁོར་དང་། གསང་བའི་བདག་པོ་ལག་ན་རྡོ་རྗེ་དང་ཐབས་ཅིག་དང་། བརྒྱ་བྱིན་དང་། ཚངས་པ་དང་། འཇིག་རྟེན་སྐྱོང་བ་ཐམས་ཅད་དང་། རྒྱལ་པོ་ཆེན་པོ་བཞི་དང་གཤེགས་སོ། །
དེ་ཐམས་ཅད་ཤར་ཕྱོགས་ལོགས་སུ་དོང་བ་དང་། ཚད་མེད་པའི་གང་གཱའི་ཀླུང་གི་བྱེ་མ་དང་མཉམ་པའི་སངས་རྒྱས་ཀྱི་ཞིང་བྱེ་བ་ཁྲག་ཁྲིག་བརྒྱ་སྟོང་འདས་ནས་ནོར་བུ་སྒྲོན་མ་ཞེས་བྱ་བའི་འཇིག་རྟེན་གྱི་ཁམས་སུ་ཕྱིན་
པར་མཐོང་སྟེ། བཅོམ་ལྡན་འདས་ཀྱི་རྫུ་འཕྲུལ་གྱི་མཐུས་སྐད་ཅིག་ཐང་ཅིག་ཡུད་ཙམ་གྱིས་འཇིག་རྟེན་གྱི་ཁམས་དེར་ཕྱིན་ཏོ། །འཇིག་རྟེན་གྱི་ཁམས་དེར་བྱོན་མ་ཐག་ཏུ་ནམ་མཁའ་ལས་བབས་ནས་བཅོམ་
ལྡན་འདས་དེ་བཞིན་གཤེགས་པ་ནོར་བུ་བཟང་པོ་རྣམ་པར་བཀྲའ་བ་རབ་གནས་གཙང་མ་དེའི་དྲུང་དུ་གཤེགས་སོ། །དེར་གཤེགས་ནས་བཅོམ་ལྡན་འདས་གནོད་པ་མི་མངའ་འམ། བསྐྱོད་པ་ཡང་ངམ། བདེ་བ་

106-1-139a

ལ་རེག་པར་གནས་སམ་ཞེས་གསུངས་ནས། རིན་པོ་ཆེ་སྣ་བདུན་གྱི་པད་མ་མདབ་མ་སྟོང་པ་ཞིག་བྱིན་ནོ། །དེ་ནས་བཅོམ་ལྡན་འདས་ལྷའི་གཞལ་མེད་ཁང་ན་འཁོར་དང་བཅས་པ་བཞུགས་པ་དང་། དེས་ཕྱག་གསེར་
གྱི་ཁ་དོག་ཅན་བརྐྱང་ནས། ཟབ་ཅིང་ཟབ་པས། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཤཱཀྱ་ཐུབ་པ་དེ་ཡང་དག་པར་དགྱེས་པར་མཛད་དེ། ཁང་པ་བརྩེག་མ་དེ་ཉིད་དུ་བཞུགས་
ནས་བཅོམ་ལྡན་འདས་ཀྱིས་ཀྱང་ཞུས་པ། བཅོམ་ལྡན་འདས་ཁྱོད་ཀྱིས་ཆོས་ཀྱི་འཁོར་ལོ་ལེགས་པར་བསྐོར་ལགས་སམ། ཁྱོད་ཀྱིས་བདུད་དཔུང་དང་གཞོན་པར་བཅས་པ་བཅོམ་ལགས་སམ། ཁྱེད་ཀྱིས་ཆོས་ཀྱི་སྒྲོན་མ་སྦར་ལགས་
སམ། ཆོས་ཀྱི་རྒྱལ་མཚན་བསྒྲེང་ལགས་སམ། ཆོས་ཀྱི་རྔ་བརྡུངས་ལགས་སམ། ཆོས་ཀྱི་དུང་རབ་ཏུ་བུས་ལགས་སམ། བཅོམ་ལྡན་འདས་ཁྱོད་ཀྱིས་འཇིག་རྟེན་དུ་སངས་རྒྱས་འབྱུང་བ་བླ་ན་མེད་པའི་ཐམས་ཅད་མཁྱེན་
པར་བགྱིས་ལགས་སམ། བཅོམ་ལྡན་འདས་ཁྱོད་ཀྱིས་དེང་འཛམ་བུའི་གླིང་དུ་ཆོས་ཀྱི་འཁོར་ལོ་ཆོས་ཀྱི་གཏེར་ལན་གཉིས་སུ་བསྐོར་བ་མཛོད་ཅིག །བཅོམ་ལྡན་འདས་ཀྱིས་ཚིག་འདི་གསུངས་མ་ཐག་ཏུ་སངས་
རྒྱས་ཀྱི་ཞིང་འཇིག་རྟེན་གྱི་ཁམས་དེ་ཐམས་ཅད་རྣམ་པ་དྲུག་ཏུ་གཡོས། རབ་ཏུ་གཡོས། ཀུན་དུ་རབ་ཏུ་གཡོས། འགུལ། རབ་ཏུ་འགུལ། ཀུན་དུ་རབ་ཏུ་འགུལ། ལྡེག །རབ་ཏུ་ལྡེག །ཀུན་དུ་རབ་ཏུ་ལྡེག །
འུར་འུར། རབ་ཏུ་འུར་འུར། ཀུན་དུ་རབ་ཏུ་འུར་འུར། ཆེམ་ཆེམ། རབ་ཏུ་ཆེམ་ཆེམ། ཀུན་དུ་རབ་ཏུ་ཆེམ་ཆེམ་སྟེ། མེ་ཏོག་གི་ཆར་ཆེན་པོ་ཡང་རབ་ཏུ་འབབ། རྫུ་འཕྲུལ་གྱི་ཆོ་འཕྲུལ་ཆེན་པོ་ཡང་སྣང་། སིལ་སྙན་
རྣམས་ཀྱང་མ་དཀྲོལ་བར་སྒྲ་འབྱིན། སྟེང་གི་ནམ་མཁའི་བར་སྣང་གི་ལྷའི་བུ་རྣམས་ཀྱང་ལྷའི་སིལ་སྙན་ཤིན་དུ་ཡིད་དུ་འོང་བ་ཡན་ལག་ལྔ་པ་དག་དཀྲོལ་བར་བྱེད། ཀླུ་ཆེན་པོ་གང་དག་ཡིན་པ་དེ་དག་ཐམས་ཅད་ཀྱང་རིན་པོ་ཆེ་སྣ་ཚོགས་

106-1-139b

ཀྱི་ཆར་འབེབས་པར་བྱེད། དྲིའི་ཕྱེ་མ་སྣ་ཚོགས་དང་། ཙན་དན་གྱི་ཆུ་སྣ་ཚོགས་ཀྱི་ཆར་ཡང་འབེབས་པར་བྱེད། གོས་སྣ་ཚོགས་དང་། རྒྱན་དང་། ལྷབ་ལྷུབ་སྣ་ཚོགས་ཀྱི་ཆར་ཡང་རབ་ཏུ་འབེབས་པར་བྱེད། ལྷའི་མུ་ཏིག་
དམར་པོ་དང་། སྤུག་དང་། ནོར་བུ་རིན་པོ་ཆེ་ཆེན་པོ་རྣམ་པར་སྣང་བྱེད་དང་། ནོར་བུ་རིན་པོ་ཆེ་ཆེན་པོ་ཉི་མའི་སྙིང་པོ་དང་། ཆུ་ཤེལ་དང་། མེ་ཤེལ་དང་། དཔལ་གྱི་སྙིང་པོའི་ཆར་ཡང་རབ་ཏུ་འབེབས་པར་བྱེད། ལྷའི་མེ་ཏོག་
ཨུད་པལ་དང་། པད་མ་དང་། ཀུ་མུ་ཏ་དང་། པད་མ་དཀར་པོ་དང་། མན་དཱ་ར་བ་དང་། མན་དཱ་ར་བ་ཆེན་པོའི་ཆར་ཡང་རབ་ཏུ་འབེབས་པར་བྱེད། ལྷའི་འཛམ་བུ་ཆུ་བོའི་གསེར་ལས་བྱུང་བའི་མེ་ཏོག་དང་། ལྷའི་དངུལ་ལས་བྱུང་
བའི་མེ་ཏོག་གི་ཆར་ཡང་རབ་ཏུ་འབེབས་པར་བྱེད། ལྷའི་མེ་ཏོག་གི་ཕྲེང་བའི་ཆར་ཡང་རབ་ཏུ་འབེབས་པར་བྱེད། ནམ་མཁའི་དཀྱིལ་ན་གནས་པའི་ལྷའི་བུ་རྣམས་ཀྱང་ཨ་ལ་ལ་ཞེས་སྒྲ་སྙན་པར་འབྱིན་ཅིང་དབྱངས་ཀྱང་
རྗེས་སུ་སྒྲོགས་པར་བྱེད། ལེགས་སོ་ཞེས་བྱ་བ་ཡང་སྦྱིན་པར་བྱེད། བཅོམ་ལྡན་འདས་ཤཱཀྱ་ཐུབ་པ་འཇིག་རྟེན་དུ་ཆོས་ཀྱི་འཁོར་ལོ་ལན་གཉིས་སུ་བསྐོར་བ་དང་། ཡིད་བཞིན་གྱི་ནོར་བུ་རིན་པོ་ཆེ་ཆེན་པོ་ཆོས་ཀྱི་རྒྱལ་
མཚན་འཛམ་བུའི་གླིང་དུ་བཞག་པ་དང་། འདི་ལྟ་སྟེ། ནོར་བུ་ཆེན་པོ་རྒྱས་པའི་གཞལ་མེད་ཁང་ཤིན་ཏུ་རབ་ཏུ་གནས་པ་གསང་བའི་རྒྱལ་པོའི་ཆོ་ག་ཞིབ་མོ་ཆེན་པོ་འཛམ་བུའི་གླིང་དུ་རབ་ཏུ་སྤྱོད་པར་བགྱིས་པ་ལེགས་
སོ་ལེགས་སོ། །དེ་ནས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ནོར་བུ་བཟང་པོ་རྣམ་པར་བཀྲ་བ་རབ་གནས་གཙང་མའི་མཛོད་སྤུ་ནས་འོད་ཟེར་སྣ་ཚོགས་བཀྱེ་སྟེ། འོད་ཟེར་དེ་དག་གིས་
ཕྱོགས་བཅུའི་འཇིག་རྟེན་གྱི་ཁམས་མཐའ་དག་གི་སངས་རྒྱས་ཀྱི་ཞིང་ཐམས་ཅད་དུ་སངས་རྒྱས་བཅོམ་ལྡན་འདས་ཐམས་ཅད་བསྐུལ་ཞིང་སྣང་བར་མཛད་དོ། །སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་དེ་ཡང་སྣང་

106-1-140a

བར་མཛད། ལྷའི་གནས་ཐམས་ཅད་དང་། ཀླུའི་གནས་ཐམས་ཅད་དང་། དམྱལ་བ་དང་། དུད་འགྲོའི་སྐྱེ་གནས་དང་། གཤིན་རྗེའི་འཇིག་རྟེན་དང་། ལྷ་མ་ཡིན་གྱི་རིས་རྣམས་སུ་ཡང་བསྐུལ་ཅིང་སྣང་བར་མཛད་དེ། 
སླར་ལོག་ནས་བཅོམ་ལྡན་འདས་དེ་བཞིན་གཤེགས་པ་ཤཱཀྱ་ཐུབ་པ་དེ་ལ་ལན་གསུམ་བསྐོར་བ་བྱས་ནས་སླར་ཡང་གཙུག་ཏོར་གྱི་གསེབ་དུ་ཞུགས་སོ། །དེ་ནས་ཕྱོགས་བཅུའི་སངས་རྒྱས་ཀྱི་ཞིང་དེ་དག་ཐམས་ཅད་ཀྱི་
སངས་རྒྱས་བཅོམ་ལྡན་འདས་དེ་དག་ཐམས་ཅད་རང་རང་གི་སངས་རྒྱས་ཀྱི་ཞིང་དག་ནས་རྫུ་འཕྲུལ་གྱི་རྣམ་པར་འཕྲུལ་པ་མཛད་ནས། ཚད་མེད་པའི་གང་གཱའི་ཀླུང་གི་བྱེ་མ་དང་མཉམ་པའི་སངས་རྒྱས་བཅོམ་ལྡན་འདས་རྣམས་
སངས་རྒྱས་ཀྱི་ཞིང་དེར་གཤེགས་ནས་སོ་སོའི་རྫུ་འཕྲུལ་གྱི་ཆོ་འཕྲུལ་གྱིས་རིན་པོ་ཆེ་སྣ་བདུན་གྱི་ཁང་པ་བརྩེག་མ་དག་སྤྲུལ་ནས། ཁང་པ་བརྩེག་མའི་ནང་དུ་འཛམ་བུ་ཆུ་བོའི་གསེར་ལས་བྱུང་བའི་སེང་གེའི་ཁྲི་དག་བྱུང་བ་དེ་ལ་
སངས་རྒྱས་བཅོམ་ལྡན་འདས་དེ་དག་ཐམས་ཅད་རང་རང་གི་འཁོར་དང་། ཁང་པ་བརྩེག་མའི་ནང་དུ་ཞུགས་སོ། །དེ་ནས་དེ་བཞིན་གཤེགས་པ་ནོར་བུ་བཟང་པོ་རྣམ་པར་བཀྲ་བ་རབ་གནས་གཙང་མས་དེ་བཞིན་གཤེགས་པ་
དེ་དག་ཐམས་ཅད་ཡང་དག་པར་དགྱེས་པར་མཛད་དེ། རྫུ་འཕྲུལ་གྱི་ཆོ་འཕྲུལ་ཆེན་པོས་ལེགས་པར་མཆོད་ནས་རང་རང་གི་སེང་གེའི་ཁྲི་ལ་བཞུགས་སོ། །དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་ནོར་བུའི་སྙིང་པོ་
དེ་བཞིན་གཤེགས་པ་ནོར་བུ་བཟང་པོ་རྣམ་པར་བཀྲ་བ་རབ་གནས་གཙང་མ་གང་ན་བ་དེར་སོང་སྟེ་ཕྱིན་ནས། བཅོམ་ལྡན་འདས་ཀྱི་ཞབས་ལ་མགོ་བོས་ཕྱག་བྱས་ཏེ། བཅོམ་ལྡན་འདས་ལ་འདི་སྐད་ཅེས་གསོལ་ཏོ། །
བཅོམ་ལྡན་འདས་འདུས་པ་ཆེན་པོ་ཡང་རབ་ཏུ་གདའ། བྱང་ཆུབ་སེམས་དཔའི་འདུས་པ་ཆེན་པོ་དང་། ལྷ་དང་། ཀླུ་དང་། གནོད་སྦྱིན་དང་། ལྷ་མ་ཡིན་དང་། ནམ་མཁའ་ལྡིང་དང་། མི་འམ་ཅི་དང་། ལྟོ་འཕྱེ་ཆེན་པོ་དང་། 

106-1-140b

མི་དང་།  མི་མ་ལགས་པའི་འདུས་པ་ཆེན་པོ་ཐམས་ཅད་ཀྱང་རབ་ཏུ་གདའ། རིག་སྔགས་འཆང་གི་ཚོགས་འདུས་པ་ཆེན་པོ་ཡང་ལྷགས་ནས་འདི་ལྟ་སྟེ། ལག་ན་རྡོ་རྗེ་ལ་སོགས་པ་སེམས་དཔའ་ཆེན་པོའི་ཚོགས་ཀྱང་ལྷགས། 
བཅོམ་ལྡན་འདས་རྫུ་འཕྲུལ་གྱི་ཆོ་འཕྲུལ་ཆེན་པོ་ཡང་གདའ་ལགས་པས་བཅོམ་ལྡན་འདས་ནོར་བུ་ཆེན་པོ་རྒྱས་པའི་གཞལ་མེད་ཁང་ཤིན་དུ་རབ་ཏུ་གནས་པ་གསང་བ་རབ་ཏུ་བསྟན་པའི་དུས་ནི་འདི་ལགས་སོ། །ཚོད་ནི་འདི་
ལགས་སོ་ཞེས་ལན་གཉིས་ལན་གསུམ་དུ་གསོལ་བ་བཏབ་པ་དང་། དེ་ནས་བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ནོར་བུ་བཟང་པོ་རྣམ་པར་བཀྲ་བ་རབ་གནས་གཙང་མས་
བྱང་ཆུབ་སེམས་དཔའ་སེམས་དཔའ་ཆེན་པོ་ནོར་བུའི་སྙིང་པོ་ལ་བཀའ་སྩལ་པ། རིགས་ཀྱི་བུ་སོང་ལ་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཤཱཀྱ་ཐུབ་པ་ལ་གསོལ་བ་ཐོབ་ཤིག་དང་། 
དེས་ཁྱོད་ལ་རབ་ཏུ་སྟོན་པར་འགྱུར་རོ། །དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་ནོར་བུའི་སྙིང་པོ་བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཤཱཀྱ་ཐུབ་པ་
གང་ན་བ་དེར་སོང་སྟེ་ཕྱིན་ནས། བཅོམ་ལྡན་འདས་ལ་ལན་གསུམ་བསྐོར་བ་བྱས་ཏེ་སྤྱན་སྔར་འདུག་ནས། བཅོམ་ལྡན་འདས་ལ་བྱང་ཆུབ་སེམས་དཔའ་སེམས་དཔའ་ཆེན་པོ་ནོར་བུའི་སྙིང་པོས་འདི་སྐད་ཅེས་གསོལ་
ཏོ། །བཅོམ་ལྡན་འདས་ནོར་བུ་ཆེན་པོ་རྒྱས་པའི་གཞལ་མེད་ཁང་ཤིན་དུ་རབ་ཏུ་གནས་པ་གསང་བ་འདི་སེམས་ཅན་ཐམས་ཅད་ལ་ཐུགས་བརྩེ་བའི་སླད་དུ་རབ་ཏུ་བསྟན་དུ་གསོལ། དེ་ནས་བཅོམ་ལྡན་འདས་དེ་བཞིན་གཤེགས་
པ་ཤཱཀྱ་ཐུབ་པས་གསོལ་བ་བཏབ་པར་ཐུགས་སུ་ཆུད་ནས་གསང་བ་པའི་བདག་པོ་ལག་ན་རྡོ་རྗེ་ལ་བཀའ་སྩལ་པ། གསང་བ་པའི་བདག་པོ་སོང་ལ་འཁོར་མང་པོ་འདིའི་དབུས་ཀྱི་ས་ཕྱོགས་སུ་རྡོ་རྗེས་ས་ལ་སྣུན་ཅིག །དེ་ནས་

106-1-141a

གསང་བའི་བདག་པོ་ལག་ན་རྡོ་རྗེས་བཅོམ་ལྡན་འདས་ཀྱིས་བཀའ་སྩལ་པ་མཉན་ནས། འཁོར་གྱི་སའི་དཀྱིལ་འཁོར་ཆེན་པོའི་དབུས་གང་ན་བ་དེར་སོང་ནས་ས་ཕྱོགས་དེ་ལ་རྡོ་རྗེས་བསྣུན་ཏེ་ས་ལ་བསྣུན་མ་ཐག་ཏུ་དེ་
ནས་གྲུ་བཞིར་གས་སོ། །སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་འདི་ཡང་རྣམ་པ་དྲུག་ཏུ་རབ་ཏུ་གཡོས་སོ། །གཡོས་མ་ཐག་ཏུ་ས་ཕྱོགས་དེར་རིན་པོ་ཆེ་སྣ་བདུན་གྱི་ཁང་པ་བརྩེག་མ་གྲུ་བཞི་པ། ཀ་བ་བཞི་ཟུག་
པ། སྒོ་བཞི་བཏོད་པ། མཉམ་པ། ཉམས་དགའ་བ། ཤིན་དུ་རྣམ་པར་ཕྱེ་བ། ཆས་མཛེས་པར་བྱས་པ། བཀྲ་བ། བལྟ་ན་སྡུག་པ། འོད་འབར་བ། ཐེམ་སྐས་བཞི་དང་ལྡན་པ། འཕང་དུ་དཔག་ཚད་གསུམ་ཡོད་ལ། 
རྒྱར་དཔག་ཚད་ལྔ་ཡོད་པ་ཞིག་བྱུང་ངོ་། །ཁང་པ་བརྩེག་མའི་དབུས་དེར་ཡང་འཛམ་བུ་ཆུ་བོའི་གསེར་ལས་བྱུང་བའི་མཆོད་རྟེན་ནོར་བུ་དང་། རིན་པོ་ཆེ་དང་། མུ་ཏིག་གི་དྲ་བ་དུ་མས་བརྒྱན་པ། རིན་པོ་ཆེ་སྣ་བདུན་ལས་
བྱུང་བའི་དྲིལ་བུ་གཡེར་ཀའི་དྲ་བས་གཡོགས་པ། དྲིལ་བུ་དུ་མ་འཕྱང་དུ་བཅུག་པ། དར་གྱི་ཆུན་པོ་དུ་མས་མཛེས་པར་བྱས་པ། མེ་ཏོག་གི་ཆུན་པོ་དུ་མས་མངོན་བར་བརྒྱན་པ་ཞིག་བྱུང་ངོ་། །མཆོད་རྟེན་དེའི་དབུས་ན་དེ་
བཞིན་གཤེགས་པ་གསུམ་གྱི་སྐུ་བཞུགས་སོ། །དེ་ནས་སངས་རྒྱས་བཅོམ་ལྡན་འདས་དེ་དག་ཐམས་ཅད་ཀྱིས་ཁང་པ་བརྩེག་མ་དེ་ལ་མཆོད་པ་མཛད་དོ། །བྱང་ཆུབ་སེམས་དཔའི་འཁོར་དེ་ཡང་ཁང་པ་བརྩེག་མ་དེ་དང་། 
མཆོད་རྟེན་ལ་མཆོད་པར་བྱེད། རྗེད་པར་བྱེད། མེ་ཏོག་དང་། བདུག་པ་དང་། དྲི་དང་། ཕྲེང་བ་དང་། བྱུག་པ་དང་། གདུགས་དང་། རྒྱལ་མཚན་དང་། བ་དན་དང་། རོལ་མོ་དང་། ཐལ་མོ་སྦྱར་བ་དང་། ཕྱག་འཚལ་བར་བྱེད་དོ། །དེ་ནས་
ལྷ་དང་། ཀླུ་དང་། གནོད་སྦྱིན་དང་། དྲི་ཟ་དང་། ལྷ་མ་ཡིན་དང་། ནམ་མཁའ་ལྡིང་དང་། མི་འམ་ཅི་དང་། ལྟོ་འཕྱེ་ཆེན་པོ་དང་། མི་དང་། མི་མ་ཡིན་པའི་འཁོར་མང་པོ་དེ་དག་ངོ་མཚར་སྐྱེས་ཏེ་ཡ་མཚན་དུ་གྱུར། སྤྲོ་བར་གྱུར་ནས་ཁང་པ་

106-1-141b

བརྩེག་མ་དང་། མཆོད་རྟེན་འདི་ཅིའི་ཕྱིར་བྱུང་བར་གྱུར་ཅེས་ག་ཞའི་སྒྲ་མཐོན་པོར་འབྱིན་ཅིང་མཆོད་རྟེན་དང་།  ཁང་པ་བརྩེག་མ་དེ་ལ་སྐོར་བ་བྱེད། མཆོད་པར་བྱེད། རྗེད་པར་བྱེད། མེ་ཏོག་དང་། བདུག་པ་དང་། དྲི་དང་། ཕྲེང་བ་
དང་། བྱུག་པ་དང་། སིལ་སྙན་སྣ་ཚོགས་དང་། ཕེག་རྡོབ་པ་དག་གིས་མཆོད་པར་བྱེད་དོ། །བྱང་ཆུབ་སེམས་དཔའ་དེ་དག་ཐམས་ཅད་དང་། འཁོར་གྱི་དཀྱིལ་འཁོར་ཐམས་ཅད་ཀྱང་ཐལ་མོ་སྦྱར་ནས་འཁོད་དེ་ཕྱག་འཚལ་
བར་བྱེད་དོ། །དེ་ནས་ཁང་པ་བརྩེག་མ་དེ་ལས་སྒྲ་བྱུང་བ། ཀྱེ་འཁོར་མང་པོ་དག་བར་སྣང་ལ་ཅི་སྣང་ལྟོས་ཤིག་ལྟོས་ཤིག །དེ་ནས་ཇི་ལྟར་འདུས་པའི་འཁོར་མང་པོ་དེ་དག་ཐམས་ཅད་ཀྱིས་བར་སྣང་ལ་བལྟས་ཏེ་བལྟས་མ་
ཐག་ཏུ་བཻ་དཱུརྱ་དང་། ནོར་བུ་རིན་པོ་ཆེ་ཆེན་པོ་ལས་བྱུང་བའི་སྤྲིན་གྱི་ཕུང་པོ་ཆེན་པོ་ཞིག་བྱུང་ངོ་། །དེ་ནས་སྤྲིན་གྱི་ཕུང་པོའི་སྟེང་དུ་ནོར་བུ་ཆེན་པོ་རྒྱས་པའི་གཞལ་མེད་ཁང་ཤིན་དུ་རབ་ཏུ་གནས་པ་གསང་བ་ཞེས་བྱ་བའི་གཟུངས་
འདི་ཡི་གེ་གསེར་གྱི་ཁ་དོག་ཏུ་བྲིས་པར་མཐོང་ངོ་། །ནམ་མཁའི་དཀྱིལ་དེ་ཉིད་ལས་སྒྲ་བྱུང་བ། སངས་རྒྱས་བཅོམ་ལྡན་འདས་ཐམས་ཅད་ནོར་བུ་ཆེན་པོ་རྒྱས་པའི་གཞལ་མེད་ཁང་ཤིན་དུ་རབ་ཏུ་གནས་པ་གསང་བ་
ཞེས་བྱ་བའི་གཟུངས་བཀླག་ཏུ་གསོལ་བཀླག་ཏུ་གསོལ། སྒྲ་བྱུང་མ་ཐག་ཏུ་དེ་བཞིན་གཤེགས་པ་རེ་རེའི་སྤྱན་སྔར་སྤྲིན་གྱི་ཕུང་པོ་ལ་བྲེས་པ་བྱུང་ནས་འདི་སྐད་ཅེས་ཀྱང་དབྱངས་སུ་སྒྲོགས་སོ། །བཅོམ་ལྡན་འདས་
ཤཱཀྱ་ཐུབ་པ་དེ་ལ་ཕྱག་འཚལ་ལོ་ཕྱག་འཚལ་ལོ། །མཆོད་རྟེན་མཆོག་འདི་སྒོ་ཕྱེ་ཤིག །མཆོད་རྟེན་དེའི་དབུས་ན་དེ་བཞིན་གཤེགས་པ་གསུམ་གྱི་སྐུ་བཞུགས་ཏེ། དེའི་མཐུས་ཆོ་འཕྲུལ་གྱི་རྣམ་པར་སྤྲུལ་པའི་ཁྱད་
པར་ཆེན་པོ་འདི་སྣང་ཞིང་དེ་ཁོ་ནའི་མཐུས་དེ་བཞིན་གཤེགས་པ་ཐམས་ཅད་ཀྱིས་རྫུ་འཕྲུལ་རྣམ་པར་འཕྲུལ་པ་ཡང་སྣང་། ནོར་བུ་ཆེན་པོ་རྒྱས་པའི་གཞལ་མེད་ཁང་ཤིན་ཏུ་རབ་ཏུ་གནས་པའི་གསང་བའི་གཟུངས་

106-1-142a

དཀྱིལ་འཁོར་དང་། ཆོ་ག་དང་། རིག་སྔགས་དང་། ཆོ་ག་ཞིབ་མོའི་ཡོ་བྱད་དང་བཅས་པ་མཐའ་དག་རྫོགས་ཤིང་རྒྱས་པར་འཁོར་གྱི་དབུས་སུ་ལེགས་པར་རབ་ཏུ་འཆད་པར་འགྱུར་རོ། །དེ་ནས་ཕྱོགས་བཅུ་ནས་
འདུས་པའི་སངས་རྒྱས་བཅོམ་ལྡན་འདས་དེ་དག་ཐམས་ཅད་ཀྱིས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཤཱཀྱ་ཐུབ་པ་ལ་འདི་སྐད་ཅེས་གསུངས་སོ། །བཅོམ་ལྡན་འདས་མཆོད་རྟེན་
རིན་པོ་ཆེ་འདི་དང་འདི་ན་བཞུགས་པ་འདི་ལྟ་སྟེ། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ནོར་བུའི་རྒྱལ་པོ་མེ་ཏོག་རྒྱལ་མཚན་དང་། ནོར་བུ་རྣམ་པར་བཀྲ་བ་དང་། རྡོ་རྗེ་འཕགས་པའི་རྒྱལ་པོ་
ཞེས་བྱ་བ་དེ་དག་བསྟན་པའི་སྐབས་དབྱེ་བར་མཛོད་ཅིག །དེ་ནས་བཅོམ་ལྡན་འདས་དེ་བཞིན་གཤེགས་པ་ཤཱཀྱ་ཐུབ་པས་རྫུ་འཕྲུལ་གྱི་ཆོ་འཕྲུལ་ཆེན་པོ་ཁང་པ་བརྩེག་མའི་མཆོད་རྟེན་གང་ན་བར་བཞུད་དེ། ཕྱག་གཡས་
པ་གསེར་གྱི་ཁ་དོག་ཅན་བསོད་ནམས་བརྒྱའི་མཚན་གྱིས་བརྒྱན་པ་བརྐྱང་ནས་མཆོད་རྟེན་མཆོག་དེའི་སྒོའི་སྒོ་འཕར་ཕྱེ་སྟེ། དེ་བཞིན་གཤེགས་པའི་སྐུ་རྣམས་བསྟན་ཏོ། །དེ་ནས་དེ་བཞིན་གཤེགས་པ་དེ་རྣམས་ཀྱིས་དེ་བཞིན་
གཤེགས་པ་ཤཱཀྱ་ཐུབ་པ་ལ་ལེགས་སོ་ཞེས་བྱ་བ་བྱིན་ཏེ། ཤཱཀྱ་ཐུབ་པ་ལེགས་སོ་ལེགས་སོ། །དེང་ཁྱོད་ཀྱིས་འཛམ་བུའི་གླིང་དུ་ཆོས་ཀྱི་འཁོར་ལོ་ལན་གཉིས་པ་བསྐོར་ཏོ། །བཅོམ་ལྡན་འདས་སེང་གེའི་ཁྲི་འདི་
ཉིད་ལ་བཞུགས་ཤིག །དེ་ནས་དེ་བཞིན་གཤེགས་པ་ཤཱཀྱ་ཐུབ་པ་མཆོད་རྟེན་གྱི་ནང་དུ་ཁྲི་དེ་ཉིད་ལ་བཞུགས་སོ། །དེ་ནས་བཅོམ་ལྡན་འདས་ལ་བྱང་ཆུབ་སེམས་དཔའ་སེམས་དཔའ་ཆེན་པོ་ལག་ན་རྡོ་རྗེས་འདི་སྐད་
ཅེས་གསོལ་ཏོ། །བཅོམ་ལྡན་འདས་དེ་བཞིན་གཤེགས་པ་འདི་དག་ཁང་པ་བརྩེག་མའི་མཆོད་རྟེན་གྱི་ནང་དུ་ཅིའི་སླད་དུ་བྱུང་། གང་ནས་ནི་གཤེགས། བཅོམ་ལྡན་འདས་ཀྱིས་བཀའ་སྩལ་པ། ལག་ན་རྡོ་རྗེ་སྔོན་བྱུང་

106-1-142b

བ་བསྐལ་པ་བསམ་གྱིས་མི་ཁྱབ་པ། ཚད་མེད་པ། དཔག་ཏུ་མེད་པ། གཞལ་དུ་མེད་པ། གཞལ་གྱིས་མི་ལང་བ། ཚད་གཟུང་དུ་མེད་པ། ཚེས་གྲངས་མེད་པ་ན་གང་གི་ཚེ་འཛམ་བུའི་གླིང་འབྱོར་པ་དང་། རྒྱས་པ་དང་། ལོ་
ལེགས་པ་དང་། ཉམས་དགའ་བ་དང་། སྐྱེ་བོ་དང་། མི་མང་པོས་གང་ཞིང་མ་རྨོས་པ།  མ་བཏབ་པའི་འབྲས་སཱ་ལུ་བྱུང་སྟེ། བདག་གི་བ་མེད་ཅིང་ཡོངས་སུ་བཟུང་བ་མེད་དེ། འཇིག་རྟེན་ཐམས་ཅད་བདེ་བ་དང་ལྡན་པ་
དེའི་ཚེ་འཛམ་བུའི་གླིང་ན་སངས་རྒྱས་མེད་དོ། །དེའི་ཚེ་རིའི་རྒྱལ་པོ་རིན་ཆེན་རི་བོ་ཞེས་བྱ་བ་དེ་ལ་དྲང་སྲོང་གསུམ་ཞིག་གནས་ཏེ། གཅིག་གི་མིང་ནི་ནོར་བུའི་གཙུག་ཏོར། གཉིས་པ་ནི་གསེར་གྱི་གཙུག་ཏོར། གསུམ་
པ་ནི་རྡོ་རྗེའི་གཙུག་ཏོར་ཞེས་བྱ་སྟེ། དེ་རྣམས་བདག་ཅག་ཇི་ལྟར་སེམས་ཅན་ཐམས་ཅད་བསྒྲལ་བའི་ཕྱིར་འདི་ལྟ་སྟེ། འཇིག་རྟེན་བླ་ན་མེད་པ་ཡང་དག་པར་རྫོགས་པར་བྱང་ཆུབ་པའི་སངས་རྒྱས་ཉིད་འཐོབ་པར་འགྱུར་
སྙམ་ཞིང་གཅིག་ཏུ་སངས་རྒྱས་ཡིད་ལ་བྱེད། ཆོས་ཡིད་ལ་བྱེད། དགེ་བདུན་ཡིད་ལ་བྱེད་དོ། །དེ་ནས་དྲང་སྲོང་དེ་རྣམས་དེ་སྙམ་དུ་བསམས་ནས་ཡུད་ཙམ་ཞིག་ཅང་མི་སྨྲ་བར་གྱུར་ཅིང་སེམས་པ་ན། དེ་རྣམས་
ཀྱིས་སེམས་ཅན་ཐམས་ཅད་མངོན་བར་དགའ་བའི་བྱམས་པ་རྣམ་པར་བཀྲ་བའི་གཞལ་མེད་ཁང་ཞེས་བྱ་བའི་ཏིང་ངེ་འཛིན་ཐོབ་ཅིང་། ལྷའི་མིག་སྐྱེས་ནས་ཇི་ཙམ་ན་སྟེང་དུ་བལྟས་ན་གནས་གཙང་མའི་རིས་ཀྱི་ལྷའི་བུ་བར་
སྣང་ལ་སྒྲ་འབྱིན་པ། སྐྱེས་བུ་དམ་པ་ལེགས་སོ་ལེགས་སོ། །ཁྱོད་འདི་ལྟ་སྟེ། བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་སེམས་བསྐྱེད་པ་འདི་ནི་ལེགས་སོ། །ཀྱེ་སྐྱེས་བུ་དམ་པ་དག་ནོར་བུ་ཆེན་པོ་རྒྱས་པའི་
གཞལ་མེད་ཁང་ཤིན་དུ་རབ་ཏུ་གནས་པ་གསང་བ་སྔོན་གྱི་དེ་བཞིན་གཤེགས་པ་རྣམས་ཀྱིས་སེམས་ཅན་ཐམས་ཅད་ལ་ཕན་པའི་དོན་དུ་གསུངས་པ་ཐོས་པ་ཙམ་གྱིས་ཕྱིར་མི་ལྡོག་པ་ནས་བླ་ན་མེད་པ་ཡང་དག་པར་རྫོགས་

106-1-143a

པའི་བྱང་ཆུབ་ཀྱི་བར་ཐོབ་པར་འགྱུར། ཆོས་ཐམས་ཅད་མངོན་དུ་འགྱུར། གཟུངས་ཀྱི་སྒོ་ཐམས་ཅད་མངོན་དུ་འགྱུར། བདུད་ཐམས་ཅད་བརྒྱལ་བར་འགྱུར། ཆོས་ཐམས་ཅད་ཀྱི་སྒྲོན་མ་སྦོར་བར་འགྱུར། དགེ་བའི་རྩ་བ་
ཐམས་ཅད་མངོན་དུ་འགྱུར། ཕ་རོལ་ཏུ་ཕྱིན་པ་དྲུག་ཡོངས་སུ་རྫོགས་པར་འགྱུར། དམྱལ་བ་དང་། དུད་འགྲོའི་སྐྱེ་གནས་དང་། གཤིན་རྗེའི་འཇིག་རྟེན་དང་། ཡི་དགས་ཀྱི་ཡུལ་དང་། ལྷ་མ་ཡིན་གྱི་ཆོས་རྣམས་ལས་ཡོངས་སུ་
ཐར་བར་འགྱུར། སྐྱེ་བ་དང་། རྒ་བ་དང་། ན་བ་དང་། འཆི་བ་དང་། མྱ་ངན་དང་། སྨྲེ་སྔགས་འདོན་པ་དང་། སྡུག་བསྔལ་བ་དང་། ཡིད་མི་བདེ་བ་དང་། འཁྲུག་པ་རྣམས་ལས་ཡོངས་སུ་ཐར་པར་འགྱུར་བ་ཐོས་ཕྱི་མའི་
ཚེ་ཕྱི་མའི་དུས་ན་འཛམ་བུའི་གླིང་འདི་ན་སེམས་ཅན་གང་དག་ཕར་མི་འཛིན་པ་དང་། མར་མི་འཛིན་པ་དང་། དགེ་སྦྱོང་དུ་མི་འཛིན་པ་དང་། བྲམ་ཟེར་མི་འཛིན་པ་དང་། མི་དགེ་བ་དང་། དམ་པའི་ཆོས་སྤོང་བ་དང་། འཕགས་པ་
ལ་སྐུར་པ་འདེབས་པ་དང་། མནར་མེད་པར་གཞོལ་བ་དང་། སངས་རྒྱས་དང་། བྱང་ཆུབ་སེམས་དཔའ་ལ་སླུ་བ་དང་། དགྲ་བཅོམ་པ་གསོད་པ་དང་། མཚམས་མེད་པ་ལྔ་བྱེད་པ་དང་། བྲམ་ཟེ་གསོད་པ་དང་། བ་ལང་
གསོད་པ་དང་། ཆོམ་རྐུན་བྱེད་པ་དང་། གཡོན་ཅན་དང་། ཤོ་གམ་སྒུགས་པ་དང་། བརྫུན་དུ་སྨྲ་བ་དང་། མ་བྱིན་པར་ལེན་པ་དང་། འདོད་པས་ལོག་པར་སྤྱོད་པ་དང་། ཕྲ་མ་སྨྲ་བ་དང་། ཚིག་ཀྱལ་པ་སྨྲ་
བ་དང་། གཞལ་བ་ལ་སྒྱུ་བྱེད་པ་དང་། གཞལ་ལུགས་ལ་སྒྱུ་བྱེད་པ་དང་། སྲང་ལ་སྒྱུ་བྱེད་པ་དང་། གཞན་གྱི་ནོར་ལ་འཕྲོག་པ་དང་། གཏམས་པ་རྣོག་པ་དང་། བཤེས་པ་ལ་འཁུ་བ་དང་། སྔོན་གྱི་ལས་ཀྱི་སྒྲིབ་
པས་ཟིན་པ་དག་འབྱུང་བར་འགྱུར་ཏེ། དེ་དག་ཐམས་ཅད་གཟུངས་འདིའི་མཐུས་ཐོས་པ་ཙམ་འམ། བཀླགས་པའམ། ཀུན་ཆུབ་པར་བྱས་པ་འམ། ལུས་ལ་ཐོགས་སམ། བྲིས་ནས་འཆང་ངམ། རྒྱལ་མཚན་

106-1-143b

གྱི་རྩེ་མོ་ལ་འདོགས་སམ། གླེགས་བམ་དུ་བྱེད་དམ། རས་ལ་བྲིས་པའམ། དར་ལ་བྲིས་པའམ། བརྩིག་པ་ལ་བྲིས་པའམ། ར་བ་ལ་བྲིས་པ་འམ། ཆུང་ངུ་ན་སྒྲ་ཉན་པའམ། ལག་པས་རེག་གམ། གྲིབ་མས་ཕོག་གམ། 
སེམས་ཅན་གཞན་གྱིས་རེག་ན་ཡང་དེ་དག་ཐམས་ཅད་གདོན་མི་ཟ་བར་ཕྱིར་མི་ལྡོག་པར་གྱུར་ནས་བླ་ན་མེད་པ་ཡང་དག་པར་རྫོགས་པར་བྱང་ཆུབ་མངོན་པར་རྫོགས་པར་སངས་རྒྱས་པར་འགྱུར། ཚེ་འདི་ཉིད་ལ་ཡང་བརྒྱ་སྟོང་
མཐའ་ཡས་པ་ཐོབ་པར་འགྱུར་རོ། །སྡིག་པ་ཐམས་ཅད་དང་བྲལ་བར་འགྱུར། དགེ་བའི་རྩ་བ་ཐམས་ཅད་དང་ལྡན་པར་འགྱུར། བདུད་ཐམས་ཅད་མཐར་བྱེད་པར་འགྱུར། འཇིག་རྟེན་ཐམས་ཅད་དགའ་བར་འགྱུར། 
སེམས་ཅན་ཐམས་ཅད་ཀྱི་མཆོད་པའི་འོས་སུ་འགྱུར། རྒྱལ་པོ་དང་། རྒྱལ་བུ་དང་། བློན་པོ་དང་། བཙུན་མོའི་འཁོར་དང་བཅས་པ་ཐམས་ཅད་དགའ་བར་འགྱུར། དགེ་སྦྱོང་དང་། བྲམ་ཟེ་ཐམས་ཅད་དགའ་བར་འགྱུར། 
ཚིག་གཟུང་བར་འོས་པར་འགྱུར། རྟག་ཏུ་ལག་པ་དང་། རྐང་པ་གཞོན་ཤ་ཅན་དུ་འགྱུར། ཚིག་མཉེན་ཞིང་སྙན་པར་འགྱུར། བཀྲེན་པར་མི་འགྱུར་ཏེ། འཇིག་རྟེན་པའི་སྡུག་བསྔལ་ཉམས་སུ་མྱོང་བར་མི་འགྱུར། 
དུག་གིས་མི་ཚུགས་ཏེ། མཚོན་གྱིས་མ་ཡིན། མེ་ཡིས་མ་ཡིན། ཆུས་མ་ཡིན། དེ་ལ་གཅན་ཟན་ཁྲོ་བོའི་འཇིགས་པས་མི་ཚུགས་ཏེ། མི་རྒོད་ཀྱི་འཇིགས་པས་མ་ཡིན། ཆོམ་རྐུན་གྱི་འཇིགས་པས་མ་ཡིན། ཀླ་ཀློའི་
འཇིགས་པས་མ་ཡིན། ལམ་དང་ལམ་གོལ་བའི་འཇིགས་པས་མ་ཡིན། གནོད་སྦྱིན་གྱི་འཇིགས་པས་མ་ཡིན། འབྱུང་པོའི་འཇིགས་པས་མ་ཡིན། སྲིན་པོའི་འཇིགས་པས་མ་ཡིན། ཤ་ཟའི་འཇིགས་པས་མ་ཡིན། 
མཁའ་འགྲོ་མའི་འཇིགས་པས་མ་ཡིན། སྦྲུལ་གྱི་འཇིགས་པ་མི་འབྱུང་། ལུས་ལ་རིམས་ཀྱིས་མི་ཚུགས་ཏེ། ཞག་གཅིག་པའམ། ཞག་གཉིས་པའམ། ཞག་གསུམ་པའམ། ཞག་བཞི་པའམ། རྟག་པའི་

106-1-144a

རིམས་སམ། རིམས་ཐམས་ཅད་ཀྱིས་ལུས་ལ་མི་ཚུགས་པར་འགྱུར། མིག་གི་ནད་མི་འབྱུང་སྟེ། རྣ་བའི་ནད་མ་ཡིན། སྣའི་ནད་མ་ཡིན། ལྕེའི་ནད་མ་ཡིན། ཁའི་ནད་མ་ཡིན། སོའི་ནད་མ་ཡིན། མཆུའི་ནད་མ་
ཡིན། མགྲིན་པའི་ནད་མ་ཡིན། རྣ་བར་ཟུག་པ་མ་ཡིན། ལག་པའི་ནད་མ་ཡིན། རྒྱབ་ཀྱི་ནད་མ་ཡིན། ཆུ་སོའི་ནད་མ་ཡིན། གཞང་འབྲུམ་གྱི་ནད་མ་ཡིན། གཅིན་ནད་མ་ཡིན། འཁྲུ་བའི་ནད་མ་ཡིན། ཤུ་བའི་ནད་མ་
ཡིན། བརླའི་ནད་མ་ཡིན། བྱིན་པའི་ནད་མ་ཡིན། རྐང་པའི་ནད་མ་ཡིན། ནད་ཐམས་ཅད་མི་འབྱུང་ངོ་། །འདི་ལྟ་སྟེ། བས་བལྡགས་དང་། ལྷོག་པ་དང་། མེ་དཔལ་དང་། ལྟོ་ན་བ་དང་། གཡན་པ་དང་། ཕོལ་མིག་དང་། 
ཁྱི་རྔོ་དང་། མཛེ་དང་། རྐང་ཤུ་ལ་སོགས་པ་ཐམས་ཅད་ཀྱི་ཐམས་ཅད་དུ་མི་འབྱུང་། ཀླད་པ་ན་བ་མ་ཡིན། གཞོག་ཕྱེད་ན་བ་མ་ཡིན། ལོང་བར་མི་འགྱུར། ཞར་བར་མི་འགྱུར། སྒུར་པོ་མ་ཡིན། ཕ་རོལ་གྱི་མཐུས་འཆི་
བར་མི་འགྱུར། འོན་པར་མི་འགྱུར། ཤ་བཀྲ་ཅན་དུ་མི་འགྱུར། བརྙས་ཤིང་གནས་པར་མི་འགྱུར་ཏེ། ཡོན་ཏན་གྱི་ཁྱད་པར་འདི་དག་ཆོས་དང་ལྡན་པར་འབྱུང་བར་འགྱུར་རོ། །འཆི་བའི་ཚེ་ན་ཡང་སྤོབས་པ་མི་ཟད་པར་
འགྱུར། སེམས་འཁྲུགས་པས་དུས་བྱེད་པར་མི་འགྱུར། དེ་བཞིན་གཤེགས་པ་ཐམས་ཅད་ཞལ་མངོན་དུ་བསྟན་ནས་དབུགས་འབྱིན་པ་མཛད་པར་འགྱུར། ལུས་ལ་བྱད་དང་གཡེངས་བྱེད་ཀྱིས་མི་ཚུགས། ལུས་
ལ་སྔགས་ཀྱི་སྦྱོར་བས་མི་ཚུགས། བདེ་བར་གཉིད་ཀྱིས་ལོག་པར་འགྱུར། བདེ་བར་སད་པར་འགྱུར། རྨི་ལམ་ན་ཡང་སངས་རྒྱས་བརྒྱ་སྟོང་མཐོང་བར་འགྱུར། དེ་བཞིན་གཤེགས་པ་བྱང་ཆུབ་སེམས་དཔའི་ཚོགས་
ཀྱིས་བསྐོར་བ་ཐམས་ཅད་མཐོང་བར་འགྱུར་ཏེ། གསང་བའི་གཟུངས་ཀྱི་མཐུས་ཡོན་ཏན་གྱི་ཁྱད་པར་དེ་ལྟ་བུ་འབྱུང་ངོ་ཞེས་སྨྲ་བ་མཐོང་ངོ་། །དེ་ནས་དྲང་སྲོང་དེ་རྣམས་ཀྱི་དགའ་བ་སྙིང་ལ་རེག་ཅིང་སྤྲོ་བ་ཐོབ་ནས་མར་

106-1-144b

སར་གྱི་གོང་བུ་བཞུ་བ་བཞིན་དུ་ལུས་ཞིག་ནས་ཞུ་བའི་ཁུ་བ་དེ་སའི་ནང་དུ་ཐིམ་མོ། །དེ་ནས་ས་གཞི་དེ་ལས་སྨྱིག་མའི་མདེའུ་གསེར་གྱི་ཁ་དོག་ཅན། རྩ་བ་རིན་པོ་ཆེ་སྣ་བདུན་ལས་བྱས་པ། ལོ་མ་གསེར་ལས་བྱས་པ། 
རྩེ་མོ་མུ་ཏིག་ལས་བྱས་པ། བཀྲ་བ། བལྟ་ན་སྡུག་པ། སྟོབས་དང་ལྡན་པ། གཟི་དང་ལྡན་པ། དྲི་ཞིམ་པ། ཤིན་དུ་ཡིད་དུ་འོང་བ་གསུམ་སྐྱེས་སོ། །སྨྱིག་མའི་མདེའུ་དེ་རྣམས་ཟླ་བ་བཅུ་ལོན་པ་དང་གས་ཏེ། དེ་རྣམས་
ཀྱི་དབུས་ནས་ཁྱེའུ་གཟུགས་བཟང་པོ་མཛེས་པ། བལྟ་ན་སྡུག་པ། ཁ་དོག་རྒྱས་པ།  མཆོག་དང་ལྡན་པ་གསུམ་བྱུང་ངོ་། །དེ་ནས་ཁྱེའུ་དེ་རྣམས་ཕྱོགས་དེ་ཉིད་དུ་དེའི་དྲུང་ན་དཀྱིལ་མོ་དཀྲུང་བཅས་ཏེ་སྒོམ་ཞིང་འཁོད་
དོ། །ཇི་ཙམ་ན་ཞག་བདུན་ལོན་པའི་ཉིན་མོ་བྱང་ཆུབ་མངོན་བར་རྫོགས་པར་སངས་རྒྱས་ཏེ། གསེར་གྱི་ཁ་དོག་གི་ལུས་སྐྱེས་བུ་ཆེན་པོའི་མཚན་སུམ་བཅུ་རྩ་གཉིས་དང་། དཔེ་བྱད་བཟང་པོ་བརྒྱད་བཅུས་སྤྲས་པ། འོད་
འདོམ་གང་གིས་ཀུན་ནས་སྤྲས་པར་གྱུར་ཏོ། །སྨྱིག་མའི་མདེའུ་དེ་རྣམས་ཀྱང་ཁང་པ་བརྩེག་མར་གྱུར་ཏོ། །ནོར་བུ་ཆེན་པོ་རྒྱས་པའི་གཞལ་མེད་ཁང་ཤིན་དུ་རབ་ཏུ་གནས་པ་གསང་བའི་གཟུངས་འདི་ཡང་ནམ་མཁའ་
ལ་གསེར་གྱི་ཡི་གེར་སྣང་ངོ་། །རྒྱལ་པོ་ཆེན་པོ་བཞི་ཡང་སྟེང་ནས་གདུགས་འཛིན་ཅིང་མེ་ཏོག་གིས་གཏོར་ཏེ། འདི་སྐད་ཅེས་འཇིག་རྟེན་དུ་སངས་རྒྱས་བྱུང་ངོ་ཞེས་དབྱངས་སུ་སྒྲོགས་ཤིང་འདི་ལྟ་སྟེ། ཀླུའི་བདག་པོ་རྒྱལ་
པོ་ཆེན་པོའི་གཙུག་གི་ནོར་བུ་ཞེས་བྱ་བ་དང་། གྲུལ་བུམ་གྱི་བདག་པོ་རྒྱལ་པོ་ཆེན་པོ་ནོར་བུའི་སྙིང་པོ་ཞེས་བྱ་བ་དང་། བྲང་འགྲོའི་བདག་པོ་རྒྱལ་པོ་ཆེན་པོ་ནོར་བུའི་འོད་ཅེས་བྱ་བ་དང་། གནོད་སྦྱིན་གྱི་བདག་པོ་རྒྱལ་པོ་
ཆེན་པོ་ནོར་བུའི་རྡོ་རྗེ་ཞེས་བྱ་བ་འཁོར་གནོད་སྦྱིན་བརྒྱ་སྟོང་ཕྲག་དུ་མ་དང་། བཅོམ་ལྡན་འདས་དེ་དག་ལ་མཆོད་པ་བྱེད་དོ། །ས་ཕྱོགས་དེ་ཡང་རིན་པོ་ཆེ་སྣ་བདུན་གྱི་རང་བཞིན་དུ་གྱུར་ཏོ། །མེ་ཏོག་གི་ཤིང་ཐམས་ཅད་

106-1-145a

ཀྱང་རིན་པོ་ཆེའི་རང་བཞིན་དུ་གྱུར་ཏོ། །ལག་ན་རྡོ་རྗེ་དེའི་ཚེ་དེའི་དུས་ཀྱི་ཚེ་དྲང་སྲོང་སྨྱིག་མའི་མདེའུ་རྣམས་ལས་བྱུང་བ་བྱང་ཆུབ་མངོན་བར་རྫོགས་པར་སངས་རྒྱས་པ་གང་ཡིན་པ་དེ་དག་གཞན་ཞིག་ཡིན་སྙམ་ན་དེ་
ལྟར་མི་བལྟའོ། །དེ་ཅིའི་ཕྱིར་ཞེ་ན། ལག་ན་རྡོ་རྗེ་དེ་དག་ནི་ཁང་པ་བརྩེག་མའི་མཆོད་རྟེན་གྱི་དེ་བཞིན་གཤེགས་པ་འདི་དག་ཡིན་ནོ། །ས་ཕྱོགས་ཀྱང་འདི་ཡིན་ནོ། །འཇིག་རྟེན་གྱི་ཁམས་ཀྱང་འདི་ཡིན་ནོ། །སྨྱིག་
མའི་མདེའུ་ཡི་ཁང་པ་བརྩེག་མ་ཡང་འདི་ཡིན་ནོ། །བྱང་ཆུབ་སེམས་དཔའི་འཁོར་འདུས་པ་ཡང་འདི་ཡིན་ནོ། །དེ་རྣམས་དྲང་སྲོང་དུ་གྱུར་པ་ན་གཟུངས་འདི་ཐོས་པ་ཙམ་འམ། སྙིང་པོ་སེམས་ལ་བསྒོམས་པ་ཙམ་
གྱིས་དྲང་སྲོང་གི་ལུས་སྤངས་ནས་བྱང་ཆུབ་མངོན་བར་རྫོགས་པར་སངས་རྒྱས་སོ། །ལག་ན་རྡོ་རྗེ་དེའི་ཚེ་དེའི་དུས་ཀྱི་ནམ་མཁའི་དཀྱིལ་ན་གནས་གཙང་མའི་རིས་ཀྱི་ལྷའི་བུ་གཟུངས་འདིའི་ཡོན་ཏན་གྱི་ཁྱད་པར་
བསྔགས་པ་སྨྲ་བ་གང་ཡིན་པ་དེ་གཞན་ཞིག་ཡིན་སྙམ་ན་དེ་ལྟར་མི་བལྟའོ། །དེ་ཅིའི་ཕྱིར་ཞེ་ན། ང་ཉིད་དེའི་ཚེ་དེའི་དུས་ན་གནས་གཙང་མའི་རིས་ཀྱི་ལྷར་གྱུར་ཏོ། །ལག་ན་རྡོ་རྗེ་དེའི་ཚེ་དེའི་དུས་ན་གནས་གཙང་མ་
ཞེས་བྱ་བ་གང་གིས་དྲང་སྲོང་དེ་རྣམས་དང་། དེ་བཞིན་གཤེགས་པ་དེ་རྣམས་ལ་བཀུར་སྟི་དང་། རིམ་གྲོ་བྱས་པ་གང་ཡིན་པ་དེ་གཞན་ཞིག་ཡིན་བ་སྙམ་ན་དེ་ལྟར་མི་བལྟའོ། །དེ་ཅིའི་ཕྱིར་ཞེ་ན། དེ་བཞིན་གཤེགས་
པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ནོར་བུ་བཟང་པོ་རྣམ་པར་བཀྲ་བ་རབ་ཏུ་གནས་པ་འདི་གནས་གཙང་མ་ཞེས་བྱ་བ་རིམ་གྲོ་བར་གྱུར་པ་ན་དེ་རྣམས་ཀྱིས་དེ་བཞིན་གཤེགས་པར་ལུང་བསྟན་ཏོ། །དེ་ནས་
སངས་རྒྱས་བཅོམ་ལྡན་འདས་དེ་དག་ཐམས་ཅད་ཀྱིས་དེ་བཞིན་གཤེགས་པ་ཤཱཀྱ་ཐུབ་པ་ལ་ལེགས་སོ་ཞེས་བྱ་བ་བྱིན་ནོ། །ཤཱཀྱ་ཐུབ་པ་ཁྱོད་ཀྱིས་སངས་རྒྱས་ཀྱི་ཡུལ་གྱི་རྣམ་པར་འཕྲུལ་བའི་བྱིན་གྱིས་

106-1-145b

བརླབས་འདི་འདྲ་བས་སྔོན་གྱི་སྦྱོར་བ་གསུངས་ཤིང་དེ་བཞིན་གཤེགས་པའི་གསང་བའི་གཟུངས་འདི་ཡང་དག་པར་བསྟན་ཏེ། དེ་བཞིན་གཤེགས་པ་ཐམས་ཅད་ཀྱི་གསང་བའི་གཟུངས་འདི་དེ་བཞིན་གཤེགས་པ་
ཐམས་ཅད་ཀྱི་ཡུམ། དེ་བཞིན་གཤེགས་པ་ཐམས་ཅད་ཀྱི་སྙིང་པོ་གསང་བ། དེ་བཞིན་གཤེགས་པ་ཐམས་ཅད་ཀྱི་ཆོས་ཀྱི་འཁོར་ལོ་བསྐོར་བ། དེ་བཞིན་གཤེགས་པ་ཐམས་ཅད་ཀྱི་བྱང་ཆུབ་ཀྱི་སྙིང་པོར་
གཤེགས་པའི་གསང་བ། དེ་བཞིན་གཤེགས་པ་ཐམས་ཅད་ཀྱི་རྡོ་རྗེའི་སེང་གེའི་ཁྲི་ལ་གཤེགས་པའི་གསང་བ། དེ་བཞིན་གཤེགས་པ་ཐམས་ཅད་ཀྱི་རྫུ་འཕྲུལ་གྱི་ཆོ་འཕྲུལ་གྱི་གསང་བ། དེ་བཞིན་གཤེགས་
པ་ཐམས་ཅད་ཀྱི་ཕ་རོལ་ཏུ་ཕྱིན་པ་དྲུག་ཡོངས་སུ་རྫོགས་པའི་གསང་བ། དེ་བཞིན་གཤེགས་པ་ཐམས་ཅད་ཀྱི་ཤེས་རབ་ཀྱི་ཕ་རོལ་ཏུ་ཕྱིན་པའི་དགོངས་པའི་གསང་བ། དེ་བཞིན་གཤེགས་པ་ཐམས་ཅད་ཀྱི་རིག་པའི་
གནས་ཀྱི་གསང་བ། དེ་བཞིན་གཤེགས་པ་ཐམས་ཅད་ཀྱི་དཀྱིལ་འཁོར་གྱི་གསང་བ། དེ་བཞིན་གཤེགས་པ་ཐམས་ཅད་ཀྱི་ཕྱག་རྒྱ་ཡང་དག་པར་འཛིན་པའི་གསང་བ། དེ་བཞིན་གཤེགས་པ་ཐམས་ཅད་ཀྱི་འོད་
ཟེར་བྱེ་བ་རབ་ཏུ་འགྱེད་པའི་གསང་བ། དེ་བཞིན་གཤེགས་པ་ཐམས་ཅད་ཀྱི་ཡང་དག་པའི་མཐའི་གསང་བ། དེ་བཞིན་གཤེགས་པ་ཐམས་ཅད་ཀྱི་ཏིང་ངེ་འཛིན་གྱི་རྣམ་པར་འཕྲུལ་བའི་བྱིན་གྱི་བརླབས་ཀྱི་གསང་བ། 
དེ་བཞིན་གཤེགས་པ་ཐམས་ཅད་ཀྱི་བྱང་ཆུབ་སེམས་དཔའི་བྱང་ཆུབ་ཀྱི་སེམས་ཀྱི་རྒྱན་གྱི་གསང་བ། བྱང་ཆུབ་སེམས་དཔའ་ཐམས་ཅད་སངས་རྒྱས་ཀྱི་ས་ཐམས་ཅད་ལ་རབ་ཏུ་དགོད་པའི་གསང་བ། དེ་བཞིན་གཤེགས་
པ་ཐམས་ཅད་ཀྱི་ཏིང་ངེ་འཛིན་རྟོགས་པར་ཁོང་དུ་ཆུད་པའི་གསང་བ། སྒྲིབ་པ་ཐམས་ཅད་འཇིག་པར་བྱེད་པའི་གསང་བ་འདི་གསུངས་པ་ལེགས་སོ་ལེགས་སོ། །དེ་ནས་དེ་བཞིན་གཤེགས་པ་དགྲ་བཅོམ་པ་ཡང་དག་

106-1-146a

པར་རྫོགས་པའི་སངས་རྒྱས་ཤཱཀྱ་ཐུབ་པས་དགོངས་པ་དང་ལྡན་ཞིང་མཁྱེན་བཞིན་དུ་དེ་བཞིན་གཤེགས་པ་ཐམས་ཅད་ལ་གཟིགས་ནས་འོད་ཟེར་ཁ་དོག་སྣ་ཚོགས་བྱེ་བ་ཁྲག་ཁྲིག་བརྒྱ་སྟོང་འདི་ལྟ་སྟེ། །སྔོན་
པོ་དང་། སེར་པོ་དང་། དམར་པོ་དང་། དཀར་པོ་དང་། ལེབ་རྒན་དང་། ཤེལ་དང་། དངུལ་གྱི་ཁ་དོག་དག་བཀྱེ་སྟེ། དེ་རྣམས་འཇིག་རྟེན་གྱི་ཁམས་མཐའ་ཡས་མུ་མེད་པ་རྣམས་སུ་དོང་ནས། སངས་རྒྱས་ཀྱི་ཞིང་ཐམས་
ཅད་སྣང་བར་བྱས་ཏེ། དེ་བཞིན་གཤེགས་པ་ཐམས་ཅད་བསྐུལ་ནས་སླར་ལོག་སྟེ། བཅོམ་ལྡན་འདས་ལ་ལན་གསུམ་བསྐོར་བ་བྱས་ནས་དབུའི་གཙུག་ཏོར་གྱི་གསེབ་དུ་ཞུགས་སོ། །འོད་ཟེར་དེ་དག་ཞུགས་མ་
ཐག་ཏུ་བཅོམ་ལྡན་འདས་ཀྱིས་ཚངས་པའི་གསུང་དབྱངས་ཆེན་པོས་བཀང་ནས་རིག་སྔགས་ཆེན་མོ་འདི་གསུངས་སོ། །ཨོཾ་སརྦ་ཏ་ཐཱ་ག་ཏ་མ་ཎི་ཤ་ཏ་དཱི་བ་ཏི།   ཛྭ་ལ་ཛྭ་ལ། དྷརྨ་དྷཱ་ཏུ་གར་བྷེ། མ་ཎི་མ་ཎི་མ་ཧཱ་མ་ཎི་ཏ་ཐཱ་ག་
ཏཱ་ཧྲི་ད་མ་ཎི་སྭཱ་ཧཱ། བཅོམ་ལྡན་འདས་ཀྱིས་རིག་སྔགས་ཀྱི་རྒྱལ་མོ་འདི་གསུངས་མ་ཐག་ཏུ་རི་དང་། ཚལ་དང་། ནགས་ཚལ་དུ་བཅས་པའི་ས་རྣམ་པ་དྲུག་ཏུ་རབ་ཏུ་གཡོས་སོ། །སངས་རྒྱས་བཅོམ་ལྡན་འདས་ཐམས་ཅད་
ཀྱིས་ཀྱང་ལེགས་སོ་ཞེས་བྱ་བ་བྱིན་ཏེ། ཤཱཀྱ་ཐུབ་པ་ཁྱོད་ཀྱིས་མཆོག་ཏུ་གསང་བ་འདི་གསུངས་པ་ནི་ལེགས་པར་གསུངས་ཏེ་ལེགས་སོ་ལེགས་སོ། །བཅོམ་ལྡན་འདས་ལ་མཆོད་པའི་ལས་ཀྱི་ཕྱིར་འཛམ་བུ་
ཆུ་བོའི་གསེར་ལས་བྱུང་བའི་སྤྲིན་ཆེན་པོ་ནམ་མཁའི་དཀྱིལ་དུ་ཆགས་སོ། །ཕྱོགས་བཅུ་ཀུན་དུ་རིན་པོ་ཆེ་སྣ་བདུན་གྱི་ཆར་འབབ་བོ། །ཙན་དན་སྦྲུལ་གྱི་སྙིང་པོའི་ཕྱེ་མའི་ཆར་ཡང་བབ་བོ། །ཨུ་དུམ་བ་རའི་མེ་ཏོག་གི་
ཆར་བབ་བོ། །བཅོམ་ལྡན་འདས་ལ་མཆོད་པའི་ལས་ཀྱི་ཕྱིར་གཞན་ཡང་མེ་ཏོག་སྣ་ཚོགས་པད་མ་དང་། ཀུ་མུ་ཏ་དང་། པད་མ་དཀར་པོ་དང་། དྲི་དང་ལྡན་དང་། མན་དཱ་ར་བ་དང་། མན་དཱ་ར་བ་ཆེན་པོ་དང་། མེ་ཏོག་

106-1-146b

མདོག་མཛེས་དང་། མདོག་མཛེས་ཆེན་པོ་དང་། མན་ཛུ་ཤ་ཀ་དང་། མན་ཛུ་ཤ་ཀ་ཆེན་པོ་དང་། ཡིད་འོང་དང་། པ་རི་ཤ་ཀ་དང་། མེ་ཏོག་ཙམ་པ་ཀའི་ཆར་དག་བབ་བོ། །བདུད་ཀྱི་གནས་ཐམས་ཅད་ཀྱང་རབ་ཏུ་འབར་
བར་གྱུར་ཏེ། བདུད་ཀྱི་རིས་ཀྱི་ལྷ་ཐམས་ཅད་སྐྲག་ཅིང་རྨོངས་པར་གྱུར་ཏོ། །བགེགས་དང་ལོག་འདྲེན་ཐམས་ཅད་ཀྱི་ལུས་རྔུལ་ཅིང་ལུས་དྲི་མི་ཞིམ་པར་གྱུར་ནས་ཕྱོགས་བཅུར་རབ་ཏུ་འབྲོས་པར་བརྩམས་སོ། །
སངས་རྒྱས་ཀྱི་བསྟན་པ་ལ་མངོན་བར་དད་པའི་ལྷ་གང་དག་ཡིན་པའི་ལྷ་དང་། ཀླུ་དང་། གནོད་སྦྱིན་དང་། དྲི་ཟ་དང་། ལྷ་མ་ཡིན་དང་། ནམ་མཁའ་ལྡིང་དང་། མི་འམ་ཅི་དང་། ལྟོ་འཕྱེ་ཆེན་པོ་དང་། མི་དང་། མི་མ་ཡིན་
པ་དག་གིས་ཀྱང་རང་རང་གི་གཞལ་མེད་ཁང་རྣམས་བཅོམ་ལྡན་འདས་ལ་མཆོད་པའི་ལས་ཀྱི་ཕྱིར་ཕུལ་ལོ། །དེ་ནས་ནོར་བུ་རབ་སྣང་སེམས་ལ་སོགས་པ་བྱང་ཆུབ་སེམས་དཔའ་བྱེ་བ་ཁྲག་ཁྲིག་བརྒྱ་སྟོང་ནོར་བུ་དང་། 
རིན་པོ་ཆེ་སྣ་ཚོགས་ཐོགས་ནས་བཅོམ་ལྡན་འདས་གང་ན་བ་དེ་ལོགས་སུ་མཆོད་པ་བྱེད་དོ། །དེ་ནས་ལག་ན་རྡོ་རྗེ་ལ་སོགས་པའི་རིག་སྔགས་འཆང་བྱེ་བ་ཁྲག་ཁྲིག་བརྒྱ་སྟོང་ཕྲག་དུ་མས་རས་བཅོས་བུའི་གོས་བརྒྱ་སྟོང་
གིས་བཅོམ་ལྡན་འདས་ལ་མཆོད་པ་བྱེད་དོ། །རྒྱལ་པོ་ཆེན་པོ་བཞི་ཡང་རྒྱལ་ཆེན་བཞིའི་རིས་ཀྱི་ལྷའི་བུ་བརྒྱ་སྟོང་ཕྲག་དུ་མ་མེ་ཏོག་སྣ་ཚོགས་དང་། བདུག་པ་དང་། དྲི་དང་། ཕྲེང་བ་དང་། བྱུག་པ་དང་། ཕྱེ་མ་དང་། 
ཆོས་གོས་དང་། གདུགས་དང་། རྒྱལ་མཚན་དང་། བ་དན་དག་ཐོགས་ནས། བཅོམ་ལྡན་འདས་ལ་མཆོད་པ་བྱེད་དོ། །ཚངས་པ་ལ་སོགས་ཏེ་ཚངས་རིས་ཀྱི་ལྷའི་བུ་རྣམས་དང་། བརྒྱ་བྱིན་ལ་སོགས་པ་སུམ་བཅུ་
རྩ་གསུམ་གྱི་རིས་ཀྱི་ལྷའི་བུ་བརྒྱ་སྟོང་དག་ཀྱང་བཅོམ་ལྡན་འདས་ལ་མཆོད་པའི་ལས་ལ་བརྩོན་པར་བྱེད་དོ། །དེ་བཞིན་དུ་སྲེད་མེད་ཀྱི་བུ་དང་། དབང་ཕྱུག་ཆེན་པོ་དང་། ནོར་བུ་བཟང་པོ་དང་། གང་བ་བཟང་པོ་དང་། 

106-1-147a

སྟོབས་ཀྱི་ལྷ་ལ་སོགས་པ་ཡང་བཅོམ་ལྡན་འདས་ལ་མཆོད་པ་བྱེད་དོ། །ལྷའི་བུ་ཉི་མ་དང་། ཟླ་བ་ཡང་ནམ་མཁའི་དཀྱིལ་ནས་བཅོམ་ལྡན་འདས་ལ་མཆོད་པ་བྱེད་དོ། །དཔལ་ལྷ་མོ་ཆེན་མོ་དང་། ལྷ་མོ་ཆེན་མོ་དབྱངས་
ཅན་མ་དང་། ལྷ་མོ་ཆེན་མོ་དུང་ཅན་མ་དང་། གནོད་སྦྱིན་མོ་ཆེན་མོ་འཕྲོག་མ་ཡང་འཁོར་བརྒྱ་སྟོང་དང་། ལྷ་མོ་ཆེན་མོ་འཇིགས་བྱེད་མ་དང་། རྡོ་རྗེ་ནག་མོ་དང་། མེ་ཏོག་སོ་དང་། ལྷ་མོ་ཆེན་མོ་ཕོ་ཉ་མོ་དག་ཀྱང་རང་རང་གི་
གཞལ་མེད་ཁང་རྣམས་ཀྱིས་བཅོམ་ལྡན་འདས་ལ་མཆོད་པ་བྱེད་དོ། །དྲི་ཟའི་རིས་ཀྱི་ལྷའི་བུ་དུ་མ་དག་ཀྱང་སིལ་སྙན་ཡན་ལག་ལྔ་དང་ལྡན་པ་བརྒྱ་སྟོང་བཅོམ་ལྡན་འདས་ལ་མཆོད་པའི་ལས་ཀྱི་ཕྱིར་བརྩོན་པས་
དཀྲོལ་བར་བྱེད་དོ། །ཀླུའི་རྒྱལ་པོ་བརྒྱ་སྟོང་ཕྲག་དུ་མ་འདུས་པ་འདི་ལྟ་སྟེ། ཀླུའི་རྒྱལ་པོ་རྒྱ་མཚོ་དང་། ཀླུའི་རྒྱལ་པོ་དགའ་བོ་དང་། ཉེ་དགའ་བོ་དང་། ཆུ་ལྷ་དང་། ཤིན་དུ་རབ་གནས་དང་། གཙུག་ན་ནོར་བུ་དང་། ཀླུའི་
རྒྱལ་པོ་རྣམ་པ་ཀུན་ནས་རྫོགས་པའི་འོད་དག་ཀྱང་རིན་པོ་ཆེ་ནོར་བུ་སྐར་འོད་སྣ་ཚོགས་ཀྱིས་བཅོམ་ལྡན་འདས་ལ་མཆོད་པ་བྱེད་དོ། །འཁོར་ཆེན་པོ་ཡང་འདུས་པར་གྱུར་ཏོ། །འཁོར་ལོས་སྒྱུར་བའི་རྒྱལ་པོ་ཆེན་
པོ་དེ་ཡང་བློན་པོ་བྱེ་བ་ཁྲག་ཁྲིག་བརྒྱ་སྟོང་ཕྲག་དུ་མའི་འཁོར་དང་། བཙུན་མོའི་ཚོགས་ཀྱི་འཁོར་དང་བཅས་ཤིང་བུ་སྟོང་དུ་གཅིག་གིས་མ་ཚང་བས་ཡོངས་སུ་བསྐོར་མདུན་གྱིས་བལྟས་སོ། །ས་དེ་ཡང་རྡོ་རྗེའི་རང་བཞིན་
དུ་གྱུར་ཏོ། །དེ་ནས་འཁོར་ཆེན་པོ་དེ་ཉིད་ཀྱི་དབུས་བཅོམ་ལྡན་འདས་ཀྱི་སྤྱན་སྔར་ས་ལ་བརྟོལ་ནས་རིན་པོ་ཆེ་སྣ་བདུན་གྱི་པད་མ་མདབ་མ་སྟོང་པ་ཞིག་བྱུང་སྟེ་པད་མ་དེའི་སྟེང་དུ་འཛམ་བུ་ཆུ་བོའི་གསེར་ལས་
བྱས་པའི་འཁོར་ལོ་རྩིབས་སྟོང་པ། མུ་ཁྱུད་དང་བཅས་པ། ལྟེ་བ་དང་བཅས་པ། ལྷག་པའི་འོད་འཕྲོ་བ། ཉི་མ་བཞིན་དུ་གསལ་བ་ཞིག་བྱུང་ངོ་། །དེའི་འོད་ཀྱིས་སྟོང་གསུམ་གྱི་སྟོང་ཆེན་པོའི་

106-1-147b

འཇིག་རྟེན་གྱི་ཁམས་སྣང་བར་བྱས་ནས་འཁོར་ལོ་དེའི་ལྟེ་བའི་ནང་ནས་སྒྲ་བྱུང་བ། ཤཱཀྱ་ཐུབ་པ་གང་འདི་འདྲ་བའི་གཟུངས་ཀྱི་གསང་བ་རྣམས་གསུངས་པ་ནི་ལེགས་སོ་ལེགས་སོ། །ཆོས་ཀྱི་འཁོར་ལོ་བསྐོར་བའི་
རིག་སྔགས་ཀྱི་རྒྱལ་པོ། བྱང་ཆུབ་ཆེན་པོའི་སྙིང་པོར་གཤེགས་གཤེགས་པའི་རིག་སྔགས། དེ་བཞིན་གཤེགས་པ་ཐམས་ཅད་ཀྱི་རིག་སྔགས་ཀྱི་སྙིང་པོ། དེ་བཞིན་གཤེགས་པ་རྣམས་ཀྱི་ཡང་དག་པའི་ཚུལ་
གྱི་རིག་སྔགས་ཀྱི་སྙིང་པོ་འདི་བཅོམ་ལྡན་འདས་ཡང་གསུངས་ཤིག །ནོར་བུ་ཆེན་པོ་རྒྱས་པའི་གཞལ་མེད་ཁང་ཤིན་དུ་རབ་ཏུ་གནས་པ་གསང་བ་ཞེས་བྱ་བའི་གཟུངས་གསུངས་ཤིག །བཅོམ་ལྡན་འདས་ཀྱིས་བསྐུལ་བའི་
སྙིང་པོ་དང་ལྡན་པ་ཞེས་བྱ་བའི་གཟུངས་གསུངས་ཏེ། དེ་བཞིན་གཤེགས་པ་ཐམས་ཅད་བསྐུལ་ཅིང་འཁོར་གྱི་དཀྱིལ་འཁོར་ཆེན་པོ་འདུས་པས་བཅོམ་ལྡན་འདས་དེ་བཞིན་གཤེགས་པའི་གསང་བ་གསུང་བའི་དུས་
ནི་འདི་ལགས་སོ། །བཅོམ་ལྡན་འདས་འདི་ནི་སངས་རྒྱས་ཉིད་སྒྲུབ་པའི་རྩ་བ། སྡིག་པ་ཐམས་ཅད་སེལ་བ། སྡུག་བསྔལ་ཐམས་ཅད་ཀྱི་མཚོ་སྐེམས་པ། འཁོར་བའི་འབྲོག་དགོན་པ་ལས་ངེས་པར་འབྱིན་པ་
ལགས། འདི་ནི་ཆུ་བོ་ཆེན་པོ་ལས་སྒྲོལ་བ་ལགས་ཏེ། གཟུངས་འདི་མ་མཆིས་པར་སངས་རྒྱས་ཉིད་སྒྲུབ་པར་རྔོ་མི་ཐོག་ལགས་སོ། །འདི་ནི་སངས་རྒྱས་ཉིད་ཀྱི་ས་བོན་ལགས། འདི་ནི་ཆོས་ཀྱི་འཁོར་ལོ་བསྐོར་བ་
ལགས། འདི་ནི་ཆོས་ཀྱི་སྒྲོན་མ་སྤོར་བ་ལགས། འདི་ནི་ཆོས་ཀྱི་རྒྱལ་མཚན་བསྒྲེང་བ་ལགས། འདི་ནི་ཆོས་ཀྱི་དུང་རབ་ཏུ་འབུད་པ་ལགས། འདི་ནི་ཆོས་ཀྱི་རྔ་རྡུང་བ་ལགས། འདི་ནི་ཆོས་ཀྱི་སེང་གེའི་ཁྲི་ལ་
མཆིས་པ་ལགས་ཏེ། དེའི་སླད་དུ་བཅོམ་ལྡན་འདས་ཀྱིས་ཆོ་ག་ཞིབ་མོའི་རྒྱལ་པོ་ཆེན་པོ་འདིའི་དམ་ཚིག་དང་དཀྱིལ་འཁོར་ཆོ་ག་དང་བཅས་པ། གསང་བ་དང་བཅས་པ། ཕྱག་རྒྱའི་ལེའུ་དང་བཅས་པ། རས་བཅོས་

106-1-148a

བུ་ཟུང་དང་བཅས་པ། ཡོ་བྱད་དང་བཅས་པའི་ཆོ་ག་ལེགས་པར་རྒྱས་པར་གསུངས་ཤིག །དེ་ནས་ལྷ་དང་། ཀླུ་དང་། གནོད་སྦྱིན་དང་། དྲི་ཟ་དང་། ལྷ་མ་ཡིན་དང་། ནམ་མཁའ་ལྡིང་དང་། མི་འམ་ཅི་དང་། 
ལྟོ་འཕྱེ་ཆེན་པོ་དང་། མི་དང་། མི་མ་ཡིན་པའི་འཁོར་འདུས་པ་རྣམས་ཡ་མཚན་དུ་གྱུར། སྤྲོ་བར་གྱུར་ནས་ཐམས་ཅད་ཀྱིས་བཅོམ་ལྡན་འདས་ལ་ཕྱག་བྱས་ཏེ། བཅོམ་ལྡན་འདས་ཀྱི་ཞལ་དུ་བལྟས་ཤིང་འཁོད་
དོ། །དེ་ནས་བཅོམ་ལྡན་འདས་ཀྱིས་བསྐུལ་བ་ཡང་དག་པ་འདི་དང་། གསོལ་བ་བཏབ་པ་གསན་ནས་རིག་སྔགས་ཀྱི་ཆོ་ག་ཞིབ་མོ་འདི་རྒྱས་པར་བཀའ་སྩལ་ཏོ། །བསྐུལ་བའི་ལེའུ་སྟེ་ཆོ་ག་དང་པོའོ།། །། འཕགས་
པ་ནོར་བུ་ཆེན་པོ་རྒྱས་པའི་གཞལ་མེད་ཁང་ཤིན་དུ་རབ་ཏུ་གནས་པ་གསང་བ་དམ་པའི་གསང་བའི་ཆོ་ག་ཞིབ་མོའི་རྒྱལ་པོ། བམ་པོ་གཉིས་པ། དེ་ནས་སྡིག་པ་ཀུན་ནི་སེལ་བྱེད་པའི། །རིག་སྔགས་ལུས་ཀྱི་དྲི་མ་
མེད་བྱེད་པ། །སངས་རྒྱས་བྱང་ཆུབ་བླ་ན་མེད་པ་ཡི། །ཆོ་ག་ཞིབ་མོའི་རྒྱལ་པོ་དགེ་བར་བཤད། །དེ་བཞིན་གཤེགས་པ་ཐམས་ཅད་ལ་ཕྱག་འཚལ་ལོ། །ཨོཾ་བི་པུ་ལ་གར་བྷེ་མ་ཎི་པྲ་བྷེ། ཏ་ཐཱ་ག་ཏ་ནིར་དེ་ཤ་ནེ། 
མ་ཎི་མ་ཎི། སུ་པྲ་བྷེ། བི་མ་ལེ། ས་ག་ར་གམ་བྷི་རེ། ཧཱུྃ་ཧཱུྃ། ཛྭཱ་ལཱ་ཛྭཱ་ལཱ། བུད་དྷ་བི་ལོ་ཀི་ཏེ། གུ་ཧྱ་ཨ་དྷིཝྼ་ཏ་གར་བྷེ་སྭཱ་ཧཱ། དེ་ནས་བཅོམ་ལྡན་འདས་ཀྱིས་ནོར་བུ་ཆེན་པོ་རྒྱས་པའི་གཞལ་མེད་ཁང་ཤིན་དུ་
རབ་ཏུ་གནས་པ་གསང་བ་དམ་པའི་གཟུངས་འདི་བཀའ་སྩལ་པ་ན་ས་ཆེན་པོ་འདི་རྣམ་པ་དྲུག་ཏུ་གཡོས་སོ། །རིན་པོ་ཆེའི་ཆར་ཆེན་པོ་བབ་པར་གྱུར་ཏོ། །མེ་ཏོག་གི་ཆར་ཆེན་པོ་འབབ་པོ། །འཁོར་ཐམས་ཅད་ཀྱང་འདུས་ཏེ་
ཐམས་ཅད་ཀྱིས་ཅ་ཅོ་དང་ག་ཞའི་སྒྲ་ཕྱུང་ནས་ཐམས་ཅད་ས་བཅུ་ལ་གནས་པར་གྱུར་ཏོ། ཐམས་ཅད་དགེ་བའི་ཆོས་དང་ལྡན་པར་གྱུར་ཏོ། །དེ་ནས་སངས་རྒྱས་བཅོམ་ལྡན་འདས་ཐམས་ཅད་ཀྱིས་ཤཱཀྱ་ཐུབ་པ་ལ་ལེགས་

106-1-148b

སོ་ཞེས་བྱ་བ་བྱིན་ཏེ། ཤཱཀྱ་ཐུབ་པ་གང་བྱང་ཆུབ་ཀྱི་སྙིང་པོར་འགྲོ་བའི་གཟུངས་འདི་ལྟ་བུ་གསུངས་པ་ལེགས་སོ་ལེགས་སོ། །ཐོས་པ་ཙམ་གྱི་མོད་ལ་སྡིག་པ་དང་ངན་འགྲོ་ཐམས་ཅད་འཇིག་པར་འགྱུར་རོ། །
གཟུངས་འདི་དྲན་པས་དེ་བཞིན་གཤེགས་པ་ཐམས་ཅད་ལ་ལྷའི་ན་བཟའ་དང་། བདུག་པ་དང་། མེ་ཏོག་དང་། དྲི་དང་། ཕྲེང་བ་དང་། བྱུག་པས་མཆོད་པར་འགྱུར་རོ། །བཀླགས་པ་ཙམ་གྱིས་མོད་ལ་ཕྱིར་མི་ལྡོག་པར་གྱུར་
ནས་བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་བར་རྫོགས་པར་སངས་རྒྱས་པར་གྱུར་ཏོ། །དེ་བཞིན་གཤེགས་པ་ཐམས་ཅད་ཀྱིས་བསོད་ནམས་མངོན་བར་འདུ་བྱེད་པ། བསྐལ་པའམ། བསྐལ་པ་བརྒྱའམ། བསྐལ་
བརྒྱ་སྟོང་དུ་ཡང་བརྗོད་པར་མི་སྤྱོད་དེ། དེ་ལྟར་གཟུངས་འདི་ཕན་ཡོན་ཆེ་བ་ལགས་སོ། །བདུད་ཀྱི་རིས་ཀྱི་ལྷ་ཐམས་ཅད་ཀྱི་བར་ཆད་བྱ་བར་མི་ནུས་ཏེ། བགེགས་ཀྱིས་བྱ་བར་མ་ཡིན། ཕྱིར་རྒོལ་བས་མ་ཡིན། མི་མཛའ་
བས་མ་ཡིན། འབྱུང་པོས་མ་ཡིན། གདོན་གྱིས་མ་ཡིན། གནོད་སྦྱིན་གྱིས་མ་ཡིན། སྲིན་པོས་མ་ཡིན། མི་དང་། མི་མ་ཡིན་པས་གླགས་རྙེད་པར་མི་འགྱུར་རོ། །དེའི་དགེ་བའི་རྩ་བ་མང་དུ་འཕེལ་བར་
འགྱུར་ཏེ། ལན་ཅིག་དྲན་པ་ཙམ་གྱིས་ཀྱང་དེ་ལྟར་ཡོན་ཏན་གྱི་ཕན་ཡོན་མང་པོར་འགྱུར་ན་ཤིན་དུ་བྱ་བ་མང་པོ་བྱེད་པ་ལྟ་སྨོས་ཀྱང་ཅི་དགོས། དེ་ནས་གནོད་སྦྱིན་གྱི་སྡེ་དཔོན་ཆེན་པོ་ལག་ན་རྡོ་རྗེ་དང་། རྒྱལ་པོ་ཆེན་པོ་
བཞི་བཅོམ་ལྡན་འདས་ག་ལ་བ་དེར་སོང་སྟེ་བཅོམ་ལྡན་འདས་ལ་མཆོད་པ་བྱས་ནས་འདི་སྐད་ཅེས་གསོལ་ཏོ། །བཅོམ་ལྡན་འདས་བདག་ཅག་གིས་སེམས་ཅན་དེ་རྣམས་བསྲུང་བར་བགྱིའོ། །ཡོངས་སུ་བསྐྱང་བར་
བགྱིའོ། །སྤྲོ་བར་བགྱིའོ། །རྟག་ཏུ་རྒྱུན་མི་འཆད་པར་བསྲུང་བ་དང་། བསྐྱབ་པ་དང་། སྦ་བར་བགྱིའོ། །དེ་ནས་བཅོམ་ལྡན་འདས་ཀྱིས་ཕྱག་གསེར་གྱི་ཁ་དོག་ཅན་བརྐྱང་སྟེ། བྱང་ཆུབ་སེམས་དཔའ་སེམས་དཔའ་ཆེན་པོ་

106-1-149a

ལག་ན་རྡོ་རྗེའི་མགོ་ལ་བཞག་ནས་རྒྱལ་པོ་ཆེན་པོ་བཞི་པོ་དེ་རྣམས་ལ་དབུགས་ཕྱུང་སྟེ། ངས་གཟུངས་འདི་གཏད་དོ། །སེམས་ཅན་དེ་ཡང་གཏད་དོ། །བཅོམ་ལྡན་འདས་བདག་ཅག་གིས་ཆོ་ག་ཞིབ་མོའི་རྒྱལ་
པོ་ཆེན་པོ་འདི་དང་།  སེམས་ཅན་ཡོངས་སུ་བསྐྱང་བའི་སླད་དུ་ཡོངས་སུ་གཟུང་ལགས་སོ། །དེ་ནས་བཅོམ་ལྡན་འདས་ཀྱིས་གཟུངས་ཀྱི་སྙིང་པོ་བཀའ་སྩལ་པ། ཨོཾ་མ་ཎི་བཛྲ་ཧཱུྃ། འདི་ནི་སྙིང་པོའོ། །ཨོཾ་མ་ཎི་དྷ་རི་ཧཱུྃ་ཕཊ། 
ཉེ་བའི་སྙིང་པོའོ། །རྩ་བའི་རིག་སྔགས་ཀྱི་ཆོ་ག་ནི་ཚེས་གྲངས་མ་ཡིན་རྒྱུ་སྐར་མིན། སྨྱུང་བ་ཡང་ནི་བྱ་མི་དགོས། དེ་བཞིན་གཤེགས་པའི་སྐུ་གཟུགས་སམ། མཆོད་རྟེན་སྐུ་གདུང་དང་བཅས་པའི་དྲུང་དུ་བཟླས་བརྗོད་
འབའ་ཤིག་ཁྲི་བྱས་ནས་ཚེས་བཅྭ་ལྔའི་ཟླ་བ་ཉ་ལ་ཤིན་དུ་ཁྲུས་བྱས་ཏེ། གོས་གཙང་མ་བགོས་ནས་མཆོད་རྟེན་སྐུ་གདུང་དང་བཅས་པའི་དྲུང་དུ་ཅི་འབྱོར་པ་མཆོད་པ་བྱ་སྟེ། མར་མེ་བཞི་དབུལ་བར་བྱ། དྲི་དང་། མེ་ཏོག་
ལ་སོགས་པ་ཡང་དབུལ་བར་བྱའོ། །ཟས་དཀར་གསུམ་བཟའ་བར་བྱའོ། །མཆོད་རྟེན་ལ་བསྐོར་བ་བརྒྱ་རྩ་བརྒྱད་བྱའོ། །རིག་སྔགས་བརྒྱ་རྩ་བརྒྱད་བཟླས་ནས་དེ་ཉིད་ཀྱི་དྲུང་དུ་ཉལ་ན་ནམ་ལངས་ཀྱི་དུས་ཚུན་ཆད་
དེ་བཞིན་གཤེགས་པ་མཐོང་བར་འགྱུར་རོ། །འཕགས་པ་ལག་ན་རྡོ་རྗེ་ཡང་མཐོང་བར་འགྱུར་རོ། །བསམ་པ་ཐམས་ཅད་ཡོངས་སུ་རྫོགས་པར་འགྱུར་རོ། །གང་འདོད་པ་དེ་རྙེད་པར་འགྱུར་རོ། །གལ་ཏེ་མཚམས་
མེད་པ་ལྔའི་ལས་བྱས་པ་ཞིག་ཡིན་ན་ཡང་དེས་དུས་གསུམ་དུ་བསྒྲུབས་ན་གདོན་མི་ཟ་བར་མཐོང་བར་འགྱུར་རོ། །སོམ་ཉི་དང་། ཡིད་གཉིས་བསྐྱེད་པར་མི་བྱའོ། །ནངས་པར་ལངས་ཏེ་བཟླས་བརྗོད་བརྒྱ་རྩ་
བརྒྱད་བྱས་ན་དོན་ཐམས་ཅད་འགྲུབ་པར་འགྱུར་རོ། །དེའི་ལུས་ལ་དུག་གིས་ཚུགས་པར་མི་འགྱུར་ཏེ། སྦྱོར་བ་ངན་པས་མ་ཡིན། ཆུ་ཡིས་མ་ཡིན། མེ་ཡིས་མ་ཡིན། ཆོམ་རྐུན་གྱིས་འཕྲོག་པར་མི་འགྱུར་ཏེ། ལུས་ལ་

106-1-149b

ནད་ཀྱིས་ཚུགས་པར་མི་འགྱུར། དགྲས་འཇིགས་པར་མི་འགྱུར། དེའི་ལུས་ལ་ནད་མི་འབྱུང་སྟེ། མིག་ནད་མ་ཡིན། སྣ་ནད་མ་ཡིན། ལྕེ་ནད་མ་ཡིན། རྣ་བའི་ནད་མ་ཡིན། སོ་ནད་མ་ཡིན། ཀླད་ནད་མ་ཡིན། ཡན་ལག་
དང་ཉིང་ལག་གི་མ་ཡིན། རིམས་མ་ཡིན་ཏེ། །ཞག་གཅིག་པའམ། ཞག་གཉིས་པའམ། ཞག་གསུམ་པའམ། ཞག་བཞི་པས་ལུས་ལ་ཚུགས་པར་མི་འགྱུར་རོ། །སྦྲུལ་གྱི་འཇིགས་པས་མ་ཡིན། གཅན་ཟན་
ཁྲོ་བོའི་འཇིགས་པས་མ་ཡིན་ཞིང་། ལུས་ལ་བྱད་ཀྱིས་ཚུགས་པར་མི་འགྱུར་རོ། །གཟུངས་འདི་ནི་ཡོན་ཏན་དེ་ལྟ་བུ་དང་ལྡན་པ་ཡིན་ཏེ། འཇིགས་པ་ཐམས་ཅད་རབ་ཏུ་འཇོམས་པར་བྱེད་པ་ཡིན། སྡིག་པ་
ཐམས་ཅད་འཇིག་པར་བྱེད་པ་ཡིན། ཡོན་ཏན་ཐམས་ཅད་གྲུབ་པར་བྱེད་པ་ཡིན། ཕ་རོལ་ཏུ་ཕྱིན་པ་དྲུག་ཡོངས་སུ་རྫོགས་པར་བྱེད་པ་ཡིན། དེ་བཞིན་གཤེགས་པའི་དེ་ཁོ་ན་ཉིད་གྲུབ་པར་བྱེད་པ་ཡིན་ཏེ། གཟུངས་
འདི་ནི་བཀླགས་པས་གྲུབ་པ་སྟེ་ལས་ཐམས་ཅད་བྱེད་དོ། །རི་ཁར་འཛེགས་ཏེ་བཟླས་བརྗོད་བྱས་ན་མིག་གིས་གང་དུ་བལྟས་པ་དེར་སེམས་ཅན་རྣམས་ཀྱི་སྡིག་པ་ཐམས་ཅད་འཇིག་པར་འགྱུར་རོ། །སེམས་
ཅན་དམྱལ་བ་ཐམས་ཅད་ལས་ཐར་བར་འགྱུར་རོ། །དུད་འགྲོའི་སྐྱེ་གནས་སུ་སོང་བ་ཐམས་ཅད་ཀྱང་ཐར་བར་འགྱུར་རོ། །ལྷ་ཁང་དུ་བཞུགས་ཏེ་བཟླས་བརྗོད་བྱས་ན་ལྷ་ཐམས་ཅད་དེས་ཅི་བསྒོ་བ་བཞིན་བྱེད་
པར་འགྱུར་རོ། །ཀླུའི་གནས་སུ་ཞུགས་ཏེ་བཟླས་བརྗོད་བྱས་ན་ཀླུ་རྣམས་དབང་དུ་འགྱུར་རོ། །ཉི་མ་ལ་ཁ་བལྟས་ཏེ་བཟླས་བརྗོད་བྱས་ན་ཉི་མ་མངོན་སུམ་དུ་བབས་ནས་མདུན་ན་འདུག་ཅིང་མཆོག་ཅི་སྨྲ་བ་དེ་སྦྱིན་
པར་བྱེད་དོ། །ལག་ན་རྡོ་རྗེའི་མདུན་དུ་བཟླས་བརྗོད་བྱས་ན་མཆོག་ཐམས་ཅད་སྟེར་ཅིང་མཐོང་བར་ཡང་འགྱུར་རོ། །ཤུ་དག་ལ་སྔགས་སྟོང་རྩ་བརྒྱད་བཟླས་ནས་དེ་ཟོས་ནས་རྒྱལ་པོའི་ཕོ་བྲང་དུ་ཞུགས་ན་རྒྱལ་པོའི་

106-1-150a

བཙུན་མོ་འཁོར་དང་བཅས་པ་དགའ་བར་འགྱུར་རོ། །ཅི་སྨྲས་པ་དེ་སྦྱིན་པར་བྱེད་དོ། །ན་ལེ་ཤམ་གྱི་འབྲུ་ལ་ལན་བདུན་བཟླས་ཏེ་ཁར་བཅུག་ན་ཅི་སྨྲས་པ་སྟེར་བར་བྱེད་ཅིང་དབང་དུ་འགྱུར་རོ། །ཡུངས་དཀར་
ལ་སྟོང་རྩ་བརྒྱད་བཟླས་ཏེ་ནམ་མཁའ་ལ་གཏོར་ན་རླུང་དང་། སེར་བ་ཐམས་ཅད་བཀག་པར་འགྱུར་རོ། །ལན་ཚྭ་ལ་ལན་བརྒྱ་རྩ་བརྒྱད་བཟླས་ཏེ་བྲམ་ཟེ་རྣམས་ལ་བྱིན་ན་གང་དང་གང་གིས་ལན་ཚྭ་ཟོས་པ་དེ་དང་དེ་ཁོ་ན་
དབང་དུ་འགྱུར་རོ། །རྒྱལ་རིགས་དབང་དུ་བྱ་ན་ཡུངས་དཀར་གྱི་སྦྱིན་བསྲེག་བྱའོ། །གུ་གུལ་ལ་སྔགས་སྟོང་རྩ་བརྒྱད་བཟླས་ཏེ། གང་དང་གང་གི་གདོན་ལ་བདུགས་ན་དེ་དང་དེ་ཉིད་འབབ་པར་འགྱུར་རོ། །བདུགས་ན་གདོན་
ཐམས་ཅད་ལས་ཐར་བར་འགྱུར་རོ། །ཆར་མི་འབབ་པའི་ཚེ་ཀླུའི་གཟུགས་བྱས་ཏེ། གནས་གྲུ་བཞིར་བྱས་ལ་བ་སེར་མོའི་ལྕི་བ་ལས་ཀླུ་མགོ་གསུམ་པ་བྱས་ལ་སྙིང་ཀར་གསེར་གྱིས་ཀླན་པར་བྱའོ། །ལུས་ནི་ལི་ཁྲིས་བྱུག་
པར་བྱའོ། །གནས་ཀྱི་གཞི་ནི་སྔོན་པོར་བསྐུ་བར་བྱའོ། །གནས་གྲུ་བཞི་ནི་ཤིང་པ་ལ་ཤ་ལྟར་ཁ་དོག་སྔོན་པོར་བྱའོ། །བུམ་པ་གང་བ་བཞི་བཞག་པར་བྱའོ། །པོག་པོར་བཞི་གཞག་པར་བྱའོ། །བུམ་པ་བཞི་
བཞག་པར་བྱ་སྟེ། གཅིག་ནི་འོ་མ། གཅིག་ནི་ཞོ། གཅིག་ནི་འོ་ཐུག །གཅིག་ནི་ཞུན་མར་བུ་རམ་ཅན་ནོ། །བའི་ལྕི་བས་གླིང་བཞི་པའི་དཀྱིལ་འཁོར་བྲི་བར་བྱའོ། །གྲྭ་བཞིར་ཕྱེས་པད་མ་བྲི་བར་བྱའོ། །མདའ་
བཞི་བཙུགས་ལ་ཚོན་སྐུད་སྣ་ལྔས་བསྐོར་བར་བྱའོ། །ཚོན་སྣ་ལྔའི་བ་དན་གདགས་པར་བྱའོ། །བདུག་པ་སྣ་བཞི་པོ་གུ་གུལ་དང་། ཅེ་པོག་དང་། ཙན་དན་དང་། ཏུ་རུཥྐ་བསྲེག་པར་བྱའོ། །ས་བོན་བདུན་
གཏོར་བར་བྱའོ། །ཁ་དོག་ལྔ་ཡི་གཏོར་མ་བཞག་པར་བྱའོ། །འབྲས་བུ་དང་མེ་ཏོག་གཞག་པར་བྱའོ། །རིག་པ་འཛིན་པས་ཁ་ཤར་ཕྱོགས་སུ་བལྟས་ཏེ་འདུག་ནས་རིག་སྔགས་སྟོང་རྩ་བརྒྱད་བཟླས་ཏེ། 

106-1-150b

ཡུངས་དཀར་རེ་རེ་ནས་སྤྱི་བོར་བརྡེག་པར་བྱའོ། །སྟོང་རྩ་བརྒྱད་ཚང་བར་བཟླས་ན་དེ་ནས་ཀླུ་རྣམས་ཆར་གྱི་རྒྱུན་འབེབས་པར་བྱེད་དོ། །ཀླུ་ཐམས་ཅད་དེའི་དབང་དུ་འགྱུར་རོ། །ཡུངས་དཀར་ལ་བཟླས་བརྗོད་
བྱས་ཏེ། ཀླུའི་མཚེའུར་གཏོར་ན་ཆར་གྱི་རྒྱུན་འབེབས་པར་བྱེད་དོ། །སེང་ལྡེང་གི་ཕུར་བུ་ལ་བཟླས་བརྗོད་བྱས་ཏེ་ཀླུའི་གནས་སུ་བཙུགས་ན་རླུང་དང་། སེར་བ་ཐམས་ཅད་བཅིངས་པར་འགྱུར་རོ། །ཡུངས་དཀར་ལ་བརྒྱ་
རྩ་བརྒྱད་བཟླས་བརྗོད་བྱས་ཏེ་ལོག་འདྲེན་གྱི་ཀླད་པར་བཏབ་ན་ལོག་འདྲེན་ཐམས་ཅད་བཅིངས་པར་འགྱུར་རོ། །འོ་མས་བཀྲུས་ན་ཕྱིར་སོས་པར་འགྱུར་རོ། །ལས་གང་དང་གང་ཁོ་ན་བྱ་བའི་ལས་དེ་དང་དེ་དག་འགྲུབ་
པར་འགྱུར་རོ། །གཙང་མས་གོས་གཙང་མ་བགོ་བར་བྱ་སྟེ། འདི་ནི་རྩ་བའི་རིག་སྔགས་ཀྱི་ཆོ་གའི་ཚུལ་ཡིན་ནོ། །གཉིས་པའོ།། །།ད་ནི་སྙིང་པོའི་ལས་རྣམས་འབྱུང་སྟེ། བཟླས་བརྗོད་འབུམ་བྱས་ན་
དེ་བཞིན་གཤེགས་པ་ཐམས་ཅད་མཐོང་བར་འགྱུར་རོ། །ཉིས་འབུམ་བྱས་ན་སངས་རྒྱས་ཀྱི་ཞིང་ཐམས་ཅད་མཐོང་བར་འགྱུར་རོ། །སུམ་འབུམ་བྱས་ན་དཀྱིལ་འཁོར་ཐམས་ཅད་ཞུགས་པར་འགྱུར་རོ། །
གསང་སྔགས་ཐམས་ཅད་འགྲུབ་པར་འགྱུར་རོ། །བཞི་འབུམ་བྱས་ན་རིག་འཛིན་ཐམས་ཅད་ཀྱི་འཁོར་ལོས་སྒྱུར་བར་འགྱུར་རོ། །ལྔ་འབུམ་བྱས་ན་ལྷ་མ་ཡིན་གྱི་སྒོ་ཐམས་ཅད་འབྱེད་པར་འགྱུར་རོ། །ཀླུའི་གནས་
ཐམས་ཅད་འབྱེད་པར་འགྱུར་རོ། །དྲུག་འབུམ་བྱས་ན་གཏེར་ཐམས་ཅད་འབར་བར་འགྱུར་རོ། །བཟླས་བརྗོད་བདུན་འབུམ་བྱས་ན་ཚེ་རབས་ཐམས་ཅད་དྲན་པར་འགྱུར་རོ། །བཟླས་བརྗོད་བརྒྱད་འབུམ་བྱས་ན་རིན་
ཆེན་ཕྱག་རྒྱའི་ཏིང་ངེ་འཛིན་ཐོབ་པར་འགྱུར་རོ། །བཟླས་བརྗོད་དགུ་འབུམ་བྱས་ན་བྱང་ཆུབ་སེམས་དཔའ་ཐམས་ཅད་ཀྱི་རྣམ་པར་སྤྲུལ་པའི་བྱིན་གྱི་བརླབས་ཐམས་ཅད་འཐོབ་པར་འགྱུར་རོ། །བཟླས་བརྗོད་ས་ཡ་

106-1-151a

བྱས་ན་དེ་བཞིན་གཤེགས་པ་ཐམས་ཅད་ཀྱིས་དབང་བསྐུར་བ་ཐོབ་པར་འགྱུར་རོ། །དེ་བཞིན་གཤེགས་པ་ཐམས་ཅད་དང་ཕྲད་པར་འགྱུར་ཏེ། དེ་ལ་སོགས་པ་གོང་ནས་གོང་དུ་ཡོན་ཏན་གྱི་ཁྱད་པར་ཐོབ་པར་འགྱུར་རོ། །
མཚམས་མེད་པ་ལྔ་བྱས་པའམ། འཕགས་པ་ལ་སྐུར་པ་བཏབ་པའམ། དམ་པའི་ཆོས་སྤངས་པའམ། མནར་མེད་པར་གཞོལ་བ་ཡང་རུང་དེ་དག་ཐམས་ཅད་ཀྱིས་བཟླས་བརྗོད་འབུམ་བྱས་ན་ལས་ཀྱི་སྒྲིབ་པ་ཐམས་
ཅད་བྱང་བར་འགྱུར་རོ། །ཕྱིར་མི་ལྡོག་པར་འགྱུར། སྐྱེ་བ་དྲན་པར་འགྱུར། དེ་བཞིན་གཤེགས་པ་ཐམས་ཅད་ཀྱིས་དགོངས་པར་འགྱུར། མིག་རྣམ་པར་དག་པ་དང་། རྣ་བ་རྣམ་པར་དག་པ་དང་། སྣ་རྣམ་པར་དག་པ་
དང་། ལྕེ་རྣམ་པར་དག་པ་དང་། དབང་པོ་ཡོངས་སུ་དག་པ་ཐོབ་པར་འགྱུར་ཏེ། དེ་ལྟར་གོང་ནས་གོང་དུ་ཡོན་ཏན་གྱི་ཁྱད་པར་དང་། གོང་ནས་གོང་དུ་ལུས་རྣམ་པར་དག་པ་ཐོབ་པར་འགྱུར་རོ། །གཞན་ཡང་འཇིག་རྟེན་
གྱི་དངོས་གྲུབ་ཏུ་བྱ་བ་རྣམས་གྲུབ་པར་འགྱུར་རོ། །དེ་ཁོ་ན་གྲུབ་པ་བླ་ན་མེད་པ་ལྡོང་རོས་ལ་བསྒྲུབ་པ་བཤད་དེ་ཤིན་དུ་ཁྲུས་བྱས་པ། གོས་གཙང་མ་བགོས་པ། ཟས་དཀར་གསུམ་བཟའ་བས་ལྡོང་རོས་བླངས་ཏེ། 
ཟངས་ཀྱི་སྣོད་དུ་བཞག་ནས་སངས་རྒྱས་བཅོམ་ལྡན་འདས་ཀྱི་སྤྱན་སྔར་ཚེས་བཅུ་གསུམ་ནས་ཚེས་བཅྭ་ལྔའི་ཉའི་བར་དུ་བཟླས་བརྗོད་འབུམ་བྱས་ན་དེ་ནས་རྣམ་པ་གསུམ་འགྲུབ་པར་རིག་པར་བྱ་སྟེ། གལ་ཏེ་
ནག་པོར་གྱུར་ན་དཔྲལ་བ་ལ་ཐིག་ལེ་བྱའོ། །དེ་ནས་མི་སྣང་བར་འགྲུབ་པར་འགྱུར་ཏེ། ལྷ་མ་ཡིན་གྱི་སྒོ་ཐམས་ཅད་དུ་འཇུག་པར་འགྱུར། གནས་ཐམས་ཅད་དུ་འཇུག་པར་འགྱུར། གང་འདོད་པ་དེ་བྱེད་པར་འགྱུར་རོ། །
གལ་ཏེ་དུད་པ་བྱུང་ན་དེས་མིག་བསྐུ་བར་བྱའོ། །དེ་ནས་བྱང་ཆུབ་སེམས་དཔའི་གནས་ཐམས་ཅད་མཐོང་བར་འགྱུར། ལག་ན་རྡོ་རྗེའི་གནས་ཐམས་ཅད་མཐོང་བར་འགྱུར། ནོར་དང་འབྲུ་ཐམས་ཅད་རྙེད་པར་འགྱུར་ཏེ། གང་དུ་

106-1-151b

འདོད་པ་དེར་འགྲོ་བར་འགྱུར་རོ། །གལ་ཏེ་འབར་བར་གྱུར་ན་ནམ་མཁའ་ལ་འགྲོ་བར་འགྱུར། འབར་བའི་སྒྲོན་མ་ཞེས་བྱ་བའི་གཟུངས་ཀྱི་ཏིང་ངེ་འཛིན་ཐོབ་པར་འགྱུར། ལྷའི་གནས་སུམ་བཅུ་རྩ་གསུམ་ཀྱི་ལྷ་
ཐམས་ཅད་ཀྱི་དཔོན་པོར་འགྱུར། གང་འདོད་པ་དེ་བྱེད་པར་འགྱུར། རིའི་རྩེ་མོར་འཛེགས་ཏེ་བཟླས་བརྗོད་འབུམ་བྱས་ན་འཇིག་རྟེན་ཐམས་ཅད་ཀྱི་གཙོ་བོར་འགྱུར། གང་འདོད་པ་དེ་བྱེད་པར་འགྱུར། འཛམ་བུའི་གླིང་གི་མི་
ཐམས་ཅད་ཅི་བསྒོ་བ་བཞིན་བྱེད་པར་འགྱུར་རོ། །མཚོར་ཞུགས་ཏེ་བཟླས་བརྗོད་སྟོང་རྩ་བརྒྱད་བྱས་ན་ཀླུ་ཐམས་ཅད་མཐོང་བར་འགྱུར། ཡུངས་དཀར་བླངས་ནས་སྔགས་སྟོང་རྩ་བརྒྱད་བཟླས་ནས་ནམ་མཁའ་ལ་
གཏོར་ན་ཆར་ཆེན་པོ་འབབ་པར་འགྱུར། ཀླུ་ཐམས་ཅད་དབང་དུ་འགྱུར་རོ། །རྟག་ཏུ་བཟླས་བརྗོད་བྱས་ན་དཔལ་ཆེན་པོ་ཐོབ་པར་འགྱུར་རོ། །བུམ་པ་ཆུས་བཀང་སྟེ་ཧབ་ཤང་ཚེའུ་དང་། ཤིང་པ་ལ་ཤ་དང་། ཡུངས་དཀར་དང་། 
གུར་གུམ་དང་། ཙན་དན་རྣམས་ལྷན་ཅིག་བུམ་པ་དེར་བླུགས་ལ་བཟླས་བརྗོད་ཁྲི་བྱས་པས་ནད་ཆེན་པོས་ཐེབས་པ་བཀྲུས་ན་ནད་ཐམས་ཅད་མེད་པར་འགྱུར། ནད་ཐམས་ཅད་དང་བྲལ་བར་འགྱུར། དེའི་སྡིག་པ་ཐམས་
ཅད་ཀྱང་འཇིག་པར་འགྱུར། བྱད་ཐམས་ཅད་འཇིག་པར་འགྱུར། དཔལ་ཐམས་ཅད་ཐོབ་པར་འགྱུར་རོ། །མཛེའི་ནད་ཀྱིས་ཐེབས་པ་བཀྲུས་ན་མཛེ་ནད་ལས་ཡོངས་སུ་ཐར་བར་འགྱུར་རོ། །ཤ་བཀྲའི་ནད་ཀྱིས་ཐེབས་པ་ཡང་
བཀྲུས་ན་ཤ་བཀྲའི་ནད་ལས་ཡོངས་སུ་ཐར་བར་འགྱུར་རོ། །བུད་མེད་བུ་འདོད་པ་རྣམས་དེས་ཁྲུས་བྱས་ན་བུ་རྙེད་པར་འགྱུར་རོ། །དངོས་གྲུབ་མེད་པ་ཁྲུས་བྱས་ན་དངོས་གྲུབ་ཆེན་པོ་ཐོབ་པར་འགྱུར་རོ། །དེ་ལ་སོགས་པ་གོང་
ནས་གོང་དུ་འཇིག་རྟེན་གྱི་དངོས་གྲུབ་ཏུ་བྱ་བ་རྣམས་ཀྱང་གྲུབ་པར་འགྱུར་རོ། །གང་འདོད་པ་དེ་བྱེད་པར་འགྱུར་རོ། །ཉེ་བའི་སྙིང་པོའི་ལས་རྣམས་འབྱུང་སྟེ། བཟླས་བརྗོད་འབུམ་བྱས་ན་བགེགས་དང་ལོག་འདྲེན་ཐམས་ཅད་རྐང་

106-1-152a

པ་ལ་གཏུགས་ནས་ཀྱེ་རིག་པ་འཛིན་པ་བདག་སྐྱོབས་ཤིག །བདག་ཅག་གི་སྲོག་ཆུད་མ་གསན་ཅིག་དང་བཀའ་ཅི་སྩལ་བ་དེ་བགྱིའོ་ཞེས་བརྗོད་པར་འགྱུར་རོ། །བཟླས་བརྗོད་ཉི་ཁྲི་ཆིག་སྟོང་བྱས་ན་ལྷ་ཐམས་ཅད་དང་། 
ཀླུ་ཐམས་ཅད་དབང་དུ་འགྱུར། རིག་སྔགས་ཐམས་ཅད་ཀྱི་བདག་པོར་འགྱུར་རོ། །ཅི་བསྒོ་བ་དེ་བྱེད་པར་འགྱུར་རོ། །བཟླས་བརྗོད་སུམ་ཁྲི་བྱས་ན་འབྱུང་པོ་དང་། གནོད་སྦྱིན་ལ་སོགས་པ་ཐམས་ཅད་དབང་དུ་འགྱུར་རོ། །བཟླས་
བརྗོད་ལྔ་ཁྲི་བྱས་ན་གང་དགུག་པ་དེ་ཁུགས་པར་འགྱུར་ཏེ། ལྷ་འམ། ཀླུའམ། གནོད་སྦྱིན་ནམ། དྲི་ཟའམ། ནམ་མཁའ་ལྡིང་ངམ། མི་འམ་ཅི་འམ། ལྷ་མ་ཡིན་ནམ། རིག་འཛིན་ནམ། བུད་མེད་དམ། བྲམ་ཟེའམ། 
རྒྱལ་རིགས་སམ། ས་བདག་གམ། བློན་པོའམ། བཙུན་མོའམ། ཁྲོམ་གྱི་རུ་པའམ། མདུན་ན་འདོན་ནམ། གཞན་ཡང་སེམས་ཅན་སྣ་ཚོགས་ཁུགས་པར་འགྱུར་རོ། །གུ་གུལ་དང་ཡུངས་དཀར་གྱི་སྦྱིན་བསྲེག་
དྲུག་ཁྲི་བྱས་ན་དྲི་མ་མེད་པའི་ཏིང་ངེ་འཛིན་ཐོབ་པར་འགྱུར་རོ། །བདུན་ཁྲིས་ནི་རིག་འཛིན་གྱི་འཁོར་ལོས་སྒྱུར་བར་འགྱུར་རོ། །བརྒྱད་ཁྲིས་ནི་ལག་ན་རྡོ་རྗེ་འཁོར་གྱི་ཚོགས་དང་བཅས་པ་མདུན་ན་སྡོད་པར་འགྱུར་རོ། །དགུ་
ཁྲིས་ནི་བྱང་ཆུབ་སེམས་དཔའ་ཐམས་ཅད་ཀྱིས་དབུགས་འབྱིན་པར་འགྱུར་རོ། །འབུམ་ཚང་བས་ནི་དེ་བཞིན་གཤེགས་པ་ཐམས་ཅད་མཐོང་བར་འགྱུར་ཏེ། །རིགས་ཀྱི་བུ་ཁྱོད་གསང་སྔགས་ཐམས་ཅད་དང་། བསྟན་
བཅོས་ཐམས་ཅད་གྲུབ་ཀྱིས་གང་འདོད་པ་དེར་སོང་ཤིག །དེ་བཞིན་གཤེགས་པ་ཐམས་ཅད་ཀྱིས་བྱིན་གྱིས་བརླབས་པས་ཕྱིར་མི་ལྡོག་ཅིང་བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་འཚང་
རྒྱ་བར་འགྱུར་རོ། །དེ་བཞིན་གཤེགས་པ་རྣམས་ཀྱིས་གནང་གིས་འཇིག་རྟེན་པའམ། འཇིག་རྟེན་ལས་འདས་པའི་དགོས་པ་གཞན་དག་ཀྱང་ཅི་འདོད་པ་བཞིན་ཁྱོད་ཀྱིས་ལས་བྱོས་ཤིག་ཅེས་སྟོན་པར་འགྱུར་རོ། །ཨོཾ་མ་ཎི་ཀུཎ་

106-1-152b

ཌ་ལི་ཧཱུྃ་ཧཱུྃ་ཕཊ་སྭཱ་ཧཱ། གདན་གྱི་སྔགས་སོ། །ཨོཾ་མ་ཎི་བི་ཛཱ་ཡེ་དྷ་རཱ་དྷ་རཱ་ཧཱུྃ་ཕཊ་སྭཱ་ཧཱ། དཀྱིལ་འཁོར་གྱི་སྔགས་ཏེ། ཡུངས་དཀར་ལ་ལན་བདུན་བཟླས་པས་སོ། །ཨོཾ་ཛྭ་ལི་ཏ་མ་ཎི་རུ་ཙི་ར་གྲི་ནི་ཧཱུྃ་ཧཱུྃ་ཕཊ། ཡུངས་དཀར་དང་དྲི་ཆུར་
བསྲེས་པ་ལ་ལན་བརྒྱ་རྩ་བརྒྱད་བཟླས་ཏེ་ཕྱོགས་བཞི་བཅིང་ངོ་། །ཨོཾ་མ་ཎི་པྲ་བྷ་བ་ཏི་ཧ་ན་ཧ་ན་ཧཱུྃ་ཕཊ་སྭཱ་ཧཱ། ཐལ་བ་དང་། ཆུ་ལ་ལན་ཉི་ཤུ་རྩ་གཅིག་བཟླས་པས་ལོག་འདྲེན་བཅིང་ངོ་། །ཨོཾ་མ་ཎི་ཏིཥྛ་ཏིཥྛ་ཧཱུྃ་ཕཊ། ལན་
བདུན་བཟླས་ཏེ་གཙུག་ཏོར་བཅིང་ངོ་། །ཨོཾ་མ་ཎི་བི་པུ་ལེ་དི་རི་དི་རི་ཧཱུྃ་ཕཊ། གོས་ཀྱི་སྔགས་སོ། །ཨོཾ་བི་དུ་མ་ཏི་ཧ་ར་ཧ་ར་མ་ཎི་ཧཱུྃ་ཕཊ། ཉེ་རེག་གི་སྔགས་སོ། །ཨོཾ་སུ་ནིར་མ་ལ་བ་ཏི་ཧ་ར་ཧ་ར་པཱ་པྃ་མི་ལི་ཧཱུྃ་ཧཱུྃ་ཕཊ་སྭཱ་ཧཱ། 
ཡུངས་དཀར་ལ་ལན་བརྒྱ་རྩ་བརྒྱད་བཟླས་ཏེ་ཁྲུས་བྱའོ། །མ་ཎི་དྷ་རེ་ཧཱུྃ་ཧཱུྃ་ཕཊ། བསང་གཏོར་གྱི་སྔགས་སོ། །ཨོཾ་དི་རི་དི་རི་བི་མ་ལ་ཀ་རི་ཧཱུྃ་ཧཱུྃ་ཕཊ། མཆོད་ཕྱིར་ཐོགས་ཀྱི་སྔགས་སོ། །ༀ་སརྦ་ཏ་ཐཱ་ག་ཏ་པུཥྤ་
མ་ཎི་ཧཱུྃ་ཧཱུྃ་ཕཊ། མེ་ཏོག་གི་སྔགས་སོ། །ཨོཾ་སརྦ་ཏ་ཐཱ་ག་ཏ་གན་དྷ་མ་ཎི་སྥ་ར་ཎ་ཧཱུྃ་ཧཱུྃ་ཕཊ། དྲིའི་སྔགས་སོ། །ཨོཾ་ཛྭ་ལི་ཏ་མ་ཎི་ཨབ་པྲ་ཀཱུ་ཏ་ག་ར་སྥ་ར་ཎ་བི་ག་ཏི་ཧཱུྃ། བདུག་པའི་སྔགས་སོ། །ཨོཾ་ཛྭ་ལི་ཏི་ཤི་ཁ་རི་ཏ་པ་ལི་
ཧཱུྃ་ཧཱུྃ་ཕཊ། མར་མེའི་སྔགས་སོ། །ཨོཾ་པྲ་བ་ར་གྲ་པ་ལི་ས་ར་ས་ར་ཧཱུྃ་ཧཱུྃ། གཏོར་མའི་སྔགས་སོ། །ཨོཾ་མ་ཧཱ་མ་ཎི་པུ་ར་ཡ་དྷ་ར་དྷ་ར་ཧཱུྃ་ཧཱུྃ་ཕཊ། མཆོད་ཡོན་གྱི་སྔགས་སོ། །ཨོཾ་མ་ཧཱ་བི་མ་ལེ་ཧཱུྃ་ཧཱུྃ་བ་ར་བ་ར་ཧཱུྃ། ལྷ་བཤོས་
ཀྱི་སྔགས་སོ། །ཛྭཱ་ལ་སྥུ་རད་ག་ག་ན་པྲ་ཏ་ར་ནི་ཧཱུྃ་ཧཱུྃ། སྦྱིན་སྲེག་གི་སྔགས་སོ། །ཨོཾ་རུ་ཙི་ར་མ་ཎི་པྲ་བར་ཏ་ཡ་ཧཱུྃ། བགྲང་ཕྲེང་གི་སྔགས་སོ། །སྔགས་འདིས་ལན་བདུན་བགྲང་ཕྲེང་ལ་བཏབ་སྟེ་བཟླས་བརྗོད་
བྱས་ན་དེ་བཞིན་གཤེགས་པ་ཐམས་ཅད་ཀྱིས་གསུངས་པའི་གསང་སྔགས་དེ་དག་ཐམས་ཅད་བཟླས་པར་འགྱུར་ཞིང་། བྱེ་བ་ཁྲག་ཁྲིག་བརྒྱ་སྟོང་ཕྲག་དུ་མ་བཟླས་པར་ཡང་འགྱུར་རོ། །ཨོཾ་བཛྲ་མ་ཎི་ཀ་ར་ཀིང་ཀ་རི་ཧཱུྃ་ཧཱུྃ་

106-1-153a

ཕཊ། དཀྱིལ་མོ་དཀྲུང་གི་སྔགས་སོ། །ཨོཾ་སུ་པྲ་བར་ཏི་ཏ་བེ་གེ་མ་མ་ཎི་མ་ཎི་སྭཱ་ཧཱ། བཟླས་བརྗོད་ཀྱི་སྔགས་སོ། །ཨོཾ་སརྦ་ཏ་ཐཱ་ག་ཏ་ཐཱ་ཡུ་ཛ་བེ་ཏ་ར་ཏ་ར་ཧཱུྃ་མ་ཎི་ཀ་ན་ནེ་སྭཱ་ཧཱ། དེ་བཞིན་གཤེགས་པ་ཐམས་ཅད་བསྐུལ་
བའི་སྔགས་སོ། །ཨོཾ་སུ་བི་པུ་ལ་པྲ་བ་རེ་དུ་རུ་དུ་རུ་ཧཱུྃ་ཧཱུྃ། སྤྱན་དྲང་བའི་སྔགས་སོ། །ཨོཾ་སརྦ་ཏ་ཐཱ་ག་ཏ་ཨ་དྷིཥྛཱ་ན་ཙི་ཏ་སྃ་རཀྵ་ན་བཛྲེ་ཧཱུྃ་ཧཱུྃ། གསོལ་བ་གདབ་པའི་སྔགས་སོ། །ཨོཾ་སུ་བི་པུ་ལ་བ་ད་ནི་ཧ་ར་ཧ་ར་ཧཱུྃ། བྱང་ཆུབ་
སེམས་དཔའ་རྣམས་ལ་གསོལ་བ་གདབ་པའི་སྔགས་སོ། །ཨོཾ་ཨ་བཱི་ས་མ་ཡེ་བཛྲ་དྷ་ར་དྷ་ར་ཧཱུྃ། ལྷ་དང་། ཀླུ་ལ་སོགས་པ་ཐམས་ཅད་བོད་པའི་སྔགས་སོ། །ཨོཾ་མ་ཎི་བེ་ག་བ་ཏི་ཧཱུྃ། རྒྱལ་པོ་ཆེན་པོ་བཞི་བོད་པའི་སྔགས་
སོ། །ཨོཾ་ཤུ་པ་མ་ཎི་ཧུ་ལུ་ཧུ་ལུ་ཧཱུྃ། སློབ་མའི་སྔགས་སོ། །ཨོཾ་སརྦ་ཏ་ཐཱ་ག་ཏ་ཧྲི་ད་ཡ་བཛྲི་ཎི་དྷ་ར་དྷ་ར་ཧཱུྃ་ཧཱུྃ། འཇུག་པའི་སྔགས་སོ། །ཨོཾ་བཱི་ར་བཱི་ར་ཛེ་ག་ག་ན་བཱི་ཧི་ནཱི་ལ་ལ་ཧཱུ་ལུ་ཧཱུ་ལུ་ཧཱུྃ།   ཧཱུྃ་ཧཱུྃ།   ཐམས་ཅད་དུ་མཁྱེན་པར་བྱ་
བའི་སྔགས་སོ། །ཨོཾ་མ་ཎི་སུྃ་བྷ་ནི་བེ་ག་བ་ཏི། བདག་དང་ཆེ་གེ་མོ་ལ་སྲུང་ཤིག་ཧཱུྃ། བསྲུང་བའི་སྔགས་སོ། །ཨོཾ་སརྦ་ཏ་ཐཱ་ག་ཏ་ཀུ་ལོ་ཏི་ཏེ་སྨ་ར་ཎ་བི་ག་ཏེ་ཛྭ་ལ་ཛྭ་ལ་ཧཱུྃ་སྭཱ་ཧཱ། སླར་གཤེགས་སུ་གསོལ་བའི་སྔགས་སོ། །
ཐམས་ཅད་ལ་སྦྱར་བར་བྱའོ། །སྙིང་པོ་འདི་རྣམས་ཀྱི་ཕན་ཡོན་ནི་འདི་དག་ཐམས་ཅད་ཡིན་ཏེ་དཔག་ཏུ་མེད་དོ། །ཐམས་ཅད་དུ་ཡང་ལན་བརྒྱ་རྩ་བརྒྱད་བཟླས་བརྗོད་བྱས་ཏེ། དེ་ནས་དགོས་པ་བརྩམ་པར་བྱའོ། །འདི་
བཏོན་པས་ནི་ཐམས་ཅད་འགྲུབ། །འདིས་ནི་འགྲོ་བའི་སྡིག་ཀུན་སེལ། །སྡིག་པ་དེ་ཀུན་ཟད་བྱེད་ཅིང་། །སྡུག་བསྔལ་ཀུན་ལས་རྣམ་པར་གྲོལ། །སངས་རྒྱས་བྱང་ཆུབ་སེམས་དཔའ་དག །ལུང་སྟོན་འགྱུར་ཏེ་ཐེ་
ཚོམ་མེད། །གང་གིས་སྔ་མར་སྡིག་པའི་ལས། །མང་པོ་བྱས་པ་འཇིག་པར་འགྱུར། །རིག་པ་བླ་མེད་སུ་འཛིན་པ། །དེ་དག་མྱུར་དུ་སངས་རྒྱས་འགྲུབ། །ཆོས་ཀྱི་འཁོར་ལོ་བླ་མེད་པའི། །བྱང་ཆུབ་རྟོགས་པར་སླ་བ་དང་། །

106-1-153b

ཇི་ལྟར་གང་གཱའི་བྱེ་སྙེད་ཀྱི། །བསོད་ནམས་དཔག་ཏུ་མེད་འཐོབ་བོ། །རིག་སྔགས་རྒྱས་པར་སྒྲུབ་པའི་ལེའུ་སྟེ་ཆོ་ག་གཉིས་པའོ།། །། དེ་ནས་དཀྱིལ་འཁོར་གྱི་ཆོ་ག་བཤད་པར་བྱའོ། །སྔོན་དུས་ཡོངས་སུ་བརྟགས་ནས་
ཕྱི་ནས་ལས་བརྩམ་པར་བྱའོ། །དྲིའི་སྣོད་གཙང་མར་བླུགས་པའི་ཚོན་སྣ་ལྔའི་ཕྱེ་མས་དཀྱིལ་འཁོར་སྒོ་བཞི་པ་བྲིའོ། །དེ་ནས་དཀྱིལ་འཁོར་གྱི་དབུས་སུ་ཙན་དན་གྱིས་བྱུགས་ཏེ་གུར་གུམ་གྱིས་མཆོད་པར་བྱ་
འོ། །དབུས་ཀྱི་དཀྱིལ་འཁོར་གྱི་ཚད་ནི་ཁྲུ་གཉིས་པའོ། །ཕྱིའི་དཀྱིལ་འཁོར་ནི་ཁྲུ་བཞི་པ་རྭའི་རང་བཞིན་དང་ལྡན་པའོ། །དཀྱིལ་འཁོར་གྱི་སྙིང་པོའི་དབུས་སུ་རིན་པོ་ཆེ་སྣ་བདུན་གྱི་གཞལ་མེད་ཁང་དང་སངས་
རྒྱས་ཀྱི་པད་མའི་གདན་བཀྲ་ཞིང་ཚོན་སྣ་བདུན་དང་ལྡན་པ་བྱའོ། །པད་མའི་སྙིང་པོའི་སྟེང་དུ་གསེར་གྱི་འཁོར་ལོ་རྩིབས་སྟོང་པ་མུ་ཁྱུད་དང་ལྟེ་བ་དང་ལྡན་པ་ཀུན་ནས་འབར་བའི་ཕྲེང་བ་ཅན་ཏེ་ཡུ་བ་ནི་བཻ་དཱུརྱ་
འོ། །དཀྱིལ་འཁོར་གྱི་སྙིང་པོ་ལ་ཀུན་ནས་ཁ་ཁྱེར་དང་ལྡན་པར་བྱའོ། །ཤར་ལ་སོགས་པའི་སྒོར་ནི་ཁྲུའི་ཚད་ཙམ་གྱི་གདུགས་དང་། རྒྱལ་མཚན་དང་། ཚོན་སྣ་ལྔའི་རྒྱ་ནག་གི་གོས་ཟུང་གིས་བརྒྱན་པར་བྱའོ། །
གཡོན་དུ་ལག་ན་རྡོ་རྗེ་སྡིགས་པའི་གཟུགས་ཅན་རྔ་ཡབ་དང་མཚོན་ཆ་ཐོགས་ཤིང་བཞུགས་པའོ། །གཡས་སུ་བྱང་ཆུབ་སེམས་དཔའ་ནོར་བུ་རྡོ་རྗེ་རྒྱན་ཐམས་ཅད་ཀྱིས་བརྒྱན་པ་གཡས་པ་ན་ནོར་བུ་དང་རྔ་ཡབ་
ཐོགས་ནས་བཞུགས་པའོ། །ཟུར་བཞིར་རྒྱལ་པོ་ཆེན་པོ་བཞི་བྲི་བར་བྱ་སྟེ། གོ་ཆ་དང་ཚེམ་ཚེམ་བགོས་ཤིང་ལག་ན་མཚོན་ཆ་ཐོགས་པ། རྒྱན་ཐམས་ཅད་དང་། རལ་པའི་ཅོད་པན་དང་ལྡན་པ་དྲག་པོའི་གཟུགས་
ཅན་བྲི་བར་བྱའོ། །མཚམས་བཞིར་སྤོས་ཆུས་གང་བའི་གསེར་གྱི་སྣོད་བཞི་གཞག་པར་བྱའོ། །གལ་ཏེ་གསེར་གྱི་སྣོད་མེད་ན་རྫའི་བུམ་པ་ཚད་མི་ཆུང་བ་ལ་གསེར་གཡོགས་ནས་བྱའོ། །དེ་ལྟ་བུའི་སྣོད་མི་འཛག་པར་

106-1-154a

འོ་མས་གང་བར་བྱས་ནས་ཕྱོགས་བཞིར་གཞག་པར་བྱའོ། །དཀྱིལ་འཁོར་གྱི་གཡས་ལོགས་སུ་ལྷ་མོ་དཔལ་ཆེན་མོ་རྒྱན་ཐམས་ཅད་ཀྱིས་བརྒྱན་པའོ། །གཡོན་དུ་ལྷ་མོ་ཆེན་མོ་དུང་ཅན་མ་བཞུགས་པ་བྲི་
འོ། །སྒོའི་དབུས་སུ་ལྷ་མོ་ཆེན་མོ་རྡོ་རྗེ་ཕོ་ཉ་མོ་ཕྱག་བརྒྱད་པ་ལག་ན་མཚོན་ཆ་སྣ་ཚོགས་ཐོགས་པ། རྒྱན་ཐམས་ཅད་ཀྱིས་བརྒྱན་ཅིང་བཞུགས་པ་བྲིའོ། །དཀྱིལ་འཁོར་གྱི་སྙིང་པོའི་ཕྱོགས་བཞིར་དར་སྔོན་པོ་འཕྱང་བ་
དང་། བཅུད་སྣ་ཚོགས་གཞག་པར་བྱའོ། །ཚུལ་སྣ་ཚོགས་གཞག་པར་བྱའོ། །བུམ་པ་གང་བ་བཞི་དང་། མར་མེ་སུམ་བཅུ་རྩ་གཉིས་དང་། འབྲས་བུ་དང་མེ་ཏོག་སྣ་ཚོགས་རྣམས་གཞག་པར་བྱའོ། །སངས་རྒྱས་
བཅོམ་ལྡན་འདས་ཀྱི་ནི་གསེར་ལས་གྲུབ་པའི་བུམ་པ་གཞག་གོ། །སོ་སོར་དུ་རུཥྐ་བསྲེག་པར་བྱའོ། །དཀྱིལ་འཁོར་གྱི་སྙིང་པོར་དངུལ་གྱི་རང་བཞིན་གྱི་བུམ་པ་གཞག་གོ། །རྡོ་རྗེ་འཛིན་པའི་བདུག་སྤོས་སོ། །ནོར་བུ་འཛིན་
པའི་དུ་རུཥྐ་དང་། ཙན་དན་དང་། མ་ཧཱ་རཱ་ཛྙཱ་དང་། ཀུན་དུ་རུ་དང་། ཀཱ་ཀ་བཱི་ཛ་དང་། སྤོས་དཀར་གྱི་བདུག་པའོ། །དཔལ་ལྷ་མོའི་ཙན་དན་ནོ། །དུང་ཅན་མའི་གུ་གུལ་ལོ། །ཕོ་ཉ་མོའི་ཤ་ལའི་བདུག་སྤོས་ཏེ་སོ་སོར་བསྲེག་
པར་བྱའོ། །གཏོར་མ་ཡང་སྦྱིན་ནོ། །དཀྱིལ་འཁོར་གྱི་སྙིང་པོའི་བྱ་བའོ། །ཕྱི་རོལ་གྱི་དཀྱིལ་འཁོར་ནི་སྒོ་བཞི་རྣམ་པར་འབྱེས་ཤིང་ཆ་མཛེས་པ་བཀྲ་ཤིས་ཀྱི་སྒོ་བཞི་གནས་པར་བྱའོ། །ཤར་གྱི་སྒོར་ཁྱབ་འཇུག་འཁོར་
དང་བཅས་པའོ། །ལྷོར་དབང་ཕྱུག་ཆེན་པོའོ། །ནུབ་ཏུ་མེ་ཏོག་སོ་ཞེས་བྱ་བའི་གནོད་སྦྱིན་མོའོ། །བྱང་དུ་འཇིགས་བྱེད་མ་ཞེས་བྱ་བའི་ལྷ་མོ་ངོ་ཚ་དང་བཅས་པ་བྱ་སྟེ། ན་ཆུང་བདུན་དང་བཅས་པའོ། །དེ་ནས་ཕུར་བུ་སུམ་
བཅུ་སོ་གཉིས་གདབ་པར་བྱས་ལ་ཁ་དོག་ལྔའི་སྐུད་པས་ཕུར་བུ་བཅིང་ངོ་། །ཟུར་བཞི་མཉམ་པར་ཁ་དོག་ལྔའི་བ་དན་གྱིས་བརྒྱན་ནོ། །མེ་ཏོག་སྣ་ཚོགས་དགྲམ་པ་དང་། གཏོར་མ་དང་། མེ་ཏོག་སྣ་ཚོགས་རྣམས་མ་འཁྲུགས་པ་མཉམ་པར་བྱའོ། །

106-1-154b

བཅུད་སྣ་ཚོགས་འཕྲོག་པའི་སྣོད་བདུན་གཞག་གོ། །རྫའི་སྣོད་སུམ་བཅུ་རྩ་གཉིས་དང་། ཕྱེ་མའི་སྣོད་སུམ་བཅུ་རྩ་གཉིས་དང་། པོག་ཕོར་སུམ་བཅུ་རྩ་གཉིས་དང་། མར་མེ་བརྒྱ་རྩ་བརྒྱད་གཞག་པར་བྱའོ། །ཕྲེང་བ་བརྒྱ་རྩ་བརྒྱད་དང་། 
དྲི་ཡིས་གང་བ་སྣ་ཚོགས་གཞག་པར་བྱའོ། །བདུག་པ་དང་། ཀུན་དུ་རུ་སྣ་ཚོགས་བསྲེག་གོ། །དེ་ནས་སྒོ་ནས་འཇུག་པ་ལ་དྲི་ཡིས་གང་བའི་བུམ་པ་གཉིས་བཞག་ལ། ཇི་ལྟར་རྙེད་པའི་གཏོར་མ་བྱིན་ནས་ཇི་ལྟ་བ་བཞིན་
དུ་གཞུག་པའི་ཆོ་ག་ལ་སྤྱད་ལ། དེ་ནས་ༀ་མ་ཎི་བི་པུ་ལ་པྲ་ཏི་ཏ་སིད་དྷེ་ཨ་བྷི་ཥིཉྩ་ཡ་མཱྃ་སརྦ་ཏ་ཐཱ་ག་ཏ་ཨ་བྷི་ཥི་ཀེརྦྷ་ར་བྷ་ར་སྃ་བྷ་ར་སྃ་བྷ་ར་ཧཱུྃ། ཇི་ལྟ་བ་བཞིན་དུ་སྔགས་འདིས་དབང་བསྐུར་ན་དེ་བཞིན་གཤེགས་
པ་ཐམས་ཅད་ཀྱིས་དབུགས་འབྱིན་པ་དང་། ཐམས་ཅད་འགྲུབ་པ་དང་། མྱ་ངན་ལས་འདས་པ་ཡང་མངོན་དུ་འགྱུར་རོ། །གང་བསམས་པའི་དོན་དེ་དེ་བཞིན་དུ་འགྱུར་རོ། །དེ་བཞིན་གཤེགས་པ་ཐམས་ཅད་ཀྱི་རྟོགས་པའི་
རྗེས་སུ་འཇུག་གོ། །དེ་བཞིན་གཤེགས་པ་ཐམས་ཅད་ཀྱི་ཆོས་ཟབ་མོ་ལ་བཟོད་པ་འཐོབ་ཅིང་རྗེས་སུ་རྟོགས་པར་འགྱུར་རོ། །བྱང་ཆུབ་ཀྱི་སྙིང་པོར་འགྲོ་བར་འགྱུར་རོ། །དེ་ལྟ་བུ་ལ་སོགས་པ་ཡོན་ཏན་གྱི་ཁྱད་
པར་རྣམས་འཐོབ་སྟེ། ཇི་སྲིད་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཀྱི་ལམ་མ་རྫོགས་ཀྱི་བར་དུ་ཕྱིར་མི་ལྡོག་པར་འགྱུར་རོ། །དཀྱིལ་འཁོར་གྱི་ཆོ་ག་སྒྲུབ་པའི་ལེའུ་སྟེ་ཆོ་ག་གསུམ་པའོ།། །།
དེ་ནས་ཕྱག་རྒྱའི་མཚན་ཉིད་བཤད་པར་བྱའོ། །སྙིང་པོ་ཆེན་པོ་བཞིའི་ཕྱག་རྒྱ་ལ་སྦྱར་བ་དང་། དེ་བཞིན་གཤེགས་པའི་རིགས་སྤྱི་ལ་སྦྱར་བ་དང་། ལག་ན་རྡོ་རྗེའི་སྙིང་པོ་བཞིའི་ཕྱག་རྒྱ་བཏུས་པ་རྣམས་དང་། དཀྱིལ་
འཁོར་གྱི་གདན་གྱི་ཕྱག་རྒྱ་དང་། ཕྱག་རྒྱ་གཞན་ཡང་བརྩམ་པར་བྱའོ། །འདིར་དེ་བཞིན་གཤེགས་པའི་རིགས་ཀྱི་ཕྱག་རྒྱ་ལ་སྦྱར་བའི་ཆོ་ག་དང་། ཕྱི་རོལ་གྱི་ཕྱག་རྒྱ་གཟུང་བར་བྱའོ། །ཐམས་ཅད་དུ་ཕྱག་རྒྱ་གཞན་རྣམས་

106-1-155a

ཇི་ལྟར་བདེ་བར་བརྗོད་དོ། །ཇི་ལྟར་དེ་བཞིན་གཤེགས་པའི་རིགས་ལ་སྦྱར་བ་ནི། ཨོཾ་སརྦ་ཏ་ཐཱ་ག་ཏ་ཧྲི་ད་ཡ་མ་ཎི་ཛྭ་ལ་ནི་ཨཱ་བེ་ཤྭ་ཡ་ཧཱུྃ། དེ་བཞིན་གཤེགས་པའི་སྙིང་པོ་དང་ཕྱག་རྒྱའོ། །ཨོཾ་སརྦ་ཏ་ཐཱ་ག་ཏ་པྲ་བ་ར་གྲ་མ་ནི་ཧཱུྃ། 
དེ་བཞིན་གཤེགས་པའི་དམ་ཚིག་གི་ཕྱག་རྒྱའོ། །ཨོཾ་སརྦ་ཏ་ཐཱ་ག་ཏ་བཱི་སྃ་བོ་དཱ་བཛྲ་ཧཱུྃ་ཧཱུྃ། དེ་བཞིན་གཤེགས་པའི་དབུགས་དབྱུང་བའི་ཕྱག་རྒྱའོ། །ཨོཾ་སརྦ་ཏ་ཐཱ་ག་ཏ་ཨ་དྷིཥྛཱ་ན་མ་ཎི་མ་ཎི་ཧཱུྃ་ཧཱུྃ་ཕཊ། དེ་བཞིན་གཤེགས་པའི་བྱིན་གྱི་
བརླབས་ཀྱི་ཕྱག་རྒྱའོ། །ཨོཾ་སརྦ་ཏ་ཐཱ་ག་ཏ་པྲ་བ་ར་མ་ཎི་རུ་ཙི་རེ་ཧཱུྃ་ཧཱུྃ་ཕཊ། དེ་བཞིན་གཤེགས་པའི་རྡོ་རྗེ་སེང་གེའི་ཁྲིའི་ཕྱག་རྒྱའོ། །ཨོཾ་སརྦ་ཏ་ཐཱ་ག་ཏ་བི་པུ་ལ་སྃ་བྷ་བེ་ཧཱུྃ་ཧཱུྃ་ཕཊ། དེ་བཞིན་གཤེགས་པའི་དབང་བསྐུར་བའི་ཕྱག་རྒྱའོ། །
ཨོཾ་སརྦ་ཏ་ཐཱ་ག་ཏ་ས་མ་ཡ་མ་ཎི་བཛྲ་ཧཱུྃ་ཧཱུྃ། ཆོས་ཀྱི་འཁོར་ལོའི་ཕྱག་རྒྱའོ། །ཨོཾ་སརྦ་ཏ་ཐཱ་ག་ཏ་ཛ་ཡ་ཨ་པ་ར་ཛི་ཏ་བཛྲ་ཧཱུྃ་ཧཱུྃ། གཞན་གྱིས་མི་ཐུབ་པའི་ཕྱག་རྒྱའོ། །ཨོཾ་སརྦ་ཏ་ཐཱ་ག་ཏ་དྷརྨ་དྷཱ་ཏུ་མ་ཧཱ་མ་ཎི་ཤི་ཁ་རེ་ཧ་ར་ཧ་ར་ཧཱུྃ་ཧཱུྃ་། དེ་བཞིན་
གཤེགས་པའི་འཁོར་ལོ་སྐོར་བའི་ཕྱག་རྒྱའོ། །ཨོཾ་སརྦ་ཏ་ཐཱ་ག་ཏ་མ་ཧཱ་བཛྲ་ཧ་ཡ་དྷ་ར་དྷ་ར་ཧཱུྃ་ཕཊ། འཕགས་པ་ལག་ན་རྡོ་རྗེས་གཟུང་བའི་ཕྱག་རྒྱའོ། །ཨོཾ་དུ་རུ་དུ་རུ་མ་ཎི་མ་ཎི་ཧཱ་བིན་དུ་ཏ་མ་ཎི་སྭཱ་ཧཱ། ཡིད་བཞིན་གྱི་ནོར་བུའི་
ཕྱག་རྒྱ་སྟེ། འཕགས་པ་ནོར་བུ་རྡོ་རྗེའི་ཕྱག་རྒྱའོ། །ཨོཾ་ལོ་ཀ་པ་ལི་ཏི་ཙེ་ཙེ་ཡ་ཛ་ཡ་ཧཱུྃ་ཧཱུྃ། རྒྱལ་པོ་ཆེན་པོ་བཞི་རྣམས་ཀྱི་ཕྱག་རྒྱ་གཟུང་བར་བྱའོ། །ཨོཾ་བི་པུ་ལ་གྲ་པ་ཏི་སྃ་བ་ར་ཧཱུྃ། དཔལ་ལྷ་མོའི་ཕྱག་རྒྱ་གཟུང་བར་བྱའོ། །ཨོཾ་དང་ཥྚི་ནི་
སྃ་ཧཱུྃ། དུང་ཅན་མའི་སྡིགས་པའི་ཕྱག་རྒྱའོ། །ཨོཾ་ཨ་ག་མ་ཡ་དྲཱི་ར་མུད་ཙད་ཏཱ་ཧཱསྟི་ནི་ཧཱུྃ། ཕོ་ཉ་མོའི་ཕྱག་རྒྱ་བཅིང་བར་བྱའོ། །ཨོཾ་ས་མན་ཏ་ཀ་ར་བི་པཱུ་ར་ནེ་ཏ་ཀ་ཏ་ཀ་ཧཱུྃ་ཧཱུྃ་ཕཊ། དཀྱིལ་འཁོར་ན་གནས་པ་ཐམས་ཅད་ཀྱི་ཕྱག་
རྒྱ་སྟེ། སྤྱན་དྲང་བའི་ཕྱག་རྒྱ་གཟུང་བར་བྱའོ། །ཨོཾ་ས་ར་ས་ར་བཱི་ས་ར་ཧཱུྃ་ཧཱུྃ། པད་མའི་ཕྱག་རྒྱའོ། །ཕྱག་རྒྱ་རྒྱས་པའི་ལེའུ་སྟེ་ཆོ་ག་བཞི་པའོ།། །། དེ་ནས་དོན་ཀུན་སྒྲུབ་པའི་སྐུ་གཟུགས་ཀྱི་ཆོ་ག་བཤད་པར་བྱ་སྟེ། རས་ཁ་

106-1-155b

ཚར་མ་བཅད་པ། སྐྲ་མེད་པ། ཁྲུ་གང་བའམ། ཁྲུ་དོ་གྲུ་བཞི་ལྷམ་པ་ལ་རི་མོ་མཁན་སྨྱུང་བ་བྱས་པས་སྣོད་སར་པར་ཚོན་སྤྱིན་མེད་པས་བཅོམ་ལྡན་འདས་རྒྱན་ཐམས་ཅད་ཀྱིས་བརྒྱན་པ། པད་མའི་སྟེང་ན་ཆོས་འཆད་ཅིང་བཞུགས་
པ། ཁང་པ་བརྩེག་མས་ཡོངས་སུ་བསྐོར་བ་བྲི་བར་བྱའོ། །གཡས་སུ་ལག་ན་རྡོ་རྗེ་ལག་པ་བཅུ་གཉིས་པ་སྟོན་ཀའི་འདམ་བུ་མདའ་རྒྱུ་ལྟ་བུའི་མདོག་ཅན། ལག་པ་ན་མཚོན་ཆ་སྣ་ཚོགས་ཐོགས་པ། གདོང་བཞི་པ་བྱ་སྟེ། 
གདོང་དང་པོ་ནི་ཞི་བའོ། །གཉིས་པ་ནི་ཁྲོ་བོའོ། །གསུམ་པ་ནི་མཆེ་བ་གཙིགས་པའོ། །བཞི་པ་ནི་གདོང་ཁྲོ་གཉེར་ཅན་གྱེན་དུ་ལྟ་བ་སྟེ། རལ་པའི་ཐོར་ཚུགས་ཀྱིས་བཞུགས་པ། རྒྱན་ཐམས་ཅད་ཀྱིས་བརྒྱན་པ། པད་
མའི་སྟེང་ན་དཀྱིལ་མོ་དཀྲུང་ཕྱེད་ཀྱིས་འདུག་པར་བྱའོ། །གཡོན་ཕྱོགས་སུ་ནི་བྱང་ཆུབ་སེམས་དཔའ་ནོར་བུ་རྡོ་རྗེ་ཞེས་བྱ་བ་གདོང་བཞི་པ། ལག་པ་བཅུ་དྲུག་པ་བྱ་སྟེ། ལག་པ་གཡས་ན་ཡིད་བཞིན་གྱི་ནོར་བུ་ཐོགས་ནས་དེ་བཞིན་
གཤེགས་པ་ལ་དབུལ་བ། ལག་པ་གཡོན་ན་པད་མ་ཐོགས་པ། ལག་པ་གཅིག་གིས་དབུགས་འབྱིན་པ། ལག་པ་གཉིས་ནི་ཐལ་མོ་སྦྱར་བ་བྱའོ། །ལག་པ་གཞན་ནི་མཚོན་ཆ་སྣ་ཚོགས་ཐོགས་པ་བྱ་སྟེ། རྩེ་གསུམ་
པ་དང་། འཁོར་ལོ་དང་། རྡོ་རྗེ་དང་། རལ་གྲི་དང་། མེ་ཏོག་གི་ཕུར་མ་དང་། བགྲང་ཕྲེང་དང་། རིལ་བ་སྤྱིའུ་བླུགས་དང་། རལ་གྲི་དང་། གླེགས་བམ་དང་། མཆོད་རྟེན་དང་། རི་རབ་བོ། །གདོང་དང་པོ་ནི་ཞི་བའོ། །གདོང་གཡས་པ་
ནི་ནག་པོ་ཆེན་པོ་དང་འདྲ་བའོ། །གདོང་གཡོན་པ་ནི་མིའི་སེང་གེའི་དབྱིབས་ཤིང་པ་ལ་ཤའི་ཁ་དོག་ལྟ་བུའོ། །གདོང་གོང་མ་ནི་བཞིན་བསྒྱུར་བ། པད་མའི་སྟན་ལ་དཀྱིལ་མོ་དཀྲུང་ཕྱེད་ཀྱིས་འདུག་པ་བྱའོ། །དེའི་འོག་ཏུ་དུང་
ཅན་མ་བྲིས་སྟེ། ལག་པ་བརྒྱང་བ་པུས་མོ་བཙུགས་ནས་བཅོམ་ལྡན་འདས་ལ་མཆོད་པའི་ལས་ལ་མངོན་པར་བརྩོན་པ་བྱའོ། །ལག་ན་རྡོ་རྗེའི་འོག་ཏུ་དཔལ་ལྷ་མོ་ཆེན་མོ་པུས་མོ་བཙུགས་ནས་ནོར་བུ་རིན་པོ་ཆེ་སྣ་ཚོགས་ཀྱི་སྣོད་

106-1-156a

བཅོམ་ལྡན་འདས་དེ་བཞིན་གཤེགས་པ་ལ་དབུལ་བར་བྱའོ། །དཔལ་ལྷ་མོ་ཆེན་མོའི་རྒྱབ་དུ་ཕོ་ཉ་མོ་བཞིན་འཛུམ་པ་ལག་པ་བཞི་པ། རྒྱན་སྣ་ཚོགས་ཀྱིས་བརྒྱན་པ། མཚོན་ཆ་སྣ་ཚོགས་འཛིན་པ་བྱའོ། །དུང་ཅན་མའི་
རྒྱབ་དུ་མེ་ཏོག་སོ་གོས་དཀར་མོ་གྱོན་པ། མེ་ཏོག་ཐོགས་ནས་བཅོམ་ལྡན་འདས་ལ་གྱེན་དུ་བལྟ་བ་བྱའོ། །སངས་རྒྱས་བཅོམ་ལྡན་འདས་ཀྱི་སྤྱན་སྔར་རིན་པོ་ཆེ་སྣ་བདུན་གྱི་ཁ་དོག་ཅན་གྱི་པད་མ་མདབ་མ་བརྒྱད་པ། སྡོང་བུ་ནི་བཻ་དཱུརྱ་
སྙིང་པོ་ནི་གསེར་ལས་བྱས་པ་བྱའོ། །དེའི་སྟེང་དུ་འཛམ་བུའི་ཆུ་བོའི་གསེར་གྱི་འཁོར་ལོ་ཤིན་ཏུ་རྣམ་པར་ཕྱེ་བ་ལྟེ་བ་དང་བཅས་པ། ཀུན་ནས་འབར་བ་ཤིན་ཏུ་རྣམ་པར་བཀྲ་བ་བྲི་བར་བྱའོ། །པད་མ་དེའི་དྲུང་དུ་རྒྱལ་པོ་ཆེན་པོ་བཞི་
ཡ་ལད་དང་གོ་ཆ་དང་། ཚེམ་ཚེམ་བགོས་པ། རྒྱན་ཐམས་ཅད་ཀྱིས་བརྒྱན་པ་བྲི་བར་བྱའོ། །པད་མ་དེའི་དྲུང་དུ་རྫིང་བུ་རིན་པོ་ཆེ་སྣ་ཚོགས་ཀྱིས་བརྒྱན་པ་བྱའོ། །རྫིང་དེའི་འགྲམ་དུ་རིག་པ་འཛིན་པ། ལག་པ་ན་པོག་ཕོར་དང་། 
མེ་ཏོག་གི་མགོ་ལྦོགས་ཐོགས་ལ་ལག་པ་གཅིག་ཤོས་ན་བགྲང་ཕྲེང་ཐོགས་ཏེ་པུས་མོ་བཙུགས་ནས་དེ་བཞིན་གཤེགས་པ་ལ་གྱེན་དུ་ལྟ་བ་བྱའོ། །ཁང་པ་བརྩེག་མའི་གན་དུ་ཚངས་པ་དང་། ཁྱབ་འཇུག་དང་། དབང་ཕྱུག་ཆེན་
པོ་ལ་སོགས་པ་ནམ་མཁའི་དཀྱིལ་ན་བཅོམ་ལྡན་འདས་ལ་མེ་ཏོག་སྣ་ཚོགས་ཀྱིས་མཆོད་པ་བྱེད་པ་བྱའོ། །དེ་ལ་སོགས་པ་སྐུ་གཟུགས་ཀྱི་ཆོ་ག་རྣམས་བྱའོ། །དེ་ནས་རིག་པ་འཛིན་པ་གོས་དཀར་པོ་བགོས་ཏེ། ཟས་དཀར་
གསུམ་ཟ་བས་ཚེས་བརྒྱད་ནས་ཚེས་བཅོ་ལྔ་ཉའི་བར་དུ་སྐུ་གཟུགས་ཀྱི་མདུན་དུ་བཟླས་བརྗོད་འབུམ་ཚང་བར་བྱའོ། །དེ་ནས་སྐུ་གཟུགས་འགུལ་ཞིང་བདག་ཉིད་འབར་བར་མཐོང་བར་འགྱུར། སྒྲིབ་པ་མེད་པའི་མིག་ཐོབ་
པར་འགྱུར། ནོར་བུ་རྣམ་དག་སྤྱོད་པ་ཞེས་བྱ་བའི་ཏིང་ངེ་འཛིན་ཐོབ་པར་འགྱུར། རིག་འཛིན་ཐམས་ཅད་ཀྱི་འཁོར་ལོས་སྒྱུར་བར་འགྱུར། དེ་བཞིན་གཤེགས་པ་ཐམས་ཅད་མཐོང་བར་འགྱུར། བཟླས་བརྗོད་བྱས་པ་ཙམ་གྱི་མོད་ལ་

106-1-156b

དམྱལ་བ་དང་། དུད་འགྲོའི་སྐྱེ་གནས་ལས་ཐར་བར་འགྱུར། འདོད་ཆགས་དང་། ཞེ་སྡང་དང་། གཏི་མུག་ལ་སོགས་པ་ཐམས་ཅད་སྤངས་པར་འགྱུར། སེར་སྣའི་དྲི་མ་དང་བྲལ་བར་འགྱུར། བསོད་ནམས་ཐམས་ཅད་དང་ལྡན་པར་
འགྱུར། བདེ་བ་ཐམས་ཅད་དང་ལྡན་པར་འགྱུར། དགེ་བའི་རྩ་བ་ཐམས་ཅད་ཡང་དག་པར་བཟུང་བར་འགྱུར། དེ་བཞིན་གཤེགས་པ་ཐམས་ཅད་ཀྱིས་བྱིན་གྱིས་བརླབས་པར་འགྱུར། སངས་རྒྱས་དང་བྱང་ཆུབ་སེམས་དཔའ་ཐམས་
ཅད་ཀྱིས་དབུགས་འབྱིན་པར་འགྱུར། ལྷ་ཐམས་ཅད་ཀྱིས་ཡང་དག་པར་བཟུང་བར་འགྱུར། གནོད་སྦྱིན་དང་། སྲིན་པོ་དང་། ཡི་དགས་དང་། ཤ་ཟ་དང་། ལྷ་མ་ཡིན་དང་། ནམ་མཁའ་ལྡིང་དང་། མི་འམ་ཅི་དང་། ལྟོ་འཕྱེ་ཆེན་པོ་
དང་། མི་དང་། མི་མ་ཡིན་པ་ཐམས་ཅད་ཀྱིས་ཀྱང་བསྲུངས་བར་འགྱུར། རྒྱལ་པོའི་ཕོ་བྲང་ཐམས་ཅད་དུ་མཆོད་པའི་འོས་སུ་འགྱུར། འཇིག་རྟེན་ཐམས་ཅད་ལ་དབང་བསྐུར་བར་འགྱུར། ཡོན་ཏན་དང་། ཕ་རོལ་ཏུ་ཕྱིན་པ་ཐམས་
ཅད་ཡོངས་སུ་བཟུང་བར་འགྱུར། དེ་ལ་སོགས་པ་ཡོན་ཏན་གྱི་ཁྱད་པར་ཐོབ་པར་འགྱུར། མཐོང་བ་ཙམ་འམ། བཟླས་བརྗོད་བྱས་པ་ཙམ་འམ། བཀླགས་པ་ཙམ་གྱིས་ཡོན་ཏན་དང་། ཕན་ཡོན་འདི་དག་ཡོངས་སུ་བཟུང་བར་
འགྱུར་ན་ཆེས་ལྷག་པར་མང་དུ་བྱེད་པ་ལྟ་སྨོས་ཀྱང་ཅི་དགོས། གང་ཞིག་ཀློག་པར་བྱེད་པ་དང་། འདོན་པར་བྱེད་པ་དང་། བཟླས་བརྗོད་ལ་མངོན་བར་བརྩོན་པར་བྱེད་པ་དང་། སྒྲུབ་པར་བྱེད་པ་དང་། ཕྱག་རྒྱའི་ཚོགས་སྒྲུབ་པར་
བྱེད་པ་དང་། རིག་སྔགས་སྒྲུབ་པར་བྱེད་པ་དང་། རས་ཟུང་སྒྲུབ་པར་བྱེད་པའི་སེམས་ཅན་དེ་ནི་དེ་བཞིན་གཤེགས་པ་ཁོ་ནར་བརྗོད་པར་བྱ་སྟེ། མཆོད་པའི་འོས་སུ་འགྱུར། ལྷ་དང་། མི་དང་། ལྷ་མ་ཡིན་དུ་བཅས་པའི་འཇིག་
རྟེན་གྱིས་ཕྱག་བྱ་བའི་འོས་སུ་འགྱུར་རོ། །སེམས་ཅན་དེ་ནི་དེ་བཞིན་གཤེགས་པ་དང་མཚུངས་པར་བལྟ་བ་དང་ཤེས་པར་བྱ། དེ་བཞིན་གཤེགས་པ་ཐམས་ཅད་ཀྱིས་ལུང་བསྟན་པ་གནང་བས་སེམས་ཅན་དེ་ནི་ཕྱིར་མི་ལྡོག་

106-1-157a

པར་གྱུར་ནས། བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་གསལ་བར་ལུང་བསྟན་པ་ཡིན་ནོ། །ཕྱིན་ཆད་མའི་མངལ་དུ་སྐྱེ་བར་མི་འགྱུར། འཇིག་རྟེན་གྱི་ཁམས་གང་དང་གང་དུ་འགྲོ་བ་དེ་དང་དེར་པད་མ་ལས་
རྫུས་ཏེ་སྐྱེ་བར་ཤེས་པར་བྱའོ། །ཕྱིན་ཆད་དེ་བཞིན་གཤེགས་པ་དང་འབྲལ་བར་མི་འགྱུར། བྱང་ཆུབ་སེམས་དཔའ་དང་ཡང་འབྲལ་བར་མི་འགྱུར་ཏེ། གང་དང་གང་དུ་སྐྱེས་པ་དེར་ཐམས་ཅད་དུ་དེ་བཞིན་གཤེགས་པ་དང་ཕྲད་
པ་དང་། བྱང་ཆུབ་སེམས་དཔའ་དང་ཕྲད་པར་འགྱུར་ཞིང་བྱང་ཆུབ་ཀྱི་སྙིང་པོའི་བར་དུ་མཐར་ཕྱིན་པར་བྱེད་པར་འགྱུར་རོ། །སྐུ་གཟུགས་རྒྱས་པ་ཆེན་པོའི་ལེའུ་སྟེ་ཆོ་ག་ལྔ་པའོ།། །། དོན་ཀུན་སྒྲུབ་པར་བྱེད་པ་ཡི། །
སྦྱིན་བསྲེག་ཆོ་ག་བཤད་པར་བྱ། །སེམས་ཅན་ཀུན་གྱི་བདེ་ཐོབ་པ། །ཞི་བ་ཡི་ནི་ལས་བརྩམ་མོ། །རིག་པ་འཛིན་པས་གསང་བྱ་སྟེ། །ངེས་པར་ཚངས་པར་སྤྱོད་པ་ཡིས། །སེམས་ཅན་ཐམས་ཅད་ཡིད་དགའ་བའི། །
དེ་ནས་སྦྱིན་བསྲེག་དག་བྱའོ། །ༀ་སྭཱ་ཧཱ་པ་ཏི་བུ་ར་བཱུ་བཱ་ཧཱུྃ་ཧཱུྃ་ཕཊ་སྭཱ་ཧཱ། སྔགས་འདིས་ཏིལ་དང་། ཡུངས་དཀར་དང་། མར་ལས་སྦྱིན་བསྲེག་བྱས་ན་རིག་སྔགས་འཆང་ཐམས་ཅད་གྲུབ་པར་འགྱུར་རོ། །བགེགས་དང་། 
ལོག་འདྲེན་ཐམས་ཅད་ཚར་བཅད་པར་འགྱུར་རོ། །སྡིག་པ་ཐམས་ཅད་དང་། གནོད་པ་ཐམས་ཅད་དང་། ཕྱིར་རྒོལ་བ་དང་། མི་མཛའ་བ་ཐམས་ཅད་རྨུགས་པར་བྱས་པར་འགྱུར། རེངས་པར་བྱས་པར་འགྱུར། རྨོངས་པར་
བྱས་པར་འགྱུར་རོ། །རྨི་ལམ་ངན་པ་དང་། ལྟས་ངན་པ་ཐམས་ཅད་མེད་པར་འགྱུར་རོ། །གུ་གུལ་དང་། ཡུངས་དཀར་དང་། མར་ལས་སྦྱིན་བསྲེག་སྟོང་རྩ་བརྒྱད་བྱས་ན་གདོན་ཐམས་ཅད་ཀྱི་ཀླད་པ་འགས་པར་འགྱུར། 
འབྱུང་པོ་ཐམས་ཅད་ཀྱིས་གནོད་པ་བྱས་པ་ལས་ཡོངས་སུ་ཐར་བར་འགྱུར། རིམས་ནད་ལ་སོགས་པ་ཐམས་ཅད་ཞི་བར་འགྱུར་རོ། །ནད་ཐམས་ཅད་དང་བྲལ་བར་འགྱུར་རོ། །མར་དང་། ཡུངས་དཀར་ལས་སྦྱིན་སྲེག་སྟོང་

106-1-157b

རྩ་བརྒྱད་བྱས་ན་ཡུལ་ཐོབ་པར་འགྱུར་རོ། །ས་བོན་བདུག་པ་དང་། མར་ལས་སྦྱིན་བསྲེག་སྟོང་རྩ་བརྒྱད་བྱས་ན་བདུད་ལ་སོགས་པའི་གདུག་པས་འཇིགས་སྐྲག་པ་དང་། ཕ་རོལ་གྱི་དམག་ཚོགས་ལ་སོགས་པ་འཇིག་པར་
འགྱུར་རོ། །སྒྲོན་ཤིང་དང་མར་ལས་སྦྱིན་བསྲེག་སྟོང་རྩ་བརྒྱད་བྱས་ན་རྒྱལ་པོ་བཙུན་མོའི་འཁོར་དང་བཅས་པ་དགའ་བར་འགྱུར་རོ། །ཅི་འདོད་པ་དེ་བྱེད་དོ། །གང་དང་གང་བླངས་པ་དེ་དང་དེ་འཐོབ་བོ། །རི་ཁར་སྲ་ཙི་པོག་དང་། ཡུངས་
དཀར་དང་། མར་ལས་སྦྱིན་བསྲེག་བྱས་ན་ལྷ་མ་ཡིན་གྱི་སྒོ་ཐམས་ཅད་འབྱེད་པར་འགྱུར། རིག་འཛིན་གྱི་རྒྱལ་པོར་འགྱུར་རོ། །ཡུངས་དཀར་དང་། ཏིལ་མར་དང་། ན་ག་གེ་སར་ལས་སྦྱིན་བསྲེག་སྟོང་རྩ་བརྒྱད་བྱས་ན་ཀླུ་ཐམས་ཅད་
དབང་དུ་འགྱུར་རོ། །ཅི་བསྒོ་བ་བྱེད་དོ། །དུས་སུ་ཆར་གྱི་རྒྱུན་འབེབས་པར་བྱེད་དོ། །ཕྱིན་ཆད་སེར་བའི་འཇིགས་པ་མི་འབྱུང་ངོ་། །ཁ་ཟས་ལས་སྦྱིན་བསྲེག་སྟོང་རྩ་བརྒྱད་བྱས་ན་འབྲུ་སྟོང་དུ་འཕེལ་ཞིང་མང་པོར་འགྱུར་རོ། །ལན་ཚྭ་
ལ་སྦྱིན་བསྲེག་སྟོང་རྩ་བརྒྱད་བྱས་ན་གནོད་སྦྱིན་མོ་ཐམས་ཅད་ལྷགས་ནས། རྗེ་བཙན་སྲོག་དང་མ་དབྲལ་ཅིག་དང་། བཀའ་ཅི་སྩལ་པ་དེ་བགྱིའོ་ཞེས་རྐང་པ་ལ་གཏུག་པར་འགྱུར་རོ། །འབྲས་དང་མར་ལས་སྦྱིན་བསྲེག་སྟོང་
རྩ་བརྒྱད་བྱས་ན་དཔལ་ཆེན་པོ་ཐོབ་པར་འགྱུར་རོ། །ཉི་མ་ལ་ཁ་བལྟས་ཏེ་ན་ལེ་ཤམ་ལ་སྦྱིན་བསྲེག་སྟོང་རྩ་བརྒྱད་བྱས་ན་དེ་ལ་ལྷ་ཐམས་ཅད་རྟག་ཏུ་རྒྱུན་མི་འཆད་པར་བསྲུང་བ་དང་། སྐྱོབ་པ་དང་། སྦེད་པ་བྱེད་པར་འགྱུར་རོ། །
དཔལ་ཐམས་ཅད་ཐོབ་པར་འགྱུར་རོ། །དཔལ་ལྷ་མོའི་མདུན་དུ་ཏིལ་དང་། ཡུངས་དཀར་ལས་སྦྱིན་བསྲེག་བྱས་ན་ནོར་མང་པོ་འཕེལ་བར་འགྱུར་རོ། །ཤིང་ཨར་ཀའི་ཡམ་སྲེག་ཤིང་དང་མར་ལས་སྦྱིན་བསྲེག་བརྒྱ་རྩ་བརྒྱད་
བྱས་ན་སངས་རྒྱས་དང་བྱང་ཆུབ་སེམས་དཔའ་ཐམས་ཅད་བསྐུལ་བར་འགྱུར་རོ། །སྡིག་པ་ཐམས་ཅད་དང་བྲལ་བར་འགྱུར། འཇིག་རྟེན་དང་། འཇིག་རྟེན་ལས་འདས་པའི་གསང་སྔགས་ཐམས་ཅད་མངོན་དུ་འགྱུར། 

106-1-158a

ནད་ཐམས་ཅད་དང་བྲལ་བར་འགྱུར། དགྲ་ཐམས་ཅད་ལས་རྒྱལ་བར་འགྱུར། འཇིག་རྟེན་གྱི་སྡུག་བསྔལ་ཐམས་ཅད་འབྱུང་བར་མི་འགྱུར་རོ། །རིག་སྔགས་འདིའི་མཐུས་བདེ་བ་ཐམས་ཅད་འགྲུབ་པར་འགྱུར། རྨི་ལམ་
ངན་པ་དང་། ལྟས་ངན་པ་ཐམས་ཅད་མེད་པར་འགྱུར། བྱད་ཐམས་ཅད་དང་། བཅིངས་པ་ཐམས་ཅད་དང་། གནོད་པ་ཐམས་ཅད་ནམ་ཡང་འབྱུང་བར་མི་འགྱུར་རོ། །དེ་ལ་སོགས་ཏེ་སྦྱིན་བསྲེག་གི་ལས་རྣམས་ཀྱིས་མཆོག་ཏུ་
ཞི་བར་བྱེད་དོ། །བདེ་བ་རབ་ཏུ་སྦྱིན་པར་བྱེད། ནོར་ཐོབ་པར་བྱེད། དོན་གྲུབ་པར་བྱེད་ཅིང་ལྟ་བ་ངན་པར་ལྟུང་བའི་སེམས་ཅན་ཐམས་ཅད་ཉམས་པར་བྱེད་དོ། །སྦྱིན་བསྲེག་གྲུབ་པ་རྒྱས་པའི་ལེའུ་སྟེ་ཆོ་ག་དྲུག་པའོ།། །།
དེ་ནས་བཅོམ་ལྡན་འདས་ཀྱིས་གསང་བ་པའི་བདག་པོ་ལག་ན་རྡོ་རྗེ་ལ་བཀའ་སྩལ་པ། ལག་ན་རྡོ་རྗེ་འདི་ནི་ཆོ་ག་ཞིབ་མོའི་རྒྱལ་པོ་ཡིན། འདི་ནི་ཡོན་ཏན་ཁྱད་པར་ཆེན་པོ་ཅན་ཡིན། འདི་ནི་དེ་བཞིན་གཤེགས་པ་ཐམས་
ཅད་ཀྱི་སྙིང་པོ་སངས་རྒྱས་ཐམས་ཅད་སྐྱེད་པའི་ཡུམ་ཡིན། འདི་ནི་དེ་བཞིན་གཤེགས་པ་ཐམས་ཅད་ཀྱི་ཆོས་ཀྱི་འཁོར་ལོ་བསྐོར་བ་ཡིན། འདི་ནི་དེ་བཞིན་གཤེགས་པ་ཐམས་ཅད་ཀྱི་བྱང་ཆུབ་ཀྱི་སྙིང་པོར་གཤེགས་པ་
ཡིན། འདི་ནི་དེ་བཞིན་གཤེགས་པ་ཐམས་ཅད་ཀྱི་ཆོས་ཀྱི་རྒྱལ་མཚན་འཛུགས་པ་ཡིན། འདི་ནི་དེ་བཞིན་གཤེགས་པ་ཐམས་ཅད་ཀྱི་ཆོས་ཀྱི་དུང་རབ་ཏུ་འབུད་པ་ཡིན། འདི་ནི་དེ་བཞིན་གཤེགས་པ་ཐམས་ཅད་ཀྱི་རྡོ་རྗེ་
འི་གདན་ཡིན། འདི་ནི་དེ་བཞིན་གཤེགས་པ་ཐམས་ཅད་ཀྱི་བདུད་ཐམས་ཅད་ཕམ་པར་བྱེད་ཅིང་འཇོམས་པར་བྱེད་པ་ཡིན། འདི་ནི་དེ་བཞིན་གཤེགས་པ་ཐམས་ཅད་ཀྱི་གསང་བ་དམ་པ་ཡིན། འདི་ནི་དེ་བཞིན་གཤེགས་པ་
ཐམས་ཅད་ཀྱི་གསང་ཆེན་ཡིན། ལག་ན་རྡོ་རྗེ་འདི་ནི་འཛམ་བུའི་གླིང་གི་སེམས་ཅན་ཐམས་ཅད་ཀྱི་ཉོན་མོངས་པ་འདུལ་བ་ཡིན། འདི་ནི་དེ་བཞིན་གཤེགས་པ་ཐམས་ཅད་ཀྱི་སྡིག་པ་འཇིག་པ་ཡིན། འདི་ནི་འཛམ་བུའི་གླིང་གི་

106-1-158b

སེམས་ཅན་ཐམས་ཅད་ཀྱི་དམྱལ་བ་ཐམས་ཅད་སྐེམས་པ་ཡིན། ཡི་དགས་ཀྱི་འཇིག་རྟེན་ཟློག་པ་ཡིན། དུད་འགྲོའི་སྐྱེ་གནས་ལས་ཐར་བར་བྱེད་པ་ཡིན་ནོ། །འདི་ནི་འཛམ་བུའི་གླིང་གི་སེམས་ཅན་ཐམས་ཅད་ཀྱི་སྐྱེ་བ་དང་། 
རྒ་བ་དང་། ན་བ་དང་། འཆི་བ་དང་། མྱ་ངན་དང་། སྨྲེ་སྔགས་འདོན་པ་དང་། སྡུག་བསྔལ་བ་དང་། ཡིད་མི་བདེ་བ་དང་། འཁྲུག་པ་རྣམས་སྐེམས་པར་བྱེད་པ་ཡིན་ནོ། །ལག་ན་རྡོ་རྗེ་འོན་ཀྱང་བསོད་ནམས་ཀྱི་ཕུང་པོ་འབྱུང་བ་ལྷའི་མིག་གིས་
བལྟ་བའམ། དེ་བཞིན་གཤེགས་པའི་ཐུགས་ཀྱིས་ཀྱང་བརྗོད་ཀྱིས་མི་ལང་སྟེ། ཡོན་ཏན་གྱི་ཁྱད་པར་དེ་ལྟར་རྒྱ་ཆེ་ཞིང་དེ་ལྟར་ཟབ་པ། རབ་མཆོག་གྱ་ནོམ་པ་ལ་སོགས་པ་དེ་ལྟར་གོང་ནས་གོང་དུ་རྣམ་པར་འཕྲུལ་པ་ཆེན་པོའི་ཁྱད་
པར་དུ་འཕགས་པ་ཡིན་ནོ། །ནོར་བུ་ཆེན་པོ་རྒྱས་པའི་གཞལ་མེད་ཁང་ཤིན་ཏུ་རབ་ཏུ་གནས་པ་གསང་བའི་གཟུངས་ཀྱི་ཆོ་ག་ཞིབ་མོའི་རྒྱལ་པོ་འདི་ནི་སེམས་ཅན་སྐལ་བ་ཆུང་བ་རྣམས་ཀྱི་ལག་དུ་འོང་བར་མི་འགྱུར་ཏེ། ཐོས་པར་
མི་འགྱུར། བསྙེན་བཀུར་བྱེད་པར་མི་འགྱུར། འཆང་བར་མི་འགྱུར་རོ། །གང་གིས་གང་གཱའི་ཀླུང་གི་བྱེ་མ་དང་མཉམ་པའི་དེ་བཞིན་གཤེགས་པ་རྣམས་མ་མཐོང་བ་དེའི་ལག་ཏུ་མཆོག་ཏུ་གསང་བ་འདི་འོང་བའམ། ཉན་པ་
འམ། བསྙེན་བཀུར་བྱེད་པའམ། འཛིན་པར་ལྟ་ག་ལ་འགྱུར། ལག་ན་རྡོ་རྗེ་དེ་བཞིན་གཤེགས་པའི་གསང་བ་འདི་ནི་ཤིན་ཏུ་གཏིང་དཔག་དཀའ་སྟེ། ལག་ན་རྡོ་རྗེ་གང་གིས་སངས་རྒྱས་བཅོམ་ལྡན་འདས་ཆུ་བོ་གང་
གཱའི་ཀླུང་བྱེ་བ་ཁྲག་ཁྲིག་བརྒྱ་སྟོང་གི་བྱེ་མ་དང་མཉམ་པ་རྣམས་ལ་བསྐལ་པ་བརྒྱ་སྟོང་དུ་བདེ་བའི་ཡོ་བྱད་ན་བཟའ་དང་། བསོད་སྙོམས་དང་། གཟིམས་མལ་དང་། སྙུན་སྤྱད་ཀྱི་རྐྱེན་སྨན་གྱི་ཡོ་བྱད་དང་། བཟའ་བ་དང་། 
བཅའ་བ་དང་། ཞལ་ཟས་དང་བཏུང་བ་དང་། བཅིབས་པ་དང་། ཕོ་བྲང་རྣམས་དེ་བཞིན་གཤེགས་པ་རྣམས་ལ་ཉི་མ་རེ་རེ་འབུལ་ཞིང་དེ་བཞིན་དུ་མེ་ཏོག་དང་། བདུག་པ་དང་། དྲི་དང་། ཕྲེང་བ་དང་། བྱུག་པ་དང་། གདུགས་དང་། 

106-1-159a

རྒྱལ་མཚན་དང་། བ་དན་གྱིས་དེ་ལྟར་དེ་བཞིན་གཤེགས་པ་ཐམས་ཅད་ལ་མཆོད་པ་བྱེད་པ་དང་། གང་གིས་སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་རིན་པོ་ཆེ་སྣ་བདུན་གྱིས་བྱུར་བུར་བཀང་
སྟེ། ཉི་མ་རེ་རེར་སངས་རྒྱས་ཐམས་ཅད་ལ་དབུལ་བ་ནི་བསོད་ནམས་ཀྱི་ཕུང་པོ་ཆེན་པོ་བསྐྱེད་པ་མ་ཡིན་གྱི། ལག་ན་རྡོ་རྗེ་གང་གིས་དེ་བཞིན་གཤེགས་པའི་གསང་བ་འདི་ལན་ཅིག་བཟླས་བརྗོད་བྱས་ན་བསོད་ནམས་ཀྱི་ཕུང་
པོ་ཆེན་པོ་དང་ལྡན་པར་འགྱུར་ཏེ། དེ་བཞིན་གཤེགས་པ་ཐམས་ཅད་ཀྱིས་ཀྱང་བརྗོད་ཀྱིས་མི་ལང་ངོ་། །གང་གིས་དེ་བཞིན་གཤེགས་པའི་གསང་བའི་གཟུངས་ཀྱི་རྒྱལ་པོ་འདི་ལན་ཅིག་དྲན་པར་གྱུར་ན། དེ་གོང་དུ་བཤད་
པའི་ཡོན་ཏན་གྱི་ཁྱད་པར་ཡོངས་སུ་བསྒྲགས་པས་དེ་བཞིན་གཤེགས་པ་ཐམས་ཅད་མཆོད་པར་འགྱུར། མཁོ་བའི་ཡོ་བྱད་ཁྱད་པར་དུ་འཕགས་པ་ཇི་ལྟ་བ་ཐམས་ཅད་ཀྱིས་དེ་བཞིན་གཤེགས་པའི་གསང་བ་རྣམས་ལ་དེ་ལྟར་
ཉིན་ཅིག་བཞིན་མཆོད་པར་འགྱུར་རོ། །དེ་ནས་འཁོར་འདུས་པ་དེ་དག་ཐམས་ཅད་དང་། ལྷ་དང་། ཀླུ་དང་། གནོད་སྦྱིན་དང་། སྲིན་པོ་དང་། ལྷ་མ་ཡིན་དང་། ནམ་མཁའ་ལྡིང་དང་། མི་འམ་ཅི་དང་། ལྟོ་འཕྱེ་ཆེན་པོ་དང་། མི་དང་མི་
མ་ཡིན་པ་ཐམས་ཅད་ཀྱིས། ཨ་ལ་ལ་ཞེས་ཅ་ཅོ་དང་། ག་ཞའི་སྒྲ་ཆེར་བཏོན་ནས། བཅོམ་ལྡན་འདས་ཀྱི་ཞབས་ལ་གཏུགས་ཏེ། བཅོམ་ལྡན་འདས་ལ་འདི་སྐད་ཅེས་གསོལ་ཏོ། །ཀྱེ་མའོ་སངས་རྒྱས་འབྱུང་བ་དང་མཚུངས་
པར་མཆོག་ཏུ་རྙེད་པར་དཀའ་བ་གསང་བ་དམ་པའི་སྙིང་པོ་འཛམ་བུའི་གླིང་དུ་བཞག་ལགས་སོ། །དེ་ནས་ཕྱོགས་བཅུའི་དེ་བཞིན་གཤེགས་པ་ཐམས་ཅད་ཀྱིས་ཤཱཀྱ་ཐུབ་པ་ལ་ལེགས་སོ་ཞེས་བྱ་བ་བྱིན་ནས། རང་རང་གི་སངས་རྒྱས་
ཀྱི་ཞིང་རྣམས་སུ་གཤེགས་སོ། །དེ་ནས་བཅོམ་ལྡན་འདས་དེ་བཞིན་གཤེགས་པ་ཤཱཀྱ་ཐུབ་པ་ཡང་རྫུ་འཕྲུལ་གྱི་ཆོ་འཕྲུལ་ཆེན་པོས་མི་མཇེད་ཀྱི་འཇིག་རྟེན་གྱི་ཁམས་སུ་གཤེགས་སོ། །འཕགས་པ་ནོར་བུ་ཆེན་པོ་རྒྱས་པའི་

106-1-159b

གཞལ་མེད་ཁང་ཤིན་ཏུ་རབ་ཏུ་གནས་པ་གསང་བ་དམ་པའི་གསང་བའི་ཆོ་ག་ཞིབ་མོའི་རྒྱལ་པོ་སྟེ་བདུན་པ། རྫོགས་སྷོ།། །།རྒྱ་གར་གྱི་མཁན་པོ་བིདྱ་གརྦྷ་པྲ་བྷ་དང་། ལོ་ཙྪ་བ་བན་དེ་དཔལ་གྱི་ལྷུན་པོས་བསྒྱུར། 
རྒྱ་གར་གྱི་མཁན་པོ་བིདྱ་ཀ་ར་པྲ་བྷ་དང་། ཞུ་ཆེན་གྱི་ལོ་ཙྪ་བ་བན་དེ་དཔལ་བརྩེགས་ཀྱིས་ཞུས་ཏེ་གཏན་ལ་ཕབ་པ།།  ༄༅།  །རྒྱ་གར་སྐད་དུ། ཨཱརྱ་པུཥྤ་ཀཱུ་ཊ་ནཱ་མ་དྷཱ་ར་ནཱི། བོད་སྐད་དུ། འཕགས་པ་མེ་ཏོག་བརྩེགས་པ་ཞེས་བྱ་བའི་
གཟུངས། སངས་རྒྱས་དང་། བྱང་ཆུབ་སེམས་དཔའ་ཐམས་ཅད་ལ་ཕྱག་འཚལ་ལོ། །འདི་སྐད་བདག་གིས་ཐོས་པ་དུས་གཅིག་ན། བཅོམ་ལྡན་འདས་མཚོ་ཆེན་པོ་མ་དྲོས་པ་ན། ཀླུའི་རྒྱལ་པོ་མ་དྲོས་པའི་ཁང་པ་ན། དགེ་སློང་
ལྔ་བརྒྱའི་དགེ་སློང་གི་དགེ་འདུན་ཆེན་པོ་དང་ཐབས་གཅིག་ཏུ་བཞུགས་ཏེ། བྱང་ཆུབ་སེམས་དཔའི་ཚོགས་ཆེན་པོ་འཇིག་རྟེན་གྱི་ཁམས་གཞན་དང་གཞན་དག་ནས་འདུས་པ། བྱང་ཆུབ་སེམས་དཔའ་སྟོང་དུ་ཚང་བ། ཐམས་
ཅད་ཀྱང་གཟུངས་ཐོབ་པ། ཏིང་ངེ་འཛིན་ཐོབ་པ། སྐྱེ་བ་གཅིག་གིས་ཐོགས་པ། ས་བཅུ་ལ་རབ་ཏུ་གནས་པ། དེ་མ་ཐག་ཏུ་རྒྱལ་ཚབ་དུ་དབང་བསྐུར་བས་དབང་བསྐུར་བ། གོ་ཆ་ཆེན་པོ་བགོས་པ། སངས་རྒྱས་ཀྱི་ཡོན་ཏན་
ཐམས་ཅད་ལ་ཐེ་ཚོམ་མེད་པ་ཤ་སྟག་དང་ཡང་ཐབས་གཅིག་གོ། །དེའི་ཚེ་ན་བྱང་ཆུབ་སེམས་དཔའ་སེམས་དཔའ་ཆེན་པོ་སེང་གེ་རྣམ་པར་རྩེ་ཞེས་བྱ་བ་འཁོར་དེ་ཉིད་དུ་འདུས་པར་གྱུར་ཏེ་འདུག་གོ། །དེ་ནས་བྱང་ཆུབ་སེམས་
དཔའ་སེམས་དཔའ་ཆེན་པོ་སེང་གེ་རྣམ་པར་རྩེ་སྟན་ལས་ལངས་ཏེ། བླ་གོས་ཕྲག་པ་གཅིག་ཏུ་གཟར་ནས་པུས་མོ་གཡས་པའི་ལྷ་ང་ས་ལ་བཙུགས་ཏེ། བཅོམ་ལྡན་འདས་ག་ལ་བ་དེ་ལོགས་སུ་ཐལ་མོ་སྦྱར་བ་བཏུད་ནས། 
བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས་རིགས་ཀྱི་བུའམ། རིགས་ཀྱི་བུ་མོ་གང་གིས་དེ་བཞིན་གཤེགས་པ་ལ་མཆོད་པ་བགྱིས་ན་དེའི་བསོད་ནམས་ཇི་སྙེད་ཅིག་བསྐྱེད་པར་འགྱུར། དེ་སྐད་ཅེས་གསོལ་

106-1-160a

པ་དང་། བཅོམ་ལྡན་འདས་ཀྱིས་བྱང་ཆུབ་སེམས་དཔའ་སེམས་དཔའ་ཆེན་པོ་སེང་གེ་རྣམ་པར་རྩེ་ལ་འདི་སྐད་ཅེས་བཀའ་སྩལ་ཏོ། །བཅོམ་ལྡན་འདས་རིགས་ཀྱི་བུའམ། རིགས་ཀྱི་བུ་མོ་གང་གིས་དེ་བཞིན་གཤེགས་
པ་ལ་མཆོད་པ་བགྱིས་ན་དེའི་བསོད་ནམས་ཇི་སྙེད་ཅིག་བསྐྱེད་པར་འགྱུར་ཞེས་སེང་གེ་རྣམ་པར་རྩེ་ཁྱོད་དེ་སྐད་མ་ཟེར་ཅིག །དེ་ཅིའི་ཕྱིར་ཞེ་ན། དེ་བཞིན་གཤེགས་པ་ནི་ཚུལ་ཁྲིམས་དཔག་ཏུ་མེད་པ། ཏིང་ངེ་འཛིན་དཔག་ཏུ་མེད་
པ། ཤེས་རབ་དཔག་ཏུ་མེད་པ། རྣམ་པར་གྲོལ་བ་དཔག་ཏུ་མེད་པ། རྣམ་པར་གྲོལ་བའི་ཡེ་ཤེས་མཐོང་བ་དཔག་ཏུ་མེད་པ་སྟེ། སེང་གེ་རྣམ་པར་རྩེ་གང་གི་ཕྱིར་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་
སངས་རྒྱས་ཡོན་ཏན་གྱི་ཚོགས་དཔག་ཏུ་མེད་པ་དང་ལྡན་པ་དེའི་ཕྱིར་དེ་ལ་མཆོད་པའི་རྣམ་པར་སྨིན་པ་དེ་ཡང་དཔག་ཏུ་མེད་པར་ཤེས་པར་བྱའོ། །སེང་གེ་རྣམ་པར་རྩེ་གང་ལ་ལ་དག་དེ་བཞིན་གཤེགས་པ་བཞུགས་ཀྱང་རུང་། 
ཡོངས་སུ་མྱ་ངན་ལས་འདས་ཀྱང་རུང་སྟེ། མཆོད་པ་བྱེད་པ་དེ་དག་ཐམས་ཅད་ནི་འདི་ལྟ་སྟེ། ཉན་ཐོས་ཀྱི་ཐེག་པའམ། རང་སངས་རྒྱས་ཀྱི་ཐེག་པའམ། ཐེག་པ་ཆེན་པོའམ། ཐེག་པ་གསུམ་ལས་ཐེག་པ་གཅིག་གིས་ཡོངས་
སུ་མྱ་ངན་ལས་འདའ་བར་འགྱུར་རོ། །སེང་གེ་རྣམ་པར་རྩེ་ཡང་གང་གིས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་མཐོང་ནས་སེམས་དད་པར་གྱུར་ལ། དད་པའི་སེམས་ཀྱིས་རྙེད་པ་དང་། ན་བཟའ་
དང་། ཞལ་ཟས་དང་། གཟིམས་ཆ་དང་། སྙུན་གསོས་སྨན་དང་། ཡོ་བྱད་དང་། བདེ་བར་སྦྱར་བ་ཐམས་ཅད་ཀྱིས་སྟི་སྟང་དུ་བྱས་ཤིང་། རི་མོར་བྱས་ཏེ་མཆོད་ཅིང་རྗེད་ལ། རིམ་གྲོར་བྱས་པ་དང་། གང་ཞིག་གིས་དེ་བཞིན་གཤེགས་པ་
ཡོངས་སུ་མྱ་ངན་ལས་འདས་པའི་རིང་བསྲེལ་ཡུངས་འབྲུ་ཙམ་གྱི་མཆོད་རྟེན་ལ་མཆོད་པ་བྱས་པའི་རྣམ་པར་སྨིན་པ་མཉམ་པར་ཤེས་པར་བྱ་སྟེ། བྱེ་བྲག་གམ་ཐ་དད་དུ་བྱ་བ་མེད་དོ། །སེང་གེ་རྣམ་པར་རྩེ་བྱང་ཆུབ་སེམས་དཔའ་ཁྱིམ་

106-1-160b

པ་གང་ཞིག་གིས་ཉན་ཐོས་དང་། རང་སངས་རྒྱས་དང་། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རྣམས་ལ་རིན་པོ་ཆེའི་ཕུང་པོ་རི་རབ་ཙམ་དབུལ་བར་ཕུལ་བ་བས་བྱང་ཆུབ་སེམས་དཔའ་གང་རབ་ཏུ་བྱུང་
ནས་ཀར་ཥཱ་ཎ་གཅིག་ཙམ་དབུལ་བར་ཕུལ་ལ། ཕུལ་ནས་ཀྱང་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་ཡོངས་སུ་བསྔོས་ན། དགེ་བའི་རྩ་བ་སྔ་མ་དེས་དགེ་བའི་རྩ་བ་ཕྱི་མའི་བརྒྱའི་ཆར་ཡང་ཉེ་བར་མི་འགྲོ། །སྟོང་གི་ཆ་དང་། 
འབུམ་གྱི་ཆ་དང་། གྲངས་དང་། ཆ་དང་། བགྲང་བ་དང་། བསྒྲུན་པ་དང་། རྒྱུར་ཡང་ཉེ་བར་མི་འགྲོ་བ་ནས་དཔེའི་བར་དུ་ཡང་མི་བཟོད་དོ། །སེང་གེ་རྣམ་པར་རྩེ་གང་ཞིག་གིས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་
རྒྱས་ལ་ལོ་གཅིག་གམ། ལོ་བརྒྱའམ། ལོ་སྟོང་ཡང་རུང་སྟེ། བདེ་བའི་ཡོ་བྱད་ཐམས་ཅད་ཀྱིས་བསྙེན་བཀུར་བྱས་པ་དང་། གང་ཞིག་གིས་དེ་བཞིན་གཤེགས་པ་ཡོངས་སུ་མྱ་ངན་ལས་འདས་པའི་མཆོད་རྟེན་ལ་བྱང་ཆུབ་ཀྱི་
སེམས་ཀྱིས་ཡང་དག་པར་ཟིན་པས་དེ་བཞིན་གཤེགས་པ་མཆོད་པའི་ཕྱིར་མེ་ཏོག་འགའ་འབུལ་ལམ། ཆུ་སྙིམ་པ་གང་ཙམ་འཐོར་རམ། བྱུག་པའི་ཐིག་ལེ་འདྲིའམ། མེ་ཏོག་གི་ཉལ་ཉིལ་འཕྱག་གམ། བྱུག་པ་འབུལ་
ལམ། སྤོས་འབུལ་ལམ། མེ་ཏོག་འབུལ་ལམ། བདུག་སྤོས་འབུལ་ལམ། ཕྲེང་བ་འབུལ་ལམ། རོལ་མོའི་སིལ་སྙན་འབུལ་ལམ། གདུགས་འབུལ་ལམ། དྲིལ་བུ་འབུལ་ལམ། དཔྱངས་པ་འབུལ་ལམ། རྒྱལ་མཚན་འབུལ་
ལམ། བ་དན་འབུལ་ལམ། དར་འབུལ་ལམ། མར་མེ་འབུལ་ཞིང་། ཕུལ་ནས་དགའ་བའི་སེམས་ཀྱིས་གོམ་པའི་གར་སྟབས་འགའ་བོར་ཏེ། སངས་རྒྱས་བཅོམ་ལྡན་འདས་དེ་ལ་ཕྱག་འཚལ་ལོ་ཞེས་སྨྲ་བ་དེ་དག་ནི། སེང་
གེ་རྣམ་པར་རྩེ་བསྐལ་པར་རམ། བསྐལ་པ་བརྒྱའམ། བསྐལ་པ་སྟོང་དུའམ། བསྐལ་པ་འབུམ་དུ་ཡང་ངན་འགྲོ་ལོག་པར་ལྟུང་བར་འགྲོ་བར་འགྱུར་བ་དེའི་གནས་མེད་དེ། འདི་ལ་དོགས་པའམ། ཡིད་གཉིས་སམ། ཐེ་ཙོམ་

106-1-161a

ཟ་བར་མི་བྱའོ། །སེང་གེ་རྣམ་པར་རྩེ་མེ་ཏོག་བརྩེགས་པ་ཞེས་བྱ་བའི་གཟུངས་ཡོད་ཀྱིས་སྐྱེ་བོ་མང་པོ་ལ་ཕན་པ་དང་། སྐྱེ་བོ་མང་པོ་ལ་བདེ་བ་དང་། འཇིག་རྟེན་ལ་སྙིང་བརྩེ་བ་དང་། ལྷ་དང་མིའི་སྐྱེ་བོ་ཕལ་པོ་ཆེའི་དོན་དང་། 
ཕན་པ་དང་། བདེ་བའི་ཕྱིར་དེ་བཤད་པར་བྱའོ། །སེང་གེ་རྣམ་པར་རྩེ་གང་ལ་ལ་ཞིག་མེ་ཏོག་བརྩེགས་པའི་གཟུངས་འདི་འཛིན་ཏམ། འཆང་ངམ། ཀློག་གམ། ཡིད་ལ་བྱེད་དམ། ཀུན་ཆུབ་པར་བྱེད་དམ། གཞན་དག་ལ་ཡང་རྒྱ་ཆེར་ཡང་
དག་པར་འཆད་པ་དེ་རྟག་ཏུ་ཚེ་རབས་དྲན་པར་འགྱུར། དེ་ངན་འགྲོ་ལོག་པར་ལྟུང་བར་མི་འགྱུར། དལ་བ་རྙེད་པར་འགྱུར། ནམ་དུ་ཡང་དཀོན་མཆོག་གསུམ་དང་མི་འབྲལ་བར་འགྱུར། ནམ་དུ་ཡང་དེ་བཞིན་གཤེགས་པ་དང་མི་
འབྲལ་བར་འགྱུར། ནམ་དུ་ཡང་སངས་རྒྱས་རྗེས་སུ་དྲན་པ་དང་མི་འབྲལ་བར་འགྱུར། ནམ་དུ་ཡང་བྱང་ཆུབ་སེམས་དཔའ་དང་མི་འབྲལ་བར་འགྱུར། ནམ་དུ་ཡང་བྱང་ཆུབ་ཀྱི་སེམས་དང་མི་འབྲལ་བར་འགྱུར། ནམ་དུ་ཡང་དབང་པོ་མ་
ཚང་བར་མི་འགྱུར། ནམ་དུ་ཡང་རིགས་དམའ་བར་སྐྱེ་བར་མི་འགྱུར། སྤོབས་པ་སྣ་ཚོགས་ཟབ་མོ་ཕུན་སུམ་ཚོགས་པར་འགྱུར། ཕྱོགས་བཅུའི་འཇིག་རྟེན་གྱི་ཁམས་གྲངས་མེད་པ་དག་གི་སངས་རྒྱས་བཅོམ་ལྡན་འདས་
རྣམས་མཐོང་བར་འགྱུར་རོ། །ཏདྱ་ཐཱ། དྷཱ་ར་ཎཱི། དྷཱ་ར་ཎཱི། མུ་ནི་པྲ་བྷ་སྲ་རེ། སི་ཙཎ་ཌེ་ནཱ་མཿཙི་ནིར་ཧེ་རེ་ཨ་རོ་ག་བ་ཏི། བུད་དྷ་མ་ཏི་དྷཻ་རྱེ། ཨོཾ་ཀ་ར་ཏེ། ག་ག་ར་ཏེ། ར་ཛྭ་བ་ཏི། ཏེ་ཛོ་བ་ཏི། བི་ཤུ་ལ་བུད་དྷེ། བུད་དྷ། དྷརྨ་ཨ་བ་བྷ་སེ། ཨཀྵ་
ཡ་ཀལ་བེ། ཀལ་པ་བ་ཏི། ཨ་མྲི་ཏ་ཀལ་པེ་ཧུ་ཏཱ་ཤ་ནེ། ཏེ་ཛོ་བ་ཏི། ནིད་རྱ་སྃ་ཧི་ཏེ། ཏེ་ཛོ་གྲ་བ། ཏིཥྛ་ན་དྲ་ཡེ།  ཏིཥྛ་ན་དྲ་ཡེ་བུད་དྷི་སྭཱ་ཧཱ། སེང་གེ་རྣམ་པར་རྩེ་གང་ལ་ལ་ཞིག་གིས་མེ་ཏོག་བརྩེགས་པའི་གཟུངས་འདིའི་མིང་དང་། 
ཡི་གེ་དང་། ཚིག་མཐའ་དག་ཤེས་ཏེ། ཀུན་ཆུབ་པར་བྱེད་པ་དེས་དཔྱིད་ཟླ་ཐ་ཆུངས་དང་། དབྱར་ཟླ་ར་བ་དང་། སྟོན་ཟླ་ཐ་ཆུངས་ཀྱི་ཚེས་བརྒྱད་ནས་བཟུང་ལ་བཅྭ་ལྔའི་བར་དུ་སངས་རྒྱས་རྗེས་སུ་དྲན་པ་བསྒོམ་པར་བྱ་སྟེ། ཉིན་ལན་

106-1-161b

གསུམ་མཚན་ལན་གསུམ་བསམ་ཞིང་། དེ་བཞིན་གཤེགས་པ་རྩེ་གཅིག་ཏུ་ཡིད་ལ་བྱས་ལ། བཅོམ་ལྡན་འདས་ལ་སྤོས་དང་། མེ་ཏོག་དང་། མར་མེ་དང་། བདུག་སྤོས་ཀྱིས་མཆོད་ན་སངས་རྒྱས་བཅོམ་ལྡན་འདས་པད་མའི་
སྙིང་པོའི་སེང་གེའི་ཁྲི་ལ་བཞུགས་ཤིང་ཆོས་ཀྱང་སྟོན་པ་བཅྭ་ལྔ་མཐོང་བར་འགྱུར་རོ། །གཟུངས་རབ་ཏུ་ཐོབ་པར་འགྱུར། དྲན་པ་དང་ལྡན་པར་འགྱུར། བློ་གྲོས་དང་ལྡན་པར་འགྱུར། རྟོགས་པ་དང་ལྡན་པར་འགྱུར། བློ་དང་ལྡན་པར་
འགྱུར། ཡོངས་སུ་མྱ་ངན་ལས་འདའ་བའི་བར་དུ་ཚེ་རབས་དྲན་པར་འགྱུར་རོ། །ཐོས་པ་ཐམས་ཅད་དང་། བསྟན་བཅོས་ཐམས་ཅད་དང་། བཟོ་ཐམས་ཅད་དང་། ལས་ཐམས་ཅད་རབ་ཏུ་ཤེས་པར་འགྱུར། ཏིང་ངེ་འཛིན་ཐམས་ཅད་ཀྱང་དེའི་
སེམས་ལས་རྣམ་པར་དག་པར་འགྱུར་ཏེ།  འཕགས་པའི་བདེན་པ་བཞི་ནི་མ་གཏོགས་སོ། །དེ་ཅིའི་ཕྱིར་ཞེ་ན། ཆོས་དེ་དག་ནི་ཟག་པ་མེད་པར་གཏོགས་པའི་ཕྱིར་རོ། །བཅོམ་ལྡན་འདས་ཀྱིས་དེ་སྐད་ཅེས་བཀའ་སྩལ་ནས། བྱང་ཆུབ་
སེམས་དཔའ་སེམས་དཔའ་ཆེན་པོ་སེང་གེ་རྣམ་པར་རྩེ་དང་། བྱང་ཆུབ་སེམས་དཔའ་དེ་དག་དང་། དགེ་སློང་དེ་དག་དང་། ལྷ་དང་། མི་དང་། ལྷ་མ་ཡིན་དང་། དྲི་ཟར་བཅས་པའི་འཇིག་རྟེན་ཡི་རངས་ཏེ། བཅོམ་ལྡན་འདས་ཀྱིས་གསུངས་
པ་ལ་མངོན་པར་བསྟོད་དོ། །འཕགས་པ་མེ་ཏོག་བརྩེགས་པ་ཞེས་བྱ་བའི་གཟུངས། རྫོགས་སྷོ།། །། རྒྱ་གར་སྐད་དུ། ཨཱརྱ་མ་ཧཱི་མརྡེན་དྲ་ནཱ་མ་དྷཱ་ར་ཎཱི། བོད་སྐད་དུ། འཕགས་པ་སའི་དབང་པོ་ཆེན་པོ་ཞེས་བྱ་བའི་གཟུངས། སངས་རྒྱས་
དང་། བྱང་ཆུབ་སེམས་དཔའ་ཐམས་ཅད་ལ་ཕྱག་འཚལ་ལོ། །འདི་སྐད་བདག་གིས་ཐོས་པ་དུས་གཅིག་ན། བཅོམ་ལྡན་འདས་ཡང་དག་པར་རྫོགས་པའི་སངས་རྒྱས་ཀུན་དུ་འོད་བྲམ་ཟེ་སའི་དབང་པོ་ཆེན་པོ་ཤིང་ས་ལ་ཆེན་
པོ་ལྟ་བུའི་གནས་ལྷ་དང་ལྡན་པ་ན་བཞུགས་ཏེ། དེ་ནས་བྲམ་ཟེ་སའི་དབང་པོ་ཆེན་པོ་ཤིང་ས་ལ་ཆེན་པོ་ལྟ་བུ་བཅོམ་ལྡན་འདས་ཡང་དག་པར་རྫོགས་པའི་སངས་རྒྱས་ཀུན་དུ་འོད་ག་ལ་བ་དེར་སོང་སྟེ་ཕྱིན་ནས། བཅོམ་ལྡན་

106-1-162a

འདས་ཡང་དག་པར་རྫོགས་པའི་སངས་རྒྱས་ཀུན་དུ་འོད་ཀྱི་ཞབས་ལ་མགོ་བོས་ཕྱག་འཚལ་ཏེ་ཕྱོགས་གཅིག་ཏུ་འཁོད་དོ། །ཕྱོགས་གཅིག་ཏུ་འདུག་ནས་བྲམ་ཟེ་སའི་དབང་པོ་ཤིང་ས་ལ་ཆེན་པོ་ལྟ་བུས་བཅོམ་ལྡན་
འདས་ཡང་དག་པར་རྫོགས་པའི་སངས་རྒྱས་ཀུན་དུ་འོད་ལ་འདི་སྐད་ཅེས་གསོལ་ཏོ། །བཅོམ་ལྡན་འདས་བདག་ནི་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་སྨོན་ལམ་བཏབ་ལགས་ན། གང་གིས་བདག་སྐྱེ་བ་དྲན་པར་
འགྱུར། བདག་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཀྱི་སེམས་བརྗེད་པར་མི་འགྱུར་བའི་ཐབས་དེ་བཅོམ་ལྡན་འདས་ཀྱིས་བདག་ལ་ལེགས་པར་བཤད་དུ་གསོལ། དེ་སྐད་ཅེས་གསོལ་པ་དང་། བཅོམ་ལྡན་འདས་
ཡང་དག་པར་རྫོགས་པའི་སངས་རྒྱས་ཀུན་དུ་འོད་ཀྱིས་བྲམ་ཟེ་སའི་དབང་པོ་ཆེན་པོ་ཤིང་ས་ལ་ཆེན་པོ་ལྟ་བུ་ལ་འདི་སྐད་ཅེས་བཀའ་སྩལ་ཏོ། །དེའི་ཕྱིར་བུ་ཁྱོད་གལ་ཏེ་དེ་ལྟར་སྨོན་ན་དེའི་ཕྱིར་ཀུན་དུ་འོད་ཀྱི་རིག་སྔགས་ཀྱི་
སྙིང་པོ་འདི་ཟུང་ཤིག །ཆོངས་ཤིག །ལྷོགས་ཤིག །ཀུན་ཆུབ་པར་གྱིས་ཤིག །ཀུན་དུ་འོད་ཀྱི་རིག་སྔགས་ཀྱི་སྙིང་པོ་གང་ཞེ་ན། ཏདྱ་ཐཱ། ཨ་མོ་ད་ནི། པྲ་མོ་ད་ནི། བི་མོ་ད་ནི། སྃ་མོ་ད་ནི། པྲི་ཡང་ཀ་ར་ཎི། ཤྲཱ་ཀ་ར་ཎི། ཤྲཱ་ཀ་
ར་ཎི། བོ་དྷི་ཀ་ར་ཎི། ཨ་ནུད་ཏ་ར་སྱན་སམྱཀ་སྃ་བུད་དྷ་ཀ་ར་ཎི། ཨ་ནུད་ཏ་ར་ཨཱརྱ་ཀ་ར་ཎི། ཨ་ནུད་ཏ་ར་པྲཛྙ་ཀ་ར་ཎི། ཨ་ནུད་ཏ་ར་བ་ཤཱི་ཀ་ར་ནི། ཨ་ནུད་ཏ་ར་སརྦ་ཀླེ་ཤོ། པ་ཀླེ་ཤ་བི་དྷཱ་ར་ཎི། ཨ་བ་དྱཱ་ན་དྷ་ཀ་ར་བི་དྷ་མ་ནི། 
ཨ་ནུད་ཏ་ར་བིདྱཱ་ཨ་ལོ་ཀོད་པཱ་ད་ནི། ཨ་ནུད་ཏ་ར་ཤཻ་ཀྵ་ཤི་ལ་བིདྱཱ་ཙ་ར་ཎ། བི་མུག་ཏི་གུ་ཎ་ག་ཎ། སྃ་བྷ་དྷ་ནི། ཨ་ནུད་ཏ་ར་སརྦ་ཀུ་ཤ་ལ་མཱུ་ལོད་ད་བྷོ་ད་ནི། ཨ་ནུད་ཏ་ར་བྷོ་ན་མཱུ་ལ་ནི། ཨ་ནུད་ཏ་རཱ་ར་ག་དོ་ཥ་མོ་ཧ་ན་མཱུ་ལ་ནི། ཨ་
ནུད་ཏ་ར་ཤཻ་ཀྵ་མ་ན་ཨ་བི་དྱཱ། ཨན་ཏ་ཀ་རཱ།  བི་དྷ་མ་ནི། ཨ་ནུད་ཏ་རཱ་སཱི་ཨ་པྲ་ཏི་ཧ་ཏ་བ་ལ་ཙཀྲ། ཨ་ནུད་ཏ་རཱ་སརྦ་ལཱ་ར་བ་བི་དྲཱ་མ་ནི། ཏྭཾ་ཧི་བྷ་དྲེ། ཨ་ནུད་ཏ་རཱ་བ་ལ་བྷ་དྲ། སུ་བྷ་དྲ། ཤྲཱི་བྷ་དྲ། ཨ་ནན་ཏ་བྷ་དྲ། ས་མན་ཏ་

106-1-162b

བྷ་དྲ། ཨ་ས་མ་ས་མ་བྷ་དྲ། ཨ་ནུད་ཏ་ར་མ་ཧཱ་པུ་རུ་ཥ་བྷ་དྲ། ཨ་ནུད་ཏ་ར་མ་ཧཱ་པུ་རུ་ཥ་སེ་པི་ཏཱ། ཨ་ནུད་ཏ་ར་མ་ཧཱ་པུ་རུ་ཥ་ཨ་ནུ་བརྟ་ནཱི། ཨ་ནུད་ཏ་ར་མ་ཧཱ་པུ་རུ་ཥ་དྷརྨ་དེ་ཤི་ཀཱ། ཨ་ནུད་ཏ་ར་མ་ཧཱ་པུ་རུ་ཥ་དྷརྨ་ཀོ་ཥ། སྃ་བཱ་ཀཱ། ཨ་ནུད་
ཏ་ར་མ་ཧཱ་པུ་རུ་ཥ་ནིརྦཱ་ཎ། ཨ་ནུད་པྲ་ཏ་ར་ཤི་ཀཱ། ཏྭང་ཧི་བྷ་དྲེ། གང་ག་སི་ཏ་པཀྵུ་སམྱཀ་སྃ་བུད་དྷེ་ཨ་སེ་བི་ཏཱ། བྷཱ་བི་ཏཱ།   བ་ཧུ་ལཱི་ཀྲོ་ཏ། སྟུ་ཏ། པྲ་ཤསྟ། བུ་འདི་ནི་ཀུན་དུ་འོད་ཀྱི་རིག་སྔགས་ཀྱི་སྙིང་པོ་ཡིན་
ཏེ། དེ་བས་ན་བུ་ཁྱེད་ཀྱིས་ཀུན་དུ་འོད་ཀྱི་རིག་སྔགས་ཀྱི་སྙིང་པོ་འདི་འགྲོ་བ་དང་། འགྲེང་བ་དང་། འདུག་པ་དང་། ཉལ་བ་ན་ཡང་ཡིད་ལ་གྱིས་ཤིག །བུ་གང་ལ་ལ་ཞིག་ཀུན་དུ་འོད་ཀྱི་རིག་སྔགས་ཀྱི་སྙིང་པོ་འདི་མིང་དང་། 
རིགས་དང་། རིགས་ཀྱི་བྱེ་བྲག་གང་ཡིད་ལ་བྱེད་དམ། སྐྱེས་པའམ། བུད་མེད་དམ། ཁྱེའུ་འམ། བུ་མོའམ། ལྷའམ། ལྷ་མོའམ། ཀླུའམ། ཀླུ་མོའམ། དྲི་ཟའམ། དྲི་ཟ་མོའམ། ལྷ་མ་ཡིན་ནམ། ལྷ་མ་ཡིན་མོའམ། མི་འམ་
ཅིའམ། མི་འམ་ཅི་མོའམ། ལྟོ་འཕྱེ་ཆེན་པོའམ། ལྟོ་འཕྱེ་ཆེན་མོའམ། ཡི་དགས་སམ། ཡི་དགས་མོའམ། ཤ་ཟའམ། ཤ་ཟ་མོའམ། གྲུལ་བུམ་མམ། གྲུལ་བུམ་མོའམ། ལུས་སྲུལ་པོའམ། ལུས་སྲུལ་མོའམ། ཀུན་དུ་
འོད་ཀྱི་རིག་སྔགས་ཀྱི་སྙིང་པོ་འདི་འཆང་ངམ། ཀློག་གམ། ལུང་འབོག་གམ། སྟོན་ཏམ། འཆད་ན་དེ་ཚེ་རབས་བདུན་གྱི་བར་དུ་ཚེ་རབས་དྲན་པར་འགྱུར་རོ། །དེ་ཇི་སྲིད་འཁོར་གྱི་བར་དུ་བླ་ན་མེད་པ་ཡང་དག་པར་རྫོགས་པའི་
བྱང་ཆུབ་ཀྱི་སེམས་མི་བརྗེད་པར་འགྱུར་རོ། །ལྷར་གྱུར་ཀྱང་རུང་མིར་གྱུར་ཀྱང་རུང་སྟེ། དེ་མཚོན་ཆའམ། དུག་གམ། ཆུའམ། མེས་བར་མ་དོར་འཆི་བའི་དུས་བྱེད་པར་མི་འགྱུར་རོ། །བཅོམ་ལྡན་འདས་ཡང་དག་པར་རྫོགས་
པའི་སངས་རྒྱས་ཀུན་དུ་རྒྱལ་བ་འོད་སྲུང་གི་རིགས་དང་བཅས་པ་ལ་ཕྱག་འཚལ་ལོ། །བཅོམ་ལྡན་འདས་ཡང་དག་པར་རྫོགས་པའི་སངས་རྒྱས་འོད་མཐའ་ཡས་རྒྱལ་བ་འོད་སྲུང་གི་རིགས་དང་བཅས་པ་ལ་ཕྱག་འཚལ་ལོ། །

106-1-163a

བཅོམ་ལྡན་འདས་ཡང་དག་པར་རྫོགས་པའི་སངས་རྒྱས་འཆི་མེད་འོད་རྒྱལ་བ་འོད་སྲུང་གི་རིགས་དང་བཅས་པ་ལ་ཕྱག་འཚལ་ལོ། ། བཅོམ་ལྡན་འདས་ཡང་དག་པར་རྫོགས་པའི་སངས་རྒྱས་འོད་ཆེན་པོ་རྒྱལ་བ་འོད་
སྲུང་གི་རིགས་དང་བཅས་པ་ལ་ཕྱག་འཚལ་ལོ། །བཅོམ་ལྡན་འདས་ཡང་དག་པར་རྫོགས་པའི་སངས་རྒྱས་འོད་མཉམ་པ་མེད་པ་རྒྱལ་བ་འོད་སྲུང་གི་རིགས་དང་བཅས་པ་ལ་ཕྱག་འཚལ་ལོ། །བཅོམ་ལྡན་འདས་ཡང་དག་པར་
རྫོགས་པའི་སངས་རྒྱས་འོད་མི་མཉམ་པ་དང་མཉམ་པ་རྒྱལ་བ་འོད་སྲུང་གི་རིགས་དང་བཅས་པ་ལ་ཕྱག་འཚལ་ལོ། །བཅོམ་ལྡན་འདས་ཡང་དག་པར་རྫོགས་པའི་སངས་རྒྱས་དྲང་སྲོང་ཆེན་པོ་འོད་སྲུང་གི་རིགས་དང་བཅས་པ་
བདུན་པོ་དེ་དག་ལ་ཕྱག་འཚལ་ལོ། །ཞི་བའི་དབྱིངས་སུ་ཞུགས་པ་འཁོར་དང་བཅས་པ་རྣམས་ལ་ཕྱག་འཚལ་ལོ། །ཕྱག་འཚལ་ལོ། །བཅོམ་ལྡན་འདས་ཀྱིས་དེ་སྐད་ཅེས་བཀའ་སྩལ་ནས། བྲམ་ཟེ་སའི་དབང་པོ་ཆེན་པོ་ཤིང་
ས་ལ་ཆེན་པོ་ལྟ་བུ་ཡི་རངས་ཏེ། བཅོམ་ལྡན་འདས་ཀྱིས་གསུངས་པ་ལ་མངོན་བར་བསྟོད་དོ། །འཕགས་པ་སའི་དབང་པོ་ཆེན་པོ་ཞེས་བྱ་བའི་གཟུངས་རྫོགས་སྷོ།། །།རྒྱ་གར་གྱི་མཁན་པོ་འཛི་ན་མི་ཏྲ་དང་། དཱ་ན་ཤཱི་ལ་དང་། 
ཞུ་ཆེན་གྱི་ལོ་ཙྪ་བ་བན་དེ་ཡེ་ཤེས་སྡེས་བསྒྱུར་ཅིང་ཞུས་ཏེ་སྐད་གསར་ཆད་ཀྱིས་ཀྱང་བཅོས་ནས་གཏན་ལ་ཕབ་པ། སྐར་ཞུས།། ༄༅།  །རྒྱ་གར་སྐད་དུ། ཨཱརྱ་མ་ཧཱ་དྷཱ་ར་ཎཱི། བོད་སྐད་དུ། འཕགས་པ་གཟུངས་ཆེན་པོ། སངས་རྒྱས་
དང་། བྱང་ཆུབ་སེམས་དཔའ་ཐམས་ཅད་ལ་ཕྱག་འཚལ་ལོ། །འདི་སྐད་བདག་གིས་ཐོས་པ་དུས་གཅིག་ན། བཅོམ་ལྡན་འདས་མཉན་ཡོད་ན་རྒྱལ་བུ་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན། དགེ་སློང་
སྟོང་ཉིས་བརྒྱ་ལྔ་བཅུའི་དགེ་སློང་གི་དགེ་འདུན་ཆེན་པོ་དང་ཐབས་གཅིག་ཏུ་བཞུགས་ཏེ། དེའི་ཚེ་ན་ཚེ་དང་ལྡན་པ་ཀུན་དགའ་བོ་གྲོང་ཁྱེར་གནས་བཅས་སུ་དབྱར་གནས་དབྱར་ཟླ་བ་གསུམ་འདས་པ་དང་ཆོས་གོས་བྱས་ཏེ། ཆོས་

106-1-163b

གོས་ཟིན་ནས་ལྷུང་བཟེད་དང་ཆས་གོས་ཐོགས་ཏེ། བཅོམ་ལྡན་འདས་ག་ལ་བ་དེར་སོང་ནས་ཕྱིན་པ་དང་། བཅོམ་ལྡན་འདས་ཀྱི་ཞབས་ལ་མགོ་བོས་ཕྱག་འཚལ་ཏེ་ཕྱོགས་གཅིག་ཏུ་འདུག་གོ། །ཕྱོགས་གཅིག་ཏུ་འདུག་
ནས་བཅོམ་ལྡན་འདས་ཀྱིས་ཚེ་དང་ལྡན་པ་ཀུན་དགའ་བོ་ལ་འདི་སྐད་ཅེས་བཀའ་སྩལ་ཏོ། །ཀུན་དགའ་བོ་ཁྱོད་ཀྱིས་སེམས་ཅན་ཐམས་ཅད་ཀྱི་དོན་དང་། ཕན་པ་དང་། བདེ་བ་དང་། སྟོབས་དང་། གཟི་བརྗིད་ཀྱི་ཕྱིར་གཟུངས་
ཆེན་པོའི་གསང་སྔགས་གཞི་འདི་དག་ཟུང་ཤིག །ཆོངས་ཤིག །ལོང་ཤིག །ལྷོགས་ཤིག །ཀུན་ཆུབ་པར་གྱིས་ཤིག །ཡིད་ལ་ཟུང་ཤིག །དེ་ཅིའི་ཕྱིར་ཞེ་ན། ཀུན་དགའ་བོ་གཟུངས་ཆེན་པོའི་གསང་སྔགས་གཞི་རྣམས་
ནི་རྙེད་པར་དཀའ་ཞིང་། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རྣམས་འཇིག་རྟེན་དུ་འབྱུང་བ་ཡང་རྙེད་པར་དཀའ་བའི་ཕྱིར་ཏེ། དཔེར་ན་ཨུ་དུམ་བ་རའི་མེ་ཏོག་ལྟ་བུ་ཡིན་གྱིས། ཟུང་ཤིག །
ཆོངས་ཤིག །ལོང་ཤིག །ལྷོགས་ཤིག །ཡིད་ལ་ཟུངས་ཤིག །ཀུན་ཆུབ་པར་གྱིས་ཤིག །ཀུན་དགའ་བོ་དད་པའི་རིགས་ཀྱི་བུ་འམ། རིགས་ཀྱི་བུ་མོ་གང་ལ་ལ་གཟུངས་ཆེན་པོའི་གསང་སྔགས་ཀྱི་གཞི་འདི་དག་འཆང་ངམ། འཛིན་
ཏམ། ཀློག་གམ། ཡིད་ལ་འཛིན་ཏམ། ཀུན་ཆུབ་པར་བྱེད་ན་དེ་མཚོན་གྱིས་འཆི་བའི་དུས་བྱེད་པར་མི་འགྱུར། དུག་གིས་མ་ཡིན། མེས་མ་ཡིན། ཆུས་མ་ཡིན། རྒྱལ་པོས་ཆད་པས་མ་ཡིན་ཏེ། དུས་མ་ཡིན་པར་འཆི་བའི་དུས་
བྱེད་པར་མི་འགྱུར་རོ། །དེ་ལྷ་དང་། ལྷ་མ་ཡིན་དང་། ཀླུ་དང་། རླུང་ལྷ་དང་། ནམ་མཁའ་ལྡིང་དང་། དྲི་ཟ་དང་། མི་འམ་ཅི་དང་། ལྟོ་འཕྱེ་ཆེན་པོ་དང་། གནོད་སྦྱིན་དང་། སྲིན་པོ་དང་། ཡི་དགས་དང་། ཤ་ཟ་དང་། གྲུལ་བུམ་དང་། སྲུལ་པོ་དང་། ལུས་
སྲུལ་པོ་དང་། འབྱུང་པོ་དང་། རྗེད་བྱེད་དང་། སྨྱོ་བྱེད་དང་། གནོན་པོ་དང་། གྲིབ་གནོན་དང་། གཤེད་བྱེད་དང་། གནོད་བྱེད་དང་། བྱད་ཀྱིས་མི་ཚུགས། དེ་ལ་མི་དང་། མི་མ་ཡིན་པ་རྣམས་ཀྱིས་མི་ཚུགས། དེ་ལ་རིག་པའི་ལས་དང་། ངག་གི་

106-1-164a

ལས་དང་། ཡིད་ཀྱི་ལས་ཀྱིས་མི་ཚུགས། དེ་ལ་རིམས་ཉིན་གཅིག་པ་དང་། ཉིན་གཉིས་པ་དང་། ཉིན་གསུམ་པ་དང་། ཉིན་བཞི་པ་དང་། རྟག་པའི་རིམས་དང་། འབྱུང་པོའི་རིམས་དང་། ཡུད་ཙམ་པ་དང་། རླུང་ལས་གྱུར་པ་དང་། 
མཁྲིས་པ་ལས་གྱུར་པ་དང་། བད་ཀན་ལས་གྱུར་པ་དང་། འདུས་པ་ལས་གྱུར་པས་མི་ཚུགས་པར་འགྱུར་རོ། །དེ་ལ་གཟུངས་ཆེན་པོའི་གསང་སྔགས་གཞི་ནི་འདི་རྣམས་ཡིན་ནོ། །ཏདྱ་ཐཱ། ཛ་ལེ། མ་ཧཱ་ཛྭ་ལེ། ཛྭ་ལ་ནེ། མ་ཧཱ་ཛྭ་
ལ་ནེ། ཏ་པ་ནེ། མ་ཧཱ་ཏ་པ་ནེ། ཛྭ་ལི་ཏེ། ཨུ་ག་ཀེ། བུག་གེ། སྃ་བྷ་དེ། མ་ཧཱ་སྃ་བྷ་དེ། ཙཀྲེ། མ་ཧཱ་ཙཀྲེ། བདག་དང་སེམས་ཅན་ཐམས་ཅད་འཇིགས་པ་ཐམས་ཅད་དང་། གནོད་པ་དང་། ནད་འགོ་བ་ཐམས་ཅད་ལས་སྲུངས་ཤིག་སྲུངས་
ཤིག་སྭཱ་ཧཱ། ཀུན་དགའ་བོ་གཟུངས་ཆེན་པོ་གསང་སྔགས་ཀྱི་གཞི་འདི་དག་ནི་ཡང་དག་པར་རྫོགས་པའི་སངས་རྒྱས་བྱེ་བ་ཕྲག་བདུན་བཅུ་རྩ་བདུན་གྱིས་གསུངས་ཏེ། ང་ཡང་ད་ལྟར་འཆད་ཅིང་རྗེས་སུ་ཡིད་རང་ངོ་། །ཀུན་དགའ་བོ་དད་
པའི་རིགས་ཀྱི་བུའམ། རིགས་ཀྱི་བུ་མོ་གང་ལ་ལ་གཟུངས་ཆེན་པོའི་གསང་སྔགས་ཀྱི་གཞི་འདི་དག་འཛིན་ཏམ། འཆང་ངམ། ཀློག་གམ། ཡིད་ལ་བྱེད་དམ། ཀུན་ཆུབ་པར་བྱེད་ན། དེ་ཚེ་རབས་བདུན་གྱི་བར་དུ་ཚེ་རབས་དྲན་པར་འགྱུར་རོ། །
དེ་བྱང་ཆུབ་ཀྱི་སེམས་ལས་མི་ལྡོག་པར་འགྱུར་རོ། །དེ་ལ་གཟུངས་ཆེན་པོའི་གསང་སྔགས་ཀྱི་གཞི་ནི་འདི་རྣམས་ཡིན་ནོ། །ཏད་ཡ་ཐཱ། ཨན་ཏེ། བན་དྷེ།  ཀྵ་མེ། ཀྵ་མ་མེ། དྷཱ་ན་སེ། བ་ད་ནེ། ཨ་ད་ནེ། ཧུ་ལེ། མ་ཧཱ་ཧུ་ལེ། ཏ་ཀ་རེ་གྃ་བྷཱི་རེ། 
དུཥྤུས་ཏེ། བདག་དང་སེམས་ཅན་ཐམས་ཅད་འཇིགས་པ་ཐམས་ཅད་དང་། གནོད་པ་དང་། ནད་འགོ་བ་ཐམས་ཅད་ལས་སྲུངས་ཤིག་སྲུངས་ཤིག་སྭཱ་ཧཱ། ཀུན་དགའ་བོ་གཟུངས་ཆེན་པོའི་གསང་སྔགས་ཀྱི་གཞི་འདི་དག་ནི་ཡང་དག་
པར་རྫོགས་པའི་སངས་རྒྱས་བྱེ་བ་ཕྲག་བརྒྱད་བཅུ་རྩ་བརྒྱད་ཀྱིས་གསུངས་ཏེ། ང་ཡང་ད་ལྟ་ན་འཆད་ཅིང་རྗེས་སུ་ཡི་རང་ངོ་། །ཀུན་དགའ་བོ་དད་པའི་རིགས་ཀྱི་བུའམ། རིགས་ཀྱི་བུ་མོ་གང་ལ་ལ་གཟུངས་ཆེན་པོའི་གསང་སྔགས་ཀྱི་གཞི་འདི་

106-1-164b

དག་འཆང་ངམ། འཛིན་ཏམ། ཀློག་གམ། ཡིད་ལ་བྱེད་དམ། ཀུན་ཆུབ་པར་བྱེད་ན། དེ་ཚེ་རབས་བཅུ་བཞིའི་བར་དུ་ཚེ་རབས་དྲན་པར་འགྱུར་རོ། །དེ་བྱང་ཆུབ་ཀྱི་སེམས་ལས་མི་ལྡོག་པར་འགྱུར་རོ། །དེ་ལ་གཟུངས་ཆེན་པོའི་གསང་
སྔགས་ཀྱི་གཞི་ནི་འདི་རྣམས་ཡིན་ནོ། །ཏད་ཡ་ཐཱ། ཨད་ཊེ། བད་ཊེ། ཨག་གེ། བག་གེ། ཋག་གེ། ཋག་གེ། དྷ་ཀེ། དྷ་ར་དྷག་ཀེ། ཊ་ཀེ་ཊ་ར་ཀེ། ཨ་ཀ་སི། ས་ཀ་སི། མ་ཀ་སི། ཨི་ལི་མི་ལི། ཏི་ལི་མི་ལི། རཽ་ར་བེ། མ་ཧཱ་རཽ་ར་བེ། བྷཱུ་ཏྃ་ག་མེ་བྷཱུ་ཏ་
པ་རཱ་ཡ་ཎེ། ཏི་མིང་གི་སེ། མ་ཧཱ་ཏི་མིང་གེ་སེ། སྃ་བྷཱ་བེ། མ་ཧཱ་སྃ་བྷཱ་བེ། བདག་དང་སེམས་ཅན་ཐམས་ཅད་འཇིགས་པ་ཐམས་ཅད་དང་། གནོད་པ་ཐམས་ཅད་དང་། ནད་འགོ་བ་ཐམས་ཅད་ལས་སྲུངས་ཤིག་སྲུངས་ཤིག་སྭཱ་ཧཱ། 
ཀུན་དགའ་བོ་གཟུངས་ཆེན་པོའི་གསང་སྔགས་ཀྱི་གཞི་འདི་དག་ནི་ཡང་དག་པར་རྫོགས་པའི་སངས་རྒྱས་བྱེ་བ་ཕྲག་དགུ་བཅུ་རྩ་དགུས་གསུངས་ཏེ། ང་ཡང་ད་ལྟ་ན་འཆད་ཅིང་རྗེས་སུ་ཡིད་རང་ངོ་། །ཀུན་དགའ་བོ་དད་པའི་རིགས་
ཀྱི་བུའམ། རིགས་ཀྱི་བུ་མོ་གང་ལ་ལ་གཟུངས་ཆེན་པོའི་གསང་སྔགས་གཞི་འདི་དག་འཆང་བ་དང་། འཛིན་པ་དང་། ཀློག་པ་དང་། ཡིད་ལ་བྱེད་པ་དང་། ཀུན་ཆུབ་པར་བྱེད་པ་དེ་ཚེ་རབས་ཉི་ཤུ་རྩ་གཅིག་གི་བར་དུ་ཚེ་རབས་དྲན་
པར་འགྱུར་རོ། །དེ་བྱང་ཆུབ་ཀྱི་སེམས་ལས་ཕྱིར་ལྡོག་པར་མི་འགྱུར་རོ། །དེ་ལ་གཟུངས་ཆེན་པོའི་གསང་སྔགས་ཀྱི་གཞི་ནི་འདི་རྣམས་ཡིན་ནོ། །ཏད་ཡ་ཐཱ། རུ་ལེ། མ་ཧཱ་རུ་ལེ། ཧེ་ཧེ་རི། མད་ཏ་རི། ཛྃ་བྷ་ནི། སྟྃ་བྷ་ནི། ཀུན་
དགའ་བོ་དད་པའི་རིགས་ཀྱི་བུའམ། རིགས་ཀྱི་བུ་མོ་གང་ལ་ལ་གཟུངས་ཆེན་པོའི་གསང་སྔགས་གཞི་འདི་དག་གིས་ཤིང་སྐམ་པོ་ལ་བསྲུང་བའམ། ཡོངས་སུ་བསྐྱབ་པ་དང་། ཡོངས་སུ་གཟུང་བ་དང་། ཡོངས་སུ་
བསྐྱང་བ་དང་། ཞི་བ་དང་། བདེ་ལེགས་སུ་འགྱུར་བ་དང་། ཆད་པ་སྤང་བ་དང་། མཚོན་ཆ་སྤང་བ་དང་། དུག་གཞིལ་བ་དང་། དུག་གསད་པ་དང་། མཚམས་གཅད་པ་དང་། ནམ་མཁའ་བཅིང་བ་དང་། ས་བཅིང་བ་བྱས་ཏེ། དེ་ལ་

106-1-165a

སྲད་བུས་བཅིངས་ན་དེའི་རྩ་བ་ཡང་སྐྱེ་བར་འགྱུར། ཡལ་ག་དང་། ལོ་མ་དང་། ལྕུག་མ་དང་། མེ་ཏོག་དང་། འབྲས་བུ་ཡང་སྐྱེ་བར་འགྱུར་ན་རྣམ་པར་ཤེས་པ་དང་བཅས་པའི་ལུས་ལ་ལྟ་སྨོས་ཀྱང་ཅི་དགོས་ཏེ། ཀུན་དགའ་
བོ་སྔོན་གྱི་ལས་ཀྱི་རྣམ་པར་སྨིན་པ་ནི་མ་གཏོགས་སོ། །ཀུན་དགའ་བོ་ཉི་ཟླ་འདི་ལྟར་རྫུ་འཕྲུལ་ཆེ་བ། འདི་ལྟར་མཐུ་ཆེ་བ། འདི་ལྟར་དབང་ཆེ་བར་གྲགས་པ་འདི་གཉིས་ནི་ས་ལ་ལྟུང་ཡང་སྲིད་དོ། །ཀུན་དགའ་བོ་རིའི་རྒྱལ་
པོ་རི་རབ་གནས་ནས་གཡོ་ཡང་སྲིད་དོ། །ཀུན་དགའ་བོ་རྒྱ་མཚོ་ཆེན་པོ་འདི་ལྟར་ཟབ་པ། འདི་ལྟར་རྒྱ་ཆེ་ལ་འདི་ལྟར་རྫུ་འཕྲུལ་ཆེ་ཞིང་མཐུ་ཆེ་བ་བཞི་པོ་འདི་དག་ནི་སྐམས་ཤིང་ཡོངས་སུ་ཟད་དེ་མཐར་ཐུག་པར་འགྱུར་
ཡང་སྲིད་དོ། །ཀུན་དགའ་བོ་ས་ཆེན་པོ་འདི་ནི་རྣམ་པ་སྟོང་དུ་འགྱེས་ཀྱང་སྲིད། ཆུ་ནི་གཤེར་བ་ཉིད་འདོར་ཡང་སྲིད། མེ་ནི་ཚ་བ་འདོར་བ་ཡང་སྲིད། རླུང་ནི་གྲང་བ་འདོར་ཡང་སྲིད་ཀྱི། གཟུངས་ཆེན་པོའི་གསང་སྔགས་གཞི་
འདི་དག་ནི་སླུ་མི་སྲིད་དོ། །ཀུན་དགའ་བོ་ལྷའམ། ཀླུའམ། ལྷ་མ་ཡིན་ནམ། ནམ་མཁའ་ལྡིང་ངམ། རླུང་ལྷའམ། དྲི་ཟའམ། མི་འམ་ཅིའམ། ལྟོ་འཕྱེ་ཆེན་པོའམ། གནོད་སྦྱིན་ནམ། སྲིན་པོའམ། ཡི་དགས་སམ། 
ཤ་ཟའམ། གྲུལ་བུམ་མམ། སྲུལ་པོའམ། ལུས་སྲུལ་པོའམ། འབྱུང་པོའམ། བྲམ་ཟེའམ། སྲིན་པོའམ། གྲིབ་གནོན་ནམ། མི་དང་མི་མ་ཡིན་པ་གང་ལ་ལ་ཞིག་གམ། གཞན་སུ་ཡང་རུང་བ་ཞིག་གིས་གཟུངས་
ཆེན་པོའི་གསང་སྔགས་ཀྱི་གཞི་འདི་དག་ལས་འགལ་བར་བྱེད་ན། ཏད་ཡ་ཐཱ།  ཨག་གི་ལེ། ཙག་གི་ལེ། བལ་ལེ།   མལ་ལེ།  ཨོ་ཧཱ་ནི། མོ་ཧཱ་ནི། ཛྃ་བྷ་ནི། སྟྃ་བྷ་ནི། བདག་དང་སེམས་ཅན་ཐམས་ཅད་ལ་སྲུངས་ཤིག་
སྲུངས་ཤིག་སྭཱ་ཧཱ། རྒྱལ་པོ་ཆེན་པོ་ཡུལ་འཁོར་སྲུང་ཡང་ལྕགས་ཀྱི་འཁོར་ལོ་འབར་བ། རབ་ཏུ་འབར་བ། ཀུན་དུ་རབ་ཏུ་མཆེད་ཅིང་འབར་བ། མེ་ལྕེ་གཅིག་ཏུ་གྱུར་པས་དེའི་མགོ་ཚལ་པ་བདུན་དུ་འགེམས་སོ། །

106-1-165b

རྒྱལ་པོ་ཆེན་པོ་འཕགས་སྐྱེས་པོ་དང་། མིག་མི་བཟང་དང་། རྣམ་ཐོས་ཀྱི་བུ་ཡང་ལྕགས་ཀྱི་འཁོར་ལོ་འབར་བ། རབ་ཏུ་འབར་བ་ཀུན་དུ་རབ་ཏུ་མཆེད་ཅིང་འབར་བ་མེ་ལྕེ་གཅིག་ཏུ་གྱུར་པས་དེའི་མགོ་ཚལ་པ་བདུན་དུ་
འགེམས་སོ། །ལྷའི་དབང་པོ་བརྒྱ་བྱིན་ཡང་རྡོ་རྗེ་འཕེན་ཏོ། །གསང་བ་པའི་བདག་པོ་ལག་ན་རྡོ་རྗེ་ཡང་རྡོ་རྗེ་འབར་བ། རབ་ཏུ་འབར་བ། ཀུན་དུ་རབ་ཏུ་མཆེད་ཅིང་འབར་བ། མེ་ལྕེ་གཅིག་ཏུ་གྱུར་པས་དེའི་མགོ་ཚལ་པ་བདུན་
དུ་འགེམས་སོ། །དེ་རྒྱལ་པོའི་ཕོ་བྲང་ལྕང་ལོ་ཅན་དུ་གནས་སུ་མི་དབང་སྟེ། དེའི་མགོ་ཨརྫ་ཀའི་དོག་པ་བཞིན་དུ་ཚལ་པ་བདུན་དུ་འགས་སོ། །བཅོམ་ལྡན་འདས་ཀྱིས་དེ་སྐད་ཅེས་བཀའ་སྩལ་ནས། ཚེ་དང་ལྡན་པ་ཀུན་
དགའ་བོ་དང་། ལྷ་དང་། མི་དང་། ལྷ་མ་ཡིན་དང་། དྲི་ཟར་བཅས་པའི་འཇིག་རྟེན་ཡི་རངས་ཏེ། བཅོམ་ལྡན་འདས་ཀྱིས་གསུངས་པ་ལ་མངོན་པར་བསྟོད་དོ། །འཕགས་པ་གཟུངས་ཆེན་པོ། རྫོགས་སྷོ།། །།རྒྱ་གར་གྱི་
མཁན་པོ་ཛི་ན་མི་ཏྲ་དང་། དཱ་ན་ཤཱི་ལ་དང་། ཞུ་ཆེན་གྱི་ལོ་ཙྪ་བ་བན་དེ་ཡེ་ཤེས་སྡེས་བསྒྱུར་ཅིང་ཞུས་ཏེ། སྐད་གསར་ཆད་ཀྱིས་ཀྱང་བཅོས་ནས་གཏན་ལ་ཕབ་པ། སྐར།། ༄༅།  །སངས་རྒྱས་ལ་ཕྱག་འཚལ་ལོ། །ཆོས་ལ་
ཕྱག་འཚལ་ལོ། །དགེ་འདུན་ལ་ཕྱག་འཚལ་ལོ། །འཕགས་པ་སྤྱན་རས་གཟིགས་དབང་པོ་བྱང་ཆུབ་སེམས་དཔའ་སེམས་དཔའ་ཆེན་པོ་ལ་ཕྱག་འཚལ་ལོ། །དེ་རྣམས་ལ་ཕྱག་འཚལ་ནས་རིག་པ་འདི་འཛིན་གྱིས་རིག་
པ་འདི་བདག་ལ་གྲུབ་པར་གྱུར་ཅིག །ཏད་ཡ་ཐཱ། ཧ་ན་ཧ་ན་སཱ་ནེ། ན་བ་སཱ་ནེ། ཛྭ་ལ་ཛྭ་ལ་ནེ། ཙ་ལ་ཙ་ལ་ནེ། པཱུརྦ། ཡོ་ག་མ་ནུ་སྨ་ར་ཕཊ། མ་ཧཱ་ཧ་སྟ་ཡ་སྭཱ་ཧཱ། གང་གིས་རིག་པ་འདི་བཀླགས་པ་དེ་ཚེ་རབས་བརྒྱ་སྟོང་དུ་སྐྱེ་བ་དྲན་པར་
འགྱུར་རོ། །འདི་ནས་ཤི་འཕོས་ནས་ཀྱང་བདེ་ལྡན་གྱི་འཇིག་རྟེན་དུ་སྐྱེ་བར་འགྱུར་རོ། །བདེ་ལྡན་གྱི་སྙིང་པོ། རྫོགས་སྷོ།། །། རྒྱ་གར་སྐད་དུ། ཨཱརྱ་མཻ་ཏྲི་ན་པྲ་ཏི་ཛྙཱ་ནཱ་མ་དྷཱ་ར་ཎཱི། བོད་སྐད་དུ།  འཕགས་པ་བྱམས་པས་དམ་བཅས་པ་
106-1-166a

ཞེས་བྱ་བའི་གཟུངས། དཀོན་མཆོག་གསུམ་ལ་ཕྱག་འཚལ་ལོ། །རྒྱལ་བ་བྱམས་པ་ལ་ཕྱག་འཚལ་ལོ། །ན་མོ་རད་ན་ཏྲ་ཡཱ་ཡ། ༀ་ན་མོ་བྷ་ག་བ་ཏེ། ཤཱཀྱ་མུ་ན་ཡེ། ཏ་ཐཱ་ག་ཏཱ་ཡ། ཨར་ཧ་ཏེ་སམྱཀ་སྃ་བུད་དྷཱ་ཡ། 
ཏད་ཡ་ཐཱ། ཨོཾ་ཨ་ཛི་ཏེ། ཨ་ཛི་ཏེ། ཨ་ཛི་ཏ་ན་ཛ་ཡ། ཧ་ར་ཧ་ར། མཻ་ཏྲི་ཨ་བ་ལོ་ཀི་ཏེ། ཀ་ར་ཀ་ར། མ་ཧཱ་ས་མ་ཡ་སིད་དྷི། བྷ་ར་བྷ་ར། མ་ཧཱ་བོ་དྷི་མཎ་ཌ་བཱི་ཛེ། སྨ་ར་སྨ་ར། ཨསྨ་ཀྃ་ས་མ་ཡ་བོ་དྷི་བོ་དྷི། མ་ཧཱ་བོ་དྷི་སྭཱ་ཧཱ། རྩ་བའི་གསང་
སྔགས་སོ། །ཨོཾ་མོ་ཧི་མོ་ཧི། མ་ཧཱ་མོ་ཧི་སྭཱ་ཧཱ། སྙིང་པོའོ། །ཨོཾ་མུ་ནི་མུ་ནི་སྨ་ར་སྭཱ་ཧཱ། ཉེ་བའི་སྙིང་པོའོ། །གཟུངས་འདི་ཉན་པ་ཙམ་དང་། ཀློག་པ་དང་། ཁ་ཏོན་བྱེད་པ་དང་། ཚུལ་བཞིན་ཡིད་ལ་སེམས་པ་དང་། སྒོམ་པ་ཙམ་གྱིས་
གང་གི་ཚེ་བདག་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་མངོན་བར་རྫོགས་པར་སངས་རྒྱས་པར་གྱུར་པ་ན། བདག་གིས་སེམས་ཅན་དེ་ངེས་པར་བཙལ་བར་བགྱི་སྟེ། བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་
ལུང་བསྟན་པར་བགྱིའོ། །ཐ་ན་དུད་འགྲོའི་སྐྱེ་གནས་སུ་གྱུར་པའི་རི་དགས་དང་། བྱ་རྣམས་ཀྱི་རྣ་ཁུང་དུ་སྒྲོགས་པར་བྱེད་ན། དེ་དག་ཀྱང་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་ལུང་བསྟན་པ་འཐོབ་བོ། །འདི་ཐོས་
པ་ཙམ་གྱིས་ནམ་དུ་ཡང་ངན་སོང་དུ་འགྲོ་བར་མི་འགྱུར་རོ། །ངན་སོང་གི་དྲི་མས་མི་གོས་སོ། །མའི་མངལ་དུ་ཡང་མི་སྐྱེའོ། །ལྷའི་བསྐལ་པ་སྟོང་དུ་འཁོར་ལོས་སྒྱུར་བའི་རྒྱལ་པོར་འགྱུར་རོ། །དགེ་བ་བཅུའི་ལས་ཀྱི་ལམ་དང་
ལྡན་པར་འགྱུར་རོ། །ཇི་ལྟར་བསམས་ཤིང་དོན་དུ་གཉེར་བའི་ལོངས་སྤྱོད་འགྲུབ་པར་འགྱུར་རོ། །བཅོམ་ལྡན་འདས་བདག་གིས་ཀྱང་སེམས་ཅན་དེ་བསྐྱུད་པར་མི་བགྱི་ལགས་སོ། །ངེས་པར་བདག་བྱང་ཆུབ་ཀྱི་སྙིང་པོ་ལ་མཆིས་
ནས། དེ་ཇི་ལྟར་གྱུར་ཀྱང་རུང་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་ལུང་བསྟན་པར་བགྱིའོ། །འཕགས་པ་བྱམས་པས་དམ་བཅས་པ་ཞེས་བྱ་བའི་གཟུངས། རྫོགས་སྷོ།། །།རྒྱ་གར་གྱི་མཁན་པོ་བཛྲ་པཱ་ཎི་དང་། 

106-1-166b

བོད་ཀྱི་ལོ་ཙྪ་བ་དགེ་སློང་ཆོས་ཀྱི་ཤེས་རབ་ཀྱིས་བསྒྱུར་ཅིང་ཞུས་ཏེ་གཏན་ལ་ཕབ་པ། སྐར་མས་ཞུསོ།། ༄༅།  །རྒྱ་གར་སྐད་དུ། ཨཱརྱ་ཨ་བ་ར་ཎ་བི་སྐྃ་བི་ནཱ་མ་དྷཱ་ར་ཎཱི། བོད་སྐད་དུ། འཕགས་པ་སྒྲིབ་པ་རྣམ་པར་སེལ་བ་ཞེས་བྱ་བའི་
གཟུངས། སངས་རྒྱས་ལ་ཕྱག་འཚལ་ལོ། །ཆོས་ལ་ཕྱག་འཚལ་ལོ། །དགེ་འདུན་ལ་ཕྱག་འཚལ་ལོ། །དེ་རྣམས་ལ་ཕྱག་འཚལ་ནས་འཕགས་པ་སྒྲིབ་པ་རྣམ་པར་སེལ་བའི་གཟུངས་འདི་བརྗོད་པར་བྱའོ། །འདི་ལྟ་སྟེ། 
བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་སྒྲིབ་པ་རྣམ་པར་སེལ་བའི་སྙིང་པོ་འདི་ལན་བདུན་བརྗོད་ན། ལུས་བརྒྱུད་པའི་སྡིག་པ་ཐམས་ཅད་འབྱང་ཞིང་འཆི་བའི་དུས་སུ་བདེ་
བ་ཉིད་དུ་དུས་བྱེད་པར་འགྱུར་རོ། །ༀ་ཤྭེ་ཏ་ཝ་ར་བི་ཛ་ལི་ནེ་སྭཱ་ཧཱ། བྱང་ཆུབ་སེམས་དཔའ་སེམས་དཔའ་ཆེན་པོ་སྒྲིབ་པ་རྣམ་པར་སེལ་བའི་སྙིང་པོ་འདི་ཉིན་ལན་བདུན་མཚན་ལན་བདུན་བརྗོད་ན་ལས་བརྒྱུད་མར་བསགས་
པའི་སྡིག་པ་ཐམས་ཅད་འབྱང་ཞིང་འཆི་བའི་དུས་སུ་གནད་གཅོད་པའི་སྡུག་བསྔལ་དྲག་པོ་མི་འབྱུང་ངོ་། །བདེ་བ་ཉིད་དུ་དུས་བྱེད་པར་འགྱུར་རོ། །ༀ་སརྦ་ཨ་བ་ར་ཎ་བིསྐྃ་བྷི་ནེ་སྭཱ་ཧཱ། སངས་རྒྱས་སྲས་དང་བཅས་པ་དེ་དག་
རྣམས་ལ་བཤོས་གཙང་ལ་སོགས་པའི་མཆོད་པས་ཡང་དག་པར་མཆོད་ན་ཡང་གང་ཟག་དེ་འཆི་བའི་དུས་སུ་ནད་དང་ཟུག་རྔུ་དང་བྲལ་ཏེ། བདེ་བ་ཉིད་དུ་དུས་བྱེད་ཅིང་། ཚེ་འཕོས་ནས་ཀྱང་སུམ་བཅུ་རྩ་གསུམ་མམ། འཐབ་བྲལ་
ལམ། དགའ་ལྡན་གྱི་ལྷའི་ནང་དུ་སྐྱེ་ཞིང་། བདེ་བ་ཉིད་དུ་འཚོ་བར་འགྱུར་རོ། །དགེ་སློང་ཕ་དང་།  དགེ་སློང་མ། །དགེ་བསྙེན་ཕ་དང་དགེ་བསྙེན་མས། །དུས་ཚིགས་གཟའ་སྐར་མ་རྩིས་ཤིང་། །ཁྲུས་དང་གཙང་སྦྲ་མ་བྱས་ཀྱང་། །
རིག་པ་ལ་ནི་གནས་པས་འགྲུབ། །གང་དག་མོས་པ་མེད་འགྱུར་བས། །འགྲུབ་ཉིད་དུ་ནི་ཡོང་མི་འགྱུར། །དེ་བས་ཤིན་དུ་མོས་གུས་བྱའོ། །འཕགས་པ་སྒྲིབ་པ་རྣམ་པར་སེལ་བའི་གཟུངས། རྫོགས་སྷོ།། །།སྐར་ཞུས། །

106-1-167a

༄༅།  །རྒྱ་གར་སྐད་དུ། ཨཱརྱ་མཉྫུ་ཤྲཱི་སྭཱ་ཁྱཱ་ཏོ་ནཱ་མ་དྷཱ་ར་ཎཱི། བོད་སྐད་དུ། འཕགས་པ་འཇམ་དཔལ་གྱི་ཞལ་ནས་གསུངས་པ་ཞེས་བྱ་བའི་གཟུངས། དཀོན་མཆོག་གསུམ་ལ་ཕྱག་འཚལ་ལོ། །འཕགས་པ་འཇམ་དཔལ་ལ་
ཕྱག་འཚལ་ལོ། །ན་མོ་རད་ན་ཏྲ་ཡཱ་ཡ། ན་མོ་བྷ་ག་བ་ཏེ་དྷརྨ་དྷཱ་ཏུ་ནི་གར་ཛི་ཏ་རཱ་ཛཱ་ཡ། ཏ་ཐཱ་ག་ཏཱ་ཡ། ཨར་ཧ་ཏེ་སམྱག་སྃ་བུད་དྷཱ་ཡ། ན་མོ་མཉྫུ་ཤྲི་ཡེ། ཀུ་མ་ར་བྷཱུ་ཏཱ་ཡ། ཏདྱ་ཡ་ཐཱ། ཨོཾ་ཛྙཱ་ནཱ་ལོ་ཀེ་ཏྲི་རད་ན་པྃ་ཤ་སྃ་དྷི་ར་ནི། 
བྷ་ག་བ་ཏི། ཨ་བཱ་ཡན་དྷཱ་དྷི། ཨ་བཱ་ཡན་དད་མེ་བོ་དྷི་ཙིཏ་བཛྲ་པ་རི་པ་ལཱ་ཡཱ། ས་མན་ཏ་ཨ་བ་བྷཱ་སེ་ན། ཧ་ན་ཧ་ན་སརྦ་སཏྭ་སན་ཏ་ན་པ་ཏི་ཏྃ། ཀླེ་ཤཱ་ནུད་ཚོ་ཤཱ་ཡ། བ་ར་ལཀྵ་ཎ་ཨ་ལྃ་ཀྲི་ཏ་ཤ་རི་རེ། བོ་དྷི་ས་ཏྭ་ཤི་ཤཱུྃ་པ་ཏི་པཱུ་ལཱ་ཡ། 
བུད་དྷ་ན་དེ་ཤཱ་ཡ། དེ་བ། ནཱ་ག །ཡཀྵ། གན་དྷརྦ། ཨ་སུ་ར། གཱ་རུ་ཌཱ། ཀིན་ན་ར། མ་ཧོ་ར་ག །བ་ཤེ་སྠ་པཱ་ཡ། ཨ་པ་ཡན་ད་ད་ཏི་སྭཱ་ཧཱ། གཟུངས་འདིའི་ཕན་ཡོན་ནི་ལན་ཅིག་བརྗོད་པས་ཀྱང་བསྐལ་པ་སྟོང་དུ་ལས་ཀྱི་སྒྲིབ་པ་
བསགས་པ་འབྱང་བར་འགྱུར་རོ། །འཆི་ཀར་ཡང་འཕགས་པ་འཇམ་དཔལ་མཐོང་བར་འགྱུར་རོ། །འཕགས་པ་སྤྱན་རས་གཟིགས་དབང་ཕྱུག་ཐོར་ཚུགས་ཀྱིས་དབུ་བརྒྱན་པའི་སྐུ་ཡང་མཐོང་བར་འགྱུར་རོ། །མདོར་ན་
གཟུངས་འདིའི་ཕན་ཡོན་ནི་མཐའ་ཡས་སོ། །འཕགས་པ་འཇམ་དཔལ་གྱི་ཞལ་ནས་གསུངས་པ་ཞེས་བྱ་བའི་གཟུངས་རྫོགས་སྷོ།། །།རྒྱ་གར་གྱི་མཁན་པོ་ཛྙཱ་ན་གར་བྷ་དང་། ལོ་ཙྪ་བ་བན་དེ་ཀླུའི་དབང་པོས་
བསྒྱུར། རྒྱ་གར་གྱི་མཁན་པོ་བི་ཤུད་དྷ་སིཾ་ཧ་དང་། ཞུ་ཆེན་གྱི་ལོ་ཙྪ་བ་བན་དེ་དེ་བ་ཙན་དྲས་གཏན་ལ་ཕབ་པ།། ༄༅།  །དཀོན་མཆོག་གསུམ་ལ་ཕྱག་འཚལ་ལོ། །འཇམ་པའི་མགོན་ལ་ཕྱག་འཚལ་ལོ། །དེ་ནས་ཡང་འཇམ་
དཔལ་གཞོན་ནུར་གྱུར་པ་སྟན་ལས་ལངས་ཏེ་བླ་གོས་ཕྲག་པ་གཅིག་ཏུ་བྱས་ནས། པུས་མོ་གཡས་པའི་ལྷ་ང་ས་ལ་བཙུགས་ཏེ། བཅོམ་ལྡན་འདས་ག་ལ་བ་དེར་ཐལ་མོ་སྦྱར་བ་བཏུད་ནས་བཅོམ་ལྡན་འདས་ཀྱི་ཞབས་

106-1-167b

ལ་མགོ་བོས་ཕྱག་འཚལ་ཏེ། བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས་བདག་གིས་རིག་པ་མཐོང་བར་བགྱི་སྟེ། རིག་པ་དམ་པ་འདི་སྨྲས་ན་ནི་ངོ་མཚར་དུ་འགྱུར་རོ། །ཐམས་ཅད་དང་ལྡན་པའི་
འཁོར་དེས་བྱང་ཆུབ་སེམས་དཔའ་སེམས་དཔའ་ཆེན་པོ་འཇམ་དཔལ་ལ་ལེགས་སོ་ཞེས་བྱ་བ་བྱིན་ཏེ། འཇམ་དཔལ་ལེགས་སོ་ལེགས་སོ། །འཇམ་དཔལ་ཁྱོད་ཀྱིས་རིག་པ་སྨྲོས་ཤིག །བདག་གིས་བཅོམ་
ལྡན་འདས་ཀྱི་གསུང་གིས་སྨྲ་བར་བགྱིའོ། །བྱང་ཆུབ་སེམས་དཔའ་སེམས་དཔའ་ཆེན་པོ་འཇམ་དཔལ་གྱིས་སངས་རྒྱས་ཐམས་ཅད་ཀྱི་སྙིང་པོ་ཆོས་ཐམས་ཅད་ལ་ཕྱག་འཚལ་ཏེ་མཆོད་པ་བྱས་ནས་རིག་པ་
སྨྲས་སོ། །ན་མཿསརྦ་ཏ་ཐཱ་ག་ཏེ་བྷྱཿ། ན་མོ་མཉྫུ་ཤྲི་ཡེ། བོ་དྷི་སཏྭཱ་ཡ། ཨོཾ་མཉྫུ་པ་ར། མཉྫུ་གྷོ་ཥ། ཧ་ན་ཧ་ན། པ་ཙ་པ་ཙ། མ་ཏ་མ་ཏ། མ་ཐ་མ་ཐ། བི་དྷྭྃ་ས་ཡ་དྷྭྃ་ས་ཡ། ཀ་ར་ཀ་ར། ཏྲུ་ཏ་ཏྲུ་ཏ།   བན་ཛ་བན་ཛ། ཨ་བྷི་ས་
ཨ་བྷི་ས། ཏུ་ཊ་ཏུ་ཊ། ཏྲུ་ཏ་ཏྲུ་ཏ།  སྥུ་ཊ་སྥུ་ཊ། ཧྲི་ད་ཡ་བོ་དྷ་ནི། ན་མ་སྃ་བོ་དྷ་ནི། པྲ་བྷེ་ས་པྲ་བྷ་ས། ལོ་ཏ་ལོ་ཏ། ཀྲི་ད་ཀྲི་ད། ཀྲི་ཊ་ཀྲི་ཊ། ཧ་ས་ཧ་ས། པྲ་བན་དྷ་པྲ་བན་དྷ།  ཨ་བྷི་ཤ་ཨ་བྷི་ཤ །ཧཱུྃ་ཧཱུྃ་ཧཱུྃ། ཕཊ་ཕཊ་ཕཊ་
སྭཱ་ཧཱ། གང་ཞིག་གིས་ནམ་ཕྱེད་ན་ལན་གསུམ་བརྗོད། ཉི་མ་ལ་ཡང་ལན་བདུན་བརྗོད་པ་བྱས་ན་རིག་པ་ཆེན་མོ་ཐོབ་པར་འགྱུར་རོ། །མི་རྣམས་ཀྱི་ཤློ་ཀ་སུམ་བརྒྱ་འཛིན་པར་འགྱུར་རོ། །འདིའི་ཆོ་ག་ནི་ཙན་དན་
གྱིས་དཀྱིལ་འཁོར་བྱས་ཏེ། ཞུན་མར་གྱི་མར་མེས་ཀྱང་མཆོད་ནས་སྟོང་ཕྲག་བརྒྱད་བཟླས་ན་འགྲུབ་པར་འགྱུར། མ་གྲུབ་ཀྱང་ཤོ་ལོ་ཀ་བརྒྱ་ཉི་མ་རེ་རེ་ལ་འཛིན་པར་འགྱུར་རོ། །བཅོམ་ལྡན་འདས་བདག་གིས་བསྟན་
པ་འདིས་གང་ཞིག་མཚམས་མེད་པ་ལྔ་བྱས་ན་བདག་ཀྱང་དེ་དང་འདྲ་བར་མཚམས་མེད་པ་ལྔ་བྱས་པར་འགྱུར་རོ། །འཕགས་པ་འཇམ་དཔལ་གྱིས་དམོད་བཙུགས་པ་ཞེས་བྱ་བའི་གཟུངས་རྫོགས་སྷོ།། །།

106-1-168a

༄༅།  །འཕགས་པ་འཇམ་དཔལ་ལ་ཕྱག་འཚལ་ལོ། །ༀ་བཱ་ཀྱྃ་ཏེ་ཛཱ་ཡ། ཨོཾ་བཱ་ཀྱ་ཥེ་ཥེ་སྭ། ཨོཾ་བཱ་ཀྱེ་ཁ་ན་ཛཱ་ཡེ། ཨོཾ་བཱ་ཀྱེ་ནིཥྛ་ཨ། ཨོཾ་བཱ་ཀྱེ་ཡ་ན་མ། ཨོཾ་བཱ་ཀྱེ་དྃ་ན་མཿ། འཕགས་པ་འཇམ་དཔལ་གྱི་མཚན་འདི་
ཉིད་ལན་ཉི་ཤུ་རྩ་གཅིག་བཟླས་པས་མཚམས་མེད་པ་ལྔའི་ལས་ཀྱི་སྒྲིབ་པ་ཐམས་ཅད་འབྱང་ངོ་། །འཕགས་པ་འཇམ་དཔལ་གྱི་མཚན།  རྫོགས་སྷོ།། །། རྒྱ་གར་སྐད་དུ།  ཨཱརྱ་མཉྫུ་ཤྲཱི་བྷཊྚཱ་ར་ཀ་སྱ་པྲཛྙཱ་
བུད་དྷི་བར་དྷ་ན་ནཱ་མ་དྷ་ར་ཎཱི། བོད་སྐད་དུ།  རྗེ་བཙུན་འཕགས་པ་འཇམ་དཔལ་གྱི་ཤེས་རབ་དང་བློ་འཕེལ་བ་ཞེས་བྱ་བའི་གཟུངས། དཀོན་མཆོག་གསུམ་ལ་ཕྱག་འཚལ་ལོ། །ན་མོ་མཉྫུ་ཤྲི་ཡེ་ཀུ་མཱ་
ར་བྷཱུ་ཏཱ་ཡ། ཏད་ཡ་ཐཱ།  ཨོཾ་ཨ་ར་ཛེ། བི་ར་ཛེ། ཤུད་དྷེ་བི་ཤུད་དྷེ། ཤོ་དྷ་ནི་བི་ཤོ་དྷ་ནི། ཤོ་དྷ་ཡ་བི་ཤོ་དྷ་ཡ། བི་མ་ལེ་ཛ་ཡ་བ་ཏི་རུ་རུ་ཙ་ལེ་ཧཱུྃ་ཧཱུྃ་ཧཱུྃ། ཕཊ་ཕཊ་ཕཊ་སྭཱ་ཧཱ། གང་ཞིག་འདི་འཛིན་པ་དེ་ཟླ་བ་
གཅིག་གིས་བློ་དང་ལྡན་པར་འགྱུར་རོ། །དབྱངས་སྙན་པར་འགྱུར་རོ། །གཟུགས་བཟང་བར་འགྱུར་རོ། །ལན་གཅིག་བཀླགས་ན་བསྐལ་པ་སྟོང་གི་བར་དུ་འཁོར་བ་ལ་རྒྱབ་ཀྱིས་ཕྱོགས་པར་འགྱུར་རོ། །
བཅངས་པ་ཙམ་གྱིས་སྐྱེ་བ་དྲན་པར་འགྱུར་རོ། །འབུམ་ཕྲག་གཅིག་བཟླས་ན་མཁས་པར་འགྱུར་རོ། །འབུམ་ཕྲག་གཉིས་བཟླས་ན་རིག་པ་འཛིན་པར་འགྱུར་རོ། །འབུམ་ཕྲག་གསུམ་བཟླས་ན་འཇམ་
དཔལ་གྱི་ཞལ་མཐོང་བར་འགྱུར་རོ། །གལ་ཏེ་མཚམས་མེད་པ་ལྔ་བྱས་པས་གྲུབ་པར་མ་གྱུར་ན་དེའི་ཚེ་ང་ཉིད་མཚམས་མེད་པ་ལྔ་བྱེད་པ་ཡིན་ཞིང་། ང་ཉིད་ཀྱིས་སངས་རྒྱས་བཅོམ་ལྡན་འདས་རྣམས་བསླུས་
པར་གྱུར་ཅིག །རྗེ་བཙུན་འཕགས་པ་འཇམ་དཔལ་གྱི་ཤེས་རབ་དང་བློ་འཕེལ་བ་ཞེས་བྱ་བའི་གཟུངས་རྫོགས་སྷོ།། །། འཕགས་པ་འཇམ་དཔལ་གྱི་སྔགས་ཡི་གེ་འབྲུ་གཅིག་པའི་ཆོ་ག །ཏད་ཡ་ཐཱ། ཨོཾ་ཀྵྞཱིྃ། 

106-1-168b

གསང་སྔགས་ཡི་གེ་འབྲུ་གཅིག་པ་འདི་རབ་ཏུ་གསང་བ་སྟེ། དོན་ཐམས་ཅད་སྒྲུབ་པར་བྱེད་པ། ལས་ཐམས་ཅད་བྱེད་པ། དེ་བཞིན་གཤེགས་པ་ཐམས་ཅད་ཀྱི་སྙིང་པོ། རེ་བ་ཐམས་ཅད་ཡོངས་སུ་སྐོང་བར་
མཛད་པ་སྟེ། སོ་ཤིང་ལ་བསྔགས་ནས་བཅངས་ན་སོ་ན་བ་འབྱང་ངོ་། །མིག་ན་བ་ལ་རྒྱམ་ཚྭ་བཏགས་པ་ལ་ལན་བདུན་བསྔགས་ཏེ་མིག་བཀང་ན་མིག་ནད་སེལ་ཏོ། །མིའི་ཁོང་དུ་མཚོན་གྱི་དུམ་བུ་ལུས་པ་ལ་ཞུན་
མར་རྙིང་པ་ལ་ལན་བདུན་ནམ། བརྒྱ་རྩ་བརྒྱད་བསྔགས་ཏེ་བླུད་པའམ། རྨ་ཁར་བསྐུས་ན་མཚོན་གྱི་དུམ་བུ་འབྱུང་བར་འགྱུར་རོ། །ཟས་མ་ཞུ་བ་དང་། ལྦོས་ཏེ་གསུད་པ་དང་། ཚད་པས་འཁྲུ་བ་ལ་མུ་རང་ཚྭའམ། 
རྒྱམ་ཚའམ། ཡང་ན་ལན་ཚྭ་གཞན་གང་ཡང་རུང་བ་ལ་ལན་བདུན་བསྔགས་ཏེ་ཟོས་ན་ནད་དེ་ལས་གྲོལ་ཏེ་དེ་ཉིད་ཀྱི་ཉིན་པར་སོས་པར་འགྱུར་རོ། །ཀླད་པ་ན་བ་ལ་བྱ་རོག་གི་སྒྲོ་ལ་ལན་བདུན་བསྔགས་ཏེ་བྱབས་ན་
ནད་དེ་སོས་པར་འགྱུར་རོ། །འཇམ་དཔལ་གྱི་ཡི་གེ་འབྲུ་གཅིག་པའི་གཟུངས་རྫོགས་སྷོ།། །། འཕགས་པ་བྱང་ཆུབ་སེམས་དཔའ་སྤྱན་རས་གཟིགས་དབང་ཕྱུག་ཕྱག་སྟོང་སྤྱན་སྟོང་དང་ལྡན་པ་ཐོགས་པ་
མི་མངའ་བའི་ཐུགས་རྗེ་ཆེན་པོའི་སེམས་རྒྱ་ཆེར་ཡོངས་སུ་རྫོགས་པ་ཞེས་བྱ་བའི་གཟུངས། བམ་པོ་དང་པོ། སངས་རྒྱས་དང་བྱང་ཆུབ་སེམས་དཔའ་ཐམས་ཅད་ལ་ཕྱག་འཚལ་ལོ། །འདི་སྐད་བདག་
གིས་ཐོས་པ་དུས་གཅིག་ན། བཅོམ་ལྡན་འདས་ཤཱཀྱ་ཐུབ་པ་རི་པོ་ཏ་ལའི་སྟེང་། འཕགས་པ་སྤྱན་རས་གཟིགས་དབང་ཕྱུག་གི་གཞལ་མེད་ཁང་རིན་པོ་ཆེ་བཀོད་པའི་དཀྱིལ་འཁོར་ན་ནོར་བུ་རིན་པོ་ཆེ་རྣམ་པ་སྣ་
ཚོགས་ཀྱིས་རབ་ཏུ་བརྒྱན་པའི་རིན་པོ་ཆེའི་སེང་གེའི་གདན་རིན་པོ་ཆེའི་རྒྱལ་མཚན་དང་བ་དན་དག་གིས་འཁོར་བར་བཀོད་ཅིང་སྤྱངས་པ་ལ་བཞུགས་ཏེ། དེའི་ཚེ་དེ་བཞིན་གཤེགས་པ་གདན་དེ་ལ་བཞུགས་ནས་ཀུན་

106-1-169a

འཛིན་ཅེས་བྱ་བའི་གཟུངས་སྔགས་བཤད་པར་བཞེད་པའི་ཕྱིར་བྱང་ཆུབ་སེམས་དཔའ་སེམས་དཔའ་ཆེན་པོ་གྲངས་མེད་པ་དང་ཐབས་གཅིག་ཏུ་བཞུགས་པ་ལ་འདི་ལྟ་སྟེ། བྱང་ཆུབ་སེམས་དཔའ་ཀུན་འཛིན་
འཛིན་གྱི་རྒྱལ་པོ་དང་། བྱང་ཆུབ་སེམས་དཔའ་རིན་པོ་ཆེའི་རྒྱལ་པོ་དང་། བྱང་ཆུབ་སེམས་དཔའ་སྨན་གྱི་རྒྱལ་པོ་དང་། བྱང་ཆུབ་སེམས་དཔའ་སྨན་མངོན་པར་འཕགས་པ་དང་། བྱང་ཆུབ་སེམས་དཔའ་སྤྱན་རས་
གཟིགས་དབང་ཕྱུག་དང་། བྱང་ཆུབ་སེམས་དཔའ་མཐུ་ཆེན་ཐོབ་པ་དང་། བྱང་ཆུབ་སེམས་དཔའ་པད་མའི་བཀོད་པ་དང་། བྱང་ཆུབ་སེམས་དཔའ་བཀོད་པ་ཆེན་པོ་དང་། བྱང་ཆུབ་སེམས་དཔའ་རིན་ཆེན་སྙིང་པོ་དང་། 
བྱང་ཆུབ་སེམས་དཔའ་དཔལ་གྱི་སྙིང་པོ་དང་། བྱང་ཆུབ་སེམས་དཔའ་རྡོ་རྗེ་སྙིང་པོ་དང་། བྱང་ཆུབ་སེམས་དཔའ་ནམ་མཁའི་སྙིང་པོ་དང་། བྱང་ཆུབ་སེམས་དཔའ་བྱམས་པ་དང་། བྱང་ཆུབ་སེམས་དཔའ་ཀུན་དུ་བཟང་
པོ་དང་། བྱང་ཆུབ་སེམས་དཔའ་འཇམ་དཔལ་ལ་སོགས་པ་བྱང་ཆུབ་སེམས་དཔའ་སེམས་དཔའ་ཆེན་པོ་ཆོས་ཀྱི་རྒྱལ་བུ་ཆེན་པོར་དབང་བསྐུར་བ་ཐོབ་པ་ཤ་སྟག་དང་ཐབས་གཅིག་གོ། །གཞན་ཡང་ཉན་ཐོས་ཀྱི་
དགེ་འདུན་ཆེན་པོ་ཐམས་ཅད་ཀྱང་དགྲ་བཅོམ་པའི་ས་བཅུ་སྤྱད་པ་ཚད་མེད་གྲངས་མེད་པ་དག་དང་ཐབས་གཅིག་སྟེ། ཚེ་དང་ལྡན་པ་འོད་སྲུང་ཆེན་པོ་ནི་གཙོ་བོར་གྱུར་ཏོ། །གཞན་ཡང་ཚངས་རིས་ཀྱི་ལྷ་ཚད་མེད་པ་
སྙེད་དང་ཐབས་གཅིག་སྟེ། ལྷའི་བུ་ཀྵན་ཊ་མ་ར་ནི་གཙོ་བོར་གྱུར་ཏོ། །གཞན་ཡང་ལྷ་དང་ལྷའི་བུ་ཚད་མེད་པ་སྙེད་དང་ཐབས་གཅིག་སྟེ། ལྷའི་བུ་ཀུ་བྷ་ཀ་ནི་གཙོ་བོར་གྱུར་ཏོ། །གཞན་ཡང་འཇིག་རྟེན་སྐྱོང་བ་དང་། 
རྒྱལ་ཆེན་རིས་བཞིའི་ལྷའི་རྒྱལ་པོ་ཚད་མེད་པ་སྙེད་དང་ཐབས་གཅིག་སྟེ། ལྷའི་རྒྱལ་པོ་ཡུལ་འཁོར་སྲུང་ནི་གཙོ་བོར་གྱུར་ཏོ། །གཞན་ཡང་ལྷ་དང་། ཀླུ་དང་། གནོད་སྦྱིན་དང་། དྲི་ཟ་དང་། ལྷ་མ་ཡིན་དང་། ནམ་མཁའ་

106-1-169b

ལྡིང་དང་། མི་འམ་ཅི་དང་། ལྟོ་འཕྱེ་ཆེན་པོ་དང་། མི་དང་མི་མ་ཡིན་པ་ལ་སོགས་པ་ཚད་མེད་པ་སྙེད་དང་ཐབས་གཅིག་སྟེ། ཀླུའི་རྒྱལ་པོ་ཆེན་པོ་རིའི་དཔལ་ནི་གཙོ་བོར་གྱུར་ཏོ། །གཞན་ཡང་འདོད་པའི་ཁམས་ཀྱི་ལྷ་
འི་བུ་མོ་ཚད་མེད་པ་སྙེད་དང་ཐབས་གཅིག་སྟེ། ལྷའི་བུ་མོ་གཞོན་ནུའི་མིག་ཅེས་བྱ་བ་ནི་གཙོ་མོར་གྱུར་ཏོ། །གཞན་ཡང་ནམ་མཁའི་ལྷ་དང་། ཆུ་བོ་དང་། རྒྱ་མཚོའི་ལྷ་དང་། ཆུ་མིག་གི་ལྷ་དང་། ཆུ་ཀླུང་གི་ལྷ་དང་། 
སྨན་གྱི་ལྷ་དང་། ལྗོན་ཤིང་དང་། ནགས་ཚལ་གྱི་ལྷ་དང་། ཁང་ཁྱིམ་གྱི་ལྷ་དང་། ཆུའི་ལྷ་དང་། མེའི་ལྷ་དང་། རླུང་གི་ལྷ་དང་། སའི་ལྷ་དང་། རིའི་ལྷ་དང་། གཞལ་མེད་ཁང་ལ་སོགས་པའི་ལྷ་ཚད་མེད་པ་སྙེད་ཀྱང་སོ་སོ་
ནས་འདུས་ཤིང་ལྷགས་པར་གྱུར་ཏོ། །དེ་ནས་བྱང་ཆུབ་སེམས་དཔའ་སྤྱན་རས་གཟིགས་དབང་ཕྱུག་འཁོར་མང་པོའི་ནང་དུ་གསང་སྟེ། རྫུ་འཕྲུལ་གྱིས་འོད་ཟེར་བཀྱེ་བས་ཕྱོགས་བཅུའི་འཇིག་རྟེན་གྱི་ཁམས་
རྣམས་དང་། སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་འདི་ཡང་གསེར་གྱི་ཁ་དོག་ཅན་དུ་གྱུར་ཏོ། །ལྷའི་གཞལ་མེད་ཁང་རྣམས་དང་། ཀླུའི་ཁང་ཁྱིམ་རྣམས་དང་། ལྷའི་གཙོ་བོ་རྣམས་ཀྱི་གཞལ་མེད་
ཁང་རྣམས་ཀྱང་རབ་ཏུ་གཡོས་པར་གྱུར། ཆུ་བོ་དང་། མཚོ་དང་། རྒྱ་མཚོ་ཆེན་པོ་དང་། རི་ཁོར་ཡུག་དང་། རི་རབ་ལྷུན་པོ་དང་། སའི་རི་དང་། རི་ནག་པོ་རྣམས་ཀྱང་རབ་ཏུ་གཡོས་པར་གྱུར་ཏོ། །ཉི་མ་དང་། ཟླ་བ་དང་། ནོར་བུ་
དང་། མེ་དང་། རྒྱུ་སྐར་དང་། གཟའི་འོད་རྣམས་ཀྱང་ཟིལ་གྱིས་མནན་ཏེ་མི་སྣང་བར་གྱུར་ཏོ། །དེ་ནས་བྱང་ཆུབ་སེམས་དཔའ་ཀུན་འཛིན་གྱི་རྒྱལ་པོས་ངོ་མཚར་རྨད་དུ་བྱུང་བའི་མཚན་མ་དེ་དག་མཐོང་བ་དང་། སྔོན་ཆད་
ནམ་ཡང་དེ་ལྟ་བུ་མ་བྱུང་ངོ་ཞེས་ངོ་མཚར་དུ་གྱུར་ནས། སྟན་ལས་ལངས་ཏེ་ཐལ་མོ་སྦྱར་ནས་འདི་སྐད་ཅེས། བཅོམ་ལྡན་འདས་རྫུ་འཕྲུལ་གྱི་མཚན་མ་འདི་ལྟ་བུ་འདི་དག་སུས་བཀྱེ་ལགས་ཞེས་གསོལ་ནས། ཚིགས་

106-1-170a

སུ་བཅད་དེ་ཞུ་བ་ཞུས་པ། དེང་ནི་སུ་ཞིག་མངོན་བར་སངས་རྒྱས་ན། །འདི་ལྟར་འོད་ཟེར་ཆེན་པོ་རབ་བཀྱེ་བས། །ཕྱོགས་བཅུའི་འཇིག་རྟེན་གསེར་གྱི་མདོག་ཏུ་གྱུར། །སྟོང་ཆེན་འཇིག་རྟེན་ཁམས་ཀྱང་དེ་བཞིན་
ལགས། །དེང་ནི་སུ་ཞིག་རང་དབང་ཐོབ་གྱུར་ན། །ཡ་མཚན་རྫུ་འཕྲུལ་ཆེན་པོ་མཐུ་བཀྱེ་ནས། །མཐའ་མེད་སངས་རྒྱས་ཞིང་རྣམས་རབ་གཡོས་ཤིང་། །ལྷ་ཀླུ་གཞལ་མེད་ཁང་རྣམས་མི་བདེར་གྱུར། །སུ་ཡི་མཐུ་ལགས་
རྒྱུ་རྐྱེན་མ་རྟོགས་པས། །འཁོར་མང་འདི་དག་ཐེ་ཚོམ་འཚལ་གྱུར་ན། །བཅོམ་ལྡན་འདས་ཀྱི་ཐུགས་རྗེ་ཆེན་པོ་ཡིས། །རྫུ་འཕྲུལ་འདི་ཡི་རྒྱུ་རྐྱེན་བཀས་བཤད་གསོལ། །བཅོམ་ལྡན་འདས་ཀྱིས་བྱང་ཆུབ་སེམས་
དཔའ་ཀུན་འཛིན་གྱི་རྒྱལ་པོ་ལ་བཀའ་སྩལ་པ། རིགས་ཀྱི་བུ་ཁྱེད་ཀྱིས་འདི་རིག་པར་བྱ་སྟེ། དེང་འཁོར་གྱི་དཀྱིལ་འཁོར་འདུས་པ་འདིར་བྱང་ཆུབ་སེམས་དཔའ་སེམས་དཔའ་ཆེན་པོ་སྤྱན་རས་གཟིགས་དབང་ཕྱུག་
ཅེས་བྱ་བ་ཞིག་ཡོད་པ་དེ་སྔོན་བསྐལ་པ་ཚད་མེད་པ་ནས་བྱམས་པ་ཆེན་པོ་དང་སྙིང་རྗེ་ཆེན་པོ་ཕུན་སུམ་ཚོགས་པར་གྱུར་པ། གཟུངས་ཀྱི་སྒོ་ཚད་མེད་པ་སྙེད་ཤིན་དུ་བསྒོམས་ཤིང་མངོན་བར་བསྒྲུབས་པར་གྱུར་པས། 
སེམས་ཅན་རྣམས་ལ་ཕན་པ་དང་བདེ་བར་འདོད་པའི་ཕྱིར་གསང་སྟེ་འདི་ལྟ་བུའི་རྫུ་འཕྲུལ་གྱི་མཐུ་ཆེན་པོ་བསྟན་པ་ཡིན་ནོ། །བཅོམ་ལྡན་འདས་ཀྱིས་དེ་སྐད་ཅེས་བཀའ་སྩལ་པ་དང་། དེ་ནས་བྱང་ཆུབ་སེམས་དཔའ་
སྤྱན་རས་གཟིགས་དབང་ཕྱུག་སྟན་ལས་ལངས་ཏེ་གོས་ཚགས་བཅོས་ནས། བཅོམ་ལྡན་འདས་ག་ལ་བ་དེ་ལོགས་སུ་ཐལ་མོ་སྦྱར་ཏེ་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས་བདག་
ལ་ཐུགས་རྗེ་ཆེན་པོའི་སེམས་ཤེས་བགྱི་བའི་གཟུངས་སྔགས་མཆིས་ཏེ། སེམས་ཅན་མང་པོ་རྣམས་ལ་སྨན་པ་དང་བདེ་བ་འཐོབ་པར་བགྱི་བ་དང་། བྲོ་ནད་ཐམས་ཅད་བསལ་བར་བགྱི་བ་དང་། ཚེ་རིང་བར་འགྱུར་བ་དང་། 

106-1-170b

ཕྱུག་ཅིང་འབྱོར་པ་དང་ལྡན་པར་བགྱི་བ་དང་། སྡིག་པ་མི་དགེ་བའི་ལས་དང་ཁ་ན་མ་ཐོ་བ་ལྕི་བ་རྣམས་ཡོངས་སུ་སྦྱང་ཞིང་བསལ་བ་དང་། སྒྲིབ་པའི་བགེགས་རྣམས་དང་འབྲལ་བ་དང་། ཆོས་དཀར་པོའི་ཡོན་ཏན་ཐམས་
ཅད་འཕེལ་བར་བགྱི་བ་དང་། དགེ་བའི་ས་བོན་ཐམས་ཅད་ཕུན་སུམ་ཚོགས་པར་བགྱི་བ་དང་། འཇིགས་ཤིང་སྐྲག་པ་ཐམས་ཅད་ཡོངས་སུ་སྤང་བར་བགྱི་བ་དང་། རེ་བ་ཐམས་ཅད་མྱུར་དུ་ཡོངས་སུ་རྫོགས་པར་བགྱི་བའི་
སླད་དུ་དེང་བཤད་པར་འཚལ་ན། བཅོམ་ལྡན་འདས་ཐུགས་བརྩེ་བར་དགོངས་ཏེ་གནང་བར་མཛད་དུ་གསོལ། བཅོམ་ལྡན་འདས་ཀྱིས་བཀའ་སྩལ་པ། རིགས་ཀྱི་བུ་ཁྱོད་སྙིང་རྗེ་ཆེན་པོས་སེམས་ཅན་རྣམས་ལ་ཕན་
པ་དང་བདེ་བ་འདོད་པའི་ཕྱིར་རིག་སྔགས་བཤད་པར་འདོད་པས་དེང་དུས་ལ་བབ་ཀྱིས་མྱུར་དུ་སྨྲོས་ཤིག་དང་། དེ་བཞིན་གཤེགས་པ་ང་དང་སངས་རྒྱས་བཅོམ་ལྡན་འདས་རྣམས་ཀྱང་རྗེས་སུ་ཐུགས་དགྱེས་པར་མཛད་
དོ། །བཅོམ་ལྡན་འདས་ལ་བྱང་ཆུབ་སེམས་དཔའ་སྤྱན་རས་གཟིགས་དབང་ཕྱུག་གིས་ཡང་འདི་སྐད་ཅེས་གསོལ་ཏོ། །བཅོམ་ལྡན་འདས་བདག་མངོན་པར་དྲན་ལགས་ཏེ། སྔོན་བྱུང་བའི་བསྐལ་པ་འབུམ་ཕྲག་ཚད་
མ་མཆིས་པ་སྙེད་འདས་པ་དེའི་ཚེ་དེའི་དུས་ན། བཅོམ་ལྡན་འདས་དེ་བཞིན་གཤེགས་པ་འོད་སྟོང་གི་རྒྱལ་པོ་ཞི་བར་གནས་པ་ཞེས་བྱ་བ་འཇིག་རྟེན་དུ་བྱུང་སྟེ། སངས་རྒྱས་བཅོམ་ལྡན་འདས་དེས་བདག་དང་སེམས་ཅན་
ཐམས་ཅད་ལ་ཐུགས་བརྩེ་བའི་སླད་དུ་ཐོགས་པ་མ་མཆིས་པའི་ཐུགས་རྗེ་ཆེན་པོ་རྒྱ་ཆེར་ཡོངས་སུ་རྫོགས་པ་ཞེས་བགྱི་བའི་གཟུངས་འདི་བཀའ་སྩལ་ནས། ཕྱག་གསེར་གྱི་ཁ་དོག་ཅན་གྱིས་བདག་གི་སྤྱི་བོ་ལ་བྱུགས་ཏེ་
འདི་སྐད་ཅེས། རིགས་ཀྱི་བུ་ཁྱོད་ཐུགས་རྗེ་ཆེན་པོའི་རིག་སྔགས་འདི་ཟུང་ཤིག་དང་། མ་འོངས་པའི་དུས་ངན་པའི་སེམས་ཅན་ཐམས་ཅད་ལ་ཕན་པ་དང་བདེ་བ་ཆེན་པོ་བྱེད་པར་འགྱུར་རོ་ཞེས་བཀའ་སྩལ་ཏོ། །བདག་དེའི་ཚེ་

106-1-171a

གདོད་ས་དང་པོ་ལ་གནས་པ་ལས་རིག་སྔགས་འདི་ལན་ཅིག་ཐོས་པ་ཙམ་གྱིས་ས་བརྒྱད་པ་ལས་ཡང་དག་པར་འདས་པར་གྱུར་ལགས་སོ། །བདག་དེའི་ཚེ་དེའི་དུས་ན་སེམས་རབ་ཏུ་དགའ་ཞིང་མགུ་བར་གྱུར་
པའི་སླད་དུ་སྨོན་ལམ་འདི་སྐད་དུ་བཏབ་ལགས་ཏེ། གལ་ཏེ་བདག་མ་འོངས་པའི་དུས་ན་སེམས་ཅན་ཐམས་ཅད་ལ་སྨན་ཅིང་བདེ་བར་བགྱིད་པའི་འོས་སུ་འགྱུར་ཡང་དག་པ་ཞིག་ལགས་ན་དེང་བདག་གི་ལུས་འདི་ཉིད་
ལས་ལག་པ་སྟོང་དང་། མིག་སྟོང་ཚང་བར་འབྱུང་བར་གྱུར་ཅིག་ཅེས་སྨོན་ལམ་བཏབ་མ་ཐག་ཏུ་ལུས་ལས་སུག་པ་སྟོང་དང་མིག་སྟོང་ཚང་བར་བྱུང་བར་གྱུར་ཏེ། ཕྱོགས་བཅུའི་ས་ཆེན་པོ་རྣམས་ཀྱང་རྣམ་པ་དྲུག་ཏུ་
རབ་ཏུ་གཡོས་པར་གྱུར། ཕྱོགས་བཅུའི་སངས་རྒྱས་རྣམས་ཀྱིས་ཀྱང་འོད་ཟེར་བཀྱེ་བས་བདག་གི་ལུས་ལ་རེག་ཅིང་ཕྱོགས་བཅུའི་འཇིག་རྟེན་གྱི་ཁམས་མཐའ་མ་མཆིས་པ་རྣམས་ཀྱང་གསལ་བར་བགྱིས་
པར་གྱུར་ལགས་སོ། །དེང་སླན་ཅད་སངས་རྒྱས་ཚད་མ་མཆིས་པའི་འཁོར་གྱི་དཀྱིལ་འཁོར་ཚད་མ་མཆིས་པ་དག་ཏུ་གཟུངས་འདི་ཡང་དང་ཡང་དུ་ཐོས་ཤིང་མངོན་སུམ་དུ་ཡང་དག་པར་བླངས་པ་དང་། གཞན་
ཡང་དགའ་བ་དང་། མགུ་བ་དང་། རངས་པ་ཚད་མ་མཆིས་པ་བསྐྱེད་པས་བསྐལ་པ་འབུམ་ཕྲག་ཚད་མ་མཆིས་པ་སྙེད་ཀྱི་འཁོར་བ་ཕྲ་མོ་ལས་ཡང་དག་པར་འདས་པར་གྱུར་ལགས་སོ། །དེ་སླན་
ཅད་གཟུངས་འདི་རྟག་པར་འདོན་ཅིང་ཡོངས་སུ་བཟུང་ནས་ནམ་དུ་ཡང་མི་བསྐྱུད་པར་བགྱིས་པའི་སླད་དུ་སྐྱེ་བ་ཐམས་ཅད་དུ་རྟག་པར་སངས་རྒྱས་རྣམས་ཀྱི་སྤྱན་སྔར་པད་མ་ལས་རྫུས་ཏེ་སྐྱེས་པས་མངལ་དུ་སྐྱེ་བའི་ལུས་
བླངས་པར་མ་གྱུར་ལགས་སོ། །དགེ་སློང་ངམ། དགེ་སློང་མའམ། དགེ་བསྙེན་ནམ། དགེ་བསྙེན་མའམ། ཁྱེའུ་འམ། བུ་མོ་གང་ལ་ལ་ཞིག་འདི་འདོན་ཅིང་ཡོངས་སུ་འཛིན་པར་འཚལ་བ་དེས་སེམས་ཅན་རྣམས་ལ་སྙིང་

106-1-171b

བརྩེ་བའི་སེམས་བསྐྱེད་ནས། དང་པོ་ཁོ་ནར་བདག་ལ་སྨོན་ལམ་འདི་སྐད་གདབ་པར་བགྱི་ལགས་སོ། །སྤྱན་རས་གཟིགས་དབང་ཐུགས་རྗེ་ཆེ་ལ་ཕྱག་འཚལ་ལོ། །བདག་གིས་ཆོས་རྣམས་ཐམས་ཅད་མྱུར་དུ་རྟོགས་
པར་ཤོག །སྤྱན་རས་གཟིགས་དབང་ཐུགས་རྗེ་ཆེ་ལ་ཕྱག་འཚལ་ལོ། །བདག་གིས་ཡེ་ཤེས་མིག་ནི་མྱུར་དུ་ཐོབ་པར་ཤོག །སྤྱན་རས་གཟིགས་དབང་ཐུགས་རྗེ་ཆེ་ལ་ཕྱག་འཚལ་ལོ། །བདག་གིས་སེམས་
ཅན་ཐམས་ཅད་མྱུར་དུ་སྒྲོལ་བར་ཤོག །སྤྱན་རས་གཟིགས་དབང་ཐུགས་རྗེ་ཆེ་ལ་ཕྱག་འཚལ་ལོ། །བདག་གིས་ཐབས་མཁས་པ་དག་མྱུར་དུ་ཐོབ་པར་ཤོག །སྤྱན་རས་གཟིགས་དབང་ཐུགས་རྗེ་ཆེ་ལ་ཕྱག་
འཚལ་ལོ། །བདག་ནི་མྱུར་དུ་ཤེས་རབ་གྲུ་ཡིས་སྒྲོལ་བར་ཤོག །སྤྱན་རས་གཟིགས་དབང་ཐུགས་རྗེ་ཆེ་ལ་ཕྱག་འཚལ་ལོ། །བདག་ནི་མྱུར་དུ་སྡུག་བསྔལ་མཚོ་ལས་འདའ་བར་ཤོག །སྤྱན་རས་གཟིགས་
དབང་ཐུགས་རྗེ་ཆེ་ལ་ཕྱག་འཚལ་ལོ། །བདག་གིས་མྱུར་དུ་ཚུལ་ཁྲིམས་རྐང་གི་ལམ་ཐོབ་ཤོག །སྤྱན་རས་གཟིགས་དབང་ཐུགས་རྗེ་ཆེ་ལ་ཕྱག་འཚལ་ལོ། །བདག་གིས་མྱུར་དུ་མྱ་ངན་འདའ་བའི་རི་འཛེག་ཤོག །
སྤྱན་རས་གཟིགས་དབང་ཐུགས་རྗེ་ཆེ་ལ་ཕྱག་འཚལ་ལོ། །བདག་གིས་མྱུར་དུ་འདུས་མ་བྱས་ཀྱི་ཁྱིམ་ཕྱིན་ཤོག །སྤྱན་རས་གཟིགས་དབང་ཐུགས་རྗེ་ཆེ་ལ་ཕྱག་འཚལ་ལོ། །བདག་ནི་མྱུར་དུ་ཆོས་ཉིད་སྐུ་དང་མཚུངས་
པར་ཤོག །བདག་ནི་རལ་གྲི་རི་ལ་འཛེག །རལ་གྲི་རི་ནི་རང་རྙིལ་ཤོག །བདག་ནི་ཆུ་ཚན་ཕྲད་གྱུར་ན། །ཆུ་ཚན་མེ་མུར་རང་ཞི་ཤོག །སེམས་ཅན་དམྱལ་བར་བདག་སོང་ན། །སེམས་ཅན་དམྱལ་བ་རང་སྐམས་ཤོག །
བདག་ནི་ཡི་དགས་གནས་སོང་ན། །བཀྲེས་སྐོམ་དག་ནི་འདྲངས་པར་ཤོག །བདག་ནི་ལྷ་མིན་གནས་སོང་ན། །ངན་སེམས་རང་ནི་དུལ་བར་ཤོག །བདག་ནི་དུད་འགྲོའི་གནས་ཕྱིན་ན། །རང་ཉིད་ཤེས་རབ་ཆེ་ཐོབ་

106-1-172a

ཤོག །དེ་སྐད་དུ་སྨོན་ལམ་བཏབ་ནས་སེམས་རྩེ་གཅིག་ཏུ་བདག་གི་མིང་ནས་འདོན་ཅིང་རྗེས་སུ་དྲན་པར་བགྱིའོ། །གཞན་ཡང་བདག་གི་སྟོན་པ་དེ་བཞིན་གཤེགས་པ་འོད་དཔག་མེད་རྗེས་སུ་དྲན་པར་བགྱིས་ན། 
དེའི་རྗེས་ལ་གཟུངས་སྔགས་འདི་མཚན་གཅིག་ལ་ལན་བདུན་ཚང་བར་འདོན་པར་བགྱིད་ན་བསྐལ་པ་འབུམ་ཕྲག་བརྒྱད་སྟོང་སྙེད་དུ་འཁོར་བར་འགྱུར་བའི་ཁ་ན་མ་ཐོ་བ་ལྕི་བ་རྣམས་ཡོངས་སུ་བསལ་ཅིང་འབྱུང་བར་འགྱུར་
ལགས་སོ། །བཅོམ་ལྡན་འདས་ལ་ཡང་འདི་སྐད་ཅེས་གསོལ་ཏོ། །བཅོམ་ལྡན་འདས་ལྷའམ་མི་གང་ལ་ལ་ཞིག་ཐུགས་རྗེ་ཆེན་པོའི་ཚིག་འདི་འདོན་ཅིང་འཛིན་པར་བགྱིད་ན་འཆི་བའི་དུས་ཀྱི་ཚེ་ཕྱོགས་བཅུའི་དེ་བཞིན་གཤེགས་
པ་རྣམས་དེར་གཤེགས་ནས་ཕྱག་རྐྱོང་བར་འགྱུར་བས། སངས་རྒྱས་ཀྱི་ཞིང་གང་དང་གང་དུ་སྐྱེ་བར་འཚལ་བ་ཅི་ལྟར་སྨོན་པ་བཞིན་དུ་དེ་དག་ཏུ་སྐྱེ་བར་འགྱུར་ལགས་སོ། །བཅོམ་ལྡན་འདས་ལ་ཡང་འདི་སྐད་ཅེས་གསོལ་ཏོ། །
བཅོམ་ལྡན་འདས་སེམས་ཅན་གང་ལ་ལ་ཞིག་ཐུགས་རྗེ་ཆེན་པོའི་རིག་སྔགས་འདི་འདོན་ཅིང་ཡོངས་སུ་འཛིན་པ་དག་གལ་ཏེ་ངན་འགྲོ་གསུམ་པོ་དག་ཏུ་ལྟུང་བར་གྱུར་ན་བདག་ནམ་ཡང་མངོན་བར་རྫོགས་པར་འཚང་རྒྱ་བར་མི་
བགྱིའོ། །ཐུགས་རྗེ་ཆེན་པོའི་རིག་སྔགས་འདོན་ཅིང་ཡོངས་སུ་འཛིན་པ་དག་གལ་ཏེ་སངས་རྒྱས་ཀྱི་ཞིང་ཁམས་རྣམས་སུ་སྐྱེ་བར་མ་གྱུར་ན་བདག་ནམ་ཡང་མངོན་བར་རྫོགས་པར་འཚང་རྒྱ་བར་མི་བགྱིའོ། །ཐུགས་རྗེ་ཆེན་པོའི་
རིག་སྔགས་འདོན་ཅིང་ཡོངས་སུ་འཛིན་པ་དག་གལ་ཏེ་ཏིང་ངེ་འཛིན་དང་སྤོབས་པ་ཚད་མ་མཆིས་པ་སྙེད་ཐོབ་པར་མ་གྱུར་ན་བདག་ནམ་ཡང་མངོན་བར་རྫོགས་པར་འཚང་རྒྱ་བར་མི་བགྱིའོ། །ཐུགས་རྗེ་ཆེན་པོའི་རིག་སྔགས་
འདོན་ཅིང་ཡོངས་སུ་འཛིན་པ་དག་གལ་ཏེ་ཚེ་འདི་ཉིད་ལ་སྨོན་པ་ཐམས་ཅད་ཇི་ལྟར་སྨོན་པ་བཞིན་དུ་གྲུབ་པར་མ་གྱུར་ན་སྙིང་རྗེ་ཆེན་པོའི་སེམས་ཀྱི་གཟུངས་ཞེས་མི་བགྱི་ལགས་ཏེ། མི་དགེ་བ་རྣམས་དང་།  སེམས་རྩེ་

106-1-172b

གཅིག་ཏུ་མ་བགྱིས་པ་ནི་མ་གཏོགས་ལགས་སོ། །བུད་མེད་གང་ལ་ལ་ཞིག་བུད་མེད་ཀྱི་ལུས་ཀྱིས་ཡོངས་སུ་སྐྱོ་ནས་སྐྱེས་པའི་ལུས་ཐོབ་པར་འཚལ་བ་གང་ལགས་པ་དེས་ཐུགས་རྗེ་ཆེན་པོའི་སེམས་ཀྱི་གཟུངས་ཀྱི་ཚིག་འདི་
འདོན་ཅིང་ཡོངས་སུ་བཟུང་བས་གལ་ཏེ་བུད་མེད་ཀྱི་དངོས་པོ་ལས་ཡོངས་སུ་གྱུར་ཏེ། སྐྱེས་པའི་ལུས་ཐོབ་པར་མ་གྱུར་ན་བདག་ནམ་ཡང་མངོན་བར་རྫོགས་པར་འཚང་རྒྱ་བར་མི་བགྱིའོ། །ཐེ་ཚོམ་གྱི་བསམ་པ་ཅུང་ཟད་ཅིག་
བསྐྱེད་པར་གྱུར་ན་གདོན་མི་འཚལ་བར་གང་སྨོན་པའི་འབྲས་བུ་དེ་མངོན་བར་འགྲུབ་པར་མི་འགྱུར་ལགས་སོ། །སེམས་ཅན་གང་ལ་ལ་ཞིག་དགེ་འདུན་གྱི་ཞལ་ཟས་དང་དཀོར་འཕྲོག་ཅིང་ཆུད་གསོན་པ་གང་ལགས་པ་
དེ་དག་ནི་སངས་རྒྱས་སྟོང་འཇིག་རྟེན་དུ་བྱུང་བ་དག་ལ་འགྱོད་པས་མཐོལ་ཞིང་བཤེགས་ན་ཡང་འབྱང་ཞིང་ཚངས་པར་མི་འགྱུར་མོད་ཀྱི། འོན་ཀྱང་ཐུགས་རྗེ་ཆེན་པོའི་རིག་སྔགས་འདི་བཏོན་པ་ཙམ་གྱིས་དེ་དག་ཡོངས་སུ་
འབྱང་བར་འགྱུར་བ་ལགས་ཏེ། དཀོན་མཆོག་གསུམ་གྱི་ཞལ་ཟས་དང་། དཀོན་མཆོག་གསུམ་གྱི་དཀོར་ནོར་འཕྲོག་ཅིང་ཆུད་གསོན་པ་དེ་དག་ནི་ཕྱོགས་བཅུའི་སྟོན་པ་རྣམས་མངོན་སུམ་དུ་གྱུར་པའི་སྤྱན་སྔར་བཤགས་ན་
གདོད་ཡོངས་སུ་འབྱང་བར་འགྱུར་ལགས་ལ། ཐུགས་རྗེ་ཆེན་པོའི་གཟུངས་འདི་འདོན་པའི་ཚེ་ཕྱོགས་བཅུའི་སྟོན་པ་རྣམས་དེར་གཤེགས་ནས་དབང་མཛད་པར་འགྱུར་བས་ཁ་ན་མ་ཐོ་བའི་སྒྲིབ་པ་དེ་དག་ཐམས་ཅད་ཀྱང་ཡོངས་
སུ་འབྱང་བར་འགྱུར། མི་དགེ་བ་བཅུ་དང་། མཚམས་མ་མཆིས་པ་ལྔ་དང་། གང་ཟག་ལ་སྐུར་པ་བཏབ་པ་དང་། ཆོས་ལ་སྐུར་པ་བཏབ་པ་དང་། གསོ་སྦྱོང་བཤིག་པ་དང་། ཚུལ་ཁྲིམས་བཤིག་པ་དང་། མཆོད་རྟེན་བཤིག་པ་དང་། 
གཙུག་ལག་ཁང་བཤིག་པ་ཐམས་ཅད་དང་། དགེ་འདུན་གྱི་དཀོར་བརྐུས་པ་དང་། ཡོངས་སུ་དག་པའི་ཚངས་པར་སྤྱོད་པ་སུན་པར་བགྱིས་པ་འདི་ལྟ་བུ་ལ་སོགས་པ་སྡིག་པའི་ལས་ལྕི་བ་ཐམས་ཅད་ཡོངས་སུ་འབྱང་བར་འགྱུར་

106-1-173a

འཆི་བ་རྣམ་པ་བཅྭ་ལྔ་པོ་འདི་དག་གིས་འཆི་བའི་དུས་བགྱིད་པར་མི་འགྱུར་ལགས་སོ། །དགེ་བའི་སྐྱེ་བ་རྣམ་པ་བཅྭ་ལྔ་པོ་ཐོབ་པར་འགྱུར་བ་འདི་ལྟ་སྟེ། སྐྱེ་བ་ཐམས་ཅད་དུ་རྒྱལ་པོ་དགེ་བ་དང་མཇལ་བར་འགྱུར་བ་དང་། རྟག་པར་ཡུལ་
དགེ་བར་སྐྱེ་བར་འགྱུར་བ་དང་། རྟག་པར་དུས་བཟང་པོ་དང་མཇལ་བར་འགྱུར་བ་དང་། རྟག་པར་དགེ་བའི་བཤེས་གཉེན་དང་མཇལ་བར་འགྱུར་བ་དང་། རྟག་པར་ལུས་ཀྱི་དབང་པོ་ཚང་བར་འགྱུར་བ་དང་། ལམ་གྱི་སེམས་ལ་གོམས་པར་
འགྱུར་བ་དང་། སྡོམ་པའི་ཚུལ་ཁྲིམས་ཉམས་པར་མི་བགྱིད་པ་དང་། འཁོར་རྣམས་དྲིན་གྱིས་འདྲེ་ཞིང་འདུམ་པར་འགྱུར་བ་དང་། འཚོ་བའི་ཡོ་བྱད་རྣམས་རྟག་པར་འབྱོར་ཅིང་ལྡན་པར་འགྱུར་བ་དང་། རྟག་པར་གཞན་གྱིས་
བཀུར་ཞིང་རིམ་གྲོ་བགྱིད་པར་འགྱུར་བ་དང་། ཡོ་བྱད་བདོག་པ་རྣམས་གཞན་གྱིས་འཕྲོག་པར་མི་འགྱུར་བ་དང་། ཡིད་ལ་སྨོན་པ་རྣམས་བསམ་པ་བཞིན་དུ་འགྲུབ་པར་འགྱུར་བ་དང་། ལྷ་དང་ཀླུ་དགེ་བ་རྣམས་ཀྱིས་རྟག་ཏུ་སྲུང་
ཞིང་ཡོངས་སུ་སྐྱོབ་པར་འགྱུར་བ་དང་། སྐྱེ་བ་ཐམས་ཅད་དུ་སངས་རྒྱས་མཐོང་ཞིང་ཆོས་ཐོས་པར་འགྱུར་བ་དང་། ཡང་དག་པའི་ཆོས་ཐོས་ནས་དོན་ཟབ་མོ་རྟོགས་པར་འགྱུར་བ་དག་ལགས་ཏེ། ལྷའམ་མི་གང་ལ་ལ་ཞིག་
ཐུགས་རྗེ་ཆེན་པོའི་སེམས་ཀྱི་གཟུངས་འདི་འདོན་ཅིང་ཡོངས་སུ་འཛིན་པར་བགྱིད་པ་གང་ལགས་པ་དེ་དག་ནི་དགེ་བའི་སྐྱེ་བ་རྣམ་པ་བཅྭ་ལྔ་པོ་འདི་དག་ཐོབ་པར་འགྱུར་བས། ལྷ་དང་མི་ཐམས་ཅད་ཀྱིས་རྟག་པར་བཏོན་ནས་ཡོངས་
སུ་གཟུང་བར་བགྱི་སྟེ་ལེ་ལོ་བསྐྱེད་པར་མི་བགྱིའོ། །བྱང་ཆུབ་སེམས་དཔའ་སྤྱན་རས་གཟིགས་དབང་ཕྱུག་གིས་དེ་སྐད་ཅེས་སྨྲས་ནས། འཁོར་འདུས་པའི་མདུན་དུ་ཐལ་མོ་སྦྱར་ཏེ་དྲང་པོར་འདུག་ནས་སེམས་ཅན་རྣམས་
ལ་སྙིང་རྗེ་ཆེན་པོའི་སེམས་བསྐྱེད་དེ། འཛུམ་པའི་མདངས་ཀྱིས་ཐོགས་པ་མི་མངའ་བའི་ཐུགས་རྗེ་ཆེན་པོའི་སེམས་རྒྱ་ཆེར་ཡོངས་སུ་རྫོགས་པ་ཞེས་བྱ་བའི་གཟུངས་ཀྱི་ཚིག་གྱ་ནོམ་པ་འདི་དག་སྨྲས་སོ། །ན་མོ་རད་ན་ཏྲ་ཡཱ་

106-1-173b

ལགས་སོ། །རིག་སྔགས་འདི་ལ་ཐེ་ཚོམ་འཚལ་བའི་དངོས་པོ་གཅིག་ནི་མ་གཏོགས་ཏེ། ཐེ་ཚོམ་འཚལ་བར་གྱུར་ན་ཐ་ན་ཁ་ན་མ་ཐོ་བ་ཆུང་ངུའི་ལས་ཡང་བ་ཙམ་ཡང་ཡོངས་སུ་འབྱང་བར་མི་འགྱུར་ན་ཁ་ན་མ་ཐོ་བ་ལྕི་བ་ལྟ་
སྨོས་ཀྱང་ཅི་འཚལ་ལགས། ཁ་ན་མ་ཐོ་བ་ལྕི་བ་དག་ཡོངས་སུ་འབྱང་བར་མི་འགྱུར་མོད་ཀྱི། འོན་ཀྱང་བྱང་ཆུབ་ཀྱི་རིང་བའི་རྒྱུ་ནི་བགྱིད་པར་འགྱུར་ལགས་སོ། །བཅོམ་ལྡན་འདས་ལ་ཡང་འདི་སྐད་ཅེས་གསོལ་ཏོ། །བཅོམ་ལྡན་འདས་
ལྷ་དང་མི་གང་ལ་ལ་ཞིག་ཐུགས་རྗེ་ཆེན་པོའི་སེམས་ཀྱི་རིག་སྔགས་འདི་འདོན་ཅིང་འཛིན་པ་དེ་དག་ནི་དགེ་བའི་སྐྱེ་བ་རྣམ་པ་བཅྭ་ལྔ་འཐོབ་པར་འགྱུར་ཞིང་གཤིས་ངན་དུ་འཆི་བ་རྣམ་པ་བཅྭ་ལྔར་ལེན་པར་མི་འགྱུར་ལགས་
སོ། །གཤིས་ངན་དུ་འཆི་བར་མི་འགྱུར་བ་དེ་ཡང་འདི་ལྟ་སྟེ། གང་ཟག་དེ་བཀྲེས་པས་ཉོན་མོངས་ཏེ་འཆི་བར་མི་འགྱུར་བ་དང་། མཚོན་ཆ་དང་ལྕག་དབྱུག་གིས་འཆི་བར་མི་འགྱུར་བ་དང་། ཁོན་མཆིས་པའི་དགྲའི་སུག་པར་འཆི་བར་མི་
འགྱུར་བ་དང་། གཡུལ་ངོར་འཆི་བར་མི་འགྱུར་བ་དང་། སྟག་དང་སྤྱང་ཀི་དང་གཅན་ཟན་མ་རུངས་པའི་ཁར་འཆི་བར་མི་འགྱུར་བ་དང་། སྦྲུལ་གདུག་པ་དང་རྩངས་པ་དང་སྡིག་པའི་ཁར་འཆི་བར་མི་འགྱུར་བ་དང་། ཆབ་དང་ཞུགས་ཀྱི་
ནང་དུ་འབྱིང་ཞིང་ཚིག་སྟེ་འཆི་བར་མི་འགྱུར་བ་དང་། དུག་གིས་འཆི་བར་མི་འགྱུར་བ་དང་། བྱད་སྟེམས་ཀྱིས་འཆི་བའི་དུས་བགྱིད་པར་མི་འགྱུར་བ་དང་། སྨྱོས་ནས་དྲན་པ་ཉམས་ཏེ་འཆི་བར་མི་འགྱུར་བ་དང་། རི་དང་ལྗོན་ཤིང་དང་ངམ་གྲོག་དང་གཡང་ས་
ནས་ལྷུང་སྟེ་འཆི་བར་མི་འགྱུར་བ་དང་། མི་མ་རུངས་པའི་བྱད་ཀྱིས་འཆི་བར་མི་འགྱུར་བ་དང་། ལོག་པའི་འདྲེ་གདོན་མ་རུངས་པས་གླགས་རྙེད་དེ་འཆི་བའི་དུས་བགྱིད་པར་མི་འགྱུར་བ་དང་། ནད་ངན་པས་ལུས་ལ་དཀྲིས་ཏེ་འཆི་བའི་དུས་བགྱིད་པར་མི་
འགྱུར་བ་དང་། ཆ་མ་ལགས་པས་བདག་ཉིད་ལ་གནོད་པ་བགྱིས་ཏེ་འཆི་བའི་དུས་བགྱིད་པར་མི་འགྱུར་བ་དག་ལགས་ཏེ། ཐུགས་རྗེ་ཆེན་པོའི་རིག་སྔགས་འདི་འདོན་ཅིང་ཡོངས་སུ་འཛིན་པར་བགྱིད་པ་དེ་དག་ནི་གཤིས་ངན་དུ་

106-1-174a

ཡ། ན་མ་ཨཱ་བ་ལོ་ཀི་ཏེ་ཤྭ་རཱ་ཡ། བོ་དྷི་སཏྭཱ་ཡ། མ་ཧཱ་སཏྭཱ་ཡ། མ་ཧཱ་ཀ་རུ་ཎི་ཀཱ་ཡ། ཏདྱ་ཐཱ། ཨོཾ་སརྦ་བན་དྷ་ན་ཙྪེ་ད་ན་ཀ་རཱ་ཡ། སརྦ་བྷ་པ་ས་མུ་དྲོ་ཚོ་ཤ་ན་ཀ་རཱ་ཡ། སརྦ་བྷྱ་ཏི་པྲ་ཤ་མ་ན་ཀ་རཱ་ཡ། སརྦ་ཨི་ཏྱུ་པ་
དྲ་བི་ཤ་རཱ་ཡ། སརྦ་བྷ་ཡཱ་ཏྟཱ་རཱ་ཎ་ཀ་རཱ་ཡ་ཏ་སྱ། ན་མ་སྐྲི་ཏྭ་ཨི་དྃ་ཨཱརྱཱ་བ་ལོ་ཀི་ཏེ་ཤྭ་རཱ་ཡ། ཏ་བ་ཎཱི་ལ་ཀཎྛ་ནཱ་མ་པ་ར་མ་ཧྲི་ད་ཡ། མ་བརྟ་ཡི་ཤ་མི། སརྦཱརྠ་སཱ་དྷ་ནཱྃ། ཤུ་བྷྃ་ཨ་ཛེ་ནཱཾ། སརྦ་བྷཱུ་ཏ་ནཱྃ། པཱ་བྷ་བ་མཱརྒ་བི་ཤོ་
དྷ་ཀཾ། ཏདྱ་ཐཱ། ཨཱ་ལོ་ཀེ། ཨ་དྷི་པ་ཏི། ལོ་ཀ་ཨ་ཏི་ཀྲཱན་ཏེ། དཱ་ཧ་རེ་མ་ཧཱ་བོ་དྷི་སཏྭ། ཧེ་བོ་དྷི་སཏྭ། ཧེ་མ་ཧཱ་བོ་དྷི་སཏྭ། ཧེ་པྲི་ཡ་བོ་དྷི་སཏྭ། ཧེ་ཀ་རུ་ཎི་ཀརྨ་ར་ཧྲི་ད་ཡན། ཨེ་ཧི་ཧ་རེ་ཨཱརྱཱ་བ་ལོ་ཀི་ཏེ་ཤྭ་རཱ་ཡ། བ་ར་མ་མཻ་ཏྲི་ཙིད་ཏ་ཀ་
རུ་ཎི་ཀ་ཀུ་རུ་ཀུ་རུ། ཀརྨ་ས་དྷཱ་ཡ་ས་དྷཱ་ཡ། བི་དྱཱ་ན་དེ་ཧི་དེ་ཧི། མེ་པ་ཨ་རྃ་ག་མྃ་ག་མ་བི་ཧྃ་ག་མ། སིད་དྷ་ཡོ་གི་ཤྭ་ར་དྷུ་རུ་དྷུ་རུ་ཧུ་བི་ཛ་ཡན་ཏི་མ་ཧཱ་བི་ཛ་ཡན་ཏི།  དྷ་ར་དྷ་ར་དྷ་རེན་དྲི་ཤྭ་ར། ཙ་ལ་ཙ་ལ་བི་མ་ལ། མཱུར་ཏེ་ཨཱརྱཱ་བ་ལོ་ཀི་
ཏེ་ཤྭ་ར། ཛི་ན་ཀྲིཥྞ་ཛ་ཊ་མ་ཀུ་ཊ། ཨ་ལྃ་ཀྲི་ཏ་ཤ་རཱི་ར། ལྃ་བ།  པྲ་ལྃ་བ།  བི་ལྃ་བ། མ་ཧཱ་སིད་དྷ་བིདྷ་དྷ་ར། བ་ལ་བ་ལ་མ་ཧཱ་བ་ལ། མ་ལ་མ་ལ་མ་ཧཱ་མ་ལ། ཙ་ལ་ཙ་ལ་མ་ཧཱ་ཙ་ལ། ཀྲིཥྞ་བརྣ། ཀྲིཥྞ་བཀྵ། ཀྲིཥྞ་པཱ་ཤ ། ནི་ན་
ཧེ་པད་མ་ཧསྟ། ཙ་ར་ཙ་ར་ནིཤྩ་རེ།  ཤྭ་ར་ཀྲིཥྞ་ས་ཀྲི་ཏ་ཡ་ཛྙོ་པ་བཱིརྟ། ཨེ་ཧྱེ་ཧི་མ་ཧཱ་བ་རཱ་ཧ་མུ་ཁ་ཏྲི་པུ་རད་ཧ་ནེ་ཤྭ་ར། ནཱ་རཱ་ཡ་ཎ་བ་ལ་རཱུ་པ་བེ་ཤ་དྷ་རི། ཧེ་ནཱི་ལ་ཀཎ་ཋ།  ཨེ་ཧྱེ་ཧི། མ་ཧཱ་ཧ་ལ་ཧ་ལ་བི་ཥ་ནིར་ཛི་ཏ། ལོ་ཀ་སྱ། རཱ་ག་བི་
ཥ་བི་ནཱ་ཤ་ནྃ། དྭེ་ཥ་བི་ཥ་བི་ནཱ་ཤ་ནྃ། མོ་ཧ་བི་ཥ་བི་ནཱ་ཤ་ནྃ། ནི་མོ་ཀྵ་ན་ཧུ་ལུ་ཧུ་ལུ། རཱ་ཧུ་ལ་རཱ་ཧུ་ལ། ཧ་ལཱ་རེ་ཧཱ་རེ་མ་ཧཱ་པད་མ་ནཱ་བྷ། ས་ར་ས་ར། སི་རི་སི་རི། སུ་རུ་སུ་རུ། བུད་དྷྱ་བུད་དྷྱ། བོ་དྷ་ཡ་བོ་དྷ་ཡ། བོ་དྷ་ཡ་མི་ཏེ་ནཱི་ལ་ཀཎ་ཋ། 
ཨེ་ཧྱེ་ཧི་ནཱི་ལ་ཀཎ་ཋ། ཨེ་ཧྱེ་ཧི་བཱི་མ་སྠི་ཏ་མ་ཧཱ་སི་ཧ་མུ་ཁ། ཧ་ས་ཧ་ས་མུཉྩ་མུཉྩ་མ་ཧཱ་ཏད་ཊ་ཧ་སྱ། ཨེ་ཧྱེ་ཧི་བྷོ་བྷོ་མ་ཧཱ་སིད་དྷ་ཡོ་གཱི་ཤྭ་ར་བྷ་ཎ་བྷ་ཎ་བཱ་ཙ།  སཱ་དྷ་ཡ་སཱ་དྷ་ཡ། བི་དྷྭ་སྨ་ར་སྨ་ར་ཏན།  བྷ་ག་བན་ཏ་ལོ་ཀ་བི་ལོ་ཀཱི་ཏན།  

106-1-174b

ཏ་ཐཱ་ག་ཏཱ་ནཱྃ།  ད་ཌཱ་ཧི་མེ་ད་ཤ་ན་ཀཱ་མ་ས་དར་ཤ་ནཱྃ། པྲ་ཧ་ད་ཡ་མཱན་སྭཱ་ཧཱ། སིད་དྷཱ་ཡ་སྭཱ་ཧཱ། མ་ཧཱ་སིད་དྷཱ་ཡ་སྭཱ་ཧཱ། སིད་དྷ་ཡོ་གི་ཤྭ་རཱ་ཡ་སྭཱ་ཧཱ། ནཱི་ལ་ཀཎ་ཋཱ་ཡ་སྭཱ་ཧཱ། བ་རཱ་ཧ་མུ་ཁཱ་ཡ་སྭཱ་ཧཱ། མ་ཧཱ་བ་རཱ་མུ་ཁཱ་ཡ་སྭཱ་ཧཱ། ན་ད་སིཾ་ཧ་མུ་
ཁཱ་ཡ་སྭཱ་ཧཱ། མ་ཧཱ་ན་དཱ་སིཾ་ཧ་མུ་ཁཱ་ཡ་སྭཱ་ཧཱ། བཛྲ་ཧསྟཱ་ཡ་སྭཱ་ཧཱ། མ་ཧཱ་བཛྲ་ཧསྟཱ་ཡ་སྭཱ་ཧཱ། སིད་དྷ་བིདྱཱ་དྷ་རཱ་ཡ་སྭཱ་ཧཱ། མ་ཧཱ་སིད་དྷ་བིདྱཱ་དྷ་རཱ་ཡ་སྭཱ་ཧཱ། པད་མ་ཧསྟཱ་ཡ་སྭཱ་ཧཱ། མ་ཧཱ་པད་མ་ཧསྟཱ་ཡ་སྭཱ་ཧཱ། ཀྲིཥྞ་སརྦ་ཀྲི་ཏ་ཡ་ཛྙོ་པ་
བི་ཏཱ་ཡ་སྭཱ་ཧཱ། མ་ཧཱ་མཱ་ལ་མུ་ཀུ་ཊ་དྷ་རཱ་ཡ་སྭཱ་ཧཱ། ཙཀྲཱ་ཡུ་དྷ་རཱ་ཡ་སྭཱ་ཧཱ། ཤྃ་ཁ་ཤབ་བ་ད་ནི་བོ་དྷ་ནཱ་ཡ་སྭཱ་ཧཱ། བཱ་མ་སྐན་དྷ་དེ་ཤ་སྠི་ཏ་ཀྲིཥྞཱ་རེ་ཛི་ནཱ་ཡ་སྭཱ་ཧཱ། བཱ་མ་ཧསྟ་བྱཱ་གྷྲ་ཙར་མ་ནི་བཱ་པ་ནཱ་ཡ་སྭཱ་ཧཱ། ལོ་ཀེ་ཤྭ་རཱ་ཡ་སྭཱ་ཧཱ། མ་ཧཱ་
ལོ་ཀེ་ཤྭ་རཱ་ཡ་སྭཱ་ཧཱ། སརྦ་སིད་དྷེ་ཤྭ་རཱ་ཡ་སྭཱ་ཧཱ། རཀྵ་རཀྵ་མཱྃ་སྭཱ་ཧཱ། ཀུ་རུ་རཀྵ་མུ་དྲ་ནཱྃ་སྭཱ་ཧཱ། ན་མོ་བྷ་ག་བ་ཏེ་ཨཱརྱཱ་བ་ལོ་ཀི་ཏེ་ཤྭ་རཱ་ཡ། བོ་དྷི་སཏྭཱ་ཡ། མ་ཧཱ་སཏྭཱ་ཡ། མ་ཧཱ་ཀཱ་རུ་ཎི་ཀཱ་ཡ། སིད་དྷྱན་ཏུ་མེ་མན་ཏྲ་པཱ་ད་ནི་སྭཱ་ཧཱ། 
བྱང་ཆུབ་སེམས་དཔའ་སེམས་དཔའ་ཆེན་པོ་འཕགས་པ་སྤྱན་རས་གཟིགས་དབང་ཕྱུག་གིས་རིག་སྔགས་འདི་སྨྲས་མ་ཐག་ཏུ་ས་ཆེན་པོ་ཡང་རྣམ་པ་དྲུག་ཏུ་རབ་ཏུ་གཡོས་པར་གྱུར། ལྷ་རྣམས་ཀྱིས་ཀྱང་རིན་པོ་ཆེའི་མེ་ཏོག་གི་ཆར་
མངོན་བར་ཕབ་པར་གྱུར། ཕྱོགས་བཅུའི་སངས་རྒྱས་རྣམས་ཀྱིས་ཀྱང་རྗེས་སུ་ཐུགས་དགྱེས་པར་གྱུར། ལྷའི་བུའི་བདུད་དང་མུ་སྟེགས་ཅན་རྣམས་ནི་འཇིགས་ཤིང་དངངས་ནས་སྤུ་ཟིང་ཞེས་བྱེད་པར་གྱུར། འཁོར་འདུས་
པ་མང་པོ་ཐམས་ཅད་ལས་ཁ་ཅིག་གིས་ནི་རྒྱུན་དུ་ཞུགས་པའི་འབྲས་བུ་ཐོབ་པར་གྱུར། ཁ་ཅིག་གིས་ནི་ལན་ཅིག་ཕྱིར་འོང་བའི་འབྲས་བུ་ཐོབ་པར་གྱུར། ཁ་ཅིག་གིས་ནི་ཕྱིར་མི་འོང་བའི་འབྲས་བུ་ཐོབ་པར་གྱུར། ཁ་ཅིག་
གིས་ནི་དགྲ་བཅོམ་པའི་འབྲས་བུ་ཐོབ་པར་གྱུར། ཁ་ཅིག་གིས་ནི་ས་དང་པོ་དང་ས་གཉིས་པ་དང་ས་གསུམ་པ་དང་ས་བཞི་པ་དང་ས་ལྔ་པ་ཐོབ་པ་ནས་ས་བཅུའི་བར་དུ་ཐོབ་པར་གྱུར། སེམས་ཅན་ཚད་མེད་པ་སྙེད་ནི་བྱང་ཆུབ་ཏུ་

106-1-175a

སེམས་བསྐྱེད་པར་གྱུར་ཏོ། །དེ་ནས་ཚངས་པ་ཆེན་པོ་སྟན་ལས་ལངས་ཏེ། གོས་ཚགས་བཅོས་ནས་གུས་པར་ཐལ་མོ་སྦྱར་ཏེ། བྱང་ཆུབ་སེམས་དཔའ་སེམས་དཔའ་ཆེན་པོ་སྤྱན་རས་གཟིགས་དབང་ཕྱུག་ལ་འདི་སྐད་
ཅེས་སྨྲས་སོ། །ཀྱེ་སྐྱེས་བུ་ཆེན་པོ་ལེགས་སོ། །བདག་གིས་སྔོན་འདས་པའི་དུས་ན་དེ་བཞིན་གཤེགས་པའི་འདུས་པ་ཚད་མེད་པ་སྙེད་དག་ཏུ་ཆོས་རྣམ་པ་སྣ་ཚོགས་དང་། གཟུངས་རྣམ་པ་སྣ་ཚོགས་ཐོས་པར་གྱུར་མོད་ཀྱི། སྔོན་
ཆད་ནམ་ཡང་ཐོགས་པ་མི་མངའི་ཐུགས་རྗེ་ཆེན་པོའི་སེམས་ཀྱི་གཟུངས་ཆེན་མོའི་རིག་སྔགས་ཀྱི་ཚིག་གྱ་ནོམ་པ་འདི་ལྟ་བུ་ཐོས་པར་མ་གྱུར་ན། སྐྱེས་བུ་ཆེན་པོ་ཁྱོད་ཀྱིས་བདག་ལ་གཟུངས་འདིའི་དབྱིངས་ཀྱི་མཚན་ཉིད་རྒྱ་ཆེར་
བཤད་དུ་གསོལ། བདག་ཅག་འཁོར་མང་པོ་རྣམས་ཤིན་དུ་ཐོས་པར་མོས་སོ། །བྱང་ཆུབ་སེམས་དཔའ་སྤྱན་རས་གཟིགས་དབང་ཕྱུག་གིས་ཚངས་པ་ཆེན་པོ་ལ་སྨྲས་པ། ལྷའི་རྒྱལ་པོ་ཁྱོད་ཐབས་མཁས་པས་སེམས་
ཅན་ཐམས་ཅད་ལ་ཕན་གདགས་པའི་ཕྱིར་དེ་སྐད་དུ་དྲིས་པ་ཡིན་པས། དེང་ཁྱོད་ལེགས་པར་ཉོན་ཅིག་དང་བདག་གིས་ཁྱོད་ལ་མདོ་ཙམ་ཞིག་བཤད་པར་བྱའོ། །བྱང་ཆུབ་སེམས་དཔའ་སྤྱན་རས་གཟིགས་དབང་ཕྱུག་
གིས་སྨྲས་པ། དེ་ནི་སྙིང་རྗེ་ཆེན་པོའི་སེམས་ཡིན། མཉམ་པའི་སེམས་ཡིན། འདུས་མ་བྱས་ཀྱི་སེམས་ཡིན། མངོན་པར་ཞེན་པ་མེད་པའི་སེམས་ཡིན། སྟོང་པ་ཉིད་དུ་ལྟ་བའི་སེམས་ཡིན། གུས་པའི་སེམས་ཡིན། 
དམ་པའི་སེམས་ཡིན། འདྲེས་པ་མེད་པའི་སེམས་ཡིན། བླ་ན་མེད་པའི་བྱང་ཆུབ་ཀྱི་སེམས་ཡིན་ཏེ། དེ་ལྟ་བུའི་སེམས་གང་ཡིན་པ་དེ་དག་ནི་གཟུངས་ཀྱི་མཚན་ཉིད་ཡིན་པར་རིག་པར་བྱ་སྟེ། ཁྱོད་ཀྱིས་འདི་ཁོ་ན་བཞིན་དུ་
མངོན་བར་བསྒྲུབ་པར་བྱའོ། །ཚངས་པའི་རྒྱལ་པོ་ཆེན་པོས་སྨྲས་པ། བདག་ཅག་འཁོར་མང་པོ་རྣམས་ནི་དེང་གདོད་གཟུངས་འདིའི་མཚན་ཉིད་གང་ཡིན་པ་ཁོང་དུ་ཆུད་པར་གྱུར་པས་དེང་ཕྱིན་ཆད་ཡོངས་སུ་བཟུང་ནས་བརྗེད་པར་བགྱིད་

106-1-175b

པའི་ཐུགས་མི་ཐུབ་བོ། །འཕགས་པ་སྤྱན་རས་གཟིགས་དབང་ཕྱུག་གིས་སྨྲས་པ། རིགས་ཀྱི་བུའམ། རིགས་ཀྱི་བུ་མོ་གང་ལ་ལ་ཞིག་རིག་སྔགས་འདི་འདོན་ཅིང་ཡོངས་སུ་འཛིན་པ་གང་ཡིན་པ་དེས་བྱང་ཆུབ་ཀྱི་
སེམས་རྒྱ་ཆེན་པོ་བསྐྱེད་ནས། སེམས་ཅན་ཐམས་ཅད་ཡོངས་སུ་མྱ་ངན་ལས་བཟླ་བར་དམ་པ་ཡང་དག་པར་བླང་བར་བྱའོ། །བདག་ཉིད་གསོ་སྦྱོང་དང་ཚུལ་ཁྲིམས་ལ་གནས་ནས་སེམས་ཅན་རྣམས་ལ་མཉམ་པའི་སེམས་བསྐྱེད་
དེ། རྟག་པར་རིག་སྔགས་འདི་རྒྱུན་ཆད་པ་མེད་པར་གདོན་པར་བྱའོ། །གནས་ཁང་གཙང་མའི་ནང་དུ་འདུག་སྟེ། ཡོངས་སུ་དག་པར་ཁྲུས་བྱས་ནས་གོས་གཙང་མ་བགོས་ཏེ། བ་དན་སྤྱངས་མར་མེ་སྦར་ཏེ། སྤོས་དང་། མེ་ཏོག་
དང་། ཞལ་ཟས་ཀྱི་མཆོད་པ་བྱས་ནས་སེམས་རྩེ་གཅིག་ཏུ་གཏད་དེ། དམིགས་པ་ཐ་དད་པ་གཞན་ལ་མི་དམིགས་པར་ཆོས་བཞིན་དུ་འདོན་ཅིང་ཡོངས་སུ་འཛིན་པར་བྱེད་ན། དེའི་ཚེ་བྱང་ཆུབ་སེམས་དཔའ་ཉི་འོད་
དང་། བྱང་ཆུབ་སེམས་དཔའ་ཟླ་འོད་ལྷ་དང་། དྲང་སྲོང་ཚད་མེད་པ་སྙེད་དང་དེར་ལྷགས་ནས་དབང་བྱེད་ཅིང་མངོན་རྟགས་ཀྱང་སྟོན་པར་གྱུར་ལ། བདག་ཀྱང་དེའི་ཚེ་མིག་སྟོང་གིས་དེ་ལ་ལྟ་བར་
བྱེད། ལག་པ་སྟོང་གིས་ནི་དེ་ལ་ཡོངས་སུ་སྲུང་ཞིང་བྱིན་གྱིས་རློབ་པར་བྱེད་པས་འཇིག་རྟེན་པའི་གཙུག་ལག་ཇི་སྙེད་པ་དེ་དག་ཀྱང་ཡོངས་སུ་འཛིན་པར་འགྱུར། མུ་སྟེགས་ཅན་གྱི་ཆོས་ཀྱི་ཆོ་ག་དང་། སྨྲ་བ་ཇི་སྙེད་པ་
ཐམས་ཅད་ཀྱང་རྟོགས་ཤིང་ཁོང་དུ་ཆུད་པར་འགྱུར་རོ། །རིག་སྔགས་འདི་འདོན་ཅིང་ཡོངས་སུ་འཛིན་པར་བྱེད་པ་གང་ཡིན་པ་དེས་ནི་འཇིག་རྟེན་ན་གདོན་ནད་རྣམ་པ་བརྒྱད་ཁྲི་བཞི་སྟོང་ཡོད་པ་དག་གསོས་ནས་འཚོ་བར་བྱེད་དོ། །
འདྲེ་སྲིན་ཐམས་ཅད་ལ་དབང་བྱེད་ཅིང་ལྷའི་བུའི་བདུད་རྣམས་ཀྱང་འདུལ་བར་བྱེད། མུ་སྟེགས་ཅན་རྣམས་ཀྱང་ཚར་གཅོད་པར་བྱེད་དོ། །གལ་ཏེ་རིའམ་དགོན་པ་ན་གནས་ཏེ་མདོ་སྡེ་ཁ་ཏོན་དུ་འདོན་པ་དང་བསམ་གཏན་

106-1-176a

སྒོམ་པ་ན་རིའི་ལྷ་དང་། འདྲེ་སྲིན་གནོད་པ་བྱེད་པ་དག་ནན་གྱིས་རྐྱལ་ཀ་བྱས་ནས་སེམས་མཉམ་པར་གཞག་ཏུ་མ་རུང་བར་གྱུར་ན། རིག་སྔགས་འདི་ལན་ཅིག་བཟླས་པ་བྱས་ན་འདྲེ་སྲིན་དེ་དག་ཐམས་ཅད་འཆི་བར་འགྱུར་རོ། །
གལ་ཏེ་ཆོས་བཞིན་དུ་བཟླས་བརྗོད་བྱས་ཏེ། སེམས་ཅན་རྣམས་ལ་སྙིང་བརྩེ་བའི་སེམས་བསྐྱེད་པར་གྱུར་ན། བདག་ཀྱང་དེའི་ཚེ་དགེ་བའི་ལྷ་དང་། ཀླུའི་རྒྱལ་པོ་ཐམས་ཅད་དང་། ལག་ན་རྡོ་རྗེ་གསང་བ་པ་རྣམས་ལ་རྟག་པར་
དེའི་རྗེས་སུ་འབྲང་ཞིང་ཡོངས་སུ་སྲུང་བ་གྱིས་ཤིག  །དེའི་ཉེ་འཁོར་ན་གནས་ནས་མིག་གི་འབྲས་བུ་བཞིན་དུ་ཡོངས་སུ་སྲུངས་ཤིག  །རང་གི་སྲོག་གི་དབང་པོ་བཞིན་དུ་སྐྱོབས་ཤིག་ཅེས་བསྒོ་བར་འགྱུར་རོ། །གང་དག་ལ་
བསྒོ་བར་བྱེད་པ་བསྟན་པའི་ཕྱིར་ཚིགས་སུ་བཅད་དེ་སྨྲས་པ། །བདག་གིས་གསང་བའི་བདག་པོ་རྡོ་རྗེ་འཆང་། །བདུད་རྩི་འཁྱིལ་པ་སྨེ་བརྩེགས་ལྕགས་ཀྱུ་ཅན། །སྟོབས་ལྡན་ཤང་ཀ་ར་དང་སྡེ་བརྒྱད་དག  ། བཏང་ནས་རྟག་
ཏུ་གཟུངས་འཛིན་སྲུང་བར་བྱེད། །བདག་གིས་དབང་ཕྱུག་དང་ནི་མཐུ་ཆེན་དང་། །ཀུ་བེ་ར་དང་སེར་སྐྱའི་བདག་པོ་དག  །བཏང་ནས་རྟག་ཏུ་གཟུངས་འཛིན་སྲུང་བར་བྱེད། །བདག་གིས་ནོར་སྲུང་དང་ནི་ཆུ་ལྷ་དང་། །དགེ་རྒྱས་དང་ནི་
པ་རི་ཙི་ཏྲ་དག །བཏང་ནས་རྟག་ཏུ་གཟུངས་འཛིན་སྲུང་བར་བྱེད། །བདག་གིས་ས་སར་ཙ་དང་མ་ཧཱ་ར། །ཀུ་ལན་ཏན་ཏ་དང་ནི་ལྔས་རྩེན་དག །བཏང་ནས་རྟག་ཏུ་གཟུངས་འཛིན་སྲུང་བར་བྱེད། །བདག་གིས་པི་པ་ཀ་ལའི་
རྒྱལ་པོ་དང་། །དཔལ་ལྡན་བྱི་ཏ་དང་ནི་སར་ཧྭཱ་རཱ། །བཏང་ནས་རྟག་ཏུ་གཟུངས་འཛིན་སྲུང་བར་བྱེད། །བདག་གིས་ཚངས་པ་དང་ནི་སམ་བ་ར། །གནས་གཙང་སྡེ་ལྔ་དག་དང་མཚེ་མ་དག །བཏང་ནས་རྟག་ཏུ་གཟུངས་འཛིན་
སྲུང་བར་བྱེད། །བདག་གིས་བརྒྱ་བྱིན་སུམ་བཅུ་རྩ་གསུམ་ལྷ། །སྤོབས་ཆེན་དཔལ་ལྡན་དང་ནི་ས་ཏ་ན། །བཏང་ནས་རྟག་ཏུ་གཟུངས་འཛིན་སྲུང་བར་བྱེད། །བདག་གིས་རྒྱལ་པོ་ཡུལ་འཁོར་བསྲུང་དང་ནི། །མ་མོ་ལྷ་ལ་སོགས་

106-1-176b

པ་མཐུ་ཆེན་འཁོར། །བཏང་ནས་རྟག་ཏུ་གཟུངས་འཛིན་སྲུང་བར་བྱེད། །བདག་གིས་རྒྱལ་པོ་འཕགས་སྐྱེས་པོ་དང་ནི། །མིག་མི་བཟང་དང་རྣམ་ཐོས་བུ་དག་ཀྱང་། །བཏང་ནས་རྟག་ཏུ་གཟུངས་འཛིན་སྲུང་བར་བྱེད། །བདག་གིས་
གསེར་མདོག་རྨ་བྱའི་རྒྱལ་པོ་དང་། །སྡེ་དཔོན་ཉི་ཤུ་བརྒྱད་དང་དྲང་སྲོང་འཁོར། །བཏང་ནས་རྟག་ཏུ་གཟུངས་འཛིན་སྲུང་བར་བྱེད། །བདག་གིས་ནོར་བུ་བཟང་པོ་དག་དང་ནི། །སྡེ་དཔོན་ཆེན་པོ་ས་འཛིན་པུ་ལ་པ། །བཏང་ནས་རྟག་
ཏུ་གཟུངས་འཛིན་སྲུང་བར་བྱེད། །བདག་གིས་དགའ་བོ་དང་ནི་བསྙེན་དགའ་བོ། །ཀླུ་རྒྱལ་རྒྱ་མཚོ་དང་ནི་ཨེ་ལའི་འདབ། །བཏང་ནས་རྟག་ཏུ་གཟུངས་འཛིན་སྲུང་བར་བྱེད། །བདག་གིས་ལྷ་མ་ཡིན་དང་དྲི་ཟ་དང་། །མཁའ་ལྡིང་མིའམ་
ཅི་དང་ལྟོ་འཕྱེ་རྣམས། །བཏང་ནས་རྟག་ཏུ་གཟུངས་འཛིན་སྲུང་བར་བྱེད། །བདག་གིས་ཆུ་དང་མེ་དང་གློག་གི་ལྷ། །གྲུལ་བུམ་བདག་པོ་དང་ནི་ཤ་ཟ་དག །བཏང་ནས་རྟག་ཏུ་གཟུངས་འཛིན་སྲུང་བར་བྱེད། །དགེ་བའི་ལྷ་དེ་དག་
དང་ཀླུའི་རྒྱལ་པོ་དང་མ་མོ་ལ་སོགས་པ་དེ་དག་ཀྱང་སོ་སོ་ནས་འཁོར་ལྔ་བརྒྱ་དང་བཅས་པ་དང་། མཐུ་ཆེན་པོ་དང་ལྡན་པའི་གནོད་སྦྱིན་དག་གིས་ཀྱང་རྟག་པར་ཐུགས་རྗེ་ཆེན་པོའི་རིག་སྔགས་འདོན་ཅིང་ཡོངས་སུ་འཛིན་པ་དེ་
ལ་ཡོངས་སུ་སྲུང་ཞིང་སྐྱོབ་པར་བྱེད་པས། གང་ཟག་དེ་རི་དང་དགོན་པ་ན་གཅིག་པུ་ཉལ་བར་གྱུར་ན་ཡང་དགེ་བའི་ལྷ་དེ་དག་རེས་ཀྱིས་མཚན་མོས་དེ་ལ་བསྲུངས་ནས་བགེགས་དང་བར་ཚད་ཡོངས་སུ་སེལ་བར་བྱེད་དོ། །གལ་
ཏེ་གཅོང་རོང་དག་ཏུ་གནས་ཏེ་ལམ་སྟོར་བར་གྱུར་པ་ལས་རིག་སྔགས་འདི་བཟླས་པར་གྱུར་ན་དེའི་དབང་གིས་དགེ་བའི་ལྷ་དང་། ཀླུའི་རྒྱལ་པོ་དག་དགེ་བའི་མིའི་གཟུགས་སུ་མངོན་བར་སྤྲུལ་ནས་ལམ་ཡང་དག་པ་ཉིད་སྟོན་
པར་འགྱུར་རོ། །གལ་ཏེ་རི་དང་ནགས་ཚལ་དང་དགོན་པ་དག་ཏུ་གནས་པ་ལས་ཆུ་དང་མེ་དག་གིས་ཕོངས་པར་གྱུར་ན་ཡང་ཀླུའི་རྒྱལ་པོ་དག་གིས་ཡོངས་སུ་བསྲུང་བའི་ཕྱིར་ཆུ་དང་མེ་དག་མངོན་བར་སྤྲུལ་པར་འགྱུར་རོ། །བྱང་ཆུབ་

106-1-177a

སེམས་དཔའ་སྤྱན་རས་གཟིགས་དབང་ཕྱུག་གིས་གཞན་ཡང་གཟུངས་འདི་འདོན་ཅིང་ཡོངས་སུ་འཛིན་པ་དག་གི་ཆེད་དུ་གནོད་པ་དང་བགེགས་ཡོངས་སུ་བསལ་བའི་ཕྱིར་ཤིན་དུ་བསིལ་བའི་ཚིགས་སུ་
བཅད་པ་འདི་དག་སྨྲས་སོ། །གང་ཞིག་རི་དང་འབྲོག་དགོན་སོང་བ་ལས། །སྟག་དང་སྤྱང་གི་གཅན་ཟན་གཏུམ་པོ་དང་། །རྩངས་པ་སྦྲུལ་དང་འདྲེ་སྲིན་ཕྲད་གྱུར་ཀྱང་། ། གཟུངས་འདི་འདོན་པ་ཐོས་ན་གནོད་མི་ནུས། །གང་ཞིག་
ཆུ་བོ་རྒྱ་མཚོར་ཞུགས་པ་ལས། །གདུག་པའི་ཀླུ་དང་ཆུ་སྲིན་མ་རུངས་དང་། །གནོད་སྦྱིན་སྲིན་པོ་ཉ་དང་རུས་སྦལ་དག །གཟུངས་འདི་ཐོས་ན་སོ་སོར་འབྱེར་བར་འགྱུར། །གང་ཞིག་གཡུལ་སྤྲོད་དགྲ་ཡིས་བསྐོར་བ་
འམ། །ཆོམ་རྐུན་མ་རུངས་ནོར་ནི་འཕྲོག་པའི་ཚེ། །རྩེ་གཅིག་ཐུགས་རྗེ་ཆེན་པོའི་གཟུངས་བཟླས་ན། །དེ་དག་བརྩེ་སེམས་བསྐྱེད་ནས་ལྡོག་པར་འགྱུར། །གང་ཞིག་རྒྱལ་པོའི་གྱོད་ལ་ཐོགས་པ་དང་། །ལྕགས་སྒྲོག་
ཁོང་སྒྲིལ་བཙོན་རར་ཆུད་པའི་ཚེ། །རྩེ་གཅིག་ཐུགས་རྗེ་ཆེན་པོའི་གཟུངས་བཟླས་ན། །རྒྱལ་པོས་བརྩེ་སེམས་ཀྱིས་ནི་གཏོང་བར་འགྱུར། །གང་ཞིག་བྱད་སྟེམས་དུག་མདའི་ཁྱིམ་ཞུགས་ཏེ། །ཟས་སྐོམ་དུག་ཅན་
གྱིས་ནི་གསད་པའི་ཚེ། །རྩེ་གཅིག་ཐུགས་རྗེ་ཆེན་པོའི་གཟུངས་བཟླས་ན། །དུག་ཉིད་ཟིལ་དངར་ཟས་སྐོམ་ཉིད་དུ་འགྱུར། །བུད་མེད་སྦྲུམ་མ་བུ་ནི་བཙའ་བའི་ཚེ། །བདུད་ཀྱིས་བགེགས་བྱས་སྡུག་བསྔལ་མི་བཟོད་ཚེ། །
རྩེ་གཅིག་ཐུགས་རྗེ་ཆེན་པོའི་གཟུངས་བཟླས་ན། །འདྲེ་གདོན་བྱེར་ནས་བདེ་བར་བཙའ་བར་འགྱུར། །ཀླུ་གདོན་གཏུམ་པོས་གདུག་པའི་དབུགས་བཏང་བས། །ཚ་བའི་ནད་ཀྱིས་ཉེན་ནས་འཆིར་ཉེ་ཚེ། །རྩེ་གཅིག་ཐུགས་རྗེ་
ཆེན་པོའི་གཟུངས་བཟླས་ན། །རིམས་ནད་བསལ་ནས་ཚེ་ནི་རིང་བར་འགྱུར། །ཀླུ་གདོན་རྒྱུ་བས་གཙེས་ཏེ་སྐྲངས་པ་དང་། །ཤུ་འབྲས་མི་བཟད་རྣག་ཁྲག་འཛག་པའི་ཚེ། །རྩེ་གཅིག་ཐུགས་རྗེ་ཆེན་པོའི་གཟུངས་བཟླས་ནས། །

106-1-177b

མཆིལ་མ་ལན་གསུམ་བྱུགས་པས་སྐྲངས་པ་ཞི། །སེམས་ཅན་རྟོག་པས་མི་དགེ་བསྐྱེད་པས་ན། །བྱད་སྟེམས་སྔགས་དང་དགྲས་ནི་གཙེས་པའི་ཚེ། །རྩེ་གཅིག་ཐུགས་རྗེ་ཆེན་པོའི་གཟུངས་བཟླས་ན། །  སྟེམས་གནོད་དེ་ཀུན་
གཏོང་བའི་མི་ལ་འདུ། །སྡིག་འཕེལ་སྙིགས་མས་དམ་ཆོས་འཇིག་པ་ན། །འདོད་པའི་མེ་ཆེན་སེམས་ནི་རྨོངས་ལོག་པས། །ཁྱོ་ཤུག་སོ་སོར་གཞན་ལ་འདོད་ཞེན་ནས། །ཉིན་མཚན་ལོག་བསམ་རྒྱུན་ནི་མི་འཆད་ཚེ། །
གང་ཞིག་ཐུགས་རྗེ་ཆེན་པོའི་གཟུངས་བཟླས་ན། །འདོད་པའི་མེ་ཞི་ལོག་པའི་སེམས་བསལ་འགྱུར། །བདག་གིས་གཟུངས་འདིའི་མཐུ་སྟོབས་རྒྱས་བརྗོད་ན། །བསྐལ་པར་བརྗོད་ཀྱང་ཐར་ཐུག་ཡོད་མི་འགྱུར། །རིག་སྔགས་
འདི་ལན་ལྔ་བཟླས་ཏེ་ཚོན་སྣ་ལྔའི་སྐུད་པ་ལ་མདུད་པ་ཉི་ཤུ་རྩ་བཞི་མདུད་ནས་མགུལ་དུ་གདགས་པར་བྱའོ། །གཟུངས་འདི་ནི་འདས་པའི་དེ་བཞིན་གཤེགས་པ་གང་གཱའི་ཀླུང་གི་བྱེ་བ་ཕྲག་དགུ་བཅུ་རྩ་དགུའི་བྱེ་མ་སྙེད་ཀྱིས་
གསུངས་པ་ཡིན་ཏེ། དེ་བཞིན་གཤེགས་པ་དེ་དག་གིས་རྣལ་འབྱོར་པ་གང་དག་ཕ་རོལ་ཏུ་ཕྱིན་པ་དྲུག་མངོན་བར་བསྒྲུབ་པར་ཡོངས་སུ་མ་རྫོགས་པ་དག་ཡོངས་སུ་རྫོགས་པར་བྱ་བའི་ཕྱིར་དང་། བྱང་ཆུབ་ཏུ་སེམས་མ་བསྐྱེད་པ་
དག་མྱུར་དུ་བྱང་ཆུབ་ཏུ་སེམས་བསྐྱེད་པར་བྱ་བའི་ཕྱིར་དང་། ཉན་ཐོས་ཀྱི་གང་ཟག་གང་དག་འབྲས་བུ་མངོན་དུ་མ་བྱས་པ་དེ་དག་མྱུར་དུ་མངོན་དུ་བྱ་བའི་ཕྱིར་སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་ན། དྲང་སྲོང་
གང་དག་བླ་ན་མེད་པའི་བྱང་ཆུབ་ཏུ་སེམས་མ་བསྐྱེད་པ་དག་མྱུར་དུ་སེམས་བསྐྱེད་པར་བྱ་བའི་ཕྱིར་དང་། སེམས་ཅན་གང་དག་ཐེག་པ་ཆེན་པོ་འདི་ལ་དད་པའི་དབང་པོ་མ་ཐོབ་པ་དག་གཟུངས་འདིའི་བྱིན་གྱི་བརླབས་ཀྱི་
མཐུས་ཐེག་པ་ཆེན་པོའི་ས་བོན་དང་ཆོས་ཀྱི་མྱུ་གུ་འཕེལ་བར་བྱ་བའི་ཕྱིར་གསུངས་པ་ཡིན་པས། བདག་གིས་ཐབས་མཁས་པ་དང་། བྱམས་པ་དང་། སྙིང་རྗེའི་མཐུས་དེ་དག་གིས་ཅི་དང་ཅི་འདོད་པ་ཐམས་ཅད་འབྱོར་པར་

106-1-178a

བྱེད་དོ། །གཞན་ཡང་སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་ན་མུན་པ་མུན་ནག་གི་གནས་སུ་ངན་འགྲོ་གསུམ་པོའི་སེམས་ཅན་ཇི་སྙེད་གནས་པ་དག་བདག་གི་རིག་སྔགས་འདི་ཐོས་པར་གྱུར་ན་ཐམས་
ཅད་སྡུག་བསྔལ་དང་བྲལ་བར་འགྱུར་རོ། །བྱང་ཆུབ་སེམས་དཔའ་གང་དག་ས་དང་པོ་མ་ཐོབ་པ་དག་ནི་མྱུར་དུ་ཐོབ་པར་འགྱུར་ལ། ས་བཅུ་པའི་བར་དུ་ཡང་མ་ཐོབ་པ་ཐོབ་པར་འགྱུར་རོ། །གཞན་ཡང་སངས་རྒྱས་ཀྱི་
སའི་བར་དུ་ཡང་ཕྱིན་པར་བྱེད་པའི་ཕྱིར་མཚན་སུམ་བཅུ་རྩ་གཉིས་དང་། དཔེ་བྱད་བརྒྱད་བཅུ་ཡང་རང་གི་ངང་གིས་འཐོབ་པར་འགྱུར་རོ། །གལ་ཏེ་ཉན་ཐོས་ཀྱི་གང་ཟག་གང་དག་གཟུངས་འདི་རྣ་བར་ལན་གཅིག་ཐོས་
པར་གྱུར་ཏམ། གཟུངས་འདི་སྤྱོད་ཅིང་ཡི་གེར་བྲིས་སམ། དྲང་པོའི་སེམས་ཀྱིས་ཆོས་བཞིན་དུ་གནས་པར་བྱེད་ན། དགེ་སྦྱོང་གི་འབྲས་བུ་བཞི་པོ་དག་མ་བཙལ་བར་རང་གི་ངང་གིས་ཐོབ་པར་འགྱུར་རོ། །སྟོང་གསུམ་
གྱི་སྟོང་ཆེན་པོའི་འཇིག་རྟེན་གྱི་ཁམས་ན་རི་དང་། ཆུ་ཀླུང་དང་། བྲག་དང་། རྒྱ་མཚོ་ཆེན་པོ་བཞིའི་ཆུ་ཇི་སྙེད་པ་དག་ཀྱང་གཡོ་ཞིང་འཁོལ་བར་ནུས་སོ། །རི་རབ་ལྷུན་པོ་ནས་རི་ཁོར་ཡུག་གི་བར་དག་ཀྱང་གཡོ་ཞིང་རྡུལ་ཕྲན་
བཞིན་དུ་འཇིག་པར་ནུས་སོ། །དེ་ན་གནས་པའི་སེམས་ཅན་ཇི་སྙེད་པ་དག་ཀྱང་ཐམས་ཅད་བླ་ན་མེད་པའི་བྱང་ཆུབ་ཏུ་སེམས་བསྐྱེད་པར་ནུས་སོ། །སེམས་ཅན་གང་དག་ཚེ་འདི་ཉིད་ལ་སྨོན་པ་རྣམས་མངོན་བར་འགྲུབ་པར་འདོད་
ན་ཞག་ཉི་ཤུ་རྩ་གཅིག་གི་བར་དུ་གསོ་སྦྱོང་དང་། ཚུལ་ཁྲིམས་ལ་གནས་ནས་གཟུངས་འདི་བཟླས་བརྗོད་བྱས་ན་གདོན་མི་ཟ་བར་སྨོན་པ་རྣམས་ཀྱང་མངོན་བར་འགྲུབ་པར་འགྱུར། འཁོར་བའི་མཐའ་ནས་འཁོར་བའི་མཐར་
ཐུག་པའི་བར་དུའང་སྡིག་པའི་ལས་ཐམས་ཅད་མ་ལུས་པར་ཡོངས་སུ་འབྱང་བར་འགྱུར་རོ། །སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་འདིའི་ནང་དང་ཕྱི་རོལ་ན་སངས་རྒྱས་དང་། བྱང་ཆུབ་སེམས་དཔའ་

106-1-178b

ཇི་སྙེད་ཅིག་བཞུགས་པ་རྣམས་དང་། ཚངས་པ་དང་། བརྒྱ་བྱིན་དང་། རྒྱལ་པོ་ཆེན་པོ་བཞི་དང་། ལྷ་དང་དྲང་སྲོང་དང་། ཀླུའི་རྒྱལ་པོ་ཇི་སྙེད་གནས་པ་ཐམས་ཅད་ཀྱིས་ཀྱང་མཁྱེན་ཅིང་ཤེས་པར་འགྱུར་རོ། །ལྷའམ་མི་གང་
ཡང་རུང་སྟེ། གཟུངས་འདི་འདོན་ཅིང་ཡོངས་སུ་འཛིན་པ་དེ་དག་ཆུ་ཀླུང་ངམ། རྒྱ་མཚོར་ཞུགས་ཏེ་ཁྲུས་བྱས་པ་ལས་དེ་ན་གནས་པའི་སེམས་ཅན་དེ་དག་གིས་ལུས་བཀྲུས་པའི་ཆུ་ལུས་ལ་རེག་པར་གྱུར་ན། སྡིག་པའི་
ལས་དང་ཁ་ན་མ་ཐོ་བ་ལྕི་བ་ཐམས་ཅད་ཡོངས་སུ་བྱང་ནས་ཞིང་ཡོངས་སུ་དག་པ་དག་ཏུ་པད་མ་ལས་བརྫུས་ཏེ་སྐྱེ་བར་འགྱུར་བས་མངལ་དང་། དྲོད་གཤེར་དང་། སྒོ་ང་ལས་སྐྱེ་བའི་ལུས་ལེན་པར་མི་འགྱུར་ན། ལེན་པ་དང་། 
འཛིན་པ་དང་། ཀློག་པ་དང་། ཁ་ཏོན་དུ་འདོན་པ་ལྟ་སྨོས་ཀྱང་ཅི་དགོས། གཟུངས་འདི་འདོན་ཅིང་ཡོངས་སུ་འཛིན་པ་དེ་དག་ལམ་དུ་ཞུགས་ཏེ་འགྲོ་བའི་ཚེ་རླུང་ཆེན་པོ་ལངས་ཏེ། གང་ཟག་དེའི་ལུས་དང་། སྤུ་དང་། སྐྲ་དང་། གོས་ལ་བུས་
པའི་རླུང་གང་ཡིན་པ་དེ་རྫི་ཕྱོགས་སུ་སོང་བའི་སེམས་ཅན་གཞན་གྱི་ལུས་ལ་རེག་པར་གྱུར་ན། དེ་དག་གིས་སྒྲིབ་པ་དང་སྡིག་པའི་ལས་ལྕི་བ་ཐམས་ཅད་མ་ལུས་པར་ཡོངས་སུ་འབྱང་བར་འགྱུར་བས། ཡང་ངན་འགྲོ་གསུམ་
པོ་དག་གི་རྣམ་པར་སྨིན་པ་མྱོང་བར་མི་འགྱུར་ཞིང་། རྟག་པར་སངས་རྒྱས་ཀྱི་སྤྱན་སྔར་སྐྱེ་བར་འགྱུར་བས་ན་ཡོངས་སུ་འཛིན་པ་དེ་དག་གི་བསོད་ནམས་དང་འབྲས་བུ་རྣམ་པར་སྨིན་པ་ནི་བསམ་གྱིས་མི་ཁྱབ་པར་རིག་པར་བྱའོ། །
གཟུངས་འདི་བཟླས་བརྗོད་བྱེད་པའི་ཁ་ནས་ཇི་ཙམ་དུ་ཚིག་ཏུ་བརྗོད་པར་བྱུང་བ་དགེ་ཡང་རུང་། མི་དགེ་ཡང་རུང་སྟེ། ལྷའི་བུའི་བདུད་དང་། མུ་སྟེགས་ཅན་དང་། ལྷ་དང་། ཀླུ་དང་། འདྲེ་སྲིན་ཐམས་ཅད་ཀྱིས་ཐོས་པར་གྱུར་ན་དེ་དག་ཐམས་
ཅད་རྣམ་པར་དག་པའི་ཆོས་ཀྱི་དབྱིངས་ཉིད་དུ་འགྱུར་བས། དེ་ལ་སངས་རྒྱས་ཇི་ལྟ་བ་བཞིན་དུ་གུས་པའི་སེམས་བསྐྱེད་ནས་བཀུར་སྟི་དང་། རིམ་གྲོ་བྱེད་པར་འགྱུར་རོ། །གཟུངས་འདི་འདོན་ཅིང་ཡོངས་སུ་འཛིན་པ་དེ་དག་ནི་སངས་

106-1-179a

རྒྱས་ཀྱི་སྐུའི་གཏེར་ཉིད་དུ་རིག་པར་བྱ་སྟེ། སངས་རྒྱས་གང་གཱའི་ཀླུང་གི་བྱེ་བ་ཕྲག་དགུ་བཅུ་རྩ་དགུའི་བྱེ་མ་སྙེད་རྣམས་ཀྱིས་ཕངས་ཤིང་གཅེས་པར་མཛད་པའི་ཕྱིར་རོ། །གང་ཟག་དེ་ནི་འོད་ཅན་གྱི་ལུས་ཀྱི་གཏེར་ཡིན་པར་རིག་པར་བྱ་སྟེ། 
དེ་བཞིན་གཤེགས་པ་ཐམས་ཅད་ཀྱི་འོད་ཟེར་གྱིས་སྣང་བར་མཛད་པའི་ཕྱིར་རོ། །གང་ཟག་དེ་ནི་བྱམས་པ་དང་སྙིང་རྗེའི་གཏེར་ཡིན་པར་ཡང་རིག་པར་བྱ་སྟེ། འདི་ལྟར་གཟུངས་ཀྱིས་སེམས་ཅན་ཡོངས་སུ་སྐྱོབ་པར་བྱེད་པའི་ཕྱིར་རོ། །
གང་ཟག་དེ་ནི་དམ་པའི་ཆོས་ཀྱི་སྡེ་སྣོད་ཡིན་པར་རིག་པར་བྱ་སྟེ། གཟུངས་ཀྱི་སྒོ་ཐམས་ཅད་ཀུན་སྡུད་པར་བྱེད་པའི་ཕྱིར་རོ། །གང་ཟག་དེ་ནི་བསམ་གཏན་དང་། ཏིང་ངེ་འཛིན་གྱི་སྡེ་སྣོད་ཡིན་པར་རིག་པར་བྱ་སྟེ། ཏིང་ངེ་འཛིན་བརྒྱ་
སྟོང་རྣམས་རྟག་པར་མངོན་སུམ་དུ་འགྱུར་བའི་ཕྱིར་རོ། །གང་ཟག་དེ་ནི་ནམ་མཁའི་མཛོད་ཡིན་པར་རིག་པར་བྱ་སྟེ། རྟག་པར་སྟོང་པ་ཉིད་ཀྱི་ཤེས་རབ་ཀྱིས་སེམས་ཅན་ལ་ལྟ་བའི་ཕྱིར་རོ། །གང་ཟག་དེ་ནི་འཇིགས་པ་མེད་པའི་
མཛོད་ཡིན་པར་རིག་པར་བྱ་སྟེ། ལྷ་དང་ཀླུ་དང་དགེ་བའི་ལྷ་རྣམས་རྟག་པར་ཡོངས་སུ་སྲུང་བའི་ཕྱིར་རོ། །གང་ཟག་དེ་ནི་དམ་པའི་ཚིག་གི་མཛོད་ཡིན་པར་རིག་པར་བྱ་སྟེ། ཁ་ནས་གཟུངས་ཀྱི་སྒྲ་འབྱུང་བ་ལ་རྒྱུན་ཆད་པ་མེད་པའི་
ཕྱིར་རོ། །གང་ཟག་དེ་ནི་རྟག་པར་གནས་པའི་གཏེར་ཡིན་པར་རིག་པར་བྱ་སྟེ། འཇིག་པ་གསུམ་གྱི་བསྐལ་པ་དག་གིས་གཞིག་པར་མི་ནུས་པའི་ཕྱིར་རོ། །གང་ཟག་དེ་ནི་རྣམ་པར་གྲོལ་བའི་མཛོད་ཡིན་པར་རིག་པར་བྱ་སྟེ། 
ལྷའི་བུའི་བདུད་དང་མུ་སྟེགས་ཅན་རྣམས་ཀྱིས་གཤོལ་བར་མི་ནུས་པའི་ཕྱིར་རོ། །གང་ཟག་དེ་ནི་སྨན་གྱི་རྒྱལ་པོའི་མཛོད་ཡིན་པར་རིག་པར་བྱ་སྟེ། རྟག་པར་གཟུངས་ཀྱིས་སེམས་ཅན་ནད་པ་རྣམས་ཀྱི་ནད་གསོ་བའི་ཕྱིར་རོ། །
གང་ཟག་དེ་ནི་རྫུ་འཕྲུལ་གྱི་གཏེར་ཡིན་པར་རིག་པར་བྱ་སྟེ། སངས་རྒྱས་ཀྱི་ཞིང་རྣམས་སུ་རྒྱུ་བ་ལ་རང་དབང་ཐོབ་པའི་ཕྱིར་རོ། །དེ་བས་ན་གང་ཟག་དེའི་ཡོན་ཏན་གྱི་བསྔགས་པ་བརྗོད་ན་ནམས་ཀྱང་མཐར་ཐུག་པར་མི་འགྱུར་རོ། །

106-1-179b

རིགས་ཀྱི་བུ་གང་ལ་ལ་ཞིག་འཇིག་རྟེན་པའི་སྡུག་བསྔལ་གྱིས་ཡོངས་སུ་སྐྱོ་ནས་ཚེ་རིང་བའི་སྨན་ཡོངས་སུ་ཚོལ་བར་འདོད་པས་དབེན་པའི་གནས་སུ་འདུག་ནས་མཚམས་ཡོངས་སུ་དག་པར་བཅད་དེ། གོས་ལ་སྔགས་ཀྱིས་བཏབ་
ནས་བགོ་བར་བྱའོ། །ཆུ་དང་ཟས་དང་སྤོས་དང་སྨན་རྣམས་ལ་ལན་བརྒྱ་རྩ་བརྒྱད་སྔགས་ཀྱིས་བཏབ་སྟེ་སྤྱོད་པར་བྱེད་ན་གདོན་མི་ཟ་བར་ཚེ་རིང་བར་འགྱུར་རོ། །གལ་ཏེ་ཆོས་བཞིན་དུ་མཚམས་བཅད་དེ་ཆོས་བཞིན་དུ་ཡོངས་སུ་
འཛིན་པར་བྱེད་ན་ཐམས་ཅད་མངོན་བར་འགྲུབ་པར་འགྱུར་ཏེ། དེ་ལ་མཚམས་གཅད་པའི་ཆོ་ག་ནི་རལ་གྲི་ལ་ལན་ཉི་ཤུ་རྩ་གཅིག་སྔགས་ཀྱིས་བཏབ་སྟེ། ས་ལ་རི་མོ་བྲིས་ནས་མཚམས་གཅད་པར་བྱའོ། །ཡང་ན་ཆུ་གཙང་མ་
ལ་ལན་ཉི་ཤུ་རྩ་གཅིག་སྔགས་ཀྱིས་བཏབ་ནས་ཕྱོགས་བཞིར་གཏོར་ནས་མཚམས་གཅད་པར་བྱའོ། །ཡང་ན་ཡུངས་དཀར་ལ་ལན་ཉི་ཤུ་རྩ་གཅིག་སྔགས་ཀྱིས་བཏབ་སྟེ་ཕྱོགས་བཞིར་གཏོར་ནས་མཚམས་གཅད་པར་བྱའོ། །
ཡང་ན་འདུ་ཤེས་ཀྱིས་གང་དུ་ཕྱིན་པ་ཚུན་ཆད་མཚམས་སུ་འགྱུར་རོ། །ཡང་ན་ཐལ་བ་གཙང་མ་ལ་ལན་ཉི་ཤུ་རྩ་གཅིག་སྔགས་ཀྱིས་བཏབ་སྟེ་མཚམས་གཅད་པར་བྱའོ། །ཡང་ན་ཚོན་སྣ་ལྔའི་སྐུད་པ་ལ་ལན་ཉི་ཤུ་རྩ་གཅིག་
སྔགས་ཀྱིས་བཏབ་སྟེ་ཕྱོགས་བཞིར་བསྐོར་ནས་མཚམས་གཅད་པར་བྱའོ། །དེ་ལྟར་ཆོས་བཞིན་དུ་འདི་ཡོངས་སུ་འཛིན་པར་གྱུར་ན་རང་གི་ངང་གིས་འབྲས་བུ་འཐོབ་པར་འགྱུར་རོ། །གཟུངས་འདིའི་མིང་ཐོས་པ་ཙམ་
གྱིས་ཀྱང་བསྐལ་པ་ཚད་མེད་པ་སྙེད་ཀྱི་འཁོར་བའི་ཁ་ན་མ་ཐོ་བའི་ལྕི་བ་རྣམས་ཡོངས་སུ་འབྱང་བར་འགྱུར་ན། འདོན་པ་དང་འཛིན་པ་ལྟ་སྨོས་ཀྱང་ཅི་དགོས། རིག་སྔགས་འདི་འདོན་པའི་གང་ཟག་གང་ཡིན་པ་དེ་དག་ནི་སངས་
རྒྱས་ཚད་མེད་པ་སྙེད་པ་ལ་མཆོད་ཅིང་རིམ་གྲོ་བྱས་ནས་དགེ་བའི་རྩ་བ་རྒྱ་ཆེར་བསྐྱེད་པ་ཡིན་པར་རིག་པར་བྱའོ། །གང་དག་སེམས་ཅན་སྡུག་བསྔལ་གྱི་བགེགས་ལ་ཡོངས་སུ་འདྲེན་པའི་ཆེད་དུ་ཆོས་བཞིན་དུ་འདོན་པ་གང་

106-1-180a

ཡིན་པ་དེ་དག་ནི་སྙིང་རྗེ་ཆེན་པོ་དང་ལྡན་པ་ཡིན་པས་རིང་པོར་མི་ཐོགས་པར་མངོན་བར་རྫོགས་པར་འཚང་རྒྱ་བར་འགྱུར་བར་རིག་པར་བྱའོ། །ཅི་ཙམ་དུ་སེམས་ཅན་སྣང་ངོ་ཅོག་གི་ཆེད་དུ་བཟླས་བརྗོད་བྱས་ཏེ། དེ་དག་གི་རྣ་ལམ་
དུ་གྲག་པར་བྱས་ནས་བྱང་ཆུབ་ཀྱི་རྒྱུར་འགྱུར་བར་བྱེད་ན། གང་ཟག་དེ་དག་ཡོན་ཏན་ཚད་མེད་དཔག་ཏུ་མེད་པ་དག་འཐོབ་པར་འགྱུར་བས་བརྗོད་ཀྱིས་མི་ལང་ངོ་། །གང་ལ་ལ་ཞིག་སེམས་རྩེ་གཅིག་ཏུ་སེམས་དང་
ལུས་གསོ་སྦྱོང་དང་ཚུལ་ཁྲིམས་ལ་གནས་ནས། སེམས་ཅན་ཐམས་ཅད་ཀྱི་སྔོན་གྱི་ལས་ཀྱི་ཁ་ན་མ་ཐོ་བ་རྣམས་བཤགས་ནས་བདག་ཉིད་ཀྱིས་བསྐལ་པ་ཚད་མེད་པ་ནས་བྱས་པའི་སྡིག་པའི་ལས་རྣམ་པ་སྣ་ཚོགས་འཐོལ་
བཤགས་ཏེ། ཁ་ནས་གཟུངས་འདི་མྱུར་དུ་བཟླས་བརྗོད་བྱས་ནས་སྒྲ་རྒྱུན་ཆད་པ་མེད་པར་བྱས་ན། དགེ་སྦྱོང་གི་འབྲས་བུ་བཞི་པོ་དེ་དག་ཚེ་འདི་ཉིད་ལ་འཐོབ་པར་འགྱུར་རོ། །དབང་པོ་རྣོན་པོ་ཤེས་རབ་དང་ལྡན་པ་སྒོམ་པའི་ཐབས་ལ་
མཁས་པ་ཞིག་ཡིན་ན་ནི་ས་བཅུའི་འབྲས་བུ་ཡང་དཀའ་བ་མེད་པར་འགྱུར་ན། འཇིག་རྟེན་གྱི་བསོད་ནམས་ཀྱི་རྣམ་པར་སྨིན་པ་ཕྲན་ཚེགས་ཡོངས་སུ་གཉེར་བ་ཙམ་མངོན་བར་འགྲུབ་པར་འགྱུར་བ་ལྟ་སྨོས་ཀྱང་ཅི་དགོས་ཏེ། དེ་
ཡང་བྱང་ཆུབ་སེམས་དཔའི་སྙིང་རྗེ་ཆེན་པོ་དང་སྨོན་ལམ་གྱི་མཐུ་ཤིན་དུ་ཟབ་པའི་ཕྱིར་དང་། གཟུངས་འདིའི་བྱིན་གྱི་བརླབས་ཤིན་དུ་རྒྱ་ཆེ་བའི་ཕྱིར་རོ། །བཅོམ་ལྡན་འདས་ཀྱིས་ཀུན་དགའ་བོ་ལ་བཀའ་སྩལ་པ། ཡུལ་གང་དག་ན་
གནོད་པ་བྱུང་བར་གྱུར་ན་དེའི་ཚེ་ཡུལ་དེའི་རྒྱལ་པོས་ཡང་དག་པའི་ཆོས་ཀྱིས་ཡུལ་འཛིན་ཅིང་། མི་རྣམས་བག་ཡངས་སུ་བཀོད་དེ། སེམས་ཅན་སྟམས་ལས་མི་གཅོད་ཅིང་། ཉེས་པ་བྱུང་བ་རྣམས་ཡོངས་སུ་བསྐྱབས་ནས། ཉིན་
མཚན་བདུན་གྱི་བར་དུ་ལུས་དང་སེམས་ཀྱི་བརྩོན་འགྲུས་བསྐྱེད་དེ། ཐུགས་རྗེ་ཆེན་པོའི་སེམས་ཀྱི་གཟུངས་སྔགས་འདི་འདོན་པར་བྱེད་ན། ཡུལ་དེའི་གནོད་པ་དང་། བགེགས་ཐམས་ཅད་ཡོངས་སུ་བསལ་བར་འགྱུར། འབྲུ་རྣམས་

106-1-180b

ལེགས་ཤིང་མི་མང་པོ་བདེ་བར་འགྱུར་རོ། །གཞན་ཡང་ཕས་ཀྱི་རྒོལ་བའི་དགྲ་དག་ཡང་ནས་ཡང་དུ་འོངས་ཏེ་གཙེས་པས་འབངས་མང་པོ་མི་བདེ་བར་གྱུར་ཏམ། བློན་པོ་ཆེན་པོས་རྐུ་བཤམས་ནས་ལོག་པར་གྱུར་ཏམ། རིམས་ནད་
བྱུང་བར་གྱུར་ཏམ། ཐན་ཆེན་བྱུང་བར་གྱུར་ཏམ། ཉི་ཟླ་རྒྱུ་བ་ནོར་བར་གྱུར་ཏམ། དེ་ལྟ་བུ་ལ་སོགས་པའི་གནོད་པ་བྱུང་བར་གྱུར་ན། དེའི་ཚེ་སྙིང་རྗེ་ཆེན་པོ་དང་ལྡན་པའི་མིག་སྟོང་པའི་གཟུགས་བྱས་ནས་དེའི་ཕྱོགས་སུ་ཁ་བསྟན་ཏེ། 
སྤོས་དང་། མེ་ཏོག་དང་། རྒྱལ་མཚན་དང་། བ་དན་དང་། རིན་པོ་ཆེའི་བླ་རེ་རྣམ་པ་སྣ་ཚོགས་དང་། རོ་བརྒྱ་དང་ལྡན་པའི་ཟས་དང་སྐོམ་གྱིས་སེམས་རྩེ་གཅིག་ཏུ་མཆོད་པར་བྱའོ། །གཞན་ཡང་རྒྱལ་པོ་དེས་ཉིན་མཚན་བདུན་གྱི་བར་དུ་
ལུས་དང་སེམས་ཀྱིས་བརྩོན་འགྲུས་བསྐྱེད་དེ། གཟུངས་ཀྱི་ཚིག་གྱ་ནོམ་པ་འདི་འདོན་པར་བྱེད་ན། ཕས་ཀྱི་དགྲ་རྣམས་རང་དུལ་བར་གྱུར་ནས་སླར་ལོག་སྟེ་སོ་སོ་ནས་ཚུལ་བཞིན་དུ་ཡུལ་སྐྱོང་ཞིང་ཡུལ་ཡང་འདྲེ་བར་གནས་པར་
བྱམས་པའི་སེམས་ཀྱིས་ཕན་ཚུན་གཅིག་ལ་གཅིག་ལྟ་བར་འགྱུར། རྒྱལ་བུ་དང་བློན་པོ་རྣམས་ཀྱང་སྲིད་ཞུ་དང་དྲང་དཀན་སྤྱོད་པར་འགྱུར། བཙུན་མོ་དང་སྲས་རྣམས་ཀྱང་རྒྱལ་པོ་ལ་སྲི་ཞུ་དང་བསྙེན་བཀུར་བྱེད་པར་འགྱུར། ལྷ་དང་
ཀླུ་དང་འདྲེ་སྲིན་རྣམས་ཀྱང་ཡུལ་དེ་སྲུང་ཞིང་སྐྱོང་བར་འགྱུར། ཆར་ཆུ་དུས་བཞིན་དུ་འབབ་ཅིང་འབྲུ་རྣམས་ལེགས་པས་མི་མང་པོ་རྣམས་ཀྱང་རབ་ཏུ་དགའ་བར་འགྱུར་རོ། །གཞན་ཡང་ཁྱིམ་དུ་ནད་ཆེན་མ་རུངས་པ་དང་ཕྲད་པར་གྱུར་ཏམ། 
ལྟས་ངན་སྣ་ཚོགས་བྱུང་བར་གྱུར་ཏམ། འདྲེ་སྲིན་དང་ལོག་པའི་བདུད་རྣམས་ཀྱིས་ཁྱིམ་དཀྲུགས་པར་གྱུར་ཏམ། མི་མ་རུངས་པ་དག་གིས་ཀླན་སྐུར་བཏབ་ན་ས་རྐུ་བཤམས་ཏེ་གནོད་པ་བྱས་པར་གྱུར་ཏམ། ཁྱིམ་མི་ཆེ་ཆུང་རྣམས་ཕྱི་
ནང་མི་འདུམ་པར་གྱུར་ན། སྙིང་རྗེ་ཆེན་པོ་དང་ལྡན་པའི་མིག་སྟོང་པའི་གཟུགས་བྱས་པའི་མདུན་དུ་དཀྱིལ་འཁོར་བྱས་ནས་སེམས་རྩེ་གཅིག་ཏུ་བྱང་ཆུབ་སེམས་དཔའ་སྤྱན་རས་གཟིགས་དབང་ཕྱུག་ཡིད་ལ་བྱས་ནས་གཟུངས་སྔགས་

106-1-181a

འདི་ལན་སྟོང་ཚང་བར་བཟླས་ན། གོང་དུ་སྨོས་པའི་དངོས་པོ་ངན་པ་དེ་དག་ཐམས་ཅད་ཡོངས་སུ་འབྱང་བར་འགྱུར་རོ། །བཅོམ་ལྡན་འདས་ལ་ཚེ་དང་ལྡན་པ་ཀུན་དགའ་བོས་འདི་སྐད་ཅེས་གསོལ་ཏོ། །བཅོམ་ལྡན་འདས་རིག་སྔགས་
འདིའི་མིང་ཅི་ལགས། ཇི་ལྟར་ཡོངས་སུ་གཟུང་བར་བགྱི། བཅོམ་ལྡན་འདས་ཀྱིས་བཀའ་སྩལ་པ། ཀུན་དགའ་བོ་རིག་སྔགས་འདི་ལ་མིང་རྣམ་པ་སྣ་ཚོགས་ཡོད་དེ། རྒྱ་ཆེར་ཡོངས་སུ་རྫོགས་པ་ཞེས་ཀྱང་བྱའོ། །ཐོགས་པ་མེད་
པའི་ཐུགས་རྗེ་ཆེན་པོ་ཞེས་ཀྱང་བྱའོ། །སྡུག་བསྔལ་རྣམས་ལས་ཡོངས་སུ་སྐྱོབ་པའི་གཟུངས་ཞེས་ཀྱང་བྱའོ། །ཚེ་བསྲིང་བའི་གཟུངས་ཞེས་ཀྱང་བྱའོ། །ངན་འགྲོ་ཡོངས་སུ་སྦྱོང་བའི་གཟུངས་ཞེས་ཀྱང་བྱའོ། །ལས་ཀྱི་སྒྲིབ་པ་
རྣམ་པར་འཇོམས་པའི་གཟུངས་ཞེས་ཀྱང་བྱའོ། །སྨོན་པ་རྣམས་ཡོངས་སུ་རྫོགས་པར་བྱེད་པའི་གཟུངས་ཞེས་ཀྱང་བྱའོ། །སེམས་ཀྱི་རྗེས་སུ་རང་དབང་དུ་གྱུར་པའི་གཟུངས་ཞེས་ཀྱང་བྱའོ། །ས་གོང་མ་རྣམས་ལས་མྱུར་དུ་འདའ་
བའི་གཟུངས་ཞེས་ཀྱང་བྱ་སྟེ། དེ་ལྟར་ཡོངས་སུ་གཟུང་བར་བྱའོ། །བཅོམ་ལྡན་འདས་ལ་ཚེ་དང་ལྡན་པ་ཀུན་དགའ་བོས་འདི་སྐད་ཅེས་གསོལ་ཏོ། །བཅོམ་ལྡན་འདས་བྱང་ཆུབ་སེམས་དཔའ་སེམས་དཔའ་ཆེན་པོ་འདིའི་མིང་ཅི་
ལགས་ན། འདི་ལྟ་བུའི་གཟུངས་བསྟན་པ་ལ་མཁས་པར་འགྱུར་ལགས། བཅོམ་ལྡན་འདས་ཀྱིས་བཀའ་སྩལ་པ། བྱང་ཆུབ་སེམས་དཔའ་འདིའི་མིང་ནི་སྤྱན་རས་གཟིགས་དབང་ཕྱུག་ཅེས་ཀྱང་བྱའོ། །དོན་ཡོད་པའི་ཞགས་པ་
ཞེས་ཀྱང་བྱའོ། །འོད་སྟོང་པའི་མིག་ཅན་ཞེས་ཀྱང་བྱ་སྟེ། རིགས་ཀྱི་བུ་བྱང་ཆུབ་སེམས་དཔའ་སྤྱན་རས་གཟིགས་དབང་ཕྱུག་འདིའི་མིང་དང་གཟི་བྱིན་དང་མཐུ་སྟོབས་ནི་བསམ་གྱིས་མི་ཁྱབ་སྟེ། འདས་པའི་བསྐལ་པ་ཚད་མེད་
པའི་སྔ་རོལ་ནས་མངོན་བར་རྫོགས་པར་སངས་རྒྱས་ནས་མཚན་ཡང་དེ་བཞིན་གཤེགས་པ་ཡང་དག་པའི་ཆོས་ཀྱི་སྣང་བ་ཞེས་བྱ་བར་གྱུར་པ་ཡིན་ཡང་། ཐུགས་རྗེ་ཆེན་པོ་དང་སྨོན་ལམ་གྱི་མཐུས་སེམས་ཅན་བདེ་བར་བྱ་བའི་ཕྱིར་

106-1-181b

བྱང་ཆུབ་སེམས་དཔའི་ལུས་མངོན་དུ་བསྟན་པ་ཡིན་པས། བྱང་ཆུབ་སེམས་དཔའ་སེམས་དཔའ་ཆེན་པོའི་འཁོར་མང་པོ་ཁྱེད་དང་། ཚངས་པ་དང་། བརྒྱ་བྱིན་དང་། ལྷ་དང་། ཀླུ་རྣམས་ཀྱིས་གུས་པས་བཀུར་སྟི་བྱས་ནས་བརྙས་
པར་མི་བྱའོ། །ལྷ་དང་མི་ཐམས་ཅད་ཀྱིས་རྟག་པར་མཆོད་པར་བྱས་ཏེ། སེམས་རྩེ་གཅིག་ཏུ་མིང་ནས་རྗོད་པར་བྱེད་ན་བསོད་ནམས་ཚད་མེད་པ་སྙེད་འཐོབ་པར་འགྱུར། ཁ་ན་མ་ཐོ་བ་ཚད་མེད་པ་སྙེད་ཡོངས་སུ་འབྱང་བར་
འགྱུར། ཚེ་འདས་ནས་ཀྱང་དེ་བཞིན་གཤེགས་པ་འོད་དཔག་མེད་ཀྱི་ཞིང་ཁམས་སུ་སྐྱེ་བར་འགྱུར་རོ། །བཅོམ་ལྡན་འདས་ཀྱིས་བཀའ་སྩལ་པ། ཀུན་དགའ་བོ་གལ་ཏེ་རིན་པོ་ཆེ་སྣ་ཚོགས་ཕུན་སུམ་ཚོགས་ཤིང་ཕྱུག་པོར་འགྱུར་
བར་འདོད་ན་ཡིད་བཞིན་གྱི་ནོར་བུའི་ལག་ལ་མཆོད་པར་བྱའོ། །མི་བདེ་བ་རྣམ་པ་སྣ་ཚོགས་ཀྱིས་གཙེས་པར་གྱུར་ན་ཞགས་པ་ཐོགས་པའི་ལག་ལ་མཆོད་དོ། །ཁོང་པར་ནད་རྣམས་ཡོད་པར་གྱུར་ན་རིན་པོ་ཆེའི་ལྷུང་བཟེད་ཐོགས་
པའི་ལག་ལ་མཆོད་དོ། །འདྲེ་གདོན་ཐམས་ཅད་གདུལ་བར་འདོད་ན་རིན་པོ་ཆེའི་རལ་གྲི་ཐོགས་པའི་ལག་ལ་མཆོད་དོ། །ལྷའི་བུའི་བདུད་ཐམས་ཅད་འདུལ་བར་འདོད་ན་རྡོ་རྗེ་ཐོགས་པའི་ལག་ལ་མཆོད་དོ། །ཕས་ཀྱི་རྒོལ་བའི་དགྲ་
གཞོམ་པར་འདོད་ན་རྡོ་རྗེ་ཐོ་བ་ཐོགས་པའི་ལག་ལ་མཆོད་དོ། །འཇིགས་ཤིང་བག་ཚ་བའི་གནས་ཐམས་ཅད་ལས་ཐར་བར་འདོད་ན་འཇིགས་པ་མེད་པ་སྦྱིན་པའི་ལག་ལ་མཆོད་དོ། །མིག་མི་གསལ་ཏེ་འོད་དང་མི་ལྡན་པར་
གྱུར་ན་མེ་ཤེལ་གྱི་ནོར་བུ་ཐོགས་པའི་ལག་ལ་མཆོད་དོ། །ཚ་བའི་རིམས་ཀྱིས་ཐེབས་ཏེ་བསིལ་བར་འདོད་ན་ཆུ་ཤེལ་གྱི་ནོར་བུ་ཐོགས་པའི་ལག་ལ་མཆོད་དོ། །བློན་ཐབས་འཐོན་པོར་འདོད་ན་རིན་པོ་ཆེའི་གཞུ་ཐོགས་པའི་ལག་
ལ་མཆོད་དོ། །གྲོགས་པོ་མཛའ་བཤེས་དང་མྱུར་དུ་ཕྲད་པར་འདོད་ན་རིན་པོ་ཆེའི་མདའ་ཐོགས་པའི་ལག་ལ་མཆོད་དོ། །ལུས་ལ་ནད་སྣ་ཚོགས་ཀྱིས་ཐེབས་པར་གྱུར་ན་ལྕུག་མ་ཐོགས་པའི་ལག་ལ་མཆོད་དོ། །ལུས་ཀྱི་

106-1-182a

བགེགས་མ་རུངས་པ་བསལ་བར་འདོད་ན་རྔ་ཡབ་དཀར་པོ་ཐོགས་པའི་ལག་ལ་མཆོད་དོ། །ཐམས་ཅད་འཐུན་པའི་འཁོར་དུ་གྱུར་པར་འདོད་ན་བུམ་པ་ཐོགས་པའི་ལག་ལ་མཆོད་དོ། །སྟག་དང་འཕར་སྤྱང་དང་དོམ་དྲེད་དང་གཅན་
ཟན་མ་རུངས་པ་ཐམས་ཅད་སྤོང་བར་འདོད་ན་ཕུབ་ཐོགས་པའི་ལག་ལ་མཆོད་དོ། །གནས་དང་དུས་ཐམས་ཅད་དུ་རྒྱལ་པོའི་བགེགས་ལས་ཐར་བར་འདོད་ན་དགྲ་སྟ་ཐོགས་པའི་ལག་ལ་མཆོད་དོ། །བུ་དང་བུ་མོ་དང་གཡོག་འཁོར་
གྱི་ཕྱིར་ནི་ཤེལ་གྱི་གདུབ་འཁོར་ཐོགས་པའི་ལག་ལ་མཆོད་དོ། །ཡོན་ཏན་རྣམ་པ་སྣ་ཚོགས་ཀྱི་ཕྱིར་ནི་པད་མ་དཀར་པོ་ཐོགས་པའི་ལག་ལ་མཆོད་དོ། །ཕྱོགས་བཅུའི་ཞིང་ཡོངས་སུ་དག་པ་དག་ཏུ་སྐྱེ་བར་འདོད་ན་པད་མ་
སྔོན་པོ་ཐོགས་པའི་ལག་ལ་མཆོད་དོ། །ཤེས་རབ་ཆེན་པོ་དང་ལྡན་པར་འདོད་ན་རིན་པོ་ཆེའི་མེ་ལོང་ཐོགས་པའི་ལག་ལ་མཆོད་དོ། །ཕྱོགས་བཅུའི་དེ་བཞིན་གཤེགས་པ་རྣམས་མངོན་སུམ་དུ་མཐོང་བར་འདོད་ན་པད་མ་དམར་པོ་
ཐོགས་པའི་ལག་ལ་མཆོད་དོ། །སའི་གཏེར་འབྱིན་པར་འདོད་ན་རིན་པོ་ཆེའི་ཟ་མ་ཏོག་ཐོགས་པའི་ལག་ལ་མཆོད་དོ། །དྲང་སྲོང་གི་ལམ་མངོན་བར་འགྲུབ་པར་འདོད་ན་སྤྲིན་སྣ་ལྔ་ཐོགས་པའི་ལག་ལ་མཆོད་དོ། །ཚངས་པར་
སྐྱེ་བར་འདོད་ན་རིལ་བ་ཐོགས་པའི་ལག་ལ་མཆོད་དོ། །ལྷའི་གཞལ་མེད་ཁང་དུ་སྐྱེ་བར་འདོད་ན་པད་མ་ལེབ་རྒན་ཐོགས་པའི་ལག་ལ་མཆོད་དོ། །ཕྱོགས་གཞན་གྱི་དགྲ་ཕྱིར་རྒོལ་བ་བསལ་བར་འདོད་ན་རལ་གྲི་དང་མདུང་
ཐོགས་པའི་ལག་ལ་མཆོད་དོ། །དགེ་བའི་ལྷ་འདྲེ་ཐམས་ཅད་དགུག་པར་འདོད་ན་རིན་པོ་ཆེའི་དུང་ཐོགས་པའི་ལག་ལ་མཆོད་དོ། །ལྷ་འདྲེ་ཐམས་ཅད་འཁོལ་བར་འདོད་ན་ཐོད་པའི་མཁར་བ་ཐོགས་པའི་ལག་ལ་མཆོད་དོ། །
ཕྱོགས་བཅུའི་སངས་རྒྱས་མྱུར་དུ་གཤེགས་ནས་ཕྱག་གིས་བྱུག་པར་འདོད་ན་བགྲང་ཕྲེང་འཛིན་པའི་ལག་ལ་མཆོད་དོ། །ཚངས་པའི་སྒྲ་དབྱངས་མཆོག་དམ་པ་ཐམས་ཅད་མངོན་བར་འགྲུབ་པར་འདོད་ན་རིན་པོ་ཆེའི་དྲིལ་བུ་

106-1-182b

ཐོགས་པའི་ལག་ལ་མཆོད་དོ། །ཚིག་གི་སྤོབས་པ་གྱ་ནོམ་པ་དང་ལྡན་པར་འདོད་ན་རིན་པོ་ཆེའི་ཕྱག་རྒྱ་ཐོགས་པའི་ལག་ལ་མཆོད་དོ། །དགེ་བའི་ལྷ་དང་ཀླུ་རྣམས་རྟག་པར་འོངས་ཏེ་སྲུང་ཞིང་ཡོངས་སུ་སྐྱོབ་པར་འདོད་ན་ལྕགས་ཀྱུ་ཐོགས་
པའི་ལག་ལ་མཆོད་དོ། །བྱམས་པ་དང་སྙིང་རྗེས་སེམས་ཅན་ཐམས་ཅད་ཡོངས་སུ་སྐྱོབ་པར་འདོད་ན་མཁར་སིལ་ཐོགས་པའི་ལག་ལ་མཆོད་དོ། །སེམས་ཅན་ཐམས་ཅད་ཀྱིས་རྟག་པར་ཕན་ཚུན་གུས་པས་བསྙེན་བཀུར་བྱེད་ཅིང་བརྩེ་
བར་སེམས་པར་འདོད་ན་ཐལ་མོ་སྦྱར་བའི་ལག་ལ་མཆོད་དོ། །སྐྱེ་བའི་སྐྱེ་གནས་ཐམས་ཅད་དུ་དེ་བཞིན་གཤེགས་པ་རྣམས་དང་མི་འབྲལ་བར་འདོད་ན་སྤྲུལ་པའི་སངས་རྒྱས་ཐོགས་པའི་ལག་ལ་མཆོད་དོ། །སྐྱེ་བའི་ཚེ་རབས་ཐམས་
ཅད་དུ་རྟག་པར་དེ་བཞིན་གཤེགས་པའི་ཕོ་བྲང་དུ་གནས་ནས་མངལ་གྱི་སྙིང་པོར་སྐྱེ་བར་མི་འགྱུར་བར་འདོད་ན་སྤྲུལ་པའི་གཞལ་མེད་ཁང་ཐོགས་པའི་ལག་ལ་མཆོད་དོ། །མང་དུ་ཐོས་པའི་ཤེས་པ་རྒྱ་ཆེན་པོ་དང་ལྡན་པར་འདོད་ན་རིན་པོ་
ཆེའི་མདོ་སྡེའི་གླེགས་བམ་ཐོགས་པའི་ལག་ལ་མཆོད་དོ། །ད་ལྟར་གྱི་ལུས་འདི་ནས་སངས་རྒྱས་ཀྱི་སྐུ་ལ་ཐུག་པའི་བར་དུ་རྟག་པར་བྱང་ཆུབ་ཀྱི་སེམས་ལས་ལྡོག་པར་མི་འགྱུར་བར་འདོད་ན་ཕྱིར་མི་ལྡོག་པའི་གསེར་གྱི་འཁོར་ལོ་
ཐོགས་པའི་ལག་ལ་མཆོད་དོ། །ཕྱོགས་བཅུའི་དེ་བཞིན་གཤེགས་པ་རྣམས་མྱུར་དུ་གཤེགས་ནས་སྤྱི་བོ་ནས་ཕྱག་གིས་བྱུགས་ཏེ་ལུང་བསྟན་པར་འདོད་ན་སྤྱི་བོ་ན་སྤྲུལ་པའི་སངས་རྒྱས་ཐོགས་པའི་ལག་ལ་མཆོད་དོ། །ཤིང་ཐོག་དང་
འབྲུ་རྣམས་གྲུབ་པར་འདོད་ན་རྒུན་འབྲུམ་ཐོགས་པའི་ལག་ལ་མཆོད་དོ། །དེ་ལྟར་མངོན་བར་སྒྲུབ་པའི་ཆོ་ག་སྟོང་ཡོད་ཀྱང་དེང་མདོར་བསྡུས་ནས་མདོ་ཙམ་ཞིག་བསྟན་པ་ཡིན་ནོ། །བཅོམ་ལྡན་འདས་ཀྱིས་བཀའ་སྩལ་པ། ཀུན་དགའ་
བོ་ཁྱོད་ཀྱིས་ཤིན་དུ་ཡོངས་སུ་དང་བའི་སེམས་ཀྱིས་གཟུངས་འདི་ཟུང་ལ་འཛམ་བུའི་གླིང་དུ་རྒྱ་ཆེར་ཡོངས་སུ་སྤེལ་ནས་རྒྱུན་མི་འཆད་པར་བྱའོ། །གཟུངས་འདི་ཁམས་གསུམ་གྱི་སེམས་ཅན་ནད་ཀྱིས་ཉོན་མོངས་པ་ཐམས་ཅད་ལ་རྒྱ་ཆེར་

106-1-183a

ཕན་འདོགས་པར་བྱེད་པས་གཟུངས་འདིས་ཡོངས་སུ་གསོས་ན་མི་འཚོ་བ་གང་ཡང་མེད་དོ། །རིག་སྔགས་ཆེན་མོ་འདིས་ཤིང་སྐམ་པོ་ལ་བཏབ་ན་ཡང་ཡལ་ག་དང་། ལོ་མ་དང་། མེ་ཏོག་དང་། འབྲས་བུ་སྐྱེ་བར་འགྱུར་ན་རྣམ་པར་ཤེས་པ་
དང་བཅས་པའི་སེམས་ཅན་ལྟ་སྨོས་ཀྱང་ཅི་དགོས་ཏེ། སེམས་ཅན་ནད་ཀྱིས་ཐེབས་པ་རྣམས་གསོས་ན་མི་འཚོ་བའི་གནས་ངེས་པར་མེད་དོ། །རིགས་ཀྱི་བུ་གཟུངས་འདིའི་བྱིན་གྱི་བརླབས་དང་མཐུ་བསམ་གྱིས་མི་ཁྱབ་པས་བསམ་གྱིས་
མི་ཁྱབ་པའི་བསྔགས་པ་བརྗོད་ཀྱང་མཐར་ཐུག་པར་མི་འགྱུར་རོ། །སྔོན་འདས་པའི་དུས་ཡུན་རིང་པོ་ནས་དགེ་བའི་རྩ་བ་རྒྱ་ཆེར་བསྐྱེད་པ་མ་ཡིན་ན་ཐ་ན་འདིའི་མིང་ཙམ་ཡང་ཐོས་པར་མི་འགྱུར་ན་མངོན་དུ་མཐོང་བ་ལྟ་སྨོས་ཀྱང་ཅི་དགོས། ལྷ་
དང་། མི་དང་། ཀླུ་ལ་སོགས་པའི་འཁོར་མང་པོ་ཁྱེད་རྣམས་ངས་གཟུངས་འདིའི་བསྔགས་པ་བརྗོད་པ་ཐོས་ན་ཐམས་ཅད་ཀྱིས་རྗེས་སུ་ཡི་རང་བར་བྱའོ། །གང་ལ་ལ་ཞིག་གིས་རིག་སྔགས་འདི་ལ་སྐུར་པ་བཏབ་པར་གྱུར་ན་གང་གཱའི་ཀླུང་གི་
བྱེ་བ་ཕྲག་དགུ་བཅུ་རྩ་དགུའི་བྱེ་མ་སྙེད་ཀྱི་སངས་རྒྱས་དེ་དག་ལ་སྐུར་པ་བཏབ་པར་འགྱུར་རོ། །གལ་ཏེ་གཟུངས་འདི་ལ་ཐེ་ཚོམ་དང་ཡིད་མི་ཆེས་པ་སྐྱེས་པར་གྱུར་ན་གང་ཟག་དེ་ནི་ཕན་ཡོན་ཆེན་པོ་དང་གཏན་དུ་འབྲལ་བར་འགྱུར་བས་
བསྐལ་པ་བརྒྱ་སྟོང་སྙེད་དུ་ངན་འགྲོར་འཁོར་ཞིང་འབྱུང་བའི་དུས་མེད་དེ། རྟག་པར་སངས་རྒྱས་ཀྱང་མི་མཐོང་། ཆོས་ཀྱང་མི་ཐོས། །དགེ་འདུན་ཡང་མཐོང་བར་མི་འགྱུར་བར་རིག་པར་བྱའོ། །འཁོར་དེར་འདུས་པའི་བྱང་ཆུབ་སེམས་དཔའ་
སེམས་དཔའ་ཆེན་པོ་དེ་དག་དང་། གསང་བ་པའི་བདག་པོ་ལག་ན་རྡོ་རྗེ་དང་། ཚངས་པ་དང་། བརྒྱ་བྱིན་དང་། རྒྱལ་པོ་ཆེན་པོ་བཞི་དང་། ལྷ་དང་། ཀླུ་དང་། འདྲེ་སྲིན་ཐམས་ཅད་བཅོམ་ལྡན་འདས་ཀྱིས་གཟུངས་འདིའི་བསྔགས་པ་བརྗོད་པ་ཐོས་
ནས། ཐམས་ཅད་ཀྱིས་རབ་ཏུ་དགའ་ཞིང་མགུ་བས་བཀའ་ཡང་དག་པར་བླངས་ནས་མངོན་བར་སྒྲུབ་པར་གྱུར་ཏོ། །དེ་ནས་བྱང་ཆུབ་སེམས་དཔའ་ཉི་འོད་ཀྱིས་ཐུགས་རྗེ་ཆེན་པོའི་གཟུངས་འཛིན་པ་དག་ཡོངས་སུ་བསྲུང་བའི་ཆེད་དུ་རིག་སྔགས་ཆེན་པོ་

106-1-183b

འདི་སྨྲས་སོ། །ན་མོ་བུད་དྷ་ཀུ་ར་བེ། ན་མོ་དྷརྨ་མ་ཧཱ་ཏེ། ན་མཿསྃ་གྷ་ཏ་ཡ་ཎི། ཏྲི་བུ་བི་ས་ཏྲུ་ཏྃ་ན་མ།    རིག་སྔགས་འདི་བཏོན་ན་ཁ་ན་མ་ཐོ་བ་ཐམས་ཅད་ཡོངས་སུ་འབྱང་བར་འགྱུར། བདུད་སྤོང་བར་བྱེད། བགེགས་རྣམས་སེལ་བར་འགྱུར་བས་ལན་རེ་
བཏོན་ནས་སངས་རྒྱས་ལ་ཕྱག་ལན་རེ་བྱའོ། །དེ་བཞིན་དུ་ཉིན་རེ་བཞིན་དུས་གསུམ་དུ་རིག་སྔགས་བཟླས་ནས་སངས་རྒྱས་ལ་ཕྱག་བྱས་ན་མ་འོངས་པའི་དུས་ན་སྐྱེ་བ་ཐམས་ཅད་དུ་ཡིད་དུ་འོང་བའི་མཚན་ཤིན་དུ་མཛེས་པ་རེ་རེའི་འབྲས་བུ་རྣམ་
པར་སྨིན་པ་ཐོབ་པར་འགྱུར་རོ། །བྱང་ཆུབ་སེམས་དཔའ་ཟླ་འོད་ཀྱིས་ཀྱང་རྣལ་འབྱོར་པ་དག་ཡོངས་སུ་བསྲུང་བའི་ཕྱིར་གཟུངས་འདི་སྨྲས་སོ། །སིན་ཏི་ཏེ་དུ་སོཊ།  ཨད་ཉ་མི་ཏི་ཨོ་ཏུཥྚ། སིན་ཁི་ཏ་པ་ལི་ཏིཥྚ། ཡ་མི་ཉ་ཏ་ཨོ་དྷུཥྚ། ཀུ་ལ་ཏིཥྚ། 
ཁི་མཥྚ་སྭཱ་ཧཱ། རིག་སྔགས་འདི་ལན་ལྔ་བཟླས་ནས་ཚོན་སྣ་ལྔའི་སྐུད་པ་ལ་སྔགས་མདུད་བྱས་ཏེ། གང་དུ་ན་བར་གདགས་པར་བྱའོ། །རིག་སྔགས་འདི་ནི་འདས་པའི་སངས་རྒྱས་གང་གཱའི་ཀླུང་བཞི་བཅུའི་བྱེ་མ་སྙེད་ཀྱིས་གསུངས་པ་ཡིན་
པས། དེང་བདག་གིས་ཀྱང་རྣལ་འབྱོར་པ་དག་ཡོངས་སུ་བསྲུང་བའི་ཕྱིར་དང་། བགེགས་ཐམས་ཅད་ཡོངས་སུ་བསལ་བའི་ཕྱིར་དང་། ནད་མ་རུངས་པ་ཐམས་ཅད་ཡོངས་སུ་བསལ་བའི་ཕྱིར་དང་། དགེ་བའི་ཆོས་ཐམས་ཅད་ཡོངས་སུ་རྫོགས་
པར་བྱ་བའི་ཕྱིར་དང་། འཇིགས་ཤིང་སྐྲག་པ་ཐམས་ཅད་ཡོངས་སུ་སྤང་བའི་ཕྱིར་བསྟན་པ་ཡིན་ནོ། །བཅོམ་ལྡན་འདས་ཀྱིས་བཀའ་སྩལ་པ། ཀུན་དགའ་བོ་བྱང་ཆུབ་སེམས་དཔའ་སྤྱན་རས་གཟིགས་དབང་ཕྱུག་གིས་བསྟན་པའི་རིག་
སྔགས་འདི་ནི་ཡང་དག་པར་བདེན་ཏེ་མི་བདེན་པ་ཅི་ཡང་མེད་དོ། །བྱང་ཆུབ་སེམས་དཔའ་འདི་དྲུང་དུ་འོང་བར་འདོད་ན་གུ་གུལ་ལ་ལན་ཉི་ཤུ་རྩ་གཅིག་སྔགས་ཀྱིས་བཏབ་སྟེ་བསྲེགས་ན་བྱང་ཆུབ་སེམས་དཔའ་འོང་བར་འགྱུར་རོ། །
གང་ལ་ལ་ཞིག་བྱི་ལའི་གདོན་གྱིས་ཟིན་པར་གྱུར་ན་བྱི་ལའི་མགོ་རུས་བསྲེགས་པའི་ཐལ་བ་ས་གཙང་མ་དང་བསྲེས་ཏེ། འཇིམ་པ་ལ་བྱི་ལའི་གཟུགས་བྱས་ནས། མིག་སྟོང་པའི་གཟུགས་ཀྱི་མདུན་དུ་ཨུར་མོའི་གྲི་གཙང་མ་ལ་བརྒྱ་རྩ་

106-1-184a

བརྒྱད་སྔགས་ཀྱིས་བཏབ་སྟེ། དུམ་བུ་བརྒྱ་རྩ་བརྒྱད་དུ་བཅད་ནས་སྔགས་ལན་རེ་གདོན་ཅིང་དེའི་མིང་ནས་ལན་རེ་བརྗོད་ན་གཏན་དུ་འཚོ་བར་འགྱུར་རོ། །བྱད་སྟེམས་ཀྱིས་ཕོག་པར་གྱུར་ན་གུ་གུལ་དང་ག་པུར་ཆ་མཉམ་པར་བྱས་ཏེ། ཁྲོན་པའི་ཆུ་གཙང་མ་
བྲེ་གང་དང་བསྲེས་ནས་སྐོལ་ཏེ་ཕུལ་གང་ཙམ་ལུས་པ་བླངས་ནས། མིག་སྟོང་པའི་གཟུགས་ཀྱི་མདུན་དུ་ལན་བརྒྱ་རྩ་བརྒྱད་སྔགས་ཀྱིས་བཏབ་སྟེ་འཐུངས་ན་འཚོ་བར་འགྱུར་རོ། །གལ་ཏེ་སྡིག་པ་དང་སྦྲུལ་གྱིས་ཟིན་པར་གྱུར་ན་བཅའ་སྒའི་ཕྱེ་མ་ལ་ལན་
བདུན་སྔགས་ཀྱིས་བཏབ་སྟེ་རྨ་ཁར་བསྐུས་ན་འཕྲལ་དུ་འཚོ་བར་འགྱུར་རོ། །གལ་ཏེ་མི་མ་རུངས་པ་དག་གིས་རྐུ་བཤམས་ནས་གནོད་པ་བྱས་པར་གྱུར་ན་ས་གཙང་མའམ། བག་ཟན་ནམ། སྤྲ་ཚིལ་ལ་ཕ་རོལ་པོའི་གཟུགས་བྱས་ཏེ་མིག་སྟོང་པའི་
གཟུགས་ཀྱི་མདུན་དུ་ཨུར་མོའི་གྲི་ལ་ལན་བརྒྱ་རྩ་བརྒྱད་སྔགས་ཀྱིས་བཏབ་ནས་སྔགས་ལན་རེ་བརྗོད་དེ་ལན་རེ་གཏུབས་ནས་ཕ་རོལ་གྱི་མིང་ནས་བརྗོད་དེ། བསྲེགས་ཟིན་ནས་དུམ་བུ་བརྒྱ་རྩ་བརྒྱད་དུ་བྱས་ན་ཕ་རོལ་པོ་དགའ་ཞིང་ནམ་འཚོ་
བའི་བར་དུ་གུས་པས་བཀུར་ཞིང་བྱམས་པར་འགྱུར་རོ། །གང་དག་མིག་ནད་ཀྱིས་བཏབ་སྟེ། མིག་གི་འབྲས་བུ་ཉམས་པར་གྱུར་ཏམ། མདོངས་པར་གྱུར་ཏམ། མི་གསལ་བར་གྱུར་ཏམ། ལིང་ཏོག་དཀར་པོ་དང་དམར་པོ་དག་གིས་
ཁེབས་ཏེ་འོད་དང་མི་ལྡན་པར་གྱུར་ན། ཨ་རུ་ར་དང་། བ་རུ་ར་དང་། སྐྱུ་རུ་ར་འབྲུམ་བུ་རེ་ཞིབ་དུ་བཏགས་ཏེ། འཐག་པའི་ཚེ་གཙང་སྦྲ་བྱ་དགོས་པས་བུད་མེད་གསར་དུ་བུ་བཙས་པ་དང་ཁྱི་དང་ཕག་རྣམས་བསྙེན་པར་མི་བྱའོ། །དེ་བཞིན་
གཤེགས་པའི་མཚན་ནས་བརྗོད་དེ། སྦྲང་རྩི་དཀར་པོ་དང་། མིའི་འོ་མ་དང་སྦྱར་ནས་མིག་ལ་བསྐུ་བར་བྱའོ། །འོ་མ་དེ་ཡང་བུ་ཁྱེའུ་བཙས་པའི་ནུ་ཞོ་རུང་གི་བུ་མོ་བཙས་པའི་ནུ་ཞོ་ནི་མི་རུང་ངོ་། །སྨན་དེ་སྦྱར་ཟིན་ནས་ཀྱང་མིག་སྟོང་པའི་
གཟུགས་ཀྱི་མདུན་དུ་ལན་སྟོང་རྩ་བརྒྱད་སྔགས་ཀྱིས་བཏབ་སྟེ། མིག་ལ་བསྐུས་ནས་ཞག་བདུན་གྱི་བར་དུ་ཁང་པ་དབེན་པར་རླུང་བསྲུངས་ན། མིག་གི་འབྲས་བུ་སྐྱེ་བར་འགྱུར་བས་ལིང་ཏོག་སྔོན་པོ་དང་དཀར་པོ་བསལ་ཏེ་གསལ་

106-1-184b

བ་རྒྱས་པར་འགྱུར་རོ། །གང་དག་གདོན་རྣམས་ཀྱིས་བཏབ་སྟེ་མྱོས་པར་གྱུར་ན་སྟག་དང་། འཕར་བ་དང་། སྤྱང་ཀིའི་ལྤགས་པ་ལ་ལན་ཉི་ཤུ་རྩ་གཅིག་སྔགས་ཀྱིས་བཏབ་སྟེ་ལུས་ལ་བགོས་ན་སོས་པར་འགྱུར་རོ། །གལ་ཏེ་སྦྲུལ་གྱིས་
ཟིན་པར་གྱུར་ན་གང་ཟིན་པའི་མི་དེའི་རྣ་སྤབས་བླངས་ནས་ལན་ཉི་ཤུ་རྩ་གཅིག་སྔགས་ཀྱིས་བཏབ་སྟེ་རྨ་ཀར་སླན་ན་སོས་པར་འགྱུར་རོ། །གཟེར་ཐབས་མ་རུངས་པས་སྙིང་ལ་གཟེར་ཏེ་འཆི་ལ་ཐུག་ན་ཀ་པྱི་ཏ་ལག་པ་ཙམ་ཆུ་གཙང་
མ་ཕུལ་གང་དང་སྦྱར་ཏེ། བསྐོལ་ནས་ཕུལ་ཕྱེད་ལུས་པ་ལ་ལན་བདུན་སྔགས་ཀྱིས་བཏབ་སྟེ་ཅིག་ཅར་བླུད་ན་སོས་པར་འགྱུར་རོ། །སྨན་དེ་ཡང་བུད་མེད་ཀྱི་དྲུང་དུ་བསྐོལ་བར་མི་བྱའོ། །རོ་ལངས་ཀྱི་གདོན་གྱིས་བཏབ་ནས་རྒྱུན་རིངས་
སུན་བར་གྱུར་ན་གུ་གུལ་ལ་ལན་ཉི་ཤུ་རྩ་གཅིག་སྔགས་ཀྱིས་བཏབ་སྟེ་བསྲེགས་ཏེ་སྣར་བདུག་པར་བྱའོ། །ཡང་ན་རི་བོང་གི་རྟུག་པའི་རི་ལུ་བདུན་བླངས་ཏེ་ལན་ཉི་ཤུ་རྩ་གཅིག་སྔགས་ཀྱིས་བཏབ་ནས་མིད་དུ་བཅུག་ན་སོས་པར་
འགྱུར་ཏེ། ཤ་དང་། ཆང་དང་། དཀུ་བ་རྣམ་པ་ལྔ་དང་། ཚིག་ངན་པ་རྣམས་བསྲུང་དགོས་སོ། །ཡང་ན་བབ་བླ་དང་། ཡུངས་དཀར་དང་། ལན་ཚྭ་ལ་ལན་ཉི་ཤུ་རྩ་གཅིག་སྔགས་ཀྱིས་བཏབ་སྟེ་ནད་པའི་ཁྲིའི་དྲུང་དུ་བསྲེགས་ན། 
གདོན་དེའི་ལུས་འཇིག་པར་འགྱུར་བས་འདུག་པའི་ཐུགས་མི་ཐུབ་སྟེ་འབྱེར་བར་འགྱུར་རོ། །གལ་ཏེ་གཞོག་ཕྱེད་ན་ཞིང་རྣ་བ་དང་སྣ་སུབས་པར་གྱུར་ཏམ། རྐང་ལག་སྡུད་མི་ནུས་པར་གྱུར་ན་རུ་རྟ་ཏིལ་མར་གྱི་ནང་དུ་བསྐོལ་
ཏེ་ལན་ཉི་ཤུ་རྩ་གཅིག་སྔགས་ཀྱིས་བཏབ་ནས་ལུས་ལ་བསྐུས་ན་གཏན་དུ་འཚོ་བར་འགྱུར་རོ། །ཡང་ན་བའི་མར་ལ་ལན་ཉི་ཤུ་རྩ་གཅིག་སྔགས་ཀྱིས་བཏབ་སྟེ་ལུས་ལ་བསྐུས་ན་ཡང་སོས་པར་འགྱུར་རོ། །གལ་ཏེ་བུ་
བཙའ་དཀའ་བར་གྱུར་ན་ཏིལ་མར་ལ་ལན་ཉི་ཤུ་རྩ་གཅིག་སྔགས་ཀྱིས་བཏབ་སྟེ། བུད་མེད་སྦྲུམ་མའི་ལྟེ་བ་དང་མོ་མཚན་ལ་བསྐུས་ན་མྱུར་དུ་བཙའ་བར་འགྱུར་རོ། །བུད་མེད་སྦྲུམ་མ་གང་དག་མངལ་དུ་བུ་ཤི་བར་གྱུར་ན་འགིའུ་

106-1-185a

སི་སྲང་གཅིག་ཆུ་ཕུལ་དོའི་ནང་དུ་བསྐོལ་ཏེ་ཕུལ་གང་ལུས་པ་ལ་ལན་ཉི་ཤུ་རྩ་གཅིག་སྔགས་ཀྱིས་བཏབ་ནས་བླུད་ན། སྡུག་བསྔལ་ཞི་ཞིང་ན་བ་མེད་པར་འབྱུང་བར་འགྱུར་རོ། །ཤ་མ་འབྱུང་དུ་མི་བཏུབ་པར་གྱུར་ན་ཡང་སྨན་འདི་
འཐུངས་ན་ཕན་པར་འགྱུར་རོ། །གློ་བུར་དུ་སྙིང་གཟེར་ཏེ་མི་བཟོད་པར་གྱུར་ན་དེ་ནི་རོ་ཉུལ་གྱི་གཟེར་ཐབས་ཤེས་བྱ་བ་ཡིན་པས་ཀུན་ཏུ་རུ་དང་པོག་དཀར་པོ་མ་གྲུགས་པ་ལ་ལན་ཉི་ཤུ་རྩ་གཅིག་སྔགས་ཀྱིས་བཏབ་སྟེ་ཅི་ཙམ་འབྱོར་
པ་བྱིན་ནས་སློན་དུ་བཅུག་ན་འཚོ་བར་འགྱུར་རོ། །ཤ་ཆང་དང་། དཀུ་བ་རྣམ་པ་ལྔ་བསྲུང་དགོས་སོ། །མེས་ཚིག་པར་གྱུར་ན་བ་ལང་གི་ལྕི་བ་དྲོན་པོ་ལ་ལན་ཉི་ཤུ་རྩ་གཅིག་སྔགས་ཀྱིས་བཏབ་སྟེ་རྨ་ཀར་བསྐུས་ན་འཚོ་བར་འགྱུར་རོ། །
སྲིན་བུ་ཁོང་པར་ཞུགས་ཏེ་ན་བར་གྱུར་ན་རྟ་དཀར་པོའི་གཅིན་ཕུལ་ཕྱེད་ལ་ལན་ཉི་ཤུ་རྩ་གཅིག་སྔགས་ཀྱིས་བཏབ་སྟེ་བླུད་ན་འཚོ་བར་འགྱུར་རོ། །ཚབས་ཆེ་བ་ལ་ཕུལ་གང་བླུད་ན་སྲིན་བུ་ཐག་པ་གཅུས་པ་བཞིན་དུ་རང་འབྱུང་བར་
འགྱུར་རོ། །ཤུ་ཆེན་བྱུང་བ་ལ་ལེང་སེའུ་ཧྭ་བརྡུངས་པའི་ཁུ་བ་ལ་ལན་ཉི་ཤུ་རྩ་གཅིག་སྔགས་ཀྱིས་བཏབ་སྟེ་ཤུ་བའི་སྟེང་དུ་བླུགས་ན་རྩ་བར་དབྱུང་བར་འགྱུར་བས་མོད་ལ་འཚོ་བར་འགྱུར་རོ། །མིག་ཏུ་སྦྲང་མ་ཞུགས་ཏེ་ན་བར་གྱུར་ན་བོང་
བུའི་རྟུག་པ་བཙིར་བའི་ཁུ་བ་ལ་ལན་ཉི་ཤུ་རྩ་གཅིག་སྔགས་ཀྱིས་བཏབ་སྟེ་མཚན་མོ་མིག་ཏུ་བླུགས་ན་འཚོ་བར་འགྱུར་རོ། །ལྟོ་ན་བར་གྱུར་ན་ཁྲོན་པའི་ཆུ་གཙང་མའི་ནང་དུ་ལན་ཚྭ་མ་གྲུགས་པ་འབྲུམ་བུ་ཉི་ཤུ་རྩ་གཅིག་བོར་ཏེ་
ལན་ཉི་ཤུ་རྩ་གཅིག་སྔགས་ཀྱིས་བཏབ་ནས་ཕུལ་ཕྱེད་འཐུངས་ན་ཕན་པར་འགྱུར་རོ། །མིག་ཚག་པོར་གྱུར་ཏམ། མིག་ཏུ་ཤ་ལྷག་བྱུང་བར་གྱུར་ཏམ། ལིང་ཏོག་བྱུང་བར་གྱུར་ན་ཀེའུ་ཁེ་ཚེའི་ཤིང་གི་ལོ་མ་བརྡུངས་ཏེ་བཙིར་བའི་ཁུ་བ་
ལ་ལན་བདུན་སྔགས་ཀྱིས་བཏབ་སྟེ། དེའི་ནང་དུ་འཁར་བའི་དོང་ཚེ་གཅིག་མཚན་གཅིག་སྤངས་ནས་ཡང་ལན་བདུན་སྔགས་ཀྱིས་བཏབ་སྟེ་མིག་ཏུ་བླུགས་ན་འཚོ་བར་འགྱུར་རོ། །གལ་ཏེ་མཚན་མོ་འབྱུང་འཇུག་གི་ཚེ་འཇིགས་དངངས་

106-1-185b

ནས་མི་བདེ་བར་གྱུར་ན་སྐུད་པ་དཀར་པོ་ལ་ལན་ཉི་ཤུ་རྩ་གཅིག་སྔགས་ཀྱིས་བཏབ་སྟེ། མདུད་པ་ཉི་ཤུ་རྩ་གཅིག་བྱས་ནས་མགུལ་དུ་བཏགས་ན་འཇིགས་ཤིང་དངང་བ་དང་འབྲལ་བར་འགྱུར་རོ། །འཇིགས་པ་དང་བྲལ་བ་ཁོ་ནར་མ་ཟད་
ཀྱི་བསོད་ནམས་ཀྱང་ཐོབ་ལ་སྡིག་པ་རྣམས་ཀྱང་འབྱང་བར་འགྱུར་རོ། །གལ་ཏེ་ཁྱིམ་འཁོར་དུ་ལྟས་ངན་བྱུང་བར་གྱུར་ན་བལ་པོ་སེའུའི་ཤིང་གི་ཡལ་ག་བླངས་ནས་དུམ་བུ་སྟོང་རྩ་བརྒྱད་དུ་གཏུབས་ཏེ། མགོ་མཇུག་གཉི་གར་
མར་དང་ཞོ་བསྐུས་ནས་སྔགས་ལན་རེ་བཟླ་ཞིང་རེ་རེ་བསྲེགས་ཏེ་སྟོང་རྩ་བརྒྱད་ཚང་བར་བྱས་ན་གདོན་བགེགས་ཐམས་ཅད་རབ་ཏུ་ཞི་བར་འགྱུར་ཏེ། དེ་ཡང་སངས་རྒྱས་ཀྱི་སྤྱན་སྔར་བྱ་དགོས་སོ། །ཤུ་དག་དཀར་པོ་བླངས་ནས་ལན་
བརྒྱ་རྩ་བརྒྱད་སྔགས་ཀྱིས་བཏབ་སྟེ། དཔུང་པ་གཡས་པ་ལ་བཏགས་ན་གཡུལ་ངོར་འཐབ་པ་དང་འབེལ་བའི་གཏམ་སྨྲ་བའི་གནས་ཐམས་ཅད་དུ་རྒྱལ་བར་འགྱུར་རོ། །ཀེའུ་ཁི་ཚེའི་ཤིང་གི་ལོ་མའམ་ཡལ་ག་ཡང་རུང་སྟེ་དུམ་
བུར་གཏུབས་ནས་མགོ་མཇུག་གཉི་གར་བ་མར་ཡང་དག་པ་དང་། སྦྲང་རྩི་དཀར་པོ་དང་བ་ཞོ་བསྐུས་ཏེ་སྔགས་ལན་རེ་བཟླ་ཞིང་དུམ་བུ་རེ་རེ་སྲེག་པ་སྟོང་རྩ་བརྒྱད་ཚང་བར་བྱའོ། །ཉིན་གཅིག་ལ་དུས་གསུམ་དུ་བྱ་ཞིང་དུས་གཅིག་ལ་ཡང་
ལན་སྟོང་རྩ་བརྒྱད་བཟླས་ཏེ་ཞག་བདུན་ཚང་བར་གྱུར་ན་སྔགས་མཁན་དེ་རང་གིས་མངོན་བར་ཤེས་པ་ཐོབ་པར་འགྱུར་རོ། །གདོན་མཐུ་བོ་ཆེ་གདུལ་བར་འདོད་ན་ལུང་ཏང་ལ་ལན་བཞི་བཅུ་རྩ་དགུ་སྔགས་ཀྱིས་བཏབ་སྟེ། མར་དང་སྦྲང་རྩི་བསྐུས་
ནས་འཕགས་པ་སྙིང་རྗེ་ཆེན་པོ་དང་ལྡན་པའི་གཟུགས་བྱས་པའི་མདུན་དུ་བསྲེག་པར་བྱའོ། །འགིའུ་ཝང་སྲང་གཅིག་བཻ་དཱུརྱའི་བུམ་པའི་ནང་དུ་བཅུག་སྟེ། འཕགས་པ་སྙིང་རྗེ་ཆེན་པོ་དང་ལྡན་པའི་གཟུགས་བྱས་པའི་མདུན་དུ་བཞག་ནས་སྔགས་
ལན་སྟོང་རྩ་བརྒྱད་ཀྱིས་བཏབ་སྟེ་ལུས་ལ་བསྐུས་སམ་དཔྲལ་བར་ཐིག་ལེ་བྱས་ན། ལྷ་དང་། ཀླུ་དང་། འདྲེ་སྲིན་དང་། མི་དང་མི་མ་ཡིན་པ་ཐམས་ཅད་རབ་ཏུ་དགའ་བར་འགྱུར་རོ། །གལ་ཏེ་ལ་ལ་ཞིག་བཙོན་རར་ཆུད་པར་གྱུར་ན་ཕུག་རོན་དཀར་

106-1-186a

པོའི་རྟུག་པ་ལ་ལན་བརྒྱ་རྩ་བརྒྱད་སྔགས་ཀྱིས་བཏབ་སྟེ་ལག་པ་ལ་བསྐུས་ནས་བཙོན་ཅ་ལ་བྱུགས་ན་བཙོན་ཅ་རང་གྲོལ་བར་འགྱུར་རོ། །གལ་ཏེ་ཁྱོ་ཤུག་ཆུ་དང་མེ་བཞིན་དུ་མི་འདུམ་པར་གྱུར་ན་བྱ་ངུར་པའི་མཇུག་མ་བླངས་ཏེ། འཕགས་པ་སྙིང་རྗེ་
ཆེན་པོ་དང་ལྡན་པའི་གཟུགས་བྱས་པའི་མདུན་དུ་སྔགས་ལན་སྟོང་རྩ་བརྒྱད་ཀྱིས་བཏབ་ནས་ལུས་ལ་བཏགས་ན། དེ་དག་ནམ་འཚོ་བའི་བར་དུ་གཅིག་ལ་གཅིག་དགའ་ཞིང་བྱམས་པ་དང་བཀུར་བར་འགྱུར་རོ། །ལོ་ཏོག་དང་འབྲས་བུ་
རྣམས་ལ་སྲིན་བུ་ཞུགས་ཏེ་ཟ་བར་གྱུར་ན་སའམ་ཐལ་བའམ་བྱེ་མ་གཙང་མ་བླངས་ཏེ། ལན་སྟོང་རྩ་བརྒྱད་སྔགས་ཀྱིས་བཏབ་ནས་ཞིང་གི་ཕྱོགས་བཞིར་གཏོར་ན་སྲིན་བུ་རྣམས་འགྱེས་པར་འགྱུར་རོ། །ཆུ་གཙང་མ་ལ་སྔགས་ཀྱིས་བཏབ་
སྟེ་འབྲས་བུའི་ལྗོན་ཤིང་ལ་གཏོར་ན་སྲིན་བུ་འབྲས་བུ་ལ་ཟ་བའི་ཐུགས་མི་ཐུབ་པོ། །ན་མོ་རད་ན་ཏྲ་ཡཱ་ཡ། ཤ་ར་མ་ཧཱ་ཤ་ར། ཏུ་ལུ་མ་ཧཱ་ཏུ་ལུ། ཨོཾ་ཀུ་མེ་ཧ་ནི་ཤ་པ། ཨོཾ་ཀུ་མེ་ཧ་ནི་ཤ་བ།  བཅོམ་ལྡན་འདས་ཀྱིས་བཀའ་སྩལ་པ། གང་ལ་ལ་
ཞིག་འབྲུ་དཀོན་པའི་གནས་སུ་ཕྱིན་ཏེ། མུ་གེ་བྱུང་ནས་ཟན་ཆད་པར་གྱུར་ན་ཁྱེད་ཀྱིས་མིག་བཙུམས་ནས་ལུས་དྲང་པོར་བསྲང་སྟེ། སེམས་རྩེ་གཅིག་ཏུ་གཟུངས་སྔགས་འདི་ལན་བརྒྱ་རྩ་བརྒྱད་བཟླས་ནས་མིག་ཕྱེ་ཤིག་དང་། 
ལྷ་རྣམས་ཀྱིས་ལྷའི་ཞལ་ཟས་རོ་བརྒྱ་དང་ལྡན་པ་སྣོད་བཀང་ནས་ཁྱེར་ཏེ་འོང་བར་འགྱུར་རོ། །གལ་ཏེ་ཁྱིམ་ན་གནས་པའི་ཚེ་དགོས་པར་གྱུར་ན་སྣོད་གཙང་མ་སྟོང་པ་མདུན་དུ་བཞག་ནས་མིག་བཙུམས་ཏེ་ཁ་ཆུས་བཀང་ནས་ལྕང་མའི་
ལྕུག་མ་དང་རྔ་ཡབ་དང་ལྷུང་བཟེད་ལ་གཏོར་བར་བྱའོ། །ཆུས་གཏོར་ཟིན་ནས་མིག་བཙུམས་ཏེ་གཟུངས་འདི་ལན་བཞི་བཅུ་རྩ་དགུ་བཟླས་ན་རང་གི་ངང་གིས་རོ་བརྒྱ་དང་ལྡན་པའི་ཟས་སྣོད་ཀུན་གང་བ་འབྱུང་བར་འགྱུར་བས་བླངས་ནས་
ཞག་བདུན་གྱི་བར་དུ་བཟའ་བར་བྱ་སྟེ། དེ་ལྟར་ན་འདིའི་མཐུ་སྟོབས་ནི་བསམ་གྱིས་མི་ཁྱབ་པར་རིག་པར་བྱའོ། །ཟས་ཟོས་ཟིན་ནས་མིག་བཙུམས་ཏེ་ས་ར་ཁ་ཞེས་བརྗོད་ནས་ཟས་ཀྱི་ལྷག་མ་ཡང་སྤང་བར་བྱའོ། །ཟས་ཟོས་ཏེ་ལྟོར་

106-1-186b

མིད་ནས་ཀྱང་མྱུར་དུ་འཇུ་བར་འགྱུར་བས་སྟོབས་དང་ལྡན་ཞིང་བདེ་བ་འཐོབ་པར་འགྱུར། ཐོགས་པ་མེད་པའི་སྤོབས་པ་འཐོབ་པར་འགྱུར་རོ། །ཀུན་དགའ་བོ་ཐོས་པ་འཛིན་པར་འགྱུར་བའི་གཟུངས་ནི་འདི་ཡིན་ཏེ། ན་མོ་བུད་དྷཱ་ཡ། ན་མོ་དྷརྨཱ་ཡ། 
ན་མཿསཾ་གྷཱ་ཡ། ན་མཿཨ་དན་ནི་ཡ། ཨུག་ཙི་དུ་ཨུག་ཙི་དུ། མ་ཏི་ལ་ལི་ལ། ལ་ལུ་ཏེ་ན་མ་ནི་མི་ཏི་ན་མ་སྭཱ་ཧཱ། གཟུངས་འདི་འཛིན་པས་ཕྱོགས་བཞི་ནས་རྒྱུན་ཆད་པའི་རིའི་རྩེ་མོར་དཀྱིལ་འཁོར་བྱས་ནས་མཚམས་བཅད་དེ་ལུས་བསྲུངས་
ནས། འཁར་བའི་ལྷུང་བཟེད་ཆུང་ངུ་ཅིག་ཁྲོན་པའི་ཆུ་གཙང་མས་བཀང་སྟེ་མདུན་དུ་བཞག་ནས་གཟུངས་སྔགས་བཟླས་ནས། གདོན་མི་ཟ་བར་སྐར་མ་གསལ་བ་གཅིག་འོང་བར་འགྱུར་བས། འོང་བའི་ཚེ་འཇིགས་པ་མི་བསྐྱེད་པར་སེམས་
བདེ་བར་མཉམ་པར་བཞག་ནས་སེམས་རྩེ་གཅིག་ཏུ་གཟུངས་སྔགས་འདོན་པར་བྱེད་ན། དབང་པོ་རྣོ་ཞིང་ཤེས་རབ་དང་ལྡན་པར་འགྱུར་བས་མི་ཤེས་པ་ཅི་ཡང་མེད་པར་འགྱུར། འཇིག་རྟེན་པའི་ལམ་གྱི་ཆོས་ཀྱང་མི་རྟོགས་པ་ཅི་ཡང་མེད་
པར་འགྱུར་རོ། །ཐོས་པ་རྒྱུད་པའི་ཚེ་སྐར་མ་མཆོག་ཏུ་གསལ་བ་གཅིག་ལྷུང་བཟེད་ཀྱི་ཆུའི་ནང་དུ་འོང་བར་འདུ་ཤེས་བསྐྱེད་པར་བྱའོ།། །།བྱང་ཆུབ་སེམས་དཔའ་སྤྱན་རས་གཟིགས་དབང་ཕྱུག་ཐོགས་པ་མི་མངའ་བའི་ཐུགས་རྗེ་ཆེན་
པོ་རྒྱ་ཆེར་ཡོངས་སུ་རྫོགས་པའི་གཟུངས། བམ་པོ་གཉིས་པ། དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་སྤྱན་རས་གཟིགས་དབང་ཕྱུག་གུས་པས་ཐལ་མོ་སྦྱར་ཏེ། བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་
ལྡན་འདས་བདག་ནི་སྔོན་བསམ་གྱིས་མི་ཁྱབ་པའི་བསོད་ནམས་བསགས་པའི་རྒྱུ་དང་རྐྱེན་གྱིས། དེང་བཅོམ་ལྡན་འདས་ཀྱིས་བདག་ལ་ལུང་བསྟན་པར་མཛད་པ་དང་། བདག་སྙིང་རྗེ་ཆེན་པོ་བསྐྱེད་ནས་སེམས་ཅན་ཐམས་ཅད་ལ་སྨན་
པར་བགྱི་བ་དང་། བཅིང་བ་མཐའ་དག་གཅད་པ་དང་། འཇིགས་པ་ཐམས་ཅད་ཞི་བར་འགྱུར་བར་བཞེད་པ་ལགས་པས། དེང་བདག་གིས་ཡུམ་ཞེས་བགྱི་བའི་གཟུངས་བཤད་པར་འཚལ་ཏེ། དུས་ཐ་མའི་སེམས་ཅན་རྣམས་ཡུམ་ཞེས་

106-1-187a

བགྱི་བའི་གཟུངས་འདི་ཐོས་པའི་བྱིན་གྱི་བརླབས་ཀྱི་མཐུས་དེ་དག་ཐམས་ཅད་སྡུག་བསྔལ་གྱི་རྒྱུ་དང་བྲལ་ནས་བདེ་བའི་འབྲས་བུ་ཐོབ་པར་འགྱུར་ལགས་སོ། །བཅོམ་ལྡན་འདས་དུས་ལྔ་བརྒྱ་ཐ་མ་ལ་ཡུལ་ལམ། གྲོང་ངམ་གྲོང་ཁྱེར་
རམ། གྲོང་རྡལ་གང་ཡང་རུང་བ་དག་ཏུ་དགེ་སློང་ངམ། དགེ་སློང་མའམ། རིགས་ཀྱི་བུའམ། རིགས་ཀྱི་བུ་མོ་ལ་སོགས་པས་རྟག་པར་གདུགས་མཚན་ལན་དྲུག་ཏུ་ཆོས་བཞིན་དུ་ཡུམ་ཞེས་བགྱི་བའི་གཟུངས་སྔགས་ཀྱི་ཆོས་ཀྱི་རྣམ་གྲངས་འདི་
ཀློག་ཅིང་འདོན་པ་དང་། ཡོངས་སུ་འཛིན་པར་བགྱིད་ན། བདག་དེ་བཞིན་གཤེགས་པའི་བཀའ་དྲིན་རྗེས་སུ་དྲན་ཞིང་གཟོ་བའི་སླད་དུ་རྟག་པར་རྗེས་སུ་འབྲངས་ནས། གང་ཟག་དེ་དག་ཡོངས་སུ་སྲུང་བར་བགྱིད་ཅིང་སྤོང་བར་མི་བགྱིད་པས་འདྲེ་
སྲིན་ཐམས་ཅད་ཀྱིས་གནོད་པར་བགྱིད་པར་མི་འགྱུར་ལགས་སོ། །གཞན་ཡང་ཚེ་རབས་ཀྱི་སྒྲིབ་པ་ལྕི་བ་ཐམས་ཅད་ཀྱང་དུས་གཅིག་ཏུ་ཡོངས་སུ་འབྱང་བར་འགྱུར། གཟུངས་སྔགས་ཀྱི་དཀྱིལ་འཁོར་དང་། ཕྱག་རྒྱའི་ཆོས་ཀྱི་སྒོ་ཐམས་ཅད་
ཀྱང་མྱུར་དུ་ཡོངས་སུ་རྫོགས་པར་འགྱུར་ལགས་སོ། །བཅོམ་ལྡན་འདས་ལ་ཡང་འདི་སྐད་ཅེས་གསོལ་ཏོ། །བཅོམ་ལྡན་འདས་སླད་མའི་དུས་ལྔ་བརྒྱ་ཐ་མའི་སེམས་ཅན་རྣམས་ནི་ཕལ་ཆེར་སྡིག་པའི་དྲི་མ་ལྷུན་སྟུག་ཅིང་བསོད་ནམས་ཆུང་
བས་ཡོངས་སུ་འཛིན་པར་བགྱིད་པ་ཞིག་མཆིས་ན་ཡང་འདྲེ་སྲིན་དག་གིས་གནོད་པ་བགྱིད་པས། དེང་བདག་བཅོམ་ལྡན་འདས་ཀྱི་བྱིན་གྱི་བརླབས་ཀྱིས་སེམས་ཅན་རྣམས་ལ་རྒྱ་ཆེར་སྨན་པར་བགྱི་བ་དང་། སེམས་ཅན་རྣམས་ལ་བདེ་བར་
བགྱིད་པ་དང་། ལྷ་དང་ལྷ་མ་ཡིན་ལ་སོགས་པའི་ཆེད་དུ་གཟུངས་ཀྱི་ཆོས་བཤད་པར་འཚལ་ཏེ། བདག་གིས་སྔོན་འདས་པའི་བསྐལ་པ་ཚད་མ་མཆིས་པ་སྙེད་ཀྱི་བར་དུ་གཟུངས་ཀྱི་ཆོས་འདི་ལ་བསྟེན་ཅིང་མཆོད་པ་བགྱིས་ལགས་སོ། །
འདས་པ་དང་། མ་བྱོན་པ་དང་། ད་ལྟར་བཞུགས་པའི་སངས་རྒྱས་རྣམས་ཀྱི་བར་དག་ཀྱང་ཡུམ་ཞེས་བགྱི་བའི་གཟུངས་ཀྱི་ཆོས་ཀྱི་རྣམ་གྲངས་འདིའི་རྒྱུས་བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་བརྙེས་པ་ལགས་པས་

106-1-187b

རིགས་ཀྱི་བུའམ། རིགས་ཀྱི་བུ་མོ་གང་ལ་ལ་ཞིག་སེམས་རྩེ་གཅིག་ཏུ་ཡུམ་ཞེས་བགྱི་བའི་གཟུངས་ཀྱི་ཆོས་ཀྱི་རྣམ་གྲངས་འདི་ཀློག་པ་དང་། ཡོངས་སུ་འཛིན་པར་བགྱིད་ན་དེ་དག་ཚེ་འདི་ཉིད་ལ་ཚིག་གི་སྤོབས་པ་མྱུར་ཞིང་ཐོགས་པ་མ་མཆིས་
པ་དང་། ཤེས་རབ་དང་སྤོབས་པ་མངོན་པར་རྟོགས་པར་འགྱུར་བས། ལྷ་དང་མིའི་འཁོར་མང་པོའི་ནང་ན་མཆོག་ཏུ་འགྱུར། གང་དག་ཐོས་པ་རྣམས་ཀྱང་རབ་ཏུ་དགའ་ཞིང་ཐམས་ཅད་ཀྱིས་སྤྱི་བོ་བཏུད་དེ་ཕྱག་བགྱིད་པར་འགྱུར། སྐྱེ་བ་ཐམས་
ཅད་དུ་སངས་རྒྱས་དང་། ཆོས་དང་། དགེ་འདུན་མཐོང་བར་འགྱུར། གང་ཅི་སྨྲས་ཀྱང་རུང་སྟེ། ཐམས་ཅད་ཀྱིས་ཡིད་ཆེས་པས་ཉན་པར་འགྱུར་ལགས་ཏེ། དེ་དག་ཐམས་ཅད་ཀྱང་སངས་རྒྱས་བཅོམ་ལྡན་འདས་རྣམས་ཀྱི་བྱིན་གྱི་བརླབས་ཀྱི་
མཐུ་ལགས་ཏེ། རང་ཉིད་ཀྱི་མཐུ་ནི་མ་ལགས་སོ། །དེ་ནས་བཅོམ་ལྡན་འདས་ཀྱིས་བྱང་ཆུབ་སེམས་དཔའ་སྤྱན་རས་གཟིགས་དབང་ཕྱུག་ལ་ཁྱོད་ཀྱིས་འདི་ལྟར་ལྷ་དང་མི་དང་ལྷ་མ་ཡིན་ལ་སོགས་པ་དེ་དག་ཐམས་ཅད་ལ་ཕན་པ་དང་། 
བདེ་བར་བྱ་བ་དང་། ལས་ཀྱི་ལམ་ཡོངས་སུ་སྦྱང་བའི་ཆེད་དུ་སྨྲས་པ་ལེགས་སོ་ལེགས་སོ་ཞེས་བསྔགས་པ་བརྗོད་ནས། ངས་ཀྱང་དེང་ཡེ་ཤེས་ཀྱི་ཕྱག་རྒྱས་བཏབ་ནས། ཁྱོད་བྱམས་པ་ཆེན་པོ་དང་སྙིང་རྗེ་ཆེན་པོ་ལ་སོགས་
པའི་སེམས་རྣམ་པ་སྣ་ཚོགས་ལས་གཏན་དུ་ལྡོག་པར་མི་འགྱུར་བར་བྱའོ་ཞེས་བཀའ་སྩལ་ཏོ། །དེ་ནས་བཅོམ་ལྡན་འདས་ལ་བྱང་ཆུབ་སེམས་དཔའ་སྤྱན་རས་གཟིགས་དབང་ཕྱུག་གིས་ཡང་འདི་སྐད་ཅེས་གསོལ་ཏོ། །བཅོམ་
ལྡན་འདས་བདག་མངོན་བར་དྲན་ལགས་ཏེ། འདས་པའི་བསྐལ་པ་ཚད་མ་མཆིས་པ་ནས།  ཡུམ་ཞེས་བགྱི་བའི་གཟུངས་ཀྱི་ཆོས་ཀྱི་རྣམ་གྲངས་འདི་ཡོངས་སུ་བཟུང་བས་རི་བོ་པོ་ཏ་ལ་ལ་མཆིས་པའི་ཚེ་བདུད་ཀྱི་རྒྱལ་པོས་བདུད་
ཀྱི་འཁོར་མང་པོ་དང་འགྲོགས་ནས་བདག་གི་ཆོས་དཀྲུག་ཅིང་། སྔགས་ཀྱི་ཚིག་རྣམས་མངོན་བར་མི་འགྲུབ་པར་བགྱི་བར་བཤམས་པ་ལས། དེའི་ཚེ་བདག་གིས་ཡུམ་ཞེས་བགྱི་བའི་གཟུངས་འདིས་བདུད་མང་པོ་རྣམས་བཏུལ་

106-1-188a

ནས་ཐམས་ཅད་སོ་སོར་གྱེས་པར་གྱུར་པས། གཟུངས་འདིའི་མཐུ་བསམ་གྱིས་མི་ཁྱབ་པར་རིག་པར་བགྱི་ལགས་སོ། །དེ་ནས་བྱང་ཆུབ་སེམས་དཔའ་སྤྱན་རས་གཟིགས་དབང་ཕྱུག་བྱམས་པ་དང་། སྙིང་རྗེ་ཆེན་པོས་སེམས་ཅན་
ཐམས་ཅད་ལ་ཕན་གདགས་ཤིང་། ལྷ་དང་མི་རྣམས་བདེ་བ་ཐོབ་པར་བྱ་བའི་ཕྱིར་བཅོམ་ལྡན་འདས་དང་འཁོར་འདུས་པ་ཆེན་པོའི་མདུན་དུ་བྱང་ཆུབ་སེམས་དཔའ་སྤྱན་རས་གཟིགས་དབང་ཕྱུག་ཕྱག་སྟོང་སྤྱན་སྟོང་དང་ལྡན་པའི་ཡུམ་
ཞེས་བྱ་བའི་གཟུངས་ལུས་པོ་ཆེའི་སྔགས་འདི་སྨྲས་སོ། །ན་མཿསརྦ་ཏ་ཐཱ་ག་ཏཱ་ཡ། ན་མོ་རད་ན་ཏྲ་ཡཱ་ཡ། ན་མོ་ཨ་མི་ཏཱ་བྷཱ་ཡ། ཏ་ཐཱ་ག་ཏཱ་ཡ། ཨར་ཧ་ཏེ་སམྱག་སྃ་བུད་དྷཱ་ཡ། ན་མ་ཨཱརྱཱ་བ་ལོ་ཀི་ཏི་ཤྭ་རཱ་ཡ། བོ་དྷི་ས་ཏྭཱ་ཡ། མ་ཧཱ་ས་
ཏྭཱ་ཡ། མ་ཧཱ་ཀ་རུ་ཎི་ཀཱ་ཡ། ན་མོ་མ་ཧཱ་སྠཱ་མ་པྲ་བ་ཏཱ་ཡ། བོ་དྷི་ས་ཏྭཱ་ཡ། མ་ཧཱ་ས་ཏྭཱ་ཡ། མ་ཧཱ་ཀ་རུ་ཎི་ཀཱ་ཡ། ན་མོ་བི་པུ་ལ་བི་མ་ན་སུ་པྲ་ཏིཥྛ་ཏ་སྃ་གྷཱ་ཡ། སཱུརྱ་ཤ་ཏ་ས་ཧ་སྲ་ཨ་ཏྲི་རི་ཀ་པྲ་བྷཱ་ཨ་བ་བྷ་སི་ཏ་མུ་ཏྲེ། མ་ཧཱ་མ་ཎི་མ་ཀུ་ཏ་ཀུཎ་
ཌ་ལ་དྷཱ་ར་ཎཱི། བྷ་ག་བཱ་ཏེ་བ་ཏུ་མ་པ་ན་ཡེ། སརྦ་ལོ་ཀ་ཨ་པཱ་ཡ།  ཤ་མ་ནཱ་ཡ། བི་བོ་དྷ་ནོ་ཁ་ས་མ་བེ་ཤ་བིཥྚ་སརྦ་སཏྭ་པ་རི་མོ་ཙ་ནཱ་ཡ། ཏདྱ་ཐཱ། ༀ་བུར་བྷུ་བ། མ་ཧཱ་ལོ་ཀ་ཀ་ར་ན།  ན་ཐཱ་མ་སིད་དྷེ་མི་ར་བྷ་དྲ་བི་ན་ཤ་ནཱ་ཀ་རཱ་ཡ། 
ར་ཀརྦཻ་སར་ཤ་མ་ཧཱ་མོ་ཧ་ཤ་ར་ཤ་མ་ཀ །ཤ་བྷ་ས་ག་རཀྵ་སརྦ་པཱ་པ་དུརྒ་ཏེ་པྲ་ཤ་མ། ཀ་ཎ་ཀ་རཱ་ཡ། སརྦ་ཏ་ཐཱ་ག་ཏ་སམ་བྷ་ཏ་ན་ཀ་ར། ཧེ་ཧེ། མ་ཧཱ་བོ་དྷི་ས་ཏྭ་བ་ར་ཏ་པ་དུ་མ་ལོ་ཀ་སྃ་བྷཱུ་ཏ། མ་ཧཱ་ཀ་རུ་ཎི་ཀ་ཙ་ཏ་མ་ཏཱ་ལྃ་ཀྲི་ཏ་ཤ་རི་རྃ། 
མ་ཎི་ཀ་ན་ཀ་ར་ཤ་ཏ་བཛྲ་བཻ་དཱུརྱཱ་ལྃ་ཀྲི་ཏ་ཤ་རི་ར། ཨ་མི་ཏ་བྷ་ཤི་ན་ཀ་མ་ལཱ་ལྃ་ཀྲི་ཏ་པྲ་བྷཱ་ར་ཎ། ལ་རི་ཙ་ན་མ་ཧཱ་དུ་ན། ན་ར་ན་རི་ཤ་ཏ་ས་ཧ་སྲ། ཨ་བྷི་ལ་ཤི་ཏ་ཀཱ་ཡ། མ་ཧཱ་བོ་དྷི་ས་ཏྭཱ་ཡ། བི་དྷ་མ་བི་དྷ་མ། བི་ན་ཤཱ་ཡ་བི་ན་ཤཱ་ཡ། མ་ཧཱ་
ཡན་ཏུ་ཀླེ་ཤ་ཀ་བ་ཏ།  པྲ་བ་ན་ཏ་སྃ་བ་ས་ལ་ཙ་ཀྲ་པ་ར་ཀ་ར་མ་ཐཱན།  པུ་རུ་ཥ་པ་དུ་མ།  པུ་རུ་ཥ་ཎ་ཀ །པུ་རུ་ཥ་ས་ག་ར། ས་ག་ར། བྷི་ར་བྷི་རཱ་ཤ་ཡ། སུ་ཡན་ཏ་སུ་ཡན་ཏ།  བ་ར་བ་ར། ད་མ་ད་མ། ས་མ་ས་མ། དུ་རུ་དུ་རུ། པྲ་ཤ་ས་ཡ།  པྲ་ཤ་

106-1-188b

ས་ཡ། པྲ་ཤ་ས་ཡ། གི་རི་གི་རི། བི་རི་བི་རི། ཙི་རི་ཙི་རི། མུ་རུ་མུ་རུ། མུ་ཡུ་མུ་ཡུ། མུ་ཡ་མུ་ཡ། མུན་ཙ་མུན་ཙ།  དྷུ་ན་དྷུ་ན། བི་དྷུ་ན་བི་དྷུ་ན། དྷུ་རུ་དྷུ་རུ། ག་ཡཱ་ག་ཡཱ། ག་དྷཱ་ཡ་ག་དྷཱ་ཡ། ཧ་ས་ཧ་ས། པྲ་ཧ་ས་པྲ་ཧ་ས། བི་བྷི་ཏ་ཀླེ་ཤ་བྷ་
ས་ན།  མ་མ་བདག་མིང་འདི་ཞེས་བྱ་བ། སྱ་ཧ་ར་ཧ་ར། སྃ་ཧ་ར་སྃ་ཧ་ར། དུ་རུ་ཏི་དུ་རུ་ཏི། མ་ཧཱ་མན་ཏྲ་དུ་རུ་ཏི། ཀར་ཎ་ཤ་ཏ་པ་ར་སི་ཀ་བྷ་བ་བི་ས་ན། ཤ་མ་ཀ་མ་ཧཱ་བོ་དྷི་སཏྭ་བ་ར་ཏ་སྭཱ་ཧཱ། དེའི་ཚེ་བྱང་ཆུབ་སེམས་དཔའ་སེམས་
དཔའ་ཆེན་པོ་སྤྱན་རས་གཟིགས་དབང་ཕྱུག་གིས། བཅོམ་ལྡན་འདས་ལ་པད་མ་ཆེན་པོའི་ཕྱག་རིན་པོ་ཆེའི་བཀོད་པའི་འཁར་བའི་ཡུམ་ཞེས་བྱ་བའི་གཟུངས་འདི་སྨྲས་མ་ཐག་ཏུ། སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་
ཁམས་ནས་འདུ་ཤེས་མེད་འདུ་ཤེས་མེད་མིན་གྱི་ལྷའི་གནས་ཀྱི་བར་དག་རྣམ་པ་དྲུག་ཏུ་གཡོས། རབ་ཏུ་གཡོས་པར་གྱུར་ཏོ། །ལྷ་རྣམས་ཀྱིས་ཀྱང་རིན་པོ་ཆེའི་མེ་ཏོག་གི་ཆར་མངོན་བར་ཕབ་བོ། །འོག་མིན་གྱི་ལྷ་དང་། དབང་
ཕྱུག་ཆེན་པོ་རྣམས་ཀྱང་གཡོ་ཞིང་མི་བདེ་བས་ཤིན་དུ་འཇིགས་ཤིང་དངངས་པར་གྱུར་ཏོ། །གནོད་སྦྱིན་དང་། སྲིན་པོ་དང་། འདྲེ་གདོན་མ་རུངས་པ་ཐམས་ཅད་ཀྱང་སྡུག་བསྔལ་ཆེན་པོ་མྱོང་བའི་སྒྲ་སྐད་ཆེན་པོ་ཕྱུང་ནས་ཤར་ནུབ་ཏུ་འབྱེར་
ཞིང་བྲོས་ཀྱང་གང་དུ་འགྲོ་བའི་གནས་ཀྱང་རིག་ཅིང་རྙེད་པར་མ་གྱུར་ཏོ། །དེ་ནས་སྤྲུལ་པའི་བྱང་ཆུབ་སེམས་དཔའ་འཁོར་མང་པོ་རྣམས་དང་། འདྲེ་སྲིན་མ་རུངས་པ་ཐམས་ཅད་ལ་གང་གིས་བདག་གི་རིག་སྔགས་ལས་འདའ་ཞིང་
རྗེས་སུ་འབྲང་བར་མི་བྱེད་ན། དེ་དག་གི་ལུས་ཀྱི་ཡན་ལག་དང་། ཉིང་ལག་ཐམས་ཅད་རབ་ཏུ་ན་ཞིང་འཇིག་པར་འགྱུར་རོ། །རིག་སྔགས་འདིས་ནི་རི་རྣམས་འཇོམས་ཤིང་རྒྱ་མཚོ་ཆེན་པོ་སྐེམས་པར་བྱེད་དོ། །ལྷ་མ་ཡིན་གྱི་དམག་
རྣམས་རྣམ་པར་བཅོམ་ནས་ཕམ་པར་བྱེད་དོ། །ཡུལ་འཁོར་རྣམས་དང་། གྲོང་དང་། གྲོང་ཁྱེར་དང་། གྲོང་རྡལ་རྣམས་ཡོངས་སུ་སྲུང་བར་བྱེད་དོ། །འདྲེ་གདོན་དང་། ནད་དང་། སྨན་གྱི་དུག་དང་། སྲིན་བུའི་དུག་དང་། ལོག་པ་དང་། མ་རུངས་པའི་

106-1-189a

མི་རྣམས་ཕམ་ཞིང་རབ་ཏུ་ཞི་བར་བྱེད་དོ། །སུམ་བཅུ་རྩ་གསུམ་པའི་ལྷ་རྣམས་བཏུལ་ནས་རབ་ཏུ་དུལ་བར་བྱེད་དོ་ཞེས་སྨྲས་པ་དང་། དེ་ནས་བཅོམ་ལྡན་འདས་རྡོ་རྗེ་ཆེན་པོའི་ཕོ་བྲང་རབ་ཏུ་དགའ་བ་ན་བཞུགས་པ་དང་། བྱང་ཆུབ་
སེམས་དཔའ་མཆོག་ཏུ་བཙུན་པ་དང་། ལྷ་དང་། ཀླུ་དང་། གནོད་སྦྱིན་དང་། སྲིན་པོ་དང་། མིའམ་ཅི་ལ་སོགས་པའི་འཁོར་སངས་རྒྱས་ཀྱི་ཆོས་ལ་གནས་པ་ཚད་མེད་པ་ཐམས་ཅད་ཀྱིས་ཀྱང་དུས་གཅིག་ཏུ་བསྔགས་པ་བརྗོད་པར་གྱུར་ཏོ། །
དེ་ནས་བཅོམ་ལྡན་འདས་ལ་བྱང་ཆུབ་སེམས་དཔའ་སྤྱན་རས་གཟིགས་དབང་ཕྱུག་གིས་ཡང་འདི་སྐད་ཅེས་གསོལ་ཏོ། །བཅོམ་ལྡན་འདས་རིག་སྔགས་འདིས་ནི་སྒྲིབ་པའི་རི་བོ་ཤིན་དུ་རྒྱ་ཆེ་བ་དག་ཀྱང་རྣམ་པར་འཇོམས་པར་བགྱིད་པས་
གང་ལ་ལ་ཞིག་ཉན་ཏམ། ཀློག་གམ། འདོན་ཏམ། ཡོངས་སུ་འཛིན་པར་བགྱིད་དམ། མཐོང་བར་གྱུར་ན། དེ་དག་ལ་ཉོན་མོངས་པའི་སྒྲིབ་པ་ནག་པོ་ཇི་སྙེད་ཅིག་མཆིས་པ་དེ་དག་ཐམས་ཅད་ཞུ་བྱང་བར་འགྱུར་ལགས་སོ། །གཞན་ཡང་
གང་ལ་ལ་ཞིག་རྟག་པར་ནང་པར་ལངས་ནས་གུས་པའི་སེམས་ཀྱིས་ཡུམ་གྱི་གཟུངས་འདི་ལན་ཉི་ཤུ་རྩ་གཅིག་ཀློག་གམ། འདོན་པར་བགྱིད་ན། བྱང་ཆུབ་སེམས་དཔའ་སྤྱན་རས་གཟིགས་དབང་ཕྱུག་ཉིད་རྟག་པར་དེའི་རྗེས་སུ་འབྲངས་
ནས་ཡོངས་སུ་བསྲུང་བ་བགྱིད་ཅིང་། ཡོངས་སུ་སྐྱོབ་པར་བགྱིད་དོ། །གང་ལ་ལ་ཞིག་སྨོན་ལམ་རྒྱ་ཆེན་པོ་དང་། ཏིང་ངེ་འཛིན་གྱི་སྒོ་ཆེན་པོ་ཐམས་ཅད་མྱུར་དུ་འགྲུབ་པར་འཚལ་ན། གཅིག་པུ་གནས་དབེན་པར་མཆིས་ནས་བྱང་ཆུབ་སེམས་
དཔའ་སྤྱན་རས་གཟིགས་དབང་ཕྱུག་ཡིད་ལ་དྲན་པར་བགྱི་ཞིང་། གཞན་ཡིད་ལ་མི་བགྱི་བར་རྟག་པར་གཟུངས་འདི་ལན་བརྒྱ་རྩ་བརྒྱད་བཟླས་བརྗོད་བགྱིས་ན་སྨོན་ལམ་རྣམས་མི་འགྲུབ་པ་གང་ཡང་མ་མཆིས་ལགས་སོ། །གཞན་ཡང་
སེམས་ཅན་ཐམས་ཅད་ཀྱི་སྙིང་དྲུང་དུ་སྡུག་པར་འགྱུར། ངན་འགྲོའི་སྒོ་ཐམས་ཅད་དུ་ལྟུང་བར་མི་འགྱུར་ལགས་སོ། །མཆིས་ཀྱང་རུང་མ་མཆིས་ཀྱང་རུང་སྟེ། རྟག་པར་སངས་རྒྱས་མདུན་ན་བཞུགས་པར་འདུ་ཤེས་ཉེ་བར་བཞག་པར་གྱུར་

106-1-189b

ན། གང་ཟག་དེ་སྐྱེ་བའི་གནས་བྱེ་བ་བརྒྱ་སྟོང་ཚད་མ་མཆིས་པ་ཀུན་དུ་བསགས་པའི་སྡིག་པའི་ལས་ཅི་མཆིས་པ་དེ་དག་ཐམས་ཅད་ཞུ་བྱང་བར་འགྱུར། གང་ཟག་དེ་འཁོར་ལོས་སྒྱུར་བའི་རྒྱལ་པོ་སྟོང་གི་བསོད་ནམས་ཕུན་སུམ་ཚོགས་པ་དག་ལ་
ལོངས་སྤྱོད་པར་འགྱུར། སྐྱེ་བ་ཐམས་ཅད་དུ་བྱང་ཆུབ་སེམས་དཔའ་སྤྱན་རས་གཟིགས་དབང་ཕྱུག་དང་དུས་གཅིག་ཏུ་སྐྱེ་བར་འགྱུར། བཙུན་པའི་ཁྱིམ་དག་ཏུ་སྐྱེ་བར་འགྱུར་ལགས་སོ། །གང་ལ་ལ་ཞིག་རྟག་པར་སྤོས་སམ། མེ་ཏོག་སྙིམ་པ་གང་
ཙམ་བྱང་ཆུབ་སེམས་དཔའ་སྤྱན་རས་གཟིགས་དབང་ཕྱུག་གི་གཟུགས་ཀྱི་མདུན་དུ་མངོན་བར་གཏོར་ནས། གཟུངས་འདི་ལན་ཉི་ཤུ་རྩ་གཅིག་འདོན་པར་བགྱིད་ན། སྟོང་ཆེན་པོའི་འཇིག་རྟེན་གྱི་ཁམས་ཀྱི་ཡོན་ཏན་དང་སྙིང་རྗེ་ཆེན་པོའི་
ཆོས་ཉིད་འཐོབ་པར་འགྱུར། གང་ཟག་དེ་འཇིག་རྟེན་ན་མཐར་གྱིས་མཐུ་ཆེ་བ་པོ་མྱུར་དུ་མངོན་བར་འགྲུབ་པར་འགྱུར་ལགས་སོ། །གང་ལ་ལ་ཞིག་རྟག་པར་བྱང་ཆུབ་སེམས་དཔའི་གདོང་དང་། མིག་དང་། མཚན་དང་། དཔེ་བྱད་ལ་རྣམ་
པར་བལྟས་ཏེ། གཟུངས་འདི་ལན་སྟོང་རྩ་བརྒྱད་འདོན་པར་བགྱིད་ན་བྱང་ཆུབ་སེམས་དཔའ་སྤྱན་རས་གཟིགས་དབང་ཕྱུག་མྱུར་དུ་ལུས་མངོན་སུམ་དུ་བསྟན་ནས་རྣལ་འབྱོར་པས་མཐོང་བར་འགྱུར་བས་དྲི་མ་དང་བྲལ་ནས་ས་དང་པོ་དང་། 
སངས་རྒྱས་རྗེས་སུ་དྲན་པའི་ཏིང་ངེ་འཛིན་འཐོབ་པར་འགྱུར་བས་འོད་ཀྱིས་འཇིག་རྟེན་གསལ་བར་བགྱིད་པར་འགྱུར། འཆི་བའི་དུས་ཀྱི་ཚེ་བསམ་གཏན་དང་ཏིང་ངེ་འཛིན་ལ་སྙོམས་པར་འཇུག་པ་བཞིན་དུ་འཆི་བར་འགྱུར་བས་ཚེ་རབས་
ཐམས་ཅད་དུ་སྔོན་གྱི་གནས་རྗེས་སུ་དྲན་པའི་ཤེས་རབ་འཐོབ་པར་འགྱུར། ཁ་ན་མ་ཐོ་བའི་སྡིག་པའི་ལས་ཅི་མཆིས་པ་ཐམས་ཅད་ཀྱང་ཞུ་ཞིང་བྱང་བར་འགྱུར་ལགས་སོ། །གཟུངས་འདི་ཡོངས་སུ་འཛིན་པར་འཚལ་བ་དེས་རྟག་པར་དཔྱིད་ཟླ་
ར་བ་དང་། དབྱར་ཟླ་འབྲིང་པོ་དང་། སྟོན་ཟླ་ཐ་ཆུངས་ཚེས་གཅིག་ནས་ཚེས་བཅུའི་བར་དུ་གསོ་སྦྱོང་དང་། ཚུལ་ཁྲིམས་ལ་གནས་ནས་གོས་དཀར་པོ་གཙང་མ་བགོས་ཏེ། ཟས་དཀར་གསུམ་འཚལ་ནས་རིང་བསྲེལ་དང་བཅས་པའི་མཆོད་རྟེན་

106-1-190a

ནམ། རིང་བསྲེལ་གྱི་མདུན་དུ་ཙན་དན་དཀར་པོའི་འཇིམ་པ་ལས་དཀྱིལ་འཁོར་ཁྲུ་གང་གྲུ་བཞི་པ་བགྱིས་ནས། མེ་ཏོག་དང་སྤོས་རྣམ་པ་སྣ་ཚོགས་དཀྱིལ་འཁོར་གྱི་ནང་དུ་གཏོར་ནས་དེ་བཞིན་གཤེགས་པའི་སྐུ་གཟུགས་ཀྱི་སྤྱན་སྔར་སྤོས་
ཀྱིས་བདུགས་ཏེ་ཞུགས་མར་གཏམས་ནས། སངས་རྒྱས་དང་བྱང་ཆུབ་སེམས་དཔའ་རྣམས་ལ་གུས་པའི་སེམས་བསྐྱེད་དེ། རྟག་པར་གཟུངས་འདི་ལན་སྟོང་རྩ་བརྒྱད་འདོན་པར་བགྱིད་ན། ཚེས་བཅྭ་ལྔའི་ནུབ་མོ་བྱང་ཆུབ་སེམས་དཔའ་སྤྱན་རས་གཟིགས་
དབང་ཕྱུག་ཉིད་དཀྱིལ་འཁོར་གྱི་ནང་དུ་མཆི་བར་འགྱུར་བས། རྣལ་འབྱོར་པས་མཐོང་མ་ཐག་ཏུ་མཚམས་མ་མཆིས་པ་ལྔའི་ཁ་ན་མ་ཐོ་བ་ཤིན་དུ་ལྕི་བའི་སྒྲིབ་པ་ཅི་མཆིས་པ་ཐམས་ཅད་ཞུ་བྱང་ནས། ལུས་དང་། ངག་དང་། ཡིད་ཀྱི་ལས་ཐམས་
ཅད་ཡོངས་སུ་དག་པར་འགྱུར་བས་སངས་རྒྱས་ཀྱི་ཏིང་ངེ་འཛིན་གྱི་མཐུ་དང་། དབང་བསྐུར་བའི་སའི་མཐུ་དང་། ཕ་རོལ་དུ་ཕྱིན་པའི་སའི་མཐུ་དང་། ཁྱད་པར་དུ་འཕགས་པའི་ཡེ་ཤེས་ཀྱི་ས་ཡང་འཐོབ་པར་འགྱུར་ལགས་སོ། །བཅོམ་ལྡན་འདས་
གལ་ཏེ་དགུང་ཆར་དབབ་པར་འཚལ་བར་གྱུར་ན། གནམ་དུ་བལྟས་ནས་གཟུངས་འདི་སྟོང་རྩ་བརྒྱད་འདོན་པར་བགྱིད་ན་ཟིལ་དངར་གྱི་ཆར་དུས་བཞིན་དུ་འབབ་པར་འགྱུར་ལགས་སོ། །དོག་ས་ལ་བལྟས་ནས་གཟུངས་འདི་ལན་སྟོང་རྩ་
བརྒྱད་ཚང་བར་འདོན་པར་བགྱིད་ན་འབྲུ་རྣམ་པ་སྣ་ཚོགས་ལེགས་པར་འགྱུར་ལགས་སོ། །རྩང་པོ་དང་། ཆབ་མིག་སྐམས་པའི་དྲུང་དུ་གཟུངས་འདི་ལན་སྟོང་རྩ་བརྒྱད་འདོན་པར་བགྱིད་ན་ཆབ་འཕེལ་ཞིང་རྒྱས་པར་འགྱུར་ལགས་
སོ། །བྲོ་ནད་ཀྱིས་ཐེབས་པ་ཐམས་ཅད་ཀྱི་མདུན་དུ་རང་གི་སུག་པ་ལག་པ་ལ་སྔགས་འདིས་ལན་བདུན་བསྔགས་ཏེ་སུག་པས་བྱབས་ན་འཚོ་བར་འགྱུར་ལགས་སོ། །གང་དྲན་པ་ཉམས་པའི་མདུན་དུ་གཟུངས་འདི་ལན་སྟོང་
རྩ་བརྒྱད་བཟླས་བརྗོད་བགྱིས་ན་ཡང་དག་པའི་དྲན་པ་འཐོབ་པར་འགྱུར་ལགས་སོ། །གང་དག་བཀྲེས་སྐོམ་གྱིས་ཉེན་པའི་མདུན་དུ་དེའི་གདོང་ལ་བལྟས་ནས་གཟུངས་འདི་ལན་སྟོང་རྩ་བརྒྱད་བཟླས་བརྗོད་བགྱིས་ན་བཀྲེས་སྐོམ་གྱིས་

106-1-190b

ཉེན་པའི་འདུ་ཤེས་ངན་པ་ཐམས་ཅད་རབ་ཏུ་བསལ་བར་འགྱུར་ལགས་སོ། །གང་དག་མཚམས་དགུམ་པར་འཚལ་ན་རྫིང་ཆབ་ཀྱི་ནང་དུ་ཞུགས་ཏེ། ཆོས་བཞིན་དུ་གཟུངས་འདི་ཡོངས་སུ་རྫོགས་པར་བྲིས་ནས་རྒྱལ་མཚན་གྱི་ཁར་
བཏགས་ན་དཔག་ཚད་བརྒྱ་ཚུན་ཆད་དུ་གདོན་བགེགས་ཅི་ཡང་མ་མཆིས་ཏེ། མཚམས་བཀུམ་པ་ཉིད་དུ་གྱུར་ནས་ཡོངས་སུ་བསྲུངས་པར་འགྱུར་ལགས་སོ། །རིགས་ཀྱི་བུ་འམ། རིགས་ཀྱི་བུ་མོ་གང་ལ་ལ་ཞིག་རྟག་པར་གདུགས་
གཅིག་བཞིན་དུ་གཟུངས་འདི་ལན་སྟོང་རྩ་བརྒྱད་འདོན་པར་བགྱིད་ན་གང་ཟག་དེའི་བསོད་ནམས་བརྗོད་ཀྱིས་མི་ལང་བས་རིག་སྔགས་འཛིན་པ་དེ་དག་བཙུན་ཞིང་དབང་ཕྱུག་དང་ལྡན་པར་འགྱུར། གཞན་ཡང་སྐྱེ་བོ་མང་པོ་ཀུན་
གྱིས་བྱམས་ཤིང་བསྙེན་བཀུར་བགྱིད་པར་འགྱུར། སྨོན་ལམ་རྣམས་ཡིད་བཞིན་དུ་ཡོངས་སུ་རྫོགས་པར་འགྱུར་ལགས་སོ། །གང་དག་བདུད་གདུལ་བར་འཚལ་ན་ཡུམ་གྱི་གཟུངས་འདི་བཟླས་ཏེ། གུ་གུལ་ལ་ལན་ཉི་ཤུ་རྩ་གཅིག་
སྔགས་ཀྱིས་བཏབ་ནས་སྔགས་འདི་ལན་རེ་བཟླས་ཤིང་ལན་ཅིག་བསྲེག་པ་ལན་བརྒྱ་རྩ་བརྒྱད་ཚང་བར་བགྱིས་ན་ཡོངས་སུ་བསལ་བར་འགྱུར་ལགས་སོ། །གལ་ཏེ་སྐྱེ་བོ་མང་པོ་ཐམས་ཅད་དགའ་བར་འཚལ་ན་རྟག་པར་ལྕང་
མའི་ལྕུག་མ་ལ་ལན་ཉི་ཤུ་རྩ་གཅིག་སྔགས་ཀྱིས་བཏབ་སྟེ། གཡར་ཁར་བཅས་ན་ཐམས་ཅད་ཀྱིས་བྱམས་ཤིང་བཀུར་བར་འགྱུར་ལགས་སོ། །གང་དག་བདག་ཉིད་སྤོབས་པ་དང་། ཤེས་རབ་དང་ལྡན་པར་འཚལ་ན་ཤུ་དག་སྲང་
གཅིག་ཕྱེ་མར་བཏགས་ཏེ། ཆབ་མར་དང་སྦྲང་རྩི་དང་སྦྱར་ནས་རི་ལུ་བགྱིས་ཏེ། ཡུམ་གྱི་གཟུངས་འདིས་མཚན་མ་གསུམ་པོ་འདི་ལྟ་སྟེ། དྲོད་དང་། དུད་པ་དང་། འོད་བྱུང་གི་བར་དུ་སྔགས་ཀྱིས་གདབ་པར་བགྱིའོ། །མཚན་མ་དེ་དག་ཐོབ་
ནས་གདུགས་རེ་བཞིན་སྨན་གྱི་རི་ལུ་ཙམ་བདུན་བདུན་འཚལ་ནས་སྙིང་ཀར་ཡང་བྱུག་པར་བགྱི་སྟེ། དེ་ལྟར་ཞག་བརྒྱའི་བར་དུ་འཚལ་ན་ཐོགས་པ་མ་མཆིས་པའི་སྤོབས་པ་འཐོབ་པར་འགྱུར་བས། བདག་ཉིད་ཀྱི་ལུས་བསྲུང་བའི་སླད་

106-1-191a

དུ་གདུགས་རེ་ཞིང་ཡུམ་གྱི་གཟུངས་འདི་ལན་བརྒྱ་རྩ་བརྒྱད་བཟླས་ནས་ཕྱག་རྒྱ་རྣམ་པ་བཅུ་གཉིས་ཀྱང་བགྱིའོ། །དེ་ལ་དང་པོ་བྱང་ཆུབ་སེམས་དཔའ་མིག་སྟོང་དང་ལྡན་པའི་ལུས་ཀུན་དུ་སྡུད་པའི་ཕྱག་རྒྱ་ནི་འདི་ལགས་ཏེ། སྔར་ལངས་
ནས་འགྲེང་སྟེ། ལུས་དྲང་པོར་བསྲང་ནས་རྐང་པ་གཉིས་གཤིབས་ཏེ། རྐང་པ་གཡས་པ་ཅུང་ཟད་ཅིག་དགུག་པར་བགྱིའོ། །སྔར་སུག་པ་ལག་པ་གཡོན་པ་མཐུར་དུ་བརྐྱང་ནས་གུང་མོ་དང་སྲིན་ལག་གཉིས་བཀུག་སྟེ། ལག་མཐིལ་དུ་བཞག་ལ། 
མཐེའུ་ཆུང་དང་འཛུབ་མོ་དང་། མཐེ་བོང་ནི་ཡན་པར་བརྐྱང་སྟེ། ལག་མཐིལ་བཀན་ནས་གྱེན་དུ་ཕྱོགས་པར་བགྱིའོ། །དེའི་རྗེས་ལ་སུག་པ་གཡས་པ་ཡང་དེ་བཞིན་དུ་བགྱིས་ནས་གུང་མོ་བཀུག་སྟེ། ཕྲག་པ་དང་མཉམ་པར་བགྱིས་ནས་ལག་
མཐིལ་མདུན་དུ་བལྟ་བར་བགྱི་སྟེ། འདི་ནི་ལུས་སྡུད་པའི་ཕྱག་རྒྱ་ཞེས་བགྱིའོ། །གལ་ཏེ་བདུད་དང་མུ་སྟེགས་ཅན་ལ་ལོག་པར་ལྟ་བའི་ཐིབས་པོ་བཅོམ་ནས་ཡང་དག་པའི་ལམ་དུ་གཟུད་པར་འཚལ་ན། ཕྱག་རྒྱ་འདི་བགྱིས་ནས་སྔགས་ལན་
ཉི་ཤུ་རྩ་གཅིག་བཟླས་ན་གདོན་མི་འཚལ་བར་སྨོན་པ་བཞིན་འགྲུབ་པར་འགྱུར་ལགས་སོ། །གཟུངས་ནི་འདི་ལྟ་སྟེ། ན་མོ་རད་ན་ཏྲ་ཡཱ་ཡ། ན་མཿཨཱརྱཱ་བ་ལོ་ཀི་ཏེ་ཤྭ་རཱ་ཡ། བོ་དྷི་སཏྭཱ་ཡ། མ་ཧཱ་སཏྭཱ་ཡ། མ་ཧཱ་ཀཱ་རུ་ཎི་ཀཱ་ཡ། ཏདྱ་ཐཱ། ཨ་
བད་ཏ།  ཨ་བད་ཏ།  པ་རི་བད་ཏེ། ཨེ་ཧི་ཨེ་ཧི་སྭཱ་ཧཱ། དེ་ལ་གཉིས་པ་བྱང་ཆུབ་སེམས་དཔའ་མིག་སྟོང་དང་ལྡན་པའི་ཀུན་འཛིན་གྱི་གཟུངས་ཀྱི་ཕྱག་རྒྱ་ནི་འདི་ལགས་ཏེ། སྔ་མའི་ལུས་ཀུན་སྡུད་པའི་ཕྱག་རྒྱ་བཞིན་དུ་ཐལ་མོ་སྦྱར་ཏེ་སྙིང་
ཀར་བཞག་ནས་སོར་མོ་ལྔ་སྣོལ་མར་བཏང་སྟེ། གཡོན་པས་གཡས་པ་མནན་ནས་འཛུབ་མོ་གཉིས་དྲང་པོར་བསྒྲེང་སྟེ་རྩེ་མོ་ཕྲད་པར་བགྱིས་ལ། མཐེ་བོ་གཉིས་འཛུབ་མོ་གཉིས་ཀྱི་ཚིགས་པ་དང་པོ་ལ་མནན་ནས་ཅུང་ཟད་ཅིག་
དབྱེ་བར་བགྱི་སྟེ། འདི་ནི་ཀུན་འཛིན་གྱི་གཟུངས་ཀྱི་ཕྱག་རྒྱ་ཞེས་བགྱིའོ། །ཕྱག་རྒྱ་འདི་བགྱིས་པར་གྱུར་ན་བསྐལ་པ་ཚད་མ་མཆིས་པ་ཚུན་ཆད་ཀྱི་འཁོར་བའི་སྡིག་པའི་ལས་ཅི་མཆིས་པ་ཐམས་ཅད་དུས་གཅིག་ཏུ་ཡོངས་སུ་བྱང་

106-1-191b

བར་འགྱུར། སླད་མའི་དུས་ཀྱི་ཚེ་ཕྱོགས་བཅུའི་སངས་རྒྱས་ཀྱི་ཞིང་ཡོངས་སུ་དག་པ་དག་ཏུ་སྐྱེ་བར་འགྱུར་ལགས་སོ། །བཅོམ་ལྡན་འདས་ཤཱཀྱ་ཐུབ་པ་མངོན་བར་རྫོགས་པར་བྱང་ཆུབ་ཏུ་ཉེ་བའི་ཚེ་བདུད་ཀྱི་རྒྱལ་པོས་གླགས་བཙལ་
བ་དང་། ཀུན་འཛིན་གྱི་གཟུངས་ཀྱི་ཕྱག་རྒྱ་འདི་མཛད་པས་ཤིན་དུ་བདེ་བའི་བསམ་གཏན་དང་ཏིང་ངེ་འཛིན་བརྙེས་པར་གྱུར་ཏོ། །གཟུངས་ནི་འདི་ལྟ་སྟེ། ཏདྱ་ཐཱ། སརྦ་དྷཱ་ར་ཎི། མཎ་ཌ་ལ། ཨེ་ཧི་ཨེ་ཧི། པྲ་བྷཱ་ཤུད་དྷ།   ས་ཏ་བ་ཡ་སྭཱ་ཧཱ། དེ་ལ་གསུམ་
པ་བྱང་ཆུབ་སེམས་དཔའ་མིག་སྟོང་དང་ལྡན་པའི་རྣམ་པར་ཐར་པ་དང་། བསམ་གཏན་དང་། ཏིང་ངེ་འཛིན་གྱི་ཕྱག་རྒྱ་ནི་འདི་ལགས་ཏེ། སྔར་བླ་གོས་ཕྲག་པ་གཅིག་ལ་གཟར་ནས་པུས་མོ་གཡས་པའི་ལྷ་ང་ས་ལ་བཙུགས་ཏེ། སྤྱི་བོར་ཐལ་
མོ་སྦྱར་ནས་འཛུབ་མོ་གཉིས་བཀུག་སྟེ་རྩེ་མོ་སྤྲད་ལ་མཐེ་བོ་གཉིས་འཛུབ་མོའི་ཚིགས་གཉིས་པའི་སྟེང་དུ་བཀན་པར་བགྱི་སྟེ། ཆོས་ཀྱི་ཕྱག་རྒྱ་འདི་ནི་རྣམ་པར་ཐར་པ་དང་། བསམ་གཏན་དང་། ཏིང་ངེ་འཛིན་གྱི་ཕྱག་རྒྱ་ཞེས་བགྱིའོ། །
འདས་པའི་དེ་བཞིན་གཤེགས་པ་ཐམས་ཅད་ཀྱིས་ཀྱང་ཆོས་འདི་མངོན་བར་བསྒྲུབས་པས་བསམ་གཏན་དང་། ཏིང་ངེ་འཛིན་དང་། རྣམ་པར་གྲོལ་བ་བརྙེས་པ་ལགས་ཏེ། རིག་སྔགས་ནི་སྔ་མ་དང་འཐུན་ལགས་སོ། །གང་ལ་ལ་ཞིག་
གདུགས་རེ་བཞིན་དུ་ཕྱག་རྒྱ་འདི་བགྱིས་ཏེ་མཆོད་པ་བགྱིས་ན་ཕྱོགས་བཅུའི་སངས་རྒྱས་རྣམས་མྱུར་དུ་མཐོང་བར་འགྱུར་རོ། །དེ་ལ་བཞི་པ་བྱང་ཆུབ་སེམས་དཔའ་མིག་སྟོང་དང་ལྡན་པའི་ཕྱག་རྒྱ་ནི་འདི་ལགས་ཏེ། ལངས་ནས་འགྲེང་
སྟེ་རྐང་པ་གཉིས་གཤིབས་ནས་སྔར་གུང་མོ་དང་། སྲིན་ལག་དང་། མཐེའུ་ཆུང་རྣམས་རྒྱབ་སྤྲད་ལ་འཛུབ་མོ་གཉིས་བསྒྲེང་སྟེ་རྩེ་མོ་སྤྲད་ནས་མཐེ་བོང་གཉིས་འཛུབ་མོའི་ཚིགས་གཉིས་པའི་སྟེང་དུ་མནན་ཏེ། ལག་པ་གཉིས་ཀྱི་བར་དུ་
ཚོན་སྣ་ལྔ་ཙམ་ཕྱེ་ནས་སྨིན་མཚམས་སུ་གཞག་པར་བགྱི་སྟེ། འདི་ནི་མིག་སྟོང་དང་ལྡན་པའི་ཕྱག་རྒྱ་ཞེས་བགྱིའོ། །ཕྱག་རྒྱའི་ཆོས་ཀྱི་སྒོ་འདི་བགྱིས་པར་གྱུར་ན་སངས་རྒྱས་ཀྱི་ཞིང་ཡོངས་སུ་དག་པའི་འཇིག་རྟེན་གྱི་ཁམས་གྱ་

106-1-192a

ནོམ་པའི་བྱེ་བ་ཕྲག་བརྒྱ་སྟོང་སྙེད་མཐོང་བར་འགྱུར་ཏེ། སངས་རྒྱས་ཀྱི་ཞིང་ཁམས་རེ་རེ་ནས་ཀྱང་བྱང་ཆུབ་སེམས་དཔའ་འབུམ་ཕྲག་བཅུ་དང་བཞི་སྟོང་རྣལ་འབྱོར་པ་དེའི་གྲོགས་བགྱིད་པར་འགྱུར་ལགས་སོ། །གང་དག་དཀྱིལ་
འཁོར་གྱི་ཆོས་ཀྱི་སྒོར་ལན་གསུམ་མ་ཞུགས་པ་དེ་དག་གིས་ནི་ཕྱག་རྒྱའི་ཆོས་ཀྱི་སྒོ་འདི་མཐོང་དུ་ཡང་མི་རུང་ལ་ཆོ་ག་འདི་ཡང་བགྱིར་མི་རུང་ལགས་སོ། །རྟགས་མཐོང་བའི་བྱང་ཆུབ་སེམས་དཔའ་ཆོས་དང་ཡེ་ཤེས་ཀྱི་མངོན་བར་ཤེས་པ་
གསལ་བ་ཅིག་ལགས་ན་ནི་ཅི་དང་ཅི་སྨོན་པ་དེ་དག་ཐམས་ཅད་ཡོངས་སུ་རྫོགས་པར་འགྱུར་ལགས་སོ། །གཟུངས་ནི་འདི་ལྟ་སྟེ། ༀ་སརྦ་ཙཀྵུ་ཀ་རཱ་ཡ། དྷཱ་ར་ཎཱི། ཨིན་དྲི་ཡ་སྭཱ་ཧཱ། དེ་ལ་ལྔ་པ་བྱང་ཆུབ་སེམས་དཔའ་མིག་སྟོང་དང་
ལྡན་པའི་ལག་སྟོང་ཀུན་སྡུད་པའི་ཕྱག་རྒྱ་ནི་འདི་ལགས་ཏེ། ལངས་ནས་སུག་པ་རྐང་པ་གཤིབས་ཏེ། སྔར་སུག་པ་ལག་པ་གཡས་པའི་ལག་མཐིལ་བཀང་ནས་སོར་མོ་ལྔ་སོ་སོར་ཕན་ཚུན་དུ་བསྙེན་ཏེ། དེའི་རྗེས་ལ་སུག་པ་ལག་
པ་གཡོན་པའི་ལག་མཐིལ་གཡས་པའི་སྟེང་དུ་མནན་ནས་སྙིང་གར་འཇོག་པ་གང་ལགས་པ་འདི་ནི་ལག་སྟོང་ཀུན་སྡུད་པའི་ཕྱག་རྒྱ་ཞེས་བགྱི་སྟེ། འདིས་སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་ན་བདུད་ཇི་སྙེད་མཆིས་
པ་ཐམས་ཅད་སྡུད་ཅིང་འདུལ་བར་བགྱིད་ལགས་སོ། །གཟུངས་སྔགས་ནི་འདི་ལྟ་སྟེ། ཏདྱ་ཐཱ། ཨ་བ་ལོ་ཀི་ཏེ་ཤྭ་རཱ་ཡ། སརྦ་དུསྚ་ཨོ་ཧ་ཡ་ནི་སྭཱ་ཧཱ། དེ་ལ་དྲུག་པ་བྱང་ཆུབ་སེམས་དཔའ་མིག་སྟོང་པས་ཏིང་ངེ་འཛིན་རྟོགས་པར་
འགྱུར་བའི་ཕྱག་རྒྱ་ནི་འདི་ལགས་ཏེ། འགྲེང་སྟེ་རྟིང་པ་གཉིས་སྤྲད་ནས། སྔར་སུག་པ་ལག་པ་གཡོན་པའི་སོར་མོ་བསྒྲེང་སྟེ་གུང་མོ་བཀུག་ནས་མདུན་དུ་ཕུལ་ལ། དེའི་རྗེས་ལ་སུག་པ་ལག་པ་གཡས་པ་ཡང་དེ་བཞིན་དུ་བགྱིས་
ནས།  གུང་མོ་བཀུག་སྟེ་ནང་ལོགས་སུ་ཕུལ་བ་འདི་ནི་ཏིང་ངེ་འཛིན་རྟོགས་པར་འགྱུར་བའི་ཕྱག་རྒྱ་ཞེས་བགྱི་བ་ལགས་ཏེ། འདིས་ཏིང་ངེ་འཛིན་དང་། ཡེ་ཤེས་ཀྱི་ཕྱག་རྒྱའི་བཀོད་པ་དང་། ཆོས་ཀྱི་སྒོ་མོ་བརྒྱད་ཁྲི་བཞི་སྟོང་ཡང་

106-1-192b

རྟོགས་པར་འགྱུར། བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཀྱང་མངོན་དུ་བགྱིད་པར་འགྱུར་ལགས་སོ། །རིག་སྔགས་ནི་སྔ་མ་ཉིད་བཟླ་བར་བགྱིའོ། །དེ་ལ་བདུན་པ་བྱང་ཆུབ་སེམས་དཔའ་མིག་སྟོང་པས་ལྷ་ཀླུ་སྡེ་བརྒྱད་དང་། 
འདྲེ་སྲིན་རྣམས་དགུག་ཅིང་སྡུད་པའི་ཕྱག་རྒྱ་ནི་འདི་ལགས་ཏེ། འགྲེང་ནས་རྐང་པ་གཉིས་གཤིབས་ཏེ། སྔར་སུག་པ་ལག་པ་གཡོན་པའི་སྲིན་ལག་གིས་མཐེ་བོའི་སེན་མོ་ལ་རེག་པར་བགྱིས་ནས། དེའི་རྗེས་ལ་སུག་པ་ལག་པ་གཡས་པ་
ཡང་དེ་བཞིན་དུ་བགྱིས་ཏེ། མཐེའུ་ཆུང་དང་གུང་མོ་གཉིས་དྲང་པོར་བསྒྲེང་ནས་རྩེ་མོ་ཕན་ཚུན་ཕྲད་པར་བགྱིས་ལ། ལག་ངར་གྱི་ཚིགས་གཉིས་སྦྱར་ནས་འཛུབ་མོ་ནི་ཕན་ཚུན་རྒྱུ་བར་བགྱིའོ། །རིག་སྔགས་ནི་འདི་ལྟ་སྟེ། ༀ་སརྦ་དེ་བ་
ནཱ་ག་ཨ་ན་རི་སྭཱ་ཧཱ། དེ་ལ་བརྒྱད་པ་བྱང་ཆུབ་སེམས་དཔའ་མིག་སྟོང་པས་ཚངས་པ་ཆེན་པོ་དང་། བརྒྱ་བྱིན་ལྷའི་དབང་པོ་གཡར་དྲང་ནས་ཆོས་འདྲི་བའི་ཕྱག་རྒྱ་ནི་འདི་ལགས་ཏེ། ཕྱག་རྒྱ་སྔ་མའི་སྟེང་དུ་ལག་ངར་གྱི་ཚིགས་གཉིས་
ཕྱེ་ནས། སུག་པ་ལག་པའི་ཟུར་སྤྲད་དེ། ལག་མཐིལ་བཀན་ལ་འཛུབ་མོ་ནི་ཕན་ཚུན་རྒྱུ་བར་བགྱིའོ། །རིག་སྔགས་ནི་འདི་ལྟ་སྟེ། ༀ་མ་ཧཱ་བྲཧྨ་ཡ་ཨེ་ཧི་ཨེ་ཧི་སྭཱ་ཧཱ། ཕྱག་རྒྱ་དང་རིག་སྔགས་འདིས་ནི་གཟུངས་ཀྱི་ཕྱག་རྒྱའི་
སྒོ་མོ་ཚད་མ་མཆིས་ཤིང་གྲངས་མ་མཆིས་པ་ཐམས་ཅད་ཡང་དག་པར་སྡུད་ཅིང་འདུ་བར་བགྱིའོ། །གལ་ཏེ་ཉི་ཟླ་ལ་གཟའ་ཞུགས་པར་གྱུར་ན། ཆབ་མར་ལ་ལན་བརྒྱ་རྩ་བརྒྱད་སྔགས་ཀྱིས་གདབ་པར་བགྱིའོ། །ཡང་ན་
ལན་ཉི་ཤུ་རྩ་གཅིག་སྔགས་བཟླ་བར་བགྱིའོ། །ཆབ་མར་ཕྱག་རྒྱས་བཏབ་སྟེ་འཚལ་ན་དབང་པོ་རྣོ་བར་འགྱུར་བས་གདུགས་གཅིག་ལ་ཤུ་ལོ་ག་ཁྲི་ལོབས་པར་འགྱུར་ལགས་སོ། །ཕྱག་རྒྱའི་ཆོས་ཀྱི་སྒོ་མོ་འདི་ནི་དེ་བཞིན་
གཤེགས་པ་ཉི་མའི་སྙིང་པོས་བྱང་ཆུབ་སེམས་དཔའ་སྤྱན་རས་གཟིགས་དབང་ཕྱུག་ལ་བཀའ་སྩལ་པ་ལགས་སོ། །དེ་ལ་དགུ་པ་བྱང་ཆུབ་སེམས་དཔའ་མིག་སྟོང་པའི་རབ་ཏུ་དགའ་བའི་ཡིད་བཞིན་གྱི་ནོར་བུའི་ཕྱག་རྒྱ་ནི་

106-1-193a

འདི་ལགས་ཏེ། འགྲེང་ནས་སྙིང་གར་ཐལ་མོ་སྦྱར་ཏེ། མཐེ་བོང་གཉི་ག་ལག་མཐིལ་དུ་བཀུག་ནས་སོར་མོ་གཞན་བཞི་ནི་དྲང་པོར་བསྒྲེང་སྟེ་སྙིང་ཀར་ཐལ་མོ་སྦྱར་ནས་རིག་སྔགས་སྔ་མ་འདོན་པར་བགྱིད་ན། གདོན་མི་
འཚལ་བར་ལྷ་རྣམས་ཀྱི་གཞལ་མེད་ཁང་དག་ཏུ་འཇུག་པར་འགྱུར། ཕྱོགས་བཅུའི་སངས་རྒྱས་ཀྱི་ཞིང་རྣམས་སུ་ཀུན་དུ་རྒྱུ་ཞིང་རིན་པོ་ཆེ་བརྒྱད་སྟོང་བསམས་པ་བཞིན་ཐོབ་ནས་སངས་རྒྱས་རྣམས་ལ་མཆོད་པ་བགྱིད་
པར་འགྱུར་ལགས་སོ། །གང་ལ་ལ་ཞིག་ཆོས་ཀྱི་སྒོ་འདི་མངོན་བར་སྒྲུབ་པ་གང་ལགས་པ་དེས་ནང་པར་སྔར་ལངས་ནས་ཁྲུས་ཡོངས་སུ་དག་པར་བགྱིས་ཏེ། ཕྱག་རྒྱ་འདི་བགྱིས་ན་ཕྱོགས་བཅུའི་སངས་རྒྱས་གང་གཱའི་
ཀླུང་གི་བྱེ་མ་སྙེད་མངོན་སུམ་དུ་མཐོང་ནས། བསྐལ་པ་ཚད་མ་མཆིས་པ་སྙེད་ཀྱི་འཁོར་བའི་ལས་ངན་པའི་ཁ་ན་མ་ཐོ་བ་ལྕི་བ་རྣམས་ཡོངས་སུ་བྱང་བར་འགྱུར་བས། དེའི་སླད་དུ་ཡོན་ཏན་འདི་ལྟ་བུའི་བསྔགས་པ་བརྗོད་པར་
ལགས་སོ། །དེ་ལ་བཅུ་པ་བྱང་ཆུབ་སེམས་དཔའ་མིག་སྟོང་པའི་སྨོན་པ་རྣམས་ཡིད་བཞིན་དུ་མངོན་བར་འགྲུབ་པའི་ཕྱག་རྒྱ་ནི་འདི་ལགས་ཏེ། ཕྱག་རྒྱ་སྔ་མ་བཞིན་དུ་བགྱིས་པ་ལས། འཛུབ་མོ་གཉིས་བཀུག་སྟེ་མཐེ་
བོང་གཉིས་ཀྱི་སེན་མོ་མནན་ནས་འཛུབ་མོའི་སེན་མོ་ནི་རྒྱབ་སྤྲད་པར་བགྱི་སྟེ། རིག་སྔགས་ནི་སྔ་མ་ཉིད་བཟླ་བར་བགྱིའོ། །དེ་ལྟར་བགྱིས་ན་སྨོན་པ་རྣམས་མངོན་པར་འགྲུབ་ཅིང་གདོན་མི་ཟ་བར་བྱང་ཆུབ་ཀྱི་ལམ་ལས་ལྡོག་
པར་མི་འགྱུར་ལགས་སོ། །དེ་ལ་བཅུ་གཅིག་པ་བྱང་ཆུབ་སེམས་དཔའ་མིག་སྟོང་པའི་འགོག་པའི་སྙོམས་པར་འཇུག་པའི་ཏིང་ངེ་འཛིན་གྱི་ཕྱག་རྒྱ་ནི་འདི་ལགས་ཏེ། ཕྱག་རྒྱ་སྔ་མ་བཞིན་དུ་བགྱིས་པ་ལས་འཛུབ་མོ་ལྔ་དྲང་པོར་
བསྒྲེང་སྟེ་ཐལ་མོ་དབྱེ་བར་བགྱིའོ། །ཕྱག་རྒྱ་འདི་ནི་བདག་སྔོན་རྒྱུའི་ས་ལ་གནས་པའི་ཚེ་གང་གཱའི་ཀླུང་གི་བྱེ་མ་སྙེད་ཀྱི་སངས་རྒྱས་རྣམས་ཀྱིས་བདག་ལ་སྩལ་བས། བདག་བླ་ན་མེད་པ་ཡང་དག་པར་རྫོགས་པའི་བྱང་ཆུབ་

106-1-193b

ཀྱི་ལམ་མངོན་སུམ་དུ་གྱུར་པ་ལགས་ཏེ། རིག་སྔགས་ནི་སྔ་མ་ཉིད་བཟླ་བར་བགྱིའོ། །དེ་ལ་བཅུ་གཉིས་པ་བྱང་ཆུབ་སེམས་དཔའ་མིག་སྟོང་དང་ལྡན་པས་སངས་རྒྱས་སྤྱན་འདྲེན་པའི་ཏིང་ངེ་འཛིན་གྱི་ཕྱག་རྒྱ་ནི་འདི་ལགས་ཏེ། ཕྱག་རྒྱ་
སྔ་མ་བཞིན་དུ་སྙིང་གར་ཐལ་མོ་སྦྱར་ནས་འཛུབ་མོ་གཉིས་ཕན་ཚུན་རྒྱུ་བར་བགྱིའོ། །རིག་སྔགས་ནི་འདི་ལྟ་སྟེ། ༀ་སརྦ་བུད་དྷ་ས་མ་ཡ། ཨེ་ཧི་ཨེ་ཧི། བྲཤྤུ་ཤུད་དྷ་སཏྭ་སྭཱ་ཧཱ། དེ་ལ་བྱང་ཆུབ་སེམས་དཔའ་མིག་སྟོང་ལག་སྟོང་དང་ལྡན་
པའི་དཀྱིལ་འཁོར་འདྲི་བའི་ཆོ་ག་ནི་འདི་ལགས་ཏེ། བཅོམ་ལྡན་འདས་རྫུ་འཕྲུལ་ཆེན་པོ་དང་ལྡན་པའི་ཡུམ་གྱི་དཀྱིལ་འཁོར་དང་། རིག་སྔགས་དང་། ཕྱག་རྒྱའི་ཆོས་འདིས་ནི་དུས་ཐ་མའི་དུས་ཀྱི་ཚེ་རིག་སྔགས་འཛིན་པ་རྣམས་དེ་བཞིན་
གཤེགས་པའི་རིག་སྔགས་ཀྱི་གཟུངས་སྔགས་ཀྱི་དཀྱིལ་འཁོར་མཉམ་པའི་ཏིང་ངེ་འཛིན་ཐམས་ཅད་མྱུར་དུ་གསལ་བར་མཐོང་བར་འགྱུར་བར་བགྱིད་པས། རིག་སྔགས་འཛིན་པའི་གང་ཟག་གང་ལགས་པ་དེས་རྟག་པར་ངག་
བསྡམས་ཏེ། བྲེ་མོའི་གཏམ་རྣམས་སྨྲ་བར་མི་བགྱིའོ། །གཟུངས་ལས་འབྱུང་བའི་རྫུ་འཕྲུལ་དང་། ཏིང་ངེ་འཛིན་དང་། མཚན་མ་ཡ་མཚན་ཅན་རྣམ་པ་སྣ་ཚོགས་གང་ལགས་པ་དེ་དག་མ་བརྟགས་པར་བབ་ཅོལ་དུ་བརྒྱུད་པར་མི་བགྱི་
འོ། །ཡོངས་སུ་དང་བའི་སེམས་ཀྱིས་དྲན་པ་ཉེ་བར་གཞག་ནས་སྐད་ཅིག་ཙམ་དུ་ཡང་རྣམ་པར་གཡེང་བར་མི་བགྱིའོ། །གལ་ཏེ་ཁེ་ལ་གདུ་བས་སླད་རོལ་དུ་གཞན་དག་ལ་ཐ་དད་པའི་མཚན་མ་སྟོན་པར་བགྱིད་ན། སྡིག་པའི་ལས་སྦྱོང་བར་
འཚལ་ཡང་དེ་དག་འགྲུབ་པར་མི་འགྱུར་ལགས་སོ། །གལ་ཏེ་ཡང་དག་པའི་ཡོངས་སུ་དང་བ་དང་། ཆོས་ཀྱི་བསམ་པ་གང་ལགས་པ་དེས་བསྒོམ་པར་མི་བགྱིད་ན། བགྱིས་པ་རྣམས་ཆབ་འཚལ་ཞིང་དོན་མ་མཆིས་པར་སྡུག་བསྔལ་
སྣ་ཚོགས་མྱོང་བ་ཙམ་དུ་བས་ཀྱི། ནམས་ཀྱང་བསྒྲུབ་པ་དག་མངོན་པར་འགྲུབ་པར་མི་འགྱུར་བས་རྟག་པར་ནན་ཏན་བརྩོན་འགྲུས་ཀྱིས་ཚུལ་ཁྲིམས་ཡོངས་སུ་དག་པར་བསྲུངས་ནས་དཀུ་བ་རྣམ་པ་ལྔ་དང་། ཤ་ཆང་འཚལ་བར་

106-1-194a

མི་བགྱིའོ། །གལ་ཏེ་དབྱེན་ཚིག་དང་། གཡོ་སྒྱུའི་ཚིག་དང་། ཕྲག་དོག་གི་ཚིག་སྨྲ་བར་གྱུར་ཏམ། དཀྱིལ་འཁོར་དང་། ཕྱག་རྒྱ་དང་། རིག་སྔགས་ཀྱི་ཆོ་ག་རྐུ་བའི་ནོངས་པ་འདི་དག་བྱུང་བར་གྱུར་ན། སངས་རྒྱས་དང་བྱང་ཆུབ་སེམས་
དཔའ་ཐམས་ཅད་ཀྱིས་སྤོང་བར་མཛད་པས། འདི་སྐད་དུ་ངས་ཁྱེད་སྤངས་པ་མ་ཡིན་ཡང་གཟིགས་ཤིང་ཡོངས་སུ་བསྡུ་བའི་འོས་མ་ཡིན་ནོ་ཞེས་གསུང་བར་འགྱུར་ཏེ། བཅོམ་ལྡན་འདས་གང་ཟག་དེ་དག་ནི་དེ་བཞིན་གཤེགས་པ་ཐམས་
ཅད་ཀྱི་ཚུལ་ཁྲིམས་ཡོངས་སུ་དག་པ་བཤིག་པ་དང་། དཀོན་མཆོག་གསུམ་དང་། ཡང་དག་པའི་ཆོས་དང་། དགེ་བའི་མཚན་ཉིད་ཐམས་ཅད་ལ་སྐུར་ཅིང་འཇིག་པར་བགྱིད་པ་ལགས་པས། དེ་ལྟ་བུའི་གང་ཟག་དེ་དག་ནི་རྟག་པར་ལྷའི་
བུའི་བདུད་དང་། འདྲེ་གདོན་ཐམས་ཅད་དང་། མུ་སྟེགས་ཅན་རྣམས་དང་། བྱི་ན་ཡ་ཀ་རྣམས་དང་། ཁམས་གཅིག་ཏུ་བསྡུ་བ་དང་། ལས་གཅིག་ལ་གནས་པ་དང་། གཏན་དུ་སྐྱབས་མ་མཆིས་པར་གྱུར་པ་ལགས་པས། འཕགས་
པ་རྣམས་ཀྱིས་ཡོངས་སུ་སྐྱོབ་པར་མི་མཛད་ཅིང་། རྟག་པར་སངས་རྒྱས་དང་། བྱང་ཆུབ་སེམས་དཔའ་དང་། འཕགས་པ་དང་། ལྷ་དང་། དྲང་སྲོང་ཐམས་ཅད་ཀྱིས་དམོད་པར་འགྱུར་བར་རིག་པར་བགྱི་ལགས་སོ། །ལམ་སུན་འབྱིན་ཅིང་
ཆོས་འཇིག་པར་བགྱིད་པའི་གང་ཟག་དེ་ལྟ་བུ་དེ་དག་གདུགས་མཚན་དུ་རྟག་པར་གཟུངས་འདི་རྗེས་སུ་དྲན་པར་བགྱིད་ཀྱང་། བཅོམ་ལྡན་འདས་བདག་གིས་གང་ཟག་དེ་དག་ནམས་ཀྱང་འགྲུབ་པར་མི་འགྱུར་བར་མཐོང་ལགས་ཏེ། དེ་ལྟར་
མི་འགྲུབ་པ་དེ་ཡང་བདག་གིས་ནོངས་པ་མ་ལགས་ཀྱི། དེ་དག་རང་ཉིད་ཀྱི་ནོངས་སྐྱོན་ལགས་པས་དོན་དེའི་སླད་དུ་གཟུངས་འདིའི་ཆོ་ག་དང་། གླེགས་བམ་དེ་དག་གིས་མཐོང་ཞིང་ཐོས་པར་ཡང་མི་བགྱི། འདོན་ཅིང་འཛིན་དུ་སྩལ་བར་ཡང་
མི་བགྱི་སྟེ། གང་དག་ཚངས་པར་སྤྱོད་པ་ཡོངས་སུ་དག་པ་བསྲུང་བ་དང་། བྱམས་པ་དང་། སྙིང་རྗེའི་སེམས་དང་ལྡན་པ་དང་། སེམས་ཅན་ལ་སྙིང་བརྩེ་ཞིང་བྱང་ཆུབ་ཡོངས་སུ་གཉེར་བར་བགྱིད་པ་དག་གིས་ཡི་གེར་བྲིས་ནས་ཀློག་

106-1-194b

པ་དང་། འདོན་པ་དང་། ཡོངས་སུ་འཛིན་པར་གྱུར་ན། ཡུམ་གྱི་གཟུངས་ཀྱི་དཀྱིལ་འཁོར་མངོན་བར་འགྲུབ་པར་འགྱུར་བས་སོ། །ཆོས་ཀྱི་ཆོ་ག་འདི་ནི་བྱང་ཆུབ་སེམས་དཔའ་སེམས་དཔའ་ཆེན་པོ་སྤྱན་རས་གཟིགས་དབང་ཕྱུག་གིས་མཆོག་
ཏུ་གསང་བའི་སྙིང་པོ་ལགས་པའི་སླད་དུ་རིག་སྔགས་འཛིན་པས་ཡང་དག་པའི་སེམས་དང་། བརྩོན་འགྲུས་ཀྱི་སེམས་ཀྱིས་ལུས་ཀྱི་ཡན་ལག་དང་། ཉིང་ལག་དང་། རུས་པ་དང་། ཤ་དང་། རྩ་རྒྱུས་དང་། རྐང་དང་། མགོ་དང་། མིག་ལ་
སོགས་པ་ཡང་ཡོངས་སུ་སྤངས་ནས་གཞན་དག་ལ་སྩལ་ཏེ། ཆོས་འདི་ཡོངས་སུ་གཉེར་ནས་རྟག་པར་ནན་ཏན་བརྩོན་འགྲུས་ཀྱིས་མངོན་བར་སྒྲུབ་པར་འཚལ་ན་རིན་པོ་ཆེ་དང་། འབྲུ་དང་། དར་ཟབ་དང་། གོས་དང་། མལ་ཆ་དང་། སྨན་
དང་། ནོར་རྫས་རྣམ་པ་སྣ་ཚོགས་རྣམ་པར་གྲོལ་བའི་ཡུམ་གྱི་གཟུངས་དང་། དཀྱིལ་འཁོར་དང་། ཕྱག་རྒྱའི་གཟུགས་བརྙན་གྱི་ཆོས་ཀྱི་ཆེད་དུ་གཏོང་བ་ལྟ་སྨོས་ཀྱང་ཅི་འཚལ་ཏེ། སློབ་དཔོན་གྱིས་བསྟན་པ་ཇི་ལྟ་བ་བཞིན་དུ་སེམས་
རྩེ་གཅིག་ཏུ་བསྒྲུབ་པར་བགྱིའོ། །དེ་ཅིའི་སླད་དུ་ཞེ་ན། རྣམ་པར་གྲོལ་བའི་གཟུངས་ཀྱི་ཆོས་འདི་ནི་སླད་མའི་དུས་ཐ་མའི་ཚེ་སེམས་ཅན་རྣམས་ལ་སངས་རྒྱས་ཀྱི་མཛད་པ་བགྱིས་ནས། ཡང་དག་པའི་སྤྱོད་པ་དང་། ཡང་དག་པའི་
ལས་ཀྱི་མཐའ་དང་། ཡང་དག་པའི་བརྩོན་འགྲུས་དང་། ལྟ་བས་བགྲོད་པའི་ཕྱོགས་དང་། རྣམ་པར་གྲོལ་བའི་ལམ་མངོན་བར་འགྲུབ་པར་བགྱིད་ཅིང་། དེ་དག་དུས་འདི་ནས་བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་བར་
འཚང་རྒྱ་བའི་བར་དུ་ནམས་ཀྱང་ལྡོག་པར་མི་འགྱུར་བར་བགྱིད་པས་སོ། །དཀྱིལ་འཁོར་དེ་ཡང་གཙུག་ལག་ཁང་གི་ནང་ངམ། རི་འམ། ཆབ་མིག་འབབ་པ་འམ། ནགས་ཚལ་གྱི་དྲུང་དུ་ཡང་རུང་སྟེ། ཉེ་འཁོར་ཀུན་དུ་ཁྲུ་གང་ཡན་ཆད་
ན་ཤིང་གི་རྩ་བ་དང་། དོག་ས་ངན་པ་དང་། གྱོ་མོ་དང་། གོར་མ་དང་། རུས་པ་ལ་སོགས་པ་ཅི་མཆིས་པ་བརྐོས་ཏེ་བསལ་ནས། དོག་ས་བཟང་པོ་ལས་རྨང་ཁྲུ་གང་ཙམ་དུ་བླངས་ཏེ་བརྡུངས་ནས་མཉམ་པོར་བགྱིས་ལ་བ་ལང་གི་ལྕི་བ་དང་། སྤོས་ཆབ་

106-1-195a

དོག་ས་སེར་པོ་དང་བསྲེས་ནས་འཇིམ་པ་བགྱིས་ཏེ་ལེགས་པར་བྱུག་ཅིང་ཞལ་ཞལ་བགྱིས་ནས་གླིང་ལྔར་བགོ་བར་བགྱིའོ། །དེ་ལ་དབུས་ཀྱི་གླིང་ནི་ཞེང་དུ་ཁྲུ་གསུམ་ཙམ་དུ་བགྱིས་ཏེ། དབུས་ཁོ་ནར་ཁྲུ་དོ་གྲུ་བཞི་ལྷམ་པར་
མཆིས་པའི་རིན་པོ་ཆེའི་འཁོར་ལོ་རྩིབས་བརྒྱ་རྩ་བརྒྱད་དང་ལྡན་པ་ཅིག་བྲི་བར་བྱའོ། །གཞན་ཡང་འཁོར་ལོའི་དབུས་སུ་རིན་པོ་ཆེའི་པད་མ་ཁ་བྱེ་བ་འདབ་མ་སུམ་བཅུ་རྩ་གཉིས་མཆིས་པ་ཁྲུ་གང་བ་ཅིག་བྲི་བར་བགྱིའོ། །གཞན་
ཡང་འཁོར་ལོའི་ཐ་མ་འཁོར་བར་འོད་འབར་བ་བྲི་བར་བྱའོ། །དེའི་རྗེས་ལ་གླིང་གི་གྲྭ་བཞིར་པད་མ་ཁ་བྱེ་བ་རེ་རེ་བྲི་བར་བགྱིའོ། །གཞན་ཡང་པད་མ་རེ་རེའི་སྟེང་དུ་ཡིད་བཞིན་གྱི་ནོར་བུ་རེ་རེ་བྲིས་ནས། ནོར་བུ་བཞི་པོའི་སྟེང་དུ་འོད་འབར་
བ་བྲི་བར་བགྱིའོ། །གཞན་ཡང་འདབ་མ་སུམ་བཅུ་རྩ་གཉིས་དང་ལྡན་པའི་པད་མ་དེའི་སྟེང་དུ་བྱང་ཆུབ་སེམས་དཔའ་སྤྱན་རས་གཟིགས་དབང་ཕྱུག་གི་གཟུགས་ཙན་དན་དཀར་པོ་ལས་བགྱིས་པ་ཅིག་གཞག་པར་བགྱིའོ། །
དེ་ནས་གླིང་གཉིས་པ་ནི་ཞེང་དུ་ཁྲུ་གང་བར་བགྱིས་ནས། སྔར་གྲྭ་བཞིར་པད་མ་ཁ་བྱེ་བ་རེ་རེ་བྲི་བར་བགྱིའོ། །གཞན་ཡང་པད་མ་དེ་དག་རེ་རེའི་སྟེང་དུ་རི་རབ་ལྷུན་པོའི་སྟན་རིམ་པ་གསུམ་མཆིས་པ་གསུམ་གསུམ་བྲིས་ནས་བྱང་
ཤར་མཚམས་ཀྱི་སྟན་ལ་ནི་དབང་ཕྱུག་ཆེན་པོའི་ལྷ་བྲིའོ། །ཤར་ལྷོ་མཚམས་ཀྱི་སྟན་ལ་ནི་ལྷ་མཐུ་ཆེན་པོ་བྲིའོ། །ལྷོ་ནུབ་མཚམས་ཀྱི་སྟན་ལ་ནི་ཚངས་པ་ཆེན་པོ་བྲིའོ། །ནུབ་བྱང་མཚམས་ཀྱི་སྟན་ལ་ནི་བརྒྱ་བྱིན་བྲི་བར་
བྱའོ། །གཞན་ཡང་ངོས་བཞིར་ནི་རིན་པོ་ཆེའི་མེ་ཏོག་དང་། ཕྲེང་བ་བཅུ་དྲུག་བྲི་བར་བགྱིའོ། །དེ་ནས་གླིང་གསུམ་པ་ནི་ཞེང་དུ་ཁྲུ་དོ་པར་བགྱིས་ཏེ་ས་གཞི་སྔོན་པོ་ལ་གསེར་གྱི་ཐིག་བཀྱེ་བ་འབའ་ཞིག་བྲི་བར་བགྱིའོ། །དེ་ནས་
གླིང་བཞི་པ་ནི་ཞེང་དུ་ཁྲུ་གང་བར་བགྱིས་ཏེ། ངོས་བཞི་སྤྱི་ལ་བར་ཆད་ཉི་ཤུ་རྩ་བརྒྱད་དུ་བྱས་ནས་བར་ཆད་དུམ་བུ་རེ་རེའི་ནང་དུ་ཡང་པད་མ་ཁ་བྱེ་བ་རེ་རེ་བྲི་བར་བགྱིའོ། །གཞན་ཡང་གོ་རིམས་བཞིན་དུ་པད་མ་དེ་དག་རེ་རེའི་སྟེང་

106-1-195b

དུ་ཡང་རྡོ་རྗེ་ཐོ་བ་དང་། རྩེ་གསུམ་པའི་ཕྱག་རྒྱ་དང་། དགྲ་སྟའི་ཕྱག་རྒྱ་དང་། གྲིའི་ཕྱག་རྒྱ་དང་། རལ་གྲིའི་ཕྱག་རྒྱ་དང་། དུང་གི་ཕྱག་རྒྱ་དང་། ཆུ་གྲིའི་ཕྱག་རྒྱ་དང་། ཞགས་པའི་ཕྱག་རྒྱ་དང་། དབྱིག་པ་ཐོགས་པའི་ཕྱག་རྒྱ་
དང་། གདུགས་ཀྱི་ཕྱག་རྒྱ་དང་། ཡིད་བཞིན་གྱི་ནོར་བུའི་ཕྱག་རྒྱ་དང་། གཤིན་རྗེའི་དབྱིག་པའི་ཕྱག་རྒྱ་དང་། བི་ན་ཡ་ཀའི་ཕྱག་རྒྱ་དང་། མཚོན་ཆའི་ཕྱག་རྒྱ་དང་། འཁོར་ལོའི་ཕྱག་རྒྱ་དང་། སུག་པ་ལག་པ་སྣ་ཚོགས་དང་
ལྡན་པའི་ཕྱག་རྒྱ་རྣམས་སོ་སོར་བྲིས་ནས། ཕྱག་རྒྱ་དེ་དག་ཀུན་ལ་ཡང་འོད་འབར་བ་དག་བྲི་བར་བགྱིའོ། །གཞན་ཡང་ལྷོ་ཕྱོགས་ཀྱི་ཆབ་སྒོར་བར་ཆད་བགྱིས་པའི་ནང་དུ་ནི་འཐབ་བྲལ་གྱི་ལྷ་བྲིའོ། །ནུབ་ཕྱོགས་ཀྱི་ཆབ་སྒོར་བར་
ཆད་བགྱིས་པའི་ནང་དུ་ནི་ཆུ་ལྷ་བྲིའོ། །བྱང་ཕྱོགས་ཀྱི་ཆབ་སྒོར་བར་ཆད་བགྱིས་པའི་ནང་དུ་ནི་ཀུ་བེ་ར་བྲིའོ། །ཤར་ཕྱོགས་ཀྱི་ཆབ་སྒོར་བར་ཆད་བགྱིས་པའི་ནང་དུ་ནི་ལྷ་གཞོན་ནུ་བྲི་བར་བགྱིའོ། །དེ་ནས་གྲུ་བཞིའི་གནས་སོ་སོར་
ནི་རྒྱལ་པོ་ཆེན་པོ་བཞི་ཁྲོ་གཉེར་ཅན་གཡོག་འཁོར་དང་བཅས་པ་བྲི་བར་བགྱིའོ། །དེ་ནས་གླིང་ལྔ་པ་ནི་ཁྲུ་གང་བར་བགྱིས་ཏེ། ངོས་བཞི་ཀུན་ཏུ་འབྲས་བུའི་ལྗོན་ཤིང་དང་། མེ་ཏོག་གི་ལྗོན་ཤིང་དང་། རིན་པོ་ཆེའི་ལྗོན་ཤིང་རྣམ་
པ་སྣ་ཚོགས་བྲི་བར་བགྱིའོ། །གཞན་ཡང་གྲྭ་བཞི་ཀུན་དུ་རིན་པོ་ཆེའི་རི་རབ་ལྷུན་པོ་རེ་རེ་བྲི་བར་བགྱིའོ། །ཆབ་སྒོ་བཞིར་ནི་རྒྱ་མཚོ་ཆེན་པོའི་ཆབ་བྲི་བར་བགྱིའོ། །དཀྱིལ་འཁོར་གྱི་སླད་ནང་གི་གླིང་རྣམས་ཀྱི་ས་གཞི་ནི་ཁ་དོག་
སྔོན་པོར་བགྱིའོ། །གཞན་ཡང་སླད་ནང་གི་གླིང་རྣམས་ཀྱི་ནུབ་ཕྱོགས་ཀྱི་ཆབ་སྒོའི་ལྷོའི་ངོས་ཀྱི་ཟུར་ལ་སྔགས་མཁན་འབྱུང་ཞིང་འཇུག་པའི་ཆབ་སྒོ་གཅིག་དབྱེ་བར་བགྱིའོ། །གཞན་ཡང་སྤྱན་རས་གཟིགས་དབང་ཕྱུག་མིག་
སྟོང་ལག་སྟོང་དང་ལྡན་པའི་གཟུགས་བགྱིས་པ་གཅིག་དབུས་སུ་སྤྱངས་ཏེ་ཁ་ཤར་ཕྱོགས་སུ་བལྟ་བར་བགྱིའོ། །གཞན་ཡང་མིག་སྟོང་ལག་སྟོང་དང་ལྡན་པའི་མདོ་སྡེ་གླེགས་བམ་གཅིག་པད་མ་འདབ་མ་སུམ་བཅུ་རྩ་གཉིས་

106-1-196a

མཆིས་པའི་དཀྱིལ་འཁོར་གྱི་སྟེང་དུ་བཞག་ནས། གཟུགས་བགྱིས་པ་དེའི་མདུན་དུ་གཞན་ཡང་ཙན་དན་དཀར་པོའི་དྲི་ཆབ་ཞལ་བུ་བཅུ་དྲུག་དང་། ཞལ་ཟས་རྣམ་པ་སྣ་ཚོགས་དང་། ཟས་དཀར་གསུམ་དང་། ཤིང་ཏོག་ལ་སོགས་པས་
བཀང་བའི་གཞོང་བུ་ཉི་ཤུ་རྩ་ལྔ་དང་། སྤོས་ཆབ་བྲི་གང་དང་། བུམ་པ་དར་ཚོན་སྣ་ཚོགས་དང་། མེ་ཏོག་དང་། ལྗོན་ཤིང་གི་ཡལ་ག་ལ་སོགས་པས་ཁ་བརྒྱན་པ་ཉི་ཤུ་རྩ་ལྔ་དང་། མེ་ཏོག་དང་། ཕྲེང་བ་སྣ་སྣ་ནས་ཉི་ཤུ་ཉི་ཤུ་དང་། མར་མེ་ཉི་ཤུ་རྩ་བརྒྱད་དང་། 
བྱུག་སྤོས་དང་། སྤོས་ཀྱི་ཕྱེ་མ་དང་། དེ་ལ་སོགས་པའི་སྤོས་དེབ་ཚེ་ཉི་ཤུ་དང་། བྱང་ཆུབ་སེམས་དཔའི་གཟུགས་བྲིས་པའི་འཕན་དང་། དར་ཚོན་སྣ་ཚོགས་ལས་བགྱིས་པའི་འཕན་སྤྱིར་ཕྲེང་ཉི་ཤུ་རྩ་ལྔ་བཤམ་པར་བགྱིའོ། །འདི་ལྟར་མཆོད་པ་བགྱིད་
པའི་ཞལ་སྡེར་དང་། སྣོད་སྤྱད་དང་། བུམ་པ་ལ་སོགས་པ་དེ་དག་ཐམས་ཅད་ཀྱང་གསེར་དང་། དངུལ་དང་། འཁར་བ་ལ་སོགས་པ་ལས་བགྱིས་པ་ལས་སྦྱར་བར་བགྱིའོ། །གལ་ཏེ་ཡང་དག་པར་མ་མཆིས་ན་བརྙན་མ་ཡང་རུང་ལགས་སོ། །འདི་
ལྟར་ཡོ་བྱད་དེ་དག་ཐམས་ཅད་ཀྱང་སླད་ནང་གི་གླིང་རྣམས་ངོས་བཞིར་ཆོས་བཞིན་དུ་བྲི་ཞིང་དགྲམ་པར་བགྱིའོ། །གདན་དང་། མེ་ཏོག་སྣ་ཚོགས་གཟུགས་ཤིང་གཏོར་བར་བགྱིའོ། །འབྲས་སཱ་ལུའི་མེ་ཏོག་དང་། ཡུངས་དཀར་དང་། མེ་ཏོག་
རྣམ་པ་སྣ་ཚོགས་དཀྱིལ་འཁོར་གྱི་སྟེང་དུ་གཏོར་བར་བགྱིའོ། །ཞལ་ཟས་དེ་དག་ཀྱང་གདུགས་གཅིག་བཞིན་དུ་གསར་དུ་བགྱིས་པ་བཟང་པོ་ལས་མཆོད་པར་བགྱིའོ། །སྔགས་མཁན་དེ་ཡང་འབྱུང་འཇུག་གི་ཚེ་ཁྲུས་ཡོངས་སུ་དག་
པར་བགྱིས་ནས་བྱུག་སྤོས་ཀྱིས་བྱུག་སྟེ། གོས་སར་པ་གཙང་མ་བགོ་བར་བགྱིའོ། །ཟས་དཀར་གསུམ་འཚལ་ནས་ཙན་དན་དང་། ཨ་ག་རུ་དང་། ཏུ་རུསྐ་དང་། ག་པུར་ལ་སོགས་པ་བསྲེས་ཏེ་གདུགས་གཅིག་ལ་དུས་གསུམ་དུ་བྱང་
ཆུབ་སེམས་དཔའ་སྤྱན་རས་གཟིགས་དབང་ཕྱུག་མིག་སྟོང་ལག་སྟོང་དང་ལྡན་པའི་གཟུགས་བགྱིས་པ་ལ་མཆོད་པར་བགྱིའོ། །ནང་གི་གླིང་གསུམ་པའི་ནང་དུ་མིག་སྟོང་པའི་གཟུགས་བཞག་པའི་མདུན་དུ་རང་གིས་བྱང་ཆུབ་སེམས་དཔའི་

106-1-196b

སྡོམ་པ་གསུམ་པོ་དག་ཡང་དག་པར་བླང་བར་དམ་བཅའ་བར་བགྱིའོ། །གདུགས་མཚན་དུ་སླད་རོལ་གྱི་གླིང་གི་ནུབ་ཕྱོགས་ཀྱི་ཆབ་སྒོར་དཀྱིལ་མོ་དཀྲུང་བཅས་ཏེ། མཆིས་ནས་གདུགས་གཅིག་ལ་ཡུམ་གྱི་གཟུངས་ལན་སྟོང་རྩ་བརྒྱད་
བར་ཆད་མ་མཆིས་པར་བཟླས་བརྗོད་བགྱིས་ནས།  གདུགས་ཉི་ཤུ་རྩ་གཅིག་གི་བར་དུ་བསམ་པ་གཏུགས་ཏེ་མཆོད་པར་བགྱིའོ། །གཞན་ཡང་དུས་དྲུག་ཏུ་དཀྱིལ་འཁོར་གྱི་ནུབ་ངོས་ཀྱི་ཟུར་གྱི་ཆབ་སྒོ་ནས་དཀྱིལ་འཁོར་གྱི་ནང་དུ་ཞུགས་ནས། 
གླིང་གསུམ་པའི་ནུབ་ཕྱོགས་ཀྱི་ཆབ་སྒོར་འགྲེང་སྟེ། སྔར་བསྟན་པའི་ཕྱག་རྒྱ་དང་པོ་དང་། གཉིས་པ་དང་། གསུམ་པ་ནས་བཅུ་གཉིས་པ་སངས་རྒྱས་སྤྱན་འདྲེན་པའི་ཏིང་ངེ་འཛིན་གྱི་བར་གྱི་ཕྱག་རྒྱ་ཀུན་བགྱིས་ནས་སྔགས་ལན་བདུན་བདུན་
བཟླ་བར་བགྱིའོ། །ཕྱག་རྒྱ་བཅུ་གཉིས་པའི་བར་དུ་བགྱིས་ལགས་ནས་ཀྱང་བདག་ཉིད་བྱང་ཆུབ་ཆེན་པོའི་སྨོན་ལམ་ཤིན་དུ་བརྟན་པ་ལས་ཕྱིར་མི་ལྡོག་པར་བགྱིའོ་ཞེས་སྨོན་ལམ་བཏབ་ནས་གཡར་འདྲེན་པར་བགྱིད་ན། ཐམས་ཅད་ཉེ་བར་
མཆི་བར་འགྱུར་བས་ལུས་དྲང་པོར་བསྲང་སྟེ་མཆིས་ནས། ངེས་པའི་སེམས་ཀྱིས་ལྷ་འདྲེ་ཐམས་ཅད་སྒྲིབ་ཅིང་མཆོད་པ་མ་མཆིས་པར་མིག་སྔར་མཆིས་སོ་སྙམ་དུ་འདུ་ཤེས་ཉེ་བར་བཞག་སྟེ། ཐ་དད་པའི་ཡུལ་ལ་མི་དམིགས་པར་ལུས་པོ་
ཆེའི་སྔགས་སྔ་མ་ལན་ཉི་ཤུ་རྩ་གཅིག་འདོན་པར་བགྱིད་ན། དེའི་མཚན་མོ་གཟུགས་བགྱིས་པ་དེ་ལས་འོད་ཟེར་ཆེན་པོ་བྱུང་ནས་བྱང་ཆུབ་སེམས་དཔའ་སྤྱན་རས་གཟིགས་དབང་ཕྱུག་ཉིད་གདོན་མི་འཚལ་བར་མངོན་སུམ་དུ་ལུས་སྟོན་
པར་འགྱུར་ཏེ། ལུས་བསྟན་ནས་མཆི་བའི་ཚེ་ཀུན་དགའ་བའི་ལུས་ཀྱི་བྱད་གཟུགས་སུ་མངོན་པར་སྤྲུལ་ནས། དགའ་ཞིང་འཛུམ་པའི་བཞིན་གྱིས་རྣལ་འབྱོར་པ་དེ་ལ་ཅི་ཞིག་དགོས་གང་ཞིག་སྨོན་ཅེས་འདྲི་བར་འགྱུར་བས། དེའི་ཚེ་
སྔགས་མཁན་གྱིས་འདི་སྐད་དུ་བླ་ན་མེད་པ་ཡང་དག་པར་རྫོགས་པའི་བྱང་ཆུབ་དང་། གཟུངས་དང་། ཏིང་ངེ་འཛིན་གྱི་ཆོས་ཡོངས་སུ་གཉེར་བ་དང་། གཞན་ཡང་དཀྱིལ་འཁོར་དང་། ཕྱག་རྒྱ་དང་། སྔགས་ཀྱི་ཆོ་ག་ཐམས་ཅད་མངོན་བར་འགྲུབ་པ་དང་། 

106-1-197a

འདྲེ་གདོན་ཐམས་ཅད་གདུལ་ཞིང་ངག་ཉན་པར་འགྱུར་བར་འཚལ་ལོ་ཞེས་ལན་གདབ་པར་བགྱིའོ། །དེ་ལྟར་སྨོན་པ་རྣམས་གྲུབ་ནས་ཀྱང་བདག་ཉིད་རིག་པར་བགྱིའི་གཞན་དག་ལ་བརྗོད་པར་མི་བགྱིའོ། །དཀྱིལ་འཁོར་གྱི་ཆོ་ག་འདི་ནི་
བལ་རས་སམ། བཙོ་རས་ལ་རི་མོས་བྲིས་ཏེ་བགྱིས་ན་ཡང་རུང་ལགས་སོ། །སྨོན་པ་ཐམས་ཅད་འགྲུབ་པར་འཚལ་ན་ཆབ་ཀྱི་དཀྱིལ་འཁོར་གྲུ་བཞི་པ་བགྱིས་ལ། ཨ་ག་རུ་བསྲེགས་ཏེ། ལུས་པོ་ཆེའི་སྔགས་སྔ་མ་ལན་སྟོང་རྩ་བརྒྱད་
བཟླས་ནས། བཅུ་པ་སྨོན་པ་རྣམས་ཡིད་བཞིན་དུ་འགྲུབ་པའི་ཕྱག་རྒྱ་སྔ་མ་བགྱིས་ན། སྨོན་པ་ཐམས་ཅད་བསམས་པ་བཞིན་དུ་འགྲུབ་ཅིང་ཡོངས་སུ་རྫོགས་པར་འགྱུར་ལགས་སོ། །གལ་ཏེ་སྐྱེ་བོ་མང་པོ་ཐམས་ཅད་དགའ་བར་འགྱུར་
བར་འཚལ་ན་རབ་ཏུ་དགའ་བའི་ཡིད་བཞིན་གྱི་ནོར་བུའི་ཕྱག་རྒྱ་སྔ་མ་བགྱིས་ནས། ལུས་པོ་ཆེའི་སྔགས་ཀྱིས་ཏིལ་འབྲུ་ལ་ལན་ཉི་ཤུ་རྩ་གཅིག་གདབ་པར་བགྱིའོ། །ཡང་ན་སྔགས་ལན་རེ་བཟླས་ནས་ལན་རེ་ཞུགས་ཀྱི་ནང་དུ་དོར་བ་ལན་སྟོང་
རྩ་བརྒྱད་ཚང་བར་བགྱིས་ན་ཐམས་ཅད་ཡིད་བཞིན་དུ་དགའ་བར་འགྱུར་ལགས་སོ། །གནོད་སྦྱིན་རྣམས་དགའ་བར་འཚལ་ན་གནོད་སྦྱིན་གྱི་ཀུན་དགའ་ར་བའི་ལྗོན་ཤིང་གི་ཡལ་ག་བླངས་ཏེ། ལན་ཉི་ཤུ་རྩ་གཅིག་སྔགས་ཀྱིས་བཏབ་ནས་
ཀུན་དགའ་ར་བར་བོར་ན་དགའ་བར་འགྱུར་ལགས་སོ། །མི་མ་རུངས་པ་དགྲར་གྱུར་པ་གདུལ་བར་འཚལ་ན་ཤིང་ཁོང་ལེན་འབོག་ལ་ལན་ཉི་ཤུ་རྩ་གཅིག་སྔགས་ཀྱིས་བཏབ་ནས། སྔགས་ལན་རེ་བཟླ་ཞིང་ལན་རེ་ཞུགས་སུ་དོར་བ་ལན་
བརྒྱ་རྩ་བརྒྱད་ཚང་བར་བགྱིས་ན་སྐྱབས་སུ་མཆི་ཞིང་ཐུལ་བར་འགྱུར་ལགས་སོ། །འདྲེ་གདོན་གདུལ་དཀའ་བ་ཞིག་མཆིས་ན་གུ་གུལ་དང་། ཡུངས་དཀར་ལ་ལན་ཉི་ཤུ་རྩ་གཅིག་སྔགས་ཀྱིས་བཏབ་སྟེ། སྔགས་ལན་རེ་བཟླ་ཞིང་ལན་
རེ་ཞུགས་སུ་དོར་བ་ལན་བརྒྱ་རྩ་བརྒྱད་ཚང་བར་བགྱིས་ན་འདྲེ་གདོན་ཐམས་ཅད་རང་དུལ་བར་འགྱུར་ལགས་སོ། །ཡུལ་ཕྱོགས་སུ་རིམས་ནད་བྱུང་བར་གྱུར་ན་ཆབ་ཀྱི་དཀྱིལ་འཁོར་གྲུ་བཞི་པ་བགྱིས་ནས། བ་མར་བཟང་པོ་ལ་ལན་

106-1-197b

བརྒྱ་རྩ་བརྒྱད་སྔགས་ཀྱིས་བཏབ་སྟེ། སྔགས་ལན་རེ་བཟླ་ཞིང་ལན་རེ་ཞུགས་སུ་དོར་བ་ལན་སྟོང་རྩ་བརྒྱད་ཚང་བར་བགྱིས་ན་རིམས་ནད་ཐམས་ཅད་ཞི་བར་འགྱུར་རོ། །ཡང་ན་ཆབ་ཉུང་ཟད་ཅིག་བླངས་ཏེ་རིམས་ཀྱིས་ཐེབས་པ་འཚལ་དུ་སྩལ་ན་
འཕྲལ་དུ་འཚོ་བར་འགྱུར་ལགས་སོ། །སྔོན་ཡུལ་དགེ་བྱིན་ཞེས་བགྱི་བར་རིམས་ནད་བྱུང་ནས། གང་རིམས་ཀྱིས་བཏབ་པ་དེ་དག་གདུགས་ཞག་གཅིག་གམ་གཉིས་ལས་མི་འདའ་བར་འཆི་བའི་དུས་བགྱིད་པར་གྱུར་ཏོ། །དེའི་ཚེ་བྲམ་ཟེ་ཙིན་ཏི་ཞེས་བགྱི་བ་
ཞིག་སྙིང་རྗེ་ཆེན་པོ་སྐྱེས་ནས། ཆོ་གའི་སྒོ་འདི་བཤམས་ནས་ཡུལ་ཁམས་གཅིག་གི་རིམས་ཀྱིས་ཐེབས་པ་ཐམས་ཅད་གསོས་པས། ཐམས་ཅད་ཞི་བར་གྱུར་ཏེ། རིམས་གཏོང་བའི་འདྲེ་གདོན་གྱི་རྒྱལ་པོ་ཡང་དེའི་ཚེ་ཡུལ་ནས་བྱུང་བར་གྱུར་
པའི་སླད་དུ་སྨན་ཡོན་ཆེ་བར་རིག་པར་བགྱི་ལགས་སོ། །གལ་ཏེ་ཕ་རོལ་གྱི་དམག་ཚོགས་ཀྱིས་གཙེས་པར་གྱུར་ཏམ། ཆོམ་རྐུན་དང་། འཁྲུག་པ་འབྱུང་བར་གྱུར་ན་ལུས་ཀུན་སྡུད་པའི་ཕྱག་རྒྱ་དང་པོ་བགྱིས་ཏེ། རིག་སྔགས་ལན་བརྒྱ་རྩ་
བརྒྱད་བཟླས་བརྗོད་བགྱིས་ན་དགྲ་དང་ཆོམ་རྐུན་དེ་དག་ཐམས་ཅད་རང་གི་ངང་གིས་རབ་ཏུ་ཞི་བར་འགྱུར་ལགས་སོ། །རིགས་ཀྱི་བུའམ། རིགས་ཀྱི་བུ་མོ་གང་ལ་ལ་ཞིག་ལས་ཀྱི་རྣམ་པར་སྨིན་པའི་དབང་གིས་ཚེ་རབས་སུ་ཉེ་བའི་ཚེ་འགོག་པའི་
སྙོམས་པར་འཇུག་པའི་ཕྱག་རྒྱ་སྔ་མ་བགྱིས་ཏེ། གདུགས་རེ་བཞིན་དུ་མཆོད་པ་བགྱིས་ནས། ཨ་ག་རུ་བསྲེགས་ཏེ། རིག་སྔགས་ལན་སྟོང་རྩ་བརྒྱད་བཟླས་ནས་དེའི་མིང་ནས་ལན་རེ་འདོན་པར་བགྱིད་ན་ལས་ཀྱི་སྒྲིབ་པ་དེ་དག་ཡོངས་
སུ་བསྒྱུར་བར་འགྱུར་ལགས་སོ། །སྔོན་ཡུལ་བཱ་རཱ་ཎ་སཱིར་ཁྱིམ་བདག་གཅིག་གནས་པ་ལས། བུ་གཅིག་ལས་མ་མཆིས་པ་དེ་ལོ་བཅུ་དྲུག་ལས་མི་ཐུབ་པར་གྱུར་ནས། ལོ་བཅྭ་ལྔ་ལོན་པ་དང་། ཁྱིམ་བདག་ཁྱོ་ཤུག་མྱ་ངན་གྱིས་རོད་
ཉམས་པར་གྱུར་ཏོ། །དེའི་ཚེ་བྲམ་ཟེ་ཞིག་སྒོ་ཀུན་དུ་རྒྱུ་ཞིང་ཟས་སློང་བ་ལས། ཁྱིམ་བདག་དེ་མཐོང་ནས་ཅིའི་ཕྱིར་མི་བདེ་བར་གྱུར་ཅེས་སྨྲས་པ་དང་། ཁྱིམ་བདག་གིས་ལོ་རྒྱུས་དེ་དག་རྒྱས་པར་བཤད་དོ། །དེ་ནས་བྲམ་ཟེས་ཁྱིམ་བདག་དེ་

106-1-198a

ལ་མྱ་ངན་མ་བྱེད་པར་བདག་གིས་བསྒོ་བ་བཞིན་དུ་བྱོས་ཤིག་དང་། ཁྱོད་ཀྱི་བུ་ཚེ་རིང་བར་འགྱུར་རོ་ཞེས་སྨྲས་ནས། དེའི་ཚེ་བྲམ་ཟེ་དེས་ཆོ་གའི་སྒོ་འདི་ཉིད་ཞག་བདུན་ཚང་བར་བགྱིས་པ་དང་། གཤིན་རྗེས་ཁྱིམ་བདག་དེ་ལ་ཁྱོད་ཀྱི་བུའི་
ཚེའི་ཚད་ལོ་བཅུ་དྲུག་ལས་མི་ཐུབ་པས། ལོ་བཅྭ་ལྔ་ལོན་ཏེ་ལོ་གཅིག་ལས་མ་ལུས་པ་ལས། དེང་དགེ་བའི་རྐྱེན་དང་ཕྲད་པས་ལོ་བརྒྱ་ཐུབ་པར་འགྱུར་བའི་ཕྱིར་འདིར་ང་འོངས་ནས་བསྒོ་བ་ཡིན་ནོ་ཞེས་སྨྲས་པ་དང་། དེའི་ཚེ་ཁྱིམ་བདག་ཁྱོ་ཤུག་
རབ་ཏུ་དགའ་ཞིང་མགུ་བར་གྱུར་པས། ཁྱིམ་གྱི་ནོར་ཅི་མཆིས་པ་བཏེག་སྟེ། སངས་རྒྱས་དང་། ཆོས་དང་། དགེ་འདུན་ལ་ཕུལ་བས། ཆོ་ག་འདི་ནི་བསམ་གྱིས་མི་ཁྱབ་པའི་མཐུ་ཆེན་པོ་དང་ལྡན་པར་རིག་པར་བགྱི་ལགས་སོ། །སྔར་
འདུས་པ་ཆེན་པོའི་དཀྱིལ་འཁོར་དང་། རྡོ་རྗེའི་དཀྱིལ་འཁོར་ཆེན་པོར་ལན་གསུམ་ཞུགས་པ་ཞིག་ལགས་ན། དཀྱིལ་འཁོར་མི་འཚལ་ཏེ། ཕྱག་རྒྱས་བགྱིས་ནས་རིག་སྔགས་བཟླས་བརྗོད་བགྱིས་པ་ཙམ་གྱིས་སྨོན་པ་རྣམས་མི་འགྲུབ་
པ་གང་ཡང་མ་མཆིས་ལ། མྱུར་དུ་མངོན་བར་རྫོགས་པར་སངས་རྒྱས་པར་ཡང་འགྱུར་ལགས་སོ། །བུད་མེད་གང་ལ་ལ་ཞིག་བུ་བཙའ་བའི་ཚེ་སྡུག་བསྔལ་ཆེན་པོ་མྱོང་བར་གྱུར་ན། ཆབ་མར་ལ་ལན་ཉི་ཤུ་རྩ་གཅིག་སྔགས་ཀྱིས་བཏབ་སྟེ་
འཚལ་དུ་སྩལ་ན་ངེས་པར་བདེ་བར་འགྱུར་ཞིང་། ཁྱེའུ་དང་བུ་མོ་བཙས་པ་གང་ལགས་པ་དེ་དག་ཀྱང་མཚན་དང་དཔེ་བྱད་བཟང་པོ་དང་ལྡན་པར་འགྱུར། དགེ་བ་སྣ་ཚོགས་ཀྱིས་བརྒྱན་ནས་སྔོན་བསོད་ནམས་བསགས་པའི་མཐུས་སྐྱེ་བོ་མང་
པོ་ཀུན་གྱི་སྙིང་དུ་སྡུག་པར་འགྱུར། རྟག་པར་མིའི་ནང་དུ་ལོངས་སྤྱོད་ཁྱད་པར་དུ་འཕགས་པ་དག་ལ་ལོངས་སྤྱོད་པར་འགྱུར་ལགས་སོ། །སེམས་ཅན་གང་ལ་ལ་ཞིག་མིག་ནད་ཀྱིས་ཐེབས་ཏེ་སྡུག་བསྔལ་ཞིང་མི་བདེ་བར་འགྱུར་ན། 
སྔགས་མཁན་གྱིས་བྱང་ཆུབ་སེམས་དཔའ་མིག་སྟོང་དང་ལྡན་པའི་ཕྱག་རྒྱ་བགྱིས་ནས། སྔགས་ལན་ཉི་ཤུ་རྩ་གཅིག་བཟླས་ཏེ་མིག་ལ་ཕྱག་རྒྱས་བཏབ་པར་གྱུར་ན་མིག་ཀྱང་འཚོ་བར་འགྱུར་ལ། རྒྱུ་དང་རྐྱེན་དེས་གང་ཟག་དེ་ལྷའི་མིག་

106-1-198b

ཐོབ་པར་འགྱུར་བས་ལྷ་རྣམས་གསལ་བར་མཐོང་ཞིང་ལོངས་སྤྱོད་མཆོག་ལ་ལོངས་སྤྱོད་པར་འགྱུར་ལགས་སོ། །བྱང་ཆུབ་སེམས་དཔའ་སྤྱན་རས་གཟིགས་དབང་ཕྱུག་མིག་སྟོང་ལག་སྟོང་དང་ལྡན་པའི་གཟུགས་འདྲི་བའི་ཆོ་ག་ནི་རས་དཀར་པོ་
ཁྲུ་བཅུ་དྲུག་པའམ། ཁྲུ་ཉི་ཤུ་པ་ཡང་རུང་སྟེ། བྱང་ཆུབ་སེམས་དཔའ་དེའི་ལུས་ནི་འཛམ་བུའི་ཆུ་བོའི་གསེར་གྱི་ཁ་དོག་ཅན་དུ་བགྱིས་ཏེ། གདོང་ལ་མིག་གསུམ་མཆིས་པ། སུག་པ་ལག་པ་སྟོང་དང་ལྡན་ཞིང་། སུག་པ་ལག་པ་སྟོང་པོ་
དེ་དག་རེ་རེའི་མཐིལ་དུ་ཡང་མིག་རེ་བྲིའོ། །སུག་པ་ལག་པ་ཆེན་པོ་ཡང་དག་པ་ཉིད་ནི་བཅྭ་བརྒྱད་མཆིས་ཏེ། སྔར་སུག་པ་གཉིས་ཀྱིས་ནི་སྙིང་ཀར་ཐལ་མོ་སྦྱར་བར་བགྱིད་དོ། །སུག་པ་གཅིག་གིས་ནི་རྡོ་རྗེའི་ཐོ་བ་ཐོགས་སོ། །ཡང་གཅིག་
གིས་ནི་རྩེ་གསུམ་པ་ཐོགས་སོ། །ཡང་གཅིག་གིས་ནི་གླེགས་བམ་ཐོགས་སོ། །ཡང་གཅིག་གིས་ནི་རིན་པོ་ཆེའི་ཕྱག་རྒྱ་ཐོགས་སོ། །ཡང་གཅིག་གིས་ནི་མཁར་སིལ་ཐོགས་སོ། །ཡང་གཅིག་གིས་ནི་རིན་པོ་ཆེའི་ནོར་བུ་ཐོགས་
སོ། །ཡང་གཅིག་གིས་ནི་རིན་པོ་ཆེའི་འཁོར་ལོ་ཐོགས་སོ། །ཡང་གཅིག་གིས་ནི་པད་མ་ཁ་བྱེ་བ་ཐོགས་སོ། །ཡང་གཅིག་གིས་ནི་ཞགས་པ་ཐོགས་སོ། །ཡང་གཅིག་གིས་ནི་ལྕང་མའི་ལྕུག་མ་ཐོགས་སོ། །ཡང་གཅིག་གིས་
ནི་འོད་ཟེར་ཁ་དོག་ལྔ་འབྱིན་པར་བགྱིད་དོ། །ཡང་གཅིག་གིས་ནི་བགྲང་ཕྲེང་ཐོགས་སོ། །ཡང་གཅིག་གིས་ནི་རིལ་བ་ཐོགས་སོ། །ཡང་གཅིག་གིས་ནི་ཟིལ་ངར་ཡོངས་སུ་གཏོང་བའི་ལག་ཏུ་སྟོན་ཏོ། །ཡང་གཅིག་གིས་ནི་རིན་པོ་ཆེ་
འི་ཆར་སྣ་ཚོགས་འབེབས་ཤིང་མི་འཇིགས་པའི་ལག་ཏུ་སྟོན་ཏོ། །ཡང་གཉིས་ནི་ལྟེ་བའི་ཐད་ཀར་གཡོན་པ་གཡས་པས་མནན་ནས་མཐིལ་བཀན་ཏེ་མཆིས་སོ། །སུག་པ་ལག་པ་གཞན་དགུ་བརྒྱ་དགུ་བཅུ་རྩ་གཉིས་པོ་དེ་
དག་ཐམས་ཅད་ནི་སྤྲུལ་པའི་སུག་པ་ལགས་ཏེ། སུག་པ་དེ་དག་ཀུན་ཀྱང་སོ་སོ་ནས་མཚོན་ཆ་དང་། ཕྱག་རྒྱ་རྣམ་པ་སྣ་ཚོགས་ཐོགས་པའོ། །ཁ་ཅིག་ནི་སུག་པ་ལག་པའི་ཕྱག་རྒྱ་རྐྱང་པ་ཉི་ཚེ་བ་ཡང་མཆིས་ཏེ། སོ་སོ་ནས་

106-1-199a

མི་མཐུན་པས་སྙིང་པོའི་མདོ་ལས། ཇི་སྐད་དུ་བྱང་ཆུབ་སེམས་དཔའ་དེ་ནི་ལྷའི་རིན་པོ་ཆེ་སྣ་བདུན་གྱི་མགོ་རྒྱན་ཐོགས་སོ། །ལག་ངར་ལ་ནི་གདུབ་འཁོར་རྣམ་པ་སྣ་ཚོགས་ཀྱིས་བརྒྱན་ཏོ། །ལུས་ལ་ནི་ཕྲེང་བ་ཐོགས་ཤིང་ལྷའི་
རིན་པོ་ཆེའི་གོས་གྱ་ནོམ་པ་དག་བགོས་པ་ཡིན་ནོ་ཞེས་གསུངས་པ་ལྟ་བུའོ། །ཚོན་རྩི་དེ་དག་གི་ནང་དུ་ཀོ་བའི་སྤྱིན་སྩལ་བར་མི་བགྱིའོ། །ཀུན་དུ་རའི་ཁུ་བ་དང་སྦྱར་བར་བགྱིའོ། །གང་དག་ཡུམ་གྱི་གཟུངས་ཀྱི་ཆོ་ག་བགྱིད་པར་འཚལ་
ན་སྔར་དེའི་གཟུགས་རི་མོར་བྲིའོ། །གཟུགས་རི་མོར་བྲི་བར་ཡང་ངེས་པར་ཆོས་བཞིན་དུ་བགྱི་འཚལ་བས། རི་མོ་འདྲི་བའི་གནས་ཁང་ཉེན་འཁོར་ཀུན་དུ་ཙན་དན་དཀར་པོའི་ཆབ་ཀྱིས་དོག་ས་ལ་བྱུགས་ཏེ་
དཀྱིལ་འཁོར་བགྱིའོ། །གཞན་ཡང་རི་མོ་མཁན་འབྱུང་འཇུག་གི་ཚེ་ཁྲུས་བགྱིས་ནས་གོས་སར་པ་གཙང་མ་བགོས་ཏེ། ཉིན་རེ་བཞིན་སྡོམ་པ་བརྒྱད་ཡང་དག་པར་བླང་བར་བགྱིའོ། །ཆོས་བཞིན་དུ་གཟུགས་བྲིས་ལགས་ནས་
ཀྱང་། རི་མོ་མཁན་ཆོས་བཞིན་དུ་མ་བགྱིས་པར་དོགས་པར་གྱུར་ན། དཀྱིལ་འཁོར་གྲུ་བཞི་པ་གཅིག་ཡིད་ལ་ཇི་ལྟར་མོས་པ་བཞིན་དུ་བགྱིས་ཏེ། བ་དན་དང་། མེ་ཏོག་དང་། ཞལ་ཟས་དང་། ཟས་དཀར་གསུམ་དང་། མེ་ཏོག་ཕྲེང་
དང་། སྤོས་ཆབ་དང་། མེ་ཏོག་སྣ་ཚོགས་ཀྱིས་ཀུན་དུ་ཁྱབ་པར་བཀྲམ་ནས་མཆོད་པ་རྒྱ་ཆེར་བགྱིས་ཏེ། རྣལ་འབྱོར་པ་དང་། རི་མོ་མཁན་གང་ལགས་པ་དེ་གདུགས་གཅིག་ལ་དུས་གསུམ་དུ་གཟུགས་བྲིས་པའི་མདུན་དུ་ནོངས་
པ་རྣམས་འཐོལ་བཤགས་ན། ཞག་ཉི་ཤུ་རྩ་གཅིག་ཚང་བའི་མཚན་མོ་མིག་སྟོང་ལག་སྟོང་དང་ལྡན་པའི་གཟུགས་བྲིས་པ་ལས་འོད་ཟེར་ཆེན་པོ་བྱུང་ནས། ཉི་ཟླ་ཟིལ་གྱིས་མནན་ཏེ། འོད་ཀྱིས་ཕྱོགས་བཅུའི་སྟོང་གསུམ་གྱི་
སྟོང་ཆེན་པོའི་འཇིག་རྟེན་གྱི་ཁམས་མཐའ་དང་། ཚད་མ་མཆིས་པ་ཐམས་ཅད་ཐོགས་པ་མ་མཆིས་པར་གསལ་བར་བགྱིད་པས། རྣལ་འབྱོར་པ་དང་། རི་མོ་མཁན་གང་ལགས་པ་དེ་དག་དང་། སེམས་ཅན་གང་དག་འོད་ཀྱིས་རེག་

106-1-199b

པ་དེ་དག་ཐམས་ཅད་ཤིན་དུ་ལྕི་བའི་ཁ་ན་མ་ཐོ་བ་ཅི་མཆིས་པ་དུས་གཅིག་ཏུ་ཞུ་བྱང་ནས་ཡོངས་སུ་དག་པར་འགྱུར་ལགས་སོ། །ཆོ་ག་འདི་སྒྲུབ་པ་གང་ལགས་པ་དེས་སེམས་རྩེ་གཅིག་ཏུ་མ་བགྱིས་པ་ནི་མ་གཏོགས་ལགས་
སོ། །བྱང་ཆུབ་སེམས་དཔའ་སྤྱན་རས་གཟིགས་དབང་ཕྱུག་གིས་ཡང་འདི་སྐད་ཅེས་གསོལ་ཏོ། །བདག་གིས་སྔོན་འདས་པའི་དུས་ཀྱི་ཚེ་དེ་བཞིན་གཤེགས་པ་རྣམ་པར་གཟིགས་ཀྱིས་ཀྱང་ཕྱག་སྟོང་དང་སྤྱན་སྟོང་པོ་འདི་དག་བསྟན་
ནས། བདུད་ཆེན་པོ་རྣམས་འདུལ་བ་མཐོང་ནས། བཅོམ་ལྡན་འདས་དེང་བདག་གིས་ཀྱང་ལག་སྟོང་དང་མིག་སྟོང་པོ་འདི་དག་བསྟན་ནས་བདུད་ཆེན་པོ་རྣམས་བཏུལ་བ་ལགས་ཏེ། སུག་པ་ལག་པ་སྟོང་པོ་དེ་དག་ཀྱང་སོ་སོ་
ནས་འཁོར་ལོས་སྒྱུར་བའི་རྒྱལ་པོ་རེ་རེ་མངོན་བར་སྤྲུལ་ནས་བསྐལ་པ་བཟང་པོ་རབས་སྟོང་གི་འཁོར་ལོས་སྒྱུར་བའི་རྒྱལ་པོ་བགྱིད་པར་འགྱུར་ལ། མིག་སྟོང་པོ་དེ་དག་ཀྱང་སོ་སོ་ནས་སངས་རྒྱས་རེ་རེ་མངོན་པར་སྤྲུལ་ནས། 
བསྐལ་པ་བཟང་པོའི་སངས་རྒྱས་སྟོང་དང་མཚུངས་པར་འབྱུང་བར་འགྱུར་བའི་སླད་དུ། བཅོམ་ལྡན་འདས་བྱང་ཆུབ་སེམས་དཔའ་འདིའི་ལུས་བདུད་འདུལ་བའི་ནང་ན་མཆོག་ཏུ་གྱུར་པ་ལགས་སོ། །དེ་ནས་བཅོམ་ལྡན་འདས་
ཀྱིས་བྱང་ཆུབ་སེམས་དཔའ་སྤྱན་རས་གཟིགས་དབང་ཕྱུག་ལ་བཀའ་སྩལ་པ། ལེགས་སོ་ལེགས་སོ། །ངས་ཀྱང་བྱིན་གྱི་བརླབས་ཀྱི་མཐུས་བསྐལ་པ་མཐར་ཐུག་པའི་བར་དུ་ཁྱོད་ཀྱི་ཡུམ་གྱི་གཟུངས་འདི་བྱིན་གྱིས་
བརླབ་པར་བྱའོ། །བྱང་ཆུབ་སེམས་དཔའ་སྤྱན་རས་གཟིགས་དབང་ཕྱུག་ཐོགས་པ་མི་མངའ་བའི་ཐུགས་རྗེ་ཆེན་པོ་རྒྱ་ཆེར་ཡོངས་སུ་རྫོགས་པའི་གཟུངས། བམ་པོ་གསུམ་པ། དེ་ནས་བྱང་ཆུབ་སེམས་དཔའ་
སྤྱན་རས་གཟིགས་དབང་ཕྱུག་བཅོམ་ལྡན་འདས་ཀྱིས་བསྔགས་པ་བརྗོད་པ་ཐོས་ནས་རབ་ཏུ་དགའ་ཞིང་མགུ་བར་གྱུར་པས་ཐལ་མོ་སྦྱར་ཏེ། བཅོམ་ལྡན་འདས་ཀྱི་ཞལ་དུ་བལྟས་ནས་འདི་སྐད་ཅེས་གསོལ་ཏོ། །

106-1-200a

བཅོམ་ལྡན་འདས་གཞན་ཡང་མིག་སྟོང་ལག་སྟོང་དང་ལྡན་པའི་གཟུངས་ཀྱི་ཕྱག་རྒྱ་མངོན་བར་སྒྲུབ་པར་བགྱིད་པ་མཆིས་ལགས་སོ། །བཅོམ་ལྡན་འདས་ཀྱིས་བཀའ་སྩལ་པ། ངས་ཀྱང་རྗེས་སུ་ཡི་རང་གིས་ཁྱོད་ཀྱིས་
ཤོད་ཅིག །དེ་ནས་བྱང་ཆུབ་སེམས་དཔའ་སྤྱན་རས་གཟིགས་དབང་ཕྱུག་གིས་སྨྲས་པ་དང་། ནམ་བྱང་ཆུབ་སེམས་དཔའ་སྤྱན་རས་གཟིགས་དབང་ཕྱུག་གིས་རིག་སྔགས་འདི་སྨྲས་པ་ན་སྟོང་གསུམ་གྱི་སྟོང་ཆེན་པོའི་འཇིག་རྟེན་
གྱི་ཁམས་ནས་འདུ་ཤེས་མེད་འདུ་ཤེས་མེད་མིན་གྱི་བར་གྱི་ལྷའི་གནས་ཐམས་ཅད་ཀྱང་རྣམ་པ་དྲུག་ཏུ་རབ་ཏུ་གཡོས་པར་གྱུར་ཏོ། །འོག་མིན་གྱི་ལྷ་དང་། དབང་ཕྱུག་ཆེན་པོ་ཡང་མི་བདེ་བར་ཤིན་དུ་སྐྲག་པར་གྱུར་ཏོ། །འདྲེ་
གདོན་མ་རུངས་པ་ཐམས་ཅད་ཀྱང་སྡུག་བསྔལ་ཆེན་པོ་མྱོང་བར་གྱུར་པས། ཀུ་ཅོ་འདོན་ཅིང་ཤར་ནུབ་ཏུ་བྱེར་ནས་འགྲོ་བའི་གནས་ཀྱང་མི་རྙེད་པར་གྱུར་ཏོ། །དེ་ནས་སྤྲུལ་པའི་ལུས་ཀྱིས་འཁོར་མང་པོ་རྣམས་དང་འདྲེ་གདོན་མ་
རུངས་པ་རྣམས་ལ་ཁྱེད་གལ་ཏེ་བདག་གི་རིག་སྔགས་ཀྱི་རྗེས་སུ་མི་འབྲང་ཞིང་འགལ་བར་བྱས་པར་གྱུར་ན་མགོ་ཚལ་པར་འགས་པར་འགྱུར་རོ་ཞེས་བསྒོའོ། །བཅོམ་ལྡན་འདས་རིག་སྔགས་འདིས་ནི་རི་རྣམས་འཇོམས་པར་བགྱིད་
ཅིང་རྒྱ་མཚོ་ཆེན་པོ་སྐམས་པར་བགྱིད་དོ། །རིག་སྔགས་འདིས་ནི་ལྷ་མ་ཡིན་གྱི་དཔུང་རྣམས་བཅོམ་ནས་ཡུལ་རྣམས་བསྲུང་བར་བགྱིད་དོ། །རིག་སྔགས་འདིས་ནི་འདྲེ་གདོན་མ་རུངས་པ་ཐམས་ཅད་དང་། ནད་ཐམས་ཅད་དང་། མི་མ་
རུངས་པ་ཐམས་ཅད་ཚར་གཅོད་པར་བགྱིད་དོ། །རིག་སྔགས་འདིས་ནི་སུམ་བཅུ་རྩ་གསུམ་གྱི་ལྷ་རྣམས་འཇོམས་ཤིང་དུལ་བར་བགྱིད་ལགས་སོ། །རིགས་ཀྱི་བུ་གང་ལ་ལ་ཞིག་རིག་སྔགས་འདི་འདོན་ཅིང་ཡོངས་སུ་འཛིན་
པར་བགྱིད་ན། གང་ཟག་དེའི་མཐུ་སྟོབས་བརྗོད་ཀྱིས་མི་ལང་ངོ་། །རིག་སྔགས་འདི་འདོན་པ་དང་། ཡོངས་སུ་འཛིན་པ་དེ་དག་བཙུན་ཞིང་དབང་ཕྱུག་དང་ལྡན་པ་དང་། ནམ་འཚོའི་བར་དུ་རྒྱལ་པོས་བྱམས་ཤིང་ཡིད་དུ་མཆི་བ་དང་

106-1-200b

སྨོན་པ་རྣམས་ཡོངས་སུ་རྫོགས་པར་བགྱིད་དོ། །གང་ལ་ལ་ཞིག་ཕྱིར་རྒོལ་བའི་བདུད་གདུལ་བར་འཚལ་ན་སྤོས་གུ་གུལ་བསྲེགས་ཏེ། བདག་གི་ལུས་པོ་ཆེའི་སྔགས་ལན་ཉི་ཤུ་རྩ་གཅིག་བཟླས་བརྗོད་བགྱིའོ། །སྐྱེ་བོ་མང་པོ་
ཐམས་ཅད་ཀྱིས་བདག་ལ་བྱམས་པར་འཚལ་ན་ལྕུག་མ་ལ་ལན་ཉི་ཤུ་རྩ་གཅིག་སྔགས་ཀྱིས་བཏབ་སྟེ། གཡར་ཁར་བཅས་ན་བྱམས་ཤིང་བཀུར་བར་བགྱིའོ། །བདག་ཉིད་སྤོབས་པ་དང་ཤེས་རབ་དང་ལྡན་པར་འཚལ་ན་ཤུ་དག་ལ་
ལན་སྟོང་རྩ་བརྒྱད་སྔགས་ཀྱིས་བཏབ་སྟེ། སྙིང་ཀར་བསྐུས་ན་ཐོགས་པ་མ་མཆིས་པའི་སྤོབས་པ་ཐོབ་པར་འགྱུར་ཏེ། ཡུམ་གྱི་གཟུངས་ཀྱི་སྙིང་པོའི་ཕྱག་རྒྱ་བགྱིའོ། །དེ་ལ་བྱང་ཆུབ་སེམས་དཔའ་སྤྱན་རས་གཟིགས་དབང་
ཕྱུག་གི་ཐོགས་པ་མ་མཆིས་པའི་སྤོབས་པའི་ཕྱག་རྒྱ་ནི་འདི་ལགས་ཏེ། སུག་པ་ལག་པ་གཉིས་རྒྱབ་སྤྲད་དེ་སྦྱར་ནས་མཐེ་བོ་གཉིས་མདུན་དུ་བརྐྱང་བར་བགྱིའོ། །ཕྱག་རྒྱ་འདིས་ནི་བདག་ཀྱང་བསྲུང་ཞིང་གཞན་ཡང་བསྲུང་བར་
བགྱིད་དོ། །ཕྱོགས་གང་དུ་མཆི་ཡང་རུང་སྟེ། མཚམས་དགུམ་པར་འཚལ་བས་ཆབ་གཙང་མའམ་ཐལ་བ་གཙང་མ་ལ་ལན་བདུན་སྔགས་ཀྱིས་བཏབ་སྟེ། གང་དུ་མཆིས་པའི་གནས་དེར་ཆབ་བམ། ཐལ་བ་སྙིམ་པ་གང་
སྔར་རང་གི་ལུས་ལ་གཏོར་ནས། དེའི་རྗེས་ལ་ཕྱོགས་བཞིར་ཆོས་བཞིན་དུ་གཏོར་ན། དེ་ཉིད་མཚམས་སུ་འགྲུབ་པར་འགྱུར་ལགས་སོ། །རིགས་ཀྱི་བུའམ། རིགས་ཀྱི་བུ་མོ་གང་ལ་ལ་ཞིག་འདྲེ་སྲིན་མ་རུངས་པ་དང་། ལོག་པའི་
གདོན་མང་པོ་རྣམས་ཀྱིས་གཅོས་པར་གྱུར་ན་བལ་པོ་སེའུའི་ཡལ་ག་དང་། གྲིབ་ལོབས་ཀྱི་ལྕང་མའི་ཡལ་ག་བླངས་ཏེ། རིག་སྔགས་འདི་བཟླས་བརྗོད་བགྱིས་ནས་ནད་པ་ལ་གཞུས་ན་ནད་གང་ཡང་རུང་སྟེ་མི་འཚོ་བ་མ་མཆིས་
ལགས་སོ། །རིག་སྔགས་ནི་འདི་ལྟ་སྟེ། ན་མོ་སརྦ་བུད་དྷ། དྷརྨ་སྃ་གྷཱ་ཡ། ན་མ་ཨཱ་བ་ལོ་ཀི་ཏེ་ཤྭ་རཱ་ཡ། བོ་དྷི་སཏྭ་པ་སྱ། ན་མོ་བཛྲ་པ་ཎི་སྱ། བོ་དྷི་སཏྭ་པ་སྱ། ཏདྱ་ཐཱ། སི་བི་སི་བི། ཀཱ་ཡ་སི་བི། པ་ལ་ཤ་པ་ལ་ནི་སྭཱ་ཧཱ། 

106-1-201a

རིག་སྔགས་ཀྱི་ཕྱག་རྒྱ་འདིས་ནི་ལོག་པར་ལྟ་བའི་མུ་སྟེགས་ཅན་རྣམས་འདུལ་བར་བགྱིད་དོ། །རིགས་ཀྱི་བུའམ། རིགས་ཀྱི་བུ་མོ་གང་ལ་ལ་ཞིག་རྟག་པར་གདུགས་དང་པོ་འཆར་བའི་ཚེ་དང་། གདུགས་ཀྱི་གུང་དང་། གདུགས་
བས་པའི་ཚེ་ལན་ཉི་ཤུ་རྩ་གཅིག་བཟླས་བརྗོད་བགྱིས་ན། རྣམ་པ་སྣ་ཚོགས་ཀྱིས་སངས་རྒྱས་བྱེ་བ་ཕྲག་བཅུ་ལ་མཆོད་པ་བགྱིས་པ་དང་། བྱེ་བྲག་ཏུ་གྱུར་པ་མ་མཆིས་པས་ནམ་དུའང་བུད་མེད་ཀྱི་དངོས་པོ་ལེན་པར་མི་འགྱུར། ཚེ་
འདས་ནས་ཀྱང་ངན་སོང་གསུམ་པོ་དག་དང་གཏན་དུ་འབྲལ་ཞིང་། དེ་བཞིན་གཤེགས་པ་འོད་དཔག་མེད་ཀྱི་ཞིང་ཡོངས་སུ་དག་པར་སྐྱེ་བར་འགྱུར། དེ་བཞིན་གཤེགས་པ་དེའི་ཕྱག་གིས་སྤྱི་བོ་ལ་བྱུགས་ཏེ། ཁྱོད་ངའི་ཞིང་
དུ་སྐྱེ་བར་འགྱུར་བས་མ་འཇིགས་ཤིག་ཅེས་བཀའ་སྩལ་པར་འགྱུར། ཚེ་འདི་ཉིད་ལ་ཡང་གློ་བུར་དུ་འཆི་བར་མི་འགྱུར་ཞིང་། འདྲེ་གདོན་དག་གིས་ཀྱང་གླགས་རྙེད་པར་མི་འགྱུར་ལགས་སོ། །དེ་ལ་བྱང་ཆུབ་སེམས་དཔའ་སྤྱན་
རས་གཟིགས་དབང་ཕྱུག་གིས་སྟོང་ཆེན་པོའི་འཇིག་རྟེན་གྱི་ཁམས་ཀྱི་ཁ་ན་མ་ཐོ་བ་ཡོངས་སུ་སྦྱོང་བའི་ཕྱག་རྒྱ་ནི་འདི་ལགས་ཏེ། འགྲེང་ནས་འདི་ལྟར་སུག་པ་ལག་པ་གཡོན་པ་མདུན་དུ་བརྐྱང་སྟེ། སོར་མོ་ལྔ་སོ་སོར་ཕྱེ་ནས་
མདུན་དུ་ཕུལ་ཏེ་སོར་མོ་ལྔ་ཆར་བསྒྲེང་ངོ་། །དེའི་རྗེས་ལ་སུག་པ་ལག་པ་གཡས་པའི་མཐེ་བོ་ལག་མཐིལ་དུ་བཀུག་སྟེ། སོར་མོ་གཞན་བཞི་ནི་ཁུ་ཚུར་དུ་བཅངས་ནས་རྣ་བ་གཡས་པའི་ཐད་ཀར་བཞག་སྟེ། ལུས་པོ་ཆེའི་
སྔགས་བཟླས་ནས་མཛུབ་མོ་ནི་ཕན་ཚུན་རྒྱུ་བར་བགྱིའོ། །ཕྱག་རྒྱ་འདི་གདུགས་གཅིག་ལ་དུས་གསུམ་དུ་བགྱི་བར་འཚལ་བས། དུས་གཅིག་གི་ཚེ་ཡང་ལན་བདུན་བཟླས་བརྗོད་བགྱིས་ན་མཚམས་མ་མཆིས་པ་ལྔ་དང་། ཤིན་ཏུ་
ལྕི་བ་བཞིའི་ཁ་ན་མ་ཐོ་བ་རྣམས་ཀྱང་འབྱང་བར་འགྱུར་ལགས་སོ། །སེམས་ཅན་ཐམས་ཅད་ལ་བྱམས་པ་དང་། སྙིང་རྗེ་བསྐྱེད་པར་གྱུར་ན་ཁ་ན་མ་ཐོ་བ་ཐམས་ཅད་ཀྱི་རྩ་བ་བསྲེགས་ནས། ཚེ་འདས་པའི་རྗེས་ལའང་སངས་རྒྱས་

106-1-201b

རྣམས་དང་མཇལ་བར་འགྱུར་ཞིང་། སངས་རྒྱས་ཀྱི་ཞིང་དེ་དག་ཏུ་ཡང་འཁོར་ལོས་སྒྱུར་བའི་རྒྱལ་པོ་བགྱིད་པར་འགྱུར། གཞན་ཡང་བས་པ་མ་མཆིས་པའི་གཏེར་ཞེས་བགྱི་བའི་གཟུངས་དང་། ཡེ་ཤེས་མཉམ་པ་ཞེས་བགྱི་བའི་གཟུངས་
ཐོབ་པར་འགྱུར། གཞན་ཡང་མཚན་ཉི་ཤུ་རྩ་བརྒྱད་དང་ལྡན་པར་འགྱུར། གཞན་ཡང་ཚེ་འདི་ཉིད་ལ་མིག་དང་། རྣ་བ་དང་། སྣ་དང་། ལྕེ་ལ་སོགས་པ་བྲོ་འཚལ་བར་མི་འགྱུར་ཞིང་། ལུས་ཀྱི་ནད་ཐམས་ཅད་ཀྱང་ཡོངས་སུ་འབྱང་བར་
འགྱུར། སྔོན་གྱི་ལས་དང་ཁ་ན་མ་ཐོ་བ་རྣམས་ཀྱང་ཞུ་བྱང་བར་འགྱུར་ལགས་སོ། །གལ་ཏེ་ཐན་པ་བྱུང་བར་གྱུར་ན་ཏིལ་འབྲུ་ཡོག་པོའི་འབྲས་བུའི་མར་དང་སྦྱར་ཏེ། རི་ལུ་བགྱིས་ནས་ལན་བརྒྱ་རྩ་བརྒྱད་སྔགས་ཀྱིས་བཏབ་སྟེ་ཆབ་
རྫིང་དུ་བོར་ན། དགུང་ཆར་འབབ་པར་འགྱུར་ལགས་སོ། །གལ་ཏེ་ཆར་ཆེས་ནས་འབྲས་སཱ་ལུ་བརྔོས་པའི་མེ་ཏོག་ཡུངས་འབྲུའི་མར་དང་སྦྱར་ཏེ། རི་ལུ་བགྱིས་ནས་ལན་བརྒྱ་རྩ་བརྒྱད་སྔགས་ཀྱིས་བཏབ་སྟེ་ཆབ་རྫིང་བུར་བོར་ན་དགུང་
ཆར་འཆད་པར་འགྱུར་ལགས་སོ། །དེ་ལ་བྱང་ཆུབ་སེམས་དཔའ་སྤྱན་རས་གཟིགས་དབང་ཕྱུག་སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་ཀྱི་བདུད་རྣམས་བཏུལ་བའི་ཕྱག་རྒྱ་ནི་འདི་ལགས་ཏེ་སོར་མོ་སྣོལ་མར་
བཏང་སྟེ། གཡོན་པས་གཡས་པ་མནན་ཏེ་ཁུ་ཚུར་དམ་དུ་བཅངས་ཏེ་སྤྱི་བོར་བཞག་ནས་ལུས་པོ་ཆེའི་སྔགས་བཟླས་བརྗོད་བགྱིས་ན་འཁོན་པའི་དགྲ་ཐམས་ཅད་རང་དུལ་བར་འགྱུར་ལགས་སོ། །ཆོ་ག་འདི་བགྱིད་པ་གང་
ལགས་པ་དེས་རིང་བསྲེལ་དང་བཅས་པའི་མཆོད་རྟེན་གྱི་མདུན་དུ་ཚེས་ཉི་ཤུ་དགུའི་མཚན་མོ་ཙན་དན་དཀར་པོའི་ཕྱེ་མའི་དཀྱིལ་འཁོར་བགྱིས་ཏེ། མེ་ཏོག་སྣ་ཚོགས་བཀྲམ་ནས་ཡོངས་སུ་དག་པར་ཁྲུས་བགྱིས་ཏེ། གོས་
གསར་པ་གཙང་མ་བགོས་ནས་སུག་པར་པོག་ཕོར་ཐོགས་ཏེ། ཨ་ཀ་རུ་བསྲེགས་ལ་ཁ་ཤར་ཕྱོགས་སུ་བལྟས་ཏེ། དཀྱིལ་མོ་དཀྲུང་བཅས་ནས་བྱང་ཆུབ་སེམས་དཔའ་སྤྱན་རས་གཟིགས་དབང་ཕྱུག་ལག་སྟོང་མིག་སྟོང་དང་ལྡན་

106-1-202a

པའི་སྤྱི་བོ་ལ་མཆིས་པར་འདུ་ཤེས་ཉེ་བར་བཞག་སྟེ། ལུས་པོ་ཆེའི་སྔགས་ལན་སྟོང་རྩ་བརྒྱད་བཟླས་བརྗོད་བགྱིས་ན་འདི་དངོས་གྲུབ་ཐོབ་པར་འགྱུར་བའི་ཕན་ཡོན་དང་པོ་མཆོག་ལགས་སོ། །གཞན་ཡང་ཡུངས་དཀར་
ཏིལ་ཀྱི་འབྲས་བུ་དང་གཅིག་ཏུ་བསྲེས་ཏེ་བརྡུངས་ནས་ཕྱེ་མར་བགྱིས་ཏེ། ཕོ་གསུམ་གྱིས་ཅུང་ཟད་ཅིག་བླངས་ནས་ལན་ཅིག་སྔགས་ཀྱིས་བཏབ་སྟེ་ཞུགས་སུ་དོར་བ་དགུང་བདུན་ཚང་བར་བགྱིས་ལ། གདུགས་རེ་ལ་ཡང་ལན་
བརྒྱ་རྩ་བརྒྱད་ཚང་བར་བགྱིས་ན། སླད་ཀྱིས་ཅི་བགྱིའོ་འཚལ་མངོན་བར་འགྲུབ་པར་འགྱུར་ལགས་སོ། །དེ་ལ་བྱང་ཆུབ་སེམས་དཔའ་སྤྱན་རས་གཟིགས་དབང་ཕྱུག་གི་འཇིགས་པ་མ་མཆིས་པ་ཆེན་པོའི་ཕྱག་རྒྱ་ནི་འདི་
ལགས་ཏེ། འགྲེང་ནས་སུག་པ་རྐང་པ་གཉིས་གཞིབས་ཏེ། སྔར་སུག་པ་ལག་པ་གཡས་པ་བཀན་ཏེ་ལག་ངར་གཡོན་པ་བཏེག་ནས་པུས་མོའི་སྟེང་དུ་གཞག་པར་བགྱིས་ཏེ། སུག་པ་ལག་པ་གཡོན་པ་ཡང་དེ་བཞིན་དུ་
བགྱིས་ནས་རྟག་པར་རིང་བསྲེལ་གྱི་མདུན་དུ་ལུས་པོ་ཆེའི་སྔགས་ལན་སྟོང་རྩ་བརྒྱད་བཟླས་བརྗོད་བགྱིས་ན། མྱུར་དུ་སེམས་ཅན་ལ་མི་འཇིགས་པ་སྩལ་བའི་ཏིང་ངེ་འཛིན་གྱི་སྒོ་ཐོབ་པར་འགྱུར་ལགས་སོ། །གཞན་
ཡང་ཤིང་ཀུན་དང་། ཡུངས་དཀར་དང་། ཤུ་དག་དང་། ཏ་ཏ་པའི་རི་ལུ་བླངས་ཏེ་དངོས་པོ་འདི་དག་ཞུགས་ཀྱི་ནང་དུ་བོར་ཏེ་བསྲེག་པར་བགྱིའོ། །འདི་དག་བསྲེག་པའང་སངས་རྒྱས་ཀྱི་སྐུ་གཟུགས་ཀྱི་སྤྱན་སྔར་རམ། དཀྱིལ་
འཁོར་རམ། གནས་གཙང་མ་དག་ཏུ་བསྲེགས་ནས་ལུས་པོ་ཆེའི་སྔགས་བཟླས་ཏེ། སྔགས་ལན་རེ་བཟླ་ཞིང་ལན་རེ་བསྲེག་པ་བརྒྱ་རྩ་བརྒྱད་ཚང་བར་བགྱིས་ནས་སྤོས་དང་མེ་ཏོག་དག་གིས་རིག་སྔགས་ལ་
མཆོད་པ་བགྱིས་ན། ཅི་དང་ཅི་སྨོན་པ་རྣམས་ཡིད་བཞིན་དུ་མངོན་བར་འགྲུབ་པར་འགྱུར་ལགས་སོ། །གལ་ཏེ་རིག་སྔགས་གཞན་གྱིས་མ་ཐོབ་པ་དག་སྔགས་འདིས་བཏབ་ན་ཐམས་ཅད་ཐུབ་ཅིང་འགྲུབ་པར་འགྱུར་ལགས་སོ། །

106-1-202b

གལ་ཏེ་རྨི་ལྟས་མཐོང་བར་འཚལ་ན་སྔགས་འདི་བཟླས་ནས་ཕྱག་རྒྱ་བགྱིས་ཏེ་མིག་ལ་བཏབ་ན་ཅི་དང་ཅི་མཐོང་བར་འཚལ་བ་དེ་དག་ཐམས་ཅད་རྨི་ལམ་དུ་མཐོང་བར་འཚལ་ལགས་སོ། །བསོད་ནམས་མ་མཆིས་པ་གང་དག་
ཅི་བགྱིའོ་འཚལ་ཡིད་བཞིན་དུ་གྲུབ་པར་མི་འགྱུར་ན། གདུགས་རེ་བཞིན་རིག་སྔགས་འདི་ལན་བརྒྱ་རྩ་བརྒྱད་འདོན་པ་དགུང་བདུན་དུ་ཚང་བར་གྱུར་ན་ཅི་དང་ཅི་སྨོན་པ་ཐམས་ཅད་འཐོབ་པར་འགྱུར་ལགས་སོ། །བཅོམ་ལྡན་འདས་
བདག་སྔོན་ཀླུའི་རྒྱལ་པོ་རྒྱ་མཚོའི་གནས་སུ་རྒྱ་མཚོའི་ཆོས་ཀྱི་འདུས་སར་ཆོས་སྟོན་པ་ན་ཀླུ་མང་པོ་རྣམས་སྡུག་བསྔལ་ཆེན་པོ་རྣམས་མྱོང་བར་མཐོང་བ་དང་ཀླུ་མང་པོ་རྣམས་ལ་སྙིང་བརྩེ་ནས་དེ་དག་སྡུག་བསྔལ་ལས་ཡང་དག་པར་
བཟླ་བ་དང་། སེམས་ཅན་མང་པོ་རྣམས་སྡུག་བསྔལ་དང་བྲལ་ཞིང་འཁོན་པའི་དགྲ་མ་མཆིས་པར་བགྱི་བའི་སླད་དུ་ཆོས་བསྟན་པ་ལས། དེའི་ཚེ་ཀླུའི་བུ་མོས་ཆོས་འདི་གཉེར་བའི་སླད་དུ་ནོར་བུ་རིན་པོ་ཆེ་མི་མཇེད་ཀྱི་འཇིག་རྟེན་གྱི་
ཁམས་རི་བ་ཅིག་ཕུལ་བ་དང་། བདག་གིས་ནི་དེ་ལ་ཡུམ་གྱི་གཟུངས་འདི་རྒྱ་ཆེར་བསྟན་པས་སྡུག་བསྔལ་གྱི་བགེགས་རྣམས་དང་བྲལ་བར་གྱུར་ལགས་སོ། །དེ་ནས་བྱང་ཆུབ་སེམས་དཔའ་ཆུ་ཤེལ་གྱིས་རིག་སྔགས་འདི་ཡོངས་
སུ་འཛིན་པ་དག་ལ་ཕན་གདགས་ཤིང་བགེགས་ཡོངས་སུ་བསྲུང་བའི་ཕྱིར་སྔགས་འདི་སྨྲས་སོ། །བི་མ་ལེ། མ་ཧཱ་བི་མ་ལེ། ཨུ་ཧ་ལེ། མ་ཧཱ་ཨུ་ཧ་ལེ། ཧུ་མ་ལེ། མ་ཧཱ་ཧུ་མ་ལེ། ས་ཧ་ལེ། མ་ཧཱ་ས་ཧ་ལེ། ཙི་ལི་ཏེ་སྭཱ་ཧཱ། རིགས་ཀྱི་བུ་
འམ། རིགས་ཀྱི་བུ་མོ་གང་ལ་ལ་ཞིག་ཕྱོགས་གང་དུ་གནས་ཀྱང་རུང་སྟེ། བྱང་ཆུབ་སེམས་དཔའ་མིག་སྟོང་དང་ལག་སྟོང་དང་ལྡན་པའི་ཆོས་ཀྱི་ཆོ་ག་འདི་ཡོངས་སུ་འཛིན་པར་བགྱིད་ན། བདག་ཀྱང་རྟག་པར་དེ་དག་གི་རྗེས་སུ་འབྲང་སྟེ། 
ཡོངས་སུ་བསྲུང་བར་བགྱིད་པས་བདུད་ཀྱི་འཁོར་རྣམས་ཀྱི་བར་དག་གིས་གཙེ་བར་མི་འགྱུར་ལགས་སོ། །གང་ལ་ལ་ཞིག་བྲེལ་ཞིང་ཕོངས་པར་གྱུར་ཏམ། ཕ་རོལ་གྱི་དགྲས་གཙེས་སམ། ཆོམ་རྐུན་དག་གིས་གནོད་པ་བགྱིད་

106-1-203a

པར་འགྱུར་ན། ཚོན་སྣ་ལྔའི་སྐུད་པ་ལ་ལན་ཉི་ཤུ་རྩ་གཅིག་སྔགས་ཀྱིས་བཏབ་སྟེ། སྔགས་ལན་རེ་བཟླ་ཞིང་མདུད་པ་རེ་རེ་མདུད་ནས་དཔུང་པ་གཡོན་པ་ལ་མདུད་པར་བགྱིའོ། །གཞན་ཡང་སུག་པ་གཡོན་པའི་སྲིན་ལག་དང་། 
གུང་མོ་དང་། འཛུབ་མོ་རྣམས་ཁུ་ཚུར་བཅངས་ཏེ། མཐེ་བོས་སྟེང་དུ་མནན་ནས་མཐེ་ཆུང་ཆོམ་རྐུན་གྱི་ཕྱོགས་སུ་ཁ་བསྟན་ཏེ། སྔགས་འདི་ལན་བརྒྱ་རྩ་བརྒྱད་བཟླས་ན་ཐམས་ཅད་རང་གྱེས་ནས་གནོད་པ་བགྱིད་པར་མི་འགྱུར་
ལགས་སོ། །སྔོན་བྱང་ཆུབ་སེམས་དཔའ་སྤྱན་རས་གཟིགས་དབང་ཕྱུག་གངས་རི་ལ་གནས་ཏེ་ཆོས་སྟོན་པ་དང་། གནོད་སྦྱིན་དང་། སྲིན་པོའི་ཡུལ་ན་གནས་པའི་སྐྱེ་བོ་རྣམས་སེམས་ཅན་གྱི་ཤ་ཁྲག་འབའ་ཞིག་འཚལ་ཞིང་། དགེ་
བའི་སེམས་ཅི་ཡང་མ་མཆིས་པ་མཐོང་བ་དང་། དེའི་ཚེ་བྱང་ཆུབ་སེམས་དཔའ་དེ་ཐབས་ལ་མཁས་པས་ཕན་གདགས་ཤིང་སེམས་ཅན་གདུལ་བའི་ཆེད་དུ་རྫུ་འཕྲུལ་གྱི་མཐུས། དེ་མ་ཐག་ཏུ་ཡུལ་དེ་དག་ཏུ་མཆིས་ནས། མིག་སྟོང་
དང་ལག་སྟོང་དང་ལྡན་པ་ཡིས་བདུད་འདུལ་བའི་ལུས་མངོན་བར་བསྟན་ཏེ། ཡུམ་གྱི་གཟུངས་མངོན་བར་འགྲུབ་པའི་ཕྱག་རྒྱ་བགྱིས་པ་དང་། དེའི་ཚེ་སྲིན་པོའི་ཡུལ་གྱི་རྒྱལ་པོ་བདག་གི་ཐད་དུ་མཆིས་ནས་ནོངས་པ་འཐོལ་བཤགས་
ཏེ། ཕྱག་བགྱིས་པ་དང་། བདག་གིས་ཀྱང་མངོན་བར་འགྲུབ་པའི་ཕྱག་རྒྱས་བཏབ་པས། དེ་བླ་ན་མ་མཆིས་པའི་ལམ་མངོན་བར་གྲུབ་པར་གྱུར་ལགས་སོ། །བྱང་ཆུབ་སེམས་དཔའ་སྤྱན་རས་གཟིགས་དབང་ཕྱུག་གི་
མངོན་བར་འགྲུབ་པའི་ཕྱག་རྒྱ་ནི་འདི་ལགས་ཏེ། འགྲེང་ནས་སུག་པ་རྐང་པ་གཉིས་གཤིབས་ཏེ། སྙིང་གར་ཐལ་མོ་སྦྱར་ཏེ། མཐེའུ་ཆུང་གཉིས་སྣོལ་མར་བཏང་ཞིང་། གཡོན་པས་གཡས་པ་མནན་ནས་ལུས་པོ་ཆེའི་སྔགས་
ལན་ཉི་ཤུ་རྩ་གཅིག་བཟླས་ནས། ཆོ་ག་རྣམ་པ་སྣ་ཚོགས་གང་བགྱིད་ཀྱང་རུང་སྟེ། ཐམས་ཅད་མངོན་བར་འགྲུབ་པར་འགྱུར་ལགས་སོ། །དེ་ལ་བྱང་ཆུབ་སེམས་དཔའ་སྤྱན་རས་གཟིགས་དབང་ཕྱུག་གིས་འགྲོ་བ་དྲུག་པོ་དག་

106-1-203b

སྡུག་བསྔལ་གྱི་བགེགས་ལས་ཡོངས་སུ་སྐྱོབ་པའི་འཁོར་ལོའི་ཕྱག་རྒྱ་ནི་འདི་ལགས་ཏེ། འགྲོ་བ་དྲུག་གི་སེམས་ཅན་སྡུག་བསྔལ་ལས་ཡོངས་སུ་སྐྱོབ་པར་འཚལ་ན་འཁོར་ལོའི་ཕྱག་རྒྱ་སྤྱད་པར་བགྱི་སྟེ། འདི་ལྟར་སོར་མོ་བཅུའི་རྩེ་མོ་ཕན་
ཚུན་ཕྲད་པར་བགྱི་སྟེ། ལག་ངར་གྱི་ཚིགས་དང་ལག་མཐིལ་ནི་དབྱེ་བར་བགྱིའོ། །སོར་མོ་རྣམས་ཀྱི་བར་ཡང་འཚོན་གང་ཙམ་མཆིས་པར་བགྱིས་ཏེ། འདི་ནི་བྱང་ཆུབ་སེམས་དཔའ་དེ་འགྲོ་བ་དྲུག་པོ་དག་ཏུ་གནས་ནས་སྡུག་བསྔལ་གྱི་
བགེགས་ལས་ཡོངས་སུ་བཟླས་པ་ཞེས་བགྱི་སྟེ། འདི་ལྟར་ཕྱག་རྒྱའི་འཁོར་ལོ་འདིའི་དབང་གིས་ཐམས་ཅད་སྡུག་བསྔལ་དང་བྲལ་བར་གྱུར་པས་སོ། །དེ་ལ་བྱང་ཆུབ་སེམས་དཔའ་མིག་སྟོང་དང་ལྡན་པའི་མངོན་བར་རྫོགས་པར་
བྱང་ཆུབ་པའི་ཕྱག་རྒྱ་ནི་འདི་ལགས་ཏེ། དཀྱིལ་མོ་དཀྲུང་བཅས་ནས་སྔར་སུག་པ་གཡོན་པ་བརྐྱང་སྟེ། སོར་མོ་ལྔ་ཅར་བཀན་ནས་པུས་མོ་གཡོན་པའི་སྟེང་དུ་བཞག་གོ། །དེའི་རྗེས་ལ་སུག་པ་ལག་པ་གཡས་པ་བརྐྱང་སྟེ། སོར་
མོ་ལྔ་ཅར་ཁ་སྦུབ་ནས་པུས་མོ་གཡས་པའི་སྟེང་དུ་མནན་པར་བགྱིའོ། །འདི་ནི་འགོག་པའི་སྙོམས་པར་འཇུག་པའི་ཕྱག་རྒྱ་དང་འདྲ་སྟེ། འདས་པ་དང་མ་བྱོན་པ་དང་ད་ལྟར་བཞུགས་པའི་སངས་རྒྱས་ཐམས་ཅད་ཀྱང་མཚུངས་
པར་ཕྱག་རྒྱ་འདིས་མངོན་བར་རྫོགས་པར་བྱང་ཆུབ་པར་འགྱུར་བ་ལགས་པས། ཕྱག་རྒྱ་འདིས་ནི་ལས་ཀྱི་སྒྲིབ་པ་ཐམས་ཅད་སེལ་བར་བགྱིད་དོ། །རྣལ་འབྱོར་པ་བསམ་གཏན་སྒོམ་པ་གང་དག་ཏིང་ངེ་འཛིན་མངོན་སུམ་དུ་
མ་གྱུར་ནས་གདུགས་མཚན་བདུན་གྱི་བར་དུ་དགོན་པའི་གནས་སུ་མཆིས་ནས་གཟུངས་འདི་བཟླས་ཏེ་ཕྱག་རྒྱ་འདི་བགྱིས་ནས། སེམས་རྩེ་གཅིག་ཏུ་སངས་རྒྱས་རྣམས་མིག་སྔར་སྔོན་སུམ་དུ་བཞུགས་པར་ཡིད་ལ་བགྱིས་ཏེ། 
གདུགས་མཚན་གཅིག་ལ་དུས་དྲུག་དུ་འཐོལ་བཤགས་བགྱིས་ན། སངས་རྒྱས་རྣམས་ཀྱང་མངོན་སུམ་དུ་འགྱུར་ཞིང་བསོད་ནམས་ཀྱི་ཕུང་པོ་ཆེན་པོ་ཚད་མ་མཆིས། དཔག་ཏུ་མ་མཆིས། བརྗོད་དུ་མ་མཆིས་པ་རྣམས་ཀྱང་

106-1-204a

འཐོབ་པར་འགྱུར་ལགས་སོ། །དེ་ལ་བྱང་ཆུབ་སེམས་དཔའ་མིག་སྟོང་དང་ལྡན་པས་སུམ་བཅུ་རྩ་གསུམ་པའི་ལྷ་རྣམས་དགུག་པའི་ཕྱག་རྒྱ་ནི་འདི་ལགས་ཏེ། སྔར་སུག་པ་ལག་པ་གཡོན་པའི་སོར་མོ་བཞི་ཁུ་ཚུར་བཅང་བར་
བགྱིའོ། །དེའི་རྗེས་ལ་སུག་པ་ལག་པ་གཡས་པས་གཡོན་པའི་མཐེ་བོ་ཁུ་ཚུར་བཅངས་པ་བཞིན་བཅངས་ནས། ལག་པ་གཡོན་པའི་མཐེ་བོ་ལག་པ་གཡས་པའི་ཆང་པའི་གོང་དུ་རྩེ་མོ་ཕྱུང་ནས་སུག་པ་ལག་པ་གཡས་པའི་འཛུབ་
མོ་ནི་ཕན་ཚུན་དུ་རྒྱུ་བར་བགྱིའོ། །སྔགས་ནི་འདི་ལྟ་སྟེ། ཨོཾ་ཀུ་ཙི་ཀུ་ཙི། ཀུ་ཡ་རི། ཙ་རི་ཙ་རི། ཙ་རི་ལེ་སྭཱ་ཧཱ། གཟུངས་ཀྱི་ཕྱག་རྒྱ་དང་སྔགས་འདི་ནི་བསམ་གྱིས་མི་ཁྱབ་པས་རིགས་ཀྱི་བུའམ། རིགས་ཀྱི་བུ་མོ་གང་ལ་ལ་ཞིག་
མཆིས་ཉལ་ཀར་ཕྱག་རྒྱ་འདི་བགྱིས་ཏེ། སྔགས་འདི་ལན་རེ་བཟླས་ཤིང་། སྙིང་ཀར་ཕྱག་རྒྱ་ལན་རེ་བགྱི་བ་ལན་བརྒྱ་རྩ་བརྒྱད་ཚང་བར་གྱུར་ན། སེམས་ལ་ཅི་དང་ཅི་འདོད་པ་རྣམས་རྨི་ལམ་དུ་རིག་ཅིང་མཐོང་བར་འགྱུར་ལགས་སོ། །
གང་ལ་ལ་ཞིག་རྟག་པར་ཕྱག་རྒྱ་འདི་བགྱིས་ནས་སྔགས་འདི་བཟླས་བརྗོད་བགྱིས་ན་སྡིག་པ་ཐམས་ཅད་བྱང་ནས་བྱང་ཆུབ་ཀྱི་སེམས་སྟོང་པར་མི་འགྱུར་བས། གང་ཟག་དེ་མཚན་མོ་མཆིས་ཉལ་བའི་ཚེ་གཡར་ལམ་ན་རྒྱ་ཆེར་
འཕེལ་ཞིང་བཀྲ་ཤིས་པར་འགྱུར། གཡར་ལམ་ན་དེ་བཞིན་གཤེགས་པ་བྱང་ཆུབ་ཀྱི་ཤིང་དྲུང་དུ་བཞུགས་ནས་ལུང་སྟོན་པ་དང་མངོན་པར་རྫོགས་པར་སངས་རྒྱས་པར་འགྱུར་བའི་བར་དག་ཀྱང་མཐོང་བར་འགྱུར་ཚངས་པ་དང་། བརྒྱ་
བྱིན་དང་། ལྷ་རྣམས་ཀྱང་རྟག་ཏུ་ཉེ་བར་མཆིས་ནས། རིམ་གྲོ་བགྱིད་ཅིང་ཡོངས་སུ་བསྲུང་བར་འགྱུར་ལགས་སོ། །དེ་ལ་བྱང་ཆུབ་སེམས་དཔའ་མིག་སྟོང་དང་ལྡན་པས་ལྷ་དང་ཀླུ་དང་འདྲེ་གདོན་སྡེ་བརྒྱད་པོ་དགུག་པའི་ཕྱག་
རྒྱ་ནི་འདི་ལགས་ཏེ། འགྲེང་ནས་སུག་པ་རྐང་པ་གཉིས་བཤིབས་ཏེ། སྔར་སུག་པ་ལག་པ་གཡོན་པའི་མཐེ་བོ་ལག་མཐིལ་དུ་བཀུག་ནས་སོར་མོ་བཞི་ཁུ་ཚུར་བཅངས་ཏེ་སྙིང་ཀར་བཞག་གོ། །དེའི་རྗེས་ལ་སུག་པ་ལག་པ་

106-1-204b

གཡས་པ་ཡང་དེ་བཞིན་དུ་བགྱིས་ཏེ། ལག་པ་གཡས་པ་རྣ་དྲུང་དུ་གཏད་ནས། འཛུབ་མོ་ཕན་ཚུན་དུ་རྒྱུ་བར་བགྱིའོ། །སྔགས་ནི་འདི་ལྟ་སྟེ། ན་མོ་ནཱི་ལ་ཀཎ་ཋ། ན་མ་ཨཱརྱ་ཤ་པ་ཏ་སྭཱ་ཧཱ། ན་མ་ཨཱརྱ་ཤ་ལ་སྭཱ་ཧཱ། ཨེ་ཧི་ཨེ་ཧི་
སྭཱ་ཧཱ། རིགས་ཀྱི་བུའམ་རིགས་ཀྱི་བུ་མོ་གང་ལ་ལ་ཞིག་གཟུངས་དང་ཕྱག་རྒྱ་འདི་ལེན་ཏམ། འཛིན་ཏམ། ཀློག་གམ། འདོན་པར་བགྱིད་ན། མྱུར་དུ་ཚེ་རབས་བདུན་ཚུན་ཆད་ཀྱི་སྔོན་གྱི་གནས་ཀྱི་དངོས་པོ་རྗེས་སུ་དྲན་པར་
འགྱུར། སྦྲུལ་གདུག་པས་ཟིན་པར་མི་འགྱུར། དུག་གིས་མི་ཚུགས་པར་འགྱུར། མཚོན་གྱིས་གནོད་པ་བགྱིད་པར་མི་འགྱུར། རྒྱལ་པོས་གཤེ་བར་མི་འགྱུར། ནམས་ཀྱང་སེམས་ཅན་དམྱལ་བའི་སྡུག་བསྔལ་མྱོང་བར་
མི་འགྱུར་ལགས་སོ། །གང་ལ་ལ་ཞིག་གདུགས་རེ་བཞིན་དུ་རིག་སྔགས་འདི་འདོན་པར་བགྱིད་ན་འདྲེ་སྲིན་སྡེ་བརྒྱད་པོ་རྣམས་རིག་སྔགས་འདོན་པའི་དྲུང་དུ་ཉེ་བར་མཆིས་ནས་རིག་སྔགས་འདོན་པ་ཉན་པར་བགྱིད་དོ། །རིགས་
ཀྱི་བུའམ་རིགས་ཀྱི་བུ་མོ་གང་ལ་ལ་ཞིག་འདྲེ་གདོན་གྱིས་ཟིན་པར་གྱུར་ན། སྐུད་པ་དཀར་པོ་ལ་སྔགས་ཀྱིས་བཏབ་སྟེ། སྔགས་ལན་རེ་བཟླ་ཞིང་མདུད་པ་རེ་རེ་མདུད་དེ་མདུད་པ་བཞི་བཅུ་རྩ་དགུ་ཚང་བར་བགྱིས་ནས་དེའི་
མགུལ་དུ་བཏགས་ན་དེའི་ནད་སེལ་བར་འགྱུར་ལགས་སོ། །གལ་ཏེ་ཡུལ་གང་དུ་ལྟས་ངན་དང་། རིམས་ནད་བྱུང་སྟེ། ཡུལ་མི་མང་དུ་གུམ་པར་གྱུར་ན། རྒྱལ་པོའི་ཀུན་དགའ་ར་བ་དང་རྫིང་དག་ཏུ་པད་མ་སྟོང་རྩ་བརྒྱད་
བླངས་ཏེ། པད་མ་རེ་རེ་ལ་སྔགས་ལན་རེ་བཏབ་ནས་ཞུགས་ཀྱི་ནང་དུ་བོར་ཏེ་བས་པར་བསྲེགས་ན་རིམས་ནད་རབ་ཏུ་ཞི་བར་འགྱུར་ལགས་སོ། །དེ་ལ་བྱང་ཆུབ་སེམས་དཔའ་མིག་སྟོང་དང་ལྡན་པའི་རྣམ་པར་གྲོལ་བའི་
ཕྱག་རྒྱ་ནི་འདི་ལགས་ཏེ། དཀྱིལ་མོ་དཀྲུང་བཅས་ནས་སྔར་སུག་པ་ལག་པ་གཡོན་པའི་གུང་མོ་མཐེ་བོའི་རྩེ་མོ་དང་སྦྱར་ཏེ་བཀན་ལ། སོར་མོ་གཞན་གསུམ་ནི་བརྐྱང་ནས་པུས་མོ་གཡོན་པའི་སྟེང་དུ་བཞག་པར་བགྱིའོ། །

106-1-205a

དེའི་རྗེས་ལ་སུག་པ་ལག་པ་གཡས་པ་ཡང་དེ་བཞིན་དུ་བགྱིས་ནས། སུག་པ་ལག་པ་པུས་མོ་གཡས་པའི་སྟེང་དུ་ཁ་སྦུབ་ཏུ་བཞག་པར་བགྱིའོ། །གང་ལ་ལ་ཞིག་རྟག་པར་ཕྱག་རྒྱ་འདི་བགྱིས་ནས་ལུས་པོ་ཆེའི་སྔགས་
ལན་ཉི་ཤུ་རྩ་གཅིག་བཟླས་བརྗོད་བགྱིས་ན། སྨོན་ལམ་རྣམས་ཡོངས་སུ་རྫོགས་པར་འགྱུར་ཞིང་སྡུག་བསྔལ་རྣམས་ཀྱང་རྣམ་པར་གྲོལ་བར་འགྱུར་རོ། །རིགས་ཀྱི་བུའམ། རིགས་ཀྱི་བུ་མོ་གང་ལ་ལ་ཞིག་མི་དགེ་བ་བཅུ་དང་མཚམས་
མ་མཆིས་པ་ལྔ་ལ་སོགས་པའི་དངོས་སྡིག་རྣམ་པ་སྣ་ཚོགས་པ་བགྱིས་པས་འཛམ་བུའི་གླིང་གིས་ཅི་མཆིས་པ་དེ་དག་ཐམས་ཅད་རྡུལ་ཕྲ་རབ་ཏུ་བགྱིས་ལ། རྡུལ་ཕྲ་རབ་དེ་རེ་རེ་ཡང་བསྐལ་པ་རེ་རེ་ལ་མངོན་བར་བྱུང་བར་གྱུར་ན། གང་
ཟག་དེ་དངོས་སྡིག་རྣམ་པ་སྣ་ཚོགས་བགྱིས་པའི་དབང་གིས་བསྐལ་པའི་གྲངས་དེ་སྙེད་ཀྱི་བར་དུ་སེམས་ཅན་དམྱལ་བར་ལྷུང་ནས་སྡུག་བསྔལ་མྱོང་ཞིང་གཏན་དུ་འབྱུང་བའི་དུས་མ་མཆིས་པ་ཞིག་ལགས་ན་ཡང་། རིགས་ཀྱི་བུའམ། 
རིགས་ཀྱི་བུ་མོ་དེ་དག་གིས་རིང་བསྲེལ་དང་བཅས་པའི་སྐུ་གཟུགས་ཀྱི་སྤྱན་སྔར་ཟླ་བ་དཀར་པོའི་ངོ་ཚེས་བཅྭ་ལྔ་ལ་གདུགས་མཚན་གཅིག་ཟས་བཀུམ་སྟེ་ཕྱག་རྒྱ་མདུད་ནས། རིག་སྔགས་སྟོང་རྩ་བརྒྱད་ཚང་བར་བཟླས་ན་གོང་
དུ་བསྟན་པའི་སྡུག་བསྔལ་དེ་དག་ཐམས་ཅད་ཞུ་བྱང་བར་འགྱུར་ཏེ། གལ་ཏེ་བྱང་བར་མི་འགྱུར་རོ་ཞེ་ན། དེ་ལྟ་བུའི་གནས་མ་མཆིས་ལགས་སོ། །དེ་ལ་བྱང་ཆུབ་སེམས་དཔའ་སྤྱན་རས་གཟིགས་དབང་ཕྱུག་མིག་སྟོང་དང་
ལྡན་པས་རྫུ་འཕྲུལ་གྱི་རྐང་པ་ལ་རང་དབང་ཐོབ་པའི་ཕྱག་རྒྱ་ནི་འདི་ལགས་ཏེ། ལངས་ནས་འགྲེང་སྟེ་སྔར་སུག་པ་གཡོན་པས་སུག་པ་རྐང་པ་གཡོན་པའི་མཐེ་བོ་ལ་བཙིར་ནས་ཁུ་ཚུར་བཅངས་པ་བཞིན་དུ་བགྱིའོ། །དེའི་རྗེས་ལ་སུག་པ་ལག་པ་
གཡས་པས་གཡོན་པའི་ལག་ངར་གྱི་སྟེང་དུ་བཙིར་ནས་ལུས་པོ་ཆེའི་སྔགས་ལན་བདུན་འདོན་པར་བགྱིས་ན། དཔག་ཚད་བརྒྱ་སྟོང་དུ་མར་མཆི་འཚལ་ན་ཡང་དཀའ་བ་མ་མཆིས་པར་འགྱུར་ལགས་སོ། །སྔགས་འདོན་པའི་

106-1-205b

ཚེ་སྒྲ་འབྱུང་བར་མི་བགྱིའོ། །དེ་ལ་བྱང་ཆུབ་སེམས་དཔའ་མིག་སྟོང་དང་ལྡན་པས་རྫུ་འཕྲུལ་ལ་རང་དབང་ཐོབ་པའི་ཕྱག་བརྒྱ་ནི་འདི་ལགས་ཏེ། སྔར་སུག་པ་ལག་པ་གཡོན་པའི་མཐེ་བོས་མཐེའུ་ཆུང་གི་སེན་མོའི་སྟེང་དུ་རེག་པར་
བགྱིའོ། །དེའི་རྗེས་ལ་སུག་པ་ལག་པ་གཡས་པ་ཡང་དེ་བཞིན་དུ་བགྱིས་ནས། སོར་མོ་གཞན་གསུམ་ནི་སོ་སོར་ཡན་པར་བསྒྲེང་སྟེ། ལག་ངར་གྱི་ཚིགས་སྦྱར་ནས་སྤྱི་བོའི་སྟེང་དུ་བཞག་སྟེ། ལུས་པོ་ཆེའི་སྔགས་ལན་བརྒྱ་རྩ་
བརྒྱད་འདོན་པར་བགྱིད་ན་དྲང་སྲོང་འཕུར་ཏེ་མཆི་བ་དག་དང་འདྲ་བར་རང་དབང་དུ་མཆི་བར་འགྱུར་ལགས་སོ། །དེ་ལ་བྱང་ཆུབ་སེམས་དཔའ་རྣམས་སེམས་རྩེ་གཅིག་ཏུ་སྤྱན་འདྲེན་པའི་ཕྱག་རྒྱ་ནི་འདི་ལགས་ཏེ། སུག་པ་གཉིས་ནམ་
མཁའ་ལ་ཐལ་མོ་སྦྱར་ཏེ་ལག་ངར་གྱི་ཚིགས་སྦྱར་ནས་འཛུབ་མོ་གཉིས་ནི་ཕན་ཚུན་རྒྱུ་བར་བགྱིའོ། །སྔགས་ནི་འདི་ལྟ་སྟེ། ཨོཾ་ཨ་རུ་ལིད་ཏེ་ལེ། ལོ་ཀ་བི་དོ་ཡ། སརྦ་ཡ་དྲུ་པྲ་མར་དྷ་ན་ཀ་ར་ཡ་པུ་རུ་སྭཱ་ཧཱ། བཅོམ་ལྡན་འདས་ཀྱིས་
དེ་སྐད་ཅེས་བཀའ་སྩལ་ནས། ཉན་ཐོས་ཆེན་པོ་དེ་དག་དང་བྱང་ཆུབ་སེམས་དཔའ་དེ་དག་དང་ཚངས་པ་ཆེན་པོ་དང་། ལྷ་དང་ཀླུ་དང་གནོད་སྦྱིན་དང་དྲི་ཟར་བཅས་པའི་འཇིག་རྟེན་ཐམས་ཅད་བཅོམ་ལྡན་འདས་ཀྱིས་གསུངས་པ་ལ་
མངོན་བར་བསྟོད་དོ། །བྱང་ཆུབ་སེམས་དཔའ་སྤྱན་རས་གཟིགས་དབང་ཕྱུག་ཕྱག་སྟོང་སྤྱན་སྟོང་དང་ལྡན་པ་ཐོགས་པ་མི་མངའ་བའི་ཐུགས་རྗེ་ཆེན་པོའི་སེམས་རྒྱ་ཆེར་ཡོངས་སུ་རྫོགས་པ་ཞེས་བྱ་བའི་གཟུངས་ཆོ་ག་དང་
བཅས་པ་རྫོགས་སྷོ།། །།ཞུ་ཆེན་གྱི་ལོ་ཙྪ་བ་བན་དེ་ཆོས་གྲུབ་ཀྱིས་རྒྱའི་དཔེ་ལས་བསྒྱུར་ཏེ་གཏན་ལ་ཕབ་པ།། ༄༅།  །འཕགས་པ་སྤྱན་རས་གཟིགས་དབང་ཕྱུག་གི་གསང་བའི་མཛོད་ཐོགས་པ་མེད་པའི་ཡིད་བཞིན་གྱི་
འཁོར་ལོའི་སྙིང་པོ་ཞེས་བྱ་བའི་གཟུངས། སངས་རྒྱས་དང་བྱང་ཆུབ་སེམས་དཔའ་ཐམས་ཅད་ལ་ཕྱག་འཚལ་ལོ། །འདི་སྐད་བདག་གིས་ཐོས་པ་དུས་གཅིག་ན། བཅོམ་ལྡན་འདས་དྲང་སྲོང་གི་རི་ལ་བྱང་ཆུབ་སེམས་དཔའ་
106-1-206a

སེམས་དཔའ་ཆེན་པོའི་ཚོགས་མང་པོ་དང་ཐབས་གཅིག་ཏུ་བཞུགས་ཏེ། དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་སྤྱན་རས་གཟིགས་དབང་ཕྱུག་སྟན་ལས་ལངས་ཏེ། གོས་ཚགས་བཅོས་ནས་པུས་མོ་ས་ལ་བཙུགས་ཏེ་
ཐལ་མོ་སྦྱར་ནས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས་བདག་ལ་པ་དུ་མེ་ཆེན་པོའི་ཙན་དན་གྱི་སྙིང་པོའི་འཁོར་ལོ་ཞེས་བགྱི་བའི་གཟུངས་ཆེན་མོ་སྨོན་ཅིང་བགྱི་བ་ཐམས་ཅད་མངོན་བར་འགྲུབ་པར་བགྱི་བ་
མཆིས་ཏེ། གལ་ཏེ་དེ་བཞིན་གཤེགས་པའི་ཐུགས་རྗེ་ཆེན་པོས་བདག་གིས་བཤད་པར་གནང་ན། བདག་བཅོམ་ལྡན་འདས་ཀྱི་བྱིན་གྱི་བརླབས་ཀྱི་མཐུས་སེམས་ཅན་ཐམས་ཅད་ལ་སྨན་པར་བགྱི་བའི་སླད་དུ་བཤད་པར་འཚལ་
ལགས་སོ། །དེ་ཅིའི་སླད་དུ་ཞེ་ན། བཅོམ་ལྡན་འདས་གཟུངས་འདི་ནི་གཟི་བྱིན་ཆེན་པོའི་མཐུ་དང་ལྡན་པས་ཡིད་བཞིན་གྱི་ནོར་བུ་རིན་པོ་ཆེ་ཆེན་པོ་དང་། ཡིད་བཞིན་གྱི་ལྗོན་ཤིང་བཞིན་དུ་སྨོན་པ་ཐམས་ཅད་ཡོངས་སུ་རྫོགས་པར་
བགྱིད་པས་སོ། །དེ་ནས་བཅོམ་ལྡན་འདས་ཀྱིས་བྱང་ཆུབ་སེམས་དཔའ་སྤྱན་རས་གཟིགས་དབང་ཕྱུག་ལ་ལེགས་སོ་ལེགས་སོ་ཞེས་བསྔགས་པ་བརྗོད་ནས། ཁྱོད་ཀྱིས་སྙིང་བརྩེ་བའི་ཕྱིར་སེམས་ཅན་གྱི་ཆེད་དུ་འདི་ལྟར་ཞུགས་
པས་ན་ཁྱོད་ཐོགས་པ་མེད་པའི་གཟུངས་འདི་བཤད་པར་གནང་བར་བྱའོ། །བྱང་ཆུབ་སེམས་དཔའ་སྤྱན་རས་གཟིགས་དབང་ཕྱུག་དེ་ལྟར་བཀས་གནང་བ་དང་། ལངས་ནས་ཐལ་མོ་སྦྱར་ཏེ་ཕྱག་བྱས་ནས་སླར་སྟན་ལ་འདུག་སྟེ། 
སེམས་རྩེ་གཅིག་ཏུ་འཁོར་འདུས་པ་དག་ལ་རྣམ་པར་བལྟས་ནས་སྙིང་རྗེ་ཆེན་པོ་དང་ལྡན་པའི་སེམས་ཀྱིས་སྔགས་འདི་སྨྲས་སོ། །ན་མོ་རད་ན་ཏྲ་ཡཱ་ཡ། ན་མ་ཨཱརྱཱ་བ་ལོ་ཀི་ཏེ་ཤྭ་རཱ་ཡ། བོ་དྷི་ས་ཏྭཱ་ཡ། མ་ཧཱ་ས་ཏྭཱ་ཡ། མ་ཧཱ་ཀཱ་རུ་ཎི་ཀཱ་ཡ། 
ཏདྱ་ཐཱ། ཨོཾ་ཙཀྲ་པ་ཏི་ཙིན་ཏ་མ་ཎི།  མ་ཧཱ་པ་དུ་མེ།  རུ་རུ་ཏིཥྛ་ཏ། བཛྲ་བྷ་ར། ཨ་ཀ་ར་ཤ་མེ་ཧཱུྃ་སྭཱ་ཧཱ། འདི་ནི་ལུས་ཀྱི་སྔགས་ལགས་སོ། །ཨོཾ་པ་དུ་མེ། ཙན་དྲ་མ་ཎི། མ་ཧཱ་བཛྲ་བྷ་ར་ཧཱུྃ། འདི་ནི་སྙིང་པོའི་སྔགས་ལགས་སོ། །ཨོཾ་བྷ་ར་ཏ་བ་དུ་པ་

106-1-206b

མེ་ཧཱུྃ། འདི་ནི་སྙིང་གི་སྙིང་པོའི་སྔགས་ལགས་སོ། །དེའི་ཚེ་བྱང་ཆུབ་སེམས་དཔའ་སྤྱན་རས་གཟིགས་དབང་ཕྱུག་གིས་ཡིད་བཞིན་འཁོར་ལོའི་གཟུངས་འདི་སྨྲས་པ་དང་། ས་ཆེན་པོ་ཡང་རྣམ་པ་དྲུག་ཏུ་རབ་ཏུ་གཡོས་པར་གྱུར། ལྷ་དང་། 
ཀླུ་དང་གནོད་སྦྱིན་དང་དྲི་ཟ་དང་ལྷ་མ་ཡིན་དང་ནམ་མཁའ་ལྡིང་དང་མི་འམ་ཅི་དང་ལྟོ་འཕྱེ་ཆེན་པོ་ལ་སོགས་པའི་ཁང་ཁྱིམ་རྣམས་ཀྱང་རབ་ཏུ་གཡོས་པར་གྱུར། བདུད་ཀྱི་རྒྱལ་པོ་དང་བདུད་ཀྱི་འཁོར་རྣམས་ཀྱང་ཤིན་དུ་སྐྲག་ཅིང་འཇིགས་
པ་ཆེན་པོ་སྐྱེས་པར་གྱུར། བདུད་ཀྱི་རྒྱལ་པོའི་གཞལ་མེད་ཁང་ཡང་རབ་ཏུ་འབར་བར་གྱུར། གནོད་སྦྱིན་དང་། འདྲེ་སྲིན་མ་རུངས་པ་གཞན་རྣམ་པ་སྣ་ཚོགས་ཀྱང་དངང་ཞིང་སྐྲག་པས་གདོང་བཀབ་སྟེ་ས་ལ་འགྱེལ་བར་གྱུར། སེམས་
ཅན་དམྱལ་བའི་སྒོ་ཐམས་ཅད་ཀྱང་ཕྱེ་ནས་སྡུག་བསྔལ་བའི་སེམས་ཅན་རྣམས་ཐར་ཏེ། ལྷའི་བདེ་བ་མཆོག་མྱོང་བར་གྱུར་ཏོ། །དེའི་ཚེ་ལྷ་རྣམས་ཀྱིས་ཀྱང་རིན་པོ་ཆེའི་མེ་ཏོག་དང་། རིན་པོ་ཆེའི་རྒྱན་གྱི་ཡོ་བྱད་རྣམ་པ་སྣ་ཚོགས་ཀྱི་
ཆར་མངོན་བར་ཕབ་པར་གྱུར། ལྷའི་རོལ་མོ་རྣམས་ཀྱང་བར་སྣང་ལ་སྒྲ་སྣ་ཚོགས་ཕྱུང་སྟེ། དེ་བཞིན་གཤེགས་པ་ལ་མཆོད་པ་བྱས་པར་གྱུར་ཏོ། །དེ་ནས་བཅོམ་ལྡན་འདས་ཀྱིས་ཚངས་པའི་དབྱངས་ཀྱིས་ཚིགས་སུ་བཅད་དེ། བྱང་ཆུབ་སེམས་
དཔའ་སེམས་དཔའ་ཆེན་པོ་སྤྱན་རས་གཟིགས་དབང་ཕྱུག་ལ། རིགས་ཀྱི་བུ་ཁྱོད་སེམས་ཅན་ལ་སྙིང་བརྩེ་བའི་ཕྱིར་གཟུངས་འདི་བཤད་པ་ཉིད་ཀྱིས་སེམས་ཅན་རྣམས་ཀྱིས་ཕན་ཡོན་ཆེན་པོ་ཐོབ་པར་འགྱུར་བ་ལེགས་སོ་ལེགས་
སོ་ཞེས་བསྔགས་པ་བརྗོད་དོ། །དེ་ནས་བཅོམ་ལྡན་འདས་ཀྱིས་ཡང་བྱང་ཆུབ་སེམས་དཔའ་སྤྱན་རས་གཟིགས་དབང་ཕྱུག་ལ་འདི་སྐད་ཅེས་བཀའ་སྩལ་ཏོ། །རིགས་ཀྱི་བུ་སེམས་ཅན་རྣམས་ཀྱི་ཕྱིར་རྫུ་འཕྲུལ་གྱི་རྒྱལ་པོ་ཆེན་པོའི་
གཟུངས་འདིའི་ཆོ་ག་ཤོད་ཅིག །དེ་ནས་བཅོམ་ལྡན་འདས་ལ་བྱང་ཆུབ་སེམས་དཔའ་སྤྱན་རས་གཟིགས་དབང་ཕྱུག་གིས་འདི་སྐད་ཅེས་གསོལ་ཏོ། །རིགས་ཀྱི་བུའམ། རིགས་ཀྱི་བུ་མོའམ། དགེ་སློང་ངམ། དགེ་སློང་མའམ། དགེ་བསྙེན་ནམ་

106-1-207a

དགེ་བསྙེན་མའམ། ཁྱེའུའམ། བུ་མོ་གཞོན་ནུ་གང་ལ་ལ་ཞིག་གིས་ཚེ་འདི་ཉིད་ལ་རྣམ་པར་སྨིན་པ་མངོན་དུ་མྱོང་བར་འཚལ་ན། གདུགས་མཚན་སེམས་རྩེ་གཅིག་ཏུ་ནན་ཏན་བརྩོན་འགྲུས་ཀྱིས་གཟུངས་འདི་མི་བསྐྱུད་པར་བགྱིས་
ཏེ་གདུགས་དང་དུས་མི་འདམ་བར་གཙང་ཡང་རུང་། མི་གཙང་ཡང་རུང་སྟེ། གཡར་སྟོན་དུ་བཟླས་པར་གྱུར་ན་བགྱི་བ་རྣམས་དོན་དང་ལྡན་པར་འགྱུར་ལགས་སོ། །ཅི་ཡང་རུང་སྟེ། དོན་དུ་བགྱི་ཞིང་གཉེར་བ་ཞིག་མཆིས་ན་ལན་བརྒྱ་རྩ་བརྒྱད་
བཟླས་བརྗོད་བགྱིས་ན་དོན་བརྒྱ་སྟོང་དུ་མ་འགྲུབ་པར་འགྱུར་བས། རིག་སྔགས་གཞན་གང་ཡིད་བཞིན་གྱི་འཁོར་ལོའི་གཟུངས་འདི་དང་བསྒྲུན་པར་བཟོད་པ་གང་ཡང་མ་མཆིས་ལགས་སོ། །དེ་ཅིའི་སླད་དུ་ཞེ་ན། འདས་པ་དང་ད་ལྟར་གྱི་
ལས་ངན་པ་དང་། སྒྲིབ་པ་ལྕི་བ་རྣམས་རབ་ཏུ་འཇོམས་པས་སོ། །གང་ལ་ལ་ཞིག་གཟུངས་འདི་བཟླས་བརྗོད་བགྱིས་ན་མནར་མ་མཆིས་པའི་དམྱལ་བར་ལྟུང་བར་འགྱུར་བའི་རིགས་དག་ཀྱང་ཐར་བར་འགྱུར་ལ། མཚམས་མ་མཆིས་པ་ལྔ་ལ་སོགས་
པའི་སྡིག་རྣམས་ཀྱང་འབྱང་བར་འགྱུར་ན། ལས་ངན་པ་དང་གདོན་བགེགས་དང་བྲོ་ནད་གཞན་ཐམས་ཅད་ལྟ་སྨོས་ཀྱང་ཅི་འཚལ་ལགས། གང་དག་རིམས་ནད་ཉིན་གཅིག་པ་དང་། ཉིན་གཉིས་པ་དང་། ཉིན་གསུམ་པ་དང་། ཉིན་བཞི་པ་དང་། ཉིན་
མཚན་དུ་བྲོ་འཚལ་བའམ། རླུང་དང་མཁྲིས་པའམ། བད་ཀན་ལ་སོགས་པས་བྲོ་འཚལ་བ་དག་ལ་རིག་སྔགས་འདི་བཟླས་བརྗོད་བགྱིས་པར་གྱུར་ན་ཐམས་ཅད་འབྱང་ཞིང་སོས་པར་འགྱུར་ལགས་སོ། །གང་ཞིག་དུག་དང་བྱད་སྟེམ་གྱིས་
ཕོག་པར་གྱུར་ཏམ། ལྷོག་པ་དང་གཡན་པ་དང་མཛེ་ནད་དམ། ཕོལ་མིག་གམ། རླུང་ནད་དམ། སྨྱོས་པ་འམ། ཀླད་པ་བྲོ་འཚལ་བའམ། རྣ་བ་དང་སྣ་དང་མཆུ་དང་། ལྕེ་དང་། མིད་པ་དང་ཁ་དང་གདོང་དང་། གཙུག་དང་ཀླད་རྒྱས་དང་བྲང་དང་། 
རྩིབ་ལོགས་དང་སྙིང་དང་ལྟོ་བ་དང་རྐེད་པ་དང་རྒྱབ་དང་རྐང་པ་དང་ལག་པ་ལ་སོགས་པ་ཐམས་ཅད་བྲོ་འཚལ་བར་གྱུར་ན་ཡང་ཐམས་ཅད་སོས་པར་བགྱིད། ཇི་ཙམ་དུ་ལུས་ཀྱི་བྲོ་ནད་ཅི་མཆིས་པ་ཐམས་ཅད་ཀྱང་སོས་པར་བགྱིད་

106-1-207b

ལགས་སོ། །གནོད་སྦྱིན་དང་སྲིན་པོ་དང་བི་ནཱ་ཡ་ཀ་དང་བདུད་སྡིག་ཅན་དང་འདྲེ་གདོན་དག་གིས་ཀྱང་གནོད་པ་བགྱིད་པར་མི་འགྱུར་ལགས་སོ། །མཚོན་ཆ་དང་དམག་ཚོགས་དང་ཆབ་དང་ཞུགས་དང་རླུང་དང་ཆར་པ་དང་སེར་བ་མ་རུངས་པ་དག་
གིས་ཀྱང་འཇིགས་པར་མི་འགྱུར་རོ། །དགྲ་དང་ཆོམ་རྐུན་དང་རྒྱལ་པོ་མ་རུངས་པ་དང་རྐུན་པོ་མ་རུངས་པ་དག་གིས་ཀྱང་གནོད་པར་བགྱིད་པར་མི་འགྱུར་རོ། །གློ་བུར་དུ་འཆི་བའི་དུས་བྱེད་པར་མི་འགྱུར། རྨི་ལམ་ངན་པ་རྨི་བར་མི་འགྱུར། རྩངས་པ་
དང་། སྦྲུལ་དང་སྡིག་པ་དང་སྲིན་བུ་གྱི་མེད་དང་རྐང་མང་དང་གཅན་ཟན་གདུག་པ་མ་རུངས་པ་དང་། སེང་གེ་དང་སྟག་དང་སྤྱང་གི་དག་གིས་ཀྱང་གནོད་པ་བགྱིད་པར་མི་འགྱུར་ལགས་སོ། །གཡུལ་ངོར་འཐབ་པའི་ཚེ་ཐམས་ཅད་དུ་རྒྱལ་བར་
འགྱུར་ལགས་སོ། །གལ་ཏེ་བླའི་བགྱི་བ་དག་གིས་རྩོད་པར་གྱུར་ན་ཡང་འདུམ་པར་འགྱུར་ཏེ། གཟུངས་འདི་ལན་ཅིག་བཟླས་ན་གོང་དུ་བསྟན་པ་དེ་དག་ཐམས་ཅད་ཡིད་བཞིན་དུ་འགྲུབ་པར་འགྱུར་ལགས་སོ། །གང་ལ་ལ་ཞིག་
གིས་གདུགས་རེ་གཟུངས་འདི་ལན་བརྒྱ་རྩ་བརྒྱད་བཟླས་བརྗོད་བགྱིས་ན། བྱང་ཆུབ་སེམས་དཔའ་སྤྱན་རས་གཟིགས་དབང་ཕྱུག་གིས་འདི་སྐད་དུ། རིགས་ཀྱི་བུ་ཁྱོད་མ་འཇིགས་ཤིག །ཅི་ཞིག་སྨོན་ཅིང་ཅི་ཞིག་ཡོངས་སུ་གཉེར་
བར་བྱེད། ཐམས་ཅད་ཁྱོད་ལ་སྦྱིན་ནོ་ཞེས་བགོ་བར་འགྱུར། དེ་བཞིན་གཤེགས་པ་ཚེ་དཔག་མེད་ཀྱང་སྐུ་མངོན་དུ་སྟོན་པར་འགྱུར། མདོ་ལས་གསུངས་པ་བཞིན་དུ་འཇིག་རྟེན་གྱི་ཁམས་བདེ་བ་ཅན་གྱི་བཀོད་པའི་དངོས་པོ་དག་
ཀྱང་མཐོང་བར་འགྱུར། འཇིག་རྟེན་གྱི་ཁམས་བདེ་བ་ཅན་གྱི་བྱང་ཆུབ་སེམས་དཔའི་ཚོགས་རྣམས་ཀྱང་མཐོང་བར་འགྱུར། ཕྱོགས་བཅུའི་སངས་རྒྱས་ཐམས་ཅད་ཀྱང་མཐོང་བར་འགྱུར། བྱང་ཆུབ་སེམས་དཔའ་སྤྱན་རས་
གཟིགས་དབང་ཕྱུག་གི་གནས་རི་པོ་ཏ་ལ་ཡང་མཐོང་བར་འགྱུར། བདག་ཉིད་ཀྱི་ལུས་ཀྱང་ཡོངས་སུ་དག་པར་འགྱུར་བས་རྟག་པར་རྒྱལ་པོ་དང་བློན་པོ་རྣམས་ཀྱིས་བཀུར་ཞིང་རིམ་གྲོ་བགྱིད་པར་འགྱུར། སྐྱེ་བོ་མང་པོས་བྱམས་

106-1-208a

ཤིང་བཀུར་བར་འགྱུར། སྐྱེ་བ་ཐམས་ཅད་དུ་མའི་མངལ་དུ་མི་སྐྱེ་ཞིང་པད་མའི་སྟེང་དུ་སྐྱེ་བར་འགྱུར། བཀོད་པ་མཆོག་དང་ལྡན་པར་འགྱུར། སྐྱེ་བ་ཐམས་ཅད་དུ་སྔོན་གྱི་གནས་རྗེས་སུ་དྲན་པར་འགྱུར། འདི་ནས་མངོན་བར་རྫོགས་པར་འཚང་
རྒྱ་བའི་བར་དུ་ནམ་ཡང་ངན་འགྲོ་རྣམས་སུ་མི་ལྟུང་ཞིང་རྟག་པར་སངས་རྒྱས་ཀྱི་སྤྱན་སྔར་སྐྱེ་བར་འགྱུར་ལགས་ཏེ། འདི་ནི་སྡིག་པའི་ལས་ཐམས་ཅད་རྣམ་པར་འཇོམས་པའི་གཟུངས་ཞེས་བགྱི་བ་ལགས་སོ། །སྡིག་པ་ཐམས་ཅད་རྣམ་པར་
འཇོམས་པའི་གཟུངས་ཀྱི་ལེའུ་སྟེ་དང་པོའོ།། །། དེ་ནས་བྱང་ཆུབ་སེམས་དཔའ་སྤྱན་རས་གཟིགས་དབང་ཕྱུག་སེམས་ཅན་ལ་སྙིང་བརྩེ་བའི་ཕྱིར་ཡང་ཡིད་བཞིན་གྱི་འཁོར་ལོའི་སྙིང་པོའི་གཟུངས་གསང་བའི་ཆོ་ག་བསྟན་པ་སུ་ཡང་
རུང་བ་གཅེས་པའི་དོན་གྲུབ་པ་ཞིག་མཆིས་ན། ཐམས་ཅད་རང་ཞི་བར་འགྱུར་ལགས་སོ། །དེ་ཡང་རྣམ་པ་གཉིས་ཏེ། འདི་ལྟ་སྟེ། འཇིག་རྟེན་གྱི་ནོར་དང་འཇིག་རྟེན་ལས་འདས་པའི་ནོར་གང་ལགས་པའོ། །དེ་ལ་འཇིག་རྟེན་པའི་ནོར་ནི་
གསེར་དང་དངུལ་ལ་སོགས་པའི་རིན་པོ་ཆེ་རྣམས་སོ། །འཇིག་རྟེན་ལས་འདས་པའི་ནོར་ནི་བསོད་ནམས་དང་། ཡེ་ཤེས་ཀྱི་བཀོད་པ་རྣམ་པ་གཉིས་དང་ལྡན་ཞིང་ལུས་དང་སེམས་རབ་ཏུ་བདེ་བ་དང་། སྐྱེ་བོ་མང་པོས་བྱམས་ཤིང་བཀུར་བ་དང་། 
སྡུག་བསྔལ་བའི་སེམས་ཅན་ཐམས་ཅད་ཡོངས་སུ་སྐྱོབ་པ་དང་། བྱམས་པའི་སེམས་རྒྱས་ནས་བློ་དང་ལྡན་པ་རྣམས་བདེ་བ་སྩོལ་བ་དང་། འཚོ་བའི་ཡོ་བྱད་འཕེལ་ཞིང་མཐུ་སྟོབས་རྟག་པ་གང་ལགས་པའོ། །གསང་བའི་མཛོད་ཀྱི་སྤྱོད་
ཡུལ་འདི་ནི་གཞན་དག་ལ་བརྗོད་པར་མི་བགྱིའོ། །གང་ལ་ལ་ཞིག་བདག་གི་ཡིད་བཞིན་གྱི་འཁོར་ལོའི་གཟུངས་ཀྱི་དངོས་གྲུབ་མཆོག་ཐོབ་པར་འཚལ་ན། སེམས་རྩེ་གཅིག་ཏུ་དུས་ཐམས་ཅད་དང་། གནས་ཐམས་ཅད་དུ་གཙང་
ཡང་རུང་མི་གཙང་ཡང་རུང་སྟེ། རྟག་པར་བཟླས་བརྗོད་བགྱིས་ན་ནོངས་པ་ཅི་ཡང་མ་མཆིས་པས་བཟླས་བརྗོད་བགྱི་བའི་གྲངས་ཚང་བར་བགྱིས་ནས། གཞན་ཡང་བྱང་ཆུབ་སེམས་དཔའ་སྤྱན་རས་གཟིགས་དབང་ཕྱུག་གི་མིང་

106-1-208b

དང་། ཡིད་བཞིན་གྱི་འཁོར་ལོའི་གཟུངས་ཀྱི་མིང་དང་། གང་ཟག་དེའི་མིང་ནས་བརྗོད་དེ། གལ་ཏེ་རྒྱལ་པོའམ། རྒྱལ་བུའམ། བཙུན་མོའམ། སླས་སམ། རྒྱལ་པོའི་བུ་མོའམ། བྲམ་ཟེའམ། རྒྱལ་རིགས་སམ། དམངས་རིགས་སམ། 
གདོལ་པའམ། སྐྱེས་པའམ། བུད་མེད་དམ། ཁྱེའུ་འམ། བུ་མོ་གཞོན་ནུ་མའམ། མུ་སྟེགས་སྣ་ཚོགས་དག་ལ་བསྟེན་ཅིང་མཛའ་བར་འཚལ་ན་དེ་དག་གི་མིང་ནས་བརྗོད་དེ་རྟག་པར་ཐོ་རངས་ཀྱི་ཚེ་བཟླས་པའི་གྲངས་ཚང་བར་བགྱིའོ། །གལ་ཏེ་
དངོས་གྲུབ་མཆོག་གཉེར་ཞིང་རྒྱལ་པོ་ལ་བསྟེན་པར་འཚལ་ན་དགུང་ཞག་བདུན་གྱི་བར་དུ་རྟག་པར་ཐོ་རངས་ཀྱི་ཚེ་ལན་སྟོང་རྩ་བརྒྱད་བཟླས་ན་འཇལ་བར་འགྱུར་ལགས་སོ། །གལ་ཏེ་བཙུན་མོ་ལ་བསྟེན་པར་འཚལ་ན་ལན་དགུ་བརྒྱ་
བཟླས་པར་བགྱིའོ། །རྒྱལ་བུ་བསྟེན་པར་འཚལ་ན་ལན་བརྒྱད་བརྒྱ་བཟླས་པར་བགྱིའོ། །སླས་དག་མཐོང་བར་འཚལ་ན་ལན་བདུན་བརྒྱ་བཟླ་བར་བགྱིའོ། །རྒྱལ་པོའི་བུ་མོ་ལ་བསྟེན་པར་འཚལ་ན་ལན་དྲུག་བརྒྱ་བཟླ་བར་བགྱིའོ། །བྲམ་ཟེ་ལ་བསྟེན་
པར་འཚལ་ན་ལན་ལྔ་བརྒྱ་བཟླ་བར་བགྱིའོ། །རྒྱལ་རིགས་ལ་བསྟེན་པར་འཚལ་ན་ལན་བཞི་བརྒྱ་བཟླ་བར་བགྱིའོ། །དམངས་རིགས་ལ་ནི་སུམ་བརྒྱའོ། །གདོལ་པ་ལ་ནི་ཉིས་བརྒྱའོ། །དགེ་སློང་དང་། དགེ་སློང་མ་ལ་ནི་ལན་བརྒྱའོ། །དགེ་བསྙེན་དང་
དགེ་བསྙེན་མ་ལ་ནི་ལན་དགུ་བཅུའོ། །ཁྱེའུ་གཞོན་ནུ་དང་བུ་མོ་གཞོན་ནུ་མ་ལ་ནི་ལན་དྲུག་བཅུའོ། །འདི་ནི་བསྟེན་ཅིང་མཛའ་བར་བགྱི་བའི་ཆོ་ག་ཞེས་བགྱི་སྟེ། ནོར་དང་བྲན་དང་རྟ་དང་བདེ་བའི་ཡོ་བྱད་ཐམས་ཅད་འབྱོར་པར་བགྱིད་ལགས་སོ། །གང་
ལ་ལ་ཞིག་སྙིང་དུ་སྡུག་ཅིང་མཛའ་བ་དག་རིང་པོ་ན་མཆི་བ་དང་མཇལ་བར་འཚལ་ན་ཡིད་ལ་བསམས་པ་བཞིན་དུ་རླུང་བཞིན་དུ་མཆི་བར་འགྱུར་ལགས་སོ་ཅི་བགྱིའོ་འཚལ་བཟླས་བརྗོད་བགྱི་བའི་གྲངས་ཚང་བར་གྱུར་ན་དོན་དེ་དག་
འགྲུབ་པར་འགྱུར་ལགས་སོ། །གལ་ཏེ་བྱང་ཆུབ་སེམས་དཔའ་སྤྱན་རས་གཟིགས་དབང་ཕྱུག་མཐོང་བར་འཚལ་ན་ལན་སྟོང་རྩ་བརྒྱད་བཟླས་བརྗོད་བགྱིས་ན་དེའི་ལུས་ཡང་དག་པ་ཉིད་མཐོང་ཞིང་བསམ་པ་ཐམས་ཅད་རྫོགས་པར་བགྱིད་ལགས་སོ། །

106-1-209a

གལ་ཏེ་ལག་ན་རྡོ་རྗེ་མཐོང་བར་འཚལ་ན་བཟླས་བརྗོད་ལན་ཁྲི་བགྱིས་ན་ལུས་མངོན་སུམ་དུ་བསྟན་ནས། དེ་ལ་བརྩེ་ཞིང་ཕས་བུ་ལ་བྱམས་པ་བཞིན་དུ་སེམས་ཀྱི་སྨོན་པ་རྣམས་སྩོལ་བར་འགྱུར་ལགས་སོ། །གལ་ཏེ་སངས་རྒྱས་
དང་འཁོར་འདུས་པ་མང་པོ་མཐོང་བར་འཚལ་ན་ལན་ཁྲི་སུམ་སྟོང་བཟླས་བརྗོད་བགྱིས་ན་དེ་བཞིན་དུ་མཐོང་བར་འགྱུར་ལགས་སོ། །གལ་ཏེ་གདུགས་མཚན་བདུན་གྱི་བར་དུ་རྒྱུན་ཆད་པ་མ་མཆིས་པར་བཟླས་བརྗོད་བགྱིས་ན་རིག་སྔགས་
འཆང་རྣམས་མངོན་སུམ་དུ་སྟོན་ཅིང་། སོ་སོ་ནས་རང་རང་གི་སྔགས་ཀྱི་མཐུ་ཅི་མཆིས་པ་གང་ཟག་དེ་ལ་སྩོལ་ནས་ཡོངས་སུ་བསྲུང་བར་བགྱིད་དེ། ཞག་བདུན་པ་ལ་ནི་སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་ཀྱི་དབང་
པོ་དང་། བརྒྱ་བྱིན་ལྷའི་དབང་པོ་རྣམས་འཁོར་དང་བཅས་ཏེ་མཆིས་ནས། དེའི་སྨོན་པ་རྣམས་སྩོལ་བར་བགྱིད་དོ། །བཟླས་བརྗོད་ཀྱི་ཆོ་ག་གོང་དུ་བསྟན་པ་བཞིན་དུ་བགྱིས་ན་སྨོན་པ་རྣམས་ཡོངས་སུ་རྫོགས་པར་བགྱིད་དེ། འདི་ནི་
བྱང་ཆུབ་སེམས་དཔའ་སྤྱན་རས་གཟིགས་དབང་ཕྱུག་གི་གསང་བའི་མཛོད་ལས་ཐམས་ཅད་བྱམས་ཤིང་མོས་པར་འགྱུར་བའི་ཆོ་ག་ཞེས་བགྱི་བ་ལགས་སོ། །བྱང་ཆུབ་སེམས་དཔའ་སྤྱན་རས་གཟིགས་དབང་ཕྱུག་གི་གསང་
བའི་མཛོད་ལས་ཐམས་ཅད་བྱམས་ཤིང་མོས་པར་འགྱུར་བའི་ཆོ་གའི་ལེའུ་སྟེ་གཉིས་པའོ།། །། དེ་ནས་བྱང་ཆུབ་སེམས་དཔའ་སྤྱན་རས་གཟིགས་དབང་ཕྱུག་གཞན་ཡང་སེམས་ཅན་རྣམས་ལ་སྙིང་བརྩེ་བའི་ཕྱིར་གང་གིས་མཐོང་བ་
དག་བྱམས་ཤིང་དགའ་བར་འགྱུར་བའི་སྨན་སྦྱར་ནས་ལུས་ལ་ཐོགས་ཏེ་འགྲོ་ན་མཆོག་ཏུ་མངོན་བར་འགྲུབ་ཅིང་བསམ་པ་ཐམས་ཅད་ཡིད་བཞིན་དུ་འགྲུབ་པའི་ཆོ་ག་བསྟན་པ། འགིའུ་ཝང་དང་། ཙན་དན་དཀར་པོ་དང་། གུར་གུམ་
དང་། ག་པུར་དང་གླ་རྩི་དང་། འཛའ་ཏི་ཕ་ལ་དང་ལི་ཤི་དང་ཀ་ཀོ་ལ་དང་པད་མ་དང་ཨུད་པལ་སྔོན་པོ་དང་། གསེར་གྱི་གྱིམ་པག་རྣམས་ཆ་མཉམ་པར་བགྱིས་ཏེ་བརྡུངས་ནས་སྦྲང་རྩི་དཀར་པོས་སྦྲུས་ཏེ། སྔ་མའི་སྔགས་སྟོང་རྩ་བརྒྱད་བཟླས་ནས་ལུས་

106-1-209b

ལ་བདུགས་སམ། གོས་ལ་གདུགས་སམ། མིག་ལ་བསྐུས་སམ། དཔྲལ་བ་ལ་ཐིག་ལེ་བགྱིས་སམ། ལུས་ལ་བྱུགས་ན་རྒྱལ་པོ་དང་བཙུན་མོ་དང་བློན་པོ་རྣམས་དང་དྲ་མ་རྣམས་དང་སྐྱེས་པ་དང་བུད་མེད་ལ་སོགས་པ་བྱམས་
ཤིང་དགའ་བ་དང་། ལམ་གྱི་ཆོས་ལ་བཀུར་ཞིང་བྱང་ཆུབ་ཏུ་སེམས་བསྐྱེད་ནས། ལུས་ཀྱི་ཞོ་ཤ་དང་། ནོར་རྫས་དག་ཕངས་པ་མ་མཆིས་པར་གཏོང་ཞིང་རིམ་གྲོ་བགྱིད་པར་འགྱུར་ཏེ། བརྗོད་ཀྱིས་མི་ལང་ལགས་སོ། །ཇི་ལྟར་ཉི་ཟླ་
ཐམས་ཅད་ཀྱིས་མཐོང་བར་མོས་པ་བཞིན་དུ་བསྒྲུབ་པའི་དོན་རྣམས་འབྱོར་ཅིང་འགྲུབ་པར་འགྱུར་ལགས་སོ། །གང་ལ་ལ་ཞིག་སྨན་འདི་ཐོགས་པར་འགྱུར་ན་ཁ་ན་མ་ཐོ་བའི་སྒྲིབ་པ་རྣམས་ཞུ་བྱང་ནས་བགེགས་ཐམས་ཅད་ལས་
ཐར་བར་འགྱུར་ལགས་སོ། །རྒྱལ་པོའི་མཐུས་ནན་གྱིས་འཕྲོག་པ་དང་། ཆབ་ཀྱིས་དེད་པ་དང་། ཞུགས་ཀྱིས་ཚིག་པ་དང་། མཚོན་ཆ་རྣམ་པ་སྣ་ཚོགས་དང་། དུག་དང་། འཆིང་བའི་ཉོན་མོངས་པ་ཐམས་ཅད་ལས་ཐར་བར་འགྱུར་
ལགས་སོ། །བསམ་པ་ཐག་པ་ནས་སྨན་ཨ་ཀ་ཏ་སྦྱོར་བའི་ཆོ་ག་འདི་བགྱིས་ན་ཐམས་ཅད་ཀྱིས་བྱམས་ཤིང་དགའ་བར་འགྱུར་ལགས་སོ། །སྨན་འདིས་བདུགས་པས་བབ་ཆོལ་དུ་གཡར་ཁར་སྩལ་བར་བགྱི་སྟེ། འདི་ནི་སྤྱན་
རས་གཟིགས་དབང་ཕྱུག་གིས་གཞན་དག་ལ་བྱམས་ཤིང་དགའ་བར་འགྱུར་བའི་སྨན་གྱི་ཆོ་ག་ཞེས་བགྱི་ལགས་སོ། །བྱང་ཆུབ་སེམས་དཔའ་སྤྱན་རས་གཟིགས་དབང་ཕྱུག་གི་ཡིད་བཞིན་གྱི་འཁོར་ལོའི་གཟུངས་ལས་
གཞན་དག་ལ་བྱམས་ཤིང་དགའ་བར་འགྱུར་བའི་སྨན་ཨ་ཀ་ཏ་སྦྱར་བའི་ཆོ་གའི་ལེའུ་སྟེ་གསུམ་པའོ།། །། བྱང་ཆུབ་སེམས་དཔའ་སྤྱན་རས་གཟིགས་དབང་ཕྱུག་གིས། གཞན་ཡང་སེམས་ཅན་རྣམས་ལ་སྙིང་བརྩེ་བའི་
ཕྱིར་ཐམས་ཅད་ཀྱི་ཡིད་དུ་འོང་ཞིང་དགའ་བར་འགྱུར་བའི་སྨན་ཁར་མུར་བའི་ཆོ་ག་བསྟན་པ་ག་བུར་དང་གླ་རྩི་དང་གུར་གུམ་ཞིབ་མོར་བཏགས་ཏེ། འགིའུ་ཝང་དང་སྲེས་ན་གོང་དུ་བསྟན་པའི་སྔགས་རྣམ་པ་གསུམ་རེ་རེ་ཡང་

106-1-210a

ལན་སྟོང་རྩ་བརྒྱད་བཟླས་ཏེ། ཆབ་གཙང་མས་སྦྱར་ནས་རི་ལུ་ཆེ་ཆུང་ཤིང་མགོ་སྟོང་གི་འབྲས་བུ་ཙམ་དུ་བགྱིས་ཏེ། ཡང་སྔགས་གོང་མ་གསུམ་ལན་བརྒྱ་རྩ་བརྒྱད་བཟླས་ནས་གྲིབ་མ་ལ་སྐམས་ཏེ། གདུགས་དང་། རླུང་གིས་མ་
ཕོག་པར་བགྱིས་ནས། རིལ་ལུ་རེ་རེ་ལ་ཡང་གོང་མའི་སྔགས་རྣམ་པ་གསུམ་ལན་བདུན་བདུན་གྱིས་བཏབ་སྟེ། རི་ལུ་གཅིག་ཁར་མུར་ནས་རྒྱལ་པོའམ། བློན་པོ་ཉེ་ཕན་ནམ། སྐྱེ་བོའི་ཚོགས་མང་པོ་དག་ལ་གཏམ་བགྱིས་པར་གྱུར་ན་བཀུར་
སྟི་བགྱིས་ནས། ནོར་དང་རིན་པོ་ཆེ་དག་ཕངས་པ་མ་མཆིས་པར་ཅི་དང་ཅི་འཚལ་བ་ཐམས་ཅད་སྩོལ་བར་འགྱུར། ཚིག་ཏུ་སྨྲས་སོ་འཚལ་ཐམས་ཅད་ཀྱིས་ཡིད་ཆེས་ཤིང་ཉན་པར་འགྱུར། བསྒོ་བ་ཞིག་མཆིས་ན་ཡང་ཐམས་ཅད་ཉན་ཅིང་
བགྱིད་པར་འགྱུར་ལགས་སོ། །ཁར་སྨན་མུར་བའི་ཚེ་རྟག་པར་སྔགས་བཟླ་འཚལ་ཏེ། སྤྱན་རས་གཟིགས་དབང་ཕྱུག་གིས་སྨོན་པ་རྣམས་འགྲུབ་པར་བགྱིད་ལགས་སོ། །བྱང་ཆུབ་སེམས་དཔའ་སྤྱན་རས་གཟིགས་དབང་ཕྱུག་གི་
གཟུགས་ཀྱི་མདུན་དུ་སྤོས་ཆབ་ཀྱིས་དཀྱིལ་འཁོར་གྲུ་བཞི་ཆུ་ཞེང་ཁྲུ་བཞིས་འཁོར་བ་ཅིག་བགྱིས་ཏེ། དཀྱིལ་འཁོར་གྱི་ནང་དུ་རྩི་ཤིང་གི་མེ་ཏོག་རྣམ་པ་སྣ་ཚོགས་ཅི་འབྱོར་པ་བཀྲམ་ཞིང་། ཙན་དན་དཀར་པོ་བསྲེགས་ནས་སྨན་གྱི་རིལ་ལུ་
སྔ་མ་བླངས་ཏེ་དཀྱིལ་འཁོར་གྱི་ནང་དུ་བཞག་ནས། རྒྱལ་མཚན་བཞི་གཟུགས་ཤིང་། ཡོལ་བ་དང་། བླ་རེ་དཀར་པོ་བྲེས་ཏེ། དཀྱིལ་འཁོར་གྱི་སྟེང་དུ་པད་མ་དཀར་པོ་བཞི་ཡང་བྲིས་ཏེ། བྱང་ཆུབ་སེམས་དཔའ་སྤྱན་རས་གཟིགས་དབང་
ཕྱུག་ལ་མཆོད་པ་བགྱིས་པའི་རྗེས་ལ་སྙིང་པོའི་སྔགས་དང་། སྙིང་གི་སྙིང་པོའི་སྔགས་ལན་བརྒྱ་རྩ་བརྒྱད་བཟླ་བར་བགྱིའོ། །ལུས་ཀྱི་སྔགས་ཀྱང་ལན་བརྒྱ་རྩ་བརྒྱད་བཟླས་ནས་ཙན་དན་དཀར་པོ་བསྲེགས་ཏེ། མེ་ཏོག་གཏོར་ན་དེའི་ཚེ་
སྨོན་པ་ཐམས་ཅད་ཀྱང་འགྲུབ་པར་འགྱུར་ལ། དཀྱིལ་འཁོར་གྱི་ནང་ན་མཆིས་པའི་སྨན་བླངས་ཏེ་ལུས་ལ་བཏགས་ན་ཕྱོགས་གང་དུ་མཆི་ཡང་རུང་སྟེ། ཅི་དང་ཅི་གཉེར་བ་ཐམས་ཅད་འགྲུབ་པར་འགྱུར། ཚིག་ཏུ་སྨྲས་པ་ཐམས་ཅད་ཀྱིས་

106-1-210b

ཡིད་ཆེས་ཤིང་ཉན་པར་འགྱུར། དོན་དུ་བསྒྲུབ་པ་ཐམས་ཅད་འགྲུབ་པར་འགྱུར་ལགས་སོ། །སེམས་རྩེ་གཅིག་ཏུ་མ་བགྱིས་པ་ནི་མ་གཏོགས་ཏེ། འདི་ནི་ཡིད་བཞིན་ཙན་དན་གྱི་འཁོར་ལོ་ལས་སྨན་མུར་བའི་ཆོ་ག་ཞེས་བགྱི་ལགས་སོ། །
བྱང་ཆུབ་སེམས་དཔའ་སྤྱན་རས་གཟིགས་དབང་ཕྱུག་གི་ཡིད་བཞིན་གྱི་འཁོར་ལོ་ལས་སྨན་མུར་བའི་ཆོ་གའི་ལེའུ་སྟེ་བཞི་པའོ།། །།  དེ་ནས་བྱང་ཆུབ་སེམས་དཔའ་སྤྱན་རས་གཟིགས་དབང་ཕྱུག་གིས། གཞན་ཡང་སེམས་ཅན་
རྣམས་ལ་སྙིང་བརྩེ་བའི་ཕྱིར་སྐྱེ་བོ་མང་པོ་ཐམས་ཅད་ཀྱིས་མཐོང་ན་བྱམས་ཤིང་དགའ་བར་འགྱུར་བའི་ཆོ་ག་བསྟན་པ། མན་ཤི་རི་ཀ་ཀུ་ཤུ་དང་པད་མ་ལེབ་རྒན་དང་པད་མ་སྔོན་པོ་དང་རྒྱ་མཚོའི་ཆབ་ཀྱི་དབུ་བ་དང་ཉ་རྐུན་མནག་པོའི་
རུས་པ་དང་བ་བླ་དང་ཀ་ཀུན་བན་སྱ་དང་འགིའུ་ཝང་དང་གུར་གུམ་དང་རྒྱའི་གུར་གུམ་དང་པི་པི་ལིང་དང་ན་ལེ་ཤམ་དང་བཅའ་སྒ་རྣམས་ཆ་མཉམ་པར་བགྱིས་ཏེ་བརྡུངས་ནས་ཞིབ་མོར་བཙགས་ཏེ་སྨན་སྔ་མ་སྲང་ཅིག་མཆིས་ན་གླ་རྩི་དང་། ག་བུར་
སྲང་ཕྱེད་སྩལ་ནས་ཞིབ་ཏུ་བདར་ཏེ། སྤྱན་རས་གཟིགས་དབང་ཕྱུག་གི་གཟུགས་ཀྱི་མདུན་དུ་སྦྱར་བ་བགྱིས་ལགས་པས། སྔ་མའི་སྔགས་རྣམ་པ་གསུམ་རེ་རེ་ཡང་ལན་སྟོང་རྩ་བརྒྱད་བཟླས་ཏེ། སེམས་ཅན་ཐམས་ཅད་ལ་བྱམས་པ་
དང་། སྙིང་བརྩེ་བའི་སེམས་བསྐྱེད་ནས་སྨན་དེ་དག་བྱང་ཆུབ་སེམས་དཔའ་སྤྱན་རས་གཟིགས་དབང་ཕྱུག་གི་རྐང་པའི་དྲུང་དུ་གཞག་པར་བགྱིའོ། །དེའི་རྗེས་ལ་རེག་པར་བགྱིས་ནས་མཁར་བའི་ཐུར་མས་བླངས་ཏེ་མིག་ཏུ་སྩལ་ན་མིག་
དང་། ཀླད་པ་བྲོ་འཚལ་བ་དང་ལིང་ཏོག་གིས་བསྒྲིབས་པ་ཐམས་ཅད་དང་སྤྲིན་དཀར་དང་མཆི་མ་འཛག་པ་དང་སྤྲིན་དམར་དང་ལོང་ནད་དང་ཀླད་པ་བྲོ་འཚལ་བ་ཐམས་ཅད་སོས་པར་འགྱུར་ལགས་སོ། །རྟག་པར་གདུགས་རེ་བཞིན་དུ་སྨན་
འདི་མིག་ཏུ་སྩལ་ན་མིག་ནད་ཐམས་ཅད་འབྱང་བར་འགྱུར་ལགས་སོ། །གདུགས་གཉིས་སྩལ་ན་ལུས་ཀྱི་བྲོ་ནད་ཐམས་ཅད་འབྱང་བར་འགྱུར་རོ། །གདུགས་གསུམ་སྩལ་ན་སྨྱོ་བའི་བྲོ་ནད་རྣམ་པ་བརྒྱད་བཅུ་རྩ་བཞི་འབྱང་བར་འགྱུར་

106-1-211a

ལགས་སོ། །གདུག་བཞི་སྩལ་ན་ཕྱི་ནང་གི་བསྒྲིབས་པ་ཐམས་ཅད་ཀྱིས་སྒྲིབ་པར་མི་འགྱུར་རོ། །གདུགས་ལྔ་སྩལ་ན་དགྲ་དང་འཐབ་པ་ན་ཐམས་ཅད་དུ་རྒྱལ་བར་འགྱུར་རོ། །གདུགས་དྲུག་སྩལ་ན་སྡིག་པའི་ལས་དང་། 
ཉོན་མོངས་པ་དང་། ལྕི་བ་བཞི་དང་། མཚམས་མ་མཆིས་པ་ལྔ་དང་། རྨི་ལམ་ངན་པ་དང་། བྱད་སྟེམ་ཐམས་ཅད་རྣམ་པར་འཇོམས་ཤིང་། ངན་འགྲོ་རྣམས་སུ་ནམ་ཡང་ལྟུང་བར་མི་འགྱུར་ལགས་སོ། །གདུགས་བདུན་སྩལ་ན་
རྒྱལ་པོ་དང་། བློན་པོ་ཆེན་པོ་དང་། སྐྱེ་བོ་མང་པོ་ཐམས་ཅད་རྗེས་སུ་འབྲང་ཞིང་བཀུར་སྟི་བགྱིས་ནས་ཡིད་ཆེས་ཤིང་བྱམས་པར་འགྱུར་རོ། །ཞག་བདུན་ཕྲག་གཉིས་ཀྱི་བར་དུ་སྩལ་ན་རང་དབང་ཆེན་པོ་ཐོབ་པར་འགྱུར་རོ། །
ཞག་བདུན་ཕྲག་གསུམ་གྱི་བར་དུ་སྩལ་ན་རྒྱལ་པོ་དང་། བློན་པོ་ཆེན་པོ་དག་དང་མཛའ་བར་འགྱུར་རོ། །ཞག་བདུན་ཕྲག་བཞིའི་བར་དུ་སྩལ་ན་གནོད་སྦྱིན་འཁོར་དང་བཅས་པ་རྣམས་རིམ་གྲོ་བགྱིད་པར་འགྱུར་རོ། །ཞག་བདུན་
ཕྲག་ལྔའི་བར་དུ་སྩལ་ན་ལྷ་མ་ཡིན་དང་། ཀླུ་དང་གནོད་སྦྱིན་དང་སྲིན་པོ་རྣམས་གཡོག་བགྱིད་པར་འགྱུར་རོ། །ཞག་བདུན་ཕྲག་དྲུག་གི་བར་དུ་སྩལ་ན་ནམ་མཁའ་ལྡིང་དང་སྲིན་པོ་མཐུ་ཆེན་པོ་དང་ལྡན་པ་རྣམས་ཀྱིས་མངོན་བར་
རྫོགས་པར་འཚང་རྒྱ་བའི་བར་དུ་ཡོངས་སུ་བསྲུང་བར་བགྱིད་པས་བྱད་སྟེམ་དང་འདྲེ་གདོན་རྣམས་ཀྱིས་ཚུགས་པར་མི་འགྱུར་རོ། །ཞག་བདུན་ཕྲག་བདུན་གྱི་བར་དུ་སྩལ་ན་ལྷ་ནག་པོ་ཆེན་པོ་དང་འདྲེ་སྲིན་སྡེ་བརྒྱད་རྣམས་
ཉེ་བར་ལྷགས་ནས་རྗེས་སུ་འབྲང་ཞིང་གཡོག་བགྱིད་པར་འགྱུར་རོ། །ཞག་བདུན་ཕྲག་བརྒྱད་ཀྱི་བར་དུ་སྩལ་ན་ཨན་ཏྲད་ནར་འགྱུར་རོ། །ཞག་བདུན་ཕྲག་དགུའི་བར་དུ་སྩལ་ན་གཏེར་ཐམས་ཅད་མཐོང་བར་འགྱུར་རོ། །
ཞག་བདུན་ཕྲག་བཅུའི་བར་དུ་སྩལ་ན་ལྷ་མ་ཡིན་གྱི་ཁང་ཁྱིམ་གྱི་སྒོ་རང་བྱེ་ནས་དེ་ན་ཅི་མཆིས་པ་ཐམས་ཅད་མཐོང་བར་འགྱུར། འབྱུང་ཞིང་འཇུག་པ་ལ་ཐོགས་པ་མ་མཆིས་པར་འགྱུར་རོ། །ཞག་བདུན་ཕྲག་བཅུ་

106-1-211b

གཅིག་གི་བར་དུ་སྩལ་ན་སྨན་ཞུགས་ལྟར་འབར་བ་ཇི་སྙེད་པ་ཐམས་ཅད་མངོན་སུམ་དུ་དགའ་བར་འགྱུར་བས། ཚེ་རིང་བར་འགྱུར་འཚལ་ལམ། མཐུ་ཆེན་པོ་དང་ལྡན་པར་འཚལ་ན་ཡང་དེ་བཞིན་དུ་འགྲུབ་པར་འགྱུར་རོ། །
ཞག་བདུན་ཕྲག་བཅུ་གཉིས་ཀྱི་བར་དུ་སྩལ་ན་དྲང་སྲོང་མང་པོ་རྣམས་ཀྱིས་རིན་པོ་ཆེའི་གཏེར་རྣམས་ཕྱེ་སྟེ་ཉེ་བར་བསྟན་ནས་ཡིད་བཞིན་དུ་ལོངས་སྤྱོད་པར་འགྱུར་རོ། །ཞག་བདུན་ཕྲག་བཅུ་གསུམ་གྱི་བར་དུ་སྩལ་ན་ཀླུའི་གཞལ་
མེད་ཁང་རྣམས་སྒོ་རང་བྱེ་ནས་བལྟ་བ་དག་ལ་ཐོགས་པ་མ་མཆིས་པར་འགྱུར་རོ། །ཞག་བདུན་ཕྲག་བཅུ་བཞིའི་བར་དུ་སྩལ་ན་འདོད་པའི་ཁམས་ཀྱི་ལྷ་རྣམས་ཀྱི་གཞལ་མེད་ཁང་དག་སྒོ་རང་བྱེ་བར་འགྱུར་བས་ཐམས་ཅད་
མཐོང་བར་འགྱུར་རོ། །ཞག་བདུན་ཕྲག་བཅྭ་ལྔའི་བར་དུ་སྩལ་ན་མཚན་མོ་མུན་ནག་གི་ནང་ན་ཡང་གདུགས་བཞིན་དུ་གསལ་བར་འགྱུར་རོ། །ཞག་བདུན་ཕྲག་བཅུ་དྲུག་གི་བར་དུ་སྩལ་ན་སའི་འོག་གི་རྡོ་རྗེའི་ས་གཞི་དང་རླུང་
གི་དཀྱིལ་འཁོར་ཡང་མཐོང་བར་འགྱུར་རོ། །ཞག་བདུན་ཕྲག་བཅུ་བདུན་གྱི་བར་དུ་སྩལ་ན་གླིང་བཞི་པོ་རྣམས་སུ་སེམས་ཅན་དམྱལ་བའི་སེམས་ཅན་ཇི་སྙེད་མཆིས་པ་ཡང་ཐམས་ཅད་མཐོང་བར་འགྱུར་ལ། དེའི་མཐུའི་
དབང་གིས་སྡུག་བསྔལ་མྱོང་བའི་སེམས་ཅན་དེ་དག་ཐམས་ཅད་ཀྱང་ཐར་བར་འགྱུར་རོ། །ཞག་བདུན་ཕྲག་བཅྭ་བརྒྱད་ཀྱི་བར་དུ་སྩལ་ན་གང་ཟག་དེ་ཉི་མ་ལྟ་བུའི་མཐུ་ཐོབ་པར་འགྱུར་རོ། །ཞག་བདུན་ཕྲག་བཅུ་དགུའི་བར་དུ་
སྩལ་ན་ལག་ན་རྡོ་རྗེའི་ལུས་ཡང་དག་པ་ཉིད་མཐོང་བར་འགྱུར་བས་སྨོན་པ་རྣམས་ཡོངས་སུ་རྫོགས་པར་བགྱིད་དོ། །ཞག་བདུན་ཕྲག་ཉི་ཤུའི་བར་དུ་སྩལ་ན་སྤྱན་རས་གཟིགས་དབང་ཕྱུག་སྙིང་རྗེ་ཆེན་པོ་དང་ལྡན་པ་མཐོང་
བར་འགྱུར་བས་སྨོན་པ་ཐམས་ཅད་ཡོངས་སུ་རྫོགས་པར་བགྱིད་དོ། །ཞག་བདུན་ཕྲག་ཉི་ཤུ་རྩ་གཅིག་གི་བར་དུ་སྩལ་ན་རྫུ་འཕྲུལ་གྱི་རྐང་པ་ཐོབ་པར་འགྱུར། །གཟུགས་ཀྱི་ཁམས་ཀྱི་ལྷ་རྣམས་ཀྱི་གཞལ་མེད་ཁང་གི་སྒོ་

106-1-212a

རྣམས་རང་བྱེ་ནས་ཐམས་ཅད་མཐོང་བར་འགྱུར། ཕྱོགས་བཅུའི་སངས་རྒྱས་དང་བྱང་ཆུབ་སེམས་དཔའ་རྣམས་དང་། སངས་རྒྱས་ཀྱི་ཞིང་ཡོངས་སུ་དག་པ་རྣམས་ཀྱང་མཐོང་བར་འགྱུར་རོ། །ལོ་གཅིག་གི་བར་དུ་སྩལ་ན་
ཡོངས་སུ་དག་པའི་མིག་ལྔ་འཐོབ་པར་འགྱུར་ལགས་སོ། །གང་ལ་ལ་ཞིག་སྤྱོད་པའི་ཆོ་ག་འདི་མངོན་བར་འགྲུབ་པར་འཚལ་བ་གང་ལགས་པ་དེས་བསྟན་པ་འདི་ལ་ཤིན་དུ་མངོན་བར་ཡིད་ཆེས་པར་བགྱི་ཞིང་། སེམས་ཅན་ལ་སྙིང་བརྩེ་བར་བགྱི་སྟེ། 
ཐེ་ཚོམ་མ་མཆིས་ན་གོང་དུ་བསྟན་པ་བཞིན་དུ་ཐམས་ཅད་འགྲུབ་པར་འགྱུར་ལགས་སོ། །གལ་ཏེ་ཐེ་ཚོམ་འཚལ་བར་འགྱུར་ན་ཆོ་ག་རྣམས་གྲུབ་པར་དཀའ་སྟེ། འདི་ནི་སྤྱན་རས་གཟིགས་དབང་ཕྱུག་གི་ཙན་དན་ནོར་བུའི་འཁོར་ལོ་ལས་
མིག་སྨན་གྱི་ཆོ་ག་ཞེས་བགྱི་བ་ལགས་སོ། །བྱང་ཆུབ་སེམས་དཔའ་སྤྱན་རས་གཟིགས་དབང་ཕྱུག་གི་སེམས་ཀྱི་འཁོར་ལོ་ལས་མིག་གི་སྨན་གྱི་ལེའུ་སྟེ་ལྔ་པའོ།། །། དེའི་ཚེ་བྱང་ཆུབ་སེམས་དཔའ་སྤྱན་རས་གཟིགས་དབང་ཕྱུག་གིས་
གཞན་ཡང་སེམས་ཅན་རྣམས་ལ་སྙིང་བརྩེ་བའི་ཕྱིར་བསྒྲུབ་པའི་དོན་ཐམས་ཅད་གྲུབ་པར་བྱེད་པ། ཉོན་མོངས་པ་དང་ཁ་ན་མ་ཐོ་བའི་སྒྲིབ་པ་དང་། ལས་ངན་པ་ཐམས་ཅད་རྣམ་པར་འཇོམས་པ། དགྲ་ཐམས་ཅད་འདུལ་བ། བི་ནཱ་ཡ་ཀ་
ཁྲོ་བའི་སེམས་ཉེ་བར་ཞི་ནས་སྐྱེ་བོ་མང་པོ་ལ་གནོད་པ་མི་བྱེད་ཅིང་བྱམས་པའི་སེམས་སྐྱེ་བར་འགྱུར་བ། སྦྱིན་བསྲེག་ཧོཾ་བཀྲ་ཤིས་ཀྱི་ཆོ་ག་བསྟན་པ། དོག་ས་བརྐོས་ཏེ་ཞུགས་ཐབ་ཁྲུ་གང་གྲུ་བཞི་པ་ཅིག་བགྱིས་ནས་མེ་ཏོག་མ་
ལེན་ཙ་སུ་དང་ཡུངས་དཀར་དང་ཞོ་དང་སྦྲང་རྩི་དང་ཆབ་མར་ཆ་མཉམ་པར་བསྲེས་ཏེ། ཨ་ག་རུ་དང་ཙན་དན་དང་ཤིང་དྲི་ཅན་སོ་སོ་ནས་སྲིད་དུ་སོར་བཅུ་གཉིས་ཞེང་དུ་སོར་གཅིག་མཆིས་པ་གཏུབས་ཏེ། ཐབ་ཏུ་བསྲེག་པར་བགྱི་ཞིང་སྨན་ཉུང་
ཟད་ཅིག་བླངས་ནས་ལན་ཅིག་སྔགས་ཀྱིས་བཏབ་སྟེ། ཞུགས་ཀྱི་ནང་དུ་དོར་བ་ལན་སྟོང་རྩ་བརྒྱད་ཚང་བར་བགྱིས་ན་ལས་ཀྱི་སྒྲིབ་པ་ཐམས་ཅད་རྣམ་པར་འཇོམས་ཞིང་ཚེ་ལོ་བརྒྱ་ཉི་ཤུ་ཐུབ་པར་འགྱུར་ལགས་སོ། །ཞག་བདུན་གྱི་

106-1-212b

བར་དུ་རྒྱུན་ཆད་པ་མ་མཆིས་པར་ཧོཾ་གྱི་ཆོ་ག་བཞིན་བགྱིས་ན་ཚེ་ལོ་སྟོང་ཐུབ་ཅིང་ལུས་ཀྱང་ཡོངས་སུ་དག་པར་འགྱུར་རོ། །ཞག་བདུན་ཕྲག་གཉིས་ཀྱི་བར་དུ་ཆོ་ག་བཞིན་དུ་བགྱིས་ན་རྒྱལ་པོ་དང་རྒྱལ་བུ་དང་བློན་པོ་ཆེན་པོ་ཉེ་ཕན་དང་སྐྱེ་
བོ་ཕལ་པ་རྣམས་ཀྱང་སྐྱབས་སུ་མཆིས་ནས་བསྙེན་བཀུར་བགྱིད་པར་འགྱུར་རོ། །ཞག་བདུན་ཕྲག་གསུམ་གྱི་བར་དུ་ཆོ་ག་བཞིན་དུ་བགྱིས་ན་སུམ་བཅུ་རྩ་གསུམ་གྱི་ལྷ་རྣམས་འཁོར་དང་བཅས་པ་དང་། ཉི་ཟླའི་ལྷ་དང་རྒྱལ་པོ་ཆེན་པོ་བཞི་
འཁོར་དང་བཅས་པ་ཡང་ཉེ་བར་ལྷགས་ནས་ཡོངས་སུ་བསྲུང་བར་འགྱུར། ལག་ན་རྡོ་རྗེས་ཀྱང་དངོས་གྲུབ་ཆེན་པོ་སྩོལ་བར་འགྱུར། བྱང་ཆུབ་སེམས་དཔའ་སྤྱན་རས་གཟིགས་དབང་ཕྱུག་གིས་ཀྱང་སྨོན་པ་ཆེན་པོ་རྣམས་ཡོངས་སུ་སྐོང་བར་
འགྱུར་ལགས་སོ། །གལ་ཏེ་ཡུལ་ཁམས་སུ་ཆར་དཀོན་པར་གྱུར་ན་ཡུངས་དཀར་དང་ཆབ་མར་ལ་སྔགས་འདིས་བཏབ་སྟེ། གདུགས་གསུམ་གྱི་བར་དུ་ཞུགས་ཀྱི་ནང་དུ་བསྲེགས་ན་ཆར་པ་འབབ་པར་འགྱུར། གལ་ཏེ་ཆར་ཆེ་སྟེ་མི་ཁུམས་ན་ཐབ་དེའི་
ཐལ་བ་བླངས་ནས་སྔགས་ལན་བརྒྱ་རྩ་བརྒྱད་ཀྱིས་བཏབ་སྟེ། གནམ་དུ་གཏོར་ན་ཆར་པ་ཁུམས་པར་འགྱུར་རོ། །གལ་ཏེ་སེར་བ་མ་རུངས་པ་བབས་སམ། རླུང་དྲག་པོ་གློ་བུར་དུ་ལངས་པར་གྱུར་ན་ཡང་ཐལ་བ་དེ་བླངས་ནས་ལན་བརྒྱ་རྩ་བརྒྱད་
སྔགས་ཀྱིས་བཏབ་སྟེ། སྤྲིན་མཆིས་པའི་ཕྱོགས་སུ་གཏོར་ན་ཞི་བར་འགྱུར་ལགས་སོ། །སྔགས་འདི་རྟག་པར་བཟླས་བརྗོད་བགྱིས་ན་མཐུ་སྟོབས་མཐུ་བོ་ཆེ་དང་འདྲ་བར་འགྱུར་བས། ལུས་འདི་སྤངས་ནས་འཇིག་རྟེན་གྱི་ཁམས་བདེ་བ་ཅན་དུ་སྐྱེ་བར་
འགྱུར། མངོན་བར་རྫོགས་པར་འཚང་རྒྱ་བའི་བར་དུ་སྐྱེ་བ་ཐམས་ཅད་སྔོན་གྱི་གནས་རྗེས་སུ་དྲན་པ་ཐོབ་པར་འགྱུར་ལགས་སོ། །དེ་ནས་བཅོམ་ལྡན་འདས་ལ་བྱང་ཆུབ་སེམས་དཔའ་སྤྱན་རས་གཟིགས་དབང་ཕྱུག་གིས་འདི་སྐད་ཅེས་
གསོལ་ཏོ། །བཅོམ་ལྡན་འདས་ཙན་དན་གྱི་སྙིང་པོའི་འཁོར་ལོའི་གཟུངས་འདི་བདག་གིས་བསྟན་པ་བཞིན་དུ་དགེ་སློང་ངམ། དགེ་སློང་མའམ། དགེ་བསྙེན་ནམ། དགེ་བསྙེན་མའམ། སྐྱེས་པའམ། བུད་མེད་གང་ལ་ལ་ཞིག་གིས་ལན་ཅིག་

106-1-213a

འཆང་བར་བགྱིད་ན་གདོན་མི་ཟ་བར་འགྲུབ་པར་འགྱུར་བས་ཐེ་ཚོམ་གྱི་བསམ་པ་བསྐྱེད་པར་མི་བགྱིའོ། །ཡིད་ལ་བསམས་པའི་དོན་ཐམས་ཅད་ཐོབ་པར་འགྱུར་བས་ཤིན་ཏུ་མངོན་བར་ཡིད་ཆེས་པར་བགྱི་ཞིང་ཐེ་ཚོམ་བསྐྱེད་པར་མི་བགྱིའོ། །
དེ་ནས་བཅོམ་ལྡན་འདས་ཀྱིས་བྱང་ཆུབ་སེམས་དཔའ་སྤྱན་རས་གཟིགས་དབང་ཕྱུག་ལ་ཁྱོད་སྙིང་རྗེ་ཆེན་པོས་ཡིད་བཞིན་གྱི་འཁོར་ལོའི་གཟུངས་ཀྱི་ཆོ་ག་གྱ་ནོམ་པ་འདི་ཡང་དག་པར་བཤད་དེ། འཛམ་བུའི་གླིང་གི་སེམས་ཅན་ཐམས་ཅད་ལ་
ཕན་པ་དང་། བདེ་བར་བྱས་པ་ལེགས་སོ་ལེགས་སོ་ཞེས་བསྔགས་པ་བརྗོད་དོ། །གང་ལ་ལ་ཞིག་གིས་སེམས་བསྐྱེད་དེ་ཁ་ནས་བཟླས་བརྗོད་བྱས་ན་དངོས་གྲུབ་ཐོབ་པར་འགྱུར་རོ། །དེ་ལྟར་ཡིན་མོད་ཀྱི་ངས་བསྟན་པ་བཞིན་དུ་སེམས་ཅན་
རྣམས་ལ་ཡང་ནས་ཡང་དུ་ནན་ཏན་བརྩོན་འགྲུས་ཀྱིས་རྗེས་སུ་བསྟན་ནས་དངོས་གྲུབ་ཐོབ་པར་བྱ་བའི་ཆེད་དུ་ལུས་ཉེ་བར་སྟོན་ལ། ངའི་ཚིག་དང་འགལ་བར་མ་བྱེད་ཅིག་དང་ང་ཡང་རྗེས་སུ་ཡིད་རང་ངོ་། །དེ་ནས་བཅོམ་ལྡན་འདས་ལ་བྱང་
ཆུབ་སེམས་དཔའ་སྤྱན་རས་གཟིགས་དབང་ཕྱུག་གིས་འདི་སྐད་ཅེས་གསོལ་ཏོ། །བཅོམ་ལྡན་འདས་བདག་ནི་བསྐལ་པ་དཔག་ཏུ་མ་མཆིས་པ་ནས་བྱམས་པ་དང་བརྩེ་བའི་སེམས་ཀྱིས་སེམས་ཅན་ལ་རྗེས་སུ་སྟོན་ཅིང་། རྟག་པར་
ཡོངས་སུ་བསྲུངས་ནས་དངོས་གྲུབ་སྩལ་བར་ནི་བཅོམ་ལྡན་འདས་ཉིད་ཀྱིས་མཁྱེན་ཅིང་དབང་དུ་གྱུར་པ་ལགས་སོ། །སེམས་ཅན་རྣམས་ཀྱི་སླད་དུ་ཡིད་བཞིན་གྱི་འཁོར་ལོའི་གཟུངས་འདི་བཤད་པ་ལགས་པས། གང་ལ་ལ་ཞིག་གིས་
ལེན་ཅིང་འཆང་བ་དང་། རྟག་པར་བདག་ཉིད་བཟླས་བརྗོད་བགྱི་བའི་གྲངས་ཚང་བར་བགྱིས་ན་སྨོན་པ་རྣམས་གྲུབ་པར་འགྱུར་ཏེ། བདག་ནི་དེ་ལྟར་བཅོམ་ལྡན་འདས་ཀྱི་བྱིན་གྱི་བརླབས་ཀྱི་མཐུས་སེམས་ཅན་སྡུག་བསྔལ་བ་རྣམས་
ཡོངས་སུ་བསྐྱབ་པར་བགྱིད་པ་ལགས་སོ། །དེའི་ཚེ་བྱང་ཆུབ་སེམས་དཔའ་སེམས་དཔའ་ཆེན་པོ་སྤྱན་རས་གཟིགས་དབང་ཕྱུག་གིས་ཡིད་བཞིན་གྱི་འཁོར་ལོའི་གཟུངས་འདི་སྨྲས་པ་དང་། འཁོར་འདུས་པ་ཆེན་པོ་ཐམས་ཅད་རབ་ཏུ་

106-1-213b

དགའ་ནས་མངོན་བར་ཡིད་ཆེས་པས་ཡང་དག་པར་བླངས་ཏེ་སྤྱོད་པར་གྱུར་ཏོ། །བྱང་ཆུབ་སེམས་དཔའ་སྤྱན་རས་གཟིགས་དབང་ཕྱུག་གི་ཡིད་བཞིན་གྱི་འཁོར་ལོའི་གཟུངས་ལས་སྦྱིན་བསྲེག་ཧོཾ་གྱི་ཆོ་ག་སྨན་སྦྱོར་བའི་ལེའུ་སྟེ་དྲུག་པ་
འོ།། །།འཕགས་པ་བྱང་ཆུབ་སེམས་དཔའ་སྤྱན་རས་གཟིགས་དབང་ཕྱུག་གི་གསང་བའི་མཛོད་ཐོགས་པ་མེད་པའི་ཡིད་བཞིན་གྱི་འཁོར་ལོའི་སྙིང་པོ་ཞེས་བྱ་བའི་གཟུངས་རྫོགས་སྷོ།། །།ཞུ་ཆེན་གྱི་མཁན་པོ་དང་ལོ་ཙྪ་བ་བཅོམ་
ལྡན་འདས་ཀྱི་རིང་ལུགས་པ་བན་དེ་ཆོས་གྲུབ་ཀྱིས་རྒྱའི་དཔེ་ལས་བསྒྱུར་ཅིང་ཞུས་ཏེ་གཏན་ལ་ཕབ་པ།། །། རྒྱ་གར་སྐད་དུ།  ཨཱརྱ་ཨ་བ་ལོ་ཀི་ཏེ་ཤྭ་ར་ཨེ་ཀ་ད་ཤ་མུ་ཁ་ནཱ་མ་དྷཱ་ར་ཎཱེ།  བོད་སྐད་དུ།  འཕགས་པ་སྤྱན་
རས་གཟིགས་དབང་ཕྱུག་ཞལ་བཅུ་གཅིག་པ་ཞེས་བྱ་བའི་གཟུངས། སངས་རྒྱས་དང་བྱང་ཆུབ་སེམས་དཔའ་ཐམས་ཅད་ལ་ཕྱག་འཚལ་ལོ། །དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་སྤྱན་རས་གཟིགས་དབང་ཕྱུག་རིག་
སྔགས་འཆང་དུ་མས་ཡོངས་སུ་བསྐོར་ཏེ། བཅོམ་ལྡན་འདས་ག་ལ་བ་དེར་སོང་ནས་བཅོམ་ལྡན་འདས་ཀྱི་ཞབས་ལ་མགོ་བོས་ཕྱག་འཚལ་ཏེ་ལན་གསུམ་བསྐོར་བ་བྱས་ནས་ཕྱོགས་གཅིག་ཏུ་འདུག་སྟེ། བཅོམ་ལྡན་འདས་ལ་འདི་
སྐད་ཅེས་གསོལ་ཏོ། །བཅོམ་ལྡན་འདས་སྙིང་པོ་གདོང་བཅུ་གཅིག་པ་ཞེས་བགྱི་བ་འདི་ནི་སངས་རྒྱས་བྱེ་བ་ཕྲག་བཅུ་གཅིག་གིས་གསུངས་པ་ལགས་ཏེ། དེ་སེམས་ཅན་ཐམས་ཅད་ལ་སྨན་པ་དང་བྲོ་ནད་ཐམས་ཅད་རབ་ཏུ་ཞི་བར་བགྱིད་
པ་དང་སྡིག་པ་དང་བཀྲ་མི་ཤིས་པ་དང་རྨི་ལམ་ངན་པ་ཐམས་ཅད་བཟློག་པར་བགྱི་བ་དང་། དུས་མ་ལགས་པར་འགུམ་པ་ཐམས་ཅད་བཟློག་པར་བགྱི་བ་དང་མ་ཞུགས་པ་རྣམས་དད་པར་བགྱི་བ་དང་བགེགས་དང་ལོག་འདྲེན་རྣམས་རབ་ཏུ་
ཞི་བར་བགྱི་བའི་སླད་དུ་བཤད་པར་བགྱིའོ། །བཅོམ་ལྡན་འདས་སྙིང་པོ་འདིས་བསྲུང་བར་བགྱི་བ་དང་ཡོངས་སུ་བསྐྱབ་པ་དང་ཡོངས་སུ་གཟུང་བར་བགྱིས་པ་དང་། ཞི་བ་དང་བདེ་ལེགས་སུ་འགྱུར་བར་བགྱིས་པ་དང་ཆད་པ་སྤངས་པ་དང་མཚོན་

106-1-214a

ཆ་སྤངས་པ་དང་། དུག་གཞིལ་བ་བགྱིས་པ་དང་། གང་ལ་ལ་ཞིག་འགལ་བར་བགྱིད་པ་དེ་མ་མཆིས་ཏེ། དེ་ནི་འཇིག་རྟེན་ལྷ་དང་བཅས་པ་བདུད་དང་བཅས་པ་ཚངས་པ་དང་བཅས་པ་དགེ་སྦྱོང་དང་བྲམ་ཟེར་བཅས་པ་ན་བདག་གིས་མ་
མཐོང་སྟེ། སྔོན་གྱི་ལས་ཀྱི་རྣམ་པར་སྨྱིན་པ་ནི་མ་གཏོགས་ལགས་སོ། །སྙིང་པོ་འདི་ནི་སངས་རྒྱས་བཅོམ་ལྡན་འདས་ཐམས་ཅད་ཀྱིས་བསྟོད་ཅིང་དགོངས་པ་ལགས་སོ། །བཅོམ་ལྡན་འདས་བདག་གི་སྙིང་པོ་འདི་ནི་དེ་བཞིན་
གཤེགས་པ་ཐམས་ཅད་ཀྱིས་རྗེས་སུ་ཐུགས་རངས་པར་མཛད་པ་ལགས་སོ། །བཅོམ་ལྡན་འདས་བདག་གིས་དྲན་ལགས་ཏེ། བསྐལ་པ་གང་གཱའི་ཀླུང་གི་བྱེ་མ་སྙེད་ཀྱི་སྔ་རོལ་ན་དེ་བཞིན་གཤེགས་པ་པད་མ་བརྒྱའི་སྤྱན་གཙུག་
གིས་ཆགས་པའི་དུས་འཇོམས་པའི་འོད་ཟེར་གྱི་རྒྱལ་པོ་ཞེས་བགྱི་བ་བྱུང་སྟེ། བདག་དྲང་སྲོང་དུ་གྱུར་པས་དེ་བཞིན་གཤེགས་པ་དེ་ལས་འདི་མནོས་ལགས་ཏེ། ཐོས་མ་ཐག་ཏུ་ཕྱོགས་བཅུའི་དེ་བཞིན་གཤེགས་པ་ཐམས་ཅད་
མངོན་དུ་གྱུར། མི་སྐྱེ་བའི་ཆོས་ལ་བཟོད་པ་ཡང་ཐོབ་སྟེ། དེ་ལྟར་བདག་གིས་སྙིང་པོ་འདི་ནི་གཅེས་སྤྲས་བགྱིད་པ་ལགས་སོ། །དེ་ལྟ་ལགས་པས་རིགས་ཀྱི་བུའམ། རིགས་ཀྱི་མོ་དད་པ་དང་ལྡན་པས་གུས་པར་བགྱིས་ལ་སྙིང་པོ་འདི་
བརྗོད་པར་བྱའོ། །གཞན་ཡིད་ལ་མི་བགྱིད་པར་རྟག་ཏུ་བརྗོད་པར་བགྱིའོ། །ནང་པར་ལངས་ནས་བརྒྱ་རྩ་བརྒྱད་བཏོན་ན་ཚེ་འདི་ལ་ཡོན་ཏན་བཅུ་ཡོངས་སུ་འཛིན་པར་འགྱུར་ཏེ། བཅུ་གང་ཞེ་ན། བྲོ་ནད་མ་མཆིས་པར་འགྱུར་བ་དང་དེ་བཞིན་
གཤེགས་པ་ཐམས་ཅད་ཀྱིས་ཡོངས་སུ་བཟུང་བར་འགྱུར་བ་དང་། དེས་བསྒྲིམ་མི་འཚལ་བར་ནོར་དང་འབྲུ་དང་དབྱིག་རྣམས་རྙེད་པར་འགྱུར་བ་དང་། དགྲ་ཐམས་ཅད་ཁུགས་ཤིང་ཐུལ་བར་འགྱུར་བ་དང་། རྒྱལ་པོའི་ཚོགས་རྣམས་གསོང་
པོར་སྨྲ་བར་སེམས་པར་འགྱུར་བ་དང་། ལུས་ལ་དུག་གིས་མི་ཚུགས་པ་དང་དབྱིག་དུག་གིས་མི་ཚུགས་པ་དང་རིམས་ཀྱིས་མི་ཚུགས་པར་འགྱུར་བ་དང་། མཚོན་ཆས་མི་ཚུགས་པར་འགྱུར་བ་དང་། ཆབ་ཀྱིས་འགུམ་པའི་དུས་བགྱིད་

106-1-214b

པར་མི་འགྱུར་བ་དང་། ཞུགས་ཀྱིས་འགུམ་པའི་དུས་བགྱིད་པར་མི་འགྱུར་བ་དང་། དུས་མ་ལགས་པར་འགུམ་པས་འགུམ་པའི་དུས་བགྱིད་པར་མི་འགྱུར་བ་ལགས་སོ། །གཞན་ཡང་ཡོན་ཏན་བཞི་ཡོངས་སུ་འཛིན་པར་འགྱུར་ཏེ། འགུམ་
པའི་དུས་ཀྱི་ཚེ་དེ་བཞིན་གཤེགས་པ་མཐོང་བར་འགྱུར་བ་དང་། ངན་སོང་རྣམས་སུ་སྐྱེ་བར་མི་འགྱུར་བ་དང་། ཡ་ང་བ་མ་སྤངས་པས་འགུམ་པའི་དུས་བགྱིད་པར་མི་འགྱུར་བ་དང་། འདི་ནས་ཤི་འཕོས་ནས་ཀྱང་འཇིག་རྟེན་གྱི་ཁམས་བདེ་
བ་ཅན་དུ་སྐྱེ་བར་འགྱུར་བ་ལགས་སོ། །བཅོམ་ལྡན་འདས་བདག་གིས་དྲན་ལགས་ཏེ་འདི་ནས་བསྐལ་པ་གང་གཱའི་ཀླུང་བཅུའི་བྱེ་མ་སྙེད་དག་གི་སྔ་རོལ་གྱི་ཡང་ཆེས་སྔ་རོལ་ན་དེ་བཞིན་གཤེགས་པ་མན་དཱ་ར་བའི་བསུང་ཞེས་བགྱི་བ་བྱུང་སྟེ། དེ་ན་
བདག་ཁྱིམ་པར་གྱུར་པས་འདི་བཟུང་ནས་བསྐལ་པ་བཞི་ཁྲིའི་འཁོར་བ་ཕྱིར་བསྙིལ་ལགས་སོ། །བདག་གིས་སྙིང་པོ་འདི་བཏོན་པས་བྱང་ཆུབ་སེམས་དཔའི་རྣམ་པར་ཐར་པ་རྒྱལ་བ་ཐམས་ཅད་ཀྱི་སྙིང་རྗེ་འཇུག་པ་ཡེ་ཤེས་ཀྱི་སྙིང་པོ་
ཞེས་བགྱི་བ་ཐོབ་ལགས་སོ། །གང་དག་བཅིང་བས་བཅིངས་པ་རྣམས་དང་གང་དག་བཅིང་བ་ལ་ཐུག་པ་རྣམས་དང་ཆབ་དང་ཞུགས་དང་སྡུག་བསྔལ་རྣམ་པ་སྣ་ཚོགས་ཀྱིས་ཉེན་པའི་སེམས་ཅན་ཐམས་ཅད་ལ་བདག་གི་སྙིང་པོ་འདིས་
གནས་པ་དང་། བསྐྱབ་པ་དང་སྐྱབས་དང་། དཔུང་གཉེན་བགྱིའོ། །གནོད་སྦྱིན་དང་སྲིན་པོ་སྡང་བ་རྣམས་ཀྱང་སྙིང་པོ་འདིས་བཀུག་ལ་བྱམས་པའི་སེམས་དང་སྙིང་རྗེའི་སེམས་སུ་བགྱི་སྟེ། བླ་ན་མེད་པ་ཡང་དག་པར་རྫོགས་པའི་
བྱང་ཆུབ་ལ་དགོད་པར་བགྱིའོ། །བཅོམ་ལྡན་འདས་བདག་གི་སྙིང་པོ་འདི་ནི་དེ་ལྟར་རྫུ་འཕྲུལ་ཆེ་བ་ལགས་སོ། །ལན་ཅིག་བརྗོད་པས་རྩ་བའི་ལྟུང་བ་བཞི་པོ་དག་ཀྱང་བྱང་བར་འགྱུར། མཚམས་མ་མཆིས་པ་ལྔ་པོ་དག་ཀྱང་མ་ལུས་པར་
འབྱང་བར་འགྱུར་ན། ཇི་སྐད་བསྟན་པ་བཞིན་དུ་ནན་ཏན་བགྱིད་པ་ལྟ་སྨོས་ཀྱང་ཅི་འཚལ། དེ་དག་ནི་སངས་རྒྱས་བྱེ་བ་ཁྲག་ཁྲིག་འབུམ་ཕྲག་དུ་མ་ལ་དགེ་བའི་རྩ་བ་བསྐྱེད་པར་འགྱུར་བ་ལགས་ན་བཟླས་བརྗོད་བགྱིད་པ་དང་སྒྲུབ་པ་

106-1-215a

ལྟ་སྨོས་ཀྱང་ཅི་འཚལ་ཏེ། བསམ་པ་ཐམས་ཅད་ཡིད་བཞིན་དུ་ཡོངས་སུ་རྫོགས་པར་བགྱིའོ། །སུ་ཞིག་བདག་གི་སླད་དུ་ཚེས་བཅུ་བཞིའམ། བཅྭ་ལྔ་ལ་སྨྱུང་བ་བགྱིས་ན་དེ་བསྐལ་པ་བཞི་ཁྲིའི་འཁོར་བ་བསྙིལ་བར་
འགྱུར་ལགས་སོ། །བཅོམ་ལྡན་འདས་བདག་གི་མིང་འཛིན་པ་ནི་དོན་མཆིས་ཏེ། སངས་རྒྱས་བྱེ་བ་ཕྲག་འབུམ་གྱི་བས་ལྷག་ལགས་སོ། །བདག་གི་མིང་འཛིན་པའི་སེམས་ཅན་ཐམས་ཅད་ནི་ཕྱིར་མི་ལྡོག་པ་ཉིད་ལ་གནས་པར་འགྱུར། 
བྲོ་ནད་ཐམས་ཅད་ལས་ཡོངས་སུ་ཐར་བར་འགྱུར། སྒྲིབ་པ་ཐམས་ཅད་དང་ལུས་དང་ངག་དང་ཡིད་ཀྱིས་ཉེས་པར་སྤྱོད་པ་ཐམས་ཅད་ལས་ཡོངས་སུ་ཐར་བར་འགྱུར་ལགས་སོ། །གང་ལ་ལ་ཞིག་ཆོ་ག་བཞིན་དུ་སྦྱོར་བ་བགྱིད་ན་དེ་དག་གི་
སུག་པར་སངས་རྒྱས་ཀྱི་བྱང་ཆུབ་ཐོབ་པ་ལགས་སོ། །བཅོམ་ལྡན་འདས་ཀྱིས་བཀའ་སྩལ་པ། རིགས་ཀྱི་བུ་ཁྱོད་སེམས་ཅན་ཐམས་ཅད་ལ་དེ་ལྟར་སྙིང་རྗེ་ཆེ་བ་ལེགས་སོ་ལེགས་སོ། །རིགས་ཀྱི་བུ་ཐབས་འདིས་སེམས་ཅན་
ཐམས་ཅད་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ལ་དགོད་པར་ནུས་ཏེ། ངས་ཀྱང་སྙིང་པོ་འདི་བཟུང་ཞིང་རྗེས་སུ་ཡི་རང་བ་བྱས་ཀྱིས་རིགས་ཀྱི་བུ་ཁྱོད་སྨྲོས་ཤིག །དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་འཕགས་
པ་སྤྱན་རས་གཟིགས་དབང་ཕྱུག་སྟན་ལས་ལངས་ཏེ། བླ་གོས་ཕྲག་པ་གཅིག་ཏུ་གཟར་ནས་བཅོམ་ལྡན་འདས་ཀྱི་ཞབས་ལ་མགོ་བོས་ཕྱག་འཚལ་ཏེ་སྙིང་པོ་འདི་སྨྲས་སོ། །ན་མོ་རད་ན་ཏྲ་ཡཱ་ཡ། ན་མ་ཨཱརྱ་ཛྙཱ་ན་སཱ་ག་ར་བཻ་རོ་ཙ་ན་བྱུ་
ཧཱ་རཱ་ཛཱ་ཡ། ཏ་ཐཱ་ག་ཏཱ་ཡ། ན་མཿསརྦ་ཏ་ཐཱ་ག་ཏེ་བྷྱཿ། སམྱཀྶཾ་བུདྡྷེ་བྷྱཿ། ན་མ་ཨཱརྱཱ་བ་ལོ་ཀི་ཏེ་ཤྭ་རཱ་ཡ། བོ་དྷི་ས་ཏྭཱ་ཡ། མ་ཧཱ་ས་ཏྭཱ་ཡ། མ་ཧཱ་ཀཱ་རུ་ཎི་ཀཱ་ཡ། ཏདྱ་ཐཱ། ཨོཾ་དྷ་ར་དྷ་ར། དྷི་རི་དྷི་རི། དྷུ་རུ་དྷུ་རུ། ཨིད་ཏེ་
བཊྚེ། ཙ་ལེ་ཙ་ལེ། པྲ་ཙ་ལེ་པྲ་ཙ་ལེ། ཀུ་སུ་མེ། ཀུ་སུ་མ་བ་རེ། ཨི་ལི་མི་ལི། ཙིད་ཏི་ཛྭ་ལ།  མ་པ་ན་ཡེ་སྭཱ་ཧཱ། འདིའི་ཆོ་ག་ནི་བསྒྲུབ་མི་དགོས་པར་ལས་ཐམས་ཅད་བྱེད་དེ། རིམས་ཉིན་གཅིག་པ་དང་། ཉིན་གཉིས་པ་དང་། ཉིན་

106-1-215b

གསུམ་པ་དང་། ཉིན་བཞི་པ་དང་། འབྱུང་པོ་དང་མཁའ་འགྲོ་མ་དང་འདྲེ་དང་ལུས་སྲུལ་པོ་དང་བརྗེད་བྱེད་དང་ལྦ་བ་དང་འབྲས་ཀྱི་ཕྲེང་བ་དང་བས་བལྡགས་ལ་སོགས་པ་དང་དུག་དང་ཕོལ་མིག་དང་གཡན་པ་ལ་སོགས་པ་ལ་འཇིམ་པ་ལ་
བསྔགས་ཏེ་བསྐུའོ། །ལན་བདུན་བཟླས་བརྗོད་བགྱིས་ན་ལས་ཀྱི་སྒྲིབ་པ་སྦྱོང་བར་བགྱིད་དོ། །བྱིས་པ་གདོན་གྱིས་ཟིན་པ་ལ་ནི་འབྲུ་མར་རོ། །རྣ་བ་བྲོ་འཚལ་བ་ལ་ནི་རུ་རྟ་དང་འབྲུ་མར་རོ། །སྣ་བྲོ་འཚལ་བ་ལ་གྲོ་བ་བཏགས་ན་དེས་ཞི་བར་འགྱུར་
རོ། །བྲོ་ནད་ཐམས་ཅད་ལ་ཡང་སྦྱར་བར་བགྱི་སྟེ་བཀླགས་པས་འགྲུབ་བོ། །འཕགས་པ་སྤྱན་རས་གཟིགས་དབང་ཕྱུག་ཞལ་བཅུ་གཅིག་པ་ཞེས་བྱ་བའི་གཟུངས་རྫོགས་སྷོ།། སྐར་ཞུས།། ༄༅། །རྒྱ་གར་སྐད་དུ།  ཨཱརྱཱ་བ་ལོ་ཀི་ཏེ་ཤྭ་
རཱ་ཡ་ནཱ་མ་ཨ་ཥྚ་ཏ་ཀ་ན། བོད་སྐད་དུ།  འཕགས་པ་སྤྱན་རས་གཟིགས་དབང་ཕྱུག་གི་མཚན་བརྒྱ་རྩ་བརྒྱད་པ་ཞེས་བྱ་བ། སངས་རྒྱས་དང་། བྱང་ཆུབ་སེམས་དཔའ་ཐམས་ཅད་ལ་ཕྱག་འཚལ་ལོ། །འདི་སྐད་བདག་གིས་ཐོས་པ་དུས་གཅིག་
ན། བཅོམ་ལྡན་འདས་འཕགས་པ་སྤྱན་རས་གཟིགས་དབང་ཕྱུག་གི་ཕོ་བྲང་རི་པོ་ཏ་ལའི་རྩེ་མོ་ན་མེ་ཏོག་དྲི་ཞིམ་པོ་སྣ་ཚོགས་ཀྱིས་བརྒྱན་པ། འཛམ་བུ་ན་དའི་གསེར་གྱི་ཁ་དོག་དང་འདྲ་བ། རིན་པོ་ཆེ་སྣ་ཚོགས་ཀུན་དུ་འབར་བའི་ས་
ཕྱོགས་ན་བཞུགས་ཏེ། ལྷ་དང་ཀླུ་དང་གནོད་སྦྱིན་དང་དྲི་ཟ་དང་ལྷ་མ་ཡིན་དང་ནམ་མཁའ་ལྡིང་དང་མི་འམ་ཅི་དང་། ལྟོ་འཕྱེ་ཆེན་པོ་དང་། བརྒྱ་བྱིན་དང་ཚངས་བ་དང་འཇིག་རྟེན་སྐྱོང་བ་དང་མི་མ་ཡིན་པ་བྱེ་བ་ཁྲག་ཁྲིག་བརྒྱ་སྟོང་
དུ་མས་བཅོམ་ལྡན་འདས་ལ་སྟི་སྟང་དུ་བྱས། བླ་མར་བྱས། རིམ་གྲོར་བྱས། མཆོད་ཅིང་བཀུར་སྟིར་བྱས་ཏེ། ཡོངས་སུ་བསྐོར་ནས་མདུན་དུ་བྱས་པ་ལ་ཆོས་སྟོན་ཏེ། ཐོག་མར་དགེ་བ། བར་དུ་དགེ་བ། ཐ་མར་དགེ་བ། དོན་བཟང་པོ། 
ཚིག་འབྲུ་བཟང་པོ། མ་འདྲེས་པ། ཡོངས་སུ་བྱང་བ། ཡོངས་སུ་དག་པ། ཡོངས་སུ་རྫོགས་པ། ཡོངས་སུ་གསལ་བ། ཚངས་པར་སྤྱོད་པ་འབའ་ཞིག་ཡང་དག་པར་རབ་ཏུ་སྟོན་ཏོ། །དེ་ནས་ཚངས་པ་ལ་སོགས་པས་བྱང་ཆུབ་སེམས་

106-1-216a

དཔའ་སེམས་དཔའ་ཆེན་པོ་འཕགས་པ་སྤྱན་རས་གཟིགས་དབང་ཕྱུག་ལ་བསྟོད་པ། ཀྱེ་བཅོམ་ལྡན་འདས་བྱ་བ་བྱས་ཤིང་བྱེད་ལ་མཁས། །ཁུར་བོར་བདག་དོན་རྗེས་སུ་བརྙེས། །སྲིད་པར་སྦྱོར་བ་ཡོངས་སུ་ཟད། །
ཡང་དག་བཀའ་ལ་རྣམ་གྲོལ་སེམས། །ཤེས་རབ་ཤིན་དུ་རྣམ་པར་གྲོལ། །ཀླུ་ཆེན་པོ་ནི་ཅང་ཤེས་པོ། །སེམས་ལ་དབང་སྒྱུར་ཐམས་ཅད་ཀྱི། །མཆོག་ཏུ་ཕ་རོལ་ཕྱིན་པ་ཐོབ། །ཡེ་ཤེས་ཚོགས་ནི་ཡོངས་སུ་རྫོགས། །སྲིད་པའི་
དགོན་པ་རབ་ཏུ་རྒལ། །གཞན་ལ་ཕན་པ་མཛད་ལ་བརྩོན། །ཐུགས་རྗེ་དང་ནི་འབྲེལ་པའི་ཐུགས། །སྐྱེ་དགུ་ཀུན་ལ་མཆོག་ཏུ་བྱམས། །བདེ་བར་བརྩོན་པ་བྱམས་ལས་བྱུང་། །མཐའ་ཡས་སེམས་ཅན་གྲོལ་ལ་མཁས། །
བདེ་བར་གཤེགས་པ་ཉིད་ལས་སྐྱེས། །བདེ་བར་གཤེགས་པ་ཉིད་ཀྱི་བཀའ། །ཁམས་གསུམ་ཀུན་གྱི་གཉེན་གཅིག་པོ། །འདོད་ཆགས་ཞེ་སྡང་གཏི་མུག་མེད། །དྲི་མ་གསུམ་ནི་རབ་ཏུ་སྤངས། །རིག་པ་གསུམ་གྱི་ཕ་རོལ་
ཕྱིན། །མངོན་པར་ཤེས་པ་དྲུག་ཀྱང་བརྙེས། །ནྱ་གྲོ་དྷ་ནི་ལྟ་བུར་ཟླུམ། །སྐྱེས་བུ་ཆེན་པོའི་མཚན་རྣམས་ནི། །སུམ་བཅུ་རྩ་གཉིས་དག་དང་ལྡན། །དཔེ་བྱད་བཟང་པོ་བརྒྱད་བཅུས་ཀྱང་། །སྐུ་ནི་རྣམ་པ་ཀུན་དུ་བརྒྱན། །སྐུ་མདོག་
གསེར་གྱི་ཁ་དོག་འདྲ། །སྐུ་ཚད་ཆེ་ལ་དཀར་ཤམ་པོ། །ནཱ་ག་གེ་སར་གཞོན་ནུ་ལྟར། །ཅུང་ཟད་དམར་བ་འདྲ་བའི་མདོག །དབུ་ཡི་ཐོར་ཚུགས་དག་དང་ལྡན། །ཐོར་ཚུགས་མང་པོས་ཉེ་བར་གཡོགས། །དབུ་ལ་འོད་དཔག་མེད་
པ་བཞུགས། །འོད་ཟེར་དག་ནི་རྣམ་པར་འཕྲོ། །འོད་འཕྲོ་འདོམ་གང་རབ་ཏུ་འབར། །གསེར་གྱི་རི་འདྲ་གྲགས་པས་ཁྱབ། །གཟི་བརྗིད་དག་ཀྱང་རབ་ཏུ་ཆེ། །ཤར་གྱི་རི་ལ་འཆར་བ་ཡི། །ཉི་མའི་གཙུག་ཏོར་དག་དང་ལྡན། །
ནོར་བུ་རིན་ཆེན་འབར་བའི་ས། །སེ་རལ་ཁར་ནི་སྐུ་ཕྱེད་བརྒྱན། །ས་དག་ལ་ནི་རབ་ཏུ་མཁས། །ཕ་རོལ་ཕྱིན་པ་བཅུ་རྣམས་སྤྱོད། །ཚུལ་ཁྲིམས་མ་ཉམས་རལ་བ་མེད། །ཐོན་ཀ་སེང་གེའི་རལ་པ་འདྲ། །སྐུ་ནི་འཇམ་ཞིང་ལྡེམ་

106-1-216b

བག་ཅན། །གཟིགས་ཤིང་གཤེགས་པ་ཁྱུ་མཆོག་འདྲ། །གཡས་སུ་འཁྱིལ་པའི་དུང་ཡང་འདྲ། །དཔྲལ་བ་ཟླ་བ་བཀམ་པ་འདྲ། །དཔྲལ་བའི་དབྱིབས་ཀྱི་རྒྱ་ཡང་ཆེ། །སྨིན་མཚམས་བར་ཡང་ཡོང་མ་ཆད། །སྤྱན་ནི་ནོར་བུ་རིན་ཆེན་འབར། །ཤངས་ཀྱི་
དབྱིབས་ཀྱང་ཅུང་ཟད་མཐོ། །ཚེམས་ཀྱིས་བསྦྲོས་ཀྱི་རྣམ་པར་གནོན། །ལྗགས་ཀྱིས་སྟོང་གསུམ་ཁེབས་མཛད་ཅིང་། །སྙན་གྱི་ཁུང་ཡང་རབ་ཏུ་ཟབ། །མགུར་ཀྱང་བུམ་པའི་མགྲིན་པ་འདྲ། །དཔུང་པ་དག་ཀྱང་རབ་ཏུ་ཟླུམ། །ཕྱག་སོར་རྣམས་ཀྱི་ཚིགས་ཀྱང་རིང་། །སོར་མོ་འཇམ་ཞིང་ཅུང་ཟད་དམར། །ཕྱག་སོར་རྣམས་ཀྱི་བར་ཡང་འབྲེལ། །
ཕྱག་དང་ཞབས་ཀྱི་མཐིལ་རྣམས་ལ། །འཁོར་ལོ་དག་གིས་རབ་ཏུ་བརྒྱན། །སྟོན་ཀའི་པད་མ་འདྲ་བར་མཛེས། །སྐུ་མདངས་འཇམ་ཞིང་ཤངས་ཀྱང་རྒྱས། །གསུང་ནི་ཚངས་པའི་དབྱངས་ལྟར་སྙན། །ཡིད་དུ་འོང་ཞིང་དགའ་
བར་འགྱུར། །བལྟ་ན་སྡུག་ཅིང་མདངས་དགའ་བ། །པད་མ་ལས་འཁྲུངས་པད་མ་འདྲ། །པད་མ་དག་ལས་ཀུན་དུ་སྐྱེས། །པད་མ་དག་གི་གདན་ལ་བཞུགས། །ཕྱག་ན་པད་མ་བཟང་པོ་བསྣམས། །རིལ་བ་སྤྱི་ལུགས་
ཕྱག་ན་བསྣམས། །ཀྲིཥྞ་ས་རའི་ལྤགས་པ་བསྣམས། །དབྱུག་པ་དང་ནི་བགྲང་ཕྲེང་འཛིན། །བཀྲ་ཤིས་དག་གིས་གཙང་མར་གྱུར། །སྔ་ནས་གསུང་ཞིང་གསོང་པོར་གསུང་། །བདུད་རྩིའི་ཆར་ནི་རབ་ཏུ་འབེབས། །
ཡིད་བཞིན་ནོར་བུ་རིན་ཆེན་འདྲ། །སེམས་ཅན་ཐམས་ཅད་དགའ་བར་མཛད། །བཟང་པོར་སྣང་བའི་ལྗོན་ཤིང་ལྟར། །སེམས་ཅན་ཀུན་གྱི་གསོས་སུ་འགྱུར། །སངས་རྒྱས་ཀྱི་ནི་སྤྲུལ་པ་ལགས། །བདེ་བར་
གཤེགས་པའི་ཆ་ལུགས་མངའ། །བདེ་བར་གཤེགས་པའི་རིང་བསྲེལ་འཛིན། །བ་སྤུ་ཉག་མ་རེ་རེ་ཡང་། །སེམས་ཅན་རྣམས་ཀྱི་གཙོ་བོར་གྱུར། །བསོད་ནམས་མཛད་ཅིང་དགེ་བ་མཛད། །བཤོལ་བ་མེད་ཅིང་
ངེས་པར་མཛད། །རབ་ཏུ་དྲག་པའི་བརྩོན་འགྲུས་ཅན། །འཁོར་བ་དག་ལས་རབ་ཏུ་རྒལ། །དམ་ཆོས་རྒྱལ་མཚན་མངའ་གསོལ་བ། །ཡིད་བཞིན་འཁོར་ལོ་དགེ་བ་སྦྱོར། །དོན་ཡོད་ཞགས་པས་སྡུག་བསྔལ་འདྲེན། །

106-1-217a

ཧ་ཡ་གྲཱི་བ་བདུད་བཞི་འཇོམས། །ཀྲོ་དྷ་མགྲིན་སྔོན་གདུག་པ་སེལ། །ལྷ་མོ་སྒྲོལ་མ་རྗེས་སུ་འབྲང་། །ཁྲོ་གཉེར་ཅན་ནི་བཀའ་བཞིན་བྱེད། །རྒྱལ་བ་ཅན་ནི་ཚུལ་དང་ལྡན། །མཐུ་ཆེན་ལྡན་ཞིང་དྲན་དང་ལྡན། །ཡོན་ཏན་
ལྡན་ཞིང་བྱམས་དང་ལྡན། །ཤེས་རབ་ལྡན་ཞིང་དཔལ་དང་ལྡན། །ཚུལ་ཁྲིམས་ལྡན་ཞིང་དོན་དང་ལྡན། །དོན་རྣམས་ཀུན་ནི་རིག་པ་པོ། །ཐེ་ཚོམ་ཐམས་ཅད་གཅོད་པ་པོ། །ཆོས་རྣམས་ཐམས་ཅད་སྨྲ་བ་པོ། །འཇིག་རྟེན་
རྣམས་ཀྱི་སྟོན་པ་པོ། །ཞལ་བཟངས་ཟླ་བ་ཉ་བ་འདྲ། །སྐུ་སྨད་རིན་ཆེན་ཀུན་གྱིས་བརྒྱན། །གསེར་གྱི་མཆོད་སྡོང་འདྲ་བར་གནས། །འོད་ཟེར་ཉི་མ་སྟོང་བས་ལྷག །ཚངས་པ་ལ་སོགས་ཕྱག་བགྱིས་པའོ། །འཕགས་པ་
སྤྱན་རས་གཟིགས་དབང་ཕྱུག་ལ་མཚན་བརྒྱ་རྩ་བརྒྱད་ཀྱིས་གང་ཞིག་བསྟོད་པ་བྱེད་པ་དེ་མཚམས་མེད་པ་ལྔ་བྱས་པའི་ལས་ཀྱི་སྒྲིབ་པ་ཡོངས་སུ་བྱང་བར་འགྱུར་རོ། །དཀྱིལ་འཁོར་ཐམས་ཅད་དུ་ཞུགས་པར་འགྱུར་རོ། །
གསང་སྔགས་ཐམས་ཅད་ཀྱང་འགྲུབ་པར་འགྱུར་རོ། །བསྐལ་པ་སྟོང་གི་བར་དུ་ཡང་ངན་འགྲོར་མི་སྐྱེའོ། །མནར་མེད་པར་མི་འགྲོའོ། །སུ་ཞིག་ནང་པར་ལངས་ནས་ཀློག་གམ། ཀློག་ཏུ་འཇུག་གམ། ཁ་ཏོན་དུ་འདོན་ན་མི་དེའི་ལུས་ལ་མཛེ་
དང་། ཤུ་བ་དང་གློ་ན་བ་དང་དབུགས་མི་བདེ་བ་ལ་སོགས་པའི་ནད་ཐམས་ཅད་ལས་ཐར་བར་འགྱུར་རོ། །སྐྱེས་སོ་ཅོག་ཏུ་སྐྱེ་བ་དྲན་པར་འགྱུར་རོ། །ལྷའི་བུ་དང་འདྲ་བར་འགྱུར་རོ། །འཆི་བའི་དུས་ཀྱི་ཚེ་ན་ཡང་འཇིག་རྟེན་གྱི་ཁམས་བདེ་
བ་ཅན་དུ་སྐྱེ་བར་འགྱུར་རོ། །གར་སྐྱེས་གར་སྐྱེས་ཀྱང་འཕགས་པ་སྤྱན་རས་གཟིགས་ཀྱི་དབང་ཕྱུག་དང་མི་འབྲལ་བར་འགྱུར་རོ། །རྟག་ཏུ་བཟླས་བརྗོད་བྱས་ན་ཡིད་གཞུངས་པར་འགྱུར་རོ། །སེམས་དཔའ་བར་འགྱུར་རོ། །དབྱངས་
སྙན་པར་འགྱུར་རོ། གཙུག་ལག་ཐམས་ཅད་ལ་མཁས་པར་འགྱུར་རོ། །བསྟོད་པ་འདིས་བསྟོད་ན་སངས་རྒྱས་བཅོམ་ལྡན་འདས་གང་གཱའི་ཀླུང་གི་བྱེ་མ་དྲུག་བཅུ་རྩ་གཉིས་སྙེད་ལ་མཆོད་པ་བྱས་པར་འགྱུར་རོ། །རྣམ་པར་སྨིན་པ་

106-1-217b

ཡང་དེ་དང་འདྲ་བས་ན་བྱེ་བྲག་མེད་དོ། །རྒྱལ་བ་ཐམས་ཅད་ཀྱི་རིང་བསྲེལ་རིན་པོ་ཆེ་ཟ་མ་ཏོག་ཅེས་བྱ་བ་འཕགས་པ་སྤྱན་རས་གཟིགས་དབང་ཕྱུག་གི་མཚན་བརྒྱ་རྩ་བརྒྱད་པ་རྫོགས་སྷོ།། །། གསུམ་ཞུས་སྔགས་དང་། དཔལ་ལྔན། 
།།གཅིག་ཞུས་ཀུན།།  རྒྱ་གར་སྐད་དུ།  ཨཱརྱཱ་ཨ་མོ་གྷ་པཱ་ཤ་ཧྲི་ད་ཡྃ་ནཱ་མ་ཧཱ་ཡཱ་ན་སཱུ་ཏྲ། བོད་སྐད་དུ།  འཕགས་པ་དོན་ཡོད་ཞགས་པའི་སྙིང་པོ་ཞེས་བྱ་བ་ཐེག་པ་ཆེན་པོའི་མདོ། འཕགས་པ་དོན་ཡོད་ཞགས་པ་ལ་ཕྱག་འཚལ་ལོ། །
སངས་རྒྱས་ལ་ཕྱག་འཚལ་ལོ། །ཐུགས་རྗེ་ཆེན་པོ་ལ་ཕྱག་འཚལ་ལོ། །འདི་སྐད་བདག་གིས་ཐོས་པ་དུས་གཅིག་ན། བཅོམ་ལྡན་འདས་པོ་ཏ་ལ་ཀེའི་རིའི་རྩེ་མོ་འཕགས་པ་སྤྱན་རས་གཟིགས་དབང་ཕྱུག་གི་གནས་ས་ལ་དང་། ཏ་མ་ལ་དང་། 
ཙམ་པ་ཀ་དང་། མྱ་ངན་མེད་པ་དང་། ཨ་ཏི་མུག་ཏ་ཀ་ལ་སོགས་པ་མང་པོ་དང་། སྣ་ཚོགས་པའི་རིན་པོ་ཆེའི་སྡོང་པོས་ཡང་དག་པར་བརྒྱན་པར། དགེ་སློང་གི་དགེ་འདུན་ཆེན་པོ་སྟོང་ཕྲག་བཅྭ་བརྒྱད་དང་། བྱང་ཆུབ་སེམས་དཔའ་བྱེ་བ་ཁྲག་
ཁྲིག་བརྒྱ་སྟོང་ཕྲག་དགུ་བཅུ་རྩ་དགུ་དང་། གནས་གཙང་མའི་ལྷའི་བུ་སྟོང་ཕྲག་དུ་མས་ཡོངས་སུ་བསྐོར་ཅིང་མདུན་དུ་བྱས་ནས་མང་པོ་དང་ཐབས་གཅིག་ཏུ་བཞུགས་སོ། །དབང་ཕྱུག་དང་། དབང་ཕྱུག་ཆེན་པོ་དང་། ཚངས་རིས་ཀྱི་ལྷའི་
བུ་རྣམས་གཙོར་བྱས་ནས་ཆོས་སྟོན་ཏོ། །དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་འཕགས་པ་སྤྱན་རས་གཟིགས་དབང་ཕྱུག་སྟན་ལས་ལངས་ནས་བླ་གོས་ཕྲག་པ་གཅིག་ཏུ་གཟར་ཏེ་པུས་མོ་གཡས་པའི་ལྷ་ང་ས་ལ་བཙུགས་ཏེ། 
གང་བཅོམ་ལྡན་འདས་ལ་དེ་ཡིས་ཐལ་མོ་སྦྱར་ཞིང་ཕྱག་འཚལ་ནས་ཞལ་འཛུམ་པར་གྱུར་པས། བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས་བདག་ལ་དོན་ཡོད་ཞགས་པའི་སྙིང་པོ་ཞེས་བྱ་བ་ཡོད་དེ། གང་
སྔོན་བསྐལ་པ་དགུ་བཅུ་རྩ་གཅིག་ན་འཇིག་རྟེན་རྣམ་པར་གཟིགས་པ་ཞེས་བྱ་བའི་འཇིག་རྟེན་གྱི་ཁམས་སུ། འཇིག་རྟེན་གྱི་དབང་པོ་རྒྱལ་པོ་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ལས་བདག་གིས་བླངས་

106-1-218a

ཏེ། གང་ཡང་བདག་གིས་དབང་ཕྱུག་དང་དབང་ཕྱུག་ཆེན་པོ་གཙོར་བྱས་པའི་གནས་གཙང་མའི་རིས་ཀྱི་ལྷའི་བུ་བརྒྱ་སྟོང་མང་པོ་ཡང་འདུས་སོ། །བླ་ན་མེད་པ་ཡང་དག་པར་རྫོགས་པའི་བྱང་ཆུབ་དོན་ཡོད་པའི་ཡེ་ཤེས་ཀྱི་གཙོ་བོའི་ཏིང་
ངེ་འཛིན་བཅུ་པ་བརྒྱ་སྟོང་བདག་གིས་རབ་ཏུ་རྙེད་དོ། །གཞན་ཡང་གང་གི་ཚེ་བཅོམ་ལྡན་འདས་ས་གཞིའི་ཕྱོགས་གཅིག་ཏུ་རབ་ཏུ་སྤྱོད་པ་ལས་རྟོགས་པར་བྱ་སྟེ། བཅོམ་ལྡན་འདས་དེའི་ཚེ་ས་ཕྱོགས་དེ་དབང་ཕྱུག་དང་། དབང་ཕྱུག་
ཆེན་པོ་དང་། ཚངས་རིས་གཙོར་བྱས་པའི་ལྷའི་བུ་སྟོང་ཕྲག་བཅུ་གཉིས་ཀྱིས་བསྲུང་བ་དང་། བསྐྱབ་པ་དང་སྦེད་པའི་དོན་དུ་གནས་པར་འགྱུར་རོ། །གང་འདིར་དོན་ཡོད་ཞགས་པའི་སྙིང་པོ་རབ་ཏུ་སྤྱོད་ན་བཅོམ་ལྡན་འདས་སའི་ཕྱོགས་
གཅིག་པོ་དེ་མཆོད་རྟེན་དུ་འགྱུར་རོ། །སེམས་ཅན་གང་དག་དོན་ཡོད་ཞགས་པའི་སྙིང་པོ་ཉན་པ་དེ་དག་ནི་སངས་རྒྱས་མང་པོ་བྱེ་བ་ཁྲག་ཁྲིག་བརྒྱ་སྟོང་ལ་མཆོད་པར་འགྱུར་རོ། །དེ་བཅོམ་ལྡན་འདས་བྱང་ཆུབ་སེམས་དཔའ་གང་འདིར་
དོན་ཡོད་ཞགས་པའི་སྙིང་པོ་ཐོས་པས་བདག་གི་དགེ་བའི་རྩ་བ་བསྐྱེད་པར་འགྱུར་རོ། །གང་ཁ་ཅིག་བཅོམ་ལྡན་འདས་སྡིག་པའི་སྐྱོན་བྱེད་པ། སྡིག་པའི་ཆོས་ཐམས་ཅད་ལ་ཡང་དག་པར་སྤྱོད་པ། འཕགས་པ་ལ་སྐུར་བ་འདེབས་པ། 
དམ་པའི་ཆོས་ལ་དམོད་པ། མནར་མེད་པ་ལ་གཞོལ་བ། སངས་རྒྱས་དང་།  བྱང་ཆུབ་སེམས་དཔའ་ཐམས་ཅད་དང་། འཕགས་པ་ཉན་ཐོས་དང་། རང་སངས་རྒྱས་ལ་དམོད་པ་པོ་དེ། གལ་ཏེ་འགྱོད་པར་གྱུར་
ཅིང་སླན་ཆད་གཅོད་ཅིང་སྡོམ་པར་གྱུར་ན་བཅོམ་ལྡན་འདས་དེས་རེ་ཤིག་དེ་ཉིད་བསྙུང་བར་གནས་པ་གཅིག་གིས་དེ་བཟླས་ན་དེའི་སྐྱེ་བ་འདིའི་ལས་ཡོངས་སུ་དག་ཅིང་ཡོངས་སུ་ཟད་པར་འགྱུར་རོ། །ཕྱིར་སློན་པར་འགྱུར་རོ། །རིམས་ཉིན་
གཅིག་པའམ། ཉིན་གཉིས་པའམ། ཉིན་གསུམ་པའམ། ཉིན་བཞི་པའམ། དེའི་ཕྱིར་ཁྲག་ཏུ་འཁྲུ་བའམ། ཚད་པའམ། ལག་པ་ན་བའམ། རྐང་པ་ན་བའམ། མགོ་ན་བའམ། ཧ་ལ་ཧ་ལ་ཡིས་བཏགས་པའམ། མཛེའམ། རྐང་ཤུའམ། 

106-1-218b

འབྲུམ་བུ་ཕྲ་མོའམ། ལྷོག་པའམ། འབྲས་སམ། བྱེའུ་འབྲས་སམ། གཡན་པའམ། མཚན་མ་རྡོལ་བའམ། འབྲུམ་བུའམ། བརྗེད་བྱེད་དམ། ཁྱབ་པར་ན་བའམ། གསོད་པ་འམ། འཆིང་བ་འམ། རྡེག་པའམ། བསྡིགས་པའམ། མི་སྙན་
པར་བརྗོད་པའམ། མདོར་བསྡུ་ན་བཅོམ་ལྡན་འདས་ལུས་ཀྱི་ན་ཚའམ། སེམས་ཀྱི་སྡུག་བསྔལ་ལམ། རྨི་ལམ་ངན་པ་མཐོང་བས་དེའི་ལས་ཡོངས་སུ་དག་ཅིང་ཟད་པར་འགྱུར་རོ། །སྔར་ཉིད་ནས་དག་པའི་སེམས་ཅན་དད་ཅིང་ལྷག་
པར་མོས་པ་རྣམས་ཤིན་དུ་ཡོངས་སུ་བྱང་བར་འགྱུར་རོ། །གལ་ཏེ་བཅོམ་ལྡན་འདས་འཁོར་བཞི་པོ་དང་། རིགས་བཞི་པོས་ཇི་སྙེད་ཏུ་བདག་ལ་རྒྱུ་དང་གཡོས་ཀྱང་མཆོད་པར་བྱེད། གང་འདིར་དོན་ཡོད་ཞགས་པའི་སྙིང་པོ་ཉན་
པར་བྱེད་པ་དང་། དོན་འཛིན་པར་བྱེད་པ། འཆང་བར་བྱེད་པ། ཀློག་པར་བྱེད་པ། འདྲི་བར་བྱེད་པ། འདྲིར་འཇུག་པར་བྱེད་པ། ཀུན་ཆུབ་པར་བྱེད་པ། སེམས་ཅན་གཞན་རྣམས་ཉན་དུ་འཇུག་པར་བྱེད་པ་འམ་ཐ་ན་དུད་འགྲོའི་སྐྱེ་
གནས་སུ་གཏོགས་པའི་རྣ་བུག་ཏུ་གཏུགས་ཏེ་ཟློས་པར་བྱེད། སྔགས་ཀྱི་ཚིག་འདི་སེམས་པར་བྱེད་པ་དང་། དོར་བ་མེད་པ། གཟུགས་མེད་པ། རྣམ་པར་མི་རྟོག་པ། ཡང་དག་པར་འབྱུང་བ་མེད་པ། ཡུན་རིང་དུ་འབྱུང་བ་
མེད་པ། རྒྱུ་མེད་པ། གོས་པ་མེད་པ། མཉམ་པའི་སེམས་གཡེང་བ་མེད་པ། ཕུང་པོ་ལྔ་དང་བྲལ་བའི་སྦྱོར་བ་འདིས་ནི་སངས་རྒྱས་རྗེས་སུ་དྲན་པར་བྱའོ། །དེ་དག་ལ་ཕྱོགས་བཅུའི་སངས་རྒྱས་བརྒྱ་སྟོང་གིས་ཞལ་སྟོན་པར་
འགྱུར་རོ། །ཁྱོད་ཀྱིས་བཟླས་པས་སྡིག་པ་བཤགས་པར་འགྱུར་རོ། །ཇི་སྙེད་པོ་ཏིར་བྲི་བ་བྱས་ནས་ཁྱིམ་དུ་བཞུགས་སུ་གསོལ་བར་བྱའོ། །བཅོམ་ལྡན་འདས་མང་པོས་ཅི་བྱ་སྟེ། ཕན་ཚུན་འགྲན་པས་ཉན་པའམ་རྗེད་དཔོན་གྱིས་
འཇིགས་པས་སམ། གཞན་གྱི་རྗེས་སུ་འཇུག་པས་སམ། གཞན་དམད་པར་བྱ་བའི་ཆེད་དུ་ཉན་པ་ནི་འཕགས་པ་སྤྱན་རས་གཟིགས་དབང་ཕྱུག་གི་བྱིན་གྱིས་བརླབས་སུ་མཁས་པས་ཤེས་པར་བྱའོ། །དེ་དག་གི་རྣ་བུག་ཏུ་དེའི་

106-1-219a

སྒྲ་གྲག་པར་འགྱུར་རོ། །བཅོམ་ལྡན་འདས་འདི་སྟ་སྟེ། གང་ལ་ལའི་སྐྱེས་བུས་ཙན་དན་ནམ། ག་པུར་རམ། གུར་གུམ་འམ། གླ་རྩི་གནུར་ཞིང་བརྒྱད་ཅིང་རྡོ་བ་འམ་ས་ལ་གཞིབས་ནས་བདག་ཉིད་ལ་བྱུགས་ན་དེ་ལ་ཙན་དན་ནམ། 
ག་པུར་རམ། གུར་གུམ་མམ། གླ་རྩི་གནུར་བའམ། བརྒྱད་པས་དེ་ལྟར་དྲི་འཕོ་བར་མི་འགྱུར་རོ། །ཡང་དྲི་ཞིམ་པོ་ཡང་དེ་ཉིད་དོ། །བཅོམ་ལྡན་འདས་དེ་ལྟར་ཁོ་ནར་བདག་གི་དོན་ཡོད་ཞགས་པའི་སྙིང་པོ་འདི་ལ་ཡང་གང་ལ་ལ་ཞིག་གིས་འཕྱ་
ཞིང་དམོད་པ་དང་། སྔ་མ་ལྟར་ཇི་སྙེད་པ་དག་ལ་རྒྱུ་དང་གཡོས་མཆོད་པ་བྱེད་པ་དེ་དག་ནི་བཅོམ་ལྡན་འདས་རྨུ་རྒོད་ཀྱི་སེམས་ཅན་དེ་དག་གི་དགེ་བའི་རྩ་བ་བསྐྱེད་པར་འགྱུར་རོ། །འདོད་པས་དཀའ་བར་འཛིན་པར་བརྗོད་དེ་ཕྱི་མ་ལའང་ངོ་། །
གང་དང་གང་དུ་སྐྱེས་པ་དེ་དང་དེ་རུ་ཚུལ་ཁྲིམས་དང་ཏིང་ངེ་འཛིན་དང་ཤེས་རབ་དང་། བསོད་ནམས་ཀྱི་ཚོགས་ཀྱི་དྲི་དང་མི་འབྲལ་བར་འགྱུར་རོ། །ཚུལ་ཁྲིམས་ཀྱི་དྲི་ཞིམ་པོ་ཉིད་དུ་བྱེད་དོ། །གང་ཡང་བཅོམ་ལྡན་འདས་རིགས་ཀྱི་བུའམ། རིགས་
ཀྱི་བུ་མོའམ། དགེ་སློང་ངམ། དགེ་སློང་མའམ། དགེ་བསྙེན་ནམ། དགེ་བསྙེན་མའམ། དེ་ལས་གཞན་པ་ཁ་ཅིག་དོན་ཡོད་ཞགས་པའི་སྙིང་པོ་ཆེད་དུ་བྱས་ནས་དཀར་པོའི་ཕྱོགས་ཀྱི་ཚེས་བརྒྱད་ལ་བསྙུང་བར་གནས་པར་བྱས་ཏེ། ལན་
བདུན་དུ་དོན་ཡོད་ཞགས་པའི་སྙིང་པོ་ཚིག་ཏུ་མི་བརྗོད་པར་ཡོངས་སུ་བཟླས་ན། དེ་ལ་བཅོམ་ལྡན་འདས་མཐོང་བའི་ཆོས་ཉིད་ལ་ཕན་ཡོན་ཉི་ཤུ་ཐམ་པ་སོ་སོར་འདོད་པར་བྱའོ། །ཉི་ཤུ་པོ་གང་ཞེ་ན། གང་དེའི་ལུས་ལ་ནད་མི་འབྱུང་བ་དང་། 
ལས་ཀྱི་དབང་གིས་ནད་བྱུང་བ་ཡང་མྱུར་དུ་ཞི་བར་འགྱུར་རོ། །སྣུམ་ཞིང་ཡིད་དུ་འོང་བའི་ལུས་དཀར་བར་འགྱུར་རོ། །སྐྱེ་བོ་མང་པོའི་ཡིད་དུ་འོང་བར་འགྱུར་རོ། །དབང་པོ་སྦུབས་སུ་ནུབ་པ་དང་། ནོར་རྙེད་པར་ཡང་འགྱུར་རོ། །
ནོར་ཡོད་པ་ཡང་རྐུན་པོས་ཁྱེར་བར་མི་ནུས་སོ། །མེས་མི་འཚིག་གོ། །ཆུས་མི་ཁྱེར་རོ། །རྒྱལ་པོའི་ཡིད་ཀྱིས་ཀྱང་འཕྲོག་པར་མི་ནུས་སོ། །དེའི་ལས་ཀྱི་མཐའ་རྒྱས་པར་འགྱུར་རོ། །དེའི་ལུས་ལ་ཆུའི་འཇིགས་པ་འབྱུང་བར་མི་འགྱུར་

106-1-219b

རོ། །རླུང་དང་ཆར་པའི་འཇིགས་པ་འབྱུང་བར་མི་འགྱུར་རོ། །ལན་བདུན་དུ་དོན་ཡོད་ཞགས་པའི་སྙིང་པོ་ཆུའམ་ཐལ་བ་ལ་ཡོངས་སུ་བསྔགས་ཏེ། ཕྱོགས་དང་མཚམས་དང་སྟེང་དང་འོག་གི་ཞིང་ལ་བཅིང་བ་བྱས་ན་ཉེ་བར་འཚེ་བ་
ཐམས་ཅད་ཉེ་བར་ཞི་བར་འགྱུར་རོ། །མདངས་ཟ་བས་མདངས་འཕྲོག་པར་མི་ནུས་སོ། །སེམས་ཅན་ཐམས་ཅད་དགའ་བར་འགྱུར་རོ། །དགྲ་ཡིས་འཇིགས་པ་བྱུང་བ་ཡང་མྱུར་དུ་ཞི་བར་འགྱུར་རོ། །མེ་ཡིས་འཇིགས་པར་མི་
འགྱུར་རོ། །ཁྱབ་པར་ན་བའི་འཇིགས་པ་དང་། མཁའ་འགྲོ་མའི་འཇིགས་པ་འབྱུང་བར་མི་འགྱུར་རོ། །ཉོན་མོངས་པ་དྲག་པོ་ཡང་འབྱུང་བར་མི་འགྱུར་རོ། །མེ་དང་ཆུ་དང་མཚོན་གྱིས་འཆི་བའི་དུས་བྱེད་པར་མི་འགྱུར་རོ། །
ལྷས་ཀྱང་རྒྱུན་དུ་ཉེ་བར་བསྲུང་བ་དང་། སྐྱོབ་པ་དང་། སྦེད་པར་བྱེད་པར་འགྱུར་རོ། །གང་དང་གང་དུ་སྐྱེས་པ་དེ་དང་དེ་རུ་བྱམས་པ་དང་། སྙིང་རྗེ་དང་། དགའ་བ་དང་། བཏང་སྙོམས་དང་འབྲལ་བར་མི་འགྱུར་རོ། །ཕན་ཡོན་ཉི་ཤུ་པོ་འདི་
དག་སོ་སོར་འདོད་པར་བྱའོ། །གཞན་ཡང་ཆོས་བརྒྱད་སོ་སོར་འཐོབ་སྟེ། བརྒྱད་པོ་གང་ཞེ་ན། འཆི་བའི་དུས་སུ་འཕགས་པ་སྤྱན་རས་གཟིགས་དབང་ཕྱུག་དགེ་སློང་གི་གཟུགས་ཀྱིས་ཞལ་ཡང་དག་པར་སྟོན་པར་འགྱུར་རོ། །
བདེ་བར་ཚེའི་དུས་བྱེད་པར་འགྱུར་རོ། །མཐོང་བ་འཁྲུལ་པ་མེད་དོ། །ལག་པ་གཡོབ་པ་མེད་དོ། །བཤང་བ་མེད་དོ། །གཅི་བ་མེད་དོ། །རླུང་གི་རྣམ་པ་མེད་དོ། །ཤིན་དུ་ལེགས་པར་གནས་ཤིང་དྲན་པ་དང་ལྡན་པར་འགྱུར་རོ། །ཁ་འོག་ཏུ་
བལྟས་ནས་ཚེའི་དུས་བྱེད་པར་མི་འགྱུར་རོ། །འཆི་བའི་དུས་སུ་ཉོན་མོངས་པ་མེད་པར་རབ་ཏུ་བརྗོད་པར་འགྱུར་རོ། །སངས་རྒྱས་ཀྱི་ཞིང་གང་དང་གང་དུ་སྨོན་ལམ་བཏབ་པ་དེ་དང་དེ་རུ་སྐྱེ་བར་འགྱུར་རོ། །དགེ་བའི་བཤེས་གཉེན་དང་འབྲལ་
བར་མི་འགྱུར་རོ། །ཉིན་རེ་ཞིང་དུས་གསུམ་དུ་ལན་གསུམ་དུ་བཀླག་པར་བྱའོ། །ཆང་དང་། ཤ་དང་། གཙོང་དང་། སྒོག་སྐྱ་དང་། བདེ་བྱེད་ལ་བྱིན་པའི་ལྷག་མ་ཁྱད་པར་དུ་བསྲུང་བར་འདོད་པས་དེ་རྣམས་སྤང་བར་བྱའོ། །དོན་ཡོད་

106-1-220a

ཞགས་པའི་སྙིང་པོ་ཞེས་བྱ་བའི་ཆོས་ཀྱི་རྣམ་གྲངས་འདི་སེམས་ཅན་རྣམས་ལ་ནུས་སམ་མི་ནུས་ཤེས་པར་བྱས་ལ་ཉན་དུ་གཞུག་པར་བྱའོ། །སློབ་དཔོན་གྱིས་སེར་སྣ་མི་བྱ་སྟེ། གང་གི་ཕྱིར་ཕྲག་དོག་དང་སེར་སྣའི་དྲི་མ་སྤངས་པ་ནི་བྱང་
ཆུབ་སེམས་དཔའ་ཡིན་ནོ། །སེམས་ཅན་གྱི་དོན་གྱི་ཆེད་དུ་སངས་རྒྱས་ཀྱི་བྱང་ཆུབ་ཐོབ་པར་བྱེད་པའི་ཕྱིར་བྱང་ཆུབ་སེམས་དཔའི་དགེ་འདུན་དུ་ཡང་འགྱུར་རོ། །ཤེས་རབ་ནི་བྱང་ཆུབ་ཏུ་བརྗོད་ལ་སེམས་དཔའ་ནི་ཐབས་ཏེ། དེ་གཉིས་དག་གིས་
སེམས་ཅན་གྱི་དོན་ཉིད་ཐོབ་པར་འགྱུར་རོ། །བཅོམ་ལྡན་འདས་གལ་ཏེ་ཆོས་འདི་རྗེས་སུ་ཟློས་ཤིང་སྙིང་པོ་འདི་དེ་བཞིན་གཤེགས་པའི་མདུན་དུ་རྗོད་པར་བྱེད་པ་ནི་འཁོར་བཞི་པོ་རྣམས་ལ་ཕན་པ་དང་བདེ་བའི་དོན་གྱི་ཕྱིར་དང་། སྡིག་པ་བྱེད་
པ་གཞན་རྣམས་ཀྱི་ཡང་ཕྱིར་རོ། །དེ་ནས་བཅོམ་ལྡན་འདས་ཀྱིས་བྱང་ཆུབ་སེམས་དཔའ་སེམས་དཔའ་ཆེན་པོ་འཕགས་པ་སྤྱན་རས་གཟིགས་དབང་ཕྱུག་ལ་བཀའ་སྩལ་པ། གང་འདི་དག་པའི་སེམས་ཅན་ལ་ཁྱོད་ཀྱིས་བསྟན་པའི་དུས་
ལ་བབ་སྟེ་དེ་བཞིན་གཤེགས་པས་ཀྱང་རྗེས་སུ་ཡི་རང་ངོ་། །ཕྱི་མའི་ཚེ་ཕྱི་མའི་དུས་ན་བྱང་ཆུབ་སེམས་དཔའ་རྣམས་ཀྱི་ཕའི་བྱ་བ་བྱེད་པར་འགྱུར་རོ། །དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་འཕགས་པ་སྤྱན་རས་
གཟིགས་དབང་ཕྱུག་སྤྱན་མི་འཛུམས་པར་གྱུར་པས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས་གསོན་ཅིག །སངས་རྒྱས་དང་བྱང་ཆུབ་སེམས་དཔའ་ཐམས་ཅད་ཀྱིས་ཕྱག་བྱས་པའི་རྣམ་པར་ཐར་པའི་དཀྱིལ་
འཁོར་འདི་སྐྱེ་བོ་མང་པོ་ལ་ཕན་པ་དང་། སྐྱེ་བོ་མང་པོ་ལ་བདེ་བ་དང་། འཇིག་རྟེན་ལ་རྗེས་སུ་བརྩེ་བ་དང་། སྐྱེ་དགུའི་ཚོགས་ཆེན་པོ་ལ་ཕན་པ་དང་བདེ་བ་དང་། རྣམ་པར་ཐར་བའི་དོན་གྱི་ཕྱིར་ཡང་ངོ་། །ན་མ་སྟྲཻ་ཡད་དྷྭ་ཨ་ནུ་ག་ཏ་ཕྲ་ཏིཥྛི་ཏེ་བྷྱཿ། 
སརྦ་བུད་དྷ་བོ་དྷི་ས་ཏྭེ་བྷྱཿ། ན་མཿཔྲ་ཏྱེ་ཀ་བུད་དྷཱ་ཨཱརྱ་ཤྲཱ་བ་ཀ་སྃ་གྷེ་བྷྱོ་ཨ་ཏཱི་ཏ་ཨ་ནཱ་ག་ཏ་པྲཏྱུད་པན་ནེ་བྷྱཿ། ན་མཿསཾ་མྱཀྒ་ཏཱ་ནཱཾ། ན་མཿསམམྱཀ་པྲ་ཏི་ཨུད་པན་ནཱ་ནཱྃ། །ན་མཿཤཱ་ར་དྭ་ཏཱི་པུ་ཏྲཱ་ཡ་མ་ཧཱ་མ་ཏ་ཡོ། ན་མ་ཨཱརྱ་མཻ་ཏྲེ་ཡ་

106-1-220b

པྲ་མུ་ཁེ་བྷྱོ་མ་ཧཱ་བོ་དྷི་ས་ཏྭེ་བྷྱཿ། ན་མ་སུ་པྲ་ཏིཥྛི་ཏ་ཤཻ་ལེན་དྲ་རཱ་ཛ་པྲ་མུ་ཁེ་བྷྱཿ། སརྦ་ཏ་ཐཱ་ག་ཏེ་བྷྱོ་྅ཁྵུཿ། སམ་མྱཀ་སམ་བུད་དྷེ་བྷྱོ་ན་མཿསུ་བརྞྞ་བརྞྞ་སུ་པྲ་ཏི་བྷཱ་བི་ནར་ཏི་ཏེ་ཤྭ་ར་རཱ་ཛཱ་ཡ་ཏ་ཐཱ་ག་ཏཱ་ཡ། ན་མཿསྃ་ཧ་བི་ཀྲཱི་ཌི་ཏ་རཱ་ཛཱ་ཡ་
ཏ་ཐཱ་ག་ཏཱ་ཡ། ན་མཿཨཱརྱ་ཨ་མི་ཏཱ་བྷཱ་ཡ་ཏ་ཐཱ་ག་ཏཱ་ཡ། ན་མཿསུ་པྲ་ཏིཥྛི་ཏ་མ་ཎི་ཀཱུ་ཊ་རཱ་ཛཱ་ཡ་ཏ་ཐཱ་ག་ཏཱ་ཡ། ན་མཿས་མན་ཏ་ར་སྨྱུད་ག་ཏ་ཤྲཱི་ཀཱུ་ཊ་རཱ་ཛཱ་ཡ། ཏ་ཐཱ་ག་ཏཱ་ཡ། ན་མོ་བི་པ་ཤྱི་ནེ་ཏ་ཐཱ་ག་ཏཱ་ཡ། ན་མཿཤི་ཁི་ནེ་ཏ་ཐཱ་ག་ཏཱ་ཡ། ན་མོ་བི་ཤྭ་བྷུ་བེ་
ཏ་ཐཱ་ག་ཏཱ་ཡ། ན་མཿཀྲ་ཀུཙྪ་ན་དཱ་ཡ། ཏ་ཐཱ་ག་ཏཱ་ཡ། ན་མཿཀ་ན་ཀ་མུ་ན་ཡེ་ཏ་ཐཱ་ག་ཏཱ་ཡ། ན་མཿཀཱ་ཤྱ་པཱ་ཡ་ཏ་ཐཱ་ག་ཏཱ་ཡ། ན་མཿཤཱཀྱ་མུ་ན་ཡེ་ཏ་ཐཱ་ག་ཏཱ་ཡཱ་ཨར་ཧ་ཏེ་སམྱཀ་སྃ་བུད་དྷཱ་ཡ། ཏདྱ་ཐཱ། ཨོཾ་མུ་ནེ་མུ་ནེ་མ་ཧཱ་མུ་ནེ་ཡེ་སྭཱ་ཧཱ། ཨོཾ་ས་མེ་ས་མེ་
མ་ཧཱ་ས་མེ་རཀྵ་རཀྵ་མཱྃ་སརྦ་ས་ཏྭཱྃ་ཤྩ་སརྦ་པཱ་པ་པྲ་ཤ་མ་ནེ་སྭཱ་ཧཱ། ན་མཿསུ་པ་རི་ཀཱིར་ཏི་ཏ་ནཱ་མ་དྷེ་ཡཱ་ཡ་ཏ་ཐཱ་ག་ཏཱ་ཡ། ན་མཿས་མན་ཏ་ཨ་ཝ་བྷཱ་ས་བི་ཛི་ཏ་སྃ་གྲཱ་མ་ཤྲི་ཡེ་ཏ་ཐཱ་ག་ཏཱ་ཡ། ན་མཿཨིན་དྲ་ཀེ་ཏཱུ་དྷྭ་ཛ་ཤི་ཡེ་ཏ་ཐཱ་ག་ཏཱ་ཡ། ན་མོ་རད་ན་པྲ་བྷཱ་
སེ་ཤྭ་ར་རཱ་ཛཱ་ཡ་ཏ་ཐཱ་ག་ཏཱ་ཡ། ན་མོ་ཨ་པྲ་ཏི་ཧ་ཏ་བྷཻ་ཥ་ཛྱ་རཱ་ཛཱ་ཡ། ཏ་ཐཱ་ག་ཏཱ་ཡ། ན་མོ་བི་ཀྲཱན་ཏ་གཱ་མི་ནེ་ཏ་ཐཱ་ག་ཏཱ་ཡ། ན་མོ་བུད་དྷཱ་ཡ། ན་མོ་དྷརྨཱ་ཡ། ན་མཿསྃ་གྷཱ་ཡ། ན་མོ་ཨ་ཏཱི་ཏ་ཨ་ནཱ་ག་ཏ་པྲ་ཏྱུད་པན་ནེ་བྷྱོ་བུད་དྷེ་བྷྱོ་བྷ་ག་བ་ཏེ་བྷྱ༔། །ཏདྱ་ཐཱ། 
སྨྲི་ཏི་བར་དྷ་མ་ཏི་བར་དྷ་ནི། ག་ཏི་བར་དྷ་ནི། དྷྲི་ཏི་བར་དྷ་ནི། པྲཛྙཱ་བར་དྷ་ནི། པྲ་ཏི་བྷཱན་བར་དྷ་ནི། དྷྱ་ན་བར་དྷ་ནི། ས་མསྠཱ་ཡ་བར་དྷ་ནི། བི་པ་ཤྱ་ནཱ་བར་དྷ་ནི། སརྦ་བོ་དྷི་པཀྵ་དྷརྨ་བར་དྷ་ནི། ས་ཀ་ལ་བུད་དྷ་དྷརྨ་པ་རི་པཱུ་ར་ཎཱི་ཡེ་སྭཱ་ཧཱ། ན་མོ་རད་ན་ཏྲ་
ཡཱ་ཡ། ན་མ་ཨཱརྱ་ཨ་ཝ་ལོ་ཀི་ཏེ་ཤྭ་རཱ་ཡ་བོ་དྷི་ས་ཏྭཱ་ཡ་མ་ཧཱ་ས་ཏྭཱ་ཡ་མ་ཧཱ་ཀཱ་རུ་ཎི་ཀཱ་ཡ། ན་མོ་མ་ཧསྠཱ་མ་པྲཱ་བ་ཧཱ་ཡ་བོ་དྷི་ས་ཏྭཱ་ཡ་མ་ཧཱ་སཏྭཱ་ཡ་མ་ཧཱ་ཀཱ་རུ་ཎི་ཀཱ་ཡ། ཨེ་བྷྱོ་ན་མ་སྐྲི་ཏྭཱ་ཨི་དམ་མཱ་ལོ་ཀི་ཏེ་ཤྭ་ར་མུ་ཁོ་རྞྞ་ཨ་མོ་གྷ་པཱ་ཤ་རཱ་ཛ་ནཱ་མ་
ཧྲི་ད་ཡྃ་ཏ་ཐཱ་ག་ཏཱ་སྃ་མུ་ཁྃ་བྷཱ་ཥི་ཏྃ་མ་ཧ་ཏཱྃ་པཪྵནྨ་ཨ་ཧ་མི་དཱ་ནཱི་མཱྃ་བར་ཧ་ཡི་སྟྱ་སིད་དྷྱན་ཏུ་མེ་མན་ཏྲ་པ་དཱཿསརྦ་ཀཱརྱཱ་ཎི། སརྦ་བྷ་ཡེ་བྷྱོ་མ་སརྦ་སཏྭཱ་ནཱཉྩ་རཀྵ་བྷ་བ་ཏུ། ཏདྱ་ཐཱ། ཨོཾ་ཙ་ར་ཙ་ར། ཙི་རི་ཙི་རི། ཙུ་རུ་ཙུ་རུ། མ་ར་མ་ར། མི་རི་མི་རི། 

106-1-221a

མུ་རུ་མུ་རུ། མ་ཧཱ་ཀཱ་རུ་ཎི་ཀ་སྭཱ་ཧཱ། །ཨོཾ་ས་ར་ས་ར། སི་རི་སི་རི། སུ་རུ་སུ་རུ། ཙུ་རུ་ཙུ་རུ། ཙི་རི་ཙི་རི། བི་རི་བི་རི། པི་རི་པི་རི། མི་རི་མི་རི། མ་ཧཱ་པད་མ་ཧསྟ་ཡ་སྭཱ་ཧཱ། ཨོཾ་ཀ་ལ་ཀ་ལ། ཀི་ལི་ཀི་ལི། ཀུ་ལུ་ཀུ་ལུ་སྭཱ་ཧཱ། མ་ཧཱ་ཤུད་དྷ་ས་
ཏྭཱ་ཡ་སྭཱ་ཧཱ། བུ་དྷྱ་བུ་དྷྱ། བོ་དྷ་བོ་དྷ། བོ་དྷི་བོ་དྷི། བོ་དྷ་ཡ་བོ་དྷ་ཡ། ཀ་ཎ་ཀ་ཎ། ཀི་ཎི་ཀི་ཎི། ཀུ་ཎུ་ཀུ་ཎུ། པ་ར་མ་ཤུད་དྷ་ས་ཏྭ་ཡ་སྭཱ་ཧཱ། ཀ་ར་ཀ་ར། ཀི་རི་ཀི་རི། ཀུ་རུ་ཀུ་རུ། མ་ཧཱ་སྠཱ་མ་པྲཱ་བ་ཏཱ་ཡ་སྭཱ་ཧཱ། ཨོཾ་ཙ་ལ་ཙ་ལ། སཉྩ་ལ་སཉྩ་ལ། བི་ཙ་ལ་བི་ཙ་ལ། 
ཨེ་ཊ་ཊ་ཨེ་ཊ་ཊ། བྷ་ར་བྷ་ར། བྷི་རི་བྷི་རི། བྷུ་རུ་བྷུ་རུ། ཏ་ར་ཏ་ར། ཏི་རི་ཏི་རི། ཏུ་རུ་ཏུ་རུ། ཨེ་ཧྱེ་ཧི་མ་ཧཱ་ཀཱ་རུ་ཎི་ཀཱ་སྭཱ་ཧཱ། མ་ཧཱ་པ་ཤུ་པ་ཏི་བེ་ཥ་དྷ་ར། དྷ་ར་དྷ་ར། དྷི་རི་དྷི་རི། དྷུ་རུ་དྷུ་རུ། ཏ་ར་ཏ་ར། ས་ར་ས་ར། ཙ་ར་ཙ་ར། པ་ར་པ་ར། བ་ར་བ་ར། མ་ར་མ་ར། ལ་ར་
ལ་ར། ཧ་ར་ཧ་ར། ཧཱ་ཧཱ་ཧཱི་ཧཱི་ཧཱུ་ཧཱུ། ཨོཾ་ཀཱ་ར་བྲཧྨ་བེ་ཥ་དྷ་ར། དྷ་ར་དྷ་ར། དྷི་རི་དྷི་རི། དྷུ་རུ་དྷུ་རུ། ཏ་ར་ཏ་ར། ས་ར་ས་ར། ཙ་ར་ཙ་ར། ན་ར་ན་ར། བ་ར་བ་ར། ཧ་ར་ཧ་ར། རཤྨི་ཤ་ཏ་ས་ཧཱ་སྲ་པྲ་ཏི་མཎ་ཌི་ཏ་ཤ་རཱི་ར། ཛྭ་ལ་ཛྭ་ལ། ཏ་པ་ཏ་པ། བྷཱ་ས་བྷཱ་ས། བྷྲ་མ་
བྷྲ་མ། བྷ་ག་ཝན་སོ་མ། ཨ་དི་ཏྱ། ཡ་མ། བ་རུ་ཎ་ཀུ་བེ་ར། བྲ་ནྡྲ། བཱ་ཡུ། ཨག་ནི།  དྷ་ན་དྷ།   དེ་བ། རི་ཥི་ག་ཎ་ཨ་བྷྱར་ཙི་ཏ་ཙ་ར་ཎ་སྭཱ་ཧཱ། །སུ་རུ་སུ་རུ། ཙུ་རུ་ཙུ་རུ། མུ་རུ་མུ་རུ། གྷུ་རུ་གྷུ་རུ། ས་ནད་ཀུ་མཱ་ར། རུ་དྲ། བཱ་ས་བ། བིཥྞུ། 
དྷ་ན་ད།  བཱ་ཡུ། ཨག་ནི།  རི་ཥི། ནཱ་ཡ་ཀ །བི་ནཱ་ཡ་ཀ་པ་ཧུ་བི་བི་དྷ་བེ་ཥ་དྷ་ར། ཨོཾ་དྷ་ར་དྷ་ར། དྷི་རི་དྷི་རི། དྷུ་རུ་དྷུ་རུ། ཏ་ར་ཏ་ར། ཐ་ར་ཐ་ར། གྷ་ར་གྷ་ར། ཡ་ར་ཡ་ར། ལ་ར་ལ་ར། ཧ་ར་ཧ་ར། པ་ར་པ་ར། ས་ར་ས་ར། བ་ར་བ་ར། བ་ར་དཱ་ཡ་ཀ་
སྭཱ་ཧཱ། །ས་མན་ཏ་ཨ་ཝ་ལོ་ཀི་ཏ། བི་ལོ་ཀི་ཏ། ལོ་ཀི་ཤྭ་ར། མ་ཧེ་ཤྭ་ར། ཏྲི་བྷུ་བ་ནེ་ཤྭ་ར། སརྦ་གུ་ཎ་ས་ཨ་ལྃ་ཀྲི་ཏ་ཨ་ཝ་ལོ་ཀི་ཏེ་ཤྭ་ར། མུ་ཧུ་མུ་ཧུ། མུ་རུ་མུ་རུ། མུ་ཡ་མུ་ཡ། མུཉྩ་མུཉྩ། རཀྵ་རཀྵ་མཱྃ་སརྦ་སཏྭཱྃ་ཤྩ། སརྦ་བྷ་
ཡེ་བྷྱཿ། སརྦོ་པ་དྲ་བེ་བྷྱཿ། སརྦོ་པ་སརྒེ་བྷྱཿ། སརྦ་གྲ་ཧེ་བྷྱཿ། སརྦ་བྱཱ་དྷི་བྷྱཿ། སརྦ་བི་ཥེ་བྷྱཿ། སརྦ་ཛྭ་རེ་བྷྱཿ། ཨེ་བྃ། བན་དྷ་བན་དྷ་ན། ཏཱ་ཊ་ན། ཏརྫ་ན། རཱ་ཛ། ཏ་སྐ་ར། ཨག་ནི། ཨུ་ཏ་ཀ །བི་ཥ། ཤསྟྲ་པ་རི་མོ་ཙ་ཀ་སྭཱ་ཧཱ། ཀ་ཎ་ཀ་ཎ། 

106-1-221b

ཀི་ཎི་ཀི་ཎི། ཀུ་ཎུ་ཀུ་ཎུ། ཙ་ར་ཙ་ར། ཙི་རི་ཙི་རི། ཙུ་རུ་ཙུ་རུ། ཨིན་དྲི་ཡ། བ་ལ། བོ་དྷྱཱཾ་ག །ཙ་ཏུ་ར་ཨརྱ་སཏྱ་སྃ་པྲ་ཀཱ་ཤ་ཀ །ཏ་པ་ཏ་པ། ཏ་མ་ཏ་མ། ད་མ་ད་མ། ས་མ་ས་མ། མ་ས་མ་ས། དྷ་མ་དྷ་མ། མ་ཧཱ་ཀཱ་རུ་ཎི་ཀ །མ་ཧཱ་ཏ་མོ་ཨན་དྷ་ཀ་ར་བི་དྷ་མ་ན། 
ཥ་ཊ་པཱ་ར་མི་ཏཱ་པ་རི་པཱུ་ར་ཀ ། མ་ལ་མ་ལ། མི་ལི་མི་ལི། མུ་ལུ་མུ་ལུ། ཊ་ཊ་ཊ་ཊ། ཋ་ཋ་ཋ་ཋ། ཊི་ཊི་ཊི་ཊི། ཊུ་ཊུ་ཊུ་ཊུ། ཋི་ཋི་ཋི་ཋི། ཋུ་ཋུ་ཋུ་ཋུ། ཨེ་ནེ་ཡ་ཙརྨྨ་ཀྲི་ཏ་པ་རི་ཀ་ར། ཨེ་ཧྱེ་ཧི་མ་ཧཱ་ཀཱ་རུ་ཎི་ཀ །ཨི་ཤྭ་ར། མ་ཧེ་ཤྭ་ར། མ་ཧཱ་བྷཱུ་ཏ་ག་ཎ་སྃ་བྷ྅ཛ་
ཀ །ཀ་ར་ཀ་ར། ཀི་རི་ཀི་རི། ཀུ་རུ་ཀུ་རུ། པ་ར་པ་ར། ཧ་ར་ཧ་ར། བ་ར་བ་ར། ས་ར་ས་ར། ཀ་ར་ཀ་ར། ཀ་ཊ་ཀ་ཊ། ཀི་ཊི་ཀི་ཊི། ཀུ་ཊུ་ཀུ་ཊུ། མ་ཊ་མ་ཊ། མ་ཧཱ་བི་ཤུད་དྷ་བི་ཥ་ཡ་ནི་བཱ་སི་ན།  མ་ཧཱ་ཀཱ་རུ་ཎི་ཀ་ཤྭེ་ཏ་ཡ་པ་བཱི་ཏ། རད་ན་མ་ཀུ་ཊ། མཱ་ལཱ་དྷ་ར། 
སརྦ་ཛྙཱ་སི་ར་སི་ཀྲི་ཏ་ཛ་ཏཱ་མུ་ཀུ་ཊ། མ་ཧཱ་ཨད་བྷུ་ཉ།  ཀ་མ་ལ། ཨ་ལྃ་ཀྲི་ཏ་ཀ་ལ་ཏ་ལ། དྷྱཱ་ན། ས་མཱ་དྷི། བི་མོ་ཀྵཱ་ཨ་པྲ་ཀ་མ་པྱ། བ་ཧུ་སཏྭ་སན་ཏ་ཏི་པ་རི་པཱ་ཙ་ཀ །མ་ཧཱ་ཀཱ་རུ་ཎི་ཀ་སརྦ་ཀརྨ་ཨ་ཝ་ར་ཎ་བི་ཤོ་དྷ་ཀ །སརྦ་ཛྙཱ་ཛྙཱ་ན་པ་རི་པཱུ་ར་ཀ །སརྦ་
བྱཱ་དྷི་པ་རི་མོ་ཙ་ཀ །སརྦ་སྭ་ཏྭ་ཨ་ཤཱ་པ་རི་པཱུ་ར་ཀ །སརྦ་སཏྭ་ས་མཱ་ཤྭཱ་ཨ་ས་ཆ་ཀ་ར་ན་མོ་སྟུ་ཏེ་སྭཱ་ཧཱ། །ཨ་མོ་གྷཱ་ཡ་སྭཱ་ཧཱ། །ཨ་མོ་གྷ་པཱ་ཤཱ་ཡ་སྭཱ་ཧཱ། ཨ་ཛི་ཏཱ་ཡ་སྭཱ་ཧཱ། ཨ་པ་རཱ་ཛི་ཏཱ་ཡ་སྭཱ་ཧཱ། ཨ་མི་ཏཱ་བྷཱ་ཡ་སྭཱ་ཧཱ། །ཨ་མི་ཏཱ་ཨ་བྷ་སུ་ཏཱ་ཡ་
སྭཱ་ཧཱ། མཱ་ར་སཻ་ན་ཡ་པྲ་མརྡ་ནཱ་ཡ་སྭཱ་ཧཱ། ཨ་བྷ་ཡ་པྲ་དཱ་ཡ་སྭཱ་ཧཱ། ཛ་ཡཱ་ཡ་སྭཱ་ཧཱ། བི་ཛ་ཡཱ་ཡ་སྭཱ་ཧཱ། ཛ་ཡ་བི་ཛ་ཡཱ་ཡ་སྭཱ་ཧཱ། བ་ར་དཱ་ཡ་སྭཱ་ཧཱ། བ་ར་པྲ་དཱ་ཡ་སྭཱ་ཧཱ། ཨ་ཀཱ་ལ་མྲི་ཏྱུ་པྲ་ཤ་མ་ནཱ་ཡ་སྭཱ་ཧཱ། ཨི་དཉྩ་མེ་ཀརྨ་ཀུ་རུ་ན་མོ་སྟུ་ཏེ་
སྭཱ་ཧཱ། ཨོཾ་ར་ཎ་ར་ཎ་ཧཱུྃ་ཕཊ་སྭཱ་ཧཱ། ཨོཾ་ཛ་ཡ་ཧཱུྃ་ཕཊ་སྭཱ་ཧཱ། ཨོཾ་ཛྲ་ཛྲི་ཛཱུ་སྭཱ་ཧཱ། ཧཱུཾ་ཛ་ཡ་སྭཱ་ཧཱ། ཨོཾ་ཧྲཱིཿཏྲཻ་ལོ་ཀྱ་བི་ཛ་ཡ་ཨ་མོ་གྷ་པཱ་ཤ་ཨ་པྲ་ཏི་ཧ་ཏ་ཧྲཱིཿཧཿཧཱུཾ་ཕཊ་སྭཱ་ཧཱ། །ཨོཾ་པ་སུ་མ་ཏི་སྭཱ་ཧཱ། ཨོཾ་ཨཱ་རོ་ལི་ཀ་སྭཱ་ཧཱ། ཨོཾ་བ་ཧུ་ལེ་བ་ཧུ་ལེ་སྭཱ་ཧཱ། ཨོཾ་ཨཱ་རོ་
ལི་ཀ་ཧྲཱིཿཧྲཱིཿཧཱུཾ་ཕཊ་སྭཱ་ཧཱ། ནི་ཡ་ཏ་ཨ་ནི་ཡ་ཏ་བེ་ད་ནཱི་ཡ་ཨ་སཱུ་བྷ་སྱ་མེ་བྷ་ག་ཝཱན་ཀརྨ་ནོ་ཨ་ཤེ་ཥ་ཏཿཀྵ་ཡྃ་ཀུ་རུ་སྭཱ་ཧཱ། ཨོཾ་པད་མ་ཧསྟཱ་ཡ་སྭཱ་ཧཱ། ཨྃ་བུད་དྷ་དྷརྨ་སྃ་གྷཱ་ཡ་སྭཱ་ཧཱ། བཀླགས་པས་ལས་ཐམས་ཅད་འགྲུབ་པ་ཡིན་ནོ། །དུས་

106-1-222a

གསུམ་དུ་བཟླས་ན་མཚམས་མེད་པ་ལྔ་རྣམ་པར་དག་པར་འགྱུར་རོ། །ལས་ཀྱི་སྒྲིབ་པ་ཐམས་ཅད་རྣམ་པར་དག་པར་འགྱུར་རོ། །ཨ་ག་རུའི་བདུག་སྤོས་དང་། ཐལ་བ་དང་། ཆུ་དང་། ཡུངས་ཀར་དང་། སེང་ལྡེང་གི་ཕུར་བུ་ལ་
སོགས་པས་མཚམས་བཅིང་ངོ་། །རིམས་ཐམས་ཅད་ལ་བསྲུང་སྐུད་བཅིང་བར་བྱའོ། །ནད་ཐམས་ཅད་ལ་མར་རམ། མར་ནག་གམ། ཆུ་ལ་ཡོངས་སུ་བཟླས་ཏེ་སྦྱིན་པར་བྱའོ། །ལུས་ལ་ཁྱབ་པའི་ནད་ལ་མཚོན་ཆས་གཅད་ཅིང་བསྲུང་
སྐུད་ཀྱང་བྱའོ། །ལྟོ་བ་ན་བ་ལ་ཚྭ་ཆུས་ཉམས་པར་བྱེད་པའམ། འཇིམ་བག་གམ། ཆུས་ཀྱང་བྱའོ། །མིག་གི་ནད་ལ་སྐུད་པ་དཀར་པོ་རྣ་བ་ལ་བཅིང་བར་བྱའོ། །སོའི་ནད་ལ་ཀ་ར་བིཾ་རའི་སོ་ཤིང་གིས་སོ། །མཚམས་བཅིང་བ་ལ་ཚོན་
སྣ་ལྔའི་སྐུད་པ་ལ་ལན་ཉི་ཤུ་རྩ་གཅིག་གི་བར་དུ་ཡོངས་སུ་བཟླས་ནས་སེང་ལྡེང་གི་ཕུར་བུ་བཞི་ལ་བཅིངས་ཏེ་ཕྱོགས་བཞིར་གདབ་པ་བྱས་ན་མཚམས་བཅིངས་པ་ཡིན་ནོ། །ཐམས་ཅད་དུ་བསྲུང་སྐུད་དམ། ཆུའམ། ཐལ་བས་བྱའོ། །
གཟའ་ཐམས་ཅད་ལ་ཚོན་སྣ་ལྔའི་སྐུད་པས་བྱའོ། །རིམས་ཐམས་ཅད་ལ་སྐུད་པ་དཀར་པོས་བྱའོ། །སྦྲུལ་དང་སྲིན་བུ་དང་བ་སྤུ་བྱི་བ་དང་ལྷོག་པ་དང་གྲེ་བ་འགགས་པ་རྣམས་ལ་སྦྲང་རྩི་པི་པི་ལིང་དང་ལྡན་པས་བྱའོ། །མིག་གི་ནད་ལ་དྲི་
ཞིམ་པོའི་ཆུའམ། རྒྱ་སྐྱེགས་ཀྱི་ཆུའམ། སྦྲང་རྩིའམ། ཤིང་མངར་གྱིས་བྱའོ། །རྩོད་པའི་དུས་ཐམས་ཅད་དུ་རྩོད་པ་དང་མི་སྙན་པར་བརྗོད་པ་ལ་ཆུ་ལ་ཡོངས་སུ་བཟླས་ཏེ་གདོང་བཀྲུ་བར་བྱའོ། །ཡུལ་གཞན་གྱི་རྒྱལ་པོའི་འཚེ་བ་
ལ་ཡུལ་འཁོར་དུ་བུམ་པ་གང་བ་ཡང་དག་པར་བཞག་ནས་གཙང་མས་གོས་གཙང་མ་གྱོན་ཏེ་མཆོད་པ་ཆེན་པོ་བྱས་ཤིང་བཀླགས་ན་ཞི་བ་ཆེན་པོར་འགྱུར་རོ། །དེའི་ཆུས་ཀྱང་གཏོར་བར་བྱས་ན་སེམས་ཅན་ཐམས་ཅད་བསྲུང་བ་ཡིན་
ནོ། །ཉེ་བར་འཚེ་བ་ཐམས་ཅད་དང་། ཡམས་རྣམས་ཞི་བ་ཡིན་ནོ། །ཕྱག་རྒྱ་ཙན་དན་གྱི་ཐིག་ལེ་ལ་ལན་ཉི་ཤུ་རྩ་གཅིག་གི་བར་དུ་ཡོངས་སུ་བཟླས་ན་མཚམས་མེད་པ་ཐམས་ཅད་ཟད་པར་བྱེད་དོ། །རྟག་ཏུ་བཟླས་ན་ཁྱིམ་བསྲུང་བའོ། །

106-1-222b

པད་མའི་སྦྱིན་བསྲེག་གིས་སེམས་ཅན་ཐམས་ཅད་ཀྱི་བསྲུང་བའོ། །ཙན་དན་གྱི་སྦྱིན་བསྲེག་གིས་གཟའ་དང་འབྱུང་པོ་དང་རྒྱུ་སྐར་ཐམས་ཅད་ལས་བསྲུང་བའོ། །རྒྱལ་བ་དང་རྣམ་པར་རྒྱལ་བ་དང་གཞན་གྱིས་མི་ཐུབ་པ་དང་ན་གུ་ལི་དང་
དྲིའི་ན་གུ་ལི་དང་དྷ་ར་ནི་དང་མི་འཇིགས་པའི་ལག་པ་དང་དབང་པོའི་ལག་པ་དང་། དྲིའི་ཕྲི་ཡང་ཀུ་དང་ཏ་ཀ་ར་དང་འཁོར་ལོ་དང་འཁོར་ལོ་ཆེན་པོ་དང་རྣམ་པར་གནོན་པ་དང་སོ་མ་རཱ་ཛི་དང་སུ་ནད་ཏ་ཞེས་བྱ་བ་སྟེ། དེ་དག་གང་ཡང་རུང་བ་ལ་བརྒྱ་རྩ་བརྒྱད་ཀྱི་བར་
དུ་ཡོངས་སུ་བཟླས་ནས་ནོར་བུ་ལྟ་བུར་བྱས་ནས་མགོ་བོ་དང་དཔུང་པ་ལ་བཅིང་བར་བྱའོ། །བྱིས་པ་རྣམས་ཀྱི་ནི་མགུལ་དུའོ། །བུད་མེད་རྣམས་ཀྱི་འདོམས་སུ་བཅངས་ན་རང་ཉིད་མཆོག་ཏུ་སྐལ་བ་དང་ལྡན་པར་བྱེད་དོ། །གཡང་མེད་པ་ཉམས་
ནས་བུ་ཡང་སྟེར་རོ། །ནོར་བུ་འདི་བཅངས་པས་ཐམས་ཅད་དུ་བསྲུང་བ་བྱས་པ་ཡིན་ནོ། །དུག་དང་མེས་མི་ཚུགས་སོ། །དུག་གིས་བྱས་པ་ཡང་སྐྱེ་བར་མི་འགྱུར་རོ། །ནད་བྱུང་བ་ཡང་མི་སྐྱེ་ཞིང་མྱུར་དུ་ཞི་བར་འགྱུར་རོ། །གཟའ་རབ་ཏུ་ཞི་བར་
འགྱུར་རོ། །རླུང་དང་སྤྲིན་དང་ཐོག་ནི་ཆུས་རེངས་པར་བྱེད་དོ། །ཀ་ར་བི་རའི་ལྕུག་མས་ནི་ལས་ཐམས་ཅད་བྱེད་དོ། །འཕགས་པ་སྤྱན་རས་གཟིགས་དབང་ཕྱུག་གི་སྙིང་པོ་མཆོག་ཏུ་གྲུབ་པ་འདིས་མ་བསྒྲུབས་པར་ཡང་ལས་འདི་རྣམས་བྱེད་
དོ། །དེ་ནས་བསྒྲུབ་པར་འདོད་ན་ཐང་སྐུའི་ཆོ་ག་ནི་ཚོན་སྣ་མ་ལུས་པས་སངས་རྒྱས་ཀྱི་སྐུ་གཟུགས་མཉམ་པར་བྲི་བར་བྱ་སྟེ། འཕགས་པ་སྤྱན་རས་གཟིགས་དབང་ཕྱུག་རལ་པའི་གཅོད་པན་འཆང་བ་རི་དགས་ཀྱི་ལྤགས་པས་སྨད་
དཀྲིས་བྱས་ཤིང་ཕྱུགས་བདག་གི་ཆ་ལུགས་འཆང་བརྒྱན་ཐམས་ཅད་ཀྱིས་བརྒྱན་པ་བྱའོ། །ལྷ་བཟོ་མཁན་གསོ་སྦྱོང་དང་ལྡན་པས་རི་མོ་བྲི་བར་བྱའོ། །དེ་ནས་སྒྲུབ་པ་པོས་སྐུ་གཟུགས་དེའི་མདུན་དུ་བ་ལང་གི་ལྕི་བས་དཀྱིལ་འཁོར་
བྱས་ལ་མེ་ཏོག་དཀར་པོ་བཀྲམ་སྟེ། དྲི་ཞིམ་པོའི་ཆུས་བཀང་བའི་བུམ་པ་བརྒྱད་གཞག་པར་བྱའོ། །ཉེ་བར་སྤྱོད་པ་བརྒྱད་དང་། ཉེ་བར་མཁོ་བ་དྲུག་བཅུ་རྩ་བཞི་དང་། ཁྲག་མེད་པའི་གཏོར་མ་ཤ་དང་བཅས་པ་བྱའོ། །ཨ་ཀ་རུའི་བདུག་སྤོས་བསྲེགས་ལ་

106-1-223a

རིག་པ་སྟོང་ཕྲག་བརྒྱད་བཟླས་པར་བྱའོ། །ཉིན་ཞག་གཅིག་ཏུ་བསྙུང་བར་གནས་པའམ། དཀར་གསུམ་ཟ་ཞིང་། དུས་གསུམ་དུ་ཁྲུས་བྱས་ནས་གོས་གཙང་མ་གྱོན་པར་གྱུར་པས་བཟླས་པ་བྱའོ། །དེ་ནས་སྐུ་གཟུགས་ཀྱི་
མདུན་དུ་རང་ཉིད་བྲིས་པ་བལྟས་ཏེ་དེ་མཐོང་བས་དགའ་བར་འགྱུར་རོ། །ཇི་སྲིད་དུ་འཕགས་པ་སྤྱན་རས་གཟིགས་དབང་ཕྱུག་བྱོན་ཏེ་བསམ་པ་ཐམས་ཅད་ཡོངས་སུ་རྫོགས་པར་བྱེད་དོ། །ལྡོང་རོས་སམ་མིག་སྨན་ལ་ཡོངས་སུ་བཟླས་ཏེ་མིག་ལ་
བསྐུས་ན་དེ་ནས་མི་སྣང་བར་འགྱུར་ཞིང་ནམ་མཁའ་ལ་འགྲོ་བར་འགྱུར་རོ། །ཡང་དག་པར་རྨོངས་པ་མེད་པའི་ཚོགས་ཤེས་བྱ་བའི་ཏིང་ངེ་འཛིན་རབ་ཏུ་འཐོབ་བོ། །སྒྲུབ་པ་པོ་གང་འདོད་པ་དེ་འདིས་བྱེད་དོ་ཞེས་བྱའོ། །བཅོམ་ལྡན་འདས་ཀྱིས་
དེ་སྐད་ཅེས་བཀའ་སྩལ་པ་དང་། བྱང་ཆུབ་སེམས་དཔའ་སེམས་དཔའ་ཆེན་པོ་འཕགས་པ་སྤྱན་རས་གཟིགས་དབང་ཕྱུག་དང་། དགེ་སློང་དེ་དག་དང་། བྱང་ཆུབ་སེམས་དཔའ་དེ་དག་དང་། གནས་གཙང་མའི་རིས་ཀྱི་ལྷའི་བུ་དེ་དག་དང་། 
ལྷ་དང་། མི་དང་། ལྷ་མ་ཡིན་དང་། དྲི་ཟར་བཅས་པའི་འཇིག་རྟེན་ཡི་རངས་ཏེ། བཅོམ་ལྡན་འདས་ཀྱིས་གསུངས་པ་ལ་མངོན་བར་བསྟོད་དོ། །འཕགས་པ་དོན་ཡོད་ཞགས་པའི་སྙིང་པོ་ཞེས་བྱ་བ་ཐེག་པ་ཆེན་པོའི་མདོ།  རྫོགས་སྷོ།། །།
རྒྱ་གར་གྱི་མཁན་པོ་ཨ་མོ་གྷ་བཛྲ་དང་། བོད་ཀྱི་ལོ་ཙྪ་བ་བ་རི་རིན་ཆེན་གྲགས་པས་བསྒྱུར་ཅིང་ཞུས་ཏེ་གཏན་ལ་ཕབ་པའོ། །སྐར་ཞུས།། ༄༅།  །རྒྱ་གར་སྐད་དུ།  ད་ཤ་བྷཱུ་མི་དྷཱ་ར་ཎཱི། བོད་སྐད་དུ།  ས་བཅུ་པའི་གཟུངས། སངས་རྒྱས་དང་། བྱང་ཆུབ་སེམས་
དཔའ་ཐམས་ཅད་ལ་ཕྱག་འཚལ་ལོ། །དེ་ནས་གསང་སྔགས་ལ་འཇུག་པ་རྣམས་ཀྱིས་དགོས་པ་ཐམས་ཅད་སོ་སོར་བསྒྲུབ་པར་འགྱུར་བ་ནི། ཨོཾ་ཞེས་བྱ་བ་དོན་ཡོད་ཞགས་པ་པད་མ་གཙུག་ཏོར་གྱི་དཀྱིལ་འཁོར་ཐམས་ཅད་དུ་གསང་
སྔགས་ཡི་གེ་གཅིག་པོ་འཇིག་རྟེན་མགོན་པོའི་སྤྱན་སྔར་འབུམ་དྲན་པར་བྱས་ནས་དང་པོ་ལ་གནས་པར་འགྱུར་རོ། །སྔོན་སྡིག་པ་བསགས་པའི་སེམས་ཅན་དམྱལ་བ་མི་བཟད་པ་གང་ཅི་ཡང་རུང་བ་དེ་དག་ཐམས་ཅད་ཇི་ལྟར་རླུང་

106-1-223b

གིས་ཕྱག་དར་གཏོར་བ་བཞིན་འཇིག་པར་འགྱུར་རོ། །དངོས་གྲུབ་ཐམས་ཅད་ཐོབ་པར་འགྱུར། དོན་ཐམས་ཅད་རྗེས་སུ་འཇུག་པར་འགྱུར། དེ་བཞིན་གཤེགས་པ་ཐམས་ཅད་དང་། གང་དཀྱིལ་འཁོར་གྱི་ལྷ་གཞན་ཡང་དགྱེས་པར་
འགྱུར་ལ། འཕགས་པ་སྤྱན་རས་གཟིགས་དབང་ཕྱུག་རྟག་ཏུ་མཆོག་སྦྱིན་པར་མཛད་དོ། །གསང་སྔགས་ཨོཾ་ཞེས་བྱ་བ་དྲན་ནས་ཚེ་འཕོས་པ་ནི་འཇིག་རྟེན་གྱི་ཁམས་བདེ་བ་ཅན་དུ་འགྲོ་བར་འགྱུར་རོ། །གསང་སྔགས་ཡི་གེ་
གཅིག་པའོ། །ཨོཾ་བྷུཿ། ཡི་གེ་གཉིས་པ་འབུམ་བཟླས་བརྗོད་བྱས་ན་ས་གཉིས་པའི་ཡོན་ཏན་ཐོབ་པར་འགྱུར་རོ། །དེ་བཞིན་གཤེགས་པ་སྣང་བ་མཐའ་ཡས་ཀྱི་སྤྱན་སྔ་ན་འདུག་པར་འགྱུར་ཞིང་མཆོག་ཐམས་ཅད་རྗེས་སུ་
སྦྱིན་པར་མཛད་དོ། །སྡིག་པ་ཐམས་ཅད་ཀྱང་རྣམ་པར་དག་པར་མཛད། སྔོན་གྱི་ལས་ངན་གྱི་ནད་ཀྱང་སོས་པར་འགྱུར། ནོར་གྱི་དབང་ཕྱུག་ནོར་བུ་བཟང་པོའི་བུ་དབང་དུ་འགྱུར་ཞིང་ཉེ་བར་གནས་པར་འགྱུར་རོ། །མི་གང་གིས་ཀྱང་ཕྱིར་
ཞིང་བར་ཆད་བྱེད་ནུས་པར་མི་འགྱུར། ཚེ་འཕོས་ནས་ཀྱང་རི་གྲུ་འཛིན་དུ་སྐྱེ་བར་འགྱུར། དོན་ཡོད་ཞགས་པའི་དངོས་གྲུབ་ཀྱང་ཐོབ་པར་འགྱུར་རོ། །ཡི་གེ་གཉིས་པའོ། །ཨོཾ་པད་མེ། གསང་སྔགས་ཡི་གེ་གསུམ་པ་འབུམ་བཟླས་
བརྗོད་བྱས་ན་ས་གསུམ་པ་ལ་ཡང་དག་པར་འཇུག་པར་འགྱུར། པད་མ་ཡངས་པའི་དཀྱིལ་འཁོར་གྱི་ཕྱག་རྒྱ་དང་གསང་སྔགས་གང་ཡིན་པ་ཐམས་ཅད་ལ་ཞུགས་པར་འགྱུར། འཕགས་པ་སྤྱན་རས་གཟིགས་དབང་ཕྱུག་གཞོན་ནུའི་
ཆ་བྱད་ཅན་མདུན་ན་བཞུགས་པར་འགྱུར་རོ། །འདོད་པ་ཐམས་ཅད་ཀྱི་མཆོག་རྗེས་སུ་སྦྱིན་པར་མཛད་དོ། །དོན་ཡོད་ཞགས་པའི་པད་མ་གཙུག་ཏོར་གྱི་དཀྱིལ་འཁོར་སྟོན་པར་མཛད། དེ་བཞིན་གཤེགས་པ་ཐམས་ཅད་ཀྱི་གསང་བའི་དཀྱིལ་
འཁོར་རྣམས་སྟོན་པར་མཛད། ཐམས་ཅད་དུ་དངོས་གྲུབ་རྗེས་སུ་སྦྱིན་པར་མཛད་དོ། །ཡི་གེ་གསུམ་པའོ། །ཨོཾ་པད་མ་ཧྲི། གསང་སྔགས་ཡི་གེ་བཞི་པ་འབུམ་བཟླས་བརྗོད་བྱས་ན་ས་བཞི་པ་ལ་འཇུག་པར་འགྱུར་རོ། །འཕགས་པ་དེ་བཞིན་

106-1-224a

གཤེགས་པ་མི་འཁྲུགས་པ་སྐུ་མདོག་གསེར་གྱི་ཁ་དོག་ཅན་མདུན་ན་བཞུགས་ཤིང་དཔུང་པ་བརྐྱང་ནས་ཕྱག་སྤྱི་བོར་འཇོག་པར་མཛད་ལ། རིག་སྔགས་འཆང་ལ་ལེགས་སོ་ཞེས་བྱ་བ་རྗེས་སུ་སྦྱིན་པར་མཛད་དེ། རིག་སྔགས་
འཆང་ཚུར་ཤོག་ཁྱོད་ཀྱི་སྡིག་པ་དང་སྒྲིབ་པ་ཐམས་ཅད་ཡོངས་སུ་དག་སྟེ། རང་གི་ངོ་བོ་ཐམས་ཅད་ཤིན་ཏུ་དྲི་མ་མེད་པར་ཡོངས་སུ་དག་གོ། །མིའི་འཇིག་རྟེན་འདི་ནས་ཚེ་འཕོས་ནས་ངའི་སངས་རྒྱས་ཀྱི་ཞིང་དུ་འོང་ཞིང་ཚེ་རབས་དྲན་པར་འགྱུར་རོ། །
ཕྱིར་ཞིང་ནམས་ཀྱང་མངལ་ན་གནས་པས་གོས་པར་མི་འགྱུར། འཇིག་རྟེན་པའི་དགོས་པ་ཐམས་ཅད་འགྲུབ་པར་འགྱུར་རོ། །ས་བཞི་པའོ། །ཨོཾ་པད་མ་བྷུ་ཛེ། གསང་སྔགས་ཡི་གེ་ལྔ་པ་འབུམ་བཟླས་བརྗོད་བྱས་ན་ས་ལྔ་པ་ལ་གནས་པར་
འགྱུར་རོ། །དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་པད་མའི་བླ་མ་རབ་ཏུ་སྟོན་པར་མཛད་དོ། །སྒྲིབ་པ་ཐམས་ཅད་ཡོངས་སུ་ཟད་པར་འགྱུར་རོ། །རིག་སྔགས་འཆང་ལ་ལེགས་སོ་ཞེས་བྱ་བའི་སྒྲ་སྦྱིན་པར་འགྱུར་ཏེ། 
རིག་སྔགས་འཆང་ལེགས་སོ་ལེགས་སོ། །ཁྱོད་ལ་བསོད་ནམས་ཀྱི་ཕུང་པོ་ཆེན་པོ་སྐྱེས་ཏེ། རིག་སྔགས་འཆང་ཁྱོད་དགེ་བའི་རྩ་བ་ཆེན་པོ་བསྐྱེད་པས་རིག་སྔགས་འཆང་ཁྱོད་ཚེ་འཕོས་ནས་དེ་བཞིན་གཤེགས་པ་བྱེ་བ་ཁྲག་ཁྲིག་དགུ་
བཅུ་རྩ་གཉིས་ཀྱི་དྲུང་དུ་དགེ་བའི་རྩ་བ་མཚུངས་པ་མེད་པར་སྐྱེད་པར་འགྱུར་ཞིང་། ངའི་སངས་རྒྱས་ཀྱི་ཞིང་དུ་སྐྱེ་བར་འགྱུར། ཁྱོད་ཀྱིས་དོན་ཡོད་ཞགས་པའི་པད་མའི་གཙུག་ཏོར་གྱི་སྙིང་པོ་དང་། གསང་བའི་དཀྱིལ་འཁོར་དང་། ཕྱག་རྒྱ་ཆེན་པོ་
འི་རིམ་པར་ཕྱེ་བ་འགྲུབ་ཅིང་། རིག་སྔགས་འཆང་ཁྱོད་སྡིག་པ་དང་སྒྲིབ་པ་ཐམས་ཅད་སྤངས་ཀྱིས་བྱ་བ་ཐམས་ཅད་གྱིས་ཤིག །ཡིད་ལ་བྱ་བའི་བསྒྲུབ་པ་ཐམས་ཅད་ཇི་ལྟར་འདོད་པ་བཞིན་དུ་དེ་དག་ཐམས་ཅད་ཤིན་དུ་གྲུབ་པར་འགྱུར་རོ། །
ས་ལྔ་པའོ། །ཨོཾ་པད་མ་ལོ་ཀི་ཏེ། གཟུངས་སྔགས་དྲུག་པ་འབུམ་བཟླས་བརྗོད་བྱས་ན་ས་དྲུག་པ་འཐོབ་སྟེ་འཇུག་པར་འགྱུར། དེ་བཞིན་གཤེགས་པ་ཐམས་ཅད་སྣང་བར་མཛད་པར་འགྱུར། སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་ཀྱི་རྡུལ་

106-1-224b

ཕྲ་མོ་སྙེད་ཀྱིས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རྣམས་གཟིགས་ཤིང་མངོན་སུམ་དུ་སྟོན་པར་མཛད། དབུགས་འབྱིན་པར་མཛད་དོ། །དེ་ནས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་
སངས་རྒྱས་པད་མ་གཟིགས་པའི་རྒྱལ་མཚན་དེས་རིག་སྔགས་འཆང་དེ་ལ་ཡང་དག་པར་དབུགས་འབྱིན་པར་མཛད་དེ། རིག་སྔགས་འཆང་ཁྱོད་ངའི་སངས་རྒྱས་ཀྱི་ཞིང་ནས་བྱང་ཆུབ་སྙིང་པོའི་མཐར་ཐུག་གི་བར་དུ་ཚུར་ཤོག །ལས་བྱས་
པ་ཤིན་དུ་ཡོངས་སུ་ཟད་ཅིང་། ཁྱོད་ཀྱིས་སེམས་ཅན་དམྱལ་བའི་སྒོ་རྣམས་ནི་བཅད། ཁྱོད་ཀྱིས་སངས་རྒྱས་ཀྱི་ཞིང་ཐམས་ཅད་ཀྱི་སྒོ་རྣམས་ནི་ཕྱེ། ཁྱོད་ཀྱིས་དེ་བཞིན་གཤེགས་པ་རྣམས་ཀྱི་ས་བོན་དང་རིགས་སྤྱི་ནི་ཁོང་དུ་ཆུད། ཁྱོད་ཀྱིས་
དོན་ཡོད་པའི་ཞགས་པའི་པད་མའི་གཙུག་ཏོར་གྱི་སྙིང་པོ་དང་། གསང་བའི་དཀྱིལ་འཁོར་ནི་གྲུབ། ཁྱོད་ཀྱིས་ཐམས་ཅད་དུ་གནས་ཀྱི་སྒོ་རྣམས་ནི་ཕྱེ་བས། འཇིག་རྟེན་དང་འཇིག་རྟེན་ལས་འདས་པའི་ལས་སྒྲུབ་པ་རྣམས་ཇི་ལྟར་ཡིད་ལ་
བྱས་པ་བཞིན་ལས་ཐམས་ཅད་བྱོས་ཤིག །ཨོཾ་པད་མ་ཛྭ་ལ་ཧཱུྃ་དྷྲིག   །ཡི་གེ་བདུན་པ་འབུམ་བཟླས་བརྗོད་བྱས་མ་ཐག་ཏུ་ཏིང་ངེ་འཛིན་པད་མ་དྲི་མ་མེད་པ་སྒྲིབ་པ་དང་བྲལ་བ་དག་པ་ཞེས་བྱ་བ་ཐོབ་པར་འགྱུར་ལ། ཏིང་ངེ་འཛིན་གང་
ཐོབ་པས་ལུས་ཤིན་དུ་འབར་བར་འགྱུར་ཞིང་། འོད་ཟེར་ཁ་དོག་སྣ་ཚོགས་སུ་འགྱུར། ས་བདུན་པ་ལ་གནས་པར་འགྱུར། ལུས་ཀྱི་སྣང་བ་གང་གིས་སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་ཀྱི་སངས་རྒྱས་ཀྱི་ཞིང་
ཐམས་ཅད་ཀྱི་གནས་རྣམས་སྣང་བར་བྱེད་ཅིང་། གང་དང་གང་དུ་འོད་ཟེར་རིན་པོ་ཆེ་འབར་བ་རྣམ་པ་སྣ་ཚོགས་པ་དག་བབ་པ་ལས་མེ་ཏོག་གི་ཆར་སྣ་ཚོགས་པ་རྣམས་འབྱུང་བར་འགྱུར་ལ། དེ་བཞིན་གཤེགས་པ་ལ་མཆོད་པར་འགྱུར་རོ། །
དེ་ནས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་དྲི་མ་མེད་པའི་འོད་ཟེར་འབར་བ་གསེར་གྱི་ཁ་དོག་ཅན་དཔུང་པ་བརྐྱང་སྟེ། ཕྱག་གཡས་པ་རིག་སྔགས་འཆང་གི་སྤྱི་བོར་འཇོག་ཅིང་ལེགས་སོ་ཞེས་བྱ་བ་བྱིན་

106-1-225a

ནས་དབུགས་འབྱིན་པར་མཛད་དེ། རིག་སྔགས་འཆང་ལེགས་སོ་ལེགས་སོ། །འདི་ནི་སངས་རྒྱས་བཅོམ་ལྡན་འདས་ཀྱི་སྙིང་པོ་གསང་བ་བཟླས་བརྗོད་ཀྱི་ཆོ་ག་མཆོད་པའི་མཆོག་ཡིན་ནོ། །འདི་ནི་འཕགས་པ་སྤྱན་རས་གཟིགས་ཀྱི་
དབང་ཕྱུག་གི་སྙིང་པོ་གསང་བ་ཅེས་པའི་དཀྱིལ་འཁོར་དོན་ཡོད་ཞགས་པ་པད་མ་གཙུག་ཏོར་གྱི་སྙིང་པོ་ཡང་དག་པའོ། །རིག་སྔགས་འཆང་ཁྱོད་ཀྱིས་དཀྱིལ་འཁོར་མཐའ་དག་རྫོགས་པ་དང་། པད་མ་གཙུག་ཏོར་གྱི་སྙིང་པོའི་ཆོ་ག་ཞིབ་མོ་དང་། 
དོན་ཡོད་ཞགས་པའི་རྣམ་པར་སྤྲུལ་པ་གྲུབ་ཀྱིས། རིག་སྔགས་འཆང་བའི་སངས་རྒྱས་ཀྱི་ཞིང་དུ་སོང་ལ་སངས་རྒྱས་ཀྱི་མཛད་པ་གྱིས་ཤིག །ༀ་ཨ་མོ་གྷ་མ་ཎི་པད་མེ། གཟུངས་ཀྱི་སྙིང་པོ་ཡི་གེ་བརྒྱད་པ་འབུམ་བཟླས་བརྗོད་བྱས་ན་ལུས་
ཤིན་དུ་ཡོངས་སུ་དག་ཅིང་དྲི་མ་མེད་པར་འགྱུར་བཟླས་བརྗོད་བྱས་པ་ཙམ་གྱིས་ནོར་བུ་རིན་པོ་ཆེ་མེ་ཤེལ་ལྟར་ཕྱི་ནང་ཤིན་དུ་ཡོངས་སུ་དག་པ་སྟེ། དེ་ལྟར་རིག་སྔགས་འཆང་ལུས་ཡོངས་སུ་དག་པར་འགྱུར། ས་བརྒྱད་པ་ལ་གནས་པར་
འགྱུར། བྱང་ཆུབ་སེམས་དཔའ་སེམས་དཔའ་ཆེན་པོ་འཕགས་པ་སྤྱན་རས་གཟིགས་དབང་ཕྱུག་རང་གི་ལུས་ཡོངས་སུ་དག་པ་རང་གི་གཟུགས་ཀྱི་ངོ་བོར་སྟོན་ཅིང་། རིག་སྔགས་འཆང་གི་མདུན་དུ་གནས་པ་ལ་རིག་སྔགས་འཆང་ཡང་
དག་པར་དབུགས་འབྱིན་པར་མཛད་དེ། ཕྱག་གཡས་པ་མགོ་བོའི་སྤྱི་བོར་འཇོག་པ་མཛད། ལེགས་སོ་ཞེས་བྱ་བ་ཡང་སྦྱིན་པར་མཛད་དེ། རིག་སྔགས་འཆང་ལེགས་སོ་ལེགས་སོ། །རིག་སྔགས་འཆང་ཁྱོད་ལྷག་པའི་བསམ་པ་དགའ་བ་
ལ་ཞུགས་སོ། །རིག་སྔགས་འཆང་སངས་རྒྱས་ཀྱི་ཞིང་མཉམ་པར་འབྲེལ་པའི་འཇིག་རྟེན་རྣམ་པར་ལྟ་བར་ཚུར་ཤོག །དེར་ཁྱོད་ཀྱིས་སངས་རྒྱས་ཀྱི་མཛད་པ་བྱེད་པར་འགྱུར་རོ། །ཁྱོད་ཀྱིས་དོན་ཡོད་ཞགས་པ་པད་མའི་གཙུག་ཏོར་གྱི་སྙིང་པོ་
དཀྱིལ་འཁོར་གསང་བ་གྲུབ་ཀྱིས་འཇིག་རྟེན་དང་། །འཇིག་རྟེན་ལས་འདས་པའི་སྒྲུབ་པ་དམ་པ་བྱ་བ་ཐམས་ཅད་གྱིས་ཤིག །ༀ་པད་མ་ལོ་ཙ་ནེ་ཧཱུ་རུ་ཧཱུྃ། གཟུངས་སྔགས་ཡི་གེ་དགུ་པ་འབུམ་བཟླས་བརྗོད་བྱས་ན་ས་དགུ་པ་ལ་གནས་པར་

106-1-225b

འགྱུར། འཕགས་པ་སྤྱན་རས་གཟིགས་དབང་ཕྱུག་གི་སྲས་ཀྱི་གཙོ་བོར་འགྱུར། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་བྱེ་བ་ཁྲག་ཁྲིག་དགུ་བཅུ་རྩ་དགུ་དག་རིག་སྔགས་འཆང་ལ་མངོན་སུམ་
དུ་སྟོན་ཅིང་། །སངས་རྒྱས་ཀྱི་ཡུལ་རྣམ་པར་སྤྲུལ་པ་སྣ་ཚོགས་སྟོན་པར་བྱེད། རིག་སྔགས་འཆང་གི་སྤྱི་བོར་ཐམས་ཅད་ཀྱི་ཕྱག་འཇོག་པར་མཛད་དེ་ལེགས་སོ་ཞེས་བྱ་བ་ཡང་སྦྱིན་པར་མཛད་དེ། རིག་སྔགས་འཆང་ཆེན་པོ་ལེགས་
སོ་ལེགས་སོ། །ཁྱོད་ཀྱིས་ངལ་ཞིང་སྦྱངས་པའི་ལས་ལེགས་པར་བསྒྲུབ་པར་བྱས་སོ། །ཁྱོད་ཀྱིས་འཇིག་རྟེན་པ་དང་འཇིག་རྟེན་ལས་འདས་པ་སངས་རྒྱས་ཉིད་དུ་བསྒྲུབ་པ་གྲུབ་སྟེ། དོན་ཡོད་ཞགས་པའི་དཀྱིལ་འཁོར་གྱི་ཆོ་
ག་ཞིབ་མོར་བསྒྲུབ་པ་དང་། མདོ་སྡེ་དང་ལུང་དང་བཅས་པ་བསྒྲུབ་པ་དང་། འཇིག་རྟེན་གྱི་འདྲེན་པས་བསྟན་པ་གང་ཡིན་པ་དེ་དག་གྲུབ་པ་ཡིན་ནོ། །ཨོཾ་པད་མོ་ཥྞཱི་ཥ་བི་མ་ལེ་ཧཱུྃ་ཕཊ། གསང་སྔགས་ཡི་གེ་བཅུ་པ་འབུམ་བཟླས་བརྗོད་
བྱས་ན་ཕྱིར་མི་ལྡོག་པར་གྱུར་ནས་ས་བཅུ་ལ་གནས་པར་འགྱུར་ཞིང་། ལྷ་དང་མིའི་སྐྱེ་དགུ་དག་འདི་ནི་དེ་བཞིན་གཤེགས་པའོ་ཞེས་བརྗོད་ལ། བླ་ན་མེད་པ་ཡང་དག་པར་རྫོགས་པའི་བྱང་ཆུབ་ལས་ཕྱིར་མི་ལྡོག་པར་འགྱུར། 
དོན་ཡོད་ཞགས་པ་པད་མའི་གཙུག་ཏོར་གྱི་འཁོར་ལོས་སྒྱུར་བར་འགྱུར་ཏེ་ཐེ་ཚོམ་མི་བྱའོ། །གསང་སྔགས་ཡི་གེ་བཅུ་པའི་སྒྲུབ་པ་དེ་ཁོ་ན་ཉིད་ཀྱིས་དངོས་གྲུབ་བླ་ན་མེད་པ་འདི་ནི་དོན་ཡོད་ཞགས་པའི་སྙིང་པོ་རྣམ་པར་སྤྲུལ་པ་
བཟླས་བརྗོད་ཙམ་གྱིས་འགྲུབ་པ་ཡིན་ཏེ། བདག་གིས་སྔར་བསྟན་པ་ཐམས་ཅད་ལ་ལྷག་པར་ཞེན་པ་གཙང་མ། གཙང་སྦྲ་སྤྱོད་པ། གོས་གཙང་མ་བགོས་པ། བྱམས་པའི་སེམས་དང་། སྙིང་རྗེ་སྐྱེས་པ། བདེན་པར་སྨྲ་བ། བླ་མ་ལ་གུས་
པ། དཀོན་མཆོག་གསུམ་ལ་དད་པ་ཆེ་བ། བླ་མ་དང་སློབ་དཔོན་ལ་རྟག་ཏུ་མཆོད་པ་བྱེད་པ་འདི་ནི་བཟླས་བརྗོད་ཀྱི་ཆོ་ག་ཡིན་ཏེ། སངས་རྒྱས་ཀྱི་བྱང་ཆུབ་བླ་ན་མེད་པར་བསྟན་ཏོ། །ས་བཅུ་པའི་གཟུངས་ཕན་ཡོན་དང་རྟོག་པ། རྫོགས་སྷོ།། །།

106-1-226a

༄༅།  །རྒྱ་གར་སྐད་དུ། ཨཱརྱ་ཨ་མོ་གྷ་པཱ་ཤ་པཱ་ར་མི་ཏཱ་ཥ་ཊ་པ་རི་པཱུ་ར་ཡ་ནཱ་མ་དྷཱ་ར་ཎཱི། བོད་སྐད་དུ།  འཕགས་པ་དོན་ཡོད་ཞགས་པའི་ཕ་རོལ་ཏུ་ཕྱིན་པ་དྲུག་ཡོངས་སུ་རྫོགས་པར་བྱེད་པ་ཞེས་བྱ་བའི་གཟུངས། སངས་རྒྱས་དང་
བྱང་ཆུབ་སེམས་དཔའ་ཐམས་ཅད་ལ་ཕྱག་འཚལ་ལོ། །དུས་གསུམ་དུ་གཤེགས་ཤིང་བཞུགས་པའི་དེ་བཞིན་གཤེགས་པ་ཐམས་ཅད་ལ་ཕྱག་འཚལ་ལོ། །བྱང་ཆུབ་སེམས་དཔའ་སེམས་དཔའ་ཆེན་པོ་སྙིང་རྗེ་ཆེན་པོ་དང་ལྡན་
པ་འཕགས་པ་སྤྱན་རས་གཟིགས་དབང་ཕྱུག་ལ་ཕྱག་འཚལ་ལོ། །ཨོཾ་ཨ་མོ་གྷ་པཱ་ཤ་མ་ཧཱ་དཱ་ན་པཱ་ར་མི་ཏཱ་པཱ་རི་པཱུ་ར་ཡ་ཧཱུྃ། ད་ར་ད་ར། བི་བི་དྷ་ར། བི་ཙི་ཏྲཻ། སརྦ་སཏྭཱ་ཨུ་པ་བྷོ་ག །སརྦ་ཏ་ཐཱ་ག་ཏ། མ་ཧཱ་དཱ་ན་པཱུ་ཛ་མེ་གྷ་པྲ་བརྟ་ཡ། ཏ་ར་ཏ་
ར། ཏ་ར་ཡ་མ་ཧཱ་པད་མ་མ་ཎི་ཧཱུྃ་ཕཊ་སྭཱ་ཧཱ། འདི་ནི་དོན་ཡོད་པའི་ཞགས་པའི་སྦྱིན་པའི་ཕ་རོལ་ཏུ་ཕྱིན་པའི་སྙིང་པོ་ཆེན་པོ་སྟེ། གང་གིས་ཡུངས་འབྲུ་ཙམ་གྱི་སྦྱིན་པ་ཡང་བྱིན་ཏེ་དྲན་པ་ཙམ་གྱིས་ལན་བདུན་བཟླས་བརྗོད་བྱས་ན་མཆོད་སྦྱིན་
ཆེན་པོ་རྣམ་པར་འཕྲུལ་པ་ཆེན་པོ་ཤིན་དུ་རྒྱས་པ་ཆེན་པོའི་སྦྱིན་པའི་ཕ་རོལ་ཏུ་ཕྱིན་པ་ཡོངས་སུ་རྫོགས་པར་འགྱུར་རོ། །དུས་གསུམ་གྱི་དེ་བཞིན་གཤེགས་པ་ཐམས་ཅད་ལ་ཕྱག་འཚལ་ལོ། །བྱང་ཆུབ་སེམས་དཔའ་སེམས་དཔའ་
ཆེན་པོ་སྙིང་རྗེ་ཆེན་པོ་དང་ལྡན་པ་འཕགས་པ་སྤྱན་རས་གཟིགས་དབང་ཕྱུག་ལ་ཕྱག་འཚལ་ལོ། །ཨོཾ་ཨ་མོ་གྷ་ཤཱི་ལ། སྃ་བྷ་ར་སྃ་བྷ་ར། བྷ་ར་བྷ་ར། མ་ཧཱ་ཤུད་དྷ་ས་ཏྭ་པད་མ་བྷི་བྷཱུ་ཥི་ཏ་བྷུ་ཛ། དྷ་ར་དྷ་ར། ས་མན་ཏ་ཨ་བ་ལོ་ཀི་ཏེ་ཧཱུྃ་ཕཊ་
སྭཱ་ཧཱ། གཟུངས་འདི་གསོ་སྦྱོང་གི་ཡན་ལག་བརྒྱད་བཟུང་ནས་བསྙུང་བར་གནས་པ་བྱས་ཏེ་མི་སྨྲ་བར་ལན་ཉི་ཤུ་རྩ་གཅིག་ཏུ་དྲན་པས་བརྗོད་པར་བྱའོ། །དེ་ནས་དོན་ཡོད་པའི་ཞགས་པའི་སྙིང་པོ་བཟླས་བརྗོད་བྱའོ། །བཟླས་བརྗོད་
བྱས་པ་ཙམ་གྱི་མོད་ལ་ཚུལ་ཁྲིམས་དག་པ་ཆེན་པོ་དང་ལྡན་པར་འགྱུར་རོ། །ཚུལ་ཁྲིམས་ཀྱི་ཕ་རོལ་ཏུ་ཕྱིན་པ་ཡོངས་སུ་རྫོགས་པར་འགྱུར་རོ། །ཚུལ་ཁྲིམས་ཀྱི་དྲི་ཞིམ་པོ་མང་པོ་ལུས་ལ་འབྱུང་ཞིང་། ཕྱོགས་བཅུའི་འཇིག་རྟེན་དུ་

106-1-226b

གྲགས་པར་འགྱུར་རོ། །གང་ཞིག་ཉི་མ་རེ་རེ་ཞིང་གཟུངས་འདི་དྲན་པར་བྱེད་ན་དེ་ནི་རྟག་ཏུ་ཚུལ་ཁྲིམས་ཡོངས་སུ་དག་པར་འགྱུར་རོ། །དགེ་སློང་གང་ལ་ལ་ཞིག་ཚུལ་ཁྲིམས་ཞིག་ཅིང་ཉམས་པར་གྱུར་པས་བསྙུང་བར་གནས་པ་བྱས་ཏེ། གཟུངས་
འདི་བཟླས་བརྗོད་བྱས་པ་ཙམ་གྱི་མོད་ལ་ཚུལ་ཁྲིམས་ཡོངས་སུ་དག་པར་འགྱུར་ཞིང་། ཚུལ་ཁྲིམས་མང་པོ་དང་ལྡན་པར་འགྱུར་རོ། །དུས་གསུམ་གྱི་དེ་བཞིན་གཤེགས་པ་ཐམས་ཅད་ལ་ཕྱག་འཚལ་ལོ། །བྱང་ཆུབ་སེམས་དཔའ་
སེམས་དཔའ་ཆེན་པོ་སྙིང་རྗེ་ཆེན་པོ་དང་ལྡན་པ་འཕགས་པ་སྤྱན་རས་གཟིགས་དབང་ཕྱུག་ལ་ཕྱག་འཚལ་ལོ། །ཨོཾ་ཨ་མོ་གྷ་ཀྵཱན་ཏི་སརྦ་བོ་དྷི་ས་ཏྭ་ཀྵ་མ་ཎི། ཀྵ་ཎ་ཀྵ་ཎ་མ་ཧཱ་མཻ་ཏྲི་ཀུ་རུ་ཎ། སརྦ་སཏྭ་བད་ས་ལ། མ་ཧཱ་ཀཱ་རུ་ཎི་ཀ །སརྦ་
སཏྭ་ཀྵ་མི་ཎི་ཧཱུྃ་ཕཊ་སྭཱ་ཧཱ། གཟུངས་འདི་དྲན་པས་སེམས་ཅན་དུ་གྱུར་པ་ཐམས་ཅད་ལ་བཟོད་པ་དང་། བཟོད་པ་ཆེན་པོ་དང་། སྙིང་བརྩེ་བ་དང་། སྙིང་རྗེ་ཆེན་པོ་དང་ལྡན་པའི་སེམས་ཀྱིས་མཉམ་པར་གནས་པ་དང་། བྱོལ་སོང་གི་སྐྱེ་
གནས་སུ་གཏོགས་པའི་རི་དགས་དང་། བྱ་དང་། ལྟོས་འགྲོ་ལ་སོགས་པ་གང་དག་འདས་པ་གང་ཡིན་པ་དང་། གནས་པ་གང་ཡིན་པ་དང་། སྐྱེ་བར་འགྱུར་བ་གང་ཡིན་པ་དེ་དག་རྣམས་ལ་སྙིང་བརྩེ་བའི་ཕྱིར་གང་ལ་ལ་ཞིག་གཟུངས་
འདི་དྲན་པས་བཟོད་པའི་མཆོག་སྒོམ་པར་བྱེད་ན་དེ་སེམས་ཅན་དམྱལ་བ་དང་། ཡི་དགས་དང་། དུད་འགྲོ་ཐམས་ཅད་ལས་ཡོངས་སུ་ཐར་བར་འགྱུར་ཞིང་། སྐྱེ་བོའི་ཚོགས་མང་པོ་སྡུག་བསྔལ་ལ་གནས་པ་རྣམས་ལས་རྣམ་པར་
གྲོལ་བར་འགྱུར་རོ། །ནམ་སངས་རྒྱས་ཀྱི་ཞིང་ཡོངས་སུ་དག་པ་ལ་གནས་པར་གྱུར་གྱི་བར་དུ་བཟོད་པའི་ཕ་རོལ་དུ་ཕྱིན་པ་ཡོངས་སུ་རྫོགས་པར་འགྱུར་རོ། །དུས་གསུམ་གྱི་དེ་བཞིན་གཤེགས་པ་ཐམས་ཅད་ལ་ཕྱག་འཚལ་ལོ། །བྱང་
ཆུབ་སེམས་དཔའ་སེམས་དཔའ་ཆེན་པོ་སྙིང་རྗེ་ཆེན་པོ་དང་ལྡན་པ་འཕགས་པ་སྤྱན་རས་གཟིགས་དབང་ཕྱུག་ལ་ཕྱག་འཚལ་ལོ། །ཨོཾ་མ་ཧཱ་བཱིརྱ་ཨ་མོ་གྷ་བི་ལོ་ཀི་ཏེ། བ་ར་བ་ར། དྲི་ཌྷ་བཱིརྱ་མ་ཧཱ་བ་ལ། བ་ལ་བ་ལ། མ་ཧཱ་བོ་དྷྱྃ་ག །བ་ལ། 

106-1-227a

བོ་དྷ་ནི་ཧཱུྃ་ཕཊ་སྭཱ་ཧཱ། གཟུངས་འདི་དུས་རྟག་ཏུ་དྲན་པའམ། ཡོངས་སུ་དག་ཅིང་སྤྲོ་བའི་ཡིད་ཀྱིས་དྲན་པ་ཙམ་གྱི་མོད་ལ་བརྩོན་འགྲུས་ཀྱི་ཕ་རོལ་དུ་ཕྱིན་པ་ཡོངས་སུ་དག་པར་འགྱུར་རོ། །གང་འདི་ཡིད་ལ་བྱེད་པ་དང་ལྡན་པས་དགེ་བ་སྣ་
འགའ་ཙམ་བྱས་པ་ཡང་དཔག་ཏུ་མེད་པ་བྱས་པར་འགྱུར། སྟོབས་དང་ལྡན་པར་འགྱུར། མྱུར་བར་འགྱུར་རོ། །བྱང་ཆུབ་ཀྱི་སྙིང་པོ་ལ་འདུག་གི་བར་དུ་བརྩོན་འགྲུས་ཉམས་པར་མི་འགྱུར། བརྩོན་འགྲུས་ཀྱི་ཕ་རོལ་དུ་ཕྱིན་པ་དང་ནམ་ཡང་མི་འབྲེལ་
བར་འགྱུར། བརྩོན་པ་ཆེན་པོར་འགྱུར་རོ། །དུས་གསུམ་གྱི་དེ་བཞིན་གཤེགས་པ་ཐམས་ཅད་ལ་ཕྱག་འཚལ་ལོ། །བྱང་ཆུབ་སེམས་དཔའ་སེམས་དཔའ་ཆེན་པོ་སྙིང་རྗེ་ཆེན་པོ་དང་ལྡན་པ་འཕགས་པ་སྤྱན་རས་གཟིགས་དབང་ཕྱུག་ལ་
ཕྱག་འཚལ་ལོ། །ཨོཾ་སརྦ་ཏ་ཐཱ་ག་ཏ་མ་ཧཱ་ཨ་མོ་གྷ་ཀཱ་རུ་ཎ། དྷྱཱ་ན། ས་མཱ་དྷི། སརྦ་བི་མོ་ཀྵ། ཨ་པྲ་ཀམ་པྱ་ཀ །ཙུ་རུ་ཙུ་རུ་ཧཱུྃ་ཕཊ་སྭཱ་ཧཱ། གཟུངས་འདི་འཕགས་པ་སྤྱན་རས་གཟིགས་དབང་ཕྱུག་གི་དྲུང་དུ་ཡིད་ལ་བྱེད་པས་རྩེ་གཅིག་ཏུ་དྲན་
པར་བྱས་ན་དྲན་པ་ཙམ་གྱི་མོད་ལ་བསམ་གཏན་གྱི་ཕ་རོལ་དུ་ཕྱིན་པ་ཡོངས་སུ་རྫོགས་པར་འགྱུར་རོ། །གཞན་ཡང་ཏིང་ངེ་འཛིན་སྟོང་ཕྲག་བརྒྱ་སོ་སོར་རབ་ཏུ་ཐོབ་པར་འགྱུར་རོ། །སངས་རྒྱས་ཀྱི་ཞིང་ཐམས་ཅད་དུ་ཞུགས་པར་འགྱུར་རོ། །
བཟླས་བརྗོད་བྱས་པ་ཙམ་གྱི་མོད་ལ་ཏིང་ངེ་འཛིན་ཐམས་ཅད་ལ་དབང་བྱེད་པར་འགྱུར་རོ། །དུས་གསུམ་གྱི་དེ་བཞིན་གཤེགས་པ་ཐམས་ཅད་ལ་ཕྱག་འཚལ་ལོ། །བྱང་ཆུབ་སེམས་དཔའ་སེམས་དཔའ་ཆེན་པོ་སྙིང་རྗེ་ཆེན་པོ་དང་ལྡན་པ། 
འཕགས་པ་སྤྱན་རས་གཟིགས་དབང་ཕྱུག་ལ་ཕྱག་འཚལ་ལོ། །ཨོཾ་ཨ་མོ་གྷ་མ་ཧཱ་པྲཛྙཱ་པཱ་ར་མི་ཏཱ་ཨ་བ་བྷཱ་ས་སྭ་བྷཱ་བ། ས་མྃ་ཏ་སྥ་ར་ཎ། བུད་དྷི། པྲ་ས་ར་པྲ་ས་ར། ས་མན་ཏ་བུད་དྷི། ཨ་བ་ལོ་ཀི་ཏེ། བྷ་ག་བཱན་པྲཛྙཱ་ཨ་བ་ལོ་ཀི་ཏེ་ཙཀྵུ་ཥཱ་མ་ཧཱ་
པྲཛྙཱ། བ་ར་ད་མཱ་ཎི་མ་ཧཱ་པྲཛྙཱ། པད་མ་དྷ་རི་ཎ་བྷུ་ཛེ་ཧཱུྃ་ཕཊ་སྭཱ་ཧཱ། གཟུངས་འདི་དྲན་པ་ཙམ་གྱི་མོད་ལ་ཤེས་རབ་ཀྱི་ཕ་རོལ་ཏུ་ཕྱིན་པ་ཡོངས་སུ་རྫོགས་པར་འགྱུར་རོ། །ཐབས་དང་ཤེས་རབ་སྣ་ཚོགས་ཀྱི་དགེ་བའི་བློ་ཆེན་པོ་རབ་ཏུ་འཕེལ་

106-1-227b

བར་འགྱུར་རོ། །རྟག་ཏུ་རྒྱུན་མི་འཆད་པར་ཕ་རོལ་དུ་ཕྱིན་པ་བཅུའི་བློ་དང་ལྡན་པར་འགྱུར་རོ། །ཕྱོགས་བཅུའི་དེ་བཞིན་གཤེགས་པ་ཐམས་ཅད་དང་། འདས་པ་དང་། མ་འོངས་པ་ན་འབྱུང་བར་འགྱུར་བའི་དེ་བཞིན་གཤེགས་པ་ཐམས་ཅད་ཡིད་
ལ་བྱེད་ཅིང་། སངས་རྒྱས་རྗེས་སུ་དྲན་པའི་ཤེས་རབ་ཀྱི་བློ་དང་རབ་ཏུ་ལྡན་པར་འགྱུར་རོ། །ལན་འགའ་ཡང་ཕ་རོལ་ཏུ་ཕྱིན་པ་དྲུག་དང་འབྲལ་བར་མི་འགྱུར་རོ། །སྦྱིན་པ་དང་ཚུལ་ཁྲིམས་དང་། བཟོད་པ་དང་། བརྩོན་འགྲུས་དང་། བསམ་
གཏན་དང་། ཤེས་རབ་ཀྱི་ཕ་རོལ་ཏུ་ཕྱིན་པ་ལས་ཡོངས་སུ་ཉམས་པར་མི་འགྱུར་རོ། །བྱང་ཆུབ་ཏུ་མངོན་པར་རྫོགས་པར་སངས་རྒྱས་ཀྱི་བར་དུ་ནམ་ཡང་རྨོངས་པར་མི་འགྱུར་རོ། །ཆོས་ཐམས་ཅད་ཀྱི་དེ་བཞིན་ཉིད་ལ་ཡང་དག་པར་རྗེས་
སུ་སོང་བ་ཞེས་བྱ་བའི་དེ་ཁོ་ན་ཉིད་དང་རབ་ཏུ་ལྡན་པར་འགྱུར་རོ། །བློ་གྲོས་དཔག་ཏུ་མེད་པ་དང་ལྡན་པ་ཕུན་སུམ་ཚོགས་པར་འགྱུར་རོ། །ཕྱོགས་བཅུའི་དེ་བཞིན་གཤེགས་པ་ཐམས་ཅད་ཀྱིས་རབ་ཏུ་དགོངས་པར་འགྱུར་རོ། །བྱང་ཆུབ་སེམས་
དཔའ་ཐམས་ཅད་རྗེས་སུ་སེམས་པར་འགྱུར་རོ། །འཕགས་པ་དོན་ཡོད་པའི་ཞགས་པའི་ཕ་རོལ་ཏུ་ཕྱིན་པ་དྲུག་ཡོངས་སུ་རྫོགས་པར་བྱེད་པའི་གཟུངས་ཆེན་པོ། རྫོགས་སྷོ།། །།པཎ་ཌི་ཏ་མཉྫུ་ཤྲཱི་ཝརྨ་དང་། ལོ་ཙྪ་་བ་བློ་ལྡན་ཤེས་
རབ་ཀྱིས་བསྒྱུར་ཏེ་གཏན་ལ་ཕབ་པའོ། །ལོ་ཚ་བ་ཆོས་ཀྱི་ཤེས་རབ་ཀྱིས་ཀྱང་བསྒྱུར་ཏེ་གཏན་ལ་ཕབ་བོ། །སྐར་མས་ཞུས།། ༄༅།  །རྒྱ་གར་སྐད་དུ། ཨཱརྱ་ས་མན་ཏ་བྷ་དྲ་ནཱ་མ་དྷཱ་ར་ཎཱི། བོད་སྐད་དུ། འཕགས་པ་ཀུན་དུ་བཟང་པོ་ཞེས་བྱ་བའི་
གཟུངས། སངས་རྒྱས་དང་། བྱང་ཆུབ་སེམས་དཔའ་ཐམས་ཅད་ལ་ཕྱག་འཚལ་ལོ། །འདི་སྐད་བདག་གིས་ཐོས་པ་དུས་གཅིག་ན། བཅོམ་ལྡན་འདས་རྒྱལ་པོའི་ཁབ་ན་བྱ་རྒོད་ཕུང་པོའི་རི་ལ། དགེ་སློང་བརྒྱད་སྟོང་གི་དགེ་འདུན་ཆེན་པོ་དང་། 
བྱང་ཆུབ་སེམས་དཔའ་བྱེ་བ་ཁྲག་ཁྲིག་འབུམ་ཕྲག་དགུ་བཅུ་རྩ་དགུ་དང་ཐབས་གཅིག་ཏུ་བཞུགས་ཏེ། གནས་གཙང་མའི་རིས་ཀྱི་ལྷའི་བུ་འབུམ་ཕྲག་དུ་མས་ཡོངས་སུ་བསྐོར་ཅིང་མདུན་གྱིས་བལྟས་ནས་ཆོས་སྟོན་ཏོ། །དེ་ནས་བྱང་

106-1-228a

ཆུབ་སེམས་དཔའ་སེམས་དཔའ་ཆེན་པོ་སྤྱན་རས་གཟིགས་དབང་ཕྱུག་སྟན་ལས་ལངས་ཏེ་བླ་གོས་ཕྲག་པ་གཅིག་ཏུ་གཟར་ནས་པུས་མོ་གཡས་པའི་ལྷ་ང་ས་ལ་བཙུགས་ཏེ། བཅོམ་ལྡན་འདས་ག་ལ་བ་དེ་ལོགས་སུ་ཐལ་མོ་སྦྱར་
བ་བཏུད་ནས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས་དེ་དག་ནི་བདག་གིས་དེ་བཞིན་གཤེགས་པ་ཟླ་བ་བླ་མའི་འོད་ལས་བླངས་པ་ཀུན་དུ་བཟང་པོའི་གཟུངས་ཡང་དག་པར་སྟོན་པར་འཚལ་ཏེ། གཟུངས་དེ་ཐོས་
མ་ཐག་ཏུ་བྱང་ཆུབ་སེམས་དཔའི་ཐེག་པ་པ་རྣམས་ཕྱིར་མི་ལྡོག་ཅིང་མྱུར་དུ་བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་འཚང་རྒྱའོ། །ལས་ཀྱི་སྒྲིབ་པ་ཐམས་ཅད་ཀྱང་སེལ་ཏོ། །ལོངས་སྤྱོད་ཆེན་པོ་ཕུན་
སུམ་ཚོགས་པ་ཡང་ཡོངས་སུ་འཛིན་ཏོ། །ལུས་རྣམ་པར་དག་པ་ཡང་འཐོབ་བོ། །ངག་རྣམ་པར་དག་པ་ཡང་འཐོབ་བོ། །སེམས་རྣམ་པར་དག་པ་ཡང་འཐོབ་བོ། །ཕ་རོལ་ཏུ་ཕྱིན་པ་རྒྱ་མཚོ་ཐམས་ཅད་ཀྱང་ཡོངས་སུ་རྫོགས་པར་
བགྱིད་དོ། །གཟུངས་རྒྱ་མཚོ་ཐམས་ཅད་ཀྱང་འཐོབ་བོ། །དེ་བཞིན་གཤེགས་པ་མཐོང་བ་ཐམས་ཅད་ཀྱང་མཉེས་པར་བགྱིད་དོ། །བཅོམ་ལྡན་འདས་བདག་གིས་གཟུངས་འདི་ཐོས་མ་ཐག་ཏུ་མི་སྐྱེ་བའི་ཆོས་ལ་བཟོད་པ་ཐོབ་པར་
གྱུར་ཏོ། །དཔའ་བར་འགྲོ་བའི་ཏིང་ངེ་འཛིན་ཀྱང་ཐོབ། རིན་ཆེན་ཕྱག་རྒྱའི་ཏིང་ངེ་འཛིན་ཀྱང་ཐོབ། འབར་བའི་སྒྲོན་མའི་ཏིང་ངེ་འཛིན་ཀྱང་ཐོབ། རྒྱ་མཚོ་ཕྱག་རྒྱའི་ཏིང་ངེ་འཛིན་ཀྱང་ཐོབ། རྡོ་རྗེ་དཀྱིལ་འཁོར་གྱི་ཏིང་ངེ་འཛིན་
ཀྱང་ཐོབ། །མི་ཟད་པའི་ཟ་མ་ཏོག་གི་ཏིང་ངེ་འཛིན་ཀྱང་ཐོབ། །སྒྱུ་མ་ལྟ་བུའི་ཏིང་ངེ་འཛིན་ཀྱང་ཐོབ། །ཕྱོགས་བཅུ་རྒྱས་པར་འགེངས་པའི་ཏིང་ངེ་འཛིན་ཀྱང་འཐོབ་སྟེ། བཅོམ་ལྡན་འདས་དེ་ལ་སོགས་པ་ཏིང་ངེ་འཛིན་བྱེ་བ་ཁྲག་ཁྲིག་
འབུམ་ཕྲག་གང་གཱའི་ཀླུང་གི་བྱེ་མ་སྙེད་བདག་ལ་མངོན་སུམ་དུ་གྱུར་ཏོ། །བཅོམ་ལྡན་འདས་དེས་ན་བདག་ད་ལྟར་དྲན་པ་འདི་ལྟ་བུ་དང་ལྡན། བློ་གྲོས་འདི་ལྟ་བུ་དང་ལྡན། ཆགས་པ་མ་མཆིས་པའི་ཡེ་ཤེས་འདི་ལྟ་བུ་དང་ལྡན་ཞིང་། མཐོང་བ་

106-1-228b

དང་ཐོས་པ་དང་བསྙེན་བཀུར་བགྱིས་པ་དོན་མཆིས་པར་གྱུར་ཏེ། བཅོམ་ལྡན་འདས་བདག་ཐོས་པ་དོན་མཆིས། གཟུངས་འདི་ཐོས་པ་དོན་མཆིས་ན། བཅོམ་ལྡན་འདས་ཀྱིས་གནང་བར་མཛད་ཅིང་། འཁོར་བཞི་པོ་དེ་ཡང་ཡོངས་སུ་དགོད་དུ་
གསོལ། །བཅོམ་ལྡན་འདས་ཀྱིས་བཀའ་སྩལ་པ། སེམས་ཅན་དག་པ་དེའི་དུས་ལ་བབ་པར་ཤེས་ན་སྨྲོས་ཤིག །དེ་བཞིན་གཤེགས་པས་འཁོར་བཞི་པོ་འདི་བྱིན་གྱིས་བརླབས་ཟིན་ཏོ། །དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་
འཕགས་པ་སྤྱན་རས་གཟིགས་དབང་ཕྱུག་གིས་སྐད་ཅིག་ཐང་ཅིག་ཡུད་ཙམ་དེ་ཉིད་ལ་རྡོ་རྗེའི་དཀྱིལ་འཁོར་གྱི་ཏིང་ངེ་འཛིན་ལ་སྙོམས་པར་ཞུགས་ནས་གཟུངས་འདི་སྨྲས་སོ། །དཀོན་མཆོག་གསུམ་ལ་ཕྱག་འཚལ་ལོ། །བྱང་ཆུབ་
སེམས་དཔའ་སེམས་དཔའ་ཆེན་པོ་སྙིང་རྗེ་ཆེན་པོ་དང་ལྡན་པ་འཕགས་པ་སྤྱན་རས་གཟིགས་དབང་ཕྱུག་ལ་ཕྱག་འཚལ་ལོ། །ཏདྱ་ཐཱ། ཁ་ག་མེ་ཁ་ག་མེ། ཙཀྵུ་ག་བེ། ཤྲོ་ཏྲ་ཁ་བེ། གྷཱ་ན་ཁ་བེ། ཛི་ཧྭཱ་ཁ་བེ། ཀཱ་ཡ་ཁ་བེ། མ་ན་ཁ་བེ། 
ས་ར་ཁ་བེ། ས་ར་ཁ་བེ། ཤཱུན་ཏྲ་ཁ་བེ། ཨ་ན་མིད་ཏ་ཁ་བེ། ཨ་པྲ་ཎི་ཧི་ད་ཁ་བེ། ས་མཱ་དྷི་ཁ་བེ། པཱ་ར་མི་ཏཱ་ཁ་བེ། བོ་དྷི་ཁ་བེ། ས་ར་ས་ར་ས་ར། སརྦ་བུད་དྷ་ཨ་དྷིཥྛི་ཏི། བྷ་ར་བྷ་ར་བྷ་ར། དྷརྨ་ཨ་དྷིཥྛི་ཏེ། ཀ་ལ་ཀ་ལ་ཀ་ལ། སང་གྷ་ཨ་དྷིཥྛི་ཏེ། ན་མོ་
དྭཱ་ན་བ་ཏི་ཎཱྃ། བུད་དྷ་ཀོ་ཊི་ཎཱྃ། ཨ་དྷིཥྛ་ན་ཏུ་མན།  ཙ་ཏྲ་སྲ་བར་ཤ་དོ་ཨ་ཡུར་བ་ལན་ཙ་ད་དན་དུ། ཏདྱ་ཐཱ། སུ་ར་བྷི་སུ་ར་བྷི། མ་ཧཱ་སུ་ར་བྷི། མུ་ནི་མུ་ནི། མ་ཧཱ་མུ་ནི། མ་ཏི་མ་ཏི། མ་ཧཱ་མ་ཏི། ན་མོ་རད་ན་ཏྲ་ཡཱ་ཡ། ན་མ་ཨཱརྱ་ཨ་བ་ལོ་ཀི་ཏེ་ཤྭ་རཱ་ཡ། 
བོ་དྷི་སཏྭཱ་ཡ། མ་ཧཱ་སཏྭཱ་ཡ། མ་ཧཱ་ཀཱ་རུ་ཎི་ཀཱ་ཡ། ས་མྲི་དཱན་དུ་མན།  ས་མན་ཏ་བྷ་དྲ་དྷཱ་ར་ཎཱི་སྭཱ་ཧཱ། །གཟུངས་འདི་ཐོས་མ་ཐག་ཏུ་བྱང་ཆུབ་སེམས་དཔའ་བྱེ་བ་ཕྲག་དགུ་བཅུ་རྩ་གཉིས་པོ་དེ་དག་གིས་དཔའ་བར་འགྲོ་བའི་ཏིང་ངེ་འཛིན་ཐོབ་པར་གྱུར་ཏོ། །
བྱང་ཆུབ་སེམས་དཔའ་དཔག་ཏུ་མེད་པ་དག་ནི་གཟུངས་སྣ་ཚོགས་ཐོབ་པར་གྱུར་ཏོ། །གཟུངས་འདིའི་ཆོ་ག་ནི་འདི་ལགས་ཏེ། ནང་པར་ལངས་ནས་ལན་བརྒྱ་རྩ་བརྒྱད་བཟླས་བརྗོད་བགྱིའོ། །ལན་ཉི་ཤུ་རྩ་གཅིག་བཟླས་བརྗོད་བགྱིས་ན་འཕགས་

106-1-229a

པ་སྤྱན་རས་གཟིགས་དབང་ཕྱུག་མཐོང་བར་འགྱུར་རོ། །ཕོངས་པར་གྱུར་པའི་ཚེ་ལན་བདུན་ཡིད་ལ་བགྱིས་ན་ཐར་བར་འགྱུར་རོ། །རིམས་ནད་ཐམས་ཅད་ལ་རྣ་བར་བཟླས་བརྗོད་བགྱིའོ། །རླུང་གིས་ཟིན་ན་མར་དང་འབྲུ་མར་ལ་ལན་ཉི་ཤུ་རྩ་
གཅིག་བཟླས་བརྗོད་བགྱིས་ཏེ་བསྐུ་བར་བགྱིའོ། །སོ་ན་ན་སོ་ཤིང་ལ་ལན་ཉི་ཤུ་རྩ་གཅིག་ཡོངས་སུ་བཟླས་ཏེ་བཅའ་བར་བགྱིའོ། །རྣ་བ་ན་ན་རས་བལ་གྱི་ས་བོན་འབྲུ་མར་དང་ལྷན་ཅིག་ཏུ་བསྐོལ་བ་ལ་ལན་བདུན་བཟླས་བརྗོད་བགྱིས་ཏེ་ཟངས་
ཀྱི་སྣོད་ཀྱིས་རྣ་བར་བླུགས་པར་བགྱིའོ། །ཀླད་པ་ན་བ་ལ་འབྲུ་མར་རོ། །ལྟོ་ན་བ་ལ་བྱབ་པར་བགྱིའོ། །གདོན་གྱིས་བཏབ་པ་ལ་ཚོན་སྐུད་སྣ་ལྔ་ལ་ལན་བརྒྱ་རྩ་བརྒྱད་བཟླས་ཏེ་མགུལ་དུ་གདགས་སོ། །མཁའ་འགྲོ་མའི་གདོན་གྱིས་
བཏབ་ན་འབྲུ་མར་ལ་ལན་བདུན་བཟླས་ཏེ་གཤིས་ཐམས་ཅད་དུ་བྱུག་གོ། །ནད་ཐམས་ཅད་ལ་བྱབ་པར་བགྱིའོ། །འདི་ནི་སྒྲུབ་པ་མ་མཆིས་པའི་ཆོ་གའོ། །ཇི་སྟེ་སངས་རྒྱས་དང་། བྱང་ཆུབ་སེམས་དཔའ་མཐོང་བ་དང་། གཟུངས་དང་། ཏིང་
ངེ་འཛིན་འཐོབ་པ་དང་། རྫུ་འཕྲུལ་གྱིས་འགྲོ་བ་དང་། མི་སྣང་བར་བགྱི་བ་དང་། མིག་བསྐུ་བ་དང་། ལྡོང་རོས་ལ་སོགས་པ་བསྒྲུབ་པར་འཚལ་ན། དེས་སྐུ་གདུང་དང་བཅས་པའི་མཆོད་རྟེན་དང་སྐུ་གཟུགས་ཀྱི་སྤྱན་སྔར་དཀྱིལ་འཁོར་བགྱིས་ཏེ། 
བུམ་པ་གང་བ་བརྒྱ་རྩ་བརྒྱད་བཞག་ལ། གདུགས་དང་རྒྱལ་མཚན་དང་བ་དན་བྲེས་ཏེ། མེ་ཏོག་སྣ་ཚོགས་ཀྱིས་ཆལ་པར་བཀང་ལ། ཙན་དན་དང་ཨ་ཀ་རུ་དང་ཀུན་དུ་རའི་བདུག་པས་བདུགས་ཏེ། མར་མེ་བརྒྱ་རྩ་བརྒྱད་བུད་ཅིང་མཆོད་པ་ཆེན་པོ་
བགྱིས་ཏེ། ཚངས་པར་སྤྱོད་པ་གཙང་བས་གོས་གཙང་མ་བགོས་ལ་གཟུངས་ཀྱི་གསང་སྔགས་འདི་དག་གིས་མཚམས་གཅད་པར་བགྱིའོ། །ན་མོ་རད་ན་ཏྲ་ཡཱ་ཡ། ན་མོ་ཨཱརྱ་ཨ་བ་ལོ་ཀི་ཏེ་ཤྭ་རཱ་ཡ། བོ་དྷི་སཏྭཱ་ཡ། མ་ཧཱ་སཏྭཱ་ཡ། ཏདྱ་ཐཱ། 
ཏི་ལི་བན་དྷ་མི། མི་ལི་བན་དྷ་མི། ཙི་ལི་མི་ལི་བན་དྷ་མི། སཱི་མི་བན་དྷ་མི། བདག་གི་མཚམས་ལས་སུ་ཡང་འདའ་བར་མ་གྱུར་ཅིག་སྭཱ་ཧཱ། ཆུ་ལ་ལན་ཉི་ཤུ་རྩ་གཅིག་ཡོངས་སུ་བཟླས་ཏེ་ཕྱོགས་བཅུར་མཚམས་གཅད་པར་བགྱིའོ། །གང་

106-1-229b

གིས་འགུགས་པར་འགྱུར་བའི་གཟུངས་འདི་དག་ཀྱང་ཐོག་མར་བརྗོད་པར་བྱའོ། །ན་མོ་རད་ན་ཏྲ་ཡཱ་ཡ། ན་མོ་ཨཱརྱ་ཨ་བ་ལོ་ཀི་ཏེ་ཤྭ་རཱ་ཡ། བོ་དྷི་སཏྭཱ་ཡ། མ་ཧཱ་སཏྭཱ་ཡ། མ་ཧཱ་ཀཱ་རུ་ཎི་ཀཱ་ཡ། ཏདྱ་ཐཱ། ཙི་ལི་ཙི་ལི། མི་ལི་མི་ལི། ཙི་ལེ་ལི། ཨེ་ཧི་བྷ་ག་བན། 
ཨཱརྱ་ཨ་བ་ལོ་ཀི་ཏེ་ཤྭ་ར་ཡ་སྭཱ་ཧཱ། འདི་ནི་བདག་གི་སྙིང་པོ་བཤད་པ་སྟེ། དེས་བདག་འགུག་པར་འགྱུར་རོ། །དེའི་འོག་ཏུ་ཟླ་བ་ཡར་གྱི་ངོའི་ཚེས་བརྒྱད་ནས་བཟུང་སྟེ་ཉའི་བར་དུ་ལན་བརྒྱ་རྩ་བརྒྱད་བཟླས་བརྗོད་བགྱིས་ཏེ་དུས་གསུམ་དུ་བཟླས་བརྗོད་བགྱི། 
དུས་གསུམ་དུ་ཁྲུས་བགྱི། དུས་གསུམ་དུ་གོས་བརྗེ་བར་བགྱིའོ། །དེ་ནས་ཚེས་བཅྭ་ལྔ་ལ་མཆོད་པ་ཆེན་པོ་བགྱིས་ཏེ་བཟླས་བརྗོད་དཔག་ཏུ་མ་མཆིས་པར་བགྱིའོ། །འོན་ཏང་ནམ་གྱི་གུང་ཐུན་ལ་འཕགས་པ་སྤྱན་རས་གཟིགས་དབང་ཕྱུག་གསེར་གྱི་ཁ་
དོག་གི་ལུས་དང་ལྡན་པ། མཚན་དང་དཔེ་བྱད་བཟང་པོས་ལེགས་པར་བརྒྱན་པ། ལུས་ལས་འོད་ཟེར་བྱེ་བ་སྟོང་འབྱིན་ཅིང་མཆི་བར་འགྱུར་རོ། །དེ་ལ་རིག་སྔགས་འཆང་གིས་སྐྲག་པར་མི་བགྱི་ཞིང་བརྟན་པར་བགྱིས་ན་མཐོང་མ་ཐག་ཏུ་ས་
ཐོབ་པར་འགྱུར་རོ་གཟུངས་དང་ཏིང་ངེ་འཛིན་ཀྱང་ཐོབ་པར་འགྱུར་རོ། །ཤར་ཕྱོགས་སུ་དེ་བཞིན་གཤེགས་པ་མི་འཁྲུགས་པ་མཐོང་བར་འགྱུར་རོ། །ལྷོ་ཕྱོགས་སུ་རིན་ཆེན་ཏོག་དང་། ནུབ་ཕྱོགས་སུ་འོད་དཔག་མེད་དང་། བྱང་ཕྱོགས་སུ་དེ་བཞིན་
གཤེགས་པ་རྔ་སྒྲ་མཐོང་བར་འགྱུར་རོ། །དེ་ལ་སོགས་པ་ཕྱོགས་བཅུའི་དེ་བཞིན་གཤེགས་པ་གྲངས་མེད་དཔག་ཏུ་མེད་པ་དག་རགས་པའི་ཚུལ་གྱིས་མཐོང་བར་འགྱུར་རོ། །འདི་ནས་ཤི་འཕོས་ནས་སངས་རྒྱས་ཀྱི་ཞིང་ཡོངས་སུ་དག་
པ་རྣམས་སུ་སྐྱེ་བར་འགྱུར་ཏེ། ཐམས་ཅད་དུ་ཡང་སངས་རྒྱས་བཅོམ་ལྡན་འདས་རྣམས་མཉེས་པར་བགྱིད་པར་འགྱུར་རོ། །དེ་སྐད་ཅེས་བཀའ་སྩལ་ནས། བྱང་ཆུབ་སེམས་དཔའ་སེམས་དཔའ་ཆེན་པོ་འཕགས་པ་སྤྱན་རས་གཟིགས་
དབང་ཕྱུག་དང་། བྱང་ཆུབ་སེམས་དཔའ་དེ་དག་དང་། གནས་གཙང་མའི་རིས་ཀྱི་ལྷའི་བུ་རྣམས་དང་། ཐམས་ཅད་དང་ལྡན་པའི་འཁོར་དེ་དང་ལྷ་དང་མི་དང་ལྷ་མ་ཡིན་དང་དྲི་ཟར་བཅས་པའི་འཇིག་རྟེན་ཡི་རངས་ཏེ། བཅོམ་ལྡན་འདས་ཀྱིས་གསུངས་

106-1-230a

པ་ལ་མངོན་པར་བསྟོད་དོ། །འཕགས་པ་ཀུན་ཏུ་བཟང་པོ་ཞེས་བྱ་བའི་གཟུངས།  རྫོགས་སྷོ།། །།རྒྱ་གར་གྱི་མཁན་པོ་འཛི་ན་མི་ཏྲ་དང་། དཱ་ན་ཤཱི་ལ་དང་། ཞུ་ཆེན་གྱི་ལོ་ཙྪ་བ་བན་དེ་ཡེ་ཤེས་སྡེས་བསྒྱུར་ཅིང་ཞུས་ཏེ་སྐད་སར་ཆད་ཀྱིས་ཀྱང་བཅོས་
ནས་གཏན་ལ་ཕབ་པ།། །། རྒྱ་གར་སྐད་དུ།  ཨཱརྱ་ནཱི་ལ་ཀཎ་ཋ་ནཱ་མ་དྷཱ་ར་ཎཱྀ། བོད་སྐད་དུ།  འཕགས་པ་ནཱི་ལ་ཀཎ་ཋ་ཞེས་བྱ་བའི་གཟུངས། དཀོན་མཆོག་གསུམ་ལ་ཕྱག་འཚལ་ལོ། །བཅོམ་ལྡན་འདས་དེ་བཞིན་གཤེགས་པ་
དགྲ་བཅོམ་པ་ཡང་དག་པར་རྫོགས་པའི་སངས་རྒྱས་འོད་དཔག་མེད་ལ་ཕྱག་འཚལ་ལོ། །བྱང་ཆུབ་སེམས་དཔའ་སེམས་དཔའ་ཆེན་པོ་མཐུ་ཆེན་ཐོབ་པ་ལ་ཕྱག་འཚལ་ལོ། །བཙུན་པ་སྤྱན་རས་གཟིགས་དབང་ཕྱུག་ཐུགས་རྗེ་ཅན་ཁྱོད་ལ་
ཕྱག་འཚལ་ལོ། །བདག་ངེས་པར་ཤེས་རབ་ཆེན་པོའི་མིག་ཐོབ་པར་གྱུར་ཅིག །བཙུན་པ་སྤྱན་རས་གཟིགས་དབང་ཕྱུག་ཐུགས་རྗེ་ཆེན་པོ་དང་ལྡན་པ་ལ་ཕྱག་འཚལ་ལོ། །བདག་ངེས་པར་སེམས་ཅན་ཐམས་ཅད་ཡོངས་སུ་སྐྱོབ་པར་གྱུར་ཅིག །
བཙུན་པ་སྤྱན་རས་གཟིགས་དབང་ཕྱུག་ཐུགས་རྗེ་ཅན་ཁྱོད་ལ་ཕྱག་འཚལ་ལོ། །བདག་ངེས་པར་མྱུར་དུ་ཐབས་ལ་མཁས་པ་ཐོབ་པར་གྱུར་ཅིག །བཙུན་པ་སྤྱན་རས་གཟིགས་དབང་ཕྱུག་ཐུགས་རྗེ་ཆེན་པོ་ཅན་ཁྱོད་ལ་ཕྱག་འཚལ་ལོ། །བདག་
ངེས་པར་མྱུར་དུ་ཤེས་རབ་ཆེན་པོའི་གྲུར་ཞུགས་པར་གྱུར་ཅིག །བཙུན་པ་སྤྱན་རས་གཟིགས་དབང་ཕྱུག་ཐུགས་རྗེ་ཅན་ཁྱོད་ལ་ཕྱག་འཚལ་ལོ། །བདག་ངེས་པར་མྱུར་དུ་སྡུག་བསྔལ་གྱི་རྒྱ་མཚོ་ལས་རྒལ་བར་གྱུར་ཅིག །བཙུན་པ་སྤྱན་
རས་གཟིགས་དབང་ཕྱུག་ཐུགས་རྗེ་ཅན་ཁྱོད་ལ་ཕྱག་འཚལ་ལོ། །བདག་ངེས་པར་རྫུ་འཕྲུལ་གྱི་རྐང་པ་དང་ལྡན་ཞིང་ལམ་མྱུར་དུ་ཐོབ་པར་གྱུར་ཅིག །བཙུན་པ་སྤྱན་རས་གཟིགས་དབང་ཕྱུག་ཐུགས་རྗེ་ཅན་ཁྱོད་ལ་ཕྱག་འཚལ་ལོ། །
བདག་ངེས་པར་མྱུར་དུ་མྱ་ངན་ལས་འདས་པའི་རི་ལ་འཛེག་པར་གྱུར་ཅིག །བཙུན་པ་སྤྱན་རས་གཟིགས་དབང་ཕྱུག་ཐུགས་རྗེ་ཅན་ཁྱོད་ལ་ཕྱག་འཚལ་ལོ། །བདག་ངེས་པར་མྱུར་དུ་འདུས་མ་བྱས་ཀྱི་ཁྱིམ་དུ་འཇུག་པར་གྱུར་ཅིག །

106-1-230b

བཙུན་པ་སྤྱན་རས་གཟིགས་དབང་ཕྱུག་ཐུགས་རྗེ་ཅན་ཁྱོད་ལ་ཕྱག་འཚལ་ལོ། །བདག་ངེས་པར་མྱུར་དུ་ཆོས་ཀྱི་སྐུ་དང་གཅིག་པར་གྱུར་ཅིག །གང་གི་ཚེ་བདག་རལ་གྲིའི་རི་ལ་མཆི་བ་ན་རལ་གྲིའི་རི་དེ་རང་སྙིལ་ཞིང་ཞིག་པར་གྱུར་ཅིག །གང་གི་
ཚེ་བདག་མེ་མ་མུར་གྱི་ནང་དུ་མཆི་བ་ན་མེ་མ་མུར་དེ་རང་མེད་པར་གྱུར་ཅིག །གང་གི་ཚེ་བདག་སེམས་ཅན་དམྱལ་བའི་ལམ་དུ་མཆི་བ་ན་སེམས་ཅན་དམྱལ་བ་རྣམས་རང་བཞིན་གྱིས་སྟོངས་པར་གྱུར་ཅིག །གང་གི་ཚེ་བདག་གཤིན་རྗེའི་འཇིག་རྟེན་
དུ་མཆི་བ་ན་ཡི་དགས་རྣམས་རང་ཚིམ་པར་གྱུར་ཅིག །གང་གི་ཚེ་བདག་ལྷ་མ་ཡིན་གྱི་གནས་སུ་མཆི་བ་ན་དེ་དག་གི་སེམས་རང་དུལ་བར་གྱུར་ཅིག །གང་གི་ཚེ་བདག་དུད་འགྲོ་རྣམས་སུ་མཆི་བ་ན་དེ་དག་ཡེ་ཤེས་ཆེན་པོ་རང་ཐོབ་པར་གྱུར་ཅིག །
ན་མོ་རད་ན་ཏྲ་ཡཱ་ཡ། ན་མ་ཨཱ་བ་ལོ་ཀི་ཏཱེ་ཤྭ་རཱ་ཡ། བོ་དྷི་སཏྭཱ་ཡ། མ་ཧཱ་སཏྭཱ་ཡ། མ་ཧཱ་ཀཱ་རུ་ཎི་ཀཱ་ཡ། སརྦ་བན་དྷ་ན། ཚེ་ད་ན། ཀ་ར་ཡ། སརྦ་བྷ་ས་མུ་དྲོད། ཚོ་ཥ་ན་ཀ་རཱ་ཡ། སརྦ་བྱཱ་དྷི་པྲ་ཤ་མ་ན་ཀ་རཱ་ཡ། སརྦ་ཨིཏྱུ་པ་ཏྲ་བ། 
བི་ནཱ་ཤ་ན་ཀ་རཱ་ཡ། སརྦ་བྷ་ཡེ་ཥུ་ཏྲ་ཎཱ་ཡ། ཏ་སྱ་ནཱ་མ།  སྐྲིད་ཏྭ། ཨི་དྃ་ཨཱརྱ་ཨ་བ་ལོ་ཀི་ཏེ་ཤྭ་རཱ་ཡ། ཏ་བ་ནཱི་ལ་ཀཎ་ཋ།  ན་མཱ་པ་ར་མ་ཡམ། ཨ་བར་ཏ་ཡི་ཥུ་མི། སརྦ་ཨརྠ་སཱ་དྷ་ནཱན། ཤུ་བན་ཨ་ཛེ་ཡན། སརྦ་བུད་དྷ་ནམ། བྷ་བ་
མཱ་བི་ཤོ་དྷ་གང་། ཏདྱ་ཐཱ། ཨཱ་ལོ་ཀེ། ཨ་ལོ་ཀེ། ཨ་ལོ་ཀ །ཨ་དྷི་བ་ཏཱི། ལོ་ཀ་ཏི། ཀྲཱན་ཏི། ཧྲཱི་ད་ཧྲཱི་ད། ཧ་རེ་མ་ཧཱ་བོ་དྷི་ས་ཏྭ། ཧེ་ཧེ།  མ་ཧཱ་བོ་དྷི་སྭ་ཏྭ། ཧེ་པྲི་ཡང་བོ་དྷི་སྭ་ཏྭ།  ཧྲིང་མ་ཧཱ་ཀ་རུ་ཎི་ཀ །ཀུ་རུ་ཀུ་རུ། ཀརྨཱ་སཱ་དྷ་ཡ། སཱ་དྷ་ཡ། 
བི་དྷྭ་ན། དེ་ཧི་དེ་ཧི།  མེ་རང་ཀཱ་མང་ག་མ། བི་ཏང་ག་མ། སིད་དྷྱ་ཡོ་གི་ཤྭ་ར། དྷུ་རུ་དྷུ་རུ། བེ་ཡན་ཏི། དྷ་ར་དྷ་ར་དྷཱ་ར་ཎི་ཤྭ་ར། ཙ་ལ་ཙ་ལ། བི་མ་ལ་མུརྟེ། ཨཱརྱ་ཨ་བ་ལོ་ཀི་ཏེ་ཤྭ་ར། ཀྲིཥྞ་ཛི་ན། ཛ་ཊ་མུ་ཨཱ་ལང་ཀི་ཏ། ཤ་རི་རཱ་ལཱམ་བྷ། 
པྲ་ལཱམ་བ། མ་ཧཱ་སིད་དྷྱ་བིད་དྷ། དྷཱ་ར། བ་ལ་བ་ལ། མ་ཧཱ་བ་ལ། མ་ལ་མ་ལ། མ་ཧཱ་མ་ལ། ཙ་ལ་ཙ་ལ། མ་ཧཱ་ཙ་ལ། ཀྲིཥྞ་བརྞ། ཀྲིཥྞ་བཱཀྵ་ནི་རྒ་ཧེ་པད་མ་ཧ་སྟ། ཙ་ར་ཙ་ར། ནི་ཤ་ཙ་རེ་ཤྭ་ར་ཀྲཱིཥྞ་སརྦ་ཀྲིད་ཏ་ཡད་ཉ། བ་བྷི་ཏ། ཨེ་ཧྱེ་ཧི་

106-1-231a

མ་ཧཱ་བི་ར། མ་ཧཱ་བ་ར།  ཧ་མུ་ཁ།  ཏྲི་པུ་ར། ད་ཧ་ནེ་ཤྭ་རེ། ནཱ་ར་ཡ་ཎཱ། རུ་པ་བ་ལ་བེ་ག་དྷ་རི། ཧྱེ་ཧི་ནཱི་ལ་ཀཎ་ཋཱ། ཨེ་ཧྱེ་ཧེ་མ་ཧཱ་ཧཱ་ལ་ཧཱ་ལ། བི་ཥ་ཎི་རྫི་ཏ། ལོ་ཀ་སྱ་རཱ་ག་བི་ཤ་བི་ནཱ་ཤ་ན། རེ་ཤ་བི་ཥ་བི་ནཱ་ཤ་ན། མོ་ཧཱ་བི་ནཱ་ཥ་བི་ནཱ་ཤ་ན།  ཧུ་ལུ་ཧུ་ལུ། མ་
ཧཱ་ཧུ་ལུ་ཧ་རེ། མ་ཧཱ་པད་མ་ནཱ་པཱ། ས་ར་ས་ར། སི་རི་སི་རི། སུ་རུ་སུ་རུ། བུད་དྷྱ། བུད་དྷྱ། བོ་དྷ་ཡ། བོ་དྷ་ཡ། བོ་དྷ་ཡ་མི་ཏེ་ནཱི་ལ་ཀཎ་ཋཱ་ཨེ་ཧྱེ་ཧི། བཱ་མ་སྟི་ཏ། མ་ཧཱ་སིང་ཧ་མུ་ཁ། ཧ་ས་ཧ་ས། མུཉྩ་མུན་ཙ།  མ་ཧ་ད་ཊ་ཧ་ཧ་སམ།  ཨེ་ཧྱེ་ཧི་སིད་དྷ་། 
ཡོ་གཱི་ཤྭ་ར། བྷ་ཎ་བྷ་ཎ་བཱ་ཙ་ན། སྭཱ་དྷ་ཡ་སྭཱ་དྷ་ཡ། བི་དྱན། སྨཱ་ར་སྨཱ་ར་ཏམ་བྷ་ག་བ་ཏ་ན། ལོ་ཀཱ་ནུ་བི་ལོ་ཀི་ཏ་ན། ཏ་ཐཱ་ག་ཏ་ན། དེ་ཧི་དེ་ཧི། མེ་ད་ར། ཤ་ན་ཀཱ་མ་སྱ། དར་ཤ །ནམ་པྲ་ཧྲི་ད་ཡ་མ་མན་སྭཱ་ཧཱ། སིད་དྷཱ་ཡ་སྭཱ་ཧཱ། མ་ཧཱ་
སིད་དྷཱ་ཡ་སྭཱ་ཧཱ། སིད་དྷ་ཡེ་གཱི་ཤྭ་རྭ་ཡ་སྭཱ་ཧཱ། ནཱི་ལ་ཀན་ཋཱ་ཡ་སྭཱ་ཧཱ། བ་ར་ཧཱ་མུ་ཁཱ་ཡ་སྭཱ་ཧཱ། སིང་ཧ་མུ་ཁཱ་ཡ་སྭཱ་ཧཱ། མ་ཧཱ་ན་ར་སིང་ཧ་མུ་ཁཱ་ཡ་སྭཱ་ཧཱ། བཛྲ་ཧསྟཱ་ཡ་སྭཱ་ཧཱ། སིད་དྷ་བིདྱ་དྷ་རཱ་ཡ་སྭཱ་ཧཱ། མ་ཧཱ་སིད་དྷ་བི་དྱ་དྷ་རཱ་ཡ་སྭཱ་ཧཱ། 
པད་མ་ཧ་སྟཱ་ཡ་སྭཱ་ཧཱ། ཀྲིཥྞཱ་སརྦ་ཀྲི་ཏ་ཡ་ཛྙོ་དྷ་ར་བི་ཏྭ་ཏྭཱ་སྭཱ་ཧཱ། མ་ཧཱ་མཱ་ལ་མུ་ཀུ་ཊ་དྷ་རཱ་ཡ་སྭཱ་ཧཱ། ཙཀྲ་ཡུ་དྷ་རཱ་ཡ་སྭཱ་ཧཱ། ཤང་ཀ་ཤབ་དྷ་ནི། བོ་དྷ་ནཱ་ཡ་སྭཱ་ཧཱ། བཱ་མ་སྠིད་ཊ་ཀ་ན་ད་བེ་ཤ་ཀྲིཥྞ་ཛི་ནཱ་ཡ་ལ་སྭཱ་ཧཱ། བྷྱ་ཀྲ་ཙརྨ་ནི་བཱ་ས་ནཱ་
ཡ་སྭཱ་ཧཱ། ལོ་ཀེ་ཤྭ་རཱ་ཡ་སྭཱ་ཧཱ། མ་ཧཱ་ཡོ་གི་ནཱི་ཤྭ་རཱ་ཡ་སྭཱ་ཧཱ། སརྦ་སིད་དྷེ་ཤྭ་རཱ་ཡ་སྭཱ་ཧཱ། ན་མ་ཨཱརྱཱ་ཨཱ་བ་ལོ་ཀི་ཏེ་ཤྭ་རཱ་ཡ། བོ་དྷི་སཏྭཱ་ཡ། མ་ཧཱ་སཏྭཱ་ཡ། མ་ཧཱ་ཀཱ་རུ་ཎི་ཀཱ་ཡ། སིད་དྷྱན་ཏུ་མེ་མན་ཏྲ་པཱ་ད་ནི་སྭཱ་ཧཱ། འཕགས་པ་ནཱི་ལ་ཀཎ་ཀཎ་
ཋའི་གཟུངས། རྫོགས་སྷོ།།  །།སྐར་ཞུས།། ༄༅།  །རྒྱ་གར་སྐད་དུ། ཨཱརྱ་ཨཱ་བ་ལོ་ཀི་ཏེ་ཤྭ་ར་ཧ་ཡ་གྲཱི་བ་དྷཱ་ར་ཎཱི། བོད་སྐད་དུ། འཕགས་པ་སྤྱན་རས་གཟིགས་དབང་ཕྱུག་ཧ་ཡ་གྲཱི་བའི་གཟུངས། སངས་རྒྱས་དང་བྱང་ཆུབ་སེམས་དཔའ་
ཐམས་ཅད་ལ་ཕྱག་འཚལ་ལོ། །ན་མོ་རད་ན་ཏྲ་ཡཱ་ཡ། ན་མ་ཨཱརྱ་ཨཱ་བ་ལོ་ཀི་ཏེ་ཤྭ་རཱ་ཡ། བོ་དྷི་སཏྭཱ་ཡ། མ་ཧཱ་སཏྭཱ་ཡ། མ་ཧཱ་ཀཱ་རུ་ཎཱི་ཀཱ་ཡ། སརྦ་སཏྭེ་བྷྱཿས་ན་ག་ཏི་ནེ། ན་མཿསརྦ་སཏྭེ་བྷྱཿས་ན། ཨཱ་བ་ཧ་ར་རི་ནི། ན་མཿསརྦ་

106-1-231b

སཏྭ་བྷ་ཡོད་ཏ་ར་ནཱ་ཡ། ན་མཿསརྦ་བ་བྷ་བ། པྲ་ཤ་མ་ན་ཀ་རཱ་ཡ། ན་མཿསརྦ་སཏྭ་བོ་དྷི་ཙི་ཀི་དྷ་ས་ན་ཀ་རཱ་ཡ། ན་མཿསརྦ་བནྡྷ་ནཱ། ཙྪེ་ད་ནཱ་ཀ་རཱ་ཡ། ན་མཿསརྦ་དུཿཁ་པྲ་མོ་ཀྵ་ནཱ་ཀ་རཱ་ཡ། ན་མཿསརྦ་ཨན་ད་ཀ་རཱ་བི་དྷི་མ་ན་ཀ་རཱ་ཡ། ན་མཿ
སརྦ་བི་དྱཱ་རཱ་ཛ། བ་ཤ་པྲཱ་བ་ཏེ་ཡེ། མ་ཧཱ་ཡོ་གཱ་ཡོ་གཱི་ཤྭ་རཱ་ཡ།  ཏ་སྱ་ན་མ་སྐྲི་ཏྭཱི་ཨི་དན་ཨཱ་རྱཱ་ཨཱ་བ་ལོ་ཀི་ཏེ་ཤྭ་ར་མུ་ཁོད་གི་རྞ་རི་ཤི་བིད་དྷ་དཱ། དེ་བ། ནཱ་ག །ཡཀྵ་རཱཀྵ་ས། ཤཱཀྱ་པྲ་མཱ། ལོ་ཀ་པཱ་ལཱ། བིཥྞ་མ་ཧེ་ཤྭ་ར། ན་རཱ་ཡ་ན། སྐན་
དྷ་ཀུ་བེ་ར། ཨ་སུ་རེན་དྲ། མ་ཏྲི་ག་ན། ན་མ་སྐྲི་ཏན། བཛྲ་ཁུ་ར་ས་ཧི་ཡ་ན། ཧ་ཡ་གྲཱི་བན་བྲ་མ། པ་ར་མ་ཧྲི་ད་ཡ། མ་བརྟ་ཡི་རྟ་ཡི། ཤྱ་མི། ཨ་བ་པྲ་མེ་ཡཱ་རྟ་ས་ད་ཀན། ཨ་ས་བ་ཨརྦ་བྷཱུ་ཏ་ན་ན། སརྦ་བི་གྷྣ་བི་ནཱ་ཡཱ་ཀམ། ཨ་མོ་
གྷན། སརྦ་ཀརྨ་ནམ། བི་ཤཱ་ནན་ཙ།  བི་ནཱ་ཡ་ཀན། ཏདྱ་ཐཱ། ཨོཾ་ཏ་རུ་ལ། ཏ་རུ་ལ། བི་ཏ་རུ་ལ། སརྦ་བ་ཤ་གྷ་ཏ་ཀ །སརྦ་བྷཱུ་ཏ་བི་དྲ་བ་ཀ་ཛྭ་ལི་ཏ། ཨ་ན་ལ། བ་སྤུ་ལིང་ག །ཨ་ཏ་ཏ་ས། ཀེ་ས་ར། ཨ་ཏོ་པ། པྲ་བི་ཏ་ཀ་ཡམ་བཛྲ་ཁུ་ར་ནིར། ག་ཏ་ཏི། 
ཙ་ལི་ཏ་བཱ་སུ་དཱ་ཧ་ལ། བཛྲ་ད་ཤྭ་ས་ཧ། ཧི་སི་ཏ་མ་རུ་ཏོ་ཀྵི་ཏ། པྲ་ཤ་མན་ཀ་ར། པ་ར་དུཥྚ་བི་ད་ག་ན། སམ་བ་ཀྵ་ན་ཀ་ར། སམ་བིད་དྷོ་བ་དེ་ཤ་ཀ་ར། པ་རི་མ་ཤཱན་ཏི་ཀ་ར། བུད་དྷ་བུད་དྷ། བོ་དྷཱ་ཡ་མི་ཏེ། བྷ་ག་བན་ཧ་ཡ་གྲཱི་བ། སརྦ་བིད་
དྱ་ཧྲི་ད་ཡ། མ་བར་རྟ་ཡི། ཥ་མི་ཁ་ད་ཁ་ད། མ་ཧ་རཽ་ཏྲ། མན་ཏྲ་ན། རཀྵ་རཀྵ། ཨཱད་མ་སྭ་ཧི་ཏཱ་ན་མན་ཏྲ་ན། སིད་དྷ་སིད་དྷ། སརྦ་ཀརྨེ་ཥྱ་མ། སིད་དྷེ། དེ་ཧི་དེ་ཧི། ཨ་བེ་ཤ་ཨ་བེ་ཤ །པྲ་བེ་ཤ །པྲ་བེ་ཤ །སརྦ་གྲ་ཧེ་ཤུ། ཨ་པྲ་ཏི་
ཧ་ཏ། དྷུ་ན་དྷུ་ན། བི་དྷུ་ན་བི་དྷུ་ན། མ་ཐཱ་མ་ཐཱ། པྲ་མ་ཐཱ་པྲ་མ་ཐཱ། སརྦ་བ་རོ་པྲ་གྲ་མ། ཀྲིད་ཏ་ཀ་ཁོ་རྡོ། དུར་ལང་གི་ཏ། མུ་ཤི་ཀ །བི་ཤ །ཀ་ར་བ་ཤ་དྃཥྚ་བི་ཙཱུརྣ་ཡོ་ཨ་བི་ཙཱ་ར་བི་ཤི་ཀ་ར་ན། སིད་དྷ་ཨན་ཛ་ན། ཙ་ཀྵུ་མོ་ཧ་ན། ཙིད་ཏ་
བག་ཤེ་པ་ན་ཀ་ར། ཎི་ད་ཧྱ། ཨ་བ་ར་པྲེ་ཀྵ་ཎ། ཏྲཱ་ས་ཡ་ཏྲཱ་ས་ཡ། མ་ཧཱ་བོ་དྷི་ས་ཏྭ། རིད་དྷྱ་དྃཥྚ་ཎེ་ན། སརྦ་བཱ་ཡེ་བྷྱཿས་ཏྭཱ་ནཱྃ། རཀྵ་རཀྵ། མ་མ་བུད་དྷ། དྷརྨ། སྃ་གྷ། ཨ་ནུད་ཛྙཱ་ཏམ། མེ་ཀརྨ། ཤི་གྲཱང་ཀུ་རུ་ཀུ་རུ་ཕཊ། ཧ་ཡ་གྲཱི་བ་ཕཊ། 

106-1-232a

བཛྲ་ཁུ་རཱ་ཡ་ཕཊ། བཛྲ་དྃཥྚྃད་ཀ་ཏ། བྷ་ཡ་བཻ་ར་བཱ་ཡ་ཕཊ། པྲ་ར་ནམ་ཏྲ་ན།  ནཱ་ཤཱ་ནཱ་ཀ་རཱ་ཡ་ཕཊ། བ་ར་དུཥྚ་བིདྷྭ་ག་ན། བམ་བཀྵ་ཎ་ཀ་རཱ་ཡ་ཕཊ། སརྦ་གྲ་ཧོད་སཱ་དྷ་ན་ཀ་རཱ་ཡ་ཕཊ། སརྦ་གྲ་ཧེ་ཤུ་ཨ་པྲ་ཏེ་ཧ་ཏཱ་ཡ་ཕཊ། བ་མུ་ཁཱ་ཡ་
ཕཊ། ཡེ་གེ་ཙིད་ཏ། མ་མ་ཨ་ཧི་ཏེ་ཤི་ན། ཀ་ཡེ་ཀྲ་མིན་ཏི།  མན་ཏ་ཡན་ཏི།  ཡ་མན་ཏི།  ཛུ་ཧྭ་ན་ཏི་ཀཱ་ཁོ་རྡང་ཀུརྦན་ཏི་ཏ་ན་སརྦ་ན་བ་ད་མི་ཁེ་ན། བ་ཀྲིད་ཧཱ་ཡ་ཕཊ། ན་མཿསརྦ་དུཥྚ་གྲཱ་ཧོ་ད། སཱ་དྷ་ནཱ་ཡ། ཧ་ཡ་གྲཱི་བཱ་ཡ། སིད་དྷྱན་ཏུ་མན་ཏྲ་པཱད་སྭ་ཧཱ། 
ༀ་ཨ་མྲི་ཏོད་བྷ་བཱ་ཡ་ཧཱུྃ་ཕཊ་ཕཊ་སྭཱ་ཧཱ། ཨོཾ་ན་མོ་ཧ་ཡཱ་ཡ་སྭཱ་ཧཱ། ཨོཾ་ན་མོ་བི་ཤྭ་མུརྟ་ཡེ་སྭཱ་ཧཱ། ན་མཿསརྦ་སཏྭཱ་ནཱྃ། སིད་དྷྱན་ཏུ་མན་ཏྲཱ་པཱ་དཱ་ཡ་སྭཱ་ཧཱ། འཕགས་པ་སྤྱན་རས་གཟིགས་དབང་ཕྱུག་ཧ་ཡ་གྲཱི་བ་ཞེས་བྱ་བའི་གཟུངས།   རྫོགས་
སྷོ།། །།སྐར།།  ༄༅།  །རྒྱ་གར་སྐད་དུ། ཨཱརྱ་མེ་ཁ་ལ་ནཱ་མ་དྷཱ་ར་ཎཱི། བོད་སྐད་དུ། འཕགས་པ་མེ་ཁ་ལ་ཞེས་བྱ་བའི་གཟུངས། སངས་རྒྱས་དང་བྱང་ཆུབ་སེམས་དཔའ་ཐམས་ཅད་ལ་ཕྱག་འཚལ་ལོ། །འདི་སྐད་བདག་གིས་ཐོས་པ་དུས་གཅིག་
ན། བཅོམ་ལྡན་འདས་ཤཱཀྱའི་ཡུལ་སེར་སྐྱའི་གནས་ན། ཤིང་ནྱ་གྲོ་དྷའི་ཀུན་དགའ་ར་བ་ན་བཞུགས་ཏེ། དེའི་ཚེ་གཞོན་ནུ་སྒྲ་གཅན་ཟིན་མལ་ན་ཉལ་བ་ལས་སྲིན་པོ་ཞིག་གིས་དངངས་པར་བྱས་པར་གྱུར་ཏོ། །དེ་ནས་གཞོན་ནུ་སྒྲ་
གཅན་ཟིན་དེ་ཉིད་ཀྱི་མཚན་མོ་འདས་ནས་གཞོན་ནུ་མང་པོ་རྣམས་ཀྱིས་མདུན་དུ་བདར་ཅིང་ཡོངས་སུ་བསྐོར་ཏེ་སེར་སྐྱའི་གནས་ནས་བྱུང་ནས། བཅོམ་ལྡན་འདས་ག་ལ་བ་དེར་སོང་སྟེ་ཕྱིན་ནས་བཅོམ་ལྡན་འདས་ཀྱི་ཞབས་ལ་མགོ་
བོས་ཕྱག་འཚལ་ཏེ། སྤྱན་སྔར་འདུག་ནས་ངུས་སོ། །དེ་ནས་བཅོམ་ལྡན་འདས་ཀྱིས་ཚེ་དང་ལྡན་པ་ཀུན་དགའ་བོ་ལ་བཀའ་སྩལ་པ། ཀུན་དགའ་བོ་གཞོན་ནུ་སྒྲ་གཅན་ཟིན་བསྲུང་བའི་ཕྱིར་མེ་ཁ་ལ་ཞེས་བྱ་བའི་རིག་སྔགས་བཤད་ཀྱིས་
ཁྱོད་ཀྱིས་ཟུངས་ཤིག །ལྷའི་ཚོགས་དང་། ཀླུའི་ཚོགས་དང་། གནོད་སྦྱིན་གྱི་ཚོགས་དང་། སྲིན་པོའི་ཚོགས་དང་། ལྷ་མ་ཡིན་གྱི་ཚོགས་དང་། ནམ་མཁའ་ལྡིང་གི་ཚོགས་དང་། མི་འམ་ཅིའི་ཚོགས་དང་། ལྟོ་འཕྱེ་ཆེན་པོའི་ཚོགས་དང་། ཤ་ཟའི་

106-1-232b

ཚོགས་དང་། ཡི་དགས་ཀྱི་ཚོགས་དང་། གྲུལ་བུམ་གྱི་ཚོགས་དང་། སྲུལ་པོའི་ཚོགས་དང་། གཟའི་ཚོགས་དང་། རྒྱུ་སྐར་གྱི་ཚོགས་དང་། གནོད་སྦྱིན་གྱི་སྡེ་དཔོན་ཉི་ཤུ་རྩ་བརྒྱད་དང་། རྒྱལ་པོ་ཆེན་པོ་བཞི་དང་། དྲང་སྲོང་འདོད་ཆགས་དང་བྲལ་བ་
རྣམས་དང་། གངས་ལ་གནས་པ་དང་། ཕྱོགས་བཅུ་ན་འབྱུང་པོ་གང་དག་འཁོད་པ་དང་། སྲིང་མོའི་ཚོགས་དང་། བཱ་ལི་དང་། ཀཱ་ཌ་ལི་དི་དང་། བོ་ད་རི་དང་། གྲོང་རྣ་དང་། ཡིད་བཟངས་དང་། འཕྲོག་མ་ཆེན་མོ་དང་། མ་མོའི་ཚོགས་རྣམས་ང་ལ་ཉོན་ཅིག །
རྒྱ་མཚོའི་འཁོར་གྱི་སྲུངས་མ་ཤར་ཕྱོགས་ཀྱི་ཕྱོགས་ཆ་ན་སྲིན་མོ་འཕྲོག་མ་ཞེས་བྱ་བ་དང་། ལྷོ་ཕྱོགས་ཀྱི་ཕྱོགས་ཆ་ན་སྲིན་མོ་གླང་སྣ་མ་ཞེས་བྱ་བ་དང་། ནུབ་ཕྱོགས་ཀྱི་ཕྱོགས་ཆ་ན་སྲིན་མོ་རལ་པ་ཅན་ཞེས་བྱ་བ་དང་། བྱང་ཕྱོགས་ཀྱི་ཕྱོགས་
ཆ་ན་སྲིན་མོ་སའི་གཙུག་ཅེས་བྱ་བ་སྟེ། སྲིན་མོ་དྲག་མོ་དེ་དག་རེ་རེ་ལ་ཡང་འཁོར་བྱེ་བ་དྲུག་བཅུས་བསྐོར་བ་མེ་ཁ་ལའི་རིག་སྔགས་ལས་བརྗོད་པ་དེ་དག་ཐམས་ཅད་ཀྱིས་བསྲུང་བར་གྱིས་ཤིག །ཏདྱ་ཐཱ། གྷ་ནེ་གྷ་ནེ་གྷ་ནེ་གྷ་ནེ་གྷ་ནེ་གྷ་ནེ་གྷ་ནེ་གྷ་ནེ། 
བ་ཏིར་གྷུ་མེ་གྷུ་མེ་གྷུ་མེ་གྷུ་མེ་གྷུ་མེ་གྷུ་མེ། བ་ཏི། གྷ་རེ་གྷ་རེ་གྷ་རེ་གྷ་རེ་གྷ་རེ། གི་རི་རི་ནི། གྷ་ར་བ་ཏི། སྭ་ར་བ་ཏི། དྷ་ན་པ་ཏི།  སུ་ར་བ་ཏི། ཨ་ཧིང་མེ། བ་ཏི་མ་ཏི། ཨ་བཱ་ཏི། སུ་བཱ་ཏི། བོ་ཧུ་བ་ཏི། ཧ་ལ་ཧ་ལ་ཧ་ལ།  ཧ་ལ་ཧ་ལ་ཧ་ལ་ཧ་ལ། ཧི་ལི་ཧི་ལི།  
ཧི་ལི་ཧི་ལི་ཧི་ལི་ཧི་ལི་ཧི་ལི། ཧུ་ལུ་ཧུ་ལུ་ཧུ་ལུ་ཧུ་ལུ་ཧུ་ལུ་ཧུ་ལུ་ཧུ་ལུ་། ཏི་ལི་ཏི་ལི་ཏི་ལི་ཏི་ལི་ཏི་ལི་ཏི་ལི་ཏི་ལི་། ཧི་ལི་ཧི་ལི། མི་ལི་མི་ལི། པེ་ཏ་མ་བ་ཨ་མ་ནེ། མ་བི་ས་རེ། ཧ་ཧ་ཧི་ཧི། ས་མན་ཏ་ས་རེ། ཨ་ས་མན་ཏ་ས་རེ། པ་རི་ཁ་ས་མེ། 
ཨ་བརྡེ་ས་མན་ཏ་བརྡེ། གྷ་ནེ། མ་ཁ་ལེ། ཀུན་དགའ་བོ་མེ་ཁ་ལ་ཞེས་བྱ་བ་སྟོབས་མོ་ཆེ། རྫུ་འཕྲུལ་དང་ལྡན་མ། བརྩོན་འགྲུས་ཆེན་མོ་འདི་ནི་རིག་སྔགས་འཆང་རྣམས་དང་། འབྱུང་པོ་རྣམས་དང་། རོ་ལངས་རྣམས་ལས་གང་དུ་ཡང་
བཀག་པ་མེད་དེ་ཀུན་དུ་ཐོགས་པ་མེད་པར་འགྲོའོ། །ཀུན་དགའ་བོ་མེ་ཁ་ལ་ཞེས་བྱ་བའི་རིག་སྔགས་འདི་ནི་སེམས་ཅན་རྣམས་ལ་ཕན་པའི་ཕྱིར་དང་། བདེ་བའི་ཕྱིར་དང་། བསྲུང་ཞིང་སྦ་བའི་བར་དུ་བྱ་བའི་ཕྱིར་འདས་པའི་སངས་རྒྱས་

106-1-233a

བཅོམ་ལྡན་འདས་རྣམས་ཀྱིས་གསུངས་སོ། །དྲང་སྲོང་ཆེན་པོ་གཞན་དག་གིས་ཀྱང་སྨྲས་ཏེ། ཀུན་དགའ་བོ་མེ་ཁ་ལའི་རིག་སྔགས་ནི་སེམས་ཅན་རྣམས་ལ་ཕན་པར་བྱེད་དོ། །གང་སུ་དག་སྡིག་པའི་ལས་དང་ལྡན་པ། གཟི་བརྗིད་
འཕྲོག་པ། ས་ལ་གནས་པ་དེ་དག་ཐམས་ཅད་མེ་ཁ་ལའི་རིག་སྔགས་ཐོས་ནས་ཤིན་དུ་སྐྲག་སྟེ་ཕྱོགས་དང་ཕྱོགས་མཚམས་རྣམས་སུ་འགྲོའོ། །ཀུན་དགའ་བོ་མེ་ཁ་ལའི་རིག་སྔགས་ལེགས་པར་བཟུང་བ་བྱས་པ་ལ་ཀུན་ནས་དཔག་
ཚད་བཅུ་གཉིས་སུ་བསྲུང་བ་གྱིས་ཤིག །ཡོངས་སུ་བསྐྱབ་པ་དང་། ཡོངས་སུ་གཟུང་བ་དང་། ཡོངས་སུ་བསྐྱང་བ་དང་། ཞི་བ་དང་། བདེ་ལེགས་སུ་འགྱུར་བར་གྱིས་ཤིག །སངས་རྒྱས་ལ་ཕྱག་འཚལ་ལོ། །ཆད་པ་སྤང་བར་གྱིས་ཤིག །
མཚོན་ཆ་སྤང་བ་དང་། དུག་གཞིལ་བར་གྱིས་ཤིག །མི་མཛའ་བ་ཟློག་པར་གྱིས་ཤིག །མཚམས་གཅད་པར་གྱིས་ཤིག །སྐུད་པས་བཅིང་བར་གྱིས་ཤིག །སྡང་བ་ཐམས་ཅད་ཟློག་པར་གྱིས་ཤིག །མི་དང་མི་མ་ཡིན་པ་སྡིག་པར་བྱེད་པ་
རྣམས་འཚེར་མ་གཞུག་ཅིག །སངས་རྒྱས་ལ་ཕྱག་འཚལ་ལོ། །གསང་སྔགས་ཀྱི་གཞི་རྣམས་གྲུབ་པར་གྱུར་ཅིག་སྭཱ་ཧཱ། དེ་ལ་ཆོ་ག་ནི་དེ་བཞིན་གཤེགས་པ་ལ་ཕྱག་འཚལ་ཏེ། མེ་ཏོག་དང་། བདུག་པ་དག་གསོལ་ནས་སྐུད་པ་བཅིང་བར་བྱ་
འོ། །བྱབ་པ་དང་། མཉེ་བ་དང་། ལེགས་པར་ཁྲུས་བྱའོ། །ཆོ་ག་འདིས་གདོན་ཐམས་ཅད་བཟློག་པ་དང་། ནད་ཐམས་ཅད་རབ་ཏུ་ཞི་བར་བྱའོ། །ཏདྱ་ཐཱ། ཏི་ལེ་བེ་ལེ། བི་མ་ལེ། ཏ་མ་ལེ། ཧི་ལི་ནི་རི། སི་རི་མ་ས་ར། རིག་སྔགས་འདི་ནི་ཐོས་གྱུར་
ནས། །ས་རྣམས་ཐམས་ཅད་གཡོས་པར་གྱུར། །འབྱུང་པོའི་ཚོགས་རྣམས་རབ་ཏུ་གཡོས། །ལྷ་ཚོགས་རྣམས་ཀྱང་ལྷགས་པར་གྱུར། །ཀླུའི་རྒྱལ་པོ་རྣམས་ཀྱང་ལྷགས། །འབྱུང་པོའི་རྒྱལ་པོ་རྣམས་ཀྱང་ལྷགས། །བཅོམ་ལྡན་བྱམས་
པ་འང་དེར་ཕྱིན་ཏོ། །ཚངས་པ་དང་ནི་དབང་པོའང་ལྷགས། །དབང་ཕྱུག་ཆེ་དང་གཞོན་ནུ་དང་། །གཉིས་ཀ་དེར་ནི་ལྷགས་པར་གྱུར། །མེ་ཁ་ལ་ལས་གང་སུ་དག །བརྗོད་པའི་འབྱུང་པོ་རྣམས་ཀྱང་ལྷགས། །དེ་ནས་བཅོམ་ལྡན་འདས་ལ་

106-1-233b

བྱང་ཆུབ་སེམས་དཔའ་སེམས་དཔའ་ཆེན་པོ་བྱམས་པས་འདི་སྐད་ཅེས་གསོལ་ཏོ། །བཅོམ་ལྡན་འདས་བདག་གིས་ཀྱང་འདི་ལ་སྲུང་བ་དང་། ཡོངས་སུ་བསྐྱབ་པ་དང་། ཡོངས་སུ་གཟུང་བ་དང་། ཞི་བ་དང་། བདེ་ལེགས་སུ་འགྱུར་བ་དང་། 
ཆད་པ་སྤང་བ་དང་། མཚོན་ཆ་སྤང་བ་དང་། དུག་གཞིལ་བ་དང་། མི་མཛའ་བ་བཟློག་པ་དང་། མཚམས་དགུམ་པ་དང་། མེ་ཁ་ལས་ཡོངས་སུ་བཟློག་པ་སྩལ་བར་བགྱིའོ། །ཏདྱ་ཐཱ། ཨ་བད་ཊ་ནི། བད་ཊ་ནི། ཨི་བི་བཊ་ནི། ཙུ་ལུ་ཙུ་ལི། ཨུརྡཱ་དན་
ཏེ། ས་མན་ཏ།  དཎ་ཊེ།  ནིར་མུཎ་ཌེ། ནི་མི་མུ་ནི། ཞི་བ་དང་བདེ་ལེགས་སུ་འགྱུར་བར་བགྱིའོ་སྭཱ་ཧཱ། སངས་རྒྱས་ལ་ཕྱག་འཚལ་ལོ། །བདེ་ལེགས་སུ་གྱུར་ཅིག་སྭཱ་ཧཱ། དེ་ནས་མི་མཇེད་ཀྱི་བདག་པོ་ཚངས་པས་མེ་ཁ་ལའི་རིག་སྔགས་
ཀུན་ནས་འཛིན་པ་འདིའི་འཁོར་གྱི་ཚིག་འདི་ཕུལ་ལོ། །སྱཱད་ཡ་ཐེ་དན། ཨང་གུ་རེ། ཨ་དུ་རེ། དུ་དུ་རེ། ཤི་ཁི་ཤི་ཁི་ཤི་ཁི་ཤི་ཁི་ཤི་ཁི་བ་རེ། ད་ར་ད་ར་བ་ཏི། མུ་ཙ་མུ་ཙ་བི་མུ་ཙ། ཞི་བ་དང་བདེ་ལེགས་སུ་འགྱུར་བར་བགྱིའོ་སྭཱ་ཧཱ། དེ་
ནས་དེའི་ཚེ་ལྷའི་བུ་རབ་འཐབ་བྲལ་གྱིས་མེ་ཁ་ལའི་རིག་སྔགས་ཀྱི་འཁོར་ཕུལ་བ། སྱཱད་ཡ་ཐེ་དན། པྲ་དུཥྚེ། རུ་དྷི་ར་ཀརྣེ། གམ་བྷི་རེ། དུར་ད་ཤེ། ན་མུ་ཙེ། མུ་ཙེ། ཤཱཀྱ་རཱ་ཛེ། བདེ་ལེགས་སུ་འགྱུར་བར་བགྱིའོ་སྭཱ་ཧཱ། 
དེ་ནས་དེའི་ཚེ་ལྷའི་དབང་པོ་བརྒྱ་བྱིན་གྱིས་མེ་ཁ་ལའི་རིག་སྔགས་ཀྱི་འཁོར་ཕུལ་བ། སྱཱད་ཡ་ཐེ་དན། སོད་ཌེ། བེ་དེ་ཌེ། བྷེ་ད་ཌ་མེ། དན་ཏི་ལི། ཏི་ལི་མི་ལི། བསྲུང་བ་གྱིས་ཤིག །བདེ་ལེགས་སུ་འགྱུར་བར་བྱའོ། །
མཚམས་དགུམ་པའི་བར་དུ་བྱའོ་སྭཱ་ཧཱ། དེ་ནས་དེའི་ཚེ་རྒྱལ་པོ་ཆེན་པོ་ལུས་ངན་གྱིས་མེ་ཁ་ལའི་རིགས་སྔགས་ཀྱི་འཁོར་ཕུལ་བ། སྱཱད་ཡ་ཐེ་དན། གྷུ་མེ་གྷུ་མེ་གྷུ་མེ་གྷུ་མེ་གྷུ་མེ། ཨུ་ཀེ། མུ་ཀེ། ཛྭ་ལེ། ད་ལེ་མ་ཏི་ཕ་ལེ། སྭཱ་རེ། 
ས་རེ། ཨ་དྷི་པ་ཏི། ཞི་བ་དང་བདེ་ལེགས་སུ་འགྱུར་བར་བགྱིའོ། །མཚམས་དགུམ་པའི་བར་དུ་བགྱིའོ་སྭཱ་ཧཱ། དེ་ནས་དེའི་ཚེ་རྒྱལ་པོ་ཆེན་པོ་ཡུལ་འཁོར་བསྲུངས་གིས་མེ་ཁ་ལའི་རིག་སྔགས་ཀྱི་འཁོར་ཕུལ་བ། སྱཱད་ཡ་ཐེ་དན། 

106-1-234a

དྷ་དྷ་རེ། དྷ་དྷ་རེ། དྷཱ་ར་ཎཱི། དྷཱ་ར་ཎཱི། དྷཱ་རེ། ཨ་ཙུ་ཏེ། མུ་ཙེ། མུ་རུ་མུ་རུ། ཞི་བ་དང་བདེ་ལེགས་སུ་འགྱུར་བར་བགྱི་འོ་སྭཱ་ཧཱ། །མཚམས་དགུམ་པའི་བར་དུ་རྒྱ་ཆེར་བགྱིའོ་སྭཱ་ཧཱ། དེ་ནས་དེའི་ཚེ་རྒྱལ་པོ་ཆེན་པོ་འཕགས་སྐྱེས་པོས་མེ་ཁ་ལ་
འི་རིག་སྔགས་ཀྱི་འཁོར་ཕུལ་བ། སྱཱད་ཡ་ཐེ་དན། ཨན་ཏ་རེ། པན་ཏ་རེ། ཀ་ར་ཌེ། པ་ར་པ་ཏྲེ། ཀ་རི་རུ་ཧེ། ཀ་རི་དྷ་རེ། ག་ན་ཀ་པ་ཏྲེ། རུ་རུ་མེ། ཀྵུ་ཀྵུ། ཨཀྵི་མེ། བཀྵི། ཞི་བ་དང་བདེ་ལེགས་སུ་འགྱུར་བར་བགྱིའོ། །མཚམས་
དགུམ་པའི་བར་དུ་བགྱིའོ་སྭཱ་ཧཱ། དེ་ནས་རྒྱལ་པོ་ཆེན་པོ་མིག་མི་བཟང་གིས་མེ་ཁ་ལའི་རིག་སྔགས་ཀྱི་འཁོར་ཕུལ་བ། སྱཱད་ཡ་ཐེ་དན། ཛ་མ་ལ་ཛ་མ་ལ། དྷི་རི་དྷི་རི། བྷི་རི་བྷི་རི་བྷི་རི། ས་མན་ཏ་བྷི་རི། ཞི་བ་དང་བདེ་ལེགས་སུ་འགྱུར་
བར་བགྱིའོ། །མཚམས་དགུམ་པའི་བར་དུ་བགྱིའོ་སྭཱ་ཧཱ། དེ་ནས་དེའི་ཚེ་ལྷའི་བུ་ཟླ་བས་མེ་ཁ་ལའི་རིག་སྔགས་ཀྱི་འཁོར་ཕུལ་བ། སྱཱད་ཡ་ཐེ་དན། ཨ་ལ་ཧེ། ཏ་ལ་བྷེ། མན་ཌེ། བི་མ་ཎ་ཌེ། དྷ་ཀེ། དྷ་ར་ཀེ། ས་ཀི་ནི། བ་ཀི་ནི། 
ཞི་བ་དང་བདེ་ལེགས་སུ་འགྱུར་བར་བགྱིའོ། །མཚམས་དགུམ་པའི་བར་དུ་བགྱིའོ་སྭཱ་ཧཱ། དེ་ནས་དེའི་ཚེ་ལྷའི་བུ་ཉི་མས་མེ་ཁ་ལའི་རིག་སྔགས་ཀྱི་འཁོར་ཕུལ་བ། སྱཱད་ཡ་ཐེ་དན། ཨོཾ་བཱ་དེ་བི་མ་ལེ། པྲ་བྷཱ་སྭ་རེ། ཤ་ཧ་རསྨྲེ། 
ཧ་ས་ཧ་སྲ་རསྨྲེ། ཨ་ཏ་སྲ་ར་སི། ཞི་བ་དང་བདེ་ལེགས་སུ་འགྱུར་བར་བགྱིའོ། །མཚམས་དགུམ་པའི་བར་དུ་བགྱིའོ་སྭཱ་ཧཱ། དེ་ནས་དེའི་ཚེ་ལྷའི་ཚོགས་རྣམས་ཀྱིས་མེ་ཁ་ལའི་རིག་སྔགས་ཀྱི་འཁོར་ཕུལ་བ། སྱཱད་ཡ་ཐེ་དན། ཀུ་རུ་ཀུ་རུ། 
སུ་རུ་སུ་རུ། མུ་རུ་མུ་རུ། ཞི་བ་དང་བདེ་ལེགས་སུ་འགྱུར་བར་བགྱིའོ། །མཚམས་དགུམ་པའི་བར་དུ་བགྱིའོ་སྭཱ་ཧཱ། དེ་ནས་དེའི་ཚེ་རྒྱུ་སྐར་གྱི་ཚོགས་རྣམས་ཀྱིས་མེ་ཁ་ལའི་རིག་སྔགས་ཀྱི་འཁོར་ཕུལ་བ། སྱཱད་ཡ་ཐེ་དན། ཏ་མ་ལ། ཏ་ལེ་ཨ་
ཧེ། ད་ཧེ་ཨཱ་ཀཱ་ཤ་བི་མ་ལེ། ཞི་བ་དང་བདེ་ལེགས་སུ་འགྱུར་བའི་བར་དུ་བགྱིའོ། །མཚམས་དགུམ་པའི་བར་དུ་བགྱིའོ་སྭཱ་ཧཱ། དེ་ནས་དེའི་ཚེ་ཀླུའི་ཚོགས་རྣམས་ཀྱིས་མེ་ཁ་ལའི་རིག་སྔགས་ཀྱི་འཁོར་ཕུལ་བ། སྱཱད་ཡ་ཐེ་དན། ཨེ་ལེ་མེ་ལེ། 

106-1-234b

ཨ་ཙ་ལེ། པ་དྷེ་ཨཱ་ཤུ་བ་དྷེ་མོ་ཀྵེ། ཞི་བ་དང་བདེ་ལེགས་སུ་འགྱུར་བའི་བར་དུ་བགྱིའོ། །མཚམས་དགུམ་པའི་བར་དུ་བགྱིའོ་སྭཱ་ཧཱ། དེ་ནས་དེའི་ཚེ་ལྷ་མ་ཡིན་གྱི་ཚོགས་རྣམས་ཀྱིས་མེ་ཁ་ལའི་རིག་སྔགས་ཀྱི་འཁོར་ཕུལ་བ། སྱཱད་ཡ་ཐེ་
དན། ཨ་དྷ་དྷ་རེ། བི་པུ་ཏེ། སམ་བུ་ཏེ། དན་ཏི། ཞི་བ་དང་བདེ་ལེགས་སུ་འགྱུར་བར་བགྱིའོ། །མཚམས་དགུམ་པའི་བར་དུ་བགྱིའོ་སྭཱ་ཧཱ། དེ་ནས་དེའི་ཚེ་གནོད་སྦྱིན་གྱི་སྡེ་དཔོན་ཉི་ཤུ་རྩ་བརྒྱད་ཀྱིས་མེ་ཁ་ལའི་རིག་སྔགས་ཀྱི་འཁོར་ཕུལ་བ། 
སྱཱད་ཡ་ཐེ་དན། ཚ་ཚ་པ་ཏི། ཚ་ཚ་པ་ཏི། རུ་རུ་དྲཱ་རཱ། ཨུ་བྷི་ར་བཱ་ར། ཞི་བ་དང་བདེ་ལེགས་སུ་འགྱུར་བའི་བར་དུ་བགྱིའོ། །མཚམས་དགུམ་པའི་བར་དུ་བགྱིའོ་སྭཱ་ཧཱ། དེ་ནས་དེའི་ཚེ་ཡི་དགས་དང་། ཤ་ཟ་དང་། གྲུལ་བུམ་གྱི་ཚོགས་ཀྱིས་མེ་ཁ་ལའི་
རིག་སྔགས་ཀྱི་འཁོར་ཕུལ་བ། སྱཱད་ཡ་ཐེ་དན། བྷུ་ཏི་བི་བྷུ་ཏི། ཨ་ཏི་བྷུ་ཏི། སརྦ་རྡ་ན་བྷུ་ཏི། ཞི་བ་དང་བདེ་ལེགས་སུ་འགྱུར་བར་བགྱིའོ། །མཚམས་དགུམ་པའི་བར་དུ་བགྱིའོ་སྭཱ་ཧཱ། དེ་ནས་དེའི་ཚེ་སྲུལ་པོ་དང་། ལུས་སྲུལ་པོའི་ཚོགས་ཀྱིས་
མེ་ཁ་ལའི་རིག་སྔགས་ཀྱི་འཁོར་ཕུལ་བ། སྱཱད་ཡ་ཐེ་དན། ཕ་དུ་མེ། ཀཱ་རཱ་ཌེ། ཨ་དྷི་ཏ། ཙུ་ཏེ། ས་མི་ར་ཎི། ཚུ་ཚུ་བ་ཏི། ཞི་བ་དང་བདེ་ལེགས་སུ་འགྱུར་བར་བགྱིའོ། །མཚམས་དགུམ་པའི་བར་དུ་བགྱིའོ་སྭཱ་ཧཱ། དེ་ནས་དེའི་ཚེ་མ་མོའི་ཚོགས་
ཐམས་ཅད་ཀྱིས་མེ་ཁ་ལའི་རིག་སྔགས་ཀྱི་འཁོར་ཕུལ་བ། སྱཱད་ཡ་ཐེ་དན། ཀེ་ལེ་མ་ཀེ་ལེ། ཌ་མ། ཀེ་ལེ་པ་ར་ཌ་རེ། ཌ་མ་རེ་ཌ་ཌ་རེ། ཞི་བ་དང་བདེ་ལེགས་སུ་འགྱུར་བར་བགྱིའོ། །མཚམས་དགུམ་པའི་བར་དུ་བགྱིའོ་སྭཱ་ཧཱ། དེ་ནས་དེའི་ཚེ་
ཕྱོགས་བཞིའི་སྲིན་མོ་བཞི་པོ་དེ་དག་གིས་མེ་ཁ་ལའི་རིག་སྔགས་ཀྱི་འཁོར་ཕུལ་བ། སྱཱད་ཡ་ཐེ་དན། ཨཱ་ན་བ་ནེ། ཁ་ཛེ། ཁ་བ་ཛེ། ཁུ་ཁུ་རི་རི། མི་རི་ཧི་རི། ཞི་བ་དང་བདེ་ལེགས་སུ་འགྱུར་བར་བགྱིའོ། །མཚམས་དགུམ་པའི་བར་དུ་བགྱིའོ་སྭཱ་ཧཱ། དེ་ནས་
དེའི་ཚེ་སྲིན་མོ་ཆེན་མོ་འགྲོ་ལྡིང་བས་མེ་ཁ་ལའི་རིག་སྔགས་ཀྱི་འཁོར་ཕུལ་བ། སྱཱད་ཡ་ཐེ་དན། ད་ར་ད་རེ། ད་ར་ད་རེ། ཧ་ཧ། ཧི་ཧི། ཧུ་ཧུ་ཧུ་ཧུ། ཤི་ཀི་ཀླི་བ་ཀླི་བ། མ་ཁུ་མ་ཁུ། ཛུ་ཁ་ཁི། ཊ་བ་ཊ་པི། ཨད་ཊུ།  རད་ཊུ།  ཊྱ་ར། ཀླ་མ། ཀུ་ཛུ་ཀུ་ཛུ། དྲི་དྲི་དྲི། 

106-1-235a

དཱུ་དཱུ་དཱུ། ཚི་མི་ལི་མི་ལི། ཨ་ཌ་ཀྭ་ཀྭ།  ཀྭ་སི། དུ་དུ། ཏི་ཐི་ཏི་ཐི། ཏི་མི་ལི་མི་ཏི། ཤི་ཏི། མི་ཏི་ལི། བ་ཏི། པྲེ་ཏྲི་པེ་ཏྲི་ནེ།  དུ་ཧི་ནི། ཨ་ཧཱ་ནི། ལ་ཧེ། བ་ཧེ། ཐ་ཊ་པཻ་ཐ་བེ། བཙུན་པ་འདི་ནི་འགྲོ་ལྡིང་བའི་རིག་སྔགས་ཏེ། མེ་ཁ་ལའི་གཟུངས་སྔགས་
ཀྱི་འཁོར་དུ་ཕུལ་བ་ལགས་སོ། །བསྲུང་བ་དང་། ཡོངས་སུ་བསྐྱབ་པ་དང་། ཡོངས་སུ་གཟུང་བ་དང་། ཡོངས་སུ་བསྐྱང་བ་དང་། ཞི་བ་དང་བདེ་ལེགས་སུ་འགྱུར་བ་དང་། ཆད་པ་སྤང་བ་དང་། མཚོན་ཆ་སྤང་བ་དང་། དུག་གཞིལ་བ་དང་། མི་མཛའ་བ་
བཟློག་པ་དང་། དཔག་ཚད་བཅུ་གཉིས་སུ་མཚམས་དགུམ་པ་དང་། ཡོངས་སུ་བསྐྱང་བར་བགྱིའོ། །ལྷའམ། ཀླུའམ། གནོད་སྦྱིན་ནམ། སྲིན་པོའམ། གྲུལ་བུ་མམ། ཤ་ཟའམ། དྲི་ཟའམ། ཡི་དགས་སམ། སྲུལ་པོའམ། ལུས་སྲུལ་པོའམ། ལྷ་མ་ཡིན་
ནམ། ནམ་མཁའ་ལྡིང་ངམ། མི་འམ་ཅིའམ། ལྟོ་འཕྱེ་ཆེན་པོའམ། སྐེམ་བྱེད་དམ། བརྗེད་བྱེད་དམ། སྨྱོ་བྱེད་དམ། གཤེད་བྱེད་དམ། བྱད་སྟེམས་སམ། རོ་ལངས་སམ། ཉིན་གཅིག་པའམ། ཉིན་གཉིས་པའམ། ཉིན་གསུམ་པའམ། ཉིན་བཞི་པའམ། 
མིའམ། མི་མ་ཡིན་པ་གང་གིས་ཀྱང་གནོད་པར་བགྱིད་པར་མ་གྱུར་ཅིག །ཅོ་འདྲི་བའམ། རྣམ་པར་འཚེ་བའམ། གླགས་ལྟ་བའམ། གླགས་ཚོལ་བས་གླགས་རྙེད་པར་འགྱུར་བ་དེ་ནི་གནས་མ་མཆིས་ཏེ། སྔོན་གྱི་ལས་ཀྱི་རྣམ་པར་སྨིན་པ་ནི་མ་
གཏོགས་སོ། །འཇིགས་པ་ཐམས་ཅད་དང་། མི་མ་ཡིན་པ་ཐམས་ཅད་ལ་རྟག་ཏུ་བདེ་ལེགས་སུ་གྱུར་ཅིག་སྭཱ་ཧཱ། དེ་ནས་བཅོམ་ལྡན་འདས་ཀྱིས་ཚེ་དང་ལྡན་པ་ཀུན་དགའ་བོ་ལ་བཀའ་སྩལ་པ། ཀུན་དགའ་བོ་ཁྱོད་ཀྱིས་མེ་ཁ་ལ་
འི་རིག་སྔགས་འཁོར་དང་བཅས་པ་ཟུང་ཤིག །ཀུན་དགའ་བོ་མེ་ཁ་ལའི་རིག་སྔགས་འདི་ནི་སྤྲིན་འཆིང་བ། རླུང་གནོན་པ། ཚར་གཅོད་པ། བདག་སྲུང་བ། གཞན་སྲུང་བ། གྲོང་དང་། གྲོང་ཁྱེར་སྲུང་བ། མཚམས་གཅོད་པ་སྟེ། ལྷའམ། 
ཀླུའམ། གནོད་སྦྱིན་ནམ། སྲིན་པོའམ། ཡི་དགས་སམ། གྲུལ་བུམ་མམ། ཤ་ཟའམ། ལུས་སྲུལ་པོའམ། དགེ་སྦྱོང་ངམ། བྲམ་ཟེའམ། སྤྱོད་པ་པའམ། ཀུན་ཏུ་རྒྱུ་དང་། གཅེར་བུ་པའམ། འཚོ་བ་པའམ། མི་ཐོད་ཅན་ནམ། ལུས་སྐྱའམ། 

106-1-235b

མིའམ། མི་མ་ཡིན་པས་འདའ་བར་བྱ་བ་མ་ཡིན་པའོ། །ཀུན་དགའ་བོ་མེ་ཁ་ལའི་རིག་སྔགས་འདི་ནི་གཤེད་བྱེད་དང་། བྱད་སྟེམ་དང་། རོ་ལངས་ཐམས་ཅད་འཇིག་པར་བྱེད་པའོ། །གདོན་ཐམས་ཅད་ཟློག་པའོ། །བཀྲ་མི་ཤིས་པ་ཐམས་ཅད་
འཇིག་པར་བྱེད་པའོ། །ཀུན་དགའ་བོ་མེ་ཁ་ལའི་རིག་སྔགས་འདི་ནི་དགེ་སྦྱོང་གིས་བྱས་པ་གཅོད་པར་བྱེད་པའོ། །བྲམ་ཟེས་བྱས་པ་དང་། སྤྱོད་པ་དང་། ཀུན་ཏུ་རྒྱུ་དང་། འཚོ་བ་པས་བྱས་པའི་རིག་སྔགས་གཅོད་པར་བྱེད་པའོ། །དབང་ཕྱུག་
ཆེན་པོས་བྱས་པའི་རིག་སྔགས་གཅོད་པར་བྱེད་པའོ། །ཚངས་པས་བྱས་པ་དང་། བརྒྱ་བྱིན་གྱིས་བྱས་པ་དང་། ལྷའི་དབང་པོས་བྱས་པ་དང་། རྒྱལ་པོ་ཆེན་པོས་བྱས་པ་དང་། ཁྱབ་འཇུག་གིས་བྱས་པ་དང་། འདོད་པའི་དབང་ཕྱུག་གི་རྒྱལ་པོས་
བྱས་པའི་རིག་སྔགས་གཅོད་པར་བྱེད་པའོ། །རྒྱལ་པོ་ཆེན་པོས་བྱས་པ་དང་། གནོད་སྦྱིན་གྱི་སྡེ་དཔོན་གྱིས་བྱས་པ་དང་། ཟླ་བ་དང་། ཉི་མ་དང་། རྒྱུ་སྐར་དང་། གཟས་བྱས་པའི་རིག་སྔགས་གཅོད་པར་བྱེད་པའོ། །ལྷ་དང་། ཀླུ་དང་། གནོད་སྦྱིན་དང་། 
སྲིན་པོ་དང་། དྲི་ཟ་དང་། ལྷ་མ་ཡིན་དང་། ནམ་མཁའ་ལྡིང་དང་། མི་འམ་ཅི་དང་། ལྟོ་འཕྱེ་ཆེན་པོས་བྱས་པའི་རིག་སྔགས་གཅོད་པར་བྱེད་པའོ། །རྫུ་འཕྲུལ་དང་ལྡན་པས་བྱས་པའི་རིག་སྔགས་གཅོད་པར་བྱེད་པའོ། །ལྷ་ཁང་བས་ཀྱང་བྱས་པའི་
རིག་སྔགས་གཅོད་པར་བྱེད་པའོ། །དུར་ཁྲོད་པས་བྱས་པའི་རིག་སྔགས་གཅོད་པར་བྱེད་པའོ། །ཤིང་དྲུང་བས་བྱས་པ་དང་། རི་དྲུང་བས་བྱས་པ་དང་། རི་རྩེ་བས་བྱས་པ་དང་། ས་པས་བྱས་པ་དང་། ནམ་མཁའ་བས་བྱས་པ་དང་། གནས་ཐམས་
ཅད་པས་བྱས་པ་དང་། མིས་བྱས་པ་དང་། མི་མ་ཡིན་པས་བྱས་པའི་རིག་སྔགས་གཅོད་པར་བྱེད་པའོ། །མེ་ཁ་ལའི་རིག་སྔགས་འདི་ནི་གཅོད་པའོ། །ཕྱིར་གཅོད་པའོ། །ཕྱིས་གཅོད་པའོ། །ཀུན་དགའ་བོ་གང་གིས་མེ་ཁ་ལའི་རིག་སྔགས་
འདིས་བསྲུང་བ་དང་། ཡོངས་སུ་བསྐྱབ་པ་དང་། ཡོངས་སུ་གཟུང་བ་དང་། ཡོངས་སུ་བསྐྱང་བ་དང་། ཞི་བ་དང་བདེ་ལེགས་སུ་འགྱུར་བ་དང་། ཆད་པ་སྤང་བ་དང་། མཚན་ཆ་སྤང་བ་དང་། དུག་གཞིལ་བ་དང་། མི་མཛའ་བ་བཟློག་པ་དང་། དཔག་ཚད་

106-1-236a

དམ། དཔག་ཚད་གཉིས་སམ། དཔག་ཚད་བཅུ་གཉིས་ཀྱི་བར་དུ་མཚམས་གཅད་པར་བྱས་ན། གང་མེ་ཁ་ཝའི་རིག་སྔགས་འདི་ལས་འདའ་བར་བྱེད་པ་ནི་ལྷ་དང་བཅས་པ་དང་། བདུད་དང་བཅས་པ་དང་། ཚངས་པ་དང་བཅས་པ་
དང་། དགེ་སྦྱོང་དང་བྲམ་ཟེར་བཅས་པའི་སྐྱེ་དགུའི་འཇིག་རྟེན་དང་། ལྷ་དང་། མི་དང་། ལྷ་མ་ཡིན་དུ་བཅས་པའི་འཇིག་རྟེན་ན་ངས་མ་མཐོང་སྟེ་དེ་ནི་གནས་མེད་དོ། །ཀུན་དགའ་བོ་སངས་རྒྱས་ཐམས་ཅད་ཀྱི་བདེན་པ་དང་། ཆོས་ཀྱི་
བདེན་པ་དང་། དགེ་འདུན་གྱི་བདེན་པ་དང་། བདེན་པར་སྨྲ་བ་ཐམས་ཅད་ཀྱི་བདེན་པ་དང་། དྲང་སྲོང་ཐམས་ཅད་ཀྱི་བདེན་པ་འདི་ལས་སེམས་ཅན་གྱི་ཚོགས་འགལ་བར་མ་བྱེད་ཅིག །ཀུན་དགའ་བོ་དུས་ལས་འདའ་བར་
མི་བྱ་བ་ལྔ་ནི་འདི་ཡིན་ཏེ། སངས་རྒྱས་ཀྱི་བདེན་པ་ལས་འདའ་བར་མི་བྱ་བ་དང་། ཆོས་ཀྱི་བདེན་པ་ལས་འདའ་བར་མི་བྱ་བ་དང་། དགེ་འདུན་གྱི་བདེན་པ་ལས་འདའ་བར་མི་བྱ་བ་དང་། བདེན་པར་སྨྲ་བ་རྣམས་ཀྱི་བདེན་པ་ལས་
འདའ་བར་མི་བྱ་བ་དང་། དྲང་སྲོང་གི་བདེན་པ་ལས་འདའ་བར་མི་བྱ་བ་སྟེ། འབྱུང་པོ་ཐམས་ཅད་དང་། ནད་ཐམས་ཅད་དང་། མི་ཐམས་ཅད་དང་། མི་མ་ཡིན་པ་ཐམས་ཅད་ཀྱིས་འདའ་བར་བྱ་བ་མ་ཡིན་ནོ། །ནད་ཐམས་ཅད་དང་། 
འབྱུང་པོ་ཐམས་ཅད་དང་། སྡང་བ་ཐམས་ཅད་དང་། མི་འཛ་བ་ཐམས་ཅད་ལས་བདེ་ལེགས་སུ་གྱུར་ཅིག །གང་ཡང་རྣམ་པར་ཐོ་འཚམ་པར་མ་བྱེད་ཅིག །འཚེ་བར་མ་བྱེད་ཅིག །གང་ཡང་རྡེག་པར་མ་བྱེད་ཅིག་སྭཱ་ཧཱ། མེ་ཁ་ལའི་རིག་
སྔགས་ཀྱི་ཆོ་ག་བཤད་པར་བྱའོ། །སངས་རྒྱས་ལ་མེ་ཏོག་གི་མཆོད་པ་དང་། བདུག་པ་དང་། སྤོས་དང་། ལྷ་བཤོས་དག་ཕུལ་ནས་ཕྱིས་བསྲུང་བར་བྱའོ། །གཙང་མས་གོས་གཙང་མ་བགོས་ཏེ། བ་ལང་གི་ལྕི་བས་དཀྱིལ་འཁོར་
བྱུགས་ནས་མེ་ཏོག་དག་བཀྲམ་སྟེ། ཅི་འབྱོར་པའི་གཏོར་མའམ། ཕྱེའམ། པད་མ་དང་། བཟའ་བ་དང་། བཏུང་བ་དང་། མེ་ཏོག་བསྲེས་པས་བུམ་པ་བཀང་བའམ། སྣོད་བཀང་བའི་དབུས་སུ་འདུག་ནས་སྤོས་ཀྱིས་རྒྱུན་མི་འཆད་པར་

106-1-236b

བདུག་པར་བྱའོ། །རྩྭ་ཀུ་ཤས་ཐམས་ཅད་ལ་བྱབ་པར་བྱའོ། །བདག་བསྲུང་བ་དང་། གཞན་བསྲུང་བར་བྱ་བ་ནི་སྐུད་པས་སོ། །སྤྲིན་བཅིང་བ་ནི་མེ་ཏོག་གནའ་མའི་ཤིང་དང་། གནའ་མའི་མར་གྱིས་སྦྱིན་བསྲེག་བྱའོ། །རླུང་དང་། ཆར་བཟློག་
པ་ནི་རྩྭ་མུན་ཛའི་ལྷས་མ་ལ་ལན་གསུམ་བཟླས་བརྗོད་བྱས་ཏེ་རྩ་བའི་རིག་སྔགས་ཀྱིས་ལན་བདུན་བཏབ་ནས་མདུད་པ་བདུན་བོར་བར་བྱའོ། །ལམ་གྲུབ་པ་དང་། བདེ་བར་བྱ་ན་ཆོས་གོས་ཀྱི་གྲྭར་ལན་གསུམ་བཟླས་བརྗོད་བྱས་ཏེ་མདུད་པ་
གསུམ་བོར་བར་བྱའོ། །ཟས་དཀར་གསུམ་ཟོས་ལ་ཉིན་ཞག་གསུམ་བསྙུང་བ་བྱས་ནས་པད་མ་དང་། ཡུངས་དཀར་དཀར་པོ་ལ་ལན་ཉི་ཤུ་རྩ་གཅིག་བཟླས་བརྗོད་བྱས་ཏེ་གྲོང་དང་། གྲོང་ཁྱེར་མཚམས་གཅད་པར་བྱའོ། །རིག་
སྔགས་ཐམས་ཅད་གཅོད་པར་འདོད་པས་སྣ་ཚོགས་པའི་མཚོན་ཆ་ལ་ལན་བདུན་བཟླས་བརྗོད་བྱས་ཏེ་ཆུ་ལ་གཅད་པར་བྱའོ། །སྣོད་སར་པར་ཆུ་བླུགས་ནས་ལན་བདུན་བཟླས་བརྗོད་བྱས་ཏེ་ཁྲུས་བྱས་ན་ལོག་འདྲེན་ཐམས་ཅད་
བཅིང་བ་བྱས་པར་འགྱུར་རོ། །མེ་ཏོག་དཀར་པོ་དག་ལ་བཟླས་བརྗོད་བྱས་ཏེ་བསྣུན་ན་དུག་མེད་པར་འགྱུར་རོ། །ནད་ཐམས་ཅད་ལ་ཤིང་ཀ་ར་བི་རའི་ལྕུག་མས་བྱབ་པར་བྱ་སྟེ། བདག་བསྲུང་བ་བྱས་ན་གང་དུ་གདོན་གྱི་ཕྱིར་ཡང་ལས་
ཐམས་ཅད་བྱའོ། །འཐབ་མོ་དང་། རྩོད་པ་དང་། འགྱེད་པ་དང་། རྒྱལ་པོའི་ཕོ་བྲང་འཁོར་ཏུ་སྣ་མའི་མེ་ཏོག་གི་འབྲུ་མར་གྱི་ནང་དུ་ཨ་ཏི་མུག་ཏ་ཀ་སྨྱུགས་པའི་ཡམ་སྲེག་ཤིང་ལ་འགྲོ་ལྡིང་བའི་རིག་སྔགས་ཀྱིས་བཏབ་སྟེ་ལན་
བཅུ་བཞིར་སྦྱིན་བསྲེག་བྱའོ། །འབྱུང་པོ་དབབ་བར་འདོད་པས་རའི་འོ་མ་དང་། ཤིང་ཨ་པ་མརྒའི་ཡམ་སྲེག་ཤིང་དག་ལ་འགྲོ་ལྡིང་བའི་རིག་སྔགས་བཏབ་སྟེ་ལན་ལྔར་སྦྱིན་བསྲེག་བྱའོ། །འགྲོ་བ་ཐམས་ཅད་ཀྱི་ཆེད་དུ་སྦྱིན་བསྲེག་བྱ་
བར་འདོད་པས་འབྲས་ཐུག་པོ་ཆེ་དང་། བའི་འོ་མ་དང་། རུ་རྟ་དང་། རྒྱམ་ཚ་དང་། ཤིང་ཀ་ར་བི་ར་དཀར་པོའི་ཡམ་སྲེག་ཤིང་ལ་ལན་ཉི་ཤུ་རྩ་གཅིག་བཟླས་བརྗོད་བྱས་ཏེ་སྦྱིན་བསྲེག་བྱས་ན་སེམས་ཅན་ཐམས་ཅད་ཀྱི་ཆེད་དུ་སྦྱིན་བསྲེག་བྱས་

106-1-237a

པར་འགྱུར་རོ། །རྙེད་པར་བྱ་བའི་དོན་ཏུ་རུ་རྟ་དང་། འབྲུ་མར་ལས་འགྲོ་ལྡིང་བའི་རིག་སྔགས་ཀྱིས་ལན་བདུན་བཟླས་བརྗོད་བྱས་ཏེ་གདོང་ལ་བསྐུས་ནས་སྨྲས་པས་གང་བསླངས་པ་དེ་ཐོབ་པར་འགྱུར་རོ། །ཐམས་ཅད་དུ་ཡང་དེ་བཞིན་
གཤེགས་པའམ། དེ་བཞིན་གཤེགས་པའི་མཆོད་རྟེན་ལ་སྤོས་དང་། ཕྲེང་བ་དང་། བྱུག་པ་དང་། མེ་ཏོག་དང་། བདུག་པ་དང་། ཕྱེ་མ་དང་། བྱུག་པ་རྣམས་ཀྱིས་བྱུག་ཅིང་ཅི་ནུས་ཀྱིས་ལྷ་བཤོས་ཀྱང་དབུལ་བར་བྱ་སྟེ་འདི་དངོས་སུ་གྲུབ་བོ། །
བཅོམ་ལྡན་འདས་ཀྱིས་དེ་སྐད་ཅེས་བཀའ་སྩལ་ནས། ཚེ་དང་ལྡན་པ་ཀུན་དགའ་བོ་དང་། གཞོན་ནུ་སྒྲ་གཅན་ཟིན་དང་། ཐམས་ཅད་དང་ལྡན་པའི་འཁོར་དེ་དག་དང་། ལྷ་དང་། མི་དང་། ལྷ་མ་ཡིན་དང་། དྲི་ཟར་བཅས་པའི་འཇིག་རྟེན་ཡི་རངས་ཏེ། 
བཅོམ་ལྡན་འདས་ཀྱིས་གསུངས་པ་ལ་མངོན་པར་བསྟོད་དོ། །འཕགས་པ་མེ་ཁ་ལ་ཞེས་བྱ་བའི་གཟུངས།  རྫོགས་སྷོ།།  །།བསྲུང་བ་དང་བཅས་པ་དང་ཆོ་ག་དང་བཅས་པས་མི་མཇེད་ཀྱི་སེམས་ཅན་ཐམས་ཅད་ལ་བསྲུངས་པར་གྱུར་
ཅིག་སྭཱ་ཧཱ།  རྒྱ་གར་གྱི་མཁན་པོ་པྲཛྙཱ་བར་མ་དང་། ཞུ་ཆེན་གྱི་ལོ་ཙྪ་བ་བན་དེ་ཡེ་ཤེས་སྡེས་བསྒྱུར་ཅིང་ཞུས་ཏེ་གཏན་ལ་ཕབ་པ། སྐར་མས་ཞུས།། ༄༅།  །བོད་སྐད་དུ། སྙིང་རྗེས་མི་བཤོལ་བ་ཞེས་བྱ་བའི་གཟུངས། དཀོན་མཆོག་
གསུམ་ལ་ཕྱག་འཚལ་ལོ། །རྫོགས་པའི་སངས་རྒྱས་བྱེ་བ་ཕྲག་བདུན་ལ་ཕྱག་འཚལ་ལོ། །བྱང་ཆུབ་སེམས་དཔའ་སེམས་དཔའ་ཆེན་པོ་འཕགས་པ་སྤྱན་རས་གཟིགས་དབང་ཕྱུག་ཐུགས་རྗེ་ཆེན་པོ་མངའ་བ། གནོད་པ་ཐམས་ཅད་
ལས་ཐར་བར་མཛད་པ། ནད་ཐམས་ཅད་རབ་ཏུ་ཞི་བར་མཛད་པ། འབྱུང་པོ་ཐམས་ཅད་ངེས་པར་བཟློག་པ། སེམས་ཅན་མི་ཁོམ་པ་བརྒྱད་དུ་ལྷུང་བ་རྣམས་ཡང་དག་པར་སྒྲོལ་བ་ལ་ཕྱག་འཚལ་ལོ། །དེ་ལ་ཕྱག་འཚལ་ནས། འཕགས་
པ་སྤྱན་རས་གཟིགས་དབང་ཕྱུག་གིས་བཤད་པའི་གཟུངས་ཐུགས་རྗེ་ཆེན་པོ་མི་བཤོལ་བ་ཞེས་བྱ་བ་འདི་བརྗོད་ཀྱིས། ཐུགས་རྗེ་ཆེན་པོ་མངའ་བ་བདག་ལ་དགོངས་སུ་གསོལ། །འདི་ལྟ་སྟེ། ཨོཾ་ཛ་ཏ་ཛ་ཏ། ཛི་ཏི་ཛི་ཏི། ཛུ་ཏུ་ཛུ་ཏུ། ཏ་ར་ཏ་ར། ཏི་རི་ཏི་

106-1-237b

རི། ཏུ་རུ་ཏུ་རུ། ཀ་ལ་ཀ་ལ། ཀི་ལི་ཀི་ལི། ཀུ་ལུ་ཀུ་ལུ། ཐུགས་རྗེ་ཆེན་པོ་མངའ་བ་དེ་བཞིན་གཤེགས་པ་རྣམས་ཀྱི་འདུས་པ་རྗེས་སུ་དགོངས་ཏེ་གཤེགས་སུ་གསོལ། ཙ་ཏ་ཙ་ཏ། ཙི་ཏི་ཙི་ཏི། ཙུ་ཏུ་ཙུ་ཏུ། བྱང་ཆུབ་སེམས་དཔའ་ཐམས་ཅད་ཀྱི་སྨོན་
ལམ་རྗེས་ཀྱི་སྤྲིན་དུ་རྗེས་སུ་དགོངས་ཏེ་ཐུགས་རྗེ་ཆེན་པོ་མངའ་བ་མྱུར་དུ་གཤེགས་སུ་གསོལ། །ར་ལ་ར་ལ། རི་ལི་རི་ལི། རུ་ལུ་རུ་ལུ། བསམ་གཏན་དང་། རྣམ་པར་ཐར་པ་དང་། ཏིང་ངེ་འཛིན་དང་། སྙོམས་པར་འཇུག་པའི་གཞི་ལས་བཞེངས་སུ་གསོལ། 
ཙ་ལ་ཙ་ལ། ཙི་ལི་ཙི་ལི། ཙུ་ལུ་ཙུ་ལུ། བོ་དྷི་བོ་དྷི། ཨེ་ཧི་ཨེ་ཧི། བུད་དྷ་བུད་དྷ། སངས་རྒྱས་ཀྱི་བདེན་པ་དང་། ཆོས་ཀྱི་བདེན་པ་དང་། དགེ་འདུན་གྱི་བདེན་པས་བཞེངས་སུ་གསོལ་བཞེངས་སུ་གསོལ། །བྱམས་པ་ཆེན་པོས་འབྱུང་པོ་ཐམས་ཅད་བཟློག་
ཏུ་གསོལ། །ཐུགས་རྗེ་ཆེན་པོའི་སྤྲིན་གྱིས་བདག་གི་ནད་ཐམས་ཅད་རབ་ཏུ་ཞི་བར་མཛད་དུ་གསོལ། །བྷུ་ན་བྷུ་ན། བི་བྷུ་ན་བི་བྷུ་ན། མ་ཐཱ་མ་ཐཱ། པྲ་མ་ཐཱ་པྲ་མ་ཐཱ། བཞེངས་སུ་གསོལ་བཞེངས་སུ་གསོལ། །ཚུར་གཤེགས་ཚུར་གཤེགས། བདག་གི་
བསམ་པ་རྫོགས་པར་མཛད་དུ་གསོལ། ལས་སྦྱང་དུ་གསོལ། མ་ཧཱ་ཀ་རུ་ཎི་ཀཱ་ཡ་སྭཱ་ཧཱ། མ་ཧཱ་པད་མ་ཧསྟཱ་ཡ་སྭཱ་ཧཱ། པད་མ་ཨ་ས་ནཱ་ཡ་སྭཱ་ཧཱ། ཤ་ཏཱ་ཛྙཱོ་ཨུ་པ་བཱི་ཏི་ཡ་སྭཱ་ཧཱ། ཀི་རི་ཏ་ནེ་སྭཱ་ཧཱ། ཤཱུ་ལ་ནེ་སྭཱ་ཧཱ། ཙཀྲ་ནེ་སྭཱ་ཧཱ། བཛྲ་ནེ་སྭཱ་ཧཱ། ཏྲ་ན་ཏྲེ་ཡ་
པྲ་ཧྃ་རུ་རུ་པ་ཡ་སྭཱ་ཧཱ། ཨཱ་ཀཱ་ཤ་ཡ་སྭཱ་ཧཱ། ཤི་ཤི་ནི་སྭཱ་ཧཱ། པྲ་ཙ་པ་ཏ་ཡེ་སྭཱ་ཧཱ། ཡ་མ་ཡེ་སྭཱ་ཧཱ། ཡ་མ་བྷུད་ཡ་སྭཱ་ཧཱ། ཨཱ་ཏ་ཛེ་བྷྱོ་བྷུ་ཏེ་བྷྱཿསྭཱ་ཧཱ། ཛ་ར་ཡུ་ཛེ་བྷྱོ་བྷུ་ཏེ་བྷྱཿསྭཱ་ཧཱ། སྃ་སྭ་ད་ཚེ་བྷྱོ་བྷུ་དེ་བྷྱཿསྭཱ་ཧཱ། ཨ་བ་ཡུ་པ་པ་དུཿཁེ་བྷྱོ་བྷྱ་ཏེ་བྷྱཿསྭཱ་ཧཱ། བི་ཏི་ཀ་བྷྱོ་
བྷྱ་དྷྱི་བྷྱཿསྭཱ་ཧཱ། བཻ་དྷ་ཏི་ཀེ་བྷྱོ་བྷྱ་དྷྱི་བྷྱཿསྭཱ་ཧཱ། ཥྥ་ཥྞ་ཀེ་བྷྱོ་བྷྱ་དྷྱི་བྷྱཿསྭཱ་ཧཱ། ས་ན་ནི་ས་ཧི་ཀེ་བྷྱོ་བྷྱ་དྷྱེ་བྷྱཿ་སྭཱ་ཧཱ། སརྦ་བུད་དྷོ་བྷྱོ་སྭཱ་ཧཱ། སརྦ་བྷྱ་ཏི་བྷྱཿསྭཱ་ཧཱ། བྷུ་མི་ཨནྟ་རི་ཥ་ཙ་རྱེ་བྷྱོ་བྷྱཿསྭཱ་ཧཱ། འདི་ལྟ་སྟེ། ཨོཾ་ཏྲ་ཊ་ཏྲ་ཊ། ཏྲི་ཊི་ཏྲི་ཊི། ཏྲུ་ཊུ་ཏྲུ་ཊུ། བདག་
འཇིགས་པ་ཐམས་ཅད་དང་། འཚེ་བ་ཐམས་ཅད་ལས་སྲུངས་ཤིག་སྭཱ་ཧཱ། གྲ་ས་གྲ་ས། མ་ཐ་མ་ཐ། པྲ་མ་ཐ་པྲ་མ་ཐ། ཧ་ན་ཧ་ན། ད་ཧ་ད་ཧ། པ་ཙ་པ་ཙ། ན་མ་ཨཱརྱཱ་བ་ལོ་ཀི་ཏེ་ཤྭ་ར་ཨད་ཛྙ་པ་ཡ་ཏི་སྭཱ་ཧཱ། སྙིང་རྗེས་མི་བཤོལ་བ་ཞེས་བྱ་བའི་

106-1-238a

གཟུངས། རྫོགས་སྷོ།། །།སྐར།།  ༄༅།  །རྒྱ་གར་སྐད་དུ། ཨཱརྱཱ་བ་ལོ་ཀི་ཏེ་ཤྭ་ར་མཱ་ཏཱ་ནཱ་མ་དྷཱ་ར་ཎཱི། བོད་སྐད་དུ། འཕགས་པ་སྤྱན་རས་གཟིགས་དབང་ཕྱུག་གི་ཡུམ་ཞེས་བྱ་བའི་གཟུངས། སངས་རྒྱས་དང་། བྱང་ཆུབ་སེམས་དཔའ་ཐམས་ཅད་
ལ་ཕྱག་འཚལ་ལོ། །འདི་སྐད་བདག་གིས་ཐོས་པ་དུས་གཅིག་ན། བཅོམ་ལྡན་འདས་གྲོང་ཁྱེར་ཡངས་པ་ཅན་ན་འཁོར་ཆེན་པོས་ཡོངས་སུ་བསྐོར་ཅིང་མདུན་གྱིས་བལྟས་ཏེ། ཉན་ཐོས་ཆེན་པོ་ཤཱ་རིའི་བུ་ལ་སོགས་པ་དགེ་སློང་ལྔ་བརྒྱ་དང་། 
བྱམས་པ་ལ་སོགས་པ་བྱང་ཆུབ་སེམས་དཔའ་སེམས་དཔའ་ཆེན་པོ་རབ་ཏུ་མང་པོས་ཡོངས་སུ་བསྐོར་ཅིང་མདུན་གྱིས་བལྟས་ནས། བཅོམ་ལྡན་འདས་གདན་བཤམས་པ་ལ་བཞུགས་སོ། །འཁོར་དེར་བྱང་ཆུབ་སེམས་དཔའ་སེམས་
དཔའ་ཆེན་པོ་ཀུན་དུ་བཟང་པོ་ཞེས་བྱ་བ་འདུས་ཏེ་འདུག་པར་གྱུར་པ་དེ་རང་གི་སྟན་ལས་ལངས་ནས། བླ་གོས་ཕྲག་པ་གཅིག་ཏུ་གཟར་ནས། པུས་མོ་གཡས་པའི་ལྷ་ང་ས་ལ་བཙུགས་ཏེ། བཅོམ་ལྡན་འདས་ཀྱི་ཞབས་ལ་མགོ་བོས་ཕྱག་
འཚལ་ནས། བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས་སྤྱན་རས་གཟིགས་དབང་ཕྱུག་གི་མ་ཞེས་བགྱི་བའི་གཟུངས་ཀྱི་རིག་སྔགས་ཆེན་མོ་གསང་སྔགས་གཞི་འདི་འདས་པ་དང་། མ་བྱོན་པ་དང་། ད་ལྟར་བྱུང་
བའི་སངས་རྒྱས་བཅོམ་ལྡན་འདས་རྣམས་ཀྱིས་སྔོན་དུ་གསུངས་ཤིང་། ད་ལྟར་གསུང་བ། བཅོམ་ལྡན་འདས་བྱང་ཆུབ་སེམས་དཔར་གྱུར་ཏེ། བྱང་ཆུབ་ཡོངས་སུ་ཚོལ་བ་ན་སེམས་ཅན་ཐམས་ཅད་རྗེས་སུ་གཟུང་བ་དང་། དོན་དང་། བྱང་
ཆུབ་སེམས་དཔའི་དོན་གྱི་བར་གྱི་ཕྱིར་སྔོན་གསུངས་པ། བྱང་ཆུབ་སེམས་དཔའི་ཐེག་པ་པའི་རིགས་ཀྱི་བུའམ། རིགས་ཀྱི་བུ་མོ་རྣམས་ཀྱི་ཕར་གྱུར་པ། མར་གྱུར་པ། སྐྱབས་མ་མཆིས་པ་རྣམས་ཀྱི་སྐྱབས་དང་། དཔུང་གཉེན་མ་
མཆིས་པ་རྣམས་ཀྱི་དཔུང་གཉེན་དང་། མགོན་མ་མཆིས་པ་རྣམས་ཀྱི་མགོན་དུ་གྱུར་པ། སྡིག་པ་ཐམས་ཅད་ཟད་པར་བགྱིད་པ་མཆིས་ཏེ། གཟུངས་དེ་ཐོས་མ་ཐག་ཏུ་བསམ་པ་ཐམས་ཅད་ཡོངས་སུ་རྫོགས་པར་འགྱུར། རིག་སྔགས་

106-1-238b

ཐམས་ཅད་ཀྱང་འགྲུབ་པར་འགྱུར་རོ། །བཅོམ་ལྡན་འདས་ཀྱིས་བཀའ་སྩལ་པ། བྱང་ཆུབ་སེམས་དཔའ་སེམས་དཔའ་ཆེན་པོ་ང་སྔོན་བྱང་ཆུབ་སེམས་དཔར་གྱུར་ཏེ་བྱང་ཆུབ་ཡོངས་སུ་ཚོལ་བ་ན་འཇིག་རྟེན་གྱི་ཁམས་གང་གཱའི་ཀླུང་གི་བྱེ་མ་
སྙེད་ཀྱི་ཕ་རོལ་གྱི་ཡང་ཆེས་ཕ་རོལ་ན། འཇིག་རྟེན་གྱི་ཁམས་བདེ་བ་ཅན་ཞེས་བྱ་བ་དེ་ན་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་འོད་དཔག་མེད་ཅེས་བྱ་བ་ད་ལྟར་ཡང་བཞུགས་ཏེ་འཚོ་ཞིང་གཞེས་ལ་
ཆོས་ཀྱང་སྟོན་ཏོ། །འཁོར་དེ་ཉིད་ན་བྲམ་ཟེ་དབང་ཕྱུག་འོད་ཅེས་བྱ་བ་བྱང་ཆུབ་སེམས་དཔའི་ས་གསུམ་པ་ཐོབ་པར་གྱུར་པ་ཞིག་འདུས་པ་དེས་སྤྱན་རས་གཟིགས་དབང་ཕྱུག་གི་མ་ཞེས་བྱ་བའི་གཟུངས་རིག་སྔགས་ཀྱི་རྒྱལ་མོ་ཆེན་
མོ་འདི་བྲམ་ཟེ་བརྒྱ་སྟོང་མང་པོ་དང་། སེམས་ཅན་བྱེ་བ་ཁྲག་ཁྲིག་ཕྲག་དུ་མ་ལས་བསྒྲགས། བཤད། བསྟན་ཏེ། དེ་དག་ཐམས་ཅད་ཀྱིས་གཟུངས་འདི་ཐོས་མ་ཐག་ཏུ་སྡིག་པ་ལྟུང་བར་བྱེད་པ་ཐམས་ཅད་ལས་རྣམ་པར་གྲོལ་བ་དང་། 
སྐྱེ་བ་དྲན་པར་འགྱུར་བ་ངས་དྲན་ནོ། །བྱང་ཆུབ་སེམས་དཔའ་སེམས་དཔའ་ཆེན་པོ་དེ་སྨྲོས་ཤིག །ཕྱི་མའི་དུས་ན་འཇིག་རྟེན་གྱི་ཁམས་ཀུན་ནས་ཉོན་མོངས་པ་ཅན་དུ་སེམས་ཅན་སྡིག་པ་བྱེད་པ། མཚམས་མེད་པ་བྱེད་པ་བྱེ་བ་ཁྲག་
ཁྲིག་འབུམ་ཕྲག་དུ་མའི་སྡིག་པ་ཟད་པར་འགྱུར། ཕན་པ་དང་། བདེ་བར་འགྱུར། མགོན་མེད་པ་རྣམས་ཀྱི་མགོན་དུ་འགྱུར་རོ། །ངས་ཀྱང་གནང་ཞིང་རྗེས་སུ་ཡི་རང་ངོ་། །བཅོམ་ལྡན་འདས་ཀྱིས་བཀའ་སྩལ་པ། དེ་ནས་བྱང་ཆུབ་སེམས་
དཔའ་སེམས་དཔའ་ཆེན་པོ་ཀུན་ཏུ་བཟང་པོས་སྤྱན་རས་གཟིགས་དབང་ཕྱུག་གི་མ་ཞེས་བྱ་བའི་གཟུངས་ཀྱི་རིག་སྔགས་ཆེན་མོའི་གསང་སྔགས་ཀྱི་གཞི་འདི་དག་སྨྲས་སོ། །དཀོན་མཆོག་གསུམ་ལ་ཕྱག་འཚལ་ལོ། །བཅོམ་
ལྡན་འདས་དེ་བཞིན་གཤེགས་པ་འོད་དཔག་མེད་ལ་ཕྱག་འཚལ་ལོ། །བྱང་ཆུབ་སེམས་དཔའ་སེམས་དཔའ་ཆེན་པོ་སྙིང་རྗེ་ཆེན་པོ་དང་ལྡན་པ་འཕགས་པ་སྤྱན་རས་གཟིགས་དབང་ཕྱུག་ལ་ཕྱག་འཚལ་ལོ། །དེ་དག་ལ་

106-1-239a

ཕྱག་འཚལ་ནས་འཕགས་པ་སྤྱན་རས་གཟིགས་དབང་ཕྱུག་གི་ཡུམ་ཞེས་བྱ་བའི་གཟུངས་རིག་སྔགས་ཆེན་མོའི་གསང་སྔགས་ཀྱི་གཞི་འདི་དག་བརྗོད་པར་བྱའོ། །བདག་ལ་རིག་པ་འདི་གྲུབ་པར་གྱུར་ཅིག །ཏདྱ་ཐཱ། ཨི་ལེ་མི་ལེ། 
ཙི་ལི་མི་ལེ། ཀུན་ཏུ་ལེ། ཀུན་ཏུ་ལེ། ཏུ་ལེ། སི་རེ། སི་སི་རེ། བི་སི་རེ། བི་རཱ་ཡཱ། བི་སེ་རེ།  གོའུ་རི། གན་དྷ་རི། དྲ་མི་དྲེ། མཱ་ཏང་གི། པུ་ཀ་ཀ་སི། ཀད་ཊ་ཡ། མཱ་ལ་ཙན་ཌ་ལཱི། ཧུད་ཊུ་མ་ལི་ནི། ཧུད་ཌྷུ་ཌྷུ་མཱ་ལི་ནི། ཙི་ལེ་མི་ལེ། གྲིནྟ་སཽ་མྱ་དར་ཤ་
ནེ། ཀུ་རུ་ཙན་དྲ་མུ་ཁི། ལ་གྷུ་མཱ་ན་ཡམ་ཏེ། ཨཱརྱ་དཀྵི་ཎ་བྷུ་ཛེ། སརྦ་བིདྱཱ་ནཱ་མ། པྲ་ས་དྷ་ནེ། སརྦ་བི་དྷ་ན་མ། ཨཱ་ཤྭ་རི་སྭཱ་ཧཱ། བཀླགས་པས་གྲུབ་པའི་གཟུངས་འདིའི་ཆོ་ག་ནི་འདི་ཡིན་ཏེ། ཐོས་མ་ཐག་ཏུ་ལས་ཀྱི་སྒྲིབ་པ་ཐམས་
ཅད་བྱང་བར་འགྱུར་རོ། །འཇིགས་པ་ཐམས་ཅད་ལས་སྲུང་ངོ་། །དུས་གསུམ་དུ་བཟླས་པ་བྱས་ན་ཞག་བདུན་གྱིས་བྱང་ཆུབ་སེམས་དཔའ་ཀུན་ཏུ་བཟང་པོ་མཐོང་བར་འགྱུར་རོ། །གཞན་དུ་མི་སེམས་པའི་ཡིད་ཀྱིས་བཟླས་
པ་བྱས་ན་ཟླ་བ་གཅིག་གིས་འཕགས་པ་སྤྱན་རས་གཟིགས་དབང་ཕྱུག་གི་མ་རིག་པ་ཆེན་མོ་བདག་ཉིད་སྟོན་ཏེ། འཕགས་པ་འོད་དཔག་མེད་ཀྱང་མཐོང་ངོ་། །བྱང་ཆུབ་ལས་ཕྱིར་མི་ལྡོག་པར་འགྱུར་རོ། །སྐྱེ་བ་དྲན་པ་དང་། ཐོས་
པ་འཛིན་པར་ཡང་འགྱུར་རོ། །གང་དང་གང་དུ་སྐྱེས་པ་དེ་དང་དེར་དམ་པའི་ཆོས་དང་མི་འབྲལ་བར་འགྱུར་རོ། །ལོངས་སྤྱོད་ཆེན་པོར་འགྱུར་རོ། །བཅོམ་ལྡན་འདས་ཀྱིས་དེ་སྐད་ཅེས་བཀའ་སྩལ་ནས། བྱང་ཆུབ་སེམས་དཔའ་སེམས་དཔའ་
ཆེན་པོ་ཀུན་ཏུ་བཟང་པོ་དང་། བྱང་ཆུབ་སེམས་དཔའ་དེ་དག་དང་། དགེ་སློང་དེ་དག་དང་། ཐམས་ཅད་དང་ལྡན་པའི་འཁོར་དེ་དག་ཡི་རངས་ཏེ། བཅོམ་ལྡན་འདས་ཀྱིས་གསུངས་པ་ལ་མངོན་བར་བསྟོད་དོ། །འཕགས་པ་སྤྱན་རས་
གཟིགས་དབང་ཕྱུག་གི་ཡུམ་ཞེས་བྱ་བའི་གཟུངས། རྫོགས་སྷོ།། །།རྒྱ་གར་གྱི་མཁན་པོ་ཛི་ན་མི་ཏྲ་དང་། དཱ་ན་ཤཱི་ལ་དང་། ཞུ་ཆེན་གྱི་ལོ་ཙྪ་བ་བན་དེ་ཡེ་ཤེས་སྡེས་བསྒྱུར་ཅིང་ཞུས་ཏེ་སྐད་སར་ཆད་ཀྱིས་ཀྱང་བཅོས་ནས་གཏན་ལ་

106-1-239b

ཕབ་པ། ༄༅།  །རྒྱ་གར་སྐད་དུ། ཨཱརྱ་བ་ཨ་བ་ལོ་ཀི་ཏེ་ཤྭ་ར་ནཱ་མ་དྷཱ་ར་ཎཱི། བོད་སྐད་དུ། འཕགས་པ་སྤྱན་རས་གཟིགས་དབང་ཕྱུག་གི་གཟུངས་ཞེས་བྱ་བ། འཕགས་པ་སྤྱན་རས་གཟིགས་ཐུགས་རྗེ་ཆེན་པོ་དང་ལྡན་པ་ལ་ཕྱག་འཚལ་ལོ། །
འཕགས་པ་སྤྱན་རས་དབང་ཕྱུག་བྱམས་པའི་ངང་ལས་སྙིང་རྗེའི་ཤུགས་ཀྱིས་བྱང་ཆུབ་ཀྱི་སེམས་རབ་ཏུ་བསྐྱེད་ནས། པད་མ་དང་། ཉི་མ་དང་། ཟླ་བའི་གདན་ལ་ཧྲིའི་འཕྲོ་འདུ་ལས་ཞལ་གཅིག་པ་ལ་ཕྱག་བཞི་པ། དང་པོ་གཉིས་
ཐལ་མོ་སྦྱར་བ། གཡས་འོག་མ་ན་བགྲང་ཕྲེང་མུ་ཏིག་དཀར་པོ། གཡོན་འོག་མ་ན་པད་མ་དཀར་པོ་བསྣམས་པ། སྐུ་མདོག་དཀར་པོ་ཞབས་རྫོགས་པའི་དཀྱིལ་དཀྲུང་བཅས་པ་རིན་པོ་ཆེའི་རྒྱན་སྣ་ཚོགས་དང་། རིན་པོ་ཆེའི་དབུ་རྒྱན་གྱིས་
མཛེས་པ། མ་ལྷ་མོ་དྲུག་མ་དང་། ཡབ་ནོར་བུ་རིན་པོ་ཆེས་བརྟེན་པ། བྱང་ཆུབ་སེམས་དཔའ་དང་། སེམས་མ་རབ་ཏུ་མང་པོས་བསྐོར་ཏེ་འདི་སྐད་ཅེས་གསུངས་སོ། །རིགས་ཀྱི་བུའམ་རིགས་ཀྱི་བུ་མོས་སྔགས་འདི་ལན་ཅིག་
ཙམ་བརྗོད་དམ་དྲན་ཞིང་ཡིད་ལ་བྱས་སམ། བྲིས་ནས་ལུས་ལ་བཅངས་སམ། མོས་ཤིང་གུས་པར་བྱས་ན་མཚམས་མེད་པ་ལྔ་དང་། དེ་དང་ཉེ་བའི་སྡིག་པའི་ལས་ཐམས་ཅད་འབྱང་ཞིང་ངན་སོང་གསུམ་དང་། མི་ཁོམ་པ་བརྒྱད་དང་། སྡུག་
བསྔལ་དང་བཅས་པར་མི་སྐྱེའོ། །མི་དང་མི་མ་ཡིན་པ་དང་། གཅན་ཟན་གྱིས་འཇིགས་པ་ཐམས་ཅད་ལས་གྲོལ་བར་འགྱུར་རོ། །ནད་དང་གདོན་ཐམས་ཅད་ལས་ཐར་པར་འགྱུར་རོ། །ཨོཾ་མ་ཎི་པད་མེ་ཧཱུྃ། ཞེས་བརྗོད་པས་འཕགས་པ་
སྤྱན་རས་གཟིགས་ཀྱི་ཞལ་མཐོང་བར་འགྱུར་ཞིང་། ཚེ་འཕོས་ནས་ཀྱང་བདེ་བ་ཅན་དུ་སྐྱེ་སྟེ་འདི་ལ་ཐེ་ཚོམ་མམ། སོམ་ཉིའམ། ཡིད་གཉིས་མ་ཟ་ཅིག ། འཕགས་པ་སྤྱན་རས་གཟིགས་དབང་ཕྱུག་གི་གཟུངས། རྫོགས་སྷོ།། །། སངས་
རྒྱས་ལ་ཕྱག་འཚལ་ལོ། །ཆོས་ལ་ཕྱག་འཚལ་ལོ། །དགེ་འདུན་ལ་ཕྱག་འཚལ་ལོ། །འཕགས་པ་སྤྱན་རས་གཟིགས་ཀྱི་དབང་པོ་བྱང་ཆུབ་སེམས་དཔའ་སེམས་དཔའ་ཆེན་པོ་ལ་ཕྱག་འཚལ་ལོ། །དེ་རྣམས་ལ་ཕྱག་འཚལ་ནས་རིག་པ་འདི་

106-1-240a

བརྗོད་ཀྱིས་རིག་པ་འདི་བདག་ལ་གྲུབ་པར་གྱུར་ཅིག །ཏདྱ་ཐཱ། ཧ་ཧ་ཧ་ས་ནེ། ནི་པ་ས་ནེ། ཏ་པ་ཏ་པ་ནེ། ཛྭ་ལ་ཛྭ་ལ་ནེ། ཙ་ལ་ཙ་ལ་ནེ། པུརྦ་ཡོ་ག་སྨ་ར་པད་མ་ཧསྟཱ་ཡ་སྭཱ་ཧཱ། གང་གིས་རིག་པ་འདི་བཀླགས་པ་དེ་ཚེ་རབས་བརྒྱ་སྟོང་དུ་སྐྱེ་བ་
དྲན་པར་འགྱུར་ཏེ། འདི་ནས་ཤི་འཕོས་ནས་ཀྱང་བདེ་བ་ཅན་གྱི་འཇིག་རྟེན་དུ་སྐྱེ་བར་འགྱུར་རོ། །འཕགས་པ་སྤྱན་རས་གཟིགས་ཀྱི་སྙིང་པོ་རྫོགས་སྷོ།། །། འཇམ་པའི་དབྱངས་ལ་ཕྱག་འཚལ་ལོ། །ན་མོ་རད་ན་ཏྲ་ཡཱ་ཡ། ན་མ་ཨཱརྱཱ་བ་
ལོ་ཀི་ཏེ་ཤྭ་རཱ་ཡ། བོ་དྷི་སཏྭཱ་ཡ། མ་ཧཱ་སཏྭཱ་ཡ། མ་ཧཱ་ཀ་རུ་ཎི་ཀཱ་ཡ། ཏདྱ་ཐཱ། ཨོཾ་ཨ་ཀ་ཌེ། བི་ཀ་ཌེ། ནི་ཀ་ཌེ། ཀ་ཊྃ་ཀ་ཌེ། ཀ་རོ་ཌེ། ཀ་རོ་ཌ། བཱིརྱེ་སྭཱ་ཧཱ། བཅོམ་ལྡན་འདས་དེའི་སྤྱན་སྔར་བའི་ལྕི་བ་ས་ལ་མ་ལྷུང་བས་སོ་སོར་མཎ་ཌལ་བརྒྱད་བྱས་ལ། 
མཎ་ཌལ་རེ་རེ་ལ་ལན་བཅུ་གསུམ་གྱི་བར་དུ་བཟླས་ལ་ལྕི་བ་ལྷག་མ་ལ་སྔགས་བཟླས་ཏེ། ནད་པ་ལ་ཉེ་བར་བྱུགས་ན་ནད་ཐམས་ཅད་ཉེ་བར་ཞི་བར་འགྱུར་རོ། །གལ་ཏེ་ཉི་མ་བདུན་ནམ། བཅུ་གསུམ་འམ། ཉི་ཤུ་རྩ་གཅིག་གིས་འགྲུབ་སྟེ་
མཚམས་མེད་པ་ལྔ་བྱས་པ་ནི་མ་ཡིན་ནོ། །དེ་ལྟར་མ་གྲུབ་ན་བདག་གིས་མཚམས་མེད་པ་ལྔ་བྱས་པར་འགྱུར་རོ། །སེང་གེ་སྒྲས་དམ་བཅས་པའི་གཟུངས། རྫོགས་སྷོ།། །།རྒྱ་གར་གྱི་མཁན་པོ་ངག་གི་དབང་ཕྱུག་དང་། ལོ་ཙྪ་བ་ཀློག་
སྐྱ་ཤེས་རབ་བརྩེགས་ཀྱིས་བསྒྱུར་བའོ།། །། རྒྱ་གར་སྐད་དུ། ཀ་རུ་ཎ་ཨ་གྲ་ནཱ་མ་དྷཱ་ར་ཎཱི། བོད་སྐད་དུ། སྙིང་རྗེའི་མཆོག་ཅེས་བྱ་བའི་གཟུངས། ཐམས་ཅད་མཁྱེན་པ་ལ་ཕྱག་འཚལ་ལོ། །ཕྱག་ན་པད་མ་བསྣམས་པ། སེམས་ཅན་སྡུག་
བསྔལ་རྣམ་པ་སྣ་ཚོགས་ཀྱི་ཚང་ཚིང་དུ་ནུབ་པ་རྣམས་ཡང་དག་པར་བསྒྲལ་བའི་ཕྱིར་བློ་གྲོས་ཤར་བ་ལ་ཕྱག་འཚལ་ལོ། །དེ་བཞིན་གཤེགས་པའི་གསང་སྔགས་ཀྱི་མཆོག་སྙིང་རྗེ་ཆེན་པོའི་རྩེ་མོ་འཆར་བ། ཐོགས་པ་མེད་པའི་དོན་
ཡོད་པའི་ལས་ཀྱི་དངོས་གྲུབ་དེ་བཞིན་གཤེགས་པའི་ཞལ་ནས་བྱུང་བ། སེམས་ཅན་གྱི་དཀྱིལ་འཁོར་མ་ལུས་པའི་ལས་ཀྱི་སྒྲིབ་པ་དང་། ངན་སོང་གི་སྡུག་བསྔལ་རྣམ་པ་སྣ་ཚོགས་ཞི་བར་བྱེད་པ། བྱེད་པ་མ་ཡིན་པ་དང་། བཀྲ་མི་ཤིས་པ་

106-1-240b

དང་། རྨི་ལམ་ངན་པ་དང་། ལྟས་ངན་པ་ཐམས་ཅད་དང་། ནད་རྣམ་པ་དུ་མ་དང་། དུས་མ་ཡིན་པར་འཆི་བ་རྣམ་པ་སྣ་ཚོགས་རབ་ཏུ་ཞི་བར་བྱེད་པ། སྟོང་ཆེན་པོ་རབ་ཏུ་འཇོམས་པར་བྱེད་པ་བཤད་པར་བྱ་སྟེ། ཐོག་མར་བཅོམ་ལྡན་འདས་བསོད་
ནམས་ཀྱི་ཚོགས་དུ་མ་བྱེ་བ་ཕྲག་འབུམ་གྱིས་བརྒྱན་པའི་སྐུ་མངའ་བ་ལ་ཕྱག་འཚལ་ནས་བརྩམ་པར་བྱའོ། །ན་མོ་བྷ་ག་བ་ཏེ། བཻ་རོ་ཙ་ནཱ་ཡ། ཏ་ཐཱ་ག་ཏཱ་ཡ། ཨར་ཧ་ཏེ་སམྱག་སྃ་བུད་དྷཱ་ཡ། སརྦ་ཨད་ཛྙ་ན་དྷ་ཀ་ར་ཤ་མ་ཡིད་ཏྲེ། ཏདྱ་ཐཱ། 
སཱ་དྷ་ནི་སཱ་དྷ་ནི། སིད་དྷ་བིད་དྷ་རི། བྷ་ག་བ་ཏི་པ་རྃ་པཱ་ར། ཀླེ་ཤ་དྷ་པ་ཏི། ཨ་ཛྙ་ན་ཤ་མ་ནི་ཤ་མཱ་ཡ། སརྦ་པཱ་པྃ་བི་ཤུད་དྷ་དྷརྨེ་ནིར་མ་ལ་ཛྙ་ན་གོ་ཙ་རེ། ཨ་སྃ་ག་ཙ་རི་ནི་པྲ་ཤ་མ་མཱུརྟི་སུ་ཁ་པྲ་ཏེ་སརྦ་ཀླེ་ཤ་དྷ་བ་ཏི། སརྦ་པཱ་པྃ་བི་ཤོ་དྷ་ནི། བི་དྷ་མ་ནི། 
བི་ན་ཤཱ་ནི་བི་ན་ཤཱ་ནི། བི་ན་ཤཱ་ཡ་བི་ན་ཤཱ་ཡ། བྷ་ག་བ་ཏི་སུ་ར་ས་བི་མ་ལ་བུད་དྷི། ས་ར་ས་ར། བི་ས་ར་བི་ས་ར། སུ་རུ་སུ་རུ། སཱུ་ར་སཱུ་ར། པྲ་ས་ར་པྲ་ས་ར། བི་ས་ར་བི་ས་ར། ཨ་ཛྭ་ན་མ་ཀོ་ཊི་ས་ཧ་སྲ་སྃ་ཙི་ཏ་ན།  ཀརྨ་ཨ་བ་ར་ཎྃ་ཀྵ་པ་ཡ། ཀྵེ་མ་བ་ཏི་
བུད་དྷ་བི་ཤཱ་ཡ། བ་ཤ་བརྟི་ནི་པཱ་ར་མི་ཏཱ་ཛྙ་ན་གོ་ཙ་རེ། བི་ཤེ་ཤ་བ་ཏི། ཨ་ཤི་ཤ་མ་ལི་ནི། ཀ་རུ་ཎ་གོ་ཙ་རེ། མ་ཧཱ་ཛྙ་ན། ཨ་བྷི་ཥི་ཀ་བ་ཏི། སུ་བི་ནི་ཏ་དྷརྨེ། ཧེ་ཧེ་བྷ་ག་བ་ཏི། མ་ཧཱ་ཀ་རུ་ཎེ་ཀུ་རུ་ཀུ་རུ། བི་ཤོ་དྷཱ་ཡ། མྃ་སརྦ་སཏྭ་ཤྩ། མ་ཧཱ་ཀ་རུ་ཎོད་
སེ་ཀེ་ན་ས་ན་སིན་ཙཱ་ཡ། ས་མ་བ་དྷཱ་ཡ། ས་མ་བྷ་ལཱ་ཡ། པྲ་རོ་ཧཱ་ཡ་མེ། མ་ཧཱ་ཀ་རུ་ཎ་བི་ཛ་ན་པ་རི་ཤུད་དྷཱ་ཡ། ཨ་མོ་གྷ་མེ་ཀུ་རུ་ཛི་བི་ཏན་རཀྵ་རཀྵ་མྃ། བྷ་ག་བ་ཏི་མ་མཱ་མ་བོ་དྷི་ཙི་ཏ་ཏྃ་སྃ་མཱུ་ཧྱེད་མ་སན་ཏུ་ཤུད་བི་ཏི་མི་ཀ་རུ་ཎི། བུད་དྷ་བོ་དྷི་པྲ་ཏེ། 
ན་ར་ཀ་པྲེ་ཏ་ཏིརྱ་ག་ཏི་དུཿཁེ་ན་མཱུ་ལ་ནི། དཱེ་བ་མ་ནུ་ཥྱ་ག་ཏི་སྃ་པ་ཧ་ན་བི་ག་ཏོ་པ་ཀླེ་ཤེ། སརྦ་བུད་དྷ་དྷརྨ་པ་རི་པཱུ་ར་ཎི་སྭཱ་ཧཱ། བཅོམ་ལྡན་འདས་ཀྱི་སྙིང་རྗེ་ཆེན་པོའི་མཆོག་ཅེས་བྱ་བའི་གཟུངས། བཅོམ་ལྡན་འདས་ཀྱི་གཙུག་ཏོར་ནས་བྱུང་བ་འདི་ནི་
གཟུངས་གྲངས་མེད་པ་ཕྲག་སྟོང་གི་འཁོར་དང་ལྡན་པའོ། །སྡིག་པ་དང་། ལས་དང་། ཉོན་མོངས་པ་ཐམས་ཅད་འཇོམས་པའོ། །བཀྲ་མི་ཤིས་པ་དང་། རྨི་ལམ་ངན་པ་དང་། ལྟས་ངན་པ་དང་། དུས་མ་ཡིན་པར་འཆི་བ་ཐམས་ཅད་ཞི་བར་བྱེད་པའོ། །

106-1-241a

ཚེ་དང་བསོད་ནམས་དང་། གཟུགས་དང་། སྟོབས་དང་། བདེ་བ་དང་། སྤོབས་པ་དང་། ནད་མེད་པར་བྱེད་པའོ། །འབྱུང་པོ་དང་། རྗེད་བྱེད་དང་། གནོད་སྦྱིན་དང་། སྲིན་པོ་དང་། ནམ་མཁའ་ལྡིང་དང་། ལྷ་མ་ཡིན་དང་། མིའམ་ཅིའི་གདོན་ཐམས་
ཅད་ངེས་པར་འཇོམས་པའོ། །གཟུངས་འདིའི་མིང་གཟུང་བ་དང་། ཐོས་པ་དང་། བརྗོད་པ་ཙམ་གྱིས་ཀྱང་ཚེ་རབས་བྱེ་བ་ཕྲག་འབུམ་གྱི་བར་དུ་བསགས་པའི་ལས་ཀྱི་སྒྲིབ་པ་ཡང་འབྱང་བར་འགྱུར་རོ། །ཉོན་མོངས་པ་ཐམས་ཅད་བསྲབས་
པར་འགྱུར་རོ། །དེའི་ངན་སོང་གི་འགྲོ་བ་ཐམས་ཅད་ཀྱང་རྒྱུན་ཆད་པར་འགྱུར་རོ། །སངས་རྒྱས་དང་། བྱང་ཆུབ་སེམས་དཔའ་ཐམས་ཅད་ཀྱིས་ཀྱང་ཡོངས་སུ་བཟུང་བར་འགྱུར་རོ། །བྱང་ཆུབ་སེམས་དཔའི་དགེ་བ་དང་ཡང་ལྡན་པར་འགྱུར་
རོ། །ཡོངས་སུ་མི་ཉམས་པའི་ཆོས་ཅན་དུ་ཡང་འགྱུར་རོ། །སྙིང་རྗེ་ལས་ཀྱང་ཉམས་པར་མི་འགྱུར་རོ། །སེམས་ཅན་ཐམས་ཅད་ཀྱིས་ཀྱང་མངོན་པར་དགའ་བར་བྱ་བར་འགྱུར་རོ། །ཉིན་དུས་གསུམ། མཚན་དུས་གསུམ་དུ་ལན་
བདུན་བདུན་བརྗོད་ན་སྡིག་པ་ཐམས་ཅད་ལས་རྣམ་པར་ཐར་བར་འགྱུར་ལ། བྱང་ཆུབ་སེམས་དཔའི་ཡོན་ཏན་སྟོང་ཕྲག་དཔག་ཏུ་མེད། གྲངས་མེད་པ་དག་ཀྱང་ཐོབ་པར་འགྱུར་རོ། །ནམ་ནངས་པའི་དུས་སུ་དཀྱིལ་མོ་དཀྲུང་བཅས་ཏེ་
བདེ་བར་འདུག་ལ། ལག་པ་གྲུ་གསུམ་གྱི་ཕྱག་རྒྱ་བྱས་ནས། སངས་རྒྱས་དང་། བྱང་ཆུབ་སེམས་དཔའ་ཐམས་ཅད་ལ་དམིགས་ཏེ། དེ་བཞིན་གཤེགས་པ་ཡོན་ཏན་བདག་ཉིད་ཆེན་པོ་མངོན་དུ་བསམས་ནས། དེ་བཞིན་གཤེགས་
པ་ལ་ཕྱག་འཚལ་ལོ་ཞེས་སྨྲས་ཏེ། ཡིད་ཀྱིས་ཕྱག་འཚལ་ནས་ལན་ཉི་ཤུ་རྩ་གཅིག་བརྗོད་ན། དེ་ལ་ཡིད་ལ་ཇི་ལྟར་འདོད་པའི་བསམ་པ་ཐམས་ཅད་ཡོངས་སུ་རྫོགས་པར་འགྱུར་ཏེ། དོན་ཇི་ལྟ་བ་བཞིན་དུ་འགྲུབ་པ་ཐོབ་པར་
འགྱུར་རོ། །ཚེས་བརྒྱད་དང་། བཅུ་བཞི་དང་། བཅྭ་ལྔ་ལ་བཅོམ་ལྡན་འདས་ལ་མཆོད་པ་བྱས་ལ། བསྙེན་གནས་བླངས་ནས་གོས་དཀར་པོ་བགོས་ཏེ། སྦྱིན་པ་བྱས་ལ་བྱང་ཆུབ་ཀྱི་སེམས་ཆེན་པོ་བླངས་ནས་མི་སྡུག་པ་མེད་པར་

106-1-241b

ལག་པ་བརྐྱང་བ་དེས་རང་གི་ལག་གིས་དཀྱིལ་འཁོར་བྱུགས་ལ། མེ་ཏོག་ཁ་དོག་སྣ་གསུམ་གྱིས་མཆོད་ནས་ཙན་དན་དཀར་པོས་བདུགས་ལ། འཇིག་རྟེན་གྱི་ཁམས་སྟོང་ཕྲག་མཐའ་ཡས་པ་དག་ན་མཆོད་པ་དང་། བཀུར་སྟི་ཆེན་
པོ་རྣམ་པ་སྣ་ཚོགས་ཡོད་པ། དེ་བཞིན་གཤེགས་པ་རྣམས་ལ་འོས་པ་རྣམས་ཡིད་ལ་བསམས་ཏེ། སངས་རྒྱས་དང་། བྱང་ཆུབ་སེམས་དཔའ་ཐམས་ཅད་ལ་ཕུལ་ནས། དེ་བཞིན་གཤེགས་པའི་སྙིང་པོ་སྟོང་ཆེན་པོ་འབར་བ་འབྱུང་བ་
འདི་ནམ་དགའ་བ་ཆེན་པོ་སྐྱེས་ཀྱི་བར་དུ་བརྗོད་ན། བདག་ཉིད་དེ་བཞིན་གཤེགས་པ་རྣམས་ཀྱི་དྲུང་ན་འདུག་པར་ཤེས་ཤིང་། དེ་བཞིན་གཤེགས་པ་རྣམས་ཀྱི་ཟང་ཟིང་མེད་པའི་ཆོས་ཀྱི་ལོངས་སྤྱོད་ཆེན་པོའི་དགའ་བ་ཐོབ་པར་འགྱུར་
ཏེ། དེ་ཕྱིན་ཅད་དེ་བཞིན་གཤེགས་པའི་རིགས་སུ་ཕྱིར་མི་ལྡོག་པར་སྐྱེས་པ་ཡིན་ནོ། །ཚེ་རབས་གཞན་དུ་སོང་ན་ཡང་བྱང་ཆུབ་སེམས་དཔའི་ས་ཆེན་པོ་ཐོབ་པར་འགྱུར་རོ། །རིག་སྔགས་འཆང་ཆེན་པོའི་འཁོར་ལོས་སྒྱུར་བ་ཡང་
ཐོབ་པར་འགྱུར་རོ། །གཟུངས་ཀྱང་ཐོབ་པར་འགྱུར་རོ། །དེ་བཞིན་གཤེགས་པ་རྣམས་ཀྱང་མཉེས་པར་བྱེད་དོ། །མངོན་པར་ཤེས་པ་མི་ཉམས་པ་ཡང་ཐོབ་པར་འགྱུར་རོ། །ཚེ་འདི་ལ་ཡང་སེམས་ཅན་ཐམས་ཅད་དགའ་བར་
འགྱུར་རོ། །ལྷ་ཐམས་ཅད་ཀྱིས་ཀྱང་བསྲུང་བར་འགྱུར་རོ། །ཀླུ་དང་། ལྷ་མ་ཡིན་དང་། ནམ་མཁའ་ལྡིང་དང་། མི་འམ་ཅི་དང་། གནོད་སྦྱིན་དང་། སྲིན་པོ་ཐམས་ཅད་ཀྱིས་ཀྱང་བསྲུང་བར་འགྱུར་ཏེ། གང་ལ་སྨྲས་པ་དེ་དེའི་བྱ་བ་སྒྲུབ་པར་
འགྱུར་རོ། །དེས་ཅི་བསམས་པ་དང་། བྱེད་དུ་བཅུག་པ་རྣམས་ཀྱང་ལྷ་ལ་སོགས་པ་རྣམས་བྱེད་པར་འགྱུར་རོ། །དེའི་འདོད་པ་ཐམས་ཅད་ཀྱང་ཡོངས་སུ་རྫོགས་པར་འགྱུར་རོ། །སུས་ཀྱང་ངག་མི་གཅོག་པར་ཡང་འགྱུར་རོ། །
ལྷ་རྣམས་ཀྱིས་ཀྱང་དེའི་སྟོབས་དང་། གཟུགས་དང་། བསོད་ནམས་དང་། ལང་ཙོ་དང་། ནད་མེད་པ་དང་། རྒྱས་པ་འཕེལ་བར་བྱེད་དོ། །བགེགས་ཐམས་ཅད་ཀྱིས་ཀྱང་མི་ཚུགས་པར་འགྱུར་རོ། །མདོར་ན་དེ་བཞིན་གཤེགས་པའི་

106-1-242a

གྲོང་ཁྱེར་དུ་འཇུག་པར་འདོད་པ་རྣམས་དང་དེ་བཞིན་གཤེགས་པའི་སངས་རྒྱས་ཀྱི་སྐུ་ཆེན་པོ་མཐོང་བར་འདོད་པ་རྣམས་དང་། ཡོན་ཏན་ཕུན་སུམ་ཚོགས་པ་ཐམས་ཅད་ཐོབ་པར་འདོད་པ་རྣམས་དང་། གཞན་ཡང་བྱང་ཆུབ་སེམས་དཔའ་
ཆེན་པོའི་བསླབ་པའི་གར་ཐབས་བྱེད་པ་ལ་འཇུག་པར་འདོད་པ་རྣམས་དང་། བྱང་ཆུབ་སེམས་དཔའ་ཆེན་པོའི་ཆོས་ཉིད་ཀྱི་དམ་ཚིག་ཐོབ་པར་འདོད་པ་རྣམས་དང་། རྟག་པར་རྒྱུན་མི་འཆད་པ་དང་། བར་ཆད་མེད་པར་རྒྱུད་ཆེན་པོའི་དེ་
ཁོ་ན་རྟོགས་པར་འདོད་པ་རྣམས་དང་། དེ་བཞིན་གཤེགས་པའི་ཡོན་ཏན་གྱི་རྒྱན་གྱི་བདག་ཉིད་བརྒྱན་པར་འདོད་པ་རྣམས་ཀྱིས་ཡོན་ཏན་གྱི་ཚོགས་ཆེན་པོ་བསགས་པའི་ཕྱིར་དེ་བཞིན་གཤེགས་པ་རྣམས་ཀྱིས་བསྟོད་ཅིང་
བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་ཀྱིས་ཡང་དག་པར་བསྟེན་པ་འདི་ཐོག་མར་བསྒྲིམ་པ་ཆེན་པོས་དེ་བཞིན་གཤེགས་པ་ཐམས་ཅད་བསམ་པའི་ཆོ་ག་ཇི་སྐད་བསྟན་པ་བཞིན་དུ་བླང་བར་བྱའོ། །སྙིང་རྗེའི་
མཆོག་ཅེས་བྱ་བའི་གཟུངས། རྫོགས་སྷོ།། །།སྐར།། ༄༅།  །རྒྱ་གར་སྐད་དུ། ཨཱརྱ་ཨ་ནན་ཏ་མུ་ཁ་ནི་ཧ་ར་ནཱ་མ་དྷཱ་ར་ཎཱི། བོད་སྐད་དུ། འཕགས་པ་སྒོ་མཐའ་ཡས་པས་སྒྲུབ་པ་ཞེས་བྱ་བའི་གཟུངས། སངས་རྒྱས་དང་བྱང་ཆུབ་སེམས་དཔའ་
ཐམས་ཅད་ལ་ཕྱག་འཚལ་ལོ། །འདི་སྐད་བདག་གིས་ཐོས་པ་དུས་གཅིག་ན། བཅོམ་ལྡན་འདས་ཡུལ་ཡངས་པ་ན་ཚལ་ཆེན་པོའི་ཁང་པ་བརྩེགས་པའི་ཁང་བཟངས་ན། དགེ་སློང་བརྒྱད་སྟོང་གི་དགེ་སློང་གི་དགེ་འདུན་ཆེན་པོ་དང་། 
བྱང་ཆུབ་སེམས་དཔའ་སེམས་དཔའ་ཆེན་པོ་རབ་ཏུ་མང་པོ་དང་ཐབས་གཅིག་ཏུ་བཞུགས་ཏེ། དེའི་ཚེ་ཟླ་བ་གསུམ་པོ་འདི་དག་འདས་ནས་དེ་བཞིན་གཤེགས་པ་ཡོངས་སུ་མྱ་ངན་ལས་འདའོ་ཞེས་བཅོམ་ལྡན་འདས་ཀྱིས་དྲན་པ་དང་ལྡན་
ཞིང་མཁྱེན་བཞིན་དུ་ཚེའི་འདུ་བྱེད་དག་བཏང་བར་གྱུར་ཏོ། །དེ་ནས་བཅོམ་ལྡན་འདས་ཀྱིས་ཚེ་དང་ལྡན་པ་མཽད་གལ་གྱི་བུ་ཆེན་པོ་ལ་བཀའ་སྩལ་ཏེ། མཽད་གལ་གྱི་བུ་ཆེན་པོ་ཁྱོད་སོང་ལ་སྟོང་གི་འཇིག་རྟེན་གྱི་ཁམས་ན་དགེ་སློང་ཇི་སྙེད་

106-1-242b

གནས་པ་དེ་དག་ཐམས་ཅད་ཚལ་ཆེན་པོའི་ཁང་པ་བརྩེགས་པའི་ཁང་བཟངས་འདིར་སྡུས་ཤིག །དེ་ནས་ཚེ་དང་ལྡན་པ་མཽད་གལ་གྱི་བུ་ཆེན་པོས་བཅོམ་ལྡན་འདས་དེ་བཞིན་ནོ་ཞེས་གསོལ་ཏེ། བཅོམ་ལྡན་འདས་ཀྱི་ལྟར་མཉན་ནས། 
སྐད་ཅིག་དེ་ཉིད་ལ་རང་གི་རྫུ་འཕྲུལ་གྱི་སྟོབས་ཀྱིས་རི་རབ་ཀྱི་རྩེ་མོ་ལ་འདུག་སྟེ། སྟོང་གི་འཇིག་རྟེན་གྱི་ཁམས་སྐད་ཀྱིས་གོ་བར་བྱས་པ། བདེར་གཤེགས་སློབ་མ་སེམས་ཅན་གང་སུ་དག །འཇིག་རྟེན་ཁམས་འདིར་གནས་པ་ཀུན་ཉོན་ཅིག །
དེང་འདིར་སྟོན་པ་ཆོས་ཀྱི་ཆར་འབེབས་ཀྱིས། །གང་དག་ཉན་པར་འདོད་པ་འདིར་ཤེག་ཤིག །དེའི་ཚེ་ཚལ་ཆེན་པོའི་ཁང་པ་བརྩེགས་པའི་ཁང་བཟངས་སུ་དགེ་སློང་བཞི་ཁྲི་འདུས་པར་གྱུར་ཏེ། དེ་དག་ལྷགས་ནས་བཅོམ་ལྡན་འདས་མཐོང་
བ་དང་། བཅོམ་ལྡན་འདས་ཀྱི་ཞབས་ལ་མགོ་བོས་ཕྱག་འཚལ་ཏེ། བཅོམ་ལྡན་འདས་ལ་ལན་གསུམ་བསྐོར་བ་བྱས་ནས་ཕྱོགས་གཅིག་ཏུ་འཁོད་དོ། །དེ་ནས་ཚེ་དང་ལྡན་པ་ཤཱ་རིའི་བུ་སངས་རྒྱས་ཀྱི་མཐུས་སྐད་ཅིག་དེ་ཉིད་ལ་འདི་སྙམ་དུ་
སེམས་ཏེ། བདག་གིས་རྫུ་འཕྲུལ་མངོན་བར་འདུ་བྱ་བ་གང་མངོན་བར་འདུ་བྱས་པས་སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་ན་ཉན་ཐོས་ཀྱི་ཐེག་པ་ཅན་ནམ། རང་སངས་རྒྱས་ཀྱི་ཐེག་པ་ཅན་ནམ། ཐེག་པ་ཆེན་པོ་ཅན་ཡང་རུང་
སྟེ། དགེ་སློང་ཇི་སྙེད་གནས་པ་དེ་དག་ཐམས་ཅད་ཚལ་ཆེན་པོའི་ཁང་པ་བརྩེགས་པའི་ཁང་བཟངས་སུ་འདུ་བར་འགྱུར་བ་དེ་འདྲ་བའི་རྫུ་འཕྲུལ་མངོན་བར་འདུ་བྱ་བ་མངོན་བར་འདུ་བྱ་གོར་མ་ཆག་སྙམ་མོ། །དེ་ནས་ཚེ་དང་ལྡན་པ་ཤཱ་རིའི་
བུས་རྫུ་འཕྲུལ་མངོན་པར་འདུ་བྱ་བ་དེ་ལྟ་བུ་མངོན་བར་འདུ་བྱས་ཏེ། རྫུ་འཕྲུལ་མངོན་བར་འདུ་བྱ་བ་དེ་མངོན་བར་འདུ་བྱས་པས་སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་ན་ཉན་ཐོས་ཀྱི་ཐེག་པ་ཅན་ནམ། རང་སངས་རྒྱས་ཀྱི་
ཐེག་པ་ཅན་ནམ། ཐེག་པ་ཆེན་པོ་ཅན་ཡང་རུང་སྟེ། དགེ་སློང་ཇི་སྙེད་གནས་པ་དེ་དག་ཐམས་ཅད་ཚལ་ཆེན་པོའི་ཁང་པ་བརྩེགས་པའི་ཁང་བཟངས་སུ་འདུས་པར་གྱུར་ཏེ། དེ་དག་ལྷགས་ནས་བཅོམ་ལྡན་འདས་མཐོང་བ་དང་། བཅོམ་ལྡན་
106-1-243a

འདས་ཀྱི་ཞབས་ལ་མགོ་བོས་ཕྱག་འཚལ་ཏེ། བཅོམ་ལྡན་འདས་ལ་ལན་གསུམ་བསྐོར་བ་བྱས་ནས་ཕྱོགས་གཅིག་ཏུ་འཁོད་དོ། །དེ་ནས་བཅོམ་ལྡན་འདས་ཀྱིས་སྐད་ཅིག་དེ་ཉིད་ལ་བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་
ལ་བཀའ་སྩལ་པ། འདི་ལྟ་སྟེ། བྱང་ཆུབ་སེམས་དཔའ་སེམས་དཔའ་ཆེན་པོ་མཐོང་བ་དོན་ཡོད་ཅེས་བྱ་བ་དང་། འཇམ་དཔལ་གཞོན་ནུར་གྱུར་པ་དང་། བྱང་ཆུབ་སེམས་དཔའ་སེམས་དཔའ་ཆེན་པོ་ངན་སོང་
ཐམས་ཅད་སྤོང་བ་དང་། བྱང་ཆུབ་སེམས་དཔའ་སེམས་དཔའ་ཆེན་པོ་མྱ་ངན་ཐམས་ཅད་ཀྱི་མུན་པ་ངེས་པར་འཇོམས་པ་དང་། བྱང་ཆུབ་སེམས་དཔའ་སེམས་དཔའ་ཆེན་པོ་སྒྲིབ་པ་ཐམས་ཅད་རྣམ་པར་
སེལ་བ་དང་། བྱང་ཆུབ་སེམས་དཔའ་སེམས་དཔའ་ཆེན་པོ་དྲ་བ་ཅན་གྱི་འོད་དང་། བྱང་ཆུབ་སེམས་དཔའ་སེམས་དཔའ་ཆེན་པོ་ཡུལ་ཐམས་ཅད་ཀྱི་མུན་པ་ངེས་པར་འཇོམས་པའི་བློ་གྲོས་དང་། བྱང་ཆུབ་སེམས་དཔའ་སེམས་དཔའ་ཆེན་
པོ་འཕགས་པ་སྤྱན་རས་གཟིགས་དབང་ཕྱུག་དང་། བྱང་ཆུབ་སེམས་དཔའ་སེམས་དཔའ་ཆེན་པོ་མཐུ་ཆེན་ཐོབ་དང་། བྱང་ཆུབ་སེམས་དཔའ་སེམས་དཔའ་ཆེན་པོ་ཡིད་ཡོངས་སུ་མི་སྐྱོ་དང་། བྱང་ཆུབ་སེམས་དཔའ་སེམས་དཔའ་
ཆེན་པོ་སྤོས་ཀྱི་གླང་པོ་ཆེ་དང་། བྱང་ཆུབ་སེམས་དཔའ་སེམས་དཔའ་ཆེན་པོ་དཔའ་བ་དང་། བྱང་ཆུབ་སེམས་དཔའ་སེམས་དཔའ་ཆེན་པོ་ནམ་མཁའ་མཛོད་དང་། བྱང་ཆུབ་སེམས་དཔའ་སེམས་དཔའ་ཆེན་པོ་འོད་དཔག་མེད་དང་། བྱང་
ཆུབ་སེམས་དཔའ་སེམས་དཔའ་ཆེན་པོ་ཟླ་འོད་དང་། བྱང་ཆུབ་སེམས་དཔའ་སེམས་དཔའ་ཆེན་པོ་ཡེ་ཤེས་ཏོག་དང་། བྱང་ཆུབ་སེམས་དཔའ་སེམས་དཔའ་ཆེན་པོ་བཟང་སྐྱོང་དང་། བྱང་ཆུབ་སེམས་དཔའ་སེམས་དཔའ་ཆེན་པོ་བློ་གྲོས་རྒྱ་
མཚོ་དང་། བྱང་ཆུབ་སེམས་དཔའ་སེམས་དཔའ་ཆེན་པོ་བློ་གྲོས་མི་ཟད་པ་དང་། བྱང་ཆུབ་སེམས་དཔའ་སེམས་དཔའ་ཆེན་པོ་རྡོ་རྗེ་སྙིང་པོ་དང་། བྱང་ཆུབ་སེམས་དཔའ་སེམས་དཔའ་ཆེན་པོ་ནམ་མཁའི་སྙིང་པོ་དང་། བྱང་ཆུབ་སེམས་དཔའ་

106-1-243b

སེམས་དཔའ་ཆེན་པོ་ཀུན་དུ་བཟང་པོ་དང་། བྱང་ཆུབ་སེམས་དཔའ་སེམས་དཔའ་ཆེན་པོ་ལག་ན་རྡོ་རྗེ་དང་། བྱང་ཆུབ་སེམས་དཔའ་སེམས་དཔའ་ཆེན་པོ་སྤོབས་པ་བརྩེགས་པ་དང་། བྱང་ཆུབ་སེམས་དཔའ་སེམས་དཔའ་ཆེན་པོ་བྱམས་པ་ལ་
བཀའ་སྩལ་པ། རིགས་ཀྱི་བུ་དག་ཁྱེད་དེང་ལ་ཕྱོགས་བཅུ་ཐམས་ཅད་ཀྱི་སངས་རྒྱས་ཀྱི་ཞིང་གང་གཱའི་ཀླུང་གི་བྱེ་མ་སྙེད་དག་ན་བྱང་ཆུབ་སེམས་དཔའ་སྲིད་པ་ཐ་མ་པ་འམ།   སྐྱེ་བ་གཅིག་གིས་ཐོགས་པའམ། ཕྱིར་མི་ལྡོག་པའམ། མི་སྐྱེ་བའི་ཆོས་ལ་
བཟོད་པ་ཐོབ་པའམ། དད་པས་མོས་པ་ཇི་སྙེད་གནས་པ་དེ་དག་ཐམས་ཅད་ཚལ་ཆེན་པོའི་ཁང་པ་བརྩེགས་པའི་ཁང་བཟངས་འདིར་སྡུས་ཤིག །དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་དེ་དག་གིས་བཅོམ་ལྡན་འདས་ཀྱི་ལྟར་
མཉན་ཏེ། བཅོམ་ལྡན་འདས་ལེགས་སོ་ལེགས་སོ་ཞེས་གསོལ་ནས། སྐད་ཅིག་དེ་ཉིད་ལ་ལྟས་དེ་ལྟ་བུ་བྱས་ཏེ། ལྟས་དེ་བྱས་པས་ཚལ་ཆེན་པོའི་ཁང་པ་བརྩེགས་པའི་ཁང་བཟངས་སུ་བྱང་ཆུབ་སེམས་དཔའ་སྲིད་པ་ཐ་མ་པ་བྱེ་བ་ཁྲག་ཁྲིག་བརྒྱ་སྟོང་
བརྗོད་དུ་མེད་པའི་བརྗོད་དུ་མེད་པ་བྱེ་བ་ཁྲག་ཁྲིག་ཕྲག་འབུམ་དག་ལྷགས་པར་གྱུར་ཏོ། །བྱང་ཆུབ་སེམས་དཔའ་སྐྱེ་བ་གཅིག་གིས་ཐོགས་པ་བྱེ་བ་ཁྲག་ཁྲིག་འབུམ་ཕྲག་དགུ་བཅུ་བརྒྱ་སྟོང་ཕྲག་དགུ་བཅུ་དང་། བྱང་ཆུབ་སེམས་
དཔའ་ཕྱིར་མི་ལྡོག་པ་བྱེ་བ་ཁྲག་ཁྲིག་བརྒྱ་འབུམ་ཕྲག་སྟོང་ཕྲག་བརྒྱད་བཅུ་དང་། བྱང་ཆུབ་སེམས་དཔའ་སེམས་དཔའ་ཆེན་པོ་མི་སྐྱེ་བའི་ཆོས་ལ་བཟོད་པ་ཐོབ་པ་བྱེ་བ་ཁྲག་ཁྲིག་འབུམ་ཕྲག་བརྒྱ་སྟོང་ཕྲག་སུམ་བཅུ་དང་། བྱང་
ཆུབ་སེམས་དཔའ་སེམས་དཔའ་ཆེན་པོ་དད་པས་མོས་པ་བྱེ་བ་ཁྲག་ཁྲིག་འབུམ་ཕྲག་བརྒྱ་སྟོང་ཕྲག་བརྒྱད་ལྷགས་པར་གྱུར་ཏོ། །དེ་དག་ཐམས་ཅད་ལྷགས་ཏེ་བཅོམ་ལྡན་འདས་མཐོང་ནས། བཅོམ་ལྡན་འདས་ཀྱི་ཞབས་ལ་མགོ་
བོས་ཕྱག་འཚལ་ཏེ། བཅོམ་ལྡན་འདས་ལ་ལན་གསུམ་བསྐོར་བ་བྱས་ནས་ཕྱོགས་གཅིག་ཏུ་འཁོད་དོ། །དེ་ནས་ཚེ་དང་ལྡན་པ་ཤཱ་རིའི་བུས་བྱང་ཆུབ་སེམས་དཔའ་འདུས་པ་ཆེན་པོ་དེ་མཐོང་ནས་སྐད་ཅིག་དེ་ཉིད་ལ་འདི་སྙམ་དུ་སེམས་ཏེ། 

106-1-244a

ཞུ་བ་ལུང་བསྟན་པ་ཇི་ལྟ་བུས་བྱང་ཆུབ་སེམས་དཔའ་སེམས་དཔའ་ཆེན་པོ་འདི་དག་གི་སོམ་ཉི་ཐམས་ཅད་སྤོང་བར་འགྱུར་བ་དང་། སྒྲིབ་པ་མེད་པའི་ཡེ་ཤེས་དང་། སྤོབས་པ་མྱུར་དུ་ཐོབ་པར་འགྱུར་བ་དང་། སངས་རྒྱས་ཀྱི་ཞིང་གང་གཱའི་ཀླུང་གི་བྱེ་མ་
སྙེད་ཀྱི་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཐམས་ཅད་ལས་ཆོས་བསྟན་པ་ཐོས་པར་འགྱུར་བ་དང་། ཐོས་ནས་ཀྱང་འཛིན་པར་འགྱུར་ཞིང་བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་
པར་སངས་རྒྱས་ཀྱི་བར་དུ་བརྗེད་པར་མི་འགྱུར་བ་དང་། བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་ཀྱི་སྤྱོད་པ་ཡོངས་སུ་དག་པ་གང་ཡིན་པ་བཞི་པོ་དེ་དག་རྗེས་སུ་ཐོབ་པར་འགྱུར་བ་སྟེ། བཞི་གང་ཞེ་ན། འདི་ལྟ་སྟེ། སེམས་ཅན་ཡོངས་སུ་
དག་པ་དང་། ཆོས་ཡོངས་སུ་དག་པ་དང་། སྨོན་ལམ་ཡོངས་སུ་དག་པ་དང་། སངས་རྒྱས་ཀྱི་ཞིང་ཡོངས་སུ་དག་པ་སྟེ། དེ་དག་རྗེས་སུ་འཐོབ་པར་འགྱུར་བ་དང་། གྱ་ནོམ་པ་ཡིད་དུ་འོང་བར་བྱེད་པའི་ཆོས་བཞི་རྗེས་སུ་འཐོབ་པར་འགྱུར་བ་
སྟེ། བཞི་གང་ཞེ་ན། འདི་ལྟ་སྟེ། ལུས་ཡིད་དུ་འོང་བ་དང་། ངག་ཡིད་དུ་འོང་བ་དང་། སེམས་ཡིད་དུ་འོང་བ་དང་། སྐྱེ་བ་ཡིད་དུ་འོང་བ་རྗེས་སུ་འཐོབ་པར་འགྱུར་བ་དང་། གཟུངས་ཀྱི་སྒོར་འཇུག་པ་བཞི་རྗེས་སུ་འཐོབ་པར་འགྱུར་བ་སྟེ། བཞི་གང་
ཞེ་ན། འདི་ལྟ་སྟེ། སྒོ་མི་ཟད་པས་སྒྲུབ་པའི་གཟུངས་ཀྱི་སྒོར་འཇུག་པ་དང་། སེམས་ཅན་རྣམས་ཀྱི་དབང་པོ་ལ་མཁས་པའི་གཟུངས་ཀྱི་སྒོར་འཇུག་པ་དང་། ལས་དང་རྣམ་པར་སྨིན་པ་ལ་མཁས་པ་འདུས་མ་བྱས་ཀྱི་གཟུངས་ཀྱི་སྒོར་འཇུག་
པ་དང་། ཆོས་ཟབ་མོ་ལ་བཟོད་པའི་གཟུངས་ཀྱི་སྒོར་འཇུག་པ་རྗེས་སུ་ཐོབ་པར་འགྱུར་བ་དེ་ལྟ་བུའི་ཞུ་བ་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ལ་བདག་གིས་ཞུ་གོར་མ་ཆག་སྙམ་མོ། །དེ་ནས་ཚེ་དང་ལྡན་པ་ཤཱ་རིའི་བུས་
ཞུ་བ་ཇི་སྐད་སྨོས་པ། ཇི་ལྟར་ཡིད་ལ་བཟུང་བ། ཇི་ལྟར་ཡིད་ལ་བྱས་པ། ཇི་ལྟར་ཀུན་ཆུབ་པར་བྱས་པ་དེ་དག་སངས་རྒྱས་བཅོམ་ལྡན་འདས་ལ་རྒྱ་ཆེར་གསོལ་ཏོ། །འདི་སྐད་ཅེས་ཀྱང་གསོལ་ཏེ། བཅོམ་ལྡན་འདས་ཞུ་བ་ཇི་སྐད་སྨོས་པ། ཇི་ལྟར་

106-1-244b

ཡིད་ལ་བཟུང་བ། ཇི་ལྟར་ཡིད་ལ་བགྱིས་པ། ཇི་ལྟར་ཀུན་ཆུབ་པར་བགྱིས་པ་འདི་དག་གིས་བྱང་ཆུབ་སེམས་དཔའ་སེམས་དཔའ་ཆེན་པོ་འདི་དག་གི་སྤྱོད་པ་ཇི་ལྟར་ཡོངས་སུ་དག་པར་འགྱུར་བ་དེ་ལྟར་བཅོམ་ལྡན་འདས་ཀྱིས་བཤད་དུ་གསོལ། །དེ་སྐད་
ཅེས་གསོལ་པ་དང་། བཅོམ་ལྡན་འདས་ཀྱིས་ཚེ་དང་ལྡན་པ་ཤཱ་རིའི་བུ་ལ་འདི་སྐད་ཅེས་བཀའ་སྩལ་ཏོ། །ཤ་རིའི་བུ་ལེགས་སོ་ལེགས་སོ། །ཤ་རིའི་བུ་ཁྱོད་དེ་བཞིན་གཤེགས་པ་ལ་དོན་འདི་ཞུ་བར་སེམས་པ་ཁྱོད་ཡང་ལེགས་སོ། །ཤཱ་རིའི་བུ་དེའི་ཕྱིར་
ཁྱོད་ལེགས་པར་རབ་ཏུ་ཉོན་ལ་ཡིད་ལ་ཟུང་ཤིག་དང་ངས་ཁྱོད་ལ་བཤད་དོ། །ཚེ་དང་ལྡན་པ་ཤཱ་རིའི་བུས་བཅོམ་ལྡན་འདས་དེ་ལྟར་འཚལ་ལོ། །དེ་བཞིན་ནོ་ཞེས་གསོལ་ཏེ། བཅོམ་ལྡན་འདས་ཀྱི་ལྟར་ཉན་པ་དང་། བཅོམ་ལྡན་འདས་ཀྱིས་དེ་ལ་འདི་
སྐད་ཅེས་བཀའ་སྩལ་ཏོ། །ཤཱ་རིའི་བུ་འདི་ལ་བྱང་ཆུབ་སེམས་དཔའ་སེམས་དཔའ་ཆེན་པོ་གང་ཆོས་ཐམས་ཅད་ཁས་མི་ལེན་ཅིང་འཛིན་པར་མི་བྱེད་པ་དེས་གཟུངས་ཀྱི་གསང་སྔགས་ཀྱི་ཚིག་འདི་དག་གཟུང་བར་བྱའོ། །ཏདྱ་ཐཱ། ཨ་ནེ་ཨ་ནེ་ཨ་
ནེ། མུ་ཁེ་མུ་ཁེ་མུ་ཁེ། ས་མན་ཏ་མུ་ཁེ། ཛྱོ་ཏི་སོ་མེ།  ས་ཏྱཱ་རཱ་མེ། སཽ་ཏི་ཡུག་ཏེ། ནི་རུག་ཏེ། ནི་རུག་ཏེ།   པྲ་བྷེ། ཧི་ལི་ཧི་ལི། ཀ་ལ་པེ་ཀ་ལ་པེ་སི་སཱ་རེ་ས་ར་བ་ཏི། བུད་དྷ་བ་ཏི། ཧི་ལི་ཧི་ལི། ཧི་ལེ་ཧི་ལེ།  ཧི་ལེ་ཧི་ལེ། ཧི་ལེ་ཧི་ལི། མ་ཧཱ་ཧི་ལི་ལེ། ཧི་ལེ་དུཎ་ཌེ། ཙཎ་ཌེ་
ཙཎ་ཌེ། ཙ་རཱ་ཙ་རཱ་ཎེ། ཨ་ཙ་ལེ་མ་ཙ་ལེ། ཨ་ནན་ཏེ་ཨ་ནན་ཏ་ག་ཏེ། ཨ་ར་ཎེ། ནིར་མ་རེ། ནིར་བྷ་བ་ནེ། ནིར་བརྟ་ནེ།  ནིར་དན་ནེ། དྷརྨ་དྷ་རེ། ནི་ཧ་ར་ནི་ཧ་ར། བི་མ་ལེ་བི་ཤོ་དྷ་ནེ། ཤཱི་ལ་བོ་ཥྷ་ནེ། པྲ་ཀྲི་ཏི་དཱི་བ་ནེ་བྷ་བ་ནེ། བྷ་བ་བི།  བྷ་བ་ནི། ཨ་སྃ་གེ་ཨ་སྃ་ག་བི་ཧ་
རེ། ད་མེ་ཤ་མེ། བི་མ་ལེ། བི་མ་ལ་པྲ་བྷེ། སྃ་ག་ར་ཤ་ནེ། དྷི་རེ་དྷི་དྷི་རེ། མ་ཧཱ་དྷི་དྷི་རེ། ཡ་ཤེ་ཡ་ཤེ་བ་ཏི། ཙ་ལེ་ཨ་ཙ་ལེ། མ་ཙ་ལེ། ས་མ་ཙ་ལེ། ཌི་ཌྷ་སན་དྷི། སུ་སྠ་རེ། ཨ་སྃ་གེ། ཨ་སྃ་གྷ་བྷི་ཧ་རེ། སྃ་གྷ་ནིར་ཧ་རེ། ནིར་ཧ་ར་ནི་བི་མ་ལེ། ནིར་ཧ་ར་བི་ཤོ་དྷ་
ནི། ཌི་ཌྷ་སོ་མེ་སྠ་རེ། སྠ་མ་སྠ་མ། བ་ཏི་མ་ཧཱ་པྲ་བྷེ། ས་མན་ཏ་པྲ་བྷེ། བི་པུ་ལ་པྲ་བྷེ། བི་པུ་ལ་རཤྨི་སྃ་བྷ་བེ། ས་མན་ཏ་མུ་ཁེ། སརྦཱ་ཏྲཱ་ནུ་ག་ཏེ། ཨ་ནན་ཚེ་དྱེ་བྲི་ཏི་བ་ནེ། དྷ་ར་ཎཱི་དྷཱ་ཎཱེ། དྷརྨ་ནི་དྷ་ནེ་ཏྲེེ།  ས་མན་ཏ་བྷ་དྲེ། སརྦ་ཏ་ཐཱ་ག་ཏ་ཨ་དྷིཥྛཱ་ན་ཨ་དྷིཥྛཱི་ཏེ་

106-1-245a

སྭཱ་ཧཱ། ཤ་རིའི་བུ་བྱང་ཆུབ་སེམས་དཔའ་སེམས་དཔའ་ཆེན་པོ་གཟུངས་འདི་དག་འཛིན་པ་ནི་འདུས་བྱས་དང་། འདུས་མ་བྱས་ཀྱི་ཆོས་རྣམས་ལ་རློམ་སེམས་སུ་མི་བྱེད། དམིགས་པར་མི་བྱེད། དམོད་པར་མི་བྱེད། བཏང་སྙོམས་སུ་མི་བྱེད། 
འཛིན་པར་མི་བྱེད། རྩོམ་པར་མི་བྱེད་དེ། དེ་དག་ཐོབ་པར་བྱ་བ་དང་སྤང་བར་བྱ་བ་དང་བསྒོམ་པར་བྱ་བ་དང་རྣམ་པར་འཕེལ་བར་བྱ་བའི་ཕྱིར་མི་བྱེད། རྣམ་པར་མི་བྱེད། མངོན་པར་འདུ་མི་བྱེད། མཚུངས་པར་ལྡན་པའི་ཆོས་རྣམས་ཀྱང་མི་མཐོང་། 
ལྡན་པ་རྣམས་ཀྱང་མི་མཐོང་། ཆོས་རྣམས་ཀྱི་སྐྱེ་བ་ཡང་མི་མཐོང་། །འགོག་པ་ཡང་མི་མཐོང་། འདས་པའི་ཆོས་རྣམས་ཀྱང་མི་མཐོང་། མ་འོངས་པའི་ཆོས་རྣམས་ཀྱང་མི་མཐོང་། ད་ལྟར་བྱུང་བའི་ཆོས་རྣམས་ཀྱང་མི་མཐོང་། ཆོས་རྣམས་ཀྱི་
འཕེལ་བ་དང་འབྲི་བར་ཡང་མི་མཐོང་། ཆོས་གང་ཡང་སོགས་པར་ཡང་མི་བྱེད། འགྲིབ་པར་ཡང་མི་བྱེད། འདོགས་པར་ཡང་མི་བྱེད། རྣམ་པར་རིག་པར་ཡང་མི་བྱེད་པར་སངས་རྒྱས་དྲན་པ་འབའ་ཤིག་སྒོམ་སྟེ། དེ་བསྒོམ་པ་ན་གཟུགས་སུ་མ་
ཡིན། གཟུགས་མེད་པར་མ་ཡིན། མཚན་དུ་མ་ཡིན། མཚན་མེད་པར་མ་ཡིན། དཔེ་བྱད་བཟང་པོར་མ་ཡིན། དཔེ་བྱད་བཟང་པོ་མེད་པར་མ་ཡིན། རྣམ་པར་ཤེས་པར་མ་ཡིན། རྣམ་པར་ཤེས་པ་མེད་པར་མ་ཡིན། ཉོན་མོངས་པར་མ་ཡིན། 
ཉོན་མོངས་པ་མེད་པར་མ་ཡིན། ཚུལ་ཁྲིམས་སུ་མ་ཡིན། ཚུལ་ཁྲིམས་མེད་པར་མ་ཡིན། ཏིང་ངེ་འཛིན་དུ་མ་ཡིན། ཏིང་ངེ་འཛིན་མེད་པར་མ་ཡིན། ཤེས་རབ་ཏུ་མ་ཡིན། ཤེས་རབ་མེད་པར་མ་ཡིན། རྣམ་པར་གྲོལ་བར་མ་ཡིན། རྣམ་པར་
གྲོལ་བ་མེད་པར་མ་ཡིན། རྣམ་པར་གྲོལ་བའི་ཡེ་ཤེས་མཐོང་བར་མ་ཡིན། རྣམ་པར་གྲོལ་བའི་ཡེ་ཤེས་མཐོང་བ་མེད་པར་མ་ཡིན། སྐྱེ་བར་མ་ཡིན། སྐྱེ་བ་མེད་པར་མ་ཡིན། རིགས་སུ་མ་ཡིན། རིགས་མེད་པར་མ་ཡིན། རུས་སུ་མ་ཡིན། 
རུས་མེད་པར་མ་ཡིན། འཁོར་དུ་མ་ཡིན། འཁོར་མེད་པར་མ་ཡིན། གནས་པར་མ་ཡིན། གནས་མེད་པར་མ་ཡིན། ཐོབ་པར་མ་ཡིན། ཐོབ་པ་མེད་པར་མ་ཡིན། མངོན་པར་རྟོགས་པར་མ་ཡིན། མངོན་པར་རྟོགས་པ་མེད་པར་མ་ཡིན། ཉོན་

106-1-245b

མོངས་པ་ཟད་པར་མ་ཡིན། ཉོན་མོངས་པ་མ་ཟད་པར་མ་ཡིན། ཕུང་པོ་དང་། ཁམས་དང་། སྐྱེ་མཆེད་དུ་མ་ཡིན། ཕུང་པོ་དང་། ཁམས་དང་། སྐྱེ་མཆེད་མེད་པར་མ་ཡིན། ཤེས་པར་མ་ཡིན། ཤེས་པ་མེད་པར་མ་ཡིན། ཆོས་སྟོན་པར་མ་ཡིན། ཆོས་མི་སྟོན་པར་མ་
ཡིན། བདག་རྣམ་པར་དག་པར་བྱ་བར་མ་ཡིན། གཞན་རྣམ་པར་དག་པར་བྱ་བ་མ་ཡིན། སེམས་ཅན་རྣམ་པར་དག་པར་བྱ་བ་མ་ཡིན། སེམས་ཅན་མེད་པ་རྣམ་པར་དག་པར་བྱ་བར་མ་ཡིན། བདག་གི་དོན་ཏུ་མ་ཡིན། གཞན་གྱི་དོན་དུ་མ་ཡིན། ཆོས་
སུ་མ་ཡིན། འདུལ་བར་མ་ཡིན། ལུས་རྣམ་པར་དག་པར་མ་ཡིན། ངག་རྣམ་པར་དག་པར་མ་ཡིན། ཡིད་རྣམ་པར་དག་པར་མ་ཡིན། སྤྱོད་པ་རྣམ་པར་དག་པར་མ་ཡིན། སྔོན་གྱི་མཐའི་སྤྱོད་པ་རྣམ་པར་དག་པར་མ་ཡིན། ཕྱི་མའི་མཐའི་སྤྱོད་པ་
རྣམ་པར་དག་པར་མ་ཡིན། ད་ལྟར་བྱུང་བའི་སྤྱོད་པ་རྣམ་པར་དག་པར་མ་ཡིན། བདག་གི་རྣམ་པར་མ་ཡིན། གཞན་གྱི་རྣམ་པར་མ་ཡིན་པ་དེ་ནི་ཤཱ་རིའི་བུ་བྱང་ཆུབ་སེམས་དཔའ་སེམས་དཔའ་ཆེན་པོའི་ཆོས་ཐམས་ཅད་མི་འཛིན་པ་ལ་འཇུག་
པ་ཞེས་བྱ་བའི་སངས་རྒྱས་རྗེས་སུ་དྲན་པ་ཞེས་བྱའོ། །དོན་དམ་པ་སྒྲུབ་པས་ཆོས་ཐམས་ཅད་ཡང་དག་པར་འདུ་བ་ལ་མི་འཇིགས་པ་ཐོབ་པར་བྱེད་པ་ཞེས་བྱ་བའི་གཟུངས་སོ། །གཅིག་ཏུ་ངེས་པར་ཐོབ་པས་བསམ་པ་ཐམས་ཅད་ཡོངས་སུ་རྫོགས་པར་
བྱེད་པ་ཞེས་བྱ་བའི་ཏིང་ངེ་འཛིན་ཏོ། །དགེ་བའི་རྩ་བ་ཐམས་ཅད་གཞན་ལ་རག་མ་ལས་པའི་ཡེ་ཤེས་སྒྲུབ་པས་ཆོས་ཀྱི་གཏེར་མཚན་དང་དཔེ་བྱད་བཟང་པོའི་རིགས་ཟིལ་གྱིས་མི་ནོན་པ་ཞེས་བྱ་བའི་གཟུངས་སོ། །དམ་པ་ཡོངས་སུ་ཚོལ་བ་ལ་
མཁས་པས་བདུད་ཀྱི་ལས་ཐམས་ཅད་ལས་ཡང་དག་པར་འདའ་བ་ཞེས་བྱ་བའི་གཟུངས་སོ། །ཤཱ་རིའི་བུ་བྱང་ཆུབ་སེམས་དཔའ་གང་དག་སྒོ་མཐའ་ཡས་བསྒྲུབ་པའི་གཟུངས་འདིའི་དོན་ཐོབ་པ་དེ་དག་ནི་ཕྱིར་མི་ལྡོག་ཅིང་། མྱུར་དུ་བླ་ན་མེད་པ་
ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་འཚང་རྒྱ་བར་འགྱུར་རོ། །དེ་ཅིའི་སླད་དུ་ཞེ་ན། ཤ་རིའི་བུ་འདིར་སངས་རྒྱས་ཐམས་ཅད་ཀྱི་གཏེར་ངེས་པའི་ཕྱིར་རོ། །དམིགས་པ་མེད་པའི་སྤྱོད་པ་དང་ལྡན་པའི་གཟུངས་འདི་ཉིད་ལས་

106-1-246a

བྱང་ཆུབ་སེམས་དཔའི་སྤྱོད་པ་ཐམས་ཅད་ཀྱི་བྱེ་བྲག་ཆོད་པའི་ཕྱིར་རོ། །རབ་ཏུ་དབྱེ་བར་འགྱུར་རོ། །དེ་ནས་བཅོམ་ལྡན་འདས་ཀྱིས་དེའི་ཚེ་ཚིགས་སུ་བཅད་པ་འདི་དག་བཀའ་སྩལ་ཏོ། །ཆོས་རྣམས་སྟོང་པར་དོགས་མེད་ཅིང་། །
བྱང་ཆུབ་ཆེད་དུ་སྤྲོས་མི་བྱེད། །ཆོས་དབྱིངས་འཁྲུགས་པར་མི་བྱེད་ན། །དེ་ཕྱིར་གཟུངས་ནི་ཐོབ་པར་འགྱུར། །མདོ་སྡེ་འདི་ནི་མཉན་པར་བྱ། །འདི་ལ་གཟུངས་ནི་ཟད་པ་མེད། །ཡེ་ཤེས་འབྱོར་འདི་འདི་ལྟ་སྟེ། །དེས་ན་བྱང་ཆུབ་ཐོབ་པར་འགྱུར། །
བྱང་ཆུབ་སེམས་དཔའ་འཇིགས་མེད་པ། །གཟུངས་འདི་རབ་ཏུ་གཟུང་བྱས་ན། །ཕྱོགས་བཅུ་དག་གི་སངས་རྒྱས་ཀྱི། །ཆོས་བསྟན་པ་ནི་ཐོས་པར་འགྱུར། །དོན་དང་ཚིག་འབྲུས་བསྐྱོད་ཀུན་གྱི། །མཆོག་གི་ཆོས་ནི་རྣམ་པར་ཤེས། །ཉི་མའི་
འོད་ཟེར་ཇི་སྙེད་པ། །དེ་སྙེད་ཚིག་རྣམས་ཤེས་པར་འགྱུར། །གང་དག་ཆོས་ཀྱི་མཆོག་འགྱུར་བ། །རླབས་ཆེན་གཟུངས་ཀྱི་སྒོ་རྣམས་ཏེ། །གང་ཞིག་མདོ་འདི་འཛིན་དེ་ལ། །ཐམས་ཅད་རྟག་ཏུ་མངོན་དུ་འགྱུར། །གལ་ཏེ་སེམས་ཅན་
ཐམས་ཅད་ཀྱིས། །དེ་ལ་བསྐལ་པར་དོགས་དྲིས་ཏེ། །ཐེ་ཚོམ་ཐམས་ཅད་ཆད་གྱུར་ཀྱང་། །དེ་ཡི་ཡེ་ཤེས་མི་ཟད་དོ། །མདོ་སྡེ་འདི་ལ་སུ་དགའ་བ། །དེ་ནི་ཆོས་ཀྱི་རྒྱལ་པོའི་སྲས། །བྱང་ཆུབ་མཆོག་ལ་ཉེ་བ་སྟེ། །ཡིད་བརྟན་གྱུར་དང་ཆོས་འཛིན་
པའོ། །གཟུངས་འདི་འཛིན་པར་སུ་བྱེད་པ། །དེ་ལ་སེམས་ཅན་ཐམས་ཅད་དགའ། །སངས་རྒྱས་རྣམས་ཀྱང་དེ་ལ་དགྱེས། །གྲགས་པ་འཇིག་རྟེན་འབྱུང་བར་འགྱུར། །སུ་ཞིག་མདོ་སྡེ་འདི་འཛིན་པ། །དེ་ནི་འཆི་བའི་དུས་བྱེད་ཚེ། །སངས་རྒྱས་བྱེ་བ་
བརྒྱད་བཅུ་མཐོང་། །ལག་པ་དེ་ལ་ཉེ་བར་འཇོག །གཟུངས་འདི་འཛིན་པར་བྱེད་པ་ནི། །བསྐལ་པ་བྱེ་བ་སྟོང་རྣམས་སུ། །སྔོན་ཆད་སྡིག་པ་གང་བྱས་པ། །ཟླ་བ་གཅིག་གིས་བྱང་བར་འགྱུར། །བྱང་ཆུབ་སེམས་དཔའི་བསོད་ནམས་གང་། །
བསྐལ་པ་བྱེ་བར་བསྒྲུབས་པ་ཀུན། །གཟུངས་འདི་འཛིན་པར་བྱེད་པ་ཡིས། །ཟླ་བ་གཅིག་གིས་ཟིལ་གནོན་འགྱུར། །ཁམས་གསུམ་སེམས་ཅན་ཇི་སྙེད་པ། །གལ་ཏེ་ཐམས་ཅད་བདུད་གྱུར་ཀྱང་། །མདོ་སྡེ་འདི་ནི་གང་འཛིན་པ། །དེ་ལ་

106-1-246b

བར་ཆད་བྱེད་མི་ནུས། །བྱང་ཆུབ་འཚང་རྒྱ་བར་དུ་དེ། །དྲན་དང་བློ་གྲོས་རྟོགས་ལྡན་འགྱུར། །གཟུངས་ཀྱི་དམ་པ་གང་ཡིན་པ། །དེ་ཡི་ལྕེ་ཡི་རྩེ་མོར་གནས། །ཇི་ལྟར་མདོ་སྡེ་བསྟན་འདི་ལ། །གཟུངས་ནི་སོ་སོར་ངེས་པ་བཞིན། །འདི་ལས་ཐམས་
ཅད་མཁྱེན་པ་བསྟན། །འདི་ལས་བྱང་ཆུབ་ཐོབ་པར་འགྱུར། །གཟུངས་འདི་བཤད་མ་ཐག་ཏུ་ཡང་། །མར་མེ་ཞེས་བྱས་ང་ལུང་བསྟན། །སྐད་ཅིག་དེ་ལ་སངས་རྒྱས་ནི། །གང་གཱའི་ཀླུང་གི་བྱེ་སྙེད་མཐོང་། །གང་ཞིག་སངས་རྒྱས་ཐམས་ཅད་ཀྱིས། །བསྟན་པ་
འདིར་ནི་རྟོགས་འདོད་ཅིང་། །མདོ་སྡེ་འདི་ལ་བསྟེན་པ་དེས། །ཐམས་ཅད་མྱུར་དུ་ཐོབ་པར་འགྱུར། །སངས་རྒྱས་ཞིང་ནི་རྣམ་དག་དང་། །ཉན་ཐོས་ཕུན་སུམ་ཚོགས་པ་དང་། །འོད་དང་མཚན་ཀྱང་རྣམ་དག་པ། །མདོ་སྡེ་འདིས་ནི་བྱེད་པར་འགྱུར། །དེ་
བས་བག་ནི་ཡོད་གྱུར་ལ། །ཞག་བདུན་བར་དུ་འདི་སེམས་པ། །སངས་རྒྱས་བྱེ་བ་བརྒྱད་བཅུ་ཡིས། །དེ་ཡི་འོག་ཏུ་གཟུངས་སྦྱིན་འགྱུར། །བསམ་བྱ་སེམས་པར་མི་བསམ་སྟེ། །བསམ་བྱ་མིན་ཡང་མི་བསམ་མོ། །སོམས་ཤིག་འགལ་བར་མ་སེམས་
ཤིག །དེའི་འོག་ཏུ་གཟུངས་ཐོབ་འགྱུར། །དཔེར་ན་རྒྱ་མཚོར་ཕྱིན་པའི་མི། །ནོར་ལ་སོམ་ཉི་མེད་པ་ལྟར། །དེ་བཞིན་གཟུངས་འདི་ཐོབ་གྱུར་ནས། །བདེ་བ་ལ་ཡང་སོམ་ཉི་མེད། །འདི་ལས་རྫོགས་པའི་བྱང་ཆུབ་ཉེ། །དེ་བས་འདི་ལ་སྦྱོར་བར་གྱིས། །
ཞི་བའི་གནས་ནི་ཐོབ་གྱུར་ནས། །རྫོགས་པའི་བྱང་ཆུབ་ཐོབ་པར་འགྱུར། །དེ་ནས་བཅོམ་ལྡན་འདས་ཀྱིས་ཡང་ཚེ་དང་ལྡན་པ་ཤཱ་རིའི་བུ་ལ་བཀའ་སྩལ་པ། ཤཱ་རིའི་བུ་བྱང་ཆུབ་སེམས་དཔའ་སེམས་དཔའ་ཆེན་པོ་ཆོས་བཞི་དང་ལྡན་ན་གཟུངས་འདི་
ཐོབ་པར་འགྱུར་རོ། ། བཞི་གང་ཞེ་ན། འདི་ལྟ་སྟེ། འདོད་པ་རྣམས་ལ་ལྷག་པར་ཆགས་པ་མེད་པ་ཡིན། སེམས་ཅན་ཐམས་ཅད་ལ་ཕྲག་དོག་མེད་པ་ཡིན། བདོག་པ་ཐམས་ཅད་ཡོངས་སུ་གཏོང་ཞིང་འགྱོད་པ་མེད་པར་སྦྱིན་པའི་ཚུལ་ཅན་ཡིན། 
ཉིན་མཚན་དུ་ཆོས་འདོད་ཅིང་ཆོས་ཀྱི་ཀུན་དགའ་ལ་དགའ་བ་ཡིན་ཏེ་ཉིན་མཚན་དུ་ཆོས་ལ་དགའ་ཞིང་ཆོས་འདོད་པ་ཡིན་ཏེ། ཤཱ་རིའི་བུ་བྱང་ཆུབ་སེམས་དཔའ་སེམས་དཔའ་ཆེན་པོ་ཆོས་བཞི་པོ་དེ་དག་དང་ལྡན་ན་གཟུངས་འདི་ཐོབ་པར་འགྱུར་རོ། །

106-1-247a

དེ་ནས་བཅོམ་ལྡན་འདས་ཀྱིས་དེའི་ཚེ་ཚིགས་སུ་བཅད་པ་འདི་དག་བཀའ་སྩལ་ཏོ། །ངན་ཅིང་བདུད་ཀྱི་སྤྱོད་ཡུལ་བ། །འདོད་པ་དྲི་ང་སྤང་བར་བྱོས། །དེ་དག་སེམས་ཅན་དམྱལ་བའི་རྐྱེན། །ངན་སོང་རྣམས་ཀྱི་རྒྱུ་ཡང་ཡིན། །ཤེས་ཀྱི་ཁེ་དང་རྙེད་
དང་གྲགས་པའི་ཕྱིར། །ཕ་རོལ་དག་ལ་ཕྲག་དོག་མི་བྱ་སྟེ། །དགའ་བའི་མིག་གིས་སེམས་ཅན་བལྟས་བྱས་ན། །མཐུ་ཆེ་བ་དང་གཟུགས་ཀྱང་མཛེས་པར་འགྱུར། །སེམས་ཅན་གང་དག་ཁ་ཅིག་རྩོད་འགྱུར་བ། །དེ་ཡི་གཞི་རྩ་ཡོངས་སུ་འཛིན་པ་སྟེ། །
དེ་ལྟར་གང་ལ་སྲེད་པར་འགྱུར་བ་སྤངས། །སྲེད་པ་སྤང་བ་བྱས་ན་གཟུངས་སུ་འགྱུར། །གལ་ཏེ་བྱང་ཆུབ་འདོད་ན་གཞན་མ་སེམས། །ཉིན་དང་མཚན་དུ་ཆོས་ནི་བཙལ་བར་བྱོས། །ཆོས་ཚིག་འདི་འདྲ་འདི་དག་སྟེན་བྱེད་ན། །དེ་ལ་གཟུངས་ནི་མངོན་དུ་
འགྱུར་བར་འོང་། །ཤཱ་རིའི་བུ་གཞན་ཡང་བྱང་ཆུབ་སེམས་དཔའ་སེམས་དཔའ་ཆེན་པོ་ཆོས་བཞི་དང་ལྡན་ན་གཟུངས་འདི་ཐོབ་པར་འགྱུར་རོ། །བཞི་གང་ཞེ་ན། འདི་ལྟ་སྟེ། དགོན་པ་དང་། དབེན་པ་ལ་གནས་པ་དང་། ཆོས་ཟབ་མོ་ལ་བཟོད་པའི་སྟོབས་
སྐྱེད་པ་ཉིད་དང་རྙེད་པ་དང་བཀུར་སྟི་དང་ཚིགས་སུ་བཅད་པ་དག་ལ་ལྷག་པར་ཆགས་པ་མེད་པ་དང་སྡུག་པའི་དངོས་པོ་ཐམས་ཅད་ལ་མི་ལྟ་ཞིང་། ཐ་ན་ལུས་དང་སྲོག་ཀྱང་ཡོངས་སུ་གཏོང་བ་སྟེ། ཤཱ་རིའི་བུ་བྱང་ཆུབ་སེམས་དཔའ་སེམས་དཔའ་
ཆེན་པོ་ཆོས་བཞི་པོ་དེ་དག་དང་ལྡན་ན་གཟུངས་འདི་ཐོབ་པར་འགྱུར་རོ། །དེ་ནས་བཅོམ་ལྡན་འདས་ཀྱིས་དེའི་ཚེ་ཚིགས་སུ་བཅད་པ་འདི་དག་བཀའ་སྩལ་ཏོ། །རྒྱལ་བས་བསྔགས་པའི་དགོན་པར་གནས་པར་གྱིས། །དེ་ལ་གནས་པས་གཞན་
ལ་བརྙས་མི་བྱ། །ཟབ་མོའི་བཟོད་ལ་འདུན་པ་བསྐྱེད་ནས་སུ། །བག་ཡོད་མགོ་ལ་འབར་བཞིན་གནས་པར་གྱིས། །འདི་ལྟར་ཚུལ་འཆོས་བྱེད་ཀྱི་གཞིར་གྱུར་པ། །ཤེས་ཁེ་རྙེད་པ་རྣམས་ལ་གནས་མ་བྱེད། །བྱ་དང་འདྲ་བར་ངན་ངོན་དག་གིས་
ཆོག་བྱས་ཏེ། །མིར་གྱུར་པའི་འབྲས་བུ་ཡོད་པར་བྱོས། །ཀྱེ་མ་སངས་རྒྱས་བསྟན་པ་ལེགས་པར་རྙེད། །སྡུག་བསྔལ་མང་པོའི་རྩ་བ་ཁྱིམ་ཡང་སྤོངས། །ལུས་དང་ངག་དང་ཡིད་ཀྱང་ཡོངས་དག་པས། །སངས་རྒྱས་དང་ནི་ཆོས་ལ་གུས་པར་གྱིས། །

106-1-247b

རྙེད་འདོད་དྲན་པ་མ་ཡིན་ཤེས་རབ་མིན། །དད་དང་ཚུལ་ཁྲིམས་མ་ཡིན་ཆོས་སེམས་མིན། །དེ་ནི་བྱང་ཆུབ་རིང་སྟེ་གནམ་ས་བཞིན། །དེ་ལྟར་རྙེད་པ་ཡོངས་སུ་སྤང་བར་བྱ། །ཤཱ་རིའི་བུ་གཞན་ཡང་བྱང་ཆུབ་སེམས་དཔའ་སེམས་དཔའ་ཆེན་པོ་ཆོས་
བཞི་དང་ལྡན་ན་གཟུངས་འདི་ཐོབ་པར་འགྱུར་རོ། །བཞི་གང་ཞེ་ན། འདི་ལྟ་སྟེ། ཡི་གེ་འབྲུ་བརྒྱད་ཀྱི་དོན་ཁོང་དུ་ཆུད་པར་བྱའོ། །བརྒྱད་པོ་དེ་དག་གང་ཞེ་ན། འདི་ལྟ་སྟེ། པ་ཞེས་བྱ་བ་དོན་དམ་པར་ཆོས་ཐམས་ཅད་ལ་བདག་མེད་པ་ལ་འཇུག་པ་
ཁོང་དུ་ཆུད་པ་དང་། ལ་ཞེས་བྱ་བ་མཚན་དང་དཔེ་བྱད་བཟང་པོ་དང་མཚན་དང་དཔེ་བྱད་བཟང་པོ་མེད་པར་དེ་བཞིན་གཤེགས་པའི་ཆོས་ཀྱི་སྐུ་ལ་འཇུག་པ་ཁོང་དུ་ཆུད་པ་དང་། བ་ཞེས་བྱ་བ་བྱིས་པའི་ཆོས་རྣམས་དང་མཁས་པའི་ཆོས་རྣམས་
ཇི་ལྟ་བ་བཞིན་དུ་གཉིས་སུ་མེད་པ་ལ་འཇུག་པ་ཁོང་དུ་ཆུད་པ་དང་། ཛ་ཞེས་བྱ་བ་སྐྱེ་བ་དང་རྒ་བ་དང་འཆི་བ་དང་སྐྱེ་བ་དང་རྒ་བ་དང་འཆི་བ་མེད་པའི་འགྲོ་བ་མི་སྐྱེ་མི་འགག་པ་ལ་འཇུག་པ་ཁོང་དུ་ཆུད་པ་དང་། ཀ་ཞེས་བྱ་བ་ལས་དང་རྣམ་པར་སྨིན་པ་དང་། 
ལས་དང་རྣམ་པར་སྨིན་པ་མེད་པ་ལ་འཇུག་པ་ཁོང་དུ་ཆུད་པ་དང་། དྷ་ཞེས་བྱ་བ་གཟུངས་ཀྱི་ཆོས་ཀྱི་རྣམ་གྲངས་ཀྱི་སྟོང་པ་ཉིད་དང་། མཚན་མ་མེད་པ་དང་། སྨོན་པ་མེད་པ་དག་ཆོས་ཀྱི་དབྱིངས་ལ་འཇུག་པ་ཁོང་དུ་ཆུད་པ་དང་། ཤ་ཞེས་བྱ་བ་ཞི་
གནས་དང་ལྷག་མཐོང་དང་། ཞི་གནས་དང་ལྷག་མཐོང་མེད་པར་ཆོས་ཐམས་ཅད་ཀྱི་དེ་བཞིན་ཉིད་ལ་འཇུག་པ་ཁོང་དུ་ཆུད་པ་དང་། ཀྵ་ཞེས་བྱ་བ་ཆོས་ཐམས་ཅད་སྐད་ཅིག་པ་སྟེ། གཟོད་མ་ནས་ཞི་བའི་ཕྱིར་ཟད་པ་མེད་པ་དང་། འཇིག་པ་མེད་པ་
དང་། རྒྱུ་བ་མེད་པ་དང་། ཆོས་ཐམས་ཅད་མྱ་ངན་ལས་འདས་པར་འཇུག་པ་ཁོང་དུ་ཆུད་པ་སྟེ། དེ་ལྟར་ཡི་གེ་འབྲུ་བརྒྱད་པོ་དེ་དག་གི་དོན་ཁོང་དུ་ཆུད་པར་རྟོགས་པར་བྱ་བ་འདི་ནི་དོན་ཁོང་དུ་ཆུད་པ་དང་པོའོ། །གཟུངས་ཀྱི་ཆོས་ཀྱི་རྣམ་གྲངས་འདི་
ལེགས་པར་བྲིས་ཏེ་གཟུང་བར་བྱ་བ་འདི་ནི་དོན་ཁོང་དུ་ཆུད་པ་གཉིས་པའོ། །ཟླ་བ་ཕྱེད་ཕྱེད་ཅིང་གཟུངས་ཀྱི་ཆོས་ཀྱི་རྣམ་གྲངས་འདི་རྟག་ཏུ་ཀློག་པ་དང་། རྗེས་སུ་དྲན་པར་བྱ་བའི་ཕྱིར་བརྩོན་པར་བྱ་བ་འདི་ནི་དོན་ཁོང་དུ་ཆུད་པ་གསུམ་པའོ། །

106-1-248a

གཟུངས་ཀྱི་ཆོས་ཀྱི་རྣམ་གྲངས་འདི་ལ་མངོན་པར་བརྩོན་པའི་བྱང་ཆུབ་སེམས་དཔའ་སེམས་དཔའ་ཆེན་པོས་སེམས་ཅན་ཐམས་ཅད་ཡང་དག་པར་དགའ་བར་བྱ་བ་དང་། ཡང་དག་པར་འཛིན་དུ་གཞུག་པ་དང་། ཡང་དག་པར་གཟེང་སྟོད་པ་ལ་
གཟུད་པའི་ཕྱིར་བརྩོན་པར་བྱ་བ་འདི་ནི་དོན་ཁོང་དུ་ཆུད་པ་བཞི་པ་སྟེ། ཤཱ་རིའི་བུ་བྱང་ཆུབ་སེམས་དཔའ་སེམས་དཔའ་ཆེན་པོ་ཆོས་བཞི་པོ་དེ་དག་དང་ལྡན་ན་གཟུངས་འདི་ཐོབ་པར་འགྱུར་རོ། །དེ་ནས་བཅོམ་ལྡན་འདས་ཀྱིས་དེའི་ཚེ་ཚིགས་
སུ་བཅད་པ་འདི་དག་བཀའ་སྩལ་ཏོ། །ཡི་གེ་འབྲུ་བརྒྱད་འདི་དག་བསམ་པར་བྱ། །མདོ་སྡེ་འདི་ནི་བྲིས་ནས་བཅང་བར་བྱ། །ཟླ་བ་ཕྱེད་ཅིང་རྟག་ཏུ་བཀླག་པར་བྱ། །སེམས་ཅན་རྣམས་ཀྱང་འདི་འཛིན་གཞུག་པར་བྱ། །བྱང་ཆུབ་ཉེ་དང་
ཤེས་རབ་རྒྱ་ཡང་ཆེ། །ཕྱོགས་བཅུ་རྣམས་ན་སངས་རྒྱས་གང་སུ་དག །བཞུགས་པ་ཐམས་ཅད་དེས་ནི་མདུན་དུ་མཐོང་། །དེ་ཕྱིར་འདུན་པ་བསྐྱེད་དེ་འདི་ལ་བསླབ། །ཤཱ་རིའི་བུ་བཞི་པོ་འདི་དག་ནི་གཟུངས་འདི་ལ་མངོན་པར་བརྩོན་
པའི་བྱང་ཆུབ་སེམས་དཔའ་སེམས་དཔའ་ཆེན་པོའི་ཕན་ཡོན་ཡིན་ཏེ། བཞི་གང་ཞེ་ན། འདི་ལྟ་སྟེ། ཕྱོགས་བཅུའི་སངས་རྒྱས་བཅོམ་ལྡན་འདས་ཐམས་ཅད་དེ་ལ་དགོངས་པ་དང་། དེ་ལ་བདུད་ཀྱི་ལས་མི་འབྱུང་བ་དང་། དེའི་ལས་ཀྱི་སྒྲིབ་
པ་མྱུར་དུ་འབྱང་བ་དང་སྤོབས་པ་རྒྱུན་མི་འཆད་པར་མྱུར་དུ་འཐོབ་པ་སྟེ། ཤཱ་རིའི་བུ་བཞི་པོ་དེ་དག་ནི་གཟུངས་འདི་ལ་མངོན་བར་བརྩོན་པའི་བྱང་ཆུབ་སེམས་དཔའ་སེམས་དཔའ་ཆེན་པོའི་ཕན་ཡོན་ཡིན་ནོ། །དེ་ནས་བཅོམ་ལྡན་
འདས་ཀྱིས་དེའི་ཚེ་ཚིགས་སུ་བཅད་པ་འདི་དག་བཀའ་སྩལ་ཏོ། །སངས་རྒྱས་ཀུན་གྱིས་དེ་ནི་ཡིད་ལ་མཛད། དེ་ལ་བདུད་ཀྱིས་གླགས་ནི་རྙེད་མི་འགྱུར། །དེའི་ལས་ཀྱི་སྒྲིབ་པ་མྱུར་དུ་འབྱང་། །སྤོབས་པ་མཐའ་ཡས་རྣམས་ཀྱང་ཐོབ་
པར་འགྱུར། །ཤཱ་རིའི་བུ་སྔོན་བྱུང་བ་འདས་པའི་དུས་ན་བསྐལ་པ་གྲངས་མེད་པའི་ཡང་ཆེས་གྲངས་མེད་པ། ཡངས་བརྒྱ་ཆེར་གྱུར་པ། ཚད་མེད་པ་དེའི་ཚེ་དེའི་དུས་ན་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་

106-1-248b

སངས་རྒྱས་རིན་ཆེན་དཔལ་གྱི་གཟི་བརྗིད་རྒྱལ་པོ་ལྟ་བུ་ཞེས་བྱ་བ། རིག་པ་དང་ཞབས་སུ་ལྡན་པ། བདེ་བར་གཤེགས་པ། འཇིག་རྟེན་མཁྱེན་པ། སྐྱེས་བུ་འདུལ་བའི་ཁ་ལོ་སྒྱུར་བ་བླ་ན་མེད་པ། ལྷ་དང་མི་རྣམས་ཀྱི་སྟོན་པ། སངས་རྒྱས་
བཅོམ་ལྡན་འདས་འཇིག་རྟེན་དུ་བྱུང་སྟེ། ཤཱ་རིའི་བུ་བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རིན་ཆེན་དཔལ་གྱི་གཟི་བརྗིད་རྒྱལ་པོ་ལྟ་བུ་དེ་ཡོངས་སུ་མྱ་ངན་ལས་འདའ་བའི་དུས་ཀྱི་
ཚེ་འཁོར་ལོས་སྒྱུར་བའི་རྒྱལ་པོ་སྣང་བ་འཛིན་ཅེས་བྱ་བ་མིའི་དབང་པོ་རིན་པོ་ཆེ་སྣ་བདུན་དང་ལྡན་པ་ཞིག་བྱུང་ངོ་། །དེའི་བུ་ཡོན་ཏན་རིན་པོ་ཆེ་བསམ་གྱིས་མི་ཁྱབ་པའི་དཔལ་ཞེས་བྱ་བ་ཞིག་ཡོད་དེ། དེ་སྐྱེས་ནས་ལོ་བཅུ་དྲུག་ལོན་པ་དང་། དེས་
སྒོ་མཐའ་ཡས་པས་སྒྲུབ་པའི་གཟུངས་ཀྱི་ཆོས་ཀྱི་རྣམ་གྲངས་འདི་བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རིན་ཆེན་དཔལ་གྱི་རྒྱལ་པོ་ལྟ་བུ་དེ་ལས་ཐོས་ཏེ། དེས་གཟུངས་འདི་ཐོས་མ་
ཐག་ཏུ་ཐོབ་པར་བྱ་བའི་ཕྱིར་བརྩོན་པར་གྱུར་ཏོ། །དེ་ལོ་བདུན་ཁྲིར་རྨུགས་པ་དང་གཉིད་ཀྱིས་མ་བསྟེན་ཏོ། །ནོན་པར་མ་གྱུར་ཏོ། །དེ་ལན་འགའ་ཡང་རྒྱལ་སྲིད་ལ་དགའ་བའམ། ནོར་ལ་དགའ་བའམ། བདག་ལ་དགའ་བར་མ་གྱུར་ཏོ། །དེ་ལོ་
བདུན་ཁྲིར་ལན་འགའ་ཡང་ས་ལ་གློས་མ་ཕབ་སྟེ། གཅིག་ཏུ་ངེས་པར་ནང་དུ་ཡང་དག་འཇོག་ལ་གནས་སོ། །སངས་རྒྱས་བྱེ་བ་ཕྲག་དགུ་བཅུ་ལས་ཆོས་བསྟན་པ་ཐོས་ཏེ། ཐོས་ནས་ཀྱང་ཉམས་སུ་བླངས་སོ། །ཐམས་ཅད་བཟུང་ངོ་། །གཟུང་
ཉམས་སུ་བླངས་ནས་ཀྱང་བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རིན་ཆེན་དཔལ་གྱི་གཟི་བརྗིད་ཀྱི་རྒྱལ་པོ་ལྟ་བུ་དེ་ཉིད་ལས་རབ་ཏུ་བྱུང་ངོ་། །དེ་རབ་ཏུ་བྱུང་ནས་དེ་ལོ་དགུ་ཁྲི་འདས་པ་དང་། 
དེས་སྒོ་མཐའ་ཡས་པས་སྒྲུབ་པའི་གཟུངས་འདི་བསྒྲུབས་ཏེ། བསྒྲུབས་ནས་ཀྱང་སེམས་ཅན་རྣམས་ལ་རྒྱ་ཆེར་ཡང་དག་པར་བཤད་དོ། །དེས་ཚེ་གཅིག་པོ་དེ་ཉིད་ལ་སེམས་ཅན་བྱེ་བ་ཁྲག་ཁྲིག་བརྒྱ་སྟོང་ཕྲག་བརྒྱད་བཅུ་བླ་ན་མེད་པ་ཡང་དག་

106-1-249a

པར་རྫོགས་པའི་བྱང་ཆུབ་ཡང་དག་པར་འཛིན་དུ་བཙུད་ཅིང་། །ཕྱིར་མི་ལྡོག་པའི་ས་ལ་བཀོད་པར་གྱུར་ཏོ། །ཤཱ་རིའི་བུ་འཁོར་དེ་ན་ཚོང་དཔོན་གྱི་བུ་ཟླ་བའི་ཏོག་ཅེས་བྱ་བ་ཞིག་ཡོད་དོ། །དེས་སྒོ་མཐའ་ཡས་པས་སྒྲུབ་པའི་གཟུངས་ཀྱི་
ཆོས་ཀྱི་རྣམ་གྲངས་འདི་ཆོས་སྨྲ་བའི་དགེ་སློང་དེ་ལས་ཐོས་སོ། །ཐོས་ནས་ཀྱང་རྗེས་སུ་ཡི་རང་བར་གྱུར་ཏེ། དེ་རྗེས་སུ་ཡི་རང་བའི་མོད་ལས་སྐྱེས་པའི་དགེ་བའི་རྩ་བ་དེས་སངས་རྒྱས་བྱེ་བ་ཕྲག་དགུ་བཅུ་ལས་ཆོས་བསྟན་པ་ཐོས་སོ། །ཐོས་
ནས་ཀྱང་ཉམས་སུ་བླངས་སོ། །ཐམས་ཅད་བཟུང་ངོ་། །ཐམས་ཅད་དུ་ཡང་གཟུངས་ཐོབ་པ་རྣམས་ཀྱི་མཆོག་དང་། ཚིག་བཙུན་པ་གཟུང་བའི་ཚིག་དང་ལྡན་པ་རྣམས་ཀྱི་མཆོག་དང་། བྱང་ཆུབ་སེམས་དཔའ་སེམས་དཔའ་ཆེན་པོ་སྤོབས་པ་རྒྱུན་
མི་ཆོད་པ་རྣམས་ཀྱི་མཆོག་ཏུ་གྱུར་ཏོ། །དེས་བསྐལ་པ་གསུམ་དུ་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་དེ་དག་མཉེས་པར་བྱས་སོ། །མཉེས་པར་བྱས་ནས་བསྐལ་པ་གསུམ་འདས་པ་དང་བླ་ན་མེད་པ་ཡང་
དག་པར་རྫོགས་པའི་བྱང་ཆུབ་ཏུ་མངོན་བར་རྫོགས་པར་སངས་རྒྱས་སོ། །ཤཱ་རིའི་བུ་དེའི་ཚེ་དེའི་དུས་ན་ཚོང་དཔོན་གྱི་བུ་ཟླ་བའི་ཏོག་ཅེས་བྱ་བར་གྱུར་པ་དེ་གཞན་ཞིག་ཡིན་པ་སྙམ་དུ་ཁྱོད་སོམ་ཉིའམ། ཡིད་གཉིས་སམ། ཐེ་ཚོམ་ཟ་བར་གྱུར་
ན། ཤཱ་རིའི་བུ་ཁྱོད་ཀྱིས་དེ་ལྟར་མི་བལྟའོ། །དེ་ཅིའི་ཕྱིར་ཞེ་ན། བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་མར་མེ་མཛད་དེའི་ཚེ་དེའི་དུས་ན་ཚོང་དཔོན་གྱི་བུ་ཟླ་བའི་ཏོག་ཅེས་བྱ་བར་གྱུར་ཏོ། །
ཤཱ་རིའི་བུ་དེའི་ཚེ་དེའི་དུས་ན་ཡོན་ཏན་རིན་པོ་ཆེ་བསམ་གྱིས་མི་ཁྱབ་པའི་དཔལ་ཞེས་བྱ་བ་ཆོས་སྨྲ་བར་གྱུར་པ་དེ་གཞན་ཞིག་ཡིན་པ་སྙམ་དུ་ཁྱོད་སོམ་ཉི་དང་། ཡིད་གཉིས་སམ། ཐེ་ཚོམ་ཟ་བར་གྱུར་ན། ཤཱ་རིའི་བུ་ཁྱོད་ཀྱིས་དེ་ལྟར་མི་བལྟ་
འོ། །དེ་ཅིའི་ཕྱིར་ཞེ་ན། བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཚེ་དཔག་མེད་དེའི་ཚེ་དེའི་དུས་ན་དགེ་སློང་ཆོས་སྨྲ་བ་ཡོན་ཏན་རིན་པོ་ཆེ་བསམ་གྱིས་མི་ཁྱབ་པའི་དཔལ་ཞེས་བྱ་བར་གྱུར་ཏོ། །

106-1-249b

ཤཱ་རིའི་བུ་ང་དང་བསྐལ་པ་བཟང་པོའི་བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་ཀྱིས་ཀྱང་དེའི་ཚེ་གཟུངས་ཀྱི་ཆོས་ཀྱི་རྣམ་གྲངས་འདི་ཐོས་སོ། །ཐོས་ནས་ཀྱང་རྗེས་སུ་ཡི་རང་སྟེ། རྗེས་སུ་ཡི་རང་བའི་མོད་ལས་སྐྱེས་པའི་དགེ་བའི་རྩ་བ་དེས་
ངས་བསྐལ་པ་བྱེ་བ་འབུམ་ཕྲག་བཞི་ཁྲིར་འཁོར་བ་ཕྱིར་བརྙིལ་ཏོ། །སངས་རྒྱས་བྱེ་བ་ཕྲག་དགུ་བཅུ་ལས་ཆོས་བསྟན་པ་ཡང་ཐོས་ཏེ། ཐམས་ཅད་དུ་ཡང་གཟུངས་ཐོབ་པ་རྣམས་ཀྱི་མཆོག་དང་། ཚིག་བཙུན་པ་གཟུང་བའི་ཚིག་དང་ལྡན་པ་
རྣམས་ཀྱི་མཆོག་དང་། བྱང་ཆུབ་སེམས་དཔའ་སེམས་དཔའ་ཆེན་པོ་སྤོབས་པ་རྒྱུན་མི་འཆད་པ་རྣམས་ཀྱི་མཆོག་ཏུ་གྱུར་ཏོ། །ཤཱ་རིའི་བུ་དེ་ལྟ་བས་ན་བྱང་ཆུབ་སེམས་དཔའ་སེམས་དཔའ་ཆེན་པོ་མྱུར་དུ་བླ་ན་མེད་པ་ཡང་དག་པར་རྫོགས་
པའི་བྱང་ཆུབ་མངོན་བར་རྫོགས་པར་འཚང་རྒྱ་བར་འདོད་པས་ཐ་ན་གཟུངས་ཀྱི་ཆོས་ཀྱི་རྣམ་གྲངས་འདི་ལ་རྗེས་སུ་ཡི་རང་བར་ཡང་བརྩོན་པར་བྱའོ། །དེ་ཅིའི་ཕྱིར་ཞེ་ན། དེ་ཉིད་བྱང་ཆུབ་སེམས་དཔའ་སེམས་དཔའ་ཆེན་པོ་དེའི་བླ་ན་མེད་པ་
ཡང་དག་པར་རྫོགས་པའི་བྱང་ཆུབ་ཀྱི་ཆེད་དུ་ཕྱིར་མི་ལྡོག་པའི་ས་དང་། ཆོས་སྨྲ་བ་རྣམས་མགུ་བར་བྱེད་པའི་རྒྱུར་འགྱུར་ན། གང་ཡི་གེར་འདྲི་བ་དང་། ལུང་འབོག་པ་དང་། འཛིན་པ་དང་། ཀློག་པ་དང་། ཀུན་ཆུབ་པར་བྱེད་པ་དང་། ཚུལ་
བཞིན་དུ་ཡིད་ལ་བྱེད་པ་དང་། གཞན་དག་ལ་རྒྱ་ཆེར་ཡང་དག་པར་སྟོན་པ་ལྟ་ཅི་སྨོས་ཏེ། བསོད་ནམས་ཀྱི་ཕུང་པོ་དེའི་ཚད་ནི་དེ་བཞིན་གཤེགས་པ་མ་གཏོགས་པར་སེམས་ཅན་ཐམས་ཅད་ཀྱིས་ཀྱང་ཤེས་པའམ། བསམ་པར་མི་
ནུས་སོ། །དེ་ནས་བཅོམ་ལྡན་འདས་ཀྱིས་དེའི་ཚེ་ཚིགས་སུ་བཅད་པ་འདི་དག་བཀའ་སྩལ་ཏོ། །མདོ་སྡེ་ཐོས་ནས་རྗེས་སུ་ཡི་རང་དང་། །ཡི་གེར་བྲིས་དང་གཟུང་དང་བཀླགས་པ་ཡིས། །བསོད་ནམས་ཆུ་བོ་ཇི་ཙམ་བསྐྱེད་པ་ནི། །སེམས་ཅན་
ཀུན་གྱིས་ཤེས་པར་ཡོང་མི་ནུས། །དེ་ནི་ཚེ་རབས་ཀུན་དུ་རྒྱལ་བ་མཐོང་། །དེ་དག་ལ་ཡང་དད་པ་བསམ་ཡས་རྙེད། །མདོ་སྡེ་ཟབ་མོའི་ཚུལ་ཡང་ཤེས་པར་འགྱུར། །དེ་ནི་མྱུར་དུ་བྱང་ཆུབ་མཆོག་འཚང་རྒྱ། །བླ་མེད་བྱང་ཆུབ་མ་རེག་བར་དུ་

106-1-250a

ཡང་། །དེ་ནི་ཏིང་ངེ་འཛིན་དང་མངོན་ཤེས་དང་། །གཟུངས་རྣམས་དང་ནི་གཟུགས་དང་ལོངས་སྤྱོད་དང་། །སངས་རྒྱས་མཐོང་ལས་ཉམས་པར་ཡོང་མི་འགྱུར། །རྗེས་སུ་དྲན་པ་སྔོན་གྱི་ཚེ་རབས་ན། །ཚོང་དཔོན་བུས་ནི་གཟུངས་འདི་ཐོས་
གྱུར་ནས། །སངས་རྒྱས་གང་གཱའི་བྱེ་སྙེད་མཐོང་གྱུར་ཏེ། །དེས་ནི་འདོད་བཞིན་བྱང་ཆུབ་རྣམས་སངས་རྒྱས། །མར་མེ་མཛད་པ་དེ་ཚེ་ཚོང་དཔོན་བུ། །སྔོན་གྱི་ཚེ་རབས་འོད་ཟེར་མཐའ་ཡས་གྱུར། །དེ་ཚེ་ཆོས་སྨྲ་སངས་རྒྱས་ཚེ་དཔག་མེད། །
ང་ནི་བསྐལ་པ་བཟང་དང་བཅས་ཡི་རང་། །བྱང་ཆུབ་མྱུར་དུ་རེག་པར་སུ་འདོད་དང་། །བདུད་རྣམས་མྱུར་དུ་གཞོམ་པར་སུ་འདོད་དང་། །བསོད་ནམས་བརྒྱའི་མཚན་བཟངས་སུ་འདོད་པ། །འདི་ལ་བརྩོན་ན་རྙེད་པར་དཀའ་མི་འགྱུར། །གང་གཱ་
འི་ཀླུང་གི་བྱེ་སྙེད་འཇིག་རྟེན་ཁམས། །གང་གིས་རིན་ཆེན་བཀང་སྟེ་སྦྱིན་བྱིན་ཡང་། །བྲིས་དང་བཟུང་བའི་བསོད་ནམས་གང་ཡིན་པ། །དེ་ལ་སྦྱིན་པས་དཔེར་ཡང་མི་འགྱུར་རོ། །དེ་ལྟར་ཐོས་ནས་རྩེ་གཅིག་བག་ཡོད་པར། །བྱང་ཆུབ་
སེམས་དཔའ་མཁས་པས་འདི་བཟུང་ངམ། །གཟུངས་འདི་བྲིས་ཤིང་སེམས་པ་དེ་དག་ནི། །བྱང་ཆུབ་རྙེད་པ་དཀའ་བ་མེད་པར་བཤད། །དེ་ནས་བཅོམ་ལྡན་འདས་ཀྱིས་ཚེ་དང་ལྡན་པ་ཤཱ་རིའི་བུ་ལ་བཀའ་སྩལ་པ། ཤཱ་རིའི་བུ་སྒོ་མཐའ་
ཡས་པས་སྒྲུབ་པའི་གཟུངས་འདི་ལ་མངོན་བར་བརྩོན་པའི་བྱང་ཆུབ་སེམས་དཔའ་སེམས་དཔའ་ཆེན་པོའི་ལུས་ལ་གངས་ལ་གནས་པའི་གནོད་སྦྱིན་བརྒྱད་གཟི་བརྗིད་དང་མདངས་འཇུག་ཅིང་ཉིན་མཚན་དུ་བསྲུང་བ་དང་། སྐྱོབ་པ་
དང་། སྦེད་པར་བྱེད་དོ། །བརྒྱད་གང་ཞེ་ན། འདི་ལྟ་སྟེ། གནོད་སྦྱིན་དཔའ་བོ་ཞེས་བྱ་བ་དང་། བརྟན་པོ་དང་། བདག་པོ་དང་། སྲེད་མེད་ཀྱི་བུའི་སྟོབས་དང་། སྤྱོད་པའི་བློ་གྲོས་དང་། ཐུབ་དཀའ་དང་། འཇིགས་སུ་རུང་བ་དང་། གནོད་སྦྱིན་ལག་
བཟངས་ཤེས་བྱ་བ་སྟེ། གནོད་སྦྱིན་བརྒྱད་པོ་དེ་དག་འོང་བར་བྱ་བའི་ཕྱིར་ཤིན་དུ་ཁྲུས་བྱ་བ་དང་། གོས་ཤིན་དུ་གཙང་མ་བགོ་བ་དང་། འཆག་སར་འགྲོ་བ་དང་། སེམས་ཅན་ཐམས་ཅད་ལ་ཞེ་འགྲས་པ་མེད་པའི་སེམས་སུ་བྱ། གཟུངས་

106-1-250b

ཀྱི་ཆོས་ཀྱི་རྣམ་གྲངས་འདི་ཡང་ཡིད་ལ་བྱས་ཏེ། དེ་ལྟར་བྱས་ན་དེ་ལ་གནོད་སྦྱིན་བརྒྱད་པོ་དེ་དག་མྱུར་དུ་བཞིན་སྟོན་པར་འགྱུར་རོ། །བྱང་ཆུབ་སེམས་དཔའ་སེམས་དཔའ་ཆེན་པོ་འདོད་པ་ན་སྤྱོད་པའི་ལྷ་རྣམས་ཀྱི་ནང་དུ་སྐྱེས་པའི་བརྒྱད་པོ་
འདི་དག་ཀྱང་དེ་ལ་སེམས་པར་འགྱུར་ཏེ། བརྒྱད་གང་ཞེ་ན། འདི་ལྟ་སྟེ། བྱང་ཆུབ་སེམས་དཔའ་སེམས་དཔའ་ཆེན་པོ་རྣམ་པར་སྣང་བྱེད་ཅེས་བྱ་བ་དང་། སྣང་བྱེད་དང་། ཤེས་རབ་འོད་དང་། ཉི་མའི་འོད་དང་། ཡང་དག་སྐུལ་བྱེད་དང་། བསམ་
པ་ཐམས་ཅད་ཡོངས་སུ་རྫོགས་བྱེད་དང་། སྐར་མའི་རྒྱལ་པོ་དང་། བྱང་ཆུབ་སེམས་དཔའ་སེམས་དཔའ་ཆེན་པོ་སྤྱོད་པའི་བློ་གྲོས་ཤེས་བྱ་བ་སྟེ། བྱང་ཆུབ་སེམས་དཔའ་སེམས་དཔའ་ཆེན་པོ་བརྒྱད་པོ་དེ་དག་དེས་གཟུངས་
ཐོབ་པར་བྱ་བའི་ཕྱིར་མངོན་བར་བརྩོན་པར་འགྱུར་རོ། །གཟུངས་འདི་ལ་བརྩོན་པའི་བྱང་ཆུབ་སེམས་དཔའ་སེམས་དཔའ་ཆེན་པོས་ཀྱང་བདེན་པའི་དམ་བཅའ་བར་བྱའོ། །བྱས་པ་གཟོ་བ་དང་། བྱས་པ་ཚོར་བ་ཅན་དང་། ཆོས་
འདོད་པ་དང་། ཆོས་ལ་དགའ་བ་དང་། ཟབ་མོའི་ཆོས་ལ་བཟོད་པ་མངོན་བར་བརྩོན་པར་བྱའོ། །བྱང་ཆུབ་སེམས་དཔའ་སེམས་དཔའ་ཆེན་པོ་གཟུངས་ལ་བརྩོན་པས་ཀུན་འགེད་བགོ་བཤའ་བྱེད་པའི་ངང་ཚུལ་ཅན་དུ་བྱ་སྟེ། དེས་ཇི་
ལྟར་ཆུང་བ་དང་། ཇི་ལྟར་ཉུང་བ་ལས་ཀྱང་སྦྱིན་པ་སྦྱིན་པར་བྱ་ན་མང་པོ་ལས་ལྟ་སྨོས་ཀྱང་ཅི་དགོས། བཅོམ་ལྡན་འདས་ཀྱིས་གཟུངས་ཀྱི་ཆོས་ཀྱི་རྣམ་གྲངས་འདི་བཤད་པ་ན་བྱང་ཆུབ་སེམས་དཔའ་བྱེ་བ་ཁྲག་ཁྲིག་བརྒྱ་སྟོང་
ཕྲག་གང་གཱའི་ཀླུང་གི་བྱེ་མ་སུམ་ཅུས་ནི་སྒོ་མཐའ་ཡས་པས་སྒྲུབ་པའི་གཟུངས་འདི་ཐོབ་སྟེ། བླ་ན་མེད་པ་ཡང་དག་པར་རྫོགས་པའི་བྱང་ཆུབ་ལས་ཀྱང་ཕྱིར་མི་ལྡོག་པར་གྱུར་ཏོ། །ལྷ་དང་མི་དང་ལྷ་མ་ཡིན་གྱི་སྐྱེ་དགུ་སྔོན་སེམས་མ་བསྐྱེད་
པ་དཀྲིགས་པ་བྱེ་བ་ཁྲག་ཁྲིག་བརྒྱ་འབུམ་ཕྲག་སྟོང་ཕྲག་དྲུག་བཅུས་ནི་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་སེམས་བསྐྱེད་དོ། །བཅོམ་ལྡན་འདས་ལ་ཚེ་དང་ལྡན་པ་ཤ་རིའི་བུས་འདི་སྐད་ཅེས་གསོལ་ཏོ། །བཅོམ་ལྡན་འདས་ཆོས་

106-1-251a

ཀྱི་རྣམ་གྲངས་འདིའི་མིང་ཅི་ལགས། འདི་ཇི་ལྟར་གཟུང་བར་བགྱི། བཅོམ་ལྡན་འདས་ཀྱིས་བཀའ་སྩལ་པ། ཤ་རིའི་བུ་དེའི་ཕྱིར་ཁྱོད་ཀྱིས་ཆོས་ཀྱི་རྣམ་གྲངས་འདི་སྒོ་མཐའ་ཡས་པས་སྒྲུབ་པའི་གཟུངས་ཤེས་བྱ་བར་ཟུང་ཤིག །བྱང་
ཆུབ་སེམས་དཔའ་གཅིག་ཏུ་ངེས་པར་མངོན་བར་འཕགས་པར་བྱེད་པ་ཞེས་བྱ་བར་ཡང་ཟུང་ཤིག །བདུད་ཐམས་ཅད་རྣམ་པར་འཇིགས་པར་བྱེད་པ་ཞེས་བྱ་བར་ཡང་ཟུང་ཤིག །གཅིག་ཏུ་ངེས་པ་རྣམ་པ་ཐམས་ཅད་མཁྱེན་པ་ཉིད་ཤིན་དུ་ཐོབ་
པར་བྱེད་པ་ཞེས་བྱ་བར་ཡང་ཟུང་ཤིག །བཅོམ་ལྡན་འདས་ཀྱིས་དེ་སྐད་ཅེས་བཀའ་སྩལ་ནས། ཚེ་དང་ལྡན་པ་ཤཱ་རིའི་བུ་དང་། དགེ་སློང་དེ་དག་དང་། བྱང་ཆུབ་སེམས་དཔའ་དེ་དག་དང་ལྷ་དང་མི་དང་ལྷ་མ་ཡིན་དང་དྲི་ཟར་བཅས་པའི་འཇིག་
རྟེན་ཡི་རངས་ཏེ། བཅོམ་ལྡན་འདས་ཀྱིས་གསུངས་པ་ལ་མངོན་བར་བསྟོད་དོ། །འཕགས་པ་སྒོ་མཐའ་ཡས་པས་སྒྲུབ་པའི་གཟུངས་ཤེས་བྱ་བའི་མདོ་རྫོགས་སྷོ།། །།རྒྱ་གར་གྱི་མཁན་པོ་པྲཛྙ་བར་མ་དང་། ཞུ་ཆེན་གྱི་ལོ་ཙྪ་བ་བན་དེ་ཡེ་
ཤེས་སྡེས་ཊཱི་ཀ་དང་སྦྱར་ཏེ་སླད་ཀྱིས་ཞུས་ནས་གཏན་ལ་ཕབ་པ། སྐར་ཞུས།། ༄༅།  །རྒྱ་གར་སྐད་དུ། ཨཱརྱ་སུ་མུ་ཁན་ནཱ་མ་དྷཱ་ར་ཎཱི། བོད་སྐད་དུ། འཕགས་པ་སྒོ་བཟང་པོ་ཞེས་བྱ་བའི་གཟུངས། སངས་རྒྱས་དང་། བྱང་ཆུབ་སེམས་དཔའ་
ཐམས་ཅད་ལ་ཕྱག་འཚལ་ལོ། །འདི་སྐད་བདག་གིས་ཐོས་པ་དུས་གཅིག་ན། བཅོམ་ལྡན་འདས་བྱང་ཆུབ་ཀྱི་ཤིང་དྲུང་ན་བྱང་ཆུབ་ཀྱི་སྙིང་པོའི་མཆོད་རྟེན་ཆེན་པོ་ན། དགེ་སློང་སྟོང་ཉིས་བརྒྱ་ལྔ་བཅུའི་དགེ་སློང་གི་དགེ་འདུན་ཆེན་པོ་འདི་ལྟ་སྟེ། 
ཚེ་དང་ལྡན་པ་ཤ་ར་དྭ་ཏིའི་བུ་དང་། ཚེ་དང་ལྡན་པ་མཽད་གལ་གྱི་བུ་ཆེན་པོ་ལ་སོགས་པ་ཉན་ཐོས་ཆེན་པོ་ཐམས་ཅད་དང་ཐབས་གཅིག་ཏུ་བཞུགས་ཏེ། བྱང་ཆུབ་སེམས་དཔའི་དགེ་འདུན་ཆེན་པོ་འདི་ལྟ་སྟེ། བྱང་ཆུབ་སེམས་དཔའ་སེམས་
དཔའ་ཆེན་པོ་ལག་ན་རྡོ་རྗེ་དང་། བྱང་ཆུབ་སེམས་དཔའ་སེམས་དཔའ་ཆེན་པོ་རྡོ་རྗེའི་རྒྱལ་མཚན་དང་། བྱང་ཆུབ་སེམས་དཔའ་སེམས་དཔའ་ཆེན་པོ་རྡོ་རྗེའི་སྙིང་པོ་དང་། བྱང་ཆུབ་སེམས་དཔའ་སེམས་དཔའ་ཆེན་པོ་བྱམས་པ་ལ་སོགས་པ་

106-1-251b

བསྐལ་པ་བཟང་པོའི་བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་དང་ཡང་ཐབས་གཅིག་གོ། །དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་ལག་ན་རྡོ་རྗེས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་
འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཀྱིས་སྒོ་བཟང་པོ་ཞེས་བགྱི་བའི་ཆོས་ཀྱི་རྣམ་གྲངས་བཤད་དུ་གསོལ། གང་གིས་སེམས་ཅན་རྣམས་ལ་སྣང་བ་བགྱི་བར་འགྱུར་བ་དང་། ཕྱིར་རྒོལ་བ་དང་
དགྲ་ཐམས་ཅད་ཀྱིས་གནོད་པ་མི་བགྱི་བར་བསྲུང་བ་དང་། བསྐྱབ་པར་འགྱུར་བ་དང་། འདི་ལྟ་སྟེ། ལྷའི་དབང་པོ་རྣམས་དང་། ཀླུའི་དབང་པོ་རྣམས་དང་། གནོད་སྦྱིན་གྱི་དབང་པོ་རྣམས་དང་། སྲིན་པོའི་དབང་པོ་རྣམས་དང་། འབྱུང་པོའི་དབང་པོ་རྣམས་
ཀྱིས་འཇིགས་པར་མི་འགྱུར་བ་དང་། སྡིག་པ་དང་། མཚོན་དང་། དུག་དང་། བྱད་ཀྱིས་གནོད་པར་མི་འགྱུར་བ་དང་། ཕར་མཆི་འམ། སླར་མཆི་འམ། ཉལ་ལམ། གཉིད་ཀྱིས་ལོག་གམ། སྨྱོས་སམ། རབ་ཏུ་སྨྱོས་ཀྱང་རུང་ཐམས་ཅད་དུ་ཡང་སྐྱོབ་པར་
འགྱུར་བ་དེ་དག་གི་དོན་དུ་དེ་ལྟ་བུའི་གསང་སྔགས་གཞི་རྣམས་བཤད་དུ་གསོལ། ཇི་ལྟར་བདག་རྟག་ཏུ་དེ་བཞིན་གཤེགས་པའི་རིམ་གྲོ་འཚལ་བ་དང་། རྟག་ཏུ་སྲུང་བ་དང་། ཡོངས་སུ་སྐྱོབ་པར་འཚལ་བ་དང་། དེ་བཞིན་དུ་སེམས་ཅན་ཐམས་
ཅད་ཀྱི་དོན་དང་། བྱང་ཆུབ་སེམས་དཔའི་ཐེག་པ་པའི་རིགས་ཀྱི་བུའམ། རིགས་ཀྱི་བུ་མོ་དེ་དག་འཐབ་པ་དང་། མཚང་འདྲུ་བ་དང་། རྩོད་པ་དང་། ནད་དང་། དུས་མ་ལགས་པའི་འགུམ་པ་ལས་བསྲུང་བ་དང་། ཡོངས་སུ་བསྐྱང་བར་བགྱི་བའི་སླད་དུ་
དེ་བཞིན་གཤེགས་པ་ལ་གསོལ་བ་འཚལ་ལོ།   །དེ་ནས་བཅོམ་ལྡན་འདས་ཀྱིས་བྱང་ཆུབ་སེམས་དཔའ་སེམས་དཔའ་ཆེན་པོ་ལག་ན་རྡོ་རྗེས་གསོལ་བ་བཏབ་པར་ཐུགས་སུ་ཆུད་ནས་དེ་ལ་འདི་སྐད་ཅེས་བཀའ་སྩལ་ཏོ། །ལག་ན་རྡོ་རྗེ་ཁྱོད་
སེམས་ཅན་ཐམས་ཅད་ཀྱི་དོན་གྱི་ཕྱིར་དེ་བཞིན་གཤེགས་པ་ལ་གསོལ་བ་འདེབས་པ་ལེགས་སོ་ལེགས་སོ། །དེའི་ཕྱིར་ལག་ན་རྡོ་རྗེ་ཁྱོད་ལེགས་པར་རབ་ཏུ་ཉོན་ལ་ཡིད་ལ་ཟུང་ཤིག་དང་། སྒོ་བཟང་པོ་ཞེས་བྱ་བའི་ཆོས་ཀྱི་རྣམ་གྲངས་བཤད་

106-1-252a

པར་བྱའོ། །ཨུ་གུ་མུ་གུ་བ་ལི་ནི། བན་དྷ་ནི། བ་ལ་ཙ་མ་ན། བ་ཧུ་བ་ཧུ་བ་ཧུ་ལི་བརྟ་ཡ་སྭཱ་ཧཱ། དེ་བཞིན་གཤེགས་པའི་སྤྱི་བོ་ནས་དབང་བསྐུར་བའི་གཟུངས་སྔགས་གཞི་རྣམས་བཀའ་སྩལ་ཏོ། །དེ་བཞིན་གཤེགས་པས་ཀྱང་གཟུང་
བར་འགྱུར་རོ། །བྱིན་གྱིས་རློབ་པར་འགྱུར་རོ། །ཏདྱ་ཐཱ། བཛྲི་བཛྲི་བཛྲི་བཛྲི་དྷ་རི། བཛྲ་པ་ཎི། བཛྲི་དྷ་ཏི། ཙཀྲ་བཛྲི། ཙཀྲ་དྷ་རི། པ་ཊུ་དྷི་དྷི་རི། བྷི་རི། མུ་རི་ཙི་རི། ཨ་ཧུ་རི། བྷ་ག་བྷི་བྷི་རི། ཤི་རི་ཏྲ་ཤི་རི། རུ་རུ་ཙེ་རུ་རུ་ཙེ། ཙ་རི་ཙ་རི། ད་རི་ཙ་ལེ། ཙུ་རི་
མུ་རི་པཎ་ཌ་རེ། སྡིག་པ་ཐམས་ཅད་འཇིག་པར་བྱེད་པ། ནད་ཐམས་ཅད་རབ་ཏུ་ཞི་བར་བྱེད་པ། དུས་མ་ཡིན་པར་འཆི་བ་འགོག་པ་ནས་རྨི་ལམ་ངན་པའི་བར་དུ་འགོག་པར་བྱེད་པ། ཏདྱ་ཐཱ། བན་དྷི་ད། ག་ག་རི་ནི། མུརྡ་ནི། པྲ་མཱུརྡ་ནི། ནཱ་ཤ་ནི། 
པྲ་ནཱ་ཤ་ནི། ནད་རབ་ཏུ་ཞི་བར་བྱེད་པ་ནས་རྨི་ལམ་ངན་པའི་བར་དུ་འགོག་པར་བྱེད་པ། འདི་ལྟ་སྟེ། ནཱ་ཤ་ནི། བན་དྷ་ནི། བན་དྷ་ནི། ཙྪིན་ད་ནི་ཙྪིན་ད་ནི། ཙི་རེ་མི་རེ། མ་ཧེ་ཧ་ད་ནི། བ་ནི་བ་རེ། ཁ་རེ་བེ་རེ། བི་རི་བི་རི། བོ་དྷི་བོ་དྷི། སུ་ཥ་ནི། ཤ་ར་ནི། 
བ་རུ་བ་རི་ནི། བ་ར་ཧཱུྃ་ཡེ། བྲཧྨཱ་ཙཱ་རི་ནི། ཨིན་དྲ་བ་ཏི། དྷི་དྷི་ར་ཡ་ནི། ན་མོ་མ་ཧེ་ཤྭ་ར་ཡ་ནི། རི་ཤི། བྷ་ཛ་ནི་པཱ་པ་ཛ་ཧ་ནི།  ཀཱ་ལ་པ་ཏི་ནི། བྷུད་བ་ད་ནི། སཏྱ་ག་ཐེ། སོ་མ་བཱ་དི། སོ་མ་པྲ་བྷེ་སྭཱ་ཧཱ། ཚེ་རིང་བར་འགྱུར། ཏདྱ་ཐཱ། ཧ་ར་ཧ་ར་ཧ་ར་ཧཱ་ནི་སྭཱ་ཧཱ། ཏདྱ་ཐཱ། ཨི་
ཌི་ཏ་ག་ཌི་ཏ་བ་དི་ད། ཨ་ཡེ་ན། ཨ་རི་བན་ཛ་ནི། ཀ་ཀརྡ་ནི། པུ་ཏྲ་དད་ཧ་ནི། མརྒ་ཨ་བྷ་རོ་ཧ་ནི། ཧུ་ས་བ་ཏི། མུ་པ་བ་དི། ཧི་ལི་ཧི་ལི། ཡ་ཐཱ་བ་ཛུ་ཡ། ཡ་ཐ་ཨག་ནི། ཡ་ཐཱ་བ་རན་ཙ། ཡ་ཐཱ་ན་ཡ། ཡ་ཐཱ་བཛྲ་ཎ། ཡ་ཐཱ་ཧྲི་ད་ཡ་སྭཱ་ཧཱ། །ལག་ན་རྡོ་རྗེ་འདི་ནི་
སྒོ་བཟང་པོ་ཞེས་བྱ་བའི་གཟུངས་ཏེ། དེ་བཞིན་གཤེགས་པ་རྣམས་ཀྱི་ཐུགས་རྗེས་སེམས་ཅན་རྣམས་ཀྱི་དོན་དུ་བཤད་དོ། །ཇི་ལྟར་སྔོན་གྱི་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རྣམས་ཀྱིས་གསུངས་
ཤིང་བྱིན་གྱིས་བརླབས་པ་དང་། བདེན་པའི་ཐུགས་དམ་གྱིས་རྣམ་པར་གཞག་བཞིན་དུ་ང་ཡང་འཆད་དོ། །དེ་ནས་བཅོམ་ལྡན་འདས་ཀྱིས་སྐྱེས་བུ་ཆེན་པོའི་སྨྱིན་མཚམས་ཀྱི་མཛོད་སྤུ་ནས་འོད་ཟེར་ཕྱུང་སྟེ། སངས་རྒྱས་ཀྱི་ཞིང་ཐམས་ཅད་དུ་འོད་ཟེར་

106-1-252b

གྱི་སྣང་བ་བྱུང་ངོ་། །འོད་ཟེར་གྱི་སྣང་བ་དེས་བསྐུལ་བས་རང་རང་གིས་སངས་རྒྱས་ཀྱི་ཞིང་དེ་ནས་ཆས་ཏེ། འཇིག་རྟེན་གྱི་ཁམས་མི་མཇེད་འདིར་བྱོན་ནས། བཅོམ་ལྡན་འདས་ཤཱག་ཀྱ་ཐུབ་པ་ལ་ལེགས་སོ་ཞེས་བྱ་བ་བྱིན་ཏེ། ཤཱག་ཀྱ་ཐུབ་པ་ཁྱོད་ཀྱིས་
སེམས་ཅན་ཐམས་ཅད་ཀྱི་དོན་དུ་སྒོ་བཟང་པོ་ཞེས་བྱ་བའི་ཆོས་ཀྱི་རྣམ་གྲངས་གཟུངས་སྔགས་གཞི་རྣམས་སྣང་བར་བྱེད་པ། མཆོག་ཏུ་དགའ་བར་བྱེད་པ། དྲན་པར་བྱེད་པ་བཤད་པ་ལེགས་སོ་ལེགས་སོ། །བདག་ཅག་གིས་ཀྱང་བྱིན་
གྱིས་བརླབ་བོ། །ལེགས་སོ་ཞེས་བྱ་བ་བྱིན་ནོ། །རིགས་ཀྱི་བུའམ། རིགས་ཀྱི་བུ་མོ་གང་ལ་ལ་གཟུངས་སྔགས་གཞི་འདི་དག་འཛིན་ཅིང་། ནང་པར་ལངས་ནས་ཀློག་པའི་རིགས་ཀྱི་བུའམ། རིགས་ཀྱི་བུ་མོ་དེའི་ཡོན་ཏན་གྱི་ཕན་ཡོན་ཉི་
ཤུར་ཤེས་པར་བྱ་སྟེ། ཉི་ཤུ་གང་ཞེ་ན། འདི་ལྟ་སྟེ། སངས་རྒྱས་ཐམས་ཅད་ཀྱིས་བྱིན་གྱིས་བརླབས་པར་འགྱུར་བ་དང་། སངས་རྒྱས་ཐམས་ཅད་ཀྱིས་དགོངས་པར་འགྱུར་བ་དང་། ངན་སོང་དུ་འགྱུར་བའི་ལས་ཀྱི་སྒྲིབ་པ་ཐམས་ཅད་མེད་པར་འགྱུར་བ་
དང་། ཚེ་རིང་བར་འགྱུར་བ་དང་། རིང་དུ་འཚོ་ཞིང་གྲགས་པ་དང་ལྡན་པ་དང་། ལོངས་སྤྱོད་དང་ལྡན་པ་དང་། སྟོབས་དང་ལྡན་པ་དང་། གཟི་བརྗིད་དང་ལྡན་པ་དང་། རྟག་ཏུ་ནད་མེད་པ་དང་ལྡན་པ་དང་། བརྩོན་འགྲུས་དང་ལྡན་པ་དང་། སངས་རྒྱས་བཅོམ་
ལྡན་འདས་ཐམས་ཅད་དགྱེས་ཤིང་ཐུགས་སུ་ཆུད་པར་འགྱུར་བ་དང་། ལྷ་ཐམས་ཅད་ཀྱིས་བསམས་པར་འགྱུར་བ་དང་། དགེ་བར་སྤྱོད་པར་འགྱུར་བ་དང་། དགེ་བའི་དོན་ལ་རབ་ཏུ་བརྩོན་པ་དང་། སྣང་བར་བྱེད་པར་འགྱུར་བ་དང་། མཆོག་ཏུ་
དགའ་བ་དང་། དྲན་པ་དང་ལྡན་པར་འགྱུར་བ་དང་། མཚན་ཕུན་སུམ་ཚོགས་པར་འགྱུར་བ་དང་། མི་འཇིགས་པར་འགྱུར་བ་དང་། དགེ་བའི་རྩ་བ་ཐམས་ཅད་དང་ལྡན་པར་འགྱུར་རོ། །ལག་ན་རྡོ་རྗེ་འདི་ནི་དེ་བཞིན་གཤེགས་པ་དགྲ་བཅོམ་པ་ཡང་དག་པར་
རྫོགས་པའི་སངས་རྒྱས་རྣམས་ཀྱི་གསང་བའི་གནས་ཀྱི་གཟུངས་སྔགས་གཞི་འདི་རྣམས་གསུངས་ཤིང་། སངས་རྒྱས་ཐམས་ཅད་ཀྱིས་བྱིན་གྱིས་བརླབས་པ་ཡིན་ནོ། །དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་ལག་ན་རྡོ་རྗེས་

106-1-253a

བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས་བདག་གིས་ཀྱང་རིགས་ཀྱི་བུའམ། རིགས་ཀྱི་བུ་མོ་དེ་ལ་བསྲུང་བ་དང་། ཡོངས་སུ་བསྐྱང་བའི་སླད་དུ་གཟུངས་སྔགས་གཞི་རྣམས་བཤད་པར་བགྱིའོ། །
སུ་ཞིག་སྒོ་བཟང་པོ་ཞེས་བགྱི་བའི་ཆོས་ཀྱི་རྣམ་གྲངས་ཚེ་སྐྱོང་བའི་རིག་སྔགས་འདི་འཛིན་ཅིང་། ནང་པར་ལངས་ནས་ཀློག་པ་དེ་རྣམ་པར་འཚེ་བ་ཐམས་ཅད་ལས་བསྲུང་བར་བགྱིའོ། །ཏདྱ་ཐཱ། ཤི་ཁི་ཤི་ཁི་ཤི་ཁི་ཤི་ཀ །ཙི་ཙི་ཙི་
ཙི། བྷ་བྷ་བྷ་བྷ། རུ་རུ་རུ་རུ། ཛི་ཛི་ཛི་ཛི། གྲ་གྲ་གྲ་གྲ། ཧྲི་ཧྲི་ཧྲི་ཧྲི། ཧ་ཧ་ཧ་ཧ། མ་མ་མ་མ། ཧ་ན་ཧ་ན་མེ། སརྦ་པྲཏྱ་ཪྠི་ཀཱ། ད་ཧ་ད་ཧ་མེ། སརྦ་ཤ་ཏྲ་བ། པ་ཙ་པ་ཙ་མེ། སརྦ་ཨ་ཧི་ཏི་ཤ་ནི་སྭཱ་ཧཱ། དེ་ནས་བཅོམ་ལྡན་འདས་ཀྱིས་བྱང་
ཆུབ་སེམས་དཔའ་སེམས་དཔའ་ཆེན་པོ་ལག་ན་རྡོ་རྗེ་ལ་ལེགས་སོ་ཞེས་བྱ་བ་བྱིན་ཏེ། ལག་ན་རྡོ་རྗེ་སེམས་ཅན་ཐམས་ཅད་ཀྱི་དོན་གྱི་ཕྱིར་དངོས་གྲུབ་དམ་པའི་གཟུངས་སྔགས་གཞི་རྣམས་སྨྲས་པ་ལེགས་སོ་ལེགས་སོ། །བྱང་ཆུབ་
སེམས་དཔའ་ལག་ན་རྡོ་རྗེས་གསོལ་པ། བཅོམ་ལྡན་འདས་གང་སྒོ་བཟང་པོ་ཞེས་བགྱི་བའི་ཆོས་ཀྱི་རྣམ་གྲངས་ཚེ་སྐྱོང་བའི་རིག་སྔགས་འདི་འཛིན་ཅིང་། ནང་པར་ལངས་ནས་ཀློག་པ་དེའི་སྤུའི་ཁུང་བུ་རྣམས་སུ་མདངས་
ཐམས་ཅད་སྩལ་བར་བགྱི་བར་བཤད་པར་བགྱིའོ། །ཏདྱ་ཐཱ། ཧི་ལི་མི་ལི་ཙི་ལི་སྭཱ་ཧཱ། བྲཧྨ་སྭཱ་རེ་སྭཱ་ཧཱ། བྲཧྨ་ཨ་བ་སུ་གརྦྷེ། ཨ་ཀ་ལ་བེ། པུ་ཤ་སང་སྟ་རེ་སྭཱ་ཧཱ། བཙུན་པ་བཅོམ་ལྡན་འདས་འདི་ནི་གང་ནང་པར་ལངས་ནས་ཀློག་པའི་
རིགས་ཀྱི་བུའམ། རིགས་ཀྱི་བུ་མོ་དེ་བསྲུང་བ་དང་། ཡོངས་སུ་བསྐྱང་བའི་སླད་དུ་གཟུངས་སྔགས་གཞི་རྣམས་ལགས་སོ། །དེ་ནས་བཅོམ་ལྡན་འདས་ལ་ལྷའི་དབང་པོ་བརྒྱ་བྱིན་གྱིས་འདི་སྐད་ཅེས་གསོལ་ཏོ། །བཙུན་པ་བཅོམ་ལྡན་འདས་
བདག་གིས་ཀྱང་གང་གི་ཚེ་སྐྱོང་བའི་རིག་སྔགས་འདི་དག་འཛིན་ཅིང་། ནང་པར་ལངས་ནས་ཀློག་པའི་རིགས་ཀྱི་བུའམ། རིགས་ཀྱི་བུ་མོ་བསྲུང་བ་དང་། ཡོངས་སུ་བསྐྱང་བའི་སླད་དུ་སངས་རྒྱས་ཀྱི་བྱིན་གྱི་བརླབས་ཀྱིས་གཟུངས་སྔགས་

106-1-253b

གཞི་རྣམས་བཤད་པར་བགྱིའོ། །ཏདྱ་ཐཱ། བོ་དྷི་ཙིད་ཏེ་བ་ར་ནི།  ད་མཱ་རཎ་ཌེ།  དིད་ཏི་དིད་ཏི། གཽ་རི། གན་དྷ་རི། ས་ར་མ་ཏན་ཏ། བཛྲ་ཏུ་ལ་ནི། ཛྭཱ་ལ་མཱ་ལ་ལི་ནི། ཙཀྲ་བཱཀ །ཤ་བ་རེ། ཤ་བ་རེ། ཤ་མ་རེ་ཤ་མ་རེ་སྭཱ་ཧཱ། དེ་ནས་རྒྱལ་པོ་ཆེན་པོ་རྣམ་ཐོས་
ཀྱི་བུ་དང་། རྒྱལ་པོ་ཆེན་པོ་ཡུལ་འཁོར་བསྲུང་དང་། རྒྱལ་པོ་ཆེན་པོ་འཕགས་སྐྱེས་པོ་དང་། རྒྱལ་པོ་ཆེན་པོ་མིག་མི་བཟང་གིས། བཅོམ་ལྡན་འདས་ག་ལ་བ་དེ་ལོགས་སུ་ཐལ་མོ་སྦྱར་བ་བཏུད་དེ། བཅོམ་ལྡན་འདས་ལ་འདི་སྐད་ཅེས་
གསོལ་ཏོ། །བཙུན་པ་བཅོམ་ལྡན་འདས་བདག་ཅག་རྒྱལ་པོ་ཆེན་པོ་བཞིས་ཀྱང་གང་སྒོ་བཟང་པོ་ཞེས་བགྱི་བའི་ཆོས་ཀྱི་རྣམ་གྲངས་ཚེ་སྐྱོང་བའི་རིག་སྔགས་འདི་འཛིན་ཅིང་ནང་པར་ལངས་ནས་ཀློག་པའི་རིགས་ཀྱི་བུའམ། རིགས་ཀྱི་བུ་མོ་
དེ་ལ་བསྲུང་བ་དང་ཡོངས་སུ་བསྐྱང་བའི་སླད་དུ་གཟུངས་ཀྱི་གསང་སྔགས་འདི་བརྗོད་པར་བྱའོ། །ཏདྱ་ཐཱ། པུཥྤེ་སུ་པུཥྤེ། ཤོ་དྷ་ནི། སང་ཤོ་དྷ་ནི། དྷུ་མ་པ་རི་ཧ་རེ། ཨཱརྱ་ཕྲ་ཤ་སྟེ། ཤཱན་ཏེ། ནེར་མུག་ཏེ། མང་ག་ལྱེ།  ཧེ་རན་ཎྱ་གརྦྷེ་སྟ་རེ་སྟ་
པ་ཏི་སྭཱ་ཧཱ། དེ་ནས་འབྱུང་པོའི་མ་མོ་འཕྲོག་མས།  བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཙུན་པ་བཅོམ་ལྡན་འདས་བདག་གིས་ཀྱང་གང་སྒོ་བཟང་པོའི་ཆོས་ཀྱི་རྣམ་གྲངས་ཚེ་སྐྱོང་བའི་རིག་སྔགས་འདི་འཛིན་ཅིང་། ནང་པར་
ལངས་ནས་ཀློག་པ་དང་། ཡིད་ལ་བགྱིད་པའི་རིགས་ཀྱི་བུའམ། རིགས་ཀྱི་བུ་མོ་དེ་ལ་བསྲུང་བ་དང་། ཡོངས་སུ་བསྐྱང་བའི་སླད་དུ་གཟུངས་ཀྱི་གསང་སྔགས་གཞི་རྣམས་བརྗོད་པར་བགྱིའོ། །ཏདྱ་ཐཱ། པི་ལི་སི་བ་པི་ལི་སི་ལི། མ་ཧཱ་བི་པི་
ལི། སི་མེ་ལི་སི། གུ་རུ་ཎེ། གུ་རུ་གུ་རུ་ཎེ།  མ་ཧཱ་གུ་རུ་ཎེ་ཕུ་སྭཱ་ཧཱ། དེ་ནས་གནོད་སྦྱིན་གྱི་སྡེ་དཔོན་ཆེན་པོ་ལྔས་རྩེན་བཅོམ་ལྡན་འདས་ག་ལ་བ་དེ་ལོགས་སུ་ཐལ་མོ་སྦྱར་བ་བཏུད་དེ། བཅོམ་ལྡན་འདས་ལ་འདི་སྐད་ཅེས་གསོལ་ཏོ། །
བཙུན་པ་བཅོམ་ལྡན་འདས་བདག་གིས་ཀྱང་གང་སྒོ་བཟང་པོ་ཞེས་བགྱི་བའི་ཆོས་ཀྱི་རྣམ་གྲངས་འདི་འཛིན་ཅིང་། ནང་པར་ལངས་ནས་ཀློག་པའི་རིགས་ཀྱི་བུའམ། རིགས་ཀྱི་བུ་མོ་དེ་ལ་བསྲུང་བར་བགྱིའོ། །ཏདྱ་ཐཱ། ཨད་ཊེ་པུ།   

106-1-254a

བད་ཏེ་ཕུ། ནད་ཏེ་ཕུ། ཀུ་ནད་ཏེ་ཕུ། མ་ནད་ཏེ་ཕུ། མུཎ་ཌ་ཏ་ཧ་ཀེ་ཕུ། ཤྲི་ཕུ། བྷྃ་གེ་ཕུ། མྃ་གེ་ཕུ་སྭཱ་ཧཱ། དེ་ནས་བཅོམ་ལྡན་འདས་ལ་བྱང་ཆུབ་སེམས་དཔའ་སེམས་དཔའ་ཆེན་པོ་ལག་ན་རྡོ་རྗེས་འདི་སྐད་ཅེས་གསོལ་ཏོ། །བཙུན་པ་
བཅོམ་ལྡན་འདས་བདག་གིས་ཀྱང་གང་སྒོ་བཟང་པོ་ཞེས་བགྱི་བའི་ཆོས་ཀྱི་རྣམ་གྲངས་འདི་འཛིན་ཅིང་། ནང་པར་ལངས་ནས་ཀློག་པའི་རིགས་ཀྱི་བུའམ། རིགས་ཀྱི་བུ་མོ་དེ་ལ་བསྲུང་བར་བགྱིའོ། །ཡོངས་སུ་བསྐྱང་བ་དང་། ཡོངས་སུ་
གཟུང་བ་དང་། ཡོངས་སུ་བསྐྱབ་པ་དང་། ཞི་བ་དང་། བདེ་ལེགས་སུ་འགྱུར་བ་དང་། ཆད་པ་སྤང་བ་དང་། དུག་གཞིལ་བར་བགྱིའོ། །མཚམས་གཅད་པར་བགྱིའོ། །ཏདྱ་ཐཱ། ཧེ་བཛྲེ། ཧེ་བཛྲེ། ཧཱི་ཧཱ། བི་སི་བི་སི། མ་ཧཱ་བི་སི་ཕུ་སྭཱ་ཧཱ། 
དེ་ནས་བཅོམ་ལྡན་འདས་ལ་ལྷའི་བུ་དབང་ཕྱུག་ཆེན་པོས་འདི་སྐད་ཅེས་གསོལ་ཏོ། །བཙུན་པ་བཅོམ་ལྡན་འདས་བདག་གིས་ཀྱང་གང་སྒོ་བཟང་པོ་ཞེས་བགྱི་བའི་ཆོས་ཀྱི་རྣམ་གྲངས་འདི་འཛིན་ཅིང་། ནང་པར་ལངས་ནས་ཀློག་
པའི་རིགས་ཀྱི་བུའམ། རིགས་ཀྱི་བུ་མོ་དེ་ལ་བསྲུང་བ་དང་། ཡོངས་སུ་བསྐྱང་བའི་སླད་དུ་གཟུང་སྔགས་གཞི་རྣམས་བརྗོད་པར་བགྱིའོ། །ཏདྱ་ཐཱ། ཧུ་ལུ་ཧུ་ལུ་ཧུ་ལུ་ཧུ་ལུ་ལུ། སརྦ་བྷཱུ་ཏ་པྲ་ཏི་ཥེ་དྷ་ནྃ་ཀ་རོ་མི་སྭཱ་ཧཱ། དེ་ནས་སྡེ་དཔོན་
གཞོན་ནུས་བཅོམ་ལྡན་འདས་ག་ལ་བ་དེ་ལོགས་སུ་ཐལ་མོ་སྦྱར་བ་བཏུད་དེ། བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཙུན་པ་བཅོམ་ལྡན་འདས་བདག་གིས་ཀྱང་གང་སྒོ་བཟང་པོ་ཞེས་བགྱི་བའི་ཆོས་ཀྱི་རྣམ་གྲངས་གཙང་
མ་འདི་འཛིན་ཅིང་། ནང་པར་ལངས་ནས་ཀློག་པའི་རིགས་ཀྱི་བུའམ། རིགས་ཀྱི་བུ་མོ་དེ་ལ་བསྲུང་བ་དང་། ཡོངས་སུ་བསྐྱང་བར་བགྱི་བའི་སླད་དུ་གཟུངས་སྔགས་གཞི་འདི་རྣམས་བརྗོད་པར་བགྱིའོ། །ཏདྱ་ཐཱ། ཧི་ལི་ཧི་ལི། ཧི་ལི་ཧི་ལི། 
ཧི་ལི་ཧི་ལི། མི་ལི་མི་ལི། ཏུ་རུ་ཏུ་རུ། ཏུ་རུ་ཏུ་རུ། སརྦ་བྷཱུ་ཏ་པྲ་ཏི་ཥེ་དེ་ནྃ་ཀ་རོ་མེ་སྭཱ་ཧཱ། དེ་ནས་ལྷའི་བུ་ཟླ་འོད་ཀྱིས་བཅོམ་ལྡན་འདས་ག་ལ་བ་དེ་ལོགས་སུ་ཐལ་མོ་སྦྱར་བ་བཏུད་དེ། བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཙུན་པ་

106-1-254b

བཅོམ་ལྡན་འདས་བདག་གིས་ཀྱང་གང་སྒོ་བཟང་པོ་ཞེས་བགྱི་བའི་ཆོས་ཀྱི་རྣམ་གྲངས་གཙང་མ་འདི་འཛིན་ཅིང་། ནང་པར་ལངས་ནས་ཀློག་པའི་རིགས་ཀྱི་བུའམ། རིགས་ཀྱི་བུ་མོ་དེ་ལ་བསྲུང་བ་དང་ཡོངས་སུ་བསྐྱང་བར་བགྱིའོ། །ཏདྱ་ཐཱ། 
ཨྃ་གེ་བྃ་གེ། ཙྃ་གེ། ཧི་ནི། ཌི་ཌི། དི་དི།  ཙི་ཙི་ཕུ་སྭཱ་ཧཱ། དེ་ནས་བཅོམ་ལྡན་འདས་ལ་བྱང་ཆུབ་སེམས་དཔའ་སེམས་དཔའ་ཆེན་པོ་འཕགས་པ་སྤྱན་རས་གཟིགས་དབང་ཕྱུག་གིས་འདི་སྐད་ཅེས་གསོལ་ཏོ། །བཙུན་པ་བཅོམ་ལྡན་འདས་བདག་
གིས་ཀྱང་གང་སྒོ་བཟང་པོ་ཞེས་བགྱི་བའི་ཆོས་ཀྱི་རྣམ་གྲངས་ཚེ་སྐྱོང་བའི་རིག་སྔགས་འདི་འཛིན་ཅིང་། ནང་པར་ལངས་ནས་ཀློག་པའི་རིགས་ཀྱི་བུའམ། རིགས་ཀྱི་བུ་མོ་དེ་ལ་བསྲུང་བར་བགྱིའོ། །ཏདྱ་ཐཱ། ཧ་ཏེ་བི་ཧ་ཏེ། སརྦ་པྲ་ཏྱ། རཱི་ཀཱ། 
པྲ་ཏྱཱ་མི་ཏྲ་ཤུད་དྷེ། མུག་གེ། བི་མུག་གེ། བི་མ་ལེ། ནིརྨ་ལེ་པྲ་བྷ་སྭཱ་རེ། པྲ་བྷ་ཀ་རེ་ཕུ་སྭཱ་ཧཱ། དེ་ནས་བཅོམ་ལྡན་འདས་ལ་བྱང་ཆུབ་སེམས་དཔའ་སེམས་དཔའ་ཆེན་པོ་བྱམས་པས་འདི་སྐད་ཅེས་གསོལ་ཏོ། །བཙུན་པ་བཅོམ་ལྡན་འདས་
བདག་གིས་ཀྱང་གང་སྒོ་བཟང་པོ་ཞེས་བགྱི་བའི་ཆོས་ཀྱི་རྣམ་གྲངས་ཚེ་སྐྱོང་བའི་རིག་སྔགས་འདི་འཛིན་ཅིང་། ནང་པར་ལངས་ནས་ཀློག་པའི་རིགས་ཀྱི་བུའམ། རིགས་ཀྱི་བུ་མོ་དེ་ལ་བསྲུང་བར་བགྱིའོ། །ཏདྱ་ཐཱ། ཛྭ་ལེ་ཛྭ་ལེ། མ་ཧཱ་ཛྭ་ལེ་
ཛྭ་ལེ། ཛྭ་ལེ་ནི།  ཨུག་ཀེ་མུག་ཀེ། ཤ་མེ།  པྲ་ཤ་མེ། མ་ཧཱ་པྲ་ཤ་མེ། ཤ་མེ་ས་མ་དྷེ། མ་ཧཱ་ས་མཱ་དྷེ། ས་མཱ་བ་དྷེ། ཛྭ་ལེ། མ་ཧཱ་ཛྭ་ལེ། ཛྭ་ལ་བ་མེ་ཕུ་སྭཱ་ཧཱ། དེ་ནས་གནོད་སྦྱིན་གྱི་སྡེ་དཔོན་ཁ་བ་ཅན་གྱིས་བཅོམ་ལྡན་འདས་ག་ལ་བ་དེ་
ལོགས་སུ་ཐལ་མོ་སྦྱར་བ་བཏུད་དེ། བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཙུན་པ་བཅོམ་ལྡན་འདས་བདག་གིས་ཀྱང་གང་སྒོ་བཟང་པོ་ཞེས་བགྱི་བའི་ཆོས་ཀྱི་རྣམ་གྲངས་ཚེ་སྐྱོང་བའི་རིག་སྔགས་འདི་འཛིན་ཅིང་། ནང་པར་
ལངས་ནས་ཀློག་པའི་རིགས་ཀྱི་བུའམ། རིགས་ཀྱི་བུ་མོ་དེ་ལ་བསྲུང་བ་དང་། ཡོངས་སུ་བསྐྱང་བར་བགྱིའོ། །ཏདྱ་ཐཱ། ཨུ་དུམ་བ་རེ། ཨུ་དུམ་བ་རེ། དུམ་བེ། པྲ་དུམ་བེ། བྱཱ་བརྡེ། ཨཱ་ན་གྷེ། ས་མ་དྷེ། མ་ཧཱ་ས་མ་དྷེ། ནཱི་ལེ་ནི་ལེ། ནཱི་ལ་ཀེ་ཤེ་

106-1-255a

ཀེ་ཤི་ནི། ཀུ་ལེ་ཀུ་ལེ། མ་ཧཱ་ཀུ་ལེ། ནཱི་ལ་ཀུ་ལེ། སིད་དྷི། སིད་དྷི། མ་ནོ་ཧ་རེ། ཨད་ཊེ།  བད་ཊེ། ནད་ཊེ། ཀུ་ནད་ཊེ། ས་མ་ཐེ། བ་བ་ལ་ཀུ་ཙེ། དཱན་ཏེ། ནཱི་ལ་ཀ་ཤེ། ཀུ་ལེ་ནཱི་ལ། དྷན་ཏེ་ཛཱྃ་གུ་ལེ། ཧུ་ཤེ། མཱུ་ཤེ། བ་ལང་ཀུ་ཤེ། ཧ་ལ་ཀུ་ཤེ། ཕ་ལ་མུ་ཙེ་
སྭཱ་ཧཱ། དེ་ནས་གནོད་སྦྱིན་གྱི་སྡེ་དཔོན་ཆེན་པོ་བདེ་བའི་རི་གནས་ཀྱིས་བཅོམ་ལྡན་འདས་ག་ལ་བ་དེ་ལོགས་སུ་ཐལ་མོ་སྦྱར་བ་བཏུད་དེ། བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཙུན་པ་བཅོམ་ལྡན་འདས་བདག་གིས་ཀྱང་
གང་སྒོ་བཟང་པོ་ཞེས་བགྱི་བའི་ཆོས་ཀྱི་རྣམ་གྲངས་ཚེ་སྐྱོང་བའི་རིག་སྔགས་འདི་འཛིན་ཅིང་། ནང་པར་ལངས་ནས་ཀློག་པའི་རིགས་ཀྱི་བུའམ། རིགས་ཀྱི་བུ་མོ་དེ་ལ་བསྲུང་བ་དང་ཡོངས་སུ་བསྐྱང་བར་བགྱིའོ། །ཏདྱ་ཐཱ། ཨ་མ་ལེ། བི་མ་
ལེ། ནིར་མ་ལེ། མྃ་ག་ལེ། ཧི་ར་ནྱ་གརྦྷེ།  སརྦ་ཨཪྠ་སཱ་དྷ་ནི། ཀ་མ་ནི་ཡུ་བི་ར་ཛི། ཀུ་ཊ་ཀུ་ཊ། ཀམ་བ་ལེ་བྲམྷ།  བྲམྷ་སྭ་རེ། བྲམྷ་སིད་དྷེ།  སིད་དྷི་མ་ནོ་ར་ཐེ་ཕུ་སྭཱ་ཧཱ། དེ་ནས་ལྷ་མོ་ཆེན་མོ་རྡོ་རྗེ་ལུ་གུ་རྒྱུད་ཀྱིས་བཅོམ་ལྡན་འདས་ག་ལ་བ་
དེ་ལོགས་སུ་ཐལ་མོ་སྦྱར་བ་བཏུད་དེ། བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཙུན་པ་བཅོམ་ལྡན་འདས་བདག་གིས་ཀྱང་གང་སྒོ་བཟང་པོ་ཞེས་བགྱི་བའི་ཆོས་ཀྱི་རྣམ་གྲངས་ཚེ་སྐྱོང་བའི་རིག་སྔགས་འདི་འཛིན་ཅིང་། 
ནང་པར་ལངས་ནས་ཀློག་པའི་རིགས་ཀྱི་བུའམ། རིགས་ཀྱི་བུ་མོ་དེ་ལ་བསྲུང་བ་དང་། ཡོངས་སུ་བསྐྱབ་པ་དང་། ཡོངས་སུ་གཟུང་བ་དང་། ཡོངས་སུ་བསྐྱང་བའི་སླད་དུ་གཟུངས་སྔགས་གཞི་རྣམས་བརྗོད་པར་བགྱིའོ། །ཏདྱ་ཐཱ། བཛྲེ་
བཛྲེ། མ་ཧཱ་བཛྲེ་བཛྲ་ད་ནི། བུད་དྷ་བཛྲེ་བུད་དྷ་ཨ་དྷི་ཏེ་བཛྲེ། སུ་བུད་དྷེ། ནི་བུད་དྷེ། བ་ཧུ་བུད་དྷེ། བི་ཤིཥྚ་བུད་དྷེ། ཤུད་དྷེ། བུད་དྷེ། བུད་དྷེ། ནི་ཤྃ་གྲཱ་མ་ནི། ཙྃ་གེ་ལེ། ཨ་ལ་སེ། ཏི་ལི་མེ། ཏི་ལེ། ཏི་ལི་ལེ། མཱརྒེ། ཤཱན་ཏ། ཤཱན་ན། གཱ་མཱི་ནི་ཕུ་སྭཱ་ཧཱ། 
དེ་ནས་བཅོམ་ལྡན་འདས་ལ་བྱང་ཆུབ་སེམས་དཔའ་སེམས་དཔའ་ཆེན་པོ་རྡོ་རྗེའི་སྡེས་འདི་སྐད་ཅེས་གསོལ་ཏོ། །བཙུན་པ་བཅོམ་ལྡན་འདས་བདག་གིས་ཀྱང་གང་སྒོ་བཟང་པོ་ཞེས་བགྱི་བའི་ཆོས་ཀྱི་རྣམ་གྲངས་ཚེ་སྐྱོང་བའི་རིག་སྔགས་

106-1-255b

འདི་འཛིན་ཅིང་། ནང་པར་ལངས་ནས་ཀློག་པའི་རིགས་ཀྱི་བུའམ། རིགས་ཀྱི་བུ་མོ་དེ་ལ་བསྲུང་བར་བགྱིའོ། །ཏདྱ་ཐཱ། ཧི་ལེ་བཛྲེ། ཧི་ཧི་བཛྲ། ཧེ་ཧེ་བཛྲེ་ཡ་བ་ཀི་རི་ཀི་རི་བཛྲ་སྭཱ་ཧཱ། ཏདྱ་ཐཱ། ཨཎ་ཌ་རེ་པཎ་ཌ་རེ་ཤྱ་དེ། པཎ་ཌ་ར་བ་སི་ནི། ཀིན་ན་རེ། ཀ་རླ་
དེ། ཀེ་ཡཱུ་རེ། ཨི་ཧཱ་བུད་དྷེ། ཏ་ཏྭ་བུད་དྷེ།  བྷཱུ་ཛེ་བྷཱུ་ཛེ། བྷཱུ་ཛྃ་ག་མེ། བྷཱུ་ཛ་པཱ་བ་ཏེ། བྷ་ཡེ་བྷ་ཡེ། བྷ་ཡ་ཨ་གྲ་པ་ཏེ། བི་ནཱི་བི་ནཱི། ཤི་ར་པ་ཐེ། ཤི་བ་པ་ཐེ། ཨ་དིད་ཏྱ་པྲ་ཐེ། ཏེ་ཛེ་ཏེ་ཛ་བ་ཏོ། །ཨཱ་ཀཱ་ཤ་པ་ཐེ་ཕུ་སྭཱ་ཧཱ། དེ་ནས་རྡོ་རྗེ་ཕོ་ཉ་མོས་བཅོམ་ལྡན་འདས་ག་ལ་བ་དེ་
ལོགས་སུ་ཐལ་མོ་སྦྱར་བ་བཏུད་དེ། བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཙུན་པ་བཅོམ་ལྡན་འདས་བདག་གིས་ཀྱང་གང་སྒོ་བཟང་པོ་ཞེས་བགྱི་བའི་ཆོས་ཀྱི་རྣམ་གྲངས་ཚེ་སྐྱོང་བའི་རིག་སྔགས་འདི་འཛིན་ཅིང་། ནང་པར་ལངས་
ནས་ཀློག་པའི་རིགས་ཀྱི་བུའམ། རིགས་ཀྱི་བུ་མོ་དེ་ལ་བསྲུང་བ་དང་བསྐྱབ་བ་དང་སྦ་བར་བགྱིའོ། །ཏདྱ་ཐཱ། ཀུ་ཊེ་ཀུ་ཊེ། ཀུ་ཊི་ནི། ཀུ་ཊ་ཀུ་ཊ་རེ་སྭཱ་ཧཱ། ནཱི་ལི་ནཱི་ལེ། ནཱི་ལ་ཀེ་ཤེ་སྭཱ་ཧཱ། པཱི་ཏེ་པཱི་ཏེ། པྲི་ཏ་ཀི་ཤེ་སྭཱ་ཧཱ། ལོ་ཧི་ཏེ་ལོ་ཧི་ཏེ། ལོ་ཧི་ཏ་ཀེ་ཤེ་སྭཱ་ཧཱ། 
ཨ་བ་དཱ་དེ། ཨ་བ་དཱ་དེ། ཨ་བ་ད་ཏ་ཀེ་ནི་སྭཱ་ཧཱ། མཉྫི། མཉྫི། མཉྫི་ཀེ་ཤི་སྭཱ་ཧཱ། ཙཀྲེ་ཙཀྲེ། བཛྲ་ཙཀྲེ་སྭཱ་ཧཱ། དེ་ནས་བཅོམ་ལྡན་འདས་ཀྱིས་ཕྱག་གཡས་པ་གསེར་གྱི་ཁ་དོག་ཅན་བརྐྱང་ནས་བརྒྱ་བྱིན་དང་ཚངས་པ་དང་འཇིག་རྟེན་སྐྱོང་བ་
ཐམས་ཅད་ལ་ལེགས་སོ་ཞེས་བྱ་བ་བྱིན་ཏེ། བཞིན་བཟངས་དག་དེ་བཞིན་གཤེགས་པའི་བྱིན་གྱི་བརླབས་ཀྱིས་ལྷ་དང་འཇིག་རྟེན་སྐྱོང་བ་ཁྱོད་ཀྱིས་སེམས་ཅན་ཐམས་ཅད་ལ་ཕན་གདགས་པ་དང་། བསྲུང་བའི་ཕྱིར་གཟུངས་སྔགས་
གཞི་འདི་དག་ལེགས་པར་བརྗོད་པ་ལེགས་སོ་ལེགས་སོ། །དེ་ནས་བཅོམ་ལྡན་འདས་ཀྱིས་ཀྱང་བྱང་ཆུབ་སེམས་དཔའ་ལག་ན་རྡོ་རྗེ་ལ་བཀའ་སྩལ་པ། ལག་ན་རྡོ་རྗེ་རིགས་ཀྱི་བུའམ། རིགས་ཀྱི་བུ་མོ་གང་ལ་ལ་ཞིག་སྒོ་བཟང་པོ་ཞེས་བྱ་བའི་
ཆོས་ཀྱི་རྣམ་གྲངས་ཚེ་སྐྱོང་བའི་རིག་སྔགས་འདི་འཛིན་ཅིང་། ནང་པར་ལངས་ནས་ཀློག་པ་དེ་སངས་རྒྱས་ཐམས་ཅད་ཀྱིས་བྱིན་གྱིས་བརླབས་པར་འགྱུར། ལྷའི་དབང་པོ་དང་ཀླུའི་དབང་པོ་དང་གནོད་སྦྱིན་གྱི་དབང་པོ་དང་ལྷ་མ་ཡིན་གྱི་དབང་པོ་དང་། 

106-1-256a

ནམ་མཁའ་ལྡིང་གི་དབང་པོ་དང་མི་འམ་ཅིའི་དབང་པོ་དང་ལྟོ་འཕྱེ་ཆེན་པོའི་དབང་པོ་ཐམས་ཅད་ཀྱིས་བསམས་པར་གྱུར་ཏོ། །བཅོམ་ལྡན་འདས་ཀྱིས་དེ་སྐད་ཅེས་བཀའ་སྩལ་ནས། བྱང་ཆུབ་སེམས་དཔའ་ལག་ན་རྡོ་རྗེ་དང་། 
བརྒྱ་བྱིན་དང་ཚངས་པ་དང་འཇིག་རྟེན་སྐྱོང་བ་ཐམས་ཅད་དང་ཐམས་ཅད་དང་ལྡན་པའི་འཁོར་དེ་དང་ལྷ་དང་མི་དང་ལྷ་མ་ཡིན་དང་དྲི་ཟར་བཅས་པའི་འཇིག་རྟེན་ཡི་རངས་ཏེ། བཅོམ་ལྡན་འདས་ཀྱིས་གསུངས་པ་ལ་མངོན་བར་བསྟོད་དོ། །
འཕགས་པ་སྒོ་བཟང་པོ་ཞེས་བྱ་བའི་གཟུངས། རྫོགས་སྷོ།། །།རྒྱ་གར་གྱི་མཁན་པོ་ཛི་ན་མི་ཏྲ་དང་། དཱ་ན་ཤཱི་ལ་དང་། ཞུ་ཆེན་གྱི་ལོ་ཙྪ་བ་བན་དེ་ཡེ་ཤེས་སྡེས་བསྒྱུར་ཅིང་ཞུས་ཏེ་སྐད་སར་ཆད་ཀྱིས་ཀྱང་བཅོས་ནས་གཏན་ལ་ཕབ་པ། སྐར་ཞུས།། 

རྒྱ་གར་སྐད་དུ། ཨཱརྱ་ཥ་ཊ་མུ་ཁ་ནཱ་མ་དྷཱ་ར་ཎཱི། བོད་སྐད་དུ། འཕགས་པ་སྒོ་དྲུག་པ་ཞེས་བྱ་བའི་གཟུངས། འཇམ་དཔལ་གཞོན་ནུར་གྱུར་པ་ལ་ཕྱག་འཚལ་ལོ། །འདི་སྐད་བདག་གིས་ཐོས་པ་དུས་གཅིག་ན། བཅོམ་ལྡན་འདས་འཁོར་གྱི་
ཁྱམས་གནས་གཙང་མའི་སྟེང་ནམ་མཁའི་དཀྱིལ་ན་གནས་པ་རིན་པོ་ཆེ་སྣ་བདུན་གྱིས་རབ་ཏུ་རྣམ་པར་ཕྱེ་བར་སྤྲས་པ་ན། བྱང་ཆུབ་སེམས་དཔའི་ཚོགས་གྲངས་མེད་པ་དང་ཐབས་གཅིག་ཏུ་བཞུགས་ཏེ། དེའི་ཚེ་བཅོམ་ལྡན་
འདས་ཀྱིས་བྱང་ཆུབ་སེམས་དཔའ་རྣམས་ལ་བཀའ་སྩལ་པ། རིགས་ཀྱི་བུ་དག་ཁྱེད་ཀྱིས་འགྲོ་བ་ཐམས་ཅད་ལ་ཕན་པ་དང་བདེ་བའི་ཕྱིར་སྒོ་དྲུག་པ་ཞེས་བྱ་བའི་གཟུངས་ཟུང་ཤིག །དེ་ནི་འདི་ལྟ་སྟེ། འཁོར་བ་ནས་འཁོར་བའི་སྐྱེ་
གནས་གཞན་དག་ཏུ་བདག་གིས་སྡུག་བསྔལ་གང་ཅི་མྱོང་བ་དེ་སེམས་ཅན་ཐམས་ཅད་དང་མཉམ་པ་ཉིད་དུ་མི་ཤེས་པའི་མཚན་ཉིད་དུ་མ་གྱུར་ཅིག །བདག་གིས་འཇིག་རྟེན་པའི་ཕུན་སུམ་ཚོགས་པའི་བདེ་བ་གང་ཅི་མྱོང་བ་དེ་སེམས་
ཅན་ཐམས་ཅད་དང་ཐུན་མོང་དུ་ཡོངས་སུ་སྤྱོད་པར་གྱུར་ཅིག །བདག་གིས་སྡིག་པ་མི་དགེ་བའི་ལས་གང་ཅི་བྱས་པ་དེ་སོ་སོར་བཤགས་པ་བླ་ན་མེད་པས་སོ་སོར་མ་བཤགས་པར་མ་གྱུར་ཅིག །བདག་གིས་བདུད་ཀྱི་ལས་གང་ཅི་བྱས་

106-1-256b

པ་དེ་ཡོངས་སུ་ཤེས་པ་བླ་ན་མེད་པས་ཡོངས་སུ་མི་ཤེས་པར་མ་གྱུར་ཅིག །བདག་གི་ཕ་རོལ་ཏུ་ཕྱིན་པ་དང་ལྡན་པའི་དགེ་བའི་རྩ་བ་འཇིག་རྟེན་པ་དང་འཇིག་རྟེན་ལས་འདས་པ་ཡང་རུང་གང་ཅི་ཡོད་པ་དེ་ཐམས་ཅད་བླ་ན་མེད་པའི་ཡེ་ཤེས་ཀྱི་
འབྲས་བུར་གྱུར་ཅིག །བདག་གི་རྣམ་པར་གྲོལ་བ་གང་ཅི་ཡོད་པ་དེས་སེམས་ཅན་ཐམས་ཅད་རྣམ་པར་ཐར་བར་གྱུར་ཅིག །འཁོར་བ་དང་མྱ་ངན་ལས་འདས་པ་ལ་བདག་གནས་པར་མ་གྱུར་ཅིག །ཏདྱ་ཐཱ། ༀ་ཀྵ་མེ་ཀྵ་མེ། ཀྵཱན་ཏེ་ཀྵཱན་ཏེ། 
ད་མེ་ད་མེ། དཱན་ཏེ་དཱན་ཏེ། བྷ་དྲེ་བྷ་དྲེ། སུ་བྷ་དྲེ་སུ་བྷ་དྲེ། ཙན་དྲེ་ཙན་དྲེ། སུ་ཙན་དྲེ་སུ་ཙན་དྲེ། ཙན་དྲ་ཀི་ར་ཎེ། ཙན་དྲ་བ་ཏི། ཏེ་ཛོ་བ་ཏི། ཡ་ཤོ་བ་ཏི། དྷརྨཱ་བ་ཏི། བྲམྷ་བ་ཏི། སརྦ་ཀླེ་ཤ་བི་ཤོ་དྷ་ནི། སརྦ་ཨརྠ་སཱ་དྷ་ནི། སརྦ་ཨརྠ་པྲ་ཤ་མ་ནི། 
པ་ར་མརྠ་སཱ་དྷ་ནི། ཀཱ་ཡ་བི་ཤོ་དྷ་ནི། བཱ་ག་བི་ཤོ་དྷ་ནི། མ་ནཿསྃ་ཤོ་དྷ་ནི་སྭཱ་ཧཱ། རིགས་ཀྱི་བུ་དག་དེ་ལྟར་ན་རིགས་ཀྱི་བུ་དང་། རིགས་ཀྱི་བུ་མོ་གང་ལ་ལ་ཞིག་གིས་སྒོ་དྲུག་པ་ཞེས་བྱ་བའི་གཟུངས་འདི་ཉིན་ལན་གསུམ་མཚན་ལན་གསུམ་
བཀླགས་ན་དེའི་ལས་ཀྱི་སྒྲིབ་པ་ཐམས་ཅད་བྱང་ནས་སྐྱེ་བ་བདུན་གྱི་བར་དུ་དེ་སྐྱེ་བ་དྲན་པར་འགྱུར་རོ། །བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་མངོན་པར་རྫོགས་པར་འཚང་རྒྱ་བར་འགྱུར་རོ། །བཅོམ་ལྡན་འདས་དགྱེས་
ཤིང་དེ་སྐད་ཅེས་བཀའ་སྩལ་ནས། བྱང་ཆུབ་སེམས་དཔའི་ཚོགས་དེ་དག་དང་ལྷ་དང་མི་དང་ལྷ་མ་ཡིན་དང་དྲི་ཟར་བཅས་པའི་འཇིག་རྟེན་ཡི་རངས་ཏེ། བཅོམ་ལྡན་འདས་ཀྱིས་གསུངས་པ་ལ་མངོན་བར་བསྟོད་དོ། །འཕགས་
པ་སྒོ་དྲུག་པ་ཞེས་བྱ་བའི་གཟུངས། རྫོགས་སྷོ།། །།སྐར་ཞུས།། ༄༅།  །རྒྱ་གར་སྐད་དུ། ཨཱརྱ་ཥ་ཊ་ཀྵ་རི་བིདྱཱ། བོད་སྐད་དུ། འཕགས་པ་ཡི་གེ་དྲུག་པའི་རིག་སྔགས། སངས་རྒྱས་དང་། བྱང་ཆུབ་སེམས་དཔའ་ཐམས་ཅད་ལ་ཕྱག་འཚལ་
ལོ། །འདི་སྐད་བདག་གིས་ཐོས་པ་དུས་གཅིག་ན། བཅོམ་ལྡན་འདས་མཉན་ཡོད་ན་བཞུགས་ཏེ། དེ་ནས་བཅོམ་ལྡན་འདས་ཀྱིས་ཚེ་དང་ལྡན་པ་ཀུན་དགའ་བོ་ལ་བཀའ་སྩལ་པ། ཀུན་དགའ་བོ་ཡི་གེ་དྲུག་པའི་རིག་སྔགས་གང་

106-1-257a

ཡང་དག་པར་རྫོགས་པའི་སངས་རྒྱས་དྲུག་དང་། འཇིག་རྟེན་སྐྱོང་བ་བཞི་དང་། གནོད་སྦྱིན་གྱི་སྡེ་དཔོན་ཆེན་པོ་ཉི་ཤུ་རྩ་བརྒྱད་ཀྱིས་བཤད་པ། ཡི་གེ་དྲུག་པའི་རིག་སྔགས་ཀྱི་རྒྱལ་མོ་འདི་ཀུན་དགའ་བོ་ཁྱོད་ཀྱིས་ཟུང་ཤིག །ཆོངས་ཤིག  །
ལྷོགས་ཤིག །ཀུན་ཆུབ་པར་གྱིས་ཤིག །ཏདྱ་ཐཱ། དན་ཏི་ལེ། ཀནྟི་ལེ། མ་དྷུ་མ་ཏི། མ་རཱན་ཊེ། ཀོ་རཎ་ཊེ།  དྲཱ་བི་བ་ཏི། ཀོ་ཤཱ་རི། ཚ་ཊ་ཛེ། དུ་དུ་མ་ཏི། ཀེ་ཏུ་མ་ཏི། ཙུ་དུན་དྷེ།  ཀེའུ་ཊ་དན་ཏེ།  ཧ་རུ་ཧུ་རེ། ཨེ་ན་ནི་གེ། ཧུ་ཏ་བ་ཧུ་ནི། ཀུན་དགའ་
བོ་འདི་ནི་ཡི་གེ་དྲུག་པའི་རིག་སྔགས་ཏེ། ཀླད་པ་ན་བ་དང་། མིག་ན་བ་དང་། རྣ་བ་ན་བ་དང་། སོ་ན་བ་དང་། སྣ་ན་བ་དང་། ལྕེ་ན་བ་དང་། སྙིང་ན་བ་དང་། ལྟོ་ན་བ་དང་། རྒྱབ་ན་བ་དང་། རྩིབ་ལོགས་ན་བ་དང་། ཆུ་སོ་ན་བ་དང་། བྱིན་པ་ན་བ་དང་། 
རྐང་པ་ན་བ་དང་། ཡན་ལག་ན་བ་དང་། ཉིང་ལག་ན་བ་དང་། ཟས་མ་ཞུ་བ་དང་། ལྦོས་པ་དང་། མངལ་དུ་ཐོགས་པ་དང་། རླུང་ལས་གྱུར་པ་དང་། མཁྲིས་པ་ལས་གྱུར་པ་དང་། བད་ཀན་ལས་གྱུར་པ་དང་། འདུས་པ་ལས་གྱུར་པ་དང་། 
རིམས་དྲག་པོ་དང་། ཉིན་གཅིག་པ་དང་། ཉིན་གཉིས་པ་དང་། ཉིན་གསུམ་པ་དང་། ཉིན་བཞི་པ་དང་། རིམས་ཡུད་ཙམ་པ་དང་། ཉིན་མོའི་རིམས་དང་། མཚན་མོའི་རིམས་ཀྱིས་བཏབ་པ་ལ་ཡི་གེ་དྲུག་པའི་རིག་སྔགས་འདིས་བསྲུང་
བ་དང་། ཡོངས་སུ་བསྐྱབ་པ་དང་། ཡོངས་སུ་གཟུང་བ་དང་། ཡོངས་སུ་བསྐྱང་བ་དང་། ཞི་བ་དང་། བདེ་ལེགས་སུ་འགྱུར་བ་དང་། ཆད་པ་སྤང་བ་དང་། མཚོན་ཆ་སྤང་བ་དང་། དུག་གཞིལ་བ་དང་། ཆུས་གཏོར་བ་དང་། སྲད་བུས་
བཅིང་བ་བྱས་པ་ལས་གང་ཞིག་འགལ་བར་བྱེད་ན། དེའི་མགོ་ཨརྫ་ཀའི་དོག་པ་བཞིན་དུ་ཚལ་པ་བདུན་དུ་མི་འགས་པ་ནི། ཀུན་དགའ་བོ་ངས་ལྷ་དང་བཅས་པ་དང་། བདུད་དང་བཅས་པ་དང་། ཚངས་པ་དང་བཅས་པ་
དང་། དགེ་སྦྱོང་དང་བྲམ་ཟེར་བཅས་པའི་སྐྱེ་དགུ་དང་། ལྷ་དང་། མི་དང་། ལྷ་མ་ཡིན་དུ་བཅས་པའི་འཇིག་རྟེན་ན་མ་མཐོང་ངོ་། །ཏདྱ་ཐཱ། ཨཎ་ཌཱ་རེ་པཎ་ཌཱ་རེ། ཀ་རེ་ཊེ། ཀེ་ཡུ་རེ། བྷཱུ་ཏྃ་ག་མེ་བྷཱུ་ཏ་གྲ་ཧེ། བྷཱུ་ཏ་པྲཀྵི་

106-1-257b

ཏེ། བྷཱུ་ཏ་ཡ་སྨ་ཡ་ནི། པྲི་ཡཱ་བ་ཏི། ཏེ་ཛ་བ་ཏི། ཡ་ཤ་བ་ཏི། གི་རི་ནི་ནི། ཤ་རི་ནི་ནི། བདག་འཇིགས་པ་ཐམས་ཅད་དང་གནོད་པ་ཐམས་ཅད་ལས་བདེ་ལེགས་སུ་གྱུར་ཅིག་སྭཱ་ཧཱ། བཅོམ་ལྡན་འདས་ཀྱིས་དེ་སྐད་ཅེས་བཀའ་སྩལ་
ནས། ཚེ་དང་ལྡན་པ་ཀུན་དགའ་བོ་དང་ལྷ་དང་མི་དང་ལྷ་མ་ཡིན་དང་དྲི་ཟར་བཅས་པའི་འཇིག་རྟེན་ཡི་རངས་ཏེ། བཅོམ་ལྡན་འདས་ཀྱིས་གསུངས་པ་ལ་མངོན་བར་བསྟོད་དོ། །འཕགས་པ་ཡི་གེ་དྲུག་པ་ཞེས་བྱ་བའི་རིག་སྔགས།   རྫོགས་སྷོ།།  
།། རྒྱ་གར་སྐད་དུ།  གཱ་ཐཱ་དྭི་ཡ་དྷཱ་ར་ནཱི། བོད་སྐད་དུ།  ཚིགས་སུ་བཅད་པ་གཉིས་པའི་གཟུངས། འཇམ་དཔལ་གཞོན་ནུར་གྱུར་པ་ལ་ཕྱག་འཚལ་ལོ། །སངས་རྒྱས་དང་ནི་ཆོས་ལ་བརྙས་པ་དང་། །ལེ་ལོ་དང་ནི་ཅུང་ཟད་ཆོག་པར་འཛིན། །
འདོད་ཆགས་དང་ནི་ང་རྒྱལ་སྤྱོད་པ་དང་། །འགྱོད་པ་དང་ནི་མ་ངེས་སྤྱོད་པ་རྣམས། །སེམས་ཅན་རྣམས་ཀྱི་སྒྲིབ་པར་གྱུར་པ་སྟེ། །དེ་ཡི་གཉེན་པོར་ཐེག་པ་མཆོག་བསྟན་པ། །དེ་ཡིས་བར་དུ་གཅོད་པ་དེ་དག་གི། ཉེས་པ་ཐམས་ཅད་རབ་ཏུ་སྤོང་
བར་འགྱུར། །ཏདྱ་ཐཱ། ༀ་བཛྲ་པྲ་ཀཱ་ར། བཛྲ་པྲ་ཀཱ་ར། བཛྲ་ཙཀྲ། དྃཥྚཱ་བྷ་ཡཱ་ན་ཀེ། ཨ་མ་ལེ། བི་མ་ལེ། ནིར་མ་ལེ། ཙུ་ལུ་ཀེ། ཙུ་ལུ་ཙུ་ལུ་སརྦ་བུད་དྷེ་སྭཱ་ཧཱ། ཚིགས་སུ་བཅད་པ་གཉིས་པའི་གཟུངས་ལ་ནི། །ཚིག་གམ་དོན་གྱི་སྒོ་ནས་གང་སྦྱོར་
བ། །སེམས་ཅན་དམ་པ་བློ་དང་ལྡན་པ་དེས། །ཕན་ཡོན་རྣམ་པ་བཅུ་དག་ཐོབ་པར་འགྱུར། །ཁམས་རྣམས་མཐའ་དག་རྟས་པར་འགྱུར་བ་དང་། །འཆི་བའི་ཚེ་ན་མཆོག་དགའ་དམ་པ་འཐོབ། །ཇི་ལྟར་འདོད་པ་བཞིན་དུ་སྐྱེ་བ་དང་། །ཐམས་
ཅད་དུ་ནི་ཚེ་རབས་དྲན་པར་འགྱུར། །སངས་རྒྱས་རྣམས་དང་ཕྲད་པར་འགྱུར་བ་དང་། །དེ་བཞིན་དེ་དག་ལས་ནི་ཐེག་མཆོག་ཐོས། །མོས་པར་འགྱུར་བ་བློ་དང་བཅས་པ་དང་། །སྒོ་གཉིས་དང་ནི་བྱང་ཆུབ་མྱུར་དུ་འཐོབ། །ཚིགས་སུ་
བཅད་པ་གཉིས་པའི་གཟུངས། རྫོགས་སྷོ།། །།སྐར་ཞུས།། རྒྱ་གར་སྐད་དུ།  ཨཱརྱ་རུ་ཙི་ར་ཨྃ་ག་ཡཥྚི་ནཱ་མ་དྷཱ་ར་ཎཱི། བོད་སྐད་དུ། འཕགས་པ་ལུས་ཀྱི་དབྱིབས་མཛེས་ཞེས་བྱ་བའི་གཟུངས། སངས་རྒྱས་དང་། བྱང་ཆུབ་སེམས་དཔའ་

106-1-258a

ཐམས་ཅད་ལ་ཕྱག་འཚལ་ལོ། །ན་མོ་བི་བུ་ལ་བི་ན་སུ་པྲ་ཏིཥྛ་ཏ་ཨ་སྃ་ཁེ་ཡ། སཱུརྱ་ཤ་ཏ་ས་ཧ་སྲ་ཨ་ཏི་རེ་ཀ་ཏེ་ཛ། པྲ་བྷ་ཨ་བ་བྷ་སི་ཏ་མཱུར་ཏ་ཡེ། མ་ཧཱ་མ་ནི་མུ་ཀུ་ཊ་ཀུཎ་ཌ་ལ། ཨ་ལྃ་ཀ་ར་དྷ་རི་ཎེ་བྷ་ག་བཱ་ཏེ་པད་མ་པཱ་ཎ་ཡེ། སརྦ་ལོ་ཀ་ཨ་
པ་ཡ་ཤ་མ་ནཱ་ཡ། བི་བི་དྷ་ཏུ་ཁ་ས་མ་བཱ་ཤ་ཨ་བིཥྛ། སརྦ་སཏྭ་བ་རི་མོ་ཙ་ཀཱ་ཡ། ཏདྱ་ཐཱ། ཨོཾ་བྷུར་བྷུ་བ་སྭཱ་ཧཱ། མ་ཧཱ་ཨཱ་ལོ་ཀ་ཀ་ར་ཎ་ཏ་མ་སྟི་མི་ར་པ་ཏ་ལ་བི་ན་ཤ་ཀ །རཱ་ག་དེ་ཥ་མ་ཧཱ་མོ་ཧ་ཛྭ་ལ་ཤ་མ་ཀ །ཤ་ས་ཀ་རཀྵ་ཀ །སརྦ་ཨ་པཱ་ཡཱ་དུརྒ་ཏི་
པྲ་ཤེ་མ་ཀ །སརྦ་སཏྭ་ས་མ་ཤ་ས་ཀ་ར། སརྦ་ཨཱ་ཤ་པ་རི་པཱུ་ར་ཀ །སརྦ་ཏ་ཐཱ་ག་ཏ་སྃ་བྷ་ན་ཀ་ར། ཧེ་ཧེ་མ་ཧཱ་བོ་དྷི་སཏྭ། བ་ར་བ་ར་དཱ་ཡ་ཀཱ། པད་མ་ཨཱ་ལོ་ཀ་སྃ་བྷ་ཏ། མ་ཧཱ་ཀ་ཎི་ཀཱ་ཛ་ཊ་མུ་ཀུ་ཊ། ཨ་ལྃ་ཀྲི་ཏ་ཤི་རཱ། མ་ཎི་ཀ་ན་ཀ་རཱ་ཛ། ཏ་བཛྲ་
བཻ་དུརྱ་ཨ་ལྃ་ཀྲི་ཏ་ཤ་རཱི་ར། ཨ་མི་ཏཱ་བྷ་ཛི་ན་ཀ་མ་ལ་ཨ་ལྃ་ཀྲི་ཏ། པྲ་བྷ་ར་ན་རཱ་ཛ་ན་ཤ་ཏ་ས་ཧ་སྲ་ཨ་བྷི་ལ་ཤི་ཏ་ཀཱ་ཡ། མ་ཧཱ་བོ་དྷི་ས་ཏྭ་བ་ར།  བི་དྷ་མ་བི་དྷ་མ། བི་ནཱ་ཤ་ཡ། བི་ནཱ་ཤ་ཡ། མ་ཧཱ་ཡཱ་ཏྲ་ཀླེ་ཤ་ཀ་བ་ཊཱ་ཨ་བ་བད་དྷ་བི་བོ་དྷི་སཏྭ་སན་ས་ར་ཙ་ར་
ཀ་པྲ་མ་ཐཱ་ན། པུ་རུ་ཥ་པད་མ། པུ་རུ་ཥ་ནཱ་ག །པུ་རུ་ཥ་སཱ་ག་ར། པུ་རུ་ཥ་སྃ་ཧི། བྃ་ཧི། བི་ར་བི་ར་ཛ། སུ་དན་ཏ་པ་རི་བྲི་ཏ། དྷ་མ་དྷ་མ། ས་མ་ས་མ། དྷུ་རུ་དྷུ་རུ། པྲ་ཤཱ་ས་ཡཱ་པྲ་ཤཱ་ས་ཡ། པྲ་དྷྭན་སཱ་ཡ། པྲ་དྷྭན་སཱ་ཡ། གྷི་རི་གྷི་རི། དྷི་རི་དྷི་རི། བི་དྷི་
རི། བི་རི་བི་རི། བི་བི་རི། བི་བི་རི། ཙི་རི་ཙི་རི། སི་རི་སི་རི། སུ་རུ་སུ་རུ། མུ་རུ་མུ་རུ། མུ་ཡ་མུ་ཡ། མུན་ཙ་མུན་ཙ།  བི་དྷུ་ན། བི་དྷུ་ན། དྷུ་རུ་དྷུ་རུ། གྷ་ཡ་གྷ་ཡ། གྷ་དྷ་ཡ།  གྷ་དྷ་ཡ། ཧ་ས་ཧ་ས། པྲ་ཧ་ས་པྲ་ཧ་ས། ནཱ་ནཱ་བི།  བི་དྷ་ཀླེ་ཤ་བཱ་ས་ནཱ། ཧ་ར་
ཧ་ར། སྃ་ཧ་ར་སྃ་ཧ་ར། དྷུ་རུ་ཊི། དྷུ་རུ་ཊི། མ་ཧཱ་མཎ་ཌ་ལ་ཀ་ར་ཎ། ཤ་ཏ་པྲ་སེ་ཀ །ཨ་བ་བཱ་སི་ཏ་མ་ཧཱ་བི་ཥ་ཤ་མ་ཀ །མ་ཧཱ་བོ་དྷི་སཏྭ་བ་རྭ་དྭ་སྭཱ་ཧཱ། བཅོམ་ལྡན་འདས་ལག་ན་པད་མའི་ལུས་ཀྱི་དབྱིབས་མཛེས་པ་ཞེས་བྱ་བའི་གཟུངས། 
བྱང་ཆུབ་སེམས་དཔའི་ཁང་བཟངས་དམ་པ། རྡོ་རྗེ་ཆེན་པོས་བགེགས་པར་གསུངས་པ། ལྷ་དང་ཀླུ་དང་སྦྱིན་བྱེད་མའི་བུ་དང་མི་འམ་ཅི་དང་ལྷ་མ་ཡིན་ཆེན་པོས་བསྟོད་པ། རེ་བ་ཐམས་ཅད་ཕུན་སུམ་ཚོགས་པར་བྱེད་པ་འདི་སྒྲིབ་པ་

106-1-258b

ཆེན་པོ་མང་པོས་བསྒྲིབས་པ་གང་ལ་ལ་ཞིག་ཉན་ཏམ། འཆང་ངམ། འདོན་ཏམ། ཀློག་གམ། མཐོང་ནས་ལེགས་པར་རྟོགས་པར་བྱེད་ན། དེའི་ལས་དང་ཉོན་མོངས་པའི་སྒྲིབ་པ་ཐམས་ཅད་ཡོངས་སུ་བྱང་བར་འགྱུར་རོ། །ནང་པར་ལངས་ནས་
ལན་ཅིག་འདོན་ན་ལག་ན་པད་མ་ཕྱི་བཞིན་འབྲང་བར་འགྱུར་རོ། །ཡིད་ལ་གང་དག་འདོད་པའི་དགོས་པ་བསམས་པ་ཙམ་གྱིས་འགྲུབ་པར་འགྱུར་རོ། །གཅིག་ཏུ་རབ་ཏུ་དབེན་པར་འདུག་སྟེ། སངས་རྒྱས་ཡིད་ལ་བྱ་བ་མངོན་དུ་དམིགས་
ནས། བཅོམ་ལྡན་འདས་ལག་ན་པད་མ་རྗེས་སུ་དྲན་པར་བྱས་ལ། ལན་བདུན་བརྗོད་ན་དམ་པ་ཅི་འདོད་པ་ཐོབ་པར་འགྱུར་རོ། །སེམས་ཅན་ཐམས་ཅད་ཀྱི་ཡིད་དུ་འོང་བར་འགྱུར་རོ། །དེའི་ངན་འགྲོ་ཐམས་ཅད་འགག་པར་འགྱུར་རོ། །
ཡུད་ཙམ་ཞིག་འཆག་ཅིང་འདུག་ལ་ཡིད་ལ་བརྗོད་ན་བསྐལ་པ་བྱེ་བ་འབུམ་ཕྲག་དུ་མར་བསགས་པའི་ལས་བྱང་བར་འགྱུར་རོ། །འཁོར་ལོས་སྒྱུར་བ་སྟོང་གིས་བསགས་པའི་བསོད་ནམས་ཀྱི་ཕུང་པོ་ཆེན་པོ་དང་ལྡན་པར་འགྱུར་རོ། །
ཚེ་རབས་ཚེ་རབས་སུ་ཡང་པད་མའི་རིགས་ཆེན་པོར་སྐྱེ་བར་འགྱུར་རོ། །སྐྱེ་བོ་ཁྱད་དུ་འཕགས་པས་བཀུར་བར་འགྱུར་རོ། །མེ་ཏོག་དྲི་ཞིམ་པོས་སྙིམ་པ་བཀང་སྟེ། འཕགས་པ་སྤྱན་རས་གཟིགས་དབང་ཕྱུག་གི་མདུན་དུ་ལན་
བདུན་བརྗོད་ན་ཡོན་ཏན་ཆེན་པོ་སྟོང་ཐོབ་པར་འགྱུར་རོ། །སྙིང་རྗེ་ཆེན་པོའི་ཆོས་ཉིད་སྣང་བ་ཡང་དེ་ལ་སྐྱེ་བར་འགྱུར། དམ་པ་ཆེན་པོ་དང་ལྡན་པར་འགྱུར་རོ། །དེ་ཉིད་ཀྱི་གདོང་དུ་བལྟས་ཏེ་བཟླས་བརྗོད་བྱས་ན། བཅོམ་
ལྡན་འདས་ཞལ་རྟག་ཏུ་བཞད་པ་འཕགས་པ་སྤྱན་རས་གཟིགས་དབང་ཕྱུག་མཐོང་བར་འགྱུར་ཞིང་། ཆོས་སྣང་བའི་གསལ་བ་དང་པོ་དྲི་མ་མེད་པར་བྱེད་པ་ཞེས་བྱ་བ་འཐོབ་པར་འགྱུར་རོ། །ཚེ་འདི་ཉིད་ལ་སངས་རྒྱས་རྗེས་སུ་
དྲན་པ་ཐོབ་པར་འགྱུར་རོ། །སེམས་མཉམ་པར་བཞག་བཞིན་དུ་འཆི་བའི་དུས་བྱེད་པར་འགྱུར། ཚེ་རབས་ཐམས་ཅད་དུ་ཚེ་རབས་དྲན་པར་འགྱུར་རོ། །ཇི་ལྟར་འདོད་པ་བཞིན་དུ་ལས་ཀྱི་སྒྲིབ་པ་ཐམས་ཅད་ཟད་པར་བྱེད་པར་འདོད་

106-1-259a

ན། ཚེས་བཅྭ་ལྔའི་ཟླ་བ་ཉ་བ་ལ་བསྙུང་བ་བྱས་ལ་གོས་དཀར་པོ་བགོས་ཏེ། རིང་བསྲེལ་དང་བཅས་པའི་མཆོད་རྟེན་ནམ། སྐུ་གཟུགས་ཀྱི་སྤྱན་སྔར་ཙན་དན་དཀར་པོས་དཀྱིལ་འཁོར་བསྐུས་ལ། དཀྱིལ་འཁོར་དེ་དང་
བཅོམ་ལྡན་འདས་ལ་མེ་ཏོག་སྣ་ཚོགས་གཏོར་ཏེ། བཅོམ་ལྡན་འདས་དང་འཕགས་པ་སྤྱན་རས་གཟིགས་དབང་ཕྱུག་ལ་དྲི་ཞིམ་པོའི་བདུག་པ་དང་། མར་མེ་དང་། སྤོས་ཀྱི་སྟི་སྟང་བྱས་ཏེ་དེ་ཉིད་དུ་འདུག་ལ་ལན་བརྒྱ་རྩ་བརྒྱད་
བརྗོད་ན། དེས་སྡིག་པ་ཐམས་ཅད་དང་བྲལ་བར་འགྱུར་རོ། །མཚམས་མེད་པ་བྱེད་པ་ཡང་སྡིག་པ་བྱང་ཞིང་། ཤིན་དུ་ཡོངས་སུ་དག་པའི་སེམས་ཀྱི་རྒྱུད་དང་ལྡན་པ་དང་། ཤིན་དུ་ཡོངས་སུ་དག་པའི་ལུས་དང་། ངག་དང་། ཡིད་ཀྱི་སྤྱོད་པ་དང་
ལྡན་པར་འགྱུར་རོ། །དེ་བཞིན་གཤེགས་པ་རྣམས་ཀྱིས་རྟག་པར་རྒྱུན་དུ་ཏིང་ངེ་འཛིན་གྱི་སྟོབས་དང་། དབང་བསྐུར་བའི་སྟོབས་དང་། ས་དང་ཕ་རོལ་དུ་ཕྱིན་པའི་སྟོབས་དང་། ཡེ་ཤེས་ཁྱད་པར་ཅན་གྱི་སྟོབས་སྒྲུབ་པར་མཛད་དོ། །
གནམ་ལ་གྱེན་དུ་བལྟས་ཏེ་བཟླས་བརྗོད་བྱས་ན་ཆར་འབབ་པོ། །ས་ལ་བལྟས་ཏེ་བཟླས་བརྗོད་བྱས་ན་ལོ་ཏོག་ཐམས་ཅད་ལེགས་པར་འགྱུར་རོ། །འབབ་ཆུ་དང་། མཚེའུ་དང་། རྫིང་བུའི་ཤུལ་དུ་བལྟས་ཏེ་བཟླས་བརྗོད་བྱས་ན་ཆུ་
འབྱུང་བར་འགྱུར་རོ། །ནད་ཐམས་ཅད་ལ་ལག་པས་བྱབ་ཅིང་བཟླས་བརྗོད་བྱས་ན་སོས་པར་འགྱུར་རོ། །དྲན་པ་ཉམས་པའི་མདུན་དུ་བཟླས་བརྗོད་བྱས་ན་དྲན་པ་རྙེད་པར་འགྱུར་རོ། །བཀྲེས་པ་དང་སྐོམ་པའི་གདོང་དུ་བལྟས་ཏེ་བཟླས་
བརྗོད་བྱས་ན་ཕྱིད་པར་འགྱུར་རོ། །མི་ངས་ཆེན་པོ་བྱུང་ན་རས་ལ་བྲིས་ཏེ་རྒྱལ་མཚན་གྱི་རྩེ་མོར་བཏགས་ན་དཔག་ཚད་ཚུན་ཆད་མཚམས་གཅད་པ་དང་བསྲུང་བ་བྱས་པར་འགྱུར་རོ། །འཕགས་པ་ལུས་ཀྱི་དབྱིབས་མཛེས་པ་
ཞེས་བྱ་བའི་གཟུངས།  རྫོགས་སྷོ།། །། རྒྱ་གར་གྱི་མཁན་པོ་པྲ་ཛྙ་བར་མ་དང་། ཞུ་ཆེན་གྱི་ལོ་ཙྪ་བ་བན་དེ་ཡེ་ཤེས་སྡེས་བསྒྱུར་ཅིང་ཞུས་ཏེ་གཏན་ལ་ཕབ་པ། སྐར་མས་ཞུས་སོ།། ༄༅།  །བོད་སྐད་དུ། བྱང་ཆུབ་ཀྱི་སྙིང་པོའི་

106-1-259b

རྒྱན་འབུམ་གྱི་གཟུངས། སངས་རྒྱས་དང་། བྱང་ཆུབ་སེམས་དཔའ་ཐམས་ཅད་ལ་ཕྱག་འཚལ་ལོ། །ཨོཾ་ན་མོ་བྷ་ག་བཱ་ཏེ། བི་པུ་ལ་བ་ད་ན་ཀཱྃ་ཙ་ནོད་ཀྵིཔ་ཏ། པྲ་བྷཱ་ས་ཀེ་ཏུ་མུ་ཏ་ར་ཡེ། ཏ་ཐཱ་ག་ཏཱ་ཡ། ཨ་ཏེ། སམྱག་
སྃ་བུད་དྷཱ་ཡ། ན་མོ་བྷ་ག་བ་ཏེ་ཤཱཀྱ་མུ་ན་ཡེ། ཏ་ཐཱ་ག་ཏཱ་ཡ། ཨ་ཏེ། སམྱག་སྃ་བུད་དྷཱ་ཡ། ཏདྱ་ཐཱ། བོ་དྷི་བོ་དྷི། བོ་དྷི་ནི་བོ་དྷི་ནི། སརྦ་ཏ་ཐཱ་ག་ཏ་གོ་ཙ་རེ། དྷ་ར་དྷ་ར། ཧ་ར་ཧ་ར། པྲ་ཧ་ར་པྲ་ཧ་ར། མ་ཧཱ་བོ་དྷི་ཙིཏྟ་རེ། ཙུ་ལུ་ཙུ་ལུ། 
ཊ་རསྨི་སྃ་ཙོ་དི་ཏེ། སརྦ་ཏ་ཐཱ་ག་ཏཱ་བྷི་ཤིག་ཏེ། གུ་ཎེ་གུ་ཎ་བ་ཏེ། སརྦ་བུད་དྷ་ཎཱ་བ་བྷཱ་སེ། མི་ལི་མི་ལི། ག་ག་ན་ཏ་ལེ། སརྦ་ཏ་ཐཱ་ག་ཏ་ཨ་དྷི་ཏེ། ན་བྷ་སྟ་ལེ། ཤ་མ་ཤ་མ། པྲ་ཤ་མ་པྲ་ཤ་མེ།   
སརྦ་པཱ་པྃ་པྲ་ཤ་མ་ནེ། སརྦ་པཱ་པྃ་བི་ཤོ་དྷ་ནི། ཧུ་ལུ་ཧུ་ལུ། མ་ཧཱ་བོ་དྷི་མརྒ་སྃ་པྲ་ཏི་ཏི།  སརྦ་ཏ་ཐཱ་ག་ཏཱ་སུ་པྲ་ཏི་ཏེ་ཤུད་དྷེ་སྭཱ་ཧཱ། མུ་ལ་མན་ཏྲ། ༀ་སརྦ་ཏ་ཐཱ་ག་ཏ་བྱཱ་བ་ལོ་ཀི་ཏེ། ཛ་ཡ་ཛ་ཡ་སྭཱ་ཧཱ། ཧྲི་ད་ཡྃ། ཨོཾ་ཧུ་རུ་
ཧུ་རུ་ཛ་ཡ་མུ་ཁེ་སྭཱ་ཧཱ། ཨུ་པ་ཧྲི་ད་ཡྃ། ཨོཾ་བཛྲ་ཨ་ཡུ་ཥེ་སྭཱ་ཧཱ། དགེ་སློང་ངམ། དགེ་སློང་མའམ། དགེ་བསྙེན་ནམ། དགེ་བསྙེན་མའམ། གཞན་ཡང་རིགས་ཀྱི་བུའམ། རིགས་ཀྱི་བུ་མོ་གང་ལ་ལ་ཞིག་གིས་གཟུངས་
འདི་བྲིས་ཏེ། མཆོད་རྟེན་བྱས་ལ་མཆོད་རྟེན་དེའི་ནང་དུ་གཟུངས་འདི་བཅུག་ན། དེས་མཆོད་རྟེན་གཅིག་བྱས་ན་འབུམ་བྱས་པར་འགྱུར་རོ། །ལྷ་རྫས་ཀྱི་མེ་ཏོག་དང་། དྲི་དང་། ཕྲེང་བ་དང་། བྱུག་པ་དང་། ཕྱེ་མ་དང་། ན་བཟའ་
དང་། གདུགས་དང་། རྒྱལ་མཚན་དང་། བ་དན་ལ་སོགས་པས་ཀྱང་མཆོད་པར་འགྱུར་ཏེ། མཆོད་རྟེན་འབའ་ཞིག་མཆོད་པ་མ་ཡིན་གྱི། སངས་རྒྱས་དཀོན་མཆོག་དང་། ཆོས་དཀོན་མཆོག་དང་། དགེ་འདུན་དཀོན་མཆོག་
རྣམས་ལ་ཡང་མཆོད་པའི་ཡོ་བྱད་དེ་དག་གིས་མཆོད་པར་འགྱུར་རོ། །དགའ་བོ་ངས་མདོ་འདི་བཤད་པ་ནི་བསོད་ནམས་ཞན་པ་དང་། མ་དད་པ་དང་། ལྟ་བ་ལོག་པ་དང་། ཐེ་ཚོམ་ཟ་བ་དང་། མཚམས་མེད་པ་བྱེད་པ་དང་། 

106-1-260a

ཚེ་ཐུང་བ་དང་། སེམས་ཅན་དམྱལ་བ་དང་། བྱོལ་སོང་དང་། གཤིན་རྗེའི་འཇིག་རྟེན་དང་། མཚམས་མེད་པར་འགྲོ་བའི་སེམས་ཅན་དེ་ལྟ་བུ་དག་གི་ཕྱིར་གཟུངས་འདི་བཤད་དོ། །དགའ་བོ་ཕྱི་མའི་དུས་ཕྱི་མའི་ཚེ་ཁྱིམ་
ན་གནས་པ་དང་། དགེ་སློང་ལས་ཕལ་ཆེར་གཟུངས་འདི་མི་ཀློག་པ་དང་། མཆོད་པར་མི་བྱེད་པ་རྣམས་ཇི་ལྟར་ཁྱིམ་པ་རྣམས་སྡུག་བསྔལ་བར་བཤད་པ་དེ་བཞིན་དུ་རབ་ཏུ་བྱུང་བ་རྣམས་ཀྱང་སྡུག་བསྔལ་བར་འགྱུར་རོ། །
དེ་སྟེ་དེ་བཞིན་དུ་སངས་རྒྱས་མཆོད་ཅིང་འདི་ལས་ཉན་པས་མཆོད་རྟེན་གཅིག་བྱས་ན་ཆོས་ཀྱིས་བརྒྱན་པ་བརྒྱད་ཁྲི་བཞི་སྟོང་རྣམས་ཀྱང་མཆོད་པར་འགྱུར་རོ། །གཞན་ཡང་བསོད་ནམས་ཀྱི་ཕུང་པོ་དཔག་ཏུ་མེད་པར་འགྱུར་
རོ། །སྡོང་པོས་བརྒྱན་པ་བཀླགས་ཤིང་ཁ་ཏོན་དུ་བྱས་པར་འགྱུར་རོ། །འཇིག་རྟེན་དང་། འཇིག་རྟེན་ལས་འདས་པའི་དཀྱིལ་འཁོར་དུ་ཡང་ཞུགས་པར་འགྱུར་རོ། །བྱང་ཆུབ་ཀྱི་སྙིང་པོའི་རྒྱན་འབུམ་ལས་བཏུས་པ་འབུམ་གྱི་
གཟུངས། རྫོགས་སྷོ།། །།སྐར་ཞུས།། ༄༅།  །བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རྣམ་པར་སྣང་མཛད་འོད་ཀྱི་རྒྱལ་པོ་ལ་ཕྱག་འཚལ་ལོ། །དེ་ལ་མཆོད་རྟེན་གཅིག་བཏབ་ན་བྱེ་
བ་བཏབ་པར་འགྱུར་བའི་སྔགས་དང་། ཆོ་ག་ནི་འཇིམ་པ་ལ་སོགས་པ་ཡོ་བྱད་ཐམས་ཅད་ལ་སྔགས་འདི་ལན་ཉི་ཤུ་རྩ་གཅིག་བཟླས་པར་བྱའོ། །ཨོཾ་ན་མོ་བྷ་ག་བ་ཏེ་བཻ་རོ་ཙ་ན་པྲ་བྷ་རཱ་ཛཱ་ཡ། ཏ་ཐཱ་ག་ཏཱ་ཡ། ཨ་ཏེ་སྃ་མྱཀ་སྃ་བུད་དྷཱ་
ཡ། ཏདྱ་ཐཱ། ཨོཾ་སཱུ་ཀྵ་མེ་སཱུ་ཀྵ་མེ་ས་མེ་ས་མ་ཡེ། ཤཱན་ཏེ་དཱན་ཏེ་ཨ་ས་མཱ་རོ་པེ་ཨ་ནཱ་ལྃ་བེ་ཏ་ར་ལྃ་བེ། ཡ་ཤོ་བ་ཏི། མ་ཧཱ་ཏི་ཛེ་ནི་རཱ་ཀུ་ལེ་ནི་ར་བཱ་ཎེ། སརྦ་བུད་དྷེ་ཨ་དྷིཥྛཱ་ན། ཨ་དྷི་ཏེ་སྭཱ་ཧཱ། ཙཻ་ཏྱ་འདེབས་པའི་འཇིམ་པའམ། སྔགས་
བྲི་བའི་ཚེ་ལན་བདུན་དུ་གདབ་པའི་སྔགས་ལ། ན་མཿས་མན་ཏ་བུད་དྷ་ནཱྃ།  ཨོཾ་བཛྲ་ཨ་ཡུ་ཥེ་སྭཱ་ཧཱ། འབི་འབིའི་སྔགས་ལ། ཨོཾ་བཛྲོད་བྷ་བ་ཡ་སྭཱ་ཧཱ། ཙཻ་ཏྱ་ཕོར་བུའི་ནང་དང་། ས་ཚའི་ནང་དུ་ཕྱེ་མ་གདབ་པའམ། འབྲུ་མར་བྱུག་པའི་

106-1-260b

སྔགས་ལ། ཨོཾ་ཨ་ར་ཛེ་བི་ར་ཛེ་སྭཱ་ཧཱ། ཕྱག་རྒྱའམ། སྔགས་གཞུག་པའི་སྔགས་ལ། ཨོཾ་དྷརྨ་དྷཱ་ཏུ་གར་བྷེ་སྭཱ་ཧཱ། །ཙི་ཏྱ་ཕོར་བུར་འབི་འབི་གཞུག་པའི་སྔགས་ལ། ཨོཾ་བཛྲ་དྷཱ་ཏུ་གར་བྷེ་སྭཱ་ཧཱ། ཐོ་བས་རྡེག་ཅིང་གདབ་པའི་སྔགས་ལ། ཨོཾ་བཛྲ་
མུད་ཀ་ར་ཨ་ཀོ་ཊ་ཡ་ཧཱུྃ་ཕཊ་སྭཱ་ཧཱ། ཙཻ་ཏྱ་ཕོར་བུ་ནས་ཕྱིར་དབྱུང་བའི་སྔགས་ལ། ཨོཾ་དྷརྨ་ར་ཏེ་སྭཱ་ཧཱ། འཁོར་ལོ་དང་། དབུ་ཞུ་གསོལ་བའི་སྔགས་ལ། ༀ་བྷྲ་མ་ན་ཡེ་སྭཱ་ཧཱ། ཙཻ་ཏྱའི་དཀྱིལ་འཁོར་ལ་བཞུགས་པའི་སྔགས་ལ། ༀ་སུ་པྲ་
ཏིཥྛི་ཏ་བཛྲ་སྭཱ་ཧཱ། ཆོ་ག་དེ་ལྟར་བྱས་ན་ཙཻ་ཏྱ་བཏབ་པས་བྱེ་བ་བཏབ་པར་འགྱུར་རོ། །ཐམས་ཅད་དུ་སྐྱེ་བ་དྲན་པར་འགྱུར་རོ། །དཀྱིལ་འཁོར་བྱས་པའི་ལག་པ་འཇིམ་པ་ཅན་གྱིས་གང་ན་བར་བསྐུས་ན་ནད་མཛེའི་རྣམ་པ་བཅྭ་བརྒྱད་
ལ་སོགས་པ་ཐམས་ཅད་མ་ལུས་པར་ཞི་བར་འགྱུར་རོ། །མཆོད་རྟེན་གཅིག་བཏབ་ན་བྱེ་བ་བཏབ་པར་འགྱུར་བའི་གཟུངས། རྫོགས་སྷོ།། སྐར །།རྒྱ་གར་སྐད་དུ། ཨཱརྱ་ཙཱུ་ཌ་མ་ཎི་ནཱ་མ་དྷཱ་ར་ཎཱི། བོད་སྐད་དུ། འཕགས་པ་གཙུག་གི་
ནོར་བུ་ཞེས་བྱ་བའི་གཟུངས། སངས་རྒྱས་དང་། བྱང་ཆུབ་སེམས་དཔའ་དང་། འཕགས་པ་ཉན་ཐོས་དང་། རང་སངས་རྒྱས་ཐམས་ཅད་ལ་ཕྱག་འཚལ་ལོ། །དཀོན་མཆོག་གསུམ་ལ་ཕྱག་འཚལ་ལོ། །ཕྱོགས་བཅུའི་དེ་བཞིན་
གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཤེས་བྱ་མཐའ་ཡས་པ་མ་ལུས་པར་ཁྱབ་པ་མཆོག་ཏུ་རྨད་དུ་བྱུང་ཞིང་རྣམ་པར་དག་པའི་ཐུགས་མངའ་བ་རྣམས་ལ་ཕྱག་འཚལ་ལོ། །བྱང་ཆུབ་སེམས་དཔའ་
སེམས་དཔའ་ཆེན་པོ་འཕགས་པ་སྤྱན་རས་གཟིགས་དབང་ཕྱུག་ཐུགས་རྗེ་ཆེན་པོ་དང་ལྡན་པ། མི་འཇིགས་པ་སྦྱིན་པ། ཕོངས་པ་ཐམས་ཅད་ལས་ཡོངས་སུ་སྐྱོབ་པར་མཛད་པ། འཇིགས་པ་ཐམས་ཅད་ལས་རྣམ་པར་ཐར་
པར་མཛད་པ། ཡམས་ཀྱི་ནད་དང་། གནོད་པ་ཐམས་ཅད་འཇིག་པར་མཛད་པ། མི་མཐུན་པ་དང་། རྩོད་པ་དང་། འཐབ་པ་དང་། འགྱེད་པ་ཐམས་ཅད་རབ་ཏུ་ཞི་བར་མཛད་པ། སྡིག་པ་ཐམས་ཅད་འཇིག་པར་མཛད་པ། 

106-1-261a

འབྱུང་པོ་དང་། རོ་ལངས་དང་། གཤིས་ངན་དུ་འཆི་བ་དང་། རྨི་ལམ་ངན་པ་དང་། བགེགས་ཀྱི་ལོག་འདྲེན་ཐམས་ཅད་འཇིག་པར་མཛད་པ། ཕ་རོལ་གྱི་དམག་ཚོགས་དང་། མུ་གེ་དང་། མྱ་ངན་གྱི་འཇིགས་པ་ཐམས་ཅད་བཟློག་པར་མཛད་
པ། ལྷ་དང་ཀླུ་དང་། གནོད་སྦྱིན་དང་། སྲིན་པོ་དང་། དྲི་ཟ་དང་། ལྷ་མ་ཡིན་དང་། ནམ་མཁའ་ལྡིང་དང་། མི་འམ་ཅི་དང་། ལྟོ་འཕྱེ་ཆེན་པོ་ཐམས་ཅད་འདུན་པར་མཛད་པ། དུག་དང་། འབྲུམ་ཕྲན་དང་། ཐོར་བུ་དང་། གཤེད་བྱེད་དང་། བྱད་དང་། 
རོ་ལངས་དང་། བཀྲ་མི་ཤིས་པའི་འཇིགས་པ་ཐམས་ཅད་འཇིག་པར་མཛད་པ་ལ་ཕྱག་འཚལ་ལོ། །གཤེད་བྱེད་ཐམས་ཅད་སེལ་བར་བྱེད། །སྡིག་པ་ཐམས་ཅད་འཕྲོག་པ་ཉིད། །ནོར་དང་འབྲུ་རྣམས་འཕེལ་མཛད་པ། །བདག་གི་བུ་
དང་ཚ་བོ་དང་། །གཡོག་འཁོར་རྟག་ཏུ་མང་གྱུར་པ། །ཕྱིར་བཟློག་པ་འདི་བརྗོད་པར་བྱ། །ལྷ་དང་ལྷ་མིན་གཡུལ་བཀྱེ་སྟེ། །བརྒྱ་བྱིན་ལྷ་མིན་རྣམས་ལས་ཕམ། །དེ་ནས་རིངས་པ་ཁོ་ནར་ནི། །འཇིག་རྟེན་དབང་གི་དྲུང་འོངས་ཏེ། །དེ་ནས་སྙིང་ནི་
རབ་སྐྲག་པས། །འདི་སྐད་ཀྱི་ནི་ཚིག་གསོལ་ཏོ། །ལྷ་མིན་བདག་ཕམ་འཇིག་རྟེན་དབང་། །ཇི་ལྟར་བདག་གིས་ནན་ཏན་བགྱི། །འཇིག་རྟེན་དབང་པོ་བདག་ལ་ནི། །ལྷ་ཡི་གཟིགས་པས་རྟག་ཏུ་གཟིགས། །བརྒྱ་བྱིན་གྱི་ནི་ཚིག་གསན་ནས། །
དབང་ཕྱུག་གིས་ནི་འདི་སྐད་གསུངས། །ལྷ་ཡི་དབང་པོ་ང་ལ་ཉོན། །ཁྱོད་ལ་ངས་ནི་བསྲུང་བ་སྦྱིན། །ལྷའི་དབང་པོ་སྔོན་བྱུང་བ་འདས་པའི་དུས་ན་འཇིག་རྟེན་གྱི་ཁམས་འཇིག་རྟེན་གྱིས་རྣམ་པར་བལྟས་པ་ཞེས་བྱ་བ་ན། དེ་བཞིན་
གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་འཇིག་རྟེན་དབང་ཕྱུག་འོད་ལས་ངས་གཙུག་གི་ནོར་བུ་ཞེས་བྱ་བའི་ཕྱིར་ཟློག་པ་དེ་བཞིན་གཤེགས་པ་བྱེ་བས་གསུངས་པ་བཟུང་ངོ་། །མཁས་པ་གང་
གིས་རིག་སྔགས་འདི། །བྲིས་ནས་སྤྱི་བོར་འདོགས་པའམ། །འདོན་ཏམ་འོན་ཏེ་ཀློག་ན་ཡང་། །དེ་ཡི་འཇིགས་པ་ཀུན་མེད་དེ། །རྟག་ཏུ་བསྲུང་ཞིང་སྦ་བ་དང་། །གཡུལ་འགྱེད་པ་ན་རྒྱལ་བར་བྱེད། །སྡིག་དང་

106-1-261b

རྨི་ངན་ཞི་བ་དང་། །བསོད་ནམས་བཀྲ་ཤིས་རབ་ཏུ་འཕེལ། །ལྷ་ཡི་དབང་པོ་དེ་བས་ན། །གང་ཞིག་རྒྱལ་བར་འགྱུར་འདོད་པས། །བྲིས་ཏེ་སྤྱི་བོར་གདགས་པར་བྱ། །ཡིད་ལ་རྟག་ཏུ་དྲན་པར་གྱིས། །གཡུལ་འགྱེད་འབའ་ཤིག་མ་ཡིན་ཏེ། །
འདི་ནི་རྟག་ཏུ་སྡིག་པ་འཕྲོག །བུད་མེད་རྣམས་ལ་བུ་ཕོ་སྐྱེད། །མངལ་ན་གནས་པ་ཡོངས་སུ་སྐྱོང་། །ཕུན་སུམ་ཚོགས་པ་ཐམས་ཅད་བྱེད། །སྡིག་པ་ཐམས་ཅད་རབ་ཏུ་འཇིག །འདི་མེད་ཕྱིར་ཟློག་བྱེད་ཅེས་བྱ། །ཡན་ལག་རྣམས་ལ་
ཕྱིར་འབབ་བྱེད། །ལྷའི་དབང་པོ་ཕྱིར་ཟློག་པ་ཞེས་བྱ་བ་རིག་སྔགས་ཀྱི་རྒྱལ་མོ་སེམས་ཅན་ཐམས་ཅད་ལ་ཕན་པར་བྱེད་ལྷ་མ་ཡིན་རྣམས་ཕམ་པར་བྱེད་པ། ཕ་རོལ་གྱི་དམག་ཚོགས་ཐམས་ཅད་རབ་ཏུ་ཞི་བར་བྱེད་པ་ཟུང་ཤིག །
སངས་རྒྱས་ལ་ཕྱག་འཚལ་ལོ། །ཆོས་ལ་ཕྱག་འཚལ་ལོ། །དགེ་འདུན་ལ་ཕྱག་འཚལ་ལོ། །ཡང་དག་པར་རྫོགས་པའི་སངས་རྒྱས་བདུན་ཉན་ཐོས་ཀྱི་དགེ་འདུན་དང་བཅས་པ། བྱང་ཆུབ་སེམས་དཔའ་དག་དང་བཅས་པ་རྣམས་ལ་
ཕྱག་འཚལ་ལོ། །ཏདྱ་ཐཱ། ཨོཾ་ཛ་ཡ་ཀ་རི། ཡུད་དྷྲོད་ཏ་ར་ནི་བི་ཙིད་ཏྲ་མུ་ཁི། སརྦ་མང་ག་ལ་དྷཱ་ར་ཎི། ཛཱི་མཱུ་ཏེ་ས་ཧ་སྲ་བྷུ་ཛེ། ས་ཧ་སྲ་ནེ་ཏྲེ། ས་ཧ་སྲ་ཤི་ར།  ནཱ་ན་ལང་ཀ་རཱ། བྷི་བྷཱུ་ཥྚེ་ཏེ། མ་ཎི་ཀུཎྜ་ལ་སན་ནཱ་ཧ་སན་དན་དྷེ་བི་ཙིད་ཏྲ་མཽ་ལ་དྷི་
རེ། ཙན་དྲ་སཱུརྱ་ཨ་ཏི་རེ་ཀེ་ཨཱ་ཀཱ་ཤ་ག་ག་ན་ཙ་རི་ནི།   མང་ག་ལ་ཤི་རེ་ཛཱི་མཱུ་ཏེ། པ་བིད་ཏྲ་ཀྲི་ཏ་མང་ག་ལེ།  བྷཱུ་རི་མ་ཀ་ར་ཎེ། ཙུ་རུ་ཙུ་རུ། ཤེ་ཏེ་པ་སྟེ་མུ་རུ་མུ་རུ་ཤེ་ཏེ། ཨ་བ་ནད་ཏེ།  ཧུ་རུ་ཧུ་རུ། པ་བིད་ཏྲ་མུ་ཁི། ཀུ་རུ་ཀུ་རུ། ཙན་དྲ་
མུ་ཁི། ཨཱ་དིད་ཏྱ་པ་ཤ་བརྟི་ནི། ཛམ་བྷ་ཎི། མང་ག་ལ་དྷཱ་ར་ཎི། སྟམ་བྷ་ནི། སརྦ་བིདྱཱ་དྷརྨཱ་ཏེ། མོ་ཧ་ནི།  ཨ་མོ་གྷ་པཱ་ཤ་ཧསྟེ། སརྦ་བྷ་ཡ་བི་མོ་ཙ་ནི། རཱ་ཛ་ཙོ་ར།  ཨག་ནི་བི་ཥ་ཨུ་ད་ཀ་བྷ་ཡ་པྲ་ཤ་མ་ནི་ཀ་ཁོར་རྡ་ནི་བ་ར་
ནི། ཨོཾ་ཧི་རི་ཧི་རི། ཛ་ཡ་ཀ་རི། བ་ལ་ཀ་རི། དྷ་ན་ཀ་རི། ཏེ་ཛ་སྐ་རི་བི་བཱ་བ།  པྲ་ཤ་མ་ནི་ཡུད་དྷ་ནི། པཱ་ར་ཎི། པ་ར་ཙཀྲ་པྲ་ཤ་མ་ནི། པ་ར་སཽ་ནྱ་བི་ནཱ་ཤ་ནི། ཡུད་དྷྲོད་ཏ་ར་ཎི། པྲ་བྷཱུ་ཏ་བེ་ལ། མ་ཎི་མ་ཎི། མ་ཧཱ་མ་ཎི་མ་ཧཱ་

106-1-262a

མ་ཎི། མ་ཎཱི་ན་དྷ་རི། ཏྲི་ལོ་ཀ་ཨཱ་ལོ་ཀ་ཀ་རི། ཏྲི་བུ་ར་ན་ག་ར། བི་དྷྭ་ན་ས་ནི་པ་ར་སེ།   ནྱ་བིད་དྲཱ་པ་ནི། སརྦ་ཀྲིད་ཏྱ་ཀརྨ་ཎི་སཱུ་ད་ནི། སརྦ་བྱཱ་དྷི་ནཱ་མ་རྦ་བ་པྲ་ཤ་མ་ནི། ཨོཾ་ཙི་ལེ་མི་ལེ་སྭཱ་ཧཱ། ཙི་ལེ་མི་ལེ་སྭཱ་ཧཱ། མི་ལི་མི་ལི་སྭཱ་ཧཱ། 
ཙི་ལི་ཙི་ལི་སྭཱ་ཧཱ། ཙ་ཁི་ལི་ཙ་ཁི་ལི་སྭཱ་ཧཱ། ཙཎ་ཌ་ལི་མི་ཊི་ནི་སྭཱ་ཧཱ། ཨཱུར་དྷ་ཀེ ། ཙཎ་ཌ་ལི་མི་ཊི་ནི་སྭཱ་ཧཱ།  ཨཱུར་དྷ་ཀེ ། ཤི་པིང་ག་ལེ། པིང་ག་ལ་ཀྵེ་ད་དྷི་མུ་ཁི་སྭཱ་ཧཱ། ཨོཾ་ཀ་ར་ཀ་ར། ཙ་ར་ཙ་ར། ས་ར་ས་ར། སི་རི་སི་རི། སུ་རུ་སུ་རུ། 
མུཉྩ་མུཉྩ། མུཉྩ་པ་ཡ། མུཉྩ་པ་ཡ། པྲ་ཤ་མ་ཡ། པྲ་ཤ་མ་ཡ། ཡུད་དྷྲོད་ཏ་ར་ཎི་ཕཊ། ཙིད་ཏ་ནིར་མ་ལ་ཀ་རི་ཕཊ། ཨ་སུ་ར་ནིར་གྷཱ་ཏ་ནི་ཕཊ། ཛ་ཡ་ཀ་རཱི་ཕཊ། པི་ཏི་ཀ་ར་ཕཊ། ས་ཧ་སྲ་ཤི་རེ་ཕཊ། ས་ཧ་སྲ་བྷུ་ཛེ་ཕཊ། ས་ཧ་སྲ་ནེ་ཏྲེ་ཕཊ། སརྦ་
བིདྱཱ་དྷ་ར་དྷ་ར་ན་མ་སྐྲི་ཏེ་ཕཊ། སརྦ་ཤ་ཏྲཱུ་ནཱ་ཤ་ནི་ཕཊ། སརྦ་བྷ་ཡ་བི་མོ་ཀྵ་ཎི་ཕཊ། པ་ར་ཙཀྲ་ནི་བ་ར་ནི་ཕཊ། པ་ར་སེནྱ་བི་དྲཱ་པ་ནི་ཕཊ། སརྦ་ཀྲིད་ཏྱ་ཀརྨ་སཱུ་ད་ནི་ཕཊ། སརྦ་བྱཱ་དྷི་པྲ་ཤ་མ་ནི་ཕཊ། སརྦ་གྲ་ཧོད་ས་ད་ནི་ཕཊ། རཀྵ་རཀྵ་མཱྃ་སརྦ་བུད་དྷ་
བོ་དྷི་སཏྭ་ནཱྃ། ས་མན་ཏ་བི་ཏྲཱི་ནཱྃ།   སོ་བསྟ་ཡ་ཀཱ་ནཱྃ།  ས་པ་རི་པཱ་རྭ་ནཱྃ། ཏེ་ཛོ་ས་མ་ཤ་རཱི་རན། སརྦ་བྷ་ཡོ་བ་དྲ་བེ་བྷྱཿ། སརྦ་ཡུད་དེ་བྷྱཿསརྦ་གྲ་ཧེ་བྷྱཿ། སརྦ་བྱཱ་དྷི་བྷྱཿ། སརྦ་དུསྐྲི་ཏེ་བྷྱཿ། སརྦ་ཀྲི་ཏྱ་ཀ་ཁོ་རྡོ་བྷྱཿ། སརྦ་བི་ཥེ་བྷྱཿསརྦ་ཀཱ་ཡ་ཙིད་ཏ་བི་
རཱ་དྷ་བྷྱ་ཤྩ། རཀྵ་རཀྵ་རཀྵ་མཱྃ་སྭཱ་ཧཱ། གཙུག་གི་ནོར་བུ་ཞེས་བྱ་བའི་ཕྱིར་ཟློག་པ་ལས་ཀྱི་སྒྲིབ་པ་ཐམས་ཅད་བྱང་བར་བྱེད་པ། ནད་ཐམས་ཅད་རབ་ཏུ་ཞི་བར་བྱེད་པ། ཐམས་ཅད་དུ་ཞི་བར་བྱེད་པ། བསོད་ནམས་ཐམས་
ཅད་སོགས་པར་བྱེད་པ། སངས་རྒྱས་དང་། བྱང་ཆུབ་སེམས་དཔའ་ཐམས་ཅད་ཡང་དག་པར་སྟོན་པར་བྱེད་པ། རྣམ་པ་ཐམས་ཅད་དུ་དཔལ་དུ་བྱེད་པ་སྟེ། ཡི་གེར་བྲིས་པ་དང་སྟོན་པ་དང་བཀླགས་པ་དང་བཟུང་བས་བདག་དང་གཞན་སྲུང་བ་
འོ། །དེ་བཞིན་དུ་ཁྲུས་བྱ་བ་དང་། སྦྱིན་བསྲེག་གིས་ཡམས་ཀྱི་ནད་དང་གནོད་པ་ཐམས་ཅད་རབ་ཏུ་ཞི་བར་བྱེད་པའོ། །འཕགས་པ་གཙུག་གི་ནོར་བུ་ཞེས་བྱ་བའི་གཟུངས། རྫོགས་སྷོ།། །།རྒྱ་གར་གྱི་མཁན་པོ་ཤཱི་ལེན་དྲ་བོ་

106-1-262b

དྷི་དང་། ཞུ་ཆེན་གྱི་ལོ་ཙྪ་བ་བན་དེ་ཡེ་ཤེས་སྡེས་བསྒྱུར་ཅིང་ཞུས་ཏེ་གཏན་ལ་ཕབ་པ། སྐར།། ༄༅།  །རྒྱ་གར་སྐད་དུ། ཨཱརྱ་དྷྭ་ཛ་ཨ་གྲ་ཀེ་ཡཱུ་ར་ནཱ་མ་དྷཱ་ར་ཎཱི། བོད་སྐད་དུ། འཕགས་པ་རྒྱལ་མཚན་གྱི་རྩེ་མོའི་དཔུང་རྒྱན་ཅེས་བྱ་བའི་གཟུངས། 
སངས་རྒྱས་དང་། བྱང་ཆུབ་སེམས་དཔའ་ཐམས་ཅད་ལ་ཕྱག་འཚལ་ལོ། །འདི་སྐད་བདག་གིས་ཐོས་པ་དུས་གཅིག་ན། བཅོམ་ལྡན་འདས་སུམ་བཅུ་རྩ་གསུམ་པའི་ལྷའི་ནང་ན་ལ་བ་དཀར་པོ་ལྟ་བུའི་རྡོ་ལེབ་ལ་བཞུགས་ཏེ། དེ་ནས་
ལྷའི་དབང་པོ་བརྒྱ་བྱིན་ལྷ་མ་ཡིན་རྣམས་ལས་ཕམ། རབ་ཏུ་ཕམ་ནས་དེ་བརྟད་ཅིང་རིངས་པའི་གཟུགས་ཀྱིས་བཅོམ་ལྡན་འདས་ག་ལ་བ་དེར་སོང་སྟེ་ཕྱིན་ནས་བཅོམ་ལྡན་འདས་ཀྱི་ཞབས་ལ་མགོ་བོས་ཕྱག་འཚལ་ཏེ་བཅོམ་ལྡན་འདས་ལ་འདི་
སྐད་ཅེས་གསོལ་ཏོ། །བཅོམ་ལྡན་འདས་བདག་འདི་ལྟར་ལྷ་མ་ཡིན་དང་གཡུལ་བཀྱེ་བ་ལས། ལྷ་མ་ཡིན་གྱི་དབང་པོ་ཐགས་ཟངས་རིས་ལས་ཕམ། རབ་ཏུ་ཕམ་སྟེ། སུམ་བཅུ་རྩ་གསུམ་པའི་ལྷ་རྣམས་ཀྱང་ཕམ། རབ་ཏུ་ཕམ་ན་
བཅོམ་ལྡན་འདས་བདག་ཅག་གིས་དེ་ལ་ཇི་ལྟར་བསྒྲུབ་པར་བགྱི། བཅོམ་ལྡན་འདས་ཀྱིས་བཀའ་སྩལ་པ། ལྷའི་དབང་པོ་ཁྱོད་ཀྱིས་རྒྱལ་མཚན་གྱི་རྩེ་མོའི་དཔུང་རྒྱན་ཅེས་བྱ་བ་གཞན་གྱིས་མི་ཐུབ་པའི་གཟུངས་ཟུང་ཤིག །ངས་
ཀྱང་སྔོན་བྱང་ཆུབ་སེམས་དཔར་གྱུར་པ་ན་དེ་བཞིན་གཤེགས་པ་གཞན་གྱིས་མི་ཐུབ་པའི་རྒྱལ་མཚན་ལས་འདི་མནོས་སོ། །མནོས་ནས་ཀྱང་གཞན་ལ་རྒྱ་ཆེར་ཡང་དག་པར་བཤད་དོ། །མངོན་བར་དྲན་ཏེ་དེ་ཚུན་ཆད་འཇིགས་པའམ། 
བག་ཚ་བའམ། སྤུ་ཟིང་ཞེས་བྱེད་པའམ། ཐ་ན་སྐད་ཅིག་ཡུད་ཙམ་ཡང་ལུས་ལ་གནོད་པ་བྱུང་མ་མྱོང་ངོ་། །བཅོམ་ལྡན་འདས་རྒྱལ་མཚན་གྱི་རྩེ་མོའི་དཔུང་རྒྱན་ཅེས་བགྱི་བ་གཞན་གྱིས་མི་ཐུབ་པའི་གཟུངས་དེ་གང་ལགས། བཅོམ་
ལྡན་འདས་ཀྱིས་བཀའ་སྩལ་པ། ཏདྱ་ཐཱ། ༀ་ཛ་ཡ་ཛ་ཡ། བི་ཛ་ཡ་བི་ཛ་ཡ། ཛ་ཡ་བཱ་ཧི་ནི། ཤང་ཀ་རི་ཤང་ཀ་རི། པྲ་བྷང་ཀ་རི། བདག་དང་སེམས་ཅན་ཐམས་ཅད་ཀྱི་སརྦ་ཤ་ཏྲཱུྃ། ཛྃ་བྷ་ཡ་ཛྃ་བྷ་ཡ། སྟམ་བྷ་ཡ་སྟམ་བྷ་ཡ། 

106-1-263a

མོ་ཧ་ཡ་མོ་ཧ་ཡ། བྷ་ག་བ་ཏི། ཛ་ཡ་བཱ་ཧི་ནི། མ་ཐཱ་མ་ཐཱ། པྲ་མ་ཐཱ་པྲ་མ་ཐཱ། གྲ་ས་གྲ་ས། ཧ་ས་ཧ་ས། ཧཱུྃ་ཧཱུྃ། ལ་ཧཱུྃ་ལ་ཧཱུྃ། ལམ་བོ་དྷ་རི། ཧྲེ་ནེ་ཧྲེ་ནེ། ཙ་ཏུར་བཱག་དྲེ། ཙ་ཏུར་དྃཥྚེ། ཙ་ཏུར་བྷུ་ཛེ། ཨ་སི་མུ་ས་ལ། ཙཀྲ། ཏྲི་ཤཱུ་ལ། བཛྲ་ཀ་བཛྲ་དྷ་
རི། བདག་གནོད་པ་ཐམས་ཅད་ལས་སྲུངས་ཤིག་སྲུངས་ཤིག །ཨོཾ་བྷ་ག་བ་ཏི། ཧ་ན་ཧ་ན། ད་ཧ་ད་ཧ། པ་ཙ་པ་ཙ། མ་ཐཱ་མ་ཐཱ། པྲ་མ་ཐཱ་པྲ་མ་ཐཱ། དྷུ་ན་དྷུ་ན། བི་དྷུ་ན་བི་དྷུ་ན། ཧཱུྃ་ཧཱུྃ། ཕཊ་ཕཊ། བྷཉྫ་བྷཉྫ། པ་ར་སེ་ནྱྃ།  བི་དྷྭན་ས་ཡ། སརྦ་
ཤ་ཏྲཱུྃ་ནཱ་ཤ་ཡ། དྷྭ་ཛ་ཨ་གྲ་ཀེ་ཡཱུ་རེ། ཏྲི་ཊ་ཏྲི་ཊ་ཏྲི་ཊ། བྷྲི་ཊ་བྷྲི་ཊ། ཨུ་ལ་ཀཱ་མུ་ཁི་ཨུ་ལ་ལ་དྷཱ་ར་ཎཱི། ཏྲཻ་ལོ་ཀྱ་མ་ཐཱ་ནི། བི་དྷྭན་ས་ཡ་པ་ར་སེ་ནྱན། བདག་གནོད་པ་ཐམས་ཅད་ལས་སྲུངས་ཤིག་སྲུངས་ཤིག །ཙ་ལ་ཙ་ལ། ཙི་ལི་ཙི་ལི། ཙུ་ལུ་
ཙུ་ལུ། ཀྃ་པ་ཀྃ་པ། ཀ་ལ་ཀ་ལ། ཀི་ལི་ཀི་ལི། ཀུ་ལུ་ཀུ་ལུ། མུཉྩ་མུཉྩ། ཨད་ཊ་ཧཱ་སམ་བི་དྷྭན་ས་ཡ།  པ་ར་སེ་ནྱན། བདག་གནོད་པ་ཐམས་ཅད་ལས་སྲུངས་ཤིག་སྲུངས་ཤིག །ཏྲཱ་ས་ཡ་ཏྲཱ་ས་ཡ། བྷྲཱ་མ་ཡ་བྷྲཱ་མ་ཡ། བུད་དྷ་ས་ཏྱེ་ན། 
དྷརྨ་ས་ཏྱེ་ན། སང་གྷ་ས་ཏྱེ་ན། ས་ཏྱ་བཱ་ཏི་ནཱྃ། ས་ཏྱེ་ན། བུད་དྷ་ས་ཏྱེ་མ་ཏི་ཀྲ་མ། དྷརྨ་ས་ཏྱ་མ་ཏི་ཀྲ་མ། སང་གྷ་ས་ཏྱ་མ་ཏི་ཀྲ་མ། སཏྱ་བཱ་ཏི་ནཱྃ། ས་ཏྱ་མ་ཏི་ཀྲ་མ། ལམ་བོ་དྷ་རི། ལམ་པོ་དྷ་རི། ཀུ་ཊ་ཀུ་ཊ། ཀུད་ཊ་ཀུད་ཊ་ཀུད་ཊ། ཀུད་ཊ་
པཱ་ཡ་ཀུད་ཊ་པཱ་ཡ། རུད་དྲ་མ་ནཱ་ཡ། བིཥྞུ་མཱ་ནཱ་ཡ། ཙན་དྲ་སཱུརྱ་པཱ་ནཱ་ཏྲཻ་ལོ་ཀྱ་ཨ་དྷི་པ་ཏི་མ་ནཱ་ཡ། སརྦ་དེ་བ་ཨ་དྷི་པ་ཏི་མཱ་ནཱ་ཡ། སརྦ་ཡཀྵ། རཱཀྵ་ས། གན་དྷརྦཱ། ཀུྃ་བྷཎ་ཌ།  མ་ཧོ་ར་གཱ་ཨ་དྷི་པ་ཏི་མ་ནཱ་ཡ། བི་དྷྭན་ས་ཡ་པ་ར་
སེ་ནཱྃ། རང་ག་རང་ག །རང་གཱ་པ་ཡ་རང་གཱ་པ་ཡ། ཛཱ་ལ་ཛཱ་ལ། པུཥྤ་མཱ་ལི་ནི། རུན་དྷ་རུན་དྷ། རི་ཏི་རི་ཏི། ཙི་ཏི་ཙི་ཏི། དྷྲི་ཏི་དྷྲི་ཏི། དྷྲི་ཀུ་ཊི།  མུ་ཁ་པ་ར་སེ་ན་ཀུ་ལོད་སཱ་དྷ་ནི་ཀ་རི། ཧ་ལ་ཧ་ལ། ཧི་ལི་ཧི་ལི། ཧུ་ལུ་ཧུ་ལུ། ཧེ་ཧེ། རི་ཎི་
རི་ཎི། རི་ཎི་མ་ཏི། ཛྃ་བྷ་དྷྭ་ཛེ། སརྦ་བུད་དྷ་ཨ་བ་ལོ་ཀི་ཏེ། བདག་འཇིགས་པ་ཐམས་ཅད་ལས་སྲུངས་ཤིག་སྲུངས་ཤིག །སརྦ་ཏ་ཐཱ་ག་ཏ་ཨ་བ་ལོ་ཀི་ཏེ་སྭཱ་ཧཱ། གུ་ཎ་རཱ་ཛ་པྲ་བྷཱ་སོད་ཏ་མེ་སྭཱ་ཧཱ། སཱུརྱ་ཨརྐ་བི་མ་ལེ་སྭཱ་ཧཱ། ཙན་དྲ་

106-1-263b

ཨརྐ་བི་མ་ལེ་སྭཱ་ཧཱ། སརྦ་གྲ་ཧ་ནཀྵ་ཏྲ་དྷེ་མཱི་ཀ་ར་ཎེ་སྭཱ་ཧཱ། བདག་འཇིགས་པ་དང་གནོད་པ་དང་ནད་འགོ་བ་དང་འཁྲུག་པ་ཐམས་ཅད་ལས་སྲུངས་ཤིག་སྲུངས་ཤིག་སྭཱ་ཧཱ། ལྷའི་རྒྱལ་པོ་རྒྱལ་མཚན་གྱི་རྩེ་མོའི་དཔུང་རྒྱན་ཞེས་བྱ་བ་
གཞན་གྱིས་མི་ཐུབ་པའི་གཟུངས་འདིས་ཁྱོད་གཡུལ་སྤྲོད་པའམ། འཐབ་པའམ། རྩོད་པའམ། འགྱེད་པའམ། གང་དུ་འགྲོ་ཡང་རུང་སྟེ་མི་འཇིགས་ཤིང་ཐམས་ཅད་དུ་རྒྱལ་བར་འགྱུར་རོ། །རྒྱལ་མཚན་གྱི་རྩེ་མོའམ། མགུལ་དུ་བཏགས་
ན་མིའི་རྒྱལ་པོ་དང་། སྐྱེས་བུ་དཔའ་བོ་ཐམས་ཅད་ལ་སྲུང་བར་བྱེད་དོ། །བུད་མེད་ཀྱི་གཟུགས་ལྟ་བུར་བསྒྱུར་ནས་མདུན་དུ་འདུག་སྟེ་མི་འཇིགས་པ་སྦྱིན་ཞིང་སྲུང་བར་བྱེད། དཔལ་སྐྱེད་པར་བྱེད། ཕ་རོལ་གྱི་སྡེ་དཔའ་གོང་བར་བྱེད། བཀྲ་ཤིས་
པ་དང་། གཙང་བ་དང་། གྲགས་པ་དང་། དཔལ་དང་། ཕུན་སུམ་ཚོགས་པ་ཀུན་དུ་གནས་པར་བྱེད་དོ། །བཅོམ་ལྡན་འདས་ཀྱིས་དེ་སྐད་ཅེས་བཀའ་སྩལ་ནས། ལྷའི་དབང་པོ་བརྒྱ་བྱིན་དང་། ལྷ་དང་། མི་དང་། ལྷ་མ་ཡིན་དང་། 
དྲི་ཟར་བཅས་པའི་འཇིག་རྟེན་ཡི་རངས་ཏེ། བཅོམ་ལྡན་འདས་ཀྱིས་གསུངས་པ་ལ་མངོན་པར་བསྟོད་དོ། །འཕགས་པ་རྒྱལ་མཚན་གྱི་རྩེ་མོའི་དཔུང་རྒྱན་ཅེས་བྱ་བའི་གཟུངས།  རྫོགས་སྷོ།། །། རྒྱ་གར་གྱི་མཁན་པོ་ཛི་ན་མི་ཏྲ་དང་། 
དཱ་ན་ཤཱི་ལ་དང་། ཞུ་ཆེན་གྱི་ལོ་ཙྪ་བ་བན་དེ་ཡེ་ཤེས་སྡེས་བསྒྱུར་ཞིང་ཞུས་ཏེ། སྐད་གསར་ཆད་ཀྱིས་ཀྱང་བཅོས་ནས་གཏན་ལ་ཕབ་པ། སྐར་ཞུས།། ༄༅།  །རྒྱ་གར་སྐད་དུ།  ཨཱརྱ་ཀཱ་ན་ཀ་བ་ཏི་ནཱ་མ་དྷཱ་ར་ཎཱི། བོད་སྐད་དུ།  འཕགས་པ་གསེར་ཅན་
ཞེས་བྱ་བའི་གཟུངས། སངས་རྒྱས་དང་། བྱང་ཆུབ་སེམས་དཔའ་ཐམས་ཅད་ལ་ཕྱག་འཚལ་ལོ། །འདི་སྐད་བདག་གིས་ཐོས་པ་དུས་གཅིག་ན། བཅོམ་ལྡན་འདས་ལྷས་མ་ལྟ་བུ་ན་གནོད་སྦྱིན་གྱི་སྡེ་དཔོན་ཆེན་པོ་ལག་ན་རྡོ་རྗེ་དང་ཐབས་
གཅིག་ཏུ་བཞུགས་ཏེ། དེ་ནས་ལྷའི་དབང་པོ་བརྒྱ་བྱིན་བཅོམ་ལྡན་འདས་ག་ལ་བ་དེར་སོང་སྟེ་ཕྱིན་ནས། བཅོམ་ལྡན་འདས་ཀྱི་ཞབས་ལ་མགོ་བོས་ཕྱག་འཚལ་ཏེ་ཕྱོགས་གཅིག་ཏུ་འདུག་གོ། །ཕྱོགས་གཅིག་ཏུ་

106-1-264a

འདུག་ནས་ལྷའི་དབང་པོ་བརྒྱ་བྱིན་གྱིས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས་བདག་གཡུལ་ངོར་མཆིས་ཏེ་གཡུལ་འགྱེད་པ་ན། ལྷ་མ་ཡིན་གྱི་སྒྱུ་དང་། རིག་སྔགས་རྣམས་དང་། གསང་སྔགས་དང་། སྨན་དག་གིས་
ཕམ་པར་གྱུར་པ་མཁྱེན་ལགས་སམ། བཅོམ་ལྡན་འདས་བདག་ཅག་རྗེས་སུ་གཟུང་བ་དང་། བདག་ཅག་ལ་ཐུགས་བརྩེ་བ་དང་། ལྷ་མ་ཡིན་རྣམས་ཀྱི་སྒྱུ་དང་། རིག་སྔགས་དང་། གསང་སྔགས་དང་། སྨན་རབ་ཏུ་གཞོམ་པ་དང་། རབ་ཏུ་གཞིག་པའི་སླད་དུ་
རྣམ་པར་རྒྱལ་བ་ཆེན་པོའི་གསང་སྔགས་ཆེན་པོ་ལེགས་པར་བསྟན་དུ་གསོལ། དེ་ནས་བཅོམ་ལྡན་འདས་ཀྱིས་ལྷའི་དབང་པོ་བརྒྱ་བྱིན་ལ་འདི་སྐད་ཅེས་བཀའ་སྩལ་ཏོ། །ཀཽ་ཤི་ཀ་དེ་དེ་བཞིན་ནོ། །ལྷ་མ་ཡིན་དང་གཡུལ་སྤྲད་པ་ན་རིག་སྔགས་རྣམས་དང་། 
གསང་སྔགས་རྣམས་དང་། སྨན་རྣམས་ཀྱིས་ཕམ་པ་དེ་དེ་བཞིན་ཏེ། ཀཽ་ཤི་ཀ་སྙིང་བརྩེ་བའི་ཕྱིར་ད་འདིར་རིག་སྔགས་བརྗོད་པར་བྱ་སྟེ། སྒྱུ་ཐམས་ཅད་རེངས་པར་བྱེད་པ། རིག་སྔགས་ཐམས་ཅད་ཟློག་བ། གསང་སྔགས་ཐམས་ཅད་རེངས་པར་བྱེད་པ། འཐབ་
པ་དང་། རྩོད་པ་དང་། མཚང་འདྲུ་བ་དང་། ཐབ་མོ་དང་། འགྱེད་པ་ཐམས་ཅད་རབ་ཏུ་ཞི་བར་བྱེད་པ། གསང་སྔགས་དང་། སྨན་ཐམས་ཅད་གཅོད་པའི་རིག་སྔགས་བཤད་པར་བྱའོ། །དེ་ནས་བཅོམ་ལྡན་འདས་ཀྱིས་དེའི་ཚེ་རིག་སྔགས་ཆེན་པོ་གསེར་ཅན་བཀའ་
སྩལ་པ། གང་བསྐལ་པ་གྲངས་མེད་པ་གསུམ་དུ་གཞན་མུ་སྟེགས་ཅན་སྤྱོད་པ་པ་དང་། ཀུན་ཏུ་རྒྱུ་བ་དང་། གཅེར་བུ་པ་རྣམས་ཀྱིས་ངན་དུ་བསམས་ཤིང་བར་ཆད་དུ་བྱས་པ་ལས་ངས་དེ་ཚུན་ཆད་སྒྱུ་དང་ལྡན་པ་རྣམས་ཀྱི་རིག་སྔགས་ཐམས་ཅད་བཟློག་ནས་ཕ་
རོལ་ཏུ་ཕྱིན་པ་དྲུག་ཡོངས་སུ་རྫོགས་པར་བྱས་ཏེ། གཞན་མུ་སྟེགས་ཅན་སྤྱོད་པ་པ་དང་། ཀུན་དུ་རྒྱུ་དང་། གཅེར་བུ་པ་དང་། འཚེ་བ་རྣམས་ཀྱི་སྒྱུ་དང་། རིག་སྔགས་དང་། གསང་སྔགས་དང་། སྨན་དང་། བདུད་ཀྱི་སྡེ་ཐམས་ཅད་རབ་ཏུ་འཇོམས་པའི་རིག་པ་ཆེན་མོ་དེ་ངས་
བཤད་པར་བྱས། ཀཽ་ཤི་ཀ་ཁྱོད་ཀྱིས་སེམས་ཅན་ཐམས་ཅད་རྗེས་སུ་གཟུང་བའི་ཕྱིར་གསང་སྔགས་ཆེན་མོ་རྣམ་པར་རྒྱལ་བ་ཆེན་མོ་ཟུང་ཤིག །བཅོམ་ལྡན་འདས་དེ་བཞིན་ནོ་ཞེས་གསོལ་ཏེ་ལྷའི་དབང་པོ་བརྒྱ་བྱིན་བཅོམ་ལྡན་འདས་ཀྱི་ལྟར་ཉན་པ་དང་། དེ་ནས་

106-1-264b

བཅོམ་ལྡན་འདས་ཀྱིས་དེའི་ཚེ་རིག་སྔགས་ཆེན་མོ་གསེར་ཅན་འདི་དག་བཀའ་སྩལ་ཏོ། །ཏདྱ་ཐཱ། ཨོཾ་ཧི་ནི་ཧི་ནི། ཧི་ལི་ཧི་ལི། ཧི་ལི་ཧི་ལི།  མི་ལི་མི་ལི། ཧི་ལི་མི་ལི། ནི་ཧི་ནི་ཧི། ནི་ཧི་ར་བི་ནི། ཀཱཉྩ་ནཱ་པ་ཏི། ལོ་ཀཱ་མཱ་ཏེ་བྷུ་ཏེ་བྷཱུ་ཀུ་ཏ་མན་ཏྲ། ཨ་དྷི་ཀྲི་
ཏེ། བེ་དེ་བེ་དེ་བེ་ཏ་མན་ཏྲ་ཨ་དྷི་ཀྲི་ཏེ། ཧ་ན་ཧ་ན། ཧ་ས་ཧ་ས། ཚིན་དྷ་ཚིན་དྷ།  བྷིན་དྷ་བྷིན་དྷ།  བྷ་ག་བཱ་ཏི། ཛ་ཡེ་བི་ཛ་ཡེ། ཛམ་བྷ་ནི། སྟམ་བྷ་ནི། བན་དྷ་ནི། མོ་ཧ་ནི། ཨ་མོ་གྷ་ཤག་ཏི་དྷཱ་ར་ཎི། གྲིཎ་གྲིཎ།  ཀཱ་ཌ་མ་མཱ་ན་སི། ཛམ་བྷ་ཡ་ཛམ་བྷ་ཡ། བྷཉྩ་ཡ་བྷཉྩ་ཡ། 
སྟམ་བྷ་ཡ་སྟམ་བྷ་ཡ། བན་དྷ་ཡ་བན་དྷ་ཡ། མོ་ཧ་ཡ་མོ་ཧ་ཡ། ལྷའི་སྒྱུ་དང་། ཀླུའི་སྒྱུ་དང་། གནོད་སྦྱིན་གྱི་སྒྱུ་དང་། སྲིན་པོའི་སྒྱུ་དང་། ནམ་མཁའ་ལྡིང་གི་སྒྱུ་དང་། དྲི་ཟའི་སྒྱུ་དང་། ལྷ་མ་ཡིན་གྱི་སྒྱུ་དང་། མི་འམ་ཅིའི་སྒྱུ་དང་། ལྟོ་འཕྱེ་ཆེན་
པོའི་སྒྱུ་དང་། རིག་སྔགས་འཆང་གི་སྒྱུ་དང་། རིག་སྔགས་འཆང་གྲུབ་པའི་རྒྱལ་པོའི་སྒྱུ་དང་། དྲང་སྲོང་གི་སྒྱུ་དང་། སེམས་ཅན་དང་། རིག་སྔགས་འཆང་ཐམས་ཅད་ཀྱི་སྒྱུ་དང་། འབྱུང་པོའི་སྒྱུ་དང་། སྒྱུ་ཐམས་ཅད། ར་ལ་ར་ལ། རད་ཛ་རད་ཛ།  
དྷུ་མ་དྷུ་མ། དྷུ་དྷུ་མ། རཱ་བ་རཱ་བ།  རཱ་བ་ན་ཙཀྲུ་ན་ཏ་ན། གྲཱན་ཐ་ནི། ཧ་ན་ཧ་ན། སརྦ་བིདྱཱ། ཤ་ཏྲཱུྃ་ནཱྃ།  སྟམ་བྷ་ཡ། བྷ་ཡུན་སྟམ་བྷ་ཡ། སཱུརྱཱན་སྟམ་བྷ་ཡ། སོ་ནམ་སྟམ་བྷ་ཡ། བ་རུ་ཎཱན་སྟམ་བྷ་ཡ། ཨག་ནི་ན་སྟམ་བྷ་ཡ། ཨུད་ད་ཀན་དྷི་ཏི་དྷི་ཏི། 
དྷཱ་ར་ཎཱི་པཱ་ཤ་ཧསྟེ། བེཥྚ་ཡ་པཱ་ཤ་ནེ། གང་དག་བདག་ལ་ཕྱིར་རྒོལ་བ་རྣམས་དང་། དགྲ་རྣམས་དང་། སྡང་བ་དང་། རབ་ཏུ་སྡང་བའི་སེམས་དང་ལྡན་པ་རྣམས་དང་། འཐབ་པ་དང་། རབ་ཏུ་འཐབ་པ་དང་། མི་ཕན་པར་འདོད་པ་ཐམས་ཅད། ཧ་ན་ཧ་ན། 
ད་ཧ་ད་ཧ། པ་ཙ་པ་ཙ། བྷཉྩ་ཡ་བྷཉྩ་ཡ། ཛྃ་བྷ་ཡ་ཛྃ་བྷ་ཡ། སྟམ་བྷ་ཡ་སྟམ་བྷ་ཡ། བན་དྷ་ཡ་བན་དྷ་ཡ། མོ་ཧ་ཡ་མོ་ཧ་ཡ། མ་ཧཱ་མོ་ཧ་ནི། བྷ་ག་བ་ཏི་སྭཱ་ཧཱ། བདག་འཇིགས་པ་དང་། གནོད་པ་དང་། ནད་འགོ་བ་ཐམས་ཅད་ལས་སྲུངས་ཤིག་
སྲུངས་ཤིག་ཕཊ་སྭཱ་ཧཱ། ཀཽ་ཤི་ཀ་རིགས་ཀྱི་བུའམ། རིགས་ཀྱི་བུ་མོའམ། རྒྱལ་པོའི་བློན་པོ་ཆེན་པོ་གང་ལ་ལ་ཞིག་གསེར་ཅན་གྱི་རིག་སྔགས་འདི་རྗེས་སུ་དྲན་པར་བྱེད་ན་དེ་ལ་ཕ་རོལ་གྱི་འཇིགས་པ་མི་འབྱུང་ངོ་། །དེའི་སྡེ་ལ་ཕ་རོལ་གྱི་

106-1-265a

དམག་ཚོགས་ཀྱིས་མི་ཚུགས་སོ། །ལྷས་མ་ཡིན། ཀླུས་མ་ཡིན། གནོད་སྦྱིན་གྱིས་མ་ཡིན། སྲིན་པོས་མ་ཡིན། དྲི་ཟས་མ་ཡིན། ལྷ་མ་ཡིན་གྱིས་མ་ཡིན། ནམ་མཁའ་ལྡིང་གིས་མ་ཡིན། མི་འམ་ཅི་ཡིས་མ་ཡིན། རིག་སྔགས་འཆང་
གིས་མ་ཡིན། མཁའ་འགྲོ་མས་མ་ཡིན། དུས་མ་ཡིན་པར་འཆི་བས་འཆི་བའི་དུས་བྱེད་པར་མི་འགྱུར། རིག་སྔགས་དང་། གསང་སྔགས་དང་། སྨན་རྣམས་ཀྱིས་མི་ཚུགས། ཕ་རོལ་གྱི་དམག་ཚོགས་ཀྱིས་མི་ཚུགས། ཕ་རོལ་གྱི་དམག་
ཚོགས་ཀྱིས་འཆི་བའི་དུས་བྱེད་པར་མི་འགྱུར། ལུས་ལ་མཚོན་གྱིས་མི་ཚུགས། ལུས་ལ་མེ་དང་། ཆུ་དང་། དུག་དང་། རིག་སྔགས་དང་། གསང་སྔགས་དང་། སྨན་རྣམས་ཀྱིས་མི་ཚུགས་སོ། །གང་གིས་སྡིག་པ་བྱས་པ་དང་། བྱེད་དུ་བཅུག་
པ་དང་། རྗེས་སུ་ཡི་རང་བ་དེ་ཉིད་ལ་སླར་འབབ་པར་འགྱུར། དེ་ཉིད་དུ་སླར་འགྲོ་བར་འགྱུར་རོ། །ཀཽ་ཤི་ཀ་དེ་ལྟ་བས་ན་དད་པའི་དགེ་སློང་ངམ། དགེ་སློང་མའམ། དགེ་བསྙེན་ནམ། དགེ་བསྙེན་མའམ། རིགས་ཀྱི་བུའམ། རིགས་ཀྱི་བུ་
མོས་རིག་སྔགས་འདིས་ཆུ་ལ་ལན་བདུན་བཟླས་ཏེ་བདག་གི་ལུས་ལ་བྱུགས་ན་བདག་གི་ལུས་བསྲུངས་བར་འགྱུར་རོ། །འཇིགས་པ་ཐམས་ཅད་དང་། གནོད་པ་ཐམས་ཅད་དང་། ཡམས་ཀྱི་ནད་དང་། ནད་འགོ་བ་ཐམས་ཅད་དང་། 
རིག་སྔགས་ཐམས་ཅད་དང་། གསང་སྔགས་དང་། སྨན་ཐམས་ཅད་དང་། བྱད་ཐམས་ཅད་ལས་ཤིན་ཏུ་འདའ་བར་འདོད་པས་གསེར་ཅན་གྱི་རིག་སྔགས་འདི་དྲན་པར་བྱའོ། །རྒྱལ་པོའམ། རྒྱལ་པོའི་བློན་པོ་ཕ་རོལ་གྱི་དམག་ཚོགས་
གཞོམ་པ་དང་། ཕ་རོལ་གྱི་དམག་ཚོགས་གདུལ་བར་འདོད་པས་གསེར་ཅན་གྱི་རིག་སྔགས་འདི་དྲན་པར་བྱའོ། །ལན་བདུན་བཟླས་ཏེ་མདུད་པ་བདུན་བོར་བའི་སྲད་བུ་གདགས་པར་བྱ་བའམ། ཆུ་ལ་ལན་བདུན་བཟླས་པས་བདག་
བསྲུང་བར་བྱའོ། །འཇིགས་པ་ཐམས་ཅད་ལ་ཐོགས་པ་མེད་པའི་གཟུངས་ཡི་གེར་བྲིས་ཏེ་བཅང་བར་བྱ། མགུལ་དུ་གདགས་པར་བྱའོ། །ཡི་གེར་བྲིས་ནས་རྒྱལ་མཚན་གྱི་རྩེ་མོ་ལ་བཏགས་ཏེ་གཡུལ་དུ་ཞུགས་ན་དགེ་བ་དང་བདེ་བར་

106-1-265b

ཐར་བར་འགྱུར་རོ། །རིག་སྔགས་འདིའི་སྟོབས་ཀྱིས་ནང་མི་དང་། གཡོག་འཁོར་དང་། སྡེ་དང་བཅས་ཏེ་དགེ་བ་དང་བདེ་བར་རྒལ་བར་འགྱུར་རོ། །མ་གྲུབ་པ་རྣམས་ཀྱང་གྲུབ་པར་འགྱུར་རོ། །རིག་སྔགས་རེངས་པར་བྱེད་པར་འདོད་པས་སྲད་
བུ་དཀར་པོ་ལ་ལན་བདུན་བཟླས་ཏེ་མདུད་པ་བདུན་བོར་ན་བཅིངས་པ་དང་རེངས་པར་བྱས་པར་འགྱུར་རོ། །སྒྱུ་རེངས་པར་བྱེད་པར་འདོད་པས་དུར་ཁྲོད་ཀྱི་ས་ལ་ལན་བདུན་བཟླས་ཏེ་གཏོར་ན་སྒྱུ་རེངས་པར་བྱས་པར་འགྱུར་རོ། །འགྱེད་པའི་ཚེ་
ཁ་ལྐུག་པར་བྱེད་པར་འདོད་པས་ཟིན་ཐིག་ལེ་ལ་ལན་བདུན་བཟླས་ཏེ་འཆོས་ན་སྨྲ་བ་ཐམས་ཅད་ཀྱི་ལན་ཐེབས་པར་འགྱུར་རོ། །བཀླག་པར་བྱ། ཁ་ཏོན་དུ་བྱ། བརྗོད་པར་བྱ་སྟེ། བརྗོད་པ་ཙམ་གྱིས་སྡིག་པ་ཐམས་ཅད་རབ་ཏུ་ཞི་བར་འགྱུར་
རོ། །གང་གིས་བྱས་པར་གྱུར་བ་དང་། གང་གིས་བསམས་པར་གྱུར་པ་དེ་ཉིད་ལ་སླར་འགྲོའོ། །སྲད་བུ་བཏགས་སམ། ཆུས་བདག་བསྲུང་བར་བྱས་ན་དེའི་ལུས་ལ་རིག་སྔགས་དང་། གསང་སྔགས་དང་། སྨན་ཐམས་ཅད་ཀྱིས་མི་ཚུགས་
སོ། །མ་གྲུབ་པ་རྣམས་གྲུབ་པར་འགྱུར་རོ། །དེའི་དོན་ཐམས་ཅད་ཀྱང་འཐུན་པར་འགྱུར་རོ། །བཅོམ་ལྡན་འདས་ཀྱིས་དེ་སྐད་ཅེས་བཀའ་སྩལ་ནས་ལྷའི་དབང་པོ་བརྒྱ་བྱིན་ཡི་རངས་ཏེ། བཅོམ་ལྡན་འདས་ཀྱིས་གསུངས་པ་
ལ་མངོན་པར་བསྟོད་དོ། །འཕགས་པ་གསེར་ཅན་ཞེས་བྱ་བའི་གཟུངས། རྫོགས་སྷོ།། །།རྒྱ་གར་གྱི་མཁན་པོ་ཛི་ན་མི་ཏྲ་དང་། དཱ་ལ་ཤཱི་ལ་དང་། ཞུ་ཆེན་གྱི་ལོ་ཙྪ་བ་བན་དེ་ཡེ་ཤེས་སྡེས་བསྒྱུར་ཅིང་ཞུས་ཏེ། སྐད་གསར་ཆད་
ཀྱིས་ཀྱང་བཅོས་ནས་གཏན་ལ་ཕབ་པ། སྐར།། ༄༅།  །རྒྱ་གར་སྐད་དུ། ཨཱརྱ་སརྦ་ཨ་བྷ་ཡཱ་ཏ་པྲ་དཱ་ནཱ་མ་དྷཱ་ར་ཎཱི། བོད་སྐད་དུ། འཕགས་པ་ཐམས་ཅད་ལ་མི་འཇིགས་པ་རབ་ཏུ་སྦྱིན་པ་ཞེས་བྱ་བའི་གཟུངས། སངས་རྒྱས་དང་། 
བྱང་ཆུབ་སེམས་དཔའ་ཐམས་ཅད་ལ་ཕྱག་འཚལ་ལོ། །འདི་སྐད་བདག་གིས་ཐོས་པ་དུས་གཅིག་ན། བཅོམ་ལྡན་འདས་ཡུལ་མ་ག་དྷ་ནས་ཡུལ་རྒྱུ་ཞིང་ཨ་མྲའི་ཚལ་དུ་གཤེགས་ཏེ་བྱོན་ནས། ཨ་མྲའི་ཚལ་ལུས་འཕགས་

106-1-266a

རིའི་དབང་པོའི་བྲག་ཕུག་ན་བཞུགས་སོ། །དེ་ནས་ལྷའི་དབང་པོ་བརྒྱ་བྱིན་བཅོམ་ལྡན་འདས་ག་ལ་བ་དེར་སོང་སྟེ་ཕྱིན་ནས། བཅོམ་ལྡན་འདས་ཀྱི་ཞབས་ལ་མགོ་བོས་ཕྱག་འཚལ་ཏེ་ཕྱོགས་གཅིག་ཏུ་འདུག་གོ། །
ཕྱོགས་གཅིག་ཏུ་འདུག་ནས་ལྷའི་དབང་པོ་བརྒྱ་བྱིན་གྱིས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས་ལྷ་མ་ཡིན་རྣམས་ནི་རབ་ཏུ་གནོད་པ་བགྱིད་པ་སྟེ། བཅོམ་ལྡན་འདས་ལྷ་མ་ཡིན་རྣམས་ནི་བདག་ལ་
ཡུན་རིང་པོར་ཕྱིར་རྒོལ་བའི་དགྲ་ལགས་ན། །དེ་ལས་བཅོམ་ལྡན་འདས་ཀྱིས་བདག་ལ་ཆོས་བསྟན་དུ་གསོལ། དེ་སྐད་ཅེས་གསོལ་པ་དང་། བཅོམ་ལྡན་འདས་ཀྱིས་ལྷའི་དབང་པོ་བརྒྱ་བྱིན་ལ་འདི་སྐད་ཅེས་བཀའ་སྩལ་ཏོ། །ལྷའི་
དབང་པོ་ཁྱོད་ཀྱིས་ཐམས་ཅད་ལ་མི་འཇིགས་པ་སྦྱིན་པའི་རིག་སྔགས་དོན་ཐམས་ཅད་བྱེད་པ། འཇིགས་པ་ཐམས་ཅད་རབ་ཏུ་ཞི་བར་བྱེད་པ། ནད་ཐམས་ཅད་རབ་ཏུ་ཞི་བར་བྱེད་པ། དུག་ཐམས་ཅད་འཇིལ་བ། མཚོན་ཐམས་ཅད་
རེངས་པར་བྱེད་པ། རྐང་མེད་དང་། རྐང་གཉིས་དང་། རྐང་བཞི་པ་ཐམས་ཅད་རེངས་པར་བྱེད་པ། དགྲ་ཐམས་ཅད་ཕུང་བར་བྱེད་པ། ལྷ་མ་ཡིན་དང་། ནམ་མཁའ་ལྡིང་དང་། སྦྱིན་བྱེད་མའི་བུ་དང་། ཤ་ཟ་དང་། རྗེད་བྱེད་དང་། སྨྱོ་བྱེད་དང་། 
བྲམ་ཟེའི་སྲིན་པོ་དང་། འབྱུང་པོ་དང་། རོ་ལངས་དང་། བྱའི་གདོན་དང་། སྲུལ་པོ་དང་། ནམ་གྲུ་དང་། གནོན་པོའི་གདོན་དང་། རྗེད་བྱེད་ཀྱི་གདོན་དང་། ལྷའི་གདོན་དང་། ཀླུའི་གདོན་དང་། གནོད་སྦྱིན་གྱི་གདོན་དང་། དྲི་ཟའི་གདོན་དང་། མི་འམ་
ཅིའི་གདོན་དང་། ལོག་འདྲེན་གྱི་གདོན་དང་། མ་མོའི་གདོན་ཕུང་བར་བྱེད་པ། མདངས་འཕྲོག་མ་དང་། ཟས་སུ་ཕྲེང་བ་ཟ་བ་དང་། ཟས་སུ་སྤོས་ཟ་བ་དང་། ཟས་སུ་མེ་ཏོག་ཟ་བ་དང་། ཟས་སུ་བདུག་པ་ཟ་བ་དང་། ཟས་སུ་ཁྲག་འཐུང་བ་དང་། 
ཟས་སུ་རྣག་འཐུང་བ་དང་། ཟས་སུ་མི་གཙང་བ་ཟ་བ་དང་། ཟས་སུ་གཅིན་འཐུང་བ་རབ་ཏུ་ཕུང་བར་བྱེད་པ། རིམས་ནད་ཐམས་ཅད་དང་། རླུང་ལས་གྱུར་པ་དང་། མཁྲིས་པ་ལས་གྱུར་པ་དང་། བད་ཀན་ལས་གྱུར་པ་དང་། འདུས་པ་

106-1-266b

ལས་གྱུར་པ་དང་། འགྲོ་བ་དྲག་ཤུལ་སྤྱོད་པ་རབ་ཏུ་འཇིག་པར་བྱེད་པ། འཐབ་པ་དང་། རྩོད་པ་དང་། འགྱེད་པ་དང་། མཚང་འདྲུ་བ་ཐམས་ཅད་རབ་ཏུ་ཞི་བར་བྱེད་པ་འདི་ཟུང་ཤིག །ཐམས་ཅད་ལ་མི་འཇིགས་པ་སྦྱིན་པའི་རིག་སྔགས་བཤད་
པར་བྱའོ། །ཏདྱ་ཐཱ། ཨ་ཌེ་མ་ཌེ་པྲ་མ་ཌེ། པྲ་མེ་དི་རི། གོ་ལི།  བོ་ལེ་བོ་སེ། མོད་དེ། བད་དེ། ཁ་རད་ཏེ། ཁ་ར་ནེ། གྲ་ཎ་གྲ་ཎེ། གྲ་ཎ་པྲ་ག་ཎེ། མོ་ཎེ། པྲ་ཏི་མོ་ཎེ། ཀཱ་ལཱི་པྲ་ཀྲཱ་ལཱི།  ཙཎ་ཌེ་མ་ཧཱ་ཙཎ་ཌེ།  པྲ་ཏི་ཙཎ་ཌེ། བེ་གེ་ཨ་བ་གེ་སོ་ན། གོ་ན་མོ་
ཧཱ། པྲ་མོ་ཧཱ། མོ་ཏ་པྲ་མོ་ཊཱ། ནཱ་ཤཱ་ནི། པྲ་ནཱ་ཤཱ་ནི། དྷ་བ་ནཱི། པྲ་དྷ་བ་ནཱི། བ་ལ་ག་ནཱི། པྲ་བ་ལ་ག་ནཱི། ནྲིད་ཏྱ་ནཱི། པྲ་ནྲིད་ཏྱ་ནཱི། ཀྲོ་དྷ་ནི། པྲ་ཏི་ཀྲོ་དྷ་ནི། ཧ་ན་ཧ་ན། བི་ཧ་ན་བི་ཧ་ན། སརྦ་དུཥྚ་པྲ་དུཥྚ་ན་ནཱ་ཤ་ཡ། སརྦ་ཨ་བྷ་ཡ་པྲ་ཏེ། བདག་འཁོར་
དང་བཅས་པ་འཇིགས་པ་ཐམས་ཅད་དང་། གནོད་པ་ཐམས་ཅད་དང་། ནད་འགོ་བ་ཐམས་ཅད་ལས་སྲུངས་ཤིག་སྲུངས་ཤིག །གནས་འདིར་བདག་གི་དོན་ཐམས་ཅད་གྲུབ་པར་གྱུར་ཅིག །དེ་ལྟ་བས་ན་ཁི་དི་ཁི་དི། ཙུམ་བྷེ། སརྦ་སཏྭ་
ཧི་ཏེར་ཏེ། ན་མཿསརྦ་བུད་དྷ་ནཱྃ་སྭཱ་ཧཱ། ལྷའི་དབང་པོ་ཐམས་ཅད་ལ་མི་འཇིགས་པ་སྦྱིན་པའི་རིག་སྔགས་ཚིག་བཞི་བཅུ་རྩ་གཅིག་པོ་འདི་སྐུད་པ་ལ་མདུད་དེ་བཅིངས་སམ། སྐྲ་ལ་མདུད་པ་བོར་རམ། བཟླས་བརྗོད་བྱས་སམ། ཡུངས་དཀར་
རམ། འགིའུ་ཝང་ལ་ལན་ཅིག་སྔགས་ཏེ་བསྐུས་སམ། གོ་ཅ་ལ་བསྔགས་ན་མཚོན་གྱིས་མི་ཚུགས། དུག་གིས་མ་ཡིན། རིམས་ནད་ཀྱིས་མ་ཡིན། ཉིན་གཅིག་པས་མ་ཡིན། ཉིན་གཉིས་པས་མ་ཡིན། ཉིན་གསུམ་པས་མ་ཡིན། ཉིན་
བཞི་པས་མ་ཡིན། མེས་མ་ཡིན། གསང་སྔགས་ཀྱིས་མ་ཡིན། རོ་ལངས་ཀྱིས་མ་ཡིན། དུག་གིས་མ་ཡིན། ནད་ཀྱིས་མ་ཡིན་ཏེ། ཆུས་འཆི་བའི་དུས་བྱེད་པར་མི་འགྱུར་རོ། །རིག་སྔགས་དང་། གསང་སྔགས་དང་། སྦྱོར་བ་སྒྲུབ་པ་ཐམས་ཅད་
སྦྱོར་བ་རྣམས་ཀྱི་མ་གྲུབ་པ་རྣམས་གྲུབ་པར་བྱེད་དོ། །སྦྱར་ཏེ་གྲུབ་པ་རྣམས་གཞན་གྱིས་མི་ཚུགས་པར་བྱེད་དོ། །ཕ་རོལ་གྱིས་བཅིངས་པ་ལས་གྲོལ་བར་བྱེད་དོ། །གཞན་གྱི་རིག་སྔགས་གཅོད་པར་བྱེད་དོ། །བདག་གི་རིག་སྔགས་འཕེལ་བར་

106-1-267a

བྱེད་དོ། །གདོན་ཐམས་ཅད་ཕུང་བར་བྱེད་དོ། །གདོན་གང་གིས་མི་གཏོང་ན་ཡང་དེའི་མགོ་ཨརྫ་ཀའི་དོག་པ་བཞིན་དུ་ཚལ་པ་བདུན་དུ་འགས་སོ། །དེ་ནས་ལྷའི་དབང་པོ་བརྒྱ་བྱིན་དེ་ཉིད་དུ་མི་སྣང་བར་གྱུར་ཏེ། བཅོམ་ལྡན་འདས་ཀྱིས་
དེ་སྐད་ཅེས་བཀའ་སྩལ་ནས། ལྷའི་དབང་པོ་བརྒྱ་བྱིན་ཡི་རངས་ཏེ། བཅོམ་ལྡན་འདས་ཀྱིས་གསུངས་པ་ལ་མངོན་བར་བསྟོད་དོ། །འཕགས་པ་ཐམས་ཅད་ལ་རབ་ཏུ་མི་འཇིགས་པ་སྦྱིན་པ་ཞེས་བྱ་བའི་གཟུངས།  རྫོགས་སྷོ།། །།རྒྱ་གར་
གྱི་མཁན་པོ་ཛི་ན་མི་ཏྲ་དང་། དཱ་ན་ཤཱི་ལ་དང་། ཞུ་ཆེན་གྱི་ལོ་ཙྪ་བ་བན་དེ་ཡེ་ཤེས་སྡེས་བསྒྱུར་ཅིང་ཞུས་ཏེ། སྐད་གསར་ཆད་ཀྱིས་ཀྱང་བཅོས་ནས་གཏན་ལ་ཕབ་པ།། ༄༅།  །རྒྱ་གར་སྐད་དུ།  ཨཱརྱ་སརྦ་ཨན་ཏ་རཱ་ཡི་བི་ཤོ་དྷ་ནི་ནཱ་མ་དྷཱ་ར་ཎཱི། 
བོད་སྐད་དུ། འཕགས་པ་བར་དུ་གཅོད་པ་ཐམས་ཅད་རྣམ་པར་སྦྱོང་བ་ཞེས་བྱ་བའི་གཟུངས། སངས་རྒྱས་ལ་ཕྱག་འཚལ་ལོ། །ཆོས་ལ་ཕྱག་འཚལ་ལོ། །དགེ་འདུན་ལ་ཕྱག་འཚལ་ལོ། །འདི་སྐད་བདག་གིས་ཐོས་པ་དུས་
གཅིག་ན། བཅོམ་ལྡན་འདས་རྒྱལ་པོའི་ཁབ་ཀྱི་ཤར་ཕྱོགས་བྲམ་ཟེའི་གྲོང་། ཤིང་ཨ་མྲའི་གནས་ཤེས་བྱ་བ་དེའི་བྱང་ཕྱོགས་ན་ལུས་འཕགས་རི་ལ་དབང་པོའི་བྲག་ཕུག་ན་བཞུགས་སོ། །དེ་ནས་ལྷའི་དབང་པོ་བརྒྱ་བྱིན་ལ་འཆི་
འཕོའི་ཆོས་སུ་གྱུར་ཏེ། དེའི་ཚེའི་འདུ་བྱེད་ཀྱི་ལྷག་མ་ལུས་པའི་སྔ་ལྟས་ཁོང་དུ་ཆུད་ནས་སྐྲག་པ་སྐྱེས་ཏེ། བཙུན་མོའི་འཁོར་དང་། གཡོག་དང་བཅས་པར་བཅོམ་ལྡན་འདས་ཀྱི་གན་དུ་སོང་ནས། བཅོམ་ལྡན་འདས་ཀྱི་ཞབས་
ལ་མགོ་བོས་ཕྱག་འཚལ་ཏེ། ལན་གསུམ་བསྐོར་བ་བྱས་ནས་ཕྱོགས་གཅིག་ཏུ་འདུག་སྟེ། ཡང་ཚེ་དོན་དུ་གཉེར་བ་དང་། བཅོམ་ལྡན་འདས་ཀྱིས་དེ་ལ་བཀའ་སྩལ་པ། ཀོའུ་ཤི་ཀ་དེའི་ཕྱིར་ཁྱོད་ཀྱི་རིག་པའི་གསང་སྔགས་གཞི་
གང་དག་གིས་བདུད་ཐམས་ཅད་དང་། ཕྱིར་རྒོལ་བ་ཐམས་ཅད་དང་། ཕས་ཀྱི་རྒོལ་བ་ཐམས་ཅད་ཤིན་དུ་ཚར་གཅད་པར་འགྱུར་བ་བར་དུ་གཅོད་པ་ཐམས་ཅད་རྣམ་པར་སྦྱོང་བ་ཞེས་བྱ་བའི་རིག་པའི་གསང་སྔགས་གཞི་འདི་རྣམས་

106-1-267b

ཉོན་ཅིག །ཏདྱ་ཐཱ། ཨ་བྷ་ཡེ། བྷ་ཡ་བི་ག་ཏེ། བྷ་ཡ་པ་རི་ཤོ་དྷ་ནེ། ཨ་བྷ་ཡེ། ཨ་བྷ་ཡན་ད་དེ། ནི་དུ་བ་གླིཥྚི། ཨ་ན་ཀུ་ལེ། ཨ་ཀུ་ལ་བ་རི་ཤོ་དྷ་ནེ། ཨ་བི་ཀལ་པེ། ཨ་ཀལ་པེ་ནེ། ཨ་ཙྱུ་ཏེ། ཤུ་བྷེ་ཤུ་བྷ། ཏེ་ཛོ་ཏེ་ཛ་བ་ཏི། ཤ་ནེ་ཨུ་པ་ཤ་མེ། 
མ་ཧོ་པ། ཤ་མེ། མེ་དྲེ།  མཻ་ཏྲྱུད་དྷི་ཏེ་ཏོ་ཤེ། །ཏོ་ཤ་ཡ་ཎེ་ས་ཏྱེ། ས་ཏྱ་དར་ཤི། །ཨ་བི་རུད་དྷེ། ས་ཧི་ཏེ། སི་ཧི་ཏ་ཏྭེ། ཨརྦེ་ཨརྠ་སིད་དྷེ། ཨ་མྲི་ཏ། ཨ་མྲི་ཏ་པ་ཏེ། ཨ་བྷཱི་ཏེ། བཛྲ་སཏྱེ་ཨཀྵེ་ཡེ། ཨཀྵ་ཡ་པྲ་བྷེ། དྲན་ཏྲ་བ་རེ། ཤུད་དྷེ་ཤུད་དྷི། པྲ་
བྷེ། ཨ་བ་བྷ་སེ། ཨ་བ་བྷཱ་ས་བ་ཏི། ཨུ་པ་ཡོ་ཀེ། ཨ་ནུད་ཏ་རེ། ས་མ་ཙིད་ཏེ། བུད་དྷ་ཨ་དྷིཥྛཱ་ནེ། ཤཱི་ལེ་བི་ཤོ་དྷ་ནེ། ཨ་སང་ཧརྱེ། སུ་ནི་གྲི་ཧཱི། ཏམ་མ་ར་བཱ་ལཱ་ནཱ་མ། པ་ར་ཛ་ཡོ་དྲིཥྚི་ག་ཏྲ་ནྃ། ཛྭ་ལ་ནན་དྷརྨོ་ལ་ཀཱ་ལ། ཨུད་གྷ་ཊ་ནཱྃ། དྷརྨ་ནི་
དྷ་ན་སྱ། སྃ་གྲ་ཧ་ནཱྃ། དྷརྨ་གོ་ཤ་སྱ། ཀོའུ་ཤི་ཀ་ཁྱོད་ཀྱི་རིག་པའི་གསང་སྔགས་གཞི་དག་ནི་ཁྱོད་ཀྱི་རིག་པའི་གསང་སྔགས་གཞི་གང་དག་གིས་བདུད་ཐམས་ཅད་དང་། ཕྱིར་རྒོལ་བ་ཐམས་ཅད་དང་། ཕས་ཀྱི་རྒོལ་བ་ཐམས་ཅད་
ཤིན་དུ་ཚར་བཅད་པར་འགྱུར་བ་དག་གོ། །འདི་བཟླས་བརྗོད་བྱས་ན་སྔོན་གྱི་ལས་ཀྱི་རྣམ་པར་སྨིན་པ་མ་གཏོགས་པར་བར་དུ་གཅོད་པ་ཐམས་ཅད་རྣམ་པར་དག་པར་འགྱུར། དོན་ཐམས་ཅད་ཀྱང་འགྲུབ་པར་འགྱུར་རོ། །བཅོམ་
ལྡན་འདས་ཀྱིས་དེ་སྐད་ཅེས་བཀའ་སྩལ་པ་དང་། ལྷའི་དབང་པོ་བརྒྱ་བྱིན་ཡི་རངས་ཏེ། དེའི་ཚེ་འདི་སྐད་དུ་ཁོ་བོ་ལྷ་ལས་མ་གྱུར་ལ། །འདི་ཉིད་ན་ནི་འདུག་བཞིན་དུ། །ཁོ་བོས་ཚེ་ཡང་ཐོབ་ཟིན་གྱིས། །གྲོགས་དག་དེ་ལྟར་ཤེས་པར་
གྱིས། །ཤེས་ཆེད་དུ་བརྗོད་པ་ཆེད་དུ་བརྗོད་དོ། །འདིའི་མཐུ་ཐམས་ཅད་ཀྱིས་བདག་གི་བར་དུ་གཅོད་པ་དང་། བགེགས་དང་། ལོག་འདྲེན་ཐམས་ཅད་ནི་མེད་པར་གྱུར་ཅིག །ཕུན་སུམ་ཚོགས་པ་ཐམས་ཅད་ནི་གྲུབ་པར་གྱུར་ཅིག །
ན་མོ་ཨ་ཀེ་ཏུ་ལེན་གེ་ཙཎ་ཌ་ན་ཡེ་སྭཱ་ཧཱ། སརྦ་ཨརྠ་སཱ་དྷ་ནི་ཡེ་སྭཱ་ཧཱ། དྷརྨཱ་སཱ་དྷ་ནི་ཡེ་སྭཱ་ཧཱ། སརྦཱ་ད་ར་ཡེ་བི་ཤོ་དྷ་ནི་ཡེ་སྭཱ་ཧཱ། བཅོམ་ལྡན་འདས་ཀྱིས་དེ་སྐད་ཅེས་བཀའ་སྩལ་ནས། ལྷ་རྣམས་ཀྱི་དབང་པོ་བརྒྱ་བྱིན་བཙུན་མོའི་

106-1-268a

འཁོར་དང་བཅས་ཤིང་འཁོར་དང་བཅས་པ་དང་། ཐམས་ཅད་དང་ལྡན་པའི་འཁོར་དེ་ཡི་རངས་ཏེ། བཅོམ་ལྡན་འདས་ཀྱིས་གསུངས་པ་ལ་མངོན་བར་བསྟོད་དོ། །འཕགས་པ་བར་དུ་གཅོད་པ་ཐམས་ཅད་རྣམ་པར་སྦྱོང་བ་
ཞེས་བྱ་བའི་གཟུངས། རྫོགས་སྷོ།། །།རྒྱ་གར་གྱི་མཁན་པོ་ཛི་ན་མི་ཏྲ་དང་། དཱ་ན་ཤཱི་ལ་དང་། ཞུ་ཆེན་གྱི་ལོ་ཙྪ་བ་བན་དེ་ཡེ་ཤེས་སྡེས་བསྒྱུར་ཅིང་ཞུས་ཏེ་གཏན་ལ་ཕབ་པ། སྐར་ཞུས།།  ༄༅།  །རྒྱ་གར་སྐད་དུ། ཨཱརྱ་དྲ་མི་དྲ་བིདྱཱ་རཱ་ཛཱ། 
བོད་སྐད་དུ།  འཕགས་པ་འགྲོ་ལྡིང་བའི་རིག་སྔགས་ཀྱི་རྒྱལ་པོ། །སངས་རྒྱས་དང་། བྱང་ཆུབ་སེམས་དཔའ་ཐམས་ཅད་ལ་ཕྱག་འཚལ་ལོ། །འདི་སྐད་བདག་གིས་ཐོས་པ་དུས་གཅིག་ན། བཅོམ་ལྡན་འདས་མཉན་ཡོད་ན་
སྨྱིག་མའི་མྱུ་གུའི་འཁོར་གྱི་ཁྱམས་ན་བཞུགས་ཏེ། དེ་ནས་བཅོམ་ལྡན་འདས་ཀྱིས་ཚེ་དང་ལྡན་པ་ཀུན་དགའ་བོ་ལ་བཀའ་སྩལ་པ། ཀུན་དགའ་བོ་ཁྱོད་ཀྱིས་གློག་ཐམས་ཅད་ཟློག་པ། སོ་སོར་འབྲང་བ། སྔོན་གྱི་ཡང་དག་པར་
རྫོགས་པའི་སངས་རྒྱས་རྣམས་ཀྱིས་གསུངས་པ་ང་ཡང་ད་ལྟར་འཆད་ཀྱིས་ཟུང་ཤིག །ཀུན་དགའ་བོ་ཤར་ཕྱོགས་ན་འོང་བ་ཞེས་བྱ་བའི་གློག་ཡོད། ཀུན་དགའ་བོ་ལྷོ་ཕྱོགས་ན་སྐད་བརྒྱ་པ་ཞེས་བྱ་བའི་གློག་ཡོད། ཀུན་
དགའ་བོ་ནུབ་ཕྱོགས་ན་འོད་ཉམས་པ་ཞེས་བྱ་བའི་གློག་ཡོད། ཀུན་དགའ་བོ་བྱང་ཕྱོགས་ན་རྒྱུན་གྱི་བདག་པོ་ཞེས་བྱ་བའི་གློག་ཡོད་དོ། །ཀུན་དགའ་བོ་གང་ལ་ལ་གློག་འདི་རྣམས་ཀྱི་མིང་ཤེས་པ་དང་། ཕྱོགས་རྣམ་པར་
གནས་པ་ཤེས་པ་དེ་ལ་གློག་གི་འཇིགས་པ་ཐམས་ཅད་དུ་མི་འབྱུང་བར་ཤེས་པར་བྱའོ། །གློག་གི་མིང་འདི་དག་ཡི་གེར་བྲིས་ཏེ། གནས་གང་དག་ཏུ་བཞག་པའི་གནས་དེ་དག་ཏུ་གློག་ཐམས་ཅད་མི་འབབ་བོ། །དེ་ནས་
བཅོམ་ལྡན་འདས་ཀྱིས་དེའི་ཚེ་འགྲོ་ལྡིང་བའི་གསང་སྔགས་གཞི་འདི་དག་བཀའ་སྩལ་ཏོ། །ཏདྱ་ཐཱ། ནི་མི་ནི་ནི་མི་མི་ནི་མི་ནི་ནི་མིན་དྷ་རེ། འཇིག་རྟེན་གསུམ་སྣང་བར་བྱེད་པ། ལག་ན་རྩེ་གསུམ་པས་ཕྱོགས་འདིར་གློག་ཐམས་

106-1-268b

ཅད་ལས་བདག་ལ་སྲུངས་ཤིག་སྲུངས་ཤིག་སྭཱ་ཧཱ། ཡང་དེའི་ཚེ་བྱང་ཆུབ་སེམས་དཔའ་སེམས་དཔའ་ཆེན་པོ་འཕགས་པ་སྤྱན་རས་གཟིགས་དབང་ཕྱུག་འཁོར་དེ་ཉིད་དུ་འདུས་པར་གྱུར་ཏེ་འདུག་པ་དེས། བཅོམ་ལྡན་འདས་ལ་འདི་སྐད་
ཅེས་གསོལ་ཏོ། །བཅོམ་ལྡན་འདས་བདག་གིས་ཀྱང་ཆོས་ཀྱི་རྣམ་གྲངས་འདི་ལ། འགྲོ་ལྡིང་བའི་གསང་སྔགས་གཞི་འདི་རྣམས་བརྗོད་པར་བགྱིའོ། །ཏདྱ་ཐཱ། ཧ་ཏེ།  བི་ཧ་ཏེ། ནི་ཧ་ཏེ། པྲ་ཏྱརྠི་ཀེ། པྲ་ཏྱ་མི་ཏྲེ། ཤུད་དྷེ། མུག་ཏེ། བི་མ་
ལེ། པྲ་བྷ་སྭ་རེ། ཨེཎ་ཌ་རེ། པཎ་ཌ་རེ། ཤྭེ་ཏེ། པཎ་ཌ་ར་བཱ་སི་ནི། ཧ་རི་ཀ་ར་དི། པིང་ག་ལ་ཀྵི་དནྟི་མུ་ཁི། དུས་མ་ཡིན་པར་འཆི་བ་ཐམས་ཅད་ལས་བདག་ལ་སྲུངས་ཤིག་སྲུངས་ཤིག །འཕགས་པ་སྤྱན་རས་གཟིགས་དབང་ཕྱུག་གི་གཟི་
བརྗིད་ཀྱིས་བདག་དུས་མ་ཡིན་པར་འཆི་བ་ཐམས་ཅད་མཐོང་བར་མ་གྱུར་ཅིག་སྭཱ་ཧཱ། དེ་ནས་གསང་བ་པའི་བདག་པོ་ལག་ན་རྡོ་རྗེས་བཅོམ་ལྡན་འདས་ག་ལ་བ་དེ་ལོགས་སུ་ཐལ་མོ་སྦྱར་བ་བཏུད་དེ། བཅོམ་ལྡན་འདས་ལ་འདི་སྐད་ཅེས་
གསོལ་ཏོ། །བཅོམ་ལྡན་འདས་བདག་གིས་ཀྱང་ཆོས་ཀྱི་རྣམ་གྲངས་འདི་ལ་གཟུངས་ཀྱི་ཚིག་རྣམས་བརྗོད་པར་བགྱིའོ། །ཏདྱ་ཐཱ། མུ་ནི་མུ་ནི། མུ་ནི་མུ་ནི། ར་རི། མ་ཏི་མ་ཏི། སུ་མ་ཏི། མ་ཧཱ་མ་ཏི། ཧཱ་ཧཱ་ཧཱ་ཧཱ། ཁྱོད་ལ་སྡིག་པ་མེད་ཀྱིས་མ་
འཇིགས་ཤིག་ཅེས་ལག་ན་རྡོ་རྗེས་སྨྲས་ཀྱིས། དྷི་ཌྷ་སྭཱ་ཧཱ། བཅོམ་ལྡན་འདས་བདག་གི་བསྲུང་བ་གཞན་གྱིས་མི་ཐུབ་པ་འདི་སུའི་སྙིང་ལ་འཛིན་ཏམ། ཡི་གེར་བྲིས་ན་དེ་ལ་བདག་གིས་རྟག་པར་རྒྱུན་དུ་འཇིགས་པ་ཐམས་ཅད་ལས་བསྲུང་
བར་བགྱིའོ། །དུས་མ་ལགས་པར་འགུམ་པ་ཐམས་ཅད་ལས་ཐར་བར་བགྱིའོ། །དེ་ནས་མི་མཇེད་ཀྱི་བདག་པོ་ཚངས་པས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས་བདག་གིས་ཀྱང་སེམས་ཅན་ཐམས་ཅད་
ཀྱི་དོན་དང་སྨན་པ་དང་བདེ་བ་བསྐྱེད་པའི་སླད་དུ་ཆོས་ཀྱི་རྣམ་གྲངས་འདི་ལ་གཟུངས་ཀྱི་གསང་སྔགས་གཞི་རྣམས་བརྗོད་པར་བགྱིའོ། །ཏདྱ་ཐཱ། ཧི་ལི་མི་ལི། ཙི་ལི་སྭཱ་ཧཱ། བྲམྷ་སྭཱ་རེ་སྭཱ་རེ་སྭཱ་ཧཱ། བྲམྷ་གརྦྷེ་པུཥྤ་སྃ་སྟ་རེ་སྭཱ་ཧཱ། 

106-1-269a

བཅོམ་ལྡན་འདས་འདི་ནི་བདག་གི་སྲུང་བ་ཚངས་པའི་ཆད་པ་ཞེས་བགྱི་བ་སྟེ། དུས་མ་ལག་པར་འགུམ་པ་ཐམས་ཅད་ལས་ཡོངས་སུ་སྐྱོབ་པ། སྡིག་པ་ཐམས་ཅད་རབ་ཏུ་ཞི་བར་བགྱིད་པ་ལགས་སོ། །དེ་ནས་ལྷའི་
དབང་པོ་བརྒྱ་བྱིན་གྱིས། བཅོམ་ལྡན་འདས་ག་ལ་དེ་ལོགས་སུ་ཐལ་མོ་སྦྱར་བ་བཏུད་དེ། བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས་བདག་གིས་ཀྱང་ཆོས་ཀྱི་རྣམ་གྲངས་འདི་ལ་གཟུངས་ཀྱི་གསང་སྔགས་
གཞི་རྣམས་བརྗོད་པར་བགྱིའོ། །ཏདྱ་ཐཱ། ནི་བ་ར་ནཱི།  བན་དྷ་བན་དྷ། མཱ་ད་ན་དྷེ། མ་ཏི་མ་ཏི། ཏི་ཊི། གཽ་རི། གན་དྷ་རི། ཙཎ་ཌཱ་ལི། མ་ཏྃ་གི། བ་ར་ལ་ནི། ཧཱི་ན་མ་དྷྱ་མ་དྷཱ་ར་ཎཱི་མ་ལ་ནི། ད་ལ་མད་ཏེ།  ཙཀྲ་པ་ཀྲི། ཤ་པ་རི་ཤ་པ་རི་
སྭཱ་ཧཱ། བཙུན་པ་བཅོམ་ལྡན་འདས་འདི་ནི་བདག་གི་རིག་སྔགས་རྡོ་རྗེ་ལྕེ་འབེབས་པ་ཞེས་བགྱི་སྟེ། འཇིགས་པ་ཐམས་ཅད་ལས་རྣམ་པ་ཐར་བར་བགྱིད་པ། དུས་མ་ལགས་པར་འགུམ་པ་ཐམས་ཅད་ལས་ཡོངས་སུ་སྐྱོབ་པ་
ལགས་སོ། །དེ་ནས་རྒྱལ་པོ་ཆེན་པོ་ཡུལ་འཁོར་སྲུང་དང་། འཕགས་སྐྱེས་པོ་དང་། མིག་མི་བཟང་དང་། རྒྱལ་པོ་ཆེན་པོ་རྣམ་ཐོས་ཀྱི་བུས། བཅོམ་ལྡན་འདས་ག་ལ་བ་དེ་ལོགས་སུ་ཐལ་མོ་སྦྱར་བ་བཏུད་དེ། བཅོམ་ལྡན་
འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས་བདག་གིས་ཀྱང་སྐྱེ་བོ་མང་པོ་ལ་སྨན་པ་དང་། སྐྱེ་བོ་མང་པོ་ལ་བདེ་བ་དང་། འཇིག་རྟེན་ལ་སྙིང་བརྩེ་བའི་སླད་དུ། ཆོས་ཀྱི་རྣམ་གྲངས་འདི་ལ་གཟུངས་ཀྱི་གསང་སྔགས་
གཞི་རྣམས་བརྗོད་པར་བགྱིའོ། །ཏདྱ་ཐཱ། པུཥྤེ་པུཥྤེ། དྷཱརྨ་བ་རི་ཧ་རི། ཨཱརྱ་པྲ་ཤ་སྟེ། ནིར་མུག་ཏེ། མྃ་ག་ལི། སྟུ་ཏེ། སྟ་བ་ཏེ་སྭཱ་ཧཱ། བཙུན་པ་བཅོམ་ལྡན་འདས་འདི་ནི་རྒྱལ་པོ་ཆེན་པོ་བཞི་པོ་བདག་ཅག་གི་བསྲུང་བ་
འཇིགས་པ་མ་མཆིས་པ་ཞེས་བྱ་སྟེ། འཇིགས་པ་ཐམས་ཅད་ལས་མི་འཇིགས་པར་བགྱིད་པ། ཚེ་སྐྱོང་བ། དུས་མ་ལགས་པར་འགུམ་པ་ཐམས་ཅད་ལས་ཡོངས་སུ་སྐྱོབ་པ་ལགས་སོ། །དེ་ནས་ཀླུའི་རྒྱལ་པོ་རྒྱ་མཚོ་དང་། ཀླུའི་

106-1-269b

རྒྱལ་པོ་གློག་འོད་དང་། ཀླུའི་རྒྱལ་པོ་མ་དྲོས་པ་དང་། ཀླུའི་རྒྱལ་པོ་གློག་ལྕེ་དང་། ཀླུའི་རྒྱལ་པོ་འོད་ཟེར་བརྒྱ་པས་བཅོམ་ལྡན་འདས་ག་ལ་བ་དེ་ལོགས་སུ་ཐལ་མོ་སྦྱར་བ་བཏུད་དེ། བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་
ལྡན་འདས་བདག་ཅག་གི་བསྲུང་བ་ཆེན་པོ་ཡིད་བཞིན་གྱི་ནོར་བུ་ཞེས་བགྱི་བ་གློག་ཐམས་ཅད་ཟློག་པ། དུས་མ་ལགས་པར་འགུམ་པ་ཐམས་ཅད་སེལ་བ། དུག་རྣམས་མི་སྡུག་པར་བགྱིད་པ། གཤེད་བྱེད་དང་། བྱད་དང་། རོ་ལངས་དང་། 
བཀྲ་མི་ཤིས་པ་འཇིག་པར་བགྱིད་པ་མཆིས་ན། བཅོམ་ལྡན་འདས་བདག་ཅག་ཀླུའི་སྐྱེ་གནས་འདི་ནས་དབྱུང་བ་དང་། སེར་སྣ་སྤང་བའི་སླད་དུ་ཐུགས་བརྩེ་བར་དགོངས་ཏེ་དེ་བཞེས་སུ་གསོལ། དེ་ཅིའི་སླད་དུ་ཞེ་ན། བཅོམ་ལྡན་
འདས་བདག་ཅག་ཀླུ་རྣམས་ནི་སེམས་སེར་སྣ་ཅན་ཏེ། སེམས་སེར་སྣས་ཀུན་ནས་དཀྲིས་པ་ལགས་པའི་སླད་དུའོ། །ཏདྱ་ཐཱ། ཨ་ར་ཛེ། ཨ་མ་རེ། ཨ་མྲི་ཏེ། ཨཀྵ་ཡེ། པུཎྱ་པརྱཱ་བ་ཏེ། སརྦ་པཱ་པ་པྲ་ཤ་མ་ནཱི་ཡེ་སྭཱ་ཧཱ། ཨཱརྱ་པུ་ཎྱ་
སོ་པ་ཀཱི་ཡེ་སྭཱ་ཧཱ། བཙུན་པ་བཅོམ་ལྡན་འདས་གསང་སྔགས་གཞི་འདི་དག་སྐྱེས་པའམ། བུད་མེད་གང་ལ་ལའི་ལྕེ་ལ་འདོན་ཏམ། ཡི་གེར་བྲིས་པ་དེ་ལ་གློག་གི་འཇིགས་པ་ཐམས་ཅད་མ་མཆིས་པར་རིག་པར་བགྱིའོ། །
རྩ་བའི་དུག་གམ། མཆེ་བའི་དུག་གམ། དབྱིག་དུག་གམ། གང་དག་གཞན་ཡང་ཡན་ལག་ལས་བྱུང་བའི་དུག་དེ་དག་གིས་དེ་འགུམ་པའི་དུས་བགྱིད་པར་མི་འགྱུར་རོ། །བདག་འཇིགས་པ་ཐམས་ཅད་དང་། གནོད་པ་ཐམས་ཅད་
ལས་བདེ་ལེགས་སུ་གྱུར་ཅིག །དེ་ནས་བཅོམ་ལྡན་འདས་ཀྱིས་བརྒྱ་བྱིན་དང་། ཚངས་པ་དང་། འཇིག་རྟེན་སྐྱོང་བ་དང་། ཀླུའི་བདག་པོ་དེ་དག་ལ་ལེགས་སོ་ཞེས་བྱ་བ་བྱིན་ཏེ། བཞིན་བཟངས་དག་ཁྱོད་སྐྱེ་བོ་མང་པོ་ལ་ཕན་པ་དང་། 
སྐྱེ་བོ་མང་པོ་ལ་བདེ་བའི་ཕྱིར་ཞུགས་ཏེ། ཆོས་ཀྱི་རྣམ་གྲངས་འདི་རྗེས་སུ་གཟུང་བའི་ཕྱིར་འགྲོ་ལྡིང་བའི་གསང་སྔགས་ཀྱི་ཚིག་རྣམས་བཤད་པ་ལེགས་སོ་ལེགས་སོ། །ཕྱོགས་རྣམས་ན་གཉིད་ལོག་པ་དང་། མྱོས་པ་དང་། 

106-1-270a

རབ་ཏུ་མྱོས་པ་རྣམས་བསྲུང་བར་འགྱུར་རོ། །བཅོམ་ལྡན་འདས་ཀྱིས་དེ་སྐད་ཅེས་བཀའ་སྩལ་ནས། དགེ་སློང་དེ་དག་དང་། བརྒྱ་བྱིན་དང་། ཚངས་པ་དང་། འཇིག་རྟེན་སྐྱོང་བ་དེ་དག་དང་། ཀླུའི་དབང་པོ་དེ་དག་དང་། 
ལྷ་དང་། མི་དང་། ལྷ་མ་ཡིན་དང་། དྲི་ཟར་བཅས་པའི་འཇིག་རྟེན་ཡི་རངས་ཏེ། བཅོམ་ལྡན་འདས་ཀྱིས་གསུངས་པ་ལ་མངོན་བར་བསྟོད་དོ། །འཕགས་པ་འགྲོ་ལྡིང་བའི་རིག་སྔགས་ཀྱི་རྒྱལ་པོ།  རྫོགས་སྷོ།། །།རྒྱ་གར་
གྱི་མཁན་པོ་འཛི་ན་མི་ཏྲ་དང་། དཱ་ན་ཤཱི་ལ་དང་། ཞུ་ཆེན་གྱི་ལོ་ཙྪ་བ་བན་དེ་ཡེ་ཤེས་སྡེས་བསྒྱུར་ཅིང་ཞུས་ཏེ་སྐད་གསར་ཆད་ཀྱིས་ཀྱང་བཅོས་ནས་གཏན་ལ་ཕབ་པ། སྐར་ཞུས།། ༄༅།  །རྒྱ་གར་སྐད་དུ།  ཨཱརྱ་ཨ་བྷ་ཡཱ་ཏ་དཱ་ན་ནཱ་མ་ཨ་
པ་རཱ་ཛི་ཏ། བོད་སྐད་དུ།  འཕགས་པ་གཞན་གྱིས་མི་ཐུབ་པ་མི་འཇིགས་པ་སྦྱིན་པ་ཞེས་བྱ་བ། སངས་རྒྱས་དང་། བྱང་ཆུབ་སེམས་དཔའ་ཐམས་ཅད་ལ་ཕྱག་འཚལ་ལོ། །གྲུབ་པ་ཐམས་ཅད་ལ་ཕྱག་འཚལ་ལོ། །སངས་རྒྱས་
ལ་ཕྱག་འཚལ་ལོ། །ཆོས་ལ་ཕྱག་འཚལ་ལོ། །དགེ་འདུན་ལ་ཕྱག་འཚལ་ལོ། །བྱང་ཆུབ་སེམས་དཔའ་སེམས་དཔའ་ཆེན་པོ་སྙིང་རྗེ་ཆེན་པོ་དང་ལྡན་པ་འཕགས་པ་སྤྱན་རས་གཟིགས་དབང་ཕྱུག་ལ་ཕྱག་འཚལ་ལོ། །
སེམས་ཅན་ཐམས་ཅད་ཀྱི་སྡུག་བསྔལ་སེལ་བ་ལ་ཕྱག་འཚལ་ལོ། །སེམས་ཅན་ཐམས་ཅད་སྡུག་བསྔལ་ལས་གྲོལ་བར་མཛད་པ་ལ་ཕྱག་འཚལ་ལོ། །སེམས་ཅན་ཐམས་ཅད་ཀྱི་འཆིང་བ་གཅོད་པ་ལ་ཕྱག་འཚལ་ལོ། །
སེམས་ཅན་ཐམས་ཅད་ལ་མི་འཇིགས་པ་སྦྱིན་པ་ལ་ཕྱག་འཚལ་ལོ། །དེ་ནས་འཇིགས་པ་མེད་པ་འཕགས་པ་སྤྱན་རས་གཟིགས་དབང་ཕྱུག་གི་གཞན་གྱིས་མི་ཐུབ་པའི་སྙིང་པོ་བརྗོད་པར་བྱའོ། །ལས་ཀུན་བྱེད་པ་དགེ་
བ་སྟེ། །འབྱུང་པོ་ཀུན་གྱིས་འཇིགས་པ་མེད། །བདུད་རྩི་ལས་ནི་བདུད་རྩི་འབྱུང་། །འདི་ནི་ལས་ཀུན་བྱེད་པ་ཡིན། །དགྲ་ཀུན་འཇིགས་པར་བྱེད་པ་སྟེ། །རྩོད་དང་དེ་བཞིན་འཐབ་པ་དང་། །གཞན་དང་དགྲས་ནི་འཁོར་བ་

106-1-270b

དང་། །རྩོད་པའི་ནང་དུ་རྩོད་བྱེད་དང་། །རྟག་ཏུ་དགྲ་དང་ཕྲད་པ་དང་། །རྨུགས་པར་བྱེད་ཅིང་རེངས་པར་བྱེད། །རྨོངས་པར་བྱེད་ཅིང་སྡིག་པ་སེལ། །དུག་དང་མེ་ནི་རེངས་བྱེད་དང་། །རིམས་དང་ཉེས་སྡིག་ཐམས་ཅད་སེལ། །ཆོམ་ཀུན་དང་ནི་
ཆུ་དང་སྦྲུལ། །རྨི་ལམ་ངན་པ་ཐམས་ཅད་སེལ། །འབྱུང་པོ་ཐམས་ཅད་ཟློག་པ་ཡིན། །སངས་རྒྱས་བྱང་ཆུབ་འདྲེན་པ་དང་། །ཆོས་ཀུན་རབ་ཏུ་སྟོན་པ་སྟེ། །འདི་ནི་རིག་སྔགས་མཐུ་སྟོབས་ཅན། །གཞན་གྱིས་མི་ཐུབ་སྲིན་པོ་
འཇོམས། །གང་ཚེ་རིག་སྔགས་འདི་བཤད་པ། །དེ་ན་ས་འདི་གཡོ་བར་འགྱུར། །འཇིགས་མེད་ལྡན་པ་ཞེས་བྱ་བའི། །རིག་སྔགས་རྒྱལ་པོ་བླ་ན་མེད། །འཇིག་རྟེན་མགོན་པོས་གསུངས་པ་སྟེ། །འཇིག་རྟེན་གསུམ་པོ་ཀུན་གྱིས་
མཆོད། །དེ་ནས་འཇིགས་པ་མེད་པར་སྤྱན་རས་གཟིགས་དབང་ཕྱུག་གིས་དེ་བཞིན་གཤེགས་པ་རྗེས་སུ་དྲན་པར་བྱས་ནས་རང་གི་སྙིང་པོ་གཞན་གྱིས་མི་ཐུབ་པ་དེ་བཞིན་གཤེགས་པ་ཐམས་ཅད་ཀྱིས་གསུངས་པ་འདི་སྨྲས་
སོ། །ཨོཾ་ཏ་ར་ཏ་ར། ཏཱ་རེ་ཏཱ་རེ། མོ་རི་ཀེ་ཙན་དྲ་པྲ་བྷེ། བྷི་རྀ་བྷི་རྀ། ཙི་རི་ཙི་རི། སཱུརྱ་ཀཱན་ཏེ།   ཧེ་མ་པྲ་བྷེ། བུད་དྷྱ་བུད་དྷྱ། བོ་དྷ་ནི། སརྦ་པཱ་པ་པྲ་ཎཱ་ཤ་ནི། ཙ་ར་ཙ་ར། བི་ཤ་པྲ་ཤ་མ་ནི། ཙི་རི་ཙི་རི། ཙུ་རུ་ཙུ་རུ། སརྦ་བིད་དྷྱ་དྷ་ར་ན་མ་སྐྲི་ཏེ། དྷ་ར་
དྷ་ར། དྷི་རི་དྷི་རི། དྷུ་རུ་དྷུ་རུ། སརྦ་ཏ་ཐཱ་ག་ཏ་བྷ་ཥི་ཏ། པ་ར་པ་ར། པི་རི་པི་རི། པུ་རུ་པུ་རུ། པྲཛྙ་པཱ་ར་མི་ཏཱ། ཨ་ནུ་ཛྙཱ་ཏེ། ཥ་ཊ་པཱ་ར་མི་ཏཱ་པཱ་རི་པཱུ་ར། གྃ་ག་ན་དི་བ་ལུ་ཀོ་པཱ་མ། ཏ་ཐཱ་ག་ཏ་བྷཱ་ཥི་ཏ། པྲི་ཡྃ་ཀ་རི། དྷན་ཀ་རི། པྲི་ཏི་ཀ་རི། ཤུ་བྷ་ཀ་
རི། པ་བི་ཏྲ། མྃ་ག་ལ་དྷ་རི་ཎི། སརྦ་དེ་བ་ཏ་ཨ་དྷི་ཏེ། སརྦ་མ་ཧཱ་རོ་ག་ཨ་དྷི་ཏེ། སརྦ་ཀིན་ན་ར་ཨ་དྷི་ཏེ། སརྦ་ཡཀྵ།  རཱཀྵ་སཱ། ཨ་དྷི་ཏེ། བྲཧྨ་བྷཱ་ཥྀ་ཏེ། ཨིན་དྲ་བྷཱ་ཥི་ཏེ། ཙ་ཏུར་མ་ཧཱ་རཱ་ཛ་བྷཱ་ཥི་ཏི། ཙན་དྲ་སཱུརྱ་བྷཱ་ཥི་ཏེ། ཨོཾ་ཏི་རི་ཏི་རི། 
ཙན་དྲ་ཀི་རཱ་ནེ།  ཀི་ལི་ཀི་ལི། སརྦ་ཤཱ་ཏྲུྃ་བི་ན་ཤ་ནི་ཧཱུྃ་ཕཊ་སྭཱ་ཧཱ། དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་བྱམས་པ་དང་ལྡན་པ་འཕགས་པ་སྤྱན་རས་གཟིགས་དབང་ཕྱུག་གིས། བྱང་ཆུབ་སེམས་དཔའ་མི་འཇིགས་

106-1-271a

པ་སྦྱིན་པ་ལ་འདི་སྐད་ཅེས་སྨྲས་སོ། །མི་འཇིགས་པ་སྦྱིན་པ་སྔོན་བྱུང་བ་འདས་པའི་དུས་ན་འཇིག་རྟེན་གྱི་ཁམས་གང་གཱའི་ཀླུང་གི་བྱེ་མ་སྙེད་འདས་པ་ན། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་
སངས་རྒྱས་རིག་པ་དང་ཞབས་སུ་ལྡན་པ། སེམས་ཅན་ཐམས་ཅད་ལ་ཕན་འདོགས་པ། གཞན་གྱིས་མི་ཐུབ་པའི་དབང་ཕྱུག་འོད་ཅེས་བྱ་བ་འཇིག་རྟེན་དུ་བྱུང་སྟེ། དེ་ལས་བདག་གིས་འདི་དག་ཐོས་སོ། །དེ་ལས་བཟུང་ནས་བྱང་ཆུབ་
སེམས་དཔའ་རྣམས་དང་། སེམས་ཅན་ཐམས་ཅད་ལ་ཡང་བསྙད་དོ། །མི་འཇིགས་པ་སྦྱིན་པ་གཞན་གྱིས་མི་ཐུབ་པའི་སྙིང་པོ་འདི་ནི་ཡང་དག་པར་རྫོགས་པའི་སངས་རྒྱས་བདུན་པོ་རྣམ་པར་གཟིགས་དང་། གཙུག་ཏོར་ཅན་དང་། 
ཐམས་ཅད་སྐྱོབ་དང་། འཁོར་བ་འཇིག་དང་། གསེར་ཐུབ་དང་། འོད་སྲུང་དང་། ཤཱཀྱ་ཐུབ་པ་རྣམས་ཀྱིས་གསུངས་སོ། །གཞན་གྱིས་མི་ཐུབ་པའི་སྙིང་པོ་འདི་ནི་བདག་སྲུང་བ་དང་། གཞན་སྲུང་བ་དང་། གཉི་ག་སྲུང་བ་དང་། གྲོང་དང་། གྲོང་ཁྱེར་
དང་། གྲོང་རྡལ་དང་། ལྗོངས་དང་། ཡུལ་འཁོར་དང་། རྒྱལ་པོའི་ཕོ་བྲང་སྲུང་བ། སྲོག་སྐྱོང་བ། ཚེ་སྦྱིན་པ། ལག་ཆ་རེངས་པར་བྱེད་པ། འཐབ་མོ་དང་། འཐབ་པ་དང་། འགྱེད་པ་དང་། རྩོད་པ་ཐམས་ཅད་ཞི་བར་བྱེད་པ། དགྲ་ཐམས་ཅད་ཟློག་པ། འཆིང་བ་ཐམས་ཅད་
གྲོལ་བར་བྱེད་པ། ཐམས་ཅད་དུ་གཞན་གྱིས་མི་ཐུབ་པའོ། །ཤུད་དྷེ།  མུག་ཏེ།  པྲ་བྷ་སྭཱ་རེ། ཤྭཱ་ཏེ། པད་ད་ར་པཱ་སི་ནི། སརྦ་དུཥྚན་ཛྃ་བྷཱ་ཡ་མི། སྟམ་བྷཱ་ཡ་མི། མོ་ཧཱ་ཡ་མི། ཨོཾ་སྭཱ་ཧཱ། ས་བིད་ཏེ་སྭཱ་ཧཱ། ཤྭ་ཏེ་སྭཱ་ཧཱ། ཤྭ་ཏེ་པ་ཏ་པྲཱ་པྲི་ཏི་སྭཱ་ཧཱ།  ཏདྱ་ཐཱ། 
ཏཱ་རེ་ཏཱ་རེ། ཏཱ་རི་ནི་རཀྵ་རཀྵ་སརྦ་ཀ་ལི་ཀ་ལ་ཧ། བིག་ག་གྲ་ཧ། བྷི་ཏ་དུཿ།  སྭ་པ་ན་བྷྱ་ཡེ་བྷྱཿསྭཱ་ཧཱ། རྟག་ཏུ་ལེ་ལོ་མེད་པར་ནི། །གང་ཞིག་གཟུངས་འདི་འཆང་བྱེད་པ། །དེ་ལ་ལྷ་ཚོགས་ཐམས་ཅད་ཀྱང་། །དུས་ཀུན་དུ་ནི་སྲུང་བར་བྱེད། །དེ་ནི་འཇིགས་པར་
འགྱུར་བ་མེད། །དེ་ནི་རྟག་སྲུང་ལྷན་ནེ་འཇུག ། །ཇི་ལྟར་ཉི་མ་ས་སྟེང་ན། །གཟི་བརྗིད་གྲགས་འཆང་ལྷན་ནེ་བཞིན། །དེ་ལ་གཤེད་བྱེད་བྱད་སྟེམ་དང་། །སྲུལ་པོ་དག་གིས་མི་ཚུགས་ཏེ། །དེ་ལ་དཔལ་ཡོན་འཇུག་པར་འགྱུར། །ཁ་དོག་དང་ནི་ཚེ་

106-1-271b

ཡང་འཕེལ། །འཕགས་པ་གཞན་གྱིས་མི་ཐུབ་པ་མི་འཇིགས་པ་སྦྱིན་པ་ཞེས་བྱ་བ། རྫོགས་སྷོ།། །།རྒྱ་གར་གྱི་མཁན་པོ་པྲཛྙཱ་བར་མ་དང་། ཞུ་ཆེན་གྱི་ལོ་ཙྪ་བ་བན་དེ་ཡེ་ཤེས་སྡེ་ལ་སོགས་པས་བསྒྱུར་ཅིང་ཞུས་ཏེ་གཏན་ལ་ཕབ་པ།  
སྐར་ཞུས།། ༄༅།  །རྒྱ་གར་སྐད་དུ། ཨཱརྱ་རད་ན་མཱ་ལ་ནཱ་མ་ཨ་པ་རཱ་ཛི་ཏ། བོད་སྐད་དུ། འཕགས་པ་གཞན་གྱིས་མི་ཐུབ་པའི་རིན་པོ་ཆེའི་ཕྲེང་བ་ཞེས་བྱ་བ། དཀོན་མཆོག་གསུམ་ལ་ཕྱག་འཚལ་ལོ། །སངས་རྒྱས་ལ་ཕྱག་འཚལ་ལོ། །ཆོས་ལ་ཕྱག་
འཚལ་ལོ། །དགེ་འདུན་ལ་ཕྱག་འཚལ་ལོ། །ཡང་དག་པར་རྫོགས་པའི་སངས་རྒྱས་བྱེ་བ་ཕྲག་བདུན་ཉན་ཐོས་ཀྱི་དགེ་འདུན་དང་བཅས་པ་རྣམས་ལ་ཕྱག་འཚལ་ལོ། །བྱམས་པ་ལ་སོགས་པ་བྱང་ཆུབ་སེམས་དཔའ་ཐམས་ཅད་ལ་ཕྱག་
འཚལ་ལོ། །ཡང་དག་པར་སོང་བ་རྣམས་ལ་ཕྱག་འཚལ་ལོ། །ཡང་དག་པར་ཞུགས་པ་རྣམས་ལ་ཕྱག་འཚལ་ལོ། །དགྲ་བཅོམ་པ་རྣམས་ལ་ཕྱག་འཚལ་ལོ། །ཕྱིར་མི་འོང་བ་རྣམས་ལ་ཕྱག་འཚལ་ལོ། །ལན་ཅིག་ཕྱིར་འོང་བ་རྣམས་ལ་
ཕྱག་འཚལ་ལོ། །རྒྱུན་དུ་ཞུགས་པ་རྣམས་ལ་ཕྱག་འཚལ་ལོ། །ལྷའི་དྲང་སྲོང་རྣམས་ལ་ཕྱག་འཚལ་ལོ། །བརྟུལ་ཞུགས་གྲུབ་པ་རྣམས་ལ་ཕྱག་འཚལ་ལོ། །ལྷ་རྣམས་ལ་ཕྱག་འཚལ་ལོ། །ཀླུ་རྣམས་ལ་ཕྱག་འཚལ་ལོ། །གནོད་སྦྱིན་
རྣམས་ལ་ཕྱག་འཚལ་ལོ། །དྲི་ཟ་རྣམས་ལ་ཕྱག་འཚལ་ལོ། །ལྟོ་འཕྱེ་ཆེན་པོ་རྣམས་ལ་ཕྱག་འཚལ་ལོ། །མི་འམ་ཅི་རྣམས་ལ་ཕྱག་འཚལ་ལོ། །ཤ་ཟ་སྐྲ་གྱེན་དུ་བརྫེས་པ་རྣམས་ལ་ཕྱག་འཚལ་ལོ། །རིག་པའི་བདག་པོ་ཐམས་ཅད་
ལ་ཕྱག་འཚལ་ལོ། །ཟླ་བ་དང་ཉི་མ་རྣམས་ལ་ཕྱག་འཚལ་ལོ། །རྒྱུ་སྐར་ཉི་ཤུ་རྩ་བརྒྱད་ལ་ཕྱག་འཚལ་ལོ། །དེ་ནས་གཞན་གྱིས་མི་ཐུབ་པའི་རིན་པོ་ཆེའི་ཕྲེང་བའི་སྙིང་པོ་ཡང་དག་པར་རྫོགས་པའི་སངས་རྒྱས་ཀྱིས་གསུངས་པ། ལྷ་དང་། ཀླུ་རྣམས་
ཀྱིས་རྗེས་སུ་ཡི་རང་བ་ལས་ཐམས་ཅད་བྱེད་པ་གཙང་མ་བརྗོད་པར་བྱ་སྟེ། དག་ཅིང་དེ་བཞིན་བཀྲ་ཤིས་པ། །བསོད་ནམས་བྱེད་གཙང་དཔལ་ཡོན་ཅན། །སྲིན་པོ་འཇོམས་པའི་ལྷ་རྣམས་དང་། །སེམས་ཅན་ཀུན་གྱིས་མི་ཐུབ་པའོ། །སྡིག་པ་

106-1-272a

ཐམས་ཅད་རབ་འཇིག་པ། །དོན་ཀུན་སྒྲུབ་པ་དཔལ་ཡོན་ཅན། །གདོན་ཀུན་རྣམ་པར་འཇིག་བྱེད་པ། །རིག་སྔགས་འདི་ནི་བརྗོད་པར་བྱ། །འདི་ནི་རྟག་ཏུ་རྒྱལ་བྱེད་པ། །བརྒྱ་བྱིན་གྱིས་ཀྱང་མི་ཐུབ་འདི། །དུག་དང་གཤེད་བྱེད་
འཇིག་བྱེད་པ། །མེ་དགྲ་རྒྱལ་པོའི་འཇིགས་པ་དང་། །གཤེད་བྱེད་གདོན་དང་རོ་ལངས་དང་། །རྨི་ལམ་ངན་དང་ལུས་སྲུལ་དང་། །ལྷ་དང་ལྷ་མིན་དྲི་ཟ་དང་། །གནོད་སྦྱིན་སྲིན་པོ་ཀླུ་རྣམས་ལས། །ཀུན་ནས་དཔག་ཚད་བརྒྱ་ཚུན་ཆད། །རྟག་ཏུ་
བདག་ལ་བསྲུང་བར་མཛོད། །ཉིན་གཅིག་པའི་རིམས་ནད་དང་། །ཉིན་གཉིས་པ་དང་ཉིན་གསུམ་དང་། །ཉིན་བཞི་པ་ཡི་རིམས་ནད་དང་། །མི་བཟད་རིམས་ལས་འདི་སྲུང་བྱེད། །དུག་དང་དབྱིག་དུག་ཟོས་པ་ཡང་། །ཁ་ཟས་བཞིན་དུ་
འཇུ་བར་འགྱུར། །གང་གི་མངལ་ན་མི་ཆགས་དང་། །གང་གི་བུ་ཕོ་འཆི་བ་ཡང་། །རིན་པོ་ཆེ་ཡི་ཕྲེང་བ་འདིས། །དེ་དག་མྱུར་དུ་འཚོ་བར་བྱེད། །ནོར་འདོད་པས་ནི་ནོར་རྣམས་འཐོབ། །དཔལ་འདོད་པ་ཡང་དཔལ་འཐོབ་འགྱུར། །འཐབ་
ཅིང་འགྱེད་དང་གཡུལ་ངོར་ཡང་། །མྱུར་དུ་རྒྱལ་བར་བྱེད་པ་ཡིན། །སེམས་ཅན་རྣམས་ལ་གནོད་གཟིགས་ནས། །འཇིག་རྟེན་མགོན་གྱིས་རབ་གསུངས་པ། །རིན་ཆེན་ཕྲེང་ཞེས་བྱ་བ་ཡི། །རིག་སྔགས་འདི་ནི་བརྗོད་པར་བྱ། །
ཏདྱ་ཐཱ། ཨོཾ་དྷ་ན་ན་ཀ་རི། བི་པུ་ལ་ཀ་རི། ཛ་ཡ་ཀ་རི། ཡཥྚ་ཀ་རི། བྲིད་དྷི་ཀ་རི། ཨ་ཡུར་དཱ་དི། པུཎྱ་དཱ་རི། ཨ་ལཀྵྨ་པྲ་ཤ་མ་ནི། དྷ་ན་དྷ་ནྱ་བི་བརྟ་ནི། ཤྲཱི་ཀ་རི། སརྦ་གྲ་ཧ་ན་ཀྵ་ཏྲ་བ་ཤ་བརྟི་ནི། མེ་དཱ་ཛ་ན་ནི། པུ་ཏྲ་ཛ་ན་ནི། བ་རི་བ་རཱ་བརྟ་ནི། 
ཨ་ཡུར་དཱ་དི། པྲི་དྷ་ཀ་རི། ཛྃ་བྷ་ནི། སྟྃ་བྷ་ནི། མོ་ཧ་ནི། ཨ་མོ་གྷ་ཤག་ཏི། ཀན་ཙ་ན་མཱ་ལེ། གྲ་ཧ་སཽ་མྱ་ཀ་ར་ནི། སརྦ་ཀ་ལི་ཀ་ལ་ཧ་བི་གྲ་བཱི་བ་ད་བ་ད་པྲ་ཤ་མ་ནི། པ་ར་ཙཀྲ་ནི་བ་ར་ནི།  པ་ར་སཻ་ནྱ། སྟམ་བྷ་ནི་ཙིད་ཏ་ནིར་མ་ལཱི་ཀ་ར་ཎཱི། སརྦ་པཱ་པ་པྲ་ཤ་
མ་ནི། སརྦ་ཀ་ལ་བིཥྚ་ན་ཤ་ནི་སྭཱ་ཧཱ། ཙུ་རུ་ཙུ་རུ་སྭཱ་ཧཱ། ཏུ་རུ་ཏུ་རུ་སྭཱ་ཧཱ། མུ་རུ་མུ་རུ་སྭཱ་ཧཱ། དེ་བ་ཨ་ནུད་ཛྙཱི་ཏེ་སྭཱ་ཧཱ། སརྦ་ནཱ་གཱ་སྃ་རཀྵི་ཏེ་སྭཱ་ཧཱ། ཨོཾ་ནི་རི་ནི་རི་ཕཊ། ཧ་ན་ཧ་ན་ཕཊ། ད་ཧ་ད་ཧ་ཕཊ། པ་ཙ་པ་ཙ་ཕཊ། གང་དག་བདག་ལ་སྡང་བར་

106-1-272b

སེམས་པ་དང་། གནོད་པར་སེམས་པ་དང་། སྦྱིན་བསྲེག་བྱེད་པ་དང་། བྱད་བྱེད་པ་དང་། བྱེད་དུ་འཇུག་པ་དང་། བྱེད་པ་ལ་རྗེས་སུ་ཡི་རང་བ་དེ་དག་ཐམས་ཅད་ཕཊ་ཕཊ་སྭཱ་ཧཱ། ཨག་ནི་སྟྃ་བྷ་ཡ་མི།   བི་ཥ་ན་ཤཱ་ཏྲཱུཾ་ཨུ་ད་ཀ་ན་ཙོོ་རན་སརྦ་དུཥྚན་
སརྦ་པྲཏྱ་རྠི་ཀ །པྲ་ཏྱ་མ་ཏྲ་ན། སྟྃ་བྷཱ་ཡ་མི། ཛྃ་བྷཱ་ཡ་མི། མོ་ཧ་ཡཱ་མི། ཕཊ་ཕཊ་སྭཱ་ཧཱ། གཞན་གྱིས་མི་ཐུབ་ཅེས་བྱ་བ། །རིན་ཆེན་ཕྲེང་གིས་རྣམ་པར་བརྒྱན། །ལས་ཀུན་བྱེད་དང་དེ་བཞིན་དུ། །རྟག་ཏུ་སྲུང་བ་བྱེད་པ་འདི། །འགྲོ་བ་འམ་ཡང་ན་ཅི་ཡང་
རུང་། །དེ་དག་འགའ་ཞིག་བྲིས་ཏེ་འཆང་། །སྲིན་པོ་འཇོམས་པ་བསོད་ནམས་མཆོག །སྡིག་པའི་རྙོག་པ་འཇིག་པར་བྱེད། །གཡུལ་འགྱད་པ་དང་འཐབ་པར་ཡང་། །ཀུན་ཏུ་རྒྱལ་བར་བྱེད་པ་དགེ། མི་གང་གཙང་སྦྲར་བྱས་ནས་སུ། །
རིག་སྔགས་འདི་བྲིས་འཆང་བ་དང་། །བཀླགས་དྲན་ཤེས་རབ་ཅན་དེ་ལ། །འཇིགས་པ་ཀུན་དུ་མི་འབྱུང་ངོ་། །ཆོ་ག་བཞིན་དུ་ཀློག་འཆང་ན། །གསང་བ་པ་ཀུན་རྟག་ཏུ་སྲུང་། །ཡོངས་སུ་སྐྱོང་བར་བྱེད་པར་འགྱུར། །རྟག་ཏུ་རྒྱལ་བར་བྱེད་
པ་སྟེ། །དཔེར་ན་རིན་ཆེན་ཕྲེང་བ་ཡིས། །མགོ་བོ་བརྒྱན་ན་མཛེས་པ་ལྟར། །དེ་བཞིན་ཕུན་སུམ་ཚོགས་པས་མཛེས། །གང་ཞིག་རིག་སྔགས་འདི་འཆང་ནི། །དེ་ཡི་གདོན་རྣམས་རྣམ་པར་འཇིག །ནད་ཀྱིས་བཏབ་པར་མི་འགྱུར་རོ། །
བུ་དང་ཚ་བོ་རྣམ་པར་འཕེལ། །དེ་ཡི་འཁོར་ནི་བཟང་པོར་འགྱུར། །སེམས་ཅན་ཀུན་ལ་ཕན་ཕྱིར་དང་། །བྱེ་བྲག་ཏུ་ནི་བྱས་པའི་ཕྱིར། །དེ་བཞིན་གཤེགས་པ་ཐམས་ཅད་ཀྱིས། །རིག་སྔགས་འདི་ནི་བྱིན་གྱིས་བརླབས། །ལྷ་ཡི་དབང་པོ་
རྣམས་དང་ནི། །དེ་བཞིན་བྱང་ཆུབ་སེམས་དཔའ་སྲུང་། །དེ་ལ་ཕྱོགས་བཅུ་རྣམས་ཀྱི་ནི། །དེ་བཞིན་གཤེགས་པ་གཟིགས་པར་མཛད། །དགེ་བ་དང་ནི་ནོར་རྣམས་འཕེལ། །སྡིག་པ་རྣམས་ཀྱང་བྱང་བར་འགྱུར། །རྨི་ལམ་ངན་
ཉེས་བྱས་པ་ཡིས། །གྲོལ་འགྱུར་འདི་ལ་ཐེ་ཚོམ་མེད། །ཏདྱ་ཐཱ། མུ་ནི་མུ་ནི། མུ་ནི་མུ་ནི།  མུ་ནི་རི། མ་ཏི་མ་ཏི་མ་ཏི། མ་ཧཱ་མ་ཏི། བདག་འཇིགས་པ་ཐམས་ཅད་ལས་སྲུངས་ཤིག་སྲུངས་ཤིག །སངས་རྒྱས་ཐམས་ཅད་ལ་ཕྱག་འཚལ་ལོ། །

106-1-273a

ཡམས་ཀྱི་ནད་དང་། གནོད་པ་ཐམས་ཅད་ལས་བདག་བདེ་ལེགས་སུ་གྱུར་ཅིག་སྭཱ་ཧཱ། འཕགས་པ་གཞན་གྱིས་མི་ཐུབ་པ་རིན་པོ་ཆེའི་ཕྲེང་བ་ཞེས་བྱ་བ།  རྫོགས་སྷོ།། སྐར་ཞུས།། ༄༅།  །དཀོན་མཆོག་གསུམ་ལ་ཕྱག་འཚལ་ལོ། །
དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་འོད་དཔག་མེད་ལ་ཕྱག་འཚལ་ལོ། །བྱང་ཆུབ་སེམས་དཔའ་སེམས་དཔའ་ཆེན་པོ་སྙིང་རྗེ་ཆེན་པོ་དང་ལྡན་པ་འཕགས་པ་སྤྱན་རས་གཟིགས་དབང་
ཕྱུག་ལ་ཕྱག་འཚལ་ལོ། །ཏདྱ་ཐཱ། ཨོཾ་ཛ་ཡེ་ཛ་ཡེ། མ་ཧཱ་ཛ་ཡེ། ཛ་ཡཱ་བ་ཧི་ནི། ཛ་ཡོད་ཏ་རི། ཀ་ལ་ཀ་ལ། མ་ལ་མ་ལ། ཙ་ལ་ཙ་ལ། ཀྵི་ཎ་ཀྵི་ཎ། སརྦ་ཀརྨ་ཨ་བ་ར་ཎ།  ནི་མེ་སརྦཱ་ཉཛྙཱ་ན་ཨ་དྷི་ཏི་སྭཱ་ཧཱ། ན་མོ་བྷ་ག་བ་ཏི་ས་ཧ་སྲ་བརྟེ། སརྦ་བུད་དྷ་
ཨ་བ་ལོ་ཀྲི་ཏི་ཙཀྵུ་ཤྲོ་ཏྲ་གྷཱ་ཎ་ཛི་ཧྭཱ་ཀཱ་ཡ་མ་ནོ་བི་ཛྙཱ་ན་བི་ཤོ་དྷ་ནི་སྭཱ་ཧཱ། ཕུ་རུ་ཕུ་རུ། སུ་རུ་སུ་རུ། ཕུ་རཱ་ཕུ་རཱ། པྲ་ཕུ་རཱ་པྲ་ཕུ་རཱ། སརྦ་བུད་དྷ་ཨ་དྷི་ཏ་སྭཱ་ཧཱ། དྷརྨ་དྷ་ཏུ་གརྦྷེ་སྭཱ་ཧཱ། ཨ་བྷཱ་བ་སྭ་བྷཱ་བ།  སརྦ་དྷརྨ་ཨ་བ་བོ་དྷ་ནི་སྭཱ་ཧཱ། གཟུངས་འདིའི་ཆོ་
ག་ནི་འདི་ཡིན་ཏེ། ལན་ཅིག་བརྗོད་པས་ཀྱང་བསྐལ་པ་སྟོང་གི་བར་དུ་ལས་ཀྱི་སྒྲིབ་པ་བསགས་པ་ཐམས་ཅད་ཟད་པར་འགྱུར་རོ། །སངས་རྒྱས་སྟོང་གིས་དགེ་བའི་རྩ་བ་བསགས་པ་འཐོབ་པར་འགྱུར་རོ། །བསྐལ་པ་སྟོང་གི་བར་དུ་འཁོར་བ་ལ་
རྒྱབ་ཀྱིས་ཕྱོགས་པར་འགྱུར་རོ། །ཚེ་རྗེས་ནས་འཁོར་ལོས་སྒྱུར་བའི་རྒྱལ་སྲིད་ཐོབ་པར་འགྱུར་རོ། །འཆི་བའི་དུས་ཀྱི་ཚེ་སངས་རྒྱས་སྟོང་མཐོང་བར་འགྱུར་རོ། །སངས་རྒྱས་ཀྱི་ཞིང་དག་པ་དག་ཏུ་སྐྱེ་བར་འགྱུར་རོ། །ཉིན་དུས་གསུམ་མཚན་
དུས་གསུམ་དུ་ཉི་ཤུ་རྩ་རེ་རེ་བརྗོད་ན་ཅི་འདོད་པ་རྨི་ལམ་དུ་མཐོང་བར་འགྱུར་རོ། །དེ་བཞིན་གཤེགས་པའི་སྐུ་གསེར་གྱི་མདོག་ཅན་ཡང་འཐོབ་པར་འགྱུར་རོ། །སངས་རྒྱས་དང་། བྱང་ཆུབ་སེམས་དཔའི་ཡུལ་རྣམས་ལ་ཡང་མི་ཕྱེད་པའི་
སེམས་དད་པ་ཅན་དུ་འགྱུར་ཏེ། དེ་ལ་སོགས་པ་ཕན་ཡོན་ཚད་མེད་པ་དག་འབྱུང་ངོ་། །སྟོང་འགྱུར་ཞེས་བྱ་བའི་གཟུངས།  རྫོགས་སྷོ།། །། སྐར་ཞུས།། ༄༅།  །རྒྱ་གར་སྐད་དུ། ཨཱརྱ་ཨཥྚ་མ་ཧཱ་བྷ་ཡ་ཏཱ་ར་ནི་ནཱ་མ་དྷཱ་ར་ཎཱི། བོད་སྐད་དུ། འཕགས་པ་

106-1-273b

འཇིགས་པ་ཆེན་པོ་བརྒྱད་ལས་སྒྲོལ་བ་ཞེས་བྱ་བའི་གཟུངས། སངས་རྒྱས་དང་། བྱང་ཆུབ་སེམས་དཔའ་ཐམས་ཅད་ལ་ཕྱག་འཚལ་ལོ། །དེ་བཞིན་གཤེགས་པ་ཡོན་ཏན་འབྱུང་གནས་ལ་ཕྱག་འཚལ་ལོ། །དེ་བཞིན་གཤེགས་པ་
ཀུན་ནས་སྤོས་དྲི་ལ་ཕྱག་འཚལ་ལོ། །དེ་བཞིན་གཤེགས་པ་གཞན་གྱིས་མི་ཐུབ་པའི་རྩལ་དང་ལྡན་པ་ལ་ཕྱག་འཚལ་ལོ། །དེ་བཞིན་གཤེགས་པ་སྒྲིབ་པ་ཐམས་ཅད་རྣམ་པར་སེལ་བ་ལ་ཕྱག་འཚལ་ལོ། །དེ་བཞིན་གཤེགས་པ་ཟླ་བ་
མཆོག་ལ་ཕྱག་འཚལ་ལོ། །དེ་བཞིན་གཤེགས་པ་ཞི་བའི་རྒྱལ་པོ་ལ་ཕྱག་འཚལ་ལོ། །དེ་བཞིན་གཤེགས་པ་ཟླ་བའི་བླ་མ་ལ་ཕྱག་འཚལ་ལོ། །བྱང་ཆུབ་སེམས་དཔའ་སེམས་དཔའ་ཆེན་པོ་སྙིང་རྗེ་ཆེན་པོ་དང་ལྡན་པ་འཇིགས་པ་མེད་
པར་བྱེད་པ་ལ་ཕྱག་འཚལ་ལོ། །ཏདྱ་ཐཱ། དྷ་རེ་དྷ་རེ། དྷ་རེ་དྷཱ་ར་ཎཱི། ར་ན་ཀོ་ཊེ། ཨ་བྷ་ཡཱ་ཀལ་པེ། ཀལ་པ་ནི་ག་ཎེ།  ཨ་ནན་ཏ་ཀལ་པེ། ཨ་མྲི་ཏ་ཀལ་པེ། ཧུ་ཏཱ་ཤ་རེ། ཨ་ནན་ཏ་མུ་ཁེ། ཨ་ནན་ཏ་ཙཀྵུ་ས་མུད་ག་ཏེ། ཨོཾ་བྷ་སྭཱ་ཧཱ། རིགས་ཀྱི་བུ་གཟུངས་
ཀྱི་གསང་སྔགས་འདི་དག་ནི་སེམས་ཅན་ངན་སོང་དུ་འགྲོ་བ་རྣམས་ཀྱི་དོན་གྱི་ཕྱིར། སངས་རྒྱས་བཅོམ་ལྡན་འདས་གང་གཱའི་ཀླུང་གི་བྱེ་མ་སྙེད་དག་གིས་གསུངས་པ་དང་། བྱིན་གྱིས་བརླབས་པ་དང་། རྗེས་སུ་ཡི་རང་བ་ཡིན་ནོ། །རིགས་ཀྱི་
བུ་བྱང་ཆུབ་སེམས་དཔའ་གང་ལ་ལ་གཟུངས་འདི་འཛིན་པར་བྱེད་པ་དེ་འཇིགས་པ་བརྒྱད་པོ་སེམས་ཅན་དམྱལ་བའི་འཇིགས་པ་མཐའ་ཡས་པ་དང་། དུད་འགྲོའི་སྐྱེ་གནས་ཀྱི་འཇིགས་པ་མཐའ་ཡས་པ་དང་། གཤིན་རྗེའི་འཇིག་རྟེན་
གྱི་འཇིགས་པ་མཐའ་ཡས་པ་དང་། ཡི་དགས་ཀྱི་འཇིགས་པ་མཐའ་ཡས་པ་དང་། བགྲོད་དཀའ་བའི་འཇིགས་པ་མཐའ་ཡས་པ་དང་། སྐྱེ་བའི་འཇིགས་པ་མཐའ་ཡས་པ་དང་། ནད་ཀྱི་འཇིགས་པ་མཐའ་ཡས་པ་དང་། འཆི་བའི་འཇིགས་པ་
མཐའ་ཡས་པ་དག་ལས་ཡང་དག་པར་འདའ་བར་འགྱུར་རོ། །ཕྱོགས་བཅུའི་སངས་རྒྱས་བཅོམ་ལྡན་འདས་རྣམས་ཀྱིས་དགོངས་པར་འགྱུར་རོ། །སེམས་རྣམ་པར་གཡེང་བ་མེད་པར་འཆི་བའི་དུས་བྱེད་ཅིང་། སངས་རྒྱས་རྣམས་ཀྱི་སྤྱན་སྔར་སྐྱེ་

106-1-274a

བར་འགྱུར། ཟད་མི་ཤེས་པའི་ལུས་ཐོབ་པར་འགྱུར། སྤྲུལ་པའི་ལུས་ཀྱང་ཐོབ་པར་འགྱུར་རོ། །ན་མཿསརྦ་བིདྱཱ། སིད་དྷྱན་ཏུ་མེ་མན་ཏྲ་པཱ་ད་སྭཱ་ཧཱ། འཕགས་པ་འཇིགས་པ་ཆེན་པོ་བརྒྱད་ལས་སྒྲོལ་བ་ཞེས་བྱ་བའི་གཟུངས་རྫོགས་
སྷོ།། །། སྐར།། ༄༅།  །འཕགས་པ་ཤེས་རབ་ཀྱི་ཕ་རོལ་ཏུ་ཕྱིན་པ་སྟོང་ཕྲག་བརྒྱ་པའི་གཟུངས། བཅོམ་ལྡན་འདས་མ་ཡུམ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་ཕྱག་འཚལ་ལོ། །ཏདྱ་ཐཱ། ཨོཾ་མུ་ནི་དྷརྨཱ།  སྃ་གྲ་ཧ་དྷརྨེ། ཨ་ནུ་གྲ་ཧ་དྷརྨེ། བི་མུག་ཏི་དྷརྨེ། ས་ར་
ཨ་ནུ་གྲ་ཧ་དྷརྨེ། བྷེ་ར་བ་མན་པ་རི་བརྟ་ན་དྷརྨེ། སརྦ་ཀརྱ་པ་རི་པྲ་མ་ན་དྷརྨེ། ས་མྃ་ཏ་ཨ་ནུ་པ་རི་བརྟ་ན་དྷརྨེ་སྭཱ་ཧཱ། ཨོཾ་པྲཛྙེ་ཤྲུ་ཏི་སྨྲི་ཏི་མ་ཏི་བི་ཛ་ཡེ་སྭཱ་ཧཱ། དྷི་དྷཱ་ར་ཎཱི་སྭཱ་ཧཱ། ཨོཾ་པྲཛྙཱ་པཱ་ར་མི་ཏཱ་བ་ལ་སྭཱ་ཧཱ། འདི་བཟུང་བས་ཤེས་རབ་ཀྱི་ཕ་རོལ་དུ་ཕྱིན་པ་
སྟོང་ཕྲག་བརྒྱ་པ་གཟུང་བར་འགྱུར་རོ། །རྟག་ཏུ་བཟླས་བརྗོད་བྱས་ན་ཡིད་གཞུངས་པར་འགྱུར་རོ། །ལས་ཀྱི་སྒྲིབ་པ་ཐམས་ཅད་བྱང་བར་འགྱུར་རོ། །ཤེས་རབ་ཀྱི་ཕ་རོལ་ཏུ་ཕྱིན་པ་སྟོང་ཕྲག་བརྒྱ་པའི་གཟུངས།  རྫོགས་སོ།། །། སྐར།། 
༄༅།  །འཕགས་པ་ཤེས་རབ་ཀྱི་ཕ་རོལ་ཏུ་ཕྱིན་པ་སྟོང་ཕྲག་ཉི་ཤུ་ལྔ་པའི་གཟུངས།  བཅོམ་ལྡན་འདས་མ་ཡུམ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་ཕྱག་འཚལ་ལོ། །ཏདྱ་ཐཱ། ཨོཾ་པྲཛྙཱ་པྲཛྙེ། པྲཛྙཱ་ཨ་བ་བྷཱ་སེ། པྲཛྙཱ་བ་ལ་ག་ཏི་སརྦ་དྷརྨ་ཨར་དྷ་
ཀ་ར་བྷི་དྷ་མཱ་ནི། སིད་དྷེ་སུད་དྷེ་སིད་དྷེ། སིད་དྷྱན་ཏུ་མྃ་བྷ་ག་བ་ཏཱི། སརྦ་ཛྙཱ་ན་སན་དྷ་རི། བྷ་ག་བ་ཏཱི་བད་ཚེ་ལ། པྲ་ས་ར་དེ་ཧསྟ་མ་མ་སུ་ཀ་ར། སིད་དྷི་སིད་དྷི། བུད་དྷ་བུད་དྷ། ཀྃ་པ་ཀྃ་པ། པཱ་ལ་པཱ་ལ། དྷ་ར་དྷ་ར། བ་ར་བ་ར། གརྫ་གརྫ། ཨ་གཙྪ་
ཨ་གཙྪ། བྷ་ག་བ་ཏཱི་མ་བྷི་ལྃ་སྭཱ་ཧཱ། འདི་བཟུང་བས་ཤེས་རབ་ཀྱི་ཕ་རོལ་དུ་ཕྱིན་པ་སྟོང་ཕྲག་ཉི་ཤུ་ལྔ་པ་གཟུང་བར་འགྱུར་རོ། །ལས་ཀྱི་སྒྲིབ་པ་ཐམས་ཅད་བྱང་བར་འགྱུར་རོ། །འཕགས་པ་ཤེས་རབ་ཀྱི་ཕ་རོལ་ཏུ་ཕྱིན་པ་སྟོང་ཕྲག་
ཉི་ཤུ་ལྔ་པའི་གཟུངས།   རྫོགས་སྷོ།། །། འཕགས་པ་ཤེས་རབ་ཀྱི་ཕ་རོལ་ཏུ་ཕྱིན་པ་བརྒྱད་སྟོང་པའི་གཟུངས། བཅོམ་ལྡན་འདས་མ་ཡུམ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་ཕྱག་འཚལ་ལོ། །ཏདྱ་ཐཱ། ཨོཾ་ཧྲཱིཿཤྲུ་ཏི་ཏི་བི་ཛ་ཡེ་

106-1-274b

སྭཱ་ཧཱ། པྲཛྙཱ་པཱ་ར་མེ་ཏཱ་ཡེ།  སརྦ་དུརྒ་ཏི་ཤོ་དྷཱ་ཡཱ། རཱ་ཛ་ཡ་སྭཱ་ཧཱ། འདི་བཟུང་བས་ཤེས་རབ་ཀྱི་ཕ་རོལ་ཏུ་ཕྱིན་པ་བརྒྱད་སྟོང་པ་གཟུང་བར་འགྱུར་རོ། །ལྟས་ངན་པ་སྣ་ཚོགས་ཀྱང་ཟློག་གོ། །ལས་ཀྱི་སྒྲིབ་པ་དང་། ངན་སོང་ཐམས་ཅད་རྣམ་པར་སྦྱོང་
བར་འགྱུར་རོ། །འཕགས་པ་ཤེས་རབ་ཀྱི་ཕ་རོལ་ཏུ་ཕྱིན་པ་བརྒྱད་སྟོང་པའི་གཟུངས། རྫོགས་སྷོ།། །། ཕ་རོལ་ཏུ་ཕྱིན་པ་དྲུག་གི་སྙིང་པོའི་གཟུངས། འཕགས་པ་ཡུམ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་ཕྱག་འཚལ་ལོ། །སངས་རྒྱས་ལ་ཕྱག་
འཚལ་ལོ། །ཆོས་ལ་ཕྱག་འཚལ་ལོ། །དགེ་འདུན་ལ་ཕྱག་འཚལ་ལོ། །ན་མོ་དྷརྨ་ཀཱ་ཡ། སྃ་བྷོ་ག་ཀཱ་ཡ། ནིར་མཱ་ཎ་ཀཱ་ཡ། ཏདྱ་ཐཱ། དཱ་ན་པཱ་ར་མི་ཏཱ། ཤཱི་ལ་པཱ་ར་མི་ཏཱ། ཀྵཱན་ཏི་པཱ་ར་མི་ཏཱ། བཱིརྱ་པཱ་ར་མི་ཏཱ། དྷྱཱ་ན་པཱ་ར་མི་ཏཱ། པྲཛྙཱ་པཱ་ར་མི་ཏཱ། སརྦ་དྷརྨ་
ཤཱུ་ནྱ་ཏཱ་སྭཱ་ཧཱ། འདི་བཟུང་བས་ཕ་རོལ་དུ་ཕྱིན་པ་དྲུག་གཟུང་བར་འགྱུར་རོ། །སྟོང་པ་ཉིད་ཡིད་ལ་བྱས་པར་འགྱུར་རོ། །རྟག་ཏུ་བཟླས་བརྗོད་བྱས་ན་ཆོས་ཐམས་ཅད་ཀྱི་མདོ་དང་རྒྱས་པ་ཤེས་པར་འགྱུར་རོ། །མཚམས་མེད་པ་ལྔ་བྱང་བར་འགྱུར་རོ། །ལྟས་
ངན་པ་ཐམས་ཅད་ཀྱང་མི་སྡིག་གོ། །ཕ་རོལ་དུ་ཕྱིན་པ་དྲུག་གི་སྙིང་པོའི་གཟུངས།  རྫོགས་སྷོ།། །། དཀོན་མཆོག་གསུམ་ལ་ཕྱག་འཚལ་ལོ། །སྦྱིན་པའི་སྙིང་པོ་འདི་ལན་ཅིག་ཐོས་པས་སྦྱིན་པ་ཐོབ་པར་འགྱུར་རོ། །ཨོཾ་ན་མ་སྟྲཻ་བྷ་
ག་བ་ཏཱི་དཱ་ནཱ་དྷི་པ་ཏེ་སྭཱ་ཧཱ། ཚུལ་ཁྲིམས་ཀྱི་སྙིང་པོ་འདི་ལན་ཅིག་ཐོས་པས་ཚུལ་ཁྲིམས་ཐོབ་པར་འགྱུར་རོ། །ན་མཿསརྦ་ཏ་ཐཱ་ག་ཏཱ་ནཱྃ། མ་ཧཱ་ཀ་ནཱ་ད་མ་ཀཱ་ནཱྃ། ན་མོ་བྷ་ག་བ་ཏྱཻ། ཤཱི་ལ་པ་རི་པཱུརྞ་ཤི་རི་ཡཻ་ཤཱི་ལམ་མེ། སཱ་དྷ་ཡ་སཱ་དྷ་ཡ། ཀིན་ཏིཥྚ་
སྃ་བུད་དྷོ་བྷ་ག་བན་དྷརྨ་སྱ། ས་མ་ཛྙཱ་ན་པ་ཡ་ཏི་སྭཱ་ཧཱ། བཟོད་པའི་སྙིང་པོ་འདི་ལན་ཅིག་ཐོས་པས་བཟོད་པ་ཐོབ་པར་འགྱུར་རོ། །ན་མཿསརྦ་ཏ་ཐཱ་ག་ཏཱ་ཡ། ཨ་ཙིན་ཏྱ་གོ་ཙ་རཱ་ཡ། ན་མོ་ཀྵཱ་ན་ཏ་ཡཻ་བ་ཧུ་བྷྱཿ  ཏ་ཐཱ་ག་ཏཱ་ན་བྷུ་ཏ་ཀོ་ཊི་བྷི་བ་རི་བ་ར་
ཏི་ཏ་ཡཻ་རཀྵྃ་ཀུ་རུ་ཏུ་རུ་ཏུ་རུ་ས་མ་ཡ་མ་ནུ་སྨ་ར། ཤཱཀྱ་མུ་ནི་སརྦ་ཏ་ཐཱ་ག་ཏཱ་མ་པཱ་ར་མི་ཏཱ་ཛྙཱ་ན་གོ་ཙ་རོ་ཛྙཱ་ནཱ་པ་ཡ་ཏི་སྭཱ་ཧཱ། བརྩོན་འགྲུས་ཀྱི་སྙིང་པོ་འདི་ལན་ཅིག་ཐོས་པས་བརྩོན་འགྲུས་ཐོབ་པར་འགྱུར་རོ། །ན་མཿསརྦ་ཏ་ཐཱ་ག་ཏཱ་ནཱྃ།  

106-1-275a

མ་ཙིན་ཏྱ་བི་ཤ་ཡ་ནཱྃ།  ན་མོ་སྟུ་ཏེ་བྷ་ག་བ་ཏེ་བཱིརྱ་པཱ་ར་མི་ཏ། བཱིརྱ་ན་ཀུ་རུ་བཱིརྱེ་བཱིརྱེ། མ་ཧཱ་བཱིརྱ་ཏ་ཐཱ་ག་ཏཱ། སརྦ་ཛྙཱ་ནཱ་པཱ་ཡ་ཏི་སྭཱ་ཧཱ། བསམ་གཏན་གྱི་སྙིང་པོ་འདི་ལན་ཅིག་ཐོས་པས་བསམ་གཏན་ཐོབ་པར་འགྱུར་རོ། །ན་མཿ
སརྦ་ཏ་ཐཱ་ག་ཏ་ནཱྃ། ཨོཾ་བི་མ་ལེ། ནིར་མ་ལེ། དྷྱཱ་ནེ་དྷྱཱ་ནེ། དྷྱ་ན་པྲི་ཡེ་ཧཱུྃ་ཕཊ། ཤེས་རབ་ཀྱི་སྙིང་པོ་འདི་ལན་ཅིག་ཐོས་པས་ཤེས་རབ་ཐོབ་པར་འགྱུར་རོ། །ན་མཿསརྦ་ཏ་ཐཱ་ག་ཏཱ་ཡ། ཨ་པ་རི་མི་ཏ་ཛྙཱ་ན་གོ་ཙ་རཱ་ཡ། ན་མོ་བྷ་ག་བ་ཏེ། ཛྙཱ་ན་པཱ་ར་མི་
ཏ་ཡཻ། ཛྙཱ་ནཱྃ་མེ་ཀུ་རུ་ཀུ་རུ་བི་གྷ་ན་ཏ་ཐཱ་ག་ཏཱ་སྱ། ས་མ་ཡ་མ་ནུ་སྨ་ར། ཧི་ཧི་ཧི་ཧི། ཛྙཱ་ཛྙཱ་ཛྙཱ་ཛྙཱ་ཧཱུྃ་ཧཱུྃ་ཕཊ། ཕ་རོལ་དུ་ཕྱིན་པ་དྲུག་གཟུང་བར་འགྱུར་བའི་གཟུངས།  རྫོགས་སོ།། །། སྐར།། ཕ་རོལ་ཏུ་ཕྱིན་པ་བཅུའི་སྙིང་པོ་འདི་ལན་ཅིག་
ཐོས་པས་ཕ་རོལ་དུ་ཕྱིན་པ་བཅུ་ཐོབ་པར་འགྱུར་རོ། །ན་མཿསབ་ཏ་ནཱྃ། ཏ་ཐཱ་ག་ཏཱ་ནཱྃ། ད་ཤ་པཱ་ར་མི་ཏཱ་པ་རི་པཱུ་ར་ཀཱ་ནཱྃ་ཧཱི། ཕ་རོལ་དུ་ཕྱིན་པ་བཅུ་ཐོབ་པར་འགྱུར་བའི་གཟུངས།  རྫོགས་སྷོ།། །། སྐར།། འདི་ལན་ཅིག་བརྗོད་པས་
བྱམས་པ་ཐོབ་པར་འགྱུར་རོ། །ན་མཿསརྦ་ཏ་ཐཱ་ག་ཏཱ་ནཱྃ། ཙུ་རུ་ཙུ་རུ། མུ་རུ་མུ་རུ། ཀུ་རུ་ཎེ། ཀཱ་རུ་ཎྱ་ཙིད་ཏ་མུད་པཱ་པ་ཡ། བྷ་ག་བ་ཏི་སརྦ་བྷ་ཡྃ་མེ་ནཱ་ཤ་ཡ་སྭཱ་ཧཱ། འདི་ལན་གཅིག་བརྗོད་པས་སྙིང་རྗེ་ཐོབ་པར་འགྱུར་རོ། །ན་མཿསརྦ་ཏ་ཐཱ་ག་
ཏཱ་ནཱྃ། ན་མོ་བྷ་ག་བ་ཏི་སརྦ་ས་ཏྲ་བི་ཡེ་ཧཱུྃ་མུ་དི་ཏེ་སྭཱ་ཧཱ། འདི་ལན་ཅིག་བརྗོད་པས་དགའ་བ་ཐོབ་པར་འགྱུར་རོ། །ན་མཿསརྦ་ཏ་ཐཱ་ག་ཏཱ་ནཱྃ། མ་ཙིན་ཏྱ་བི་ཤ་ནཱྃ། ཨོཾ་ཏུ་རུ་ཏུ་རུ་ཏྲྃ། ཧུ་ལུ་ཧུ་ལུ། མུ་ལུ་མུ་ལུ་སྭཱ་ཧཱ། འདི་ལན་གཅིག་བརྗོད་པས་
བཏང་སྙོམས་ཐོབ་པར་འགྱུར་རོ། །ན་མཿསརྦ་ཏ་ཐཱ་ག་ཏཱ་ཧྲི་ད་ཡ། ཨཱ་ནུ་ག་ཏེ་ཨོཾ་ཀུ་རུྃ་གི་ནི་སྭཱ་ཧཱ། ཚད་མེད་པ་བཞི་ཐོབ་པར་འགྱུར་བའི་གཟུངས།  རྫོགས་སྷོ།། །། སྐར།། བཅོམ་ལྡན་འདས་མ་འཕགས་མ་ཤེས་རབ་ཀྱི་ཕ་རོལ་དུ་ཕྱིན་
པ་ལ་ཕྱག་འཚལ་ལོ། །ཏདྱ་ཐཱ། ཨོཾ་མུ་ནི་དྷརྨེ། སྃ་གྲ་ཧ་དྷརྨེ། ཨ་ནུ་གྲ་ཧ་དྷརྨེ། བི་མུག་ཏི་དྷརྨེ། ས་དཱ་ཨ་ནུ་གྲ་ཧ་དྷརྨེ།  བཻ་ཤྲ་བ་ཎ་པ་རི་བརྟི་ཏ་དྷརྨེ། སརྦ་ཀ་ཏྱ་པ་རི་པྲ་མ་ཎ་དྷརྨེ། ས་མ་ཏཱ་པ་རི་བརྟ་ན་དྷརྨེ་སྭཱ་ཧཱ། ཨོཾ་པྲཛྙེ་ཤྲུ་ཏི་ཏི་བི་ཛ་ཡེ་

106-1-275b

དྷཱི་དྷ་ར་ཎཱི་ཡེ་སྭཱ་ཧཱ། འདི་བཟུང་བས་ཤེས་རབ་ཀྱི་ཕ་རོལ་དུ་ཕྱིན་པ་སྟོང་ཕྲག་བརྒྱ་པ་བཟུང་བར་འགྱུར་རོ། །ཤེས་རབ་ཀྱི་ཕ་རོལ་དུ་ཕྱིན་པ་སྟོང་ཕྲག་བརྒྱ་པ་བཟུང་བར་འགྱུར་བའི་གཟུངས། རྫོགས་སོ།། །། སྐར།། དཀོན་མཆོག་གསུམ་ལ་
ཕྱག་འཚལ་ལོ། །ཨོཾ་ནྠཱི། ན་མཿསརྦ་བུད་དྷཱ་ནཱྃ། །ཨོཾ་མཱཾ། བྷྲཱུྃཿམཱུྃཿ ཏདྱ་ཐཱ། ཨོཾ་བྷྲཱུྃཿ། འདི་བཟུང་བས་འཕགས་པ་ཕལ་པོ་ཆེ་བཟུང་བར་འགྱུར་རོ། །འདྲི་བ་དང་ཀློག་པ་ཡང་དེ་དང་འདྲའོ། །འཕགས་པ་ཕལ་པོ་ཆེ་བཟུང་བར་འགྱུར་
བའི་གཟུངས།   རྫོགས་སོ།། །། སྐར།། དཀོན་མཆོག་གསུམ་ལ་ཕྱག་འཚལ་ལོ། །ན་མཿས་མྃ་ཏ་བུད་དྷཱ་ནཱྃ། ཨ་པྲ་ཏི་ཧ་ཏ་ཤཱ་ས་ནཱ་ནཱྃ། ཨོཾ་ཀི་ཎི་ཀི་ཎི། ཏ་ཐཱ་ག་ཏ་ཨུད་བྷ་བ་ཤཱན་ཏེ་བ་ར་ཏེ། ཨུད་ཏ་མ་ཨུད་ཏ་མ། ཏ་ཐཱ་ག་ཏ་ཨུད་བྷ་བ་ཧཱུྃ་ཕཊ་སྭཱ་ཧཱ། 
འདི་བཟུང་བས་འཕགས་པ་སྡོང་པོ་བཀོད་པའི་མདོ་ཐམས་ཅད་རྫོགས་པར་བཀླགས་ཤིང་ཁ་ཏོན་དུ་བྱས་པར་འགྱུར་རོ། །འཇིག་རྟེན་དང་འཇིག་རྟེན་ལས་འདས་པ་ཐམས་ཅད་ཀྱི་དཀྱིལ་འཁོར་དང་དམ་ཚིག་ཤེས་པར་འགྱུར་རོ། །ཕྱག་རྒྱ་
རྣམས་ཀྱང་ཤེས་པར་འགྱུར་རོ། །འཕགས་པ་སྡོང་པོ་བཀོད་པའི་སྙིང་པོ། རྫོགས་སྷོ།། །། སྐར།། དཀོན་མཆོག་གསུམ་ལ་ཕྱག་འཚལ་ལོ། །ན་མཿས་མན་ཏ་བུད་དྷཱ་ནཱྃ། ཨ་པྲ་ཏི་ཧ་ཏ་ཤཱ་ས་ནཱ་ནཱྃ། ཨོཾ་དྷུ་ན་དྷུ་ན་ཧཱུྃ་ཧཱུྃ་ཕཊ་ཕཊ་སྭཱ་ཧཱ། འདི་བཟུང་བས་
འཕགས་པ་ཏིང་ངེ་འཛིན་གྱི་རྒྱལ་པོའི་མདོ་གཟུང་བར་འགྱུར་རོ། །འཕགས་པ་ཏིང་ངེ་འཛིན་གྱི་རྒྱལ་པོའི་མདོ་གཟུང་བར་འགྱུར་བའི་གཟུངས། རྫོགས་སྷོ།། །། སྐར།། དཀོན་མཆོག་གསུམ་ལ་ཕྱག་འཚལ་ལོ། །སངས་རྒྱས་ཀུན་ནས་ཐོགས་མེད་
སྟོན་ལ་ཕྱག་འཚལ་ལོ། །ཨོཾ་པི་ཤུ་ནེ་སྭཱ་ཧཱ། འདི་བཟུང་ན་འཕགས་པ་རྨ་བྱ་ཆེན་མོ་བཟུང་བར་འགྱུར་རོ། །འཕགས་པ་རྨ་བྱ་ཆེན་མོའི་སྙིང་པོ།  རྫོགས་སྷོ།། སྐར།།  དཀོན་མཆོག་གསུམ་ལ་ཕྱག་འཚལ་ལོ། །ན་མཿས་མན་ཏ་བུད་དྷཱ་ནཱྃ། ཨ་པྲ་
ཏི་ཧ་ཏ་ཤཱ་ས་ནཱ་ནཱྃ། ཨོཾ་མ་ཎི་དྷ་རི་བཛྲི་ཎི་མ་ཧཱ་པྲ་ཏི་ས་རེ་ཧཱུྃ་ཧཱུྃ་ཕཊ་ཕཊ་སྭཱ་ཧཱ། འདི་བཟུང་བས་འཕགས་མ་རིག་པའི་རྒྱལ་མོ་སོ་སོར་འབྲང་མ་ཆེན་མོ་གཟུང་བར་འགྱུར་རོ། །འཕགས་མ་སོ་སོར་འབྲང་མ་ཆེན་མོ་བཟུང་བར་འགྱུར་བའི་

106-1-276a

གཟུངས། རྫོགས་སོ།། །། སྐར།། འཕགས་པ་ལང་ཀར་གཤེགས་པ་ལ་ཕྱག་འཚལ་ལོ། །བློ་གྲོས་ཆེན་པོ་སྔགས་ཀྱི་ཚིག་འདི་དག་བཤད་པར་བྱའོ། །ཏདྱ་ཐཱ། ཨོཾ་པད་མེ་པད་མེ་དེ་བཻ། ཧི་ནེ་ཧི་ནེ་ཧི་ནེ། ཙུ་ལུ་ཙུ་ལུ་ཙུ་ལུ། ཧུ་ལེ་
ཧུ་ལེ་ཧུ་ལེ། ཡུ་ལེ་ཡུ་ལེ་ཡུ་ལེ། པ་ལེ་པ་ལེ་པ་ལེ། མུྃ་ཙེ་ཚ་ན་དེ། བྷིན་དྷེ་བྷན་ཛྲེ། མན་དྷེ་པྲ་མ་དྷེ།  དི་ན་ཀ་རེ་སྭཱ་ཧཱ། བློ་གྲོས་ཆེན་པོ་རིགས་ཀྱི་བུའམ་རིགས་ཀྱི་བུ་མོ་གང་ལ་ལ་སྔགས་ཀྱི་ཚིག་འདི་དག་འཛིན་པ་དང་། འཆང་བ་དང་། ཀློག་པ་
དང་། ཀུན་ཆུབ་པར་བྱེད་ན། ལྷའམ། ལྷ་མོའམ། ཀླུའམ། ཀླུ་མོའམ། གནོད་སྦྱིན་ནམ། གནོད་སྦྱིན་མོའམ། ལྷ་མ་ཡིན་ནམ། ལྷ་མ་ཡིན་མོའམ། ནམ་མཁའ་ལྡིང་ངམ། ནམ་མཁའ་ལྡིང་མོའམ། མི་འམ་ཅིའམ། མི་འམ་ཅི་མོ་
འམ། ལྟོ་འཕྱེ་ཆེན་པོའམ། ལྟོ་འཕྱེ་ཆེན་མོའམ། དྲི་ཟའམ། དྲི་ཟ་མོའམ། འབྱུང་པོའམ། འབྱུང་མོའམ། གྲུལ་བུམ་འམ། གྲུལ་བུམ་མོའམ། ཤ་ཟའམ། ཤ་ཟ་མོའམ། གནོན་པོའམ། གནོན་མོའམ། 
བརྗེད་བྱེད་དམ། བརྗེད་བྱེད་མོའམ། སྲིན་པོའམ། སྲིན་མོའམ། ཕྲ་མན་ཕོའམ། ཕྲ་མན་མོའམ། མདངས་འཕྲོག་ཕོའམ། མདངས་འཕྲོག་མོའམ། ལུས་སྲུལ་པོ་
འམ། ལུས་སྲུལ་མོའམ། མིའམ། མི་མ་ཡིན་པ་དེ་དག་ཐམས་ཅད་ཀྱིས་གླགས་མི་རྙེད་དོ། །གསང་སྔགས་ཀྱི་ཚིག་འདི་དག་ཀློག་པར་བྱེད་པ་དེས་ལང་ཀར་གཤེགས་པའི་མདོ་ཐམས་ཅད་
བཀླགས་པར་འགྱུར་རོ། །སྔགས་ཀྱི་ཚིག་འདི་དག་ནི་བཅོམ་ལྡན་འདས་ཀྱིས་སྲིན་པོ་ལ་སོགས་པ་རྣམས་བཟློག་པའི་ཕྱིར་གསུངས་སོ། །འཕགས་པ་ལང་ཀར་གཤེགས་པའི་མདོ་ཐམས་ཅད་
བཀླགས་པར་འགྱུར་བའི་གཟུངས་སྔགས་རྫོགས་སྷོ།། །། གཅིག་ཞུས་ཀུན། གཉིས་ཞུས་སྔགས། གསུམ་ཞུས་སྔགས་དང་དཔལ། སྐར་མས་ཞུས་སོ། །