85-1-1a

༼ཁ༽ ༄༅། ༈ །གསང་སྔགས་རྒྱུད་འབུམ་གྱི་སྐོར་བཞུགས་སོ། །
(黃)  秘密經第二部

85-1-1b

༄༅༅། །རྒྱ་གར་སྐད་དུ། ཤྲཱི་ཛྙཱ་ན་གར་བྷ་ནཱ་མ་ཡོ་གི་ནཱི་མ་ཧཱ་ཏན་ཏྲ་རཱ་ཛ་ཛཱ་ཏི་ར་ཛ།  
བོད་སྐད་དུ། དཔལ་ཡེ་ཤེས་སྙིང་པོ་ཞེས་བྱ་བ་རྣལ་འབྱོར་མ་ཆེན་མོའི་རྒྱུད་ཀྱི་རྒྱལ་པོའི་རྒྱལ་པོ། 
དཔལ་རྡོ་རྗེ་སེམས་དཔའ་ལ་ཕྱག་འཚལ་ལོ། །འདི་སྐད་བདག་གིས་ཐོས་པ་དུས་གཅིག་ན། 
བཅོམ་ལྡན་འདས་རི་རབ་ཀྱི་རྩེ་མོར་བྱེ་བ་ཕྲག་བདུན་བཅུ་རྩ་གཉིས་ཀྱི་གྲངས་ཀྱི་མཁའ་འགྲོ་དང་མཁའ་
འགྲོ་མས་ཡོངས་སུ་བསྐོར་ནས་བྷ་གུ་ལ་ཆེན་པོའི་སྐྱེད་མོས་ཚལ་ན་བཞུགས་སོ། །དེར་བཅོམ་ལྡན་
འདས་ཀྱིས་ལྷ་མོ་ལེགས་དགྱེས་དབང་མོ་དང་ལྷན་ཅིག་ཏུ་རོལ་པ་མཛད་པའི་ཚེ་རྗེ་བཙུན་ལ་བ་སྤུ་ལངས་སོ། །
དེའི་དུས་སུ་བཅོམ་ལྡན་འདས་མ་ལེགས་དགྱེས་ཀྱི་སྦྱོར་བ་ལས་ལངས་ཏེ་ལན་གསུམ་དུ་བསྐོར་བ་བྱས་ནས་
ཞབས་ལ་མགོ་བོས་ཕྱག་འཚལ་ཏེ། འདི་སྐད་ཅེས་གསོལ་ཏོ། །ཀྱེ་མ་བཅོམ་ལྡན་འདས་ཅིའི་ཕྱིར་

85-1-2a

ཉིད་ཀྱི་སྐུ་ལ་བ་སྤུ་ལངས་ལགས། བཅོམ་ལྡན་འདས་ཀྱིས་བཀའ་སྩལ་པ། ཀྱེ་བཅོམ་ལྡན་འདས་མ་དེ་ལ་དགོས་པ་ཅི་ཞིག་ཡོད། གང་གི་དོན་གྱི་ཕྱིར་ངའི་སྐུ་ལ་བ་སྤུ་ལངས་པ་དེ་ནི་
གསང་བ་ཆེན་པོའོ། །བཅོམ་ལྡན་འདས་མས་གསོལ་པ། གསང་བ་ཆེན་པོ་ལགས་མོད་ཀྱང་མཆོག་གི་དབང་ཕྱུག་བཀའ་སྩོལ་ཅིག །བཅོམ་ལྡན་འདས་ཀྱིས་བཀའ་སྩལ་པ། ང་ཡིས་ལེགས་
དགྱེས་ཀྱི་བདེ་བ་ཉམས་སུ་མྱོང་ཞིང་སྟེང་དང་འོག་ན་གནས་པའི་དགའ་བའི་སྐྱེད་བྱེད་མ་རྣམས་ལ་འདུས་པ་ལས་བ་སྤུ་ལངས་སོ། །བཅོམ་ལྡན་འདས་མས་གསོལ་པ། སྟེང་དང་འོག་ན་གནས་པའི་དགའ་བ་སྐྱེད་
བྱེད་མ་རྣམས་ལ་འདུས་པ་ཇི་ལྟར་ལགས། བཅོམ་ལྡན་འདས་ཀྱིས་བཀའ་སྩལ་པ། སྟེང་དང་འོག་ན་གནས་པའི་དགའ་བ་སྐྱེད་བྱེད་མ་རྣམས་ལ་གང་ཞིག་འདུས་པ་དེ་ཅིའི་ཕྱིར་མི་ཤེས། བཅོམ་ལྡན་འདས་
མས་གསོལ་པ། བཅོམ་ལྡན་འདས་དེ་སྐད་དུ་དེ་ལྟར་ནི་ལགས་མོད་ཀྱི། འོན་ཀྱང་མི་ཤེས་པའི་ཕྱིར་བཅོམ་ལྡན་འདས་ཀྱི་དྲུང་དུ་བདག་གིས་ནི་ཞུས་སོ། །བཅོམ་ལྡན་འདས་ཀྱིས་བཀའ་སྩལ་པ། འདི་ནི་
སོ་སོ་རང་གིས་ཉམས་སུ་མྱོང་བ་ཡིན་མོད་ཀྱང་། འོན་ཀྱང་ཁྱོད་ཀྱི་ངོར་ངས་བཤད་པར་བྱ་སྟེ། དགའ་བྲལ་གྱི་དགའ་བ་འབྱུང་བའི་སྟོང་ཕྲག་བདུན་བཅུ་རྩ་གཉིས་ཀྱི་བདག་ཉིད་ཀྱི་རྩའི་དྲ་བ་འདར་ཞིང་གཡོས་པ་
ཙམ་གྱིས་ཚུལ་ཤར་རོ། །ཚུལ་ཤར་བས་ཐིག་ལེའི་རྒྱལ་པོ་ཞུའོ། །ཐིག་ལེའི་རྒྱལ་པོ་ཞུ་བ་ལས་སྟེང་དང་འོག་ན་གནས་པའི་དགའ་བ་སྐྱེད་བྱེད་མ་རྣམས་ལ་འདུས་པའོ། །དེ་སྐད་ཅེས་ཐོས་ནས་བཅོམ་ལྡན་འདས་
ཀྱི་ཞབས་ལ་མགོ་བོས་ཕྱག་འཚལ་ཏེ། དམ་དུ་ཁྱུད་པ་བྱས་ནས་མ་མཆུའི་བདུད་རྩྀའི་བཏུང་བས་དགྱེས་པར་བྱ་ཏེ་ཕྱི་ནས་ཡང་ཞུ་བ་མཛད་དོ། །ཀྱཻ་བཅོམ་ལྡན་འདས་དགའ་བྲལ་གྱི་དགའ་བའི་དུས་སུ་འདུས་པ་ལགས་

85-1-2b

ན། དེ་ལ་སྦྱོར་བ་མེད་པ་གང་གི་དུས་ལགས། བཅོམ་ལྡན་འདས་ཀྱིས་བཀའ་སྩལ་པ། དྲིས་པ་ཡང་དག་དགྱེས་པ་མཆོག །སངས་རྒྱས་རྣམས་ཀྱིས་རྙེད་དཀའ་བ། །དགའ་བྲལ་དུས་སུ་སྦྱོར་བ་མེད། །དེ་ནི་དགའ་བྲལ་
དགའ་བ་མིན། །བཅོམ་ལྡན་འདས་མས་གསོལ་པ། ཀྱཻ་བཅོམ་ལྡན་འདས་དགའ་བྲལ་གྱི་དགའ་བ་དང་དགའ་བྲལ་ལ་ཁྱད་པར་ཅི་ལགས། བཅོམ་ལྡན་འདས་ཀྱིས་བཀའ་སྩལ་པ། དགའ་མོ་ཁྱོད་ཅིའི་ཕྱིར་དེ་སྐད་ཅེས་སྨྲ། དགའ་བྲལ་
གྱི་དགའ་བ་དང་དགའ་བྲལ་གཉིས་ལ་ཁྱད་པར་ཆེར་ཡོད་པ་དེ་བརྗོད་པར་བྱའོ། །གང་ཞིག་དགའ་བྲལ་གྱི་དགའ་བ་དེ་ཞུ་བ་གནས་པ་སྟེ་འཕོ་བ་ལ་སོགས་པ་དང་བྲལ་བའོ། །གང་ཞིག་དགའ་བྲལ་དེ་ནི་དགའ་བ་དང་བྲལ་བ་ཞུ་བ་འཕོ་ཞིང་
འཇིག་པའོ། །དགའ་བྲལ་གྱི་དགའ་བ་ནི་ཞུ་བ་གནས་པ་སྟེ། འཕོ་བ་ལ་སོགས་པ་དང་བྲལ་བའི་ཕྱིར་རང་གིས་ཉམས་སུ་མྱོང་བའི་ངོ་བོའོ། །བཅོམ་ལྡན་འདས་མས་གསོལ་པ། རང་གིས་ཉམས་སུ་མྱོང་བའི་མཚན་ཉིད་དགའ་བྲལ་གྱི་དགའ་བ་
དང་། ལྷན་ཅིག་སྐྱེས་པའི་དགའ་བའི་ཁྱད་པར་ཅི་ལགས། བཅོམ་ལྡན་འདས་ཀྱིས་བཀའ་སྩལ་པ། ལྷན་ཅིག་སྐྱེས་པའི་དགའ་བ་ནི་དངོས་པོ་ཡང་མ་ཡིན། དངོས་པོ་མ་ཡིན་པ་ཡང་མ་ཡིན། གསང་བ་ཡང་མ་ཡིན། ཡེ་ཤེས་ཀྱང་མ་ཡིན། 
ཡེ་ཤེས་ལས་བྱུང་བ་ཡང་མ་ཡིན། སྲིད་པ་ཡང་མ་ཡིན། མྱ་ངན་ལས་འདས་པ་ཡང་མ་ཡིན། ཆར་ཡང་མ་ཡིན། ཐིག་ལེ་ཡང་མ་ཡིན། ཚུལ་ཡང་མ་ཡིན། ཚུལ་ཙམ་ཡང་མ་ཡིན། མཆོག་ཀྱང་མ་ཡིན། གཞན་མཆོག་ཀྱང་མ་ཡིན། 
ཤར་བ་ཡང་མ་ཡིན། ནུབ་པ་ཡང་མ་ཡིན། གཟུགས་ཀྱང་མ་ཡིན། སྒྲ་ཡང་མ་ཡིན། དྲི་ཡང་མ་ཡིན། རོ་ཡང་མ་ཡིན། རེག་བྱ་ཡང་མ་ཡིན། ཡི་གེ་ཡང་མ་ཡིན། རྟེན་ཡང་མ་ཡིན། བརྟེན་པ་ཡང་མ་ཡིན། ཁམས་ཀྱང་མ་ཡིན། ཤེས་
རབ་ཀྱང་མ་ཡིན། ཐབས་ཀྱང་མ་ཡིན། ཐིམ་པ་ཡང་མ་ཡིན། ལོངས་སྤྱོད་ཀྱང་མ་ཡིན། དབང་ཡང་མ་ཡིན། སྤྲུལ་པ་ཡང་མ་ཡིན། ཆོས་ཀྱང་མ་ཡིན། ལོངས་སྤྱོད་ཀྱང་མ་ཡིན། ལུས་ཀྱང་མ་ཡིན། ངག་ཀྱང་མ་ཡིན། ཡིད་ཀྱང་མ་ཡིན།

85-1-3a

རྣམ་པ་ཐམས་ཅད་དང་རྣམ་པར་བྲལ་བ། མི་ཟད་པ། དྲི་མ་མེད་པ། སྐྱེ་བ་མེད་པ། འགག་པ་མེད་པ། རྟག་ཏུ་ཤར་བའོ། །བཅོམ་ལྡན་འདས་མས་གསོལ་པ། དེ་ལྟ་བུའི་ལྷན་ཅིག་སྐྱེས་པའི་དགའ་བ་གང་ལས་རྙེད། 
བཅོམ་ལྡན་འདས་ཀྱིས་བཀའ་སྩལ་པ། དགའ་བྲལ་གྱི་དགའ་བ་ཉམས་སུ་མྱོང་བ་ལས་རྙེད་དེ། དེ་བཞིན་དུ་བསམ་གཏན་ལ་སོགས་པས་མ་ཡིན་ནོ། །བཅོམ་ལྡན་འདས་མས་གསོལ་པ། ལྷན་ཅིག་སྐྱེས་པའི་དགའ་བ་དེ། དགའ་
བྲལ་གྱི་དགའ་བའི་ཉམས་སུ་མྱོང་བའི་རྒྱུ་ལགས་སམ་འབྲས་བུ་ལགས། བཅོམ་ལྡན་འདས་ཀྱིས་བཀའ་སྩལ་པ། ལྷན་ཅིག་སྐྱེས་པའི་དགའ་བའི་རྒྱུ་ཡིན་ཏེ་འབྲས་བུ་མ་ཡིན་ནོ། །བཅོམ་ལྡན་འདས་མས་གསོལ་པ། ལྷུན་གྱིས་གྲུབ་
པའི་ལྷན་ཅིག་སྐྱེས་པའི་དགའ་བ་འབྱུང་བ་ལ་རྒྱུའི་དངོས་པོས་དགོས་པ་ཅི་མཆིས། རང་བཞིན་མེད་པའི་ཕྱིར་རོ། །ཇི་ལྟར་སྲེག་པ་ལ་དུད་པ་བཞིན་ནོ། །བཅོམ་ལྡན་འདས་ཀྱིས་བཀའ་སྩལ་པ། དེ་སྐད་དུ་སྨྲ་བ་ནི་ཚད་མ་མ་ཡིན་ཏེ། དང་པོར་སྲེག་
པ་མེད་པར་དེར་དུད་པ་འབྱུང་བ་གང་ལས་འོང་། དེ་ལྟ་བུའི་རིགས་ལས་ལྷན་ཅིག་སྐྱེས་པའོ། །བཅོམ་ལྡན་འདས་མས་གསོལ་པ། དེ་ལྟར་ལགས་ན་ལྷན་ཅིག་སྐྱེས་པ་ལས་དགའ་བྲལ་གྱི་དགའ་བ་ནི་རྒྱུ་ཡང་ཡིན་ལ་འབྲས་བུ་ཡང་ཡིན་ན། 
འོན་ཀྱང་འདིར་རྒྱུ་ནི་གཉིས་སུ་དབྱེ་བ་དང་། འབྲས་བུ་ཡང་གཉིས་སུ་དབྱེ་སྟེ། གསལ་བའི་རྒྱུ་དང་། འབྱུང་བའི་རྒྱུའོ། །འབྲས་བུ་ཡང་དེ་བཞིན་ནོ། །བཅོམ་ལྡན་འདས་མས་གསོལ་པ། ཀྱཻ་བཅོམ་ལྡན་འདས་གསལ་བའི་རྒྱུ་ཅི་འདྲ་བ་
དང་། འབྱུང་བའི་རྒྱུ་ཅི་འདྲ་བ་བསྟན་དུ་གསོལ། བཅོམ་ལྡན་འདས་ཀྱིས་བཀའ་སྩལ་པ། གསལ་བའི་རྒྱུ་ནི་དགའ་བྲལ་གྱི་དགའ་བ་སྟེ། ཇི་ལྟར་མར་མེ་བཞིན་ནོ། །འབྱུང་བའི་རྒྱུ་ནི་དགའ་བ་ལས་མཆོག་གི་དགའ་བ་སྟེ། ཇི་ལྟར་
ས་བོན་ལས་མྱུ་གུ་བཞིན་ནོ། །དགའ་བྲལ་གྱི་དགའ་བ་ནི་གཞན་རྣམས་དང་མི་འདྲ་བའི་ཕྱིར་འབྱུང་བའི་རྒྱུ་མ་ཡིན་ཏེ། དགའ་བ་གཞན་དང་མི་འདྲ་བ་ལས་འབྱུང་བ་ཡིན་ནོ། །དཔལ་ཡེ་ཤེས་སྙིང་པོ་ལས་ལྷན་ཅིག་སྐྱེས་པའི་དགའ་བའི་

85-1-3b

དོན་ཞེས་བྱ་བའི་ལེའུ་སྟེ་དང་པོའོ།། །། བཅོམ་ལྡན་འདས་མས་གསོལ་པ། གང་ཞིག་དཔལ་ཕྱག་རྒྱ་ཆེན་པོའི་ཐིག་ལེའི་རྒྱུད་ཀྱི་རྒྱལ་པོ་ལས་ཕྱག་རྒྱ་ཆེན་པོའི་དོན་བསྟན་པ་དེ་ཐོབ་པར་བྱ་བའི་དོན་དུ་དེའི་ཐབས་བཅོམ་ལྡན་འདས་ཀྱིས་བདག་ལ་
བཀའ་སྩལ་དུ་གསོལ། བཅོམ་ལྡན་འདས་ཀྱིས་བཀའ་སྩལ་པ། ཁྱོད་ཀྱིས་བདག་ལ་ཞུས་པ་གང་། །ཉོན་ཅིག་ལྷ་མོ་རབ་ཏུ་བཤད། །ཕྱག་རྒྱ་ཆེན་པོ་ནི་འདིར་བཞིར་དབྱེ་བ་སྟེ། ལས་ཀྱི་ཕྱག་རྒྱ་དང་། དམ་ཚིག་གི་ཕྱག་རྒྱ་དང་། ཡེ་ཤེས་ཀྱི་ཕྱག་རྒྱ་
དང་། ཆོས་ཀྱི་ཕྱག་རྒྱའོ། །གང་ཞིག་ལས་ཀྱི་ཕྱག་རྒྱ་ནི་སྣང་བའི་རང་བཞིན་དགའ་བའི་ལོ་དང་ལྡན་པའོ། །གང་ཞིག་དམ་ཚིག་གི་ཕྱག་རྒྱ་དེ་ནི་སྣང་བ་མཆེད་པའི་རང་བཞིན་སྐྱེ་མཆེད་ཀྱི་ལོ་དང་ལྡན་པའོ། །གང་ཞིག་ཡེ་ཤེས་ཀྱི་ཕྱག་རྒྱ་དེ་ནི་སྣང་བ་ཐོབ་
པའི་རང་བཞིན་ཁམས་ཀྱི་ལོ་དང་ལྡན་པའོ། །གང་ཞིག་ཆོས་ཀྱི་ཕྱག་རྒྱ་དེ་ནི་འོད་གསལ་གྱི་རང་བཞིན་ནོ། །ཕྱག་རྒྱ་ཆེན་པོ་དེ་ཡང་འོད་གསལ་མ་ཡིན་པ་གཞན་ལས་མི་རྙེད་དོ། །བཅོམ་ལྡན་འདས་མས་གསོལ་པ། བཅོམ་ལྡན་འདས་འོད་གསལ་ཞེས་
བགྱི་བ་ཇི་ལྟར་ལགས། གང་དུ་གནས་པ་ཡིན། བཅོམ་ལྡན་འདས་ཀྱིས་བཀའ་སྩལ་པ། འོད་གསལ་ནི་ནམ་མཁའི་དབུས་སུ་གནས་པའི་ཐིག་ལེའི་ངོ་བོ་སྟེ་དེ་ནི་ཕྱག་རྒྱ་ཆེན་པོ་རྙེད་པར་འགྱུར་རོ། །བཅོམ་ལྡན་འདས་མས་གསོལ་པ། རེ་ཤིག་འོད་
གསལ་ནི་ཇི་ལྟར་རྙེད་པ་ལགས། བཅོམ་ལྡན་འདས་ཀྱིས་བཀའ་སྩལ་པ། ལས་དང་དམ་ཚིག་དང་ཡེ་ཤེས་དང་ཆོས་ཀྱི་ཕྱག་རྒྱས་སོ། །བཅོམ་ལྡན་འདས་མས་གསོལ་པ། ཕྱག་རྒྱ་རྣམས་ཉིད་ནི་གང་ལས་རྙེད་པར་འགྱུར་ལགས། བཅོམ་ལྡན་འདས་ཀྱིས་
བཀའ་སྩལ་པ། དབང་བསྐུར་བ་ཕྱིའི་ཕྱག་རྒྱ་ལ་བརྟེན་ནས་ནང་གི་ཕྱག་རྒྱ་རྣམས་རྙེད་དོ། །བཅོམ་ལྡན་འདས་མས་གསོལ་པ། ཕྱི་དང་ནང་གི་ཕྱག་རྒྱ་དེ་གནས་གང་དུ་གནས་པར་འགྱུར། མཚན་ནི་ཇི་ལྟ་བུ། རང་གི་ངོ་བོ་ནི་ཇི་ལྟ་བུ། དེར་དབང་ནི་ཇི་ལྟ་བུ་ལགས། 
བཅོམ་ལྡན་འདས་ཀྱིས་བཀའ་སྩལ་པ། འདིར་དབང་ནི་བཞི་སྟེ། སློབ་དཔོན་དང་གསང་བ་དང་ཤེས་རབ་ཡེ་ཤེས་དང་། དེ་ལྟར་དེ་བཞིན་བཞི་པའོ། །སློབ་དཔོན་གྱི་དབང་ནི་དགའ་བའི་ལོ་དང་ལྡན་པ་གཞོན་ནུ་མ་ལ་རྡོ་རྗེ་དང་དྲིལ་བུ་མཉམ་པར་ལྡན་པ་ནུ་མ་དང་འཛའ་གུ་ནི་རེག་པར་

85-1-4a

བྱས་པས་སོ། །གསང་བའི་དབང་ནི་སྐྱེ་མཆེད་ཀྱི་ལོ་དང་ལྡན་པའི་གཞོན་ནུ་མ་ལ་ནང་གི་རྐན་ཡོངས་སུ་འཇིབས་པ་ལས་སོ། །ཤེས་རབ་ཡེ་ཤེས་ནི་ཁམས་ཀྱི་ལོ་དང་ལྡན་པའི་གཞོན་ནུ་མ་ལ་ལྷན་ཅིག་བསྲུབ་པ་དང་བསྲུབ་པའི་ཐབས་
ཆེན་པོ་ལས་ཞུ་བ་འཕོ་བའི་དུས་སུ་ཡེ་ཤེས་ཉམས་སུ་མྱོང་བས་སོ། །དེ་ལྟར་དེ་བཞིན་བཞི་པ་ནི་ཤེས་རབ་ཡེ་ཤེས་དེ་ཉིད་བརྟན་པར་བྱེད་པ་སྟེ། དེའི་ཕྱིར་དེ་ལྟར་དེ་བཞིན་ཞེས་བསྟན་པ་ཡིན་ནོ། །བརྟན་པར་བྱས་པ་ཙམ་གྱིས་དྲུག་
བཅུ་རྩ་བཞིའི་འདབ་མའི་ནང་དུ་ཕྱག་རྒྱ་བཞི་མཉམ་པར་སྦྱོར་བར་འགྱུར་བ་ཡིན་ནོ། །དེ་ཡང་འཇུག་པ་དང་། གནས་པ་དང་། འགྲོ་བ་དང་། རྟེན་པའི་ངོ་བོས་སོ། །འཇུག་པ་ནི་གཏུམ་མོའོ། །གནས་པ་ནི་རང་བཞིན་གྱིས་རྟོག་པ་མེད་པའོ། །
འགྲོ་བ་ནི་བྱ་གདོང་མའི་རྩའོ། །རྟེན་པའི་ངོ་བོས་སྒྲོག་མའི་རྩའོ། །དོན་དམ་པར་ཕྱག་རྒྱ་ཆེན་པོ་གཅིག་པུ་སྟེ། འོན་ཀྱང་ལས་ཀྱི་རང་བཞིན་གྱིས་བཞིར་དབྱེའོ། །བཅོམ་ལྡན་འདས་མས་གསོལ་པ། བཅོམ་ལྡན་འདས་དེ་རྣམས་ལ་ལས་ཀྱི་
རང་བཞིན་གྱི་བྱེ་བྲག་ཇི་ལྟར་ལགས། བཅོམ་ལྡན་འདས་ཀྱིས་བཀའ་སྩལ་པ། ཞི་བ་དང་། རྒྱས་པ་དང་། དབང་དང་། དྲག་པོ་སྟེ། ལས་ཀྱི་བྱེ་བྲག་གིས་ཕྱག་རྒྱ་ཆེན་པོས་ཐོབ་པའོ། །བཅོམ་ལྡན་འདས་མས་གསོལ་པ། 
བཅོམ་ལྡན་འདས་ཞི་བ་དང་། རྒྱས་པ་དང་། དབང་དང་། དྲག་པོ་རྣམས་ཀྱི་མིང་དང་སྤྱོད་པ་ཇི་ལྟར་ལགས། བཅོམ་ལྡན་འདས་ཀྱིས་བཀའ་སྩལ་པ། ཞི་བ་ནི་རྒོད་པའོ། །རྒྱས་པ་ནི་བལྟ་བའོ། །དབང་ནི་ལག་པས་མཁྱུད་པས་སོ། །
དྲག་པོ་ནི་གཉིས་ཀྱིས་གཉིས་སྙོམས་པར་འཇུག་པའོ། །དེ་རྣམས་ལ་སྤྱོད་པའི་ཚངས་པའི་གནས་པའི་སྤྱོད་པ་དང་། བརྟུལ་ཞུགས་ཆེན་པོའི་སྤྱོད་པ་དང་། གོས་བྲལ་གྱི་བརྟུལ་ཤུགས་ཀྱི་སྤྱོད་པ་དང་། རང་དབང་གི་སྤྱོད་པས་སོ། །
དཔལ་ཡེ་ཤེས་སྙིང་པོ་ལས་ཕྱག་རྒྱ་ཆེན་པོ་དང་། དབང་བསྐུར་བའི་དོན་ཞེས་བྱ་བའི་ལེའུ་སྟེ་གཉིས་པའོ།། །། བཅོམ་ལྡན་འདས་མས་གསོལ་པ། དབང་བསྐུར་བའི་དུས་སུ་དཀྱིལ་འཁོར་རྣམས་ཇི་ལྟ་བུ། སློབ་དཔོན་

85-1-4b

ནི་ཇི་ལྟ་བུས་བྱ། བཅོམ་ལྡན་འདས་ཀྱིས་བཀའ་སྩལ་པ། སློབ་དཔོན་གྱི་དབང་བསྐུར་བའི་དུས་སུ་རྡུལ་ཚོན་ལ་སོགས་པའི་དཀྱིལ་འཁོར་རོ། །གསང་བའི་དབང་ལ་བླ་མ་ལ་དབུལ་བའི་དཀྱིལ་འཁོར་ནི་རང་བྱུང་གི་མེ་ཏོག་དང་ལྡན་པའི་
མེ་ཏོག་གིས་སོ། །ཤེས་རབ་ཡེ་ཤེས་ཀྱི་དབང་གི་དུས་སུ་བྱང་ཆུབ་ཀྱི་སེམས་དང་ལྡན་པའི་བཞི་མཉམ་གྱིས་སོ། །བཞི་པའི་དུས་སུ་གཞན་མ་ཡིན་པ་བྱང་ཆུབ་ཀྱི་སེམས་འབའ་ཞིག་དཀྱིལ་འཁོར་གྱིས་སོ། །དེ་ལ་སློབ་དཔོན་ནི་མཚན་
ཐམས་ཅད་ཀྱིས་བརྒྱན་པ་དང་། རྒྱུད་ཐམས་ཅད་མཁྱེན་པ་དང་། དབང་བསྐུར་བ་ལ་མཁས་པ་དང་། ཐུགས་རྗེ་དང་ལྡན་པ་དང་། རྒྱ་ཆེ་བ་ལ་མོས་པ་དང་། སྔགས་ལ་སོགས་པ་དང་། རབ་ཏུ་སྦྱོར་བ་ལ་མཁས་པ་དང་། དངོས་གྲུབ་
ཐོབ་པའི་སློབ་དཔོན་ལ་སོགས་པས་དབང་བསྐུར་བ་དང་། དངོས་གྲུབ་ཐོབ་པའི་བླ་མའི་བཀའི་གནང་བ་ཐོབ་པ་དང་། ཡང་ན་རང་ཉིད་དངོས་གྲུབ་ཐོབ་པ་དེས་ནི་དཀྱིལ་འཁོར་དང་། དབང་བསྐུར་བའི་རིམ་པ་དང་། བསྒྲུབ་ཐབས་ལ་
སོགས་པ་བྱའོ། །དེ་བཞིན་དུ་རྟོག་གེ་པ་ལ་སོགས་པས་ནི་མ་ཡིན་ནོ། །བཅོམ་ལྡན་འདས་མས་གསོལ་པ། ཀྱཻ་བཅོམ་ལྡན་འདས་སློབ་དཔོན་གྱི་ནི་དབང་བསྐུར་བའི། དཀྱིལ་འཁོར་མཚན་མ་ཇི་ལྟར་ལགས། །དཀྱིལ་འཁོར་གྱི་ནི་ཚད་ཇི་ཙམ། །
གཙོ་བོ་བདག་པོ་ཡང་ནི་གང་། །ངོ་བོ་གང་གིས་སློབ་མ་གཟུང་། །ལས་ཀྱི་སློབ་དཔོན་ཇི་ལྟ་བུ། །མཆོད་པ་རྣམས་ནི་ཇི་ལྟར་ལགས། །བླ་མའི་ཡོན་ནི་ཇི་ལྟར་ལགས། །བཅོམ་ལྡན་འདས་ཀྱིས་བཀའ་སྩལ་པ། །ཁྱོད་ཀྱིས་བདག་ལ་གང་
ཞུས་པ། །ལྷ་མོ་ཉོན་ཅིག་བདག་གིས་བཤད། །མཚན་མའི་སློབ་མའི་མོས་པས་སོ། །ཡང་ན་ཇི་ལྟར་དཀྱིལ་འཁོར་གྱི་སློབ་དཔོན་གྱི་ཡིད་དང་འཐད་པའོ། །དེ་བཞིན་མཐེ་བོའི་སོར་གསུམ་ལྷག་པའི་ཁྲུ་ཕྱེད་དང་དོའི་དཀྱིལ་འཁོར་བྱའོ། །
དེ་ནི་རེ་ཤིག་མཚན་མའི་དཀྱིལ་འཁོར་ཡིན་ཏེ། དེའང་རྣལ་འབྱོར་མའི་རྒྱུད་ཀྱི་གོ་རིམ་གྱིས་བྱའོ། །དེ་ཡང་ཡན་ལག་ཐམས་ཅད་ཚང་བའོ། །དེའི་དབུས་སུ་ཉི་མའི་དཀྱིལ་འཁོར་བྲིའོ། །དེའི་སྟེང་དུ་སྣ་ཚོགས་རྡོ་རྗེ་སྟེ། སྣ་ཚོགས་རྡོ་རྗེའི་ལྟེ་བའི་ནང་དུ་ཧཱུྃ་གི་

85-1-5a

རྣམ་པ། ཕྱི་རོལ་དུ་སྣ་ཚོགས་པདྨ་འདབ་མ་བརྒྱད་དང་ལྡན་པ། རྡོ་རྗེའི་ཕྲེང་བས་རྣམ་པར་བརྒྱན་པར་བྱའོ། །དེའི་ཤར་གྱི་འདབ་མ་ལ་འཁོར་ལོ་མདོག་དཀར་པོ་དང་། ལྷོར་རིན་པོ་ཆེ་མདོག་སེར་པོ་དང་། ནུབ་དུ་པདྨ་མདོག་དམར་པོ་དང་། 
བྱང་དུ་རལ་གྲི་མདོག་ལྗང་གུ་དང་། མེའི་མཚམས་སུ་རིན་པོ་ཆེའི་ཤིང་དང་། ཆུའི་མཚམས་སུ་སེ་འབྲུ་དང་། རླུང་གི་མཚམས་སུ་རྒྱལ་མཚན་དང་། དབང་ལྡན་གྱི་མཚམས་སུ་ཀ་པཱ་ལའོ། །ཤར་སྒོར་རྡོ་རྗེ་ལྕགས་ཀྱུ་དང་། ལྷོར་རྡོ་རྗེ་ཞགས་པ་དང་། ནུབ་དུ་རྡོ་རྗེ་ལྕགས་
སྒྲོག་དང་། བྱང་དུ་རྡོ་རྗེ་དྲིལ་བུའོ། །མཚམས་རྣམས་སུ་མེ་ཏོག་གི་ཆུན་འཕྱང་དང་། བདུག་སྤོས་ཀྱི་རེང་བུ་དང་། མར་མེ་དང་། དྲིའི་དུང་ཆོས་སོ། །དེའི་ཕྱི་རོལ་དུ་རྡོ་རྗེ་ཕྲེང་བའོ། །སྣ་ཚོགས་རྡོ་རྗེའི་ལྟེ་བའི་ནང་དུ་ཧཱུྃ་གི་རྣམ་པ་ཡོངས་སུ་གྱུར་པ་ལས་རྡོ་རྗེ་འཛིན་པ་ཆེན་པོ་ཞལ་
གསུམ་པ། སྤྱན་གསུམ་པ། ཕྱག་བཞི་པ། རྒྱལ་པོའི་བཞུགས་ཐབས་ཀྱིས་གནས་པ། རང་འོད་ཀྱི་རིག་མས་འཁྱུད་པ། ནམ་མཁའ་སྔོན་པོའི་མདོག་ཅན། རྒྱན་ཐམས་ཅད་ཀྱིས་བརྒྱན་པ། བརྒྱད་གཉིས་ཀྱི་ལོ་དང་ལྡན་པ། ཉི་མ་བྱེ་བའི་འོད་དང་ལྡན་པ། 
རལ་པའི་དབུ་རྒྱན་གྱིས་བརྒྱན་པ། རྡོ་རྗེ་དང་། དྲིལ་བུ་དང་། རྔེའུ་ཆུང་དང་། ཀ་པཱ་ལ་དང་། ཁ་ཊྭཱྃ་ག་འཛིན་པའི་བདག་པོའོ། །མཚན་མའི་སྐབས་སུ་དབུས་སུ་རྡོ་རྗེ་དང་། རྡོ་རྗེ་དྲིལ་བུས་བྱའོ། །དེ་ནས་སློབ་མ་སྟ་གོན་བྱས་ལ་སྨན་སྣ་ཚོགས་
ཀྱིས་ཁྲུས་བྱས་པ། རྣམ་པར་སྣང་མཛད་ཀྱི་ངོ་བོས་སློབ་མ་གཟུང་བར་བྱའོ། །ལས་ཀྱི་སློབ་དཔོན་ནི་བསྟན་བཅོས་ཐམས་ཅད་ལ་མཁས་པ། སེར་སྣ་མེད་པ། མཚན་མ་ཅུང་ཟད་ཐོབ་པའོ། །དེར་མཆོད་པ་པོ་རྣམས་ཤིན་ཏུ་མཁས་པ། ཆགས་པ་
ལ་སོགས་པ་དང་བྲལ་བ། མཚན་མ་རྙེད་པ། དབང་གསུམ་ཐོབ་པའོ། །སློབ་དཔོན་ལ་དབང་བསྐུར་བའི་དུས་སུའམ། རྒྱུད་ཐོས་པའི་དུས་སུ་ཤིན་ཏུ་གཅེས་པའི་ཆུང་མ་དང་། བུ་མོ་དང་། གཞན་ཡང་གསེར་དང་། མུ་ཏིག་དང་། ནོར་བུ་དང་། 
གླང་པོ་ཆེ་དང་། རྟ་དང་། ཞིང་དང་། བྲན་དང་། བྲན་མོ་དང་། ན་བཟའ་དུ་མ་ལ་སོགས་པ་ཅི་ཙམ་ནུས་པ་དབུལ་བར་བྱའོ། །ནོར་ལ་སོགས་པ་ཡོད་ནས་གང་ཞིག་མི་འབུལ་ན་དེ་ནི་བསྐལ་པ་སྟོང་གི་བར་དུ་དམྱལ་བར་སྐྱེ་བར་འགྱུར་རོ། །ལོངས་སྤྱོད་མེད་

85-1-5b

པར་གྱུར་པས་དང་རང་གི་ལུས་པོ་དབུལ་བར་བྱ་སྟེ་བྲན་དུ་བྱའོ། །དེས་ནི་ཚེ་འདི་ཉིད་ལ་སངས་རྒྱས་ཉིད་དམ། ཡང་ན་རྡོ་རྗེ་འཛིན་པ་ཉིད་ཐོབ་པར་འགྱུར་རོ། །ལྷ་མོས་གསོལ་པ། བཅོམ་ལྡན་འདས་སྦྱིན་པ་ལ་སོགས་པ་ཙམ་གྱིས་སངས་རྒྱས་སམ།
རྡོ་རྗེ་འཛིན་པར་འགྱུར་རམ་ཅི། བཅོམ་ལྡན་འདས་ཀྱིས་བཀའ་སྩལ་པ། ལྷ་མོ་སྦྱིན་པ་ལ་སོགས་པ་ཙམ་གྱིས་སངས་རྒྱས་སམ་རྡོ་རྗེ་འཛིན་པར་མི་འགྱུར་ཏེ། འོན་ཀྱང་བླ་མ་ལ་མཆོད་པས་བསོད་ནམས་ཆེན་པོའི་ཚོགས་སྐྱེའོ། །བསོད་ནམས་ཆེན་པོའི་
ཚོགས་བསགས་པ་ལས་སྡིག་པའི་ཕུང་པོ་ཟད་དེ། བླ་མའི་མཆོག་སངས་རྒྱས་ཐམས་ཅད་ཀྱི་རང་བཞིན་རང་གི་ལྷའི་སྐུ་ཡང་དག་པ་དང་ཕྲད་པ་ཐོབ་བོ། །ཕྲད་པས་ཡང་དག་པའི་མན་ངག་གནང་བར་འགྱུར་རོ། །མན་ངག་ཐོབ་པ་ལས་བརྩོན་འགྲུས་ཆེན་པོ་
དང་ལྡན་པ་ཡིན་ནོ། །དེས་ཚེ་འདི་ཉིད་ལ་སངས་རྒྱས་སམ་རྡོ་རྗེ་འཛིན་པ་ཐོབ་པར་འགྱུར་རོ། །དཔལ་ཡེ་ཤེས་སྙིང་པོ་ལས་དབང་བསྐུར་བ་དང་། དཀྱིལ་འཁོར་གྱི་དོན་ཞེས་བྱ་བའི་ལེའུ་སྟེ་གསུམ་པའོ།། །། བཅོམ་ལྡན་འདས་མས་གསོལ་པ། ཁྱོད་ཀྱི་དཀྱིལ་
འཁོར་ཇི་ལྟར་ལགས། །མངའ་བདག་ཆེན་པོ་བཀའ་སྩོལ་ཅིག །བཅོམ་ལྡན་འདས་ཀྱིས་བཀའ་སྩལ་པ། །བདག་གིས་དཀྱིལ་འཁོར་དགེ་བ་ནི། །ཉོན་ཅིག་ལྷ་མོ་རབ་ཏུ་བཤད། །གྲུ་བཞི་པ་ལ་སྒོ་བཞི་པ། །རྟ་བབས་བཞིས་ནི་རྣམ་པར་བརྒྱན། །དྲ་བ་
དྲ་ཕྱེད་ཆུན་འཕྱང་དང་། །འདོད་ཡོན་རིན་ཆེན་ལ་སོགས་བརྒྱན། །དེ་ཡི་དབུས་སུ་གཞན་མིན་བདག །ཞལ་བཟངས་ཁྱོད་དང་ལྷན་ཅིག་གོ། །ཕྱག་བཞི་པ་ལ་ཞལ་བཞི་པ། །སྤྱན་གསུམ་ཨུཏྤལ་སྔོན་པོའི་མདོག །ཕྱག་རྒྱ་དྲུག་དང་ལྡན་པ་དང་། །སྣ་ཚོགས་རུས་
པའི་རྒྱན་དང་ལྡན། །ཞི་བ་ཆེན་པོའི་རང་བཞིན་ཅན། །སྣ་ཚོགས་པདྨའི་སྟེང་དུ་ནི། །འཇིགས་བྱེད་དུས་མཚན་ཞབས་ཀྱིས་མནན། །རྒྱལ་པོའི་བཞུགས་སྟབས་ཀྱིས་ནི་བཞུགས། །རྡོ་རྗེ་དྲིལ་བུ་རྔེ་ཆུང་དང་། །ཀ་པཱ་ལ་དང་ཁ་ཊྭཱྃ་བསྣམས། །ཞལ་གཞན་སེར་
དང་དམར་དང་ལྗང་། །ལྷ་མོ་ཁྱོད་ཀྱང་བདག་གི་མདོག །ཞལ་གསུམ་མ་ལ་སྤྱན་གསུམ་པ། །ཕྱག་གཉིས་གྲི་གུག་པད་སྣོད་འཛིན། །སྣ་ཚོགས་རྒྱན་གྱིས་བརྒྱན་པའོ། །བཅོམ་ལྡན་འདས་མས་གསོལ་པ། འདི་ཡི་དཀྱིལ་འཁོར་འཁོར་ལོ་ལ། །འཁོར་ནི་

85-1-6a

གང་ལགས་གྲངས་དུ་མཆིས། །བཅོམ་ལྡན་འདས་ཀྱིས་བཀའ་སྩལ་པ། །གང་ཞིག་ཁྱོད་ཀྱིས་བདག་ལ་ཞུས། །ཉོན་ཅིག་ལྷ་མོ་བདག་གིས་བཤད། །དཀྱིལ་འཁོར་ཕྱོགས་བཞིར་དཔའ་ཆེན་པོ། །ཤེས་རབ་ཡན་ལག་མས་འཁྱུད་ཅིང་། །
མཚམས་སུ་རྡོ་རྗེ་མ་མོ་བཞི། །སྒོར་ནི་ཁྲོས་པའི་ལྷ་མོ་བཞིའོ། །བཅོམ་ལྡན་འདས་མས་གསོལ་པ། དེ་རྣམས་ལ་བསྐྱེད་པའི་ཆོ་ག་ནི་གང་། མདོག་དང་ཕྱག་རྒྱ་དང་བཞུགས་ཐབས་ལ་སོགས་པ་ཇི་ལྟར་ལགས། བཅོམ་ལྡན་འདས་ཀྱིས་བཀའ་སྩལ་པ། 
ཁྱོད་དང་བདག་རོལ་པ་མཛད་ཅིང་། བསྲུབ་པ་དང་བསྲུབ་པའི་ཐབས་ཆེན་པོའི་སྦྱོར་བའི་དགའ་བའི་རྟགས་ལས་དཔའ་བོ་ཆེན་པོའི་ཚངས་པ་ཞེས་བྱ་བ་ཕྱག་བཞི་པ། ཞལ་གསུམ་པ། སྤྱན་གསུམ་པ། གསེར་གྱི་མདོག་ཉི་མའི་དཀྱིལ་འཁོར་གྱི་སྟེང་དུ་རྒྱལ་
པོའི་བཞུགས་ཐབས་ཀྱིས་གནས་པ། རལ་པའི་ཅོད་པན་གྱིས་བརྒྱན་པ། ཤེས་རབ་མའི་ཡན་ལག་གིས་འཁྱུད་པ། ཕྱག་རྒྱ་ལྔ་འཛིན་པ། རྒྱན་སྣ་ཚོགས་ཀྱིས་བརྒྱན་པའོ། །རྡོ་རྗེ་དང་། དྲིལ་བུ་དང་། རྔེའུ་ཆུང་དང་། ཀ་པཱ་ལ་དང་། ཁ་ཊྭཱྃ་ག་བསྣམས་པ། ཤར་
གྱི་འདབ་མར་རོ། །ཡང་བསྲུབ་པ་དང་བསྲུབ་པའི་ཐབས་ཀྱི་མཆོག་གི་དགའ་བའི་རྟགས་ལས་དཔའ་བོ་ཆེན་པོ་ཁྱབ་འཇུག་ཅེས་བྱ་བ། མར་ཀ་ཏའི་མདོག་ལྷག་མ་ནི་ཚངས་པ་བཞིན་དུ་བྱང་དུའོ། །ཡང་བསྲུབ་པ་དང་བསྲུབ་པའི་ཐབས་ཀྱི་དགའ་བྲལ་གྱི་དགའ་བའི་
རྟགས་ལས་དཔའ་བོ་ཆེན་པོ་དྲག་པོ་ཞེས་བྱ་བ་མདོག་ནག་པོ་ཁྱབ་འཇུག་བཞིན་ནུབ་ཏུའོ། །ཡང་བསྲུབ་པ་དང་བསྲུབ་པའི་ཐབས་ཀྱིས་ལྷན་ཅིག་སྐྱེས་པའི་དགའ་བའི་རྟགས་ལས་དཔའ་བོ་ཆེན་པོ་དབང་ཕྱུག་ཅེས་བྱ་བ་མདོག་དཀར་པོ་བཞིན་ལྷོ་ཕྱོགས་སུའོ། །
པདྨའི་མཚམས་སུ་དྲི་ཞིམ་པ་དང་ལྡན་པའི་ཆུས་གང་བའི་བུམ་པའི་སྟེང་དུ་བདུད་རྩི་ལྔས་བཀང་བའི་ཀ་པཱ་ལ་བཞིའོ། །ཡང་བསྲུབ་པ་དང་བསྲུབ་པའི་ཐབས་ཀྱི་རོ་བརྒྱད་ལས་མེའི་མཚམས་སུ་དཔའ་མོ་ཆེན་མོ་མདོག་དཀར་མོའོ། །ཆུའི་མཚམས་སུ་གཞན་
གྱིས་མི་ཐུབ་མ་བཻ་དཱུརྱའི་མདོག་གོ། །རླུང་གི་མཚམས་སུ་དུས་མཚན་མ་ནམ་མཁའ་སྔོན་པོའི་མདོག་གོ། །དབང་ལྡན་གྱི་མཚམས་སུ་གཽ་རཱི་མདོག་སེར་པོའོ། །ཐམས་ཅད་ཀྱང་ཤིན་ཏུ་ལང་ཚོ་ལ་བབ་པ་ཞལ་གཅིག་པ། སྤྱན་གསུམ་པ། ཕྱག་བཞི་པ། ཉི་མའི་དཀྱིལ་

85-1-6b

འཁོར་གྱི་སྟེང་དུ་རྒྱལ་པོའི་བཞུགས་སྟབས་ཀྱིས་བཞུགས་པ། ཕྱག་རྒྱ་ལྔ་འཛིན་པ། ཕྱོགས་ཀྱི་གོས་ཅན། གྲི་གུག་དང་། ཀ་པཱ་ལ་དང་། ཁ་ཊྭཱྃ་ག་དང་། རྔེའུ་ཆུང་བསྣམས་པའོ། །ཤར་ཕྱོགས་ཀྱི་སྒོར་རྡོ་རྗེ་གཏུམ་མོ་ནི་ནག་མོ་ཆེན་མོའི་མདོག་གོ། །
བྱང་སྒོར་རྡོ་རྗེ་འཇིགས་བྱེད་མ་སེར་མོའི་མདོག་གོ། །ནུབ་སྒོར་རྡོ་རྗེ་སྒྲ་མ་དམར་མོ་ཆེན་མོའི་མདོག་གོ། །ལྷོ་སྒོར་རྡོ་རྗེ་ཙ་རྩི་ཀཱ་ལྗང་གུའི་མདོག་གོ། །ཕྱག་བཞི་པ། ཞལ་གཅིག་པ། སྤྱན་གསུམ་པ། གཡོན་བརྐྱང་བ། ན་བཟའ་སྤངས་པ་རིམ་པ་བཞིན་དུ་
ནམ་མཁའ་ལྡིང་དང་། སེང་གེ་དང་། སྟག་དང་། མ་ཧེའི་སྟེང་ན་གནས་པའོ། །ཕྱག་རྒྱ་ལྔས་བརྒྱན་པ། མགོ་ཆེན་པོའི་ཆུན་པོ་འཕྱང་བ་འཛིན་པ། འཇིགས་བྱེད་ཆེན་པོ་མཆེ་བ་གཙིགས་པ། ལྗགས་འདྲིལ་བ། དབུ་སྐྱེས་འབར་བ། སྒྲ་ཆེན་པོའི་སྒྲ་སྒྲོགས་པ། 
རལ་གྲི་དང་། རྩེ་གསུམ་པ་དང་། ཀ་པཱ་ལ་དང་། ཁ་ཊྭཱྃ་ག་བསྣམས་པ། རང་འོད་ཀྱི་ཐབས་དང་འཁྱུད་པའོ། །བཅོམ་ལྡན་འདས་མས་གསོལ་པ། བཅོམ་ལྡན་འདས་དཔའ་བོ་ཆེན་པོ་རྣམས་ལ་ཤེས་རབ་མའི་ཡན་ལག་མ་ཇི་ལྟར་ལགས། བཅོམ་ལྡན་འདས་ཀྱིས་བཀའ་སྩལ་པ། 
དཔའ་བོ་ཆེན་པོ་རྣམས་ལ་ཤེས་རབ་མའི་ཡན་ལག་རང་རང་གི་མདོག་དང་མཚུངས་པ་སྟེ། འོན་ཀྱང་ཁྱོད་བཞིན་དུ་ཞལ་གཅིག་པའོ། །དེ་ལྟའི་དཀྱིལ་འཁོར་རྒྱལ་པོ་ནི། །རྣལ་འབྱོར་རྒྱུད་དུ་རྙེད་པར་དཀའ། །དགྱེས་པ་ཐམས་ཅད་གྲུབ་བྱེད་ཅིང་། །སྡིག་པ་ཐམས་ཅད་
འཇིག་པར་མཛད། །བཅོམ་ལྡན་འདས་མས་གསོལ་པ། བཅོམ་ལྡན་ཁྱོད་དང་བདག་སྐྱེད་པའི། །ས་བོན་གང་ལགས་སྙིང་པོ་ཅི། །ཉེ་བའི་སྙིང་པོ་ཇི་ལྟ་བུ། །འཁོར་གྱི་སྔགས་ནི་ཇི་ལྟར་ལགས། །བཅོམ་ལྡན་འདས་ཀྱིས་བཀའ་སྩལ་པ། །ཁྱོད་ཀྱིས་བདག་
ལ་གང་ཞིག་ཞུས། །ཉོན་ཅིག་ལྷ་མོ་བདག་གིས་བཤད། །ས་བོན་ཡ་སྡེའི་བདུན་པ་ནི། །དབྱངས་ཡིག་ལྔ་པ་དང་ལྡན་པ། །ལྷ་མོ་ཆེན་མོ་ཐིག་ལེ་ལྡན། །ཁྱོད་ཀྱི་ས་བོན་རབ་མཆོག་གོ། །ཡ་སྡེའི་ས་བོན་བརྒྱད་པ་ནི། །དབྱངས་ཡིག་དྲུག་པ་དང་ལྡན་པ། །དབུ་ནི་ཐིག་ལེ་
ཡིས་ནི་བརྒྱན། །བདག་གིས་ས་བོན་རབ་མཆོག་གོ། །དེ་ནི་ས་བོན་གཉིས་ཀ་རབ། །ཐམས་ཅད་དབང་དུ་བྱེད་པ་ནི། །ལུས་ཅན་ཀུན་གྱི་སྙིང་ལ་བཞུགས། །སྐྱེ་བ་དང་ནི་སྡུད་བྱེད་དོ། །དྲུག་པ་བརྒྱད་པ་བཞི་པ་དང་། །བཅུ་གཉིས་པ་དང་བཅུ་དང་ཉི། །དང་པོར་དང་

85-1-7a

ཧཱུྃ་ཕཊ་མཐར། །བདག་གི་སྙིང་པོ་རབ་ཏུ་མཆོག །ཉི་ཤུ་པ་དང་བཅུ་གཉིས་མཁའ། །དང་པོ་དང་ནི་བཅུ་དྲུག་ཉི། །དང་པོ་ཚངས་པ་ཧཱུྃ་ཕཊ་མཐར། །ཁྱོད་ཀྱི་སྙིང་པོ་དགྱེས་པ་མཆོག །དང་པོར་ཨོཾ་དང་ཧཱུྃ་ཕཊ་མཐར། །དབུས་སུ་མིང་དང་སྤེལ་བ་ནི། །
ཚོགས་ཀུན་གྱི་ནི་སྔགས་ཡིན་ཏེ། །མཆོད་པའི་དུས་སུ་མཆོད་པར་བྱ། །ཨོཾ་སརྦྦ་མཱ་ར་བེ་མར་དྷ་ན་མ་ཧཱ་བཱི་ར་རཱ་ཛ་ཧཱུྃ་ཧཱུྃ་ཕཊ་ཕཊ། སྐལ་ལྡན་མོ་དེ་ཁྱོད་ཀྱི་ནི། །ཉེ་བའི་སྙིང་པོ་དྲག་པོ་ཆེ། །ཧཾ་ཧཾ་། ཀེ་ལེ་ཀེ་ལེ་སརྦྦ་དོསྟ་པྲ་བྷ་ཛ་ཀ་ཧཱུྃ་ཧཱུྃ་ཕཊ་ཕཊ། པད་མའི་
ཞལ་དེ་བདག་གི་ནི། །འོད་ཆེན་ཉེ་བའི་སྙིང་པོའོ། །བཅོམ་ལྡན་འདས་མས་གསོལ་པ། སྔགས་འདི་ལ་ནུས་པའི་མཐུ་ཅི་ཙམ་ཞིག་མཆིས་ལགས། བཅོམ་ལྡན་འདས་ཀྱིས་བཀའ་སྩལ་པ། གྲུབ་པ་ཙམ་གྱིས་ཁམས་གསུམ་ཐམས་ཅད་དབང་དུ་བྱེད་
པར་འགྱུར་རོ། །རྣལ་འབྱོར་པ་ཁྲོ་བོའི་ལྟ་བས་འབུམ་ཕྲག་གཅིག་བཟླས་པ་བྱེད་ན། ལྷ་མ་ཡིན་གྱི་དབང་པོ་ལྟ་བུ་ལ་འབུམ་ཕྲག་གཅིག་གིས་གསོད་པར་བྱེད་དོ། །ཞི་བའི་ཚུལ་གྱིས་བཟླས་པ་བྱས་ན་གྲངས་མེད་པའི་ནད་དང་། ཉོན་མོངས་པ་དང་། 
དབུལ་པོ་དང་། མཛེ་དང་། ཕོལ་མིག་འཇིག་པར་བྱེད་དོ། །ཕྲ་མོའི་གྲུབ་པ་བརྒྱད་སྐད་ཅིག་གིས་བྱེད་དོ། །གཞན་ཡང་ལས་དུ་མ་རྗེས་སུ་འབྲང་བར་བྱེད་དོ། །བཅོམ་ལྡན་འདས་ཀྱིས་དེ་སྐད་ཅེས་བཀའ་སྩལ་ནས། བཅོམ་ལྡན་འདས་མ་ལེགས་
དགྱེས་དབང་མོ་སྟན་ལས་ལངས་ནས་མགོ་བོས་ཕྱག་འཚལ་ཏེ། འཁོར་ཐམས་ཅད་དང་ལྷན་ཅིག་ཏུ་ལན་གསུམ་དུ་སྐོར་བ་བྱས་ནས་རང་རང་གི་རྫུ་འཕྲུལ་གྱིས་མཆོད་པ་བྱས་ཏེ། བཅོམ་ལྡན་འདས་མཆོག་གི་དབང་ཕྱུག་ལེགས་སོ་ལེགས་སོ་
ཞེས་བརྗོད་ནས་ཡང་གཉིས་སུ་མེད་པའི་སྦྱོར་བས་བཞུགས་སོ། །དེའི་དུས་སུ་ནམ་མཁའ་ལ་མེ་ཏོག་རྣམ་པ་སྣ་ཚོགས་པའི་ཆར་དང་། རིན་པོ་ཆེ་སྣ་ཚོགས་ཀྱི་ཆར་ཆེན་པོ་བཅོམ་ལྡན་འདས་ཀྱི་ཞབས་ཀྱི་དྲུང་དུ་བབས་པར་གྱུར་ཏོ། །དེ་ནས་བཅོམ་
ལྡན་འདས་མེ་ཏོག་དང་རིན་པོ་ཆེ་དེ་དག་གི་ཐོག་ཏུ་ཆིབས་ཏེ། འཁོར་དང་བཅས་པ་མི་སྣང་བར་གྱུར་ཏོ། །དཔལ་ཡེ་ཤེས་སྙིང་པོ་ལས་གསང་བའི་དཀྱིལ་འཁོར་འབྱུང་བའི་དོན་ཞེས་བྱ་བའི་ལེའུ་སྟེ་བཞི་པའོ།། །།དཔལ་ཡེ་ཤེས་སྙིང་པོ་ཞེས་བྱ་

85-1-7b

བ་རྣལ་འབྱོར་མ་ཆེན་མོའི་རྒྱུད་ཀྱི་རྒྱལ་པོའི་རྒྱལ་པོ་རྫོགས་སྷོ།། །། རྒྱ་གར་གྱི་མཁན་པོ་དཔལ་ཤེས་རབ་གསང་བའི་ཞལ་སྔ་ནས་བསྒྱུར་བའོ། །དཔལ་ཕྱག་རྒྱ་ཆེན་པོའི་ཐིག་ལེ་རྣལ་འབྱོར་མའི་རྒྱུད་ཀྱི་རྒྱལ་པོའི་ཕྱི་མའི་ཕྱི་མའོ། ། 
༄༅། །རྒྱ་གར་སྐད་དུ། ཤྲཱི་ཛྙཱ་ན་ཏི་ལ་ཀ་ཡོ་གི་ནཱི་ཏནྟྲ་རཱ་ཛ་པ་ར་མ་མ་ཧཱ་ཨདྦྷུ་ཏྃ་ནཱ་མ། བོད་སྐད་དུ། དཔལ་ཡེ་ཤེས་ཐིག་ལེ་རྣལ་འབྱོར་མའི་རྒྱུད་ཀྱི་རྒྱལ་པོ་ཆེན་པོ་མཆོག་ཏུ་རྨད་དུ་བྱུང་བ་ཞེས་བྱ་བ། དཔལ་ཡེ་ཤེས་ཐིག་ལེ་ལ་ཕྱག་འཚལ་ལོ། །འདི་སྐད་བདག་
གིས་ཐོས་པ་དུས་གཅིག་ན། བཅོམ་ལྡན་འདས་དེ་བཞིན་གཤེགས་པ་ཐམས་ཅད་ཀྱི་སྐུ་དང་། གསུང་དང་། ཐུགས་ཀྱི་སྙིང་པོ་དཔའ་བོ་ཆེན་པོ་དང་། དཔའ་མོའི་དབང་ཕྱུག་མས་རྣམ་པར་བསྐོར་ནས་རྡོ་རྗེ་བཙུན་མོའི་བྷ་ག་ལ་བཞུགས་སོ། །དེར་
དཔལ་ནམ་མཁའ་དྲི་མེད་དང་། ཤིན་ཏུ་སྟོབས་ཆེན་པོ་དང་། ལྷའི་དབང་ཕྱུག་དང་། གསང་བའི་བདག་པོ་དང་། འོད་དྲག་དང་ཉི་དགྲ་དང་། མཆོག་དགའ་དང་། ཐམས་ཅད་ཀྱི་བྱེད་པ་པོ་དང་། ཨུཏྤ་ལའི་སྙིང་པོ་དང་། ཞི་བ་ཆེན་པོའི་བདག་པོ་དང་། 
ནག་པོ་འདུལ་བ་དང་། རྨད་དུ་བྱུང་བའི་དཔའ་བོ་དང་། དྲེགས་ཆེན་དང་། ནག་པོ་ཆེན་པོ་དྲེགས་འཇོམས་དང་། རི་རབ་བརྟན་པ་དང་། ནམ་མཁའི་ཞལ་ལོ། །ཡང་དཔའ་མོའི་དབང་མོའི་དབང་ཕྱུག་མ་རྣམས་ལ་འདི་ལྟ་སྟེ། ཟླ་བ་
མོ་དང་། གཡོན་པ་མ་དང་། ཉི་མཉམ་པ་དང་། རླུང་ཟ་བ་མ་དང་། བསིལ་སྦྱིན་མ་དང་། སྙིང་པོའི་འདབ་མ་དང་། བག་ཡོད་ཐོར་ཅོག་མ་དང་། ཉི་མ་འདུལ་མ་དང་། ཞི་བ་འཆི་བའི་ཕོ་ཉ་མ་དང་། ལྗང་བརྩོན་མ་དང་། འོད་འདུན་མ་
དང་། ཚངས་པའི་མ་དང་། ཁྱབ་འཇུག་གི་མ་དང་། ཐོག་ཁ་མ་དང་། ཐམས་ཅད་བསྐྱེད་མ་དང་། དཔའ་བོའི་ཡུམ་མོ། །ཡང་མ་མོའི་བཙུན་མོ་རྣམས་ལ་འདི་ལྟ་སྟེ། སྐམ་མ་དང་། འཇིགས་མ་དང་། འོད་མ་དང་། མཆུ་
འཕྱང་མ་དང་། རི་རབ་སོ་མ་དང་། དུས་ཀྱི་བདེ་བྱེད་མ་དང་། ཉི་མིག་མ་དང་། མེ་ཞལ་མ་དང་། འདོད་པའི་མ་དང་། ལྕེ་རིངས་མ་དང་། ཆོས་དགའ་མ་དང་། འདོད་བདེན་མ་དང་། མིག་སྟོང་མ་དང་། སྟག་མ་དང་། གཏུམ་མོ་དང་།

85-1-8a

འདོད་གཟུགས་མའོ། །དེ་ལྟ་བུའི་རབ་ཞལ་ལ་སོགས་པ་དཔའ་བོ་ཆེན་པོ་དང་། དཔའ་མོའི་དབང་ཕྱུག་མ་དང་། མ་མོའི་བཙུན་མོ་བྱེ་བ་ཕྲག་བདུན་བཅུ་རྩ་གཉིས་ཀྱི་གྲངས་ཀྱི་འཁོར་གྱི་དབུས་སུ་ལེགས་དགྱེས་ཆེན་པོའི་
སྦྱོར་བ་ལ་བཞུགས་ནས་བཅོམ་ལྡན་འདས་ཀྱིས་བྱང་ཆུབ་སེམས་དཔའ་སེམས་དཔའ་ཆེན་པོ་ལྷའི་དབང་ཕྱུག་ལ་བོས་ཏེ། ཀྱཻ་བྱང་ཆུབ་སེམས་དཔའ་སེམས་དཔའ་ཆེན་པོ་ལྷའི་དབང་ཕྱུག་དེ་ཁོ་ན་ཉིད་གསུམ་གྱི་བདག་ཉིད་ཀྱི་དང་། ཟླ་བའི་
བདེ་བ་མཆོག་དང་། ཕྱག་རྒྱ་ཆེན་པོའི་མཐའ་དང་། དེ་ལ་རང་གི་ངོ་བོ་དང་། རྣམ་པ་དང་། ཚད་དག་དཔལ་ཡེ་ཤེས་ཐིག་ལེར་གྲགས་པ་ཉོན་ཅིག །བཅོམ་ལྡན་འདས་ཀྱིས་དེ་སྐད་ཅེས་བཀའ་སྩལ་པ་དང་། བྱང་ཆུབ་སེམས་དཔའ་སེམས་དཔའ་
ཆེན་པོ་ལྷའི་དབང་ཕྱུག་འཁོར་ཐམས་ཅད་དང་ལྷན་ཅིག་དུ་ལན་གསུམ་དུ་བསྐོར་བ་བྱས་ནས། བཅོམ་ལྡན་འདས་ཀྱི་ཞབས་ལ་མགོ་བོས་ཕྱག་འཚལ་ཏེ། ས་ལ་བལྟ་ཞིང་ཅང་མི་སྨྲ་བར་འདུག་གོ། །དེའི་ཚེ་ནམ་མཁའ་ལ་མེ་ཏོག་མཱནྡཱ་ར་བ་
དང་། མཱནྡཱ་ར་བ་ཆེན་པོ་དང་། ཨུཏྤལ་དང་། ཉི་མའི་འོད་མཉམ་པ་དང་། ཆུ་སྐྱེས་དང་། པུན་ད་རཱི་ཀ་དང་། ཨ་ཤོ་ཀ་དང་། ཙམ་པ་ཀ་དང་། ཨར་ཛུན་དང་། ན་ག་གེ་སར་ལ་སོགས་པ་དྲི་ཞིམ་པའི་མེ་ཏོག་རྣམ་པ་སྣ་ཚོགས་པ་དང་། རིན་པོ་ཆེའི་ཆར་དུ་མ་
བཅོམ་ལྡན་འདས་ཀྱི་ཞབས་ཀྱི་དྲུང་དུ་བབས་སོ། །ཡང་བཅོམ་ལྡན་འདས་ཀྱིས་བྱང་ཆུབ་སེམས་དཔའ་སེམས་དཔའ་ཆེན་པོ་ལྷའི་དབང་ཕྱུག་ལ་བོས་ཏེ། ཁྱོད་ཅི་ཞིག་ལ་ཡ་མཚན་དུ་འགྱུར། ལྷའི་དབང་ཕྱུག་གིས་གསོལ་པ། བཅོམ་ལྡན་འདས་
དེ་ཁོ་ན་ཉིད་གསུམ་གྱི་བདག་ཉིད་ཀྱི་དང་། ཟླ་བ་བདེ་བ་མཆོག་དང་། ཕྱག་རྒྱ་ཆེན་པོའི་མཐའ་དང་། དེ་ལ་རང་གི་ངོ་བོ་དང་ཚད་དང་། རྣམ་པ་ཡོད་དམ་ཅི་ལགས་ཞེས་བདག་ཡ་མཚན་དུ་གྱུར་ལགས་སོ། །དཔའ་བོ་ཆེན་པོ་ལྷའི་དབང་ཕྱུག་
ལ་རྡོ་རྗེ་འཛིན་པའི་མཆོག་གིས་འདི་སྐད་ཅེས་བཀའ་སྩལ་ཏོ། །ཨེ་མ་ཧོ། དེ་ཁོ་ན་ཉིད་གསུམ་གྱི་བདག་ཉིད་ཀྱི་དང་། ཟླ་བའི་བདེ་བ་མཆོག་དང་། ཕྱག་རྒྱ་ཆེན་པོའི་མཐའ་ལ་དེའི་རང་གི་ངོ་བོ་དང་། རྣམ་པ་དང་། ཚད་མེད་དམ་ཅི། དེ་ལྟར་མ་ཡིན་ན་ཆོས་

85-1-8b

ཐམས་ཅད་ཀྱི་ངོ་བོ་སྟོང་པ་ཉིད་འདི་ག་ལ་ཤེས། མིག་ཡོར་ཙམ་གྱི་རྒྱུའི་རྟེན་ནི་ཆོས་ཐམས་ཅད་དོ། །དེ་ལྟར་གླ་རྩི་ལ་བརྟེན་ནས་དྲི་འབྱུང་བ་གླ་རྩིའི་དངོས་པོ་མེད་ན་དྲི་ཇི་ལྟར་རྙེད་པར་འགྱུར། དེ་བཞིན་དུ་རང་གི་ངོ་བོ་དང་། ཆོས་ཀྱི་ཚད་དང་། རྣམ་པ་
དག་མེད་པར་གྱུར་ན། དེ་ཁོ་ན་ཉིད་གསུམ་གྱི་བདག་ཉིད་དང་། ཟླ་བའི་བདེ་བ་མཆོག་དང་། ཕྱག་རྒྱ་ཆེན་པོའི་སྐུའི་རྙེད་པ་མེད་དོ། །དེ་བས་ན་ཁྱབ་དང་ཁྱབ་བྱེད་བྱེ་བྲག་ཏུ། །གཉིས་སུ་མེད་པའི་བདེ་བ་ཆེ། །བདེ་བ་སྐུ་ལ་བརྟེན་པའི་ཕྱིར། །
བདེ་བ་བསྟེན་ན་དེ་ཉིད་འགྱུར། །བདེ་སྐུ་རྣམ་པར་ཤེས་ཡིན་ན། །ཐམས་ཅད་གཉིས་སུ་མེད་པའི་དངོས། །དྲུག་གི་བདེ་བ་ཡེ་ཤེས་མཆོག །བདེ་དང་སྐུ་ནི་གཉིས་ལས་འབྱུང་། །འཁོར་ལོ་དྲུག་གི་དབུས་ན་བཞུགས། །དེ་ཉིད་གསུམ་གྱི་བདག་ཉིད་
མཆོག །ཟླ་བ་ལ་སོགས་བྲལ་བདག་ཉིད། །དེ་ཉིད་གསུམ་བདག་རྒྱུ་རུ་གྲགས། །ལུས་བརྟེན་སྲོག་གི་དབྱུག་པ་ལ། །སྦྱོར་བ་དྲུག་གི་ཡེ་ཤེས་བཞུགས། །འཁོར་ལོ་དྲུག་གི་ལྟེ་བའི་དབུས། །ཕྲ་མོའི་ལུས་ལྡན་རྩ་ནི་དྲུག །ཐིག་ལེ་དང་བཅས་དེ་
རྣམས་སྦྱོར། །སྲོག་གི་དབྱུག་པའི་ནང་དུའོ། །བདེ་ཆེན་འཁོར་ལོའི་ལྟེ་བ་ཡི། །ཟླ་མོ་ཚེ་དང་ལྡན་པ་སྟེ། །དེ་ནི་སྲོག་དབྱུག་རྩ་བ་ཡིན། །ཟུར་གསུམ་གྱི་ནི་རྣམ་པའི་ཚུལ། །ལོངས་སྤྱོད་རྫོགས་པའི་ལྟེ་བ་ཡི། །ལྕེ་མ་བདེ་བ་ལྡན་པ་ནི། །དེ་ནི་སྲོག་གི་
དབྱུག་པའི་སྐེ། །རིགས་ཀྱི་མེ་ཏོག་དང་འདྲ་བ། །ཆོས་ཀྱི་འཁོར་ལོའི་ལྟེ་བ་ལ། །ནམ་མཁའ་མ་ནི་ཡེ་ཤེས་ལྡན། །དེ་ནི་སྲོག་གི་དབྱུག་པའི་སྙིང་། །བ་ཡི་མིག་གི་རྣམ་པའི་གཟུགས། །ལྟེ་བ་སྤྲུལ་པའི་འཁོར་ལོའི་ནང་། །འོད་མ་དང་ནི་དུས་ལྡན་མ། །
དེ་ནི་སྲོག་གི་དབྱུག་པའི་སྟེ། །པད་མ་རྒྱས་པའི་རྣམ་པ་བཞིན། །མེ་ཡི་འཁོར་ལོའི་སྙིང་ག་ཡི། །འདོད་པ་དང་ལྡན་རབ་འོད་མ། །དེ་ནི་སྲོག་གི་དབྱུག་པའི་མདོམས། །རྡོ་རྗེའི་རྣམ་པ་བཞིན་དུ་གསལ། །རླུང་གི་འཁོར་ལོའི་ལྟེ་བ་ལ། །སྟོབས་ནི་བརྩོན་
འགྲུས་མ་དང་ལྡན། །སྲོག་གི་དབྱུག་པ་དེ་ཡི་མཐའ། །ཏིལ་གྱིས་མེ་ཏོག་རྒྱས་པ་བཞིན། །དེ་ནི་སྦྱོར་དྲུག་གི་རྣམ་ཤེས། །རྩ་དང་ཐིག་ལེ་དང་ལྡན་ནོ། །རྟོག་མེད་མས་ནི་འཁྱུད་ཡིན་ཕྱིར། །དེ་ཚེ་ཚངས་པའི་དབྱུག་པ་ཡིན། །དེ་ཡི་དུས་ནི་བདག་གིས་

85-1-9a

བཤད། །ཤར་དང་ནུབ་པ་རྣམ་གཉིས་སོ། །གང་གི་ཚེ་ཚངས་པའི་དབྱུག་པ་ལ་མདུད་པ་སུམ་བཅུ་རྩ་གཉིས་ཡོད་དེ། དེ་ལ་ལྟེ་བའི་འོག་ཏུ་འཕོ་བ་བཅུ་དྲུག །སྟེང་དུ་འཕོ་བ་བཅུ་དྲུག །བྱང་ཆུབ་ཀྱི་སེམས་དང་རླུང་གཉིས་ཕྲད་པའི་ཕྱིར་འཕོ་བ་
སྟེ། སྟེང་འོག་གཅིག་པུའི་དངོས་པོ་སྦྱོར་བའི་རྩ་སུམ་བཅུ་རྩ་གཉིས་སོ། །བྱང་ཆུབ་ཀྱི་སེམས་དགའ་བ་དང་ལྡན་པའི་གདུབ་བུའི་རྣམ་པ་སྐུ་དང་གསུང་དང་ཐུགས་ཀྱི་ངོ་བོ་གཅིག་པུའི་རྟོག་མེད་བདེ་ལེགས་ཡིད་མས་ཚངས་པའི་དབྱུག་པ་ལ་འཁྱུད་ནས། 
བདེ་བ་ཆེན་པོའི་གཙུག་ཏོར་ནས་གསང་བ་བདེ་བ་ཆེན་པོའི་ནོར་བུའི་ཁ་རླུང་གི་འཁོར་ལོ་ཡན་ཆད། ཇི་ལྟར་ཙནྡན་གོ་ཤིཪྵའི་ཤིང་ལ་སྦྲུལ་ཆེན་པོ་ཡོད་པ་ལྟ་བུའོ། །ལྷའི་དབང་ཕྱུག་དེ་ལ་ཇི་ལྟར་རང་གི་ངོ་བོ་བཤད་པར་བྱ་སྟེ། ཚངས་པའི་རུས་པའི་དབྱུག་
པའི་སྙིང་པོའི་དང་པོ་ཟུར་གསུམ་གྱི་རྣམ་པ་མདུད་པ་ལྟེ་བའི་སྲོག་གི་རླུང་དང་ལྡན་པའི་བྱང་ཆུབ་ཀྱི་སེམས་འོད་ཀྱི་ཐིག་ལེ་ཤེས་རབ་མའི་ལྟེ་བས་ཟླ་བ་ཡར་ངོའི་ཚེས་དང་པོའི་ཆུ་ཚོད་གཅིག་གི་བར་དུ་འདོད་པའི་དགའ་བ་ཤར་བའོ། །པད་མའི་འབྲས་བུའི་འདོད་པ་
ལས་འདར་བ་ཉེ་བ་དང་ལྡན་པ་ཚེས་གཉིས་ཀྱི་ཆུ་ཚོད་གཉིས་ཀྱི་བར་དུ་སྟོབས་ནུབ་པའོ། །དྲག་པོའི་མིག་གི་འདུས་པ་ལས་འགྲོ་བ་མཉམ་པ་དང་ལྡན་པ་ཚེས་གསུམ་གྱི་ཆུ་ཚོད་གསུམ་གྱི་བར་དུ་སྤྲིན་གྱི་ཐིག་ལེ་ཤར་བའི་དུས་སུའོ། །རིགས་ཀྱི་མེ་ཏོག་གི་ནུ་མ་
རེག་པ་ལས་དགའ་བ་གྱེན་དུ་འགྲོ་བ་དང་ལྡན་པའི་ཚེས་བཞིའི་ཆུ་ཚོད་བཞིའི་བར་དུ་ནུབ་པའོ། །ཚངས་པའི་མིག་མ་མཆུའི་བདུད་རྩི་བཏུང་བ་སྦྱིན་པ་ལས་རྒྱས་པ་ཐུར་དུ་བྱུང་བ་དང་ལྡན་པ་ཚེས་ལྔའི་ཆུ་ཚོད་ལྔའི་བར་དུ་དབུགས་ཤར་བའི་དུས་སོ། །
དུང་གི་མིག་གིས་སེན་མོ་བཏབ་པ་ལས་དྲག་པོ་འཇིགས་པའི་ཚུལ་དང་ལྡན་པའི་ཚེས་དྲུག་གི་ཆུ་ཚོད་དྲུག་གི་བར་དུ་ཨུཏྤ་ལའི་ནུབ་པའི་དུས་སོ། །རྣ་བའི་མིག་གི་སྦྱོར་བ་ལས་བྱུང་བའི་ཁྱབ་བྱེད་དང་ལྡན་པའི་ཚེས་བདུན་གྱི་ཆུ་ཚོད་བདུན་གྱི་བར་དུ་མགོ་ཀ་ལ་
ཤར་བའི་དུས་སོ། །བའི་མིག་གིས་འབྲས་བུའི་བསྐྱོད་པ་ལས་མཆོག་གི་དགའ་བ་བཞི་དང་ལྡན་པ་ཚེས་བརྒྱད་ཀྱི་ཆུ་ཚོད་བརྒྱད་ཀྱི་བར་དུ་ཡིད་ནུབ་པའི་དུས་སོ། །དུང་གི་ལྟེ་བའི་ནུ་མ་དམ་པོར་འཁྱུད་པ་ལས་འབར་བ་ལྷོད་པ་དང་ལྡན་པའི་ཚེས་དགུའི་ཆུ་ཚོད་དགུའི་

85-1-9b

བར་དུ་སྙིང་པོ་ཤར་བའི་དུས་སོ། །གླང་པོ་ཆེའི་ལྟེ་བའི་སྐེའི་སྒྲ་ལས་ཐིག་ལེ་མཐའ་དང་ལྡན་པའི་ཚེས་བཅུའི་ཆུ་ཚོད་བཅུའི་བར་དུ་ཟླ་བ་ནུབ་པའི་དུས་སོ། །ཨུཏྤ་ལའི་ལྟེ་བའི་མིག་གི་འོ་ལས་མྱོས་པ་ཁྲུང་ཁྲུང་དང་ལྡན་པའི་ཚེས་བཅུ་གཅིག་གི་ཆུ་ཚོད་བཅུ་
གཅིག་གི་བར་དུ་ཉི་མ་ཤར་བའི་དུས་སོ། །པད་མའི་ལྟེ་བའི་སྤྲུག་ཅིང་བསིགས་པ་ལས་དགའ་བྲལ་གྱི་དགའ་བ་ཀྲོ་དྷ་དང་ལྡན་པའི་ཚེས་བཅུ་གཉིས་ཀྱི་ཆུ་ཚོད་བཅུ་གཉིས་ཀྱི་བར་དུ་དྲག་པོ་ནུབ་པའི་དུས་སོ། །བུང་བའི་ཁའི་གྲོང་ཁྱེར་ལས་ཨུ་ད་མི་རིམ་པ་དང་ལྡན་
པའི་ཚེས་བཅུ་གསུམ་གྱི་ཆུ་ཚོད་བཅུ་གསུམ་གྱི་བར་དུ་མཆོག་གི་ཤར་བའི་དུས་སོ། །རྨ་བྱའི་ཁའི་བསྐུམ་པ་ལས་ཚུལ་འབྱེད་པ་དང་ལྡན་པའི་ཚེས་བཅུ་བཞིའི་ཆུ་ཚོད་བཅུ་བཞིའི་བར་དུ་སྒྲ་ནུབ་པའི་དུས་སོ། །རྡོ་རྗེའི་ཁ་རུ་མཉམ་པར་སྦྱོར་བ་ལས་གཉིད་འོན་པ་དང་ལྡན་པའི་
ཉའི་ཆུ་ཚོད་བཅྭ་ལྔའི་བར་དུ་རོའི་ཤར་བའི་དུས་སོ། །རྣམ་པར་རྒྱས་པའི་ཏིལ་གྱི་མེ་ཏོག་ཧ་བརྗོད་པ་ལས་ཚེས་བཅུ་དྲུག་གི་ཆུ་ཚོད་བཅུ་དྲུག་གི་བར་དུ་ལྷན་ཅིག་སྐྱེས་པའི་དགའ་བ་གསལ་བ་དང་ལྡན་པའི་ཐོག་གི་ནུབ་པའི་དུས་སོ། །ཐོག་ནི་སྔགས་འཇིགས་
བྱེད་པ་སྟེ། །དེ་ལ་ནུབ་པ་བཅུ་དྲུག་ཡིན། །ཤར་དང་ནུབ་པ་གང་ལ་ལར། །ལྷན་ཅིག་སྐྱེས་ལ་དེ་ཡོད་མིན། །ཡོན་པོའི་གདུབ་བུའི་རྣམ་པ་ཡི། །རྩ་ཡི་ལྟེ་དབུས་ཐིག་ལེ་དང་། །དགའ་བ་ལ་སོགས་ཤར་བ་དང་། །དེ་ནི་ནུབ་པའི་དུས་སུའོ། །དེ་ལྟའི་
བདེ་ཆེན་རྣམ་པ་ནི། །འཕོ་བ་རུ་ནི་བདག་གིས་བཤད། །དངོས་དང་རྟེན་དང་རྣམ་པར་འབྱེད། །ཡེ་ཤེས་དགའ་བྲལ་ལྷན་རྟག་བཞུགས། །དངོས་པོ་རོ་མཉམ་ལྟ་བ་ཡིན། །འདོད་པ་ཆགས་པའི་རྣམ་དག་བྱེད། །འདུས་པ་རེག་བྱ་བྱེད་པ་ཡི། །
དངོས་ནི་སྲིད་པ་མྱེད་པར་བྱེད། །འོ་དང་མཁྱུད་པའི་ལོངས་སྤྱོད་རྣམས། །དངོས་ནི་དངོས་པོ་རབ་གཅོད་བྱེད། །པུཎྜ་རི་ཀའི་འབྱུང་ས་ཡིས། །ཟུར་གསུམ་ལ་སོགས་བརྟེན་པ་ཡིས། །རྟེན་ནི་བསམ་དུ་མེད་པ་སྟེ། །ཆོས་དབྱིངས་རང་གི་ངོ་བོ་ཡིན། །
སྟེང་དང་འོག་ནི་མཉམ་པའི་རྟེན། །མྱ་ངན་འདས་པ་རྟོག་མེད་བྱེད། །བདེ་བ་ཆེན་པོའི་བདུད་རྩིའི་རྟེན། །རིགས་ལྔ་ཡི་ནི་མཆོག་གི་གཞི། །ཡེ་ཤེས་འདོད་པ་ལྷུན་གྱིས་གྲུབ། །འདར་བ་དགའ་བ་མཆོག་གི་དགའ། །ཡེ་ཤེས་ཤེས་པ་ལྷུན་

85-1-10a

གྱིས་གྲུབ། །གཞི་མེད་པ་ཡི་ལྷན་ཅིག་སྐྱེས། །གཞི་དང་བཅས་པ་དགའ་བྲལ་དགའ། །ཡེ་ཤེས་ང་རྒྱལ་མེད་པར་བྱེད། །ཆོས་ཀུན་རྣམ་པར་ཤེས་པ་སྟེ། །ཡེ་ཤེས་ཤེས་བྱ་དོན་གྲུབ་བྱེད། །རྣམ་པར་འབྱེད་པ་འོད་གཟུགས་གྲགས། །
ཚུལ་དང་སྤྲིན་དང་སྟོབས་བདག་ཉིད། །རྣམ་པར་འབྱེད་པ་དངོས་ཀུན་དུ། །རྣམ་པའི་གཞི་དང་བཅས་པ་ཐིམ། །སྐྱེ་དང་གནས་པ་སྒྱུ་འཕྲུལ་གྱི། །རྣམ་པར་འབྱེད་པ་གཏི་མུག་གསོད། །འཁོར་ལོ་སྔགས་དང་བྱ་བ་ལ། །འཇོམས་བྱེད་དེ་ནི་རྣམ་པར་འབྱེད། །
རྩ་ཡི་སྙིང་པོ་ཐམས་ཅད་ནི། །བཅོམ་པའི་ཕྱིར་ན་རྣམ་པར་འབྱེད། །ཡེ་ཤེས་ཀྱི་ནི་སྙིང་པོའི་མཐའ། །རྣམ་པར་འབྱེད་པ་གསོལ་བ་ཡིན། །ཡེ་ཤེས་ཤིན་དུ་བདེ་བྱེད་ཕྱིར། །རྣམ་པར་འབྱེད་པར་དེ་ཕྱིར་བརྗོད། །གཉིས་སུ་མེད་པ་མཆོག་ཞི་བ། །ཆགས་པ་དང་
ནི་ཆགས་བྲལ་མིན། །དྲི་མ་མེད་པ་བཅོས་མེད་པ། །རྒྱུད་དང་སྔགས་དང་རིམ་པ་བྲལ། །རང་རིག་པ་དང་བརྗོད་དུ་མེད། །ཐམས་ཅད་ཁྱབ་ཅིང་དཔེ་བྱད་མེད། །དེ་ལྟ་བུ་ནི་དོན་དམ་པ། །ལྷ་ཡི་དབང་ཕྱུག་རྣམ་པར་འབྱེད། །སངས་རྒྱས་བྱང་ཆུབ་སེམས་ཀུན་གྱི། །
ཐུགས་ཀར་རྟག་ཏུ་བཞུགས་པའོ། །རྣམ་པར་འབྱེད་ལ་སྒོམ་པ་མེད། །ཕུང་པོ་ཁམས་ལ་སོགས་དང་བྲལ། །སྒྲ་ལ་སོགས་པའི་ཆོས་ཀྱིས་སྟོང་། །སྟོང་དང་སྙིང་རྗེའི་བདག་ཉིད་ཡིན། །ཚངས་པ་ཁྱབ་འཇུག་དྲག་པོ་དང་། །དབང་ཕྱུག་རྟག་ཏུ་ཞི་བ་དང་། །
དེ་རྣམས་ཀུན་གྱི་ཡབ་ཡིན་ནོ། །འབྱེད་པ་དང་ནི་མཆོག་རྨད་འབྱུང་། །དེ་ཉིད་ཡེ་ཤེས་ཐིག་ལེ་འདིར། །མཆོག་རྣམས་གྲུབ་པའི་མངའ་བདག་གོ། །འབྱུང་བ་ཀུན་གྱི་ནང་ཡོད་པ། །སྐུ་ལྔའི་བདག་ཉིད་རབ་མཆོག་ཡིན། །མཁའ་འགྲོ་དབང་ཕྱུག་ལྔ་བདག་
པོ། །ནམ་མཁའ་བདག་ཉིད་སྐྱེད་མེད་དོ། །ནམ་མཁའ་ལྔ་ཡི་ནང་དུ་ཐིམ། །སངས་རྒྱས་ཀུན་གྱིས་ཕྱག་བྱས་པ། །དེ་ལྟའི་གསང་ཆེན་ཡེ་ཤེས་ནི། །ཡེ་ཤེས་དབང་པོ་རྙེད་དཀའ་བ། །ཇི་ལྟར་ནོར་ནི་རྐུན་མ་ཡིས། །མ་རྙེད་བྱེད་ལྟར་
འབད་པས་སྨྲ། །དཔལ་ཡེ་ཤེས་ཐིག་ལེ་ལས་འཕོ་བའི་དུས་ཤར་བ་དང་ནུབ་པ་ཞེས་བྱ་བའི་ལེའུ་སྟེ་དང་པོའོ།། །། ལྷའི་དབང་ཕྱུག་གིས་གསོལ་པ། ཀྱཻ་བཅོམ་ལྡན་འདས། དེ་ཉིད་གསུམ་བདག་ང་རོ་ཅི། །དེ་བཞིན་

85-1-10b

ཟླ་བ་བདེ་བ་མཆོག །ཕྱག་རྒྱ་ཆེན་པོའི་རྣམ་པ་ཅི། །དེ་ཡི་མཐའ་ནི་ཇི་ལྟར་ལགས། །བཅོམ་ལྡན་འདས་ཀྱིས་བཀའ་སྩལ་པ། །དེ་ཉིད་གསུམ་ནི་སྐུ་གསུང་ཐུགས། །རྡོ་རྗེ་གསུམ་ནི་ཡེ་ཤེས་མཆོག །ཟླ་བ་བདེ་བ་མཆོག་ཅེས་པ། །
དེ་ཡི་ཕུང་པོ་དབང་པོ་ཁམས། །ཕྱག་རྒྱ་ཆེན་པོ་རྡོར་སྙིང་པོ། །དེ་ཡི་མཐའ་ནི་བྷ་གར་དྲན། །མཐའ་དང་སྣང་བ་རྣམ་པར་ཤེས། །ཆུ་ཡི་ཟླ་བ་བཞིན་དུ་མཐོང་། །ཆོས་ཀུན་རང་བཞིན་དྲི་མ་མེད། །སྣང་བ་ལས་ནི་ཐམས་ཅད་འབྱུང་། །སྐྱེ་བ་དང་
ནི་འགག་པ་མེད། །ཡང་དག་འོད་ལས་ཐམས་ཅད་འབྱུང་། །དེ་ཡི་ཕྱི་རོལ་ཆོས་ཐམས་ཅད་ཀྱི་བདག་ཉིད་ནི་བཅོམ་ལྡན་འདས་དཔལ་ཡེ་ཤེས་ཐིག་ལེའོ། །དེ་ལ་དང་པོ་རྣམ་པ་དང་བཅས་པའི་དཀྱིལ་འཁོར་གྱི་འཁོར་ལོའི་བསྐྱེད་པ་བསྒོམ་པ་
དང་། སྔགས་དང་བཟླས་པ་དང་། སྦྱིན་སྲེག་དང་མཆོད་སྦྱིན་དང་། གཏོར་མ་དང་མཆོད་པ་དང་། གནས་ཀྱི་བརྗོད་པ་དང་། དབང་བསྐུར་གྱི་རིམ་པ་དེ་དག་བཤད་དོ། །དཔལ་ཡེ་ཤེས་ཐིག་ལེ་ལས་དེ་ཁོ་ན་ཉིད་གསུམ་གྱི་བདག་ཉིད་དང་ཟླ་བ་མཆོག་
གི་བདེ་བ་དང་ཕྱག་རྒྱ་ཆེན་པོའི་མཐའ་ལ་སོགས་པའི་ཕྱོགས་ཙམ་བསྟན་པའི་ལེའུ་སྟེ་གཉིས་པའོ།། །། ལྷའི་དབང་ཕྱུག་གིས་གསོལ་པ། ཚངས་པའི་རུས་པ་སྲོག་གི་དབྱུག་པའི་སྟེང་དང་འོག་གི་འཕོ་བ་ཆ་གཉིས་སུ་རྩ་སུམ་བཅུ་རྩ་
གཉིས་ཀྱི་རང་བཞིན་ལས་ལེའུ་དང་པོར་གང་གསུངས་པ་ནི་དེ་རྣམས་ཀྱི་ནང་ནས་གཅིག་ཏུ་རྟོག་མེད་བདེ་ལེགས་ཡིད་མ་གཅིག་པུ་ངེས་པར་བསྟན་པར་མཛད་ཀྱི། བཅོམ་ལྡན་འདས་རྩ་གཞན་རྣམས་ཅིའི་དོན་གྱི་ཕྱིར་འདིར་མ་གསུངས། བཅོམ་
ལྡན་འདས་ཀྱིས་བཀའ་སྩལ་པ། གཅིག་པུ་རྟོག་མེད་བདེ་ལེགས་ཡིད་མ་དེ་ནི་བྱེ་བ་ཕྲག་བདུན་ཅུ་རྩ་གཉིས་ཀྱི་རྩ་ཕྲ་མོའི་དྲ་བ་རྣམས་རོལ་མོའི་དོན་དུ་བྱས་པ། སྣ་ཚོགས་ཀྱི་བདུད་རྩི་བསམ་གྱིས་མི་ཁྱབ་པ་ཆོས་ཀྱི་འབྱུང་གནས་ཆེན་པོའི་
ས་སྟེངས་སུ་འབྱུང་ཞིང་སྐྱེའི་ཆར་འབབ་པའི་དོན་དུ་བསྟན་པའོ། །ལྷའི་དབང་ཕྱུག་གིས་གསོལ་པ། དེ་ལྟར་ལགས་མོད་ཀྱིས་ཀྱང་། རྩ་སུམ་བཅུ་རྩ་གཅིག་པོ་རྣམས་ཀྱི་མཚན་དང་གྲངས་འདིར་མཆོག་གི་དབང་ཕྱུག་ལ་བཀའ་དྲིན་ཞུའོ། །བཅོམ་ལྡན་འདས་

85-1-11a

ཀྱིས་བཀའ་སྩལ་པ། ལྷའི་དབང་ཕྱུག་སུམ་བཅུ་རྩ་གཅིག་གི་མིང་རྣམས་ཉོན་ཅིག །གསང་བ་དང་ཟབ་པ་དང་སྲེད་པ་དང་ཕྲ་མོ་དང་བདུད་རྩི་མ་དང་བདུད་རྩི་ཁྲི་མ་དང་དག་པ་མ་དང་བདེ་བ་མ་དང་སྟོབས་མ་དང་ཐབས་མ་དང་། 
ཧྲུད་ཧྲུད་མ་དང་སེར་མ་དང་། འོ་རྒྱུན་མ་དང་དགའ་མ་དང་སྣུམ་མ་དང་ཁྲོ་མ་དང་མངར་མ་དང་སྐྱུར་མ་དང་ཁ་བ་མ་དང་བསྐ་མ་དང་ཚ་མ་དང་ལན་ཚྭ་མ་དང་རྩུབ་མ་དང་། དད་མ་དང་སྟོབས་མ་དང་དགའ་བྱེད་མ་དང་དགའ་སྦྱིན་མ་དང་གཉིད་མ་
དང་བཅད་སྐྱེད་མ་དང་ཁོང་ཆུད་མ་དང་ཚེ་མ་སྟེ། དེ་དག་ནི་རྩ་སུམ་ཅུ་གཅིག་ཏེ། སྟེང་དང་འོག་ཏུ་འཕོ་བ་གཉིས་ཀྱི་ཟླ་བ་དང་ཉི་མ་གཟས་ཟིན་པའི་དུས་སུ་ཚིགས་རྒྱས་པའོ། །དེ་ནས་དབང་གི་རིམ་པ་བཤད་དེ། ཇི་ལྟ་ཡི་ནི་གོ་
རིམས་སུ། །དབང་བསྐུར་མཆོག་ནི་རྙེད་པ་གང་། །ཐམས་ཅད་དུ་ནི་ནུས་པར་འགྱུར། །ཡོན་ཏན་ཚུལ་ཁྲིམས་ལྡན་པའི་བུ། །བླ་མས་དང་པོར་དབང་བསྐུར་བྱ། །ཁྲུས་བྱས་མིག་དག་རས་ཀྱིས་དགབ། །སྙིམ་པ་མེ་ཏོག་གིས་བཀང་ལྡན། །
ཡོན་ཕུལ་ནས་ནི་དགའ་དང་བཅས། །ལྷ་ཡི་དབང་ཕྱུག་དབང་བསྐུར་བྱ། །དབང་བསྐུར་ལས་ནི་སངས་རྒྱས་ས། །ཐེ་ཚོམ་མེད་པར་རྙེད་པར་འགྱུར། །དེ་བས་ཀུན་ཏུ་རབ་འབད་དེ། །དཔལ་ལྡན་དབང་རྒྱལ་བླང་བར་བྱ། །དབང་བསྐུར་བཞི་རུ་ཕྱེ་
བ་ནི། །སློབ་དཔོན་ལ་སོགས་དབྱེ་བ་ཡིན། །དང་པོར་སློབ་དཔོན་གྱི་ནི་དབང་། །གཉིས་པ་དེ་ནི་གསང་བའི་དབང་། །གསུམ་པ་ཤེས་རབ་ཡེ་ཤེས་དབང་། །དེ་ལྟར་དེ་བཞིན་བཞི་པའོ། །བཞི་གཉིས་རབ་དུ་དབྱེ་བ་ནི། །སློབ་དཔོན་དབང་ལ་
སོགས་པར་བསྐུར། །རྡོ་རྗེ་སློབ་དཔོན་དབང་གསུམ་དུ། །ནམ་མཁའ་མཉམ་དུ་བདག་གིས་བཤད། །དེ་གཉིས་ལ་ནི་བཅུ་གཅིག་ཕྱེ། །རྡོ་རྗེ་སློབ་དཔོན་དབང་རྒྱལ་ལོ། །དབང་བསྐུར་དེ་ནི་རིན་པོ་ཆེ། །ཁམས་གསུམ་གྱིས་ནི་ཕྱག་བྱས་པ། །
ཐར་པར་འགྲོ་བ་འགྲུབ་དོན་དུ། །འདི་རུ་རིམ་པས་བདག་གིས་བཤད། །ཆུ་དང་དབུ་རྒྱན་རྡོ་རྗེ་དང་། །དྲིལ་བུ་མིང་དང་བརྟུལ་ཞུགས་དང་། །ལུང་བསྟན་པ་དང་སྐྱབས་སྦྱིན་དང་། །ཕྱག་རྒྱ་སྔགས་དང་ཡེ་ཤེས་སོ། །རྣལ་འབྱོར་རྒྱུད་ལ་

85-1-11b

མོས་པ་ལ། །དབང་བརྒྱད་ཕྱེ་ལ་སྦྱིན་པར་བྱ། །རྣལ་འབྱོར་བླ་མ་ལ་མོས་ལ། །བཅུ་གཅིག་བདག་ཉིད་སྦྱིན་པར་བྱ། །རྣལ་འབྱོར་མ་ལ་མོས་པ་རྣམས། །གསང་བའི་དབང་ནི་སྦྱིན་པའོ། །གསང་བ་གཉིས་སུ་དབྱེ་བར་གསུང་། །
དེ་ནི་ཕྱི་དང་ནང་གིས་སོ། །རྣལ་འབྱོར་རྣལ་འབྱོར་བླ་མའི་ཕྱིར། །དབང་བསྐུར་ཤེས་པས་སྦྱིན་པར་བྱ། །ནང་གི་རྣལ་འབྱོར་མ་ཡི་རྒྱུད། །གསང་བའི་དབང་ནི་རབ་ཏུ་སྦྱིན། །དེ་ནི་གསང་བ་གསུམ་དུ་དབྱེ། །སྐྱེ་དང་མདུད་དང་དེ་བཞིན་སད། །ཤེས་
རབ་རྣམ་པ་གཉིས་སུ་དབྱེ། །བསྐྱེད་དང་རྫོགས་པའི་བྱེ་བྲག་གོ། །ཤེས་རབ་བརྒྱད་གཉིས་ལོ་དང་ལྡན། །སྤྱན་རིངས་ཆ་ལ་མཁས་པ་དང་། །ཡན་ལག་ཙན་དན་སར་པའི་དྲི། །ཤིན་ཏུ་འཇམ་པའི་ཁུ་བས་ཚིམ། །གཟུགས་བཟང་སྔོ་ལ་སྐལ་
ལྡན་མ། །འོ་འཛིན་མཁྲང་ཞིང་འཇམ་ལ་མཐོ། །བསམ་གཏན་སྔགས་ལ་དད་ཅིང་ཞི། །དབང་བསྐུར་དང་ལྡན་ཐུགས་རྗེ་གྲུབ། །དེ་ལྟའི་རབ་གྲགས་འབད་དེ་བཙལ། །དབང་གི་དོན་དུ་བླ་མ་ཞུ། །དེ་ཀུན་མཚན་ཉིད་དང་ལྡན་པ། །ཆུང་
མ་ཡང་ན་སྲིང་མོ་འམ། །བུ་མོ་ཡང་ན་མནའ་མ་འམ། །མཁས་པས་འབད་དེ་བླང་བར་བྱ། །རང་གི་རིགས་ནི་ཇི་བཞིན་རྙེད། །ཁུ་བ་དང་བཅས་གཞོན་ནུ་མ། །སྣ་ཚོགས་རྒྱན་གྱིས་ལེགས་པར་བརྒྱན། །མཁས་པས་བླ་མ་ལ་ནི་འབུལ། །
དབང་གི་མན་ངག་གསུམ་དུ་བཞུགས། །ནང་གི་ཡིས་ནི་བརྡ་བྱེད་པ། །བཞི་པ་འབྲས་བུའི་ངོ་བོར་གྲགས། །གསུམ་དང་བྲལ་བའི་གསུམ་བདག་ཉིད། །དགའ་བ་ལ་སོགས་བྱེ་བྲག་ཏུ། །རྡོ་རྗེ་གཞོན་ནུ་མས་གསལ་དབྱེ། །དབང་
བསྐུར་གྱིས་ནི་འཁོར་ལོས་བསྒྱུར། །ཐེ་ཚོམ་མེད་པར་ཡིན་པར་འགྱུར། །དབང་གིས་དྲི་མ་མེད་པར་བྱེད། །ཆུ་ལ་སོགས་པས་རས་བཀྲུས་བཞིན། །ཆོ་ག་ཐམས་ཅད་རྫོགས་པའི་དབང་། །ཡན་ལག་དེ་ཉིད་དང་ནི་བཅས། །གཅིག་ནས་གཅིག་ཏུ་རིམ་
པས་བརྒྱུད། །བླ་མ་རབ་ཀྱི་ཞལ་ནས་བླང་། །གཞན་དུ་རྟོག་གེའི་ཚོགས་ལ་མཁས། །སྒྲ་ཡི་བསྟན་བཅོས་རྟག་མོས་ལ། །དབང་གི་མཆོག་ནི་རྣམ་པ་གསུམ། །བླང་བར་མི་བྱ་སྦྱིན་མི་བྱ། །ཡང་དག་འབྲས་བུ་འདོད་པ་ན། །དེ་ནི་རིང་དུ་སྤང་

85-1-12a

བར་བྱ། །དེ་ལྟར་ཡང་བྱེ་མ་དུ་མ་བསྡུས་པའི་ཕུང་པོ་ལ་འབད་དེ་རྣམ་པར་བཙིར་བས་མར་ཁུའི་ཐིགས་པ་ཕྱེད་ཀྱང་མི་འབྱུང་ངོ་། །དེ་བཞིན་དུ་རྟོག་གེ་མང་པོ་དང་། ངག་གི་དྲ་བ་དང་ལྡན་པ་ལ་བསྟན་པའམ། ཉན་པ་ལས་ནི་དེ་ལ་ཉོན་
མོངས་པ་འབའ་ཞིག་ལས་གཞན་འབྲས་བུ་ནི་རྙེད་པ་མེད་དོ། །དེ་བས་ན་གཅིག་ནས་གཅིག་ཏུ་རིམ་པས་བརྒྱུད་དེ་རྙེད་པའི་དབང་ཤེས་པ་དེ་ནི་རྡོ་རྗེ་སློབ་དཔོན་བླ་མ་ཆེན་པོའོ། །མི་གསལ་མཆོག་གི་བཀྲ་ཤིས་ཅན། །སངས་རྒྱས་འབྲས་བུ་སྦྱིན་པའི་སྦྱིན། །
བླ་མའི་གཟུགས་སོ་གཞན་མ་ཡིན། །བསོད་ནམས་ཐམས་ཅད་ཀྱི་ནི་གནས། །སངས་རྒྱས་བྱང་ཆུབ་སེམས་དཔའ་དང་། །ཚངས་པ་བརྒྱ་བྱིན་ཁྱབ་འཇུག་ལྷ། །དེ་ཀུན་གྱིས་ནི་བདག་མཆོད་འོས། །མ་གྲགས་ཀྱང་ནི་གྲགས་གཟུགས་ཡིན། །དེ་ལྟར་ཤེས་
ནས་སྒྲུབ་པ་པོས། །འབད་པ་ཡིས་ནི་མཆོད་པར་བྱ། །བླ་མའི་ཞལ་སྔ་མཆོད་བྱས་ན། །ཅི་འདོད་པ་ཡི་འབྲས་བུ་རྙེད། །རྒྱུད་ཀྱི་དོན་ནམ་དབང་གི་དོན། །ཤེས་ནས་བླ་མ་མི་མཆོད་པ། །ས་སྟེངས་ཉི་ཟླ་ཡོད་བར་དུ། །དེ་ནི་མནར་མེད་པ་རུ་འགྲོ། །དེ་
བས་ཀུན་ཏུ་འབད་པ་ཡིས། །གུས་པས་བླ་མ་མཆོད་པར་བྱ། །རིན་ཆེན་སྣ་ཚོགས་བཟོར་བྱས་ལེགས། །གསེར་གྱི་པད་མ་དྲི་མ་མེད། །མུ་ཏིག་དོ་ཤལ་རིན་ཐང་མེད། །སྣ་ཚོགས་དུ་མ་ཡི་ནི་གོས། །གཅེས་པའི་བཙུན་མོ་བུ་དང་བཅས། །
གླང་ཆེན་རྟ་དང་བྲན་ལ་སོགས། །དཔལ་ལྡན་བླ་མའི་སྤྱན་སྔ་རུ། །དད་གུས་བརྟན་པས་དབུལ་བར་བྱ། །དཔལ་ཡེ་ཤེས་ཐིག་ལེ་ལས་ཡོན་དབུལ་བ་དང་བཅས་པའི་དབང་གི་རིམ་པ་ཞེས་བྱ་བའི་ལེའུ་སྟེ་གསུམ་པའོ།། །། 
དེ་ནས་གཞན་ཡང་རབ་བཤད་ཉོན། །གནས་ཀྱི་རྙེད་པ་ཇི་བཞིན་དོན། །ཀ་བ་གཅིག་དང་སྒོ་དགུར་ལྡན། །རྡོ་རྗེ་བརྩིག་པའི་རྒྱན་དང་ལྡན། །རྡོ་རྗེའི་ཐིག་དང་བླ་རེས་ནི། །ཀུན་དུ་ཡོངས་སུ་བསྐོར་བ་ཡིན། །རླུང་ལ་སོགས་པའི་རིམ་པས་
དབྱེ། །འབྱུང་བ་བཞི་དང་ལྡན་པ་ཡིན། །ཇི་སྙེད་ནམ་མཁའི་མཐའ་ཀུན་དུ། །ཐམས་ཅད་བདག་ཉིད་རྟག་ཏུ་བཞུགས། །རྡོ་རྗེ་གུར་གྱི་དབུས་སུ་ནི། །བསྲུང་བའི་འཁོར་ལོ་འཁོར་བཞིན་པ། །རྩིབས་བཅུ་པ་ལ་གསེར་གྱི་མདོག །ཁྲོ་བོ་

85-1-12b

བཅུ་དང་བཅས་པའོ། །ཁྲོ་བོ་ཐམས་ཅད་ཞལ་གསུམ་པ། །སྤྱན་གསུམ་པ་ལ་ཕྱག་དྲུག་པ། །གཡས་བརྐྱང་བས་ནི་བཞུགས་པ་དང་། །གསུས་པ་རློ་བ། སྦྲུལ་གྱི་རྒྱན་གྱིས་བརྒྱན་པ། ལྗགས་འདྲིལ་བ། མཆེ་བ་འཇིགས་པ་གཙིགས་པ། དབུ་སྐྲ་སེར་
པོ་གྱེན་དུ་འགྲེང་བ། ཨག་ཚོམས་དང་སྨིན་མ་ཆེ་ཞིང་རིང་བ་སྟེ། ཤར་གྱི་འཁོར་ལོའི་རྩིབས་ལ་གཤིན་རྗེའི་གཤེད་སྐུ་མདོག་ནག་པོ་གཡས་དང་གཡོན་པའི་ཞལ་གཉིས་ནི་སེར་བ་དང་དམར་པོ། ཕྱག་གཡས་གཉིས་ན་རལ་གྲི་དང་རྩེ་གསུམ་པ། ཕྱག་གཡོན་
གཉིས་ན་ཐོད་པ་དང་དབྱུག་པའོ། །ལྷོ་ཕྱོགས་ཀྱི་རྩིབས་ལ་ཤེས་རབ་མཐར་བྱེད་དཀར་པོ་གཡས་ཀྱི་ཞལ་དམར་བ། གཡོན་སྔོ་བ། ཕྱག་གཡས་པ་གཉིས་ཀྱིས་དབྱུག་པ་དང་རལ་གྲི། །ཕྱག་གཡོན་པ་གཉིས་ན་མཚོན་རྩེ་གཅིག་པ་དང་མགོ་བོའོ། །
ནུབ་ཏུ་པད་མ་མཐར་བྱེད་དམར་པོ་ཞལ་གཡས་དཀར་ཞིང་གཡོན་སྔོན་པོ། གཡས་དང་གཡོན་གྱི་ཕྱག་བཞི་ན་རལ་གྲི་དང་། འཁོར་ལོ་དང་། ཟླ་བ་ཕྱེད་པ་དང་། རི་རབ་ཟུར་བརྒྱད་པའོ། །བྱང་དུ་བགེགས་མཐར་བྱེད་སྔོན་པོ་གཡས་དང་གཡོན་གྱི་ཞལ་གཉིས་
ནི་དཀར་པོ་དང་དམར་པོའོ། །གཡས་དང་གཡོན་གྱི་ཕྱག་བཞི་ན་རྡོ་རྗེ་རྒྱ་གྲམ་དང་། རལ་གྲི་དང་། མདུང་ཐུང་མེའི་མཚམས་སུ་འདོད་པའི་རྒྱལ་པོའི་གཟུགས་ཅན་གཡས་དང་གཡོན་གྱི་ཞལ་གཉིས་ནི་དཀར་བ་དང་དམར་བ། གཡས་
ཀྱི་ཕྱག་གཉིས་ན་རལ་གྲི་དང་རིན་པོ་ཆེ། ཕྱག་གཡོན་ན་སྟ་རེ་དང་མདུང་ཐུང་ངོ་། །སྲིན་པོའི་མཚམས་སུ་དབྱུག་པ་སྔོན་པོ་ཆུ་སྲིན་འཛིན་སེར་པོའི་གཟུགས། གཡས་དང་གཡོན་གྱི་ཞལ་ལྗང་བ་དང་དམར་བ། ཕྱག་གཡས་
གཉིས་ན་རྒྱ་གྲམ་རྩེ་གསུམ་དང་རལ་གྲི། ཕྱག་གཡོན་གཉིས་ན་སཱ་ལའི་ཤིང་ཆེན་པོ་དང་། དེ་བཞིན་དུ་མེའོ། །རླུང་མཚམས་སུ་སྟོབས་པོ་ཆེ་དུ་བའི་མདོག །གཡས་པ་དང་། གཡོན་པའི་ཞལ་གཉིས་ནི་སེར་བ་དང་
དམར་པོ། ཕྱག་བཞི་ལ་རལ་གྲི་དང་དུང་དང་དགྲ་སྟ་དང་རྔ་མའོ། །དབང་ལྡན་གྱི་མཚམས་སུ་མི་གཡོ་མགོན་དཀར་ནག་ཞལ་གཡོན་དམར་པོ་དང་། གཡས་སྔོན་པོ། གཡས་གཡོན་གྱི་ཕྱག་བཞི་ན་རལ་གྲི་དང་ལྕགས་ཀྱུ་དང་པི་ཝང་དང་རྔེའུ་ཆུང་ངོ་། །སྟེང་དུ་

85-1-13a

གཙུག་ཏོར་འཁོར་ལོས་སྒྱུར་བ་སྐུ་མདོག་སེར་པོ་གཡས་དང་གཡོན་པའི་ཞལ་གཉིས་ནི་སྔོ་བ་དང་དཀར་བ། ཕྱག་བཞི་ན་འཁོར་ལོ་དང་། རལ་གྲི་དང་། ཀ་པཱ་ལ་དང་། ཁ་ཊྭཱྃ་གའོ། །འོག་ཏུ་སུམ་བྷའི་རྒྱལ་པོ་སྐུ་མདོག་
ནམ་མཁའ་ལྟར་སྔོ་བ། གཡས་ཀྱི་ཞལ་མཐོན་མཐིང་ཆེན་པོའི་འོད་ཅན། གཡོན་པ་ནི་ཉི་མ་གཞོན་ནུའི་འོད་ཅན། གཡས་ཀྱི་ཕྱག་གཉིས་ན་རལ་གྲི་དང་ལྕགས་ཀྱུ། གཡོན་གཉིས་ན་གྲི་གུག་དང་ཐོད་པའོ། །ཐམས་ཅད་ཀྱི་རྩ་བའི་
ཕྱག་གཉིས་ཀྱིས་རྡོ་རྗེ་དང་པད་མ་བསྣམས་པ། རང་གི་འོད་ཀྱི་ཤེས་རབ་མ་ལ་འཁྱུད་པའོ། །འདོད་པའི་རྒྱལ་པོ་ལ་སོགས་པ་ནི་འཇིག་རྟེན་སྐྱོང་བ་བརྒྱད་ཀྱི་སྟེང་དུའོ། །གཙུག་ཏོར་འཁོར་ལོས་བསྒྱུར་བ་དང་སུམ་བྷའི་རྒྱལ་པོ་ནི་ཟླ་
བ་དང་ཉི་མའི་སྟེང་དུ་ཤེས་པར་བྱའོ། །འདིའི་འཁོར་ལོའི་ལྟེ་བ་གྲུ་གསུམ་གྱི་གཟུགས་ཏེ་རི་བོང་ཅན་དཀར་པོའི་འོད་ཆོས་ཀྱི་འབྱུང་གནས་སོ། །དེའི་དབུས་སུ་སྔར་བསྟན་པའི་འབྱུང་བ་བཞི་ཇི་ལྟ་བུའི་རིམ་པས། རྣམ་པར་སྣང་མཛད་ཡོངསུ་གྱུར་པ་
ལས་དུར་ཁྲོད་བརྒྱད་དང་ལྡན་པའི་གཞལ་ཡས་ཁང་ཡངས་པ་ཆེན་པོའི་འཕར་མ་གཉིས་ཉི་མའི་གདན་དུ་སྣ་ཚོགས་པད་མ་འདབ་མ་བརྒྱད་ཀྱི་ལྟེ་བར་འཇིགས་བྱེད་དང་དུས་མཚམས་ཀྱི་བདེ་བྱེད་མའི་སྟེང་དུ་ཚུལ་དང་ཐིགས་པའི་རང་གི་ངོ་བོ་ཨཱ་ལི་དང་ཀཱ་
ལི་གཉིས་ལས་བྱུང་བ། མྃ་ཧཱུྃ་ལས་དཔལ་ཡེ་ཤེས་ཐིག་ལེ་ཕྱག་རྒྱ་ཆེན་པོས་འཁྱུད་ཅིང་ཞལ་བརྒྱད་པ། ཕྱག་བརྒྱད་གཡས་བརྐྱང་བ། ཞལ་བཞི་ནི་ནག་པ་དང་སེར་བ། དམར་བ་དང་ལྗང་གུའོ། །གཞན་བཞི་ནི་ཨུཏྤ་ལ་སྔོན་པོའི་འདབ་མ་
ལྟ་བུའོ། །རྡོ་རྗེ་དང་། དྲིལ་བུ་དང་། རྔེའུ་ཆུང་དང་། ཀ་པཱ་ལ་དང་། ཁ་ཊྭཱྃ་ག་དང་། རལ་གྲི་དང་། མདའ་གཞུའོ། །སྣ་ཚོགས་རྡོ་རྗེ་དང་ཟླ་བ་ཚེས་པས་རལ་པའི་དབུ་རྒྱན་དང་དཔྲལ་བར་ཐོད་པའི་སྟེང་དུ་མི་བསྐྱོད་པའི་ཅོད་པན་ཅན་ནོ། །ཕྱག་
རྒྱ་དྲུག་གིས་སྐུ་བཅིངས་པ། རྒྱུ་མས་བརྒྱུས་པའི་མགོ་བོ་ཆེན་པོའི་དོ་ཤལ་གྱིས་སྐུ་བརྒྱན་པ། ཚངས་པའི་པགས་པས་རྐེད་པའི་ཤམ་ཐབས་ཅན་གྱི་སྐུར་བཞེངས་ཤིང་ཧ་ཧའི་གད་རྒྱངས་དང་བྷྲཱི་ཀ་རའི་ཆོལ་བའི་སྒྲ་ཆེན་པོའི་ང་རོ་བསྒྲགས་ཤིང་བརྗོད་

85-1-13b

པ་ཙམ་གྱིས་ཚངས་པའི་གཡུལ་ས་བྱེ་བའི་གྲངས་ཀྱིས་ཐོད་པའི་ལྟོ་བ་རླག་པར་མཛད་པ། མི་བཟད་པ་དང་། མི་སྡུག་པ་དང་། ལྕེ་སྤྱང་གི་ཚོགས་འཇིགས་སུ་རུང་བ་དང་། ཤ་ཟའི་ཚོགས་ཧ་ཧར་རྒོད་པ་དང་། ནག་པོའི་མེ་ཅན་གྱི་དུར་ཁྲོད་ཆེན་
པོ་བརྒྱད་ན་འཇིགས་བྱེད་ཀྱི་ཉམས་དགུ་དང་ལྡན་པའི་གར་བྱེད་པའོ། །དཔལ་ཡེ་ཤེས་ཐིག་ལེ་ལས་དཀྱིལ་འཁོར་གྱི་འཁོར་ལོ་བསྐྱེད་པ་ཞེས་བྱ་བའི་ལེའུ་སྟེ་བཞི་པའོ།། །། ད་ནི་སྔགས་མཆོག་བཤད་བྱ་བ། །སྒྲུབ་པ་
པོ་ནི་འགྲུབ་འགྱུར་བ། །ས་ཡི་ཆ་ནི་མཉམ་པའི་མཆོག །སྦྲང་རྩི་ག་བུར་གྱིས་ནི་བྱུག །དྲི་ཞིམ་པ་ཡི་མེ་ཏོག་བཀྲམ། །མེ་ཏོག་གིས་ནི་ཆལ་པར་དགྲམ། །ཆུ་ངོགས་ཡང་ན་ཐང་སྟོང་དུ། །རྡོ་རྗེ་སྐུད་པ་ཡིས་ནི་བསྐོར། །མིག་
མཛེས་རྡོ་རྗེ་གཞོན་ནུ་མ། །ཟླ་བ་ཉི་མས་པད་མ་ཁེངས། །ལང་ཚོ་གསར་ལ་རེག་བྱ་འཇམ། །དང་པོ་མཁས་པས་འཇུག་པར་བྱ། །སྔགས་ཀྱི་གནས་སུ་ལུགས་ཇི་བཞིན། །ལེགས་དགྱེས་ཤིན་ཏུ་སྦྱོར་བར་བྱ། །དེ་ཡི་སྦྱོར་བས་གང་
ཞིག་འབྱུང་། །ཁ་དང་ས་སོགས་མཆོད་པར་བྱ། །པད་མ་འདབ་མ་བརྒྱད་པ་བྱ། །རྡོ་རྗེ་ཡི་ནི་ཕུར་བུ་བཅུ། །མཁས་པས་ཁྲོ་བོའི་སྔགས་ཀྱིས་གདབ། །ཨཱ་ལི་ཀཱ་ལི་མཉམ་བྱས་ནས། །འདབ་མ་ཀུན་ལ་རིམ་པས་དགོད། །
ཨཱ་ལི་ཡེ་ཤེས་འདབ་མར་གཅིག །ཀཱ་ལི་འདབ་མ་བདུན་དུ་དྲན། །འདབ་མ་རེ་རེ་ཡི་གེ་ལྔ། །ལྔ་པ་ལྔ་ནི་ལྔ་ལའོ། །འདབ་མ་གཉིས་སུ་བཞི་གཉིས་ཏེ། །ཀྵཿཡི་ཡིག་འབྲུ་ལྟེ་ནང་ངོ་། །དབྱངས་ཡིག་གསལ་ཡིག་བྱེ་
བྲག་ཏུ། །ཨཱ་ལི་ཀཱ་ལི་འདུ་ཤེས་ཡིན། །གཉིས་ཀྱི་ཡི་གེ་འདབ་མ་ཡིས། །སྔགས་ཀྱི་རྒྱལ་པོ་དེ་ཉིད་དྲན། །དང་པོའི་གཟུགས་ཀྱིས་རྒྱལ་པོའི་དབང་། །དེ་ནས་འདབ་གཉིས་ཀྱི་དང་པོར། །བཞི་པའི་དབྱངས་ཡིག་དང་བཅས་པ། །
འོག་ཏུ་རེ་ཕ་ཡིས་ནི་བརྒྱན། །དེ་ནས་ཉི་ཤུ་རྩ་ལྔ་ནི། །འདབ་མ་གཉིས་པའི་བཞི་པའོ། །དབྱངས་ཡིག་གཉིས་པ་དང་ལྡན་པ། །ཁྲོ་བའི་ངན་འགྲོ་དག་བྱེད་པ། །འདབ་གཉིས་དང་པོ་བཞི་པ་ཡིན། །དེ་ནས་གསལ་བྱེད་པ་ཡིས་རྒྱན། །

85-1-14a

འདབ་གཉིས་དང་པོའི་གཉིས་པ་ཡིན། །ལྡན་པ་ཐམས་ཅད་རིམས་འཕྲོག་བྱེད། །གསལ་བྱེད་པ་ལ་གསུམ་པ་སྟེ། །བཅུ་པས་ཡང་དག་ལྡན་པའོ། །དབྱངས་ཀྱི་ཡི་གེ་གཉིས་པ་ཡིས། །ལྷ་ཡི་དབང་ཕྱུག་བརྒྱན་པའོ། །བཞི་
པའི་ལྔ་པ་གང་ཡིན་དང་། །དེ་ནས་དེ་ཡི་དང་པོའོ། །བཅུ་དྲུག་པ་ལ་གསུམ་པས་ལྡན། །ཐམས་ཅད་སྔགས་ཀྱི་ཚིག་གི་གཞི། །དེ་ནས་ས་ནི་དག་པ་དང་། །དེ་བཞིན་གསལ་བྱེད་དང་པོའོ། །ཡན་ལག་གསལ་བྱེད་སུམ་བཅུ་གསུམ། །
དབྱངས་ཡིག་དྲུག་པ་ཡང་དག་ལྡན། །ཐམས་ཅད་ཀྱི་ནི་འབྱུང་བའི་གཞི། །ཟླ་ཚེས་ཐིག་ལེས་རྣམ་པར་བརྒྱན། །དེ་ནི་དེ་དང་ཉེ་བར་གནས། །སེམས་ཀྱི་དབང་ཕྱུག་ཡི་གེ་མཆོག །གང་ཞིག་ལྔ་པའི་གཉིས་པ་དང་། །གསུམ་པའི་དང་པོ་
དང་ལྡན་པ། །མཐར་ནི་སྲཱ་ཧཱ་ལྡན་པ་སྟེ། །སྙིང་པོའི་སྔགས་ནི་རྨད་བྱུང་མཆོག །དང་པོ་རུ་ནི་གཟུགས་ཀྱི་མཆོག །འདབ་མ་གཉིས་པའི་བཞི་པའོ། །འོག་ཏུ་རེ་ཕ་ཡང་དག་ལྡན། །དབྱངས་ཀྱི་ཡི་གེ་བཞི་པས་སྦྱར། །རིག་པའི་རྒྱལ་པོའི་
ཡི་གེ་མཆོག །ཐིག་ལེ་ཡིས་ནི་མགོ་བོ་མནན། །དེ་རང་དུ་ནི་ཉེ་བར་གནས། །ཐམས་ཅད་ཞི་བ་ཞི་བའི་མཆོག །ཐིགས་པས་མནན་པས་སུམ་ཅུ་གསུམ། །བཅུ་དྲུག་པ་ནི་གཉིས་པར་ལྡན། །ཡང་ནི་དེ་ཉིད་ཡི་གེ་མཆོག །ཁམས་
གསུམ་མུན་པ་སེལ་བར་བྱེད། །ཧཱུྃ་ཕཊ་དེ་ནི་གཉིས་ཀ་སྦྱར། །ཐ་མར་སྭཱ་ཧཱ་ཡིས་ནི་ལྡན། །ཉེ་བའི་སྙིང་པོའི་སྔགས་ཞེས་བྱ། །བཅོམ་ལྡན་ཡེ་ཤེས་ཐིག་ལེས་སོ། །དང་པོར་རྣམ་པར་སྣང་མཛད་དག །ཉི་ཤུ་རྩ་དགུ་དེ་ནས་སོ། །གསལ་བྱེད་པ་
ནི་བཞི་གཉིས་པ། །ཉི་ཤུ་རྩ་བདུན་པས་ནི་ལྡན། །ཉི་ཤུ་རྩ་གཉིས་པ་ཡི་གཞན། །དབྱངས་ཀྱི་ཡི་གེ་བདུན་པས་ལྡན། །བཞི་པ་ལས་ནི་གསུམ་པའོ། །དེ་དང་ཉེ་བར་རླུང་ཡིན་ནོ། །དབྱངས་ཡིག་བཅུ་གཅིག་པ་དང་ལྡན། །འབྲས་བུ་
ཐམས་ཅད་དོན་སྦྱིན་ནོ། །ལྔ་པ་ཡིས་ནི་ལྔ་པ་དང་། །ཧ་ཡི་ཡིག་འབྲུ་དེ་དང་ཉེ། །ལྔ་པ་ཡིས་ནི་གསུམ་པ་དང་། །ཉི་ཤུ་རྩ་བརྒྱད་དེ་ནས་སོ། །ལྔ་པ་ཡི་ནི་དང་པོ་དང་། །ཉི་ཤུ་རྩ་བདུན་དེ་ནས་སོ། །དབྱངས་ཡིག་གི་ནི་གཉིས་པས་ལྡན། །
85-1-14b

ཁམས་གསུམ་དགུག་པར་ནུས་པའོ། །གསལ་བྱེད་ཀྱི་ནི་དང་པོ་དང་། །ཉི་ཤུ་རྩ་བདུན་པ་ནི་ལྡན། །ཉི་ཤུ་རྩ་ལྔ་པ་དག་དང་། །དབྱངས་ཀྱི་ཡི་གེ་གཉིས་པས་ལྡན། །ཉི་ཤུ་རྩ་དྲུག་ཡི་གེ་མཆོག །དབྱངས་ཀྱི་ཡི་གེ་བཅུ་གཅིག་ལྡན། །སྭཱ་ཧཱ་མཐའ་རུ་ལྡན་པ་ནི། །
ཧཱུྃ་ཧཱུྃ་ཕཊ་ཀྱིས་སྤེལ་བར་བྱ། །དེ་ནི་ཕྱག་རྒྱ་ཆེ་སྙིང་པོ། །ཡིད་བཞིན་རིན་ཆེན་མཉམ་པའི་འོད། །དང་པོ་ཡི་ནི་པྲ་ཎ་པ། །དེ་ནས་འདབ་གཉིས་པ་ཡི་གསུམ། །ཡ་ཡི་སྡེ་ཚན་གཉིས་པ་དང་། །ཉི་ཤུ་རྩ་དགུ་དེ་ནས་སོ། །དབྱངས་ཀྱི་
ཡི་གེ་གསུམ་པ་ཡིས། །སྙིང་ལ་ཁོང་དུ་ཆུད་པར་བྱ། །དྲུག་བཅུ་རྩ་བཞི་ཕྱེད་དག་པ། །ར་ཡི་ཡིག་འབྲུ་དེ་དང་མཉམ། །ཐ་མར་སྭཱ་ཧཱ་དང་ལྡན་པ། །ཧཱུྃ་ཧཱུྃ་ཕཊ་ནི་སྤེལ་བ་ཡིན། །ཉེ་བའི་སྙིང་པོ་སྔགས་ཆེན་པོ། །ཐམས་ཅད་སྔགས་
ཀྱི་བདག་པོ་མཆོག །ཨོཾ་ཤྲཱི་མ་ཧཱ་ཀཱ་རུ་ཎ་ཀྲུ་ཏ། མ་ཧཱ་བེ་བེ་ད། སྥཱ་ར་ཎ་མ་ཧཱ་ཀ་སམ་པྲ་བྷ་ཛ་ཡ་བི་ཛེ་ཡ། ཨཊྚཱཊྚ་ཧཱ་ས། མ་ཧཱ་གྷོ་ར་གྷོ་རེ་ཤྭ་ར་མ་ཧཱ་རུ་དྲེྃ་རཱྃ་ཏྲ་མཱ་ལེ་ཌ་ར། སུ་མ་སཱུརྱ་ཨགྣི་ལོ་ཙ་ན། ཨཱ་ཀཱ་ཤོ་ད་ར། མ་ཧཱ་སཱ་གར་ཀོགྒེ། ཧ་ན་
ཧ་ན། ད་ཧ་ད་ཧ། པ་ཙ་པ་ཙ། མ་ཐཱ་མ་ཐཱ། བི་དྷྭྃ་ས་ཡ་བི་དྷྭྃ་ས་ཡ། ཨཱ་ཀཪྵ་ཡ་ཨཱ་ཀཪྵ་ཡ། བྷཱཉྫ་ཡ་བྷཱཉྫ་ཡ། ཙཱུརྞྞ་ཡ་ཙཱུརྞྞ་ཡ། ཧ་ཧ་ཧ་ཧ། ཧི་ཧི་ཧི་ཧི། མ་ཧཱ་རུ་དྷི་ར། པཱ་ཎི་མརྡ་ཡ། ཧཱུྃ་ཧཱུྃ་ཧཱུྃ་ཧཱུྃ། ཕཊ་ཕཊ་ཕཊ་ཕཊ་
སྭཱ་ཧཱ། ཨོཾ་མ་ཧཱ་ཀྲོ་དྷེ་ཤྭ་རཱ་ཡ་ཧཱུྃ་ཕཊ་སྭཱ་ཧཱ། ཨོཾ་མ་ཧཱ་བཻ་བེ་ཌེ་སྥཱ་ར་ཎཱ་ཡ་ཧཱུྃ་ཕཊ་སྭཱ་ཧཱ། ཨོཾ་མ་ཧཱ་ཀལྤནྟ་ཨགྣི་ས་མ་པྲ་བྷཱ་ཡ་ཧཱུྃ་ཕཊ་སྭཱ་ཧཱ། ཨོཾ་ཛ་ཡ་བི་ཛ་ཡ་ཨཊྚཱ་ཊ་ཧཱ་སཱ་ཡ་ཧཱུྃ་ཕཊ་སྭཱ་ཧཱ། ཨོཾ་མ་ཧཱ་གྷོ་ར་གྷོ་རེ་ཤྭ་རཱ་ཡ་ཧཱུྃ་ཕཊ་སྭཱ་ཧཱ། ཨོཾ་མ་ཧཱ་བཱི་ར་བཱི་རེ་
ཤྭ་རཱ་ཡ་ཧཱུྃ་ཕཊ་སྭཱ་ཧཱ། ཨོཾ་མ་ཧཱ་རུ་དྷི་རཱནྟྲ་མཱ་ལ་དྷ་རཱ་ཡ་ཧཱུྃ་ཕཊ་སྭཱ་ཧཱ། ཨོཾ་སཽ་མ་སཱུརྱ་ཨགྣི་ལོ་ཙ་ནཱ་ཡ་ཧཱུྃ་ཕཊ་སྭཱ་ཧཱ། ཨོཾ་ཨཱ་ཀཱ་ཤོ་ད་རཱ་ཡ་ཧཱུྃ་ཕཊ་སྭཱ་ཧཱ། ཨོཾ་མ་ཧཱ་སཱ་ག་ར་ཀོཀྐེ་ནི་ཧཱུྃ་ཕཊ་སྭཱ་ཧཱ། ཨོཾ་ཧ་ན་ཧ་ན་ཧཱུྃ་ཕཊ་སྭཱ་ཧཱ། ཨོཾ་ད་ཧ་ད་ཧ་ཧཱུྃ་ཕཊ་སྭཱ་ཧཱ། ཨོཾ་
པ་ཙ་པ་ཙ་ཧཱུྃ་ཕཊ་སྭཱ་ཧཱ། ཨོཾ་མ་ཐ་མ་ཐ་ཧཱུྃ་ཕཊ་སྭཱ་ཧཱ། ཨོཾ་བི་དྷྭྃ་ས་ཡ་བི་དྷྭྃ་ས་ཡ་ཧཱུྃ་ཕཊ་སྭཱ་ཧཱ། ཨོཾ་ཨཱ་ཀཪྵ་ཡ་ཨཱ་ཀཪྵ་ཡ་ཧཱུྃ་ཕཊ་སྭཱ་ཧཱ། ཨོཾ་བྷཱཉྫ་ཡ་བྷཱཉྫ་ཡ་ཧཱུྃ་ཕཊ་སྭཱ་ཧཱ། ཨོཾ་ཙཱུརྞྞ་ཡ་ཙཱུརྞྞ་ཡ་ཧཱུྃ་ཕཊ་སྭཱ་ཧཱ། ཨོཾ་ཧ་ཧ་ཧ་ཧ་ཧཱུྃ་ཕཊ་སྭཱ་ཧཱ། ཨོཾ་ཧི་ཧི་ཧི་ཧི་

85-1-15a

ཧཱུྃ་ཕཊ་སྭཱ་ཧཱ། ཨོཾ་མ་ཧཱ་རུ་དྷི་ར་པཱ་ཎི་མ་ཡ་ཧཱུྃ་ཕཊ་སྭཱ་ཧཱ། ཨོཾ་ཧཱུྃ་ཧཱུྃ་ཧཱུྃ་ཧཱུྃ་ཧཱུྃ་ཕཊ་སྭཱ་ཧཱ། ཨོཾ་ཕཊ་ཕཊ་ཕཊ་ཕཊ་ཧཱུྃ་ཕཊ་སྭཱ་ཧཱ། །ཕྲེང་བའི་སྔགས་ནི་མཆོག་གི་ལྷ། །ལས་ཐམས་ཅད་ནི་རབ་གྲུབ་བྱེད། །ཨོཾ་མ་ཧཱ་ཀཱ་མ་རུ་པི་
ཎཱི་ཡེ་ས་ར་ས་ར། བི་སར་བི་སར། །ཨཱ་གཙྪ་ཨཱ་གཙྪ། སརྦྦཱཪྠྃ་སཱ་དྷ་ཡ་སཱ་དྷ་ཡ། སརྦྦཱ་མཱ་རྃ། ནིཪྨྨ་ཐ་ནིཪྨྨ་ཐ། མ་ཧཱ་བཱི་རེ་རེ་ཤྭ་ར་སཔྟ་པཱ་ཏཱ་ལ། བ་ད་རེ་ཎེ། སཔྟ་སཱ་ག་ར། ཤུ་ཥ་ཎེ་རུ་ཥ་ཎེ་མུ་ཧ་ཎེ། ཛམ་བྷ་ནེ། སྟམ་བྷ་ནེ། 
ཏྲཻ་ལོཀྱ་བྷ་ཡྃ་ཀ་རེ། ཧྃ་ཧྃ་ཧིཾ་ཧིཾ་ཧཱུྃ་ཧཱུྃ། ཀི་ལི་ཀི་ལི། སི་ལི་སི་ལི། ཧི་ལི་ཧི་ལི། ཌི་ལི་ཌི་ལི། མ་ཧཱ་ཀལྤཱགྣེ་ས་མ་པྲ་བྷཱ་ཡ་ཧཱུྃ་ཧཱུྃ་ཕཊ་སྭཱ་ཧཱ། ཕྲེང་བའི་སྔགས་ནི་མཆོག་གི་ལྷ། །བཅོམ་ལྡན་མོ་ཡི་བདག་གིས་བསྟན། །ཧ་ངྷཱུྃ་ངྷཱུྃ་། །ཀྲུྃ་ཀྲུྃ། 
གྷྲོྃ་གྷྲོྃ། མྲོྃ་མྲོྃ། ཇྲོྃ་ཇྲོྃ། ཊཱྃ་ཊཱྃ། པྲྃ་པྲྃ། སྲོྃ་སྲོྃ། ཧྲོྃ་ཧྲོྃ། ཊུྃ་ཊུྃ། ཕྲོྃ་ཕྲོྃ། པྲྃ་པྲྃ། ཡོྃ་ཡོྃ། ཧྲོྃ་ཧྲོྃ། ཤྲོྃ་ཤྲོྃ། ཀུྃ་ཀུྃ། འཁོར་ལོའི་སྔགས་ནི་སྔགས་ཆེན་པོ། །དཔའ་བོ་རྣམས་ཀྱི་སྙིང་པོ་མཆོག །ཨ་ཨཱ་ཨི་ཨཱི་ཨུ་ཨཱུ་རྀ་རཱྀ་ལྀ་ལཱྀ་ཨེ་
ཨཻ་ཨོ་ཨཽ་ཨྃ་ཨཿ དཔའ་བོའི་ཡན་ལག་མ་སྙིང་སྔགས། །ལྷ་ཡི་དབང་ཕྱུག་བདག་གིས་བཤད། །དང་པོར་ཨོཾ་དང་མཐར་ཧཱུྃ་ཕཊ། །བར་དུ་མིང་ནི་སྤེལ་བའོ། །གསང་བའི་སྔགས་ཀྱི་དགོད་པ་ནི། །མཆོད་པའི་དུས་སུ་མཆོད་པར་བྱ། །ཨོཾ་ན་ད་
ནིཪྨཱ་ལཱ་ཡ་ཧཱུྃ་ཧཱུྃ་ཕཊ། ཨོཾ་བིནྡུཪྠ་ག་མེ་ཧཱུྃ་ཧཱུྃ་ཕཊ། ཨོཾ་མ་ཧཱ་ཀཱ་ལཱ་གྲཱ་ཡ་ཧཱུྃ་ཧཱུྃ་ཕཊ། ཨོཾ་ནཱ་ད་མ་ཏྲ་སྭ་རཱུ་པཱ་ཡ་ཧཱུྃ་ཧཱུྃ་ཕཊ། ཨོཾ་པ་ར་ཤུ་རཱུ་པཱ་ཡཱ་ཧཱུྃ་ཧཱུྃ་ཕཊ། ཨོཾ་ཨ་པ་རཱ་མ་ན་བུྃ་ཀཱ་ཡ་ཧཱུྃ་ཧཱུྃ་ཕཊ། ཡེ་ཤེས་དྲུག་གི་མཆོག་སྔགས་དབང་། །འཁོར་ལོ་དྲུག་པའི་ནང་ན་བཞུགས། །
གསང་བའི་དཀྱིལ་འཁོར་རྒྱལ་དབང་པོ། འདི་ཡི་སྔགས་ཀྱིས་མཆོད་པར་བྱ། །ཨ་ཀ་ཙ་ཊ་ཏ་པ་ཡ་ཤ་སྒྲ་ནི་གྲགས། །སྡེ་ཚན་བརྒྱད་ཀྱི་གཙོ་བོ་ཡིན། །རྩ་བའི་སྡེ་ཚན་གཏོར་མ་གཏང་། །བརྟག་པ་གཉིས་ཀྱི་ཇི་བཞིན་ནོ། །རྡོ་རྗེའི་ཕྱག་རྒྱའམ་སྙིང་པོ་ཡིས། །མིག་མི་འཛུམ་
པའི་ལྟ་བས་སྦྱིན། །བསྲུང་འཁོར་ཡོད་པའི་ཁྲོ་བོ་ཡི། །དེ་ཡི་སྔགས་ནི་བདག་གིས་བཤད། །ཛྲེམྦྷ་ཛྲེམྦྷ། གྷུ་གྷུ་རོ་གྷུ་གྷུ་རོ། །དྷ་ར་དྷ་ར། བི་དྷ་ར་བི་དྷ་ར། ཊ་གྷེ་ཊ་གྷེ་ཊ། སྥོ་ལིཾ་གི་སྥོ་ལིཾ་གི། ཨ་ཏ་ཨ་ཏ་ཧཱ་ས། ཨཊྚ་ཨཊྚ་ཧཱ་སཿ ཧཱུ་ལུ་ཧཱུ་ལུ། བི་ཀྲ་མ་བི་ཀྲ་མ། ཧཱུྃ་ཕཊ་ཀྱིས་ནི་

85-1-15b

མཐའ་མར་ལྡན། །བར་དུ་མིང་ནི་སྤེལ་བའོ། །རྡོ་རྗེ་གསུམ་པ་ཡེ་ཤེས་རྒྱལ། །ཨཱཿཧཱུཾ་ནི་སྔགས་ཀྱི་མཆོག །དཔལ་ཡེ་ཤེས་ཐིག་ལེ་ལས་སྔགས་བཏུ་བ་ཞེས་བྱ་བའི་ལེའུ་སྟེ་ལྔ་པའོ།། །། དེ་ནས་མཆོད་སྦྱིན་རབ་བདག་བཤད། །གནས་
ལ་སོགས་པའི་རིམ་པས་སྦྱོར། །བསྐྱེད་པའི་བྱེ་བྲག་ཐིགས་པ་གསུམ། །རྫོགས་པའི་རིམ་གསུམ་དེ་ལྟར་རོ། །རྣམ་ཤེས་ལ་སོགས་བྱེ་བྲག་ཏུ། །མཆོད་སྦྱིན་ཚངས་པའི་གཡུལ་ས་ཆེ། །རྣམ་པར་ཤེས་པ་ལོངས་སྤྱོད་དང་། །སྣང་དང་ནམ་མཁའ་ཡེ་ཤེས་བཞིན། །
སྐུ་བརྒྱད་ཀྱི་ནི་བྱེ་བྲག་ཏུ། །དངོས་པོ་རྟེན་དང་རྣམ་པར་འབྱེད། །ཇི་བཞིན་འདོད་པ་སྡུག་པ་ནི། །མཆོད་སྦྱིན་རྣལ་འབྱོར་མ་དཀྱིལ་འཁོར། །ཨཽཌྱན་ལ་སོགས་གནས་སུ་ནི། །ལེགས་དགྱེས་མ་སོགས་ལྷ་མོ་ཀུན། །ཀཱ་ལི་ཡེ་ཤེས་ཡིག་མཆོག་སྦྱིན། །ཕྱི་དང་ནང་
དུ་བྱ་བའོ། །མཆོད་སྦྱིན་བྱས་ན་སྦྱིན་པ་ཆེ། །འབྲས་བུ་བཀྲ་ཤིས་ལྡན་པ་སྐྱེ། །སེམས་ཅན་རྣམས་ཀྱིས་བྱེ་བྲག་ཏུ། །སྣ་ཚོགས་ཐབས་ནི་རབ་ཏུ་བཤད། །ཁ་ཅིག་རྣམས་ལ་འདུལ་བའི་ཐབས། །ཁ་ཅིག་རྣམས་ལ་མདོ་སྡེའོ། །ལ་ལ་ཕ་རོལ་ཕྱིན་པའི་
ལམ། །ཁ་ཅིག་ལ་ནི་སྔགས་ཀྱི་མཆོག །རབ་འབྲིང་ཐ་མའི་བྱེ་བྲག་ཏུ། །ཐར་པར་འགྲོ་བའི་ཐབས་ཡིན་ནོ། །བློ་གྲོས་ཆེ་འང་ཐེག་གཞན་གྱིས། །གྲངས་མེད་གསུམ་གྱིས་སངས་རྒྱས་ཡིན། །སྔགས་ཀྱི་ཐེག་པ་ལ་མོས་ན། །ཚེ་འདི་ལ་ནི་སངས་རྒྱས་སོ། །
ཡང་ནི་རྡོ་རྗེ་འཛིན་པ་ཉིད། །རྣལ་འབྱོར་མ་ཁྱོད་སྨོས་ཅི་དགོས། །ཡང་ན་ལུས་ནི་སྤངས་མ་ཐག །བླ་ན་མེད་པའི་ཡེ་ཤེས་དག །བརྩོན་པར་མི་ལྡན་པས་ཀྱང་རྙེད། །བརྩོན་འགྲུས་ལྡན་པས་སྨོས་ཅི་དགོས། །བརྟན་པའི་བརྩོན་པས་དོན་ཐམས་
ཅད། །འབད་པ་མེད་ཀྱང་འགྲུབ་པ་ཡིན། །དོན་ཀུན་གྲུབ་པའི་བསོད་ནམས་ཅན། །རྟོག་མེད་ཉོན་མོངས་མེད་པའོ། །གང་ཞིག་ལས་ནི་ཅི་བྱེད་པ། །དེ་ནི་བསོད་ནམས་འཕེལ་བ་ཡིན། །འདོད་པའི་ལོངས་སྤྱོད་གང་གང་སྤྱོད། །དེ་ཀུན་མཆོད་པ་
ལ་སོགས་ཡིན། །དེ་ནི་མཆོད་སྦྱིན་འཕེལ་བ་ཡིན། །མཆོད་ལས་ཡེ་ཤེས་འབྲས་བུ་རྙེད། །དེ་ནི་མཆོད་སྦྱིན་ཡང་དག་པ། །རྒྱུད་ཀུན་དུ་ནི་རྙེད་དཀའ་བ། །འབྲས་བུ་ཆེན་པོ་ཐམས་ཅད་སྦྱིན། །རྣལ་འབྱོར་མ་ཡི་གཞི་ཡི་མཆོག 
85-1-16a

དཔལ་ཡེ་ཤེས་ཐིག་ལེ་ལས་མཆོད་སྦྱིན་གྱི་ཆོ་ག་ཞེས་བྱ་བའི་ལེའུ་སྟེ་དྲུག་པའོ།། །། དེ་ནས་མཆོད་པའི་ཆོ་ག་ནི། །སྡིག་པ་ཐམས་ཅད་འཇིག་བྱེད་པ། །ཡིད་འཕྲོག་ལྷ་ཡི་མེ་ཏོག་གིས། །ཟླ་བ་ཉི་མའི་འོད་དང་ལྡན། །
མེ་དང་སྒྲོན་མ་རྨད་དུ་བྱུང་། །མཆོད་སྦྱིན་དཀྱིལ་འཁོར་ལ་མཆོད་བྱ། །དབང་ནི་མར་ངོའི་དང་པོ་ཡི། །བཅུ་དྲུག་པ་ཡི་དང་པོ་ཡིས། །གཉིས་པ་ཡི་ནི་རབ་ཐིམ་གསུམ། །བཅུ་དྲུག་དང་པོའི་འོག་མ་ཡིས། །གསུམ་པ་ཡི་ནི་ལོངས་
སྤྱོད་ཡིན། །བཅུ་དྲུག་པ་ཡི་གསུམ་པས་སོ། །བཞི་པ་ཡི་ནི་ཐིམ་པ་འབྱུང་། །གསུམ་པ་ཡི་ནི་འོག་མས་སོ། །ལྔ་པ་ཡི་ནི་ལོངས་སྤྱོད་ཡིན། །བཅུ་དྲུག་པ་ཡི་ལྔ་པས་སོ། །དྲུག་པ་ཡི་ནི་ཐིམ་པ་འབྱུང་། །བཅུ་དྲུག་པ་ཡི་དྲུག་
པས་སོ། །བདུན་པ་ཡི་ནི་རབ་མཆོད་དབང་། །མར་ངོ་ཡི་ནི་བརྒྱད་པ་དག །དབྱངས་ཡིག་བརྒྱད་པོས་མཆོད་པར་བྱ། །དགུ་པ་ཡི་ནི་ལོངས་སྤྱོད་འབྱུང་། །བཅུ་དྲུག་པ་ཡི་དགུ་པས་སོ། །བཅུ་པ་ཡི་ནི་ཐིམ་པ་འབྱུང་། །དབྱངས་ཡིག་
གི་ནི་བཅུ་པས་སོ། །བཅུ་གཅིག་པ་ཡི་དབང་ཡིན་ཏེ། །བཅུ་གཅིག་པ་ཡིས་མཆོད་པར་བྱ། །བཅུ་གཉིས་ཀྱི་ནི་ཐིམ་པ་འབྱུང་། །དབྱངས་ཡིག་བཅུ་གཉིས་པོ་ཡིས་སོ། །བཅུ་གསུམ་པ་ཡི་ལོངས་སྤྱོད་ནི། །དེ་གཉིས་ཀྱི་
ནི་མཆོད་པར་བྱ། །བཅུ་བཞི་ཡིས་ནི་ཐིམ་པར་འགྱུར། །དབྱངས་ཡིག་བདུན་པ་གཉིས་ཀྱིས་མཆོད། །ཉ་གང་བ་ལ་དབང་ཡིན་ཏེ། །དབྱངས་ཡིག་བཅྭ་ལྔ་པ་ཡིས་སོ། །བྱང་ཆུབ་སེམས་འབྱུང་མཆོད་པ་ཡིན། །ཡར་ངོ་མར་
ངོ་བྱེ་བྲག་ཏུ། །ཤེས་རབ་ཐབས་ནི་རབ་ཏུ་སྦྱོར། །སྐུ་གསུམ་ཡེ་ཤེས་དཀྱིལ་འཁོར་ནི། །ཆེ་དང་ཡི་གེ་སྔགས་ཀྱིས་སུ། །རི་བོང་ཅན་ནི་འཕེལ་བར་འགྱུར། །ཐིག་ལེ་ནམ་མཁའ་འགོག་པ་ཡིས། །རང་བཞིན་དེ་ནི་
འབྱུང་བར་འགྱུར། །ཐིག་ལེའི་རང་བཞིན་ཡེ་ཤེས་ནི། །སངས་རྒྱས་ཀུན་གྱིས་ཀྱང་རྙེད་དཀའ། །བདག་གིས་བཀའ་དྲིན་རང་བཞིན་མྱུར། །ཐེ་ཚོམ་མེད་པར་རྙེད་པ་ཡིན། །བླུན་པོ་གང་གིས་བདག་མི་ཤེས། །བསམ་

85-1-16b

གཏན་རགས་ལ་རྟག་མོས་པ། །དེ་རྣམས་ཀུན་ནི་གྲུབ་པ་མེད། །ལྷ་ཡི་དབང་ཕྱུག་བདེན་པའོ། །ས་ཀུན་དབང་ཕྱུག་གིས་བདག་པོ། །ས་ཀུན་དབང་ཕྱུག་མངའ་བདག་པོ། །ས་ཀུན་དབང་ཕྱུག་གི་རྒྱལ་པོ། །ཐམས་ཅད་བདག་ཉིད་ཀུན་
ནང་བདག །ཐམས་ཅད་ཁྱབ་པ་རྟག་ཏུ་སྟོང་། །སངས་རྒྱས་ཀུན་གྱིས་ཕྱག་མཛད་པ། །ཤེས་རབ་ཐབས་ཀྱི་རང་བཞིན་གྲགས། །འགྲོ་མེད་འགྲོ་ལ་བདག་ཉིད་རོལ། །མཆོག་གི་ནམ་མཁའ་མཐའ་མེད་པ། །མཚན་ཉིད་དང་བྲལ་
གཞི་དང་བྲལ། །ལྷ་ཡི་དབང་རྣམས་ཐུབ་དབང་རྣམས། །རྡོ་རྗེ་ཅན་ཡང་རྙེད་དཀའ་བ། །ཆོས་དང་ལོངས་སྤྱོད་བདག་གིས་མཐའ། །ཡེ་ཤེས་རྣམ་ཤེས་ངོ་བོ་དག །རྡོ་རྗེ་ཅན་དང་སངས་རྒྱས་ཀུན། །ལྷ་ཡི་དབང་ཕྱུག་རྙེད་པར་སླ། །རྣམ་པ་
མཆོག་གི་ཡེ་ཤེས་སྐུ། །སུས་ཀྱང་སླ་བ་མ་ཡིན་ནོ། །དཔལ་ཡེ་ཤེས་ཐིག་ལེ་ལས་མཆོད་པའི་ཆོ་ག་ཞེས་བྱ་བའི་ལེའུ་སྟེ་བདུན་པའོ།། །། དེ་ནས་ཡང་ནི་བཤད་བྱ་བ། །སྦྱིན་སྲེག་སྡིག་པ་འཇིག་བྱེད་པ། །ཞི་བ་དང་ནི་རྒྱས་པ་དང་། །
དེ་བཞིན་དབང་དང་དྲག་པོའོ། །ཞི་བའི་ཧོམ་ཁུང་ཟླུམ་པོ་སྟེ། །རྒྱས་པ་ཡི་ནི་གྲུ་བཞིའོ། །དབང་ནི་གཞུ་ཡི་རྣམ་པ་བཞིན། །དྲག་པོ་ཡི་ནི་གྲུ་གསུམ་མོ། །དཀར་པོ་སེར་དང་དེ་བཞིན་དམར། །ནག་པོ་འདི་ནི་རིམ་པས་སོ། །
རྒྱ་མཚོ་མེ་དང་མིག་ཟླ་བ། །ལྷ་ཡི་དབང་ཕྱུག་ཚད་ཡིན་ནོ། །གཞན་ཀུན་གྱི་ནི་རིམ་པས་གཅིག །སྔར་གྲུབ་ཀྱིས་ནི་གཞན་མ་འགྲུབ། །ཧོམ་ཁུང་རེ་རེར་སྙིང་གར་པད། །རིགས་ཀྱི་ལས་ཀྱི་གོ་རིམས་སོ། །དེ་སྟེང་སྣ་ཚོགས་རྡོ་རྗེ་སྟེ། །འོད་ཟེར་ལྔ་
དང་ལྡན་པའོ། །ལྟེ་བའི་ནང་དུ་མེ་ལྷ་ནི། །ཞལ་གསུམ་པ་དང་ཕྱག་བཞི་པ། །སྐུ་མདོག་སེར་པོ་སྤྱན་ཟླུམ་པ། །རལ་པའི་ཅོད་པན་གྱིས་ནི་བརྒྱན། །འབར་བའི་མཆེ་བ་འཇིགས་པ་ཆེ། །རྡོ་རྗེ་སྐྱིལ་ཀྲུང་དུ་ནི་བཞུགས། །བ་དན་གསུམ་དང་བགྲང་ཕྲེང་
གཡས། །གཡོན་ན་དབྱིག་གུ་སྤྱི་བླུགས་སོ། །སྙིང་ག་རུ་ནི་མེ་ཡི་ལྷ། །ལྕེ་བདུན་འོད་ལྡན་གསལ་བར་འབྱུང་། །ཅོད་པན་རིན་ཆེན་འབྱུང་ལྡན་མགོན། །ཐིག་ལེའི་དབུས་སུ་མེ་ཡིན་ནོ། །ཚུར་གཤེགས་འོད་ཟེར་ཆེར་ལྡན་པ། །འདོད་པའི་དོན་ཀུན་སྒྲུབ་དབང་

85-1-17a

པོ། །ཨོཾ་བྷཱུར་བྷུ་བ་སྭཱ་ཧཱ། རང་བྱུང་ཆེན་པོ་བཅོམ་ལྡན་འདས། །འདོད་པའི་དབང་ཕྱུག་འདོད་པ་སྟེར། །མེ་ལྷ་ལས་ཀུན་སྒྲུབ་བྱེད་པ། །འདིར་ནི་བདག་ལ་ཉེ་བར་བཞུགས། །མེ་ལྷ་སྤྱན་དྲང་བའི་སྔགས་སོ། །དེ་ནས་མཆོད་ཡོན་དང་ཉེ་རེག་དང་། འཐོར་
འཐུང་ངོ་། །ཨོཾ་ཧྲིཾ་ཧྲིཾ། མཆོད་ཡོན་གྱི་སྔགས་སོ། །ཨོཾ་བྷཱི་བྷཱི་ཉེ་རེག་གི་སྔགས་སོ། །ཨ་བྷོ་ཀྵ་ཨ་བྷོ་ཀྵ་འཐོར་འཐུང་གི་སྔགས་སོ། །དེ་ནས་གདན་དབུལ་བ་ནི། མཛུབ་མོ་ལུ་གུ་བརྒྱུད་བྱས་ནས། །བར་མ་སྦྱར་བྱད་ཀྱི་ནི་གཟུགས། །སྲིན་ལག་མིག་གི་བྱེ་
བྲག་དུ། །མཐེ་ཆུང་མཐེ་བོང་ཟླུམ་པོ་སྟེ། །གདན་དབུལ་བ་ཡི་ཕྱག་རྒྱའོ། །མཁས་པ་ཡི་ནི་ཡོ་བྱད་ཀུན། །དང་པོ་ཉེ་བ་ཉིད་དུ་བྱ། །དཀའ་བ་མེད་པར་ཇི་ལྟར་རྙེད། །དེ་ནི་དེ་ཉིད་རབ་གྲུབ་བྱ། །སྒྲུབ་པའི་དབང་པོ་ཡོན་ཏན་ལྡན། །སྔགས་དང་རྒྱུད་ཀྱི་
ཐོས་པ་ཆེ། །སྔགས་ཀྱི་བཟླས་ལ་གཅིག་ཏུ་མོས། །ཡིད་མི་འཕྲོགས་པ་གསལ་བའོ། །ཐིག་ལེ་ཚུལ་ནི་ཡེ་ཤེས་ཆེ། །བྱེ་བྲག་ཤེས་པ་རིན་ཆེན་རིགས། །རིགས་ལྔའི་གཞོན་ནུ་མ་ཡི་ལྔ། །ཡི་དགའི་ཁུ་བ་ཡིས་ནི་ཚིམ། །སྤྱན་རིངས་མ་དང་དག་
པ་མ། །འོ་འཛིན་སྲ་ཞིང་འཇམ་ལ་མཐོ། །སྦྱིན་སྲེག་གནས་སུ་གར་དང་ལྡན། །གཅེར་བུ་དང་ནི་སྐྲ་གྲོལ་བ། །སྦྱིན་སྲེག་ལས་སུ་དོན་བསྒྲུབ་ཕྱིར། །རིགས་ལྔའི་བུ་མོ་གཞུག་པར་བྱ། །ཤེས་རབ་ཐབས་ཀྱི་ཆོ་ག་ཡིས། །བླ་མ་ཉིད་ཀྱིས་དང་པོར་
མཆོད། །བརྟགས་པ་དང་ནི་མ་བརྟགས་པའི། །འཛིན་པ་འདིར་ནི་མི་བྱའོ། །རྟོག་པའི་འབྱུང་པོས་ཟིན་པ་ལ། །སྣ་ཚོགས་ཐབས་ནི་བདག་གིས་བསྟན། །དོན་དམ་དུ་ནི་ཕྱི་དོན་མེད། །ནང་གི་མ་ཡིན་བར་མ་མིན། །རྡུལ་མེད་རྣམ་པར་རྡུལ་
མེད་དག །སྟོང་པ་དང་ནི་སྟོང་མིན་བྲལ། །རང་རིག་ངོ་བོ་རང་རིག་བྲལ། །ངག་གི་ལམ་གྱིས་མི་རྙེད་དོ། །ཕུང་པོ་ཁམས་ནི་རྣམ་པར་རྟོག །ལྷ་ཡི་དབང་ཕྱུག་གང་ཞིག་སྲེག །དེ་ནི་མེ་ཡི་དོན་དམ་པར། །ལུས་གནས་ལུས་ལས་མ་
སྐྱེས་པའོ། །ཐམས་ཅད་རྣམ་པ་མཆོག་གིས་རྫོགས། །ཆོས་ཀུན་གྱི་ནི་ནང་ན་བཞུགས། །ཀུན་རྫོབ་རྣམ་པས་གཟུགས་སུ་ནི། །ལྷ་ཡི་དབང་ཕྱུག་ཀུན་བརྟགས་ཡིན། །ཀུན་བརྟགས་ཡེ་ཤེས་སྦྱོར་བ་ཡིས། །རིམ་པས་གནས་

85-1-17b

ནི་རྙེད་པར་འགྱུར། །དེ་བས་ཀུན་ནས་འབད་པ་ཡིས། །རྣམ་པ་ཐམས་ཅད་མཆོག་གི་རྒྱུར། །རང་དང་གཞན་གྱི་གྲུབ་དོན་དུ། །མཆོད་སྦྱིན་སྦྱིན་སྲེག་གཏོར་མ་བྱ། །བསོད་ནམས་ཚོགས་ནི་འཕེལ་ཕྱིར་དང་། །སེམས་ཅན་ཕན་དོན་དེ་དག་བྱ། །ནས་
དང་། ཏིལ་དང་། འབྲས་སོ་བ་དང་། གྲོ་དང་། འབྲས་དང་། བོ་ཀ་ལིངྒ་དང་། ཡུངས་ཀར་དང་། སྨན་ཐམས་ཅད་དང་། ཛཱ་ཏི་ཕ་ལ་དང་། གོ་ཡུའི་འབྲས་བུ་དང་། དཔལ་འབྲས་དང་། ནཱ་ག་གེ་སར་དང་། གུར་ཀུམ་དང་། ཙན་དན་དང་། ག་བུར་དང་། འོ་མ་དང་། ཞོ་དང་། 
ཐུག་པ་དང་། བསྐ་བ་དང་། ལ་དུ་དང་། འཁུར་བ་ལ་སོགས་པ་དང་། གུ་གུལ་དང་། སིཧླ་དང་། གུ་གུལ་དཀར་པོ་དང་། ཡན་ལག་བཅུ་པ་ལ་སོགས་པ་དང་། མེ་ཏོག་དང་། སྤོས་དང་། མར་མེ་དང་། དྲི་དང་། ལྷ་བཤོས་དང་། མདའ་དང་དར་ལ་སོགས་པ་དང་ལྡན་པ་དང་། 
མེ་ཐབ་ཀྱི་དཀྱིལ་འཁོར་གྱི་ཕྱོགས་མཚམས་ཀྱི་བྱེ་བྲག་ཏུ་བུམ་པ་ཀུན་ལ་སྨན་སྣ་ཚོགས་དང་། ཁ་རྒྱན་གྱིས་བརྒྱན་ཅིང་དྲི་ཞིམ་པའི་ཆུས་ལྟོ་བ་བཀང་ལ། དར་སྣ་ཚོགས་ཀྱིས་མགྲིན་པ་བརྒྱན་པའོ། །ཞི་བ་ལ་སོགས་པའི་ལས་ཐམས་ཅད་ལ་བྱའོ། །
རྒྱས་པ་ལ་ནི་གསེར་གྱི་འོད། །ཐམས་ཅད་ཀུན་གྱིས་རབ་ཏུ་བརྟག །དབང་ལ་ཐམས་ཅད་འོད་དམར་པོ། །ཞོ་དང་འོ་མ་གཉིས་སྤངས་པ། །ཡུངས་ནག་དང་ནི་སྦྲུལ་ནག་པོའི། །ལྤགས་པ་བྱ་རོག་གི་ནི་མཆུ། །བྱ་རོག་ནག་པོ་ཡི་ནི་སྙིང་། །
ཀླད་པ་རྒྱུ་མ་རྐང་མར་མགོ། །ཐམས་ཅད་ནག་པོ་ཡི་ནི་མདོག །ཁྱི་དག་གི་ནི་མཇུག་མའོ། །ཡུངས་ནག་མར་ཁུ་མར་ཁུ་ཆེ། །ཡི་དགས་གཞི་དང་མར་ཁུ་དང་། །ཕྱེད་ཚིག་ཡི་དགས་ཀྱི་ནི་རས། །རུས་ཚིག་བུད་ཤིང་ཚིག་པ་དང་། །
ཚེར་མ་རྣོ་ལ་བཟང་བ་དང་། །ཚེར་མའི་མེ་ཏོག་བ་རུ་ར། །ཐུག་པ་ནག་པོ་མ་བསྲེས་པ། །དྲག་པོ་ལ་ནི་རབ་ཏུ་བརྟག །གཞན་མིན་དཔའ་བོའི་དབང་ཕྱུག་བསམ། །དྲག་པོ་ལ་སོགས་སུ་ནི་བྱ། །རང་གི་དེ་ཉིད་ཞི་ལ་སོགས། །
ཕྱག་རྒྱ་ལ་སོགས་རྒྱན་དང་ལྡན། །མར་སར་དྲི་མ་མེད་པ་དང་། །སྐྱོན་དང་བྲལ་བའི་མེ་ཏོག་ཤིང་། །གསར་པ་སྐམ་ཞིང་དྲི་ཞིམ་པ། །དུ་བ་མེད་ཅིང་སྐྱོན་དང་བྲལ། །ཐམས་ཅད་ལ་ནི་ཁྲུ་རེའི་ཚད། །ལས་ལ་

85-1-18a

མཁས་པས་དེ་ལྟར་བྱ། །ཡང་ནི་ཡམ་ཤིང་རབ་ཏུ་བསྟན། །ཇི་ལྟར་རྙེད་པ་འབད་པས་སོ། །ཤ་མི་ཤ་དང་། ཤ་མོ་ཀ་དང་། ཤ་མ་བ་ཤ་ཀ་དང་། ཨ་ཤྭཏྠ་དང་། པླཀྵ་དང་། །ནྱ་གྲོ་དྷ་དང་། དཱུར་བ་དང་། ཨ་པ་
མརྐ་དང་། པི་པ་ལ་དང་། ཁ་ཏི་ར་དང་། ཙམ་པ་ཀ་དང་། ཨ་ཤོ་ཀ་དེ་རྣམས་སོར་བརྒྱད་པའི་ཚད་དོ། །དགང་གཟར་བླུགས་གཟར་མར་གྱི་སྣོད། །རིན་པོ་ཆེ་རུ་ཇི་ལྟར་བསྟན། །ལག་པ་ཡི་ནི་དབྱུག་པ་ཚད། །འབད་པ་ཡིས་ནི་དགང་
གཟར་བྱ། །དགང་གཟར་ཇི་བཞིན་བླུགས་གཟར་ཏེ། །མར་ཁུའི་སྣོད་ནི་དེ་དང་མཉམ། །གྲུ་གསུམ་ཟླུམ་པོའི་རྣམ་པ་དང་། །རྡོ་རྗེ་ཡིས་ནི་རྣམ་པར་བརྒྱན། །དགང་གཟར་གྱི་ནི་ཁ་ཞེས་བྱ། །སོར་དྲུག་པ་ཡི་ཚད་དུ་ནི། །མགོ་བོ་
ཡང་ནི་དེ་བཞིན་བྱ། །ཐམས་ཅད་ཀུན་དུ་གྲུ་བཞི་བྱ། །སྣ་ཚོགས་རྡོ་རྗེ་སྙིང་ག་རུ། །ལྟེ་བ་པད་མ་ཡིས་ནི་བརྒྱན། །ཆུ་སྲིན་ཁ་ནས་བྱུང་བ་ཡི། །རྩེ་དགུ་པ་ཡི་རྡོ་རྗེ་ཡིས། །དགང་གཟར་གྱི་ནི་མཐའ་རུ་ལྡན། །བླུགས་གཟར་
བ་ཡི་མིག་དང་འདྲ། །ཡང་ན་དེ་ནི་པད་མས་སོ། །ནང་གི་གཏིང་རིང་གསལ་བ་དང་། །ཧ་ཅང་རིང་དང་ཐུང་མ་ཡིན། །རྡོ་རྗེ་ཕྲ་མོས་ནང་དུ་བརྒྱན། །མར་ཞུའི་སྣོད་ནི་ཟླུམ་པོར་གྲགས། །ལྟེ་བ་རིང་ཞིང་དྲི་མ་མེད། །རྡོ་རྗེ་ལ་སོགས་
རྒྱན་དང་ལྡན། །ལྕི་བ་དང་ནི་ཡང་བ་སྤང་། །ཞི་བ་ལ་སོགས་བྱེ་བྲག་ཏུ། །བཞི་རུ་དབྱེ་བ་བདག་གིས་བསྟན། །དྲག་པོ་དེ་ནི་དུར་ཁྲོད་དུ། །དབང་ནི་ཆུའི་ངོགས་སུ་བྱ། །རྒྱས་པ་ཞིང་གི་དབུས་སུ་སྟེ། །ཡང་ན་དགོན་པ་ཆེན་
པོ་རུ། །ཞི་བ་དེ་ནི་གྲོང་ཁྱེར་དུ། །ཡང་ན་རྒྱལ་པོ་ཡི་ནི་ཁབ། །རྟ་དང་གླང་པོ་ཆེན་པོ་དང་། །གཞོན་ནུ་མ་དང་བ་ལ་སོགས། །སྦྱིན་སྲེག་དུས་སུ་འབད་པ་ཡིས། །སྔགས་པས་སློབ་དཔོན་ལ་དབུལ་བྱ། །ཞ་འོ་འོན་པ་
དམན་པ་ལའང་། །ཅི་ནུས་ཀྱིས་ནི་སྦྱིན་པར་བྱ། །དཔལ་ཡེ་ཤེས་ཐིག་ལེ་ལས་སྦྱིན་སྲེག་གི་ཆོ་ག་ཞེས་བྱ་བའི་ལེའུ་སྟེ་བརྒྱད་པའོ།། །། དེ་ནས་ཡང་ནི་བཤད་བྱ་བ། །ཚོགས་ཀྱི་འཁོར་ལོའི་གཏོར་མ་ཆེ། །ཁྱིམ་ནི་

85-1-18b

སུམ་ཐོག་གི་ནི་གནས། །ཆོམ་རྐུན་ཀུན་དང་བྲལ་བ་ཡི། །ཕྱི་རོལ་ཡུལ་མིན་ནང་གི་མིན། །སློབ་དཔོན་འདུས་ལས་བརྒྱན་པ་དང་། །རྡོ་རྗེ་མདའ་ནི་རྣམ་པར་གཟུགས། །རྡོ་རྗེ་སྐུད་ལ་སོགས་པས་བསྐོར། །དེ་ལྟ་བུ་ཡི་
ཁང་མཆོག་ནི། །སྣ་ཚོགས་མེ་ཏོག་ལ་སོགས་ཀྱིས། །དཀྱིལ་འཁོར་ཐམས་ཅད་རྫོགས་པར་བྱ། །སིཧླ་ག་པུར་གྱིས་ནི་མཛེས། །དེ་རུ་མཆོད་སྦྱིན་དོན་དུ་ནི། །བྱོལ་སོང་གཟུགས་ནི་རབ་ཏུ་བླང་། །སྐྱེ་བ་གཅིག་གམ་
གཉིས་པ་འམ། །ཡང་ན་གསུམ་པ་ལང་ཚོ་སར། །ནད་ཀུན་མེད་པ་བདེ་གྲུབ་པོ། །དྲི་ཞིམ་རྡུལ་ནི་འབྱུང་བ་ཅན། །གང་ཞིག་མིག་ནི་ཡུན་རིངས་འཛུམས། །མཁས་པས་འབད་དེ་བླང་བར་བྱ། །སྣ་ཚོགས་པ་ཡི་མཆོད་སྦྱིན་གྱིས། །
གྲི་གུག་རུང་བས་བརྟག་པར་བྱ། །ཡན་ལག་རབ་ཀྱི་པད་མའི་སྣོད། །བཏུང་བའི་དོན་དུ་བླ་མའི་མདུན། །ཕྱེད་ནི་འཁོར་ལོ་ལ་བྲིམ་སྟེ། །ཕྱེད་ནི་གཏོར་མར་གཏང་བར་བྱ། །ཁྲག་ཆེན་དང་ནི་ཤ་ཆེན་པོ། །ཅི་རྙེད་པ་ནི་བརྟག་པ་ཡིན། །
གཞན་ནི་སྣ་ཚོགས་མཆོག་བྱེ་བྲག །ཉ་དང་ཤ་ལ་སོགས་པར་ལྡན། །མི་འཚེ་བ་དང་སྐྱོན་ཀུན་བྲལ། །སྡིག་པ་མེད་དང་མ་བསླངས་པའོ། །ཆང་ནི་ཆེན་པོ་དང་ལྡན་པ། །གླུ་དང་རོལ་མོས་རབ་ཏུ་མཛེས། །སྒྲོན་མ་ལྔ་དང་བསྲེས་པ་ནི། །
དེ་བཞིན་གཤེགས་པ་ལྔ་དང་ལྡན། །སྣ་ཚོགས་དབུས་སུ་ཡན་ལག་མཆོག །གང་བས་དཀྱིལ་འཁོར་མདུན་དུ་བཞག །ཇི་ལྟར་བླ་མ་མཆོད་དུས་སུ། །ཇི་བཞིན་པ་ཡི་ཕྱག་རྒྱ་བཅིང་། །དེ་བཞིན་དུ་ནི་ཚོགས་ཀྱིས་ཀྱང་། །
རྩེ་གཅིག་གིས་ནི་བཅིང་བར་བྱ། །ལྡང་བ་འམ་ནི་འདུག་པའི་ཚེ། །ཚོགས་ཀྱི་གཙོ་ལ་ཕྱག་འཚལ་ལོ། །ཤིན་ཏུ་དབྱངས་ནི་སྙན་པ་ཡིས། །ཡིད་འཕྲོག་པ་ཡི་གླུ་བླང་བྱ། །ཐེ་ཚོམ་དང་ནི་ཚིགས་བཅད་མིན། །མ་གནང་རྡོ་རྗེ་གར་མི་བྱ། །
རྐང་པ་རྐྱོང་དང་གཉིད་ལོག་པ། །ཚོགས་ཀྱི་འཁོར་ལོར་མི་བྱའོ། །དཔལ་ལྡན་རྡོ་རྗེ་སེམས་ཇི་བཞིན། །དཔལ་ལྡན་ལས་ཀྱི་རྡོ་རྗེའོ། །ཅི་མཛད་པ་དང་ཅི་གསུང་བ། །དེ་ནི་མཁས་པས་འབད་དེ་བསྒྲུབ། །དེ་ལྟར་མིན་ན་ཆད་པ་འབབ། །

85-1-19a

ཇི་ཙམ་ནུས་པ་ཡོད་པ་ཡིས། །དེ་རུ་དམ་ཚིག་དག་པ་ནི། །རྟག་ཏུ་བདག་ཉིད་བཞིན་བསྲུང་བྱ། །དམ་ཚིག་བསྲུངས་ན་འགྲུབ་པ་ནི། །ལྷ་ཡི་དབང་ཕྱུག་རྙེད་པའོ། །དམ་ཚིག་མཆོག་གི་ཡེ་ཤེས་ཏེ། །དད་པ་ཡིས་ནི་རྟག་ཏུ་བཟའ། །དགྱེས་པའི་དམ་
ཚིག་ཟིན་ནས་སུ། །འཁོར་ལོ་དང་བཅས་རིགས་རབ་ཚིམ། །རབ་ཚིམ་བྱས་ནས་གཏོར་མ་དབུལ། །ནམ་ཕྱེད་ལམ་གྱི་བཞི་མདོར་རོ། །ཡང་ན་སུམ་མདོ་གྱེས་པ་རུ། །དུར་ཁྲོད་དམ་ནི་ཆུ་ངོགས་སུ། །ལྷག་མ་འམ་ནི་ཡང་ན་ཕུད། །དེ་ཀུན་བསྲེས་ཏེ་ཆུ་ཡིས་
སྦྱང་། །གཞན་རྣམས་ཀུན་ནི་སོ་སོར་བཞག །རྩ་བ་ཇི་བཞིན་རིམ་པས་གཞག །རང་གནས་ཕྱིན་པ་ཙམ་གྱིས་ནི། །འཁོར་ལོ་ལ་ནི་སྣོད་གཅིག་བརྟག །སློབ་དཔོན་ལ་ནི་དུམ་བུ་གཅིག །འབད་པ་ཡིས་ནི་བསྲུང་བར་བྱ། །རང་གི་ཚོགས་ལ
འང་སྦྱིན་མི་བྱ། །རང་དབང་བསྐུར་བའང་དེ་བཞིན་ནོ། །གཡོན་གྱི་ཡན་ལག་ཕྱག་རྒྱས་གར། །གཡོན་གྱི་ལག་པས་མཆོད་པའོ། །གཡོན་གྱི་རྐང་པས་སྣུན་བྱས་ནས། །གཡོན་མིག་གིས་ནི་བལྟ་བྱའོ། །གལ་ཏེ་རེ་ཞིག་དེའི་དུས་སུ་རྣལ་འབྱོར་
མས་བརྟག་པའི་དོན་གྱི་ཕྱིར་འོང་ན་འཇིགས་པར་མི་བྱ་སྟེ། །སེང་གེ་ལྟ་བུའི་ཚུལ་གྱིས་ཡོངས་སུ་བརྟག་གོ། །དེ་ལྟར་ཡང་རྣལ་འབྱོར་མ་ཀུན་གཟུགས་སྣ་ཚོགས་པ་དང་། ཕྱག་རྒྱ་སྣ་ཚོགས་པ་དང་། སྐད་སྣ་ཚོགས་པ་རབ་ཏུ་བྱེད་དོ། །གང་གི་ཚེ་དང་
པོར་རྒྱང་རིང་པོ་ནས་ཧ་ཧར་རྒོད་པ་དེའི་ཚེ་ཁམས་གསུམ་རྣམ་པར་རྒྱལ་བའི་ཕྱག་རྒྱ་སྦྱིན་ནོ། །དེའི་དུས་སུ་ཧའི་ཡིག་འབྲུ་ལྔ་སྒྲ་ཆེན་པོས་བརྗོད་པར་བྱའོ། །ཅུང་ཟད་ཉེ་བར་འོངས་ན་ཨ་ལ་ལ་ཞེས་སྨྲ་བར་བྱའོ། །གང་གི་ཚེ་ཕྲད་ཙམ་ན་ལག་པ་བསྐོར་
ན་དེའི་ཚེ་གྱེན་དུ་ལག་པའི་དབྱུག་པ་བསྒྲེང་བའི་མཛུབ་མོ་སྦྱིན་ནོ། །གང་གི་ཚེ་སྨིན་མ་འབྱེད་པར་བྱེད་ན་དེའི་ཚེ་འཇིགས་པར་ལྕེ་བསྒྲིལ་བར་བྱའོ། །གང་གི་ཚེ་སྟེང་དུ་བལྟ་བ་དེའི་ཚེ་གཡོན་བརྐྱང་བས་ས་མནན་པར་བྱའོ། །གང་གི་ཚེ་རྒྱབ་
ནས་བལྟ་བ་དེའི་ཚེ་གཡས་བརྐྱང་བས་མནན་པར་བྱའོ། །གང་གི་ཚེ་རྣམ་པར་རྒོད་པ་དེའི་ཚེ་ཕེཾ་ཀ་ར་ཞེས་བརྗོད་པར་བྱའོ། །གང་གི་ཚེ་ངུ་བ་དེའི་ཚེ་རྒོད་པར་བྱའོ། །གང་གི་ཚེ་གར་བྱེད་པ་དེའི་ཚེ་སྟོང་ཁེངས་བྱའོ། །གང་གི་ཚེ་སྐྲ་

85-1-19b

བཀྲོལ་བ་དེའི་ཚེ་གཙུག་པུད་དགྲོལ་ལོ། །གང་གི་ཚེ་གོས་བོར་བར་བྱེད་པ་དེའི་ཚེ་ལངས་ཏེ་གཅི་བ་གཏང་བར་བྱའོ། །གང་གི་ཚེ་གཅི་བ་མཐུང་བ་དེའི་ཚེ་རྐང་པ་གཡོན་པའི་མཐེ་བོང་གིས་རྩ་བརྟོག་པར་བྱའོ། །གང་གི་ཚེ་གཏམ་འདྲི་བ་དེའི་ཚེ་
སྨྲ་བར་མི་བྱའོ། །གང་གི་ཚེ་འཕྲུག་པ་དེའི་ཚེ་རལ་པ་མདུད་པར་བྱའོ། །གང་གི་ཚེ་དཔྲལ་བར་རེག་པ་དེའི་ཚེ་སྟེང་གི་མཚམས་ཀྱི་མཐར་རེག་གོ། །གང་གི་ཚེ་རྣ་བར་རེག་པ་དེའི་ཚེ་མགྲིན་པ་ལ་རེག་པར་བྱའོ། །གང་གི་ཚེ་སྣ་ལ་རེག་པ་དེའི་
ཚེ་ལྕེ་ཕྱིར་དབྱུང་ངོ་། །གང་གི་ཚེ་མགྲིན་པ་སྟོན་པ་དེའི་ཚེ་ལག་པ་བརྐྱང་བར་བྱའོ། །གང་གི་ཚེ་ནུ་མ་སྟོན་པ་དེའི་ཚེ་མིག་སྲུབས་བསྐྱོད་པར་བྱའོ། །གང་གི་ཚེ་ལྟེ་བ་སྟོན་པ་དེའི་ཚེ་སེ་གོལ་སྦྱིན་པར་བྱའོ། །གང་གི་ཚེ་རྐེད་པ་བསྐུལ་བ་དེའི་ཚེ་
མཚན་བསྟན་པར་བྱའོ། །གང་གི་ཚེ་རྐང་པ་རྐྱོང་བ་དེའི་ཚེ་མཐེའུ་ཆུང་གཉིས་ཁ་གདང་བར་བྱ་བ་དང་། མཛུབ་མོས་མིག་ཀྱང་དེ་བཞིན་ནོ། །སྣའི་ཕུར་མ་བར་མའི་ལྕེ་ཕྱིར་དབྱུང་བར་བྱ་ཞིང་གཡས་བརྐྱང་དང་གཡོན་བརྐྱང་སྦྱིན་ནོ། །གང་གི་ཚེ་
སྣ་ཚོགས་པའི་གཟུགས་བསྟན་པ་དེའི་ཚེ་འཁོར་ལོ་བཅུའི་སྔགས་བརྗོད་པར་བྱའོ། །གང་གི་ཚེ་ཡི་གེའི་དོན་རྗོད་པ་དེའི་ཚེ་ཡི་གེས་ལན་བརྗོད་པར་བྱའོ། །གང་གི་ཚེ་ཕྱིར་བརྗོད་པ་དེའི་ཚེ་ཤའི་ལན་སྨྲ་བར་བྱའོ། །གང་གི་ཚེ་རྒྱལ་མཚན་
ཞེས་སྨྲ་བ་དེའི་ཚེ་མཚན་ཞེས་སླར་བརྗོད་པར་བྱའོ། །གང་གི་ཚེ་པད་མ་བརྗོད་པ་དེའི་ཚེ་མངལ་ཞེས་བརྗོད་པར་བྱའོ། །གང་གི་ཚེ་གཤོལ་ཞེས་སྨྲ་བ་དེའི་ཚེ་ལག་པ་ཞེས་བརྗོད་པར་བྱའོ། །གང་གི་ཚེ་འདོད་པའི་ལེན་པ་དེའི་ཚེ་ཤི་ལ་
ཞེས་སྨྲ་བར་བྱའོ། །གང་གི་ཚེ་ཚོན་རྩི་ཞེས་རྗོད་པ་དེའི་ཚེ་ཟན་ཞེས་བརྗོད་པར་བྱའོ། །གང་གི་ཚེ་སྲོག་ཅེས་རྗོད་པ་དེའི་ཚེ་ཆུ་ཟླ་ཞེས་སྨྲ་བར་བྱའོ། །གང་གི་ཚེ་རྙེད་པ་ཞེས་བརྗོད་པ་དེའི་ཚེ་ཡིད་ཅེས་བསྟན་ཏོ། །གང་གི་ཚེ་མི་དགའ་བ་
བརྗོད་པ་དེའི་ཚེ་ལམ་བསྟན་ནོ། །གང་གི་ཚེ་ཁྲོ་བ་ཞེས་བརྗོད་པ་དེའི་ཚེ་ཆང་བཏུང་ཞིང་སླར་བརྗོད་དོ། །གང་གི་ཚེ་སྨོད་པ་ཞེས་བརྗོད་པ་དེའི་ཚེ་ངལ་སོ་ཞེས་སྨྲའོ། །གང་གི་ཚེ་བརྟན་པ་ཞེས་བརྗོད་པ་དེའི་ཚེ་གཉིད་ཅེས་སྨྲའོ། །གང་གི་ཚེ་དུས་

85-1-20a

བརྗོད་པ་དེའི་ཚེ་དགའ་བ་ཞེས་སྨྲའོ། །གང་གི་ཚེ་ཟླ་བ་ཞེས་བརྗོད་པ་དེའི་ཚེ་གོས་ཞེས་སྨྲའོ། །གང་གི་ཚེ་ཉི་མ་དྲན་ནོ་ཞེས་བརྗོད་པ་དེའི་ཚེ་སྐོམ་ཞེས་སྨྲའོ། །གང་གི་ཚེ་མེ་ཞེས་བརྗོད་པ་དེའི་ཚེ་གྲིབ་མ་ཞེས་སྨྲའོ། །གང་གི་ཚེ་
ཉ་ཞེས་བརྗོད་པ་དེའི་ཚེ་འོང་ཞེས་སྨྲའོ། །གང་གི་ཚེ་གླུའི་སྒྲ་བརྗོད་པ་དེའི་ཚེ་གསེར་ཞེས་སྨྲའོ། །གང་གི་ཚེ་ས་ལེ་སྦྲམ་ཞེས་སྨྲ་བ་དེའི་ཚེ་ཁྱེར་ཞེས་སྨྲའོ། །གང་གི་ཚེ་རོ་ཞེས་བརྗོད་པ་དེའི་ཚེ་ས་ཞེས་སྨྲའོ། །གང་གི་ཚེ་ང་རྒྱལ་ཞེས་བརྗོད་པ་དེའི་ཚེ་
རླུང་ཞེས་སྨྲའོ། །གང་གི་ཚེ་མཚོ་ཞེས་སྨྲ་བ་དེའི་ཚེ་ལེགས་ཞེས་བརྗོད་དོ། །གང་གི་ཚེ་མདའ་ཞེས་བརྗོད་པ་དེའི་ཚེ་ཁྲིམས་འཆལ་ཞེས་སྨྲའོ། །གང་གི་ཚེ་ཆགས་པའི་སྒྲ་བྱེད་པ་དེའི་ཚེ་འོང་ཞེས་སྨྲའོ། །གང་གི་ཚེ་འོ་མ་ས་ཞེས་བརྗོད་
པ་དེའི་ཚེ་སོང་ཞེས་སྨྲའོ། །གང་གི་ཚེ་སེར་སྣ་ཞེས་བརྗོད་པ་དེའི་ཚེ་གྲུབ་ཅེས་སྨྲའོ། །གང་གི་ཚེ་ཉལ་ཞེས་བརྗོད་པ་དེའི་ཚེ་མེད་ཅེས་བརྗོད་དོ། །གང་གི་ཚེ་འབྲུ་ཞེས་བརྗོད་པ་དེའི་ཚེ་ཡང་དག་ཅེས་སྨྲའོ། །གང་གི་ཚེ་རྒྱས་པ་ཞེས་བརྗོད་པ་དེའི་
ཚེ་དྲི་ཆུ་ཞེས་བརྗོད་དོ། །གང་གི་ཚེ་རི་བོང་ཞེས་བརྗོད་པ་དེའི་ཚེ་དྲི་ཆེན་ཞེས་བརྗོད་དོ། །གང་གི་ཚེ་བཤོལ་ཞེས་བརྗོད་པ་དེའི་ཚེ་ཁྲག་ཅེས་སྨྲའོ། །གང་གི་ཚེ་གྲང་ཞེས་སྨྲ་བ་དེའི་ཚེ་ཁུ་བ་ཞེས་བརྗོད་དོ། །གང་གི་ཚེ་ཟླ་བ་ཞེས་བརྗོད་པ་
དེའི་ཚེ་དགའ་བ་ཕྲད་ཅེས་སྨྲའོ། །གང་གི་ཚེ་པ་ལ་ཤ་ཞེས་བརྗོད་པ་དེའི་ཚེ་དལ་ཞེས་སྨྲའོ། །གང་གི་ཚེ་སིནྡྷུ་བརྗོད་པ་དེའི་ཚེ་མི་ཁོམ་ཞེས་སྨྲའོ། །གཞན་ནི་རང་གི་ཡི་གེའི་རྩ་བའི་དོན་ཤེས་པར་བྱའོ། །བུད་མེད་གང་ཞིག་རྐང་ལག་ཆེན་པོ་དེ་ནི་གཡོན་དུ་
གཏང་ངོ་། །བུད་མེད་གང་ཞིག་མིག་སེར་ཞིང་སྣ་ཉམས་པ་དེ་དག་གཡས་ཀྱི་ཆར་བཏང་། བུད་མེད་གང་ཞིག་སྣ་རིང་ལ་ལག་པ་དང་སོར་མོ་རིང་བ། སྤུ་མང་བ་དེ་དག་གི་མདུན་དུ་སེ་གོལ་གསུམ་སྦྱིན་པར་བྱའོ། །བུད་མེད་གང་ཞིག་ཁ་དོག་གནག་ཅིང་
གསུས་ཁྱིམ་སྨད་དུ་འཕྱང་ལ་ནུ་མ་འཇོལ་ཞིང་སོ་ཆེ་བ་དེ་དག་གི་མདུན་དུ་གཅི་བ་བཏང་ངོ་། །བུད་མེད་གང་ཞིག་སྐྲ་སེར་ཞིང་མིག་ཟླུམ་ལ། སེན་མོ་རིང་བ་མགྲིན་པ་རིང་བ་དེ་དག་གི་མདུན་དུ་བརྒད་རྒྱངས་ཆེན་པོ་བྱའོ། །བུད་མེད་གང་ཞིག་ཙམ་པའི་མེ་ཏོག་

85-1-20b

ལྟར་དཀར་ཞིང་སྐད་འཇམ་ལ་མིག་རིང་བ་སོ་རི་ལྟ་བུ་དྲི་ཞིམ་པོ་ལ་དགའ་ཞིང་བཞིན་ཅུང་ཟད་འཛུམ་པ། ཟུར་མིག་ལྟ་བ་མཉམ་པར་མ་བཞག་པར་དེ་ལྟ་བུ་བྱེད་པ་དེའི་མདུན་དུ་ཅང་མི་སྨྲ་བར་ས་ལ་བལྟ་ཞིང་མྱུར་བ་མྱུར་བར་གཡོན་ངོས་སུ་
འགྲོ་བར་བྱའོ། །དེ་ལྟ་བུའི་དུས་སུ་སྙིང་པོའི་སྔགས་ཟློས་ཤིང་ཕྲེང་བ་བགྲང་བར་བྱའོ། །བུད་མེད་གང་ཞིག་སོར་མོ་གཅིག་ནི་མཛུབ་མོ་བརྐྱང་སྟེ། གཟུགས་སྔོན་པོ་དགའ་བར་ལྟ་བ་གོས་དཔུང་པའི་ངོས་སུ་འཕྱང་བ། སྨིན་མའི་དབུས་ན་དངོས་སུ་
ཕྱག་རྒྱ་པད་མའི་དབྱིབས་སམ་འཁྲིལ་ཤིང་ངམ། ཡང་ན་ཨ་ཤོ་ཀ་མཉེན་པོའི་རྩེ་མོ་དང་འདྲ་བ་མཇུག་མ་དེ་དང་ལྷན་ཅིག་འབད་པས་འདུས་པ་བྱའོ། །དེས་ནི་ཐམས་ཅད་འགྲུབ་པར་བྱེད་པ་དང་། འབྲས་བུ་ཐམས་ཅད་བྱེད་པ་དགའ་བ་ཆེན་པོ་སྐྱེད་
པར་བྱེད་པས། དེ་དང་ལྷན་ཅིག་གཏོར་མ་ཆེན་པོ་སེམས་ཅན་ཐམས་ཅད་ལ་ཕན་པའི་དོན་དུ་རྒྱ་ཆེན་པོའི་སེམས་ཀྱིས་རྟོག་པ་མེད་པར་སྦྱིན་པར་བྱའོ། །ཤིན་དུ་རྒྱ་ཆེའི་སྣོད་དག་ཏུ། །ཆོ་ག་ཡིས་ནི་དགོད་པར་བྱ། །དབུས་སུ་དཔལ་ལྡན་འཇིགས་པའི་
གཟུགས། །སྣ་ཚོགས་རུས་པའི་རྒྱན་དང་བཅས། །ཁྲག་ཆེན་པོས་ནི་ཡང་དག་བཀང་། །ཀ་པཱ་ལ་ནི་ཕྱག་གཡས་སུའོ། །ལྷ་ཆེན་སྣ་ཚོགས་གཟུགས་དང་ལྡན། །ལངས་པ་ཕྱག་ནི་གཡོན་པས་སོ། །ནག་པོ་མེ་ཡི་དྲག་པོ་ཤར། །ནག་པོ་
ཆེན་པོ་ལྷོ་ཕྱོགས་སུ། །ནུབ་ཀྱི་ཕྱོགས་སུ་འཇིགས་བྱེད་དང་། །དྲག་པོ་ཆེན་པོ་བྱང་གི་ཕྱོགས། །མེ་ཡི་མཚམས་དྲག་རལ་པ་ཅན། །ཆུ་བདག་མཚམས་སུ་དབྱུག་ནག་པོ། །རླུང་གི་མཚམས་སུ་རོ་ལངས་དྲག །དབང་ལྡན་ཧེ་རུ་ཀ་ནི་
གནག །པགས་མགོ་མ་དང་། སྒྲ་མ་དང་། དྲག་མ་དང་། ཐོད་པ་མ་དང་། ནག་མོ་དང་། ཤ་ལི་དང་། གཏུམ་མོ་དང་། རིགས་མ་དང་། སྐོམ་མ་དང་། ཕག་མོ་དང་། ཤ་བ་རཱི་དང་། བྲམ་ཟེ་མོ་དང་། རལ་པ་གསུམ་མ་དང་། རལ་
དྲག་མ་དང་། དྲག་མིག་མ་དང་། སྡུག་མ་དང་། གཡས་སྐོར་གཡོན་སྐོར་སྡུད་པ་ཡིས། སྣོད་རློན་པར་རིམ་པས་གཞག་གོ། །དེའི་ཕྱི་རོལ་དུ་འཇིག་རྟེན་སྐྱོང་བ་བརྒྱད་ཀྱི་ཚོགས་མང་པོ་དང་བཅས་པས་བསྐོར་བའོ། །
85-1-21a

ཀླུ་ཆེན་པོ་བརྒྱད། ཕོ་ཉ་དང་། ཕོ་ཉ་མོ་དང་། ཙི་ཏ་དང་། ཙི་ཏི་འཁོར་དང་བཅས་པའོ། །མཁའ་འགྲོ་དང་། མཁའ་འགྲོ་མ་དུ་མ་དང་། མ་མོ་མང་པོ་དང་། འབྱུང་པོ་དང་། ཡི་དགས་དང་། ཤ་ཟ་དང་། 
ཨུ་ད་དང་། རྗེད་བྱེད་དང་། གཏུག་ངན་ཅན་གྲངས་མེད་པ་ཛཿཧཱུྃ་བྃ་ཧོཿ གསོལ་ཅིག་གསོལ་ཅིག །དམ་ཚིག་བསྐྱང་བར་མཛོད་ཅིག །འཐུང་ཤིག །བདག་གིས་ལས་ཐམས་ཅད་གྲུབ་པར་མཛོད་ཅིག །དམ་ཚིག་ཟུང་
ཤིག །ཧཱུྃ་ཧཱུྃ་ཕཊ་ཕཊ་སྭཱ་ཧཱ། དཔལ་ཡེ་ཤེས་ཐིག་ལེ་ལས་ཚོགས་ཀྱི་འཁོར་ལོའི་ཆོ་ག་དང་། གཏོར་མ་ཆེན་པོ་དང་། རྣལ་འབྱོར་མའི་མཚན་ཉིད་དང་། གསང་བའི་ཚིག་དང་། ཕྱག་རྒྱའི་བརྡ་ཞེས་བྱ་བའི་ལེའུ་སྟེ་དགུ་པའོ།། །། 
དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་ལྷའི་དབང་ཕྱུག་སྟན་ལས་ལངས་ནས་བླ་གོས་ཕྲག་པ་གཅིག་ཏུ་གཟར་ཏེ། བཅོམ་ལྡན་འདས་ལ་བསྐོར་བ་ལན་གསུམ་བྱས་ནས་ཞབས་ལ་མགོ་བོས་གཏུགས་ཏེ་ཕྱག་འཚལ་
ནས་འདི་སྐད་ཅེས་གསོལ་ཏོ། །བཅོམ་ལྡན་ཡེ་ཤེས་རྒྱལ་དབང་པོ། །དཀྱིལ་འཁོར་མདོར་ནི་བསྟན་པ་གསུངས། །འདི་རུ་ངེས་བསྟན་ཇི་ལྟར་ལགས། །མངའ་བདག་ཆེན་པོ་ཉིད་བཀའ་སྩོལ། །བཅོམ་ལྡན་འདས་ཀྱིས་བཀའ་
སྩལ་པ། །དཀྱིལ་འཁོར་གྱིས་ནི་ངེས་བསྟན་པ། །ཇི་བཞིན་དེ་ཉིད་དཔའ་བོ་ཉོན། །སྔར་གསུངས་པ་ཡི་རྒྱུད་དོན་ལས། །ཨཱ་ལི་ཀཱ་ལི་བདེ་བ་ཆེ། །མྃ་ཧཱུྃ་གཉིས་ལས་ཐིག་ལེའི་ཚུལ། །དེ་གཉིས་ལས་ནི་གྲི་གུག་པད། །ཡེ་ཤེས་མེ་འོད་
ལས་ཡེ་ཤེས། །སྙིང་པོའི་བདག་ཉིད་ཞུ་ལས་བྱུང་། །ཆར་སྤྲིན་དང་ནི་མཉམ་པའི་མདོག །ཕྱག་ནི་བརྒྱད་གཉིས་པ་ཡིས་བརྒྱན། །བཅུ་དྲུག་ཕྱེད་ཀྱི་ཞལ་འཇིགས་པ། །ཞབས་བཞི་ཡིས་ནི་རབ་ཏུ་མཛེས། །ཉི་ཤུ་རྩ་བཞི་སྤྱན་གྱིས་
ཕྱུག །གཏི་མུག་གསུམ་གྱི་མུན་ནག་འཇོམས། །དཀར་པོ་སེར་པོ་དམར་པོའི་ཞལ། །སྟེང་ཞལ་བུང་བའི་བྱད་གཟུགས་ཅན། །གཡོན་བརྐྱང་གཡས་བརྐྱང་ཞབས་ཀྱིས་ནི། །འཇིགས་བྱེད་ཟླ་ཉི་ཤིན་དུ་མནན། །འཇིགས་བྱེད་མ་ལྡན་ཀ་པཱ་ལ། །

85-1-21b

ཁྲག་གིས་བཀང་བ་ཕྱག་ན་བསྣམས། །ཞི་བའི་ལྤགས་པ་ན་བཟའ་མཆོག །ཕྱག་གཉིས་ཀྱིས་ནི་གྱེན་དུ་བརྒྱངས། །ཚངས་པའི་ལྤགས་པས་ཤམ་ཐབས་བྱས། །ཕྱག་རྒྱ་དྲུག་གིས་སྐུ་ལ་བཅིངས། །ཕྱག་རྒྱ་ཆེ་དང་
གཉིས་མེད་སྦྱོར། །གར་དང་ལྡན་པའི་ཚངས་སྤྱོད་བཞུགས། །ཚངས་པའི་ཡུལ་ས་བྱེ་བ་གསོལ། །ཚངས་པའི་གཡུལ་སའི་ཞལ་གྱིས་བརྒྱན། །ཕྱག་རྒྱ་ཆེན་པོ་ནམ་མཁའ་སྔོ། །ཕྱག་གཉིས་པ་ནི་ན་བཟའ་གྲོལ། །
གྲི་གུག་སྣོད་བསྣམས་ཞི་བའི་ཞལ། །སྤྱན་གསུམ་པ་དང་སྐྲ་བཀྲོལ་བ། །མགྲིན་པར་འཁྱུད་པ་གསང་བ་མཆོག །དཔའ་བོ་ལ་ནི་རང་བཞིན་བཞུགས། །དཔའ་བོ་མཆོག་གི་རྣམ་པ་དགྱེས། །སྣ་ཚོགས་རྡོ་རྗེའི་རལ་པས་བརྒྱན། །
མགོན་པོ་སྣ་ཚོགས་ཟླ་ཅོད་པན། །སྣ་ཚོགས་ཚངས་པའི་ཆང་དང་ལྡན། །སྣ་ཚོགས་པད་མའི་གདན་ལ་བཞུགས། །སྣ་ཚོགས་བདག་ཉིད་སྣ་ཚོགས་འབྱུང་། །སྣ་ཚོགས་རུས་པའི་རྒྱན་དང་ལྡན། །སྣ་ཚོགས་མགོ་བོའི་ཕྲེང་བས་
མཛེས། །སྣ་ཚོགས་གར་གྱི་རོ་དང་ལྡན། །སྣ་ཚོགས་གཏི་མུག་གཅོད་པར་མཛད། །སྣ་ཚོགས་སྒྱུ་འཕྲུལ་བདག་ཉིད་མགོན། །སྣ་ཚོགས་སྒྱུ་འཕྲུལ་འཇོམས་པར་མཛད། །དུར་ཁྲོད་བརྒྱད་ཀྱི་དབུས་སུ་ནི། །དཔའ་བོ་རྣལ་འབྱོར་
མ་ཡིས་བསྐོར། །འཇིག་རྟེན་སྐྱོང་བ་བརྒྱད་དང་ལྡན། །ཤིང་གི་རྒྱལ་པོ་བརྒྱད་ཀྱིས་བསྐོར། །དཀྱིལ་འཁོར་དགྱེས་པ་འཕར་མ་གཉིས། །ལྷ་ཡི་དབང་ཕྱུག་འདིར་བདག་རོལ། །དཔའ་བོ་རྣལ་འབྱོར་མ་དཀྱིལ་འཁོར། །ཇི་ལྟར་བདག་གིས་
རོལ་པ་འདིར། །དེ་རུ་རེ་ཤིག་རིམ་པར་དགྱེས། །རྩེ་གཅིག་སེམས་ཀྱིས་ཁྱོད་ཉོན་ཅིག །དང་པོར་རེ་ཞིག་འཕར་མ་གཅིག །སྒོ་ལ་སོགས་པ་ཀ་བས་བརྒྱན། །གནས་དང་ཉེ་བའི་གནས་ཀྱི་རིམ། །ལྷ་ཡི་དབང་ཕྱུག་བདག་གིས་
བཤད། །སྣ་ཚོགས་པད་མའི་འདབ་མའི་ཤར་གྱི་ཨཽ་ཌྱན་གྱི་གནས་སུ་ནམ་མཁའ་དྲི་མེད་དང་། ཟླ་བ་ཁ་དོག་ནག་པོའོ། །བྱང་དུ་ཛ་ལན་དྷར་ཤིན་དུ་སྟོབས་ཆེན་དང་གཡོན་པ་མ་དཀར་པོའོ། །ནུབ་ཏུ་པུ་ལི་རར་ལྷའི་དབང་ཕྱུག་དང་ཉི་མཉམ་མ་

85-1-22a

སྐུ་མདོག་དམར་མོའོ། །ལྷོར་ཀཱ་མ་རཱུ་པར་གསང་བའི་བདག་པོ་དང་། རླུང་ཟ་མ་ཨུཏྤ་ལ་སྔོན་པོའི་མདོག་གོ། །མེ་མཚམས་སུ་མཱ་ལ་ཝར་ཉེ་བའི་གནས་སུ་འོད་དྲག་དང་བསིལ་སྦྱིན་མ་ལྗང་ཁུའོ། །གནོད་སྦྱིན་གྱི་མཚམས་
སུ་སིནྡྷུའི་ཡུལ་དུ་ཉི་དགྲ་དང་། སྙིང་པོའི་འདབ་མ་སྐུ་མདོག་པད་མ་སྔོན་པོ་དང་འདྲ་བའོ། །རླུང་གི་མཚམས་སུ་ན་ག་རར་མཆོག་དང་། བག་ཡོད་ཐོར་ཅོག་མ་ཟླ་བ་ལྟར་དཀར་མོའོ། །དབང་ལྡན་གྱི་མཚམས་སུ་ཐམས་ཅད་ཀྱི་བྱེད་
པ་པོ་དང་ཉི་འདུལ་མ་ཉི་མའི་འོད་ལྟ་བུའོ། །ཤར་སྒོར་མུམྨུ་ནིའི་ཞིང་དུ་ཨུཏྤ་ལའི་སྙིང་པོ་དང་། ཞི་བ་འཆི་བའི་ཕོ་ཉ་མོ་སྔོན་མོ་ཆེན་མོའོ། །བྱང་སྒོར་དེ་བ་ཀོ་ཊར་ཞི་བ་ཆེན་པོའི་བདག་པོ་དང་ལྗང་བརྩོན་མ་གུར་གུམ་གྱི་མདོག་གོ། །
ནུབ་སྒོར་ཉེ་ཞིང་ཀུ་ལུ་ཏར་ནག་པོ་འདུལ་མ་དང་འོད་བདུན་མདུད་པ་ནག་པོའི་མདོག་གོ། །ལྷོ་སྒོར་ཨར་བུ་དར་རྨད་དུ་བྱུང་བ་དཔའ་མོ་དང་ཚངས་པའི་མ་དུ་བའི་མདོག་གོ། །ཤར་ལྷོའི་མཚམས་སུ་ཚནྡོ་ཧ་ཧ་རི་ཀི་ལ་བར་དྲག་ཆེན་དང་ཁྱབ་
འཇུག་མ་སྤྲིན་གྱི་མདོག་གོ། །བྱང་མཚམས་སུ་ཀུ་ཏ་བར་དྲེགས་འཇོམས་དང་ཁ་མ་གསེར་གྱི་མདོག་གོ། །ནུབ་མཚམས་སུ་ཉེ་བའི་ཚནྡོ་ཧ་ལམ་པ་ཀར་རི་རབ་བརྟན་མ་དང་ཐམས་ཅད་སྐྱེད་བྱེད་མ་དམར་ནག་གོ། །ལྷོ་མཚམས་སུ་ཀན་ཙི་
ཀར་ནམ་མཁའི་ཞལ་དང་དཔའ་བོའི་ཡུམ་གསེར་གྱི་མདོག་གོ། །ཐབས་དང་ཤེས་རབ་གཉིས་སུ་མེད་པའི་སྦྱོར་བའི་འཁྱུད་པ་དང་། སྐུ་མདོག་དང་བཞུགས་སྟབས་འདྲ་བའོ། །དཔའ་བོ་རྣམས་ནི་ཞལ་བཞི་དང་ཕྱག་བཞི་ན་ཁ་ཊྭཱྃ་ག་དང་། 
ཀ་པཱ་ལ་དང་། དྲིལ་བུ་དང་། རྔེའུ་ཆུང་བསྣམས་པའོ། །སྣ་ཚོགས་རྡོ་རྗེའི་གདན་པད་མའི་སྟེང་དུ་འཇིགས་བྱེད་ཀྱི་གདན་ལ་རྒྱལ་པོའི་བཞུགས་ཐབས་ཀྱིས་ཟླ་བ་དང་ཉི་མ་ཞབས་ཀྱིས་མནན་པ། མེའི་དཀྱིལ་འཁོར་གྱི་ནང་ན་ཉི་
མ་བྱེ་བའི་འོད་པས་གསལ་བ་སྣང་བར་སྤྲོ་བའོ། །འཕར་མ་གཉིས་པར་སྣ་ཚོགས་པད་མ་འདབ་མ་བརྒྱད་པ་དང་། སྒོ་དང་རྟ་བབས་ལ་སོགས་པ་དང་། དུར་ཁྲོད་བརྒྱད་དང་ལྡན་པའོ། །དེའི་ཤར་གྱི་འདབ་མར་འདུས་པའི་གནས་

85-1-22b

ལས་ཀྱི་ཡུལ་དུ་སྐམ་པ་མ་སྤྲིན་མདོག་གོ། །བྱང་དུ་གསེར་གྱི་གླིང་དུ་འཇིགས་པ་ཁ་དོག་དམར་མོ་ཆེན་མོའོ། །ནུབ་ཏུ་ཉེ་བའི་འདུས་པ་ཀུ་ལུ་ཏར་འོད་མ་དམར་མོའོ། །ལྷོར་བིན་དུར་མཆུ་འཕྱངས་མ་པླ་ཀྴའི་མདོག་གོ། །མེའི་མཚམས་སུ་དུར་
ཁྲོད་དུ་ཡི་དགས་འདུས་པར་རི་རབ་སོ་མ་ཟླ་བའི་མདོག་གོ། །གནོད་སྦྱིན་གྱི་མཚམས་ཆུ་ངོགས་སུ་དུས་ཀྱི་བདེ་བ་མར་མེའི་འོད་ཀྱི་མདོག་གོ། །རླུང་མཚམས་ཉེ་བའི་དུར་ཁྲོད་དུ་ཙ་རི་ཊར་ཉི་མིག་མ་གསེར་མདོག་གོ། །དབང་ལྡན་གྱི་མཚམས་
གཞོན་ནུའི་གྲོང་ཁྱེར་དུ་མེའི་ཞལ་མ་གསེར་བཙོ་མའི་མདོག་གོ། །ཤར་སྒོར་བི་ལ་བ་ཀཱ་མེ་རར་འདོད་པའི་མ་སེར་མོའོ། །བྱང་སྒོར་ཀེ་ར་ཏར་ལྕེ་རིངས་མ་དཀར་མོའོ། །ནུབ་སྒོར་ཉེ་བའི་བི་ལ་ནེ་བ་ལེར་ཆོས་དཀར་མ་ཟླ་བ་ལྟར་དཀར་མོའོ། །
ལྷོ་སྒོར་ཀ་ནུ་འཛར་བདེན་མདོག་མ་མར་ཀ་ཏའི་མདོག་གོ། །ཤར་མཚམས་ལམ་གནས་ཤར་གྱིས་ལུས་འཕགས་སུ་མིག་སྟོང་པ་རྡོ་རྗེ་ས་ལའི་མདོག་གོ། །བྱང་མཚམས་སུ་བྱང་གི་སྒྲ་མི་སྙན་དུ་སྟག་མོ་བཻ་ཌཱུརྱའི་མདོག་གོ། །ནུབ་མཚམས་
བ་ལང་སྤྱོད་དུ་གཏུམ་མོ་མུ་ས་ར་བའི་མདོག་གོ། །ལྷོ་མཚམས་སུ་ཉེ་བའི་ལམ་འཛམ་བུའི་གླིང་དུ་འདོད་པའི་གཟུགས་མ་སྣ་ཚོགས་མདོག་གོ། །རྣལ་འབྱོར་མ་ཐམས་ཅད་ཞལ་བཞི་མ། སྤྱན་གསུམ་གསུམ་ཕྱག་བཞི་མ། སྐྲ་དང་ན་
བཟའ་གྲོལ་བ། །རལ་གྲི་དང་ཀ་པཱ་ལ་དང་། ཁ་ཊྭཱྃ་ག་དང་། རྔེའུ་ཆུང་བསྣམས་པའོ། །རོའི་སྟེང་དུ་གཡོན་བརྐྱང་བས་བཞུགས་པའོ། །ཡང་ན་རྒྱལ་པོའི་བཞུགས་སྟབས་སུ་རང་འོད་ཀྱང་ཐབས་ལ་འཁྱུད་པ། རུས་པའི་རྒྱན་གྱིས་
བརྒྱན་པ་བསྒོམ་པར་བྱའོ། །དེ་ལྟའི་དཀྱིལ་འཁོར་རྒྱལ་དབང་པོ། །རྒྱུད་ཀུན་དུ་ནི་རྙེད་པ་དཀའ། །ལུས་དང་བྷ་ག་བྱང་ཆུབ་སེམས། །དཀྱིལ་འཁོར་གསུམ་ནི་རབ་མཆོག་གོ། །ཡང་ན་སྙིང་པོ་དཀྱིལ་འཁོར་བསྟན། །
མ་ཡི་ཡིག་འབྲུ་འདབ་མར་བརྗོད། །ཎ་ཡི་ཡིག་འབྲུ་ལྟེ་བར་དྲན། །ཌ་ཡི་ཡིག་འབྲུ་གེ་སར་དག །ལ་ཡི་ཡིག་འབྲུ་དེ་བདེ་འདྲ། །མ་ཡི་ཡིག་འབྲུ་རིན་ཆེན་གྲགས། །ཎ་ཡི་ཡིག་འབྲུ་མདུད་པར་བརྗོད། །ཌ་ཡི་ཡིག་འབྲུ་

85-1-23a

རིང་པོའི་དངོས། །ལ་ཡི་ཡིག་འབྲུ་ཁར་བརྗོད་དོ། །མ་ཡི་ཡིག་འབྲུ་ཤུ་ཀྲའི་གཟུགས། །ཎ་ཡི་ཡིག་འབྲུ་ཞུ་བའི་དངོས། །ཌ་ཡི་ཡིག་འབྲུ་འོད་དང་ལྡན། །ལ་ཡི་ཡིག་འབྲུ་བདེ་བའི་གཟུགས། །མ་ནི་སྣང་བའི་འདུ་ཤེས་
གྲགས། །ཎ་ནི་ཡིག་འབྲུ་སྣང་བ་མཆེད། །ཌ་ནི་སྣང་བ་སྣང་བ་ཐོབ། །ལ་ནི་ཡང་དག་དྲི་མེད་མཆོག །མ་ཡི་ཡིག་འབྲུ་དགའ་བར་གྲགས། །ཎ་ཡི་ཡིག་འབྲུ་མཆོག་ཏུ་དྲན། །ཌ་ཡི་ཡིག་འབྲུ་དགའ་བྲལ་དགའ། །ལ་ནི་ལྷན་ཅིག་
སྐྱེས་པར་དྲན། །མ་ཡི་ཡིག་འབྲུ་ས་ཞེས་བྱ། །ཎ་ཡི་ཡིག་འབྲུ་ཆུ་རུ་བསྟན། །ཌ་ཡི་ཡིག་འབྲུ་དེ་ནི་མེ། །ལ་ཡི་ཡིག་འབྲུ་རླུང་གི་གཟུགས། །གཡོ་བའི་ཕྱིར་ནི་རླུང་དུ་བརྗོད། །ཡང་ན་ཁྱབ་པའི་ཕྱིར་ནི་དྲན། །ཡེ་ཤེས་རྙེད་པ་ཡི་ནི་ཕྱིར། །
བདེ་བ་ཡི་ནི་ཆེན་པོ་ལེན། །ཡེ་ཤེས་ངོ་བོ་བདེ་བ་ཆེ། །དཀྱིལ་འཁོར་དུ་ནི་ཡང་དག་བཞུགས། །དཀྱིལ་འཁོར་སངས་རྒྱས་རིན་ཆེན་གཙོ། །ཐིག་ལེའི་ངོ་བོ་ཡི་གེ་བྲལ། །རྣམ་པ་ཐམས་ཅད་རྣམ་པ་མེད། །ཕྱག་རྒྱ་དང་ནི་སྔགས་
དང་བྲལ། །སྔགས་ཆེན་ཀུན་དགའ་ར་བའི་ལམ། །དབྱངས་དང་གསལ་བྱེད་དང་བྲལ་བ། །དྲི་མ་མེད་པ་བཅོས་མ་མེད། །རྒྱུ་མཚན་དང་ནི་གཞི་མེད་པ། །ཡང་དག་དྲི་མེད་གནས་དག་པ། །རང་བཞིན་གྲགས་པ་སྐྱེ་མེད་མཁའ། །
དཔའ་བོའི་ངོ་བོར་གྲགས་པ་བདག །རྣམ་པ་ཀུན་ཏུ་ཡང་དག་བཞུགས། །དཀྱིལ་འཁོར་དཀྱིལ་འཁོར་པ་དང་བདག །དཀྱིལ་འཁོར་གྱི་ནི་བདག་པོ་བདག །དཔའ་བོ་འཆང་དང་ཉན་པ་བདག །བྱེད་དང་འཕྲོག་དང་མངའ་བདག་
བདག །ཆོས་ཀུན་གྱི་ནི་རང་ངོ་བདག །སྟོང་དང་སྙིང་རྗེ་གཉིས་སུ་མེད། །སྟོང་པ་ཆེན་པོ་རང་ངོ་གྲགས། །གང་དུ་མི་དམིགས་པ་ནི་བདག །དངོས་པོ་མ་ཡིན་བསམ་མི་བྱ། །དངོས་བདག་དེ་ཡང་དེ་ཉིད་མིན། །དངོས་དང་དངོས་མིན་རྣམ་
པར་གྲོལ། །དངོས་དང་དངོས་མེད་བདག་ཉིད་བདག །དངོས་དང་དངོས་མེད་གཉིས་ལས་འབྱུང་། །དངོས་དང་དངོས་མེད་ནང་ཡོད་དོ། །བུར་ཤིང་གི་ནི་རོ་ཇི་བཞིན། །ཇི་ལྟར་ཏིལ་གྱི་ནང་གི་མར། །ཇི་ལྟར་ཤིང་གི་ནང་གི་མེ། །དེ་བཞིན་ཐམས་ཅད་བདག་

85-1-23b

ཉིད་བཞུགས། །འོན་ཀྱང་ཡེ་ཤེས་སེམས་དཔའ་ཡིས། །བདག་ཏུ་འཛིན་པར་མི་བྱའོ། །བདག་འཛིན་པ་ནི་ཉོན་མོངས་ཆེ། །སེམས་ཅན་དོན་ལས་ཉེ་བར་ཉམས། །སེམས་ཅན་དོན་ལས་བསོད་ནམས་གཞན། །ཆེ་བ་གང་ན་ཡང་ནི་མེད། །
རང་དོན་སྒྲུབ་ལ་བསོད་ནམས་མིན། །སྐྱེས་བུ་ཆེན་པོས་འདི་ལྟ་བུ། །རང་དོན་མ་རུངས་པ་ནི་དོར། །གཞན་ལ་སྡང་ཉམས་ཉན་ཐོས་སེམས། །རང་དོན་གཏི་མུག་འཛིན་པས་ནོན། །སེམས་ཅན་དོན་ལ་རྒྱབ་ཀྱིས་ཕྱོགས། །གྲུབ་པ་ཆེན་པོ་འདོད་པ་
ཡིས། །དེ་དང་ལྷན་ཅིག་གནས་མི་བྱ། །དེ་ལ་གཏམ་ཡང་མི་བྱ་སྟེ། །ཐབས་དང་མི་ལྡན་འཇིགས་པ་ཡིས། །མགོ་ལ་ནོར་བུས་བརྒྱན་ཀྱང་ནི། །སྦྲུལ་ནག་བཞིན་དུ་དོར་བར་བྱ། །ཉན་ཐོས་དེ་དང་ནམ་ཡང་མིན། །དེ་བས་མུ་སྟེགས་འདུས་པ་
མཆོག །ཇི་ལྟར་འཐིང་ཤིང་སྣོད་ཆག་པ། །དེ་ནི་གང་དུའང་དགོས་པ་མེད། །དེ་བཞིན་ཉན་ཐོས་ཚུལ་ཁྲིམས་ཉམས། །གང་ཚེ་རང་གི་ཆོས་ཀྱི་ནི། །ལྟ་བ་བསྟན་ཀྱང་དྲི་མ་ཅན། །དེ་ཚེ་དེ་ལ་དགོས་པ་མེད། །བྱང་ཆུབ་སེམས་དཔའ་
ཁྲིམས་ཉམས་ཀྱང་། །དེ་ལ་ལྟུང་བ་འབྱུང་བ་མིན། །ཡང་དག་ལྟ་དང་གཞན་དོན་ཅན། །དེ་འདྲའི་ཐབས་དང་ལྡན་པས་ན། །ཉེས་པས་གོས་པར་མི་འགྱུར་ཏེ། །ཆུ་ཡིས་པད་མ་ཇི་བཞིན་ནོ། །མུ་སྟེགས་པ་འམ་ཉན་ཐོས་ལ། །དམན་
ཡང་དེ་ལ་སྨད་མི་བྱ། །ཡེ་ཤེས་དཀྱིལ་འཁོར་མཐར་ཕྱིན་པས། །དད་པས་དེ་དག་མཆོད་མི་བྱ། །ཕྱི་ཡི་འཕར་མ་གཅིག་གནས་སུ། །དཀྱིལ་འཁོར་འདིར་བཞུགས་རྣལ་འབྱོར་མ། །རྟག་ཏུ་མེ་ཏོག་སྤོས་ལ་སོགས། །སྔགས་འདི་ཡིས་
ནི་མཆོད་པར་བྱ། །ནི་དང་པོར་ཧཱུྃ་ཕཊ་མཐར། །བར་དུ་མིང་ནི་སྤེལ་བར་བྱ། །སྣ་ཚོགས་ལྔ་ཡི་མཆོད་སྦྱིན་གྱིས། །དཀྱིལ་འཁོར་ས་ལ་རབ་ཏུ་མཆོད། །མཆོད་ན་ཐེ་ཚོམ་མེད་པར་ནི། །གྲུབ་པ་ཆེན་པོ་རྙེད་པར་འགྱུར། །དཔལ་
ཡེ་ཤེས་ཐིག་ལེ་ལས་རྣམ་པ་དང་བཅས་པའི་དཀྱིལ་འཁོར་བསྒོམ་པ་ཞེས་བྱ་བའི་ལེའུ་སྟེ་བཅུ་པའོ།། །། དེ་ནས་ཡང་བྱང་ཆུབ་སེམས་དཔའ་སེམས་དཔའ་ཆེན་པོ་ལྷའི་དབང་ཕྱུག་གིས་བཅོམ་ལྡན་འདས་ཀྱི་ཞབས་ལ་མགོ་བོས་

85-1-24a

ཕྱག་འཚལ་ཏེ་འདི་སྐད་ཅེས་གསོལ་ཏོ། །ཡེ་ཤེས་ཉི་མ་བཅོམ་ལྡན་འདས། །སྙིང་ཀའི་པད་མ་ཁ་འབྱེད་པ། །གང་ཞིག་བདག་ནི་ཅི་ཞུ་བ། །བདག་ལ་ཐུགས་རྗེ་ཆེན་པོས་གསུངས། །སྔགས་ཀྱི་བཟླས་པ་དང་། 
མཆོད་སྦྱིན་དང་། མཆོད་པ་དང་། དབང་བསྐུར་བ་དང་། གནས་ཀྱི་མདོར་བསྟན་པ་དང་། སྦྱིན་བསྲེག་དང་། གཏོར་མ་ཆེན་པོའི་རིམ་པས་འདིར་བཅོམ་ལྡན་འདས་ཀྱིས་བདག་ལ་ངེས་པའི་དོན་བསྟན་པ་བཀའ་སྩལ་དུ་གསོལ། །
བཅོམ་ལྡན་འདས་ཀྱིས་བཀའ་སྩལ་པ། སྔགས་ཀྱི་བཟླས་པའི་ངེས་པའི་དོན། །ཉོན་ཅིག་ཡང་དག་བདག་གིས་བཤད། །དགའ་བ་ལ་སོགས་པ་ལས་འབྱུང་། །ཡིད་ནི་སྔགས་ཞེས་རྗོད་པ་ཡིན། །ཡང་ནི་བསྲུབ་དང་བསྲུབ་པའི་
སྔགས། །སྔགས་ནི་བདུད་རྩིར་བསྟན་པའོ། །ལམ་གྱི་ཐར་པ་དེ་ནི་སྔགས། །ཚིགས་རྒྱས་པ་ནི་དེ་བཞིན་ནོ། །ཕྲད་པ་གཉིས་ཀྱི་དབུས་ན་གནས། །དེ་ནི་དོན་དམ་པ་ཡི་སྔགས། །སྔགས་ནི་ཨཱ་ལི་ཀཱ་ལི་ཡིན། །བརྗོད་པ་དེ་ནི་བཟླས་
པའོ། །བསྐྱེད་དང་རྫོགས་དང་བྱེ་བྲག་ཏུ། །སྔགས་ཀྱི་བཟླས་པ་རབ་ཏུ་གྲགས། །གང་དུ་རྐེ་དང་རྐན་ནི་གཉིས། །བསྐྱོད་པ་གང་དུ་མི་འབྱུང་བ། །སྲོག་གི་རྩ་བའི་ནང་ཡོད་པ། །ལུགས་དང་ལུགས་མིན་རྒྱུན་མི་འཆད། །ཐིག་ལེ་གསུམ་
དང་ཡིག་གསུམ་དག །རང་འོད་མ་བཅོས་བརྗོད་པར་བྱ། །རྐན་གྱི་ནང་དུ་ལྕེ་འཇུག་པ། །རོ་མ་ཡིས་ནི་མནན་པར་བྱ། །ཡང་ནི་རྩེ་མོའི་ཆ་ཡིས་རེག །མཉམ་སྦྱོར་རྣམ་པའི་བསམ་གཏན་གྱིས། །གྲགས་པ་ཡོད་པའི་བདུད་རྩི་བཞིན། །
དེ་ནས་ཚུལ་ནི་འབྱུང་བར་འགྱུར། །སྤྲུལ་པའི་རིམ་པའི་བྱེ་བྲག་ཏུ། །ཐིག་ལེ་དྲངས་པ་བདེ་བའི་སྐུ། །མཆོད་སྦྱིན་དཀྱིལ་འཁོར་གྱིས་ནི་བརྒྱན། །དེ་ཡི་སྐྱེད་རིམ་བདག་གིས་བཤད། །དཔལ་ལྡན་རྡོ་རྗེ་འཛིན་པ་ཡིས། །དགྱེས་པའི་གནས་
བསྟེན་མཆོད་སྦྱིན་ནོ། །མཆོག་དགའ་འབྱུང་བའི་མཆོད་སྦྱིན་ནི། །རབ་ཀྱི་དཀྱིལ་འཁོར་དེ་རུ་བྱ། །མཆོག་གི་དགའ་བ་འཁོར་བར་བསྟན། །ཀཱ་ལི་ཡེ་ཤེས་མཚན་ཉིད་དོ། །སྐུ་བརྒྱད་བདག་ཉིད་མཆོད་སྦྱིན་ནི། །གནས་བརྒྱད་པར་ནི་མཆོད་པར་བྱ། །ཇི་བཞིན་

85-1-24b

རྣལ་འབྱོར་མ་ཡི་འབྱུང་། །དེ་ཡི་དོན་ནི་བདག་གིས་བཤད། །སུམ་བཅུ་རྩ་གཉིས་ཡིག་གཟུགས་ཀྱིས། །ཀཱ་ལིའི་ཐིག་ལེས་གཙོ་བོའི་ཕྱིར། །བསྒོམ་པའི་དབང་པོས་གནས་ལ་སོགས། །ལྷ་མོ་བཅས་པས་མཆོད་པར་བྱ། །ལྷ་མོ་ཀུན་དང་
གནས་ལ་སོགས། །ལྷ་ཡི་དབང་ཕྱུག་སྐྱབས་ཡིན་ནོ། །ལྷ་མོ་འདི་རུ་རྩ་ཡིན་ཏེ། །འབྱུང་བ་དང་ནི་གནས་ས་བྱེད། །སྐྱབས་ལས་རྣམ་པར་རྫོགས་པ་ཡིན། །མཚན་དང་དཔེ་བྱད་ལྡན་པའོ། །གྲུ་གསུམ་དབུས་སུ་བཅོམ་ལྡན་འདས། །
ཨུཏྤལ་སྔོན་པོའི་མདོག་དང་འདྲ། །སྣ་ཚོགས་པད་མའི་གདན་དབུས་སུ། །བདུད་བཞི་ཡི་ནི་སྟེང་ན་བཞུགས། །ཞལ་ནི་བཅུ་དྲུག་ཕྱག་བཅུ་དྲུག །ཞལ་ནི་སོ་སོར་སྤྱན་གསུམ་མོ། །སེར་པོ་དམར་པོ་ལྗང་ཁུའི་ཞལ། །རི་བོང་ཅན་ནི་
གཡོན་སྐོར་ཞིང་། །ཞལ་གཞན་ཀུན་ནི་བུང་བ་བཞིན། །སྟེང་གི་ཞལ་ནི་འཇིགས་པའོ། །གཤིན་རྗེའི་ལྤགས་པས་རྣམ་དཀྲིས་བྱས། །དམ་བཅས་དོན་ཕྱིར་བརྟུལ་ཞུགས་དོན། །སངས་རྒྱས་ཕྲེང་བའི་དོ་ཤལ་བྱས། །མགོ་བོ་ཡི་ནི་
ཆུན་འཕྱང་བརྒྱན། །གར་དགུ་ཡི་ནི་རོ་དང་ལྡན། །སྐུ་ནི་ཕྱག་རྒྱ་དྲུག་གིས་མཛེས། །སྣ་ཚོགས་རུས་པའི་རྒྱན་དང་ལྡན། །སྣ་ཚོགས་འོད་ཀྱི་སྣང་བས་འབར། ཡེ་ཤེས་མཁའ་འགྲོ་བདེ་བ་ཆེ། །ལེགས་དགྱེས་དབང་པོ་གཉིས་
མེད་སྦྱོར། །དུར་ཁྲོད་ཀྱི་ནི་ཐལ་བས་བྱུགས། །སྟེང་དུ་བགྲད་པས་བདེ་བར་བཞུགས། །གཡས་བརྐྱང་བ་ཡི་གར་དང་ལྡན། །གསང་བའི་དོན་གནས་བརྡ་བྱེད་པ། །མཁའ་འགྲོ་མ་ཡི་ཚོགས་ཀྱིས་བསྐོར། །དུར་ཁྲོད་བརྒྱད་ཀྱིས་
དབུས་ན་བཞུགས། །རྡོ་རྗེ་དྲིལ་བུ་གཉིས་མེད་སྦྱོར། །ཚངས་པ་ཡི་ནི་ལྤགས་པས་ཁེབས། །མདའ་གཞུ་འཁོར་ལོ་རིན་པོ་ཆེ། །རལ་གྲི་རྩེ་གསུམ་རྔེའུ་ཆུང་དང་། །ཟླ་བ་ཉི་མ་སྟ་རེ་སྣོད། །ཁ་ཊྭཱྃ་ག་དང་ཐོད་པའོ། །བཅོམ་ལྡན་འདས་
མ་དེ་དང་འདྲ། །ཡང་ན་ཕྱག་ནི་གཉིས་མའོ། །རྡོ་རྗེ་གྲི་གུག་འཛིན་པར་འཁྱུད། །ཞི་བ་སྤྱན་ནི་གསུམ་པའོ། །ནང་གི་འཕར་མ་དགྱེས་པ་ནི། །ཟླ་བ་གང་བ་བཞིན་དུ་དག །སྣ་ཚོགས་པད་མ་ཡི་ནི་གཞི། །འདབ་མ་བརྒྱད་ཀྱིས་རྣམ་པར་མཛེས། །ཕྱི་མ་གྲུ་

85-1-25a

བཞི་རུ་ནི་གྲགས། །སྣ་ཚོགས་རྡོ་རྗེའི་སྟེང་དུའོ། །ཡི་དགས་ཆེན་པོའི་ཕྲེང་བས་ལྡན། །སྣ་ཚོགས་དཔའ་བོས་ཉེ་བར་མཛེས། །སྣ་ཚོགས་པ་ཡི་ཤིང་གིས་བསྐོར། །སྣ་ཚོགས་རྣལ་འབྱོར་མ་དང་ལྡན། །དེའི་ནང་དུ་གྲུ་གསུམ་
གྱི་ཕྱག་རྒྱའི་གྲྭ་ནི་དཔལ་ཨཽ་ཌྱན་དང་ཛ་ལན་དྷ་ར་དང་། པུ་ལི་ར་སྟེ། མགོ་བོ་དང་། ཙུག་པུད་དང་། སྤྱི་བོར་ལེགས་དགྱེས་རྡོ་རྗེ་མ་དང་། རྡོ་རྗེ་འཚེད་མ་དང་། རྡོ་རྗེ་གླང་ཆེན་མ་བཅོམ་ལྡན་འདས་ལ་བསྐུལ་བར་བྱེད་ཅིང་ཕྱག་གི་འཕར་མ་འབར་བར་རོ་མཆོག་ཆེན་
པོའི་སྣོད་ཀྱིས་མཆོད་སྦྱིན་འབུལ་བར་བྱེད་ཅིང་ཚངས་པའི་བུ་གར་རྩེ་སྦྱར་གྱི་ཕྱག་རྒྱ་བྱེད་པ་སྟེ་མཐེའུ་ཆུང་ལུ་གུ་རྒྱུད་དུ་སྦྲེལ་ཏེ་ལྷག་མས་མཐེ་བོང་མནན་ནས། མཛུབ་མོ་སྦྱར་བ་འོག་ཏུ་བཅིངས་པའི་སྐུ་ཡི་དགས་ཆེན་པོའི་སྟེང་ན་གཡོན་བརྐྱང་
བས་གནས་པ། སྤྱན་གསུམ་པ། སྐྲ་གྲོལ་ཞིང་ན་བཟའ་གྲོལ་བ། ཆུ་སྐྱེས་རྒྱས་པ། བཅོམ་ལྡན་འདས་ལ་བལྟ་ཞིང་བཞུགས་པའོ། །ཤར་གྱི་ཕྱོགས་སུ་སྣ་ཚོགས་པད་མ་འདབ་མ་བརྒྱད་པའི་ལྟེ་བར་ཀཱ་མ་རུ་པ་སྟེ། སྨིན་མའི་དབུས་སུ་
འཇིགས་མའོ། །དེའི་ཤར་གྱི་འདབ་མར་མ་ལ་ཝ་སྟེ་སྣའི་རྩེ་མོར་དཔའ་མོའོ། །བྱང་གི་འདབ་མར་སིན་དྷུ་སྟེ་མིག་གཉིས་སུ་ཆང་འཐུང་མའོ། །ནུབ་ཀྱི་འདབ་མར་ནཱ་ག་ར་སྟེ་རྣ་བ་གཉིས་སུ་འཇིགས་བྱེད་མའོ། །ལྷོ་ཡི་འདབ་མར་སིང་ག་ལ་སྟེ་
ཁའི་པད་མར་ཕོ་ཉ་མའོ། །བྱང་མཚམས་སུ་སྣ་ཚོགས་པད་མ་འདབ་མ་བརྒྱད་པའི་ལྟེ་བར་མུ་མུ་ནི་སྟེ། ཀོས་སྐོར་སྟོབས་ཆེན་མའོ། །དེའི་ཤར་གྱི་འདབ་མར་དེ་བི་ཀོ་ཊ་སྟེ། སྐེའི་གླིང་བུར་རྟ་མགྲིན་མའོ། །བྱང་གི་འདབ་མར་ཀུ་ལུ་ཏ་
སྟེ། རྒྱབ་ཀྱི་གླིང་བུར་རྟ་རྣ་མའོ། །ནུབ་ཀྱི་འདབ་མའི་ཨར་བུ་ཏར་ནུ་མ་གཉིས་སུ་གླང་ཆེན་སྣ་མའོ། །ལྷོའི་འདབ་མར་ཏ་ལི་ཀི་ལི་བ་སྟེ། སྙིང་གར་གླང་ཆེན་ལྟོ་བ་མའོ། །ནུབ་ཕྱོགས་ཀྱི་སྣ་ཚོགས་པད་མ་འདབ་མ་བརྒྱད་པའི་ལྟེ་བར་
གོ་ཏ་བ་རི་སྟེ། ལྟེ་བའི་གནས་སུ་མེ་མའོ། །དེའི་ཤར་གྱི་འདབ་མར་ལམ་པ་ཀ་སྟེ། གསང་བའི་པད་མར་ཆུ་རྒྱུན་མའོ། །བྱང་གི་འདབ་མར་ཀན་ཙི་ཀ་སྟེ། མཚན་གྱི་དབུས་སུ་རི་བོང་ཅན་མའོ། །ནུབ་ཀྱི་འདབ་མར་ལས་ཀྱི་

85-1-25b

ཡུལ་ཏེ། མཚན་རྩེར་ཉི་མའི་འོད་མའོ། །ལྷོ་ཡི་འདབ་མར་གསེར་གླིང་སྟེ། བཤང་ཁའི་གནས་སུ་དུང་སྣ་མའོ། །ལྷོ་ཕྱོགས་ཀྱི་པད་མ་འདབ་མ་བརྒྱད་པའི་ལྟེ་བའི་ཀོང་ཀན་སྟེ། བརླ་གཉིས་སུ་དུང་གཙུག་མའོ། །ཤར་གྱི་འདབ་
མར་བིན་དྷུ་སྟེ། པུས་མོ་གཉིས་སུ་དུང་ལྟེ་མའོ། །བྱང་གི་འདབ་མར་ཡི་དགས་འདུས་པ་སྟེ། རྗེ་ངར་གཉིས་སུ་སྟོབས་ཆེན་མའོ། །ནུབ་ཀྱི་འདབ་མར་རྒྱ་མཚོའི་ངོགས་ཏེ། རྐང་པ་གཉིས་སུ་བྱ་རྒོད་མའོ། །ལྷོའི་འདབ་མར་རྩ་རི་
ཊ་སྟེ། སོར་མོ་ལ་རྒོད་ཁ་མའོ། །དེའི་སྣ་ཚོགས་པད་མ་འདབ་མ་བརྒྱད་པ་བཞིའི་འདབ་མ་བཞི་ལ་དགོད་དོ། །འདབ་མ་ལྷག་མ་ཀུན་ལ་ཁྲག་ཆེན་པོས་ཤིན་ཏུ་གང་བའི་ཀ་པཱ་ལ་དང་ལྡན་པའི་སྣ་ཚོགས་ཆེན་པོའི་བུམ་པ་ཁ་རྒྱན་བཙུགས་
པ། བདུད་རྩི་ཆེན་པོས་ལྟོ་བ་གང་བ། དར་སྣ་ཚོགས་ཀྱིས་མགྲིན་པ་མཐོ་བར་བསྐོར་བའོ། །ཤར་མཚམས་སུ་ཀུ་མཱ་ར་པུ་རི་དང་། གསྨི་ར་སྟེ་མཐེ་བོང་དང་ལུས་ཐམས་ཅད་ལ་ཧོར་པ་མ་དང་ཧོར་མིག་མའོ། །བྱང་མཚམས་སུ་ཀེ་ར་
ཏ་དང་། ནེ་པ་ལ་སྟེ་རྐང་པ་གཉིས་ལ་ལྷག་པར་ཧོར་མགོ་མ་དང་དེ་བཞིན་དུ་དམར་མོའོ། །ནུབ་མཚམས་སུ་ཀར་བུ་ཛ་དང་། ཤར་གྱི་ལུས་འཕགས་ཏེ་རྐེད་པ་དང་། སྙིང་གར་མིག་དམར་དང་སྲོག་མའོ། །
ལྷོ་མཚམས་སུ་བྱང་གི་སྒྲ་མི་སྙན་དང་བན་ལང་སྤྱོད་དེ་ལྟེ་བའི་ལྟེ་བ་དང་། སྤྲུལ་པའི་སྙིང་པོར་འཛིན་མ་དང་རོ་མའོ། །འཛམ་བུའི་གླིང་དུ་གདགས་པའི་པད་མའི་སྣར་བཅོམ་ལྡན་འདས་དང་ཨ་བ་དྷཱུ་ཏཱིའོ། །དེ་ལྟ་བུ་ནི་ནང་
གི་འཕར་མས་བདེ་བ་ཆེན་པོའི་འཁོར་ལོ་ན་ཡོད་པའི་རྩ་སུམ་བཅུ་རྩ་གཉིས་རྣམ་པར་དག་པས་ཕྱི་མའི་ཕྱི་མ་རྒྱུད་ཀྱི་གོ་རིམ་རྣལ་འབྱོར་མ་རྣམས་ཀྱི་ནང་གི་དག་པའོ། །བྱང་ཆུབ་སེམས་དཔའ་སེམས་དཔའ་ཆེན་པོ་ལྷའི་
དབང་ཕྱུག་ཕྱི་རོལ་ཏུ་མཚན་དང་དཔེ་བྱད་དང་ལྡན་པ་རྣམ་པ་དང་བཅས་པ་བརྒྱད་གཉིས་ཀྱི་ལོའོ། །བྱད་གཟུགས་མཛེས་པ་ཆེན་པོའི་ཤ་རྒྱས་པས་དྲེགས་པ། སྒེག་པའི་ང་རྒྱལ་ཅན་ཕྱག་བཞི་པ་

85-1-26a

སྤྱན་གསུམ་པ། སྲ་ཞིང་མཐོ་བའི་ནུ་མ་དང་། རུས་པ་སྣ་ཚོགས་ཀྱི་རྒྱན་གྱིས་བརྒྱན་པ། ཕྱག་རྒྱ་ལྔ་འཛིན་པ། གཡོན་བརྐྱང་བས་རོའི་སྟེང་ན་གནས་པ། ཀ་པཱ་ལ་དང་། ཁ་ཊྭཱྃ་ག་དང་། མདའ་གཞུ་ཁེངས་པར་འགེངས་
པ། བདུད་གྲངས་མེད་པ་འཇོམས་པ་ཁོ་ན། སྐུ་མདོག་སྣ་ཚོགས་པ་མཛེས་པའི་གཟུགས་འཛིན་པ། ཐུགས་རྗེ་ཆེན་པོས་སེམས་ཅན་འགུགས་མ། སེམས་ཅན་གྱི་དོན་མཛད་པ་ལ་བརྩོན་པ། བྲེལ་བ་དང་མི་མཁྱེན་པ་མེད་པའི་སེམས་
དང་ལྡན་པའོ། །ཕྱིའི་འཕར་མ་ཤར་དང་བྱང་དང་ནུབ་དང་ལྷོ་མཚམས་རེ་རེར་ནང་གི་ལྷ་མོ་བཞིན་དུ་ལྷ་མོ་གཉིས་གཉིས་ཏེ། སྐྲ་དམར་མ་དང་། རིན་ཆེན་མ་དང་། ཕུག་རོན་མ་དང་། སེར་མོ་དང་། ནག་མོ་དང་། རི་བོང་མ་དང་། རི་དགས་མོ་
དང་། ར་མ་མོའོ། ཤར་དང་། བྱང་དང་། ནུབ་དང་། ལྷོའི་སྒོ་རེ་རེར་སྒོ་སྐྱོང་མ་གཉིས་གཉིས་ཏེ། དེ་དག་ཀྱང་དྲེགས་པ་ཆེན་པོ་འཇིགས་པ་ཆེན་མོ་མཆོག་གི་ལེགས་དགྱེས་ཀྱིས་རིངས་པ། སྣ་ཚོགས་ཀྱི་ཉམས་ཀྱིས་སྐུ་ཁྱབ་པའོ། །
ཤར་སྒོར་རྡོ་རྗེ་རོ་ལངས་མ་དང་། རྡོ་རྗེ་དྲ་བ་མ་སྐུ་མདོག་ནག་པོ། ཕྱག་བཞི་མ་མདའ་གཞུ་འགེངས་ཤིང་ཆུ་སྲིན་དང་ཉ་བསྣམས་པ། ཀ་པཱ་ལ་དང་ཁ་ཊྭཱྃ་ག་འཛིན་པ། སྤྱན་གསུམ་པ། ཕྱག་རྒྱ་ལྔས་བརྒྱན་པ། གཅེར་བུ་སྐྲ་གྲོལ་བ། 
མིའི་རུས་པ་སྣ་ཚོགས་ཀྱི་རྒྱན་གྱིས་བརྒྱན་པ། གཡོན་བརྐྱང་བ། མགོ་བོའི་ཆུན་འཕྱང་རྒྱུ་མ་ལས་བརྒྱུས་པ་འཆང་བའོ། །བྱང་སྒོར་རྡོ་རྗེ་རྩེ་མོ་མ་དང་། དེ་བཞིན་དུ་རྡོ་རྗེ་ཟླུམ་པ་མ་སྐུ་མདོག་སེར་པོ། སེང་གེ་དང་། བྱ་ཁྱུང་བསྣམས་
པའོ། །ནུབ་སྒོར་རྡོ་རྗེ་སྐེ་རགས་མ་དང་། རྡོ་རྗེ་སེར་མོ་མ་སྐུ་མདོག་དམར་མོ། གླིང་བུ་དང་། རྫ་རྔ་ཆེན་པོའི་སྒྲ་ཁོ་ནའོ། །ལྷོ་སྒོར་རྡོ་རྗེ་དགོད་མ་དང་། རྡོ་རྗེ་ཉི་མ་མོ་སྐུ་མདོག་ལྗང་གུ། རྫ་རྔ་དང་པི་ཝང་གི་རོལ་མོའི་སྒྲ་ཁོ་ན་
སྟེ། ཇི་ལྟར་ཤར་སྒོར་བཞུགས་པའི་རྣལ་འབྱོར་མ་དེ་ལྟར་ཐམས་ཅད་ཀྱང་རུས་པ་ལ་སོགས་པའི་རྒྱན་དང་། བཞུགས་སྟབས་དང་། ཕྱག་མཚན་དང་ལྡན་པའོ། །ལོངས་སྤྱོད་ཀྱི་འཁོར་ལོའི་ནང་ན་ཡོད་པའི་རྩ་བརྒྱད་གཉིས་

85-1-26b

ཀྱི་གྲངས་ནི་དེ་དག་ཀུན་གྱི་རྣམ་པར་དག་པའོ། །སྐུ་བརྒྱད་བདག་ཉིད་ཀྱི་ནི་མགོན། །མཆོད་སྦྱིན་སྒྲ་ཡིས་ཀུན་ཏུ་བརྟགས། །མཆོད་པ་དེ་ནི་མཆོད་སྦྱིན་བརྗོད། །རྩ་ནི་ཀུན་གྱི་གནས་རབ་མཆོག །གནས་ནི་གདན་ལ་སོགས་པའི་དགྱེས། །
གནས་ཀུན་གྱི་ནི་བླ་ན་མེད། །གསང་ཆེན་དག་པ་པད་མ་ཡིས། །འདབ་མ་བརྒྱད་པ་ལྟེ་བར་བཅས། །བདེ་བ་ཡི་ནི་ཡངས་པའི་སར། །རྩ་ཡི་དཀྱིལ་འཁོར་གྱིས་བརྒྱན་ནོ། །གནས་ནི་གདན་ལ་བྱ་བར་གྲགས། །གནས་ནི་རྟེན་དུ་
བརྗོད་པའོ། །བདེ་བ་འབྱུང་བའི་ངལ་སོས་ནི། །དེ་ཡི་ཞིང་ནི་དོན་དམ་པར། །བདེ་བའི་ཡེ་ཤེས་འབྱུང་བ་སྟེ། །ཚན་དོ་ཧར་ནི་འདི་རུ་བཤད། །ཐིག་ལེ་གསུམ་གྱི་ཡེ་ཤེས་བདེ། །གཅིག་བྱེད་པ་ཡི་གཏན་ཚིགས་ཀྱིས། །དེ་ཡི་འདུས་
སར་བསྟན་པ་ཡིན། །རྣལ་འབྱོར་རྒྱུད་དུ་རྙེད་དཀའ་བ། །གང་དུ་ཚོར་བ་ཡོད་པ་སྟེ། །བདེ་བ་འབྱུང་བའི་ཐིམ་དེ་བཞིན། །དེ་ནི་འདི་རུ་དུར་ཁྲོད་བརྗོད། །ཡང་ན་བདེ་བའི་རྣམ་ཤེས་སོ། །གང་དུ་བདེ་བ་ཡང་དག་རྙེད། །དེ་ནི་པི་ལ་པ་
རུ་གྲགས། །སྐྱེ་དང་ཐིམ་པའི་ཡེ་ཤེས་ཏེ། །གང་དུ་བདེ་བའི་ཟླ་བ་སྐྱེ། །དེ་ནི་ལམ་རབ་ཏུ་ནི་བསྟན། །འགྲོ་བའི་བདག་ཉིད་ལམ་ཡིན་ནོ། །བདེ་བའི་རྒྱལ་པོ་གང་ཞིག་འགོག །དེ་ནི་སྦྱོར་བའི་ཡེ་ཤེས་རབ། །དེ་ནི་གནས་བརྒྱད་དགེས་
པ་ཡིན། །སྐུ་བརྒྱད་རང་གི་ངོ་བོ་ཅན། །ཡེ་ཤེས་བརྒྱད་ཀྱི་བདག་ཉིད་དག །སངས་རྒྱས་ཀུན་གྱིས་རྙེད་དཀའ་བ། །རྩ་ཀུན་གྱི་ནི་དག་པའི་གཞི། །དེ་ལ་ཡང་ནི་རྩ་ཀུན་གནས། །ཉེ་བའི་གནས་ནི་ཐམས་ཅད་ཀུན། །ལྷ་ཡི་
དབང་ཕྱུག་རྣམ་པར་སྨིན། །བསྐྱེད་དང་རྫོགས་པའི་སྦྱོར་བ་ཡིས། །ཐིག་ལེ་དྲུག་ནི་རབ་ཏུ་གྲགས། །ཐིག་ལེའི་དབུས་ན་ཡེ་ཤེས་ཡོད། །ངག་གི་ལམ་གྱིས་རྙེད་པར་དཀའ། །བསྐྱེད་པ་དང་ནི་རྫོགས་པ་མེད། །དྲུག་མིན་དེ་བཞིན་
གསུམ་པ་མིན། །གསུམ་དང་བྲལ་བ་གསུམ་པར་གྲགས། །ཡེ་ཤེས་རང་བཞིན་དེ་སྐྱེ་མེད། །ཉི་མའི་ཐིག་ལེའི་ཡེ་ཤེས་ཤར། །འབད་པ་ཡིས་ནི་མཆོད་སྦྱིན་བྱ། །གང་ཚེ་མཆོག་བྱུང་མ་ཤར་བར། །

85-1-27a

དེ་ཚེ་ཉི་མ་འབྱུང་མི་འགྱུར། །ཟླ་བ་དེ་ནི་དགའ་བྲལ་དགའ། །ཆགས་པ་འདི་རུ་ཐིམ་པར་བྱེད། །ཉི་མའི་དབུས་ནས་ཟླ་བ་འབྱུང་། །ཟླ་བའི་དབུས་ནས་ཉི་མ་འཆར། །དྲི་མ་མེད་ཕྱིར་ཡངས་པར་འགྲོ། །ཤེས་
རབ་བདག་ཉིད་གཟུགས་ཀྱི་ཕྱིར། །ཐམས་ཅད་ལ་ནི་ཚིམ་པར་བྱེད། །ཐམས་ཅད་ཀྱི་ནི་སྐྱེ་བའི་རྒྱུ། །འབྲས་བུ་བྱེད་པའི་བདག་ཉིད་ཟླ། །རྒྱུ་བྱེད་བདག་ཉིད་ཟླ་བ་སྟེ། །འབྲས་བུ་བྱེད་བདག་ཉི་མའོ། །རྒྱུ་དང་འབྲས་བུ་
གཉིས་མེད་པའི། །བདེ་བ་ཆགས་ཆེན་བདག་ཉིད་དོ། །ཆགས་པ་ཆེན་པོ་དངོས་མེད་ན། །ཇི་ལྟར་བདེ་བ་འབྱུང་བར་འགྱུར། །བདེ་བ་ཡེ་ཤེས་དྲི་མེད་གྲགས། །ཐ་མལ་བདེ་ཉིད་བདེ་བ་མིན། །བྱོལ་སོང་བག་ཆགས་རབ་
རྨོངས་པ། །དབང་པོ་གཉིས་ཀྱི་བདེ་བར་འདོད། །བདེ་བ་མཆོག་གི་རང་རིག་པ། །ཆགས་པ་དང་ནི་ཆགས་བྲལ་མེད། །བདེ་བ་ཐིག་ལེའི་ནང་དུ་ནི། །ཆར་ཡང་ནང་དུ་བདེ་བ་ཆེ། །དེ་གཉིས་ཡེ་ཤེས་ཚུལ་གྱི་ནང་། །རྣམ་པར་
ཤེས་པའི་ཚུལ་ཅན་དང་། །རྣམ་པར་ཤེས་དང་ཡེ་ཤེས་བྲལ། །གཞན་དང་གཞན་མིན་ནང་ཡོད་པའོ། །སྦྱོར་དྲུག་གྱེས་པ་རྣམ་པར་ཤེས། །ཆར་ཡང་རྩ་བ་ཀུན་བརྟགས་བྲལ། །རྟོག་པ་སྤངས་པ་དེ་ཉིད་ནི། །བསམ་གཏན་
འཛིན་པ་མེད་པའོ། །ཚོར་བྱ་ཚོར་བྱེད་གཉིས་ལས་གྲོལ། །སྲིད་དང་མྱ་ངན་འདས་དག་པའི། །དེ་ནི་གསང་ཆེན་དེ་ཉིད་དོ། །གང་དུ་ཡང་ནི་གསལ་མ་བྱས། །འབད་པ་ཡིས་ནི་སྦ་བར་བྱ། །སྨྲ་བར་མི་བྱ་གང་ལ་ལར། །རྣལ་འབྱོར་
རྒྱུད་དུ་མོས་གྱུར་པ། །ལྷ་ཡི་དབང་ཕྱུག་གསལ་མི་བྱ། །དཔལ་ཡེ་ཤེས་ཐིག་ལེ་ལས་སྔགས་ཀྱི་བཟླས་པའི་རིམ་པ་དང་། མཆོད་སྦྱིན་གྱི་ཆོ་ག་དང་། དཀྱིལ་འཁོར་སྐྱེད་པའི་རིམ་པ་དང་། གནས་ཀྱི་དོན་དང་། རྩའི་འཁོར་
ལོ་འབྱུང་བ་དང་། དེ་ཁོ་ན་ཉིད་ཀྱི་དོན་བསྟན་པའི་ལེའུ་སྟེ་བཅུ་གཅིག་པའོ།། །། དེ་ནས་མཆོད་པའི་ཆོ་ག་འདིའི། །ངེས་པར་བསྟན་པ་བདག་གིས་བཤད། །ཐིམ་དང་ལོངས་སྤྱོད་དག་གིས་ནི། །ཡིད་འཕྲོག་ཡང་

85-1-27b

དག་མཆོད་པའོ། །ཟླ་བ་ཉི་མ་མེ་ཏོག་གིས། །སྐུ་ཡི་རྒྱལ་པོ་ཉིད་ལ་མཆོད། །འདོད་པ་འདི་ནི་དཔྲལ་བ་རུ། །མར་ངོ་ཚེས་ཀྱི་དང་པོ་དབང་། །ཡིད་ལས་དེ་རུ་འདོད་པར་འགྱུར། །ངེས་པར་ཨ་ཡི་ཐིག་ལེ་ལས། །ཐིམ་པ་འདི་ནི་སྨིན་
ཕྲག་ཏུ། །དགའ་བས་དེ་ལས་འདའ་བར་འགྱུར། །ཨཱ་ལྀའི་ཐིག་ལེ་གཉིས་པས་སོ། །བདེ་བའི་མཁུར་ཚོས་གཉིས་ནས་སུ། །ཚེས་གསུམ་པ་ལ་ལོངས་སྤྱོད་འགྱུར། །དེ་ལ་རྣམ་པར་སྨིན་པས་འགྲོ། །ཨཱ་ལྀའི་ཐིགས་པ་གསུམ་
པས་སོ། །བདུད་རྩི་ཀོས་སྐོའི་གནས་སུ་ནི། །ཚེས་བཞི་པ་ལ་ཐིམ་པ་འབྱུང་། །དེ་ལ་མགུ་བ་ལས་དགའ་བ། །བཞི་པའི་ཡེ་ཤེས་ཐིག་ལེས་སོ། །བདེ་བ་ཡི་ནི་མགྲིན་གནས་སུ། །ཚེས་ལྔ་པ་ལ་ལོངས་སྤྱོད་འབྱུང་། །དེ་ལ་དགྱེས་
པས་རྒྱས་པར་འགྱུར། །ཐིག་ལེ་ལྔ་པའི་ཁེངས་པས་སོ། །འདོད་པ་བྲང་གི་གནས་སུ་ནི། །ཚེས་དྲུག་པ་ལ་ཐིམ་པ་འབྱུང་། །དེ་ནི་བསམ་གཏན་ལས་དྲག་པོ། །ཐིག་ལེ་དྲུག་ལ་གང་བས་སོ། །བདེ་བའི་ནུ་མའི་གནས་སུ་ནི། །
ཚེས་བདུན་པ་ལ་དབང་མི་འབྱུང་། །དེ་ལ་བདུན་པས་འབྱུང་བ་ཡིན། །ཐིགས་པ་བདུན་པས་ཁེངས་པས་སོ། །འདོད་པའི་རྩིབ་ལོགས་གནས་སུ་ནི། །ཚེས་བརྒྱད་པ་ལ་ཐིམ་པ་འབྱུང་། །དེ་ལ་ཆགས་པས་མཆོག་གི་དགའ། །ཐིག་ལེ་
བརྒྱད་པ་གང་བས་སོ། །བདེ་བའི་ལྟེ་བའི་གནས་སུ་ནི། །ཚེས་དགུ་པ་ལ་ལོངས་སྤྱོད་འབྱུང་། །དེ་ལ་རྣམ་སྨིན་ལས་འབར་འབྱུང་། །ཐིག་ལེ་དགུ་བ་ཁེངས་པས་སོ། །འདོད་པའི་མདོམས་ཀྱི་གནས་སུ་ནི། །ཚེས་བཅུ་པ་ལ་ཐིམ་པ་འབྱུང་། །
དེ་ལ་བསྟན་ལས་ཐིག་ལེར་འགྱུར། །ཐིག་ལེ་བཅུ་པ་གང་བས་སོ། །བདེ་བའི་སྤྱི་བོའི་གནས་སུ་ནི། །བཅུ་གཅིག་པ་ལ་དབང་ནི་འབྱུང་། །དེ་ཡི་སྟོབས་ལས་མྱོས་པར་འགྱུར། །བཅུ་གཅིག་ཐིག་ལེས་ཁེངས་པས་སོ། །བདེ་བའི་རྡོ་རྗེའི་རྩེ་
གནས་སུ། །བཅུ་གཉིས་ཚེས་ལ་ཐིམ་པ་འབྱུང་། །དེ་ལ་འོད་ལས་དགའ་བྲལ་དགའ། །བཅུ་གཉིས་ཐིག་ལེ་གང་བས་སོ། །རྒྱས་པའི་རྡོ་རྗེའི་དབུས་གནས་སུ། །བཅུ་གསུམ་ཚེས་ལ་ལོངས་སྤྱོད་འབྱུང་། །དེ་ལས་སྣང་བས་ཨུར་ཏར་འགྱུར། །

85-1-28a

ཨཱ་ལྀའི་བཅུ་གསུམ་ཐིག་ལེས་སོ། །བདེ་བའི་མདུད་པའི་གནས་སུ་ནི། །བཅུ་བཞི་པ་ལ་ཐིམ་པ་ཤར། །དེ་ལ་རེག་བྱ་ལས་ཚུར་འགྱུར། །བཅུ་བཞིའི་ཟླ་བའི་ཐིག་ལེས་སོ། །བདེ་བའི་ནོར་བུའི་དབུས་སུ་ནི། །ཉ་གང་བ་ལས་དབང་
ནི་ཤར། །དེ་ལས་ཕྲང་ལས་གཉིད་དུ་འགྱུར། །བཅྭ་ལྔ་པ་ཡི་ཐིག་ལེས་སོ། །དབང་པོ་བཅུ་དྲུག་པ་ཡི་ཆ། །གཞན་ནི་གང་དུའང་མི་དམིགས་སོ། །དེ་བཞིན་དུ་ནི་སོ་སོར་གཟུགས། །རང་བཞིན་དེ་ནི་ཡོད་པ་མིན། །དགའ་བའི་བྱེ་བྲག་ལྷན་སྐྱེས་
དགའ། །བཅུ་དྲུག་པ་ཡི་དོན་དུ་ཡོད། །ཆར་ཡང་བཅུ་དྲུག་འདི་རུ་ནི། །ཡོད་པ་མ་ཡིན་མེད་པ་མིན། །དེ་བཞིན་དུ་ནི་ཡེ་ཤེས་ཆེ། །ལྷ་ཡི་དབང་ཕྱུག་རང་བཞིན་ནོ། །གཡས་གཡོན་ཡན་ལག་གཉིས་སུ་ནི། །ཁུ་བ་ཡི་ནི་འབྱུང་བར་དྲན། །མར་ངོ་
དེ་བཞིན་ཡར་ངོ་ཡི། །འདོད་པ་ཡིས་ནི་འབྱུང་བའི་ཚེ། །བཅུ་དང་ལྔ་ཡིས་གཉིས་མེད་སྦྱོར། །བདེ་བ་འདི་ཡི་འབྱུང་བ་མིན། །དེ་ཉིད་གསུམ་ཤེས་བཅུ་དང་ལྔ། །ཤེས་རབ་དང་བྲལ་བདེ་བ་ཆེ། །བླ་མའི་ཞལ་སྔའི་བཀའ་དྲིན་གྱིས། །གཉིས་སུ་
མེད་པའི་བདེ་བ་ཤེས། །རྟག་ཏུ་མོས་པ་ཡིས་ནི་ཤར། །བསམ་གཏན་གྱིས་ནི་ཤེས་པའོ། །བཅུ་དྲུག་གི་ནི་ཡི་གེའི་གཟུགས། །ཨཱ་ལྀའི་ཐིག་ལེ་རང་ངོ་བོ། །ཨ་སོགས་ཡིག་འབྲུའི་ཆར་ཡང་འབྱུང་། །ཨཱ་ལྀའི་ཡེ་ཤེས་བདེ་བདག་ཉིད། །
ཀཱ་སོགས་ཡིག་འབྲུའི་ཆར་ཡང་འབྱུང་། །ཀཱ་ལྀའི་ཡེ་ཤེས་བདེ་བ་ཆེ། །ཨཱ་ལི་ཀཱ་ལི་གཉིས་སྦྱོར་ལས། །མཆོད་སྦྱིན་གྱིས་ནི་རབ་མཆོད་བྱ། །མཆོད་པ་ཡང་ནི་དེ་བཞིན་ཏེ། །གསང་བའི་པད་མའི་སྙིང་གར་རོ། །གསང་བ་དེ་ཉིད་གསུམ་ཞེས་
བྱ། །ལ་ལ་འདའ་ལ་གཉིས་སྦྱོར་ལས། །མཆོད་སྦྱིན་གྱིས་ནི་རབ་མཆོག་བྱ། །མཆོད་པ་ཡང་ནི་དེ་བཞིན་ཏེ། །གསང་བའི་པད་མའི་སྙིང་གར་རོ། །གསང་བ་དེ་ཉིད་གསུམ་ཞེས་བྱ། །ཐིམ་དང་ལོངས་སྤྱོད་སོགས་བྱེ་བྲག །
ཐིམ་པ་དང་ནི་ལོངས་སྤྱོད་དབང་། །དགའ་བ་གསུམ་དུ་བསྟན་པའོ། །དེ་ཡི་ཐིག་ལེ་གསུམ་ཞེས་བྱ། །སྐུ་གསུམ་ཡིག་གསུམ་བདག་ཉིད་དོ། །ཚངས་པའི་བུ་ག་དེ་བཞིན་མགྲིན། །སྙིང་ཀ་རུ་ནི་ཐིག་ལེ་གསུམ། །དེ་ཡིས་བསྐྱེད་

85-1-28b

པའི་རིམ་ཤེས་བྱ། །མདུད་པའི་ནང་ནི་མན་ཆད་དོ། །བཟློག་པ་ཡི་ནི་ཐིག་ལེ་གསུམ། །གྱེན་དུ་རྫོགས་པའི་རིམ་པ་ཡིན། །རྒྱུ་འབྲས་རྣམ་དག་བྱེ་བྲག་ཏུ། །ཐིག་ལེ་དྲུག་ནི་རབ་ཏུ་གྲགས། །དྲི་མེད་ཡེ་ཤེས་ཆར་ཡང་དྲུག །དེ་ནི་རྣམ་
ཤེས་སྦྱོར་དྲུག་བཤད། །དེ་ཡི་དབུས་སུ་དེ་ཉིད་བཞུགས། །ལྷན་སྐྱེས་དགའ་བའི་བདེ་བ་ཆེ། །མཆོད་པའི་ལས་སྦྱོར་ཆེ་བ་ཡིས། །ཐེ་ཚོམ་མེད་པར་རྙེད་པར་འགྱུར། །མཆོད་པའི་དམ་ཚིག་དུས་སུ་ནི། །གསང་བའི་སྒྲ་ནི་འབད་པ་ཡིས། །
གང་ཞིག་འདོད་པ་གྲུབ་པ་ཆེ། །དམ་ཚིག་སེམས་དཔས་བརྗོད་པར་བྱ། །ལ་ལ་རྡོ་རྗེ་ལ་ལ་པད། །ཨཱ་ལི་ཟླ་བ་ཀཱ་ལི་ཉི། །རི་བོང་ཅན་ནི་ཁུ་བའོ། །ཉི་མ་ཁྲག་ཏུ་རབ་ཏུ་གྲགས། །ཁུ་བ་ག་པུར་ཤེས་བྱ་སྟེ། །ཁྲག་ནི་སིཧླ་ཞེས་སུ་དྲན། །
སྦྲུལ་ནི་ནག་པོ་གཉིས་ཀ་ཡིན། །འདུས་པ་ཕུང་པོར་བརྗོད་པའོ། །ནཱ་ར་ཀ་པཱ་ལ་རུ་བརྗོད། །ཆགས་པ་ཆང་དུ་རབ་ཏུ་གྲགས། །ཞེ་སྡང་དེ་ནི་ཤ་ཡིན་ཏེ། །གཏི་མུག་ཚོད་མ་རུ་ནི་དྲན། །ང་རྒྱལ་འདི་རུ་ཤ་ཆེན་པོ། །ཟན་ནི་ཕྲག་དོག་ཉིད་
དུ་དྲན། །གཅི་འཁོར་བཤང་བ་མྱ་ངན་འདས། །མཐོ་རིས་གཟུགས་ཞེས་དྲན་པའོ། །མི་ཡི་ཡུལ་ནི་སྒྲ་ཞེས་བསྟན། །ས་འོག་རོ་རུ་བཤད་པའོ། །དྲི་ནི་རི་རབ་རྩེ་མོའོ། །གླིང་བཞི་པོ་ནི་རེག་བྱའོ། །ས་ནི་ཕ་རུ་རབ་ཏུ་གྲགས། །
ཆུ་ནི་སྲིང་མོ་ཡིན་པར་དྲན། །མེ་ནི་ཡུམ་སྟེ་བུ་མོ་ནི། །རླུང་དུ་རབ་ཏུ་གྲགས་པའོ། །ནམ་མཁའ་སྒྱུག་མོར་ཤེས་པར་བྱ། །བཅིངས་པ་མེད་པ་ནམ་མཁའ་ཡིན། །སྐལ་ལྡན་ངང་པ་འོན་པ་མཚོ། །འོན་པ་མིན་པ་རྒྱ་མཚོར་
བརྗོད། །དབང་བསྐུར་གྲོང་ཁྱེར་བ་རུ་དྲན། །དབང་བསྐུར་མིན་པ་གྲོང་པ་བཞིན། །གསང་བ་སྙིང་ག་ཡིན་པར་བརྗོད། །ཁྱེར་ཤོག་དྲི་མ་མེད་པར་བརྗོད། །གསལ་བྱེད་ནམ་མཁའ་ཡིན་པར་དྲན། །གཞན་ཁ་དགྱེས་པ་ཌྃ་ཌི་
འབྲས། །མ་རུངས་ལྕགས་སུ་ཀུན་ཏུ་གྲགས། །སྟན་ནི་པད་མ་ཡིན་པར་བརྗོད། །སྦྱིན་པ་གེ་སར་དྲན་པའོ། །གཞོན་ནུ་མ་ནི་འཚེ་འུར་གྲགས། །རྒན་མོ་གཙང་པོར་དྲན་པའོ། །གནས་པ་རྣ་བ་ཞེས་སུ་བརྗོད། །

85-1-29a

འགྲོ་བ་འདི་ནི་ཨར་བུ་ཏ། །དུས་ནི་དབྱུག་པ་བདེ་བ་ཉིད། །ཐལ་བ་མིན་དགའ་དགའ་སྟོབས་སོ། །དེ་དག་ཚོགས་ཀྱི་མཆོད་སྦྱིན་གྱི། །དུས་སུ་འབད་པས་བརྗོད་པར་བྱ། །ཁྲུང་ཁྲུང་ལ་སོགས་འཇུག་མིན་ཕྱིར། །གསང་བའི་ཚིག་
ནི་སྨྲ་བར་བྱ། །རྣལ་འབྱོར་མ་འམ་རྣལ་འབྱོར་པ། །ཤིན་ཏུ་དགྱེས་པས་གསང་སྐད་སྨྲ། །དཔལ་ཡེ་ཤེས་ཐིག་ལེ་ལས་མཆོད་པའི་རིམ་པ་དང་གསང་བའི་སྐད་ཅེས་བྱ་བའི་ལེའུ་སྟེ་བཅུ་གཉིས་པའོ།། །། དབང་བསྐུར་ལ་
སོགས་ངེས་བསྟན་ནི། །ལྷ་ཡི་དབང་ཕྱུག་ངས་འདིར་བཤད། །རྒྱུད་གསུམ་གྱི་ནི་རིམ་པ་ཡིས། །དབང་དྲུག་དབྱེ་བ་བསྟན་པའོ། །ཆུ་ཡི་དབང་བསྐུར་དབུ་རྒྱན་དག །བྱ་བའི་རྒྱུད་ལས་རབ་ཏུ་གྲགས། །རྡོ་རྗེ་དྲིལ་བུ་དེ་བཞིན་མིང་། །
སྤྱོད་པའི་རྒྱུད་ལས་རབ་ཏུ་གསལ། །ཕྱིར་མི་ལྡོག་པ་ཡི་ནི་དབང་། །རྣལ་འབྱོར་རྒྱུད་དུ་གསལ་བར་བྱས། །དེ་ནི་དྲུག་གི་བྱེ་བྲག་དབང་། །དེ་ནི་སློབ་དཔོན་དབང་ཞེས་བྱ། །རྣལ་འབྱོར་བླ་མ་ཡི་ནི་མཚན། །གསང་བ་ཡི་ནི་དབང་
རྒྱལ་བཤད། །ཤེས་རབ་ཡེ་ཤེས་བླ་ན་མེད། །བཞི་པ་དེ་ལྟར་དེ་བཞིན་ནོ། །དགུ་ཡི་བྱེ་བྲག་དབང་ལ་སོགས། །འབྲས་བུའི་ཕྱིར་ན་བརྒྱད་དབྱེར་འགྱུར། །བཞི་པ་དེ་ལྟར་དེ་བཞིན་བརྗོད། །ཤེས་རབ་ཡེ་ཤེས་དེ་ཡི་འབྲས། །
དངོས་པོ་སོ་སོར་ཤེས་མི་བྱ། །དེ་ལྟར་ཞེས་ནི་ཚད་མེད་དོ། །དེ་བས་འབྲས་བུའི་ཚིག་དོན་ནི། །རིགས་པ་མ་ཡིན་པ་ཡི་སེམས། །དེ་བཞིན་རེ་ཤིག་དགའ་བའི་སེམས། །དེ་བཞིན་རེ་ཤིག་དགའ་བའི་རིམ། །ཇི་ལྟ་བུར་ནི་ཡོད་པར་
འགྱུར། །དགའ་བ་ལུས་སུ་གྲགས་པ་སྟེ། །མཆོག་དུ་དགའ་བ་འདི་རུ་གང་། །ཡིད་ནི་དགའ་བྲལ་ཤེས་པར་བྱ། །ལྷན་སྐྱེས་དེ་ནི་གང་ནི་ཡོད། །ཀུན་ན་ཡོད་པའི་ཡེ་ཤེས་སེམས། །སེམས་ལས་གཞན་ནི་ཡོད་པ་མིན། །
གང་ཞིག་ཅི་ཞིག་འདི་ཐམས་ཅད། །དེ་ནི་ཐམས་ཅད་སེམས་ཡིན་ནོ། །སེམས་ལས་ཐམས་ཅད་འབྱུང་བ་སྟེ། །སེམས་ཀྱིས་ཡོངས་སུ་འདས་པའོ། །ལུས་ཀྱི་མགོ་བོ་དགའ་བའི་གནས། །ངག་ནི་མགྲིན་པ་མཆོག་

85-1-29b

ཏུ་དགའ། །སེམས་ནི་སྙིང་གར་ཤེས་བྱ་བ། །ཆགས་པའི་དགའ་བ་རྟག་ཏུ་ཤར། །ལུས་རྒྱུ་འབྲས་བུ་དེ་ནི་ངག །ངག་ནི་རྒྱུ་སྟེ་འབྲས་བུ་ཡིད། །ཡིད་ཉིད་ཡོངས་སུ་ཤེས་པ་ནི། །འབྲས་བུ་དེ་ནི་དོན་དམ་པར། །དེ་ཉིད་གསུམ་བདག་
ཡེ་ཤེས་གང་། །རྩ་གསུམ་ནང་གི་དབུས་ན་བཞུགས། །གནས་གསུམ་ཁྱབ་པ་སྐྱེ་བ་མེད། །འོད་གསུམ་སྲིད་པ་གསུམ་དང་བྲལ། །འོད་རབ་གནས་ནི་རབ་ཀྱི་མཆོག །དེ་ནི་བཞི་པ་མཆོག་གི་དབང་། །བདུན་གཉིས་བྱེ་བྲག་ཏུ་
ནི་ཡོད། །ཡན་ལག་རབ་ཀྱི་མདོར་བསྡུས་ལ། །ཆུ་ཡི་དབང་བསྐུར་དགའ་བའོ། །གསང་བའི་དབང་བསྐུར་མགྲིན་པ་རུ། །མཆོག་ཏུ་དགའ་བའི་བདག་ཉིད་མཆོག །ཤེས་རབ་ཡེ་ཤེས་ཀྱི་ནི་དབང་། །སྙིང་ག་རུ་ནི་དགའ་
བྲལ་དགའ། །གསང་བ་པད་མའི་ལྟེ་བ་རུ། །བཞི་པའི་རང་བཞིན་བདག་ཉིད་དོ། །དེ་ལྟར་དབང་ནི་བཞི་རུ་དབྱེ། །བསྐྱེད་པའི་རིམ་པའི་ཕྱོགས་ཡིན་ནོ། །ཆུ་ཡི་དབང་ནི་མདོམས་སུ་སྟེ། །སྣ་ཚོགས་འབྲས་བུ་སྦྱིན་
པའོ། །གསང་བའི་དབང་ནི་གཉིས་པ་སྟེ། །རྣམ་པར་སྨིན་པའི་འབྲས་བུ་སྟེར། །རྡོ་རྗེ་ཡི་ནི་རྩ་བའི་གནས། །རྩ་བ་དང་ནི་མདོམས་ཀྱི་འོག །ཤེས་རབ་ཡེ་ཤེས་ཀྱི་ནི་དབང་། །མདུད་པའི་གནས་སུ་རྟག་ཏུ་དྲན། །
དབང་རྣམས་ཀུན་གྱི་བླ་མའི་བླ། །རྣམ་པར་འཇོམས་པའི་འབྲས་བུ་སྟེར། །ཤེས་རབ་ཡེ་ཤེས་ནོར་བུའི་ཁར། །ཤེས་རབ་པད་མའི་ཡིད་འགྲོའི་ཕྱིར། །རླུང་མ་དང་ནི་གཉིད་སྐྱེའི་རྩ། །གཉིས་ཀ་རྒྱས་པ་ཡིས་ནི་
བདེ། །གྱེན་གྱི་ལམ་གྱིས་བཟློག་པར་བྱ། །མདུད་པའི་ནང་གི་གནས་སུ་འགྲོ། །དེ་ལྟར་བཞི་པ་རབ་ཏུ་བསྟན། །མཚན་ཉིད་དང་བྲལ་འབྲས་བུར་གྲགས། །མདུད་པའི་གནས་སུ་རིམ་པ་ཡིས། །ཚངས་པའི་
སྤྲུལ་པ་སྙིང་མན་ཆད། །དེ་ཙམ་དུ་ནི་ལྷན་སྐྱེས་དགའ། །རླབས་དང་བྲལ་བ་དཔེ་མེད་དོ། །དེ་ནི་དེ་ཀུན་དོན་དམ་པར། །དབང་གི་ཡེ་ཤེས་ངེས་བསྟན་ཏོ། །རྡོ་རྗེ་ཀ་བ་དེ་བཞིན་གསང་། །སྡོམ་དང་སྡོམ་པའི་རྒྱ་མཚོ་དང་། །རིགས་ཆེན་ཡེ་ཤེས་སྙིང་

85-1-30a

པོ་དང་། །ཀྱཻ་རྡོར་འཇིགས་བྱེད་རྡོ་རྗེ་དང་། །མཚན་དང་གསང་བ་འདུས་པ་རུ། །ལྷ་ཡི་དབང་ཕྱུག་བདག་གིས་སྦས། །ཁྱོད་ཀྱི་ངོར་མཛད་དབང་གི་དོན། །རྒྱུད་འདི་རུ་ནི་རབ་ཏུ་གསལ། །རྟོག་གེ་བ་དང་རྒན་པོ་དང་། །དགེ་སློང་མོས་པར་གནས་པ་ལ། །
ཡང་དག་ལམ་ཤེས་སློབ་དཔོན་གྱིས། །དེ་རྣམས་དེ་ཉིད་བཤད་མི་བྱ། །ཨ་ཡི་ཡིག་འབྲུ་དགའ་བ་ཡིན། །བྷི་ཡི་ཡིག་འབྲུ་མཆོག་ཏུ་དགའ། །ཥེ་ཡི་ཡིག་འབྲུ་དགའ་བྲལ་དགའ། །ཀ་ཡི་ཡིག་འབྲུ་ལྷན་སྐྱེས་སོ། །གང་དུ་ཡང་ནི་མི་དམིགས་ཤིང་། །
ཨ་ནི་སྐྱེ་མེད་རང་བཞིན་ཏེ། །ཀུན་གྱི་རྒྱུ་ནི་ཡིན་ཕྱིར་རོ། །ཥེ་ཡི་ཡིག་འབྲུར་ཡང་དག་བརྗོད། །གཙུག་ཏོར་གསང་བའི་པད་མར་བྷི། །བསྐུར་དང་ཁྲུས་ནི་བྱེད་པའི་ཕྱིར། །ཀ་ནི་རྣམ་རྟོག་དངོས་པོར་གྲགས། །འགྲོ་བ་ཆད་པའི་བདག་ཉིད་དོ། །གསང་
བའི་པད་མའི་སྙིང་ག་ཨ། །རྩ་ཀུན་གྱི་ནི་འབིགས་པ་གང་། །དེ་ཕྱིར་མངོན་པར་དགའ་བ་མཆོག །བྷི་ཡི་ཡིག་འབྲུ་ཐིག་ལེ་འབིགས། །ཥེ་བདེ་ཡེ་ཤེས་ཀུན་བརྟགས་བྲལ། །ཡང་དག་དོན་གྱིས་གསལ་བར་བྱེད། །དང་པོའི་དགའ་བ་རྒྱུ་ཡི་དངོས། །ཨ་ཡི་
ཡིག་འབྲུ་མཆོག་གི་གནས། །མཆོག་དགའ་དགའ་བྲལ་དགའ་བར་གྲགས། །དབང་བསྐུར་རབ་ཏུ་གྲགས་པའོ། །དེ་གཉིས་དབུས་སུ་དེ་ཉིད་བཞུགས། །རང་བཞིན་དགའ་བ་བཞི་དང་བྲལ། །མངོན་པར་དགའ་དང་དགའ་བྲལ་དགའི། །
གང་ཞིག་རང་བཞིན་མི་ཤེས་ན། །དཔལ་ལྡན་རྡོ་རྗེ་སེམས་དཔའ་ཡིས། །སངས་རྒྱས་ཡིན་ཡང་མི་བསྟོད་དོ། །རྡོ་རྗེ་འཛིན་པ་ཐམས་ཅད་ཀྱི། །ཐམས་ཅད་ཁྱབ་པར་མངའ་བདག་བདག །སངས་རྒྱས་ཐམས་ཅད་རྒྱལ་ཆེན་པོ། །
སངས་རྒྱས་ཐམས་ཅད་ཡིད་ལྟར་མགྱོགས། །ཐམས་ཅད་ཀུན་གྱི་དབང་ཕྱུག་བདག །འབྱུང་བ་ཀུན་གྱི་བདག་ཉིད་དོ། །དཔལ་ཡེ་ཤེས་ཐིག་ལེ་ལས་དབང་བསྐུར་བའི་ངེས་པ་བསྟན་པའི་ལེའུ་ཞེས་བྱ་བ་སྟེ་བཅུ་གསུམ་
པའོ།། །། དེ་ནས་ཡང་ནི་བཤད་བྱ་བ། །ནང་གི་མཚན་ཉིད་སྦྱིན་སྲེག་གོ། །ཁ་ནི་ཧོམ་ཁུང་དགང་གཟར་ལག །ཚུལ་ནི་རང་བྱུང་མེ་ཡིན་ནོ། །ང་རྒྱལ་ཕྲག་དོག་བསྲེག་རྫས་ཡིན། །བཟླས་པ་དེ་ནི་ཁམ་དུ་

85-1-30b

རྗོད། །ས་འོག་དང་ནི་སྲིང་མོ་མར། །དེ་ཡི་སྲེག་རྫས་རབ་ཏུ་དབུལ། །ཡེ་ཤེས་བདུད་རྩི་རྣམ་དག་པས། །ཕྲག་དོག་ལ་སོགས་བསང་གཏོར་བྱ། །དུམ་བུ་གསུམ་པའི་སྣོད་མདུན་དུ། །ཕྲག་དོག་བདུད་རྩིས་རབ་ཏུ་ཚིམ། །
རྡོར་གསུམ་ཡེ་ཤེས་ས་བོན་གྱིས། །དག་བྱས་དཀར་བྱས་རིམ་གྱིས་སོ། །རླུང་མས་བསྐུལ་བྱས་འབར་བས་བྱས། །བདུད་རྩི་མཆོག་ནི་ཞུ་བར་བྱེད། །ཧ་ཡི་མ་མོའི་སྔགས་ཀྱིས་ནི། །འཁོར་ལོ་དྲུག་ནི་རབ་ཚིམ་བྱ། །རི་
བོའི་མ་མོ་དང་བྲལ་བས། །ཕྱི་ནང་རྟག་ཏུ་རབ་ཚིམ་བྱ། །དེ་ལྟའི་སྦྱིན་སྲེག་ལས་ཀྱིས་ནི། །ལྷ་ཡི་སྐུ་རུ་ངེས་པར་འགྱུར། །ལྷ་ཡི་སྐུ་ནི་བདེ་ཆེན་པོ། །དོན་དམ་པར་ནི་ཤེས་པའོ། །ལྷ་ཡི་ཡིག་འབྲུ་ཡིས་འབྱུང་གང་། །
དེ་ནི་དོན་དམ་སྦྱིན་སྲེག་གོ། །དཔའ་བོ་གཉིས་ཀྱི་མཉམ་སྦྱོར་བ། །དུས་ཀྱི་གང་དུ་བདེ་དབང་པོ། །ལྟེ་སྙིང་བདེ་བའི་པད་མ་ཡིས། །རྟག་པར་ཤེས་རབ་མས་ནི་བརྗོད། །དེ་ནི་སྦྱིན་སྲེག་སྲེག་རྫས་ལྡན། །མངོན་པར་དགའ་
ལས་འབྱུང་བའོ། །ཀུན་རྫོབ་རྣམ་པའི་གཟུགས་སུ་ནི། །ཤེས་རབ་ཐབས་ནི་ཕྲད་པ་ལས། །སྦྱིན་སྲེག་ལས་ཀྱི་འབྲས་བུ་མཆོག །མྱུར་བ་རུ་ནི་རྙེད་པའོ། །ཧོམ་ཁུང་དྷེ་ལ་དགྱེས་པ་ཆེ། །ལ་ལ་འདི་རུ་དགང་གཟར་དྲན། །
བླུགས་གཟར་གསང་པད་སྣ་ཡི་རྩེ། །མར་ནི་ཁུ་བ་ཟླ་འོད་མཉམ། །གསང་པད་ཟླུམ་པོའི་རྣམ་པ་བཞིན། །མར་གྱི་སྣོད་དུ་རྣམ་པར་གྲགས། །བླུགས་གཟར་དགང་གཟར་མར་གྱི་སྣོད། །རྩ་གསུམ་དུ་ནི་བརྗོད་པའོ། །བསྲུབ་
དང་བསྲུབས་པའི་སྦྱོར་བ་ཡིས། །རླུང་མ་དང་ནི་གཉིད་མ་གཉིས། །གཅིག་པུའི་དངོས་པོ་ཡང་དག་པས། །ཡེ་ཤེས་མེ་ནི་མཆོག་ཏུ་འབར། །པད་མའི་འཁོར་ལོ་དྲུག་རིམ་པས། །གཞན་མིན་བདེ་ཆེན་མན་ཆད་དོ། །མཆོག་གི་བདུད་རྩི་
རྒྱུན་ནི་འཛག །ཇི་ལྟར་མཁའ་ལས་ཆུ་འབབ་པ། །རྩ་ཡི་དྲ་བ་དུ་མ་ཡིས། །འཁོར་ལོ་དྲུག་སྙིང་ཁྱབ་པའོ། །སྐུ་གསུམ་ཡེ་ཤེས་རྡོ་རྗེ་མཆོག །རྟག་ཏུ་སྲེག་རྫས་མཆོད་པར་བྱ། །མེ་ཡི་ཁ་རུ་དགང་གཟར་ནི། །མར་གྱིས་བཀང་བ་དབུལ་བར་བྱ། །མེ་ནི་མཆོག་ཏུ་

85-1-31a

དགའ་བ་སྟེ། །རྣམ་རྟོག་ཧོམ་ཤིང་ཚིག་པར་བྱེད། །མདུད་པའི་ཧོམ་ཁུང་གི་ནི་མེ། །དེ་ནི་མཆོག་ཏུ་དགའ་རང་བཞིན། །ཞི་བའི་ཟླུམ་པོ་རྣམ་པ་བཞིན། །ལོངས་སྤྱོད་དང་ནི་གྲོལ་བ་བཞིན། །སྐུ་ཡི་རྡོ་རྗེ་རིན་ཆེན་ཁར། །གསུང་གི་རྡོ་རྗེ་
དབུས་ཀྱི་དཀྱིལ། །ཐུགས་ཀྱི་རྡོ་རྗེ་མདུད་སྙིང་པོ། །དགའ་བ་ཡིས་ནི་མཆོད་པར་བྱ། །གསུང་གི་རྡོ་རྗེ་བླུགས་གཟར་མཆོག །དགའ་བྲལ་དགའ་བ་སྐུ་རྡོ་རྗེ། །ལྷན་སྐྱེས་དགའ་བའི་ཡེ་ཤེས་ཀྱི། །དགང་བླུགས་ཀྱིས་ནི་མཆོད་པ་བྱ། །བཅོམ་
ལྡན་འདས་ཀྱིས་དེ་སྐད་ཅེས་བཀའ་སྩལ་པས། བྱེ་བ་ཕྲག་བདུན་བཅུ་རྩ་གཉིས་ཀྱི་གྲངས་ཀུན་བརྒྱལ་བ་དང་ས་ལ་འགྱེལ་བར་གྱུར་ཏོ། །དེ་ནས་ཡུན་རིང་པོ་ཞིག་ནས་འདི་སྐད་ཅེས་གསོལ་ཏོ། །ལྷན་ཅིག་སྐྱེས་པའི་དགའ་བ་ལ་འདིར་ཡེ་ཤེས་ཡོད་
དམ་ཅི་ཞེས་ཡང་ཡ་མཚན་དུ་གྱུར་ཏོ། །ཡང་དེའི་དུས་སུ་བཅོམ་ལྡན་འདས་མས་ཕྱག་རྒྱ་ཆེན་པོས་དམ་པོར་འཁྱུད་ནས་མ་མཆུ་བཏུང་བའི་བདུད་རྩིའི་མཆོད་སྦྱིན་ཕུལ་ཏེ། གསང་བའི་པད་མའི་བསྐོར་བ་དམ་པོའི་སྙིམ་པ་མཉམ་པར་སྦྱོར་བ་
བཅིངས་ནས་གུས་པས་ཞུས་པ། སངས་རྒྱས་ཀུན་གྱི་བླ་མ་མགོན། །ཡེ་ཤེས་ཟབ་མོའི་དྲི་མ་མེད། །ཅི་ཡི་དོན་ཕྱིར་དེ་ལྟའི་ཚིགས། །འཁོར་ཀུན་གྱིས་ནི་ནང་དུ་གསུངས། །ལྷན་ཅིག་སྐྱེས་དགའི་ཡེ་ཤེས་གང་། །དགང་བླུགས་
ཀྱི་ནི་མཆོད་པ་ལ། །བདག་ཀྱང་འདིར་ནི་བཅོམ་ལྡན་འདས། །ཐེ་ཙོམ་ཆེན་པོ་སྐྱེས་པར་འགྱུར། །གསང་བ་ཡི་ནི་གསང་བ་མཆོག །རྣལ་འབྱོར་མ་རྒྱུད་དུ་མ་རུ། །མགོན་པོས་གང་དུའང་མ་གསུངས་སོ། །དེ་ཙམ་ཡང་ནི་
བརྡར་མ་མཛད། །ལྷན་ཅིག་ལ་ནི་ཡེ་ཤེས་ཡོད། །མ་གསུངས་བདག་གིས་ཐོས་མ་ལགས། །དེ་རིང་དེ་ལྟར་ཐེ་ཚོམ་དག །མངའ་བདག་ཆེན་པོས་གཅད་དུ་གསོལ། །བཅོམ་ལྡན་འདས་ཀྱིས་བཀའ་སྩལ་པ། །
ཨ་ལ་ལ་རབ་ཏུ་ངོ་མཚར་ཏོ། །ལྷན་ཅིག་སྐྱེས་པའི་དགའ་བ་ལ་ཅིའི་ཕྱིར་ཡེ་ཤེས་མེད། དད་པ་ཆེན་པོ་དང་བརྩོན་འགྲུས་ཅན་དང་ཡེ་ཤེས་དང་ལྡན་པ་ཡང་རྨོངས་པར་འགྱུར་ན། ཡེ་ཤེས་མེད་པས་ལྷན་ཅིག་སྐྱེས་པའི་

85-1-31b

དགའ་བ་ཇི་ལྟར་རྙེད། དེ་བཞིན་དུ་ཡང་འདིར་གཞན་པ་དེ་མ་ཡིན་པའི་དཔེར་ཉོན་ཅིག །ཇི་ལྟ་བུར་དུ་བ་ལས་ནི་མེར་ཤེས་ཏེ། །ཆུ་སྐྱར་ལས་ནི་ཆུ་ཡིན་ནོ། །བྱང་ཆུབ་སེམས་དཔའ་བློ་ལྡན་གྱི། །རིགས་ནི་མཚན་མ་རྣམས་
ལས་ཤེས། །དེ་བཞིན་དུ་ལྷན་ཅིག་སྐྱེས་པའི་དགའ་བ་རྙེད་པའི་དོན་གྱི་ཕྱིར་སྐྱབས་སྦྱིན་གྱི་ངོ་བོ་ཡེ་ཤེས་སོ། །ཡེ་ཤེས་ནི་ཚོར་བར་ཡོངས་སུ་ཤེས་པས་དཔྱོད་པའི་བདག་ཉིད་ཀྱི་ཐབས་དེ་ནི་ཡེ་ཤེས་སུ་བདག་གིས་བཤད་དོ། །དེ་བཞིན་དུ་ཇི་
ལྟར་མུན་ནག་ཏུ་རིན་པོ་ཆེ་ཕྲ་མོའི་ཕྲ་མོ་ཡོད་པ་དེ་ནི་རིན་པོ་ཆེ་མར་མེ་མ་ཡིན་པས་རྙེད་པར་མི་འགྱུར་བ་དེ་བས་ན་བློ་གྲོས་ཅན་གྱིས་རིན་པོ་ཆེ་མར་མེ་ཁྱེར་ནས་ཚོལ་བར་བྱེད་ལ། གལ་ཏེ་དེ་རྙེད་ན་དེ་ཅི་མར་མེ་ལས་རིན་པོ་ཆེ་སྐྱེའམ། འོན་ཀྱང་
མར་མེའི་ཐབས་ཀྱིས་མཐོང་བ་དང་རྙེད་པ་དེ་བཞིན་དུ་ཡེ་ཤེས་ཀྱི་མར་མེས་ལྷན་ཅིག་སྐྱེས་པའི་དགའ་བའི་རིན་པོ་ཆེའི་རྒྱལ་པོ་མཐོང་ཞིང་རྙེད་ཀྱི་ཡེ་ཤེས་ལས་སྐྱེ་བ་ནི་མ་ཡིན་ནོ། །དེ་བས་ན་ཡེ་ཤེས་ཀྱི་སྒྲ་འདི་ནི་དོན་མི་ཤེས་
པའི་ཕྱིར་མཁས་པས་འདིར་ཐེ་ཚོམ་མི་བྱའོ། །དཔལ་ཡེ་ཤེས་ཐིག་ལེ་ལས་མཆོད་པ་སྣ་ཚོགས་ངེས་པར་བསྟན་པ་དང་ནང་གི་སྦྱིན་སྲེག་ཅེས་བྱ་བའི་ལེའུ་སྟེ་བཅུ་བཞི་པའོ།། །། དེ་ནས་གཏོར་མ་
ཆེན་པོའི་ལས་ངེས་པར་བསྟན་པའི་དོན་བཤད་དོ། །སེམས་ཅན་ཐམས་ཅད་བསྲུང་དོན་དུ། །འབད་པ་ཡིས་ནི་གཏོར་མ་སྦྱིན། །བྷ་ཡི་ཡིག་འབྲུ་བྷ་གར་བརྗོད། །ལིཾ་གི་ཡིག་འབྲུ་ལིཾ་གར་བསྟན། ལིང་ག་བྷ་གར་
མཉམ་སྦྱོར་བས། །སེམས་ཅན་ཐམས་ཅད་ཀྱི་ནི་ཚོགས། །དེ་ལས་འབྱུང་བར་འགྱུར་བ་སྟེ། །ལྷ་མོ་དེ་ཉིད་ཤེས་བྱ་སྟེ། །ཐམས་ཅད་སྒྲ་ནི་དགའ་བ་ཡིན། །སེམས་ཅན་དོན་ནི་མཆོག་ཏུ་འགྱུར། །ཚོགས་པ་དེ་ནི་
དགའ་བྲལ་དགའ། །གཏོར་མ་དེ་ཡིས་བསྲུང་བའི་དོན། །དུར་ཁྲོད་ཡང་ནི་ཆུ་ཡི་ངོགས། །ཡེ་ཤེས་ལྡན་པས་སྦྱིན་པར་བྱ། །དུར་ཁྲོད་དབུགས་བྱུང་གི་ནི་གནས། །གསང་བའི་པད་མའི་བྱ་གདོང་ངོ་། །ཤའ་ཡི་ཡིག་འབྲུ་པད་མ་དག །

85-1-32a

ཝ་ཡི་ཡིག་འབྲུ་ལྟེ་བར་ཡིན། །ས་ཡི་ཡིག་འབྲུ་བདེ་ངོ་བོ། །ན་ཡི་ཡིག་འབྲུ་བཅས་པ་མེད། །དྲི་མེད་མ་ཡི་ཞུ་བའི་དགའ། །ཐིག་ལེའི་ངོ་བོ་ཡི་གེ་བྲལ། །དུར་ཁྲོད་དབུགས་འབྱུང་དུ་ནི་གྲགས། །ཞལ་བཟང་བདག་
གིས་བཤད་པ་ཡིན། །ཆུ་ཡི་ངོགས་ནི་རིན་ཆེན་ཁ། །ཡང་ན་དེ་ནི་རྟོག་མེད་མ། །འབྱུང་བ་རྣམས་ནི་བསྲུང་བའི་ཕྱིར། དེ་ལ་གཏོར་མ་སྦྱིན་པར་བྱ། །འབྱུང་བ་ཁུ་བ་རུ་ནི་གྲགས། །ཁུ་བ་སེམས་ཅན་འདི་རུ་བསྟན། །
སེམས་ཅན་སྙིང་པོ་ཡེ་ཤེས་བདེ། །བྷ་ག་ལིང་ག་གཉིས་ལས་འབྱུང་། །དེ་ལ་བསྲུང་བའི་དོན་དུ་ནི། །གཏོར་མ་ཀུན་ཏུ་འབད་དེ་སྦྱིན། །དཔལ་ཡེ་ཤེས་ཐིག་ལེ་ལས་འབྱུང་བ་བསྲུང་བའི་དོན་དུ་གཏོར་མ་ཆེན་པོ་ངེས་པར་བསྟན་པ་ཞེས་བྱ་བའི་
ལེའུ་སྟེ་བཅྭ་ལྔ་པའོ།། །། དེ་ནས་བཅོམ་ལྡན་འདས་མ་ཕྱག་རྒྱ་ཆེན་པོས་བྱང་ཆུབ་སེམས་དཔའ་སེམས་དཔའ་ཆེན་པོས་ལྷའི་དབང་ཕྱུག་ལ་བོས་ཏེ། ཀྱཻ་དཔའ་བོ་ཆེན་པོ་ལྷའི་དབང་ཕྱུག་འདིར་དེ་ཁོ་ན་ཉིད་གསུམ་གྱི་བདག་ཉིད་
ཀྱི་དང་། ཟླ་བའི་བདེ་བ་མཆོག་དང་། ཕྱག་རྒྱ་ཆེན་པོའི་མཐའི་རྒྱས་པ་ངེས་པར་བསྟན་པའི་དོན་དུ་རང་གི་ངོ་བོ་ཉིད་དང་། ཚད་དང་། རྣམ་པ་དེ་དག་བཅོམ་ལྡན་འདས་ཀྱི་ཐད་དུ་ལེགས་པར་ཞུས་ཤིག །བྱང་ཆུབ་སེམས་དཔའ་
སེམས་དཔའ་ཆེན་པོ་ལྷའི་དབང་ཕྱུག་གིས་གསོལ་པ། མཆོག་གི་དབང་ཕྱུག་མ་མཆོག་གི་བདེ་བ་ཆེན་པོའི་འོད་ཀྱི་རང་གི་ངོ་བོ་སངས་རྒྱས་ཐམས་ཅད་ཀྱི་ཡུམ། སྡིག་པ་ཐམས་ཅད་ཟད་པར་བྱེད་མ། བདུད་ཐམས་ཅད་འཇོམས་
པར་བྱེད་མ། དགའ་བ་ཐམས་ཅད་དང་། སྐད་ཅིག་དང་། རོ་དང་། ཡེ་ཤེས་ཀྱི་མཐར་ཁྱབ་པ་ལྟེ་བའི་པད་མའི་དབུས་ནས་བཞེངས་ནས་བདེ་བ་ཆེན་པོ་རབ་ཏུ་ཚིམ་པར་མཛད་མ། བཅོམ་ལྡན་འདས་མ་བཟང་མོ་མཆོག་
དྲི་མ་མེད་པའི་སྐུ་ནམ་མཁའི་ངོ་བོ་ལེགས་སོ་ལེགས་སོ། །ཡང་བྱང་ཆུབ་སེམས་དཔའ་སེམས་དཔའ་ཆེན་པོ་ལྷའི་དབང་ཕྱུག་གིས་བཅོམ་ལྡན་འདས་མས་གསུངས་པ་དེ་ཁོང་དུ་ཆུད་པས་མཆོག་ཏུ་དགའ་བ་ཆེན་པོའི་སེམས་ཀྱིས་

85-1-32b

རྫུ་འཕྲུལ་དང་ཆོ་འཕྲུལ་རྨད་དུ་བྱུང་བ་ཆེན་པོ་སྤྲུལ་ཏེ། རྣམ་པ་དུ་མ་སྣ་ཚོགས་པའི་མཆོད་པས་པོས་མཆོད་པ་བྱས་ནས་སྔར་གྱི་དྲི་བ་དེ་དག་ཞུས་སོ། །བཅོམ་ལྡན་འདས་དེ་ཁོ་ན་ཉིད་གསུམ་གྱི་བདག་ཉིད་དང་། ཟླ་བའི་བདེ་
བ་མཆོག་དང་། ཕྱག་རྒྱ་ཆེན་པོའི་མཐའ་རྒྱས་པ་ངེས་པར་བསྟན་པའི་དོན་དུ་རང་གི་ངོ་བོ་ཉིད་དང་། ཚད་དང་། རྣམ་པ་དེ་དག་བདག་ལ་བཀའ་སྩལ་དུ་གསོལ། བཅོམ་ལྡན་འདས་ཀྱིས་བཀའ་སྩལ་པ། དྲི་བ་ཤིན་ཏུ་ཟབ་ལས་
ཟབ། །ཐམས་ཅད་མཁྱེན་པས་རྙེད་དཀའ་བ། །ཇི་ལྟར་དེ་ཉིད་མཚན་ཉིད་ནི། །ཉོན་ཅིག་ང་ཡིས་བཤད་པར་བྱ། །མཚན་ཉིད་ལས་སྐྱེས་དེ་ཉིད་ནི། །དེ་ལྟ་མིན་ན་མི་མཐུན་ནོ། །རང་རིག་པ་ནི་བདག་ཉིད་ཕྱིར། །དེ་བས་
བརྗོད་པར་མི་ནུས་སོ། །དེ་ཉིད་གསུམ་བདག་དེ་སྣང་བ། །མཚན་མའི་འདུ་ཤེས་རང་ངོ་བོ། །ཟླ་བའི་བདེ་མཆོག་སྣང་བ་མཆེད། །ཉིན་མོའི་འདུ་ཤེས་རང་ངོ་བོ། །ཕྱག་རྒྱ་ཆེན་པོ་སྣང་བ་ཐོབ། །མཚམས་ཀྱི་འདུ་ཤེས་རང་ངོ་བོ། །
མཐའ་ཡི་དེ་ནི་འོད་ཀྱི་རབ། །ཉིན་མོ་མཚན་མོ་སོགས་དང་བྲལ། །དེ་ནི་གནས་མཆོག་ཡེ་ཤེས་ཏེ། །བལྟ་བར་དཀའ་བའི་མཚན་ཉིད་དོ། །ཆར་ཡང་དང་ནི་ཐིག་ལེའི་ཚུལ། །དེ་ཉིད་གསུམ་བདག་རྗོད་པའོ། །འཁོར་ལོ་གསུམ་
ཡོད་མེ་རླུང་ཆུ། །དངོས་པོའི་འདུ་ཤེས་རང་ངོ་བོ། །ཚུལ་ཙམ་ཟླ་བ་ཡི་ནི་བདེ། །ས་ཡི་འཁོར་ལོར་བདེ་ནི་མཆོག །དེ་ནི་རྟེན་གྱི་འདུ་ཤེས་ཅན། །ལྷ་ཡི་དབང་ཕྱུག་ཤེས་པར་བྱ། །ཕྱག་རྒྱ་ཆེན་པོ་འདི་ནི་མཆོག །ནམ་མཁར་
ཡེ་ཤེས་འདུ་ཤེས་སོ། །དེ་ཡི་མཐའ་ཡི་གཞན་གྱི་མཆོག །བདེ་ཆེན་མཆོག་གི་ནམ་མཁར་རོ། །དེ་ནི་རྣམ་འབྱེད་ངོ་བོར་གྲགས། །གཉིས་སུ་མེད་པའི་ཡེ་ཤེས་རབ། །དེ་ནི་འཁོར་ལོ་དྲུག་དབུས་གནས། །རྣམ་ཤེས་དྲུག་གི་རང་ངོ་བོ། །
དངོས་པོ་རྟེན་ལ་སོགས་བྱེ་བྲག །བཞིར་ནི་དབྱེ་བར་ཡོད་པའོ། །དེ་ཉིད་གསུམ་བདག་བྱེ་བྲག་གིས། །དེ་ནི་རྣམ་པ་གསུམ་དུ་དབྱེ། །མཚན་མོ་ཉིན་མོ་མཚམས་བྲལ་ཕྱིར། །གཅིག་པུ་ཡི་ནི་བདེ་བ་ཆེ། །རང་བཞིན་བསྟན་

85-1-33a

པ་གང་ལ་ལར། །མཆོག་གི་ནམ་མཁའ་གང་ལ་ལར། །ལ་ལར་འོད་རབ་ཀྱིས་ནི་གནས། །ལ་ལར་དགའ་བར་དྲན་པའོ། །ལ་ལར་མཆོག་གི་དགའ་བ་སྟེ། །ལ་ལར་དགའ་བྲལ་དགའ་བའོ། །སྣ་ཚོགས་དུ་
མ་ལ་སོགས་དབྱེ། །ལྷན་སྐྱེས་གཅིག་པུ་རྟག་ཏུ་ཤར། །དུ་མར་སྨྲ་བས་ཅི་ཞིག་བྱ། །འདི་ཀུན་བདག་ཉིད་ལྷན་ཅིག་སྐྱེས། །ཀུན་རྫོབ་རྣམ་པའི་གཟུགས་ཀྱིས་ནི། །ཆུ་ཡི་ཟླ་བ་བཞིན་དུ་མཐོང་། །དོན་དམ་པ་ཡི་རང་
བཞིན་ནི། །ཡང་དག་རྟོག་པའི་གནས་མེད་དོ། །ཐབས་ལ་སོགས་པའི་རིམ་པ་ཡིས། །བླ་མའི་ཞལ་ནས་རྙེད་པར་འགྱུར། །བླ་མ་མཐོ་རིས་ཐར་པའི་བླ། །བླ་མ་ཡེ་ཤེས་བླ་མ་བདེ། །བླ་མ་སྟོན་པ་བླ་མ་མགོན། །
བླ་མ་རྡོ་རྗེ་འཛིན་པ་ཉིད། །བླ་མའི་ཞལ་སྔའི་བཀའ་དྲིན་ལས། །མཆོག་གི་གནས་ནི་རྙེད་པར་འགྱུར། །ཚེ་འདི་ཡིས་ནི་ཕྱག་རྒྱ་ཆེ། །དངོས་གྲུབ་རྙེད་པར་ཐེ་ཚོམ་མེད། །ས་བཅུ་ཡི་ནི་དབང་ཕྱུག་བདག །དེ་ཡི་བཀའ་དྲིན་གྱིས་
ནི་སླ། །དེ་བས་བླ་མ་ལས་ལྷག་གཞན། །སྟོན་པ་ཆེན་པོ་ག་ལ་ཡོད། །གང་ཞིག་བླ་མས་བསྟན་བཅོས་ནི། །མཛད་དམ་བཤད་པ་གང་ཡིན་ཡང་། །དེ་ནི་བསྟན་བཅོས་དེ་ཚད་མ། །དེ་ནི་དེ་ཉིད་འཁྲུལ་པ་མེད། །སློབ་དཔོན་གསུང་དང་
བདག་གིས་སྨྲས། །དེ་ལ་བྱེ་བྲག་མི་དབྱེའོ། །རྣལ་འབྱོར་རྣལ་འབྱོར་མ་རྒྱུད་ཤེས། །བླ་མས་མཛད་པའི་བསྟན་བཅོས་གང་། །དེ་ལ་སྒྲ་དང་སྒྲ་ངན་དུ། །ལྷ་ཡི་དབང་ཕྱུག་བརྟག་མི་བྱ། །བསྙན་དངགས་ཟློས་གར་བསྟན་བཅོས་ལས། །
སྒྲ་དང་སྒྲ་ངན་བརྟག་བྱ་ཡི། །སྔགས་ཀྱི་བསྟན་བཅོས་གཏན་ལ་ཕབ། །ཅི་ཡི་ཕྱིར་ན་བརྟག་པར་བྱ། །བརྟག་པར་བྱེད་པས་གཏི་མུག་བྱེད། །རྩ་བའི་དོན་ནི་ཟད་པར་འོང་། །དེ་ཕྱིར་སྒྲ་དང་རྟོག་གེ་ཤེས། །དེ་ལ་དེ་ཉིད་བཤད་མི་བྱ། །དེ་ཀུན་ལ་
ནི་དབང་མི་བསྐུར། །ཕྱི་ཡི་དོན་ལ་མོས་པའི་ཕྱིར། །ཐབས་དང་ཐབས་ལས་བྱུང་མཚན་ཉིད། །འབྲས་བུ་སྦྱིན་པ་གང་ཞིག་ཕྱིར། །དེ་ནི་ཐམས་ཅད་དངོས་རིག་པ། །མཆོག་གི་དོན་ནི་སྟེར་ཕྱིར་རོ། །དེ་ལྟར་ཡང་དེ་ཁོ་ན་ཉིད་

85-1-33b

གསུམ་གྱི་བདག་ཉིད་དང་། ཟླ་བ་དང་བདེ་བ་མཆོག་དང་། ཕྱག་རྒྱ་ཆེན་པོའི་མཐའ་རྙེད་པའི་དོན་དུ། རྣམ་པ་དང་། ཚད་དང་། རང་གི་ངོ་བོ་ངས་སྨྲས་སོ། །ཡང་འདིར་དེ་ཁོ་ན་ཉིད་ཀྱི་བདག་ཉིད་ནི་ཀུན་གཞིའི་རྣམ་པར་ཤེས་པ་སྟེ་རྣམ་པའོ། །
ཟླ་བ་བདེ་བ་མཆོག་ནི་ཚོགས་ཀྱི་རྣམ་པར་ཤེས་པ་སྟེ་མཐའི་ཚད་དོ། །ཕྱག་རྒྱ་ཆེན་པོ་ནི་ཡིད་ཀྱི་རྣམ་པར་ཤེས་པ་སྣང་བ་སྟེ། དེ་ནི་རང་གི་ངོ་བོའི་དེའི་མཐའ་ལ་རྣམ་པ་མེད་པའི་རྣམ་པར་ཤེས་པ་ནམ་མཁའོ། །ཡང་ན་སྤྲུལ་པ་དང་། ཆོས་དང་། 
ལོངས་སྤྱོད་དང་། བདེ་བ་ཆེན་པོའི་རྣམ་པའི་དོན་ཁོང་དུ་ཆུད་པར་བྱའོ། །ཡང་ན་རྩ་བཞིའི་དོན་དུ་རྣམ་པ་ལ་སོགས་པར་ཤེས་པར་བྱའོ། །དཔལ་ཡེ་ཤེས་ཐིག་ལེ་ལས་དེ་ཁོ་ན་ཉིད་གསུམ་ལ་སོགས་པའི་རྒྱས་པ་ངེས་པར་བསྟན་པའི་རང་
བཞིན་གྱི་དོན་ཞེས་བྱ་བའི་ལེའུ་སྟེ་བཅུ་དྲུག་པའོ།། །། དེ་ནས་ལྷ་མོ་རབ་དགྱེས་ནས། །རང་བཞིན་དོན་ནི་གསལ་བའི་ཕྱིར། །དམ་པོ་རུ་ནི་འཁྱུད་བྱས་ནས། །པད་མ་དམར་པོར་རབ་ཏུ་བསྐོར། །དུར་ཁྲོད་ལ་སོགས་པ་ཡི་དོན། །
རྡོ་རྗེ་རྒྱལ་པོ་ལ་ནི་ཞུས། །བསྲུབ་དང་བསྲུབ་པའི་སྦྱོར་བ་ལས། །དཔལ་བདག་དགྱེས་ནས་བཀའ་སྩལ་ཏོ། །དུར་ཁྲོད་ལ་སོགས་པ་ཡི་དོན། །སྐལ་ལྡན་ལྷ་མོ་ཁྱོད་ཉོན་ཅིག །མི་བཟད་འདི་རུ་རྣམ་ཁྱབ་པ། །ལྷ་མོ་ཁ་ལ་
རབ་ཏུ་གྲགས། །གཡས་པའི་སྣ་ཡི་བུ་ག་ནི། །མི་སྡུག་པ་ནི་ཤིན་ཏུ་ཚིག །ལྕེ་སྤྱང་ཚོགས་ནི་ཕྱེད་ཚིག་པ། །སྣ་བུག་གཡོན་པ་རུ་ནི་དྲན། །རྣ་བ་གཡས་པ་འཇིགས་སུ་རུང་། །སྭ་སྭ་དང་ནི་ཙེག་ཙེག་གོ། །ཤ་ཟའི་ཁ་
ནི་རྣ་བ་གཡོན། །དུམ་བུ་མགོ་བོ་ལ་སོགས་རྒྱན། །ལྷ་མོ་གཡས་པ་ཡི་ནི་མིག །ཧ་ཧར་བརྒོད་པར་རབ་ཏུ་གྲགས། །རྣམ་པ་དང་བཅས་ཡི་དགས་ལྡན། །འཇིགས་པ་ཤིན་ཏུ་འཇིགས་པར་བྱེད། །གཡོན་པ་ཕོ་ཉ་ནག་
པོ་མེ། །མེ་ལྕེ་འབར་བའི་ཕྲེང་བས་ཁྱབ། །རྡོ་རྗེའི་ཁ་རུ་འཇིགས་པར་བྱེད། །རུས་པ་དཀར་པོས་རབ་ཁྱབ་པ། །ཁུ་བ་གཞན་མིན་རུས་དཀར་འདི། །ངེས་པར་ལྷ་མོ་ཤེས་པར་བྱ། །དེ་ནི་ཤིན་ཏུ་ཚ་བ་སྐྱེ། །

85-1-34a

དེ་ཚེ་འབར་ཕྲེང་ཁྱེད་པར་ཆེ། །བྱང་ཆུབ་སེམས་ནི་བདེ་བ་ཆེ། །མི་བརྟན་མ་ཡིན་པ་རུ་བཞུགས། །དེ་ཚེ་རྣམ་བཅས་ཡི་དགས་ཀྱིས། །ལྡན་པར་རབ་ཏུ་གྲགས་པའོ། །གསུམ་དབྱེ་བཞིར་དབྱེ་དྲུག་དབྱེ་འམ། །
མཆོག་གི་བདུད་རྩི་གང་དུ་གཤེགས། །དེ་ནི་དུམ་མགོ་ལ་སོགས་བསྟན། །གང་ཚེ་ཐིམ་ལ་ལོངས་སྤྱོད་འགྲོ། །དེས་ཚེ་སྭ་སྭ་ཙེག་ཙེག་གོ། །གང་གི་ཚེ་ནི་དབང་མ་འགྲུབ། །དེ་ཕྱེད་ཚིག་ལྡན་དྲན་པའོ། །སྲོག་གི་རླུང་ནི་ནུབ་པའི་
ཕྱིར། །ཤིན་ཏུ་ཚིག་པར་བརྟག་པའོ། །ཁུ་བ་ཉེ་བའི་ཤར་མ་ཐག །བཀྲམ་པར་བདག་གིས་བཤད་པའོ། །ལྷ་མོ་ཤིན་ཏུ་གསང་བ་ཆེ། །དུར་ཁྲོད་བརྒྱད་ནི་རབ་མཆོག་གོ། །དེ་ནི་ཤིང་བརྒྱད་དང་ལྡན་པ། །ནང་གི་བདག་སྦྱོར་
མཚན་ཉིད་དོ། །དཔལ་གྱི་མེ་ཏོག་མིག་རྩི་དང་། །ནཱ་ག་གེ་སར་ཝརྟ་དང་། །པ་ལ་ཤིང་དང་ཤ་ར་ཤིང་། །ཁར་བ་དང་ནི་ཤ་མི་ཡོ། །ཡལ་ག་དུ་མ་ལ་སོགས་དང་ལྡན་བརྒྱད། །འབྲས་བུས་དུད་པའི་གཟུགས་ཀྱིས་ཤིན་ཏུ་
བརྒྱན། །འདོད་མ་རྒྱས་མ་གླུ་སྟོབས་མ་དང་ས། །མཚོ་སྐྱེས་སྙིང་པོ་འཛིན་མ་བྱ་གདོང་མ། །མགྱོགས་དང་བྲལ་མོ་ཞི་གཉིས་ཀུན་དུ་བརྟགས། །ཤིང་མཆོག་ཆེན་པོ་རྩ་བརྒྱད་ཀྱི་ནི་གཟུགས། །ཡང་ནི་དུར་ཁྲོད་ཆེན་
པོ་ནི་སྤྲུལ་པའི་འཁོར་ལོའི་ཆུ་སྐྱེས་ཆོས་ཀྱི་འབྱུང་གནས་ཀྱི་ནང་གསང་བ་ཆེན་པོ་འདུས་པའི་གནས་དང་ཉེ་བའི་གནས་ལ་སོགས་པའི་གནས་ནས་རྣལ་འབྱོར་མ་རེ་རེས་ཤིང་རེ་ཁྱེར་ནས་སོང་ངོ་། །ལྷ་མོས་གསོལ་པ། 
བཅོམ་ལྡན་འདས་འདིར་ནི་རྣལ་འབྱོར་མ་ནི་གང་ལགས། ཤིང་རྣམས་ཀྱི་མིང་ནི་ཅི་ལགས། ཇི་ལྟར་ན་སྤྲུལ་པའི་འཁོར་ལོའི་ཆུ་སྐྱེས་དེ་ཀུན་གྱི་འདུས་པ་ལགས་པ་བཀའ་སྩལ་དུ་གསོལ། བཅོམ་ལྡན་འདས་ཀྱིས་
བཀའ་སྩལ་པ། ཡན་ལག་ཆ་མ་དང་། དྲག་མིག་མ་དང་། འཇིགས་མ་དང་། ཁྲོ་གདོང་མ་དང་། ཟླུམ་མིག་མ་དང་། སྣ་ཉམས་མ་དང་། ལྕེ་བསྐྱོད་མ་དང་། སྦྲུལ་གདོང་མ་དང་། བྱ་རྒོད་གདོང་མ་དང་། གསེར་མིག་མ་དང་། མཆེ་བཙིགས་མ་དང་། སོ་

85-1-34b

རིངས་མ་དང་། ཉ་གདོང་མ་དང་། མགྲིན་རིངས་མ་དང་། རྣ་འཕྱང་མ་དང་། སྒུར་མོ་དང་། བྱིན་ཆེན་མ་དང་། སྤུ་ལྡན་མ་དང་། སེན་རིངས་མ་དང་། ཡན་ལག་གནག་མ་དང་། སྔོ་མ་དང་། ཡན་ལག་དམར་མོ་དང་། གུར་གུམ་
འོད་མཉམ་མ་དང་། རྟ་གདོང་མ་དང་། གདོང་ཆེན་མ་དང་། རལ་གཅིག་མ་དང་། རལ་རིངས་མ་དང་། བོང་རྣ་མ་དང་། གླང་ཆེན་ལྟེ་བ་མ་དང་། བུང་མིག་མ་དང་། མེ་ཏོག་དགའ་མ་དང་། སྣ་རིངས་མ་དང་། རྨ་བྱའི་མགྲིན་མ་དང་། སྦྲུལ་
ལྕེ་མ་དང་། ནེའུ་ལེའི་གདོང་མ་དང་། ནུ་འཕྱངས་མ་དང་གསུས་འཕྱངས་མ་དང་། སྨད་ཆེ་མ་དང་། གདོང་སྐམ་མ་དང་། རླུང་འགྱོགས་མ་དང་། དལ་འགྲོ་མ་དང་། སྤྱན་རིངས་མ་དང་། དགོད་གདོང་མ་དང་། ངུ་མ་དང་། འཐབ་དགའ་
མ་དང་། གར་མ་དང་། དགའ་འགྲོ་མ་དང་། ཆོག་མེད་མ་དང་། མང་ཟ་མ་དང་། ཆང་དགའ་མ་དང་། ཤ་དགའ་མ་དང་། ཕར་འགྲོ་ཚུར་འགྲོ་མ་དང་། བྲམ་ཟེ་མོ་དང་། རྒྱལ་པོའི་སྲས་མོ་དང་། ཆང་འཚོང་མ་དང་། ཐོད་པ་མ་དང་། ལྟོ་བི་
དང་། གཏུམ་མོ་དང་། ཁྲུས་མཁན་མོ་དང་། ཚོས་མ་དང་། ཤ་བ་རཱི་དང་། ལེགས་མ་དང་། ཁྲག་དགའ་མ་དང་། སྐྱབས་སྦྱིན་མའོ། །དེ་ཀུན་ལྷ་མོ་རྣལ་འབྱོར་མ། །ཤིན་ཏུ་དྲག་ལ་ཡང་དག་འཇིགས། །དེ་ཀུན་ལག་ན་གང་ཞིག་
ཤིང་། །ཁྱེར་ནས་འོང་བ་ཁྱོད་ཉོན་ཅིག །ཙམ་པ་ཀ་དང་། པ་ཏྲ་ལི་དང་། ཀ་འུན་ཙ་དང་། པ་ཏ་དང་། པད་མ་དང་། ཤ་ར་དང་། ཤི་མྱ་དང་། པ་ལ་ཤ་དང་། ནཱ་ག་གེ་སར་དང་། ས་ལ་དང་། ཨ་རོ་དྷ་ཀ་དང་། གྷ་ན་དང་། 
པི་ས་ལ་དང་། བུང་བའི་དྲ་བ་དང་། ཨ་ཤྭད་ཐ་དང་། ཨ་ཏ་པུ་ཏ་དང་། ཧ་ཡ་དང་། ས་ཧ་ཀ་ར་དང་། འོ་མའི་ཤིང་དང་། ཆུ་ཤིང་དང་། ན་ལི་གི་ར་དང་། ཨུ་དུམ་བཱ་ར་དང་། ཨེ་རན་ད་དང་། ཀ་པ་ཏྟ་དང་། ཨ་མྲ་དང་། ཛམ་
ར་དང་། ཁ་དི་ར་དང་། ཙན་དན་དམར་པོ་དང་། པདྡ་ཀ་དང་། ཙན་དན་དང་། ལི་ཤི་དང་། ཛཱ་ཏི་ཤིང་དང་། གོཪྴར་ཤ་དང་། བིལ་བ་དང་། སྐྱུ་རུ་ར་དང་། བ་རུ་ར་དང་། རྒུན་འབྲུམ་དང་། ཁར་ཛུ་ར་དང་། ད་ག་ར་དང་།

85-1-35a

ཀམྤི་ལ་དང་། བེནྟི་ད་ཀར་དང་། གོ་ཡུའི་ཤིང་དང་། འདོད་པའི་མདའ་གཞུ་དང་། ཕྲ་མོའི་ལོ་མ་དང་། གུ་གུལ་དང་། སརྫ་ས་དང་། བ་ལྷ་ཀ་དང་། མ་ད་ནའི་ཤིང་དང་། ཀརྨྨ་རི་དང་། པུཎྜ་རཱི་ཀ་དང་། འབྲས་བུ་ཆེ་བ་དང་། 
ཚེར་འབྲས་དང་། ཀླུའི་མགོ་ཤིང་དང་། སུ་དར་ཤ་ན་དང་། ཏ་ལའི་ཤིང་དང་། ཆོས་ཀྱི་རྒྱལ་མཚན་དང་། གཤིན་རྗེའི་གདུགས་དང་། ཨ་ཤོ་ཀ་དང་། ཨར་ཀ་དང་། ཀ་ར་བི་ར་དང་། རུ་རག་ཤ་དང་། ཨརྫུ་ན་དང་། རྡོ་རྗེའི་མིག་སྟེ། ཤིང་དེ་དག་ཀུན་ནི་ཆུ་ཞེང་གབ་པ། 
མེ་ཏོག་དང་འབྲས་བུ་དང་ལྡན་པ་སྟེ། འདུས་པ་ཆེན་པོའི་གནས་སུ་རྣལ་འབྱོར་མ་རྣམས་ཀྱིས་ཁྱེར་ཏེ་འོངས་ནས། དམ་ཚིག་གི་སྤྱོད་པ་ཆེན་པོ་བྱེད་དོ། །འདུས་པ་ཆེན་པོའི་གནས་བརྒྱད་པ། །བརྒྱད་ཀྱི་འདབ་མ་དང་ལྡན་ནོ། །འདབ་མ་རེ་རེ་ལ་རྣལ་འབྱོར་མ་
དེ་དག་དང་གཉིས་པ་ནི་ཤིང་སྟེ། དེ་གཉིས་གཅིག་ལ་གཅིག་མཉམ་པར་གནས་སོ། །དེ་ལྟར་ཤིང་གི་རྣམ་པ་ཉིད་ཀྱི་རྩ་ལ་བཞུགས་པའི་ཕྱིར་རོ། །རྣལ་འབྱོར་མ་དང་ཤིང་གི་སྒྲས་རྩ་དྲུག་བཅུ་རྩ་བཞི་ཁོང་དུ་ཆུད་པའོ། །འདི་ལ་རྩའི་འཁོར་ལོའི་ལྟེ་བར་
སྲོག་གི་རྩ་བའི་ནང་དང་ལྷན་ཅིག་རྩ་གསུམ་དང་ལྡན་པའི་འདབ་མ་གསུམ་གྱི་པད་མའི་གཡས་ངོས་སུ་པིང་ག་ལའོ། །གཡོན་ངོས་སུ་ཨི་དའོ། །དབུས་སུ་བདེ་ལེགས་ཡིད་འོང་མ་དང་། འཇུག་པ་དང་། གནས་པ་དང་། འགྲོ་བ་འགྲུབ་པར་བྱེད་དོ། །དེ་དག་གི་
དངོས་པོ་དང་། རྟེན་དང་། ཡེ་ཤེས་དང་། རྣམ་པར་འབྱེད་པ་ལས་ཞལ་བཟང་མོ་དེ་རུ་ཤེས་པར་བྱ། ཤར་བ་དང་ནུབ་པའི་དུས་སུ་རྩའི་འཁོར་ལོའི་འབྱུང་བ་ཐམས་ཅད་འབད་པས་བཙལ་བར་བྱའོ། །གང་གི་ཕྱིར་རྩའི་འབྱུང་བ་མེད་པར་གྱུར་ན། བྱང་ཆུབ་
ཀྱི་སེམས་ཀྱི་བདུད་རྩི་བདེ་བའི་ཡེ་ཤེས་འདི་འཇུག་པ་དང་། གནས་པ་དང་། འགྲོ་བའི་སྐྱེ་བ་ཤེས་པ་མ་ཡིན་ནོ། །མ་ཤེས་ན་ཇི་ལྟར་ཕྱག་རྒྱ་ཆེན་པོའི་གྲུབ་པ་རྙེད་པར་འགྱུར་ཏེ། དེ་བས་ན་ཕྱག་རྒྱ་ཆེན་པོའི་གྲུབ་པའི་
དོན་འདོད་པའི་རྣལ་འབྱོར་གྱི་དབང་ཕྱུག་གིས་བསམ་གཏན་ལ་མི་གཡེང་བས་བརྩོན་པར་བྱའོ། །ལྷ་མོས་གསོལ་པ། བཅོམ་ལྡན་རྣལ་འབྱོར་དབང་ཕྱུག་གིས། །བསམ་གཏན་འདིར་ནི་ཇི་ལྟ་བུ། །བཅོམ་ལྡན་འདས་

85-1-35b

ཀྱིས་བཀའ་སྩལ་པ། །རྣལ་འབྱོར་དབང་ཕྱུག་བསམ་གཏན་ནི། །ཉོན་ཅིག་ལྷ་མོ་ངས་རབ་བཤད། །ཀུན་རྫོབ་ཡེ་ཤེས་རྟེན་པ་ལས། །གཉིས་སུ་མེད་པའི་གནས་རབ་རྙེད། །ཉེར་འགྲོ་བསམ་གཏན་མཆོག་གིས་ནི། །གྲུབ་པ་ཆེན་
པོ་རྙེད་པར་འགྱུར། །སྐྱོན་ནི་ཐམས་ཅད་བྲལ་བའི། །ཡིད་དང་འཐུན་པའི་རང་གནས་སུ། །ལུས་ནི་མ་བསྒྲིམས་པ་ཡིས་ནི། །སྤྲོས་པ་མེད་པར་སྟན་བདེར་བསྡད། །ལྟེ་བའི་དབུས་ན་ཡོད་པའི་ཚུལ། །ཧཱུྃ་གི་ཡིག་འབྲུ་གྲགས་ཆེན་
གྲགས། །རྣམ་པར་རྟོག་པ་དང་བྲལ་བ། །བསྐལ་པའི་མེ་ཡི་འོད་དང་མཉམ། །ལངས་ནས་ཆོས་ཀྱི་འཁོར་ལོ་ཡི། །མཁའ་འགྲོ་བསྲེགས་ནས་སྨིན་མཚམས་ཀྱི། །དབུས་ན་གང་ཞིག་འཁོར་ལོ་ཡོད། །རང་གི་ངོ་བོ་སྲོག་གི་རླུང་། །སྙིང་གར་
འོངས་ནས་དེ་གནས་སུ། །རྟག་ཏུ་དེ་ནི་བཞུགས་པའོ། །དེ་ནི་ཨོཾ་ཡིག་ངོ་བོར་གྲགས། །སྐུ་ཡི་རྒྱལ་པོ་རྣམ་པར་ཤེས། །སྲོག་དང་རྔུབ་པ་འགོག་པ་ཡིས། །སྲོག་དང་རྔུབ་པའི་བཟའ་བ་གསོལ། །སྲོག་དང་རྔུབ་པ་གཉིས་ཟོས་ནས། །དེས་
ནི་རྫོགས་པར་འགྱུར་བ་ཡིན། །དེ་ནས་དེ་ལ་རྟགས་ནི་ཀུན། །མཚན་མ་འདི་ལྟ་བུ་དག་འབྱུང་། །འདར་དང་རྡུལ་དང་བ་སྤུ་ལངས། །དབྱངས་ཀྱི་བྱེ་བྲག་དེ་ནས་མདངས། །ཁ་དོག་འགྱུར་དང་མཆི་མ་དང་། །ལྷ་མོ་དེ་ལས་དེ་ཉིད་སྐྱེའོ། །དེ་ནས་
རྣལ་འབྱོར་དབང་ཤེས་ནས། །རྣམ་པར་ཤེས་པའི་ཡི་གེ་མཆོག །ནང་དུ་ལྟ་བ་བྱས་པས་ན། །སྟེང་མཚམས་རྩེ་མོ་ཟབ་པ་རུ། །མཆོག་གི་ནམ་མཁའ་བདེ་ཆེན་དུ། །ཡི་གེ་མཆོག་ནི་ཤེས་བྱས་ནས། །ཚངས་པའི་
པད་མར་བྱོན་ཏེ་རྒྱས། །ཆགས་པ་དང་བྲལ་གནས་སུ་འགྲོ། །དཔལ་ལྡན་རྡོ་རྗེ་འཛིན་པ་ཡིས། །ལྷ་མོ་གནས་དེར་ཤེས་པར་བྱ། །འདི་ལྟ་བུའི་འདུས་པ་ཡིས། །ས་ཡི་དུར་ཁྲོད་ཆེན་པོ་ནི། །
ཆོས་ཀྱི་འབྱུང་གནས་ཀྱི་ནི་གཞིར། །གྲངས་མེད་པ་ཡི་རྣལ་འབྱོར་པ། །ཕྱག་རྒྱ་ཆེན་པོའི་དངོས་གྲུབ་ཐོབ། །ཉེ་བར་འགྲོ་བའི་བསམ་གཏན་ལས། །ངེས་པར་འགྲུབ་པའི་དབང་པོ་མཆོག །སྤྲོས་མེད་

85-1-36a

འོད་ཀྱི་གནས་རྙེད་དོ། །དཔལ་ཡེ་ཤེས་ཐིག་ལེ་ལས་དུར་ཁྲོད་ཀྱི་ངེས་པར་བསྟན་པའི་དོན་དང་། ནང་གི་བསམ་གཏན་གྱི་ཉེ་བར་འགྲོ་བ་བསྟན་པའི་ལེའུ་སྟེ་བཅུ་བདུན་པའོ།། །། བཅོམ་ལྡན་འདས་མ་ཕྱག་རྒྱ་ཆེན་པོ་པད་མའི་
མཆོག་བསྐྱེད་ཅིང་ཤིན་ཏུ་དགའ་བས་ཡང་ཞུས་པ། ཀྱཻ་བཅོམ་ལྡན་འདས་དཔལ་ཡེ་ཤེས་ཐིག་ལེའི་རྒྱུད་འདིའི་ཚད་ནི་ཅི་ལགས། གནས་ནི་གང་ལགས། མཆོག་གི་དབང་ཕྱུག་བདག་ལ་བཀའ་སྩོལ་ཅིག །བཅོམ་ལྡན་འདས་ཀྱིས་
བཀའ་སྩལ་པ། །གང་ཞིག་དྲི་བ་མཆོག་བྱས་པ། །སྤྱན་བཟང་མ་ནི་ཁྱོད་ཉོན་ཅིག །དཔལ་ལྡན་ཡེ་ཤེས་ཐིག་ལེ་ཡིན། །དེ་ཡི་ཚད་ནི་དོན་དམ་པར། །སུས་ཀྱང་སྨྲ་བར་ནུས་མ་ཡིན། །ཞལ་བཟང་དེ་ནི་བདེན་མ་ཡིན། །འོན་ཀྱང་ཅུང་ཟད་
སྐལ་ལྡན་མོ། །གསང་བའི་ཡེ་ཤེས་རབ་མཆོག་ནི། །གང་ཞིག་རྒྱལ་བས་ཡང་མི་ཤེས། །ཁྱོད་ཀྱི་ངོར་བྱས་བདག་གིས་བཤད། །སྲོག་གི་དབྱུག་པའི་གང་ཞིག་སྟེ། །སོར་བཅུ་གཉིས་ནི་མདུད་པ་མེད། །འོག་གི་ཆ་ནི་བཅུ་གཉིས་
ཕྱེད། །དེ་བཞིན་སྤྲུལ་པའི་པད་མར་ནི། །དྲུག་ཕྱེད་པད་མ་མིག་དང་འདྲ། །རྩ་བ་དང་བཅས་ལྟེ་ནང་དུ། །རྩ་བ་རྩ་བའི་ནང་འོངས་ནས། །འདབ་མའི་སྐེ་རུ་བཅར་ཏེ་གནས། །དབྱུག་པའི་རྣམ་པའི་ངོ་བོར་གྲགས། །བུ་ག་ཕྲ་མོས་ནང་ན་
ལྡན། །དེ་ནི་སྲོག་པ་རྩ་ཉིད་ཡིན། །ཁམས་གསུམ་གྱི་ནི་རྟེན་ཡིན་ནོ། །རྒྱུ་དང་འབྲས་བུ་གཉིས་མེད་ཀྱིས། །རྩ་དང་འབྲས་བུ་རྒྱ་ཡིས་བཏབ། །དྲུག་ཕྱེད་རྩ་བ་དང་ལྡན་ནི། །རྩ་བའི་སྐུད་པ་བྱད་གཟུགས་གསལ། །བཅུ་དྲུག་
ཕྱེད་ཕྱེད་བྱེ་བྲག་ཏུ། །རྩ་བའི་སྐུད་པ་གཅིག་པུའོ། །རྩ་བ་གསུམ་དབྱེ་སྐལ་ལྡན་མོ། །འབྲས་བུ་ཡང་ནི་དེ་བཞིན་ནོ། །རྩ་བ་འབྲས་བུ་གཉིས་ཀྱི་གནས། །བཅུ་གཉིས་ཕྱེད་ཀྱི་གཅིག་པའོ། །དེ་ནི་ཤིན་ཏུ་ཕྲ་མོ་འཇམ། །
རིན་ཆེན་ཁ་ནང་མན་ཆོད་དོ། །དེ་ཙམ་ཡེ་ཤེས་ཐིག་སྐུད་ཡོད། །རྣམ་ཤེས་དྲུག་པོའི་རྟེན་མཆོག་གོ། །ཆར་ཡང་དང་ནི་ཐིག་ལེ་ཚུལ། །ཚུལ་ཙམ་མཆོག་དང་གཞན་མཆོག་གོ། །ཤྲཱི་ནི་གཞན་མིན་འདི་རུ་ཆར། །ཐིག་ལེ་

85-1-36b

ཛྙཱ་ཞེས་སུ་ནི་དྲན། །ཚུལ་ནི་ན་ཡི་ཡིག་འབྲུ་ཡིན། །ཏི་ཡི་ཡི་གེ་ཚུལ་ཙམ་མོ། །མཆོག་ནི་ལ་ཡི་ཡིག་འབྲུར་བསྟན། །གཞན་མཆོག་ཀ་རུ་དྲན་པའོ། །གུག་མའི་རྣམ་པའི་ཁ་རུ་ནི། །ཡུངས་ཀར་ཆེ་བའི་སྦོམ་པོ་ཙམ། །
གཉིས་སུ་མེད་པའི་ཡེ་ཤེས་དཔལ། །ཆར་ཡང་དུ་གྲགས་མཆོག་དབང་ཕྱུག །དེ་ཡི་སྙིང་ཀའི་དབུས་སུ་ནི། །ཡེ་ཤེས་ཐིག་ལེ་གྲུབ་པ་བཞུགས། །ཚུལ་ནི་མདུད་པའི་མགྲིན་པར་གནས། །ན་ཡི་ཡི་གེ་མཚན་ཞེས་མཆོག །
གཡོན་གློ་ཡི་ནི་འདབ་མའི་ནང་། །ཏི་ནི་ཐིག་ལེའི་ཚུལ་ཙམ་གནས། །གཡས་སུ་ལ་ཡི་ཡིག་འབྲུར་གྲགས། །ལྷ་མོ་མཆོག་ནི་རྟག་ཏུ་བཞུགས། །སྟེང་དུ་གཞན་མིན་ཀུན་གྱི་མཆོག །ཁ་ཡི་གནས་སུ་རྩེ་མོའི་ཆ། །དེ་ཚད་
ཡུངས་ཀར་རུས་པ་ཙམ། །ག་ཡི་རྣམ་པའི་ཡི་གེ་མཆོག །བདེ་བ་ཆེན་པོའི་རང་ངོར་གྲགས། །རང་གི་ངོ་བོའི་མཚན་ཉིད་ཅན། །དཔལ་ལྡན་ཡེ་ཤེས་ཐིག་ལེ་འདི། །མཁའ་འགྲོ་མ་ཡི་འཁོར་ལོས་བསྒྱུར། །ནམ་མཁར་
འགྲོ་བ་ཡི་ནི་ཕྱིར། །མཁའ་འགྲོ་མ་ནི་རྩ་ཀུན་དྲན། །འཇུག་པའི་གནས་ས་ལོངས་སྤྱོད་ཡིན། །ཐིམ་པའི་འགྲོ་བའི་གནས་སུ་ཡོད། །འབྱུང་བ་དབང་གི་གནས་སུ་སྟེ། །རང་བཞིན་དེ་ནི་མཆོག་གཞན་མཆོག །གཡོན་གྱི་གློ་རུ་ཨི་
ཌའི་རྩ། །པི་ག་ལ་ནི་གཡས་སུ་གནས། །རྟོག་མེད་མ་ནི་སྟེང་དུ་གནས། །ཕྱག་རྒྱ་ཆེན་པོའི་རང་བཞིན་ནོ། །སྟེང་དང་འོག་གནས་ཡོད་པའི་རྩ། །སྲིད་དང་མྱ་ངན་འདས་དག་བྱེད། །གཡོན་གློ་རུ་ནི་ཡོད་པས་ཡང་། །དེ་བཞིན་
འདི་ནི་དྲན་པའོ། །དེ་རྣམས་ལྟེ་བའི་དབུས་སུ་ནི། །སྐྲ་རྩེ་བྱེ་བ་བརྒྱ་ཡི་ཆ། །དེ་ཡི་ཚད་ནི་དེ་བཞིན་གནས། །ཞལ་བཟང་ཡེ་ཤེས་ཐིག་ལེའོ། །རྣལ་འབྱོར་མ་ཡི་ཡེ་ཤེས་རབ། །གསང་བ་མཆོག་ནི་བདག་གིས་བཤད། །
ཐོས་པ་ཡིས་ནི་སྡིག་པ་ཟད། །དེ་ནས་དེ་ལ་དགའ་བ་སྐྱེ། །དྲན་པ་ཡིས་ནི་བསོད་ནམས་སྐྱེ། །དེ་ནས་དེ་ལ་མཆོག་དགའ་སྐྱེ། །ལྟ་བ་ཡིས་ནི་འགྲུབ་པར་འགྱུར། །དགའ་བྲལ་དགའ་བ་རབ་ཏུ་སྐྱེ། །རེག་པ་ཡིས་ནི་

85-1-37a

ལྷན་སྐྱེས་དགའ། །དེ་ནས་ཡང་དག་རབ་འོད་གནས། །འོད་རབ་གནས་ལས་ཐམས་ཅད་འདི། །གནས་ལ་སོགས་པའི་དག་ཀུན་ནོ། །ལྷ་མོས་གསོལ་པ། གནས་ལ་གྲངས་ནི་ཇི་ཙམ་དུ། །མཆོག་གི་དབང་
ཕྱུག་ཁྱོད་དབང་མཛད། །བཅོམ་ལྡན་འདས་ཀྱིས་བཀའ་སྩལ་པ། །རྟག་ཏུ་སྤྲུལ་པ་ཡི་ནི་སྐུས། །ས་ནི་བཅུ་གཅིག་པ་རུ་དྲན། །ལོངས་སྤྱོད་རྫོགས་སྐུ་བཅུ་གཉིས་པ། །ཆོས་ཀྱི་སྐུས་ནི་བཅུ་གསུམ་མོ། །བདེ་བ་ཆེན་པོས་བཅུ་
བཞི་པ། །གང་ཞིག་བཅྭ་ལྔ་ཡྀ་ནི་ས། །དེ་ནི་ཡེ་ཤེས་ས་ཞེས་བྱ། །བཅུ་དྲུག་པ་ནི་བཏགས་པ་མིན། །ཁྱོད་དང་ལྷན་ཅིག་ཞལ་བཟང་མོ། །དེ་ཀུན་ས་ཡི་དབང་ཕྱུག་བདག །གནས་ལ་སོགས་པ་དགའ་བའི་གནས། །ས་ཡི་སྒྲ་
ཡིས་བརྗོད་པ་ཡིན། །ས་དང་པོ་མོས་པས་སྤྱོད་པ། གཉིས་པ་རབ་ཏུ་དགའ་བ། གསུམ་པ་དྲི་མ་མེད་པ། བཞི་པ་འོད་བྱེད་པ། ལྔ་པ་འོད་འཕྲོ་བ། དྲུག་པ་སྦྱང་དཀའ་བ། བདུན་པ་མངོན་དུ་གྱུར་པ། བརྒྱད་པ་རིང་དུ་སོང་བ། དགུ་པ་
མི་གཡོ་བ། བཅུ་པ་ལེགས་པའི་བློ་གྲོས། དེ་རྣམས་ནི་བྱང་ཆུབ་སེམས་དཔའི་སའོ། །ཆོས་ཀྱི་སྤྲིན་ནི་སངས་རྒྱས་ཀྱི་ས། ཀུན་ཏུ་འོད་ནི་ཡང་དག་པར་རྫོགས་པའི་སངས་རྒྱས་ཀྱི་ས། ཀུན་དུ་སྣང་བ་མཆེད་པའི་འོད་ནི་དཔལ་རྡོ་རྗེ་
སེམས་དཔའ་བཅོམ་ལྡན་འདས་ཀྱི་སྤྲུལ་པའི་སྐུའི་ས། ཀུན་དུ་སྣང་བ་ཐོབ་པའི་འོད་ནི་ལོངས་སྤྱོད་རྫོགས་པའི་སྐུའི་ས། །བརྗོད་དུ་མེད་པ་ཚད་མེད་པ་ནི་བདེ་བ་ཆེན་པོའི་ས་སྟེ། དེ་ཀུན་དགའ་བའི་བྱེ་བྲག་ལ། །སར་ནི་ཀུན་ཏུ་བཏགས་པའོ། །
ལྷ་མོས་གསོལ་པ། རྡོ་རྗེ་སེམས་དཔའ་མངའ་བདག་ཆེ། །སྐུ་ནི་འདི་རུ་ཅི་རུ་གྲགས། །བཅོམ་ལྡན་འདས་ཀྱིས་བཀའ་སྩལ་པ། །སྐུ་ནི་དེ་བཞིན་གཤེགས་སྐྱབས་སྦྱིན། །སེམས་ནི་རྡོ་རྗེ་འཛིན་པར་དྲན། །ཕུང་པོ་ལྔ་ལས་གྲུབ་པའི་
སྐུ། །རིགས་ལྔ་ཡི་ནི་བདག་ཉིད་མཆོག །རིགས་ནི་དྲུག་པ་ཐུགས་རྡོ་རྗེ། །གྲངས་མེད་རིགས་ཀྱི་གཙོ་བོའོ། །འཁོར་ལོ་རིན་ཆེན་དེ་བཞིན་པད། །རལ་གྲི་རྡོ་རྗེ་ལྔ་པའོ། །གཟུགས་དང་ཚོར་བ་འདུ་ཤེས་

85-1-37b

དང་། །འདུ་བྱེད་རྣམ་ཤེས་དེ་བཞིན་ནོ། །གཟུགས་ནི་རྣམ་པར་སྣང་མཛད་གྲགས། །གཏི་མུག་རྡོ་རྗེའི་ངོ་བོ་ཉིད། །ཚོར་བ་རིན་ཆེན་རྒྱལ་པོ་ནི། །ང་རྒྱལ་རྡོ་རྗེའི་ངོ་བོ་ཉིད། །འདུ་ཤེས་དེ་ནི་སྣང་མཐའ་ཡས། །ཆགས་པ་
རྡོ་རྗེར་རབ་ཏུ་གྲགས། །འདུ་བྱེད་དོན་ཡོད་གྲུབ་པ་སྟེ། །ཕྲག་དོག་རྡོ་རྗེ་རུ་ནི་གྲགས། །རྣམ་པར་ཤེས་འདིར་མི་བསྐྱོད་པ། །ཞེ་སྡང་རྡོ་རྗེ་རབ་ཏུ་བསྒོམ། །ནམ་མཁའ་རྡོ་རྗེ་སེམས་དཔར་གྲགས། །རྣམ་པ་དང་བྲལ་གྲུབ་
མངའ་བདག །གཏི་མུག་མེ་ལོང་ཡི་ཤེས་ལྟེ། །ང་རྒྱལ་མཉམ་པ་ཉིད་དུ་དྲན། །སོ་སོར་རྟོག་པ་འདོད་ཆགས་ཡིན། །བྱ་བ་གྲུབ་པ་ཕྲག་དོག་ཆེ། །ཞེ་སྡང་ཆོས་དབྱིངས་རྣམ་པར་དག །བདེ་ཆེན་གཅིག་པུ་ལས་ནི་འདིར། །
བྱེ་བྲག་ལྔ་རུ་གྱུར་པར་གྲགས། །བདེ་བ་དཀར་པོ་བསྲུབས་པ་ལས། །ཞལ་བཟངས་མོ་ནི་སྲ་བ་གང་། །དེ་ནི་རྣམ་པར་སྣང་མཛད་ཅེས། །གཏི་མུག་ཆོས་ཀྱི་མཚན་ཉིད་ཅན། །བདེ་བ་ནག་པོ་ཞུ་བའི་གཟུགས། །དེ་ནི་མི་སྐྱོད་
པ་རུ་དྲན། །བདེ་བ་དམར་པོའི་འོད་ཀྱི་ཕྱིར། །འོད་དཔག་མེད་པ་དེ་བཞིན་གཤེགས། །རླུང་གིས་ཁྱབ་ཕྱིར་བདེ་བ་སྔོན། །དོན་ཡོད་གྲུབ་པ་དེ་རབ་བསྟན། །ང་རྒྱལ་ལས་ནི་འདིར་བདེ་སེར། །དེ་ནི་རིན་ཆེན་འབྱུང་ལྡན་ཡིན། །
ནམ་མཁའ་དང་བྲལ་གྲུབ་མགོན་པོ། །རྡོར་སེམས་རྒྱལ་བ་ཀུན་མངའ་བདག །སྤྱན་རིངས་བཟང་མོ་དེ་ཕྱིར་སྐུ། །ལྷ་ཡི་རྣམ་པ་རབ་ཏུ་མཆོག །འབད་པ་ཡིས་ནི་དེ་མཆོད་བྱ། །ནམ་ཡང་སྨད་པར་མི་བྱའོ། །ཤ་དང་ཁྲག་
དང་བཤང་བ་དང་གཅི་བ་དང་། མིག་རྡུ་དང་སྣབས་དང་། སེན་མོ་དང་སོ་དང་སྐྲ་དང་སྤུ་དང་རུས་པ་དང་རྒྱུས་པ་དང་མཁལ་མ་དང་སྙིང་དང་མཁྲིས་པ་དང་གློ་བ་དང་རྒྱུ་མ་དང་དྲི་མ་དང་། ཆིལ་དང་རྣག་དང་ཨང་ཁྲི་ནི་དང་
གཉེ་མ་དང་ལྟོ་བ་དང་ཁ་ལྦུ་དང་། བད་ཀན་དང་རྔུལ་དང་མཆི་མ་དང་། ཀླད་པ་དང་། རྐང་མར་དང་ཁུ་བ་དང་། ཁྲག་དང་ཤ་མ་འདི་ཡང་ལྷའི་གཟུགས་ཀྱིས་གནས་པ་སྟེ། གཞན་མ་ཡིན་ནོ། །དེ་བས་ན་ཤིང་དང་།

85-1-38a

རྡོ་བ་དང་། ས་ལས་གྲུབ་པ་དང་། དངུལ་དང་ཟངས་དང་འཁར་བ་ལས་གྲུབ་པའི་ལྷ་དང་མཆོད་རྟེན་དང་བྲིས་སྐུ་དང་པོ་ཏི་ལ་སོགས་པ་རྣམས་ལ་ཕྱག་མི་བྱའོ། །གང་གི་ཕྱིར་ཡེ་ཤེས་ཀྱི་སྐུ་སྤངས་ནས་ཕྱིའི་དོན་གྱིས་
ཅིའི་ཕྱིར་གནས། །ཕྱིའི་ཐམས་ཅད་སྐད་ཅིག་མ། །དགའ་མོ་སེམས་ཀྱི་རྫུ་འཕྲུལ་ཡིན། །དེ་ལྟར་སེམས་ལས་གཞན་པ་ཡིན། །སེམས་ཉིད་ནམ་མཁའ་ལྟ་བུའོ། །གཟུགས་སོགས་ཁ་དོག་གནས་པའི་ཕྱིར། །ཐ་མལ་པའི་
ལུས་སུ་སྣང་། །རྣམ་པར་དག་པས་ལྷ་ཉིད་དུ། །བླ་མའི་ཞལ་སྔའི་བཀའ་དྲིན་ནོ། །ལྷ་མོས་གསོལ་པ། མགོན་པོ་བླ་མ་ཇི་ལྟ་བུ། །སློབ་མ་ཡང་ནི་ཅི་འདྲ་བ། །རྒྱུད་ཀྱི་རིམ་པ་ཇི་ལྟར་ལགས། །རེ་ཤིག་རྒྱུད་ནི་ཇི་ལྟར་
གསུངས། །དཔལ་ཡེ་ཤེས་ཐིག་ལེ་ལས། དཔལ་ཡེ་ཤེས་ཐིག་ལེའི་ཚད་དང་། གནས་དང་། ས་བསྟན་པའི་དོན་དང་། ཕུང་པོ་རྣམ་པར་དག་པ་ཞེས་བྱ་བའི་ལེའུ་སྟེ་བཅྭ་བརྒྱད་པའོ།། །། དེ་ནས་ཡང་ནི་བཤད་བྱ་བ། །
བླ་མ་སློབ་མའི་མཚན་ཉིད་ནི། །བླ་མ་ཐ་མལ་དངོས་བྲལ་ཡོན་ཏན་ལྡན། །གཞན་མིན་མཆོག་གི་དབང་གིས་དབང་བསྐུར་སྐུ། །ཐུགས་རྗེ་དང་ལྡན་ཤིན་དུ་རླབས་ཆེའི་སེམས། །དེ་ཉིད་ཤེས་པ་ལོག་པའི་ང་རྒྱལ་མེད། །བླ་མ་ཡུལ་
གྱིས་མ་གོས་རྨུ་རྒོད་མ་ཡིན་པ། །རྒྱུད་ལུང་བསྟན་བཅོས་དུ་མའི་ཕ་རོལ་ཕྱིན། །ཡན་ལག་མཚན་མཆོག་ཀུན་གྱིས་ཤིན་དུ་བརྒྱན། །དཀྱིལ་འཁོར་འདྲི་དང་དབང་གི་རིམ་ལ་མཁས། །བླ་མ་ཡིད་ཐུབ་སྲིད་པའི་འཇིགས་
བྲལ་ཞིང་། །མྱ་ངན་འདས་ལ་འདོད་པའི་ཡིད་དང་བྲལ། །དངོས་པོ་ཆུ་ཟླ་ལྟ་བུར་ཉིད་ཀྱིས་མཐོང་། །དྲུག་ལྷག་བཅུ་ཡིས་སྟོང་ལ་གཅིག་ཏུ་སེམས། །བླ་མཆོག་ཉོན་མོངས་མེད་ཅིང་སྐྱེ་བ་མེད། །ཕུང་པོ་ལ་སོགས་སྐྱེ་མཆེད་
ཁམས་དང་བྲལ། །མཆོག་དང་དགའ་བྲལ་གཉིས་ཀའི་དབུས་ན་བཞུགས། །དེ་ལྟའི་དཔལ་བླ་རྡོ་རྗེ་རྒྱལ་པོ་ཉིད། །སློབ་མ་ཁྲིམས་ལྡན་དུལ་ཞིང་དད་པ་ཅན། །རླབས་ཆེན་ཟབ་མོའི་ཐེག་པ་བསྙེན་པར་བྱེད། །རྣམ་རྟོག་

85-1-38b

འདམ་གྱིས་རྟག་ཏུ་མ་གོས་ཤིང་། །མཁས་ཤིང་བློ་རྣོ་ཐུགས་རྗེའི་བདག་ཉིད་ཅན། །སྤྱན་རིང་བཟང་མོ་འདི་ལྟ་བུ་དག་གི། བླ་མ་དང་ནི་སློབ་མ་རྣམ་གཉིས་ཀྱི། །མཚན་ཉིད་དང་ནི་ལེགས་པར་བརྟག་པ་ནི། །ཇི་ལྟའི་དོན་གྱིས་
རབ་ཏུ་གསལ་བའོ། །དཔལ་ཡེ་ཤེས་ཐིག་ལེ་ལས་བླ་མ་དང་སློབ་མའི་མཚན་ཉིད་བརྟག་པ་ཞེས་བྱ་བའི་ལེའུ་སྟེ་བཅུ་དགུ་པའོ།། །། དེ་ནས་གཞན་ཉོན་བདག་གིས་བཤད། །ཇི་ལྟར་རྒྱུད་ཀྱི་རིམ་པ་བཞུགས། །དཔལ་དང་
ལྡན་པའི་རིགས་ཆེན་རྒྱུད། །འབུམ་བདུན་གྱི་ནི་མཚན་ཞེས་བྱ། །དེ་ནི་གཙོ་བོ་རྩ་བའི་རྒྱུད། །སྐུ་བརྒྱད་བདག་ཉིད་རབ་ཀྱི་མཆོག །དེ་བརྟག་ཀྱེ་ཡི་རྡོ་རྗེ་ནི། །འབུམ་ལྔ་ཡི་ནི་མཚན་ཞེས་བྱ། །དཔལ་ལྡན་ཕྱག་རྒྱ་ཆེན་ཐིག་
ལེ། །དེ་ཡི་ཕྱི་མའི་རྒྱུད་དུ་དྲན། །ཡེ་ཤེས་སྙིང་པོར་གྲགས་པའི་རྒྱུད། །དེ་ཡི་ཕྱི་མའི་ཕྱི་མའོ། །དགའ་མོ་ཡེ་ཤེས་ཐིག་ལེའི་སྒྲ། །བཤད་པའི་རྒྱུད་ནི་གསང་བ་ཆེ། །གྲུབ་པའི་ངེས་བསྟན་ཐིག་ལེ་ནི། །ཞལ་བཟང་མོ་དེ་
སྙིང་པོ་དང་། །དེ་ཁོ་ན་ཉིད་སྒྲོན་མའི་མཚན། །འབྲས་བུའི་རྒྱུད་གྲགས་འཆད་པར་འགྱུར། །དེ་བདུན་དུ་ནི་བདག་གིས་བཤད། །ཤིན་ཏུ་རྨད་ཏུ་བྱུང་བའི་རྒྱུད། །ལྷ་མོ་བརྒྱད་པ་སྐུ་དང་བྲལ། །དེ་ཕྱིར་སྨྲ་བར་མི་བཏུབ་པོ། །
དེ་ལྟར་རིམ་པ་ཐམས་ཅད་ནི། །ལྷ་མོ་དེ་ཉིད་ཤེས་པར་བྱ། །ས་བོན་ལས་ནི་མྱུ་གུ་བཞིན། །རྒྱུད་ཀུན་རིམ་ཤེས་རིམ་པས་སོ། །རྒྱུད་ནི་རིམ་པས་འདི་རུ་གྲགས། །ཡང་ན་ཡེ་ཤེས་འཁོར་ལོ་རྒྱུད། །ཡང་ན་དོན་ནི་རྒྱུད་ཡིན་ཏེ། །
ཡང་ན་རིམ་པ་གཉིས་ནི་རྒྱུད། །ལྷ་མོ་གང་དུ་སྐལ་ལྡན་མོ། །ཤེས་རབ་ཐབས་གཉིས་ཕྲད་པའི་ས། །དེ་ནི་རྒྱུད་དུ་བཤད་པ་ཡིན། །ཡང་ན་ཡེ་ཤེས་ལས་བྱུང་བ། །ཏ་ཡི་ཡིག་འབྲུ་སྐུ་རུ་གྲགས། །ན་ནི་དེ་ཉིད་དྲི་མ་
མེད། །ཏ་ཡི་ཡིག་འབྲུ་ཁུ་བ་ཡབ། །ར་ནི་ཡུམ་སྟེ་ཁྲག་ཡིན་ནོ། །དེ་གཉིས་འདྲེས་པ་ཐིག་ལེ་ཡིན། །གཞན་མིན་རྣམ་ཤེས་ངོ་བོའོ། །དེ་ཡི་ཐིག་ལེ་ཨའི་རྣམ་པ། །ཟླ་བའི་དཀྱིལ་འཁོར་ཉ་གང་ངོ་། །ཏ་ཡིག་དང་ནི་ར་ཡིག་

85-1-39a

འབྲུ། །ཚུལ་ཙམ་གྱིས་ནི་གཉིས་ཀ་ལྡན། །དེ་ནི་རབ་མཆོག་ཨ་ཡིག་འབྲུ། །རྩ་དང་དགའ་བདག་ཉིད་སྐྱེ་མེད། །ལྷ་མོ་འདི་ལྟར་རྒྱུད་ཀྱི་རིམ། །རྒྱུད་ཀྱི་དོན་ཡང་ཤིན་དུ་བཤད། །དཔལ་ཡེ་ཤེས་ཐིག་ལེ་ལས་
རྩ་བའི་རྒྱུད་ལ་སོགས་པའི་རིམ་པ་དང་། དོན་ཞེས་བྱ་བའི་ལེའུ་སྟེ་ཉི་ཤུ་པའོ།། །། བཅོམ་ལྡན་ཡེ་ཤེས་ཐིག་ལེ་ལགས། །ཉི་མ་བྱེ་བའི་འོད་དང་མཉམ། །བདག་གི་ཞུ་བ་གང་ཞིག་ཅི། །རྒྱལ་བའི་མངའ་བདག་དེ་
བདག་གསུངས། །མངའ་བདག་རང་གི་ངོ་བོ་ཉིད། །གང་ལས་སྐྱེས་ཤིང་ཅི་ལས་འོངས། །དེ་ནི་མདོར་བསྡུས་པ་ཡི་ཚིག །ཐུབ་པ་ཆེན་པོས་བཀའ་སྩོལ་ཅིག །བཅོམ་ལྡན་འདས་ཀྱིས་བཀའ་སྩལ་པ། །དྲི་བ་འདི་ནི་ཤིན་
ཏུ་ཟབ། །ཡེ་ཤེས་ཀྱིས་རྙེད་གསང་བའོ། །ལྷ་མོ་ཁྱོད་ནི་འབྱུང་བ་མིན། །སྐྱེ་བ་དང་ནི་འཕོ་མེད་རབ། །མཆོག་གི་རྣམ་རྟོག་རླབས་དང་བྲལ། །རང་གི་ངོ་བོ་ཡེ་ཤེས་འོད། །བདག་རང་གི་ནི་ཡེ་ཤེས་སྐུའི། །མཆོག་གི་
དབང་ཕྱུག་མ་ཁྱོད་འོང་། །གཞན་མིན་བདག་དང་ཁྱོད་མེད་ན། །སངས་རྒྱས་ཀུན་གྱིས་རྙེད་དཀའ་བ། །ཁྱོད་མེད་ན་ནི་ཁམས་གསུམ་ཀུན། །མགོ་བོ་ཆད་པའི་མི་བཞིན་དུ། །གྲངས་མེད་འཇིག་རྟེན་གྱི་ནི་ཁམས། །
ཁྱོད་ནི་ཡེ་ཤེས་འོད་བྱེད་པ། །ཁྱོད་ནི་ཐམས་ཅད་དངོས་ཀུན་གྱིས། །ཐམས་ཅད་བདག་ཉིད་འབྱུང་བ་ཀུན། །ཆོས་ཀུན་ཡོངས་སུ་ཤེས་ནས་ནི། །དེ་ནི་ཐམས་ཅད་མཁྱེན་པར་གྲགས། །དེ་ཡང་ལྷ་མོ་ཁྱོད་ཀྱི་དྲིན། །
བརྗོད་པར་མི་ནུས་ཡང་དག་དོན། །ཁྱོད་ཀྱི་དྲིན་གྱིས་གྲངས་མེད་པས། །དེ་བཞིན་གཤེགས་པའི་གནས་རྙེད་འགྱུར། །མཆོག་གི་ནམ་མཁའི་གནས་ནས་བྱོན། །མཆོག་གི་ནམ་མཁའི་གནས་སུ་གཤེགས། །མཆོག་གི་
ངོ་མཆོག་གི་ནམ་མཁའི་ངལ་བསོ་གནས། །མཆོག་གི་ནམ་མཁར་རྟག་ཏུ་བཞུགས། །ཀུན་རྫོབ་རྣམ་པའི་མཆོག་ཏུ་ནི། །པད་མའི་སྐུད་པ་ཇི་བཞིན་དུ། །གསང་བའི་སྣ་རྩེ་སྙིང་པོར་གནས། །ལངས་ནས་བདེ་བའི་པད་མར་ནི། །ཐིག་ལེ་

85-1-39b

ཁོང་དུ་ཆུད་པའི་ཕྱིར། །གཤེགས་ནས་བརྟེན་པ་ཐམས་ཅད་བསྲེག །རྒྱས་པས་ཐིག་ལེ་ཁྱེར་ནས་སུ། །ཡང་ནི་ཁྱོད་འདིར་བྱོན་པའི་དོན། །ལྟེ་བ་སྤྲུལ་པའི་པད་མ་ཡི། །ལྷ་མོ་གང་ཚེ་ཁྱོད་ཀྱི་གནས། །དེ་ཚེ་ཁྱོད་ནི་ཤེས་རབ་
གྲགས། །ལེགས་དགྱེས་རབ་མཆོག་རྨད་དུ་བྱུང་། །བདག་དང་ལྷན་ཅིག་གཉིས་མེད་སྦྱོར། །ལེགས་དགྱེས་དབང་མོ་ཁྱོད་ནི་བཞུགས། །ཚངས་པའི་ཡུལ་ས་བྱེ་བ་མཐར། །ལེགས་དགྱེས་ཁྱོད་ཀྱི་རྒྱ་ཡིས་བཏབ། །
གྲངས་མེད་པ་ལ་རྒྱས་བཏབ་སྟེ། །དེ་ཕྱིར་ཕྱག་རྒྱ་ཆེ་ཁྱོད་གྲགས། །དཔལ་ཡེ་ཤེས་ཐིག་ལེ་ལས། དཔལ་ཕྱག་རྒྱ་ཆེན་པོ་བཅོམ་ལྡན་འདས་མའི་རང་གི་ངོ་བོ་བསྟན་པ་ཞེས་བྱ་བའི་ལེའུ་སྟེ་ཉི་ཤུ་རྩ་གཅིག་པའོ།། །། 
གསང་བའི་པད་སྙིང་རྒྱས་འབྱེད་པ། །རྡོ་རྗེ་ཉི་མ་གཞན་ཡང་ཞུ། །རེ་ཤིག་ཅི་ཡི་གསང་བ་གསུངས། །གནས་ནི་གང་ན་ཡོད་པ་ལགས། །བཅོམ་ལྡན་འདས་ཀྱིས་བཀའ་སྩལ་པ། །བྱང་ཆུབ་སེམས་ནི་གསང་བ་ཡིན། །
ཁུ་བའི་ངོ་བོ་ཆང་དང་བྲལ། །དེ་ཡི་གནས་ནི་མངལ་ཡིན་ཏེ། །ཕྱག་རྒྱ་དགའ་བ་སྦྱིན་པ་མོ། །བཅོམ་ལྡན་འདས་མས་གསོལ་པ། བྱང་ཆུབ་སེམས་ནི་ཁུ་བའི་གཟུགས། །དེ་ནི་ཇི་ལྟར་གསང་བར་བརྗོད། །གསང་བའི་གནས་ནི་
མངལ་ཡིན་ཏེ། །གཞུང་དེ་བདག་ལ་འཐད་མ་ལགས། །དེ་ལྟ་ན་ནི་གང་ཟག་ཀུན། །ངེས་པར་གསང་བ་ཤེས་པར་འགྱུར། །དེ་ཡང་དབང་བསྐུར་ལ་སོགས་ནི། །སུ་ལ་ཡང་ནི་མི་དགོས་ལགས། །བཅོམ་ལྡན་འདས་ཀྱིས་བཀའ་
སྩལ་པ། །སངས་རྒྱས་ཀུན་གྱི་ཡུམ་ཁྱོད་དེ་ནི་བདེན། །གང་ཞིག་ཁྱོད་ཀྱིས་ངེས་པར་བཟུང་བའི་དོན། །འོན་ཀྱང་དྲང་བའི་དོན་གྱི་ཚིག་གིས་ལྡན། །རྟེན་གྱི་དོན་ཕྱིར་ཡང་ན་ངེས་པའི་དོན། །རྟེན་མེད་ན་ནི་འབྲས་བུ་རྙེད་མི་འགྱུར། །ལུས་ཀྱི་
དངོས་མེད་ཇི་ལྟར་འདི་རུ་སེམས། །ཇི་ལྟར་དོན་འཐུན་གསང་ཚིག་དེ་ནི་གསང་། །དྲང་བའི་དོན་མིན་ངེས་པའི་དོན་ཡང་མིན། །དངོས་མེད་ཡང་མིན་དངོས་པོའི་གཟུགས་མ་ཡིན། །བདེན་རིམ་འབྱུང་བ་ཐིམ་རྣམས་ཀྱི་ནི་གཞན། །སྐུ་གཟུགས་

85-1-40a

གང་དུ་དེ་ནི་ཡོད་མ་ཡིན། །ཁྲག་ཀྱང་ཡིན་པར་ཇི་ལྟར་ཡང་ནི་མིན། །མཆོག་དགའ་དགའ་བྲལ་ལྷན་སྐྱེས་དགའ་བ་མིན། །གནས་མངལ་དེ་ལ་ནམ་ཡང་ཡོད་མ་ཡིན། །རྡོ་རྗེ་རྩ་བ་བདེ་ཆེན་ལ་སོགས་མིན། །དྲུག་ཕྱེད་རྩ་དང་མཚོ་སྐྱེས་
སྙིང་པོ་མིན། །རིག་མིན་ཡང་མིན་རིག་པ་ནམ་ཡང་མིན། །བརྗོད་མེད་ནམ་མཁའི་རང་གི་ངོ་བོ་ཡི། །འདི་ལྟ་བུ་ནི་དོན་དམ་པར། །ལྷ་མོ་གསང་བར་རབ་ཏུ་གསལ། །ཡང་ནི་འབྲིང་གི་དོན་གྱིས་སུ། །བདག་གིས་གསང་བཤད་ཁྱོད་ཉོན་ཅིག །
འབྲིང་དོན་དེ་ནི་དོན་གྱི་མཆོག །མཆོག་གི་དགའ་བ་སྦྱིན་པའོ། །འབད་པས་དགའ་བྲལ་སྲུང་བར་བྱེད། །དགའ་བྲལ་དགའ་བས་ལྷན་སྐྱེས་འགྱུར། །ནོར་མདུད་སྙིང་ག་ཡི་ནི་གསང་། །བྱང་ཆུབ་ཀྱི་ནི་སེམས་དང་ལྡན། །དེ་ནི་ཐབས་ཀྱི་
གསང་བའི་དོན། །ཤེས་རབ་མ་ཡི་དེ་བཞིན་ནོ། །གསང་བ་ཤེས་རབ་དབང་གཉིས་ལས། །དགའ་མོ་གསང་བའི་དོན་ཤེས་སོ། །དཔལ་ཡེ་ཤེས་ཐིག་ལེ་ལས་གསང་བའི་དོན་ཞེས་བྱ་བའི་ལེའུ་སྟེ་ཉི་ཤུ་རྩ་གཉིས་པའོ།། །། 
དེ་ནས་བཅོམ་ལྡན་འདས་མ་ཕྱག་རྒྱ་ཆེན་པོས་འཇམ་པའི་དབྱངས་ལ་ཡང་ཞུ་བ་ཞུས་པས།  མགོན་པོ་ཐམས་ཅད་གཏན་ཕབ་པ། །རང་བཞིན་ཇི་ལྟར་ལགས་པ་གསུངས། །བཅོམ་ལྡན་འདས་ཀྱིས་དེ་ལྟ་བུའི་ཚིག་གསན་པ་དང་ཅང་མི་
གསུང་བའི་དངོས་པོས་སྐད་ཅིག་ཙམ་བཞུགས་ཏེ། དེ་ནས་མི་སྣང་བའི་རང་གི་ངོ་བོར་བཞུགས་སོ། །དེ་ནས་བཅོམ་ལྡན་འདས་མ་ཕྱག་རྒྱ་ཆེན་པོས་བདག་རང་རྟེན་མེད་པར་མཐོང་ནས་ཞུས་པས་ཤིན་ཏུ་འགྱོད་ནས་ཅང་མི་སྨྲ་བར་
བཞུགས་སོ། །དེའི་དུས་སུ་སྣ་ཚོགས་པད་མ་ལ་བཞུགས་པར་འཁོར་བྱེ་བ་ཕྲག་བདུན་བཅུ་རྩ་གཉིས་ཀྱི་གྲངས་རྣམས་ཀྱིས་ཆོས་ཀྱི་འབྱུང་གནས་སྟོང་པར་མཐོང་ནས་ཤིན་ཏུ་ཡ་མཚན་དུ་གྱུར་པས་ཀུན་སྨྲ་ཞིང་བརྒྱལ་བར་གྱུར་ཏོ། །
ཀྱཻ་བྱང་ཆུབ་སེམས་དཔའ་སེམས་དཔའ་ཆེན་པོ་ལྷའི་དབང་ཕྱུག་བཅོམ་ལྡན་འདས་དཔལ་རྡོ་རྗེ་སེམས་དཔའ་གང་ན་བཞུགས། གར་གཤེགས། ཀུན་དུ་སྟོང་པར་བདག་ཅག་གིས་མཐོང་ལགས་སོ། །ལྷའི་དབང་ཕྱུག་གིས་གསོལ་པ།

85-1-40b

འཁོར་ཆེན་པོ་རྣམས་ཉོན་ཅིག །བཅོམ་ལྡན་འདས་དཔལ་རྡོ་རྗེ་སེམས་དཔའ་ལ་བཅོམ་ལྡན་འདས་དཔལ་ཕྱག་རྒྱ་ཆེན་པོས་འདི་ལྟར་ཞུས་ཏེ། མགོན་པོ་ཐམས་ཅད་གཏན་ལ་ཕབ། །རང་བཞིན་ཇི་ལྟར་ལགས་པ་གསུངས། །དེ་ལྟ་
བུའི་ཚིག་གསན་པ་དང་བཅོམ་ལྡན་འདས་ཅང་མི་གསུང་བར་མི་སྣང་བར་གྱུར་ཏོ། །དེ་ཅིའི་ཕྱིར་ཞེ་ན། རང་བཞིན་དེ་ནི་བརྗོད་དུ་མེད་པ་དང་། རྟོག་གེ་མེད་པ་དང་། བཙལ་དུ་མེད་པ་དང་། གྲངས་མེད་པ་དང་། སྐྱེ་བ་མེད་པ་དང་། གཟུགས་མེད་
པ་དང་། རིག་པ་མེད་པ་ལ་དེ་དྲིས་པས། དེ་ཉིད་སྨྲར་མི་བཏུབ་པའི་ཕྱིར། བཅོམ་ལྡན་འདས་སྣང་བ་མེད་པར་གྱུར་ཏོ། །ཡང་འཁོར་ཐམས་ཅད་ཀྱིས་གསོལ་པ། ཀྱཻ་བློ་གྲོས་ཆེན་པོ་ཆོས་ཀྱི་མཛོད། སྣང་བ་མེད་ཅིང་དངོས་པོ་མེད་པ་ཆད་པར་མི་
འགྱུར་རམ། དེའི་དོན་ལ་ཤིན་དུ་འཇིགས་ཤིང་ཡང་དག་པར་ཡིད་ཞུམ་པར་གྱུར་ཏོ། །ལྷའི་དབང་ཕྱུག་གིས་བཀའ་སྩལ་པ། སྣང་བ་མེད་པར་འདུ་ཤེས་གང་། །དེ་ནི་དངོས་མེད་ཤེས་མི་བྱ། །ནང་གི་རང་ངོར་འགྲོ་བའི་ཕྱིར། །སྣང་བ་མེད་པར་
འདི་རུ་བརྗོད། །དེ་བས་འཁོར་ཆེན་མ་འཇིགས་ཤིག །ཡིད་སྐྱོ་བ་ནི་ཡོངས་སུ་སྤོངས། །དེ་ལ་ཐབས་ནི་གཅིག་ཡོད་དེ། །གང་གི་རྡོ་རྗེ་འཛིན་པ་ཉིད། །སྔར་ནི་ཁྱོད་ཀྱིས་མཐོང་བ་བཞིན། །པད་མའི་དབུས་བཞུགས་མཐོང་བར་འགྱུར། །
དེའི་ཚེ་འཁོར་ཐམས་ཅད་ཀྱིས་བྱང་ཆུབ་སེམས་དཔའ་སེམས་དཔའ་ཆེན་པོ་ལྷའི་དབང་ཕྱུག་གི་ཞབས་ལ་མགོ་བོས་ཕྱག་འཚལ་ཏེ། བཅོམ་ལྡན་འདས་མཐོང་བར་བྱ་བའི་ཕྱིར་ཐབས་ཞུས་པ། ཀྱཻ་བློ་གྲོས་ཆེན་པོ་དཔའ་བོ་ཆེན་པོ་
ཐབས་ཅི་ཡོད་པ་བདག་ལ་བསྟན་དུ་གསོལ། །དཔའ་བོ་ཆེན་པོས་བཀའ་སྩལ་པ། དུས་གཅིག་ཏུ་མགྲིན་གཅིག་གིས་སྙན་པའི་གླུས་མཆོད་པ་གྱིས་ཤིག །དེ་ལྟ་བུའི་ཐབས་ཀྱི་ཚིག་ཐོས་ནས་ཐམས་ཅད་དགའ་ཞིང་མགུ་
ལ་ཡི་རངས་པས་ཡང་བྱང་ཆུབ་སེམས་དཔའ་སེམས་དཔའ་ཆེན་པོ་ལྷའི་དབང་ཕྱུག་གི་ཞབས་ལ་མགོ་བོས་ཕྱག་འཚལ་ཏེ། དེ་ནས་དྲུག་ལྡན་ལ་སོགས་པའི་གླུ་ཐམས་ཅད་ལེན་ནོ། །ཀྱཻ་སྐུ་རབ་མཆོག་གི་ངོ་བོའི་མཚན་

85-1-41a

ཉིད་ནི། །གང་ན་བཞུགས་པ་མྱ་ངན་འདས་མཚན་ཉིད། །དེ་ཉིད་དང་བྲལ་ཆད་པའི་སྟོང་དེ་ནི། །གཉིས་མེད་བདེ་བས་མཁྱེན་པར་མི་འགྱུར་རམ། །རྡོ་རྗེ་མཚོ་སྐྱེས་མཆོག་སྦྱོར་ཡོངས་སུ་གཟིགས། །གང་ཞིག་དངོས་
མེད་དངོས་དེ་དཔྱད་པར་མཛོད། །དེ་ནས་རང་བཞིན་ལས་བཅོམ་ལྡན། །ཆུ་ལས་ཉ་ནི་བཞིན་དུ་བཞེངས། །མཆོག་གི་དགའ་བའི་གཟུགས་བདག་ཉིད། །མཆོག་གི་དགའ་བའི་སྦྱིན་པའི་བདག །དངོས་དང་དངོས་མིན་གཉིས་ཀྱི་
སྟེང་། །གྱེན་བལྟས་པད་མའི་ལྟེ་བར་ནི། །ཞལ་བཞི་དང་ནི་ཕྱག་བཞི་པ། །ཤིན་དུ་ངོ་མཚར་སྐུ་དང་ལྡན། །རྒྱལ་པོ་ཡི་ནི་བཞུགས་སྟབས་བཞུགས། །བརྒྱད་གཉིས་བློ་ལྡན་བྱད་གཟུགས་ཅན། །སྤྱན་གསུམ་མཆོག་གི་
རྣམ་པ་ཅན། །ཟླ་བ་ཉི་མ་ཞབས་ཀྱིས་མནན། །རྔེ་ཆུང་ཐོད་པ་ཁ་ཊྭཱྃ་ག །རྡོ་རྗེ་འབར་བ་ཕྱག་ན་བསྣམས། །དེ་ལྟ་བུའི་རྨད་དུ་བྱུང་བའི་གཟུགས་མཐོང་ནས་འཁོར་ཐམས་ཅད་དང་ལྷན་ཅིག་བཅོམ་ལྡན་འདས་མ་ཕྱག་རྒྱ་ཆེན་
མོ་ལངས་ནས་ལན་གསུམ་དུ་བསྐོར་བ་བྱས་ཏེ། དམ་པོར་འཁྱུད་ནས་བསྟོད་པས་བསྟོད་པ། མཆོག་ཏུ་རྨད་བྱུང་ཆེན་པོའི་སྐུ་ནི་རྒྱལ་གྱུར་ཅིག །ཡེ་ཤེས་ཟབ་མོ་རྒྱ་མཚོའི་སྙིང་པོ་རྒྱལ་གྱུར་ཅིག །བརྗོད་བྲལ་བལྟར་
མེད་སྔོན་མེད་སྐུ་མི་མངའ། །གཏི་མུག་ཆེན་པོ་འཇོམས་དེ་རྒྱལ་གྱུར་ཅིག །མཆོག་དང་གཞན་མཆོག་དེ་ནི་མཆོག་གཞན་མཆོག །མཁའ་མཆོག་འོད་མཆོག་མཆོག་གི་ཡེ་ཤེས་སྣང་། །མཆོག་གི་བདུད་རྩིའི་སྙིང་པོ་
གང་གཱའི་རྒྱུན། །མི་འཆད་རྒྱུན་འབབ་བྱེད་པ་རྒྱལ་གྱུར་ཅིག །ཤིན་ཏུ་ལྐོག་གྱུར་དབང་པོས་བལྟར་མེད་པ། །སྐྱེ་འགག་འདུ་བྱེད་མཚན་མེད་རྒྱལ་གྱུར་ཅིག །དེ་ལྟ་བུའི་བསྟོད་པའི་རྒྱལ་པོ་བྱས་ནས་ཡང་ཕྱག་རྒྱ་
ཆེན་པོ་ལྷ་མོ་ཆེན་མོས་བཅོམ་ལྡན་འདས་ལ་དད་པས་ཞུ་བ་ཞུས་པ། ཀྱཻ་བཅོམ་ལྡན་འདས་དཀྱིལ་འཁོར་གྱི་ལྷ་རྣམས་ཅིའི་ཕྱིར་མ་གསུངས་ལགས། བཅོམ་ལྡན་འདས་ཀྱིས་བཀའ་སྩལ་པ། །བསྲུབ་དང་བསྲུབ་

85-1-41b

པའི་སྦྱོར་བ་ལས། །ལྷ་རྣམས་འབྱུང་བའི་རིམ་པའོ། །དང་པོ་རྩོམ་པ་ཤིན་དུ་འདར། །རྣམ་པར་ཤེས་པས་ལྷ་མོ་སྐྱེ། །དེ་ནི་གྲོང་ལས་ཁ་དོག་དཀར། །འདོད་པའི་གཏི་མུག་རྣམ་པར་ཐོས། །གྲོང་ཁྱེར་ལས་ནི་ལོངས་
སྤྱོད་ཡིན། །སྤྱོད་ལམ་ལྷ་མོ་རྒྱལ་བའི་འོད། །བསྐུམ་པ་ལས་ནི་སྣང་བ་མཆེད། །སྣང་བ་མཆེད་ལས་ཡེ་ཤེས་འོད། །བགྲད་པ་ལས་ནི་སྐྱེ་བ་སྦྱོར། །སྦྱོར་ལས་དགའ་བའི་སྐྱེ་མ་སྟེ། །མཉམ་སྦྱོར་ལས་ནི་ཡེ་ཤེས་སྐྱེ། །ཡེ་ཤེས་
ལས་ནི་དངོས་ཟད་མ། །ཁྱོད་ལས་འདི་རུ་དངོས་པོ་སྟེ། །དངོས་ལས་ལོངས་སྤྱོད་ཟླ་བ་མ། །དཀར་པོ་ལས་ནི་རྟེན་ཤེས་བྱ། །རྟེན་ལས་པད་མའི་ལྟེ་བ་མ། བྲང་བརྡབས་ལས་ནི་རྣམ་པར་འབྱེད། །རྣམ་པར་འབྱེད་ལས་པད་མིག་
མ། །ནག་དང་ལྗོང་དང་གུར་ཀུམ་མདོག །དམར་དང་སྔོན་པོ་ཡི་ནི་གཟུགས། །ཟླ་བ་དཀར་དང་དམར་གྱི་སྔོན། །སྒོ་ལ་སོགས་དང་མཚམས་ན་བཞུགས། །ཞལ་གཅིག་པ་ལ་སྤྱན་གསུམ་པ། །ཕྱག་རྒྱ་ལྔ་ཡིས་རྣམ་པར་
བརྒྱན། །སྣོད་དང་གྲི་གུག་གིས་ཕྱག་བྲེལ། །ན་བཟའ་གྲོལ་བ་ཕྱག་གཉིས་པ། །དེ་ནི་ཉི་ཟླའི་གདན་ལ་བཞུགས། །རུས་པ་སྣ་ཚོགས་རྒྱན་དང་ལྡན། །ཁྱོད་ཀྱི་བཞུགས་སྟབས་ཇི་ལྟ་བར། །ལྷ་མོ་རྣམས་ཀྱང་དེ་བཞིན་ནོ། །
དེ་རྣམས་ཐབས་ནི་བཞི་གཉིས་ཀྱི་ནི་གྲངས། །མཉམ་པའི་བཞུགས་སྟབས་ཕྱག་དང་ཞབས་ལ་སོགས། །རབ་ཏུ་དགའ་བའི་ཡིད་ལྡན་ཞི་བའི་གཟུགས། །རྟག་ཏུ་སེམས་ཅན་དོན་བྱེད་ཁོ་ན་བརྩོན། །ལྷ་མོས་གསོལ་
པ། དཔའ་བོ་རྣམས་ཀྱི་མིང་གི་བརྡ། །དེ་བཞིན་ཉིད་ཀྱི་རྡོ་རྗེས་གསུངས། །བཅོམ་ལྡན་འདས་ཀྱིས་བཀའ་སྩལ་པ། །ཁྱོད་ཀྱིས་ང་ལ་གང་ཞུས་པ། །སྐལ་ལྡན་ལྷ་མོ་དེ་ནི་ཉོན། །འདི་ཡི་རྒྱུད་ལ་བདག་ལ་གཞན། །
མཚན་ནི་ཡོད་པ་གང་ལ་ལར། །ན་ནི་ལྟེ་བ་གསང་བའི་པད། །དགའ་བྲལ་དགའ་བ་སྦྱིན་པའོ། །མ་ཞེས་ནོར་བུ་བསྲུབས་པ་ནི། །མཆོག་གི་དགའ་བ་སྦྱིན་པའོ། །གང་ཞིག་དེ་ཡི་དབུས་ནས་ལངས། །དེ་ནི་བདག་གི་རང་བཞིན་མཚན། །དཔའ་བོ་རྣམས་ནི་

85-1-42a

བདག་གིས་བཤད། །ཤེས་རབ་ཕ་རོལ་ཕྱིན་མ་ཉོན། །ལྷ་ཆེན་པོ་དང་ཁྱབ་འཇུག་དང་། །པད་མའི་ལྟེ་བ་ཤིན་ཏུ་བལྟ། །ལྷ་ཡི་དབང་དང་འདོད་པའི་ལྷ། །པད་མའི་མིག་དང་གཞོན་ནུ་མ། །རེ་ཤིག་དེ་ནི་དཀྱིལ་འཁོར་པ། །རང་གི་ཕྱག་རྒྱ་མཚོན་ཆ་འཛིན། །
དཔལ་ཡེ་ཤེས་ཐིག་ལེ་ལས་བསྐུལ་བ་ཞེས་བྱ་བའི་ལེའུ་སྟེ་ཉི་ཤུ་རྩ་གསུམ་པའོ།། །། བཅོམ་ལྡན་འདས་མས་གསོལ་པ། ཀྱེ་བཅོམ་ལྡན་འདས་དབང་བསྐུར་བའི་དུས་སུ་དཀྱིལ་འཁོར་རྣམས་ཇི་ལྟ་བུ་ལགས། ཆོ་ག་གང་གིས་དབང་
བསྐུར་སྦྱིན་ཞིང་བླང་། །བཅོམ་ལྡན་འདས་ཀྱིས་བཀའ་སྩལ་པ། །ཆུ་ལ་སོགས་པའི་དབང་དུས་སུ། །རྡུལ་ཚོན་ལ་སོགས་དཀྱིལ་འཁོར་མཛེས། །གསང་བའི་དབང་བསྐུར་དུས་སུ་ནི། །མེ་ཏོག་སྣ་ཚོགས་མཆོག་གིས་སོ། །
ཤེས་རབ་ཡེ་ཤེས་དབང་བསྐུར་དུས། །སྣ་ཚོགས་དྲི་ཞིམ་པོ་ཡིས་བརྒྱན། །ལས་དང་པོ་ཡི་དང་པོ་ལ། །ངེས་པའི་དོན་གྱི་ཆུ་ལ་སོགས། །དབང་བསྐུར་ཤེས་པས་སྦྱིན་བྱ་སྟེ། །དེ་ལྟར་མིན་ན་སྐྱོན་དུ་འགྱུར། །ཤེས་རབ་
ཅན་གྱིས་དྲང་དོན་དེར། །སྦྱིན་ནོ་དེ་ནས་དམ་ཚིག་སྦྱིན། །ནོར་བུ་མགྲིན་པར་བྱང་ཆུབ་སེམས། །བླ་མ་ཉིད་ཀྱིས་རང་རིག་བྱེད། །ཤེས་རབ་ལྷན་ཅིག་གནས་ལས་ལངས། །སློབ་མའི་ཁ་ཡི་པད་མ་རུ། །ཉིད་ཀྱི་རྡོ་རྗེ་
རབ་ཏུ་སྦྱིན། །དེ་ནས་བདེ་བའི་བདུད་རྩིས་དཀྲོལ། །མགྲིན་པའི་དབུས་སུ་རྩ་གཉིས་ནི། །གཡས་དང་གཡོན་ན་ཡོད་པའོ། །སྦོམ་མ་ཡངས་མར་འདི་རུ་གྲགས། །སྲོག་དང་ཉེ་བའི་རང་ངོ་བོ། །གཡོན་ནི་སྲོག་ཏུ་ཤེས་
པར་བྱ། །ཉེ་བའི་སྲོག་ནི་གཡས་ནའོ། །དེ་རུ་བདེ་བར་འཇུག་པར་བྱ། །མཐེ་བོང་སྲིན་ལག་གཉིས་ཀྱིས་མནན། །དེ་ནས་ཡེ་ཤེས་འབྱུང་བར་འགྱུར། །བུ་མོས་རྙེད་པའི་བདེ་ཇི་བཞིན། །རེག་བྱ་ཆེན་པོས་དགའ་བ་ཆེ། །
དགའ་བ་ཆེན་པོས་བདེ་བ་ཆེ། །བདེ་བ་ཆེན་པོས་བྱང་ཆུབ་སེམས། །ཤེས་རབ་བྱ་གདོང་མ་ཡི་ཁར། །ནོར་བུའི་ཁ་ལས་ཐིགས་པ་གཅིག །ཤེས་རབ་ཡེ་ཤེས་ཞལ་བཟང་མོ། །ཤེས་རབ་བྱ་གདོང་ལས་བདེ་བ། །རྡོ་རྗེ་རིན་ཆེན་

85-1-42b

ཁ་རུ་འགྲོ། །དེ་ནི་དབང་གི་མཆོག་རབ་ཡིན། །སངས་རྒྱས་གྲུབ་པའི་འབྲས་སྦྱིན་བདག །ཤེས་རབ་གཟུགས་བཟང་བྷ་ག་རབ། །ཤིན་ཏུ་ལང་ཚོ་དབང་བསྐུར་ལྡན། །དགའ་སོགས་བྱེ་བྲག་མགུ་བར་བྱས། །དེ་ནས་སློབ་མ་ལ་སྦྱིན་
བྱ། །སེམས་དཔའ་ཆེན་པོ་ཤེས་རབ་འདི། །ཡང་དག་ཡེ་ཤེས་རབ་ཏུ་སྟེར། །གང་ཞིག་བཀའ་ལུང་སྐྱབས་སྦྱིན་ཏེ། །དེ་ནི་བུ་ཁྱོད་དད་པར་བྱ། །དེ་ཡི་མངལ་གྱི་གཡོན་ལོགས་ན། །ཨ་དི་བྱ་གདོང་མ་ནི་བཞུགས། །དེ་རྙེད་
ཙམ་གྱིས་རང་བཞིན་ནི། །ཤེས་རབ་བསྙེན་པས་རྙེད་པར་འགྱུར། །དེ་ནི་གཞན་མིན་ཡོངས་སུ་ཤེས། །བཞི་པའི་འབྲས་བུའི་ངོ་བོ་ཡིན། །རང་རིག་པ་དང་མཆོག་ཡེ་ཤེས། །ངག་གི་ལམ་གྱིས་རྙེད་དང་བྲལ། །དེ་ན་ལྷ་མོ་སྐལ་ལྡན་མོ། །གསང་
བ་ལས་ནི་ཤིན་དུ་གསང་། །རྒྱུད་ཀུན་དུ་ནི་བདག་གིས་སྦས། །མཐའ་ཡི་མཐའ་རུ་རབ་ཏུ་གསལ། །བཅོམ་ལྡན་འདས་མས་གསོལ་པ། མཐའ་དང་མཐའ་ཡི་དོན་ནི་ཅི། །མཆོག་གི་དབང་ཕྱུག་བདག་ལ་གསུངས། །བཅོམ་ལྡན་འདས་ཀྱིས་བཀའ་སྩལ་པ། །མཐའ་ནི་
རྣམ་པར་འབྱེད་པར་ཤེས། །རྣམ་པར་འབྱེད་པ་བཅོམ་པའི་ཕྱིར། །རྣམ་པར་འབྱེད་པ་བཅོམ་པའི་མཐར། །རྣམ་པར་འབྱེད་པ་མཐར་གསལ་འགྱུར། །རྣམ་པར་འབྱེད་མཐར་ཡེ་ཤེས་ཆེ། །དེ་རང་ངོ་བོའི་རང་བཞིན་ནོ། །ལྷ་མོས་
གསོལ་པ། དགྱེས་པ་རྡུལ་ཚོན་དཀྱིལ་འཁོར་ནི། །མངའ་བདག་ཇི་ལྟའི་རྣམ་པས་བྲི། །བཅོམ་ལྡན་འདས་ཀྱིས་བཀའ་སྩལ་པ། །གང་ཞིག་ཁྱོད་ཀྱིས་ཡོངས་སུ་ཞུས། །ཉོན་ཅིག་ལྷ་མོ་བདག་གིས་བཤད། །ཕྱག་རྒྱའི་
དཀྱིལ་འཁོར་འདི་རུ་ནི། །ལས་ལ་མཁས་པས་བྲི་བར་བྱ། །པད་མ་འདབ་མ་བརྒྱད་པར་བྱ། །པད་མའི་ནང་དུ་ཆར་ཡང་བྱ། །ཆར་ཡང་དང་ལྡན་སྣ་ཚོགས་འདབ། །ཆར་ཡང་གི་ནང་ཐིག་ལེ་སྟེ། །དེ་ཡི་སྟེང་དུ་རྡོ་རྗེ་
བྲི། །སྣ་ཚོགས་པད་མའི་ཟེ་འབྲུ་ལྡན། །རྡོ་རྗེ་གྲི་གུག་གིས་ནི་བསྐོར། །གྲུ་བཞི་པ་ལ་སྒོ་བཞི་པ། །རྟ་བབས་བཞི་ཡིས་རྣམ་པར་བརྒྱན། །སྣ་ཚོགས་བུམ་པ་དང་ལྡན་པ། །དཀྱིལ་འཁོར་རབ་ཀྱི་མཆོག་

85-1-43a

ནི་བྱ། །ཤར་གྱི་འདབ་མར་འཁོར་ལོ་བྲི། །བྱང་དུ་དེ་བཞིན་པད་མའོ། །ནུབ་ཀྱི་འདབ་མར་རིན་པོ་ཆེ། །ལྷོ་རུ་རལ་གྲི་བསྒྲེང་བའོ། །པད་མ་གཞན་རྣམས་ཐོད་པ་ནི། །བདུད་རྩི་ལྔ་ཡིས་རབ་ཏུ་གང་། །
དུང་གཞུ་དེ་བཞིན་རི་རབ་དང་། །རབ་ཏུ་འབར་བ་ཡི་ནི་མེ། །མེ་མཚམས་ལ་སོགས་རིམ་བཞིན་བྱ། །འབད་པ་ཡིས་ནི་ཡོངས་སུ་བསྐོར། །ཤར་གྱི་སྒོར་ནི་དཔག་བསམ་ཤིང་། །བྱང་ཏུ་འབྲས་བུ་ས་བོན་དང་། །ནུབ་ཏུ་རིན་ཆེན་
སྡོང་བུ་དང་། །ལྷོ་རུ་སྣ་ཚོགས་རྡོ་རྗེའོ། །སྒོ་ཡི་ཕྱི་རོལ་རྡོ་རྗེའི་ཕྲེང་། །འོད་དང་ལྡན་པས་བསྐོར་བར་བྱ། །ལྷ་མོ་ཆེན་མོ་དེ་ལྟ་བུའི། །དཀྱིལ་འཁོར་ཡེ་ཤེས་སྦྱིན་བདག་པོ། །དམ་ཚིག་ཆེན་པོ་དང་ལྡན་པས། །རབ་ཏུ་འབད་པ་ཡིས་
ནི་བྱ། །དཀྱིལ་འཁོར་གྱི་ནི་བདག་པོའི་ཕྱིར། །དེས་ན་བདག་ནི་རབ་མཚིམ་བྱ། །དཔལ་ཡེ་ཤེས་ཐིག་ལེ་ལས་དབང་བསྐུར་བ་བླང་བ་དང་། ཕྱག་རྒྱའི་དཀྱིལ་འཁོར་ཞེས་བྱ་བའི་ལེའུ་སྟེ་ཉི་ཤུ་རྩ་བཞི་པའོ།། །། བཅོམ་ལྡན་འདས་
མས་གསོལ་པ། ཀྱཻ་བཅོམ་ལྡན་འདས་དགའ་བ་བཞི་པའི་ངོ་བོ་དང་། །བསྐྱེད་པའི་རིམ་པ་ཇི་ལྟར་ལགས། །བཅོམ་ལྡན་འདས་ཀྱིས་བཀའ་སྩལ་པ། །དགའ་བ་ལས་ནི་མཆོག་དགའ་བ། །མཆོག་དགའ་བ་ལས་དགའ་བྲལ་དགའ། །
དགའ་བྲལ་ལས་ནི་ལྷན་ཅིག་སྐྱེས། །དགའ་བ་ཀུན་གྱི་དེ་ཉིད་དོ། །བཅོམ་ལྡན་འདས་མས་གསོལ་པ། དེ་ལྟའི་རིག་པ་མགོན་ཆེན་པོ། །རིག་པ་སྔར་གྱི་གཞུང་མང་ཅི། །མངོན་སུམ་དང་ནི་རྗེས་སུ་དཔག །ས་བོན་དང་འདྲ་འབྲས་བུ་
ཡིན། །ཀོ་ཊ་བ་ལས་སཱ་ལུ་ནི། །གང་དུ་ཡང་ནི་མཐོང་མི་འགྱུར། །དགའ་བྲལ་ལས་ནི་ལྷན་ཅིག་སྐྱེས། །བདེ་མིན་དགའ་བྲལ་སྡུག་བསྔལ་དེས། །དགའ་བ་ཀུན་ནི་འཇོམས་པར་བྱེད། །མཆོག་གི་དབང་ཕྱུག་དགའ་བྲལ་འདི། །
དགའ་བ་ཀུན་དང་མི་མཐུན་ནོ། །དགའ་བ་ལས་ནི་མཆོག་དགའ་བ། །མཆོག་དགའ་བ་ལས་ཤིན་ཏུ་བགྱེས། །བཅོམ་ལྡན་མཁའ་འགྲོ་དེ་རིགས་ལགས། །ཡང་ན་མཆོག་ལས་ལྷན་སྐྱེས་སོ། །བཅོམ་ལྡན་འདས་ཀྱིས་བཀའ་

85-1-43b

སྩལ་པ། །རྡོ་རྗེ་མཁའ་འགྲོ་མ་དེ་བདེན། །དགའ་བྲལ་ལས་ནི་ལྷན་སྐྱེས་མིན། །འོན་ཀྱང་དེ་བསྲུངས་པ་ལས་ཡོད། །དེ་མིན་ལྷན་སྐྱེས་གང་དུ་གནས། །དགའ་བ་ཀུན་དང་མི་མཉམ་སྟེ། །དགའ་བ་ཀུན་ནི་འཇོམས་བྱེད་པ། །འདི་
སྐད་སྨྲ་བ་ཤིན་དུ་མཆོག །དོན་དམ་པ་ཡི་ཚིག་ཡིན་ནོ། །དགའ་ཀུན་འགྲོ་བ་ཡང་གཅིག་པུ། །ཡིད་འཕྲོག་ལྷན་ཅིག་སྐྱེས་པའོ། །སྤྲིན་མེད་སྙིང་གའི་ནམ་མཁའ་རུ། །ཡེ་ཤེས་ཉི་མ་རབ་མཛེས་ཤིང་། །དཔལ་ལྡན་ཡེ་
ཤེས་ཐིག་ལེའི་རྒྱུད། །ནམ་ཡང་དེ་ནི་ཐོས་མ་ཡིན། །དེ་གཤེགས་པ་ཡི་གནས་ནི་མཆོག །ལྷ་མོ་དེ་ནི་གང་ལས་རྙེད། །རྣལ་འབྱོར་མ་དང་ལྷན་ཅིག་ཏུ། །དུ་མའི་རྒྱུད་དུ་བཤད་ན་ཡང་། །དེ་ལྟ་མོད་ཀྱི་རྒྱུད་འདི་ཡི། །བཅུ་
དྲུག་ཆར་ཡང་མི་ཕོད་དོ། །དེ་སྐད་སྨྲ་ཡི་རྒྱུད་གཞན་ཀུན། །དགེ་བའི་ཡིད་དང་ལྡན་ཡང་ཡིན། །འདི་རུ་དད་པ་མེད་གྱུར་ན། །དམྱལ་བ་ལ་སོགས་འགྲོ་བར་འགྱུར། །མདོ་སྡེ་ལ་སོགས་གསུང་རབ་ཀུན། །དད་ཅིང་གུས་པས་ཁོ་ན་
ཡིན། །གང་ཕྱིར་རྒྱུད་ཀུན་གྱི་སྙིང་པོ། །དེ་ཕྱིར་རྒྱུད་འདི་རབ་ཀྱི་མཆོག །བཅོམ་ལྡན་འདས་མས་གསོལ་པ། སྦས་པའི་ཡི་གེ་དྲང་བ་གང་། །སྙིང་པོ་ཡེ་ཤེས་འབྲས་བུ་སྟེར། །ཉེ་བའི་སྙིང་པོ་དེ་ནི་མགོན། །དེ་ནི་དེ་རིང་གསལ་བར་
མཛོད། །བཅོམ་ལྡན་འདས་ཀྱིས་བཀའ་སྩལ་པ། །སྔགས་ནི་ཤིན་ཏུ་གསལ་བ་མཆོག །དེ་ལྟ་ན་ཡང་གསལ་བར་བྱས། །སྔགས་ཀྱི་བཟླས་ལས་འགྲུབ་པར་འགྱུར། །གྲུབ་པ་རྙེད་པས་སངས་རྒྱས་སྲས། །
ཧཱ་སྭཱ་ཊཕ་ཧཱུྃ་ཧཱུྃ་ཀ་ལ་ཏི་ན་ཛྙཱ་ཛྲབ་ཧཱ་མ་ཤྲཱི་། སྭཱ་ཧཾ་ཧཱ་སྭཱ་ཊཕ་ཧཱུྃ་ཧཱུྃ་ཡེ་མྦ་ཀྵ་རཱ་ལ་བ་ཧཱ་མ་ཡེ་ད་མ་ཛྲེབ་། ཧཱ་སྭཱ་ཊཕ་ཧཱུྃ་ཧཱུྃ་རས་ཝི་རས་། བཅོམ་ལྡན་འདས་ཀྱིས་དེ་སྐད་ཅེས་བཀའ་སྩལ་པ་དང་། འཇིག་རྟེན་གྱི་
ཁམས་གྲངས་མེད་པ་ན་བཞུགས་པའི་སངས་རྒྱས་དང་བྱང་ཆུབ་སེམས་དཔའ་གྲངས་མེད་པ་དང་། དེ་བཞིན་གཤེགས་པ་གྲངས་མེད་པ་རྣམས་ཀྱི་རྫུ་འཕྲུལ་གྱིས་མེ་ཏོག་རྣམ་པ་སྣ་ཚོགས་པ་མན་དཱ་ར་བ་དང་། མན་དཱ་ར་བ་ཆེན་པོ་

85-1-44a

དང་། སྔོན་མེད་པའི་མེ་ཏོག་རྣམ་པ་སྣ་ཚོགས་རྣམས་ཀྱི་ཆུན་པོ་འཕྱང་བ་དང་། རོལ་མོ་སྣ་ཚོགས་དང་། གར་དང་། གླུ་དང་། མཆོད་པ་དང་། རིག་པ་འཛིན་པས་བྱས་པ་རྨད་དུ་བྱུང་བའི་ཆོས་གོས་དང་། རིན་པོ་ཆེ་རྣམ་
པ་སྣ་ཚོགས་དང་། གསེར་དང་། ནམ་མཁའ་ལས་ནོར་བུའི་ཆར་བཅོམ་ལྡན་འདས་ཀྱིས་ཞབས་ཀྱི་རྩར་བབས་པར་གྱུར་ཏོ། །དེ་ནས་ནམ་མཁའ་ལས་དེ་བཞིན་གཤེགས་པ་དང་། སངས་རྒྱས་དང་བྱང་ཆུབ་སེམས་དཔའ་རྣམས་
ཀྱིས་བསྟོད་པས་བསྟོད་པ། །སངས་རྒྱས་ཀུན་གྱི་སྐུ་གཅིག་པུ། །ལེགས་སོ་ལེགས་སོ་བཅོམ་ལྡན་འདས། །ཤིན་ཏུ་རྨད་བྱུང་ཡེ་ཤེས་ཆེ། །མཆོག་གི་དབང་ཕྱུག་གཏན་ལ་ཕབ། །འདི་ཡི་འཁོར་ནི་དག་བྱེད་དགེས། །
སྡིག་པ་ཐམས་ཅད་འཇིག་པར་བྱེད། །ཡང་དག་མཆོག་གི་གསང་བ་འདི། །རྙེད་པར་དཀའ་བ་དོན་དམ་པ། །དཔལ་ལྡན་ཡེ་ཤེས་ཐིག་ལེའྀ་རྒྱུད། །ཡེ་ཤེས་རྒྱ་མཚོ་གཏན་ལ་ཕབ། །དེ་ལྟ་བུའི་ཚོགས་ཀྱི་མཆོད་པ་བྱས་ནས། ནམ་
མཁའ་ལ་གནས་པའི་དེ་བཞིན་གཤེགས་པ་ལ་སོགས་པ་རྣམས་དེ་ཁོ་ན་ཉིད་ཀྱི་བསམ་གཏན་ལ་བཞུགས་སོ། །བཅོམ་ལྡན་འདས་མས་གསོལ་པ། ཀྱེ་བཅོམ་ལྡན་འདས། བདེ་བ་ཆེན་པོ་གཅིག་པུའི་སྐུ། །ཚིག་རྒྱས་པ་ཡི་སྙིང་པོའི་
དོན། །མཆོག་གི་དབང་ཕྱུག་བདག་ལ་གསུངས། །མཆོག་གི་དབང་ཕྱུག་གིས་བཀའ་སྩལ་པ། ཉོན་ཅིག་ལྷ་མོ་གསང་བའི་མཆོག །རྒྱུད་ཀུན་དུ་ནི་རྙེད་དཀའ་བ། །གསང་སྣ་པད་མའི་སྙིང་པོ་ནི། །ཚོགས་ཀྱི་གནས་སུ་འདི་རུ་
བརྗོད། །རྡོ་རྗེའི་རྩེ་མོ་ཁ་ཕྱེའི་ཕྱིར། །དེ་ནི་རྒྱས་པར་བརྗོད་པའོ། །ཡང་ན་ཐམས་ཅད་ཀྱི་ནི་ཚོགས། །སྙིང་པོ་བྱ་ཡི་གདོང་མར་དྲན། །དེ་ལ་རྡོ་རྗེ་རྩེ་མོ་ཡིས། །ཕྱེ་བ་དེ་ནི་རྒྱས་པར་བརྗོད། །ཨི་ཏ་པིང་གལ་གཉིས་ཀྱི་དབུས། །རྟོག་
མེད་ཡེ་ཤེས་ངོ་བོ་ཉིད། །བསྲུབ་དང་བསྲུབ་པའི་སྦྱོར་བ་ཡིས། །རྡོ་རྗེའི་མཐེ་ཆུང་རྩེ་མོ་ལས། །རེག་བྱས་གང་གིས་བདེ་བར་འཛག །ཞལ་བཟང་དེ་ནི་ཚིག་རྒྱས་པོ། །ལྟེ་བའི་གནས་ནས་སྨིན་འཁོར་ལོ། །དེ་ནས་གནས་པ་ཡི་རྣའོ། །

85-1-44b

སྤྱི་རྩི་ཚངས་པའི་བུ་ག་ནི། །ཚིག་རྒྱས་པ་ནི་གསུམ་དུ་དྲན། །མ་ནི་བསྲུབ་དང་བསྲུབ་པ་སྟེ། །ར་ནི་དགའ་བ་ཡིན་པར་བརྗོད། །མུ་ནི་ལྷ་མོ་སྒྲོལ་མ་ཡིན། །ད་ཡི་ཡིག་འབྲུ་ཞུ་བའི་གཟུགས། །གྷ་ཡི་ཡིག་འབྲུ་སྒྲ་རུ་གྲགས། །ཏ་ཡི་ཡིག་འབྲུ་གསལ་
བར་བྱེད། །ན་ནི་ལྟེ་བའི་གསང་བའི་མཐར། །དེ་ཡི་དབུས་སུ་རྟག་ཏུ་ཤར། །ཟླ་བའི་སྐུ་དང་འདྲ་བ་གསལ། །ཉི་མ་བྱེ་བ་མཉམ་པའི་འོད། །རྡོ་རྗེ་སེམས་དཔའ་བདེ་བ་ཆེ། །བྱང་ཆུབ་ཀྱི་ནི་ལམ་རབ་སྟེར། །དེ་ནི་གསང་བ་ཡེ་ཤེས་ཆེ། །རང་བཞིན་
ཚིག་གིས་རབ་གསལ་བྱས། །འབད་པ་ཡིས་ནི་སྦ་བར་བྱ། །སུ་ལའང་སྦྱིན་པར་མི་བྱའོ། །དཔལ་ཡེ་ཤེས་ཐིག་ལེ་ལས་ཚིག་རྒྱས་པར་བསྟན་པ་ཞེས་བྱ་བའི་ལེའུ་སྟེ་ཉི་ཤུ་རྩ་ལྔ་པའོ།། །། དེ་ནས་གཞན་ཉོན་བདག་གིས་བཤད། །
ཡེ་ཤེས་རབ་མཆོག་གང་གིས་སྨྲས། །དེ་ཁོ་ན་ཉིད་བདག་དོན་ཟབ། །ངེས་བསྟན་ལ་སོགས་བྱེ་བྲག་ཏུ། །སྲོག་གི་དབྱུག་པ་བཞུགས་ཐབས་ནས། །རྩ་དང་ལྡན་པའི་སྦྱོར་བ་དྲུག །ཐིག་ལེའི་ཤར་བ་ནུབ་པ་དང་། །འཕོ་བ་སྦྱོར་བའི་མཚན་
ཉིད་དང་། །རྩ་ཡི་འཁོར་ལོ་འབྱུང་བར་དགྱེས། །དབང་གི་རིམ་པ་དེ་བཞིན་ནོ། །བསྲུང་བའི་འཁོར་ལོ་ལྷ་མོ་ཆེ། །སྙིང་པོ་སྔགས་ཀྱི་རྒྱལ་པོ་ཉིད། །སྐུ་བརྒྱད་བདག་ཉིད་མཆོད་སྦྱིན་དང་། །ཐིམ་དང་ལོངས་སྤྱོད་དང་ནི་དབང་། །རྡོ་རྗེ་ལྷ་མོ་ཡེ་ཤེས་
སྐུ། །གསང་བའི་སྒྲ་ཡང་དེ་བཞིན་ནོ། །བསྲུང་བའི་དམ་ཚིག་ལ་སོགས་དང་། །དཔལ་ལྡན་སྦྱིན་སྲེག་དོན་དམ་པར། །བསྲུབ་དང་བསྲུབ་པའི་དགྱེས་པ་དང་། །སྔགས་ཀྱི་བཟླས་པ་མཆོད་སྦྱིན་དང་། །གནས་བརྒྱད་སྐུ་ཡི་ངོ་བོ་དང་། །དགའ་
བ་ལ་སོགས་པ་ཡི་མཆོག །དུར་ཁྲོད་རྣམ་རྟོག་མེད་པར་གྲགས། །ཆུ་ངོགས་རྟོག་པ་མེད་པ་དང་། །སྣང་བ་ལ་སོགས་མཆོག་ཡེ་ཤེས། །དངོས་པོ་ལ་སོགས་བདེ་བ་ཆེ། །ཐོག་མ་ཐ་མ་དུར་ཁྲོད་བརྒྱད། །ཞིང་ལ་སོགས་པ་བསྟན་པ་དང་། །
རླུང་གི་དེ་ཉིད་སྙིང་པོའི་དོན། །འཇུག་པ་གནས་པ་འགྲོ་བ་དང་། །ཉེར་འགྲོ་སྦྱོར་བ་རབ་མཆོག་དང་། །ཉིད་ནི་ཡེ་ཤེས་ཐིག་ལེ་དང་། །རང་གི་ངོ་བོ་རྣམ་པ་མཆོག །ས་ལ་སོགས་པའི་བདག་པོ་དང་། །དེ་བཞིན་

85-1-45a

གཤེགས་པའི་སྐུ་སྐྱབས་དང་། །རྒྱུད་ཀྱི་རིམ་པ་བསྟན་པ་དང་། །ཕྱག་རྒྱ་ཆེན་པོའི་རང་བཞིན་ནོ། །གསང་བའི་དོན་ནི་དོན་དམ་པར། །དེ་ཉིད་མཆོད་པས་བསྐུལ་བ་དང་། །ཤེས་རབ་ཡེ་ཤེས་ཇི་བཞིན་ནོ། །
གསང་བའི་དཀྱིལ་འཁོར་འཁོར་ལོ་སོགས། །ཞལ་བཟང་ཚིག་རྒྱས་བསྟན་པའོ། །གཏོར་མ་འབྱུང་ལ་ཕན་དོན་དུ། །སྡིག་པ་ཐམས་ཅད་འཇིག་པར་བྱེད། །དེ་ནི་བདེ་བ་ཆེན་པོའི་མཐའ། །དེ་ཉིད་བསྡུས་པའི་སྙིང་པོའི་དོན། །བཞི་
བཅུའི་བདག་ཉིད་དེ་ཉིད་དོན། །གསང་ཆེན་བདག་གིས་རབ་ཏུ་བཤད། །དེ་ཉིད་སུམ་ཅུ་དྲུག་བདག་པོ། །ཆར་ཡང་ཡེ་ཤེས་ཚོར་བྱེད་དོ། །ཐིག་ལེ་ཡེ་ཤེས་བདག་ཉིད་ཚོར། །དེ་ནི་སུམ་ཅུ་བདུན་དབང་ཕྱུག །ཚུལ་གྱིས་ཡེ་ཤེས་
བདག་ཉིད་ཚོར། །དེ་ནི་སུམ་བཅུ་བརྒྱད་དབང་ཕྱུག །ཚུལ་ཙམ་ཡེ་ཤེས་ཚོར་བྱེད་པ། །དགུ་ལྷག་སུམ་ཅུ་དེ་ཉིད་དོ། །མཆོག་ཤེས་པ་ཡི་རྣལ་འབྱོར་གང་། །བཞི་བཅུའི་མངའ་བདག་ཆེན་པོའོ། །གཞན་མཆོག་གསུང་ལམ་བརྗོད་དུ་
མེད། །རྣམ་པར་དག་པ་དེ་ཉིད་མཆོག །ཐམས་ཅད་དེ་ཁོའི་བདག་ཉིད་ཕྱིར། །དེ་བས་བྱེ་བྲག་མི་བྱའོ། །དཔལ་ཡེ་ཤེས་ཐིག་ལེ་ལས་དེ་ཁོ་ན་ཉིད་ཀྱི་སྙིང་པོ་བསྡུས་པ་ཞེས་བྱ་བའི་ལེའུ་སྟེ་ཉི་ཤུ་རྩ་དྲུག་པའོ།། །། 
ལྷ་མོས་གསོལ་པ། བཅོམ་ལྡན་འདས་ནི་མཆོག་དགའ་བ། །ཀུན་དགའ་བ་ཡི་རྣམ་པ་སྐུ། །དེ་ཁོ་ན་ཉིད་ཞལ་བརྒྱད་པའི། །རྣམ་པར་དག་པ་ཇི་ལྟར་ལགས། །བཅོམ་ལྡན་འདས་ཀྱིས་བཀའ་སྩལ་པ། །དེ་ཉིད་བསྒོམ་པ་རྣམ་
པར་དག །སྐལ་ལྡན་ལྷ་མོ་ཁྱོད་ཉོན་ཅིག །ཞལ་བརྒྱད་རྣམ་པར་ཐར་པ་བརྒྱད། །ནང་གི་སྟོང་པ་དེ་ཉིད་དོ། །སྤྱན་ནི་ཉི་ཤུ་རྩ་བཞི་ནི། །ས་དང་སྟོབས་དང་ཡེ་ཤེས་སོ། །ཕྱག་རྣམས་སྟོང་ཉིད་རྣམ་པར་དག །བརྒྱད་གཉིས་ཕྱག་ནི་སྟོང་
པ་ཉིད། །སྦྱངས་པའི་ཡོན་ཏན་སྡེ་དང་ལྡན། །ཐོད་པ་རྣམས་ཀྱི་ངོ་བོ་ཉིད། །སངས་རྒྱས་ཆོས་ནི་མ་འདྲེས་པ། །འཇིགས་བྱེད་མ་ནི་བརྒྱད་གཉིས་དབྱེ། །བསྡུ་བའི་དངོས་པོ་བཞི་པོ་ནི། །ཞབས་བཞི་རུ་ནི་དྲན་པའོ། །ཆགས་སྡང་དེ་བཞིན་གཏི་མུག་ནི། །

85-1-45b

ལེགས་དགྱེས་ཟླ་ཉི་འཇིགས་བྱེད་དོ། །གང་ཞིག་སྲིད་པའི་གནས་སུ་བཞུགས། །ཞལ་བཟང་དེ་ཕྱིར་གཡས་བརྐྱང་བ། །ལྷ་མོ་གཡོན་བརྐྱང་མྱ་ངན་འདས། །ཡེ་ཤེས་སྐུ་ཉིད་བཞུགས་པའོ། །སྲིད་དང་མྱ་ངན་འདས་མིན་ཕྱིར། །ལྷ་མོ་དེ་ཕྱིར་
བཞེངས་པའོ། །གཟུགས་བརྒྱད་རྣམ་པར་དག་པ་ཡིས། །སྣ་ཚོགས་པད་མ་འདབ་མ་བརྒྱད། །གཟུགས་མེད་གཉིས་ཀྱིས་འདུ་ཤེས་ཕྱིར། །ཤེས་རབ་ཐབས་གཉིས་བདག་ཉིད་དོ། །གར་དགུའི་རོ་དང་ལྡན་པའི་ཕྱིར། །ཞལ་བཟང་མོ་
ནི་སྣ་ཚོགས་གཟུགས། །ལྷ་མོས་གསོལ་པ། ཐམས་ཅད་མཁྱེན་པ་མཆོག་དབང་ཕྱུག །བཅོམ་ལྡན་བདག་གིས་རྣམ་དག་ཤེས། །གསང་བའི་དོན་གྱིས་འདི་ལྟར་མགོན། །རྡོ་རྗེ་འཛིན་པ་བཀའ་དྲིན་གསོལ། །བཅོམ་ལྡན་འདས་ཀྱིས་
བཀའ་སྩལ་པ། །གསང་བའི་སྒོམ་པ་རྣམ་པར་དག །ལྷ་མོ་ཤེས་རབ་ཆེན་མོ་ཉོན། །ཞལ་དང་ལྷན་ཅིག་པ་ཡི་སྤྱན། །ཞལ་བཟང་གནས་ལ་སོགས་པའོ། །ལོངས་སྤྱོད་རྫོགས་པར་ཡོད་པའི་རྩ། །བཅུ་དྲུག་ཕྱག་ནི་བཅུ་དྲུག་པའོ། །ཨཱ་ལི་
ཐིག་ལེ་རྣམ་དག་པའི། །ཐོད་པ་ཡིན་པར་འདི་རུ་བསྟན། །འཇིགས་བྱེད་རྣམ་པར་འཇིགས་བྱེད་མ། །ལེགས་དགྱེས་དགའ་བ་བཅུ་དྲུག་གོ། །སྐད་ཅིག་བཞི་ཡི་སྦྱོར་བ་ཡིས། །ཞབས་ནི་བཞི་རུ་དྲན་པའོ། །གཡས་བརྐྱང་བ་ནི་མཆོག་
གི་དགའ། །གཡོན་བརྐྱང་དགའ་བ་དགའ་བ་ཡིན། །བཞེངས་པའི་ལྷན་སྐྱེས་དགའ་བའོ། །ཕྱག་རྒྱ་ཕ་རོལ་ཕྱིན་པར་དྲན། །དབང་གི་རང་གི་ངོ་བོའོ། །ཐིམ་པ་སྨད་ཀྱི་ཚངས་པའི་རས། །ལོངས་སྤྱོད་ཞི་བའི་ལྤགས་པའི་གོས། །ལེགས་
དགྱེས་དབང་ཕྱུག་ཡང་ན་གནས། །བསྐྱེད་པ་ཚངས་པའི་ལྤགས་པར་གྲགས། །བོང་བུའི་ཞལ་ནི་འཇིགས་པའི་སྒྲ། །ཕྱག་རྒྱ་ཤེས་རབ་ཐབས་ནི་ཆེ། །ཐབས་དང་ཤེས་རབ་གཉིས་མེད་དྲན། །བྱང་ཆུབ་སེམས་ཀྱི་རྣམ་དག་
པས། །རུས་པ་སྣ་ཚོགས་རྒྱན་ལ་སོགས། །ནམ་མཁའ་རུ་ནི་འགྲོ་བའི་ཕྱིར། །གྱེན་དུ་འབར་བའི་དབུ་སྐྱེས་སོ། །རང་གི་ངོ་བོ་བདེ་ཆེན་ཕྱིར། །སྐུ་མདོག་ནག་པོ་མཁའ་དང་མཚུངས། །དགའ་བྲལ་གྱི་ནི་བདུད་ཆེན་པོ། །འཇིགས་པར་བྱེད་ཕྱིར་

85-1-46a

འཇིགས་པ་ཆེ། །དཔལ་ཡེ་ཤེས་ཐིག་ལེ་ལས་རྣམ་པར་དག་པ་ཞེས་བྱ་བའི་ལེའུ་སྟེ་ཉི་ཤུ་རྩ་བདུན་པའོ།། །། དེ་ནས་བཅོམ་ལྡན་འདས་མས་མ་མཆུའི་བདུད་རྩིའི་རོ་ཕུལ་ཏེ། ཉི་མ་དང་ཟླ་བའི་མེ་ཏོག་གིས་
མཆོད་ནས། བཅོམ་ལྡན་འདས་རབ་ཏུ་ཚིམ་པར་མཛད་ནས་འདི་སྐད་ཅེས་གསོལ་ཏོ། །ཀྱཻ་བཅོམ་ལྡན་འདས་མ་འོངས་པའི་དུས་སུ་ཡང་དག་པར་གསང་བའི་རྒྱུད་འདི་སྐལ་བ་དང་ལྡན་པའི་སེམས་ཅན་རྣམས་ལ་སུས་འཆད་པར་འགྱུར། 
བཅོམ་ལྡན་འདས་ཀྱིས་བཀའ་སྩལ་པ། དཔལ་ཕྱག་ན་རྡོ་རྗེ་མགོན་པོས་བཤད་པར་བྱེད་དོ། །བཅོམ་ལྡན་འདས་མས་གསོལ་པ། ཡེ་ཤེས་བདུད་རྩི་ཆར་པ་ཆེ། །མགོན་པོ་ཁྱོད་ཀྱིས་རྨད་བྱུང་སྦྱིན། །ཕྱག་ན་རྡོ་རྗེ་མགོན་པོ་ཆེ། །དེ་ཡི་བསྐྱེད་
པ་ཇི་ལྟར་ལགས། །རྒྱལ་བའི་མངའ་བདག་ཡེ་ཤེས་རྒྱལ། །དེ་ནི་ཚིག་གཅིག་བཀའ་སྩོལ་ཅིག །བཅོམ་ལྡན་འདས་ཀྱིས་བཀའ་སྩལ་པ། །གང་ཞིག་ཁྱོད་ཀྱིས་ཡོངས་ཞུས་པ། །བཅོམ་ལྡན་མ་དེ་ཡང་དག་ཉོན། །ཕྱག་ན་རྡོ་རྗེ་མགོན་ཆེན་
པོ། །རྡོ་རྗེ་འཛིན་པ་ཀུན་གྱི་བདག །མཐའ་ཡས་པ་ཡི་འཇིག་རྟེན་ཁམས། །སྐྱེ་དང་འཇིག་པའི་རྒྱུ་ཡིན་ནོ། །དེ་ལས་སྐྱེ་བ་གང་ཡང་མེད། །རང་བྱུང་མཆོག་གི་དབང་ཕྱུག་གོ། །དེ་ཡི་ཕྱག་གི་རྡོ་རྗེ་ནི། །ཡེ་ཤེས་བཅུ་གཉིས་སྐྱེ་བ་མེད། །
ཐོག་མ་ཡི་ནི་རྭ་ལྔ་ལས། །དེ་བཞིན་གཤེགས་པ་ལྔ་འབྱུང་ངོ་། །མཐའ་ནས་འབྱུང་བ་ཆེན་པོ་ལྔ། །དབུས་ནས་འགྲོ་བའི་རིས་དྲུག་འབྱུང་། །ལྟ་བ་ཀུན་ནི་བསྲུང་དོན་ཕྱིར། །སྣ་ཚོགས་པ་ཡི་གཟུགས་སུ་སྤྱོད། །ལ་ལར་
རྡོ་རྗེ་འཛིན་པ་དང་། །ལ་ལར་སངས་རྒྱས་ཀྱི་ནི་གཟུགས། །ལ་ལར་ཧེ་རུ་ཀ་ཡི་གཟུགས། །ལ་ལར་དེ་བཞིན་གཤེགས་པ་དང་། །ལ་ལར་བྱང་ཆུབ་སེམས་དཔའི་གཟུགས། །ལ་ལར་ཉན་པ་ལྟ་བུར་བཞུགས། །ལ་
ལར་འཆད་དོ་དགྱེས་པད་མ། །ལ་ལར་ཀློག་པའི་ཚུལ་དུ་བཞུགས། །ལ་ལར་རྒྱུད་དང་བསྟན་བཅོས་ནི། །མཛད་པ་དང་ནི་ལ་ལར་འཛིན། །མང་དུ་བརྗོད་ལྟ་ཅི་ཞིག་དགོས། །དེ་སྟོན་ཕྱག་ན་རྡོ་རྗེ་རྒྱལ། །ལྷ་མོས་གསོལ་པ།

85-1-46b

དཀྱིལ་འཁོར་དང་ནི་འཁོར་ལ་སོགས། །དེ་ལ་མདོར་བསྡུས་ཇི་ལྟར་ལགས། །བཅོམ་ལྡན་འདས་ཀྱིས་བཀའ་སྩལ་པ། །དཀྱིལ་འཁོར་རྡོ་རྗེ་འཛིན་པ་ཡིས། །མཁའ་འགྲོ་དབང་ཕྱུག་མ་དགྱེས་མཛོད། །གྲུ་བཞི་ལ་སོགས་དང་ལྡན་པ། །
དུར་ཁྲོད་ཀྱི་ནི་རྒྱན་གྱིས་བརྒྱན། །ཤིང་བརྒྱད་ཀྱིས་ནི་ཆལ་པར་བཀྲམ། །རྫིང་བརྒྱད་ཀྱིས་ནི་བརྒྱན་པའོ། །དེ་དབུས་སྣ་ཚོགས་ཆུ་སྐྱེས་ནི། །འདབ་མ་དང་ནི་གེ་སར་བཅས། །དེ་ཡི་དབུས་སུ་ལྷ་ཐོད་པ། །དུམ་བུ་གསུམ་པ་ཀུན་དང་བཞི། །
རང་གི་ངོ་བོ་ཆོས་ཀྱི་དབྱིངས། །བདུད་རྩི་ལྔས་ནི་ཤིན་ཏུ་གང་། །ཧཱུྃ་གི་ཡིག་འབྲུ་དེ་དབུས་གནས། །ཡེ་ཤེས་མེ་ཡི་འོད་དང་མཉམ། །ཟླ་བ་ཉི་མའི་གདན་ལ་བཞུགས། །སྡིག་པ་ཐམས་ཅད་འཇིག་པར་བྱེད། །ཧཱུྃ་ལ་སོགས་པ་ཡོངས་
གྱུར་ལས། །སྐད་ཅིག་གཅིག་གིས་རྨད་དུ་བྱུང་། །ལྷ་མོ་བཅུ་གཉིས་དང་ལྡན་པ། །ཕྱག་ན་རྡོ་རྗེ་རྒྱལ་པོ་བཞེངས། །ཞལ་གཅིག་པ་ལ་སྤྱན་གསུམ་པ། །ཆར་སྤྲིན་གྱི་ནི་མདོག་དང་མཉམ། །ཕྱག་བཞི་པ་ནི་རྟ་ལ་ཆིབས། །ཉི་མའི་འོད་
དང་མཉམ་པའི་སྤྱན། །བསྐལ་པ་ཆེན་པོའི་མེ་དང་འདྲ། །ཉི་མ་བྱེ་བའི་འོད་དང་མཉམ། །གདུལ་དཀའ་ཆེན་པོ་འདུལ་བར་མཛད། །སྙིང་རྗེའི་རླན་གྱིས་བརླན་པར་མཛད། །ཕྱག་རྒྱ་ལྔ་འཛིན་དཔའ་བོ་ཆེ། །རལ་པའི་དབུ་རྒྱན་གྱིས་ནི་
བརྒྱན། །རལ་པ་སྣ་ཚོགས་རྒྱན་དང་ལྡན། །སྣ་ཚོགས་རྡོ་རྗེ་ཟླ་ཅོད་པན། །ཕྱག་གཡས་པས་ནི་རྡོ་རྗེ་འཛིན། །སྣ་ཚོགས་ཀྱི་ནི་འོད་ཟེར་འཕྲོ། །གཡོན་ནི་ཐོད་པ་ཁ་ཊྭཱྃ་ག །གཞན་པས་རྡོ་རྗེའི་མདའ་དང་གཞུ། །རྟ་ནི་འདི་རུ་སྔོན་པོའི་
གཟུགས། །སྤྱན་གསུམ་པ་ལ་དྲག་པོའི་འོད། །ཞི་བའི་པགས་པས་སྒ་ཆ་བྱས། །དགོད་པའི་ང་རོ་གཤོག་པ་ཅན། །སྣ་ཚོགས་པད་མའི་འདབ་མ་ལ། །ཤར་དང་ལྷོ་དང་ནུབ་དང་བྱང་དུ་རྡོ་རྗེ་འཇིགས་བྱེད་མ་དང་། རྡོ་རྗེ་དྲག་མོ་དང་། རྡོ་རྗེ་གཏུམ་
མོ་དང་། རྡོ་རྗེ་ནག་མོ་སྟེ། གནག་པ་དང་། དམར་བ་དང་། ལྗང་བ་དང་། དཀར་པོ་སྟེ་ངང་པ་ལ་ཆིབས་པའོ། །ཕྱག་ན་མཚོན་ཆ་ལ་སོགས་པ་ནི་གཙོ་བོ་བཞིན་ནོ། །མཚམས་ཀྱི་འདབ་མ་བཞིར་བདུད་རྩི་སྣ་ཚོགས་པས་གང་བའི་

85-1-47a

བུམ་པའི་སྟེང་ན་ཐོད་པའོ། །མཚམས་སུ་རྡོ་རྗེ་འདོད་མ་དང་། རྡོ་རྗེ་རྩགས་བུ་མ་དང་། རྡོ་རྗེ་ཕྲེང་བ་མ་དང་། རྡོ་རྗེ་བརྩོན་མ་རྣམས་ནི་གཟུགས་གཉིས་པའི་སྐུ། ནམ་མཁའ་ལྡིང་ལ་ཆིབས་པ་གཙོ་བོ་ལྟ་བུའོ། །ཤར་
སྒོ་ལ་སོགས་པར་རྡོ་རྗེ་ཤ་བ་རི་དང་། རྡོ་རྗེ་རོ་ལངས་མ་དང་། རྡོ་རྗེ་རབ་ཏུ་གཏུམ་མ་དང་། རྡོ་རྗེ་ཌོམ་བི་ནི་སྟེ། ནམ་མཁའ་སྔོན་པོ་དང་། ཉི་མའི་འོད་དང་། མེའི་ཁ་དོག་དང་། དུ་བའི་མདོག་བྱ་རྒོད་ལ་ཆིབས་པ་མཚམས་ཀྱི་བཞིན་
ནོ། །དཀྱིལ་འཁོར་གྱི་ཕྱོགས་བཞིའི་སྣམ་བུ་ལ་ཚངས་པ་དང་། བརྒྱ་བྱིན་དང་། དྲག་པོ་དང་། མི་མཆོག་ལ་སོགས་པ་འདྲེའི་རྒྱལ་པོ་རང་རང་གི་མཚོན་ཆ་ཕྱག་ན་བསྣམས་པ་དུ་མ་བྱའོ། །ལྷ་མོས་གསོལ་པ། ཕྱག་ན་རྡོ་རྗེ་གཙོ་
བོའི་གསང་སྔགས་ནི་གང་། སེམས་ཅན་རྣམས་ཀྱིས་ཇི་ལྟར་བསྒོམ་པར་བགྱི། བཅོམ་ལྡན་འདས་ཀྱིས་བཀའ་སྩལ་པ། ལྷ་མོ་སྔགས་ནི་ཡི་གེ་དྲུག །ཐམས་ཅད་འདོད་པའི་དོན་གྲུབ་བྱེད། །གདུག་པ་ཐམས་ཅད་འཇིགས་བྱེད་ཅིང་། །ནད་
རྣམས་ཀུན་ནི་ཟད་པར་བྱེད། །དངོས་གྲུབ་ཐམས་ཅད་རབ་ཏུ་སྦྱིན། །ཐམས་ཅད་མཁྱེན་པས་མི་ཐུབ་བོ། །བཛྲ་པཱ་ཎི་ཧཱུྃ། རྣལ་འབྱོར་ཁྲོ་བོའི་ལྟ་བས་བཟླས། །སྐད་ཅིག་གཅིག་གིས་ཁམས་གསུམ་གསོད། །ཡང་ན་ཞི་བའི་ལྟ་བས་བཟླས། །
མཐའ་ཡས་པ་ཡི་ནད་ཞི་བྱེད། །མཆོད་སྦྱིན་ཡང་དག་ཆེར་བྱས་ན། །སྔོན་དུ་བསྙེན་པ་བྱེ་བ་བྱ། །ཞི་བ་ལ་སོགས་སྦྱིན་སྲེག་བྱ། །ཇི་ལྟར་སྔར་ནི་བདག་གིས་སྨྲས། །དུར་ཁྲོད་ཡང་ན་ཆུ་ངོགས་སུ། །ཕྱག་ན་རྡོ་རྗེ་བསྒྲུབ་པར་བྱ། །དུང་ཆེན་གྱི་ནི་ཕྲེང་བ་ཡིས། །
འགྲུབ་པའི་དོན་ཕྱིར་བྱེ་བ་བཟླས། །ཞི་བ་ཞི་བའི་སེམས་ཀྱིས་ནི། །དྲག་པོ་དྲག་པོ་བསྒྲུབ་པར་དཀའ། །དབང་བསྐུར་མེད་པའི་སེམས་ཅན་ལ། །སྔགས་འདི་སྦྱིན་པར་མི་བྱ་སྟེ། །མཁས་པས་བྲིས་སྐུ་གླེགས་བམ་ནི། །ནམ་ཡང་
དེ་ལས་བསྟན་མི་བྱ། །དེ་ལྟ་མིན་ན་གྲུབ་མི་འགྱུར། །ཀུན་ནས་ཀུན་དུ་རབ་ཏུ་བལྟ། །གསང་བ་ཡིས་ནི་འགྲུབ་པར་འགྱུར། །ཀུན་ནས་ཀུན་དུ་ཞལ་བཟང་མོ། །པད་མ་འདབ་མ་བརྒྱད་གྱེས་པ། །འདབ་མ་སྣ་ཚོགས་པ་ཡིས་

85-1-47b

མཛེས། །ཉི་མའི་དཀྱིལ་འཁོར་དབུས་སུ་ནི། །མངའ་བདག་ཕྱག་ན་རྡོ་རྗེ་རྒྱལ། །རྒྱལ་པོའི་བཞུགས་སྟབས་ཀྱིས་ནི་བཞུགས། །ནམ་མཁའི་མདོག་ལྟར་སྔོ་བ་སྟེ། །ཕྱག་བཞི་པ་ལ་ཞལ་གཅིག་པ། །སྤྱན་གསུམ་པ་ལ་ཞི་བའི་
གཟུགས། །གཡས་དང་གཡོན་པའི་ཕྱག་གཉིས་ནི། །རྡོ་རྗེ་ཐོད་པ་ཁ་ཊྭཱྃ་ག །ཆོས་ཀྱི་དོན་ནི་འཆད་པའི་ཕྱིར། །ཕྱག་གཉིས་ཆོས་ཀྱི་ཕྱག་རྒྱའོ། །འདབ་མ་བདུན་ལ་སངས་རྒྱས་བདུན། །བརྒྱད་པ་ལ་ནི་བྱམས་པའོ། །པ་ཏི་ལ་སོགས་
ཤིང་ལ་བརྟེན། །ཐམས་ཅད་ཟླ་བའི་གདན་དུ་དྲན། །གཤིན་རྗེའི་གཤེད་ལ་སོགས་པ་བཞི། །གཞན་མིན་སྒོ་ལ་སོགས་པར་དགོད། །རྡོ་རྗེ་ལྕགས་ཀྱུ་ལ་སོགས་བཞི། །སྒོ་ཡི་མཚམས་སུ་གནས་པའོ། །སྒོ་ཡི་ཕྱི་རོལ་སྣམ་བུའི་
གནས། །ཡང་དག་ལྷ་ཆེན་ལ་སོགས་པའོ། །རྡོ་རྗེ་ཕྲེང་བས་ཀུན་དུ་མཆོག །མཁས་པས་ཡོངསུ་བསྐོར་བྱའོ། །དཔལ་ཡེ་ཤེས་ཐིག་ལེ་ལས་དཔལ་ཕྱག་ན་རྡོ་རྗེའི་དཀྱིལ་འཁོར་བསྐྱེད་པའི་བསྒོམ་པ་ཞེས་བྱ་བའི་ལེའུ་སྟེ་
ཉི་ཤུ་རྩ་བརྒྱད་པའོ།། །། དེ་ནས་དེའི་དུས་སུ་འཁོར་ཐམས་ཅད་སྟན་ལས་ལངས་ཏེ། ལན་གསུམ་དུ་སྐོར་བ་བྱས་ནས། བཅོམ་ལྡན་འདས་ཀྱི་ཞབས་ལ་མགོ་བོས་ཕྱག་འཚལ་ཏེ། ཚིགས་སུ་བཅད་པ་
འདི་དག་བརྗོད་དོ། །མགོན་ཁྱོད་བཀའ་དྲིན་གྱིས་ནི་བདག་ཅག་དག །གཞན་དང་མི་མཉམ་རྒྱལ་བས་རྙེད་དཀའ་བ། །བལྟ་བར་དཀའ་བ་ཤེས་དཀའ་གཟུང་བར་དཀའ། །གསང་བའི་གསང་བ་མཆོག་གི་མཆོག་རབ་ཉིད། །དཔའ་བོ་
དབང་ཕྱུག་ཆོས་དབྱིངས་ཕྱག་འཚལ་བསྟོད། །ལོག་ཤེས་མུན་ནག་འཇོམས་ལ་ཕྱག་འཚལ་ལོ། །དང་པོའི་སངས་རྒྱས་མཆོག་ཆར་གྲགས་ལ་འདུད། །ཡིག་བྲལ་ཐིག་ལེ་སྐྱེ་མེད་ལ་ཕྱག་འཚལ། །
ནམ་མཁའི་རང་བཞིན་ཚུལ་གྲགས་ལ་ཕྱག་འཚལ། །གཉིས་སུ་མེད་པའི་ཚུལ་ཙམ་ལ་ཕྱག་འཚལ། །མཆོག་གི་རང་བཞིན་ཕྱག་འཚལ་ཕྱག་འཚལ་འདུད། །གཞན་མིན་གཞན་མཆོག་རང་བཞིན་ཕྱག་འཚལ་ལོ། །

85-1-48a

དཔལ་ཡེ་ཤེས་ཐིག་ལེ་ལས་བསྟོད་པའི་རྒྱལ་པོ་ཞེས་བྱ་བའི་ལེའུ་སྟེ་ཉི་ཤུ་རྩ་དགུ་པའོ།། ༈ །། ཡང་བཅོམ་ལྡན་འདས་ཀྱིས་འཁོར་ཐམས་ཅད་དང་བཅས་པའི་བཅོམ་ལྡན་འདས་མ་ལ་བོས་ཏེ། ཀྱཻ་བཅོམ་ལྡན་
འདས་མ་ཤེས་རབ་ཀྱི་ཕ་རོལ་ཏུ་ཕྱིན་མ་སྦྱོར་དྲུག་གི་གྲགས་པ་བཅུ་དང་བྲལ་བ་བཅུ་གསུམ་གྱི་བདག་ཉིད། དཔལ་མཆོག་གི་བླ་མའི་ཞལ་སྔ་ནས་པད་མ་བཙལ་ཏེ། བསམ་གཏན་ལ་སོགས་པ་ཡིས་ཡང་དག་པར་མཐོང་བ་ཞེས་གཏན་
ལ་ཕབ་པའོ། །དཔལ་ཡེ་ཤེས་ཐིག་ལེ་ལས་མཆོག་ཏུ་གསང་ཞིང་ཤིན་ཏུ་གསང་བ་ཐམས་ཅད་མཁྱེན་པ་རྣམས་ཀྱི་ཀྱང་རྙེད་པར་དཀའ་བ། རྣལ་འབྱོར་མའི་རྒྱུད་ཀྱི་རྨད་དུ་བྱུང་བ། མཆོག་ཆེན་པོ་ནང་གི་རྣམ་པར་ཤེས་པ་དྲུག་གི་བསྟོད་པའི་
རྒྱལ་པོ་ཞེས་བྱ་བའི་ལེའུ་སྟེ་སུམ་བཅུ་པའོ།། ༈ །།དཔལ་ཡེ་ཤེས་ཐིག་ལེ་རྣལ་འབྱོར་མའི་རྒྱུད་ཀྱི་རྒྱལ་པོ་ཆེན་པོ་རྫོགས་སོ།། ༈ །། རྒྱ་གར་གྱི་མཁན་པོ་ཆེན་པོ་ཤྲཱི་པྲཛྙཱ་གུ་པ་ཏས་བསྒྱུར་ཅིང་ཞུས་ཏེ་གཏན་ལ་
ཕབ་པ། །སླད་ཀྱིས་དཔལ་ས་སྐྱའི་དབེན་གནས་སུ་ཞུ་ཐིག་གཡར་ཁྲལ་བགྱིས་སོ།། ༈ །། རྒྱ་གར་སྐད་དུ། ཤྲཱི་ཏཏྟྭ་པྲ་དཱི་པམ་ནཱ་མ་མ་ཧཱ་ཡོ་གི་ནཱི་ཏནྟྲ་རཱ་ཛཱ། བོད་སྐད་དུ། དཔལ་དེ་ཁོ་ན་ཉིད་ཀྱི་སྒྲོན་མ་ཞེས་
བྱ་བའི་རྣལ་འབྱོར་ཆེན་མོའི་རྒྱུད་ཀྱི་རྒྱལ་པོ། དཔལ་རྡོ་རྗེ་སེམས་དཔའ་ལ་ཕྱག་འཚལ་ལོ། །འདི་སྐད་བདག་གིས་ཐོས་པ་དུས་གཅིག་ན། བཅོམ་ལྡན་འདས་དེ་བཞིན་གཤེགས་པ་ཐམས་ཅད་ཀྱི་སྐུ་དང་། གསུང་དང་
ཐུགས་རྡོ་རྗེ་དཔའ་བོ་ཆེན་པོ་དང་། དཔའ་མོའི་དབང་ཕྱུག་མས་ཡང་དག་པར་བསྐོར་ནས། ཤེས་རབ་ཀྱི་བྷ་ག་ལ་བཞུགས་སོ། །དེར་བཅོམ་ལྡན་འདས་མ་རྡོ་རྗེ་དབྱིངས་ཀྱི་དབང་ཕྱུག་མས་ལེགས་དགྱེས་ཆེན་པོའི་རོལ་
པ་སྒེག་པས་ཉེ་བར་ལོངས་སྤྱོད་པ་དང་། མ་མཆུའི་བདུད་རྩིའི་བཏུང་བས་བཅོམ་ལྡན་འདས་མཉེས་པར་བྱས་ཏེ། ཁ་སྦྱོར་གྱི་ཐབས་ཀྱི་སྦྱོར་བ་ལས་ལངས་ནས་རི་རབ་ཀྱི་ཉི་རྡུལ་གྱི་གྲངས་གྱི་རྣལ་འབྱོར་མ་དང་ལྷན་ཅིག་པས་ལན་

85-1-48b

གསུམ་དུ་བསྐོར་བ་བྱས་ནས་བཅོམ་ལྡན་འདས་ཀྱིས་ཞབས་ལ་མགོ་བོས་ཕྱག་འཚལ་ཏེ། འདི་སྐད་ཅེས་གསོལ་ཏོ། །བཅོམ་ལྡན་ཡེ་ཤེས་ཟླ་བར་གྲགས། །ལྟེ་བའི་ཀུ་མུད་ཁ་འབྱེད་པ། །གང་ཞིག་བདག་གི་ཞུ་བ་ཀུན། །
མངའ་བདག་ཆེན་པོས་བདག་ལ་གསུངས། །དཔལ་ལྡན་བླ་ན་མེད་པའི་རྒྱུད། །རྣལ་འབྱོར་མ་ཞེས་རབ་གྲགས་པ། །ཨེ་བྃ་མ་ཡཱ་ལ་སོགས་སྒྲའི། །དོན་ནི་ཇི་ལྟ་བུར་ནི་བརྗོད། །བཅོམ་ལྡན་འདས་ཀྱིས་བཀའ་སྩལ་
པ། །ཉོན་ཅིག་ལྷ་མོ་སྤྱན་བཟང་རིང་། །ཁྱོད་ཀྱིས་ང་ལ་གང་ཞུས་པ། །ཨེ་བྃ་མ་ཡ་སོགས་སྒྲ་ཡིས། །ཁམས་གསུམ་འགྲོ་དང་མི་འགྲོ་བཅས། །ཤེས་རབ་ཐབས་ཀྱི་རང་བཞིན་གྱིས། །ཐམས་ཅད་རྒྱས་བཏབ་
གཞན་གྱིས་མིན། །དེ་ཁོ་ན་ཉིད་སྒྲོན་མར་གྲགས། །དྲི་མེད་རྫོགས་པའི་འབྲས་བུའི་གཟུགས། །ཨེ་བྃ་མ་ཡ་དེ་ཉིད་གསུམ། །ཐོག་མར་བདག་བཅས་པ་དང་ནི། །རང་བཞིན་བཞི་ཡི་བྱེ་བྲག་ཏུ། །དོན་དམ་པར་ནི་ཤེས་
པར་བྱ། །ཐོས་པའི་དོན་ནི་ཟླ་བ་བདེ། །དེ་ནི་ནམ་མཁའ་བཞིན་དུ་མཆོག །གཅིག་ཅེས་བྱ་བ་གཞན་མཆོག་རབ། །སྲིད་དང་མྱ་ངན་འདས་པ་སྤངས། །དུས་ནི་ཕྱག་རྒྱ་ཆེན་པོ་སྟེ། །བསྐྱེད་པ་དང་ནི་རྫོགས་དང་བྲལ། །
བཅོམ་ལྡན་འདས་ནི་མཐའ་ཞེས་བྱ། །རང་དགའ་ཉམས་སུ་མྱོང་བའི་དངོས། །ཐམས་ཅད་ཡེ་ཤེས་གསུམ་སྟོང་ཉིད། །དེ་ཉིད་དེ་ཉིད་ཀྱིས་ནི་སྤངས། །དེ་བཞིན་གཤེགས་པ་རྣམ་འབྱེད་གྲགས། །དང་པོའི་
གནས་ནི་རབ་གྲུབ་བྱེད། །སྐུ་ནི་དགའ་བའི་གཟུགས་སུ་གྲགས། །དབང་པོ་གཉིས་བྱུང་དང་བྲལ་བ། །གསུང་ནི་མངོན་པར་དགའ་ཞེས་བྱ། །དམ་ཚིག་ལས་བྱུང་གིས་ནི་སྤངས། །ཐུགས་ནི་དགའ་བྲལ་དགའ་ཞེས་
བྱ། །ཡེ་ཤེས་ལས་བྱུང་བདེ་དང་བྲལ། །རྡོ་རྗེ་ལྷན་སྐྱེས་ཞེས་སུ་བསྟན། །རང་བཞིན་གྱིས་ནི་སྤངས་པའོ། །ལྷ་མོ་དཔལ་ཆེན་ཉི་མ་སྐྱེས། །ཞུ་བ་དགའ་བྲལ་དང་བྲལ་ལོ། །དཔའ་མོའི་དབང་ཕྱུག་མ་བདེ་རྟེན། །དང་པོའི་བདུད་རྩི་ལས་

85-1-49a

སྐྱེས་སོ། །ཡན་ལག་ཀུན་གྱི་ཡང་དག་བསྐོར། །ཁྱབ་པ་སྲོག་གི་པད་མ་བཞིན། །ཤེས་རབ་ཚངས་པའི་སྒོ་ལྔའི་ཁྱིམ། །ཚངས་པའི་ཡེ་ཤེས་འཛིན་ཕྱིར་རོ། །བྷ་ག་དངོས་པོ་འཇིག་པ་ཡིས། །ཡང་ན་ལོངས་
སྤྱོད་མྱོང་བས་སོ། །བཞུགས་པ་རང་གི་ངོ་བོ་ལ། །གནས་པ་ཡང་ན་གཤེགས་པའོ། །དེ་ལྟ་བུ་ནི་དོན་དམ་པར། །འདི་སྐད་བདག་ལ་སོགས་པར་བཤད། །ཐམས་ཅད་རྣལ་འབྱོར་རྒྱུད་དུ་སྦས། །དེ་བཞིན་རྣལ་འབྱོར་བླ་མར་ཡང་། །ངེས་
དང་དྲང་དོན་བྱེ་བྲག་ཏུ། །ཨེ་བྃ་མ་ཡཱ་ལ་སོགས་གནས། །རྒྱུད་ཤེས་པ་ཡི་དོན་ཕྱིར་ཏེ། །གཉིས་སུ་དབྱེ་བའི་རྒྱུད་རབ་བསྟན། །འབྲས་བུ་ཡེ་ཤེས་ཆེན་པོ་རོ། །རང་གིས་ཉམས་མྱོང་ངོ་བོ་ཉིད། །རང་རིག་དག་གིས་མི་རྙེད་པས། །
རྟོག་པ་ཐམས་ཅད་རྣམ་པར་སྤངས། །ལྷ་མོས་གསོལ་པ། བཅོམ་ལྡན་ཡེ་ཤེས་རྒྱལ་པོ་ཉིད། །ལོག་པའི་ཡེ་ཤེས་མུན་འཇོམས་པ། །དེ་ཉིད་ཉི་ཤུ་གཉིས་བདག་ཉིད། །གང་ཞིག་ཡེ་ཤེས་ཐིག་ལེར་གསུངས། །
དེ་ལ་ཡང་ནི་ངེས་པའི་དོན། །མཆོག་གི་དབང་ཕྱུག་བདག་ལ་གསུངས། །བཅོམ་ལྡན་འདས་ཀྱིས་བཀའ་སྩལ་པ། །གང་ཞིག་དེ་ཉིད་ངེས་དོན་དུ། །ཞལ་བཟང་དེ་ནི་གསང་བའོ། །ཁྱོད་ཀྱི་ངོར་བྱས་བདག་གིས་བཤད། །དེ་ལྟ་
མིན་ན་སྦས་པའོ། །ཨེ་བྃ་རྣམ་པའི་དབུས་སུ་ནི་གང་ཞིག་དྲུག་བཅུ་རྩ་བཞིའི་འདབ་མའི་དབྱིབས་ཀྱི་རྩའི་འཁོར་ལོ་དེ་ནི་རྣམ་པ་དང་བཅས་པའི་རྣམ་པར་ཤེས་པའོ། །དེའི་ནང་དུ་གང་དུ་རྩ་སུམ་བཅུ་རྩ་གཉིས་ཀྱི་བདག་ཉིད་ཨུཏྤ་ལའི་
རྣམ་པའི་འཁོར་ལོ་དེ་ནི་མཐའ་སྟེ། དེ་ལ་གང་ཞིག་ཟུར་བརྒྱད་པའི་རྣམ་པའི་ལྟེ་བ་དེ་ནི་སྣང་བའོ། །གང་ཞིག་ལྟེ་བའི་དབུས་ཡངས་པ་དེ་ནི་ནམ་མཁའོ། །དེར་ནི་ལྔ་གཉིས་ནས་བཟུང་སྟེ། བཅོ་ལྔའི་བར་གྱི་སའམ། དབང་ཕྱུག་གི་
མངའ་བདག་བཞུགས་སོ། །དེར་གང་ཞིག་དེ་ཁོ་ན་ཉིད་གསུམ་གྱི་བདག་ཉིད་དེ་ནི་ལན་གསུམ་འབབ་པའི་ཕུང་པོའི་རྣམ་པར་ཤེས་པ་སེམས་དང་སེམས་ལས་བྱུང་བ་དང་མ་རིག་པའི་གཟུགས་ཀྱིས་གསུམ་དུ་དབྱེ་བ་ཟུར་དང་པོ་ལ་ཐུན་ཚོད་གཅིག་གི་བར་

85-1-49b

དུ་འབར་བའོ། །གང་ཞིག་སྲོག་གི་དབྱིག་པ་དེ་ནི་ལུ་གུ་རྒྱུད་ཀྱི་རྣམ་པའི་མདུད་པ་སུམ་བཅུ་རྩ་གཉིས་སུ་སྦོམ་པ་དང་ཕྲ་བའི་ཐིག་ལེ་རོ་གཅིག་པའི་གཟུགས་ཀྱིས་དབྱིག་པའི་བདུད་རྩི་ཟུར་གཉིས་པ་ལ་ཐུན་ཚོད་གཉིས་ཀྱི་བར་དུ་ཞུ་བའོ། །དྲུག་པོ་དེ་ནི་
བསྐྱེད་པ་དང་རྫོགས་པའི་གྲགས་པ་དགའ་བ་དྲུག་ཟུར་གསུམ་པ་ལ་ཐུན་ཚོད་གསུམ་གྱི་བར་དུ་འཛག་པའོ། །གང་ཞིག་ཐིག་ལེ་ཤར་བ་དང་ནུབ་པ་དེ་ནི་ཐིམ་པ་དང་ལོངས་སྤྱོད་དུ་གྲགས་པའི་སྲོག་དེ་ནི་ཟུར་བཞི་ས་ལ་ཐུན་ཚོད་བཞིའི་བར་དུ་འབར་བའོ། །
གང་ཞིག་འཕོ་བའི་སྦྱོར་བ་དེ་ནི་སྟེང་དང་འོག་གི་འདབ་མ་ཡོད་པར་བྱང་ཆུབ་ཀྱི་སེམས་འདུས་པའི་དབང་ནི་ཟུར་ལྔ་པ་ལ་ཐུན་ཚོད་ལྔའི་བར་དུ་ཞུ་བའོ། །གང་ཞིག་རྩའི་འཁོར་ལོ་འབྱུང་བ་དེ་ནི་ཡན་ལག་ཐམས་ཅད་ལ་བདུད་རྩི་རྒྱས་པ་ཟུར་དྲུག་པ་
ལ་ཐུན་ཚོད་དྲུག་གི་བར་དུ་འཛག་པའོ། །གང་ཞིག་དབང་གི་རིམ་པ་དེ་ནི་གཅིག་ཉིད་སྲོག་གི་ཁ་རུ་སྲོག་ལ་འབབ་པ་དང་། འཕུར་བ་དང་ཁྱབ་པ་དེ་ཡང་ཟུར་བདུན་པ་ལ་ཐུན་ཚོད་བདུན་པའི་བར་དུ་འབར་བའོ། །གང་ཞིག་བསྲུང་བའི་འཁོར་
ལོ་དེ་ནི་མཐེའུ་ཆུང་གི་མདུད་པའི་ནང་དུ་བདུད་རྩི་ལ་སྐོར་བ་ཟུར་བརྒྱད་པ་ལ་ཐུན་ཚོད་བརྒྱད་ཀྱི་བར་དུ་ཞུ་བའོ། །དེ་དག་ནི་གཡོན་དུ་བསྐོར་བའི་སྲོག་གི་རླུང་ལ་ཞོན་པ་ཉི་མ་སྐྱེ་བ་ལ་མཚན་མོ་དང་ཉིན་མོའི་བར་དུ་སུམ་བཅུ་རྩ་གཉིས་
ཀྱི་ཆ་རྒྱས་པར་འགྱུར་རོ། །སུམ་བཅུ་རྩ་གཉིས་ཀྱི་ནང་ན་བཅུ་དྲུག་བྲལ་བའི་མཚན་ཉིད་མི་གསལ་བ་དང་། དགའ་བའི་མཚན་ཉིད་བཅུ་དྲུག་གསལ་བ་དེའི་དོན་གྱི་ཕྱིར་དགའ་བྲལ་གྱི་དགའ་བའི་མཚན་ཉིད་ཨཱ་ལྀའི་རང་གི་ངོ་བོ་ཟླ་བའོ། །
ཕྱི་དང་ཕྱིའི་དོན་རྣམས་ཀྱིས་ནི་ནང་དང་ནང་གི་དོན་གནས་པར་ཤེས་པར་བྱའོ། །དེ་ཡང་ཕྱིའི་ཚེས་ཀྱི་གྲངས་ཀྱིས་སོ། །ནང་སྲོག་གི་རླུང་གི་གྲངས་ཀྱིས་སོ། །ལྷ་མོས་གསོལ་པ། སུམ་བཅུ་རྩ་གཉིས་ཀྱི་ཆུ་སྐྱེས་
ཀྱི་ཨུཏྤ་ལའི་རྣམ་པ་ལ་བདེ་བ་ཆེན་པོའི་ཀུན་དུ་སྤྱོད་པ་ངེས་པའི་དོན་ཀྱིས་གནས་པ་དེ་མཆོག་གི་དབང་ཕྱུག་གི་བཀའ་དྲིན་བསྐྱབ་དུ་གསོལ། །བཅོམ་ལྡན་འདས་ཀྱིས་བཀའ་སྩལ་པ། །ཉོན་ཅིག་ལྷ་མོ་སྐལ་ལྡན་མོ། །གསང་བ་ཆེན་པོ་ཡེ་ཤེས་

85-1-50a

མཆོག །གང་ཞིག་ཤེས་པ་ཙམ་གྱིས་ནི། །ཐམས་ཅད་ས་ཡི་དབང་ཕྱུག་འགྱུར། །གང་ཞིག་སྙིང་པོའི་སྔགས་ནི་ཉིད། །དེ་ནི་བདག་ཉིད་བཅུ་དྲུག་བདེ། །ཀུན་རྫོབ་རི་བོང་ཅན་གྱི་འོད། །དོན་དམ་པར་ནི་ནམ་མཁའ་
བཞིན། །གང་ཞིག་སྐུ་བརྒྱད་མཆོག་སྦྱིན་ནི། །དེ་ནི་མཚན་མོ་བརྒྱད་མཆོག་གོ། །ལྷ་མོ་ཡང་ན་ཡེ་ཤེས་བརྒྱད། །མཚན་མོ་ཉིན་མོ་གཉིས་ལས་འབྱུང་། །གང་ཞིག་ཐིམ་དང་ལོངས་སྤྱོད་དབང་། །དེ་ནི་ངེས་པར་བསྐྱེད་རིམས་
སོ། །ལྷ་མོ་བསྐྱེད་རིམ་གསལ་བ་སྟེ། །རིམ་ལས་བྱུང་བའི་བདེ་བ་ཆེ། །སྐལ་ལྡན་མོ་གང་ཡེ་ཤེས་སྐུ། །དེ་ནི་རིམ་སོགས་ཡན་ལག་སྤངས། །ཡན་ལག་བཞིར་དབྱེ་དྲུག་དབྱེ་འམ། །བསྐྱེད་དང་རྫོགས་པའི་རིམ་པའོ། །
ལྷ་མོ་གང་ཞིག་གསང་བའི་སྒྲ། །དེ་ནི་ཡེ་ཤེས་གསུམ་དང་བྲལ། །ཡང་ན་གཞན་མིན་བདག་ཉིད་གསུམ། །མཚམས་ཀྱི་ཡེ་ཤེས་ཡོད་པའི་ཕྱིར། །ལྷ་མོ་གང་ཞིག་དམ་ཚིག་ནི། །བསྲུང་བ་ལ་སོགས་ངེས་པར་རོ། །དེ་ནི་བདེ་
བ་དབུས་གནས་སུ། །གཟུང་བྱ་ཡང་ན་གང་ནང་དུ། །གང་ཞིག་སྦྱིན་སྲེག་དོན་དམ་པར། །དེ་ནི་ཧ་ཞེས་གློ་བུར་ཏེ། །ཆར་ཡང་དབུས་ཡོད་ཐིག་ལེ་ནི། །གང་དུ་སྐད་ཅིག་གིས་ཐིམ་པོ། །གང་ཞིག་བསྲུབ་དང་བསྲུབ་ཐབས་ནི། །
དེ་ནི་ཐོག་མའི་དགའ་བ་སྤངས། །ལྷ་མོ་དེ་བཞིན་ཐ་མ་འང་མིན། །ཐོག་མ་ཐ་མ་གཉིས་དང་བྲལ། །སྐལ་ལྡན་མོ་གང་སྔགས་ཀྱི་བཟླས། །དེ་ནི་སྲིད་པ་འདས་པའི་ཡིད། །མྱ་ངན་འདས་པའི་གནས་ཀྱང་མིན། །གཉིས་ཀྱི་ངོ་བོ་
གཉིས་དང་བྲལ། །གང་ཞིག་གནས་ནི་བརྒྱད་དུ་བསྟན། །དེ་ནི་ཉི་སྐྱེས་མ་རྒྱས་པ། །གནས་ཀྱི་དབང་གིས་ཤར་བ་ལ། །ཉེ་བས་མྱུར་དུ་རྒྱས་པའོ། །གང་ཞིག་དགའ་བ་ལ་སོགས་རིམ། །དེ་ནི་རིམ་པ་གཉིས་སུ་དབྱེ། །རྣམ་བཅས་ལས་ནི་དང་
པོ་པ། །རྣམ་བྲལ་བཅུ་ཡི་དབང་ཕྱུག་གོ། །གང་ཞིག་དུར་ཁྲོད་རྣམ་རྟོག་བྲལ། །དབུགས་དབྱུང་ལ་སོགས་རྣམ་པར་སྤངས། །བྱང་ཆུབ་ཀྱི་ནི་སེམས་རོ་ལ། །རྣམ་པར་ཞུ་བ་དམ་ཚིག་ཕྱིར། །ལྷ་མོ་གང་ཞིག་ཆུའི་ངོགས། །དེ་ནི་རྟོག་མེད་མ་ཡི་མཐར། །

85-1-50b

ཡང་ན་དེ་རུ་སྲོག་གི་རྩ། །བདེ་བའི་ཆུ་བོ་འབབ་པའི་ཕྱིར། །གང་ཞིག་སྣང་བ་སོགས་ཡེ་ཤེས། །དེ་ནི་དགའ་བ་དང་ལྡན་ཡིད། །ས་དང་ཆུ་དང་འོད་ཀྱི་གཟུགས། །དེ་བཞིན་རླུང་གི་ངོ་བོ་དང་། །གང་ཞིག་དངོས་པོ་རྟེན་ལ་སོགས། །དེ་ནི་བདེ་
བའི་དང་པོར་རིག །རང་གི་རྣམ་པའི་བྱེ་བྲག་གམ། །རྣམ་པར་དཔྱོད་པས་ངེས་པར་དཔྱོད། །ལྷ་མོ་གང་ཞིག་དུར་ཁྲོད་བརྒྱད། །དེ་ནི་བདེ་བ་ལ་ཐིམ་ཞེས། །རྣམ་པར་རྟོག་པ་འཛིན་པའི་སྐུ། །དེ་ལ་ཐིམ་ཞིང་ཐིག་པའོ། །གང་ཞིག་ཤིང་
ལ་སོགས་པའི་དོན། །དེ་ནི་དང་པོའི་བདུད་རྩི་རྒྱུ། །རྩ་དེ་བརྟེན་པའི་གཟུགས་སུ་གྲགས། །ཐམས་ཅད་རྣམ་པའི་བདེ་སྦྱིན་མ། །གང་རླུང་དེ་ཉིད་སྙིང་པོའི་དོན། །དེ་ནི་རིན་ཆེན་གདུ་བུའི་བདེ། །འཛུམས་པ་ཡིས་ནི་ཡང་དག་པར། །པད་མའི་
ཞལ་དེ་མྱོང་བའོ། །ལྷ་མོ་གང་ཞིག་མཛུབ་ལ་སོགས། །དེ་ནི་གྱེན་དུ་གཟུང་བའི་རླུང་། །ཡང་ན་རྩ་ཡི་ཀུན་སྤྱོད་ལས། །འགྲོ་བའི་བདུད་རྩི་འཛིན་པའོ། །གང་ཞིག་ཉེ་འགྲོའི་བསམ་གཏན་སྦྱོར། །དེ་ནི་ཟླ་བ་གྱེན་དུ་བྱེད། །ཡང་ན་ཚངས་
བཞི་རྣམ་དབྱེ་བྱས། །རྣམ་པར་ཤེས་པ་ལ་གཤེགས་གསོལ། །གང་ཉིད་ཡེ་ཤེས་ཐིག་ལེ་ནི། །དེ་ནི་དྲུག་ཕྱེད་གསུམ་དང་བྲལ། །བཅུ་དང་ལྔ་ཡི་ས་རྣམས་ནི། །དབང་ཕྱུག་འཕོ་མེད་སྐྱེ་མེད་དོ། །གང་ཞིག་བདག་གིས་རང་ངོ་མཆོག །
དེ་ནི་ངེས་པར་བཞི་པའི་འབྲས། །ཡང་ན་ཧོར་ཡ་ཉམས་སུ་མྱོང་། །འབྲས་བུའི་སྒྲས་ནི་བརྗོད་པའོ། །གང་ཞིག་ས་ཡི་དབང་བྱེད་པ། །དེ་ནི་དེ་ཉིད་དྲུག་རང་བཞིན། །དེ་ཉིད་དྲུག་ལས་དེ་ཉིད་གསུམ། །དེ་ཉིད་གསུམ་ལས་རང་
བཞིན་གཅིག །གང་ཞིག་དེ་བཞིན་གཤེགས་པའི་སྐུ། །དེ་ནི་མྱ་ངན་འདས་མཚན་ཉིད། །ཡང་ན་དགའ་བ་དང་ནི་བྲལ། །དགའ་བྲལ་དགའ་མིན་རང་ངོ་བོ། །ལྷ་མོ་གང་ཞིག་རྒྱུད་བསྟན་པ། །དེ་ནི་བདེ་བ་ཤིན་དུ་འཕེལ། །
བདེ་དང་བྲལ་བའི་བདེ་བ་ནི། །ཡང་ན་དེ་ཉིད་རྙེད་པའོ། །གང་ཞིག་ཕྱག་རྒྱ་ཆེ་རང་བཞིན། །དེ་ནི་ཐིམ་སོགས་ཡིད་ལས་འདས། །རང་གིས་ཉམས་མྱོང་རང་ངོ་བོ། །བསམ་གཏན་འཛིན་པ་སྤངས་པའོ། །གང་ཞིག་གསང་

85-1-51a

བ་དོན་དམ་པར། །དེ་ནི་དགའ་བ་དགའ་དང་བྲལ། །ཡང་ན་ནང་གི་རེག་བྱ་སྟེ། །རེག་བྱ་དང་བྲལ་རྟོག་པ་མེད། །གང་ཞིག་བསྐུལ་བའི་མཆོད་པའི་དོན། །དེ་ནི་དྲི་མེད་བདེ་བ་འབྱུང་། །འདས་པ་ལས་ནི་ཡང་སྐྱེ་བ། །སྐྱེ་བ་
དེ་ལ་འཕེལ་བའོ། །ལྷ་མོ་ཤེས་རབ་ཡེ་ཤེས་གང་། །དེ་ནི་ཁ་ལ་སྙིང་ཀར་བདེ། །ཁ་ནི་རྟག་ཏུ་ཤེས་རབ་ཡིན། །སྙིང་ཀ་ཡེ་ཤེས་བརྗོད་པའོ། །གང་ཞིག་གསང་བའི་དཀྱིལ་འཁོར་འཁོར། །དེ་ནི་ཁུ་བ་འཕོ་མེད་དགེ། །
ཡང་ན་བདེ་ཆེན་རང་ངོ་བོ། །བདེ་བའི་རྣམ་པར་རྟོག་དང་བྲལ། །ལྷ་མོ་ཚིགས་རྒྱས་གང་ཞིག་ནི། །བྱ་གདོང་མ་དེ་ཁོང་དུ་ཆུད། །ཡང་ནི་ཚིགས་ནི་ཞུ་མེད་ཁུ། །དགའ་མོ་རྒྱས་པ་མཆོག་ཡིན་ནོ། །འབྱུང་བ་བསྲུང་དོན་གཏོར་མ་
གང་། །དེ་ནི་སྲོག་ཆགས་བསད་པའོ། །བཅད་པ་དེ་ནི་མཆོག་གི་གནས། །འགྲོ་བ་འགོག་པར་བྱེད་པའོ། །དེ་དག་ནི་མཆོག་གི་གསང་བ་ཆེན་པོའི་གསང་ཆེན་བཅོམ་ལྡན་འདས་མ་བཞི་བཅུའི་བདག་ཉིད་ཀྱི་དེ་ཁོ་ན་ཉིད་བདེ་བ་ཆེན་
པོའི་རྒྱལ་པོའི་བདུད་རྩིའི་གཏེར་ལ་ངེས་པའི་དོན་ཏོ། །ལྷ་མོས་གསོལ་པ། བཞི་བཅུའི་བདག་ཉིད་དེ་ཉིད་ནི། །ཤིན་དུ་རེག་མེད་གཟུང་བར་དཀའ། །ས་ཡི་དབང་ཕྱུག་དུ་ཙམ་ཞིག །མཆོག་གི་དབང་ཕྱུག་གིས་
མཁྱེན་ལགས། །བཅོམ་ལྡན་འདས་ཀྱིས་བཀའ་སྩལ་པ། །སྣ་ཚོགས་རྙེད་པ་སུམ་བཅུ་དྲུག །བཅུ་གཅིག་ས་ཡི་བདག་པོའོ། །དགའ་བ་རྙེད་པ་སུམ་བཅུ་བདུན། །བཅུ་གཉིས་ས་ཡི་བདག་པོར་བརྗོད། །
མཆོག་དགའ་རྙེད་པ་སུམ་བཅུ་བརྒྱད། །དེ་ནི་བཅུ་གསུམ་པ་ཡི་ས། །སུམ་བཅུ་དགུ་ལྷག་མཐར་ཐུག་པ། །ས་ནི་བཅུ་བཞི་རྙེད་པའོ། །བཞི་བཅུ་དེ་ནི་ལྷན་སྐྱེས་སོ། །བཅྭ་ལྔ་རྙེད་པའི་མངའ་བདག་གོ། །གང་ཞིག་
བཅུ་དྲུག་པ་ཡི་ས། །བརྗོད་དུ་མེད་པ་ནམ་མཁའ་བཞིན། །དེ་ལ་དབང་ཕྱུག་མཆོག་གི་མཁའ། །ཐམས་ཅད་མཁྱེན་པ་རྙེད་དཀའ་བ། །ཟད་མེད་འཕོ་མེད་ཞི་བ་སྟེ། །སྐྱེ་མེད་རྨད་བྱུང་བས་རྨད་བྱུང་། །

85-1-51b

ཀྱཻ་བཅོམ་ལྡན་འདས་སུམ་བཅུ་རྩ་གཉིས་ཀྱི་བདག་ཉིད་བདེ་བ་ཆེན་པོའི་བདུད་རྩིའི་རྒྱལ་པོའི་བདུད་རྩིའི་གཏེར་དེ་ཁོ་ན་ཉིད་དེ་ལ་ཀུན་དུ་སྤྱོད་པའི་དུས་ནི་གང་ལགས། འདུས་པ་ནི་ཅི་ཞིག་ལགས། ཉམས་སུ་མྱོང་བ་དེ་ནི་གང་ལགས། 
བཅོམ་ལྡན་འདས་ཀྱིས་བཀའ་སྩལ་པ། སུམ་བཅུ་རྩ་གཉིས་ཀྱི་བདག་ཉིད་ལ་སུམ་བཅུ་རྩ་གཉིས་ཀྱི་ཆུ་ཚོད་ཀྱི་བར་དུ་སྲོག་དང་རྩོལ་བའི་རླུང་གཉིས་ཤར་བ་ནི་ཀུན་དུ་སྤྱོད་པའོ། །རྩོལ་བའི་རླུང་འབྱུང་བའི་དུས་སུ་གང་ཞིག་ཡན་
ལག་ཐམས་ཅད་ལ་ཁྱབ་པའི་སྲོག་དེ་ནི་གཡོན་སྐོར་དུ་འབྱུང་བ་ཡིས་ཨུཏྤ་ལའི་རྣམ་པ་འཛུམས་ཤིང་ནང་གི་ལྟེ་བའི་སྙིང་པོ་རྩ་བའི་སྡོང་བུས་འཇུག་པའོ། །འཇུག་པ་ཙམ་གྱིས་ཟུར་བརྒྱད་པའི་ནང་ན་ཡོད་པའི་བདེ་བ་ཆེན་པོའི་སྲོག་
གི་རྒྱལ་པོ་ལ་གང་ཞིག་རོ་གཅིག་པའི་མཚན་ཉིད་དེ་ནི་འདུས་པའོ། །དེའི་དུས་སུ་གང་ཞིག་བདག་དང་གཞན་གྱིས་བྱེ་བྲག་མེད་པ་གཉིས་སུ་མེད་པའི་སྤྲོས་པ་དང་བྲལ་བའི་ཡེ་ཤེས་ཀྱིས་ཐམས་ཅད་གཟིགས་པ་དེ་ནི་ཉམས་སུ་མྱོང་
བའོ། །ལྷ་མོས་གསོལ་པ། གང་ཞིག་ཉམས་མྱོང་ལས་རྙེད་དེ། །མངའ་བདག་དེ་ནི་ཇི་ལྟར་ལགས། །ཉམས་སུ་མྱོང་བས་གང་རྙེད་པ། །དེ་ཉིད་མདོར་བསྡུས་བཀའ་སྩོལ་ཅིག །བཅོམ་ལྡན་འདས་ཀྱིས་བཀའ་སྩལ་པ། །
དྲིས་པ་དེ་ནི་རྨད་བྱུང་མཆོག །ཉོན་ཅིག་ལྷ་མོ་སྤྱན་བཟང་རིང་། །ཉམས་སུ་མྱོང་བས་གང་རྙེད་པ། །དགའ་བའི་དབང་མོ་དེ་བརྗོད་མེད། །བླ་མའི་ཞལ་ནས་ཉམས་སུ་མྱོང་། །དབང་བསྐུར་ལས་ནི་རྙེད་པའོ། །ལྷ་མོས་གསོལ་པ། 
དབང་བསྐུར་བ་ནི་དུ་མ་ཞིག །རྒྱུད་རྒྱུད་ནང་དུ་རབ་ཏུ་གསལ། །འདི་རུ་བྱེ་བྲག་ཅི་འདྲ་བ། །སུ་ལ་སྦྱིན་པར་བགྱི་བ་ལགས། །བཅོམ་ལྡན་འདས་ཀྱིས་བཀའ་སྩལ་པ། །དགའ་བའི་འབྲས་བུ་བྱེ་བྲག་ཏུ། །དབང་ནི་
རེ་ཤིག་བཞི་རུ་དབྱེ། །དང་པོ་དགའ་བ་དང་ལྡན་པ། །ལས་དང་པོ་ལ་སྦྱིན་པར་བྱ། །གཉིས་པ་མཆོག་དགའ་དང་ལྡན་པ། །སྣང་བ་གསུམ་ནི་ཐོབ་པ་ལ། །དགའ་བ་གསུམ་པ་དང་ལྡན་པ། །ཆོས་ཀྱི་སྤྲིན་རྙེད་ངེས་པས་སོ། །

85-1-52a

ཀུན་དུ་འོད་ས་ཞེས་བྱ་བ། །རྙེད་པ་བཞི་ལ་སྦྱིན་པར་བྱ། །ལྷ་མོས་གསོལ་པ། ཀྱེ་བཅོམ་ལྡན་འདས་སྣང་བ་ལ་སོགས་པ་དང་ཆོས་ཀྱི་སྤྲིན་དང་ཀུན་དུ་འོད་རྙེད་པ་ལ་དེ་ལྟ་བུའི་དབང་གི་རིམ་པ་ལགས་ན། 
ས་ལ་སོགས་པ་རྙེད་པ་ལ་ཇི་ལྟར་ལགས། བཅོམ་ལྡན་འདས་ཀྱིས་བཀའ་སྩལ་པ། ས་ལ་སོགས་པ་མ་རྙེད་པ་རྣམས་ལ་ཐོག་མར་རང་གི་ངོ་བོས་སོ། །ས་ལ་སོགས་པ་རྙེད་པ་རྣམས་ལ་མཐར་ཐུག་པའི་རང་གི་ངོ་བོས་
སོ། །གང་གི་ཕྱིར་ཞེ་ན། དེ་རྣམས་ལ་བརྩོན་འགྲུས་ཀྱི་སྟོབས་ཀྱིས་ཤིན་དུ་བསོད་ནམས་ཀྱི་བྱིན་གྱིས་བརླབས་ཀྱི་བྱ་བ་ལ་སོགས་པ་དང་བྲལ་བའི་ཡེ་ཤེས་ཆེན་པོ་མཐོང་བ་ཙམ་གྱིས་ཐོབ་བོ། །ཇི་ལྟར་པད་མ་ཡོངས་སུ་
སྨིན་པ་ཉི་མའི་འོད་ཀྱིས་རེག་པ་ཙམ་གྱིས་རྒྱས་སོ། །མ་སྨིན་པ་དེ་བཞིན་དུ་མ་ཡིན་ནོ། །ལྷ་མོས་གསོལ་པ། མ་སྨིན་པ་རྣམས་ལ་ཡོངས་སུ་སྨིན་པའི་དུས་གང་ལགས། བཅོམ་ལྡན་འདས་ཀྱིས་བཀའ་སྩལ་པ། །སྦྱིན་སོགས་
བསོད་ནམས་བསགས་པ་ཡིན། །མཆོག་གི་བླ་མས་གཏན་ལ་ཕབ། །སྐལ་ལྡན་མོ་དེ་སྨིན་པའི་དུས། །དེ་ལས་བླ་མེད་བྱང་ཆུབ་ནི། །བླ་མེད་གནས་ནི་ཐོབ་པ་གང་། །ཕྱི་ནས་ཅི་ཡང་བསླབ་མི་དགོས། །བླ་མེད་ཡེ་
ཤེས་ཆེན་པོའི་གནས། །འབད་མིན་དེ་ནི་མཐོང་བའོ། །ཇི་ལྟར་ཉི་མ་ཤར་ཙམ་གྱིས། །སྣ་ཚོགས་གཟུགས་ནི་མཐོང་བར་འགྱུར། །དེ་བཞིན་བླ་མེད་འོད་ཀྱིས་ནི། །ཡེ་ཤེས་ཆེན་པོ་མཐོང་བར་འགྱུར། །ཡེ་ཤེས་ཆེན་པོ་
སྐུ་དང་བྲལ། །གཉིས་སུ་མེད་པ་ནམ་མཁའ་བཞིན། །ལུས་དང་ངག་དང་ཡིད་གཟུགས་མིན། །སྒྲ་ལ་སོགས་པ་རྣམ་པར་སྤངས། །དཔེ་མེད་ནམ་མཁའ་དང་བྲལ་བ། །སྲིད་དང་མྱ་ངན་འདས་པ་སྤངས། །སྦོམ་དང་ཕྲ་ལ་སོགས་
ལས་འདས། །ཆར་ཡང་ཐིག་ལེ་དང་བྲལ་བ། །ཚུལ་དང་ཚུལ་ཙམ་མ་ཡིན་ཏེ། །མཆོག་དང་གཞན་མཆོག་གནས་ལས་གྲོལ། །སྐྱེ་བ་མེད་དང་འཆི་མེད་པ། །རྨད་བྱུང་ཆེན་པོའི་འདུ་ཤེས་སོ། །ལྷ་མོས་གསོལ་པ།

85-1-52b

ཀྱེ་བཅོམ་ལྡན་འདས་ཡེ་ཤེས་ཆེན་པོའི་དབང་ཕྱུག་བླ་ན་མེད་པ་ཡང་དག་པའི་བྱང་ཆུབ་རྙེད་པ་ལ་ཡེ་ཤེས་ཆེན་པོ་བརྗོད་དུ་མེད་པའི་གནས་གཞན་རྙེད་པ་ཡོད་དམ་ཅི། བཅོམ་ལྡན་འདས་ཀྱིས་བཀའ་སྩལ་པ། གྲངས་མེད་པའི་སངས་
རྒྱས་རྣམས་ཀྱི་ཡུམ་ཁྱོད་ཅི་ལ་དེ་ལྟ་བུར་འདྲི། བརྗོད་དུ་མེད་པའི་ཡེ་ཤེས་ཆེན་པོ་ཁྱོད་ཀྱིས་ཅིའི་ཕྱིར་མི་ཤེས། དེ་ལྟར་ཡིན་ན་བདག་གི་རང་གི་ངོ་བོ་ཡང་དག་པར་ཁྱོད་ཀྱིས་མི་ཤེས་སོ། །ལྷ་མོས་གསོལ་པ། ཁྱོད་ཀྱི་ངོ་བོ་
བདག་གིས་ཤེས། །འོན་ཀྱང་བདག་གིས་གཞན་ཞིག་ཞུས། །སེམས་ཅན་བྱང་ཆུབ་ལས་གཞན་ཅི། །མཆོག་གི་དབང་ཕྱུག་རྙེད་པ་འམ། །བཅོམ་ལྡན་འདས་ཀྱིས་བཀའ་སྩལ་པ། །བྱང་ཆུབ་རྙེད་ལས་གཞན་ཅི་ཞིག །
ཞལ་བཟང་མོ་དེ་རྙེད་ཡོད་དམ། །འོན་ཀྱང་དེ་ལ་མཐོང་བ་ཡོད། །ཚིལ་ལ་བདུད་རྩི་ཇི་བཞིན་ནོ། །ལྷ་མོས་གསོལ་པ། བཅོམ་ལྡན་དཔའ་བོའི་དཔའ་དབང་ཕྱུག །རང་བཞིན་ཡེ་ཤེས་སྦྱིན་པ་པོ། །བདག་
གིས་གཞན་ཞིག་ཞུ་བ་བགྱིད། །དེ་ལ་བཀའ་དྲིན་བདག་ལ་སྩོལ། །དབང་གི་རིམ་པའི་ཡེ་ཤེས་གང་། །བཞི་པ་དེ་ལྟར་དེ་བཞིན་ནོ། །དེ་ལ་རེ་ཤིག་ཇི་བཞིན་དོན། །རྡོ་རྗེ་འཛིན་པ་བདག་ལ་གསུངས། །
བཅོམ་ལྡན་འདས་ཀྱིས་བཀའ་སྩལ་པ། །བཞི་པ་དེ་ཉིད་ངོ་བོར་གྲགས། །དེ་ལྟར་ཡེ་ཤེས་འདུ་ཤེས་སོ། །དེ་བཞིན་ཡེ་ཤེས་ལས་བྱུང་ཤེས། །ཡེ་ཤེས་ལས་བྱུང་ལྟེ་བར་བདེ། །
ལྷ་མོ་ཡེ་ཤེས་ཁ་ལ་ཡོད། །ཡེ་ཤེས་ལས་བྱུང་སྐེ་རུ་སྟེ། །སྐེ་རུ་ལོངས་སྤྱོད་ངོ་བོར་གྲགས། །སྙིང་ག་རུ་ནི་དབང་ཞེས་བྱ། །ཐིམ་པ་ཁ་རུ་ཤེས་བྱ་སྟེ། །
བསྐྱེད་པའི་རིམ་པ་ཡི་ནི་ཕྱོགས། །ཡང་ན་དེ་བཞིན་གྱི་ནི་སྒྲ། །ཇི་བཞིན་ཤེས་རབ་ལ་སྔར་ཐལ། །དེ་ལྟར་ཡེ་ཤེས་ལྟ་བ་ཡིས། །བཀུག་ནས་རང་གི་ཁ་ལ་བཀོད། །རང་གི་

85-1-53a

སྙིང་གའི་བད་གནས་སུ། །བྱས་ནས་ཉིད་ཀྱིས་ཉམས་སུ་མྱོང་། །དེ་ཡི་སྐད་ཅིག་ཡེ་ཤེས་བདེ། །སྤྲོས་པ་དང་བྲལ་རྟོག་མེད་པ། །སེམས་ཀྱིས་ཐམས་ཅད་མཐོང་ནས་སུ། །ནམ་མཁའ་བཞིན་དུ་བསམ་པར་བྱ། །
དེ་ཡང་བསམ་པ་བོར་ནས་སུ། །ཕྱི་ནས་བསམ་པ་ཅི་ཡང་མེད། །ཉིད་ནི་བདེ་ཆེན་ཡེ་ཤེས་ཏེ། །ནམ་མཁའ་ཟླ་བ་བཞིན་དུ་མཐོང་། །ལྷ་མོ་དེ་ནི་རྫོགས་པའི་རིམ། །དོན་དམ་པར་ནི་ཤེས་པར་བྱ། །ལྷ་མོས་གསོལ་པ། བཅོམ་ལྡན་
ཡེ་ཤེས་རིན་ཆེན་ཉི། །འདོད་པ་ཐམས་ཅད་རབ་གྲུབ་པ། །སྣང་བ་བཞི་ལ་གོ་རིམས་གནས། །མངའ་བདག་ཆེན་པོས་བཀའ་སྩོལ་ཅིག །བཅོམ་ལྡན་འདས་ཀྱིས་བཀའ་སྩལ་པ། །སྣང་བ་བཞི་ལ་གོ་རིམས་གནས། །སེམས་དང་སེམས་
བྱུང་འདུ་ཤེས་སོ། །དེ་དག་ལས་ནི་མ་རིག་འབྱུང་། །མཚམས་ཀྱི་འདུ་ཤེས་མཚན་ཉིད་ཅན། །ཉིན་མོའི་རང་བཞིན་སེམས་ལས་འབྱུང་། །སེམས་ནི་མཚན་མོའི་ངོ་བོ་ཉིད། །ཡང་དག་འོད་ནི་གསུམ་དང་བྲལ། །ལྷན་སྐྱེས་ཡེ་ཤེས་
མཚན་ཉིད་དོ། །གང་ཚེ་ཚངས་པའི་ཚིགས་སུ་སེམས། །ལྷ་མོ་དེ་ཚེ་ཉིན་མོར་འགྱུར། །གང་ཚེ་དེ་ལས་སྲོག་འཕོ་བ། །དེ་ཚེ་མཚན་མོ་འོག་ན་གནས། །སྟེང་ཡང་མ་ཡིན་འོག་ཡང་མིན། །དེ་ཚེ་མཚམས་ཤེས་དྲན་པར་བྱ། །
དེ་ཡང་མེ་ཡི་རང་བཞིན་གྲགས། །ཉི་མ་ལ་ནི་སྲོག་འཛིན་མ། །གང་གིས་ཉི་མ་ཡོད་པ་ནི། །སྣང་བ་ལས་ནི་ཤར་དུ་འགྱུར། །སྣང་བ་ཟླ་བ་ཞེས་པར་བསྟན། །ཡོངས་སུ་ཞུ་བའི་བདུད་རྩི་གཡོ། །ལྷ་མོ་ཆེན་མོ་གཡོ་
བའི་ཕྱིར། །དགའ་བྲལ་དགའ་བར་རབ་ཏུ་གྲགས། །གང་དུ་ཆད་པ་ལས་ནི་ཐིམ། །མཆོག་གིས་དགའ་བ་ཤར་བའི་དུས། །དེ་ནི་སྣང་བ་དང་པོའི་དགའ། །དེ་ལས་མཆོག་ནི་གསལ་བར་འགྱུར། །
གསང་ཕྱིར་སྣང་བ་མཆེད་པར་གྲགས། །ཞུ་མེད་གཡོ་མེད་སྐ་བའོ། །དཀའ་བ་ལ་ནི་ཕྲ་མོའི་དངོས། །བདེ་སྦྱིན་ཡང་ན་ཀུན་སྤྱོད་དོ། །ཀུན་སྤྱོད་ལས་ནི་ཐོབ་པ་ཡིན། །ཞལ་བཟངས་མོ་ནི་སྣང་བས་

85-1-53b

སོ། །དེ་ནི་མཚམས་ཞེས་གྲགས་པ་སྟེ། །དབུས་ཀྱི་གནས་སུ་ཡོད་པའི་ཕྱིར། །དབུས་ཀྱི་གནས་ན་ཡོད་པ་ན། །དེ་ཕྱིར་ཀུན་ཏུ་སྤྱོད་བྱེད་པའོ། །དབུས་ནི་དངོས་པོ་ཐམས་ཅད་ལ། །འདུས་པར་བྱེད་པ་དྲན་པའོ། །
ཡང་ན་གང་དུ་མཚན་མོ་ནི། །མ་བྱུང་ཉི་མ་ནུབ་པའོ། །དེ་ནི་དབུས་ཀྱི་མཚམས་ཞེས་གྲགས། །རང་བཞིན་དགའ་བ་སྦྱིན་བྱེད་མ། །དེ་ཉིད་སྣང་བ་ཐོབ་པ་ཡིན། །ཐམས་ཅད་སྐྱེ་བའི་རྒྱུ་ཡིན་ནོ། །གང་དུ་
དབུས་མཚམས་སྐད་ཅིག་གིས། །བདེ་བའི་ཚོར་བ་མ་ཤེས་ན། །སྐལ་ལྡན་ལྷ་མོ་དེ་རུ་ནི། །དགའ་བྲལ་གསལ་བར་འགྱུར་བའོ། །དེ་ཡི་ཉམས་སུ་མྱོང་ཤེས་པ། །སྐྱོན་ནི་ཅུང་ཟད་མི་བྱེད་དོ། །མི་ཤེས་
པས་ནི་སྐལ་ལྡན་མོ། །རྩ་བ་དང་བཅས་མེད་པར་བྱེད། །རྩ་བ་སྣང་བ་ཞེས་བྱར་དྲན། །ཁུ་བའི་གཟུགས་ནི་ཟླ་བའོ། །བདེ་བ་ཆེན་པོའི་བདུད་རྩིའི་གཏེར། །བསྲུབས་ལས་སྐྱེ་བ་ཡིན་པའི་ཕྱིར། །
ལྷ་མོ་མེ་ཏོག་སྣང་བ་མཆེད། །དམར་བའི་ཕྱིར་ནི་ཉི་མ་བརྗོད། །བདེ་ཆེན་རྣམ་པར་སྨིན་པའི་ཕྱིར། །དམར་བའི་གཟུགས་ནི་སྔར་འགྱུར་རོ། །འབྲས་བུ་ཐོབ་པའི་གྲགས་པ་སྟེ། །མཚན་དང་དཔེ་བྱད་དང་ལྡན་ནོ། །
དངོས་དང་དངོས་མིན་བྲལ་བའི་ཕྱིར། །ཞལ་བཟངས་མཚམས་ཀྱི་ཡེ་ཤེས་སོ། །ཉིན་མོ་སྣང་བ་མཆེད་འཁོར་གྲགས། །མཚན་མོ་སྣང་བ་མྱ་ངན་འདས། །སྲིད་དང་མྱ་ངན་འདས་བྲལ་བ། །མཚམས་ནི་
སྣང་བ་ཐོབ་པའོ། །དེ་ལྟ་བུ་ཡི་གསང་ཆེན་མཆོག །གང་དུ་ཡང་ནི་གསལ་མ་བྱས། །སྐལ་ལྡན་ཁྱོད་ཀྱི་ངོར་བྱས་པས། །ཡེ་ཤེས་རིན་ཆེན་གསལ་བྱས་སོ། །ལྷ་མོས་གསོལ་པ། 
འབྲས་བུ་དེ་ཉིད་རིན་ཆེན་གང་། །མངའ་བདག་དེ་ནི་ཇི་ལྟར་རྙེད། །བཅོམ་ལྡན་འདས་ཀྱིས་བཀའ་སྩལ་པ། །འབྲས་བུ་དེ་ནི་རིན་ཆེན་གང་། །དེ་ནི་གཉིས་སུ་དབྱེ་བར་གནས། །མཆོག་གི་

85-1-54a

དགའ་བའི་ངོ་བོ་གཅིག །མཆོག་གི་དགའ་བ་དང་བྲལ་བ། །མཆོག་དགའ་ངོ་བོར་གྲགས་པ་ནི། །ཉམས་སུ་མྱོང་བའི་རྙེད་པ་ཡིན། །མཆོག་གི་དགའ་བ་དང་བྲལ་བ། །
རང་ལས་རབ་ཏུ་གསལ་བར་འགྱུར། །སྐལ་ལྡན་མོ་གང་ཉམས་སུ་མྱོང་། །དེ་ནི་རྫོགས་པའི་རང་བཞིན་ནོ། །ཉམས་སུ་མྱོང་མིན་རྫོགས་པ་ནི། །གང་དུ་སུས་ཀྱང་མི་ཤེས་སོ། །ཇི་ལྟར་བུ་མོ་ལང་ཚོར་བབ། །
སྐྱེས་བུ་མེད་ན་ནམ་ཡང་མིན། །ལེགས་དགྱེས་ཀྱི་ནི་བདེ་མྱོང་བ། །ལེགས་དགྱེས་དབང་མོ་མི་ཤེས་སོ། །གང་ཞིག་བསམ་པ་ལ་སོགས་ཀྱིས། །དེ་ནི་བསྐྱེད་པའི་མཚན་ཉིད་དོ། །བསྐྱེད་པ་དང་ནི་རྫོགས་
བྲལ་བ། །དེ་ནི་འབྲས་མཆོག་རང་བཞིན་ནོ། །དེ་རུ་གང་ཞིག་སྒོམ་པ་ནི། །ཕྲ་མོའི་ཕྲ་མོ་ཡང་དག་མཆོག །གང་གིས་བླ་ན་མེད་པ་རྙེད། །འགྲོ་བའི་མ་དེ་ཡོད་པ་མིན། །བླ་ན་མེད་པའི་ཡེ་ཤེས་ཆེ། །
བཞི་དང་བྲལ་བ་རྟག་ཏུ་ཤར། །རྟག་ཏུ་ཤར་བ་ལས་གཞན་ཅི། །གང་དུ་ཡང་ན་བསྒོམ་ཡོད་དམ། །གལ་ཏེ་གང་གིས་བསྒོམ་པ་དེ། །ཁྱད་པར་ཅན་དུ་ཡོང་མི་སྐྱེ། །མི་སྐྱེའི་ཕྱིར་ན་བསམ་གཏན་ངལ། །
གལ་ཏེ་ཁྱད་པར་འོང་འགྱུར་ན། །དེ་ནི་དེ་ཉིད་རང་བཞིན་མིན། །དེ་ཉིད་མིན་པར་ཐེ་ཚོམ་མེད། །དེ་ཉིད་མི་སྒོམ་དེ་ཉིད་ནི། །སུ་ཞིག་དེ་ལ་རྙེད་པར་འདོད། །དེ་ནི་མཁའ་ལ་རི་མོ་ནི། །མཆོག་གི་དབང་
མོ་འདྲི་བའོ། །ལྷ་མོས་གསོལ་པ། གསང་བ་ཆེན་པོའི་རྒྱུད་འདི་ནི། །ཤེས་པ་དང་ནི་བཤད་པས་སུ། །བཅོམ་ལྡན་འདས་ཀྱིས་བཀའ་སྩལ་པ། བྱང་ཕྱོགས་སུ་དཔལ་རྡོ་རྗེའི་གནས་ཨཽ་
ཌྱན་དུ་རྒྱལ་པོ་ཨིནྡྲ་བྷཱུ་ཏི་ཞེས་བྱ་བས་ཤེས་པ་དང་བཤད་པ་དང་། སེམས་ཅན་ལ་གསལ་བར་བྱེད་དོ། །ལྷ་མོས་གསོལ་པ། ཀྱེ་བཅོམ་ལྡན་འདས་རྒྱལ་པོ་ཆེན་པོ་ཨིནྡྲ་བྷཱུ་ཏི་ཞེས་བྱ་བ་དེ་ས་དུའི་

85-1-54b

དབང་ཕྱུག་ལགས། བཀའ་སྩོལ་ཅིག །བཅོམ་ལྡན་འདས་ཀྱིས་བཀའ་སྩལ་པ། དཔལ་ཡེ་ཤེས་ཐིག་ལེའི་རྒྱུད་ཀྱི་རྒྱལ་པོ་ལས་གང་ཞིག་ངས་བསྟན་པའི་ཕྱག་ན་རྡོ་རྗེའི་རྒྱལ་པོ་དེ་ཉིད་ཨིནྡྲ་བྷཱུ་ཏི་སྤྲུལ་པའི་
སྐུས་ས་བཅུའི་དབང་ཕྱུག་ཡེ་ཤེས་ཀྱི་སྐུ་ས་བཅུ་བཞིའི་དབང་ཕྱུག་གོ། །བཅོམ་ལྡན་འདས་ཀྱིས་དེ་སྐད་ཅེས་བཀའ་སྩལ་པ་དང་། རི་རབ་ཀྱི་ཉི་རྡུལ་གྱི་གྲངས་བཅོམ་ལྡན་འདས་མ་དང་ལྷན་ཅིག་ཏུ་སྟན་ལས་ལངས་
ཏེ། ལན་གསུམ་དུ་སྐོར་བ་བྱས་ནས་ཞབས་ལ་མགོ་བོས་ཕྱག་འཚལ་ཏེ། རང་རང་གི་རྫུ་འཕྲུལ་གྱིས་སྣ་ཚོགས་པའི་མཆོད་པས་མཆོད་སྦྱིན་བྱས་ནས་བསྟོད་པ། དེ་ཁོ་ན་ཉིད་བདུད་རྩིའི་རྒྱ་མཚོའི་སྙིང་པོ་རབ་མཆོག་
རྒྱལ་གྱུར་ཅིག །ཡེ་ཤེས་ནམ་མཁའ་སྐྱེ་མེད་གཟུགས་མེད་བརྗོད་མེད་སྐུ་རབ་རྒྱལ་གྱུར་ཅིག །དངོས་དང་དངོས་མིན་རོ་གཅིག་ངོ་བོའི་རྨད་བྱུང་དེ་ཉིད་རབ་གཏེར་རྒྱལ་གྱུར་ཅིག །སྟོང་ཉིད་སྟོང་པ་ཉིད་མིན་མཆོག་
དང་གཞན་མཆོག་འོད་ཀྱིས་གྲུབ་པ་རྒྱལ་གྱུར་ཅིག ། དེ་ལྟ་བུའི་བསྟོད་པའི་རྒྱལ་པོས་བསྟོད་ནས། འཁོར་ཐམས་ཅད་བཅོམ་ལྡན་འདས་དང་བཅས་པར་མི་སྣང་བར་གྱུར་ཏོ། །དཔལ་རྣལ་འབྱོར་མ་ཆེན་པོའི་
རྒྱུད་ཀྱི་རྒྱལ་པོའི་རྒྱལ་པོ་མཆོག་ཆེན་པོ་རྨད་དུ་བྱུང་ཞིང་། རྨད་དུ་བྱུང་བ་དེ་ཁོ་ན་ཉིད་ཀྱི་སྒྲོན་མ་ཞེས་བྱ་བ་རྫོགས་སོ།། །།
རྒྱ་གར་གྱི་མཁན་པོ་ཆེན་པོ་པྲཛྙཱ་ཤྲཱི་གུཔྟས་བསྒྱུར་ཅིང་ཞུས་ཏེ་གཏན་ལ་ཕབ་པ། དུས་ཕྱིས་དཔལ་ས་སྐྱའི་དབེན་གནས་སུ་བསྒྱུར་ཅིང་ཞུས་ཏེ་དག་པར་བྱས་སོ། །

85-1-55a

This is a blank page with་blank image

85-1-55b

༄༅༅། །རྒྱ་གར་སྐད་དུ། ཏན་ཏྲ་རཱ་ཛ་ཤྲཱི་ལ་གྷུ་སམ་བ་ར་ནཱ་མ།  བོད་སྐད་དུ། རྒྱུད་ཀྱི་རྒྱལ་པོ་དཔལ་བདེ་མཆོག་ཉུང་ངུ་ཞེས་བྱ་བ། བཅོམ་ལྡན་འདས་དཔལ་རྡོ་རྗེ་སེམས་དཔའ་ལ་ཕྱག་འཚལ་ལོ། །དེ་ནས་གསང་
བ་བཤད་པར་བྱ། །མདོར་བསྡུས་པ་སྟེ་རྒྱས་པར་མིན། །དཔལ་ཧེ་རུ་ཀ་ཡང་དག་སྦྱོར། །འདོད་པའི་དོན་ཀུན་སྒྲུབ་བྱེད་ཡིན། །བླ་མ་ལས་ཀྱང་བླ་མ་སྟེ། །མཁའ་འགྲོ་མ་ཡི་དྲ་བ་སྡོམ། །གསང་བ་མཆོག་གི་དགྱེས་
པ་ན། །ཐམས་ཅད་བདག་ཉིད་རྟག་ཏུ་བཞུགས། །མཁའ་འགྲོ་ཀུན་དངོས་སེམས་དཔའ་ནི། །རྡོ་རྗེ་སེམས་དཔའ་བདེ་བའི་མཆོག །འདི་ནི་རང་བྱུང་བཅོམ་ལྡན་དཔའ། །མཁའ་འགྲོ་དྲ་བའི་སྡོམ་པ་ཡིན། །སྒྲ་ཡི་ཚུལ་ལས་ངེས་
འབྱུང་རྣམས། །དམ་ཚིག་སྤྱོད་པའི་སྤྱོད་ཡུལ་ཡིན། །འཇིག་རྟེན་གསུམ་དུ་རྙེད་དཀའ་བ། །ཐོག་མ་དབུས་མཐར་ཡང་དག་གནས། །བསྲུབ་བྱ་སྲུབ་བྱེད་ཡང་དག་སྦྱར། །ཇི་ལྟ་བ་ནི་དེ་བཞིན་དུ། །བསྔགས་བཟླས་བསམ་
གཏན་ལ་སོགས་ལྡན། །སྦྱོར་ཉིད་ཆོ་གའི་ཡེ་ཤེས་ནི། །རྣལ་འབྱོར་བླ་ན་མེད་པ་ཡི། །རྒྱུད་ལས་གསུངས་པ་མཉན་པར་གྱིས། །དབུགས་འབྱིན་བར་མ་མཆོག་དག་དང་། །དྲི་ཡི་ཆུ་དང་བཅས་པས་ཀྱང་། །རྣལ་འབྱོར་
པས་དུས་ཁྱད་པར་དུ། །རིགས་ལྡན་རྟག་ཏུ་མཆོད་པར་བྱ། །ཕོ་ཉ་ལྷན་ཅིག་སྐྱེས་གྲུབ་མ། །མཆོག་དང་འབྲིང་དང་ཐ་མ་སྟེ། །ཡིད་ནི་ནང་དུ་ཆུད་པ་ཡིས། །འདོད་པ་ཡི་ནི་དངོས་གྲུབ་བྱ། །རང་རྫས་ཐིག་ལེས་སངས་རྒྱས་དང་། །
བྱང་ཆུབ་སེམས་དཔའ་མཆོད་པར་བྱ། །མཐོང་བ་དང་ནི་རེག་པ་དང་། །ཐོས་པ་འམ་ནི་དྲན་པ་ཡིས། །སྡིག་པ་ཀུན་ལས་གྲོལ་འགྱུར་བ། །དེ་ལྟ་ཉིད་དུ་ཐེ་ཚོམ་མེད། །རྣལ་འབྱོར་པ་ཉིད་བསོད་ནམས་མཆོག །དག་བྱེད་སྡིག་པ་
འཇོམས་བྱེད་པ། །གསང་སྔགས་ཟློས་དང་བསམ་གཏན་དང་། །བདེ་བས་ཀྱང་ནི་འགྲུབ་པར་འགྱུར། །དམ་ཚིག་རྟག་ཏུ་བསྐྱང་བར་བྱ། །ཤིན་དུ་མཉམ་བཞག་སྒྲུབ་པ་པོས། །དམ་ཚིག་ཉམས་པས་དཀྱིལ་འཁོར་དུ། །དབང་བསྐུར་

85-1-56a

དངོས་གྲུབ་ཐོབ་མི་འགྱུར། །སྦྲང་རྩི་མར་དང་ག་པུར་བཅས། །ཙནྡན་དམར་པོ་དང་སྦྱར་བ། །ཚོགས་ཀྱི་ནང་དུ་བཞག་པ་ནི། །ཐམས་ཅད་རྡོར་མཚན་མཚན་མ་འཛིན། །མིང་མེད་མཐེ་བོ་རྩེ་སྦྱར་བས། །
རྣལ་འབྱོར་རིག་པས་རྟག་ཏུ་སྤྱད། །མྱངས་པས་ཞི་བའི་བཏུང་བ་བཞིན། །དངོས་གྲུབ་རྟག་པ་ཐོབ་པར་འགྱུར།  །འདི་ནི་མི་འཆི་བཅུ་ཕྱེད་འགྱུར། །དངོས་གྲུབ་ཐམས་ཅད་འཇུག་བྱེད་ཡིན། །མཆོད་བཞི་དཔའ་བོ་
ཆེན་པོ་ནི། །ཡིད་ལ་འདོད་པ་བྱེད་པ་སྟེ། །དབང་གཉིས་སྙོམས་པར་འཇུག་པ་ཡི། །སྙོམས་པར་ཞུགས་པའང་དེ་ཉིད་འཛིན། །ལྷ་དང་མི་ཡི་བདེ་བ་ནི། །བསྡུས་བྱས་རྡོ་རྗེ་འཛིན་པ་ཡིས། །དེ་ལྟ་བུར་ནི་བྱེད་པ་ཡི། །བཅུ་དྲུག་
ཆར་ནི་མི་ཕོད་དོ། །རི་བོ་ཚང་ཚིང་སྨན་ལྗོངས་སམ། །ཆུ་བོ་ཆེ་རྣམས་ངོགས་དག་དང་། །གདོད་ནས་གྲུབ་པའི་དུར་ཁྲོད་དུ། །དེར་ནི་དཀྱིལ་འཁོར་བྲི་བར་བྱ། །དཔལ་ཧེ་རུ་ཀའི་ངེས་པར་བརྗོད་པ་ལས་དཀྱིལ་འཁོར་དུ་འཇུག་པའི་ལེའུ་
སྟེ་དང་པོའོ།། །། དེར་ནི་ལྕི་བ་མ་ལྷུང་བས། །དཀྱིལ་འཁོར་ས་ནི་ཉེ་བར་བྱུག །དུར་ཁྲོད་ཐལ་བར་ལྡན་པ་དང་། །བདུད་རྩི་ལྔ་དང་བཅས་པ་ཡིས། །དཀྱིལ་འཁོར་ས་ནི་ཉེར་བྱུགས་ཏེ། །དེར་ནི་དཀྱིལ་འཁོར་ཡང་
དག་བརྩམ། །གནས་དེ་རུ་ནི་བསྒོམས་པ་ཡིས། །དུར་ཁྲོད་དུ་ནི་ཀུན་དུ་བརྟག །རོ་བསྲེགས་སོལ་བའི་ཕྱེ་མ་དང་། །དུར་ཁྲོད་སོ་ཕག་ལྡན་པ་ཡིས། །དཀྱིལ་འཁོར་བཟང་པོ་བྲི་བར་བྱ། །སློབ་དཔོན་དགེ་བའི་མཚན་ཉིད་
ཅན། །ཡང་དག་ཤེས་ཤིང་རྒྱུད་ཤེས་པ། །དཔལ་ལྡན་ཁྲག་འཐུང་གསང་སྔགས་ཤེས། །ཁྲོ་མེད་གཙང་ཤིང་མཁས་པ་དང་། །སྦྱོར་ཤེས་ཡེ་ཤེས་ཕ་རོལ་འགྲོ། །ཐོད་པས་སྤྱི་བོར་བརྒྱན་བྱས་ཤིང་། །ཡན་ལག་ཐལ་བས་བྱུགས་
པ་དང་། །གུག་སྐྱེད་དག་གིས་ལུས་བརྒྱན་ཅིང་། །རུས་པའི་ཕྲེང་ལ་སོགས་པས་བརྒྱན། །དུམ་གཅིག་སྤྱི་བོར་བརྒྱན་པ་དང་། །རུས་པའི་ཕྲེང་བ་རྣམ་པར་འཕྱང་། །ཁ་ཊྭཱཾ་ག་ནི་ལག་ན་གནས། །བདག་ཉིད་ཁྲག་འཐུང་དཔལ་བྱས་

85-1-56b

ནས། །དེ་འོག་ཁྲག་འཐུང་དཔལ་དྲན་བྱ། །འཁོར་ལོ་འདི་ཡི་སྙིང་གར་དགོད། །བདག་ཉིད་དེ་ལྟར་གོ་བགོས་ནས། །ར་བ་རྣམས་ནི་ཕྱོགས་སུ་དགོད། །འོག་ཏུ་ཡང་ནི་མཚོན་ཆ་དགོད། །འཁོར་ལོ་མཚོན་ཆའི་ཕྲེང་བ་དག །
སྟེང་དུ་མདའ་ཡི་དྲ་བ་ཉིད། །སླར་ཡང་བདག་ཉིད་མཁའ་སྤྱོད་དུ། །གུར་བྱས་དེ་ནི་གོ་ཆར་འགྱུར། །དེ་ལྟར་གོ་ཆ་དེ་བགོས་ནས། །སུམ་བཅུ་སྐབས་གསུམ་པས་ཀྱང་མི་ཕྱེད་དོ། །དེ་ལྟར་བདག་ཉིད་རབ་བསྲུངས་ཤིང་། །སྔགས་དང་ཕྱག་རྒྱས་རྣམ་བརྒྱན་
ནས། །དངོས་གྲུབ་ཆེན་པོ་རབ་སྟེར་བའི། །དཀྱིལ་འཁོར་འཇིགས་པ་བྲི་བར་བྱ། །དེ་ནས་སེམས་མེད་སྲད་བུའམ། །རུ་དྷི་ར་ནི་ཆེན་པོས་བརླན། །ཧེ་རུ་ཀ་དཔལ་གྲོང་ཁྱེར་མཆོག །དཀྱིལ་འཁོར་འཇིགས་པ་ཐིག་གདབ་བྱ། །ཁྲུ་
གང་ཁྲུ་བཞི་འམ་ཁྲུ་བརྒྱད་པ། །སྒོ་བཞི་ཀུན་ནས་ཟུར་བཞི་པ། །རྟ་བབས་བཞི་ཡིས་རྣམ་པར་བརྒྱན། །སྔགས་པས་ཉིས་འགྱུར་རྣམ་པར་སྤྱད། །མཁའ་འགྲོ་དྲ་བའི་བདེ་མཆོག་མཆོད། །དེ་ཡི་དབུས་སུ་པད་མ་ནི། །འདབ་
བཅས་ལྟེ་བ་འབར་དང་བཅས། །གེ་སར་ཡང་དག་ལྡན་པར་གཞག །ལྟེ་བར་དགོད་བྱ་དཔའ་བོ་ནི། །འཇིགས་བྱེད་ཀྱང་ནི་འཇིགས་པར་མཛད། །མདང་དང་ལྡན་ཞིང་རབ་ཏུ་འབར། །ཧ་ཧ་ཞེས་པའི་སྒྲ་ཆེར་བཞད། །ཐོད་པའི་ཕྲེང་བའི་རྒྱན་
དང་ལྡན། །བཟང་པོ་སྤྱན་གསུམ་ཞལ་བཞི་མངའ། །གླང་བོའི་ལྤགས་པ་རྣམ་པར་བགོས། །སྨིན་མ་བཟང་པོ་རྡོ་རྗེ་དབྱེས། །ཕྱག་ན་ཁ་ཊྭཱཾ་མི་ཐོད་བསྣམས། །བརྒྱ་ཕྱེད་ཕྲེང་བས་རྣམ་པར་བརྒྱན། །དེ་མདུན་གནས་པའི་ལྷ་མོ་ནི། །རྡོ་རྗེ་
ཕག་མོ་རབ་འཇིགས་མ། །ཧེ་རུ་ཀ་དཔལ་ཆེ་ལ་ཕྱོགས། །སྤྱན་གསུམ་དྲག་པོའི་གཟུགས་ཅན་ཡིན། །ཀ་པཱ་ལ་ནི་ཨནྟྲས་བཀང་། །ཁ་ནས་རུ་དྷི་ར་འཛག་ཅིང་། །ལྷ་དང་ལྷ་མིན་མིར་བཅས་པ། །ཕྱོགས་ཀུན་དུ་ནི་བསྡིགས་འཛུབ་
བྱེད། །མཁའ་འགྲོ་མ་ནི་ཉི་ཤུ་བཞི། །ཕག་མོ་ཡི་ནི་རིགས་ལས་བྱུང་། །ཕྱོགས་དང་ཕྱོགས་ཀྱི་མཚམས་རྣམས་དང་། །འཁོར་ལོའི་དབུས་སུ་མཆོད་པར་བྱ། །དེ་བཞིན་འདིར་ནི་དཔའ་བོ་ཡང་། །འཁོར་ལོར་ཡང་དག་གནས་པ་མཆོད། །སྒྲུབ་པོ་

85-1-57a

གལ་ཏེ་དངོས་གྲུབ་འདོད། །གཉིས་མེད་དཔའ་བོ་མཆོད་པར་བྱ། །དེ་ནས་བུམ་པ་བྱ་བ་ནི། །རྩ་བ་ནག་པོ་ལ་སོགས་མེད། །མུ་ཏིག་སེར་དང་རིན་ཆེན་དང་། །བྱུ་རུ་དངུལ་དང་ཟངས་མ་སྟེ། །བཟའ་བ་ཀུན་གྱིས་ལེགས་བཀང་
བའི། །སྣོད་ནི་སྟེང་དུ་གཞག་པར་བྱ། །མགྲིན་པ་སྲད་བུས་དཀྲི་བ་དང་། །ཁ་ནི་འདབ་མས་བརྒྱན་པར་བྱ། །གོས་ཟུང་གིས་ནི་ལེགས་དགྲིས་པ། །བརྒྱན་ནི་སྒོ་རུ་རྣམ་པར་དགོད། །གོས་ཟུང་གྱིས་ནི་ལེགས་དཀྲིས་པའི། །བུམ་པ་དགུ་པ་དབུས་སུ་བཞག །གསེར་རམ་དངུལ་
ལམ་རིན་ཆེན་ནམ། །མུ་ཏིག་རྣམས་ཀྱིས་མཛེས་པར་བྱ། །དཀྱིལ་འཁོར་ཀུན་ཏུ་རིན་ཆེན་དང་། །གསེར་གྱིས་མཛེས་པར་སྤྲས་པར་བྱ། །གྲོང་མཆོག་ཡིད་འོང་མཆོད་ན་ནི། །འགྲུབ་པ་ཉིད་དུ་ཐེ་ཚོམ་མེད། །བདག་ཉིད་ཀུན་ནས་ཞལ་
ལ་ནི། །དྲི་ཡི་ཆུ་ཡིས་ལེགས་པར་གདབ། །གལ་ཏེ་དངོས་གྲུབ་མཆོག་འདོད་ན། །མར་མེ་བརྒྱ་ནི་དབུལ་བར་བྱ། །ནམ་མཁའི་མཁའ་འགྲོ་མ་རྣམས་ནི། །ཡིད་ཀྱིས་ཐམས་ཅད་སྟེང་དུ་དགོད། །ས་སྟེང་མཁའ་འགྲོ་མ་གང་ཡིན། །
དཀྱིལ་འཁོར་ཀུན་དུ་དགོད་པར་བྱ། །གང་ཡང་ས་འོག་མཁའ་འགྲོ་མ། །དེ་ནི་ས་འོག་རྣམས་སུ་དགོད། །མ་མོ་ཐམས་ཅད་ཕྱོགས་དང་ནི། །ཕྱོགས་མཚམས་རྣམས་སུ་དགོད་པར་བྱ། །གལ་ཏེ་དངོས་གྲུབ་མཆོག་འདོད་ན། །དྲི་དང་
མེ་ཏོག་དེ་བཞིན་སྤོས། །ཆོ་ག་བཞིན་དུ་དེ་བཞིན་མཆོད། །མར་མེ་བརྒྱ་ཡང་དབུལ་བྱ་ཞིང་། །དཔལ་ཧེ་རུ་ཀའི་དཀྱིལ་འཁོར་གནས། །དཔའ་བོ་རྣལ་འབྱོར་མ་རྣམས་མཆོད། །རྒྱལ་མཚན་དམར་དང་དེ་བཞིན་སེར། །དཀར་དང་
ནག་དང་སེར་སྐྱ་དང་། །མེ་ཏོག་ཕྲེང་བ་དུ་མ་དང་། །དེ་བཞིན་གོས་ནི་སྣ་ཚོགས་དང་། །བླ་རེ་དང་ནི་ཡོལ་བ་དག །མཛེས་པ་ཇི་ལྟ་དེ་བཞིན་ཏེ། །དེ་བཞིན་བཟའ་བཅའ་བཏུང་བ་ཡིས། །རབ་མཉམ་བཞག་སྟེ་མཆོད་པར་
བྱ། །དཔལ་ཧེ་རུ་ཀའི་ངེས་པར་བརྗོད་པ་ལས་འཁོར་ལོ་མཆོད་པའི་ཆོ་གའི་ལེའུ་སྟེ་གཉིས་པའོ།། །། དེ་ནས་སྒྲུབ་པོས་དངོས་ཀུན་གྱིས། །དང་པོར་སློབ་དཔོན་མཉེས་པར་བྱ། །གྲུབ་འདོད་ཤིན་ཏུ་མཉམ་བཞག་པས། །

85-1-57b

ཅི་ནུས་པས་ནི་བླ་མ་མཆོད། །དྲིལ་བུ་སྒྲ་ལྡན་སྤྱངས་པ་དང་། །མེ་ཏོག་སྤོས་རྣམས་ཀྱིས་བརྒྱན་ཅིང་། །ཤིན་དུ་སྒྲ་སྙན་དྲིལ་བུ་དཀྲོལ། །སྒྲུབ་པ་པོ་ཡིས་རྔ་བརྡུང་ཞིང་། །ཧ་ཧ་ཞེས་ནི་བརྗོད་པར་བྱ། །དེ་ལྟར་ཆོ་ག་བཞིན་དཀྱིལ་
འཁོར། །འདོད་པ་ཀུན་ལྡན་མཆོད་ནས་ནི། །བུ་སྤུག་དེ་དག་གདོང་པ་ལ། །དར་རས་ལེགས་པར་བཀབ་ནས་སུ། །ཐལ་མོ་མེ་ཏོག་གིས་བཀང་སྟེ། །ཡང་དག་པར་ནི་ཞུགས་པ་དག །སྒྲུབ་པོ་ཤིན་ཏུ་མཉམ་བཞག་པས། །དེ་ནས་
བསྐོར་བ་བྱས་ནས་ནི། །བློ་བཟང་ཡིད་ནི་མཉམ་བཞག་པ། །ཕོ་བྲང་ཉམས་དགར་གཞུག་པར་བྱ། །ལྷོ་ཡི་ཕྱོགས་སུ་ལུས་བསྟེན་ལ། །ཐལ་མོའི་མེ་ཏོག་དེ་ནས་དོར། །དཀྱིལ་འཁོར་སྟེང་དུ་དོར་བར་བྱ། །གང་དུ་མེ་ཏོག་དེ་ལྷུང་བ། །ཤྲཱི་
ཧེ་རུ་ཀའི་གནས་སོགས་བསྟན། །དེ་ཡི་རིགས་ནི་རྣམ་བསྟན་ཏེ། །དེ་ནི་རིགས་དེའི་མིང་འགྱུར་བར། །སློབ་དཔོན་གྱིས་ནི་མིང་བསྟན་ནོ། །དེ་ནས་སློབ་དཔོན་ལེགས་པར་ནི། །མཉམ་པར་བཞག་སྟེ་ཕྱག་རྒྱ་མཆོད། །དེ་ནས་སློབ་དཔོན་ཕྱི་དེ་ཉིན། །
ལས་ནི་ཡང་དག་སྤྱད་པར་བྱ། །མཚལ་ཆེན་ལན་གསུམ་བཟླས་པ་ཡིས། །དེ་རྣམས་སུ་ནི་ཐིག་ལེ་བྱ། །སློབ་མ་ཡི་ནི་གདོང་ཕྱེ་ལ། །དེ་ནས་དཀྱིལ་འཁོར་བསྟན་པར་བྱ། །ལྷ་གང་གི་ནི་གནས་གང་ཡིན། །དེར་དེ་ཡང་དག་བསྟན་པར་
བྱ། །སློབ་དཔོན་དང་བཅས་ཕོ་བྲང་ལ། །དེ་ནས་སློབ་མས་རབ་བཏུད་ནས། །ཕྱིར་ཡང་གཡོན་ནས་བརྩམས་པ་ཡིས། །དེ་ནས་བསྐོར་བ་བྱས་ནས་ནི། །དཀྱིལ་འཁོར་དང་ནི་བླ་མ་ལ། །ཇི་བཞིན་ཆོ་གས་ཕྱག་བྱའོ། །དེ་ནས་བླ་མ་དག་
ལ་ཡོན། །དེ་བཞིན་གཤེགས་པས་གསུངས་པ་དབུལ། །གསེར་ནི་བརྒྱ་སྟོང་དབུལ་བ་དང་། །རིན་ཆེན་རྣམ་པ་སྣ་ཚོགས་དང་། །རས་ནི་ཟུང་གྱུར་བརྒྱ་ཉིད་དང་། །གླང་པོ་རྟ་དང་ཡུལ་འཁོར་དང་། །རྣ་རྒྱན་དང་ནི་གདུབ་བུ་དང་། །མགུལ་རྡུབ་སོར་
གདུབ་དམ་པ་དང་། །གསེར་ལས་བྱས་པའི་མཆོད་ཕྱིར་ཐོགས། །ཆུང་མ་བཟང་དང་བུ་མོ་ཉིད། །བྲན་པོ་བྲན་མོ་སྲིང་མོ་རྣམས། །ཕྱག་འཚལ་ནས་ནི་དབུལ་བར་བྱ། །ཇི་སྐད་གསུངས་བཞིན་སློབ་མ་ནི། །བློ་དང་ལྡན་པས་བླ་མ་ལ། །

85-1-58a

དངོས་པོ་ཀུན་གྱིས་བདག་ཉིད་ནི། །དེ་བཞིན་དུ་ནི་དབུལ་བར་བྱ། །དེང་ནས་བརྩམས་ཏེ་བྲན་དུ་བདག །ཁྱེད་ལ་བདག་གིས་ཕུལ་བ་ལགས། །དེ་ནས་སྒྲུབ་པོས་རབ་ངེས་པར། །དེ་ལྟར་ཆོ་ག་བྱས་ན་ནི། །དེ་
ནས་དེ་ལ་མཁའ་འགྲོ་མ། །རྣལ་འབྱོར་མ་མོ་རྣམས་མཉེས་འགྱུར། །མཁའ་འགྲོ་མ་དང་ལཱ་མ་དང་། །ཁཎ་ཌ་རོ་ཧེ་གཟུགས་ཅན་མ། །སྒྲུབ་པོ་མཁའ་འགྲོ་མ་ལྷན་ཅིག །དེ་དང་རྣམ་སྤྱོད་ཀུན་དུ་འགྲོ། །ཐམས་ཅད་སྒྲུབ་པོ་དེ་ཡི་
ནི། །ཅི་བགྱི་བྱེད་པར་ཐེ་ཚོམ་མེད། །རྣལ་འབྱོར་འདི་ནི་སྒྲུབ་འགྱུར་ན། །འཇིག་རྟེན་གསུམ་དུ་མི་ཟློགས་ཤིང་། །མི་སྣང་ཕུག་དང་ནམ་མཁར་རྒྱུ། །རྐང་འགྱོགས་དེ་བཞིན་བཅུད་ཀྱིས་ལེན། །སྒྲུབ་པ་པོ་ནི་འདོད་ཙམ་གྱིས། །
རྟག་པར་རྒྱུན་དུ་བསྐྱེད་པར་འགྱུར། །གཟུགས་ནི་དུ་མ་བྱེད་པ་དང་། །ནམ་མཁའ་ལ་ནི་འགྲོ་བར་འགྱུར། །མཁའ་འགྲོ་རྣམས་ཀྱང་ཁྱད་པར་དུ། །སྐད་ཅིག་དེ་ལ་སྦྱོར་བསྐྱེད་དེ། །འགྲོ་བ་རྣམས་ཀྱང་ངེས་གནོན་པར། །ལན་ཅིག་བལྟས་པས་
རྣལ་འབྱོར་པས། །སྔགས་པ་དཀྱིལ་འཁོར་མ་མཐོང་བར། །གང་ཞིག་རྣལ་འབྱོར་པ་ཉིད་འདོད། །མཁའ་ལ་ཁུ་ཚུར་གྱིས་བརྡེག་དང་། །སྨིག་རྒྱུའི་ཆུ་ནི་འཐུངས་དང་མཚུངས། །རྣལ་འབྱོར་འདི་ནི་མཆོག་རབ་དང་། །སྦྱོར་བ་ཀུན་གྱི་དམ་པ་ཡིན། །
གང་ཞིག་རྟག་ཏུ་འདོད་གྱུར་པ། །ལྷ་དང་ལྷ་མིན་མི་རྣམས་ཏེ། །འདི་དག་ཟིལ་གྱིས་གནོན་པར་འགྱུར། །རྒྱུད་འདི་རུ་ནི་དབང་བསྐུར་བས། །ཐམས་ཅད་ཀྱི་ནི་སྒྲུབ་པ་པོ། །རྒོད་དང་ལྟ་དང་ལག་འཛིན་གྱིས། །འཁྱུད་དང་གཉིས་སྤྲད་ལ་སོགས་
ལ། །དབང་བསྐུར་བར་ནི་གྱུར་པ་ཡིན། །ཐམས་ཅད་རྒྱུད་ལས་དམ་པའོ། །འདི་ནི་ལྷ་མི་ཟིལ་གནོན་འགྲོ། །དེ་ཉིད་བསྡུས་པའམ་སྡོམ་པའམ། །གསང་བའམ་རྡོ་རྗེ་འཇིགས་བྱེད་ལས། །དཀྱིལ་འཁོར་རྣམས་ཀྱི་རྒྱལ་པོ་འདི། །
མ་བྱུང་འབྱུང་བར་མི་འགྱུར་རོ། །བཤད་དང་མ་བཤད་གང་ཅིའང་རུང་། །དེ་ཀུན་ཧེ་རུ་ཀ་ལ་གནས། །དཔལ་ཧེ་རུ་ཀའི་ངེས་པར་བརྗོད་པ་ལས་ཡོན་ཏན་དང་བཅས་པའི་དབང་བསྐུར་བའི་ཆོ་གའི་ལེའུ་སྟེ་གསུམ་པའོ།། །།

85-1-58b

དེ་ནས་མཁའ་འགྲོ་མ་རྣམས་ནི། །གནས་ན་རྣམ་པར་འགྱིང་བ་སྟེ། །བརྩོན་ཆེན་འཁོར་ལོས་སྒྱུར་མ་དང་། །སྟོབས་ཆེན་མ་དང་རབ་དཔའ་མོ། །འཁོར་ལོའི་གོ་ཆ་ཆང་འཚོང་མ། །ཁཎ་ཌ་རོ་ཧ་འཁོར་ལོའི་ཤུགས། །བྱ་གདོང་མ་དང་རྟ་
རྣ་མོ། །ཤིན་དུ་བཟང་མོ་ལྗང་ལྷ་མོ། །ཆང་འཐུང་མ་དང་རླུང་ཤུགས་མ། །དེ་བཞིན་འཇིགས་བྱེད་ཆེན་མོ་དང་། །ས་སྲུངས་མ་དང་ཤིང་གྲིབ་མ། །ལང་ཀའི་དབང་ཕྱུག་མིའུ་ཐུང་མ། །དཔའ་བོའི་བློ་མ་སྣ་ཆེན་མ། །འོད་ལྡན་མ་དང་གཏུམ་མིག་
མ། །རབ་གཏུམ་མ་སྟེ་སྒྲུབ་བྱེད་ཡིན། །མཁའ་འགྲོ་མ་ནི་ཉི་ཤུ་བཞི། །འདི་དག་སྔོན་ཉིད་གྲུབ་པ་ཡིན། །སྐུ་གསུང་ཐུགས་ཀྱི་དབུས་སུ་ནི། །ཇི་ལྟར་ཕྱི་རོལ་ནང་དེ་བཞིན། །རང་མིང་བརྗོད་པའི་སྔགས་ལ་ནི། །མཐར་ནི་ཧཱུྃ་ཧཱུྃ་
ཕཊ་སྦྱར་ཏེ། །རྣལ་འབྱོར་རབ་མཆོག་འདི་མཐོང་ན། །མེ་སྟེ་གཞན་དག་སོག་མར་མཚུངས། །ཨོཾ་ནི་ཀུན་ལ་གསལ་བྱེད་དེ། །གྲུབ་སྩོལ་འདོད་པ་ཐམས་ཅད་བྱེད། །དཔའ་བོ་ཉིད་འགྱུར་གྲུབ་པ་ནི། །ཁྱིམ་དུ་དཀྱིལ་འཁོར་མཐོང་
བ་ཡིན། །དེ་ནས་དེ་རྟག་བསྒོམ་པར་བྱ། །དངོས་གྲུབ་དེ་བཞིན་གཤེགས་གསུངས་བཞིན། །དཔལ་ཧེ་རུ་ཀའི་ངེས་པར་བརྗོད་པ་ལས་དཔའ་བོ་དང་རྣལ་འབྱོར་མ་གཉིས་སུ་མེད་པར་དགོད་པའི་ལེའུ་སྟེ་བཞི་པའོ།། །། དེ་ནས་ཐམས་ཅད་
ཆོས་འབྱུང་བར། །སྣ་ཚོགས་ལྟེ་བར་མི་ཤིགས་དགེ། །སྔགས་པས་ཆོ་ག་བཞིན་དུ་བྲི། །ཆོས་ཀུན་གཅིག་ཏུ་བསྡུ་བར་བྱ། །འདིར་སྔགས་ཚིགས་ནི་འདི་ཡིན་ཏེ། །ཨཱ་ལི་ཀཱ་ལི་མཉམ་བྱས་ནས། །སྡེ་ཚན་ལ་ནི་ཡོངས་བསྡོམས་
པ། །བཞི་བཞི་རུ་ནི་ཤེས་བྱས་ལ། །ཐུབ་པ་མཆོག་གི་རེ་མིག་ལ། །དེར་གནས་དཔའ་བོ་བཏུད་བར་བྱ། །འདོད་དོན་ཐམས་ཅད་སྒྲུབ་བྱེད་པའོ། །བཞི་པའི་ལྔ་པ་གང་ཡིན་དང་། །ལྔ་པ་ཡི་ཡང་ལྔ་པ་དང་། །ལྔ་པ་ཡི་ནི་བཞི་པ་
དང་། །དང་པོའི་གསུམ་པ་གང་ཡིན་དང་། །དེ་བཞིན་ཉི་ཤུ་རྩ་དགུ་པ། །བཞི་པའི་དང་པོ་གང་ཡིན་དང་། །མཐར་གནས་པ་ཡི་བཞི་པ་དང་། །དེ་ཉིད་ཀྱིས་ནི་གཉིས་པ་དང་། །སུམ་བཅུ་པོ་ནི་ཡང་དག་བླང་། །དེ་བཞིན་ཉི་ཤུ་དྲུག་པ་

85-1-59a

ཉིད། །དེ་དག་ཐམས་ཅད་ལེགས་བསྡུས་ལ། །དེ་བཞིན་བརྒྱའི་ཕྱེད་ཕྱེད་ཡང་། །དེ་ནས་སུམ་བཅུ་རྩ་གསུམ་གཟུང་། །དང་པོའི་དང་པོ་ཉིད་དག་དང་། །མཐར་གནས་པའི་གསུམ་པ་དང་། །དང་པོ་ཡིད་ནི་གསུམ་པ་དང་། །
སུམ་བཅུ་རྩ་གཉིས་ཉིད་དག་དང་། །བཞི་པ་ཡི་ནི་ལྔ་པ་དང་། །ལྔ་པ་ཡི་ཡང་བཞི་པ་དང་། །མཐར་གནས་པ་ཡི་དང་པོ་གང་། །གཉིས་པ་ཡི་ནི་གསུམ་པ་དང་། །གསུམ་པའི་དང་པོ་གང་ཡིན་དང་། །ལྔ་པ་ཡི་ཡང་ལྔ་པ་དང་། །དང་པོ་
ཡི་ཡང་དང་པོ་དང་། །དེ་བཞིན་བཅུ་གཅིག་པ་ཉིད་དང་། །དེ་བཞིན་མཁས་པས་བཅུ་དྲུག་པ། །གསུམ་པའི་དང་པོ་གང་ཡིན་དང་། །དེ་བཞིན་ཉི་ཤུ་རྩ་དྲུག་པ། །བཞི་པའི་གསུམ་པ་གང་ཡིན་དང་། །ཨུཥྨཱ་ཎཱ་ཡི་གཉིས་པ་ཉིད། །དང་པོའི་དང་པོ་
གང་ཡིན་དང་། །དེ་བཞིན་ཉི་ཤུ་རྩ་བདུན་པ། །ཉི་ཤུ་རྩ་བརྒྱད་པ་ཡང་ངོ་། །དང་པོ་ཡི་ནི་གསུམ་པ་དང་། །ལྔ་པ་ཡི་ཡང་བཞི་པ་དང་། །དེ་བཞིན་སུམ་བཅུ་རྩ་གཅིག་བླང་། །བཅྭ་ལྔ་པ་ནི་ཉིད་དག་དང་། །དེ་བཞིན་ཉི་ཤུ་རྩ་ལྔ་པ། །དང་པོའི་
གཉིས་པ་གང་ཡིན་དང་། །དེ་བཞིན་ཉི་ཤུ་རྩ་དྲུག་པ། །ཡི་གེ་སུམ་བཅུ་རྩ་གཉིས་དང་། །ཨཥྨཱ་ཎཱ་ཡི་ཐ་མ་ཉིད། །སུམ་བཅུ་རྩ་གཉིས་པ་ཉིད་དང་། །ལྔ་པ་ཡི་ནི་བཞི་པ་དང་། །གཉིས་པ་ཡི་ནི་གསུམ་པ་དང་། །ལྔ་པ་ཡི་ནི་བཞི་པ་
དང་། །ཨུཥྨཱ་ཎཱ་ཡི་གསུམ་པ་དང་། །གཞན་ཡང་ཉི་ཤུ་རྩ་བདུན་པ། །ཨནྟསྠཱ་ཡི་དང་པོ་དང་། །དེ་བཞིན་ཉི་ཤུ་རྩ་གཅིག་པ། །ཨནྟསྠཱ་ཡི་གཉིས་པ་དང་། །དེ་བཞིན་ཡང་ནི་སུམ་བཅུ་པ། །ལྔ་པ་ཡི་ནི་དང་པོ་དང་། །ཨུཥྨཱ་ཎཱ་ཡི་དང་པོ་
ཉིད། །དེ་བཞིན་ཡི་གེ་དྱ་ཉིད་དང་། །བཞི་པའི་དང་པོ་གང་ཡིན་དང་། །ཨུཥྨཱའི་དང་པོ་གང་ཡིན་དང་། །དེ་བཞིན་ཉི་ཤུ་རྩ་བརྒྱད་པ། །དང་པོའི་གཉིས་པ་གང་ཡིན་དང་། །གསུམ་པའི་དང་པོ་ཉིད་དག་དང་། །དང་པོའི་གསུམ་པ་གང་ཡིན་
དང་། །བཞི་པའི་བཞི་པ་གང་ཡིན་དང་། །ཨུནྟསྠཱ་ཡི་གཉིས་པ་དང་། །གསུམ་པ་ཡི་ཡང་ལྔ་པ་དང་། །ཡི་གེ་བྱཱ་ནི་དེ་ནས་བླང་། །དང་པོ་ཡི་ནི་བཞི་པ་དང་། །དེ་ནས་བརྒྱད་པ་ཉིད་དག་དང་། །བཞི་པའི་ལྔ་པ་ཉིད་དག་ཡིན། །ལྔ་པ་ཡི་ཡང་ལྔ་པ་དང་། །

85-1-59b

དེ་བཞིན་ཉི་ཤུ་རྩ་བདུན་པ། །བཞི་པ་ཡི་ནི་བཞི་པ་དང་། །སླར་ཡང་ཉི་ཤུ་རྩ་བདུན་པ། །དེ་བཞིན་ཉི་ཤུ་རྩ་དྲུག་པ། །ཉི་ཤུ་རྩ་ལྔ་ཡང་དག་བླང་། །སུམ་བཅུ་རྩ་གསུམ་ཉིད་དག་དང་། །བཞི་པ་ཡི་ནི་བཞི་པ་དང་། །ལྔ་པ་ཡི་ནི་ལྔ་པ་དང་། །བཞི་པ་ཡི་ཡང་ལྔ་པ་དང་། །
དང་པོའི་དང་པོ་ཉིད་དག་དང་། །དེ་བཞིན་ཉི་ཤུ་རྩ་བདུན་པ། །ཨནྟསྠཱ་ཡི་བཞི་པ་དང་། །དེ་བཞིན་ཉི་ཤུ་རྩ་གཅིག་པ། །ཨུཥྨཱ་ཎཱ་ཡི་གཉིས་པ་ཉིད། །དེ་བཞིན་ཉི་ཤུ་རྩ་དྲུག་པའོ། །དང་པོའི་དང་པོ་ཉིད་དང་ནི། །མཐར་གནས་པའི་གཉིས་པ་ཉིད། །གཉིས་པ་ཡི་ནི་
དང་པོ་ཉིད། །དྲུག་པ་ཡི་ཡང་གཉིས་པའོ། །དང་པོ་ཡི་ནི་དང་པོ་དང་། །མཐར་གནས་གཉིས་པ་དེ་བཞིན་ཏེ། །གཉིས་པ་ཡི་ནི་དང་པོ་དང་། །བདུན་པ་ཡི་ནི་གཉིས་པ་དང་། །དྲུག་པ་ཡི་ཡང་གསུམ་པ་དང་། །བཞི་པ་ཡི་ཡང་ལྔ་པ་ལ། །བཞི་པ་ཡིས་ནི་སྦྱར་བར་བྱ། །
མཐར་གནས་པ་ཡི་བཞི་པ་དང་། །ལྔ་པ་ཡི་ཡང་ལྔ་པ་ལ། །བཞི་པ་ཡིས་ནི་གདན་དུ་བྱ། །ལྔ་པ་ཡི་ནི་དང་པོ་ལ། །འོག་ཏུ་མེ་ཡི་གདན་དང་ལྡན། །ཨུཥྨཱ་ཎཱ་ཡི་གསུམ་དེ་བཞིན། །མཐར་གནས་པ་ཡི་དང་པོ་ཡང་། །བཞི་པ་ཡི་ནི་དང་པོ་ཉིད། །མེ་ཡིས་གདན་
དུ་བྱས་པའོ། །བདུན་པ་ཡི་ནི་གསུམ་པ་དང་། །དྲུག་པ་ཡི་ཡང་དང་པོ་གང་། །ཀ་ཥར་གྲགས་པའི་དང་པོ་གཟུང་། །ལྔ་པ་ཡི་ནི་བཞི་པ་དང་། །མཐར་གནས་པའི་དང་པོ་གང་། །དེ་བཞིན་ཡང་ནི་རིལ་པོ་ཉིད། །ལྔ་པ་ཡི་ནི་བཞི་པ་དང་། །བདུན་པ་ཡི་ཡང་
དང་པོ་དང་། །ཨུཥྨཱ་ཎཱ་ཡི་བཞི་པ་གཟུང་། །བདུན་པ་ཡི་ནི་བཞི་པ་ལ། །རྡོ་རྗེ་སེམས་དཔས་ཕྱེ་བ་དག །ཨུཥྨཱ་ཎཱ་ཡི་བཞི་པ་ཉིད། །འོད་བྱེད་གདན་དུ་བྱས་པའོ། །བདུན་པ་ཡི་ནི་བཞི་པ་ལ། །འོག་ཏུ་ཡང་ནི་མེ་ཡི་གདན། །ཚེག་དྲག་དང་ནི་
ཡང་དག་ལྡན། །ལྔ་པ་ཡི་ནི་གཉིས་པ་དང་། །དེ་བཞིན་ཉི་ཤུ་གཉིས་པ་ཉིད། །དྲུག་པ་ཡི་ནི་གཉིས་ཉིད་དང་། །དེ་བཞིན་བཅུ་གཅིག་པར་ནི་ངེས། །སླར་ཡང་ཉི་ཤུ་རྩ་གཉིས་གཟུང་། །གསུམ་པ་ཡི་ནི་དང་པོ་དང་། །བཞི་པ་ཡི་ནི་གསུམ་པ་དང་། །
ཨུཥྨཱ་ཎཱ་ཡི་བཞི་པ་ཉིད། །ལྔ་པ་ཡི་ནི་གསུམ་པ་དང་། །བདུན་པ་ཡི་ནི་བཞི་པ་དང་། །ཉི་ཤུ་གཅིག་པ་དེ་ནས་བཏུ། །གཉིས་པ་ཡི་ནི་དང་པོ་དང་། །ལྔ་པ་ཡི་ནི་དང་པོར་ངེས། །གཉིས་ལས་དྲུག་པའི་ཡི་གེའོ། །ལྔ་པ་ཡི་ནི་བཞི་པ་དང་། །

85-1-60a

དེ་བཞིན་ཀ་ཥར་གྲགས་ཉིད་དང་། །ཉི་ཤུ་བཞི་པ་དེ་ནས་བཏུ། །སླར་ཡང་རིལ་པོ་ཇི་བཞིན་དང་། །ལྔ་པ་ཡི་ནི་གསུམ་པ་དང་། །ཨུཥྨཱ་ཎཱ་ཡི་གསུམ་པ་དང་། །མཐར་གནས་པ་ཡི་གཉིས་པ་ཉིད། །ལྔ་པ་ཡི་ནི་བཞི་པ་དང་། །སླར་
ཡང་འོད་བྱེད་སྦྱིན་པར་བྱ། །ཡི་གེ་ཉི་ཤུའི་འོག་ཏུ་ནི། །བཅུ་དྲུག་པ་ནི་གདན་དུ་བྱ། །འོག་ཏུ་མེ་ཡིས་གསལ་བྱས་ལ། །ལྔ་པ་ཡི་ནི་ལྔ་པ་དང་། །མཐར་གནས་པ་ཡི་གསུམ་པ་དང་། །ལྔ་པ་ཡི་ནི་གསུམ་པ་དང་། །དྲུག་པ་ཡི་ཡང་གསུམ་པ་
དང་། །མཐར་གནས་པའི་བཞི་པ་དང་། །ཉི་ཤུ་ལྔ་པས་ཁྱད་པར་དབྱེ། །བཞི་པ་ཡི་ནི་ལྔ་པ་དང་། །གཉིས་པ་ཡི་ནི་གསུམ་པ་ལ། །ཉི་མའི་བུ་ཡིས་ཁྱད་པར་དབྱེ། །ཨུཥྨཱ་ཎཱ་ཡི་བཞི་པ་དང་། །འོག་ཏུ་བཅྭ་ལྔ་པ་ཡི་གདན། །དང་པོ་ཡི་
ཡང་གསུམ་པ་དང་། །དེ་ནས་མེ་ཡིས་གདན་དུ་བྱ། །བདུན་པ་ཡི་ནི་བཞི་པ་དང་། །འོག་ཏུ་བཅྭ་ལྔ་པ་ཡི་གདན། །ཨུཥྨཱ་ཎཱ་ཡི་གསུམ་པ་ཉིད། །ལྔ་པ་ཡི་ནི་དང་པོ་ལ། །བཅུ་དྲུག་པ་ཡིས་གདན་དུའོ། །དེ་ནས་ཉི་ཤུ་གཅིག་པ་བླང་། །བཞི་པ་ཡི་
ནི་དང་པོ་དང་། །མཐར་གནས་པ་ཡི་གསུམ་པ་དང་། །གཉིས་པ་ཡི་ནི་གསུམ་པ་དང་། །བཞི་པ་ཡི་ནི་དང་པོ་དང་། །ལྔ་པ་ཡི་ནི་བཞི་པ་དང་། །གསུམ་པ་ཡི་ནི་གསུམ་པ་དང་། །དང་པོ་ཡི་ནི་གསུམ་པ་དང་། །ཨུཥྨཱ་ཎཱ་ཡི་གསུམ་པ་ཉིད། །དེ་
བཞིན་ཉི་ཤུ་རྩ་གཅིག་པ། །འོད་བྱེད་མཉམ་པར་གནས་པའོ། །ལྔ་པ་ཡི་ནི་གསུམ་པ་དང་། །བཞི་པ་ཡི་ནི་དང་པོ་དང་། །གསུམ་པ་ཡི་ནི་གསུམ་པ་ལ། །མེ་ཡིས་སྟེང་ནས་གསལ་བར་བྱ། །མཐར་གནས་པ་ཡི་དང་པོར་གསུངས། །
དེ་ནས་ཡི་གེ་བཅུ་དྲུག་འོག །གསུམ་པ་ཡི་ནི་གསུམ་པ་དང་། །སྤྱི་བོར་མེ་ཡི་ཡི་གེས་མཚན། །དེ་བཞིན་ཉི་ཤུ་རྩ་དྲུག་ཉིད། །དང་པོ་ཡི་ནི་དང་པོ་དང་། །གཉིས་པ་ཡི་ནི་དང་པོ་དང་། །གསུམ་པ་ཡི་ནི་བཞི་པ་ལ། །བཅུ་གསུམ་པ་ཡིས་མནན་པའོ། །
དང་པོའི་དང་པོ་དེ་བཞིན་ཏེ། །གཉིས་པ་ཡི་ནི་དང་པོ་དང་། །གསུམ་པ་ཡི་ནི་བཞི་པ་ཡི། །སྙིང་དུ་བཅུ་གསུམ་པ་ཉིད་དང་། །ཨུཥྨཱ་ཎཱ་ཡི་བཞི་པ་ལ། །ཉི་ཤུ་བདུན་པས་གདན་དུ་བྱ། །ཡ་ཡིག་བརྒྱད་པའི་ས་བོན་ལ། །འོད་བྱེད་ཀྱིས་ནི་གསལ་

85-1-60b

བྱས་པ། །གཉིས་པ་ཡི་ནི་གསུམ་པ་ལ། །བཅྭ་ལྔ་པ་ཡིས་གདན་དུ་བྱ། །གཉིས་པ་ཡི་ནི་གསུམ་པ་ལ། །གསུམ་པའི་ལྔ་པ་ལ་ནི་བསྐྱོན། །ཀ་ཥའི་ས་བོན་བཏུས་ནས་ནི། །ཉི་ཤུ་ལྔ་པས་གདན་དུ་བྱ། །རིལ་པོ་མཛེས་པ་བཏུས་ནས་ནི། །ཡི་གེ་མ་
ཡིས་གདན་དུ་བྱ། །ཨུཥྨཱ་ཎཱ་ཡི་བཞི་པ་ཉིད། །བདུན་པ་ཡི་ནི་བཞི་པ་དང་། །ཡ་ཚོགས་བརྒྱད་པའི་ས་བོན་དང་། །དེ་བཞིན་སུམ་བཅུ་གསུམ་པར་ངེས། །ལྔ་པའི་བདག་ཉིད་ཡོངས་བཏུས་ལ། །ཡང་ནི་དེ་ལ་གཉིས་པར་ངེས། །གཉིས་པ་ཡི་ནི་དང་པོ་
དང་། །མཐར་གནས་པ་ཡི་གསུམ་པ་དང་། །དེ་བཞིན་སུམ་བཅུ་རྩ་གཉིས་པ། །དྲུག་པ་ཡི་ནི་གསུམ་པ་དང་། །བདུན་པ་ཡི་ནི་བཞི་པ་དང་། །དྲུག་པའི་གསུམ་པ་དེ་བཞིན་ཏེ། །ལྔ་པ་ཡི་ནི་བཞི་པ་དང་། །དྲུག་པ་ཡི་ནི་གསུམ་པ་སྟེ། །གཉིས་གཉིས་
རྐང་པ་བཞི་ཡིན་ནོ། །རིག་པའི་རྒྱལ་པོའི་གསང་སྔགས་ཏེ། །བྱ་བ་ཐམས་ཅད་རབ་སྒྲུབ་པའོ། །འདི་ལས་ཤིན་དུ་མཆོག་གྱུར་པ། །འཇིག་རྟེན་གསུམ་ན་ཡོད་མིན་ཏེ། །ཧེ་རུ་ཀ་དཔལ་སྔགས་ཤེས་ན། །མེ་སྟེ་གཞན་དག་སོག་མ་འདྲ། །རྩ་བའི་སྔགས་
སུ་རབ་ཏུ་གྲགས། །དཔལ་ཧེ་རུ་ཀའི་ངེས་པར་བརྗོད་པ་ལས་རྩ་བའི་སྔགས་ཀྱི་ཡི་གེ་བཏུ་བའི་ཆོ་གའི་ལེའུ་སྟེ་ལྔ་པའོ།། །། གཞན་ཡང་ཡི་གེ་ཉི་ཤུ་གཉིས། །སྙིང་པོ་ཉེ་སྙིང་ཡི་གེ་བདུན། །ཡ་ཚོགས་བརྒྱད་པའི་ས་བོན་དང་། །དེ་བཞིན་གུག་
བསྐྱེད་བཅུ་གཉིས་ཀྱི། །ཡི་གེ་བར་མ་དོར་བྱས་ལ། །ཡན་ལག་དྲུག་ནི་ཧེ་རུ་ཀ །དཔའ་བོ་དྲུག་དང་མཉམ་སྦྱོར་བ། །ཡི་གེ་རེ་རེར་ཡང་དག་གནས། །ཨོཾ་ན་མ།  སྭཱ་ཧཱ། བཽ་ཥ་ཊ། །ཧཱུྃ་ཧཱུྃ། ཕཊ་དང་ཡང་དག་ལྡན། །སྒྲུབ་པོས་སྙིང་པོར་
ཤེས་པར་བྱ། །དང་པོ་སྙིང་ག་ཉིད་དུ་སྟེ། །གཉིས་པ་སྤྱི་བོར་ཤེས་པར་བྱ། །གསུམ་པ་སྤྱི་གཙུག་དག་ཏུ་སྦྱར། །བཞི་པ་གོ་ཆ་ཉིད་དུ་ཡིན། །ལྔ་པ་མིག་ཏུ་གྱུར་པ་སྟེ། །དྲུག་པ་མཚོན་ཆ་ཞེས་བྱར་འདོད། །དཔལ་ཧེ་རུ་ཀའི་ངེས་པར་
བརྗོད་པ་ལས་དཔའ་བོ་དྲུག་གི་གོ་ཆ་བཏུ་བའི་ལེའུ་སྟེ་དྲུག་པའོ།། །། དེ་ནས་དབྱངས་ཡིག་བཅུ་གསུམ་ཉིད། །ཡི་གེ་གཉིས་པ་དག་དང་སྦྱར། །དབྱངས་ཡིག་བཅུ་གཅིག་ཡང་དག་ལྡན། །ཡི་གེ་དྲུག་པས་བརྒྱན་པར་བྱ། །དབྱངས་ཀྱི་བཞི་པ་ཉིད་ཀྱང་

85-1-61a

ནི། །ཡི་གེ་བདུན་པ་ཉིད་དང་སྦྱར། །དབྱངས་ཡིག་བཅུ་གཅིག་པ་ཉིད་ནི། །མཁས་པས་ཡི་གེ་བརྒྱད་དང་སྦྱར། །དབྱངས་ཡིག་གཉིས་པ་དང་ལྡན་པར། །ཡི་གེ་དགུ་པས་བརྒྱན་པར་བྱ། །དབྱངས་ཀྱི་ཡི་གེ་གཉིས་པ་ཉིད། །ཡི་གེ་བཅུ་གཉིས་པ་དང་སྦྱར། །
དབྱངས་ཡིག་གཉིས་པར་ལྡན་པ་ནི། །ཡི་གེ་ཉི་ཤུ་གཅིག་པ་གཟུང་། །མཁས་པས་ཡི་གེ་བཅུ་བཞི་པ། །ཡི་གེ་ཉི་ཤུ་པ་དང་སྦྱར། །དབྱངས་ཀྱི་གསུམ་པ་ཉིད་དག་ནི། །ཡི་གེ་བཅྭ་ལྔ་པ་དང་སྦྱར། །དབྱངས་ཡིག་བཅྭ་ལྔར་ཡང་དག་ལྡན། །ཡི་གེ་བཅུ་དྲུག་པ་
མཛེས་བྱ། །དབྱངས་ཡིག་གསུམ་པ་དང་ལྡན་པའི། །ཡི་གེ་བཅུ་བདུན་པ་རུ་འདོད། །དབྱངས་ཀྱི་གཉིས་པ་ཉིད་དག་ནི། །ཡི་གེ་བཅྭ་བརྒྱད་པ་རུ་སྦྱར། །དབྱངས་ཡིག་གི་ནི་གཉིས་པ་ཉིད། །ཡི་གེ་ཉི་ཤུ་གཅིག་པར་སྦྱར། །དབྱངས་ཡིག་ལྔ་པ་ཉིད་དང་ནི། །ཡི་
གེ་ཉི་ཤུ་གསུམ་པར་སྦྱར། །དབྱངས་ཡིག་བཅུ་གསུམ་པ་ཉིད་ནི། །ཡི་གེ་ཉི་ཤུ་བཞི་པར་སྦྱར། །སྡེ་ཚན་དང་པོ་བླངས་ནས་ནི། །ཡི་གེ་ཉི་ཤུ་ལྔ་པར་སྦྱར། །དབྱངས་ཡིག་གཉིས་པ་དང་ལྡན་པར། །ཡི་གེ་ཉི་ཤུ་རྩ་དྲུག་འགྱུར། །ཉི་ཤུ་བརྒྱད་པ་ཉིད་དག་ནི། །
དབྱངས་ཡིག་བཅྭ་ལྔ་པ་དང་སྦྱར། །གསུམ་པའི་དང་པོ་ཡང་དག་ལྡན། །འོག་མའི་ཆ་ནི་མེ་དང་བཅས། །དེ་བཞིན་དབྱངས་ཡིག་གཉིས་པར་སྦྱར། །ཡི་གེ་ཉི་ཤུ་རྩ་དགུ་པའོ། །ཡི་གེ་སུམ་བཅུ་རྩ་གཅིག་པ། །དབྱངས་ཡིག་གཉིས་པ་དག་དང་སྦྱར། །
ཡི་གེ་སུམ་བཅུ་རྩ་གཉིས་པ། །དབྱངས་ཡིག་བཅུ་གསུམ་པ་དང་སྦྱར། །ཡི་གེ་སུམ་བཅུ་རྩ་གསུམ་པ། །ཉི་མར་ཡང་དག་ལྡན་པར་བྱ། །དབྱངས་ཡིག་བཞི་པ་ཉིད་དང་ནི། །ཡི་གེ་སུམ་བཅུ་བཞིར་ལྡན་པ། །འདོད་པའི་དོན་ཀུན་བསྒྲུབ་བྱེད་
ཡིན། །དབྱངས་ཡིག་ལྔ་པ་ཉིད་དག་ནི། །སུམ་བཅུ་བདུན་པར་ཡང་དག་ལྡན། །མཁའ་འགྲོ་མ་རྣམས་སྒྲུབ་བྱེད་ཡིན། །སུམ་བཅུ་བརྒྱད་པ་འདི་དག་ནི། །དབྱངས་ཡིག་གཉིས་པ་དང་སྦྱར་བ། །ལྷ་རྣམས་ཐམས་ཅད་སྒྲུབ་པ་ནི། །འདི་ཉིད་ཡིན་
པར་ཐེ་ཚོམ་མེད། །བཞི་བཅུ་རྩ་གཉིས་པ་ཉིད་ལ། །འོག་གི་ཆར་ནི་སྒྲུབ་པ་པོས། །མེ་དང་སྦྱར་བ་བྱ་བ་ཉིད། །བཞི་བཅུ་གསུམ་པ་ཉིད་དག་ནི། །དབྱངས་ཡིག་ལྔ་པ་ཉིད་དང་སྦྱར། །ཡི་གེ་བཞི་བཅུ་ལྔ་པ་ནི། །དབྱངས་ཀྱི་ཡི་གེ་གཉིས་

85-1-61b

པར་སྦྱར། །དབྱངས་ཡིག་ལྔ་པ་ཉིད་དག་ཀྱང་། །བཞི་བཅུ་རྩ་དྲུག་པ་ལྡན་པ། །དཔའ་བོ་ཐམས་ཅད་རབ་མཆོད་ཡིན། །བཞི་བཅུ་རྩ་བདུན་པ་ཉིད་ནི། །དབྱངས་ཡིག་གཉིས་པ་དང་སྦྱར་བ། །འདི་ནི་རྡོ་རྗེ་སེམས་དཔའ་མཆོག །དེ་བཞིན་ལྔ་བཅུ་རྩ་
གཅིག་པ། །དབྱངས་ཡིག་ལྔ་པ་ཉིད་དག་གིས། །མཛེས་པ་མཆོག་ནི་ཡིན་པར་འདོད། །ལྔ་བཅུ་རྩ་གཉིས་པ་ཉིད་ནི། །དབྱངས་ཡིག་གཉིས་པ་དང་སྦྱར་བ། །ལྷ་རྣམས་ཐམས་ཅད་སྒྲུབ་པ་ནི། །འདི་ཉིད་ཡིན་པར་ཐེ་ཚོམ་མེད། །དེ་བཞིན་
ལྔ་བཅུ་རྩ་གསུམ་པ། །དབྱངས་ཡིག་བཅུ་གསུམ་པ་དང་སྦྱར། །ཡི་གེ་ལྔ་བཅུ་རྩ་དྲུག་པ། །དབྱངས་ཡིག་དྲུག་པ་དང་ཡང་སྦྱར། །དགྲ་རྣམས་ངེས་པར་གསོད་བྱེད་ཡིན། །ཨནྟསྠཱ་ཡི་བཞི་པ་དང་། །དབྱངས་ཡིག་གཉིས་པར་སྦྱར་བར་བྱ། །དེ་བཞིན་
བཅྭ་ལྔ་པ་དང་སྦྱར། །དངོས་གྲུབ་ཐམས་ཅད་བསྒྲུབ་པ་ཡིན། །ཡི་གེ་ལྔ་བཅུ་རྩ་དགུར་འགྱུར། །ཡི་གེ་དྲུག་བཅུ་རྩ་གཅིག་ཉིད། །དབྱངས་ཡིག་གཉིས་པ་དག་དང་སྦྱར། །འདི་ཉིད་མཆོག་ནི་ཡིན་པར་བཤད། །དེ་བཞིན་དྲུག་བཅུ་རྩ་གཉིས་པ། །
དབྱངས་ཡིག་གསུམ་པར་སྦྱར་བ་ནི། །མཁའ་འགྲོ་མ་ཡི་མཆོག་ཏུ་འདོད། །ཡི་གེ་དྲུག་བཅུ་རྩ་གསུམ་ཉིད། །དབྱངས་ཡིག་བཅུ་གཅིག་ཡང་དག་ལྡན། །མཛེས་པའི་ཡི་གེ་ཀུན་མཆོག་ཉིད། །དེ་བཞིན་དྲུག་བཅུ་རྩ་ལྔ་པ། །རྡོ་རྗེ་སེམས་དཔས་
ཕྱེ་བ་དག །ས་བོན་འདི་ནི་ལྷ་རྫས་མཆོག །གྲུབ་སྦྱིན་ཐར་པ་སྦྱིན་ཆེན་པོ། །ཡི་གེ་དྲུག་བཅུ་རྩ་དྲུག་པ། །དབྱངས་ཡིག་གསུམ་པ་དང་ཡང་སྦྱར། །བྱ་བ་ཀུན་ལ་གྲུབ་སྦྱིན་པར། །དེ་ལྟར་དེ་བཞིན་གཤེགས་པས་གསུངས། །ཡི་གེ་དྲུག་
བཅུ་རྩ་བདུན་པ། །དབྱངས་ཡིག་གཉིས་པར་ཡང་དག་ལྡན། །རྣལ་འབྱོར་མ་ཡི་བྱ་བ་ཀུན། །འདི་ཉིད་ཡིན་པར་ཐེ་ཚོམ་མེད། །དྲུག་བཅུ་བརྒྱད་པ་ཉིད་ལ་ཡང་། །དེར་ནི་ཡི་གེ་པ་སྦྱར་བ། །ས་བོན་ཡི་གེ་འདི་ཡི་ནི། །འོག་གི་པར་ནི་བརྟག་པར་
བྱ། །ཡི་གེ་བདུན་བཅུ་རྩ་གཅིག་པ། །དབྱངས་ཡིག་གཉིས་པར་ཡང་དག་སྦྱར། །ཡི་གེ་ཀུན་ལ་མཛེས་པ་ནི། །འདི་ཉིད་ཡིན་པར་ཐེ་ཚོམ་མེད། །བདུན་བཅུ་རྩ་བཞི་པ་ཉིད་ནི། །དབྱངས་ཡིག་གཉིས་པར་སྦྱར་བ་དག །གདོད་ནས་གྲུབ་པ་ཡིན་པར་ནི། །དེ་བཞིན་

85-1-62a

གཤེགས་པའི་ཞལ་ནས་གསུངས། །ཡི་གེ་བདུན་བཅུ་ལྔ་པ་ཉིད། །མ་མོ་དྲུག་པ་དང་ལྡན་པ། །འདི་ནི་རྣལ་འབྱོར་རབ་མཆོག་སྟེ། །བྱ་བ་ཀུན་ལ་དམ་པ་ཡིན། །བདུན་བཅུ་རྩ་དྲུག་པ་ཉིད་ནི། །དབྱངས་ཡིག་གཉིས་པ་དང་ལྡན་ཞིང་། །
ཉི་མ་ཡིས་ནི་དབྱེ་བྱ་སྟེ། །ཡི་གེ་པ་ནི་དེར་སྦྱར་བྱ། །མཆོག་ཏུ་མཛེས་པ་གཞན་ཡོད་མིན། །ཡི་གེ་བདུན་བཅུ་རྩ་བདུན་པ། །དེར་ནི་དྷ་དང་སྦྱར་བར་བྱ། །ས་བོན་འདི་ནི་ལྷ་རྫས་མཆོག །མཁའ་འགྲོ་མ་ཡི་མཛེས་པར་འདོད། །བདུན་བཅུ་རྩ་བརྒྱད་
པ་ཉིད་ནི། །དབྱངས་ཡིག་གཉིས་པ་དང་ལྡན་ཞིང་། །ས་བོན་འདི་ནི་མཆོག་བཟང་པོ། །རྒྱུ་ཡི་མཆོག་ནི་ཡིན་པར་འདོད། །ཡི་གེ་བརྒྱད་བཅུ་རྩ་གཅིག་པ། །བཞི་པའི་མཐའ་ཡི་ཁྱད་པར་བྱེད། །གདོད་ནས་གྲུབ་བྱེད་འདི་ཡིན་ཏེ། །དངོས་གྲུབ་ཀུན་ལ་འཇུག་
བྱེད་པའོ། །ཡི་གེ་བརྒྱད་བཅུ་རྩ་གཉིས་པ། །དབྱངས་ཡིག་གཉིས་པ་དང་སྦྱར་བྱ། །མ་མོ་རྣམས་ལས་ལྔ་པ་ཉིད། །དེ་བཞིན་ཡི་གེ་བརྒྱད་བཅུ་བརྒྱད། །མ་མོ་དག་ལས་ལྔ་པ་ཉིད། །ཡི་གེ་བརྒྱད་བཅུ་རྩ་དགུ་པ། །མ་མོ་རྣམས་ལས་ལྔ་པ་ཉིད། །དེ་བཞིན་ཡི་
གེ་དགུ་བཅུ་པ། །མ་མོ་དག་ལས་ལྔ་པ་དང་། །ཡི་གེ་དགུ་བཅུ་རྩ་གཅིག་པ། །མ་མོ་རྣམས་ལས་གཉིས་པ་ཉིད། །ཡི་གེ་དགུ་བཅུ་རྩ་དྲུག་པ། །དབྱངས་དག་ལས་ནི་གཉིས་པ་དང་། །ཡི་གེ་དགུ་བཅུ་རྩ་དགུ་པ། །གདུག་པ་རྣམས་ནི་སྐྲག་བྱེད་ཅིང་། །
སྔགས་པ་རྣམས་ལ་བདེ་འབྱུང་བྱེད། །དབྱངས་རྣམས་ཀྱི་ནི་བཅུ་གསུམ་པ། །ཡི་གེ་གཉིས་པར་ཡང་དག་ལྡན། །དབྱངས་ལས་བཅུ་གསུམ་པ་ཉིད་དང་། །ཡི་གེ་ལྔ་པར་ཡང་དག་ལྡན། །གདུག་པ་རྣམས་ནི་ཟིད་བྱེད་ཅིང་། །མཁའ་འགྲོ་རྣམས་ཀྱི་བདེ་
འབབ་པའོ། །དབྱངས་རྣམས་ལས་ནི་བཅུ་བཞི་ཉིད། །ཡི་གེ་བརྒྱད་པར་ཡང་དག་ལྡན། །བཅྭ་ལྔ་པ་ཡི་གདན་དུ་བྱས་། །དབྱངས་དག་ལས་ནི་བཅུ་བཞི་པ། །ཡི་གེ་དགུ་པར་ཡང་དག་ལྡན། །སྤྱི་བོར་ཐིག་ལེས་མཚན་པའོ། །སྒྲུབ་པོ་མཁའ་འགྲོ་མ་
རྣམས་ནི། །ཁྱད་པར་དུ་ནི་དགའ་བྱེད་པའོ། །དབྱངས་རྣམས་ལས་ནི་བཅུ་གཅིག་པ། །བཅུ་གཉིས་པ་ཡིས་ཡང་དག་ལྡན། །སྤྱི་བོར་ཐིག་ལེས་མཚན་པའོ། །འབྱུང་པོ་ཐམས་ཅད་སྐྲག་བྱེད་ཅིང་། །སྒྲུབ་པོ་རྣམས་ལ་ཕན་འབྱུང་བའོ། །བཅུ་གཅིག་པར་ནི་ཡང་

85-1-62b

དག་ལྡན། །ཡི་གེ་བཅུ་གསུམ་པ་ཉིད་ལ། །ཐིག་ལེས་རྣམ་པར་བརྒྱན་པའོ། །འབྱུང་པོ་ཐམས་ཅད་སྐྲག་བྱེད་ཅིང་། །སྒྲུབ་པོ་རྣམས་ལ་ཕན་འབྱུང་བའོ། །དབྱངས་རྣམས་ལས་ནི་ལྔ་པ་ཉིད། །ཡི་གེ་སུམ་བཅུ་གཉིས་པར་ལྡན། །དབྱངས་རྣམས་ལས་ནི་གསུམ་པ་དང་། །
ཡི་གེ་སུམ་བཅུ་གསུམ་པར་ལྡན། །དབྱངས་ཀྱི་གཉིས་པ་ཉིད་དང་ནི། །ཡི་གེ་སུམ་བཅུ་བཞི་པར་ལྡན། །དབྱངས་རྣམས་ལས་ནི་གཉིས་པ་ཉིད། །ཡི་གེ་སུམ་བཅུ་དྲུག་པར་ལྡན། །ཐོག་མའི་གཉིས་པར་ཡང་དག་ལྡན། །ཡི་གེ་སུམ་བཅུ་རྩ་བདུན་པ། །དབྱངས་ལས་གསུམ་པར་
ཡང་དག་ལྡན། །ཡི་གེ་བཞི་བཅུ་པ་ལའོ། །མ་མོའི་བཅུ་གཅིག་ཡང་དག་ལྡན། །ཡི་གེ་བཞི་བཅུ་རྩ་གཅིག་པ། །དབྱངས་དག་ལས་ནི་གསུམ་པ་ཉིད། །ཡི་གེ་བཞི་བཅུ་གཉིས་པར་ལྡན། །དབྱངས་དག་ལས་ནི་གསུམ་པ་ཉིད། །ཡི་གེ་བཞི་བཅུ་བཞི་པར་ལྡན། །མ་མོ་
ལས་ནི་གཉིས་པ་ཉིད། །ཡི་གེ་བཞི་བཅུ་བརྒྱད་པར་ལྡན། །དབྱངས་དག་ལས་ནི་གཉིས་པ་ཉིད། །ཡི་གེ་བཞི་བཅུ་དགུ་པར་ལྡན། །མ་མོ་ལས་ནི་ལྔ་པ་ཉིད། །ཡི་གེ་ལྔ་བཅུ་གསུམ་པར་ལྡན། །ཡི་གེ་ལྔ་བཅུ་རྩ་བཞི་པ། །ཐིག་ལེས་ཀྱང་ནི་རྣམ་བརྒྱན་པའོ། །
ཡི་གེ་ལྔ་བཅུ་རྩ་ལྔ་པ། །སྤྱི་བོར་ཐིག་ལེས་མཚན་པ་ལ། །དབྱངས་ཀྱི་གཉིས་པར་སྦྱར་བའོ། །ཡི་གེ་ལྔ་བཅུ་རྩ་བདུན་པ། །སྤྱི་བོར་ཐིག་ལེས་མནན་པའོ། །དབྱངས་རྣམས་ལས་ནི་གཉིས་པ་ཉིད། །ཡི་གེ་ལྔ་བཅུ་རྩ་བརྒྱད་པ། །མ་མོ་ལས་ནི་
གཉིས་པ་ཉིད། །ཡི་གེ་དྲུག་བཅུ་ལྔ་པ་ལའོ། །མ་མོ་ལས་ནི་གཉིས་པ་ཉིད། །ཡི་གེ་དྲུག་བཅུ་བརྒྱད་པར་ལྡན། །དངོས་གྲུབ་ཐམས་ཅད་འགུགས་བྱེད་ཅིང་། །སྒྲུབ་པོ་རྣམས་ལ་དཔལ་སྦྱིན་པའོ། །མ་མོ་ལས་ནི་བཞི་པ་ཉིད། །ཡི་གེ་བདུན་བཅུ་
གཅིག་པར་ལྡན། །ཐིག་ལེས་ཀྱང་ནི་རྣམ་པར་བརྒྱན། །མ་མོ་ལས་ནི་བཞི་པ་ཉིད། །ཡི་གེ་བདུན་བཅུ་གཉིས་པར་ལྡན། །སེམས་ཅན་ཐམས་ཅད་དབང་བྱེད་པ། །ཐིག་ལེ་ཡིས་ནི་མཉམ་པར་མནན། །དབྱངས་ཀྱི་བཅུ་བཞི་པར་ངེས་ལྡན། །ཡི་གེ་བདུན་བཅུ་
རྩ་གསུམ་པའོ། །མ་མོ་ལས་ནི་བཅུ་བཞི་པ། །ཡི་གེ་བདུན་བཅུ་བཞི་པར་ལྡན། །དེ་བཞིན་ཐིག་ལེས་རྣམ་བརྒྱན་པའོ། །དབྱངས་རྣམས་ལས་ནི་གཉིས་པ་ཉིད། །ཡི་གེ་བདུན་བཅུ་ལྔ་པར་ལྡན། །མ་མོ་ལས་ནི་གཉིས་པ་ཉིད། །ཡི་གེ་བདུན་བཅུ་བརྒྱད་

85-1-63a

པར་ལྡན། །སྟེང་དུ་ཐིག་ལེས་མཚན་པའོ། །མ་མོ་ལས་ནི་བཞི་པ་དང་། །ཡི་གེ་བདུན་བཅུ་རྩ་དགུ་པ། །སྤྱི་བོར་ཐིག་ལེས་མནན་པའོ། །དབྱངས་རྣམས་ལས་ནི་དྲུག་པ་ཉིད། །རྟ་ཡི་རྒྱལ་པོ་བསྐྱེད་པ་ལ། །
ཐིག་ལེ་ནཱ་དས་རྣམ་བརྒྱན་པ། །དབྱངས་རྣམས་ལས་ནི་གསུམ་པ་ཉིད། །ཡི་གེ་བཅུ་དྲུག་ལྡན་པའོ། །ཡི་གེའི་གྲངས་ནི་བརྒྱ་ཡི་སྟེང་། །དགུ་བཅུ་དང་ནི་རྩ་བརྒྱད་དོ། །འདི་ནི་རེ་མིག་ལས་བཏུས་པ། །ཧེ་རུ་ཀ་དཔལ་མགོན་པོ་ཡི། །རྩ་བའི་
སྔགས་མཆོག་ཏུ་ཤེས་བྱ། །དངོས་གྲུབ་ཀུན་གྱི་གནས་ཡིན་ཞིང་། །མཁའ་འགྲོའི་སྙིང་ནི་འཇོམས་པ་ཡིན། །དཔལ་ལྡན་ཁྲག་འཐུང་ལྷ་རིག་རྒྱལ། །བཀླགས་པས་གྲུབ་པ་དོན་ཡོད་པ། །ཡི་གེ་ནི་དང་པོ་སྟེ། །ཧཱུྃ་ཧཱུྃ་ཕཊ་ནི་མཐའ་
མར་སྦྱར། །རྩ་བའི་སྔགས་ཏེ་སྔགས་འདི་ནི། །གྲུབ་པ་ཐམས་ཅད་སྒྲུབ་བྱེད་ཡིན། །དཔལ་ཧེ་རུ་ཀའི་ངེས་པར་བརྗོད་པ་ལས་སྔགས་བཏུ་བའི་ཆོ་གའི་ལེའུ་སྟེ་བདུན་པའོ།། །། དེ་ནས་རང་གི་བདག་ཉིད་ཀྱི། །དཔའ་བོ་ཐམས་ཅད་
མཉམ་སྦྱོར་བ། །མཁའ་འགྲོ་མ་ཡི་དྲ་བ་ཡི། །འཁོར་ལོ་བདེ་མཆོག་ཡིན་པར་འདོད། །ཧཱ་སྭཱ་རྃ་བ་སྃ་ལ་ཛཱ་ནཱི་ཀི་ཌཱ་ཕཊ་ཧཱུྃ་ཧུྃ་ཀྃ་རུ་རུ་ཧེ་ཧེ་བཛྲ་ཤྲཱི་ཨོཾ། རིག་པའི་རྒྱལ་པོའི་སྙིང་པོ་ནི། །མ་བྱུང་འབྱུང་བར་མི་འགྱུར་རོ། །ཊཕ་ཧཱུྃ་ཧྲེྃ་ཧྲིྃ་
ཧྃ་ཨོཾ། །ཡི་གེ་བྃ་དང་ཡོྃ་དང་ནི། །ཡི་གེ་མོྃ་དང་ཧྲཱིྃ་ཉིད་དང་། །ཧཱུྃ་དང་ཕཊ་ཅེས་བཤད་པ་ནི། །རྣལ་འབྱོར་མ་ནི་དྲུག་ཏུ་བཤད། །ཨོཾ་བཛྲ་བཻ་རོ་ཙ་ནཱི་ཡེ་སྭཱ་ཧཱ། མཁའ་འགྲོ་མ་ཡི་རིག་པ་ཆེ། །མ་བྱུང་འབྱུང་བར་མི་འགྱུར་རོ། །ས་སྟེངས་
ན་ནི་རིན་ཆེན་བཞི། །ཕྲེང་བའི་སྔགས་ནི་དམ་པ་ཡིན། །མཁའ་འགྲོ་མ་ཡི་རིག་པ་ཆེ། །རིག་པའི་རྒྱལ་པོ་ཧེ་རུ་ཀ །དཔལ་ཧེ་རུ་ཀའི་ངེས་པར་བརྗོད་པ་ལས་གོ་བཟློག་པའི་སྙིང་པོ་དང་རྣལ་འབྱོར་མ་དྲུག་གི་སྔགས་བཏུ་བའི་ཆོ་གའི་ལེའུ་སྟེ་
བརྒྱད་པའོ།། །། དེ་ནས་རྩ་བའི་གསང་སྔགས་ཀྱི། །ལས་མཆོག་གོ་རིམས་ཇི་བཞིན་དུ། །དེ་ནི་རྣམ་པར་བཤད་པར་བྱ། །འཇིག་རྟེན་གསུམ་གང་ཅི་ཡོད་རྣམས། །ཐམས་ཅད་སྐད་ཅིག་གིས་འགྲུབ་པར། །ལས་རྣམས་ཐམས་ཅད་

85-1-63b

བྱེད་པའོ། །ལྷ་ཐམས་ཅད་དང་ཀླུ་ཐམས་ཅད་དང་གནོད་སྦྱིན་ཐམས་ཅད་དང་དྲི་ཟ་ཐམས་ཅད་ཀྱི་སྐྱེ་གནས་ཐམས་ཅད་དྲན་པ་ཙམ་གྱིས་གསོད་པར་བྱེད་དོ། །སྤྲིན་ཐམས་ཅད་འཐོར་བ་དང་ཆར་འབེབས་པར་བྱེད་པ་དང་བཟློག་པར་བྱེད་པའོ། །རྒྱ་མཚོ་
སྐེམས་པར་བྱེད་དོ་ཆུ་བོ་རྒྱུན་ཕྱོགས་ལས་བཟློག་སྟེ་འབབ་པར་སྟོན་ནོ། །དབང་པོ་ཟློག་པར་བྱེད་དོ། །གསང་སྔགས་འདི་བཟླས་བརྗོད་འབུམ་བྱས་པས་ས་གཡོ་བར་བྱེད་པ་དང་ཤིང་ལ་འཛེགས་ཏེ་གང་དུ་འདོད་པ་དེར་འགྲོ་བར་བྱེད་དོ། །
སྔགས་ཐམས་ཅད་འཕྲོག་པར་བྱེད་པ་དང་དངོས་གྲུབ་ཐམས་ཅད་འཕྲོག་པར་བྱེད་དོ་ཁྲག་འདྲེན་པར་བྱེད་པ་དང་སླར་ཡང་གཏོང་བར་བྱེད་དོ། །གཟུགས་བརྒྱ་སྟོང་ཕྲག་དུ་མར་བྱེད་དོ། །འདོད་ན་སྣང་བར་བྱེད་ཅིང་མི་འདོད་ན་མི་སྣང་བར་བྱེད་དོ། །
ཁང་བཟངས་དང་ཤིང་གི་རྩེ་མོ་ལ་སོགས་པ་ཕྱེ་མར་བྱེད་དོ། །དུག་བདུད་རྩིར་བྱེད་པ་དང་བདུད་རྩི་ཡང་དུག་དུ་བྱེད་དོ་ཟླ་བ་ཆུར་བྱེད་པ་དང་ཆུ་ཟླ་བར་བྱེད་དོ། །དྲི་ཐམས་ཅད་འཕྲོག་པར་བྱེད་དོ། །གང་དུ་འདོད་པ་དེར་འཕོ་བར་བྱེད་དོ། །ནམ་མཁའ་ལྡིང་
གི་གདོང་དང་། འགྲོ་བ་འབྱིན་པར་བྱས་པ་ཞི་བ་འདུས་པའི་ལྷ་མོ་དང་གང་ཞིག་ཀུན་དུ་སྤྱོད་པའི་མིའི་མཆོག་དེའི་ལག་མཐིལ་ན་ཡོད་པའི་དཔལ་གང་གིས་ཀྱང་མི་འཕྲོགས་པར་འགྱུར་རོ། །རྣམ་པ་དེ་ལྟ་བུའི་ཆོ་ག་དང་ལྡན་པའི་དངོས་གྲུབ་ཀྱི་འབྲས་བུ་
ཐམས་ཅད་སྐལ་བར་འགྱུར་རོ། །དྲན་པ་ཙམ་གྱིས་གསོད་པར་བྱེད་པ་དང་མེ་བསྐྱེད་པར་བྱེད་དོ། །ས་འོག་རྣམ་པར་གཤེགས་པར་བྱེད་པ་དང་། སེར་བ་འབེབས་པ་དང་ཡང་ཟློག་པར་བྱེད་དེ་དྲན་པ་ཙམ་གྱིས་གློག་བསྐྱེད་པར་བྱེད་དོ། །ལྷ་ཐམས་
ཅད་ཀྱི་གཟུགས་བརྙན་གར་བྱེད་དུ་འཇུག་གོ། །གང་གིས་གྲུབ་པའི་ཕྱིར་མིང་ནས་གཟུང་སྟེ་ལན་ཅིག་བཟླས་ན་དེའི་མོད་ལ་འཆི་བར་འགྱུར་རོ། །ས་མ་ལུས་པ་རྣམས་ལ་ལོངས་སྤྱོད་པར་འགྱུར་རོ། །འདོད་ན་བསྡུད་པར་འགྱུར་རོ། །བཅོམ་ལྡན་འདས་འདི་ལ་ནི་
བརྟུལ་ཞུགས་མི་དགོས། སྤྱོད་པ་དང་སྨྱུང་བ་མི་དགོས་ཏེ། རྟོག་པའི་བྱ་བ་ཆོ་ག་འདིས་ཅི་འདོད་པའི་ལས་རྣམས་བྱའོ། །གལ་ཏེ་ཁྲོས་པས་ལན་ཅིག་བཟླས་ན་བྱེ་བ་གསོད་པར་འགྱུར་རོ། །ཞི་བས་བཟླས་ན་འཚོ་བར་བྱེད་དོ། །དུར་ཁྲོད་ཀྱི་སོལ་བ་ལ་ལན་

85-1-64a

གཅིག་བཟླས་པས་གང་ལ་བསྣུན་པ་དེའི་མོད་ལ་ལྟུང་བར་བྱེད་དོ། །ཐལ་བ་ལ་ཡོངས་སུ་བཟླས་ཏེ་གང་ལ་བསྣུན་ན་དེའི་མོད་ལ་ཤ་ཟས་གཟུང་བར་འགྱུར་རོ། །དུར་ཁྲོད་ཀྱི་སོལ་བ་ལ་ལན་ཅིག་བཟླས་ནས་སྤང་ལེབ་ལ་སོགས་པ་ལ་མཚན་མ་གང་གི་
མིང་བྲིས་པ་དེ་གདོན་ཆེན་པོས་བཟུང་བར་འགྱུར་རོ། །ཨ་ཏི་མུཀྟའི་ལྕུག་མ་ལ་ལན་ཅིག་བཟླས་ནས་གང་ལ་བསྣུན་པ་དེ་དེའི་མོད་ལ་རླུང་གི་ཤུགས་ཀྱིས་འོང་བར་འགྱུར་རོ། །གསེག་མ་ལ་ལན་ཅིག་བཟླས་ཏེ་གང་ལ་བརྡེགས་པ་དེ་རིངས་པར་འགྱུར་རོ། །གང་དུ་
འདོད་པ་དེར་འགྲོ་བར་འགྱུར་རོ། །གུ་གུལ་གྱི་བདུགས་པ་ལ་ལན་ཅིག་བཟླས་ཏེ་སྤོས་སུ་སྦྱར་ན་སེམས་ཅན་ཐམས་ཅད་འབེབས་པར་འགྱུར་རོ། །ལག་པ་ལ་ལན་ཅིག་བཟླས་ཏེ་བཀབ་ན་ནག་པོས་ཟིན་པའི་དུག་སོས་པར་བྱེད་དོ། །མཁའ་འགྲོས་རྒྱས་བཏབ་
པ་ལ་ལན་ཅིག་བཟླས་པའི་ཆུས་དེ་གཏོང་བར་བྱེད་དོ། །ཀ་ར་བཱི་རའི་ལྕུག་མ་ལ་ལན་ཅིག་བཟླས་པས་མངལ་གང་དུ་འདོད་པ་དེར་འཕོ་བར་འགྱུར་རོ། །ཧེ་རུ་ཀ་དཔལ་ཡེ་ཤེས་ནི། །མི་ཤེས་དངོས་གྲུབ་མངོན་འདོད་པ། །དེ་ནི་ཕུབ་མ་བརྡུང་བ་སྟེ། །གསང་སྔགས་འདི་ནི་མེད་
པ་རུ། །དངོས་གྲུབ་དང་ནི་བདེ་བ་དག །མི་ཡིས་ཐོབ་པར་མི་འགྱུར་རོ། །གསང་སྔགས་འདི་ནི་མི་ཤེས་པར། །རྣལ་འབྱོར་པ་ནི་མངོན་འདོད་པ། །དེ་ཡི་ངལ་བ་དོན་མེད་དེ། །འབྲས་བུ་ཐོབ་པར་མི་འགྱུར་རོ། །གསང་སྔགས་འདི་ནི་འདོད་སྤྱོད་པའི། །དངོས་གྲུབ་
ཐམས་ཅད་སྦྱིན་བྱེད་ཡིན། །སྒྲུབ་པོ་སྔགས་དང་ཕྱག་རྒྱ་དག །བདེར་གཤེགས་གསུངས་པ་འདི་ཤེས་པ། །བཟའ་བཏུང་ལ་སོགས་ཙ་རུ་ཡི། །བཟའ་དང་བཏུང་བའི་རོ་སོགས་པས། །དངོས་གྲུབ་ཐམས་ཅད་སྒྲུབ་བྱེད་ཡིན། །དཔལ་ཧེ་རུ་ཀའི་ངེས་པར་
བརྗོད་པ་ལས་རྩ་བའི་སྔགས་ཀྱི་ལས་ཀྱི་ཆོ་གའི་ལེའུ་སྟེ་དགུ་པའོ།། །། དེ་ནས་སྐུ་གསུམ་བཤད་པར་བྱ། །ཁྲག་འཐུང་དཔལ་གཉིས་མེད་སྦྱོར་བས། །གང་གིས་ཤེས་པ་ཙམ་གྱིས་ནི། །འདིར་ནི་གྲུབ་པར་ཐེ་ཚོམ་མེད། །སྐུ་གསུམ་པོ་ནི་བཤད་པར་བྱ། །ཆོས་ཀྱི་སྐུ་
ཡི་ལུས་ཅན་དུ། །གང་ཚེ་སྒྲུབ་པ་པོ་འགྱུར་བ། །དེ་ལྟར་ལེགས་སེམས་གྱུར་པ་ལ། །དེ་ཚེ་ཡེ་ཤེས་ང་སྨྲའོ། །ལོངས་སྤྱོད་རྫོགས་པའི་ལུས་ཅན་དུ། །གང་ཚེ་སྒྲུབ་པ་པོ་འགྱུར་བ། །དེ་ནས་མཉམ་པར་བཞག་པ་ལ། །ལོངས་སྤྱོད་རྫོགས་པར་ང་རབ་སྨྲ། །

85-1-64b

སྤྲུལ་པའི་སྐུ་ཡི་ལུས་ཅན་དུ། །གང་ཚེ་སྒྲུབ་པ་པོ་འགྱུར་བ། །དེ་ཚེ་སེམས་དེ་རྩེ་གཅིག་ལ། །སྤྲུལ་པའི་སྐུར་ཡང་ང་སྨྲ་སྟེ། །ཡེ་ཤེས་ལོངས་སྤྱོད་རྫོགས་དང་སྤྲུལ། །ཡང་དག་འཐོབ་པར་གདོན་མི་ཟ། །བདག་ཉིད་ཤྲཱི་ཧེ་རུ་ཀར་ནི། །འགྲུབ་འགྱུར་འདི་ལ་
ཐེ་ཚོམ་མེད། །གསང་སྔགས་འདི་ཡི་སྙིང་པོ་ནི། །གསང་བ་བཤད་ཀྱིས་སྒྲུབ་པོ་ཉོན། །སྙིང་པོ་བཟླས་པས་དཔག་ཚད་བྱེ་བ་འཕགས་པར་འགྱུར་ཞིང་འགྲོ་བ་དང་འོང་བར་འགྱུར་རོ། །གཟུགས་སྟོང་ཕྲག་དུ་མར་བྱེད་དོ། །ཁང་བཟང་དང་ཤིང་དང་ཁྱིམ་ལ་
འཛེགས་ཏེ་མཁའ་འགྲོ་མ་རྣམས་དང་ལྷན་ཅིག་དཔག་ཚད་བྱེ་བའི་བར་དུ་འགྲོ་བར་འགྱུར་རོ། །ནམ་མཁའ་ལ་འགྲོ་ཞིང་འོང་བ་ལས་གཞན་དུ་མི་འགྱུར་རོ། །འདོད་ན་སྣང་བར་འགྱུར་ཞིང་འདོད་ན་མི་སྣང་བར་འགྱུར་རོ། །འདོད་ན་བྱིས་པ་དང་། རྒན་པོ་དང་། དར་ལ་བབ་
པའི་གཟུགས་འཛིན་པར་འགྱུར་རོ། །འདོད་ན་གླང་པོ་ཆེ་དང་། མ་ཧེ་དང་། བ་མེན་དང་། སྟག་དང་། སེང་གེ་དང་། ཁྱུ་མཆོག་དང་། བྱི་བླ་དང་། རྔ་མོའི་གཟུགས་འཛིན་པར་འགྱུར་བ་དང་། འདོད་ན་རྨ་བྱ་དང་། ཁྱིམ་བྱ་དང་། ངང་པ་དང་། ངུར་པ་དང་། ཆུ་སྐྱར་དང་། 
འུག་པ་དང་། ཁྲ་དང་། བྱ་རྒོད་དང་། བྱ་རོག་གི་གཟུགས་འཛིན་པར་འགྱུར་རོ། །གང་འདོད་པ་དེའི་གཟུགས་སུ་བྱེད་དོ། །ཚིག་འཕྲོག་པ་དང་། མཐོང་བ་འཕྲོག་པ་དང་། ཉན་པ་འཕྲོག་པ་དང་། སྣ་འཕྲོག་པ་དང་། ལྕེ་འཕྲོག་པར་བྱེད་དོ། །གང་གི་
འདོད་པ་དེའི་ཁྲག་འདྲེན་པར་བྱེད་པའམ། རེངས་པར་བྱེད་དོ། །དཔལ་ཧེ་རུ་ཀའི་ངེས་པར་བརྗོད་པ་ལས་སྐུ་གསུམ་གྲུབ་པའི་སྙིང་པོའི་སྔགས་ཀྱི་ལས་ཀྱི་ཆོ་གའི་ལེའུ་སྟེ་བཅུ་པའོ།།    ༈   །། དེ་ནས་གཞན་ཡང་སྒྲུབ་པ་པོས། །སྐྱེ་བ་བདུན་པའི་བར་
འབྱུང་བ། །གང་གིས་བསྟེན་པ་ཙམ་གྱིས་ནི། །མྱུར་དུ་དངོས་གྲུབ་ལ་འཇུག་པའོ། །དངོས་གྲུབ་ཐོབ་འགྱུར་བཤད་པར་བྱ། །སྐྱེས་བུ་གང་ཞིག་རྡུལ་དྲི་ཞིམ་པར་གྱུར་པ་དང་། བདེན་པར་སྨྲ་བ་དང་། ཡུན་རིང་པོར་མིག་མི་འཛུམས་པ་དང་། 
ཁྲོ་བ་མེད་པར་འགྱུར་བ་དང་། ཁ་ནས་དབུགས་དྲི་ཞིམ་པར་འབྱུང་བ་དེ་ནི་སྐྱེ་བ་བདུན་དུ་མིའི་སྐྱེ་བར་གྱུར་པ་ཡིན་ནོ། །གྲིབ་མ་བདུན་པ་བྱ་ངང་པའི་འགྲོས་ཅན་སྙིང་རྗེ་དང་ཡང་དག་པར་ལྡན་པ་དེ་བསྟེན་ན་དེའི་སྙིང་ག་ན་རོ་ཙ་ན་ཡོད་དེ། དེ་བླངས་ལ་

85-1-65a

དཔལ་ཧེ་རུ་ཀའི་སྙིང་པོའི་སྔགས་བརྒྱ་རྩ་བརྒྱད་བཟླས་ནས་ཐིག་ལེ་བྱས་ན་སྟེང་དུ་ལྡིང་བར་འགྱུར་ཞིང་དཔག་ཚད་བྱེ་བར་འགྲོ་བར་འགྱུར་རོ། །དེ་བསྟེན་པ་ཙམ་གྱིས་འཇིག་རྟེན་གསུམ་གྱི་ཡེ་ཤེས་ཅན་དུ་འགྱུར་རོ། །དཔག་
ཚད་བྱེ་བ་ལྔ་བཅུར་ཉིན་ཞག་གཅིག་གིས་འགྲོ་ཞིང་འོང་བར་འགྱུར་རོ། །ལྷའི་ལུས་ཀྱང་ཐོབ་པར་འགྱུར་རོ། །དཔལ་ཧེ་རུ་ཀའི་སྙིང་པོ་གང་ཞིག་ཤེས་པ་དེ་གང་དང་གང་འདོད་པ་དེ་དང་དེ་སྟེར་བར་འགྱུར་རོ། །དཔལ་ཧེ་རུ་ཀའི་ངེས་པར་
བརྗོད་པ་ལས་སྐྱེ་བ་བདུན་པའི་མཚན་ཉིད་ཀྱི་ཆོ་གའི་ལེའུ་སྟེ་བཅུ་གཅིག་པའོ།། །། དེ་ནས་ཉེ་བའི་སྙིང་པོ་ནི། །དངོས་གྲུབ་ཐམས་ཅད་འཇུག་བྱེད་ཅིང་། །འཇིག་རྟེན་གསུམ་འགྱུར་གང་ཅུང་ཟད། །དེ་ཀུན་སྐད་ཅིག་གིས་འགྲུབ་
བཤད། །ཊཕ་ཧཱུྃ་ཧུྃ་ཧ་ཧ་ཧྲཱིཿཨོཾ། །འདི་ནི་སྙིང་པོའི་ཉེ་བའི་སྙིང་པོའོ། །གསང་སྔགས་འདི་འབུམ་བཟླས་པས་འཇིག་རྟེན་གསུམ་ཡང་གཡོ་བར་བྱེད་དོ། །ལྷ་དང་ལྷ་མ་ཡིན་དང་། གནོད་སྦྱིན་དང་། སྲིན་པོ་དང་། ཀླུ་དང་། དྲི་ཟ་དང་། 
མིའམ་ཅི་རྣམས་འགུགས་པར་བྱེད་དོ། །རྒྱ་མཚོ་དང་། འབབ་ཆུ་དང་། མཚེའུ་ལ་སོགས་པ་སྐེམས་པའམ། གནོན་པར་བྱེད་དོ། །གང་དུ་བཟླས་པའི་གནས་དེར་མཁའ་འགྲོ་མ་ཐམས་ཅད་སྒྲུབ་པ་པོའི་མངག་གཞུག་བྱེད་པར་འགྱུར་རོ། །
འདིས་ཆུ་ལ་ཡོངས་སུ་བཟླས་ཏེ་བདག་ཉིད་ཀྱི་མིག་བཀྲུས་ན་སྐྱེ་བ་བདུན་པའི་མི་ཤེས་པར་འགྱུར་རོ། །ཚེ་ཟད་པ་ཡང་འཆི་བ་བཞིན་དུ་སྣང་བ་དང་། ཚེ་རིང་བ་གསོན་པར་སྣང་བར་འགྱུར་རོ། །མིག་ལ་མངོན་པར་བསྔགས་ནས་གང་ལ་
བལྟས་པ་དེ་གནོན་པར་འགྱུར་རོ། །དཔའ་བོ་ཤི་བའི་རྐང་མཐིལ་གྱི་པགས་པ་བླངས་ཏེ། མིའི་ཁྲག་དང་བཏགས་ཏེ་རྣ་བའི་མིག་སྨན་དང་ཐོད་པར་བཅུག་ལ་ལྡོང་རོས་དང་། གིའུ་ཝང་དང་། གུར་ཀུམ་དང་ཁྲག་དང་བསྣོས་ཏེ་
གྲིབ་མ་ལ་སྐམས་ལ་ལྕགས་གསུམ་གྱིས་དཀྲིས་བ་བྱ་སྟེ། ཡང་དེ་ལྷག་པར་གནས་པ་སྐར་མ་རྒྱལ་ལ་བྱ་བ་ཡང་དཔལ་ཧེ་རུ་ཀའི་ཞལ་དུ་བཅུག་ལ་ལག་པ་གཡོན་པས་ཁ་བཀབ་སྟེ། ཡང་བརྒྱ་རྩ་བརྒྱད་བཟླས་ན་དེ་དེའི་མོད་

85-1-65b

ལ་མི་སྣང་བར་འགྱུར་ཞིང་གྲིབ་མ་མེད་པར་འགྱུར་ཏེ། ལྷ་རྣམས་ཀྱིས་ཀྱང་མཐོང་བར་མི་འགྱུར་ན། ས་སྟེང་གི་མི་རྣམས་ཀྱིས་ལྟ་སྨོས་ཀྱང་ཅི་དགོས། དེ་བཞིན་དུ་ཁ་ལས་བཏོན་ན་ནི་སྣང་བར་འགྱུར་རོ། །རྒྱུད་འདིར་མཁའ་སྤྱོད་གྲུབ་
པའི་རིལ་བུ་འདི་ནི་དཔའ་བོ་རང་ཉིད་ཀྱིས་གསུངས་པ་ཡིན་ནོ། །དཔལ་ཧེ་རུ་ཀའི་སྙིང་པོའི་ཉེ་བའི་སྙིང་པོའི་སྔགས་འདིས་འཛུབ་མོའི་རྩེས་མགོའི་ཐོད་པའི་ཤ་མེད་པར་བྱས་ལ་མཉེས་ན་དེའི་ཁྲག་འདྲེན་པར་བྱེད་དོ། །གཡོན་པས་ཡང་དང་ཡང་དུ་མཉེས་
པས་ནི་འཇུག་པར་འགྱུར་རོ། །མངོན་པར་བཟླས་ཏེ་མགོའི་ཐོད་པར་ཁུ་ཚུར་བསྣུན་ན་གང་གི་མིང་ནས་སྨོས་ཏ་བྱས་པ་དེའི་གླད་པ་འགས་པར་འགྱུར་རོ། །གསང་སྔགས་རྗེས་སུ་དྲན་ལ་ཐོད་པ་འོ་མས་བཀང་ན་ཉེ་བར་ཞི་བར་འགྱུར་རོ། །འགིའུ་ཝང་
ལ་བཟླས་ཏེ་ཐིག་ལེ་བྱས་ན་གང་ལ་བལྟས་པ་དེ་རྒྱས་བཏབ་པར་འགྱུར་རོ། །འཛུབ་མོ་ལ་ཡོངས་སུ་བཟླས་ཏེ་གང་ལ་བསྡིགས་འཛུབ་བྱས་པ་དེ་དེའི་མོད་ལ་ལྟུང་བར་འགྱུར་རོ། །སྔགས་བཟླས་ནས་རྐང་པ་ས་ལ་བསྣུན་ན་གང་གི་མིང་
ནས་སྨོས་པ་དེ་དེའི་མོད་ལ་འཆི་བར་འགྱུར་རོ། །ཆུ་ལ་བཟླས་ཏེ་ས་ལ་གཏོར་ན་སླར་འཚོ་བར་འགྱུར་རོ། །གསང་སྔགས་བཟླས་པའི་འཛུབ་མོའི་རྩེ་མོས་སྟོང་ལ་ཡང་བསྡིགས་འཛུབ་བྱས་ན་བལྟས་པ་དེ་ཐམས་ཅད་གནོན་པར་འགྱུར་རོ། །
ཚིག་གིས་ནི་གྲོལ་བར་འགྱུར་རོ། །རྨེ་ཤ་ཅན་གྱི་ཐལ་བ་ལ་བཟླས་བརྗོད་བརྒྱ་བྱས་ཏེ་སེམས་ཅན་གང་རྗེས་སུ་དྲན་པ་དེ་ལ་བསྣུན་པ་དེའི་གཟུགས་འཛིན་པར་འགྱུར་རོ། །སྦྱིན་སྲེག་གི་མེའི་ཐལ་བ་ལ་བཟླས་བརྗོད་བརྒྱ་བྱས་ཏེ་གང་ལ་
བསྣུན་པ་དེ་ལྷ་ཉིད་ཀྱིས་ཀྱང་མི་མཐོང་ངོ་། །ཆུ་ལ་བརྒྱ་བཟླས་པས་གཏོར་ན་སླར་སྣང་བར་འགྱུར་རོ། །ཐོད་པའི་ཕྱག་རྒྱ་ཁ་སྦྱར་བཅིངས་ལ་དབུགས་མི་འབྱིན་པར་གང་གི་མིང་ནས་བཟླས་པ་དེ་སྨྱོ་བར་འགྱུར་རོ། །སྐྱེ་བོ་སྟོང་
ཡང་སྨྱོ་བར་འགྱུར་རོ། །ཡིད་ཀྱིས་གྲོལ་བར་འགྱུར་རོ། །གང་གི་མིང་ནས་སྨོས་ཏེ་གཙུག་པུད་ལ་ལན་བཅུ་བཟླས་ཏེ་མདུད་ན་མཁའ་འགྲོ་མ་ཐམས་ཅད་འགྲོ་བར་འགྱུར་རོ། །ཁ་སྟོང་དུ་སོང་སྟེ་ལན་བརྒྱ་བཟླས་ནས་སྤྱི་བོར་

85-1-66a

བཅིངས་ལ་མིག་བགྲད་དེ་ཇི་སྲིད་དུ་བཟླས་པ་དེ་སྲིད་དུ་མི་སྣང་བར་འགྱུར་རོ། །བཀྲོལ་ན་སྣང་བར་འགྱུར་རོ། །གསེག་མ་ལ་མངོན་པར་བཟླས་ཏེ། སྟེང་དང་འོག་དང་ཕྱོགས་མཚམས་རྣམས་སུ་གཏོར་ན་ལྷ་དང་ལྷ་མ་
ཡིན་དང་། གནོད་སྦྱིན་དང་། སྲིན་པོ་དང་དྲི་ཟ་དང་། མི་འམ་ཅི་དང་། ལྟོ་འཕྱེ་ཆེན་པོ་ཐམས་ཅད་ཀྱང་འཆིང་བར་འགྱུར་རོ། །མཁའ་འགྲོ་མའི་སྦྱོར་བ་ཐམས་ཅད་ཀྱང་འཕྲོག་པར་འགྱུར་རོ། །སྟན་དང་མལ་ཁྲི་ལ་སྐྱེས་པ་དང་། 
བུད་མེད་འདུ་བ་ལ་བལྟས་ཏེ་སྔགས་བརྒྱ་རྩ་བརྒྱད་བཟླས་ན་འབྱར་བར་འགྱུར་རོ། །ཡིད་ཀྱིས་ནི་གྲོལ་བར་འགྱུར་རོ། །གྱོ་མོག་དང་བཅས་པ་ལ་ཡོངས་སུ་བཟླས་ཏེ་ཆུ་བོར་བཅུག་ན་རྒྱུན་ཕྱོགས་ལས་བཟློག་སྟེ་འབབ་པར་འགྱུར་རོ། །
གྱོ་མོག་དང་བཅས་པ་དེ་ཉིད་ཀྱིས་རྦ་རླབས་གནོན་པར་འགྱུར་རོ། །ཡིད་ཀྱིས་ནི་བཟློག་པར་འགྱུར་རོ། །སྔགས་བཟླས་ཏེ་སྟེང་དུ་བལྟ་བཞིན་དུ་སྟོང་བཟླས་ན་ཆར་ཆེན་པོ་གཅོད་པར་འགྱུར་རོ། །གཞན་གྱི་དཔུང་མངོན་དུ་ཕྱོགས་ན་
བཟླས་བརྗོད་སྟོང་བྱས་ཏེ་གཡུལ་དུ་ཞུགས་པ་ན་མཚོན་ཆ་བརྒྱས་བསྣུན་ཀྱང་གནོད་པའི་ཚོར་བ་འབྱུང་བར་མི་འགྱུར་ཞིང་མཚོན་གྱིས་ཀྱང་ཆོད་པར་མི་འགྱུར་རོ། །རྡོ་རྗེའི་ལུས་ཅན་དུ་འགྱུར་རོ། །དཔལ་ཧེ་རུ་ཀའི་ངེས་པར་བརྗོད་
པ་ལས་ཉེ་བའི་སྙིང་པོའི་ལས་ཀྱི་ཆོ་གའི་ལེའུ་སྟེ་བཅུ་གཉིས་པའོ།།    ༈    །། དེ་ནས་གོ་ཆའི་ལས་རྣམས་ནི། །འཇིག་རྟེན་གསུམ་ན་གང་ཡོད་པ། །ཡིད་ལ་འདོད་པ་དེ་དག་ཀུན། །གོ་རིམ་བཞིན་དུ་བཤད་པར་བྱ། །དེ་ལ་གོ་
ཆ་ཟློས་བཞིན་དུ་ཡང་ལམ་དུ་ཞུགས་ན་རྐུན་མ་དང་སྟག་གིས་འཇིགས་པར་མི་འགྱུར་བའམ། མི་སྣང་བར་འགྱུར་རོ། །གོ་ཆ་ཟློས་བཞིན་དུ་རྒྱལ་པོའི་ཕོ་བྲང་གི་བུད་མེད་ཀྱི་གནས་སུ་ཞུགས་ན་ཡང་མི་སྣང་བར་འགྱུར་ཏེ། 
གང་འདོད་པ་དེ་བླངས་ཏེ་འགྲོ་བར་འགྱུར་རོ། །ལྷ་རྣམས་ཀྱིས་ཀྱང་མི་མཐོང་ངོ་། །གོ་ཆའི་སྔགས་བརྒྱ་ཟློས་པའི་ལག་པས་གང་ལ་རེག་པ་དེ་མདུང་བཞིན་དུ་རེངས་པར་འགྱུར་རོ། །སུམ་བཅུ་རྩ་གསུམ་པས་ཀྱང་མི་

85-1-66b

གཡོའོ། །སྔགས་བཟློས་པའི་རྐང་པས་བསྣུན་ན་ཐར་བར་འགྱུར་རོ། །རང་གི་ཁྲག་ལ་ལན་གསུམ་བཟླས་ནས་ཐིག་ལེ་བྱས་ལ་གང་དང་ལྷན་ཅིག་སྨྲ་བ་དང་། གང་གིས་མཐོང་ཞིང་གང་མཐོང་བ་དེ་ཐམས་ཅད་ཀྱི་ཁྲག་
འདྲེན་པར་བྱེད་དོ། །གང་གི་ཁྱིམ་དུ་ཁྲོ་བ་དང་བཅས་པས་ལན་སྟོང་བཟླས་ན་ཐམས་ཅད་ལ་རིམ་ཀྱིས་བཏབ་པར་འགྱུར་རོ། །ཆུ་ལ་ལན་ལྔ་བཟླས་ཏེ་གཏོར་ན་སླར་འཚོ་བར་འགྱུར་རོ། །གང་གི་གདོང་ལ་བལྟས་ཏེ་བཟླས་པ་དེའི་ཚིག་
འཕྲོག་པར་འགྱུར་རོ། །འབབ་ཆུའི་འགྲམ་དང་ལྟེང་ཀར་གནས་ཏེ་སྟོང་བཟླས་ན་ཆུའི་སྟེང་དུ་གནས་ཏེ། ཐང་ལ་ཇི་ལྟ་བ་དེ་བཞིན་དུ་ཆུ་ལའང་དེ་བཞིན་དུ་འགྲོའོ། །ཆུ་ལ་ཞུགས་ན་ཆུ་བོའམ་རྒྱ་མཚོ་ཡང་གནས་སོ། །ལག་པ་གཉིས་
དྲིལ་ཕྱིས་བྱས་ལ་ལན་སྟོང་བཟླས་ན་རྣལ་འབྱོར་མ་རྣམས་དབང་དུ་འགྱུར་རོ། །རྣལ་འབྱོར་མ་ནི་སྣ་ཚོགས་གཟུགས། །མཁའ་འགྲོ་དེ་བཞིན་ལཱ་མ་དང་། །ཁཎ་ཌ་རོ་ཧ་དེ་བཞིན་ཏེ། །གཟུགས་ཅན་མ་རུ་རབ་གྲགས་པ། །དེ་ལ་སོགས་
པའི་རྣལ་འབྱོར་མ། །དེ་ཀུན་དེ་ཡི་དབང་དུ་འགྱུར། །སྐར་མ་རྒྱལ་གྱི་སྦྱོར་བས་རས་བྱས་ལ། དེ་གྱོན་པའི་ལུས་ཀྱིས་རྣལ་འབྱོར་མ་མཉམ་པར་བཞགས་པ་སྟོང་ཕྲག་བཅུ་བཟླས་ན་དེའི་འོག་ཏུ་འགྲུབ་པར་འགྱུར་རོ། །དེ་གྱོན་པའི་
ལུས་ཀྱིས་དཔག་ཚད་སྟོང་གི་བར་དུ་ནམ་མཁར་མི་སྣང་བར་འགྱུར་རོ། །གང་དུ་འདོད་པ་དེར་འགྲོ་བར་འགྱུར་རོ། །དེའི་རྒྱ་མཚོའི་མཐར་ཐུག་པའི་ས་རྣམས་སུ་འགྲོ་བར་འགྱུར་རོ། །སྟེང་གི་རྒྱུད་དུ་འགྲོ་བར་འགྱུར་རོ། །དབང་པོ་གང་
དང་གང་ལམ་གྱུར། །དེ་དང་དེ་ཡི་རང་བཞིན་འགྲོ། །མཆོག་ཏུ་མཉམ་བཞག་སྦྱོར་བ་ཡིས། །ཐམས་ཅད་སངས་རྒྱས་རང་བཞིན་འགྱུར། །ཤིང་ཡོངས་འདུའི་ཁུ་བཅུད་བླངས་ལ་བཟླས་བརྗོད་སྟོང་བྱས་ཏེ་གང་ལ་ཐིག་ལེ་བྱས་པ་དེ་ཤིང་
དུ་འགྱུར་རོ། །ཆུ་ལ་ལན་བདུན་བཟླས་པས་གཏོར་ན་འདི་ནི་སླར་འཚོ་བར་འགྱུར་རོ། །གླང་པོ་ཆེའི་རྐང་མཐིལ་དང་བསྒྲུབ་བྱའི་རྡུལ་བླངས་ཏེ་བཟླས་བརྗོད་སྟོང་བཟླས་ནས་གང་ལ་བསྣུན་ན་དེ་གླང་པོ་ཆེར་འགྱུར་རོ། །དཔལ་ཧེ་རུ་ཀའི་ངེས་པར་བརྗོད་པ་ལས་གོ་ཆའི་སྔགས་ཀྱི་ལས་

85-1-67a

ཀྱི་ཆོ་གའི་ལེའུ་སྟེ་བཅུ་གསུམ་པའོ།།   ༈   །། བོང་བུའི་རྣམ་པའི་རྣལ་འབྱོར་བདག །ཡིད་ཀྱི་ཤུགས་ནི་བཟློག་བྱའི་ཕྱིར། །གང་གིས་སྒྲུབ་པོ་འགྲུབ་པ་ཡི། །བསྒྲུབ་པ་དེ་ནས་བཤད་པར་བྱ། །མཁའ་འགྲོ་དེ་བཞིན་
ལཱ་མ་དང་། །ཁཎ་ཌ་རོ་ཧ་འདོད་གཟུགས་ཅན། །བོང་བུའི་རྣམ་པ་ཁྲག་འཛག་ཞལ། །མཁའ་འགྲོ་རྩེ་གསུམ་ལག་ན་ཐོགས། །བསྒྲུབས་ན་ཚེ་ཟད་པ་དང་ནི། །ཚེ་རིང་བ་ཡང་སྣང་བ་ཡིན། །འདིར་ནི་བོང་བུའི་རྣལ་འབྱོར་བདག །དེ་བཞིན་བོང་བུར་མཐོང་
བ་ཡིན། །གླང་པོ་ཉིད་དུ་སྔོན་དུ་གང་། །མཐོང་སྟེ་གླང་པོའི་གཟུགས་ཅན་ཡིན། །གང་དང་གང་གི་སྐྱེ་བ་གང་། །སྔོན་གྱི་སྐྱེ་བར་གྱུར་པ་དག །དེ་དང་དེ་ཡི་གཟུགས་སྣང་བར། །རྣལ་འབྱོར་པས་ནི་འདིར་མཐོང་འགྱུར། །སྔོན་ནས་སྐྱེ་བ་བདུན་དུ་མི། །
གྲུབ་པ་སྟེར་བ་ཡོད་གྱུར་ན། །དེ་ཡིས་གཏོར་མའི་བྱ་བ་དག །བྱས་ནས་སྒྲུབ་པོས་འགྲུབ་པར་འགྱུར། །དེ་བཞིན་དཔག་ཚད་བརྒྱ་ཕྲག་ནི། །སྟོང་གི་སྟེང་དུ་སྐད་ཅིག་འགྲོ། །འདི་ནི་རྣལ་འབྱོར་སྔགས་མཆོག་གཙོ། །མཁའ་འགྲོ་མ་ཡི་སྦྱོར་སྒྲུབ་
བྱེད། །རྣལ་འབྱོར་མཚན་མས་གང་ཟློས་པ། །ཟླ་བ་གཅིག་གིས་འགྲུབ་པར་འགྱུར། །དེ་ནི་གསང་བའི་རྒྱུད་འདི་ཡི། །སྔགས་ཀྱི་སྙིང་པོ་དགེ་བ་ཡིན། །དེ་ཉིད་མཆོག་ཤེས་གང་དེ་འདིར། །རྣལ་འབྱོར་པ་རུ་ཐེ་ཚོམ་མེད། །མཁའ་འགྲོ་དྲ་བའི་
སྡོམ་པར་ནི། །དེ་དག་ཐམས་ཅད་བརྗོད་པ་ཡིན། །དཔལ་ཧེ་རུ་ཀའི་ངེས་པར་བརྗོད་པ་ལས་དཔལ་ཧེ་རུ་ཀ་བོང་བུའི་རྣམ་པར་མཛད་པའི་ཆོ་གའི་ལེའུ་སྟེ་བཅུ་བཞི་པའོ།།  ༈    །། དེ་ནས་སྡོམ་པ་རྣམས་ལ་ནི། །གང་ཞིག་བརྡར་
གྱུར་ཤེས་པ་དག །དེ་ཉིད་ཀྱིས་དེ་གྲུབ་པ་ནི། །ཐེ་ཚོམ་མེད་པར་བཤད་པར་བྱ། །ཌཱ་ཞེས་བྱ་བ་སྐྱེས་བུར་བཤད། །ཌཱི་ཞེས་བྱ་བ་བུད་མེད་ཡིན། །པཱུ་ཞེས་བྱ་བ་གནོན་པ་ཡིན། །སུ་ཞེས་བྱ་བ་ཟ་བ་ཡིན། །མཱ་ཞེས་བྱ་བ་
མ་རུ་བཤད། །ཡཱ་ཞེས་བྱ་བ་ཆུང་མ་ཡིན། །བྷཱི་ཞེས་སྲིང་མོ་དེ་བཞིན་ཏེ། །བཱི་ཞེས་བྱ་བ་མཛའ་མོར་བཤད། །ལུ་ཞེས་བྱ་བ་བུ་མོ་ཡིན། །ཤྲཱི་ཞེས་ཁྲག་ཏུ་ཤེས་པར་བྱ། །སོ་ཞེས་ཞི་བའི་བཏུང་བ་ཡིན། །བེ་ཞེས་དེ་བཞིན་

85-1-67b

བཏུང་བ་སྟེ། །ཧེ་ཞེས་བྱ་བ་དེ་བཞིན་ཤ །བྷ་ཞེས་བྱ་བ་ཟ་བ་ཡིན། །བྷུ་ཞེས་བྱ་བ་འདྲེས་པ་ཡིན། །པཱི་ཞེས་དུར་ཁྲོད་དེ་བཞིན་ཏེ། །དྷུ་ཞེས་བྱ་བ་རོ་རུ་ཤེས། །བྷཱི་ཞེས་རྣལ་འབྱོར་མ་རུ་བཤད། །ག་ཞེས་དེ་བཞིན་ལ་མ་ཡིན། །
སྟྲི་ཞེས་བྱ་བ་གཟུགས་ཅན་མ། །ཀུ་ཞེས་དེ་བཞིན་མཁའ་འགྲོ་མ། །ཧ་ནི་ཁཎ་ཌ་རོ་ཧ་ཉིད། །ཛ་ཞེས་བྱ་བ་བྱིན་པ་གཉིས། །ཀ་ཞེས་བྱ་བ་དཔུང་པ་ཟུང་། །བྷ་ཞེས་བྱ་བ་གསོང་པོར་སྨྲ། །སྤ་ཞེས་ལེགས་འོངས་བྱ་བ་ཡིན། །
མི་ཞེས་བྱ་བ་ཉ་ཡིན་ལ། །བ་ཞེས་བྱ་བ་ཟ་བ་ཡིན། །པེ་ཞེས་བྱ་བ་བཏུང་བ་བཏུང་། །གྷ་ནི་བགྲོད་དང་བགྲོད་མིན་ཡིན། །ཀ་ཞེས་བྱ་བ་འདོད་པ་ཡིན། །ས་ཞེས་བྱ་བ་གཞན་མི་འགྲོ། །ར་ཞེས་བྱ་བ་ཁྱོ་མེད་མོ། །དུ་ཞེས་བྱ་བ་
སྤྱོད་ངན་མོ། །སུ་ཞེས་བྱ་བ་བསྐལ་བཟང་མ། །ན་ཞེས་བྱ་བ་བསྐལ་ངན་མ། །ས་ཞེས་བྱ་བ་དམ་ཚིག་ཅན། །ཨ་ཞེས་བྱ་བ་དམ་ཚིག་མེད། །ཨཱ་ཞེས་བྱ་བ་འོངས་པ་ཡིན། །ན་ཞེས་བྱ་བ་མ་འོངས་ཡིན། །སོ་ཞེས་བྱ་བ་ཆགས་པ་
ཡིན། །འདི་དག་ནི་ཡི་གེ་རེ་རེའི་བརྡ་ཡིན་ཏེ། དཔའ་བོ་དང་སྲིང་མོར་འདུ་ཤེས་པར་བྱེད་པ། གུས་པ་དང་མི་གུས་པ་ལ་སྦྱིན་པར་བྱ་བ་དམ་ཚིག་གི་མཆོག་ཡིད་དུ་འོང་བ་ཕན་འདོགས་པར་བྱེད་པ་སྟེ་གུས་པ་ལ་སྦྱིན་པར་བྱ་བའོ། །དཔལ་
ཧེ་རུ་ཀའི་ངེས་པར་བརྗོད་པ་ལས་ཡི་གེའི་བརྡའི་ཆོ་གའི་ལེའུ་སྟེ་བཅྭ་ལྔ་པའོ།། །། དེ་ནས་སྐལ་ལྡན་སྐལ་ལྡན་མིན། །མདོར་བསྡུས་ནས་ནི་རབ་བཤད་བྱ། །དམ་ཚིག་མདོག་ལ་གནས་པ་སྟེ། །
སྐལ་ལྡན་ཡིད་འོང་ཕན་འདོགས་བྱེད། །གུས་པ་ཉིད་ལ་རབ་སྦྱིན་བྱ། །དེ་ནས་རིགས་ཀྱི་དབྱེ་གཟུང་ན། །དཔའ་དང་གཉིས་མེད་རྣལ་འབྱོར་མ། །གང་གིས་ཤེས་པ་ཙམ་གྱིས་ནི། །སྒྲུབ་པོ་དངོས་གྲུབ་ཐོབ་འགྱུར་བའོ། །
བུད་མེད་པད་རྩ་ལྟར་དཀར་གང་། །པད་མའི་འདབ་ལྟར་དཀྱུས་རིང་མིག །རྟག་ཏུ་གོས་ནི་དཀར་ལ་དགའ། །ཙནྡན་སར་པའི་དྲི་དང་ལྡན། །བདེ་གཤེགས་པ་འདུས་ཉིད་ལ་དགའ། །དེ་རིགས་རུས་བྱུང་ཤེས་པར་བྱ། །ཕུད་

85-1-68a

གང་བཙོ་མའི་གསེར་འདྲ་ཞིང་། །དམར་དང་སེར་བའི་གོས་ལ་དགའ། །ཛཱ་ཏི་ཙམ་པའི་དྲི་དང་ལྡན། །དེ་ནི་དཔའ་བོའི་རྗེས་འགྲོར་འགྱུར། །གང་ཞིག་ཨུཏ་པལ་ལྟར་སྔོ་བསངས། །གོས་ནི་སྔོན་པོ་འཛིན་ལ་དགའ། །
ཨུཏ་པལ་སྔོན་པོར་སྣང་བའི་དྲི། །དེ་ནི་དཔའ་བོ་དྲན་རྗེས་འགྲོ། །བུད་མེད་གང་ཞིག་མཛེས་མ་སྟེ། །པགས་པ་པད་དཀར་འདབ་འདྲ་མ། །རྟག་ཏུ་པད་མའི་རྩ་བའི་དྲི། །དེ་ནི་དེ་བཞིན་དཔའ་བོའི་བློ། །དམར་ཞིང་དཀར་བའི་བུད་མེད་
གང་། །གཟུགས་བཟང་ཁ་ནི་དམར་བ་དང་། །མཱ་ལི་ཀ་དང་ཨུཏ་པལ་དྲི། །དེ་ནི་རྡོ་རྗེའི་རིགས་བྱུང་ཡིན། །སེར་ཞིང་ལྗང་བའི་བུད་མེད་གང་། །གོས་ནི་དཀར་པོ་འཆང་བར་དགའ། །མགོ་ལ་མེ་ཏོག་དྲི་དང་ལྡན། །དེ་བཞིན་གཤེགས་
རིགས་རྗེས་འགྲོ་ཡིན། །བུད་མེད་གང་ཞིག་ཁ་དོག་དམར། །དེ་ཡི་མདོག་གི་གོས་འཆང་ཞིང་། །རྟག་ཏུ་ག་བུར་དྲི་དང་ལྡན། །རྣམ་སྣང་རིགས་ཀྱི་རྗེས་འགྲོ་ཡིན། །རྣལ་འབྱོར་མ་ཡི་རིགས་རྣམས་ནི། །དེ་ལྟར་བདུན་པོ་
ངས་བཤད་པ། །གཡོན་པའི་ཀུན་སྤྱོད་ལ་རྟག་དགའ། །འདི་དག་རང་རྒྱའི་མདོག་གིས་ཁྱབ། །རིགས་ཀྱི་རིག་པའི་ཡི་གེ་ཡང་། །རིགས་ཀྱི་རྗེས་སུ་འདིར་འགྱུར་བ། །འདི་ལ་ཁ་དོག་དྲུག་ཏུ་འགྱུར། །རང་གི་ཕྱག་རྒྱ་
འཆིང་བ་དང་། །རང་རིགས་ལས་བྱུང་ཚིག་ཏུ་སྨྲ། །གཡོན་ནས་འགྲོ་བའི་བུད་མེད་གང་། །རྣལ་འབྱོར་མ་ལའང་གཡོན་ལ་བརྟག །སྐད་ནི་ཆེན་པོར་རབ་སྨྲ་བ། །གཡོན་ནས་ལྟ་བས་རྣམ་པར་བལྟ། །བུད་མེད་རྣམས་མཐོང་རབ་སྨྲ་བ། །
དེ་ནི་དམ་ཚིག་ལྡན་པར་བཤད། །བུད་མེད་རྣམས་གང་གསོལ་བཏབ་བྱེད། །རིགས་ཀྱི་ས་བོན་རབ་ཏུ་སྨྲ། །རིགས་ཀྱི་བྱ་བ་མི་འདོར་ཞིང་། །རང་གི་བསྟན་བཅོས་གསུངས་བ་སྐྱོང་། །རང་གི་རིགས་ཀྱི་རིག་པ་ཟློས། །དེ་ནི་དམ་ཚིག་ལྡན་པར་
བརྗོད། །ཕྱག་འཚལ་བ་ནི་གང་འཆིང་བ། །གཡོན་པའི་ལུས་ཀྱིས་རྟག་ཏུ་འདུད། །ལྷ་མོ་རྣམས་དང་ཀུན་སྨྲ་བ། །དེ་ནི་ངེས་པར་བདེན་པར་འགྲོ། །མཐེ་བོ་གཡོན་པས་ས་ལ་ནི། །རྐང་པས་རི་མོ་འདྲི་བྱེད་ཅིང་། །མགོ་ནི་འཕྲུག་པར་བྱེད་པ་སྟེ། །ཟུར་

85-1-68b

གྱིས་བལྟ་ཞིང་ལག་གཡོན་གྱིས། །སྒྲུབ་པ་པོ་ལ་ཁྱད་པར་དུ། །དེ་ཡི་རང་རིག་དྲན་པའོ། །འཁུར་བའམ་ཀོས་ཀོ་དག་དང་ནི། །སྣ་དག་ཏུ་ནི་སོར་མོར་སྟོན། །ཟུར་གྱིས་བལྟ་ཞིང་ལན་ཅིག་སྔགས། །བཟླས་ནས་རིག་ལ་རྣམ་པར་
བལྟ། །བདེན་པར་འགྲོ་བའི་རྣལ་འབྱོར་མ། །ངེས་པར་དམ་ཚིག་ཅན་ཡིན་ནོ། །དཔལ་ཧེ་རུ་ཀའི་ངེས་པར་བརྗོད་པ་ལས་རྣལ་འབྱོར་མའི་མཚན་ཉིད་ངེས་པར་བརྟག་པའི་ལེའུ་སྟེ་བཅུ་དྲུག་པའོ།།    ༈     །། དེ་ནས་རྙེད་དཀའ་རྣལ་
འབྱོར་མ། །དེ་བཞིན་མཁའ་འགྲོ་མ་རྣམས་ཀྱི། །བདུད་རྩི་ལྔ་རྣམས་ཡང་དག་འབྱུང་། །ཡ་མི་ནི་དང་སྐྲག་བྱེད་མ། །ནགས་ཚལ་མ་དང་དེ་བཞིན་འཇིགས། །གཟུགས་ཀུན་སྤྱོད་མ་མཛེས་མ་དག །བྷ་སུར་མཁའ་འགྲོ་རྣམས་
བདུན། །བསྡུས་མ་རང་མཚན་ཉིད་འདིར་བཤད། །གཟུགས་ཅན་མ་དང་ཙུམ་པི་ཀཱ། །ལཱ་མ་ཡོངས་གྱུར་བྱིས་བཅས་མོ། །མི་ལྡོག་ཨེ་ཧི་ཀ་ལྷ་མོ། །མཁའ་འགྲོ་མ་རྣམས་བདུན་དུ་བཤད། །མངོན་པར་ཞེན་པས་ལྟ་བ་དང་། །
སྨིན་མ་འདེགས་པར་གར་བྱེད་ཅིང་། །སྔོན་གྱི་གཟུགས་ནི་སྡུད་བྱེད་གང་། །ཕྱིས་ནི་འཇིག་པར་བྱེད་པ་ཡིན། །དེ་ནི་གཟུགས་ཅན་མར་ཤེས་བྱ། །དཔའ་བོ་གཉིས་མེད་བསྟན་པར་བྱ། །གྲུང་བའམ་ཡང་ན་མི་གྲུང་བ། །
བྱིས་པ་འཁྱུད་ཅིང་ཙུམ་པ་ན། །དེ་ནི་ཙུམ་པི་ཀར་ཤེས་བྱ། །མཁའ་འགྲོ་སྡིག་པ་འཇོམས་མ་ཡིན། །ཟུར་བལྟ་གདོང་ལ་ཁྲོ་གཉེར་ལྡན། །སྨིན་མ་སྒྱུར་ཞིང་བསྡིགས་འཛུབ་དང་། །དབུགས་འབྱིན་འཇིགས་པར་བྱེད་གང་ཡིན། །
འདི་ན་གཞན་ཡང་དབུགས་མི་འབྱིན། །འཇིགས་པར་བྱེད་པ་གང་ཡིན་པ། །དེ་ནི་ལཱ་མ་ཡིན་པར་བསྟན། །ཕག་དང་དྲེད་དང་བྱི་ལ་དང་། །ལྕེ་སྤྱང་རི་དགས་རྟ་དག་དང་། །ཐམས་ཅད་དེར་ནི་འཇིགས་བྱེད་པ། །ཡོངསུ་གྱུར་པར་དེ་བཤད་དོ། །
ཤིན་དུ་དགའ་བས་རྒོད་པ་དང་། །སོང་ནས་སླར་ཡང་མི་ལྡོག་པ། །རྗེས་སུ་ཆགས་པས་གསོལ་བར་འདོད། །ཁཎྜ་རོ་ཧར་དེ་བཞིན་བཤད་། །ཡིད་ནི་བྱུང་བས་ལག་པའམ། །འོང་བའམ་ནི་རྐང་པས་སམ། །གོས་མཐའ་འམ་ཡང་ན་ཤིང་དག་གིས། །

85-1-69a

དེས་རེག་པ་ནི་འཚོ་མི་འགྱུར། །མི་ལྡོག་པར་ནི་ཤེས་བྱ་སྟེ། །བསྒྲུབ་བྱ་མིན་པར་དེ་ལ་བརྗོད། །རྒོད་སྨྲ་རྒྱུ་མེད་པ་རུ་ནི། །ངུ་ཞིང་རབ་ཏུ་ཁྲོས་པ་སྟེ། །དེ་ནི་ཨེ་ཧི་ཀར་དྲན་བྱ། །ལྷ་མོ་གསོང་པོར་སྨྲ་བ་ཡིན། །སངས་རྒྱས་པ་
དང་རྟག་ཏུ་སྨྲ། །དེ་ཉིད་རྡོ་རྗེའི་རིགས་ལས་བྱུང་། །མཁའ་འགྲོ་མ་ཡི་རིགས་ཕྱག་རྒྱ། །དཔའ་བོས་བསྟེན་ཕྱིར་མཚོན་པར་བྱ། །ཐོད་པ་དགྲ་སྟ་མཆེ་བ་དང་། །འཁོར་ལོ་རྡོ་རྗེ་རྒྱལ་མཚན་དང་། །རལ་གྲི་ཀུན་དུ་སྐྲག་བྱེད་ཉིད། །དུང་དང་བརྒྱད་དུ་ཤེས་པར་བྱ། །
རིགས་ཀྱི་ཕྱག་རྒྱ་ཡིན་པར་བཤད། །དཔལ་ཧེ་རུ་ཀའི་ངེས་པར་བརྗོད་པ་ལས་རྣལ་འབྱོར་མ་ཐམས་ཅད་ཀྱི་གཟུགས་ཡོངས་སུ་བརྗེ་བ་དང་ཕྱག་མཚན་དང་ཕྱག་རྒྱ་བསྟན་པའི་ཆོ་གའི་ལེའུ་སྟེ་བཅུ་བདུན་པའོ།། །། དེ་ནས་གཞན་ཡང་
བཤད་བྱ་བ། །མཁའ་འགྲོ་མཆོག་གི་གོ་འཕང་ནི། །གང་གིས་ཡང་དག་ཤེས་པ་ཡིས། །མཁའ་འགྲོའི་དམ་ཚིག་ལ་གནས་པའོ། །དམར་ཞིང་སེར་བའི་བུད་མེད་གང་། །པད་མའི་དྲི་ནི་རྣམ་པར་གཏོང་། །ལྟ་སྟངས་རང་བཞིན་ཞི་བ་དང་། །ཞེན་པར་
བལྟ་བའི་རྗེས་འགྲོ་བ། །བུད་མེད་གང་ཞིག་སེར་མོ་དམར། །དེ་བཞིན་སྐྱེ་བོ་ཀུན་ལ་བརྩེ། །ཁྱིམ་དུ་པད་མ་འདྲི་བ་ནི། །པད་མ་གར་དབང་རིགས་བྱུང་ཡིན། །སྨིན་མའི་དབུས་ན་རྩེ་གསུམ་ཡོད། །ལུས་ཀྱི་མདོག་ནི་སྐྱ་བསངས་དང་། །
རྟག་ཏུ་རྡོ་རྗེ་རིགས་སྒོམ་པ། །གང་གི་ཁྱིམ་དུ་རྡོ་རྗེ་འདྲི། །རྟག་པར་མཆོད་པ་བྱེད་པ་ཡི། །མཁའ་འགྲོ་མ་དེ་དཔལ་ལྡན་ནི། །ཧེ་རུ་ཀ་ཡི་རིགས་བྱུང་ཡིན། །གང་གི་དཔྲལ་བར་རྩེ་གསུམ་ནི། །མདུང་ཐུང་དག་ཀྱང་སྣང་འགྱུར་ཞིང་། །མིག་
དམར་མདོག་ནི་དམར་སེར་ཡང་། །དེ་བཞིན་རྐང་པ་ལག་པ་དམར། །ར་སྐྱེས་ཁྱིམ་བྱ་དག་ལ་ཡང་། །རྟག་ཏུ་ཡིད་ནི་དགར་གྱུར་ཅིང་། །དེ་ཡི་ཁྱིམ་དུ་རྡོ་རྗེའི་མཚན། །རྟག་ཏུ་གང་ཞིག་མཆོད་བྱེད་པ། །ཤྲཱི་ཧེ་རུ་ཀའི་གཟུགས་ལས་
བྱུང་། །མཁའ་འགྲོ་ཡིན་པར་གདོན་མི་ཟ། །འཁོར་ལོ་གང་གི་དཔྲལ་བའམ། །ལག་པར་ཡང་ནི་སྣང་གྱུར་པ། །སྤྲིན་སྔོན་དག་དང་འདྲ་བ་སྟེ། །རྟག་ཏུ་དཔྲལ་བར་དར་འཆིང་བ། །སྐལ་པ་ཆེན་པོར་ཀུན་ཚོགས་ཤིང་། །

85-1-69b

མཆོག་ཏུ་བདེ་བ་གང་ཡིན་དང་། །ཁྱིམ་དུ་འཁོར་ལོ་འདྲི་བྱེད་ཅིང་། །རྟག་ཏུ་དེ་ལ་མཆོད་བྱེད་པ། །རྡོ་རྗེ་ཕག་མོའི་རིགས་བྱུང་བའི། །མཁའ་འགྲོ་མ་ཡི་སྟོབས་ཀྱིས་དྲེགས། །གང་ཞིག་སྨིན་མ་སྣག་འདྲ་ཞིང་། །སོ་ནི་དཀར་ཞིང་མཐོ་བ་
དང་། །གཡོན་པ་རྟག་ཏུ་མ་རུངས་པ། །སྙིང་སྟོབས་ལྡན་བར་གྱུར་པ་དང་། །རྟག་ཏུ་ཁྲུས་ལ་དགའ་བ་དང་། །མང་དུ་སྨྲ་བར་མི་བྱེད་ཅིང་། །ཁྱིམ་དུ་རྡོ་རྗེ་འདྲི་བ་དང་། །རྟག་ཏུ་དགེ་བས་མཆོད་བྱེད་པ། །རྡོ་རྗེ་ཕག་མོའི་རིགས་བྱུང་བ། །སྟོང་ཕྲག་
བཅུ་དང་ལྡན་པ་ཡིན། །སེར་ཞིང་གསེར་གྱི་མདོག་འདྲིར་སྣང་། །མིག་མི་གཡོ་ཞིང་བ་སྤུ་སེར། །རྡོ་རྗེ་གང་གི་དཔྲལ་བའམ། །ལག་པར་ཡང་ནི་སྣང་གྱུར་པ། །རྟག་ཏུ་རྒྱལ་སྲིད་དག་ལ་གནས། །བསྙེམས་ཤིང་བདེན་པར་སྨྲ་བ་དང་། །མ་ལཱི་
ཀ་ཡི་དྲི་བྱུང་ཞིང་། །གང་གི་ཁྱིམ་དུ་རྡོ་རྗེ་ནི། །རྟག་ཏུ་འདྲི་ཞིང་ཆེར་མཆོད་པ། །ཁཎ་ཌ་རོ་ཧའི་རིགས་ལས་བྱུང་། །རྣལ་འབྱོར་མ་ཡི་དབང་ཕྱུག་མཆོག །གང་ཞིག་རྟག་པར་ཤ་ལ་དགའ། །སྐེམ་ཞིང་མིག་སྨན་ནག་པོའི་མདོག །
དཔྲལ་བར་མདུང་རྩེ་ལྟ་བུ་ཡོད། །གང་ཞིག་གདུག་པའི་ལས་ལ་དགའ། །རྟག་ཏུ་དུར་ཁྲོད་དག་ཏུ་འགྲོ། །འཇིགས་པ་མེད་ཅིང་རྩོག་མེད་དེ། །གང་གི་དཔྲལ་བར་ཐིག་ལེ་དང་། །ཁྱིམ་དུ་ཐོད་པ་འདྲི་ཞིང་མཆོད། །དཔལ་ལྡན་ཧེ་རུ་ཀ་དེ་ཡི། །
མཁའ་འགྲོའི་རིགས་ལས་བྱུང་བ་ཡིན། །སྤྲིན་གྱི་མདོག་འདྲའི་བུད་མེད་གང་། །སོ་ནི་མི་མཉམ་པར་གནས་ཤིང་། །རྟག་ཏུ་གདུག་པའི་ལས་ལ་དགའ། །གཡོན་གྱི་མཆེ་བ་གཙིགས་པ་དག །དེ་ཡི་ཁྱིམ་དུ་དགྲ་སྟ་ནི། །འདྲི་ཞིང་རྟག་
ཏུ་མཆོད་བྱེད་པ། །རྣམ་པར་འདྲེན་པའི་རིགས་བྱུང་བའི། །མཁའ་འགྲོ་ཡིན་པར་ཐེ་ཚོམ་མེད། །མཁའ་འགྲོ་མ་ཡི་ཚོགས་འདི་དག །ཤྲཱི་ཧེ་རུ་ཀཱའི་རིགས་ལས་བྱུང་། །སྒྲུབ་པ་པོ་ལ་ཕན་པའི་ཕྱིར། །གསང་བའི་མཚན་ཉིད་སྤྲུལ་
པ་ཡིན། །དཔལ་ཧེ་རུ་ཀའི་ངེས་པར་བརྗོད་པ་ལས་རྣལ་འབྱོར་མ་ཐམས་ཅད་ཀྱི་ཁ་དོག་གི་མཚན་ཉིད་དང་། མཚན་མའི་ངེས་པའི་ཆོ་གའི་ལེའུ་སྟེ་བཅྭ་བརྒྱད་པའོ།། །། དེ་ནས་ཡང་དག་བཤད་བྱ་བ། །ལཱ་མ་ཡི་ནི་ཁྱད་པར་དུ། །སྒྲུབ་པོ་གང་གིས་ཡན་ལག་གི། །

85-1-70a

ཆ་ཤས་ཡང་དག་ཤེས་པའོ། །གང་གི་བཞིན་ནི་ཡོངས་རྒྱས་པར། །ཀུན་ནས་ཟླུམ་པོར་སྣང་འགྱུར་ཞིང་། །ཁ་ཡི་སྨ་ར་རྟག་པར་ཡོད། །སྤུ་དང་སྨིན་མ་རིང་བ་དང་། །གོས་བཟང་གཙང་ཞིང་ཞི་བ་དང་། །མི་གཡོ་བདེན་པར་སྨྲ་བ་དང་། །རྟག་
ཏུ་དམ་པའི་ཆོས་ལ་དགའ། །དེ་ནི་དཔའ་བོའི་སྲིང་མོར་བཤད། །པད་མའི་ཕྱག་རྒྱ་སྦྱིན་བྱ་བ། །ཡང་ན་རུསྦལ་ཕྱག་རྒྱ་བྱ། །པགས་པ་རིལ་པ་སྤྱི་བླུགས་ཉིད། །ཕྱག་རྒྱའི་ལན་དུ་བརྗོད་པ་ཡིན། །དེ་ནི་ཚེས་བཅུའི་དུས་ཚིགས་ལ། །ཁྱིམ་དུ་པད་མ་འདྲི་བར་འགྱུར། །
ལཱ་མའི་བུད་མེད་རྣམས་ཀྱི་ནི། །མཚན་ཉིད་གྱུར་པ་འདི་དག་ཡིན། །མཆུ་གཉིས་གློ་ཞིང་མིག་དཀྱུས་རིང་། །མིག་ནི་དམར་ཞིང་སེར་སྐྱར་གནས། །ཕྱུག་ཅིང་སྐལ་བཟང་དཔལ་ཡོན་ཅན། །དཀར་ཞིང་ཙམ་པ་ལྟ་བུར་སྣང་། །ཤིན་ཏུ་རིང་མིན་ཐུང་བའང་མིན། །སྣ་ཚོགས་
པའི་གོས་ལ་དགའ། །དཔྲལ་བར་རི་མོ་གསུམ་ཡོད་ཅིང་། །མཚམས་ནི་གྱེན་དུ་བསྟན་པ་ལས། །རྒོད་ཅིང་དགའ་བ་ཉིད་དག་དང་། །ལམ་ནི་རྣམ་པར་གནོན་ཅིང་གནས། །གཡུལ་དུ་འཆི་བ་རྣམས་ཀྱི་ནི། །གཏམ་དག་ལ་ནི་རྟག་ཏུ་དགའ། །དེ་ལྟར་
རབ་དྲེགས་མཐོང་ནས་ནི། །མདུང་གི་ཕྱག་རྒྱ་བསྟན་པར་བྱ། །རྐང་པ་གཡོན་པ་བསྐུམ་པ་ཡི། །གར་ཉིད་ཀྱང་ནི་བསྟན་པར་བྱ། །གཡོན་པ་དག་ནས་ཡོངས་བཟློག་པ། །ཕྱག་རྒྱའི་ལན་ནི་ཡིན་པར་བཤད། །བཅུ་བཞི་དང་ནི་ཚེས་བརྒྱད་ནི། །དེ་ཡི་
དུས་ཚིགས་ཡིན་པར་བཤད། །ཁྱིམ་དུ་མདུང་རྩེ་གསུམ་པ་ཡང་། །བྲས་ནས་དེ་ནི་རྟག་ཏུ་མཆོད། །འཇིག་རྟེན་དབང་ཕྱུག་ལཱ་མ་ཡི། །མཚན་ཉིད་གྱུར་པ་འདི་དག་ཡིན། །གང་གི་འཁུར་ཚོས་དག་ཏུ་ནི། །ཁུང་བུར་སྣང་བའང་གནས་གྱུར་ཅིང་། །
དེ་བཞིན་རྟག་ཏུ་དམར་ཞིང་སེར། །མིག་ནི་ལྗང་སེར་དག་ཏུ་སྣང་། །སྐྲ་ནི་དེ་བཞིན་འཁྱིལ་བ་དང་། །མགོ་དང་དཔྲལ་བར་དར་བཅིངས་སྣང་། །རི་མོ་གཅིག་པར་རབ་ཏུ་གནས། །དེ་བཞིན་མགྲིན་པ་རིང་བ་དང་། །རྟག་ཏུ་གོས་དམར་ལ་དགའ་
ཞིང་། །རྒོད་ཅིང་གླུ་ནི་ལེན་པ་ཉིད། །གློ་བུར་དུ་ནི་ཁྲོ་བ་དང་། །སེམས་ནི་རྣམ་པར་གཡོ་བ་དང་། །རྩོད་པ་ལ་ནི་དགའ་བ་སྟེ། །འདི་འདྲའི་རབ་དྲེགས་མཐོང་ནས་ནི། །མདུང་གི་ཕྱག་རྒྱ་རབ་སྦྱིན་བྱ། །གཉིས་པ་ཉིད་ནི་འབད་པ་

85-1-70b

ཡིས། །དྲིལ་བུའི་ཕྱག་རྒྱ་རབ་སྦྱིན་བྱ། །གཡོན་གྱི་ཕྱོགས་སུ་བཟློག་པ་ནི། །ཕྱག་རྒྱའི་ལན་ནི་ཡིན་པར་བཤད། །ཐུང་ཞིང་བྱིན་པ་སྦོམ་པ་དང་། །རྟག་ཏུ་གོས་སེར་ལ་དགའ་ཞིང་། །ཕྲག་པ་དག་ནས་གོས་ཀྱང་འཕྱང་། །དེ་འདྲའི་བུད་
མེད་མཐོང་ནས་ནི། །འཁོར་ལོའི་ཕྱག་རྒྱ་བསྟན་བྱ་ཞིང་། །འབད་པ་ཡིས་ནི་གཉིས་པ་ཡང་། །དུང་གི་ཕྱག་རྒྱ་བསྟན་པར་བྱ། །གཡོན་ནས་ཡོངས་སུ་བཟློག་པ་ནི། །ཕྱག་རྒྱའི་ལན་ནི་ཡིན་པར་བཤད། །བཅུ་བཞི་དེ་ཡི་དུས་ཡིན་ཏེ། །དེ་ཡི་ཁྱིམ་དུ་
རྡོ་རྗེ་འདྲི། །ཤྲཱི་ཧེ་རུ་ཀ་ལཱ་མ་ཡི། །མཚན་ཉིད་གྱུར་པ་འདི་དག་ཡིན། །ལུས་ཀུན་ལ་ནི་བ་སྤུ་ཡོད། །མིག་ནི་ནག་ཅིང་སེར་བ་དང་། །སྦོམ་ཞིང་རྣམ་འགྱུར་མི་བཟད་པ། །བཞིན་འཕེལ་ཆེ་ཞིང་ཁ་ཆེ་ལ། །གསུས་པ་གློ་ཞིང་ཁ་དོག་གནག །
མིག་ཟླུམ་སྣ་ནི་ཉམས་པ་དང་། །རྟག་ཏུ་གླུ་ལ་མཁས་པ་དང་། །སྤྲིན་གྱི་མདོག་ཅན་ཡིད་འཕྲོག་པ། །འདི་འདྲའི་རབ་དྲེགས་མཐོང་ནས་ནི། །ཀླུ་ཡི་ཕྱག་རྒྱ་བསྟན་པར་བྱ། །གཉིས་པ་ཡང་ནི་འབད་པ་ཡིས། །མདུང་གི་ཕྱག་རྒྱ་བསྟན་
པར་བྱ། །གཡོན་ནས་ཡོངས་སུ་བཟློག་པ་ནི། །ཕྱག་རྒྱའི་ལན་ནི་ཡིན་པར་བཤད། །དེ་ཡི་དུས་ཚིགས་བཅུ་གཅིག་སྟེ། །ཁྱིམ་དུ་མཆེ་བ་འདྲི་བར་བྱ། །རྡོ་རྗེ་ཕག་མོ་ལཱ་མ་ཡི། །མཚན་ཉིད་གྱུར་པ་འདི་དག་ཡིན། །དཔལ་ཧེ་རུ་ཀའི་
ངེས་པར་བརྗོད་པ་ལས་རྣལ་འབྱོར་མ་ཐམས་ཅད་ཀྱི་ཕྱག་རྒྱ་དང་ཕྱག་རྒྱའི་ལན་བསྟན་པའི་ལེའུ་སྟེ་བཅུ་དགུ་པའོ།།    ༈      །། དེ་ནས་གཞན་ཡང་བཤད་བྱ་བ། །ལག་པ་གཡོན་གྱི་བརྡ་རྣམས་ནི། །གང་གིས་ཤེས་པས་
ཡང་དག་པར། །མིང་སྲིང་དུ་ནི་དེ་བཞིན་འགྱུར། །གང་གིས་ལག་གཡོན་སྟོན་པ་ནི། །གསོང་པོར་སྨྲ་ཞེས་སྟོན་པ་ཡིན། །གང་ཞིག་སྲིན་ལག་སྟོན་པ་ནི། །གསོང་པོར་སྨྲ་བའི་ལན་འགྱུར་ཡིན། །གང་ཞིག་ལྟོ་བ་རྡེབས་པ་ནི། །
བདག་ཉིད་བཀྲེས་པར་སྟོན་པ་ཡིན། །གང་ཞིག་དཔྲལ་བ་སྟོན་པ་ནི། །ནམཁའ་ལས་ནི་འོངས་ཞེས་པའོ། །གང་ཞིག་ཁར་ནི་སོར་མོ་འཇུག །ཟོས་ཟིན་ཞེས་ནི་སྨྲ་བ་ཡིན། །གང་ཞིག་ལྕེ་ནི་བསྐྱོད་པ་དག །ཟའོ་ཞེས་ནི་སྨྲ་

85-1-71a

བ་ཡིན། །གང་ཞིག་པུས་མོ་ལ་རེག་པ། །ངལ་སོ་ཞེས་ནི་སྟོན་པ་ཡིན། །གང་ཞིག་སོར་མོའི་རྩེ་ལ་རེག །ངལ་སོས་ཞེས་ནི་སྨྲ་བ་ཡིན། །གང་ཞིག་སོ་ནི་འཆའ་བྱེད་པ། །བཟའ་ཡིས་ཞེས་ནི་སྟོན་པ་ཡིན། །གང་ཞིག་ཁྲོ་གཉེར་
སྟོན་པ་ནི། །བཅིངས་སོ་ཞེས་ནི་སྟོན་པ་ཡིན། །གང་ཞིག་མཁའ་ལྡིང་སྟོན་པ་ནི། །གྲོལ་ལོ་ཞེས་ནི་བསྟན་པ་ཡིན། །གང་ཞིག་ཁུ་ཚུར་སྟོན་པ་ནི། །དེ་ལ་བ་ཏིའི་ས་བསྟན་བྱ། །རྣམ་པར་འགྱུར་བ་བལྟས་ནས་ནི། །གང་ཞིག་སྐྲ་ནི་སྟོན་པ་
ལ། །ཁ་ཊྭཱྃ་ག་ནི་དེ་ལ་བསྟན། །གང་ཞིག་ཡན་ལག་བསྐྱོད་པ་དང་། །དེ་ལ་མཆེ་བ་གཉིས་བསྟན་བྱ། །གང་ཞིག་ལག་པས་ལག་པ་སྟོན། །གཏོར་མ་ཟ་ཞེས་སྨྲ་བ་ཡིན། །གང་ཞིག་ལག་པ་གཡས་པ་སྟོན། །དེ་ལྟར་གྱིས་ཞེས་སྨྲ་
བ་ཡིན། །གང་ཞིག་རྣ་བ་ལ་རེག་པ། །གནས་པར་བྱ་ཞེས་སྟོན་པ་ཡིན། །གང་ཞིག་སེན་མོས་སེན་མོ་རེག །ཤི་ཡིས་ཁྱེར་ཞེས་སྨྲ་བ་ཡིན། །གང་ཞིག་ས་འདྲི་དཀྱིལ་འཁོར་དུ། །དེ་རིང་འཇུག་ཅེས་སྨྲ་བ་ཡིན། །གང་ཞིག་ནུ་མ་ལ་རེག་
པ། །བདག་གི་བུ་ནི་བསྲུངས་ཞེས་སྨྲ། །གང་ཞིག་གཡོན་མཐེབ་ས་ལ་འདྲི། །བླ་མའི་སྐྱེ་བོས་ང་བསྲུངས་སྨྲ། །གང་ཞིག་མིག་ནི་རྣམ་འཛུམས་བྱེད། །དེ་ལྟར་བྱོས་ཞེས་སྨྲ་བ་ཡིན། །གང་ཞིག་ཚིགས་ལ་རེག་པ་ནི། །བདེ་བར་ཉལ་
ཞེས་སྨྲ་བ་ཡིན། །ཕོ་ཉ་མོ་ནི་གང་ཡང་རུང་། །དེ་དག་ཀུན་གྱིས་ཡང་དག་སྤྱད། །དཔལ་ཧེ་རུ་ཀའི་ངེས་པར་བརྗོད་པ་ལས་རྣལ་འབྱོར་མ་ཐམས་ཅད་ཀྱི་ལག་པའི་ཕྱག་རྒྱའི་རྡའི་ཆོ་གའི་ལེའུ་སྟེ་ཉི་ཤུ་པའོ།།    ༈     །། 
དེ་ནས་གསང་བ་ཆེན་པོ་ཡི། །ལྟ་བ་ང་ཡིས་བཤད་པར་བྱ། །བུད་གང་སྤྱི་གཙུག་རེག་བྱེད་པ། །མགོ་བོ་དེ་ལ་བསྟན་པར་བྱ། །གང་ཞིག་དཔྲལ་བ་སྟོན་པ་ནི། །དེ་ལ་མཁུར་ཚོས་བསྟན་པར་བྱ། །གང་ཞིག་སོ་ནི་སྟོན་པ་ལ། །
དེ་ལ་ལྕེ་ནི་བསྟན་པར་བྱ། །གང་ཞིག་མཆུ་ནི་སྟོན་བྱེད་པ། །དེ་ལ་ཀོ་སྐོ་བསྟན་པར་བྱ། །གང་ཞིག་མགྲིན་པ་སྟོན་བྱེད་པ། །ལྟོ་ནི་དེ་ལ་བསྟན་པར་བྱ། །གང་ཞིག་ལག་པ་སྟོན་བྱེད་པ། །དེ་ལ་དཔུང་པ་བསྟན་པར་བྱ། །གང་ཞིག་སུམ་རྐེད་སྟོན་བྱེད་

85-1-71b

པ། །དེ་ལ་རྒྱབ་ནི་བསྟན་པར་བྱ། །གང་ཞིག་ནུ་མ་སྟོན་བྱེད་པ། །དེ་ལ་ཀོ་སྐོ་བསྟན་པར་བྱ། །གང་ཞིག་ལྟོ་བ་སྟོན་བྱེད་པ། །དེ་ལ་ལྟེ་བ་བསྟན་པར་བྱ། །གང་ཞིག་གསང་བ་སྟོན་བྱེད་པ། །དེ་ལ་ལིང་ག་བསྟན་པར་བྱ། །གང་ཞིག་བརླ་ནི་སྟོན་བྱེད་པ། །དེ་ལ་
འཕོངས་ནི་བསྟན་པར་བྱ། །གང་ཞིག་པུས་མོ་སྟོན་བྱེད་པ། །དེ་ལ་བྱིན་པ་བསྟན་པར་བྱ། །གང་ཞིག་རྐང་པ་སྟོན་བྱེད་པ། །དེ་ལ་རྐང་མཐིལ་བསྟན་པར་བྱ། །གང་ཞིག་སོར་ཚིགས་སྟོན་བྱེད་པ། །དེ་ལ་སོར་མོ་བསྟན་པར་བྱ། །གང་ཞིག་ས་ནི་སྟོན་པ་ལ། །དེ་ལ་ནམ་
མཁའ་བསྟན་པར་བྱ། །གང་ཞིག་ནམ་མཁའ་སྟོན་བྱེད་པ། །དེ་ལ་ཉི་མ་བསྟན་པར་བྱ། །གང་ཞིག་འབབ་ཆུ་སྟོན་བྱེད་པ། །དེ་ལ་རྒྱ་མཚོ་བསྟན་པར་བྱ། །འདི་དག་མཁའ་འགྲོ་མ་ཡི་ནི། །ལུས་ཀྱི་ཕྱག་རྒྱར་ཐེ་ཚོམ་མེད། །འདི་དག་རྟག་བསྟན་གསང་བ་སྟེ། །
ཡང་དག་སྟོན་པར་འགྲོ་བར་འགྱུར། །དཔལ་ཧེ་རུ་ཀའི་ངེས་པར་བརྗོད་པ་ལས་ཡན་ལག་གི་མཚན་ཉིད་ཀྱི་ཆོ་གའི་ལེའུ་སྟེ་ཉི་ཤུ་རྩ་གཅིག་པའོ།། །། དེ་ནས་གཞན་ཡང་བཤད་པར་བྱ། །ཡན་ལག་ཕྱག་རྒྱའི་ཆོ་ག་བཞིན། །གང་ཞིག་ཤེས་པས་མིང་པོ་
འམ། །སྲིང་མོར་ཐེ་ཚོམ་མེད་འགྱུར་བའོ། །སོར་མོ་གཅིག་ནི་སྟོན་པ་ཡིས། །ལེགས་པར་འོངས་ཞེས་སྨྲ་བ་ཡིན། །སོར་མོ་གཉིས་ནི་བསྟན་པ་ཡིས། །ལེགས་འོངས་ལན་ནི་སྨྲ་བ་ཡིན། །འདི་ནི་རྣལ་འབྱོར་མ་ཀུན་གྱི། །ཡན་ལག་ཕྱག་རྒྱར་རབ་ཏུ་
བཤད། །གཡོན་གྱི་གུང་མོ་བརྐྱང་པ་ལ། །ཅུང་ཟད་འཛུབ་མོ་བསྐུམ་པ་ནི། །མིག་གི་ཕྱག་རྒྱར་ཤེས་པར་བྱ། །སྔགས་པས་དེ་ལ་དེ་བསྟན་ཏེ། །དོ་མོད་ཇི་སྲིད་འཚོ་བའི་བར། །དབང་དུ་འགྱུར་བར་ཐེ་ཚོམ་མེད། །གང་ཞིག་གུང་མོ་སྟོན་བྱེད་པ། །དེ་ལ་
འཛུབ་མོ་བསྟན་པར་བྱ། །གང་ཞིག་སྲིན་ལག་སྟོན་བྱེད་པ། །དེ་ལ་ལྕེ་ནི་བསྟན་པར་བྱ། །གང་ཞིག་བ་ཏིའི་ས་སྟོན་པ། །དེ་ལ་མདུང་ནི་བསྟན་པར་བྱ། །གང་ཞིག་སྤྱི་བོ་སྟོན་བྱེད་པ། །དེ་ལ་འཚམས་ཀྱི་མཐའ་བསྟན་བྱ། །གང་ཞིག་ས་ནི་སྟོན་བྱེད་པ། །
དེ་ལ་མཁའ་ནི་བསྟན་པར་བྱ། །གང་ཞིག་ཁྲོ་གཉེར་སྟོན་བྱེད་པ། །དེ་ལ་མཚམས་ཀྱི་མཐའ་བསྟན་བྱ། །གང་ཞིག་སོ་ནི་སྟོན་བྱེད་པ། །དེ་ལ་མཆུ་ནི་བསྟན་པར་བྱ། །གང་ཞིག་མགྲིན་པ་སྟོན་བྱེད་པ། །དེ་ལ་ཁ་ནི་བསྟན་པར་བྱ།།

85-1-72a

གང་ཞིག་དཔྲལ་བ་སྟོན་བྱེད་པ། །དེ་ལ་མིག་ནི་བསྟན་པར་བྱ། །འདི་ནི་རྣལ་འབྱོར་མ་ཀུན་གྱི། །རིམ་བཞིན་ཡན་ལག་ཕྱག་རྒྱ་ཡིན། །འདི་དག་རྟགས་བསྟན་གསང་བ་པ། །ཡང་དག་ལྟ་བར་འགྲོ་བར་འགྱུར། །དཔལ་
ཧེ་རུ་ཀའི་ངེས་པར་བརྗོད་པ་ལས་ཁྱད་པར་གྱི་ཕྱག་རྒྱའི་མཚན་ཉིད་ཀྱི་ཆོ་གའི་ལེའུ་སྟེ་ཉི་ཤུ་རྩ་གཉིས་པའོ།། །། དེ་ནས་ཡང་དག་བཤད་བྱ་བ། །མཁའ་འགྲོ་མ་ཡི་རྣམ་རོལ་པ། །གང་གིས་རིག་ནས་རིང་ནས་ཀྱང་། །དཔའ་བོ་དཔའ་
མོའི་སྲིང་མོ་རུའོ། །དམ་ཚིག་ཅན་གང་རྗེས་ཆགས་པ། །དཔའ་བོའི་ལོངས་སྤྱོད་ས་གཞི་ཡིན། །གཞི་ནི་ས་གཞིར་བྱས་ནས་སུ། །རྣལ་འབྱོར་པ་ཡི་སྡོམ་པ་མཆོད། །འདི་དག་རྣལ་འབྱོར་མ་རྣམས་ཀྱི། །གོ་བཟློག་པ་ཡིས་ལྟ་བ་དང་། །བཞིན་
ནི་རྣམ་པར་འགྱུར་བ་ཉིད། །བདེ་བ་རྟག་པ་སྨིན་མ་གཡོ། །སྣ་ཚོགས་མྱུར་དུ་ཤེས་བྱ་བ། །དེ་བཞིན་མཁའ་འགྲོ་ལས་བྱུང་བའོ། །རྣམ་འགྱུར་སྐོར་བར་ཤེས་བྱ་སྟེ། །རི་མོ་གསུམ་པ་ཡོངས་སུ་ཟླུམ། །མཁའ་འགྲོ་མ་རྣམས་ངེས་འགྲོ་
བའི༑  ༑དེ་ཡི་མཚན་མར་ཀུན་ཤེས་བྱ། །གློ་བུར་རྣམ་པར་ཟློག་འགྱུར་ཏེ། །སྔར་བཞིན་གདོང་ནི་འཇིག་གྱུར་པ། །རྣམ་པ་དེ་ལྟ་དེ་ཡི་དེ། །གང་གི་རྡོ་རྗེ་ལྟ་བུར་གསལ། །སྒྲ་ནི་ཁུ་བྱུག་སྐད་ལྟ་བུར། །མཆོག་ཏུ་གསལ་བར་དེའི་དེ་ཉིད། །
འདི་ཡི་མཚན་མ་ཁྱིམ་དུ་ནི། །རྡོ་རྗེ་ལྟ་བུར་མེ་ལོང་བཅས། །གཉིས་པར་ཡང་ནི་གྱུར་པ་ཡང་། །རལ་གྲི་འདྲ་བར་མེ་ལོང་བཅས། །རྒྱལ་མཚན་མདུང་འདྲར་རྟག་ཏུ་འབྱུང་། །མེ་ལོང་ཁ་སྦྱར་བར་ཤེས་བྱ། །མཚན་མར་བྱས་
པའི་གཟུགས་རྣམས་ནི། །མདོར་བསྡུས་རྣམ་པར་ཤེས་བྱ་སྟེ། །མཚན་ཉིད་འདི་དག་དང་ལྡན་པ། །མཁའ་འགྲོ་མ་མཆོག་ཡིན་ཞེས་བྱ། །དཔལ་ཧེ་རུ་ཀའི་ངེས་པར་བརྗོད་པ་ལས་མཁའ་འགྲོ་མའི་ཁྱད་པར་གྱི་མཚན་མའི་
ཕྱག་རྒྱའི་མཚན་ཉིད་ཀྱི་ཆོ་གའི་ལེའུ་སྟེ་ཉི་ཤུ་རྩ་གསུམ་པའོ།། །། དེ་ནས་གཞན་སྐད་བརྡ་རྣམས་ནི། །སྒྲུབ་པོ་ལ་འདིར་བཤད་བྱ་བ། །གང་གིས་མིང་པོའམ་སྲིང་མོར་ནི། །ཐེ་ཚོམ་མེད་པར་ཤེས་འགྱུར་བའོ། །པོ་ཏང་གི་ཞེས་བྱ་བ་ནི་གསོང་

85-1-72b

པོར་སྨྲ་བའོ། །པྲ་ཏི་པོ་ཏང་གི་ཞེས་བྱ་བ་ནི་གསོང་པོར་སྨྲ་བའི་ལན་ནོ། །ག་མུ་ཞེས་བྱ་བ་འགྲོའོ་ཞེས་སྨྲ་བ་ཡིན་ནོ། །ལུམྦ་ཞེས་བྱ་བ་ནི་འོང་ངོ་ཞེས་བརྗོད་པ་ཡིན་ནོ། །དེ་ཧི་ཞེས་བྱ་བ་ནི་གྲོང་ཁྱེར་ཞེས་སྨྲ་བའི་ལན་ནོ། །ཙ་ཏུ་ཀ་ཞེས་
བྱ་བ་ནི་ཟུང་ཞིག་ཅེས་སྨྲ་བ་ཡིན་ནོ། །བཱི་རཱ་ཎ་ཞེས་བྱ་བ་ནི་སྙིང་ཉིད་དོ། །མཱ་ར་ཎ་ཞེས་བྱ་བ་ནི་སྨྲ་ངན་ནོ། །ཀཪྞི་ཀ་ནི་དྲིལ་བུའོ། །ཀ་ར་ཎད་ནི་ཕག་པའི་ཟེ་བའོ། །ཤྲ་བ་ཎ་ནི་རྣ་བའོ། །ཨ་མྲྀ་ཏ་ནི་ནི་བདུད་རྩིའི་གནས་སོ། །ས་མཱ་ག་མཱ་ནི་མིའོ། །ཏཱ་
ལི་ཀ་ནི་མཁའ་འགྲོ་མའོ། །ན་ར་ཀྃ་ནི་དཀྱིལ་འཁོར་རོ། །ཨ་མུ་ཀྃ་ནི་དུར་ཁྲོད་དོ། །ཀཱ་ཁི་ལ་ནི་སྒེའོ། །ཤྭ་ས་ནྃ་ནི་བྲམ་ཟེའི་རིགས་སོ། །པ་རི་དི་ནི་རྒྱལ་རིགས་སོ། །བི་ར་ཏི་ནི་རྗེ་རིགས་སོ། །ཀྲུ་ར་ནི་དམངས་རིགས་སོ། །ཨནྟ་སྠཱ་ན་ནི་སྨེ་ཤ་ཅན་
ནོ༑   ༑པ་ཤུ་ལི་ཀ་ནི་ཁྱིམ་མོ། །བྷ་གི་ནི་མཁའ་འགྲོ་མའོ། །མེ་ད་ཀ་ནི་ཆུའོ། །གྲྀ་ཧ་དེ་ནི་ཕྱག་རྒྱས་འདེབས་པའོ། །ལྕེ་སོ་ལ་རེག་པ་ནི་བདག་ཅག་ལྟོགས་སོ་ཞེས་སྟོན་པའོ། །གནྡ་པ་སི་ནི་སྲེད་པའོ། །ཀུ་ཏ་ནི་གནས་ཆེ་གེ་མོ་ནས་འོངས་སོ་
ཞེས་བྱ་བའོ༑   ༑ཀི་ར་ཎ་ནི་མེ་ཏོག་གོ། ཏུ་ལྃ་པ་ནི་རྒོད་པའོ། །ད་རོ་ནི་སོའོ། །ནི་རོ་དྷ་ནི་ཆར་འབབ་པ་ཟློག་པའོ། །ཏྲི་པ་ཏི་ནི་ཞུ་བའོ། །དུར་ཡུ་ནི་ཕྱི་རོལ་ལོ། །དུ་པ་ཏྲི་ཡ་ནི་སྤྲིན་ནོ། །སཱ་ནུ་ནི་རི་བའོ། །ས་རི་ཏ་ནི་འབབ་ཆུའོ། །ཨང་གུ་ལ་ནི་
ཡན་ལག་གོ། བ་ད་ན་ནི་གདོང་ངོ་། །རཱ་ཛཱ་ཀ་ནི་ལྕེའོ། །ཨཱ་ད་ནཱ་ནི་སོའོ། །པག་ཏི་ནི་རྒྱལ་མཚན་ནོ། །ཚན་དོ་ནི་ཕྲེང་བའོ། །ཙ་ལ་ནི་རླུང་ངོ་། །པྲ་བ་ཧ་ནི་གྲུའོ། །པ་ཤུ་ནི་རི་དགས་སོ། །ཡ་ཏི་ནི་དཀྱིལ་འཁོར་རོ། །ས་སྃ་ནི་བཞི་མདོའོ། །
ཕལྐུ་ཤྃ་ནི་སྐྱེ་བའོ། །མ་ཧཱ་ཀྵ་ར་མ་ནི་ཕྱུགས་ཆེན་པོའོ། །ག་ནི་ར་སྐྱེས་སོ། །ནཱ་ཞེས་བྱ་བ་ནི་མིའོ། །གོ་ཞེས་བྱ་བ་ནི་ཁྱུ་མཆོག་གོ། མ་ཞེས་བྱ་བ་ནི་མ་ཧེའོ། །བྷ་ནི་ཟ་བའོ། །ཧ་རྣམ་གྲངས་སོ། །ཨབ་པ་ཀ་ནི་རྒྱལ་པོའི་སྐྱེས་བུའོ། །
བྲང་ལ་རེག་པ་ནི་ནགས་ན་གནས་པའོ། །ཁ་ལ་རེག་པ་ནི་ཟོས་སོ་ཞེས་པའོ། །སོ་ལ་རེག་པ་ནི་ངོམས་སོ་ཞེས་པའོ། །ཧོ་ཞེས་པ་ནི་རྣམ་གྲངས་ཏེ་ཁ་ཅིག་ཏུའོ། །ཧྲཱི་ནི་ངོ་ཚའོ། །སྟོང་པ་ལ་རེག་པ་ནི་མེད་དོ་ཞེས་པའོ། །བརླ་ལ་རེག་པ་ནི་མཻ་ཐུ་ནི་

85-1-73a

གྱིས་ཤིག་པའོ། །སྟེང་ཉིད་ནི་དེ་བཞིན་ནོ་ཞེས་པའོ། །ཨེ་བ་ཞེས་བྱ་བ་ནི་འོག་ན་མེད་པའོ། །ཕྱག་རྒྱ་དང་ཕྱག་རྒྱའི་ལན་གསང་བའི་བརྡ་ཉིད་དེ་དཔའ་བོས་གསུངས་པ་སྡེ་བཞིའི་མཚན་ཉིད་དོ། །དཔལ་ཧེ་རུ་ཀའི་
ངེས་པར་བརྗོད་པ་ལས་སྡེ་བཞིའི་མཚན་ཉིད་ཐམས་ཅད་ཀྱི་བརྡའི་ཚིག་གི་བརྡར་བཏགས་པའི་ཆོ་གའི་ལེའུ་སྟེ་ཉི་ཤུ་རྩ་བཞི་པའོ།། །། དེ་ནས་དོན་ཀུན་འདོད་པ་ཡི། །སྦས་པ་བརྒྱད་མཐར་སྦྱར་བྱ་སྟེ། །མོས་པ་དམན་པའི་སེམས་ཅན་
དག །རྨོངས་ཤིང་མི་ཤེས་སེམས་ལྡན་པའོ། །དེ་ལ་དཔའ་བོ་དང་རྣལ་འབྱོར་མ་རྣམས་ཀྱིས་གསལ་བར་གསུངས་པའི་གསང་སྔགས་ནི་འདི་ཡིན་ཏེ། ཨོཾ་ན་མོ་བྷ་ག་ཝ་ཏེ་ཝཱི་རེ་ཤཱ་ཡ། མ་ཧཱ་ཀ་གྣི་སནྣི་བྷཱ་ཡ། ཛ་
ཊཱ་མ་ཀུ་ཊོཏྐ་ཊཱ་ཡ། དྃ་ཀ་རཱ་ལོ་གྲ་བྷཱི་ཥ་ཎ་མུ་ཁཱ་ཡ། ས་ཧ་སྲ་བྷུ་ཛ་བྷཱ་སུ་རཱ་ཡ། པར་ཤུ་པཱ་ཤོ་དྱ་ཏ་ཤཱུ་ལ་ཁ་ཊྭཱྃ་ག་དྷཱ་རི་ཎེ། བྱཱ་གྷཱ་ཛི་ནཱ་མྦ་ར་དྷ་རཱ་ཡ། མ་ཧཱ་དྷཱུ་ནྡྷྱནྡྷ་ཀཱ་ར་ཝ་པུ་ཥཱ་ཡ། ཀ་ར་ཀ་ར། ཀུ་རུ་ཀུ་རུ། བནྡྷ་བནྡྷ། ཏྲཱ་ས་ཡ་
ཏྲཱ་ས་ཡ། ཀྵོ་བྷ་ཡ་ཀྵོ་བྷ་ཡ། ཧྲཽཾ་ཧྲཽཾ། ཧྲྃཿཧྲྃཿ ཕེྃ་ཕེྃ། ཕཊ་ཕཊ། ད་ཧ་ད་ཧ། པ་ཙ་པ་ཙ། བྷ་ཀྵ་བྷ་ཀྵ་བ་ས་རུ་དྷི་རཱནྟྲ་མཱ་ལཱ་བ་ལྃ་བི་ནེ། གྲྀཧྣ་གྲྀཧྣ་སཔྟ་པཱ་ཏཱ་ལ་ག་ཏ་བྷུ་ཛྃ་གྃ་ས་བཱ་ཏརྫ་ཡ་ཏརྫ་ཡ། ཨཱ་ཀ་ཌྷ་ཨཱ་ཀ་ཌྷ། ཧྲཱིྃ་ཧྲཱིྃ། ཛྞོོྃ་ཛྞོོྃ།
ཀྨཱྃ་ཀཱྨཱྃ། ཧཱྃ་ཧཱྃ། ཧཱིྃ་ཧཱིྃ། ཧཱུྃ་ཧཱུྃ། ཀི་ལི་ཀི་ལི། སི་ལི་སི་ལི། ཧི་ལི་ཧི་ལི། དྷི་ལི་དྷི་ལི། ཧཱུྃ་ཧཱུྃ་ཕཊ། དཔལ་ཧེ་རུ་ཀའི་ངེས་པར་བརྗོད་པ་ལས་རྩ་བའི་སྔགས་ཀྱི་གསང་བའི་ཆོ་གའི་ལེའུ་སྟེ་ཉི་ཤུ་རྩ་ལྔ་པའོ།། །། དེ་ནས་གཞན་ཡང་འཇིག་རྟེན་ནི། །
གསུམ་པོ་དག་ན་ཡོད་མིན་པའི། །ཤྲཱི་ཧེ་རུ་ཀའི་སྔགས་ཤེས་ན། །གསང་སྔགས་ཐམས་ཅད་ཡོངས་འདོར་བའོ། །ལུགས་འབྱུང་ལུགས་ལས་བཟློག་པ་ཡིས། །ཕོ་ཉ་རྣམས་ནི་ཡང་དག་གནས། །འོག་དང་སྟེང་གི་དངོས་གྲུབ་སྟེར། །
བདག་གི་ཕོ་ཉ་མ་ཀུན་འགྲོ། །ཕོ་ཉ་མོ་དེ་དོན་ཀུན་སྟེར། །མཐོང་དང་དེ་བཞིན་རེག་པ་དང་། །ཙུམ་པ་ན་དང་རྟག་པར་འཁྱུད། །རྣལ་འབྱོར་གནས་ཀྱི་ཁྱད་པར་ཉིད། །ཇི་སྙེད་རྣལ་འབྱོར་ཚོགས་རྣམས་ནི། །ཐམས་ཅད་དངོས་གྲུབ་བྱེད་པར་

85-1-73b

བཤད། །བདེན་དངོས་ཐམས་ཅད་སྦྱིན་བྱ་སྟེ། །གཞན་དུ་ནམ་ཡང་མ་ཡིན་ནོ། །མ་དང་སྲིང་མོ་བུ་མོ་དང་། །ཆུང་མ་ཕོ་ཉ་མོ་གནས་ལ། །གང་ལ་རྟག་ཏུ་སྔགས་སྦྱིན་པ། །དེ་ཡི་དེ་ཉིད་ཆོ་ག་བཤད། །དེ་ནས་རྣལ་འབྱོར་རྒྱུད་དུ་ནི། །རྙེད་དཀའི་
དམ་ཚིག་ང་ཡིས་བཤད། །སྐྱེས་པ་བུད་མེད་གཡོན་ནས་འགྲོ། །འདོད་པའི་དངོས་གྲུབ་སྟེར་བར་བྱེད། །ཁྱིམ་དང་ཞིང་དུ་རྣམ་གནས་པ། །ཤིན་ཏུ་རིང་ཡང་ཤེས་པར་འགྱུར། །ཧེ་རུ་ཀ་དཔལ་རྣལ་འབྱོར་མཆོག །སློབ་དཔོན་རྣལ་འབྱོར་མ་ཉིད་
ཡིན། །རྒྱུད་འདི་རུ་ནི་སྒྲུབ་པ་པོ། །ལེགས་པར་གྱུར་པ་ཉིད་ཡིན་ཏེ། །བརྙས་མི་བྱ་ཞིང་སྤང་མི་བྱ། །ནུས་པ་ཡིས་ནི་མཆོད་པར་བྱ། །ཀཱ་ཀའི་གདོང་སོགས་བརྒྱད་པོ་ནི། །གྲོལ་དང་དད་པ་འཕེལ་བྱེད་པ། །རྟག་པར་དངོས་གྲུབ་
རྣམས་ཀྱི་རྒྱུ། །དམ་ཚིག་རྣམས་ཀྱང་སྐྱོང་བར་བྱེད། །ལྷ་མོ་གཞན་ཡང་ཀུན་སྦྱོར་བ། །རྣམ་པར་རྨོངས་པས་འདོད་པ་མིན། །གཉིས་སུ་མེད་དང་ཐོགས་མེད་མིན། །དམ་ཚིག་སྤྱོད་པ་སྤྱད་བྱ་བ། །བུད་མེད་དབང་ཕྱུག་ལེགས་པར་སྦྱོར། །
ཚངས་སྤྱོད་དེ་བཞིན་བསམ་གཏན་ཏེ། །ཁྲོ་མེད་སྦུབས་སུབ་ཀུན་དུ་སྤྱོད། །འདི་བརྒྱད་དམ་ཚིག་ཀུན་སྤྱོད་ཡིན། །བསྒྲུབ་པ་ལ་ནི་གནས་པ་ཡི། །སྒྲུབ་པ་པོས་ནི་རྟག་ཤེས་བྱ། །རྒྱུད་རྣམས་ཐམས་ཅད་ཐུན་མོང་སྟེ། །རྒྱུ་མེད་པར་ནི་
གཞོམ་མི་བྱ། །དད་པ་ཉིད་ཀྱིས་བླང་བྱ་ཡི། །མིག་དང་ལག་པས་མ་ཡིན་ནོ། །གསང་བ་འདི་ནི་མི་བསྟན་ཅིང་། །རབ་ཏུ་འབད་དེ་བསྟན་པར་བྱ། །བློ་ལྡན་མཐེའུ་ཆུང་བསྐྱོད་པར་ནི། །ཕོ་ཉ་མོ་རྣམས་ཡང་དག་གནས། །དག་
དང་མ་དག་འདྲེས་པ་སྟེ། །སྒྲུབ་པ་པོ་ནི་གསུམ་དུ་གནས། །མཉེས་བྱེད་རྣམ་པར་དག་པ་དང་། །གསལ་བྱེད་ཡོན་ཏན་ལྡན་པའི་མི། །དཔལ་ཧེ་རུ་ཀའི་ངེས་པར་བརྗོད་པ་ལས་སློབ་མ་ཡོངས་སུ་བརྟག་པ་དང་སྡོམ་པའི་ཆོ་
གའི་ལེའུ་སྟེ་ཉི་ཤུ་རྩ་དྲུག་པའོ།། །། དེ་ནས་དཔའ་བོའི་སྤྱོད་བརྟུལ་ཞུགས། །རྣལ་འབྱོར་མ་ཀུན་རབ་བསྒྲུབ་པ། །མཚན་ཉིད་དབྱེ་བ་ཤེས་བྱས་ནས། །དངོས་གྲུབ་མྱུར་དུ་འཇུག་བྱེད་ནི། །གྲོང་དང་གྲོང་དུ་དེ་སོང་ནས། །

85-1-74a

ཕོ་ཉའི་གཟུགས་ནི་མཚོན་པར་བྱ། །ཕོ་ཉ་རལ་གྲིའི་སོ་འདྲ་ཞིང་། །དག་བྱེད་བསོད་ནམས་འཕེལ་བྱེད་ཡིན། །དེ་བཞིན་ཕོ་ཉ་ལེགས་འགྲོགས་པས། །སྒྲུབ་པ་པོ་ཡིས་དངོས་གྲུབ་འཐོབ། །བཟླས་བརྗོད་བསམ་གཏན་མཆོད་མེད་
པར། །མྱུར་བ་ཉིད་དུ་འགྲུབ་པར་འགྱུར། །སྔགས་དང་ཕྱག་རྒྱས་སྒྲུབ་པ་པོ། །མཆོད་པ་ཉིད་ལ་རབ་ཏུ་འཇུག །འདི་ལས་གཞན་པའི་མཆོད་མེད་དེ། །དེ་ལྟར་བསྟན་བཅོས་ངེས་པ་ཡིས། །ཕོ་ཉའི་ལམ་ལ་དགའ་རྣམས་ཀྱི། །བསྒྲུབ་པ་པོ་ནི་
དངོས་གྲུབ་བརྩོན། །རིག་སྔགས་ཕྱག་རྒྱར་ཡང་དག་ལྡན། །ཙ་རུ་རྟག་ཏུ་བཟའ་བར་བྱ། །སྒྲུབ་པོ་ཤིན་དུ་མཉམ་གཞག་པས། །རིགས་རྣམས་ཀུན་ལ་སྤྱད་པར་བྱ། །བཟའ་མིན་པར་ནི་མི་བརྟག་གོ། །དེ་ཉིད་དབྱེར་མེད་དེ་ཡིས་ནི། །ཕོ་ཉ་མོ་ནི་
གཉིས་བསྒྲུབ་བྱ། །དངོས་གྲུབ་ཆོ་ག་ལ་སྤྱོད་ཚེ། །ཕོ་ཉ་གཅིག་པུ་ཁོ་ན་ཡིན། །རང་དགའ་ཉིད་དང་དངོས་གྲུབ་ནི། །སྒྲུབ་པ་དག་དང་ཉེ་བ་སྟེ། །བླ་མ་བརྒྱུད་རིམ་གྱིས་ཐོབ་པའི། །དབང་བསྐུར་བས་ནི་སྔགས་ལེགས་ལྡན། །ཕོ་ཉ་རྣམས་སུ་ཡང་དག་བཤད། །
ཕྱག་རྒྱར་ལེགས་སྦྱོར་ངང་ཚུལ་ཅན། །ལེགས་རྫོགས་ཡེ་ཤེས་རྒྱུ་སྐྱེས་པའོ། །ནང་པར་སྔར་ལངས་སེམས་བདག་ཉིད། །ལུས་ལ་ཐམས་ཅད་བྱས་ནས་ནི། །ཡན་ལག་ལས་འདས་མཚོན་ཆ་རྣམས། །ལུས་ལ་གནས་པར་ཀུན་དུ་སྤྱད། །
ལུས་ནི་དག་བྱེད་བྱས་ནས་སུ། །རྟག་ཏུ་སྔགས་ནི་བརྗོད་ནས་སུ། །རྣལ་འབྱོར་གནས་རྣམས་ངེས་བསྟན་ཅིང་། །མཚོན་ཆ་རྣམས་ནི་སྒོམ་མི་བྱ། །དམ་ཚིག་ཅན་ལ་ཁྲོ་མི་བྱ། །མངོན་པར་བརྩོན་ལས་འདའ་མི་བྱ། །དེ་དང་ལྷན་ཅིག་
བདེ་བར་བྱ། །གྲོལ་བའི་དོན་དང་བདེ་དོན་དུ། །དམ་ཚིག་སྤྱོད་པ་ཉིད་དུ་བྱ། །རྣམ་འཁྲུལ་སེམས་པ་ལས་གྲོལ་ཞིང་། །མཚན་མོ་རྟག་པར་གཅེར་བུ་སྟེ། །གནག་དང་དམར་བར་རྟག་ཏུ་འགྱུར། །སྲོག་ཆགས་ཡན་ལག་ན་བཟར་གྱོན། །མགུལ་
རྒྱན་གདུ་བུ་དཔུང་རྒྱན་དང་། །རྣ་ཆ་ཚངས་པའི་སྐུད་པ་དང་། །མགོ་བོའི་ཕྲེང་བས་མགུལ་དུ་བརྒྱན། །སྐེ་རགས་སིལ་སིལ་སྒྲ་སྒྲོགས་ཤིང་། །རལ་པའི་ཅོད་པན་དར་གྱིས་དཔྱངས། །བཅོས་མའི་སྐྲ་ལ་སོགས་པས་བརྒྱན། །རྡོ་རྗེ་ཐོད་པ་ཁ་ཊྭཱྃ་བཅས། །

85-1-74b

ཌ་མ་རུ་རྡུང་ཧཱུྃ་སྒྲ་སྒྲོགས། །དཔའ་བོ་དཔའ་མོ་ཐམས་ཅད་ནི། །གོ་ཆ་གསུམ་གྱིས་བརྒྱན་པ་ཡིན། །བདེ་བ་འདོད་པས་བདེ་བསྐྱོད་བྱ། །མཆོད་ཕྱིར་ཐོགས་ནི་ཡོངས་སྤངས་ལ། །གཙང་སྦྲ་ཤྲཱི་ཧེ་རུ་ཀར་གནས། །ཕྱག་རྒྱ་ལྔ་དང་ཡང་དག་ལྡན། །
སྒྲུབ་པ་པོ་ཡིས་དངོས་གྲུབ་བརྩོན། །མགུལ་རྒྱན་གདུ་བུ་རྣ་རྒྱན་དང་། །སྤྱི་བོར་ནོར་བུས་རྣམ་པར་བརྒྱན། །མཆོད་ཕྱིར་ཐོགས་དང་ཐལ་བ་དང་། །དུས་ཀུན་དུ་ནི་རྣམ་པར་གནས། །མཚན་མོ་རྟག་པར་གསལ་བྱ་ཞིང་། །ཉིན་པར་
གསང་བ་ཉིད་དུ་བྱ། །དབྱེ་བའི་ཡེ་ཤེས་ཤིན་དུ་སྦས། །རབ་ཏུ་ཞི་ཞིང་ངལ་བ་ཐུལ། །གཙང་སྦྲ་གསུམ་དུ་ཤེས་བྱ་ཞིང་། །རང་གི་རྒྱུན་བཞིན་རྣམ་པར་གནས། །རིགས་དང་རིགས་མིན་ངོར་མི་བལྟ། །སྤྱི་གཙུག་ལ་སོགས་བཅིང་བ་སྤངས། །
ཕོ་ཉ་གཙང་སྦྲ་དང་པོ་ཡིན། །གཉིས་པ་ཞི་བ་ཡིན་པར་འདོད། །ཟས་གཅིག་ཏུ་ནི་ཟ་བ་ཉིད། །གཙང་སྦྲ་གསུམ་པ་ཡིན་པར་བཤད། །རྣལ་འབྱོར་པ་ཡིས་རྟག་པ་རུ། །གཙང་སྦྲ་འདི་དག་རྟག་ཏུ་བསྐྱང་། །གཙང་མ་དག་པའི་རིམ་ཐོབ་ནི། །
དངོས་གྲུབ་གང་ལས་འབྱུང་བར་འགྱུར། །དེ་ཉིད་བསྡུས་ལས་གང་གསུངས་དང་། །དེ་བཞིན་བདེ་མཆོག་ལས་གང་གསུངས། །གསང་བའི་རྒྱུད་ལས་ཡང་དག་བཤད། །དེ་བཞིན་དཔལ་མཆོག་དང་པོ་དང་། །རྡོ་རྗེ་འཇིགས་བྱེད་རྒྱུད་དུ་ནི། །
བཟླས་དང་བརྟུལ་ཞུགས་སོགས་འགྲུབ་སྟེ། །དེ་འདིར་བསམ་གཏན་ཙམ་གྱིས་ནི། །སྔགས་པས་སྐད་ཅིག་གིས་འགྲུབ་འགྱུར། །རྣལ་འབྱོར་ལམ་ལ་དགའ་རྣམས་ཀྱི། །འདི་ནི་གཙང་སྦྲའི་སྤྱོད་པར་བཤད། །གཙང་སྦྲའི་བསོད་ནམས་གང་
འགྱུར་བ། །སྨྲ་བར་ནུས་པར་འོས་མ་ཡིན། །སྒྲུབ་པོའི་ཡོན་ཏན་རྒྱ་ཆེན་པོ། །ཁ་ཅིག་གིས་ནི་སྨྲ་བ་འམ། །གདོང་གཅིག་ཅིག་གིས་བརྗོད་དེ་ཅི། །སྟོང་ཕྲག་བརྒྱ་ཡི་གདོང་གྱུར་མིན། །ཧེ་རུ་ཀ་དཔལ་ཡེ་ཤེས་ཆེ། །རྣམ་པར་དག་པའི་
མཚན་ཉིད་ཀུན། །སྒྲུབ་པ་པོ་ཡི་བདེ་བའི་ཆུ། །གཉིས་མེད་གཉིས་སུ་མེད་པ་ཉིད། །གཉིས་མེད་སྦྱོར་བས་རེག་པ་ནི། །དག་བྱེད་སྡིག་པ་འཇོམས་བྱེད་པ། །རེག་པ་དང་ནི་སྨྲ་བས་ཀྱང་། །སྡིག་པ་ཀུན་ལས་རྣམ་གྲོལ་འགྱུར། །

85-1-75a

ལུས་དག་པ་ལ་སྐྱོན་མེད་པའི། །མི་མཆོག་ཀུན་ནས་སྤྱོད་བྱེད་པ། །སྡིག་པ་ཐམས་ཅད་རྣམ་དག་སྟེ། །དེ་བཞིན་གཤེགས་པའི་ས་འཐོབ་བོ། །སྡིག་པ་ཐམས་ཅད་རྣམ་དག་པ། །དེ་བཞིན་གཤེགས་པའི་
རིགས་སྐྱེ་ཞིང་། །ཆོས་དང་ལྡན་པའི་རྒྱལ་པོར་འགྱུར། །དེ་ལྟར་རྟག་ཏུ་མཆོད་བྱས་ནས། །གུས་པ་ཡིས་ནི་གཏོར་མ་སྦྱིན། །རང་འདོད་ལས་ལ་རྣལ་འབྱོར་པས། །ཆོ་ག་ཇི་བཞིན་སྦྱིན་པར་བྱ། །མར་གྱི་ངོ་ཡི་ཚེས་བཅུ་འམ་ཟེར་
ཟླ་བ་ཡར་ངོའི་གང་གྱུར་ལ། །མྱུར་དུ་འབད་པས་མཆོད་བྱ་སྟེ། །རྡོ་རྗེ་ཕག་མོ་མྱོས་བྱེད་ཤ་རྣམས་ཀྱི། །སྐྱེ་བོ་གུས་པས་དེ་རྣམས་མཆོད་བྱས་པས། །ཧེ་རུ་ཀ་དཔལ་མངོན་དགར་གྱུར་པ་ལ། །མགུ་བའི་ཐུགས་ཀྱིས་མཆོག་ནི་
རྩོལ་འགྱུར་ཏེ། །དེ་རྣམས་ལག་གནས་མཆོག་རྣམས་སོ། །མཚན་མོ་བརྟུལ་ཞུགས་ཅན་གཏོར་མ། །སྐྲ་གྲོལ་གཅེར་བུར་གྱུར་པས་སྦྱིན། །ཤྲཱི་ཧེ་རུ་ཀའི་བདག་ཉིད་དུ། །སྦྱོར་དེས་མ་མོ་རྣམས་མཉེས་འགྱུར། །དཔལ་ཧེ་རུ་
ཀའི་ངེས་པར་བརྗོད་པ་ལས་སྤྱོད་པ་དང་བརྟུལ་ཞུགས་དང་། མཆོད་པ་དང་། གཏོར་མའི་ཆོ་གའི་ལེའུ་སྟེ་ཉི་ཤུ་རྩ་བདུན་པའོ།། །། གང་ཡང་ལེགས་མཆོད་རྣམ་དག་དངོས། །མྱ་ངན་འདས་འབྱུང་དཔའ་བོ་སྟེ། །
བདག་ཉིད་མཆོད་པ་དེ་ཡིས་ནི། །སངས་རྒྱས་སོགས་ཀུན་མཆོད་པ་ཡིན། །དཔའ་བོ་ཀུན་དང་རྣལ་འབྱོར་མ། །བརྟན་པ་སྔོན་འགྲོའི་གཡོ་བ་སྟེ། །ཞི་བའི་འདུས་པས་ལེགས་གནས་པའི། །སྤུན་དང་དཔའ་བོ་མཆོད་པར་
བྱ། །སྤུན་དང་བུ་དང་ལྷན་ཅིག་ཏུ། །བདེ་དང་སྡུག་བསྔལ་ཀུན་འབྱུང་བྱ། །སྔགས་དང་ཕྱག་རྒྱ་ཉིད་དག་དང་། །ཡེ་ཤེས་དེ་ནི་བསྟན་མི་བྱ། །དག་བྱེད་ཟས་ལ་བཟའ་བར་བྱ། །རྟག་ཏུ་དམ་ཚིག་སྤྱོད་བྱས་ནས། །གསང་
སྔགས་སུ་ལའང་སྦྱིན་མི་བྱ། །མན་ངག་ཉམས་པར་སྦྱིན་མི་བྱའོ། །དམ་ཚིག་གནས་ལ་དོན་ཅི་བཞིན། །མན་ངག་རྣམས་ཀྱང་སྦྱིན་པར་བྱ། །ཕོ་ཉ་མ་གཏོགས་གཞན་དག་ལ། །འདོད་ལ་རྨོངས་པས་འགྲོ་མི་བྱེད། །

85-1-75b

ཕོ་ཉ་ལ་རྟག་ཞེན་ཐར་པ། །འདའ་བ་ཡིས་ཀྱང་ལོངས་སྤྱོད་བྱ། །སྐྱེ་གནས་དམན་དང་ཅིག་ཤོས་ལའང་། །བསྙེན་བཀུར་ཉིད་ནི་བྱ་བ་མིན། །མ་དང་སྲིང་མོ་བུ་མོ་དང་། །ཆུང་མ་ཕོ་ཉ་མོ་ཉིད་གནས། །དཀའ་ཐུབ་ངེས་པར་ཟད་
པར་འགྱུར། །འཁོར་ལོའམ་དེ་བཞིན་གྲུབ་པ་ལ། །མཆོག་ལ་ལྷན་ཅིག་དགུག་པར་བྱ། །དེ་ལྟར་རྫས་ནི་རྣམ་ངེས་ཡིན། །འཇིག་རྟེན་ལ་རྟག་གཡོན་ནས་སྤྱོད། །རྐང་པ་གཡོན་པ་སྔོན་དུ་འདོར། །ལག་པ་གཡོན་པ་ཡོངས་སུ་
བསྒྱུར། །གཡོན་གྱི་སྤྱོད་པས་རབ་མཆོད་བྱེད། །གཡོན་པས་འཁྱུད་པ་ཙམ་དང་ནི། །གཡོན་པ་ཡིས་ནི་མཆོད་ཅིང་ཟ། །བརྟུལ་ཞུགས་མ་ཉམས་བརྟུལ་ཞུགས་རྫོགས། །སྒྲུབ་པ་པོ་ནི་བྱ་བ་བརྩོན། །དམ་ཚིག་
རིགས་ལ་སྤྱོད་པ་དང་། །གཅིག་ཏུ་ཟས་ལ་སྤྱོད་པར་བྱེད། །རིགས་ལྔ་ལ་ནི་ཀུན་སྤྱོད་པ། །རིགས་བཞིར་རབ་ཏུ་བརྟག་པར་བྱ། །རིགས་གཅིག་ལ་ནི་ཀུན་སྤྱོད་པ། །རྣལ་འབྱོར་གྲུབ་པ་རབ་ཏུ་མཆོད། །བ་ལང་ཤ་དང་རྟ་ཤ་
དང་། །ཁྱི་ཤ་དག་དང་བྱ་དག་གིས། །དཀྱིལ་འཁོར་གྲུ་གསུམ་བྱས་ནས་ནི། །སངས་རྒྱས་དག་ཀྱང་ངེས་པར་འཇིག །ཕྱག་རྒྱ་སྔགས་དང་ཡང་དག་ལྡན། །དཔའ་བོ་རྣམས་ཀྱི་ཟས་དེ་བཞིན། །ཤྲཱི་ཧེ་རུ་ཀའི་
སྤྲུལ་པ་སྟེ། །ཉེར་སྤྱོད་བསྟན་བཅོས་རྣམ་ཀུན་མཆོག །རྟག་པ་ཉིད་དུ་འཛིན་པ་ནི། །ལས་རྣམས་ཀུན་ལ་བསྲུང་བ་དང་། །བགེགས་མེད་ཇི་བཞིན་དེ་གྲུབ་པ། །འདིར་ནི་འགར་ཡང་འགྲུབ་མ་ཡིན། །དེ་ཡི་ཕོ་
ཉ་མ་མཆོག་བཟང་། །ལྷན་ཅིག་བརྩོན་པར་ལྡན་པ་ཡིན། །ཀུན་ནས་ཆགས་དགའི་ལེགས་སྦྱོར་བས། །རྣལ་འབྱོར་རྫས་ཀྱི་རྣམ་འབྱེད་ཉིད། །བླ་མའི་མན་ངག་ལ་ཆགས་པ། །དེ་ནི་དོན་ནོར་སྦྱིན་དང་མཚུངས། །
དཔལ་ཧེ་རུ་ཀའི་ངེས་པར་བརྗོད་པ་ལས་ནང་གི་སྦྱིན་སྲེག་དང་། རིགས་གཅིག་དང་ལྡན་པའི་ཆོ་གའི་ལེའུ་སྟེ་ཉི་ཤུ་རྩ་བརྒྱད་པའོ།། །། དེ་ནས་གཞན་ཡང་བསྟན་པ་ནི། །ཕོ་ཉའི་མཚན་ཉིད་ཤེས་བྱ་བ། །གང་གིས་ཡང་

85-1-76a

དག་ཤེས་འགྱུར་བ། །མཁའ་འགྲོའི་དམ་ཚིག་ལ་གནས་པའོ། །མིང་པོ་དང་ནི་ཕ་དང་ཡང་། །བདག་པོ་ཉིད་དུ་སྐད་ཅིག་མཐོང་། །ལྕེ་སྦོམ་མིག་ནི་དམར་སེར་ལ། །རྩུབ་ཅིང་སྤུ་ནི་དམར་སེར་ཡིན། །ཐུན་མོང་
དངོས་གྲུབ་ཐམས་ཅད་དང་། །ཟླས་དང་བརྟུལ་ཞུགས་ལ་རྟག་དགའ། །དྲན་པ་དང་ནི་ཡང་དག་ལྡན། །ཕོ་ཉ་མོ་སོགས་གོ་འཕང་བཅས། །མཁའ་འགྲོ་མ་མཆོག་ཉི་ཤུ་བཞི། །སྤྱོད་དང་གྲོལ་བའི་འབྲས་རབ་སྟེར། །
རྩ་བའི་སྔགས་ནི་རྟག་ཏུ་ཟློས། །འདོད་པའི་དོན་ཀུན་སྒྲུབ་བྱེད་པ། །བདུད་ཀུན་རབ་ཏུ་ཞི་བར་བྱེད། །རྒྱུ་དང་མི་རྒྱུའི་འཇིག་རྟེན་གསུམ། །རྣལ་འབྱོར་རོལ་པའི་འབྲས་རབ་སྟེར། །གསང་སྔགས་འདི་ལས་འབྱུང་བ་ཡིན། །
སྔགས་དང་ཕྱག་རྒྱར་ཡང་དག་ལྡན། །སྒྲུབ་པ་པོ་ནི་དངོས་གྲུབ་བརྩོན། །ཕྱག་རྒྱ་དང་བྲལ་གསང་སྔགས་ཏེ། །ལུས་ཅན་རྣམས་ལ་འགྲུབ་མི་འགྱུར། །ཇི་སྲིད་དྲོ་བའི་བྱ་བ་དག །མངོན་པར་བརྩོན་པས་རྟོགས་པར་བྱ། །འདོད་
པའི་དོན་ཀུན་སྒྲུབ་བྱེད་པའི། །རྣལ་འབྱོར་ཆེ་ལ་གང་ཞིག་སྡང་། །ཁྱི་ཡི་སྐྱེ་གནས་བརྒྱར་སྐྱེས་ཏེ། །རྨེ་ཤ་ཅན་དུ་སྐྱེ་བར་འགྱུར། །དཔེར་ན་ལ་ལ་མར་འདོད་པས། །འབད་པས་ཆུ་ནི་བསྲུབས་གྱུར་ཀྱང་། །མར་སར་
འབྱུང་བར་མི་འགྱུར་གྱི། །ལུས་ཉོན་མོངས་པ་ཁོ་ནར་ཟད། །འཛིན་ཅིང་མཆོད་པར་བྱེད་པ་ནི། །འཚོ་བའི་ཐབས་ཀྱི་རྒྱུར་གྱུར་པའི། །རྣལ་འབྱོར་གཞན་ལ་བརྟེན་པ་ནི། །གཞན་དུ་དེ་བཞིན་དོན་མེད་འགྱུར། །རྣལ་
འབྱོར་ཆེ་མཆོག་དཔའ་བོ་ནི། །ཡུལ་ཕྱོགས་གང་ན་གནས་གྱུར་པའི། །རིགས་ངན་གླ་ཀློ་ཡིན་ན་ཡང་། །ཡུལ་དེ་ཡོངས་སུ་བརྟགས་པ་སྟེ། །སེམས་ཅན་ཡོངས་སུ་གཟུང་བའི་རྒྱུར། །དེ་རུ་ང་ནི་རྟག་པར་གནས། །དཔལ་ཧེ་རུ་ཀའི་
ངེས་པར་བརྗོད་པ་ལས་ཕོ་ཉའི་མཚན་ཉིད་དང་ནུས་པའི་གནས་སྐབས་ཀྱི་ཆོ་གའི་ལེའུ་སྟེ་ཉི་ཤུ་རྩ་དགུ་པའོ།། །། དེ་ནས་གཞན་ཡང་བཤད་བྱ་བ། །ཤིན་དུ་རྙེད་དཀའི་དགོད་པ་སྟེ། །གང་གིས་ཤེས་པ་ཙམ་གྱིས་ནི། །མྱུར་དུ་དངོས་གྲུབ་སྒྲུབ་བྱེད་པའོ། །

85-1-76b

ས་ཡི་ཆ་ནི་མཉམ་ཡིད་འོང་། །ཙན་དན་གྱིས་ནི་ཉེ་བར་བྱུག །དྲི་བཟང་དྲི་ལྡན་ས་ལ་ནི། །མེ་ཏོག་སིལ་མ་གཅལ་དཀྲམ་ཞིང་། །མར་མེའི་ཕྲེང་བ་ཡང་དག་དཀྲིགས། །སྤོས་ཀྱི་དྲི་ཡིས་ཉམས་དགའ་བར། །བདག་གིས་ཐམས་ཅད་བྱས་
ནས་ནི། །ཕྱོགས་བཅིང་བ་ནི་བྱས་ནས་སུ། །དེ་ནས་རྫ་རྔ་བཅིང་བྱ་སྟེ། །རི་མོ་དུག་པ་ཡོངསུ་ཟླུམ། །ཡི་གེ་ཕྱི་མོ་མཉམ་བྲིས་ལ། །ཤིན་དུ་མཉམ་བཞག་དགོད་པར་བྱ། །དེར་གནས་པ་ལས་དཔའ་བོ་ནི། །འདོད་པའི་དོན་ཀུན་སྒྲུབ་བྱེད་བཏུ། །
ལུགས་སུ་འབྱུང་དང་ཟློག་པ་ཡིས། །དབྱངས་དང་ཡི་གེ་སྒྲུབ་པ་པོས། །གྲངས་དེ་དག་གི་ནང་ཆུད་པར། །དགེ་བ་ཐུབ་པས་བྱས་ནས་ནི། །རེ་མིག་སུམ་བཅུ་གཉིས་པ་བླང་། །ལྔ་པ་ཡིས་ནི་ཁྱད་པར་བྱ། །བརྒྱ་ཕྱེད་ཕྱེད་པ་ཡང་དག་བླང་། །
ཉི་ཤུ་རྩ་བཞི་པ་ཡིས་ཕྱེ། །རེ་མིག་སུམ་བཅུ་དྲུག་པ་བླང་། །གསུམ་པ་ཡིས་ནི་ཁྱད་པར་དབྱེ། །དེ་ནས་སུམ་བཅུ་གཉིས་པ་བླང་། །ལྔ་པ་ཡིས་ནི་ཁྱད་པར་བྱ། །དེ་ནས་ཉི་ཤུ་ལྔ་པ་གཟུང་། །ཉི་ཤུ་བཞི་པ་དག་དང་སྦྱར། །
སུམ་བཅུ་གསུམ་པ་ཡང་དག་བླང་། །རེའུ་མིག་བཅྭ་ལྔ་པ་ཡིར་ལྡན། །ལྔ་པ་དག་དང་ཡང་དག་བཅས། །མཛེས་པའི་མཆོག་ནི་ཡིན་པར་འདོད། །རེ་མིག་བཅུ་དགུ་པ་གཟུང་བྱ། །མེ་ཡི་བུ་དང་ཡང་དག་ལྡན། །རེ་མིག་གསུམ་པས་ཕྱེ་
བའོ། །ཡ་ཚོགས་བརྒྱད་པའི་ས་བོན་ལ། །རེ་མིག་སུམ་བཅུ་དྲུག་པ་དང་། །ཡང་དག་ལྡན་པའི་ཡི་གེར་གྱུར། །སླར་ཡང་ཚིག་ནི་དེ་དག་ཉིད། །འདོད་པའི་དོན་ཀུན་སྒྲུབ་བྱེད་ཡིན། །དེ་ནས་རང་འབྱུང་བླངས་ནས་ནི། །རེ་མིག་ལས་
ནི་ལྔ་པར་སྦྱར། །སྤྱི་བོར་ནཱ་ད་ཐེ་ལེ་སྦྱར། །དོན་ཀུན་སྒྲུབ་ཅེས་བྱ་བ་ཡི། །ཚིག་ནི་གཉིས་པ་ཡིན་པར་བཤད། །རེ་མིག་བཅུ་དགུ་པ་ཉིད་ལ། །ཉི་ཤུ་རྩ་བདུན་པ་ཡིས་ཕྱེ། །གསུམ་པ་དག་དང་ཡང་དག་ལྡན། །སུམ་
བཅུ་གསུམ་པ་ལེགས་བླངས་ཏེ། །རེ་མིག་གི་ནི་གཉིས་པར་སྦྱར། །ཉི་ཤུ་པ་དང་ཡང་དག་ལྡན། །མཛེས་པའི་མཆོག་ནི་ཡིན་པར་འདོད། །དེ་བཞིན་ཉི་ཤུ་གཅིག་པ་ཉིད། །དེ་བཞིན་ཉི་ཤུ་དྲུག་པ་ཡིན། །ལན་གཉིས་བཟླས་པའི་ཚིག་ཏུ་

85-1-77a

ནི། །ཤིན་དུ་མཉམ་པར་བཞག་སྟེ་བཏུ། །དེ་ནས་གོ་རིམ་བཟློག་པས་གཟུང་། །རེ་མིག་ལས་ནི་དང་པོ་ཉིད། །བཞི་པའི་མཐའ་དང་ཡང་དག་ལྡན། །དེ་བཞིན་བཅྭ་ལྔ་པ་དང་བཅས། །ཆོས་དོན་འདོད་དང་ཐར་པ་ཡི། །
ཚིག་ནི་གསུམ་པ་ཡིན་པར་བཤད། །རེ་མིག་གཉིས་པའི་ས་བོན་དང་། །རེ་མིག་སུམ་བཅུ་དྲུག་པ་ཉིད། །དེ་བཞིན་ཉི་ཤུ་དྲུག་པ་ཡང་། །སུམ་བཅུ་གསུམ་པ་ཡང་དག་བླང་། །རེ་མིག་བཅུ་གསུམ་པ་ཡིར་ལྡན། །རེ་མིག་ལས་ནི་
བཅུ་པ་ཉིད། །གོ་རིམ་བཟློག་པས་སྒྲུབ་པོས་བླང་། །རེ་མིག་ལས་ནི་བཅུ་དགུ་པ། །རེ་མིག་ཉི་ཤུ་གསུམ་པ་ལ། །རེ་མིག་གཉིས་པར་ཡང་དག་ལྡན། །སྒྲ་དང་ཐིག་ལེས་རྣམ་པར་བརྒྱན། །དེ་ནས་ས་བདག་གཟུང་བྱས་ལ། །བརྒྱད་
པ་ཡང་ནི་དེ་བཞིན་ཏེ། །མེ་ཡི་བུ་ཡིས་ཁྱད་པར་དབྱེ། །ཡི་གེ་ཧཱུྃ་གིས་མཐའ་རུ་སྦྱར། །འདི་ནི་ཁམས་གསུམ་རྒྱལ་ཞེས་བྱའི། །སྔགས་ཚིག་བཞི་ཡིས་རྣམ་བརྒྱན་པའི། །ནི་ཀུན་ལ་གསལ་བྱེད་ཡིན། །ཧཱུྃ་དང་ཕཊ་ནི་མཐའ་རུ་སྦྱར། །
རིག་རྒྱལ་འཁོར་ལོས་སྒྱུར་བའི་སྔགས། །འདི་ནི་མ་བྱུང་འབྱུང་མི་འགྱུར། །དེ་ཉིད་བསྡུས་དང་དཔལ་མཆོག་དང་། །བདེ་མཆོག་རྡོ་རྗེ་འཇིགས་བྱེད་དུ། །ཁྲོ་བོ་བཞི་དང་ཡང་དག་ལྡན། །སྐད་ཅིག་གིས་ནི་སྐུ་བརྒྱད་འགྱུར། །བདེ་བའི་དཀྱིལ་
འཁོར་བསྲུང་དོན་དུ། །གདུག་པ་ཐམས་ཅད་ཁྱད་པར་གྱིས། །འདི་ནི་རྙེད་པ་ཙམ་གྱིས་ཀྱང་། །རྟག་མི་དགོས་པར་འཆི་བར་འགྱུར། །འཁོར་ལོའི་སྦྱོར་བདག་ཉིད་ཀྱིས་བཟླ། །དངོས་གྲུབ་ཀུན་གྱི་འབྲས་སྐྱེད་པའོ། །ཨོཾ་སུྃ་བྷ་ནི་
སུྃ་བྷ་ཧུྃ་ཧཱུྃ་ཕཊ། ཨོཾ་གྲྀཧྞ་གྲྀཧྞ་ཧཱུྃ་ཧུྰྃ་ཕཊ། ཨོཾ་གྲྀཧྞཱ་པཱ་ཡ་གྲྀཧྞཱ་པཱ་ཡ་ཧཱུྃ་ཧཱུྃ་ཕཊ། ཨོཾ་ཨཱ་ན་ཡ་ཧོ༔  བྷ་ག་བཱྃ། བིདྱཱ་རཱ་ཛ་ཧཱུྃ་ཧཱུྃ་ཕཊ། དཔལ་ཧེ་རུ་ཀའི་ངེས་པར་བརྗོད་པ་ལས་རྫ་རྔ་བཅིང་བའི་སྔགས་བཏུ་བའི་ལེའུ་སྟེ་སུམ་བཅུ་
པའོ།། །། དེ་ནས་ཤ་ཆེན་ཐམས་ཅད་ཀྱི། །འཇིགས་བྱེད་རྡོ་རྗེ་སྐྱེས་ཡིན་བཤད། །འདི་ནི་གདུག་པ་ཐམས་ཅད་ཀྱི། །འཇིགས་བྱེད་མི་བཟད་པར་བཤད་དོ། །འདི་ལྟར་ཁྱི་དང་ཕག་གི་ཤ །ཟངས་ཀྱི་གཙུག་ཕུད་ཅན་དེ་

85-1-77b

བཞིན། །བཟའ་དང་སྦྱིན་སྲེག་གཏོར་མ་བྱ། །བྱ་བ་རྣམ་སྤྱོད་མེད་པར་བྱ། །མ་ལུས་ལུས་པ་མེད་གྲུབ་ཅིང་། །རྒྱལ་སྲིད་ཐམས་ཅད་རབ་གྲུབ་འགྱུར། །དུང་དང་ཉ་ཕྱིས་མུ་ཏིག་གི། །རྒྱུ་མཚན་གསུམ་པོ་འབྱུང་བ་ཡིན། །
ཆོས་ཀྱི་སྐུ་ཡི་ལུས་ཅན་གྱི། །ཐོད་པ་ལ་ནི་སུ་ཞིག་སྨོད། །དཔའ་བོ་ཐོད་པའི་ཕྲེང་བ་ཅན། །ཟླ་བ་ཕྱེད་པས་རྒྱན་དུ་བྱས། །རྣམ་པ་དེ་ལྟར་གྱུར་པ་ཉིད། །དཔའ་བོའི་དབང་ཕྱུག་ཡིན་པར་བཤད། །བརྡ་ནི་ལྔ་པོ་བསྟན་པ་དང་། །
སྒྲུབ་པ་པོ་ཡི་ལག་གཡོན་གྱིས། །འདི་ནི་དཔའ་བོའི་གནས་ཡིན་ཏེ། །བརྡ་རྣམས་ཀྱི་ནི་རབ་འཇུག་པའོ། །ཁམས་གསུམ་རྒྱུ་དང་མི་རྒྱུ་དང་། །འགྲོ་ཀུན་གཡོན་ལས་བྱུང་བ་ཡིན། །རྡོ་རྗེ་སེམས་དཔའ་མཐེ་བོར་བཞུགས། །
ལྕུག་མར་དེ་བཞིན་རྣམ་སྣང་མཛད། །གོ་ཆའི་རྣམ་པ་དེ་ལྟ་བུར། །གཙོ་བོར་པདྨ་གར་མཛད་དེ། །བརྟན་པར་དངོས་གྲུབ་ཐམས་ཅད་ནི། །རབ་གསོལ་པ་དཔའ་བོ་བཞུགས། །མཐེའུ་ཆུང་ལ་ནི་མཁའ་སྙིང་པོ། །མི་ཟད་
སྐུ་དང་ལྡན་པ་ཉིད། །སེན་མོའི་ངོས་ནི་རྟ་འགྲིན་གྱི། །གནས་སུ་གྱུར་པར་བཤད་པ་ཡིན། །འདི་དག་ཐམས་ཅད་དཔའ་བོ་ནི། །གཡོན་པ་ལས་བྱུང་རྒྱུ་ཡིན་ནོ། །ལག་མཐིལ་ཤྲཱི་ཧེ་རུ་ཀ་ཡི། །ཕག་མོའི་འདུས་པ་དགའ་བྱེད་ཡིན། །
རྒྱབ་ཏུ་ཤིན་དུ་ངེས་བྱས་ནས། །བདག་ཉིད་ལྔ་པོ་བསྟན་པར་བྱ། །འདི་དག་ལག་ཏུ་དགོད་པ་སྟེ། །མཛའ་བ་ཐམས་ཅད་འདུས་པ་ཡིན། །རྣམ་པ་དེ་ལྟའི་ཆོ་ག་ཡིས། །དཔའ་བོ་དམ་པ་མཆོད་པར་བྱ། །ས་ནི་སྤྱན་ཞེས་བྱ་བར་བཤད། །
ཆུ་ཁམས་མཱ་མ་ཀཱི་རུ་བརྗོད། །མེ་ནི་གོས་དཀར་མོར་བཤད་དེ། །རླུང་ནི་སྒྲོལ་མར་རབ་ཏུ་བརྗོད། །ཙུམ་བི་ཀ་ནི་སྟོང་པ་སྟེ། །དེ་བཞིན་ཕ་རོལ་ཕྱིན་པ་ཡིན། །དབུསུ་དཔའ་བོ་ཀུན་གྱི་གནས། །མཁས་པས་རྒྱབ་ཏུ་གཤེགསུ་གསོལ། །གསང་བ་འདི་ནི་མི་བཤད་ཅིང་། །
རབ་ཏུ་འབད་དེ་སྦ་བར་བྱ། །དེ་ལྟར་བརྡ་བྱ་དཔའ་བོ་རྣམས། །གཅིག་ཏུ་ཟས་ལ་བརྩམ་པར་བྱ། །དཔའ་བོ་ཐམས་ཅད་མཉམ་སྦྱོར་བ། །མཁའ་འགྲོ་དྲ་བའི་བདེ་མཆོག་ཡིན། །དཔལ་ཧེ་རུ་ཀའི་ངེས་པར་བརྗོད་པ་ལས་བཟའ་བ་དང་སྦྱིན་བསྲེག་དང་གཏོར་མའི་བྱ་བ་ལ་

85-1-78a

ལག་པའི་བརྡའི་ཆོ་གའི་ལེའུ་སྟེ་སུམ་བཅུ་རྩ་གཅིག་པའོ།། །། དེ་ནས་གཞན་ཡང་བཤད་བྱ་བ། །བཟའ་དང་སྟོན་མོ་འདུས་པ་སྟེ། །ཡང་དག་ཆོ་ག་གང་གིས་ནི། །དངོས་གྲུབ་མྱུར་དུ་རབ་འཇུག་པའོ། །ཕྱུགས་རྣམས་ཀྱི་ནི་
དགུག་པ་ཉིད། །སྒྲུབ་པོས་སྔར་བསྟན་རིམ་པ་འདིས། །ཕྱུགས་རྣམས་དང་ནི་དེ་བཞིན་ལྔ། །བོང་བུ་རུསྦལ་མི་རྔ་མོ། །ལྕེ་སྤྱང་རྟ་ལ་སོགས་རྣམས་ཀྱིས། །དངོས་གྲུབ་སྒྲུབ་པའི་དཀྱིལ་འཁོར་དུ། །ཕྱུགས་འདི་དག་ནི་སྒྲུབ་ཡན་ལག །
རིགས་རྣམས་ལས་ནི་རིགས་མཆོག་ཕྱུགས། །རྐང་བཞི་རྣམས་ལས་གླང་པོར་བརྗོད། །འདབ་ཆགས་རྣམས་ལས་ངང་པ་ཉིད། །དུད་འགྲོ་རྣམས་ལས་དུད་འགྲོ་ཕྱུགས། །ལྷ་རྣམས་ལས་ནི་མཆུ་གཡོ་བ། །རྣམ་པ་དེ་
ལྟར་བརྗོད་པ་སྟེ། །དངོས་གྲུབ་སྒྲུབ་པའི་དཀྱིལ་འཁོར་དུ། །ཕྱུགས་དེ་དག་ནི་རྣམ་པར་བཤད། །ཁྭ་དང་ཆུ་སྐྱར་ལྕེ་སྤྱང་དང་། །སྐྱེ་གཉིས་བློན་པོ་ཆེན་པོ་དང་། །ཁྲུང་ཁྲུང་བཞད་དང་ཀ་དམ་པ། །བཟའ་དང་སྦྱིན་སྲེག་གཏོར་
བྱ་བས། །འདོད་པ་དག་ནི་འགྲུབ་པར་འགྱུར། །ཁྱི་ནག་མོ་ཡི་འོ་ཐུག་ནི། །མ་ཤའི་འབྲས་ནི་ནག་པོར་ལྡན། །འདོད་པས་དོགས་པ་མེད་པ་རུ། །ཇི་སྲིད་བརྒྱ་རྩ་བརྒྱད་ཀྱི་བར། །རོ་ཡི་ཁར་ནི་སྦྱིན་སྲེག་བྱ། །དེ་ནས་ཡི་དགས་
ལངས་ནས་ནི། །སྒྲུབ་པོ་དེ་ལ་འདྲི་བྱེད་དེ། །ཅི་བགྱི་ཞེས་ནི་སྨྲ་འགྱུར་ཞིང་། །ས་འོག་ལས་སམ་རལ་གྲིའམ། །ཚར་གཅོད་ཕན་འདོགས་ཉིད་དག་དང་། །རི་ལུ་མིག་སྨན་གཏེར་རྣམས་སམ། །རྐང་མགྱོགས་དག་གམ་བཅུད་ཀྱིས་
ལེན། །དངོས་འདི་དེ་བཞིན་གཅིག་བྱིན་ནས། །འགྲོ་བར་འགྱུར་གྱི་གཞན་དུ་མིན། །སྟེང་དང་འོག་ཏུ་ཕོ་ཉ་འགྲུབ། །རྒྱུད་འདིར་ཐེ་ཚོམ་མེད་པ་ཡིན། །བ་ལང་གནས་དང་ལྡིང་བ་ཉིད། །ལྷག་མ་སྐམ་པོ་རྩ་དེ་ནས། །བདེ་བ་ཆེན་པོའི་ངོ་
བོར་བྱ། །ཡང་ན་རུསྦལ་དག་གིའོ། །འདི་དེ་དངོས་གྲུབ་སྦྱིན་འགྱུར་ཞིང་། །ཕྱག་བཞི་པ་དང་ཞལ་བཞི་པ། །ཇི་སྲིད་ཕྱག་ནི་འབུམ་གྱི་བར། །སྐུ་ནི་དཀར་བའི་ཁྲོ་བོ་ཆེ། །དེ་ནས་དྲག་ཤུལ་གཟུགས་འཆང་བ། །རྡོ་རྗེ་ཕག་མོ་ལ་

85-1-78b

གཟིགས་པ། །དེ་ཡི་སྐུ་མདོག་མཚོན་ཆ་འཆང་། །དཔའ་བོ་ཐོད་པའི་ཕྲེང་བ་ཅན། །སྐུ་ལ་ཐལ་བས་ཉེ་བར་བྱུགས། །རལ་པའི་ཅོད་ཅན་མདུད་དང་ལྡན། །ཕྱག་རྒྱ་ཡིས་ནི་སྐུ་ལ་བརྒྱན། །ཞལ་གྱི་མཆེ་བ་ཅུང་ཟད་གཙིགས། །
ཡི་དགས་ཆེན་པོ་གདན་དུ་བྱས། །སྒྲུབ་པ་པོ་ཡིས་དུས་རྟག་ཏུ། །སྔགས་དེ་ཤེས་ནས་བསྒོམ་པར་བྱ། །དེ་ལྟའི་ཡོན་ཏན་ཁྱད་འཕགས་པས། །འདོད་པ་ཡི་ནི་དངོས་གྲུབ་འགྱུར། །དཔལ་ཧེ་རུ་ཀའི་ངེས་པར་བརྗོད་པ་ལས།   དུད་འགྲོ་
ཕྱུགས་དང་རོ་ལངས་སྒྲུབ་པ་དང་། བསྐྱེད་པའི་རིམ་པའི་ཆོ་གའི་ལེའུ་སྟེ་སུམ་བཅུ་རྩ་གཉིས་པའོ།། །། དེ་ནས་སྒྲུབ་པོའི་མཆོག་ཀུན་ནི། །སྦྱོར་བ་ཀུན་ལ་མེད་པའོ། །བཟའ་དང་བཅའ་དང་ཉ་ཤ་སོགས། །ནུས་པ་ཇི་བཞིན་བྱ་བ་སྟེ། །
མེད་པར་གྱུར་ཀྱང་བཟའ་བ་ནི། །ལྔ་པོ་ཉིད་དུ་བྱ་བ་ཡིན། །བཟའ་དང་བཅའ་བ་རྒྱ་ཆེ་བ། །རྟག་ཏུ་མཚན་མོ་ཉིད་དུ་བྱ། །དེ་ནས་ཕོ་ཉ་རབ་སྦྱིན་ཞིང་། །ཁྱད་པར་དུ་ནི་སྒྲུབ་པ་པོ། །རང་གི་པང་དུ་མགོ་བཞག་ལ། །དཔའ་བོ་གཉིས་མེད་རབ་ཏུ་
མཆོད། །མ་འམ་ཡང་ན་སྲིང་མོ་འམ། །ནུ་མོའམ་ཡང་ན་ཆུང་མ་གཉེན། །རྣམ་པ་འདི་ལྟའི་ཆོ་ག་ཡིན། །བཅིངས་པ་ལས་ནི་རབ་གྲོལ་བྱ། །དེ་ནས་སྔགས་འདི་གྲུབ་འགྱུར་ཏེ། །ཇི་སྲིད་འབྱུང་བ་ཡོད་བར་དུའོ། །སློབ་དཔོན་ལུས་སུ་
ལེགས་གནས་ཏེ། །སྒྲུབ་པ་པོ་ལས་མཆོད་པ་ལེན། །དཔའ་བོ་རྣམས་ཀྱི་སྟན་དག་དང་། །ཕྱག་རྒྱ་ཉིད་དུ་ཐེ་ཚོམ་མེད། །སྒྲུབ་པོ་ཤིན་དུ་མཉམ་བཞག་པས། །གླུ་དང་གར་ལ་སོགས་པ་བྱ། །ཇི་སྲིད་ལུས་ཅན་ཐམས་ཅད་ཀྱང་། །
རྣལ་འབྱོར་ཡེ་ཤེས་ཞེན་མ་གྱུར། །དེ་སྲིད་འཁོར་བར་འཁོར་འགྱུར་ཞིང་། །སྡུག་བསྔལ་མྱ་ངན་གྱིས་གཡེངས་འགྱུར། །དངོས་པོ་ཀུན་གྱིས་སྒྲུབ་པ་པོས། །དེ་ནས་ཕྱག་རྒྱ་མཆོད་པར་བྱ། །མཆོད་པས་མཆོད་པར་འདོད་པ་སྟེ། །བརྙས་པ་
ཡིས་ནི་ངེས་པར་བསྲེག །ཕྱག་རྒྱ་ཆེན་པོ་དང་པོ་འགྲུབ། །རྣལ་འབྱོར་རྒྱུད་དུ་མི་རྣམས་ཀྱི། །རབ་ཏུ་འབད་པས་མཆོད་པར་བྱ། །ཕྱི་ནས་དཔའ་བོ་རྣམས་ཀྱི་ནི། །དཔའ་བོ་ཉིད་ལ་སྤྱད་པར་བྱ། །དེ་ལྟར་མཆོད་བྱས་དེ་ནས་ནི། །ས་འོག་སྒྲུབ་པོ་ལངས་པ་

85-1-79a

དང་། །ཞི་བ་ཉིད་དང་རྒྱས་པ་དང་། །དབང་དང་དགུག་པ་དག་དང་ནི། །གསད་དང་སྐྲད་པ་ལ་སོགས་དང་། །རྨུགས་དང་རེངས་པ་དེ་བཞིན་ཏེ། །དབྱེ་བ་ཉིད་དང་ཚར་གཅོད་དང་། །ལས་ཀྱི་དངོས་གྲུབ་མཆོད་པར་བྱ། །གང་ཅིའང་རུང་བའི་
ལས་གྱུར་ལ། །ཉོན་མི་མོངས་པར་འགྲུབ་འགྱུར་ཏེ། །ཐེ་ཚོམ་མེད་པར་སྒྲུབ་པ་པོའི། །དངོས་གྲུབ་ཐམས་ཅད་འགྲུབ་པར་འགྱུར། །དཔལ་ཧེ་རུ་ཀའི་ངེས་པར་བརྗོད་པ་ལས་གསང་བའི་མཆོད་པ་དང་བསྙེན་བཀུར་གྱི་མཆོད་པའི་ལེའུ་སྟེ་སུམ་
བ་ཅུ་རྩ་གསུམ་པའོ།། །། དེ་ནས་མཁའ་འགྲོ་མ་དྲ་བའི། །འཁོར་ལོ་ཞེས་པའི་ཆོ་ག་རྒྱས། །ལས་གང་ཅི་ཡང་དེ་མྱུར་བར། །སྒྲུབ་པ་པོ་ནི་ཐེ་ཚོམ་མེད། །དཔའ་བོ་ཀུན་དང་རྣལ་འབྱོར་མ། །པད་མའི་ལྟེ་བར་ངེས་པར་བྱ། །སྨིན་མའི་དབུས་
སུ་གཞུག་པར་བྱ། །ཨ་བ་དྷཱུ་ཏཱིའི་གནས་དེ་བཞིན། །དཔའ་བོའི་འཆོལ་བར་བྱས་ཆགས་པར། །བཟའ་བ་ཡང་ནི་དེ་ནས་བསྲེག །གོ་མང་ས་དང་རུ་དྷི་ར། །འབད་པས་བསྲེག་བྱ་ལྔ་དག་བྱ། །དེ་ནས་འབར་བའི་བྱིན་ཟ་ལ། །བསྲེག་
བླུགས་དགུ་ནི་སྦྱིན་པར་བྱ། །འབར་ཕྲེང་རྒྱ་མཚོ་བལྟ་བར་བྱ། །ཀུན་ནས་སྒོ་ཡི་འཁོར་ལོ་ཉིད། །དཔའ་བོའི་དབང་པོ་ཞལ་བཞི་པ། །དཔའ་བོ་དཔའ་མོའི་གནས་དེ་བཞིན། །འདབ་ལ་ཕོ་ཉ་མོ་བཞི་ཡིན། །དཔའ་བོ་ཀུན་དང་གཉིས་མེད་བདེ། །
ཆོ་ག་ཇི་བཞིན་རྣམ་པ་ཡིས། །ཁཎྜ་རོ་ཧ་ཕྱི་རོལ་ནི། །རང་གི་གཟུགས་སུ་རྣམ་ཞུགས་པ། །འཁོར་ལོའི་དབུས་སུ་བལྟ་བར་བྱ། །འཁོར་ལོ་འདི་དག་གསལ་བར་ནི། །རིམ་པ་ཇི་ལྟ་བ་བཞིན་བྱ། །རིག་པའི་རྒྱ་མཚོའི་ལས་དེ་བཞིན། །
མདོར་བསྡུས་ནས་ནི་གསུངས་པ་ཡིན། །ཕོ་ཉ་གཉིས་མེད་སྦྱོར་བའི་བདག །འགྲུབ་འགྱུར་འདི་ལ་ཐེ་ཚོམ་མེད། །དཔལ་ཧེ་རུ་ཀའི་ངེས་པར་བརྗོད་པ་ལས་ཕོ་ཉ་མོའི་སྦྱིན་སྲེག་དང་ལས་ཀྱི་ཆོ་གའི་ལེའུ་སྟེ་སུམ་བཅུ་རྩ་བཞི་པའོ།། །། 
དེ་ནས་ལས་ཀྱི་རབ་མཆོག་ནི། །ཇི་བཞིན་རིམ་གྱིས་མཚོན་པ་སྟེ། །མཆོད་པ་གཉིས་མེད་སྦྱོར་བའི་བདག །ལས་ནི་སོ་སོར་སྦྱར་བར་བྱ། །གང་དག་རབ་གྲུབ་བྱེད་པའི་སྔགས། །དེ་ཡི་དབྱེ་བ་རིམ་བཞིན་བཤད། །ཁ་དོག་ཕོ་ཉ་སོགས་

85-1-79b

སྔགས་གང་། །མདའ་ཡི་ཤུགས་ཀྱིས་ཡོངས་སུ་འཁོར། །ཕན་ཚུན་མདུད་རྒྱུད་དཔའ་བོ་ནི། །ཡུལ་ཉིད་ཀྱིས་ནི་ཕྱེ་བའོ། །ས་བོན་ཕྲེང་བས་དེ་ནས་གཟུང་། །ཧཱུྃ་ནི་མཐའ་རུ་གནས་པ་ཡིན། །བསྒྲུབ་བྱ་འགོག་པར་གྱུར་པ་ནི། །གོམ་པ་
གཅིག་ཀྱང་མི་འགྲོའོ། །ཁ་སྦྱར་སྦྱར་བར་གྱུར་པ་དང་། །རྡོ་རྗེ་ལུ་གུ་རྒྱུད་བཅིངས་པས། །རྡོ་རྗེ་དབྱེ་བ་ཉིད་དང་ནི། །དེ་བཞིན་བུང་བ་ལྟར་འཁོར་བྱ། །ལྕགས་ཀྱུ་ཉིད་ཀྱིས་དགུག་པ་དང་། །གཏུན་ཤིང་གིས་བསྐྱོད་དེ་བཞིན་ཏེ། །རྡོ་རྗེ་ཉིད་ཀྱིས་
འདེབས་པར་བཤད། །དབུག་ལ་མདའ་ནི་སྦྱར་བྱ་སྟེ། །དུས་མིན་འཆི་བ་བླུ་བ་ལ། །ཡན་ལག་ཁ་ཊྭཱྃ་ག་དང་སྦྱར། །ཐོད་པའི་མཆོད་ཡོན་སྣོད་དུ་ནི། །ཞལ་དུ་མཚོན་ཆ་ངེས་པར་སྦྱར། །དཔལ་ཧེ་རུ་ཀའི་ངེས་པར་བརྗོད་པ་ལས་གཉིས་སུ་མེད་པའི་ལས་
དང་དུས་མ་ཡིན་པར་འཆི་བ་བླུ་བའི་ཆོ་གའི་ལེའུ་སྟེ་སུམ་བཅུ་རྩ་ལྔ་པའོ།། །། དེ་ནས་ཕྱག་རྒྱའི་མཆོད་ཆེན་དང་། །སྔགས་ཀྱི་དགོད་པ་རབ་ཏུ་གྲགས། །མྱུར་དུ་དངོས་གྲུབ་བྱེད་པར་ནི། །ཕྱག་རྒྱའི་མཆོད་འདི་ཐེ་ཚོམ་མེད། །མཚན་མ་གཉིས་ལ་
སྔགས་སྦྱར་ཏེ། །མཁའ་འགྲོ་དཔའ་བོ་གཉིས་མེད་པ། །སྙིང་པོ་རྣམས་ཀྱིས་དེ་བཞིན་དུ། །སྔགས་པས་མཁའ་འགྲོ་མ་ལ་སྦྱར། །བློ་ལྡན་མཁའ་འགྲོ་མ་བསྲུབ་བྱ། །དག་པའི་ལུས་ནི་རང་འདོད་པ། །དཔའ་བོ་མཆོད་པ་རྣམས་བྱས་ནས། །ལས་ནི་
འབད་པ་ཉིད་ཀྱིས་བྱ། །རྣམ་དབྱེ་རང་ངག་སྔགས་པ་ནི། །ཕྱིན་ཅི་ལོག་ཏུ་ངེས་པར་སྦྱར། །ཚར་གཅོད་ཕན་འདོགས་དོན་རྣམས་ལ། །ལས་ཀྱི་དངོས་པོར་རྣམ་པར་སྒོམ། །དེ་ཉིད་དབྱེ་བར་ཕྱེ་ནས་ནི། །རྩ་ཡི་ལམ་དུ་སྦྱར་བར་བྱ། །རབ་ཏུ་སྒྲུབ་
པའི་སྦྱོར་དོན་ལ། །ཕྱི་རོལ་ཇི་བཞིན་ནང་དེ་བཞིན། །འདི་ཡིས་མྱུར་དུ་ལྷ་དང་ནི། །ལྷ་མིན་མིར་བཅས་བསྒྲུབ་པར་བྱ། །དཔལ་ཧེ་རུ་ཀའི་ངེས་པར་བརྗོད་པ་ལས་དེ་ཁོ་ན་ཉིད་ཀྱི་མཆོད་པ་དང་ལས་ཀྱི་ཆོ་གའི་ལེའུ་སྟེ་སུམ་བཅུ་རྩ་དྲུག་པའོ།། །། 
དེ་ནས་གཞན་ཡང་བཤད་བྱ་བ། །གཟུགས་ནི་གནོན་པའི་ཆོ་ག་སྟེ། །ཕན་ཚུན་སྦྱར་བའི་གསང་སྔགས་ནི། །མཁའ་འགྲོ་མ་དང་གཅིག་ཏུ་སྦྱར། །བཟའ་བ་ཟོས་མིད་དེ་ནས་ནི། །བཟླས་པའི་མཐར་ནི་སྐྱུག་པར་བྱ། །མཚན་མོ་བདུན་ནི་

85-1-80a

རྫོགས་པ་དང་། །བཟའ་དང་བཏུང་བ་དག་ལ་སྦྱར། །འདི་ཡིས་ཇི་སྲིད་འཚོ་ཡི་བར། །དབང་དུ་འགྲོ་བར་ཐེ་ཚོམ་མེད། །སེར་སྐྱའི་མར་ནི་འཐུངས་ནས་སུ། །བཟླས་པའི་མཐར་ནི་སྐྱུག་པར་བྱ། །དེ་ཡིས་རང་གི་
གདོང་བསྐུས་ན། །གལ་ཏེ་རྟག་ཏུ་ཁྲོས་གྱུར་པ། །མཐོང་བ་ཙམ་གྱིས་དབང་དུ་འགྱུར། །ཏིལ་མར་སཱ་ལུ་བཏགས་པ་དང་། །ལྡན་པས་ལུས་ནི་བསྐུས་གྱུར་ཅིང་། །སྣུམ་ཁུར་སྔགས་པས་བྱས་ནས་ནི། །བཟའ་བ་ལ་ནི་རབ་
ཏུ་སྦྱར། །གལ་ཏེ་ལས་འདི་མ་བཏང་ན། །ཇི་སྲིད་འཚོ་བར་རྟག་དབང་འགྱུར། །ཏིལ་ནག་དག་ནི་ཟོས་ནས་སུ། །སྐེ་ཚེར་བྱས་པ་སྐྱུགས་པ་དང་། །རུ་རྟ་བཤང་བ་དང་ལྡན་པ། །ལས་སྐྱེས་ལྟོ་བའི་སྲིན་བུ་ནི། །རང་གི་ཁྲག་དང་
བཏགས་ནས་ནི། །རང་གི་ཁུ་བ་ཉིད་དང་སྦྱར། །བཟའ་བཏུང་མིག་སྨན་གོས་ལ་ནི། །བྱུག་པ་ཉིད་དུ་རབ་ཏུ་སྦྱར། །འདི་ཡིས་ཇི་སྲིད་འཚོ་ཡི་བར། །དབང་དུ་འགྱུར་བར་གདོན་མི་ཟ། །བ་ལང་ཤ་བསྲེག་སྦྱིན་སྲེག་ནི། །ཁྲག་གིས་བསྐུས་
ན་ལྷ་རྣམས་ནི། །དེ་མོད་དབང་དུ་འགྱུར་བའམ། །གལ་ཏེ་མ་འོངས་འཆི་བར་འགྱུར། །བདག་ཉིད་དེ་ཡི་མདུན་དུ་ནི། །བསྒོམས་ནས་མཁས་པས་སྦྱིན་སྲེག་བྱ། །སྦྱིན་སྲེག་མཐར་ནི་གཏོར་མ་བྱ། །ཁམས་གསུམ་སྐད་ཅིག་གིས་འགུགས་
པ། །མཚན་བདུན་གྱིས་ནི་འགྲུབ་པར་འགྱུར། །འཇིག་རྟེན་གསུམ་ན་རྙེད་དཀའ་བའི། །དམ་ཚིག་སྤྱོད་པའི་མཚན་ཉིད་ནི། །རྟག་ཏུ་རང་སྔགས་སྦས་པ་ཡིས། །རབ་ཏུ་འབད་དེ་གསང་བར་བྱ། །སྦས་དོན་རྙེད་པར་མི་འགྱུར་ཞིང་། །སྐལ་བ་
དམན་པས་འགྲུབ་མི་འགྱུར། །བསོད་ནམས་ཆུང་བའི་སྒྲུབ་པོས་ཀྱང་། །ང་མཉེས་བྱས་པས་རྙེད་པར་འགྱུར། །དཔལ་ཧེ་རུ་ཀའི་ངེས་པར་བརྗོད་པ་ལས་ནང་གི་བདག་ཉིད་ཀྱི་དབང་དུ་བྱ་བའི་ཆོ་གའི་ལེའུ་སྟེ་སུམ་བཅུ་རྩ་བདུན་པའོ།། །། 
དེ་ནས་བརྡ་ནི་མཁའ་འགྲོ་མའི། །ལུས་ཀྱི་མཚན་ཉིད་གང་ཡིན་དང་། །དཔའ་བོའི་ཡན་ལག་དབྱེ་བ་ནི། །གྲུབ་པར་གྱུར་པ་དེ་གྲུབ་འགྱུར། །དཔའ་བོའི་དབང་ཕྱུག་མིང་འབྲི་ཞིང་། །རྣམ་པ་ཀུན་དུ་སྦ་བར་བྱ། །གང་གི་ཐད་དུའང་མི་

85-1-80b

གདོན་ཏེ། །གཡོན་པའི་ཀུན་སྤྱོད་སྒྲུབ་པ་པོས། །གསང་བའི་མཚན་ཉིད་མཁའ་འགྲོ་ཡི། །སྔགས་རྣམས་བག་མེད་པས་འདོན་ན། །དེ་ལ་ང་ནི་མི་ལྟ་སྟེ། །མཁའ་འགྲོ་སྟོང་ཕྲག་དུ་མ་ཡིས། །ངན་པའི་བདག་ཉིད་ཅན་དེ་ཟ། །དམ་ཚིག་
འཇོམས་ཤིང་ངན་སྤྱོད་དེ། །བྲམ་ཟེ་གསོད་པར་ཐེ་ཚོམ་མེད། །སྡིག་སྤྱོད་རྨོངས་པའི་བདག་ཉིད་ཅན། །བསླུས་གྱུར་ངན་པའི་བདག་ཉིད་དེ། །མཁའ་འགྲོ་མ་ཡིས་ཟོས་གྱུར་ཀྱང་། །དེ་ལ་ང་ནི་སྐྱོབ་མི་བྱེད། །གསང་བ་པ་ཡི་ནང་ན་
ནི། །སྒྲུབ་པོ་དེ་ནི་ཕྱུགས་དང་འདྲ། །བླ་མ་དམ་ཚིག་ལ་འཁུ་བ། །སངས་རྒྱས་འཇིག་རྟེན་དེ་ལས་ལྷུང་། །ཧེ་རུ་ཀ་དཔལ་ལྟ་དཀའི་རྒྱུད། །གང་ཞིག་བསྲུང་བར་བྱེད་པ་ནི། །མཁའ་འགྲོ་མར་བཅས་དགེ་སྡོང་ཞེས། །དེ་ལ་ང་ནི་རྗེས་སུ་འཛིན། །
བླ་མ་ལ་ནི་བསྙེན་བཀུར་བྱེད། །གསོང་པོར་བྱེད་པའི་སྒྲུབ་པ་པོ། །མཁའ་འགྲོ་མ་ལ་རྟག་དགའ་བ། །དེ་ལ་དངོས་གྲུབ་འབྱུང་བར་འགྱུར། །སྒྲུབ་པ་པོ་ནི་དཔའ་ཉིད་འགྱུར། །ཁམས་གསུམ་མཁའ་ལ་རྒྱུ་བའི་བདག །སྒྲུབ་པོ་དཔའ་བོ་
ཉིད་འདོད་པ། །ཐམས་ཅད་དུ་ནི་མཆོད་པར་འགྱུར། །དེ་ནི་རྣལ་འབྱོར་ལ་རབ་འཇུག །ཡང་དག་སྦྱིན་པའང་རིག་པར་འགྱུར། །ཧེ་རུ་ཀ་ཡི་བརྟུལ་ཞུགས་འཛིན། །སློབ་དཔོན་དཔའ་བོ་མཐོང་གྱུར་ན། །མཐོང་ཞིང་མཐོང་ཞིང་ཀུན་དུ་དགའ། །
སྒྲུབ་པ་པོས་ནི་སྔགས་འདི་ཡིས། །དཔའ་བོའི་རྩ་བའི་གསང་སྔགས་མཆོག །ལན་བདུན་དུ་ནི་བརྗོད་པར་བྱ། །རབ་སྔགས་ཧཱུྃ་ལ་སོགས་པས་ཕྱེ། །དེ་རྣམས་འབད་དེ་ཕྱག་བྱས་ན། །སངས་རྒྱས་ལ་སོགས་ཐམས་ཅད་མཆོད། །རྟག་
པ་ཉིད་དུ་དཔའ་ཆེན་དང་། །རོལ་པར་ལྡན་པར་ཐེ་ཚོམ་མེད། །དེ་ཡི་ཐུགས་ཀར་གནས་ཕག་མོ། །ང་དང་དཔའ་བོ་རྣལ་འབྱོར་མ། །ཕོ་ཉ་རྣམས་དང་ལྷན་ཅིག་བཅས། །དེ་དང་གང་ཞིག་ལེགས་སྐྱེས་པ། །སྲོག་ཆགས་བསོད་ནམས་མཐོང་
བ་ཡིན། །འབབ་ཆུའི་འགྲམ་དང་རྒྱ་མཚོ་དང་། །རི་བོ་དང་ནི་བཞི་མདོ་དང་། །ལྟེང་ཀ་དང་ནི་ཁྲོན་པ་མཚེའུ། །ཁང་སྟོང་དང་ནི་ལམ་སྲང་དག །ཐམས་ཅད་དུ་ནི་མཁའ་འགྲོ་མ། །ཀུན་དུ་ཞེན་པར་ལྟ་ལ་གནས། །འཇིགས་པ་ཆེན་པོ་དུར་ཁྲོད་དུ། །

85-1-81a

མཁའ་སྤྱོད་དེ་བཞིན་ས་འོག་དང་། །རོ་ལངས་ཀྱང་ནི་དུ་མ་ཞིག །འཇིགས་པའི་གཟུགས་དང་སྟོབས་ཆེན་པོས། །དེ་དང་ལྷན་ཅིག་དཔའ་བོ་ཆེ། །ཅི་བདེ་བར་ནི་རོལ་པར་མཛད། །རི་སུལ་ཚང་ཚིང་གསང་བ་དང་། །རྣལ་འབྱོར་
མ་དང་གསང་བའི་མི། །ཕྱོགས་ནི་དེ་དང་དེ་དག་ཏུ། །སྒྲུབ་པ་པོ་དང་ས་སྟེང་རོལ། །དཔལ་ཧེ་རུ་ཀའི་ངེས་པར་བརྗོད་པ་ལས་རྣལ་འབྱོར་མའི་བསྒྲུབ་པའི་ས་དང་གསང་བའི་དཔའ་བོའི་གནས་ཀྱི་ཆོ་གའི་ལེའུ་སྟེ་སུམ་བཅུ་རྩ་བརྒྱད་པའོ།། །། 
དེ་ནས་སྒྲུབ་པའི་རྣལ་འབྱོར་ཆེ། །སྔགས་ནི་རྣམ་པ་བརྒྱད་ཀྱིས་རྒོད། །དེ་ནས་འདི་ལ་ཡང་དག་མཐོང་། །གསོལ་བར་འགྱུར་བར་གདོན་མི་ཟ། །འཇིགས་པའི་སྒྲ་ནི་རྣམ་མང་པོ། །མི་བཟད་མཁའ་འགྲོ་འཇིགས་བྱེད་པ། །དཔའ་བོ་
འཇིགས་པར་གྱུར་ན་ནི། །སྐྲག་ཅིང་རྣམ་པར་འབྱེར་བར་བྱེད། །གལ་ཏེ་དཔའ་བོ་མི་འཇིགས་ན། །ལག་པ་གཡོན་པས་བཟུང་ནས་ནི། །རང་གི་གནས་སུ་ཁྱེར་ནས་སུ། །མཁའ་འགྲོ་མ་ནི་དེ་དག་དང་། །རྟག་ཏུ་མངོན་པར་རྩེ་བྱེད་དེ། །བདེ་བ་
ཅན་གྱི་གནས་འགྲོ་འགྱུར། །ཧེ་རུ་ཀ་དཔལ་གུས་འདོད་པས། །མཁའ་ལ་འགྲོ་བའི་གནས་སུ་ཁྱེར། །སྒྲུབ་པ་པོ་ནི་སྔགས་ལུས་ཅན། །འཁོར་བར་འཆི་དང་རྒ་བ་མེད། །དཔལ་ཧེ་རུ་ཀའི་ངེས་པར་བརྗོད་པ་ལས་བལྟ་བ་དང་ཧ་ཧར་
རྒོད་པའི་ཆོ་གའི་ལེའུ་སྟེ་སུམ་བཅུ་རྩ་དགུ་པའོ།། །། ད་ནི་རབ་ཏུ་བཤད་བྱ་བ། །གང་གིས་ས་སྟེངས་དབང་དུ་འགྱུར། །དཔའ་བོའི་སྔགས་ཀྱིས་བཟླས་པ་ཡིས། །རྣལ་འབྱོར་ཆོ་གར་གནས་པས་འགྲུབ། །སྒྲོན་མ་མྱོས་བྱེད་བཅས་པ་དང་། །
ཉ་ཡི་ཤ་དང་ལྡན་པར་ནི། །དཔའ་དབང་གནས་སྐབས་ཐམས་ཅད་དུ། །ཉི་མ་བདུན་གྱིས་སྒྲུབ་པ་པོའི། །མཚན་མོའི་སྦྱིན་སྲེག་བྱེད་ལ་གཞོལ། །དངོས་གྲུབ་རྒྱ་ཆེན་གསོལ་བར་འགྱུར། །བརྒྱ་དང་རྩ་བརྒྱད་ལྡན་ཉིད་ཀྱིས། །ཐུན་
གསུམ་དུ་ནི་སྒྲུབ་བྱེད་ན། །རྒྱལ་པོ་དཔུང་དང་བཅས་པར་ནི། །ཉིན་བདུན་གྱིས་ནི་དབང་དུ་འགྱུར། །ཕྱེད་ཀྱིས་དཔའ་བོ་བློན་པོ་སྟེ། །དེ་ཡི་ཕྱེད་ཀྱིས་བློན་པོ་ཡི། །རྒྱལ་ཕྲན་ལ་ནི་སུམ་བཅུ་གཉིས། །བསྲེག་པའི་རིམ་

85-1-81b

གྱིས་སྦྱིན་སྲེག་བྱ། །ཉི་ཤུས་བྲམ་ཟེ་ཉིད་ལ་ནི། །ཉི་མ་བདུན་གྱིས་སྦྱིན་སྲེག་བྱ། །དེ་བཞིན་རྒྱལ་རིགས་དག་ལ་བདུན། །སྦྱིན་སྲེག་ལྔ་པོ་རྗེ་རིགས་ལ། །དམངས་རིགས་ལ་ནི་སྦྱིན་སྲེག་གསུམ། །ཐ་མ་ལ་ནི་སྦྱིན་སྲེག་
གཅིག །དེ་ལྟར་དཔའ་བོས་རིགས་རིམ་གྱིས། །ཟླ་བ་གཅིག་ནི་ཡང་དག་སྤྱད། །སྔགས་ཀྱི་ནུས་པ་བསྒྲུབ་པ་པོས། །འགྲོ་བ་ཐམས་ཅད་དགུག་པར་བྱ། །དཔའ་བོས་ཆོ་ག་སྔ་མ་ཡིས། །འདོད་པས་བསྟེན་ན་ཐོབ་པར་འགྱུར། །
ས་སྟེང་འདོད་པའི་དབང་ཕྱུག་བཞིན། །དཔལ་ལྡན་སྐལ་པ་བཟང་པོར་འགྱུར། །སྒྲུབ་པོ་མཁའ་འགྲོ་མ་རྣམས་ཀྱི། །ཡིད་འོང་འགྱུར་བར་གདོན་མི་ཟ། །དཔལ་ཧེ་རུ་ཀའི་ངེས་པར་བརྗོད་པ་ལས་རིགས་ལྔ་པོ་དབང་དུ་བྱ་བ་དང་། 
ཕྱག་རྒྱ་ཆེན་པོ་བསྟེན་པའི་ཆོ་གའི་ལེའུ་སྟེ་བཞི་བཅུ་པའོ།། །། དེ་ནས་ལས་ཀྱི་མཆོག་རབ་ནི། །གང་གིས་ཤེས་ན་སྒྲུབ་པ་པོས། །དབང་དང་དགུག་དང་དབྱེ་བ་དང་། །གསད་དང་བསྐྲད་པ་ལ་སོགས་དང་། །རྨུགས་དང་རེངས་པར་བྱ་
བ་དང་། །རྨོངས་དང་དེ་བཞིན་ཕུར་བུས་གདབ། །ཚིག་འཕྲོག་ལྐུགས་པར་འགྱུར་བ་དང་། །འོན་དང་དེ་བཞིན་ལོང་བ་དང་། །མ་ནིང་ཉིད་དུ་བྱ་བ་དང་། །གཟུགས་ནི་ཡོངས་སུ་འགྱུར་བ་སྟེ། །ལས་ཆེན་བཅུ་གཉིས་
འདི་དག་ནི། །རྟག་ཏུ་སྒྲུབ་པ་པོ་ཡིས་བསྒྲུབ། །དངོས་གྲུབ་སྒྲུབ་པ་པོ་ལ་ནི། །དྲན་པ་འགྲུབ་འགྱུར་གདོན་མི་ཟ། །ཐམས་ཅད་བླ་མའི་གནས་ལ་སོགས། །མཁའ་འགྲོ་མས་ནི་ཐམས་ཅད་ཁྱབ། །
ཡེ་ཤེས་ལྡན་པའི་རང་སྐྱེ་གནས། །ཡུལ་དང་ཡུལ་དུ་མངོན་པར་སྐྱེ། །རྡོ་རྗེ་དཀྱིལ་འཁོར་གཙོ་མོ་ཡིན། །དེ་རྣམས་མཁའ་འགྲོ་མ་རུ་བཤད། །ཀུ་ལུ་ཏཱ་དང་དགོན་པ་དང་། །སིནྡྷུའི་
ཡུལ་དང་གྲོང་ཁྱེར་དབང་། །གསེར་གྱི་གླིང་དང་སཽ་རཱཥྚ། །དེ་བཞིན་ལྷ་ཡི་ཁྱིམ་དང་ནི། །ཡི་དགས་གྲོང་དང་ཁ་བའི་གནས། །ཀཉྩི་འམ་ལམྦཱ་ཀ་ཡི་ཡུལ། །ཀ་ལིངྒ་དང་ཀོ་ས་ལ། །ཏྲི་ཤ་ཀུ་ནེ་

85-1-82a

ཨོ་ཏྲེ་དང་། །ཀ་མ་རཱུ་པ་མཱ་ལ་ཝེ། །ལྷ་མོའི་མཁར་དང་ར་མིའི་དབང་། །གོ་ད་བ་རི་ཨརྦུ་ཏར། །ཨཽ་ཌྱན་ཛཱ་ལནྡྷ་ར་དང་། །པཱུལླཱི་ར་མ་ལ་ཡ་སོགས། །ཡུལ་འདི་དག་གི་བུ་མོ་གང་། །དཔའ་བོ་གཉིས་མེད་རྣལ་འབྱོར་མ། །དེ་ཀུན་འདོད་པའི་
གཟུགས་ཅན་ཏེ། །ཡིད་ཀྱི་ཤུགས་ཀྱིས་འཇུག་པ་ཡིས། །རྣལ་འབྱོར་མ་དྲུག་ཀུ་ལུ་ཏར། །མྱ་ངམ་ཡུལ་ན་མ་མོ་རྣམས། །སིནྡྷུའི་ཡུལ་ན་ལཱ་མ་སྟེ། །རིགས་ཀྱི་གཙོ་མོ་ན་ག་རར། །ལམྦཱ་ཀ་དང་སཽ་རཱཥྚར། །རིགས་ཀྱི་ལྷ་མོ་རྣམས་ཡིན་ནོ། །ཡི་དགས་
གྲོང་དང་ནག་ཆེན་པོར། །མཁའ་འགྲོ་རུྰ་པི་ཀ་རུ་བཅས། །ཁ་བཱི་རི་དང་ཀཱཉྩིར་ནི། །བྱིས་བཅས་མ་རུ་བཤད་པ་སྟེ། །པཱཉྩ་ལ་ཡི་ཡུལ་དག་ན། །ཁྱིམ་གྱི་ལྷ་མོ་ཀ་ལིངྒར། །བརྟུལ་ཞུགས་འཛིན་པ་རྣམས་ཡིན་ནོ། །ཀོ་ས་ལར་ནི་ཤ་ཟ་བ། །
ཡི་དགས་གྲོང་དུ་དེ་བཞིན་དུ། །རྡོ་རྗེ་མཁའ་འགྲོ་སྦོམ་དབང་ཕྱུག །ཏྲི་ཤ་ཀུ་ནེར་དུམ་སྐྱེས་མ། །བུལླཱིར་མ་ལ་ཡ་དེ་བཞིན། །གསེར་རིར་སྨེ་ཤ་ཅན་རིགས་སྐྱེས། །བུད་མེད་སྟོང་ཕྲག་ཉི་ཤུ་གཅིག །ལྷག་མ་གཞན་དག་ཇི་སྙེད་པ། །དཔལ་ལྡན་
ཧེ་རུ་ཀ་ཡི་ནི། །འཁོར་ལོའི་རྣལ་འབྱོར་མ་ཡིན་ནོ། །ཧེ་རུ་ཀ་དཔལ་སྦྱོར་བ་ཆེ། །དེ་ཡི་དཀྱིལ་འཁོར་གཙོ་མོ་ཡིན། །མཁའ་འགྲོ་ཉི་ཤུ་རྩ་བཞི་འདིས། །རྒྱུ་དང་མི་རྒྱུའི་འཇིག་རྟེན་གསུམ། །འགྲོ་བ་ཀུན་ནི་འདི་ཡིས་ཁྱབ། །མཁའ་འགྲོ་མ་ཡི་དམ་ཚིག་འདི། །སྤྲུལ་
པ་བསྒོམ་པ་ཉིད་ཡིན་ཏེ། །བསམ་གཏན་ལ་སོགས་གང་ཅིའང་རུང་། །ས་སྟེང་ན་ནི་རྫོགས་འགྱུར་བའོ། །གཡོན་གྱི་སྤྱོད་པ་གཅེར་བུ་ཡིས། །མཚན་མོ་རྟག་ཏུ་མཉམ་བཞག་པས། །སྐྱེས་པའམ་གལ་ཏེ་གཡོན་པ་ཀུན། །རྣལ་འབྱོར་མ་
ཀུན་དཔའ་བོ་འགྲོ། །ཕྱག་རྒྱ་གར་གྱི་མཆོད་པ་ཡིས། །རང་འབྱུང་རྟག་ཏུ་མཆོད་ན་ནི། །མ་ལུས་ལུས་པ་མེད་གྲུབ་ཅིང་། །གཡོན་པའི་མཆོད་པ་ལ་རབ་འཇུག །དཔལ་ཧེ་རུ་ཀའི་ངེས་པར་བརྗོད་པ་ལས་ཡི་གེ་ཉི་ཤུ་རྩ་བཞིའི་
དཀྱིལ་འཁོར་དགོད་པའི་ཆོ་གའི་ལེའུ་སྟེ་བཞི་བཅུ་རྩ་གཅིག་གོ། །། དེ་ནས་དཔའ་བོ་མེ་ཏོག་ཆུ། །འཐུངས་ནས་སྔགས་འདི་རྗེས་དྲན་བྱ། །རྟག་ཏུ་འདི་ལྟར་བྱ་བ་ཉིད། །ཕྱག་རྒྱ་ལྷན་ཅིག་སྒྲུབ་པ་པོས། །མཚན་མོ་རྟག་ཏུ་ཤ་བཟའ་

85-1-82b

བ། །སྔགས་འདི་ཉིད་ཀྱིས་ལན་གསུམ་བསྔགས། །མྱུར་དུ་བདེ་བ་འཐོབ་པར་འགྱུར། །འཐུངས་དང་དེ་བཞིན་བྱིན་པ་དང་། །རེག་ནས་བཞག་ན་གཙོ་མོ་ཆེ། །བདེན་པས་ཚངས་པར་སྤྱོད་པ་དང་། །ཐོག་མཐར་བཞད་པའི་ཕྱག་རྒྱ་
ཡིས། །བལྟ་བའི་བསྙེམས་པ་དྲགས་ལྡན་པ། །མཚན་མོའང་དེ་བཞིན་ཉིན་མོ་ནི། །འདིས་ནི་བཞད་པ་དག་ཏུ་བྱ། །གཟུགས་དང་ལས་ཀྱི་གསང་བ་གང་། །ཇི་ལྟར་གནས་པ་དཔའ་བོ་ཉོན། །རྟག་ཏུ་དེ་ཡི་མཆི་མ་
འབྱུང་། །དད་པས་དེ་ཡི་སྤུ་ཡང་ལྡང་། །རྡོ་རྗེ་ལ་ནི་འགོམ་མི་བྱེད། །དེ་བཞིན་གཅེར་བུར་མཆོད་པ་སྟེ། །འདོད་པའི་དབང་ཕྱུག་ཐམས་ཅད་ཀྱི། །ཕྱག་རྒྱའི་ཚོགས་ཀྱི་རིམ་པ་ཉིད། །དབུགས་འབྱིན་སྐུལ་དང་རྒོད་པ་
དང་། །སྒེག་པའི་གར་ནི་ངོ་མཚར་བས། །སྣ་ཚོགས་གང་དག་མདུན་བྱེད་ཅིང་། །ཕྱག་རྒྱ་སྔགས་ནི་རྗེས་དྲན་བྱ། །ཧ་ཧ་ཧེ་ཧེ་རྣམ་བརྒྱད་བཞད། །སྣ་ཚོགས་དབང་ཕྱུག་མཆོག་ཏུ་དགའ། །ཧཱ་ཧཱ་ཞེས་བྱ་འདི་ཉེ་བར། །
རྟག་ཏུ་མཆི་མ་འབྱུང་བ་དང་། །དེ་ཉིད་ཀྱིས་དེ་དགར་འགྱུར་ཞིང་། །བསམ་གཏན་གྱི་སྔགས་ལེགས་པར་སྦྱོར། །གཙོ་མོ་རྣམས་དང་དཔའ་བོ་ནི། །སྤུ་ལྡང་བ་དང་ལྷན་ཅིག་བདེ། །རྡོ་རྗེ་འགོམ་པར་མི་བྱ་བ། །གཡོན་པས་
ཡོངས་སུ་བརྟགས་པ་ཡིན། །དཔལ་ཧེ་རུ་ཀའི་ངེས་པར་བརྗོད་པ་ལས་བཞད་པའི་སྔགས་དང་མཁའ་འགྲོ་མའི་གཟུགས་ཀྱི་སྒྱུ་མའི་ཆོ་གའི་ལེའུ་སྟེ་བཞི་བཅུ་རྩ་གཉིས་པའོ།།        ༈          །། 
དེ་ནས་སྤྱན་རས་གཟིགས་བཤད་དེ། །དཔའ་བོ་དང་ནི་གཉིས་མེད་མི། །གནས་ཀྱི་དབྱེ་བ་ཆོ་ག་ཤེས། །བསྒོམ་ལ་རྟག་ཏུ་མངོན་དགའ་བའོ། །ལམ་གྱི་བཞི་མདོ་འམ་ཁྱིམ་དག་གམ། །དཔའ་བོའི་གནས་དང་རི་བོར་ནི། །
མཁའ་འགྲོ་མ་ཡིས་དམ་ཚིག་གནས། །རིང་པོ་ནས་ཀྱང་གཟིགས་པར་འགྱུར། །ཕྱག་རྒྱས་གཅེར་བུར་མཆོད་པ་ཡི། །ལག་པས་གོ་འཕང་དམ་པ་སྟེ། །གོས་ཉིད་ཀྱིས་ནི་བཀབ་པའམ་གཞན། །འདོད་པ་རྣམས་ཀྱིས་གོས་

85-1-83a

མི་འགྱུར། །དེ་བཞིན་སྐྲ་གྲོལ་གཙོར་གྱུར་པས། །ལས་རྣམས་ཐམས་ཅད་བརྩམ་པར་བྱ། །རྩ་བའི་སྔགས་དང་དེ་བཞིན་གཞན། །ཕྱོགས་བཅིང་བར་ནི་འཇུག་པ་ཡིས། །ལྷ་དང་ལྷ་ཡི་ཚོགས་ཀྱིས་ཀྱང་། །
མ་མཐོང་བར་ནི་མཆོད་པར་གྱིས། །སྙིམ་པ་མེ་ཏོག་གིས་བཀང་སྟེ། །མཁའ་ལ་སྤྱོད་ལ་གྱེན་དུ་འཐོར། །མེ་ཏོག་དེ་དག་མ་ལྷུང་ཞིང་། །མེ་ཏོག་ས་ལ་མ་མཐོང་ན། །གནས་ཀྱི་ཁྱད་པར་ལ་གནས་དང་། །མཁའ་ལ་
འགྲོ་བ་སྟོང་ཕྲག་གི། །གནས་ལ་དབང་ནི་བྱེད་པར་འགྱུར། །ངག་གི་དབང་ཕྱུག་མ་རྣམས་དང་། །ངག་གི་དབང་ཕྱུག་འགུགས་པར་འགྱུར། །ལྷ་དང་ལྷ་ཡི་གཏམ་ཤེས་ཤིང་། །རིམ་པ་ཇི་ལྟ་བཞིན་དུའོ། །སྐར་མའི་
རྒྱུ་བ་ཤེས་པར་འགྱུར། །གྲོང་དང་གྲོང་རྡལ་དེ་བཞིན་དགོན། །གྲོང་ཁྱེར་དང་ནི་བཞི་མདོ་དང་། །ཤིང་གཅིག་དང་ནི་དཔའ་བོའི་ཁྱིམ། །རི་རྩེ་དང་ནི་མཚན་དྲུང་དུ། །སྙིང་པོའམ་ཉེ་སྙིང་རྟག་དྲན་ན། །ལྷ་དང་མི་ཡིས་མཐོང་མི་འགྱུར། །
དེ་བས་ཡུལ་ཕྱོགས་འདི་དག་ཏུ། །སྒྲུབ་པ་པོ་ནི་རྟག་ཏུ་གནས། །ཡི་གེ་བདུན་གྱི་བདག་ཉིད་ཅན། །ཤིང་རྩེར་ཁ་དོག་དམར་བསམས་ནས། །མྱུར་དུ་ལྷུང་བ་མི་ཕྱེད་པར། །ས་རྣམས་ཀྱང་ནི་གཞན་དུ་མིན། །བདག་གི་ལུས་ལ་རྣམས་
བཀོད་དེ། །ས་ལ་ཀུ་ཤའི་སྟན་དུ་ཉལ། །ཡི་གེ་བདུན་གྱིས་བདག་ཉིད་སྔགས། །བརྒྱ་རྩ་བརྒྱད་ནི་ཉིད་དུ་བཟླས། །རྨི་ལམ་དུ་ནི་བྱ་བ་ཀུན། །ཡིད་ལ་འདོད་པ་སྟོན་པར་འགྱུར། །དུས་མིན་འཆི་དང་བཅོམ་དང་ཉམས། །བྱ་བ་
ཀུན་དུ་གང་གྱུར་དང་། །རྣམ་པ་སྣ་ཚོགས་གཞན་དག་ཀྱང་། །ཐམས་ཅད་རྨི་ལམ་དག་ཏུ་སྟོན། །དེ་བཞིན་སྔགས་བཟླས་རལ་གྲི་ཆུ། །མཐེ་བོ་མར་མེ་མེ་ལོང་ལ། །སྔགས་པ་བདག་ཉིད་རྟག་རྣལ་འབྱོར། །པྲ་སེ་ན་ནི་འབེབས་པར་
བྱེད། །བསྒོམས་ནས་ལན་བདུན་བཟླས་བརྗོད་པས། །དགེ་དང་མི་དགེ་སྟོན་པར་འགྱུར། །དེ་ནས་དཔའ་བོའི་ཡི་གེ་བདུན། །སྔགས་དགོད་དབྱེ་བ་ཉིད་ཀྱིས་ཏེ། །ཉི་མའི་དབུས་སུ་བསམས་ནས་ནི། །སྟོང་གི་བར་དུ་བཟླས་པར་བྱ། །
85-1-83b

ཤེལ་གྱི་རྣམ་པ་ལྟ་བུར་ནི། །ནད་ཀྱིས་གདུངས་ལ་བསྟན་པར་བྱ། །མཐོང་བ་ཙམ་གྱི་མོད་ལ་ནི། །ནད་ཀུན་འཇིག་པར་ཐེ་ཚོམ་མེད། །ནད་ལས་རྣམ་པར་གྲོལ་འགྱུར་ན། །སྟོན་ཀའི་དུས་ཀྱི་ཟླ་བ་འདྲ། །ཟླ་བའི་དབུས་སུ་རྣམ་བཀོད་ཅིང་། །ལག་
པ་གཡོན་པར་འཁོར་ལོ་ཉིད། །ཡི་གེ་ཤེལ་གྱི་མདོག་ལྟར་སྣང་། །ནད་རྣམས་ཀུན་ལ་དགོད་པར་བྱ། །རིམས་དང་གདོན་སོགས་རྗེད་བྱེད་དང་། །གཟེར་སོགས་ཀུན་དང་མཛེ་ཅན་དང་། །དུག་གིས་ཟིན་སོགས་ནད་རྣམས་དང་། །ནད་ཀུན་ཐེ་ཚོམ་མེད་
པར་ནི། །ཟླ་གཟུགས་ཡི་གེ་བསམས་ནས་ནི། །ཕྱོགས་བཅུར་རྣམ་པར་འབྱེར་བར་འགྱུར། །མཚན་མོ་གསང་བ་ལ་གནས་ཏེ། །གོ་མང་ས་ནི་མངར་གསུམ་བཏགས། །ཡིག་བདུན་གསང་སྔགས་ཤེས་པ་དང་། །སྟོང་ཕྲག་བརྒྱད་དུ་སྦྱིན་
བསྲེག་བྱས། །སྔགས་པ་ནང་པར་དུས་སུ་ནི། །གསེར་སྲང་སྟོང་ནི་རྙེད་པར་འགྱུར། །སྦྱིན་བསྲེག་སྟོང་ཕྲག་བཅུ་ཡིས་ནི། །ཡུལ་འཁོར་དམ་པ་རྙེད་པར་འགྱུར། །ཡང་ན་གསང་སྔགས་རྒྱལ་པོ་ནི། །གནས་ནི་གང་དུ་
བསམས་པ་དང་། །དེ་དང་དེར་ནི་དེ་ཡི་ཚེ། །སྐྱེ་བར་འགྱུར་བར་གདོན་མི་ཟ། །དཀར་པོ་ཡིས་ནི་ཞི་བར་འགྱུར། །ནག་པོས་སྐད་ཅིག་དག་གིས་གསོད། །དམར་པོས་དབང་དུ་འགྱུར་བ་སྟེ། །འཕྲལ་དུ་ངེས་པར་འགུགས་
པར་འགྱུར། །སེར་པོས་ཐམས་ཅད་གནོན་འགྱུར་ཏེ། །འདི་ནི་བསྟན་བཅོས་ངེས་པ་ཡིན། །སེར་པོས་དཔུང་ནི་གནོན་པ་དང་། །གྲུ་དང་འཁྲུལ་འཁོར་གླང་པོ་གནོན། །དཀར་པོ་བསམས་པ་ཙམ་གྱིས་ནི། །འཆི་བ་ངེས་
པར་སློང་བར་འགྱུར། །སྦྲུལ་ཆེན་བརྒྱ་ཡིས་ཟིན་པ་ནི། །དེ་ཡང་མྱུར་དུ་སློང་བར་བྱེད། །དུག་གིས་བརྒྱལ་བ་རྣམས་མཐོང་ནས། །རབ་ཏུ་སད་པས་སད་པར་འགྱུར། །རིམས་དང་གདོན་དང་རྗེད་བྱེད་ནི། །ལག་པ་མཐོང་
བས་འཇིགས་པར་འགྱུར། །རྒྱན་པོ་གཡུལ་དུ་ཁུ་ཚུར་བཅིངས། །ཡིད་ལ་རྟག་དུ་ཟློས་བྱེད་ན། །ཁུ་ཚུར་མ་བཀྲོལ་དེ་སྲིད་དུ། །བྱ་བ་ཐམས་ཅད་བསྒྲུབ་པར་འགྱུར། །དགྲ་བོ་གལ་ཏེ་ལག་ན་ནི། །མཚོན་ཆ་འཕྱར་བར་བྱེད་པ་ཡང་། །

85-1-84a

ཇི་སྲིད་ཁུ་ཚུར་མ་བཀྲོལ་བར། །མཚོན་ཆ་གཏོང་བར་མི་ནུས་སོ། །གཞན་ཡང་བྱ་བ་ཐམས་ཅད་ནི། །དེ་བཞིན་ཉིད་དུ་སྒྲུབ་པར་བྱེད། །འབྲས་བུ་མེ་ཏོག་འདབ་མ་དང་། །སོ་རྩི་དེ་བཞིན་ཟས་རྣམས་ལ། །ལུས་ཀྱི་སྦྱོར་བ་དང་པོ་སྟེ། །
དེ་བཞིན་གཉིས་པ་ནུས་པ་ཡིན། །གསུམ་པ་དག་ནི་ངག་ཉིད་དོ། །བཞི་པ་དམིགས་པར་མི་འགྱུར་ཏེ། །སྔགས་ཀྱི་རྒྱལ་པོས་འགྲུབ་པར་འགྱུར། །ས་གཞི་ཤིང་དང་བཅས་པ་དང་། །རྒྱ་མཚོ་སྐེ་རགས་བཏགས་དེ་ལ། །འདིར་ནི་འགྲུབ་པར་ཐེ་
ཚོམ་མེད། །ཁམས་གསུམ་རྒྱུ་དང་མི་རྒྱུའི་བར། །རྨོད་འདེབས་ཕན་འདོགས་ནུས་པ་ཡིན། །དཔལ་ཧེ་རུ་ཀའི་ངེས་པར་བརྗོད་པ་ལས་ཉེ་བའི་སྙིང་པོའི་ལས་སྒྲུབ་པའི་ཆོ་གའི་ལེའུ་སྟེ་བཞི་བཅུ་རྩ་གསུམ་པའོ།། །། དེ་ནས་ཕོ་ཉ་ལ་
བརྟེན་ཏེ། །ཡི་གེ་བདུན་པ་དང་ལྡན་པ། །གང་དུ་ལས་ལ་ཡང་དག་བརྩམས། །དེ་ཡི་མོད་ལ་མྱུར་དུ་འགྲུབ། །ཡི་གེ་བདུན་པའི་ཆོ་ག་ཡིས། །རྣལ་འབྱོར་མ་དྲུག་རྣམ་པར་དགོད། །འཁོར་ལོར་ལེགས་པར་གནས་པ་དྲུག །རྣམ་པ་
དེ་ལྟའི་ཆོ་ག་ཡི། །གཡོན་པ་ཉིད་དུ་བསྐུལ་དང་བཅས། །གང་གིས་གཟུང་འཛིན་བསམས་ནས་ནི། །ཁ་ནས་གསང་སྔགས་རྒྱལ་པོ་ཟློས། །གང་ལ་ལག་པ་དེ་བསྟན་པ། །དེ་ནི་ངེས་པར་འགུགས་པར་འགྱུར། །ཙན་དན་དམར་པོ
འི་རྡུལ་དང་ནི། །དེ་བཞིན་སྐེ་ཚེ་ལན་ཚྭ་དང་། །སྒྲུབ་པར་བྱ་བའི་རྐང་རྗེས་ལ། །གཅིག་ཏུ་བྱས་ནས་བརྟག་པར་བྱ། །ལག་པ་གཉིས་ཀྱིས་མཉེས་ནས་ནི། །རྣལ་འབྱོར་མ་ལ་སྦྱིན་བསྲེག་བྱ། །མཚན་མོ་རྨེ་ཤ་ཅན་མེ་འམ། །དུར་
ཁྲོད་མེ་ལ་ཕྱེ་མ་བསྲེག །བསྒྲུབ་པར་བྱ་ལ་མངོན་ཕྱོགས་ཏེ། །སྦྱོར་བ་འདི་ནི་བརྩམ་པར་བྱ། །ཇི་སྲིད་བརྒྱ་ཡི་བར་དུ་བཟླས། །དེས་ནི་ངེས་པར་འགུགས་པར་འགྱུར། །བསྒྲུབ་པར་བྱ་བའི་བདག་ཉིད་དང་། །ནོར་དང་སྐྱེ་བོ་
དབང་དུ་འགྱུར། །སྦྱོར་བ་འདི་ནི་གྲུབ་པ་སྟེ། །གཞན་དུ་ན་ནི་ང་མི་སྨྲ། །རྡུལ་དེ་ཉིད་ནི་བླངས་ནས་སུ། །ལྕགས་ཕྱེ་དང་ནི་རྣམ་པར་བསྲེས། །དུར་ཁྲོད་རས་ལ་བརྟུམས་ནས་ནི། །ལན་བདུན་བཟླས་ལ་བཞི་མདོ་རུ། །

85-1-84b

སོར་བརྒྱད་ཙམ་དུ་ས་བརྐོས་ལ། །དགྲ་ཡི་མིང་དང་བཅས་པར་ནི། །གང་གི་མིང་སྨོས་སྦས་གྱུར་པ། །དེ་ནི་མྱུར་དུ་གནོན་པར་འགྱུར། །ཕྱེ་མ་དེ་ཉིད་བཟླས་ནས་སུ། །འབད་དེ་བ་ཡི་འོ་མ་ཡིས། །དེ་ནི་སླར་ཡང་གསོས་གྱུར་ན། །
འགྲུབ་པ་ཉིད་དུ་ཐེ་ཚོམ་མེད། །ཕྱེ་མ་དེ་ནི་བླངས་ནས་ནི། །མྱོས་བྱེད་ལྔ་དང་ལྡན་པ་རུ། །དེ་ནི་དུར་ཁྲོད་རས་ཀྱིས་བཅིང་། །དགྲ་ཡི་མིང་ཡང་བྲི་བར་བྱ། །བཟླས་བརྗོད་ལན་བརྒྱ་བྱས་ནས་ནི། །དུར་ཁྲོད་དུ་ནི་ངེས་སྦས་ན། །
བསྒྲུབ་བྱ་སྨྱོ་བ་ཉིད་དུ་འགྱུར། །བཏོན་པ་ཉིད་ཀྱིས་ཐར་བར་འགྱུར། །བཏོན་ནས་བ་ཡི་འོ་མ་ཡིས། །འབད་པས་དེ་བཞིན་བཀྲུ་བར་བྱ། །སླར་ཡང་གསོ་བ་དེ་དག་ནི། །འགྲུབ་པ་ཉིད་དུ་ཐེ་ཚོམ་མེད། །དཔལ་ཧེ་རུ་ཀའི་ངེས་པར་བརྗོད་
པ་ལས་རྣལ་འབྱོར་མ་དྲུག་གི་ཡི་གེ་བདུན་གྱི་ལས་ཀྱི་ཆོ་གའི་ལེའུ་སྟེ་བཞི་བཅུ་རྩ་བཞི་པའོ།། །། དེ་ནས་ལས་ཀྱི་རབ་མཆོག་ནི། །ངག་གི་དངོས་གྲུབ་བྱེད་པའོ། །ཀ་ར་བཱི་རའི་མེ་ཏོག་དམར། །བརྒྱ་རྩ་བརྒྱད་
ནི་བླངས་ནས་སུ། །འབད་དེ་བ་ཡི་འོ་མ་དང་། །བཟླས་བརྗོད་བརྒྱ་ཡང་བྱ་བ་ཡིན། །ལན་རེ་བཟླས་པའི་མེ་ཏོག་གིས། །ལིང་ཀའི་སྤྱི་བོར་བསྣུན་པར་བྱ། །དེ་ལྟར་ཤིན་དུ་མཉམ་བཞག་པས། །ཉི་མ་བདུན་དུ་བྱ་བ་ཡིན། །དེ་ནས་ཉིན་ཞག་
བཅུ་གཅིག་པར། །མེ་ཏོག་དག་ནི་བླངས་ནས་སུ། །ཆུ་བོ་ཆེན་པོར་སོང་ནས་ནི། །རེ་རེ་ནས་ནི་ཆུ་ལ་དོར། །དེ་དག་ཐམས་ཅད་རིམ་བཞིན་དུ། །ལན་རེ་བཟླས་ནས་རབ་ཏུ་བྱ། །ཆུ་བོར་མེ་ཏོག་ཐ་མ་ནི། །རྒྱུན་ལས་བཟློག་སྟེ་རབ་
འབབ་ན། །ཆུ་དང་བཅས་པར་བླངས་ནས་ནི། །སོས་མ་རེག་པར་དེ་འཐུངས་ན། །གསང་བའི་རྒྱུད་ལས་བྱུང་བ་ཡི། །སྒྲུབ་པོའི་ཚིག་ནི་འགྲུབ་པར་འགྱུར། །དེ་ནས་སྐྱེ་གནས་བརྒྱ་བཅིངས་ལ། །བརྒྱ་རྩ་བརྒྱད་དུ་བཟླས་ནས་
ནི། །སྔགས་པ་བསྒྲུབ་བྱར་མངོན་ཕྱོགས་ན། །བསྒྲུབ་པར་བྱ་བའི་ལྟོ་བར་གནས། །དེ་ལ་ཡིད་ཀྱི་གནས་བཞིན་དུ། །བློ་ལྡན་ཐུན་གསུམ་མཐེའུ་ཆུང་བསྐྱོད། །བྲམ་ཟེ་གསོད་པ་དག་གིས་ཀྱང་། །ཞག་བདུན་བརྒྱ་

85-1-85a

བྱིན་སོགས་ངེས་འགུགས། །ཙན་དན་དམར་པོའི་རྡུལ་ལས་ནི། །བསྒྲུབ་པར་བྱ་བའི་གཟུགས་བྱས་ལ། །ཚ་བ་གསུམ་གྱིས་ལུས་ལ་བསྐུ། །པྲ་ཚལ་གྱིས་ཀྱང་རབ་ཏུ་བྱུག །བསྒྲུབ་པ་པོ་ཡི་གསང་གནས་སུ། །ཟངས་མའི་ཁབ་
ཀྱིས་ཕུག་ནས་ནི། །སེང་ལྡེང་མདག་མེ་དུ་མེད་ལ། །མཁས་པས་ཉི་མ་བདུན་དུ་བསྲོ། །ལན་བརྒྱ་བཟླས་ཏེ་བཟླས་པའི་མཐར། །མི་ཡི་བདག་པོ་མདུན་ན་འདོན། །བཙུན་མོའི་འཁོར་དང་བཅས་པ་ནི། །ངེས་པར་འགུགས་པར་བྱེད་པ་ཡིན། །
མི་ཡི་བདག་པོ་འཁོར་བཅས་པ། །གྲོ་བའི་འདབ་མར་བྲི་བྱ་བ། །གི་ཝང་དག་གིས་བྲིས་ནས་ནི། །མིང་དང་སྤེལ་ནས་གང་ལ་ནི། །མངོན་པར་ཕྱོགས་ཏེ་བརྒྱ་བཟླས་ནས། །སེང་ལྡེང་མེ་ལ་དེ་གདུངས་ཤིང་། །དུར་ཁྲོད་མེ་སྟེང་བསྒྲུབ་ཕྱིར་བཤད། །
ཇི་སྲིད་པྲ་ཚིལ་མ་ཞུའི་བར། །བསྲོས་པར་གྱུར་ན་རྒྱལ་པོ་ནི། །འཁོར་ལོས་སྒྱུར་དང་བཅས་པར་ཡང་། །ངེས་པར་འགུགས་པར་འགྱུར་བ་ཡིན། །བསྒྲུབ་པར་བྱ་བའི་རྐང་རྗེས་ལས། །ཙན་དན་དམར་པོ་ཉིད་དང་ནི། །དུར་ཁྲོད་ལྷག་
མ་ཐལ་བས་སྤྱོས། །བསྒྲུབ་པ་པོ་ཡིས་གཅིག་བསྡུས་ལ། །སེང་ལྡེང་མེ་ནི་དུ་མེད་ལ། །རབ་ཏུ་འབད་པས་བསྲོ་བར་བྱ། །རྡུལ་དེ་ལག་པ་གཉིས་ཀྱིས་ནི། །མཉེས་ནས་སྦྱིན་བསྲེག་བྱས་ནས་ནི། །ཇི་སྲིད་དུ་ནི་བསྲེག་པས་འགྲུབ། །
རྡུལ་དེ་བླངས་ནས་མ་ཡེངས་པར། །དབུགས་མི་འབྱིན་པར་སྦས་ན་ནི། །བརྒྱལ་ཞིང་སེམས་དང་བྲལ་འདྲ་ལ། །རྨོངས་ཤིང་ཉོན་མོངས་པ་ཉིད་དང་། །རླུང་གི་ཤུགས་ཀྱིས་འོངས་ནས་ནི། །སྒྲུབ་པ་པོ་ཡི་སྟེང་དུ་ལྷུང་། །ཕྱུགས་སམ་
ཡང་ན་ཕོ་ཉ་མོ། །མཁས་པ་ཡིས་ནི་དབྱེ་བ་ཡིན། །དེ་ནས་ལས་ཀྱིས་ཕོ་ཉ་མོར། །བྱ་བ་འདི་ནི་འཛིན་པ་ཉིད། །ཀ་ར་བཱི་རའི་ལྕུག་མ་ནི། །རླན་བཅས་དཔུང་པའི་ཚད་མཉམ་བླངས། །འབར་འགྱུར་རོ་བསྲེག་མེ་ལ་དོར། །ཇི་སྲིད་དེ་ནི་མ་ཚིག་པ། །མྱུར་དུ་སོང་སྟེ་དེ་བླངས་
ལ། །རིག་པ་ལན་བདུན་བཟླས་ནས་ནི། །གང་ཞིག་བཟླས་ཏེ་བསྐོར་ན་ནི། །དེ་ནི་དེ་ཡི་སྐད་ཅིག་ལ། །སྐྱེས་པའམ་བུད་མེད་རང་གཟུགས་ཅན། །རླུང་གི་ཤུགས་ཀྱིས་འོང་བར་འགྱུར། །ཀ་ར་བཱི་རའི་མེ་ཏོག་དམར། །བརྒྱ་བཟླས་རྒྱལ་གྱི་སྦྱོར་

85-1-85b

བ་ལས། །སྒྲུབ་པོས་གིའུ་ཝང་གིས་བྱུག་ལ། །མེ་ཏོག་ཆུ་ལ་གནས་པ་ལ། །ཆུ་བོ་ཆེན་པོར་ཞུགས་ནས་ནི། །ལྟེ་བ་མན་ཆོད་ཆུར་བཅུག་སྟེ། །ལག་པ་སྦྱར་བའི་དབུས་གནས་ལ། །རིག་པ་སྟོང་དུ་བཟླས་ནས་ནི། །ལག་པ་གཉིས་
ཀྱིས་ཕྱིར་བརླགས་ཏེ། །ཆུ་དང་བཅས་པར་བཏུང་བར་བྱ། །དེ་ནས་སྒྲུབ་པ་པོ་དེ་ཡིས། །ཚིག་གི་དངོས་གྲུབ་ཐོབ་པར་འགྱུར། །རྒྱལ་པོའམ་རྒྱལ་པོའི་ཆུང་མ་ནི། །ཡིད་ཀྱིས་ངེས་པར་འགུགས་པར་འགྱུར། །ལྷར་བཅས་ལྷ་མིན་མི་
རྣམས་ནི། །མྱུར་དུ་དབང་དུ་བྱེད་པར་འགྱུར། །ཁྲོས་པས་ཚིག་གིས་གསོད་འགྱུར་ཞིང་། །དབྱེ་དང་བསྐྲད་པ་ཉིད་ཀྱང་བྱེད། །སྒྲུབ་པ་པོ་ཡི་ཚིག་ཉིད་ཀྱིས། །ཚར་གཅོད་པར་ནི་བྱེད་པར་འགྱུར། །ཚིག་ཙམ་གྱིས་ནི་ཆུའོ་དང་། །
ཤིང་རྟ་འཁྲུལ་འཁོར་རྒྱ་མཚོ་དང་། །གླང་པོ་རྟ་དང་དེ་བཞིན་སྤྲིན། །སྐྱེས་བུའམ་ཡང་ན་བྱ་ཡང་གནོན། །ཡིད་ཀྱིས་ཡིད་ལ་གང་འདོད་པ། །ཚིག་གིས་ཐམས་ཅད་བྱེད་པར་འགྱུར། །དགུག་པ་ཡི་ནི་སྦྱོར་བ་དག །བུད་མེད་ཐམས་
ཅད་རྨོངས་བྱེད་པ། །ཀ་ར་བཱི་རའི་མེ་ཏོག་ནི། །དམར་པོ་ཡང་དག་བླངས་ནས་སུ། །རིག་པ་ལན་བརྒྱ་བཟླས་པ་དག །སྐྱེ་གནས་དབུས་སུ་གཞུག་པར་བྱ། །མེ་ཏོག་དེ་ནི་ཁ་སྦྱར་བྱས། །གསང་བའི་གནས་སུ་ངེས་པར་སྦྱར། །གཉིས་
མེད་ཡེ་ཤེས་རྣལ་འབྱོར་ལྡན། །སྔགས་པས་བརྒྱ་ཕྲག་གཅིག་ཏུ་བཟླས། །སྐྱེ་གནས་དབུས་ཀྱི་མེ་ཏོག་དེ། །སྒྲུབ་པ་པོ་ཡིས་གཅིག་བླངས་ལ། །མེ་ཏོག་གི་ནི་གང་བསྣུན་པ། །དེ་ནི་མོད་ལ་དབང་དུ་འགྱུར། །བརྒྱལ་ཞིང་སེམས་དང་
བྲལ་བ་དང་། །ཡན་ལག་ཚིགས་ཀུན་གཞན་དབང་སྟེ། །མངོན་འགྱུར་སེམས་ནི་བཟློག་པ་རུ། །སྐད་ཅིག་གིས་ནི་དབང་དུ་བྱེད། །འདི་ནི་ཡིད་ཆེས་དངོས་གྲུབ་སྟེ། །དོན་ཡོད་དབང་དུ་བྱེད་པ་ཡིན། །དཔལ་ཧེ་རུ་ཀའི་ངེས་པར་
བརྗོད་པ་ལས་རྣལ་འབྱོར་མ་དྲུག་དང་ཚིག་གི་དངོས་གྲུབ་ལུང་བསྟན་པའི་ཆོ་གའི་ལེའུ་སྟེ་བཞི་བཅུ་རྩ་ལྔ་པའོ།། །། དེ་ནས་ཡི་གེ་ཧ་ལྔ་ནི། །ལས་རྣམས་ཐམས་ཅད་སྒྲུབ་བྱེད་པ། །གང་ཞིག་ཤེས་པ་ཙམ་གྱིས་ནི། །

85-1-86a

མྱུར་དུ་དངོས་གྲུབ་རབ་འཇུག་པའོ། །ཧཱ་ཧི་ཧཻ་ཧཽ་ཧཿ ཡི་གེ་ཧ་ལྔ་ལག་པ་ཡིས། །བསྐུལ་དང་ལྡན་པས་མཉེས་ན་ནི། །ཁ་ནས་ཀྱང་ནི་ཁྲག་འཛག་ཅིང་། །དགྲ་བོ་དེ་ཡི་མོད་ལ་འཆི། །རང་གི་ཁྲག་ནི་ཐོད་གནས་པ། །སྲིན་ལག་
གིས་ཁྲག་མཉེ་བར་བྱ། །ཇི་སྲིད་སྐམས་ཀྱི་བར་དུ་སྟེ། །དེས་ནི་སྒྲུབ་བྱ་རྣམ་པར་འཇིག །གལ་ཏེ་ཁྲོ་བོ་འབར་བ་དང་། །མིག་དམར་བ་ཡིས་བཟླས་ན་ནི། །དཔུང་ཚོགས་བཞོན་པར་བཅས་པ་ཡི། །རྒྱལ་པོ་མྱུར་དུ་འཆི་བར་བྱེད། །
བྱི་ལ་དང་ནི་ནེའུ་ལེ་དང་། །ཁྭ་དང་ཝ་དང་ཆུ་སྐྱར་ནི། །མཁའ་འགྲོ་མ་ལ་སྟོབས་ཅན་སྦྱར། །འདི་དག་མྱུར་དུ་འགྲུབ་ཡིན་པར། །རྒྱུད་འདི་ལ་ནི་ཐེ་ཚོམ་མེད། །རི་བོང་ལ་སོགས་སྤུ་ལས་ནི། །སྲད་པུ་བྱས་ཏེ་ལན་སྟོང་བཟླས། །
གང་གི་མགུལ་དུ་བཅིངས་གྱུར་པ། །དེ་ནི་དེ་དང་འདྲ་བར་འགྱུར། །ལག་པར་བཟླས་བརྗོད་སྟོང་བྱས་ཏེ། །ཀ་ར་བཱི་རའི་མེ་ཏོག་དང་། །ཡི་གེ་རེ་རེ་མངོན་བཟླས་ལ། །སྦྲུམ་མ་ལ་ནི་རེག་གྱུར་ན། །མངལ་ནི་རྣམ་པར་འཕོ་
འགྱུར་ཏེ། །གཏང་ན་ཐར་བར་འགྱུར་བ་ཡིན། །གང་ལ་སྡིགས་འཛུབ་བྱས་ཏེ་འཆི། །སླར་ཡང་འཚོ་བར་བྱེད་པ་ཡིན། །དཔལ་ཧེ་རུ་ཀའི་ངེས་པར་བརྗོད་པ་ལས་ཡི་གེ་ཧ་ལྔའི་ལས་ཀྱི་ཆོ་གའི་ལེའུ་སྟེ་བཞི་བཅུ་རྩ་དྲུག་པའོ།། །། 
དེ་ནས་ཡང་དག་བཤད་བྱ་བ། །མཁའ་འགྲོ་ཀུན་གྱི་སྙིང་པོ་སྟེ། །འདི་ནི་བརྗོད་པ་ཙམ་གྱིས་ཀྱང་། །དངོས་གྲུབ་ཐམས་ཅད་སྐྱེད་བྱེད་ཡིན། །དེ་ནས་མཁའ་འགྲོ་མའི་རིག་པ་ཆེན་པོ་བཟླས་ན་རིགས་ཐམས་ཅད་
དབང་དུ་བྱེད་པར་འགྱུར་རོ། །རྟག་ཏུ་བཟླས་བརྗོད་བྱས་པས་ནི་དཔལ་ཆེན་པོ་བསྐྱེད་པར་འགྱུར་རོ། །མི་རུས་ཀྱི་རྒྱུ་ལ་ཕུར་བུ་སོར་དྲུག་པ་བྱས་ལ་བརྒྱ་རྩ་བརྒྱད་མངོན་པར་བཟླས་ནས་གང་གི་སྒོར་སྦས་པ་དེའི་རིགས་རྒྱུད་རྣམས་གཅོད་པར་
འགྱུར་རོ། །ཞིང་དང་ར་བ་དང་མ་ཧེ་དང་གླང་པོ་ཆེ་དང་། རྟའི་གནས་སུ་རྐོས་ཏེ་སྦས་ན་ཐམས་ཅད་བརླག་པར་འགྱུར་རོ། །དེ་ནས་རྒྱལ་པོའམ་རྒྱལ་པོའི་བློན་པོ་དབང་དུ་བྱ་བར་འདོད་ན་རྒྱལ་པོའི་སྒོར་ས་ལ་བྱས་པའི་གཟུགས་བརྙན་སོར་བརྒྱད་པ་བྱས་ལ།  

85-1-86b

མཁས་པས་བཞག་ནས་ཉིན་ཞག་དང་པོ་ལ་མ་ཏུ་ལུང་ཀའི་མེ་ཏོག་དང་འབྲས་བུ་རྣམས་དང་ཀུ་སུ་མ་བསྲེས་པས་སྦྱིན་བསྲེག་བརྒྱ་སྟོང་བྱས་ན་དེ་དབང་དུ་འགྱུར་རོ། །སྔགས་འདི་ཉིད་ཀྱིས་དགུག་པ་དང་། གནོན་པ་དང་། སྐེམས་པ་དང་། རྨོངས་པ་དང་། རྨུགས་པ་དང་། 
ཚིག་འཕྲོག་པ་དང་། ལོང་བར་བྱེད་པ་དང་། དིག་པ་ཉིད་དང་། སླར་གཏོང་བར་བྱེད་དོ། །དེ་ནས་སྐྱེས་པ་བུད་མེད་དུ་བྱ་བར་འདོད་ན་སྐྱེས་པའི་རོའི་མེ་ཏོག་དང་། ཀ་ག་ཨན་དི་ཀའི་འབྲས་བུ་དང་། ཁྭའི་སེན་མོ་དང་། རྐང་པའི་འོག་གི་ལྤགས་པ་ཆ་མཉམ་པར་བྱས་ལ་རི་འོང་གི་ཁྲག་
དང་བཏགས་ཏེ། རི་ལུ་བཅུ་གཅིག་བྱས་ལ་གྲིབ་མ་ལ་སྐམ་མོ། །དེ་བཞིན་དུ་ཞག་བཟང་པོ་ལ་ལག་པ་ལ་བཅིངས་ཏེ་ཉི་མ་བཅུ་གཉིས་པ་ལ་གང་གི་སྤྱི་བོར་ཕྱེ་མ་བཞག་པ་དེ་བུད་མེད་དུ་འགྱུར་རོ། །དེ་ནས་སྐྱེས་པ་ཁྱིར་བྱ་བར་འདོད་ན་རྒྱལ་གྱི་ལྕགས་ནེའུ་ལེའི་
མགོ་བོར་བཞག་ལ་མཚན་མོ་བདུན་གྱི་བར་དུ་བརྒྱ་སྟོང་སྦྱིན་བསྲེག་བྱས་ལ་ཉིན་ཞག་བརྒྱད་པ་ལ་གུར་ཀུམ་དང་། མཉམ་པོར་སྦྱར་ཏེ་ལན་བརྒྱ་རྩ་བརྒྱད་མངོན་པར་བཟླས་ནས་ཕྱེ་མའི་སྦྱིན་སྲེག་བྱས་ལ་དེའི་ཐལ་བ་གང་གི་སྤྱི་བོར་བཞག་པ་དེ་ཁྱིར་འགྱུར་
རོ། །སླར་གསོ་བ་ནི་མཚན་མོའི་དུས་སུ་མཁའ་འགྲོ་མ་རྣམས་ལ་མཆོད་པ་ཆེན་པོ་བྱས་ཏེ། གཏོར་མ་བྱིན་ན་དེའི་འོག་ཏུ་རྣལ་མར་འགྱུར་རོ། །རྫས་རྫས་མ་ཡིན་པར་བྱ་བར་འདོད་ན། གསེར་ཤིང་གི་འབྲས་བུ་སྦྱིན་བསྲེག་བརྒྱ་རྩ་བརྒྱད་
བྱས་ན་རྫས་མ་ཡིན་པར་འགྱུར་རོ། །ཨ་རུ་རའི་སྦྱིན་སྲེག་བྱས་ན་རྣལ་མར་འགྱུར་རོ། །དེ་ནས་སྨྱོ་བར་བྱ་བར་འདོད་ན་བྱ་ཆེན་པོའི་གནས་ཀྱི་སྦྱིན་བསྲེག་བྱས་ན་ཉི་མ་བདུན་པ་ལ་སྨྱོ་བར་འགྱུར་རོ། །སླར་
ཟླག་པ་ནི་འབྲས་ཀྱི་ཕུབ་མའི་སྦྱིན་བསྲེག་བྱས་ན་ཞི་བར་འགྱུར་རོ། །བྱི་ལའི་སྤུ་ཟླ་བ་གཟས་ཟིན་པའི་ཚེ་བསྡུས་ལ་གང་གི་མིང་ནས་སྨོས་ནས་སྔགས་ཀྱི་སྦྱིན་བསྲེག་བྱས་ནས་ཐལ་བ་དེ་གང་གི་སྤྱི་
བོར་བཞག་པ་དེ་བྱི་ལར་འགྱུར་རོ། །སླར་བཟླས་ན་རྣལ་མར་འགྱུར་རོ། །བྱ་རོག་གི་རྒྱུས་པ་ལ་སྲད་བུ་བྱས་པ་བཟུང་ལ་མངོན་པར་བཟླས་ཏེ་གང་གི་མགུལ་དུ་བཅིངས་པ་དེ་བྱ་

85-1-87a

རོག་ཏུ་འགྱུར་རོ། །གང་དང་གང་གི་རྒྱུས་པ་སྲད་བུ་བྱས་པ་ལ་མངོན་པར་བཟླས་ཏེ་མགུལ་དུ་བཅིངས་པ་དེ་དེ་དང་འདྲ་བར་འགྱུར་རོ། །དེ་བཞིན་དུ་ཁྭ་དང་ཐི་བ་དང་རྨ་བྱ་དང་ཆུ་སྐྱར་དང་། འུག་པ་དང་། ཁྲ་དང་བྱ་རྒོད་
ཀྱི་གཟུགས་འཛིན་པར་འགྱུར་རོ། །བ་ལང་གི་སྤུ་ལས་སྲད་བུ་བྱས་ལ་ལན་བརྒྱད་བརྒྱ་བཟླས་བརྗོད་བྱས་ཏེ་མགུལ་དུ་བཅིངས་ན་དེ་བ་ལང་དུ་འགྱུར་རོ། །རྐང་བཞི་པ་ལ་སོགས་པ་གང་དང་གང་གི་སྤུ་ལས་སྲད་བུ་བྱས་ལ་
མངོན་པར་བཟླས་ཏེ་མགུལ་དུ་བཏགས་ན་དེ་དེའི་གཟུགས་འཛིན་པར་འགྱུར་རོ། །བཀྲོལ་ན་ཐར་བར་འགྱུར་རོ། །འབྲསོ་བ་ལ་བཟླས་ལ་ནོར་གྱི་བདག་པོ་ཆེན་པོའི་ཁྱིམ་དུ་བཅུག་ལ་ལྷག་མས་བདག་ཉིད་དབང་བསྐུར་ན་མཚན་མོ་
བདུན་གྱིས་སོ་བ་ཐམས་ཅད་འགུགས་པར་འགྱུར་རོ། །དཔལ་ཧེ་རུ་ཀའི་ངེས་པར་བརྗོད་པ་ལས་སངས་རྒྱས་ཐམས་ཅད་ཀྱི་མཁའ་འགྲོ་མའི་སྔགས་ཀྱི་ལས་ཐམས་ཅད་ཀྱི་ཆོ་གའི་ལེའུ་སྟེ་བཞི་བཅུ་རྩ་བདུན་པའོ།། །། 
དེ་ནས་གཞན་ཡང་བཤད་བྱ་བ། །མཁའ་འགྲོ་ཀུན་གྱི་དགེ་བ་ཡི། །སྙིང་པོ་རྣལ་འབྱོར་མ་ཀུན་གྱི། །འདོད་དོན་ཐམས་ཅད་སྒྲུབ་བྱེད་པའོ། །གང་ཞིག་དྲན་པ་ཙམ་གྱིས་ནི། །འཇིག་རྟེན་གསུམ་པོ་གཡོ་བྱེད་ཅིང་། །རྗེས་སུ་
དྲན་པ་ཙམ་གྱིས་ཀྱང་། །ཡང་དག་དངོས་གྲུབ་རིམ་གྱིས་སོ། །ཧཱ་སྭཱ་ཊཕ་ཧཱུྃ་ཧུྃ་ཡེ་ནཱི་རྞྞབ་ཛྲབ་ཡེ་ནཱི་ཀི་ཌཱ་དྡྷ་བུ་རྦས་ཨོཾ།     སྔགས་འདི་ཀླགས་པས་གྲུབ་པ་སྟེ། །ལས་རྣམས་ཀུན་བྱེད་དགེ་བ་ཡིན། །མཁའ་འགྲོ་རྣལ་འབྱོར་
མ་རྣམས་དང་། །ཁཎ་ཌ་རོ་ཧ་ལཱ་མ་སོགས། །མཁའ་འགྲོ་མ་ནི་ཐམས་ཅད་ཀྱི། །སྔགས་ནི་འདི་ཉིད་ཡིན་པར་གྲགས། །ས་འོག་ཡང་ན་མཐོ་རིས་སམ། །དེ་བཞིན་མི་ཡུལ་དག་ཏུ་ཡང་། །ལས་ནི་གང་དག་ཡོད་པ་
དག །སྔགས་ཀྱིས་དེ་དག་ཐམས་ཅད་བསྒྲུབ། །དངོས་གྲུབ་ཀུན་བྱེད་དགེ་བ་ཡིན། །དངོས་གྲུབ་ཐམས་ཅད་རབ་སྩོལ་བ། །འདི་ལས་ཤིན་ཏུ་མཆོག་གྱུར་མེད། །འཇིག་རྟེན་གསུམ་ན་ཅི་ཡང་མེད། །གང་ཕྱིར་འདི་ནི་བླ་ན་

85-1-87b

མེད་དེ། །ལས་རྣམས་ཐམས་ཅད་སྒྲུབ་བྱེད་ཡིན། །མཁའ་འགྲོ་མ་ནི་ཀུན་གྱི་གནས། །མདོར་བཤད་རྒྱས་པར་མ་ཡིན་ནོ། །མེ་ཏོག་འབྲས་བུ་སྣ་ཚོགས་ཀྱི། །རི་བོ་བཟང་པོ་བྲི་བྱ་ཞིང་། །དེ་ཡི་སྟེང་དུ་རྟག་བསྒོམ་པ། །མཁའ་
འགྲོ་དེ་བཞིན་ལཱ་མ་དང་། །ཁཎ་ཌ་རོ་ཧ་རྣལ་འབྱོར་མ། །དཔའ་བོ་རྣམས་ཀྱི་དཔའ་བོ་ཉིད། །ཧ་ཧ་ཧེ་ཧེ་ཞེས་བྱ་བ། །དཔའ་བོ་ཉི་ཤུ་རྩ་བཞི་ཡི། །མཁའ་འགྲོ་དྲ་བའི་བདེ་མཆོག་ཡིན། །རྡོ་རྗེ་སེམས་དཔའ་རྣམ་སྣང་མཛད། །
དེ་བཞིན་པད་མ་གར་དབང་དང་། །ཤྲཱི་ཧེ་རུ་ཀ་ཉིད་དང་ནི། །མཁའ་སྙིང་དང་ནི་རྟ་མགྲིན་ཉིད། །རིན་ཆེན་རྡོ་རྗེ་སྟོབས་པོ་ཆེ། །མིག་མི་བཟང་དང་འཇིགས་བྱེད་དང་། །རྡོ་རྗེ་བཟང་དང་རབ་བཟང་དང་། །རྡོ་རྗེ་ཧཱུཾ་མཛད་དཔའ་ཆེན་པོ། །
དེ་བཞིན་རྡོ་རྗེ་རལ་པ་ཅན། །མྱུ་གུ་ཅན་དང་རྡོ་རྗེའི་ལུས། །རྡོ་རྗེའི་འོད་ནི་ཉིད་དག་དང་། །འོད་དཔག་མེད་དང་ལྷ་ཡི་དགྲ། །དེ་བཞིན་མཆེ་བ་རྣམ་གཙིགས་དང་། །ཀེང་རུས་ཀེང་རུས་ཆེན་པོ་དང་། །ཐོད་པའི་དུམ་བུ་ལ་སོགས་པ། །
དཔའ་བོ་ཉི་ཤུ་རྩ་བཞི་ཡིས། །འགྲོ་བ་འདི་དག་ཐམས་ཅད་ཁྱབ། །དཔའོ་རྣམས་དང་མཁའ་འགྲོ་ཉིད། །རྣལ་འབྱོར་མ་ནི་རབ་གཏུམ་སོགས། །བྱ་བ་ཀུན་ལ་སྒྲུབ་པ་པོས། །འཁོར་ལོར་བཞུགས་པར་བལྟ་བར་བྱ། །
གྲུབ་འདོད་ཤིན་དུ་མཉམ་བཞག་པས། །འཁོར་ལོའི་བདག་ཉིད་རྟག་ཏུ་བསྒོམ། །སྔར་བཤད་པ་ཡི་ཆོ་ག་ཡིས། །མཁའ་འགྲོ་དྲ་བའི་བདེ་མཆོག་རྗེད། །འཁོར་ལོ་ཆེན་པོ་གྲུབ་ཀུན་གནས། །དེ་བཞིན་དངོས་གྲུབ་ཀུན་གྱི་གཞི། །
འདི་ནི་སངས་རྒྱས་བྱེ་བ་དང་། །དཔའ་བོ་བྱེ་བས་ལེགས་པར་གསུངས། །མཁའ་འགྲོ་མ་ནི་རེ་རེ་ཡི། །འཁོར་ནི་བྱེ་བ་དག་ཏུ་འགྱུར། །རྣལ་འབྱོར་མ་ནི་མཁའ་འགྲོ་ཉིད། །གཟུགས་ཅན་མ་དང་དུམ་སྐྱེས་མ། །
དེ་བཞིན་ལཱ་མ་ལ་སོགས་ནི། །དངོས་གྲུབ་ཀུན་བྱེད་དགེ་བ་ཡིན། །དཔལ་ཧེ་རུ་ཀའི་ངེས་པར་བརྗོད་པ་ལས་དཔའ་བོ་དང་མཁའ་འགྲོ་མ་ཐམས་ཅད་ཀྱི་གནས་གསང་བའི་དཀྱིལ་འཁོར་གྱི་ཆོ་གའི་ལེའུ་སྟེ་བཞི་བཅུ་རྩ་བརྒྱད་པའོ།། །།

85-1-88a

དེ་ནས་གཞན་ཡང་བཤད་བྱ་བ། །ཇི་བཞིན་ཆོ་གས་ཕྱུགས་བསྒྲུབ་བྱ། །གང་གིས་ཤེས་པ་ཙམ་གྱིས་ནི། །མྱུར་དུ་དངོས་གྲུབ་ཐོབ་འགྱུར་བའོ། །སྔགས་པས་འབྲས་ཀྱི་ཕྱེ་མ་ལས། །རིམ་བཞིན་དུ་ནི་
ཕྱུགས་གཟུགས་བྱ། །མི་དང་རུསྦལ་རྔ་མོ་དང་། །བོང་བུ་སྤྱང་ཀི་རྟ་ལ་སོགས། །དེ་ལྟར་སྣ་ཚོགས་ཕག་དག་སྟེ། །ཕྱུགས་འདི་དག་ཏུ་ཤེས་པར་བྱ། །མཚན་ཉིད་ཇི་ལྟར་གྱུར་པ་དང་། །འདི་རྣམས་ལས་ནི་བཤད་པར་བྱ། །སྐྱེ་བ་གཅིག་དང་སྐྱེ་བ་
གཉིས། །གསུམ་མམ་བཞི་འམ་ལྔ་ཉིད་དམ། །སྐྱེ་བ་དྲུག་དང་བདུན་གྱུར་པ། །ཕྱུགས་རྣམས་སུ་ནི་གདོན་མི་ཟ། །གང་གི་ཁ་ཡི་དྲི་ཞིམ་ཞིང་། །མིག་མི་འཛུམ་པར་རྣམ་པར་བལྟ། །བདེན་པར་སྨྲ་ཞིང་མཐོང་ན་དགའ། །རྟག་ཏུ་
དམ་ཆོས་དགར་འགྱུར་ཞིང་། །རང་གི་སྐྱེ་བ་ཤེས་པ་དང་། །ལུས་ཀྱི་དྲི་ནི་རྟག་ཏུ་ཞིམ། །མཚན་ཉིད་འདི་དག་ལྡན་པར་ནི། །སྐྱེ་བ་བདུན་དུ་འབྱུང་བ་ཡིན། །དེ་ནི་ཟོས་པ་ཙམ་གྱིས་ནི། །ལྷ་ཡི་གཟུགས་ནི་འཛིན་པར་འགྱུར། །མནམས་
པའམ་རེག་པ་ཙམ་གྱིས་སམ། །གང་ཞིག་ཐིག་ལེ་བྱེད་པ་དེ། །མོད་ལ་འགྲུབ་པར་འགྱུར་བ་སྟེ། །འདི་ནི་རང་དགའི་གཟུགས་འཆང་འགྱུར། །དེ་ཡི་སྙིང་ཀའི་རོ་ཙ་ན། །མཁས་པ་ཡིས་ནི་བླངས་ནས་ནི། །སྙིང་པོའི་སྔགས་ནི་བཟླས་
ནས་སུ། །དེ་ཡི་ཐིག་ལེ་བྱ་བ་ཡིན། །སེམས་ཅན་གང་དང་གང་གི་ནི། །གཟུགས་སུ་བྱེད་པར་འདོད་པ་ན། །དེ་དང་དེ་ཡི་གཟུགས་སུ་ནི། །ཐིག་ལེས་འགྱུར་བར་ཐེ་ཚོམ་མེད། །མཁས་པས་ཤིང་ལོ་ཁུ་བ་ནི། །རོ་ཙ་
ནར་བཅས་བླངས་ནས་སུ། །དཔྲལ་བར་ཐིག་ལེ་བྱས་ནས་ནི། །དེ་གཟུགས་འགྱུར་བར་ཐེ་ཙོམ་མེད། །ཕྱུགས་ཉིད་ཀྱི་ནི་བ་སྤུ་ཡིས། །ལག་པ་སྤྱི་བོར་བཅིང་བར་བྱ། །དེ་ཡི་ཡན་ལག་ལྔར་ལྡན་ཞིང་། །དེ་ཡི་སྤུ་དང་
རྣམ་བསྲེས་པ། །ལག་པ་སྤྱི་བོར་བཅིངས་ན་ནི། །དེ་ཡི་གཟུགས་འགྱུར་ཐེ་ཙོམ་མེད། །རྣལ་འབྱོར་པ་ནི་སྒོམས་ཤིང་ཟློས། །མི་རྣམས་ནུས་པ་ལྡན་ཡིན་ཡང་། །དཀའ་ཞིང་ཉོན་མོངས་ལ་དགའ་བ། །དངོས་གྲུབ་

85-1-88b

ལམ་ནི་འགོག་པ་ཡིན། །གླང་པོ་རྟ་དང་བོང་བུ་དང་། །རུསྦལ་རྔ་མོ་ཕག་དང་ཝ། །ཁྭ་དང་འུག་སོགས་བྱ་རྒོད་དང་། །ཁྲུང་ཁྲུང་ཁྲ་དང་ས་ར་ལ། །གཟུགས་བཟང་བ་དང་གཟུགས་ངན་དང་། །ལྷ་ཡི་གཟུགས་སུ་དེ་འགྱུར་རོ། །
རྣལ་འབྱོར་དཔའ་ཆེན་རང་དགའི་གཟུགས། །སྐྱེ་འགྱུར་འདི་ལ་ཐེ་ཙོམ་མེད། །འདི་བས་ཤིན་དུ་མཆོག་གྲུབ་པ། །འཇིག་རྟེན་གསུམ་ན་ཡོད་མ་ཡིན། །དཔལ་ཧེ་རུ་ཀའི་ངེས་པར་བརྗོད་པ་ལས་སྐྱེ་བ་བདུན་པའི་སྒྲུབ་པར་བྱ་བའི་གཟུགས་
ཡོངས་སུ་བརྗེ་བའི་ཆོ་གའི་ལེའུ་སྟེ་བཞི་བཅུ་རྩ་དགུ་པའོ།། །། དེ་ནས་སྦྱིན་བསྲེག་ཆོ་ག་ནི། །ངེས་པར་དབང་དུ་བྱེད་འགྱུར་བ། །ཡང་དག་ཆོ་ག་གང་གིས་ནི། །མྱུར་དུ་དངོས་གྲུབ་ཐོབ་འགྱུར་བཤད། །གོ་མང་ས་ནི་མྱོས་བྱེད་བསྲེ། །
ལག་པ་གཡོན་པས་སྦྱིན་བསྲེག་བྱས། །སངས་རྒྱས་ཀྱང་ནི་དབང་འགྱུར་ན། །ཕྲན་ཚེགས་མི་ནི་སྨོས་ཅི་དགོས། །ཁ་ཆུ་སོ་ཞིང་དག་དང་ནི། །དེ་བཞིན་རང་གི་ལུས་མཉེས་པ། །མྱོས་བྱེད་མིང་དང་བཅས་པ་ཡིས། །ཁམས་གསུམ་དག་
ནི་དབང་དུ་འགྱུར། །ཟླ་མཚན་གྱི་ནི་ཁྲག་དང་ནི། །ཟོས་ནས་རློན་པའི་ཟས་དག་དང་། །མི་ཡི་སྐྲ་དང་ལྡན་པ་ཡིས། །མོད་ལ་འགུགས་པར་འགྱུར་བ་ཡིན། །རང་གི་ལུས་ལས་སྐྱུགས་པ་འམ། །མཁས་པས་རང་སྐྲས་སྦྱིན་
བསྲེག་བྱ། །ནིམ་པའི་ཤིང་ལ་རབ་སྦྱར་ན། །མོད་ལ་དབྱེ་བར་འགྱུར་བ་ཡིན། །མཉམ་པར་བཞག་པས་ད་དུར་མེ། །ཡུངས་མར་ཚན་དེར་བསྒྲེས་བ་ཡི། །བྱ་རོག་གཤོག་པས་སྦྱིན་བསྲེག་བྱས། །འཕྲལ་དུ་
འཆི་བའམ་སྐྲོད་པར་འགྱུར། །ཉལ་དང་མ་ཉལ་འདུག་པ་དང་། །ཟས་དང་སྦྱོར་བ་སོགས་རྣམས་ལའང་། །མཁས་པས་རྟག་ཏུ་ཟློ་བྱེད་ན། །དེ་ལ་བགེགས་ནི་ཡོད་མ་ཡིན། །ཝ་ཡི་ཤ་ཡིས་བསྲེག་
བླུགས་བརྒྱས། །ཡང་དག་བསྲེག་བླུགས་བྱེད་པའི་མི། །དེ་ནི་ཟླ་བ་གསུམ་རྗེས་ལ། །རིགས་ཀྱི་དབུལ་བ་འཇིག་པར་འགྱུར། །ཤ་ཆེན་དག་གིས་ལ་ལ་ཞིག །མྱོས་བྱེད་ལྡན་པས་སྦྱིན་བསྲེག་བྱེད། །བརྒྱ་རྩ་

85-1-89a

བརྒྱད་ཀྱི་བར་དུ་ནི། །སྒྲུབ་པ་པོ་ནི་ཐུན་གསུམ་བྱེད། །མ་ལུས་ས་རྣམས་སྤྱོད་པ་དང་། །ཟླ་བ་དྲུག་གིས་དབང་དུ་འགྱུར། །ཚིམ་འགྱུར་མཁའ་འགྲོ་མ་དེ་ལ། །རྒྱལ་སྲིད་སྟེར་བར་གདོན་མི་ཟ། །ལྷ་རྣམས་ཐམས་ཅད་
སྒོམས་ནས་ནི། །ཐུན་གཉིས་བར་དུ་སྦྱིན་བསྲེག་བྱས། །རང་གི་ལུས་ནི་དེ་ཉིད་ཀྱིས། །མཁའ་ལ་འགྲོ་བ་ཉིད་ཐོབ་འགྱུར། །གོ་མཱ་ཡུ་དང་ཤ་ཆང་གིས། །ཕྱི་དང་ནང་གི་སྦྱིན་བསྲེག་བྱ། །མྱུར་དུ་དེ་ཡི་ལག་ཏུ་འགྱུར། །དངོས་གྲུབ་
ཐམས་ཅད་རབ་ཏུ་འཇུག །སྔགས་ཀྱི་བཟླས་བརྗོད་མཚན་མོ་བཟླས། །ཡུལ་འཁོར་ཡང་ནི་འགུགས་པར་བྱེད། །དེ་ལྟར་ཉིན་རེ་བྱས་ན་ནི། །རྒྱལ་པོ་ཉིད་དུ་དེ་བྱེད་འགྱུར། །འདི་ལས་རབ་མཆོག་གཞན་དག་ནི། །འཇིག་རྟེན་གསུམ་ན་ཡོད་
མ་ཡིན། །རྣལ་འབྱོར་ཆེན་པོ་རང་དགས་འཆི། །སྣ་ཚོགས་གཟུགས་ནི་འཛིན་ཅིང་རོལ། །བིལ་བཱ་དེ་བཞིན་པ་ལ་ཤ །ཨུ་དུམ་བ་ར་ཉིད་དག་ནི། །སྦྱིན་སྲིག་འབུམ་བྱས་མྱུར་དུ་ནི། །ནོར་གྱི་བདག་པོ་ཆེན་པོར་འགྱུར། །
གོ་མང་ས་དང་མྱོས་བྱེད་བསྲེ། །རྒྱལ་སྲིད་འདོད་པས་སྦྱིན་བསྲེག་བྱེད། །རྣལ་འབྱོར་དབང་ཕྱུག་མཉེས་བྱས་ན། །དབུལ་པོ་ཉིད་དུ་ག་ལ་འགྱུར། །གོ་མཱ་ཡུ་ནི་བསྲེག་བྱས་པས། །ཅི་བདེ་བར་ནི་འགྲུབ་པར་
འགྱུར། །གོ་མཱ་ཡུ་ཡི་སྦྱིན་བསྲེག་གིས། །མྱུར་དུ་ནོར་བདག་མཉམ་པར་འགྱུར། །བརྟུལ་ཞུགས་གཙང་སྦྲ་མེད་ན་ཡང་། །བསྟན་པའི་དངོས་གྲུབ་ཐོབ་པར་འགྱུར། །ལྷག་པའི་ཚེ་དང་ཀུཥྨཎྞྃ། །
མུད་ག་མ་ཥ་ཙ་ན་ཀ །སྦྲང་རྩི་གཙིགས་མ་སྐེ་ཚེ་དང་། །ཁྱིམ་གྱི་ཏ་མ་ལ་འདབ་བླངས། །ཁ་བཅིངས་བར་ནི་འགྱུར་བ་ཡིན། །ཅི་རུང་སྤྱོད་པའི་རྣལ་འབྱོར་པ། །གང་དུ་དགའ་བ་དེར་གནས་སོ། །ཨོཾ་བཛྲ་བཻ་རོ་ཙ་ནཱི་
ཡེ་ཧཱུྃ་ཧཱུྃ་ཕཊ་སྭཱ་ཧཱ། དེ་ནས་གཞན་ཡང་བཤད་བྱ་བ། །རྣལ་འབྱོར་མ་ཡི་ས་དང་གནས། །ཧེ་རུ་ཀ་དཔལ་རྒྱུ་ཡན་ལག །ཐམས་ཅད་བརྟན་གཡོའི་བདག་ཉིད་ཅན། །གནས་ནི་རབ་ཏུ་དགའ་བའི་ས། །དེ་བཞིན་ཉེ་གནས་དྲི་མ་མེད། །

85-1-89b

ཞིང་འདིར་འོད་བྱེད་ཤེས་པར་བྱ། །ཉེ་བའི་ཞིང་ནི་འོད་འཕྲོ་བ། །ཙྪན་དོ་ཧ་ནི་མངོན་འགྱུར་ཉིད། །ཉེ་བའི་ཙྪན་དོ་སྦྱང་དཀའ་བ། །འདུས་པ་རིང་དུ་སོང་བ་ཡིན། །ཉེ་བར་འདུས་པ་མི་གཡོ་བ། །དུར་ཁྲོད་ལེགས་པའི་བློ་གྲོས་ཉིད། །
ཉེ་བའི་དུར་ཁྲོད་ཆོས་ཀྱི་སྤྲིན། །ཤྲཱི་ཧེ་རུ་ཀ་གཞུང་སྤྱོད་པའི། །འདི་ནི་ནང་གི་བདག་ཉིད་ས། །ཕ་རོལ་ཕྱིན་བཅུ་ས་རྣམས་ནི། །རྣལ་འབྱོར་མ་ཡི་བརྡ་ཡི་སྐད། །མཐོ་རིས་ས་སྟེང་ས་འོག་ཏུ། །དཔའ་བོའི་ཡན་ལག་བརྟན་གཡོའི་
བདག །པུྰལླིར་ལ་སོགས་གང་བསྟན་པ། །ཕྱི་ནང་བདག་ཉིད་ཅན་དུ་གནས། །དཔལ་ལྡན་ཁྲག་འཐུང་རྒྱལ་པོ་ཆེ། །འདོད་པ་ཀུན་གྱི་དབང་ཕྱུག་གཙོ། །ཀུན་དུ་ཕྱག་དང་ཞབས་ལྡན་ཞིང་། །ཐམས་ཅད་དུ་ནི་སྤྱན་ཞལ་དབུ། །
ཀུན་དུ་ཐོས་ལྡན་འཇིག་རྟེན་ན། །ཐམས་ཅད་གཡོགས་ཏེ་རྣམ་པར་ཞུགས། །དེ་ནས་དངོས་གྲུབ་བསྒྲུབ་བྱ་བ། །བསམ་གཏན་ལྡན་པའི་སེམས་ཀྱིས་ཏེ། །སྒྲུབ་པ་པོ་ལ་ཕན་པའི་ཕྱིར། །གསང་བའི་དེ་ཉིད་གསུངས་པ་
ཡིན། །དཔལ་ཧེ་རུ་ཀའི་ངེས་པར་བརྗོད་པ་ལས་དབང་གི་སྦྱིན་བསྲེག་དང་གནས་ལ་སོགས་པའི་ས་བསྟན་པའི་ཆོ་གའི་ལེའུ་སྟེ་ལྔ་བཅུ་པའོ།། །། དེ་ནས་གཞན་ཡང་བཤད་བྱ་བ། །མན་ངག་ཤིན་དུ་རྙེད་དཀའ་སྟེ། །དཔའ་
བོའི་བརྡ་ཡི་སྐད་དུ་ནི། །ང་ཡིས་རྒྱུད་དུ་སྦས་པ་ཡིན། །གོས་དང་ཕྱག་རྒྱ་ལྔ་ལ་སོགས། །ཤེས་རབ་ཡན་ལག་ཕུར་བུ་དྲ། །ཨཱ་ལི་ཀཱ་ལི་ཞེས་བརྗོད་པ། །རྒྱུ་ལ་སོགས་སྟོང་སྔོན་འགྲོ་བ། །འཇུག་པ་སྒྲ་ལ་སོགས་
པ་ནས། །ཇི་སྲིད་བསྡུས་པའི་སྦྱོར་ལྡན་པ། །བདུད་རྩི་ཚིམ་བྱེད་མྱ་ངན་འདས། །ལག་པའི་མཆོད་པའི་དབང་བསྐུར་བ། །གོ་ཆ་ཆེན་པོས་ཡང་དག་བསྲུང་། །སྔགས་རྣམས་ཀུན་གྱིས་མཆོད་པར་བྱ། །དེ་ལྟར་དེ་ཉིད་བཅུ་
བཞི་ནི། །མདོར་བསྡུས་ནས་ནི་བཤད་པ་ཡིན། །མི་མཆོག་གང་ཞིག་ཀུན་སྤྱོད་པ། །སྡིག་པ་ཐམས་ཅད་རྣམ་དག་འདག །དེ་བཞིན་གཤེགས་པའི་ས་འཐོབ་ཅིང་། །སྐྱེ་དང་སྐྱེ་བར་བདེ་གཤེགས་ཀྱི། །རིགས་སྐྱེས་རྒྱལ་པོ་ཆོས་ལྡན་འགྱུར། །

85-1-90a

ཇི་ལྟར་སྔོན་བསགས་སྡིག་པ་ཡི། །མཚན་ཉིད་ཐམས་ཅད་དམན་པ་སྟེ། །གང་ཞིག་འདི་ནི་རྟག་བསྒོམ་པ། །ས་ལ་འདོད་པ་ཀུན་དབང་ཕྱུག །དཔེར་ན་མར་གྱིས་གང་བའི་སྣོད། །མེ་ཡི་དབུས་སུ་བཞག་ན་ནི། །
མར་སར་སྟེང་དུ་ཞུ་འགྱུར་ཞིང་། །སྣོད་ཀྱི་དྲི་མ་འཇིག་པར་འགྱུར། །དེ་བཞིན་ཤྲཱི་ཧེ་རུ་ཀ་ཡི། །མཚན་གྱི་སྡིག་པ་འཇིག་པར་འགྱུར། །བསམ་གཏན་སེམས་པ་ཙམ་གྱིས་སམ། །ཀློག་ཅིང་ཁ་ཏོན་བྲིས་པ་ཡིས། །མཐོ་
རིས་ལོངས་སྤྱོད་ཐོབ་འགྱུར་བའམ། །ཡང་ན་འཁོར་ལོས་སྒྱུར་བ་འཐོབ། །རྣལ་འབྱོར་པ་རྣམས་འཕོ་བའི་ཚེ། །ཁྲག་འཐུང་དཔལ་སོགས་རྣལ་འབྱོར་མ། །ལག་ན་མེ་ཏོག་སྣ་ཚོགས་ཐོགས། །རྒྱལ་མཚན་བ་དན་སྣ་
ཚོགས་དང་། །རོལ་མོའི་སྒྲ་ནི་སྣ་ཚོགས་དང་། །སྣ་ཚོགས་གླུ་ཡི་མཆོད་པ་ཡིས། །འཆི་བ་ཞེས་བྱ་རྣམ་རྟོག་འདི། །མཁའ་སྤྱོད་གནས་སུ་ཁྲིད་པར་བྱེད། །དེ་འདྲའི་དཔའ་ཆེན་རྣལ་འབྱོར་མ། །ས་སྟེངས་ན་ནི་རྙེད་པར་དཀའ། །
དཔལ་ལྡན་ཧེ་རུ་ཀའི་རྒྱུད་ཆེན། །གང་ཞིག་ཤེས་ནས་མ་དད་པ། །དབུལ་པོ་སྡུག་བསྔལ་གྱིས་གདུངས་པར། །དེ་ལ་རྟག་ཏུ་འབྱུང་བར་འགྱུར། །མགུལ་རྒྱན་གདུ་བུ་དཔུང་རྒྱན་དང་། །རྣ་རྒྱན་ཚངས་པའི་སྐུད་པ་དང་། །དོ་ཤལ་མགོ་
བོའི་ཕྲེང་བ་དང་། །སྐེ་རགས་སིལ་སིལ་སྒྲ་སྒྲོགས་པ། །རི་སྟེངས་སྣ་ཚོགས་པད་མ་ཡི། །ལྟེ་བར་ཨཱ་ལི་ཀཱ་ལི་སྐྱེས། །དཀར་མོ་བདག་པོ་རྣམ་གནོན་ཅིང་། །རྡོ་རྗེ་དྲིལ་བུས་སྐུ་ལ་འཁྱུད། །ཉི་ཤུ་རྩ་བཞིའི་ཕྱེད་ལྡན་པའི། །དཔའ་
བོ་རྣལ་འབྱོར་མ་ཚོགས་དང་། །ཧེ་རུ་ཀ་དཔལ་རྒྱལ་པོ་ཆེའི། །གོ་འཕང་མཆོག་ནི་བསྒོམ་པར་བྱ། །དཔའ་བོ་ཀུན་དང་རྣལ་འབྱོར་མའི། །འཁོར་བཅས་དབུས་སུ་སྦྱོར་ལྡན་པ། །ཐམས་ཅད་དགྱེས་ཤིང་གཉིས་མེད་འགྱུར། །འབྱིན་དང་
སྡུད་པར་མཛད་པ་ཡིན། །མོས་པ་དུ་མའི་སེམས་ཅན་ལ། །སྤྱོད་པ་སྣ་ཚོགས་སྟོན་མཛད་དེ། །སྣ་ཚོགས་ཚུལ་གྱིས་གདུལ་བྱ་བ། །ཐབས་ནི་སྣ་ཚོགས་སྟོན་པ་ཡིན། །ཟབ་མོའི་ཆོས་ནི་སྟོན་པ་ལ། །གལ་ཏེ་མོས་པར་མ་གྱུར་

85-1-90b

ཀྱང་། །སྨོད་པ་དག་ཏུ་མི་བྱ་སྟེ། །ཆོས་ཉིད་བསམ་མི་ཁྱབ་དྲན་བྱ། །གང་གིས་འདིར་བདག་ཡུལ་མིན་པ། །བདག་གིས་ཆོས་ཉིད་མི་ཤེས་ཡིན། །རྫོགས་སངས་རྒྱས་དང་དེའི་སྲས་ནི། །བདག་ཉིད་ཆེན་པོ་རྣམས་ཀྱིས་མཁྱེན། །
སངས་རྒྱས་རྣམས་ནི་བྱུང་གྱུར་ཏམ། །མ་བྱུང་ན་ཡང་རྣམ་ཀུན་དུ། །བསམ་མི་ཁྱབ་པའི་ཆོས་ཉིད་ནི། །འཕེལ་འགྲིབ་སྤངས་པས་གནས་པ་ཡིན། །དེ་ལྟར་རྣམ་པར་བཞག་ནས་ཀྱང་། །འཇིག་རྟེན་པ་ཀུན་ཡོང་མི་སྨད། །དེ་ཡི་
བགྲོད་པ་བསམ་ཡས་ཤིང་། །སངས་རྒྱས་རོལ་པ་བསམ་མི་ཁྱབ། །མདོ་སྡེ་བྱ་བ་སྤྱོད་པ་རྣམས། །རྣལ་འབྱོར་གསང་མཐའི་དབྱེ་བ་ཉིད། །སེམས་ཅན་མོས་པས་འཇུག་པ་རྣམས། །དེ་དང་དེ་ལ་དགའ་བ་བཞིན། །
དཔལ་ཧེ་རུ་ཀའི་ངེས་པར་བརྗོད་པ་ལས་འབུམ་པའི་ནང་ནས་ཕྱུང་བ་གྲུབ་པའི་རྟོག་པ་རྨད་དུ་བྱུང་བ་ངོ་མཚར་དང་བཅས་པར་བྱེད་པ་བསྟན་བཅོས་ཐམས་ཅད་ཀྱི་རྒྱལ་པོ་དཔལ་ཧེ་རུ་ཀ་དཔའ་བོ་ཆེན་པོ་བཀླགས་པས་གྲུབ་པ་
གཞན་ཐམས་ཅད་ཀྱིས་མི་ཐུབ་པ་གདོད་ནས་གྲུབ་པའི་བླ་མ་ཡིན། །དཔལ་ཧེ་རུ་ཀའི་ངེས་པར་བརྗོད་པ་ཞེས་བྱ་བ་རྣལ་འབྱོར་མ་ཆེན་མོའི་རྒྱུད་ཀྱི་རྒྱལ་པོ་ལས་ལེའུ་ལྔ་བཅུ་གཅིག་པ་རྫོགས་སོ།། །།
གྲགས་པ་ཡིད་འོང་རྒྱལ་མཚན་མཐོ་ལྡན་པའི། །རིན་ཆེན་དང་མཚུངས་རིན་ཆེན་བཟང་པོ་ཡིས། །མཁས་པ་པད་མཱ་ཀ་རའི་ཞལ་སྔར་ནི། །རིག་པའི་འབྱུང་གནས་ཁ་ཆེའི་དཔེ་ལས་བསྒྱུར། །ལྷག་པའི་ཚུལ་
ཁྲིམས་དྲི་ཡིས་བསྒོས་གྱུར་ཅིང་། །དྲི་མེད་བཀའ་དོན་འཐད་པ་དང་བཅས་པར། །རྟོགས་པ་དང་ལྡན་གྲགས་པའི་ཞལ་སྔར་ནི། །སྒྲ་སྒྱུར་དགེ་སློང་པྲཛྙཱ་ཀཱིར་ཏི་དང་། །མར་པ་སྒྲ་བསྒྱུར་ཆོས་ཀྱི་དབང་ཕྱུག་གིས། །
མཁས་པའི་འབྱུང་གནས་ཡུལ་དབུས་དཔེ་དང་གཏུགས།། །།

85-1-91a

༄༅༅། །རྒྱ་གར་སྐད་དུ། ཨ་བྷི་དྷ་ན་ཨུཏྟ་ར་ཏནྟྲ་ནཱ་མ། བོད་སྐད་དུ། མངོན་པར་བརྗོད་པའི་རྒྱུད་བླ་མ་ཞེས་བྱ་བ། བཅོམ་ལྡན་འདས་དཔལ་རྡོ་རྗེ་མཁའ་འགྲོ་ལ་ཕྱག་འཚལ་ལོ། །ཇི་སྲིད་འགྲོ་བ་དྲུག་གི་
མཐར། །སངས་རྒྱས་ཐམས་ཅད་རྣམ་པར་འབྱུང་། །རྡོ་རྗེ་སེམས་དཔའ་ཡིས་ནི་བྱེད། །ཆོས་ཀྱི་དབྱིངས་ལ་ཕྱག་འཚལ་བསྟོད། །དཔལ་ལྡན་རྡོ་རྗེ་མཁའ་འགྲོ་ནི། །སྐུ་གསུམ་ཡེ་ཤེས་ལྔ་ཡི་དངོས། །མཁའ་འགྲོ་མ་ཡི་འཁོར་
ལོར་བཞུགས། །འགྲོ་བ་སྒྲོལ་ལ་ཕྱག་འཚལ་བསྟོད། །ཇི་སྲིད་རྡོ་རྗེ་མཁའ་འགྲོ་མ། །ཀུན་དུ་རྟོག་པས་བཅིངས་པ་གཅད། །འཇིག་རྟེན་བྱ་བ་རབ་ཏུ་འཇུག །དེ་སྲིད་རྟག་ཏུ་ཕྱག་འཚལ་བསྟོད། །འདི་སྐད་བདག་གི་ཐོས་པ་དུས་
གཅིག་ན། བཅོམ་ལྡན་འདས་དེ་བཞིན་གཤེགས་པ་ཐམས་ཅད་ཀྱི་རྡོ་རྗེ་ཁྲོ་བོ་དང་། མཁའ་འགྲོ་དང་མཁའ་འགྲོ་མ་རྣམས་ཀྱི་གསང་བའི་སྙིང་པོ་ལ་རྣམ་པར་བཞུགས་ཏེ། དེར་བཅོམ་ལྡན་འདས་དེ་བཞིན་གཤེགས་པ་ཐམས་ཅད་པ་བཅོམ་
ལྡན་འདས་ཐོག་མ་མེད་པའི་རྡོ་རྗེ་སེམས་དཔའ་ལ་ཞུས་ཏེ། བཅོམ་ལྡན་འདས་ཀྱིས་གསུངས་པ། དེ་བཞིན་གཤེགས་པ་ཐམས་ཅད་ཀྱི་རྡོ་རྗེ་ཁྲོ་བོ་དང་མཁའ་འགྲོ་དང་། མཁའ་འགྲོ་མའི་དྲ་བ་མངོན་པར་བརྗོད་པའི་བླ་མའི་བླ་མ་སྙིང་པོ་ངས་
བཤད་ཀྱིས། ལག་ན་རྡོ་རྗེ་ཁྲོ་བོ་ཆེན་པོའི་བདག་པོ་འཁོར་སྣ་ཚོགས་པས་རྣམ་པར་འཕྲུལ་པ་རྣམ་པར་འཕྲུལ་པ་རྒྱས་པར་བཤད་ཀྱིས་ལེགས་པར་རབ་ཏུ་ཉོན་ལ་ཡིད་ལ་ཟུང་ཤིག །དེ་ལ་བཅོམ་ལྡན་འདས་ལེགས་སོ་ཞེས་གསོལ་ཏེ་
ཐལ་མོ་སྦྱར་བ་བཏུད་པ་ལ་བཅོམ་ལྡན་འདས་ཀྱིས་གསུངས་པ། དེ་ནས་གསང་བ་བཤད་བྱ་བ། །མདོར་བསྡུས་པ་སྟེ་རྒྱས་པར་མིན། །དཔལ་ཧེ་རུ་ཀ་ཡང་དག་སྦྱོར། །འདོད་པའི་དོན་ཀུན་སྒྲུབ་བྱེད་ཡིན། །བླ་མ་ལས་ཀྱང་བླ་
མ་ནི། །མངོན་པར་བརྗོད་པའི་ཕྱི་མ་སྟེ། །མཁའ་འགྲོ་མ་ཡི་དྲ་བའི་སྡོམ། །གསང་བ་མཆོག་གིས་དགྱེས་པ་ན། །ཐམས་ཅད་བདག་ཉིད་རྟག་ཏུ་བཞུགས། །མཁའ་འགྲོ་སྒྱུ་མ་སེམས་དཔའ་ནི། །རྡོ་རྗེ་སེམས་

85-1-91b

དཔའ་བདེ་བའི་མཆོག །འདི་ནི་རང་བྱུང་བཅོམ་ལྡན་དཔའ། །མཁའ་འགྲོ་དྲ་བའི་སྡོམ་པ་ཡིན། །ཐོག་མ་མེད་པའི་ཚུལ་ཆེན་འདི། །བྷ་གར་སིད་སྒྲ་གཟུགས་སྐྱེས་གནས། །དམ་ཚིག་སྤྱོད་པའི་སྤྱོད་ཡུལ་ཡིན། །
ཐོག་མར་དབུས་མཐའ་དྲི་མ་མེད། །འཇིག་རྟེན་གསུམ་དུ་རྙེད་དཀའ་བ། །བསྲུབ་དང་བསྲུབ་པར་ཡང་དག་སྦྱོར། །གང་ལ་དེ་ལ་ཇི་ལྟར་བཞིན། །རང་བཞིན་དག་པ་འོད་གསལ་བ། །གསང་བའི་གནས་ལས་བྱུང་བ་ཡིན། །
རྟག་ཏུ་ཉེས་བྲལ་ཞི་བ་སྟེ། །ནམ་མཁའ་དང་ནི་མཉམ་གྱུར་པ། །སྤྲོ་དང་བསྡུ་པ་བྱེད་པ་ཡིན། །རང་བཞིན་དག་པ་རང་བྱུང་སྟེ། །རྣལ་འབྱོར་མ་ཡི་བདེ་བ་སྟེར། །བཟླས་དང་བསམ་གཏན་ལྡན་པ་དང་། །སྦྱོར་ཉིད་ཆོ་
གའི་ཡེ་ཤེས་ཀྱི། །དེ་དག་རྒྱུད་ལས་གསུངས་པ་དག །གསང་བའི་བདག་པོ་རབ་ཏུ་ཉོན། །དབུགས་འབྱིན་བར་མ་མཆོག་དག་དང་། །དྲི་ཡི་ཆུ་དང་བཅས་པ་དག །མཁས་པས་རི་ལུར་བྱས་ནས་ནི། །འཁོར་གྱི་དཀྱིལ་འཁོར་
དག་ལ་མཆོད། །འབྱུང་བའི་དུས་ཀྱི་ཁྱད་པར་ལ། །ཕོ་ཉས་ལྷན་ཅིག་སྐྱེས་པ་འགྲུབ། །མཆོག་དང་འབྲིང་དང་ཐ་མ་སྟེ། །མཐར་ཐུག་དངོས་གྲུབ་ཐམས་ཅད་འབྱུང་། །དགའ་བ་ཡིད་ལ་འདོད་པ་ཡི། །དངོས་གྲུབ་ཀྱང་ནི་འགྲུབ་པར་འགྱུར། །
རང་རྫས་ཐིག་ལེས་སངས་རྒྱས་དང་། །བྱང་ཆུབ་སེམས་དཔའ་མཆོད་པར་བྱ། །རང་གི་ལྷ་ཡི་སྦྱོར་བ་ཡིས། །རང་དང་གཞན་ཡང་མཆོད་པར་བྱ། །མཐོང་བ་དང་ནི་རེག་པ་དང་། །ཐོས་པ་དང་ནི་དྲན་པ་ཡིས། །སྡིག་པ་ཀུན་
ལས་གྲོལ་འགྱུར་ཏེ། །དེ་ལྟར་འདི་ལ་ཐེ་ཚོམ་མེད། །རྣལ་འབྱོར་པ་ཉིད་བསོད་ནམས་མཆོག །དག་བྱེད་སྡིག་པ་འཇིག་པར་བྱེད། །བཟླས་དང་བསམ་གཏན་དག་པས་ཀྱང་། །སྐྱེ་བ་འདི་ལ་དངོས་གྲུབ་འགྱུར། །མངོན་
པར་བརྗོད་པའི་རྒྱུད་བླ་མའི་བླ་མ་ལས་དམ་ཚིག་ལ་འཇུག་པའི་གསང་བ་སྦས་པ་བསྟན་པ་སྟེ་ལེའུ་དང་པོའོ།། །། དེ་ནས་བཅོམ་ལྡན་འདས་རྡོ་རྗེ་སེམས་དཔའ་ཆོས་ཀྱི་དབྱིངས་ལ་རྣམ་པར་འཕྲུལ་པ་ཞེས་བྱ་བ་ཁྲོ་བོ་

85-1-92a

ཆེན་པོའི་ཏིང་ངེ་འཛིན་ལ་སྙོམས་པར་ཞུགས་ནས། དངོས་གྲུབ་ཐམས་ཅད་ཀྱི་གསང་བ་གསུངས་པ། ཆགས་པ་མེད་ཅིང་ཆགས་པ་དང་བྲལ་བའི་སངས་རྒྱས་ཀྱི་ཞིང་གྲངས་མེད་པའི་རྡུལ་དང་མཉམ་པའི་
བྱང་ཆུབ་སེམས་དཔའ་སེམས་དཔའ་ཆེན་པོ་ལ་འདི་ལྟ་སྟེ། དཔའ་བོ་ཆེན་པོ་གཟུགས་རྡོ་རྗེ་ཞེས་བྱ་བ་དང་། དཔའ་བོ་ཆེན་པོ་ཚོར་བ་རྡོ་རྗེ་ཞེས་བྱ་བ་དང་། དཔའ་བོ་ཆེན་པོ་འདུ་ཤེས་རྡོ་རྗེ་ཞེས་བྱ་བ་དང་། དཔའ་བོ་ཆེན་པོ་འདུ་བྱེད་
རྡོ་རྗེ་ཞེས་བྱ་བ་དང་། དཔའ་བོ་ཆེན་པོ་རྣམ་པར་ཤེས་པ་རྡོ་རྗེ་ཞེས་བྱ་བ་དང་། ཆོས་ཀྱི་དབྱིངས་ཀྱི་དེ་བཞིན་གཤེགས་པ་ཐམས་ཅད་ཀྱི་གཙོ་བོ་རྡོ་རྗེ་དབང་ཕྱུག་ཆེན་པོ་དང་། དཔའ་བོ་ཆེན་པོ་གཏི་མུག་རྡོ་རྗེ་དང་། དཔའ་བོ་ཆེན་པོ་
རྣ་བ་རྡོ་རྗེ་དང་། དཔའ་བོ་ཆེན་པོ་སྣ་རྡོ་རྗེ་དང་། དཔའ་བོ་ཆེན་པོ་ཆགས་པ་རྡོ་རྗེ་དང་། དཔའ་བོ་ཆེན་པོ་ཕྲག་དོག་རྡོ་རྗེ་དང་། དེ་བཞིན་གཤེགས་པ་ཐམས་ཅད་ཀྱི་དབང་ཕྱུག་ཅེས་བྱ་བའི་དཔའ་བོ་ཆེན་པོ་དང་། དཔའ་བོ་ཆེན་པོ་ས་རྡོ་རྗེ་
དང་། དཔའ་བོ་ཆེན་པོ་ཆུ་རྡོ་རྗེ་དང་། དཔའ་བོ་ཆེན་པོ་མེ་རྡོ་རྗེ་དང་། དཔའ་བོ་ཆེན་པོ་རླུང་རྡོ་རྗེ་དང་། དཔའ་བོ་ཆེན་པོ་མཁའ་དབྱིངས་རྡོ་རྗེ་དང་། འདི་ལྟ་བུ་ལ་སོགས་པ་མ་ལུས་ཤིང་ལུས་པ་མེད་པའི་ཆོས་ཀྱི་དབྱིངས་ཀྱི་མཐས་གཏུགས་པ་
མཐའ་ཡས་པ་རྣམ་པར་འཕྲོ་བའི་གསང་བའི་སྙིང་པོ་འབྱུང་བས་དཀྱིལ་འཁོར་གྱི་འཁོར་ལོ་སྣ་ཚོགས་འདུས་པ་གསང་བ་གསུམ་གྱི་དམ་ཚིག་གི་འཁོར་ལོ་དང་ཐབས་ཅིག་ཏུ་བཞུགས་ཏེ། དཔའ་བོ་ཆེན་པོ་རྡོ་རྗེ་ཐོད་པའི་དུམ་བུ་དང་། 
དཔའ་བོ་ཆེན་པོ་རྡོ་རྗེ་ཀེང་རུས་ཆེན་པོ་དང་། དཔའ་བོ་ཆེན་པོ་རྡོ་རྗེ་ཀེང་རུས་དང་། དཔའ་བོ་ཆེན་པོ་རྡོ་རྗེ་མཆེ་བ་རྣམ་པར་གཙིགས་པ་དང་། དཔའ་བོ་ཆེན་པོ་རྡོ་རྗེ་ལྷ་དགྲ་དང་། དཔའ་བོ་ཆེན་པོ་རྡོ་རྗེ་དཔག་མེད་དང་། དཔའ་བོ་ཆེན་པོ་རྡོ་རྗེ་འོད་དང་། དཔའ་
བོ་ཆེན་པོ་རྡོ་རྗེ་ལུས་དང་། དཔའ་བོ་ཆེན་པོ་རྡོ་རྗེ་མྱུ་གུ་དང་། དཔའ་བོ་ཆེན་པོ་རྡོ་རྗེ་རལ་པ་ཅན་དང་། དཔའ་བོ་ཆེན་པོ་རྡོ་རྗེ་དཔའ་བོ་ཆེན་པོ་དང་། དཔའ་བོ་ཆེན་པོ་རྡོ་རྗེ་ཧཱུྃ་མཛད་དང་། དཔའ་བོ་ཆེན་པོ་རྡོ་རྗེ་རབ་བཟང་དང་། དཔའ་བོ་ཆེན་པོ་རྡོ་རྗེ་

85-1-92b

བཟང་པོ་དང་། དཔའ་བོ་ཆེན་པོ་རྡོ་རྗེ་འཇིགས་བྱེད་ཆེན་པོ་དང་། དཔའ་བོ་ཆེན་པོ་རྡོ་རྗེ་མིག་མི་བཟང་དང་། དཔའ་བོ་ཆེན་པོ་རྡོ་རྗེ་སྟོབས་པོ་ཆེ་དང་། དཔའ་བོ་ཆེན་པོ་རྡོ་རྗེ་རིན་ཆེན་དང་། དཔའ་བོ་ཆེན་པོ་རྡོ་རྗེ་རྟ་མཆོག་དང་། དཔའ་བོ་ཆེན་
པོ་རྡོ་རྗེ་ནམ་མཁའི་སྙིང་པོ་དང་། དཔའ་བོ་ཆེན་པོ་རྡོ་རྗེ་དཔལ་ཧེ་རུ་ཀ་ཆེན་པོ་དང་། དཔའ་བོ་ཆེན་པོ་རྡོ་རྗེ་པདྨ་གར་གྱི་དབང་ཕྱུག་དང་། དཔའ་བོ་ཆེན་པོ་རྡོ་རྗེ་རྣམ་པར་སྣང་མཛད་དང་། དཔའ་བོ་ཆེན་པོ་རྡོ་རྗེ་སེམས་དཔའ་དང་། འདི་ལྟ་བུ་ལ་
སོགས་པའི་དཔའ་བོ་དང་། དེ་བཞིན་གཤེགས་པ་ཐམས་ཅད་ཀྱིས་ནམ་མཁའི་ཁམས་ཐམས་ཅད་ཡོངས་སུ་གང་བར་མཐོང་ངོ་། །དེ་ནས་བཅོམ་ལྡན་འདས་རིགས་ཐམས་ཅད་ཀྱི་བདག་པོ་རྡོ་རྗེ་གསུམ་གྱི་དམ་ཚིག་གཉིས་སུ་མེད་པ་ཞེས་
བྱ་བའི་ཏིང་ངེ་འཛིན་ལ་སྙོམས་པར་ཞུགས་ཏེ། རང་གི་གསང་བའི་དམ་ཚིག་གསང་བའི་བྷ་ག་ལས་འབྱུང་བ་རྣལ་འབྱོར་མ་དང་། དཔའ་བོའི་གསང་བའི་དམ་ཚིག་གཉིས་སུ་མེད་པའི་སྦྱོར་བའི་དམ་ཚིག་ཆེན་པོ་གསུངས་པ་འདི་ལྟ་སྟེ། 
རྣལ་འབྱོར་མ་ཆེན་མོ།  ལྟུང་བྱེད་མ་ཞེས་བྱ་བ་དང་། རྣལ་འབྱོར་མ་ཆེན་མོ།  གསོད་བྱེད་མ་ཞེས་བྱ་བ་དང་། རྣལ་འབྱོར་མ་ཆེན་མོ་འགུགས་བྱེད་མ་ཞེས་བྱ་བ་དང་། རྣལ་འབྱོར་མ་ཆེན་མོ་གར་གྱི་དབང་
ཕྱུག་མ་ཞེས་བྱ་བ་དང་། རྣལ་འབྱོར་མ་ཆེན་མོ་པད་མའི་དྲ་བ་མོ་ཞེས་བྱ་བ་དང་། མཁའ་འགྲོ་མ་ཆེན་མོ་རྡོ་རྗེ་མཁའ་འགྲོ་མ་ཞེས་བྱ་བ་དང་། མཁའ་འགྲོ་མ་ཆེན་མོ་རྡོ་རྗེ་ལཱ་མ་ཞེས་བྱ་བ་དང་། མཁའ་འགྲོ་མ་ཆེན་མོ་རྡོ་རྗེ་དུམ་སྐྱེས་མ་ཞེས་བྱ་བ་དང་། 
མཁའ་འགྲོ་མ་ཆེན་མོ་རྡོ་རྗེ་གཟུགས་ཅན་མ་ཞེས་བྱ་བ་དང་། རྣལ་འབྱོར་མ་ཆེན་མོ་རབ་གཏུམ་མ་ཞེས་བྱ་བ་དང་། རྣལ་འབྱོར་མ་ཆེན་མོ་གཏུམ་མིག་མ་ཞེས་བྱ་བ་དང་། རྣལ་འབྱོར་མ་ཆེན་མོ་འོད་ལྡན་མ་ཞེས་བྱ་བ་དང་། རྣལ་འབྱོར་མ་ཆེན་མོ་
སྣ་ཆེན་མ་ཞེས་བྱ་བ་དང་། རྣལ་འབྱོར་མ་ཆེན་མོ་དཔའ་བའི་བློ་གྲོས་མ་ཞེས་བྱ་བ་དང་། རྣལ་འབྱོར་མ་ཆེན་མོ་མིའུ་ཐུང་མ་ཞེས་བྱ་བ་དང་། རྣལ་འབྱོར་མ་ཆེན་མོ་ལང་ཀའི་དབང་ཕྱུག་མ་ཞེས་བྱ་བ་དང་། རྣལ་འབྱོར་མ་ཆེན་མོ་ཤིང་གྲིབ་མ་ཞེས་བྱ་

85-1-93a

བ་དང་། རྣལ་འབྱོར་མ་ཆེན་མོ་ས་སྲུངས་མ་ཞེས་བྱ་བ་དང་། རྣལ་འབྱོར་མ་ཆེན་མོ་འཇིགས་བྱེད་ཆེན་མོ་ཞེས་བྱ་བ་དང་། རྣལ་འབྱོར་མ་ཆེན་མོ་རླུང་གི་ཤུགས་ཅན་མ་ཞེས་བྱ་བ་དང་། རྣལ་འབྱོར་མ་ཆེན་མོ་ཆང་འཐུང་མ་ཞེས་བྱ་བ་དང་། 
རྣལ་འབྱོར་མ་ཆེན་མོ་སྔོ་བསངས་མ་ཞེས་བྱ་བ་དང་། རྣལ་འབྱོར་མ་ཆེན་མོ་རབ་བཟང་མ་ཞེས་བྱ་བ་དང་། རྣལ་འབྱོར་མ་ཆེན་མོ་རྟ་རྣ་མ་ཞེས་བྱ་བ་དང་། རྣལ་འབྱོར་མ་ཆེན་མོ་བྱ་གདོང་མ་ཞེས་བྱ་བ་དང་། རྣལ་འབྱོར་མ་ཆེན་མོ་འཁོར་ལོའི་
ཤུགས་ཅན་མ་ཞེས་བྱ་བ་དང་། རྣལ་འབྱོར་མ་ཆེན་མོ་དུམ་སྐྱེས་མ་ཞེས་བྱ་བ་དང་། རྣལ་འབྱོར་མ་ཆེན་མོ་ཆང་འཚོང་མ་ཞེས་བྱ་བ་དང་། རྣལ་འབྱོར་མ་ཆེན་མོ་འཁོར་ལོའི་གོ་ཆ་མ་ཞེས་བྱ་བ་དང་། རྣལ་འབྱོར་མ་ཆེན་མོ་རབ་དཔའ་མོ་
ཞེས་བྱ་བ་དང་། རྣལ་འབྱོར་མ་ཆེན་མོ་སྟོབས་ཆེན་མ་ཞེས་བྱ་བ་དང་། རྣལ་འབྱོར་མ་ཆེན་མོ་འཁོར་ལོས་སྒྱུར་མ་ཞེས་བྱ་བ་དང་། རྣལ་འབྱོར་མ་ཆེན་མོ་བརྩོན་འགྲུས་ཆེན་མོ་ཞེས་བྱ་བ་དང་། དེ་ལྟ་བུ་ལ་སོགས་པ་སྣ་ཚོགས་པས་
ནམ་མཁའི་ཁམས་ཀྱི་མཐར་ཐུག་པར་ཧཱུྃ་དང་ཕཊ་ཀྱི་སྒྲ་སྒྲོགས་པ། གར་སྣ་ཚོགས་བྱེད་ཅིང་རང་གི་དམ་ཚིག་དང་མཁྱུད་པ་དང་། ཙུམ་བྷ་ནས་སྙིང་རྗེ་ཆེན་པོའི་རོ་ཡོངས་སུ་རྫོགས་པའི་དཔའ་བོ་དང་། རྣལ་འབྱོར་མ་རྣམས་ཀྱིས་གང་
བར་མཐོང་ངོ་། །མཐོང་ནས་ཞུགས་ཏེ། དཔའ་བོའི་མཆོག་རྣམས་ཀྱིས་དམ་ཚིག་རྗེས་སུ་དྲན་ནོ། །དཔལ་རྡོ་རྗེ་མཁའ་འགྲོ་དང་། མཁའ་འགྲོ་མ་རྡོ་རྗེ་ཕག་མོའི་དམ་ཚིག་གཉིས་སུ་མེད་པའི་ཡེ་ཤེས་ཡང་དག་པར་འབྱུང་ཞིང་ཤེས་
རབ་ཀྱི་ཕ་རོལ་ཏུ་ཕྱིན་པ་འབྱུང་ངོ་། །དེ་ནས་བཅོམ་ལྡན་འདས་ཀྱིས་མ་མོའི་ཚོགས་ཐམས་ཅད་ཀྱི་རིགས་དང་གསང་བ་གསུངས་པ་འདི་ལྟ་སྟེ། རྡོ་རྗེ་མ་མོ་ཁྭ་གདོང་མ་ཞེས་བྱ་བ་དང་། རྡོ་རྗེ་མ་མོ་འུག་གདོང་མ་ཞེས་བྱ་བ་དང་། 
རྡོ་རྗེ་མ་མོ་ཁྱི་གདོང་མ་ཞེས་བྱ་བ་དང་། རྡོ་རྗེ་མ་མོ་ཕག་གདོང་མ་ཞེས་བྱ་བ་དང་། རྡོ་རྗེ་མ་མོ་གཤིན་རྗེ་བསྲེག་མ་ཞེས་བྱ་བ་དང་། རྡོ་རྗེ་མ་མོ་གཤིན་རྗེ་ཕོ་ཉ་མོ་ཞེས་བྱ་བ་དང་། རྡོ་རྗེ་མ་མོ་གཤིན་རྗེ་མཆེ་བ་མ་ཞེས་བྱ་བ་དང་།

85-1-93b

རྡོ་རྗེ་མ་མོ་གཤིན་རྗེ་འཇོམས་མ་ཞེས་བྱ་བ་དང་། འདི་ལྟ་བུའི་མ་མོའི་ཚོགས་ཀྱི་ཕྱོགས་ཐམས་ཅད་ཀྱིས་ནམ་མཁའི་ཁམས་ཐམས་ཅད་གང་སྟེ། རིགས་ཀྱི་བདག་པོ་རྣམ་པར་དག་པ་ཆོས་ཀྱི་དབྱིངས་ཀྱི་རང་བཞིན་གཉིས་སུ་མེད་པའི་ཡེ་
ཤེས་འབྱུང་བ་དཔལ་ཧེ་རུ་ཀ་ཤེས་རབ་ཀྱི་ཕ་རོལ་དུ་ཕྱིན་པའི་བདག་ཉིད་དམ་ཚིག་ཆེན་པོ་རྡོ་རྗེ་རིགས་ཀྱི་དམ་ཚིག་ཡིན་ཏེ། ཆོས་རྣམས་ཐམས་ཅད་དངོས་པོ་མེད། །མཚན་ཉིད་ཐམས་ཅད་རྣམ་སྤངས་པ། །བདག་མེད་ཆོས་ལས་ཡང་དག་
འབྱུང་། །འདི་ནི་དམ་ཚིག་མཆོག་ཡིན་ནོ། །དེ་ནས་བཅོམ་ལྡན་འདས་ཀྱིས་གཉིས་སུ་མེད་པའི་རྡོ་རྗེ་གོ་ཆ་ཞེས་བྱ་བའི་རྡོ་རྗེ་དམ་ཚིག་གསུངས་པ་འདི་ལྟ་སྟེ། རྣལ་འབྱོར་གྱི་དབང་ཕྱུག་ཆེན་པོ་རྡོ་རྗེ་སེམས་དཔའ་དང་། རྣལ་འབྱོར་ཀྱི་
དབང་ཕྱུག་ཆེན་པོ་རྣམ་པར་སྣང་མཛད་རྡོ་རྗེ་དང་། རྣལ་འབྱོར་གྱི་དབང་ཕྱུག་ཆེན་པོ་པད་མ་གར་གྱི་དབང་ཕྱུག་དང་། རྣལ་འབྱོར་གྱི་དབང་ཕྱུག་ཆེན་པོ་རྡོ་རྗེ་ཧེ་རུ་ཀ་དང་། རྣལ་འབྱོར་ཀྱི་དབང་ཕྱུག་ཆེན་པོ་རྡོ་རྗེ་ཉི་མ་དང་། རྣལ་འབྱོར་ཀྱི་དབང་
ཕྱུག་ཆེན་པོ་རྟ་མཆོག་དང་། རིགས་དྲུག་པོ་དེ་ནི་ཡན་ལག་དག་ཏུ་དགོད་པ་སྟེ། བསྲུང་བ་གཉིས་སུ་མེད་པའི་དམ་ཚིག་གི་མཆོག་དེ་ནི་ཐབས་དང་ཤེས་རབ་གཉིས་སུ་མེད་པ་ལས་བྱུང་ངོ་། །རྣལ་འབྱོར་ཆེན་པོའི་མཆོག་ཏུ་
གསང་བ་སྦས་པ་བཤད་པར་བྱ་སྟེ། རྡོ་རྗེ་དབང་ཕྱུག་ཆེན་མོ་རྡོ་རྗེ་ཕག་མོ་དང་། རྡོ་རྗེ་དབང་ཕྱུག་ཆེན་མོ་ཡ་མི་ནི་དང་། རྡོ་རྗེ་དབང་ཕྱུག་ཆེན་མོ་རྨོངས་བྱེད་མ་དང་། རྡོ་རྗེ་དབང་ཕྱུག་ཆེན་མོ་གཡོ་བྱེད་མ་དང་། རྡོ་རྗེ་
དབང་ཕྱུག་ཆེན་མོ་སྐྲག་བྱེད་མ་དང་། རྡོ་རྗེ་དབང་ཕྱུག་ཆེན་མོ་ཙན་ཌི་ཀ་སྟེ། འདི་ལྟ་བུས་ཡང་ནམ་མཁའི་ཁམས་དང་། ཆོས་ཀྱི་དབྱིངས་ཐམས་ཅད་ཀྱི་གཉིས་སུ་མེད་པའི་དམ་ཚིག་ཡང་དག་པར་བསྲུང་བའི་སྦོར་
བའི་ཐུགས་གསང་བ་ཆེན་པོ་སྟེ། དེ་ལྟ་བུ་སྣ་ཚོགས་དུ་མའི་རྣལ་འབྱོར་མ་རང་གི་ལག་པས་ཁྲག་དྲོན་མོ་མཆོག་གིས་མཆོད་པ་བྱས་ནས་ཐལ་མོ་སྦྱར་ཏེ། མོས་པ་མཆོག་གིས་སྤྱི་བོས་གཏུགས་སོ། །

85-1-94a

དེ་ནས་དམ་ཚིག་ཆེན་པོ་རྣམ་པར་འཕྲུལ་པ་རྡོ་རྗེ་སྣ་ཚོགས་པ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ཏེ། རང་གི་བ་སྤུའི་བུ་ག་ནས་སེམས་དཔའ་སྣ་ཚོགས་སྤྲོས་ཏེ་ཕྱུང་ནས་གདུལ་བ་དུ་མ་ལ་ཐབས་སྣ་ཚོགས་
པ་མ་ལུས་ཤིང་ལུས་པ་མེད་པའི་ཆོས་ཀྱི་དབྱིངས་ཡོངས་སུ་གང་བར་བྱས་ཏེ། སྣ་ཚོགས་པས་མདུན་གྱི་ནམ་མཁའ་ཡོངས་སུ་གང་བར་མཐོང་ངོ་། །བཅོམ་ལྡན་འདས་ཀྱིས་རིགས་སྣ་ཚོགས་པའི་སྙིང་རྗེ་ཆེན་པོའི་ཁྲོ་བོའི་ཆ་
ལུགས་འཛིན་ཅིང་སེམས་ཅན་རྣམས་ལ་ཕན་པའི་ཕྱིར་གཉིས་སུ་མེད་པའི་རོ་དགའ་བ་སྣ་ཚོགས་ཀྱི་ཆོ་འཕྲུལ་རྡུལ་སྙེད་དང་མཉམ་པ་བསྟན་ཏེ། ཁམས་གསུམ་གྱི་བདག་པོས་གསུངས་པ། ཆུ་དང་། མེ་དང་རླུང་དང་། དབང་ཆེན་གྱི་
སྟེང་དུ་སྣ་ཚོགས་པའི་རིའི་རྒྱལ་པོ་རི་རབ་སྣ་ཚོགས་པ་རིན་པོ་ཆེ་སྣ་ཚོགས་པའི་གཟི་བརྗིད་ཀྱིས་མཛེས་པ། དེའི་སྟེང་དུ་དཔལ་རྡོ་རྗེ་སེམས་དཔས་ཆོས་ཀྱི་དབྱིངས་ལས་རྡོ་རྗེ་ཁྲོ་བོ་ཆེན་པོ་ཕྱུང་ནས་སྤྲོས་ཏེ། རྡོ་རྗེ་ཆེན་པོའི་གཞལ་
ཡས་ཁང་དཀྱིལ་འཁོར་ཆེན་པོའི་རྒྱལ་པོར་སྤྲུལ་པ་ལ་ཀུན་དུ་བཟང་པོ་ཆེན་པོ་བྱུང་སྟེ། རྡོ་རྗེ་འཁོར་དང་ལྷན་ཅིག་བྱུང་ནས་བརྟེན་པར་བཞུགས་སོ། །ཕུན་སུམ་ཚོགས་པ་སྣ་ཚོགས་པས་བརྒྱན་པ། རྡོ་རྗེ་རིན་པོ་ཆེའི་རྒྱན་གྱིས་སྤུད་
པ། ཟླ་བ་དང་ཉི་མའི་མདོག་ལྟར་སྡུག་པ། དྲིལ་བུ་དང་། རྔ་ཡབ་དང་། རྒྱལ་མཚན་དང་། གཡེར་ཀའི་དྲ་བས་མིག་མངས་རིས་སུ་བྲིས་པ། རྡོ་རྗེ་དམ་ཚིག་གི་སྲད་བུ་ཆོས་ཀྱི་འཁོར་ལོ་ལ་འཇུག་པའི་སྒྲ་སྒྲོགས་པ། 
སྣ་ཚོགས་པའི་ལྷ་དང་། ཀླུ་དང་། གནོད་སྦྱིན་དང་། སྲིན་པོ་དང་། འབྱུང་པོ་དང་། ཡི་དགས་དང་། ཤ་ཟ་དང་། སྨྱོ་བྱེད་དང་། རྗེད་བྱེད་དང་། གྲིབ་གནོན་དང་། མ་རུངས་པ་དང་། ཤིན་ཏུ་གདུག་པ་དང་། རོ་ལངས་དང་། རོ་དང་། 
རོ་བསྲེག་པ་དང་། ཁྱི་དང་། ལྕེ་སྤྱང་དང་། ལྕེ་སྤྱང་མོའི་སྒྲ་སྒྲོགས་པ། དཔའ་བོ་དང་། མཁའ་འགྲོ་དང་། མཁའ་འགྲོ་མའི་སྒྲ་ཕེཾ་དང་། ཨ་ལ་ལའི་སྒྲ་སྒྲོགས་པ། དྲིལ་བུ་དང་ཅང་ཏེའུའི་སྒྲ་སྒྲོགས་པ། མགོ་གཅད་པ་གར་བྱེད་

85-1-94b

པས་ཉེ་བར་བརྒྱན་པ། བཅོམ་ལྡན་འདས་ཕྱག་ན་རྡོ་རྗེའི་སྤྱོད་པ་ཅན། དགེ་བའི་ལས་ཀྱིས་སྒྲོལ་བ་སེམས་ཅན་ཐམས་ཅད་ལ་སྙིང་རྗེའི་རོས་ཕན་འདོགས་པ། རྣམ་པར་འཁོར་བས་བསྐོར་བ་པད་མའི་གར་གྱིས་གར་བྱེད་ཅིང་ཐལ་མོ་སྦྱོར་
བ། གཡས་བརྐྱང་བས་གནས་པ་ལག་པའི་ཐལ་མོ་སྦྱར་བ། སངས་རྒྱས་ཐོད་པའི་དུམ་བུའི་ཆོས་ཀྱི་མཆོག་ཟབ་མོའི་ཚུལ་དང་། ཁྲོ་བོའི་རྒྱལ་པོ་ཆེན་པོའི་འདོད་པ་སྟོན་པ། སྐུ་ལུས་ཆེན་པོ་འཛིན་པ། ཟབ་མོའི་སྒྲ་སྒྲོགས་པ། 
རང་གི་འཁོར་གྱི་དཀྱིལ་འཁོར་ཅན། མངོན་པར་བརྗོད་པའི་བླ་མ་ཆེན་མོ་ཉེ་བར་འབྱུང་བ། མཁའ་འགྲོ་དང་། མཁའ་འགྲོ་མའི་སྡོམ་པའི་རྒྱལ་པོའི་དྲ་བའི་དྲ་བ་ཅན། ཆོས་སྣ་ཚོགས་པའི་རྗེས་སུ་བསྟན་པ་སྟོན་པ། སེམས་ཅན་གྱི་བསམ་པ་
སྣ་ཚོགས་ཀྱི་བདེ་བ་སྟེར་ཞིང་སྟོན་པར་བྱེད་པ་སེམས་དཔའ་ཆེན་པོ་ལེགས་སོ་ལེགས་སོ། །ལག་ན་རྡོ་རྗེ་ལེགས་པར་ཉོན་ཅིག །མངོན་པར་བརྗོད་པའི་རྒྱུད་བླ་མའི་བླ་མ་ལས་ཞུ་བའི་ལེའུ་སྟེ་གཉིས་པའོ།། །། 
དེ་ནས་བཅོམ་ལྡན་འདས་ཀྱིས་འཁོར་གྱི་དཀྱིལ་འཁོར་ཐམས་ཅད་ལ་རྡོ་རྗེ་གསང་བའི་སྙིང་པོ་གསུངས་པ། སྙིང་ཀར་ཟླ་བ་བསྒོམས་ནས་ནི། །རྡོ་རྗེ་ཕྲ་མོའི་རྣམ་འཕྲུལ་བ། །བདེ་གཤེགས་ཐམས་ཅད་གསང་བ་ནི། །མཁའ་འགྲོ་མ་ཡི་དྲ་བའི་
སྡོམ། །དེར་ནི་གསང་བ་བྱིན་བརླབས་པ། །སྙིང་པོ་མཆོག་ནི་ལེགས་པར་ཉོན། །བླ་མ་ཡི་ཡང་བླ་མ་སྟེ། །མཁའ་འགྲོ་མ་ཡི་དྲ་བའི་སྡོམ། །ཨོཾ་སྭ་བྷཱ་བ་ཤུད་དྷཱཿསརྦྦ་དྷརྨཱཿསྭ་བྷཱ་བ་ཤུད་དྷོ྅ཧྃ། ཨོཾ་ཤཱུ་ནྱ་ཏཱ་ཛྙཱ་ན་བཛྲ་སྭ་བྷཱ་བ་ཨཱཏྨ་
ཀོ྅ཧྃ། ཨོཾ་བཛྲ་ཤུད་དྷཱཿསརྦྦ་དྷརྨཱ་བཛྲ་ཤུད་དྷོ྅ཧྃ། ཨོཾ་ཡོ་ག་ཤུད་དྷཱཿསརྦྦ་དྷརྨཱ་ཡོ་ག་ཤུད་དྷོ྅ཧྃ། ཨོཾ་ཛྙཱ་ན་ཤུད་དྷཱཿསརྦ་དྷརྨཱ་ཛྙཱ་ན་ཤུད་དྷོ྅ཧྃ། ཨོཾ་ས་མ་ཡ་ཤུད་དྷཱཿསརྦ་དྷརྨཱ་ས་མ་ཡ་ཤུད་དྷོ྅ཧྃ། ཨོཾ་སརྦ་ཏ་ཐཱ་ག་ཏ་ཤཱུནྱ་ཏཱ་
ཨ་ནུ་ར་ག་ཏ་བཛྲ་སྭ་བྷཱ་བ་ཨཱཏྨ་ཀོ྅ཧྃ། ཨོཾ་སརྦ་ཏ་ཐཱ་ག་ཏ་པྲ་ཀྲྀ་ཏ་སུ་བི་ཤུད་དྷཱ་དྷརྨ་དྷཱ་ཏུ་ཛྙཱ་ན་བཛྲ་སྭ་བྷཱ་བ་ཨཱཏྨ་ཀོ྅ཧྃ། ཨོཾ་མན་ཏྲ་ཤུད་དྷཱཿསརྦ་དྷརྨཱ་མན་ཏྲ་ཤུད་དྷོ྅ཧྃ།   ཨོཾ་ཀྲོ་དྷ་ཤུད་དྷཱཿསརྦ་དྷརྨཱཿཀྲོ་དྷ་ཤུད་དྷོ྅ཧྃ། ཨོཾ་ཙིཏྟ་ཤུད་དྷཱཿསརྦ་དྷརྨཱ་ཏྟ་ཤུད་དྷོ྅་ཧཾ།

85-1-95a

ཨོཾ་བཱཀ་ཤུད་དྷཱཿ སརྦ་དྷརྨཱ་བཱཀ་ཤུད་དྷོ྅ཧྃ། ཨོཾ་ཀཱ་ཡ་ཤུད་དྷཱཿ སརྦ་དྷརྨཱཿ ཀཱ་ཡ་ཤུད་དྷོ྅ཧྃ། ཨོཾ་ཛྙཱ་ན་ཨ་མྲྀ་ཏ་ཤུད་དྷཱཿ སརྦ་དྷརྨཱ་ཛྙཱ་ན་ཨ་མྲྀ་ཏ་ཤུད་དྷོ྅ཧྃ།  ཨོཾ་ནཱ་ནཱ་ས་མ་ཡ་ཤུད་དྷཱཿ སརྦ་དྷརྨཱ་ནཱ་ནཱ་ས་མ་ཡ་ཤུད་དྷོ྅ཧྃ། ཨོཾ་ཙཱརྱ་ནཱ་
ཡ་ཤུད་དྷཱཿ སརྦ་དྷརྨཱ་ཙརྱ་ནཱ་ཡ་ཤུད་དྷོ྅ཧྃ། ཨོཾ་ཏྲི་ཡོ་ག་པ་རི་ཤུད་དྷཱཿ སརྦ་དྷརྨཱ་ཏྲི་ཡོ་ག་པ་རི་ཤུད་དྷོ྅ཧྃ། ཨོཾ་ཨ་བྷི་ཥེ་ཀ་ཤུད་དྷཱཿ སརྦ་དྷརྨཱ་ཨ་བྷི་ཥེ་ཀ་ཤུད་དྷོ྅ཧྃ། ཨོཾ་པཱུ་ཛ་ཤུད་དྷཱཿ སརྦ་དྷརྨཱཿ པཱུ་ཛ་ཤུད་དྷོ྅ཧྃ། ཨོཾ་སརྦ་ཏ་ཐཱ་ག་ཏ་ཨ་ཏྭ་ཡ་པཱུ་ཛ་
བཛྲ་སྭ་བྷཱ་བ་ཨཱཏྨ་ཀོ྅ཧྃ། ཨོཾ་མཎྜ་ལ་ཤུད་དྷཱཿ སརྦ་དྷརྨཱ་མཎྜ་ལ་ཤུད་དྷོ྅ཧྃ། ཨོཾ་ཨ་དྷི་པ་ཏི་ཤུད་དྷཱཿ སརྦ་དྷརྨཱ་ཨ་དྷི་པ་ཏི་ཤུད་དྷོ྅ཧྃ། ཨོཾ་བཱྀ་ར་ཤུད་དྷཱཿ སརྦ་དྷརྨཱ་བཱི་ར་ཤུད་དྷོ྅ཧྃ། ཨོཾ་ཡོ་གྀ་ནཱི་ཤུད་དྷཱཿ སརྦ་དྷརྨཱ་ཡོ་གི་ནཱི་ཤུད་དྷོ྅ཧྃ། 
ཨོཾ་ཏ་ཏྭ་ཤུད་དྷཱཿ སརྦ་དྷརྨཱ་ཏ་ཏྭ་ཤུད་དྷོ྅ཧྃ། ཧེ་ཨི་ཏི་ཧེ་ཏྭ་པ་ག་ཏཿ སརྦ་དྷརྨཱ་ཧེ་ཏྭ་པ་ག་ཏོ྅ཧྃ།  རུ་ཨི་ཏི་རུ་ཀཱ་རཱ་པ་ག་ཏཿ སརྦ་དྷརྨཱ་རུ་ཀཱ་རཱ་པ་ག་ཏོ྅ཧྃ།  ཀ་ཨི་ཏི་ན་སྐྭ་ཙིད་སྠི་ཏཿ སརྦ་དྷརྨཱ་ན་སྐྭ་ཙིཏ་སྠི་ཏོ྅ཧྃ། ཨོཾ་ཛྷ་ཊི་ཏ་ཀ་ར་ཤུད་དྷཱཿ
སརྦ་དྷརྨཱ་ཛྷ་ཊི་ཏ་ཀ་ར་ཤུད་དྷོ྅ཧྃ། ཨོཾ་བྷ་བ་ཤུད་དྷཱཿ སརྦ་དྷརྨཱ་བྷ་བ་ཤུད་དྷོ྅ཧྃ། ཨོཾ་ཛ་པ་ཤུད་དྷཱཿ སརྦ་དྷརྨཱ་ཛ་པ་ཤུད་དྷོ྅ཧྃ། ཨོཾ་ཨཱ་ཧཱ་ར་ཤུད་དྷཱཿ སརྦ་དྷརྨཱ་ཨཱ་ཧཱ་ར་ཤུད་དྷོ྅ཧྃ། ཨོཾ་བྷཀྵ་ཤུད་དྷཱཿ སརྦ་དྷརྨཱ་བྷཀྵ་ཤུད་དྷོ྅ཧྃ། 
ཨོཾ་ཨ་ས་མ་ཧི་ཏ་ཤུད་དྷཱཿ སརྦ་དྷརྨཱ་ཨ་ས་མ་ཧི་ཏ་ཤུད་དྷོ྅ཧྃ། ཨོཾ་སྭ་སམ་བེ་དྷ་ན་ཤུད་དྷཱཿ སརྦ་དྷརྨཱཿ སྭ་སམ་བེ་དྷ་ན་ཤུད་དྷོ྅ཧྃ། ཨོཾ་དེ་ཤ་ཤུད་དྷཱཿ སརྦ་དྷརྨཱ་དེ་ཤ་ཤུད་དྷོ྅་ཧཾྃ། ཨོཾ་མོ་ཧ་ཤུད་དྷཱཿ སརྦ་དྷརྨཱ་མོ་ཧ་ཤུད་དྷོ྅ཧྃ། ཨོཾ་
རཱ་ག་ཤུད་དྷཱཿ སརྦ་དྷརྨཱ་རཱ་ག་ཤུད་དྷོ྅ཧྃ། ཨོཾ་མཱ་ན་ཤུད་དྷཱཿ སརྦ་དྷརྨཱ་མཱ་ན་ཤུད་དྷོ྅ཧྃ། ཨོཾ་ཨཱིཪྵ་ཤུད་དྷཱཿ སརྦ་དྷརྨཱ་ཨཱིཪྵ་ཤུད་དྷོ྅ཧྃ། ཨོཾ་ཁ་བཛྲ་ཤུད་དྷཱཿ སརྦ་དྷརྨཱ་ཁ་བཛྲ་ཤུད་དྷོ྅ཧྃ། ཨོཾ་ཏྲི་ཙཀྲ་པ་རི་ཤུད་དྷཱཿ སརྦ་དྷརྨཱ་ཏྲི་ཙཀྲ་པ་རི་ཤུད་
དྷོ྅ཧྃ། ཨོཾ་ཌཱ་ཀི་ནཱི་ཤུད་དྷཱཿ སརྦ་དྷརྨཱ་ཌཱ་ཀི་ནཱི་ཤུད་དྷོ྅ཧྃ། ཨོཾ་ཤངྐུ་ལ་ཤུད་དྷཱཿ སརྦ་དྷརྨཱཿ ཤངྐུ་ལ་ཤུད་དྷོ྅ཧྃ། ཨོཾ་མཱ་ཏྲི་ཤུད་དྷཱཿ སརྦ་དྷརྨཱ་མཱ་ཏྲི་ཤུད་དྷོ྅ཧྃ། ཨོཾ་པིཋ་ཤུད་དྷཱཿ སརྦ་དྷརྨཱཿ པིཋ་ཤུད་དྷོ྅ཧྃ། །འདི་ལྟར་ཇི་སྲིད་ཉེ་བའི་དུར་ཁྲོད་ཀྱི་བར་ཐམས་

85-1-95b

ཅད་རྣམ་པར་དག་པར་ཤེས་པར་བྱའོ། །པུ་ཛ་ཨཽ་ཨ་གོ་རཱ་དེ་མཱ་ཀ་ལ་ཨོ་ཏྲི་ཀོ་ཀ་ལ་ཀ་ཧི་པྲེ་གྲི་སཽ་སུ་ན་སི་མ་ཀུ། ས་བཅུ་རྣམ་པར་དག་པའི་བདག །ཕ་རོལ་ཕྱིན་བཅུའང་དེ་བཞིན་ཏེ། །ཤེས་པ་བཅུ་ཡང་རྣམ་དག་བདག །བཅུ་པོ་དེ་དག་
རྣམ་པར་བསྒོམ། །འཁོར་ལོ་གསུམ་ཡང་ཡོངས་དག་ཕྱིར། །ཉི་ཤུ་རྩ་བཞི་བདག་ཉིད་དགེ། །དུས་དང་ཚོད་རྣམས་རྣམ་གྲོལ་བས། །རྣལ་འབྱོར་མ་ཡི་ཡིད་དགའ་བ། །སུམ་བཅུ་རྩ་བདུན་རྣམ་དག་དོན། །མངོན་མཐོ་ཧེ་རུ་ཀ་ལས་
བྱུང་། །མངོན་བརྗོད་རྒྱུད་ནི་བླ་མའི་བླ། །གསང་ཆེན་མཆོག་གི་དམ་པའོ། །གཡོན་དང་གཡས་སུ་བསྐོར་བ་ཡིས། །དགོད་ཅིང་མཆོད་དང་བསྐོར་བར་བྱ། །གང་གིས་དེ་ཉིད་ཤེས་པ་ཡིས། །བརྡ་ནི་ལྔ་པོ་བསྟན་པར་བྱ། །
གང་ཡང་དབང་བསྐུར་མེད་པ་ལ། །གཞན་དུ་དེ་ཉིད་མ་བསྟན་ཅིག །མངོན་བརྗོད་རྒྱུད་ལ་བླ་མ་ཡིས། །དབང་བསྐུར་སློབ་མ་དག་ལ་སྦྱིན། །གཞན་དུ་སློབ་མ་སྨྱོ་བ་དང་། །བརྒྱལ་དང་རྨོངས་པ་དག་ཏུ་འགྲོ། །མནར་མེད་འཇིགས་
པ་ཆེན་པོ་དང་། །ངན་པ་དེར་ནི་ལྟུང་བར་འགྱུར། །གླེགས་བམ་བཤེས་མིན་ལ་སྟེར་བ། །ངན་པ་དེ་མ་ཐག་ཏུ་འཆི། །ཕོལ་མིག་རིམས་དང་དུག་དང་ནད། །མཁའ་འགྲོ་གདོན་གྱིས་གཙེས་པར་འགྱུར། །མི་སྲུན་བགེགས་དང་ཚོགས་བདག་
གིས། །གསོད་ཅིང་དམྱལ་བར་ལྟུང་བར་འགྱུར། །ཇི་སྲིད་འབད་པ་ཐམས་ཅད་ཀྱིས། །བླ་མ་སློབ་མས་རིམ་བཞིན་དུ། །དེ་ཉིད་རྟག་ཏུ་སྦས་ནས་ནི། །མྱུར་དུ་སྔགས་ཀྱི་དངོས་གྲུབ་འགྱུར། །བླ་མས་ཐམས་ཅད་རིམ་བཞིན་དུ། །
མངོན་བརྗོད་རྒྱུད་ཀྱི་རིམ་པ་བཞིན། །ལྷ་ཡི་རྣལ་འབྱོར་ལ་སྦྱོར་བ། །གཉིས་སུ་མེད་པའི་ཡེ་ཤེས་འགྱུར། །དེ་མ་ཐག་ཏུ་བྱང་ཆུབ་སྟེ། །མཆོག་ནི་ངེས་པར་རྙེད་པར་འགྱུར། །མི་ཡི་བུ་མོ་འདི་འདྲ་སྤང་། །བདག་གི་དམ་ཚིག་
མི་ཤེས་ཤིང་། །དྲག་ཅིང་ལོག་ལྟ་རང་བཞིན་ངན། །མི་སྲུན་སྙིང་རྗེ་མེད་པ་དང་། །བརྐམ་ཆགས་སེར་སྣར་ལྡན་པ་དང་། །སྤྱང་ཞིང་ངན་ལ་ཕྲག་དོག་ཅན། །སྐྱེས་པ་གཞན་ལ་ཆགས་པ་དང་། །རྣམ་པར་རྟོག་པ་མང་བ་དང་། །

85-1-96a

འདི་འདྲའི་ཕྱག་རྒྱ་སྤང་བར་བྱ། །སྦྱོར་བའི་དངོས་གྲུབ་རིང་བ་ཡིན། །པུཀྐ་སཱི་ནི་མཛེས་སྡུག་བླང་། །གཟུགས་སྡུག་གཞོན་པས་རྣམ་པར་བརྒྱན། །སྦྱོར་བ་ལ་ནི་གཅིག་ཏུ་སེམས། །བརྟུལ་ཞུགས་
བརྟན་ཞིང་དམ་ཚིག་ཤེས། །དཔའ་ཞིང་ཆགས་བྲལ་ངོ་ཚ་མེད། །ང་རྒྱལ་མེད་ཅིང་སེར་སྣ་མེད། །སྔགས་པ་རང་གི་སྤྱོད་པ་སྟེ། །རིག་མ་བརྟུལ་ཞུགས་ཁྱོད་ཀྱི་ལོང་། །ཕྱག་རྒྱ་ལྔ་ནི་རྟག་ཏུ་འཆང་། །མགོ་ལ་ཐོད་པའི་རྒྱན་ཡང་
བྱས། །ཐོད་པ་དང་ནི་ཁ་ཊྭཱྃ་འཛིན། །ཐལ་བའི་རྡུལ་གྱིས་རྣམ་པར་བྱུགས། །རྟག་ཏུ་མ་ཧཱ་མཱཾ་ས་བཟའ། །ཐམས་ཅད་བཏུང་བས་མྱོས་པ་དང་། །རོ་ཡི་གདན་ལ་འདུག་པ་དང་། །ལྤགས་པ་ཆེན་པོ་གོས་སུ་གྱོན། །རྗེས་སུ་
འཐུན་པའི་བཟའ་བ་ཟ། །ཞག་དང་ཁྲག་གིས་ཚིམ་པ་དང་། །གྲོང་ངམ་དགོན་པ་དག་ཏུ་ཡང་། །གང་ཞིག་ཡུལ་དུ་འགྲོ་བ་ན། །རྟག་ཏུ་ཆགས་པས་མི་གནས་ཤིང་། །རྟག་ཏུ་དུར་ཁྲོད་སྤྱོད་བྱེད་ལ། །ཡང་ན་ཚོང་འདུས་གནས་པ་
དང་། །ཉན་ཐོས་འཇིག་རྟེན་སྐལ་མེད་པའི། །མི་ཤེས་གཏི་མུག་གིས་ཁྱབ་པ། །ཉན་ཐོས་ཡོངས་སུ་ལོངས་སྤྱོད་པའི། །གཙུག་ལག་ཁང་དུ་གནས་མི་བྱ། །ཇི་ལྟར་སྐྱེས་བུ་དབུལ་པོ་བཞིན། །བྱང་ཆུབ་སེམས་དཔའ་
དེ་བཞིན་གནས། །རྡོ་རྗེ་གར་གྱིས་རྣམ་པར་རོལ། །རྟག་ཏུ་དུར་ཁྲོད་ལ་གནས་ཤིང་། །དྲི་ཆེན་ཤ་ཆེན་ཟས་སུ་བཟའ། །མྱོས་བྱེད་བཏུང་བར་ལྡན་པ་ཡི། །དཔའ་བའི་གཙོ་བོས་རྩེ་གཅིག་པའི། །སེམས་ཀྱིས་རབ་ཏུ་བསྒོམ་
པར་བྱ། །ཕྱག་རྒྱ་ཆེན་པོ་མ་རྙེད་ན། །གཡེང་བ་ཐམས་ཅད་རྣམ་སྤངས་པའི། །དེ་ནི་ཡེ་ཤེས་འབྱུང་གནས་ཏེ། །ཤེས་རབ་ཕ་རོལ་ཕྱིན་ལས་བྱུང་། །གཟུང་དང་འཛིན་པ་མི་དམིགས་པའི། །གཉིས་སུ་མེད་པ་ཉིད་ལ་གནས། །
རྩེ་གཅིག་སེམས་ནི་བྱས་ནས་ཀྱང་། །བསྒོམ་པའི་སྤྱོད་པ་ལ་གནས་ན། །བདེ་ལ་དགའ་བའི་དངོས་གྲུབ་འགྱུར། །ཤེས་རབ་ཐབས་ཀྱི་ཆོ་གའི་རིམ། །ཕྱག་རྒྱ་ཆེ་དང་ངེས་པར་རོལ། །བསྒོམ་པ་མངོན་དུ་གྱུར་པ་ཡིས། །

85-1-96b

རྣམ་གྲོལ་སངས་རྒྱས་ཐམས་ཅད་ཀྱང་། །སྐྱེ་བ་འདི་ལ་དངོས་གྲུབ་འགྱུར། །གཡོན་པའི་སྤྱོད་པ་ཤེས་རབ་སྟེ། །གཡས་པ་དེ་བཞིན་ཐབས་ཡིན་ནོ། །བསྒོམ་པར་ལྡན་པའི་མཐུ་སྟོབས་ནི། །སུམ་བཅུའི་དབང་ཕྱུག་ལ་དབང་
བྱེད། །རྣལ་འབྱོར་མ་ནི་དངོས་གྲུབ་དང་། །གནོད་སྦྱིན་ཀླུ་ཡི་བུ་མོ་དང་། །གཞན་ཡང་སྣ་ཚོགས་དྲི་ཟ་མོ། །འདོད་པའི་ལོངས་སྤྱོད་དག་ལ་སྤྱོད། །དེ་ཉིད་གསང་བའི་མཆོག་གྱུར་པ། །ཨཱ་ལི་ཀཱ་ལི་རྟག་ཏུ་བསྒོམ། །རང་གི་ལྷ་ཡི་
སྦྱོར་བ་ཡིས། །ཐམས་ཅད་དེ་བཞིན་རྣམ་པར་བརྟག །དཔའ་བོས་བརྡ་རྣམས་བསྟན་པ་ནི། །རྣལ་འབྱོར་པ་ཡི་ལག་གཡོན་གྱིས། །བརྡ་རྣམས་ལ་ནི་འཇུག་པར་བྱ། །དཔའ་བོའི་གནས་སུ་གྱུར་པ་འདི། །རྒྱུ་དང་མི་རྒྱུའི་འཇིག་
རྟེན་གསུམ། །འགྲོ་ཀུན་གཡོན་ལས་བྱུང་བ་ཡིན། །རྡོ་རྗེ་སེམས་དཔའ་མཐེ་བོས་ཉིད། །འཛུབ་མོར་རྣམ་པར་སྣང་མཛད་བཞུགས། །གུང་མོར་པད་མ་གར་དབང་གནས། །སྲིན་ལག་དཔའ་བོ་དངོས་གྲུབ་ཅན། །ཐ་མ་ལ་ནི་མི་
ཟད་སྐུ། །སེན་མོའི་ངོས་ལ་རྟ་མགྲིན་གནས། །གཡོན་པའི་རྒྱུ་ལས་བྱུང་བ་ནི། །དཔའ་བོ་ཐམས་ཅད་ཡིན་པར་བཤད། །ལག་མཐིལ་ཕོ་ཉ་འདུས་པའི་མཆོག །རྒྱབ་ཏུ་ཤིན་དུ་ངེས་བྱས་ཏེ། །བརྡ་ནི་ལྔ་པོ་བསྟན་པར་བྱ། །
སྒྲུབ་པ་པོ་ཡིས་ཤེས་པར་བྱ། །ས་ནི་སྤྱན་ཞེས་བྱ་བར་བཤད། །ཆུ་ཁམས་མཱ་མ་ཀཱི་རུ་བཤད། །མེ་ནི་གོས་དཀར་མོ་རུ་བཤད། །རླུང་ནི་སྒྲོལ་མ་དག་ཏུ་གྲགས། །འོ་བྱེད་མ་ནི་སྟོང་པ་སྟེ། །དེ་བཞིན་ཕ་རོལ་ཕྱིན་པ་ཡིན། །
དབུས་ཀྱི་དཔའ་བོ་ཐམས་ཅད་ནི། །མཁས་པས་རྒྱབ་ཏུ་གཤེགས་སུ་གསོལ། །གསང་བ་འདི་ནི་མི་བསྟན་ཞིང་། །རབ་ཏུ་འབད་དེ་སྦ་བར་བྱ། །དེ་ལྟར་བརྡ་ཡིས་དཔའ་བོ་རྣམས། །དེ་དང་ལྷན་ཅིག་བཟའ་བ་བཟའ། །དཔའ་བོས་
ཐམས་ཅད་མཉམ་སྦྱོར་བ། །མཁའ་འགྲོ་དྲ་བའི་བདེ་མཆོག་ཡིན། །ཕན་ཚུན་རྗེས་འགྲོ་ཐམས་ཅད་ཀྱི། །སྣ་ཚོགས་བརྡ་ནི་བཤད་པར་བྱ། །མཁའ་འགྲོ་མ་ཡི་མཚན་ཉིད་དང་། །ཕོ་ཉ་རྣམས་ཀྱི་མཚན་

85-1-97a

ཉིད་དག །སྒྲུབ་པ་པོ་ལ་ཕན་པའི་ཕྱིར། །དེ་དག་ཐམས་ཅད་བཤད་པར་བྱ། །རས་རིས་དང་ནི་སྐུ་གཟུགས་དག །འདྲི་ན་དེ་བཞིན་དམ་ཚིག་དང་། །སྐུ་མདོག་གི་ནི་ཁྱད་པར་གྱིས། །གང་གིས་སྒྲུབ་པ་པོ་འགྲུབ་པ། །སྣ་
ཚོགས་སྔགས་ཀྱིས་མཛེས་པ་ཡི། །ཕུན་སུམ་ཚོགས་པའི་དཀྱིལ་འཁོར་དང་། །ལྷ་ཡི་དམ་ཚིག་ཡིད་འོང་བ། །རྣལ་འབྱོར་མ་ནི་སྣ་ཚོགས་མཆོག །དཔའ་བོ་སྣ་ཚོགས་ཡིད་འོང་བའི། །རྣལ་འབྱོར་མ་ནི་ཡང་དག་འདུས། །མཁའ་
འགྲོ་མ་ཡང་ཡང་དག་འདུས། །རང་རིགས་སྣ་ཚོགས་མཆོག་དམ་པ། །བླ་མ་བརྒྱུད་པའི་བཀའ་བཞིན་དུ། །སློབ་མ་ལ་ནི་ཕན་པའི་ཕྱིར། །བདག་པོའི་ལས་ལ་ཤིན་ཏུ་མཁས། །སྔགས་དང་རྒྱུད་ལ་ལེགས་པར་བསླབས། །
གཞན་ཡང་ཆོ་གའི་རིམ་པ་དང་། །མངོན་བརྗོད་བླ་མའི་ལས་ལ་མཁས། །ཕྱུགས་ཀྱི་མཚན་ཉིད་སྔགས་པས་རྟོག །སྣ་ཚོགས་རིགས་ཀྱི་ཁྱད་པར་དང་། །རྣལ་འབྱོར་མ་ཡི་སྤྱོད་པ་དང་། །མཁའ་འགྲོ་མ་ཡང་དེ་བཞིན་ཏེ། །ཕྱི་རོལ་མ་
མོའི་ཕྱག་རྒྱ་དག །ཕག་མོ་ཡི་ནི་རིགས་ལས་བྱུང་། །དཔའ་བོ་ཀུན་གྱི་སྤྱོད་པ་དང་། །འཁོར་ལོའི་སྤྱོད་པ་ཤིན་དུ་བསླབས། །ཕྱི་ཡི་རྣལ་འབྱོར་དབང་ཕྱུག་གི། །མཚན་ཉིད་སྤྱོད་པ་དག་ལ་མཁས། །ཧེ་རུ་ཀ་དཔལ་རིགས་ལས་བྱུང་། །
དགེ་བའི་སྤྱོད་པ་དག་ལ་བསླབས། །ཡུལ་གྱི་སྤྱོད་པའི་ཁྱད་པར་དང་། །སློབ་དཔོན་སྤྱོད་པ་དག་ལ་མཁས། །རྣལ་འབྱོར་མ་ཡི་རྒྱུད་སྤྱོད་དང་། །རྣལ་འབྱོར་རྒྱུད་ནི་རྒྱ་ཆེ་བ། །བྱ་བའི་རྒྱུད་ཀྱི་དབྱེ་བའི་རིམ། །ཐམས་ཅད་རྒྱུད་རྣམས་
རྣམ་པར་ཤེས། །འགྲུབ་པའི་ལུང་དང་བསྟན་བཅོས་དང་། །མདོ་སྡེ་སྐྱེས་རབས་དེ་བཞིན་ཏེ། །བླ་ན་མེད་པའི་སྤྱོད་པ་དག །ཤེས་རབ་ཕ་རོལ་ཕྱིན་ལས་བྱུང་། །ཕྱི་རོལ་བསྟན་བཅོས་ཡོངས་ལ་མཁས། །ཕུན་སུམ་ཚོགས་པ་
སློབ་དཔོན་མཆོག །སྦྱོར་བའི་བསྒོམ་པར་ལྡན་པ་དང་། །ཡིད་གཉིས་མེད་པ་ཉིད་ཀྱི་ནི། །བཟའ་བ་ཐམས་ཅད་བཟའ་བར་བྱ། །ཡི་གེ་བརྒྱ་པས་ཐམས་ཅད་དུ། །གསང་སྔགས་བརྟན་པར་བསྒོམས་ནས་སུ། །རང་གི་མིང་དང་ལྡན་པར་

85-1-97b

ནི། །གཅིག་ཏུ་སྤེལ་ནས་བཟླས་པར་བྱ། །རྟག་ཏུ་ཕྲེང་བའི་སྔགས་ཀྱང་བཟླ། །དོན་རྣམས་ཐམས་ཅད་འགྲུབ་པར་འགྱུར། །བླ་མ་ལས་ཀྱང་བླ་མ་སྟེ། །མཁའ་འགྲོ་མ་ཡི་དྲ་བའི་སྡོམ། །གསང་སྔགས་བཏུས་པས་གོ་ཆ་དང་། །སྙིང་པོ་དང་ནི་ཉེ་
སྙིང་དང་། །གསང་སྔགས་བཏུས་པ་རྗེས་སུ་བསྲུང་། །དཀྱིལ་འཁོར་ཤིན་ཏུ་མཛེས་པ་ལ། །ཡི་གེའི་དཀྱིལ་འཁོར་ལེགས་བཀོད་ནས། །དཔའ་བོ་རྣལ་འབྱོར་མ་རྣམས་བསྐྱེད། །འདི་ནི་གསང་སྔགས་ཐམས་ཅད་དོ། །མ་མོ་རྣམས་
ཀྱི་དམ་པ་མཆོག །གསང་བ་དགའ་བ་སྦས་པ་སྟེ། །གསང་སྔགས་ཐམས་ཅད་བསྡུས་པ་ཡིན། །གསང་སྔགས་ཀུན་གྱི་གནས་ཡིན་ནོ། །འགྲོ་བ་འབྱུང་བའང་མ་མོས་ཁྱབ། །དེ་ཉིད་འདི་ནི་མི་བསྟན་ཏེ། །དངོས་གྲུབ་
འཇོམས་པར་འགྱུར་བ་ཡིན། །བསྒོམ་པ་འདི་ནི་མཆོག་ཡིན་ཏེ། །འདོད་པའི་དངོས་གྲུབ་བླ་ན་མེད། །སྐྱེ་འགྲོས་འདི་ནི་བསྒོམས་ཙམ་གྱིས། །རྡོ་རྗེ་སེམས་དཔའི་གོ་འཕང་རྙེད། །བྱམས་པའི་གོ་ཆ་བགོས་པ་སྟེ། །སྙིང་རྗེ་ཆོས་ཀྱི་གོ་
ཆ་ཡིན། །ཤེས་རབ་མཚོན་ཆར་ལྡན་པ་ཡིན། །ཉོན་མོངས་བདུད་ནི་རྣམ་པར་སྤངས། །ཕྱིར་བཟློག་ཆེན་མོས་བསྲུང་བ་དང་། །རྡོ་རྗེ་ཞལ་བཞིས་རྣམ་པར་མཚན། །སྐུ་གསུང་ཐུགས་ཀྱི་དབྱེ་བ་ཡིས། །ཁ་སྦྱར་གསུམ་གྱི་རྡོ་རྗེས་
མཚན། །ཐམས་ཅད་མཆོག་གི་བསྲུང་བ་ཆེ། །དངོས་གྲུབ་ཐམས་ཅད་རབ་ཏུ་སྩོལ། །བཀའ་ཡི་འཁོར་ལོ་བསྲུང་བ་ཆེ། །ཕུར་བུས་བགེགས་མེད་དངོས་གྲུབ་འགྱུར། །བསྲུང་བ་མཆོག་ནི་འདི་དག་གི། །སྒྲུབ་པ་པོ་ལ་བྱང་ཆུབ་སྩོལ། །
རྡོ་རྗེ་ཕུར་བུས་ར་བ་དང་། །རྡོ་རྗེའི་ས་དང་དྲ་བ་དང་། །སྟེང་གི་གུར་དང་བླ་རེས་ཡིས། །གདུག་པའི་བདུད་ནི་བཀྲད་བྱས་ནས། །མི་གསོད་གསོད་པ་མེད་པ་ཡིན། །གང་གིས་རང་སེམས་ཐུལ་བ་ཡིས། །བདག་གི་སེམས་ནི་བཅིངས་པ་ཡིན། །
གང་ལ་གང་གིས་གསོད་པ་ཡོད། །མཉམ་པའི་སེམས་ནི་དྲི་ཡིན་ཏེ། །གྲུ་བཞི་པ་ནི་བྱུག་པ་ཡིན། །ཙན་དན་དཀར་པོ་ལུས་ཡིན་ཏེ། །མཉམ་པར་གནས་པ་ཉིད་ཡིན་ནོ། །མེ་ཏོག་བཟོད་པ་རྣལ་འབྱོར་པ། །འབད་པས་གཏོར་བ་ཡིན་པར་བཤད། །རང་བཞིན་དག་པ་འདུག་པ་སྟེ། །མཉམ་པའི་

85-1-98a

བསྒོམ་པ་བདུག་པ་ཡིན། །མངོན་པར་བརྗོད་པའི་རྒྱུད་བླ་མ་ཆེན་པོ་ལས་དེ་ཁོ་ན་ཉིད་ཀྱི་སྙིང་པོའི་དོན་དམ་པ་བསྟན་པ་སྟེ་ལེའུ་གསུམ་པའོ།། །། དེ་ནས་བཅོམ་ལྡན་འདས་རྡོ་རྗེ་མཁའ་འགྲོས་དེ་ཁོ་ན་ཉིད་ཀྱི་གསང་བ་གསུངས་
པ། དེ་ནས་ཡང་དག་བཤད་བྱ་བ། །མངོན་བརྗོད་རྒྱུད་ནི་བླ་མའི་བླ། །བླ་མ་བརྒྱུད་པས་བཤད་པ་བཞིན། །ཕྱི་རོལ་རྣམ་རྟོག་སྤངས་ནས་ནི། །མཉམ་པའི་དམ་ཚིག་མཆོག་དམ་པ། །རྟོག་པ་མེད་ཅིང་དཔྱོད་པ་མེད། །འཇིགས་པ་ཐམས་
ཅད་རྣམ་པར་སྤངས། །ཚེས་གྲངས་མེད་ཅིང་སྐར་མ་མེད། །བསླབ་པའི་ཆོ་གའང་ཡོད་མ་ཡིན། །གཙང་སྦྲ་མེད་ཅིང་མི་གཙང་མེད། །དག་པའི་བྱ་བའང་ཡོད་མ་ཡིན། །དུས་དང་ཚོད་ལས་རྣམ་པར་གྲོལ། །དག་པའི་སྤྱོད་པ་རྣམ་པར་སྤངས། །
རང་གི་སྔགས་རྒྱུད་སྦྱོར་བ་ཤེས། །སེམས་ཅན་ཀུན་གྱི་དོན་ཡང་བྱེད། །རི་སུལ་དང་ནི་རི་རྩེ་དང་། །ཆུ་བོ་ཆེན་པོའི་ངོགས་དག་དང་། །རྒྱ་མཚོ་ཆེན་པོའི་འགྲམ་དག་དང་། །ཤིང་གཅིག་དང་ནི་དགེ་བའི་གནས། །མ་མོའི་ཁྱིམ་མམ་དུར་ཁྲོད་དམ། །སྣ
ཚོགས་དམ་པའི་ལྡུམ་ར་དང་། །ལྷ་ཁང་དང་ནི་མཆོད་རྟེན་ནམ། །ཁྱིམ་འམ་བཞི་མདོ་དག་ཏུ་ནི། །སྒྲུབ་པ་པོ་ཡིས་སྦྱོར་བསྒྲུབས་ན། །འདོད་པ་ཀུན་གྱི་འབྲས་བུ་སྟེར། །གནས་ནི་བརྟག་པ་བྱས་ནས་ཀྱང་། །ཡིད་ནི་གང་དུ་དགའ་བ་དེར། །
སྣ་ཚོགས་བདེ་མཆོག་དམ་པ་ནི། །དེ་རུ་བསྒྲུབས་ན་དངོས་གྲུབ་འགྱུར། །སེམས་སྦྱོར་མེད་པ་ཉིད་ལས་ནི། །དུ་མར་དབྱེ་བའི་བསྒོམས་པ་ཡིས། །ཡེ་ཤེས་ལྔ་ཡི་བདུད་རྩིས་ནི། །ས་ནི་བྱུག་པ་བྱས་ནས་ཀྱང་། །བཟོད་པའི་
ཕ་རོལ་ཕྱིན་པ་ཡི། །མེ་ཏོག་འབད་པས་དགྲམ་པར་བྱ། །སྣ་ཚོགས་ཕྱག་རྒྱ་ཡིད་འོང་གདན། །མཉམ་པར་བཞག་པས་རྒྱ་ཆེར་བྱ། །རྩེ་གཅིག་པ་ཡི་སེམས་ཀྱི་ནི། །བསམ་གཏན་ཕ་རོལ་ཕྱིན་པ་བསྒྲུབ། །ཚངས་པའི་གནས་
བཞི་ལ་གནས་ཏེ། །བསྡུ་བའི་དངོས་པོ་བཞི་པོ་བྱ། །དགེ་བ་བཅུ་ཡང་དམིགས་ནས་ནི། །སེམས་ཅན་ཀུན་གྱི་དོན་ཡང་བྱ། །ཕྱི་དང་ནང་དུ་བལྟས་ན་ནི། །ཆོས་རྣམས་ཐམས་ཅད་སྟོང་པ་ཡིན། །བྱང་ཆུབ་ཚོགས་ཀྱི་

85-1-98b

མཆོག་དམ་པ། །སེམས་ཙམ་ལ་ནི་རབ་ཏུ་གནས། །རང་གི་སྙིང་ཀ་མཁའ་དཀྱིལ་དུ། །ཉི་མའི་དཀྱིལ་འཁོར་གནས་པར་བསྒོམ། །དེ་སྟེང་དེ་ཉིད་མཆོག་གྱུར་པ། །ཡེ་ཤེས་ལྔ་པོ་ཞི་བ་ཡིན། །སྣ་ཚོགས་འོད་ཟེར་གསོལ་བ་ཡི། །
རྣམ་པར་འཕྲོ་བས་ཀུན་ཏུ་ཁྱབ། །སྔོན་གྲུབ་པ་རྣམས་བསྐུལ་ནས་ནི། །བྱིན་གྱིས་བརླབ་པའང་བྱེད་པ་ཡིན། །ནམ་མཁའི་ཁམས་ནི་བསྒོམ་དགའ་བས། །དཀྱིལ་འཁོར་མཆོག་ནི་མཐོང་བ་ཡིན། །ཏིལ་གྱི་གང་བུ་ལྟ་བུ་ཡི། །ལྷ་དང་
ཁྲོ་བོས་ཁྱབ་པར་མཐོང་། །སངས་རྒྱས་བྱང་ཆུབ་སེམས་དཔའ་དང་། །བྱང་ཆུབ་སེམས་དང་བླ་མའི་གཙོ། །ལྷ་མོ་སྣ་ཚོགས་མཐོང་ནས་ནི། །བདག་གིས་མཆོད་ཅིང་རྗེད་པར་བྱ། །སངས་རྒྱས་སྤྲོས་ཏེ་སྤྲུལ་པའི་ཚོགས། །ཁྲོ་བོའི་རྒྱལ་པོ་
རྣལ་འབྱོར་མས། །འགྲོ་བ་རིས་དྲུག་སེམས་ཅན་རྣམས། །སངས་རྒྱས་གནས་སུ་དགོད་པར་བྱེད། །ནམ་མཁའི་དཀྱིལ་ནི་ཀུན་ཁྱབ་པའི། །མཆོག་དེ་མཐོང་ནས་བསྡུས་ནས་སུ། །ཐམས་ཅད་གསུམ་ལ་སྐྱབས་སུ་མཆི། །བྱང་ཆུབ་
མཐར་ཐུག་བར་དུ་ནི། །སེམས་ཅན་མ་ལུས་གྱུར་པ་རྣམས། །སངས་རྒྱས་གོ་འཕང་དེ་ལ་བཞག །དེ་ལ་སྒྲུབ་པ་པོས་གསོལ་གདབ། །དགེ་བའི་ལས་ལས་བྱུང་བ་ལ། །རྟག་ཏུ་བདག་ནི་སྐྱབས་སུ་མཆི། །རྨོངས་པའི་གཟུགས་ཅན་ང་རྒྱལ་
དང་། །གཟུགས་དང་ཚོར་བ་འདུ་ཤེས་དང་། །འདུ་བྱེད་རྣམ་ཤེས་དེ་བཞིན་ནོ། །ཨོཾ་བྲུྃ་ཨྃ་ཧྲཱིྃ་ཧོ་ཧཱུྃ། དེ་ནི་རྣམ་པར་སྣང་མཛད་དང་། །རྡོ་རྗེ་ཉི་མ་གར་དབང་ཕྱུག །རྡོ་རྗེ་རྒྱལ་པོས་ཁྱབ་པ་ཡིན། །རྡོ་རྗེ་སེམས་དཔའ་མཆོག་དེ་
བཞིན། །དེ་བཞིན་གཤེགས་པ་ཐམས་ཅད་ནི། །ཧེ་རུ་ཀ་དཔལ་རྡོ་རྗེའོ། །མིག་དང་རྣ་བ་སྣ་དང་ནི། །ལྕེ་དང་རེག་པ་ཡིད་དེ་བཞིན། །ཨོཾ་ཧཱུཾ་ཏྲཱྃ་ཨཱྃ་ཁྃ་ཧྃ། གཏི་མུག་དང་ནི་ཞེ་སྡང་དང་། །དེ་བཞིན་ཕྲག་དོག་འདོད་ཆགས་དང་། །སེར་སྣ་དང་ནི་རྨོངས་པ་ཉིད། །
སྐྱེ་མཆེད་དག་ནི་ཐམས་ཅད་ལ། །དབང་ཕྱུག་རྡོ་རྗེ་ཉིད་ཡིན་ནོ། །ས་དང་ཆུ་དང་དེ་བཞིན་མེ། །རླུང་དང་ནམ་མཁའ་ཉིད་དག་གོ། །། ལྟུང་བྱེད་མ་དང་གསོད་མ་དང་། །འགུགས་བྱེད་དང་ནི་གར་དབང་དང་། །

85-1-99a

པད་མའི་དྲ་བ་མོ་ལྷའོ། །མཁའ་མཉམ་ནམ་མཁའ་ལྟ་བུའོ། །དེ་ལྟར་ཕུང་པོ་ཁམས་དང་ནི། །སྐྱེ་མཆེད་རྣམས་ནི་རྣལ་འབྱོར་པས། །ཐ་མལ་དངོས་པོའི་རང་བཞིན་ནི། །ཡོངས་སུ་དག་པར་ཤེས་པར་བྱ། །ཐ་མལ་
ཆོས་ཀུན་ཡོངས་དག་སྟེ། །བདག་ཀྱང་ཡོངས་སུ་དག་པ་ཡིན། །དེ་ནས་གསུམ་ལ་སྐྱབས་སུ་འགྲོ། །སྔགས་ཀྱི་སྐུ་རུ་འགྱུར་བ་ཡིས། །ཧེ་རུ་ཀ་དཔལ་བདག་གྱུར་ནས། །སེམས་ཅན་ཀུན་གྱི་དོན་ཡང་བྱེད། །ཧེ་རུ་ཀ་ཡི་གོ་འཕང་མཆོག །
ཐོབ་ནས་སེམས་ཅན་མ་ལུས་པ། །འདི་ལ་འཇོག་ཅིང་འགོད་པར་ཤོག །སྭ་བྷཱ་བ་ཤུད་དྷཱཿསརྦ་དྷརྨཱཿ སྭ་བྷཱ་བ་ཤུད་དྷོ྅ཧྃ། །ལན་གསུམ་བར་དུ་བཟླ་བར་བྱ། །དངོས་མེད་མདུན་སོགས་ཕྱོགས་བཅུ་རུ། །སྙིང་པོའི་ཕྲེང་བ་
སྤྲོ་བར་བྱ། །དེས་ན་སྙིང་པོ་དེ་མཐོང་ནས། །དྲ་བ་ར་བ་དེ་བཞིན་ཏེ། །རྡོ་རྗེ་ས་སོགས་བྱིན་གྱིས་བརླབ། །བླ་རེ་མདའ་ཡི་དྲ་བ་དང་། །རྡོ་རྗེ་མེ་ནི་འབར་བར་བསྐོར། །ཕྱི་རོལ་རིང་ནས་དགོད་པར་བྱ། །ཨོཾ་མེ་དི་ནཱི་བཛྲཱི་བྷཱ་བ་
བཛྲ་བན་དྷ་ཧཱུྃ། ཨོཾ་བཛྲ་པྲཱ་ཀཱ་ར་ཧཱུྃ་བྃ་ཧཱུྃ། ཨོཾ་བཛྲ་པཉྩ་ཧཱུྃ་བྃ་ཧཱུྃ། ཨོཾ་བཛྲ་བི་ཏཱ་ན་ཧཱུྃ་ཁྃ་ཧཱུྃ། ཨོཾ་བཛྲ་ཤ་ར་ཛཱ་ལ་ཧཱུྃ་ཥ་ཧཱུྃ།  ཨོཾ་བཛྲ་ཛྭ་ལཱ་ན་ལཱརྐ་ཧཱུྃ་ཧཱུྃ་ཧཱུྃ། ཧེ་རུ་ཀ་ཡི་བཀའ་འཁོར་ལོ། །གཙོ་བོ་བརྒྱད་པོ་
འབར་བ་དག །དེ་མཐོང་ནས་ནི་ལེགས་པ་རུ། །ཉི་མའི་དཀྱིལ་འཁོར་དབུས་བཞུགས་པ། །རྡོ་རྗེ་སེམས་དཔའ་རྣམ་པར་བསྒོམ། །ཞལ་གསུམ་ཕྱག་དྲུག་ཞི་བ་སྟེ། །དག་པའི་ཤེལ་དང་ཟླ་མདོག་འདྲ། །ཕྱག་
རྒྱ་ཆེ་དང་མཉམ་པར་ལྡན། །ཤེས་རབ་སྐྱིལ་དཀྲུང་ལེགས་པར་བཞུགས། །ཐོད་པའི་ཕྲེང་འདྲ་ལྡན་པའི་དབུ། །མི་བསྐྱོད་པ་ནི་དབུ་རྒྱན་བཞུགས། །རྒྱན་རྣམས་ཐམས་ཅད་ཡོངས་སུ་རྫོགས། །ཐམས་ཅད་
མཚན་མས་མཚན་པ་ཡིན། །དཔེ་བྱད་ཀུན་གྱིས་བརྒྱན་པ་སྟེ། །ཐོད་པ་ཁ་ཊྭཱྃ་ག་འཛིན་ཅིང་། །རྡོ་རྗེ་དྲིལ་བུས་ལེགས་པར་འཁྱུད། །ཞགས་པ་ལྕགས་ཀྱུ་འཛིན་མཛད་ཅིང་། །དཔའ་

85-1-99b

ཆེན་བདེ་བའི་གོ་འཕང་བཞུགས། །དཀར་ཞིང་སེར་ལ་ལྗང་ཁུ་སྟེ། །ཞལ་གདོང་གཉིས་པོ་རྣམ་པར་འགྱུར། །ལུགས་སུ་འབྱུང་དང་བཟློག་ཚུལ་གྱིས། །དེ་ཡིས་ཁྲོ་བོས་བརྒྱད་དང་སྤྲོ། །རྡོ་རྗེ་དྲག་པོ་ན་ལརྐཾ། །རྡོ་རྗེ་གཙུག་
ཏོར་དེ་བཞིན་དེ། །ཐབ་སྦྱོར་རྡོ་རྗེ་གནོད་སྦྱིན་དང་། །རྡོ་རྗེ་ནག་པོ་སྟོབས་པོ་ཆེ། །རྡོ་རྗེ་འཇིགས་བྱེད་ཅེས་བྱ་བ། །ཁྲོ་བོ་འདི་དག་རྣམ་པར་དགོད། །སྔོ་ཞིང་སེར་ལ་དེ་བཞིན་དམར། །ལྗང་ཁུ་དུ་བའི་མདོག་ཅན་ཏེ། །དཀར་
ཞིང་ནག་ལ་གུར་གུམ་མདོག །རབ་འཇིགས་ཐོད་པའི་དབུ་རྒྱན་ཅིང་། །ཞལ་གསུམ་པ་ལ་ཕྱག་དྲུག་པ། །ཐམས་ཅད་ན་རའི་རུས་པ་ཡི། །རྒྱན་གྱིས་སྐད་པ་རབ་ཏུ་འབར། །གཡས་བརྐྱང་པའི་ཞབས་ཀྱིས་ནི། །སྣ་ཚོགས་
པད་མའི་ནང་བཞུགས་ཤིང་། །ཉི་མའི་དཀྱིལ་འཁོར་དབུས་ན་བཞུགས། །འཇིག་རྟེན་སྐྱོང་བ་བརྒྱད་པོ་དག །ཞབས་ཀྱིས་མནན་པར་རྣམ་པར་བསམ། །ཐོད་པ་དང་ནི་ཁ་ཊྭཱྃ་འཛིན། །ཞགས་པ་ལྕགས་ཀྱུ་མཆོག་ཀྱང་འཆང་། །
ཐམས་ཅད་དྲིལ་བུ་ཅང་ཏེའུ། །ཤེས་རབ་བདེ་བས་ལེགས་པར་འཁྱུད། །དམར་སེར་དབུ་སྐྲ་དག་གིས་བརྒྱན། །མཆེ་བ་རྣམ་གཙིགས་འཇིགས་པ་ཅན། །སྟག་གི་ལྤགས་པ་གོས་སུ་མནབས། །
འཇིགས་པའི་ཕྲེང་བའི་རྒྱན་ཅན་ཏེ། །དེས་ནི་བདག་ཉིད་བརྒྱན་དུ་བྱས། །རྡོ་རྗེ་ཧཱུྃ་མཛད་རྣམ་པར་བསྒོམ། །ཁྲོ་ཞིང་འབར་ལ་གཡོ་བ་དང་། །དྲག་ཅིང་འཇིགས་ལ་རྣམ་པར་འགྱུར། །རྒྱན་རྣམས་
ཀུན་གྱིས་ལེགས་པར་བརྒྱན། །གཡས་བརྐྱང་བ་ཡི་གནས་པས་བཞུགས། །ལྕགས་ཀྱུ་ཞགས་པ་ཁ་ཊྭཱྃ་འཆང་། །དྲིལ་བུ་རྡོ་རྗེ་ཐོད་པ་འཛིན། །མགོ་ཡི་དོ་ཤལ་སྐུ་ལ་འཆང་། །
ཐོད་པའི་ཕྲེང་བའི་སྐ་རགས་ཅན། །གདུག་པ་ཐམས་ཅད་ཞབས་འོག་མནན། །ཐབས་དང་ཤེས་རབ་མཉམ་པར་ལྡན། །རྡོ་རྗེ་སེམས་དཔའི་དབུ་རྒྱན་ཅན། །རྡོ་རྗེ་འཇིགས་བྱེད་བསྒོམ་པར་བྱ། །

85-1-100a

ཁྲོ་བོ་གཉིས་པོ་རྣམ་པར་བསྒོམ། །སྟེང་དུ་གཙུག་ཏོར་འཁོར་སྒྱུར་ཏེ། །རྡོ་རྗེ་འཇིགས་བྱེད་རྣམ་པར་སྒོམ། །འོག་ཏུ་རྡོ་རྗེ་ས་འོག་གོ། །དཀར་ལ་སྔོ་བའི་མདོག་ཅན་ཡིན། །ཐོད་པ་དང་ནི་ཁ་ཊྭཱྃ་འཛིན། །འཁོར་ལོ་
དང་ནི་མདུང་འཛིན་ཅིང་། །ཞགས་པ་ལྕགས་ཀྱུ་དྲིལ་རྡོ་རྗེ། །གཡས་བརྐྱང་པ་ཡི་གནས་པས་བཞུགས། །ཕུར་བུ་ཁྲོ་བོར་བྱས་ནས་སུ། །དེ་ནི་ཕྱོགས་བཅུར་རྣམ་པར་སྤྲོ། །དེ་ལ་བཀའ་ལུང་བསྒོ་བ་ནི། །བགེགས་ནི་མྱུར་དུ་མེད་
པར་གྱིས། །གསང་སྔགས་རྗེས་སུ་དྲན་ནས་སུ། །ཕྱོགས་བཞི་དག་ཏུ་མཉམ་པར་གཟུགས། །མཐེ་བོང་སྡིགས་འཛུབ་སྦྱོར་བ་ཡིས། །ཕྱོགས་བཅུ་དག་ཏུ་སེ་གོལ་བརྡབ། །ཨོཾ་སུཾ་བྷ་ནི་སུཾ་བྷ་ཧཱུྃ་ཧཱུྃ་ཕཊ། ཤར་དུའོ། །
ཨོཾ་གྲྀཧྞ་གྲྀཧྞ་ཧཱུྃ་ཧཱུྃ་ཕཊ། བྱང་དུའོ། །ཨོཾ་གྲྀཧྞཱ་པ་ཡ་གྲྀཧྞཱ་པ་ཡ་ཧཱུྃ་ཧཱུྃ་ཕཊ། ནུབ་ཏུའོ། །ཨོཾ་ཨཱ་ན་ཡ་ཧོཿ བྷ་ག་བན་བཛྲ་ཧཱུྃ་ཧཱུྃ་ཕཊ། ལྷོ་ཕྱོགས་སུའོ། །གསང་སྔགས་རྒྱལ་པོ་འདི་ཡིས་ནི། །བགེགས་ཀུན་གྱི་ནི་ཀླད་པ་ལ། །
རྡོ་རྗེ་ཕུར་བུས་དགོད་ཅིང་མནན། །ལུགས་སུ་འབྱུང་དང་བཟློག་པ་ཡིན། །ཨོཾ་གྷ་གྷ། གྷཱ་ཏ་ཡ་གྷཱ་ཏ་ཡ། སརྦ་དུ་བིགྷཱ་ནན་ཧཱུྃ་ཕཊ། ཀཱི་ལ་ཡ་ཀཱི་ལ་ཡ་སརྦ་པཱ་པྃ་ཧཱུྃ་ཕཊ། ཧཱུཾ་ཧཱུཾ་བཛྲ་ཀཱི་ལ་ཡ་བཛྲ་དྷ་རོ་ཛྙཱ་པ་ཡ་ཏི་ཀཱ་ཡ་
བཱ་ཀ་ཙི་ཏྟ་བཛྲ་ཀཱི་ལ་ཡ་ཧཱུྃ་ཕཊ། ཕུར་པ་རྡོ་རྗེ་ཁྲོ་བོ་རུ། །བལྟས་ནས་ཡོངསུ་བརྟག་པར་བྱ། །ལུགས་སུ་འབྱུང་དང་བཟློག་པ་ཡིས། །དངོས་གྲུབ་རྡོ་རྗེས་བརྡུང་བར་བྱ། །ཨོཾ་བཛྲ་ཧཱུྃ་མུངྒ་ར་བཛྲ་ཀཱི་ལ་ཨཱ་ཀོ་
ཊ་ཡ་ཧཱུྃ་ཧཱུྃ་ཕཊ་ཕཊ། མཁས་པས་རྡོ་རྗེ་ཁྲོ་བོའི་ཚིག །གསང་སྔགས་ཚིག་ནི་དྲག་ཏུ་བཟླ། །ཨོཾ་ཁ་བཛྲ་དྷྲི་ཀ་བཛྲ་ཧཱུྃ་ཀཱ་ར་བཛྲ་ཧཱུྃ་ཕཊ། ཨོཾ་བཛྲ་ཙཎྜ་བཛྲ་ཧཱུྃ་ཕཊ། ཨོཾ་བཛྲཱ་ན་ལཱརྐ་བཛྲ་ཧཱུྃ་ཕཊ། ཨོཾ་བཛྲོ་ཥྞཱི་ཥ་བཛྲ་
ཧཱུྃ་ཕཊ། ཨོཾ་ཀུཎྜ་ལི་བཛྲ་ཧཱུྃ་ཕཊ། ཨོཾ་བཛྲ་ཡཀྵ་བཛྲ་ཧཱུྃ་ཕཊ། ཨོཾ་བཛྲ་ཀ་རཱ་ལ་ཧྃ་ཧཱུྃ་ཕཊ། ཨོཾ་བཛྲ་མ་ཧཱ་བ་ལ་བཛྲ་ཧཱུྃ་ཕཊ། ཨོཾ་བི་ཤ་ན་བཛྲ་ཧཱུྃ་ཕཊ། ཨོཾ་ཨུཥྞཱི་ཥ་ཙཀྲ་བརྟི་བཛྲ་ཧཱུྃ་ཕཊ། ཨོཾ་བཛྲ་པཱ་ཏཱ་ལ་བཛྲ་ཧཱུྃ་ཕཊ། བཀའ་འདི་

85-1-100b

དག་ནི་བསྒྲུབ་པ་ཡིས། །དེ་མ་ཐག་ཏུ་བགེགས་མེད་འགྱུར། །མཱྃ་ས་རྐང་དང་ཞག་ཁ་ཆུ། །ཤུ་ཀྲ་རགྟ་ལྷན་ཅིག་སྦྱར། །རྣལ་འབྱོར་པ་ཡིས་རི་ལུར་བྱས། །ཟོས་ན་དངོས་གྲུབ་ངེས་པར་འགྱུར། །སྔོ་ཞིང་སེར་ལ་ལྗང་ཁུ་ནི། །རྡོ་རྗེ་ཧཱུྃ་མཛད་རང་
བྱས་ཏེ། །སེར་ཞིང་གནག་ལ་ལྗང་ཁུ་དང་། །དུད་ཁ་སེར་ལ་སེར་སྐྱ་དང་། །དཀར་ཞིང་སེར་ལ་ལྗང་ཁུ་དང་། །དམར་ཞིང་སེར་ལ་ལྗང་བ་དག །དེ་ལྟར་བཞི་ནི་བདག་པོ་བཞིན། །མི་བསྐྱོད་དབུ་རྒྱན་དམ་ཚིག་ཅན། །བསྒོམས་པས་རྡོ་རྗེ་འཛིན་པ་དགྱེས། །
འདི་ལྟར་ཁྲོ་བོ་ཐམས་ཅད་ཀྱང་། །དམ་ཚིག་ལས་ནི་འགལ་མ་བྱེད། །འདི་ལྟར་སྣ་ཚོགས་དུ་མ་ཡི། །གཙོ་བོའི་བཀའ་ནི་བླང་བར་གྱིས། །རྣལ་འབྱོར་པ་ནི་གར་གནས་པ། །བགེགས་རྣམས་ཐམས་ཅད་མེད་པར་མཐོང་། །གཅེར་བུའམ་ཡང་ན་
མི་གཅེར་བའམ། །སྐྲ་གྲོལ་ཐལ་བས་ཡན་ལག་བྱུགས། །འདི་ལྟར་ཇི་སྲིད་མ་ངལ་བར། །འཁོར་ལོ་དག་གི་བཟླས་པ་བྱ། །སྟོང་པའི་ཡེ་ཤེས་རྡོ་རྗེ་ནི། །དད་པས་དྲན་ཞིང་མཉམ་པར་བཞག །ཨོཾ་ཤཱུ་ནྱ་ཏཱ་ཛྙཱ་ན་བཛྲ་སྭ་བྷཱ་བ་ཨཱཏྨ་
ཀོ྅་ཧཾ། །ཨོཾ་ཨ་ནི་མིཏྟ་ཛྙཱ་ན་བཛྲ་སྭ་བྷཱ་བ་ཨཱཏྨ་ཀོ྅ཧྃ། ཨོཾ་ཨ་པྲ་ཎི་ཧ་ཏ་ཛྙཱ་ན་བཛྲ་སྭ་བྷཱ་བ་ཨཱཏྨ་ཀོ྅ཧཾ། སྨིག་རྒྱུ་ཙམ་གྱི་ཡེ་ཤེས་ནི། །སེམས་ཙམ་དུ་ནི་རྣམ་པར་བརྟག །འདི་ནི་མཁའ་དང་མཉམ་པ་ཡིན། །ཆོས་མེད་ཆོས་མིན་པ་ཡང་
མེད། །ནམ་མཁའ་གོས་པ་མེད་པ་ལྟར། །དངོས་པོ་མེད་ཅིང་དམིགས་སུ་མེད། །གང་གི་སྙིང་གི་ཁ་སྦྱར་དབུས་གནས་གསལ། །ཕྲ་བར་ལྟ་བ་རང་བྱུང་མྱོང་བའི་སེམས་འཇུག་པ། །ཁམས་གསུམ་མ་ལུས་གཉིས་མེད་པར་ནི་ཉེར་འགྲོ་བ། །
གསལ་བ་ཆོས་ཀྱི་དབྱིངས་མཆོག་དེ་ལ་བདག་ཕྱག་འཚལ། །དངོས་པོའི་གཡོ་བ་རྟ་ཀུན་ནང་དུ་ངེས་སྦྱོར་བའི། །ཡེ་ཤེས་རྒྱལ་བ་མ་ལུས་འདུས་པའི་སྣོད་གྱུར་པ། །ཁམས་གསུམ་མ་ལུས་གཉིས་མེད་པར་ནི་ཉེར་འགྲོ་བའི། །
མཐོང་བ་མཁའ་དང་འདྲ་བར་དྲི་མེད་དཔལ་དུ་གྱུར། །སངས་རྒྱས་རྗེས་དྲན་རྣལ་འབྱོར་ཀྱིས། །ཆོས་ནི་རྗེས་སུ་དྲན་པ་སྒོམ། །ཆོས་རྗེས་དྲན་པའི་རྣལ་འབྱོར་གྱིས། །ཆོས་ཀྱི་སྐུ་ནི་རང་འབྱུང་འགྱུར། །དབུས་ན་གསལ་བྱེད་

85-1-101a

རྣམ་པར་ཤེས། །ཡེ་ཤེས་མཆོག་ནི་ཤེས་རྣམས་ཀྱིས། །ཤིན་དུ་བསྒོམས་པའི་གོམས་པ་ལས། །འབར་བ་འདི་ནི་ཐེ་ཚོམ་མེད། །རྟག་ཏུ་སྙིང་ལ་གནས་པ་ཡི། །ཐིག་ལེ་གཅིག་པུ་ཡི་གེ་མེད། །སྐྱེས་བུས་དེ་ནི་
བསྒོམས་གྱུར་ན། །ཡེ་ཤེས་སྐྱེ་བར་གྱུར་པ་མཆོག །སེམས་དཔའ་རྗེས་དྲན་རྣལ་འབྱོར་ཀྱིས། །སེམས་དཔའ་རྗེསུ་དྲན་པར་བསྒོམ། །སེམས་དཔའ་རྗེས་དྲན་ཆོས་ཀྱིས་ནི། །ཆོས་ཀྱི་སེམས་དཔའ་ཁྱད་པར་འབྱུང་། །བདག་
ནི་སྙིང་རྗེས་ཕན་འདོགས་པ། །སྨོན་ལམ་དབང་གིས་མཐོང་བ་དང་། །མཐོང་ནས་ཇི་སྲིད་འོག་ཏུ་ནི། །ཟླ་བའི་དཀྱིལ་འཁོར་དབུས་སུ་ནི། །རྡོ་རྗེ་སེམས་དཔའ་ཀུན་མཁྱེན་དག །དཀར་དང་སེར་དང་དེ་བཞིན་དམར། །སྔོན་པོ་ཡི་ནི་ཞལ་
དང་བཞི། །རླུང་གི་དཀྱིལ་འཁོར་རྣམ་པར་བསམ། །ཡི་གེ་ཡཾ་ལས་ཡང་དག་འབྱུང་། །སྔོ་བའི་མདོག་ཅན་གཞུ་ལྟ་བུའོ། །རྒྱལ་མཚན་གྱིས་ནི་མཚན་པར་བསྒོམ། །དུད་པའི་ཕྲེང་བ་ཁྱབ་པར་དམིགས། །དེ་ཡི་སྟེང་དུ་ཡི་གེ་རཾ། །མེ་ཡི་
དཀྱིལ་འཁོར་མཆོག་དམ་པ། །གྲུ་གསུམ་པ་ལ་དམར་བའི་མདོག །འབར་བའི་ཕྲེང་བ་འབར་བས་ཁྱབ། །ཉི་མ་བྱེ་བ་འོད་མཐའ་ཡས། །རྡོ་རྗེས་མཚན་པ་བསྒོམ་པར་བྱ། །དེ་ཡི་སྟེང་དུ་ཆུ་ཉིད་དེ། །ཡི་གེ་བྃ་མཆོག་ལས་བྱུང་བ། །
དུ་ཤ་ར་ཡི་མདོག་འདྲ་བ། །ཟླུམ་ལ་འོད་ཟེར་ཕྲེང་བ་ཅན། །དེ་ཡི་སྟེང་དུ་ས་དཀྱིལ་འཁོར། །ལྃ་ལས་བྱུང་བ་སེར་པོ་སྟེ། །ཟུར་བཞི་པ་ལ་རྡོ་རྗེས་མཚན། །འོད་ཟེར་སེར་པོ་ཁྱབ་པར་འཁྲིགས། །རྣལ་འབྱོར་དེ་སྟེང་བསྒོམ་པ་ནི། །རི་རབ་ལྷུན་
པོ་མཆོག་གྱུར་པ། །ཟུར་བཞི་པ་ལ་རིན་ཆེན་བཞི། །རྩེ་མོ་བརྒྱད་ཀྱིས་རྣམ་པར་མཛེས། །ཡི་གེ་སུྃ་ལས་ལེགས་པར་བྱུང་། །འོད་ཟེར་གཟི་བརྗིད་མཆོག་དམ་པའོ། །དེ་ཡི་སྟེང་དུ་བསམ་པ་ནི། །བྲུཾ་ནི་དཀར་པོ་ལས་བྱུང་བ། །དེ་སྟེང་
འཁོར་ལོར་བཅས་པ་དག །ཁང་པ་བརྩེགས་པ་རྣམ་པར་བསམ། །ཟུར་བཞི་པ་ལ་སྒོ་བཞི་པ། །རྟ་བབས་བཞིས་ནི་རྣམ་པར་བརྒྱན། །དྲ་བ་དྲ་ཕྱེད་ཀྱིས་མཛེས་ཤིང་། །བ་དན་ཕྲེང་བས་རྣམ་པར་བརྒྱན། །ཟུར་གྱི་ཆ་ནི་ཐམས་ཅད་དང་། །

85-1-101b

སྒོ་དང་སྒོ་ཁྱུད་མཚམས་རྣམས་སུ། །རྡོ་རྗེ་རིན་ཆེན་གྱིས་བརྒྱན་ཅིང་། །ཕྱི་ཡི་དཀྱིལ་འཁོར་ཐིག་གདབ་བོ། །དེ་ཡི་ནང་དུ་འཁོར་ལོ་ནི། །བརྒྱད་པོ་དཀར་པོའི་མདོག་ཅན་ལ། །དེ་ཡི་དབུས་སུ་པད་མ་ཆེ། །སྣ་ཚོགས་འདབ་མ་བརྒྱད་པ་ལ། །
ལྟེ་བ་གེ་སར་གྱིས་ཁྱབ་པ། །ཟླ་བའི་དཀྱིལ་འཁོར་དབུས་སུ་ནི། །རྡོ་རྗེ་སེམས་དཔའ་རིག་མར་བཅས། །དཀར་པོ་སེར་པོ་དེ་བཞིན་ཏེ། །དམར་དང་ལྗང་ཁུ་ཞལ་བཞི་པ། །ཞི་ཞིང་རྒོད་དང་ཁྲོ་བ་དང་། །རྣམ་པར་འགྱུར་བ་ཤིན་དུ་འཇིགས། །རྡོ་རྗེ་དྲིལ་
བུས་མཉམ་པར་ལྡན། །མདུང་དང་དགྲ་སྟ་ཅང་ཏེའུ་དང་། །གྲི་གུག་ཐོད་པ་ཁ་ཊྭཱྃ་ག །ཚངས་པའི་ལྤགས་པ་གོས་སུ་མནབས། །ཞགས་པ་ཚངས་པའི་མགོ་བོ་དག །ཕྱག་ནི་བཅུ་གཉིས་དེ་བཞིན་ཏེ། །སེམས་དཔའི་སྐྱིལ་མོ་དཀྲུང་དུ་བཞུགས། །
དབུ་རྒྱན་ཐོད་པའི་ཅོད་པན་ཅན། །རྒྱན་རྣམས་ཐམས་ཅད་ཡོངས་སུ་རྫོགས། །དཔེ་བྱད་མཚན་དང་ཡང་དག་ལྡན། །ཐུགས་ཀྱི་ཡེ་ཤེས་དམ་ཚིག་ཅན། །ཅོད་པན་རྡོ་རྗེ་འཛིན་པ་ཡིན། །ཇི་ལྟར་ཐབས་བཞིན་ཤེས་རབ་དེ། །ཕྱག་རྒྱ་ལྔ་པོ་
བྱིན་གྱིས་བརླབས། །རིགས་ཀྱི་དབྱེ་བས་ཕྱེ་ནས་ནི། །རྡོ་རྗེ་དབྱིངས་ཀྱི་དབང་ཕྱུག་མཆོག །བདེ་བ་ཆེན་པོའི་ཐབས་སྦྱོར་བས། །སྐུ་ནི་གཉིས་སུ་མེད་པར་ཐིམ། །མཉམ་པ་ཉིད་ལས་བྱུང་བའི་སྐུ། །མཁའ་འགྲོའི་འཁོར་ནི་དཔའ་བོ་
དང་། །རྣལ་འབྱོར་མ་དང་བཅས་པར་བྱུང་། །གཡས་བསྐུམ་གཡོན་བརྐྱང་ཚུལ་གྱིས་བཞུགས། །དཀར་སྔོ་སེར་དམར་ཞལ་མདོག་སྟེ། །འཁོར་ལོ་དྲིལ་བུས་མཁྱུད་པའི་ཕྱག །སྔར་གྱི་རྡོ་རྗེ་སེམས་སོགས་པའི། །ཕྱག་མཚན་
རིམ་པ་འཛིན་པ་ཡིན། །ཐོད་པའི་ཕྲེང་བའི་རྒྱན་དང་ནི། །མགོ་བོའི་ཕྲེང་བ་རློན་པས་སྤུད། །ཟླ་བ་ཕྱེད་པ་རབ་འཛིན་པ། །ཞལ་བཞི་མཆེ་བ་རྣམ་པར་གཙིགས། །སྤྱན་གསུམ་པ་ཕྱག་བཅུ་གཉིས་པ། །ཚངས་པ་ལ་
སོགས་པའི་ལྷ་ཞབས་ཀྱིས་གནོན་པ་ནཱ་རའི་རུས་པའི་རྒྱན་ཅན། རྣམ་པར་སྣང་མཛད་ཀྱི་དབུ་རྒྱན་ཅན། ཕྱག་རྒྱ་དྲུག་གིས་བརྒྱན་པ། སྟག་གི་ལྤགས་པ་བགོས་པ། སངས་རྒྱས་མཁའ་འགྲོ་མས་པང་དུ་འཁྱུད་པ། སྐུ་ལ་ཐོད་པ་

85-1-102a

དང་གདུག་པ་ལ་སྡིགས་འཛུབ་ཀྱིས་འཁོར་ལོ་འཛིན་པས་འཁྱུད་པ། བྱིན་པ་གཉིས་ཀྱིས་འཁྲིལ་བ། བདེ་བ་དང་དགྱེས་པས་མྱོས་པ། ཁམས་དང་ཕུང་པོ་དང་། སྐྱེ་མཆེད་རྣམས་བྱིན་གྱིས་བརླབས་ཏེ་སའི་ཁམས་ནི་ལཾ་
སྟེ་ལྟུང་བྱེད་མའོ། །ཆུའི་ཁམས་ནི་མཾ་སྟེ་གསོད་པར་བྱེད་མའོ། །མེའི་ཁམས་ནི་རཾ་སྟེ་འགུགས་བྱེད་མའོ། །རླུང་གི་ཁམས་ནི་ཡཾ་སྟེ་གར་གྱི་དབང་ཕྱུག་མའོ། །ནམ་མཁའི་ཁམས་ནི་ཁྃ་སྟེ་པད་མའི་དྲ་བ་མའོ། །སེར་བ་དང་། སྔོ་བ་དང་། 
དམར་བ་དང་། དུད་ཁ་དང་། སྔོ་བའོ། །གཟུགས་ཀྱི་ཕུང་པོ་རྣམ་པར་སྣང་མཛད། ཨོཾ་མདོག་དཀར་པོ། ཚོར་བའི་ཕུང་པོ་རྡོ་རྗེ་རིན་ཆེན་ཏེ་ཨྃ་གསེར་བཙོ་མའི་མདོག་ལྟ་བུ། འདུ་ཤེས་ཧྲི་སྟེ་པད་མ་གར་གྱི་དབང་ཕྱུག་དམར་པོ། འདུ་བྱེད་རྡོ་རྗེ་
རྒྱལ་པོ་སྟེ་ཧོ་ལྗང་ཁུ། རྣམ་པར་ཤེས་པ་རྡོ་རྗེ་སེམས་དཔའ་སྟེ་ཧཱུྃ་དཀར་པོའོ། །དེ་བཞིན་གཤེགས་པ་ཐམས་ཅད་ཀྱི་དེ་ཁོ་ན་ཉིད་ནི་དཔལ་ཧེ་རུ་ཀ་སྟེ་ཧི་མདོག་ནག་པོ། མིག་བྲུྃ་སྟེ་གཏི་མུག་རྡོ་རྗེ་དཀར་པོ། རྣ་བ་ཧཱུྃ་སྟེ་ཞེ་སྡང་རྡོ་རྗེ་ནག་པོའོ། །སྣ་ནི་ཁྃ་
ཕྲག་དོག་རྡོ་རྗེ་སྟེ་སེར་པོའོ། །ངག་ཆགས་པ་རྡོ་རྗེ་སྟེ་ཨ་དམར་པོའོ། །རེག་པ་ནི་སེར་སྣ་རྡོ་རྗེ་སྟེ་ཧྃ་ལྗང་ཁུའོ། །སྐྱེ་མཆེད་ཐམས་ཅད་དབང་ཕྱུག་རྡོ་རྗེ་སྟེ་ཧྃ་དཀར་པོའོ། །ལུས་ནི་ཧཱུྃ་སྟེ་དཀར་པོའོ། །ངག་ནི་ཨཱཿསྟེ་དམར་པོའོ། །ཡིད་ནི་ཨོཾ་སྟེ་སྔོན་
པོའོ། །དེ་ལྟར་ལུས་ངག་ཡིད་གསུམ་གྱི་བར་བྱིན་གྱིས་བརླབ་ཅིང་དམིགས་སོ། །དེ་ལ་ཤར་གྱི་མདབ་མའི་མཁའ་འགྲོ་མ་ནི་སྐུ་མདོག་སྔོན་པོའོ། །ལྷོ་ཕྱོགས་ཀྱི་མདབ་མ་ལ་ལཱ་མ་ནི་ལྗང་ཁུ་སྟེ། སྔོ་སངས་སོ། །ནུབ་ཕྱོགས་ཀྱི་འདབ་མ་
ལ་དུམ་སྐྱེས་མ་དམར་མོ། བྱང་གིས་མདབ་མ་ལ་གཟུགས་ཅན་མ་གསེར་གྱི་མདོག་སེར་སྐྱ་ཞལ་གཅིག་པ། ཕྱག་བཞི་པ། སྤྱན་གསུམ་པ། སྐྲ་གྲོལ་བ། ཕྱོགས་ཀྱི་གོས་འཆང་བ། གཡས་བརྐྱང་བས་གནས་པ། 
འཇིགས་པའི་རྣམ་པར་འགྱུར་བ། ཕྱག་རྒྱ་ལྔས་རྣམ་པར་བརྒྱན་པ། ཐོད་པ་དང་། ཁ་ཊྭཱྃ་ག་དང་། ཅང་ཏེའུ་དང་། གྲི་གུག་འཛིན་པ། ཞལ་གདོང་རྗེས་སུ་ཆགས་པས་གནས་པ། དགྱེས་པའི་ཆགས་པས་ལྟ་ཞིང་རེག་པའོ། །མཚམས་

85-1-102b

བཞིར་བདུད་རྩི་ལྔའི་བུམ་པའི་སྟེང་དུ་བྱང་ཆུབ་ཀྱི་སེམས་ཀྱིས་གང་བའི་སྣོད་བཞི་གཞག་གོ། །ཤར་དུ་པྲེ་ཏ་པུ་རིར་སྟོབས་པོ་ཆེ་དང་། འཁོར་ལོའི་ཤུགས་ཅན་མ་ནག་པོ། བྱང་དུ་གྲི་ཧ་དེ་བ་ཏཱ་རར་རྡོ་རྗེ་རིན་ཆེན་དང་། དུམ་སྐྱེས་མ་སེར་པོ། 
ནུབ་ཏུ་སཽ་རཱཥྚར་རྟ་མགྲིན་དང་། ཆང་འཚོང་མ་དམར་པོའོ། །ལྷོར་སུ་བར་ན་དྭཱ་བར་ནམ་མཁའི་སྙིང་པོ་དང་། འཁོར་ལོའི་གོ་ཆ་མ་ལྗང་ཁུའོ། །མེར་ནཱ་ག་རར་དཔལ་ཁྲག་འཐུང་དང་། རབ་དཔའ་མོ་དམར་པོའོ། །བདེན་བྲལ་དུ་སིནྡྷུ་རར་པད་མ་གར་གྱི་དབང་
ཕྱུག་དང་། སྟོབས་ཆེན་མ་སྟེ་ཟླ་བ་དང་།  སེར་སྐྱའོ། །རླུང་ཕྱོགས་ན་མ་རུར་རྣམ་པར་སྣང་མཛད་དང་། འཁོར་ལོས་བསྒྱུར་མ་དུད་ཁའི་མདོག་ཅན། དབང་ལྡན་དུ་ཀུ་ལ་ཏཱར་རྡོ་རྗེ་སེམས་དཔའ་དང་། བརྩོན་འགྲུས་ཆེན་མོ་དཀར་པོ
འོ། །སྟོབས་པོ་ཆེ་ལ་སོག་པའི་དཔའ་བོ་ནི་ཞལ་གཅིག་པ། ཕྱག་བཞི་པ། རལ་པའི་དབུ་རྒྱན་འཆང་བ། ཕྱག་གཉིས་ལ་འཁོར་ལོ་དང་།  དྲིལ་བུས་མཁྱུད་པ། ཕྱག་གཞན་ལ་ཁ་ཊྭཱྃ་ག་དང་ཅང་ཏེའུ་འཛིན་པ། ཕྱག་རྒྱ་ལྔས་
བརྒྱན་པ། གཡས་བརྐྱང་བས་བཞུགས་པའོ། །འཁོར་ལོའི་ཤུགས་ཅན་མ་ལ་སོག་པའི་ལྷ་མོ་ནི་གདོང་གཅིག་པ། ཕྱག་གཉིས་པ། ཐོད་པ་དང་། སྡིགས་འཛུབ་འཁོར་ལོ་འཛིན་པས་མཁྱུད་པ། 
སྤྱན་གསུམ་པ། དྲག་པོའི་གཟུགས་ཅན། སྐྲ་གྲོལ་བ། གཅེར་བུ་གཉིས་སུ་མེད་པར་སྦྱོར་བར་མཉམ་པར་གནས་པ། ཕྱོགས་ཀྱི་གོས་ཅན་མ་མགྲིན་པའི་ནོར་བུ་དང་། གདུ་བུ་དང་། དཔུང་རྒྱན་དང་། རྣ་ཆ་དང་ཚངས་པའི་
སྐུད་པ་དང་། མགུལ་རྒྱན་དང་། མགོའི་ཕྲེང་བ་དང་། གཡེར་ཁས་འོག་བག་བྱས་པ། ཤར་དང་། བྱང་དང་། ནུབ་དང་། ལྷོའི་སྒོར་ཁྭ་གདོང་མ་དང་། འུག་གདོང་མ་དང་། ཁྱི་གདོང་མ་དང་། ཕག་གདོང་
མ་རྣམས་སོ། །མེ་དང་། བདེན་བྲལ་དང་། རླུང་དང་དབང་ལྡན་དུ་ནི་གཤིན་རྗེ་བསྲེག་མ་དང་། གཤིན་རྗེའི་ཕོ་ཉ་མོ་དང་། གཤིན་རྗེ་མཆེ་བ་མ་དང་། གཤིན་རྗེ་འཇོམས་མ་རྣམས་སོ། །

85-1-103a

ཇི་ལྟར་མཁའ་འགྲོ་མ་བཞིན་ཁྭ་གདོང་མ་ལ་སོགས་པའི་དབྱེ་བ་ཡང་དེ་བཞིན་ནོ། །མཚམས་ཀྱི་ལྷ་མོ་གཟུགས་གཉིས་པ། ཡིད་འཕྲོག་པའི་ཚུལ་ཅན། ཡི་དགས་ཀྱི་གདན་ལ་བཞུགས་པ། དྲག་པོ་
ཆེན་པོ་ཐུགས་རྗེས་སེམས་ཅན་གྱི་དོན་མཛད་པའོ། །དཔའ་བོ་འདི་དག་ཐམས་ཅད་ཀྱང་དཔྲལ་བར་འཁོར་ལོའི་ཕྲེང་བ་ཅན་ནོ། །འདི་དག་ནི་སྐུའི་འཁོར་ལོ་ས་འོག་ན་གནས་པའོ། །བཅོམ་ལྡན་འདས་དཀྱིལ་འཁོར་ལ་བཞུགས་ཏེ། 
དཔའ་བོ་དང་རྣལ་འབྱོར་མ་རྣམ་པ་སྣ་ཚོགས་པ་ཆགས་པའི་མིག་གིས་ལྟ་ཞིང་། སྣ་ཚོགས་རོ་བཅུད་བདེ་བ་སྟེ། །ཆགས་པའི་བདེ་བ་ཆེན་པོ་ནི། །དེ་རིང་དུ་ནི་བདག་གིས་རྙེད། །ཨ་ལ་ལ་ཧོ་དགྱེས་པ་ཆེན། །བདེ་བ་ཆེན་པོ་
དེ་ཉིད་ཡིན། །བདེ་གཤེགས་ལྷ་ནི་ཤིན་ཏུ་མཛེས། །གླུ་འདི་བླངས་བ་ཙམ་གྱིས་ནི། །དགའ་བས་སྲིད་པ་དག་ལས་གྲོལ། །བདེ་བར་གཤེགས་པ་དག་པ་ཆེ། །དཀྱིལ་འཁོར་དུ་ནི་རྣམ་པར་བརྟག །མངལ་སྐྱེས་གླུ་ཡི་དབང་གྱུར་
པར། །རྣལ་འབྱོར་ཁ་ཅིག་འདོད་པ་ཡིན། །མངལ་སྐྱེས་སྐུ་ཡི་འཁོར་ལོ་སྟེ། །ཡེ་ཤེས་དཀྱིལ་འཁོར་བལྟས་ནས་ནི། །མཆོད་དང་བསྟོད་པ་བྱས་ནས་གཞུག །སྤྲོ་དང་བསྡུ་བའི་སྦྱོར་བ་ཡིན། །དངོས་དང་དངོས་མེད་
རྣམ་པར་བསྒོམ། །རྣལ་འབྱོར་པ་ཡིས་མ་ནོར་བར། །བཟླས་པ་ཁྲི་འམ་འབུམ་དུ་བཟླ། །སྐྱེ་བ་ཅན་གྱི་ལུས་གྲུབ་སྟེ། །མཁའ་ལ་སྤྱོད་པར་ཐེ་ཚོམ་མེད། །ཨོཾ་ཤྲཱི་ཀ་ལ། ད་ཀ་རུ་རུ་ལུྃ་བྲུྃ་ཧཱུྃ་ཕཊ། ཌཱ་ཀི་ནཱི་ཛཱ་ལ་
སམ་བ་ར་སྭཱ་ཧཱ། སྙིང་པོའོ། །ཨོཾ་བྷཱུྃ་ཧྃ་ཧོ་བྷཱུྃ་ཧཱུྃ་ཕཊ། ཉེ་བའི་སྙིང་པོའོ། །ཨོཾ་བུད་དྷ་ཌཱ་ཀི་ནཱི་བཻ་རོ་ཙ་ནཱི་ཡེ་བྷྲཱུྃ་ཧཱུྃ་ཕཊ་སྭཱ་ཧཱ། སྙིང་པོའོ། །ཨོཾ་བྷྲཱུྃ་སདྭ་བུད་དྷ་ཌཱ་ཀི་ནཱི་ཡེ། ཧཱུྃ་བྲུྃ་ཧཱུྃ་ཕཊ་སྭཱ་ཧཱ། ཉེ་བའི་སྙིང་པོའོ། ། ཨོཾ་ཀྵྨྃ་མ་ཧཱ་
ཧཱུཾ་ཧཱུཾ་ཕཊ། ཨོཾ་ཙཀྲ་བེ་གེ་ཧཱུྃ་ཧཱུྃ་ཕཊ། ཨོཾ་ཧ་རཏྣ་བཛྲ་ཧུྃ་ཧཱུྃ་ཕཊ། ཨོཾ་ཁཎ་ཌ་རོ་ཧི་ཧུྃ་ཧཱུྃ་ཕཊ། ཨོཾ་ཧ་ཡ་གྲཱི་བ་ཧྲཱི་ཧུྃ་ཧཱུཾ་ཕཊ། ཨོཾ་ཤཽཎ་ཌི་ནཱི་ཡེ་ཧུྃ་ཧཱུྃ་ཕཊ། ཨོཾ་ཧཱུྃ་ཨཱ་ཀཱ་ཤ་གརྦྷ་ཧཱུཾ་ཧུྃ་ཧཱུྃ་ཕཊ། ཨོཾ་ཙཀྲ་ཝརྨི་ཎཱི་ཡེ་ཧཱུཾ་ཕཊ། ཨོཾ་ཀི་

85-1-103b

ཁི་ཤྲཱི་ཧེ་རུ་ཀ་ཀི་ལི་ཧཱུྃ་ཧཱུྃ་ཕཊ། ཨོཾ་སུ་བཱི་རེ་ཧུྃ་ཧཱུྃ་ཕཊ། ཨོཾ་སི་ལི་པད་མ་ནར་དྭེ་ཤྭ་ར་སི་ལི་ཧཱུྃ་ཧཱུྃ་ཕཊ། ཨོཾ་མ་ཧཱ་བ་ལེ་ཧུྃྃ་ཧཱུཾ་ཕཊ། ཨོཾ་ཧི་ལི་བཻ་རོ་ཙ་ན་ཧི་ལི་ཧུྃ་ཧཱུཾ་ཕཊ། ཨོཾ་ཙཀྲ་ཝརྟི་ནཱི་ཡེ་ཧུཾ་ཧཱུཾ་ཕཊ། ཨོཾ་དྷི་ལི་བཛྲ་ས་ཏྭ་དྷི་ལི་ཧུྃ་ཧཱུཾ་ཕཊ། 
ཨོཾ་མ་ཧཱ་བཱིརྱེ་ཧུྃ་ཧཱུཾ་ཕཊ། ཨོཾ་ཀཱ་ཀཱ་སྱཻ་ཧུྃ་ཧཱུྃ་ཕཊ། ཨོཾ་ཨུ་ལཱུ་ཀཱ་སྱཻ་ཧུྃ་ཧཱུྃ་ཕཊ། ཨོཾ་ཤྭ་ནཱ་སྱཻ་ཧུྃ་ཧཱུྃ་ཕཊ། ཨོཾ་སཱུ་ཀ་རཱ་སྱཻ་ཧུྃ་ཧཱུྃ་ཕཊ། ཨོཾ་ཡ་མ་དཱ་ཌྷི་ཧུཾ་ཧཱུཾ་ཕཊ། ཨོཾ་ཡ་མ་དཾཥྚི་ཧུྃ་ཧཱུྃ་ཕཊ། ཨོཾ་ཡ་མ་མ་ཐཱ་ནི་ཧུྃ་ཧཱུྃ་ཕཊ། ཨོཾ་ཌཱ་ཀི་
ནི་ཧུྃ་ཧཱུྃ་ཕཊ། ཨོཾ་ལཱ་མེ་ཧུྃ་ཧཱུྃ་ཕཊ། ཨོཾ་ཁཎྜ་རོ་ཧེ་ཧུྃ་ཧཱུྃ་ཕཊ། ཨོཾ་རཱུ་པི་ཎཱི་ཧུྃ་ཧཱུྃ་ཕཊ། མཁའ་འགྲོ་མཁའ་འགྲོ་མ་སོགས་ལ། །ཐོག་མ་པད་མ་ལ་གནས་ནས། །མཆོད་པ་བྱ་ཞིང་སྔགས་ཀྱང་བཟླ། །རྟག་ཏུ་བདག་ཉིད་ལྔ་པོ་
དག །འགྲུབ་པར་འགྱུར་གྱི་གཞན་དུ་མིན། །ཞི་བ་དང་ནི་དབང་ཉིད་དང་། །རྨོངས་པར་བྱ་དང་གནོན་པ་དག །སྐུ་ཡི་མཁའ་འགྲོས་བྱེད་པ་སྟེ། །དངོས་གྲུབ་དམ་པ་འགྲུབ་པར་འགྱུར། །དམ་ཚིག་ཅན་དག་ལངས་དུས་སུ། །
ཡན་ལག་དྲུག་ཏུ་བསྒོམ་བྱ་བ། །རྣམ་དག་ཡེ་ཤེས་མིག་གིས་ནི། །དཔའ་བོ་རྣལ་འབྱོར་མ་རྣམས་བལྟ། ། ཨོཾ་ཧཿ  སྙིང་ཀ་ལ། ན་མཿཧི་མགོ་བོ་ལ། སྭཱ་ཧཱ་ཧཱུྃ་སྤྱི་གཙུག་ལ། ཨོཾ་བཽ་ཥ་ཊ་ཧེ་གོ་ཆའོ། །ཧཱུྃ་ཧཱུྃ་ཧོ་མིག་
ལའོ། །ཕཊ་ཧྃ་ཡན་ལག་ཀུན་གྱི་མཚོན་ཆའོ། །དཀར་དང་སེར་དང་དམར་བ་དང་། །སྔོ་དང་ལྗང་ཁུ་དུད་ཁ་དང་། །ཡིད་ཀྱིས་མདོག་དྲུག་རྣམ་པར་བསྒོམ། །ཨོཾ་བྃ་སངས་རྒྱས་མཁའ་འགྲོ་མ་སྟེ་ལྟེ་བ་ལའོ། །ཧྃ་ཡྃ་ཡ་མི་
ནི་སྟེ་སྙིང་ཀའི་ལའོ། །ཧྲིཾ་མོཾ་རྨོངས་བྱེད་མ་སྟེ་ཁ་ལའོ། །ཧྲིཾ་ཧྲཱིཾ་གཡོ་བྱེད་མ་སྟེ་མགོ་བོ་ལའོ། །ཧཱུྃ་ཧཱུྃ་སྐྲག་བྱེད་མ་སྟེ་སྤྱི་གཙུག་ལའོ། །ཕཊ་ན་མཿཙཎ་ཌི་ཀ་སྟེ་ཡན་ལག་ཐམས་ཅད་ཀྱི་མཚོན་ཆའོ། །དཔའ་བོ་རྣལ་འབྱོར་མ་
ཐམས་ཅད། །མཁའ་འགྲོ་རྣམས་ནི་བཞུགས་ནས་ཀྱང་། །རང་གི་ལྷ་ཡི་སྦྱོར་བ་ཡིས། །ཐམས་ཅད་འདི་ཡིས་རྣམ་པར་བརྟག །འཆི་མེད་ཡེ་ཤེས་ལྔ་བཟའ་ཞིང་། །ཇི་ལྟར་བདེ་བར་གནས་པར་བྱ། །རྡོ་རྗེ་དམ་ཚིག་ཅན་

85-1-104a

མཆོད་ནས། །དུས་བཞི་དག་ཏུ་བསྙེན་པ་བྱ། །མངོན་པར་བརྗོད་པའི་རྒྱུད་བླ་མའི་བླ་མ་ལས་སྐུའི་སྡོམ་པའི་ཆོ་གའི་ལེའུ་སྟེ་བཞི་པའོ།། །། དེ་ནས་གཞན་ཡང་བཤད་བྱ་བ། །གསུང་གི་དཀྱིལ་འཁོར་རྣམས་
བསྒོམས་ཏེ། །སྔར་གྱི་དཀྱིལ་འཁོར་དབུས་དག་ཏུ། །གསུང་གི་འཁོར་ལོ་རྣམ་པར་བསྒོམ། །རྩི་བརྒྱད་དམར་པོའི་མདོག་ཅན་ལ། །ནང་གི་འདབ་མ་སྔ་མ་བཞིན། །རྡོ་རྗེ་སེམས་དཔའ་ཡོངས་གྱུར་པའི། །གསུང་གི་མཁའ་འགྲོ་
རྣམ་པར་བསྒོམ། །ཞལ་བཞི་ཕྱག་ནི་བཅུ་གཉིས་པ། །གཡས་བརྐྱང་པ་ཡི་གནས་པས་བཞུགས། །པད་མའི་མཁའ་འགྲོ་མས་འཁྱུད་ཅིང་། །རྟག་ཏུ་བདེ་བ་ཆེ་ལ་བཞུགས། །པད་མའི་དྲིལ་བུས་ཡང་དག་འཁྱུད། །དབང་ཕྱུག་
ཆེན་པོའི་མགོ་བསྣམས་ཤིང་། །དབང་ཕྱུག་ཆེན་པོའི་ལྤགས་པ་ནི། །བཤུས་པ་ཕྱག་གཉིས་ཀྱིས་བརྐྱང་འཛིན། །ལྷག་མ་ནི་སྔ་མའི་རིམ་པ་བཞིན་དུ་འགྱུར་རོ། །དབང་ཕྱུག་ཆེན་པོའི་འཁོར་རྣམས་ནི། །ཞབས་ཀྱིས་གནོན་
པར་ལྟ་བར་བྱ། །དམར་དང་སྔོ་དང་དེ་བཞིན་སེར། །གཡོན་པ་དཀར་བ་སྤྱན་གསུམ་པ། །རལ་པའི་དབུ་རྒྱན་དག་གིས་བརྒྱན། །ཐོད་པའི་ཕྲེང་བས་དབུ་ལ་མཛེས། །ཟླ་བ་ཕྱེད་པ་འཆང་བ་དང་། །ཅོད་པན་སྣ་ཚོགས་
པད་མར་ལྡན། །མཆེ་བ་རྣམ་པར་གཙིགས་པ་དང་། །འཇིགས་པའི་ཞལ་ནི་རྣམ་འགྱུར་ཞིང་། །སྒེག་པ་ལ་སོགས་ཉམས་དང་ལྡན། །སྟག་གི་ལྤགས་པ་གོས་སུ་མནབས། །མི་མགོ་རློན་པའི་ཕྲེང་བ་ཅན། །
མགུལ་རྒྱན་གདུབ་བུ་རྣ་ཆ་དང་། །མགོ་བོའི་ཕྲེང་བས་རྣམ་པར་བརྒྱན། །མཆོད་ཕྱིར་ཐོགས་དང་ཐལ་བ་སྟེ། །ཕྱག་རྒྱ་དྲུག་ཏུ་རབ་ཏུ་གྲགས། །དེ་དག་ཕ་རོལ་ཕྱིན་དྲུག་སྟེ། །ཕྱག་རྒྱ་དྲུག་གི་རྒྱས་བཏབ་པའོ། །དེ་ཡི་པང་གནས་
བཅོམ་ལྡན་ཡུམ། །པད་མའི་མཁའ་འགྲོ་མ་རང་མདོག །ཞལ་གཅིག་ཕྱག་གཉིས་སྤྱན་གསུམ་པ། །གཅེར་བུ་དབུ་སྐྲ་གྲོལ་བ་སྟེ། །དུམ་བུས་བརྒྱན་པའི་སྐ་རགས་ཅན། །གདུག་པའི་བདུད་ཀྱི་ཁྲག་ལྡན་པའི། །ཐོད་པ་ཕྱག་

85-1-104b

གཡོན་བསྣམས་པས་འཁྱུད། །པད་མར་ལྡན་པས་ཕྱོགས་ཀུན་ཏུ། །གདུག་པ་ཀུན་ལ་བསྡིགས་འཛུབ་མཛད། །བསྐལ་པའི་མེ་ལྟར་གཟི་བརྗིད་འབར། །ཁྲག་འཛག་པ་ལ་རྟག་ཏུ་དགྱེས། །བྱིན་པ་གཉིས་ཀྱིས་རྣམ་པར་
འཁྱུད། །བདེ་བ་ཆེན་པོའི་ཐུགས་རྗེའི་བདག །དངོས་གྲུབ་ཐམས་ཅད་རབ་སྩོལ་བའི། །མཁའ་འགྲོ་མ་སོགས་སྔར་བཤད་རྣམས། །པད་མའི་ཕྱོགས་ཀྱི་གནས་སུ་དགོད། །སྔར་བཤད་དབྱིབས་དང་ཁ་དོག་སྟེ། །འོན་
ཀྱང་མཁའ་འགྲོ་མ་དཀར་མོ། །དུམ་སྐྱེས་མ་ནི་དེ་བཞིན་ནག །ལྷ་མོ་གཉིས་པོ་མདོག་དེ་བཞིན། །ཕྱག་གཡོན་ཁ་ཊྭཱྃ་ཐོད་པ་དང་། །གཡས་ན་ཅང་ཏེའུ་གྲི་གུག་འཛིན། །མཚམས་ནི་བཞི་པོ་དག་ཏུ་ཡང་། །བུམ་པའི་ནང་དུ་འཆི་མེད་
ལྔ། །བྱང་ཆུབ་སེམས་ཀྱི་སྣོད་ཀྱང་གཞག །གསུང་གི་འཁོར་ལོའི་ཤར་དུ་ཀཱ་མ་རཱུ་པར་མྱུ་གུ་ཅན་དང་ས་སྲུང་མ་དཀར་པོ། བྱང་དུ་ཨོ་དྲེར་རྡོ་རྗེ་རོལ་པ་ཅན་དང་། །འཇིགས་བྱེད་ཆེན་མོ་དམར་པོ། ནུབ་ཏུ་ཏྲི་ཤ་ཀུ་ནིར་དཔའ་བོ་
ཆེན་པོ་དང་རླུང་གི་ཤུགས་ཅན་མ་ནག་པོ། ལྷོ་རུ་ཀོ་ས་ལར་རྡོ་རྗེ་ཧཱུྃ་མཛད་དང་།  ཆང་འཐུང་མ་ནམ་མཁའ་ལྟར་སྔོ་བསངས། མེའི་ཕྱོགས་སུ་ཀ་ལིང་ཀར་རབ་ཏུ་བཟང་པོ་དང་སྔོ་བསངས་མ་སེར་སྐྱ། བདེན་བྲལ་དུ་ལམ་པཱ་ཀར་
རྡོ་རྗེ་བཟང་པོ་དང་རབ་བཟང་མ་དཀར་མོ། རླུང་གི་ཕྱོགས་སུ་ཀཉྩཱིར་འཇིགས་བྱེད་ཆེན་པོ་དང་། རྟ་རྣ་མ་ལྗང་ཀུ་དབང་ལྡན་སྟེ།  ཧི་མ་ལར་མིག་མི་བཟང་དང་བྱ་གདོང་མ་ནམ་མཁའ་ལྟར་སྔོ་བསངས་སོ། །གསུང་གི་འཁོར་ལོ་ས་ལ་
སྤྱོད་པའོ། །མྱུ་གུ་ཅན་ལ་སོགས་པའི་དཔའ་བོ་ནི་ཞལ་གཅིག་པ། ཕྱག་བཞི་པ་སྤྱན་གསུམ་པ་རལ་པའི་ཅོད་པན་དང་། དར་དཔྱངས་དང་ལྡན་པ། ཕྱག་གཉིས་ན་པད་མ་དང་དྲིལ་བུས་འཁྱུད་པ། གཡོན་པའི་ཕྱག་ན་ཁ་ཊྭཱྃ་ག་གཡས་
ན་ཅང་ཏེའུ་ཕྱག་རྒྱ་ལྔ་ལ་སོགས་པས་བརྒྱན་པ་གཡས་བརྐྱང་བའི་གནས་པས་བཞུགས་པའོ། །ཨེ་ར་བ་ཏི་ལ་སོགས་པ། ལྷ་མོ་རྣམས་ནི་ཕྱག་གཉིས་པ་ཞལ་གཅིག་པ་ཐོད་པ་དང་ལྡན་པས་འཁྱུད་ཅིང་པད་མ་དང་ལྡན་པས་བསྡིགས་འཛུབ་བྱེད་པ།

85-1-105a

མགུལ་རྒྱན་དང་གདུ་བུ་དང་དཔུང་རྒྱན་དང་རྣ་རྒྱན་དང་ཚངས་པའི་སྐུད་པ་དང་ལྡན་པའོ། །ཐོད་པའི་ཕྲེང་བས་མགུལ་བརྒྱན་ཅིང་། །གཡེར་ཀ་སྒྲ་སྒྲོག་སྐུ་རགས་ལྡན། །ཁྭ་གདོང་ལ་སོགས་དབྱེ་བ་ཡིས། །སྔར་བཤད་སྒོ་བསྲུངས་ལ་སོགས་བཞིན། །གཤིན་རྗེ་
བསྲེག་སོགས་ལྷ་མོ་རྣམས། །མཚམས་བཞི་འདི་ལྟར་ཤེས་པར་བྱ། །དཔའ་བོ་འདི་དག་ཐམས་ཅད་ཀྱང་། །དཔྲལ་བར་པད་མའི་ཕྲེང་བ་ཅན། །ཕུང་པོ་སྐྱེ་མཆེད་ཁམས་རྣམས་ཀུན། །སྐུ་གསུང་ཐུགས་སུ་རྣམ་པར་བརྟག །སྔར་བཤད་པ་ཡི་ཆོ་ག་བཞིན། །ཡི་གེ་
རྣམས་ནི་དགོད་ཅིང་བསྒོམ། །ཐུགས་ནི་ཨཱཿསྟེ་དམར་པོ་ཡིན། །གསུང་ནི་ཨོཾ་སྟེ་དཀར་པོར་བཤད། །རྡོ་རྗེ་སྐུ་ནི་ཧཱུྃ་ཡིན་ཏེ། །ནམ་མཁའ་ཟླ་བ་ལྟ་བུའོ། །དཀྱིལ་འཁོར་དག་ནི་ཐམས་ཅད་ཀྱང་། །ཐམས་ཅད་སྦྱོར་ཞིང་བསྒོམས་ནས་སུ། །ཡེ་ཤེས་
འཁོར་ལོ་དེ་མཐོང་ནས། །དབང་བསྐུར་བས་ནི་གཞུག་པར་བྱ། །ཐམས་ཅད་བྱུང་སྟེ་ཐིམ་ནས་སུ། །ཐམས་ཅད་སྒོམ་ཞིང་བསམ་པར་བྱ། །སྐུ་གསུང་ཐུགས་ཀྱི་རིམ་པ་ཡིས། །སྤྲོ་བསྡུ་དག་གི་སྦྱོར་བར་བྱ། །ཨོཾ་ཤྲཱི་བཱག་ཨ་ཨཱ་རོ་ལིག་ཧཱུྃ་ཕཊ། ཧྃ་ཌཱ་ཀི་ནཱི་ཛཱ་ལ་སྃ་
བ་ར་སྭཱ་ཧཱ། སྙིང་པོའོ། །ཨོཾ་ཨ་རོ་ལིག་ཧྲཱིཿཧཱུྃ་ཕཊ། ཉེ་བའི་སྙིང་པོའོ། ། ཨོཾ་པད་མ་ཌཱ་ཀི་ནཱི་ཧྲཱིཿ་ཧུྃ་ཧཱུྃ་ཕཊ་སྭཱ་ཧཱ། སྙིང་པོའོ། །ཨོཾ་སརྦ་པད་མ་ཌཱ་ཀི་ནཱི་ཡེ་ཨ་ཧུྃ་ཧཱུྃ་ཕཊ་སྭཱ་ཧཱ། ཉེ་བའི་སྙིང་པོའོ། ། ཨོཾ་ཌཱ་ཀི་ནཱི་ཡེ་ཧུྃ་ཧཱུྃ་ཕཊ། ཨོཾ་ལཱ་མེ་ཧུྃ་ཧཱུྃ་ཕཊ། ཨོཾ་ཁཎྜ་རོ་ཧེ་ཧུྃ་ཧཱུྃ་
ཕཊ། ཨོཾ་རཱུ་པི་ནི་ཧུྃ་ཧཱུྃ་ཕཊ། ཨོཾ་ཕཊ་ཨངྐུ་རི་ཀ་ཧུྃ་ཧཱུྃ་ཕཊ། ཨོཾ་ཨཻ་ར་བ་ཏི་ཧུྃ་ཧཱུྃ་ཕཊ། ཨོཾ་ད་ཧ་བཛྲ་ཛ་ཊ་ལི་ད་ཧ་ཧུྃ་ཧཱུྃ་ཕཊ། ཨོཾ་མ་ཧཱ་བཻ་ར་བ་ཧུྃ་ཧཱུྃ་ཕཊ། ཨོཾ་པ་ཙ་མ་ཧཱ་བཱི་ར་བ་ཙ་ཧུྃ་ཧཱུྃ་ཕཊ། ཨོཾ་བཱ་ཡུ་བེ་གེ་ཧུྃ་ཧཱུྃ་ཕཊ། ཨོཾ་བྷཀྵ་བཛྲ་ཧཱུྃ་ཀཱ་ར་བྷཀྵ་བ་ས་
རུ་དྷི་ར་ཨནྟྲ་མཱ་ལཱ་བ་ལམ་བི་ནེ་ཧུྃ་ཧཱུྃ་ཕཊ། ཨོཾ་སུ་ར་བྷཀྵ་ཡེ་ཧཱུྃ་ཧཱུྃ་ཕཊ། ཨོཾ་གྲྀཧྣ་སུ་བྷ་དྲ་གྲྀཧྣ་སཔྟ་པཱ་ཏ་ལ་གྷ་ཏ་བྷུ་ཛངྒ་སརྦ་མ་བཱ། ཏརྫ་ཡ་ཏརྫ་ཡ་ཧུྃ་ཧཱུྃ་ཕཊ། ཨོཾ་ཤྱཱ་མ་དེ་བི་ཧུྃ་ཧཱུྃ་ཕཊ། ཨོཾ་ཨ་ཀཌ་ཌྷྱ་བཛྲ་བཛྲ་བྷ་དྲ་ཨཱ་ཀཌྷྱ་ཧུྃ་ཧཱུྃ་ཕཊ། 
ཨོཾ་སུ་བྷ་དྲེ་ཧུྃ་ཧཱུྃ་ཕཊ། ཨོཾ་ཧྲཱི་མ་ཧཱ་བྷཻ་ར་བ་ཧྲཱིཾ་ཧུྃ་ཧཱུྃ་ཕཊ། ཨོཾ་ཧ་ཡ་ཀརྞེ་ཧཱུཾ་ཧཱུྃ་ཕཊ། ཨོཾ་ཛྙཽཾ་ཡ་བི་རུ་པཱ་ཀྵ་ཛྙོོཾ་ཧཱུྃ་ཧཱུྃ་ཕཊ། ཨོཾ་ཁ་ཁཱ་ན་ནེ་ཧཱུྃ་ཧཱུྃ་ཕཊ། ཨོཾ་ཀཱ་ཀཱ་སྱེ་ཧཱུྃ་ཧཱུྃ་ཕཊ། ཨོཾ་ཨུ་ལཱུ་ཀཱ་སྱེ་ཧུྃ་ཧཱུྃ་ཕཊ། ཨོཾ་ཤྭཱ་ནཱ་སྱེ་ཧུྃ་ཧཱུྃ་ཕཊ། ཨོཾ་སུ་ཀཱ་རཱ་སྱེ་ཧུྃ་ཧཱུྃ་ཕཊ། ཨོཾ་ཡ་མ་དཱ་ཌྷི་ཧུྃ་ཧཱུྃ་ཕཊ།

85-1-105b

ཨོཾ་ཡ་མ་དཱུ་ཏི་ཧུྃ་ཧཱུྃ་ཕཊ། ཨོཾ་ཡ་མ་དྃཥྚི་ཧུྃ་ཧཱུྃ་ཕཊ། ཨོཾ་ཡ་མ་མ་ཐ་ནི་ཧུྃ་ཧཱུྃ་ཕཊ། རྡོ་རྗེ་དམ་ཚིག་གིས་མཆོད་ནས། །བཟླས་པའི་ཆོ་ག་རབ་ཏུ་བྱ། །དགུག་པ་དང་ནི་རྒྱས་པ་ཉིད། །སྣ་ཚོགས་ལས་ནི་འགྲུབ་པར་འགྱུར། །ཆོས་ཅན་ཡིད་འོང་གྱུར་བ་སྟེ། །ངག་གི་
དངོས་གྲུབ་འགྲུབ་པར་འགྱུར། །མཆོག་དང་བར་མ་ཐམས་ཅད་དང་། །ཐ་མ་ཐམས་ཅད་མཐར་གནས་ལ། །དེ་ལ་ཐམས་ཅད་གནས་པ་སྟེ། །སྣ་ཚོགས་གདུལ་བའི་མཆོག་དམ་པ། །འདོད་པའི་ཆགས་པས་རྗེས་སུ་ཆགས། །འདོད་པའི་དགའ་བས་མྱོས་པ་དག །
བདག་ཉིད་ཆེན་པོ་སྒྲུབ་པ་པོ། །དེ་ཡི་དབང་དུ་གནས་པ་ཡིན། །སྣ་ཚོགས་པད་མ་མཛེས་གནས་ནས། །རྣལ་འབྱོར་ཆེན་པོ་རྣམ་པར་སྤྱོད། །བྷུར་བྷཱུཿའདོད་ཆགས་ཆོས་ཀྱི་བདག །བདེ་བ་ཆེ་ལ་རྣམ་པར་བཞུགས། །ལངས་པའི་དུས་སུ་དམ་ཚིག་ནི། །དྲི་ཆེན་རྡོ་རྗེ་ཆུ་
བཟའ་ཞིང་། །ཆོས་ཀྱི་ཕུང་པོ་རྫོགས་གྱུར་ནས། །རིག་པའི་རྒྱལ་པོ་ལ་སོགས་འགྲུབ། །ཨོཾ་ཧཿསྙིང་ཀ་ལ། ན་མཿཧི་མགོ་ལ། སྭཱ་ཧཱ་ཧཱུྃ་ཨཱ་རོ་ལིག་སྤྱི་གཙུག་ལ། །བཽ་ཥ་ཊ་ཧེ་གོ་ཆ། ཧཱུྃ་ཧཱུྃ་ཧོ་མིག་ལའོ། །ཕཊ་ཧྃ་མཚོན་ཆའོ། །ཆོས་ཀྱི་རྡོ་རྗེ་དང་། རྣམ་པར་
སྣང་མཛད་དང་། པད་མ་གར་གྱི་དབང་ཕྱུག་དང་། རྡོ་རྗེ་འཇིགས་བྱེད་དང་རྡོ་རྗེ་ཉི་མ་དང་རྟ་མཆོག་སྟེ། དམར་བ་དང་སེར་བ་དང་དཀར་བ་དང་སྔོ་བ་དང་དམར་བ་དང་གུར་གུམ་གྱི་མདོག་དང་། ལྗང་ཁུ་སྟེ་བྱེ་བྲག་གོ། །ཨོཾ་བྃ་པད་མའི་མཁའ་འགྲོ་མ་སྟེ། ལྟེ་བ་ལའོ། །
ཧྃ་ཡོཾ་པད་མ་ཡ་མི་ནི་དང་། ཧྲཱོཾ་མོཾ་པད་མ་རྨོངས་བྱེད་མ་དང་། ཧྲཱོཾ་པདྨ་གཡོ་བྱེད་མ་དང་ཧཱུྃ་ཧཱུྃ་པད་མ་སྐྲག་མ་བྱེད། ཕཊ་ཧྃ་པདྨ་ཙཎྜི་ཀ་སྟེ། སྙིང་ཀ་དང་མགོ་དང་སྤྱི་གཙུག་དང་མིག་དང་ཆོས་ཀྱི་མཚོན་ཆ་རྣམས་སོ། །དམར་བ་དང་སྔོ་བ་དང་དཀར་བ་དང་
སེར་བ་དང་ལྗང་ཁུ་དང་། དུད་པའི་མདོག་ཅན་ནོ། །བཟླས་པའི་དུས་སུ་དགོད་པ་སྟེ། །ཇི་ལྟར་བདེ་བར་སྤྱད་པར་བྱ། །དཔའ་བོ་རྣལ་འབྱོར་མ་རྣམས་ཀྱི། །གོ་འཕང་གནས་ནི་བཞུགས་པ་ཡིན། །མཉམ་པར་བཞག་པས་དྲོད་འབྱུང་བ། །རྩེ་གཅིག་
དམིགས་པས་བླང་བྱ་སྟེ། །གསུང་གི་རྡོ་རྗེ་མཉམ་པ་ཉིད། །རང་གི་ལྷ་ཡི་སྦྱོར་བ་ཡིས། །ཆོས་རྣམས་ཐམས་ཅད་རབ་ཏུ་བརྟག །རྡོ་རྗེ་ཆུ་དང་རྣམ་སྣང་དང་། །སྦྲང་རྩི་མར་དཀར་ལྷན་ཅིག་སྦྱར། །ལྕེ་ཡི་དམ་ཚིག་སྦྱོར་བ་ཡིས། །སྙིང་པོའི་ཡེ་ཤེས་དེ་

85-1-106a

ཉིད་དོ། །བདག་པོ་དབུ་རྒྱན་ལ་བསྒོམས་ལ། །ཅི་བདེ་བར་ནི་བཟའ་བ་བཟའ། །ལྷ་ཡི་གཟུགས་སུ་གྱུར་ནས་སུ། །འདོད་པའི་ལྷ་ཡི་བདག་པོར་སྐྱེ། །བཟའ་བ་འོ་མའི་བཏུང་བ་ཡིས། །ནད་དང་རྒ་བ་རྣམ་པར་སྤངས། །
སེམས་ཅན་རྗེས་སུ་ཆགས་པ་ཡི། །ལྷ་མོ་གླུ་འདིས་བསྐུལ་བ་ཡིས། །བྱང་ཆུབ་ཆོས་རྣམས་ཐམས་ཅད་ཀྱི། །སེམས་ཅན་དོན་ནི་བླ་མེད་མཛད། །བརྩོན་འགྲུས་ཕ་རོལ་ཕྱིན་པ་ཡིས། །ཐུགས་རྗེ་བསྐྱེད་ཅིང་བསྟན་པར་མཛད། །གསང་
བའི་ཆོས་ནི་བསྟན་ནས་ཀྱང་། །ངག་གི་དངོས་གྲུབ་མཆོག་ཀྱང་འགྲུབ། །སེམས་ཅན་ཀུན་ལ་ཕན་པའི་ཕྱིར། །ཇི་ལྟ་བར་ནི་བསྟན་པས་གྲོལ། །དེ་ཉིད་རྣལ་འབྱོར་མས་བསྐུལ་ནས། །སྣ་ཚོགས་དུ་མ་མང་པོ་ཡི། །དམ་ཚིག་མཆོད་པ་
ངོ་མཚར་རྨད། །མིག་ཕྱེ་ནས་ནི་བསྟོད་པ་ནི། །ཨཱ་བ་ར་ཏ་རུ་སུ་ར་ཏ་སུ་ཁྭཱ་བཱ་ཧཱ་སུ་ཁ་མེ་ཏྭ་སོ་ཁྱ་མ་ཡ། ས་མ་ཡ་ར་མ་ར་མ་ཧོ། སུ་ར་ཏ་སོ་ཁྱ་ཡ་ཏྲེ་ས་མ་ཙ་རི་ཏྃ། སུ་ག་ཏ་སཱན་ཏ་མ་ཡ་པྲ་བི་ཀུར་བ་བི་ཀུར་བ། སུ་ར་ཏ་དི་ཡ་པད་མ་ཛ་ལེ། 
པྲ་བི་ཛིམ་བ་ཛིམ་བ། སུ་ར་ཏོད་སུ་ཁ་པད་མ་ཛ་ལེ། པྲ་བི་ནན་ཏ་ན་ར་ཏ་སུ་ཁ་ས་ད་ན་པད་མ་ཛ་ལེ། པྲ་བི་མརྡ་མརྡ་སུ་ར་ཏ་མ་བི་ས་བི་ཤྭ་ཛ་ལེ་ཧོ་ཧ་ཧཱུྃ་ཧ་ཧ་ཧོ། ཛ་ཡ་མ་ཧཱ་སུ་ཁ་སུ་ཁ་ཏེ་ཛེ་མ་ཡ་ར་མ་ར་མ་ཧོ། །སུ་ར་ཀི་ཏུ་སུ་ཁ་བ་ཧཱུྃ་བི་
ཏི་དྷེ་ཛ་མུ་ཀྲ་ཛ་ཡ་ཏེ་ཛ་ར། ཧན་ཏ་ཧོ་བ་ར་ཧ། ས་སུ་ཁ་ཧོ།  ཧཱུྃ་ཧོ་ཧོ་སུ་ར་ཏོ་ཏྭ་རཱ་ག་སུ་ཁ་ར་ཏི་རཱི་ཛི་ན་པ་ར་མ་ཤྲི་ར་ཏི་ཧོ། པ་ར་མ་ཧེ་ཏུ་མ་ཧཱ་སུ་ཁ་ཧོ། སུ་ཁ་མ་ནུ་ཡོ་ན་ར་པ་ར་མེ་ཤྭ་ར་ཧོ། ཧོ་བྷ་ག་བཱན་མ་ཧཱ་སུ་ཁྃ་ཧཱུྃ་ཧོ། བ་ཧཱུྃ་བི་ཏི་བི་ཏི་
བི་ཤྭ་ཛྭ་ལ་ར་ཏི་བི་ཤྭ་མ་ཧོ། སུ་ར་ཏི་སུ་ཁྃ་ག་ཙང་ཏྲ་པ་ར་མ་མ་ཧཱ་སུ་ཁ་ཧོ། སུ་ཁ་མ་ནུ་གྲི་ཧྫྱ་ཧོ། སུ་ར་ཏོ་ཨུད་ཏ་མ་སན་དི་སུ་ཁྃ་ཨ་ཨཱ་རོ་ལིཀ་ཨ་མ་ཧཱ་སུ་ཁ་གྲཱི་ཧྫྱ་ཧོ། གླུ་འདི་དག་ནི་བླངས་ཙམ་གྱིས། །དགའ་ཞིང་བདེ་
བ་ཡང་དག་འདུས། །བདེ་བ་ཆེན་པོ་ཡིད་འདོད་པ། །དངོས་གྲུབ་ཀྱང་ནི་འཐོབ་པར་འགྱུར། །འཁོར་ཚོགས་ཆེན་པོ་བྱིན་བརླབས་ནས། །དཀྱིལ་འཁོར་ཆེན་པོ་དགྱེས་པ་ཆེ། །པད་མ་དྲ་བའི་སྡོམ་པ་ཡིན། །

85-1-106b

ངེས་པར་བརྗོད་པའི་རྒྱུད་བླ་མ་ལས་གསུང་གི་སྡོམ་པའི་ལེའུ་སྟེ་ལྔ་པའོ།། །། དེ་ནས་གཞན་ཡང་བཤད་བྱ་བ། །ཐུགས་ཀྱི་དཀྱིལ་འཁོར་དམ་པ་སྟེ། །གཞལ་ཡས་
བརྩེག་མའི་དབུས་དག་ཏུ། །འཁོར་ལོ་མཆོག་ནི་དགོད་པར་བྱ། །སྔོན་པོའི་མདོག་ཅན་གཟིག་བརྗིད་ཆེ། །གསང་བ་ལས་བྱུང་རྩིབས་བརྒྱད་པ། །དེ་ཡི་དབུས་སུ་པད་མ་ནི། །སྣ་ཚོགས་པད་མ་གེ་སར་ཅན། །མདབ་མ་བརྒྱད་
དུ་བཤད་པ་སྟེ། །རྣམ་དག་གདན་དུ་བྱས་པ་ཡིན། །དེ་ཡི་དབུས་སུ་ཟླ་བ་བསྒོམ། །དེར་ནི་ཟླ་བ་ཁྱབ་པར་ནི། །རྡོ་རྗེ་སེམས་དཔའ་བདེ་བ་ཆེ། །ལྷ་མཆོག་གྲོལ་ཞིང་བཞེངས་པར་གྱུར། །ཨོཾ་ཧཱུྃ་ཨ་མ་ཧཱ་སུ་ཁ་ཨ་ལ་ལ་ཧོ། 
མ་ཧཱ་སུ་ར་ཏ་སྟྭྃ། སུ་ར་ཏ་སུ་ཁ་བི་ཡོ་ཀ་སུ་ར་ཏྃ་ཨུད་ཏ་མ་བོ་དྷི་སུ་ཁྃ། སུ་ཁ་མ་ནུ་སིད་དྷ་ཧོ། སུ་ར་ཏ་བ་ཡ་སོ་ཁྱ་མ་ཡ་ཨཱཿཧཱུཾ་ཧོ། བྷ་ག་བཱཾ་མ་ཧཱ་སུ་ཁྃ་ཨུད་ཏ་ར་ཨུད་ཏ་ར། སརྦ་ཨུད་མ་སོ་ཁྱ་མ་ཡ་ཧཱུྃ་ཨ་ལ་ལ་ཧོ། མ་ཧཱ་
སུ་ཁ་སྟྭྃ། པ་ར་མ་སུ་ཁཱ་མ་ལཻ་དུ་བི་བི་ཨུད་ཏ་མ་ཛ་ལ་སུ་ཁྃ་ཨ་ལ་ལ་ཧོ། སུ་ར་ཏོ་སོ་ཁྱ་མ་ཡ། བཅོམ་ལྡན་བདེ་བ་ཆེན་པོ་ནི། །འཁོར་དང་བཅས་པ་མཉམ་པར་བཞེངས། །ཐུགས་ཀྱི་འཁོར་ལོ་ཞལ་བཞི་པ། །ཕྱག་བཅུ་གཉིས་པ་
གཡས་བརྐྱང་གཡོན་བསྐུམ་པའི་ཞབས་ཀྱིས་བཞུགས་པ། སྤྱན་གསུམ་པ། མཆེ་བ་རྣམ་པར་གཙིགས་པ། སྔོ་བ་དང་། དཀར་བ་དང་སེར་བ་དང་དམར་བའི་ཞལ། རྡོ་རྗེ་དང་དྲིལ་བུས་འཁྱུད་པ། ཁྱབ་འཇུག་གི་མགོ་བོ་ཕྱག་ན་
བསྣམས་པ། ཁྱབ་འཇུག་གི་ལྤགས་པ་རློན་པ་བརྐྱང་ནས་ཕྱག་གཞན་གཉིས་ན་བསྣམས་པའོ། །ལྷག་མ་སྐུའི་མཁའ་འགྲོ་དང་མཚུངསོ། །ཐོད་པའི་ཕྲེང་བ་ཅན། མགོའི་ཕྲེང་བ་འཆང་བ། མགོའི་ཕྲེང་བས་
སྐུ་རགས་བཅིངས་པ། རྡོ་རྗེ་སེམས་དཔའི་དབུ་རྒྱན་ཅན། །ཟླ་བ་ཕྱེད་པའི་རྒྱན་ཡང་འཆང་། །སྣ་ཚོགས་རྡོ་རྗེ་ཅོད་པན་གནོན། །སྟག་གི་ལྤགས་པ་གོས་སུ་མནབས། །ཕྱག་རྒྱ་དྲུག་གིས་རྣམ་པར་བརྒྱན། །

85-1-107a

མདུན་གྱི་མཁའ་འགྲོ་མ་ནི་ཞལ་གཅིག་པ། ཕྱག་གཉིས་པ། སྤྱན་གསུམ་པ། སྐྲ་གྲོལ་བ། གཅེར་བུ་དུམ་བུས་བརྒྱན་པ། སྐ་རགས་ཅན། ཕྱག་གཡོན་པ་ཐོད་པ་ཐོགས་པས་འཁྱུད་པ། གཡས་པ་རྡོ་རྗེ་སྡིགས་
འཛུབ་ཅན། །སྐ་རགས་གཡེར་ཀའི་སྒྲ་སྒྲོགས་པ། །ཆོས་ཀྱི་སྒྲ་ནི་ཡིད་འོང་བ། །འབྱུང་བར་འགྱུར་བ་བྱེ་བ་སྙེད། །ཆོས་ཀྱི་དབྱིངས་ཏེ་སྟོང་པ་ཡིན། །མཉམ་པ་ཉིད་དང་སོ་སོར་རྟོག །བྱ་བྱེད་པ་ཡང་དེ་བཞིན་བསྒོམ། །
སྦྱོར་བ་མཆོག་གི་དམ་པ་སྟེ། །རྣམ་དག་ལེགས་པར་བརྟགས་ནས་སུ། །མཉམ་ཉིད་ཆོས་ཀྱི་རོ་གཅིག་བྱས། །འཁོར་ལོ་ལ་ནི་རྣམ་པར་བལྟ། །ཤར་གྱི་མདབ་མར་མཁའ་འགྲོ་དང་། །ལྷོ་ཕྱོགས་ལཱ་མ་དེ་བཞིན་ཏེ། །ནུབ་
ཕྱོགས་དུམ་སྐྱེས་མ་དང་ནི། །བྱང་ཕྱོགས་གཟུགས་ཅན་མ་དེ་བཞིན། །དཀར་དང་སེར་དང་དེ་བཞིན་དམར། །ལྗང་ཁུའི་མདོག་ཅན་མཆོག་དམ་པ། །ཐོད་པ་དང་ནི་ཁ་ཊྭཱྃ་འཛིན། །ཅང་ཏེའུ་གྲི་གུག་དེ་བཞིན་ཏེ། །སྤྱན་གསུམ་
པ་ལ་བཞིན་རྣམས་བསྒྱུར། །གཅེར་བུ་སྐྲ་གྲོལ་འཇིགས་པ་ཅན། །གཡས་བརྐྱང་པ་ཡི་གནས་པས་བཞུགས། །འདོད་པའི་ཆགས་པས་ལེགས་པར་མྱོས། །ཅུང་ཟད་ངོ་ཚའི་མིག་ཟུར་དང་། །ནུ་མ་རབ་རྒྱས་དགའ་བ་འཛིན། །
ཞལ་གྱི་མཆེ་བ་ཅུང་ཟད་གཙིགས། །ཕྱག་རྒྱ་ལྔ་ཡིས་རྒྱ་ཡང་གདབ། །མཚམས་བཞི་རུ་ནི་བུམ་པ་དག །ཡེ་ཤེས་བདུད་རྩི་གང་བ་དགོད། །དེ་སྟེང་བྱང་ཆུབ་སེམས་ཀྱིས་ནི། །ཡོངས་སུ་གང་བར་གཞག་པར་བྱ། །ཐུགས་ཀྱི་
འཁོར་ལོའི་ཤར་ཕྱོགས་སུ། །པུ་ལི་ར་མ་ལ་ཡ་ན་ཐོད་པའི་དུམ་བུ་དང་། རབ་གཏུམ་མ་སྟེ་དཀར་པོའོ། །བྱང་དུ་ཛཱ་ལ་དྷ་ར་ན་ཀེང་རུས་ཆེན་པོ་དང་། གཏུམ་མིག་མ་སྟེ་སེར་པོའོ། །ནུབ་ཏུ་ཨོ་ཌྜི་ཡཱ་ན་ན་ཀེང་རུས་ཅན་དང་། འོད་
ལྡན་མ་སྟེ་དམར་པོའོ། །ལྷོ་ཕྱོགས་སུ་ཨར་བུ་དེ་ན་མཆེ་བ་རྣམ་པར་གཙིགས་པ་དང་། སྣ་ཆེན་མ་སྟེ་ལྗང་ཁུའོ། །མེའི་ཕྱོགས་ན་གོ་ད་བ་རི་ན་ལྷ་དགྲ་དང་། དཔའ་བོ་བློ་གྲོས་མ་ནམ་མཁའི་མདོག་ཅན་མའོ། །བདེན་བྲལ་དུ་

85-1-107b

རཱ་མི་ཤྭ་ར་ན་འོད་དཔག་མེད་དང་། མིའུ་ཐུང་མ་སྟེ་དཀར་སྐྱའོ། །རླུང་གི་ཕྱོགས་ན་དེ་བི་ཀོཊྚ་ན་རྡོ་རྗེའི་འོད་དང་། ལང་ཀའི་དབང་ཕྱུག་མ་སྟེ་ལྗང་ཁུ་དང་། མུ་ཏིག་ལྟ་བུའོ། །དབང་ལྡན་ན་མཱ་ལ་བེ་ན་རྡོ་རྗེ་ལུས་དང་། ཤིང་གྲིབ་མ་སྟེ་པད་མ་དང་སེར་
སྐྱའོ། །ཐུགས་ཀྱི་འཁོར་ལོ་ནམ་མཁའ་ལ་སྤྱོད་པའོ། །ཐོད་པའི་དུམ་བུ་ལ་སོགས་པའི་དཔའ་བོ་ནི་གདོང་གཅིག་པ། ཕྱག་བཞི་པ། རལ་པའི་ཅོད་པན་ཅན་ཐུགས་རྗེས་ཁྲོ་ཞིང་འཇིགས་པ་རྡོ་རྗེ་དང་དྲིལ་བུའི་ཕྱག་གཉིས་ཀྱིས་འཁྱུད་པ། 
གཡོན་པ་དང་གཡས་པའི་ཕྱག་གཉིས་ལ་ཁ་ཊྭཱྃ་ག་དང་། ཅང་ཏེའུ་འཆང་བ། ཕྱག་རྒྱ་ལྔ་ཡིས་བརྒྱན་པ། གཡས་བརྐྱང་བས་བཞུགས་པའོ། །རབ་གཏུམ་མ་ལ་སོགས་པའི་ལྷ་མོ་རྣམས་ནི་ཞལ་གཅིག་པ། ཕྱག་གཉིས་པ་སྡིགས་འཛུབ་ཀྱི་
ཐོད་པ་འཁྱུད་པ། སྤྱན་གསུམ་པ། སེར་སྐྱའི་གཟུགས་ཅན་ནོ། །སྐྲ་གྲོལ་བ། གཟུགས་གཉིས་པ་གཉིས་སུ་མེད་པར་མཉམ་པར་ལྡན་པ། ཕྱོགས་ཀྱི་གོས་ཅན་རྣམ་པར་རོལ་བ། མགྲིན་པའི་ནོར་བུ་དང་། གདུ་བུ་དང་། དཔུང་རྒྱན་
དང་། རྣ་ཆ་དང་ཚངས་པའི་སྐུད་པ་དང་། མགུལ་རྒྱན་དང་མགོ་བོའི་ཕྲེང་བ་དང་གཡེར་ཀའི་སྐུ་རགས་ཅན། སྒོ་དང་ཟུར་གྱི་ལྷ་མོ་རྣམས། །ཁྭ་གདོང་གཤིན་རྗེ་སྲེག་ལ་སོགས། །ཇི་ལྟར་མཁའ་འགྲོའི་མདོག་བཞིན་དུ། །ཁྭ་གདོང་
ལ་སོགས་དེ་བཞིན་ནོ། །མཚམས་རྣམས་ལྷ་མོ་དེ་བཞིན་ཏེ། །གཟུགས་གཉིས་འཛིན་ཞིང་ཡིད་འཕྲོག་པའོ། །ཕྱག་སོགས་དེ་ལྟར་བསྒོམ་ནས་ནི། །དངོས་གྲུབ་ཐམས་ཅད་རབ་ཏུ་སྩོལ། །ཡེ་ཤེས་འཁོར་ལོ་དེ་མཐོང་ནས། །
མཆོད་དང་བསྟོད་དང་དབང་ཡང་བསྐུར། །བསྒོམ་པ་བརྩེ་གཅིག་བྱས་ན་ནི། །བདག་མེད་མའི་གོ་འཕང་གནས། །སྙིང་པོ་ཡེ་ཤེས་དམ་ཚིག་ནི། །སྒྲུབ་པོས་འདོད་པ་ཀུན་གྱི་ཕྱིར། །སྐུ་གསུང་ཐུགས་ལ་རྣམས་བཀོད་ནས། །སངས་རྒྱས་
མཆོག་ནི་རྣམ་པར་སྤྲོ། །རྟག་ཏུ་དམ་ཚིག་བསྐྱང་བྱ་ཞིང་། །ཡེ་ཤེས་ལྔ་ཡི་བདུད་རྩི་ཆུ། །དམ་ཚིག་མཆོད་པའི་སྦྱོར་བ་ཡིས། །ཆོ་ག་བཞིན་དུ་བཟླས་པ་བྱ། །ཨོཾ་ཤྲཱི་ཙིད་ཌཱ་ཀ་དྷྀ་ཀ་ཨ་ཁྃ་ཧུཾ་ཧཱུྃ་ཕཊ། ཌཱ་ཀི་ནི་ཛཱ་ལ་སྃ་བ་ར་ཧུཾ་

85-1-108a

ཧཱུྃ་ཕཊ། སྙིང་པོའོ། །ཨོཾ་ཧྲཱིཿཧ་ཧ་ཧུཾ་ཧཱུྃ་ཕཊ། ཉེ་བའི་སྙིང་པོའོ། །ཨོཾ་བཛྲ་ཌཱ་ཀི་ནཱི་ཧུྃ་ཧཱུྃ་ཕཊ། ཉེ་བའི་སྙིང་པོའོ། །ཨོཾ་སརྦ་ཌཱ་ཀི་ནཱི་ཡེ་བཛྲ་བརྞྞ་ནཱི་ཡེ་ཧུཾ་ཧཱུྃ་ཕཊ་སྭཱ་ཧཱ། སྙིང་པོ་དང་ཉེ་བའི་སྙིང་པོའོ། །ཨོཾ་ཌཱ་ཀི་ནཱི་ཡེ་ཧུཾ་ཧཱུྃ་ཕཊ། ཨོཾ་ལཱ་མེ་ཧུཾ་ཧཱུྃ་ཕཊ། ཨོཾ་ཁཎ་ཌ་
རོ་ཧེ་ཧུཾ་ཧཱུྃ་ཕཊ། ཨོཾ་རུ་པི་ནི་ཧུཾ་ཧཱུྃ་ཕཊ། ཨོཾ་ཀ་ར་ཁཎྜ་ཀ་པཱ་ལི་ན་ཀ་ར་ཧུཾ་ཧཱུྃ་ཕཊ། ཨོཾ་པྲ་ཙཎྜ་ཧུཾ་ཧཱུྃ་ཕཊ། ཨོཾ་ཀུ་རུ་མ་ཧཱ་ཀང་ཀཱ་ལ་ཀུ་རུ་ཧུཾ་ཧཱུྃ་ཕཊ། ཨོཾ་ཙཎྜཱཀྵི་ཡེ་ཧུཾ་ཧཱུྃ་ཕཊ། ཨོཾ་བཾདྷ་ཀང་ཀཱ་ལ་བན་དྷ་ཧུྃ་ཧཱུྃ་ཕཊ། ཨོཾ་པྲ་བྷ་བ་ཏི་ཧུྃ་ཧཱུྃ་ཕཊ། ཨོཾ་ཏྲཱ་ས་ཡ་བི་ཀ་ཊ་
དཾྃཥྚི་ཎ་ཏྲ་ས་ཡ་ཧུྃ་ཧཱུྃ་ཕཊ། ཨོཾ་མ་ཧཱ་ནཱ་སེ་ཧུྃ་ཧཱུྃ་ཕཊ། ཨོཾ་ཀྵོ་བྷ་ཡ་སུ་ར་བེ་རི་ཎ་ཀྵོ་བྷ་ཡ་ཧུྃ་ཧཱུྃ་ཕཊ། ཨོཾ་བཱྀ་ར་མ་ཏི་ཧཱུྃ་ཧཱུྃ་ཕཊ། ཨོཾ་ཧྲཽཾ་ཨ་མི་ཏཱ་བྷཱ་ཧྲཽཾ་ཧུྃ་ཧཱུྃ་ཕཊ། ཨོཾ་ཁརྦ་རི་ཧུྃ་ཧཱུྃ་ཕཊ། ཨོཾ་ཧྲཿབཛྲ་པྲ་བྷ་ཧྲཿ་ཧུྃ་ཧཱུྃ་ཕཊ། ཨོཾ་ལང་ཀེ་ཤྭ་རི་ཧུྃ་ཧཱུྃ་ཕཊ། ཨོཾ་ཕེཾ་བཛྲ་དེ་
ཧ་ཧི་ཕེཾ་ཧུྃ་ཧཱུྃ་ཕཊ། ཨོཾ་དྲུ་མཙྪཱ་ཡེ་ཧུྃ་ཧཱུྃ་ཕཊ། ཨོཾ་ཀཱ་ཀཱ་སྱེ་ཧུྃ་ཧཱུྃ་ཕཊ། ཨོཾ་ཨུ་ལཱུ་ཀཱ་སྱེ་ཧུྃ་ཧཱུྃ་ཕཊ། ཨོཾ་ཤྭ་ནཱ་སྱེ་ཧུྃ་ཧཱུྃ་ཕཊ། ཨོཾ་སཱུ་ཀ་རཱ་སྱེ་ཧུྃ་ཧཱུྃ་ཕཊ། ཨོཾ་ཡ་མ་དཱ་ཌྷི་ཧུྃ་ཧཱུྃ་ཕཊ། ཨོཾ་ཡ་མ་དུ་ཏི་ཧུྃ་ཧཱུྃ་ཕཊ། ཨོཾ་ཡ་མ་དྃཥྚི་ཧུྃ་ཧཱུྃ་ཕཊ། ཨོཾ་ཡ་མ་མ་ཐ་ནི་ཧུྃ་ཧཱུྃ་ཕཊ། 
བཟླས་པ་བསྒོམ་པར་ལྡན་བྱས་ནས། །སྤྲོ་དང་བསྡུ་བའི་རིམ་པ་ཡིས། །སྔགས་པ་མྱུར་དུ་འགྲུབ་པ་སྟེ། །རྡོ་རྗེ་སེམས་དཔའི་གོ་འཕང་རྙེད། །མཉམ་པའི་དམ་ཚིག་དམ་ཚིག་མཆོག །ཐུགས་ཀྱི་རྙེད་པས་ཁྱབ་པ་ལ། །རྣལ་འབྱོར་ཆེན་པོ་རྣམ་
པར་སྤྱད། །མཁའ་ལ་སྤྱོད་པ་ཉིད་ཐོབ་འགྱུར། །འདི་ནི་ཁམས་གསུམ་ཐམས་ཅད་དུ། །གོ་འཕང་མཆོག་ལ་ལེགས་པར་ཞུགས། །ལངས་པའི་དུས་སུ་དམ་ཚིག་ཅན། །ཡན་ལག་དྲུག་ཏུ་སྦྱོར་བ་བཤད། །ཧཿསྙིང་ཀ་སྟེ། །རྡོ་རྗེ་
སེམས་དཔའ་དཀར་པོ། ན་མ་ཧི་མགོ་ལ་སྟེ་རྣམ་པར་སྣང་མཛད་སེར་པོ། སྭཱ་ཧཱ་ཧུཾ་སྤྱི་གཙུག་ལ་པད་མ་གར་གྱི་དབང་ཕྱུག་སྟེ་ཟླ་བ་དང་སེར་སྐྱའོ། །བཽ་ཥ་ཊ་ཧེ་གོ་ཆ་སྟེ་ཧེ་རུ་ཀ་ནམ་མཁའི་མདོག་ཅན་ནོ། །ཧཱུྃ་ཧཱུྃ་ཧོ་མིག་ལ་སྟེ་རྡོ་རྗེ་ཉི་མ་གསེར་བཙོ་མ་ལྟ་བུའོ། །
ཕཊ་ཧྃ་ནི་ཡན་ལག་ཐམས་ཅད་ཀྱི་མཚོན་སྟེ་རྟ་མཆོག་ལྗང་ཁུ་སེར་སྐྱའོ། །ཨོཾ་བྃ་ལྟེ་བ་ལ་སྟེ། རྡོ་རྗེ་མཁའ་འགྲོ་ནམ་མཁའ་དང་སེར་སྐྱའོ། །ཧྃ་ཡོཾ་སྙིང་ཀ་ལ་ཡ་མི་ནི་དཀར་མོའོ། །ཧྲཱིྃ་མོ་ཁ་ལ་སྟེ་རྨོངས་བྱེད་མ་དམར་པོའོ། །

85-1-108b

ཧྲིྃ་ཧྲཱིྃ་མགོ་ལ་སྟེ་གཡོ་བྱེད་མ་སེར་པོའོ། །ཧཱུྃ་ཧཱུྃ་སྤྱི་གཙུག་ལ་སྟེ་སྐྲག་བྱེད་མ་སྔོན་པོའོ། །ཕཊ་ཕཊ་ཡན་ལག་ཐམས་ཅད་ཀྱི་མཚོན་ཆ་སྟེ་ཙཎྜི་ཀ་དམར་སེར་རོ། །ཇི་ལྟར་བདེ་བར་ཆོ་ག་བཞིན་དུ་སྤྱོད་ཅིང་གནས་སོ། །འགྲོ་བ་དུ་མའི་བསམ་པ་ལ། །
ཐུགས་ཀྱི་རྡོ་རྗེ་ཚུལ་ཅན་འདི། །གཉིས་མེད་སྦྱོར་བ་མཐའ་ཡས་པ། །སྲིད་པ་ཀུན་གྱི་དངོས་པོར་གནས། །དྲི་མ་མེད་ཅིང་ང་རྒྱལ་མེད། །ཡི་གེ་མེད་ཅིང་བརྗོད་དུ་མེད། །མངོན་པར་བརྗོད་པའི་རྒྱུད་བླ་མ་ལས་ཐུགས་ཀྱི་སྡོམ་པ་དང་བླ་མའི་
བསྙེན་བཀུར་གྱི་ལེའུ་སྟེ་དྲུག་པའོ།། །། དེ་ནས་གཞན་ཡང་བཤད་བྱ་བ། །དཀྱིལ་འཁོར་དམ་ཚིག་མཆོག་གྱུར་པ། །འདོད་པའི་གསང་བ་ཀུན་སྟེར་བ། །ཤིན་ཏུ་གསང་བའི་དངོས་
གྲུབ་སྩོལ། །སྒྲུབ་པ་པོ་ལ་ཕན་པའི་ཕྱིར། །བསྒྲུབ་པའི་དོན་ནི་བཤད་པར་བྱ། །དཀྱིལ་འཁོར་སྔ་མའི་དབུས་སུ་ནི། །པད་མ་འདབ་མ་བརྒྱད་པ་བྲི། །སྣ་ཚོགས་མདོག་ཅན་གེ་སར་བཅས། །འདོད་པ་ཀུན་གྱི་འབྲས་བུ་
སྟེར། །དེ་ཡི་དབུས་སུ་ཡི་གེ་ཧཱུྃ། །རྡོ་རྗེ་སེམས་དཔའ་རྣམ་པར་བསྒོམ། །མཚན་རྣམས་ཐམས་ཅད་ཡོངས་སུ་རྫོགས། །དཔེ་བྱད་ཀུན་གྱིས་རྣམ་པར་བརྒྱན། །དགྱེས་པ་ཆེན་པོའི་སྦྱོར་བ་ཡིས། །གཉིས་མེད་གཉིས་སུ་མེད་པའི་
མཆོག །བྱང་ཆུབ་སེམས་ཀྱི་རྒྱུ་ལས་ནི། །བྱང་ཆུབ་ཟླ་བ་དྲི་མེད་པ། །དེ་མཐོང་ལྷ་མོ་ལངས་ནས་ནི། །གླུ་འདི་ཡིས་ནི་བསྐུལ་བར་བྱེད། །ཧཱུྃ་རོལ་ཅིག་རོལ་ཅིག་དགྱེས་པ་ཧོ། །བདེ་བ་ཆེན་པོའི་རྡོ་རྗེ་ནི། །བདེ་བ་ཆེན་པོ་རོལ་ཉིད་ལས། །འདི་ཉིད་དུ་ནི་
བཞེངས་སུ་གསོལ། །ཨ་ལ་ལ་ཧོ་དགྱེས་པ་ཆེ། །ཁྱོད་ནི་བདེ་བའི་མཆོག་ཡིན་ཏེ། །ཁྱོད་ཀྱི་ཞལ་ནི་ཁུམས་ཙམ་གྱིས། །བདག་གིས་འདིར་ནི་རོ་གཅིག་རྙེད། །ཀྱེ་མའོ་བཅོམ་ལྡན་བདེ་ཆེན་དགྱེས། །ཨོཾ་རྡོ་རྗེ་སེམས་དཔའ་ལེགས་
དགྱེས་ཁྱོད། །རོ་དང་རོ་མཆོག་ཐམས་ཅད་དེ། །དགྱེས་པ་ཆེན་པོ་བདེ་བ་རྣམས། །རྟག་པར་དངོས་གྲུབ་ཀུན་ལ་ཡང་། །རོལ་ཅིག་རོལ་ཅིག་ལྷ་མོ་ལ། །རྣལ་འབྱོར་མ་ནི་ཐམས་ཅད་དང་། །བཅོམ་ལྡན་རྡོ་རྗེ་

85-1-109a

ཆེན་པོ་ནི། །ལྷ་མོའི་པད་མ་དགྱེས་ལ་རོལ། །ཧཱུྃ་ཨ་ལ་ལ་ཧོ་དགྱེས་པ་ཆེ། །བཅོམ་ལྡན་འདོད་ལ་དགྱེས་པ་ཁྱོད། །འདོད་པའི་དངོས་གྲུབ་ལེགས་པར་སྩོལ། །པད་མ་མཆོག་ལ་དགྱེས་པར་རོལ། །ཨོཾ་ཨ་ལ་ལ་ཧོ་དགྱེས་
པ་ཆེ། །ཚོགས་ཀྱི་བདེ་བས་དུས་རྟག་ཏུ། །རྡོ་རྗེ་མཆོག་ནི་འཛིན་པ་ཡིས། །པད་མའི་ཞལ་མཆོག་བྱེ་བ་ཡི། །པད་མ་ལ་ནི་རོལ་པར་མཛོད། །ཇི་ལྟར་བུང་བས་སྦྲང་རྩི་བཞིན། །ལྷ་རྣམས་པད་མ་ཉིད་ལ་རོལ། །ཀྱེ་མའོ་
གྲོགས་པོ་དགྱེས་ཆེན་འདིར། །རྡོ་རྗེ་མཆོག་ནི་བདེ་བར་སྦྱར། །དུས་ཀུན་བདེ་བ་འདིར་མཛོད་ཅིག །དེ་རིང་དུས་ནི་འདི་ཉིད་དུ། །ཡང་དག་བྱང་ཆུབ་འདུས་པ་ཡིན། །ཨ་ལ་ལ་ཧོ་དགྱེས་པ་ཆེ། །བདེ་ཆེན་ཀུན་དུ་དགྱེས་མཆོག་རོལ། །
ཨ་ལ་ལ་ཧོ་དགྱེས་པ་ཆེ། །གླུ་འདི་དག་གིས་བསྐུལ་ནས་སུ། །མཉམ་ཉིད་ལས་ནི་བཅོམ་ལྡན་དཔལ། །སྡོམ་པའི་རྡོ་རྗེ་བཞེངས་པར་གྱུར། །འཁོར་དང་བཅས་པར་གཟིགས་ནས་ནི། །བཅོམ་ལྡན་འདས་ནི་ཞལ་བཞི་པ། །
སྔོ་བ་དང་སེར་བ་དང་དམར་བ་དང་། ལྗང་ཁུའི་ཞལ་ཏེ། སྤྱན་གསུམ་པ། ཕྱག་བཅུ་གཉིས་པ། གཡས་བརྐྱང་བས་འཇིགས་བྱེད་ཆེན་པོ་དང་དུས་མཚན་ཞབས་འོག་ཏུ་མནན་པ། ཕྱག་གཉིས་རྡོ་རྗེ་དྲིལ་བུ་བསྣམས་པས་དམ་ཚིག་
རྡོ་རྗེ་ཕག་མོ་ལ་འཁྱུད་པ། ཕྱག་གཞན་གཉིས་པོ་ནི་ཚོགས་བདག་གི་ལྤགས་པ་འཛིན་པ། གཡས་པའི་གསུམ་པ་ན་ཅང་ཏེའུ། བཞི་པ་ལ་དགྲ་སྟ། ལྔ་པ་ལ་གྲི་གུག །དྲུག་པ་ལ་རྡོ་རྗེ་མདུང་བསྣམས་པ། ཕྱག་གཡོན་པའི་
གསུམ་པ་ན་རྡོ་རྗེ་ཁ་ཊྭཱྃ་ག །བཞི་པ་ལ་ཁྲག་གིས་བཀང་བའི་ཐོད་པ། ལྔ་པ་ལ་རྡོ་རྗེ་ཞགས་པ། དྲུག་པ་ལ་བདུད་བཞིའི་མགོ་བོ་བསྣམས་པའོ། །རོལ་པའི་ཅོད་པན་རྒྱན་ཆ་ཅན། །དབུ་ལ་ཐོད་པའི་ཕྲེང་བ་འཆང་། །ཟླ་བ་ཕྱེད་པའི་དབུ་
ལ་འཛིན། །དབུ་ལ་སྣ་ཚོགས་རྡོ་རྗེས་མནན། །འཇིགས་པའི་མཆེ་བ་རྣམ་སྒྱུར་ཞལ། །སྒེག་པ་ལ་སོགས་ཉམས་དང་ལྡན། །སྟག་གི་ལྤགས་པ་གོས་སུ་བནབས། །མི་ཡི་མགོ་བོའི་ཕྲེང་བ་འཛིན། །མགྲིན་ནོར་གདུབ་བུ་རྣ་ཆ་དང་། །

85-1-109b

མགོ་ཡི་ནོར་བུས་རྣམ་པར་བརྒྱན། །ཚངས་པའི་སྐུད་པ་ཐལ་བ་སྟེ། །ཕྱག་རྒྱ་དྲུག་ཏུ་རབ་ཏུ་གྲགས། །དེ་ཡི་ཕང་ན་བཅོམ་ལྡན་མ། །དམ་ཚིག་རྡོ་རྗེ་ཕག་མོ་ནི། །སྐུ་མདོག་དེ་དང་འདྲ་བར་བྱ། །ཞལ་གཅིག་པ་ལ་ཕྱག་གཉིས་པ། །སྤྱན་གཉིས་པ་ལ་སྐྲ་གྲོལ་བ། །
གཅིར་བུ་སྐ་རགས་འོག་བག་གིས་རྣམ་པར་བརྒྱན་པ། ཕྱག་གཡོན་པས་འཁྱུད་པ་སྟེ། བདུད་ཀྱི་ཁྲག་གིས་ཡོངས་སུ་གང་བའི་ཐོད་པ་བསྣམས་པ། གཡས་པ་ན་བསྡིགས་འཛུབ་རྡོ་རྗེ་དང་བཅས་པས་ཕྱོགས་བཅུར་བསྡིགས་པར་བྱེད་པ། བསྐལ་བའི་མེ་ཡི་
གཟི་བརྗིད་ཅན། །ཁྲག་ལ་དགྱེས་ཤིང་ཞལ་ནས་འཛག །བྱིན་པ་གཉིས་ཀྱིས་མཉམ་པར་འཁྱུད། །ཐུགས་རྗེ་ཆེན་པོའི་བདག་ཉིད་ཅན། །ཆོས་ཀུན་གནས་ནི་དགེ་བ་ཡིན། །ཨཱ་ལི་ཀཱ་ལི་ལས་བྱུང་བ། །རྣམ་པར་རྟོག་པ་མེད་པ་སྟེ། །ཆོས་
དང་ཆོས་མིན་རྣམ་པར་སྤངས། །པད་འདབ་ལྷ་མོ་དགོད་པ་ཡིས། །དངོས་གྲུབ་ཐམས་ཅད་རབ་ཏུ་སྩོལ། །མཁའ་འགྲོ་མ་དང་ལཱ་མ་དང་། །དུམ་སྐྱེས་མ་དང་གཟུགས་ཅན་མ། །གཡོན་ཕྱོགས་བསྐོར་བའི་དགོད་པ་ཡིས། །རྣལ་འབྱོར་པ་ལ་དངོས་
གྲུབ་སྩོལ། །གནག་ཅིང་སེར་ལ་དེ་བཞིན་དམར། །ལྗང་ཁུ་དྲག་པོའི་གཟུགས་ཅན་ཏེ། །ཐམས་ཅད་ཞལ་གསུམ་ཕྱག་དྲུག་པ། །སྤྱན་གསུམ་གཡས་བརྐྱང་གནས་པས་བཞུགས། །གཅེར་བུ་དབུ་སྐྲ་གྲོལ་བ་སྟེ། །བདུད་བཞི་ཞབས་ཀྱིས་གནན་པ་དང་། །
ཆགས་ཤིང་ཞེན་པས་མྱོས་པ་དང་། །ཐོད་པ་དག་གི་དབུ་རྒྱན་ཅན། །ཕྱག་རྒྱ་ལྔས་ནི་རྣམ་པར་བརྒྱན། །གནག་ཅིང་སྔོ་ལ་ལྗང་བ་དང་། །ཤིན་ཏུ་འཇིགས་ཤིང་སྡང་མིག་ཅན། །སེར་ཞིང་གནག་ལ་ལྗང་ཁུ་སྟེ། །སྙིང་རྗེའི་རོ་ནི་ཡོངས་སུ་རྫོགས། །
དམར་ཞིང་གནག་ལ་ལྗང་བ་དང་། །སྒེག་པ་ལ་སོགས་ཉམས་ཀྱིས་འཁོར། །ལྗང་ཞིང་གནག་ལ་སེར་བ་དང་། །འཇམ་ཞིང་ཁྲོ་བས་འཇིགས་པ་དང་། །ཐོད་པ་དང་ནི་ཁ་ཊྭཱྃ་འཛིན། །གཡོན་པ་ཅང་ཏེའུ་གྲི་གུག་སྟེ། །མགོ་བོ་རྡོ་རྗེ་མདུང་གཡས་ན། །
མཚམས་ནི་བཞི་པོ་དག་ཏུ་ཡང་། །བུམ་པ་བདུད་རྩི་ལྔ་ཡི་ཆུས། །ཡོངས་སུ་གང་བའི་སྟེང་དུ་ཡང་། །བྱང་ཆུབ་སེམས་ཀྱིས་གང་སྣོད་གཞུག །ཁྭ་གདོང་ལ་སོགས་ལྷ་མོ་རྣམས། །གཡས་བརྐྱང་པ་ཡི་གནས་པས་བཞུགས། །

85-1-110a

གནག་དང་སྔོ་བསངས་དམར་སེར་སྐྱ། །ཞལ་གཅིག་པ་ལ་ཕྱག་བཞི་པ། །སྤྱན་གསུམ་དྲག་པོའི་གཟུགས་ཅན་ལ། །སྐྲ་གྲོལ་པ་ཡིས་རྣམ་པར་བརྒྱན། །ཐོད་པའི་ཕྲེང་བའི་དབུ་རྒྱན་ཅན། །ཕྱག་རྒྱ་ལྔ་ཡིས་རྣམ་པར་བརྒྱན། །གཅེར་
བུ་ཡི་དགས་གདན་དུ་མནན། །འདོད་པའི་སྙིང་རྗེས་རྣམ་པར་མྱོས། །གཡོན་པར་མགོ་བོ་ཁ་ཊྭཱྃ་ག །གཡས་ན་ཐོད་པ་གྲི་གུག་གོ། །མཚམས་ནི་བཞི་པོ་དག་ཏུ་ཡང་། །གཤིན་རྗེ་སྲེག་སོགས་མཁའ་འགྲོ་མ། །ཞལ་གཅིག་པ་ལ་ཕྱག་བཞི་
པ། །གཡས་བརྐྱང་བ་ཡི་གནས་པས་བཞུགས། །སྤྱན་གསུམ་པ་ལ་ཡི་དགས་གདན། །སྐྲ་གྲོལ་བ་ཡང་རབ་ཏུ་འཇིགས། །ཐོད་པའི་ཕྲེང་བའི་དབུ་རྒྱན་ཅན། །ཕྱག་རྒྱ་ལྔ་ཡིས་རྣམ་པར་བརྒྱན། །གཅེར་བུར་སྣ་ཚོགས་གཟུགས་ཅན་ལ། །
དགའ་ཞིང་བདེ་བས་རྣམ་པར་མྱོས། །གཡོན་ལ་ཐོད་པ་ཁ་ཊྭཱྃ་ག ། །གཡས་ལ་ཅང་ཏེའུ་གྲི་གུག་སྟེ། །གཡོན་ནས་བསྐོར་ཞིང་དགོད་བྱས་ན། །མཚམས་ཀྱི་དངོས་གྲུབ་སྩལ་བར་འགྱུར། །ཁྭ་གདོང་ལ་སོགས་སྒོར་དགོད་པ། །གཡས་
ནས་བསྐོར་ཞིང་དགོད་པར་བྱ། །ཁམས་དང་སྐྱེ་མཆེད་ཕུང་པོ་རྣམས། །སྐུ་གསུང་ཐུགས་སུ་རྣམ་པར་བསྒོམ། །སྔར་བཤད་རིམ་པའི་སྦྱོར་བ་ཡིས། །ཆོ་ག་བཞིན་དུ་དགོད་པར་བྱ། །དབང་ཆེན་དང་ནི་ཆུ་དང་ནི། །མེ་དང་རླུང་གི་
དཀྱིལ་འཁོར་གྱི། །དེ་ཡི་དབུས་སུ་བཀོད་པ་ནི། །ས་སོགས་བཞི་པོ་དག་ཡིན་ནོ། །ལྟུང་བྱེད་མ་དང་གསོད་མ་ཉིད། །འགུགས་བྱེད་མ་དང་གར་མ་དག །དེ་ཉིད་ནམ་མཁའི་ཁམས་ཡིན་ཏེ། །པད་མའི་དྲ་བ་སྟོང་པ་ཡིན། །
གཟུགས་ནི་རྣམ་པར་སྣང་མཛད་ཡིན། །ཚོར་བ་རྡོ་རྗེ་ཉི་མ་ཡིན། །འདུ་ཤེས་གར་དབང་རྒྱལ་པོ་སྟེ། །འདུ་བྱེད་རྡོ་རྗེ་རྒྱལ་པོ་ཡིན། །རྣམ་ཤེས་རྡོ་རྗེ་སེམས་དཔའ་སྟེ། །བདེ་གཤེགས་ཀུན་ཉིད་ཧེ་རུ་ཀ །མིག་ནི་གཏི་མུག་
རྡོ་རྗེ་སྟེ། །རྣ་བ་ཞེ་སྡང་རྡོ་རྗེ་ཡིན། །སྣ་ནི་ཕྲག་དོག་རྡོ་རྗེ་སྟེ། །ལྕེ་ནི་ཆགས་པ་རྡོ་རྗེ་ཡིན། །ལུས་ནི་སེར་སྣ་རྡོ་རྗེའོ། །སྐྱེ་མཆེད་ཀུན་དབང་རྡོ་རྗེའོ། །ཧཱུྃ་ནི་ཐུགས་ཀྱི་རྡོ་རྗེ་སྟེ། །ཨཱཿཞེས་བྱ་བ་གསུང་དུ་འགྱུར། །ཨོཾ་ནི་

85-1-110b

སྐུའི་རྡོ་རྗེ་སྟེ། །ཧེ་ནི་རྡོ་རྗེ་ཡེ་ཤེས་ཡིན། །ལུས་སོགས་རིམ་པའི་སྦྱོར་བ་ཡིས། །དངོས་པོ་ཐམས་ཅད་རྣམ་པར་བསྒོམ། །བདེ་བའི་ཆགས་པ་བཅོམ་ལྡན་འདས། །ཆགས་པ་མེད་པའང་དེ་བཞིན་ཏེ། །ཡེ་ཤེས་འཁོར་ལོ་དེ་མཐོང་ནས། །
མཆོད་དང་བསྟོད་དང་དབང་ཡང་བསྐུར། །རྗེས་སུ་ཆགས་པའི་སྦྱོར་བ་དག །འཇུག་པས་མཉམ་པའི་བཅུད་དུ་འགྱུར། །དངོས་དང་དངོས་མེད་རྣམ་བསྒོམས་ན། །སྤྲོ་དང་བསྡུ་བའི་སྦྱོར་བྱས་ནས། །སྦྱོར་བའི་དམ་ཚིག་མཆོད་པ་ཡིས། །
ཆོ་ག་བཞིན་དུ་བཟླས་པར་བྱ། །ཨོཾ་ཤྲཱི་བཛྲ་ཧེ་ཧེ་རུ་རུ་ཀྃ་ཧུྃ་ཧཱུྃ་ཕཊ། ཌཱ་ཀི་ནཱི་ཛཱ་ལ་སམ་བ་ར་སྭཱ་ཧཱ། སྙིང་པོའོ། །ཨོཾ་ཧྲཱིཿ ཧ་ཧ་ཧུྃ་ཧཱུྃ་ཕཊ། ཉེ་བའི་སྙིང་པོའོ། །ཨོཾ་བཛྲ་བཻ་རོ་ཙ་ནཱི་ཡེ་ཧུྃ་ཧཱུྃ་ཕཊ་སྭཱ་ཧཱ། ཨོཾ་སརྦ་བུད་དྷ་ཌཱ་ཀི་ནཱི་ཡེ་ཧུྃ་ཧཱུྃ་ཕཊ་སྭཱ་ཧཱ། ཕག་
མོའི་སྙིང་པོ་དང་ཉེ་བའི་སྙིང་པོའོ། །ཨོཾ་ཌཱ་ཀི་ནི་ཧུྃ་ཧཱུྃ་ཕཊ་སྭ་ཧཱ། ཨོཾ་ལཱ་མེ་ཧུྃ་ཧཱུྃ་ཕཊ་སྭཱ་ཧཱ། ཨོཾ་ཁཎྜ་རོ་ཧེ་ཧུྃ་ཧཱུྃ་ཕཊ། ཨོཾ་རུ་པི་ནི་ཡེ་ཧུཾ་ཧཱུྃ་ཕཊ་སྭ་ཧཱ ཨོཾ་ཀཱ་ཀཱ་སྱེ་ཧུཾ་ཧཱུྃ་ཕཊ་སྭ་ཧཱ། ཨོཾ་ཨུ་ལཱུ་ཀཱ་སྱེ་ཧུྃ་ཧཱུྃ་ཕཊ་སྭཱ་ཧཱ། ཨོཾ་ཤྭཱ་ནཱ་སྱེ་ཧུྃ་ཧཱུྃ་ཕཊ་སྭཱ་ཧཱ། ཨོཾ་སུ་ཀ་
རཱ་སྱེ་ཧུྃ་ཧཱུྃ་ཕཊ་སྭཱ་ཧཱ། ཨོཾ་ཡ་མ་དཱ་ཌྷི་ཧུྃ་ཧཱུྃ་ཕཊ། ཨོཾ་ཡ་མ་དུ་ཏི་ཧུཾ་ཧཱུྃ་ཕཊ། ཨོཾ་ཡ་མ་དྃཥྚི་ཧུྃ་ཧཱུྃ་ཕཊ། ཨོཾ་ཡ་མ་མ་ཐ་ནི་ཧུྃ་ཧཱུྃ་ཕཊ། སྤྲོ་དང་བསྡུ་བའི་སྦྱོར་བ་ཡིས། །བསྒོམ་པ་མཆོག་ནི་བསྒོམ་པར་བྱ། །འདི་ནི་རྣལ་འབྱོར་
མ་རྣམས་ཀྱིས། །མཆོག་ཏུ་གསང་བ་སྨྲས་པ་ཡིན། །བཅུ་དྲུག་ཆ་ནི་ཡོངས་རྫོགས་པ། །སྔགས་དང་གསང་སྔགས་ཀུན་གྱི་གཙོ། །བསྒོམ་པའི་དུས་ལས་ལངས་ནས་ནི། །གོ་ཆ་གཉིས་ནི་རྣམ་པར་དགོད། །ཨོཾ་ཧ་རྡོ་རྗེ་སེམས་
དཔའ་སྙིང་ཀ་ལ། །ན་མ་ཧི་རྣམ་པར་སྣང་མཛད་མགོ་ལ། སྭཱ་ཧཱ་ཧུ་པད་མ་གར་གྱི་དབང་ཕྱུག་སྤྱི་གཙུག་ལ། བཽ་ཥ་ཊ་ཧི་ཁྲག་མཐུང་སྟེ་དཔུང་པ་ལའོ། །ཧཱུྃ་ཧཱུྃ་ཧོ་རྡོ་རྗེ་ཉི་མ་སྟེ་མིག་ལའོ། །ཕཊ་ཧྃ་རྟ་མཆོག་སྟེ་ཡན་ལག་
ཐམས་ཅད་ཀྱི་མཚོན་ཆའོ། །ཨོཾ་བྃ་རྡོ་རྗེ་ཕག་མོ་སྟེ་ལྟེ་བ་ལའོ། །ཧྃ་ཡོྃ་ཡ་མི་ནི་སྟེ་སྙིང་ཀ་ལའོ། །ཧྲཱིྃ་མྃ་རྨོངས་བྱེད་མ་སྟེ་ལྕེ་ལའོ། །ཧྲིཾ་ཧྲཱིྃ་གཡོ་བྱེད་མ་སྟེ་མགོ་བོ་ལའོ། །ཧཱུྃ་ཧཱུྃ་སྐྲག་བྱེད་མ་སྟེ་སྤྱི་གཙུག་ལའོ། །

85-1-111a

ཕཊ་ཧྃ་གཏུམ་མོ་སྟེ།   །ཡན་ལག་ཐམས་ཅད་ཀྱི་མཚོན་ཆའོ། །འདི་ལྟར་དངོས་དང་དངོས་མེད་མཉམ། །ཐམས་ཅད་ཆོས་སུ་རོ་གཅིག་སྟེ། །མཉམ་པ་ཉིད་ལ་རྣམ་པར་བཞུགས། །མཉམ་པའི་ཡེ་ཤེས་ལྔ་པོ་འདི། །
རྣལ་འབྱོར་དམ་ཚིག་ཅན་གྱིས་སྐྱོངས། །དུས་བཞི་འམ་ཡང་ན་དུས་གསུམ་དུ། །ཅི་ཙམ་ནུས་པ་བསྲུང་བར་བྱ། །འདི་ནི་གསང་བའི་མཆོག་ཡིན་ཏེ། །གང་ལ་ཡང་ནི་བསྟན་མི་བྱ། །མངོན་པར་བརྗོད་པའི་རྒྱུད་བླ་མ་ཆེན་པོ་
ལས་སྡོམ་པའི་དམ་ཚིག་བསྟན་པ་སྟེ་ལེའུ་བདུན་པའོ།། །།   །། དེ་ནས་ཆོ་གའི་གཞུང་བཞིན་བཤད། །པད་མ་འདབ་བརྒྱད་ལེགས་པར་མཛེས། །སྣ་ཚོགས་
འདབ་མ་ཡིད་འོང་བ། །ཉི་མའི་དཀྱིལ་འཁོར་དབུས་སུ་ནི། །པད་མའི་རྒྱལ་པོ་རྣམ་པར་བསམ། །ལྟེ་བར་སྣ་ཚོགས་རྡོ་རྗེ་སྟེ། །རྡོ་རྗེ་རྩེ་མོ་ལྔ་པའོ། །དེ་ལ་ལྟེ་བའི་དབུས་སུ་ནི། །ཉི་མའི་དཀྱིལ་འཁོར་གྱིས་མཚན་པ། །
དེ་སྟེ་ཨཱ་ལི་ཀཱ་ལི་སྟེ། །དབུས་སུ་རེག་བྱ་སྟོང་པ་ཡིན། །རྡོ་རྗེ་སེམས་དཔའ་མཆོག་གི་ཁྱབ། །བདག་ཉིད་ཧེ་རུ་ཀ་དཔལ་ཉིད། །ཞལ་གདོང་ལྔ་ལ་ཕྱག་བཅུ་གཉིས། །སྤྱན་གསུམ་རྣམ་པར་འགྱུར་བ་སྟེ། །གཡས་བརྐྱང་
བ་ཡི་གནས་པས་བཞུགས། །གཡོན་བརྐྱང་བ་ཡང་དེ་བཞིན་བཞུགས། །འཇིགས་བྱེད་དང་ནི་དུས་མཚན་ཉིད། །ཞབས་ཀྱི་འོག་ཏུ་མནན་པར་བྲི། །སྟག་གི་ལྤགས་པ་གོས་སུ་བནབས། །ཐུགས་རྗེ་ཁྲོ་བོས་རྣམ་པར་རོལ། །
ཐོད་པའི་ཕྲེང་བའི་དབུ་རྒྱན་ཅན། །རོལ་པའི་ཅོད་པན་རྒྱན་དུ་ཐོགས། །ཟླ་བ་ཕྱེད་པའི་སྤྱི་གཙུག་ལ། །སྣ་ཚོགས་རྡོ་རྗེས་དབུ་ལ་མནན། །སྒེག་པ་ལ་སོགས་ཉམས་དང་ལྡན། །མི་མགོའི་ཕྲེང་བ་འཛིན་པ་སྟེ། །ཐོད་
རློན་ཕྲེང་བས་རྣམ་པར་བརྒྱན། །མགུལ་རྒྱན་གདུབ་བུ་རྣ་ཆ་དང་། །ཐོད་པའི་ཕྲེང་བས་དབུ་ལ་བརྒྱན། །ཚངས་པའི་སྐུད་པ་ཐལ་བ་སྟེ། །ཕྱག་རྒྱ་དྲུག་པོ་རྣམ་པར་བསྒོམ། །ཕྱག་གཉིས་ཐོད་པ་དྲིལ་བུ་ཡིས། །

85-1-111b

ཕག་མོ་ལ་ནི་རྣམ་པར་ཁྱུད། །ཕྱག་གཞན་གཉིས་པོ་དག་གིས་ནི། །འཇིགས་བྱེད་ཆེན་པོའི་ལྤགས་རློན་བནབས། །གཡས་པའི་ཕྱག་གསུམ་པ་ལ་རྡོ་རྗེ་གསོར་ཞིང་བ་དན་གསུམ་པ་འཛིན་པ། བཞི་པ་ལ་མདུང་རྩེ་ལྔ་པ། ལྔ་པ་ལ་
དགྲ་སྟ། དྲུག་པ་ལ་རྡོ་རྗེ་ཅང་ཏེའུ་བསྣམས་སོ། །གཡོན་པའི་ཕྱག་གསུམ་པ་རྡོ་རྗེ་ཁ་ཊྭཱྃ་ག །བཞི་པ་ལ་རྡོ་རྗེ་ཞགས་པ། ལྔ་པ་ལ་གྲི་གུག །དྲུག་པ་ལ་དྲག་པོའི་མགོ་བོ། བང་ན་གནས་པའི་ཕག་མོ་ནི་བཅོམ་ལྡན་འདས་
ཀྱི་མདོག་ཅན་ཕྱག་གཉིས་པ། ཞལ་གཅིག་པ། སྤྱན་གསུམ་པ། སྐྲ་གྲོལ་བ། གཅེར་བུ་དུམ་བུས་བརྒྱན་པའི་སྐ་རགས་ཅན། ཕྱག་གཡོན་པ་ལ་བྱང་ཆུབ་ཀྱི་སེམས་ཀྱི་གང་བའི་ཐོད་པ་བསྣམས་པས་མཁྱུད་པ། ཕྱག་
གཡས་པའི་བསྡིགས་འཛུབ་ཀྱིས་གདུག་པ་ཀུན་ལ་ཕྱོགས་སུ་བསྡིགས་འཛུབ་བྱེད་ཅིང་གྲི་གུག་འཛིན་པ། བསྐལ་པའི་མེ་ཡི་གཟི་བརྗིད་ཅན། །ཁྲག་ལ་དགྱེས་ཤིང་ཁྲག་འཛག་པ། །བྱིན་པ་གཉིས་ཀྱི་ལེགས་པར་འཁྲིལ། །
བདེ་བའི་མཆོག་གི་དམ་པའོ། །དྲག་པོའི་གཟུགས་ཅན་རྣམ་པར་འགྱུར། །ཐུགས་རྗེའི་ཆགས་པས་རྣམ་པར་རོལ། །རྡོ་རྗེ་སེམས་དཔའི་དབུ་རྒྱན་ཅན། །ཧེ་རུ་ཀ་དཔལ་རྣམ་པར་བསྒོམ། །ནམ་མཁའི་མདོག་ཅན་སེར་བ་
དང་། །དམར་དང་ལྗང་ཁུ་སེར་སྐྱ་མའོ། །ཁྲོ་དང་བཞད་དང་སྒེག་པ་དང་། །རྔམ་དང་ཞི་བར་ལྡན་པ་དང་། །ཁམས་དང་སྐྱེ་མཆེད་ཕུང་པོ་དང་། །རེག་པའང་དེ་བཞིན་བསྒོམ་པ་སྟེ། །མཁའ་འགྲོ་ལཱ་མ་དེ་བཞིན་ཏེ། །དུམ་
སྐྱེས་མ་དང་གཟུགས་ཅན་མ། །ཕྱག་བཞི་པ་ལ་གདོང་གཅིག་པ། །སྤྱན་གསུམ་པ་ལ་དྲག་པོའི་གཟུགས། །སྐྱིལ་མོ་དཀྲུང་ནི་ཕྱེད་པར་བཞུགས། །ཕྱོགས་ཀྱི་གོས་ཅན་མཆོག་ཡིན་ནོ། །ཐོད་པའི་ཕྲེང་བའི་དབུ་
རྒྱན་ཅན། །སྐྲ་གྲོལ་བ་ཡིས་རྣམ་པར་བརྒྱན། །ལྷ་མོ་ཕྱག་རྒྱ་ལྔ་འཆང་ཞིང་། །འདོད་པའི་རྣམ་གྲོལ་རབ་ཏུ་སྟེར། །ཤར་དང་ལྷོ་དང་ནུབ་དང་ནི། །བྱང་གི་ཕྱོགས་སུ་རྣམ་པར་དགོད། །དཀར་དང་སེར་བ་དེ་བཞིན་དུ། །

85-1-112a

དམར་དང་ལྗང་གུ་ཆགས་པས་མྱོས། །ཐོད་པ་དང་ནི་ཁ་ཊྭཱྃ་འཛིན། །དྲིལ་བུ་ཅང་ཏེའུ་གྲི་གུག་འཆང་། །མཚམས་བཞི་དག་ཏུ་བུམ་པ་བཞི། །ཡེ་ཤེས་ལྔ་ཡིས་ཡོངས་གང་བ། །ཐོད་པ་འོ་མས་ཡོངས་གང་བས། །བུམ་
པའི་སྟེང་དུ་གཞག་པར་བྱ། །གཡོན་ནས་བསྐོར་ཞིང་བཀོད་ནས་ཀྱང་། །ཡེ་ཤེས་སེམས་དཔའ་བཀུག་ནས་སུ། །མཆོད་དང་བསྟོད་དང་གཞུག་པར་བྱ། །ཡིད་ངག་ལུས་ལ་བཀོད་ནས་ནི། །གོ་འཕང་མཆོག་ནི་བསྒོམ་པར་བྱ། །ཧཱུྃ་ཨཱཿ་
ཨོཾ་ནི་རྣམ་པར་བསྒོམ། །གསང་སྔགས་ཇི་བཞིན་བཟླས་ན་ནི། །དངོས་གྲུབ་ཐམས་ཅད་རབ་ཏུ་སྩོལ། །ཨོཾ་ཤྲཱི་བཛྲ་ཧེ་ཧེ་རུ་རུ་ཀྃ་ཧུྃ་ཧཱུྃ་ཕཊ། ཌཱ་ཀི་ནཱི་ཛཱ་ལ་སམ་བ་ར་སྭཱ་ཧཱ། ཨོཾ་ཧྲཱིཿཧ་ཧ་ཧུྃ་ཧཱུྃ་ཕཊ། སྙིང་པོ་དང་ཉེ་བའི་སྙིང་པོའོ། །ཨོཾ་བཛྲ་བཻ་རོ་ཙ་
ནཱི་ཡེ་ཧུྃ་ཧཱུྃ་ཕཊ་སྭཱ་ཧཱ། ཨོཾ་སརྦ་བུད་དྷ་ཌཱ་ཀི་ནཱི་ཡེ་ཡེ་ཧུྃ་ཧཱུྃ་ཕཊ་སྭཱ་ཧཱ། ལྷ་མོའི་སྙིང་པོ་དང་ཉེ་བའི་སྙིང་པོའོ། །ཨོཾ་ཌཱ་ཀི་ནི་ཧུྃ་ཧཱུྃ་ཕཊ། ཨོཾ་ལཱ་མེ་ཧུྃ་ཧཱུྃ་ཕཊ། ཨོཾ་ཁཎྜ་རོ་ཧེ་ཧུྃ་ཧཱུྃ་ཕཊ། ཨོཾ་རཱུ་པི་ཎེ་ཧུྃ་ཧཱུྃ་ཕཊ། ཁྲོ་བོའི་སྤྲུལ་པ་སྤྲོས་ནས་ནི། །
འགྲོ་བ་གསུམ་པོ་རྫོགས་པར་བྱས། །བསྒོམ་པར་བཟླས་པར་ལྡན་པ་ཡིས། །བདག་གིས་སྤྲོ་དང་བསྡུ་བར་བྱ། །ཁམས་གསུམ་མ་ལུས་ཀུན་དུ་ཡང་། །ལུས་ངག་ཡིད་གསུམ་ཅི་བདེར་སྤྱད། །དམ་ཚིག་ཅན་བསྒོམས་ལངས་ནས་ནི། །གོ་ཆ་གཉིས་པོ་
བགོ་བར་བྱ། །ཨོཾ་ཧཿརྡོ་རྗེ་སེམས་དཔའ་སྟེ་སྙིང་ཀ་ལའོ། །ན་མ་ཧི་རྣམ་པར་སྣང་མཛད་དེ་མགོ་བོ་ལའོ། །སྭཱ་ཧཱ་ཧུ་པད་མ་གར་དབང་སྟེ་སྤྱི་གཙུག་ལའོ། །བཽ་ཥ་ཊ་ཧེ་དཔལ་ཁྲག་འཐུང་སྟེ་དཔུང་པ་གཉིས་ལའོ། །ཧཱུྃ་ཧཱུྃ་ཧོ་རྡོ་རྗེ་ཉི་མ་སྟེ་མིག་ལའོ། །
ཕཊ་ཧྃ་རྟ་མཆོག་སྟེ་ཡན་ལག་ཐམས་ཅད་ཀྱི་གོ་ཆའོ། །ཨོཾ་བྃ་རྡོ་རྗེ་ཕག་མོ་སྟེ་ལྟེ་བ་ལའོ། །ཧྃ་ཡོཾ་ཡ་མི་ནི་སྟེ་སྙིང་ཀ་ལའོ། །ཧྲཱིྃ་མོཾ་རྨོངས་བྱེད་མ་སྟེ་ཁ་ལའོ། །ཧྲཱེཾ་ཧྲཱིཾ་གཡོ་བྱེད་མ་སྟེ་མགོ་བོ་ལའོ། །ཧཱུྃ་ཧཱུྃ་སྐྲག་བྱེད་མ་སྟེ་སྤྱི་གཙུག་ལའོ། །
ཕཊ་ཕཊ་ནི་ཙཎྜི་ཀ་སྟེ་ཡན་ལག་ཐམས་ཅད་ཀྱི་མཚོན་ཆའོ། །འདི་ནི་དམ་ཚིག་ངོ་བོ་སྟེ། །དངོས་པོ་ཀུན་གྱི་རང་བཞིན་ནོ། །སྔགས་དབྱིབས་ཆོས་བདག་རྣལ་འབྱོར་ནི། །བདག་ཉིད་ཆོས་སུ་སྦྱོར་བ་ཡིས། །ཇི་ལྟར་བདེ་བར་སྤྱོད་པར་བྱ། །མངོན་པར་

85-1-112b

བརྗོད་པའི་རྒྱུད་བླ་མ་ལས་གནས་ཀྱི་རིམ་པ་སྟེ་ལེའུ་བརྒྱད་པའོ།། །། དེ་ནས་གཞན་ཡང་བཤད་བྱ་བ། །དཔའ་བོ་གཅིག་པུའི་ཆོ་ག་ནི། །སྔགས་པས་ལྟེ་བར་རྣམ་བསམས་པ། །རླུང་དང་མེ་ཡི་དབུས་སུ་ནི། །དེའི་སྟེང་དུ་སྣ་ཚོགས་
པད་མ། །དེའི་སྟེང་དུ་ཉི་མའི་དཀྱིལ་འཁོར། དེའི་སྟེང་དུ་ཐོད་པ་ཡེ་ཤེས་ལྔའི་བདུད་རྩིས་གང་བ། དེའི་དབུས་སུ་ཨཱ་ལི་ཀཱ་ལི་ལུགས་སུ་འབྱུང་བ་དང་། ལུགས་ལས་བཟློག་པའི་ཚུལ་དུ་ཉིས་ལྡབ་ཏུ་བྱས་ལ། ཧཱུྃ་བྱིན་གྱིས་བརླབས་པའི་རྡོ་རྗེ་
སེམས་དཔའི་སྦྱོར་བ་དགའ་ཞིང་དགྱེས་པ་ལས་བྱུང་བ་ནི་དཔལ་ཐུགས་རྗེའི་བདག་ཉིད་ཧེ་རུ་ཀ་ཆགས་པས་རྣམ་པར་འཁོར་བར་བསྒོམ་མོ། །དེ་ཡང་ཞལ་བཞི་པ། ཕྱག་བཅུ་གཉིས་པ། ཞབས་གཡས་པ་བརྐྱང་བས་བཞུགས་པ། 
མཆེ་བ་རྣམ་པར་གཙིགས་པ། སྤྱན་གསུམ་པ། ཞལ་རྣམ་པར་འགྱུར་བ། ཐོད་པའི་ཕྲེང་བ་ཅན། དཔའ་བོའི་ཕྱག་རྒྱ་དྲུག་གིས་སྐུ་ལུས་ཕྱག་རྒྱས་བཏབ་པ། འཇིགས་བྱེད་ཆེན་པོ་དང་། དུས་མཚན་གཉིས་ཀྱི་མགོ་དང་ནུ་མ་མནན་པ། 
སྟག་གི་ལྤགས་པ་མནབས་པ། སྙིང་རྗེའི་རོས་འཁོར་བ། རྡོ་རྗེ་ཕག་མོ་ལ་འཁྱུད་པའི་ཕྱག་གཉིས་ལ། རྡོ་རྗེ་རྩེ་དགུ་པ་དང་།  རྡོ་རྗེ་དྲིལ་བུ། ཕྱག་གཞན་གཉིས་ལ་ཚོགས་ཀྱི་བདག་པོའི་ལྤགས་པའི་སྟོབས་འཛིན་པ། གཡས་པའི་ཕྱག་
གསུམ་པ་ལ་རྡོ་རྗེ་མདུང་བཞི་པ་ལ་ལྕགས་ཀྱུ། ལྔ་པ་ལ་རྡོ་རྗེ་གྲི་གུག །དྲུག་པ་ལ་རྡོ་རྗེ་ཅང་ཏེའུ། ཕྱག་གཡོན་པའི་གསུམ་པ་ན་ཐོད་པ་རྐང་གིས་ཡོངས་སུ་གང་བ། རྣལ་འབྱོར་གྱི་མཆོད་ཕྱིར་ཐོགས་དང་། རྡོ་རྗེ་ཁ་ཊྭཱྃ་ག །
སྟེང་དུ་རྩེ་མོ་ལྔ་པའི་རྡོ་རྗེ་རབ་ཏུ་འཇིགས་པའི་རྡོ་རྗེ་དྲིལ་བུ་རབ་ཏུ་འཕྱང་བ། སྣ་ཚོགས་བ་དན་རབ་ཏུ་སྤྱངས་པ། དབུས་སུ་སྣ་ཚོགས་རྡོ་རྗེས་མཚན་པ། འོག་ནས་རྡོ་རྗེ་རྩེ་གཅིག་པ། བཞི་པ་ལ་རྡོ་རྗེ་ཞགས་པ། ལྔ་པ་ལ་
ཚངས་པའི་མགོ་བོ། །དྲུག་པ་ལ་དགྲ་སྟ་བསྣམས་པ་ཞལ་མདོག་སྔོ་བ་དང་། སེར་བ་དང་དམར་བ་དང་ལྗང་གུ་རབ་ཏུ་འཇིགས་སུ་རུང་བ། སྒེག་པ་དང་། དགོད་པ་དང་། འགྱིང་བག་ཅན་དུ་བཞུགས་པའོ། །དེའི་མདུན་དུ་ཨཱ་ལི་

85-1-113a

ཀཱ་ལི་ལས་བྱུང་བའི་བཅོམ་ལྡན་འདས་མ་རྡོ་རྗེ་ཕག་མོ་འཁྱུད་ནས་བཞུགས་ཏེ། སྐུ་མདོག་དམར་པོ། ཕྱག་བཞི་པ། ཞལ་བཞི་པ། སྤྱན་གསུམ་པ། དབུ་སྐྲ་གྲོལ་བ། གཅེར་བུ་དུམ་བུའི་སྐ་རགས་ཅན། 
ཕྱག་གཡོན་པ་ནི་ཐོད་པ། བྱང་ཆུབ་ཀྱི་སེམས་དང་གདུག་པའི་བདུད་ཀྱི་རཀྟས་ཡོངས་སུ་གང་བ། གཡས་པའི་སྡིགས་མཛུབ་ཅན་ལ་རྡོ་རྗེ་གྲི་གུག་ཐོགས་པ། ཕྱག་གཞན་གཉིས་ལ་ཅང་ཏེའུ་དང་། ཁ་ཊྭཱྃ་ག་བསྣམས་པ། 
བསྐལ་པའི་མེ་ལྟར་གཟི་བརྗིད་ཅན། ཞལ་ཁྲག་འཛག་ཅིང་ཁྲག་ལ་དགའ་བ། བྱིན་པ་གཉིས་མཉམ་པར་བསྣོལ་བ། བདེ་བ་ཆེན་པོའི་སྙིང་རྗེའི་བདག་ཉིད་ཅན། དམར་བ་དང་ལྗང་གུ་དང་། སེར་བ་དང་སྔོ་བའི་ཞལ། གདུག་ཅིང་
འཇིགས་པར་མཛད་པའོ། །བཅོམ་ལྡན་འདས་ཀྱི་ཞལ་དང་སྐུ་མདོག་ཇི་ལྟར་ཕྱག་དང་སྐུ་མདོག་ཀྱང་དེ་བཞིན་དུ་བྲིས་ཏེ། འདི་ལ་རྣལ་འབྱོར་པ་མཆོག་གིས་ནང་གི་གནས་ལ་སོགས་པའི་རིམ་པར་དགོད་དོ། །པཱུ་སྟེ་ཐོད་པའི་དུམ་བུ་
དང་། རབ་གཏུམ་མ་ནི་མགོ་ལའོ། །ཛཱ་སྟེ་ཀེང་རུས་ཆེན་པོ་དང་། གཏུམ་མའི་མིག་ཅན་མ་ནི་སྤྱི་གཙུག་ལའོ། །ཨུ་སྟེ་ཀེང་རུས་ཅན་དང་། འོད་ལྡན་མ་ནི་རྣ་བ་གཡས་པར་རོ། །ཨ་སྟེ་མཆེ་བ་རྣམ་པར་གཙིགས་པ་དང་། སྣ་ཆེན་མ་ནི་སྤྱི་བོའི་རྒྱབ་དུ་
ཏེ་ལྷ་དགྲ་དང་དཔའ་བོའི་བློ་གྲོས་མ་ནི་རྣ་བ་གཡོན་པར་རོ། །ར་སྟེ་སྨིན་མའི་དབུས་སུ་ནི་འོད་དཔག་མེད་དང་། མིའུ་ཐུང་མའོ། །དེ་སྟེ་མིག་གཉིས་སུ་ནི་རྡོ་རྗེའི་འོད་དང་། ལང་ཀའི་དབང་ཕྱུག་མའོ། །མ་སྟེ་དཔུང་རྩར་ནི་རྡོ་རྗེ་ལུས་དང་
ཤིང་གྲིབ་མའོ། །ཉེ་བའི་གནས་ཏེ་ཐུགས་ཀྱི་དཀྱིལ་འཁོར་ནམ་མཁའ་ལ་སྤྱོད་པའོ། །ཀ་སྟེ་མཆན་ཁུང་གཉིས་སུ་ནི་མྱུ་གུ་ཅན་དང་། ས་བསྲུང་མའོ། །ཨོ་སྟེ་ནུ་མ་གཉིས་སུ་ནི་རྡོ་རྗེ་རལ་པ་ཅན་དང་། འཇིགས་བྱེད་ཆེན་མོ་སྟེ་ཞིང་ངོ་། །
ཏྲི་སྟེ་ལྟེ་བའི་དབུས་སུ་སྟོབས་པོ་ཆེ་དང་རླུང་གི་ཤུགས་ཅན་མའོ། །ཀོ་སྟེ་སྣ་རྩེར་ནི་རྡོ་རྗེ་ཧཱུྃ་མཛད་དང་། ཆང་འཐུང་མ་སྟེ་ཉེ་བའི་ཞིང་ངོ་། །ཀ་སྟེ་ཁ་ལ་ནི་རབ་བཟང་དང་། སྔོ་བསངས་ལྷ་མོའོ། །ལ་སྟེ་མགྲིན་པར་ནི་རྡོ་རྗེ་འོད་དང་། རབ་བཟང་

85-1-113b

མ་སྟེ་ཚན་དོ་ཧའོ། །ཀ་སྟེ་སྙིང་ལ་ནི་རྡོ་རྗེ་འཇིགས་བྱེད་དང་།   རྟ་རྣ་མའོ་ཧི་སྟེ་བཤང་སྒོ་ལ་མིག་མི་བཟང་དང་། བྱ་གདོང་མ་སྟེ་ཉེ་བའི་ཚན་དོ་ཧའོ། །གསུང་གི་འཁོར་ལོ་ས་ལ་སྤྱོད་པའོ། །པྲེ་སྟེ་མཚན་མ་ལ་ནི་སྟོབས་པོ་ཆེ་དང་། 
འཁོར་ལོའི་ཤུགས་མའོ། །གྲི་སྟེ་གཞང་ལ་ནི་རྡོ་རྗེ་རིན་ཆེན་དང་།  དུམ་སྐྱེས་མའོ། །འདུས་པ་ཅན་ནོ་སཽ་སྟེ་བརླ་གཉིས་སུ་རྟ་མགྲིན་དང་། ཆང་འཚོང་མའོ། །སུ་སྟེ་བྱིན་པ་གཉིས་ལ་ནི་ནམ་མཁའི་སྙིང་པོ་དང་། འཁོར་ལོའི་
གོ་ཆ་མའོ། །ཉེ་བའི་འདུས་པ་ཅན་ནོ། །ན་སྟེ་སོར་མོ་རྣམས་ལ་ནི་དཔལ་ཧེ་རུ་ཀ་དང་། ཤིན་དུ་དཔའ་མོའོ། །སི་སྟེ་རྐང་བོལ་གཉིས་སུ་ནི་པད་མ་གར་གྱི་དབང་ཕྱུག་དང་། སྟོབས་ཆེན་མོའོ། །དུར་ཁྲོད་དོ། །མ་སྟེ་མཐེ་
བོང་གཉིས་ལ་ནི་རྣམ་པར་སྣང་མཛད་དང་། འཁོར་ལོས་བསྒྱུར་མའོ། །ཀུ་སྟེ་པུས་མོ་གཉིས་སུ་རྡོ་རྗེ་སེམས་དཔའ་དང་། བརྩོན་འགྲུས་ཆེན་མོའོ། །ཉེ་བའི་དུར་ཁྲོད་དེ་སྐུའི་འཁོར་ལོ་ས་འོག་ན་གནས་པའོ། །མཁའ་
འགྲོ་མ་ནི་རྡོ་རྗེ། ལཱ་མ་ནི་དྲིལ་བུ། དུམ་སྐྱེས་མ་དང་། གཟུགས་ཅན་མ་ནི་གླང་པོ་ཆེའི་ལྤགས་པ་འཛིན་པའི་ཁུ་ཚུར། ཁྭ་གདོང་མ་ནི་རྡོ་རྗེ་མདུང་། འུག་གདོང་མ་ནི་ལྕགས་ཀྱུ། ཁྱི་གདོང་མ་ནི་གྲི་གུག །ཕག་གདོང་མ་ནི་ཅང་
ཏེའུ། གཤིན་རྗེ་སྲེག་པ་ནི་ཐོད་པའི་ཁ་ཊྭཱྃ་ག་མ། གཤིན་རྗེ་ཕོ་ཉ་མ་ནི་ཞགས་པ་མ། གཤིན་རྗེ་མཆེ་བ་མ་ནི་ཚངས་པའི་མགོ་བོ་མ། གཤིན་རྗེ་འཇོམས་མ་ནི་དགྲ་སྟ་མ། བྱང་ཆུབ་ཀྱི་སེམས་ཀྱི་སྣོད་ནི་ཞལ་བཞིའི་ངོ་བོ། སའི་
ཁམས་ནི་འབེབས་མ། ཆུའི་ཁམས་ནི་གསོད་མ། མེའི་ཁམས་ནི་འགུགས་མ། རླུང་གི་ཁམས་ནི་གར་གྱི་དབང་ཕྱུག་མ། ནམ་མཁའི་ཁམས་ནི་པད་མའི་དྲ་བ་ཅན་ནོ། །གཟུགས་ཀྱི་ཕུང་པོ་ནི་རྣམ་པར་སྣང་མཛད། ཚོར་བའི་ཕུང་
པོ་ནི་རྡོ་རྗེ་ཉི་མ། འདུ་ཤེས་ཀྱི་ཕུང་པོ་ནི་པད་མ་གར་གྱི་དབང་ཕྱུག །འདུ་བྱེད་ཀྱི་ཕུང་པོ་ནི་རྡོ་རྗེ་རྒྱལ་པོ། རྣམ་པར་ཤེས་པའི་ཕུང་པོ་ནི་རྡོ་རྗེ་སེམས་དཔའ་སྟེ། དེ་བཞིན་གཤེགས་པ་ཐམས་ཅད་ཀྱི་དེ་ཁོ་ན་ཉིད་ནི་དཔལ་རྡོ་རྗེ་ཧེ་རུ་

85-1-114a

ཀའོ། །མིག་གཉིས་ནི་གཏི་མུག་རྡོ་རྗེ། རྣ་བ་གཉིས་ནི་ཞེ་སྡང་རྡོ་རྗེ། སྣ་ནི་སེར་སྣ་རྡོ་རྗེ། ཁ་ནི་འདོད་ཆགས་རྡོ་རྗེ། རེག་བྱ་ནི་ཕྲག་དོག་རྡོ་རྗེ། སྐྱེ་མཆེད་ཐམས་ཅད་ནི་དབང་ཕྱུག་རྡོ་རྗེ། ཡིད་ནི་མི་འཁྲུགས་པ། 
ངག་ནི་ཚེ་དཔག་མེད། ལུས་ནི་རྣམ་པར་སྣང་མཛད་དོ། །ཨོཾ་ཧ་སྙིང་ལ་རྡོ་རྗེ་སེམས་དཔའ། ན་མ་ཧི་མགོ་ལ་རྣམ་པར་སྣང་མཛད། སྭཱ་ཧཱ་ཧུ་སྤྱི་གཙུག་ལ་པད་མ་གར་གྱི་དབང་ཕྱུག །བཽ་ཥ་ཊ་ཧེ་དཔུང་པ་གཉིས་ལ་ཧེ་རུ་ཀ །
ཧཱུྃ་ཧཱུྃ་ཧོ་མིག་གཉིས་སུ་རྡོ་རྗེ་ཉི་མ། ཕཊ་ཧྃ་ཡན་ལག་ཐམས་ཅད་དུ་རྟ་མཆོག་གི་གོ་ཆའོ། །ཨོཾ་བྃ་ལྟེ་བ་ལ་རྡོ་རྗེ་ཕག་མོའོ། །ཧྃ་ཡོྃ་སྙིང་ལ་ཡ་མི་ནིའོ། །ཧྲིྃ་མོཾ་ནི་ཁ་ལ་རྨོངས་བྱེད་མའོ། །ཧྲཱེྃ་ཧྲིྃ་ནི་མགོ་ལ་སྐྱོད་བྱེད་མའོ། །ཧཱུྃ་ཧཱུྃ་སྤྱི་
གཙུག་ལ་སྐྲག་བྱེད་མའོ། །ཕཊ་ཕཊ་ཙཎྜི་ཀ་སྟེ་ཡན་ལག་ཐམས་ཅད་ཀྱི་གོ་ཆའོ། །མཛུབ་མོ་མདུད་བྱས་གུང་མོ་ངེས་པར་སྦྱར། །མཐེ་བོང་རྡོ་རྗེ་བརྟན་པོར་རབ་ཏུ་སྦྱར། །དེ་ཡི་དཔྲལ་བའི་དབུས་སུ་རབ་བཞག་ནས། །སྐོར་ཞིང་བསྐོར་
བས་ཀུན་ཏུ་བསྐོར་བར་བྱ། །རྐང་པ་མནན་ཅིང་སྟེང་དུ་བལྟ། །གྱེན་དུ་ཕེྃ་གི་སྒྲ་སྒྲོགས་ཤིང་། །ཕྱོགས་བཅུའི་འཇིག་རྟེན་ཁམས་བཞུགས་པའི། །དཔའ་བོ་རྣལ་འབྱོར་མ་རྣམས་འགུགས། །ཛཿཧཱུྃ་བྃ་ཧོཿ། རྡོ་རྗེ་ལྕགས་ཀྱུ་ལ་
སོགས་པའི་སྦྱོར་བས་དགུག་ཅིང་རབ་ཏུ་གཞུག་སྟེ་བཅིང་ལ་དབང་དུ་བསྡུའོ། །དཔའ་བོ་དང་རྣལ་འབྱོར་མ་དེས་ནམ་མཁའི་དཀྱིལ་ཡོངས་སུ་གང་བར་མཐོང་བཞིན་དུ་ཐོད་པ་བདུད་རྩི་ལྔས་ཡོངས་སུ་གང་བས་སྟངས་ཐབས་དང་བཅས་
པས་དབང་བསྐུར་དབུལ་ལོ། །ཅི་ལྟར་བལྟམས་པ་ཙམ་གྱིས་ཀྱང་། །དེ་བཞིན་གཤེགས་ཀུན་ཁྲུས་གསོལ་བ། །ལྷ་ཡི་ཆུ་ནི་དག་པ་ཡིས། །དེ་བཞིན་བདག་གིས་ཁྲུས་བྱའོ། །ཨོཾ་སརྦ་ཏ་ཐཱ་ག་ཏ་ཨ་བྷི་ཥེ་ཀྟེ་ས་
མ་ཡ་ཤྲི་ཡེ་ཧཱུྃ་ཧཱུྃ། རླུང་དང་མེའི་དཀྱིལ་འཁོར་གྱི་སྟེང་དུ་ཐོད་པ། དེར་ཡི་གེ་ཨ་བསྐྱེད་པ་ལ། ཡེ་ཤེས་ལྔའི་བདུད་རྩིས་ཡོངས་སུ་གང་བ། ཟླ་བའི་ཆ་བཅུ་དྲུག་པ་ལ་ཡི་གེ་ཧཱུྃ་དང་ཨཱཿ          ཨོཾ་གྱིས་བྱིན་གྱིས་བརླབས་ཏེ།

85-1-114b

ཡི་གེ་གསུམ་པའི་སྤྲོ་བ་ལས་འཁོར་ལོ་གསུམ་འབྱུང་བར་བསྒོམ་མོ། །ཨོཾ་ས་མ་ཡ་ཤུད་དྷཿསརྦ་དྷརྨཱ་ས་མ་ཡ་ཤུད་དྷོ྅ཧྃ། ཆོས་ཐམས་ཅད་ཀྱི་བཅུད་མཉམ་པར་གནས་པར་བསམ་མོ། །ཡེ་ཤེས་ལྔ་ཡི་སྦྱོར་བ་ཡིས། །རྡོ་རྗེ་
བདུད་རྩི་ཡི་ཆུ་བཏུང་ངོ་། །ཨོཾ་ཨོཾ་བཛྲ་ཨ་མྲི་ཏ་ཨུ་ད་ཀ་ཧཱུྃ། ཋ་ཋ་ཏྲྃ་ཨ་ཁྃ་ཧཱུཾ་ཨོཾ། ཡེ་ཤེས་བཟླས་པའི་སྦྱོར་བ་ཡིས། །འཁོར་ལོ་མཆོག་ནི་རྣམ་པར་སྤྲོ། །དུང་ཆེན་ཕྲེང་བ་བླངས་ནས་ནི། །དེ་ནས་དེ་ལ་བཟླས་པ་བྱ། །
རང་སྲོག་རྩོལ་བ་བྱས་ནས་ནི། །བསྒོམས་པས་དེ་མ་ཐག་ཏུ་འབར། །ཨོཾ་བཛྲ་ཤྲཱི་ཧེ་ཧེ་རུ་རུ་ཀྃ་ཧཱུཾ་ཧཱུྃ་ཕཊ། ཨོཾ་ཌཱ་ཀི་ནཱི་ཛཱ་ལ་སམ་བ་རྃ་སྭཱ་ཧཱ། ཨོཾ་ཧྲཱིཿཧ་ཧ་ཧཱུཾ་ཧཱུཾ་ཕཊ། སྙིང་པོ་དང་ཉེ་བའི་སྙིང་པོའོ། །ཨོཾ་བཛྲ་བཻ་རོ་ཙ་ནཱི་ཡེ་
ཧཱུཾ་ཧཱུཾ་ཕཊ་སྭཱ་ཧཱ། ཨོཾ་སརྦ་བུད་དྷ་ཌཱ་ཀི་ནཱི་ཡེ་ཡེ་ཧཱུྃ་ཕཊ་སྭཱ་ཧཱ། ལྷ་མོའི་སྙིང་པོ་དང་ཉེ་བའི་སྙིང་པོའོ། །ཅི་སྟེ་ངལ་བར་མ་གྱུར་ན། །དེ་ལྟར་བཟླས་ཤིང་བསམ་གཏན་བྱ། །ངལ་བར་གྱུར་ན་རྣམ་དག་བསྒོམ། །དེ་ལ་བྱང་ཆུབ་ཀྱི་ཕྱོགས་ཀྱི་
ཆོས་སུམ་བཅུ་རྩ་བདུན་ཏེ་གང་ཞེ་ན། ལུས་དྲན་པ་ཉེ་བར་གཞག་པ་ནི་མཁའ་འགྲོ་མའོ། །ཚོར་བ་དྲན་པ་ཉེ་བར་གཞག་པ་ནི་ལཱ་མའོ། །ཆོས་དྲན་པ་ཉེ་བར་གཞག་པ་ནི་དུམ་སྐྱེས་མའོ། །སེམས་དྲན་པ་ཉེ་བར་གཞག་པ་ནི་གཟུགས་ཅན་
མའོ། །འདུན་པའི་རྫུ་འཕྲུལ་གྱི་རྐང་པ་ནི་རབ་ཏུ་གཏུམ་མའོ། །བརྩོན་འགྲུས་ཀྱི་རྫུ་འཕྲུལ་གྱི་རྐང་པ་ནི་གཏུམ་མའི་མིག་ཅན་མའོ། །དཔྱོད་པའི་རྫུ་འཕྲུལ་གྱི་རྐང་པ་ནི་འོད་ལྡན་མའོ། །སེམས་ཀྱི་རྫུ་འཕྲུལ་གྱི་རྐང་པ་ནི་སྣ་ཆེན་མའོ། །
ཡེ་ཤེས་ཀྱི་པད་མ་རྣམ་པར་སྦྱང་བའོ། །དད་པའི་དབང་པོ་ནི་བརྟན་པའི་བློ་ཆེན་མའོ། །བརྩོན་འགྲུས་ཀྱི་དབང་པོ་ནི་མིའུ་ཐུང་མའོ། །དྲན་པའི་དབང་པོ་ནི་ལང་ཀའི་དབང་ཕྱུག་མའོ། །ཏིང་ངེ་འཛིན་གྱི་དབང་པོ་ནི་ཤིང་གྲིབ་མའོ། །
ཐུགས་ཀྱི་འཁོར་ལོ་རྣམ་པར་སྦྱང་བའོ། །ཤེས་རབ་ཀྱི་དབང་པོ་ནི་ས་བསྲུངས་མའོ། །དད་པའི་སྟོབས་ནི་འཇིགས་བྱེད་ཆེན་མོའོ། །བརྩོན་འགྲུས་ཀྱི་སྟོབས་ནི་རླུང་གི་ཤུགས་ཅན་མའོ། །དྲན་པའི་སྟོབས་ནི་ཆང་འཐུང་

85-1-115a

མའོ། །ཏིང་ངེ་འཛིན་གྱི་སྟོབས་ནི་སྔོ་བསངས་ལྷ་མོའོ། །ཤེས་རབ་ཀྱི་སྟོབས་ནི་ཤིན་ཏུ་བཟང་མའོ། །ཏིང་ངེ་འཛིན་ཡང་དག་བྱང་ཆུབ་ཀྱི་ཡན་ལག་ནི་རྟ་རྣ་མའོ། །བརྩོན་འགྲུས་ཡང་དག་བྱང་ཆུབ་ཀྱི་ཡན་
ལག་ནི་ཆང་འཆོང་མའོ། །དྲན་པ་ཡང་དག་བྱང་ཆུབ་ཀྱི་ཡན་ལག་ནི་འཁོར་ལོའི་གོ་ཆ་མའོ། །བཏང་སྙོམས་ཡང་དག་བྱང་ཆུབ་ཀྱི་ཡན་ལག་ནི་ཤིན་དུ་དཔའ་མོའོ། །ཡང་དག་པའི་ལྟ་བ་ནི་སྟོབས་ཆེན་མའོ། །ཡང་དག་པའི་རྟོག་
པ་ནི་འཁོར་ལོས་བསྒྱུར་མའོ། །ཡང་དག་པའི་ངག་ནི་དཔའ་མོ་ཆེན་མོའོ། །སྐུའི་འཁོར་ལོ་རྣམ་པར་སྦྱང་བའོ། །ཡང་དག་པའི་ལས་ཀྱི་མཐའ་ནི་ཁྲ་གདོང་མའོ། །ཡང་དག་པའི་འཚོ་བ་ནི་འུག་པའི་གདོང་ཅན་ནོ། །ཡང་དག་པའི་
རྩོལ་བ་ནི་ཁྱིའི་གདོང་ཅན་ནོ། །ཡང་དག་པའི་དྲན་པ་ནི་ཕག་གདོང་མའོ། །རྣམ་པར་ཐར་པ་བཞིའི་སྒོའོ། །ཡང་དག་པའི་ཏིང་ངེ་འཛིན་ནི་བཅོམ་ལྡན་འདས་དཔལ་ཧེ་རུ་ཀ་སྟེ། ཤིན་དུ་རྣམ་པར་དག་པའི་ཆོས་ཀྱི་དབྱིངས་ཀྱི་
ཡེ་ཤེས་ཀྱི་རྡོ་རྗེའི་རང་གི་ངོ་བོ་ནི་བདག་ཁོ་ནའོ། །དགེ་བའི་ཆོས་མ་སྐྱེས་པ་རྣམས་བསྐྱེད་པ་ནི་གཤིན་རྗེ་བསྲེག་མའོ། །དགེ་བའི་ཆོས་སྐྱེས་པ་རྣམས་ཡང་དག་པར་བསྲུང་བ་ནི་གཤིན་རྗེའི་ཕོ་ཉ་མའོ། །མི་དགེ་བའི་ཆོས་སྐྱེས་
པ་རྣམས་ཡང་དག་པར་སྤོང་བ་ནི་གཤིན་རྗེ་མཆེ་བ་མའོ། །མི་དགེ་བའི་ཆོས་མ་སྐྱེས་པ་རྣམས་མི་བསྐྱེད་པ་ནི་གཤིན་རྗེ་འཇོམས་མའོ། །དམ་ཚིག་གི་འཁོར་ལོ་རྣམ་པར་སྦྱང་བའོ། །འདི་ལྟར་མ་ལུས་པར་བསྒོམས་ན། །སྒྲུབ་
པོས་ངེས་པར་འགྲུབ་པར་འགྱུར། །སེམས་ཅན་དོན་དུ་རྣལ་འབྱོར་བདག །མཉམ་ཉིད་དམ་ཚིག་དམ་པའོ། །འཁོར་ལོ་ལྔ་པོ་སོ་སོ་ཡི། །ཆོ་ག་སོ་སོའི་དབྱེ་བ་བསྒོམ། །མངལ་སྐྱེས་སོ་སོའི་དབྱེ་བ་དག །འཁོར་ལོ་ལྔ་ཡི་
མཆོག་ཉིད་ཅན། །རྣལ་འབྱོར་མ་སོགས་གཙོར་བསྒོམ་པ། །སོ་སོའི་དབྱེ་བའི་དབྱེ་བ་ཡིན། །ཇི་ལྟར་རྡོ་རྗེ་ཧེ་རུ་ཀ །དེ་བཞིན་ལྷ་མོའི་དབུས་སུ་ནི། །སངས་རྒྱས་མཁའ་འགྲོ་མ་སྦྱར་བ། །རྣལ་འབྱོར་མ་ཡི་འཁོར་དེ་

85-1-115b

བཞིན། །རྡོ་རྗེ་སྐུ་ཡི་དཔའ་བོ་བདག །བྷ་གའི་དབུས་སུ་རྣམ་པར་བསྒོམ། །ཇི་ལྟར་བསྒོམ་པའི་རིམ་པ་ཡིས། །དེ་ལྟར་འཁོར་ལོ་གསུམ་དུ་སྦྱོར། །བྷ་ག་ལྔ་པོ་བདག་གིས་བསྒོམ། །དབུས་སུ་མཁའ་འགྲོ་མ་སྦྱོར་དང་། །
པད་མའི་མཁའ་འགྲོ་མའི་སྦྱོར་དང་། །རྡོ་རྗེ་མཁའ་འགྲོ་མ་དབྱེ་ལ། །བྷ་གའི་དབུས་སུ་འཁོར་ལོ་གསུམ། །ཧེ་རུ་ཀ་ནི་མཆོག་ཉིད་བསྒོམ། །དམ་ཚིག་འཁོར་ལོ་བསྒོམས་པ་ལ། །དམ་ཚིག་མཁའ་འགྲོ་མའི་དཀྱིལ་འཁོར། །
ཡེ་ཤེས་མཁའ་འགྲོ་མའི་དཀྱིལ་འཁོར། །སྣ་ཚོགས་པད་མ་ལས་སོགས་དབུས། །ཡེ་ཤེས་འཁོར་ལོའི་སྦྱོར་བ་དག །དེ་འདི་བྷ་གའི་དབུས་དག་ཏུ། །འཁོར་ལོ་ལྔ་པ་དག་ལ་བསྒོམ། །དཔའ་བོ་གཅིག་པུ་ཧེ་རུ་ཀ །
ཇི་བཞིན་ཕག་མོ་དེ་བཞིན་དུ། །སྐུ་མདོག་ཞལ་དང་ཕྱག་དང་མཚན། །དེ་ཉིད་སྣ་ཚོགས་པད་མར་བསྒོམ། །དེ་ཉིད་པད་མའི་དབུས་དག་ཏུ། །ཧེ་རུ་ཀ་ནི་མཆོག་ཉིད་བསྒོམ། །ཐོད་པ་ལྷན་ཅིག་མཉམ་པར་ནི། །ལྔ་ཡི་དབྱེ་བ་དག་
སྦྱོར་ཏེ། །རྣལ་འབྱོར་མ་ཡི་རིམ་པ་བསྒོམ། །བྷ་གའི་དབུས་སུ་རྣམ་པར་བསྒོམ། །འཁོར་ལོའི་བདག་པོ་མཐོང་མ་གྱུར། །འཁྱུད་པ་ཡི་ནི་ཕྱག་རྒྱ་ཅན། །དཔའ་བོ་འཁོར་ལོ་དེ་ལ་བསམ། །རང་རང་གི་ནི་རྣལ་འབྱོར་མ། །
སྙིང་དུ་སྦས་པ་རྣམ་པར་བསྒོམ། །ཚོགས་ཀྱི་འཁོར་ལོའི་རྣལ་འབྱོར་ནི། །ཕྱག་བཞི་ཡིས་ནི་རྣམ་པར་མཛེས། །གཉིས་ནི་འཁྱུད་པའི་ཕྱག་ཡིན་ཏེ། །གཞན་ནི་སྣ་ཚོགས་མཚན་མ་འཛིན། །ཕྱག་གཉིས་དག་ནི་འཁྱུད་
པ་དང་། །དེ་ཡི་བྷ་གའི་དབུས་སུ་ནི། །དཔའ་བོས་བསྒོམ་པ་མ་མཐོང་ངོ་། །ཀུན་རྫོབ་སྦས་པའི་སྦྱོར་བ་ནི། །བསྒོམ་པའི་མཆོག་ཀྱང་མ་མཐོང་ངོ་། །སྒོ་ང་ལས་སྐྱེས་རིམ་སྦྱོར་བའི། །བསྒོམ་པའི་རྣམ་པར་བསྒོམ་པ་ནི། །
ལྔ་པོ་འདུས་པའི་བསམ་པ་སྟེ། །སྒོང་སྐྱེས་མཆོག་ནི་བསྒོམ་པའོ། །འཁོར་ལོའི་དབྱེ་བའི་དབྱེ་བ་ཡིས། །འདི་ལྟར་རྣལ་འབྱོར་བསྒོམ་པའོ། །ཅི་ལྟར་བསམ་པའི་བྱེ་བྲག་གིས། །དེ་ལྟར་འདོད་པ་བསྒོམ་པའོ། །

85-1-116a

བདག་པོའི་དབྱེ་བའི་དབྱེ་བ་ཡིས། །རིགས་ཀྱི་དབྱེ་བ་རྣམ་པར་བསྒོམ། །ལྷ་མོའི་དབྱེ་བའི་དབྱེ་བ་ཡིས། །བདག་པོ་ཡང་ནི་རྣམ་པར་བསྒོམ། །མིང་གི་དབྱེ་བའི་དབྱེ་བ་ཡིས། །མཁའ་འགྲོ་མ་ཡི་
སྒྲ་ལ་སྦྱོར། །ཡང་ན་སྐུ་གསུམ་དབྱེ་གང་གིས། །དེ་ནི་བདག་པོར་བྱ་གང་ཡིན། །བདག་པོ་ལ་སོགས་དབྱེ་བ་ཡིས། །འཁོར་ལོའི་དབྱེ་བའི་བྱ་བ་ཡིན། །རིགས་ཀྱི་དབྱེ་བ་ཐམས་ཅད་ཀྱིས། །དཔའ་བོ་རྣལ་འབྱོར་མ་ཡིས་
དབྱེ། །མངལ་སྐྱེས་གླུ་ཡི་སྦྱོར་བ་ཡིས། །བསྒོམ་པ་རྣམས་ནི་ཡོངས་སུ་བརྟག །སྒོང་སྐྱེས་གླུ་ནི་མེད་པ་སྟེ། །སྒྲ་དང་སྒྲ་ཉམས་སྤངས་པའོ། །འདི་ནི་རང་བྱུང་བཅོམ་ལྡན་འདས། །རྣལ་འབྱོར་བདེ་བའི་མཆོག་
དམ་པ། །ཁ་ཅིག་དག་ནི་རྣལ་འབྱོར་འདོད། །ཁ་ཅིག་རྣལ་འབྱོར་འདོད་མིན་ཏེ། །གླུ་སྒྲ་ལ་སོགས་སྤངས་པ་ཡིས། །དངོས་པོ་མེད་པའི་གོ་འཕང་བཞུགས། །ཕྲ་ཞིང་མི་ཟད་དངོས་པོ་མེད། །གཟུང་དང་འཛིན་པ་རྣམ་
སྤངས་པའོ། །གླུ་སྒྲ་ལ་སོགས་བཅས་པ་ཡི། །གོ་འཕང་མཆོག་གི་ལོངས་སྤྱོད་ནི། །གླུ་སྒྲ་ལ་སོགས་སྤངས་པ་ཡི། །དངོས་པོ་མེད་པའི་གོ་འཕང་བཞུགས། །ཕྲ་ཞིང་མི་ཟད་དངོས་པོ་མེད། །གཟུང་དང་འཛིན་པ་
རྣམ་སྤངས་པའོ། །གོ་འཕང་མཆོག་གི་ལོངས་སྤྱོད་ནི། །གླུ་སྒྲ་ལ་སོགས་བཅས་པ་ཡི། །འདོད་པའི་ཡོན་ཏན་ཐམས་ཅད་ཀྱང་། །ཕན་དང་སྙིང་བརྩེར་བདག་གིས་བཟའ། །སེམས་ཅན་དོན་ལ་བརྩོན་པ་ཡིས། །
བཟོད་པ་བརྩོན་འགྲུས་མཆོག་དམ་པ། །རྣལ་འབྱོར་པས་གླུ་མི་དམད་ཅིང་། །མཁའ་འགྲོ་མས་ནི་ཕན་པར་དགྱེས། །ཧོ་སྲིད་པ་གསུམ་ན་བདེ་བརྙེས་གཙོ། །ཨ་ལ་ལ་ལ་ཧོ། རྒྱལ་བ་བདེ་ཅན་ཕྲེང་བའི་ཚོགས། །
པད་མ་ལ་ནི་རྡོ་རྗེ་རོལ། །ཨ་ལ་ལ་ལ་ཧོ། བདེ་གཤེགས་བྲལ་བའི་བཞད་ལས་གྲོལ། །བདག་པོ་དགྱེས་པ་ཀུན་གྱི་བཅུད། །ཆགས་པས་རབ་ཏུ་དགྱེས་མཛད་ཅིང་། །སྲིད་པ་གསུམ་ན་ཚོགས་ཀྱི་བཅུད། ཨ་ལ་

85-1-116b

ལ་ཧོ། དགྱེས་པས་མངོན་པར་གྲོལ་བ་པོ། །བདག་ནི་འདོད་ལས་རབ་གྲོལ་མཛོད། །ཨཱ་ལི་ལས་ནི་བྱུང་བ་ཡིས། །པད་མ་ཡི་ནི་རྣལ་འབྱོར་པས། །གླུ་ཡི་རྒྱལ་པོ་འདི་བླངས་པས། །རྡོ་རྗེའི་རྣལ་འབྱོར་བདེ་བ་ནི། །
པད་མའི་དྲ་བ་ལས་བཞེངས་སོ། །འདིས་བསྐུལ་བས་ནི་མགོན་པོ་རྣམས། །བདེ་ཆེན་བདེ་ཕྱིར་གཞལ་ཡས་ནས། །སངས་རྒྱས་ཐམས་ཅད་བཞེངས་འཁྲུངས་ཏེ། །རྒྱལ་བ་མ་ལུས་སྐྱེ་བར་འགྱུར། །གླུ་དང་བཅས་པའི་དངོས་
པོ་མེད། །སྒོང་སྐྱེས་ཆ་ནི་སྤངས་པ་ཡི། །དེ་ཡི་གཟུགས་ནི་མ་མཐོང་སྟེ། །བདེ་བ་མེད་ཅིང་སྡུག་བསྔལ་མེད། །གཉིས་སུ་མེད་ཅིང་དངོས་པོ་མེད། །བརྟག་པའི་སྤྱོད་ཡུལ་རྣམ་པར་བརྟག །ཆོས་དང་ཆོས་ལས་རྣམ་གྲོལ་
ཞིང་། །སྡིག་པ་ཉེས་པས་མི་གོས་སོ། །ཐམས་ཅད་གཉིས་མེད་རྣམ་གྲོལ་བའི། །སྒོང་སྐྱེས་དངོས་པོ་དང་བཅས་ཡིན། །གླུས་ནི་གཉིད་ལས་སད་པས་ན། །རྨོངས་པས་མཁས་པ་མི་སྨད་དོ། །མ་རྟོགས་པ་དང་རྟོགས་བྱའི་ཕྱིར། །
སེམས་ཅན་དོན་དུ་སངས་རྒྱས་སོ། །ཞིང་སྐྱེས་ལྷན་ཅིག་སྐྱེས་ལྷ་མོ། །གནས་སྐྱེས་རྣལ་འབྱོར་མ་དེ་བཞིན། །རིགས་སྐྱེས་ལྷ་མོ་སྐྱེས་ལྷ་མོ། །མི་སྣང་མཁའ་སྤྱོད་མ་དེ་བཞིན། །ཐ་མའི་སྐྱེ་བ་མཆོག་ཉིད་དེ། །བར་མ་སྣ་ཚོགས་དམ་
པ་ཡིན། །སུམ་བཅུ་པ་ནི་ས་ལ་སྤྱོད། །ས་འོག་སྤྱོད་པ་འོག་ན་གནས། །གནོད་སྦྱིན་མོ་དང་ཀླུ་མོ་དང་། །མི་འམ་ཅི་མོ་དྲི་ཟ་མོ། །ལྷ་མོ་ཐམས་ཅད་སྔོན་གྲུབ་དང་། །གཞན་ཡང་བདེ་གཤེགས་བསམ་པ་ཅན། །དཀོན་མཆོག་གསུམ་
ལ་བདག་དགའ་བ། །ཐམས་ཅད་ཕྱི་ཡི་དཀྱིལ་འཁོར་ལོ། །སྣ་ཚོགས་གླུ་ནི་ཉེར་སྤྱད་ཅིང་། །རྟག་ཏུ་གླུ་ནི་བླང་བར་བྱ། །སྣ་ཚོགས་རོ་ཡི་བདེ་བ་ཡིས། །ལྷ་མོ་མཁའ་འགྲོའི་གཙོ་བོ་མཆོད། །རླུང་གི་དཀྱིལ་འཁོར་ལ་གནས་ནས། །
སྐུ་ཡི་འཁོར་ལོ་རྣམ་པར་བསྒོམ། །མཁས་པས་ཆུ་ལས་རབ་གནས་ནས། །གསུང་གི་དཀྱིལ་འཁོར་རྣམ་པར་བསྒོམ། །མེ་ཡི་དཀྱིལ་འཁོར་ལ་གནས་ནས། །ཐུགས་ཀྱི་དཀྱིལ་འཁོར་བདེ་བ་ཆེ། །དབང་ཆེན་དཀྱིལ་འཁོར་ལ་གནས་ནས། །

85-1-117a

དམ་ཚིག་དཀྱིལ་འཁོར་མཆོག་དམ་པ། །ཡེ་ཤེས་དཀྱིལ་འཁོར་དེ་ཉིད་ནི། །དེ་ལ་བསམ་ཞིང་རྣམ་པར་བསྒོམ། །བྷ་གའི་དཀྱིལ་འཁོར་དབུས་སུ་ནི། །སྣ་ཚོགས་པད་མ་རྣམ་པར་བསྒོམ། །ཉི་མའི་དཀྱིལ་
འཁོར་དབུས་སུ་ནི། །དཔའ་བོ་གཅིག་པུ་རྣམ་པར་བསྒོམ། །འཁོར་ལོ་པད་མའི་རྡོ་རྗེ་ཕྲེང་། །འཁོར་ལོ་གསུམ་པོ་ཡོངས་སུ་བསྐོར། །ཅི་ལྟར་དམ་ཚིག་མཆོག་འཁོར་ལོ། །སྣ་ཚོགས་རྡོ་རྗེའི་ཕྲེང་གིས་བསྐོར། །ཡི་དགས་
རྣམ་པ་ལྔས་དེ་བཞིན། །ཕྱི་རོལ་དཀྱིལ་འཁོར་ཡོངས་སུ་བསྐོར། །ཕྱི་རོལ་དུར་ཁྲོད་མ་རུངས་པའི། །སྣ་ཚོགས་མདོག་ཅན་མཆོག་དམ་པ། །སྣ་ཚོགས་ཤིང་ནི་ཉམས་དགའ་བ། །ཁྱི་དང་ལྕེ་སྤྱང་འཇིགས་པ་དང་། །བྱ་རོག་
འུག་པ་ཆུ་སྐྱར་དང་། །བྱ་རྒོད་དང་ནི་སི་བི་ཀ །བསྲེག་པའི་ས་ཡང་དེ་བཞིན་ཏེ། །ཀེང་རུས་གསལ་ཤིང་བསྐྱོན་པ་དང་། །རག་རོག་བསྲེགས་པ་རྣམ་པར་འཕྱང་། །དེ་བཞིན་ཕྱེད་ཚིག་ཕྱེད་མ་ཚིག །མགོ་བོ་ཐོད་པ་རྗེ་ངར་
དང་། །ཁོག་པ་ལག་པ་མགོ་བོ་དང་། །ལྕེ་སྤྱང་སྒྲ་ནི་སྒྲོགས་པ་དང་། །སྦྲུལ་ནི་སྣ་ཚོགས་དགའ་བར་གནས། །སེང་གེ་ཕག་དང་སྟག་དང་ནི། །ར་དང་ལུག་ཀྱང་དེ་བཞིན་ཏེ། །གླང་པོ་ཁྱི་དང་བོང་བུ་གླང་། །རྔ་མོ་སྣ་
ཚོགས་བདེ་བའི་མཆོག །བཟའ་བ་རྣམ་པ་སྣ་ཚོགས་དང་། །ཆང་གི་བཏུང་བའི་མཆོག་རྣམས་དང་། །དཔའ་བོ་འདུས་པའི་མཆོག་དག་དང་། །རྣལ་འབྱོར་མ་ནི་མཆོག་སྣ་ཚོགས། །ཐོད་པ་ཁ་ཊྭཱྃ་ག་འཛིན་ཅིང་། །
གྲི་གུག་ཅང་ཏེའུ་མཆོག་རྣམས་དང་། །སྣ་ཚོགས་ལྷ་ཡི་རྔ་དག་དང་། །རོ་མཆོག་བཟའ་བ་སྣ་ཚོགས་དང་། །སྣ་ཚོགས་ཙུམ་བྷ་ཨ་ལི་ཀཱ། །ཀུ་ཤ་ལེ་མཆོག་དམ་པ་དག །དེ་ལྟ་བུ་ཡི་དུར་ཁྲོད་དུ། །གནོད་སྦྱིན་རོ་
ལངས་སྲིན་པོ་ལ། །གཏོར་མ་དེ་ལ་སྦྱིན་བྱ་ཞིང་། །ཧེ་རུ་ཀ་ཡི་གཟུགས་རྣམས་བསྒོམ། །ཅང་ཏེའུ་རྡོ་རྗེ་དྲིལ་བུ་དང་། །སིལ་སྙན་གར་རྣམས་རབ་ཏུ་བྱ། །ཕྱོགས་ཀྱི་གོས་ཅན་ཕྱག་རྒྱ་སྦྱོར། །ཧཱུྃ་ཕཊ་ཅ་ཅོའི་སྒྲ་

85-1-117b

འབྱིན་ཅིང་། །ཞབས་གཡས་བརྐྱང་བའི་སྦྱོར་བ་ཡིས། །འབར་བའི་ཕྱག་རྒྱ་བཅིངས་ནས་སུ། །ཁ་ནི་དམ་ཚིག་གིས་བཀང་ནས། །འདི་ལ་གསང་སྔགས་རྗེས་དྲན་བྱ། །ཨོཾ་ཨཱཿཨཱ་ར་ལི་ཧོ་ཛཿཧཱུྃ་བྃ་ཧོཿ བཛྲ་ཌཱ་ཀི་ནཱི་ས་མ་ཡ་སྟྭྃ་
དྲྀ་ཤྱེ་ཧོ། འདི་ནི་གསུམ་འམ་བཞི་ལྔ་རུ། །ཡང་དང་ཡང་དུ་བརྗོད་པར་བྱ། །ལུགས་སུ་འབྱུང་དང་བཟློག་པ་ཡིས། །ཐོད་པར་དེ་རྣམས་ལ་ཡང་སྦྱིན། །རྡོ་རྗེ་ཐལ་མོ་གྱེན་ཕྱེ་ནས། །འདི་ལ་གསང་སྔགས་གདབ་པར་བྱ། །
ཨོཾ་ཁ་ཁ་ཁཱ་ཧི་ཁཱ་ཧི། སརྦ་ཡཀྵ་རཱཀྵ་ས་བྷཱུ་ཏ་པྲེ་ཏ་པི་ཤཱ་ཙ། ཨུད་མཱ་ད་ཨ་པ་སྨཱ་ར་ཌཱ་ཀི་ནྱཱ་ད་ཡཿ ཨི་མྃ་བ་ལིཾ་གྲྀ་ཧྞྃ་ཏུ། ས་མ་ཡ་རཀྵན་ཏུ་མ་མ་སརྦ་སིད་དྷི་པྲ་ཡ་ཙྪན་ཏུ་ཡ་ཐཻ་བྃ་ཡ་ཐེ་ཥྚྃ། བྷུཉྫ་ཐ་པི་བ་ཐ། མཱ་ཏི་ཀྲ་མ་ཐ། མ་མ་
སརྦ།  ཀཱ་ར་ཏ་ཡ་སད་སུ་ཁ་བི་ཤུད་དྷ་ཡ་ས་ཧཱ་ཡི་ཀྃ་བྷ་བན་ཏུ་ཧཱུྃ་ཧཱུྃ་ཕཊ་སྭཱ་ཧཱ། ཆོ་ག་འདི་ཡི་རིམ་པ་ཡིས། །ཐུན་མཚམས་བཞི་རུ་སྦྱིན་པར་བྱ། །གཅིག་པུ་བདེ་བར་གནས་ནས་སུ། །མ་ཧཱ་མན་ས་དོན་བྱ་བསྟན། །རྣལ་འབྱོར་
མཉམ་པར་བཞག་ནས་ནི། །འདི་ལ་ཐམས་ཅད་བཟའ་བར་བྱ། །ངེས་པར་བརྗོད་པའི་རྒྱུད་བླ་མའི་བླ་མ་ལས་གཉིས་སུ་མེད་པའི་འཁོར་ལོའི་རིམ་པར་ཕྱེ་བ་བསྟན་པ་སྟེ་ལེའུ་དགུ་པའོ།། །། 
དེ་ནས་གཞན་ཡང་བཤད་བྱ་བ། །དག་པའི་གནས་ཀྱི་ཆོ་ག་སྟེ། །གསང་བའི་ཆོ་གའི་གསང་བ་ནི། །མཁའ་འགྲོ་མ་ཡི་སྙིང་པོ་མཆོག །
གསང་སྔགས་ཀུན་གྱི་གནས་སྦྱོར་བ། །དངོས་གྲུབ་ཐམས་ཅད་སྩོལ་བ་ཡིན། །དེ་ནས་དེ་བཞིན་གཤེགས་པ་ཐམས་ཅད་ལ་དབང་ཕྱུག་ཆེན་པོའི་རྡོ་རྗེ་འཁོར་དང་། །མངག་གཞུག་དང་བཅས་པ་མཁའ་འགྲོ་ཆེན་པོ་
དང་། མཁའ་འགྲོ་མའི་ཚོགས་རྣམས་དང་། གཞན་ཡང་བཅོམ་ལྡན་འདས་ཀུན་དུ་བཟང་པོ་ཆེན་པོ་རྡོ་རྗེ་འཛིན་པ་རྣམས་རང་གི་བདག་པོ་ལ་ཕྱག་བྱས་ཏེ་གསོལ་པ། ཨེ་མའོ་བདེ་བའི་སེམས་དཔའ་ཁྱོད། །ཨེ་མའོ་

85-1-118a

བདེ་བའི་གཙོ་བོ་ཡིས། །མཁའ་འགྲོ་མ་ཡི་གསང་བ་མཆོག །རང་གི་དཀྱིལ་འཁོར་བཤད་དུ་གསོལ། །སངས་རྒྱས་རྣལ་འབྱོར་རྣལ་འབྱོར་ཆེ། །རྡོ་རྗེ་རྣལ་འབྱོར་མཆོག་གྱུར་པ། །རང་གི་གསང་བའི་
དཀྱིལ་འཁོར་གསུངས། །འཇིག་རྟེན་གསུམ་གྱི་བདེ་བ་འབྱུང་། །རྡོ་རྗེ་རིན་ཆེན་པད་མ་ཆེ། །སྣ་ཚོགས་སྦྱོར་དང་སྣ་ཚོགས་གར། །རང་གི་དཀྱིལ་འཁོར་དག་པ་གསུངས། །རྡོ་རྗེ་རྣམ་སྣང་ལས་འབྱུང་བ། །གཞལ་ཡས་
ཟུར་བཞི་རབ་ཏུ་མཛེས། །སྒོ་བཞི་དང་ནི་ཡང་དག་ལྡན། །རྒྱན་རྣམས་ཐམས་ཅད་ཡོངས་སུ་རྫོགས། །དཀྱིལ་འཁོར་བདེ་བ་ལས་བྱུང་བ། །དེ་ཡི་དབུས་སུ་འཁོར་ལོ་གཉིས། །ཐུགས་དང་གསུང་གི་འཁོར་ལོ་མཆོག །
རྩིབས་བརྒྱད་པ་ལ་སྔོ་དང་དམར། །རྡོ་རྗེ་པད་མས་རྣམ་པར་བསྐོར། །ཕྱི་རོལ་འཁོར་ལོས་བསྐོར་བར་བྲི། །དཀྱིལ་འཁོར་དཀྱིལ་འཁོར་མཆོག་གི་ནི། །ཕྱི་རོལ་རྣལ་འབྱོར་མ་སྣ་ཚོགས། །གླུ་དང་གར་གྱིས་རྣམ་པར་རོལ། །
ཕྱི་རོལ་ཡི་དགས་ཕྲེང་བ་ཡི། །སྣ་ཚོགས་མདོག་ནི་མཆོག་དམ་པ། །ལག་པའི་གར་གྱིས་གར་བྱེད་པ། །གདོང་ནི་རྣམ་སྒྱུར་ལྕེ་ཡང་བསྐྱོད། །དེ་དབུས་སྟོང་པར་གྱུར་པ་སྟེ། །ཟླ་བར་ཡི་གེ་ཧཱུྃ་མཆོག་ཡིན། །
དེར་ནི་རྡོ་རྗེས་ཁྱབ་པ་སྟེ། །རྡོ་རྗེ་སེམས་དཔའ་རྣམ་པར་བསྒོམ། །ཞལ་གསུམ་ཕྱག་ནི་དྲུག་པ་སྟེ། །སྐུ་གསུམ་སྙིང་རྗེའི་ཉམས་དང་ལྡན། །ཕྱག་རྒྱ་ཆེ་དང་ཡང་དག་ལྡན། །རྡོ་རྗེའི་སྐྱིལ་མོ་
དཀྲུང་གིས་བཞུགས། །སྣ་ཚོགས་པད་མའི་གདན་སྟེངས་སུ། །ཟླ་བའི་དཀྱིལ་འཁོར་དབུས་སུ་ནི། །དཀར་ཞིང་སྔོ་ལ་གུར་ཀུམ་ཞལ། །སྐུ་གསུང་ཐུགས་ཀྱི་རྡོ་རྗེ་ཡི། །ཐོད་པ་དང་ནི་ཁ་ཊྭཱྃ་འཛིན། །
རྡོ་རྗེ་དྲིལ་བུས་ཡང་དག་འཁྱུད། །ཅང་ཏེའུ་ཚངས་པའི་མགོ་བོ་འཆང་། །མི་བསྐྱོད་པ་ཡི་ཅོད་པན་འཛིན། །མཁའ་འགྲོའི་གནས་ནི་དགོད་བྱ་སྟེ། །དཔའ་བོའང་དེ་བཞིན་དགོད་པར་བྱ། །ཁམས་དང་ཕུང་པོ་སྐྱེ་

85-1-118b

མཆེད་རྣམས། །སྐུ་གསུང་ཐུགས་སུ་རྣམ་པར་བསྒོམ། །ལྷ་མོའང་དེ་འདྲའི་གཟུགས་ཅན་ཏེ། །ཕྱག་རྒྱ་ཆེན་པོ་བདེ་བ་ཡིན། །སྙིང་ཀར་མྃ་གི་ས་བོན་ནི། །ཟླ་བའི་དཀྱིལ་འཁོར་དབུས་དག་ཏུ། །ཧོ་གཉིས་
དང་ནི་བཅས་པ་རུ། །སྔོན་དུ་དངོས་གྲུབ་རྗེས་དྲན་ནས། །ཕྱག་རྒྱ་འདི་ཡིས་རྒྱས་བཏབ་སྟེ། །དེ་མ་ཐག་ཏུ་ལྷ་མོ་ཡི། །སྙིང་ཀའི་གསང་བའི་པད་མ་ལ། །ཆགས་པར་སྤྱོད་པར་གྱུར་ནས་སུ། །མགོན་པོ་
ཆེན་པོ་ཆགས་པ་ཡིས། །རྡོ་རྗེ་སེམས་དཔའི་བདེ་བ་ཆེས། །དེ་དང་ལྷན་ཅིག་རོལ་པ་སྟེ། །དབང་པོ་གཉིས་ནི་སྦྱོར་བར་འགྱུར། །དཔའ་བོ་རྣལ་འབྱོར་མ་རྣམས་ཀྱི། །ཡིད་ནི་དགའ་བར་གྱུར་ནས་སུ། །
དགའ་བ་ཡི་ནི་བསམ་པ་ཡིས། །ཅང་ཏེའུའི་སྒྲ་ཡིས་བསྐུལ་ན་ན། །མཉམ་ཉིད་དགའ་ལས་བཞེངས་པར་འགྱུར། །ཨཱ་ལི་ཀཱ་ལི་མཉམ་སྦྱོར་བ། །བདེ་བ་ཆེན་པོ་དགྱེས་པར་གྱུར། །དེ་ནས་ནམ་མཁའ་དང་
ཆོས་ཀྱི་དབྱིངས་ཀྱི་མཐར་གཏུགས་པ་ཐམས་ཅད་ཀྱི་རྡུལ་དང་མཉམ་པའི་དེ་བཞིན་གཤེགས་པ་ཐམས་ཅད་འཁོར་དང་བཅས་པ་དང་། གསང་བའི་དཔའ་བོ་དང་། མཁའ་འགྲོ་མ་དང་བཅས་པས་ཁྱབ་པ། 
བྱང་ཆུབ་སེམས་དཔའ་ཚོགས་ཆེན་པོས་མདུན་དུ་བདར་བ། མ་ལུས་ཤིང་ལུས་པ་མེད་པའི་མཁའ་འགྲོ་དང་། མཁའ་འགྲོ་མའི་ཚོགས་དང་། ཕྱིའི་རིག་མའི་བདག་ཉིད་ཕོ་ཉ་དང་། ཕོ་ཉ་མོའི་ཚོགས་རྒྱ་
ཆེ་བ་རྣམས་ངོ་མཚར་དུ་གྱུར་ནས་མིག་གིས་བལྟ་ཞིང་མཉམ་པར་འཁྱུད་དེ། གར་གྱི་རྣམ་པར་འཕྲུལ་པ་ཡིས། །དགའ་བ་ཆེན་པོས་ལངས་ནས་ནི། །སྤྱི་བོར་ཐལ་མོ་སྦྱར་བྱས་ནས། །
བྱིན་གྱི་བརླབས་ཀྱིས་དགྱེས་པ་ཡིས། །མགོན་པོ་ཆེན་པོ་དགྱེས་པ་ཡི། །གླུ་འདི་དག་གིས་བསྐུལ་བར་བྱ། །ཨེ་མའོ་ངོ་མཚར་རྨད་ཀྱི་ཆོས། །ཨེ་མའོ་ངོ་མཚར་རྨད་ཀྱི་ལུགས། །

85-1-119a

ཨེ་མའོ་ངོ་མཚར་རྨད་ཀྱི་གསང་། །ཨེ་མའོ་བདེ་བ་ལས་བྱུང་བ། །ཨེ་མའོ་ཀུན་དུ་བཟང་པོའི་དོན། །ཨེ་མའོ་བདེ་བ་ཡང་དག་འདུས། །ཨེ་མའོ་བདེ་ཆེན་དག་པ་སྟེ། །ཨེ་མའོ་
བདེ་བའི་བདེ་བ་མཆོག །ཨེ་མའོ་གསང་སྔགས་མཉམ་སྦྱོར་བ། །ཨེ་མའོ་ཐུགས་ཀྱི་སྤྱོད་པ་སྟེ། །ཨེ་མའོ་མཉམ་ཉིད་ཕྱག་རྒྱར་ལྡན། །ཨེ་མ་གྲུབ་པ་ཡང་དག་འབྱུང་། །ཨེ་མ་ཕ་རོལ་
ཕྱིན་པ་ཡིས། །ཨེ་མ་རིག་པ་རྗེས་ཆགས་པ། །ཨེ་མ་སྣ་ཚོགས་ལས་ཆེན་པོ། །ཨེ་མ་ཁ་སྦྱར་གསུམ་དག་པ། །ཨེ་མ་རྡོ་རྗེ་མཉམ་ལ་སྦྱོར། །ཨེ་མ་པད་མ་རྣམ་འབྱེད་པ། །
ཨེ་མ་དབང་པོ་གཉིས་མཉམ་ལྡན། །ཨེ་མ་རྨད་བྱུང་མཉམ་པ་སྟེ། །ཨེ་མ་དག་པའི་གར་ཆེན་ཏེ། །ཨེ་མ་དྲི་མེད་གླུ་རེ་ལེགས། །ཨེ་མ་རོལ་མོ་ལེགས་སྦྱོར་བ། །ཨེ་མ་ཕཊ་ཀྱིས་
མུན་སེལ་བ། །ཨེ་མ་མེ་ཏོག་ན་བཟའ་མཛེས། །ཨེ་མ་བདུག་པ་གྷ་ཏི་སྡུག །ཨེ་མ་སྒྲོན་མ་གཏི་མུག་སེལ། །ཨེ་མ་དྲི་མཆོག་བསིལ་བ་སྟེ། །ཨེ་མ་རྣལ་འབྱོར་མཉམ་སྦྱོར་བ། །
ཨེ་མ་སྒྱུ་འཕྲུལ་མཁའ་ལྟ་བུ། །ཨེ་མ་གདོད་ནས་སངས་རྒྱས་གདོད་ནས་རྡོ་རྗེ་སྟེ། །ཨེ་མ་གདོད་ནས་རིན་ཆེན་བདེ་བ་རབ་སྩོལ་བ། །ཨེ་མ་གདོད་ནས་པད་མ་གདོད་ནས་བྲིས་པ་སྟེ། །ཨེ་མ་སྣ་
ཚོགས་སྒྱུ་འཕྲུལ་རྣམ་པར་འཕྲུལ་པ་ཡིན། །ཨེ་མ་ངོ་མཚར་རྨད་སངས་རྒྱས། །ཨེ་མ་ངོ་མཚར་འདི་ཉིད་རྨད། །ཨེ་མ་ངོ་མཚར་སེམས་ཅན་རྣམས། །ཨེ་མ་ངོ་མཚར་ལྷ་མོ་ཡིན། །འདིས་བསྐུལ་
བས་ནི་མགོན་པོ་རྣམས། །མཆོག་ཏུ་སྦྱོར་བའི་ས་བོན་ལས། །གུར་ཀུམ་གྱི་ནི་མདོག་ལྟ་བུ། །རྡོ་རྗེས་མཚན་པ་འབྱུང་བར་འགྱུར། །ཞལ་དྲུག་ཕྱག་ནི་བཅུ་གཉིས་པ། །ཕག་མོ་ཡིས་ནི་རྣམ་པར་བརྒྱན། །

85-1-119b

དཔའ་ཆེན་འཇམ་པའི་རྡོ་རྗེ་ནི། །དཀྱིལ་དཀྲུང་ཕྱེད་པར་ཡང་དག་གནས། །སྤྱན་གསུམ་པ་ལ་རབ་ཏུ་བཞད། །དྲག་ཅིང་འཇིགས་ལ་རྔམ་པ་དང་། །སྙིང་རྗེ་གར་གྱི་ཉམས་ཅན་ཏེ། །འཇིགས་བྱེད་དང་ནི་དུས་
མཚན་དག །ཞབས་ཀྱི་འོག་ཏུ་མནན་པར་བཞུགས། །ཡང་ན་གཡས་བརྐྱང་གནས་པ་ཡིས། །རྣལ་འབྱོར་འབྱུང་བ་ཆེན་པོ་སྐྱེས། །ཟླ་བའི་དཀྱིལ་འཁོར་དབུས་སུ་ནི། །སྣ་ཚོགས་པད་མ་དག་ལ་བཞུགས། །
གེ་སར་སར་པའི་མདོག་ཅན་ལ། །ཕྱག་རྒྱ་དེས་ནི་རྣམ་པར་བརྒྱན། །སྔོ་ཞིང་ལྗང་ལ་སེར་བ་དང་། །དམར་ཞིང་དཀར་ལ་ཞི་བ་སྟེ། །ཐོད་པའི་ཕྲེང་བའི་དབུ་རྒྱན་ཅན། །སངས་རྒྱས་གཟུགས་ཀྱིས་རྣམ་པར་མཛེས། །
རྡོ་རྗེ་དྲིལ་བུ་མཉམ་པར་ལྡན། །ལྷ་མོའི་ཀུ་ཙ་འཚེར་བ་དང་། །ཚངས་པའི་སྐུད་པ་འཛིན་མཛད་ཅིང་། །དྲག་པོའི་འཇིགས་བྱེད་ལྤགས་པ་ནི། །རྐེད་པར་འཆིང་ཞིང་བཞུགས་པ་ཡིན། །ཐོད་པ་ཁ་ཊྭཱྃ་ག་འཛིན་ཅིང་། །རལ་གྲི་
ཨུད་པལ་འདབ་བསྣམས་ཤིང་། །ལྕགས་ཀྱུ་ཞགས་པ་ཅང་ཏེའུ། །མགོ་བོ་གཞུ་ཡང་དེ་བཞིན་ནོ། །དེ་ཡི་སྐུ་མདོག་ཕྱག་མཚན་བཞིན། །རྡོ་རྗེ་ཕག་མོ་ཆེན་མོ་ནི། །ཆགས་པ་ཆེན་པོའི་གོ་འཕང་གནས། །བྱིན་པ་གཉིས་
ཀྱིས་ལེགས་པར་འཁྲིལ། །དགའ་བ་ཆེན་པོ་ཡིད་འོང་བ། །མགོ་བོའི་ཕྲེང་བས་སྐུ་ལུས་བརྒྱན། །ཕྱག་རྒྱ་དྲུག་གིས་རྣམ་པར་མཚན། །འདི་ལྟར་སྔགས་པས་བསྒོམ་བྱས་ཏེ། །འཇམ་པའི་རྡོ་རྗེ་བདེ་བ་ཆེ། །
གནས་སོགས་བདག་པོར་སྦྱོར་བ་ཡིས། །ཡེ་ཤེས་ལ་སོགས་བདག་པོ་ཀུན། །མཁའ་འགྲོ་དྲ་བའི་སྦྱོར་བ་སྟེ། །སྡོམ་པ་སྡོམ་པའི་མཆོག་ཡིན་ནོ། །ཐོག་མ་ཐུགས་ཀྱི་འཁོར་ལོ་སྟེ། །ཤར་ཕྱོགས་
ཀྱི་རྩིབས་སུ་པུལླཱི་ར་མ་ལ་ཡན་ཐོད་པའི་དུམ་བུ་དང་། རབ་གཏུམ་མ་སྟེ། དཀར་བ་དང་། སྔོ་བ་དང་ལྗང་ཁུའོ། །བྱང་ཕྱོགས་སུ་ཛཱ་ལ་དྷ་ར་ན་ཀེང་རུས་ཆེན་པོ་དང་། གཏུམ་མིག་མ་སྟེ། སེར་བ་དང་སྔོ་བ་དང་ལྗང་ཁུའོ། །

85-1-120a

ནུབ་ཕྱོགས་སུ་ཨཽ་ཌི་ཡཱ་ན་ན་ཀེང་རུས་ཅན་དང་། འོད་ལྡན་མ་སྟེ་དམར་བ་དང་སྔོ་བ་དང་ལྗང་གུའོ། །ལྷོ་རུ་ཨར་བུ་ད་ན་མཆེ་བ་རྣམ་པར་གཙིགས་པ་དང་། སྣ་ཆེན་མ་སྟེ་ལྗང་གུ་དང་སེར་བ་དང་དམར་བའོ། །མེའི་
ཕྱོགས་ལ་གོ་ད་པ་རིར་ལྷ་དགྲ་དང་། དཔའ་བོའི་བློ་གྲོས་མ་སྟེ་དམར་བ་དང་སེར་བ་དང་ལྗང་གུའོ། །བདེན་བྲལ་དུ་ར་མེ་ཤྭ་ར་ན་འོད་དཔག་མེད་དང་། མིའུ་ཐུང་མ་སྟེ། དཀར་བ་དང་སེར་བ་དང་ལྗང་གུའོ། །རླུང་གི་ཕྱོགས་སུ་དེ་ཝི་
ཀོ་ཊྚ་ན་རྡོ་རྗེའི་འོད་དང་། ལང་ཀའི་དབང་ཕྱུག་མ་སྟེ། ནམ་མཁའི་མདོག་དང་།  སེར་བ་དང་ལྗང་གུའོ། །དབང་ལྡན་དུ་མཱ་ལ་པེ་ན་རྡོ་རྗེ་ལུས་དང་ཤིང་གྲིབ་མ་སྟེ། ལྗང་གུ་དང་། སེར་བ་དང་སྔོ་བའོ། །ཐུགས་ཀྱི་འཁོར་ལོ་སྟེ། ཐོད་པའི་
དུམ་བུ་ལ་སོགས་པའི་དཔའ་བོ་ནི་རབ་གཏུམ་མ་ལ་སོགས་པ་རྡོ་རྗེ་དང་དྲིལ་བུ་འཛིན་པས་འཁྱུད་པའོ། །གཉིས་པ་གསུང་གི་འཁོར་ལོར་ཡང་། ཤར་ཕྱོགས་ཀྱི་རྩིབས་སུ་ཀཱ་མ་རཱུ་པ་ན་མྱུ་གུ་ཅན་དང་། ས་བསྲུང་མ་སྟེ། དཀར་བ་དང་སྔོ་བ་
དང་ལྗང་གུའོ། །བྱང་ཕྱོགས་སུ་ཨོ་དྲེ་ན་རྡོ་རྗེ་རལ་པ་ཅན་དང་། འཇིགས་བྱེད་ཆེན་མོ་སྟེ། ལྗང་གུ་དང་སེར་བ་དང་སྔོ་བའོ། །ནུབ་ཏུ་ཏྲི་ཤ་ཀུ་ནི་ན་དཔའ་བོ་ཆེན་པོ་དང་། རླུང་གི་ཤུགས་ཅན་མ་སྟེ། སྔོ་བ་དང་སེར་བ་དང་ལྗང་གུའོ། །
ལྷོ་རུ་ཀོ་ས་ལ་ན་རྡོ་རྗེ་ཧཱུྃ་མཛད་དང་། ཆང་འཐུང་མ་སྟེ། དམར་བ་དང་སེར་བ་དང་ལྗང་གུའོ། །མེའི་ཕྱོགས་སུ་ཀ་ལིང་གར་རབ་བཟང་དང་། སྔོ་བསངས་མ་སྟེ། ལྗང་གུ་དང་སེར་བ་དང་དམར་བའོ། །བདེན་བྲལ་དུ་ལྃ་བཱ་ཀ་ན་རྡོ་རྗེའི་
འོད་དང་། རབ་བཟངས་མ་སྟེ། སེར་བ་དང་སྔོ་བ་དང་ལྗང་གུའོ། །རླུང་གི་ཕྱོགས་སུ་ཀཱྃ་ཙི་ན་འཇིགས་བྱེད་ཆེན་པོ་དང་། རྟ་རྣ་མ་སྟེ་དུད་པའི་མདོག་དང་སེར་བ་དང་སྔོ་བའོ། །དབང་ལྡན་གྱི་ཕྱོགས་སུ་ཧི་མ་ལ་ཡ་ན་མིག་མི་བཟང་དང་། །
བྱ་གདོང་མ་སྟེ། གནམ་གྱི་མདོག་དང་།  སེར་བ་དང་།  ལྗང་གུའོ། །གསུང་གི་འཁོར་ལོ་སྟེ་མྱུ་གུ་ཅན་ལ་སོགས་པ་དང་། ས་བསྲུང་མ་ལ་སོགས་པ་ནི་པད་མ་དང་། པད་མའི་དྲིལ་བུ་འཛིན་པས་འཁྱུད་པ། དེ་ལྟར་མཁའ་ལ་

85-1-120b

སྤྱོད་པ་དང་། ས་ལ་སྤྱོད་པའི་འཁོར་ལོ་གཉིས་པོ་ཡིན་ནོ། །གསུམ་པའི་སྐུ་རྡོ་རྗེ་འབྱུང་བ་ནི་ཟུར་བཞི་པ་ལ་སྒོ་བཞི་པ་སྟེ་ཤར་ཕྱོགས་ཀྱི་སྒོར་པྲེ་ཏ་པུ་རི་ན་སྟོབས་པོ་ཆེ་དང་། འཁོར་ལོའི་ཤུགས་ཅན་མ་སྟེ། སྔོ་བ་དང་། སེར་བ་དང་། ལྗང་གུའོ། །
བྱང་ཕྱོགས་ཀྱི་སྒོ་ལ་གྲྀ་ཧ་དེ་ཝ་ཏཱ་ན་རྡོ་རྗེ་རིན་ཆེན་དང་། དུམ་སྐྱེས་མ་སྟེ་སེར་བ་དང་སྔོ་བ་དང་ལྗང་གུའོ། །ནུབ་ཀྱི་སྒོར་སཽ་རཱཥྚ་ན་རྟ་མགྲིན་དང་། ཆང་འཚོང་མ་སྟེ། དམར་བ་དང་།  སེར་བ་དང་ལྗང་གུའོ། །ལྷོའི་སྒོར་སུ་ཝརྣ་དྭཱི་པ་ན་ནམ་
མཁའི་སྙིང་པོ་དང་། འཁོར་ལོའི་གོ་ཆ་མ་སྟེ། དཀར་བ་དང་སྔོ་བ་དང་ལྗང་གུའོ། །མེའི་ཕྱོགས་སུ་ན་ག་ར་ན་ཁྲག་འཐུང་མ་དང་། རབ་དཔའ་མོ་སྟེ། ནམ་མཁའི་མདོག་དང་། སེར་བ་དང་སྔོ་བ་དང་ལྗང་གུའོ། །བདེན་བྲལ་དུ་
སིན་དྷུ་ན་པད་མ་གར་གྱི་དབང་ཕྱུག་དང་། སྟོབས་ཆེན་མ་སྟེ། སེར་བ་དང་སྔོ་བ་དང་ལྗང་གུའོ། །རླུང་གི་ཕྱོགས་སུ་མ་རུ་ཏ་ན་རྣམ་པར་སྣང་མཛད་དང་། འཁོར་ལོས་སྒྱུར་མ་སྟེ། དཀར་བ་དང་སྔོ་བ་དང་།  ལྗང་གུའོ། །དབང་ལྡན་དུ་ཀུ་
ལ་ཏཱ་ན་རྡོ་རྗེ་སེམས་དཔའ་དང་བརྩོན་འགྲུས་ཆེན་མོ་སྟེ། དཀར་བ་དང་སྔོ་བ་དང་ལྗང་གུའོ། །སྐུའི་འཁོར་ལོ་སྟོབས་པོ་ཆེ་ལ་སོགས་པ་ནི་འཁོར་ལོའི་ཤུགས་ཅན་མ་ལ་སོགས་པས་འཁོར་ལོ་དང་། འཁོར་ལོའི་དྲིལ་བུ་ལ་སོགས་པས་འཁྱུད་པའོ། །
དཔའ་བོ་འདི་ཐམས་ཅད་གཡས་བརྐྱང་བས་བཞུགས་པ། སྤྱན་གསུམ་པ། ཞལ་གསུམ་པ། ཕྱག་དྲུག་པ། ཐོད་པ་དང་ཁ་ཊྭཱྃ་ག་དང་། ཅང་ཏེའུ་དང་གྲི་གུག་བསྣམས་པ། ཅི་ལྟར་དཔའ་བོའི་ཕྱག་དང་།  ཕྱག་མཚན་བཞིན་དུ་མཁའ་འགྲོ་
མ་རྣམས་ཀྱང་དེ་བཞིན་ཏེ། ཐོད་པའི་ཕྲེང་བའི་དབུ་རྒྱན་ཅན། །རང་གི་རིགས་ཀྱི་མཆོག་གིས་བརྒྱན། །ཐམས་ཅད་ཕྱག་རྒྱ་ལྔ་འཛིན་ཅིང་། །སྟག་གི་ལྤགས་པ་གོས་སུ་མནབས། །ལྷ་མོ་དབུ་སྐྲ་གྲོལ་བ་སྟེ། །
བྱིན་པ་གཉིས་ཀྱིས་ལེགས་པར་འཁྲིལ། །ཐམས་ཅད་ཕྱོགས་ཀྱི་གོས་འཆང་ཞིང་། །སྐུ་ལུས་འཇིགས་པ་རྣམ་པར་བསྒྱུར། །དེའི་དབུས་འཇམ་པའི་རྡོ་རྗེ་ནི། །ཟླ་བ་ཕྱེད་པ་འཛིན་པའི་མཆོག །སྣ་ཚོགས་རྡོ་རྗེ་

85-1-121a

རྣམ་གནོན་པའོ། །ཕག་མོ་དབུ་སྐྲ་གྲོལ་བ་སྟེ། །གཅེར་བུ་འོག་པག་སྐ་རགས་ཅན། །ཡེ་ཤེས་འཁོར་ལོ་བཀུག་ནས་ནི། །སྔ་མའི་ཆོ་གའི་རིམ་པ་བཞིན། །བཅུག་ནས་ཐིམ་པར་རྣམ་པར་བསྒོམ། །
སྤྱོད་པ་བཞི་རུ་བྱིན་གྱིས་བརླབ། །དཔའ་བོ་རྣལ་འབྱོར་མ་ཐམས་ཅད། །གནས་ལ་སོགས་པའི་རིམ་པར་དགོད། །ཁམས་དང་ཕུང་པོ་སྐྱེ་མཆེད་རྣམས། །སྐུ་གསུང་ཐུགས་ཀྱི་དམ་པ་སྟེ། །སྙིང་པོའི་ཡེ་ཤེས་མཆོག་
གྱུར་པ། །དབང་བསྐུར་ཡང་ནི་དབུལ་བར་བྱ། །དེ་ནས་གོ་ཆ་དགོད་བྱ་སྟེ། །མཁས་པས་ཡེ་ཤེས་བཟླས་པ་ནི། །སྲོག་རྩོལ་བསྡམས་ཏེ་ལེགས་བཟླས་པ། །བསྒོམ་པའི་བསྒོམས་པས་གསང་བར་བྱ། །ཨོཾ་ཨཱཿ
མྃ་ཧཱུྃ། སྤྲོ་བསྡུ་དག་གི་སྦྱོར་བ་ཡིས། །གཉིས་མེད་ཕྲེང་བའི་སྔགས་ཀྱང་བཟླ། །དེ་ནས་དམ་ཚིག་སེམས་དཔའ་ནི། །ཆོ་ག་བཞིན་དུ་བཟླས་པ་བྱ། །ཨོཾ་ཤྲཱི་མཉྫུ་བཛྲ་དྷྲྀ་ཀ  །ཨཱཿཧཱུཾ་ཌཱ་ཀི་ནཱི་ཛཱ་ལ་སམ་བ་ར་ཧཱུྃ་ཕཊ་
སྭཱ་ཧཱ། ཨོཾ་བཛྲ་བཱ་རཱ་ཧི་ཧུཾ་ཧཱུྃ་ཕཊ་སྭཱ་ཧཱ། ཨོཾ་ཀ་ར་ཀ་ར་ཁཎྜ་ཀ་པཱ་ལི་ནི་ཧུཾ་ཧཱུྃ་ཕཊ། ཨོཾ་པྲ་ཙཎྜེ་ཧུཾ་ཧཱུྃ་ཕཊ། ཨོཾ་ཀུ་རུ་ཀུ་རུ་མ་ཧཱ་ཀྃ་ཀཱ་ལ་ཧུཾ་ཧཱུྃ་ཕཊ། ཨོཾ་ཙཎ་ཌཱ་ཀྵི་ཧུྃ་ཧཱུྃ་ཕཊ། ཨོཾ་བན་དྷ་བན་དྷ་ཧེ་ཀྃ་ཀཱ་ལ་ཧུྃ་ཧཱུྃ་ཕཊ། ཨོཾ་པྲ་
བྷ་བ་ཏི་ཧུྃ་ཧཱུྃ་ཕཊ། ཨོཾ་ཏྲཱ་ས་ཡ་ཏྲཱ་ས་ཡ་བི་ཀ་ཊ་དྃཥྚི་ཎ་ཧུྃ་ཧཱུྃ་ཕཊ། ཨོཾ་མ་ཧཱ་ནཱ་སེ་ཧུཾ་ཧཱུྃ་ཕཊ། ཨོཾ་ཀྵོ་བྷ་ཡ་ཀྵོ་བྷ་ཡ།  སུ་བཻ་རི་ཎ་ཧུཾ་ཧཱུྃ་ཕཊ། ཨོཾ་བཱི་ར་མ་ཏི་ཧུྃ་ཧཱུྃ་ཕཊ། ཨོཾ་ཧྲཽཾ་ཧྲཽཾ་ཨ་མི་ཏཱ་བྷ་ཧུྃ་ཧཱུྃ་ཕཊ། ཨོཾ་ཁརྦ་
རི་ཧུྃ་ཧཱུྃ་ཕཊ། ཨོཾ་ཧྲཿཧྲཿབཛྲ་པྲ་བྷེ་ཧུྃ་ཧཱུྃ་ཕཊ། ཨོཾ་ལང་ཀེ་ཤྭ་རི་ཧུྃ་ཧཱུྃ་ཕཊ། ཨོཾ་ཕེཾ་ཕེཾ་བཛྲ་དེ་ཧ་ཧུྃ་ཧཱུྃ་ཕཊ། ཨོཾ་དྲུ་མཙྪ་ཡེ་ཧུྃ་ཧཱུྃ་ཕཊ། ཨོཾ་ཕཊ་ཕཊ་ཨང་ཀུ་རི་ཀ་ཧུཾ་ཧཱུྃ་ཕཊ། ཨོཾ་ཨཻ་ར་བ་ཏི་ཧུྃ་ཧཱུྃ་ཕཊ། ཨོཾ་ད་ཧ་ད་ཧ་
བཛྲ་ཛཱ་ཊི་ལ་ཧུྃ་ཧཱུྃ་ཕཊ། ཨོཾ་མ་ཧཱ་བྷཻ་ར་བཱི་ཧུཾ་ཧཱུྃ་ཕཊ། ཨོཾ་པ་ཙ་པ་ཙ་མ་ཧཱ་བཱི་ར་ཧུྃ་ཧཱུྃ་ཕཊ། ཨོཾ་བ་ཡུ་བེ་གེ་ཧུྃ་ཧཱུྃ་ཕཊ། ཨོཾ་བྷཀྵ་བྷཀྵ་བཛྲ་ཧཱུྃ་ཀཱ་ར་བ་ས་རུ་དྷི་ར་ཨན་ཏྲ་མཱ་ལཱ་བ་བྃ་བི་ནེ་ཧུྃ་ཧཱུྃ་ཕཊ། ཨོཾ་སུ་ར་བྷཀྵི་ཧུྃ་ཧཱུྃ་ཕཊ།

85-1-121b

ཨོཾ་གྲྀཧྞ་གྲྀཧྞ་སུ་བྷ་དྲ་སཔྟ་པཱ་ཏཱ་ལ་གྃ་ཏ་བྷུ་ཛྃ་གྃ་སརྦྃ་བྃ་ཏརྫ་ཡ་ཏརྫ་ཡ་ཧུྃ་ཧཱུྃ་ཕཊ། ཨོཾ་ཤྱཱ་མ་དེ་ཝཱྀ་ཧུྃ་ཧཱུྃ་ཕཊ། ཨོཾ་ཨཱ་ཀཌ་ཌྷ་ཨཱ་ཀ་ཌ་ཌྷ་བཛྲ་བྷ་དྲ་ཧུྃ་ཧཱུྃ་ཕཊ། ཨོཾ་སུ་བྷ་དྲེ་ཧུྃ་ཧཱུྃ་ཕཊ། ཨོཾ་ཧྲཱིྃ་ཧྲཱིྃ་མ་ཧཱ་བྷཻ་ར་བ་ཧཱུྃ་ཧཱུྃ་ཕཊ། ཨོཾ་ཧ་ཡ་ཀརྞྞེ་ཧུྃ་ཧཱུྃ་
ཕཊ། ཨོཾ་ཛྙཽྃ་ཛྙཽྃ་བི་རུ་པཱ་ཀྵི་ཧཱུྃ་ཧཱུྃ་ཕཊ། ཨོཾ་ཁ་ཁཱ་ན་ནེ་ཧཱུྃ་ཧཱུྃ་ཕཊ། ཨོཾ་ཀྵྨཱྃ་ཀྵྨཱྃ་མ་ཧཱ་བ་ལ་ཧུྃ་ཧཱུྃ་ཕཊ། ཨོཾ་ཙཀྲ་བེ་གེ་ཧུྃ་ཧཱུྃ་ཕཊ། ཨོཾ་ཧཱྃ་ཧཱྃ་རཏྣ་བཛྲ་ཧུྃ་ཧཱུྃ་ཕཊ། ཨོཾ་ཁཎ་ཌཌ་རོ་ཧེ་ཧུྃ་ཧཱུྃ་ཕཊ། ཨོཾ་ཧཱིཾ་ཧཱིཾ་ཧ་ཡ་གྲཱི་ཧུྃ་ཧཱུྃ་ཕཊ། 
ཨོཾ་ཤཽཎ་ཌི་ནི་ཧུྃ་ཧཱུྃ་ཕཊ། ཨོཾ་ཧཱུྃ་ཧཱུྃ་ཨཱ་ཀཱ་ཤ་གརྦྷ་ཧུྃ་ཧཱུྃ་ཕཊ། ཨོཾ་ཙཀྲ་ཝརྨི་ཎི་ཧུྃ་ཧུྃ་ཧཱུྃ་ཕཊ། ཨོཾ་ཀི་ལི་ཀི་ལི་ཧེ་རུ་ཀ་ཧུྃ་ཧཱུྃཕཊ། ཨོཾ་སུ་བཱི་རེ་ཧུྃ་ཧུྃ་ཧཱུྃ་ཕཊ། ཨོཾ་སི་ལི་སི་ལི་པད་མ་ནར་ཏེ་ཤྭ་རི་ཧུྃ་ཧཱུྃ་ཕཊ། ཨོཾ་མ་ཧཱ་བ་ལེ་ཧུྃ་ཧཱུྃ་
ཕཊ། ཨོཾ་ཧི་ལི་ཧི་ལི་བཻ་རོ་ཙ་ན་ཧུྃ་ཧཱུྃ་ཕཊ། ཨོཾ་ཙཀྲ་ཝརྟི་ཎི་ཧཱུྃ་ཧཱུྃ་ཕཊ། ཨོཾ་བཛྲ་དྷི་ལི་དྷི་ལི་བཛྲ་སཏྭ་ཧཱུྃ་ཧཱུྃ་ཕཊ། ཨོཾ་མ་ཧཱ་བིརྱེ་ཧཱུྃ་ཧཱུྃ་ཕཊ། 
དུང་ཆེན་ཕྲེང་བ་བླངས་ནས་ནི། །གསང་སྔགས་ཆོ་ག་བཞིན་དུ་བཟླ། །དུས་བཞིར་སྦྱོར་བ་བྱས་ནས་ནི། །བཟླས་དང་བསྒོམ་པ་རྩེ་གཅིག་བྱ། །རྣལ་འབྱོར་མྱུར་དུ་གྲུབ་ནས་ནི། །གསང་སྔགས་གྲུབ་པའི་རིམ་པ་ཡིས། །
བདག་ཉིད་ཕྱག་རྒྱར་ལྡན་བྱས་ནས། །སྔགས་པས་རྟག་ཏུ་མཆོད་པར་བྱ། །སྔགས་པས་དཀྱིལ་འཁོར་ཞུགས་ནས་ནི། །སྐུ་གསུང་ཐུགས་ཀྱི་དཀྱིལ་འཁོར་བསྒོམ། །རང་གི་ལྷ་ཡི་སྦྱོར་བ་ཡིས། །དཀྱིལ་འཁོར་མཆོག་
ནི་འགྲུབ་པ་ཡིན། །དཀྱིལ་འཁོར་ལྷ་ཡི་སྦྱོར་བ་ཡིས། །དངོས་གྲུབ་ཐམས་ཅད་རབ་ཏུ་སྩོལ། །མངོན་པར་བརྗོད་པའི་རྒྱུད་བླ་མའི་ཡང་བླ་མ་ལས་འཁོར་ལོ་གསུམ་གྱི་དཀྱིལ་འཁོར་གྱི་ཆོ་གའི་རིམ་པ་སྟེ་ལེའུ་བཅུ་པའོ།། །། 
དེ་ནས་གཞན་ཡང་བཤད་བྱ་བ། །རིགས་ཀྱི་དབྱེ་བའི་མཆོག་དམ་པ། །གནས་སོགས་སྦྱོར་བའི་རིམ་པ་ཡིས། །ཕྱོགས་ཀྱི་རིམ་པས་རྣམ་པར་དབྱེ། །ཐམས་ཅད་མཆོག་

85-1-122a

གི་སྦྱོར་ཆེན་པོ། །རྣལ་འབྱོར་དབང་ཕྱུག་རབ་ཏུ་འགྲུབ། །རྡོ་རྗེ་སྐུ་ལས་ངེས་འབྱུང་བ། །དཀྱིལ་འཁོར་དཀྱིལ་འཁོར་དམ་པའོ། །དེ་ནས་བཅོམ་ལྡན་འདས་དེ་བཞིན་གཤེགས་པ་ཐམས་ཅད་དང་། 
ཡང་དཔའ་བོ་དང་རྣལ་འབྱོར་མ་ཐམས་ཅད་འདུས་ཤིང་འོངས་ནས་སངས་རྒྱས་བཅོམ་ལྡན་འདས་བདེ་བ་ཆེན་པོའི་བདག་པོ་རྡོ་རྗེ་འཛིན་པ་ཆེན་པོ་ལ། མིག་ཡངས་དགའ་བས་གར་བྱེད་ཅིང་། །མྱུར་བས་བསྡུས་པའི་རིམ་པ་ཡིས། །
རྐང་པ་གཡས་དང་གཡོན་གྱིས་ནི། །མདུན་དུ་གོམ་སྟབས་སྤྲོས་པ་ཡིས། །འདི་ལྟར་རྣམ་འགྱུར་ཁྲོས་པའི་སྤྱན། །སྨིན་མ་འདེགས་དང་འཁོར་བར་ལྡན། །སྐྱེ་མེད་ཕྱག་རྒྱར་འགྲོ་བ་དག །མིག་གི་ཕྱག་རྒྱས་ཕྱག་
འཚལ་ཏེ། །རྡོ་རྗེ་སེམས་དཔའ་ཆེན་པོ་ལ་རྣམ་པ་དུ་མ་བསྐུལ་ནས་ཞུས་ཏེ། རྣལ་འབྱོར་མ་ཆེན་མོ་ཐམས་ཅད་དགྱེས་པའི་དཀྱིལ་འཁོར་གསུངས་པ། །བཅོམ་ལྡན་འདས་ཀྱི་དེ་ཉིད་དང་། །དཀྱིལ་འཁོར་མཆོག་ནི་མཛེས་པ་སྟེ། །
དགྱེས་པ་ཆེན་པོའི་རྡོ་རྗེ་ནི། །ཐམས་ཅད་སངས་རྒྱས་བདེ་བ་ཆེ། །རོལ་པའི་བདེ་བ་ཆེན་པོ་ནི། །དེ་རིང་དུ་ནི་བདག་གིས་རྙེད། །ཨ་ལ་ལ་ཧོ། །དེ་བཞིན་གཤེགས་པ་ཐམས་ཅད་ཀྱི། །བདེ་བ་ཆེན་པོ་མཆོག་ཏུ་དགྱེས། །
གླུ་འདི་དག་ནི་བླངས་པ་ཡིས། །ཤིན་དུ་སྲིད་པ་ངེས་ལྡོག་པ། །དེ་བཞིན་གཤེགས་པ་དག་པ་ཆེ། །དཀྱིལ་འཁོར་དུ་ནི་རྣམ་པར་བརྟགས། །དེ་ནས་བཅོམ་ལྡན་འདས་བདེ་བ་ཆེན་པོ་རྡོ་རྗེ་སེམས་དཔའ་དགོངས་ཤིང་སྤྱན་རྣམ་པར་
ཕྱེ་སྟེ། འཁོར་བཞི་རྣམ་པར་འཁོར་བའི་བར་གྱིས་སྨིན་མ་འདེགས་ཤིང་། མདུན་དུ་གཟིགས་ཤིང་གོམ་སྟབས་ཀྱིས། །དྲེགས་པས་སྙེམས་པར་རྣམ་འཁོར་བའི། །སྐུ་གསུང་ཐུགས་ནི་རྡོ་རྗེ་རང་། །དེ་ཉིད་འདི་ལ་བཞུགས་
པ་ཡིན། །དཀྱིལ་འཁོར་དང་ནི་དཀྱིལ་འཁོར་མིང་། །རྡོ་རྗེ་ཡེ་ཤེས་ཐུགས་ལ་གནས། །རྟོག་པ་མེད་པར་བདག་སྦྱོར་བ། །རྡོ་རྗེ་དཀྱིལ་འཁོར་མཆོག་ཡིན་ནོ། །ཟླ་བའི་དཀྱིལ་འཁོར་གང་བ་ནི། །དགྱེས་པ་ཆེན་པོའི་རྡོ་རྗེའོ། །

85-1-122b

རི་མོ་མཁན་གྱི་དཀར་པོ་ལྟར། །བྱང་ཆུབ་སེམས་མཆོག་འདི་ལྟ་བུ། །སྔོ་ཞིང་འབར་བ་སྣ་ཚོགས་པའི། །རླུང་གིས་བསྐྱོད་པའི་མེ་ལྟ་བུ། །ཟླ་བ་ཕྱེད་པས་བདག་ཉིད་མཛེས། །རྡོ་རྗེའི་དཀྱིལ་འཁོར་དག་ལ་བཞུགས། །ཆ་བརྒྱད་
དཀྱིལ་འཁོར་ཡིད་འོང་བ། །འབར་བའི་ཉི་མ་དང་བཅས་པ། །དཀྱིལ་འཁོར་རྡོ་རྗེ་རིན་ཆེན་དེ། །བདེ་བ་མཆོག་ནི་འགྲུབ་པར་འགྱུར། །པད་མ་འདབ་བརྒྱད་ཁ་ཕྱེ་བ། །ལྟེ་བ་གེ་སར་གྱིས་ཁྱབ་པ། །པད་མ་པད་མ་ཉིད་ལས་ནི། །
དགའ་བའི་དཀྱིལ་འཁོར་འབྱུང་བ་ཡིན། །དཀྱིལ་འཁོར་མཆོག་ནི་མཐོང་བ་ན། །བྱིན་ཟ་འབར་བ་ཇི་བཞིན་དུ། །ལས་ཀྱི་རྡོ་རྗེ་དཀྱིལ་འཁོར་དུ། །ལས་རྣམས་ཐམས་ཅད་འགྲུབ་པར་འགྱུར། །འདི་ལྟར་དེ་དག་མཐའ་
ཡས་པ། །དཀྱིལ་འཁོར་དུ་ནི་རབ་ཏུ་བརྟག །གང་དུ་གང་ལ་སྤྲུལ་པ་ནི། །རྡོ་རྗེ་སེམས་དཔའ་ལས་བྱུང་ཡིན། །ཐམས་ཅད་བདག་ཉིད་ཀུན་དུ་བཟང་། །ནམ་མཁའི་ཁམས་ནི་ཀུན་དུ་ཁྱབ། །མཁའ་དབྱིངས་
ས་ཡི་མཆོག་གྱུར་པར། །ཁང་པ་བརྩེགས་པ་རྣམ་པར་བསྒོམ། །ཁང་པ་བརྩེགས་པའི་དབུས་དཀྱིལ་དུ། །དཀྱིལ་འཁོར་ལྔ་ནི་རྣམ་པར་བརྟག །སྣ་ཚོགས་པད་མ་མཛེས་པ་ལ། །ཇི་ལྟའི་གནས་སུ་རྣམ་པར་དགོད། །
དབུས་མའི་དཀྱིལ་འཁོར་དབུས་སུ་ནི། །ཧེ་རུ་ཀ་ནི་རྣམ་པར་བསྒོམ། །སྔར་བཤད་སྐུ་མདོག་གནས་རྣམས་དང་། །ཕག་མོའི་བདེ་ལ་རྣམ་པར་གནས། །ཤར་དུ་པུལླཱི་ར་མ་ལ་ཡར་ཐོད་པའི་དུམ་བུ་དང་། རབ་གཏུམ་མའོ། །
བྱང་དུ་ཛཱ་ལན་དྷ་རར་ཀེང་རུས་ཆེན་པོ་དང་། རབ་གཏུམ་མའི་མིག་ཅན་མའོ། །ནུབ་ཏུ་ཨོཌྜི་ཡཱ་ཎ་ན་ཀེང་རུས་ཅན་དང་། འོད་ལྡན་མའོ། །ལྷོ་རུ་ཨར་བུ་དར་མཆེ་བ་རྣམ་པར་གཙིགས་པ་དང་། སྣ་ཆེན་མའོ། །དབུས་མའི་
དཀྱིལ་འཁོར་དེའི་ཤར་གྱི་དཀྱིལ་འཁོར་གྱི་དབུས་སུ་གོ་དཱ་བ་རི་ར་ལྷ་དགྲ་དང་། དཔའ་བོའི་བློ་གྲོས་མའོ། །ཤར་ཕྱོགས་སུ་རཱ་མེ་ཤྭ་རར་འོད་དཔག་མེད་དང་། མིའུ་ཐུང་མའོ། །བྱང་ཕྱོགས་སུ་དེ་ཝི་ཀོ་ཊྚ་ན་རྡོ་རྗེའི་འོད་དང་།

85-1-123a

ལང་ཀའི་དབང་ཕྱུག་མའོ། །ནུབ་ཏུ་མཱ་ལ་བེ་ན་རྡོ་རྗེའི་སྐུ་དང་ཤིང་གྲིབ་མའོ། །ལྷོ་ཕྱོགས་སུ་ཀཱ་མ་རཱུ་པ་ན་མྱུ་གུ་ཅན་དང་། ས་བསྲུང་མའོ། །བྱང་ཕྱོགས་ཀྱི་དཀྱིལ་འཁོར་གྱི་དབུས་སུ་ཨོ་དྲ་ན་རྡོ་རྗེ་རལ་པ་ཅན་དང་། 
འཇིགས་བྱེད་ཆེན་མོའོ། །ཤར་དུ་ཏྲི་ཤ་ཀུ་ནེ་ན་དཔའ་བོ་ཆེན་པོ་དང་། རླུང་གི་ཤུགས་ཅན་མའོ། །བྱང་དུ་ཀོ་ས་ལ་ན་རྡོ་རྗེ་ཧཱུྃ་མཛད་དང་། ཆང་འཐུང་མའོ། །ནུབ་ཕྱོགས་སུ་ཀ་ལིང་ག་ན་རབ་བཟང་དང་། སྔོ་བསངས་ལྷ་
མོའོ། །ལྷོ་ཕྱོགས་སུ་ལམ་བཱ་ཀེ་ན་རྡོ་རྗེ་རབ་བཟང་དང་། ཤིན་ཏུ་བཟང་མོའོ། །ནུབ་ཀྱི་དཀྱིལ་འཁོར་གྱི་དབུས་སུ་ཀཱྃ་ཙཱི་ན་འཇིགས་བྱེད་ཆེན་པོ་དང་། རྟ་རྣ་མའོ། །ཤར་ཕྱོགས་སུ་ཧི་མ་ལ་ཡ་ན་མིག་མི་བཟང་དང་། 
བྱ་གདོང་མའོ། །བྱང་དུ་བྲེ་ཏ་པུ་རི་ན་སྟོབས་པོ་ཆེ་དང་། འཁོར་ལོའི་ཤུགས་ཅན་མའོ། །ནུབ་ཏུ་གྲྀ་ཧ་དེ་ཝ་ཏཱ་ན་རྡོ་རྗེ་རིན་ཆེན་དང་། །དུམ་སྐྱེས་མའོ། །ལྷོ་རུ་སཽ་རཱཥྚ་ན་རྟ་མགྲིན་དང་། ཆང་འཚོང་མའོ། །ལྷོ་ཕྱོགས་ཀྱི་དཀྱིལ་འཁོར་
གྱི་དབུས་སུ་ཝརྞ་དྭཱི་པ་ན་ནམ་མཁའི་སྙིང་པོ་དང་། འཁོར་ལོའི་གོ་ཆ་མའོ། །ཤར་དུ་ན་ག་ར་ན་དཔལ་ཁྲག་འཐུང་དང་། རབ་དཔའ་མོའོ། །བྱང་དུ་སིནྡྷུ་ན་པད་མ་གར་གྱི་དབང་ཕྱུག་དང་། སྟོབས་ཆེན་མའོ། །ནུབ་ཏུ་མ་རུ་ན་
རྣམ་པར་སྣང་མཛད་དང་། འཁོར་ལོས་བསྒྱུར་མའོ། །ལྷོ་རུ་ཀུ་ལ་ཏཱ་ན་རྡོ་རྗེ་སེམས་དཔའ་དང་། བརྩོན་འགྲུས་ཆེན་མོའོ། །ཐོད་པའི་དུམ་བུ་ལ་སོགས་པའི་དཔའ་བོ་དང་རབ་གཏུམ་མ་ལ་སོགས་
པ་ཐམས་ཅད་ཀྱང་གཟུགས་སྣ་ཚོགས་པ་ཞལ་གསུམ་པ། ཕྱག་དྲུག་པ། སྤྱན་གསུམ་པ། གཡས་བརྐྱང་བས་བཞུགས་པ། ཕྱག་རྒྱ་ལྔས་རྒྱས་བཏབ་པ། ལྷ་མོ་གཅེར་བུ་སྐྲ་གྲོལ་བ། 
ཐོད་པ་དང་ཁ་ཊྭཱྃ་ག་དང་ཅང་ཏེའུ་དང་གྲི་གུག་དང་རྡོ་རྗེ་དང་དྲིལ་བུས་འཁྱུད་པ་ལྷ་མོའི་བྱིན་པ་གཉིས་ཀྱིས་འཁྲིལ་བ། དགྱེས་པ་ཆེན་པོའི་དགའ་བའི་རོས་རྣམ་པར་མྱོས་པའོ། །དབུས་ཀྱི་དཀྱིལ་འཁོར་དཔའ་བོ་ཡི། །

85-1-123b

ཟུར་བཞི་བུམ་པའི་སྟེང་དུ་ནི། །བྱང་ཆུབ་སེམས་ཀྱིས་ཡོངས་གང་བའི། །ཐོད་པའི་སྣོད་ནི་བཞག་པར་བྱ། །དཀྱིལ་འཁོར་གཞན་གྱི་ཟུར་ལ་ནི། །བུམ་པའི་ཐོད་པ་གཉིས་པོ་དགོད། །མཚམས་ཀྱི་ཆར་
མཁའ་འགྲོ་མ་ལ་སོགས་པའི་ལྷ་མོ་བཞི་པོ་གཟུགས་ཕྱེད་པ་བུད་མེད་དབང་ཕྱུག་མ་སྟེ། ཞལ་གསུམ་པ། སྤྱན་གསུམ་པ། གཡས་བརྐྱང་བའི་གནས་པས་བཞུགས་པ། ཕྱོགས་ཀྱི་གོས་ཅན། སྐྲ་གྲོལ་བ། 
ཕྱག་རྒྱ་ལྔ་བརྟན་པར་འཛིན་པའོ། །རྡོ་རྗེ་ཕྲེང་བས་ཡོངས་བསྐོར་བ། །དཀྱིལ་འཁོར་ལྔ་ཡི་ཕྱི་རོལ་དུ། །འབར་བའི་དཀྱིལ་འཁོར་སྣ་ཚོགས་བྲི། །དཔའ་བོ་དང་རྣལ་འབྱོར་མ་ཐམས་ཅད་ཀྱང་སྣ་ཚོགས་
པད་མའི་སྟེང་དུ་ཡི་དགས་ཀྱི་གདན་ལ་བཞུགས་པ། སྒོ་བཞིའི་ཤར་ཕྱོགས་སུ་ཁྭ་གདོང་མ་ཁྲོས་པའི་མིག་ཅན་ཤེལ་མིག་ཁྲོས་པའི་ཞལ་མངའ་བ། གྲི་གུག་དང་། མགོ་བོ་དང་ཐོད་པ་དང་ཁ་ཊྭཱྃ་ག་དང་དྲིལ་བུ་དང་། 
ཅང་ཏེའུ་འཆང་བ། སྤྱན་གསུམ་པ། ཞལ་གསུམ་པ། སྐྲ་གྲོལ་བ། གཅེར་བུ། སྣ་ཚོགས་པའི་མདོག་ཅན་གཡས་བརྐྱང་བས་གནས་པ། ཡི་དགས་དང་སྣ་ཚོགས་པད་མ་ལ་བཞུགས་པ། འབར་བའི་
དཀྱིལ་འཁོར་གྱི་དབུས་ན་བཞུགས་ཏེ། ཕྱག་རྒྱ་ལྔས་རྣམ་པར་བརྒྱན་པའོ། །འུག་གདོང་མ་དང་། ཁྱི་གདོང་མ་དང་། ཕག་གདོང་མ་ནི་ཇི་ལྟར་ཁྭ་གདོང་མའི་མདོག་དང་ཕྱག་དང་འདུག་སྟངས་དང་གདན་བཞིན་ནོ། །
བོང་བུ་དང་རྔ་མོ་དང་ར་དང་བྱི་ལའི་ཞལ་ཏེ། ཤིན་ཏུ་དྲག་པོས་མངོན་དུ་གསོལ་བའོ། །གཤིན་རྗེ་སྲེག་མ་ནས། གཤིན་རྗེ་འཇོམས་མའི་བར་ནི་གར་བྱེད་པའི་དབང་ཕྱུག་མ་སྟེ། ཞལ་གསུམ་པ། ཕྱག་
དྲུག་པ། སྤྱན་གསུམ་པ། གཡས་བརྐྱང་བས་གནས་པ། ཕྱོགས་ཀྱི་གོས་ཅན། སྐྲ་གྲོལ་བ། སྣ་ཚོགས་པད་མ་དང་ཡི་དགས་གནོན་པ། ཕྱག་རྒྱ་ལྔས་བྱིན་གྱིས་བརླབས་པ། ཐོད་པ་དང་ཁ་ཊྭཱྃ་ག་འཛིན་

85-1-124a

པ། མགོ་བོ་དང་གྲི་གུག་བསྣམས་པ་ཅང་ཏེའུ་དང་རྡོ་རྗེ་དང་མདུང་འཛིན་པ་མཆེ་བ་རྣམ་པར་གཙིགས་པ། འཇིགས་སུ་རུང་བ། ཐམས་ཅད་ཀྱང་མི་མགོའི་ཐོད་པའི་ཕྲེང་བ་རྒྱན་དུ་འཆང་བ། ཐོད་པའི་ཕྲེང་བའི་
དབུ་རྒྱན་ཅན། །རྡོ་རྗེ་སེམས་དཔའི་དབུ་རྒྱན་ཅན། །ཅོད་པན་རྡོ་རྗེའི་ཕྲེང་བས་བྱས། །རྡོ་རྗེ་ལས་བྱས་རྒྱན་ཅན་ཏེ། །སྣ་ཚོགས་རྡོ་རྗེ་ཟླ་ཕྱེད་ཀྱིས། །དབུ་ལ་མནན་ཅིང་བརྒྱན་པ་ཡིན། །ཅི་ལྟར་བཅོམ་ལྡན་
མདོག་བཞིན་དུ། །རྡོ་རྗེ་ཕག་མོའི་ཞལ་མདོག་ཕྱག །ཕྱག་རྒྱ་འདུག་སྟངས་ལས་ཀྱང་དེ། །གཅེར་བུ་སྐྲ་ནི་གྲོལ་བ་སྟེ། །དུམ་བུའི་སྐ་རགས་རྒྱན་ཅན་ཏེ། །འོན་ཀྱང་རྡོ་རྗེ་ཕག་མོ་ཡི། །སྟེང་གི་ཞལ་གདོང་དཀར་པོ་སྟེ། །
མཆེ་བ་རྣམ་པར་གཙིགས་པའོ། །ཇི་ལྟར་གནས་ཀྱི་རིམ་པ་དག །བུམ་པ་མངོན་བརྗོད་རིམ་པ་ལས། །རྣལ་འབྱོར་མ་ཡི་དཀྱིལ་འཁོར་གྱི། །ལེའུ་རྡོ་རྗེ་སེམས་དཔས་བཤད། །གཞན་དུ་རྡོ་རྗེ་མཁའ་འགྲོ་དང་། །མངོན་བརྗོད་རྒྱུད་ཀྱི་
དང་པོ་ཡི། །ལེའུ་ལ་ངེས་པར་འགལ་བ་མེད། །སྙེམས་པའི་དཀྱིལ་འཁོར་གྱི་ནི་ཆོ་ག་སྟེ། །ལྔ་པོ་ལྔ་པའི་བདག་ཉིད་སྦྱོར་ཆེན་པོ། །སྡོམ་པའི་ཆོ་ག་སྦས་པ་གསང་བ་སྟེ། །མཁའ་འགྲོ་མ་ནི་མ་ལུས་ཐམས་ཅད་ཀྱི། །འདི་ལྟར་གཞན་དུ་
བཀའ་ཡི་ཕྱོགས་བཞིན་དུ། །བུམ་པ་རྣམ་པ་སྣ་ཚོགས་པ། །བུམ་པ་སྣ་ཚོགས་ཆོ་ག་བཞིན། །གསེར་དང་དངུལ་ལས་བྱས་པ་སྟེ། །སྣ་ཚོགས་གོས་ཀྱིས་མཛེས་པ་དང་། །མེ་ཏོག་ཕྲེང་བས་རྣམ་པར་བརྒྱན། །འཆི་མེད་ལྔ་ཡིས་ཡོངས་
སུ་བཀང་། །རྣམ་ལྔ་སྨན་དང་ཡང་དག་ལྡན། །རིན་ཆེན་ལྔ་དང་བཅས་པ་དང་། །འབྲུ་ལྔ་དག་གིས་རྣམ་པར་མཛེས། །དཀྱིལ་འཁོར་ཕྱོགས་དང་མཚམས་རྣམས་སུ། །བུམ་པ་བཅུ་དྲུག་བཞག་ནས་ཀྱང་། །མཁའ་འགྲོ་མ་ནི་སྣ་ཚོགས་
མཆོད། །གླུ་དང་གར་དང་བདེ་བ་ཆེ། །ཕྱོགས་ཀྱི་གོས་ཅན་སྐྲ་གྲོལ་བ། །སྣ་ཚོགས་རོལ་མོའི་སྒྲ་དག་དང་། །སྣ་ཚོགས་ཡི་དགས་ཕྲེང་བ་ཡིས། །དཀྱིལ་འཁོར་ཕྱི་རོལ་ཡོངས་སུ་བསྐོར། །དེ་ཡི་ཕྱི་རོལ་མུ་ཁྱུད་ཀྱི། །དབུས་སུ་མཁའ་འགྲོ་

85-1-124b

མ་ཡིན་ཏེ། །ཕྱི་རོལ་སྐ་རགས་ཀྱིས་བསྐོར་བ། །དུར་ཁྲོད་རྣམ་པར་འཇིགས་པ་དག །སྣ་ཚོགས་དུ་མས་རྣམ་པར་མཛེས། །མདུན་དུ་ཡེ་ཤེས་དམ་ཚིག་གི། །དཀྱིལ་འཁོར་མཆོག་ནི་མཐོང་ནས་ཀྱང་། །མངོན་བརྗོད་དམ་ཚིག་དེ་བཞིན་
མཆོད། །རིམ་པ་བཞིན་དུ་དབང་ཡང་བསྐུར། །མཁས་པས་ལུས་ལ་བཀོད་ནས་ནི། །གཅིག་ཏུ་བསྡུས་ཏེ་ཐིམ་ནས་སུ། །དཔའ་བོ་དང་ནི་རྣལ་འབྱོར་མ། །ཕུང་པོ་ཁམས་དང་སྐྱེ་མཆེད་གནས། །གོ་ཆ་གཉིས་པོ་བགོ་བར་བྱ། །
འཁོར་ལོ་ཐམས་ཅད་རྣམ་བསྒོམས་ནས། །ཕུང་པོ་ཁམས་དང་སྐྱེ་མཆེད་དང་། །ལུས་ངག་ཡིད་ལ་རྣམ་པར་དགོད། །ཡེ་ཤེས་སེམས་དཔའ་སྙིང་ལ་དགོད། །སྣ་ཚོགས་ཡིད་དུ་འོང་བ་ཡིས། །དམ་ཚིག་ལྷ་ཡི་མཆོད་པས་མཆོད། །ཡེ་ཤེས་
བཟླས་པའི་བྱ་བ་དག །གྲངས་མེད་པ་ནི་རྣམ་པར་སྤྲོས། །དུང་ཆེན་ཕྲེང་བ་བླངས་ནས་སུ། །མཉམ་པར་བཞག་ནས་བཟླས་པ་བྱ། །དེར་ནི་ཡེ་ཤེས་འཁོར་ལོ་ལ། །མཁས་པས་མཆོད་བསྟོད་བཟླས་པ་བྱ། །སེམས་ཅན་རྣམས་ལ་ཕན་པའི་
ཕྱིར། །རྣལ་འབྱོར་པ་ཡིས་སྨོན་ལམ་གདབ། །ཐེག་པ་ཆེན་པོའི་ཆོས་རྣམས་ནི། །རྣལ་འབྱོར་པ་ཡིས་མྱུར་བར་འགྲུབ། །ཨོཾ་བཛྲ་ཧེ་ཧེ་རུ་རུ་ཀྃ་ཤྲཱི་ཌཱ་ཀི་ནཱི་ཛཱ་ལ་སམ་བ་རྃ་ཧུྃ་ཧཱུྃ་ཕཊ་སྭཱ་ཧཱ། ཨོཾ་ཧྲཱིཿཧ་ཧ་ཧུྃ་ཧཱུྃ་ཕཊ། སྙིང་པོ་དང་
ཉེ་བའི་སྙིང་པོའོ། །ཨོཾ་བཛྲ་བཻ་རོ་ཙ་ནཱི་ཡེ་ཧུྃ་ཧཱུྃ་ཕཊ་སྭཱ་ཧཱ། ཨོཾ་སརྦ་བུད་དྷ་ཌཱ་ཀི་ནཱི་ཡེ་ཧུྃ་ཧཱུྃ་ཕཊ་སྭཱ་ཧཱ། ལྷ་མོའི་སྙིང་པོ་དང་ཉེ་བའི་སྙིང་པོའོ། །ཨོཾ་ཁཎྜ་ཀ་པཱ་ལི་ན་ཀ་ར་ཀ་ར་ཧུྃ་ཧཱུྃ་ཕཊ་སྭཱ་ཧཱ། ཨོཾ་པྲ་ཙཎ་ཌི་ཧུྃ་ཧཱུྃ་ཕཊ་སྭཱ་ཧཱ། ཨོཾ་མ་ཧཱ་ཀང་ཀཱ་
ལ་ཀུ་རུ་ཀུ་རུ་ཧུྃ་ཧཱུྃ་ཕཊ་སྭཱ་ཧཱ། ཨོཾ་ཙཎ་ཌཱ་ཀྵི་ཧུྃ་ཧཱུྃ་ཕཊ་སྭཱ་ཧཱ། ཨོཾ་ཀང་ཀཱ་ལ་བན་དྷ་བན་དྷ་ཧུྃ་ཧཱུྃ་ཕཊ་སྭཱ་ཧཱ། ཨོཾ་པྲ་བྷ་བ་ཏཱི་ཧུྃ་ཧཱུྃ་ཕཊ་སྭཱ་ཧཱ། ཨོཾ་བི་ཀ་ཊ་དཾ་ཥྚྲི་ན་ཏྲཱ་ས་ཡ་ཏྲཱ་ས་ཡ་ཧུྃ་ཧཱུྃ་ཕཊ་སྭཱ་ཧཱ། ཨོཾ་མ་ཧཱ་ན་སེ་ཧུྃ་ཧཱུྃ་ཕཊ་སྭཱ་ཧཱ། ཨོཾ་སུ་ར་བཻ་རི་ཎ་ཀྵོ་བྷ་
ཡ་ཀྵོ་བྷ་ཡ་ཧུྃ་ཧཱུྃ་ཕཊ་སྭཱ་ཧཱ། ཨོཾ་བཱི་ར་མ་ཏི་ཧུྃ་ཧཱུྃ་ཕཊ་སྭཱ་ཧཱ། ཨོཾ་ཨ་མི་ཏཱ་བྷ་ཧྲཽྃ་ཧྲཽཾ་ཧུྃ་ཧཱུྃ་ཕཊ་སྭཱ་ཧཱ། ཨོཾ་ཁརྦ་རི་ཧུྃ་ཧཱུྃ་ཕཊ་སྭཱ་ཧཱ། ཨོཾ་བཛྲ་པྲ་བྷ་དྲ་ཧྲཿཧྲཿ་ཧུྃ་ཧཱུྃ་ཕཊ་སྭཱ་ཧཱ། ཨོཾ་ལང་ཀེ་ཤྭ་རི་ཧུྃ་ཧཱུྃ་ཕཊ་སྭཱ་ཧཱ། ཨོཾ་བཛྲ་དེ་ཧ་ཕེྃ་ཕེཾ་ཧུྃ་ཧཱུྃ་ཕཊ་

85-1-125a

སྭཱ་ཧཱ། ཨོཾ་བཛྲ་དྲུ་མཙྪ་ཡེ་ཧུྃ་ཧཱུྃ་ཕཊ་སྭཱ་ཧཱ། ཨོཾ་ཨང་ཀུ་རི་ཀ་ཕཊ་ཕཊ་ཧུྃ་ཧཱུྃ་ཕཊ་སྭཱ་ཧཱ། ཨོཾ་ཨཻ་ར་བ་ཏི་ཧུྃ་ཧཱུྃ་ཕཊ་སྭཱ་ཧཱ། ཨོཾ་བཛྲ་ཛཱ་ཊི་ལ་ད་ཧ་ད་ཧ་ཧུྃ་ཧཱུྃ་ཕཊ་སྭཱ་ཧཱ། ཨོཾ་མ་ཧཱ་བྷཻ་ར་བི་ཧུྃ་ཧཱུྃ་ཕཊ་སྭཱ་ཧཱ། ཨོཾ་མ་ཧཱ་བཱི་ར་པ་ཙ་
པ་ཙ་ཧུྃ་ཧཱུྃ་ཕཊ་སྭཱ་ཧཱ། ཨོཾ་བཱ་ཡུ་བེ་གེ་ཧུྃ་ཧཱུྃ་ཕཊ་སྭཱ་ཧཱ། ཨོཾ་བཛྲ་ཧཱུྃ་ཀཱ་ར་བྷ་ཀྵ་བ་ས་རུ་དྷི་ར་ཨན་ཏྲ་མཱ་ལཱ་བ་བཾ་བི་ནི་ཧུྃ་ཧཱུྃ་ཕཊ་སྭཱ་ཧཱ། ཨོཾ་སུ་ར་བྷཀྵི་ཧུྃ་ཧཱུྃ་ཕཊ་སྭཱ་ཧཱ། ཨོཾ་སུ་བྷ་ཏྲ་གྲྀཧྞ་གྲྀཧྞ་ས་པྟ་པཱ་ཏཱ་ལ་ག་ཏྃ་བྷུ་ཛྃ་ག་མ་ས་བཱ་ཏརྫྫ་
ཡ་ཏརྫྫ་ཡ་ཧུྃ་ཧཱུྃ་ཕཊ་སྭཱ་ཧཱ། ཨོཾ་ཤྱཱ་མ་དེ་ཝི་ཧུྃ་ཧཱུྃ་ཕཊ་སྭཱ་ཧཱ། ཨོཾ་བཛྲ་བྷ་དྲ་ཨཱ་ཀཌྜྷ་ཨཱ་ཀཌྜྷ་ཧུྃ་ཧཱུྃ་ཕཊ་སྭཱ་ཧཱ། ཨོཾ་སུ་བྷ་དྲེ་ཧུྃ་ཧཱུྃ་ཕཊ་སྭཱ་ཧཱ། ཨོཾ་མ་ཧཱ་བྷཻ་ར་བ་ཧྲཱིྃ་ཧྲཱིྃ་ཧུྃ་ཧཱུྃ་ཕཊ་སྭཱ་ཧཱ། ཨོཾ་ཧ་ཡ་ཀརྞྞེ་ཧུྃ་ཧཱུྃཕཊ་སྭཱ་ཧཱ། ཨོཾ་བི་རཱུ་པཱ་ཀྵི་
ཛྙོོཾ་ཛྙོོཾ་ཧུྃ་ཧཱུྃ་ཕཊ་སྭཱ་ཧཱ། ཨོཾ་ཁ་གཱ་ན་ནེ་ཧུྃ་ཧཱུྃ་ཕཊ་སྭཱ་ཧཱ། ཨོཾ་མ་ཧཱ་བ་ལ་ཧུྃ་ཧཱུྃ་ཕཊ་སྭཱ་ཧཱ། ཨོཾ་ཙཀྲ་བེ་གེ་ཧུྃ་ཧཱུྃ་ཕཊ་སྭཱ་ཧཱ། ཨོཾ་རཏྣ་བཛྲ་ཧཱྃ་ཧཱྃ་ཧུྃ་ཧཱུྃ་ཕཊ་སྭཱ་ཧཱ། ཨོཾ་ཁཎྜ་རོ་ཧི་ཧུྃ་ཧཱུྃ་ཕཊ་སྭཱ་ཧཱ། ཨོཾ་ཧ་ཡ་གྲཱི་བ་ཧཱྃ་ཧཱྃ་ཧུྃ་ཧཱུྃ་ཕཊ་སྭཱ་ཧཱ། ཨོཾ་ཤཽཎ་ཌི་ནི་
ཧུྃ་ཧཱུྃ་ཕཊ་སྭཱ་ཧཱ། ཨོཾ་ཨཱ་ཀཱ་ཤ་གར་བྷ་ཧཱུྃ་ཧཱུྃ་ཧཱུྃ་ཧཱུྃ་ཕཊ་སྭཱ་ཧཱ། ཨོཾ་ཙཀྲ་ཝར་མི་ཎི་ཧུྃ་ཧཱུྃ་ཕཊ་སྭཱ་ཧཱ། ཨོཾ་ཧེ་རུ་ཀི་ཀི་ལི་ཀི་ལི་ཧུྃ་ཧཱུྃ་ཕཊ་སྭཱ་ཧཱ། ཨོཾ་སུ་བཱི་རེ་ཧུྃ་ཧཱུྃ་ཕཊ་སྭཱ་ཧཱ། ཨོཾ་པད་མ་ནར་ཏི་ཤྭ་ར་སི་ལི་སི་ལི་ཧུྃ་ཧཱུྃ་ཕཊ་སྭཱ་ཧཱ། 
ཨོཾ་མ་ཧཱ་བ་ལེ་ཧུྃ་ཧཱུྃ་ཕཊ་སྭཱ་ཧཱ། ཨོཾ་བཻ་རོ་ཙ་ན་ཧི་ལི་ཧི་ལི་ཧུྃ་ཧཱུྃ་ཕཊ་སྭཱ་ཧཱ། ཨོཾ་ཙཀྲ་ཝརྟི་ཎི་ཧུྃ་ཧཱུྃ་ཕཊ་སྭཱ་ཧཱ། ཨོཾ་བཛྲ་ས་ཏྭ་དྷི་ལི་དྷི་ལི་ཧུྃ་ཧཱུྃ་ཕཊ་སྭཱ་ཧཱ། ཨོཾ་མ་ཧཱ་བི་རྱེ་ཧུྃ་ཧཱུྃ་ཕཊ་སྭཱ་ཧཱ། ཨོཾ་ཌཱ་ཀི་ནི་ཧུྃ་ཧཱུྃ་ཕཊ་སྭཱ་ཧཱ། 
ཨོཾ་ལཱ་མེ་ཧུྃ་ཧཱུྃ་ཕཊ་སྭཱ་ཧཱ། ཨོཾ་ཁཎྜ་རོ་ཧི་ཧུྃ་ཧཱུྃ་ཕཊ་སྭཱ་ཧཱ། ཨོཾ་རཱུ་པི་ཎི་ཧུྃ་ཧཱུྃ་ཕཊ་སྭཱ་ཧཱ། ཨོཾ་ཀཱ་ཀཱ་སྱེ་ཧུྃ་ཧཱུྃ་ཕཊ་སྭཱ་ཧཱ། ཨོཾ་ཨུ་ལུ་ཀཱ་སྱེ་ཧུྃ་ཧཱུྃ་ཕཊ་སྭཱ་ཧཱ། ཨོཾ་ཤྭཱ་ནཱ་སྱེ་ཧུྃ་ཧཱུྃ་ཕཊ་སྭཱ་ཧཱ། ཨོཾ་སཱུ་ཀ་རཱ་སྱེ་
ཧུྃ་ཧཱུྃ་ཕཊ་སྭཱ་ཧཱ། ཨོཾ་ཡ་མ་ད་ཌྷི་ཧུྃ་ཧཱུྃ་ཕཊ་སྭཱ་ཧཱ། ཨོཾ་ཡ་མ་དུྰ་ཏི་ཧུྃ་ཧཱུྃ་ཕཊ་སྭཱ་ཧཱ། ཨོཾ་ཡ་མ་དྃ་ཧུྃ་ཧཱུྃ་ཕཊ་སྭཱ་ཧཱ། ཨོཾ་ཡ་མ་མ་ཐ་ནི་ཧུྃ་ཧཱུྃ་ཕཊ་སྭཱ་ཧཱ། འདི་ནི་ཇི་ལྟའི་རིམ་པ་ཡིས། །གཞན་ལ་ཕན་ཕྱིར་དམ་ཚིག་ཅན། །

85-1-125b

མཆོད་དང་བསྒོམ་དང་བཟླས་པ་བྱ། །ཞི་བ་དང་ནི་རྒྱས་པ་འཕེལ། །ཡིད་དུ་འོང་བའི་དངོས་གྲུབ་འཐོབ། །སྒོམ་སྐྱེས་དབྱེ་བའི་མཆོག་དམ་པ། །སྦྱོར་བས་འདོད་པ་ཐམས་ཅད་སྩོལ། །ཇི་ལྟའི་ལས་རྣམས་བྱས་ན་ནི། །
འགྲུབ་པར་ཡང་ནི་ཐེ་ཙོམ་མེད། །སྦྱོར་བའི་དངོས་གྲུབ་དམ་པའི་མཆོག །བླ་མའི་ངག་ལས་རྙེད་པར་འགྱུར། །གཞན་ཡང་རྣལ་འབྱོར་མ་ཡི་གནས། །བརྒྱུད་པའི་རིམ་པའི་མཆོག་གྱུར་པ། །ཡང་ན་སྔོན་གྱི་དངོས་གྲུབ་ནི། །
རྨི་ལམ་དུ་ནི་སྟོན་པ་ཡིན། །གཞན་ཡང་བླ་མའི་གོ་འཕང་བརྙེས་པ་ནི། །རྣལ་འབྱོར་མ་ཡིས་རབ་ཏུ་སྩོལ། །དམ་ཚིག་མཆོག་གི་གསང་བ་དང་། །སྦས་པ་འདི་ནི་བསྟན་མི་བྱ། །རྣལ་འབྱོར་མ་ཡི་ཐུགས་དང་ནི། །
སངས་རྒྱས་ཐུགས་ནི་མཆོག་གྱུར་པ། །མཁའ་འགྲོ་མ་ཡི་སྙིང་པོ་གསང་། །རྣལ་འབྱོར་སྦྱོར་བའི་མཆོག་ཡིན་ནོ། །མངོན་པར་བརྗོད་པའི་རྒྱུད་བླ་མའི་བླ་མ་ལས་དངོས་གྲུབ་ཀྱི་གནས་ཀྱི་རིམ་པའི་ལེའུ་སྟེ་བཅུ་གཅིག་
པའོ།། །། དེ་ནས་སྦྱོར་བ་བཤད་བྱ་བ། །འདོད་པའི་དོན་ཀུན་སྒྲུབ་བྱེད་པ། །བླ་མ་ལས་ཀྱང་བླ་མ་སྟེ། །མཁའ་འགྲོ་མ་ཡི་དྲ་བའི་སྡོམ། །
ཕག་མོ་བདག་མོ་ཆེན་མོ་ནི། །རྣལ་འབྱོར་མ་ཡིས་ལེགས་བསྒྲུབས་པ། །འདི་ནི་ཀུན་གྱི་རྣལ་འབྱོར་ཏེ། །རྣལ་འབྱོར་སྙིང་པོ་བསྡུས་པ་ཡིན། །པད་མ་འདབ་བརྒྱད་ལ་བྲི་བ། །སྣ་ཚོགས་མདོག་
ཅན་མཆོག་དམ་པ། །ལྟེ་བ་གེ་སར་བཅས་པ་ལ། །ཐམས་ཅད་ཡོངས་སུ་དག་པའི་གདན། །དེ་ཡི་དབུས་སུ་ཟླ་བའི་ཆ། །དེ་བཞིན་དག་ཅིང་དྲི་མ་མེད། །དེ་སྟེང་ཨཱ་ལི་ཀཱ་ལི་སྟེ། །དབུས་སུ་བྃ་གིས་རྣམ་པར་བརྒྱན། །
དེ་དབུས་ལྷ་མོ་བཞེངས་པ་ནི། །རྡོ་རྗེ་ཕག་མོ་རྣལ་འབྱོར་མ། །ཞལ་བཞི་པ་ལ་ཕྱག་བཅུ་གཉིས། །སྤྱན་གསུམ་པ་ལ་ཞལ་རྣམ་བསྒྱུར། །སྐྱིལ་མོ་ཀྲུང་ནི་ཕྱེད་པར་བཞུགས། །གར་གྱིས་རྣམ་པར་ལེགས་བརྒྱན་ཅིང་། །ཕྱོགས་ཀྱི་གོས་ཅན་སྐྲ་གྲོལ་བ། །

85-1-126a

ཕྱེད་ནི་བུད་མེད་དབང་ཕྱུག་ཞལ། །དཀར་ལ་དམར་བའི་གཟུགས་འཛིན་ཅིང་། །ཐོད་པའི་ཅོད་པན་རྣམ་པར་བརྒྱན། །རྡོ་རྗེ་དྲིལ་བུ་ཕྱག་ན་འཆང་། །པད་མ་འཁྱིལ་བས་རྣམ་བསྐོར་ཅིང་། །དཔྲལ་བ་
ཡི་ནི་ཕྱག་རྒྱ་འབར། །གཉིས་ཀྱིས་མི་ཡི་ལྤགས་པ་མནབས། །ཐོད་པ་དང་ནི་ཁ་ཊྭཱྃ་འཆང་། །ཞགས་པ་ལྕགས་ཀྱུ་མཆོག་ཀྱང་འཛིན། །ཅང་ཏེའུ་གྲི་གུག་ཚངས་པ་ཡི། །མགོ་བོ་གདོང་ནི་བཞི་པ་སྟེ། །སྔོ་ཞིང་སེར་ལ་
ལྗང་བ་ཡི། །ཞལ་གྱིས་ལྷ་མོ་རྣམ་པར་བརྒྱན། །ཞལ་གདོང་མཆེ་བ་རྣམ་གཙིགས་ཤིང་། །ཟླ་བ་ཕྱེད་པས་རྣམ་པར་བརྒྱན། །སྣ་ཚོགས་རྡོ་རྗེ་དབུ་རྒྱན་མཚན། །དངོས་གྲུབ་ཐམས་ཅད་རབ་ཏུ་སྩོལ། །ཕྱག་རྒྱ་དྲུག་གིས་
རྒྱས་བཏབ་ཅིང་། །ལྷ་མོ་དུམ་བུའི་སྐེ་རགས་བརྒྱན། །གཡེར་གའི་སྐུ་རགས་སྒྲ་དང་ལྡན། །རྐང་གདུབ་དག་གིས་ལེགས་པར་བརྒྱན། །དཔུང་རྒྱན་དག་གིས་རྣམ་པར་མཛེས། །དཔྲལ་བ་ལ་ནི་རྡོ་རྗེའི་ཕྲེང་། །རྡོ་རྗེས་མཚན་
པའི་ཕྱག་རྒྱ་ཅན། །སྐུ་ལུས་མཛེས་ཤིང་ཡིད་འཕྲོག་པའོ། །ཤར་གྱི་མདབ་མར་མཁའ་འགྲོ་མ། །སེང་གེའི་གདོང་སྟེ་རྣམ་པར་འཇིགས། །གཡོན་དུ་ཕག་གི་གདོང་ཅན་ཏེ། །ལྷ་མོ་ལཱ་མ་རབ་འཇིགས་མ། །ནུབ་ཏུ་ལྷ་མོ་གླང་པོའི་
གདོང་། །དུམ་སྐྱེས་མ་ནི་དབང་མོའོ། །ལྷོ་རུ་ལྷ་མོའི་ཚུལ་ཅན་ནི། །གཟུགས་ཅན་མ་སྟེ་རྟ་ཡི་གདོང་། །སྤྱན་གསུམ་པ་ལ་སྣ་ཚོགས་གཟུགས། །ཐོད་པ་ཁ་ཊྭཱྃ་ག་འཛིན་ཅིང་། །མགོ་དང་གྲི་གུག་ཕྱག་ན་བསྣམས། །གཅེར་བུ་དབུ་སྐྲ་
གྲོལ་བ་ལ། །གར་གྱིས་ཀྱང་ནི་ལེགས་པར་མཛེས། །ཡི་དགས་རྒྱབ་ལ་སྐྱིལ་ཀྲུང་ཕྱེད། །བཞིན་རྣམ་སྒྱུར་ཞིང་རབ་ཏུ་འཇིགས། །འཇིགས་བྱེད་དང་ནི་དུས་མཚན་དག །ལྷ་མོའི་ཞབས་ཀྱིས་འོག་ཏུ་མནན། །མེ་སོགས་མཚམས་ནི་བཞི་
པོ་ལ། །བྱང་ཆུབ་སེམས་ལ་སོགས་པའི་སྣོད། །བུམ་པའི་སྟེང་དུ་རྣམ་པར་དགོད། །དུང་དང་ཀུན་ད་ཟླ་བའི་མདོག །འཁོར་ལོ་རྩིབས་ནི་དྲུག་པ་བྲི། །མཁས་པས་དེ་དབུས་བྲི་བ་ནི། །མ་མོའི་རིགས་ནི་བཞི་པ་སྟེ། །མཱ་མ་ཀཱི་དང་སྤྱན་དང་

85-1-126b

ནི། །ལྷ་མོ་སྒྲོལ་མ་གོས་དཀར་མོ། །སྔོ་དང་དཀར་དང་དམར་བ་སྟེ། །ལྷ་མོ་རྡོ་རྗེ་རིགས་དབང་ཕྱུག །དཀར་དང་སྔོ་དང་དམར་བའི་ཞལ། །ལྷ་མོ་རྟག་པའི་རིགས་ཡིན་ནོ། །ལྗང་དང་དཀར་དང་དམར་བ་ཡི། །ལྷ་མོ་ལས་
ཀྱི་རིགས་ཡིན་ནོ། །དམར་དང་སེར་དང་ལྗང་གུ་ཡི། །ལྷ་མོ་པད་མའི་རིགས་ཡིན་ནོ། །སྤྱན་གསུམ་པ་ལ་སྐྲ་གྲོལ་ཞིང་། །ཕྱོགས་ཀྱི་གོས་མཆོག་འཛིན་པ་ཡིན། །རྒྱན་རྣམས་ཐམས་ཅད་ཡོངས་སུ་རྫོགས། །ཕྱག་རྒྱ་
དྲུག་གིས་རྣམ་པར་བརྒྱན། །ཐོད་པ་དང་ནི་ཁ་ཊྭཱྃ་འཛིན། །རང་གི་ཕྱག་མཚན་བཞི་པ་སྟེ། །རྡོ་རྗེ་འཁོར་ལོ་ཀུན་རྡོ་རྗེ། །པད་མ་དམར་པོ་མཆོག་དམ་པ། །ཐམས་ཅད་དེ་བཞིན་དྲིལ་བུ་འཛིན། །ཐོད་པ་འཁྱིལ་བས་
རྣམ་པར་བསྐོར། །བདུད་བཞི་ཞབས་ཀྱིས་རྣམ་གནོན་ཅིང་། །གར་དང་གླུ་ཡིས་བཞད་པའི་ཞལ། །སྣ་ཚོགས་པད་མ་ཟླ་དབུས་བཞུགས། །རིགས་ཀྱི་དངོས་གྲུབ་རབ་སྟེར་བའོ། །ཕྱག་ན་མགོ་བོ་ཅང་ཏེའུ་བསྣམས། །
རྡོ་རྗེ་གྲི་གུག་གིས་རྣམ་བརྒྱན། །ཐོད་པའི་ཕྲེང་བའི་དབུ་རྒྱན་ཅན། །མགོ་ཡི་ཕྲེང་བས་རྣམ་པར་བརྒྱན། །ཟུར་གྱི་ཆ་ནི་ཐམས་ཅད་དུ། །གནས་ལ་སོགས་པའི་རིམ་པ་དགོད། །ཤར་ཏུ་རྩིབས་དྲུག་འཁོར་ལོ་ལ། །
ཇི་ལྟའི་རྗེས་འབྲང་ལྷ་མོ་དགོད། །ཐོག་མའི་ཟུར་ལ་པུ་ལླཱི་ར། །མ་ལ་ཡ་ན་རབ་གཏུམ་མའོ། །གཉིས་པ་ཛ་ལན་དྷ་ར་ན་གཏུམ་མིག་མའོ། །གསུམ་པ་ཨཽ་ཌྱིན་ན་འོད་ལྡན་མའོ། །བཞི་པ་ཨར་བུ་ད་ན་སྣ་ཆེན་མའོ། །
ལྔ་པ་གོ་དཱ་པ་རི་ན་དཔའ་བའི་བློ་གྲོས་མའོ། །དྲུག་པ་རཱ་མེེ་ཤྭ་རི་ན་མིའུ་ཐུང་མའོ། །གཉིས་པ་བྱང་གི་འཁོར་ལོའི་རྩིབས་དྲུག་པ་དང་པོ་དེ་ཝི་ཀོ་ཊྚ་ན་ལང་ཀའི་དབང་ཕྱུག་མའོ། །གཉིས་པ་མཱ་ལ་བེ་ན་ཤིང་གྲིབ་མའོ། །གསུམ་པ་
ཀཱ་མ་རཱུ་པ་ན་ས་སྲུང་མའོ། །བཞི་པ་ཨོ་དྲེ་ན་འཇིགས་བྱེད་ཆེན་མོའོ། །ལྔ་པ་ཏྲི་ཤི་ཀུ་ནེ་ན་རླུང་གི་ཤུགས་ཅན་མའོ། །དྲུག་པ་ཀོ་ས་ལ་ན་ཆང་འཐུང་མའོ། །ནུབ་ཀྱི་འཁོར་ལོ་གསུམ་པའི་རྩིབས་དྲུག་གི་ཤར་ཏུ་ཀ་ལིངྒ་ན་སྔོ་བསངས་
85-1-127a

ལྷ་མོའོ། །གཉིས་པ་ལམ་བཱ་ཀ་ན་རབ་བཟངས་མའོ། །གསུམ་པ་ཀཱྃ་ཙཱི་ན་རྟ་རྣ་མའོ། །བཞི་པ་ཧི་མ་ལ་ཡ་ན་བྱ་གདོང་མའོ། །ལྔ་པ་པྲེ་ཏ་པུ་རི་ན་འཁོར་ལོའི་ཤུགས་ཅན་མའོ། །དྲུག་པ་གྲྀ་ཧ་དེ་བ་ཏ་ན་
དུམ་སྐྱེས་མའོ། །ལྷོའི་འཁོར་ལོ་བཞི་པའི་རྩིབས་དྲུག་གི་ཤར་ལ་སཽ་རཱ་ཥྚ་ན་ཆང་འཚོང་མའོ། །གཉིས་པ་ན་སུ་བརྞ་དྭཱི་པེ་ན་འཁོར་ལོའི་གོ་ཆ་མོ། །གསུམ་པ་ན་ག་ར་ན་རབ་ཏུ་དཔའ་མོའོ། །བཞི་པ་སིནྡྷུ་ན་སྟོབས་ཆེན་མའོ། །
ལྔ་པ་མ་རུ་ཙ་ན་འཁོར་ལོས་བསྒྱུར་མའོ། །དྲུག་པ་ཀུ་ལ་ཏན་བརྩོན་འགྲུས་ཆེན་མོའོ། །ཐོག་མ་དཀར་ཞིང་ལྗང་བ་དང་། །ཐོད་པ་དང་ནི་ཁ་ཊྭཱྃ་ག །འཁོར་ལོ་ཅང་ཏེའུ་གྲི་གུག་གོ། །གཉིས་པ་བྱང་ནི་སྔོ་ལ་སེར། །རྡོ་རྗེ་ཐོད་པ་
ཁ་ཊྭཱྃ་ག །ཅང་ཏེའུ་དང་ནི་གྲི་གུག་གོ། །གསུམ་པ་ནུབ་ནི་དམར་ལ་སེར། །ཐོད་པ་དང་ནི་ཁ་ཊྭཱྃ་ག །པད་མ་ཅང་ཏེའུ་གྲི་གུག་གོ། །བཞི་པ་ལྷོ་ཡི་ལྷ་མོ་ནི། །སེར་དམར་སྣ་ཚོགས་རྡོ་རྗེ་དང་། །ཅང་ཏེའུ་གྲི་གུག་ཐོད་པ་དང་། །
ཁ་ཊྭཱྃ་ག་ཡང་ཡོངས་སུ་འཛིན། །ལྷ་མོ་དེ་དག་ཐམས་ཅད་ཀྱང་། །ཕྱེད་ནི་བུད་མེད་དབང་ཕྱུག་མའོ། །སྤྱན་གསུམ་པ་ལ་ཕྱག་བཞི་པ། །གཅེར་བུ་དབུ་སྐྲ་གྲོལ་བ་དང་། །སྐྱིལ་མོ་དཀྲུང་ཕྱེད་གར་བཅས་པས། །ཡི་དགས་
རྒྱབ་ལ་ཞབས་ཀྱིས་བཞུགས། །ཐོད་པའི་ཕྲེང་བའི་དབུ་རྒྱན་ཅན། །ཕྱག་རྒྱ་ལྔ་ཡིས་རྣམ་པར་བརྒྱན། །རྐང་རྒྱན་དང་ནི་སྐ་རགས་དང་། །དབུ་རྒྱན་རྡོ་རྗེས་མཚན་པའོ། །འཁོར་ལོ་དེ་ཡི་རྒྱབ་ཏུ་ནི། །ཤར་དུ་རྡོ་རྗེ་ཕྲེང་བས་
བསྐོར། །བྱང་དུ་འཁོར་ལོའི་ཕྲེང་བ་སྟེ། །ནུབ་ཏུ་སྣ་ཚོགས་རྡོ་རྗེ་ཕྲེང་། །ལྷོ་རུ་པད་མ་ཡི་ཕྲེང་བའོ། །དབུས་སུ་རྡོ་རྗེ་ཕྲེང་བས་བརྒྱན། །ཟུར་གྱི་ཆ་ནི་ཐམས་ཅད་དུ། །སྣ་ཚོགས་རྡོ་རྗེ་མཉམ་པར་བྲི། །དེ་རྒྱབ་ཡི་དགས་སྣ་
ཚོགས་ཀྱི། །ཕྲེང་བས་མཁས་པས་བསྐོར་བར་བྱ། །ཕྱི་རོལ་དཀྱིལ་འཁོར་སྒོ་རྣམས་དང་། །ཟུར་གྱི་ཆ་ནི་བཞི་པོ་ལ། །མཁའ་འགྲོ་འདུས་པའི་གཟུགས་དེ་ནི། །མཉམ་པར་བཞག་ནས་བྲི་ཞིང་དགོད། །ཁྭ་གདོང་ཤར་ཏུ་

85-1-127b

དགོད་པ་སྟེ། །སྔོ་ལ་དམར་དང་ཡིད་འཕྲོག་པ། །འུག་གདོང་བྱང་སྐོར་དགོད་པ་སྟེ། །ལྗང་ཞིང་དམར་ལ་ལེགས་པར་མཛེས། །ཁྱི་གདོང་ནུབ་ཀྱི་སྒོ་ལ་ནི། །སེར་ཞིང་དུད་ཁ་རབ་ཏུ་གདུག །ཕག་གདོང་ལྷོ་རུ་དགོད་པ་ནི། །
ལྗང་ཞིང་སྔོ་བའི་གཟུགས་ཅན་ནོ། །སྤྱན་གསུམ་བཞིན་བསྒྱུར་རབ་གདུག་ཅིང་། །དམ་པ་ཕྱོགས་ཀྱི་གོས་འཆང་བའོ། །མིག་གཡོན་དང་ནི་གཟུགས་མི་སྡུག །གཡས་བརྐྱང་བ་ཡི་ཞབས་ཀྱིས་བཞུགས། །སྣ་ཚོགས་པད་
མའི་ཉི་དབུས་བཞུགས། །ཕྱག་རྒྱ་ལྔ་ཡིས་རྣམ་པར་བརྒྱན། །ཐོད་པའི་ཕྲེང་བའི་དབུ་རྒྱན་ཅན། །སྣ་ཚོགས་གཟུགས་ཅན་ཡིད་འཕྲོག་པ། །གཅེར་བུ་སྐྲ་གྲོལ་རྣམ་པར་འཇིགས། །གཤིན་རྗེ་སྲེག་མ་མ་ཧེ་གདོང་། །མེ་ཡི་
ཕྱོགས་སུ་རྣམ་པར་བཞུགས། །གཤིན་རྗེ་ཕོ་ཉ་བོང་བུའི་གདོང་། །བདེན་བྲལ་ཕྱོགས་སུ་རྣམ་པར་བཞུགས། །གཤིན་རྗེ་མཆེ་བ་རྔ་མོའི་གདོང་། །གདུག་པ་རླུང་ཕྱོགས་རབ་ཏུ་བཞུགས། །གཤིན་རྗེ་འཇོམས་མ་རྟ་ཡི་གདོང་། །
འདི་དག་ཆགས་པས་རབ་ཏུ་མྱོས། །ཐོད་པའི་ཕྲེང་བའི་དབུ་རྒྱན་ཅན། །སྣ་ཚོགས་གཟུགས་ཅན་ཡིད་འཕྲོག་མའོ། །གཅེར་བུ་དབུ་སྐྲ་གྲོལ་བ་ལ། །སྐྱིལ་དཀྲུང་ཕྱེད་པར་གར་དང་བཅས། །མཆེ་བ་རྣམ་པར་གཙིགས་
པའི་ཞལ། །སྤྱན་གསུམ་པ་ལ་གཡོ་བའི་སྐུ། །སྣ་ཚོགས་པད་མའི་ཉི་དབུས་བཞུགས། །མི་སྡུག་རྗེས་སུ་ཆགས་པས་མྱོས། །ཐམས་ཅད་ཡི་དགས་སྟེང་ན་བཞུགས། །འཁོར་ལོ་སོགས་པའི་དཀྱིལ་འཁོར་
རྣམས། །ཐོད་པ་ཁ་ཊྭཱྃ་ག་འཛིན་ཅིང་། །གྲི་གུག་དང་ནི་མགོ་བོ་འཆང་། །ཕྱག་གཡས་དག་ན་ཅང་ཏེའུ་ཡི། །ཤིན་ཏུ་འཇིགས་པའི་སྒྲ་ཡང་སྒྲོགས། །ཕྱི་རོལ་བསྐོར་བའི་ཚུལ་ཅན་ནོ། །གཞན་དུ་རྣམ་པ་དུ་མ་ཡི། །
གླུ་དང་གར་གྱིས་མཆོད་པ་དང་། །སྣ་ཚོགས་དམ་ཚིག་དམ་པ་ཡི། །མེ་ཏོག་སྔོས་དང་མར་མེ་དང་། །དྲི་དང་ཕྲེང་བ་བྱུག་པ་དང་། །ལྷ་ཡི་གོས་ཀྱི་རྣམ་པ་དང་། །ལྷ་མོ་སིལ་སྙན་མཆོག་དམ་པ། །ཕྱི་རོལ་རྣལ་འབྱོར་མ་དག་མཆོད། །

85-1-128a

དེ་ཡི་དབུས་མདུན་མཐའ་ཡས་པའི། །ཐམས་ཅད་དུ་ནི་འཁོར་ཡོངས་ཀྱིས། །ནམ་མཁའི་ཁམས་ནི་ཡོངས་གང་བའི། །ཕག་མོའི་མཆོག་ནི་དམ་པ་དང་། །རྣལ་འབྱོར་མ་གདུག་རྣམས་ཀྱང་མཆོད། །མཆོག་འདི་
དག་ནི་གསང་ཞིང་སྦ། །སུ་ལ་ཡང་ནི་མི་བརྗོད་དོ། །ཕྱི་རོལ་ཡི་དགས་ཕྲེང་བ་ཡིས། །དཀྱིལ་འཁོར་མཆོག་གི་རང་བཞིན་ནི། །རྣམ་པར་འཕྲུལ་པ་དགོད་བྱ་སྟེ། །ཅི་ལྟའི་རིམ་པས་རྗེས་སུ་དགོད། །སེན་མོ་སོ་ནི་རབ་གཏུམ་
མའོ། །སྐྲ་དང་སྤུ་ནི་གཏུམ་མིག་མའོ། །ལྤགས་པ་དང་དྲི་མ་ནི་འོད་ལྡན་མའོ། །ཤ་ནི་སྣ་ཆེན་མའོ། །རྩ་རྒྱུས་ནི་དཔའ་བོའི་བློ་གྲོས་མའོ། །རུས་པ་ནི་མིའུ་ཐུང་མའོ། །མཁལ་མ་ནི་ལང་ཀའི་དབང་ཕྱུག་མའོ། །སྙིང་ནི་ཤིང་
གྲིབ་མའོ། །མིག་ནི་ས་སྲུང་མའོ། །མཁྲིས་པ་ནི་འཇིགས་བྱེད་ཆེན་མོའོ། །གློ་བ་ནི་རླུང་གི་ཤུགས་ཅན་མའོ། །རྒྱུ་མ་ནི་ཆང་འཐུང་མའོ། །གཉེ་མ་ནི་སྔོ་བསངས་ལྷ་མོའོ། །ལྟོ་བ་ནི་རབ་བཟངས་ལྷ་མོ། །ལྒང་པ་ནི་རྟ་རྣ་མའོ། །
སྐྲ་མཚམས་ནི་བྱ་གདོང་མའོ། །བད་ཀན་ནི་འཁོར་ལོའི་ཤུགས་ཅན་མའོ། །རྣག་ནི་དུམ་སྐྱེས་མའོ། །ཁྲག་ནི་ཆང་འཚོང་མའོ། །རྡུལ་ནི་འཁོར་ལོའི་གོ་ཆ་མའོ། །ཚིལ་ནི་ཤིན་དུ་དཔའ་མོའོ། །མཆི་མ་ནི་སྟོབས་ཆེན་མའོ། །
མཆིལ་མ་ནི་འཁོར་ལོས་བསྒྱུར་མའོ། །སྣབས་ནི་བརྩོན་འགྲུས་ཆེན་མོའོ། །པུ་ལ་ར་མ་སྟེ་མགོ་བོ་ལ་རབ་གཏུམ་མའོ། །ཛཱ་ལྃ་དྷ་ར་སྟེ་སྤྱི་གཙུག་ལ་གཏུམ་པའི་མིག་ཅན་མའོ། །ཨོཌྜི་ཡཱ་ཎ་སྟེ་རྣ་བ་གཡས་པར་འོད་
ལྡན་མའོ། །ཨར་བུ་ད་སྟེ་སྤྱི་བོའི་རྒྱབ་ཏུ་སྣ་ཆེན་མའོ། །གོ་དཱ་བ་རི་སྟེ་རྣ་བ་གཡོན་པར་བརྟན་པའི་བློ་ཅན་མའོ། །རཱ་མི་ཤྭ་རི་སྟེ་སྨིན་མའི་དབུས་སུ་མིའུ་ཐུང་མའོ། །དེ་བཱི་ཀོ་ཊྚ་སྟེ་མིག་ཏུ་ལང་ཀའི་དབང་ཕྱུག་མའོ། །མཱ་ལ་བ་སྟེ་
ཕྲག་པ་གཉིས་སུ་ནི་ཤིང་གྲིབ་མའོ། །ཀཱ་མ་རཱུ་པ་སྟེ་མིག་གཉིས་ལ་ས་སྲུང་མའོ། །ཨོ་དྲི་སྟེ་ནུ་མ་གཉིས་སུ་འཇིགས་བྱེད་ཆེན་མོའོ། །ཏྲི་ཤ་ཀུ་ནེ་སྟེ་ལྟེ་བར་རླུང་གི་ཤུགས་ཅན་མའོ། །ཀོ་ས་ལ་སྟེ་སྣ་རྩེར་ནི་ཆང་

85-1-128b

འཐུང་མའོ། །ཀ་ལིང་ཀ་སྟེ་ཁར་ནི་ཤྱ་མ་དེ་བའིའོ། །ལམ་བཱ་ཀ་སྟེ་མགྲིན་པར་ཤིན་ཏུ་བཟང་མོའོ། །ཀཱྃ་ཙཱི་སྟེ་སྙིང་ཀར་ནི་རྟ་རྣ་མའོ། །ཧི་མ་ལ་ཡ་སྟེ་འདོམས་སུ་ནི་བྱ་གདོང་མའོ། །པྲེ་ཏ་པུ་རི་སྟེ་མཚན་མ་ལ་ནི་
འཁོར་ལོའི་ཤུགས་ཅན་མའོ། །གྲྀ་ཧ་དེ་བ་ཏ་སྟེ་གཞང་ལ་ནི་དུམ་སྐྱེས་མའོ། །སཽ་རཱཥྚ་སྟེ་བརླ་གཉིས་ལ་ནི་ཆང་འཚོང་མའོ། །སུ་བརྞྞ་དྭཱི་བ་སྟེ་རྗེ་ངར་གཉིས་ལ་ནི་འཁོར་ལོའི་གོ་ཆ་མའོ། །ན་ག་ར་སྟེ་སོར་མོ་རྣམས་
ལ་དཔའ་བའི་བློ་གྲོས་མའོ། །སིནྡྷུ་སྟེ་རྐང་པའི་བོལ་ལ་སྟོབས་ཆེན་མའོ། །མ་རུ་སྟེ་མཐེ་བོང་གཉིས་ལ་འཁོར་ལོས་སྒྱུར་མའོ། །ཀུ་ལུ་ཏ་སྟེ་པུས་མོ་གཉིས་ལ་བརྩོན་ཆེན་མོའོ། །སའི་ཁམས་ནི་འབེབས་
མ། ཆུའི་ཁམས་ནི་གསོད་མ། མེའི་ཁམས་ནི་འགུགས་མ། རླུང་གི་ཁམས་ནི་གར་གྱི་དབང་ཕྱུག་མའོ། །ནམ་མཁའི་ཁམས་ནི་པད་མའི་དྲ་བ་མའོ། །གཟུགས་ཀྱི་ཕུང་པོ་ནི་རྣམ་པར་སྣང་མཛད། 
ཚོར་བའི་ཕུང་པོ་ནི་རྡོ་རྗེ་ཉི་མ། འདུ་ཤེས་ཀྱི་ཕུང་པོ་ནི་གར་གྱི་དབང་ཕྱུག །འདུ་བྱེད་ཀྱི་ཕུང་པོ་ནི་རྡོ་རྗེ་ཆགས་པ་རྣམ་པར་ཤེས་པའི་ཕུང་པོ་ནི་རྡོ་རྗེ་སེམས་དཔའ། དེ་བཞིན་གཤེགས་པ་ཐམས་ཅད་ཀྱི་བདག་ཉིད་ནི་རྡོ་རྗེ་
ཤྲཱི་ཧེ་རུ་ཀའོ། །མིག་ནི་གཏི་མུག་རྡོ་རྗེ། རྣ་བ་ནི་ཞེ་སྡང་རྡོ་རྗེ། སྣ་ནི་སེར་སྣ་རྡོ་རྗེ། ངག་ནི་ཆགས་པ་རྡོ་རྗེ། ལུས་ནི་ཕྲག་དོག་རྡོ་རྗེ། སྐྱེ་མཆེད་ཐམས་ཅད་ནི་དབང་ཕྱུག་རྡོ་རྗེ། ཡིད་ནི་མི་འཁྲུགས་རྡོ་རྗེ། ངག་ནི་
དཔག་མེད་རྡོ་རྗེ། འདི་དག་དགོད་པར་བྱ་བ་ནི། །ཡེ་ཤེས་འཁོར་ལོ་མཐོང་བ་ཡིན། །སྦྱོར་བ་འདི་ལ་གནས་ན་ནི། །དེ་ཡིས་ཐམས་ཅད་བསྒོམས་པར་འགྱུར། །དབང་བསྐུར་མཆོད་དང་དམ་ཚིག་དང་། །
བསྒོམ་པ་མཉམ་པ་བཅུད་དུ་བྱེད། །དེ་སྙིང་ཡེ་ཤེས་སེམས་དཔའ་ལ། །ཡེ་ཤེས་བདུད་རྩི་བཅུད་ཀྱིས་མཆོད། །ལུས་ངག་ཡིད་ཀྱི་དམ་ཚིག་རྣམས། །སེམས་དང་སེམས་མིན་ལེགས་པར་བརྟག །བཟླས་དང་བསྒོམ་

85-1-129a

པའི་སྦྱོར་བ་ཡིས། །རྣམ་རྟོག་ཐམས་ཅད་སྤོངས་ནས་ནི། །དམ་ཚིག་མཆོག་གི་བཟླས་པ་ཡིས། །གསང་སྔགས་རྒྱལ་པོ་མཆོག་ཀྱང་འགྲུབ། །ཨོཾ་བཻ་རོ་ཙ་ནཱི་ཡེ་ཧཱུྃ་ཧཱུྃ་ཕཊ་སྭཱ་ཧཱ། ཨོཾ་སརྦ་བུད་དྷ་ཌཱ་ཀི་ནཱྀ་ཡེ་
ཧཱུྃ་ཧཱུྃ་ཕཊ་སྭཱ་ཧཱ། བསྟོད་དང་མིང་དུ་ཡང་དག་སྦྱར། །ཧཱུྃ་ཧཱུྃ་ཕཊ་དང་ལྡན་པ་ཡི། །རབ་གཏུམ་མ་སོགས་གསང་སྔགས་དག །སྦྱར་ནས་མཆོག་གི་བཟླས་པ་བྱ། །བཟླས་པ་ཡོངས་སུ་རྫོགས་ནས་ནི། །ཞི་བའི་བཏུང་
བ་མཆོག་ཀྱང་བཏུང་། །ཆོས་རྣམས་ཐམས་ཅད་ཡོངས་མཉམ་པའི། །མཉམ་པའི་དམ་ཚིག་མཆོག་ཡིན་ནོ། །དེ་བས་དེ་བསྒོམས་རྣམ་པར་དག །སུམ་བཅུ་བདུན་པའི་གོ་འཕང་མཆོག །བདག་མེད་ཆོས་དང་
ལམ་དང་ནི། །དཀྱིལ་འཁོར་མཆོག་ལ་རབ་ཏུ་བཞུགས། །ཤེས་རབ་ཕ་རོལ་རྣལ་འབྱོར་མ། །རྣལ་འབྱོར་ལས་ནི་ངལ་བསོས་ནས། །མཚན་མེད་གོ་འཕང་གནས་ནས་སུ། །མཚན་མེད་ལ་ནི་མཉམ་པར་སྟེན། །
ཆོས་རྣམས་མེད་ཅིང་མཚན་མ་མེད། །ཆོས་མིན་ཆོས་ཅན་དག་ཀྱང་མེད། །རྟེན་འབྲེལ་ཆོས་ཀྱང་མཁའ་དང་མཉམ། །དངོས་པོ་མེད་ཅིང་མཚན་མ་མེད། །དེ་ཉིད་གཞི་ལ་འདིར་གནས་ན། །ཡེ་ཤེས་མིག་གིས་
མཐོང་བ་ཡིན། །གནས་སོགས་འཁོར་ལོ་ངེས་པར་ཡང་། །ཉི་ཟེར་རྟུལ་དང་མཉམ་པར་མཐོང་། །སྐྲ་ཡི་རྩེ་མོ་འབུམ་གཤགས་པའི། །ཆ་ཡང་ཡོངས་སུ་རྟོགས་ཤིང་མཐོང་། །བྷ་གའི་དབུས་ན་བཞུགས་པ་
ཡི། །ཧེ་རུ་རྣལ་འབྱོར་མ་ལྷན་ཅིག །འཁོར་ལོས་བསྒྱུར་བ་རབ་སྦྱོར་བ། །ཁྭ་གདོང་ལ་སོགས་ཕྱི་རོལ་དགོད། །ཧེ་རུ་ཀ་དཔལ་བདག་པོ་ནི། །མཁའ་འགྲོ་བཞི་ཡིས་ཡོངས་སུ་བསྐོར། །ཕན་ཚུན་བདག་པོ་བྱ་
བ་ནི། །རྡོ་རྗེ་སེམས་སོགས་སྦྱོར་བ་ནི། །རྣལ་འབྱོར་མ་དང་ཐུན་མོང་འགྲུབ། །སྦྱོར་བ་གསུམ་ནི་དམ་ཚིག་མཆོག །ཁམས་གསུམ་བདག་པོ་ཆེན་པོ་ནི། །རྣམ་པར་སྤྱོད་པར་མཐོང་མ་གྱུར། །མི་འགྲུབ་འཁོར་ལོས་

85-1-129b

བསྒྱུར་བ་དང་། །ཁམས་གསུམ་བདག་པོའི་རྒྱལ་པོར་འགྱུར། །འགྲུབ་ན་དེ་ན་རྣལ་འབྱོར་ཆེ། །སྲིད་པ་གསུམ་གྱི་བདག་པོ་འཐོབ། །དེ་བཞིན་ཆོ་གའི་སྦྱོར་བ་ཡིས། །སྟོབས་ཀྱིས་ཤི་བ་བཟའ་བར་བྱ། །མཚམས་མེད་པ་ནི་
བྱེད་པ་དག །བཀུག་ལ་མཁས་པས་བྱིན་གྱིས་བརླབ། །གཞན་དུ་དངོས་གྲུབ་འཇིགས་པར་འགྱུར། །ཇི་ལྟར་འདོད་པའི་འཚོ་བའི་འབྲས། །ཕྱུགས་གསད་པ་ཡི་སྦྱོར་བ་ནི། །རྣལ་འབྱོར་མ་ལ་ཞུས་ཏེ་བྱ། །ལྷ་བཤོས་བསྒྲུབ་
པ་ཡི་སྦྱོར་བའོ། །མ་དང་སྲིང་མོ་ལྷན་ཅིག་ཏུ། །མཆོག་དང་བར་མ་དེ་བཞིན་ཏེ། །གཞན་དུ་བུ་མོ་ལྷན་ཅིག་ཏུ། །དབང་པོ་གཉིས་ནི་མཉམ་སྦྱོར་བ། །མཉམ་པ་མཆོག་གི་བསྒྲུབ་པའོ། །རང་གི་ལྷ་ཡི་སྦྱོར་བ་ཡིས། །
འདོད་པ་ལྔ་ནི་སྤྱད་པར་བྱ། །ཕག་མོ་རུ་ནི་བདག་བསྒོམས་ཏེ། །ལྟེ་བར་བསྡིགས་འཛུབ་བཞག་ནས་ནི། །མཁའ་འགྲོ་མ་སོགས་འཁོར་ལོར་བཞུགས། །ལྷ་མོ་རབ་ཏུ་དད་བྱས་ནས། །སྒོ་དགུ་ལ་ནི་ཞུགས་ནས་ཀྱང་། །
སྙིང་པོ་པད་མ་ཕུག་ནས་ནི། །རྣལ་འབྱོར་མ་ནི་བརྒྱབ་ཙམ་གྱིས། །རྨ་སྐྱེས་མཆོག་ནི་བཏུང་བར་བྱ། །བསྣུན་པ་དེ་ཡིས་ཟོས་ན་ནི། །སངས་རྒྱས་འགྱུར་གྱི་གཞན་དུ་མིན། །མངོན་པར་བརྗོད་པའི་རྒྱུད་བླ་མའི་བླ་མ་
ལས། རྣལ་འབྱོར་མའི་གནས་བསྒྲུབ་པའི་མཚན་མའི་རིམ་པ་བསྟན་པའི་ལེའུ་སྟེ་བཅུ་གཉིས་པའོ།། །། དེ་ནས་གཞན་ཡང་བཤད་བྱ་བ། །རྣལ་འབྱོར་དཔའ་བོའི་ཆོ་ག་དང་། །རྣལ་འབྱོར་མ་ཡི་གནས་འབྱུང་བ། །
འདུས་པ་བདག་གིས་བཤད་པར་བྱ། །དཔའ་བོ་རྣལ་འབྱོར་མ་ཐམས་ཅད། །བླ་མའི་བཀའ་ལས་གཞན་དུ་མིན། །ཐམས་ཅད་མཁའ་འགྲོ་མ་རྣམས་ནི། །ངེས་པར་ལེགས་པ་སྩོལ་བར་འགྱུར། །རེའུ་མིག་དགུ་
པ་དབུས་སུ་སྟེ། །ཕྱི་རོལ་ཏུ་ནི་བཅུ་དྲུག་བྲི། །རེའུ་མིག་དབུས་ཀྱི་དཀྱིལ་དུ་ཡང་། །ཤིན་ཏུ་མཛེས་པའི་པད་མ་བྲི། །སྣ་ཚོགས་པད་མ་བརྒྱད་པ་སྟེ། །ལྟེ་བ་དང་ནི་གེ་སར་བཅས། །དེ་དབུས་ཟླ་བ་བལྟ་བྱས་ཏེ། །ཨ་

85-1-130a

ལ་སོགས་པ་རྣམ་པར་སྦྱར། །ཨཱ་ལི་ཀཱ་ལི་མཉམ་བྱས་ཏེ། །ཧཱུྃ་ནི་ནང་དུ་ཆུད་པར་བྱ། །རྡོ་རྗེ་སེམས་དཔས་ཀུན་ཁྱབ་པ། །ཧེ་རུ་ཀ་ནི་རྣམ་པར་བསྒོམ། །ཞལ་ལྔ་ཕྱག་ནི་བཅུ་པ་སྟེ། །ཕག་མོ་ཡིས་ནི་ཡོངས་སུ་བརྒྱན། །
དཀར་ཞིང་སྔོ་ལ་དེ་བཞིན་དམར། །ལྗང་གུ་སེར་པོ་སྟེང་དུ་སྟེ། །སྤྱན་གསུམ་པ་ལ་འཇིགས་པའི་ཞལ། །གཡས་བརྐྱང་པ་ཡི་གནས་པས་བཞུགས། །འཇིགས་བྱེད་དང་ནི་དུས་མཚན་ཉིད། །ཤིན་ཏུ་མྱོས་པས་ཞབས་འོག་གནོན། །
ཐོད་པའི་ཕྲེང་བའི་དབུ་རྒྱན་ཅན། །ཟླ་བ་ཕྱེད་པ་འཛིན་པས་མཛེས། །སྣ་ཚོགས་རྡོ་རྗེ་ཅོད་པན་ཅན། །རལ་པའི་དབུ་རྒྱན་དབུ་ལ་འཆིང་། །ཕྱག་རྒྱ་དྲུག་གིས་རྒྱས་བཏབ་ཅིང་། །སྐུ་ལ་རྡོ་རྗེའི་རྒྱན་གྱིས་སྤུད། །རྡོ་རྗེ་དྲིལ་བུ་མཉམ་
པར་ལྡན། །བདེ་བ་ཆེན་པོའི་བདེ་བ་མཆོག །རྩེ་གསུམ་དང་ནི་ཅང་ཏེའུ་འཛིན། །རྡོ་རྗེ་གྲི་གུག་དེ་བཞིན་ཏེ། །ཐོད་པ་ཁ་ཊྭཱྃ་ཚངས་པའི་མགོ། །དགྲ་སྟ་དང་ནི་བཞི་པའོ། །གཡས་དང་གཡོན་གྱི་ཕྱག་ལ་ནི། །ནཱ་རའི་ལྤགས་
པ་གོས་སུ་མནབས། །ཞབས་གཉིས་མཉམ་པར་འཁྲིལ་བ་ནི། །ཕག་མོ་ཡིས་ནི་ཁ་སྦྱར་བྱས། །དེ་མདོག་ཕྱག་དང་བཞུགས་སྟངས་ཅན། །དབུ་སྐྲ་གྲོལ་ཞིང་གཅེར་བུ་སྟེ། །སྟག་གི་ལྤགས་པ་གོས་སུ་མནབས། །
དུམ་བུའི་རྒྱན་གྱིས་སྐ་རགས་ཅན། །དྲག་པོའི་ཐོད་པའི་ཕྲེང་བ་ཅན། །ཐུགས་རྗེའི་ཆགས་པས་རྣམ་པར་མྱོས། །ཤར་གྱི་མདབ་ལ་མཁའ་འགྲོ་མ། །བྱང་དུ་ལཱ་མ་མཁའ་འགྲོ་མ། །ནུབ་ཏུ་དུམ་སྐྱེས་མ་ཡིན་ནོ། །ལྷོ་རུ་
གཟུགས་ཅན་མཁའ་འགྲོ་མ། །ནག་དང་སྔོ་བསངས་དམར་སེར་སྐྱ། །ཕྱོགས་ཀྱི་གོས་འཆང་གཡས་བརྐྱང་བཞུགས། །ཐོད་པའི་ཕྲེང་བའི་དབུ་རྒྱན་ཅན། །སྐྲ་གྲོལ་གཉིས་སུ་མེད་པ་སྟེ། །ཟུར་གྱི་ཆ་ནི་ཐམས་ཅད་དུ། །བྱང་ཆུབ་
སེམས་ཀྱི་སྣོད་ཀྱང་བཞག །ཐོད་པ་ཁ་ཊྭཱྃ་དྲིལ་བུ་དང་། །ཅང་ཏེའུ་གྲི་གུག་མགོ་བོ་ཐོགས། །ཞལ་གསུམ་སྤྱན་གསུམ་བཞིན་རྣམ་བསྒྱུར། །དྲག་པོ་ཆགས་པའི་ཆགས་པས་མྱོས། །བཅོམ་ལྡན་བདེ་བས་གཟིགས་ནས་ནི། །བདེ་བ་ཆེ་

85-1-130b

ལ་རྗེས་སུ་ཆགས། །མགོ་བོའི་དོ་ཤལ་འཆང་བ་ཡིས། །ཧེ་རུ་ཀ་ནི་རྣམ་པར་བསྒོམ། །འདི་ལྟར་རེའུ་མིག་དབུས་དཀྱིལ་དུ། །མཆོག་དེ་དག་ཀྱང་བསྒོམ་པར་བྱ། །དེ་ཡི་ཤར་གྱི་རེའུ་མིག་ལ་པུལླཱི་ར་མ་ལ་ཡ་ན་ཐོད་པའི་དུམ་
བུ་དང་། རབ་གཏུམ་མ་སྟེ་སེར་པོའོ། །བྱང་དུ་ཛཱ་ལྃ་དྷ་ར་ན་ཀེང་རུས་ཆེན་པོ་དང་། གཏུམ་མིག་མ་སྟེ་སྔོན་པོའོ། །ནུབ་ཏུ་ཨོཌྜི་ཡཱ་ཎ་ན་ཀེང་རུས་ཅན་དང་འོད་ལྡན་མ་སྟེ་དཀར་པོའོ། །ལྷོ་རུ་ཨར་བུ་ད་ན་མཆེ་བ་རྣམ་པར་གཙིགས་
པ་དང་། སྣ་ཆེན་མ་སྟེ་ལྗང་ཁུའོ། །མེའི་ཕྱོགས་སུ་གོ་དཱ་བཱ་རི་ན་ལྷ་དགྲ་དང་དཔའ་བའི་བློ་གྲོས་མ་སྟེ་དམར་པོའོ། །བདེན་བྲལ་དུ་རཱ་མེ་ཤྭ་ར་ན་འོད་དཔག་མེད་དང་། མིའུ་ཐུང་མ་སྟེ་པད་མའི་མདོག་ཅན་ནོ། །རླུང་ཕྱོགས་སུ་དེ་བི་ཀོཊྚ་ན་
རྡོ་རྗེའི་འོད་དང་། ལྃ་ཀའི་དབང་ཕྱུག་མ་སྟེ་དུད་ཁ་སྔོན་པོའོ། །དབང་ལྡན་དུ་མཱ་ལ་བཱ་ན་རྡོ་རྗེ་ལུས་དང་། ཤིང་གྲིབ་མ་སྟེ་ལྗང་ཁུ་དང་མུ་ཏིག་ལྟ་བུའོ། །ཕྱག་ན་རྡོ་རྗེ་དང་དྲིལ་བུས་འཁྱུད་པའོ། །དེ་ལ་རེའུ་མིག་གཉིས་པའི་ཤར་ཕྱོགས་སུ་
ཀཱ་མ་རུ་པ་ན་མྱུ་གུ་ཅན་དང་། ས་བསྲུང་མ་སྟེ་དམར་པོའོ། །བྱང་དུ་ཨོ་ཏྲ་ན་རྡོ་རྗེ་རལ་པ་ཅན་དང་། འཇིགས་བྱེད་ཆེན་མོ་སྟེ་ལྗང་ཁུ། ནུབ་ཏུ་ཏྲི་ཤ་ཀུ་ན་ན་དཔའ་བོ་ཆེན་པོ་དང་། རླུང་གི་ཤུགས་ཅན་མ་སྟེ་སྔོན་པོའོ། །ལྷོ་ཕྱོགས་
ཀོ་ས་ལ་ན་རྡོ་རྗེ་ཧཱུྃ་མཛད་དང་། ཆང་འཐུང་མ་སྟེ་དཀར་པོའོ། །མེའི་ཕྱོགས་སུ་ཀ་ལིང་ག་ན་རབ་བཟང་དང་། སྔོ་བསངས་ལྷ་མོ་སྟེ་ནམ་མཁའ་སེར་སྐྱའོ། །བདེན་བྲལ་དུ་ལམ་པ་ཀ་ན་རྡོ་རྗེ་བཟང་པོ་དང་རབ་བཟང་མ་སྟེ་དམར་པོའོ། །
རླུང་གི་ཕྱོགས་སུ་ཀྃ་པོ་ཙི་ན་འཇིགས་བྱེད་ཆེན་པོ་དང་། རྟ་རྣ་མ་སྟེ་སེར་པོའོ། །དབང་ལྡན་དུ་ཧི་མ་ལ་ཡ་ན་མིག་མི་བཟང་དང་། བྱ་གདོང་མ་སྟེ་སྔོན་པོའོ། །པད་མ་དང་དྲིལ་བུ་འཛིན་པས་འཁྱུད་པའོ། །རེའུ་མིག་གསུམ་པའི་ཤར་དུ་པྲེ་
ཏ་པུ་རི་ན་སྟོབས་པོ་ཆེ་དང་འཁོར་ལོའི་ཤུགས་ཅན་མ་སྟེ་ནམ་མཁའ་དང་སེར་སྐྱའོ། །བྱང་དུ་གྲྀ་ཧ་དེ་བཱ་ཏ་ན་རྡོ་རྗེའི་འོད་དང་། དུམ་སྐྱེས་མ་སྟེ་སེར་པོའོ། །ནུབ་ཏུ་སཽ་རཱཥྚ་ན་རྟ་འགྲིན་དང་ཆང་འཚོང་མ་སྟེ་དམར་པོའོ། །ལྷོ་ཕྱོགསུ་

85-1-131a

སུ་བརྞ་དྭཱི་པ་ན་ནམ་མཁའི་སྙིང་པོ་དང་། འཁོར་ལོའི་གོ་ཆ་མ་སྟེ་སྔོན་པོའོ། །མེའི་ཕྱོགས་སུ་ནཱ་ག་ར་ན་དཔལ་ཁྲག་འཐུང་དང་རབ་དཔའ་མོ་སྟེ་དུད་པའི་མདོག་ཅན་ནོ། །བདེན་བྲལ་དུ་སིནྡྷུ་ན་པད་མ་གར་གྱི་
དབང་ཕྱུག་དང་སྟོབས་ཆེན་མ་སྟེ་ལྗང་ཁུའོ། །རླུང་གི་ཕྱོགས་སུ་མ་རུ་ཏ་ན་རྣམ་པར་སྣང་མཛད་དང་འཁོར་ལོས་བསྒྱུར་མ་སྟེ་སྔོན་པོའོ། །དབང་ལྡན་དུ་ཀུ་ལ་ཏཱ་ན་རྡོ་རྗེ་སེམས་དཔའ་དང་། བརྩོན་འགྲུས་ཆེན་མོ་སྟེ་དཀར་པོའོ། །
འཁོར་ལོ་དང་དྲིལ་བུ་འཛིན་པས་འཁྱུད་པའོ། །གཞན་ཡང་ཐོད་པ་དང་ཁ་ཊྭཱྃ་ག་དང་ཅང་ཏེའུ་དང་གྲི་གུག་དང་མགོ་བོ་འཛིན་པ། ཕྱག་དྲུག་པ། ཞལ་གསུམ་པ་སྟེ། ཞལ་ནི་མན་ངག་གི་རྗེས་སུ་འབྲང་བས་བསྟན། སྤྱན་གསུམ་གཡས་
བརྐྱང་བས་བཞུགས་པ། །ཕྱག་རྒྱ་ལྔ་ཡིས་རྣམ་པར་བརྒྱན། །སྟག་གི་ལྤགས་པ་གོས་སུ་མནབས། །མགོ་བོའི་ཕྲེང་བས་བརྒྱན་པ་སྟེ། །ཐོད་པའི་ཕྲེང་བའི་ཅོད་པན་ཅན། །རྡོ་རྗེ་ཕྲེང་དང་པད་འཁོར་ལོ། །ཇི་ལྟའི་རིམ་པས་དཔྲལ་
བར་བརྒྱན། །ལྷ་མོ་སྐྲ་གྲོལ་གཅེར་བུ་སྟེ། །བྱིན་པ་གཉིས་ཀྱིས་ལེགས་པར་འཁྲིལ། །ཇི་ལྟར་ཐབས་བཞིན་ཤེས་རབ་སྟེ། །མཚན་མའི་ཕྱག་རྒྱ་ལེགས་ཁྱབ་པ། །ཟུར་བཞི་པ་ལ་སྒོ་བཞི་པ། །རྟ་བབས་བཞིས་ནི་རྣམ་
པར་བརྒྱན། །དྲ་བ་དྲ་ཕྱེད་ཀྱིས་བརྒྱན་པ། །དར་དང་ཕྲེང་བས་རྣམ་པར་བརྒྱན། །འཁོར་ལོའི་གཟུགས་ཅན་ལ་བཀོད་ནས། །ཅི་ལྟར་མཛེས་པར་རབ་ཏུ་བརྟག །འདི་ལྟར་ཕྱི་ཡི་འཁོར་ལོ་ཡི། །དེ་ལ་སྒོ་བསྲུངས་རྣམས་
ཀྱང་དགོད། །མཚམས་དང་ཟུར་དུ་ལྷ་མོ་རྣམས། །མཁས་པས་བྲི་བར་བྱ་བ་སྟེ། །ཆོ་ག་དུ་མ་ཐོས་ནས་ནི། །འབད་པས་གཅིག་ཏུ་བསྡུས་པ་ཡིན། །ཤར་གྱི་སྒོར་ནི་ཁྭ་གདོང་མ། །ཞལ་གསུམ་པ་ལ་ཕྱག་དྲུག་པ། །
གཡས་དང་གཡོན་གྱི་ཞལ་གདོང་ནི། །བྱ་རོག་ཆུ་སྐྱར་ཞལ་ཡིན་ཏེ། །མིའུ་ཐུང་ལ་མི་སྡུག་ཞལ། །བྱང་གི་སྒོར་ནི་འུག་གུ་དང་། །འུག་པ་བྱི་ལ་རྣམ་མཛེས་ཏེ། །གཡས་དང་གཡོན་གྱི་ཞལ་གདོང་གི། །ལྕེ་བསྐྱོད་

85-1-131b

འཇིགས་པའི་གཟུགས་ཅན་མ། །ནུབ་ཏུ་བྷ་བ་གི་ཞེས་པ། །ཁྱི་དང་སེང་གེའི་གདོང་པ་ཅན། །གཡོན་པ་དང་ནི་གཡས་པ་ཡི། །ལྕེ་བསྐྱོད་ཤིན་ཏུ་མཛེས་པའོ། །ལྷོ་ཕྱོགས་སུ་འཛིན་ལྷ་མོ་ནི། །ཕག་གདོང་མ་
ཧེའི་གཟུགས་ཅན་ཏེ། །གཡས་དང་གཡོན་གྱི་ཞལ་གདོང་ནི། །ཟབ་ཅིང་དྲག་ལ་འཇིགས་པའོ། །ཐོག་མ་ཁྭ་གདོང་ཞེས་བྱ་བ། །གཉིས་པ་འུག་པ་དེ་བཞིན་ཏེ། །གསུམ་པ་ཁྱི་ཡི་གདོང་ཅན་ལ། །བཞི་པ་དག་ནི་ཕག་
ཉིད་དོ། །སྔོ་དང་དུད་ཁ་དཀར་པོའི་གདོང་། །ལྗང་ཁུ་སེར་པོ་དམར་པོ་སྟེ། །སེར་ཞིང་དམར་ལ་སྔོ་བའི་ཞལ། །དཀར་དང་སྔོ་དང་ལྗང་ཀུའི་མདོག །དང་པོ་མེ་ནས་དབང་ལྡན་བར། །གཤིན་རྗེ་སྲེག་མ་ཕོ་ཉ་མོ། །གཤིན་རྗེ་མཆེ་བ་
འཇོམས་པ་ཉིད། །དམར་དང་སེར་དང་ལྗང་ཁུ་དང་། །སྔོ་དང་སེར་དང་ལྗང་ཁུ་དང་། །དུད་ཁ་སེར་དང་ལྗང་ཁུ་དང་། །དཀར་དང་སེར་དང་ལྗང་ཁུ་སྟེ། །དེ་དག་ཞལ་གསུམ་ཕྱག་དྲུག་སྟེ། །སྤྱན་གསུམ་གཡས་པ་བརྐྱང་བས་བཞུགས། །
ཕྱོགས་ཀྱི་གོས་འཆང་གསུམ་པ་འཕྱངས། །དབུ་སྐྲ་དག་ནི་གྲོལ་བ་སྟེ། །ཕྱག་རྒྱ་ལྔ་ཡིས་རྒྱས་བཏབ་ཅིང་། །འཁོར་ལོ་དག་ནི་ཐམས་ཅད་ཀྱང་། །ཡི་དགས་སྟེང་དུ་རྣམ་པར་བཞུགས། །སྣ་ཚོགས་པད་མ་ཉི་མ་
དང་། །ཟླ་བའི་དཀྱིལ་འཁོར་དག་ལ་བཞུགས། །ཐོད་པ་དང་ནི་ཁ་ཊྭཱྃ་ག ། །ཞགས་པ་ལྕགས་ཀྱུ་ཅང་ཏེའུ་དང་། །མགོ་བོ་གྲི་གུག་ཕྱག་ན་འཆང་། །ཐོད་པའི་ཕྲེང་བས་རྣམ་པར་བརྒྱན། །དགའ་ཞིང་
དགྱེས་པས་རྣམ་པར་མྱོས། །རྗེས་སུ་ཆགས་པའི་ཞལ་གདོང་ནི། །འཇིགས་པའི་སྡང་མིག་འགྱུར་བའོ། །དེ་ནས་གཤིན་རྗེ་སྲེག་སོགས་སྒོ། །ཁྭ་གདོང་ལ་སོགས་མཚམས་སུ་སྟེ། །
རང་གི་ཐབས་དང་མཉམ་པར་བཞག །སྦྱོར་བའི་རིམ་པ་བསྒོམས་ནས་ནི། །འཁོར་ལོ་དཔའ་བོ་ཐམས་ཅད་ཀྱང་། །ཇི་བཞིན་རྡོ་རྗེ་མཁའ་འགྲོ་སྟེ། །སྔ་མའི་རྗེས་སུ་ཐམས་ཅད་ཀྱང་། །མཁའ་འགྲོ་མ་སོགས་ཀུན་དེ་བཞིན། །ཇི་བཞིན་བླ་མའི་བཀའ་བཞིན་དུ། །ཇི་ལྟར་འདོད་

85-1-132a

པ་གནས་དེ་བཞིན། །ཇི་ལྟར་སེམས་ཀྱི་ཁྱད་པར་གྱིས། །རྣལ་འབྱོར་མ་ཡི་དཀྱིལ་འཁོར་བསྒོམ། །བུམ་པ་སྣ་ཚོགས་སྦྱོར་བ་ཡིས། །ཐོད་པ་ཡིས་ནི་ཡོངས་སུ་བརྒྱན། །འོ་མས་བཀང་བའི་ཐོད་པ་ནི། །བུམ་པའི་སྟེང་
དུ་གཞག་པར་བྱ། །ཕྱི་རོལ་ཡོངས་སུ་བསྐོར་བ་སྟེ། །སྣ་ཚོགས་མཁའ་འགྲོ་མ་གནས་པ། །གླུ་དང་གར་ནི་ཉེར་ལྡན་པས། །སྣ་ཚོགས་རོལ་མོ་རྣམ་པར་སྤྲུལ། །མེ་ཏོག་བདུག་སྤོས་མར་མེ་དང་། །དྲི་དང་གོས་མཆོག་དམ་པ་སྟེ། །སྣ་ཚོགས་དམ་
ཚིག་རོ་ཡི་ཟས། །སྣ་ཚོགས་བཟའ་བ་ཆང་གིས་མཆོད། །དཀྱིལ་འཁོར་སྣ་ཚོགས་མཆོག་དམ་པ། །ཕྱི་རོལ་ཡི་དགས་ཀྱིས་ཡོངས་བསྐོར། །དངོས་དང་དངོས་མེད་རྣམ་པར་བསྒོམ། །བླ་མའི་མན་ངག་བཀའ་བཞིན་དུ། །རྡོ་རྗེ་པད་སྐོར་
འཁོར་ལོ་ནི། །ཟུར་བཞི་བར་ནི་རབ་ཏུ་གནས། །མཚམས་སུ་རྡོ་རྗེ་ཕྱེད་པས་མཚན། །རྡོ་རྗེ་ཀ་བའི་མདུན་དབུས་སུ། །རེའུ་མིག་རྡོ་རྗེ་ལྡན་པར་བྱ། །སྣ་ཚོགས་པ་ཡི་ཆོ་ག་མཆོག །གནས་སོགས་རིམ་པ་དགོད་པར་བྱ། །ཁམས་དང་ཕུང་
པོ་དེ་བཞིན་ཏེ། །སྐྱེ་མཆེད་དྲུག་ཀྱང་རྣམ་པར་དགོད། །ཡེ་ཤེས་རྡོ་རྗེ་རྣམ་པར་བསྒོམ། །སྐུ་གསུང་ཐུགས་སུ་སྦྱོར་བ་ཡིས། །ཡེ་ཤེས་འཁོར་ལོ་མཐོང་བ་ན། །ཨརྒ་ཞབས་བསིལ་དག་གིས་མཆོད། །དམ་ཚིག་སྣ་ཚོགས་མཆོག་དམ་
པ། །སྣ་ཚོགས་པ་ཡི་ཁྱད་པར་གྱིས། །མང་ས་རཀ་ཏ་དག་གིས་མཆོད། །གོ་ཆ་གཉིས་པོ་སྦྱོར་བ་ཡིས། །ཕྱག་རྒྱ་ཡེ་ཤེས་མཆོག་དམ་པ། །རོ་གཅིག་མ་ལུས་བསྒོམས་ན་ནི། །ཡེ་ཤེས་འཁོར་ལོ་རྣམ་པར་བསྒོམ། །རེག་པ་
ཡི་ནི་ཁྱད་པར་གྱིས། །མཁས་པས་སྦྱོར་བ་གསུམ་དུ་སྦྱར། །བསྒོམས་པས་རྣམ་པར་དག་པའི་དོན། །མཁས་པས་སུམ་བཅུ་རྩ་བདུན་ཏེ། །ཡེ་ཤེས་བཟླས་པའི་སྦྱོར་བ་ཡིས། །དམ་ཚིག་གསུམ་གྱི་མཆོག་གིས་བཟའ། །
སྤྲོ་དང་བསྡུ་བའི་སྦྱོར་བ་ཡིས། །བཟླས་པའི་བསྒོམ་པ་རྣམ་པར་བསྒོམ། །དུས་བཞི་དག་ཏུ་དམ་ཚིག་ཅན། །གནས་སྦྱོར་མཁས་པས་བསྲུང་བར་བྱ། །ས་སྟེང་དུ་ནི་མཐོང་བ་ཀུན། །ཐམས་ཅད་ཧེ་རུ་ཀ་དཔལ་གཟུགས། །

85-1-132b

འགྲོ་བ་དྲུག་པོའི་སྲིད་པ་སྦྱངས། །སེམས་ཅན་དོན་ནི་གཞལ་མེད་བྱས། །ཐམས་ཅད་ཞུགས་ཏེ་ཞུགས་སྦྱོར་བས། །འདིར་ནི་ཐམས་ཅད་གཞུག་པར་བྱ། །འདི་ནི་སྦྱོར་བ་ངེས་པ་སྟེ། །ངེས་པའི་དངོས་གྲུབ་ཐོབ་པར་འགྱུར། །དུང་ཆེན་
ཕྲེང་བ་དག་གིས་ནི། །དམ་ཚིག་མཆོག་གི་བཟླས་བ་བྱ། །ཚོགས་ཀྱི་ཆོ་གའི་རིམ་པ་བཞིན། །རྣལ་འབྱོར་པ་ཡིས་སྔགས་མཆོག་བཟླ། །ཨོཾ་ཤྲཱི་བཛྲ་ཧེ་ཧེ་རུ་རུ་ཀྃ་ཌཱ་ཀི་ནཱི་ཛཱ་ལ་སམ་བ་ར་ཧཱུྃ་ཧཱུྃ་ཕཊ་སྭཱ་ཧཱ། ཨོཾ་ཧྲཱིཿཧ་ཧ་ཧཱུྃ་ཧཱུྃ་ཕཊ། སྙིང་པོ་དང་
ཉེ་བའི་སྙིང་པོའོ། །ཨོཾ་བཛྲ་བཻ་རོ་ཙ་ནཱི་ཡེ་ཧུྃ་ཧཱུྃ་ཕཊ་སྭཱ་ཧཱ། ཨོཾ་སརྦ་བུད་དྷ་ཌཱ་ཀི་ནཱི་ཡེ་ཧུྃ་ཧཱུྃ་ཕཊ། ཕག་མོའི་སྙིང་པོ་དང་། ཉེ་བའི་སྙིང་པོའོ། །ཨོཾ་ཀ་ར་ཀ་ར་ཁཎ་ཌ་ཀ་པཱ་ལི་ཧཱུྃ་ཧཱུྃ་ཕཊ། ཨོཾ་པུ་ཙཎ་ཌེ་ཧུྃ་ཧཱུྃ་ཕཊ། ཨོཾ་ཀུ་རུ་ཀུ་རུ་མ་ཧཱ་ཀང་ཀཱ་
ལ་ཧུྃ་ཧཱུྃ་ཕཊ། ཨོཾ་ཙཎ་ཌཱ་ཀྵི་ཧུྃ་ཧཱུྃ་ཕཊ། ཨོཾ་བན་དྷ་བན་དྷ་ཀང་ཀཱ་ལ་ཧུྃ་ཧཱུྃ་ཕཊ། ཨོཾ་པྲ་བྷ་བ་ཏི་ཧུྃ་ཧཱུྃ་ཕཊ། ཨོཾ་ཏྲཱ་ས་ཡ་ཏྲཱ་ས་ཡ་བི་ཀ་ཊ་དྃཥྚི་ན་ཧུྃ་ཧཱུྃ་ཕཊ། ཨོཾ་མ་ཧཱ་ནཱ་སེ་ཧུྃ་ཧཱུྃ་ཕཊ། ཨོཾ་ཀྵོ་བྷ་ཡ་ཀྵོ་བྷ་ཡ་སུ་ར་བཻ་རི་ཎ་ཧུྃ་ཧཱུྃ་ཕཊ། ཨོཾ་བཱི་ར་
མ་ཏི་ཧཱུྃ་ཧཱུྃ་ཕཊ། ཨོཾ་ཧཱུྃ་ཧཱུྃ་ཨ་མི་ཏཱ་བྷ་ཧུྃ་ཧཱུྃ་ཕཊ། ཨོཾ་ཁརྦ་རི་ཧུྃ་ཧཱུྃ་ཕཊ། ཨོཾ་ཧྲཿཧྲཿབཛྲ་པྲ་བྷ་ཧུྃ་ཧཱུྃ་ཕཊ། ཨོཾ་ལང་ཀེ་ཤྭ་རི་ཧུྃ་ཧཱུྃ་ཕཊ། ཨོཾ་ཕེཾ་ཕེཾ་བཛྲ་དེ་ཧ་ཧུྃ་ཧཱུྃ་ཕཊ། ཨོཾ་དྲུ་མཙྪཱ་ཡ་ཧུྃ་ཧཱུྃ་ཕཊ། ཨོཾ་ཕཊ་ཕཊ་ཨང་ཀུ་རི་ཀ་ཧཱུྃ་ཧཱུྃ་ཕཊ། 
ཨོཾ་ཨཻ་ར་བ་ཏཱི་ཡེ་ཧུྃ་ཧཱུྃ་ཕཊ། ཨོཾ་ད་ཧ་ད་ཧ་བཛྲ་ཛ་ཊི་ལ་ཧཱུྃ་ཧཱུྃ་ཕཊ། ཨོཾ་མ་ཧཱ་བྷཻ་ར་བེ་ཧཱུྃ་ཧཱུྃ་ཕཊ། ཨོཾ་པ་ཙ་པ་ཙ་མ་ཧཱ་བཱི་ར་ཧུྃ་ཧཱུྃ་ཕཊ། ཨོཾ་བཱ་ཡུ་བེ་གེ་ཧུྃ་ཧཱུྃ་ཕཊ། ཨོཾ་བྷཀྵ་བྷཀྵ་བཛྲ་ཧཱུྃ་ཀཱ་ར་བ་ས་རུ་དྷི་ར་ཨན་ཏྲ་མཱ་ལཱ་བ་བི་ནེ་ཧུྃ་ཧཱུྃ་ཕཊ། 
ཨོཾ་སུ་ར་བྷ་ཀྵ་ཧུྃ་ཧཱུྃ་ཕཊ། ཨོཾ་གྲྀཧྞ་གྲྀཧྞ་སུ་བྷ་དྲ་ས་བྟ་པཱ་ཏཱ་ལ་ག་ཏ་བྷུ་ཛྃ་ག་སརྦྃ་པཱ།  ཏརྫྫ་ཡ་ཏརྫྫ་ཡ་ཧུྃ་ཧཱུྃ་ཕཊ། ཨོཾ་ཤྱཱ་མ་དེ་བི་ཧུྃ་ཧཱུྃ་ཕཊ། ཨོཾ་ཨཱ་ཀཌྜྷ་ཨཱ་ཀཌྜྷ་བཛྲ་བྷ་དྲ་ཧཱུྃ་ཧཱུྃ་ཕཊ། ཨོཾ་སུ་བྷ་དྲེ་ཧཱུྃ་ཧཱུྃ་ཕཊ། ཨོཾ་ཧྲཱྃ་ཧྲཱྃ་མ་ཧཱ་བྷཻ་ར་བ་
ཧཱུྃ་ཧཱུྃ་ཕཊ། ཨོཾ་ཧ་ཡ་ཀརྞྞེ་ཧུྃ་ཧཱུྃ་ཕཊ། ཨོཾ་ཛྙོོཾ་ཛྙོོཾ་བི་རཱུ་པཱ་ཀྵི་ཧཱུྃ་ཧཱུྃ་ཕཊ། ཨོཾ་ཁ་གཱ་ན་ནེ་ཧཱུྃ་ཧཱུྃ་ཕཊ། ཨོཾ་ཀྵྨཱྃ་ཀྵྨཱྃ་མ་ཧཱ་བ་ལ་ཧཱུྃ་ཧཱུྃ་ཕཊ། ཨོཾ་ཙཀྲ་བེ་གེ་ཧཱུྃ་ཧཱུྃ་ཕཊ། ཨོཾ་ཧཱྃ་ཧཱྃ་རཏྣ་བཛྲ་ཧཱུྃ་ཧཱུྃ་ཕཊ། ཨོཾ་ཁཎྜ་རོ་ཧི་ཧཱུྃ་ཧཱུྃ་ཕཊ། ཨོཾ་ཧཱིཾ་ཧཱིཾ་ཧ་ཡ་

85-1-133a

གྲི་བ་ཧུྃ་ཧཱུྃ་ཕཊ། ཨོཾ་ཤོ་ཎ་ཌཱི་ནི་ཧཱུྃ་ཧཱུྃ་ཕཊ། ཨོཾ་ཧཱུྃ་ཧཱུྃ་ཨཱ་ཀཱ་ཤ་གརྦྷེ་ཧུྃ་ཧཱུྃ་ཕཊ། ཨོཾ་ཙཀྲ་ཝརྨི་ཎི་ཧཱུྃ་ཧཱུྃ་ཕཊ། ཨོཾ་ཀི་ལི་ཀི་ལི་ཧེ་རུ་ཀ་ཧུྃ་ཧཱུྃ་ཕཊ། ཨོཾ་སུ་བཱི་རེ་ཧུྃ་ཧཱུྃ་ཕཊ། ཨོཾ་སི་ལི་སི་ལི་པད་མ་ནར་ཏེ་ཤྭ་རེ་ཧུྃ་ཧཱུྃ་ཕཊ། ཨོཾ་མ་
ཧཱ་བ་ལེ་ཧུྃ་ཧཱུྃ་ཕཊ། ཨོཾ་ཧི་ལི་ཧི་ལི་བཻ་རོ་ཙ་ན་ཧུྃ་ཧཱུྃ་ཕཊ། ཨོཾ་ཙཀྲ་ཝརྟི་ནི་ཧུྃ་ཧཱུྃ་ཕཊ། ཨོཾ་དྷི་ལི་དྷི་ལི་བཛྲ་སཏྭ་ཧུྃ་ཧཱུྃ་ཕཊ། མ་ཧཱ་བཱིརྱེ་ཧུྃ་ཧཱུྃ་ཕཊ། ཨོཾ་ཌཱ་ཀི་ནི་ཧུྃ་ཧཱུྃ་ཕཊ། ཨོཾ་ལཱ་མེ་ཧཱུྃ་ཧཱུྃ་ཕཊ། ཨོཾ་ཁཎ་ཌ་རོ་ཧི་ཧུྃ་ཧཱུྃ་ཕཊ། ཨོཾ་བཛྲ་རཱུ་
པི་ཎི་ཧུྃ་ཧཱུྃ་ཕཊ། ཨོཾ་ཀཱ་ཀཱ་སྱེ་ཧུྃ་ཧཱུྃ་ཕཊ། ཨོཾ་ཨུ་ལཱུ་ཀཱ་སྱེ་ཧུྃ་ཧཱུྃ་ཕཊ། ཨོཾ་ཤྭཱ་ནཱ་སྱེ་ཧུྃ་ཧཱུྃ་ཕཊ། ཨོཾ་སུ་ཀ་ར་སྱེ་ཧུྃ་ཧཱུྃ་ཕཊ། ཨོཾ་ཡ་མ་དཱ་ཌྷི་ཧུྃ་ཧཱུྃ་ཕཊ། ཨོཾ་ཡ་མ་དུ་ཏི་ཧུྃ་ཧཱུྃ་ཕཊ། ཨོཾ་ཡ་མ་དྃ་ཤྚི་ཧུྃ་ཧཱུྃ་ཕཊ། ཨོཾ་ཡ་མ་མ་ཐ་ནི་ཧུྃ་ཧཱུྃ་ཕཊ། 
རྣལ་འབྱོར་ཆོ་ག་བཟླས་ཙམ་གྱིས། །རྡོ་རྗེ་བཀུག་ཅིང་གནས་ནས་སུ། །འཁྲུག་ཅིང་རབ་ཏུ་གཡོ་བ་སྟེ། །ལུས་ལས་འོད་འབར་དགོད་པ་དང་། །དེ་ཡི་མིག་ནི་འབར་བ་དང་། །ཚིག་འཇམ་པ་དང་འབར་བ་དང་། །རྣལ་འབྱོར་པས་ནི་
བཟླས་ཙམ་གྱིས། །རྡོ་རྗེ་འཇུག་པ་མཐོང་བ་དང་། །སྔགས་པ་མཉམ་བཞག་བཟླས་ནས་ནི། །དམ་ཚིག་སྤྱོད་པ་ལྡན་བྱས་ནས། །སྲོག་དང་རྩོལ་བ་བསྡམ་བྱས་ཏེ། །གསལ་བྱེད་ཧཱུྃ་ནི་བརྗོད་ནས་ཀྱང་། །ཆོས་ཀྱི་
དབྱིངས་སུ་སྤྲོ་བར་བྱ། །སེམས་ཅན་ཀུན་ལ་ཕན་པ་དང་། །གདུལ་དཀའ་བ་དག་གདུལ་བའི་ཕྱིར། །སངས་རྒྱས་ཆོས་རྣམས་མདུན་དུ་སྤྲོ། །ཁྲོ་བོའི་གོ་འཕང་དེ་མཐོང་ནས། །ཁམས་གསུམ་དག་ཏུ་བསྡུ་བར་བྱ། །ལུས་
ངག་ཡིད་ལ་བཅུག་ནས་ཀྱང་། །ས་སྟེང་དུ་ནི་སྤྱོད་པ་སྤྱད། །མཉམ་བཞག་མིན་པའི་རྣལ་འབྱོར་པས། །སྙིང་རྗེས་བརླན་པ་ཉིད་ཀྱིས་ནི། །སེམས་ཅན་ཐམས་ཅད་མཐོང་བ་ན། །སྲིད་པ་གསུམ་པོ་ཧེ་རུ་ཀ །སྔགས་པ་ཅི་དང་ཅི་ཟ་
བ། །དམ་ཚིག་མཆོག་ནི་བསྒོམས་ནས་ཀྱང་། །ཐམས་ཅད་ཆོས་ཀྱི་དབང་ཕྱུག་རྒྱལ། །མཉམ་པ་ཉིད་ལ་རབ་ཏུ་གནས། །དམ་ཚིག་ཅན་ནི་ལངས་དུས་སུ། །བླ་མ་མཆོད་པ་རྗེས་དྲན་ནས། །བྱང་ཆུབ་སེམས་ཀྱི་ཆུས་ཁྲུས་བྱ། །

85-1-133b

ཡིད་འོང་ཕྱག་རྒྱ་ལ་གནས་ནས། །ཁྲོ་བོ་སངས་རྒྱས་དཔའ་བོ་དང་། །རྣལ་འབྱོར་མ་དང་མཁའ་འགྲོ་མའི། །གོ་འཕང་དུ་ནི་བྱིན་བརླབས་ནས། །ཡིད་འོང་མཆོད་པ་དག་ཏུ་བཤད། །མཁའ་དབྱིངས་དཀྱིལ་འཁོར་ཁྱབ་པ་ལ། །སྨོན་
ལམ་དག་ནི་བྱ་བ་ཡིན། །དེ་མ་ཐག་པའི་རྣལ་འབྱོར་གྱིས། །རྒྱུ་དང་མི་རྒྱུ་མཐོང་བ་ན། །རང་བཞིན་དག་པ་བཅོམ་ལྡན་འདས། །རང་བཞིན་ཡང་ནི་དངོས་མེད་བྱས། །སེམས་ཅན་རང་བཞིན་དག་པ་སྟེ། །སྲིད་པ་མཆོག་ཏུ་བྱས་པ་ཡིན། །
རྡོ་རྗེ་ཕག་མོ་བླ་མེད་པ། །ཕྱག་རྒྱ་རུ་ནི་བྱིན་བརླབས་ནས། །རང་གི་ལྷ་ཡི་སྦྱོར་བ་ཡིས། །ཐམས་ཅད་འདི་ལྟར་རབ་ཏུ་བརྟག །མངོན་པར་བརྗོད་པའི་རྒྱུད་བླ་མའི་བླ་མ་ལས་རེའུ་མིག་དགོད་པ་དང་། །གནས་བསྡུ་བ་བསྟན་པ་སྟེ་ལེའུ་
བཅུ་གསུམ་པའོ།། །། དེ་ནས་གསང་བ་བཤད་བྱ་བ། །གནས་དང་འདུས་པ་མཆོག་ཡིན་པས། །དངོས་གྲུབ་ཀུན་གྱི་རང་བཞིན་ནི། །མཉམ་པར་འདྲེས་པ་བཅུད་དུ་འགྱུར། །གཉིས་མེད་བློས་ནི་མཉམ་བཞག་སྟེ། །
འཁོར་ལོ་གསུམ་མདོག་ལྡན་པར་ནི། །དཀྱིལ་འཁོར་གྲུ་བཞིའི་དབུས་དག་ཏུ། །ཉི་ཤུ་རྩ་བཞིའི་འཁོར་ལོ་མཆོག །དེ་ཡི་དབུས་སུ་པད་མ་ཆེ། །སྣ་ཚོགས་པད་མ་ལེགས་པར་མཛེས། །འདབ་མ་བརྒྱད་པ་ལྟེ་བར་བཅས། །
གེ་སར་དག་གིས་ཉེ་བར་མཛེས། །གྲུ་བཞི་པ་ལ་སྒོ་བཞི་པ། །རྟ་བབས་བཞིས་ནི་རྣམ་པར་བརྒྱན། །ཕྲེང་བ་དང་ནི་ཕྲེང་ཕྱེད་བརྒྱན། །མཚན་ཉིད་ཀུན་དང་ཡང་དག་ལྡན། །ཉི་མའི་དཀྱིལ་འཁོར་དབུས་སུ་ནི། །རྡོ་རྗེ་སེམས་
དཔའ་བདེ་བ་ཆེ། །ཨཱ་ལི་ཀཱ་ལི་ཞུ་གྱུར་ལས། །ཡེ་ཤེས་ལྔ་ནི་རྣམ་པར་བསྒོམ། །དེ་ཡི་ཡོངས་སུ་འཕེལ་འགྱུར་བས། །རྡོ་རྗེ་ཧེ་རུ་ཀ་རྣམ་བསྒོམ། །དུས་མཐའི་མེ་ཆེན་འཆོལ་བ་ཡིས། །གདུལ་དཀའ་ཐམས་ཅད་རབ་ཏུ་
གཤེག །འཇིགས་བྱེད་དང་ནི་དུས་མཚན་དག །ཞབས་ཀྱི་འོག་ཏུ་རྣམ་གནོན་ཅིང་། །ཞལ་གྱི་མཆེ་བ་རྣམ་པར་གཙིགས། །སྤྱན་གསུམ་འཇིགས་པ་རབ་ཏུ་འཇིགས། །སྐུ་ལུས་དག་ནི་སྔོན་པོ་ལས། །སྔོ་ཞིང་འབར་

85-1-134a

བའི་སྐུ་ཡང་སྤྲུལ། །ཐོད་པའི་ཕྲེང་བའི་དབུ་རྒྱན་ཅན། །སངས་རྒྱས་ལྔ་ནི་བྱིན་གྱིས་བརླབ། །སྣ་ཚོགས་རྡོ་རྗེའི་དབུ་རྒྱན་ཅན། །ཟླ་བ་ཕྱེད་པ་རྣམ་པར་མཛེས། །ཞལ་དྲུག་དཔའ་བོ་མི་སྡུག་པ། །སྒེག་པ་དང་ནི་བཞད་
པ་དང་། །དྲག་ཤུལ་འཇིགས་པའི་སྐུ་ལུས་ཅན། །ཕྱག་རྒྱ་དྲུག་གིས་རྒྱས་བཏབ་ཅིང་། །སྐུ་ནི་སྣ་ཚོགས་རྒྱན་གྱིས་སྤུད། །ཕག་མོ་དང་ནི་ཡང་དག་ལྡན། །བྱིན་པ་དག་གིས་གཉིས་མེད་འཁྱུད། །གཡས་བརྐྱང་བ་ཡི་ཞབས་གནས་ཤིང་། །
གཡོན་བརྐྱང་བ་ཡི་ཞབས་ཀྱིས་བཞུགས། །ཧ་ཧ་མཛད་ཅིང་ཧཱུྃ་ཧཱུྃ་མཛད། །ཧི་ཧི་མཛད་ཅིང་འཇིགས་པ་ཅན། །ཧཱུྃ་ཧཱུྃ་མཛད་ཅིང་ཕཊ་ཕཊ་ཅན། །ཨཊྚཱ་ཊྚ་ཡི་སྒྲ་ཆེན་སྨྲ། །སྔོ་ཞིང་སེར་ལ་དེ་བཞིན་དམར། །ལྗང་གུ་དཀར་པོ་དེ་
བཞིན་ཏེ། །སྟེང་གི་ཞལ་གདོང་གདུག་པ་ཆེ། །ཟས་སུ་གདུག་པ་ལོངས་སྤྱོད་ཅིང་། །རྡོ་རྗེ་དྲིལ་བུ་མཉམ་ལྡན་པས། །ལྷ་མོ་དག་གི་ནུ་མ་འཚིར། །དྲག་པོའི་པགས་པའི་གོས་མནབས་ཤིང་། །ཁྲག་རློན་འཛག་པ་རབ་གསོལ་ཏེ། །
ཐོད་པ་དང་ནི་ཁ་ཊྭཱྃ་འཛིན། །མདུང་དང་གྲི་གུག་ལྕགས་ཀྱུ་དང་། །ཞགས་པ་དང་ནི་མགོ་བོ་འཛིན། །གདུག་པ་གཏུམ་ཞིང་ཅང་ཏེའུ་དང་། །མདུང་ནི་འབར་བའི་ཕྱག་རྒྱ་ཅན། །དཔྲལ་བ་དག་ཏུ་ཉེ་བར་མཛེས། །དེ་ལྟའི་ཕྱག་དང་
སྐུ་མདོག་བཞུགས། །དབུ་སྐྲ་གྲོལ་ཅིང་གཅེར་བུ་སྟེ། །འདི་ལྟའི་ཕྱག་རྒྱ་རྣམ་པར་བསྒོམ། །དུམ་བུའི་སྐ་རགས་ཀྱིས་བརྒྱན་ཅིང་། །ཕག་མོ་ཡང་ནི་འདི་འདྲར་བསྒོམ། །རྣལ་འབྱོར་སོམ་ཉི་སྤངས་ནས་ནི། །ཐབས་དང་ཤེས་
རབ་མཉམ་ལྡན་པས། །ཐུགས་རྗེ་ཆགས་པའི་བདེ་བ་ཡིས། །སེམས་ཅན་དོན་གྱི་ཕྱིར་བྱུང་སྟེ། །སྙིང་རྗེ་ཆེན་པོས་བརླན་པ་ཡི། །ནམ་མཁའི་སྦྱོར་བའི་ལོངས་སྤྱོད་ཀྱིས། །ཐུགས་རྗེ་ཆེན་པོའི་བཅུད་བདེ་བས། །
འགྲོ་དྲུག་སྲིད་པ་རྣམ་སྦྱངས་ནས། །སེམས་ཅན་དོན་ནི་མཆོག་ཉིད་མཛད། །སྟོང་པའི་ཡེ་ཤེས་ལས་བྱུང་ཞིང་། །རྟོག་པ་མེད་པའི་གནས་གཞི་ལ། །རང་བཞིན་མེད་ཅིང་མཆོག་ཏུ་ཕྲ། །ཐིག་ལེ་སྒྲ་ནི་རྣམ་སྤངས་པ། །

85-1-134b

མཉམ་པའི་དམ་ཚིག་མཐོང་ནས་ནི། །ཕྱི་དང་ནང་གི་མཆོག་གྱུར་པ། །སྙིང་པོ་ཡེ་ཤེས་དམ་ཚིག་ནི། །ཟླ་བའི་དཀྱིལ་འཁོར་དབུས་དག་ཏུ། །དེར་ནི་ཕྱག་མཚན་མདོག་མཐོང་ནས། །ཟླ་བའི་རྡོ་རྗེ་ས་བོན་ནི། །དེ་འདིར་སྙིང་པོ་བསྒོམ་
བྱ་སྟེ། །བསྙེན་པའི་རྣལ་འབྱོར་དག་ཏུ་བརྟག །མཁའ་འགྲོ་ལ་སོགས་རིམ་པ་ཡིས། །པད་མ་དག་ནི་དགོད་པར་བྱ། །ཤར་དུ་མཁའ་འགྲོ་དགོད་པར་བྱ། །བྱང་དུ་དེ་བཞིན་ལཱ་མ་སྟེ། །ནུབ་ཏུ་དུམ་སྐྱེས་མ་ཡིན་ནོ། །ལྷོ་རུ་དེ་
བཞིན་གཟུགས་ཅན་མ། །སྔོ་དང་ལྗང་དང་དམར་བ་དང་། །སེར་ཏེ་དེ་བཞིན་བཞི་པོ་ནི། །བཞིན་རྣམ་བསྒྱུར་ཞིང་སྤྱན་གསུམ་གདུག །སྐྲ་གྲོལ་ཕྱོགས་ཀྱི་གོས་ཅན་ཡིན། །རྒྱན་རྣམས་ཐམས་ཅད་ཡོངས་སུ་རྫོགས། །ཕྱག་རྒྱ་ལྔ་
ཡིས་རྒྱས་བཏབ་ཅིང་། །ཐོད་པ་དང་ནི་ཁ་ཊྭཱྃ་ག །གཡོན་གྱི་དཔུང་པ་ལ་བརྟེན་ཅིང་། །ཅང་ཏེའུ་གྲི་གུག་མགོ་བོ་ནི། །མཁའ་འགྲོ་མ་ཡི་དམ་ཚིག་མཆོག །བྱང་ཆུབ་སེམས་ཀྱི་ཆུས་གང་བའི། །ཐོད་པ་བུམ་པའི་སྟེང་དུ་གཞག །
འཁོར་ལོ་དགོད་པར་བྱ་བ་ནི། །སྔོན་དུ་གྲུབ་པའི་རྣལ་འབྱོར་མ། །བྱིན་གྱིས་བརླབ་སོགས་རིམ་པ་ཡིས། །ཤར་ཕྱོགས་བྱང་གི་རིམ་པ་སྟེ། །པུལླཱི་ར་མ་ཡ་ན་ཐོད་པའི་དུམ་བུ་དང་། རབ་གཏུམ་མ་སྟེ་ནམ་མཁའ་སེར་སྐྱའོ། །ཛཱ་ལན་དྷ་ར་ན་
ཀེང་རུས་ཆེན་པོ་དང་། གཏུམ་མིག་མ་སྟེ་མདོག་སེར་པོ། །ཨོ་ཌྜི་ཡཱ་ཎ་ན་ཀེང་རུས་ཅན་དང་འོད་ལྡན་མ་སྟེ་མདོག་ལྗང་གུའོ། །ཨར་བུ་ད་ན་མཆེ་བ་རྣམ་པར་བཙིགས་པ་དང་། སྣ་ཆེན་མ་སྟེ་མདོག་ནམ་མཁའ་སེར་སྐྱའོ། །གོ་ད་བ་རི་ན་ལྷ་དགྲ་དང་དཔའ་
བའི་བློ་གྲོས་མ་སྟེ་མདོག་སེར་པོའོ་ར་མི་ཤྭ་རི་ན་འོད་དཔག་མེད་དང་མིའུ་ཐུང་མ་སྟེ་མདོག་ལྗང་གུ། དེ་བི་ཀོ་ཊྚ་ན་རྡོ་རྗེའི་འོད་དང་ལང་ཀའི་དབང་ཕྱུག་མ་སྟེ། ནམ་མཁའ་སེར་སྐྱའོ། །མ་ལ་ཝེ་ན་རྡོ་རྗེའི་ལུས་དང་ཤིང་གྲིབ་མ་སྟེ་མདོག་སེར་པོ། ཀཱ་
མ་རུྰ་པ་ན་མྱུ་གུ་ཅན་དང་ས་སྲུང་མ་སྟེ་མདོག་ལྗང་གུ། ཨོ་དྲེ་ན་རྡོ་རྗེ་རལ་པ་ཅན་དང་འཇིགས་བྱེད་ཆེན་མོ་སྟེ་ནམ་མཁའ་སེར་སྐྱ། ཏྲི་ཤ་ཀུ་ནི་ན་འཇིགས་བྱེད་ཆེན་པོ་དང་། རླུང་གི་ཤུགས་ཅན་མ་སྟེ་མདོག་སེར། ཀོ་ས་ལ་ན་རྡོ་རྗེ་ཧཱུྃ་མཛད་དང་། ཆང་

85-1-135a

འཐུང་མ་སྟེ་མདོག་ལྗང་གུ། ཀ་ལིང་ཀ་ན་རབ་བཟང་དང་སྔོ་བསངས་ལྷ་མོ་སྟེ་ནམ་མཁའ་སེར་སྐྱ། ལམ་བཱ་ཀ་ན་རྡོ་རྗེ་བཟང་དང་རབ་བཟང་མོ་སྟེ་མདོག་སེར། ཀཱྃ་ཙཱི་ན་འཇིགས་བྱེད་ཆེན་པོ་དང་རྟ་རྣ་མ་སྟེ་མདོག་ལྗང་ཀུ། ཧི་མ་ལ་ཡ་ན་མིག་མི་
བཟང་དང་བྱ་གདོང་མ་སྟེ་ནམ་མཁའ་སེར་སྐྱ། པྲེ་ཏ་པུ་རི་ན་སྟོབས་པོ་ཆེ་དང་། འཁོར་ལོའི་ཤུགས་ཅན་མ་སྟེ་མདོག་སེར་པོ། གྲྀ་ཧ་དེ་ཝ་ཏཱ་ན་རྡོ་རྗེ་རིན་ཆེན་དང་དུམ་སྐྱེས་མ་སྟེ་མདོག་ལྗང་གུའོ། །སཽ་རཱཥྚེ་ན་རྟ་མགྲིན་དང་ཆང་འཚོང་མ་སྟེ་ནམ་མཁའ་
སེར་སྐྱའོ། །སུ་ཝརྞྞ་དྭཱི་པ་ན་ནམ་མཁའི་སྙིང་པོ་དང་། འཁོར་ལོའི་གོ་ཆ་མ་སྟེ་མདོག་སེར། ན་ག་རེ་ན་ཧེ་རུ་ཀ་དང་རབ་དཔའ་མོ་སྟེ།  མདོག་ལྗང་གུ་སིནྡྷུ་ན་པད་མ་གར་གྱི་དབང་ཕྱུག་དང་། སྟོབས་ཆེན་མ་སྟེ་ནམ་མཁའ་སེར་སྐྱ། མ་རུ་ཏཱ་ན་རྣམ་
པར་སྣང་མཛད་དང་འཁོར་ལོས་སྒྱུར་མ་སྟེ་མདོག་སེར། ཀུ་ལ་ཏཱ་ན་རྡོ་རྗེ་སེམས་དཔའ་དང་བརྩོན་ཆེན་མོ་སྟེ་མདོག་ལྗང་གུ། ཡང་ན་སྐུ་གསུང་ཐུགས་ཀྱི་ནི། །ཅི་འདོད་མདོག་ནི་དབྱེ་བ་བྱ། །གཡོན་གྱི་རིམ་པ་ཇི་ལྟ་བར། །སྒོ་རྣམས་དག་ནི་བྱ་བ་སྟེ། །
ཤར་དུ་ཁྭ་གདོང་མ། བྱང་དུ་འུག་གདོང་མ། ནུབ་ཏུ་ཁྱི་གདོང་མ། ལྷོ་རུ་ཕག་གདོང་མ། སྔོ་བ་དང་ལྗང་གུ་དང་། དམར་བ་དང་སེར་པོའི་མདོག་ཅན་ནོ། །མེའི་ཕྱོགས་སུ་གཤིན་རྗེ་སྲེག་མ་མདོག་དམར་པོ། །བདེན་བྲལ་གྱི་ཕྱོགས་སུ་གཤིན་རྗེ་
ཕོ་ཉ་མ་མདོག་སྔོན་པོ། རླུང་གི་ཕྱོགས་སུ་གཤིན་རྗེ་མཆེ་བ་མ་དུད་ཁའམ་ཆར་སྤྲིན་གྱི་མདོག་ལྟ་བུ། དབང་ལྡན་གྱི་ཕྱོགས་སུ་གཤིན་རྗེ་འཇོམས་མ་མདོག་དཀར་པོའམ་སེར་སྐྱའོ། །ཐོད་པའི་དུམ་བུ་ལ་སོགས་པའི་དཔའ་བོ་
དང་། རབ་གཏུམ་མ་ལ་སོགས་པ་འདྲ་བར་གདོང་གཅིག་པ། ཕྱག་བཞི་པ། ཞབས་གཡས་བརྐྱང་བས་བཞུགས་པ། ཐོད་པའི་ཕྲེང་བ་ཅན། སྟག་གི་པགས་པ་མནབས་པ། ཕྱག་རྒྱ་ལྔ་འཆང་བ། ལྷ་མོའི་ཞབས་
ཀྱིས་འཁྱུད་པ། གཅེར་བུ་མགོ་བོའི་ཕྲེང་བས་བརྒྱན་པ། སྤྱན་གསུམ་པ། ཐོད་པའི་ཕྲེང་བས་དཔྲལ་བ་བརྒྱན་པ། རྡོ་རྗེ་དྲིལ་བུས་འཁྱུད་པ། གཉིས་སུ་མེད་པའི་སྦྱོར་བའི་མཉམ་པ་དང་ལྡན་པ། ལྷ་མོའི་ནུ་མ་

85-1-135b

འཚིར་བ། ཐོད་པ་དང་། ཁ་ཊྭཱྃ་ག་འཛིན་པ། ཅང་ཏེའུ་འཆང་བ། ཡང་ན་རིགས་གསུམ་དབྱེ་བས་རྩ་བའི་མཚན་མ་འཛིན་པ། ཐམས་ཅད་ཕྱོགས་ཀྱི་གོས་འཆང་ཞིང་། །ལྷ་མོ་སྐྲ་གྲོལ་གདུག་པ་མོ། །ཁྭ་གདོང་ལ་སོགས་ལྷ་མོ་
རྣམས། །སྐྲ་གྲོལ་ཕྱོགས་ཀྱི་གོས་ཅན་ལ། །གཡས་བརྐྱང་པ་ཡི་གནས་པས་བཞུགས། །སྤྱན་གསུམ་པ་ལ་ཞལ་རྣམ་བསྒྱུར། །ཐོད་པའི་ཕྲེང་བའི་དབུ་རྒྱན་ཅན། །མགོ་བོའི་ཕྲེང་བའི་སེ་རལ་བརྒྱན། །ཐམས་ཅད་ཕྱག་རྒྱ་ལྔ་ཡང་འཆང་། །
འདོད་པའི་ཆགས་པས་རབ་ཏུ་མྱོས། །རང་གི་ཐབས་དང་ལྷན་ཅིག་ཏུ། །མི་གཡོ་བ་དང་དེ་བཞིན་སྦྱོར། །ལྟོ་བ་འཕྱང་ཞིང་ལག་པ་འཕྱང་། །སྐུ་ལུས་འཇིགས་ཤིང་གདོང་ཡང་བསྒྱུར། །རབ་འཇིགས་ཉི་མ་པད་མ་ཡི། །སྟེང་དུ་བསྒྲུབ་པར་རབ་
གནས་ནས། །གང་ཞིག་ཇི་ལྟར་འདོད་པ་བཞིན། །རྗེས་སུ་ཆགས་པས་ཞལ་ཉིད་ནི། །དེ་ལྟ་བུ་ཡི་བསམ་པ་ཡིས། །རྣལ་འབྱོར་པས་ནི་བསྒོམ་པར་བྱ། །ཐོད་པ་ཁ་ཊྭཱྃ་ག་འཛིན་ཅིང་། །ཅང་ཏེའུ་གྲི་གུག་མགོ་བོ་འཆང་། །དཀྱིལ་འཁོར་
དག་ནི་ཐམས་ཅད་ཀུན། །ཡི་དགས་ལ་ནི་བཞུགས་པར་བསྒོམ། །མཁའ་འགྲོའི་ཚོགས་ཀྱི་དཀྱིལ་འཁོར་ལ། །ཉེ་བསྙེན་རྗེས་སུ་རྣལ་འབྱོར་ཏེ། །དཔའ་བོའི་ཡན་ལག་སྦྱོར་བ་ཡིས། །བསྒྲུབ་པ་ལྷག་པའི་སྙོམས་པར་འཇུག །
སེན་མོ་དང་སོ་དག་ནི་ཐོད་པའི་དུམ་བུའོ། །སྐྲ་དང་སྤུ་དག་ནི་ཀེང་རུས་ཆེན་པོའོ། །པགས་པ་དང་དྲི་མ་དག་ནི་ཀེང་རུས་ཅན་ནོ། །ཤ་ནི་མཆེ་བ་རྣམ་པར་གཙིགས་པའོ། །རྩ་རྒྱུས་ནི་ལྷ་དགྲའོ། །རུས་པ་ནི་འོད་དཔག་ཏུ་མེད་པའོ། །
མཁལ་མ་དག་ནི་རྡོ་རྗེ་འོད་དོ། །སྙིང་ནི་རྡོ་རྗེ་སྐུའོ། །མིག་ནི་རྡོ་རྗེ་མྱུ་གུ་ཅན་ནོ། །མཁྲིས་པ་ནི་རྡོ་རྗེ་རལ་པ་ཅན་ནོ། །གློ་བ་ནི་དཔའ་བོ་ཆེན་པོའོ། །རྒྱུ་མ་ནི་རྡོ་རྗེ་ཧཱུྃ་མཛད་དོ། །གཉེ་མ་ནི་རབ་ཏུ་བཟང་པོའོ། །ལྟེ་བ་ནི་རྡོ་རྗེ་བཟང་
པོའོ། །ལྒང་པ་ནི་འཇིགས་བྱེད་ཆེན་པོའོ། །སྐྲ་མཚམས་ནི་མིག་མི་བཟང་ངོ་། །བད་ཀན་ནི་སྟོབས་པོ་ཆེའོ། །རྣག་ནི་རིན་ཆེན་རྡོ་རྗེའོ། །ཁྲག་ནི་རྟ་མགྲིན་ནོ། །རྡུལ་ནི་ནམ་མཁའི་སྙིང་པོའོ། །ཚིལ་ནི་དཔལ་ཧེ་རུ་ཀའོ། །

85-1-136a

མཆི་མ་ནི་པད་མ་གར་གྱི་དབང་ཕྱུག་གོ། །མཆིལ་མ་ནི་རྣམ་པར་སྣང་མཛད་དོ། །སྣབས་ནི་རྡོ་རྗེ་སེམས་དཔའོ། །པུ་ལླཱི་ར་མ་ལ་ཡ་སྟེ་མགོ་བོར་ནི་རབ་ཏུ་གཏུམ་མའོ། །ཛཱ་ལྃ་དྷ་ར་སྟེ་སྤྱི་གཙུག་ཏུ་གཏུམ་པའི་མིག་ཅན་མའོ། །ཨོ་ཌི་
ཡཱ་ཎ་ན་སྟེ་རྣ་བ་གཡས་པར་འོད་ལྡན་མའོ། །ཨར་བུ་ད་སྟེ་སྤྱི་བོའྀ་རྒྱབ་ཏུ་སྣ་ཆེན་མ་སྟེ་གནས་སོ། །གོ་དཱ་བ་རི་སྟེ་རྣ་བ་གཡོན་པར་བརྟན་པའི་བློ་ཅན་མའོ། །རཱ་མེ་ཤྭ་རི་སྟེ་སྨིན་མའི་དབུས་སུ་མིའུ་ཐུང་མའོ། །དེ་བཱི་ཀོ་ཊྚ་སྟེ་མིག་ཏུ་ནི་ལྃ་ཀའི་དབང་ཕྱུག་མའོ། །
མཱ་ལ་བ་སྟེ་ཕྲག་པ་གཉིས་སུ་ནི་ཤིང་གྲིབ་མ་སྟེ་ཉེ་བའི་གནས་སོ། །ཀཱ་མ་རཱུ་པ་སྟེ་མཆན་ཁུང་དག་ཏུ་ནི་ས་སྲུང་མའོ། །ཨོ་དྲེ་སྟེ་ནུ་མ་གཉིས་སུ་འཇིགས་བྱེད་ཆེན་མོ་སྟེ་ཞིང་ངོ་། །ཏྲི་ཤ་ཀུ་ནེ་སྟེ་ལྟེ་བར་ནི་རླུང་གི་ཤུགས་ཅན་མའོ། །ཀོ་ས་ལ་སྟེ་སྣ་རྩེར་ནི་
ཆང་འཐུང་མ་སྟེ་ཉེ་བའི་ཞིང་ངོ་། །ཀ་ལིང་ཀ་སྟེ་ཁར་ནི་སྔོ་བསངས་ལྷ་མོའོ། །ལམ་བཱ་ཀ་སྟེ་མགྲིན་པར་ནི་ཤིན་ཏུ་བཟང་མོ་སྟེ་འདུས་པ་ཅན་ནོ། །ཀཱྃ་ཙཱི་སྟེ་སྙིང་གར་ནི་རྟ་རྣ་མའོ། །ཧི་མ་ལ་ཡ་སྟེ་འདོམས་སུ་ནི་བྱ་གདོང་མ་སྟེ།   ཉེ་བའི་འདུས་པ་
ཅན་ནོ། །པྲེ་ཏ་པུ་རི་སྟེ་མཚན་མ་ལ་ནི་འཁོར་ལོའི་ཤུགས་ཅན་མའོ། །གྲྀ་ཧ་དེ་བ་ཏཱ་སྟེ་བཤང་བའི་ལམ་ལ་ནི་དུམ་སྐྱེས་མའོ། །འདུས་པ་ཅན་ནོ། །སོ་རཱཥྚ་སྟེ་བརླ་གཉིས་སུ་ཆང་འཚོང་མའོ། །སུ་བརྞྞ་དྭཱི་བ་སྟེ་བྱིན་པ་གཉིས་ལ་འཁོར་ལོའི་གོ་ཆ་མའོ། །
ཉེ་བའི་འདུས་པ་ཅན་ནོ། །ནཱ་ག་ར་སྟེ་སོར་མོ་རྣམས་ལ་ནི་ཤིན་དུ་དཔའ་མོའོ། །སིནྡྷུ་སྟེ་རྐང་པའི་བོལ་ལ་ནི་སྟོབས་ཆེན་མ་སྟེ་འདི་དག་ནི་དུར་ཁྲོད་དོ། །མ་རུ་སྟེ་མཐེ་བོང་དག་ལ་ནི་འཁོར་ལོས་བསྒྱུར་མའོ། །ཀུ་ལུ་ཏཱ་སྟེ་པུས་མོ་གཉིས་ལ་ནི་
བརྩོན་འགྲུས་ཆེན་མོའོ། །འདི་དག་ནི་ཉེ་བའི་དུར་ཁྲོད་དོ། །སའི་ཁམས་ནི་ལྟུང་བྱེད་མའོ། །ཆུའི་ཁམས་ནི་གསོད་བྱེད་མའོ། །མེའི་ཁམས་ནི་འགུགས་བྱེད་མའོ། །རླུང་གི་ཁམས་ནི་གར་གྱི་དབང་ཕྱུག་མའོ། །ནམ་མཁའི་ཁམས་ནི་པད་མའི་
དྲ་བ་མའོ། །གཟུགས་ཀྱི་ཕུང་པོ་ནི་རྣམ་པར་སྣང་མཛད་དོ། །ཚོར་བའི་ཕུང་པོ་ནི་རྡོ་རྗེ་ཉི་མའོ། །འདུ་ཤེས་ཀྱི་ཕུང་པོ་ནི་པད་མ་གར་གྱི་དབང་ཕྱུག་གོ། །འདུ་བྱེད་ཀྱི་ཕུང་པོ་ནི་རྡོ་རྗེ་རྒྱལ་པོའོ། །རྣམ་པར་ཤེས་པའི་ཕུང་པོ་ནི་རྡོ་རྗེ་སེམས་དཔའ་

85-1-136b

སྟེ་དེ་བཞིན་གཤེགས་པ་ཐམས་ཅད་ཀྱི་བདག་ཉིད་ནི་དཔལ་ཧེ་རུ་ཀའོ། །མིག་གཉིས་ནི་གཏི་མུག་རྡོ་རྗེའོ། །རྣ་བ་གཉིས་ནི་ཞེ་སྡང་རྡོ་རྗེའོ། །སྣ་གཉིས་ནི་སེར་སྣ་རྡོ་རྗེའོ། །ཁ་ནི་འདོད་ཆགས་རྡོ་རྗེ། རེག་བྱ་ནི་ཕྲག་དོག་རྡོ་རྗེ། 
སྐྱེ་མཆེད་ཐམས་ཅད་ནི་དབང་ཕྱུག་རྡོ་རྗེ། ཡིད་ནི་མི་འཁྲུགས་རྡོ་རྗེ། ངག་ནི་དཔག་མེད་རྡོ་རྗེ། ལུས་ནི་རྡོ་རྗེ་རྣམ་སྣང་ངོ་། །འདི་དག་བསྒྲུབ་པའི་རྣལ་འབྱོར་ཡིན། །རང་སྙིང་ལྕགས་ཀྱུའི་སྦྱོར་བ་ཡིས། །ཡེ་ཤེས་འཁོར་ལོ་བཀུག་
ནས་སུ། །དེ་དག་སྤྲུལ་ཅིང་བཀོད་ནས་ནི། །ཇི་ལྟའི་རིམ་པས་དབང་ཡང་བསྐུར། །ཞུགས་པར་གྱུར་ནས་བཅིང་བར་བྱ། །དགྱེས་པས་རྗེས་སུ་ཆགས་པས་སྦྱོར། །རང་གི་ངོ་བོ་གཅིག་གྱུར་ནས། །དེ་ལ་གོ་ཆ་གཉིས་པོ་དགོད། །ཨོཾ་
ཧཿསྙིང་ག་ལ་རྡོ་རྗེ་སེམས་དཔའ། ན་མ་ཧི་མགོ་བོ་ལ་རྣམ་པར་སྣང་མཛད། སྭཱ་ཧཱ་ཧཱུྃ་སྤྱི་གཙུག་ལ་པད་མ་གར་གྱི་དབང་ཕྱུག །བཽ་ཥཊ་ཧེ་ཕྲག་པ་གཉིས་ལ་ཧེ་རུ་ཀ །ཧཱུྃ་ཧཱུྃ་ཧོ་མིག་གཉིས་ལ་རྡོ་རྗེ་ཉི་མ། ཕཊ་ཧྃ་ལུས་ཐམས་ཅད་ཀྱི་གོ་ཆ་སྟེ་རྟ་
མཆོག་གོ། །ཨོཾ་བྃ་ལྟེ་བ་ལ་རྡོ་རྗེ་ཕག་མོ། ཧྃ་ཡོཾ་སྙིང་ག་ལ་ཡ་མི་ནིའོ། །ཧྲཱོཾ་མོཾ་ཁ་ལ་རྨོངས་བྱེད་མའོ། །ཧྲཱོཾ་མགོ་ལ་སྐྱོད་བྱེད་མའོ། །ཧཱུྃ་ཧཱུྃ་སྤྱི་གཙུག་ལ་སྐྲག་བྱེད་མའོ། །ཕཊ་ཕཊ་ཙཎ་ཌི་ཀ་སྟེ་ཡན་ལག་ཐམས་ཅད་ཀྱི་མཚོན་ཆའོ། །མཛུབ་མོ་མདུད་
བྱས་གུང་མོ་ངེས་པར་སྦྱར། །མཐེ་བོང་རྡོ་རྗེ་བརྟན་པོར་རབ་ཏུ་སྦྱར། །དེ་ནི་དཔྲལ་བའི་དབུས་སུ་རབ་བཞག་ནས། །བསྐོར་ཞིང་བསྐོར་བར་ཀུན་ཏུ་སྦྱར་བར་བྱ། །རྐང་པ་ཕྱེད་མནན་སྟེང་དུ་བལྟ། །གྱེན་དུ་ཕེཾ་གི་སྒྲ་སྒྲོགས་ཤིང་། །ཕྱོགས་བཅུའི་
འཇིག་རྟེན་ཁམས་བཞུགས་པའི། །དཔའ་བོ་རྣལ་འབྱོར་མ་རྣམས་བཀུག །ཛཿཧཱུྃ་བྃ་ཧོཿ། སྦྱོར་བས་བཀུག་ནས་གཞུག་པ་དང་། །བཅིངས་ནས་དབང་དུ་བྱ་བ་ཡིན། །དཔའ་བོ་རྣལ་འབྱོར་མ་རྣམས་ཀྱིས། །མཁའ་དཀྱིལ་ཡོངས་སུ་གང་མཐོང་
ནས། །ཡེ་ཤེས་ཆུ་ཡི་བདུད་རྩི་ཡིས། །གང་བའི་བུམ་པ་བླངས་ནས་ནི། །ལག་པས་དེ་ལ་དབང་བསྐུར་བྱ། །གླུ་དང་གར་གྱི་མཆོད་པ་ཡིས། །དབང་བསྐུར་དག་ནི་དབུལ་བར་བྱ། །དེ་ལ་སྔགས་ནི་ཨོཾ་སརྦ་ཏ་ཐཱ་ག་ཏ་ཨ་བྷི་ཥེ་ཀ་ས་མ་ཡ་

85-1-137a

ཤྲི་ཡེ་ཧཱུྃ་ཧཱུྃ། གླུ་འདི་བླངས་པས་བསྐུལ་བའམ། ཡང་ན་མཁའ་འགྲོ་མ་ཆེན་མོ་རྣམས་ཐུགས་དགྱེས་པ་དང་། རབ་ཏུ་དགྱེས་པར་གྱུར་ཏེ། དབང་བསྐུར་རོལ་མོའི་བདེ་ཆེན་པོ། །མཁའ་འགྲོ་དྲ་བའི་བདེ་ཆེན་པོ། །
དགྱེས་ཆེན་གསོལ་བའི་བདེ་ཆེན་པོ། །མཁའ་འགྲོ་དྲ་བའི་བདེ་ཆེན་པོ། །གསལ་མཛད་བདེ་བ་ཆེན་པོ་སྟེ། །མཁའ་འགྲོ་དྲ་བའི་བདེ་ཆེན་པོ། །ཨ་ལ་ལ་ཧོཿ །མཆོག་ཏུ་གྱུར་པ་བདེ་ཆེན་པོ། །མཁའ་འགྲོ་དྲ་བའི་བདེ་ཆེན་པོ། །
ཨ་ལ་ལ་ཧོཿ །བདེ་ཆེན་ཡེ་ཤེས་དགྱེས་ནས་ནི། །དམ་ཚིག་དམ་ཚིག་ཅན་ལ་བཞུགས། །ཡེ་ཤེས་རོ་གཅིག་བསྒོམས་ནས་ནི། །རོ་གཅིག་འཁོར་ལོའང་དེ་བཞིན་བསྒོམ། །རྡོ་རྗེ་སེམས་དཔའི་དབུ་རྒྱན་ཅན། །ཡེ་ཤེས་ལྔ་དང་ཡང་
དག་ལྡན། །རྩ་བའི་སྔགས་སོགས་དཔའ་བོ་གང་། །ཆངས་པའི་སྐུད་པ་ལ་སོགས་བརྟག །རྡོ་རྗེ་ཕག་མོའི་སྔགས་གང་ཡིན། །མགུལ་ནས་མགུལ་དུ་རྣམ་པར་བརྒྱན། །ལྷ་མོའི་སྙིང་པོའི་སྔགས་ཀྱིས་ནི། །ཕྲེང་བ་བརྒྱ་ཕྱེད་ཀྱིས་བརྒྱན་ཅིང་། །
གསང་སྔགས་ཡི་གེ་བདུན་པ་ཡིས། །ནོར་བུ་རྣ་ཆ་ལེགས་མཛེས་ཤིང་། །སངས་རྒྱས་ཀུན་གྱི་མཁའ་འགྲོ་མ། །པགས་པའི་གོས་ནི་འཛིན་པའི་མཆོག །རྣལ་འབྱོར་མ་དྲུག་གསང་སྔགས་ཀྱིས། །སྐ་རགས་རྒྱན་དུ་བྱས་པ་ཡིན། །
གོ་ཆ་དྲུག་པོ་དག་གིས་ནི། །ཕྱག་རྒྱ་ལུས་ནི་རབ་ཏུ་མཛེས། །འཁོར་ལོ་ཀུན་གྱི་རྣལ་འབྱོར་མའི། །སྔགས་ཀྱི་བཏུང་བའི་ཐོད་པ་ཡིན། །རྣམ་སྣང་མཛད་མ་སྔགས་གང་གིས། །ཐོད་པས་སྤྱི་གཙུག་རྒྱན་དུ་བྱས། །དཔའ་བོ་ཉི་ཤུ་
རྩ་བཞི་ཡིས། །ལུས་ཀྱི་ཁམས་ལ་རྣམ་པར་བརྟག །དེ་ལྟར་བདག་ཉིད་རྣམ་བསམས་ཏེ། །ཚམ་ངམ་སྔགས་ཀྱིས་ལེགས་པར་བསྲུང་། །ཚངས་པར་སྤྱོད་པ་བརྟག་གྱུར་ནས། །རྐང་པ་བརྒྱད་པའི་སྔགས་ཀྱིས་མཆོད། །
འཇིགས་པ་ཐམས་ཅད་རྣམ་སྤངས་ཏེ། །དེ་ལྟར་རྣལ་འབྱོར་བདག་ཉིད་བསམ། །སྤྲོ་དང་བསྡུ་བའི་ཡེ་ཤེས་བསྒོམ། །སྙོམས་འཇུག་ཡེ་ཤེས་བཟླས་པ་བྱ། །རྣལ་འབྱོར་ཆེན་པོ་བསྒྲུབ་ཆེན་པོ། །རྡོ་རྗེ་ཁྲོ་བོའི་ཐེ་ལེ་ལས། །ཁམ་

85-1-137b

གསུམ་དུ་ནི་སྤྲོ་བར་བྱ། །རྡོ་རྗེའི་སྣ་ཡི་རྩེ་མོ་འབར། །སྤྲོ་བྱ་ནམ་མཁར་ཐིག་ལེ་ལས། །རྡོ་རྗེ་ཕྲ་མོ་མཐོང་གྱུར་པས། །བ་སྤུའི་ཁུང་བུའི་བར་དག་ནས། །རྒྱུ་བ་དང་ནི་མི་རྒྱུ་བར། །ཁྲོ་བོ་སངས་རྒྱས་སྤྲིན་རྣམས་སོ། །རྣམ་པར་དག་
པའི་རྣལ་འབྱོར་ནི། །སུམ་བཅུ་རྩ་བདུན་རིམ་པ་ཡིན། །ལུས་དྲན་པ་ཉེ་བར་གཞག་པ་ནི་མཁའ་འགྲོ་མའོ། །ཚོར་བ་དྲན་པ་ཉེ་བར་གཞག་པ་ནི་ལཱ་མའོ། །ཆོས་དྲན་པ་ཉེ་བར་གཞག་པ་ནི་དུམ་སྐྱེས་མའོ། །སེམས་དྲན་པ་ཉེ་
བར་གཞག་པ་ནི་གཟུགས་ཅན་མའོ། །འདུན་པའི་རྫུ་འཕྲུལ་གྱི་རྐང་པ་ནི་རབ་གཏུམ་མའོ། །བརྩོན་འགྲུས་ཀྱི་རྫུ་འཕྲུལ་གྱི་རྐང་པ་ནི་གཏུམ་མིག་མའོ། །སྤྱོད་པའི་རྫུ་འཕྲུལ་གྱི་རྐང་པ་ནི་འོད་ལྡན་མའོ། །སེམས་ཀྱི་རྫུ་
འཕྲུལ་གྱི་རྐང་པ་ནི་སྣ་ཆེན་མའོ། །དད་པའི་དབང་པོ་ནི་དཔའ་བའི་བློ་གྲོས་ཅན་མའོ། །བརྩོན་འགྲུས་ཀྱི་དབང་པོ་ནི་མིའུ་ཐུང་མའོ། །དྲན་པའི་དབང་པོ་ནི་ལང་ཀའི་དབང་ཕྱུག་མའོ། །ཏིང་ངེ་འཛིན་གྱི་དབང་པོ་ནི་ཤིང་གྲིབ་
མའོ། །ཤེས་རབ་ཀྱི་དབང་པོ་ནི་ས་སྲུང་མའོ། །དད་པའི་སྟོབས་ནི་འཇིགས་བྱེད་ཆེན་མོའོ། །བརྩོན་འགྲུས་ཀྱི་སྟོབས་ནི་རླུང་གི་ཤུགས་ཅན་མའོ། །དྲན་པའི་སྟོབས་ནི་ཆང་འཐུང་མའོ། །ཏིང་ངེ་འཛིན་གྱི་སྟོབས་ནི་སྔོ་
བསངས་ལྷ་མོའོ། །ཤེས་རབ་ཀྱི་སྟོབས་ནི་ཤིན་ཏུ་བཟང་མོའོ། །ཏིང་ངེ་འཛིན་ཡང་དག་བྱང་ཆུབ་ཀྱི་ཡན་ལག་ནི་རྟ་རྣ་མའོ། །བརྩོན་འགྲུས་ཡང་དག་བྱང་ཆུབ་ཀྱི་ཡན་ལག་ནི་བྱ་གདོང་མའོ། །དགའ་བ་ཡང་དག་བྱང་ཆུབ་ཀྱི་ཡན་ལག་ནི་
འཁོར་ལོའི་ཤུགས་ཅན་མའོ། །ཤིན་དུ་སྦྱངས་པ་ཡང་དག་བྱང་ཆུབ་ཀྱི་ཡན་ལག་ནི་དུམ་སྐྱེས་མའོ། །ཆོས་རྣམ་པར་འབྱེད་པ་ཡང་དག་བྱང་ཆུབ་ཀྱི་ཡན་ལག་ནི་ཆང་འཚོང་མའོ། །དྲན་པ་ཡང་དག་བྱང་ཆུབ་ཀྱི་ཡན་ལག་ནི་འཁོར་ལོའི་གོ་ཆ་མའོ། །བཏང་
སྙོམས་ཡང་དག་བྱང་ཆུབ་ཀྱི་ཡན་ལག་ནི་ཤིན་ཏུ་དཔའ་མོའོ། །ཡང་དག་པའི་ལྟ་བ་ནི་སྟོབས་ཆེན་མོའོ། །ཡང་དག་པའི་རྟོག་པ་ནི་འཁོར་ལོས་བསྒྱུར་མའོ། །ཡང་དག་པའི་ངག་ནི་དཔའ་བོ་ཆེན་མོའོ། །ཡང་དག་པའི་ལས་ཀྱི་མཐའ་ནི་བྱ་རོག་གི་གདོང་ཅན་

85-1-138a

མའོ། །ཡང་དག་པའི་འཚོ་བ་ནི་འུག་པའི་གདོང་ཅན་མའོ། །ཡང་དག་པའི་རྩོལ་བ་ནི་ཁྱིའི་གདོང་ཅན་མའོ། །ཡང་དག་པའི་དྲན་པ་ནི་ཕག་གདོང་ཅན་མའོ། །ཡང་དག་པའི་ཏིང་ངེ་འཛིན་ནི་བཅོམ་ལྡན་འདས་དཔལ་ཧེ་རུ་ཀའོ། །
དགེ་བའི་ཆོས་མ་སྐྱེས་པ་རྣམས་སྐྱེད་པ་ནི་གཤིན་རྗེ་སྲེག་མའོ། །དགེ་བའི་ཆོས་སྐྱེས་པ་རྣམས་ཡང་དག་པར་བསྲུང་བ་ནི་གཤིན་རྗེ་ཕོ་ཉ་མའོ། །མི་དགེ་བའི་ཆོས་སྐྱེས་པ་རྣམས་ཡང་དག་པར་སྤང་བ་ན་གཤིན་
རྗེ་མཆེ་བ་མའོ། །མི་དགེ་བའི་ཆོས་མ་སྐྱེས་པ་རྣམས་མི་བསྐྱེད་པ་ནི་གཤིན་རྗེ་འཇོམས་མའོ། །དམ་ཚིག་གི་འཁོར་ལོ་རྣམ་པར་སྦྱང་བའི་བསྒོམ་པའོ། །དེ་ནས་དམ་ཚིག་འཁོར་ལོ་དག །
མཉམ་པར་བཞག་སྟེ་བཟླས་པར་བྱ། །ཨོཾ་ཤྲཱི་བཛྲ་ཧེ་ཧེ་རུ་རུ་ཀྃ་ཧཱུྃ་ཧཱུྃ་ཕཊ། ཨོཾ་ཌཱ་ཀི་ནཱི་ཛཱ་ལ་སམྦ་རྃ་ཧཱུྃ་ཧཱུྃ་ཕཊ་སྭཱ་ཧཱ། ཨོཾ་ཧྲཱིཿཧ་ཧ་ཧཱུྃ་ཧཱུྃ་ཕཊ། སྙིང་པོ་དང་ཉེ་བའི་སྙིང་པོའོ། །ཨོཾ་བཛྲ་བཻ་རོ་ཙ་ནཱི་ཡེ་ཧཱུྃ་ཧཱུྃ་ཕཊ་སྭཱ་ཧཱ། ཨོཾ་སརྦ་བུད་དྷ་ཌཱ་ཀི་ནཱི་ཡེ་
བཛྲ་ཝརྞྞ་ནཱི་ཡེ་ཧཱུྃ་ཧཱུྃ་ཕཊ་སྭཱ་ཧཱ། ལྷ་མོའི་སྙིང་པོ་དང་ཉེ་བའི་སྙིང་པོའོ། །ཨོཾ་ཌཱ་ཀི་ནི་ཧཱུྃ་ཧཱུྃ་ཕཊ་སྭཱ་ཧཱ། ཨོཾ་ལཱ་མེ་ཧཱུྃ་ཧཱུྃ་ཕཊ་སྭཱ་ཧཱ། ཨོཾ་ཁཎྜ་རོ་ཧི་ཧཱུྃ་ཧཱུྃ་ཕཊ་སྭཱ་ཧཱ། ཨོཾ་རཱུ་པི་ཎི་ཧཱུྃ་ཧཱུྃ་ཕཊ་སྭཱ་ཧཱ། ཨོཾ་ཁཎྜ་ཀ་པཱ་ལ་ནི་ཀ་ར་ཀ་ར་ཧཱུྃ་ཧཱུྃ་ཕཊ་སྭཱ་ཧཱ།
ཨོཾ་པྲ་ཙཎྜེ་ཧུྃ་ཧཱུྃ་ཕཊ། ཨོཾ་མ་ཧཱ་ཀྃ་ཀཱ་ལ་ཀུ་རུ་ཀུ་རུ་ཧུྃ་ཧཱུྃ་ཕཊ། ཨོཾ་ཙཎྜཱ་ཀྵི་ཧུྃ་ཧཱུྃ་ཕཊ། ཨོཾ་ཀངྐཱ་ལ་བནྡྷ་བནྡྷ་ཧུྃ་ཧཱུྃ་ཕཊ། ཨོཾ་པྲ་བྷ་བ་ཏཱི་ཧུྃ་ཧཱུྃ་ཕཊ། ཨོཾ་བི་ཀ་ཊ་དཱཾ་ཥྚི་ཎ་ཏྲཱ་ས་ཡ་ཏྲཱ་ས་ཡ་ཧུྃ་ཧཱུྃ་ཕཊ། ཨོཾ་མ་ཧཱ་ནཱ་སྱེ་ཧུྃ་ཧཱུྃ་ཕཊ། ཨོཾ་སུ་ར་བཻ་རི་ཎི་ཀྵོ་བྷ་ཡ་ཀྵོ་
བྷ་ཡ་ཧུྃ་ཧཱུྃ་ཕཊ། ཨོཾ་བཱི་ར་མ་ཏི་ཧུྃ་ཧཱུྃ་ཕཊ། ཨོཾ་ཨ་མི་ཏཱ་བྷ་ཧྲཽཾ་ཧྲཽཾ་ཧཱུྃ་ཧཱུྃ་ཕཊ། ཨོཾ་ཁརྦ་རི་ཧུྃ་ཧཱུྃ་ཕཊ། ཨོཾ་བཛྲ་པྲ་བྷ་ཧྲཿཧྲཿ་ཧུྃ་ཧཱུྃ་ཕཊ། ཨོཾ་ལངྐེ་ཤྭ་རེ་ཧུྃ་ཧཱུྃ་ཕཊ། ཨོཾ་བཛྲ་དེ་ཧ་ཕེཾ་ཕེཾ་ཧུྃ་ཧཱུྃ་ཕཊ། ཨོཾ་དྲུ་མཙྪ་ཡེ་ཧུྃ་ཧཱུྃ་ཕཊ། ཨོཾ་ཨངྐུ་རི་ཀེ་ཕཊ་ཕཊ་ཧཱུྃ་
ཧཱུྃ་ཕཊ། ཨོཾ་ཨཻ་ར་ཝ་ཏི་ཧུྃ་ཧཱུྃ་ཕཊ། ཨོཾ་བཛྲ་ཛ་ཊི་ལི་ད་ཧ་ད་ཧ་ཧཱུྃ་ཧཱུྃ་ཕཊ། ཨོཾ་མ་ཧཱ་བྷཻ་ར་བེ་ཧཱུྃ་ཧཱུྃ་ཕཊ། ཨོཾ་མ་ཧཱ་བཱི་ར་པ་ཙ་པ་ཙ་ཧུྃ་ཧཱུྃ་ཕཊ། ཨོཾ་བཱ་ཡུ་བེ་གེ་ཧུྃ་ཧཱུྃ་ཕཊ། ཨོཾ་བཛྲ་ཧཱུྃ་ཀཱ་ར་བྷཀྵ་བྷཀྵ་བ་ས་རུ་དྷི་ར་ཨནྟྲ་མཱ་ལཱ་བ་

85-1-138b

ལམྦི་ནི་ཧཱུྃ་ཧཱུྃ་ཕཊ། ཨོཾ་སུ་ར་བྷཀྵི་ཧུྃ་ཧཱུྃ་ཕཊ། ཨོཾ་སུ་བྷ་དྲེ་གྲྀཧྞ་གྲྀཧྞ་ས་པྟ་པཱ་ཏཱ་ལ་ག་ཏ་བྷུྰ་ཛྃ་གྃ་སརྦཾ་བཱ་ཏརྫྫ་ཡ་ཏརྫྫ་ཡ་ཧུྃ་ཧཱུྃ་ཕཊ། ཨོཾ་ཤྱཱ་མ་དེ་བི་ཧཱུྃ་ཧཱུྃ་ཕཊ། ཨོཾ་བཛྲ་བྷ་དྲ་ཨཱ་ཀཌྜྷ་ཨཱ་ཀཌྜྷ་ཧུྃ་ཧཱུྃ་ཕཊ། ཨོཾ་སུ་བྷ་དྲེ་ཧུྃ་ཧཱུྃ་ཕཊ། ཨོཾ་མ་ཧཱ་
བྷཻ་ར་བ་ཧྲཱིཾ་ཧྲཱིཾ་ཧུྃ་ཧཱུྃ་ཕཊ། ཨོཾ་ཧ་ཡེ་ཀརྞྞེ་ཧཱུྃ་ཧཱུྃ་ཕཊ། ཨོཾ་བི་རུ་པཱཀྵི་ཛྙཽྃ་ཛྙཽྃ་ཧུྃ་ཧཱུྃ་ཕཊ། ཨོཾ་ཁ་གཱ་ན་ནེ་ཧུྃ་ཧཱུྃ་ཕཊ། ཨོཾ་མ་ཧཱ་བ་ལ་ཀྵྨཱྃ་ཀྵྨཱྃ་ཧུྃ་ཧཱུྃ་ཕཊ། ཨོཾ་ཙཀྲ་བེ་གེ་ཧུྃ་ཧཱུྃ་ཕཊ། ཨོཾ་རཏྣ་བཛྲ་ཧཱྃ་ཧཱྃ་ཧཱུྃ་ཧཱུྃ་ཕཊ། ཨོཾ་ཁཎྜ་རོ་ཧི་ཧཱུྃ་ཧཱུྃ་ཕཊ། 
ཨོཾ་ཧ་ཡ་གྲཱི་བ་ཧཱིཾ་ཧཱིཾ་ཧཱུྃ་ཧཱུྃ་ཕཊ། ཨོཾ་ཤཽཎྜི་ནི་ཧུྃ་ཧཱུྃ་ཕཊ། ཨོཾ་ཨཱ་ཀཱ་ཤཱ་གརྦྷ་ཧཱུྃ་ཧཱུྃ་ཧཱུྃ་ཧཱུྃ་ཕཊ། ཨོཾ་ཙཀྲ་ཝརྨི་ཎི་ཧཱུྃ་ཧཱུྃ་ཕཊ། ཨོཾ་ཧེ་རུ་ཀ་ཀི་ལི་ཀི་ལི་ཧུྃ་ཧཱུྃ་ཕཊ། ཨོཾ་སུ་བཱི་རེ་ཧུྃ་ཧཱུྃ་ཕཊ། ཨོཾ་པདྨ་ན་ཤྭ་ར་སི་ལི་སི་ལི་ཧཱུྃ་ཧཱུྃ་ཕཊ། ཨོཾ་མ་ཧཱ་བ་ལེ་
ཧུྃ་ཧཱུྃ་ཕཊ། ཨོཾ་བཻ་རོ་ཙ་ན་ཧི་ལི་ཧི་ལི་ཧུྃ་ཧཱུྃ་ཕཊ། ཨོཾ་ཙཀྲ་ཝརྟི་ནི་ཧཱུྃ་ཧཱུྃ་ཕཊ། ཨོཾ་བཛྲ་སཏྭ་དྷི་ལི་དྷི་ལི་ཧུྃ་ཧཱུྃ་ཕཊ། ཨོཾ་མ་ཧཱ་བཱི་རྱེ་ཧུྃ་ཧཱུྃ་ཕཊ། ཨོཾ་ཀཱ་ཀཱ་སྱཻ་ཧུྃ་ཧཱུྃ་ཕཊ། ཨོཾ་ཨུ་ལཱུ་ཀཱ་སྱེ་ཧུྃ་ཧཱུྃ་ཕཊ། ཨོཾ་ཤྭཱ་ནཱ་སྱཻ་ཧཱུྃ་ཧཱུྃ་ཕཊ། ཨོཾ་སཱུ་ཀ་རཱ་སྱཻ་ཧཱུྃ་ཧཱུྃ་ཕཊ། ཨོཾ་ཡ་མ་དཱ་ཌྷི་ཧཱུྃ་ཧཱུྃ་ཕཊ། 
ཨོཾ་ཡ་མ་དཱུ་ཏི་ཧཱུྃ་ཧཱུྃ་ཕཊ། ཨོཾ་ཡ་མ་དཾ་ཧུྃ་ཧཱུྃ་ཕཊ། ཨོཾ་ཡ་མ་མ་ཐ་ནི་ཧུྃ་ཧཱུྃ་ཕཊ། འདི་དག་ཇི་ལྟའི་རིམ་པ་ཡིས། །དུང་ཆེན་ཕྲེང་བ་བླངས་ནས་སུ། །ལག་གཡོན་མཐེ་བོང་སྲིན་ལག་གིས། །གསང་སྔགས་དག་ནི་བཟླས་པ་བྱ། །དུས་བཞིར་ཇི་ལྟར་འདོད་པ་རུ། །རྣལ་
འབྱོར་པས་ནི་བཟླས་པ་བྱ། །བསྒོམ་པ་རྩེ་གཅིག་བྱ་བ་སྟེ། །དམ་ཚིག་དང་ནི་དམ་ཚིག་སྦྱོར། །བཟའ་དང་བཟླས་པ་བསྡུས་ནས་སུ། །ཆོ་ག་བཞིན་དུ་གཏོར་མ་སྦྱིན། །དཀྱིལ་འཁོར་ལ་ནི་ཅི་བདེ་བར། །གཅེར་བུ་སྐྲ་གྲོལ་འདུག་
པ་ཡིས། །བརྟུལ་ཞུགས་ཅན་གྱིས་གཏོར་མ་སྦྱིན། །རྐང་པ་གཡས་བརྐྱང་གནས་ནས་སུ། །མཉམ་པར་བཞག་སྟེ་ཕྱག་རྒྱ་བཅིང་། །མཛུབ་མོ་མདུད་བྱས་གུང་མོ་ངེས་པར་སྦྱར། །མཐེ་བོང་རྡོ་རྗེ་བརྟན་པོར་རབ་ཏུ་
སྦྱར། །དཔྲལ་བའི་དབུས་ཀྱི་ཕྱོགས་སུ་རབ་གཞག་ནས། །བཅུ་ཞིང་གཅུ་ཞིང་བསྐོར་ནས་འདི་བརྗོད་དོ། །ཨོཾ་ཨཱ་ར་ལི་ཧོཿཛཿཧཱུྃ་བྃ་ཧོཿབཛྲ་ཌཱ་ཀི་ནཱི་ས་མ་ཡ་སྟྭྃ་ཏྲི་ཤྱ་ཧོཿ འདི་ནི་གསུམ་དང་བཞི་དང་ནི། །ལྔ་ཡི་བར་དུ་

85-1-139a

བརྗོད་པར་བྱ། །སྐྲ་གྲོལ་གཅེར་བུར་བྱུང་བ་ཡིས། །རྣལ་འབྱོར་མཐོ་བའི་གནས་ནས་ལངས། །ལྷོ་ཕྱོགས་ཁ་བལྟས་གནས་པ་ཡིས། །མཚན་ཕྱེད་དུ་ནི་གཏོར་མ་སྦྱིན། །ཅི་ལྟའི་ལས་ཀྱི་རྗེས་འབྲང་
ནས། །དེ་ཉིད་གསུམ་གྱིས་མངོན་བསྔགས་ཏེ། །རྡོ་རྗེ་ཐལ་མོ་གྱེན་ཕྱེ་ནས། །གསང་སྔགས་འདི་དག་རབ་ཏུ་བརྗོད། །ཨོཾ་ཁ་ཁ་ཁཱ་ཧི་ཁཱ་ཧི། སརྦ་ཡཀྵ་རཱཀྵ་ས། བྷཱུ་ཏ་པྲེ་ཏ། པི་ཤཱ་ཙ། ཨུན་མཱ་ན་ད། ཨ་པ་སྨཱ་ར། ཌཱ་ཀི་
ནྱཱ་ད་ཡཿ། ཨི་མྃ་བ་ལིཾ།  གྷྲྀཧྞྃ་ཏུ།  ས་མ་ཡ་རཀྵན་ཏུ།  མ་མ་སརྦ་སིད་དྷི་མྨེ།   པྲ་ཡ་ཙྪན་ཏུ་ཡ་ཐཻ་བྃ། ཡ་ཐེཥྚྃ། བྷུ་ཛ་ཐཱ། པི་པཱ་ཐཱ།   མཱ་ཏི་ཀྲ་མ་ཐཱ། མ་མ་སརྦ་ཀཱ་ར་ཏཱ་ཡ་ས་ད་སུ་ཁྃ་བི་ཤུད་དྷ་ཡ། ས་ཧ་ཡི་ཀཱ་བྷ་ཝན་ཏུ་ཧུྃ་ཧཱུྃ་ཕཊ་སྭཱ་ཧཱ། 
དཔའ་བོ་རྣལ་འབྱོར་མ་ཐམས་ཅད། །བདེ་ཆེན་མཚན་གྱིས་གར་མཛད་ཅིང་། །བཅོམ་ལྡན་སྐུ་གསུང་ཐུགས་ལ་བཞུགས། །ཨཱ་ལི་ཀཱ་ལི་མཉམ་བྱས་ཏེ། །དེར་ནི་རེ་ཕའི་སྦྱོར་བ་ཡིས། །སྟེང་དུ་འབར་བའི་རེ་ཕ་ནི། །
འོག་ཏུ་འཛག་པར་བྱེད་པ་ཡིན། །འཛག་པའི་ཁུ་བའི་ཚུལ་ཅན་ནི། །འཆི་མེད་ཐིགས་པའི་གཟུགས་སུ་འགྱུར། །བསྲུབ་དང་བསྲུབ་པ་ཡང་དག་སྦྱོར། །ཡེ་ཤེས་མེ་ལ་ལས་ཀྱི་རླུང་། །རབ་ཏུ་བསྐྱོད་པར་བྱས་པ་ཡིས། །
ལྟེ་བའི་དཀྱིལ་འཁོར་དུད་པ་འབྱུང་། །འོད་ཟེར་དག་ནི་འབར་བར་བྱེད། །དམ་ཚིག་འཁོར་ལོ་དེས་དེ་བཞིན་གཤེགས་པ་ཐམས་ཅད་དག་བསྲེགས་ནས། དེ་བཞིན་གཤེགས་པ་ཐམས་ཅད་ཀྱི་ལོངས་སྤྱོད་ཀྱི་འཁོར་ལོར་སོང་
སྟེ། ཐབས་དེས་ལན་གསུམ་དུ་སྐོར་བ་བྱས་ནས། སྨིན་མཚམས་ཀྱི་མཛོད་སྤུ་ནས་གནད་འབྱེད་པའི་སྒོ་ལས་འདས་ཏེ། བྱུང་ནས་ཕྱོགས་བཅུ་འཇིག་རྟེན་གྱི་ཁམས་སུ་དེ་བཞིན་གཤེགས་པ་རྣམས་བཞུགས་པ་ལ་ཡེ་ཤེས་ལྔའི་
བདུད་རྩི་བླངས་ཏེ། སྤྱི་བོའི་གཙུག་གསེར་སྒོ་ཛཱ་ལན་དྷ་ར་ཞེས་བྱ་བར་ཞུགས་ཏེ། སོའི་མཚམས་ཀྱི་བུ་གའི་ནང་དུ་སོང་ནས་ལོངས་སྤྱོད་ཀྱི་འཁོར་ལོར་ངལ་བསོས་ནས་བསྲེགས་པའི་དེ་བཞིན་གཤེགས་པ་ཐམས་ཅད་ཀྱི་དགའ་

85-1-139b

བ་བསྐྱེད་ནས་ལྟེ་བའི་དཀྱིལ་འཁོར་དུ་གནས་པར་འགྱུར་རོ། །དེས་སྐྲའི་རྩེ་མོ་འབུམ་དུ་གཤགས་པའི་ཆ་ཙམ་ཡང་འབྱུང་བ་དང་། འཇུག་པ་མ་མཐོང་སྟེ། དགའ་ཞིང་ཇི་ལྟར་བདེ་བར་གནས་སོ། །རང་ལྷག་ལྷའི་རྣལ་འབྱོར་
གྱིས། །ཐམས་ཅད་འདི་ལྟར་རབ་ཏུ་བརྟག །བསམ་པ་མེད་ལ་བསམ་པ་སྟེ། །སེམས་ཀྱང་མཚོན་པར་བྱ་བ་མིན། །བསམ་དུ་མེད་པའི་བསྒོམ་པ་ཡིས། །དངོས་དང་དངོས་མིན་རྣམ་སྤངས་ཡིན། །སེམས་ཀྱིས་བསམ་
པའི་སེམས་དེ་ནི། །རྙེད་པ་གང་ཡིན་གཟུང་བར་བྱ། །ཁ་ཊྭཱྃ་ག་ནི་ལྷ་ཡི་སྐུ། །ཌཱ་མ་རུ་སྒྲ་ཤེས་རབ་ཡིན། །ཉིན་མོ་བཅོམ་ལྡན་དཔའ་བོ་སྟེ། །མཚན་མོ་རྣལ་འབྱོར་མ་རུ་བཤད། །དག་པའི་ཆོས་ཀྱི་སྤྲུལ་པ་ནི། །ཕག་
མོ་དག་གི་གཟུགས་སུ་བསྟན། །ཤྲཱི་ནི་གཉིས་མེད་ཡེ་ཤེས་ཏེ། །ཧེ་ནི་རྒྱུ་ཚོགས་རྣམ་པར་སྤངས། །རུ་ནི་བཀོད་པ་དང་བྲལ་བ། །ཀ་ནི་གང་ནའང་མི་གནས་པའོ། །རྣལ་འབྱོར་སེམས་ནི་ངལ་བསོས་ལ། །མྱ་ངན་
འདས་ཞེས་བསྟན་པ་ཡིན། །རྣལ་འབྱོར་འཕོ་བའི་དུས་ཀྱི་ཚེ། །ཧེ་རུ་ཀ་སོགས་པ་རྣལ་འབྱོར། །ལག་ན་མེ་ཏོག་སྣ་ཚོགས་བསྣམས། །སྣ་ཚོགས་རྒྱལ་མཚན་བ་དན་ཅན། །སྣ་ཚོགས་རོལ་མོ་སྒྲ་སྒྲོགས་ཤིང་། །
སྣ་ཚོགས་གླུ་ཡིས་མཆོད་པར་བྱེད། །འཆི་བ་ཞེས་བྱའི་རྣམ་རྟོག་འདི། །མཁའ་ལ་སྤྱོད་པའི་གནས་སུ་འཁྱེར། །མངོན་པར་བརྗོད་པའི་རྒྱུད་བླ་མའི་བླ་མ་ལས་གཉིས་སུ་མེད་པར་སྦྱོར་བའི་གནས་ཀྱི་ལེའུ་སྟེ་བཅུ་བཞི་པའོ།། །། 
དེ་ནས་གཞན་ཡང་བཤད་བྱ་བ། །མ་མོའི་བསྒོམ་པ་དབྱེ་བར་བྱ། །གསང་སྔགས་ཀུན་གྱི་གནས་སྦྱོར་བ། །དེ་བཞིན་གཤེགས་པ་ཀུན་གྱི་གནས། །ཐམས་ཅད་མཁྱེན་ཅིང་ཐམས་ཅད་མཛད། །བདེ་བ་ཆེན་
པོས་ཀུན་ལ་ཁྱབ། །མགོན་པོ་སངས་རྒྱས་ཀུན་བདག་སྟེ། །སེམས་ཅན་ཀུན་གྱི་སྙིང་ལ་གནས། །ཨྃ་ཨཱྃ། ཨིཾ་ཨཱིཾ། ཨུྃ་ཨཱུྃ།  ཨེྃ་ཨཻྃ།   ཨཽ་ཨཽཾ། ཨྃ་ཨཿཧཱུྃ། འདི་ནི་བཅོམ་ལྡན་དེ་ཉིད་ཀྱི། །ཧེ་རུ་ཀ་ནི་དབང་

85-1-140a

ཕྱུག་མཆོག །མཁའ་ལ་དྲི་མེད་ཟླ་བ་ཡི། །ལྟེ་བའི་དབུས་སུ་བསྒོམ་པར་བྱ། །རྀཾ་རཱྀཾ། ལྀྃ་ལཱྀྃ།  མཁའ་འགྲོ་མ་ནི་པད་འདབ་བཞུགས། །ཀྃ་ཁྃ་གྃ་གྷྃ་ངྃ་། ཙྃ་ཚྃ་ཛྃ་ཛྷྃ་ཉྃ། ཊྃ་ཋཱྃ་ཌྃ་ཌྷྃ་ཎྃ། ཏྃ་ཐྃ་
དྃ་དྷྃ་ནྃ། པྃ་ཕྃ་བྃ་བྷྃ་མྃ། དེ་ཡི་ཐོད་པའི་དུམ་སོགས་དང་། །གཏུམ་མིག་མ་ལ་སོགས་ཀུན་གྱིས། །སྐུ་གསུང་ཐུགས་ཀྱི་འཁོར་ལོ་སྟེ། །དངོས་གྲུབ་ཐམས་ཅད་རབ་ཏུ་སྩོལ། །ཡྃ་རྃ་ལྃ་ཝྃ། ཤྃ་ཥྃ་སྃ་ཧྃ། 
དེ་ཡི་ཁྭ་གདོང་ལ་སོགས་དང་། །གཤིན་རྗེ་སྲེག་སོགས་ཀུན་གྱིའོ། །ཡི་གེ་ཀྵཿཡི་བདག་ཉིད་ནི། །བདེ་བ་ཆེན་པོའི་ཤུ་ཀྲའི་གཟུགས། །ཐམས་ཅད་མཁྱེན་ཅིང་ཐམས་ཅད་གཟིགས། །སངས་རྒྱས་ཀུན་གྱི་གནས་
ཡིན་ཞིང་། །ཀུན་ལ་ཁྱབ་ཅིང་རྟག་ཏུ་སྟོང་། །བརྗོད་དུ་མེད་ཅིང་ཕྲ་བའི་དབུས། །འདི་ནི་ཆད་མེད་རྟག་པའི་ཐུགས། །རང་གི་གཟུགས་ནི་མཁའ་ལྟ་བུ། །འདི་ནི་བདག་ཉིད་བཅིངས་པ་སྟེ། །འདི་ནི་དགྲོལ་ལ་
མཁས་པ་ཡིན། །འདི་ནི་ལྟེ་བའི་དབུས་བཞུགས་ཤིང་། །ཤུ་ཀྲའི་གཟུགས་ཀྱིས་བདེ་ཆེན་གནས། །སྐུ་གསུང་ཐུགས་ཀྱི་སྦྱོར་བ་ཡིས། །འཁོར་ལོ་གསུམ་གྱི་དབུས་སུ་དགོད། །འདི་ནི་གསང་བ་མཆོག་ཡིན་ཏེ། །
གང་ལ་ཡང་ནི་བསྟན་མི་བྱ། །སྔར་བཤད་ཕྱག་དང་ཕྱག་མཚན་དང་། །གོ་ཆ་ཡང་ནི་དེ་བཞིན་ཏེ། །སྔར་བཤད་བཞིན་དུ་བཀོད་ནས་ཀྱང་། །ཕུང་པོ་ཁམས་དང་སྐྱེ་མཆེད་དག །དཔའ་བོའི་ཡན་ལག་རྣམ་དག་ཉིད། །
བྱང་ཆུབ་ཕྱོགས་ཀྱང་དེ་བཞིན་ཏེ། །ལུགས་སུ་འབྱུང་དང་བཟློག་པ་ཡིས། །སྔར་བཤད་འཁོར་ལོ་རྣམ་པར་དགོད། །ཐམས་ཅད་དཀར་བའི་མདོག་ཅན་ལ། །འཁོར་ལོ་གསུམ་ནི་བཅུ་དྲུག་གོ། །
དཔའ་བོ་ཡང་ནི་སོ་སོར་དགོད། །རྣལ་འབྱོར་མ་ཡང་སོ་སོར་ཏེ། །རང་གི་ཐབས་ཀྱི་སྦྱོར་བ་ཡིས། །གཉིས་སུ་མེད་པའི་གནས་པ་ཡིན། །དཔའ་བོའི་རང་གི་རིག་པ་དང་། །གཉིས་སུ་མེད་པར་གནས་

85-1-140b

པ་ཡིན། །མཁའ་འགྲོ་སོགས་དང་ཁྱི་གདོང་སོགས། །རང་གི་ཐབས་དང་གཉིས་མེད་གནས། །དེ་ནི་རྡོ་རྗེ་སྙིང་པོའོ། །རྣལ་འབྱོར་མ་ཡི་དམ་པ་སྟེ། །མཆོག་དུ་གསང་བ་སྦས་པ་དག །རྡོ་རྗེ་སྙིང་པོས་ཞུས་ནས་
ནི། །བཅོམ་ལྡན་འདས་ཀྱིས་གསུངས་པ་ཡིན། །མངོན་པར་བརྗོད་པའི་རྒྱུད་བླ་མའི་བླ་མ་ལས་དཔལ་ཧེ་རུ་ཀ་དང་། མཁའ་འགྲོ་མ་དང་། དཔའ་བོ་དང་རྣལ་འབྱོར་མ་རྣམས་བསྒོམས་པས་བསྐྱེད་པ་སྟེ་ལེའུ་བཅྭ་ལྔ་པའོ།། །། 
དེ་ནས་གཞན་ཡང་བཤད་བྱ་བ། །དང་པོའི་ལས་ཀྱི་བསྒོམ་པ་སྟེ། །རྣལ་འབྱོར་སྦྱོར་བའི་མཆོག་གྱུར་པ། །ཅིག་ཅར་དུ་ནི་བསྐྱེད་པ་དག །རྡོ་རྗེ་སྙིང་པོས་གསུངས་པ་ཡིན། །ཕྱག་གཉིས་པ་ལ་ཞལ་
གཅིག་པ། །སྤྱན་གསུམ་པ་ལ་ཞལ་རྣམས་བསྒྱུར། །འཇིགས་བྱེད་དང་ནི་དུས་མཚན་དག །གཡས་བརྐྱང་བ་ཡིས་མགོ་ལ་མནན། །རྒྱན་དྲུག་སྣ་ཚོགས་རྡོ་རྗེ་དང་། །ཟླ་བ་ཕྱེད་པས་
རྣམ་པར་བརྒྱན། །སྟག་གི་པགས་པ་གོས་སུ་མནབས། །མགོ་བོའི་ཕྲེང་བས་རྣམ་པར་བརྒྱན། །ཐོད་པ་ཁ་ཊྭཱྃ་ག་བསྣམས་ཤིང་། །དེ་ནི་རྡོ་རྗེ་མཆོག་ཀྱང་གསོར། །ཕག་
མོས་ཀྱང་ནི་རྣམ་པར་འཁྲིལ། །དེ་ཡི་མདོག་དང་ཕྱག་གིས་གནས། །བྱིན་པ་གཉིས་ཀྱིས་མཉམ་པར་འཁྱུད། །ཐོད་པ་རྡོ་རྗེ་བསྡིགས་མཛུབ་ཀྱིས། །ཕྱོགས་སུ་བསྡིགས་ཤིང་
སྐྲ་གྲོལ་བ། །དུམ་བུའི་རྒྱན་གྱི་སྐ་རགས་ཅན། །འཁོར་ལ་སོགས་པའི་དཀྱིལ་འཁོར་རྣམས། །ཕྱག་གཉིས་ཞལ་ནི་གཅིག་པ་སྟེ། །ཕྱག་རྒྱ་ལྔ་ནི་མཉམ་པར་སྦྱོར། །
སྤྱན་གསུམ་པ་ལ་དྲག་པོའི་གཟུགས། །ཐམས་ཅད་ཡི་དགས་གདན་ལ་བཞུགས། །བསྒོམ་པ་མཆོག་གི་བསྒོམ་པའོ། །དབུས་སུ་ཁྲག་མཐུང་

85-1-141a

རྡོ་རྗེ་ནི། །སྔོ་བའི་མདོག་ཅན་བདེ་བ་ཆེ། །པད་མའི་དབུས་སུ་བསྒོམ་པ་ནི། །མཁའ་འགྲོ་མ་ནི་སེར་པོའི་མདོག །ཐུགས་ཀྱི་འཁོར་ལོའི་དཔའ་བོ་དང་། །མཁའ་འགྲོ་མ་ཡི་ཁྱད་པར་ནི། །དཔའ་བོ་མདོག་ནི་ནག་པོ་ལ། །
མཁའ་འགྲོ་མ་ནི་དཀར་བ་ཉིད། །གསུང་གི་འཁོར་ལོའི་དཔའ་བོ་ནི། །དམར་པོའི་མདོག་ཅན་ཆེར་འབར་བ། །མཁའ་འགྲོའང་དེ་བཞིན་ནག་པོ་སྟེ། །སྐུ་མདོག་གཉིས་སུ་རྣམ་པར་བསྒོམ། །སྐུ་ཡི་འཁོར་ལོའི་དཔའ་བོ་ནི། །ཟླ་བ་སེར་
སྐྱ་ལེགས་བརྒྱན་པས། །དེ་ལ་མཁའ་འགྲོ་མ་ཡང་དམར། །ཅི་འདོད་གཟུགས་སུའང་འགྱུར་བ་ཡིན། །ཁྭ་གདོང་ལ་སོགས་ཀུན་ལྗང་གུ། །གཤིན་རྗེ་སྲེག་སོགས་ཀུན་དུད་ཀ །དེ་ལྟར་མདོག་གི་བྱེ་བྲག་གི། །བསྒོམ་པའི་
མཆོག་གིས་ཤེས་པར་བྱ། །མཁའ་འགྲོ་མ་ཐོད་ཁ་ཊྭཱྃ་འཛིན། །ཅང་ཏེའུ་གར་གྱིས་རྣམ་པར་བཞུགས། །ཐམས་ཅད་དབུ་སྐྲ་གྲོལ་བ་སྟེ། །ཕྱོགས་ཀྱི་གོས་ཅན་བཞད་པའི་ཞལ། །ཐུགས་ཀྱི་འཁོར་ལོའི་དཔའ་བོ་རྣམས། །
རྡོ་རྗེ་དྲིལ་བུས་ལགས་པར་འཁྱུད། །རྣལ་འབྱོར་མ་ནི་ཐོད་རྡོ་རྗེ། །བསྡིགས་མཛུབ་དང་ནི་ལྷན་ཅིག་བཅས། །གསུང་གི་འཁོར་ལོའི་དཔའ་བོ་རྣམས། །པད་མ་དྲིལ་བུས་རྣམ་པར་བརྒྱན། །རྣལ་འབྱོར་མ་ནི་ཐོད་པད་མ། །
བསྡིགས་མཛུབ་དང་ནི་ལྷན་ཅིག་བཅས། །སྐུ་ཡི་འཁོར་ལོའི་དཔའ་བོ་རྣམས། །འཁོར་ལོ་དྲིལ་བུ་རབ་ཏུ་འབར། །རྣལ་འབྱོར་མ་འཁོར་བསྡིགས་མཛུབ་ཅན། །ཐོད་པ་རྐང་གིས་གང་བའོ། །ཁྭ་གདོང་ལ་སོགས་ལྷ་མོ་ནི། །
ཐོད་པ་དང་ནི་ཁ་ཊྭཱྃ་འཛིན། །གྲི་གུག་དང་ནི་བསྡིགས་མཛུབ་བཅས། །གཤིན་རྗེ་སྲེག་སོགས་ལྷ་མོ་ནི། །ཅང་ཏེའུ་མགོ་བོ་བསྡིགས་མཛུབ་དང་། །ཐོད་པའི་ཕྲེང་བའི་དབུ་རྒྱན་ཅན། །སྐྱིལ་ཀྲུང་ཕྱེད་པས་གར་དང་བཅས། །དཔའ་བོ་
གཡས་བརྐྱང་གནས་པ་སྟེ། །མཁའ་འགྲོ་མ་ཡི་བྱིན་པས་འཁྲིལ། །གཉིས་སུ་མེད་པར་མཉམ་ལྡན་པ། །ཐུགས་རྗེ་ཆགས་པའི་བདེ་བ་ཆེ། །ཡེ་ཤེས་འཁོར་ལོ་མཉམ་ལྡན་པས། །བདེ་བའི་བདེ་བ་གཅིག་ཏུ་འགྱུར། །ཆོས་ཀྱི་

85-1-141b

རོ་ལས་ཡང་དག་འབྱུང་། །རང་མིང་ས་བོན་དང་བཅས་པ། །ཕྲེང་བའི་སྔགས་དང་མཉམ་པར་སྦྱར། །གསལ་བྱེད་མཉམ་པར་སྦྱར་ནས་སུ། །ཧཱུཾ་གཉིས་ཕཊ་དང་ཡང་དག་སྦྱར། །དཔའ་བོའི་གསང་སྔགས་ཡང་དག་སྦྱར། །
རྣལ་འབྱོར་མ་ཡང་དེ་བཞིན་བཤད། །རང་གི་མིང་གི་ས་བོན་དབུས། །གསལ་བྱེད་དང་ནི་མཉམ་པར་ལྡན། །ཧཱུྃ་ཧཱུྃ་ཕཊ་ཀྱང་དེ་བཞིན་ཏེ། །སྔགས་པས་འདི་ལྟར་སྦྱར་བར་བྱ། །དབུས་སུ་ཁྲག་འཐུང་རྡོ་རྗེ་སྟེ། །གསང་
སྔགས་འདི་ནི་མཁས་པས་བཟླ། །ཨོཾ་ཤྲཱི་ཧེ་ཧེ་རུ་རུ་ཀྃ་ཧཱུྃ་ཧཱུྃ་ཕཊ། ཨོཾ་ཧྲཱིཿཧ་ཧ་ཧུྃ་ཧཱུྃ་ཕཊ། སྙིང་པོ་དང་ཉེ་བའི་སྙིང་པོའོ། །ཨོཾ་བཛྲ་བཱ་རཱ་ཧི་ཧུྃ་ཧཱུྃ་ཕཊ། ཨོཾ་བཛྲ་བཻ་རོ་ཙ་ནཱི་ཡེ་ཧུྃ་ཧཱུྃ་ཕཊ། ལྷ་མོའི་སྙིང་པོ་དང་ཉེ་བའི་
སྙིང་པོའོ། །དུས་བཞི་དག་ཏུ་ཆོ་ག་བཞིན། །རྣལ་འབྱོར་པ་ཡིས་བཟླས་པ་བྱ། །མདུན་དུ་བ་སྤུའི་ཁུང་བུ་ལས། །ཆོས་དང་ལོངས་སྤྱོད་རྣམ་པར་སྤྲོ། །སེམས་ཅན་རྣམས་ལ་ཕན་གདགས་ཕྱིར། །ཆོས་
ཀྱི་འཁོར་ལོ་བསྟན་པར་བྱ། །འགྲོ་བ་རིགས་དྲུག་གྲོལ་ནས་ནི། །བླ་མེད་གནས་སུ་འཇོག་པར་བྱེད། །སྔགས་པས་ཇི་ལྟར་འདོད་སྦྱོར་བ། །རིགས་ལྔ་རྣམས་ཀྱི་དབུས་སུ་ཡང་། །གང་གིས་རིགས་
གསུམ་དབུས་ཁྱབ་པ། །ཁམས་གསུམ་གྱི་ནི་བདག་པོ་སྟེ། །སངས་རྒྱས་ཐམས་ཅད་ཡང་དག་འདུས། །སྐུ་གསུང་ཐུགས་ཀྱི་དབྱེ་བའོ། །མངོན་པར་བརྗོད་པའི་རྒྱུད་བླ་མའི་བླ་མ་ལས་ལས་དང་པོའི་སྦྱོར་བའི་
བསྒོམ་པ་བསྟན་པ་སྟེ་ལེའུ་བཅུ་དྲུག་པའོ།། །། རྡོ་རྗེ་སྙིང་པོས་རབ་བཤད་པ། །དངོས་གྲུབ་ཐམས་ཅད་འགྲུབ་པ་སྟེ། །ཕྱག་བཞི་པོ་ཡི་ཆོ་ག་ཡིས། །དབང་པོ་བར་མ་རྣམ་པར་བསྒོམ། །
ཅིག་ཅར་བསྐྱེད་པའི་སྦྱོར་བ་ཡིས། །བསྒོམ་པ་དག་ནི་རྣམ་པར་བསྒོམ། །ཕྱག་བཞི་པ་ལ་ཞལ་བཞི་པ། །སྤྱན་གསུམ་དྲག་པོ་འཇིགས་པ་སྟེ། །གཡས་བརྐྱང་བ་ཡི་གནས་པས་བཞུགས། །འཇིགས་

85-1-142a

བྱེད་དང་ནི་དུས་མཚན་གནོན། །སྐུ་ལུས་མི་མགོའི་དོ་ཤལ་ཅན། །ཐོད་པའི་དབུ་རྒྱན་མཆོག་ཅན་ཏེ། །ཟླ་བ་ཕྱེད་པ་མཛེས་པ་ཡིན། །སྣ་ཚོགས་རྡོ་རྗེས་རྣམ་པར་མཚན། །ཕྱག་རྒྱ་དྲུག་པོ་དྲག་པོའི་གཟུགས། །
སྐུ་མདོག་དཀར་པོ་འཇིགས་པ་སྟེ། །སྔོ་ཞིང་ལྗང་ཁུ་དམར་པོ་སྟེ། །སྟེང་གི་ཞལ་གདོང་རྣམ་པར་བསྒོམ། །ཐོད་པ་དང་ནི་ཁ་ཊྭཱྃ་འཛིན། །རྡོ་རྗེ་དྲིལ་བུ་ཅང་ཏེའུ་དང་། །རྡོ་རྗེ་ཕག་མོ་མཉམ་པར་ལྡན། །ལྷ་མོའི་ཀུ་ཙ་འཚིར་བ་སྟེ། །
སྟག་གི་ལྤགས་པ་གོས་སུ་མནབས། །ཕྱོགས་ཀྱི་གོས་མཆོག་འཛིན་པ་སྟེ། །སྐྲ་གྲོལ་དུམ་བུའི་སྐ་རགས་ཅན། །དེ་ཕྱག་ཞལ་དང་མདོག་གིས་མཚན། །མཁའ་འགྲོ་མ་ནི་སྔོ་ལ་སེར། །ལཱ་མ་ལྗང་དང་སེར་པོ་སྟེ། །
དུམ་སྐྱེས་མ་ནི་དམར་ལ་ལྗང་། །གཟུགས་ཅན་མ་ནི་སེར་ལ་དམར། །ཐོད་པ་དང་ནི་ཁ་ཊྭཱྃ་འཛིན། །གྲི་གུག་མགོ་ནི་འཛིན་པའི་མཆོག །ཅང་ཏེའུ་སྒྲ་ནི་དུ་མ་སྒྲོགས། །གཅེར་བུ་སྐྲ་ནི་གྲོལ་བ་སྟེ། །ཐོད་པ་དག་གིས་
ཅོད་པན་བྱས། །སྤྱན་གསུམ་པ་ལ་དྲག་བོའི་ཞལ། །རང་གི་མདོག་དང་ཕྱག་དེ་བཞིན། །སྐྱིལ་ཀྲུང་ཕྱེད་པའི་གར་ཅན་ཏེ། །བདུད་བཞི་ཞབས་འོག་གནོན་པ་དང་། །འདོད་པས་ལྟ་ཞིང་རྟོག་པ་སྟེ། །ཐུགས་ཀྱི་འཁོར་
ལོའི་དཔའ་བོ་ནི། །སྔོ་དང་སེར་བར་རྣམ་པར་བསྒོམ། །དེ་བཞིན་རྡོ་རྗེ་མཁའ་འགྲོ་མའང་། །དཀར་ཞིང་སྔོ་བར་རྣམ་པར་བསྒོམ། །ཐོད་པ་དང་ནི་ཁ་ཊྭཱྃ་འཛིན། །རྡོ་རྗེ་དྲིལ་བུས་ལེགས་པར་འཁྱུད། །ཅང་
ཏེའུ་ཡི་ནི་སྣ་ཚོགས་སྒྲ། །རྡོ་རྗེ་སྒྲ་ནི་ཡོངས་སུ་རྫོགས། །ཐོད་པ་དང་ནི་བསྡིགས་མཛུབ་དང་། །གྲི་གུག་དང་ནི་མི་ཐོད་འཛིན། །ལྷ་མོའི་ཕྱག་རྣམས་དེ་བཞིན་ཏེ། །བྱིན་བ་གཉིས་ཀྱིས་ལེགས་པར་
འཁྲིལ། །གཡས་བརྐྱང་བ་ཡི་གནས་པས་བཞུགས། །འཇིགས་པ་ཆེན་པོ་བཞིན་རྣམ་སྒྱུར། །རྡོ་རྗེ་ཕྲེང་བའི་ཅོད་པན་བྱས། །དཔའ་བོ་རྡོ་རྗེས་མཚན་མའོ། །གསུང་གི་འཁོར་ལོའི་དཔའ་བོ་གང་། །དམར་ཞིང་གནག་ལ་འཇིགས་

85-1-142b

པ་སྟེ། །པད་མའི་དཔའ་བོས་རྣམ་པར་ཁྱབ། །རང་གི་ཕྱག་མཚན་འཛིན་པ་སྟེ། །པད་མའི་མཁའ་འགྲོ་མ་དེ་བཞིན། །ལྗང་དང་དཀར་བའི་སྐུ་ལུས་ཅན། །སྐུ་ཡི་འཁོར་ལོའི་དཔའ་བོ་ཡང་། །སེར་དང་ལྗང་བའི་སྐུ་ལུས་
ཅན། །འཁོར་ལོས་དཔའ་བོ་ཡོངས་སུ་ཁྱབ། །འཁོར་ལོས་བསྒྱུར་བའང་སྟེར་བར་བྱེད། །འཁོར་ལོ་མཁའ་འགྲོ་མ་དེ་བཞིན། །དཀར་དམར་དང་ནི་ཡིད་འཕྲོག་པ། །རང་གི་མཚན་དང་ཡང་དག་ལྡན། །ཆོས་ཀྱི་འཁོར་ལོ་
རབ་བསྐོར་བ། །ཁྭ་གདོང་སོགས་བཞི་མཁའ་འགྲོ་མ། །སྣ་ཚོགས་མདོག་ཅན་ཡིད་འཕྲོག་པའོ། །ཐོད་པ་དང་ནི་ཁ་ཊྭཱྃ་འཛིན། །གྲི་གུག་མགོ་བོ་ཅང་ཏེའུ་འཛིན། །གཤིན་རྗེ་སྲེག་སོགས་ལྷ་མོ་ནི། །དུད་ཁ་དམར་པོ་དེ་བཞིན་ནོ། །
གཤིན་རྗེ་དབྱུག་ཏོ་གྲི་གུག་གོ། །ཐོད་པ་དང་ནི་ཁ་ཊྭཱྃ་འཛིན། །འཁོར་གྱི་མ་སོགས་མཁའ་འགྲོ་མ། །ཡི་དགས་གདན་ལ་རྣམ་པར་བཞུགས། །བྱིན་པ་གཉིས་ཀྱིས་མཉམ་པར་འཁྲིལ། །མཁའ་འགྲོ་མ་ནི་དགྱེས་པ་བདེ། །
སྐྲ་གྲོལ་ཕྱོགས་ཀྱི་གོས་འཆང་ཞིང་། །ཐོད་པའི་ཕྲེང་བའི་དབུ་རྒྱན་ཅན། །ཐམས་ཅད་ཕྱག་རྒྱ་ལྔ་འཛིན་ཅིང་། །དཔའ་བོ་མཁའ་འགྲོ་མ་ཡི་འཁོར། །སྤྱན་གསུམ་དྲག་པོ་རྣམ་སྒྱུར་བ། །དཔའ་བོ་འདོད་པའི་ཟས་ལ་རོལ། །
ཆགས་པའི་མིང་གིས་རྣམ་པར་བལྟ། །སྔར་བཤད་ཆོ་གའི་རིམ་པ་བཞིན། །གསང་སྔགས་རང་མིང་ས་བོན་དང་། །དཔའ་བོ་གསང་སྔགས་འདི་རུ་བཤད། །མཁའ་འགྲོ་མ་ཡང་དེ་བཞིན་ཏེ། །རྩ་བའི་གསང་སྔགས་འདི་ཉིད་ནི། །
གསང་སྔགས་མཆོག་ཀྱང་དེ་བཞིན་ནོ། །ཨོཾ་ཤྲཱི་བཛྲ་རུ་ཀ་ཧུྃ་ཧཱུྃ་ཕཊ་སྭཱ་ཧཱ། ཨོཾ་ཧྲཱིཿཧ་ཧ་ཧཱུྃ་ཧཱུྃ་ཕཊ། ཨོཾ་བཛྲ་བཱ་རཱ་ཧི་བྃ་ཧཱུྃ་ཧཱུྃ་ཕཊ་སྭཱ་ཧཱ། ཨོཾ་བཛྲ་བཻ་རོ་ཙ་ནཱི་ཡེ་ཧུྃ་ཧཱུྃ་ཕཊ་སྭཱ་ཧཱ། ཐམས་ཅད་བསྒོམས་ཏེ་མཐོང་བ་ན། །བདག་
པོ་དང་ནི་འཁོར་ལ་སོགས། །ཡེ་ཤེས་འཁོར་ལོ་དེ་མཐོང་ནས། །ལེགས་པར་དབང་བསྐུར་གཞུག་པར་བྱ། །བསྒོམས་པས་གཅིག་ཏུ་བྱས་ནས་ནི། །བདུད་རྩི་མཆོག་གིས་ཚིམ་པར་བྱ། །ཡེ་ཤེས་བཟླས་པའི་སྦྱོར་བ་ཡིས། །ཁྲོ་བོ་ཚོགས་

85-1-143a

མཆོག་སྤྲོས་ནས་ནི། །དཔའ་བོ་མཁའ་འགྲོ་མཐོང་བ་ན། །སྐུ་གསུང་ཐུགས་ཀྱི་རིམ་པ་ཡིས། །དམ་ཚིག་ཅན་གྱིས་བཟླས་པ་བྱ། །འཁོར་སོགས་དཔའ་བོ་མཁའ་འགྲོ་མ། །འདི་ནི་ཀུན་གྱི་གསང་སྔགས་ཏེ། །
དོན་དམ་བཟླས་པར་བཤད་པ་ཡིན། །མངོན་པར་བརྗོད་པའི་རྒྱུད་བླ་མའི་བླ་མ་ལས་དབང་པོ་བར་མའི་བསྒོམ་པ་བསྟན་པ་སྟེ་ལེའུ་བཅུ་བདུན་པའོ།། །། དེ་ནས་གཞན་
ཡང་བཤད་བྱ་བ། །རྡོ་རྗེ་སྙིང་པོའི་གསང་བ་སྟེ། །གང་ཡང་དེ་ཉིད་རིམ་པ་དག །བསྒྲུབ་པ་པོ་ལ་ཕན་པའི་ཕྱིར། །དབང་པོ་རྣོན་པོའི་བསྒོམ་པ་བཤད། །བསྐྱེད་པའི་རིམ་པའི་སྦྱོར་བ་དག །བསྒོམ་པ་དེ་ཡིས་བསྒོམ་པར་
བྱ། །ཐམས་ཅད་མཁྱེན་པའི་ཡེ་ཤེས་དང་། །ལམ་གྱི་རྣམ་མཁྱེན་ཡེ་ཤེས་སོ། །ཨཱ་ལི་ཀཱ་ལི་མཉམ་སྦྱོར་བ། །བདག་ཉིད་ཧེ་རུ་ཀར་ཡང་བྱ། །མགོན་པོ་ཞལ་གསུམ་ཕྱག་དྲུག་པ། །སྤྱན་གསུམ་རྣམ་པར་བསྒྱུར་བའི་ཞལ། །
གཡས་བརྐྱང་བ་ཡི་གནས་པས་བཞུགས། །འཇིགས་བྱེད་དང་ནི་དུས་མཚན་གྱི། །མགོ་བོ་ལ་ནི་ཞབས་ཀྱིས་གནོན། །ན་རའི་ལྤགས་པ་གོས་སུ་མནབས། །ཟླ་བ་ཕྱེད་པས་རྣམ་པར་བརྒྱན། །སྣ་ཚོགས་རྡོ་རྗེས་
དབུ་ལ་མནན། །ཐོད་པའི་ཕྲེང་བའི་དབུ་རྒྱན་ཅན། །སྐུ་ལུས་ཕྱག་རྒྱ་དྲུག་གིས་བཏབ། །རྡོ་རྗེ་ཕག་མོ་མཉམ་པར་ལྡན། །གཉིས་སུ་མེད་པར་སྦྱོར་བ་ཡི། །བྱིན་པ་གཉིས་ཀྱིས་ལེགས་པར་འཁྲིལ། །
གཅེར་བུ་སྐྲ་ནི་གྲོལ་བ་སྟེ། །དུམ་བུའི་རྒྱན་གྱི་སྐ་རགས་ཅན། །ཐོད་པ་ཡི་ནི་ཕྲེང་བ་སྟེ། །སྙིང་རྗེའི་བདེ་བས་རྣམ་པར་མྱོས། །རྡོ་རྗེ་དྲིལ་བུ་མཉམ་ལྡན་པ། །འདོད་པའི་ཆགས་པས་བདེ་བར་དགྱེས། །
ཐོད་པ་དང་ནི་ཁ་ཊྭཱྃ་འཛིན། །རལ་གྲི་དང་ནི་ཅང་ཏེའུ་འཆང་། །ཚངས་པའི་མགོ་བོས་ཕྱག་གཞན་ལ། །ཕྱག་རྒྱ་དྲུག་གིས་རྣམ་པར་བརྒྱན། །དེ་ཡི་སྐུ་མདོག་ཞལ་ཕྱག་མཚན། །འོན་ཀྱང་གྲི་གུག་འཛིན་པ་ཡིན། །

85-1-143b

གནམ་མདོག་སེར་སྐྱ་དམར་དང་དཀར། །རྣམ་ཐར་གསུམ་དང་སྐུ་གསུམ་དང་། །ཐམས་ཅད་འཁོར་སོགས་མཁའ་འགྲོ་མ། །དཔའ་བོ་རྣལ་འབྱོར་མ་མཁའ་འགྲོ། །ཐམས་ཅད་ཞལ་གསུམ་ཕྱག་དྲུག་པ། །
སྤྱན་གསུམ་གཡས་བརྐྱང་གནས་པས་བཞུགས། །ཡི་དགས་གདན་ལ་བརྟན་པར་གནས། །གཉིས་སུ་མེད་པའི་སྦྱོར་བས་བཞུགས། །མཁའ་འགྲོ་མ་ནི་དཀར་སྔོ་དམར། །ལཱ་མ་ལྗང་ཁུ་སྔོ་ལ་དཀར། །དུམ་སྐྱེས་མ་
ནི་དམར་དཀར་སྔོ། །གཟུགས་ཅན་མ་ནི་སེར་སྔོ་དམར། །འདི་དག་ནི་སྤྱན་གསུམ་པ། གཅེར་བུ་སྐྲ་གྲོལ་བ། ཡི་དགས་ཀྱི་སྟེང་དུ་གཡས་བརྐྱང་པས་བཞུགས་པ། ཐོད་པ་དང་ཁ་ཊྭཱྃ་ག་དང་། རལ་གྲི་
དང་། འཁོར་ལོ་དང་། གྲི་གུག་དང་མགོ་བོ་དང་ཅང་ཏེའུ་བསྣམས་པའོ། །ཐུགས་ཀྱི་འཁོར་ལོའི་དཔའ་བོ་དང་། རྣལ་འབྱོར་པ་རྣམས་ལ་ཤར་དུ་ཐོད་པའི་དུམ་བུ་དང་། རབ་གཏུམ་མ་སྟེ་སྔོ་བ་དང་དཀར་བ་དང་དམར་
བའོ། །བྱང་དུ་ཀེང་རུས་ཆེན་པོ་དང་གཏུམ་མིག་མ་སྟེ་དམར་བ་དང་དཀར་བ་དང་སྔོ་བའོ། །ནུབ་ཏུ་ཀེང་རུས་ཅན་དང་འོད་ལྡན་མ་སྟེ་དཀར་བ་དང་དམར་བ་དང་ལྗང་ཁུའོ། །ལྷོ་རུ་མཆེ་བ་རྣམ་པར་གཙིགས་པ་དང་། 
སྣ་ཆེན་མ་སྟེ་ལྗང་ཁུ་དང་དཀར་བ་དང་དམར་བའོ། །མེའི་ཕྱོགས་སུ་ལྷ་དགྲ་དང་། དཔའ་བའི་བློ་གྲོས་མ་སྟེ་དམར་བ་དང་སྔོ་བ་དང་དཀར་བའོ། །བདེན་བྲལ་དུ་འོད་དཔག་ཏུ་མེད་པ་དང་། མིའུ་ཐུང་མ་སྟེ་
སེར་བ་དང་། སྔོ་བ་དང་དཀར་བའོ། །རླུང་གི་ཕྱོགས་སུ་རྡོ་རྗེ་འོད་དང་། ལང་ཀའི་དབང་ཕྱུག་མ་སྟེ་སྔོ་བ་དང་དཀར་བ་དང་དམར་བའོ། །དབང་ལྡན་དུ་རྡོ་རྗེ་ལུས་དང་ཤིང་གྲིབ་མ་སྟེ་ལྗང་བ་དང་དཀར་བ་དང་དམར་བའོ། །གསུང་
གི་འཁོར་ལོའི་ཤར་ཕྱོགས་སུ་མྱུ་གུ་ཅན་དང་ས་སྲུང་མ་སྟེ། དམར་བ་དང་སྔོ་བ་དང་དཀར་བའོ། །བྱང་ཕྱོགས་སུ་རྡོ་རྗེ་རལ་པ་ཅན་དང་འཇིགས་བྱེད་ཆེན་མོ་སྟེ་སྔོ་བ་དང་དཀར་བ་དང་དམར་བའོ། །ནུབ་ཏུ་དཔའ་བོ་

85-1-144a

ཆེན་པོ་དང་རླུང་གི་ཤུགས་ཅན་མ་སྟེ་ལྗང་བ་དང་དཀར་བ་དང་དམར་བའོ། །ལྷོ་རུ་རྡོ་རྗེ་ཧཱུྃ་མཛད་དང་ཆང་མཐུང་མ་སྟེ་སེར་བ་དང་སྔོ་བ་དང་དམར་བའོ། །མེའི་ཕྱོགས་སུ་རབ་བཟང་དང་། སྔོ་བསངས་
ལྷ་མོ་སྟེ་ལྗང་བ་དང་སེར་བ་དང་དམར་བའོ། །བདེན་བྲལ་གྱི་ཕྱོགས་སུ་རྡོ་རྗེ་བཟང་དང་རབ་བཟང་མ་སྟེ་སྔོ་བ་དང་དཀར་བ་དང་དམར་བའོ། །རླུང་གི་ཕྱོགས་སུ་འཇིགས་བྱེད་ཆེན་པོ་དང་། རྟ་རྣམ་སྟེ་དམར་བ་དང་སྔོ་བ་
དང་སེར་བའོ། །དབང་ལྡན་དུ་མིག་མི་བཟང་དང་བྱ་གདོང་མ་སྟེ་དཀར་བ་དང་སྔོ་བ་དང་ལྗང་གུའོ། །སྐུའི་འཁོར་ལོའི་ཤར་ཕྱོགས་སུ་སྟོབས་པོ་ཆེ་དང་། འཁོར་ལོའི་ཤུགས་ཅན་མ་སྟེ་དཀར་པོ་དང་། སྔོན་པོ་དང་སེར་
པོའོ། །བྱང་ཕྱོགས་སུ་རྡོ་རྗེ་རིན་ཆེན་དང་། དུམ་སྐྱེས་མ་སྟེ་སེར་བ་དང་། སྔོ་བ་དང་ལྗང་གུའོ། །ནུབ་ཕྱོགས་སུ་རྟ་མགྲིན་དང་ཆང་འཚོང་མ་སྟེ་དམར་བ་དང་སྔོ་བ་དང་དཀར་བའོ། །ལྷོ་ཕྱོགས་སུ་ནམ་མཁའི་སྙིང་པོ་དང་
འཁོར་ལོའི་གོ་ཆ་མ་སྟེ་སྔོ་བ་དང་དམར་བ་དང་ལྗང་གུའོ། །མེའི་ཕྱོགས་སུ་ཁྲག་འཐུང་དང་། རབ་དཔའ་མོ་སྟེ་ལྗང་གུ་དང་སེར་པོ་དང་དམར་པོའོ། །བདེན་བྲལ་དུ་པད་མ་གར་གྱི་དབང་ཕྱུག་དང་སྟོབས་ཆེན་མོ་སྟེ་
དཀར་བ་དང་སྔོ་བ་དང་ལྗང་གུའོ། །རླུང་གི་ཕྱོགས་སུ་རྣམ་པར་སྣང་མཛད་དང་འཁོར་ལོས་སྒྱུར་མ་སྟེ་ལྗང་བ་དང་། དམར་བ་དང་སེར་བའོ། །དབང་ལྡན་གྱི་ཕྱོགས་སུ་རྡོ་རྗེ་སེམས་དཔའ་དང་བརྩོན་འགྲུས་ཆེན་
མོ་སྟེ་ནམ་མཁའི་མདོག་ཅན་སྔོ་བསངས་དང་སེར་བ་དང་ལྗང་གུའོ། །ཤར་ཕྱོགས་ཀྱི་སྒོར་ཁྭ་གདོང་མ་སྟེ་སྔོ་བ་དང་སེར་བ་དང་དམར་བའོ། །བྱང་དུ་འུག་གདོང་མ་སྟེ་ལྗང་གུ་དང་། དམར་བ་དང་དཀར་བའོ། །
ནུབ་ཏུ་ཁྱི་གདོང་མ་སྟེ་སེར་བ་དང་སྔོ་བ་དང་ལྗང་གུའོ། །ལྷོ་རུ་ཕག་གདོང་མ་སྟེ་དམར་བ་དང་སྔོ་བ་དང་ལྗང་གུའོ། །མེའི་ཕྱོགས་སུ་གཤིན་རྗེ་སྲེག་མ་སྟེ་དཀར་བ་དང་སྔོ་བ་དང་ལྗང་གུའོ། །བདེན་བྲལ་

85-1-144b

དུ་གཤིན་རྗེ་ཕོ་ཉ་མ་སྟེ་སྔོ་བ་དང་དཀར་བ་དང་དམར་བའོ། །རླུང་གི་ཕྱོགས་སུ་གཤིན་རྗེ་མཆེ་བ་མ་སྟེ་དུད་ཁ་དང་དམར་བ་དང་། དཀར་བའོ། །དབང་ལྡན་དུ་གཤིན་རྗེ་འཇོམས་མ་སྟེ་དམར་བ་དང་སྔོ་བ་དང་དཀར་
བའོ། །ཐོད་པའི་དུམ་བུ་ལ་སོགས་པ་དང་། རབ་གཏུམ་མ་ལ་སོགས་པ་རྡོ་རྗེ་དྲིལ་བུས་མཉམ་པར་ལྡན་པ་རལ་གྲི་དང་། ཅང་ཏེའུ་དང་། མགོ་བོ་དང་ཐོད་པ་དང་ཁ་ཊྭཱྃ་ག་འཛིན་པ། པད་མ་པད་མའི་དྲིལ་བུ་
དང་། འཁོར་ལོ་འཁོར་ལོའི་དྲིལ་བུ་སྟེ། །སྐུ་གསུང་དག་ནི་གཉིས་པོ་ཡང་། །ཐུགས་ཀྱི་འཁོར་ལོ་ཇི་ལྟ་བའོ། །ལྷ་མོ་ཅང་ཏེའུ་རལ་གྲི་དང་། །གྲི་གུག་ཡང་ནི་དེ་བཞིན་ཏེ། ཁྭ་གདོང་ལ་སོགས་
པ་ནི་རལ་གྲི་དང་། ཅང་ཏེའུ་དང་གྲི་གུག་དང་ཐོད་པ་དང་ཁ་ཊྭཱྃ་ག་དང་མགོ་བོ་དང་དྲིལ་བུ་འཛིན་པའོ། །གཤིན་རྗེ་སྲེག་མ་ལ་སོགས་པ་ནི་ཐོད་པ་དང་ཁ་ཊྭཱྃ་ག་དང་རལ་གྲི་དང་ལྕགས་ཀྱུ་དང་། ཅང་ཏེའུ་དང་དྲིལ་བུ་དང་
མགོ་བོ་འཛིན་པའོ། །དེ་ཐམས་ཅད་ཀྱང་སྤྱན་གསུམ་པ། ཕྱག་རྒྱ་ལྔས་རྣམ་པར་བརྒྱན་པ། ནཱ་རའི་པགས་པ་མནབས་པ། དཔའ་བོ་རྣམས་ནི་གཡས་བརྐྱང་པས་བཞུགས་པ། ཐོད་པའི་
ཕྲེང་བ་ཅན་དང་། རང་གི་རིགས་ཀྱི་ཅོད་པན་ཅན། ཡི་དགས་ཀྱི་སྟེང་ན་བཞུགས་པ། རྣལ་འབྱོར་མའི་བྱིན་པ་གཉིས་ཀྱིས་ལེགས་པར་འཁྲིལ་བ། གཅེར་བུ་སྐྲ་གྲོལ་བ། དུམ་བུའི་རྒྱན་གྱི་སྐ་རགས་ཅན། 
ཁྭ་གདོང་མ་ལ་སོགས་པ་དང་། གཤིན་རྗེ་སྲེག་མ་ལ་སོགས་པའི་ལྷ་མོ་རྣམས་ནི་གཅེར་བུ་སྐྲ་གྲོལ་བ། ཡི་དགས་ཀྱི་སྟེང་དུ་གཡས་བརྐྱང་བའི་ཞབས་ཀྱིས་གནས་པ། སྤྱན་གསུམ་པ། ཕྱག་རྒྱ་ལྔས་
རྣམ་པར་བརྒྱན་པ། ཐོད་པའི་ཕྲེང་བ་ཅན། གསུས་བོ་རློ་བ། སྐྱེ་གནས་རིང་བ། མཆེ་བ་རྣམ་པར་གཙིགས་པའི་ཞལ་མངའ་བ། ཐུགས་རྗེའི་ཆགས་པའི་རོས་རྣམ་པར་མྱོས་པ།

85-1-145a

འཇིགས་པའི་གཡོ་བས་འཇིགས་སུ་རུང་བ། འདི་ལྟར་མ་ལུས་བསྒོམས་ན་ནི། །ཡེ་ཤེས་འཁོར་ལོ་མཐོང་བ་ན། །ཡེ་ཤེས་ཆུ་སོགས་ཨརྒཱ་དང་། །དམ་ཚིག་མཆོག་གིས་མཆོད་པར་བྱ། །མཐོང་མ་
ཐག་ཏུ་དབང་ཡང་བསྐུར། །མཆོད་ནས་ཐིམ་པར་བྱས་ནས་ནི། །ཡེ་ཤེས་བཟླས་པའི་ཆོ་ག་བཞིན། །བཏབ་ནས་ཐོར་འཐུང་རབ་ཏུ་བྱ། །སྲོག་དང་རྩོལ་བའི་སྦྱོར་བ་ཡིས། །འདོད་པའི་དངོས་གྲུབ་ཐོབ་པ་ཡིན། །དམ་
ཚིག་འཁོར་ལོ་བཟླས་བྱས་ནས། །འཆི་མེད་ཡེ་ཤེས་ལྔ་ལྷན་ཅིག །གསང་སྔགས་ཁྲོ་བོའི་ཚིག་གིས་བཟླ། །བདེ་བའི་དངོས་གྲུབ་སྟེར་བར་མཛད། །དཀྱིལ་འཁོར་མ་ལུས་ཐམས་ཅད་བྱ། །མཉམ་པར་བཞག་སྟེ་བཟླས་
པ་བྱ། །ཤེས་རབ་ཐབས་ཀྱི་ཆོ་ག་བཞིན། །རྣལ་འབྱོར་བཟླས་པ་དོན་ཆེན་སྟེར། །རྣལ་འབྱོར་མ་དང་མཁའ་འགྲོ་དཔའ། །མངོན་སུམ་དུ་ནི་མཆོག་ཀྱང་སྩོལ། །ཨོཾ་ཤྲཱི་བཛྲ་ཨ་ཧེ་ཧེ་རུ་རུ་ཀྃ་ཧུྃ་ཧཱུྃ་ཕཊ། ཨ་ཨཱ། 
ཨི་ཨཱི། ཨུ་ཨཱུ། ཨེ་ཨཻ། ཨོ་ཨཽ། ཨྃ་ཨཿ ཧཱུྃ་ཧཱུྃ་ཧཱུྃ་ཕཊ་སྭཱ་ཧཱ། ཨོཾ་ཧྲཱིཿཧ་ཧ་ཧུྃ་ཧཱུྃ་ཕཊ། ཨོཾ་བཛྲ་བཻ་རོ་ཙ་ནཱི་ཡེ་ཧུྃ་ཧཱུྃ་ཕཊ་སྭཱ་ཧཱ། ཨོཾ་སརྦ་བུད་དྷ་ཌཱ་ཀི་ནཱི་ཡེ་བཛྲ་ཝརྞ་ནཱི་ཡེ་ཧུྃ་ཧཱུྃ་ཕཊ་སྭཱ་ཧཱ། དཔལ་ཁྲག་འཐུང་དང་། ཕག་
མོའི་སྙིང་པོ་དང་ཉེ་བའི་སྙིང་པོའོ། །ཨོཾ་ཌཱ་ཀི་ནཱི་ཛྷླཱ་ཧུྃ་ཧཱུྃ་ཕཊ། ཨོཾ་ལཱ་མེ་ལཱྃ་ཧུྃ་ཧཱུྃ་ཕཊ། ཨོཾ་ཁཎྜ་རོ་ཧེ་ཁྃ་ཧུྃ་ཧཱུྃ་ཕཊ། ཨོཾ་རཱུ་པི་ཎི་རཱུྃ་བྷུྃ་ཧཱུྃ་ཧཱུྃ་ཕཊ། ཨོཾ་ཀ་ར་ཀ་ར་ཀྃ་ཧུྃ་ཧཱུྃ་ཕཊ། ཨོཾ་ཕྲ་ཙཎ་ཌེ་ཧུྃ་ཧཱུྃ་ཕཊ། ཨོཾ་ཀུ་རུ་ཀུ་རུ་མྃ་
ཧུྃ་ཧཱུྃ་ཕཊ། ཨོཾ་ཙཎ་ཌཱ་ཀྵི་ཧཱུྃ་ཧཱུྃ་ཕཊ། ཨོཾ་བྷན་དྷ་བྷན་དྷ་ཧུྃ་ཧཱུྃ་ཕཊ། ཨོཾ་པྲ་བྷ་བ་ཏི་ཧུྃ་ཧཱུྃ་ཕཊ། ཨོཾ་ཏྲཱ་ས་ཡ་ཏྲཱ་ས་ཡ་བིཾ་ཧུྃ་ཧཱུྃ་ཕཊ། ཨོཾ་མ་ཧཱ་ན་སེ་ཧཱུྃ་ཧཱུྃ་ཕཊ། ཨོཾ་ཀྵོ་བྷ་ཡ་ཀྵོ་བྷ་ཡ་སུྃ་ཧུྃ་ཧཱུྃ་ཕཊ། ཨོཾ་བཱི་ར་མ་ཏི་ཧུྃ་ཧཱུྃ་ཕཊ། 
ཨོཾ་ཧྲཽཾ་ཧྲཽཾ་ཨ་ཧུྃ་ཧཱུྃ་ཕཊ། ཨོཾ་ཁ་ར་བ་རི་ཧུྃ་ཧཱུྃ་ཕཊ། ཨོཾ་ཧྲཿཧྲཿབྃ་ཧུྃ་ཧཱུྃ་ཕཊ། ཨོཾ་ལང་ཀེ་ཤྭ་རི་ཧུྃ་ཧཱུྃ་ཕཊ། ཨོཾ་ཕེྃ་ཕེྃ་བྃ་ཧུྃ་ཧཱུྃ་ཕཊ། ཨོཾ་དྲུ་མཙྪ་ཡེ་ཧུྃ་ཧཱུྃ་ཕཊ། ཨོཾ་ཕཊ་ཕཊ་ཨྃ་ཧུྃ་ཧཱུྃ་ཕཊ། ཨོཾ་ཨཻ་ར་བ་ཏི་ཧུྃ་ཧཱུྃ་ཕཊ། ཨོཾ་ད་ཧ་

85-1-145b

ད་ཧ་བྃ་ཧུྃ་ཧཱུྃ་ཕཊ། ཨོཾ་མ་ཧཱ་བྷཻ་ར་བེ་ཧུྃ་ཧཱུྃ་ཕཊ། ཨོཾ་པ་ཙ་པ་ཙ་མྃ་ཧུྃ་ཧཱུྃ་ཕཊ། ཨོཾ་བཱ་ཡུ་བེ་གེ་ཧུྃ་ཧཱུྃ་ཕཊ། ཨོཾ་བྷཀྵ་བྷཀྵ་པྃ་བ་ས་རུ་དྷི་ར་ཨན་ཏྲ་མཱ་ལཱ་བ་ལི་བི་ནི་ཧུྃ་ཧཱུྃ་ཕཊ། ཨོཾ་སུ་ར་བྷ་ཀྵི་ཧུྃ་ཧཱུྃ་ཕཊ། ཨོཾ་གྲྀཧྞ་གྲྀཧྞ་སུྃ་ས་པྟ་པཱ་ཏཱ་ལ་
ག་ཏ་བྷུ་ཛྃ་ག་སརྦྃ་བཱ་ཏརྫྫ་ཡ་ཏརྫྫ་ཡ་ཧུྃ་ཧཱུྃ་ཕཊ། ཨོཾ་ཤྱཱ་མ་དེ་བི་ཧུྃ་ཧཱུྃ་ཕཊ། ཨོཾ་ཨཱ་ཀཌྷྱ་ཨཱ་ཀཌྷྱ་བྃ་ཧུྃ་ཧཱུྃ་ཕཊ། ཨོཾ་སུ་བྷ་དྲ་ཧཱུྃ་ཧཱུྃ་ཕཊ། ཨོཾ་ཧྲིཾ་ཧྲིཾ་མྃ་ཧུྃ་ཧཱུྃ་ཕཊ། ཨོཾ་ཧ་ཡ་ཀརྞྞེ་ཧུྃ་ཧཱུྃ་ཕཊ། ཨོཾ་ཛྙཽྃ་ཛྙཽྃ་བྃ་ཧུྃ་ཧཱུྃ་ཕཊ། ཨོཾ་ཁ་གཱ་ན་ནེ་ཧཱུྃ་
ཧཱུྃ་ཕཊ། ཨོཾ་ཀྵྨཱྃ་ཀྵྨཱྃ་སྃ་ཧུྃ་ཧཱུྃ་ཕཊ། ཨོཾ་ཙཀྲ་བེ་གེ་ཧུྃ་ཧཱུྃ་ཕཊ། ཨོཾ་ཧཱྃ་ཧཱྃ་ཏྲྃ་ཧུྃ་ཧཱུྃ་ཕཊ། ཨོཾ་ཁཎྜ་རོ་ཧི་ཧུྃ་ཧཱུྃ་ཕཊ། ཨོཾ་ཧཱིྃ་ཧཱིྃ་ཧྃ་ཧུྃ་ཧཱུྃ་ཕཊ། ཨོཾ་ཤཽཎ་ཌི་ནི་ཧུྃ་ཧཱུྃ་ཕཊ། ཨོཾ་ཧཱུྃ་ཧཱུྃ་ཧྃ་ཧུྃ་ཧཱུྃ་ཕཊ། ཨོཾ་ཙཀྲ་ཝརྨི་ཎི་ཧུྃ་ཧཱུྃ་ཕཊ། ཨོཾ་ཀི་ལི་ཀི་
ལི་ཧེཾ་ཧུྃ་ཧཱུྃ་ཕཊ། ཨོཾ་སུ་བཱི་རེ་ཧུྃ་ཧཱུྃ་ཕཊ། ཨོཾ་སི་ལི་སི་ལི་བྃ་ཧུྃ་ཧཱུྃ་ཕཊ། ཨོཾ་མ་ཧཱ་བ་ལེ་ཧུྃ་ཧཱུྃ་ཕཊ། ཨོཾ་ཧི་ལི་ཧི་ལི་བཻ་ཧུྃ་ཧཱུྃ་ཕཊ། ཨོཾ་ཙཀྲ་ཝརྟི་ནི་ཧུྃ་ཧཱུྃ་ཕཊ། ཨོཾ་དྷི་ལི་དྷི་ལི་བྃ་ཧུྃ་ཧཱུྃ་ཕཊ། ཨོཾ་མ་ཧཱ་བཱིརྱེ་ཧུྃ་ཧཱུྃ་ཕཊ། ཨོཾ་ཀཱ་ཀཱ་སྱེ་ཧཱུྃ་
ཧཱུྃ་ཕཊ། ཨོཾ་ཨུ་ལཱུ་ཀཱ་སྱེ་ཧུྃ་ཧཱུྃ་ཕཊ། ཨོཾ་ཤྭ་ནཱ་སྱེ་ཧུྃ་ཧཱུྃ་ཕཊ། ཨོཾ་སཱུ་ཀ་རཱ་སྱེ་ཧུྃ་ཧཱུྃ་ཕཊ། ཨོཾ་ཡ་མ་དཱ་ཌྷི་ཧཱུྃ་ཧཱུྃ་ཕཊ། ཨོཾ་ཡ་མ་དཱུ་ཏི་ཧུྃ་ཧཱུྃ་ཕཊ། ཨོཾ་ཡ་མ་དྃཥྚི་ཧུྃ་ཧཱུྃ་ཕཊ། ཨོཾ་ཡ་མ་མ་ཐ་ནི་ཧུྃ་ཧཱུྃ་ཕཊ། འདི་དག་ཇི་ལྟའི་
རིམ་པ་ཡིས། །བཟླས་དང་བསྒོམ་པ་བྱས་ནས་ནི། །ཡེ་ཤེས་བདུད་རྩི་བསྒོམ་བྱས་ནས། །རང་གི་ལྷ་ཡི་སྦྱོར་བས་གནས། །མངོན་པར་བརྗོད་པའི་རྒྱུད་བླ་མའི་བླ་མ་ལས། དབང་པོ་རྣོན་པོའི་བསྒོམ་པ་རྗེས་སུ་
བསྟན་པའི་ལེའུ་སྟེ་བཅོ་བརྒྱད་པའོ།། །། རྡོ་རྗེ་སྙིང་པོས་གསུངས་པ། དེ་ནས་མཆོག་གི་དམ་པ་བཤད། །མཉམ་པར་སྦྱོར་བའི་སྡོམ་པ་དག །སངས་རྒྱས་ཀུན་དང་མཉམ་སྦྱོར་བ། །མཁའ་འགྲོ་མ་ཡི་སྡོམ་
པ་མཆོག །ཅིག་ཅར་འཇུག་པ་མཐོང་ནས་སུ། །རྡོ་རྗེ་སེམས་དཔའ་བསྒོམས་ནས་སྤྲོ། །ཨཱ་ལི་ཀཱ་ལི་ལས་བྱུང་བ། །ཧེ་རུ་ཀར་ནི་བདག་ཉིད་བྱས། །སེར་དང་སྔོ་དང་ལྗང་གུ་སྟེ། །སྟེང་ནི་དཀར་པོ་ཞི་བའོ། །

85-1-146a

དབུ་རྒྱན་ཐོད་པའི་ཅོད་པན་ཅན། །སྤྱན་གསུམ་ཐུགས་རྗེ་དྲག་པོ་སྟེ། །ཕག་མོ་ཡིས་ནི་རྣམ་པར་བརྒྱན། །འཇིགས་བྱེད་དང་ནི་དུས་མཚན་གྱི། །མགོ་ལ་གཡས་བརྐྱང་གནས་པས་བཞུགས། །
དྲག་པོ་གདུལ་དཀའ་གདུལ་མཛད་ཅིང་། །བགེགས་རྣམས་ཐམས་ཅད་འདུལ་བར་མཛད། །ཟླ་བ་ཕྱེད་དང་རལ་པ་འཆང་། །སྣ་ཚོགས་རྡོ་རྗེ་རྣམ་པར་གནོན། །སྐུ་ལ་ཕྱག་རྒྱ་དྲུག་གིས་མཚན། །ཕྱག་རྒྱ་
སྡོམ་པ་མཆོག་ཡིན་ཏེ། །སྟག་གི་ལྤགས་པ་གོས་སུ་མནབས། །མགོ་བོའི་ཕྲེང་བས་རྣམ་པར་བརྒྱན། །རྡོ་རྗེ་ཕག་མོ་དམར་མོ་སྟེ། །གཅེར་བུ་སྐྲ་ནི་གྲོལ་བ་ཡིན། །དེ་ཡི་སྐུ་དང་ཞལ་དང་མཚན། །བྱིན་པ་
གཉིས་ཀྱིས་ལེགས་པར་འཁྲིལ། །ཐོད་པའི་ཕྲེང་བའི་དབུ་རྒྱན་ཅན། །མཆུ་དང་མཆུ་ནི་བི་དི་དམ། །གཡེར་ཁ་ཡི་ནི་སྐུ་རགས་ཅན། །རིགས་ཀྱི་དགའ་བས་རྣམ་པར་མྱོས། །རྡོ་རྗེ་དྲིལ་བུ་མཉམ་ལྡན་པས། །
ཕག་མོ་ཡི་ནི་ཀུ་ཙ་འཛིན། །ཐོད་པ་དང་ནི་ཁ་ཊྭཱྃ་འཛིན། །ཞགས་པ་ལྕགས་ཀྱུ་མཆོག་ཀྱང་འཛིན། །ཆངས་པའི་པགས་པ་བརྐྱང་ནས་ནི། །མགོ་བོའི་སྟེང་དུ་ཕྱག་གིས་འཛིན། །ཅང་ཏེའུ་སྒྲ་ནི་སྙན་པ་དག །
ཆོས་ཀྱི་སྒྲས་ནི་རབ་ཏུ་འགེངས། །གཡོན་དང་གཡས་ཀྱི་ཐད་དུ་ནི། །མཁའ་འགྲོ་བཞི་པོ་རྣམ་པར་བསྒོམ། །གཡས་ཕྱོགས་མཁའ་འགྲོ་མ་ལཱ་མ། །བྱང་དུ་དུམ་སྐྱེས་གཟུགས་ཅན་མ། །སྔོ་དང་ངུར་སྨྲིག་དཀར་ལ་
སེར། །སྤྱན་གསུམ་རྣམ་བསྒྱུར་དྲག་པོ་དང་། །དཀར་སྔོན་ལྗང་དམར་ངུར་སྨྲིག་སྟེ། །དེ་ནི་རབ་ཏུ་ཆེར་འབར་བའོ། །གཡས་པའི་ཕྱོགས་སུ་བསྒོམས་ནས་ནི། །དངོས་གྲུབ་ཐམས་ཅད་རབ་ཏུ་སྩོལ། །
གཡོན་ཕྱོགས་དམར་དང་སྔོ་དང་ལྗང་། །དཀར་པོ་སྟེང་གི་ཞལ་དེ་བཞིན། །ལྗང་དང་དམར་པོ་སེར་པོ་སྟེ། །སྟེང་གི་སྔོན་པོ་བདེ་བའང་དེ། །གཡས་བརྐྱང་བ་ཡི་ཞབས་ཀྱིས་བཞུགས། །ཕྱོགས་ཀྱི་གོས་

85-1-146b

མཆོག་འཆང་བ་དང་། །སྐྲ་གྲོལ་བ་ནི་འཇིགས་པ་སྟེ། །མགོ་བོའི་ཕྲེང་བས་རྣམ་པར་བརྒྱན། །བདུད་བཞི་པོ་ནི་ཞབས་འོག་གནོན། །ཕྱག་རྒྱ་ལྔ་ཡིས་རྣམ་པར་བརྒྱན། །ཐོད་པ་དང་ནི་ཁ་ཊྭཱྃ་འཛིན། །རྡོ་རྗེ་མདུང་
ནི་ཕྱག་ན་བསྣམས། །ནཱ་རའི་པགས་པ་གོས་སུ་མནབས། །དྲིལ་བུ་ཅང་ཏེའུ་དེ་བཞིན་ཏེ། །མགོའི་གྲི་གུག་ཕྱག་ན་བསྣམས། །གཡེར་གའི་སྐ་རགས་སྒྲ་སྒྲོགས་པ། །རྐང་རྒྱན་རུ་ལུ་རུ་ལུའི་སྒྲ། །སྣ་ཚོགས་པད་མའི་
སྟེང་དུ་ནི། །ཉི་མའི་དཀྱིལ་འཁོར་དབུས་བཞུགས་ཏེ། །གདན་གཅིག་ལ་ནི་རྣམ་པར་བཞུགས། །སྙིང་ལ་དམ་ཚིག་ཡེ་ཤེས་ནི། །དེ་མདོག་ཕྱག་དང་ཕྱག་མཚན་ཏེ། །རྡོ་རྗེ་སེམས་དཔའ་ཧེ་རུ་ཀ །མི་སྐྱོད་པ་ཡི་ཅོད་པན་ཅན། །
ཐམས་ཅད་དེ་ལྟར་བསྒོམས་ནས་ནི། །མཚན་དང་དཔེ་བྱད་དང་བཅས་པ། །ཡེ་ཤེས་གཅིག་ཏུ་བྱས་ནས་ནི། །མཁའ་འགྲོ་མ་ཡི་སྡོམ་པ་བཟླ། །ཨོཾ་ཨ་བཛྲ་ཧེ་ཧེ་རུ་རུ་ཀྃ་ཌཱ་ཀི་ནཱི་ཛཱ་ལ་སྃ་བ་ར་ཧུྃ་ཧཱུྃ་ཕཊ་སྭཱ་ཧཱ། ཨོཾ་ཧྲཱིཿཧ་ཧ་ཧཱུྃ་ཧཱུྃ་ཕཊ། 
ཨོཾ་ཨ་བཛྲ་བཱ་རཱ་ཧི་ཧྱེ་བྃ་ཌཱ་ཀི་ནཱི་ཛཱ་ལ་སམ་བ་རྃ་ཧུྃ་ཧཱུྃ་ཕཊ་སྭཱ་ཧཱ། ཨོཾ་བཛྲ་བཻ་རོ་ཙ་ནཱི་ཡེ་ཧུྃ་ཧཱུྃ་ཕཊ་སྭཱ་ཧཱ། དཔལ་ཁྲག་འཐུང་དང་ཕག་མོའི་སྙིང་པོ་དང་ཉེ་བའི་སྙིང་པོའོ། །ཨོཾ་བཛྲ་ཌཱ་ཀི་ནི་ཧུྃ་ཧཱུྃ་ཕཊ། ཨོཾ་བཛྲ་ལཱ་མེ་ཧུྃ་ཧཱུྃ་ཕཊ། 
ཨོཾ་བཛྲ་ཁཎྜ་རོ་ཧི་ཧུྃ་ཧཱུྃ་ཕཊ། ཨོཾ་བཛྲ་རུ་པི་ཎྃ་ཧུྃ་ཧཱུྃ་ཕཊ། འདི་དག་ཇི་ལྟའི་རིམ་པ་ཡིས། །བཟླས་པ་དང་ནི་བསྒོམ་པ་བྱ། །དུས་བཞིའི་རྗེས་འབྲང་རིམ་པ་ཡིས། །དམ་ཚིག་སྡོམ་པ་གཉིས་མེད་པ། །མར་མེ་
ལྔ་ཡང་བཟའ་བར་བྱ། །རྟག་ཏུ་དུར་ཁྲོད་ནང་དུ་བསྒོམ། །ནུབ་བདུན་དུ་ནི་སྦྱོར་བ་ཡིས། །མི་སྣང་དངོས་གྲུབ་ངེས་པར་འགྲུབ། །མཐོང་བར་བྱེད་པར་ཡང་ཀུན་འགྲོ། །སྣ་ཚོགས་གཟུགས་ཅན་བདེ་བ་ཆེ། །བཟའ་བ་རྣམས་ནི་
བཟའ་བྱ་ཞིང་། །སྐོམ་གྱིས་བཏུང་བའང་དེ་བཞིན་ཏེ། །ཕྱོགས་ཀྱི་གོས་ཅན་གང་གིས་ནི། །མྱོས་ཤིང་མྱོས་པ་ལྟ་བུར་གནས། །གྲིབ་མ་ཡང་ནི་མེད་པ་རུ། །རྣལ་འབྱོར་ཆེན་པོ་རྣམ་པར་སྤྱོད། །མ་ཧཱ་རུ་དྷི་ར་བཅས་པའི། །

85-1-147a

དྲི་ཆེན་ཆུ་ནི་མཉམ་ལྡན་པས། །མྃ་ས་སྣ་ཚོགས་དུ་མ་དག །རྩེ་གཅིག་པ་ཡི་བཟའ་བ་བཟའ། །ནང་གི་བདག་ཉིད་སྦྱོར་ལྡན་པས། །རྟག་ཏུ་ཞེན་པས་འགྲོ་བར་བྱ། །མཉམ་པར་མ་བཞག་སྦྱོར་
བའི་བདག །ཡེ་ཤེས་མིག་གིས་མཐོང་བ་ཡིན། །མངོན་པར་བརྗོད་པའི་རྒྱུད་བླ་མའི་བླ་མ་ལས་མཁའ་འགྲོ་མ་བཞིའི་སྦྱོར་བའི་སྡོམ་པའི་ཆོ་ག་སྟེ་ལེའུ་བཅུ་དགུ་པའོ།། །། 
དེ་ནས་གཞན་ཡང་བཤད་བྱ་བ། །ཆོ་ག་བཟང་པོ་བཞིན་དུ་ནི། །ཞལ་བརྒྱད་པ་ལ་ཕྱག་བཅུ་དྲུག །ཡང་ན་ཞལ་ནི་བཅུ་གཉིས་ཏེ། །ཕྱག་ནི་ཉི་ཤུ་རྩ་བཞིའོ། །ཡང་ན་སྣ་ཚོགས་ཕྱུགས་ཀྱི་ཞལ། །ཕྱག་
ནི་བརྒྱ་དང་ལྡན་པར་བྱ། །ཡང་ན་དེ་བཞིན་གཤེགས་པའི་རིགས། །བྱང་ཆུབ་སེམས་དཔའ་དཔའ་བོ་དང་། །མཁའ་འགྲོ་མ་དང་གཟུངས་དང་ནི། །ཕ་རོལ་ཕྱིན་པའང་དེ་བཞིན་ཏེ། །ཕན་ཚུན་བྱེ་བྲག་ཅན་
གྱི་ཞལ། །མདོག་གི་བྱེ་བྲག་སྣ་ཚོགས་དང་། །ཕྱག་ནི་སྟོང་དང་འབུམ་གྱི་བར། །སྣ་ཚོགས་ཕྱག་མཚན་འཛིན་པ་དང་། །སྣ་ཚོགས་པ་ཡི་ཞལ་ལྡན་པ། །སྣ་ཚོགས་པ་ཡི་གར་མཛད་ཅིང་། །
གཡས་བརྐྱང་བ་ཡི་གཡེངས་པས་བཞུགས། །འཇིགས་བྱེད་ཆེན་པོ་དང་དུས་མཚན་ལ་སོགས་པ་དང་ཚངས་པ་དང་དབང་པོ་དང་ཉེ་དབང་དང་། དྲག་པོ་དང་ཁྱབ་འཇུག་དང་ཀུན་འགྱེད་གཞོན་ནུ་དང་ཀཱར་ཏི་ཀ་དང་ནག་
པོ་ཆེན་པོ་དང་དགའ་བྱེད་དབང་ཕྱུག་དང་གཤིན་རྗེ་དང་ཆུ་ལྷ་དང་ཀུ་བེ་ར་དང་ཟླ་བ་དང་ཉི་མ་དང་སྣ་ཚོགས་པའི་བདུད་དང་། བགེགས་ཐམས་ཅད་ཁས་སྦུབ་ཏུ་ཞབས་ཀྱིས་མནན་པར་རྣམ་པར་བལྟས་སྟེ།     འཇིགས་སུ་
རུང་བ། བཞིན་རྣམ་པར་འགྱུར་བ། དྲག་པོ་མཆེ་བ་རྣམ་པར་གཙིགས་པ། བཞད་པ། མི་སྡུག་པ། རབ་ཏུ་འཇིགས་པ། དཔའ་བ། སྒེག་པ། རྔམ་པ། སྨིན་མ་རྣམ་པར་གཡོ་བ། སྙེམས་པ།

85-1-147b

ཞི་བ། གཡོ་བ། མིག་གཡོ་བ། ཞལ་རྣམ་པར་གདངས་པ། རྣམ་པར་རོལ་པ། ལྗགས་རྣམ་པར་བསྐྱོད་པ། སྣ་ཚོགས་པའི་ཉམས་ཀྱིས་མཆོག་སྟེར་བར་མཛད་པའོ། །ཐོད་པའི་ཕྲེང་བ་དང་ཟླ་བ་ཕྱེད་པ་
དང་། སྣ་ཚོགས་རྡོ་རྗེས་དབུ་ལ་མནན། །སངས་རྒྱས་ལྔ་ཡི་ཅོད་པན་ཅན། །རྡོ་རྗེ་སེམས་དཔའ་སྤྱི་གཙུག་བརྒྱན། །སྤྱན་གསུམ་སྟག་གི་པགས་པ་མནབས། །མགོ་རློན་ཕྲེང་བས་སྐུ་ལུས་བརྒྱན། །
ཕྱག་རྒྱ་དྲུག་པོ་སྐུ་ལ་རྫོགས། །ཕྲེང་བའི་རྒྱན་གྱིས་སྤུད་མཛད་པའོ། །སྐུ་ལ་ཕག་མོས་འཁྲེལ་མཛད་ཅིང་། །ཕྱོགས་ཀྱི་གོས་ཅན་སྐྲ་གྲོལ་བ། །ཕྱག་གཉིས་པ་ལ་ཞལ་གཅིག་པ། །དུམ་བུའི་རྒྱན་གྱི་སྐ་རགས་
ཅན། །ཐོད་པའི་ཕྲེང་བའི་རྒྱན་ཅན་ཏེ། །རྡོ་རྗེ་བསྡིགས་མཛུབ་ཐོད་པས་འཁྱུད། །བྱིན་པ་གཉིས་ཀྱིས་མཉམ་པར་འཁྱུད། །དགའ་བས་ཁྱབ་ཅིང་རྣམ་པར་མྱོས། །རྡོ་རྗེ་དྲིལ་བུས་མཉམ་པར་ལྡན། །ལྷ་མོའི་ཀུ་ཙ་
འཚིར་བ་དང་། །ཐོད་པ་དང་ནི་ཁ་ཊྭཱྃ་འཛིན། །གླང་པོའི་པགས་པ་བརྐྱང་བ་སྟེ། །ལྕགས་ཀྱུ་ཞགས་པ་དགྲ་སྟ་དང་། །མདུང་རྩེ་གསུམ་པ་མགོ་བོ་ཉིད། །ཅང་ཏེའུ་དང་ནི་གྲི་གུག་དང་། །མདའ་དང་གཞུ་ཡང་དེ་བཞིན་ཏེ། །
ཐོད་པའི་དབྱུག་ཏོ་མདུང་ཐུང་དང་། །བསྡིགས་མཛུབ་དང་ནི་གཏུན་ཤིང་དང་། །འཁོར་ལོ་རལ་གྲི་རིན་ཆེན་དང་། །པད་མ་སྣ་ཚོགས་རྡོ་རྗེ་དང་། །དབྱུག་ཏོ་ཡུ་བ་རྡོ་རྗེ་དང་། །ག་ད་མདུང་དང་པ་ཏི་ས། །གཤིན་
རྗེ་དབྱུག་ཏོ་ཆུ་གྲི་དང་། །དུང་དང་ར་དུང་པ་ཊ་ཧ། །པི་ཝང་གླིང་བུ་རྫ་རྔ་ཆེ། །རྫ་རྔ་མཚོན་ཆ་ཕྱག་མཚན་བསྣམས། །རྩེ་མོ་རྣོ་བར་བལྟས་ནས་སུ། །སྣ་ཚོགས་ཕྱག་མཚན་སྣ་ཚོགས་འབྱུང་། །
ཇི་སྲིད་ཕྱག་ནི་འབུམ་གྱི་བར། །ཕྱག་རྒྱ་སྣ་ཚོགས་དེ་བཞིན་ཏེ། །ཆོ་ག་སྣ་ཚོགས་དེ་བཞིན་ནོ། །མཁའ་འགྲོ་མ་སོགས་འཁོར་རྣམས་དང་། །དཔའ་བོ་དག་ནི་ཐམས་ཅད་དང་། །རྣལ་འབྱོར་མ་ནི་སྣ་ཚོགས་དག །

85-1-148a

མདོག་ནི་མཐའ་ཡས་སྣ་ཚོགས་མདོག །ཕྱག་མཚན་སྣ་ཚོགས་འཛིན་པ་ཡིན། །ཕྱོགས་ཀྱི་གོས་འཆང་སྐྲ་གྲོལ་ཞིང་། །སྣ་ཚོགས་ཉམས་ཀྱི་བདེ་བ་ཅན། །འཇིགས་རུང་དྲག་པོ་ཧ་ཧ་བཞད། །སྣ་ཚོགས་
གར་གྱིས་ལོངས་སྤྱོད་ཅིང་། །གླུ་དང་རོལ་མོ་ཉམས་དེ་བཞིན། །སྣ་ཚོགས་དམ་ཚིག་ཟས་རྣམས་དང་། །མེ་ཏོག་སྣ་ཚོགས་ཡིད་འོང་བ། །དྲི་དང་བདུག་པ་དེ་བཞིན་གོས། །མར་མེ་ཕྲེང་བ་ཡིད་འོང་བ། །ཕུན་སུམ་ཚོགས་
པའི་མཆོད་པ་རྣམས། །མདོག་ནི་སྣ་ཚོགས་མཆོག་དམ་པ། །འདི་ལྟར་སྔགས་པས་བསྒོམས་ནས་ནི། །རྣལ་འབྱོར་མཆོག་གིས་རྫོགས་བྱས་ནས། །དེར་ནི་ཕྲེང་བ་སྔགས་ཀྱང་བཟླས། །ཡི་གེ་ཉི་ཤུ་གཉིས་བསྲེས་ནས། །
ལྷ་མོ་རྡོ་རྗེ་ཕག་མོ་ནི། །འདི་ལྟར་དེ་བཞིན་བསྒོམ་པར་བྱ། །ཞལ་གདོང་སྣ་ཚོགས་ལེགས་མཛེས་པ། །ཕྱག་མཚན་སྣ་ཚོགས་འཛིན་པ་སྟེ། །ཕྱོགས་ཀྱི་གོས་ཅན་སྐྲ་གྲོལ་བ། །བྱང་ཆུབ་ཕ་རོལ་ཕྱིན་པ་སྟེ། །ས་འཛིན་
ཐམས་ཅད་དེ་བཞིན་ནོ། །འདི་ལྟར་ཆོ་ག་བྱས་ནས་ནི། །ཕྲེང་བས་གསང་སྔགས་བཟླ་བར་བྱ། །ཨོཾ་ཤྲཱི་བཛྲ་ཧེ་ཧེ་རུ་རུ་ཀཾ །   ཀ་ར་ཀ་ར། ཀུ་རུ་ཀུ་རུ། བན་དྷ་བན་དྷ།  ཏྲཱ་ས་ཡ་ཏྲཱ་ས་ཡ། ཀྵོ་བྷ་ཡ་ཀྵོ་བྷ་ཡ། ཧྲཽཾ་ཧྲཽཾ། 
ཧྲཿཧྲཿཕེྃ་ཕེྃ།   ཕཊ་ཕཊ། ད་ཧ་ད་ཧ། པ་ཙ་པ་ཙ། བྷ་ཀྵ་བྷ་ཀྵ། བ་ས་རུ་དྷི་ར་ཨན་ཏྲ་མཱ་ལཱ།   བ་ལྃ་བི་ནི། གྲྀཧྞ་གྲྀཧྞ། ས་བ་ཏ་པཱ་ཏཱ་ལ་ག་ཏ་བྷུ་ཛྃ་ག་སརྦ་མ་བཱ་ཏརྫྫ་ཡ་ཏརྫྫ་ཡ། ཨཱ་ཀཌྷ་ཨཱ་ཀཌྷ། ཧྲཱིཾ་ཧྲཱིཾ། ཛྙཽྃ་ཛྙཽྃ། །
ཀྵྨཱྃ་ཀྵྨཱྃ། ཧཱྃ་ཧཱྃ། ཧཱིཾ་ཧཱིཾ། ཧཱུྃ་ཧཱུྃ། ཀི་ལི་ཀི་ལི། སི་ལི་སི་ལི། ཧི་ལི་ཧི་ལི། དྷི་ལི་དྷི་ལི། ཧཱུྃ་ཧཱུྃ་ཧཱུྃ་ཕཊ་ཕཊ། ཌཱ་ཀི་ནཱི་ཛཱ་ལ་སམ་བྷ་ར་ཧུྃ་ཧཱུྃ་ཕཊ་སྭཱ་ཧཱ། འདི་ནི་སྙིང་པོ་མཆོག་ཡིན་ཏེ། །ལས་རྣམས་ཐམས་ཅད་བྱེད་པ་དགེ། །
དཔའ་བོས་ས་བོན་རང་མིང་དང་། །རྣལ་འབྱོར་མོས་པས་རྟག་བཟླས་ན། །མ་ལུས་ལུས་པ་མེད་འགྲུབ་ཅིང་། །འགྲོ་བའི་གནས་སུ་འགྲོ་བར་བྱེད། །དུས་ནི་དེ་མ་ཐག་ཏུ་ཡང་། །སྡོམ་པ་མཆོག་ནི་གྲུབ་པ་ཡིན། །

85-1-148b

རྡོ་རྗེ་ཕག་མོའི་གསང་སྔགས་འདི། །འདོད་པའི་བདེ་བ་ཐམས་ཅད་སྩོལ། །ཨོཾ་བཛྲ་བཱ་རཱ་ཧི་པྲོ་ཏངྒེ་པྲོ་ཏངྒེ། ཧ་ན་ཧ་ན། པྲ་ཎཱ་ན། ཀིངྐི་ཎི་ཁིངྑི་ཎི་དྷུ་ན་དྷུ་ན། བཛྲ་ཧསྟེ། ཤོ་ཥ་ཡ་ཤོ་ཥ་ཡ། བཛྲ་ཀ་པཱ་ལ། 
ཁ་ཊྭཱངྒ་དྷཱ་རི་ཎི། མ་ཧཱ་པི་ཤ་ཏི། མཱ་ན་སཱ་ཤ་ནི། མ་ནུ་ཥ་ཨནྟྲ་པྲཱ་བྲཱི་ཏ། སཱནྣི་དྷྱ་ན་ར་ཤི་རོ་མཱ་ལཱ་གྲན་ཐི་ཏ་དྷཱ་རི་ཎི། སུམ་བྷ་ནི་སུམ་བྷ། ཧ་ན་ཧ་ན།  པྲཱ་ཎཱ་ན་སརྦ་པཱ་པ་ས་ཏྭཱ་ནཱྃ། སརྦ་པ་ཤཱུ་ནཱྃ་མ་ཧཱ་མཱ་མས་ཙྪེ་ད་ནཱི། 
ཀྲོ་དྷ་མཱུར་ཏེ་དྃ་ཥྚ་ཀ་རཱ་ལི་ནི་མ་ཧཱ་མུ་དྲེ། ཤྲཱི༔ ཧེ་རུ་ཀ་དེ་བ་སྱེ། ཨ་གྲ་མ་ཧི་ཥི། ས་ཧ་སྲ་ཤྲི་རེ། ས་ཧ་སྲ་བཱ་ཧ་བེ། ཤ་ཏ་ས་ཧ་སྲ་ཨཱ་ན་ནེ། ཛྭ་ལི་ཏ་ཏེ་ཛ་སེ། ཛྭ་ལ་མུ་ཁི།  པིཾ་ཀ་ལ།  ལོ་ཙ་ནེ།  བཛྲ་ཤ་རཱི་རེ།  བཛྲ་ཨཱ་ས་ནེ། 
མི་ལི་མི་ལི། ཏི་མི་ལི་ཏི་མི་ལི་ཧེ་ཧེ།   ཧ་ཧ།  ཧཱུྃ་ཧཱུྃ་ཁ་ཁ། དྷུ་དྷུ།  རུ་རུ་དྷུ་རུ་དྷུ་རུ་མུ་རུ་མུ་རུ། ཨ་ཏྭཻ་ཏེ། མ་ཧཱ་ཡོ་གི་ནི་པ་ཋི་ཏ་སིད་དྷེ།   དྲེཾ་དྷྃ་དྲེཾ་དྷྃ། གྲྃ་གྲྃ།  ཧེ་ཧེ།  ཧ་ཧ།  བྷཱི་མེ།  ཧ་ས་ཧ་ས་བཱི་རེ་ཧཱ་ཧཱ། ཧོཿཧོཿ།
ཧཱུྃ་ཧཱུྃ། ཏྲཻ་ལོ་ཀྱ་བི་ནཱ་ཤ་ནི། ཤ་ཏ་ས་ཧ་སྲ་ཀོ་ཊ་ཏ་ཐཱ་ག་ཏ་པ་རི་བཱ་རི་ཏི་ཧཱུྃ་ཧཱུྃ་ཕཊ། སིཾ་ཧ་རུ་པེ་ཁཿག་ཛ་རཱུ་པེ་གཿཨཿཏྲཻ་ལོ་ཀྱོ་ད་རེ། ས་མུ་དྲྭ་མེ་ཁ་ལེ། གྲ་ས་གྲ་ས་ཧཱུྃ་ཧཱུྃ་ཕཊ། བཱི་རཱ་དྭཻ་ཏེ་ཧུྃ་ཧཱུྃ་ཧཿ། མ་ཧཱ་པ་ཤཱུ་མོ་ཧ་ནི། 
མ་ཧཱ་ཡོ་གེ་ཤྭ་རེ་ཏྭྃ་ཌཱ་ཀི་ནཱི་སརྦ་ལོ་ཀཱ་ནཱྃ་བན་དྷ་ནཱི། སདྱཿ་པྲཏྱ་ཀཱི་ར་ཎི་ཧུྃ་ཧཱུྃ་ཕཊ། བྷཱུ་ཏ་ཏྲཱ་ས་ནི། མ་ཧཱ་བཱི་རེ་པ་ར་མ་སིད་དྷེ་ཡོ་གཱི་ཤྭ་རི་ཕཊ་ཧུྃ་ཧཱུྃ་ཕཊ། ཧཱུྃ་ཧཱུྃ་ཧཱུྃ་ཕཊ་སྭཱ་ཧཱ། རྡོ་རྗེ་ཕག་མོའི་རྩ་བའི་སྔགས་སོ། །འདི་ནི་རྡོ་རྗེ་
ཕག་མོ་མཆོག །སྙིང་པོ་མཆོག་ཏུ་གྲུབ་པ་ཡིན། །གང་གིས་བཟླས་དང་བསྒོམ་པ་ཡིས། །དེ་ཡིས་ལས་རྣམས་ཀུན་འགྲུབ་སྟེ། །ཐེ་ཙོམ་མེད་པར་མོད་ལ་འགྲུབ། །བདག་ཉིད་གནས་སུ་མཆོད་པ་སྟེ། །ཕྱི་རོལ་ནམ་ཡང་
མ་ཡིན་ནོ། །གྲུབ་པའི་ཁྲག་འཐུང་དེ་ཉིད་ཀྱི། །གསང་སྔགས་རྩ་བ་བརྒྱད་ལྡན་པ། །།ཨོཾ་ན་མོ་བྷ་ག་ཝ་ཏེ་བཱི་རེ་ཤཱ་ཡ་ཧུྃ་ཧཱུྃ་ཕཊ། ཨོཾ་མ་ཧཱ་ཀལ་པ་ཨ་ག་ནི་སནྣི་བྷཱ་ཡ་ཧུྃ་ཧཱུྃ་ཕཊ། ཨོཾ་ཛ་ཊ་མུ་ཀུ་ཊོད་ཀ་ཊཱ་ཡ་ཧཱུྃ་ཧཱུྃ་ཕཊ། ཨོཾ་དྃ་ཥྚ་ཀ་རཱ་ལོ་གྲ་བྷཱི་

85-1-149a

ཥ་ན་མུ་ཁཱ་ཡ་ཧུྃ་ཧཱུྃ་ཕཊ། ཨོཾ་ས་ཧ་སྲ་བྷུ་ཛ་བཱ་སུ་རཱ་ཡ་ཧུྃ་ཧཱུྃ་ཕཊ། ཨོཾ་པ་ར་ཤུ་པཱ་ཤོ་དྱ་ཏ་ཤུ་ལ།  ཁ་ཊྭཱྃ་ག་དྷཱ་རེ་ཎེ་ཧུྃ་ཧཱུྃ་ཕཊ། ཨོཾ་བྱཱ་གྷྲ་ཛི་ན་ཨྃ་བ་ར་དྷ་རཱ་ཡ་ཧུྃ་ཧཱུྃ་ཕཊ། ཨོཾ་མ་ཧཱ་དྷུ་མཱནྡྷ་ཀཱ་ར་ཝ་པུ་
ཥཱ་ཡ་ཧུྃ་ཧཱུྃ་ཕཊ། འདི་ནི་ཁྲག་གི་ཐུང་གི་གསང་སྔགས་ཏེ། །བདག་ཉིད་བསྒོམ་ཞིང་མཆོད་པར་བྱ། །ཨོཾ་ན་མོ་བྷ་ག་ཝ་ཏི་བཛྲ་བཱ་རཱ་ཧི་བྃ་ཧུྃ་ཧཱུྃ་ཕཊ། ཨོཾ་ཨཱརྱ་ཨ་པ་རཱ་ཛི་ཏེ་ཏྲཻ་ལོ་ཀྱ་མཱ་ཏེ་མ་ཧཱ་བིདྱ་ཤྭ་རི་ཧཱུྃ་ཧཱུྃ་ཕཊ། ཨོཾ་སརྦ་
བྷུ་ཏ་བྷ་ཡཱ་བ་ཧེ་མ་ཧཱ་བཛྲེ་ཧུྃ་ཧཱུྃ་ཕཊ། ཨོཾ་བཛྲཱ་ས་ནེ་ཨ་ཛི་ཏེ་ཨ་པ་རཱ་ཛི་ཏེ་ཝ་ཤྃ་ཀ་རི་ནེ་ཏྲ་བྷྲཱ་མ་ཎི་ཧཱུྃ་ཧཱུྃ་ཕཊ། ཨོཾ་བི་ཥ་ཤོ་ཥ་ནི་རོ་ཥ་ནི་ཀྲོ་དྷ་ནི་ཀ་རཱྃ་ལི་ནི་ཧཱུྃ་ཧཱུྃ་ཕཊ། ཨོཾ་ཏྲཱ་ས་ནི་མཱ་ར་ཎི་སུ་པྲ་བྷེ་ད་ནི་པ་རཱ་ཛ་ཡེ་ཧུྃ་ཧཱུྃ་ཕཊ། 
ཨོཾ་ཛ་ཡེ་བི་ཛ་ཡེ་ཛྃ་བྷན་སྟྃ་བྷ་ནི་མོ་ཧ་ནི་ཧཱུྃ་ཧཱུྃ་ཕཊ། ཨོཾ་བཛྲ་བཱ་རཱ་ཧི་མ་ཧཱ་ཡོ་གི་ནི་ཀཱ་མེ་ཤྭ་རི་ཁ་གེ་ཧུྃ་ཧཱུྃ་ཕཊ།   ན་མ༔ ནི་ཐམས་ཅད་དུ་བྱའོ། །གསང་སྔགས་འདི་ཡིས་ལས་ཀུན་བྱ། །ཨཱ་ལི་ཀཱ་ལི་རྡོ་རྗེ་ནི། །ཕག་མོ་
བདག་ཉིད་བསྒོམ་བྱས་ནས། །རྩ་བ་བརྒྱད་ཀྱི་སྔགས་ལྡན་པས། །བདག་ཉིད་ཀྱང་ནི་མཆོད་པར་བྱ། །ཞལ་བཞི་བྱིན་བརླབས་བྱས་ནས་སུ། །ཨོཾ་སུམ་བྷ་ནི་སུམྦྷས་མཆོད། །ཡང་ན་ཞལ་བཞི་ཀུན་རྡོ་རྗེ། །
དེ་ཡི་ལྟེ་བར་ཧེ་རུ་དཔལ། །བདག་ཉིད་བསྒོམ་པ་བྱས་ནས་ནི། །འཁོར་དང་བཅས་པའང་དེ་བཞིན་བསྒོམ། །བ་ཤ་ལ་སོགས་བཟའ་ཞིང་བསྒྲུབ། །བདེ་གཤེགས་བསྟན་ལ་
འགྲོ་བ་གདུག །སྐྱེ་བ་ཅན་ནི་བ་ཤར་གྲགས། །དཀོན་མཆོག་གསུམ་གྱི་དཀོར་འཕྲོག་དང་། །མཚམས་མེད་པ་ནི་བྱེད་པ་དང་། །གང་ཞིག་སློབ་དཔོན་སྨོད་པ་དང་། །ཐེག་པ་ཆེན་པོ་སྨོད་པ་དང་། །ཕྱུགས་
དེ་རྣམས་ནི་བསད་ནས་ཀྱང་། །རྣལ་འབྱོར་མ་དང་ལྷན་ཅིག་བཟའ། །ཕྱུགས་དེ་རྣམས་ནི་དགུག་པ་ཡང་། །སྒྲུབ་པོས་སྔོན་དུ་བསྐྱེད་པས་བྱ། །ཕྱུགས་བདུན་དང་ནི་དེ་བཞིན་ཕྱུགས། །བོང་བུ་མིང་དང་རུ་སྦལ་

85-1-149b

དང་། །ཁྱི་དང་རྔ་མ་ལྕེ་སྤྱང་རྟ། །ཕྱུགས་ཀྱི་མར་མེ་འདི་རྣམས་ནི། །གྲུབ་པའི་དབྱེ་བའི་ཡན་ལག་གྲགས། །རིགས་ཀྱི་ཁ་དོག་དབྱེ་བའི་ཕྱུགས། །རྐང་བཞི་རྣམས་ལ་གླང་པོ་ཆེ། །བྱ་རྣམས་ལས་ནི་ངང་སྒྱུར་
ཏེ། །དུད་འགྲོ་རྣམས་ལས་མཆུ་གཡོ་བའི། །ལྷ་རྣམས་ཁ་རུ་ལྷ་བཤོས་ཏེ། །འདི་ནི་ཕྱུགས་ཀྱི་བརྟག་པར་བཤད། །གྲུབ་པའི་སྒྲུབ་པ་རྣམ་བཤད་པ། །བྱ་རོག་བྱ་སྐྱ་ལྕེ་སྤྱང་དང་། །སྐྱེ་གཉིས་དང་སྔགས་ཆེན་པོ་
དང་། །ཁྲུང་ཁྲུང་བཞད་དང་ཀང་བུ་ཀ །བཟའ་དང་སྦྱིན་བསྲེག་གཏོར་མ་བྱ། །དངོས་འགྲུབ་འདོད་པས་བསྒམ་བྱ་བ། །ཁྱི་མོ་ནག་མོའི་འོ་མ་དང་། །སྲན་མ་ནག་པོ་འབྲས་དང་ལྡན། །རོ་ཡི་ཁར་ནི་སྦྱིན་བསྲེག་བྱ། །
སྦྱིན་སྲེག་བརྒྱ་རྩ་བརྒྱད་པར་བྱ། །དེ་ནས་རོ་དེ་ལངས་ནས་སུ། །ཅི་བགྱི་ཞེས་ནི་སྨྲར་འགྱུར་ཞིང་། །ས་འོག་འགྲོ་བའམ་རལ་གྲིའམ། །ཚར་གཅོད་ཕན་འདོགས་ཉིད་དང་ནི། །རི་ལུ་མིག་སྨན་གསེར་རྣམས་སམ། །
རྐང་འགྱོགས་དག་གམ་བཅུད་ཀྱིས་ལེན། །གཅིག་ཅིག་སྦྱིན་པར་བྱས་ནས་ནི། །འགྲོ་བར་འགྱུར་གྱི་གཞན་དུ་མིན། །སྟེང་དང་འོག་ཏུ་ཕོ་ཉ་འགྲུབ། །རྒྱུད་འདིར་ཐེ་ཚོམ་མེད་པ་ཡིན། །མངོན་པར་བརྗོད་པའི་རྒྱུད་བླ་མའི་བླ་མ་
ལས་རྣལ་འབྱོར་གྱི་སྡོམ་པའི་ཆོ་གའི་ལེའུ་སྟེ་ཉི་ཤུ་པའོ།། །། དེ་ནས་གཞན་ཡང་བཤད་བྱ་བ། །བསྲུང་དང་ཕྱིར་ཟློག་རིམ་པ་ནི། །རྒྱུད་གཞན་ལས་ནི་སྦས་པའི། །བསྲུང་བའི་མཆོག་ནི་རྙེད་དཀའ་བ། །རྒྱུད་འདིར་རབ་ཏུ་བཤད་
པར་བྱ། །ངེས་བརྗོད་རྒྱུད་ནི་བླ་མའི་བླ། །ཐེ་ཚོམ་བཟའ་བར་མི་བྱ་སྟེ། །སེམས་ཅན་རྗེས་སུ་བསྲུང་བའི་ཕྱིར། །པད་མ་འདབ་བརྒྱད་བྲི་བར་བྱ། །པད་མའི་ལྟེ་བར་གེ་སར་ཅན། །དེ་རྒྱབ་སྣ་ཚོགས་རྡོ་རྗེ་སྟེ། །
གནོད་མཛེས་གསང་སྔགས་ཡང་དག་སྦྱར། །དེ་ཡི་ཕྱི་རོལ་སྐ་རགས་བྱ། །འདབ་མ་བཅུ་དྲུག་བྲི་བར་བྱ། །དེར་ནི་ཆ་རྣམས་རྣམ་བཀོད་དེ། །དེ་ཡིས་ཕྱི་རོལ་ཡོངས་སུ་བསྐོར། །མཁས་པས་ལྟེ་བར་བྲི་བ་ནི། །

85-1-150a

རྡོ་རྗེ་རྩེ་མོ་བཅུ་གཉིས་པ། །དེ་ཡི་ལྟེ་བར་དགོད་པ་ནི། །ཧཱུྃ་ནི་འཇིགས་པ་རྣམ་འཇིགས་པ། །ཧཱུྃ་གི་ལྟེ་བར་ཡི་གེ་བྃ། །བྃ་གི་ལྟེ་བར་ཡི་གེ་གསུམ། །བསྒྲུབ་བྱའི་མིང་དང་སྤེལ་ཞིང་བྲི། །
མཁའ་འགྲོ་མ་ནི་བཞི་པོ་དག །དེ་ཡི་གཡོན་ནས་དགོད་བསྐོར་བ། །ཌཱྃ་ལྃ་ཁྃ་རུྃ་དེ་རུ་དགོད། །རི་རཱི་ལི་ལཱི་ལྷན་ཅིག་ཏུ། །མཁའ་འགྲོ་དགོད་ཅིང་མིང་དང་ནི། །རྣམ་པར་སྤེལ་ཞིང་བྲི་བར་བྱ། །ཐུགས་ཀྱི་འཁོར་ལོའི་
རིམ་ཅི་བཞིན། །མཁས་པས་འདབ་མར་དགོད་བྱ་བ། །ཁྃ་པྲྃ་ཤར་གྱི་འདབ་མ་ལ། །བྱང་དུ་ཀྃ་ཙྃ་ཉིད་ཡིན་ཏེ། །ནུབ་ཏུ་ཀྃ་པྃ་ཁོ་ནའོ། །ལྷོ་རུ་བྃ་མྃ་ཉིད་ཡིན་ནོ། །མེ་སོགས་དབང་ལྡན་ཕྱོགས་རྣམས་
སུ། །སུྃ་བྃ་ཨིཾ་ཁྃ་བྃ་ལྃ་ཧྲྃ། །འདི་དག་ཇི་ལྟའི་རིམ་པ་ཡིས། །ཡི་གེ་ཧཱུྃ་དང་སྤེལ་ནས་སུ། །ས་བོན་དག་ནི་བྲི་བར་བྱ། །ཀྃ་ཁྃ་གྃ་གྷྃ་ངྃ་། །ཙྃ་ཚྃ་ཛྃ། །འདི་དག་ནི་པད་མའི་སྐ་རགས་སུ་བྲིའོ། །རྡོ་རྗེ་ཆ་
ནི་བཅུ་གཉིས་པ། །བསྐོར་ལ་བིན་དུས་རྣམ་པར་བརྒྱན། །འདབ་མའི་ཕྱི་རོལ་བཅུ་དྲུག་ཏུ། །འཁོར་ལོ་རྩིབས་བཅུ་དྲུག་པ་བྲི། །དེ་འདིར་ཤར་ཕྱོགས་ལྷ་སོགས་པ། །གཡོན་ནས་བསྐོར་ཞིང་དགོད་པར་
བྱ། །མཁའ་འགྲོ་དང་ནི་དཔའ་བོའོ། །ཨཱྃ་ཨཱ།   བྃ་མྃ་བྃ་མྃ་བྃ་སུྃ་སུྃ་ཤཱྃ་བྃ་སུྃ་མུྃ་ཧྃ། བྃ་ཁྃ། མྃ་ཙྃ་རྃ་ཁྃ་ཧྃ་སྃ།  ཨྃ་ཙྃ་ཧེྃ་སུྃ་པྃ་མྃ་བཻཾ།   ཙྃ་བྃ་མྃ་འདི་ནི་ཧྲི་དང་སྤེལ་ནས་སུ། །
ཨོཾ་དང་སྤེལ་ཞིང་བྲི་བར་བྱ། །བསྒྲུབ་པའི་མིང་ནི་ནང་དུ་བྱ། །ཇི་ལྟའི་ལས་ཀྱི་རྗེས་འབྲང་བྲི། །ཛྙྃ་ཉྃ་ཊྃ་ཋྃ་ཌྃ་ཌྷྃ་ཎྃ། ཏྃ་ཐྃ་དྃ་དྷྃ་ནྃ། པྃ་ཕྃ་བྃ་བྷྃ་མྃ། ཕྱི་རོལ་དུ་སྐ་རགས་བྲིའོ། །འཁོར་ལོའི་ཕྱི་རོལ་གྲུ་བཞི་
པའི། །ནང་དུ་སྒོ་ནི་འབྲིལ་བར་བྲི། །ཇི་ལྟར་ཁ་གདོང་ལ་སོགས་རིམ་པའི་བར། །གཤིན་རྗེ་འཇོམས་སོགས་ས་བོན་དགོད། །ཀྃ་ཨྃ་སྭཱྃ་སཱུྃ་ཡྃ།  ཡྃ་ཡྃ་ཡྃ་ཡྃ་རྃ་ལྃ་ཝྃ།   ཤྃ་ཥྃ་སྃ་ཧྃ་སྦྱར་ཞིང་། ཧཱུྃ་ཧཱུྃ་ཕཊ་དང་རྣམ་

85-1-150b

པར་སྤེལ། །མིང་དང་ཡང་ནི་སྤེལ་བར་བྱ། །སྒོ་ཡི་སྟེང་དུ་རྩེ་བཞི་པའི། །རྡོ་རྗེ་ཕྱེད་པ་བྲི་བར་བྱ། །ཟུར་རྣམས་སུ་ནི་ཉི་ཟླ་དང་། །རྡོ་རྗེ་ཕྱེད་པ་བྲི་བར་བྱ། །དེ་སྟེང་རྐང་བརྒྱད་ཀྱིས་བརྗོད་པའི། །ཁྲོ་བོ་བརྒྱད་པའི་
ཞལ་དུ་བལྟ། །ཕྱི་རོལ་སྐ་རགས་དབུས་དག་ཏུ། །ཕྱིར་བཟློག་འདི་དག་བྲི་བར་བྱ། །ན་མཿས་མན་ཏཱ་ཀཱ་ཡ་བཱ་ག་ཙིཏྟ་བཛྲ་ཧེ་རུ་ཀ་ནི།   ཨོཾ་ཧཱུྃ་བཛྲ་ཧེ་རུ་ཀ་ཙཀྲ་ཝརྟི་སརྦ་ལོ་ཀི་ཀ་ལོ་ཀོད་ཏ་ར་ཎི་ཡན་ཏྲ་མན་ཏྲ།  ཏན་ཏྲ་ཙཱུརྞྞ་
པྲ་ཡོ་གཱ་དཱི་ནི།  ཡེ་ན་ཀེ་ན།  ཙིད་ཀྲ་ཏ་ནི་སརྦ་ཎི་ཨཱ་ཀ་ཌྷ་ཨཱ་ཀ་ཌྷ།   ཏརྫ་ཡ་ཏརྫ་ཡ། གྲྀཧྞ་གྲྀཧྞ་བྷ་ཀྵ་ཡ་བྷ་ཀྵ་ཡ། ཏྲཱ་ས་ཡ་ཏྲཱ་ས་ཡ། ཧ་ན་ཧ་ན། ད་ཧ་ད་ཧ། པ་ཙ་པ་ཙ། །ཀྵྨཱྃ་ཀྵྨཱྃ།  ཛྙཽྃ་ཛྙཽྃ། མ་ཐཱ་མ་ཐཱ། བི་དྷྭན་ས་
ཡ་བི་དྷྭན་ས་ཡ། ཤ་ཏ་ས་ཧ་སྲ་དྷ་ཙཱུརྞྞ་ཡ། ཨོཾ་ཕཊ་བཛྲ་ཧེ་རུ་ཀོཥྞཱི་ཤ་ཙཀྲ་བརྟི་ཏ་སྱེ་བ་མུ་ཁྃ་ཙཀྵུ།  བན་དྷ་བན་དྷ། ཧཱུྃ་ཧཱུཾྃ ཨ་མུ་ཀ་སྱེ་ཤཱྃ་ཏིཾ་ཀུ་རུ་ཧཱུྃ་ཧཱུྃ་ཕཊ། ཨོཾ་སྭཱ་ཧཱ། འདི་ཡིས་ཡོངས་སུ་བསྐོར་བྱས་ནས། །
ཀྵ་ཡི་ལྟོ་བའི་དབུས་སུ་དགོད། །ཡི་གེ་ཥ་ཀྵ་ཡི་ཕྱི་རོལ་དུ། །ཐཱ་ཡིས་ཡོངས་སུ་བསྐོར་བྱས་ནས། །དབྱངས་ཀྱི་མཚན་ཉིད་ཀྱིས་ཡོངས་བསྐོར། །ཧེ་རུ་ཀར་བདག་སྒོམ་བྱས་ནས། །ཡི་གེ་བདུན་པའི་སྔགས་
ཀྱང་བཟླ། །ཨོཾ་ཧྲཱིཿཧ་ཧ་ཨ་མུ་ཀ་སྱ་ཤཱན་ཏིང་ཀུ་རུ་ཤཱན་ཏིང་ཀུ་རུ་ཧཱུྃ་ཧཱུྃ་པཱ་པྃ་ཕཊ། རིགས་ངན་ཡང་ན་བྲམ་ཟེའམ། །རྒྱལ་པོའི་བུ་མོའི་ཁྱད་པར་དུ། །རང་བྱུང་མེ་ཏོག་བླངས་ནས་སུ། །གླང་ཆེན་མེ་ཏོག་དང་
བསྲེས་དང་། །བྱང་ཆུབ་སེམས་ནི་མཉམ་ལྡན་པ། །རོ་ཙ་ན་དང་ལྷན་ཅིག་སྦྱར། །པད་མ་རྡོ་རྗེ་ཆུ་དེ་བཞིན། །མིག་སྨན་ཆེན་པོ་དང་བསྲེས་ནས། །ལྷ་མཆོག་འཁོར་ལོ་བྲི་བར་བྱ། །རྡོ་རྗེ་ཕྲེང་བས་རྣམ་
པར་བསྐོར། །མིའི་ལྤགས་པའམ་གྲོ་གའམ། །ཡང་ན་ཡི་དགས་གོས་ཀྱང་རུང་། །བདུད་རྩི་ལྔ་དང་ལྡན་པ་ཡི། །མར་དང་འོ་མ་བླངས་ནས་སུ། །གསང་སྔགས་རྐང་པ་བརྒྱད་ཀྱི་བརྗོད། །དེ་བཞིན་བརྟུལ་ཞུགས་ཅན་གྱིས་མཆོད། །

85-1-151a

གསེར་རམ་དངུལ་གྱི་བུམ་པ་དག །ཡེ་ཤེས་ལྔ་ཡི་བདུད་རྩི་ཆུས། །གང་བའི་དབུས་སུ་བཅུག་ནས་སུ། །འཁོར་ལོ་སྲད་བུ་དཀར་པོས་དཀྲི། །ཕྲེང་བའི་གསང་སྔགས་དེ་ལ་བཟླ། །
དེ་ནས་དབང་བསྐུར་སྦྱིན་པར་བྱ། །ནད་ཡོད་པ་ནི་ནད་མེད་བྱེད། །ནད་མེད་པ་ཡང་ནད་དུ་བྱེད། །མྱོས་བྱེད་ཆང་གི་དབུས་སུ་ནི། །མཁས་པས་དེ་ལ་བཅུག་ནས་ནི། །ནད་མེད་ནད་དུ་བྱེད་པ་སྟེ། །
ཇི་ལྟའི་ལས་ཀྱི་རྗེས་སུ་འབྲང་། །གང་ཡང་རུང་བའི་ལས་རྣམས་ལ། །ཕྲེང་བའི་སྔགས་ཀྱིས་རྣམ་པར་བསྐོར། །རྣལ་འབྱོར་བསྒྲུབ་པའི་འཁོར་ལོ་ནི། །མགོ་བོའི་ནང་དུ་སྦས་བྱས་ན། །མཁའ་
འགྲོས་དེ་ལ་བྱིན་བརླབས་ནི། །གདོན་མི་ཟ་བར་བྱེད་པར་འགྱུར། །ཅི་འདོད་ཐམས་ཅད་འགྲུབ་འགྱུར་ཏེ། །བགེགས་མེད་པར་ནི་དངོས་གྲུབ་འགྱུར། །མངོན་པར་བརྗོད་པའི་རྒྱུད་བླ་མའི་བླ་མ་ལས་བསྲུང་
བའི་ཕྱིར་བཟློག་གི་ལེའུ་སྟེ་ཉི་ཤུ་རྩ་གཅིག་པའོ།། །། དེ་ནས་དེ་ཡི་བསྒོམ་པ་བཤད། །སེམས་ཅན་ཀུན་ལ་ཕན་འདོགས་པའི། །སྐད་ཅིག་གིས་ནི་བདག་ཉིད་དག །ལྷ་མོ་ཕྱིར་
བཟློག་རིམ་པ་སྟེ། །ཞལ་བཞི་པ་ལ་ཕྱག་བཅུ་དྲུག །གདུག་པ་རྣམ་པ་སྣ་ཚོགས་པའི། །བགེགས་ནི་པད་མའི་འོག་མནན་ནས། །གཡས་བརྐྱང་པའི་ཞབས་ཀྱིས་བཞུགས། །ཟླ་བའི་དཀྱིལ་འཁོར་
དབུས་ན་གནས། །དཀར་ཞིང་སྔོ་ལ་དམར་དང་སེར། །སྟེང་གི་ཞལ་གྱིས་རྣམ་པར་བརྒྱན། །རྒྱན་རྣམས་ཐམས་ཅད་ཡོངས་སུ་རྫོགས། །ན་བཟའ་དཀར་བའི་རྒྱན་དང་ལྡན། །སངས་རྒྱས་ལྔ་ཡི་དབུ་
རྒྱན་ཅན། །འཆིང་བ་ཡང་དག་འཚོ་བའི་མཆོག །སྤྱན་གསུམ་པ་ལ་འཇམ་པའི་ངག །གཞན་ནི་གདུག་ཅིང་གཏུམ་པ་ལ། །སྡིགས་མཛུབ་རྡོ་རྗེ་གསོར་མཛད་ཅིང་། །དྲིལ་བུ་ཞགས་པ་འཛིན་པའི་

85-1-151b

མཆོག །རྡོ་རྗེ་རལ་གྲི་མདུང་དང་ནི། །དགྲ་སྟ་ཐོད་པ་ལྕགས་ཀྱུ་དང་། །གཞུ་དང་ཁ་ཊྭཱྃ་ག་འཛིན་ཅིང་། །མདའ་ནི་དམ་པར་འགེངས་པར་བྱེད། །ཐོ་བ་འཁོར་ལོ་མི་འཇིགས་པ། །དངོས་གྲུབ་ཐམས་ཅད་རབ་
སྩོལ་བའོ། །ཡང་ན་འདི་ལ་ཞལ་བརྒྱད་པ། །གཡས་དང་གཡོན་པའི་ངོས་དག་ཏུ། །གཡས་པ་སྔོ་ཞིང་དམར་ལ་སེར། །དྲག་ཤུལ་ཧ་ཧར་བཞད་པའོ། །གཡོན་པ་ལྗང་ཞིང་དམར་བ་དང་། །དུད་ཁ་དག་
གི་མདོག་ཅན་ཡིན། །སྟེང་ནི་མཛེས་ཤིང་ཞི་བ་སྟེ། །སྐུ་ལུས་ཟླ་བའི་མདོག་ཅན་ནོ། །དེ་ཡི་ཐུགས་ཀར་འཁོར་ལོ་ནི། །ཟླ་བའི་དཀྱིལ་འཁོར་དབུས་དག་ཏུ། །དད་པས་ཤིན་དུ་མཉམ་བཞག་སྟེ། །
འཆི་བ་འཚོ་བའི་རིག་སྔགས་བཟླ། །ཨོཾ་ཨ་མྲྀ་ཏ་ས་ཉ་ཇཱི་བཱ་ནི་མ་ཧཱ།   ཨ་མྲྀ་ཏ་སུ་མུ་ཁེ་ཛྲེ་བྃ་པྲ་བེ་ཤ་ཡ་པྲ་བེ་ཤ་ཡ། སརྦ་བཛྲ་པད་མ་ས་མ་ཡོ་གེ་མ་ཧཱ་བོ་དྷི་ཙིཏ་ཏ་བི།  པི་ཏ་མཱུར་ཏེ་ཧཱུྃ་ཧཱུྃ། 
ཨ་ཨཱ། ཨྃ་ཨཿཧ་སྭཱ་ཧཱ། འདི་ནི་ཁྲི་ཙམ་བཟླས་བྱས་པས། །འཆི་བ་ཐམས་ཅད་འཚོ་བར་བྱེད། །དུས་མིན་འཆི་བ་ཞི་འགྱུར་ཞིང་། །འཆི་བ་ལས་ནི་ངེས་པར་སློང་། །གཞན་དུ་རྣལ་འབྱོར་མ་
དགྱེས་ནས། །རྨད་དུ་བྱུང་བར་མཛད་པ་ནི། །སོ་སོ་ནས་ནི་གར་མཛད་ཅིང་། །ཧི་ཧི་དག་གིས་དགའ་བ་དང་། །ཧོ་ཧོ་དག་གིས་དགྱེས་པ་དང་། །ཧེ་ཧེ་དག་གིས་ཚིག་ཏུ་སྨྲ། །ཧཱུྃ་ཧཱུྃ་དག་གིས་རྫོགས་པའོ། །
ཧཱུྃ་ཧཱུྃ་དག་ནི་བསམ་གཏན་ནོ། །ཕཊ་ཕཊ་དག་གིས་གསོད་པ་དང་། །ཧཱུྃ་ཧཱུྃ་ཕཊ་ཀྱིས་ཕུར་བུའོ། །ཛཿཛཿདག་གིས་ལེགས་པར་དྲོངས། །ས་ས་དག་ནི་བདེན་པར་བྱེད། །ངེས་པར་ལེགས་སོ་ཞེས་པའི་སྒྲའོ། །
ཧཱུྃ་བྲུྃ་དག་ནི་གསོད་པའོ། །ཧཱུྃ་བྲུྃ་ཧཱུྃ་བྲུྃ་ཧཱུྃ་ཧཱུྃ་དག་ནི་ཐལ་བར་རློག་པའོ། །ཧ་ཧ་དག་གིས་གསལ་བར་བྱེད་པའོ། །བྷྱྃ་བྷྱྃ་དག་ནི་གཟི་བྱིན་བྱེད། །ཧྲིྃ་ཧྲིྃ་དག་གིས་ལེགས་པར་དྲོངས། །ཏྲྱྃ་ཏྲྱྃ་དག་ནི་

85-1-152a

མཆོད་པའོ། །སྃ་སྃ་དག་གིས་དངོས་གྲུབ་ཐམས་ཅད་ཀྱི་འབྲས་བུ་སྟེར་བའོ། །ཧི་ཧི་དག་ནི་རྨོངས་པའོ། །ལྃ་ལྃ་དག་ནི་ཤིས་པའོ། །དི་དི་དག་ནི་འཛིན་པའོ། །ཛྲིཾ་ཛྲིཾ་དག་ནི་ལེགས་པར་དྲོངས། །ཧཱུྃ་ཧཱུྃ་
དག་ནི་འཁོར་བའོ། །ཧྲི་ཧྲི་དག་ནི་གསོད་པའོ། །ཛྃ་ཛྃ་དག་ནི་རྨུགས་པར་མཛད་པའོ། །ཧོ་ཧོ་མཛད་པ་རྗེས་སུ་ཆགས་པར་བྱའོ། །ཧྃ་ཧྃ་དག་ནི་བསྲུང་བའོ། །ཧཱུྃ་ཧཱུྃ་དག་ནི་དགྱེས་པའོ། །ཏྃ་ཏྃ་དག་ནི་གདུག་པའོ། །གླུྃ་
གླུྃ་དག་ནི་མེ་ཏོག་གོ། །གྃ་གྃ་ནི་དྲིའོ། །རྃ་རྃ་ནི་གསང་བའོ། །འདི་དག་ཇི་ལྟའི་རིམ་པ་ཡིས། །ཞི་བ་ལ་སོགས་ཆོ་ག་ཡི། །རིམ་པ་འདི་ལ་རྗེས་སུ་གནས། །མངོན་པར་བརྗོད་པའི་རྒྱུད་བླ་མའི་བླ་མ་ལས་འཆི་བ་སློང་བར་
བྱེད་པའི་ལས་ཐམས་ཅད་བྱེད་པ་བསྒོམ་པ་བསྟན་པ་སྟེ་ལེའུ་ཉི་ཤུ་རྩ་གཉིས་པའོ།། །། དེ་ནས་གཞན་གསང་བཤད་བྱ་བ། །སྔགས་ཀྱི་དེ་ཉིད་ཆོ་གའི་རིམ། །རྡོ་རྗེ་སྙིང་པོས་བཤད་པ་སྟེ། །གསང་བ་ཀུན་གྱི་
མཆོག་ཏུ་བཤད། །རྣལ་འབྱོར་མ་ཡི་བདེ་བ་མཆོག །རྣལ་འབྱོར་མ་ཡི་བརྒྱུད་པའི་རིམ། །གསང་ཞིང་རབ་ཏུ་སྦས་མའི་མཆོག །གསང་ཞིང་གསང་ལ་མཆོག་ཏུ་གསང་། །བསྐྱེད་པའི་རིམ་པའི་སྦྱོར་བ་ཡིས། །
བསམ་གཏན་བསྒོམ་པའི་མཆོག་ཡིན་ཏེ། །བདག་ཉིད་ཧེ་རུ་ཀར་བྱས་ནས། །མཁའ་འགྲོ་མས་ནི་ཡོངས་སུ་ཁྱབ། །སྐུ་ལུས་དམར་པོ་འཇིགས་པ་ཆེ། །ཡེ་ཤེས་ལྔ་ལས་ངེས་བྱུང་བ། །དམར་ཞིང་སྔོ་ལ་
ལྗང་བ་དང་། །སེར་ཞིང་ཞི་ལ་སྟེང་ཞལ་དཀར། །སྤྱན་གསུམ་པ་ལ་ཕྱག་བཅུ་གཉིས། །གཡས་བརྐྱང་བ་ཡི་ཞབས་ཀྱིས་བཞུགས། །འཇིགས་བྱེད་ཆེ་དང་དུས་མཚན་དག །སྐྱབས་སུ་འོངས་ནས་ཞབས་འོག་
གནོན། །ཕྱག་རྒྱ་དྲུག་དང་ཟླ་བ་ཕྱེད། །སྣ་ཚོགས་རྡོ་རྗེ་རལ་པ་འཆང་། །གླང་པོའི་ལྤགས་པ་གོས་སུ་མནབས། །རྡོ་རྗེ་དྲིལ་བུ་མཉམ་པར་ལྡན། །རལ་གྲི་མདུང་ནི་འཇིགས་པའི་མཆོག །ཐོད་པ་དང་

85-1-152b

ནི་ཁ་ཊྭཱྃ་འཛིན། །ཞགས་པ་ལྕགས་ཀྱུ་འཆང་བའི་མཆོག །ཅང་ཏེའུ་ཚངས་པའི་མགོ་བོ་དང་། །མགོ་བོའི་ཕྲེང་བས་རྣམ་པར་བརྒྱན། །ཐོད་པའི་ཕྲེང་བའི་དབུ་རྒྱན་ཅན། །སངས་རྒྱས་ལྔ་ཡིས་རྣམ་པར་བརྒྱན། །
དེ་མདུན་རྡོ་རྗེ་ཕག་མོ་ནི། །དེ་ཡི་མདོག་དང་ཕྱག་མཚན་འཛིན། །ཞགས་པ་ལྕགས་ཀྱུ་འཆང་བའི་མཆོག །ཅང་ཏེའུ་ཚངས་པའི་མགོ་བོ་དང་། །མགོ་བོའི་ཕྲེང་བའི་རྣམ་པར་བརྒྱན། །བྱིན་པ་གཉིས་ཀྱིས་ལེགས་པར་འཁྲིལ། །
གཉིས་མེད་སྦྱོར་བ་མཉམ་ལྡན་པ། །ཕྱག་རྒྱ་ལྔ་ཡིས་རྣམ་པར་བརྒྱན། །ཀྵཿཡི་ཡེ་ཤེས་ལས་བྱུང་བ། །དེ་ཡི་སྐུ་དང་ཞལ་ཕྱག་མཚན། །ཟླ་བའི་དཀྱིལ་འཁོར་དབུས་གནས་པར། །ཡེ་ཤེས་སེམས་དཔའ་རྣམ་པར་བསྒོམ། །
བཅུ་གཉིས་ཆ་ལས་ངེས་འབྱུང་བ། །དམ་ཚིག་སེམས་དཔའ་བདེ་བ་ཆེ། །ཐམས་ཅད་མཁྱེན་པ་ངེས་འབྱུང་བ། །སྔགས་ཀྱི་རྒྱུད་ན་འདི་རུ་བཟླ། །ཨོཾ་ཤྲཱི་བཛྲ་ཧེ་ཧེ་རུ་རུ་ཀྃ། ཨ་ཨཱ། ཨི་ཨཱི། ཨུ་ཨཱུ། ཨེ་ཨཻ། ཨོ་ཨཽ། 
ཨྃ་ཨཿ ཌཱ་ཀི་ནཱི་ཛཱ་ལ་སམ་བ་ར་ཧཱུྃ་ཧཱུྃ་ཕཊ་སྭཱ་ཧཱ། ཨོཾ་ཨ་ཨཱྃ་ཨཱྃ་ཧུྃ་ཧཱུྃ་ཕཊ། སྙིང་པོ་དང་ཉེ་བའི་སྙིང་པོའོ། །ཨོཾ་བཛྲ་ཝཱ་རཱ་ཧི། ཨ་ཨཱ། ཨི་ཨཱི། ཨུ་ཨཱུ། ཨེ་ཨཻ། ཨོ་ཨཽ། ཨྃ་ཨཿ།  ཧུྃ་ཧཱུྃ་ཕཊ་སྭཱ་ཧཱ། 
ཨོཾ་བཛྲ་བཻ་རོ་ཙ་ནཱི་ཡེ། ཨ་ཨཱ། ཨཱྃ་ཨཱ།  ཧུྃ་ཧཱུྃ་ཕཊ་སྭཱ་ཧཱ། ལྷ་མོའི་སྙིང་པོ་དང་ཉེ་བའི་སྙིང་པོའོ། །ཨོཾ་ཌཱ་ཀི་ནི་རྀ་ཧཱུྃ་ཧཱུྃ་ཕཊ། ཨོཾ་ལཱ་མེ་རཱྀྃ་ཧུྃ་ཧཱུྃ་ཕཊ། ཨོཾ་ཁཎ་ཌ་རོ་ཧི་ལྀྃ་ཧུྃ་ཧཱུྃ་ཕཊ། ཨོཾ་རཱུ་པི་ཎི་ལྃ་ཧུྃ་ཧཱུྃ་ཕཊ། 
ཨོཾ་ཁཎ་ཌ་ཀ་པཱ་ལ་ཀྃ་ཧཱུཾ་ཧཱུྃ་ཕཊ། ཨོཾ་པྲྃ་ཧཱུྃ་ཧཱུྃ་ཕཊ། ཨོཾ་ཀང་ཀཱ་ལ་ཁྃ་ཧཱུྃ་ཧཱུྃ་ཕཊ། ཨོཾ་ཙྃ་ཧུྃ་ཧཱུྃ་ཕཊ། ཨོཾ་མ་ཧཱ་ཀང་ཀཱ་ལ་གྃ་ཧཱུྃ་ཧཱུྃ་ཕཊ། ཨོཾ་པྲྃ་ཧཱུྃ་ཧཱུྃ་ཕཊ། ཨོཾ་བི་ཀ་ཊ་དྃ་ཥྚི་གྷྃ་ཧུ་ཧཱུྃ་ཕཊ། ཨོཾ་མྃ་ཧུྃ་ཧཱུྃ་ཕཊ། 
ཨོཾ་སུ་ར་བཻ་རི་ནི་ངྃ་ཧཱུྃ་ཧཱུྃ་ཕཊ། ཨོཾ་བིྃ་ཧུྃ་ཧཱུྃ་ཕཊ། ཨོཾ་ཨ་མི་ཏཱ་བྷ་ཙྃ་ཧཱུྃ་ཧཱུྃ་ཕཊ། ཨོཾ་ཁྃ་ཧཱུྃ་ཧཱུྃ་ཕཊ། ཨོཾ་བཛྲ་པྲ་བྷ་ཚྃ་ཧུྃ་ཧཱུྃ་ཕཊ། ཨོཾ་ལྃ་ཧུྃ་ཧཱུྃ་ཕཊ། ཨོཾ་བཛྲ་དེ་ཧ་ཛྃ་ཧུྃ་ཧཱུྃ་ཕཊ། ཨོཾ་ཧཱུྃ་ཧཱུྃ་ཧཱུྃ་ཧཱུྃ་ཕཊ། ཨོཾ་ཨྃ་ཀུ་རི་ཛྷྃ་ཧཱུྃ་ཧཱུྃ་

85-1-153a

ཕཊ། ཨོཾ་ཨཽ་ཧུཾྃ་ཧཱུྃ་ཕཊ། ཨོཾ་བཛྲ་ཛཱ་ཊི་ལ་ཉྃ་ཧཱུྃ་ཧཱུྃ་ཕཊ། ཨོཾ་མྃ་ཧཱུྃ་ཧཱུྃ་ཕཊ། ཨོཾ་མ་ཧཱ་བཱི་ར་ཊྃ་ཧཱུྃ་ཧཱུྃ་ཕཊ། ཨོཾ་བྃ་ཧཱུྃ་ཧཱུྃ་ཕཊ། ཨོཾ་བཛྲ་ཧཱུྃ་ཀཱ་ར་ཋྃ་ཧུྃ་ཧཱུྃ་ཕཊ། ཨོཾ་སུྃ་ཧུྃ་ཧཱུྃ་ཕཊ། ཨོཾ་སུ་བྷ་དྲ་ཌྃ་ཧུྃ་ཧཱུྃ་ཕཊ། 
ཨོཾ་ཤྱྃ་ཧཱུྃ་ཧཱུྃ་ཕཊ། ཨོཾ་བཛྲ་བྷ་དྲ་ཌྷྃ་ཧཱུཾྃ་ཧཱུྃ་ཕཊ། ཨོཾ་སུྃ་ཧུཾྃ་ཧཱུྃ་ཕཊ། ཨོཾ་མ་ཧཱ་བྷཻ་ར་བ་ཎྃ་ཧཱུྃ་ཧཱུྃ་ཕཊ། ཨོཾ་ཧྃ་ཧུྃ་ཧཱུྃ་ཕཊ། ཨོཾ་བི་རུ་པཱ་ཀྵི་ཏྃ་ཧུྃ་ཧཱུྃ་ཕཊ། ཨོཾ་ཁྃ་ཧུྃ་ཧཱུྃ་ཕཊ། ཨོཾ་མ་ཧཱ་བ་ལ་ཐྃ་ཧཱུྃ་ཧཱུྃ་ཕཊ། ཨོཾ་ཙྃ་ཧཱུྃ་ཧཱུྃ་ཕཊ། ཨོཾ་
རཏྣ་བཛྲ་དྃ་ཧཱུྃ་ཧཱུྃ་ཕཊ། ཨོཾ་ཁྃ་ཧུྃ་ཧཱུྃ་ཕཊ། ཨོཾ་ཧ་ཡ་གྲཱི་བ་དྷྃ་ཧུཾཾ་ཧཱུྃ་ཕཊ། ཨོཾ་ཤོཾ་ཧུྃ་ཧཱུྃ་ཕཊ། ཨོཾ་ཨཱ་ཀཱ་ཤ་གར་བྷ་ནྃ་ཧུྃ་ཧཱུྃ་ཕཊ། ཨོཾ་ཙྃ་ཧུྃ་ཧཱུྃ་ཕཊ། ཨོཾ་ཧེ་རུ་ཀྃ་པྃ་ཧུྃ་ཧཱུྃ་ཕཊ། ཨོཾ་སུྃ་ཧཱུྃ་ཧཱུྃ་ཕཊ། ཨོཾ་པད་མ་ན་རྟེ་ཤྭ་ར་ཕྃ་ཧཱུྃ་ཧཱུྃ་ཕཊ། 
ཨོཾ་མྃ་ཧཱུྃ་ཧཱུྃ་ཕཊ། ཨོཾ་བཻ་རོ་ཙ་ན་བྃ་ཧཱུྃ་ཧཱུྃ་ཕཊ། ཨོཾ་ཙྃ་ཧུྃ་ཧཱུྃ་ཕཊ། ཨོཾ་བཛྲ་སཏྭ་བྷྃ་ཧུྃ་ཧཱུྃ་ཕཊ། ཨོཾ་མྃ་ཧུྃ་ཧཱུྃ་ཕཊ། ཨོཾ་ཡྃ་ཧུྃ་ཧཱུྃ་ཕཊ། ཨོཾ་རྃ་ཧུྃ་ཧཱུྃ་ཕཊ། ཨོཾ་ལྃ་ཧཱུྃ་ཧཱུྃ་ཕཊ། ཨོཾ་ཝྃ་ཧཱུྃ་ཧཱུྃ་ཕཊ། ཨོཾ་ཤྃ་ཧུྃ་ཧཱུྃ་ཕཊ། 
ཨོཾ་ཥྃ་ཧུྃ་ཧཱུཾ་ཕཊ། ཨོཾ་སྃ་ཧུྃ་ཧཱུྃ་ཕཊ། ཨོཾ་ཧྃ་ཧཱུྃ་ཧཱུྃ་ཕཊ། འདི་དག་ནི་དཔའ་བོ་དང་། རྣལ་འབྱོར་མའི་འཁོར་གྱི་སྙིང་པོའི་གསང་སྔགས་གསང་བའི་མཆོག་ཏུ་གྱུར་པ་དེ་ཉིད་སྦས་པ་འཁོར་ལོ་གསུམ་གྱི་ཡིན་ཏེ། 
ཐུགས་ཀྱི་འཁོར་ལོའི་དཔའ་བོ་དམར། །མཁའ་འགྲོ་མ་ནི་སྔོན་པོ་སྟེ། །རྡོ་རྗེ་དྲིལ་བུ་མཉམ་པར་ལྡན། །འཇིགས་བྱེད་ཆེན་པོ་བཞིན་རྣམ་སྒྱུར། །ཞེ་སྡང་གིས་ཁྱབ་བདེ་ཆེན་པོ། །གསུང་གི་འཁོར་ལོ་དཔའ་བོ་
དཀར། །མཁའ་འགྲོ་མ་ནི་དམར་པོ་སྟེ། །པད་མ་དྲིལ་བུ་མཉམ་པར་ལྡན། །འདོད་ཆགས་གིས་ཁྱབ་བདེ་ཆེན་པོ། །སྐུ་ཡི་འཁོར་ལོའི་དཔའ་བོ་སེར། །མཁའ་འགྲོ་མ་དཀར་མེ་ཡི་མདོག །གཏི་མུག་གིས་
ཁྱབ་བདེ་བ་ཆེ། །མཁའ་འགྲོ་མ་སོགས་ལྷ་མོ་རྣམས། །སྣ་ཚོགས་མདོག་ཅན་སྣོད་ཆེན་པའོ། །ཁྭ་གདོང་ལ་སོགས་ལྷ་མོ་རྣམས། །དམར་སེར་དཀར་ལ་ལྗང་ཁུའོ། །གཤིན་རྗེ་སྲེག་སོགས་ལྷ་མོ་རྣམས། །

85-1-153b

སྔོ་ཞིང་སེར་ལ་ལྗང་བ་དང་། །དེ་བཞིན་དཀར་བའི་མདོག་ཅན་ནོ། །འཁོར་ལ་སོགས་པ་ཐམས་ཅད་ཀུན། །སྤྱན་གསུམ་གཡས་བརྐྱང་ཞབས་ཀྱིས་བཞུགས། །དཔའ་བོ་སྟག་གི་པགས་མནབས་ཤིང་། །ལྷ་མོ་
ཐམས་ཅད་གཅེར་བུ་སྟེ། །སྐྲ་གྲོལ་བ་ནི་རྣམ་པར་མཛེས། །བྱིན་པ་གཉིས་ཀྱིས་ལེགས་པར་འཁྲིལ། །དུམ་བུའི་རྒྱན་གྱི་སྐ་རགས་ཅན། །ཐམས་ཅད་ཐོད་པའི་ཕྲེང་བ་འཆང་། །ཕྱག་རྒྱ་ལྔ་ཡིས་རྣམ་པར་བརྒྱན། །
ཐོད་པ་ཁ་ཊྭཱྃ་ག་འཛིན་ཅིང་། །དཔའ་བོ་དང་ནི་ལྷ་མོ་རྣམས། །ཐོད་པ་རྡོ་རྗེ་པད་མ་དང་། །འཁོར་ལོ་ཡང་ནི་དེ་བཞིན་ནོ། །མཁའ་འགྲོ་མ་སོགས་ཁྭ་གདོང་དང་། །གཤིན་རྗེ་སྲེག་སོགས་ལྷ་མོ་རྣམས། །ཐོད་པ་དང་ནི་ཁ་ཊྭཱྃ་
འཛིན། །མེ་ལོང་དྲི་དང་རོ་དང་རེག །གོས་མཆོག་ཡིད་དུ་འོང་བ་དང་། །ཅང་ཏེའུ་དང་ནི་དྲིལ་བུ་འཛིན། །མཁའ་འགྲོ་མ་ནི་ཐོད་པ་དང་། །ཁ་ཊྭཱྃ་ག་ཡང་འཛིན་མཛད་ཅིང་། །དྲིལ་བུ་ཅང་ཏེའུ་གྲི་གུག་བསྣམས། །ཁྭ་གདོང་ལ་སོགས་
ལྷ་མོ་རྣམས། །ཕྱག་མཚན་འདི་ཡིས་རབ་ཏུ་བརྟག །ཐམས་ཅད་ཡི་དགས་གདན་ལ་བཞུགས། །ཕྱོགས་ཀྱི་གོས་ནི་འཛིན་པའི་མཆོག །ཐུགས་ཀྱི་འཁོར་ལོ་དྲག་པོ་སྟེ། །གསུང་གི་འཁོར་ལོ་བསྐྱོད་པའི་ཞལ། །སྐུ་ཡི་
འཁོར་ལོ་ཞི་བ་སྟེ། །མཁའ་འགྲོ་མ་ནི་བཞིན་རྣམ་བསྒྱུར། །ཇི་ལྟར་འདོད་བཞིན་བསྒོམས་ནས་ནི། །དབུས་ཀྱི་གཙོ་བོར་རྣམ་པར་བརྟག །སངས་རྒྱས་བྱང་ཆུབ་སེམས་དཔའ་འམ། །ཁྲོ་བོ་སྣ་ཚོགས་དུ་མ་འམ། །
ཁ་ཅིག་དེ་བཞིན་གཤེགས་པའམ། །མ་མོ་རིགས་ཀྱི་ཁྱད་པར་དང་། །འོད་ཟེར་ཅན་ནམ་སྐུལ་བྱེད་མ། །ཤེས་རབ་ཕ་རོལ་ཕྱིན་དེ་བཞིན། །གང་དང་གང་དག་བསྒོམ་པ་ཡི། །ཡིད་ཀྱི་དབང་པོ་སྦྱོར་བ་དག །དེ་ཡིས་
དྲེགས་པར་བྱས་པ་ནི། །སྣ་ཚོགས་གཟུགས་ཅན་རིན་ཆེན་བཞིན། །ཡང་ན་རྡོ་རྗེ་སེམས་དཔའ་ནི། །སྣ་ཚོགས་གཟུགས་ཀྱིས་འགྲོ་བར་གནས། །ཐམས་ཅད་མཁྱེན་ཅིང་ཐམས་ཅད་མཛད། །བདེ་བ་ཆེན་པོས་ཀུན་

85-1-154a

ཁྱབ་ཡིན། །མངོན་པར་བརྗོད་པའི་རྒྱུད་བླ་མའི་བླ་མ་ལས་རྣལ་འབྱོར་མའི་གསང་བའི་དམ་ཚིག་གི་དེ་ཁོ་ན་ཉིད་ཀྱི་བསྒོམ་པ་བསྟན་པ་སྟེ་ལེའུ་ཉི་ཤུ་རྩ་གསུམ་པའོ།། །། དེ་ནས་གཞན་ཡང་བཤད་བྱ་
བ། །མཁའ་འགྲོའི་རིགས་ཀྱི་ཆོ་གའི་རིམ། །སྣ་ཚོགས་དུ་མའི་རིགས་སུ་བཤད། །མདོར་བསྡུས་ན་ནི་གསུམ་དང་ལྔ། །དྲུག་ཏུ་ཡང་ནི་རབ་ཏུ་གྲགས། །རྣལ་འབྱོར་སྦྱོར་བའི་བླ་མ་སྟེ། །མཁའ་འགྲོ་མ་འཁོར་ལ་སོགས་
ཀུན། །ཁམས་གསུམ་དག་ནི་མ་ལུས་པ། །རིགས་ལས་ཡང་དག་འབྱུང་བ་ཡིན། །སྐུ་ཀུན་སོ་སོར་འབྱུང་བ་སྟེ། །གཞན་དུ་ཐམས་ཅད་མ་མོའི་རིགས། །དགའ་ཞིང་དགྱེས་ལ་ཡིད་འོང་བ། །ཡིད་ལས་སྐྱེ་ཞིང་འབྱུང་བ་ཡིན། །
བཅོམ་ལྡན་འདས་དགྱེས་པ་ཆེན་པོ་བདེ་བའི་རིགས་ཀྱི་བདག་པོས་དེ་ཁོ་ན་ཉིད་ཀྱི་གསང་བའི་སྙིང་པོའི་ས་བོན་འདི་བཤད་ཅིང་བསྟན་པ། ཧཱུྃ་བྲུྃ་ཨཱྃ་ཧྲཱྃ་ཁཱྃ་བཱྃ། དེ་ནས་སྔགས་ཆེན་བཤད་པ་ཡིས། །སངས་རྒྱས་ཀུན་གྱི་སྲས་པོ་
རྣམས། །རབ་ཏུ་གཡོ་ཞིང་བརྒྱལ་ནས་ཀྱང་། །རྡོ་རྗེའི་ཡེ་ཤེས་རྗེས་སུ་དྲན། །མི་འཁྲུགས་པ་དང་རྟག་པའི་རིགས། །རྡོ་རྗེ་ཉི་མ་དེ་བཞིན་ཏེ། །འོད་དཔག་མེད་དང་དོན་ཡོད་གྲུབ། །རྡོ་རྗེ་སེམས་དཔའ་བདེ་བ་ཆེ། །འདི་ལྟར་
སངས་རྒྱས་སྐུ་ལུས་ཀྱང་། །རྡོ་རྗེ་མཁའ་འགྲོ་རབ་ཏུ་གྲགས། །ཐོག་མར་རྡོ་རྗེ་མཁའ་འགྲོ་སྟེ། །གཉིས་པ་སངས་རྒྱས་མཁའ་འགྲོ་ཡིན། །གསུམ་པ་རིན་ཆེན་མཁའ་འགྲོ་སྟེ། །བཞི་པ་པད་མའི་མཁའ་འགྲོ་ཡིན། །ལྔ་པ་སྣ་
ཚོགས་མཁའ་འགྲོ་སྟེ། དྲུག་པ་རྡོ་རྗེ་སེམས་དཔའ་ཡིན། །ལྔ་པོ་ཧེ་རུ་ཀར་ཤེས་བྱ། །རྡོ་རྗེ་དཔའ་བོ་ཡང་དེ་ཉིད། །ནམ་མཁའི་ཟས་ཀྱིས་ལོངས་སྤྱོད་ཅིང་། །བཟླ་བའི་ཟས་ཀྱིས་ལོངས་ཀྱང་སྤྱད། །སྤྲུལ་པའི་ལོངས་སྤྱོད་ནམ་
མཁའ་སྟེ། །པད་མའི་ཟས་ཀྱིས་ལོངས་སྤྱོད་ཅིང་། །སྣ་ཚོགས་ལོངས་སྤྱོད་སྤྲུལ་པ་སྟེ། །སྣ་ཚོགས་རིགས་ཀྱི་མཆོག་དམ་པ། །མཁའ་མཉམ་དྲི་མེད་རྣམ་པར་དག །གངས་ཀྱི་རང་བཞིན་ལྟ་བུར་བསིལ། །དག་པའི་མདོག་

85-1-154b

ཅན་མཆོག་གི་མདོག །ཟླ་བའི་ཟེར་དང་འདྲ་བའི་མདོག །སྤྱན་གསུམ་སྐལ་བ་སྣ་ཚོགས་བཟང་། །སྣ་ཚོགས་པད་མའི་གདན་ལ་བཞུགས། །ཟླ་བ་ཉི་མའི་དབུས་ན་གནས། །རྡོ་རྗེ་སྐྱིལ་མོ་ཀྲུང་དུ་བཞུགས། །ཐམས་ཅད་
རལ་པའི་ཅོད་པན་ཅན། །ཐོད་པའི་ཕྲེང་བའང་དེ་བཞིན་ཏེ། །ཕྱག་རྒྱ་དྲུག་ནི་ཐམས་ཅད་རྒྱ། །རང་གི་གདན་ལ་ལེགས་པར་བཞུགས། །གླང་པོ་སེང་གེ་རྟ་དང་ནི། །རྨ་བྱ་དང་ནི་ནམ་མཁའ་ལྡིང་། །དེ་ཡི་སྟེང་དུ་
ཡི་དགས་གདན། །བསྒོམས་ན་དངོས་གྲུབ་རབ་ཏུ་སྩོལ། །རྡོ་རྗེ་ལག་གིས་ས་ལ་རེག །རྡོ་རྗེ་དྲིལ་བུ་དཀུར་བསྟེན་ཅིང་། །ཞལ་གྱི་མཆུ་ནི་རྣམ་པར་སྒྱུར། །འཁོར་ལོ་དྲིལ་བུ་འགྱིང་དང་བཅས། །རིན་ཆེན་དྲིལ་བུའང་དེ་
བཞིན་ཏེ། །པད་མའི་དྲིལ་བུའི་རིམ་པ་དང་། །དྲིལ་བུ་སྣ་ཚོགས་རྡོ་རྗེ་ཉིད། །ཐམས་ཅད་སྙེམས་པར་རྣམ་བསྒོམས་ཏེ། །རིགས་ཀྱི་རྡོ་རྗེ་མཆོག་དམ་པ། །དཀྱིལ་འཁོར་དྲུག་ནི་བྲི་བར་བྱ། །སྒོ་བཞི་དང་ནི་ཡང་དག་
ལྡན། །རྡོ་རྗེ་འཁོར་ལོས་སྐོར་བ་སྟེ། །རིན་ཆེན་པད་མས་དེ་བཞིན་བསྐོར། །སྣ་ཚོགས་རྡོ་རྗེས་བསྐོར་བ་སྟེ། །དབུས་སུ་རྡོ་རྗེས་བསྐོར་བར་བྱ། །ཕྱི་རོལ་དཀྱིལ་འཁོར་བྲི་བར་ནི། །ཁང་པ་བརྩེགས་པ་ཡིད་
འོང་མཆོག །རིགས་དྲུག་དག་ནི་རྣམ་པར་དགོད། །དེར་ནི་གནས་སོགས་རིམ་པ་དགོད། །དཀྱིལ་འཁོར་དབུས་སུ་དགོད་པ་ནི། །རྡོ་རྗེ་སེམས་དཔའ་བདེ་བ་ཆེ། །དེ་ཡི་ཤར་ཕྱོགས་ཀྱི་སྒོ་ལ། །པུལླི་ར་མ་ཡ་ན་ཐོད་
པའི་དུམ་བུ་དང་། རབ་གཏུམ་མའོ། །བྱང་དུ་ཛཱ་ལྃ་དྷ་ར་ན་ཀེང་རུས་ཆེན་པོ་དང་། གཏུམ་མིག་མའོ། །ནུབ་ཏུ་ཨཽ་ཊྱིན་ན་ཀེང་རུས་ཅན་དང་། འོད་ལྡན་མའོ། །ལྷོ་རུ་ཨར་བུ་ད་ན་མཆེ་བ་རྣམ་པར་གཙིགས་
པ་དང་། སྣ་ཆེན་མ་སྟེ་དབུས་ནི་དང་པོ་རབ་ཏུ་དགའ་བ་སྟེ། དཔའ་བོ་སྐུ་མདོག་ནག་པོ། མཁའ་འགྲོ་མ་ཐལ་བ་དང་། སྤྲིན་གྱི་མདོག་ཅན་དཔའ་བོ་ནི་རྡོ་རྗེ་དང་། རྡོ་རྗེ་དྲིལ་བུ་དང་། མཁའ་འགྲོ་མ་ནི་

85-1-155a

ཐོད་པ་དང་། རྡོ་རྗེ་བསྡིགས་མཛུབ་བོ། །རྣམ་པར་སྣང་མཛད་ཀྱི་དཀྱིལ་འཁོར་གྱི་དབུས་སུ་བཅོམ་ལྡན་འདས་སངས་རྒྱས་མཁའ་འགྲོ་བདེ་བ་ཆེན་པོའོ། །ཤར་ཕྱོགས་ཀྱི་སྒོར་གོ་དཱ་ཝར་ནི་ལྷ་དགྲ་
དང་། དཔའ་བའི་བློ་ཅན་མའོ། །བྱང་དུ་ར་མེ་ཤྭ་རི་ན་འོད་དཔག་མེད་དང་མིའུ་ཐུང་མའོ། །ནུབ་དུ་དེ་བི་ཀོཊྚ་ན་རྡོ་རྗེ་འོད་དང་། ལང་ཀའི་དབང་ཕྱུག་མའོ། །ལྷོ་རུ་མཱ་ལ་བེ་ན་རྡོ་རྗེ་སྐུ་དང་ཤིང་གྲིབ་མའོ། །དཔའ་བོའི་སྐུ་
ལུས་དཀར་པོ། མཁའ་འགྲོ་མ་ནི་སེར་པོའོ། །དྲི་མ་མེད་པའི་ས་ནི་དབུས་མ་སྟེ་སངས་རྒྱས་མཁའ་འགྲོ་མའོ། །འོད་བྱེད་པའི་སའི་དབུས་ན་རིན་ཆེན་མཁའ་འགྲོ་སྟེ། ཤར་གྱི་སྒོ་རུ་ཀཱ་མ་རཱུ་པེ་ན་མྱུ་གུ་ཅན་དང་ས་
སྲུང་མའོ། །བྱང་དུ་ཨོ་དྲེ་ན་རྡོ་རྗེ་རལ་པ་ཅན་དང་འཇིགས་བྱེད་ཆེན་མོའོ། །ནུབ་ཏུ་ཏྲི་ཤ་ཀུ་ནེ་ན་དཔའ་བོ་ཆེན་པོ་དང་། རླུང་གི་ཤུགས་ཅན་མའོ། །ལྷོ་རུ་ཀོ་ས་ལེ་ན་རྡོ་རྗེ་ཧཱུྃ་མཛད་དང་། ཆང་འཐུང་མ་སྟེ་
དཔའ་བོ་སེར་པོ། མཁའ་འགྲོ་མ་ལྗང་གུའོ། །འོད་འཕྲོ་བའི་སའི་དབུས་སུ་པད་མའི་མཁའ་འགྲོ། དེའི་ཤར་ཕྱོགས་ཀྱི་སྒོར་ཀ་ལིང་ག་ན་རབ་བཟངས་དང་། སྔོ་བསངས་ལྷ་མོའོ། །བྱང་དུ་ལམ་བཱ་ཀ་ན་རྡོ་རྗེ་
བཟང་དང་རབ་བཟང་མའོ། །ནུབ་ཏུ་ཀཱྃ་ཙི་ན་འཇིགས་བྱེད་ཆེན་པོ་དང་། རྟ་རྣ་མའོ། །ལྷོ་རུ་ཧི་མ་ལ་ཡ་ན་མིག་མི་བཟང་དང་བྱ་གདོང་མ་སྟེ་དཔའ་བོ་དམར་པོ། མཁའ་འགྲོ་མ་ནི་དཀར་མོའོ། །སྦྱང་དཀའ་
བའི་སའི་དབུས་སུ་རྡོ་རྗེ་མཁའ་འགྲོ། དེའི་ཤར་གྱི་སྒོར་པྲེ་ཏ་པུ་རི་ན་སྟོབས་པོ་ཆེ་དང་འཁོར་ལོའི་ཤུགས་ཅན་མའོ། །བྱང་དུ་གྲྀ་ཧ་དེ་ཝ་ན་རྡོ་རྗེ་རིན་ཆེན་དང་དུམ་སྐྱེས་མའོ། །ནུབ་ཏུ་སཽ་རཱཥྚ་ན་རྟ་མགྲིན་དང་ཆང་
འཚོང་མའོ། །ལྷོ་རུ་སུ་བརྞྞ་དྭཱི་པ་ན་ནམ་མཁའི་སྙིང་པོ་དང་འཁོར་ལོའི་གོ་ཆ་མའོ། །དཔའ་བོ་ནག་པོ་མཁའ་འགྲོ་མ་སེར་མོའོ། །མངོན་དུ་གྱུར་པའི་སའི་དབུས་སུ་སྣ་ཚོགས་མཁའ་འགྲོ། དེའི་ཤར་ཕྱོགས་ཀྱི་

85-1-155b

སྒོར་ན་ག་རེ་ན་ཧེ་རུ་ཀ་དང་རབ་དཔའ་མའོ། །བྱང་དུ་སིནྡྷུ་ན་པད་མ་གར་གྱི་དབང་ཕྱུག་དང་། སྟོབས་ཆེན་མའོ། །ནུབ་ཏུ་མ་རུ་ན་རྣམ་པར་སྣང་མཛད་དང་། འཁོར་ལོས་སྒྱུར་མའོ། །ལྷོ་རུ་ཀུ་ལུ་ཏན་རྡོ་རྗེ་སེམས་དཔའ་
དང་བརྩོན་ཆེན་མོ་སྟེ། དཔའ་བོ་ནི་སྣ་ཚོགས་ཀྱི་མདོག་ཅན་ལ་མཁའ་འགྲོ་མ་དུད་པའི་མདོག་ཅན་ནོ། །དཀྱིལ་འཁོར་དེ་ཡི་ཕྱི་རོལ་དུ། །ཡི་དགས་ཕྲེང་བས་ཡོངས་སུ་བསྐོར། །དེ་ཡི་ཕྱི་རོལ་ཀུན་རྡོ་རྗེ། །ཟུར་དུ་མཁའ་འགྲོ་མ་
ཡང་བྲི། །མཁའ་འགྲོ་མ་དང་ལཱ་མ་དང་། །དུམ་སྐྱེས་མ་དང་གཟུགས་ཅན་མ། །ཐོད་པ་བཞི་ནི་མཚམས་སུ་བྲི། །དབུས་ཀྱི་དཀྱིལ་འཁོར་མཚམས་སུ་ནི། །རིང་དུ་སོང་ས་མཁའ་འགྲོ་མ། །ལཱ་མ་མི་གཡོ་བ་ཡི་ས། །ལེགས་
པའི་བློ་གྲོས་དུམ་སྐྱེས་མ། །གཟུགས་ཅན་མ་ནི་ཆོས་ཀྱི་སྤྲིན། །སྔོ་ཞིང་སེར་ལ་ལྗང་བ་དང་། །བཞི་པ་དམར་བའི་མདོག་ཅན་ཡིན། །ཁྭ་གདོང་ལ་སོགས་མཁའ་འགྲོ་མ། །སྣ་ཚོགས་མདོག་ཅན་ཡིད་འཕྲོག་མ། །གཤིན་རྗེ་
སྲེག་སོགས་མཁའ་འགྲོ་མ། །ཕྱེད་ནི་བུད་མེད་དབང་ཕྱུག་ཞལ། །དཔའ་བོ་ཐམས་ཅད་གཡས་བརྐྱང་གནས། །ཕྱག་རྒྱ་ལྔ་ཡིས་རྣམ་པར་བརྒྱན། །སྟག་གི་པགས་པ་གོས་སུ་མནབས། །མགོ་བོའི་ཕྲེང་
བས་རྣམ་པར་བརྒྱན། །ཕྱོགས་ཀྱི་གོས་འཆང་སྐྲ་གྲོལ་བ། །ཡིད་འོང་མཁའ་འགྲོ་མ་ཡི་རིགས། །ཐམས་ཅད་ཡི་དགས་སྟེང་དུ་བཞུགས། །དཀྱིལ་འཁོར་མཆོག་ནི་རྣམ་པར་བསྒོམ། །པད་མ་ལ་གནས་འཁོར་ལོ་ནི། །དཀྱིལ་
འཁོར་སྡོམ་པའི་མཆོག་ཡིན་ནོ། །ཐོད་པ་དང་ནི་ཁ་ཊྭཱྃ་འཛིན། །ཅང་ཏེའུ་ནི་ཕྱག་གཡས་ན། །འདི་ལྟར་མཁའ་འགྲོ་མ་ཡི་གཟུགས། །ཕྱག་མཚན་དག་གིས་རྣམ་པར་བརྒྱན། །ཁྭ་གདོང་ལ་སོགས་མཁའ་འགྲོ་མ། །ལྕགས་
ཀྱུ་ཞགས་པ་ལ་སོགས་མཚན། །གཡོན་པ་ཁ་ཊྭཱྃ་གཡས་པར་ནི། །ཇི་སྲིད་ཞགས་པ་ལྕགས་སྒྲོག་དང་། །དྲིལ་བུ་ཡང་ནི་དེ་བཞིན་ནོ། །གཤིན་རྗེ་སྲེག་སོགས་མཁའ་འགྲོ་མ། །མེ་ལོང་དང་ནི་པི་ཝང་དང་། །དྲི་དང་རོ་ནི་གཡས་པ་

85-1-156a

ན། །གཡོན་ལ་ཐོད་པ་ཁ་ཊྭཱྃ་ག །དངོས་གྲུབ་ཐམས་ཅད་རབ་སྩོལ་བའི། །རང་གི་རིགས་ཀྱི་དབུ་རྒྱན་ཅན། །ཐོད་པའི་སྟེང་ན་ཡང་དག་གནས། །འཁོར་ལོ་སོ་སོར་བསྒོམས་ནས་ནི། །འཁོར་དང་བཅས་པས་
ཡོངས་སུ་ཁྱབ། །ཡེ་ཤེས་སེམས་དཔའ་ཐུགས་ཀར་བལྟ། །རྣལ་འབྱོར་ཀུན་གྱི་སྦྱོར་བ་ཡིས། །ཡེ་ཤེས་འཁོར་ལོ་དེ་མཐོང་ནས། །བསྒོམ་པས་ཐིམ་པར་བྱས་ནས་སུ། །སྐུ་གསུང་ཐུགས་ཀྱི་ཡེ་ཤེས་ཀྱིས། །དབང་བསྐུར་
ནས་ནི་རིམ་པར་སྤྲོ། །ཨོཾ་ཨཱཿབྃ་ཧཱུྃ། འདི་དག་ཇི་ལྟའི་རིམ་པ་ཡིས། །སྲོག་དང་སྩོལ་བ་རིམ་པས་བྱ། །མཉམ་པར་སྤྲོས་ནས་དབང་བསྐུར་བྱིན། །ཇི་ལྟར་རིམ་པའི་སྦྱོར་བ་ཡིས། །དོགས་པ་མེད་པར་བཟླས་བསྒོམ་བྱ། །
ཇི་ལྟར་གསང་སྔགས་རྗེས་མཐུན་པར། །དམ་ཚིག་ཅན་གྱིས་བཟླས་པ་བྱ། །ཨོཾ་ཤྲཱི་མ་ཧཱ་སུ་ཁ་བཛྲ། སཏྭ་ཌཱ་ཀི་ནཱི་ཛཱ་ལ་སམ་བར་ཨ་ཧཱུྃ་ཕཊ་སྭཱ་ཧཱ། ཨོཾ་ཤྲཱི་བུད་དྷ་ཌཱ་ཀ་ཨ་ལ་ལ་ལ་ཨ་ཌཱ་ཀི་ནཱི་ཛཱ་ལ་སམ་བར་ཧཱུྃ་ཕཊ་སྭཱ་ཧཱ། ཨོཾ་ཤྲཱི་
རཏ་ན་ཌཱ་ཀ་ཏྲཱྃ་ཨཱ་ཨཱ་ཌཱ་ཀི་ནཱི་ཛཱ་ལ་སམ་བར་ཧཱུྃ་ཕཊ་སྭཱ་ཧཱ། ཨོཾ་ཤྲཱི་པད་མ་ཌཱ་ཀ་ཧྲཱིཾ་ཧྲཱིཾ་ཨ་ཧཱུྃ་ཌཱ་ཀི་ནཱི་ཛཱ་ལ་སམ་བར་ཧཱུྃ་ཕཊ་སྭཱ་ཧཱ། ཨོཾ་ཤྲཱི་བཛྲ་ཌཱ་ཀ་ཨཱཿཧཱུྃ་ཕཊ། ཧཱུྃ་ཌཱ་ཀི་ནཱི་ཛཱ་ལ་སམ་བར་ཧཱུྃ་ཕཊ་སྭཱ་ཧཱ། ཨོཾ་ཤྲཱི་བི་ཤྭ་ཌཱ་ཀ་ཧོ་ཁྃ་དོཾ་
ཌཱ་ཀི་ནཱི་ཛཱ་ལ་སམ་བར་ཧཱུྃ་ཕཊ་སྭཱ་ཧཱ། ཨོཾ་ཁྃ་ཧཱུྃ་ཕཊ། ཨོཾ་པྃ་ཧཱུྃ་ཕཊ། ཨོཾ་མྃ་ཧཱུྃ་ཕཊ། ཨོཾ་ཙྃ་ཧཱུྃ་ཕཊ། ཨོཾ་ཀྃ་ཧཱུྃ་ཕཊ། ཨོཾ་པྲྃ་ཧཱུྃ་ཕཊ། ཨོཾ་བྃ་ཧཱུྃ་ཕཊ་སྭཱ་ཧཱ། ཨོཾ་མྃ་ཧཱུྃ་ཕཊ། ཨོཾ་སུྃ་ཧཱུྃ་ཕཊ། ཨོཾ་བྱྃ་ཧཱུྃ་ཕཊ། ཨོཾ་ཨྃ་ཧཱུྃ་ཕཊ། ཨོཾ་ཁྃ་
ཧཱུྃ་ཕཊ། ཨོཾ་བྷྃ་ཧཱུྃ་ཕཊ། ཨོཾ་ལྃ་ཧཱུྃ་ཕཊ། ཨོཾ་བྃ་ཧཱུྃ་ཕཊ། ཨོཾ་ཏྲྃ་ཧཱུྃ་ཕཊ། ཨོཾ་ཨཱྃ་ཧཱུྃ་དྷཱིཀ  ཨོཾ་ཨྃ་ཧཱུྃ་ཕཊ། ཨོཾ་བྃ་ཧཱུྃ་ཕཊ། ཨོཾ་མྃ་ཙྃ་ཧཱུྃ་ཕཊ། ཨོཾ་བྃ་ཧཱུྃ་ཕཊ། ཨོཾ་ཙྃ་ཧཱུྃ་ཕཊ། ཨོཾ་སུྃ་ཧཱུྃ་ཕཊ། ཨོཾ་སུྃ་ཧཱུྃ་ཕཊ། ཨོཾ་ཤྱྃ་ཧཱུྃ་ཕཊ། 
ཨོཾ་བྃ་ཧཱུྃ་ཕཊ། ཨོཾ་སུྃ་ཧཱུྃ་ཕཊ། ཨོཾ་མྃ་ཧཱུྃ་ཕཊ། ཨོཾ་ཧྃ་ཧཱུྃ་ཕཊ། ཨོཾ་བྃ་ཧཱུྃ་ཕཊ། ཨོཾ་ཁྃ་ཧཱུྃ་ཕཊ། ཨོཾ་མྃ་ཧཱུྃ་ཕཊ། ཨོཾ་ཙྃ་ཧཱུྃ་ཕཊ། ཨོཾ་རྃ་ཧཱུྃ་ཕཊ། ཨོཾ་ཁྃ་ཧཱུྃ་ཕཊ། ཨོཾ་ཧཽ་ཧཱུྃ་ཕཊ། ཨོཾ་ཤཽ་ཧཱུྃ་ཕཊ། ཨོཾ་ཨྃ་ཧཱུྃ་ཕཊ། ཨོཾ་ཙྃ་ཧཱུྃ་ཕཊ།

85-1-156b

ཨོཾ་ཧེ་ཧཱུྃ་ཕཊ། ཨོཾ་སུྃ་ཧཱུྃ་ཕཊ། ཨོཾ་ཕྃ་ཧཱུྃ་ཕཊ། ཨོཾ་མྃ་ཧཱུྃ་ཕཊ། ཨོཾ་བྃ་ཧཱུྃ་ཕཊ། ཨོཾ་ཙྃ་ཧཱུྃ་ཕཊ། ཨོཾ་བྷྃ་ཧཱུྃ་ཕཊ། ཨོཾ་མྃ་ཧཱུྃ་ཕཊ། ཨོཾ་ཊྃ་ཧཱུྃ་ཕཊ། ཨོཾ་ལྃ་ཧཱུྃ་ཕཊ། ཨོཾ་ཁྃ་ཧཱུྃ་ཕཊ། ཨོཾ་བྚུ་ཧཱུྃ་ཕཊ། ཨོཾ་ཀྃ་ཧཱུྃ་ཕཊ། ཨོཾ་ཨཱུྃ་ཧཱུྃ་ཕཊ། 
ཨོཾ་ཤྭི་ཧཱུྃ་ཕཊ། ཨོཾ་སུྃ་ཧཱུྃ་ཕཊ། ཨོཾ་ཡྃ་ཧཱུྃ་ཕཊ། ཨོཾ་ཡྃ་ཧཱུྃ་ཕཊ། ཨོཾ་ཡྃ་ཧཱུྃ་ཕཊ། ཨོཾ་ཡྃ་ཧཱུྃ་ཕཊ། འཁོར་ལ་སོགས་པ་ཐམས་ཅད་ཀུན། །བསྒོམ་ལ་གནས་ནས་བཟླས་པ་བྱ། །འཁོར་ལོས་སྒྱུར་དྲུག་ལྷན་ཅིག་ཏུ། །མཁའ་འགྲོ་
མཁའ་འགྲོ་མ་བཟླས་བྱ། །དམ་ཚིག་ཆེན་པོའི་སྦྱོར་བ་ཡིས། །དམ་ཚིག་དམ་ཚིག་མཆོག་གྱུར་པ། །གཉིས་མེད་འཁྱུད་པའི་སྦྱོར་བ་ཡིས། །གསང་སྔགས་བཟླས་ན་དངོས་གྲུབ་འགྱུར། །ཟླ་དྲུག་ངེས་ཏེ་གཞན་མིན་པར། །
འཁོར་ལོས་སྒྱུར་དྲུག་དངོས་གྲུབ་འཐོབ། །ཡང་ན་རྡོ་རྗེ་སེམས་དཔའ་དང་། །རྣམ་སྣང་རྡོ་རྗེ་ཉི་མ་དང་། །པད་མ་གར་དབང་རྒྱལ་པོ་དང་། །དབང་ཕྱུག་རྟ་མཆོག་ཧེ་རུ་ཀ །གནས་སོགས་པ་ཡི་སྦྱོར་བ་ཡིས། །མཁས་པས་ངེས་
པར་བསྒོམས་ནས་ནི། །རིམ་པར་སྦྱོར་བའི་རིམ་པ་དང་། །བརྒྱུད་པའི་གནས་ཀྱི་རིམ་པ་དང་། །རྣལ་འབྱོར་མ་ཡི་བཀའ་དག་ནི། །བླ་མའི་བརྒྱུད་པས་ཐོབ་པར་འགྱུར། །གཞན་དུ་སྔགས་པ་འཁོར་བྱེད་ཅིང་། །བཀའ་ནི་ནམ་
ཡང་མཐོང་མ་ཡིན། །མངོན་པར་བརྗོད་པའི་རྒྱུད་བླ་མའི་བླ་མ་ལས་རིགས་དྲུག་གི་འཁོར་ལོས་སྒྱུར་བའི་བཀའི་ལེའུ་སྟེ་ཉི་ཤུ་རྩ་བཞི་པའོ།། །། དེ་ནས་གཞན་ཡང་བཤད་བྱ་བ། །རྣལ་འབྱོར་ལམ་ནི་རྙེད་དཀའ་བ། །
རྣལ་འབྱོར་མ་ཡི་སྦྱོར་སྙིང་པོ། །གནས་ཀྱི་རྣལ་འབྱོར་རྗེས་མཐུན་པར། །ཡི་གེ་ལས་བྱུང་ཅིག་ཅར་ཚུལ། །ཅིག་ཅར་མཚན་མ་ཕྱག་མཚན་ཡིན། །ཅིག་ཅར་རྡོ་རྗེ་སེམས་དཔའ་སྟེ། །བདེ་བ་ཆེན་པོ་བླ་ན་མེད། །
དེ་རུ་འཇུག་ཅིང་དེ་ཡི་ཚུལ། །ཅིག་ཅར་ཧེ་རུ་ཀ་དཔལ་མཆོག །སྟོན་གའི་ནམ་མཁའ་དྲི་མེད་ལྟར། །ཟར་མའི་མེ་ཏོག་དང་མཚུངས་པ། །ཕྱག་བརྒྱད་པ་ལ་ཞལ་བཞི་པ། །འཇིགས་ཤིང་རབ་ཏུ་འཇིགས་པར་མཛད། །

85-1-157a

གཡས་བརྐྱང་བ་ཡི་ཞབས་ཀྱིས་བཞུགས། །སྤྱན་གསུམ་རྣལ་འབྱོར་མའི་གཙོ། །ཞལ་གདོང་གཡོན་དཀར་གཡས་དམར་ཏེ། །སྟེང་གི་ཞལ་ནི་སེར་ལ་མཛེས། །དཔའ་བོ་ཐོད་པའི་ཕྲེང་བ་ཅན། །
སངས་རྒྱས་ལྔ་ཡི་བྱིན་བརླབས་ཅན། །སྟག་གི་པགས་པ་གོས་སུ་མནབས། །མགོ་བོའི་ཕྲེང་བས་རྣམ་པར་བརྒྱན། །འཇིགས་བྱེད་དང་ནི་དུས་མཚན་དག །ཞབས་ཀྱིས་པད་མར་གནོན་པར་བཞུགས། །རྡོ་རྗེ་དྲིལ་བུ་
མཉམ་པས་འཁྱུད། །ཕག་མོ་ཡི་ནི་བྱིན་པས་འཁྲིལ། །གཉིས་མེད་སྦྱོར་བ་མཉམ་ལྡན་པས། །དབུ་སྐྲ་གྲོལ་བ་ཕྱོགས་གོས་ཅན། །སྐུ་མདོག་མཉམ་ཞིང་མཚུངས་པར་ལྡན། །དུམ་བུའི་རྒྱན་གྱི་སྐ་རགས་ཅན། །
དེ་ཡི་ཞལ་དང་ཕྱག་མཚན་ཅན། །རྣལ་འབྱོར་དངོས་གྲུབ་རབ་ཏུ་སྩོལ། །ཐོད་པ་དང་ནི་ཁ་ཊྭཱྃ་འཛིན། །རྒྱལ་བའི་བཀས་པ་སྟེང་དུ་སྟེ། །ཐོ་བ་མདུང་སྟེ་གཞན་དུ་ནི། །ཚངས་པའི་མགོ་བོས་བརྒྱན་པ་ལ། །ཟླ་བ་ཕྱེད་པ་ཞི་
བ་འཛིན། །སྣ་ཚོགས་རྡོ་རྗེས་དབུ་ལ་བརྒྱན། །ཕྱག་རྒྱ་དྲུག་གིས་སྐུ་ལ་བརྒྱན། །རྡོ་རྗེ་མཚན་མ་དག་གིས་བརྒྱན། །རྡོ་རྗེ་ཕྲེང་བའི་དབུ་རྒྱན་ཅན། །འོག་པག་དག་གིས་སྐུ་རགས་བྱས། །དཔུང་རྒྱན་རྡོ་རྗེས་མཚན་པ་སྟེ། །
སྔགས་པའི་གཙོ་བོས་གསང་སྔགས་ནི། །འདི་ལྟར་ཆོ་གའི་སྙིང་པོ་ཤེས། །ཕག་མོ་བདེ་བར་གནས་པ་ནི། །རྒྱལ་བའི་པགས་པ་རྣམ་པར་སྤངས། །ཕག་མོ་རྒྱལ་བའི་མཚན་སོགས་ལས། །ཅང་ཏེའུ་གྲི་གུག་རྣམས་ཀྱིས་བརྒྱན། །
བཅོམ་ལྡན་འདས་ནི་ལྟེ་བའི་དབུས། །པད་མ་འདབ་བརྒྱད་ཡིད་འོང་བ། །སྣ་ཚོགས་པད་མ་མདོག་མཛེས་ལ། །ཐམས་ཅད་རྣམ་དག་མཆོག་དམ་པ། །ཤར་གྱི་འདབ་སོགས་ཕྱོགས་ཆ་ལ། །མཁའ་འགྲོ་མ་སོགས་བཞི་པོ་
དགོད། །ཤར་དུ་མཁའ་འགྲོ་མ་དགོད་ཅིང་། །བྱང་དུ་ལཱ་མ་དེ་བཞིན་ཏེ། །ནུབ་ཏུ་དུམ་སྐྱེས་མ་ཡིན་ནོ། །ལྷོ་རུ་གཟུགས་ཅན་མ་ཡིན་ཏེ། །སྔོ་དང་སེར་དང་དེ་བཞིན་དམར། །ལྗང་གུ་དང་ནི་བཞི་པའོ། །ཞལ་བཞི་

85-1-157b

པ་ལ་ཕྱག་བརྒྱད་པ། །སྤྱན་གསུམ་དྲག་པོ་གཟི་བརྗིད་ཅན། །སྐྱིལ་མོ་ཀྲུང་ནི་ཕྱེད་པར་བཞུགས། །སྐྲ་གྲོལ་བ་ནི་ཡིད་འོང་བ། །ཕྱོགས་ཀྱི་གོས་ཅན་མགོ་ཡི་ཕྲེང་། །ཕྱག་རྒྱ་ལྔ་ཡིས་རྣམ་པར་བརྒྱན། །
ཐོད་པ་ཁ་ཊྭཱྃ་ག་འཛིན་ཅིང་། །དྲིལ་བུ་ཅང་ཏེའུ་གྲི་གུག་དང་། །དེ་བཞིན་གཞུ་དང་མདའ་འཛིན་ཅིང་། །རྡོ་རྗེ་མདུང་མཆོག་ཕྱག་ན་འཛིན། །སྙེམས་པའི་ཕྱག་གིས་གར་མཛད་ཅིང་། །ཐུགས་རྗེ་ཆགས་པས་རྣམ་པར་
མྱོས། །སྔོ་བ་དང་ནི་སེར་བ་དང་། །ལྗང་གུ་སྟེང་གི་ཞལ་དཀར་པོ། །སེར་ཞིང་སྔོ་ལ་ལྗང་བ་དང་། །སྟེང་གི་ཞལ་གདོང་དྲག་ལ་དམར། །དམར་དང་སྔོ་དང་ལྗང་བ་དང་། །སྟེང་གི་ཞལ་ནི་དཀར་ལ་ཞི། །ལྗང་དང་དམར་དང་
སྔོ་བ་དང་། །སྟེང་གི་ཞལ་ནི་སེར་པོ་མཆོག །བདུད་བཞི་པོ་ནི་ཞབས་ཀྱིས་གནོན། །བཅོམ་ལྡན་འདས་ལ་གདོང་གིས་ལྟ། །ཟུར་གྱི་ཆར་ནི་བུམ་པ་དག །ཡེ་ཤེས་བདུད་རྩིས་ཡོངས་གང་བ། །དེ་ཡི་སྟེང་དུ་ཐོད་པ་
ནི། །བྱང་ཆུབ་འོ་མས་རབ་བཀང་བ། །ཕྱི་རོལ་དམ་ཚིག་གསུམ་འཁོར་ལོ། །ཁང་པ་བརྩེགས་པ་ལེགས་པར་མཛེས། །ཤར་ཕྱོགས་སུ་ནི་གཽ་རི་སྟེ། །བྱང་དུ་དེ་བཞིན་ཙཽ་རི་མ། །ནུབ་ཏུ་རབ་རྨོངས་མ་ཡིན་ནོ། །
ལྷོ་རུ་ཡང་ནི་རོ་ལངས་མ། །མེ་ལ་སྦོས་བྱེད་མ་ཡིན་ཏེ། །བདེན་བྲལ་དུ་ནི་གཏུམ་མོ་ཡིན། །རླུང་ཕྱོགས་སྨེ་མ་ཉིད་ཡིན་ཏེ། །དབང་ལྡན་ཧེ་རུ་ཀ་མ་སྟེ། །དེ་བཞིན་རྣལ་འབྱོར་མ་བརྒྱད་ནི། །དཀར་མོ་སེར་ལ་སྔོ་ལྗང་
གུའོ། །སྐུལ་བྱེད་དམར་ལ་སྔོ་ལྗང་གུ། །རབ་རྨོངས་མ་ནི་སྔོ་སེར་ལྗང་། །རོ་ལངས་མ་ནི་དཀར་སྔོ་ལྗང་། །སྤོས་བྱེད་མ་ནི་སྣ་ཚོགས་མདོག །དམར་དང་སྔོ་དང་ལྗང་གུའོ། །གཏུམ་མོ་ཡང་ནི་ལྗང་སྔོ་སེར། །སྨེ་མོ་ཡང་ནི་དུད་སྔོ་ལྗང་། །
ཧེ་རུ་ཀ་མ་སྔོ་ལྗང་དམར། །འདི་ལྟར་དེ་དག་ཐམས་ཅད་ཀྱང་། །སྤྱན་གསུམ་པ་ལ་སྐྲ་གྲོལ་བ། །ཕྱོགས་ཀྱི་གོས་འཆང་གར་དང་བཅས། །ཡི་དགས་གདན་ལ་ལེགས་པར་བཞུགས། །ཕྱག་རྒྱ་ལྔ་ཡིས་རྣམ་པར་བརྒྱན། །ཁ་ཊྭཱཾ་

85-1-158a

ཐོད་པ་དྲིལ་བུ་དང་། །ཅང་ཏེའུ་ཞགས་པ་ལྕགས་ཀྱུ་ཐོགས། །ཐམས་ཅད་ཐོད་པའི་ཕྲེང་བས་བརྒྱན། །མི་བསྐྱོད་པ་ཡི་ཅོད་པན་བྱས། །འདི་ལྟར་གནས་དང་ཉེ་གནས་ཀྱི། །དངོས་གྲུབ་ཐམས་ཅད་
རབ་ཏུ་སྩོལ། །འདི་ལྟར་ཐུགས་ཀྱི་འཁོར་ལོར་ནི། །ལྷ་མོ་དཀར་མོ་ལ་སོགས་པ། །རྣལ་འབྱོར་མ་ནི་རབ་ཏུ་བཤད། །བསྙེན་པས་བཀའ་དྲིན་སྩོལ་མཛད་དེ། །ཐོགས་པ་མེད་པའི་འབྲས་བུ་འགྲུབ། །ལྷ་མོ་མཁའ་སྤྱོད་
གྲུབ་ནས་ནི། །མཁའ་ལ་སྤྱོད་པའི་གོ་འཕང་རྙེད། །དེ་ཡི་ཕྱི་རོལ་གསུང་འཁོར་ལོ། །ཤར་དུ་པི་ཝང་སྟངས་སྟབས་མ། །བྱང་དུ་གླིང་བུའི་སྟངས་སྟབས་མ། །ནུབ་ཏུ་རྫ་རྔ་ཆེ་སྟངས་སྟབས། །ལྷོ་རུ་རྫ་རྔའི་སྟངས་སྟབས་ཏེ། །
སྔོ་དང་སེར་དང་དམར་ལྗང་གུ། །མེ་སོགས་རྡོ་རྗེ་བཞད་མ་སྟེ། །རྡོ་རྗེ་སྒེག་མ་རྡོ་རྗེ་གླུ། །རྡོ་རྗེ་གར་ཏེ་དམར་བ་དང་། །སྔོ་དང་སེར་དང་ལྗང་གུའོ། །དེ་དག་ཞལ་གཅིག་ཕྱག་བཞི་པ། །གཅེར་བུ་དབུ་སྐྲ་གྲོལ་བ་དང་། །ཐོད་པ་ཡི་ནི་ཕྲེང་བ་
ཅན། །སྤྱན་གསུམ་པ་ལ་ཡིད་འོང་བ། །ཐོད་པ་དང་ནི་ཁ་ཊྭཱྃ་འཛིན། །ཚམ་ངམ་ལག་པའི་སྟངས་སྟབས་ཀྱིས། །རྡོ་རྗེ་དྲིལ་བུ་སྟངས་སྟབས་ཅན། །འཁྲིག་མ་མཉམ་པར་བྱས་ནས་ནི། །པད་མ་བསྐོར་བའི་སྟངས་སྟབས་
ཅན། །ཞིང་དང་ཉེ་བའི་ཞིང་དང་ནི། །ཚན་དོ་དང་ནི་ཚན་དོ་ཧ། །དེ་དག་འོད་དཔག་མེད་དབུ་བརྒྱན། །སྐུ་ཡི་འཁོར་ལོའི་ཤར་དུ་ནི། །མེ་ཏོག་མ་བྱང་བདུག་པ་མ། །ནུབ་ཏུ་མར་མེ་ལྷོ་རུ་དྲི། །སེར་དང་དུད་ཁ་དམར་དཀར་
པོ། །མེ་ལོང་རོ་དང་རེག་བྱ་ཆོས། །མེ་ཕྱོགས་ལ་སོགས་མཚམས་སུ་སྟེ། །ཟླ་བའི་མདོག་ཅན་དམར་ལྗང་དཀར། །དེ་དག་སྤྱན་ནི་གསུམ་པ་སྟེ། །གཅེར་བུ་དབུ་སྐྲ་གྲོལ་བ་དང་། །ཞབས་ཀྱིས་ཀུན་དུ་གར་བྱེད་ཅིང་། །
ཕྱག་ཏུ་མཆོད་པ་ཐོགས་ནས་ནི། །ཐོད་པ་ཁ་ཊྭཱྃ་ག་འཛིན་ཅིང་། །ཅང་ཏེའུ་ནི་ཕྱག་ན་བསྣམས། །ཐོད་པ་ཡི་ནི་ཕྲེང་བ་ཅན། །ལྷ་མོ་དེ་དག་འདུ་ས་དང་། །ཉེ་བའི་འདུ་ས་དུར་ཁྲོད་དང་། །ཉེ་བའི་དུར་ཁྲོད་དག་ཡིན་ཏེ། །

85-1-158b

རྣམ་པར་སྣང་མཛད་དབུ་རྒྱན་བྱས། །སྒོ་རྣམས་རྡོ་རྗེ་ལྕགས་ཀྱུ་དང་། །རྡོ་རྗེ་ཞགས་པ་རྡོ་རྗེ་སྒྲོག །རྡོ་རྗེ་དྲིལ་བུ་དེ་བཞིན་ཏེ། །སྔོ་དང་ལྗང་དང་དམར་དང་སེར། །ཤར་དང་བྱང་དང་ནུབ་དང་ནི། །ལྷོ་ཡི་ཕྱོགས་ཀྱང་དེ་བཞིན་ནོ། །
མེ་ལ་སོགས་པའི་མཚམས་སུ་ནི། །གཤིན་རྗེ་སྲེག་ལ་སོགས་པ་དག །དམར་དང་སྔོ་དང་དུད་ཁ་སེར། །ཐོད་པ་དང་ནི་ཁ་ཊྭཱྃ་ག །རང་གི་མཚན་མ་ཅང་ཏེའུ་དང་། །གྲི་གུག་དང་ནི་མགོ་བོ་འཆང་། །སྤྱན་གསུམ་དབུ་སྐྲ་གྲོལ་བ་སྟེ། །གཅེར་བུ་
གར་གྱིས་གནས་པས་བཞུགས། །ཐམས་ཅད་ཕྱག་རྒྱ་ལྔ་ཡིས་བརྒྱན། །ཐོད་པ་ཡི་ནི་ཕྲེང་བ་ཅན། །རང་གི་རིགས་ཀྱི་ཅོད་པན་ཅན། །ཇི་ལྟའི་རིམ་པས་རྗེས་སུ་གནས། །དེ་ཡི་སྙིང་ཀར་ཡེ་ཤེས་སེམས། །སྐུ་གསུང་ཐུགས་ཀྱི་འཁོར་
ལོ་གསུམ། །གཙོ་བོའི་བདག་པོ་བསྒོམ་པར་བྱ། །དཀར་དང་དམར་དང་སྔོ་བ་ཡི། །དཔའ་བོ་རྣལ་འབྱོར་མ་ལྷན་ཅིག །ཇི་ལྟ་བུ་ཡི་བསྒོམས་པ་ན། །རྗེས་སུ་བསྟན་པའི་བསྒོམས་པ་ལས། །ཡེ་ཤེས་ལྕགས་ཀྱུ་དག་གིས་ནི། །ཡེ་ཤེས་
འཁོར་ལོ་བཀུག་ནས་ནི། །ཇི་ལྟར་རིམ་པས་མཆོད་དབང་བསྐུར། །གཅིག་ཏུ་བསྡུས་ཏེ་བསྟིམས་ནས་སུ། །ཇི་ལྟའི་རིམ་པ་བསྒོམས་ནས་སུ། །ཡེ་ཤེས་བཟླས་པ་དག་ཀྱང་བྱ། །སྤྲོ་བསྡུ་སྲོག་དང་རྩོལ་བ་ཡིས། །འཐོར་འཐུང་
རིམ་པས་བྱས་པ་ཡི། །སློབ་དཔོན་གྱིས་ནི་བཟླས་པ་བྱ། །ཨོཾ་ཨཱཿཧཱུྃ་ཧཱུྃ། འདི་ལྟ་བུ་ཡི་རིམ་པ་ཡིས། །གྲངས་མེད་པར་ནི་བྱས་ནས་སུ། །ཇི་སྲིད་སྐྱོ་བར་མ་གྱུར་པར། །གོང་གི་དམ་ཚིག་འཁོར་ལོ་ནི། །མཉམ་པར་བཞག་
སྟེ་བཟླས་པ་བྱ། །དུང་ཆེན་ཕྲེང་བ་བླངས་ནས་ནི། །སྡོམ་པ་མཆོག་གི་བཟླས་པ་བྱ། །ཨོཾ་ཤྲཱི་བཛྲ་ཧེ་ཧེ་རུ་རུ་ཀྃ་ཧཱུྃ་ཧཱུྃ་ཕཊ་ཌཱ་ཀི་ནཱི་ཛཱ་ལ་སམ་བ་རྃ་སྭཱ་ཧཱ། ཨོཾ་བཛྲ་བཱ་རཱ་ཧི་ཧུྃ་ཧཱུྃ་ཕཊ། ཨོཾ་ཌཱ་ཀི་ནི་ཧཱུྃ་ཧཱུྃ་ཕཊ། ཨོཾ་ལཱ་མེ་ཧུྃ་ཧཱུྃ་ཕཊ། 
ཨོཾ་ཁཎྜ་རོ་ཧེ་ཧུྃ་ཧཱུྃ་ཕཊ། ཨོཾ་རཱུ་པི་ཎི་ཧུྃ་ཧཱུྃ་ཕཊ། ཨོཾ་གཽ་རཱི་ཧུྃ་ཧཱུྃ་ཕཊ། ཨོཾ་ཙཽ་རཱི་ཧུྃ་ཧཱུྃ་ཕཊ། ཨོཾ་པྲ་མོ་ཧེ་ཧུྃ་ཧཱུྃ་ཕཊ། ཨོཾ་བེཏྟཱ་ལི་ཧཱུྃ་ཧཱུྃ་ཕཊ། ཨོཾ་པུཀྐ་སཱི་ཧཱུཾ་ཕཊ། ཨོཾ་ཙཎ་ཌཱ་ལཱི་ཧུྃ་ཧཱུྃ་ཕཊ། ཨོཾ་གྷ་ས་མ་རཱི་ཧུྃ་ཧཱུྃ་ཕཊ། ཨོཾ་ཧེ་རུ་ཀ་

85-1-159a

སན་ནི་བྷེ་ཧུྃ་ཧཱུྃ་ཕཊ། ཨོཾ་བཛྲ་བཱི་ན་ཧུྃ་ཧཱུྃ་ཕཊ། ཨོཾ་བཛྲ་བྃ་ཤེ་ཧུྃ་ཧཱུྃ་ཕཊ། ཨོཾ་བཛྲ་མྲྀ་དྃ་གེ་ཧུྃ་ཧཱུྃ་ཕཊ། ཨོཾ་བཛྲ་མུརྫེ་ཧུྃ་ཧཱུྃ་ཕཊ། ཨོཾ་བཛྲ་ཧཱ་སྱཻ་ཧུྃ་ཧཱུྃ་ཕཊ། ཨོཾ་བཛྲ་ལཱ་སྱཻ་ཧུྃ་ཧཱུྃ་ཕཊ། ཨོཾ་བཛྲ་གཱི་ཏེ་ཧུྃ་ཧཱུྃ་ཕཊ། 
ཨོཾ་བཛྲ་ནྲྀ་ཏྱེ་ཧུྃ་ཧཱུྃ་ཕཊ། ཨོཾ་བཛྲ་པུཥྤེ་ཧུྃ་ཧཱུྃ་ཕཊ། ཨོཾ་བཛྲ་དཱི་པེ་ཧུྃ་ཧཱུྃ་ཕཊ། ཨོཾ་བཛྲ་དཱི་པེ་ཧུྃ་ཧཱུྃ་ཕཊ། ཨོཾ་བཛྲ་གན་དྷེ་ཧཱུྃ་ཧཱུྃ་ཕཊ། ཨོཾ་རཱུ་པ་བཛྲི་ཧུྃ་ཧཱུྃ་ཕཊ། ཨོཾ་ར་ས་བཛྲི་ཧུྃ་ཧཱུྃ་ཕཊ། ཨོཾ་སྤར་ཤ་བཛྲི་ཧུྃ་ཧཱུྃ་ཕཊ། ཨོཾ་དྷརྨ་དྷཱ་ཏུ་
བཛྲི་ཧུྃ་ཧཱུྃ་ཕཊ། ཨོཾ་བཛྲ་ཨང་ཀུ་ཤ་ཛཿ་ཧུྃ་ཧཱུྃ་ཕཊ། ཨོཾ་བཛྲ་པཱ་ཤི་ཧཱུྃ་ཧཱུྃ་ཕཊ། ཨོཾ་བཛྲ་སྥོ་ཊ་བྃ་ཧཱུྃ་ཧཱུྃ་ཕཊ། ཨོཾ་བཛྲ་ཨ་བེ་ཤ་ཧོཿ་ཧྃ་ཧཱུྃ་ཧཱུྃ་ཕཊ། ཨོཾ་ཡ་མ་དཱ་ཌྷི་ཧཱུྃ་ཧཱུྃ་ཕཊ། ཨོཾ་ཡ་མ་དུ་ཏི་ཧུྃ་ཧཱུྃ་ཕཊ། ཨོཾ་ཡ་མ་དྃ་ཥྚི་ཧུྃ་ཧཱུྃ་ཕཊ། 
ཨོཾ་ཡ་མ་མ་ཐ་ནི་ཧུྃ་ཧཱུྃ་ཕཊ། དམ་ཚིག་ཅན་གྱིས་ཚིག་དག་པས། །མོས་པའི་ཡིད་ཀྱིས་རྟག་ཏུ་བཟླ། །ནང་གི་བདག་ཉིད་སྦྱོར་ལྡན་པས། །ཤེས་རབ་ཐབས་ཀྱི་བདག་ཉིད་ཅན། །རང་གི་ཐབས་དང་རིགས་པའི་ལུས། །གཉིས་སུ་མེད་
པར་མཉམ་པའི་བདག །ཁྲོ་བོ་སྤྲུལ་པའི་ཚོགས་སྤྲོས་པས། །འགྲོ་བ་གསུམ་པོ་བཅས་པར་ནི། །ཧེ་རུ་ཀར་ནི་བྱས་ནས་ཀྱང་། །ས་རྣམས་གསུམ་པོ་མ་ལུས་པར། །ཐམས་ཅད་དེར་ནི་བསྡུས་ནས་ཀྱང་། །སྐུ་གསུང་ཐུགས་
ལ་རྣམ་པར་གནས། །འདི་ནི་རྣལ་འབྱོར་ཆོ་ག་སྟེ། །འཁོར་ལོ་བསྒོམ་པའི་བཟླས་པའོ། །རང་གི་ལྷ་ཡི་སྦྱོར་བ་ཡིས། །རྒྱུ་དང་མི་རྒྱུ་མཐོང་བ་ན། །དམ་ཚིག་ཅན་ཉིད་ལངས་དུས་སུ། །དེ་བཞིན་གཤེགས་པ་ཐམས་ཅད་དང་། །
དཔའ་བོ་དང་ནི་རྣལ་འབྱོར་མ། །མཁའ་འགྲོ་དང་ནི་མཁའ་འགྲོ་མ། །ཀུན་གྱིས་གསོལ་བ་གདབ་པར་བྱ། །ཁྲོ་བོ་བདེ་བའི་དགྱེས་པ་ཡི། །ལོངས་སྤྱོད་ལས་ནི་བྱུང་བ་ཡི། །རབ་རྨོངས་མ་ཡིས་བསྙེན་བྱས་ནས། །བདེ་བའི་སྦྱོར་བ་
ལ་ཞུགས་ཏེ། །ར་མ་ཧེ་ནད་ཊ་ན་སུ་ར་ཨཱ་མ་ཧཱ་སུ་ཧུ་བ་ར་ཛོ་ཨི་ནི་ཀཱ་མ་ལ་སུ་ཧུ། ཨ་ལ་ལ་ཧོཿ།  སུ་ར་ཨ་ཨུཏ་ཏ་མ་མ་ཧཱུྃ།   མ་ཧཱ་སིཛྫ་ཨུ་མ་ཛོ་ཨི་ནི་ཛ་ལ་མ་ཧོ། ཨཱ་ཨཱི། ཨ་ཨཱ་ར་ཧོ། ཨ་རུ་ཧེ་བྱི་ནུ་སུ་བ་ཡ་ནཱ་ཧ།

85-1-159b

སུ་ར་ཨ་སུ་ཧུ་དེ་ཧི་བ་ར་ཊཱ་ཨི་ནི། ཛཱ་ལ་སུ་ཧུ་བི་ས་ཕ་ན་ཏ་རོ་ཎ་ཎ་པ་དེ་ཧི་མ་ཧཱ་སུ་ཧཱུ་མཛྫ་མུ་ཧཱུ་མོ་ཀྵུ་པ་ལ་ཀྑ་ཨུ། ཏུ་ཏུ་ས་ཧཱུ་ཎ་ཨི་སུ་ཧཱུ། བཛྫི་ཨུ་མོ་ཁུ་སུ་ཧཱུ། ཨི་ན་ཨི་དུ། ཁེ་ལ་ཐ་ཨི་མོ་ཁུ་སུ་ཧཱུ། བ་ས་ཨི་པྃ་
ཀ་ཨུ་མཛྫ་ཏ་ནུ་ན་བ་རཱ། ཨ་པ་ད་ཏྲྃ།  བྷུ་ཛ་ཏ་ནུ་མུཉྕ་མ་ཧཱ་སུ་ཧཱུ། ཨི་ལ་ད་ར་པ་ཡ། ཨུ་མ་ཧཱུ། ཨ་རི་བཱི་ཨ་གི་ཨ་པྃ་ཨུ་ར་སུ། འདི་ཡིས་མགོན་པོ་བསྐུལ་ནས་ནི། །དཀྱིལ་འཁོར་དངོས་གྲུབ་ངེས་པ་སྟེ། །སྙན་ཅིང་
འཇམ་པའི་མགྲིན་པའི་དབྱངས། །དཔྱིད་ཀྱི་རྒྱལ་པོའི་གླུ་བླངས་པས། །མཁའ་འགྲོའི་དྲ་བ་དྲི་མེད་རྣམས། །གཟིགས་ཤིང་ལས་ཀུན་མཛད་པ་ཡིན། །རྡོ་རྗེ་པད་མ་ཡིད་འོང་བ། །སྦྱོར་བས་དངོས་གྲུབ་ཐམས་ཅད་འགྲུབ། །
དགྱེས་པ་འདི་ཡིས་བསྐུལ་ན་ནི། །བདེ་བ་ཆེན་པོ་སྩོལ་བ་ཡིན། །སྦྱོར་བ་ཡི་ནི་དུས་དག་ཏུ། །རྡོ་རྗེ་ཅན་གྱིས་རབ་ཏུ་སྦྱར། །ཐོག་མ་དབུས་དང་མཐར་ཐུག་པར། །ཡི་གེ་བརྒྱ་པའི་གསང་སྔགས་བཟླ། །འཁོར་ལོ་དག་ནི་བརྟན་
བྱས་ཏེ། །དཔའ་བོ་དང་ནི་མཁའ་འགྲོ་མ། །འདི་ནི་ཀུན་གྱི་གསང་སྔགས་ཏེ། །ཁྲོ་བོ་སངས་རྒྱས་དེ་བཞིན་གཤེགས། །ཐམས་ཅད་སྙིང་གར་བརྟན་བྱས་ཏེ། །བསྒོམས་པས་ཐམས་ཅད་བརྟན་པར་འགྱུར། །གལ་ཏེ་བདག་ཉིད་
དངོས་གྲུབ་འདོད། །དངོས་གྲུབ་ཐམས་ཅད་གནས་པ་ཡིན། །ཨོཾ་བཛྲ་ཧེ་རུ་ཀ་ས་མ་ཡ་མ་ནུ་པཱ་ལ་ཡ། བཛྲ་ཧེ་རུ་ཀ །ཏྭེ་ནོ་པ་ཏིཥྛ་ཌྷོ་མེ་བྷ་བ། སུ་ཏོ་ཥྱོ་མེ་བྷ་བ། ཨ་ནུ་རགྟོ་མེ་བྷ་བ། སུ་པོ་ཥྱོ་མེ་བྷ་བ། སརྦ་སིད་དྷྃ་མེ་
པ་ཡཙྪ། སརྦ་ཀརྨ་སུ་ཙྪ་མེ། ཙིཏྟྃ་ཤྲི་ཡྃ་ཀུ་རུ་ཧཱུྃ། ཧ་ཧ་ཧ་ཧ་ཧོཿ བྷ་ག་བཱན་བཛྲ་ཧེ་རུ་ཀ །མཱ་མེ་མུཉྩ་ཧེ་རུ་ཀ་བཛྲི་བྷ་བ། མ་ཧཱ་ས་མ་ཡ་སཏྭ་ཨཿའདིས་ནི་བཅོམ་ལྡན་ཀུན་ཁྱབ་ཅིང་། །ཡི་གེ་བརྒྱ་པ་མཆོག་
གྱུར་པ། །ཧེ་རུ་ཀ་མཆོག་རང་ཉིད་ཡིན། །ཕྱིར་བཟློག་པ་ནི་གང་ཡིན་པ། །བཅུ་དྲུག་འདབ་མ་ལ་བཀོད་ཅིང་། །རྗེས་སུ་བསྟན་པའི་དཀྱིལ་འཁོར་ཀུན། །བདག་གིས་བསྒོམས་ཤིང་བརྟན་པར་བྱ། །རང་གི་ལྷ་ཡི་སྦྱོར་བ་ཡིས། །ཇི་ལྟར་

85-1-160a

བདེ་བར་གནས་པར་བྱ། །རྣལ་འབྱོར་འདི་འདྲ་བསྒོམས་ན་ནི། །ཁམས་གསུམ་པ་ཡང་མཐོང་འགྱུར་ཏེ། །བདག་ཉིད་དཔའ་བོའི་མཚན་ཉིད་དེ། །དེ་ལྟར་སྲིད་པའང་སྟོང་པ་ཡིན། །བསྒོམས་པས་བདག་ཉིད་ཡང་དག་གནས། །
འདིར་ནི་བཀའ་ཐུབ་བཤད་པ་མེད། །ཕྲེང་བ་མེད་ཅིང་སྔགས་ཀྱང་མེད། །གཟུངས་དང་སྦྱིན་སྲེག་ལས་རྣམས་དང་། །ཆོ་གའི་རིམ་པའི་གཞི་ཡང་མེད། །རྣལ་འབྱོར་ཕྱག་རྒྱ་བྱེད་པའང་མེད། །གཡས་བརྐྱང་ཞབས་ཀྱི་རིམ་པའང་མེད། །རྡོ་རྗེ་ཆེན་
པོ་དངོས་འཛིན་པ། །རང་བྱུང་དངོས་གྲུབ་ཀུན་མཛད་པ། །འགོག་པ་ཉིད་ཀྱང་མཛད་པ་མེད། །བདག་ཉིད་བདག་གིས་མཆོད་པར་བྱ། །ཟླ་བའི་དཀྱིལ་འཁོར་གང་བ་ནི། །ལྟེ་བའི་དབུས་སུ་རྣམ་པར་བསྒོམ། །ཡི་གེ་གནས་ཀྱི་མཆོག་གྱུར་པ། །
ལྷ་ཡི་གཟུགས་སུ་བསྒོམ་པ་ནི། །དེ་ཡི་དབུས་སུ་རྣམ་པར་བསམ། །སྐུ་གསུང་ཐུགས་ཀྱི་འདུས་པ་ཅན། །དེ་ཡི་ལུས་ལས་འདས་གྱུར་ཏེ། །སེམས་ཀྱི་དངོས་ཀྱང་བཙལ་དུ་མེད། །ཆགས་པ་མེད་ཅིང་ཆགས་བྲལ་མེད། །ཆགས་བྲལ་དང་
ནི་ལྡན་གྱུར་པ། །སྙིང་གི་པད་མའི་དབུས་སུ་ནི། །བརྟགས་པས་ལེགས་པར་རྙེད་པ་ནི། །ཡིད་ཀྱིས་ངལ་བསོས་བྱས་པ་སྟེ། །རྣལ་འབྱོར་མ་ཀུན་བུད་མེད་ཡིན། །ཕྱག་རྒྱ་མཆོག་ཏུ་བཤད་པའོ། །ཟླ་བའི་སྟེང་དུ་བརྒྱ་ཕྱེད་བརྒྱན། །ཡེ་
ཤེས་སེམས་ནི་བསམ་པ་ནི། །མཆོག་སྟེ་སྤྱད་པར་བྱ་བ་མེད། །བླ་མའི་མན་ངག་ལམ་དང་ནི། །སེམས་ནི་མཆོག་ཏུ་འབེད་པ་ཡིས། །འདི་ལྟར་ཞི་བའི་གནས་དེ་ནི། །འཇིག་རྟེན་དུ་མས་མ་རྟོགས་ཏེ། །སྦྱོར་དང་སྦྱོར་བ་བྲལ་བྱས་ནས། །
གོ་འཕང་གཅིག་པུས་ཁྱབ་པ་ཡིན། །འདི་ལྟར་བྱང་ཆུབ་འབྲས་བུ་རྙེད་པར་དཀའ་བ་སྟེ། །དང་པོར་དབྱངས་ཀྱི་ཡི་གེ་ལས་བྱུང་གཞན་དུ་ཡང་། །སྟེགས་ངན་གཞུང་ལུགས་ལོག་པའི་བློ་གྲོས་དེ་ཉིད་ནི། །མ་ནིང་ཤེས་རབ་ལོང་བ་གཟུགས་བཞིན་
འབྲས་བུ་མེད། །མངོན་པར་བརྗོད་པའི་རྒྱུད་བླ་མའི་བླ་མ་ལས་སྐུ་གསུང་ཐུགས་ཀྱི་གནས་ཀྱི་རིམ་པའི་ལེའུ་སྟེ་ཉི་ཤུ་རྩ་ལྔ་པའོ།། །། དེ་ནས་སྦྱོར་བ་བཤད་བྱ་བ། །ཐོད་པ་སངས་རྒྱས་མཆོག་དམ་པ། །དེ་ཉིད་སྦྱོར་བ་ཀུན་གྱི་མཆོག །དངོས་གྲུབ་

85-1-160b

ཐམས་ཅད་རབ་སྩོལ་བ། །གསང་བ་ལེགས་པར་སྦ་བྱ་ཞིང་། །གང་གིས་སུ་ལའང་མི་བསྟན་ནོ། །དེ་ཉིད་མཆོག་གི་བསྒོམ་བཟུང་བ། །རྣལ་འབྱོར་མ་ཡི་སྙིང་ལ་གནས། །གསང་བ་བརྟན་པར་སྦ་བྱ་ཞིང་། །བླ་མའི་ངག་ནི་བསྒོམ་པར་བྱ། །དུར་ཁྲོད་
གནས་ནི་ཡིད་འོང་བ། །སྒྲུབ་པ་པོ་ཡིས་ངེས་བརྟན་པ། །བསྐྱེད་པའི་རིམ་པའི་སྦྱོར་བ་ཡིས། །ས་དང་གནས་ཀྱི་རིམ་པ་དག །རྡོ་རྗེ་ལྟེ་བའི་དབུས་སུ་ནི། །ཡི་གེ་ཧཱུྃ་ནི་བསྒོམ་པར་བྱ། །དེ་ཡིས་ཁྱད་པར་བདག་ཉིད་ནི། །སངས་རྒྱས་ཐོད་པ་ཅན་གྱི་མཆོག །
གནས་མེད་ཞི་ཞིང་དག་པ་སྟེ། །རྟོག་པ་ཐམས་ཅད་རྣམ་སྤངས་ཡིན། །ཨཱ་ལི་ཀ་ལི་ལས་རང་བྱུང་། །གཉིས་མེད་མཆོག་ཏུ་ཞི་བ་སྟེ། །ཕྱག་གཉིས་པ་ལ་ཞལ་གཅིག་པ། །ཕྱག་རྒྱ་དྲུག་གིས་རྣམ་པར་བརྒྱན། །འཛམ་བུའི་མདོག་ཅན་མཉམ་པས་
ཁྱབ། །འོད་ཟེར་ཕྲེང་བས་ཀུན་དུ་འཁྲིགས། །ཐོད་པའི་ཕྲེང་བའི་དབུ་རྒྱན་ཅན། །སྤྱན་གསུམ་པ་ལ་བཞད་པའི་ཞལ། །སེམས་དཔའ་ཀུན་གྱི་བསྒོམ་པ་སྟེ། །གཉིས་མེད་ཆོས་ནི་བླ་ན་མེད། །སྟག་གི་པགས་པ་གོས་སུ་མནབས། །ནཱ་རའི་
པགས་པ་སྟེང་དུ་བརྐྱང་། །ཐོད་པ་དང་ནི་ཁ་ཊྭཱྃ་འཛིན། །གཡས་པ་མི་འཇིགས་ཕྱག་རྒྱ་ཅན། །སངས་རྒྱས་ལྔ་ཡི་དབུ་རྒྱན་ཅན། །མགོ་བོའི་ཕྲེང་བས་རྣམ་པར་བརྒྱན། །དེ་ཡི་ཕྱག་གཡོན་ཐོད་པ་ནི། །རྐང་གིས་རབ་ཏུ་གང་བ་དང་། །སེམས་
ཅན་ཀུན་གྱི་དོན་གྱི་ཕྱིར། །ཡེ་ཤེས་འཆི་མེད་ལྔས་བསྲེགས་པ། །ཁ་ཊཱྃ་ག་ནི་ལྷའི་རྣལ་འབྱོར། །ཐོད་པ་དཔའ་བོ་རྣལ་འབྱོར་མ། །གཡས་པ་མི་འཇིགས་དག་པ་སྟེ། །འཇིགས་པ་མ་ལུས་མི་འཇིགས་གྲོལ། །གདུག་ཅིང་འཇིགས་པ་མ་ལུས་
ཀུན། །འདིར་ནི་ཞབས་ཀྱིས་གནོན་པར་མཛད། །གདུག་པས་འཇིགས་པ་ཐམས་ཅད་སྤོང་། །ཟླ་བ་ཕྱེད་པ་ཞི་བ་འཛིན། །སྣ་ཚོགས་རྡོ་རྗེས་དབུ་ལ་མཚན། །རྡོ་རྗེ་ཕྲེང་བས་དཔྲལ་བ་མཛེས། །རྐང་རྒྱན་ཡིད་འོང་རྒྱན་ཆ་ཅན། །
སྣ་ཚོགས་པད་མ་འདབ་བརྒྱད་ཀྱི། །ལྟེ་བའི་དབུས་ནས་བཞེངས་པ་ནི། །འཇིགས་བྱེད་དང་ནི་དུས་མཚན་དག །ཆགས་པ་ཞེ་སྡང་ཞབས་ཀྱིས་གནོན། །ཡེ་ཤེས་སེམས་དཔའ་དེ་གཟུགས་ཅན། །ཡི་གེ་བྲུྃ་ལས་བྱུང་བར་བསྒོམ། །

85-1-161a

ཐུགས་ཀྱི་འཁོར་ལོའི་སྙིང་ག་རུ། །ཧེ་རུ་ཀ་ནི་རྣམ་པར་བསྒོམ། །གསུང་གི་འཁོར་ལོ་ཁ་ལ་བསྒོམ། །སྐུ་ཡི་འཁོར་ལོ་སྔ་མ་བཞིན། །སྔོ་དང་དམར་དང་དཀར་བ་དང་། །ཕྱག་དྲུག་པ་ལ་ཞལ་གསུམ་པ། །རྡོ་རྗེ་དྲིལ་བུ་མཉམ་པར་ལྡན། །སྤྱན་
གསུམ་པ་ལ་བཞིན་རྣམ་སྒྱུར། །ཐོད་པ་དང་ནི་ཁ་ཊྭཱྃ་འཛིན། །རྩེ་གསུམ་པ་དང་ཐོད་པ་འཆང་། །རང་རིག་ལུས་དང་ཡང་དག་འདུས། །བདེ་བ་ཆེན་པོའི་གོ་འཕང་གནས། །དཀྱིལ་འཁོར་བཞི་ཡི་དབུས་དག་ཏུ། །ཡི་གེ་གསུམ་སོགས་ལས་བྱུང་བ། །ཐོད་པའི་
ཕྲེང་བའི་དབུ་རྒྱན་ཅན། །རང་གི་མཚན་མའི་མཆོག་དང་ལྡན། །གནས་ལ་སོགས་པའི་རིམ་སྦྱོར་བ། །སྡོམ་པ་གསུམ་གྱི་མཆོག་དམ་པ། །མཁའ་འགྲོ་མ་དང་ལཱ་མ་དང་། །དུམ་སྐྱེས་མ་དང་གཟུགས་ཅན་མ། །པད་མའི་ཕྱོགས་ཀྱི་གནས་ལ་དགོད། །
ཐོད་པ་བཞི་པོ་མཆོག་ཡིན་ཏེ། །མཁའ་འགྲོ་མ་ནི་ཁ་དོག་སེར། །ལཱ་མ་པ་ལ་ཤ་ཡི་མདོག །དུམ་སྐྱེས་མ་ནི་སྔོན་པོ་སྟེ། །གཟུགས་ཅན་མ་ནི་དམར་ལ་འབར། །ཐོད་པ་དང་ནི་ཁ་ཊྭཱྃ་འཛིན། །གཡས་པ་མི་འཇིགས་མཆོག་ཡིན་ཏེ། །
སྒོ་རྣམས་སུ་ནི་ལྷ་མོ་བཞི། །ཁྭ་གདོང་ལ་སོགས་མཁའ་འགྲོ་མ། །སྔོ་དང་སེར་དང་དེ་བཞིན་དམར། །ལྗང་གུའི་དྲག་པོའི་གཟུགས་ཅན་ནོ། །མཚམས་སུ་གཤིན་རྗེ་སྲེག་ལ་སོགས། །རབ་འཇིགས་ཤིན་དུ་འཇིགས་པ་སྟེ། །ཐོད་པ་
དང་ནི་ཁ་ཊྭཱྃ་འཛིན། །མི་འཇིགས་མཆོག་ཀྱང་དེ་བཞིན་ཏེ། །ཅང་ཏེའུ་དང་ནི་གྲི་གུག་ཉིད། །བདུད་ནི་བཞི་པོའི་སྟེང་ན་བཞུགས། །སྤྱན་གསུམ་པ་ལ་སྐྲ་གྲོལ་བ། །ཕྱོགས་ཀྱི་གོས་མཆོག་འཛིན་པ་སྟེ། །ཐོད་པའི་ཕྲེང་བའི་དབུ་རྒྱན་
ཅན། །ཕྱག་རྒྱ་ལྔ་ཡིས་རྣམ་པར་བརྒྱན། །མེ་ལོང་རོ་དང་དྲི་དང་ནི། །རེག་གི་མཆོད་པ་བཞི་པོ་སྟེ། །ས་བཅུ་དག་གི་རིམ་པ་དང་། །སྐུ་གསུང་ཐུགས་ཀྱི་སྦྱོར་བ་ཡིས། །ཕྱི་དང་ནང་གི་ཆོས་རྣམས་ཀུན། །བྱང་ཆུབ་ཕྱོགས་ཀྱི་རྣམ་པར་
དག །ཀ་ལ་སོགས་པ་ཉི་ཤུ་བཞི། །མགོ་ལ་བིན་དུས་མནན་པ་སྟེ། །གསལ་བྱེད་ཧཱུྃ་གཉིས་དང་ཡང་སྦྱར། །མཐར་ནི་ཕཊ་དང་རབ་ཏུ་སྦྱར། །དཔའ་བོ་ཀུན་གྱི་གསང་སྔགས་ནི། །འདོད་པའི་འབྲས་བུ་ཐམས་ཅད་སྟེར། །གསལ་བྱེད་

85-1-161b

མཁའ་འགྲོ་མ་ཡི་མིང་། །མཐར་ནི་ཧཱུྃ་ཧཱུྃ་ཕཊ་ཡིན་ཏེ། །འདི་ལྟར་རབ་གཏུམ་མཁའ་འགྲོ་མ། །སྔགས་ཀྱི་དེ་ཉིད་བདེ་བ་སྟེར། །སྐུ་གསུང་ཐུགས་ཀྱི་རྡོ་རྗེ་ནི། །ཧཱུྃ་ཨཱཿཨོཾ། འདི་ནི་རབ་ཏུ་གསང་བ་སྟེ། །པད་མའི་འདབ་ལ་
མཁའ་འགྲོ་མ། །གསལ་བྱེད་མ་ནིང་དང་བཅས་པ། །ཧཱུྃ་ནི་གཉིས་པ་ཉིད་ཡིན་ཏེ། །མཁས་པས་མཐར་ནི་ཕཊ་དང་སྦྱར། །ཁྭ་གདོང་ལ་སོགས་གསང་སྔགས་ནི། །ཡ་ར་ལ་ཝ། །གསལ་བྱེད་དང་ནི་བཅས་པ་སྟེ། །མཐར་ནི་ཧཱུྃ་དང་
ཕཊ་དང་སྦྱར། །གཤིན་རྗེ་སྲེག་མ་ལ་སོགས་པ། །ཤ་ཥ་ས་ཧ། གསལ་བྱེད་དང་ནི་ཧཱུྃ་གཉིས་དང་། །ཕཊ་ཀྱང་དེ་བཞིན་སྦྱར་བར་བྱ། །དབུས་སུ་སངས་རྒྱས་ཐོད་པ་ཡི། །གསང་སྔགས་དེ་བཞིན་རྗེས་སུ་དྲན། །ཨོཾ་ཨྃ་ཨཱྃ། ཨིྃ་
ཨཱིྃ། ཨུྃ་ཨཱུྃ། ཨེ་ཨཻ། ཨྃ་ཨཿ། ཥ་སྭཱ་ཧཱ། ཁམས་དང་ཕུང་པོ་སྐྱེ་མཆེད་ལ། །གོ་ཆ་རྣམས་ནི་སྦྱར་བར་བྱ། །ཡེ་ཤེས་འཁོར་ལོ་དམ་ཚིག་དག །མཉམ་པའི་རོ་ཡིས་མཆོད་པར་བྱ། །མཆོད་པ་བཞི་པོའི་གསང་སྔགས་རྣམས། །རང་མིང་
གསལ་བྱེད་ཧཱུྃ་བྱས་ཏེ། །འདི་ལྟར་དཀྱིལ་འཁོར་དག་དང་སྦྱར། །སངས་རྒྱས་ཐོད་པ་ལས་བྱུང་བ། །རྡོ་རྗེ་རྒྱན་ནི་བགོས་པ་སྟེ། །ཐམས་ཅད་རིམ་པ་བཞིན་དུ་སྦྱར། །འཐོར་འཐུང་དུ་ནི་རབ་སྦྱར་བས། །གསང་བ་བཞི་པོ་བཟླ་བར་བྱ། །སྤྲོ་དང་
བསྡུ་བའི་སྦྱོར་བ་ཡིས། །འཁོར་ལོ་གསུམ་གྱི་རིམ་པ་དག །འདིར་ནི་ཆོ་གའི་སྦྱོར་བ་ཡིས། །དུས་བཞི་དག་ཏུ་སྦྱར་ནས་སུ། །དམ་ཚིག་འཁོར་ལོའི་བཟླས་པ་བྱ། །དམ་ཚིག་མཆོག་ནི་དངོས་གྲུབ་འགྱུར། །དམ་ཚིག་ཅན་གྱི་གསང་སྔགས་ཀུན། །
སངས་རྒྱས་ཐོད་པ་མཆོག་ཡིན་ཏེ། །མཉམ་པར་མ་བཞག་སྦྱོར་བ་ཡིས། །འདི་ལྟར་ཐམས་ཅད་རབ་ཏུ་བརྟག །དམ་ཚིག་རྟག་ཏུ་བསྐྱང་བྱ་ཞིང་། །ཡེ་ཤེས་འཆི་མེད་ལྔ་ཡི་མཆོག །ཡང་ན་རང་མིང་བཟླས་པ་བྱ། །སྔགས་ཀྱི་དེ་ཉིད་
བཟླས་པར་བྱ། །ཨོཾ་ཤྲཱི་བུད་དྷ་ཀཱ་པཱ་ལི་བྲུྃ་ཨཱཿཧཱུྃ་ཌཱ་ཀི་ནཱི་ཛཱ་ལ་སྃ་བ་རྃ་ཧཱུྃ་ཕཊ་སྭཱ་ཧཱ། འདི་ནི་ཡིད་འོང་སྦྱོར་བའི་མཆོག །རྣལ་འབྱོར་མ་ཡི་ཡེ་ཤེས་མཆོག །གང་དུ་དམ་ཚིག་ཉམས་པ་ལ། །སྦྱོར་བ་འདི་ནི་སྦྱིན་པར་བྱ། །

85-1-162a

ཞི་བར་གྱུར་ནས་བླ་མེད་པ། །རྣལ་འབྱོར་མ་ཡི་དབང་ཡང་བསྐུར། །དུས་བཞི་དག་ཏུ་རིམ་པ་ཡིས། །ཕྱི་དང་ནང་གི་ཆུས་ཁྲུས་བྱ། །ཡང་ན་དམ་ཚིག་སྡོམ་པ་བླང་། །བླ་མ་ལ་ནི་གསོལ་བ་གདབ། །བདག་ནི་མི་ཤེས་རྨོངས་
པ་སྟེ། །དམ་ཚིག་ལས་ནི་འགལ་ཞིང་ཉམས། །བླ་མ་མགོན་པོས་སྐྱབས་མཛོད་ཅིག །གཙོ་བོ་རྡོ་རྗེ་འཛིན་པ་སྟེ། །ཐུགས་རྗེ་ཆེན་པོའི་བདག་ཉིད་ཅན། །འགྲོ་བའི་གཙོ་ལ་སྐྱབས་སུ་མཆི། །དེས་ནི་ཐེ་ཙོམ་མེད་བྱས་ནས། །ངེས་པར་
དངོས་གྲུབ་ཅན་དུ་འགྱུར། །མངོན་པར་བརྗོད་པའི་རྒྱུད་བླ་མའི་བླ་མ་ལས་དམ་ཚིག་ལས་ལྡང་བ་སངས་རྒྱས་ཐོད་པ་བསྐྱེད་པ་སྟེ་ལེའུ་ཉི་ཤུ་རྩ་དྲུག་པའོ།། །། དེ་ནས་གཞན་ཡང་བཤད་བྱ་བ། །གསང་བའི་དེ་ཉིད་རྙེད་དཀའ་བ། །གསང་
སྔགས་ཀུན་ནི་བསྐྱེད་པ་དང་། །འགྲོ་བའི་གནས་དང་འགྲོ་བ་དང་། །རྣལ་འབྱོར་མ་དང་དཔའ་བོ་ཀུན། །སངས་རྒྱས་རྣམས་ཀྱི་གནས་མཆོག་ཡིན། །མི་ཟད་གཉིས་མེད་རྣམ་པར་དག །ཐོག་མར་དབུས་མཐར་དྲི་མ་མེད། །ཨ་ཨའི་ཡེ་
ཤེས་ལས་བྱུང་བ། །རྡོ་རྗེ་སེམས་དཔའ་བདེ་བ་ཆེ། །ཞལ་གསུམ་ཕྱག་དྲུག་ཞི་བ་སྟེ། །སྤྱན་གསུམ་པ་ལ་ཐུགས་རྗེའི་ཉམས། །ཕྱག་རྒྱ་ཆེ་དང་ཡང་དག་ལྡན། །རང་བཞིན་དག་ཅིང་དྲི་མ་མེད། །རལ་པ་ཟླ་ཕྱེད་དབུ་ལ་བརྒྱན། །སྣ་
ཚོགས་རྡོ་རྗེས་དབུ་ལ་མཚན། །ཐོད་པའི་ཕྲེང་བའི་དབུ་རྒྱན་ཅན། །སངས་རྒྱས་ལྔ་ཡིས་རྣམ་པར་བརྒྱན། །སེམས་དཔའི་སྐྱིལ་མོ་ཀྲུང་གིས་བཞུགས། །ཕྱག་རྒྱ་དྲུག་གིས་རྣམ་པར་བརྒྱན། །རྡོ་རྗེ་དྲིལ་བུ་མཉམ་པར་ལྡན། །རལ་གྲི་
ལྕགས་ཀྱུ་ཕྱག་ན་བསྣམས། །རིན་ཆེན་ཞགས་པ་མཛེས་པ་འཛིན། །དངོས་གྲུབ་ཐམས་ཅད་རབ་ཏུ་སྩོལ། །དཀར་དང་སྔོ་དང་དམར་བའི་ཞལ། །རྣམ་ཐར་གསུམ་གྱི་གནས་ཀྱི་མཆོག །ཡེ་ཤེས་སེམས་དཔའ་སྙིང་ག་རུ། །འཁོར་ལོ་
གསུམ་གྱི་མཆོག་ཀྱང་བསྒོམ། །ཧཱུྃ་ལས་ཐུགས་ཀྱི་འཁོར་ལོ་སྟེ། །དེ་ཡི་ཕྱག་མཚན་སྔོན་པོ་དང་། །ཨཱཿལས་གསུང་གི་འཁོར་ལོ་སྟེ། །དེ་ཡི་ཕྱག་མཚན་དམར་པོའོ། །ཨོཾ་ལས་སྐུ་ཡི་འཁོར་ལོ་སྟེ། །དེ་ཡི་ཕྱག་མཚན་དཀར་པོ་ཡིན། །

85-1-162b

དཔའ་བོ་རྣལ་འབྱོར་མ་མཉམ་སྦྱོར། །སྐུ་གསུང་ཐུགས་ནི་དྲི་མ་མེད། །རྃ་ལས་ཕྱག་རྒྱ་ཆེན་པོ་སྟེ། །ལྟེ་བའི་དབུས་སུ་རྣམ་པར་བསམ། །ཨི་ལས་བྷ་ག་པད་མ་སྟེ། །བྱང་ཆུབ་ཟླ་བ་དྲི་མ་མེད། །ཨུ་ནི་སྙིང་གར་བསམ་པ་སྟེ། །ཨེ་ནི་མགོ་ལ་
རྣམ་པར་དགོད། །ཨཻ་ནི་སྤྱི་གཙུག་དག་ཏུ་དགོད། །ཨོ་ནི་མིག་ཏུ་དགོད་པ་སྟེ། །ཨྃ་ནི་གོ་ཆར་བྱས་ནས་སུ། །ཨ་ནི་མདུན་གྱི་མཚོན་ཆའོ། །ལི་ལས་ལྷ་མོ་སྤྱན་ཡིན་ཏེ། །རི་ལས་དམ་ཚིག་སྒྲོལ་མ་ཡིན། །ལཱྀ་ལས་ལྷ་མོ་གོས་དཀར་
མོ། །རཱྀ་ལས་རིན་ཆེན་ཡང་དག་འབྱུང་། །རིན་ཆེན་སྒྲོན་དང་ཡེ་ཤེས་སྒྲོན། །དཀར་ཞིང་པླ་ཀྵ་ཤ་ཡི་མདོག །དམར་ཞིང་འཛམ་བུ་ཆུ་བོའི་མདོག །ཞལ་གསུམ་པ་ལ་ཕྱག་དྲུག་པ། །སྤྱན་གསུམ་དགྱེས་པས་རྣམ་པར་མྱོས། །ཐམས་ཅད་
ཕྱོགས་ཀྱི་གོས་ཅན་ཏེ། །རང་གི་ཐབས་དང་མཉམ་པར་ལྡན། །འཁོར་ལོ་སྣ་ཚོགས་རྡོ་རྗེ་དང་། །པད་མ་དམར་པོ་རིན་ཆེན་དང་། །རྡོ་རྗེ་དྲིལ་བུ་ལྷན་ཅིག་སྦྱར། །འདོད་པ་ཐམས་ཅད་རབ་ཏུ་སྩོལ། །རལ་གྲི་མདའ་དང་ལྕགས་ཀྱུ་འཛིན། །
གཞུ་ནི་འགུགས་པར་འཛིན་པ་སྟེ། །མཚན་རྣམས་ཐམས་ཅད་ཡོངས་སུ་རྫོགས། །ཐོད་པ་ཡི་ནི་ཅོད་པན་ཅན། །སྣ་ཚོགས་པད་མའི་དབུས་སུ་ནི། །སེམས་དཔའི་སྐྱིལ་མོ་ཀྲུང་ཏུ་བཞུགས། །དེ་དག་སྒོ་རུ་དགོད་པ་སྟེ། །དབུས་
སུ་གཙོ་བོའི་ཟླ་བའི་གདན། །ཟུར་ལ་མཆོད་པ་རྣམ་པ་བཞི། །ཕྱོགས་ཀྱི་གོས་ཅན་སྐྲ་གྲོལ་བ། །ཞལ་གསུམ་པ་ལ་ཕྱག་དྲུག་པ། །སྤྱན་གསུམ་ཐོད་པའི་ཕྲེང་བ་ཅན། །མེ་ལོང་དང་ནི་པི་ཝྃ་དང་། །དྲིལ་དང་དུད་དང་བཅུད་ཀྱིས་
ལེན། །ཆང་གི་བཏུང་བ་ལག་པས་མཆོད། །གཞན་དུ་ཇི་ལྟར་བདག་པོ་བཞིན། །རྒྱན་རྣམས་ཐམས་ཅད་ཡོངས་སུ་རྫོགས། །སྐྱིལ་ཀྲུང་ཕྱེད་པར་ལེགས་པར་བཞུགས། །ལག་པ་སྙིམ་པའི་ཐལ་མོ་ཡིས། །མཆོད་པ་
ལག་ཏུ་ཐོགས་ནས་ནི། །འདི་ལྟའི་ཆོ་གས་ཐམས་ཅད་མཁྱེན། །ཨཱ་ལི་དེ་ཉིད་དྲི་མ་མེད། །གསང་བ་མཆོག་ནི་རྙད་དཀའ་བ། །རྡོ་རྗེ་སེམས་དཔས་བཤད་པ་ཡིན། །སྔགས་ཀྱི་དེ་ཉིད་ཆོ་ག་དག །སྐུ་གསུང་ཐུགས་སུ་ཡང་དག་སྦྱར། །

85-1-163a

ཨོཾ་ཤྲཱི་མ་ཧཱ་སུ་ཁ་བཛྲ་ས་ཏྭ་ཨཱཿ །ཨཱ་ཧཱུྃ་ཌཱ་ཀི་ནཱི་ཛཱ་ལ་སམ་བ་རྃ་སྭཱ་ཧཱ། ཨོཾ་སིད་དྷ་ལོ་ཙ་ནི་ལྀ་ཨཱཿཧཱུྃ་སྭཱ་ཧཱ། ཨོཾ་ས་མ་ཡ་ཏཱ་རེ་ཏུཏྟ་རེ་རྀ་ཨཱཿཧཱུྃ་སྭཱ་ཧཱ། ཨོཾ་པད་མ་བྷ་བེ་པཱཎྜ་ར་བཱ་སི་ནི་ལཱྀ་ཨཱཿཧཱུྃ་སྭཱ་ཧཱ། 
ཨོཾ་རཏྣ་ཛཱ་ལི་ནི་རཱྀ་ཨཱཿཧཱུྃ་སྭཱ་ཧཱ། ཨོཾ་རཱུ་པ་བཛྲི་བྷྲཱུྃ། ཨོཾ་ཤབྡ་བཛྲི་ཧཱུཾ་ཨོཾ་གན་དྷ་བཛྲི་ཁྃ། ཨོཾ་ར་ས་བཛྲི་ཧྲཱིཿ། །ཐམས་ཅད་མཁྱེན་པ་དབང་ཕྱུག་མཆོག །བྷ་གའི་དབུས་སུ་གནས་པར་བསྒོམ། །ཨཱ་ལི་རྡོ་རྗེ་གསང་
བ་ཆེ། །སེམས་ཅན་ཀུན་གྱི་སྙིང་ལ་གནས། །གང་གིས་དངོས་པོ་ཀུན་གསང་བ། །དེ་ཡི་གསང་བ་བཤད་པ་ཡིན། །རྣལ་འབྱོར་པ་ཡིས་དུས་བཞི་རུ། །བཟླས་དང་བསྒོམ་པར་ལྡན་པར་བྱ། །སོམ་ཉི་ཐམས་ཅད་སྤངས་ནས་ནི། །
སེམས་དཔའ་ཆེན་པོ་བརྩོན་འགྲུས་བརྟན། །ཡེ་ཤེས་འཁོར་ལོ་མཐོང་ནས་ནི། །དམ་ཚིག་ཅན་གྱིས་མཆོད་དབང་བསྐུར། །དེ་དག་གཅིག་ཏུ་བསྟིམས་ནས་སུ། །སྤྲོ་དང་བསྡུ་བའི་སྦྱོར་བ་ཡིས། །ཁམས་གསུམ་དག་ནི་
མ་ལུས་པ། །ཐམས་ཅད་རྡོ་རྗེ་འཛིན་ལྟ་བུ། །འདས་པ་དང་ནི་ད་ལྟར་དང་། །མ་འོངས་པ་ཡི་དུས་གསུམ་པོ། །དེ་ལྟར་སེམས་ཅན་གསུམ་པོ་ལ། །རྡོ་རྗེ་སེམས་དཔའི་གོ་འཕང་གནས། །ལྷན་ཅིག་
སྐྱེས་དགའ་དག་པའི་བདག །ཐོག་མ་མེད་པའི་མཆོག་ཡིན་ནོ། །མངོན་པར་བརྗོད་པའི་རྒྱུད་བླ་མའི་བླ་མ་ལས་རྡོ་རྗེ་སེམས་དཔའ་སྐྱེད་པའི་ལེའུ་སྟེ་ཉི་ཤུ་རྩ་བདུན་པའོ།། །། 
དེ་ནས་མཆོག་གི་ཆོ་ག་བཤད། །འཇམ་པའི་རྡོ་རྗེའི་བསྒྲུབ་པ་ནི། །མྃ་གི་ཡེ་ཤེས་ལས་བྱུང་བའི། །འཇམ་པའི་རྡོ་རྗེ་བདེ་བ་ཆེ། །ཞལ་དྲུག་ཕྱག་དྲུག་ཞི་བ་སྟེ། །སྐུ་མདོག་དཀར་པོ་དྲི་མ་མེད། །སྤྱན་གསུམ་
རྡོ་རྗེ་སྐྱིལ་དཀྲུང་ཅན། །ཕྱག་རྒྱ་དྲུག་ནི་འབར་བས་བརྒྱན། །མི་བསྐྱོད་པ་ཡི་ཅོད་པན་ཅན། །ཐོད་པའི་ཕྲེང་བས་རྣམ་པར་བརྒྱན། །ཟླ་བ་ཕྱེད་པ་ཞི་བ་འཛིན། །རལ་པའི་ཐོར་ཚུགས་བཅིངས་པ་སྟེ། །

85-1-163b

དཀར་དང་སྔོ་དང་ངུར་སྨྲིག་ཉིད། །སེར་དང་ལྗང་ཁུ་དེ་བཞིན་ཏེ། །སྟེང་གི་ཞལ་ནི་ཞི་བ་སྟེ། །ལྷ་ཡི་དངོས་གྲུབ་འབྲས་བུ་སྩོལ། །རྡོ་རྗེ་དྲིལ་བུ་མཉམ་པར་ལྡན། །རལ་གྲིལ་པོ་ཏི་འཛིན་པ་སྟེ། །ཨུཏྤ་ལ་
དང་ལྕགས་ཀྱུ་ཉིད། །ཡེ་ཤེས་ལུས་ཅན་རྣམ་པར་བསྒོམ། །སྐུ་གསུང་ཐུགས་ཀྱི་སྙིང་པོ་ནི། །འཁོར་ལོའི་དབུས་སུ་རྣམ་པར་བསྒོམ། །སྔར་བཤད་གནས་ཀྱི་སྦྱོར་བ་ཡིས། །ཇི་ལྟར་རྡོ་རྗེ་སེམས་དཔའ་ལྟར། །
གསང་སྔགས་འདི་ནི་རྗེས་སུ་དྲན། །འཇམ་པའི་རྡོ་རྗེའི་གསང་བ་ནི། །གསང་གསུམ་ཡེ་ཤེས་དམ་ཚིག་ཅན། །དཔའ་བོ་རྣལ་འབྱོར་མ་སྦྱོར་བའོ། །ཨོཾ་ཤྲཱི་མ་ཧཱ་སུ་ཁ་མཉྕ་བཛྲ་ཨ་མྲྃ་ཧཱུྃ་ཌཱ་ཀི་ནཱི་ཛཱ་ལ་སམ་བ་ར་སྭཱ་ཧཱ། 
རང་གིས་དབང་བསྐུར་བྱས་ནས་ནི། །བརྟུལ་ཞུགས་ཆེན་པོ་གསང་སྔགས་བཟླ། །གསང་གསུམ་འཁོར་ལོ་སྤྲོས་ནས་ནི། །ཁམས་གསུམ་དག་ནི་བསྡུ་བར་བྱ། །འདི་ནི་མཆོག་ཏུ་གསང་བ་སྟེ། །གང་གིས་སུ་ལའང་བསྟན་མི་བྱ། །
མངོན་པར་བརྗོད་པའི་རྒྱུད་བླ་མའི་བླ་མ་ལས་འཇམ་པའི་རྡོ་རྗེ་སྒྲུབ་པའི་ལེའུ་སྟེ་ཉི་ཤུ་རྩ་བརྒྱད་པའོ།། །། དེ་ནས་གཞན་ཡང་བཤད་བྱ་བ། །ཡི་གེ་དགུ་པ་བསྒྲུབ་པ་སྟེ། །ཀྵ་ཡི་ཡེ་ཤེས་ལས་བྱུང་བ། །གདུག་པ་ཐམས་ཅད་
ཟ་བྱེད་པ། །ཟ་བྱེད་མཁའ་འགྲོ་ཟ་བྱེད་ཅིང་། །རྣམ་རྟོག་ཟོས་ཤིང་ཟད་པར་བྱེད། །མཁའ་མཉམ་སྟོང་པ་ལས་བྱུང་བ། །ནམ་མཁའི་ལོངས་སྤྱོད་ཟ་བྱེད་ཅིང་། །ཞལ་དྲུག་ཕྱག་ནི་བཅུ་གཉིས་པ། །སྤྱན་གསུམ་པ་
ལ་ཞལ་རྣམ་སྒྱུར། །གཡས་བརྐྱང་པ་ཡི་ཞབས་ཀྱིས་བཞུགས། །གདུག་པའི་བདུད་ནི་ཟ་བྱེད་ཅིང་། །འཇིགས་བྱེད་དང་ནི་འཇིགས་བྱེད་མོའོ། །ཁ་སྦུབ་ཞབས་ཀྱིས་མནན་པར་བཞུགས། །སྟག་གི་ལྤགས་
པ་གོས་སུ་མནབས། །མགོ་བོའི་ཕྲེང་བས་རྣམ་པར་བརྒྱན། །ཐོད་པའི་ཕྲེང་བའི་དབུ་རྒྱན་ཅན། །ཟླ་བ་ཕྱེད་ལས་ཉེ་བར་མཛེས། །སྣ་ཚོགས་རྡོ་རྗེས་རལ་པ་མནན། །ཕྱག་རྒྱ་དྲུག་གིས་སྐུ་ལུས་བརྒྱན། །

85-1-164a

ཞལ་གྱི་མཆེ་བ་རྣམ་པར་བཙིགས། །འཇིགས་བྱེད་རབ་ཏུ་ཆེར་འཇིགས་ཤིང་། །སྔོ་དང་དུད་ཁ་ལྗང་ཁུ་དང་། །དམར་དང་ལྔ་པ་སེར་པོའོ། །དྲུག་པ་དག་ནི་བོང་བུའི་མགོ། །སྟེང་གི་ཞལ་གདོང་རབ་ཏུ་འཇིགས། །
ཐལ་བ་སྤྲིན་གྱི་མདོག་ཅན་ལ། །གདུག་པ་ཐམས་ཅད་རབ་འཇོམས་མ། །རྡོ་རྗེ་དྲིལ་བུ་མཉམ་པར་ལྡན། །དགྱེས་པའི་ལོངས་སྤྱོད་ལོངས་སྤྱོད་ཅིང་། །པང་དུ་རྡོ་རྗེ་ཕག་མོ་ནི། །དེ་མདོག་སྟེང་ཞལ་ཕག་མགོ་སྟེ། །གཉིས་སུ་མེད་པར་
མཉམ་པར་ལྡན། །སྐྲ་གྲོལ་བ་དང་ཕྱོགས་གོས་ཅན། །བྱིན་པ་གཉིས་ཀྱིས་མཉམ་པར་འཁྲིལ། །ཐུགས་རྗེའི་ཆགས་པས་རྣམ་པར་མྱོས། །ཐོད་པ་ཁ་ཊྭཱྃ་ག་འཛིན་ཅིང་། །ཚངས་པའི་ལྤགས་པ་མནབས་པ་སྟེ། །རྡོ་རྗེ་མདུང་དང་
ཅང་ཏེའུ་དང་། །གྲི་གུག་ཞགས་པ་མགོ་བོ་དང་། །ཕྱག་ཏུ་རལ་གྲི་འཕྱར་བ་སྟེ། །དྲག་པོ་གདུག་པ་ཀུན་འཇོམས་པ། །སྙིང་ཀར་ཡེ་ཤེས་མཁའ་འགྲོ་ནི། །ཁྭ་གདོང་ལ་སོགས་ཡོངས་ཀྱིས་ཁྱབ། །འཁོར་ལོ་འདབ་བརྒྱད་དབུས་
དག་ཏུ། །གཡོན་ནས་གཡས་སུ་བསྐོར་ནས་ནི། །དུར་ཁྲོད་དང་ནི་ཉེ་དུར་ཁྲོད། །མཁའ་འགྲོ་མ་མཆོག་དགོད་པར་བྱ། །ཡྃ་རྃ་ལྃ་ཝྃ། ཤྃ་ཥྃ་སྃ་ཧྃ། ཡེ་ཤེས་འཁོར་ལོ་མཁའ་འགྲོ་དགོད། །ཞག་བདུན་བར་དུ་བསྒོམས་ནས་ནི། །
གང་ཡང་ཐུན་ནི་བཞི་ཡི་རིམ། །ཆུ་འགྲམ་དང་ནི་དུར་ཁྲོད་དུ། །བསྒོམས་པས་དངོས་གྲུབ་ངེས་པར་རྙེད། །འཕྲོག་པ་དང་ནི་གསོད་བྱེད་ཅིང་། །གང་དུ་ལས་ནི་ཅི་འདོད་པ། །མཁའ་འགྲོ་མ་ཡི་འཁོར་ལོས་འགྲུབ། །ལས་འདིར་ཡིད་གཉིས་
དཔྱོད་པ་མེད། །སྔོ་དང་པ་ལ་ཤ་ཡི་མདོག །དམར་དང་བཞི་པ་སེར་པོ་སྟེ། །གཤིན་རྗེ་སྲེག་སོགས་བཞི་པོ་ནི། །སྣ་ཚོགས་མདོག་ཅན་མཛེས་པའི་ཞལ། །དམར་དང་སྔོ་དང་དུད་ཁ་སྟེ། །ཞལ་མདོག་དཀར་པོ་མཆོག་ཏུ་
མཛེས། །ཐམས་ཅད་སྤྱན་གསུམ་པ་ཡི་ཞལ། །སྐྲ་གྲོལ་བ་ལ་ཕྱོགས་གོས་ཅན། །ཁྭ་གདོང་གཡོན་དང་གཡས་ཀྱི་ཞལ། །འུག་གདོང་ཞལ་ཡང་དེ་བཞིན་ཏེ། །གསུམ་པ་ཁྱི་ཡི་ཞལ་གདོང་ཡིན། །བཞི་པ་ཕག་

85-1-164b

གི་ཞལ་གདོང་སྟེ། །གཡོན་དང་གཡས་པའི་ཞལ་གདོང་ནི། །དྲག་མོའི་གཟུགས་ཅན་ཆོ་ག་བཞིན། །གཤིན་རྗེ་སྲེག་སོགས་ཞལ་གདོང་ནི། །གཡོན་དང་གཡས་པ་གཉིས་དེ་བཞིན། །ཐུག་ར་རྔ་མོ་རྟ་དང་ནི། །སེང་གེ་ར་དང་གླང་
མ་ཧེ། །གཞན་ཡང་དོམ་གྱི་ཞལ་ཡིན་ཏེ། །ཐམས་ཅད་ཀྱང་ནི་མཉམ་པར་བྱ། །ཐོད་པ་དང་ནི་ཁ་ཊྭཱྃ་འཛིན། །ཞགས་པ་ལྕགས་ཀྱུ་ཕྱག་ན་བསྣམས། །དྲིལ་བུ་ཅང་ཏེའུ་གྲི་གུག་དང་། །ཐོད་པའི་ཕྲེང་བའི་དབུ་རྒྱན་ཅན། །ཕྱག་རྒྱ་ལྔ་
ལྔ་ཡིས་རྣམ་པར་བརྒྱན། །ཡི་དགས་གདན་ལ་གར་གྱིས་བཞུགས། །མིའུ་ཐུང་ལ་སྐྱེ་གནས་རིང་། །མཆེ་བ་རྣམ་པར་གཙིགས་པའི་ཞལ། །ཐུགས་རྗེའི་རོ་ཡིས་རྣམ་པར་མྱོས། །སྐུ་གསུང་ཐུགས་ཀྱི་གསང་བ་ནི། །སྒོམ་ཞིང་རབ་ཏུ་
བསྒོམ་པར་བྱ། །ཧཱུྃ་ཨཱཿཨོཾ། འདི་ནི་གསང་བར་བཤད་པ་སྟེ། །རྡོ་རྗེ་པད་མ་འཁོར་ལོ་དབུས། །ཡེ་ཤེས་མཁའ་འགྲོ་སྙིང་ཀ་རུ། །མཁའ་འགྲོའི་ཡི་གེའི་འཁོར་ལོ་ནི། །ཡེ་ཤེས་འཁོར་ལོ་དེ་མཐོང་ནས། །མཆོད་ཅིང་ཐིམ་པར་
རྣམ་པར་བསྒོམ། །མཉམ་པར་བཞག་ནས་ཡི་གེ་རྣམས། །སྲོག་དང་རྩོལ་བས་གསང་སྔགས་བཟླ། །རང་གི་འཐོར་འཐུང་བྱས་ནས་སུ། །གསང་བ་གསུམ་གྱི་ཡེ་ཤེས་སྤྲོ། །ཨོཾ་ཤྲཱི་ཀྵ་ཌཱ་ཀི་ནཱི་ཛཱ་ལ་སམ་བ་ར་ཧུྃ་ཧཱུྃ་ཕཊ་སྭཱ་ཧཱ། །
ཐོག་མར་གསལ་བྱེད་མིང་དང་ཧཱུྃ། །མཐར་ནི་ཕཊ་དང་རྣམ་པར་སྦྱར། །མཁའ་འགྲོ་ཟླ་བས་བཤད་པ་ཡི། །འདོད་པའི་འབྲས་བུ་ཐམས་ཅད་སྩོལ། །མཆོག་འདི་དག་ནི་གསང་བ་སྟེ། །སུ་ལ་ཡང་ནི་སྦྱིན་མི་བྱ། །ཞག་བདུན་
གྱིས་ནི་དབང་འགྱུར་ཏེ། །རྩེ་གཅིག་པ་ཡིས་བསྒོམས་ན་ནི། །འཁོར་ལོ་གསུམ་གསང་མཁའ་འགྲོ་མཱ།   །དངོས་གྲུབ་མྱུར་དུ་ཐོབ་པར་འགྱུར། །ངེས་པར་བརྗོད་པའི་རྒྱུད་བླ་མའི་བླ་མ་ལས་ཀྵའི་མཁའ་འགྲོ་བསྒྲུབ་པའི་ལེའུ་
སྟེ་རྩ་དགུ་པའོ།། །། དེ་ནས་མཆོག་ཏུ་བཤད་བྱ་བ། །ཨཱ་ལི་མཁའ་འགྲོ་བསྒྲུབ་པ་སྟེ། །ཨཱ་ལི་ཡེ་ཤེས་ལས་བྱུང་བ། །ཨཱ་ལི་མཁའ་འགྲོ་མཆོག་དམ་པ། །ཞལ་བརྒྱད་པ་ལ་ཕྱག་བཅུ་དྲུག །སྤྱན་གསུམ་འཇིགས་པ་རབ་

85-1-165a

འཇིགས་པ། །ཞལ་གྱི་མཆེ་བ་རྣམ་པར་གཙིགས། །གཡས་བརྐྱང་པ་ཡི་ཞབས་ཀྱིས་བཞུགས། །ཟླ་བ་ཕྱེད་པ་རལ་པ་འཆིང་། །ཐོད་པའི་ཕྲེང་བས་རྣམ་པར་བརྒྱན། །སྣ་ཚོགས་རྡོ་རྗེས་སྤྱི་གཙུག་མནན། །
དཔྲལ་བ་ལ་ནི་རྡོ་རྗེ་ཕྲེང་། །སྟག་གི་ལྤགས་པ་གོས་སུ་མནབས། །ཕྱག་རྒྱ་དྲུག་གིས་སྐུ་ལ་བརྒྱན། །རྣམ་པར་རྟོག་པ་འཇིགས་བྱེད་ཉིད། །སྲེད་དང་ཕྲག་དོག་དུས་མཚན་ཉིད། །ཞབས་ཀྱི་འོག་ཏུ་གནོན་པར་མཛད། །གདུལ་
དཀའ་ཐམས་ཅད་འདུལ་མཛད་ཅིང་། །བགེགས་ཀྱི་མགོ་བོའི་ཕྲེང་བ་ཅན། །སྣ་ཚོགས་མདོག་ཅན་ལེགས་པར་མཛེས། །དཀར་བའི་མདོག་ཅན་རྐེད་པ་ཕྲ། །ལྷ་ཡི་གཟི་བརྗིད་འབར་བ་ཅན། །སྔོ་ཞིང་
སེར་ལ་དུད་ཁ་དང་། །གཡས་པའི་ཞལ་ཡང་དེ་བཞིན་ཏེ། །ལྗང་ཁུ་དམར་དང་སེར་སྐྱ་སྟེ། །གཡོན་པའི་ཞལ་ཡང་སྣ་ཚོགས་མཛེས། །སྟེང་གི་ཐལ་ཀ་སྤྲིན་མདོག་ཞི། །ཆགས་ཤིང་རྗེས་སུ་ཆགས་པས་
བལྟ། །ཐུགས་རྗེའི་རོ་ནི་ཡང་དག་རྫོགས། །སྐུ་ལུས་ལྡེམ་ཞིང་འཇོ་བག་ཅན། །ཨཱ་ལི་མཁའ་འགྲོ་མ་ཡི་སྐུ། །ཕྱག་གཉིས་པ་ལ་གཅེར་བུའི་ལུས། །ཐོད་པའི་ཕྲེང་བས་དབུ་ལ་བརྒྱན། །སྐྲ་གྲོལ་བ་
ཡིས་རྣམ་པར་མྱོས། །སྤྱན་གསུམ་ནག་པོ་འཇིགས་པ་ཅན། །དེ་ཡི་མདོག་ཅན་སྐུ་རགས་ཅན། །བྱིན་པ་གཉིས་ཀྱིས་ལེགས་པར་འཁྲིལ། །གཉིས་མེད་སྦྱོར་བས་ཡང་དག་གནས། །རྡོ་རྗེ་དྲིལ་བུ་ཡང་
དག་ལྡན། །ལྷ་མོའི་ཀུ་ཙ་འཚིར་བའོ། །ཇི་ལྟར་མཁའ་འགྲོའི་ཕྱག་རྒྱ་ལྟར། །མཁའ་འགྲོ་མ་ཡང་དེ་བཞིན་སྦྱར། །ཕྱག་གཉིས་དག་ནི་བརྐྱང་བ་ལ། །ཁྱབ་འཇུག་ལྤགས་པ་མནབས་པ་ཡིན། །ཐོད་པ་དང་
ནི་ཁ་ཊྭཱྃ་འཛིན། །རལ་གྲི་དང་ནི་ཐོད་པ་འཆང་། །མདུང་རྩེ་གསུམ་པ་ཅང་ཏེའུ་ཉིད། །དགྲ་སྟ་ལྕགས་ཀྱུ་དེ་བཞིན་ཏེ། །ཞགས་པ་ཚངས་པའི་མགོ་བོ་དང་། །གྲི་གུག་དང་ནི་འཁོར་ལོ་ཉིད། །སྙིང་ཀར་

85-1-165b

རྩིབས་ནི་བཅུ་གཉིས་པའི། །འཁོར་ལོའི་རྒྱལ་པོ་ལེགས་པར་མཛེས། །དེ་ཡི་ལྟེ་བའི་དབུས་སུ་ནི། །ཡེ་ཤེས་མཁའ་འགྲོ་རྣམ་པར་བསྒོམ། །དེ་མདོག་ཞལ་དང་འདུག་སྟངས་དང་། །ཕྱག་དང་
ཕྱག་རྒྱ་དེ་བཞིན་ཏེ། །ཤར་དུ་དམ་ཚིག་མཆོག་ཅེས་བྱ་བའི་རྡོ་རྗེ་མཁའ་འགྲོ་མ་ཡི་གེ་ཨའི་རིགས་ལས་བྱུང་བའོ། །བྱང་ཕྱོགས་སུ་སྣ་ཚོགས་མཆོག་ཅེས་བྱ་བའི་མཁའ་འགྲོ་མ་ཡི་གེ་ཨཱི་ལས་བྱུང་སྟེ་བཞུགས་
པའོ། །ནུབ་ཕྱོགས་སུ་ནམ་མཁའི་མཆོག་ཅེས་བྱ་བའི་མཁའ་འགྲོ་མ་ཡི་གེ་ཨེ་དང་སྦྱར་བར་བྱའོ། །ལྷོ་ཕྱོགས་སུ་གནས་ཀྱི་མཆོག་ཅེས་བྱ་བའི་མཁའ་འགྲོ་མ་ཡི་གེ་ཨཻ་ལས་ཡང་དག་པར་བཞུགས་པའོ། །
མེའི་ཕྱོགས་ལ་སོགས་པའི་མཚམས་རྣམས་སུ། མཁའ་འགྲོ་མ་བཞི་པོ་དགོད་པར་བྱ་སྟེ། ཐོག་མ་ཆེ་བའི་མཆོག་ཅེས་བྱ་བའི་མཁའ་འགྲོ་མ། ཡི་གེ་ཨུ་དང་སྦྱར་བར་བྱའོ། །བདེན་བྲལ་དུ་དྲག་པོ་མཆོག་ཅེས་བྱ་བའི་
མཁའ་འགྲོ་མ་ཡི་གེ་ཨཱུ་དང་སྦྱར་བར་བྱའོ། །རླུང་གི་ཕྱོགས་སུ་དཔའ་བོའི་མཆོག་ཅེས་བྱ་བའི་མཁའ་འགྲོ་མ་ཡི་གེ་ཨོ་དང་སྦྱར་བར་བྱའོ། །དབང་ལྡན་དུ་ཁྲོ་བོའི་མཆོག་ཅེས་བྱ་བའི་མཁའ་འགྲོ་མ་ཡི་གེ་ཨཽ་དང་སྦྱར་
བར་བྱའོ། །དེ་བཞིན་འདིར་ནི་མཚམས་བཞི་རུ། དབང་ལྡན་ལ་སོགས་ཕྱོགས་དགོད་པ། ཡི་གེ་རཱི་ལས་དངོས་གྲུབ་ཀྱི་མཆོག་ཅེས་བྱ་བའི་མཁའ་འགྲོ་མ་དང་། ཡི་གེ་ལི་ལས་དུར་ཁྲོད་ཀྱི་མཆོག་ཅེས་བྱ་
བའི་མཁའ་འགྲོ་མ་དང་། ཡི་གེ་རཱི་ལས་རྣལ་འབྱོར་གྱི་མཆོག་ཅེས་བྱ་བའི་མཁའ་འགྲོ་མ་དང་། ཡི་གེ་ལཱི་ལས་གཏུམ་པའི་མཆོག་ཅེས་བྱ་བའི་མཁའ་འགྲོ་མ་དང་། མཁའ་འགྲོ་མ་ནི་དེ་ཀུན་གྱི་ཡན་ལག་
བཅུ་གཉིས་རྣམ་པར་དག །ཞལ་གསུམ་ཕྱག་ནི་དྲུག་པ་སྟེ། །ཐམས་ཅད་སྤྱན་གསུམ་རྣམ་སྒྱུར་ལ། །སྐུ་ལུས་དཀར་པོ་ཐམས་ཅད་ཞལ། །སྔོ་དང་ལྗང་ཁུ་གཉིས་མེད་བདེ། །གཡོན་དང་གཡས་

85-1-166a

པའི་ཞལ་གཉིས་ནི། །མཁས་པས་རྣམ་པར་བསྒོམ་པར་བྱ། །ཕྱོགས་ཀྱི་གོས་ཅན་གར་དང་བཅས། །སྐྲ་གྲོལ་བ་ལ་རབ་ཏུ་འཇིགས། །ཐོད་པ་དང་ནི་ཁ་ཊྭཱྃ་འཛིན། །ཅང་ཏེའུ་དང་ནི་གྲི་གུག་མཆོག །མདུང་དང་
མགོ་བོ་ཐམས་ཅད་ཀུན། །སྣ་ཚོགས་མདོག་དང་ཕྱག་མཚན་བསྣམས། །རོ་ཡི་མགོ་ཡི་སྟེང་བཞུགས་ཤིང་། །ཐུགས་རྗེའི་རོ་ནི་ཡོངས་སུ་རྫོགས། །ཕྱག་རྒྱ་ལྔ་ནི་འཛིན་པ་སྟེ། །ཐམས་ཅད་ཐོད་པའི་ཕྲེང་བས་བརྒྱན། །མགོ་བོའི་ཕྲེང་
བ་འཛིན་པ་སྟེ། །ཐམས་ཅད་ཨ་ལ་ལ་ཡི་སྒྲ། །ཨོཾ་ནི་ཐུགས་ཀྱི་རྡོ་རྗེ་སྟེ། །ཨ་ནི་གསུང་དུ་འགྱུར་བ་ཡིན། །ཨ་ནི་སྐུ་ཡི་རྡོ་རྗེ་སྟེ། །རྡོ་རྗེ་པད་མ་འཁོར་ལོའི་དབུས། །འདི་ནི་མཆོག་ཏུ་གསང་བ་སྟེ། །རྣལ་འབྱོར་མ་ཡི་སྦྱོར་བ་
མཆོག །རྡོ་རྗེ་སེམས་དཔས་གསུངས་པ་སྟེ། །རྡོ་རྗེ་སྙིང་པོས་ཞུས་པ་ཡིན། །དཀྱིལ་འཁོར་འཁོར་ལོའི་མཁའ་འགྲོ་མ། །འཁོར་ལ་སོགས་པ་ཐམས་ཅད་དགོད། །ཡེ་ཤེས་འཁོར་ལོ་དེ་མཐོང་ནས། །གཅིག་པུ་ཆོས་ཀྱི་
རོ་ཡང་བསྒོམ། །ཡེ་ཤེས་བཟླས་པའི་སྦྱོར་བ་ཡིས། །རང་གི་སྔགས་ཀྱི་འཐོར་འཐུང་བྱ། །ནང་གི་བདག་ཉིད་སྦྱོར་ལྡན་པས། །འཁོར་ལོ་མཆོག་གི་ཚོགས་དང་སྤྲོ། །མཆོག་དེ་མཐོང་ན་སླར་ཡང་བསྡུ། །ཡན་ལག་བཅུ་
གཉིས་མཆོག་དམ་པ། །ས་ནི་བཅུ་གཉིས་དག་ཉིད་དེ། །རྡོ་རྗེ་ས་ནི་བཅུ་གསུམ་པ། །རབ་ཏུ་དགའ་དང་དྲི་མ་མེད། །འོད་བྱེད་པ་དང་འོད་འཕྲོ་བ། །སྦྱང་དཀའ་བ་དང་མངོན་དུ་གྱུར། །རིང་དུ་སོང་དང་མི་གཡོ་བ། །ལེགས་པའི་
བློ་གྲོས་ཆོས་ཀྱི་སྤྲིན། །གཟུགས་མེད་པ་དང་ཡེ་ཤེས་ལྡན། །དེ་ལྟར་ས་ནི་བཅུ་གཉིས་པོ། །འཁོར་ལོའི་ལྷ་མོ་རྣམ་པར་དགོད། །དགྱེས་པ་ཆེན་པོ་བདེ་བའི་མཆོག་ཅེས་བྱ་བའི་རྡོ་རྗེ་སེམས་དཔའི་ས་དབུས་སུའོ། །འཁོར་ལ་
སོགས་པ་ཀུན་གྱི་སྔགས། །མིང་དང་གསལ་བྱེད་ཧཱུྃ་བྱས་ཏེ། །དེ་དག་མཐར་ནི་ཕཊ་དང་སྦྱར། །སྔགས་ཀྱི་གཙོ་བོས་གསང་སྔགས་ནི། །རང་སྙིང་རང་གི་ས་བོན་དགོད། །སྐུ་གསུང་ཐུགས་དང་རྣམ་པར་སྦྱར། །ཡེ་ཤེས་

85-1-166b

འཁོར་ལོ་འདི་མཐོང་ནས། །གཅིག་ཏུ་བསྡུས་ཏེ་མཆོད་པར་བྱ། །བདག་གིས་ཕྱི་དང་ནང་དུ་ཡང་། །མཉམ་པར་བཞག་སྟེ་མི་སྨྲ་བཟླ། །རང་གི་འཐོར་མཐུང་བྱས་ནས་ནི། །བློ་ལྡན་སྲོག་རྩོལ་བཟླས་པ་བྱ། །ཨོཾ་ཤྲཱི་ཨ་ལི་ཌཱ་
ཀི་ཨ་ཨ་ཨྃ་ཧཱུྃ་ཌཱ་ཀི་ནཱི་ཛཱ་ལ་སམ་བ་ར་ཧཱུྃ་ཕཊ་སྭཱ་ཧཱ། སྲིད་པ་མ་ལུས་ཐམས་ཅད་ཀུན། །དངོས་པོ་མེད་པའི་རང་བཞིན་ཏེ། །སྔགས་དང་དབྱིབས་དང་ཆོས་བདག་ཉིད། །སྦྱོར་བ་ཡི་ནི་བདག་ཉིད་རྣམས། །སེམས་ཅན་ཁམས་ནི་
ཆ་གནས་པས། །རང་གི་ལྷ་ཡི་སྦྱོར་བ་ཡིས། །བདག་ཉིད་སྦྱོར་ཞིང་མཆོད་པར་བྱ། །མཉམ་པར་མ་བཞག་སེམས་ཀྱིས་ནི། །སྒོམ་ཞིང་རབ་ཏུ་བསྒོམས་བྱས་ཏེ། །སྔགས་དང་དབྱིབས་དང་ཆོས་ཉིད་དེ། །ཆོས་གཅིག་རོ་ནི་སྟོང་
པ་ཡིན། །ཆོས་ནི་བདག་མེད་ཉིད་ཡིན་ཏེ། །རང་བཞིན་མེད་པའི་ཆོས་ལ་ནི། །རྗེས་སུ་བརྟག་པར་བྱ་བ་ཡིན། །མངོན་པར་བརྗོད་པའི་རྒྱུད་བླ་མའི་བླ་མ་ལས་གསང་བ་ཆེན་པོའི་གསང་བ་ཨཱ་ལིའི་མཁའ་འགྲོ་བསྒྲུབ་པ་སྟེ་ལེའུ་སུམ་
བཅུ་པའོ།། །། དེ་ནས་སྦྱོར་བ་བཤད་བྱ་བ། །སྣ་ཚོགས་གར་གྱི་དབང་ཕྱུག་མཆོག །ཐམས་ཅད་མཆོག་སྟེ་རྣལ་འབྱོར་ཆེ། །དངོས་གྲུབ་ཆེན་པོ་ལེགས་སྩོལ་ལ། །བསྐྱེད་བའི་རིམ་པའི་སྦྱོར་བ་ཡིས། །སྒོམ་ཞིང་
རབ་ཏུ་བསྒོམ་པར་བྱ། །ཉི་མའི་དཀྱིལ་འཁོར་དབུས་སུ་ནི། །སིྃ་ཨོཾ་དྭྃ་ལས་རྡོ་རྗེ་འབྱུང་། །དེ་ཉིད་ཡོངས་གྱུར་བདག་ཉིད་དེ། །གསལ་བྱེད་མཁའ་འགྲོ་མཆོག་གྱུར་པ། །སྣ་ཚོགས་དབང་ཕྱུག་སྣ་ཚོགས་མདོག །ཐམས་ཅད་
རིགས་ཀྱི་མཆོག་དམ་པ། །ཞལ་དྲུག་པ་ལ་ཕྱག་བཅུ་གཉིས། །སྤྱན་གསུམ་པ་ལ་གཡོ་བའི་སྒྲ། །ཟླ་བ་བྱེད་པ་ཞི་བ་འཛིན། །ཐོད་པའི་ཕྲེང་བས་སྤུད་པ་སྟེ། །སྣ་ཚོགས་རྡོ་རྗེ་དབུ་ལ་འཆང་། །སྤྱི་གཙུག་རལ་པ་
འཆིང་བ་སྟེ། །ཕྱག་རྒྱ་དྲུག་གིས་སྐུ་ལ་མཚན། །ལྷ་ཡི་རྒྱན་གྱིས་སྤུད་པ་སྟེ། །སྐལ་ངན་མུ་སྟེགས་ཅན་རྣམས་ནི། །ཞབས་ཀྱི་པད་མའི་འོག་ཏུ་མནན། །ལྟ་བ་ལྔ་ཡི་རིམ་པ་དག །གཡས་བརྐྱང་བ་

85-1-167a

ཡི་ཞབས་ཀྱིས་མནན། །སྐྱིལ་དཀྲུང་ཕྱེད་པའི་གར་ཞབས་ཅན། །ཞབས་དྲུག་གིས་ནི་རྣམ་པར་བརྒྱན། །ཁྱབ་འཇུག་གི་ནི་ལྤགས་པ་མནབས། །མགོ་བོའི་ཕྲེང་བས་བརྒྱན་པ་སྟེ། །རྡོ་རྗེ་ལྷ་མོས་རྣམ་པར་
འཁྱུད། །གཅེར་བུ་འོག་བཀ་སྐ་རགས་ཅན། །སྐྲ་གྲོལ་བ་ལ་སྤྱན་གསུམ་ཅན། །མཆུ་དང་མཆུ་ནི་རྣམ་འཚིར་ཞིང་། །རྡོ་རྗེ་དྲིལ་བུ་མཉམ་པར་འཁྲིལ། །བྱང་ཆུབ་ཡན་ལག་གནས་འཚིར་ཞིང་། །བྱིན་པ་གཉིས་ཀྱིས་མཉམ་
པར་འཁྲིལ། །ཐུགས་རྗེ་ཆགས་པའི་རོ་ཡིས་བདེ། །ཚངས་པའི་ལྤགས་པའི་ཡན་ལག་ནི། །ཕྱག་གཉིས་དག་གིས་བརྐྱང་ནས་འཛིན། །ཐོད་པ་དང་ནི་ཁ་ཊྭཱྃ་འཆང་། །དབང་ཕྱུག་ཆེན་པོའི་མགོ་བོ་ཐོགས། །མདུང་རྩེ་གསུམ་
དང་རལ་གྲི་དང་། །ཅང་ཏེའུ་ཞགས་པ་ལྕགས་ཀྱུ་བསྣམས། །དཀར་དང་སྔོ་དང་ལྗང་བ་ཉིད། །སེར་དང་དུད་ཀ་ངུར་སྨིག་སྟེ། །གཡོན་དང་གཡས་པའི་ངོས་དག་ཏུ། །ཕི་ལ་དང་ནི་ཉེ་ཕི་ལ། །མཁའ་འགྲོ་མ་ནི་གཉིས་པོ་སྦྱར། །ཆོས་ཀྱི་
མཆོག་ཅེས་བྱ་བ་ཡི། །རྡོ་རྗེ་མཁའ་འགྲོ་མ་ཉིད་ནི། །ཡི་གེ་དྭྃ་ལས་ཡང་དག་འབྱུང་། །གཡོན་གྱི་ཕྱོགས་སུ་དགོད་པར་བྱ། །ཡི་གེ་སི་ལས་ངེས་བྱུང་བ། །རྒྱ་མཚོའི་མཆོག་ཅེས་བྱ་བ་ཡི། །རྡོ་རྗེ་མཁའ་འགྲོ་མ་ཉིད་ནི། །སྣ་ཚོགས་མདོག་
ཅན་སྣ་ཚོགས་ཞལ། །སྤྱན་གསུམ་པ་ལ་བཞིན་རྣམ་སྒྱུར། །སྐྱིལ་དཀྲུང་ཕྱེད་པས་གནས་པ་སྟེ། །ཞབས་ནི་གར་དང་བཅས་པའོ། །ཞལ་ལྔ་པ་ལ་ཕྱག་བཅུ་པ། །སྤྱན་གསུམ་དྲག་པོ་འཇིགས་པ་སྟེ། །འཇིགས་བྱེད་དང་ནི་
དུས་མཚན་དག །ཞབས་ཀྱི་འོག་ཏུ་མནན་པར་བཞུགས། །མགྲིན་པ་དག་ན་དྲུག་དང་བཞི། །ཕྱག་རྒྱ་ལྔ་ཡིས་རྣམ་པར་བརྒྱན། །ཕྱོགས་ཀྱི་གོས་ཅན་སྐྲ་གྲོལ་བ། །ཐོད་པའི་ཕྲེང་བའི་སྐུ་རགས་ཅན། །རྐང་དྲུག་གཡེར་ཀའི
སིལ་སྒྲ་ཅན། །ཐོད་པའི་ཕྲེང་བས་རྣམ་པར་བརྒྱན། །ཟླ་བའི་དཀྱིལ་འཁོར་དབུས་སུ་ནི། །འཁྱུད་པ་ཡི་ནི་མཆོག་དམ་པ། །རྡོ་རྗེ་གསོར་ཞིང་སྡིགས་མཛུབ་ཀྱིས། །གཉིས་སུ་མེད་པར་རྣམ་པར་བརྒྱན། །ཐོད་པ་གཉིས་མེད་

85-1-167b

རྣམ་བརྒྱན་ཏེ། །ཞགས་པ་ལྕགས་ཀྱུ་ཕྱག་ན་བསྣམས། །ཐོད་པ་དང་ནི་གྲི་གུག་མཆོག །སྐུ་གསུང་ཐུགས་ཀྱི་དབུ་རྒྱན་ཅན། །དངོས་གྲུབ་ཐམས་ཅད་རབ་སྩོལ་བ། །ཡེ་ཤེས་མཁའ་འགྲོ་མ་དབུས་སུ། །འཁོར་ལོ་
གསུམ་གྱི་ཐབས་ཀྱང་བསྒོམ། །ཨོཾ་གྱི་ཡེ་ཤེས་མཁའ་འགྲོ་ནི། །ཐུགས་ཀྱི་འཁོར་ལོའི་དབུས་སུ་སྟེ། །སྐུ་གསུང་ཐུགས་ཀྱི་མཁའ་འགྲོ་ནི། །རང་གི་སྙིང་ཀར་དེ་དག་བསྒོམ། །སྔར་བཤད་སྦྱོར་བའི་རིམ་པ་ཡིས། །གནས་
ལ་སོགས་པའི་རྗེས་རིམ་པ། །དེ་རུ་བསམ་ཞིང་རྣམ་བསྒོམས་ཏེ། །གསུམ་པོའི་རིམ་པ་རྗེས་སུ་སྤྲོ། །དེས་ནི་དངོས་གྲུབ་གཉིས་མེད་པ། །མཁའ་འགྲོ་མ་དང་ལྷན་ཅིག་བསྒོམ། །ཡེ་ཤེས་འཁོར་ལོའི་རོ་རྣམས་ནི། །བསྒོམས་
ལ་གསང་སྔགས་བཟླས་པར་བྱ། །ཨོཾ་ཤྲཱི་པྲ་ཎ་བོད་ཌཱ་ཀ་ཨོཾ་ཨ་ཨོཾ་ཧཱུྃ་ཌཱ་ཀི་ནཱི་ཛཱ་ལ་སྃམ་བ་ར་ཨོཾ་སྭཱ་ཧཱ། ཨོཾ་ཧྲི་དྷརྨ་ཨུཏྟ་མེ། མ་ཧཱ་བཛྲ་ཌཱ་ཀི་ནཱི་ཡ་དྭྃ་ཧཱུྃ་ཕཊ་སྭཱ་ཧཱ། ཨོཾ་སྣི་ཨ་ས་ག་རི་ཨུཏྟ་མེ་མ་ཧཱ་བཛྲ་ཌཱ་ཀི་ནཱི་ཡེ་སཱིྃ་ཧཱུྃ་ཕཊ་སྭཱ་ཧཱ། 
གསང་གསུམ་ཡེ་ཤེས་བཟླས་ན་ནི། །དཔའ་བོ་མཁའ་འགྲོ་མ་བཟླས་བྱ། །གསལ་བྱེད་རང་མིང་ཧཱུྃ་གཉིས་དང་། །མཐར་ནི་ཕཊ་དང་སྦྱར་བར་བྱ། །གསང་གསུམ་འཁོར་ལོ་བསྒོམས་ནས་ནི། །གསུམ་པོ་བསྡུ་ཞིང་བསྒོམས་ནས་
སུ། །དམ་ཚིག་གསང་གསུམ་སྦྱོར་བ་ཡིས། །བྷ་གའི་དབུས་སུ་བསྒོམ་པར་བྱ། །བྱང་ཆུབ་ཟླ་བ་དྲི་མ་མེད། །ཐུགས་ཀྱི་འཁོར་ལོ་ནཱ་ད་གསུམ། །གཙོ་བོ་དག་ནི་གསུམ་ཡིན་ཏེ། །མཁའ་
འགྲོ་མ་གསུམ་གསུམ་མཁའ་འགྲོ། །སྡུད་ཅིང་བསྐྱེད་པར་མཛད་པ་སྟེ། །བྷ་གར་རྡོ་རྗེ་ཕག་མོ་ནི། །གསང་བ་གསུམ་དུ་རྣམ་པར་བསྒོམ། །དེ་ཉིད་བསྒོམ་པའི་སྦྱོར་བ་ཡིས། །དེས་ན་ང་རྒྱལ་རྣམ་
སྤངས་ནས། །དུས་བཞི་དག་ཏུ་སྦྱོར་བ་ཡིས། །དེ་བཞིན་བསྒོམ་དང་བཟླས་པ་བྱ། །རྟག་ཏུ་དམ་ཚིག་བསྐྱང་བྱ་ཞིང་། །འོ་མ་སྣ་ཚོགས་ལས་བྱུང་བ། །བྲམ་ཟེ་ཆེ་དང་སྦྲང་རྩི་མར། །

85-1-168a

མ་ཧཱ་མཱང་ས་མཉམ་ལྡན་པ། །དེ་ཉིད་གསུམ་གྱིས་མངོན་བསྔགས་ཏེ། །བཟླའ་བ་དག་ནི་བཟའ་བར་བྱ། །འདུ་འཛི་མེད་ཅིང་སྲེད་པ་མེད། །ཡོངས་སུ་གཟུང་བའི་འཁོར་ཡང་མེད། །ལོངས་སྤྱོད་མིན་
པས་ལོངས་སྤྱོད་ལ། །འཆི་བ་མེད་པའི་ཟས་བཟའ་ཞིང་། །འདོད་པའི་ཡོན་ཏན་ལྔ་ཡང་བསྟེན། །ལོངས་སྤྱོད་མེད་པའི་ཟས་བཟའ་ཞིང་། །རྣལ་འབྱོར་བསྒོམ་པའི་སྐོམ་ཡང་བཏུང་། །གཞན་དུ་གང་ཡང་བཏུང་བ་མིན། །ནང་
གི་བདག་ཉིད་སྦྱོར་ལྡན་པས། །རང་ཉིད་བྱིན་གྱིས་བརླབས་བྱས་ནས། །བཅོམ་ལྡན་མཁའ་འགྲོ་པི་ལ་བ། །རྣལ་འབྱོར་མ་ནི་ཉེ་པི་ལ། །ཐབས་ནི་པི་ལ་བར་ཞེས་བྱ། །ཤེས་རབ་ཉེ་བའི་པི་ལ་བ། །གྲོང་ཁྱེར་མཐར་ནི་པི་ལ་
ཉིད། །གྲོང་གི་མཐའ་ནི་ཉེ་པི་ལ། །ཟླ་བ་ཉི་མ་མཉམ་སྦྱོར་བ། །པི་ལ་དང་ནི་ཉེ་པི་ཡིན། །སྐད་ཅིག་སྦྱོར་བ་པི་ལ་བ། །དགའ་བ་ཉེ་བའི་པི་ལ་སྟེ། །མཐུ་སྟོབས་དུ་མ་ལྡན་པར་ནི། །སྐྱེ་བ་འདི་ལ་འགྲུབ་པ་ཡིན། །པ་ཤུ་ཐམས་ཅད་
བཟའ་བྱ་ཡིན། །ལྷ་བཤོས་དག་ཀྱང་དེ་བཞིན་བསྒྲུབ། །དཔའ་བོ་མཁའ་འགྲོ་མ་འདུས་ནས། །དུས་ལ་འཐུན་པ་འདུས་བྱས་ནས། །གླུ་དང་གར་དང་བཟའ་བ་དང་། །འདུས་པ་མཆོག་གིས་མཆོད་པར་བྱ། །རྟོག་པ་ཐམས་ཅད་རྣམ་སྤངས་
ནས། །དམ་ཚིག་གི་ནི་སྤྱད་པ་སྤྱོད། །མངོན་པར་བརྗོད་པའི་རྒྱུད་བླ་མའི་བླ་མ་ལས་གསལ་བྱེད་མཁའ་འགྲོའི་བསྒྲུབ་པའི་མཚན་མ་བསྟན་པ་སྟེ་ལེའུ་སུམ་བཅུ་རྩ་གཅིག་པའོ།། །། དེ་ནས་གཞན་ཡང་བཤད་བྱ་བ། །
དངོས་གྲུབ་སྦྱོར་བའི་རིམ་པ་སྟེ། །མཁའ་འགྲོ་མ་དང་མཁའ་འགྲོ་སྦྱོར། །དམ་ཚིག་མཆོག་གི་སྡོམ་པ་ཡིན། །ཆོས་རྣམས་ཀུན་གྱི་སྡོམ་པ་སྟེ། །མཁའ་འགྲོ་མ་ཡི་བདེ་བ་ཆེ། །མཁའ་དབྱིངས་རྡོ་རྗེའི་དབུས་གནས་པ། །
དཀྱིལ་འཁོར་དམ་ཚིག་མཆོག་དམ་པ། །དེ་ཡི་དབུས་སུ་འཁོར་ལོ་ཆེ། །དཀྱིལ་འཁོར་ལྔ་ཡིས་རྣམ་པར་བརྒྱན། །དབུས་སུ་ཉི་མའི་གདན་ཡང་མཛེས། །ཨཱ་ལི་ཀཱ་ལི་མཉམ་པར་ལྡན། །སུམ་བཅུ་རྩ་གཉིས་མཚན་དང་ལྡན། །དཔེ་བྱད་

85-1-168b

བཟང་པོ་བརྒྱད་བཅུས་བརྒྱན། །བྱིན་གྱིས་བརླབས་པ་བྱས་ནས་ནི། །རང་གི་ས་བོན་ལས་བསྐྱེད་དེ། །ཡི་གེ་ཧི་ལས་ཡང་དག་བྱུང་། །དུས་མཐའི་མེ་ལྟར་རབ་ཏུ་འཇིགས། །ཞལ་གྱི་མཆེ་བ་རྣམ་པར་གཙིགས། །སྤྱན་
གསུམ་ལྗགས་ནི་བསྐྱོད་པའི་ཞལ། །གདུག་པ་ཐམས་ཅད་ཞབས་འོག་གནོན། །ཁྲོ་བ་དང་ནི་བཞད་པའི་ཞལ། །བསྐལ་པའི་མཐར་ཡང་འཁྲུག་པ་སྟེ། །རལ་པ་ཡི་ནི་དབུ་རྒྱན་ཅན། །གཡས་བརྐྱང་བ་ཡི་ཞབས་ཀྱིས་བཞུགས། །
མགོ་བོའི་ཕྲེང་བས་རྣམ་པར་བརྒྱན། །འཇིགས་བྱེད་ཆེན་པོའི་པགས་པ་ཡིས། །རྐེད་པར་སྐུ་རགས་བཅིངས་པ་ཡིན། །ཐོད་པའི་ཕྲེང་བའི་དབུ་རྒྱན་ཅན། །སྣ་ཚོགས་རྡོ་རྗེ་ཟླ་ཕྱེད་འཆང་། །དཔྲལ་བ་ལ་ནི་རྡོ་རྗེ་ཕྲེང་། །ཁྲོ་བོ་མཐོང་
ནས་རྣམ་པར་བརྟག །ལྷ་རྣམས་ཐམས་ཅད་ཚར་ཡང་གཅོད། །ཀེང་རུས་ཅན་གྱི་བརྟུལ་ཞུགས་འཛིན། །འཆི་བ་འཚོ་བར་བྱེད་པའི་མཆོག །གདུག་པ་ཐམས་ཅད་ངེས་པར་གནོན། །ཕྱག་རྒྱ་དྲུག་གིས་སྐུ་ལུས་བརྒྱན། །
སྣ་ཚོགས་རྒྱན་གྱིས་སྤུད་པ་སྟེ། །ཕྱག་དྲུག་པ་ལ་ཞལ་ལྔ་པ། །སྣ་ཚོགས་རོ་ཡི་བཅུད་མཆོག་ཅན། །སྔོ་དང་སེར་དང་དེ་བཞིན་དམར། །ལྗང་ཁུ་དཀར་པོ་ཞི་བ་སྟེ། །རྡོ་རྗེ་དྲིལ་བུ་མཉམ་ལྡན་པས། །ཕག་མོ་ཡི་ནི་སྐུ་ལུས་
ཁྱབ། །ལྷ་ཆེན་ལྤགས་པ་འཛིན་མཛད་ཅིང་། །བླ་རེ་ཚུལ་དུ་བརྐྱང་བར་མཛད། །ཐོད་པ་དང་ནི་ཁ་ཊྭཱྃ་འཛིན། །དྲུག་པ་ན་ནི་ཅང་ཏེའུ་དང་། །ཞབས་གཡོན་དུ་ནི་དུས་མཚན་མནན། །གཡས་པ་ཡིས་ནི་འཇིགས་བྱེད་དེ། །
ཞབས་ཀྱིས་འོག་ཏུ་མནན་མཛད་ཅིང་། །རྨོངས་ཤིང་རབ་ཏུ་མྱོས་པར་མཛད། །རྡོ་རྗེ་ཕག་མོ་དེ་མདོག་ཅན། །སྐྲ་གྲོལ་བ་དང་གཅེར་བུ་སྟེ། །ཐོད་པའི་ཕྲེང་བའི་དབུ་རྒྱན་ཅན། །དུམ་བུའི་རྒྱན་གྱིས་སྐ་རགས་ཅན། །བྱིན་པ་
གཉིས་ཀྱིས་ལེགས་པར་འཁྲིལ། །མགུལ་ནས་འཁྱུད་ཅིང་མྱོས་པ་སྟེ། །དེ་ཡི་ཕྱག་མཚན་ཕྱག་རྒྱ་བསྣམས། །གྲི་གུག་ཅང་ཏེའུ་མཆོག་ཀྱང་འཛིན། །དྲུག་པ་ལ་ནི་ཚངས་པའི་མགོ། །འདི་འདྲར་རྡོ་རྗེ་མཁའ་འགྲོ་ནི། །མཁས་

85-1-169a

པས་རེའུ་མིག་དབུས་སུ་དགོད། །ཤར་དུ་སངས་རྒྱས་མཁའ་འགྲོ་སྟེ། །བྱང་དུ་ལས་ཀྱི་མཁའ་འགྲོ་ཡིན། །ནུབ་ཏུ་པད་མའི་མཁའ་འགྲོ་སྟེ། །ལྷོ་རུ་རིན་ཆེན་མཁའ་འགྲོ་ཡིན། །དཀར་དང་སྔོ་དང་དམར་བ་དང་། །
ལྗང་ཁུ་དང་ནི་སེར་པོའོ། །འཁོར་ལོ་དྲིལ་བུ་མཉམ་པར་ལྡན། །གཡས་བརྐྱང་པ་ཡི་ཞབས་ཀྱིས་བཞུགས། །ལྗང་ཁུ་སེར་པོ་དམར་པོ་སྔོ། །དཀར་པོ་སྟེང་ལྟས་དྲིལ་བུ་དང་། །སྣ་ཚོགས་རྡོ་རྗེ་བདེ་ཆེན་འཁྱུད། །གཡས་བརྐྱང་བ་
ཡི་ཚུལ་གྱིས་བཞུགས། །དམར་སྔོ་སེར་དང་ལྗང་གུ་དང་། །དཀར་པོ་ཡང་ནི་དེ་བཞིན་ནོ། །པད་མ་དྲིལ་བུས་སྙོམས་འཇུག་ཅིང་། །ལྷ་མོའི་ནུ་མ་འཚིར་བའོ། །སེར་པོ་སྔོན་པོ་དེ་བཞིན་དམར། །ལྗང་ཁུ་དཀར་པོའི་ཁ་དོག་སྟེ། །
རིན་ཆེན་དྲིལ་བུས་སྙོམས་པར་འཇུག །གཡས་བརྐྱང་བ་ཡི་ཞབས་ཀྱིས་བཞུགས། །དེ་དག་མཁའ་འགྲོ་ལྔ་ཡིན་ཏེ། །སྡོམས་པ་ལྔ་ཡང་དེ་ཉིད་དོ། །མེ་དང་བདེན་བྲལ་རླུང་དང་ནི། །དབང་ལྡན་དེ་ནི་བཞི་པོ་རུ། །སངས་རྒྱས་མཁའ་
འགྲོ་ལས་མཁའ་འགྲོ། །པད་མའི་མཁའ་འགྲོ་རིན་ཆེན་མཁའ། །ཞལ་གསུམ་པ་ལ་ཕྱག་དྲུག་པ། །སྤྱན་གསུམ་པ་ལ་སྐྲ་གྲོལ་བ། །ཐོད་པའི་ཕྲེང་བས་རྣམ་པར་བརྒྱན། །རྒྱན་རྣམས་ཐམས་ཅད་ཡོངས་སུ་རྫོགས། །ཕྱག་རྒྱ་ལྔ་ཡིས་
རྣམ་པར་བརྒྱན། །ཕྱོགས་ཀྱི་གོས་ཅན་གར་མཆོག་ཅན། །མགོ་ཡི་ཕྲེང་བས་རྣམ་པར་བརྒྱན། །ཐོད་པ་དང་ནི་ཁ་ཊྭཱྃ་འཛིན། །རྡོ་རྗེ་མདའ་ལ་སོགས་པས་བརྒྱན། །ཞགས་པ་ལྕགས་ཀྱུ་ཕྱག་ན་མཛེས། །འདོད་པ་ཐམས་ཅད་སྩོལ་
མཛད་ཅིང་། །ཐུགས་རྗེའི་རོ་ནི་ཡང་དག་རྫོགས། །ཐུགས་རྗེའི་འདོད་པས་རྣམ་པར་མྱོས། །ཅུང་ཟད་ངོ་ཚའི་མིག་ཟུར་ཅན། །དགྱེས་པ་སྩོལ་བས་བདེ་བ་སྟེ། །དེ་ལྟར་སྣ་ཚོགས་དུ་མ་ཡིས། །དཀྱིལ་འཁོར་རྣམས་ནི་ཡོངས་སུ་
ཁྱབ། །དུ་མའི་གཟུགས་དང་གཟུགས་སྡུག་མ། །རྡོ་རྗེ་མཆུ་དང་འོད་བྱེད་མ། །རྟ་གདོང་དང་ནི་དྲག་པོའི་གདོང་། །རྡོ་རྗེ་དྲག་མོ་སྙན་གྲགས་མ། །རྡོ་རྗེ་ཕོ་ཉ་རྡོ་རྗེ་སེན། །རྡོ་རྗེ་གཞོན་ནུ་མ་དེ་བཞིན། །ཀམ་པོ་ཙི་ཡང་དེ་བཞིན་ཏེ། །རྡོ་རྗེ་རོ་ལངས་

85-1-169b

མ་དང་ནི། །རྡོ་རྗེ་མ་མོའང་དེ་བཞིན་ཏེ། །དྲི་ཅན་མ་དང་འཇིགས་བྱེད་ཞལ། །ཟླ་བའི་སྤྱི་གཙུག་དེ་བཞིན་ཏེ། །ཁྲོ་གཉེར་ཅན་དང་སྣ་ཚོགས་གཟུགས། །རྡོ་རྗེ་གྲི་གུག་དེ་བཞིན་ཏེ། །རྡོ་རྗེ་ལུ་གུ་རྒྱུད་དང་ནི། །སྒྱུ་འཕྲུལ་ལྷ་མོ་གྲགས་བྱེད་མ། །
ན་ལར་ཀི་དང་སེར་སྐྱ་མ། །རྡོ་རྗེ་འབར་མ་ཐལ་སྦྱོར་མ། །རྡོ་རྗེ་འཇིགས་བྱེད་མ་ཉིད་དེ། །དཀྱིལ་འཁོར་འགྲུབ་པའི་མཁའ་འགྲོ་མ། །མཁའ་འགྲོ་མ་ནི་དེ་དག་ཀུན། །སྤྱན་གསུམ་པ་ལ་ཞལ་རྣམ་སྒྱུར། །གསུས་པ་འཕྱང་ལ་སྐྲ་གྲོལ་བ། །ཐོད་པའི་
ཕྲེང་བས་རྣམ་པར་བརྒྱན། །རྒྱན་རྣམས་ཐམས་ཅད་ཡོང་དག་རྫོགས། །ཕྱག་རྒྱ་ལྔ་ཡིས་རྣམ་པར་བརྒྱན། །ཕྱོགས་ཀྱི་གོས་ཅན་གར་མཆོག་སྟེ། །མགོ་བོའི་ཕྲེང་བས་རྣམ་པར་བརྒྱན། །ཐམས་ཅད་རོ་ཡི་གདན་ལ་བཞུགས། །སྣ་ཚོགས་གཟུགས་ཅན་ཡིད་
འཕྲོག་པ། །ཐོད་པ་ཁ་ཊྭཱྃ་ག་འཛིན་ཅིང་། །ཞགས་པ་ལྕགས་ཀྱུ་ཕྱག་ན་བསྣམས། །རྡོ་རྗེ་མཆོག་ནི་གསོར་མཛད་ཅིང་། །དྲིལ་བུ་དང་ནི་ཅང་ཏེའུ་མཆོག །ཞལ་གསུམ་དཔའ་ཞིང་སྒེག་པ་སྟེ། །ཐུགས་རྗེའི་ཉམས་ནི་ཡོངས་སུ་རྫོགས། །སྤྱན་ནི་ཟུར་གྱིས་
གཟིགས་མཛད་ཅིང་། །དགྱེས་པའི་རྩོལ་བས་གཡོ་བ་སྟེ། །དངོས་གྲུབ་ཐམས་ཅད་སྩོལ་མཛད་ཅིང་། །སྒྲུབ་པ་པོ་ཀུན་རྗེས་སུ་ཆགས། །ཟླ་བ་དྲུག་གིས་སྒྲུབ་པ་པོ། །མཁའ་འགྲོ་མ་ཡི་འཁོར་ལོ་འགྲུབ། །ཡིད་གཉིས་མེད་པར་དངོས་གྲུབ་མཆོག །
མཁའ་འགྲོ་ཐོད་པར་བྱེད་པ་ཡིན། །དུས་འདིར་དེ་མ་ཐག་ཏུ་ཡང་། །མཁའ་ལ་སྤྱོད་པར་ཐེ་ཚོམ་མེད། །ནང་གི་ཕོ་བྲང་དེ་ཉིད་ནི། །རེའུ་མིག་དགུ་སོགས་སྒོ་དང་བཅས། །སྒོ་རུ་ལྷ་མོ་བཞི་བཀོད་ལ། །མཁའ་འགྲོ་མ་ནི་དངོས་གྲུབ་སྟེར། །ཕྱི་རོལ་
དཀྱིལ་འཁོར་ལྷ་མོ་བྲི། །སྣམ་བུའི་མཚམས་བཞི་དེ་རུ་ནི། །ལྷ་མོ་ཉི་ཤུ་དགོད་བྱ་ཞིང་། །མཁའ་འགྲོ་མ་སོགས་ཕྱོགས་མཚམས་སུ། །ཟུར་བཞི་པ་ལ་སྒོ་བཞི་པ། །ཕྱི་རོལ་དཀྱིལ་འཁོར་དག་ཏུ་བརྟག ། །སྒོ་རྣམས་སུ་ནི་ལྷ་མོ་བཞི། །
འདོད་པའི་འབྲས་བུ་ཐམས་ཅད་སྟེར། །རྟ་བབས་བཞིས་ནི་རྣམ་པར་བརྒྱན། །ཟུར་གྱི་ཆ་ནི་ཐམས་ཅད་དང་། །སྒོ་དང་སྒོ་ཁྱུད་མཚམས་རྣམས་སུ། །རྡོ་རྗེ་རིན་ཆེན་གྱིས་བརྒྱན་ཅིང་། །ཕྱི་རོལ་དཀྱིལ་འཁོར་ཐིག་གདབ་པོ། །

85-1-170a

དེ་ཡི་ནང་དུ་རེའུ་མིག་དགུ། །སྒོ་རྣམས་ཀྱང་ནི་བྱ་བ་སྟེ། །འདི་ལྟར་མཁའ་འགྲོ་མཁའ་འགྲོ་མ། །དྲ་བའི་སྡོམ་པ་སྟོང་པ་སྟེ། །བྱང་ཆུབ་ཕྱོགས་ནི་སུམ་བཅུ་བདུན། །ཆོས་ཀྱི་རྣམ་པར་དག་པ་ཡིན། །དབུས་སུ་ས་ནི་བཅུ་
གསུམ་སྟེ། །ཕྱི་རོལ་གནས་དང་ཉེ་བའི་གནས། །དུར་ཁྲོད་དང་ནི་ཉེ་དུར་ཁྲོད། །འདི་ལྟར་སྦྱོར་བས་རྣམ་དག་པར། །སྡོམ་པ་མཆོག་ནི་བསྒོམ་པར་བྱ། །དེ་ནི་ཐུགས་ཀྱི་ཡེ་ཤེས་ཏེ། །ཡེ་ཤེས་མཁའ་འགྲོ་མཁའ་འགྲོ་མའོ། །ཕུང་པོ་ཁམས་
དང་སྐྱེ་མཆེད་ལ། །ཆོ་ག་གཉིས་པོ་སྦྱར་བར་བྱ། །ཡེ་ཤེས་མཆོག་གི་སྡོམ་པ་སྟེ། །གསང་བ་གསུམ་གྱི་འཁོར་ལོ་དགོད། །ཕྱེད་དང་ཕྱེད་དུ་རྣམ་པར་དགོད། །མཁའ་འགྲོ་གསུམ་ནི་འཁོར་ལོའི་དབུས། །དམ་ཚིག་རྣལ་འབྱོར་འབྱུང་བ་ཆེ། །
ཡེ་ཤེས་འཁོར་ལོ་བཀུག་ནས་ནི། །ཞབས་བསིལ་བྱས་ནས་གཞུག་པར་བྱ། །ཡེ་ཤེས་ཆུ་ཡིས་དབང་བསྐུར་ནས། །གཙོ་བོ་དག་ནི་རྣམ་པར་བསྒོམ། །བདག་མེད་ཆོས་ཀྱི་རོ་ཀུན་གྱི། །དམ་ཚིག་མཆོག་ནི་དྲི་མ་མེད། །བ་སྤུ་ཁུང་བུ་
ཐམས་ཅད་ལས། །དམ་ཚིག་གསང་བ་གསུམ་སྤྲོས་ནས། །སེམས་ཅན་མ་ལུས་དམ་ཚིག་གི། །མཁའ་འགྲོ་རུ་ནི་རབ་གནས་བྱ། །འབད་པ་ཡིས་ནི་བསྡུས་ནས་ཀྱང་། །གསང་བ་གསུམ་དུ་གཞུག་པར་བྱ། །སྟོན་
གྲུབ་པའི་མཁའ་འགྲོ་ནི། །བྱིན་བརླབས་གནས་སུ་དགོད་པར་བྱ། །འདི་ནི་རྡོ་རྗེ་ཐེག་ཆེན་ཏེ། །མཁའ་འགྲོ་སྤྱོད་པའི་གནས་ལ་བཞུགས། །སྡོམ་པ་མཆོག་ནི་བཟླས་པ་ཡིས། །བླ་ན་མེད་པའི་གོ་འཕང་སྟེར། །དུས་
བཞི་དག་ཏུ་ཅི་འདོད་པར། །སྐྱོ་བ་མེད་པར་རྟག་ཏུ་བསྒོམ། །ལུགས་སུ་འབྱུང་དང་བཟློག་པ་ཡིས། །འཁོར་ལོ་མཆོག་ནི་རྣམ་པར་སྤྲོ། །བ་སྤུའི་ཁུང་བུ་ལས་མདུན་དུ། །བདེ་མཆོག་སྤྲོས་ནས་མཆོད་པར་བྱ། །རྡོ་རྗེ་
གསུམ་ནི་དབང་བསྐུར་ནས། །འགོག་པའི་ཁྲོ་བོ་རྣམ་པར་བསྒོམ། །ཡེ་ཤེས་ཁྲོ་བོ་ལྷན་ཅིག་ཏུ། །སྤྲིན་གྱི་འབྲུག་སྒྲ་ལྟ་བུར་བཟླ། །འགྲོ་ཞིང་འོང་བའི་སྦྱོར་བ་ཡིས། །མི་སྨྲ་རྡོ་རྗེ་བརྟུལ་ཞུགས་ཆེ། །ཞག་བདུན་གྱིས་ནི་

85-1-170b

ངེས་པར་ཡང་། །མཐུ་དང་སྟོབས་ནི་འགྲུབ་འགྱུར་ཏེ། །གཡོ་ཞིང་ལྡེག་པར་བྱེད་པ་དང་། །འཁྲུག་ཅིང་གཡེངས་དང་གཞུག་པ་དང་། །ནད་མེད་པ་ནི་ནད་ཡོད་བྱེད། །ནད་ཡོད་པ་ནི་ནད་མེད་བྱེད། །དེ་ལྟར་བསྒོམ་པ་བྱས་ནས་
ནི། །ལས་འདིར་ཐེ་ཚོམ་མེད་པ་ཡིན། །ནང་གི་བདག་ཉིད་སྦྱོར་ལྡན་པས། །བསྒོམ་དང་བཟླས་ལ་དགའ་བ་དང་། །དམ་ཚིག་ཟས་ལ་དགའ་བ་ནི། །ཐོགས་པ་མེད་པར་ཚེ་ཡང་བརྟན། །འདི་ལྟར་རང་གི་ཆོ་གས་བཟླས། །སངས་
རྒྱས་གནས་སུ་ལེགས་པར་འཇུག །དེར་ནི་དམ་ཚིག་འཁོར་ལོ་ནི། །མཁས་པས་བསྒོམ་མཆོད་བཟླས་པ་བྱ། །གསང་སྔགས་འདི་དག་བཤད་པར་བྱ། །ཨོཾ་ཤྲཱི་བཛྲ་ཌཱ་ཀ་ཨ་དྷི་ཧཱུྃ། ཌཱ་ཀི་ནཱི་ཛཱ་ལ་སམྦ་ར་ཧུྃ་ཧཱུྃ་ཕཊ་སྭཱ་ཧཱ། ཨོཾ་ཤྲཱི་བུདྡྷ་
ཌཱ་ཀ་ཨ་བྷྲུྃ་ཧཱུྃ་ཌཱ་ཀི་ནཱི་ཛཱ་ལ་སམྦ་ར་ཧཱུྃ་ཧཱུྃ་ཕཊ་སྭཱ་ཧཱ། ཨོཾ་ཤྲཱི་ཀརྨ་ཌཱ་ཀ་ཨ་ཁྃ་ཧཱུྃ་ཌཱ་ཀི་ནཱི་ཛཱ་ལ་སམྦ་ར་ཧཱུྃ་ཧཱུྃ་ཕཊ་སྭཱ་ཧཱ། ཨོཾ་ཤྲཱི་པད་མ་ཌཱ་ཀ་ཨ་ཧྲི་ཧཱུྃ་ཌཱ་ཀི་ནཱི་ཛཱ་ལ་སམྦ་ར་ཧུྃ་ཧཱུྃ་ཕཊ་སྭཱ་ཧཱ། ཨོཾ་ཤྲཱི་རཏྣི་ཌཱ་ཀ་ཨྃ་ཧཱུྃ་ཌཱ་ཀི་ནཱི་ཛཱ་ལ་སམྦ་ར་ཧུྃ་ཧཱུྃ་
ཕཊ་སྭཱ་ཧཱ། མཁའ་འགྲོ་བཞི་པོ་དེ་དག་དང་། །མཁའ་འགྲོ་མ་དང་ལཱ་མ་དང་། །དུམ་སྐྱེས་མ་དང་གཟུགས་ཅན་མ། །མགྲིན་པ་མཉམ་པར་སྣོལ་བ་སྟེ། །བྱིན་པ་གཉིས་ཀྱིས་ལེགས་པར་འཁྲིལ། །དེ་ཡི་མདོག་དང་ཕྱག་དང་ཞལ། །
ཕྱག་མཚན་རྣམས་ཀྱང་རྣམ་པར་བསྒོམ། །ལྷ་མོ་མངོན་དུ་བྱས་ནས་ནི། །སྙིང་པོའི་གསང་སྔགས་སོ་སོ་ཡིན། །ཨོཾ་ཤྲཱི་བཛྲ་བཱ་རཱ་ཧི་བྃ་ཧུྃ་ཧཱུྃ་ཕཊ་སྭཱ་ཧཱ། ཨོཾ་ཤྲཱི་ཌཱ་ཀི་ནི་ཌཱྃ་ཧུྃ་ཧཱུྃ་ཕཊ་སྭཱ་ཧཱ། ཨོཾ་ཤྲཱི་ལཱ་མེ་ཧུྃ་ཧཱུྃ་ཕཊ་སྭཱ་ཧཱ། ཨོཾ་ཤྲཱི་ཁཎྜ་
རོ་ཧི་ཁྃ་ཧུྃ་ཧཱུྃ་ཕཊ་སྭཱ་ཧཱ། ཨོཾ་ཤྲཱི་རཱུ་པི་ཎི་བྚུ་ཧུྃ་ཧཱུྃ་ཕཊ་སྭཱ་ཧཱ། འདི་ནི་ལྔ་པོའི་བདག་ཉིད་ཀྱིའོ། །མཚམས་ཀྱི་མཁའ་འགྲོ་མའི་སྔགས་ནི། ཨོཾ་ཤྲཱི་བུད་དྷ་ཌཱ་ཀི་ནི་ཧུྃ་ཧཱུྃ་ཕཊ་སྭཱ་ཧཱ། ཨོཾ་ཤྲཱི་ཀརྨ་ཌཱ་ཀི་ནི་ཧུྃ་ཧཱུྃ་ཕཊ་སྭཱ་ཧཱ། ཨོཾ་ཤྲཱི་པད་མ་ཌཱ་ཀི་ནི་ཧུྃ་ཧཱུྃ་ཕཊ་
སྭཱ་ཧཱ། ཨོཾ་ཤྲཱི་རཏ་ན་ཌཱ་ཀི་ནི་ཧུྃ་ཧཱུྃ་ཕཊ་སྭཱ་ཧཱ། སྒོ་རུ་མཁའ་འགྲོ་མ་ཡི་སྔགས། །འདོད་པའི་འབྲས་བུ་ཐམས་ཅད་སྟེར། །བཞི་པོ་སྣ་ཚོགས་མདོག་ཅན་ཏེ། །ཇི་བཞིན་རིགས་ཀྱིས་ཀུན་ལ་ཁྱབ། །ཨོཾ་ཧཱུྃ་རཱུ་པེ་ཧུྃ་ཧཱུྃ་ཕཊ། ཨོཾ་ཧཱུྃ་སུ་རཱུ་པེ་ཧུྃ་ཧཱུྃ་

85-1-171a

ཕཊ། ཨོཾ་བཛྲ་དུན་ཏེ་ཧཱུྃ་ཧཱུྃ་ཕཊ། ཨོཾ་པྲ་བྷ་ཀ་རི་ཧཱུྃ་ཧཱུྃ་ཕཊ། ཤར་ཕྱོགས་ཀྱི་ནི་སྣམ་བུ་ལ། །ལྷ་མོ་བཞི་པོ་དགོད་པ་སྟེ། །སྐུ་ལུས་དཀར་པོའི་མདོག་ཅན་ལ། །དེ་ཡི་གསང་སྔགས་བཤད་པ་ཡིན། །ཨོཾ་བཛྲ་བ་ཌ་བ་མུ་
ཁི་ཧུྃ་ཧཱུྃ་ཕཊ། ཨོཾ་གྷོ་ར་མུ་ཁི་ཧུྃ་ཧཱུྃ་ཕཊ། ཨོཾ་བཛྲ་གྷོ་ཎེ་ཧུྃ་ཧཱུྃ་ཕཊ། ཨོཾ་ཡ་ཤ་སྦི་ནི་ཧུྃ་ཧཱུྃ་ཕཊ། ལྷོ་ཕྱོགས་ཀྱི་ནི་སྣམ་བུ་ལ། །ལྷ་མོ་བཞི་པོ་དགོད་པར་བྱ། །སྐུ་མདོག་དག་ནི་སེར་བ་སྟེ། །དེ་ཡི་སྔགས་སུ་བཤད་པ་ཡིན། །
ཨོཾ་བཛྲ་དྷུ་ཏི་ཧུྃ་ཧཱུྃ་ཕཊ། ཨོཾ་ན་ཁི་ཧུྃ་ཧཱུྃ་ཕཊ། ཨོཾ་ཀཽ་མཱ་རི་ཧུྃ་ཧཱུྃ་ཕཊ། ཨོཾ་བཛྲ་ཀྃ་བྷོ་ཛི་ཧུྃ་ཧཱུྃ་ཕཊ། ནུབ་ཕྱོགས་ཀྱི་ནི་སྣམ་བུ་ལ་ལྷ་མོ་བཞི་པོ་སྐུ་མདོག་དམར་པོ་ཅན་གྱི་སྔགས་ཡིན་ནོ། །ཨོཾ་བཛྲ་བཻ་ཏྟཱ་ལི་ཧུྃ་ཧཱུྃ་ཕཊ། ཨོཾ་བཛྲ་
སཱི་ཀ་ཧུྃ་ཧཱུྃ་ཕཊ། ཨོཾ་བཛྲ་ག་ར་ཌ་རི་ཧུྃ་ཧཱུྃ་ཕཊ། ཨོཾ་བཛྲ་བི་མ་བ་དཱ་ནེ་ཧཱུྃ་ཧཱུྃ་ཕཊ། བྱང་གི་སྣམ་བུ་ལ་ལྷ་མོ་བཞི་སྐུ་མདོག་ལྗང་གུ་དེའི་གསང་སྔགས་བཤད་པ་ཡིན་ནོ། །ཨོཾ་ཙནྡྲ་ཤེ་ཁ་རེ་ཧཱུྃ་ཧཱུྃ་ཕཊ། ཨོཾ་བྷྲཱི་ཀུ་ཊིྃ་ཧུྃ་ཧཱུྃ་ཕཊ། ཨོཾ་བི་ཤྭ་རཱུ་པ་
ཧཱུྃ་ཧཱུྃ་ཕཊ། ཨོཾ་བཛྲ་ཀ་ཏ་ཡ་ནི་ཧུྃ་ཧཱུྃ་ཕཊ། དབང་ལྡན་ལ་སོགས་པའི་མཚམས་བཞི་རུ་ལྷ་མོ་བཞི་པོ་གཟུགས་གཉིས་པའི་མདོག་ཅན་ཏེ། དེའི་སྔགས་བཤད་པ། ཨོཾ་བཛྲ་ཤྲྀ་ཁ་ལེ་ཧུྃ་ཧཱུྃ་ཕཊ། ཨོཾ་བཛྲ་མཱ་ལེ་ཧཱུྃ་ཧཱུྃ་ཕཊ། ཨོཾ་བཛྲ་
ཡ་ཤ་སྐ་རི་ཧཱུྃ་ཧཱུྃ་ཕཊ། ཨོཾ་བཛྲ་ན་ལཱ་ཧཱུྃ་ཧཱུྃ་ཕཊ། སྒོ་རྣམས་སུ་ནི་ལྷ་མོ་བཞི་པོ་སྣ་ཚོགས་པའི་མདོག་ཅན་དྲག་པོའི་གཟུགས་དང་ལྡན་པ་སྟེ། དེའི་སྔགས་སུ་བཤད་པ། ཤར་དུ་ཨོཾ་ཤྲཱི་བཛྲ་པིངྒ་ལེ་ཛཿ་ཧཱུྃ་ཧཱུྃ་ཕཊ། ལྷོ་རུ་བཛྲ་
ཛྭ་ལ་ནི་ཧཱུྃ་ཧཱུྃ་ཕཊ། ནུབ་ཏུ་བཛྲ་གུཎྜ་ལི་བྃ་བྃ་ཧཱུྃ་ཧཱུྃ་ཕཊ། བྱང་དུ་ཨོཾ་བཛྲ་བྷཻ་ར་བ་ཧོ་ཧུྃ་ཧཱུྃ་ཕཊ། ཐམས་ཅད་གསལ་བྱེད་མཐའ་རུ་ནི། །ཤྲཱི་ནི་སྦྱར་ཞིང་མཆོག་རིམས་བཞིན། །སྔགས་པས་དེ་ལྟར་བཟླས་ན་ནི། །མཁའ་འགྲོ་མ་
ནི་དྲ་བ་ཡི། །སྡོམ་པའི་དངོས་གྲུབ་ཐོབ་པ་སྟེ། །ཟླ་བ་དྲུག་གིས་བདེ་དབང་འགྱུར། །གཅིག་ཏུ་བྱས་ཏེ་བསྡུས་ན་ནི། །རྣལ་འབྱོར་ཆེན་པོ་གཟི་བྱིན་ཅན། །དྲ་བའི་མཆོག་ནི་འགྲུབ་པར་འགྱུར། །གསང་སྔགས་འདི་དག་ཐམས་

85-1-171b

ཅད་ནི། །ཁྲིའམ་འབུམ་དུ་བཟླས་ན་ནི། །གསང་སྔགས་རྒྱལ་པོ་འགྲུབ་པ་ཡིན། །སྙིང་པོ་དག་ནི་བཟླས་པ་ཡིས། །དཔའ་བོ་མཁའ་འགྲོ་མ་གྲུབ་ཅིང་། །རང་ཉིད་ཇི་ལྟར་འདོད་པར་འགྱུར། །གཞན་གྱི་ལུས་སུ་ཞུགས་འགྲོ་ཞིང་། །མི་
སྣང་བ་དག་ཐོབ་ནས་ནི། །རྣལ་འབྱོར་ཆེན་པོ་རྣམ་པར་སྤྱོད། །སྣ་ཚོགས་གཟུགས་ནི་འཛིན་པ་ཡིན། །མངོན་པར་བརྗོད་པའི་རྒྱུད་བླ་མའི་བླ་མ་ལས་དམ་ཚིག་གི་སྡོམ་པ་འབྱུང་བའི་དཀྱིལ་འཁོར་གྱི་རྒྱལ་པོ་ཞེས་བྱ་བའི་ལེའུ་སྟེ་སུམ་
བཅུ་རྩ་གཉིས་པའོ།། །། དེ་ནས་གཞན་ཡང་བཤད་བྱ་བ། །སངས་རྒྱས་མཁའ་འགྲོའི་ཆོ་གའི་རིམ། །སྔར་བཤད་སངས་རྒྱས་མཁའ་འགྲོ་ཡི། །ལུང་ལ་སོགས་པའི་རིམ་པ་བྱ། །རྣལ་འབྱོར་ལུང་ནི་མི་ཤེས་པ། །སངས་རྒྱས་མུ་སྟེགས་
སྟེགས་ཅན་ཡིན་ཏེ། །རྟག་ཏུ་ལུང་ནི་སྤང་མི་བྱ། །དཀོན་མཆོག་གསུམ་ནི་མི་སྤང་ཞིང་། །སངས་རྒྱས་ཆོས་དང་དགེ་འདུན་ལ། །རྟག་ཏུ་བདག་ནི་སྐྱབས་སུ་འགྲོ། །ཤེས་རབ་ཕ་རོལ་ཕྱིན་དམིགས་ན། །རྣལ་འབྱོར་གྱི་ནི་དངོས་གྲུབ་འགྲུབ། །
ཅིག་ཅར་འཇུག་པའི་སྦྱོར་བ་ཡིས། །བདག་གི་ལུས་ནི་རྣམ་པར་བསམ། །སྔོ་ཞིང་དྲག་ལ་བཞིན་རྣམ་བསྒྱུར། །གཏུམ་ཞིང་འཇིགས་ལ་འཇིགས་པར་མཛད། །ཞལ་གྱི་མཆེ་བ་རྣམ་པར་གཙིགས། །རལ་པ་ཟླ་ཕྱེད་སྤྱི་གཙུག་
འཆིང་། །སྣ་ཚོགས་རྡོ་རྗེས་རལ་པས་གནོན། །ཐོད་པའི་ཕྲེང་བས་རྣམ་པར་བརྒྱན། །རྒྱན་རྣམས་ཐམས་ཅད་ཡོངས་སུ་རྫོགས། །བྃ་ཧཱུྃ་བཛྲ་ལས་བྱུང་སྐུ་ལུས་ཅན། །ཕྱག་རྒྱ་དྲུག་དང་ཡང་དག་ལྡན། །སྟག་གི་པགས་
པ་གོས་སུ་མནབས། །སྐྱིལ་ཀྲུང་ཕྱེད་པས་ལེགས་པར་གནས། །སྤྱན་གསུམ་དྲག་པོའི་སྐུ་ལུས་ཅན། །མགྲིན་པ་བཞི་ལ་ཞལ་བཞི་པ། །བཅུ་གཉིས་ཕྱག་དང་ཡང་དག་ལྡན། །སྟོང་པའི་ཡེ་ཤེས་ཡང་དག་མཆོག །
གདུག་པ་ཀུན་གྱི་ཐོད་པའི་ཕྲེང་། །དུས་མཐའ་ལས་བྱུང་དོ་ཤལ་ཅན། །གདུག་པ་ཀུན་ནི་ཞབས་འོག་གནོན། །ཉོན་མོངས་འཇིགས་བྱེད་མགོ་བོ་དང་། །སྲིད་པ་གཏི་མུག་ཕྲག་དོག་སྟེ། །དུས་མཚན་མོ་ནི་ཁ་བུབ་

85-1-172a

ལ། །གདུག་པའི་བགེགས་ནི་འཇིགས་པ་ཅན། །ཐམས་ཅད་ཞབས་ཀྱི་འོག་ཏུ་གནོན། །ནམ་མཁའ་དང་ནི་སྐྱེ་བ་དང་། །དཀར་བ་དང་ནི་དམར་བ་དང་། །ལྗང་གུ་སྟེང་དུ་བལྟས་པའི་ཞལ། །རྡོ་རྗེ་དྲིལ་བུ་མཉམ་ལྡན་པ། །
ཕག་མོ་དག་དང་བདེ་བར་འཁྱུད། །ཀུན་ཏུ་གཉིས་མེད་སྦྱོར་བ་ཡིས། །ཆོས་རྣམས་ཀུན་གྱི་རོ་གཅིག་ཏུ། །སྦྱངས་པའི་ཡོན་ཏན་ཞེས་བྱ་བ། །དཔལ་གྱི་བདེ་བ་ཆེན་པོ་ནི། །རྡོ་རྗེ་ཧེ་རུ་ཀ་ཉིད་ཡིན། །ཐོད་པ་དང་ནི་ཁ་ཊྭཱྃ་འཛིན། །ཆོས་
ཀྱི་འཁོར་ལོ་ཁར་སིལ་དང་། །ལྷུང་བཟེད་མདུང་དང་ཞགས་པ་དང་། །ལྕགས་ཀྱུ་མགོ་བོ་ཅང་ཏེའུ་དང་། །གཡས་དང་གཡོན་པའི་ཕྱག་དག་གིས། །ན་རའི་པགས་པ་བརྐྱང་ནས་མནབས། །ཤར་དུ་མ་ཏང་གི་དང་ཌོ་མྦི་ཀཱ། །ར་ཛ་ཀི་དང་
པུཀྐ་སཱི། །ཁ་ཊ་ཀི་དང་ཤ་བ་རི། །ཛི་བཱ་རི་དང་ས་མ་རི། །ལྷ་མོ་བརྒྱད་པོ་དེ་དག་ནི། །ཇི་བཞིན་རིམ་པས་རྗེས་སུ་དགོད། །སེར་དང་སྔོ་དང་དེ་བཞིན་དམར། །དུད་པ་ཡི་ནི་མདོག་ཅེན་ཏེ། །དམར་དང་ལྗང་དང་དུད་ཁའི་མདོག །བརྒྱད་པ་དཀར་པོ་
ཉིད་ཡིན་ནོ། །སྒོ་རྣམས་སུ་ནི་དགོད་བྱ་བ། །ཁྲག་འཐུང་རྡོ་རྗེ་གཏུམ་མོ་དང་། །རྡོ་རྗེ་སྲིང་མཆོག་མ་དང་ནི། །རྡོ་རྗེ་འཇིགས་བྱེད་དྲག་མོ་སྟེ། །གདུལ་དཀའ་ཐམས་ཅད་གསོལ་མཛད་ཅིང་། །ཐལ་བ་སྤྲིན་མདོག་ལྗང་གུ་དང་། །དམར་དང་སྔོ་དང་
ལྷག་པར་འཇིགས། །བརྒྱད་པའི་དབུས་སུ་ཆོས་ཁར་གསིལ། །ཐོད་པ་ཅང་ཏེའུ་གྲི་གུག་སྟེ། །ཕྲག་པའི་སྟེང་དུ་གོས་འཛིན་པའོ། །སྒོ་རྣམས་སུ་ནི་ལྷ་མོ་བཞི། །ཐོད་པ་ཁ་ཊྭཱྃ་མི་འཇིགས་པ། །ཆོས་ཀྱི་ཁར་གསིལ་ཅང་ཏེའུ། །
ཞལ་གཅིག་པ་ལ་ཕྱག་བཞི་པ། །ཡི་དགས་གདན་གྱི་སྟེང་དུ་ནི། །སྐྱིལ་ཀྲུང་ཕྱེད་པའི་གར་གྱིས་བཞུགས། །བསོད་སྙོམས་པ་དང་ཆོས་གོས་གསུམ། །ཕྱིས་མི་ལེན་དང་ཅོག་པུ་པ། །གཞི་ཅི་བཞིན་དང་སྟན་གཅིག་པ། །
བླ་གབ་མེད་དང་ཤིང་དྲུང་བ། །དགོན་པ་པ་དང་དུར་ཁྲོད་དང་། །ཁྲོད་པ་དང་ནི་ཕྱིང་པ་པའོ། །འདི་དག་ཇི་ལྟའི་རིམ་པ་ཡིས། །སྦྱངས་པའི་ཡོན་ཏན་རྣམ་དག་བསྒོམ། །ཡེ་ཤེས་མཉམ་པའི་དམ་ཚིག་མཆོག །རོ་གཅིག་ཏུ་

85-1-172b

ནི་རྣམ་པར་བསྒོམ། །ཨོཾ་ཤྲཱི་མ་ཧཱ་སུ་ཁ་བཛྲ་ཧེ་ཧེ་རུ་རུ་ཀྃ་ཨ་ཧཱུྃ་ཧཱུྃ་ཧཱུྃ་ཕཊ། ཨོཾ་མྃ་མ་ཏཱྃ་གི་ཧུྃ་ཧཱུྃ་ཕཊ། ཨོཾ་ཌྃ་བཛྲ་ཌོཾ་བེ་ཧུྃ་ཧཱུྃ་ཕཊ། ཨོཾ་རྃ་རཱ་ཛ་གི་ཧུྃ་ཧཱུྃ་ཕཊ། ཨོཾ་བུྃ་པུཀྐ་སཱི་ཧུྃ་ཧཱུྃ་ཕཊ། ཨོཾ་ཁྃ་ཁ་ཊ་ཀི་ཧུྃ་ཧཱུྃ་ཕཊ། ཨོཾ་ཤྃ་ཤ་བ་
རི་ཧུྃ་ཧཱུྃ་ཕཊ། ཨོཾ་ཛི་ཛི་བ་རི་ཧུྃ་ཧཱུྃ་ཕཊ། ཨོཾ་སྃ་ས་མ་རི་ཧུྃ་ཧཱུྃ་ཕཊ། ཨོཾ་ཧྃ་ཧེ་རུ་ཀི་ཧུྃ་ཧཱུྃ་ཕཊ། ཨོཾ་བྃ་བཛྲ་ཙཎྜ་ཌཱི་ཧུྃ་ཧཱུྃ་ཕཊ། ཨོཾ་ཧཱུྃ་བཛྲ་རཱཀྵ་སི་ཧཱུྃ་ཧཱུྃ་ཕཊ། ཨོཾ་བྷཻྃ་བཛྲ་བྷཻ་ར་བཱི་ཧཱུྃ་ཧཱུྃ་ཕཊ། དེ་ཀུན་གཅེར་བུ་སྐྲ་གྲོལ་བ། །སྤྱན་གསུམ་
པ་ལ་ཞི་བ་སྟེ། །མཆེ་བ་རྣམ་གཙིགས་ལྕེ་བསྐྱོད་ཅིང་། །ཕྱག་རྒྱ་ལྔ་ཡིས་སྐུ་ལུས་བརྒྱན། །ཐོད་པའི་ཕྲེང་བའི་དབུ་རྒྱན་ཅན། །བཞད་དང་ཞི་དང་སྙིང་རྗེ་དང་། །སྒེག་པ་དང་ནི་རྔམ་པ་དང་། །དྲག་ཅིང་ཁྲོ་བའི་ཉམས་ཅན་ཏེ། །བཟླས་དང་
བསྒོམ་པ་སྤྲོ་ཞིང་བསྡུ། །ལུས་ངག་ཡིད་ལ་བདེ་བར་གནས། །སེམས་ཅན་མྱོས་པ་སྣ་ཚོགས་པ། །གདུལ་བའི་ཐབས་ཀྱིས་བདེ་བ་ཡི། །ཡུལ་ལ་ཡོངས་སུ་སྤྱོད་པ་ན། །བླ་མེད་ཡེ་ཤེས་འབྲས་བུ་འཐོབ། །སེམས་ཅན་ཐམས་ཅད་འདི་ཡིས་
བདེ། །འཆི་མེད་བདེ་བའི་ལོངས་སྤྱོད་ཀྱིས། །ཡེ་ཤེས་འབྲས་བུ་རྙེད་པ་ཡིན། །འདི་ནི་སེམས་ཅན་ཐམས་ཅད་ཀྱི། །མཆོག་གི་གོ་འཕང་ཐོབ་པའོ། །མངོན་པར་བརྗོད་པའི་རྒྱུད་བླ་མའི་བླ་མ་ལས་སྦྱངས་པའི་ཡོན་ཏན་བསྐྱེད་པའི་ལེའུ་སྟེ་སུམ་
བཅུ་རྩ་གསུམ་པའོ།། །། དེ་ནས་གཞན་ཡང་བཤད་བྱ་བ། །ཆར་དབབ་ཆོ་གའི་རིམ་པ་ནི། །པད་མ་འདབ་མ་བརྒྱད་མཆོག་གི། །ལྟེ་བ་གེ་སར་བཅས་པ་ལ། །དེ་ཡི་དབུས་སུ་རྡོ་རྗེ་ཆེ། །མཆེ་བ་རྣམ་གཙིགས་འཇིགས་པ་ཅན། །
ཕྱག་བརྒྱད་པ་ལ་ཞལ་བཞི་པ། །སྤྱན་གསུམ་འཇིགས་པའང་རབ་ཏུ་འཇིགས། །རྡོ་རྗེ་མཚོན་ནི་གསོར་མཛད་ཅིང་། །བསྡིགས་མཛུབ་ཞགས་པར་ལྡན་པ་དང་། །ཐོད་པ་དང་ནི་ཁ་ཊྭཱྃ་འཛིན། །ལྕགས་ཀྱུ་དང་ནི་མདུང་བསྣམས་
ཤིང་། །དཔའ་བོའི་པགས་པ་མནབས་ཤིང་འཛིན། །ཅང་ཏེའུ་དང་ནི་བརྒྱད་པར་བཤད། །གཡས་བརྐྱང་བ་ཡི་ཞབས་ཀྱིས་ནི། །ཆུ་ལྷ་འཇིགས་པ་མྱོས་པ་གནོན། །ཟླ་བ་ཕྱེད་པ་རལ་པ་འཆིང་། །སྣ་ཚོགས་རྡོ་རྗེས་རྣམ་པར་

85-1-173a

བརྒྱན། །ཕྱག་རྒྱ་དྲུག་གིས་སྐུ་ལ་བརྒྱན། །ཐོད་པའི་ཕྲེང་བས་རྣམ་པར་བརྒྱན། །སྟག་གི་པགས་པ་གོས་སུ་མནབས། །ཐོད་པའི་ཕྲེང་བས་ཅོད་པན་མཆོག །མཆུས་གནོན་ཞལ་གདོང་རྣམ་བསྒྱུར་ཞིང་། །ཁྲོ་བར་བལྟ་ཞིང་འཇིགས་
པར་གཟིགས། །འདབ་མ་བརྒྱད་ལ་ཀླུ་བརྒྱད་བྲི། །མཐའ་ཡས་དང་ནི་ནོར་རྒྱས་དང་། །འཇོག་པོ་པད་མ་པད་མ་ཆེ། །དུང་སྐྱོང་དང་ནི་སྟོབས་ཀྱི་རྒྱུ། །དགའ་བོ་དང་ནི་བརྒྱད་ཡིན་ཏེ། །དཀར་དང་སྔོ་དང་དམར་དང་ལྗང་། །
སེར་དང་དུད་པའི་མདོག་ཅན་ཏེ། །ལྗང་གུ་དང་ནི་སེར་པོ་སྟེ། །ཐལ་མོ་སྦྱར་བར་བྱས་ནས་ནི། །བཅོམ་ལྡན་འདས་ལ་མངོན་ཕྱོགས་པ། །འཇིག་པས་བཀའ་དྲིན་སློང་བར་བྱེད། །སྐྲག་པས་བལྟ་ཞིང་གནས་པའོ། །
བཅོམ་ལྡན་སྐུ་ལུས་སྔོན་པོ་ཅན། །འཇིགས་ཤིང་ཤིན་ཏུ་འཇིགས་པར་མཛད། །གཡས་པ་དུད་ཁ་དམར་པོ་སྟེ། །གཡོན་པ་ལྗང་གུ་དུད་ཁའོ། །སྟེང་གི་ཞལ་ནི་མཁའ་ལྡིང་གདོང་། །ཞལ་རྣམ་བསྒྱུར་ཞིང་འཇིགས་པའོ། །
ཉི་མ་དམར་པོའི་གཟི་བརྗིད་ཅན། །ཉི་མ་བཅུ་གཉིས་ཉི་མཉམ་འོད། །ཕག་མོ་དག་གིས་མགུལ་འཁྱུད་ཅིང་། །བྱིན་པ་གཉིས་ཀྱིས་ལེགས་པར་འཁྲིལ། །ཡང་ན་ཕྱག་ནི་བཅུ་གཉིས་པ། །བདེ་ཆེན་མཆོག་ནི་བཅུ་གཉིས་པ། །
གྲི་གུག་ཚངས་པའི་མགོ་བོ་དང་། །རྡོ་རྗེ་དྲིལ་བུ་ཡང་དག་ལྡན། །ལྷ་མོའི་མཆུ་ནི་རྣམ་པར་འཚིར། །གཅེར་བུ་དབུ་སྐྲ་གྲོལ་བ་དང་། །སྤྱན་གསུམ་པ་ལ་སྐུ་རགས་ཅན། །འཛམ་བུའི་ཆུ་བོ་མཆོག་གི་སྐུ། །གཉིས་སུ་མེད་པར་
སྦྱོར་བར་གནས། །ཀླུ་ནི་རང་གི་ཆུང་མར་བཅས། །ཆུ་ལྷ་འང་ཆུང་མར་བཅས་པ་དག །ཆུ་ལྷའི་ལུས་ནི་དཀར་པོ་ཅན། །བཀའ་དྲིན་དག་ནི་སློང་བར་བྱེད། །སྙིང་གར་ཡེ་ཤེས་འཁོར་ལོ་དག །དེ་མདོག་ཕྱག་དང་ཞལ་ཡང་བསྐྱེད། །
དེ་ཡི་སྙིང་ག་ཧཱུྃ་ནྃ་ཧཱུྃ་དགོད་ཅིང་། །ལུས་ངག་ཡིད་ཀྱང་དེ་བཞིན་ཏེ། །ཀླུ་ཡི་རང་སྙིང་དེ་ཉིད་ལ། །ཧཱུྃ་ནཱྃ་ཧཱུྃ་ནི་རྣམ་པར་དགོད། །གསང་སྔགས་རྒྱལ་པོའི་ཆོ་ག་ནི། །ཁྲོ་བོའི་ཚིག་ལྟར་བཟླས་བརྗོད་བྱ། །ཆུ་བོའི་འགྲམ་མམ་རྒྱ་མཚོ་

85-1-173b

འམ། །ཁྲོན་པའམ་ཀླུ་ཡི་མཚོ་དང་ནི། །རྫིང་བུ་ལྟེང་ཀ་རྣམས་སུ་ནི། །བློ་ཅན་ཁྲོ་བོའི་བཟླས་པ་བྱ། །ཡང་ན་ཀླུ་ཡི་གནས་སུ་ནི། །བསྒོམ་པ་བཟླས་པ་དག་ལ་འཇུག །ཨོཾ་ཤྲཱི་བཛྲ་ཧེ་ཧེ་རུ་རུ་ཀྃ་ཧཱུྃ་ནཱྃ་ནཱ་ག་བྷ་རི་ཤ་པ་ཡ་ཧཱུྃ་ཌཱ་ཀི་
ནཱི་ཛཱ་ལ་སམྦ་ར་ཕཊ་སྭཱ་ཧཱ། འདི་དག་བསྒོམས་ཏེ་ཁྲི་ཙམ་བཟླ། །དུས་བཞི་དག་ཏུ་སྟོང་དུའོ། །ཞག་བདུན་གྱིས་ནི་ངེས་པར་ཡང་། །ས་རྣམས་ཀུན་ཏུ་ཆར་འབབ་འགྱུར། །དམ་ཚིག་སྦྱིན་སྲེག་མཆོད་དུས་སུ། །གླུ་དང་
གར་ནི་ཉེར་ལྡན་པས། །འོ་མ་དག་ནི་བཟའ་ཞིང་བཏུང་། །རྣལ་འབྱོར་པས་ནི་ཀླུ་བརྒྱད་བཟླ། །འོ་མའི་ཁྲུས་ཀྱི་ཆོ་ག་ཡིས། །འོ་མས་སྦྱིན་སྲེག་བསྲེགས་བླུགས་བྱ། །འོ་མའི་ཤིང་གི་བུད་ཤིང་བྱ། །འོ་མའི་ཤིང་གི་ཡམ་ཤིང་
དང་། །འོ་མར་བཅས་པས་སྦྱིན་སྲེག་བྱ། །བུམ་པ་འོ་མས་ཡོངས་སུ་དགང་། །མེ་སོགས་མཚམས་དང་ཕྱོགས་རྣམས་སུ། །འོ་མར་བཅས་པའི་གཏོར་མ་སྦྱིན། །ཨོཾ་ཨྃ་ཨ་ནནྟཱ་ཡ་ཧཱུྃ་ནྃ་ཧཱུྃ་སྭཱ་ཧཱ། ཨོཾ་བྃ་བཱ་སུ་ཀཻ་ཧཱུྃ་ནྃ་ཧཱུྃ་
སྭཱ་ཧཱ། ཨོཾ་ཏྃ་ཎཀྵ་ཀ་ཧཱུྃ་ནཱྃ་ཧཱུྃ་སྭཱ་ཧཱ། ཨོཾ་བྃ་པད་མ་ཧཱུྃ་ནཱྃ་ཧཱུྃ་སྭཱ་ཧཱ། ཨོཾ་མྃ་མ་ཧཱ་པད་མ་ཧཱུྃ་ནཱྃ་ཧཱུྃ་སྭཱ་ཧཱ། ཨོཾ་ཤཱྃ་ཤྃ་ཁ་པཱ་ལ་ཧཱུྃ་ནཱྃ་ཧཱུྃ་སྭཱ་ཧཱ། ཨོཾ་ཀྃ་ཀརྐོ་ཊ་ཧཱུྃ་ནཱྃ་ཧཱུྃ་སྭཱ་ཧཱ། ཨོཾ་ཨྃ་ཨ་ན་བ་ཏཔྟ་ཧཱུྃ་ཧཱུྃ་ནཱྃ་ཧཱུྃ་སྭཱ་ཧཱ། ཨོཾ་ཧཱུྃ་བ་བ་རུ་ཎཱ་
ཡ་ནཱ་གཱ་དྷི་པ་ག་བཪྵ་པཱ་ཏ་ཡ་ཧཱུྃ་ནཱྃ་ཧཱུྃ་སྭཱ་ཧཱ། འདི་བཟླས་ཁྲོ་བ་དང་བཅས་པས། །ཀུན་གྱི་བཟླས་པ་ཁྲི་ཙམ་བྱ། །འོ་མ་འབྲས་རྙིང་ཟས་སུ་བཟའ། །དབང་པོ་ཐུལ་ཅིང་ཡོངས་མི་སྨྲ། །བྲི་གཟུགས་སྤངས་པའི་མངོན་སུམ་
དུ། །ཁྲི་ཙམ་བཟླས་ན་མངོན་དུ་འགྱུར། །མངོན་སུམ་དུ་ནི་དངོས་གྲུབ་ཅིང་། །སྨྲས་པ་ཙམ་གྱིས་ཆར་འབེབས་ཏེ། །འདི་ལ་ཐེ་ཚོམ་མ་བྱེད་ཅིག །དངུལ་གྱི་སྣོད་ཀྱི་ནང་དུ་ནི། །ཡུངས་ཀར་དང་ནི་ཆུ་བླུགས་ལ། །དེ་ལ་ཉི་ཤུ་རྩ་
གཅིག་གི་བར་དུ་ཡོངས་སུ་བཟླས་ཏེ། སངས་རྒྱས་ཀྱི་སྐུ་གཟུགས་ལ་དྲི་ཆུ་དང་འོ་མ་བསྲེས་པས་ཁྲུས་བྱས་ཏེ། ཆུ་འགྲམ་གྱི་ས་སྦྲུས་པ་ལས་ཀླུའི་གཟུགས་བྱས་ལ་ནུབ་ཏུ་མགོ་བསྟན་ཏེ། མགོ་བོ་དགུ་ལ་ཆུས་དབང་

85-1-174a

བསྐུར་ཏེ། དེ་ནས་ཆུ་བོའི་ནང་དུ་གཞུག་གོ། །དེ་མ་ཐག་ཏུ་ལྷས་ཆར་འབེབས་ཤིང་། འཛམ་བུའི་གླིང་དུ་ཆར་འབེབས་འགྱུར། །ས་རྣམས་འབྲུ་ཡིས་གང་འགྱུར་ཞིང་། །ནགས་ཚལ་རྣམས་ནི་འཕེལ་བར་
བྱེད། །སེམས་ཅན་ཐམས་ཅད་བདེ་རེག་གནས། །ཕན་ཚུན་ཁྲོ་བོའི་གཟུགས་ཅན་ནི། །བདག་བསྒོམས་རྒྱུད་ཀྱི་རྗེས་འབྲངས་ནས། །རང་གི་སྙིང་ག་ཁོ་ནར་ནི། །ཧེ་རུ་རྡོ་རྗེ་བསྒོམས་པ་ཡིས། །ཆར་པ་ཡང་ནི་འབབ་
པར་འགྱུར། །རིའི་སྟེང་དུ་འཛེགས་ཏེ་རྩེ་གསུམ་པ་ལ་ཡོངས་སུ་བཟླས་ན་སེར་བ་གཅོད་པར་འགྱུར་རོ། །ཅང་ཏེའུ་ལ་ཡོངས་སུ་བཟླས་ན་མེ་མཆེད་པའི་མེ་རེངས་པར་འགྱུར་རོ། །ཞགས་པ་ལ་ཡོངས་སུ་བཟླས་ན་འགུགས་
པར་བྱེད་དོ། །ཐོད་པ་ལ་ཡོངས་སུ་བཟླས་ན་ཁྲག་འགུགས་པར་བྱེད་དོ། །དགྲ་སྟ་ལ་ཡོངས་སུ་བཟླས་ན་གསོད་པར་བྱེད་དོ། །ཁ་ཊྭཱྃ་ག་ལ་ཡོངས་སུ་བཟླས་ན་ཞི་བར་བྱེད་དོ། །གྲི་གུག་ལ་ཡོངས་སུ་བཟླས་ན་
འཇིག་རྟེན་གསུམ་དུ་རྒྱུ་བ་གསོད་པར་བྱེད་དོ། །མགོ་བོ་ལ་ཡོངས་སུ་བཟླས་ན་འཆི་བ་སློང་བར་བྱེད་དོ། །རྡོ་རྗེ་གསོར་ཞིང་ཡོངས་སུ་བཟླས་ན་ས་འོག་གི་དངོས་གྲུབ་དུ་འགྱུར་རོ། །དྲིལ་བུ་ལ་ཡོངས་སུ་བཟླས་ན་མི་དགའ་བ་
ལོངས་སུ་འགུགས་པར་བྱེད་དོ། །གླང་པོ་ཆེའི་པགས་པ་ལ་ཡོངས་སུ་བཟླས་ཏེ་བཏིང་ན་བར་སྣང་ལ་འཕུར་བར་འགྱུར་ཏེ། དཔག་ཚད་སྟོང་ཕྲག་བརྒྱར་འགྲོ་ཞིང་སླར་ལྡོག་གོ། །ཕྱག་རྒྱ་དྲུག་ལ་ཡོངས་སུ་བཟླས་ན་ཕ་
རོལ་གྱི་མདུན་དུ་མི་སྣང་བར་འགྱུར་རོ། །ས་སྟེང་དུ་ནི་ཀུན་སྤྱོད་ཅིང་། །ཅི་བདེ་བར་ནི་གནས་པར་འགྱུར། །མངོན་པར་བརྗོད་པའི་རྒྱུད་བླ་མའི་བླ་མ་ལས་ཆར་དབབ་པའི་ཆོ་གའི་ལེའུ་སྟེ་སུམ་བཅུ་རྩ་བཞི་པའོ།། །། 
དེ་ནས་གཞན་ཡང་བཤད་བྱ་བ། །གསང་བ་མཆོག་ནི་མདོར་བསྡུས་ནས། །སྐད་ཅིག་གིས་ནི་བདག་བསྒོམ་པ། །ཧེ་རུ་ཀ་དཔལ་གཟུགས་སུ་བྱ། །སྔོ་ཞིང་དྲག་པོ་རྣམ་སྒྱུར་བ། །དྲག་པོ་སྤྱན་གསུམ་ཞལ་དྲུག་མཆོག །ཟླ་བ་ཕྱེད་པ་རལ་པ་འཛིན། །

85-1-174b

སྣ་ཚོགས་རྡོ་རྗེ་དབུ་མཆོག་ལ། །ཐོད་པའི་ཕྲེང་བའི་དབུ་རྒྱན་ཅན། །རྡོ་རྗེ་ཕྲེང་བས་རྣམ་པར་བརྒྱན། །སྐུ་ལ་མགོ་བོའི་དོ་ཤལ་ཅན། །ཕྱག་རྒྱ་དྲུག་གིས་རྣམ་པར་བརྒྱན། །སྟག་གི་པགས་པ་གོས་སུ་མནབས། །ཕག་མོ་ཡིས་
ནི་སྐུ་ལ་བརྒྱན། །ཞབས་གཅིག་པ་ནི་བཞེངས་པ་སྟེ། །གཡས་པ་སེར་ལ་དུད་པའི་མདོག །གཡོན་པ་དམར་ལ་ལྗང་གུའོ། །སྟེང་གི་ཞལ་ནི་རྟ་གདོང་སྟེ། །དཀར་ཞིང་སྤྲིན་མདོག་དྲག་ཅིང་འཇིགས། །རྡོ་རྗེ་དྲིལ་བུ་མཉམ་
པར་ལྡན། །ལྷ་མོ་མཆུ་ནི་འཚིར་བ་སྟེ། །རྒྱལ་བའི་པགས་པ་གོས་སུ་མནབས། །མཁའ་འགྲོ་མ་ཡི་རིགས་འཛིན་ཅིང་། །ཐོད་པ་དང་ནི་ཁ་ཊྭཱྃ་འཛིན། །རྡོ་རྗེ་མཚན་གྱིས་བརྒྱན་པ་སྟེ། །ཞགས་པ་ལྕགས་ཀྱུ་ཕྱག་
ན་བསྣམས། །ཅང་ཏེའུ་དང་ནི་མགོ་བོ་འཛིན། །གྲི་གུག་ཞགས་པ་དེ་བཞིན་ཏེ། །ཕྱག་ནི་བཅུ་གཉིས་དག་ཏུ་བཤད། །དཀྱིལ་འཁོར་དག་ནི་ཐམས་ཅད་ཀྱང་། །ཞབས་གཅིག་ཏུ་ནི་རྣམ་པར་བསྒོམ། །གླང་པོའི་གདོང་
དང་བྱེའུའི་གདོང་། །སེང་གེའི་གདོང་ཡང་དེ་བཞིན་ཏེ། །དང་པོ་ཁྱི་ཡི་གདོང་ཡིན་ཏེ། །གཉིས་པ་འུག་པའི་གདོང་ཡང་ཡིན། །གསུམ་པ་ཕག་གི་གདོང་ཡིན་ཏེ། །བཞི་པ་ཁྭ་ཡི་གདོང་ཅན་ནོ། །གནས་ཀྱི་དབྱིབས་ཀྱི་ཆོས་
བདག་ཉིད། །སྣ་ཚོགས་གཟུགས་ནི་ཆེན་པོ་འཛིན། །མཐའ་ཡས་རྣམ་རྒྱལ་གྲགས་པ་སྟེ། །ཐམས་ཅད་མཁྱེན་ཅིང་ཐམས་ཅད་པ། །ཇི་ལྟར་འདོད་པའི་སྐུ་ལུས་འཆང་། །དེ་བཞིན་བསྒོམ་ཞིང་རྣམ་བསྒོམ་སྟེ། །
སྣ་ཚོགས་གཟུགས་ཅན་རིན་ཆེན་བཞིན། །བདག་ཉིད་ཆེན་པོ་རྣམ་པར་རོལ། །མངོན་པར་བརྗོད་པའི་རྒྱུད་བླ་མའི་བླ་མ་ལས་སྣ་ཚོགས་བསྒྲུབ་པའི་ལེའུ་སྟེ་སུམ་བཅུ་རྩ་ལྔ་པའོ།། །། 
དེ་ནས་གཞན་ཡང་བཤད་བྱ་བ། །ཕག་མོའི་མཆོག་ནི་བསྒྲུབ་པ་སྟེ། །བསྐྱེད་པའི་རིམ་པའི་སྦྱོར་བ་ཡིས། །བདག་ཉིད་བསྒོམ་ཞིང་རྣམ་པར་བསྒོམ། །སྐུ་ནི་ཉི་མ་བཅུ་གཉིས་གཟི། །སྐུ་ལུས་སིན་དུར་

85-1-175a

འདྲ་མི་གཡོ། །མེ་ཏོག་བནྡུ་ཀ་ལྟ་བུ། །ཞལ་གསུམ་པ་ལ་ཕྱག་དྲུག་པ། །རྒྱན་རྣམས་ཐམས་ཅད་ཡོངས་སུ་རྫོགས། །སེམས་དཔའི་སྐྱིལ་མོ་དཀྲུང་གིས་བཞུགས། །ཐོད་པའི་ཕྲེང་བའི་དབུ་རྒྱན་
ཅན། །རྡོ་རྗེ་དྲིལ་བུ་མཉམ་པར་ལྡན། །དབུ་སྐྲ་མཛེས་པས་འཁྲིལ་བ་སྟེ། །ཐབས་ཀྱི་ཞལ་མཆུ་རྣམ་འཚིར་ཞིང་། །མདའ་དང་གཞུ་ནི་འཛིན་པ་སྟེ། །རྣ་བའི་མཐར་ཐུག་འགེངས་པར་བྱེད། །ཐོད་པ་དང་ནི་ཁ་ཊྭཱྃ་འཛིན། །
ལྕགས་ཀྱུ་མཆོག་གིས་འགུགས་པ་སྟེ། །པད་མ་དམར་པོའི་དབུས་བཞུགས་ཤིང་། །འདོད་པ་ཐམས་ཅད་རབ་ཏུ་སྩོལ། །ཡང་ན་ཕྱག་ནི་བཅུ་གཉིས་པ། །ཞལ་དྲུག་ལྷ་མོའི་སྐུ་ལུས་འབྱུང་། །སྟེང་གི་ཞལ་ནི་ཕག་རྒོད་
གདོང་། །དྲག་པོའི་གཟི་བརྗིད་འཇིགས་པའི་གཟི། །ཤར་གྱི་འདབ་ལ་རྡོ་རྗེ་གསང་བའི་མཆོག །གཡོན་པའི་ཕྱོགས་སུ་རྡོ་རྗེ་དམ་ཚིག་མཆོག །ནུབ་ཀྱི་ཕྱོགས་སུ་རྡོ་རྗེ་གཟི་བརྗིད་མཆོག །ལྷོ་ཡི་ཕྱོགས་སུ་རྡོ་རྗེ་རིན་
ཆེན་མཆོག །མེ་ཡི་ཕྱོགས་སུ་རྡོ་རྗེ་ཡེ་ཤེས་མཆོག །བདེན་བྲལ་ཕྱོགས་སུ་རྡོ་རྗེ་རིག་མཆོག་མ། །རླུང་གི་ཕྱོགས་སུ་རྡོ་རྗེ་གྲུབ་མཆོག་མ། །དབང་ལྡན་ཕྱོགས་སུ་རྡོ་རྗེ་ཐལ་མཆོག་མ། །སྒོ་ལ་རྡོ་རྗེ་འབར་མཆོག་མ། །
རྡོ་རྗེ་གཟི་བརྗིད་མཆོག་མ་སྟེ། །རྡོ་རྗེ་ཁྲོ་བོ་མཆོག་མ་དང་། །རྡོ་རྗེ་མཆེ་བ་མཆོག་མའོ། །ལྷ་མོ་དེ་དག་ཐམས་ཅད་ཀྱང་། །དམར་བའི་མདོག་ཅན་ཞལ་གསུམ་པ། །ཕྱག་དྲུག་པ་ལ་སྤྱན་གསུམ་པ། །སེམས་དཔའི་སྐྱིལ་མོ་
དཀྲུང་དུ་བཞུགས། །དབུ་སྐྲ་དག་ནི་གྲོལ་བ་སྟེ། །ཐམས་ཅད་རྒྱན་གྱིས་རྣམ་བརྒྱན་ཅིང་། །རྡོ་རྗེ་དྲིལ་བུ་མཉམ་ལྡན་པས། །རང་གི་ལུས་ཀྱི་ཐབས་ལ་འཁྲིལ། །ཞགས་པ་དང་ནི་ལྕགས་ཀྱུ་དང་། །ཐོད་པ་དང་ནི་ཁ་ཊྭཱྃ་འཛིན། །
གྲྭ་བཞི་དག་ཏུ་མདའ་གཞུ་དག །ཡོངས་སུ་འགེངས་པ་གནས་པར་གཞག །སྒོ་རུ་གཡས་བརྐྱང་ཞབས་ཀྱིས་བཞུགས། །གཅེར་བུ་རྣམ་པར་འགྱུར་བའི་ཞལ། །ཐམས་ཅད་ཡི་དགས་གདན་ལ་བཞུགས། །རྡོ་རྗེ་གསོར་ཞིང་སྡིགས་

85-1-175b

མཛུབ་དང་། །ཞགས་པ་དང་ནི་ཡང་དག་ལྡན། །གཞན་ཡང་ཕན་ཚུན་དག་ཏུ་ཡང་། །ཇི་ལྟར་འཁོར་ལ་སོགས་ཕྱག་འཚལ། །དེ་སྙིང་ཡེ་ཤེས་ལྷ་མོ་ནི། །སྐུ་གསུང་ཐུགས་དང་བཅས་པར་བསྒོམ། །ཡེ་ཤེས་དཀྱིལ་འཁོར་སྦྱོར་བ་ཡིས། །
ཆོས་ཀྱི་རོ་ནི་མཉམ་པར་ཐིམ། །ཡེ་ཤེས་བཟླས་པ་སྤྲོས་ནས་ནི། །ཆོ་གའི་རིམ་པས་ཡང་དག་བསྡུ། །དམ་ཚིག་མཆོག་གི་བཟླས་པ་ཡིས། །ཟླ་བའི་དེ་ཉིད་འགྲུབ་པར་འགྱུར། །ཨོཾ་ཤྲཱི་བཛྲ་བཱ་རཱ་ཧི་ཨཱ་བྃ་ཧཱུྃ་ཧཱུྃ་ཧཱུྃ་ཕཊ་སྭཱ་ཧཱ། 
ཨོཾ་ཤྲཱི་བཛྲ་གུ་ཧྱ་ཨུད་ཏ་ཨུད་ཏ་མེ་ཧཱུྃ་ཧཱུྃ་ཕཊ་སྭཱ་ཧཱ། ཨོཾ་ཤྲཱི་བཛྲ་ས་མ་ཡ་ཨུད་ཏ་མེ་ཧཱུྃ་ཧཱུྃ་ཕཊ་སྭཱ་ཧཱ། ཨོཾ་ཤྲཱི་བཛྲ་ཧེ་ཛེ་ཨུད་ཏ་མེ་ཧཱུྃ་ཧཱུྃ་ཕཊ་སྭཱ་ཧཱ། ཨོཾ་ཤྲཱི་བཛྲ་རད་ན་ཨུད་ཏ་མེ་ཧཱུྃ་ཧཱུྃ་ཕཊ་སྭཱ་ཧཱ། ཨོཾ་ཤྲཱི་བཛྲ་ཛྙཱ་ན་ཨུད་ཏ་མེ་ཧཱུྃ་ཧཱུྃ་ཕཊ་སྭཱ་ཧཱ། ཨོཾ་ཤྲཱི་བཛྲ་བིདྱཱ་ཨུད་ཏ་
མེ་ཧཱུྃ་ཧཱུྃ་ཕཊ་སྭཱ་ཧཱ། ཨོཾ་ཤྲཱི་བཛྲ་སིདྡྷྱོ་ཧཱ་ཨུད་ཏ་མེ་ཧཱུྃ་ཧཱུྃ་ཕཊ་སྭཱ་ཧཱ། ཨོཾ་ཤྲཱི་བཛྲ་བྷ་སྨེ་ཨུད་ཏ་མེ་ཧཱུྃ་ཕཊ། ཨོཾ་ཤྲཱི་བཛྲ་ཛྭ་ལ་ཨུད་ཏ་མེ་ཛཿ་ཧཱུྃ་ཧཱུྃ་ཕཊ། ཨོཾ་ཤྲཱི་བཛྲ་ཨ་མྲི་ཏེ་ཨུད་ཏ་མེ་ཧཱུྃ་ཧཱུྃ་ཕཊ། ཨོཾ་ཤྲཱི་བཛྲ་ཀྲོ་དྷ་ཨུད་ཏ་མེ་བྃ་ཧཱུྃ་ཕཊ། ཨོཾ་
ཨོཾ་ཤྲཱི་བཛྲ་དྃཥྚ་ཨུད་ཏ་མེ་ཧོ་ཧཱུྃ་ཕཊ།  འདི་དག་ཇི་ལྟའི་རིམ་པ་ཡིས། །བསྒོམ་པ་དང་ནི་བཟླས་པ་བྱ། །བསྡུ་དང་སྤྲོ་བ་བྱས་ནས་ནི། །ཆོས་རྣམས་ཀུན་དང་ཆོས་ཅན་ནི། །རང་གི་ལྷ་ཡི་སྦྱོར་བས་དག །སེམས་ཅན་ཐམས་ཅད་རབ་
ཏུ་བརྟག །རྣལ་འབྱོར་གནས་ནི་ཆོས་ཡིན་ཏེ། །གསང་བ་གསུམ་ལ་རབ་ཏུ་གཞུག །གསང་གསུམ་གནས་ནི་ཆོས་ཡིན་ཏེ། །ཆོས་ཀྱང་དེ་བཞིན་དེ་ལྟ་བུ། །བདག་མེད་ཆོས་ནི་ཆོས་ཡིན་ཏེ། །ཆོས་ལས་ཆོས་ནི་ཡོད་མ་ཡིན། །
མངོན་པར་བརྗོད་པའི་རྒྱུད་བླ་མའི་བླ་མ་ལས་གསང་བ་གསུམ་གྱི་དམ་ཚིག་གི་མཆོག་ཅེས་བྱ་བའི་ལེའུ་སྟེ་སུམ་བཅུ་རྩ་དྲུག་པའོ།། །། དེ་ནས་གཞན་ཡང་བཤད་བྱ་བ། །རྣལ་འབྱོར་མ་དྲུག་ཆོ་གའི་རིམ། །པད་མ་འདབ་
ལྔ་བྲིས་ནས་ནི། །ལྟེ་བ་གེ་སར་ཁྱབ་པར་ནི། །དེ་ཡི་དབུས་སུ་ཕག་མོ་ནི། །དམར་ཞིང་སྣ་ཚོགས་འབར་བའི་འོད། །ཞལ་གསུམ་པ་ལ་ཕྱག་དྲུག་མཛེས། །སྤྱན་གསུམ་དབུ་སྐྲ་གྲོལ་བ་སྟེ། །ཐོད་པའི་ཕྲིང་

85-1-176a

བའི་དབུ་རྒྱན་ཅན། །ཕྱོགས་ཀྱི་གོས་ནི་འཛིན་པའི་མཆོག །སྐྱིལ་དཀྲུང་ཕྱེད་པ་གར་དང་བཅས། །ཕྱག་རྒྱ་དྲུག་གིས་སྐུ་བརྒྱན་ཅིང་། །མགོ་བོའི་ཕྲེང་བ་འཛིན་པ་སྟེ། །གདུག་པའི་བདུད་ནི་ཐམས་ཅད་དང་། །དུས་
མཚན་ཁས་སྦུབ་བྱས་པ་ལ། །ཞབས་ཀྱིས་ཀྱང་ནི་མནན་པར་བཞུགས། །དམར་དང་སྔོ་དང་ལྗང་བ་སྟེ། །སངས་རྒྱས་ལྔས་ནི་རྣམ་པར་བརྒྱན། །ཐོད་པ་དང་ནི་ཁ་ཊྭཱྃ་འཛིན། །ཞགས་པ་ལྕགས་ཀྱུ་ཕྱག་ན་བསྣམས། །
མགོ་བོ་དང་ནི་གྲི་གུག་འཛིན། །དངོས་གྲུབ་ཐམས་ཅད་རབ་ཏུ་སྩོལ། །སྙིང་ཀར་ཡེ་ཤེས་དམ་ཚིག་ནི། །སྐུ་གསུང་ཐུགས་སུ་སྦྱོར་ལས་བྱུང་། །ཤར་ཕྱོགས་ལྷ་མོ་ཡ་མི་ནི། །གཡོན་དུ་བསྐོར་ནས་རྣམ་པར་དགོད། །རྨོངས་
བྱེད་མ་དང་སྐྱོད་བྱེད་མ། །སྐྲག་བྱེད་མ་དང་ཙཎ་ཌི་ཀ །སྤྱན་གསུམ་དབུ་སྐྲ་གྲོལ་བ་སྟེ། །ཞལ་གཅིག་པ་ལ་ཕྱག་བཞི་པ། །སྔོ་དང་དཀར་དང་སེར་བ་དང་། །ལྗང་ཁུ་དུད་པའི་མདོག་ཅན་ཏེ། །ཐོད་པ་དང་ནི་ཁ་ཊྭཱྃ་འཛིན། །
དྲིལ་བུ་ཅང་ཏེའུ་གྲི་གུག་དང་། །ཐོད་པའི་ཕྲེང་བའི་དབུ་རྒྱན་ཅན། །ཕྱག་རྒྱ་ལྔ་ཡིས་རྣམ་པར་བརྒྱན། །ཕྱོགས་ཀྱི་གོས་ཅན་གར་གྱི་མཆོག །མགོ་བོའི་ཕྲེང་བས་རྣམ་པར་བརྒྱན། །མི་བསྐྱོད་པ་ཡི་ཅོད་པན་འཆང་། །ཐུགས་
རྗེའི་ཉམས་ཀྱི་བདེ་བ་སྟེ། །གཉིས་མེད་སྦྱོར་བས་མཉམ་པར་ལྡན། །རྡོ་རྗེ་སེམས་སོགས་མཆོག་དེ་ཉིད། །ཕག་མོ་དང་ནི་རྡོ་རྗེ་སེམས། །ཡ་མི་ནི་དང་རྣམ་སྣང་མཛད། །རྨོངས་བྱེད་མ་དང་པད་མའི་གར། །སྐྱོད་བྱེད་
མ་དང་ཁྲག་འཐུང་སྟེ། །སྐྲག་བྱེད་རྡོ་རྗེ་ཉི་མ་དང་། །ཙཎ་ཌི་ཀ་དང་རྟ་མཆོག་སྟེ། །རྡོ་རྗེ་སེམས་སྐུ་དཀར་པོ་སྟེ། །རྣམ་པར་སྣང་མཛད་སེར་པོ་ཡིན། །པད་མ་གར་དབང་དམར་པོ་སྟེ། །ཧེ་རུ་ཀ་དཔལ་སྔོན་པོ་ཡིན། །
རྡོ་རྗེ་ཉི་མ་དམར་པོ་སྟེ། །རྟ་མཆོག་དག་ནི་ལྗང་ཀུའོ། །ཡང་ན་སོ་སོར་བསྒོམ་པར་བྱ། །རྡོ་རྗེ་སེམས་དཔའ་ཞལ་གསུམ་པ། །ཕྱག་དྲུག་སྤྱན་ནི་གསུམ་པ་སྟེ། །ཕྱག་རྒྱ་དྲུག་གི་མཚན་གྱིས་བརྒྱན། །

85-1-176b

རྡོ་རྗེ་དྲིལ་བུ་ཐོད་ཁ་ཊྭཱྃ། །རལ་གྲི་ཅང་ཏེའུ་མགོ་བོ་འཆང་། །ནཱ་རའི་ལྤགས་མནབས་གར་དང་བཅས། །རྣམ་སྣང་ལ་སོགས་དཔའ་བོ་ཀུན། །ཞལ་གཅིག་པ་ལ་ཕྱག་བཞི་པ། །ཐོད་པ་དང་ནི་ཁ་ཊྭཱྃ་དང་། །ཅང་ཏེའུ་
དྲིལ་བུས་མཚན་པའི་མཆོག །ཡང་ན་ཐམས་ཅད་ཕྱག་བཅུ་གཉིས། །ཞལ་གདོང་དྲུག་པར་བསྒོམ་པར་བྱ། །དེ་དག་གསང་སྔགས་འདི་ཡིན་ཏེ། །ཨོཾ་ཤྲཱི་ཨོཾ་བཱྃ་བཱྃ་ཧུྃ་ཧཱུྃ་ཕཊ་སྭཱ་ཧཱ། ཨོཾ་ཤྲཱི་ཧྃ་ཡཱེ་ཧཱྃ་ཡྃ་ཡྃ་ཧུྃ་ཧཱུྃ་ཕཊ་སྭཱ་ཧཱ། ཨོཾ་ཤྲཱི་ཧྲཱིྃ་
མྃ་མྃ་ཧཱུྃ་ཧཱུྃ་ཕཊ་སྭཱ་ཧཱ། ཨོཾ་ཤྲཱི་ཧྲེྃ་ཧྲིྃ་སྃ་ཧཱུྃ་ཧཱུྃ་ཕཊ་སྭཱ་ཧཱ། ཨོཾ་ཤྲཱི་ཧཱུྃ་ཧཱུྃ་སྃ་ཧུྃ་ཧཱུྃ་ཕཊ་སྭཱ་ཧཱ། ཨོཾ་ཤྲཱི་ཕཊ་ཕཊ་ཙྃ་ཧཱུྃ་ཧཱུྃ་ཕཊ་སྭཱ་ཧཱ། དེ་དག་ནི་རྣལ་འབྱོར་མ་དྲུག་གི་གསང་སྔགས་སོ། །ཨོཾ་ཧཿབྃ་ཧཱུྃ་ཕཊ་སྭཱ་ཧཱ། ཨོཾ་བྷྲུྃ་ཧཱུྃ་ཕཊ་སྭཱ་ཧཱ། ཨོཾ་སྭཱ་ཧཱྃ་ཧུྃ་ཧྲི་ཧཱུྃ་ཕཊ་སྭཱ་ཧཱ། ཨོཾ་བོ་ཥེ
ཏ་ཧ་ཏེ་ཧེྃ་ཕཊ་སྭཱ་ཧཱ། ཨོཾ་ཧཱུྃ་ཧཱུྃ་ཧོ་ཏྲྃ་ཧཱུྃ་ཕཊ་སྭཱ་ཧཱ། ཨོཾ་ཕཊ་ཧྃ་ཧྃ་ཧཱུྃ་ཧཱུྃ་ཕཊ་སྭཱ་ཧཱ། འདི་ནི་དཔའ་བོ་དྲུག་གི་སྔགས། །བཟླས་པ་དང་ནི་བསྒོམས་ཙམ་གྱིས། །འཁོར་ལོ་དྲུག་ནི་མཆོག་གྲུབ་ཅིང་། །འཁོར་ལོས་སྒྱུར་བ་ཐོབ་པ་སྟེ། །འཁོར་
ལོ་བསྒྱུར་དྲུག་རྒྱལ་པོར་འགྱུར། །མི་ཕམ་རྒྱལ་བ་ཡང་དག་རྫོགས། །སྟོབས་ཆེན་རྩལ་མཆོག་རྙེད་པ་ཡིན། །ཕྱག་མཚན་དྲུག་ལ་རྟག་མཆོད་ཅིང་། །ཆོ་ག་བཞིན་དུ་མངོན་བསྔགས་ན། །དེ་ནི་མྱུར་དུ་གྲུབ་ནས་ནི། །རྣལ་འབྱོར་རྒྱལ་
པོའི་མཆོག་ཀྱང་ཐོབ། །མི་སྣང་ལ་སོགས་གྲུབ་ནས་ནི། །ཁམས་གསུམ་དག་ཏུ་རྣམ་པར་སྤྱོད། །འགྲོ་བ་དྲུག་གི་སེམས་ཅན་གྲོལ། །བསྒོམས་པས་རྡོ་རྗེ་འཛིན་དང་མཚུངས། །ཡང་ན་འཁོར་ལོ་ཟུར་དྲུག་ལ། །བདེ་བ་ཆེན་པོ་རྣམ་
སྣང་མཛད། །འཇམ་པའི་རྡོ་རྗེ་འཆང་རྒྱལ་པོ། །འཁོར་ལོས་སྒྱུར་བ་བདག་པོ་ནི། །གུར་ཀུམ་གྱི་ནི་མདོག་ལྟ་བུ། །གཟི་མདངས་འབར་བའི་འོད་ཅན་ཏེ། །ཕྱག་རྒྱ་ཆེ་དང་ཡང་དག་ལྡན། །ཆོས་ཀྱི་དབྱིངས་ཀྱི་རང་ངོ་བོ། །
རྡོ་རྗེ་དྲིལ་བུ་དང་ལྡན་པའི། །གཡས་དང་གཡོན་པའི་ཕྱག་གིས་འཁྱུད། །རལ་གྲི་པོ་ཏི་ཁ་ཊྭཱྃ་ག །ཐོད་པ་ལྕགས་ཀྱུ་ཞགས་པ་དང་། །ཨུཏྤལ་དང་ཅང་ཏེའུ། །གུར་ཀུམ་མདོག་དང་སྔོ་བ་དང་། །དམར་དང་ལྗང་གུ་

85-1-177a

སྟེང་ཞལ་དཀར། །ཆོས་ཀྱི་དབྱིངས་ནི་དག་པ་ཆེ། །སེམས་ཅན་ཁམས་ནི་རབ་གྲེལ་བྱེད། །ཤར་སོགས་གཡོན་བསྐོར་དགོད་པ་ནི། །རྟ་མཆོག་ཙ་བའི་ཀ་དང་བཅས། །དེ་དག་དེ་རུ་དགོད་བྱས་པས། །འཇམ་པའི་རྡོ་
རྗེ་རང་ཉིད་འགྲུབ། །དཀར་དང་དམར་དང་སེར་བ་དང་། །སྔོ་དང་དམར་དང་དཀར་སྔོ་ལྗང་། །ཡན་ལག་དྲུག་ཏུ་དཔའ་བོ་དག །མཁའ་འགྲོ་མ་དང་ལྷན་ཅིག་བཅས། །རྡོ་རྗེ་སེམས་དང་ཕག་མོ་དང་། །རྣམ་སྣང་མཛད་དང་ཡ་མི་ནི། །པད་མ་གར་
དབང་རྨོངས་བྱེད་བཅས། །ཁྲག་འཐུང་དང་ནི་སྐྱོད་བྱེད་མ། །རྡོ་རྗེ་ཉི་མ་སྐྲག་བྱེད་མ། །ལྗང་དང་དུད་པའི་མདོག་ཅན་ཏེ། །དེ་ལྟའི་སྐུ་མདོག་རྣམ་པར་བསྒོམ། །ཞལ་གཅིག་པ་ལ་ཕྱག་བཞི་པའོ། །ལྷ་མོ་རྣམས་ནི་ཕྱག་གཉིས་པའོ། །
ཐོད་པ་དང་ནི་གྲི་གུག་འཛིན། །དཔའ་བོ་ཐོད་པ་ཁ་ཊྭཱྃ་ག །རང་གི་ཕྱག་མཚན་གཉིས་མེད་སྦྱོར། །དྲིལ་བུ་ལྷན་ཅིག་ཡང་དག་ལྡན། །ཅང་ཏེའུ་ནི་འཛིན་པའི་མཆོག །སྤྱན་གསུམ་པ་ལ་གཡས་བརྐྱང་བཞུགས། །སྟག་གི་པགས་པའི་
ཤམས་ཐབས་ཅན། །ཐོད་པའི་ཕྲེང་བའི་དབུ་རྒྱན་ཅན། །མགོ་བོའི་དོ་ཤལ་འཛིན་པ་སྟེ། །ཐམས་ཅད་ཡི་དགས་སྟེང་དུ་བཞུགས། །དབུས་སུ་འཇིགས་བྱེད་དུས་མཚན་གནོན། །ལྷ་མོས་བྱིན་པ་གཉིས་ཀྱིས་འཁྲིལ། །སྐྲ་གྲོལ་
བ་ལ་ཕྱོགས་གོས་ཅན། །སྙིང་ཀར་ཡེ་ཤེས་དམ་ཚིག་ནི། །སྐུ་གསུང་ཐུགས་དང་རྣམ་པར་སྦྱར། །གོ་ཆ་གཉིས་པ་ཡང་དག་སྦྱར། །གནས་ཀྱི་འཁོར་ལོ་བསྒོམས་ནས་ནི། །དཔའ་བོ་མཁའ་འགྲོ་མ་རྣམས་དགོད། །གསང་བ་
གསུམ་ནི་སྙིང་ཀར་གནས། །ཁྭ་གདོང་ལ་སོགས་མཁའ་འགྲོ་མ། །ཕྱི་རོལ་སྒོ་རུ་རྣམ་པར་དགོད། །ཟུར་དུ་གཤིན་རྗེ་སྲེག་ལ་སོགས། །ཐམས་ཅད་གཅེར་བུ་རྣམ་པར་བསྒོམ། །སྔར་བཤད་མདོག་དང་ཕྱག་མཚན་ཏེ། །ཡི་
དགས་གདན་ལ་ཡང་དག་བཞུགས། །གཡས་བརྐྱང་པ་ཡི་ཞབས་ཀྱིས་གནས། །དྲག་པོ་སྐྲ་ནི་གྲོལ་བ་སྟེ། །ཐམས་ཅད་ཐོད་པའི་ཕྲེང་བ་ཅན། །རང་གི་ཕྱི་དང་ནང་དུ་ཡང་། །ཕ་རོལ་ཕྱིན་དྲུག་རྣམ་པར་དག །བསྒོམ་ཞིང་རབ་ཏུ་

85-1-177b

བསྒོམ་པར་བྱ། །སྤྲོ་ཞིང་བསྡུ་བའི་སྦྱོར་བ་ཡིས། །གསང་བའི་འཁོར་ལོ་བཟླས་པ་བྱ། །དཔའ་བོ་རྣལ་འབྱོར་མ་བཟླས་ན། །བསྒོམ་ཞིང་རབ་ཏུ་བསྒོམ་པར་བྱ། །སྤྲུལ་པའི་འཁོར་ལོའི་ཚོགས་སྤྲོས་ནས། །འགྲོ་བ་གསུམ་པོ་
རྫོགས་པར་བྱས། །ནང་གི་བདག་ཉིད་བསྒོམས་པ་ཡིས། །འཁོར་ལོ་གསུམ་གསང་བསྒོམས་ནས་བཟླ། །དེ་ཉིད་གསུམ་དང་སྔགས་ལྷན་ཅིག །དཔའ་བོ་དང་ནི་མཁའ་འགྲོ་མ། །ཧུྃ་ཧཱུྃ་ཕཊ་ནི་མཐའ་རུ་སྟེ། །འཁོར་ལོ་གསུམ་
གྱི་བཟླས་པ་བྱ། །རྣལ་འབྱོར་ཆོ་ག་བཞིན་དུ་ནི། །དམ་ཚིག་ཅན་གྱིས་དེ་བཟླས་བྱ། །ཨོཾ་ཤྲཱི་མཉྫུ་བཛྲ་ཨ་ཧཱུྃ་མྃ་ཧཱུྃ་ཧཱུྃ་ཕཊ་སྭཱ་ཧཱ། ཨོཾ་ཧཿབཛྲ་ས་ཏྭ་ཧུྃ་ཧཱུྃ་ཕཊ་སྭཱ་ཧཱ། ཨོཾ་བྃ་བཱ་རཱ་ཧི་ཧུྃ་ཧཱུྃ་ཕཊ་སྭཱ་ཧཱ། ཨོཾ་ན་མ་ཧི་བཻ་རོ་ཙ་ན་ཧུྃ་ཧཱུྃ་ཕཊ་
སྭཱ་ཧཱ། ཨོཾ་ཧྃ་ཡོྃ་ཡ་མ་ནི་ཧཱུྃ་ཧཱུྃ་ཕཊ་སྭཱ་ཧཱ། ཨོཾ་སྭཱ་ཧཱ་ཧཱུྃ་པད་མ་ནཪྟེ་ཤྭ་ར་ཧུྃ་ཧཱུྃ་ཕཊ་སྭཱ་ཧཱ། ཨོཾ་ཧྲཱིྃ་མོཾ་མོ་ཧ་ར་ཏི་ཧུྃ་ཧཱུྃ་ཕཊ་སྭཱ་ཧཱ། ཨོཾ་བཽ་ཥ་ཊ་ཧེ་ཧེ་རུ་ཀ་ཧུྃ་ཧཱུྃ་ཕཊ་སྭཱ་ཧཱ། ཨོཾ་ཧྲཱེྃ་ཧྲཱེྃ་སྃ་ཙ་ལ་ནི་ཧུྃ་ཧཱུྃ་ཕཊ་སྭཱ་ཧཱ། ཨོཾ་ཧཱུྃ་ཧཱུྃ་ཧོ་བཛྲ་སཱུརྱ་ཧུྃ་
ཧཱུྃ་ཕཊ་སྭཱ་ཧཱ། ཨོཾ་ཧཱུྃ་ཧཱུྃ་ས་ཏྲཱ་ས་ནི་ཧུྃ་ཧཱུྃ་ཕཊ་སྭཱ་ཧཱ། ཨོཾ་ཕཊ་ཧྃ་པ་ར་མཱ་ཤྭ་ཧུྃ་ཧཱུྃ་ཕཊ་སྭཱ་ཧཱ། ཨོཾ་ཕཊ་ཕཊ་ཙཎྜི་ཀ་ཧུྃ་ཧཱུྃ་ཕཊ་སྭཱ་ཧཱ། ཨོཾ་ཀཱ་ཀཱ་སྱཻ་ཧཱུྃ་ཧཱུྃ་ཕཊ། ཨོཾ་ཨུ་ལཱུ་ཀཱ་སྱཻ་ཧུྃ་ཧཱུྃ་ཕཊ། ཨོཾ་ཤྭཱ་ནཱ་སྱཻ་ཧུྃ་ཧཱུྃ་ཕཊ། ཨོཾ་སཱུ་ཀ་རཱ་སྱཻ་ཧུྃ་ཧཱུྃ་ཕཊ། 
ཨོཾ་ཡ་མ་དཱ་ཌི་ཧུྃ་ཧཱུྃ་ཕཊ། ཨོཾ་ཡ་མ་དཱུ་ཏི་ཧཱུྃ་ཧཱུྃ་ཕཊ། ཨོཾ་ཡ་མ་དྃཥྚི་ཎི་ཧཱུྃ་ཧཱུྃ་ཕཊ། ཨོཾ་ཡ་མ་མ་ཐ་ནི་ཧུྃ་ཧཱུྃ་ཕཊ། གཡོན་དང་གཡས་ཀྱི་ལག་གཉིས་སུ། །གོ་ཆ་གཉིས་པོ་བཀོད་ནས་ནི། །གང་ཞིག་ཇི་ལྟར་འདོད་པ་རུ། །
ལས་རྣམས་ཐམས་ཅད་བྱེད་པ་ཡིན། །ཐེ་ཚོམ་མེད་པར་ལས་བྱས་ན། །ངེས་པར་དངོས་གྲུབ་གཞན་དུ་མིན། །ཡང་ན་མགོན་པོ་ས་བཅུའི་དབང་། །ཕ་རོལ་ཕྱིན་པ་བཅུ་ལ་གནས། །སྦྱིན་དང་ཚུལ་ཁྲིམས་བཟོད་བརྩོན་འགྲུས། །
བསམ་གཏན་ཤེས་རབ་དྲུག་པ་སྟེ། །ཐབས་དང་སྟོབས་དང་སྨོན་ལམ་དང་། །ཡེ་ཤེས་སྒོ་སྐྱོང་རྣམ་དག་པའོ། །རབ་ཏུ་དགའ་དང་དྲི་མ་མེད། །འོད་བྱེད་པ་དང་འོད་འཕྲོ་ཅན། །སྦྱང་དཀའ་བ་དང་མངོན་དུ་གྱུར། །རིང་དུ་སོང་དང་

85-1-178a

མི་གཡོ་བ། །ལེགས་པའི་བློ་གྲོས་ཆོས་ཀྱི་སྤྲིན། །འདི་ཡིས་རྣམ་པར་དག་པ་བསྒོམ། །གཤིན་རྗེ་སྲེག་སོགས་བཞི་པོ་ནི། །འཕགས་པའི་བདེན་པར་རྣམ་པར་བསྒོམ། །སྡུག་བསྔལ་དང་ནི་ཀུན་འབྱུང་དང་། །
འགོག་པ་དང་ནི་ལམ་རྣམས་ཏེ། །བཅོམ་ལྡན་འཇམ་པའི་རྡོ་རྗེ་དཔལ། །ཆོས་ཀྱི་དབྱིངས་ཀྱིས་རྣམ་དག་སྟེ། །ཡེ་ཤེས་རང་གི་ངོ་བོ་ཡིན། །འདི་ལྟར་རྣམ་པར་དག་པ་བསྒོམ། །གཉིས་སུ་མེད་པར་སྦྱོར་བའི་ལམ། །གསང་ཞིང་མཆོག་
ཏུ་གསང་བ་སྟེ། །རྣལ་འབྱོར་སྟོབས་ཀྱིས་གསང་བ་མཆོག །བསྒྲུབ་པས་རྗེས་སུ་བསྟན་པ་དང་། །ཇི་བཞིན་བདག་པོའི་དབྱེ་བ་དང་། །བླ་མའི་རིམ་པ་ལེགས་པར་བསླབས། །འདི་ལྟར་ཆོ་ག་གཉིས་མེད་པར། །སྦྱོར་བའི་དམ་ཚིག་
མཆོག་ཡིན་ཏེ། །དངོས་གྲུབ་ཀུན་གྱི་ཐབས་ཀྱི་རྒྱུ། །རྣལ་འབྱོར་མ་ཐུགས་གསང་བ་ཆེ། །ལས་རྣམས་ཀུན་གྱི་འབྲས་བུ་སྟེ། །མངོན་པར་བརྗོད་པའི་རྒྱུད་བླ་མའི་བླ་མ་ལས་གཉིས་སུ་མེད་པའི་གོ་ཆའི་སྦྱོར་བ་བསྐྱེད་པའི་བསྒོམ་པའི་
ལེའུ་སྟེ་སུམ་བཅུ་རྩ་བདུན་པའོ།། །། དེ་ནས་གཞན་ཡང་བཤད་བྱ་བ། །བརྡ་ནི་མཆོག་ཏུ་གསང་བ་སྟེ། །བརྡ་ནི་ཡོངས་སུ་མི་ཤེས་པར། །སྦྱོར་བའི་དངོས་གྲུབ་མི་འགྲུབ་སྟེ། །འདི་ནི་ངེས་པར་ཤེས་པ་ན། །དངོས་
གྲུབ་འགྲུབ་པར་ཐེ་ཚོམ་མེད། །དྭ་ཞེས་བྱ་བ་སྐྱེས་བུར་བཤད། །དི་ཞེས་བྱ་བ་བུད་མེད་ཡིན། །བུ་ཞེས་བྱ་བ་གནོན་པ་ཡིན། །སུ་ཞེས་བྱ་བ་ཟ་བ་ཉིད། །མ་ཞེས་བྱ་བ་མ་རུ་བཤད། །ཡ་ཞེས་བྱ་བ་ཆུང་མ་ཉིད། །
བྷི་ཞེས་བྱ་བ་སྲིང་མོ་ཡིན། །བྷི་ཞེས་བྱ་བ་མཛའ་མོར་བཤད། །ལུ་ཞེས་བྱ་བ་བུ་མོ་ཡིན། །སྲི་ཞེས་བྱ་བ་ཁྲག་ཏུ་བཤད། །སོ་ནི་ཞི་བའི་བཏུང་བ་ཡིན། །པེ་ཞེས་བྱ་བ་ཐུག་པ་སྟེ། །པི་ཞེས་བྱ་བ་དེ་བཞིན་ཤ །
བ་ཞེས་བྱ་བ་ཟ་བ་ཡིན། །བྷུ་ཞེས་བྱ་བ་འདྲེས་པ་ཡིན། །པི་ཞེས་བྱ་བ་དུར་ཁྲོད་ཡིན། །དུ་ཞེས་བྱ་བ་རོ་ཡིན་ནོ། །ཊཱི་ཞེས་བྱ་བ་རྣལ་འབྱོར་མ། །གཱ་ཞེས་བྱ་བ་ལཱ་མ་ཡིན། །ཏྲི་ཞེས་བྱ་བ་གཟུགས་ཅན་མ། །ཀུ་ཞེས་

85-1-178b

བྱ་བ་མཁའ་འགྲོ་མ། །ཧ་ནི་ཁཎྜ་རོ་ཉིད་མ། །ཛ་ཞེས་བྱ་བ་བྱིན་པ་གཉིས། །བ་ཞེས་བྱ་བ་གསོང་པོར་སྨྲ། །སྭ་ཞེས་བྱ་བ་ལེགས་འོངས་ཡིན། །མི་ཞེས་བྱ་བ་ཉ་ཡིན་ལ། །བྱོ་ཞེས་བྱ་བ་བཟའ་བ་མིན། །ཕྱོ་ཞེས་བྱ་བ་
བཏུང་བ་མིན། །ག་ནི་བགྲོད་དང་བགྲོད་མིན་ཡིན། །ཀ་ཞེས་བྱ་བ་འདོད་པ་ཡིན། །ས་ཞེས་བྱ་བ་གཞན་མི་འགྲོ། །ར་ཞེས་བྱ་བ་ཁྱོ་མེད་མོ། །དུ་ཞེས་བྱ་བ་སྤྱོད་ངན་མོ། །སུ་ཞེས་བྱ་བ་སྐལ་བཟངས་མོ། །ན་ཞེས་བྱ་བ་
སྐལ་ངན་མ། །ས་ཞེས་བྱ་བ་དམ་ཚིག་ཅན། །ཨ་ཞེས་བྱ་བ་དམ་ཚིག་མེད། །ཨཱི་ཞེས་བྱ་བ་འོངས་པ་ཡིན། །ན་ཞེས་བྱ་བ་མ་འོངས་ཡིན། །སོ་ཞེས་བྱ་བ་ཆགས་པ་ཡིན། །འདི་དག་ཡི་གེའི་བརྡ་ཡིན་ཏེ། །དབང་བསྐུར་
དུས་སུ་རྣལ་འབྱོར་པས། །བཟའ་དང་བཟའ་མེད་སྦྱིན་པར་བྱ། །དབང་བསྐུར་བ་ནི་མཆོག་ཡིན་ཏེ། །དམ་ཚིག་མཆོག་ནི་ཤེས་པ་དང་། །དམ་ཚིག་ཅན་གྱི་དམ་ཚིག་དུས། །དམ་ཚིག་འཁོར་ལོ་འདུས་པ་དང་། །དད་པ་རྣམས་ལ་སྦྱིན་
པར་བྱ། །མ་དད་པ་ལ་སྦྱིན་མི་བྱ། །མངོན་པར་བརྗོད་པའི་རྒྱུད་བླ་མའི་བླ་མ་ལས་བརྡའི་ལེའུ་སྟེ་སུམ་བཅུ་རྩ་བརྒྱད་པའོ།། །། དེ་ནས་གཞན་ཡང་བཤད་བྱ་བ། །རྣལ་འབྱོར་མ་ཡི་མཚན་ཉིད་ནི། །
གང་གིས་ཤེས་པ་ཙམ་གྱིས་ནི། །སྒྲུབ་པ་པོ་ཡིས་དངོས་གྲུབ་ཐོབ། །བུད་མེད་པད་རྩ་ལྟར་དཀར་ཞིང་། །པད་མའི་འདབ་ལྟར་དཀྱུས་རིང་མིག །རྟག་ཏུ་གོས་ནི་དཀར་ལ་དགའ། །ཙན་དན་སར་པའི་དྲི་དང་ལྡན། །
བདེ་གཤེགས་འདུས་པ་ཉིད་ལ་དགའ། །དེ་རིགས་ལས་བྱུང་ཤེས་པར་བྱ། །བུད་གང་བཙོ་མའི་གསེར་འདྲ་ཞིང་། །དམར་དང་སེར་བའི་གོས་ལ་དགའ། །ཛཱ་ཏི་ཙམ་པའི་དྲི་དང་ལྡན། །དེ་ཡང་བཟང་པོའི་རྗེས་
འགྲོར་འགྱུར། །ཐམས་ཅད་ཨུཏྤལ་ལྟར་སྔོ་བསངས། །དྲི་དང་གོས་ནི་སྔོ་ལ་དགའ། །ཨུཏྤལ་སྔོན་པོའི་དྲི་ཡོད་པ། །དེ་ནི་དཔའ་བོ་བཟང་རྗེས་འགྲོ། །བུད་མེད་པད་དཀར་འདྲ་མདོག་གང་། །རྟག་ཏུ་

85-1-179a

པད་མའི་རྩ་བ་དྲི། །དེ་ཡང་དེ་བཞིན་དཔའ་མོའི་བློ། །དམར་ཞིང་སེར་སྐྱའི་བུད་མེད་གང་། །གཟུགས་བཟང་གོས་ནི་དམར་བ་དང་། །མ་ལ་ཀི་དང་ཨུཏྤལ་དྲི། །དེ་ནི་རྡོ་རྗེའི་རིགས་བྱུང་ཡིན། །སེར་ཞིང་ལྗང་
བའི་བུད་མེད་གང་། །གོས་ནི་དཀར་ལ་དགའ་བ་དང་། །མགོ་ལ་མེ་ཏོག་དྲི་དང་ལྡན། །དེ་བཞིན་གཤེགས་རིགས་རྗེས་འགྲོ་ཡིན། །བུད་མེད་གང་ཞིག་ཁ་དོག་དམར། །དེའི་མདོག་ཅན་གོས་འཆང་ཞིང་། །རྟག་ཏུ་ག་བུར་དྲི་དང་
ལྡན། །རྣམ་སྣང་རིགས་ཀྱི་རྗེས་འགྲོ་ཞིང་། །རྣལ་འབྱོར་མ་ཡི་རིགས་རྣམས་ནི། །དེ་ལྟར་བདུན་པོ་ངས་བཤད་པ། །གཡོན་པའི་ཀུན་སྤྱོད་ལ་རྟག་དགའ། །རང་གི་མདོག་གིས་རིགས་དྲུག་ལྡན། །རིགས་ཀྱི་རིག་པའི་ཡི་གེ་ཡང་། །
ཁ་དོག་དྲུག་ཏུ་འགྱུར་བ་ཡིན། །རང་གི་ཕྱག་རྒྱ་འཆིང་བ་དང་། །རང་རིག་ལས་བྱུང་ཚིག་ཏུ་སྨྲ། །གཡོན་ལས་འགྲོ་བའི་བུད་མེད་གང་། །རྣལ་འབྱོར་པ་ལ་གཡོན་ལ་རྟག །ལག་པ་གཡོན་གྱིས་མཚོན་པ་དང་། །གཡོན་ནས་
ལྟ་བས་རྣམ་པར་བལྟ། །ལྷ་མོ་རྣམས་དང་གང་སྨྲ་བ། །དེ་ནི་དམ་ཚིག་ལྡན་པར་བཤད། །བུད་མེད་གང་བྱས་དེ་ཉན་ཅིང་། །རིགས་ཀྱི་ས་བོན་རབ་ཏུ་སྨྲ། །རིགས་ཀྱི་བྱ་བ་མི་སྤོང་སྟེ། །རང་གིས་བསྟན་བཤད་མི་
འདོར་ལ། །རང་གི་རིགས་ཀྱི་རིག་པ་ཟློས། །དེ་ནི་དམ་ཚིག་ལྡན་པར་བཤད། །ཕྱག་འཚལ་བ་ནི་གང་འཆིང་བ། །གཡོན་པའི་ལུས་ཀྱིས་རྟག་ཏུ་འདུད། །ལྷ་མོ་རྣམས་དང་ཀུན་སྨྲ་བ། །དེ་ནི་ངེས་པར་བདེ་བར་འགྲོ། །
མཐེ་བོང་གཡོན་པས་ས་ལ་ནི། །རྐང་པས་རི་མོ་འདྲི་བྱེད་ཅིང་། །མགོ་ནི་འཕྲུག་པར་བྱེད་པ་དང་། །ཟུར་གྱིས་ལྟ་ཞིང་ལག་པ་སྟོན། །བསྒྲུབ་པ་པོ་ལ་ཁྱད་པར་དུ། །དེ་ཡིས་རང་རིག་དྲན་པ་དང་། །འཁུར་བའམ་ཀོས་ཀོ་དག་
དང་ནི། །སྣ་དག་ཏུ་ནི་ཐལ་མོ་སྟོན། །ཟུར་གྱིས་ལྟ་ཞིང་ལན་ཅིག་བསྟགས། །ཟློས་ཤིང་རིགས་ལ་རྣམ་པར་བལྟ། །བདེན་པར་འགྲོ་བའི་རྣལ་འབྱོར་མ། །ངེས་པར་དམ་ཚིག་ཅན་ཡིན་ན། །དེ་ནས་རྙེད་དཀའ་རྣལ་

85-1-179b

འབྱོར་མ། །དེ་བཞིན་མཁའ་འགྲོ་མ་རྣམས་ཀྱི། །བདུད་རྩི་ལྔ་རྣམས་ཡང་དག་འབྱུང་། །ཡ་མི་ནི་དང་སྐྲག་བྱེད་མ། །འདོད་ལྡན་ཕག་མོ་འཇིགས་གཟུགས་མ། །ཀུན་ཏུ་སྤྱོད་པ་བ་སུ་ར། །རྣལ་འབྱོར་
མ་ནི་རྣམ་པ་བདུན། །མདོར་བསྡུས་རང་མཚན་བཤད་པ་ཡིན། །གཟུགས་ཅན་མ་དང་ཙུམ་པི་ཀ   །ལཱ་མ་ཡོངས་གྱུར་བྱིས་བཅས་མོ། །མི་ལྡོག་ཨེ་ཧི་ཀ་ལྷ་མོ། །མཁའ་འགྲོ་མ་ནི་མདུན་དུ་བཤད། །མངོན་པར་
ཞེན་པས་བལྟ་བ་དང་། །སྨིན་མ་འདེགས་པར་གར་བྱེད་ཅིང་། །སྔོན་བཞིན་གཟུགས་ནི་སྡུད་བྱེད་ལ། །ཕྱིས་ནི་འཇིགས་པར་བྱེད་པ་དག །གཟུགས་ཅན་མ་ནི་ཡིན་པར་བཤད། །གཉིས་མེད་དཔའ་བོས་བསྙེན་པར་བྱ། །
སྡུག་པའམ་ཡང་ན་མི་སྡུག་པ། །བྱིས་པ་འཁྱུད་ཅིང་ཙུམ་པ་ན། །དེ་ནི་ཙུམ་པ་གིར་ཤེས་བྱ། །མཁའ་འགྲོ་མཆོག་ཀྱང་དེ་ཉིད་ཡིན། །ཟས་མི་ལྟ་བར་ཟུར་དུ་བལྟ། །ཁྲོ་གཉེར་དང་ནི་གདོང་དག་དང་། །སྨིན་མ་སྒྱུར་ཞིང་
སྡིགས་མཛུབ་དང་། །འདི་ནི་གཞན་ཡང་དབུགས་མི་འབྱིན། །འཇིགས་པར་བྱེད་པ་གང་ཡིན་པ། །དེ་ནི་ལཱ་མ་ཡིན་པར་བསྟན། །ཕག་དང་དྲེད་དང་བྱི་ལ་དང་། །ལྕེ་སྤྱང་རིགས་དང་སྟག་དག་དང་། །ཐམས་ཅད་དེར་ནི་
འཇིགས་བྱེད་པ། །ཡོངས་སུ་གྱུར་པར་དེ་བཤད་དོ། །ཤིན་ཏུ་དགའ་བས་རྒོད་པ་དང་། །སོང་ནས་སླར་ཡང་མི་ལྡོག་ལ། །རྗེས་སུ་ཆགས་པས་གསལ་བར་རྒོད། །དུམ་སྐྱེས་མར་ནི་དེ་བཤད་དོ། །ཡིད་ནི་ཀུན་ཏུ་སྐྱོ་བ་
དང་། །རྐང་པ་ལག་པས་བོང་བའམ། །གོས་མཐའ་འམ་ཡང་ན་ཤིང་དག་གིས། །དེས་རེག་པ་ནི་འཚོ་མི་འགྱུར། །མི་ལྡོག་པར་ནི་ཤེས་བྱ་སྟེ། །བསྒྲུབ་མིན་པར་ནི་དེ་བཤད་དོ། །མཁའ་འགྲོ་མ་ཡི་རིགས་ཕྱག་རྒྱ། །
དཔའ་བོས་བསྙེན་ཅིང་མཚན་མ་བལྟ། །ཐོད་པ་དགྲ་སྟ་མཆེ་བ་དང་། །རལ་གྲི་ཀུན་ཏུ་སྐྲག་བྱེད་ཡིན། །རྡོ་རྗེ་དང་ནི་དུང་ཉིད་དང་། །རིགས་ཀྱི་ཕྱག་རྒྱ་ཡིན་པར་བཤད། །མངོན་པར་བརྗོད་པའི་རྒྱུད་བླ་མའི་བླ་མ་ལས་

85-1-180a

རྣལ་འབྱོར་མའི་མཚན་མའི་ལེའུ་སྟེ་སུམ་བཅུ་རྩ་དགུ་པའོ།། །། དེ་ནས་གཞན་ཡང་བཤད་བྱ་བ། །མཁའ་འགྲོ་རྣམས་ཀྱི་མཚན་ཉིད་ནི། །གང་ཞིག་ཡང་དག་ཤེས་པ་ཡིས། །མཁའ་འགྲོའི་དམ་
ཚིག་ལ་གནས་པའོ། །དམར་ཞིང་སེར་བའི་བུད་མེད་གང་། །པད་མའི་དྲི་ནི་རྣམ་པར་གཏོང་། །ལྟ་སྟངས་རང་བཞིན་ཞི་བ་དང་། །ཞེན་པས་ལྟ་བའི་རྗེས་འགྲོ་བ། །བུད་མེད་གང་གི་སེན་མོ་དམར། །མིག་ནི་ཀུན་ཏུ་ཞེན་པ་དང་། །
ཁྱིམ་དུ་པད་མ་འདྲི་བ་ནི། །པད་མ་གར་དབང་རིགས་འབྱུང་ཡིན། །སྨིན་མའི་དབུས་ན་རྩེ་གསུམ་ཡོད། །ལུས་ནི་སྔོ་བསངས་སྐྱ་བ་དང་། །རྟག་ཏུ་རྡོ་རྗེ་རིགས་བསྒོམ་པ། །གང་གི་ཁྱིམ་དུ་རྡོ་རྗེ་འདྲི། །རྟག་ཏུ་མཆོད་པ་
བྱེད་པ་ཡི། །མཁའ་འགྲོ་མ་དེ་དཔལ་ལྡན་ནི། །ཧེ་རུ་ཀ་ཡི་རིགས་བྱུང་ཡིན། །གང་གི་དཔྲལ་བར་རྩེ་གསུམ་ནི། །མདུང་ཐུང་དག་ནི་སྣང་འགྱུར་ཞིང་། །མིག་དམར་མདོག་ནི་དམར་སེར་དང་། །དེ་བཞིན་རྐང་པ་ལག་པ་
དམར། །ར་སྐྱེས་ཁྱིམ་བྱ་དག་ལ་ཡང་། །རྟག་ཏུ་ཡིད་ནི་དགར་འགྱུར་ཞིང་། །དེ་ཡི་ཁྱིམ་དུ་རྡོ་རྗེ་མཚན། །རྟག་ཏུ་གང་ཞིག་མཆོད་བྱེད་པ། །ཤྲཱི་ཧེ་རུ་ཀའི་རིགས་བྱུང་བ། །མཁའ་འགྲོ་ཡིན་པར་གདོན་མི་ཟ། །འཁོར་
ལོ་གང་གི་དཔྲལ་བའམ། །ལག་པར་ཡང་ནི་སྣང་འགྱུར་བ། །སྤྲིན་སྔོན་དག་དང་འདྲ་བ་ནི། །རྟག་ཏུ་དཔྲལ་བར་འཆང་བྱེད་པ། །སྐལ་བ་ཆེན་པོ་ཀུན་ཚོགས་ཤིང་། །མཆོག་ཏུ་བདེན་པ་གང་ཡིན་དང་། །ཁྱིམ་དུ་
འཁོར་ལོ་འདྲི་བྱེད་ཅིང་། །རྟག་ཏུ་དེ་ལ་མཆོད་བྱེད་པ། །རྡོ་རྗེ་ཕག་མོ་རིགས་འབྱུང་བའི། །མཁའ་འགྲོ་མ་ནི་སྟོབས་ཀྱིས་དྲེགས། །གང་ཞིག་མིག་སྨན་གནག་འདྲ་ཞིང་། །སོ་ནི་དཀར་ཞིང་མཐོ་བ་དང་། །རྟག་ཏུ་
གདུག་པར་གྱུར་པ་དང་། །སེམས་སྟོབས་ལྡན་པར་གྱུར་པ་དང་། །རྟག་ཏུ་ཁྲུས་ལ་དགའ་བ་དང་། །མང་དུ་སྨྲ་བར་མི་བྱེད་ཅིང་། །ཁྱིམ་དུ་རྡོ་རྗེ་འདྲི་བ་དང་། །རྟག་ཏུ་དགེ་བས་མཆོད་བྱེད་པ། །རྡོ་རྗེ་ཕག་མོའི་རིགས་འབྱུང་བ། །སྟོང་ཕྲག་བཅུ་དང་

85-1-180b

ལྔ་པ་ཡིན། །སེར་ཞིང་གསེར་གྱི་མདོག་འདྲར་སྣང་། །མིག་མི་གཡོ་ཞིང་ཁ་སྤུ་སེར། །རྡོ་རྗེ་གང་གི་དཔྲལ་བའམ། །ལག་པར་ཡང་ནི་སྣང་འགྱུར་བ། །རྟག་ཏུ་རྒྱལ་སྲིད་དག་ལ་གནས། །སྙེམས་ཤིང་བདེན་པར་སྨྲ་བ་དང་། །
མ་ལི་ཀ་ཡི་དྲི་འབྱུང་ཞིང་། །གང་གི་ཁྱིམ་དུ་རྡོ་རྗེ་ནི། །རྟག་ཏུ་འདྲི་ཞིང་ཆེར་མཆོད་པ། །དུམ་སྐྱེས་མ་ཡི་རིགས་ལས་བྱུང་། །རྣལ་འབྱོར་མ་ཡི་དབང་ཕྱུག་མཆོག །གང་ཞིག་རྟག་པར་ཤ་ལ་དགའ། །སྐེམ་ཞིང་མིག་སྨན་
གནག་པའི་མདོག །དཔྲལ་བ་མདུང་རྩེ་ལྟ་བུ་ཡོད། །གང་ཞིག་གདུག་པའི་ལས་ལ་དགའ། །རྟག་ཏུ་དུར་ཁྲོད་དག་ཏུ་འགྲོ། །འཇིགས་པ་མེད་ཅིང་བརྩེ་མེད་དེ། །གང་གིས་དཔྲལ་བར་ཐིག་ལེ་དང་། །ཁྱིམ་དུ་ཐོད་པ་འདྲི་ཞིང་
མཆོད། །དཔལ་ལྡན་ཧེ་རུ་ཀ་དེ་ཡི། །མཁའ་འགྲོ་འི་རིགས་ལས་བྱུང་བ་ཡིན། །སྤྲིན་གྱི་མདོག་འདྲའི་བུད་མེད་གང་། །སོ་ནི་མི་མཉམ་པར་གནས་ཤིང་། །རྟག་ཏུ་གདུག་པའི་ལས་ལ་དགའ། །གཡོན་གྱི་མཆེ་བ་གཙིགས་
པ་དང་། །དེ་ཡི་ཁྱིམ་དུ་དགྲ་སྟ་ནི། །འདྲི་ཞིང་རྟག་ཏུ་མཆོད་བྱེད་པ། །རྣམ་པར་འདྲེན་པའི་རིགས་བྱུང་བའི། །མཁའ་འགྲོ་མར་ནི་ཐེ་ཚོམ་མེད། །མཁའ་འགྲོ་མ་ཡི་ཚོགས་འདི་དག །ཤྲཱི་ཧེ་རུ་ཀའི་རིགས་ལས་བྱུང་། །
སྒྲུབ་པ་པོ་ལ་ཕན་པའི་ཕྱིར། །མཚན་ཉིད་ཡང་དག་བཤད་པ་ཡིན། །མངོན་པར་བརྗོད་པའི་རྒྱུད་བླ་མའི་བླ་མ་ལས་མཁའ་འགྲོ་མའི་མཚན་ཉིད་ཀྱི་ལེའུ་སྟེ་བཞི་བཅུ་པའོ།། །། 
དེ་ནས་གཞན་ཡང་བཤད་བྱ་བ། །སྒྲུབ་པ་པོ་ཡིས་ལཱ་མ་ཡི། །མཚན་ཉིད་ཀྱི་ནི་ཁྱད་པར་དང་། །ཡན་ལག་ཚོགས་ནི་ཤེས་བྱ་བའོ། །གང་གི་བཞིན་གྱི་དཀྱིལ་འཁོར་ནི། །ཀུན་ཏུ་ཟླུམ་པོར་སྣང་འགྱུར་ཞིང་། །ཁ་ཡི་
སྨ་ར་རྟག་ཏུ་ཡོད། །སྤུ་དང་སྨིན་མ་རིང་བ་དང་། །གོས་བཟང་གཙང་ཞིང་ཞི་བ་དང་། །མི་འཁྲུགས་བདེན་པར་སྨྲ་བ་དང་། །རྟག་ཏུ་དམ་པའི་ཆོས་ལ་དགའ། །དཔའ་བོ་སྲིང་མོར་དེ་ཤེས་བྱ། །པད་མའི་
85-1-181a

ཕྱག་རྒྱར་སྦྱིན་བྱ་བ། །ཡང་ན་རུ་སྦལ་ཕྱག་རྒྱ་བྱ། །པགས་པ་བུམ་པ་ལྕེ་བླུགས་ཉིད། །ཕྱག་རྒྱའི་ལན་དུ་ཤེས་པར་བྱ། །དེ་ནི་ཚེས་བཅུའི་རེས་དག་ལ། །ཁྱིམ་དུ་པད་མ་འདྲི་བར་འགྱུར། །ལཱ་མ་ཡི་ནི་
བུད་མེད་ཀྱི། །མཚན་ཉིད་གྱུར་པ་འདི་དག་ཡིན། །གསུས་པ་རློ་ཞིང་མིག་དཀྱུས་རིང་། །མིག་ནི་དམར་ཞིང་སེར་སྐྱར་གནས། །ཕྱུག་ཅིང་སྐལ་བཟང་དཔལ་ཡོན་ཅན། །སེར་ཞིང་ཙམ་པ་ལྟ་བུར་སྣང་། །ཤིན་ཏུ་རིང་མིན་
ཐུང་བའང་མེན། །སྣ་ཚོགས་པ་ཡི་གོས་ལ་དགའ། །དཔྲལ་བར་རི་མོ་གསུམ་ཡོད་ཅིང་། །མཚམས་ཀྱི་གྱེན་དུ་བལྟས་པ་ནས། །རྒོད་ཅིང་དགའ་བ་ཉིད་དག་དང་། །ལམ་ནི་རྣམ་པར་གནོན་ཅིང་གནས། །གཡུལ་དུ་འཆི་
བ་རྣམས་ཀྱི་ནི། །གཏམ་དག་ལ་ནི་རྟག་ཏུ་དགའ། །དེ་ལྟའི་རབ་དྲེགས་མཐོང་ན་ནི། །མདུང་གི་ཕྱག་རྒྱ་བསྟན་པར་བྱ། །རྐང་པ་གཡོན་པ་བསྐུམ་པ་ཡིས། །བདག་ཉིད་ཀྱང་ནི་བསྟན་པར་བྱ། །གཡོན་པ་དག་ནི་ཡོངས་
བཟློག་པ། །ཕྱག་རྒྱའི་ལན་ནི་ཡིན་པར་བཤད། །བཅུ་བཞི་དང་ནི་ཚེས་བརྒྱད་ནི། །དེ་ནི་དུས་ཚིགས་ཡིན་པར་བཤད། །ཁྱིམ་དུ་མདུང་རྩེ་གསུམ་པ་ཡང་། །བྲིས་ནས་དེ་ནི་རྟག་ཏུ་མཆོད། །འཇིག་རྟེན་དབང་
ཕྱུག་ལཱ་མ་ཡྀ། །མཚན་ཉིད་གྱུར་པ་འདི་དག་ཡིན། །གང་གི་མཁུར་ཚོས་དག་ཏུ་ནི། །ཁུང་བུར་སྣང་བ་གནས་གྱུར་ཅིང་། །དེ་བཞིན་རྟག་ཏུ་དམར་ཞིང་སེར། །མིག་ནི་ལྗང་སེར་དག་ཏུ་སྣང་། །སྐྲ་ནི་དེ་བཞིན་འཁྱིལ་བ་
དང་། །མགོ་དང་དཔྲལ་བར་དར་བཅིངས་སྣང་། །རི་མོ་གཅིག་པ་རབ་ཏུ་གནས། །དེ་བཞིན་མགྲིན་པ་རིང་བ་དང་། །རྟག་ཏུ་གོས་དམར་ལ་དགའ་ཞིང་། །རྒོད་ཅིང་གླུ་ནི་ལེན་པ་ཉིད། །ལན་འགའ་ཞིག་ནི་ཁྲོ་བ་དང་། །སེམས་ནི་
རྣམ་པར་གཡོ་བ་དང་། །རྩོད་པ་ལ་ནི་དགའ་བ་སྟེ། །འདི་འདྲའི་རབ་དྲེགས་མཐོང་ན་ནི། །མདུང་གི་ཕྱག་རྒྱ་བསྟན་པར་བྱ། །གཉིས་པ་ཉིད་ནི་འབད་པ་ཡིས། །དྲིལ་བུའི་ཕྱག་རྒྱ་བསྟན་པར་བྱ། །གཡོན་གྱི་

85-1-181b

ཕྱོགས་སུ་ལྡོག་པ་ནི། །ཕྱག་རྒྱའི་ལམ་ནི་ཡིན་པར་བཤད། །ཐུང་ཞིང་བྱིན་པ་སྦོམ་པ་དང་། །རྟག་ཏུ་གོས་སེར་ལ་དགའ་ཞིང་། །ཕྲག་པ་དག་ན་གོས་ཀྱང་འཆང་། །དེ་འདྲའི་བུད་མེད་མཐོང་ན་ནི། །རྡོ་རྗེའི་
ཕྱག་རྒྱ་བསྟན་བྱ་ཞིང་། །འབེད་པ་ཡིས་ནི་གཉིས་པ་ཡང་། །དུང་གི་ཕྱག་རྒྱ་བསྟན་པར་བྱ། །གཡོན་ནས་ཡོངས་སུ་བཟློག་པ་ནི། །ཕྱག་རྒྱའི་ལན་ནི་ཡིན་པར་བཤད། །བཅུ་བཞི་དེ་ཡི་དུས་ཡིན་ཏེ། །དེ་ཡི་
ཁྱིམ་དུ་རྡོ་རྗེ་འདྲི། །ཤྲཱི་ཧེ་རུ་ཀ་ལཱ་མ་ཡི། །མཚན་ཉིད་གྱུར་པ་འདི་དག་ཡིན། །ལུས་ཀུན་ལ་ནི་བ་སྤུ་ཡོད། །མིག་ནི་གནག་ཅིང་སེར་བ་དང་། །སྦུམ་ཞིང་རྣམ་བསྒྱུར་མི་བཟད་པ། །བཞིན་འཕེལ་ཆེ་ཞིང་
ཁ་ཆེ་ལ། །མ་མཆུ་རློན་ཞིང་ཁ་དོག་ནག །མིག་ཟླུམ་སྣ་ནི་ཉམས་པ་དང་། །རྟག་ཏུ་གླུ་ནི་མཁས་པ་དང་། །སྤྲིན་གྱི་མདོག་ཅན་ཡིད་འཕྲོག་པ། །འདི་འདྲའི་རབ་གྲགས་མཐོང་ན་ནི། །གླུ་ཡི་ཕྱག་རྒྱ་བསྟན་
པར་བྱ། །གཉིས་པ་ཡང་ནི་འབད་པ་ཡིས། །མདུང་གི་ཕྱག་རྒྱ་བསྟན་པར་བྱ། །གཡོན་ནས་ཡོངས་སུ་བཟློག་པ་ནི། །ཕྱག་རྒྱའི་ལན་ནི་ཡིན་པར་བཤད། །ཚེས་གྲངས་བཅུ་གཅིག་དེ་ཡི་དུས། །
ཁྱིམ་དུ་མཆེ་བ་འདྲི་བར་བྱེད། །རྡོ་རྗེ་ཕག་མོ་ལཱ་མ་ཡི། །མཚན་ཉིད་གྱུར་པ་འདི་དག་ཡིན། །མངོན་པར་བརྗོད་པའི་རྒྱུད་བླ་མའི་བླ་ལས་ལཱ་མའི་མཚན་ཉིད་ཀྱི་ལེའུ་སྟེ་བཞི་བཅུ་རྩ་གཅིག་པའོ།། །། 
དེ་ནས་གཞན་ཡང་བཤད་བྱ་བ། །མཁའ་འགྲོ་རྣམས་ཀྱི་བརྡ་རྣམས་ཏེ། །གང་ཞིག་སྤུན་དང་སྲིང་མོ་རུ། །ཡང་དག་ཤེས་པར་འགྱུར་བའོ། །གང་ཞིག་ལག་གཡོན་སྟོན་པ་ནི། །
གསོང་པོར་སྨྲ་བ་སྟོན་པ་ཡིན། །གང་ཞིག་སྲིན་ལག་སྟོན་པ་ནི། །གསོང་པོར་སྨྲ་བ་ལན་འགྱུར་ཡིན། །གང་ཞིག་ལྟོ་བ་རྡེབས་པ་ནི། །བདག་ནི་བཀྲེས་པར་སྟོན་པ་ཡིན། །གང་ཞིག་

85-1-182a

དཔྲལ་བ་སྟོན་པ་ནི། །ནམ་མཁའ་ལས་ནི་འོངས་ཞེས་པའོ། །གང་ཞིག་ཁར་ནི་སོར་མོ་འཛུད། །ཟོས་ཟིན་ཞེས་ནི་སྨྲ་བ་ཡིན། །གང་ཞིག་ལྕེ་ནི་བསྐྱོད་པ་དག །ཟའོ་ཞེས་ནི་སྨྲ་བ་ཡིན། །
གང་ཞིག་པུས་མོ་ལ་རེག་པ། །ངལ་ལོ་ཞེས་ནི་སྟོན་པ་ཡིན། །གང་ཞིག་སོར་མོའི་རྩེ་ལ་རེག །ངལ་སོས་ཞེས་ནི་སྨྲ་བ་ཡིན། །གང་ཞིག་སོ་ནི་འཆའ་བྱེད་པ། །ཤ་ཟའོ་ཞེས་ནི་སྨྲ་བ་ཡིན། །ལག་པ་གཡས་པ་སྟོན་
པ་ནི། །འདི་ལྟར་གྱིས་ཤེས་སྟོན་པ་ཡིན། །གང་ཞིག་ཁྲོ་གཉེར་སྟོན་པ་ནི། །བཅིངས་སོ་ཞེས་ནི་སྨྲ་བ་ཡིན། །གང་ཞིག་མཁའ་ལྡིང་སྟོན་པ་ནི། །གྲོལ་ལོ་ཞེས་ནི་སྟོན་པ་ཡིན། །གང་ཞིག་ཁུ་ཚུར་སྟོན་པ་ནི། །
དེ་ལ་པ་ཏི་ཏ་བསྟན་བྱ། །གང་ཞིག་སྐྲ་ནི་སྟོན་པ་ལ། །རྣམ་པར་འགྱུར་བ་བལྟས་ནས་ནི། །ཁ་ཊྭཱྃ་ག་ནི་དེ་ལ་བསྟན། །གང་ཞིག་ཡན་ལག་བསྐྱོད་པ་དང་། །དེ་ལ་མཆེ་བ་བསྟན་པར་བྱ། །གང་ཞིག་ལག་པས་ལག་པ་
སྟོན། །གཏོར་མ་ཟ་ཞེས་སྨྲ་བ་ཡིན། །གང་ཞིག་ལག་པ་གཡས་པ་སྟོན། །དེ་ལྟར་གྱིས་ཤིག་སྨྲ་བ་ཡིན། །གང་ཞིག་རྣ་བ་ལ་རེག་པ། །གནས་པར་བྱ་ཞེས་སྟོན་པ་ཡིན། །གང་ཞིག་སེན་མོས་སེན་མོ་རེག །ཤི་ཡིས་ཁྱེར་ཞེས་
བྱ་བ་ཡིན། །གང་ཞིག་ས་འདྲི་དཀྱིལ་འཁོར་དུ། །དེ་རིང་འཇུག་ཅེས་སྨྲ་བ་ཡིན། །གང་ཞིག་ནུ་མ་ལ་རེག་པ། །བདག་གི་བུ་ནི་སྲུངས་ཞེས་བྱ། །གང་ཞིག་མཐེ་གཡོན་ས་ལ་འདྲི། །གཉེན་དག་སྲུངས་ཤིག་པ་རུ་བཤད། །
གང་ཞིག་མིག་ནི་རྣམ་འཛུམས་པ། །དེ་ལྟར་བྱ་ཞེས་སྨྲ་བ་ཡིན། །གང་ཞིག་ཚིགས་ལ་རེག་བྱེད་པ། །བདེ་བར་ཉལ་ཞེས་སྨྲ་བ་ཡིན། །ཕོ་ཉ་མ་ནི་གང་ཡང་རུང་། །དེ་དག་ཀུན་གྱིས་ཡང་དག་སྤྱད། །མངོན་པར་བརྗོད་པའི་
རྒྱུད་བླ་མའི་བླ་མ་ལས་བརྡའི་ལེའུ་སྟེ་བཞི་བཅུ་རྩ་གཉིས་པའོ།། །། དེ་ནས་ཡན་ལག་ཕྱག་རྒྱ་ཡི། །མཚན་ཉིད་ང་ཡིས་བཤད་པར་བྱ། །བུད་གང་སྤྱི་གཙུག་རེག་བྱེད་པ། །མགོ་བོ་དེ་ལ་བསྟན་པར་བྱ། །གང་ཞིག་དཔྲལ་བ་སྟོན་པ་

85-1-182b

ནི། །དེ་ལ་ཁུར་ཚོས་བསྟན་པར་བྱ། །གང་ཞིག་སོ་ནི་སྟོན་པ་ལ། །དེ་ལ་ལྕེ་ནི་བསྟན་པར་བྱ། །གང་ཞིག་མཆུ་ནི་སྟོན་བྱེད་པ། །དེ་ལ་དབུང་པ་བསྟན་པར་བྱ། །གང་ཞིག་རྐེད་རྒྱབ་སྟོན་བྱེད་པ། །དེ་ལ་ས་ནི་བསྟན་པར་བྱ། །
གང་ཞིག་ནུ་མ་སྟོན་བྱེད་པ། །དེ་ལ་ཀོས་ཀོ་བསྟན་པར་བྱ། །གང་ཞིག་ལྟོ་བ་སྟོན་བྱེད་པ། །དེ་ལ་ལྟེ་བ་བསྟན་པར་བྱ། །གང་ཞིག་གསང་བ་སྟོན་བྱེད་པ། །དེ་ལ་ལིང་ཀ་བསྟན་པར་བྱ། །གང་ཞིག་བརླ་ནི་སྟོན་བྱེད་པ། །དེ་
ལ་འོག་ནི་བསྟན་པར་བྱ། །གང་ཞིག་པུས་མོ་སྟོན་བྱེད་པ། །དེ་ལ་བྱིན་པ་བསྟན་པར་བྱ། །གང་ཞིག་རྐང་པ་སྟོན་བྱེད་པ། །དེ་ལ་རྐང་མཐིལ་བསྟན་པར་བྱ། །གང་ཞིག་སོར་ཚིགས་སྟོན་བྱེད་པ། །དེ་ལ་སེན་མོ་
བསྟན་པར་བྱ། །གང་ཞིག་ས་ནི་སྟོན་བྱེད་པ། །དེ་ལ་ནམ་མཁའ་བསྟན་པར་བྱ། །གང་ཞིག་ནམ་མཁའ་སྟོན་བྱེད་པ། །དེ་ལ་ཉི་མ་བསྟན་པར་བྱ། །གང་ཞིག་ཆུ་བོ་སྟོན་བྱེད་པ། །དེ་ལ་རྒྱ་མཚོ་བསྟན་པར་བྱ། །
མངོན་པར་བརྗོད་པའི་རྒྱུད་བླ་མའི་བླ་མ་ལས་ཡན་ལག་གི་ཕྱག་རྒྱའི་མཚན་ཉིད་ཀྱི་ལེའུ་སྟེ་བཞི་བཅུ་རྩ་གསུམ་པའོ།། །། དེ་ནས་གཞན་ཡང་རབ་བཤད་པ། །ཡན་ལག་ཇི་བཞིན་ཕྱག་རྒྱའི་མཆོག །གང་ཞིག་ཤེས་པས་སྤུན་
ནམ་ནི། །སྲིང་མོར་ཐེ་ཚོམ་མེད་འགྱུར་རོ། །སོར་མོ་གཅིག་ནི་སྟོན་པ་ཡིས། །ལེགས་པར་འོངས་ཞེས་སྨྲ་བ་ཡིན། །སོར་མོ་གཉིས་ནི་བསྟན་པ་ཡིས། །ལེགས་འོངས་ལན་ནི་སྨྲ་བ་ཡིན། །འདི་ནི་
རྣལ་འབྱོར་མ་ཀུན་གྱི། །ཡན་ལག་ཕྱག་རྒྱར་རབ་ཏུ་བཤད། །མཛུབ་མོར་གཉིས་བཀུག་མིག་གི་རྒྱ། །སྔགས་པས་གང་ལ་དེ་བསྟན་དེ། །དེ་མོད་ཇི་སྲིད་འཚོ་བའི་བར། །དབང་དུ་འགྱུར་བར་ཐེ་ཚོམ་མེད། །
གང་ཞིག་གུང་མོ་སྟོན་བྱེད་པ། །དེ་ལ་མཛུབ་མོ་བསྟན་པར་བྱ། །གང་ཞིག་སྲིན་ལག་སྟོན་བྱེད་པ། །དེ་ལ་ལྕེ་ནི་བསྟན་པར་བྱ། །གང་ཞིག་བ་ནི་ས་སྟོན་པ། །དེ་ལ་མདུན་ནི་བསྟན་པར་བྱ། །གང་ཞིག་སྤྱི་བོ་སྟོན་བྱེད་པ། །

85-1-182c

དེ་ལ་མཚམས་ཀྱི་མཐའ་བསྟན་བྱ། །གང་ཞིག་ས་ནི་སྟོན་བྱེད་པ། །དེ་ལ་མཁའ་ནི་བསྟན་པར་བྱ། །གང་ཞིག་ཁྲོ་གཉེར་སྟོན་བྱེད་པ། །དེ་ལ་མཚམས་ནི་བསྟན་པར་བྱ། །གང་ཞིག་སོ་ནི་སྟོན་བྱེད་པ། །དེ་ལ་མཆུ་
ནི་བསྟན་པར་བྱ། །གང་ཞིག་མགྲིན་པ་སྟོན་བྱེད་པ། །དེ་ལ་ཁ་ནི་བསྟན་པར་བྱ། །གང་ཞིག་དཔྲལ་བ་སྟོན་བྱེད་པ། །དེ་ལ་ལྟེ་བ་བསྟན་པར་བྱ། །འདི་ནི་རྣལ་འབྱོར་མ་ཀུན་གྱི། །རིམ་བཞིན་ཡན་ལག་ཕྱག་རྒྱ་ཡིན། །འདི་དག་རྟག་བསྟན་
གསང་བ་པ། །ཡང་དག་ལྟ་བར་འགྲོ་བར་འགྱུར། །མངོན་པར་བརྗོད་པའི་རྒྱུད་བླ་མའི་བླ་མ་ལས་མཁའ་འགྲོ་མའི་ཡན་ལག་གི་ཕྱག་རྒྱའི་ལེའུ་སྟེ་བཞི་བཅུ་རྩ་བཞི་པའོ།། །། དེ་ནས་གཞན་ཡང་བཤད་བྱ་བ། །མཁའ་འགྲོ་མ་ཡི་
མཚན་ཉིད་དོ། །གང་གིས་རིང་ནས་དཔའ་བོ་དང་། །དཔའ་མོ་སྲིང་མོར་ཤེས་འགྱུར་བའོ། །དམ་ཚིག་ཅན་གང་རྗེས་ཆགས་པ། །རྣལ་འབྱོར་ལོངས་སྤྱོད་ས་གཞི་ཡིན། །གཞིར་ནི་ས་གཞི་བྱས་ནས་སུ། །རྣལ་འབྱོར་པ་ཡི་སྡོམ་པ་
མཆོད། །གོ་བཟློག་པ་ཡིས་ལྟ་བ་ནི། །བཞིན་ནི་རྣམ་པར་འགྱུར་བ་ཉིད། །རྟག་ཏུ་བཞིན་གྱི་སྨིན་མ་གཡོ། །སྣ་ཚོགས་མྱུར་དུ་ཤེས་བྱ་བ། །དེ་བཞིན་མཁའ་འགྲོ་ལས་བྱུང་བའོ། །རྣམ་སྒྱུར་འཁྱིལ་པར་ཤེས་བྱ་སྟེ། །རི་མོ་གསུམ་པ་ཡོངས་སུ་
ཟླུམ། །མཁའ་འགྲོ་མ་རྣམས་ངེས་འགྲོ་བའི། །དེ་ཡི་མཚན་མ་ཤེས་པར་བྱ། །གལ་ཏེ་ལྡོག་པར་གྱུར་ན་ནི། །སྔར་བཤད་དོན་ནི་བཏང་བར་འགྱུར། །དེ་ཡི་དངོས་ནི་འཇིག་གྱུར་པ། །རྡོ་རྗེ་ལྟ་བུར་གསལ་བ་ཡིན། །སྒྲ་ནི་ཁུ་བྱུག་སྐད་
ལྟ་བུར། །གསལ་བ་དེ་ནི་རྟག་ཏུ་གྱུར། །འདི་ནི་མཚན་མའི་ཁྱིམ་དུ་ནི། །རྡོ་རྗེ་ལྟ་བུ་མེ་ལོང་བཅས། །རལ་གྲི་འདྲ་བའི་མེ་ལོང་བཅས། །ཕྱག་མཚན་མདུང་འདྲར་རྟག་ཏུ་འབྱུང་། །དེ་གསལ་མེ་ལོང་ཡིན་ཞེས་བྱ། །མཚན་མར་བྱས་པའི་
གཟུགས་དག་ནི། །མཚན་ཉིད་འདི་དག་དང་ལྡན་པ། །འདི་ནི་མཁའ་འགྲོ་མ་རྣམས་ཀྱི། །མཆོག་ཡིན་པར་ནི་ཤེས་པར་བྱ། །པོ་ཏྃ་གི་ཞེས་བྱ་བ་ནི། །གསོང་པོར་སྨྲ་བའོ། །པྲ་ཏི་པོ་ཏང་གི་ཞེས་བྱ་བ་ནི། གསོང་པོར་སྨྲ་བའི་ལན་ནོ། །ག་མུ་ཞེས་བྱ་

85-1-182d

བ་ནི་འགྲོའོ་ཞེས་བྱ་བ་ཡིན་ནོ། །ལུྃ་བྃ་ཞེས་བྱ་བ་ནི་འོང་ངོ་ཞེས་བྱ་བ་ཡིན་ནོ། །དེ་ཧི་ཞེས་བྱ་བ་ནི་ཟས་ཤེས་བྱ་བ་ཡིན་ནོ། །གྲི་ཧ་ན་ཞེས་བྱ་བ་ནི་བྲམ་ཟེ་ཞེས་བྱ་བ་ཡིན་ནོ། །པི་ར་ཎྃ་ཞེས་བྱ་བ་ནི་སྙིང་ཉིད་དོ། །མ་ར་ཎ་ཞེས་བྱ་བ་ནི་སྒྲ་
ངན་ནོ། །གཱན་དྷ་ཞེས་བྱ་བ་ནི་ཀར་ནི་ཀའོ། །ཤི་རོ་ནི་བརྫུན་ནོ། །ཀ་ར་ནི་ལྟོ་བའོ། །བ་ར་ནི་སྒྲའོ། །ཤྲ་ར་མ་ཎོ་ནི་རྣ་བའོ། །ཨ་མྲི་ཏ་སྭཱ་ནི་བསྲུབས་པའོ། །ས་མ་ག་མ་ནི་མིའོ། །ཏ་ལི་ཀ་ནི་མཁའ་འགྲོ་མའོ། །ན་ར་ཀ་ནི་དཀྱིལ་འཁོར་
རོ། །ཨ་མོ་ཀ་ནི་དུར་ཁྲོད་དོ། །ཀ་ལི་ཀ་ནི་སྒོའོ། །ཤྭ་ས་ནི་བྲམ་ཟེའི་རིགས་སོ། །པ་རི་དྷི་ནི་རྒྱལ་རིགས་སོ། །བི་ར་ཏི་ནི་རྗེའུ་རིགས་སོ། །ཀྲུ་ར་ནི་དམངས་རིགས་སོ། །ཨན་ཏ་སྠ་ནི་སྨེ་ཤ་ཅན་ནོ། །པ་ཤུ་ལི་ཀ་ནི་ཁྱིམ་མོ། །ཊཱ་ཀ་ནི་སྲིང་
མོའོ། །མེ་ལ་པ་ཀ་ནི་ཆུའོ། །གྲི་ཧ་ར་ཎ་ནི་རྡོ་རྗེ་ཆུ་གཏོང་བའོ། །ལྕེ་སོ་ལ་རིག་པ་ནི་ལྟོགས་པར་སྟོན་པའོ། །ཏྲི་ཤྣ་ནི་དྲིས་བསྒོ་བའོ། །ཀུ་ཏ་ནི་གནས་ཆེ་གེ་མོ་ནས་འོངས་སོ་ཞེས་བྱ་བའོ། །ཀི་ར་ན་ནི་མེ་ཏོག་གོ། །ཏུ་མུ་ལི་ནི་རྒོད་
པའོ། །ཏན་ཏ་ནི་ཆར་དབབ་པ་བཟློག་པའོ། །ཏྲིབ་ཏ་ནི་ཞུ་བའོ། །དྷུ་རྱོ་ནི་ཤེས་པའོ། །ནྲི་ཧ་ནི་སྤྲིན་ནོ། །དྷུ་པ་ནི་བདུག་པའོ། །ས་རུ་ནི་རི་བོའོ། །ས་རི་ཏ་ནི་ཆུ་བོའོ། །ཨ་གུ་ལི་ནི་ཡན་ལག་གོ། །བ་ད་ན་ནི་གདོང་ངོ་། །
ཛཱ་ཏི་ཀ་ནི་ལྕེའོ། །ཨ་ན་ཏ་ན་ནི་སོའོ། །པཀྵི་ནི་རྒྱལ་མཚན་ནོ། །ཚན་དོ་ནི་ཕྲེང་བའོ། །ཙ་ལ་ནི་རླུང་ངོ་པ་ཤུ་ནི་རི་དགས་སོ། །ཡན་ཏ་ནི་དཀྱིལ་འཁོར་རོ། །ཤ་ན་མ་ནི་བཞི་མདོའོ། །ཕ་ལ་ཀུ་ཤྃ་ནི་སྐྱེ་བོའོ། །མ་ཧཱ་
ཀྵ་ར་བ་ནི་ཕྱུགས་ཆེན་པོའོ། །ག་ནི་ར་སྐྱེས་སོ། །ན་ནི་མིའོ། །གོ་ནི་ཁྱུ་མཆོག་གོ། །མ་ནི་མ་ཧེའོ། །བྷ་ནི་བཟའ་བའོ། །ཧ་ནི་རྣམ་གྲངས་སོ། །ཨདྷྱ་ནི་རྒྱལ་པོའོ། །ཁ་ལ་རེག་པ་ནི་ཟོས་སོ་ཞེས་པའོ། །ལྕེ་ལ་རེག་པ་ནི་
ངོམས་སོ་ཞེས་པའོ། །ན་སྟི་ནི་སྙིང་པོའོ། །ཧྲི་ནི་ངོ་ཚ་འོ། །མི་ཐུ་ན་གྱིས་ཤིག་པའོ། །བརླ་ལ་རེག་པ་ནི་སྟོང་པའོ། །སྟེང་དུ་གཅིག་གོ། །འོག་ཏུ་མེད་པའོ། །ཕྱག་རྒྱ་དང་ཕྱག་རྒྱའི་ལན་ནོ། །དཔའ་བོའི་གསུང་

85-1-183a

གི་གསང་བའི་བརྡའོ། །མངོན་པར་བརྗོད་པའི་རྒྱུད་བླ་མའི་བླ་མ་ལས་མཁའ་འགྲོ་མའི་བརྡའི་ཆོ་གའི་ལེའུ་སྟེ་བཞི་བཅུ་རྩ་ལྔ་པའོ།། །། དེ་ནས་རྣལ་འབྱོར་རྒྱུད་དུ་ནི། །རྙེད་དཀའི་དམ་ཚིག་ང་ཡིས་བཤད། །སྐྱེས་པའམ་བུད་མེད་
གཡོན་ནས་འགྲོ། །འདོད་པའི་དངོས་གྲུབ་སྟེར་བར་བྱེད། །ཁྱིམ་དང་ཞིང་དུ་རྣམ་གནས་པ། །ཤིན་ཏུ་རིང་ཡང་ཤེས་པར་འགྱུར། །ཧེ་རུ་ཀ་ལས་སྦྱོར་གཞན་མེད། །སློབ་དཔོན་རྣལ་འབྱོར་མ་ཉིད་ནི། །རྒྱུད་འདི་རུ་ནི་སྒྲུབ་པ་པོ། །ལེགས་པར་གྱུར་པ་
ཉིད་ཡིན་ཏེ། །བརྙས་མི་བྱ་ཞིང་སྤང་མི་བྱ། །ནུས་པ་ཡིས་ནི་མཆོད་པར་བྱ། །ཕོ་ཉ་མོ་བརྒྱད་འདི་དག་ནི། །མོས་དང་དད་པ་འཕེལ་བྱེད་པ། །རྟག་པར་དངོས་གྲུབ་རྣམས་ཀྱི་རྒྱུ། །དམ་ཚིག་རྣམས་ཀྱང་སྐྱོང་བའོ། །ལྷ་མོ་གཞན་དག་ཀུན་སྦྱོར་བའི། །
འདོད་ལ་རྨོངས་པར་གྱུར་པ་དང་། །གཉིས་སུ་མེད་དང་ཐོགས་མེད་དང་། །དམ་ཚིག་སྤྱད་པར་སྤྱད་པ་དང་། །བུད་མེད་དབང་ཕྱུག་ཤིན་ཏུ་སྦྱོར། །ཚངས་པ་སྤྱོད་པ་དེ་བཞིན་གཞི། །ཁྲོ་མེད་རྒྱུན་གྱི་ཀུན་ཏུ་སྤྱོད། །འདི་བརྒྱད་དམ་ཚིག་ཀུན་སྤྱོད་ཡིན། །
སྒྲུབ་པ་ལ་ནི་གནས་པ་ཡི། །སྒྲུབ་པ་པོ་ཡིས་རྟག་ཤེས་བྱ། །རྒྱུད་ཀུན་གྱི་ནི་ཐུན་མོང་སྟེ། །རྒྱུ་མེད་པ་ནི་གཞོམ་མི་བྱ། །དད་པ་ཉིད་ཀྱིས་བླང་བྱ་ཡི། །མིག་དང་ལག་པས་མ་ཡིན་ནོ། །གསང་བ་འདི་ནི་མི་བསྟན་ཅིང་། །རབ་ཏུ་འབད་ཏེ་སྦ་བར་བྱ། །
བློ་ལྡན་མཐེ་ཆུང་བསྐྱོད་པར་ནི། །ཕོ་ཉ་མོ་རྣམས་ཡང་དག་གནས། །དག་དང་མ་དག་འདྲེས་པ་སྟེ། །བསྒྲུབ་པ་པོ་ནི་གསུམ་དུ་གནས། །མཉེས་བྱེད་རྣམ་པར་དག་པ་དང་། །གསལ་བྱེད་ཡོན་ཏན་ལྡན་པའི་མིའོ། །ཡུལ་ཡུལ་དུ་ནི་དཀའ་ཐུབ་ཅན། །
ཕོ་ཉའི་གཟུགས་ཀྱི་མཚན་མ་རྟག །ཕོ་ཉ་རལ་གྲི་སོ་འདྲ་ཞིང་། །དག་བྱེད་བསོད་ནམས་འཕེལ་བྱེད་ཡིན། །དེ་བཞིན་ཕོ་ཉ་ལེགས་འདྲེས་པས། །སྒྲུབ་པ་པོ་ཡིས་དངོས་གྲུབ་ཐོབ། །བཟླས་མཆོད་བསམ་གཏན་མེད་པར་ཡང་། །
མྱུར་བ་ཉིད་དུ་འགྲུབ་པར་འགྱུར། །སྔགས་དང་ཕྱག་རྒྱ་སྒྲུབ་པ་པོས། །མཆོད་པ་ཉིད་ལ་རབ་ཏུ་འཇུག །འདི་ལས་གཞན་པའི་མཆོད་མེད་དེ། །དེ་ལྟར་བསྟན་བཅོས་ངེས་པ་ཡིན། །ཕོ་ཉའི་ལམ་ལ་དགའ་བ་དང་། །བསྒྲུབ་པ་པོ་

85-1-183b

ནི་དངོས་གྲུབ་བརྩོན། །རིག་སྔགས་ཕྱག་རྒྱར་ཡང་དག་ལྡན། །ཟས་ལ་རྟག་ཏུ་སྤྱད་པར་བྱ། །སྒྲུབ་པ་པོ་ནི་ལེགས་པ་རུ། །མཉམ་པར་བཞག་པའི་རིགས་རྣམས་ནི། །ཀུན་ལ་ཉེ་བར་སྤྱད་བྱ་ཞིང་། །བཟའ་མིན་པར་ནི་མི་རྟག་གོ། །
འདི་ཉིད་དུ་ནི་དེ་དབྱེར་མེད། །ཕོ་ཉ་མོ་ཡི་བསྒྲུབ་པ་ཉིད། །དངོས་གྲུབ་ཆོ་ག་ལ་སྤྱོད་ཚེ། །ཕོ་ཉ་གཅིག་པུ་ཁོ་ན་ཡིན། །བྱང་ཆུབ་ཕྱོགས་ཀྱི་དངོས་གྲུབ་ནི། །བསྒྲུབ་པ་དག་དང་ཉེ་བ་དང་། །བླ་མ་རྒྱུད་རིམ་གྱིས་ཐོབ་པའི། །དབང་བསྐུར་
བས་ནི་སྔགས་ལེགས་ལྡན། །ཕོ་ཉ་རྣམས་སུ་ཡང་དག་བཤད། །ཕྱག་རྒྱ་ལེགས་སྦྱོར་ངང་ཚུལ་དང་། །ཆགས་མེད་གཏོང་དང་ཚུལ་ཁྲིམས་དང་། །ཡེ་ཤེས་རྒྱུ་སྐྱེས་ཡང་དག་རྫོགས། །སེམས་ཀྱི་བདག་ཉིད་ནང་བར་ལངས། །
ལུས་ཀྱི་བྱ་བ་ཀུན་བྱས་ཏེ། །ལུས་ལ་ཤིན་ཏུ་མཚོན་ཆ་ནི། །ལུས་ལ་གནས་པར་ཀུན་ཏུ་སྤྱད། །དག་བྱེད་བྱས་པའི་ལུས་ཀྱིས་ནི། །རྟག་ཏུ་སྔགས་ནི་བརྗོད་པར་བྱ། །རྣལ་འབྱོར་གནས་རྣམས་ངེས་བསྟན་ཅིང་། །མཚོན་ཆ་
རྣམས་ནི་བགོམ་མི་བྱ། །དམ་ཚིག་ཅན་ལ་ཁྲོ་མི་བྱ། །མངོན་པར་བརྩོན་ལས་འདའ་མི་བྱ། །དེ་དང་ལྷན་ཅིག་བདེ་བར་བྱ། །བདག་གི་དོན་དང་གཞན་དོན་དུ། །དམ་ཚིག་སྤྱོད་པ་ཉིད་དུ་བྱ། །འདི་ལ་ལྷན་ཅིག་ལོངས་སྤྱོད་བྱ། །མཚན་མ་རྟག་པར་
ནམ་མཁའི་གོས། །ནག་དང་དམར་བར་རྟག་འགྱུར་བྱ། །སྲོག་ཆགས་ཡན་ལག་ལས་བྱུང་གྱོན། །བདེ་བ་འདོད་པས་བདེ་ཐོབ་འགྱུར། །མཆོད་ཕྱིར་ཐོགས་ནི་ཡོངས་སྤང་གཙང་། །ཤྲཱི་ཧེ་རུ་ཀས་བྱིན་བརླབས་པས། །
ཕྱག་རྒྱ་ལྔ་དང་ཡང་དག་ལྡན། །དུས་ཀུན་ཏུ་ནི་ཡང་དག་ལྡན། །རིགས་དང་རིགས་མིན་ངོར་མི་ལྟ། །སྤྱི་གཙུག་ལ་སོགས་བཅིང་བ་སྤང་། །ཕོ་ཉ་གཙང་སྦྲ་དང་པོ་ཡིན། །གཉིས་པ་སྦྱོར་བ་ཡིན་པར་འདོད། །ཟས་གཅིག་ཏུ་ནི་ཟ་
བ་ཉིད། །གཙང་སྦྲ་གསུམ་པ་ཡིན་པར་བཤད། །གཙང་སྦྲ་འདི་དག་རབ་སྦྱངས་པས། །གཙང་མའི་དག་པའི་རིམ་ཐོབ་ན། །དངོས་གྲུབ་གང་ལས་འབྱུང་མི་འགྱུར། །དེ་ཉིད་བསྡུས་ལས་གང་གསུངས་དང་། །དེ་བཞིན་བདེ་

85-1-184a

མཆོག་ལས་གང་གསུངས། །གསང་བའི་རྒྱུད་ལས་ཡང་དག་བཤད། །དེ་བཞིན་དཔལ་མཆོག་དང་པོ་དང་། །རྡོ་རྗེ་འཇིགས་བྱེད་ཉིད་ལས་གསུངས། །བཟླས་དང་བརྟུལ་ཞུགས་སོགས་པ་འགྲུབ། །དེ་འདིར་བསམ་གཏན་ཙམ་
གྱིས་ནི། །སྔགས་པས་སྐད་ཅིག་གིས་འགྲུབ་འགྱུར། །རྣལ་འབྱོར་ལམ་ལ་དགའ་བས་ཀྱང་། །གཙང་སྦྲ་འདི་ནི་ཡང་དག་སྤྱད། །བསོད་ནམས་གཙང་སྦྲ་ལས་བྱུང་གང་། །བསྒྲུབ་པའི་ཡོན་ཏན་རྒྱ་ཆེན་པོ། །སྟོང་ཕྲག་གཅིག་པའི་
ཞལ་མིན་པར། །ཁ་ཅིག་གིས་ནི་བརྗོད་མི་ནུས། །དཔལ་ལྡན་ཁྲག་འཐུང་ཡེ་ཤེས་ཆེ། །རྣམ་དག་མཚན་ཉིད་ཀུན་བསྒྲུབ་པ། །བདེ་བའི་བསོད་ནམས་ཆུ་འཐུང་བ། །དག་བྱེད་སྡིག་པ་འཇིག་བྱེད་ཡིན། །རེག་པ་དང་ནི་སྨྲས་པས་ཀྱང་། །སྡིག་པ་
ཀུན་ལས་རྣམ་གྲོལ་ཞིང་། །ལུས་ངག་སྐྱོན་ནི་མེད་པ་ཡི། །གང་ཞིག་སྤྱོད་པ་བྱེད་པ་ཡི། །མི་མཆོག་སྡིག་པ་ཐམས་ཅད་ནི། །རྣམ་དག་བདག་ཉིད་བདེར་གཤེགས་ཀྱི། །ས་རྣམས་ཀྱང་ནི་འཐོབ་པར་འགྱུར། །སྐྱེ་ཞིང་སྐྱེ་བར་དེ་བཞིན་གཤེགས། །
རིགས་འགྱུར་ཆོས་ལྡན་རྒྱལ་པོར་འགྱུར། །དེ་ལྟར་རྟག་ཏུ་མཆོད་བྱས་ནས། །དད་པ་ཡིས་ནི་གཏོར་མ་སྦྱིན། །དེ་ནས་མཆོད་པ་རྣམ་དག་པས། །མྱ་ངན་འདས་ལས་བྱུང་དཔའ་བོ། །དེ་བཞིན་བདག་ཉིད་མཆོད་པ་དང་། །སངས་རྒྱས་ཀུན་ཚོགས་
སྲས་བཅས་དང་། །དཔའ་བོ་ཀུན་དང་རྣལ་འབྱོར་མ། །བརྟན་པ་དག་དང་གཡོ་བ་དང་། །སྤུན་གྱི་མཆོད་པའི་དུས་འཛིན་པ། །ཟླ་བའི་དུས་ལ་གནས་པ་ཡི། །སྤུན་དང་བུ་དང་ལྷན་ཅིག་ཏུ། །བདེ་དང་སྡུག་བསྔལ་ཀུན་འབྱུང་བ། །
སྔགས་དང་དེ་བཞིན་ཕྱག་རྒྱ་དང་། །ཡེ་ཤེས་དེར་ནི་བསྟན་མི་བྱ། །དག་བྱེད་ཟས་ལ་སྤྱོད་པ་ནི། །རྟག་ཏུ་དམ་ཚིག་སྤྱོད་བྱས་འགྱུར། །གསང་སྔགས་སུ་ལའང་སྦྱིན་མི་བྱ། །མན་ངག་རྣམ་པར་ཉམས་མི་བྱ། །དམ་ཚིག་གནས་
ལ་ཅི་རིགས་པར། །མན་ངག་རྣམས་ཀྱང་སྦྱིན་པར་བྱ། །ཕོ་ཉ་མ་གཏོགས་གཞན་དག་ལ། །འདོད་པ་རྨོངས་པས་འགྲོ་མི་བྱེད། །རྟག་ཏུ་ཕོ་ཉ་ཆགས་བྲལ་བ། །མི་འདའ་བ་ཡིས་ལོངས་སྤྱོད་བྱ། །སྐྱེ་གནས་དམན་ལ་མི་གནས་པ། །

85-1-184b

བསྙེན་བཀུར་ཉིད་ནི་བྱ་བ་མིན། །མ་དང་སྲིན་མོ་བུ་མོ་དང་། །ཆུང་མ་ཕོ་ཉ་མོ་ཉིད་གནས། །འཁོར་ལོའམ་དེ་བཞིན་གྲུབ་པ་ལ། །དཀའ་བ་ངེས་པར་ཟད་པར་འགྱུར། །མཆོག་དང་ཐ་མ་ལྷན་ཅིག་འགུགས། །དེ་ལྟར་རྫས་ནི་
རྣམ་ངེས་ཡིན། །རྣལ་འབྱོར་བ་རྟག་གཡོན་ནས་སྤྱོད། །རྐང་པ་གཡོན་པ་སྔོན་དུ་འདོར། །ལག་པ་གཡོན་པ་ཡོངས་སུ་བསྒྱུར། །གཡོན་གྱི་ཕྱེད་ནི་རབ་མཆོད་བྱེད། །ལུས་ནི་གཡོན་ནི་རྣམ་པར་གནོན། །གཡོན་པ་
ཡིས་ནི་ཚིམ་དང་ཟ། །བརྟུལ་ཞུགས་མ་ཉམས་བརྟུལ་ཞུགས་རྫོགས། །བསྒྲུབ་པ་པོ་ནི་དམ་ཚིག་བརྩོན། །དམ་ཚིག་རིགས་ལ་སྤྱོད་པ་དང་། །ལྷན་ཅིག་ཟས་ལ་སྤྱོད་པར་བྱེད། །རིགས་ལྔ་ལ་ནི་ཀུན་སྤྱོད་པའི། །རིགས་ནི་རྣམ་པ་བཞི་
རུ་བསྒྲགས། །རིགས་གཅིག་ལ་ནི་ཀུན་སྤྱོད་པའི། །རྣལ་འབྱོར་བསྒྲུབ་ལ་རབ་ཏུ་མཆོད། །བ་ལང་ཤ་དང་རྟ་ཤ་དང་། །ཁྱི་ཤ་དག་དང་སྣ་ཚོགས་པས། །དཀྱིལ་འཁོར་གྲུ་གསུམ་བྱས་ནས་ནི། །སངས་རྒྱས་དག་ཀྱང་ངེས་པར་འཇིག །
དེ་བཞིན་དཔའ་བོ་རྣམས་ཀྱི་ཟས། །སྔགས་པས་ཕྱག་རྒྱར་ཡང་དག་ལྡན། །ཤྲཱི་ཧེ་རུ་ཀའི་སྤྲུལ་པ་ཡི། །ཉེར་སྤྱོད་བསྟན་བཅོས་ཀུན་ལ་བརྟག །རྟག་ཏུ་དེ་དག་གཟུང་ཞིང་བསྲུང་། །ལས་རྣམས་དག་ནི་ཐམས་ཅད་ལ། །བགེགས་
མེད་ཇི་བཞིན་འགྲུབ་འགྱུར་བར། །འདིར་ནི་གཞན་དག་འགྱུར་མ་ཡིན། །འདི་ནི་ཕོ་ཉ་མཆོག་བཟང་པོ། །བརྩོན་ཞིང་ལྷན་ཅིག་ལྡན་པར་ཡིན། །མ་ཆགས་དགའ་བའི་ལོངས་སྤྱོད་རྫོགས། །རྣལ་འབྱོར་རྫས་ཀྱི་རྣམ་དབྱེ་ཉིད། །
བླ་མའི་མན་ངག་ལ་དགའ་ཞིང་། །དེ་ཡི་དོན་ནི་མཆོག་མཚུངས་པའོ། །སྤུན་དང་ཡང་ན་ཕ་དང་ནི། །བདག་པོ་ཉིད་དུ་སྐད་ཅིག་མཐོང་། །ལྕེ་སྦོམ་མིག་ནི་དམར་སེར་ལ། །རྩུབ་ཅིང་སྤུ་ནི་དམར་སེར་ཡིན། །དངོས་གྲུབ་ཀུན་གྱི་
ཐུན་མོང་དུ། །བཟླས་དང་བརྟུལ་ཞུགས་ལ་རྟག་དགའ། །དྲན་པ་དང་ནི་ཡང་དག་ལྡན། །ཕོ་ཉ་ལ་སོགས་གནས་དང་བཅས། །མཁའ་འགྲོ་མ་མཆོག་ཉི་ཤུ་བཞི། །སྤྱོད་དང་གྲོལ་བའི་འབྲས་རབ་སྟེར། །འདོད་པའི་དོན་ཀུན་སྒྲུབ་

85-1-185a

བྱེད་པའི། །རྩ་བའི་སྔགས་ནི་རྟག་ཏུ་ཟློས། །རྒྱུ་དང་མི་རྒྱུའི་འཇིག་རྟེན་གསུམ། །རྣལ་འབྱོར་འབྲས་བུ་རབ་སྟེར་བ། །གསང་སྔགས་འདི་ལས་བྱུང་བ་ཡིན། །སྔགས་དང་ཕྱག་རྒྱར་ཡང་དག་ལྡན། །ཕྱག་རྒྱ་དང་བྲལ་གསང་
སྔགས་ནི། །ལུས་ཅན་རྣམས་ལ་བྱིན་མི་རློབ། །ཇི་སྲིད་འགྲོ་བའི་བྱ་བ་དག །ཤིན་ཏུ་སྦྱོར་བས་རྟོགས་པར་བྱ། །འདོད་པའི་དོན་ཀུན་སྒྲུབ་བྱེད་པ། །རྣལ་འབྱོར་པ་ལ་གང་ཞིག་སྡང་། །ཁྱི་ཡི་སྐྱེ་གནས་བརྒྱར་སྐྱེ་སྟེ། །སྨེ་ཤ་ཅན་
དུ་སྐྱེ་བར་འགྱུར། །དཔེར་ན་ལ་ལ་མར་འདོད་པས། །འབད་པས་ཆུ་ནི་བསྲུབས་གྱུར་ཀྱང་། །མར་སར་འབྱུང་བར་མི་འགྱུར་གྱི། །ལུས་ཉོན་མོངས་པ་ཁོ་ནར་ཟད། །འཛིན་ཅིང་མཆོད་པར་བྱེད་པ་ནི། །འཚོ་བའི་ཐབས་ཀྱི་རྒྱུར་གྱུར་
པའི། །རྣལ་འབྱོར་གཞན་ལ་སྟེན་པ་ནི། །གཞན་དུ་དེ་བཞིན་དོན་མེད་འགྱུར། །རྣལ་འབྱོར་ཆེ་མཆོག་དཔའ་བོ་ནི། །ཡུལ་ཕྱོགས་གང་ན་གནས་གྱུར་པ། །རིགས་ངན་ཀླ་ཀློ་ཡིན་ན་ཡང་། །ཡུལ་དེ་ཡོངས་སུ་བརྟགས་པ་ཡིན། །སེམས་ཅན་རྗེས་
སུ་བཟུང་བའི་རྒྱུར། །ད་རུང་ང་ནི་རྟག་ཏུ་གནས། །མངོན་པར་བརྗོད་པའི་རྒྱུད་བླ་མའི་བླ་མ་ལས་ཕོ་ཉའི་གྲངས་ཀྱི་ལེའུ་སྟེ་བཞི་བཅུ་རྩ་དྲུག་པའོ།། །། དེ་ནས་གཞན་ཡང་བཤད་བྱ་བ། །མཁའ་འགྲོ་མ་ཡི་སྙིང་པོ་མཆོག །དཔའ་བོ་
རྣམས་ཀྱི་ཁྱད་པར་ནི། །གང་ཞིག་དྲན་པ་ཙམ་གྱིས་ནི། །འཇིག་རྟེན་གསུམ་པོ་གཡོ་བྱེད་ཅིང་། །རྗེས་སུ་དྲན་པ་ཙམ་གྱིས་ནི། །ཡང་དག་དངོས་གྲུབ་རིམ་གྱིས་སྟེར། །ཨོཾ་སརྦ་བུདྡྷ་ཌཱ་ཀི་ནཱི་ཡེ་བཛྲ་ཝརྞྞ་ནཱི་ཡེ་ཧུྃ་ཧཱུྃ་ཕཊ་སྭཱ་ཧཱ། 
གསང་སྔགས་འདི་ནི་གསང་སྔགས་ཆེ། །ལས་རྣམས་ཐམས་ཅད་བྱེད་པའི་མཆོག །སྔགས་ཆེན་བཀླགས་པས་གྲུབ་པ་སྟེ། །འདོད་པ་ཐམས་ཅད་འགྲུབ་པ་ཡིན། །མཁའ་འགྲོ་མ་དང་རྣལ་འབྱོར་མ། །དུམ་སྐྱེས་མ་དང་ལཱ་མ
འང་དེ། །ཨོཾ་ཧྲཱིཿཧ་ཧ་ཧུྃ་ཧཱུྃ་ཕཊ། གསང་སྔགས་འདི་ནི་གསང་སྔགས་ཆེ། །ལས་རྣམས་ཐམས་ཅད་བྱེད་པའི་མཆོག །འདི་ནི་བཀླགས་པ་ཙམ་གྱིས་འགྲུབ། །གསང་སྔགས་ཀུན་གྱི་གསང་སྔགས་གཙོ། །ཐོད་པའི་དུམ་

85-1-185b

བུ་ལ་སོགས་པ། །དཔའ་བོ་ཀུན་གྱི་སྙིང་པོ་མཆོག །གསང་སྔགས་དེ་དག་མཆོག་དམ་པ། །འདོད་པའི་དོན་ཀུན་གྲུབ་བྱེད་ཡིན། །བླ་མ་ལས་ཀྱང་བླ་མ་སྟེ། །དཔའ་བོའི་སྡོམ་པ་མཆོག་ཡིན་ནོ། །འདི་ནི་ཀུན་གྱི་གསང་
སྔགས་ཏེ། །འདི་ནི་སྔགས་སུ་གྲགས་པ་ཡིན། །ས་འོག་དང་ནི་མཐོ་རིས་དང་། །ཇི་ལྟར་མཚམས་ཀྱང་དེ་བཞིན་ཏེ། །གང་ཡང་ཇི་བཞིན་ལས་རྣམས་ཀྱིས། །འཇིག་རྟེན་གསུམ་པོ་གྲུབ་པ་ཡིན། །དེ་ཡིས་ཐམས་ཅད་
གྲུབ་ནས་ནི། །གསང་སྔགས་མཆོག་ནི་བླ་མེད་པས། །འཇིག་རྟེན་གསུམ་པོ་གྲུབ་པ་ཡིན། །གང་གིས་བླ་ན་མེད་པ་དག །སྒྲུབ་པ་པོས་ནི་ཐམས་ཅད་འགྲུབ། །མཁའ་འགྲོ་མ་དང་དཔའ་བོ་ཀུན། །མདོར་བསྡུས་རྒྱས་
པར་མ་ཡིན་ནོ། །རི་མོ་མཛེས་པར་བྲིས་ནས་ནི། །སྣ་ཚོགས་མེ་ཏོག་འབྲས་བུར་ལྡན། །དེ་ཡི་སྟེང་དུ་དཀྱིལ་འཁོར་བསྒོམ། །མཁའ་འགྲོ་མ་དང་ལཱ་མ་དང་། །རྣལ་འབྱོར་མ་དང་དུམ་སྐྱེས་མ། །དཔའ་བོ་དང་ནི་དཔའ་མོ་ཉིད། །
ཧ་ཧ་ཧེ་ཧེ་ཞེས་བཞད་པ། །ཉི་ཤུ་རྩ་བཞི་དཔའ་བོའི་རིགས། །མཁའ་འགྲོ་མ་ཡི་དྲ་བའི་སྡོམ། །སྔར་བཤད་དཔའ་བོ་དཔའ་བའི་མཆོག །དཔའ་བོའི་མཆོག་ནི་ཐམས་ཅད་ཉིད། །ཉི་ཤུ་རྩ་བཞི་དཔའ་བོ་རྣམས། །དེ་ཡིས་
འགྲོ་བ་གྲངས་མེད་ཁྱབ། །དཔའ་བོ་དང་ནི་མཁའ་འགྲོ་ཉིད། །རྣལ་འབྱོར་མ་དང་ལཱ་མ་དང་། །དུམ་སྐྱེས་མ་དང་དེ་བཞིན་ཏེ། །འཁོར་ལོའི་གནས་སུ་རྣམ་པར་བལྟ། །ལས་རྣམས་ཐམས་ཅད་འགྲུབ་བྱེད་ཅིང་། །འཁོར་ལོར་
བཞུགས་ལ་རྟག་ཏུ་མཆོད། །ལེགས་པར་མཉམ་བཞག་འདོད་པ་འགྲུབ། །སྔར་བཤད་ཆོ་ག་བཞིན་བཟླས་ཤིང་། །མཁའ་འགྲོ་མ་ཡི་དྲ་བའི་སྡོམ། །བསམས་པས་འཁོར་ལོ་ཆེན་པོ་ཡི། །དངོས་གྲུབ་ཀྱང་ནི་ཐམས་ཅད་འགྲུབ། །
སངས་རྒྱས་བྱེ་བས་གསུངས་པ་སྟེ། །མཁའ་འགྲོ་མ་ནི་རེ་རེ་ལ། །འཁོར་གྱི་གྲངས་ཀྱང་བྱེ་བ་སྙེད། །རྣལ་འབྱོར་མ་དང་ལཱ་མ་དང་། །དུམ་སྐྱེས་མ་ནི་ཁྱད་པར་དུ། །དངོས་གྲུབ་ཐམས་ཅད་བྱེད་པ་དགེ། །མངོན་པར་བརྗོད་པའི་

85-1-186a

རྒྱུད་བླ་མའི་བླ་མ་ལས་མཁའ་འགྲོ་མ་དང་དཔའ་བོའི་ལས་ཀྱི་རིམ་པ་བསྒྲུབ་པ་རྣལ་འབྱོར་མ་དང་དཔའ་བོ་གཉིས་སུ་མེད་པའི་སྙིང་པོའི་ལེའུ་སྟེ་བཞི་བཅུ་རྩ་བདུན་པའོ།། །། དེ་ནས་གཞན་ཡང་བཤད་བྱ་བ། །སྐུ་
གཟུགས་རི་མོའི་མཚན་ཉིད་ནི། །དུང་ཆེན་དག་ནི་ཁོ་ན་ལས། །མཁས་པས་གཟུགས་ནི་བསྒྲུབ་བྱ་སྟེ། །མཚན་ཉིད་ཐམས་ཅད་ཡོངས་སུ་རྫོགས། །ཡན་ལག་དང་ནི་ཉིང་ལག་མཆོག །མོས་པའི་ཡིད་ནི་སྔོན་འགྲོ་བའི། །རྣལ་འབྱོར་པས་
ནི་གཟུང་ཞིང་བསྒྲུབ། །དྲི་ཆེན་ཆུ་དང་རཀྟ་དང་། །ཤུ་ཀྲར་བཅས་པས་མཆོད་པར་བྱ། །ནཱ་ར་དཔལ་ཆེན་བདུག་སྤོས་ནི། །དཔའ་བོའི་ལས་ཀྱི་སྒྲུབ་པ་སྟེ། །བླ་མ་ཡི་ནི་གོ་འཕང་འགྲུབ། །དེ་ནས་བདག་ཉིད་མཆོད་བྱས་
ཏེ། །འདོད་པ་ཐམས་ཅད་ཐོབ་འགྱུར་ཞིང་། །རྒྱལ་པོའི་བུད་མེད་རྙེད་པར་འགྱུར། །ཇི་ལྟའི་ལས་ཀྱི་རྗེས་འབྲངས་ནས། །ལག་པའི་མཆོད་པ་རབ་ཏུ་བྱ། །པགས་ཆེན་རི་མོ་བྲིས་ནས་ནི། །སྒྲུབ་པ་པོ་
ཡིས་མཉམ་བཞག་ན། །ཞག་བདུན་གྱིས་ནི་འགྲུབ་འགྱུར་ཏེ། །ཐེ་ཚོམ་མེད་པར་རྣམ་པར་སྤྱོད། །རྣལ་འབྱོར་མ་དང་བླ་མ་མཆོད། །མཁའ་འགྲོའི་གནས་སུ་དེ་བཞིན་སྐྱེ། །དེས་ནི་བདེ་བ་རྙེད་ནས་ཀྱང་། །
ལས་ནི་རྟག་ཏུ་བྱེད་པར་འགྱུར། །རྟག་ཏུ་བླ་མ་མཆོད་ནས་ནི། །དེ་ཡི་དངོས་གྲུབ་མྱུར་དུ་འགྲུབ། །མཁའ་འགྲོ་མ་ནི་བསྒྲུབ་པ་ཡིས། །གླང་པོའི་པགས་ལ་སྐུ་གཟུགས་བྲི། །རྣལ་འབྱོར་མ་ཡི་བསྒྲུབ་པ་ཡིས། །བ་ལང་པགས་ལ་རི་མོ་བྲི། །མཁའ་སྤྱོད་དག་ནི་བསྒྲུབ་པ་ཡིས། །
རྟ་ཡི་ལྤགས་ལ་རི་མོ་བྲི། །ས་ལ་སྤྱོད་པའི་སྒྲུབ་པ་ཡིས། །མ་ཧེའི་པགས་ལ་རི་མོ་བྲི། །ས་འོག་སྤྱོད་པའི་བསྒྲུབ་པ་ཡིས། །ཕག་གི་པགས་ལ་རི་མོ་བྲི། །གནོད་སྦྱིན་མོ་ནི་བསྒྲུབ་པ་ཡིས། །
ཤིང་སྤང་ལེབ་ལ་སྐུ་གཟུགས་བྲི། །ལྷ་ཡི་བུ་མོ་བསྒྲུབ་པ་ཡིས། །ཙམ་པའི་སྤང་ལེབ་སྐུ་གཟུགས་བྲི། །ཀླུ་མོ་བསྒྲུབ་པ་དག་གིས་ནི། །ཀླུ་ཤིང་སྤང་ལེབ་རི་མོ་བྲི། །མེ་ནི་བསྒྲུབ་པར་

85-1-186b

འདོད་པ་ཡིས། །དུར་ཁྲོད་གོས་ལ་སྐུ་གཟུགས་བྲི། །ཕ་རོལ་བལྟ་བའི་བསྒྲུབ་པ་དག །བོང་བུའི་པགས་ལ་སྐུ་གཟུགས་བྲི། །ནོར་རྣམས་བསྒྲུབ་པར་འདོད་པ་ཡིས། །བྱི་བའི་པགས་ལ་སྐུ་གཟུགས་བྲི། །ཆང་ནི་འགུགས་པར་འདོད་
པ་ཡིས། །སྤྲེའུའི་པགས་ལ་སྐུ་གཟུགས་བྲི། །ཁྲག་ནི་འགུགས་པར་འདོད་པ་ཡིས། །ཐོད་པ་ལ་ནི་སྐུ་གཟུགས་བྲི། །ས་བོན་འགུགས་པར་འདོད་པ་ཡིས། །ཕུག་རོན་ལྤགས་ལ་སྐུ་གཟུགས་བྲི། །ལྷ་ནི་འགུགས་པར་འདོད་པ་ཡིས། །
ཐང་ཤིང་སྤང་ལེབ་སྐུ་གཟུགས་བྲི། །གྲོང་ཁྱེར་འགུགས་པར་འདོད་པ་ཡིས། །ལྕེ་སྤྱང་ལྤགས་ལ་སྐུ་གཟུགས་བྲི། །ཞི་བའི་ལས་ལ་བྲམ་ཟེ་མོ། །ཟླ་མཚན་བྱུང་དུས་གོས་ལ་བྲི། །དེས་ན་ཞི་བར་གྱུར་པ་ཡིན། །རྒྱས་པ་རྒྱལ་
རིགས་མོ་ཡི་ནི། །ཟླ་མཚན་བྱུང་དུས་གོས་ལ་བྲི། །དབང་ལ་རྗེའུ་རིགས་མོ་ཡི་ནི། །ཟླ་མཚན་བྱུང་དུས་གོས་ལ་བྲི། །མངོན་སྤྱོད་ལ་ནི་དམངས་རིགས་ཀྱི། །ཟླ་མཚན་བྱུང་དུས་གོས་ལ་བྲི། །བརྒྱལ་བར་བྱ་བ་དག་ལ་ནི། །
རྒྱལ་མཚན་གོས་ལ་རི་མོ་བྲི། །རེངས་པར་བྱ་བ་རྡོ་ལེབ་སྟེ། །དགར་བ་ལ་ནི་རྔ་མོའི་པགས། །དགུག་པ་ལ་ནི་སེང་གེའིའོ། །ལས་ཀུན་ལ་ནི་བྱ་ཡི་པགས། །ཡང་ན་ལྕགས་ནི་ཁོ་ནའོ། །གཞན་དུ་སྣ་ཚོགས་ལས་
རྣམས་ནི། །དྲན་པ་ཙམ་གྱིས་ངེས་པར་འགྲུབ། །བགེགས་རྣམས་མེད་པར་བྱ་བའི་ཕྱིར། །རི་བོང་ལྤགས་པ་དག་ལ་བྲི། །བགེགས་ནི་ལྡང་བར་བྱེད་པ་ལ། །ཤི་བའི་པགས་པ་རྣམས་ལ་བྲི། །གསེར་དང་དངུལ་ལ་
སོགས་པ་ལ། །ཟངས་དང་ཤེལ་དང་ཐང་ཤིང་དང་། །རྡོ་རྗེ་ལས་ནི་བྱ་བ་སྟེ། །དངོས་གྲུབ་མཆོག་ནི་ཁྱད་པར་ཡིན། །ཙན་དན་དང་ནི་ཐང་ཤིང་དང་། །ཙན་དན་དམར་པོ་ཙམ་པ་ཀ །ཨ་ཤོ་ཀ་ནི་གྲུབ་པའོ། །ཤྲཱི་བྲྀ་
ཀྵ་ནི་ནོར་སྦྱིན་འགྱུར། །ཨ་ག་རུ་དང་སྟ་རྒ་ཤིར། །འོ་མ་ཤིང་གི་བྱེ་བྲག་དང་། །སྟག་པའི་ཤིང་ལ་སོགས་པ་རྣམས། །གྲུབ་པ་ཡི་ནི་དངོས་གྲུབ་འགྱུར། །སྦལ་པའི་རུས་པ་ལས་བྱས་དང་། །ཀླུ་ཤིང་

85-1-187a

དག་གི་བྱེ་བྲག་དང་། །རུ་སྦལ་རུས་པ་གླང་པོའི་སོ། །ཁྱད་པར་དུ་ནི་ཆར་ཡང་འབེབས། །བྲམ་ཟེའི་རུས་པ་ཞི་བ་སྟེ། །གླང་པོའི་རུས་པ་རྒྱས་པར་ཡིན། །དབང་ལ་རྟ་ཡི་རུས་པ་སྟེ། །གསད་པ་ལ་ནི་
མ་ཧེའི་རུས། །དགར་བ་ལ་ནི་རྔ་མོའི་རུས། །སྡང་ལ་རྟ་དང་མ་ཧེའོ། །རེངས་པར་བྱ་ལ་ཁྱི་ཡི་རུས། །དགུག་པ་ལ་ནི་སེང་གེའི་རུས། །ས་ཡི་འོག་ཏུ་འགྲོ་བ་ལ། །ཕག་གི་རུས་པ་དག་ལ་བྱ། །ས་དཀར་དག་ལས་བྱས་པ་ནི། །
རྟག་ཏུ་ཞི་བར་འགྱུར་བ་ཡིན། །རྒྱས་པ་ལ་ནི་སེར་བའི་ས། །དབང་ལ་དམར་པོའི་ས་ཡིན་ལ། །གསོད་པ་ལ་ནི་ས་ནག་སྟེ། །འདི་ནི་མདོར་བསྡུས་ཆོ་གའོ། །དྲི་ཆེན་ཆུ་དང་ཞག་དང་ཁྲག །མིག་སྨན་ཆེན་པོ་དེ་བཞིན་ཏེ། །
མི་ཡི་རུས་པ་བརྡར་བ་ཡིས། །མདོག་ཏུ་ལྷན་ཅིག་སྦྱར་ནས་ཀྱང་། །རང་བྱུང་མེ་ཏོག་ས་བོན་དང་། །རིགས་ངན་དང་ནི་བྲམ་ཟེ་དང་། །གདོལ་བ་མོ་དང་གཡུང་མོ་དང་། །ཁྲུས་མཁན་མ་དང་གར་མཁན་མ། །མའམ་ཡང་ན་
སྲིང་མོ་འམ། །བུ་མོ་ཡི་ནི་བྱེ་བྲག་གི། །འདི་དག་དྲུང་དུ་བླངས་ནས་སུ། །ཤུ་ཀྲ་རཀྟའི་ཁྱད་པར་དག །སྣ་ཚོགས་འདི་དག་བསྲེས་ནས་ཀྱང་། །ཆོ་ག་བཞིན་དུ་སྐུ་གཟུགས་བྲི། །གྲོག་འཁར་གྱི་ནི་ས་དག་ལ། །ཤི་བའི་སྐྲ་དང་
རུས་པ་ཡིས། །པིར་གྱིས་དམ་པ་བྲི་བར་བྱ། །ཐིག་སྐུད་ཤི་བའི་སྐུད་པ་ཡིས། །སྐུ་གཟུགས་ཐིག་སྐུད་མཆོག་ཡིན་ནོ། །ཡི་དགས་ཕྲེང་སོགས་བསྙན་ནས་ནི། །བ་ནས་ཀྱང་ནི་མར་མེ་བྱ། །དཔའ་བོ་ཆེན་པོའི་བདུག་
སྤོས་དང་། །རྐང་གིས་ལྷ་བཤོས་བྱ་བ་སྟེ། །དྲི་ཆེན་རྡོ་རྗེ་ཆུ་ཡི་དྲི། །ཐོད་པ་དག་གི་བུམ་པ་སྟེ། །ཨརྒྷ་འི་སྣོད་ནི་ཐོད་པའོ། །ཨརྒྷ་རུས་པའི་ཙཱུརྞྞ་སྟེ། །འབད་པས་སྐྱེས་བུ་དབུལ་འབྱིན་ནོ། །ཇི་ལྟར་ནུས་པ་དག་ཏུ་
སྤྱད། །སྣ་ཚོགས་ཕྱག་རྒྱའི་སྦྱོར་བ་ཡིས། །ཐབས་དང་ཤེས་རབ་ལྡན་པར་ནི། །སྐུ་གཟུགས་ཡང་ནི་རི་མོ་འམ། །གཞན་ཡང་མཁས་པས་ཆོ་ག་བྱ། །ཇི་ལྟའི་ལས་ཀྱི་རྗེས་མཐུན་པར། །དེ་ལྟའི་གོས་ཀྱི་རྗེས་འཆང་

85-1-187b

ཞིང་། །གཅེར་བུ་སྐྲ་ནི་གྲོལ་བ་དང་། །གཟུགས་མདོག་དག་ནི་བསྒྱུར་ནས་ཀྱང་། །གཙོ་བོ་དང་ནི་རྣལ་འབྱོར་པ། །སློབ་དཔོན་ཡང་ནི་དེ་བཞིན་ཏེ། །ཕྱག་རྒྱའི་རིགས་པར་གནས་ནས་སུ། །དྲི་ཆེན་ཆུ་དང་དཔའ་བོ་བཟང་། །མཉམ་
པར་བཞག་ནས་བཟླས་པ་བྱ། །རྣམ་པ་དུ་མ་བྱེ་བྲག་གི། །གླུ་དང་གར་ནི་རྣམ་པ་དང་། །བཟའ་བཏུང་མཆོག་ནི་སྤྱད་པར་བྱ། །དེ་དག་རྫོགས་ཀྱི་བར་བྱ་སྟེ། །དེ་འདི་ཆོ་གའི་རིམ་པའོ། །རབ་ཏུ་གནས་པའི་དུས་དག་ཏུ། །ཉིས་འགྱུར་
ཚོགས་ཀྱིས་སྤེལ་བ་སྟེ། །གདུ་བུ་དང་ནི་ཀང་ཀ་དང་། །དཔུང་རྒྱན་གོས་ཀྱི་བྱེ་བྲག་དང་། །སོར་གདུབ་དང་ནི་མཆོད་ཕྱིར་ཐོག ། །རྐང་རྒྱན་དང་ནི་ཐོད་པ་དང་། །གདུགས་དང་རྔ་ཡབ་དེ་བཞིན་ཏེ། །སྣ་ཚོགས་སྐྱེས་བུ་སྦྱིན་
ཞིང་དབུལ། །སྣ་ཚོགས་དཔའ་བོ་མཆོག་དམ་པ། །མྱོས་བྱེད་བཏུང་བའི་བྱེ་བྲག་རྣམས། །དམ་ཚིག་ཆོ་གའི་མཆོག་རྣམས་དང་། །སྣ་ཚོགས་རོ་དང་བཅུད་རྣམས་དང་། །སྣ་ཚོགས་མེ་ཏོག་མཆོག་རྣམས་དང་། །ལྷ་མོ་མཆོག་གི་ལུས་
ལུས་རྣམས་དང་། །རོལ་མོ་སྣ་ཚོགས་སྒྲ་རྣམས་དང་། །སློབ་དཔོན་ཕྱག་རྒྱར་སྦྱོར་བ་དང་། །སློབ་མའི་ཚོགས་ཀྱི་ཁྱད་པར་རྣམས། །བཟའ་བའི་མཆོད་བ་དག་གིས་མཆོད། །བདུག་པའི་དྲི་མཆོག་རྣམས་དང་ནི། །སྣ་ཚོགས་རྒྱལ་བའི་
བདུག་པ་དང་། །ཁྱད་པར་དུ་ནི་མར་མེའི་ཕྲེང་། །གདུགས་དང་བླ་རེ་དེ་བཞིན་ཏེ། །མེ་ལོང་དང་ནི་རྔ་ཡབ་དང་། །དྲ་བ་དང་ནི་དྲ་ཕྱེད་དང་། །ཆུན་པོ་དག་གིས་རྣམ་པར་བརྒྱན། །བུམ་པ་རས་དང་ལྡན་པ་དག །ཡེ་ཤེས་བདུད་རྩིས་ཡོངས་གང་བ། །རིན་ཆེན་ལྔ་དང་
སྨན་དང་ནི། །དྲྀ་ཡི་བྱེ་བྲག་དག་གིས་ནི། །ཨརྒྷའི་སྣོད་ནི་ཁྱད་པར་དུ། །ཅུ་ཏ་པ་ལ་བ་ལྔ་དང་། །ཨྃ་བུ་ཛྃ་བུ་ཀ་དམྦ། །བིལ་བ་བཱི་ཛ་པུ་རས་དགང་། །བ་ལ་མོ་ཏ་ཀྲི་ཏཉྫཿ །ཀེ་དྲི་ཀ་རི་ཀར་ལྡན་བ།   །ཨེ་ཀ་བྱི་ར་ས་ཧ་དེ། །སྨན་རྣམས་ཀུན་ཤེས་བྱ་བ་ལ། །
ལྔ་པོ་དེ་དག་ཤེས་བྱ་སྟེ། །མཁས་པས་བུམ་པར་གཞུག་པར་བྱ། །གསེར་དང་ཛཱ་ཏི་ཕ་ལ་དང་། །གླ་གོར་ཤྭ་ཤ་དེ་བཞིན་ནོ། །གསེར་གྱི་མཆོད་ཕྱིར་ཐོགས་དང་ནི། །

85-1-188a

ཕྱག་རྒྱ་དྲུག་གིས་རྣམ་པར་བརྒྱན། །བསྒྲུབ་པ་པོ་ཀུན་གཅེར་བུ་ཡིས། །བཀྲ་ཤིས་གླུ་ཡིས་གླུ་ལན་ཅིང་། །རྣམ་པར་དག་པའི་སེམས་ཀྱིས་ནི། །དད་པའི་བློ་ནི་སྔོན་འགྲོ་བས། །དུས་དང་གནས་སྐབས་ཐམས་ཅད་དུ། །སྣ་ཚོགས་
རྒྱ་ཆེའི་མཆོད་པར་བྱ། །མངོན་པར་བརྗོད་པའི་རྒྱུད་བླ་མའི་བླ་མ་ལས་རས་རིས་ལ་སོགས་པ་རབ་ཏུ་གནས་པའི་ཆོ་གའི་ལེའུ་སྟེ་བཞི་བཅུ་རྩ་བརྒྱད་པའོ།། །། དེ་ནས་གཞན་ཡང་བཤད་བྱ་བ། །དཀྱིལ་འཁོར་དཀྱིལ་འཁོར་
དམ་པ་སྟེ། །མངོན་མཐོ་ཧེ་རུ་ཀ་ཞེས་བྱ། །དཀྱིལ་འཁོར་སྙིང་པོ་བསྡུས་པ་ཡིན། །ཤིན་ཏུ་མཉམ་བཞག་སྒྲུབ་པ་པོས། །དམ་ཚིག་རྟག་ཏུ་བསྐྱང་བར་བྱ། །དམ་ཚིག་ཉམས་པས་དཀྱིལ་འཁོར་དུ། །དབང་བསྐུར་དངོས་
གྲུབ་འཐོབ་མི་འགྱུར། །སྦྲང་རྩི་མཚལ་དང་ག་པུར་བཅས། །དམར་དང་ཙན་དན་སྦྱར་བ་ནི། །ཚོགས་ཀྱི་ནང་དུ་ཞུགས་པ་ནི། །ཐམས་ཅད་བཅུད་ཀྱིས་ལེན་དུ་གནས། །ཐམས་ཅད་རྡོ་རྗེའི་མཚན་མ་འཛིན། །སྦོམ་པོ་མཐའ་
ལྟག་རྩེ་སྦྱར་བས། །རྣལ་འབྱོར་རིམ་པས་རྟག་ཏུ་སྤྱད། །ཞི་བའི་བཏུང་བས་བཞིན་མྱངས་ན། །དངོས་གྲུབ་རྟག་ཏུ་ཐོབ་པར་འགྱུར། །འདི་ནི་མི་འཆི་བཅུ་ཕྱེད་འགྱུར། །དངོས་གྲུབ་ཐམས་ཅད་འཇུག་པ་ཡིན། །མཆོད་
བཞི་དེ་བཞིན་དཔའ་བོ་ནི། །དབང་གཉིས་སྙོམས་པར་འཇུག་པ་ཡི། །སྙོམས་པར་འཇུག་པའི་དེ་ཉིད་འཛིན། །སྔོན་དུ་བསྙེན་པར་བྱ་བ་ནི། །ཆོ་ག་བཞིན་དུ་འབུམ་དུ་བཟླ། །འཁོར་ལོའི་གསང་སྔགས་འབུམ་བཟླས་ཤིང་། །
རང་གི་ལྷའི་ཡང་འབུམ་དུ་བཟླ། །གཞན་ནི་ཁྲི་རུ་བཟླ་བར་བྱ། །བཀའ་བཞིན་འཁོར་ལོ་བྲི་བྱ་ཞིང་། །མདངས་ལྡན་མི་མཆོག་དག་གི་ནི། །དཀྱིལ་འཁོར་བྲི་ཞིང་དགོད་པར་བྱ། །སྔར་བཤད་གནས་ནི་གང་ཡིན་པ། །དེར་ནི་དཀྱིལ་
འཁོར་བྲི་བར་བྱ། །ས་ནི་ཡོངས་སུ་སྦྱང་བར་བྱ། །བརྡུང་ཞིང་ལེགས་པར་བརྡུང་ནས་སུ། །མཉམ་ཞིང་ཟུག་རྔུ་རྣམ་པར་སྤང་། །ས་ལ་མ་ལྷུང་ལྕི་བ་ཡིས། །དཀྱིལ་འཁོར་ས་ནི་ཉེ་བར་བྱུག །དུར་ཁྲོད་ཐལ་བར་ལྡན་པ་དང་། །མི་འཆི་བཅུ་ཕྱེད་

85-1-188b

བཅས་པ་ཡིས། །དཀྱིལ་འཁོར་ས་ནི་ཉེར་བྱུགས་ཏེ། །དེར་ནི་དཀྱིལ་འཁོར་ཡང་དག་བརྩམ། །དུར་ཁྲོད་དུ་ནི་ཀུན་སྤྱོད་ཅིང་། །རོ་བསྲེགས་སོལ་བའི་ཕྱེ་མ་དང་། །དུར་ཁྲོད་བརྒྱད་དང་ལྡན་པ་ཡིས། །སློབ་དཔོན་ལེགས་པར་མཉམ་
བཞག་སྟེ། །དཀྱིལ་འཁོར་བཟང་པོ་བྲི་བར་བྱ། །སློབ་དཔོན་མཚན་ཉིད་ཐམས་ཅད་ལྡན། །མཚན་མ་ངན་པ་ཀུན་སྤངས་ཤིང་། །ཡང་དག་ཤེས་ཤིང་རྒྱུད་ཤེས་པ། །དཔལ་ལྡན་ཁྲག་འཐུང་གསང་སྔགས་ཤེས། །ཁྲོ་མེད་གཙང་ཞིང་མཁས་
པ་དང་། །སྦྱོར་ཤེས་ཡེ་ཤེས་ཕ་རོལ་འགྲོ། །ཐོད་པས་སྤྱི་བོར་བརྒྱན་བྱས་ཤིང་། །ཡན་ལག་ཐལ་བས་བྱུགས་པ་དང་། །གུག་སྐྱེད་དག་གིས་ལུས་བརྒྱན་ཅིང་། །རུས་ཕྲེང་རུས་པར་ཡང་དག་གནས། །དུམ་གཅིག་སྤྱི་བོར་བརྒྱན་པ་དང་། །རུས་པའི་
ཕྲེང་བས་རྣམ་པར་བརྒྱན། །ཁ་ཊྭཱྃ་ག་ནི་ལག་ན་གནས། །བདག་ཉིད་ཤྲཱི་ཧེ་རུ་ཀར་ནི། །བྱས་ནས་དེ་ཡི་འོག་ཏུ་ནི། །དཔལ་ལྡན་ཧེ་རུ་ཀ་དྲན་བྱ། །འཁོར་ལོ་འདི་ཡི་སྙིང་གར་དགོད། །དེ་ལྟར་བདག་ཉིད་གོ་བགོས་ནས། །ར་བ་རྣམས་ནི་ཕྱོགས་སུ་
དགོད། །འོག་ཏུའང་མཚོན་ཆ་དགོད་པར་བྱ། །འཁོར་ལོའི་བདག་ཉིད་བཀོད་ནས་ནི། །སྟེང་དུ་མདའ་ཡི་དྲ་བ་དང་། །བདག་ཉིད་མཚོན་ཆའི་དྲ་བ་བྱས། །དེ་ལྟར་གོ་བགོས་སུམ་བཅུ་ནི། །རྩ་གསུམ་པས་ཀྱང་གཞིག་མི་ནུས། །དེ་ལྟར་བདག་ཉིད་
རབ་བསྲུངས་ཤིང་། །སྔགས་དང་ཕྱག་རྒྱས་རྣམ་བརྒྱན་ནས། །དངོས་གྲུབ་ཐམས་ཅད་རབ་སྟེར་བའི། །དཀྱིལ་འཁོར་འཇིགས་པ་བྲི་བར་བྱ། །དེ་ནས་སེམས་མེད་སྲད་བུ་ལ། །རུ་དྷི་ར་ན་ཆེན་པོས་བརླན། །དཔལ་ལྡན་ཁྲག་འཐུང་གྲོང་
མཆོག་གི། །དཀྱིལ་འཁོར་འཇིགས་པ་ཐིག་གདབ་བྱ། །གྲུ་བཞི་པ་ལ་ཁྲུ་བརྒྱད་པ། །སྒོ་བཞི་ཀུན་ནས་ཟུར་བཞི་པ། །སྔགས་པས་ཉིས་འགྱུར་རྣམ་སྤྱོད་ཅིང་། །མཁའ་འགྲོ་དྲ་བ་བདེ་མཆོག་བཟླས། །དེ་ཡི་དབུས་སུ་བཞག་པ་ནི། །འདབ་ཆགས་
ལྟེ་བ་འབར་དང་བཅས། །གེ་སར་ཡང་དག་ལྡན་པ་ཡི། །སྣ་ཚོགས་པད་མ་འདབ་བརྒྱད་པ། །ལྟེ་བར་བཀོད་བྱ་དཔའ་བོ་ནི། །འཇིགས་བྱེད་ཆེན་པོའི་གཟུགས་ཅན་ལ། །མདངས་དང་ལྡན་ཞིང་རབ་ཏུ་འབར། །ཧ་ཧ་ཞེས་བྱར་སྒྲ་ཆེར་བཞད། །ཐོད་པའི་ཕྲེང་བའི་རྒྱན་དང་ལྡན། །བཟང་པོ་སྤྱན་གསུམ་

85-1-189a

ཞལ་བཞི་མངའ། །གླང་པོའི་པགས་པ་རྣམ་པར་བགོས། །སྨིན་མ་བཟང་པོ་རྡོ་རྗེ་འབྱེས། །ཕྱག་ན་ཁ་ཊྭཱྃ་ག་བསྣམས་ཤིང་། །བརྒྱ་ཕྱེད་ཕྲེང་བས་རྣམ་པར་བརྒྱན། །དེ་མདུན་གནས་པའི་ལྷ་མོ་ནི། །རྡོ་རྗེ་ཕག་མོ་
ཞེས་བྱ་བ། །རབ་འཇིགས་འཇིགས་བྱེད་ཆེ་ལ་ཕྱོགས། །སྤྱན་གསུམ་དྲག་པོའི་གཟུགས་ཅན་བྱ། །ཀ་པཱ་ལི་ནི་ཨནྟྲས་བཀང་། །ཁ་ནས་རུ་དྷི་ར་འཛག་ཅྀང་། །ལྷ་དང་ལྷ་མིན་མིར་བཅས་དང་། །ཕྱོགས་ཀུན་ཏུ་ནི་སྡིགས་
མཛུབ་བྱེད། །མཁའ་འགྲོ་མ་ནི་ཉི་ཤུ་བཞི། །ཕག་མོ་ཡི་ནི་རིགས་ལས་བྱུང་། །ཕྱོགས་དང་ཕྱོགས་ཀྱི་མཚམས་རྣམས་ནི། །འཁོར་ལོའི་ལྟེ་བར་མཆོད་པར་བྱ། །དེ་བཞིན་འདིར་ནི་དཔའ་བོ་ཡང་། །འཁོར་ལོར་ཡང་དག་
གནས་པ་མཆོད། །སྒྲུབ་པོ་གལ་ཏེ་དངོས་གྲུབ་འདོད། །གཉིས་མེད་དཔའ་བོ་མཆོད་པར་བྱ། །དེ་ནས་བུམ་པ་བྱ་བ་ནྀ། །རྩ་བ་ནག་པོ་ལ་སོགས་མེད། །མུ་ཏིག་གསེར་དང་རིན་ཆེན་དང་། །བྱི་རུ་དངུལ་དང་ཟངས་མ་སྟེ། །བཟའ་
བ་ཀུན་གྱིས་ལེགས་བཀང་བའི། །སྣོད་ནི་སྟེང་དུ་གཞག་པར་བྱ། །མགྲིན་པ་སྲད་བུས་དཀྲི་བ་དང་། །ཁ་ནི་འདབ་མས་བརྒྱན་པར་བྱ། །གོས་ཟུང་གིས་ནི་ལེགས་དཀྱིས་པ། །བརྒྱད་ནི་སྒོ་རུ་རྣམ་པར་དགོད། །གོས་
ཟུང་གིས་ནི་དཀྲིས་པ་ཡི། །བུམ་པ་དགུ་པ་དབུས་སུ་གཞག །གསེར་རམ་དངུལ་ལམ་རིན་ཆེན་ནམ། །མུ་ཏིག་རྣམས་ནི་མཛེས་པར་བྱ། །དཀྱིལ་འཁོར་ཀུན་ཏུ་རིན་ཆེན་དང་། །གསེར་རྣམས་ཀྱིས་ནི་མཛེས་པར་སྤྱད། །
གྲོང་མཆོག་ཡིད་འོང་མཆོད་ནས་ནི། །གྲུབ་པ་ཉིད་དུ་ཐེ་ཚོམ་མེད། །བདག་ཉིད་ཀྱི་ནི་གདོང་ལུས་ཀུན། །དྲི་ཡི་ཆུ་ཡིས་ལེགས་པར་བསང་། །གལ་ཏེ་དངོས་གྲུབ་མཆོག་འདོད་ན། །མར་མེ་བརྒྱ་ནི་དབུལ་བར་བྱ། །ནམ་མཁའི་
མཁའ་འགྲོ་མ་རྣམས་ནི། །ཡིད་ཀྱིས་ཐམས་ཅད་སྟེང་དུ་དགོད། །ས་སྟེངས་མཁའ་འགྲོ་མ་གང་ཡིན། །དཀྱིལ་འཁོར་ཀུན་ཏུ་དགོད་པར་བྱ། །གང་ཡང་ས་འོག་རྣམས་སུ་དགོད། །མ་མོ་ཐམས་ཅད་ཕྱོགས་དང་ནི། །

85-1-189b

ཕྱོགས་མཚམས་རྣམས་སུ་དགོད་པར་བྱ། །གལ་ཏེ་དངོས་གྲུབ་མཆོག་འདོད་ན། །དྲི་དང་མེ་ཏོག་བདུག་སྤོས་དང་། །མར་མེ་བརྒྱ་ཡང་དབུལ་བྱ་ཞིང་། །དཔལ་ལྡན་ཁྲག་འཐུང་དཀྱིལ་འཁོར་གནས། །དཔའ་བོ་རྣལ་འབྱོར་མ་མཆོད་བྱ། །རྒྱལ་མཚན་
དམར་དང་དེ་བཞིན་སེར། །དཀར་དང་གནག་དང་སེར་སྐྱ་དང་། །དེ་བཞིན་གོས་ནི་སྣ་ཚོགས་དང་། །མེ་ཏོག་ཕྲེང་བ་དུ་མ་དང་། །བླ་རེ་དག་དང་དར་བཅས་པའི། །མདའ་ནི་ཤིན་ཏུ་མཛེས་པ་དང་། །དེ་བཞིན་བཟའ་བཅའ་གཏུང་བ་ཡིས། །རབ་མཉམ་བཞག་
སྟེ་མཆོད་པར་བྱ། །དེ་ནས་སྒྲུབ་པོས་དངོས་གྲུབ་ཀྱི། །དང་པོར་སློབ་དཔོན་མཉེས་པར་བྱ། །གྲུབ་འདོད་ཤིན་ཏུ་མཉམ་བཞག་པས། །ཅི་ནུས་པར་ནི་བླ་མ་མཆོད། །དྲིལ་དབྱངས་མེ་ཏོག་སྤོས་ཀྱིས་བརྒྱན། །ཤིན་ཏུ་སྒྲ་སྙན་དྲིལ་བུ་དཀྲོལ། །
སྒྲུབ་པ་པོ་ཡིས་རྔ་བརྡུངས་ཞིང་། །ཧ་ཧ་ཞེས་ནི་བརྗོད་པར་བྱ། །དེ་ལྟར་ཆོ་ག་བཞིན་དཀྱིལ་འཁོར། །འདོད་པ་ཀུན་ལྡན་མཆོད་ནས་ནི། །དེ་ཡི་བུ་སྡུག་གདོང་ལ་ནི། །དར་གྱིས་ལེགས་པར་བཀབ་ནས་སུ། །མེ་ཏོག་གིས་བཀང་ཐལ་མོ་དག །པད་མས་
གཏོར་ནས་བསྐོར་བ་ནི། །གཡོན་ཕྱོགས་བསྐོར་ནས་ཕྱག་བྱས་ཏེ། །ཧཱུྃ་དང་ཕཊ་ཀྱི་སྒྲ་ཡང་བརྗོད། །གཡས་བརྐྱང་བ་ཡི་གནས་པ་ཡིས། །དངོས་གྲུབ་སྲས་པོ་གཞག་པར་བྱ། །ཐལ་མོ་མེ་ཏོག་གཏོར་ནས་ནི། །གང་དུ་འབབས་པའི་བསམ་པ་ནི། །
སྐོར་བ་དག་ཀྱང་བྱས་ནས་སུ། །ཤིན་ཏུ་མཉམ་པར་བཞག་པ་ཡིས། །སྒྲུབ་པ་པོ་ཡིས་བྱས་ནས་གཞུག །དེ་ནས་ཡོན་ཐོགས་གྲོང་ཁྱེར་དུ། །གཡས་པའི་ཕྱོགས་སུ་བརྟེན་ནས་ནི། །སྙིམ་པའི་མེ་ཏོག་དཀྱིལ་འཁོར་དོར། །དཀྱིལ་
འཁོར་གང་དུ་མེ་ཏོག་བབས། །དེ་ཡི་རིགས་ནི་བསྟན་པར་བྱ། །དེ་ནས་སློབ་དཔོན་ལེགས་པར་ནི། །རབ་མཉམ་བཞག་སྟེ་ཕྱག་རྒྱ་མཆོད། །དེ་ནས་སློབ་མ་གཉིས་པ་ལ། །མཚལ་ཆེན་ལན་གསུམ་བཟླས་པ་ཡིས། །དེ་ལ་ཐིག་ལེ་བྱ་
བ་ཡིན། །དེ་ནས་སློབ་མའི་གདོང་ཕྱེ་ལ། །དཀྱིལ་འཁོར་དག་ནི་བསྟན་པར་བྱ། །གང་གི་ལྷ་ཡི་གནས་གང་ཡིན། །དེར་དེ་ཡང་དག་བསྟན་པར་བྱ། །སློབ་དཔོན་དང་ནི་ལྷན་ཅིག་ཏུ། །རབ་ཏུ་བཏུད་པ་བྱས་ནས་ནི། །གཡོན་ནས་བརྩམས་

85-1-190a

པའི་རིམ་པ་ཡིས། །དེ་ནས་སྐོར་བ་རབ་ཏུ་བྱ། །དཀྱིལ་འཁོར་དང་ནི་བླ་མ་ལ། །ཇི་བཞིན་ཆོ་གས་ཕྱག་བྱའོ། །དེ་ནས་བླ་མ་དག་ལ་ཡིན། །དེ་བཞིན་གཤེགས་པས་གསུངས་པས་དབུལ། །གསེར་ནི་བརྒྱ་སྟོང་དབུལ་བ་
དང་། །རིན་ཆེན་རྣམ་པ་སྣ་ཚོགས་དང་། །རས་ནི་ཟུང་གྱུར་བརྒྱ་ཉིད་དང་། །གླང་པོ་རྟ་འམ་ཡུལ་འཁོར་རམ། །རྣ་རྒྱན་དང་ནི་གདུ་བུ་དང་། །མགུལ་གདུབ་སོར་གདུབ་དམ་པ་དང་། །གསེར་ལས་བྱས་པའི་མཆོད་ཕྱིར་ཐོགས། །ཆུང་མ་བཟང་
དང་བུ་མོ་ཉིད། །བྲན་ཕོ་བྲན་མོ་སྲིང་མོ་རྣམས། །ཕྱག་བྱས་ནས་ནི་དབུལ་བར་བྱ། །དེང་ནས་བརྩམས་ཏེ་བྲན་དུ་ནི། །ཁྱེད་ལ་བདག་ནི་འབུལ་ལགས་ཞེས། །བློ་ལྡན་ཀུན་ནས་དང་བ་ཡིས། །བདག་ཉིད་ཀྱང་ནི་དབུལ་
བར་བྱ། །དེ་ལྟར་ངེས་པར་བྱ་བ་ནི། །སྒྲུབ་པ་པོ་ཡིས་རབ་ངེས་བྱས། །དེ་ནས་དེ་ལ་མཁའ་འགྲོ་མ། །རྣལ་འབྱོར་མ་རྣམས་མཉེས་པར་འགྱུར། །མཁའ་འགྲོ་མ་དང་ལཱ་མ་དང་། །དུམ་སྐྱེས་མ་དང་གཟུགས་ཅན་མ། །
སྒྲུབ་པོ་མཁའ་འགྲོ་མ་ལྷན་ཅིག །དེ་དང་རྣམ་སྤྱོད་འགྲོ་བ་ཀུན། །སྒྲུབ་པ་པོ་ནི་དེ་དག་གི། །ཅི་བགྱི་བྱེད་པར་ཐེ་ཚོམ་མེད། །རྣལ་འབྱོར་འདི་ནི་གྲུབ་འགྱུར་ན། །འཇིག་རྟེན་གསུམ་དུ་མི་ཟློགས་ཤིང་། །མི་སྣང་
ཕུག་དང་གནས་མཁའ་རྒྱུ། །རྐང་མགྱོགས་དེ་བཞིན་བཅུད་ཀྱིས་ལེན། །སྒྲུབ་པ་པོ་ནི་འདོད་ཙམ་གྱིས། །རྟག་པར་རྒྱུན་དུ་སྐྱེད་པར་འགྱུར། །གཟུགས་ནི་དུ་མ་བྱེད་པ་དང་། །ནམ་མཁའ་ལ་ནི་འགྲོ་བར་འགྱུར། །
མཁའ་འགྲོ་ལ་ནི་འགྲོ་བར་འགྱུར། །མཁའ་འགྲོ་རྣམས་ཀྱི་ཁྱེད་པར་དུ། ། དེས་གནོན་འགྲོ་བ་ཐམས་ཅད་ཀྱང་། །ལན་གཅིག་བལྟས་པའི་སྦྱོར་བ་ཡིས། །སྐད་ཅིག་གིས་ནི་སྦྱོར་ཉིད་སྐྱེད། །སྔགས་པས་དཀྱི་འཁོར་མ་
མཐོང་བར། །གང་ཞིག་རྣལ་འབྱོར་པ་ཉིད་འདོད། །མཁའ་ལ་ཁུ་ཚུར་གྱིས་རྡེག་དང་། །སྨིག་རྒྱུའི་ཆུ་ནི་འཐུང་དང་མཚུངས། །རྣལ་འབྱོར་འདི་ནི་མཆོག་རབ་དང་། །སྦྱོར་བ་ཀུན་གྱི་དམ་པ་ཡིན། །གང་ཞིག་རྟག་ཏུ་འདོད་

85-1-190b

གྱུར་པ། །དེ་ནི་ལྷ་མི་ཟིལ་གནོན་འགྲོ། །དེ་ཉིད་བསྡུས་པར་གྱུར་པའམ། །གསང་བའམ་རྡོ་རྗེ་འཇིགས་བྱེད་ལས། །དཀྱིལ་འཁོར་རྣམས་ཀྱི་རྒྱལ་པོ་འདི། །མ་བྱུང་འབྱུང་བར་མི་འགྱུར་རོ། །བཤད་དང་མ་བཤེད་གང་ཡང་རུང་། །དེ་ཀུན་དཔལ་
ལྡན་ཁྲག་འཐུང་གནས། །མངོན་པར་བརྗོད་པའི་རྒྱུད་བླ་མའི་བླ་མ་ལས་དཀྱིལ་འཁོར་གྱི་ཆོ་གའི་ལེའུ་སྟེ་བཞི་བཅུ་རྩ་དགུ་པའོ།། །། དེ་ནས་གཞན་ཡང་བཤད་བྱ་བ། །སྦྱོར་བའི་མཚམས་དང་ཡང་དག་ལྡན། །ཆུ་མེད་པ་ནི་མཚམས་
ཡིན་ཏེ། །གོས་པ་མེད་ཅིང་ཆགས་སྤངས་པ། །མཚམས་ནི་འབྱུང་པོ་ཐམས་ཅད་པ། །དེ་ནི་སེམས་ཅན་ཐམས་ཅད་དེ། །མཚམས་ནི་སྲིད་པ་དག་པ་སྟེ། །དབྱངས་སྐྱོང་ཧེ་རུ་ཀ་ཉིད་ཡིན། །རྣལ་འབྱོར་པ་ཡིས་བསྒོམས་ཤིང་བཟླ། །ཅིག་
ཅར་འབྱུང་བར་སྣང་བ་སྟེ། །དུང་དང་ཀུན་དའི་མདོག་ཀྱང་འཛིན། །རྒྱན་རྣམས་ཐམས་ཅད་ཡོངས་སུ་རྫོགས། །མཚན་རྣམས་ཀུན་གྱིས་མཚན་པ་སྟེ། །ཞལ་གསུམ་པ་ལ་ཕྱག་དྲུག་པ། །སྤྱིན་གསུམ་པ་ལ་ཐུགས་རྗེའི་ཉམས། །སྐྲ་
གྲོལ་དཔྲལ་བར་ཐོད་པ་སྟེ། །སྤྱི་གཙུག་ཏུ་ནི་ཟླ་བའོ། །ཧེ་རུ་ཀ་དཔལ་ཡང་དག་ལྡན། །མཚམས་རྣམས་གྲུབ་པའི་མཆོག་དམ་པ། །ཐུན་བཞི་རུ་ནི་བྱ་བའོ། །དགའ་བ་བཞི་པོ་དགའ་བ་དང་། །ལྟེ་བའི་སྙིང་པད་ནུ་མའི་དབུས། །ལྕེ་ཡི་རྩ་
དང་མགོ་སྟེང་དུ། །དགའ་བ་དང་ནི་མཆོག་དགའ་ཉིད། །དམ་པར་དགའ་དང་ལྷན་ཅིག་སྐྱེས། །དང་པོ་འདབ་མ་དྲུག་བཅུ་བཞི། །གཉིས་པ་བརྒྱད་པ་མཆོག་ཡིན་ཏེ། །གསུམ་པ་འདབ་མ་བཅུ་དྲུག་པ། །བཞི་པ་སུམ་བཅུ་རྩ་གཉིས་
འདབ། །ཕག་མོའི་ལྟེ་བའི་རྩར་གནས་པ། །ལྷན་ཅིག་སྐྱེས་དགའ་ཁྲག་འཐུང་མཆོག །སྦྱོར་བའི་དུས་ཀྱི་མཚམས་སུ་ནི། །འཕགས་པའི་བདེན་བཞི་བསྒོམ་པར་བྱ། །སྡུག་བསྔལ་སྤྲུལ་པའི་འཁོར་ལོ་སྟེ། །ཀུན་འབྱུང་ཆོས་
ཀྱི་འཁོར་ལོ་ཡིན། །འགོག་པ་ལོངས་སྤྱོད་འཁོར་ལོ་སྟེ། །ལམ་ནི་བདེ་བ་ཆེན་པོ་ཡིན། །དེ་ལྟར་མཚམས་སུ་བྱིན་བརླབས་ནས། །རྣལ་འབྱོར་ངེས་པ་བྱས་པ་སྟེ། །དཀར་དང་སྔོ་དང་ལྗང་བ་དང་། །སྤྱན་གསུམ་ཐུགས་རྗེ་སྟོང་པའི་ཉམས། །

85-1-191a

རྣམ་ཐར་གསུམ་དང་སྐུ་གསུམ་གྱིས། །ཡོངས་སུ་དག་པར་རིམ་པར་སྦྱོར། །རྡོ་རྗེ་དྲིལ་བུ་མཉམ་པར་ལྡན། །ཐོད་པ་དང་ནི་ཁ་ཊྭཱྃ་འཛིན། །མགོ་བོ་གྲི་གུག་ཕྱག་ན་བསྣམས། །སེམས་དཔའི་སྐྱིལ་མོ་ཀྲུང་དུ་བཞུགས། །ཟླ་བ་ཡི་དགས་པད་དབུས་
སུ། །སྐྲ་གྲོལ་ཕྱོགས་ཀྱི་གོས་ཅན་ཡིན། །དགྱེས་པའི་ཉམས་ཀྱིས་མྱོས་པ་སྟེ། །དུས་རྟག་ཏུ་ནི་མཚམས་བསྒོམས་ན། །སྡོམ་པ་མཆོག་ནི་གྲུབ་པ་ཡིན། །དྲི་ཆེན་རྡོ་རྗེ་ཆུ་དང་ནི། །རིན་ཆེན་སྣང་བ་མཐའ་ཡས་དང་། །དོན་ཡོད་གྲུབ་པའང་དེ་བཞིན་
ཏེ། །དེ་དག་རྟག་ཏུ་བསྲེས་ནས་སུ། །རྣལ་འབྱོར་རྟག་ཏུ་མཚམས་ལ་འདུད། །གསང་སྔགས་འདི་དག་རྟག་ཏུ་ཡང་། །ཧེ་རུ་ཀ་ནི་དབྱངས་སྐྱོང་མཆོག །ཨོཾ་ཤྲཱི་ཧེ་རུ་ཀ་ཡ་བིད་མ་ཧེ་བིདྱཱ་རཱ་ཛ་ཡ་བིད་མ་ཧེ་ཏ་ནྣོ་བཱི་རཱ་པྲ་ཛོ་ད་ཡ་ཨཱཿཧཱུྃ། རྟག་ཏུ་མཚམས་
ནི་རྣམ་བསྒོམས་ན། །དབྱངས་སྐྱོང་མཆོག་གི་བཟླས་པ་བྱ། །དབྱངས་སྐྱོང་མིང་ནི་རིག་བྱེད་དེ། །ལས་རྣམས་ཐམས་ཅད་བྱེད་པ་དགེ། །དུས་མིན་འཆི་བར་མི་འགྱུར་ཞིང་། །ཞི་དང་རྒྱས་དང་དབང་ཡང་འགྲུབ། །འདས་དང་མ་འོངས་ད་ལྟར་གྱི། །
དོན་ནི་སྔགས་པ་རྟག་ཏུ་སྨྲ། །དངོས་གྲུབ་འདི་ནི་རབ་ཏུ་འགྲུབ། །དེ་མ་ཐག་ཏུ་གྲུབ་ཆེན་བཅས། །འཇིག་རྟེན་གསུམ་པོ་འགྲུབ་པ་ཡིན། །སྒྲུབ་པོའི་དབང་པོས་རྣམ་བསྒོམས་ཏེ། །ཁྲག་འཐུང་ཆོ་ག་བཞིན་ཤེས་ནས། །ཞག་གསུམ་
བརྟུལ་ཞུགས་ལ་གནས་ན། །ལྷ་ཡི་གནས་སུ་འགྲོ་བ་ཡིན། །ལྷ་ཡྷི་ཡི་ཤེས་ཐོབ་ནས་ནི། །ལྷ་ཡི་ལུས་ཀྱི་མཆོག་ཀྱང་འཛིན། །ངག་རྣམས་ཀུན་ལ་དབང་ཐོབ་ཅིང་། །ཐམས་ཅད་མཁྱེན་པར་གྱུར་ནས་སུ། །རྒ་དང་འཆི་བ་རྣམ་
པར་སྤངས། །སངས་རྒྱས་ལྷ་ཡིས་བསྟེན་པ་སྟེ། །སྲིད་པར་སངས་རྒྱས་རོལ་པར་མཛད། །ཉིན་ཞག་གསུམ་གྱི་བར་དུ་ཡང་། །ཕྱག་རྒྱ་ལྷན་ཅིག་འབྱུང་བ་སྤྱད། །མཐོང་ནས་སྲིང་མོ་ཡང་དག་བསྒྲུབ། །ཞག་གསུམ་བར་དུ་མཆོད་
བྱས་ནས། །རྡོ་རྗེ་ཧེ་རུ་ཀ་དཔལ་ལྷ། །ཐམས་ཅད་ཀྱང་ནི་འབྱོན་པར་འགྱུར། །པུས་མོ་ས་ལ་བརྩུག་ནས་ནི། །དེ་ཡིས་ཕྱག་ནི་བྱས་ནས་ཀྱང་། །སྒྲུབ་པོས་རྟག་ཏུ་མཆོད་པར་བྱ། །སྒྲུབ་པོ་འདོད་ལ་དགའ་བས་ནི། །མོད་ལ་དཔའ་

85-1-191b

བོས་ཐམས་ཅད་མཁྱེན། །གཙོ་བོ་ཐམས་ཅད་འཛིན་པ་སྟེ། །ཁམས་གསུམ་ཀུན་ཏུ་རྣམ་སྤྱོད་ཅིང་། །སྒྲུབ་པ་པོ་ནི་མཆོག་ཏུ་འགྱུར། །འདི་ནི་དཔལ་ཆེན་དཔའ་བོ་སྟེ། །གཉིས་པ་ཐམས་ཅད་རྣམ་པར་སྤངས། །དེ་ནི་རྣམ་པར་ཤེས་ཙམ་གྱིས། །ས་གཞི་སྐ་
རགས་ཀྱིས་བསྐོར་བ། །ལྷ་དང་ལྷ་མིན་མི་རྣམས་ཀྱང་། །བསྒྲུབ་པ་པོ་ནི་དེ་ཉིད་ཀྱི། །མོད་ལ་དབང་དུ་གྱུར་བ་ཡིན། །མངོན་པར་བརྗོད་པའི་རྒྱུད་བླ་མའི་བླ་མ་ལས་དབྱངས་སྐྱོང་གི་མཚམས་ཀྱི་ལེའུ་སྟེ་ལྔ་བཅུ་པའོ།། །། དེ་ནས་གཞན་ཡང་བཤད་
བྱ་བ། །ཡི་གེ་བདུན་པ་སྒོམ་པ་སྟེ། །ཡི་གེ་ཧཱུྃ་ལས་ཡང་དག་འབྱུང་། །རྡོ་རྗེ་མཁའ་འགྲོ་བདེ་བ་ཆེ། །ཕྱག་དྲུག་ཞལ་གསུམ་སྤྱན་གསུམ་པ། །མཚན་རྣམས་ཐམས་ཅད་ཀྱིས་མཚན་ཅིང་། །དཔེ་བྱེད་བཟང་པོ་བརྒྱད་བཅུར་ལྡན། །ཨཱ་
ལི་ཀཱ་ལི་ལས་བྱུང་གཙོ། །ཕག་མོ་དང་ནི་མཉམ་པར་ལྡན། །སྟོང་ཞིང་ཐུགས་རྗེས་ཁྱབ་པ་སྟེ། །རྡོ་རྗེ་དྲིལ་བུས་མཉམ་པར་ལྡན། །ནཱ་རའི་པགས་པ་གོས་སུ་མནབས། །ཐོད་པ་ཁ་ཊྭཱྃ་ག་འཛིན་ཅིང་། །གཡས་པའི་ཕྱག་ན་མདུང་
རྩེ་གསུམ། །འདོད་པའི་འབྲས་བུ་ཐམས་ཅད་སྩོལ། །ཐོད་པའི་ཕྲེང་བའི་དབུ་རྒྱན་ཅན། །སྣ་ཚོགས་རྡོ་རྗེ་རལ་པ་འཆང་། །ཟླ་བ་ཕྱེད་པའི་སྤྱི་གཙུག་འཆང་། །ཕྱག་རྒྱ་དྲུག་གིས་སྐུ་ལུས་བརྒྱན། །འཇིགས་བྱེད་ཆུང་མར་
བཅས་པ་དག །གཡས་བརྐྱང་བ་ཡི་ཞབས་ཀྱིས་མནན། །སྣ་ཚོགས་པད་མ་ཉི་སྟེང་བཞུགས། །འཁོར་ལོ་དྲུག་གི་དབུས་སུ་བཞུགས། །རྣལ་འབྱོར་མ་དྲུག་མཉམ་པར་སྦྱར། །མྱུར་དུ་དངོས་གྲུབ་སྩོལ་བ་ཡིན། །དང་པོ་
ཁྲག་འཐུང་ལྷ་མོ་སྟེ། །གཉིས་པ་རྡོ་རྗེ་འཇིགས་བྱེད་མ། །གསུམ་པ་དྲག་གཏུམ་མ་ཡིན་ཏེ། །བཞི་པ་རྡོ་རྗེ་ཉི་མ་མོ། །ལྔ་པ་རྡོ་རྗེ་དྲག་མོ་སྟེ། །དྲུག་པ་རྡོ་རྗེ་མཁའ་འགྲོ་མ། །གཡོན་གྱི་ཕྱོགས་ནས་དགོད་པར་བྱ། །
ལྷ་མོ་དེ་དག་ཆེར་གཏུམ་ཞིང་། །སྤྱན་གསུམ་དབུ་སྐྲ་གྲོལ་བ་སྟེ། །ཕྱོགས་ཀྱི་གོས་མཆོག་འཛིན་པ་ཡིན། །ཐམས་ཅད་ཡི་དགས་ཉི་སྟེངས་བཞུགས། །སྔོ་ཞིང་སེར་ལ་ལྗང་བ་དང་། །དམར་དང་དུད་ཁ་དེ་བཞིན་དཀར། །

85-1-192a

ཅང་ཏེའུ་དང་ནི་དྲིལ་བུ་འཛིན། །ཐམས་ཅད་ན་རའི་པགས་པ་འཛིན། །ཐོད་པའི་ཕྲེང་བའི་དབུ་རྒྱན་ཅན། །གཡས་བརྐྱང་གཡོན་བསྐུམ་ཚུལ་གྱིས་བཞུགས། །ཡི་གེ་དྲུག་ལས་ཡང་དག་བྱུང་། །ལྷ་མོ་གཟིགས་པ་མཚན་
མ་ཡིན། །ཇི་ལྟར་མགོན་བོའི་མདོག་བཞིན་དུ། །ཕག་མོ་ཡང་ནི་དེ་བཞིན་ཏེ། །ཕྱག་རྒྱ་ཕྱག་མཚན་དེ་བཞིན་ནོ། །སྔོ་དང་སེར་དང་ལྗང་བ་དང་། །སྟག་གི་པགས་པ་གོས་སུ་མན་བས། །ལྷ་མོའི་བྱིན་པར་མཉམ་པར་འཁྲིལ། །
མཆོག་ཏུ་དགའ་བར་རྣམ་པར་མོས། །ཨོཾ་ཧྲཱིཿཧ་ཧ་ཧུྃ་ཧཱུྃ་ཕཊ། ཡི་གེ་དེ་ལས་མཁའ་འགྲོ་མ། །ཡན་ལག་དྲུག་པ་རྣམ་པར་བསྒོམ། །བདུན་པ་དབུས་སུ་དགོད་པ་ནི། །ཡི་གེ་ཧཱུྃ་ལས་ཧེ་རུ་ཀ །དབུས་སུ་དྲན་པ་ཡང་དག་
བྱང་ཆུབ་ཀྱི་ཡན་ལག་སྟེ་བཅོམ་ལྡན་འདས་དཔལ་ཧེ་རུ་ཀའོ། །ཆོས་རྣམ་པར་འབྱེད་པ་ཡང་དག་བྱང་ཆུབ་ཀྱི་ཡན་ལག་ནི་རྡོ་རྗེ་ཧེ་རུ་ཀ་མའོ། །བརྩོན་འགྲུས་ཡང་དག་བྱང་ཆུབ་ཀྱི་ཡན་ལག་ནི་རྡོ་རྗེ་འཇིགས་བྱེད་མའོ། །དགའ་
བ་ཡང་དག་བྱང་ཆུབ་ཀྱི་ཡན་ལག་ནི་དྲག་གཏུམ་མའོ། །ཤིན་ཏུ་སྦྱངས་པ་ཡང་དག་བྱང་ཆུབ་ཀྱི་ཡན་ལག་ནི་རྡོ་རྗེ་ཉི་མ་མའོ། །ཏིང་ངེ་འཛིན་ཡང་དག་བྱང་ཆུབ་ཀྱི་ཡན་ལག་ནི་རྡོ་རྗེ་དྲག་མོའོ། །བཏང་སྙོམས་ཡང་དག་
བྱང་ཆུབ་ཀྱི་ཡན་ལག་ནི་རྡོ་རྗེ་མཁའ་འགྲོ་མ་སྟེ། བྱང་ཆུབ་ཡན་ལག་འདི་བདུན་བསྒོམ། །ཇི་ལྟའི་རིམ་པས་སྦྱོར་ཞིང་སྒོམ། །གསང་སྔགས་གཞལ་མེད་པ་བཟླས་ཤིང་། །ཁྲོ་བོ་ཀུན་གྱི་གནས་མཆོག་སྟེ། །བསོད་
ནམས་ཆུང་བའི་སྒྲུབ་པོས་ཀྱང་། །ཟླ་ཕྱེད་ནང་དུ་དངོས་གྲུབ་སྟེ། །རྟག་ཏུ་ཞག་རེ་བསྒོམས་པ་ནི། །ཞག་བདུན་གྱིས་ནི་ཐེ་ཚོམ་མེད། །དཔྱིད་ཟླ་ཐ་ཆུངས་ཉ་ལ་ནི། །མ་སྲིང་བུ་མོ་ཚ་མོ་དང་། །ཤེས་རབ་ཐབས་ཀྱི་ཆོ་ག་ཡིས། །ཉིན་
མཚན་བཟླས་ཤིང་བསྒོམས་བྱས་པས། །ཐོ་རངས་དཔལ་ཁྲག་འཐུང་མཉམ་འགྱུར། །མངོན་པར་བརྗོད་པའི་རྒྱུད་བླ་མའི་བླ་མ་ལས་ཉེ་བའི་སྙིང་པོ་བསྒོམ་པས་བསྐྱེད་པའི་ལེའུ་སྟེ་ལྔ་བཅུ་རྩ་གཅིག་པའོ།། །།

85-1-192b

གཞན་ཡང་སྙིང་པོ་བཤད་བྱ་བ། །སེམས་ཅན་ཀུན་ལ་ཕན་འདོགས་པ། །ཧཱུྃ་གི་ཡེ་ཤེས་ལས་བྱུང་བ། །བདེ་བ་ཆེན་པོ་བདེ་ལས་བྱུང་། །སྔོ་ཞིང་དཀར་ལ་དྲག་པོ་སྟེ། །ཞལ་བརྒྱད་པ་ལ་ཤིན་ཏུ་འཇིགས། །སྤྱན་གསུམ་པ་ལ་ཕྱག་བཅུ་དྲུག །
མགོ་ཡི་ཕྲེང་བས་རྣམ་པར་བརྒྱན། །ཐོད་པའི་ཕྲེང་བའི་དབུ་རྒྱན་ཅན། །ཟླ་བ་ཕྱེད་པའི་རལ་པ་འཆང་། །སྣ་ཚོགས་རྡོ་རྗེ་དབུ་ལ་མནན། །ཕྱག་རྒྱ་དྲུག་གིས་སྐུ་ལ་རྒྱན། །འཇིགས་བྱེད་ཆེན་པོ་འཇིགས་པ་ནི། །གཡས་བརྐྱང་བ་ཡི་ཞབས་
ཀྱིས་གནོན། །དུས་མཚན་ཤིན་ཏུ་འཇིགས་པ་ཡང་། །གཡོན་བརྐྱང་བ་ཡི་ཞབས་ཀྱིས་གནོན། །རྡོ་རྗེ་དྲིལ་བུ་མཉམ་ལྡན་པས། །ཕག་མོ་ཡི་ནི་ཀུ་ཙ་འཚིར། །ཚངས་ལྤགས་བཤུས་ནས་རྒྱན་དུ་འཛིན། །མདུང་རྩེ་གསུམ་དང་དགྲ་སྟ་དང་། །
ཁ་ཊྭཱྃ་ཅང་ཏེའུ་གྲི་གུག་མཆོག །བརྒྱད་པ་ལ་ནི་ལྕགས་ཀྱུ་ཐོགས། །གཡས་པའི་ཕྱག་རྣམས་དེ་བཞིན་ནོ། །ཐོད་པ་དང་ནི་ཁ་ཊྭཱྃ་ག །མགོ་བོ་ཞགས་པ་འཛིན་པའི་མཆོག །ཐོ་བས་སྡིགས་མཛུབ་དམ་པ་སྟེ། །ཤྲཱི་ཡི་ཡེ་ཤེས་
ཡང་དག་རྫོགས། །པང་དུ་ཕག་མོའི་གཟུགས་ཡིན་ཏེ། །དྲག་ཅིང་དམར་ལ་དཀར་བ་ཡིན། །བྱིན་པ་གཉིས་ཀྱིས་ལེགས་པར་འཁྲིལ། །སྐྲ་གྲོལ་བ་ལ་སྤྱན་གསུམ་པ། །ཐོད་པའི་ཕྲེང་བས་རྣམ་པར་བརྒྱན། །དེ་ཡི་ཞལ་དང་ཕྱག་དུ་
གནས། །དུམ་བུའི་རྒྱན་གྱི་སྐ་རགས་ཅན། །མཆེ་བ་རྣམ་པར་གཙིགས་པའི་ཞལ། །ཕྱོགས་ཀྱི་གོས་ཅན་ཆགས་པས་གཟིགས། །རྐེད་པའི་དཀྱིལ་འཁོར་རྒྱ་ཡང་ཆེ། །སྔོ་ཞིང་དཀར་ལ་དེ་བཞིན་དམར། །སེར་ཞིང་ལྗང་ལ་
དུ་ཁ་སྟེ། །དུ་བ་ཐལ་བ་སྤྲིན་གྱི་མདོག །འདི་འདྲའི་ཞལ་དང་གཟུགས་སུ་གནས། །ལྷ་མོ་མདའ་དང་གཞུ་འཛིན་ཅིང་། །ཚངས་པའི་པགས་པ་རྣམ་པར་སྤངས། །སྣ་ཚོགས་པད་མའི་སྟེང་དུ་ནི། །ཟླ་བ་ཉི་མའི་དབུས་སུ་བཞུགས། །
ཁོར་ལོ་བརྒྱད་པའི་དབུས་བཞུགས་པར། །ཕྱི་ཡི་དཀྱིལ་འཁོར་རྣམ་པར་སྒོམ། །པད་མའི་ལྟེ་བའི་དབུས་སུ་ནི། །བཅོམ་ལྡན་འདས་ནི་ངེས་པར་དགོད། །ཨོཾ་ནི་ཤར་གྱི་འདབ་མ་ལ། །གསལ་བྱེད་མཁའ་འགྲོ་

85-1-193a

མ་ཡང་དགོད། །བ་ནི་བྱང་གི་འདབ་ལ་སྟེ། །རྟ་གདོང་མཁའ་འགྲོ་མ་ཡང་དགོད། །ཛྲ་ནི་རྡོ་རྗེ་དྲག་མོ་སྟེ། །མཁའ་འགྲོ་ནུབ་ཏུ་དགོད་པར་བྱ། །ཧེ་རུ་ལྷོ་ཕྱོགས་འདབ་ལ་དགོད། །གསེར་གྱི་མདོག་ཅན་མཁའ་འགྲོ་མ། །
སེར་དང་སྔོ་བསངས་དཀར་དང་དམར། །ཞལ་གསུམ་རྣམ་བསྒྱུར་དྲག་པོ་སྟེ། །ཕྱོགས་ཀྱི་གོས་ཅན་སྐྲ་གྲོལ་བ། །རོ་ཡི་སྟེང་དུ་བཞུགས་པ་སྟེ། །གཡས་བརྐྱང་བ་ཡིས་བདུད་བཞི་འཇོམས། །ཐོད་པའི་ཕྲེང་བ་དྲག་པོ་སྟེ། །པད་
མ་སྦོམ་པོའི་འདབ་མ་ལ། །ཆགས་པའི་སྤྱན་གྱིས་གཟིགས་ཤིང་བཞེད། །ཐུགས་རྗེའི་ཉམས་ཀྱིས་བདེ་བ་ཡིན། །མདའ་དང་གཞུ་ཡང་འཆང་བ་སྟེ། །ཞགས་པ་ལྕགས་ཀྱུ་འཛིན་པའི་མཆོག །ཐོད་པ་དང་ནི་ཁ་ཊྭཱྃ་བསྣམས། །
ཅང་ཏེའུ་ནི་སྒྲ་ཡང་སྒྲོགས། །སེར་དང་ལྗང་གུ་སྔོ་བ་དང་། །སྔོ་བསངས་དམར་དང་དཀར་བ་དང་། །དཀར་དང་ལྗང་གུ་སྔོ་བ་དང་། །དམར་དང་སྔོ་དང་ལྗང་བ་སྟེ། །འདི་ལྟར་མདོག་ནི་ཁྱད་པར་གྱིས། །དམ་ཚིག་མཆོག་ནི་བསྒོམ་པར་
བྱ། །མཚམས་བཞི་རུ་ནི་བུམ་པ་དག །བྱང་ཆུབ་སེམས་ཀྱིས་གང་བར་བཞག །ཤར་གྱི་ཕྱོགས་སུ་ཧེ་ཡིན་ཏེ། །མིང་ནི་ཧེ་ལི་ཀ་ཞེས་བྱ། །བྱང་གི་ཕྱོགས་སུ་རུ་ཡིན་ཏེ། །མཁའ་འགྲོ་མ་ནི་རུ་ཙ་ཀི། །ནུབ་ཀྱི་
ཕྱོགས་སུ་རུ་ཡིན་ཏེ། །རུ་ཙ་ཀ་མ་ལི་ཞེས་བྱ། །ལྷོ་ཡི་ཕྱོགས་སུ་ཀ་ཡིན་ཏེ། །ཀེང་རུས་མ་ཞེས་གྲགས་པ་ཡིན། །མེ་ཡི་ཕྱོགས་སུ་ཧཱུྃ་མཛད་མ། །བདེན་བྲལ་ཕྱོགས་སུ་ཕཊ་མཛད་མ། །རླུང་གི་ཕྱོགས་
སུ་ཌ་མ་རི། །དབང་ལྡན་ཀི་ལི་ཀི་ལ་སྟེ། །དེ་བརྒྱད་ལྷ་མོ་ཆེན་མོ་སྟེ། །དངོས་གྲུབ་ཐམས་ཅད་རབ་ཏུ་སྩོལ། །ཇི་ལྟར་ཞལ་དང་གཟུགས་བཞིན་དུ། །དེ་བཞིན་འདིར་ཡང་འགྱུར་བ་ཡིན། །ཐོད་པ་
དང་ནི་ཁ་ཊྭཱྃ་འཛིན། །དྲིལ་བུ་ཅང་ཏེའུ་གྲི་གུག་དང་། །སྤྱན་གསུམ་པ་ལ་སྐྲ་གྲོལ་བ། །ཕྱོགས་ཀྱི་གོས་ཅན་གཡས་བརྐྱང་བཞུགས། །ཐོད་པའི་ཕྲེང་བའི་རྒྱན་ཅན་ཏེ། །ཕྱག་རྒྱ་ལྔ་ཡིས་རྣམ་པར་བརྒྱན། །

85-1-193b

རྒྱན་རྣམས་ཐམས་ཅད་ཡང་དག་ལྡན། །དྲག་ཅིང་གཏུམ་ལ་རབ་འཇིགས་པར། །ཐམས་ཅད་རོ་ཡི་སྟེང་བཞུགས་སྒོམ། །སྤྱན་གསུམ་པ་ལ་ཆགས་པར་མྱོས། །དབང་ལྡན་ཟུར་ལ་ཨུཏྤལ་སྔོན་པོ་ཞེས་བྱ་བ། །རླུང་གི་ཕྱོགས་ལ་
དྲ་བའི་མཆོག་ཅེས་བྱ་བ་སྟེ། །བདེན་བྲལ་ཕྱོགས་ལ་གསུས་པ་འཕྱང་མ་ཞེས་བྱ་བ། །མེ་ཡི་ཕྱོགས་ལ་ཤ་བ་རི་ཞེས་བྱ་བ་སྟེ། །སེར་དང་སྔོ་བསངས་སྔོ་བ་དང་། །དམར་སེར་དང་ནི་བཞི་པ་སྟེ། །ཐོད་པ་དང་ནི་ཁ་ཊྭཱྃ་
འཛིན། །གྲི་གུག་ཅང་ཏེའུ་མཆོག་ཡིན་ཏེ། །བཞི་བ་རྡོ་རྗེ་མདུང་ཡིན་ནོ། །ཕྱོགས་ཀྱི་གོས་ཅན་ཆགས་པས་རོལ། །བཟང་མོ་ལྟོ་བ་འཕྱང་མ་སྟེ། །སྐྱེ་གནས་རིང་ལ་རྒྱ་ཡང་ཆེ། །སྤྱན་གསུམ་རྣམ་པར་འགྱུར་ཞིང་
དྲག །སྐྲ་གྲོལ་བ་ལ་རབ་ཏུ་འཇིགས། །ཐོད་པའི་ཕྲེང་བའི་དབུ་རྒྱན་ཅན། །རྒྱན་རྣམས་ཐམས་ཅད་ཀྱིས་སྤུད་པའོ། །ཤར་སྒོར་བྃ་ལས་གཏུམ་མ་ཞེས་བྱ་བའི་མཁའ་འགྲོ་མ་དང་། ལྷོའི་སྒོར་རྃ་ལས་རོལ་བཏུམ་
མོ་ཞེས་བྱ་བའི་མཁའ་འགྲོ་མ་དང་། ནུབ་ཀྱི་སྒོར་ས་ལས་འབར་བའི་མཆོག་ཅེས་བྱ་བའི་མཁའ་འགྲོ་མ་དགོད་དོ། །བྱང་གི་སྒོར་ཧ་ལས་ཕྲེང་བ་རྣམ་པར་རྒྱལ་བའི་མཆོག་ཅེས་བྱ་བའི་མཁའ་འགྲོ་མ་སྟེ། སྔོ་དང་
དཀར་སེར་ཉིད་ཡིན་ཏེ། །ལྕགས་ཀྱུ་དང་ནི་ཅང་ཏེའུ་འཛིན། །ཐོད་པ་ཁ་ཊྭཱྃ་ག་བསྣམས་ཏེ། །གྲི་གུག་མགོ་བོ་བསྡིགས་མཛུབ་དང་། །དཀར་དང་སྔོ་དང་ལྗང་བ་དང་། །ཞགས་པ་དང་ནི་ཅང་ཏེའུ་འཛིན། །ཐོད་པ་ཁ་ཊྭཱྃ་ག་འཛིན་
ཅིང་། །བསྡིགས་མཛུབ་གྲི་གུག་མགོ་བོ་འཛིན། །དམར་དང་སྔོ་དང་ལྗང་གུ་སྟེ། །ལྕགས་སྒྲོག་ཅང་ཏེའུ་གྲི་གུག་དང་། །ཐོད་པ་ཁ་ཊྭཱྃ་ག་འཛིན་ཅིང་། །མགོ་བོ་དང་ནི་བསྡིགས་མཛུབ་མཆོག །ལྗང་དང་དཀར་པོ་
འདྲེས་པ་དང་། །སེར་དང་དམར་བའི་ཞལ་མཆོག་ཡིན། །དྲིལ་བུ་ཅང་ཏེའུ་གྲི་གུག་དང་། །ཁ་ཊྭཱྃ་ག་དང་ཐོད་པ་དང་། །མགོ་བོ་དང་ནི་བསྡིགས་མཛུབ་ཕྱག །སྐྲ་གྲོལ་བ་ལ་གདུག་པ་ཆེ། །སྤྱན་གསུམ་རྣམ་པར་

85-1-194a

འགྱུར་བའི་ཞལ། །ཞལ་གདངས་ལྗགས་ནི་བསྐྱོད་པ་སྟེ། །གཡས་བརྐྱང་གཡོན་བརྐྱང་ཚུལ་གྱིས་བཞུགས། །ཐོད་པའི་ཕྲེང་བའི་དབུ་རྒྱན་ཅན། །ཕྱོགས་ཀྱི་གོས་མཆོག་འཛིན་པ་སྟེ། །རོ་དང་པད་མའི་ཉི་དབུས་བཞུགས། །
མགོ་བོའི་ཕྲེང་བས་རྣམ་པར་བརྒྱན། །ཐམས་ཅད་ཕྱག་རྒྱ་ལྔ་འཆང་ཞིང་། །མགོ་བོའི་དོ་ཤལ་རྣམས་ཀྱིས་བརྒྱན། །མི་བསྐྱོད་པ་ཡི་ཅོད་པན་འཆིང་། །རྣམ་སྒྱུར་སྤྱན་ནི་གཡོ་བ་སྟེ། །ཡི་གེ་ཉི་ཤུ་གཉིས་ལས་བྱུང་། །སྙིང་གར་མཆོག་ནི་
བསྒོམ་པར་བྱ། །འདི་ནི་གསང་སྔགས་ཐམས་ཅད་ཀྱི། །ཡི་གེ་ཉི་ཤུ་རྩ་གཉིས་མཆོག །ཨོཾ་ཤྲཱི་བཛྲ་ཧེ་ཧེ་རུ་རུ་ཀྃ་ཧཱུྃ་ཌཱ་ཀི་ནཱི་ཛཱ་ལ་སྃ་བ་ར་ཧཱུྃ་ཕཊ་སྭཱ་ཧཱ། ཡི་གི་རེ་རེ་དགོད་པ་སྟེ། །མཁའ་འགྲོ་མ་ཡི་སྙིང་དེ་བཞིན། །ཧཱུྃ་ཤྲཱི་ལྷ་དང་
ལྷ་མོ་སྟེ། །སྐུ་གསུང་ཐུགས་ཀྱི་སྦྱོར་བའོ། །དབུས་སུ་རྣམ་དག་བཅོམ་ལྡན་འདས། །བསྒོམ་ཞིང་རྣམ་པར་བསྒོམ་པར་བྱ། །རྣམ་པར་ཐར་བརྒྱད་སྒོ་སྣ་ཚོགས། །གཟུགས་སུ་ལྟ་བ་སྟོང་པ་སྟེ། །ནང་གཟུགས་མེད་པར་ཕྱི་
རོལ་གཟུགས་སུ་བལྟ་བའང་སྟོང་པ་ཡིན། །སྡུག་དང་མི་སྡུག་མཐོང་བར་བྱེད་པ་བལྟ་བའང་སྟོང་པ་ཡིན། །ནམ་མཁའ་མཐའ་ཡས་སྐྱེ་མཆེད་དག་ཏུ་བལྟ་བའང་སྟོང་པ་སྟེ། །རྣམ་ཤེས་མཐའ་ཡས་སྐྱེ་མཆེད་དག་ཏུ་བལྟ་བའང་
སྟོང་པ་ཡིན། །ཅི་ཡང་མེད་པའི་སྐྱེ་མཆེད་དག་ཏུ་བལྟ་བའང་སྟོང་པ་ཡིན། །འདུ་ཤེས་མེད་ཅིང་འདུ་ཤེས་མེད་མིན་སྐྱེ་མཆེད་རྣམས་ཀྱང་སྟོང་པའོ། །འདུ་ཤེས་དང་ནི་ཚོར་བའང་འགོག་པར་ལྟ་བ་སྟོང་པ་ཡིན། །ཕྱག་བཅུ་དྲུག་པའང་སྟོང་པ་
སྟེ། ནང་སྟོང་པ་ཉིད་དང་། ཕྱི་སྟོང་པ་ཉིད་དང་། ཕྱི་ནང་སྟོང་པ་ཉིད་དང་། སྟོང་པ་ཉིད་སྟོང་པ་ཉིད་དང་། ཆེན་པོ་སྟོང་པ་ཉིད་དང་། དོན་དམ་པ་སྟོང་པ་ཉིད་དང་། འདུས་བྱས་སྟོང་པ་ཉིད་དང་། འདུས་མ་བྱས་སྟོང་པ་ཉིད་དང་། མཐའ་ལས་འདས་པ་སྟོང་པ་
ཉིད་དང་། ཐོག་མ་དང་ཐ་མ་མེད་པ་སྟོང་པ་ཉིད་དང་། དོར་བ་མེད་པ་སྟོང་པ་ཉིད་དང་། རང་བཞིན་སྟོང་པ་ཉིད་དང་། ཆོས་ཐམས་ཅད་སྟོང་པ་ཉིད་དང་། རང་གི་མཚན་ཉིད་སྟོང་པ་ཉིད་དང་། མི་དམིགས་པ་སྟོང་པ་ཉིད་དང་། དངོས་པོ་མེད་པ་སྟོང་པ་ཉིད་དང་།  དེ་ངོ་བོ་ཉིད་སྟོང་པ་ཉིད་དང་ཅི་ལྟར་བཅོམ་ལྡན་

85-1-194b

འདས་བཞིན་དུ། །ཕག་མོ་ཡང་ནི་དེ་བཞིན་ཏེ། །གཉིས་མེད་གཟུགས་ཅན་བཅོམ་ལྡན་འདས། །ཧེ་རུ་ཀ་དཔལ་རྣམ་པར་ཤེས། །ཕག་མོ་ནམ་མཁའ་ལྟ་བུའོ། །ལྷ་མོ་བཞི་ཡི་རྣམ་དག་པ། །གསལ་བྱེད་མཁའ་འགྲོ་མ་ཉིད་ནི། །དོན་རྣམས་སོ་
སོ་ཡང་དག་རིག །རྟ་གདོང་མ་ནི་གང་ཡིན་པ། །ཆོས་རྣམས་སོ་སོ་ཡང་དག་རིག །རྡོ་རྗེ་དྲག་མོ་མཁའ་འགྲོ་མ། །ངེས་ཚིག་སོ་སོ་ཡང་དག་རིག །གསེར་མདོག་ཅན་གྱི་མཁའ་འགྲོ་མ། །སྤོབས་པ་སོ་སོ་ཡང་དག་རིག །ལྷ་མོ་
དེ་དག་འདབ་མའི་དབུས། །རྟོན་པ་རྣམ་པ་བཞི་པོ་ནི། །ཧེ་ལེ་ཀ་ནི་དོན་ལ་རྟོན་པ་སྟེ། །རུ་ཙ་ཀི་ནི་ཚིག་འབྲུ་རྟོན་པ་ཡིན། །རུ་ཙ་ཀ་མཻ་ལེ་ནི་ཡེ་ཤེས་སྟོན། །ཀེང་རུས་མ་ནི་རྣམ་ཤེས་རྟོན་པ་ཡིན། །
ཤར་དང་བྱང་དང་ནུབ་དང་ནི། །ལྷོ་ཕྱོགས་ཀྱི་ནི་འཁོར་ལོ་ལ། །ཆོས་ཀྱི་མདོ་ནི་བཞི་པོ་དགོད། །ཧཱུྃ་ནི་འདུ་བྱེད་ཐམས་ཅད་མི་རྟག་པའོ། །ཕཊ་ནི་འདུ་བྱེད་ཐམས་ཅད་སྡུག་བསྔལ་བའོ། །ཌ་མ་རི་ནི་ཆོས་ཐམས་ཅད་བདག་མེད་པའོ། །
ཀི་ལི་ཀཱི་ལ་ནི་ཆོས་ཐམས་ཅད་ཞི་བའོ། །མེ་དང་བདེན་བྲལ་རླུང་དང་ནི། །དབང་ལྡན་འཁོར་ལོ་དེ་དག་ཀུན། །ལྷ་མོ་ཡིས་ནི་རྣམ་པར་དག །མི་འཇིགས་པ་བཞི་དངོས་པོའི་ཆོས་ཐམས་ཅད་རྟོགས་པ་ལ་འཇིགས་པ་མེད་པ་ནི་ཨུཏྤ་ལ་
སྔོན་པོ་མའོ། །ཆོས་ཐམས་ཅད་སྟོན་པ་ལ་འཇིགས་པ་མེད་པ་ནི་དྲན་པའི་མཆོག་གོ། །ངེས་པར་འབྱུང་བའི་ལམ་ལ་འཇུག་པ་ལ་འཇིགས་པ་མེད་པ་ནི་གསུས་པ་འཕྱང་མའོ། །ཟག་པ་ཟད་པ་ཤེས་པ་ལ་འཇིགས་པ་མེད་པ་ནི་ས་བ་རི་
མའོ། །མཚམས་སུ་དཀྱིལ་འཁོར་ལྷ་མོ་ནི། །འདི་ཡིས་ཟུར་བཞི་རྣམ་པར་དག །སྒོ་བཞི་དག་ཏུ་ལྷ་མོ་ནི། །གཏུམ་བྱེད་མ་སྟེ་དད་པའི་དབང་པོའོ། །རོལ་གཏུམ་མ་ནི་བརྩོན་འགྲུས་ཀྱི་དབང་པོའོ། །འབར་མཆོག་མ་ནི་དྲན་པའི་
དབང་པོའོ། །རྣམ་པར་རྒྱལ་བའི་མཆོག་ནི་ཏིང་ངེ་འཛིན་གྱི་དབང་པོའོ། །དཔེ་བྱད་བཟང་པོ་བརྒྱད་བཅུ་ནི། །བཅོམ་ལྡན་འདས་དཔལ་ཁྲག་འཐུང་རྡོ་རྗེའོ། །སུམ་བཅུ་རྩ་གཉིས་མཚན་རྣམས་ནི། །འཕགས་པ་ཤེས་རབ་བཅོམ་ལྡན་འདས། །

85-1-195a

རྡོ་རྗེ་ཕག་མོ་ཉིད་ཡིན་ནོ། །མངོན་པར་བརྗོད་པའི་རྒྱུད་བླ་མའི་བླ་མ་ལས་ཡི་གེ་ཉི་ཤུ་རྩ་གཉིས་ཀྱི་སྙིང་པོ་བསྒོམས་པས་བསྐྱེད་པའི་ལེའུ་སྟེ་ལྔ་བཅུ་རྩ་གཉིས་པའོ།། །། དེ་ནས་གཞན་ཡང་བཤད་བྱ་བ། །དཀྱིལ་འཁོར་དག་ནི་རྣམ་དག་པ། །
འབྱུང་བ་ཀུན་གྱི་སྤྱན་ཡིན་ཏེ། །རྣམ་པར་སྣང་མཛད་ཐིག་ཏུ་གྲགས། །བྷ་གས་ཁྱབ་པའི་རིམ་པ་ནི། །མཁས་པས་དཀྱིལ་འཁོར་ཐིག་ཏུ་ཤེས། །དུས་ནི་སྣ་ཚོགས་རིགས་སུ་ཤེས། །མཆོད་པ་སྣ་ཚོགས་ཆོ་ག་བཞིན། །པུལླཱིར་
མ་པད་མ་མའོ། །ཛཱ་ལཾ་དྷ་ར་ཐུགས་འཁོར་ལོ། །ཨུ་ཌྱིན་གསུངས་གི་འཁོར་ལོ་སྟ། །ཨ་རྦུ་དེ་ནི་སྐུའི་འཁོར་ལོ། །གོ་དཱ་བ་རི་ཟུར་བཞི་པོ། །ར་མེ་ཤྭ་ར་མེ་ཕྱོགས་སོ། །དེ་བི་ཀོ་ཊི་བདེན་བྲལ་ཡིན། །མ་ལ་བྃ་ནི་རླུང་གི་ཟུར། །དབང་
ལྡན་ཀཱ་མ་རཱུ་བ་སྟེ། །གྲྭ་བཞི་རྣམ་པར་དག་པ་ནི། །འདི་ལ་ཐེ་ཚོམ་མེད་པ་ཡིན། །ཨོ་ཏྲེ་དག་ནི་ཤར་གྱི་སྒོའོ། །ཏྲི་ཤ་ཀུ་ནི་ལྷོ་ཕྱོགས་སྒོ། །ཀོ་ས་ལ་ནི་ནུབ་ཀྱི་སྒོའོ། །ཀ་ལིངྒ་ནི་བྱང་སྒོ་སྟེ། །ཤར་གྱི་རྟ་བབས་ལམྦཱ་ཀ །ཀཱྃ་ཙི་
ལྷོ་ཡི་རྟ་བབས་ཡིན། །ཧི་མ་ལ་ཡ་ནུབ་ཕྱོགས་སོ། །བྲེ་ཏ་པུ་རི་བྱང་ཡིན་ཏེ། །གྲི་ཧ་དེ་བ་ལྷ་སྣམ་བུ། །སཽ་རཥྚ་ནི་རིན་ཆེན་ས། །སུ་བར་དྭཱི་པ་དྲ་བ་ཕྱེད། །ནཱ་ག་རེ་ནི་རྔ་ཡབ་དང་། །དྲིལ་བུ་རྒྱལ་མཚན་བ་དན་ནོ། །སིནྡྷུ་རྡོ་རྗེ་ཐིག་
ཟླུམ་པོ། །མ་རུ་ཙི་ནི་སྒོ་ཁྱུད་དོ། །ཀུ་ལུ་ཏཱ་ནི་རྡོ་རྗེ་དང་། །རིན་པོ་ཆེ་དང་དཀྱིལ་འཁོར་གྱི། །ཐིག་ནི་བླ་ན་མེད་པ་ཡིན། །ཟུར་བཞི་པ་ལ་སྒོ་བཞི་པ། །རྟ་བབས་བཞིས་ནི་རྣམ་པར་བརྒྱན། །དྲ་བ་དྲ་ཕྲེད་ཀྱིས་བརྒྱན་ཞིང་། །དར་དང་ཕྲེང་
བས་རྣམ་པར་བརྒྱན། །ཟུར་གྱི་ཆ་ནི་ཐམས་ཅད་དང་། །སྒོ་དང་སྒོ་ཁྱུད་མཚམས་རྣམས་སུ། །རྡོ་རྗེ་རིན་ཆེན་གྱིས་བརྒྱན་ཞིང་། །སྐུ་ཡི་འཁོར་ལོའི་སྐུ་ཉིད་ནི། །དོན་ཡོད་གྲུབ་པ་རྣམ་པར་སྤྱོད། །གསུང་གི་འཁོར་ལོ་འོད་
དཔག་མེད། །ཐུགས་ཀྱི་འཁོར་ལོ་མི་བསྐྱོད་པ། །པད་མའི་དབུས་ནི་རིན་ཆེན་འཛིན། །ཕྱི་ཡི་དཀྱིལ་འཁོར་ཚུལ་ཅན་ནི། །རྣམ་པར་སྣང་མཛད་རྣམ་པར་བསྒོམ། །ཚོར་བ་སྐུ་ཡི་འཁོར་ལོ་སྟེ། །འདུ་ཤེས་གསུང་གི་འཁོར་

85-1-195b

ཡིན། །ཐུགས་ཀྱི་འཁོར་ལོ་འདུ་བྱེད་དེ། །རྣམ་ཤེས་པད་མ་གདོན་མི་ཟ། །རི་མོ་ལྔ་པ་མཆོག་གྱུར་པ། །དེ་ཡིས་རྣམ་དག་རང་བཞིན་ཅན། །ས་དང་རི་མོ་ཐམས་ཅད་ཀུན། །དཔའ་བོས་ཡོངས་སུ་དག་པར་བསྒོམ། །རི་མོ་ཉི་ཤུ་རྩ་
བཞི་པ། །དེ་དག་དཔའ་བོས་རྣམ་པར་དག །འཁོར་ལོ་མཁའ་འགྲོ་མ་ཡིས་དག །ལྟེ་བར་ཕག་མོའི་ས་བོན་ཀྵཿ། །ཧེ་རུ་ཀ་དཔལ་མཆོག་ཡིན་ནོ། །འདབ་མ་མཁའ་འགྲོ་མ་ཡིས་དག །དཀྱིལ་འཁོར་དཀྱིལ་འཁོར་མཆོག་
དག་ནི། །སུམ་བཅུ་རྩ་བདུན་རྣམ་པར་དག །དཀྱིལ་འཁོར་སྙིང་པོ་མདོར་བསྡུས་ན། །དཀྱིལ་འཁོར་དང་པོ་ཡི་གེ་སྟེ། །དཀྱིལ་འཁོར་གཉིས་པ་ཕྱག་མཚན་ཡིན། །གསུམ་པ་ལག་པའི་ཕྱག་རྒྱར་བཤད། །བཞི་པ་གཟུགས་སུ་གྱུར་
པ་སྟེ། །ལྔ་པ་མེ་ཏོག་མཆོད་པ་ཡིན། །དྲུག་པ་ཚོགས་ཀྱི་དཀྱིལ་འཁོར་ཉིད། །དབུས་ནི་རབ་ཏུ་དགའ་བའི་ས། །པད་མའི་ལྟེ་བ་དང་བཅས་པ། །ཐུགས་ཀྱི་འཁོར་ལོ་དྲི་མ་མེད། །གསུང་གི་འཁོར་ལོ་འོད་བྱེད་པ། །སྐུ་ཡི་འཁོར་ལོ་འོད་དྲོ་བ། །
ཟུར་བཞི་པ་ནི་སྦྱང་དཀའ་བ། །རིང་དུ་སོང་བ་སྒོ་བཞི་ཡིན། །ཟུར་གྱི་ཆ་ནི་མི་གཡོ་བ། །ལེགས་པའི་བློ་གྲོས་རྡོ་རྗེའི་ཐིག །ཆོས་ཀྱི་སྤྲིན་ནི་རྟ་བབས་ཡིན། །འདི་ལྟའི་དཀྱིལ་འཁོར་བྲིས་ནས་ནི། །རྟག་ཏུ་བསྒོམ་ཞིང་མཆོད་པར་བྱ། །དངོས་
གྲུབ་རྒྱ་ཆེན་འཐོབ་པར་འགྱུར། །སྡོམ་པའི་འཁོར་ལོ་སྡོམ་པ་ཡི། །དཀྱིལ་འཁོར་མཆོག་གི་དེ་ཉིད་ནི། །ཧེ་རུ་ཀ་དཔལ་ཡེ་ཤེས་མཆོག །བྷ་གའི་པད་མའི་དཀྱིལ་འཁོར་ནི། །ཕག་མོའི་སྐུ་ལུས་མཆོག་གྱུར་པ། །
དེ་ནི་དཀྱིལ་འཁོར་འདུས་པ་སྟེ། །དཀྱིལ་འཁོར་བདེ་ཆེན་མཆོག་ཡིན་ནོ། །དཀྱིལ་འཁོར་དཔའ་བོ་རྣལ་འབྱོར་མ། །གཉིས་མེད་ཁ་སྦྱོར་དཀྱིལ་འཁོར་ཡིན། །བདག་གི་དེ་ཉིད་ཏིང་འཛིན་ཡིན། །ལྷ་ཡི་དེ་ཉིད་དེ་བཞིན་ཏེ། །
སྔགས་ཀྱི་དེ་ཉིད་ཕྱག་རྒྱ་ཡིན། །དེ་ལྟའི་དཀྱིལ་འཁོར་དམ་པའི་མཆོག །ཡན་ལག་ཀུན་བསྒོམས་ལས་འདས་ཤིང་། །རྟོག་དང་རྣམ་རྟོག་རྣམ་པར་སྤངས། །ཕྱི་མོའི་ཐིག་ལེ་ལས་འདས་ཤིང་། །དེ་ནི་དཀྱིལ་འཁོར་མཆོག་ཡིན་ནོ། །

85-1-196a

ཆོས་རྣམས་ཐམས་ཅད་བརྟག་ཏུ་མེད། །ཆོས་དང་ཆོས་མིན་རྣམ་པར་སྤྱོད། །དེ་ལྟའི་དཀྱིལ་འཁོར་བཤད་པ་ནི། །རྣམ་དག་ནམ་མཁའ་དང་མཚུངས་པ། །ཆགས་དང་ཆགས་མེད་ཆགས་པར་མཉམ། །པད་མ་རཱ་
ག་ཆུ་མཉམ་བྱུང་། །རང་སེམས་ཆགས་པ་དམར་པོའི་མཆོག །དེ་དག་དཀྱིལ་འཁོར་མཆོག་ཡིན་ཏེ། །ཡིད་ནི་ཁམས་རྣམས་ཐམས་ཅད་དེ། །གཟུགས་དང་གཟུགས་མེད་དྲི་མ་མེད། །བསྐུལ་ཞིང་སད་པ་ཡིད་ཡིན་ཏེ། །
སེམས་ནི་ཐུགས་ཀྱི་དཀྱིལ་འཁོར་ཡིན། །དཀྱིལ་འཁོར་ལུས་སུ་བཤད་པ་སྟེ། །དཀྱིལ་འཁོར་བྷ་ག་ཡིན་པར་བཤད། །དཀྱིལ་འཁོར་བྱང་ཆུབ་སེམས་ཡིན་ཏེ། །རྒྱུ་བ་དང་ནི་མི་རྒྱུ་བ། །ས་འོག་ས་སྟེངས་ས་བླར་ཁྱབ། །མངོན་པར་
བརྗོད་པའི་རྒྱུད་བླ་མའི་བླ་མ་ལས་དཀྱིལ་འཁོར་གྱི་བསྒོམ་པ་བསྟན་པའི་ལེའུ་སྟེ་ལྔ་བཅུ་རྩ་གསུམ་པའོ།། །། དེ་ནས་གསང་བ་བཤད་བྱ་བ། །སེམས་ཅན་ཀུན་ལ་ཕན་སྩོལ་པ། །ཨཱ་ལི་ཀཱ་ལི་ལས་བྱུང་བ། །
ཆོས་ཀྱི་དབྱིངས་ཀྱི་གྲོང་ཁྱེར་མཆོག །དྲ་བ་དྲ་ཕྱེད་ཀྱིས་བརྒྱན་པ། །དར་དང་ཕྲེང་བས་རྣམ་པར་བརྒྱན། །དེ་ཡི་དབུས་སུ་རྡོ་རྗེ་ཆེ། །ཞལ་བཞི་པ་ལ་རྣམ་པར་འགྱུར། །དེ་ལ་ལྟེ་བའི་དབུས་སུ་ནི། །སྣ་ཚོགས་འཁོར་ལོ་ལྟེ་བར་བཅས། །
ཐུགས་ཀྱི་འཁོར་ལོ་བརྒྱད་པ་སྟེ། །ཉི་མའི་དཀྱིལ་འཁོར་དབུས་སུ་ནི། །འཁོར་ལོའི་ལྟེ་བའི་དབུས་དག་ཏུ། །སྣ་ཚོགས་པད་མ་འདབ་བརྒྱད་པ། །སྣ་ཚོགས་རྡོ་རྗེས་རྣམ་འདྲེས་པ། །ལྷ་ཡི་བཞུགས་གནས་ཉི་ཤུ་པ། །ལྟེ་བའི་དབུས་
སུ་བསྟན་པ་སྟེ། །ཉི་མའི་དཀྱིལ་འཁོར་དབུས་སུ་ནི། །ཧཱུྃ་ལས་ཧེ་རུ་ཀར་བྱས་ཏེ། །ཞལ་བཞི་པ་ལ་ཕྱག་བརྒྱད་པ། །སྤྱན་གསུམ་སྐུ་ལུས་དཀར་པོ་སྟེ། །རྡོ་རྗེ་དྲིལ་བུ་མཉམ་ལྡན་པས། །ཕག་མོ་ཡི་ནི་ཀུ་ཙའང་འཚིར། །སྟག་གི་པགས་
པ་གོས་སུ་མནབས། །ཕྱག་རྒྱ་དྲུག་གིས་སྐུ་ལ་བརྒྱན། །གདུག་པ་ཀུན་གྱི་གླད་པ་ལ། །གཡས་བརྐྱང་བ་ཡི་ཞབས་ཀྱིས་མནན། །འཇིགས་བྱེད་དང་ནི་དུས་མཚན་དག །བརྒྱལ་ཞིང་རྣམ་པར་མྱོས་པ་ཡི། །ཀླད་པ་ལ་ནི་ཞབས་ཀྱིས་མནན། །

85-1-196b

གཅེར་བུ་འོ་དོད་འབོད་པ་མནན། །རྒྱལ་བའི་པགས་པ་སྟེང་དུ་སྟེ། །ལྕགས་ཀྱུ་ཕྱག་གིས་འཛིན་པ་དང་། །གཞན་ཡང་ཅང་ཏེའུ་དེ་བཞིན་ཏེ། །ཐོད་པ་ཁ་ཊྭཱྃ་ག་ཡང་འཛིན། །གཞན་དུ་ཡང་ནི་མགོ་བོ་འཆང་། །སྣ་ཚོགས་རྡོ་རྗེས་དབུ་ལ་
མནན། །ཟླ་བ་ཕྱེད་པ་དབུ་ལ་འཆང་། །ཐོད་པའི་ཕྲེང་བའི་དབུ་རྒྱན་ཅན། །མི་བསྐྱོད་པ་ཡིས་སྤྱི་གཙུག་བརྒྱན། །ཚངས་པའི་དོ་ཤལ་འཛིན་པ་སྟེ། །བདག་གི་ཁྲོ་བོ་བདུན་སྤྲོས་ནས། །ཇི་ལྟར་བཅོམ་ལྡན་མདོག་བཞིན་དུ། །ཕག་མོ་
མཆོག་དང་དེ་བཞིན་ཏེ། །སྐུ་ལུས་ནག་པོ་དམར་བའི་མདངས། །གཟི་བྱིན་མདངས་ཀྱིས་མཛེས་པ་སྟེ། །གྲི་གུག་ཐོད་པ་ཁ་ཊྭཱྃ་ག །དྲིལ་བུ་ཅང་ཏེའུ་མདུང་དང་ནི། །ལྕགས་ཀྱུ་ཞགས་པ་དེ་བཞིན་ནོ། །ལྷ་མོ་ཕྱག་ནི་བརྒྱད་པ་སྟེ། །
དཀར་ཞིང་སྔོ་ལ་ལྗང་བའོ། །སྟེང་གི་ཞལ་ནི་དམར་པོ་མཛེས། །གཡས་དང་གཡོན་གྱི་ཞལ་གདོང་ནི། །སེར་ཞིང་ལྗང་བའི་གཟུགས་ཅན་ཏེ། །གཞན་དུ་བདག་པོ་ཇི་བཞིན་དུ། །ཕག་མོ་ཡང་ནི་དེ་བཞིན་གྱུར། །གཅེར་བུ་སྐྲ་ནི་
གྲོལ་བ་སྟེ། །མ་ཉམས་དུམ་བུའི་སྐ་རགས་ཅན། །པད་མ་བཞི་ལ་མཁའ་འགྲོ་མ། །ཟུར་ལ་བུམ་པ་ཐོད་པ་སྟེ། །ཐུགས་ཀྱི་འཁོར་ལོ་སྔར་བཤད་པའོ། །དཔའ་བོ་མཁའ་འགྲོ་མ་དེ་བཞིན། །གསུང་དང་སྐུ་ཡི་འཁོར་ལོ་གཉིས། །
ཤར་དང་བྱང་ནུབ་ལྷོ་རུའོ། །སྒོ་རྣམས་སུ་ནི་སྒོ་སྲུངས་སྟེ། །ཁྭ་གདོང་ལ་སོགས་ཐམས་ཅད་དོ། །ཟུར་ལ་གཤིན་རྗེ་སྲེག་ལ་སོགས། །ཇི་ལྟར་འདོད་པའི་ཁྱད་པར་ནི། །རྡོ་རྗེ་སྙིང་པོས་བཤད་པ་སྟེ། །ཁ་ཅིག་རྣལ་འབྱོར་མ་རུ་འདོད། །
བླ་མའི་གནས་ཀྱི་རྗེས་རིམ་པ། །སྔར་བཤད་སྣ་ཚོགས་རིགས་རྣམས་ནི། །ཇི་ལྟར་འདོད་པས་བསྒོམ་པར་བྱ། །གཞན་ཡང་ཞལ་དང་མདོག་རྣམས་ནི། །མཁའ་འགྲོ་མ་ཡི་མདོག་བཞིན་དང་། །ཕྱག་མཚན་ཕྱག་རྒྱར་སྔར་
བཤད་བཞིན། །གནས་སོགས་རིམ་པ་དེ་ལྟར་དགོད། །སྔར་བཤད་པ་ཡྀ་ཆོ་ག་བཞིན། །གསང་སྔགས་ཇི་བཞིན་རིམ་པར་དགོད། །སུམ་བཅུ་རྩ་བདུན་རྣམ་དག་དོན། །བསྒོམ་པ་མཆོག་ནི་བསྒོམ་པར་བྱ། །

85-1-197a

ཨཱ་ལི་ཀཱ་ལིའི་ནང་བྱུང་བ། །བསྒོམ་ཞིང་རྣམ་པར་བསྒོམ་པར་བྱ། །ཆོས་དབྱིངས་གྲོང་ཁྱེར་རྣམ་དག་པར། །སེམས་ཅན་ཁམས་ནི་རབ་ཏུ་འཇུག །རྣལ་འབྱོར་འདི་ནི་གསང་བ་སྟེ། །སུ་ལ་ཡང་ནི་བསྟན་མི་བྱ། །
མངོན་པར་བརྗོད་པའི་རྒྱུད་བླ་མའི་བླ་མ་ལས་ཆོས་ཀྱི་དབྱིངས་ཀྱི་གྲོང་ཁྱེར་བསྒོམ་པའི་ལེའུ་སྟེ་ལྔ་བཅུ་རྩ་བཞི་པའོ།། །། དེ་ནས་གཞན་ཡང་བཤད་བྱ་བ། །བྷ་ག་པད་མ་སྒོམ་པ་ནི། །རྡོ་རྗེ་སྙིང་པོས་ཞུས་པ་ལས། །
བཅོམ་ལྡན་འདས་ཀྱིས་བཀའ་སྩལ་པ། །ཡང་དག་གསང་བ་ངེས་གསང་བ། །ཨཱ་ལི་ཀཱ་ལི་ཟུར་གསུམ་གནས། །པད་མ་འདབ་གསུམ་རྣམ་པར་བསྒོམ། །རྡོ་རྗེ་ཕག་མོ་ཧེ་རུ་ཀ །ལྟེ་བ་ལ་ནི་རྣམ་པར་བསྒོམ། །རྡོ་རྗེ་མཁའ་འགྲོ་ལཱ་
མ་དང་། །གསུམ་པ་དུམ་སྐྱེས་མ་ཉིད་དོ། །བཅོམ་ལྡན་འདས་ནི་དམར་ལ་སྔོ། །ཕག་མོ་ཡང་ནི་དམར་སྔོ་སྟེ། །མཁའ་འགྲོ་སྔོ་ལ་སེར་བ་དང་། །ལཱ་མ་ལྗང་ལ་སེར་བ་སྟེ། །དུམ་སྐྱེས་མ་ནི་དམར་ལ་སེར། །ཞལ་གཅིག་པ་ལ་
ཕྱག་བཞི་པ། །བཅོམ་ལྡན་མགོན་པོ་ཞལ་བཞི་པ། །ཞབས་བཞི་པ་ལ་ཕྱག་བཞི་པ། །ཐོད་པ་དང་ནི་ཁ་ཊྭཱྃ་འཛིན། །དྲིལ་བུ་རྡོ་རྗེས་ལེགས་པར་མཚོན། །ཐོད་པའི་ཕྲེང་བའི་དབུ་རྒྱན་ཅན། །སྣ་ཚོགས་རྡོ་རྗེས་མཚན་པ་སྟེ། །ཞི་བ་
ཟླ་བ་ཕྱེད་པ་འཆང་། །མི་འཁྲུགས་པ་ནི་སྤྱི་གཙུག་འཆིང་། །རྟག་པར་གསང་བའི་གོས་མནབས་ཤིང་། །ཐོད་པའི་ཕྲེང་བས་རྣམ་པར་བརྒྱན། །ཕག་མོའི་ཞལ་མཚན་དེ་ཡིན་ཏེ། །བྱིན་པ་གཉིས་ཀྱིས་ལེགས་འཁྱུད་ཅིང་། །
གཅེར་བུ་དབུ་སྐྲ་གྲོལ་བ་ལ། །སྤྱན་གསུམ་པ་ལ་ལེགས་ཆགས་འཁྲིལ། །འཇིགས་བྱེད་དང་ནི་དུས་མཚན་གཉིས། །ཞབས་ཀྱིས་རྣམ་པར་གནོན་པ་སྟེ། །གཡས་བརྐྱང་བ་ཡི་གནས་པས་བཞུགས། །སྐུ་ལུས་ཕྱག་རྒྱ་
དྲུག་འཛིན་ཞིང་། །མཆེ་བ་རྣམ་པར་གཙིགས་པ་དང་། །ཐུགས་རྗེའི་ཆགས་པས་རྣམ་པར་མྱོས། །གཡས་པ་དཀར་ཞིང་གཡོན་ལྗང་གུ། །སྟེང་ནི་སྔོ་སྐྱ་སྐུ་ལུས་དཀར། །གཟུགས་ཅན་མ་ནི་བྷ་གར་བརྟག །ཨཱ་ལི་ཀཱ་

85-1-197b

ལི་བྷ་གའི་མཆོག །གཞན་ཡང་ཟུར་གསུམ་དབུས་དག་ཏུ། །པད་མའི་འཁོར་ལོ་རྣམ་པར་བསྒོམ། །ཐུགས་ཀྱི་འཁོར་ལོའི་དབུས་སུ་ནི། །སྣ་ཚོགས་པད་མ་དག་ཏུ་བརྟག །དབུས་སུ་ཧེ་རུ་ཀ་ཕག་མོ། །འདབ་མར་མཁའ་
འགྲོ་མ་སོགས་དགོད། །ཟུར་དུ་ཐོད་པ་དཀར་པོ་དག །ཐུགས་ཀྱི་འཁོར་ལོ་མཁའ་ལ་སྤྱོད། །ཤར་གྱི་ཟུར་ལ་སྐུ་འཁོར་ལོ། །རླུང་གི་ཟུར་གྱི་འཁོར་ལོ་ལ། །ཁྭ་གདོང་ལ་སོགས་རྣམ་བརྒྱད་དོ། །གསུང་གི་འཁོར་ལོ་བདེན་བྲལ་
ཟུར། །འཁོར་ལོ་བཞི་པོ་ཟུར་གསུམ་ལ། །ཤར་ནི་སྐུ་ཡི་མཁའ་འགྲོ་སྟེ། །རླུང་ཕྱོགས་གཤིན་རྗེའི་མཁའ་འགྲོའོ། །བདེན་བྲལ་གསུང་གི་མཁའ་འགྲོ་སྟེ། །དབུས་སུ་རྡོ་རྗེ་ཧེ་རུ་ཀ །སྔོ་ཞིང་དཀར་པོ་དུད་ཀ་དང་། །སྔོ་ཞིང་
དམར་བ་བཞི་པོ་ཡིན། །རང་གི་ཕྱག་མཚན་མཉམ་པར་ལྡན། །གཞན་དུ་རང་བདག་མདོག་བཞིན་དུ། །དཔའ་བོ་འཁོར་ལོ་མདོག་དེ་བཞིན། །ཐུགས་ཀྱི་འཁོར་ལོའི་མཁའ་འགྲོ་མ། །དམར་བའི་མདོག་ཅན་རྣམ་པར་བསམ། །
དཔའ་བོའི་མདོག་ནེ་ནག་པོ་ལ། །གཉིས་མེད་འཁྱུད་པའི་སྦྱོར་བའོ། །སྐུ་ཡི་འཁོར་ལོའི་དཔའ་བོ་དག །སྐུ་ལུས་དཀར་པོ་རྣམ་པར་བསམ། །མཁའ་འགྲོ་མ་ནི་སེར་པོའི་མདོག །དཔའ་བོ་གཉིས་ནི་རབ་ཏུ་སྦྱོར། །ཁྭ་གདོང་གཤིན་
རྗེ་བརྟན་ལ་སོགས། །གཟུགས་གཉིས་ཕྱེད་ནི་བུད་མེད་དེ། །རང་གི་ཐབས་དང་ལྷན་ཅིག་ཏུ། །དགྱེས་ཤིང་ཆགས་པས་རྣམ་པར་མྱོས། །གསུང་གི་འཁོར་ལོའི་དཔའ་བོ་དམར། །མཁའ་འགྲོ་མ་ནི་ལྗང་གུའོ། །སྔར་བཤད་
རིམ་པའི་མཚན་མ་རྣམས། །དེ་ཡང་རིགས་ཀྱི་དབྱེ་བས་སོ། །ཐམས་ཅད་ཡི་དགས་གདན་ལ་བཞུགས། །མགོ་བོའི་ཕྲེང་བས་རྣམ་པར་བརྒྱན། །ཐམས་ཅད་ཕྱག་རྒྱ་ལྔ་འཆང་ཞིང་། །ཕྱག་རྒྱ་དྲུག་གི་བདག་པོ་དགོད། །
ཐམས་ཅད་རང་རིགས་ཅོད་པན་ཅན། །ཇི་ལྟ་བའི་རིམ་པས་བསྒོམ། །མཁའ་འགྲོའི་དུས་ཀྱི་སྦྱོར་བ་ཡིས། །ཇི་ལྟའི་རྗེས་སུ་རྣམ་བསྒོམས་ནས། །གོ་ཆའི་གསང་སྔགས་དགོད་པར་བྱ། །སྐུ་གསུང་ཐུགས་ཀྱི་རིམ་

85-1-198a

རིམ་པ་དག །སྔར་བཤད་ཆོ་གའི་སྦྱོར་བ་ཡིས། །དཔའ་བོའི་ཡན་ལག་རིམ་པ་བསྒོམ། །གསང་ཞིང་སྦ་བའི་ཞི་གནས་ནི། །མཁའ་འགྲོ་མའི་བདེ་འཁོར་ལོ། །རྟག་ཏུ་མཉམ་པར་བཞག་ནས་སུ། །སྦྱོར་བའི་མཆོག་ནི་
རྟག་ཏུ་བསྒོམ། །འདི་ནི་སུ་ལའང་མི་བསྟན་ཏེ། །དེ་ཉིད་སུ་ལའང་བརྗོད་མི་བྱ། །དབང་པོ་གཉིས་ཀྱི་སྦྱོར་བ་དག །རྟག་ཏུ་བསྒོམས་ན་དངོས་གྲུབ་འགྱུར། །དམ་ཚིག་རྟག་ཏུ་བསྲུང་བྱ་ཞིང་། །བཟའ་དང་བཅའ་བའང་སྤྱད་པར་བྱ། །འགྲོ་ཞིང་
འགྲོ་ཞིང་དུས་ཀུན་ཏུ། །འཆར་ནུབ་དག་ཏུ་རྣམ་པར་སྦྱང་། །གང་ཞིག་ཡེ་ཤེས་འདི་ཉན་པ། །སྔགས་པས་མྱུར་དུ་འགྲུབ་པར་འགྱུར། །མངོན་པར་བརྗོད་པའི་རྒྱུད་བླ་མའི་བླ་མ་ལས་གསང་བ་སྦྱོར་བའི་བསྒོམ་པའི་ལེའུ་སྟེ་ལྔ་བཅུ་རྩ་ལྔ་
པའོ།། །། དེ་ནས་གཞན་ཡང་བཤད་བྱ་བ། །གསང་བའི་ཡེ་ཤེས་མཆོག་གྱུར་པ། །རིགས་ལྔ་གསང་སྔགས་རྒྱ་ཆེ་བའི། །བསྒོམ་པ་བདག་གིས་བཤད་པ་ཡིན། །ལོག་པའི་ཤེས་པའི་ཤེས་པ་ཅན། །གང་ལའང་ཁྱོད་ཀྱིས་བཤད་
མི་བྱ། །བླ་མའི་རིམ་ལས་ཇི་ལྟར་བསྟན། །གང་གིས་མྱུར་དུ་ཤེས་འགྱུར་བ། །སྐྱེ་བ་བྱེ་བ་སྟོང་ཕྲག་ཏུ། །སྒྱུ་འཕྲུལ་ཡེ་ཤེས་ཀྱིས་བསྐུལ་ཞིང་། །དད་པ་ཡང་དག་བསྐྱེད་པ་དང་། །རྣལ་འབྱོར་སྤྱོད་ཚུལ་གནས་པ་ཡིན། །ལྐུག་ཅིང་གླེན་ལ་
སྡིག་ངན་ཅན། །བྱིས་པའི་ཤེས་པའི་ཤེས་པ་ཅན། །སེམས་ཅན་ཡོངས་སུ་མ་སྨིན་དང་། །ཕྱི་རོལ་བསྟན་བཅོས་ཀྱིས་འཆལ་བ། །དེ་དག་ཀུན་གྱིས་མི་ཤེས་ཏེ། །མི་ཤེས་མུན་པས་ཁེབས་པ་དང་། །ཁེངས་པ་ལ་ནི་རྟག་པར་དགའ། །ང་རྒྱལ་
ལ་སོགས་གདུག་སེམས་ཅན། །དེ་ཀུན་གྱིས་ཀྱང་སངས་རྒྱས་ཀྱི། །སྤྱོད་ཡུལ་གསང་བ་མི་ཤེས་སོ། །ཧེ་རུ་ཀ་དཔལ་ཡང་དག་འཇུག །སློབ་དཔོན་བདག་ཉིད་ཆེན་པོ་ཡིས། །མྱུར་དུ་དངོས་གྲུབ་སྐྱེད་ཕྱེད་དེ། །འཕྲལ་དུ་ཡིད་ཆེས་བྱེད་པ་ཡིན། །སྣ་
ཚོགས་སྡོམ་པ་ཤེས་པ་ཡིས། །ཆོ་གའི་བྱ་བ་བསྟན་པར་བྱ། །སྲིད་པ་གསུམ་པོ་མ་ལུས་ནི། །དེ་ནི་ཀུན་མཁྱེན་བསྟན་པ་ཤེས། །མཐོང་བ་དང་ནི་རེག་བ་དང་། །ཐོས་པ་དང་ནི་དྲན་པ་ཡིས། །སྡིག་པ་ཀུན་ལས་གྲོལ་འགྱུར་བ། །དེ་ལྟར་དེ་ནི་ཐེ་ཚོམ་མེད། །ལྷ་རྣམས་

85-1-198b

བཟློག་སྟེ་བཀོད་པ་དང་། །སྔགས་ཀྱི་དབྱེ་བ་བཟློག་པ་དང་། །དཀྱིལ་འཁོར་ཀུན་ཡང་བཟློག་པ་དང་། །སོ་སོ་བསྒོམ་པའང་མི་བྱ་སྟེ། །བཟློག་པའི་ཡི་གེ་བཏུས་ནས་ནི། །བསྒོམ་པ་གསང་བ་བཟློག་པ་དེ། །སྙིང་པོ་ཐམས་
ཅད་བསྒྲུབ་པ་ཡིན། །རྟོག་པ་ཐམས་ཅད་བསྡུས་པ་དང་། །རྒྱུད་རྣམས་ཀུན་གྱི་སྤྱི་ཡི་ནི། །སེམས་ནི་ཡོངས་སུ་སྨིན་པ་དག །འདིར་ནི་སྦྱོར་སོགས་སྔགས་རྣམས་ཀྱི། །དམ་ཚིག་དེ་ལྟར་བསྟན་པ་ཡིན། །བདེ་
གཤེགས་དབུགས་འབྱིན་གསུངས་པ་ཡིན། །དག་པའི་ལུས་ནི་སྐྱོན་མེད་པ། །བསོད་ནམས་ཆུང་བའི་སྔགས་པས་ཀྱང་། །ང་དགའ་བས་ནི་རྙེད་པར་འགྱུར། །དེ་ན་སྲུང་མེད་བཟའ་བ་མེད། །དཀྱིལ་འཁོར་དཀྱིལ་འཁོར་བདག་
པོ་མེད། །བཟླས་དང་བརྟུལ་ཞུགས་སྦྱིན་སྲེག་མེད། །མདོར་ན་སེམས་བསྡུས་ཚུལ་ཅན་ཡིན། །གཟུང་བྱས་རྣམ་ཤེས་ཡེ་ཤེས་ནི། །བླ་མས་བསྟན་ལས་བརྩོན་ལས་ཏེ། །ཕྱི་རོལ་གྱི་ནི་བསྟན་བཅོས་ལ། །ལམ་
དེ་ཤིན་ཏུ་རིང་བ་ཡིན། །རྣལ་འབྱོར་པ་རྣམས་ཐབས་ཀྱིས་ནི། །བླ་མའི་བསྙེན་བཀུར་ལ་བརྩོན་པ། །སྟོན་པའི་མཚན་ཉིད་བསྟན་པ་དང་། །དཔའ་བོའི་དེ་ཉིད་བསྟན་པ་ཡིན། །སྐད་ཅིག་རྣམ་པར་རྣལ་འབྱོར་བདག །སྐད་
ཅིག་རྣམ་པར་ཕྱག་རྒྱར་ལྡན། །ཀུན་ནས་ཐམས་ཅད་སྐད་ཅིག་སྟེ། །སྐད་ཅིག་གིས་ནི་གསང་སྔགས་བརྗོད། །པུས་མོ་ས་ལ་བཙུགས་ནས་སུ། །བདག་ཉིད་ཀྱིས་ནི་གསོལ་བ་གདབ། །བཅོམ་ལྡན་ལྷ་མོས་ཞུས་པ་ནི། །གོ་འཕང་
རྒྱ་ཆེ་གཉིས་མེད་པ། །འདི་ནི་འབྱུང་པོ་ཀུན་ལ་གནས། །རྒྱུ་བ་དང་ནི་མི་རྒྱུ་རོལ། །རྡོ་རྗེ་སྙིང་པོས་གསུངས་པ་ནི། །ཅི་རིགས་བཤད་ཀྱིས་ལེགས་པར་ཉོན། །བརྟགས་པའི་ཡིད་ཀྱིས་གཟུང་བར་གྱིས། །ཐམས་ཅད་བདག་ཉིད་རྟག་
བཞུགས་པར། །གང་ཞིག་སྔར་ནི་བཤད་པ་ཉིད། །དཀྱིལ་འཁོར་ལུས་ནི་ཡིན་པར་བཤད། །དེ་ནི་སྒོ་དགུ་དག་ཏུ་འགྱུར། །དེ་ལ་ལྟེ་བའི་འཁོར་ལོ་ཆེ། །ཐམས་ཅད་མཁྱེན་པ་ཞེས་བྱར་བཤད། །རྡོ་རྗེ་ཅན་ནི་དེར་ཞུགས་

85-1-199a

པ། །ཆ་མེད་ཆ་ནི་རྣམ་སྤངས་པ། །ལུས་ཅན་རྣམས་ཀྱི་ནང་ན་རོལ། །ལུས་ལས་འདས་ཤིང་གོས་པ་མེད། །ལ་ལར་གཟུགས་ཅན་དག་ཏུ་བཞུགས། །ལ་ལར་སྣ་དང་ངག་དག་དང་། །ལ་ལར་རྣ་བར་སྒྲ་དག་དང་། །ལ་
ལར་དྲི་ཆེན་རྡོ་རྗེ་ཆུ། །ལ་ལར་ཚོར་བར་བཅས་པའི་སེམས། །ལ་ལར་སྐོམ་དང་ལ་ལར་བཀྲེས། །ལ་ལར་ཁྲོ་དང་ལ་ལར་ཞི། །ལ་ལར་བདེ་ལ་རྣམ་པར་གཟིགས། །ལ་ལར་བུད་མེད་འདོད་ཆགས་ཏེ། །ལ་ལར་གསོད་དང་འཇོམས་པ་
སྟེ། །ལ་ལར་རོལ་མོ་བརྡུང་བར་མཛད། །ལ་ལར་མེ་ཏོག་འབྲས་བུར་གནས། །ལ་ལར་རོལ་ཅིང་སྤྱོད་པར་འགྱུར། །ལ་ལར་སྲོག་ཏུ་རྣམ་པར་གནས། །ལ་ལར་ས་དང་ཆུ་དང་མེ། །ལ་ལར་འབྱུང་བ་ཆེན་པོ་ལྔ། །ལ་ལར་རིགས་ཀྱི་བྱེ་
བྲག་གིས། །བྲམ་ཟེ་དང་ནི་གདོལ་པ་དག །ལ་ལར་མ་དང་སྲིང་མོ་རུ། །ལ་ལར་ཆུང་མ་བུ་མོ་རུ། །ལ་ལར་ཚངས་དང་དབང་ལྡན་དང་། །ཁྱབ་འཇུག་དང་ནི་ཉི་མ་ཉིད། །ལ་ལར་ཟླ་བ་སྐར་མར་བཅས། །ལ་ལར་ཉིན་དང་མཚན་མོར་
གྱུར། །ལ་ལར་ཁམས་གསུམ་པ་རྣམས་ཀུན། །བྱེད་པ་པོ་དང་མི་ཟད་རྒྱལ། །ལ་ལར་ཞི་བའི་དབང་གིས་ཞུམ། །མི་གསལ་སྟོང་པའི་རྡོ་རྗེ་ཅན། །ལ་ལར་བྱང་ཆུབ་ཆེན་པོར་གཤེགས། །ལ་ལར་ཕ་
རོལ་བདུད་ལས་རྒྱལ། །ལ་ལར་བྱིས་པའི་རང་བཞིན་ཉིད། །ལ་ལར་རྒས་ཤིང་འཁོགས་པའོ། །ལ་ལར་ནད་ཆེན་གྱིས་ཟིན་པ། །ལ་ལར་རྒྱུ་དང་མི་རྒྱུ་བ། །ལ་ལར་སྔོ་དང་ལེ་བརྒན་དང་། །ལ་ལར་དཀར་དང་སེར་བའོ། །ལ་ལར་
སངས་རྒྱས་རྣམ་སྣང་མཛད། །ལ་ལར་སྒྲོལ་མ་གོས་དཀར་མོ། །ལ་ལར་སྤྱན་དང་མཱ་མ་ཀཱི། །ལ་ལར་དཀའ་ཟློག་ཞི་བ་མོ། །ལ་ལར་མདབ་ཆགས་མཁའ་ལྡིང་དང་། །ནམ་མཁའ་དང་ནི་མཁའ་འགྲོ་ཉིད། །ལ་ལར་ཀླུ་དང་
སྦྲུལ་ཆེན་པོ། །ལ་ལར་སྨད་འཚོང་སྤྲེའུ་དང་ནི། །ལ་ལར་རྨི་ལམ་མཐོང་བ་དང་། །ལ་ལར་གཉིད་ཀྱིས་ལོག་པ་ནས། །ལ་ལར་རླུང་དང་མཁྲིས་པ་དང་། །ལ་ལར་ཁྲག་དང་ལྤགས་པར་འགྱུར། །ལ་ལར་མྱ་ངན་དུ་བ་དང་། །ལ་ལར་

85-1-199b

སྲེག་པའི་མེ་དག་ཡིན། །ལ་ལར་མཐོ་རིས་སྐྱེ་བ་སྟེ། །རྣམ་པར་འཕྲུལ་བ་འདི་ལྟ་བུ། །ཐམས་ཅད་བདག་ཉིད་བཞུགས་འདི་ལ། །ལྷ་གང་ཆ་ནི་རྣམ་སྤངས་པའི། །དེ་ཡི་སྒྱུ་མའི་སྣ་ཚོགས་འདིའོ། །རྟག་པ་མིན་པ་རྡོ་རྗེ་
ཅན། །གཟུགས་མེད་པར་ནི་བྷ་གའི་ནང་། །ལྟེ་བའི་ནང་ན་པད་མ་ཆེ། །བཅུ་དྲུག་ཐིག་གིས་ཐིག་གདབ་བར། །ཡི་གེ་དང་ཡང་མཉམ་སྦྱོར་བས། །ཁ་སྦྱར་བྱ་བ་བྱས་པ་ཡིན། །དེ་དབུས་རྟག་ཏུ་གསང་བ་ཆེ། །འབྱིན་དང་སྡུད་པར་བྱེད་
པའོ། །དེ་ཉིད་རང་ཉིད་རྡོ་རྗེ་ཅན། །གཅིག་པུ་རང་བྱུང་ཆེ་བའི་ལྷ། །དེ་ནི་སངས་རྒྱས་ཀུན་དངོས་ཞེས། །མཚན་ནི་རབ་ཏུ་བཤད་པ་ཡིན། །གསང་བའི་མཆོག་གི་དགྱེས་པ་ན། །ཐམས་ཅད་བདག་ཉིད་རྟག་ཏུ་བཞུགས། །
ཐམས་ཅད་མཁྱེན་པས་འདི་བཤད་པའམ། །མི་འགྱུར་བ་ཡི་ལམ་བཤད་པ། །སྐྲ་ཡི་ཉག་མ་བརྒྱ་ཡི་ཆ། །མཆོག་གི་གཟུགས་ཅན་བསམ་པ་སྟེ། །སྟོང་པ་མ་ཡིན་དམིགས་སུ་མེད། །ཡེ་གེ་མེད་ཅིང་སྟོང་པའང་མེད། །གོས་
པ་མེད་ཅིང་ས་བོན་མེད། །གཟུགས་མེད་མཚན་མའང་མད་པ་སྟེ། །རྣམ་ཤེས་རང་གི་དངོས་པོ་ནི། །རྣམ་ཤེས་ཡེ་ཤེས་དག་ཏུ་གཟུང་། །ཐམས་ཅད་གསལ་བྱེད་སྒྲོན་མ་ནི། །དང་པོའི་མཚན་མ་དག་ཏུ་བལྟ། །གསལ་བྱེད་
ཀློག་གི་ཆ་ཙམ་སྟེ། །མཚན་མ་གཉིས་པ་དག་ཏུ་བརྟག །དཀར་པོའི་འོད་ཀྱི་ཚུལ་ཅན་ནི། །ཕྱོགས་བཅུ་དག་ཏུ་བལྟ་བྱས་ཏེ། །ཉོན་མོངས་འབྱིན་པ་གསུངས་པ་ཡིན། །རྣལ་འབྱོར་པ་ཡིས་རྣམ་པར་བརྟག །འདོད་པའི་
ལྷ་ཡི་ལོངས་སྤྱོད་ནི། །བཞི་པ་རྣམ་ཤེས་དག་ཏུ་བསྟན། །གཟུགས་དང་རེག་སོགས་ལྷ་མོ་ནི། །ཕྱོགས་ཀྱི་ཡེ་ཤེས་ལྔ་པོ་ཡིན། །དྲུག་པ་གཟུགས་མེད་ཡེ་ཤེས་ཏེ། །བདུན་པ་དག་ནི་ཆོས་ཀྱི་དབྱིངས། །བརྒྱད་པར་རང་
ཉིད་འདོད་བཞིན་དུ། །སངས་རྒྱས་འབྲས་བུ་དག་ཡིན་ནོ། །སྦས་པ་ལྟ་དང་ལག་པ་དང་། །འཁྱུད་དང་གཉིས་གཉིས་ལ་སོགས་པ། །དེ་བཞིན་གཤེགས་པས་དབུགས་འབྱིན་གསུངས། །དགུ་པ་བླ་མ་བླ་མ་སྟེ། །ཐམས་

85-1-200a

ཅད་འདིར་ནི་བསྟན་པ་ཡིན། །རྣམ་པ་གཞན་དག་རྩྭ་དང་འདྲ། །དེ་ཉིད་སྲོག་ཆགས་རྣམས་ཀྱིས་སྲོག །དེ་ཉིད་མི་འགྱུར་དམ་པ་ཡིན། །དེ་ཉིད་ཐམས་ཅད་ཁྱབ་བྱེད་དེ། །ལུས་ཀུན་ལ་ནི་རྣམ་པར་གནས། །དེ་ཉིད་
སངས་རྒྱས་ཡེ་ཤེས་ཏེ། །ཧེ་རུ་ཀ་དཔལ་ཡིན་པར་བཤད། །སྐྱེས་པ་མ་ནིང་ལ་སོགས་ཉིད། །ཕྲ་བའི་སྙིང་པོའང་འཛིན་པ་ཡིན། །ཡེ་ཤེས་རྟག་ཏུ་འབྱུང་དེ་ལ། །གང་ཞིག་ས་ལ་གནས་རྣམས་དང་། །བསྟན་བཅོས་དག་ནི་མ་
ལུས་དང་། །རིག་བྱེད་གྲུབ་མཐར་གནས་པ་རྣམས། །འཇིག་རྟེན་འདི་དང་གཞན་དག་ཏུ། །དེ་མེད་པར་ནི་འགྲུབ་མི་འགྱུར། །རིག་བྱེད་གྲུབ་པའི་མཐའ་རྣམས་ལ། །འདི་ནི་སྙིང་པོ་རབ་ཏུ་བཤད། །འདུག་དང་ལྡང་བ་
ཉིད་དང་ནི། །འཇུག་པ་རྫོགས་པ་ཉིད་དག་དང་། །བྱིན་གྱིས་བརླབས་དང་དབང་བསྐུར་དང་། །ཏིང་འཛིན་མཆོད་པ་བསྡུས་པ་ཡིན། །དེ་ནས་ཆོ་ག་མིང་གཞན་པ། །ཐབས་དང་ཤེས་རབ་གཉིས་མེད་པ། །དེ་ཉིད་ཏུ་ནི་
ཀུན་སྐྱེས་པ། །འབྱིན་དང་སྡུད་པར་བྱེད་པ་ཡིན། ཨ་ཨཱ། ཨི་ཨཱི། ཨུ་ཨཱུ། རི་རཱི། ལི་ལཱི། ཨེ་ཨཻ། ཨོ་ཨཽ། ཨྃ་ཨཿ ཀ་ཁ་ག་གྷ་ང་། ཙ་ཚ་ཛ་ཛྷ་ཉ། ཊ་ཋ་ཌ་ཌྷ་ཎ། 
ཏ་ཐ་ད་དྷ་ན། པ་ཕ་བ་བྷ་མ། ཡ་ར་ལ་ཝ་ཤ་ཥ་ས་ཧ་ཀྵཿ འདི་ནི་བཅོམ་ལྡན་ལྷ་དེ་ཡིན། །མཆོག་ཉིད་ལྷག་པར་གནས་པ་ཡིན། །ལྷ་ཀུན་གྱི་ནི་སྐྱེད་པ་དང་། །བསྒྲུབ་བྱས་དེ་བཞིན་ཤེས་བྱས་ནས། །
དོན་དམ་མཆོག་ཀྱང་དེ་བཞིན་ཏེ། །བརྒྱད་བཅུ་རྩ་བཞི་ཐེག་པ་སྟེ། །སྔགས་ཀྱི་སྤྱོད་པ་ལ་གནས་ན། །དེས་ནི་འདི་ནི་ངེས་རྒྱལ་ཏེ། །ཐམས་ཅད་ཤེས་རབ་ཐབས་ཀྱིས་འགྲོ། །ཐོག་མར་གསང་སྔགས་བརྗོད་པར་བྱ། །
དགེ་དང་མི་དགེ་གང་ཡིན་པ། །དེ་ནི་ལྷ་ཚོགས་རྒྱན་ཡིན་ཏེ། །སྐུ་རགས་གནས་རྣམས་ཐམས་ཅད་ཡིན། །རྟག་ཏུ་འདི་ནི་འཛིན་བྱེད་པ། །ཆོས་རྣམས་ཐམས་ཅད་རྟོགས་པ་ཡིན། །ཨཱ་ལི་ཀཱ་ལི་མདུན་བསམས་ན། །རྣལ་

85-1-200b

འབྱོར་ཆེན་པོ་ངལ་བསོས་ཏེ། །བསམ་གྱིས་མི་ཁྱབ་སེམས་ཉིད་དེ། །སེམས་ཀྱང་བརྟག་པར་མི་བྱའོ། །སམས་དེ་ཉིད་ཀྱང་མི་བསམ་སྟེ། །དེས་ན་འཛིན་པ་ཐོབ་པར་འགྱུར། །གང་གིས་རྒྱུད་ཀུན་ལས་གསང་བ། །ཁྱོད་
ལ་ཡང་ནི་བཤད་པ་ཡིན། །འདི་ནི་འབད་པས་སྦ་བྱ་སྟེ། །གཉིས་མེད་གཉིས་སུ་མེད་པའི་སྡོམ། །རྣལ་འབྱོར་མ་སོགས་ཐམས་ཅད་དང་། །དཔའ་བོའི་ཡན་ལག་ཐམས་ཅད་ཀྱི། །རྣལ་འབྱོར་པ་ཡིས་འབྲས་བུ་འཐོབ། །
སྲིད་པའི་ནང་ནས་འབྱུང་བ་ཡིན། །བླ་མའི་རྒྱུད་ཀྱི་ཐབས་ལ་ནི། །བསྙེན་བཀུར་མེད་པ་ལ་མི་བཤད། །གལ་ཏེ་བཤད་ན་སྡུག་བསྔལ་ཞིང་། །སྡུག་བསྔལ་གྱིས་ནི་སེམས་ཀྱང་འཁོར། །སེམས་ནི་རྣམ་འཁོར་རྣལ་
འབྱོར་པ། །མྱ་ངན་འདས་པ་མི་མཐོང་ངོ་། །ཇི་ལྟར་བུད་མེད་བྱིས་གཏམ་རྗེས་ཡིད་རང་། །ཀུན་སྨྲ་བསྟེན་པའི་གཏམ་ཡང་བརྗོད་པར་བྱེད། །ལམ་ཡང་མ་བཤད་འཆིང་བར་འགྱུར་བ་ཡིན། །རྣལ་འབྱོར་ལམ་ངན་དེ་དང་
འདྲ་བར་བཤད། །ཧེ་རུ་ཀ་དཔལ་སྐུའི་ཡན་ལག །སྐུ་ཀུན་བརྟན་གཡོ་བདག་ཉིད་ཅན། །གནས་ནི་རབ་ཏུ་དགའ་བའི་ས། །དེ་བཞིན་ཉེ་གནས་དྲི་མ་མེད། །ཞིང་ནི་འོད་བྱེད་ཤེས་པར་བྱ། །ཉེ་བའི་ཞིང་ནི་འོད་འཕྲོ་བ། །འདུན་པ་མངོན་
དུ་གྱུར་པ་ཉིད། །ཉེ་བའི་འདུན་པ་སྦྱང་དཀའ་བ། །འདུས་པ་རིང་དུ་སོང་བ་ཡིན། །ཉེ་བར་འདུས་པ་མི་གཡོ་བ། །དུར་ཁྲོད་ལེགས་པའི་བློ་གྲོས་ཉིད། །ཉེ་བའི་དུར་ཁྲོད་ཆོས་ཀྱི་སྤྲིན། །ཤྲཱི་ཧེ་རུ་ཀའི་གཞུང་སྤྱོད་པ། །འདི་ནི་
ནང་གི་བདག་ཅན་ས། །ཕ་རོལ་ཕྱིན་བཅུ་ས་རྣམས་ནི། །རྣལ་འབྱོར་མ་ནི་བརྡ་ཡི་སྐད། །མཐོ་རིས་ས་སྟེངས་ས་འོག་ཏུ། །དཔའ་བོའི་ཡན་ལག་བརྟན་གཡོའི་བདག །ཐོགས་མེད་དུས་སུ་གང་བསྟན་པ། །ཕྱི་ནང་
བདག་ཉིད་ཅན་དུ་གནས། །དཔལ་ལྡན་ཁྲག་འཐུང་རྒྱལ་པོ་ཆེ། །འདོད་པ་ཀུན་གྱི་དབང་ཕྱུག་གཙོ། །ཀུན་ཏུ་ཕྱག་དང་ཞབས་ལྡན་ཞིང་། །ཀུན་ཏུ་མིག་དང་མགོ་བོའི་ཞལ། །ཀུན་ཏུ་ཐོས་ལྡན་འཇིག་རྟེན་ན། །

85-1-201a

ཐམས་ཅད་གཡོགས་ཏེ་རྣམ་པར་བཞུགས། །དེ་ནས་དངོས་གྲུབ་བསྒྲུབ་བྱ་བ། །བསམ་གཏན་ལྡན་པའི་སེམས་ཀྱིས་ཏེ། །སྒྲུབ་པ་པོ་ལ་ཕན་པའི་ཕྱིར། །གསང་བའི་དེ་ཉིད་གསུངས་པ་ཡིན། །དེ་ནས་
གཞན་ཡང་བཤད་བྱ་བ། །མན་ངག་ཤིན་ཏུ་རྙེད་དཀའ་སྟེ། །དཔའ་བོའི་བརྡ་ཡི་སྐད་དུ་ནི། །ང་ཡིས་རྒྱུད་དུ་སྦས་པ་ཡིན། །གོས་ནི་ཕྱག་རྒྱ་ལྔ་ལ་སོགས། །ཤེས་རབ་ཡན་ལག་ཕུར་བུ་འདྲ། །ཨཱ་ལི་ཀཱ་ལི་ཞེས་བརྗོད་པ། །
རྒྱུ་ལ་སོགས་སྟོང་སྔོན་འགྲོ་ཡིན། །འཇུག་པ་སྒྲ་ལ་སོགས་པ་ནས། །ཇི་སྲིད་བསྡུས་པའི་སྦྱོར་ལྡན་ཉིད། །བདུད་རྩི་ཚིམ་བྱེད་མྱ་ངན་འདས། །ལག་པའི་མཆོད་པས་དབང་བསྐུར་བ། །གོ་ཆ་ཆེན་པོས་ཡང་དག་བསྲུང་། །
སྔགས་རྣམས་ཀུན་གྱིས་མཆོད་པ་ཡིན། །དེ་ལྟར་དེ་ཉིད་བཅུ་བཞི་ནི། །མདོར་བསྡུས་ནས་ནི་བཤད་པ་ཡིན། །མི་མཆོག་གང་ཞིག་ཀུན་སྤྱོད་པ། །སྡིག་པ་ཐམས་ཅད་རྣམ་དག་བདག །དེ་བཞིན་གཤེགས་པའི་ས་ཐོབ་ཅིང་། །
སྐྱེ་དང་རྒ་བས་བདེ་གཤེགས་ཀྱི། །རིགས་སྐྱེས་རྒྱལ་པོ་ཆོས་ལྡན་འགྱུར། །དེ་ལྟར་ཆོ་ག་ལྡན་བྱས་ན། །དངོས་གྲུབ་ཐམས་ཅད་རབ་ཏུ་སྩོལ། །ཟླ་བ་ཉ་ལ་ས་སྟེང་དུ། །འདི་ལྟར་རྣལ་འབྱོར་པས་བསྒོམས་ན། །
དེ་ཡི་བསོད་ནམས་གྱུར་པ་ཡིན། །ལྷ་ཀླུ་མི་ལ་སོགས་པ་ཀུན། །དེ་ཡི་བསོད་ནམས་གང་གྱུར་དེས། །བདག་གཞན་ཡང་དག་ཡེ་ཤེས་ལྡན། །བསམ་གཏན་སེམས་པ་ཙམ་གྱིས་སམ། །ཀློག་ཅིང་འདོན་དང་བྲིས་པ་
ཡིས། །མཐོ་རིས་ལོངས་སྤྱོད་འཐོབ་འགྱུར་བའམ། །ཡང་ན་འཁོར་ལོས་བསྒྱུར་བ་འཐོབ། །རྣལ་འབྱོར་མ་རྣམས་འཕོ་བའི་ཚེ། །དཔལ་ལྡན་ཁྲག་མཐུང་སོགས་མཁའ་འགྲོ། །ལག་ན་མེ་ཏོག་སྣ་ཚོགས་ཐོགས། །
རྒྱལ་མཚན་བ་དན་སྣ་ཚོགས་དང་། །རོལ་མོའི་སྒྲ་ནི་སྣ་ཚོགས་དང་། །སྣ་ཚོགས་གླུ་ཡི་མ་མོད་པས་མཆོད། །འཆི་བ་ཞེས་བྱའི་རྣམ་རྟོག་འདི། །མཁའ་ལ་འགྲོ་བའི་གནས་སུ་ཁྱེར། །དེ་འདྲའི་དཔལ་

85-1-201b

ཆེན་རྣལ་འབྱོར་པ། །ས་སྟེངས་དུ་ནི་རྙེད་པར་དཀའ། །མངོན་པར་བརྗོད་པའི་རྒྱུད་བླ་མའི་བླ་མ་ལས་གསང་བའི་ཡི་གེ་བསྐྱེད་ཅིང་བསྒྲུབ་པའི་ལེའུ་སྟེ་ལྔ་བཅུ་རྩ་དྲུག་པའོ།། །། དེ་ནས་གཞན་ཡང་བཤད་བྱ་བ། །ཆོ་ག
འི་རིམ་བཞིན་སྔགས་བཏུ་བ། །གཅིག་ཏུ་དབེན་པའི་ས་ཕྱོགས་སུ། །མཁས་པས་ས་ནི་མཉམས་ནས་སུ། །བཤང་གཅི་ཡིས་ནི་བྱུག་པར་བྱ། །མ་ཧཱ་རག་ཏ་བྱུག་ནས་ཀྱང་། །བདག་ཉིད་ཧེ་རུ་ཀར་བྱས་ནས། །རིགས་ངན་
ཤན་པ་མོ་བླངས་ནས། །མེ་ཏོག་ལ་སོགས་གདབ་པར་བྱ། །དཔའ་བོ་ཆེན་པོའི་བདུག་སྤོས་དབུལ། །ཞག་ལ་སོགས་པ་མར་མེ་སྦར། །ཅང་ཏེའུ་དྲིལ་བུ་བརྡུང་བར་བྱ། །གླུ་དང་གར་གྱིས་མཆོད་པར་བྱ། །ལྷ་ཡི་
རོལ་མོའི་བྱེ་བྲག་དང་། །ཕྱོགས་ཀྱི་གོས་ཅན་སྐྲ་གྲོལ་བ། །ལུས་ནི་ཕྱག་རྒྱ་དྲུག་དང་ལྡན། །ཨཱ་ལི་ཀཱ་ལི་མཉམ་བྱས་ཏེ། །སྡེ་ཚན་ལ་ནི་ཐིམ་པར་བྱ། །བཞི་བཞི་རུ་ནི་ཤེས་བྱས་ལ། །ཐུབ་པའི་མཆོག་གིས་རྒྱས་
པར་བྱ། །དེར་གནས་དཔའ་བོ་བཏུ་བར་བྱ། །དོན་འདོད་ཐམས་ཅད་གྲུབ་བྱེད་པ། །བཞི་པའི་ལྔ་པ་གང་ཡིན་དང་། །ལྔ་པ་ཡི་ཡང་ལྔ་པ་དང་། །ལྔ་པ་ཡི་ནི་བཞི་པ་དང་། །དང་པོའི་གསུམ་པ་གང་ཡིན་དང་། །
དེ་བཞིན་ཉི་ཤུ་རྩ་དགུ་པ། །བཞི་པའི་དང་པོ་གང་ཡིན་དང་། །མཐར་གནས་པ་ཡི་བཞི་པ་དང་། །དེ་ཉིད་ཀྱི་ནི་གཉིས་པ་དང་། །སུམ་བཅུ་པ་ནི་ཡང་དག་བླང་། །ཉི་ཤུ་དྲུག་པ་ཉིད་དང་ནི། །དེ་བཞིན་བརྒྱ་ཡི་ཕྱེད་ཕྱེད་དང་། །
དེ་ནས་སུམ་བཅུ་རྩ་གསུམ་དང་། །དང་པོའི་དང་པོ་ཉིད་དག་དང་། །མཐར་གནས་པ་ཡི་གསུམ་པ་དང་། །ལྔ་པ་ཡི་ནི་དང་པོ་དང་། །དང་པོ་ཡི་ནི་གསུམ་པ་ཉིད། །སུམ་བཅུ་རྩ་གཉིས་པ་ཉིད་ནི། །བཞི་པ་ཡི་ནི་ལྔ་པ་
དང་། །ལྔ་པ་ཡི་ཡང་བཞི་པ་དང་། །མཐར་གནས་པ་ཡི་དང་པོ་དང་། །གཉིས་པ་ཡི་ནི་གསུམ་པ་དང་། །གསུམ་པའི་དང་པོ་གང་ཡིན་དང་། །ལྔ་པ་ཡི་ཡང་ལྔ་པ་དང་། །དང་པོ་ཡི་ནི་དང་པོ་དང་། །དེ་བཞིན་བཅུ་གཅིག་

85-1-202a

པ་ཉིད་དང་། །དེ་བཞིན་མཁས་པས་བཅུ་དྲུག་པ། །གསུམ་པའི་དང་པོ་གང་ཡིན་དང་། །དེ་བཞིན་ཉི་ཤུ་རྩ་དྲུག་པ། །བཞི་པའི་གསུམ་པ་གང་ཡིན་དང་། །ཨུཥྨ་ཡི་ནི་གཉིས་པ་ཉིད། །དང་པོའི་དང་པོ་
གང་ཡིན་དང་། །དེ་བཞིན་ཉི་ཤུ་རྩ་བདུན་པ། །ཉི་ཤུ་རྩ་བརྒྱད་པ་ཡང་ངོ་། །དང་པོ་ཡི་ནི་གསུམ་པ་དང་། །ལྔ་པ་ཡི་ཡང་བཞི་པ་དང་། །དེ་བཞིན་སུམ་བཅུ་རྩ་གཅིག་བླང་། །བཅྭ་ལྔ་པ་ནི་ཉིད་དག་དང་། །དེ་བཞིན་ཉི་ཤུ་རྩ་
ལྔ་པ། །དང་པོའི་གཉིས་པ་གང་ཡིན་དང་། །དེ་བཞིན་ཉི་ཤུ་དྲུག་པ་དང་། །ཡི་གེ་སུམ་བཅུ་རྩ་གཉིས་པ། །ཨུཥྨ་ཎ་ནི་ཐ་མ་ཉིད། །སུམ་བཅུ་རྩ་གཉིས་པ་ཉིད་དང་། །ལྔ་པ་ཡི་ནི་བཞི་པ་དང་། །གཉིས་པ་ཡི་ནི་བཞི་
པ་དང་། །ལྔ་པ་ཡི་ནི་བཞི་པ་དང་། །ཨུཥྨ་ཡི་ནི་གསུམ་པ་དང་། །གཞན་ཡང་ཉི་ཤུ་རྩ་བདུན་པ། །ཨནྟ་སྠ་ཡི་དང་པོ་དང་། །དེ་བཞིན་ཉི་ཤུ་རྩ་གཅིག་པ། །ཨནྟ་སྠཱ་ཡི་གཉིས་པ་དང་། །དེ་བཞིན་ཡང་ནི་སུམ་
བཅུ་པ། །ལྔ་པ་ཡི་ནི་དང་པོ་དང་། ཨུཥྨ་ཡི་ནི་དང་པོ་ཉིད། །དེ་བཞིན་ཡི་གེ་དྱ་ཉིད་དང་། །བཞི་པའི་དང་པོ་གང་ཡིན་དང་། །ཨུཥྨའི་དང་པོ་གང་ཡིན་དང་། །དེ་བཞིན་ཉི་ཤུ་རྩ་བརྒྱད་པ། །དང་པོའི་གཉིས་པ་གང་
ཡིན་དང་། །གསུམ་པའི་དང་པོ་ཉིད་དག་དང་། །དང་པོའི་གསུམ་པ་གང་ཡིན་དང་། །བཞི་པའི་བཞི་པ་གང་ཡིན་དང་། །ཨན་ད་སྠ་ཡི་གཉིས་པ་དང་། །གསུམ་པའི་ཡང་ནི་ལྔ་པ་དང་། །ཡི་གེ་བྱ་ནི་དེ་ནས་བླང་། །
དང་པོ་ཡི་ནི་བཞི་པ་དང་། །མཐར་གནས་པ་ཡི་གཉིས་པ་དག །དེ་ནས་བརྒྱད་པ་ཉིད་དག་དང་། །བཞི་པའི་ལྔ་པ་གང་ཡིན་དང་། །ལྔ་པ་ཡི་ཡང་ལྔ་པ་དང་། །ཉི་ཤུ་རྩ་གསུམ་པ་ཡང་བླང་། །དེ་བཞིན་ཉི་ཤུ་རྩ་
བདུན་དང་། །བཞི་པ་ཡི་ནི་བཞི་པ་དང་། །སླར་ཡང་ཉི་ཤུ་རྩ་བདུན་པ། །དེ་བཞིན་ཉི་ཤུ་རྩ་དྲུག་པ། །ཉི་ཤུ་རྩ་ལྔ་ཡང་དག་བླང་། །སུམ་བཅུ་རྩ་གསུམ་ཉིད་དག་དང་། །བཞི་པ་ཡི་ནི་བཞི་པ་དང་། །ལྔ་པ་ཡི་ནི་

85-1-202b

ལྔ་པ་དང་། །མཐར་གནས་པ་ཡི་མཉམ་པ་བླང་། །བཞི་པ་ཡི་ནི་ལྔ་པ་དང་། །བཞི་པ་ཡི་ནི་བཞི་པ་དང་། །དང་པོའི་དང་པོ་ཉིད་དག་དང་། །དེ་བཞིན་ཉི་ཤུ་རྩ་བདུན་པ། །ཨན་ད་སྠ་ཡི་བཞི་པ་དང་། །དེ་བཞིན་ཉི་ཤུ་རྩ་གཅིག་
པ། །ཨུཥྨ་ཡི་ནི་གཉིས་པ་ཉིད། །དེ་བཞིན་ཉི་ཤུ་རྩ་དྲུག་པ། །ཐོག་མ་ཡི་ནི་དང་པོ་དང་། །མཐར་གནས་པ་ཡི་གཉིས་པ་ཉིད། །གཉིས་པ་ཡི་ནི་དང་པོ་དང་། །དྲུག་པ་ཡི་ནི་གཉིས་པ་ཉིད། །ཐོག་མ་ཡི་ནི་དང་པོ་དང་། །
མཐར་གནས་པ་ཡི་གཉིས་པ་དང་། །གཉིས་པ་ཡི་ནི་དང་པོ་དང་། །བདུན་པ་ཡི་ནི་གཉིས་པ་དང་། །དྲུག་པ་ཡི་ནི་གསུམ་པ་དང་། །བཞི་པ་ཡི་ནི་ལྔ་པ་དང་། །བཞི་པ་ཡིས་ནི་སྦྱར་བར་བྱ། །མཐར་གནས་པ་ཡི་བཞི་པ་དང་། །
ལྔ་པ་ཡི་ནི་ལྔ་པ་ལ། །བཞི་པ་ཡི་ནི་གནས་སུ་བྱ། །ལྔ་པ་ཡི་ནི་ཐོག་མ་ལ། །སྟེང་དུ་སྦྱར་ཞིང་མེ་དང་བཅས། །ཨུཥྨ་ཡི་ནི་གསུམ་པ་དང་། །མཐར་གནས་པ་ཡི་ཐོག་མ་དང་། །བཞི་པ་ཡི་ནི་ཐོག་མ་ལ། །གཟི་བརྗིད་
ཅན་གྱིས་གདན་དུ་བྱས། །བདུན་པ་ཡི་ནི་གསུམ་པ་དང་། །དྲུག་པ་ཡི་ཡང་དང་པོ་སྟེ། །ཀ་དང་ཤ་ཡི་ཡི་གེ་ནི། །ཐོག་མ་དག་ནི་བླངས་ནས་སུ། །ལྔ་པ་ཡི་ནི་བཞི་པ་དང་། །མཐར་གནས་པ་ཡི་དང་པོ་སྟེ། །དེ་བཞིན་
ཡང་ནི་བསྡུས་ཏེ་བླང་། །དྲུག་པ་ཡི་ནི་བཞི་པ་དང་། །བདུན་པ་ཡི་ནི་དང་པོ་དང་། །ཨུཥྨ་ཎ་ཡི་བཞི་པ་བླང་། །བདུན་པ་ཡི་ནི་བཞི་པ་དག །རྡོ་རྗེ་སེམས་དཔས་ཕྱེ་བ་ཡིན། །ཨུཥྨ་ཎ་ཡི་བཞི་པ་ཉིད། །ཉི་མ་ཡང་
ནི་གདན་དུ་བྱས། །བདུན་པ་ཡི་ནི་བཞི་པ་ལ། །མེ་ཡི་འོག་ཏུ་སྦྱར་བར་བྱ། །གཤེགས་སུ་གསོལ་དང་ཡང་དག་ལྡན། །ལྔ་པ་ཡི་ནི་གཉིས་པ་དང་། །དེ་བཞིན་ཉི་ཤུ་གཉིས་པ་ཉིད། །དྲུག་པ་ཡི་ནི་གཉིས་དེ་
བཞིན། །བཅུ་གཅིག་པ་དང་ཉི་ཤུ་གཉིས། །གསུམ་པའི་དང་པོ་བླངས་ནས་ནི། །བཞི་པ་ཡི་ནི་གསུམ་པ་དང་། །ཨུཥྨ་ཎ་ཡི་བཞི་པ་ཉིད། །ལྔ་པ་ཡི་ནི་གསུམ་པ་དང་། །བདུན་པའི་བཞི་པ་བླང་

85-1-203a

བར་བྱ། །ཉི་ཤུ་རྩ་གཅིག་དེ་བླངས་ནས། །གཉིས་པ་ཡི་ནི་དང་པོ་དང་། །ལྔ་པ་ཡི་ཡང་ཐོག་མ་དང་། །གཉིས་པ་ཡི་ནི་ཡི་གེ་དྲུག །ལྔ་པ་ཡི་ནི་བཞི་པ་ལ། །ཀྵ་ཡི་ཡི་གེ་དེ་བཞིན་ནོ། །ཉི་ཤུ་རྩ་བཞི་
དེ་བླངས་ནས། །སླར་ཡང་བསྡུ་བ་བཤད་པ་ཡིན། །ལྔ་པ་ཡི་ནི་གསུམ་པ་དང་། །ཨུཥྨ་ཎ་ནི་གསུམ་པ་དང་། །མཐར་གནས་པ་ཡི་གཉིས་པ་ཉིད། །ལྔ་པ་ཡི་ནི་བཞི་པ་ལ། །ཉི་མས་སླར་ཡང་བདབ་པར་བྱ། །
ཡི་གེ་ཉི་ཤུ་བཏབ་ནས་ནི། །བཅུ་དྲུག་པ་ཡིས་སྟན་དུ་བྱས། །འོག་ཏུ་མེ་ཡི་གཟི་བརྗིད་ཅན། །ལྔ་པ་ཡི་ནི་ལྔ་པ་དང་། །མཐར་གནས་པ་ཡི་གསུམ་པ་དང་། །ལྔ་པ་ཡི་ནི་གསུམ་པ་དང་། །དྲུག་པ་ཡི་ནི་གསུམ་པ་དང་། །མཐར་
གནས་པ་ཡི་བཞི་པ་དང་། །ཉི་ཤུ་རྩ་ལྔ་པ་ཡིས་དབྱེ། །བཞི་པ་ཡི་ནི་ལྔ་པ་དང་། །གཉིས་པ་ཡི་ཡང་གསུམ་པ་དང་། །ཉི་མའི་བུ་ཡིས་རྣམ་པར་དབྱེ། །ཨུཥྨ་ཎ་ཡི་བཞི་པ་དང་། །དང་པོ་ཡི་ནི་གསུམ་པ་ལ། །གཟི་
བརྗིད་ཀྱིས་ནི་གདན་དུ་བྱས། །བདུན་པ་ཡི་ནི་བཞི་པ་དང་། །བཅྭ་ལྔ་པ་ཡིས་གདན་གཉིས་བྱ། །ཨུཥྨ་ཎ་ཡི་གསུམ་པ་ཉིད། །ལྔ་པ་ཡི་ནི་ཐོག་མ་ལ། །བཅུ་དྲུག་པ་ཡིས་གདན་དུ་བྱ། །ཉི་ཤུ་རྩ་གཅིག་དེ་ཡིས་
བླངས། །བཞི་པ་ཡི་ནི་ཐོག་མ་དང་། །མཐར་གནས་པ་ཡི་གསུམ་པ་དང་། །གཉིས་པ་ཡི་ནི་གསུམ་པ་དང་། །བཞི་པ་ཡི་ནི་དང་པོ་དང་། །ལྔ་པ་ཡི་ནི་བཞི་པ་དང་། །གསུམ་པ་ཡི་ནི་གསུམ་པ་དང་། །དང་པོ་
ཡི་ནི་གསུམ་པ་དང་། །ཨུཥྨ་ཎ་ཡི་གསུམ་པ་ཉིད། །ཉི་ཤུ་རྩ་གཅིག་དེ་བཞིན་ཏེ། །ཉི་མ་ཡིས་ནི་མཉམ་པར་མནན། །ལྔ་པ་ཡི་ནི་གསུམ་པ་དང་། །བཞི་པ་ཡི་ནི་དང་པོ་དང་། །གསུམ་པ་ཡི་ནི་
གསུམ་པ་ལ། །གཟི་བརྗིད་ཀྱིས་ནི་གསལ་བར་བྱ། །མཐར་གནས་པ་ཡི་ཐོག་མར་ཤེས། །དེར་ཡང་བཅུ་དྲུག་པ་ཡིས་གདབ་། །གཉིས་པ་ཡི་ནི་གསུམ་པ་དང་། །དེ་བཞིན་ཉི་ཤུ་རྩ་དྲུག་པ། །

85-1-203b

དང་པོ་ཡི་ནི་གཉིས་པ་དང་། །ཐོག་མ་ཡི་ཡང་དང་པོ་དང་། །བཞི་པ་ཡི་ཡང་གསུམ་པ་དང་། །ཐོག་མ་ཡི་ཡང་དང་པོ་དང་། །གཉིས་པ་ཡི་ཡང་དང་པོ་དང་། །དེ་བཞིན་དུ་ནི་བཅུ་བཞི་པའོ། །བཅུ་བཞི་ཨུཥྨ་བཞི་པ་
དང་། །ཉི་ཤུ་རྩ་བདུན་གདན་དུ་བྱས། །ཡ་སོགས་བརྒྱད་པོའི་ས་བོན་དང་། །ཉི་མ་ཡི་ནི་གཟི་བརྗིད་ཅན། །གསུམ་པ་ཡི་ཡང་གསུམ་པ་དང་། །བཅྭ་ལྔ་པ་ཡིས་གདན་དུ་བྱ། །གཉིས་པ་ཡི་ཡང་གསུམ་
པ་དང་། །གསུམ་པ་ཡི་ཡང་ལྔ་པ་དང་། །ཀ་ཤའི་ཡི་གེ་ས་བོན་ཏེ། །ཉི་ཤུ་ལྔ་པ་གདན་དུ་བྱས། །སླར་ཡང་བསྡུ་བར་བྱ་བ་སྟེ། །སྐུ་ནི་ལེགས་པར་བཏུ་བ་སྟེ། །དབང་ཆེན་གྱིས་ནི་གདན་དུ་བྱ། །ཨུཥྨ་ཡི་ནི་བཞི་པ་
དང་། །བདུན་པ་ཡི་ནི་བཞི་པ་དང་། །ཡ་ཚོགས་བརྒྱད་པོའི་ས་བོན་དང་། །དེ་བཞིན་སུམ་བཅུ་གསུམ་པ་ཉིད། །སུམ་བཅུ་རྩ་གསུམ་དེ་བཞིན་ཏེ། །ལྔ་པའི་བདག་ཉིད་ཀུན་བསྡུ་བའོ། །དེ་ནས་ཀྱང་ནི་བཏུ་བྱ་བ། །
གཉིས་པ་ཡང་ནི་དེ་བཞིན་ཏེ། །གཉིས་པ་ཡང་ནི་དེ་བཞིན་ཏེ། །གཉིས་པ་ཡི་ནི་དང་པོ་དང་། །མཐར་གནས་པ་ཡི་གསུམ་པ་དང་། །ཨུཥྨ་ཎ་ཡི་གསུམ་པ་དང་། །དེ་བཞིན་ཉི་ཤུ་རྩ་བརྒྱད་པ། །བདུན་
པ་ཡི་ནི་བཞི་པ་དང་། །དྲུག་པ་ཡི་ནི་གསུམ་པ་དང་། །ལྔ་པ་ཡི་ཡང་བཞི་པ་དང་། །དྲུག་པ་ཡི་ཡང་གསུམ་པ་དང་། །གཉིས་གཉིས་རྐང་པ་བཞི་པ་སྟེ། །ཀ་ར་ཀ་ར། ཀུ་རུ་ཀུ་རུ། བན་དྷ་བན་དྷ་
ཏྲཱ་ས་ཡ་ཏྲཱ་ས་ཡ། །ཀྵོ་བྷ་ཡ། ཀྵོ་བྷ་ཡ། ཧྲཽ་ཧྲཽ། ཧྲཿཧྲཿ། ཕེྃ་ཕེྃ།   ཕཊ་ཕཊ། ད་ཧ་ད་ཧ། པ་ཙ་པ་ཙ། བྷཀྵ་བྷཀྵ་བ་ས་རུ་དྷི་ར། ཨན་དྲ། མཱ་ལཱ་བ་ལྃ་ཝི་ནེ། གྲྀཧྞ་གྲྀཧྞ། སཔྟ་པཱ་ཏཱ་ལ་ག་ཏ། བྷཱུ་ཛྃ་ག་སརྦྃ་བཱ་
ཏརྫ་ཡ་ཏརྫ་ཡ། ཨཱ་ཀཌྜྷྱ། ཨཱ་ཀཌྜྷྱ། ཧྲཱིྃ་ཧྲཱིྃ། ཛྙོྃ་ཛྙོྃ། ཀྵྨཱྃ་ཀྵྨཱྃ། ཧཱྃ་ཧཱྃ། ཧཱི་ཧཱི། ཧཱུྃ་ཧཱུྃ། ཀི་ལི་ཀི་ལི། སི་ལི་སི་ལི། ཧི་ལི་ཧི་ལི། དྷི་ལི་དྷི་ལི། ཧཱུྃ་ཧཱུྃ་ཕཊ་ཕཊ། རིག་པའི་རྒྱལ་པོ་གསང་

85-1-204a

སྔགས་ཏེ། །བྱ་བ་ཐམས་ཅད་སྒྲུབ་བྱེད་པའོ། །འདི་ལས་ཤིན་ཏུ་མཆོག་གྱུར་པ། །འཇིག་རྟེན་གསུམ་ན་ཡོད་མིན་ཏེ། །དཔལ་ལྡན་ཁྲག་འཐུང་སྔགས་ཤེས་ན། །གཞན་དག་སྙིང་པོ་མེད་རྩྭར་མཚུངས། །
རྩ་བའི་སྔགས་སུ་བཤད་པ་ཡིན། །མངོན་པར་བརྗོད་པའི་རྒྱུད་བླ་མའི་བླ་མ་ལས་རྩ་བའི་སྔགས་ཀྱི་ཡི་གེ་བཏུ་བའི་རྡོ་རྒྱུས་ཀྱི་ཆོ་གའི་ལེའུ་སྟེ་ལྔ་བཅུ་རྩ་བདུན་པའོ།། །། 
གཞན་ཡང་ཡི་གེ་ཉི་ཤུ་གཉིས། །སྙིང་པོའི་ཡིག་བདུན་ཉེ་སྙིང་པོ། །ཡ་ཚོགས་བརྒྱད་པོའི་ས་བོན་དང་། །དེ་བཞིན་གུག་སྐྱེད་བཅུ་གཉིས་ཀྱིས། །ཡི་གེ་བར་མ་དོར་བྱས་པ། །ཡན་ལག་དྲུག་ནི་ཧེ་
རུ་ཀ །དཔའ་བོ་དྲུག་དང་མཉམ་སྦྱོར་བ། །རེའུ་མིག་དྲུག་ཏུ་བསྒོམ་པ་སྟེ། །ཧེ་རུ་ཀ་ཡི་བདག་པོར་འགྱུར། །ཡི་གེ་གཅིག་ཏུ་ཡང་དག་གནས། །ཨོཾ་ན་མཿསྭཱ་ཧཱ་བཽ་ཥ་ཊ། །ཧཱུྃ་ཧཱུྃ་ཕཊ་དང་ཡང་དག་ལྡན། །
སྒྲུབ་པོས་སྙིང་པོར་ཤེས་པར་བྱ། །དང་པོ་སྙིང་ཀ་ཉིད་དུ་སྟེ། །གཉིས་པ་སྤྱི་བོར་ཤེས་པར་བྱ། །གསུམ་པ་སྤྱི་གཙུག་དག་ཏུ་སྦྱར། །བཞི་པ་གོ་ཆར་གྱུར་པ་ཡིན། །ལྔ་པ་མིག་ཏུ་གྱུར་པ་སྟེ། །དྲུག་པ་མཚོན་
ཆ་ཞེས་བྱར་འདོད། །དེ་ནས་དབྱངས་ཡིག་བཅུ་གསུམ་ཉིད། །ཡི་གེ་གཉིས་པ་དག་དང་སྦྱར། །དབྱངས་ཡིག་བཅུ་གཅིག་ཡང་དག་སྦྱར། །ཡི་གེ་དྲུག་པས་བརྒྱན་པར་བྱ། །དབྱངས་ཀྱི་བཞི་པ་ཉིད་ཀྱང་ནི། །ཡི་
གེ་བདུན་པ་ཉིད་ཀྱང་སྦྱར། །དབྱངས་ཡིག་བཅུ་གཅིག་པ་ཉིད་ནི། །མཁས་པས་ཡི་གེ་བརྒྱད་པར་སྦྱར། །དབྱངས་ཡིག་གཉིས་པ་དང་སྦྱར་བའི། །ཡི་གེ་དགུ་པ་བརྒྱན་པར་བྱ། །དབྱངས་ཀྱི་ཡི་གེ་གཉིས་
པ་ཉིད། །ཡི་གེ་བཅུ་གཉིས་པ་དང་སྦྱར། །དབྱངས་ཡིག་གཉིས་པར་ལྡན་པ་ནི། །ཡི་གེ་ཉི་ཤུ་གཅིག་པ་གཟུང་། །མཁས་པས་ཡི་གེ་བཅུ་བཞི་པ། །ཡི་གེ་ཉི་ཤུ་པ་དང་སྦྱར། །དབྱངས་ཀྱི་གསུམ་

85-1-204b

པ་ཉིད་དག་ནི། །ཡི་གེ་བཅྭ་ལྔ་པ་དང་སྦྱར། །དབྱངས་ཡིག་བཅྭ་ལྔར་ཡང་དག་ལྡན། །ཡི་གེ་བཅུ་དྲུག་པ་མཛེས་བྱ། །དབྱངས་ཡིག་གསུམ་པ་དང་ལྡན་པའི། །ཡི་གེ་བཅུ་བདུན་པ་རུ་འདོད། །དབྱངས་ཀྱི་
གཉིས་པ་ཉིད་དང་ནི། །ཡི་གེ་བཅྭ་བརྒྱད་བར་དུ་སྦྱར། །དབྱངས་ཡིག་གི་ནི་གཉིས་པ་ཉིད། །ཡི་གེ་ཉི་ཤུ་གཅིག་པར་སྦྱར། །ཕྱི་མོའི་ལྔ་པ་དང་ཡང་སྦྱར། །ཡི་གེ་ཉི་ཤུ་གསུམ་པར་སྦྱར། །དབྱངས་
ཡིག་བཅུ་གསུམ་པ་ཉིད་ནི། །ཡི་གེ་ཉི་ཤུ་བཞི་པར་སྦྱར། །སྡེ་ཚན་དང་པོ་བླངས་ནས་ནི། །ཡི་གེ་ཉི་ཤུ་ལྔ་པར་སྦྱར། །དབྱངས་ཡིག་གཉིས་པ་དང་ལྡན་པར། །ཡི་གེ་ཉི་ཤུ་རྩ་དྲུག་འགྱུར། །ཡི་གེ་ཉི་ཤུ་
བརྒྱད་དག་ནི། །ཡི་གེ་བཅྭ་ལྔ་པ་དང་སྦྱར། །གསུམ་པའི་དང་པོར་ཡང་དག་ལྡན། །འོག་གི་ཆ་ནི་མེ་དང་བཅས། །དེ་བཞིན་དབྱངས་ཡིག་གཉིས་པར་སྦྱར། །ཡི་གེ་ཉི་ཤུ་རྩ་དགུ་པ། །ཡི་གེ་སུམ་
བཅུ་རྩ་གཅིག་པར། །དབྱངས་ཡིག་གཉིས་པ་དག་དང་སྦྱར། །ཡི་གེ་སུམ་བཅུ་གཉིས་པ་ཡང་། །དབྱངས་ཡིག་གཉིས་པར་ལྡན་པར་བྱ། །ཡི་གེ་སུམ་བཅུ་རྩ་གསུམ་པ། །ཉི་མར་ཡང་དག་
ལྡན་པར་བྱ། །ཕྱི་མོའི་བཞི་པ་ཉིད་དག་ནི། །ཡི་གེ་སུམ་བཅུ་བཞིར་ལྡན་པའི། །འདོད་པའི་དོན་ཀུན་གྲུབ་བྱེད་ཡིན། །ཕྱི་མོའི་ལྔ་པ་ཉིད་དག་ནི། །སུམ་བཅུ་བདུན་པར་ཡང་དག་ལྡན། །མཁའ་འགྲོ་
མ་རྣམས་སྒྲུབ་བྱེད་ཡིན། །སུམ་བཅུ་བརྒྱད་པ་ཉིད་དག་ནི། །དབྱངས་ཡིག་གཉིས་པ་དང་སྦྱར་བ། །ལྷ་རྣམས་ཐམས་ཅད་བསྒྲུབ་པ་ནི། །འདི་ཉིད་ཡིན་པར་ཐེ་ཚོམ་མེད། །བཞི་བཅུ་རྩ་གཉིས་པ་ཉིད་
ནི། །མེ་དང་འོག་ཏུ་བསྒྲུབ་པར་བྱ། །བཞི་བཅུ་གསུམ་པ་ཉིད་དག་ནི། །དབྱངས་ཡིག་ལྔ་པ་ཉིད་དང་སྦྱར། །ཡི་གེ་བཞི་བཅུ་ལྔ་པ་ནི། །དབྱངས་ཀྱི་ཡི་གེ་གཉིས་པར་སྦྱར། །དབྱངས་ཡིག་ལྔ་

85-1-204c

པ་ཉིད་དག་ཀྱང་། །བཞི་བཅུ་རྩ་དྲུག་པར་ལྡན་པ། །དཔའ་བོ་ཐམས་ཅད་རབ་མཆོད་ཅིང་། །བཞི་བཅུ་རྩ་བདུན་པ་ཉིད་ནི། །དབྱངས་ཡིག་གཉིས་པ་དང་སྦྱར་བ། །རྡོ་རྗེ་སེམས་དཔའ་མཆོག་ཏུ་འདོད། །
དེ་བཞིན་ལྔ་བཅུ་རྩ་གཅིག་པ། །དབྱངས་ཡིག་ལྔ་པ་ཉིད་དག་གིས། །མཛེས་པ་མཆོག་ནི་ཡིན་པར་འདོད། །ལྔ་བཅུ་རྩ་གཉིས་པ་ཉིད་ནི། །དབྱངས་ཡིག་གཉིས་པ་དང་སྦྱར་བ། །ལྷ་རྣམས་ཐམས་ཅད་འགྲུབ་བྱེད་
པ། །འདི་ཉིད་ཡིན་པར་ཐེ་ཚོམ་མེད། །དེ་བཞིན་ལྔ་བཅུ་རྩ་གསུམ་པའང་། །དབྱངས་ཡིག་བཅུ་གསུམ་པ་དང་སྦྱར། །ཡི་གེ་རྣམས་ལས་འདི་མཆོག་སྟེ། །དགྲ་རྣམས་ངེས་པར་གསོད་བྱེད་ཡིན། །སྡེ་ཚན་བཞི་
ལས་བྱ་ཉིད་དོ། །ཡི་གེ་ལྔ་བཅུ་རྩ་དྲུག་པ། །དབྱངས་ཡིག་དྲུག་པ་དག་དང་སྦྱར། །ཨནྟ་སྠཱ་ཡི་བཞི་པ་དང་། །དབྱངས་ཡིག་གཉིས་པར་སྦྱར་བར་བྱ། །དེ་བཞིན་བཅྭ་ལྔ་པ་དང་སྦྱར། །དངོས་གྲུབ་ཐམས་ཅད་
སྒྲུབ་པ་ཡིན། །ཡི་གེ་ལྔ་བཅུ་རྩ་དགུར་འགྱུར། །ཡི་གེ་དྲུག་བཅུ་རྩ་གཅིག་ཉིད། །དབྱངས་ཡིག་གཉིས་པ་དག་དང་སྦྱར། །འདི་ཉིད་མཆོག་ནི་ཡིན་པར་བཤད། །དེ་བཞིན་དྲུག་བཅུ་རྩ་གཉིས་པ། །
དབྱངས་ཡིག་གཉིས་པར་སྦྱར་བ་ནི། །མཁའ་འགྲོ་མ་ཡི་མཆོག་ཏུ་འདོད། །ཡི་གེ་དྲུག་བཅུ་རྩ་གསུམ་ཉིད། །དབྱངས་ཡིག་བཅུ་གཅིག་དག་དང་ལྡན། །མཛེས་པའི་ཡི་གེ་ཀུན་མཆོག་ཡིན། །
དྲུག་བཅུ་རྩ་བཞི་པ་ཉིད་ནི། །རྡོ་རྗེ་སེམས་དཔའ་ཕྱེ་བ་དག །དབྱངས་ཡིག་གཉིས་པར་ཡང་དག་ལྡན། །གྲུབ་སྦྱིན་ཐར་པ་ཆེན་པོའོ། །ཡི་གེ་དྲུག་བཅུ་རྩ་ལྔ་པ། །མེ་ལ་གནས་པར་ཡང་དག་ལྡན། །
དབྱངས་ཡིག་གསུམ་པ་དང་སྦྱར་བ། །དངོས་གྲུབ་ཀུན་སྦྱིན་བདེ་གཤེགས་གསུངས། །ཡི་གེ་དྲུག་བཅུ་རྩ་དྲུག་པ། །དབྱངས་ཡིག་གསུམ་པ་དང་སྦྱར་བ། །བྱ་བ་ཀུན་ལས་གྲུབ་སྦྱིན་པར། །དེ་ལྟར་དེ་བཞིན་

85-1-204d

གཤེགས་པས་གསུངས། །ཡི་གེ་དྲུག་བཅུ་རྩ་བདུན་པ། །ཡི་གེ་གཉིས་པ་ཡང་དག་ལྡན། །རྣལ་འབྱོར་མ་ཡི་དགོས་པ་ཀུན། །འདི་ཉིད་བྱེད་པར་ཐེ་ཚོམ་མེད། །དྲུག་བཅུ་བརྒྱད་པ་ཉིད་དག་ལས། །དེར་ནི་
ཡི་གེ་བ་སྦྱར་བ། །འོག་གི་ཆར་ནི་བརྟག་པར་བྱ། །ཡི་གེ་བདུན་བཅུ་རྩ་གཅིག་པ། །ཡི་གེ་གཉིས་པར་ཡང་དག་སྦྱར། །ཡི་གེ་ཀུན་ལ་མཛེས་པ་ནི། །འདི་ཉིད་ཡིན་པར་ཐེ་ཚོམ་མེད། །སུམ་བཅུ་རྩ་བཞི་པ་ཉིད་
ནི། །དབྱངས་ཡིག་གཉིས་པར་སྦྱར་བ་དག །གདོད་ནས་གྲུབ་པ་ཡིན་པར་ནི། །དེ་བཞིན་གཤེགས་པའི་ཞལ་ནས་གསུངས། །ཡི་གེ་བདུན་བཅུ་ལྔ་པ་ཉིད། །མ་མོའི་དྲུག་པ་དང་ལྡན་པ། །འདི་ནི་རྣལ་
འབྱོར་མཆོག་ཡིན་ཏེ། །དགེ་བ་ཀུན་ལས་དམ་པ་ཡིན། །བདུན་བཅུ་རྩ་དྲུག་པ་ཉིད་ནི། །དབྱངས་ཡིག་གཉིས་པ་དང་ལྡན་ཞིང་། །འོག་ཏུ་མེ་དང་ལྡན་པ་ལས། །གཞན་དག་མཛེས་པ་ཡོད་མ་ཡིན། །ཡིག་
བདུན་བཅུ་རྩ་བདུན་པ། །དེར་ནི་ད་དང་སྦྱར་བར་བྱ། །མཁའ་འགྲོ་མ་ཡི་མཛེས་པར་འདོད། །བདུན་བཅུ་རྩ་བརྒྱད་པ་ཉིད་ནི། །དབྱངས་ཡིག་གཉིས་པ་དག་དང་སྦྱར། །རྒྱུ་ཡི་མཆོག་ནི་ཡིན་པར་འདོད། །
ཡི་གེ་བརྒྱད་བཅུ་རྩ་གཅིག་པ། །བཞི་པའི་མཐའ་ཡིས་ཁྱད་པར་དབྱེ། །གདོད་ནས་གྲུབ་བྱེད་འདི་ཡིན་ཏེ། །དངོས་གྲུབ་ཀུན་ལ་འཇུག་བྱེད་པའོ། །ཡི་གེ་བརྒྱད་བཅུ་རྩ་གཉིས་པ། །དེ་བཞིན་དབྱངས་
ཡིག་གཉིས་པར་སྦྱར། །ཕྱི་མོ་ཡི་ནི་ལྔ་པ་ལ། །དེ་བཞིན་ཡི་གེ་བརྒྱད་བཅུ་བརྒྱད། །མ་མོ་ཡི་ནི་ལྔ་པ་དང་། །བརྒྱད་བཅུ་དགུ་པ་དེ་བཞིན་ཏེ། །མ་མོ་ལྔ་པ་བླངས་བྱས་ཏེ། །དེ་བཞིན་ཡི་གེ་དགུ་
བཅུ་པ། །མ་མོའི་ལྔ་པ་བླང་བྱས་ཏེ། །ཡི་གེ་དགུ་བཅུ་གཅིག་པར་སྦྱོར། །མ་མོ་ཡི་ནི་གཉིས་པ་དང་། །ཡི་གེ་དགུ་བཅུ་རྩ་དྲུག་པ། །དབྱངས་ཡིག་གཉིས་པ་ལྡན་པ་ཡི། །ཡི་གེ་དགུ་བཅུ་རྩ་

85-1-205a

དགུ་པ། །གདུག་པ་ཐམས་ཅད་སྐྲག་བྱེད་པ། །མ་མོ་ཀུན་གྱི་བདེ་བའི་གནས། །དབྱངས་ཀྱི་ཡི་གེ་བཅུ་གསུམ་པ། །ཡི་གེ་གཉིས་པ་དག་དང་ལྡན། །མ་མོ་བཅུ་གསུམ་པ་ཉིད་ནི། །
ཡི་གེ་ལྔ་པ་དག་དང་སྦྱར། །གདུག་པ་ཐམས་ཅད་འཁྲུག་བྱེད་དེ། །མཁའ་འགྲོ་མ་ཡི་བདེ་བའི་གནས། །དབྱངས་ཡིག་བཅུ་བཞི་པ་ཡིས་ནི། །ཡི་གེ་བརྒྱད་པ་དག་དང་སྦྱར། །བཅྭ་ལྔ་པ་ཡིས་
རབ་ཏུ་སྦྱར། །དབྱངས་ཡིག་བཅུ་བཞི་པ་ཉིད་ནི། །ཡི་གེ་དགུ་པ་དག་དང་སྦྱར། །སྟེང་དུ་ཐིག་ལེ་ཡང་དག་གནས། །ཡི་གེ་དག་ནི་བསྒྲུབ་པ་སྟེ། །མཁའ་འགྲོ་མ་ཡི་ཁྱད་པར་ཡིན། །དབྱངས་ཡིག་
བཅུ་གཅིག་པ་ཉིད་ནི། །ཡི་གེ་བཅུ་གཉིས་པ་དང་སྦྱར། །སྟེང་དུ་བྱིན་དུས་རྣམ་པར་བརྒྱན། །དབྱངས་ཀྱི་ཡི་གེ་བཅུ་གཅིག་པ། །ཡི་གེ་བཅུ་གསུམ་པ་དང་སྦྱར། །ཐིག་ལེས་ཀྱང་ནི་རྣམ་པར་བརྒྱན། །
འབྱུང་པོ་ཀུན་ནི་སྐྲག་བྱེད་ཅིང་། །སྒྲུབ་པ་པོས་ནི་དགའ་བ་ཡིན། །དབྱངས་ཀྱི་ཡི་གེ་ལྔ་པ་ལ། །ཡི་གེ་སུམ་བཅུ་རྩ་གཉིས་སྦྱར། །དབྱངས་ཀྱི་གསུམ་པ་ཉིད་དག་ནི། །ཡི་གེ་སུམ་བཅུ་གསུམ་
དང་སྦྱར། །མ་མོ་གཉིས་པ་ཉིད་དག་དང་། །ཡི་གེ་སུམ་བཅུ་རྩ་བཞིར་སྦྱར། །དབྱངས་ཀྱི་གཉིས་པ་དག་དང་ནི། །ཡི་གེ་སུམ་བཅུ་དྲུག་དང་སྦྱར། །དང་པོ་ཡི་ནི་གཉིས་པ་དག །ཡི་གེ་སུམ་བཅུ་
བདུན་དང་སྦྱར། །དབྱངས་ཀྱི་ཡི་གེ་གསུམ་པ་ནི། །ཡི་གེ་བཞི་བཅུ་དང་སྦྱར་བ། །མ་མོ་བཅུ་གཅིག་པ་ཉིད་ནི། །ཡི་གེ་བཞི་བཅུ་གཅིག་དང་སྦྱར། །དབྱངས་ཀྱི་ཡི་གེ་གཉིས་པ་ནི། །
ཡི་གེ་བཞི་བཅུ་གཉིས་པར་སྦྱར། །དབྱངས་ཀྱི་གསུམ་པ་དག་དང་ནི། །ཡི་གེ་བཞི་བཅུ་བཞི་དང་སྦྱར། །མ་མོའི་གཉིས་པ་ཉིད་དང་ཡང་། །ཡི་གེ་བཞི་བཅུ་བརྒྱད་པར་སྦྱར། །དབྱངས་ཀྱི་ཡི་གེ་

85-1-205b

གཉིས་པ་དག །ཡི་གེ་བཞི་བཅུ་དགུ་དང་སྦྱར། །དབྱངས་ཀྱི་ཡི་གེ་གཉིས་པ་དག །ཡི་གེ་ལྔ་བཅུ་གཉིས་པར་སྦྱར། །ཕྱི་མོའི་ལྔ་པ་ཉིད་དང་ནི། །ཡི་གེ་ལྔ་བཅུ་ལྔ་དང་སྦྱར། །ཡི་གེ་ལྔ་བཅུ་རྩ་བཞི་པ། །ཐིག་ལེས་ཀྱང་ནི་རྣམ་པར་བརྒྱན། །
ཡི་གེ་ལྔ་བཅུ་རྩ་ལྔ་པ། །ཐིག་ལེས་ཀྱང་ནི་རྣམ་པར་བརྒྱན། །དབྱངས་ཀྱི་ཡི་གེ་གཉིས་པར་སྦྱར། །ཡི་གེ་ལྔ་བཅུ་རྩ་བརྒྱད་པ། །ཐིག་ལེས་མགོ་ལ་མནན་པར་བྱ། །དབྱངས་ཀྱི་ཡི་གེ་གཉིས་པ་དང་། །ཡི་གེ་དྲུག་བཅུ་
དྲུག་བཅུ་སྦྱར། །ཕྱི་མོ་གཉིས་པ་ཉིད་ཀྱང་ནི། །ཡི་གེ་དྲུག་བཅུ་བདུན་དང་སྦྱར། །གདུག་པའི་དངོས་གྲུབ་ཀུན་འགྲུབ་ཅིང་། །སྒྲུབ་པ་པོ་ལ་དཔལ་ཡང་སྩོལ། །དབྱངས་ཀྱི་ཡི་གེ་བཞི་པ་དང་། །ཡི་གེ་བདུན་བཅུ་པ་དང་
སྦྱར། །ཐིག་ལེས་ཀྱང་ནི་རྣམ་པར་བརྒྱན། །ཕྱི་མོ་ཡི་ནི་བཞི་པ་ཡིས། །ཡི་གེ་བདུན་བཅུ་གསུམ་དང་སྦྱར། །བཅོ་ལྔ་པ་ནི་རབ་བླངས་ཏེ། །དབྱངས་ཡིག་བཅུ་བཞི་པ་དང་ནི། །ཡི་གེ་བདུན་བཅུ་བཞི་པར་སྦྱར། །
ཕྱི་མོའི་བཅུ་བཞི་དག་དང་ནི། །ཡི་གེ་བདུན་བཅུ་གསུམ་དང་སྦྱར། །དེ་བཞིན་བཅོ་ལྔ་པ་དང་སྦྱར། །དབྱངས་ཀྱི་ཡི་གེ་གཉིས་པ་ནི། །ཡི་གེ་བདུན་བཅུ་བཞི་དང་སྦྱར། །ཕྱི་མོའི་ཡི་གེ་གཉིས་པ་ཡང་། །ཡི་གེ་བདུན་
བཅུ་བདུན་དང་སྦྱར། །ཐིག་ལེས་ཀྱང་ནི་རྣམ་པར་བརྒྱན། །ཕྱི་མོ་ཡི་ནི་གཉིས་པ་ཡང་། །ཡི་གེ་བདུན་བཅུ་བརྒྱད་དང་སྦྱར། །ཐིག་ལེ་གཉིས་ཀྱིས་རྣམ་པར་བརྒྱན། །ཕྱི་མོ་ཡི་ནི་གཉིས་པ་ཡང་། །ཡི་གེ་
བདུན་བཅུ་དགུ་དང་སྦྱར། །མ་མོའི་བཞི་པ་ཉིད་དང་ནི། །ཡི་གེ་བརྒྱད་བཅུ་པ་དང་སྦྱར། །ཐིག་ལེས་མགོ་ལ་མནན་པར་བྱ། །དབྱངས་ཡིག་བཞི་པ་དག་ཀྱང་ནི། །ཡི་གེ་བདུན་བཅུ་དགུ་དང་སྦྱར། །ཐིག་ལེ་སྒྲ་ཡིས་
བསྐྱེད་པ་སྟེ། །ཐིག་ལེས་ཀྱང་ནི་རྣམ་པར་བརྒྱན། །དབྱངས་ཡིག་བཞི་པ་དག་ཀྱང་ནི། །ཡི་གེ་བདུན་བཅུ་དགུ་དང་སྦྱར། །ཐེག་ལེ་སྒྲ་ཡིས་བསྐྱེད་བ་སྟེ། །ཐིག་ལེས་ཀྱང་ནི་རྣམ་པར་བརྒྱན། །དབྱངས་ཀྱི་ཡི་གེ་གསུམ་པ་དག །

85-1-206a

ཡི་གེ་བཅུ་དྲུག་པ་དང་སྦྱར། །འོག་དང་སྟེང་གི་ཡི་གེ་གྲངས། །དགུ་བཅུ་རྩ་བདུན་བཤད་པ་སྟེ། །འདི་ནི་རྩ་བའི་གསང་སྔགས་སུ། །མཁས་པ་རྣམས་ཀྱིས་ཤེས་པར་བྱ། །དངོས་གྲུབ་ཀྱི་ནི་གནས་ཡིན་ཞིང་། །མཁའ་འགྲོའི་
སྙིང་ནི་འཇོམས་པ་ན། །དཔལ་ལྡན་ཁྲག་འཐུང་ལྷ་རིགས་རྒྱལ། །ཀླགས་པས་གྲུབ་པ་དོན་ཡོད་པ། །ཨོཾ་ནི་དང་པོར་སྦྱར་བར་བྱ། །ཧཱུྃ་ཧཱུྃ་ཕཊ་ནི་མཐར་སྦྱར་བ། །འདི་ནི་རྩ་བའི་གསང་སྔགས་ཏེ། །གྲུབ་པ་ཐམས་ཅད་གྲུབ་བྱེད་ཡིན། །
དེ་ནས་རང་གི་བདག་ཉིད་ཀྱི། །དཔའ་བོ་ཐམས་ཅད་མཉམ་སྦྱོར་བ། །མཁའ་འགྲོ་མ་ནི་དྲ་བ་ཡི། །འཁོར་ལོ་བདེ་མཆོག་ཡིན་པར་འདོད། །ཧཱ་སྭཱ་ར་བ་སྃ་ལ་ཛཱ་ནཱི་ཀི་ཌཱ་ཊཕ་ཧཱུྃ་ཧཱུྃ་ཀྃ་རུ་རུ་ཧེ་ཧེ་ཛྲབ་ཤྲཱི་ཨོཾ། །རིག་པའི་རྒྱལ་པོའི་སྙིང་པོ་ནི། །མ་བྱུང་
འབྱུང་བར་མི་འགྱུར་རོ། །ཊ་ཕ་ཧཱུྃ་ཧཱུྃ་ཧ་ཧ་ཧྲཱིཿཨོཾ། །ཡི་གེ་བྃ་དང་ཡོཾ་དང་ནི། །ཡི་གེ་མྃ་དང་ཧྲིྃ་ཉིད་དང་། །ཧཱུྃ་དང་ཕཊ་ཅེས་བཤད་པ་ཡིན། །ཨོཾ་བྃ་བཛྲ་བཱ་རཱ་ཧི། ཧྃ་ཡོཾ་ཡ་མི་ནི། ཧྲཱིྃ་མོཾ་མོ་ཧ་ནི། ཧྲེྃ་ཧྲིྃ་སྃ། ཙལ་ནི། ཧཱུྃ་ཧཱུྃ་སྃ་ཏྲཱ་ས་ནི། ཕཊ་ཕཊ་
ཙཎ་ཌི་ཀ །རྣལ་འབྱོར་མ་ནི་དྲུག་དུ་བསྒྲགས། །རེའུ་མིག་དྲུག་ལ་རྣམ་པར་བསྒོམ། །མངོན་པར་བརྗོད་པའི་རྒྱུད་བླ་མའི་བླ་མ་ལས་གོ་ཆའི་སྙིང་པོ་བསྒོམ་པའི་ལེའུ་སྟེ་ལྔ་བཅུ་རྩ་བརྒྱད་པའོ།། །། དེ་ནས་གཞན་ཡང་ལྷ་མོ་ཡི། །
སྙིང་པོ་བླ་མེད་བཤད་པར་བྱ། །ཨོཾ་བཛྲ་བཻ་རོ་ཙ་ནཱི་ཡེ་ཧཱུཾ་ཧཱུྃ་ཕཊ་སྭཱ་ཧཱ། ལྷ་མོའི་སྙིང་པོའི་སྦྱོར་བ་ནི། །བཅུ་གསུམ་པ་ནི་བདག་ཉིད་དགེ། །པད་མ་དབུས་སུ་ཕག་མོ་སྟེ། །འདབ་མ་ལ་ནི་ལྷ་མོ་དགོད། །སྒོ་བཞི་དག་གི་ཕྱོགས་སུ་ནི། །ལྷ་མོའི་
སྙིང་པོ་རྣམ་པར་བསྒོམ། །ཨོཾ་ལས་བྱུང་བའི་རྟ་གདོང་དང་། །རྡོ་རྗེ་སྙིང་པོ་གདུག་པའི་སྒྲ། །དྲག་པོ་ཡང་ནི་གཡོ་མ་དང་། །མི་འཕྲོག་མ་དང་དྲི་མེད་མ། །ཧཱུྃ་མཛད་མ་དང་ལྡན་ལྷ་མོ། །བསྲེག་བླུགས་མ་དང་ཕཊ་བྱེད་མ། །རང་བྱུང་མ་དང་
བཅུ་གཉིས་ཏེ། །ཧ་མཛད་གཡས་པའི་གཙོ་བོ་ཡིན། །རྡོ་རྗེ་ཕག་མོ་ཞེས་བྱ་བ། །དངོས་གྲུབ་ཐམས་ཅད་སྩོལ་མཛད་པ། །སྔོ་དང་སེར་དང་དམར་བ་དང་། །ལྗང་ཁུ་སྟེང་ཞལ་དཀར་པོ་སྟེ། །སྤྱན་གསུམ་པ་ལ་བཞིན་རྣམ་སྒྱུར། །མཆེ་བ་

85-1-206b

རྣམ་པར་གཙིགས་པ་སྟེ། །གཡས་བརྐྱང་བཞུགས་ཤིང་ཐོད་ཕྲེང་ཅན། །གསུས་པ་རློ་ཞིང་སྐྲ་གྲོལ་བ། །ཕྱོགས་ཀྱི་གོས་ཅན་འཛིན་པ་སྟེ། །རང་གི་ཐབས་དང་སྦྱོར་བས་གནས། །འཇིགས་བྱེད་ཙ་མུཎྜི་འཇིགས་མྱོས། །ཞབས་ཀྱི་འོག་ཏུ་
གནོན་པས་བཞུགས། །ཐོད་པ་དང་ནི་ཁ་ཊྭཱྃ་ག །མདུང་དང་གྲི་གུག་ཅང་ཏེའུ་དང་། །རྡོ་རྗེ་དྲིལ་བུ་ཞགས་པ་དང་། །ལྕགས་ཀྱུ་ཚངས་པའི་མགོ་བོ་དང་། །དགྲ་སྟ་དང་ནི་སྡིགས་མཛུབ་དང་། །ན་རའི་ལྤགས་པ་སྟེང་དུ་བརྐྱང་། །སྐུ་རགས་
དང་ནི་དཔུང་རྒྱན་དང་། །ཕྱག་རྒྱ་ལྔ་ཡིས་རྣམ་པར་བརྒྱན། །སངས་རྒྱས་ལྔ་ཡི་ཅོད་པན་ཅན། །ཐུགས་རྗེ་ཁྲོ་གཉེར་འཇིགས་པ་སྟེ། །འདབ་ལ་ལྷ་མོ་ཐམས་ཅད་དགོད། །མ་མོ་དག་ནི་བརྒྱད་པ་སྟེ། །སེར་དང་དམར་དང་ལྗང་བ་དང་། །
ལྷོ་ནི་སྔོ་བའི་མདོག་ཅན་ཏེ། །མེ་ཕྱོགས་དམར་ལ་དུད་ཁ་སྟེ། །སྔོ་བ་དང་ནི་དཀར་བ་དང་། །དབང་ལྡན་དུ་ནི་དགོད་པ་སྟེ། །སྤྱན་གསུམ་པ་ལ་སྐྲ་གྲོལ་བ། །ཕྱག་རྒྱ་ལྔ་དང་ཡང་དག་ལྡན། །སྐྱིལ་དཀྲུང་ཕྱེད་པས་ལེགས་པར་བཞུགས། །
ཐོད་པ་ཡི་ནི་དབུ་རྒྱན་ཅན། །ཕྱོགས་ཀྱི་གོས་ཅན་བཞིན་རྣམ་སྒྱུར། །ཐམས་ཅད་ཡི་དགས་གདན་ལ་བཞུགས། །ཐུགས་རྗེ་ཆགས་པས་རྣམ་པར་མྱོས། །རྡོ་རྗེའི་མཆོག་ནི་གར་མཛད་ཅིང་། །ཐོད་པ་རག་ཏས་བཀང་བ་དང་། །དྲིལ་བུ་ཅང་ཏེའུ་སྒྲ་
ཡང་སྒྲོགས། །ལྷ་རྣམས་དགའ་བར་བྱེད་པ་ཡིན། །སྒོ་རྣམས་སུ་ནི་སྒོ་སྲུངས་ཏེ། །དབང་པོའི་སྟེང་དུ་རྣམ་པར་བཞུགས། །གཡས་བརྐྱང་པ་ཡི་ཞབས་ཀྱིས་བཞུགས། །སྤྱན་གསུམ་པ་ལ་དབུ་སྐྲ་བརྫེས། །ཐོད་པའི་ཕྲེང་བའི་དབུ་རྒྱན་
ཅན། །ཕྲེང་བའི་རྒྱན་གྱིས་སྤུད་པ་སྟེ། །ཐོད་པ་དང་ནི་ཁ་ཊྭཱྃ་འཛིན། །རྡོ་རྗེ་མགོ་བོ་ཕྱག་ན་བསྣམས། །ཐམས་ཅད་རྣམ་སྒྱུར་གསུས་པ་འཕྱང་། །ཐམས་ཅད་མགོ་བོའི་ཕྲེང་བས་བརྒྱན། །སྔོ་དང་ལྗང་དང་དཀར་པོ་སྟེ། །སེར་ཞིང་
ཕྱག་བཞི་མདོག་གཉིས་པ། །གཅེར་བུ་པད་མའི་རྒྱ་ཡང་ཆེ། །རང་གི་རིགས་ཀྱི་དབུ་རྒྱན་ཅན། །ཐམས་ཅད་རང་ཐབས་གཉིས་པ་སྟེ། །བཅུ་གསུམ་པ་ནི་རྣམ་པར་བསྒོམ། །སྙིང་པོ་མཆོག་ནི་སྒོམ་པ་ཡིན། །འདོད་པ་ཐམས་ཅད་རབ་ཏུ་

85-1-207a

སྩོལ། །མངོན་པར་བརྗོད་པའི་རྒྱུད་བླ་མའི་བླ་མ་ལས་གོ་ཆ་དང་ལྷ་མོའི་སྙིང་པོ་བསྒོམ་པ་བསྟན་པའི་ལེའུ་སྟེ་ལྔ་བཅུ་རྩ་དགུ་པའོ།། །། དེ་ནས་གཞན་ཡང་བཤད་བྱ་བ། །ཤིན་ཏུ་རྙེད་དཀའི་དགོད་པ་སྟེ། །གང་ཞིག་ཤེས་པ་ཙམ་གྱིས་
ནི། །མྱུར་དུ་དངོས་གྲུབ་འགྲུབ་པའོ། །ས་ཡི་ཆ་ནི་མཉམ་ཡིད་འོང་། །ཙན་དན་གྱིས་ནི་ཉེ་བར་བསྐུ། །དྲི་བཟང་དྲི་ལྡན་སྤ་ལ་ནི། །མེ་ཏོག་སིལ་མ་གཅལ་བཀྲམ་ཞིང་། །སྤོས་ཀྱི་དྲི་ཡིས་ཉམས་དགར་བྱ། །བདག་གི་བྱ་བ་ཀུན་བྱས་ཤིང་། །
ཕྱོགས་བཅིང་བ་ནི་བྱས་ནས་སུ། །དེ་ནས་རྫ་རྔའི་བཅིང་བྱས་སྟེ། །རེ་མིག་བཞི་བཅུ་དགུ་ཟླུམ་ལ། །ཡི་གེའི་ཕྱི་མོ་དགོད་པར་བྱ། །དེར་གནས་པ་ལས་དཔའ་བོ་ནི། །འདོད་པའི་དོན་ཀུན་གྲུབ་བྱེད་བཏུ། །རིམ་བཞིན་འབྱུང་དང་རིམ་མིན་ས། །
དབྱངས་དང་ཡི་གེ་སྒྲུབ་པོས་སོ། །ཐུབ་པ་དེ་ལྟའི་གྲངས་འགྱུར་ལས། །རེའུ་མིག་སུམ་བཅུ་གཉིས་པ་བླང་། །ལྔ་པ་ཡིས་ནི་ཁྱད་པར་བྱ། །བརྒྱ་ཕྱེད་ཕྱེད་པ་ཡང་དག་བླང་། །ཉི་ཤུ་རྩ་བཞི་པ་ཡིས་ཕྱེ། །རེའུ་མིག་སུམ་བཅུ་དྲུག་པ་བླང་། །
གསུམ་པ་ཡིས་ནི་ཁྱད་པར་དབྱེ། །དེ་ནས་སུམ་བཅུ་གཉིས་པ་བླང་། །ལྔ་པ་ཡིས་ནི་ཁྱད་པར་བྱ། །དེ་ནས་ཉི་ཤུ་ལྔ་པ་གཟུང་། །ཉི་ཤུ་བཞི་པ་དག་དང་སྦྱར། །སུམ་བཅུ་རྩ་གསུམ་ཡང་དག་བླང་། །རེའུ་མིག་བཅུ་ལྔ་པ་
ཡིར་ལྡན། །ལྔ་པ་དག་དང་ཡང་དག་བཅས། །དེ་ནས་ཉི་ཤུ་གཉིས་པ་གཟུང་། །བཅུ་གཅིག་པ་ཡང་དེ་བཞིན་ནོ། །མཛེས་པ་མཆོག་ནི་ཡིན་པར་འདོད། །རེའུ་མིག་གི་ནི་བཅུ་དགུ་པ། །མེ་ཡི་བུ་དང་ཡང་དག་ལྡན། །རེའུ་
མིག་གསུམ་པར་རྣམ་པར་དབྱེ། །ཡ་ཚན་བརྒྱད་པོའི་ས་བོན་ལ། །རེའུ་མིག་སུམ་བཅུ་དྲུག་པ་དང་། །ཡང་དག་ལྡན་པའི་ཡི་གེར་འགྱུར། །སླར་ཡང་ཡི་གེ་དེ་དག་ཉིད། །འདོད་པའི་དོན་ཀུན་གྲུབ་བྱེད་ཡིན། །དེ་ནས་
རང་བྱུང་བླངས་ནས་སུ། །རེའུ་མིག་ལ་ནི་ལྔ་པར་སྦྱར། །སྤྱི་བོར་ཐིག་ལེ་དག་དང་སྦྱར། །དེ་ནས་ཉི་ཤུ་གཉིས་པ་གཟུང་། །བཅུ་གཅིག་པ་ཡང་དེ་བཞིན་ནོ། །དོན་ཀུན་གྲུབ་བྱེད་ཅེས་བྱ་བའི། །ཚིག་ནི་གཉིས་པ་ཡིན་

85-1-207b

པར་བཤད། །རེའུ་མིག་བཅུ་དགུ་པ་ཉིད་ལ། །ཉི་ཤུ་རྩ་བདུན་པ་ཡིས་ཕྱེ། །གསུམ་པ་དག་དང་ཡང་དག་ལྡན། །སུམ་བཅུ་གསུམ་པ་ལེགས་བླངས་ཏེ། །རེའུ་མིག་ནི་གཉིས་པར་སྦྱར། །ཉི་ཤུ་པ་དང་ཡང་དག་ལྡན། །མཛེས་པའི་
མཆོག་ནི་ཡིན་པར་འདོད། །དེ་བཞིན་ཉི་ཤུ་གཅིག་པ་ཉིད། །དེ་བཞིན་ཉི་ཤུ་དྲུག་པ་ཡིན། །ལན་གཉིས་བཟླས་པའི་ཚིག་ཏུ་ནི། །ཤིན་ཏུ་མཉམ་པར་བཞག་སྟེ་བཏུ། །དེ་ནས་གོ་རིམ་བཟློག་པས་གཟུང་། །རེའུ་མིག་ལས་
ནི་དང་པོ་ཉིད། །བཞི་པའི་མཐའ་དང་ཡང་དག་ལྡན། །དེ་བཞིན་བཅྭ་ལྔ་པ་དང་སྦྱར། །དེ་ནས་ཉི་ཤུ་གཉེས་པ་བཟུང་། །བཅུ་གཅིག་པ་ཡང་དེ་བཞིན་ནོ། །ཆོས་དོན་འདོད་དང་ཐར་པ་ཡི། །ཚིག་ནི་གསུམ་པ་ཡིན་པར་བཤད། །
རེའུ་མིག་གཉིས་པའི་ས་བོན་དང་། །རེའུ་མིག་སུམ་བཅུ་དྲུག་པ་ཉིད། །དེ་བཞིན་ཉི་ཤུ་དྲུག་པ་དང་། །སུམ་བཅུ་གསུམ་པ་ཡང་དག་བླང་། །རེའུ་མིག་བཅུ་གསུམ་པ་ཡིར་ལྡན། །རེའུ་མིག་ལས་ནི་བཅུ་པ་ཉིད། །གོ་རིམ་བཟློག་
པ་སྒྲུབ་པོས་བླང་། །རེའུ་མིག་ལས་ནི་བཅུ་དགུ་པ། །རེའུ་མིག་ཉི་ཤུ་གསུམ་པ་ལ། །གཉིས་པ་དག་ནི་ཡང་དག་ལྡན། །སྟེང་དུ་ཐིག་ལེས་བརྒྱན་པར་བྱ། །དེ་ནས་ཆུ་ཡི་ས་བོན་གཟུང་། །བརྒྱད་པ་ཡང་ནི་དེ་བཞིན་ཏེ། །མེ་ཡི་བུ་
ཡིས་ཁྱད་པར་དབྱེ། །ཡི་གེ་ཧཱུྃ་ཕཊ་མཐའ་རུ་སྦྱར། །འདི་ནི་ཁམས་གསུམ་རྒྱལ་ཞེས་བྱ། །སྔགས་ཚིག་བཞི་ཡིས་རྣམ་བརྒྱན་པའོ། །ཨོཾ་ནི་སྐུ་ལ་གསལ་བྱེད་ཡིན། །ཧཱུྃ་དང་ཕཊ་ནི་མཐའ་རུ་སྦྱར། །རིག་རྒྱལ་འཁོར་ལོ་སྒྱུར་བའི་སྔགས། །
འདི་ནི་མ་བྱུང་འབྱུང་མི་འགྱུར། །དེ་ཉིད་བསྡུས་དང་དཔལ་མཆོག་དང་། །བདེ་མཆོག་རྡོ་རྗེ་འཇིགས་བྱེད་དུ། །ཁྲོ་བོ་བཞི་དང་ཡང་དག་ལྡན། །སྐུ་བརྒྱད་དང་ནི་བཅས་པ་རུ། །དཀྱིལ་འཁོར་བསྲུང་བའི་དོན་དུ་ནི། །གདུག་པ་ཀུན་ལ་
ཁྱད་པར་དུ། །འདི་ནི་རྙེད་པ་ཙམ་གྱིས་ཀྱང་། །རྟག་མི་དགོས་པར་འཆི་བར་འགྱུར། །ཤ་ཆེན་དག་གིས་ཐམས་ཅད་ཀུན། །རྡོ་རྗེ་ཡང་ནི་མེད་པར་བཤད། །རྣལ་འབྱོར་ཐུན་མོང་བརྗོད་པ་ནི། །དངོས་གྲུབ་ཀུན་གྱི་འབྲས་

85-1-208a

བསྐྱེད་པའོ། །ཨོཾ་སུྃ་བྷ་ནི་སུམ་བྷ་ཧུྃ་ཧཱུྃ་ཕཊ། ཨོཾ་གྲྀ་ཧྞ་གྲྀ་ཧྞ་ཧུྃ་ཧཱུྃ་ཕཊ། ཨོཾ་གྲྀ་ཧྞ་པ་ཡ་གྷྀ་ཧྞ་པ་ཡ་ཧུྃ་ཧཱུྃ་ཕཊ། ཨོཾ་ཨཱ་ན་ཡ་ཧོ་བྷ་ག་བྃ་བཛྲ་ཧུྃ་ཧཱུྃ་ཕཊ། འདི་ནི་གདུག་པ་ཐམས་ཅད་དུ། །འཇིགས་བྱེད་མི་བཟད་པར་བཤད་དོ། །ནམ་
མཁའི་ཁམས་ཀྱི་ས་ཡི་མཆོག །པད་མའི་ལྟེ་བའི་དབུས་སུ་ནི། །རྡོ་རྗེ་ཧཱུྃ་མཛད་རྣམ་པར་བསྒོམ། །གདུག་པ་ཐམས་ཅད་ངེས་པར་གནོན། །ཕྱག་ནི་བཅུ་དྲུག་ཡང་དག་ལྡན། །ཞལ་བརྒྱད་པ་ལ་བཞིན་རྣམ་སྒྱུར། །ཞལ་གྱི་མཆེ་བ་
རྣམ་པར་གཙིགས། །ཐོད་པའི་ཕྲེང་བས་རྣམ་པར་བརྒྱན། །སངས་རྒྱས་ལྔ་ཡི་ཅོད་པན་ཅན། །ཐམས་ཅད་ཀུན་གྱིས་རྣམ་པར་སྤུད། །རྡོ་རྗེས་མཚན་པའི་ཕྱག་རྒྱ་དྲུག །སྐུ་ལུས་དྲག་པོ་ཐུགས་རྗེའི་ཉམས། །གཡས་བརྐྱང་པ་ཡི་
གནས་པ་ཡིས། །དབང་ལྡན་གྱི་ནི་ཐོད་པ་གནོན། །ཨུ་མཱ་མཆོག་གི་ཀུ་ཙ་གནོན། །ཁྲོས་པའི་སྤྱན་གྱིས་རྣམ་པར་གཟིགས། །སྐུ་ལ་མགོ་ཡི་དོ་ཤལ་ཅན། །མགོ་བོའི་ཕྲེང་བ་དབུ་ལ་བཅིངས། །རྡོ་རྗེ་དྲིལ་བུའི་ཕྱག་རྒྱ་ཅན། །
འཇིག་རྟེན་གསུམ་རྒྱལ་དེ་བཞིན་ཏེ། །ལྕགས་ཀྱུ་སྡིགས་མཛུབ་འཆིང་བ་སྟེ། །དབྲལ་བའི་སྟེང་དུ་ཡང་དག་གནས། །ཐུགས་ཀ་དཔྲལ་བ་ཕྱག་རྒྱ་སྟེ། །བགེགས་ནི་རྣམ་པར་གནོན་པ་ཡིན། །ཐོད་པ་དང་ནི་ཁ་ཊྭཱྃ་འཛིན། །རལ་
གྲི་ལྕགས་ཀྱུ་འཆང་བ་སྟེ། །མདུང་དང་མགོ་བོ་ཅང་ཏེའུ་དང་། །ནཱ་རའི་ལྤགས་པའི་སྟེང་དུ་སྟེ། །ཕྱག་ནི་བཅུ་དྲུག་དེ་བཞིན་ནོ། །སྟག་གི་ལྤགས་པ་གོས་སུ་མནབས། །རང་རིག་གཉིས་མེད་བདེ་བའི་སྐུ། །སྔོ་དང་དཀར་དང་
སེར་བ་དང་། །དམར་པོ་དེ་བཞིན་གཡོན་པ་མཛེས། །དཀར་དང་སྔོ་དང་སེར་བ་དང་། །སྟེང་གི་ཞལ་ནི་དམར་པོ་སྟེ། །སྤྱན་གསུམ་པ་ལ་དམར་བའི་སྤྱན། །ཁྲོ་བོ་བཞི་དང་ཡང་དག་ལྡན། །ལས་རྣམས་ཐམས་ཅད་བྱེད་པ་
དགེ། །འདོད་པའི་རྡོ་རྗེ་རྡོ་རྗེ་སྔོན། །བསྐྱོད་པའི་རྡོ་རྗེ་ཉིད་དང་ནི། །མི་གཡོ་བ་ཡི་རྡོ་རྗེ་སྟེ། །སྔོ་དང་ལྗང་དང་དམར་བ་དང་། །དུད་ཁ་ངུར་སྨྲིག་བསྲེས་པ་སྟེ། །མཆེ་བ་རྣམ་པར་གཅིགས་པའི་ཞལ། །ཐོད་པའི་ཕྲེང་

85-1-208b

བས་རྣམ་པར་བརྒྱན། །གཡས་བརྐྱང་པ་ཡི་ཞབས་ཀྱིས་ནི། །བདུད་བཞི་པོ་ནི་རྣམ་པར་གནོན། །ནཱ་རའི་རུས་པས་སྐུ་བརྒྱན་ཅིང་། །སྣ་ཚོགས་ཁྲོ་བོའི་རིགས་ཀྱང་འཕྲོ། །ཐོད་པ་དང་ནི་ཁ་ཊྭཱྃ་འཛིན། །རྡོ་རྗེ་སྡིགས་མཛུབ་བརྐྱང་བ་སྟེ། །རང་གི་
རིག་དང་གཉིས་མེད་འཁྱུད། །ཁྲོ་བོའི་ལྟ་བས་གཟིགས་མཛད་ཅིང་། །དྲིལ་བུ་ཕྱག་མཚན་ཡང་དག་ལྡན། །འཛིན་པའི་ཕྱག་རྒྱ་འཆིང་བ་སྟེ། །འཇིག་རྟེན་གསུམ་རྒྱལ་ཕྱག་རྒྱ་ཡིས། །ཁྲོ་བོ་ཐམས་ཅད་བཅིངས་པ་ཡིན། །སྟག་
གི་ལྤགས་པ་གོས་སུ་མནབས། །སྦྱིན་གསུམ་མི་བཟད་འཇིགས་པ་སྟེ། །ཐོ་བ་དབྱུག་ཏོ་མདའ་དང་ནི། །རལ་གྲི་དྲིལ་བུ་དེ་བཞིན་ཏེ། །ཡང་ན་རྡོ་རྗེ་དྲིལ་བུ་དང་། །ཐམས་ཅད་ཁྲོ་བོའི་རིགས་རྗེས་འགྲོ། །འཁྱུད་པའི་ཕྱག་ཀྱང་དེ་
བཞིན་ཏེ། །ཞལ་གསུམ་པ་ལ་ཕྱག་དྲུག་པ། །ཐམས་ཅད་སྤྱན་གསུམ་དངོས་གྲུབ་མཆོག །སྐུ་གསུང་ཐུགས་སུ་སྦྱོར་བ་ཡིས། །དཀྱིལ་འཁོར་དངོས་གྲུབ་མཆོག་དམ་པ། །སུམ་བཅུ་རྩ་བདུན་རྣམ་པར་དག །ཡི་
གེའི་དཀྱིལ་འཁོར་བསྒོམ་པར་བྱ། །ཨོཾ་སུྃ་བྷ་ནི་སུྃ་བྷ་ཧཱུྃ་ཕཊ། ཨོཾ་གྲྀ་ཧྞ་གྲྀ་ཧྞ་ཧཱུྃ་ཕཊ། ཨོཾ་གྲྀ་ཧྞ་པ་ཡ་གྲྀ་ཧྞཱ་པ་ཡ་ཧཱུྃ་ཕཊ། ཨོཾ་ཨཱ་ན་ཡ་ཧོ་བྷ་ག་བྃ་བཛྲ་ཧཱུྃ་ཕཊ། དཔའ་བོ་རྣལ་འབྱོར་མ་མཐོང་ནས། །ཐམས་ཅད་བསྐྱེད་པར་
རྣམ་པར་བསྒོམ། །དཀྱིལ་འཁོར་ཆེན་པོར་སྦྱོར་བ་སྟེ། །ཁ་སྦྱར་ལྔ་ཡི་ངོ་བོ་ཉིད། །རྣལ་འབྱོར་པ་ཡི་དཀྱིལ་འཁོར་ཡིན། །སྙིང་པོ་མཆོག་གི་བསྒོམ་པ་ཡིན། །དེ་བཞིན་ཁྱི་དང་ཕག་གི་ཤ །ཟངས་ཀྱི་གཙུག་པུད་ཅན་
དེ་བཞིན། །མངོན་སྤྱོད་ཀྱི་ནི་བྱ་བ་ལ། །བཟའ་དང་སྦྱིན་སྲེག་གཏོར་མ་བྱ། །མ་ལུས་ལུས་པ་མེད་གྲུབ་ཅིང་། །རྒྱལ་སྲིད་ཐམས་ཅད་རབ་གྲུབ་འགྱུར། །དུང་དང་ཉ་ཕྱེས་མུ་ཏིག་སྟེ། །གསུམ་ཆར་རྒྱུ་ལས་བྱུང་ཡིན་ན། །
ཆོས་ཀྱི་ཡེ་ཤེས་ལུས་ཅན་གྱི། །ཐོད་པ་ལ་ནི་སུ་ཞིག་དམོད། །དཔའ་བོ་ཐོད་པའི་ཕྲེང་བ་འཆང་། །ཟླ་བ་ཕྱེད་པས་བརྒྱན་དུ་བྱས། །དཔའ་བོའི་དཔའ་དབང་ཡིན་པར་བཤད། །ཁྲག་འཐུང་རྡོ་རྗེ་རྣམ་པའོ། །མངོན་པར་

85-1-209a

མངོན་པར་བརྗོད་པའི་རྒྱུད་བླ་མའི་བླ་མ་ལས་བསྲུང་བ་ཞལ་བཞི་པར་བྱིན་གྱིས་བརླབས་པ་ཁྲོ་བོ་བཞིའི་དཀྱིལ་འཁོར་རྡོ་རྒྱུས་ཀྱིས་བྲིས་པ་རྡོ་རྗེ་ཧཱུྃ་མཛད་སྐྱེད་པའི་ལེའུ་སྟེ་དྲུག་བཅུ་པའོ།། །། དེ་ནས་གཞན་ཡང་བཤད་
བྱ་བ། །སྡེ་ཚན་བརྒྱད་ནི་རྣམ་བསྒོམ་པ། །མཁའ་དབྱིངས་པད་མའི་དབུས་གནས་པར། །ཁྲག་ཐུང་རྡོ་རྗེ་རྣམ་པར་བསྒོམ། །ཞལ་ལྔ་པ་ལ་ཕྱག་བཅུ་པ། །སྤྱན་གསུམ་ཤིན་ཏུ་དམར་བ་སྟེ། །གཡས་བརྐྱང་པ་ཡི་ཞབས་ཀྱི་
བཞུགས། །ཞལ་རྣམ་བསྒྱུར་ཞིང་འཇིགས་པ་སྟེ། །མཆེ་བ་རྣམ་པར་གཙིགས་པའི་ཞལ། །ཐོད་པའི་ཕྲེང་བས་རྣམ་པར་བརྒྱན། །དྲག་པོ་ཟླ་བ་ཕྱེད་པ་འཛིན། །སྣ་ཚོགས་རྡོ་རྗེས་དབུ་ལ་མནན། །རལ་པའི་ཅོད་པན་འཆིང་བ་སྟེ། །
ཕྱག་རྒྱ་དྲུག་གི་མཚན་གྱིས་བརྒྱན། །སྟག་གི་པགས་པ་གོས་སུ་མནབས། །རིག་པ་གཉིས་མེད་བདེ་བའི་ཉམས། །སྐུ་ལ་ཐོད་པའི་དོ་ཤལ་ཅན། །ཐུགས་རྗེའི་ཉམས་ཀྱིས་ཁྱབ་པར་མྱོས། །དཀར་དང་སྔོ་དང་སྤྲིན་གྱི་གཟུགས། །
སྐུ་ནི་སྒེག་ཅིང་ལྡེམ་བག་ཅན། །གཡས་དང་གཡོན་གྱི་ཞལ་དག་ནི། །སེར་དང་དམར་དང་ལྗང་བ་དང་། །དུད་པ་ཡི་ནི་མདོག་ཅན་ནོ། །རྡོ་རྗེ་དྲིལ་བུས་མཉམ་ལྡན་པས། །རང་གི་རིགས་དང་ཡང་དག་འཁྲིལ། །ཚངས་ལྤགས་བཤུས་ནས་མནབས་
པར་མཛད། །རྒྱབ་ཏུ་ངེས་པར་འཛིན་པ་ཡིན། །ཐོད་པ་ཁ་ཊྭཱྃ་ག་འཛིན་ཅིང་། །མདུང་དང་ཅང་ཏེའུ་གྲི་གུག་དང་། །ཐོད་པ་དག་ནི་འཛིན་པ་སྟེ། །བཅོམ་ལྡན་བྃ་ཧཱུྃ་ངེས་འབྱུང་བ། །འཇིགས་བྱེད་རང་གི་ཆུང་མར་བཅས། །ཞབས་ཀྱི་འོག་ཏུ་
མནན་པར་སྦྱར། །ཤར་འདབས་ལྷ་མོར་དགོད་པ་སྟེ། །ཇི་སྲིད་ལྷོ་ཕྱོགས་དེ་བཞིན་ཏེ། །མེ་ལ་སོགས་པའང་དགོད་པར་བྱ། །དེ་སྲིད་དབང་ལྡན་སོགས་དེ་བཞིན། །ཨ་ཡི་མཁའ་འགྲོ་མ་དང་ནི། །ཀ་ཡི་མཁའ་འགྲོ་མ་དེ་བཞིན། །
ཙ་ཡི་མཁའ་འགྲོ་མ་དང་ནི། །ཊ་ཡི་མཁའ་འགྲོ་མ་དག་སྟེ། །དཀར་དང་དམར་དང་སེར་བ་དང་། །སྔོ་བའི་མདོག་ཅན་ལྷོ་ཕྱོགས་སོ། །དམར་དང་དུད་ཁ་ལྗང་གུ་དང་། །སེར་པོ་དབང་ལྡན་ཡང་དག་གནས། །ཏ་ཡི་མཁའ་འགྲོ་མ་དང་ནི། །

85-1-209b

པ་ཡི་མཁའ་འགྲོ་མ་དེ་བཞིན། །དེ་ནས་ཡ་ཡི་མཁའ་འགྲོ་མ། །ཤ་ཡི་མཁའ་འགྲོ་མ་བརྒྱད་པ། །དེ་དག་ཀུན་ནི་སྤྱན་གསུམ་སྟེ། །ཞལ་གཅིག་པ་ལ་ཕྱག་བཞི་པ། །འཇིག་རྟེན་སྐྱོང་བ་བརྒྱད་པོ་ཡི། །རྐང་པ་གཡས་བརྐྱང་ཞབས་ཀྱིས་གནོན། །རྣམ་སྒྱུར་
མཆེ་བ་རྣམ་གཙིགས་ཞལ། །ཕྱོགས་ཀྱི་གོས་མཆོག་འཛིན་པ་སྟེ། །ཕྱག་རྒྱ་ལྔ་ཡིས་རྣམ་པར་བརྒྱན། །སྐྲ་གྲོལ་ཐུགས་རྗེ་ཁྲོ་བོ་བཞིན། །དྲག་པོ་ཡུལ་འཁྲུག་བྱེད་པ་སྟེ། །འདོད་པའི་དོན་ཀུན་གྲུབ་བྱེད་ཡིན། །འགྲོ་བ་ཐམས་ཅད་སྨོན་བྱེད་དེ། །
ཐམས་ཅད་ཅི་འདོད་རྫོགས་པ་ཡིན། །ཐོད་པ་དང་ནི་ཁ་ཊྭཱྃ་འཛིན། །དྲིལ་བུ་ཅང་ཏེའུ་ཡིས་བརྒྱན་པ། །སྡེ་ཚན་མཁའ་འགྲོ་བདེ་བ་སྟེ། །འདི་དག་རྣལ་འབྱོར་མ་ཡིས་བསྒོམ། །ཡང་ན་ཕག་མོ་དགོད་བྱ་སྟེ། །བདག་མོ་ཡང་ནི་གཞག་པར་བྱ། །
རྡོ་རྗེ་སེམས་དཔའི་བདག་པོ་སྟེ། །མཁས་པས་ཀྱང་ནི་བསྒོམ་པར་བྱ། །སྐུ་གསུང་ཐུགས་སུ་སྦྱོར་བ་དག །ས་འོག་ས་སྟེང་རབ་ཏུ་འཁྲུག །ཨོཾ་ཨཱཿཨ་ཀ་ཙ་ཊ་ཏ་པ་ཡ་ཤ་ཧཱུྃ་ཧཱུྃ་ཕཊ། བརྟན་པ་དང་ནི་གཡོ་བའི་བདག །མ་
ལུས་ཇི་སྙེད་འདི་ཡིས་འགྲུབ། །སྡེ་ཚན་མཁའ་འགྲོ་དམ་པ་མཆོག །བྷ་གའི་དབུས་སུ་བསྒོམ་པར་བྱ། །ཨ་ཤ་ཀཱ་ཀཾ་ཙརྨ་ཙ་ཊྃ་ཏ་པ་ཀ །ཏ་པ་ས་ཏ་ཐ། པ་བ་ན་ཛ་ཡྃ་མ་བྷ་ཧྃ་ཙ། ཤར་བྷ་ཙ་ཏ་ཐ། སྦྲང་རྩི་མར་དང་བཅས་
པ་ནི། །རྟག་ཏུ་དུས་སུ་འདི་བརྒྱད་བཟའ། །རྒས་དང་ན་དང་འཆི་མེད་པར། །སྐྱེ་བ་འདི་ལ་དངོས་གྲུབ་འགྱུར། །ཆང་གི་བཏུང་བ་དང་བཅས་པ། །ཟོས་པ་ཙམ་གྱིས་དབང་དུ་འགྱུར། །དེ་མ་རྙེད་ནའང་སཱ་ལུས་བྱ། །སྐྱེ་བ་
བདུན་པའི་ནང་གནས་ཤིང་། །ཕྱུགས་ནི་ཟས་སུ་རྟག་སྤྱད་ན། །སྐད་ཅིག་གིས་ནི་མཁའ་སྤྱོད་འགྱུར། །འདི་ལ་ཡིད་གཉིས་དཔྱོད་པ་མེད། །མངོན་པར་བརྗོད་པའི་རྒྱུད་བླ་མའི་བླ་མ་ལས་སྡེ་ཚན་གྱི་སྦྱོར་བའི་ལེའུ་སྟེ་དྲུག་
བཅུ་རྩ་གཅིག་པའོ།། །། དེ་ནས་གཞན་ཡང་བཤད་བྱ་བ། །རྣལ་འབྱོར་མཆོག་གིས་ག་རྡ་བ། །དཔའ་བོ་དང་ནི་རྣལ་འབྱོར་མ། །མ་མོའི་དཀྱིལ་འཁོར་སྔར་བཤད་དོ། །

85-1-210a

མཁའ་འགྲོ་མ་སོགས་མཁའ་འགྲོ་ནི། །ག་རྡ་ཝ་ཡི་གཟུགས་སུ་བྱ། །ཕག་མོའི་གཟུགས་ནི་དེ་ཉིད་ཀྱང་། །ཞལ་ནི་ག་རྡ་ཝ་རུ་བྱ། །སྔར་བཤད་གནས་དང་ཕྱག་མཚན་དང་། །ཞལ་ནི་གཞན་ཡང་རྟོགས་པར་བྱ། །སྔར་
བཤད་མཚན་མའི་རིམ་པ་ཡིས། །མཁའ་འགྲོ་མ་ནི་ལག་མདུང་ཐོགས། །ཐུགས་ཀྱི་འཁོར་ལོ་ཐམས་ཅད་ཀུན། །མཁའ་ལྡིང་གདོང་ནི་འཇིགས་པ་ཅན། །གསུང་གི་འཁོར་ལོ་རྨ་བྱའི་གདོང་། །སྐུ་ཡི་འཁོར་ལོ་སེང་གེའི་གདོང་། །
ཁྱི་དང་ཕག་དང་འུག་པ་དང་། །ཁྭ་ཡི་ཞལ་གདོང་དེ་བཞིན་ཏེ། །ཟུར་ལ་གཤིན་རྗེ་སྲེག་སོགས་ཀུན། །མ་ཧེ་རི་དགས་ཞལ་གདོང་ཡིན། །དཀྱིལ་འཁོར་མ་ལུས་ཅན་རྣམས་ཀྱང་། །སྤྱན་གསུམ་མིག་ནི་ཤིན་ཏུ་དམར། །འདི་ནི་
རྣལ་འབྱོར་མཆོག་དམ་པ། །སྡུག་བསྔལ་ཐམས་ཅད་ཟད་པར་བྱེད། །རྣལ་འབྱོར་བློ་གྲོས་དངོས་གྲུབ་དག །རྣལ་འབྱོར་མཆོག་ནི་སྟེར་བར་འགྱུར། །རྡོ་རྗེ་ཐེག་པའི་མན་ངག་དང་། །ངག་གི་དངོས་གྲུབ་རབ་ཏུ་སྟེར། །མ་ཐོས་
པ་ཡི་ཆོས་སྟོན་པས། །སེམས་ཅན་རྣམས་ནི་སྲིད་ལས་གྲོལ། །བླ་ན་མེད་པ་ཉིད་བསྟན་པས། །མི་སྣང་ལ་སོགས་དངོས་གྲུབ་འགྱུར། །སུ་ཡང་རུང་བས་འཇིག་རྟེན་གསུམ། །དེ་ཀུན་དེ་མ་ཐག་ཏུ་མཐོང་། །སྔར་བཤད་
དཔའ་བོ་རྣལ་འབྱོར་མའི། །གསང་སྔགས་རྣམས་ཀྱང་དེ་བཞིན་ཏེ། །མཁའ་འགྲོ་མ་མོ་དེ་བཞིན་ནོ། །སྔར་བཤད་སྔགས་ཀྱི་བདག་པོ་རྣམས། །བཟླས་ན་དངོས་གྲུབ་རབ་སྟེར་ཞིང་། །རྟག་ཏུ་བདེ་བ་ཐམས་ཅད་འཐོབ། །རྣལ་
འབྱོར་ཉེ་སྙིང་བཟླས་ན་ནི། །གརྡའི་དངོས་གྲུབ་མཁའ་ལ་འགྲོ། །བརྟུལ་ཞུགས་མེད་པའང་བརྟུལ་ཞུགས་འཐོབ། །མི་གཙང་བ་ཡང་གཙང་བར་འགྱུར། །དབུལ་པོའང་ནོར་གྱི་བདག་པོར་འགྱུར། །ནད་ཡོད་པ་ཡང་ནད་མེད་འགྱུར། །
ལོང་བ་ཡིས་ཀྱང་མཐོང་བར་འགྱུར། །མངོན་པར་ཤེས་པ་ལྔ་ཐོབ་འགྱུར། །བོང་བུའི་ཤ་དང་རྟ་ཡི་དང་། །ཁྱི་དང་བ་ལང་གླང་པོ་མི། །རྔ་མོ་ལྕེ་སྤྱང་དེ་བཞིན་ཏེ། །བརྒྱད་པོ་མཉམ་པ་མཆོག་ཡིན་ནོ། །རྣལ་འབྱོར་བདག་

85-1-210b

གིས་དེ་བརྒྱད་བཟའ། །དྲི་ཆེན་ཆུ་དང་སྦྱང་རྩི་མར། །བསམ་གཏན་བསྒོམས་ཏེ་བཟའ་བྱས་ནས། །ཡང་བའི་དངོས་གྲུབ་ཐོབ་པར་འགྱུར། །གཟུགས་ཡོངས་བསྒྱུར་བའི་དངོས་གྲུབ་ཅིང་། །རང་གི་གཟུགས་སུའང་འགྱུར་བ་ཡིན། །
རྣལ་འབྱོར་གང་དང་གར་གནས་པར། །བཟའ་བ་ཡང་ནི་བཟླ་བར་བཤད། །འགྲོ་དང་མི་འགྲོ་དེ་བཞིན་ཏེ། །བཏུང་ཞིང་བཏུང་ཞིང་དངོས་གྲུབ་འགྱུར། །མ་དང་བུ་མོ་སྲིང་མོ་དང་། །རང་གི་གཉེན་དང་ཚ་མོ་དང་། །བློ་ལྡན་ཇི་ལྟར་འདོད་
པ་ཡིས། །ཕྱག་རྒྱ་ཕྱག་རྒྱ་ཆེན་པོ་འགྲུབ། །གརྡའི་མཁའ་འགྲོ་བསྒོམས་ན་ནི། །མྱུར་དུ་འགུགས་པའི་དངོས་གྲུབ་འགྱུར། །མཆོག་འདི་ཡང་ནི་གསང་བ་སྟེ། །སུ་ལ་ཡང་ནི་བརྗོད་མི་བྱ། །མངོན་པར་བརྗོད་པའི་རྒྱུད་བླ་མའི་བླ་མ་ལས་
ཇི་ལྟར་འདོད་པའི་བོང་བུའི་མཛད་པ་དངོས་གྲུབ་ཀྱི་རྒྱུ་སྒྲུབ་པའི་ལེའུ་སྟེ་དྲུག་བཅུ་རྩ་གཉིས་པའོ།། །། དེ་ནས་གཞན་ཡང་བཤད་བྱ་བ། །མཁའ་འགྲོ་ལྔ་ཡི་རྣམ་བསྒོམ་པ། །རིགས་ལས་
བསྐྱེད་པའི་ཆོ་ག་ཡིན། །གདན་དང་ཕྱག་མཚན་ས་བོན་ཏེ། །འདི་ནི་ས་བོན་མཆོག་གྱུར་པའོ། །ང་ཉ་ཎ་ན་མ་ཞེས་པ། །འདི་ནི་ས་བོན་མཆོག་གྲུབ་པ། །ང་ནི་རྡོ་རྗེ་མཁའ་འགྲོ་སྟེ། །ཉ་ནི་སངས་རྒྱས་མཁའ་འགྲོ་
ཡིན། །ཎ་ནི་རིན་ཆེན་མཁའ་འགྲོ་སྟེ། །ན་ནི་པད་མ་མཁའ་འགྲོ་ཡིན། །མཁའ་འགྲོ་ལྔ་ནི་མཆོག་ཡིན་ཏེ། །ཞེ་སྡང་གཏི་མུག་ང་རྒྱལ་དང་། །ཆགས་དང་ཕྲག་དོག་དེ་བཞིན་ཏེ། །རིགས་ནི་ལྔ་པོ་འདི་དག་གིས། །འདོད་ལས་
གྲོལ་བའི་འབྲས་བུ་སྩོལ། །རྡོ་རྗེ་འཁོར་ལོ་རིན་ཆེན་དང་། །པད་མ་རལ་གྲི་ལྔ་པ་ཡིན། །སྔོ་དང་དཀར་བ་ཉིད་དང་ནི། །སེར་དང་དམར་པོ་ལྗང་གུ་དང་། །རྡོ་རྗེའི་ཕྱག་རྒྱ་བྱང་ཆུབ་མཆོག །རིན་ཆེན་ཕྱག་རྒྱའང་དེ་བཞིན་ཏེ། །
པད་མའི་ཕྱག་རྒྱ་བཞི་པ་སྟེ། །རལ་གྲིའི་ཕྱག་རྒྱ་ལྔ་པ་ཡིན། །གླང་པོ་སེང་གེ་རྟ་དང་ནི། །རྨ་བྱ་མཁའ་ལྡིང་དེ་བཞིན་ཏེ། །ཁྱབ་འཇུག་ཚངས་པ་ཉི་མ་དང་། །དབང་ཕྱུག་ཆེ་དབང་པོ་ཡང་དེ། །རང་རིག་ཡན་ལག་དང་བཅས་

85-1-211a

པ། །གཉིས་མེད་བདེ་བས་ཡང་དག་གནས། །ཤར་དང་ལྷོ་དང་ནུབ་དང་ནི། །བྱང་དུ་ཡང་ནི་དེ་བཞིན་འདིར། །དཔའ་བོའི་འཁོར་དང་བཅས་པར་དགོད། །ལྔ་པོ་ཡང་དག་ལྔ་སངས་རྒྱས། །ལྔ་པོ་བདག་ཉིད་ལྔ་ཡིན་ནོ། །ཉི་
མའི་དཀྱིལ་འཁོར་དབུས་སུ་སྟེ། །ཟླ་བའི་དཀྱིལ་འཁོར་ཤར་དུའོ། །ལྷོ་དང་ནུབ་དང་དེ་བཞིན་ཏེ། །བྱང་ན་ཉི་མའི་དཀྱིལ་འཁོར་རོ། །ཡང་ན་དབུས་སུ་ཟླ་བ་སྟེ། །ཤར་དུ་ཡང་ནི་ཉི་མའི་གདན། །དེ་དག་དཔའ་བོར་གྱུར་པ་སྟེ། །
འདི་ལྟ་སྟེ། རྡོ་རྗེ་ཐོད་པ་དང་། རྡོ་རྗེ་མཁའ་མཉམ་དང་། རྡོ་རྗེ་སྙིང་པོ་དང་། རྡོ་རྗེ་སྲ་བ་དང་། བཞི་པོ་དེ་དག་ནི་རྡོ་རྗེ་མཁའ་འགྲོའི་དཀྱིལ་འཁོར་ཏེ། བླང་པོ་ཆེའི་གདན་ཁྲི་བྱའོ། །རྡོ་རྗེ་ཟླ་བ་དང་། རྡོ་རྗེ་རྒྱལ་མཚན་དང་། རྡོ་རྗེ་རྒྱལ་པོ་དང་། 
རྡོ་རྗེ་སྒྲ་དང་། དེ་དག་ནི་སངས་རྒྱས་མཁའ་འགྲོའི་དཀྱིལ་འཁོར་ཏེ། སེང་གེའི་གདན་ཁྲིའོ། །འདོད་པའི་རྡོ་རྗེ་དང་། རྡོ་རྗེ་སྤྲིན་དང་། རྡོ་རྗེ་ཊ་ཧ་ར་དང་། རྡོ་རྗེ་བཞད་པ་དང་། དེ་དག་ནི་རིན་ཆེན་མཁའ་འགྲོའི་དཀྱིལ་འཁོར་ཏེ། རྟའི་གདན་ཁྲིའོ། །
རྡོ་རྗེ་མེ་དཔལ་དང་། རྡོ་རྗེ་འཇོམས་པ་དང་། རྡོ་རྗེ་སྲེག་བྱེད་དང་། རྡོ་རྗེ་དྲིལ་བྲལ་དང་། དེ་དག་ནི་པད་མའི་དཀྱིལ་འཁོར་ཏེ། རྨ་བྱའི་གདན་ཁྲིའོ། །རྡོ་རྗེ་བ་དན་དང་། རྡོ་རྗེ་གླུ་དང་། རྡོ་རྗེ་དཔའ་བོ་དང་། རྡོ་རྗེ་འཇིགས་བྱེད་དང་། དེ་དག་
ནི་ལས་ཀྱི་མཁའ་འགྲོའི་དཀྱིལ་འཁོར་ཏེ། མཁའ་ལྡིང་གི་གདན་ཁྲིའོ། །དཔའ་བོ་དེ་དག་ཀྱང་རང་གི་རིགས་དང་། ཐོད་པའི་ཕྲེང་བ་ཅན་སྤྱན་གསུམ་པ། རང་གི་ཤེས་རབ་དང་འཁྱུད་པ། རྡོ་རྗེ་སྐྱིལ་མོ་དཀྲུང་གིས་
ཡི་དགས་ཀྱི་གདན་ལ་བཞུགས་པའོ། །མཆེ་བ་རྣམ་པར་གཙིགས་ཤིང་རྣམ་པར་འགྱུར་བ། སྟག་གི་པགས་པ་གོས་སུ་མནབས་པ། ཞལ་གཅིག་པ། ཕྱག་བཞི་པ། ཐོད་པ་དང་ཁ་ཊྭཱྃ་ག་འཛིན་པ། ཅང་ཏེའུ་ཡི་སྒྲ་ཧཱུྃ་དང་
བཅས་པ། མགོའི་ཕྲེང་བའི་དོ་ཤལ་གྱིས་བརྒྱན་པ། ཕྱག་རྒྱ་ལྔ་འཆང་བ། རང་གི་རིགས་ཀྱི་དབུ་རྒྱན་ཅན། རལ་པ་དང་ཟླ་བ་འཛིན་པའོ། །རྡོ་རྗེ་མཁའ་འགྲོའི་ཤར་དཀར་པོ། །རྡོ་རྗེ་མཁའ་འགྲོའི་

85-1-211b

ཤར་དཀར་པོ། བྱང་ལྗང་གུ། ནུབ་དམར་པོ། ལྷོ་སེར་པོ། ལས་ཀྱི་མཁའ་འགྲོའི་ཤར་སེར་པོ། བྱང་སྔོན་པོ། ནུབ་དཀར་པོ། ལྷོ་དམར་པོ། པད་མའི་མཁའ་འགྲོའི་ཤར་དཀར་པོ། བྱང་ལྗང་ཁུ། ནུབ་སྔོན་པོ། ལྷོ་སེར་པོ། རིན་
ཆེན་མཁའ་འགྲོའི་ཤར་ལྗང་གུ། བྱང་སེར་པོ། ནུབ་དཀར་པོ། ལྷོ་སྔོན་པོ། སངས་རྒྱས་མཁའ་འགྲོའི་ཤར་སྔོན་པོ། བྱང་ལྗང་གུ། ནུབ་དམར་པོ། ལྷོ་སེར་པོ། འདི་དག་ཇི་ལྟའི་རིམ་པ་ཡིས། །རྡོ་རྗེ་འཁོར་ལོ་རལ་གྲི་
དང་། །པད་མ་རིན་ཆེན་ཕྲེང་བ་ཡི། །ཆས་ནི་ཡོངས་སུ་བསྐོར་བར་བྱ། །གྲྭ་བཞིར་མ་མོ་བཞི་བསྒོམ་སྟེ། །མ་མོ་རྨོངས་བྱེད་མ་དང་ནི། །མ་མོ་ཞེ་སྡང་ཉིད་ཡིན་ཏེ། །ཆགས་པ་ཡི་ནི་མ་མོ་དང་། །ཕྲག་དོག་མ་མོ་དེ་བཞིན་ཏེ། །
མ་ཡི་ཕྱོགས་ལ་སོགས་པར་དགོད། །དཀར་དང་སྔོ་དང་དམར་དང་ལྗང་། །སྐྲ་གྲོལ་མ་ལ་བཞིན་རྣམ་བསྒྱུར། །སྤྱན་གསུམ་པ་ལ་གཅེར་བུ་སྟེ། །ཕྱག་རྒྱ་ལྔ་ནི་འཛིན་པ་ཡིན། །ཕྱག་བཞི་པ་ལ་ཞལ་གཅིག་པ། །ཡི་དགས་
གདན་ལ་རྣམ་པར་བཞུགས། །དབང་ཆེན་མེ་དང་ཆུ་དང་ནི། །རླུང་གི་དཀྱིལ་འཁོར་དག་ཏུ་གནས། །རིགས་ཀྱི་གདན་ལ་བཞུགས་པ་ཡིན། །འཁོར་ལོ་རྡོ་རྗེ་པད་མ་དང་། །རལ་གྲི་ཐོད་པ་ཁ་ཊྭཱྃ་ག །གྲི་གུག་ཡང་ནི་
ཕྱག་ན་འཆང་། །མ་ནིང་ལས་བྱུང་ལྷ་མོ་བསྒོམ། །ཐོད་པ་ཡི་ནི་ཕྲེང་བ་ཅན། །སྐྱིལ་མོ་དཀྲུང་ནི་ཕྱེད་པའོ། །རྡོ་རྗེ་གནོད་སྦྱིན་དང་། རྡོ་རྗེ་བསྲུང་བ་དང་། རྡོ་རྗེ་འགྱིང་བ་དང་། རྡོ་རྗེ་རྟ་གདོང་དང་། རྡོ་རྗེ་དྲེད་གདོང་དང་། རྡོ་རྗེ་བདེ་
མཆོག་དང་། རྡོ་རྗེ་དམ་ཚིག་དང་། རྡོ་རྗེ་རྟ་མཆོག་སྟེ། ཁྲོ་བོའི་རྒྱལ་པོ་དེ་དག་ནི། །སྒོ་རྣམས་དང་ནི་མཚམས་སུ་སྟེ། །སྔོ་དང་ལྗང་དང་དམར་སེར་པོ། །དམར་དང་སྔོ་དང་དུད་ཁ་དཀར། །ལྕགས་ཀྱུ་ཞགས་པ་ལྕགས་
སྒྲོག་དང་། །དྲིལ་བུ་ཐོད་པ་ཁ་ཊྭཱྃ་ག །ཅང་ཏེའུ་ཡང་ནི་དེ་བཞིན་ཏེ། །ཐོ་བ་དབྱུག་ཏོ་མདུང་དང་ནི། །དགྲ་སྟ་ཐོད་པ་ཁ་ཊྭཱྃ་ག །མགོ་བོ་ཕྱག་ན་བསྣམས་པའོ། །ཞལ་གཅིག་པ་ལ་ཕྱག་བཞི་པ། །དབུ་སྐྲ་དམར་སེར་

85-1-212a

གྱེན་དུ་བརྫེས། །ཕྱག་རྒྱ་ལྔ་ནི་འཛིན་པ་སྟེ། །སྟག་གི་པགས་པ་གོས་སུ་མནབས། །ཐོད་པ་ཡི་ནི་ཕྲེང་བ་འཆང་། །མགོ་བོའི་དོ་ཤལ་རྣམ་པར་བརྒྱན། །ཉི་མ་པད་མའི་སྟེང་དུ་ནི། །གཡས་བརྐྱང་པ་ཡི་ཞབས་ཀྱིས་བཞུགས། །
ཕྱོགས་སྐྱོང་བརྒྱད་ཀྱི་ཁྲི་ལ་བཞུགས། །མཆེ་བ་རྣམ་གཙིགས་རྣམ་བསྒྱུར་ཞལ། །སྤྱན་གསུམ་རང་རིགས་ཅོད་པན་ཅན། །རང་གི་རིག་དང་གཉིས་མེད་སྦྱོར། །སྙིང་རྗེ་ཡི་ནི་ཉམས་ཅན་ཏེ། །ཕྱི་རོལ་རྡོ་རྗེ་ཡི་དགས་ཀྱིས། །ཡོངསུ་
བསྐོར་བར་བསྒོམ་པར་བྱ། །ཐོག་མར་གསལ་བྱེད་མིང་དང་ཧཱུྃ། །མཐའ་རུ་ཕཊ་དང་སྦྱར་བར་བྱ། །སྔར་བཤད་ཆོ་གའི་བསྲུང་བ་བྱ། །ཕུང་པོ་ཁམས་དང་སྐྱེ་མཆེད་དང་། །ལུས་ངག་ཡིད་ལ་བསྒོམ་པར་བྱ། །མཁའ་འགྲོ་
ཞལ་དྲུག་ཕྱག་བཅུ་གཉིས། །རང་གི་མཚན་མ་དྲིལ་བུ་ཡིས། །གཉིས་སུ་མེད་པར་མཉམ་པར་ལྡན། །མདུང་དང་ལྕགས་ཀྱུ་ཐོད་པ་དང་། །ཁ་ཊྭཱྃ་ག་དང་མགོ་བོ་དང་། །ཅང་ཏེའུ་དང་ནི་གྲི་གུག་དང་། །ནཱ་རའི་པགས་པ་འཛིན་པ་
ཡིན། །སྔོ་དང་སེར་དང་དམར་ལྗང་གུ། །དུད་ཁ་དང་ནི་དཀར་བ་དང་། །དཀར་དང་སྔོ་དང་སེར་དམར་དང་། །ལྗང་དང་ཐལ་བའི་མདོག་ལྟ་བུའོ། །སེར་དང་སྔོ་དང་དཀར་བ་དང་། །དམར་དང་ལྗང་གུ་པད་མའི་མདོག །དམར་དང་
དཀར་དང་སྔོན་པོ་དང་། །སེར་དང་ལྗང་དང་ནམ་མཁའི་མདོག །ལྗང་དང་དཀར་དང་དམར་བ་དང་། །སྔོ་དང་སེར་དང་དཀར་བའི་མདོག །དེ་དག་མཁའ་འགྲོ་ལྔ་ཡི་ནི། །ཞལ་མདོག་གི་ནི་ཁྱད་པར་ཡིན། །ཡང་ན་ཞལ་གཅིག་
ཕྱག་གཉིས་བསྒོམ། །ཕྲེང་བའི་གསང་སྔགས་མིང་དང་བཅས། །མཁས་པས་ཟུར་བཞི་མཚམས་ནས་སོ། །མཐར་ནི་ཧུྃ་ཧཱུྃ་ཕཊ་དང་སྦྱར། །ཨོཾ་མ་ཧཱ་སུ་ཁ་བཛྲ་ཌཱ་ཀ་ཧཱུྃ། ཌཱ་ཀི་ནཱི་ཛཱ་ལ་སྃ་བ་ར་ཨཱཿ  ཧཱུྃ་ཕཊ་སྭཱ་ཧཱ། 
ཨོཾ་མ་ཧཱ་སུ་ཁ་བུད་དྷ་ཌཱ་ཀ་ནི་བྷྲུྃ་ཌཱ་ཀི་ཛཱ་ལ་སྃ་བ་ར་ཨཱཿཧཱུྃ་ཕཊ་སྭཱ་ཧཱ། ཨོཾ་མ་ཧཱ་སུ་ཁ་རཏྣ་ཌཱ་ཀ་ཧྲྃ་ཌཱ་ཀི་ནཱི་ཛཱ་ལ་སྃ་བར་ཨཱཿཧཱུྃ་ཕཊ་སྭཱ་ཧཱ། ཨོཾ་མ་ཧཱ་སུ་ཁ་པད་མ་ཌཱ་ཀ་ཧྲཱི་ཌཱ་ཀི་ནཱི་ཛཱ་ལ་སྃ་བ་ར་ཨཱཿཧཱུྃ་ཕཊ་སྭཱ་ཧཱ། ཨོཾ་མ་ཧཱ་སུ་ཁ་བི་

85-1-212b

ཤྭ་ཌཱ་ཀ་ཁྃ་ཌཱ་ཀི་ནཱི་ཛཱ་ལ་སྃ་བ་ར་ཨཱཿཧཱུྃ་ཕཊ་སྭཱ་ཧཱ། དེ་དག་ནི་མཁའ་འགྲོ་ལྔའི་སྙིང་པོའི་གསང་སྔགས་ཏེ། འདི་ནི་ཡེ་ཤེས་ཀྱི་སྙིང་པོར་གྱུར་པ་ཡིན་ནོ། །ཨོཾ་བཛྲ་ཌཱ་ཀ་ངྃ་ཧཱུྃ་ཕཊ། ཨོཾ་བུད་དྷ་ཌཱ་ཀ་ཉྃ་ཧཱུྃ་ཕཊ། ཨོཾ་རད་ན་ཌཱ་ཀ་ཎྃ་ཧཱུྃ་ཕཊ། ཨོཾ་པད་མ་ཌཱ་ཀ་
ནྃ་ཧཱུྃ་ཕཊ། ཨོཾ་བི་ཤྭ་ཌཱ་ཀ་མྃ་ཧཱུྃ་ཕཊ། ཡེ་ཤེས་དམ་ཚིག་རོ་གཅིག་པ། །མཁས་པས་བསྒོམ་པར་བྱས་ནས་སུ། །དམ་ཚིག་གིས་ནི་ལེགས་དབང་བསྐུར། །སྣ་ཚོགས་མཆོད་པ་རྣམ་པར་བསྒོམ། །དཀྱིལ་འཁོར་དག་ནི་ཐམས་ཅད་
ཀྱང་། །གོ་འཕང་དྲན་ནས་དབང་ཡང་བསྐུར། །སྣ་ཚོགས་ཕུན་སུམ་ཚོགས་པའི་མཆོག །དེ་བཞིན་འཁྱུད་དང་ཙུམྤ་ན། །བྷ་ག་ལིང་གའི་སྦྱོར་བ་དག །ཡེ་ཤེས་རྣམ་སྨིན་དཔའ་བའི་མཆོག །ཤེས་རབ་ཐབས་ཀྱི་
ཕྱག་རྒྱ་དྲུག །རྣམ་པར་བལྟ་ཞིང་དེར་པར་བརྟག །དགའ་བ་དང་པོ་ཡེ་ཤེས་ཏེ། །མཆོག་ཏུ་དགའ་བ་མཉམ་པར་སྦྱོར། །བདེ་བར་དགའ་བར་གྲུབ་པ་ཆེ། །ལྷན་ཅིག་སྐྱེས་དགའ་བླ་མེད་ཡིན། །སྦྱོར་བ་དང་ནི་ཤིན་ཏུ་སྦྱོར། །
སྦྱོར་བ་ཆེ་དང་ཡེ་ཤེས་སྦྱོར། །དེ་དག་ཆོ་གའི་རིམ་པའོ། །ཐིག་ལེའི་གཞུང་གི་སྦྱོར་ཤེས་ན། །ཕྲ་བའི་སྦྱོར་བས་བལྟ་བར་བྱ། །ཐམས་ཅད་མཁྱེན་པའི་ཡེ་ཤེས་རྒྱུ། །ཆོས་ཀྱི་དབྱིངས་ཀྱི་གོ་འཕང་ཐོབ། །ཆོ་ག་ངེས་
པར་བསྒྲུབས་ནས་ནི། །མྱུར་དུ་རྣལ་འབྱོར་པ་ཡིས་འགྲུབ། །འདི་ནི་ངེས་པ་ཁོ་ནའོ། །མངོན་པར་བརྗོད་པའི་རྒྱུད་བླ་མའི་བླ་མ་ལས་གསང་བའི་ཡེ་ཤེས་ཀྱི་ལེའུ་སྟེ་དྲུག་བཅུ་རྩ་གསུམ་པའོ།། །། དེ་ནས་
གཞན་ཡང་བཤད་བྱ་བ། །ཐུགས་ཀྱི་སྙིང་པོ་མཆོག་གྱུར་པ། །མཁའ་དབྱིངས་རྡོ་རྗེའི་དབུས་གནས་པར། །ཡེ་ཤེས་ཟླ་བ་རྣམ་པར་བསྒོམ། །ཨ་ཡི་ཡི་གེ་ལས་བྱུང་བ། །རྡོ་རྗེ་སེམས་དཔའ་བདེ་བ་ཆེ། །ཁ་བ་ཀུནྡའི་མདོག་
ལྟ་བུ། །དག་པའི་ཤེལ་དང་མཚུངས་པའོ། །ཞལ་གསུམ་ཕྱག་དྲུག་ཞི་བ་སྟེ། །སྤྱན་གསུམ་པ་ལ་ཐུགས་རྗེའི་མཉམ། །སྣ་ཚོགས་པད་མ་ཟླ་དབུས་བཞུགས། །སྟོང་པའི་ཡེ་ཤེས་ལས་བྱུང་བ། །ཟླ་བ་ཕྱེད་པ་

85-1-213a

རལ་པ་འཆིང་། །ཐོད་པ་ཡི་ནི་དབུ་བརྒྱན་ཅན། །རྒྱན་རྣམས་ཐམས་ཅད་ཡང་དག་རྫོགས། །རྡོ་རྗེ་སྐྱིལ་མོ་ཀྲུང་གིས་བཞུགས། །རང་གི་ལུས་དང་སྦྱོར་བར་གནས། །སྙིང་རྗེ་ཆགས་དང་མངོན་གྱུར་པ། །དཀར་ཞིང་
སྔོ་ལ་དམར་བའི་ཞལ། །རྣམ་ཐར་གསུམ་གྱི་རང་བཞིན་ཅན། །རྡོ་རྗེ་དྲིལ་བུ་མཉམ་པར་ལྡན། །ལྷ་མོའི་མཆུ་ནི་རྣམ་འཚིར་ཏེ། །རྡོ་རྗེ་མདུང་དང་ཐོད་པ་དང་། །ཁ་ཊྭཱྃ་ག་དང་ཐོད་པ་འཛིན། །ཡི་གེ་ཨ་དང་ཉི་དབུས་བཞུགས། །
རྡོ་རྗེ་སེམས་དཔའ་རྣམ་པར་བསྒོམ། །ཨི་ལས་རྡོ་རྗེ་ཟླ་བ་སྟེ། །ཨཱི་ལས་རྡོ་རྗེ་སྒྱུ་འཕྲུལ་ལོ། །ཨེ་ལས་ཆོས་ཀྱི་རྡོ་རྗེ་སྟེ། །ཨཻ་ལས་སྣ་ཚོགས་སྒྱུ་འཕྲུལ་མ། །ལྷ་མོ་བཞི་པོ་དེ་དག་ནི། །དེ་ཡི་ཞལ་མདོག་འཛིན་པའོ། །སྐྲ་
གྲོལ་བ་ལ་མིག་པོ་ཆེ། །སྙིང་རྗེ་ཆགས་པས་རྣམ་པར་མྱོས། །རང་གི་ཐབས་དང་ལྷན་ཅིག་བཅས། །ཟླ་བའི་དཀྱིལ་འཁོར་དབུས་སུ་ནི། །སྣ་ཚོགས་ཡི་དགས་སྟེང་དུ་བསྒོམ། །གཙོ་བོ་ཤེས་རབ་སྐྱིལ་མོ་དཀྲུང་། །ཐོད་པའི་ཕྲེང་བ
འི་དབུ་རྒྱན་ཅན། །ཕྱག་རྒྱ་ལྔ་ཡིས་རྣམ་པར་བརྒྱན། །རྡོ་རྗེ་དྲིལ་བུས་མཉམ་པར་ལྡན། །མདུང་དང་གྲི་གུག་ཕྱག་ན་བསྣམས། །ཐོད་པ་ཁ་ཊྭཱྃ་ག་འཛིན་ཅིང་། །དངོས་གྲུབ་ཐམས་ཅད་རབ་ཏུ་སྩོལ། །ཇི་ལྟར་དཔའ་བོའི་རྣལ་འབྱོར་བཞིན། །དེ་ཡི་མདོག་དང་ཕྱག་མཚན་
འཛིན། །ལྷ་མོ་བཞི་ཡི་ཁ་སྦྱར་གསང་། །སྙིང་པོ་སྦྱོར་བ་མཆོག་ཡིན་ནོ། །གསང་བ་མཆོག་གི་དགྱིས་པ་ན། །ཐམས་ཅད་བདག་ཉིད་རྟག་ཏུ་བཞུགས། །བསང་བ་ཀུན་གྱི་མཆོག་དེ་ཉིད། །མཁའ་འགྲོ་མ་ཡི་སྙིང་པོ་
མཆོག །གསང་བའི་ཡེ་ཤེས་དམ་ཚིག་སྟེ། །ཆོས་ཀྱི་དབྱིངས་ཀྱི་རང་བཞིན་ཡིན། །ཨུ་ནི་སྙིང་དཀར་བསྒོམ་པ་སྟེ། །ཨུ་ནི་མགོ་བོར་དེ་བཞིན་ནོ། །ཨོ་ནི་སྤྱི་གཙུག་དག་ཏུ་སྟེ། །ཨཽ་ནི་མིག་ཏུ་དགོད་པར་བྱ། །ཨྃ་ནི་གོ་
ཆར་དགོད་པ་སྟེ། །ཨཿནི་མཚོན་དུ་རྣམ་པར་དགོད། །སྐུ་གསུང་ཐུགས་སུ་སྦྱོར་བ་ཡིས། །བདག་ཉིད་ཀྱང་ནི་བསྒོམ་པར་གནས། །ཡེ་ཤེས་དམ་ཚིག་སྦྱོར་བ་ཡིས། །བླ་མེད་མཆོད་དང་དབང་ཡང་བསྐུར། །མཉམ་

85-1-213b

པའི་དམ་ཚིག་སྦྱོར་བ་ཡིས། །ཆོས་ཀྱང་དེ་བཞིན་མཉམ་པ་ཡིན། །དངོས་པོ་ཀུན་ནི་རོ་གཅིག་སྟེ། །གཉིས་སུ་མེད་པའི་མཆོག་གྲུབ་པ། །དམ་ཚིག་ཐུན་མཚམས་བཞིན་དུ་སྟེ། །དུས་བཞི་དག་ཏུ་རྣམ་པར་བསྒོམ། །ཁ་སྦྱར་
བཞི་ཡི་སྦྱོར་བ་ནི། །ཐུན་བཞི་ལ་ནི་རྣམ་པར་བསམ། །སྙིང་རྗེས་ཀུན་ལ་འགྲོ་བྱ་ཞིང་། །ཆ་མེད་པར་ནི་རྣམ་པར་བསྒོམ། །ཐམས་ཅད་རྡོ་རྗེ་སེམས་དཔའ་སྟེ། །ཤེས་རབ་ཆ་མེད་རྗེས་སུ་འགྲོ། །རྡོ་རྗེ་རྣལ་འབྱོར་དབང་
ཕྱུག་སྦྱོར། །བདག་ཉིད་རྡོ་རྗེ་བདག་པོ་ཡིན། །བགྲང་དུ་མེད་པའི་རུས་པ་ཡིན། །ཡེ་ཤེས་བཟླས་པ་ཡིན་པར་བཤད། །བཟླས་པ་ཡེ་ཤེས་བསྒོམ་པ་སྟེ། །སྤྲུལ་པ་དྲུག་ནི་སྤྲོ་བའོ། །དེ་བས་དམ་ཚིག་བཟླས་པ་ནི། །ཆོ་ག་
བཞིན་དུ་བཟླས་པ་བྱ། །ཨོཾ་ཨཱཿཨ་ཨཱ། ཨི་ཨཱི། ཨུ་ཨཱུ། ཨེ་ཨཻ། ཨོ་ཨཽ། ཨྃ་ཨཿཧཱུྃ་སྭཱ་ཧཱ། དུང་ཆེན་ཕྲེང་བ་བླངས་ནས་ནི། །རྟག་ཏུ་གསང་སྔགས་རྒྱལ་པོ་བཟླ། །དག་བྱེད་བསོད་ནམས་ཆེན་པོ་སྟེ། །དགེ་ཞིང་
ཉེས་པ་འཇོམས་པ་ཡིན། །སྡུག་བསྔལ་ཐམས་ཅད་འཇོམས་བྱེད་ཅིང་། །དགེ་བ་ཀུན་གྱི་འབྲས་བུ་སྟེ། །གསང་སྔགས་ཀུན་གྱི་སྟོན་པ་སྟེ། །རྣམ་པར་དབེན་པའི་ས་ཕྱོགས་སུ། །མཁའ་འགྲོ་མ་ཡི་སྙིང་པོ་ཡི། །དགྱེས་པའི་
བདེ་བ་ལས་བྱུང་བ། །ལྷ་མོ་བཞི་པོ་དགའ་བ་སྟེ། །རྣལ་འབྱོར་དབང་ཕྱུག་མཆོག་ཏུ་བདེ། །རིགས་ཀྱི་བདེ་བ་བཅོམ་ལྡན་འདས། །རང་བྱུང་རྡོ་རྗེ་སེམས་དཔའ་ཡིན། །མངོན་པར་བརྗོད་པའི་རྒྱུད་བླ་མའི་བླ་མ་ལས་ལྷ་མོ་བཞིའི་
གསང་བ་ཁ་སྦྱོར་གྱི་ལེའུ་སྟེ་དྲུག་བཅུ་རྩ་བཞི་པའོ།། །། དེ་ནས་སྦྱོར་བའི་མཆོག་བཤད་པ། །གདུག་པ་ཐམས་ཅད་ཟ་བྱེད་པ། །མ་རུངས་ཕྱི་དང་ནང་འཇོམས་པ། །ནམ་མཁའ་
སྟོང་པ་ལྟ་བུ་ལས། །ཡི་གེ་ཀྵ་ལས་མངོན་བྱུང་ཞིང་། །མཁའ་འགྲོའི་དྲ་བ་བདེ་མཆོག་ནི། །ཕྱག་གཉིས་པ་ལ་ཞལ་གཅིག་པ། །སྤྱན་གསུམ་པ་ལ་འཇིགས་པའི་ཞལ། །གཡས་བརྐྱང་པ་ཡིས་

85-1-214a

བཞུགས་པ་ལ། །མ་རུངས་བདུད་ཀྱི་དགྲ་གནོན་ཅིང་། །ཕྱག་རྒྱ་ཆེན་པོ་མཉམ་ལྡན་པས། །ཐོད་པ་དྲིལ་བུས་ཡང་དག་ཁྱུད། །ཐོད་པའི་དབུས་སུ་ཡིད་འོང་བའི། །རྡོ་རྗེ་མཆོག་གིས་རྣམ་པར་མཚན། །ཡེ་ཤེས་
བདུད་རྩིས་ཡོངས་གང་བ། །ལག་པ་གཡས་པར་བཞགས་ནས་ནི། །སྣ་ཚོགས་པ་ཡི་སྐུ་ལུས་ལ། །ཕྱག་རྒྱ་དྲུག་གིས་སྐུ་ཡང་བརྒྱན། །ཞལ་གདོང་མཆེ་བ་རྣམ་གཙིགས་ཤིང་། །སྤྱི་གཙུག་ཐོད་པས་རྒྱན་དུ་བྱས། །སྣ་ཚོགས་
རྡོ་རྗེས་སྤྱི་བོར་མཚན། །ཟླ་བ་ཕྱེད་པ་རལ་པ་འཆང་། །རྡོ་རྗེ་སེམས་དཔའི་དབུ་རྒྱན་ཅན། །རྡོ་རྗེ་འཇིགས་བྱེད་བསྒོམ་པ་ཡིན། །དོགས་པ་རྣམ་པར་སྤངས་ཤིང་ཡོངས་སུ་དག་པའི་བློས། །རྣམ་པར་རྟོག་པའི་དྲི་མའི་ཁྱད་པར་
མེད་པར་བྱེད། །བྱམས་དང་སྙིང་རྗེའི་རྒྱན་གྱིས་ལུས་ལ་བརྒྱན་དུ་བྱས། །འཛེམ་མེད་བདེ་བའི་རྣལ་འབྱོར་ལེགས་པར་བསླབས་པའི་བདག །ཤིན་དུ་འཇིགས་པའི་དུད་འགྲོའི་དུར་ཁྲོད་ཆེན་པོ་ན། །རོ་ལངས་སྲིན་པོ་སྣ་ཚོགས་སྒྲ་རྣམས་
སྒྲོགས་པར་བྱེད། །ཕེད་ཀྱི་སྒྲ་བྱེད་པ་ཡི་འཇིགས་པས་ཁྱད་པར་བྱེད། །གཞན་ཡང་སྒྲུབ་པོ་རྣལ་འབྱོར་འཐུན་པའི་ཡུལ་དུ་བསྒྲུབ། །ཡང་ན་ཞལ་ནི་བཞི་པ་དང་། །འདི་ལ་ཕྱག་བརྒྱད་རྣམ་པར་བསྒོམ། །དཀར་དང་སྔོ་
དང་དམར་སེར་པོ། །ཞལ་དག་སྒྱུར་ཞིང་འཇིགས་པར་མཛད། །མདུང་དང་རྡོ་རྗེ་ཁ་ཊྭཱྃ་ག །ཅང་ཏེའུ་མགོ་བོ་གྲི་གུག་ཐོགས། །སྣ་ཚོགས་ཕྱག་ལ་བསྐྱོད་པའི་ལྗགས། །ཧ་ཧཱ་ཧི་ཧཱི་ཧཱུྃ་ཧཱུྃ་དང་། །ཕཊ་ཅེས་བྱ་བའི་སྒྲ་
སྒྲོགས་ཤིང་། །དཔའ་བོ་གཅིག་བུ་འཇིགས་མཛད་པས། །གདུལ་དཀའ་ཐམས་ཅད་འདུལ་མཛད་ཅིང་། །སྐུ་གསུང་ཐུགས་ཀྱི་སྦྱོར་བ་ཡིས། །ཁྲོ་བོའི་སྤྲིན་ནི་མཁས་པས་སྤྲོ། །བསམ་གཏན་དགའ་བ་བསྒྲུབ་
པའི་ཕྱིར། །ཁྲོ་བོ་ཡི་ནི་སྐུ་རུ་བསྒྲུབ། །དམ་ཚིག་བཟླའ་ཞིང་བཟླས་པ་བྱ། །དམ་ཚིག་ཁ་སྦྱར་བྱས་ནས་བཟླ། །མཉམ་པར་གནས་ཤིང་བཟླས་ནས་སུ། །ཆོས་རྣམས་མ་ལུས་བསྒོམ་པར་བྱ། །ཨོཾ་ཨཀྵ་ཧཱུྃ་ཕཊ།

85-1-214b

སྲིད་གསུམ་སྡིག་པ་ཟད་བྱེད་ཅིང་། །མཚམས་མེད་ལྔ་ཡང་ཟད་པར་བྱེད། །སྡུག་བསྔལ་ཐམས་ཅད་ཟད་བྱེད་ཅིང་། །སྲིད་པ་དག་ཀྱང་སྦྱོང་བར་བྱེད་སྦྱོར་བ་ཡི་ནི་མཆོག་དམ་པ། །བཀླགས་ཙམ་གྱིས་ནི་ངེས་པར་འགྲུབ། །གདུག་ཅིང་གནོད་བྱེད་སེམས་
ཅན་དང་། །མ་རུངས་ལས་ལ་ཆགས་པ་དང་། །ལོག་པར་ལྟ་དང་བཅས་པ་ལས། །འདི་དག་ངེས་པར་བཟའ་བར་བྱ། །སངས་རྒྱས་སྤྲུལ་བའི་རྒྱན་རྣམས་སྤྲོ། །ཁམས་གསུམ་དག་ནི་སྒྲོལ་བར་བྱེད། །སྔགས་པས་སྔགས་ཀྱི་མཆོག་དེ་ནི། །
མིང་དང་བཅས་པས་ལྷན་ཅིག་བཟླ། །ཨོཾ་ཕཊ་ཆེ་གེ་མོ་བྷ་ཀྵ་ཡ་ཕཊ། ཀྵཿཧཱུྃ་ཕཊ། བདག་ཉིད་ཁྲོ་བོའི་སེམས་ཀྱིས་ནི། །མཱྃ་ས་བཟའ་ཞིང་གཅེར་བུ་དང་། །སྐྲ་གྲོལ་རོ་ལ་མནན་པ་དང་། །ཞགས་པ་ལྕགས་ཀྱུ་ཕྱགས་གིས་
འཛིན། །གསང་སྔགས་ཆོ་ག་བཞིན་དུ་ནི། །ཁྲི་ཕྲག་སྟོང་དུ་བཟླ་ཞིང་བསྒོམ། །རྣལ་འབྱོར་ཆོ་ག་བཞིན་དུ་ནི། །ཁམས་གསུམ་པོ་དག་གསོད་པར་འགྱུར། །མཁའ་འགྲོ་མ་ནི་འཁོར་བཅས་པས། །བཟའ་བར་ཡང་ནི་རྣམ་པར་
བསམ། །བདག་ཉིད་རྡོ་རྗེ་ཁབ་ཐོགས་པའི། །ཁྲོ་བོ་སྙིང་དུ་གཞུག་པར་བྱ། །སྙིང་དང་རྒྱུ་མ་རྐང་དང་རུས། །ཤ་དང་ཁྲག་རྣམས་འདྲལ་བྱེད་ཅིང་། །མཚམས་མེད་ལྔ་རྣམས་བྱེད་པ་དང་། །གདུག་པ་ཅན་རྣམས་བཟའ་བར་བྱ། །
མཁའ་འགྲོ་ལྟེ་བར་བཞུགས་ནས་ནི། །མཁའ་འགྲོ་མ་དང་ལྷན་ཅིག་སྦྱོར། །རྡོ་རྗེ་བློ་ལྡན་རབ་སྦྱོར་བས། །ཞག་བདུན་གྱིས་ནི་ཕེབས་པར་འགྱུར། །བསམ་གཏན་བྱས་པ་ཙམ་གྱིས་ནི། །གདུག་པ་བདག་གིས་ཟོས་པར་འགྱུར། །
ཉི་མ་ཕྱེད་དང་མཚན་ཕྱེད་དང་། །ལས་འདི་དག་ལ་འཇུག་པར་བྱ། །གཅེར་བུ་སྐྲ་གྲོལ་བྱེད་པ་ཡིས། །གཤིན་རྗེའི་ཕྱོགས་སུ་ཁ་བལྟས་ཏེ། །ཁྱིམ་བྱའི་སྟན་གྱི་སྦྱོར་བ་ཡིས། །མེ་ཡི་གསང་སྔགས་བཟླ་བར་བྱ། །ཕཊ་ཧཱུྃ་རྃ་རྃ་རྃ། མཚམས་
མེད་པ་འདི་ཞེས་བྱ་བ། །རྃ་རྃ་རྃ་ཧཱུྃ་ཕཊ། ཇི་བཞིན་བཟླས་པ་བྱས་ཙམ་གྱིས། །ཉིན་ཞག་བཅུ་བཞི་དག་གིས་ནི། །རྡོ་རྗེ་འཛིན་པ་མངོན་སུམ་པའང་། །འཆི་བར་ཡང་ནི་ཐེ་ཚོམ་མེད། །གལ་ཏེ་སྡིག་ཅན་སླར་ལོག་ན། །འདི་ལ་ཞི་བའི་

85-1-215a

ལས་རྣམས་བྱ། །གསང་སྔགས་བཟླས་པ་ཆེར་བྱས་ནས། །འདིས་ཀྱང་ཞི་བར་འགྱུར་བ་ཡིན། །ཨོཾ་སྭཱ་ཧཱ། ཨ་ཨ་བྃ་ཨ་མུ་ཀྃ་པཱ་པ་བི་ར་ཧོ་བཱ་བཱིཤྱ་ཏི་ཏ་སྱ། སི་བ་ཤཱན་ཏིང་བ་བན་བན་དུ་བྃ་ཨྃ་ཨཿ་ཨོཾ་སྭཱ་ཧཱ། འོ་མ་བཏུང་ཞིང་གོས་དཀར་གྱོན། །
ཞི་བའི་སེམས་ཀྱིས་སྟོང་ཉིད་གནས། །དཀར་པོའི་དྲི་ཡིས་ལུས་བྱུག་གོ། །བྱ་རོག་ཁྱི་དང་བྱི་ལ་དང་། །ན་ཀུ་ལ་ཡི་ཤ་རྣམས་བཟའ། །ཐམས་ཅད་རབ་ཏུ་གནས་གྱུར་ཏེ། །འདི་ལ་ཡིད་གཉིས་དཔྱོད་པ་མེད། །མངོན་པར་བརྗོད་པའི་རྒྱུད་བླ་མའི་བླ་མ་ལས་
ཁྲོ་བོ་རྡོ་རྗེ་འཇིགས་བྱེད་ཆེན་པོའི་བདག་པོའི་ཁ་སྦྱར་གནོན་པའི་ལེའུ་སྟེ་དྲུག་བཅུ་རྩ་ལྔ་པའོ།། །། དེ་ནས་གཞན་ཡང་བཤད་བྱ་བ། །སྲིད་པའི་ནང་ན་སྐྱེ་བ་བདུན། །སྣ་ཚོགས་པ་ཤུའི་དམ་ཚིག་ནི། །ལྷ་ཡི་གཟུགས་ཅན་ཡིད་འཕྲོགས་པ། །ལྷ་ཡི་གཟུགས་
ཅན་གཟི་བརྗིད་དཔལ། །བ་ཤུའི་ནང་ན་རྒྱལ་པོ་ཡིན། །སྐལ་བཟང་ཡིད་འོང་བདེ་བར་འགྲོ། །སྐྲ་ཡི་མྱུ་གུ་དེ་བཞིན་རིང་། །མིག་ནི་དཀྱུར་རིང་མིག་ཀྱང་དམར། །པད་མའི་འདབ་མ་འདྲ་བའི་གཟུགས། །དེ་ཡི་ལུས་ལ་རྡུལ་རབ་འབྱུང་། །ལུས་ལས་
ལྷ་ཡི་དྲི་འབྱུང་ཞིང་། །ཁ་ཡི་དབུགས་ནི་ཁ་སྦུར་དྲི། །ལྡན་པས་སྦྲང་མ་རྟག་ཏུ་འཁོར། །གཅིན་དང་ཕྱི་ས་བྲ་རྩི་བྲོ། །ཚིག་ནི་འཇམ་པར་གྱུར་པ་དང་། །ལག་པ་དང་ནི་རྐང་པ་འཇམ། །ཨུཏྤ་ལ་ཡི་དྲི་དང་ལྡན། །སྐྲ་དཀར་གཉེར་མ་ལས་རྣམ་གྲོལ། །
ལུས་ཀྱང་སྣུམ་ཞིང་མཉེས་པ་དང་། །སྙིང་དང་ཐོད་པ་ལྟེ་བ་སྟེ། །དེས་ན་རོ་ཙ་ན་རུ་འགྱུར། །གྲིབ་བདུན་ངང་པའི་འགྲོས་སུ་འགྲོ། །སྙིང་རྗེའི་བསམ་པ་ཅན་ཡིན་ཏེ། །དཀོན་མཆོག་གསུམ་ལ་རྟག་ཏུ་དད། །སྦྱིན་དང་ཚུལ་ཁྲིམས་དག་དང་ལྡན། །
འདི་འདྲ་རྣལ་འབྱོར་པས་རྟོགས་ན། །མི་གསོད་མེ་ཡིས་ཚིག་མི་འགྱུར། །སྲོག་ཆགས་སྣ་ཚོགས་གདུག་པ་དག །གང་ཡང་རུང་བས་ཟ་མི་ནུས། །དེ་ནི་མཚན་མོ་མི་མཐོང་སྟེ། །མི་སྣང་བ་ཡི་དབང་ཕྱུག་མཆོག །འདི་འདྲ་སྔགས་
པས་རྟོགས་ནས་ནི། །བདག་གིས་བླངས་ཏེ་སྦྱིན་པ་སྤྱད། །དྲི་ཆེན་ཆུ་དང་བྱང་ཆུབ་སེམས། །མཁས་པས་བླངས་ཏེ་རི་ལུ་བྱ། །ལྕགས་གསུམ་གྱིས་ནི་རྣམ་དཀྲིས་ཏེ། །བློ་དང་ལྡན་པས་བསྒྲུབ་པར་བྱ། །དབང་པོ་གཉིས་ནི་རབ་སྦྱར་ནས། །

85-1-215b

ཉེ་བའི་སྙིང་པོ་ལན་འབུམ་བཟླས། །དེ་འདི་ལག་དུ་བྱིན་ནས་ནི། །སྦྱིན་པ་འདི་ལས་བདག་ལ་བྱིན། །དེ་འདི་དེ་མ་ཐག་ཏུ་ཡང་། །མི་བསྐྱོད་པ་ཡི་བྱ་བ་རྙེད། །དེ་ནི་དབེན་པར་ཁྱེར་ནས་སུ། །མཉམ་པར་བཞག་སྟེ་བསྒྲུབ་པར་བྱ། །གཞན་ཡང་ལས་རྣམས་རབ་
བཤད་བྱ། །དངོས་གྲུབ་བསྒྲུབ་པའི་མཆོག་དམ་པ། །དེ་ཡི་སྤྱི་བོའི་སྐྲ་བཅད་ནས། །གཞན་ཡང་དུད་འགྲོའི་སྤུ་དང་ནི། །དེ་བསྲེས་ཐེ་གུར་བྱས་ནས་སུ། །གང་གི་མགུལ་དུ་བཅིངས་བྱས་པས། །དེ་འདྲ་བ་ཡི་གཟུགས་སུ་འགྱུར། །སྣ་ཚོགས་
གཟུགས་ཀྱང་བྱེད་པ་ཡིན། །དེ་ཡི་ལྤགས་པ་བླངས་ནས་ནི། །དེ་ལ་ཧེ་རུ་ཀ་དཔལ་བྲི། །མངོན་སུམ་ཁྲོ་བོའི་དངོས་གྲུབ་ནི། །ཧེ་རུ་ཀ་དཔལ་བྱེད་པ་ཡིན། །རྐང་ལག་ལྤགས་པ་བླངས་ནས་ནི། །འབྱུང་པོའི་སྐྲ་དང་བཅས་བསྲེས་ནས། །
ཕྱེ་མའི་རི་ལུར་བྱས་ནས་སུ། །མངོན་པར་བསྔགས་ཏེ་ཆོ་ག་བྱ། །མཁས་པས་རྒྱལ་གྱི་ཉི་མ་ལ། །ལྕགས་གསུམ་གྱིས་ནི་རྣམ་དཀྲིས་ནས། །ལག་པ་གཡོན་པས་དེ་བླངས་ཏེ། །ཐེ་བོང་སྦས་པའི་ཁུ་ཚུར་གྱིས། །ཁུ་ཚུར་དེ་ནི་
མགོར་བཞག་ན། །དེ་མ་ཐག་ཏུ་རྐུན་མ་རེངས། །རང་གི་ལག་གིས་དཔུང་གཉིས་བླངས། །རང་སྐྲ་ཞགས་པ་བླངས་ནས་ཐོགས། །གཡས་པ་ལྕགས་ཀྱུ་ཐོགས་ནས་ནི། །ཐེ་གུ་ལྔ་ཡིས་རྣམ་པར་དཀྲི། །ཕྱོགས་གར་ནོར་གྱིས་
གང་བ་ཡི། །དེ་ཡི་ཕྱོགས་མཐོང་བླང་བར་བྱ། །ཁྱིམ་དུ་བཀོད་ཅིང་སྟེང་འདུག་ནས། །སྔགས་བཟླས་ནས་ནི་མཁའ་ལ་སྤྱོད། །ཨོཾ་ཛཿཨ་པྦཾ་བ་ཧཱུྃ་བ་ཧཱུྃ་ཨ་བ་རཱ་ན་དུ་ཁེ་ཙ་རི་ཛ་རི་ཧྲཱིཿསྭཱ་ཧཱ། ནོར་དང་འབྲུ་དང་དེ་བཞིན་གོས། །ཡིད་ལ་གང་འདོད་
ཅི་ཡང་རུང་། །དེ་དག་ཐམས་ཅད་མྱུར་དུ་འགུགས། །ཁྱིམ་ནི་གང་བར་ཡོངས་སུ་མཐོང་། །མཱྃ་ས་དག་ནི་ཟོས་ནས་སུ། །ལྷ་ཡི་ལུས་སུ་གྱུར་བ་ཡིན། །རྣལ་འབྱོར་རྡོ་རྗེའི་ལུས་གྱུར་ཏེ། །དེས་ནི་ཤི་བ་དབང་དུ་འགྱུར། །ཆུ་བ་ཆོ་ག་
བཞིན་བླངས་ནས། །སྐྲ་དང་བསྲེས་ནས་དེ་བསྒྲིལ་ཏེ། །ཐེ་གུ་ཆོ་ག་བཞིན་དུ་ནི། །བསྒྲལ་ནས་ཞགས་པ་དག་ཏུ་བྱ། །གཡས་བརྐྱང་གནས་ཤིང་ཁྲོ་གནས་པར། །གང་གི་མིང་གི་བཟླས་བརྗོད་ཀྱིས། །ཞགས་པ་བཏབ་ན་དེ་

85-1-216a

མ་ཐག །ལྷ་མོ་འགུགས་ཤིང་དེ་མདུན་གནས། །དེ་ཡི་རུས་པའི་ཕྱེ་མ་ཡིས། །མཁས་པས་དཀྱིལ་འཁོར་བྲིས་ནས་ནི། །འདི་ལ་དཀྱིལ་འཁོར་དངོས་གྲུབ་ནི། །ཅི་འདོད་པ་ནི་དེ་ལ་གནས། །གཞན་ཡང་རྒྱན་དུ་བྱེད་པ་དང་། །
རྡོ་རྗེ་མཚན་གྱིས་མཛེས་པར་བྱ། །ཆུ་བ་དག་གིས་མཆོད་ཕྱིར་ཐོགས། །དེ་རུ་བདར་བའི་ཙན་དན་གྱིས། །བྱུགས་པའི་བརྟུལ་ཞུགས་འཛིན་པ་ནི། །མཁའ་ལ་སྤྱོད་པར་འགྱུར་བ་ཡིན། །བསྒྲུབ་པ་ཏིལ་མར་ཆེན་པོ་ཡི། །མིག་སྨན་
ངེས་པར་བྱས་ནས་ནི། །གྲིབ་མ་ཡང་ནི་མཐོང་མི་འགྱུར། །རྣལ་འབྱོར་ཞག་གིས་བསྐུས་ན་ནི། །མཚན་མོའང་ཉིན་པར་ལྟ་བུར་འགྱུར། །རྣལ་འབྱོར་རྐང་དག་ཟོས་ནས་ནི། །ཚིམ་པར་འགྱུར་གྱི་གཞན་དུ་མིན། །ཇི་སྲིད་གནས་པར་མི་
བཀྲེས་ཤིང་། །ཡིད་གཞུངས་དྲན་པ་འཕེལ་བར་འགྱུར། །རྣལ་འབྱོར་སྔོན་གྱི་སྐྱེ་བ་དྲན། །རྡོ་རྗེ་སེམས་དཔར་འགྱུར་བ་ཡིན། །རྒྱུ་མ་ཕྱེ་མར་བྱས་ནས་སུ། །མཁས་པས་གྲིབ་མ་ལ་ཡང་བསྐམ། །གང་གིས་མགོ་ལ་གཞག་པ་ན། །
དེ་མ་ཐག་ཏུ་དབང་དུ་འགུགས། །སྔགས་པས་གློ་བ་ཟོས་ན་ནི། །དེ་མ་ཐག་ཏུ་ནད་མེད་འགྱུར། །རྐང་པ་བླངས་ནས་ས་བསྣུན་ན། །ཆར་གྱི་རྒྱུན་ནི་འབེབས་པར་བྱེད། །བློ་ལྡན་གསང་བ་བླངས་ནས་བསྐམ། །ཙན་དན་དམར་པོ་དང་
བསྲེས་ནས། །དེ་ནི་ཕྱེ་མར་བྱས་ནས་སུ། །བུད་མེད་གང་ལ་བྱིན་ན་ནི། །འདོད་པས་གདུངས་པའི་བུད་མེད་གང་། །དབང་དུ་གྱུར་ཏེ་མངག་གཞུག་བྱེད། །པུས་མོའི་རུས་པ་ཀཱི་ལ་ཡ། །སོར་ནི་བཅུ་གཉིས་ཚད་ཙམ་ཞིག །
གང་གི་མིང་བཅས་སྦས་པ་ཡིས། །དེ་ཡི་རིགས་རྒྱུད་མེད་པར་འགྱུར། །རྣལ་འབྱོར་ཛི་ཧྭ་ཟོས་ན་ནི། །ངག་གི་དངོས་གྲུབ་དག་ཏུ་འགྱུར། །རྣལ་འབྱོར་ཧྲྀ་ད་ཟོས་ན་ནི། །སེམས་ནི་ཐུབ་པ་ཉིད་དུ་འགྱུར། །སོ་ཡི་རྒྱལ་པོ་བཞི་པོ་དག །
སྟེང་འོག་དག་ནི་བླངས་ནས་ཀྱང་། །བུང་བ་ཡི་ནི་གཤོག་པ་དང་། །ཚུབ་མའི་འདབ་མ་རྡུལ་དང་ནི། །རྡུལ་འདིས་བསྒྲུབ་པ་བྱས་ན་ནི། །རྒྱུ་བ་དང་ནི་མི་རྒྱུ་རྨོངས། །རྩ་རྣམས་ཕྱེ་མར་བྱས་པ་ཡི། །བུད་མེད་ཐམས་ཅད་སྐམས་

85-1-216b

པར་འགྱུར། །རང་བྱུང་མེ་ཏོག་རོ་ཙ་ན། །ཨ་ལག་ཏ་དང་གུར་ཀུམ་གྱིས། །ཐིག་ལེ་སྔགས་པས་སྦྱར་ན་ནི། །འཁོར་ལོས་སྒྱུར་བའང་དབང་དུ་འགྱུར། །རྣལ་འབྱོར་མིག་འབྲས་ཕྱེ་མ་ཡིས། །ཕ་རོལ་སྡེ་ནི་འབྱེད་པར་འགྱུར། །ནུ་མ་
ཟོས་པ་ཙམ་གྱིས་ནི། །དེ་མ་ཐག་ཏུ་འོ་མ་འགུགས། །རྣལ་འབྱོར་མཚན་ནི་ཟོས་ཙམ་གྱིས། །བུད་མེད་ས་བོན་མོད་ལ་འགུགས། །རྣལ་འབྱོར་སོ་དང་སེན་མོ་ཕྱེས། །གང་དང་གང་གིས་མགོ་ལ་གཏོར། །གྲུབ་པ་བརྒྱད་པོ་
འགྲུབ་པ་ཡིན། །ཕ་དང་བུ་ནི་ཡིན་ན་ཡང་། །རྣམ་པར་སྡང་བར་བྱས་པར་འགྱུར། །མཆུ་ཕྱེར་བྱས་པའི་སྦྱོར་བ་ཡིས། །ཁ་ནི་གནོན་པར་འགྱུར་བ་ཡིན། །སྣ་ཕྱེར་བྱས་པའི་སྦྱོར་བ་ཡིས། །དབུགས་ནི་གནོན་པར་འགྱུར་བ་ཡིན། །
རྣ་བའི་སྦྱོར་བས་འོན་པར་འགྱུར། །མགོ་བོའི་པགས་པས་མངོན་བཏགས་ཏེ། །ཁའི་དྲུང་དུ་མངོན་བཟླས་ན། །ལྷ་རྣམས་ཀུན་གྱི་གཙོ་བོར་འགྱུར། །ཐོད་པ་ཡི་ནི་སྦྱོར་བ་ཡིས། །རཀ་ཏ་འགུགས་པར་བྱེད་པ་ཡིན། །
ཐོད་པ་ཁ་ནི་སྦུབ་པ་ཡིས། །གནོད་པར་བྱས་པ་ཁོ་ན་ཡིན། །ཨིན་དྲ་བ་རུ་རོ་ཙ་ན། །དེ་གཉིས་གཅིག་ཏུ་བསྲེས་བྱས་ནས། །གང་ལ་ཐིག་ལེ་གཅིག་གྱུར་ན། །དབང་པོའི་གནས་ནི་མཐོང་བར་འགྱུར། །རོ་ཙ་ན་དང་མྱང་སྤྲས་
དག །ལྷན་ཅིག་ཏུ་ནི་བྱུགས་པ་ཡིས། །ཐུབ་པ་མེད་པའི་སྟོབས་འགྱུར་ཏེ། །ཕ་རོལ་དག་ནི་གནོན་པར་འགྱུར། །པུ་ཏྲན་ཛ་ལི་རོ་ཙ་ན། །ལྷན་ཅིག་ཏུ་ནི་ཕྱེར་བྱས་ནས། །བུད་མེད་གང་ལ་ཕྱེས་གཏོར་ན། །དེ་ནི་འདོད་པས་མྱོས་
གྱུར་ནས། །ཇི་སྲིད་འཚོ་བའི་བར་དུ་གནས། །རོ་ཙ་ན་དང་པུ་ཏྲས་གཉིས། །ལྷན་ཅིག་ཏུ་ནི་བསྐུས་པ་ཡིས། །འབྱུང་པོ་ཀུན་དང་འབྱུང་མོ་རྣམས། །ཅི་བགྱི་ཞེས་ནི་སྨྲ་བཞིན་དུ། །དེ་ཡི་དྲུང་དུ་འཁོད་པར་འགྱུར། །ཅི་འདོད་
པ་དག་སྟེར་བར་འགྱུར། །རོ་ཙ་ན་དང་ཛི་བན་ཏེ། །ལྷན་ཅིག་ཏུ་ནི་ཕྱེར་བྱས་ཏེ། །ཤི་བའི་མིག་དང་མིག་སྨན་སྦྱར། །བསྐལ་པར་གནས་ཀྱི་བར་དུ་ནི། །འཚོ་བར་ཡང་ནི་འགྱུར་བ་ཡིན། །ཆུ་སྲིན་ལག་ནི་རོ་ཙ་ན། །ལྷན་ཅིག་ཏུ་ནི་ཕྱེར་

85-1-217a

བྱས་ནས། །ནཱ་ག་མ་དོ་ལྷན་ཅིག་ཏུ། །རི་ལུ་དག་ཏུ་བྱས་ནས་ཀྱང་། །རྡོ་རྗེ་གཟི་བརྗིད་དང་བསྲེས་ནས། །མིག་གི་སྨན་ནི་བྱས་གྱུར་ན། །ནོར་སྐྱོང་གི་ནི་གླང་པོ་ཡང་། །མངོན་སུམ་དུ་ནི་གནས་ནས་ཀྱང་། །དེ་ལ་བདག་གིས་
ཞོན་ན་ནི། །གླང་ཆེན་འཁོར་ནི་མང་པོ་དང་། །གཞན་གྱིས་མི་ཐོབ་པར་འགྱུར་རོ། །ཕ་རོལ་སྡ་ནི་འཇོམས་བྱེད་ཅིང་། །གཞན་གྱི་ཡུལ་ལ་དབང་བྱེད་པའི། །ཅི་འདོད་པ་ནི་སྟེར་བར་འགྱུར། །བྲཤྤུ་དཎྜི་རོ་ཙ་ནི། །ལྷན་ཅིག་ཏུ་ནི་སྦྱོར་བ་
ཡིས། །རིག་བྱེད་རྒོལ་བ་མེད་པར་འགྱུར། །རྨ་བྱའི་མཁྲིས་པའི་རོ་ཙ་ན། །རི་བོང་ཁྲག་དང་ལྷན་ཅིག་ཏུ། །རི་ལུ་རྟག་ཏུ་བསྒྲུབ་བྱས་ནས། །རྨ་བྱའི་མཇུག་མས་བཅིངས་ན་ནི། །བུང་བ་བཞིན་དུ་འཕུར་འགྱུར་ཏེ། །ལྷ་རྣམས་འགུགས་པའི་དངོས་
གྲུབ་ཅིང་། །རིག་པ་འཛིན་པ་འོངས་པར་འགྱུར། །དེ་ཡི་ལན་ནི་འགའ་ཙམ་གྱིས། །ཇི་ལྟར་འདོད་པ་སྟེར་བར་འགྱུར། །ལྷ་ཡི་གཞལ་མེད་ཁང་འཕྲོག་ཅིང་། །ལྷ་ཡི་བུ་མོའང་འགུགས་པར་འགྱུར། །འདོད་ན་དབང་དུ་སྡོད་བྱེད་ཅིང་། །མི་འདོད་
སེམས་ཅན་དོན་ཡང་བྱེད། །མཇུག་མ་ཐུར་བལྟས་བྱས་ན་ནི། །གཏེར་རྣམས་ཀྱང་ནི་མཐོང་བར་འགྱུར། །བླངས་པས་སྦྱིན་པའི་ཕ་རོལ་ཕྱིན། །ཡོངས་སུ་རྫོགས་པར་འགྱུར་བ་ཡིན། །ས་འོག་གཏེར་གྱི་སྒོ་དག་ལ། །མཇུག་མ་སྐོར་བ་
བྱས་ན་ནི། །སྒོ་དབྱེ་བས་ནི་འཇུག་པར་བྱ། །ལྷ་མིན་བུ་མོ་ལྷན་ཅིག་རོལ། །ལྷ་ཡི་བཅུད་དང་བཅུད་ཀྱིས་ལེན། །འཕྲོག་ཅིང་དེས་ནི་ཟོས་གྱུར་ཏེ། །འདོད་པའི་ལྷ་ཡི་གཟུགས་སུ་འགྱུར། །གྲུབ་པའི་རྫས་ནི་བླངས་པ་ཡིས། །
སེམས་ཅན་དོན་རྣམས་བྱེད་ཅིང་འགྲོ། །དེ་ནས་ཡན་ལག་ལྔ་པ་ཡི། །ཆོ་ག་དག་ཏུ་འགྱུར་བ་ནི། །སྤུ་དང་ལྤགས་པ་ཤ་དང་ནི། །རུས་པ་རྐང་པ་བླངས་ནས་སུ། །དྲི་ཆེན་ཆུ་དང་ཤུ་ཀྲ་དང་། །མཚལ་རྣམས་དག་ནི་ལྷན་ཅིག་ཏུ། །རི་ལུ་བྱས་ནས་
བསྒྲུབ་པར་བྱ། །ལྕགས་གསུམ་གྱིས་ནི་རྣམ་དཀྲིས་ནས། །ཁ་ཡི་ནང་དུ་སྦས་ན་ནི། །ནམ་མཁའ་ལ་ནི་འགྲོ་བར་འགྱུར། །རོ་ཙ་ན་དང་ལྷན་ཅིག་ཏུ། །ཁམས་གསུམ་དུ་ནི་རྒྱལ་ཆེན་འགྱུར། །མངོན་པར་བརྗོད་པའི་རྒྱུད་བླ་མའི་

85-1-217b

བླ་མ་ལས་སྐྱེ་བ་བདུན་པའི་ཕྱུགས་ཆེན་བསྒྲུབ་པའི་ལེའུ་སྟེ་དྲུག་བཅུ་རྩ་དྲུག་པའོ།། །། དེ་ནས་གཞན་ཡང་བཤད་བྱ་བ། །རང་གི་ཆོས་ཀྱི་ཡིད་བསྒོམ་པ། །རང་གི་ཆོས་ཀྱི་ཡི་གེར་སྦྱོར། །བདག་མེད་ཆོས་ནི་ཡང་དག་
བསྒོམ། །རང་ཆོས་ཡི་གེ་མཆོག་དགའ་བ། །ཆོས་ཀྱི་སྐུ་ལུས་རང་བྱུང་ཡིན། །ཡི་གེ་ཧེ་ལས་ངེས་བྱུང་བ། །ཧེ་རུ་ཀ་ནི་རྣམ་པར་བསྒོམ། །ཡི་གེ་ཧི་ལས་ངེས་བྱུང་བ། །རྡོ་རྗེ་མཁའ་འགྲོ་རྣམ་པར་བསྒོམ། །ཧཱུྃ་གི་ཡེ་ཤེས་ལས་
བྱུང་བ། །རྡོ་རྗེ་ཧཱུྃ་མཛད་རྣམ་པར་བསྒོམ། །ཧཱུྃ་གི་ཡི་གེ་ལས་བྱུང་བ། །མི་བསྐྱོད་པ་ནི་རྣམ་པར་བསྒོམ། །བྃ་གྱི་ཡེ་ཤེས་ལས་བསྐྱེད་པ། །རྡོ་རྗེ་སེམས་དཔའ་རྣམ་པར་བསྒོམ། །ཨོཾ་བྷཱུྃ་ཨྃ་བྷཱུྃ་ལས་བྱུང་བ། །སངས་རྒྱས་མཁའ་འགྲོ་རྣམ་
པར་བསྒོམ། །ཨ་ཏྲཱྃ་རྃ་སྭ་ལས་བྱུང་བ། །རིན་ཆེན་མཁའ་འགྲོ་རྣམ་པར་བསྒོམ། །ཧྲིྃ་ཧྲིྃ་ཨ་ལས་ངེས་འབྱུང་བ། །པད་མའི་མཁའ་འགྲོ་རྣམ་པར་བསྒོམ། །ཁྃ་ཧོ་ཧ་ཧྃ་ལས་བྱུང་བ། །སྣ་ཚོགས་མཁའ་འགྲོ་རྣམ་པར་
བསྒོམ། །ཌཱ་ལས་མཁའ་འགྲོ་མ་ཉིད་དོ། །ཡྃ་ལས་རྣལ་འབྱོར་མ་དེ་བཞིན། །བྷྲུྃ་ལས་ལྷ་མོ་ས་ལ་སྤྱོད། །བྃ་ལས་མཁའ་ལ་སྤྱོད་པ་ཡིན། །མྃ་ལས་མ་མོ་ཉིད་ཡིན་ཏེ། །དཔའ་བོའི་བཙུན་མོ་སྙན་གྲགས་མ། །ཧེ་ནི་ཐུགས་
ཀྱི་གཙོ་བོ་སྟེ། །རུ་ལས་ངག་ནི་བྱུང་བ་ཡིན། །ཀ་ནི་ལུས་ཀྱི་རྡོ་རྗེ་སྟེ། །ཡིག་གསུམ་ལས་བྱུང་ཧེ་རུ་ཀ །མྃ་ལས་འཇམ་པའི་རྡོ་རྗེ་སྟེ། །སྃ་ལས་ཀུན་ཏུ་བཟང་པོ་ཡིན། །ལྃ་ལས་འཇིག་རྟེན་མགོན་པོ་སྟེ། །ཀྵིཾ་ལས་ས་ཡི་སྙིང་པོའོ། །
བྃ་ལས་ཕྱག་ན་རྡོ་རྗེ་སྟེ། །མྃ་ལས་བྱམས་པ་ཉིད་ཡིན་ཏེ། །ཁྃ་ལས་ནམ་མཁའི་སྙིང་པོར་གྲགས། །གྃ་ལས་ནམ་མཁའི་མཛོད་ཡིན་ནོ། །སྃ་ལས་སྒྲུབ་པ་ཀུན་སེལ་བ། །གྃ་ལས་སྤོས་ཀྱི་གླང་པོ་ཡིན། །ཛྙཱཾ་ལས་ཡེ་ཤེས་ཏོག་ཀྱང་ཡིན། །
ཨྃ་ལས་བློ་གྲོས་མི་ཟད་པ། །བྲཾ་ལས་སྤྲོས་པ་སོགས་པ་སྟེ། །སྃ་ལས་ངན་སོང་ཀུན་འདྲེན་པ། །སྃ་ལས་ངན་སོང་ཀུན་འཇོམས་པ། །ཛྃ་ལས་དྲ་བ་ཅན་གྱི་འོད། །ཙྃ་ལས་ཟླ་བའི་འོད་ཡིན་ཏེ། །རྃ་ལས་བྱུང་བའི་རིན་ཆེན་འོད། །སུཾ་ལས་ཉི་མའི་འོད་ཡིན་

85-1-218a

ནོ། །བྃ་ལས་རྡོ་རྗེ་འོད་ཀྱང་ཡིན། །མ་ལས་མཐུ་ཆེན་ཐོབ་པ་སྟེ། །སུ་ནི་སུད་དྷ་ཡིན་ནོ། །བྃ་ལས་བཟང་སྐྱོང་ཉིད་ཡིན་ཏེ། །སྃ་ལས་བློ་གྲོས་རྒྱ་མཚོའོ། །ཀུན་ཏུ་བཟང་པོ་འཇམ་པའི་དབྱངས། །འཇིག་རྟེན་མགོན་པོ་
ས་སྙིང་པོ། །ཕྱག་ན་རྡོ་རྗེ་བྱམས་པ་དང་། །ནམ་མཁའི་སྙིང་པོ་ནམ་མཁའ་མཛོད། །སྒྲིབ་པ་རྣམ་པར་སལ་བ་དང་། །སྤོས་ཀྱི་གླང་པོ་ཉིད་ཡིན་ཏེ། །མི་ཟད་པ་དང་ཡེ་ཤེས་ཏོག །སྤོབས་པ་བརྩིགས་པ་མཆོག་ཡིན་ཏེ། །མྱ་ངན་
ཀུན་འཇོམས་ཉིད་ཡིན་ནོ། །ངན་སོང་ཀུན་འདྲེན་ཉིད་དང་ནི། །དྲ་བ་ཟླ་བ་རིན་ཆེན་དང་། །ཉི་མ་རྡོ་རྗེ་འོད་མཆོག་སྟེ། །སུ་དྷ་ན་དང་རིན་ཆེན་ཐོབ། །རྒྱ་མཚོ་དང་ནི་བཟང་སྐྱོང་ངོ་། །དེ་དག་སྔོན་ཉིད་གྲུབ་པ་སྟེ། །ཕྲེང་བའི་གསང་སྔགས་རྣམ་པར་
སྦྱར། །དེ་དག་དམ་ཚིག་ཏུ་བཤད་དེ། །དངོས་གྲུབ་ཀྱི་ནི་གྲུབ་པ་སྩོལ། །རྡོ་རྗེ་ཕོ་ཉ་མ་ཉིད་དང་། །སྐུལ་བྱེད་དང་ནི་རིན་ཆེན་སྒྲོན། །རྡོ་རྗེ་ཉི་མ་དེ་བཞིན་ཏེ། །རོ་ལངས་རྡོ་རྗེ་གཞོན་ནུ་མ། །ཀྃ་པོ་ཛི་དང་དེ་བཞིན་ཏེ། །སངས་རྒྱས་བྱང་ཆུབ་
མ་དེ་བཞིན། །ཡེ་ཤེས་སྒྲོན་དང་རྡོར་འཇིགས་མ། །ཡེ་ཤེས་སྒྲོན་དང་རྒྱལ་བྱེད་མ། །སྒྲོལ་མ་དང་ནི་གོས་དཀར་མོ། །སྤྱན་དང་མཱ་མ་ཀཱི་མཆོག་དང་། །རྒྱལ་མཚན་སོ་སོར་འབྲང་མ་དང་། །རྨ་བྱ་དང་ནི་རི་ཁྲོད་མ། །ལུ་གུ་བརྒྱུད་
དང་ཕྱིར་ཟློག་མ། །ལྷ་མོ་གཙུག་ཏོར་རྡོར་འཇིགས་མ། །སྔོན་གྲུབ་པ་ཡི་ལྷ་མོ་སྟེ། །འདོད་པའི་འབྲས་བུ་ཐམས་ཅད་སྩོལ། །གསལ་བྱེད་མིང་དང་བཅས་པར་ནི། །ཐར་ནི་ཧཱུྃ་ཕཊ་སྦྱར་བར་བྱ། །ཐ་མར་སྭཱ་ཧཱ་མཉམ་པར་སྦྱར། །སྔགས་ཀྱི་
དངོས་གྲུབ་རབ་ཏུ་སྩོལ། །གཤིན་རྗེའི་གཤེད་དང་རྟ་མཆོག་རྒྱལ། །བགེགས་ནི་གནོན་པར་མཛད་པ་ཡིན། །ཤེས་རབ་མཐར་བྱེད་བཞི་པོ་ནི། །འདོད་པའི་དོན་ཀུན་སྒྲུབ་བྱེད་ཡིན། །འདོད་རྒྱལ་དབྱུག་སྔོན་སྟོབས་པོ་ཆེ། །བརྒྱད་པར་
མི་གཡོ་གྲགས་པ་སྟེ། །ཁྲོ་བོ་ཆེན་པོ་སྔོན་གྲུབ་པ། །གདུག་པ་ཐམས་ཅད་ངེས་པར་གནོན། །དཀར་མོ་སོགས་དམ་ཚིག་ལྷ་མོ། །ཁྲག་འཐུང་ལྷ་མོ་བརྒྱད་པ་ཡིན། །སྔར་བཤད་མཁའ་འགྲོ་མ་རྣམས་ཏེ། །ཁྲོ་བོ་བརྒྱད་དང་གཉིས་མེད་

85-1-218b

གནས། །རྩ་བའི་བརྒྱད་དང་ལྡན་པའི་སྔགས། །མིང་དང་ཡང་དག་སྦྱར་བར་བྱ། །གསལ་བྱེད་ཨོཾ་ནི་ཀུན་ཏུ་ཡང་། །མཐར་ནི་ཧཱུྃ་ཕཊ་སྭཱ་ཧཱར་སྦྱར། །གསལ་བྱེད་མིང་དང་ཧཱུྃ་དང་ནི། །མཐར་ནི་ཕཊ་དང་སྭཱ་ཧཱར་སྦྱར། །གཟུགས་དང་སྒྲ་ཡི་ལྷ་མོ་དང་། །དྲི་དང་
རོ་ཡི་ལྷ་མོ་སྟེ། །འདབ་མ་བཞི་ལ་རྣམ་པར་སྦྱར། །ཕྱོགས་ཀྱི་གོས་ཅན་སྐྲ་གྲོལ་མ། །རེག་པས་རེག་པའི་རྡོ་རྗེར་གྲགས། །གཉིས་སུ་མེད་པར་ཡང་དག་གནས། །དབུས་སུ་ཁྲག་འཐུང་རྒྱལ་པོ་ནི། །ལྷ་མོའི་རེག་པས་བདེ་བར་བཞུགས། །སྙིང་པོ་
ཆོས་ཀྱི་དབྱིངས་སུ་གྲགས། །ཤེས་རབ་ཕ་རོལ་ཕྱིན་ལས་བྱུང་། །ཡེ་ཤེས་སེམས་དཔའ་གཉིས་མེད་བཞུགས། །རྡོ་རྗེ་ཆོས་ཀྱི་དབྱིངས་མ་སྟེ། །གཉིས་མེད་མཉམ་པའི་ཡེ་ཤེས་ནི། །ཆོས་ཀྱི་དབྱིངས་དེ་མི་དམིགས་པའོ། །དེ་ནི་གསང་བ་དེ་ཉིད་
མཆོག །རྡོ་རྗེ་ཅན་ནི་ཡང་དག་སྩོལ། །ཆེ་བའི་མཆོག་ནི་འདུས་པ་སྟེ། །རྡོ་རྗེ་སེམས་དཔའ་བདེ་བའི་མཆོག །སྦྱོར་བ་རྒྱུད་ཀྱི་རྗེས་འབྲངས་བ། །བགྲོད་དང་བགྲོད་མིན་རྣལ་འབྱོར་མ། །རིག་པའི་རྒྱ་མཚོ་མཆོག་ཡིན་ཏེ། །རྡོ་རྗེ་མཁའ་འགྲོ་ཉུང་ཟད་
ཅིག །སྒྱུ་འཕྲུལ་སྡོམ་པའི་རྒྱུད་ཡིན་ནོ། །རྣལ་འབྱོར་མ་ནི་འབྱུང་བའི་རྒྱུད། །གསང་བའི་རྒྱ་མཚོ་རྒྱུད་ཡིན་ཏེ། །ངེས་བརྗོད་རྒྱུད་ནི་བླ་མེད་པ། །འདུས་པ་མཆོག་ནི་བཤད་པ་ཡིན། །ཇི་ལྟར་བསམ་པའི་ཁྱད་པར་གྱིས། །སེམས་ཅན་
རྗེས་སུ་གཟུངས་བའི་རྒྱུར། །འདུས་པ་མཆོག་གི་དམ་པ་འདི། །སངས་རྒྱས་བྱང་ཆུབ་འབྲས་བུ་སྟེར། །རིགས་ནི་རྣམ་པ་ལྔ་བཤད་པ། །བྱང་ཆུབ་སེམས་དཔའ་དུ་མ་དག །ཇི་ལྟར་འདོད་པ་དེ་ལྟར་ནི། །བདག་པོ་ཉིད་དུ་བྱ་བ་ཡིན། །
ཇི་ལྟར་མིག་གི་རྗེས་འཐུན་པར། །ངེས་བརྗོད་རྒྱུད་ཀྱི་རིམ་པ་དག །རྡོ་རྗེ་སྒྲུབ་པ་པོ་ཡིས་ནི། །ངེས་བརྗོད་རྒྱུད་ཀྱི་ལས་རྣམས་བྱ། །ཡིད་ཀྱིས་དོགས་པ་ཀུན་སྤངས་ཏེ། །གཉིས་སུ་མེད་པའི་སྒོམ་པ་ཉིད། །ཐེག་པ་ཆེན་པོའི་དམ་པ་
མཆོག །དངོས་གྲུབ་ཆེ་དང་ལྡན་པར་འགྲོ། །དེ་ནས་ཕྱག་མཚན་མཆོག་བཤད་བྱ། །གཟུགས་དང་མདོག་གི་ཆོ་གའི་རིམ། །ཡི་གེ་ཧེ་ལས་ངེས་འབྱུང་བ། །བདག་ཉིད་ཧེ་རུ་ཀར་བསྒོམ་བྱ། །སྐུ་ལུས་དཀར་ལ་དྲག་ཤུལ་ཆེ། །

85-1-219a

མཆེ་བ་རྣམ་གཙིགས་འཇིགས་པ་སྟེ། །སྤྱན་གསུམ་པ་ལ་ཞལ་ལྔ་པ། །ཕྱག་དྲུག་ཞབས་ནི་བཞི་པ་སྟེ། །ཐོད་པའི་ཕྲེང་བའི་དབུ་རྒྱན་ཅན། །རལ་པ་ཟླ་ཕྱེད་དབུ་ལ་བཅིངས། །སྣ་ཚོགས་རྡོ་རྗེའི་དབུ་རྒྱན་ཅན། །ཕྱག་རྒྱ་དྲུག་གིས་
སྐུ་ལུས་བརྒྱན། །སྟག་གི་པགས་པ་གོས་སུ་མནབས། །མགོ་བོའི་དོ་ཤལ་གྱིས་བརྒྱན་པ། །དཀར་དང་སེར་དང་དེ་བཞིན་དམར། །ལྗང་གུ་སྟེང་ཞལ་སྔོ་བའོ། །གཞད་དང་དཔའ་དང་སྒེག་པ་དང་། །རྔམ་དང་ཞི་དང་དྲག་པོ་སྟེ། །རྡོ་རྗེ་དྲིལ་
བུ་མཉམ་ལྡན་པས། །རྡོ་རྗེ་རེག་པས་གཉིས་མེད་གནས། །རྒྱལ་བའི་པགས་པ་མཆོག་ཀྱང་འཛིན། །བདེ་བ་ཀུན་གྱི་འབྲས་བུ་སྩོལ། །ཐོད་པ་དང་ནི་ཁ་ཊྭཱྃ་འཛིན། །རྡོ་རྗེ་མདུང་ནི་ཕྱག་མཆོག་སྟེ། །གཡས་བརྐྱང་པ་ཡི་གནས་པ་ཡིས། །བདུད་
བཞི་པོ་ནི་ཞབས་འོག་གནོན། །རེག་པའི་རྡོ་རྗེ་ལྗང་བ་དང་། །དཀར་བའི་མདངས་ཀྱི་གཟུགས་ཅན་ལ། །ལྗང་དང་སེར་དང་དམར་བ་དང་། །དཀར་བའི་གཡོན་པའི་ཞལ་གདོང་སྟེ། །སྟེང་གི་ཞལ་གདོང་སྔོ་ལ་འཇིགས། །སྐྲ་གྲོལ་བ་ནི་རྣམ་པར་མྱོས། །
སེང་གེའི་རྣམ་གྲོལ་ཕྱག་རྒྱ་ཅན། །བྱིན་པ་གཉིས་ནི་ལེགས་པར་འཁྲིལ། །ཐོད་པའི་ཕྲེང་བའི་དབུ་རྒྱན་ཅན། །སྤྱན་གསུམ་ཤིན་ཏུ་དམར་བ་སྟེ། །རྡོ་རྗེ་ཐོད་པར་མཉམ་པར་ལྡན། །དྲིལ་བུ་ཅང་ཏེའུ་ཡིས་བརྒྱན། །མདུང་དང་ཁ་ཊྭཱྃ་ཕྱག་ན་བསྣམས། །
ཆགས་པ་ཆེན་པོ་མེ་ཡི་འོད། །ཕྱོགས་ཀྱི་གོས་ཅན་ཞི་བའི་ཉམས། །གདུལ་དཀའ་ཐམས་ཅད་འདུལ་མཛད་ཅིང་། །སྣ་ཚོགས་སེམས་ཅན་འདུལ་བར་མཛད། །ཐུགས་རྗེའི་ཉམས་ནི་ཡོངས་སུ་རྫོགས། །ཟླ་བ་ཉི་མའི་དབུས་སུ་ཡང་། །
སྣ་ཚོགས་པད་མའི་དཀྱིལ་ན་བཞུགས། །འཇིགས་བྱེད་དང་ནི་དུས་མཚན་དག །ཞབས་ཀྱིས་གནོན་པར་རྣམ་པར་བསྒོམ། །འཁོར་ཀུན་དང་ནི་ཞལ་གསུམ་པ། །ཐོད་པའི་ཕྲེང་བའི་དབུ་རྒྱན་ཅན། །དྲག་ཅིང་ཞི་བ་ཉིད་ཡིན་ཏེ། །
རིགས་གསུམ་གྱིས་ནི་ཕྱེ་བའི་གཟུགས། །རིགས་གསུམ་གྱི་ནི་ཕྱག་མཚན་འཛིན། །ལྷ་མོས་ཕྱེ་བའི་གཟུགས་ཅན་ནི། །དམ་ཚིག་གཉིས་སུ་མེད་པར་སྦྱོར། །ཐམས་ཅད་ཡི་དགས་གདན་ལ་བཞུགས། །གཡས་བརྐྱང་པ་ཡི་

85-1-219b

ཞབས་ཀྱིས་གནོན། །བྱིན་པ་གཉིས་ཀྱིས་ལེགས་པར་འཁྲིལ། །ཤེས་རབ་ཐབས་ནི་རྣམ་པར་བསྒོམ། །མཚམས་རྣམས་སུ་ནི་བུམ་པ་དག །ཐོད་པ་ཟླ་བ་ཡོངས་སུ་གང་། །ཟུར་རྣམས་སུ་ནི་སྒོ་སྲུངས་སྟེ། །ཇི་ལྟར་མདོག་གི་ཆ་རྣམས་སོ། །གཡས་བརྐྱང་
པ་ཡི་ཞབས་ཀྱིས་བཞུགས། །འཇིག་རྟེན་སྐྱོང་བ་ཞབས་འོག་གནོན། །ཐོད་པའི་ཕྲེང་བའི་དབུ་རྒྱན་ཅན། །ཐུགས་རྗེ་ཁྲོ་བས་རྣམ་པར་མྱོས། །དཀར་པོ་ལ་སོགས་མདོག་སྦྱོར་བ། །ཇི་ལྟར་གཡས་པའི་ཞལ་རིམ་བཞིན། །ཕྱག་རྒྱ་རིམ་པ
འང་དེ་བཞིན་ནོ། །ལུགས་འབྱུང་ལུགས་ལས་བཟློག་པར་ནི། །འཁོར་སོགས་མཆོག་ཀྱང་དགོད་པར་བྱ། །རྡོ་རྗེ་པད་མའི་དབུས་སུ་ནི། །རིགས་ཀྱི་འཁོར་ལོ་གསུམ་དཀྱིལ་ན། །རང་གི་བྱིན་བརླབས་འཆང་བའི་མཆོག །སངས་རྒྱས་
མུ་སྟེགས་ཅན་ལ་སྦ། །འདི་ནི་རབ་ཏུ་གསང་བ་སྟེ། །བླ་མའི་ངག་ལ་གནས་པ་ཡིན། །རྣལ་འབྱོར་མ་ཡི་དྲིན་ཡིན་ནོ། །གནས་ལ་སོགས་པའི་རིམ་སྦྱོར་བ། །སུམ་བཅུ་རྩ་བདུན་རྣམ་དག་དགོད། །ཤེས་རབ་ཐབས་བདག་འགྲོ་བ་
ཡིན། །ས་བཅུ་པ་ཡི་མཆོག་ཀྱང་འགུགས། །ཕ་རོལ་ཕྱིན་པ་བཅུ་ལ་གནས། །སྦྱོར་བ་གསུམ་གྱི་རྣམ་དག་དོན། །འདི་ནི་དྲི་མེད་བསྒོམ་པ་མཆོག །མངོན་པར་བརྗོད་པའི་རྒྱུད་བླ་མའི་བླ་མ་ལས་བདག་ཉིད་
ཆོས་ཀྱི་ཡི་གེ་ལས་བསྐྱེད་པའི་བྱིན་གྱིས་བརླབས་པའི་བསྒོམ་པའི་ལེའུ་སྟེ་དྲུག་བཅུ་རྩ་བདུན་པའོ།། །། དེ་ནས་མཆོག་ཏུ་བཤད་བྱ་བ། །བདག་ཉིད་ཆོ་གའི་བསྒོམ་པའི་རིམ། །མཱ་མ་ཀཱི་དང་སྤྱན་དང་ནི། །
ལྷ་མོ་སྒྲོལ་མ་གོས་དཀར་མོ། །འོད་ཟེར་ཅན་དང་ཛམྦྷ་ལ། །ལྷ་མོ་སྐུལ་བྱེད་ས་འཛིན་མ། །རང་གི་ས་བོན་ལས་བྱུང་བ། །ཕྱག་བཅུ་གཉིས་ཀྱིས་རྣམ་པར་བརྒྱན། །སྤྱན་གསུམ་པ་ལ་གཡས་བརྐྱང་བཞུགས། །
སེམས་དཔའི་སྐྱིལ་མོ་ཀྲུང་གིས་བཞུགས། །རྡོ་རྗེ་སྐྱིལ་མོ་ཀྲུང་གིས་གནས། །རིག་བྱེད་བཞི་ཡི་ཞལ་གདོང་སྟེ། །ཕྱོགས་ཀྱི་གོས་ཅན་རོ་ཡི་གདན། །སྐྲ་གྲོལ་བ་ལ་འཇིགས་པ་སྟེ། །ཐོད་པའི་ཕྲེང་བའི་དབུ་རྒྱན་ཅན། །ཁྲོ་བས་བལྟ་ཞིང་ཐུགས་རྗེའི་ཉམས། །ཤེས་རབ་ཕ་རོལ་

85-1-220a

ཕྱིན་ལྷ་མོ། །དེ་ཉིད་ཡེ་ཤེས་མཆོག་ལས་བྱུང་། །སོ་སོ་ཡང་དག་སྦྱོར་བའི་བདག །དེ་ཉིད་ཡེ་ཤེས་གདོན་མི་ཟ། །ཁྲོ་བོ་སྣ་ཚོགས་གཟུགས་ཅན་ནི། །དཔའ་བོ་རང་ཉིད་ལས་བྱུང་བ། །ཁྲོ་མཆོག་མཁའ་འགྲོ་འབྱུང་བ་ཡང་། །གོས་
པ་མེད་པར་ཉམས་པ་ཡི། །བདག་པོ་ཉིད་དུ་སྦྱར་བར་བྱ། །བདག་ཉིད་བསྒོམ་པ་ཉིད་ཡིན་ནོ། །མཉམ་པར་མ་བཞག་སྦྱོར་བ་ཡིས། །བསྒོམ་ཞིང་རྣམ་པར་བསྒོམ་པར་བྱ། །ཕྲ་བའི་ཁྲོ་བོའི་རྡོ་རྗེ་ཅན། །སྙིང་གའི་པད་མའི་དབུས་སུ་ནི། །རྡོ་རྗེ་མཁའ་
འགྲོ་ཐུགས་བརྩེ་ཅན། །འདི་ཉིད་དུ་ནི་གནས་མཛད་ཅིང་། །རྫོགས་སངས་རྒྱས་ཀུན་བྱང་ཆུབ་སེམས། །འགྲོ་བ་གསུམ་པོ་འདི་ལ་གནས། །འདི་ཉིད་ཀྱིས་མཆོད་པ་ཉིད་ཀྱིས། །མཆོད་འོས་ཐམས་ཅད་མཆོད་པ་ཡིན། །གང་ཞིག་འདི་
ལ་རྟག་བལྟ་བ། །དེ་ནི་རྒྱལ་བས་མཆོད་པར་བཞེད། །ནང་གི་སྦྱོར་བ་རྡོ་རྗེ་ཡིས། །རྣལ་འབྱོར་རྡོ་རྗེ་ཅན་དུ་འདོད། །དེ་བས་རྡོ་རྗེ་མཆོད་པ་ཡིས། །ཡིད་འདོད་རྣམས་ཀྱི་ལུས་ལ་འདོད། །མཆོད་པ་ལྔ་ཡི་སྦྱོར་བ་ཡིས། །མྱུར་དུ་སངས་
རྒྱས་ཉིད་ཐོབ་པར། །གང་འདི་རྒྱུད་ལས་གསུངས་པ་དག །དེ་ནི་ཕ་རོལ་གཞན་དུ་འདོད། །དངོས་མེད་བཞི་ལ་དགོད་པ་ཡིན། །ལྷ་ཡི་གཟུགས་སུ་བསྒོམ་པ་ཡི་། །མཉམ་ཉིད་མཆོད་པ་ཆེན་པོ་སྟེ། །སངས་རྒྱས་ཐམས་ཅད་རབ་
བསྒྲུབ་པའོ། །སྔགས་དང་དེ་ཉིད་བསྟན་པ་ཡི། །བསྟན་པ་ཙམ་དུ་ལེགས་འབྱུང་བའི། །རྒྱུད་ནི་དོན་དམ་མ་ཡིན་ཏེ། །དོན་དམ་ཡང་དག་སྐྱེས་པ་ན། །སྟོན་པ་མེད་ཅིང་བསྟན་པའང་མེད། །ཉི་ཤུ་རྩ་བཞིར་ཕྱེ་བ་ཡི། །གནས་
སོགས་འདི་ཉིད་ལ་གནས་ཏེ། །དེ་བས་དེ་རུ་འཁོར་བ་ཉིད། །སྐྱོ་བྱ་དེ་ཉིད་ཅན་གྱིས་མིན། །གལ་ཏེ་དེ་ཉིད་མེད་གྱུར་ན། །དེ་ཡི་འཁྲུལ་པས་ཅི་ཞིག་བྱ། །འོན་ཏེ་དེ་ཉིད་ལྡན་གྱུར་ན། །དེ་ལ་འཁྲུལ་པ་ཅི་ཞིག་ཡོད། །གནས་
དང་ཉེ་བའི་གནས་མཆོག་རྣམས། །བསྟན་པས་དྲི་མ་མེད་པར་འགྱུར། །ཡང་ན་མི་ནུས་བག་མེད་པའི། །མི་ཡི་གནས་ནི་བསྒྲགས་པར་བྱ། །ང་ཡིས་འདི་ལྟར་བཤད་པ་ནི། །སེམས་ཅན་བསམ་པའི་དབང་གིས་ཏེ། །བསམ་གཏན་ལས་གཞན་བདེ་

85-1-220b

མེད་ཕྱིར། །དེ་བས་བསམ་གཏན་མཆོག་གཞོལ་བྱ། །རྣལ་འབྱོར་པ་ནི་ཕྱི་རོལ་འཁོད། །དེ་ཡི་ཁམས་རྣམས་ཟད་པར་འགྱུར། །དེ་བས་ཕྱི་རོལ་སྤངས་ནས་ནི། །རྣལ་འབྱོར་རོལ་པས་གནས་པར་བྱ། །དཔལ་ལྡན་རྡོ་རྗེ་རྣལ་འབྱོར་ཅན། །རྣམ་དག་ཡེ་ཤེས་སྤྱན་
གྱིས་ནི། །ཐུགས་རྗེ་ཐུགས་གདུངས་རིང་པོ་ནས། །རྡོ་རྗེ་རྣལ་འབྱོར་ཅན་དག་གཟིགས། །དེ་རྣམས་དགྱེས་པས་དངོས་གྲུབ་མཆོག །ཅི་འདོད་པར་ནི་སྩོལ་བར་འགྱུར། །དེས་ནི་རྗེ་བཙུན་ཡེ་ཤེས་ཀྱང་། །རབ་ཏུ་འབད་དེ་བསྒྲུབ་པར་བྱ། །སྣ་
ཚོགས་སྤྱོད་པ་ཡང་དག་ལྡན། །སྤྱོད་དང་བརྟུལ་ཞུགས་སྤྱད་པ་ཡི། །སྤྱོད་དང་བརྟུལ་ཞུགས་འདིར་སྤོངས་ལ། །དེ་ཉིད་བརྟུལ་ཞུགས་ལ་དགར་བྱས། །གང་ཡང་རུང་བའི་ཟས་གནས་པ། །རྣམ་པ་དེས་བྱས་བརྟུལ་ཞུགས་
ཅན། །བསམ་གཏན་ཟས་མཆོག་གཞོལ་འགྱུར་བས། །སྨྱོན་པའི་སྤྱོད་པས་གནས་པར་གྱིས། །གཅེར་བུའམ་ཡང་གཅེར་བུ་མིན། །གང་རུང་ཇི་ལྟ་དེ་ལྟར་འགྱུར། །རང་གི་ལྷག་པའི་ལྷ་དམིགས་ལ། །དེ་ཉིད་གཅིག་པུ་རྣམ་
པར་བསམ། །ལྐུགས་པའི་དངོས་པོར་གྱུར་པ་ཡིས། །ཟླ་དྲུག་ཙམ་གྱིས་ངེས་པར་ནི། །རྣལ་འབྱོར་ཅན་གྱིས་ཉེར་བསྟེན་ན། །རྣལ་འབྱོར་ཆེན་མོ་འདི་གསལ་འགྱུར། །ཡེ་ཤེས་སྒྲོན་མའི་མཆོག་མཐོང་ན། །རྣལ་འབྱོར་མ་རྣམས་
ལེགས་འདུས་ཏེ། །པད་མའི་འབྱུང་གནས་ཉམས་དགའ་བར། །ངང་པའི་ཚོགས་འདུས་ཇི་བཞིན་ན། །མིག་འཕྲུལ་མཁན་ལྟར་འཇིག་རྟེན་དུ། །འགྲོ་ཀུན་དོན་ནི་བྱེད་པའོ། །དཔལ་ལྡན་རྡོ་རྗེ་འཛིན་པར་ནི། །མངོན་འགྱུར་
འདི་ལ་ཐེ་ཚོམ་མེད། །སྤྱོད་པ་འདི་ལ་ངེས་པར་ནི། །ཇི་སྐད་བཤད་པ་དེར་འགྱུར་བར། །སེམས་ནི་དག་པར་གྱིས་ཤིག་ཅེས། །སེམས་ཅན་རྣམས་ལ་བདག་གསོལ་འདེབས། །གང་གིས་རྨད་བྱུང་སྙིང་
རྗེར་ལྡན། །གང་གིས་གསུང་བ་དེ་ཉིད་འགྱུར། །རྡོ་རྗེ་དྲག་པོའི་སྦྱོར་བ་ཡིས། །མཁའ་འགྲོ་མ་ནི་སྙིང་གར་དགོད། །སྙིང་གར་རྡོ་རྗེ་ལྕགས་ཀྱུར་སྦྱོར། །ཐུགས་ཀྱི་རྡོ་རྗེས་ནང་སྦྱོར་ཏེ། །

85-1-221a

གཞན་ཡང་རྡོ་རྗེ་དགོད་བྱ་བ། །ཆོས་ཀྱི་དབྱིངས་སུ་རྣམ་པར་བརྟག །རང་གིས་ནམ་མཁར་སྦྱོར་ནས་སུ། །གཟི་བརྗིད་གཟུགས་ནི་འཛིན་པར་བསྒོམ། །རང་གི་ཆོས་ཀྱི་ཡིད་དགོད་པ། །རང་དྲོད་རང་
བཞིན་དྲི་མ་མེད། །རང་གི་བསྒོམ་པའི་སྦྱོར་བ་ཡིས། །རང་གི་ཆོས་ཀྱི་ཡི་གེ་བསྒོམ། །ཇི་ལྟ་ཇི་ལྟར་རྟོགས་པ་ཡི། །གཞན་ཉིད་གཟུགས་ཀྱི་བསྒོམ་པ་ལ། །ཡིད་ཀྱི་གཏི་མུག་གྲུབ་པ་ཡི། །དབང་པོ་གཞན་
མ་བསྒོམ་པར་བྱ། །ཇི་ལྟ་ཇི་ལྟར་མོས་པ་ཡིས། །གཞན་ཉིད་གཟུགས་ལ་བལྟ་བར་བྱ། །མངོན་པར་བརྗོད་པའི་རྒྱུད་བླ་མའི་བླ་མ་ལས་བདག་འདུལ་བའི་མཆོད་པའི་ལེའུ་སྟེ་དྲུག་བཅུ་རྩ་བརྒྱད་པའོ།། །། 
དེ་ནས་བཅོམ་ལྡན་འདས་དེ་བཞིན་གཤེགས་པ་ཐམས་ཅད་ཀྱིས་གསང་བའི་ཡེ་ཤེས་གསང་བ་འདི་གསུངས་སོ། །རང་བཞིན་བདག་མེད་ཆོས་རྣམས་ནི། །ནམ་མཁའ་ལྟ་བུར་དྲི་མ་མེད། །སྟོང་ཉིད་ཡེ་ཤེས་རྡོ་རྗེ་ཡིས། །
སྟོང་ཉིད་རྟག་ཏུ་བསྒོམ་པར་བྱ། །ལེགས་སོ་བྱ་བ་རྣམས་བྱིན་ནས། །རྒྱུད་སྐྱེས་པ་ཡི་སྦྱོར་བ་ལས། །ལེགས་སོ་ལེགས་སོ་ཡེ་ཤེས་ཆེ། །ངེས་པར་བརྗོད་པ་མཆོག་གི་མཆོག །ལེགས་སོ་རྡོ་རྗེ་ཚུལ་
དྲག་པོ། །སངས་རྒྱས་བྱང་ཆུབ་བཀའ་དྲིན་རབ། །ལེགས་སོ་གཉིས་མེད་སྦྱོར་བ་ནི། །མཆོག་དང་མཆོག་ནི་གྲུབ་པ་ལ། །ལེགས་སོ་ཞེས་བྱ་ངེས་པར་སྦྱོར། །འདོད་པ་མེད་པའི་བསྒོམ་པ་ནི། །
ལེགས་སོ་ཐམས་ཅད་འགྲོ་བའི་མགོན། །ཐེག་པ་ཆེན་པོ་བསྟན་པ་འདི། །གཉིས་མེད་ཡེ་ཤེས་མཆོག་དང་ནི། །མན་ངག་ཐོབ་པའི་དང་པོ་སྟེ། །ལེགས་སོ་རྡོ་རྗེ་བླ་མ་ཀུན། །
དེ་ལ་བསྟན་པ་རྣལ་འབྱོར་མ། །ལེགས་སོ་འཁོར་གྱི་དཀྱིལ་འཁོར་ལ། །དངོས་གྲུབ་བླ་ན་མེད་པ་བྱིན། །རྫོགས་ཏེ་ཅང་མི་གསུང་བར་གྱུར་ཏོ། །བཅོམ་ལྡན་འདས་དེ་བཞིན་གཤེགས་པས་དེ་སྐད་ཅེས་བཀའ་སྩལ་ནས།

85-1-221b

དེ་བཞིན་གཤེགས་པ་ཐམས་ཅད་ཀྱི་ཁྲོ་བོའི་རྡོ་རྗེ་རྣམས་ངེས་པར་བརྗོད་པའི་རྒྱུད་བླ་ན་མེད་པའི་མཁའ་འགྲོ་མའི་དྲ་བའི་སྡོམ་པ་བཅོམ་ལྡན་འདས་ཀྱིས་གསུངས་པ་ལ་མངོན་པར་བསྟོད་དོ།། །།མངོན་པར་བརྗོད་པའི་རྒྱུད་བླ་མའི་བླ་མ་ཞེས་བྱ་བ་
གསང་བའི་ཡང་གསང་བ་བདེ་མཆོག་རྒྱུད་ཀྱི་རྒྱལ་པོ་ཆེན་པོ་ཐེ་ཚོམ་མེད་པར་དེ་ཁོ་ན་བསྒོམ་པ་བསྟན་པའི་ལེའུ་སྟེ་དྲུག་བཅུ་རྩ་དགུ་པའོ།། །།མངོན་པར་བརྗོད་པའི་རྒྱུད་བླ་མའི་བླ་
མ་ལས་གསང་བ་ལས་གསང་བའི་བདེ་མཆོག་གི་རྒྱུད་ཀྱི་རྒྱལ་པོ་ཆེན་པོ་ཞེས་བྱ་བ་རྫོགས་སྷོ། ། རྒྱ་གར་གྱི་མཁན་པོ་པཎྜི་ཏ་ཆེན་པོ་དཱི་པངྐ་ར་ཤྲཱི་ཛྙཱ་ན་དང་། བོད་ཀྱི་ལོ་ཙྪ་བ་ཆེན་པོ་དགེ་སློང་
རིན་ཆེན་བཟང་པོས་བསྒྱུར་ཅིང་ཞུས་ཏེ་གཏན་ལ་ཕབ་པ། ཕྱིས་པཎྜི་ཏ་ཆེན་པོ་ཛྙཱ་ན་ཤྲཱི་དང་། ལོ་ཙྪ་བ་ཁྱུང་པོ་ཆོས་ཀྱི་བརྩོན་འགྲུས་ཀྱིས་ཀྱང་ཞུས་པའོ། །ཕྱིས་པཎྜི་ཏ་ཨ་ནནྟ་ཏ་དང་། ལོ་ཆུང་གིས་
ཆད་ལྷག་བསབས་ནས་ཞུས་དག་བྱས་ནས་ལེགས་པར་བཅོས་ཏེ་གཏན་ལ་ཕབ། །འདི་ལས་ཟབ་པ་མེད་དོ།། །།

85-1-222a

༄། །རྒྱ་གར་སྐད་དུ། ཤྲཱི་བཛྲ་ཌཱ་ཀཱ་ནཱ་མ་མ་ཧཱ་ཏནྟྲ་རཱ་ཛཱ། བོད་སྐད་དུ། རྒྱུད་ཀྱི་རྒྱལ་པོ་ཆེན་པོ་དཔལ་རྡོ་རྗེ་མཁའ་འགྲོ་ཞེས་བྱ་བ། བཅོམ་ལྡན་འདས་ཐུགས་རྗེ་ཆེན་པོ་འཕགས་པ་སྤྱན་རས་གཟིགས་དབང་ཕྱུག་ལ་ཕྱག་འཚལ་ལོ། །མཁའ་
འགྲོ་ཀུན་དངོས་སེམས་དཔའ་ནི། །རྡོ་རྗེ་མཁའ་འགྲོ་བདེ་བའི་མཆོག །གསང་བ་མཆོག་གི་དགྱེས་པ་ན། །ཐམས་ཅད་བདག་ཉིད་རྟག་ཏུ་བཞུགས། །འདི་ནི་རང་བྱུང་བཅོམ་ལྡན་འདས། །ལྷག་པ་ཡི་ནི་ལྷ་གཅིག་ཉིད། །འབྱུང་
གནས་སྒྲ་ཚུལ་ངེས་འབྱུང་རྣམས། །དམ་ཚིག་སྤྱོད་པའི་སྤྱོད་ཡུལ་ཡིན། །འཇིག་རྟེན་གསུམ་དུ་རྙེད་དཀའ་བ། །ཐོག་མ་དབུས་མཐར་ཡང་དག་གནས། །འདོད་ཆགས་མ་ཡིན་ཆགས་བྲལ་མིན། །དབུ་མར་ཡང་ནི་མི་དམིགས་
སོ། །བུད་མེད་ཀུན་གྱི་སྒྱུ་མའི་རྒྱ། །འདི་ནི་གཉིས་མྱེད་ཡེ་ཤེས་མཆོག །རྙེད་དང་བདེ་བ་ཀུན་མོས་པས། །ངན་པར་སྤྱོད་པའང་འགྲུབ་པར་འགྱུར། །ནམ་མཁའ་ཀུན་དུ་རྒྱུ་གྲུབ་པས། །མཁའ་འགྲོ་མ་ཞེས་རབ་ཏུ་གྲགས། །སྣ་ཚོགས་ཀུན་
དུ་ཕྱག་རྒྱ་ནི། །སྣ་ཚོགས་ཀུན་གྱིས་སྡོམ་པ་ཡིས། །མཁའ་འགྲོ་ཀུན་དང་མཉམ་སྦྱོར་བ། །རྡོ་རྗེ་མཁའ་འགྲོ་ཞེས་བྱར་གྲུབ། །དེ་ཉིད་མེད་སེམས་རྣལ་འབྱོར་པ། །ལྷ་ལ་དམིགས་པར་བྱེད་པ་དག །ཀུན་དུ་གཟུགས་བརྙན་ཡིད་ཀྱིས་ནི། །
ལུགས་སོགས་རྣལ་འབྱོར་སྐྱེ་བ་མིན། །བྱང་ཆུབ་སེམས་དཔའ་རྣལ་འབྱོར་གང་། །རྣལ་འབྱོར་དབང་ཕྱུག་རང་ཉིད་གཙོ། །བྱང་ཆུབ་སེམས་འདི་རྡོ་རྗེ་སྟེ། །སངས་རྒྱས་ཀུན་གྱི་རང་བཞིན་ནོ། །འགྲོ་བའི་རྩ་ལག་རང་བཞིན་གྱིས། །སྣ་
ཚོགས་གཡོགས་ཏེ་རྣམ་བཞུགས་པས། །དེ་ཕྱིར་འབད་པ་ཐམས་ཅད་ཀྱིས། །སྣ་ཚོགས་ཚུལ་གྱིས་མཆོད་པར་བྱ། །བདག་ཉིད་སངས་རྒྱས་ཐམས་ཅད་དང་། །དཔའ་བོ་ཐམས་ཅད་ཉིད་ཡིན་ཏེ། །རང་གི་ལྷ་ཡི་སྦྱོར་བ་ཡིས། །བདག་ཉིད་
རབ་ཏུ་བསྒྲུབ་པར་བྱ། །འདི་ཡིས་སངས་རྒྱས་ཐམས་ཅད་དང་། །དཔའ་བོ་ཐམས་ཅད་ཉིད་དང་ནི། །རྡོ་རྗེ་འཛིན་པ་ཐམས་ཅད་དུ། །ཚེ་འདི་ཉིད་དུ་འགྲུབ་འགྱུར་ཞེས། །མཁའ་འགྲོ་ཀུན་དང་མཉམ་སྦྱོར་བའི། །རྡོ་རྗེ་མཁའ་འགྲོ་བདེ་བའི་མཆོག །

85-1-222b

རྡོ་རྗེ་སེམས་དཔའ་དེ་བཞིན་གཤེགས། །དཔལ་ལྡན་བཅོམ་ལྡན་འདས་ཀྱིས་གསུངས། །ཐམས་ཅད་ནམ་མཁའི་མཚན་ཉིད་དེ། །ནམ་མཁའ་ལ་ནི་མཚན་ཉིད་མེད། །ཁམས་གསུམ་པ་ནི་མ་ལུས་པའི། །འགྲོ་ཀུན་སྒྱུ་མ་ལྟ་བུ་ཡིན། །བརྟན་པ་དང་ནི་
གཡོ་བ་ཡི། །འགྲོ་བ་དམིགས་སུ་མེད་པ་སྟེ། །མཐོང་བ་དང་ནི་རིགས་པའི་དངོས། །ཐམས་ཅད་སྒྱུ་མ་ཇི་བཞིན་ནོ། །གང་གིས་བླུན་པོ་འཆིང་འགྱུར་བ། །འདིར་དེས་མཁས་རྣམས་རྣམ་པར་གྲོལ། །ཕྱག་རྒྱའི་སྦྱོར་བ་འདི་ཡིས་ནི། །ས་གསུམ་
མ་ལུས་བཟའ་བར་བྱ། །གཞན་དུ་གལ་ཏེ་སྦྱོར་བ་ནི། །མ་ཚང་མར་མེ་ལྟ་བུར་འདའ། །གཟུགས་ནི་སངས་རྒྱས་རྣམ་སྣང་མཛད། །ཚོར་བ་རྡོ་རྗེ་ཉི་མ་ཡིན། །འདུ་ཤེས་པད་མ་གར་དབང་སྟེ། །འདུ་བྱེད་རྡོ་རྗེ་རྒྱལ་པོ་ཡིན། །རྣམ་ཤེས་རྡོ་རྗེ་སེམས་
དཔའ་སྟེ། །འདི་དག་དངོས་ཀུན་རང་བཞིན་ནི། །རྡོ་རྗེ་མཁའ་འགྲོ་ཞེས་བྱར་གྲགས། །ཡང་དག་ཆེན་པོ་གཅིག་པུའི་ལྷ། །བདེ་བ་ཐམས་ཅད་རབ་སྟེར་བ། །སྒྱུ་མ་ཆེན་པོའི་རང་བཞིན་གྱིས། །ཆགས་བྲལ་ཆགས་པ་ཞེས་བྱར་བཤད། །ས་ཁམས་
ལྟུང་བྱེད་མ་ཡིན་ཏེ། །དེ་བཞིན་ཆུ་ཁམས་གསོད་མའོ། །མེ་ཁམས་འགུགས་བྱེད་མ་ཡིན་ཏེ། །དེ་བཞིན་རླུང་ནི་གར་དབང་ངོ་། །ནམ་མཁའི་ཁམས་ནི་སྒྱུ་མ་ཆེ། །རང་ཉིད་འགྲོ་མ་ཞེས་བྱར་བཤད། །སངས་རྒྱས་ཀུན་དང་མཉམ་སྦྱོར་བ། །མཁའ་
འགྲོ་མ་ནི་འབར་བའི་མཆོག །འབྱུང་བ་ལྔ་ཡི་རང་བཞིན་གྱིས། །དེ་ནི་རྡོ་རྗེ་གཙོ་མོར་གནས། །མིག་གཉིས་གཏི་མུག་རྡོ་རྗེར་བཤད། །ཉན་པ་ཞེས་བྱ་རྡོ་རྗེ་བརྗོད། །སྣ་ནི་སེར་སྣ་རྡོ་རྗེ་སྟེ། །ཁ་ནི་འདོད་ཆགས་རྡོ་རྗེར་གསུངས། །ལུས་ནི་ཕྲག་
དོག་རྡོ་རྗེ་སྟེ། །སྐྱེ་མཆེད་ཐམས་ཅད་མཉམ་སྦྱོར་བ། །རྡོ་རྗེ་མཁའ་འགྲོ་བདེ་བའི་མཆོག །གཟུགས་འདི་ཐམས་ཅད་སྟོང་པ་ཉིད། །སྟོང་པའི་ཚུལ་གྱི་མིག་གིས་ནི། །དོགས་པ་མེད་པར་བསྒོམ་པའི་མཆོག །རྣམ་
པར་མི་རྟོག་པ་ཡིས་བལྟ། །ནམ་མཁའི་ཚུལ་གྱི་སེམས་ཀྱིས་ནི། །དེར་ནི་ཐམས་ཅད་ནམ་མཁའི་དངོས། །དོགས་པ་མེད་པའི་བསྒོམ་པར་ལྡན། །རྣམ་པར་མི་རྟོག་སྐྱེ་འགྱུར་ཞེས། །རྡོ་རྗེ་སེམས་དཔའ་དེ་བཞིན་

85-1-223a

གཤེགས། །བཅོམ་ལྡན་རྡོ་རྗེ་ཅན་གྱིས་གསུངས། །དེ་ནས་བཅོམ་ལྡན་འདས་དེ་བཞིན་གཤེགས་པ་ཐམས་ཅད་ཀྱི་ཐོགས་པ་མེད་ཅིང་གདོན་མི་ཟ་བ་བདེ་བ་ཆེན་པོའི་དམ་ཚིག་ཅེས་བྱ་བའི་རིམ་པའི་ཏིང་ངེ་འཛིན་ལ་སྙོམས་
པར་ཞུགས་ནས་འདི་སྐད་ཅེས་གསུངས་སོ། །ཇི་སྲིད་འཁོར་བའི་གནས་སུ་ནི། །མཁས་མཆོག་འདུག་པར་གྱུར་བའི་བར། །དེ་སྲིད་སེམས་ཅན་མཚུངས་མེད་དོན། །མྱ་ངན་མི་འདའ་བར་ནི་མཛད། །དེ་ལྟར་སེམས་
ཅན་དམ་པ་རྣམས། །སྲེད་པའི་ཞགས་པས་འཇིགས་མེད་པར། །མི་སྐྱོ་བར་ནི་བརྩོན་འགྲུས་ཀྱིས། །རྟག་ཏུ་སེམས་ཅན་དོན་རྣམས་མཛད། །ནམ་མཁའི་གནས་ཀྱི་མཐར་ཐུག་པར། །སྨོན་ལམ་རྣམ་པར་སྤྱོད་བྱེད་ཅིང་། །
སེམས་ཅན་དོན་བརྩོན་སེམས་ཀྱིས་ནི། །དཔའ་བོ་སྲིད་པ་སྦྱོང་བར་མཛད། །རྟག་ཏུ་འདོད་པས་མྱོས་པ་ཡི། །ལྷ་ཡི་བུ་འདི་རྣམས་དང་ནི། །གཞན་ཡང་སྐྱེ་བོ་ཆགས་ཅན་ཕྱིར། །འདོད་ཆགས་ཐམས་ཅད་དག་པར་
མཛད། །བདེ་ཆེན་ཤིན་དུ་གྲུབ་བྱའི་ཕྱིར། །རྟོག་པ་རྒྱས་པར་སྦྱིན་པ་དང་། །ཐོག་མ་ཐ་མ་མེད་པའི་མཆོག །རྟོག་པ་ཐམས་ཅད་དང་པོར་བཤད། །འདས་པའི་དུས་ན་སྔོན་བྱུང་བ། །རྟོག་པ་དང་པོ་བདེ་བ་ཆེ། །
དེར་ནི་རྡོ་རྗེ་སེམས་ཆེན་གྱི། །ལྷག་པ་ཡི་ནི་ལྷ་གཅིག་བཞུགས། །འཇིག་རྟེན་ཁམས་རྣམས་མཐའ་ཡས་ཀྱི། །སེམས་ཅན་ཀུན་དོན་འབྱུང་བྱའི་ཕྱིར། །གླུ་གར་རོལ་མོ་སོགས་པའི་གར། །སྲིད་པ་ཀུན་གྱི་
གཙོ་བོར་གྱུར། །སེམས་ཅན་ཐམས་ཅད་འབྱུང་བ་ཡི། །དགའ་བ་ཡང་དག་བསྡུས་བ་དང་། །དེ་ནས་སེམས་ཅན་སྐྱེ་འགྱུར་བའི། །འདོད་པའི་ཆགས་པ་རྣམ་སྤངས་ཏེ། །དེས་འདུལ་བར་ནི་མཁྱེན་ནས་སུ། །
ཡི་གེ་ལས་བྱུང་རྣམས་སྤངས་ཤིང་། །ནམ་མཁའ་ལྟ་བུར་བདག་མེད་པར། །དག་པ་ཉིད་དུ་དེ་ནས་སོན། །དེ་ནས་སེམས་ཅན་སངས་རྒྱས་ཀྱི། །བླ་མེད་དོན་ནི་ནུས་མེད་པའི། །སྟོང་པ་ཉིད་ལ་རྟག་བཞུགས་པས། །

85-1-223b

འགྲོ་ཀུན་སྟོང་པར་བཅོས་ནས་ནི། །ཐམས་ཅད་དམྱལ་བར་ལྟུང་མཐོང་སྟེ། །སླར་ཡང་བདག་དང་གཞན་དོན་ལ། །མོས་པས་གུས་པ་ཉིད་དུ་གྱུར། །དེ་ནས་འཇིག་རྟེན་ཁམས་ཀུན་ན། །བཞུགས་པའི་སངས་རྒྱས་ཀུན་བསྡུས་ཏེ། །མྱུར་བ་
ཉིད་དུ་བདག་ལ་བསྐུལ། །ཨོཾ་མ་ཧཱ་སུ་ཁ་བཛྲ་སཏྭ་ཛཿཧཱུྃ་བྃ་ཧོཿསུ་ར་ཏ་སྟྭྃ། །འདིས་ནི་བསྐུལ་བ་ཙམ་གྱིས་ཀྱང་། །དག་པའི་བདེ་བ་ཀུན་སྟེར་བ། །འདོད་པའི་དོན་ཀུན་སྒྲུབ་བྱེད་ཅིང་། །འགྲོ་ཀུན་བདེ་བ་སྐྱེད་པར་གྱུར། །ང་ནི་འདོད་པའི་
གཟུགས་ཀྱི་མཆོག །སངས་རྒྱས་ཀུན་གྱི་བྱིན་བརླབས་པ། །ང་ཉིད་ཆོས་ཀྱི་སྐུ་ཡི་མཆོག །སངས་རྒྱས་ཀུན་གྱི་བདག་པོ་ཡིན། །སངས་རྒྱས་ཀུན་གྱི་སྦྱོར་འཕྲོག་ཅིང་། །སངས་རྒྱས་ཀུན་གྱི་བདེ་བ་ཆེ། །སངས་རྒྱས་ཀུན་གྱི་སྐུ་
ཆེན་པོ། །སངས་རྒྱས་ཀུན་གྱི་གསུང་སྙན་པ། །སངས་རྒྱས་ཀུན་གྱི་ཐུགས་ཆེན་ཡིན། །སངས་རྒྱས་ཀུན་གྱི་མཆོད་པ་ཆེ། །སངས་རྒྱས་ཀུན་གྱི་རྒྱལ་པོ་ཆེ། །རྡོ་རྗེ་འཛིན་པ་ཀུན་གྱི་བདག །འཇིག་རྟེན་དབང་ཕྱུག་ཀུན་གྱི་གཙོ། །
རིན་ཆེན་འཛིན་པ་ཀུན་གྱི་དབང་། །མཁའ་འགྲོ་ཀུན་དང་མཉམ་སྦྱོར་བས། །སངས་རྒྱས་ཀུན་དང་མཉམ་པར་འགྱུར། །སངས་རྒྱས་ཀུན་དང་མཉམ་པས་ན། །རྡོ་རྗེ་མཁའ་འགྲོ་ཞེས་བྱར་འགྲུབ། །དཀྱིལ་འཁོར་ཆེན་པོའི་
སྦྱོར་བ་ཡིས། །དེ་ནས་དཀྱིལ་འཁོར་ཐམས་ཅད་བྲི། །དེ་ཡི་དབུས་སུ་ཚུལ་བཞིན་དུ། །རྡོ་རྗེ་སེམས་དཔའ་གཞག་པར་བྱ། །ཟླ་བའི་མདོག་ཅན་བཛུམ་དང་བཅས། །འོད་ཟེར་དམར་པོ་འཁྲུགས་པ་ལས། །
སངས་རྒྱས་ཕྲེང་བས་མཛེས་པ་སྟེ། །རྒྱན་རྣམས་གྱིས་ནི་རྣམ་པར་ཀླུབས། །ཞལ་བཞི་ཕྱག་བཞི་སྤྱན་གསུམ་དང་། །རལ་པའི་ཐོར་ཚུགས་ཀྱིས་བརྒྱན་ཅིང་། །ལྷ་མོ་བཞི་དང་ཡང་དག་ལྡན། །སངས་རྒྱས་གཟུགས་ཀྱིས་
ཉེ་བར་བརྒྱན། །རྩ་ཞལ་ཞི་ཞིང་གཡས་དཀར་མིན། །དེ་བཞིན་གཞན་ཡང་གཡོན་པ་དམར། །རྒྱབ་ཞལ་སེར་པོ་གསེར་སྲེགས་འདྲ། །ཐོད་པ་ལ་བཞུགས་གར་དང་ལྡན། །སུམ་བཅུ་གསུམ་པ་འཇིགས་པར་མཛད། །རྡོ་རྗེ་དང་ནི་རལ་གྲི་དང་། །

85-1-224a

དྲིལ་བུ་ཐོད་པ་བསྣམས་པ་ཉིད། །མཁའ་འགྲོ་མ་ཡི་འཁོར་ལོས་གང་། །སྐྱོབ་པ་སྣ་ཚོགས་བྲི་བར་བྱ། །མཁའ་འགྲོ་ཀུན་དང་མཉམ་སྦྱོར་བའི། །རྡོ་རྗེ་མཁའ་འགྲོ་བདེ་མཆོག་ཞེས། །རྡོ་རྗེ་སེམས་དཔའ་དེ་བཞིན་གཤེགས། །
བཅོམ་ལྡན་རྡོ་རྗེ་ཅན་གྱིས་གསུངས། །མ་དང་སྲིང་མོ་བུ་མོ་དང་། །དེ་བཞིན་ཉེ་དུ་མོ་རྣམས་ནི། །དངོས་གྲུབ་ཐམས་ཅད་རབ་སྒྲུབ་པས། །འདོད་པའི་སྦྱོར་བས་ཆགས་པར་བྱ། །བ་གླང་ཤ་དང་རྟ་ཤ་སོགས། །དོགས་པ་མེད་པར་བཟའ་བར་བྱ། །
འཇིག་རྟེན་ལ་རྟག་གཡོན་ལ་སྤྱོད། །བརྟེན་པ་དང་ནི་གཡོ་བ་ཡི། །འགྲོ་ཀུན་གཡོན་ལས་བྱུང་བས་ན། །གཡོན་གྱིས་བཟའ་ཞིང་གཡོན་མཆོད་བྱ། །ཕོ་ཉ་མ་གཏོགས་གཞན་རྣམས་ལ། །འདོད་པ་རྨོངས་པས་བགྲོད་མི་བྱ། །ཕོ་ཉ་
མོ་རྟག་ཞེན་ཐར་པར། །འགྱུར་བ་ཉིད་དུ་ཐེ་ཚོམ་མེད། །སྒྲུབ་པོས་མཆོག་ཏུ་འབད་བྱས་ཏེ། །བརྟུལ་ཞུགས་མིན་སྤངས་བརྟུལ་ཞུགས་རྫོགས། །དམ་ཚིག་རིགས་ལ་སྤྱོད་པ་དང་། །ཙ་རུའི་བཟའ་བ་ལྷན་ཅིག་བྱ། །རིགས་
ལྔ་ལ་ནི་ཀུན་སྤྱོད་པར། །རིགས་གཅིག་ཉིད་དུ་བརྟག་པར་བྱ། །སྦྲང་རྩི་ཁྲག་དང་ག་པུར་བཅས། །ཙན་དན་དམར་པོ་སྦྱར་བྱས་ལ། །རྡོ་རྗེ་ཆུ་དང་བསྲེས་པ་ནི། །དངོས་གྲུབ་ཐམས་ཅད་སྒྲུབ་བྱེད་པའི། །དེ་དག་བདུད་རྩི་ལྔར་
ནི་འགྱུར། །མཐེ་བོ་སྲིན་ལག་སྦྱར་བ་ཡིས། །རྣལ་འབྱོར་རིག་པས་རྟག་ཏུ་བཟའ། །ཞི་བའི་བཏུང་བ་བཞིན་མྱངས་ན། །དངོས་གྲུབ་རྟག་པར་འཐོབ་པར་འགྱུར། །འདི་དག་དམ་ཚིག་དམ་པ་སྟེ། །མཛེས་མའི་གདོང་ཅན་
ཁྱོད་ལ་བཤད། །ལས་རྣམས་ཀུན་ལ་ཐབས་བཅས་ཤིང་། །དོགས་པ་མེད་པར་གང་སྤྱོད་དང་། །རྣམ་པར་མི་རྟོག་སྒོམ་པ་ནི། །བརྟུལ་ཞུགས་རྣམས་ཀྱི་མཆོག་གི་མཆོག །ལས་རྣམས་ཀུན་ལ་ཀུན་ཏུ་ནི། །རྣམ་པར་མི་
རྟོག་སྒོམ་བྱེད་ཅིང་། །དོགས་པ་མེད་པར་ཀུན་དུ་སྤྱོད། །དེ་ནི་དཀའ་ཐུབ་རྣམས་ཀྱི་མཆོག །ཐེ་ཚོམ་མེད་པའི་སེམས་ཀྱིས་ནི། །སྐྲ་ཟླ་ལ་སོགས་རྗེས་དངོས་ཀྱི། །ཡུལ་རྣམས་མ་ལུས་སྟེན་བྱེད་པའི། །དཀའ་ཐུབ་ཤིན་དུ་འདའ་དཀའ་བའོ། །
85-1-224b

གང་ཡང་ལས་རྣམས་ཐམས་ཅད་ལ། །ཤེས་རབ་དང་ནི་སྦྱར་བྱས་ཏེ། །དེ་ཡང་སྟོང་པའི་གནས་སུ་སྦྱར། །དེ་འདིར་བདག་ཆེན་དཀའ་ཐུབ་ཡིན། །རྣམ་པར་མི་རྟོག་སེམས་ཀྱིས་ནི། །ཤེས་རབ་དང་ནི་མཚུངས་གཟུགས་ལ། །དོགས་མེད་སྤྱོད་པའི་ཀུན་
སྤྱོད་པ། །དེ་ནི་བདག་ཆེན་དཀའ་ཐུབ་ཡིན། །ཤེས་རབ་ཐབས་ནི་མ་གཏོགས་པར། །གང་ཚེ་སེམས་གཞན་མི་གཡོ་ན། །དེ་ཚེ་བྱང་ཆུབ་ཆེན་པོ་ནི། །ངེས་པར་སྟེར་བ་ཉིད་དུ་བཤད། །རྣམ་པར་མི་རྟོག་རྗེས་འཇུག་ལ། །རྣལ་འབྱོར་པ་ནི་མངོན་པར་
བརྩོན། །དེ་ནི་ཐམས་ཅད་འབྱུང་བ་ཡི། །ཤེས་རབ་ཕ་རོལ་ཕྱིན་པ་ཡིན། །གང་ཚེ་འདུས་བྱས་ཚུལ་རྣམས་ནི། །རྣམ་པར་མི་རྟོག་སེམས་ཀྱིས་སུ། །མེ་ལོང་ལྟ་བུར་རབ་ཤེས་པ། །དེ་ནི་ཤེས་རབ་བསྟེན་པ་ཡིན། །གློག་དང་ཆུ་བུར་ལྟར་སྨིན་པ། །
གང་ཚེ་འདུས་བྱས་ཚུལ་རྣམས་ནི། །གང་གིས་ཇི་ལྟར་མཐོང་འགྱུར་བ། །དེ་ནི་ཤེས་རབ་བསྟན་པ་ཡིན། །མེ་ལོང་ནང་གི་གཟུགས་བརྙན་དང་། །རྨི་ལམ་སྒྱུ་མ་དྲི་ཟའི་གྲོང་། །མིག་འཕྲུལ་མཚུངས་པར་གང་གིས་མཐོང་། །དེ་ནི་གཙོ་བོ་ཡིན་པར་
བརྗོད། །དེ་ནི་གང་དུའང་མངོན་ཞེན་དང་། །གང་དུའང་གནས་པ་ཡོད་མ་ཡིན། །དེ་ལྟར་ཡང་དག་འབྱུང་མོད་ཀྱི། །སྒྱུ་མ་ལྟ་བུའི་དངོས་དག་ནི། །ལོངས་སྤྱོད་ཁྱད་འཕགས་སྐྱེ་འགྱུར་བ། །བདེ་བ་ཡོངས་སུ་འགྱུར་བཞིན་པས། །འབྲས་བུ་
ཁྱད་འཕགས་འཐོབ་འགྱུར་བར། །ཅི་ཡི་ཕྱིར་ན་འདོད་མྱི་བྱ། །བརྟན་གཡོའི་དངོས་པོ་ཡོད་མིན་ཏེ། །འོན་ཀྱང་སྣང་བ་ཙམ་མཚན་ཉིད། །བསྒོམ་པ་ཁྱད་པར་ཅན་གང་ཞིག །གོམས་པའི་སྟོབས་ནི་རྫོགས་པ་ན། །ཡིད་འོང་
བདེ་བའི་འབྲས་བུ་ནི། །བླ་མེད་གསལ་བའི་བློ་ཡི་མཐུ། །འབྲས་བུ་དོན་གཉེར་རྒྱུ་བསྒྲུབས་ན། །དེར་ནི་ལྷ་མོ་སུ་ཞིག་འགོག །དེ་བས་འབད་པ་ཐམས་ཅད་ཀྱིས། །ཀུན་དུ་འགྲོ་བ་མཆོད་པར་བྱ། །དཀའ་ཐུབ་སྡོམ་པ་མི་ཟད་
པས། །ལུས་ནི་བསྐམས་ཤིང་སྡུག་བསྔལ་འགྱུར། །སྡུག་བསྔལ་གྱིས་ནི་སེམས་གཡེངས་ན། །གཡེངས་པས་དངོས་གྲུབ་གཞན་དུ་འགྱུར། །ལུས་དང་སེམས་ནི་བརྟན་གྱུར་ན། །བདེ་བ་ཐམས་ཅད་བརྟན་པར་འགྱུར། །སྡུག་

85-1-225a

བསྔལ་གྱིས་ནི་གཡོ་གྱུར་པས། །ཤིན་དུ་འགོག་པར་འགྲོ་བར་འགྱུར། །དེས་ན་ལུས་དང་ངག་སེམས་རྣམས། །བརྟན་པར་བྱས་ན་བྱང་ཆུབ་འཐོབ། །གཞན་དུ་དུས་མིན་འཆི་བ་དང་། །དམྱལ་བར་ངེས་པར་བསྲེག་འགྱུར་ཞེས། །
མཁའ་འགྲོ་ཀུན་དང་མཉམ་སྦྱོར་བའི། །རྡོ་རྗེ་མཁའ་འགྲོ་བདེ་བའི་མཆོག །རྡོ་རྗེ་སེམས་དཔའ་དེ་བཞིན་གཤེགས། །བཅོམ་ལྡན་རྡོ་རྗེ་ཅན་གྱིས་གསུངས། །རྒྱུད་ཀྱི་རྒྱལ་པོ་ཆེན་པོ་དཔལ་རྡོ་རྗེ་མཁའ་འགྲོ་ལས་དེ་ཁོ་ན་ཉིད་སྣང་བ་དམ་པའི་
ཡུལ་ལ་འཇུག་པའི་ཡེ་ཤེས་ཀྱི་རིམ་པར་ཕྱེ་བ་དང་པོའོ།། །། དེ་ནས་བཅོམ་ལྡན་འདས་ལ་བཙུན་མོ་རྣམས་ཀྱིས་སླར་ཡང་མཆོད་ཅིང་ཕྱག་བྱས་ནས་འདི་སྐད་ཅེས་གསོལ་ཏོ། །བཅོམ་ལྡན་འདས་སྙིང་པོ་གང་གིས་དེ་བཞིན་གཤེགས་པ་
ཐམས་ཅད་ཀྱི་བསྟན་པ་འདྲལ་བའི་ལྷ་ལ་སོགས་པའི་གདུག་པ་ཅན་རྣམས་དང་། སྐྱེ་བོ་གདུག་པ་ཅན་གཞན་དག་ཀྱང་གདུལ་བ་དང་། འཇོམས་པ་དང་། ཞུམ་པར་བྱེད་པ་དང་། ལྟུང་བ་དང་། ཞི་བར་བྱས་ཏེ། བྱང་ཆུབ་ཀྱི་སྙིང་པོའི་བར་དུ་
གནོད་པ་བྱེད་པར་མི་འགྱུར་བའི་སྙིང་པོ་སྡང་བ་ཐམས་ཅད་རབ་ཏུ་འཇོམས་པ་ལྷ་ཡིས་བཤད་དུ་གསོལ། དེ་ནས་བཅོམ་ལྡན་འདས་དེ་བཞིན་གཤེགས་པ་ཐམས་ཅད་ཀྱི་སྐུ་དང་། གསུང་དང་། ཐུགས་རྡོ་རྗེའི་བདག་པོས། གླུར་བླངས་ཏེ་
འདི་སྐད་ཅེས་གསུངས་སོ། །དང་པོར་རྣམ་པར་སྣང་མཛད་ནས། །དེར་ནི་སྡེ་ཚན་རྣམས་ཀྱི་མཐར། །ཏ་དང་པོ་ཡི་དྷ་བྷའི་མཐའ། །དབྱངས་ཀྱི་གསུམ་པས་སྤྱིར་བརྒྱན་པའི། །ས་ཡི་མཐའ་ནི་རང་གིས་བལྟ། །ལ་ཤའི་དབུས་ཀྱི་
སྟན་བཞུགས་པའི། །ས་ཡི་མཐའ་ནི་སྦྱར་བར་བྱ། །མཐའ་གཉིས་ཀྱིས་ནི་རྣམ་པར་སྦྱང་། །ཨ་སྟན་གནས་པ་ས་ཡི་མཐའ། །སླར་ཡང་ས་མཐའ་མདའ་ལྔ་བསྟན། །ཟླ་བའི་དུམ་བུ་ཐིག་ལེས་བརྒྱན། །ལ་སའི་དབུས་
གནས་ས་བོན་ནི། །མདའ་བཅུ་ཡིས་ནི་ཡོངས་སུ་སྦྱངས། །ཤ་དང་ས་ཡི་དབུས་གནས་ལ། །ཞལ་གསུམ་གྱིས་ནི་བརྒྱན་པ་དང་། །རླུང་གི་ཕྱོགས་གནས་ས་བོན་ལ། །རུ་ཏྲ་ཡིས་ནི་རྣམ་པར་བརྒྱན། །ཧཱུྃ་ཧཱུྃ་ཧ་ནི་བཟུང་ནས་སུ། །

85-1-225b

དབྱངས་ཀྱི་དགུ་པས་ཡང་དག་དགང་། །ཕཊ་ཅེས་བྱ་བ་དགོད་པར་བྱ། །ལྷག་མ་ཧ་ཡི་རྐང་པ་དགང་། །ལྔ་པའི་དབུས་གནས་དེ་ཉིད་དེ། །དེ་ལ་ཧ་ཛོ་ཞེས་བྱའོ། །ར་སྟན་ལ་གནས་ས་ཡི་མཐའ། །ཨི་ཞེས་བྱ་བའི་མདའ་དང་སྦྱར། །སླར་ཡང་པ་
ཞེས་བྱ་བའི་མཐའ། །མདའ་ནི་སར་པས་ཡོངས་སུ་སྦྱངས། །ས་མཐའ་དེར་ནི་ར་ཡིག་ཞོན། །ཨེ་ཞེས་བྱ་བ་རྣ་བའི་རྒྱན། །ཨི་དབྱངས་ཟླ་དུས་ཐིག་ལེས་བརྒྱན། །ཡི་གེ་ར་ཞོན་ས་ཡི་མཐའ། །སླར་ཡང་ས་མཐར་སྒྲ་ལྔར་ལྡན། །ཟླ་དུམ་
ཐིག་ལེས་ཅོད་པན་བརྒྱན། །སླར་ཡང་དེ་ཉིད་མགོན་པོ་བཟླ། །རིན་ཆེན་མཐའ་མ་ཕཊ་ཀྱིས་བརྒྱན། །རྣམ་པར་སྣང་མཛད་སྣ་ཚོགས་ཀྱིས། །ཚིག་རྣམས་ཀུན་ལ་དགང་བྱ་ཞེས། །རྡོ་རྗེ་སེམས་དཔའ་དེ་བཞིན་གཤེགས། །བཅོམ་ལྡན་རྡོ་རྗེ་ཅན་
གྱིས་གསུངས། །དཔའ་བོ་དྲུག་དང་མཉམ་སྦྱོར་བའི། །མཁའ་འགྲོ་མ་ཡི་དྲ་བའི་སྡོམ། །སྣ་ཚོགས་པད་མའི་ཉི་དཀྱིལ་ལ། །དེར་ནི་ཧཱུྃ་ལས་བྱུང་བ་ཡིས། །ལས་ཀྱི་རྡོ་རྗེའི་དབུས་གནས་པར། །ཧཱུྃ་གི་དེ་ཉིད་རྣམ་བསྒོམ་པའོ། །འོད་ཟེར་
སྣ་ཚོགས་འབར་བ་ལས། །མཁའ་འགྲོ་མ་ཡི་ཚོགས་སྤྲོ་བའོ། །ཞལ་གཅིག་ཕྱག་གཉིས་སྤྱན་གསུམ་པའི། །སྐུ་མདོག་དམར་མོ་དྲག་ཆེན་མོ། །དུང་གི་དབྱིབས་ཅན་འཇིགས་པའི་གཟུགས། །སྤྱན་དམར་ཁམས་སྐྲ་གྱེན་དུ་བརྫེས། །
ལང་ཚོ་ཕུན་སུམ་ཚོགས་པར་ལྡན། །སྟག་གི་པགས་པའི་ན་བཟའ་ཅན། །ལྗགས་འདྲིལ་བས་ནི་ཆར་འཇིགས་ཏེ། །འཇིགས་པ་དག་ཀྱང་འཇིགས་པར་མཛད། །མཁའ་འགྲོ་ཀུན་དང་མཉམ་སྦྱོར་བ། །རྡོ་རྗེ་མཁའ་འགྲོ་རབ་གྲགས་
ཞེས། །རྡོ་རྗེ་སེམས་དཔའ་དེ་བཞིན་གཤེགས། །བཅོམ་ལྡན་རྡོ་རྗེ་ཅན་གྱིས་གསུངས། །སྔོན་བསགས་ལས་ནི་མཐར་བྱེད་པ། །མེ་དང་བཅས་ཏེ་ལན་གཉིས་བཟླ། །ཀུ་རུ་ཀུ་རུ་སེམས་དཔའ་བྲལ། །རལ་པ་གྱ་གྱུ་བན་དྷ་གསལ། །
དེ་ནི་སླར་ཡང་བཟླས་པར་བྱ། །འཇིག་རྟེན་གཟུགས་དང་བྲལ་བ་ཡི། །ཏྲཱ་ས་ཡ་ཞེས་བྱ་སྟེ་བརྫུན། །དམ་པ་དེ་ནི་ལན་གཉིས་བཟླ། །ཀྵཿཞེས་བྱ་བ་ཨོ་སྒྲར་ལྡན། །གློ་ན་བྷ་ཡ་ཡང་དག་གནས། །དེ་ཡང་སླར་ནི་བཟླས་པར་བྱ། །ས་ཡི་མཐའ་ནི་ཉི་སྟན་གནས། །

85-1-226a

མདའ་བཅུ་ཟླ་དུམ་ཐིག་ལེས་དགང་། །དེ་ཡང་སླར་ནི་བརྗོད་པར་བྱ། །འོད་བྱེད་སྦྱངས་པའི་ས་ཡི་མཐའ། །གཤེགས་སུ་གསོལ་བ་གློ་ན་གནས། །ཉིས་འགྱུར་དུ་ནི་བྱ་བ་ཡིན། །ཟླ་ཞོན་ཐིག་གསལ་ཕེ་ཞེས་བྱ། །དེ་ཡང་སླར་ནི་བཟླས་པར་བྱ། །
ཕཊ་ཅེས་བྱ་བ་བསྒྱིངས་ཏེ་བསྒྲགས། །རྣམ་པར་རྟོག་པ་ཀུན་གྱི་ཤིང་། །ད་ཧ་ད་ཧའི་མཁའ་འགྲོའི་སྡོམ། །ལྔ་སྡེའི་ཐོག་མ་ཉིད་དང་ལྡན། །སྡེ་གཙོ་དེ་ནི་སླར་བཟླས་བྱ། །བྷཀྵ་བྷཀྵ་ཞེས་བྱ་དང་། །བ་ས་རུ་དྷི་ར་ཨྃ་ཏྲ། །མ་ལྃ་བ་ལྃ་བི་ནེ་དང་། །
གྲྀཧྞ་གྲྀཧྞ་སཔྟ་སྟེ། །པཱ་ཏ་ལ་ག་ཏ་བྷུ་ཛཱྃ་ག །སརྦྤྃ་བཱ་ཏརྫ་ཡ་ཉིས་འགྱུར་བྱ། །ཨ་དང་ཀ་ཡི་ཡི་གེ་དང་། །གསུམ་པ་ཡི་ནི་གསུམ་པར་སྦྱར། །བཞི་པ་དང་ནི་རླུང་ལ་གནས། །ལན་གཉིས་སུ་ནི་བཟླས་པར་བྱ། །ས་ཡི་མཐའ་ནི་ཉི་མར་གནས། །
ཡི་གེ་བཞི་པས་དགང་བར་བྱ། །སླར་ཡང་དེ་ནི་ལན་གཉིས་བཟླ། །ལྔ་སྡེ་མཐའ་ཡི་སྟན་བཞུགས་པ། །ཀ་ཤ་ཨ་དང་ཐིག་ལེར་ལྡན། །ས་བོན་དེ་ནི་གཉིས་བཟླས་བྱ། །ས་མཐའ་མདའ་གཉིས་དང་ལྡན་པ། །སླར་ཡང་ས་མཐའ་མདའ་
གསུམ་སྦྱར། །དེ་བཞིན་ས་མཐའ་མདའ་ལྔའི་སྟན། །དེ་ཀུན་ཟླ་བའི་དུམ་བུ་དང་། །ཐིག་ལེ་ཡིས་ནི་ཅོད་པན་བརྒྱན། །དེ་དག་ཡང་ཡང་བསྒྱུར་བར་བྱ། །ཀ་ས་ཙ་དང་དྷ་རྣམས་ནི། །ཨི་སྒྲ་ཡི་ནི་མཆོག་གིས་གཟུང་། །ལི་ཡི་མཐའ་ནི་རེ་
རེར་སྦྱར། །དེ་དག་ཀྱང་ནི་ཡང་ཡང་བསྒྱུར། །ཨུ་སྒྲ་ལ་ཞོན་ས་ཡི་མཐའ། །སླར་ཡང་ཟླ་དུམ་ཐིག་ལེས་སྦྱངས། །ཕཊ་ཅེས་བྱ་བའི་རིན་ཆེན་བསྒྲུབ། །ཆ་དང་ཆ་མིན་སྣ་ཚོགས་པའི། །མེ་ཏོག་མང་པོས་ཡང་དག་ཟིན། །དེ་དག་ལྷ་མོ་
སྒྱུ་མ་ཆེ། །དངོས་གྲུབ་ཐམས་ཅད་རབ་སྟེར་བའོ། །འདི་ནི་གསུངས་པ་ཙམ་གྱིས་ཀྱང་། །འཇིག་རྟེན་ཁམས་ཀུན་གཡོས་གྱུར་ཅིང་། །དེ་བཞིན་གཤེགས་པ་ཀུན་སྐྲག་ནས། །སླར་ཡང་དེ་བཞིན་གཤེགས་པ་ཀུན། །བྱང་ཆུབ་ཏུ་ནི་
མངོན་སངས་རྒྱས། །རི་བོ་ཐམས་ཅད་འདར་ཞིང་གས། །མ་མོའི་ཚོགས་དང་འབྱུང་པོའི་ཚོགས། །གདོན་དང་རིམས་དང་དབྱིག་དུག་དང་། །གནོད་སྦྱིན་སྲིན་པོ་ལོག་འདྲིན་སོགས། །སྡང་བ་ཐམས་ཅད་བཏུལ་ཞིང་བཅོམ། །ཞི་འགྱུར་

85-1-226b

བཀུག་སྟེ་དཀྱིལ་འཁོར་གྱི། །དབུས་སུ་བཅུག་སྟེ་དམ་ཚིག་གིས། །བཅིངས་ནས་ཀྱང་ནི་དབང་དུ་མཛད། །དམྱལ་བ་པ་ཡི་སྡིག་པ་ཀུན། །དྲལ་ཏེ་ངེས་བཅོམ་བསྙིལ་ལོ་ཞེས། །མཁའ་འགྲོ་ཀུན་དང་མཉམ་སྦྱོར་བའི། །རྡོ་རྗེ་མཁའ་འགྲོ་
བདེ་བའི་མཆོག །རྡོ་རྗེ་སེམས་དཔའ་དེ་བཞིན་གཤེགས། །བཅོམ་ལྡན་རྡོ་རྗེ་ཅན་གྱིས་གསུངས། །གྲུ་བཞི་པ་ལ་སྒོ་བཞི་པ། །སྒོ་སྐྱོང་དང་ནི་ཡང་དག་ལྡན། །དེ་དབུས་པད་མ་བྲི་བྱ་བ། །འོད་ཟེར་དམར་ཆེན་གསལ་བའི་མདངས། །ཕྱི་རོལ་རི་མོ་
ཟླུམ་པོར་བསྐོར། །དེ་ཡི་དབུས་སུ་བཅོམ་ལྡན་འདས། །ཁྲོ་བོ་ཆེན་པོ་ཞལ་བཞིས་བརྒྱན། །ཞལ་གྱི་མཆེ་བ་ཅུང་ཟད་གཙིགས། །ཁྲོ་དང་བཅས་ཤིང་བཞད་པའི་ཞལ། །གཡས་པ་དཀར་ཞིང་ཞི་བ་སྟེ། །གཡོན་པ་དམར་པོ་ཆེར་འཇིགས་པ། །རྒྱབ་ནི་འོད་ཟེར་སེར་
པོའི་མདོག །ཕྱག་བཞི་ཡིས་ནི་བརྒྱན་པ་སྟེ། །དཔའ་བོ་གཡོན་ན་ཁ་ཊྭཱྃ་དང་། །དེ་བཞིན་དུ་ནི་ཐོད་པ་བསྣམས། །གཡས་ན་འབར་བའི་རྡོ་རྗེ་དང་། །ཁྱད་པར་དུ་ནི་གཤོར་གྱིས་བརྒྱན། །རིག་པ་བཞི་དང་ཡང་དག་ལྡན། །སངས་རྒྱས་གཟུགས་ཀྱིས་ཉེ་བར་བརྒྱན། །དཔའ་བོའི་ཤེས་རབ་
དགའ་མཛེས་མ། །མདའ་དང་གཞུ་ནི་བསྣམས་པ་སྟེ། །སེམས་དཔའ་སྔོན་པོ་འབར་བའི་དངོས། །འོད་ཀྱི་དཀྱིལ་འཁོར་དམར་པོ་ཅན། །དུར་ཁྲོད་མེ་ལྟར་གསང་མཐོང་ཞིང་། །འཇིག་པ་ཡི་ནི་དུས་ལྟར་དྲག །མེ་ལྟར་འབར་བའི་སྐྲ་ལ་ནི། །ཐོད་པ་ཡི་ནི་དབུ་རྒྱན་བཅིངས། །
རོ་ལངས་དང་ནི་ལྷན་ཅིག་རོལ། །ཧི་རུ་ཀ་ཡི་གར་གྱིས་སྤྱོད། །མ་མོའི་གྲོང་ཁྱེར་ཉམས་དགའ་བར། །ས་ཡི་དབང་ཕྱུག་རོལ་པར་མཛད། །ཐམས་ཅད་དུ་ནི་ཐམས་ཅད་ཀྱིས། །ཀུན་དུ་ཐམས་ཅད་ཀུན་བདག་
ཉིད། །མཁའ་འགྲོ་ཀུན་དང་མཉམ་སྦྱོར་བ། །རྡོ་རྗེ་མཁའ་འགྲོ་བདེ་བའི་མཆོག །བསམ་གཏན་བཟླས་པའི་སྦྱོར་བ་ཡིས། །འགྲུབ་འགྱུར་འདིར་ནི་ཐེ་ཚོམ་མེད། །དུས་བཞི་རུ་
ནི་རབ་སྦྱོར་བས། །བདེ་མཆོག་བླ་མ་བསྒོམ་བྱས་ཏེ། །རྡོ་རྗེ་ཆེན་པོ་འབུམ་བཟླས་ན། །ཁྲོ་བོའི་རྒྱལ་པོ་མཚུངས་པར་འགྱུར། །རྡོ་རྗེ་ཆེ་འཛིན་ཚེ་དང་ནི། །

85-1-227a

མདོག་དང་ན་སོ་སྟོབས་དང་རྩལ། །དངོས་གྲུབ་རྫུ་འཕྲུལ་ཆེན་པོ་ལྡན། །མི་བཟད་འགྲོ་དོན་བྱེད་མཐུར་འགྱུར། །ཡང་ན་མ་བསྒྲུབས་པར་ཡང་སྔགས་པས་ལན་གཅིག་བཟླས་པས་ལས་བརྒྱ་ཐམ་པ་བྱེད་པར་འགྱུར་བ་ནི། 
འདི་ལྟ་སྟེ། རྒྱུ་བ་དང་མི་རྒྱུ་བ་ཐམས་ཅད་ངེས་པར་གནོན་པ་དང་། ལྟུང་བ་དང་། བསྐྱོད་པ་དང་། སྐྲག་པ་དང་། རྒྱས་གདབ་པ་དང་། རྨུགས་པ་དང་། རེངས་པ་དང་། བཟློག་པ་དང་། རྨོངས་པ་དང་། བཅིང་བ་དང་། དགས་པ་དང་། གཏོར་བ་
དང་། བརླག་པར་བྱ་བ་དང་། སྨྱོ་བར་བྱ་བ་དང་། གཏུབ་པ་དང་། སྦྱུག་པ་དང་། དབྱེ་བ་དང་། དམེག་མེད་པར་བྱ་བ་དང་། ནོར་དབྲོག་པ་དང་། བསྡུ་བ་དང་། ལྐུགས་པ་དང་། བཅིང་བ་དང་། བདག་ཉིད་བརྡུངས་བ་དང་། གསོད་དུ་གཞུག་པ་དང་། 
ལོང་བར་བྱ་བ་དང་། ས་བོན་བརླག་པར་བྱ་བ་དང་། རིམས་དང་། དུག་དང་། དབྱིག་དུག་གིས་གཟུང་བ་དང་། ས་གཡོ་བ་དང་། དམྱལ་བར་གཏང་བ་དང་། བྱོལ་སོང་གི་མངལ་དུ་སྤོ་བ་དང་། སྐྱེས་པ་བུད་མེད་དུ་བྱ་བ་དང་། མངལ་ན་གནས་པ་དབྱུང་བ་དང་། 
ཆུ་བསྒག་པ་དང་། མ་ནིང་དུ་བྱ་བ་དང་། འདོད་པའི་ཆགས་པ་བསྐྱེད་པ་དང་། གསད་པ་དང་། གཞན་གྱིས་གསོད་དུ་གཞུག་པ་དང་། མཚོན་བཅིང་བ་དང་། བྱས་པ་ཆུད་གསན་པ་དང་། གཅེར་བུར་བྱ་བ་དང་། བྷ་ག་དང་བཤང་བའི་ལྕགས་སྒྲོག་དང་། 
བྷ་ག་དང་གཤང་བའི་སྨྲ་བ་དང་། རྒོད་དུ་གཞུག་པ་དང་། ཁྲག་དང་ཁུ་བ་དབབ་པའི་ནད་དང་། གཞོམ་པ་དང་། ཁྲག་དང་མཛེ་ལ་སོགས་པའི་ནད་བསྐྱེད་པ་དང་། མྱ་ངན་དང་། སྡུག་བསྔལ་དང་། གཏག་པ་དང་། བཅིང་བ་རྣམས་དང་། 
དུམ་བུ་དུམ་བུར་བྱ་བ་དང་། ལུས་ཐམས་ཅད་ཕྱེ་མར་བྱ་བ་དང་། གཟེར་བ་དང་། ཐམས་ཅད་ཆགས་པ་དང་། དགུག་པ་དང་། གཞུག་པ་དང་། བསྐྱོད་པ་དང་། གར་དང་། གླུ་དང་། རྒོད་དུ་གཞུག་པ་དང་། མང་དུ་སྨྲར་གཞུག་པ་དང་། 
ལྟས་ངན་བསྟན་པ་དང་། ཐོབ་པ་དབང་དུ་བྱ་བའི་ལས་ཐམས་ཅད་ལ་སྦྱར་བ་དང་། བཀོལ་བ་དང་། ལྷ་དང་། ཀླུ་དང་། གནོད་སྦྱིན་དང་། སྲིན་པོ་དང་། ལོག་འདྲེན་དང་། འབྱུང་པོ་དང་། མ་མོ་དང་། མཁའ་འགྲོ་མ་ལ་སོགས་པ་ཐམས་ཅད་

85-1-227b

གདུལ་བ་དང་། མཆོག་སྦྱིན་དང་། ས་དང་། ཆུ་དང་། མེ་དང་། རླུང་དང་། ནམ་མཁའ་རྣམས་ཐམས་ཅད་མཁྱེན་པའི་ལས་བྱ་བ་དང་། ཚངས་པ་དང་། ཁྱབ་འཇུག་དང་། དབང་ཕྱུག་ཆེན་པོ་ལས་རྒྱལ་བ་དང་། ཆགས་པ་ཐམས་ཅད་གཞོམ་པ་དང་། རིམས་དང་། 
དུག་དང་། དབྱིག་དུག་དང་། མཁའ་འགྲོ་མ་ལས་དགྲོལ་བ་དང་། དེ་བཞིན་གཤེགས་པ་ཐམས་ཅད་ཀྱི་འདོད་ཆགས་དང་བྲལ་བ་དགས་པ་དང་། བྱང་ཆུབ་སེམས་དཔའ་ཐམས་ཅད་ཀྱི་འཁོར་བའི་སྐྱོ་བ་བསལ་བའོ། །ལས་རྣམས་ཐམས་ཅད་
སྒྲུབ་བྱེད་པར། །འདི་དེ་ལྷ་མོ་བཤད་པ་ཡིན། །སྔགས་ཀྱི་རྒྱལ་པོ་འདི་ཉིད་ནི། །མ་བྱུང་འབྱུང་བར་མི་འགྱུར་ཞེས། །སྒྱུ་མ་ཀུན་དང་མཉམ་སྦྱོར་བའི། །མཁའ་འགྲོ་མ་ཞེས་རབ་གྲགས་པ། །རྡོ་རྗེ་སེམས་དཔའ་དེ་བཞིན་གཤེགས། །
བཅོམ་ལྡན་རྡོ་རྗེ་ཅན་གྱིས་གསུངས། །རྒྱུད་ཀྱི་རྒྱལ་པོ་ཆེན་པོ་དཔལ་རྡོ་རྗེ་མཁའ་འགྲོའི་ལས་ཐམས་ཅད་ཀྱི་ཆོ་ག་ལས་སྒྱུ་མ་ཆེན་པོས་རྣམ་པར་འཕྲུལ་བའི་སྔགས་ཀྱི་ཆོ་གའི་རིམ་པར་ཕྱེ་བ་སྟེ་གཉིས་པའོ།། །། དེ་ནས་གསང་བ་བཤད་བྱ་བ། །
མདོར་བསྡུས་པ་སྟེ་རྒྱས་པར་མིན། །སྒྱུ་མ་ཀུན་གྱིས་མཉམ་སྦྱོར་ལས། །ལས་རྣམས་ཐམས་ཅད་རྣམ་འཕྲུལ་བ། །སྒྱུ་མ་ཀུན་གྱི་རྫུ་འཕྲུལ་གྱིས། །དབང་ཕྱུག་ཐམས་ཅད་རབ་བསྒྲུབ་ཅིང་། །འབྱུང་པོ་གདོན་གྱི་རིག་པ་ཆེ། །གང་གིས་སྡུད་
ཅིང་སྤྲོ་བྱེད་པའོ། །ཧི་མ་ཝནྟ་སྱ་ཨུཏྟ་རེ་ཎ། བྷ་བཏྶི་ཝོ་ན་མཿ མ་ཧཱ་ས་མོ་སོ་ཝི། ཨདྡྷ་མ་སི་ཧྃ། བེ་ཧི་མ་སེ་ཧི། མ་སེ་ཧི། བི་ཏ་བུ་ཛྺི།  ཨི་སོ་ནི་དོ། མ་ཧི་ནཱི་དོ། ཀུམྦྷ་ཀཎྜ། སན་ནི་དོ། སཱ་ག་ར་ས་ས་དྱ་པཌ་བེ་སི་ན། སནྣི་དྃ། བྃ་དྷཱ་མི། ཀུ་ཀུ་ར་ས
སྶ་བི་ཌ་ལ་ས་ཏུཎྜ་བནྡྷཱ་མི།  ཛ་ཝ་སུ་རུ།   ཨུ་ད་ནི། ཛ་བ་ར་དི། བྱ་བྷ་བ་ཨ་དྷི་ཨ་ཏ་ཏོ་བརྞ། ཨ་ནུ་བ་དེ་ན། སཱ་དྷུ་ནྨ་མ་ཙ་རི་ཡ། ཨ་སརྦྦ་སིདྡྷ་ན་སྭཱ་ཧཱ་ཞེས། །རྡོ་རྗེ་སེམས་དཔའ་དེ་བཞིན་གཤེགས། །བཅོམ་ལྡན་རྡོ་རྗེ་ཅན་གྱིས་
གསུངས། སྔགས་འདི་ལན་བདུན་མངོན་པར་བཟླས་ཏེ་ཁང་ཐོག་ཏུ་བཞག་ན། ཁྱིམ་གྱི་མི་རྣམས་དྲན་པ་མེད་པར་འགྱུར་རོ། །བ་ས་ཧ་ཏོ་ལི་མི་ཛྙ་ཨ་པ་ས་པ་ཛ་ན་མོ་ཧི། ཨེ་ས་བིཛྫ་ཙ་ཧི་ན་མནྟི་ཨིནྡྲ་ན་ཧ་ཨ་བཱ་

85-1-228a

ཨི་ཛ་བེ་ན་དིནྣ་ནི་དྷ། ཏ་མ་པི་ཧ་མ་ཧཱ་སྭ་བ་ཨ་ནེ་ན་བཱ་དྷོ་ས་རཱི་ཛ་ཀུ་ལ་ཁཎྜ་ཌ་ཎི་ཌ། ཛེ་བཱ་ཨི་བ་དྷ་ཏ་དྷི་ཎ་ཏ་ཎ་ན་མཿསིདྷ་ན། ན་མཿཔུ་པ་ཙ་ཛྫ་པཱ་ད་ན། བ་གླང་གི་གདོང་ཞེས་བྱ་བའོ། །མ་ས་ར་བ་ཎེ། ཏདྱ་ད།  རེ། མ་ཧཱ་དཎྜེ་ད་ཧ་ཧེ་དུ་ན་ཧེ་ཧེ་
སྭཱ་ཧཱ། སྔགས་འདི་བྱེ་མ་ལ་ལན་བདུན་མངོན་པར་བསྔགས་ཏེ་ཞིང་ལ་གཏོར་ན། རི་དགས་ལ་སོགས་པའི་སྲོག་ཆགས་ཐམས་ཅད་ཀྱིས་ཟ་བར་མི་འགྱུར་རོ། །དེ་ཉིད་ཀྱིས་བཀའ་ཙམ་གྱིས་སྤྲིན་བཟློག་པར་འགྱུར་རོ། །རཏྣ་ར་ཏི། ཨ་ལླ་བ་ར་
ཙུལླི། ཙོ་ར་བགྒྷ་ཀནྡ་ས།  བཱ་མུ་ཧ་བནྡྷ་མི་སྭཱ་ཧཱ། སྔགས་འདི་ཤིང་སོར་བཞི་པ་ལ་ལན་བདུན་སྔགས་ཏེ། རྣ་གོང་གཡས་པར་བཙུགས་ན། བཙཽ་ར་བ་ཐམས་ཅད་བཅིངས་བར་འགྱུར་རོ། །ཨིནྡ་སི།  ཨ་ཏི་ཎི་ཛ་ཧ་ཨ། ཀ་ལི་ལོ་ཧི་དྷི་
པིངྒ་ལི་མ། མེ་ཀ་བྷ་ནི། ཨ་ཧྃ་སི་ལ།  ཨུ་ས་རི་མི། ཨ་བ་ར་བྷ་ཎི། ཨ་ཧྃ་བཱ་ད། ཨུ་ས་ར་མི། ཨ་བ་ར་བྷ་ཎ་མི། ཨ་ཧནྡྷེ་ཧ་མི་བྷི་ཏོ་བ་ཛ་ཛ་བ་མི་ལོ།  ལོ་ཀ་ལི་ལོ་ཧི་དྀ་པིངྒ་ལི་ཧཱུྃ་ཕཊ། ཁྱུ་མཆོག་གི་རྭ་གོང་དུ་ཆགས་
པའི་ས་ས་ལ་མ་ལྷུང་བ་བླངས་ཏེ་སྔགས་འདི་ལན་བདུན་དུ་བཟླས་པ་བྱས་ན། བས་མཐའ་དང་འབྲོག་དགོན་པའི་ལམ་དང་རྒྱལ་པོའི་ཕོ་བྲང་དུ་ཡང་འཚེ་བ་ཐམས་ཅད་འབྱུང་བར་མི་འགྱུར་རོ། །བ་གླང་གི་གདོང་གི་ཆོ་ག་ལ་ཡང་འདི་ཉིད་དོ། །ཀ་ར་བཱི་
རའི་ལྕུག་མ་ལ་སྔགས་བཟླ་བའི་ཆོ་ག་འདིས་རླུང་དང་ཆར་བ་དང་སེར་བ་ཟློགས་པར་འགྱུར་རོ། །ཨོཾ་ཛྃ་བི་ལི་ཨ་བི་ཛེ་ཛ་སུ་ཏི་ཐད་སི་ཨི།   སུ་བྷ་དེ་ཨོ། ས་ཎ་ཨོ། ཨ་ཙ་ལ་ཧི་སུཎྞ་པ་ཏ་ནེ་ཧི།  ས་ལ་བ་ད་བར་ས་བ་ཛ་ཧ་
སྭཱ་ཧཱ། ཞིབ་མའི་ནང་དུ་ཆུ་བླུགས་ལ་སྔགས་འདི་ལན་བདུན་བཟླས་ཏེ་རླུང་ཕྱོགས་སུ་ནམ་མཁའ་ལ་གཏོར་ན། རླུང་དང་ཆར་དང་སེར་བ་ལ་སོགས་པ་བཟློགས་པར་འགྱུར་རོ། །ན་ཡ་མོཾ་དྷེ་བྷ་ག་ཝ་ཏེ། ཀི་བྷི་ཀུ་རེ་ཎ་ཤ་ཏྲ་ཡ། 
ཐ་མ་ཀེ་ཧ་ཐ་ཀ་རལྤཱ་ཀེ་ནི་ཏ་སྃ་རུ་བི་ཏི་བི་བྷ་ཏུ་ཡ། རུ་ཚ་རེ་ཊ་ར་མ་ཊ་ཀུ་ཀེ་ཏོ། ལི་ཊ་ཀུ་ཀེ་ཏོ་ལི་ཊ་ལུ་ཡ། ལུ་དྃ་ཏིཥྛ་ལེ་ཀ་སི་ར་ལེ་ལོ་ཏ་གྲི་ལེ། བྷི་ཥི་ཥ་ལེ་ཎ་སི་མུ་ལེ་ཁ་ཨ་ཡ་ཐེ་སརྦྦ་ཧ་དེ་སྲ་ན་བྷུ་ཛ་ཀུ་བྷ་ན་སུ་ཐེ་ར་ཥ་ཡ་ན་པ་ར་ཡ་ཏི།

85-1-228b

ཥུ་དྷ་ཡན་སོ་བ་དྱ་ཏི་ཏ་ཀ་སུ་སེ་ལ་ཀ་ཁ་སེ་ཌ་གྷེ་གྷ་སེ་དྷ་གྷ་རི་ས་ནི། མ་བྱཱ་ཧ་གྷ་གྷ། ཛི་སེ་ན་གྷྃ་བ་ས་ར་གྷ་དྷ། སེ་ར་ས་ཨ་ཧ་ཨ་ཨོཾ། ཧ་པི་རུ་ག་ཨྃ་པྲ་ལཱན་དྷ་ཀྵ་ཀ་ཨ་ར། ཧཱུྃ་ཧཱུྃ་ཧཱུྃ། པ་ཕ་པུ་ཊ་ཥ། ཟླ་ཚེས་ཐིག་ལེར་
ལྡན་པའི་ཨོས། །རྐང་པ་བརྒྱད་པ་མཛེས་པར་བྱ། །སྭཱ་ཧཱ་ཞེས་བྱས་བརྒྱན་པ་སྟེ། །མཐའ་དང་མཐར་ནི་ཕཊ་མཆོག་བྱ། །འདི་ནི་གསུངས་པ་ཙམ་གྱིས་ཀྱང་། །ཀླུ་རྣམས་སྐྲག་ཅིང་རྒྱལ་བར་གྱུར། །སྔགས་ཀྱི་རྒྱལ་པོ་
འདིའི་སྦྱོར་བ་ནི་འདི་ཡིན་ཏེ། སྔགས་པ་བདག་ཉིད་རླུང་དང་མེའི་དཀྱིལ་འཁོར་ལ་གནས་པའི་རྡོ་རྗེ་ཧཱུྃ་མཛད་ཞལ་བཞི་པ་ཕྱག་བཞི་པ་འདམ་སྐྱེས་སྔོན་པོ་ལྟ་བུའི་མདོག་ཅན་སངས་རྒྱས་ལྔའི་མེ་ཏོག་གི་ཕྲེང་བས་དབུ་བརྒྱན་པ། བསྐལ་
པའི་མེ་ལྟར་འབར་བ་ཡན་ལག་གི་ཆ་ཤས་ཐམས་ཅད་ནས་རྡོ་རྗེ་མཁའ་འགྲོ་མ་སྤྲོ་ཞིང་། ཞལ་བཞི་ནས་ཧཱུྃ་བཞི་སྒྲོགས་པར་མཛད་པར་བྱའོ། །དེ་ནས་ཁམ་ཕོར་གཉིས་བཟུང་སྟེ། ཁམ་ཕོར་གཉིས་པོ་དེ་བ་བླས་རླུང་དང་མེའི་དཀྱིལ་འཁོར་
རང་གི་མཚན་མས་མཚན་ཅིང་འབར་བ་ལ། ཀླུ་བརྒྱད་ཀྱི་དཀྱིལ་འཁོར་རིའུ་མིག་དགུ་པར་བྲིས་ཏེ། དཀྱིལ་འཁོར་གྱི་དབུས་སུ་ཀླུ་ལྷག་མ་ཅན། མགོ་ལ་གདེངས་ཀ་བདུན་གྱིས་བརྒྱན་པ། ཅུང་ཟད་བསྐུམ་པའི་ཕྱེད་ཀྲུང་ཅན་དུ་བྲི། 
དེའི་བརླ་གཡོན་པ་ལ་གནས་པར་ཀླུ་མོ་གདེངས་ཀ་གསུམ་དང་ལྡན་པ་གཡོན་གྱིས་འཁྱུད་པར་བྲི། དེ་ལྟར་ཕྱི་རོལ་གྱི་དཀྱིལ་འཁོར་རྣམས་སུ་མཐའ་ཡས་ལ་སོགས་པ་བྲིས་ལ། གདེངས་ཀ་རྣམས་ལ་ཧཱུྃ་དང་སྤེལ་བའི་ཕུཿབཀོད་དེ། ཐམས་ཅད་
ཀྱི་ལག་པ་གཡས་ན་རལ་གྲི་ཐོགས་པའོ། །དཔྲལ་བ་རྣམས་སུ་ཡང་ཧཱུྃ་ཕུཿཧཱུྃ། རྐང་མཐིལ་རྣམས་ལ་ཛཿབྲི། རྐང་པ་རྣམས་ཀྱང་ཀླུ་གཞན་གྱིས་བཅིངས་པ་སྟེ། དེ་དག་གི་གདེངས་ཀ་ལ་ཡང་ཧཱུྃ་ཕུཿཧཱུྃ་བྲིའོ། །
དེ་ནས་ཨོཾ་དྷི་ཨ་ནི་ལ་ཏ་ར་བེ་ག་དི་ཐི་བམ་ཥེ་ཡ་ཧེ་རུ། སརྦ་ནཱ་ག་ཀུ་ལ་བྱ་ན་ཡ་ཕུཿ ས་མ་ཡེ་པྲ་བེ་ཤ་ཡ་ཨཱ་བེ་ཤ་ཡ་ཕུཿ སརྦྦ་ན་སཱ་དྷ་ཡ་ཕུཿཕུཿཕུཿཕུཿཞེས་བྱ་བ་འདིས། དཀྱིལ་འཁོར་བསྐོར་ལ་ཡང་སྔགས་འདི་དང་

85-1-229a

ཕྱག་རྒྱས་སོ་སོའི་ལུས་ལ་བཀུག་སྟེ་གཞུག་པར་བྱའོ། །ཕྱག་རྒྱ་ནི་འདི་ཡིན་ཏེ། མཐེ་བོང་ཁ་སྦྱར་ཏེ་བཅིངས་ལ་ཕྱི་རོལ་ཏུ་བཞག་སྟེ། སོར་མོ་ལྷག་མ་རྣམས་གདེངས་ཀ་ལྟར་བྱ་བའོ། །ཛཿཧཱུྃ་བྃ་ཧོཿཞེས་བྱ་བ་སྔགས་ཀྱི་མཐར་བཟླ་
ཞིང་དགུག་པ་དང་། གཞུག་པ་ལ་སོགས་པ་བྱས་ལ། དེ་ནས་ཁམ་བོར་དེ་མར་ནག་ཚ་བས་བཀང་སྟེ། སྡོང་བུ་ལ་མེ་སྤར་ལ། ཁམ་ཕོར་གཞན་གྱིས་བཀབ་ལ། ཁམ་ཕོར་དེར་རི་རབ་ཏུ་བསྒོམས་ནས། དེའི་སྟེང་དུ་ཧཱུྃ་གིས་ཁྲོ་བོའི་དཀྱིལ་
འཁོར་བསྒོམས་ལ། རྡོ་རྗེ་ཧཱུྃ་མཛད་ཀྱི་སྔགས་བརྒྱ་རྩ་བརྒྱད་བཟླས་ཏེ། ཆོ་ག་བཞིན་དུ་གཞག་པར་བྱའོ། །དེ་ནས་ཁམ་ཕོར་གྱི་སྟེང་དུ་བསྒོམས་པའི་རྡོ་རྗེ་ཧཱུྃ་མཛད་ལ་སོགས་པའི་དཀྱིལ་འཁོར་བའི་ལུས་ཀྱི་གཟར་བུ་ལས་བྱུང་བའི་ཆུ་རྡོ་རྗེ་ཉི་མའི་དཀྱིལ་འཁོར་
ལ་འཐོར་བར་བསམས་ལ། བདག་ཉིད་རྡོ་རྗེ་ཧཱུྃ་མཛད་ཀྱི་སྦྱོར་བ་དང་ལྡན་པས་ཞལ་བཞི་ནས་ཧཱུྃ་བཞི་སྒྲོགས་ཤིང་། རྡོ་རྗེ་ཧཱུྃ་མཛད་ཀྱི་ཕྱག་རྒྱ་བཅིངས་པའི་མཛུབ་མོའི་རྩེ་མོར་ཧཱུྃ་གཉིས་བསྒོམས་ཏེ། དེ་ལས་བྱུང་བའི་མེ་ལྕེའི་ཕྲེང་བས་སྤྲིན་རྣམས་
བཟློག་པར་བསམས་ཏེ། དཔལ་རྡོ་རྗེ་ཧཱུྃ་མཛད་ཀྱི་སྔགས་ཀྱང་རུང་བ་བཟླའོ། །སྦྱོར་བ་འདིས་ནི་དཀྱིལ་འཁོར་གྱི་ཕྱི་རོལ་ཁྲུ་བརྒྱད་ཀྱི་བར་དུ་ཆར་བཟློག་པར་བྱའོ། །དཀྱིལ་འཁོར་ཆེན་པོའི་སྦྱོར་བ་ཡིས། །ཕྱི་ཡི་དཀྱིལ་
འཁོར་བྲི་བར་བྱ། །དེ་ཡི་དབུས་གྱུར་པད་མ་ནི། །ཁ་དོག་དཀར་པོ་མཛེས་པ་ལ། །ཉི་མའི་དཀྱིལ་འཁོར་དབུས་གནས་པའི། །ཡེ་ཤེས་ས་བོན་བསྒོམ་པར་བྱ། །རླུང་དང་མེ་ཡི་དབུས་གནས་པར། །ཆུ་ཡི་དཀྱིལ་
འཁོར་བསྒོམ་པར་བྱ། །དབང་ཆེན་དཀྱིལ་འཁོར་དབུས་སུ་ནི། །གསལ་བའི་དཀྱིལ་འཁོར་རབ་བསྒོམས་ཏེ། །ཟླ་བ་རྡོ་རྗེའི་སྦྱོར་བ་ཡིས། །རྡོ་རྗེ་མཁའ་འགྲོ་བསྒོམ་བྱ་བ། །ཞལ་གཅིག་ཕྱག་ནི་བཞི་པ་སྟེ། །
གླང་ཆེན་སྟན་ལ་གཡས་བརྐྱང་བཞུགས། །སྤྱན་གསུམ་སྐྲ་ནི་གྲོལ་བས་བརྒྱན། །གཟུགས་བཟླང་གཞོན་པ་ཕུན་སུམ་ཚོགས། །ཐོད་པའི་ཕྲེང་བས་རྣམ་པར་ཀླུབས། །ཁ་དོག་དམར་པོ་གསལ་བའི་མདངས། །

85-1-229b

ཤིན་ཏུ་མཛེས་པའི་ན་བཟའ་གསོལ། །འབར་བའི་རལ་གྲི་ཐོད་པ་དང་། །མདའ་དང་གཞུ་ནི་འགེངས་པ་སྟེ། །ཁྲག་ལ་དགྱེས་པ་ཧྲཱིཿལས་བྱུང་། །འོད་ཟེར་དམར་པོའི་ཕྲེང་འཁྲུགས་ཤིང་། །འཇིགས་པ་དག་ཀྱང་འཇིགས་པར་མཛད། །གྲུ་བཞི་པ་ལ་
སྒོ་བཞི་པའི། །མཁའ་འགྲོ་མ་ཡི་འཁོར་ལོ་བསྒོམ། །བླ་རེ་དམ་པ་བྲིས་པ་དང་། །རླུང་བསྐྱོད་བ་དན་བསྒྲེངས་ནས་ནི། །སྣ་ཚོགས་གོས་ནི་རྣམ་དབྱངས་པར། །དུར་ཁྲོད་སོ་ཕག་ལ་སོགས་པའི། །ཚོན་རྩི་རྣམ་པ་ལྔ་ཡིས་ནི། །ཁྲུ་བཞི་པ་ཡི་ཚད་
ཙམ་དུ། །དཀྱིལ་འཁོར་དགེ་བའི་ལས་ཙམ་སོགས། །དེ་ནས་རྫིང་བུ་བྱ་བ་ནི། །ཚོན་རྩི་སྔོན་པོས་བཅོལ་བཀྲམ་སྟེ། །དབའ་རླབས་ཆུ་གཉེར་ལ་སོགས་བྲི། །ཚོན་ཆེན་གྱིས་ནི་གང་བའི་གཟུགས། །ཉ་དང་ཉ་མིད་ལ་སོགས་པའི། །སྲོག་ཆགས་རྣམ་པ་སྣ་
ཚོགས་བྲི། །ཕྱི་རོལ་བྱ་རོག་སོགས་པས་བརྒྱན། །དེ་ནས་ཆོ་ག་འདི་ཡིས་ནི། །རིག་པ་ཆེ་དང་ཀླུ་བརྒྱད་དགོད། །སྒོ་བཞིར་མགོ་གཉིས་བསྣོལ་བ་ལ། །མཇུག་མས་གྲྭ་བཞིར་དཀྲིས་ནས་སུ། །ཤར་དུ་ཀླུ་རྒྱལ་མཐའ་ཡས་ནི། །འདམ་སྐྱེས་སྔོན་པོ་ལྟ་བུའི་མདོག །
གདེངས་ཀ་བདུན་ནི་བསྒྱིངས་པ་ལ། །ཀླུ་མོ་དང་ནི་བཅས་པར་དགོད། །ཕྱག་ན་པད་མ་བསྣམས་པའོ། །བྱང་ན་ནོར་རྒྱས་སེར་པོ་སྟེ། །ནུབ་དུ་འཇོག་པོ་དམར་པོ་ཡིན། །ལྷོ་རུ་སྟོབས་རྒྱུ་ལྗང་སྐྱ་སྟེ། །དབང་ལྡན་དུ་ནི་དུང་སྐྱོང་ཡིན། །
རླུང་མཚམས་པད་མ་བདེན་བྲལ་དུ། །པད་མ་ཆེན་པོ་དགོད་པར་བྱ། །མེ་མཚམས་སུ་ནི་རིགས་ལྡན་ཏེ། །ཆོ་ག་སྔ་མས་བྲི་བར་བྱ། །ཀླུ་ནི་བརྒྱད་པོ་ཐམས་ཅད་ཀྱང་། །རིན་ཆེན་ཅོད་པན་དག་དང་ལྡན། །རྒྱན་ཀུན་གྱིས་ནི་རྣམ་པར་གླུབས།
གདེངས་ཀའི་ནོར་བུའི་འོད་ཀྱིས་ནི། །མུན་པ་ཐམས་ཅད་སེལ་བྱེད་པ། །ཐལ་མོ་སྦྱར་ཞིང་སྐྲག་ནས་སུ། །གདེང་ཀ་ལས་ནི་ཆུ་རྒྱན་འབེབས། །སྤྲིན་གྱི་དབང་ཕྱུག་རྒྱལ་པོ་རྣམས། །ཕྱོགས་བརྒྱད་ནས་ནི་དགུག་པར་བྱ། །སྒྲ་གྲག་དང་
ནི་རྨུགས་པ་དང་། །དྲག་པོ་འགུགས་བྱེད་དེ་བཞིན་ནོ། །རྒྱལ་བ་བཟང་པོ་དཔལ་དགའ་མོ། །ཆར་འབེབས་དང་ནི་སྡུག་མ་དང་། །མྱུར་བ་དང་ནི་དབྱངས་ཅན་མ། །གཏུམ་དང་འབེབས་དང་གང་དང་གཡོ། །འདི་དག་སྤྲིན་རྒྱལ་བརྒྱད་པོ་ཞེས། །མཁའ་འགྲོ་ཀུན་དང་མཉམ་སྦྱོར་

85-1-230a

བའི། །རྡོ་རྗེ་སེམས་དཔའ་དེ་བཞིན་གཤེགས། །བཅོམ་ལྡན་རྡོ་རྗེ་ཅན་གྱིས་གསུངས། །བུད་མེད་གཉིས་ཀྱི་ཐོད་པ་མིང་དང་ལྡན་པ་ལ། གོ་རོ་ཙ་ན་དང་། ཁྲག་གིས་མེའི་དཀྱིལ་འཁོར་གཉིས་བྲིས་ཏེ། མེའི་
དཀྱིལ་འཁོར་གྱི་མཚམས་རྣམས་སུ་ཡི་གེ་ཀྵུ་དང་ཧྲཱི་བཀོད་ལ། དབུས་སུ་བསྒྲུབ་བྱ་བའི་བུ་མོའི་མིང་བྲིས་ཏེ། རི་མོ་གསུམ་གྱིས་བསྐོར་ནས། མོ་ཛའི་ས་བོན་ནམ། རེ་ཕས་དཀྱིལ་འཁོར་སུམ་རིམ་དུ་བསྐོར་ཏེ། ཐོད་
པའི་སྟེང་འོག་གི་བྱེ་བྲག་ཤེས་པར་བྱས་ལ་སེང་ལྡེང་གི་མེ་ལ་དུས་གསུམ་དུ་བསྲོས་ན། ཕྱི་དེ་ཉིན་པར་འོང་བའམ་སྐམས་པར་འགྱུར་རོ། །གནས་དབེན་པའི་ས་ཕྱོགས་སུ་བླ་གབ་མེད་པར་རྡོ་རྗེ་སེམས་དཔའི་སྐུ་གཟུགས་
མར་ནག་ཚ་བར་བྱུགས་ཏེ། ཤིང་སྟེགས་མཛེས་པ་ལ་བཞག་ལ། ཁྲུས་ཆབ་གསོལ་ནས་བསྐམས་ཏེ། སྒྲུབ་པའི་གྲོགས་དང་བཅས་བར་ཆར་དབབ་པར་དམིགས་ནས་ཁ་ཤར་སྟོད་དུ་བལྟས་ལ། སྔགས་བཟླས་ན་བརྒྱ་བྱིན་
གྱིས་ཆར་འབེབས་སོ། །མིན་ན་དཔལ་ཕྱག་ན་རྡོ་རྗེའི་སྔགས་དང་སྤེལ་ཏེ་བཟླས་ན། རྒྱུན་མི་འཆད་པར་འབབ་བོ། །ཡང་ན་ཁམ་ཕོར་ལ་སྦྲུལ་མགོ་གཉིས་པའི་ཤ་དང་། ཁྲག་གིས་སྔ་མ་ལྟར་བྲིས་ཏེ་མེ་ལྕེས་མ་རེག་
པར་ནམ་མཁའ་ལ་བཞག་ལ། ཆར་དབབ་པ་ལ་སྔགས་བཟླས་ན་འབབ་པར་འགྱུར་རོ། །ཆར་གཅད་པར་འདོད་ན་རྡོ་རྗེ་ཅན་ལ་ཕུལ་བའི་མེ་ཏོག་གི་བདུག་པ་ཁ་སྟེང་དུ་གནས་ཏེ། གཅེར་བུར་བྱུང་ལ་སྤྲིན་ལ་བདུགས་ཤིང་སྔགས་
བཟླས་ན་ཟློགས་པར་འགྱུར་རོ། །ཁམ་ཕོར་སོ་མ་བཏང་བ་ལ། དུག་ལ་སོགས་པས་རླུང་ལ་སོགས་པའི་དཀྱིལ་འཁོར་གསུམ་བྲིས་ཏེ། དེའི་ས་བོན་ལས་གྱུར་པར་བསམས་ལ། ཆུའི་སྟེང་དུ་ཡང་པད་མ་འདབ་བརྒྱད་བྲིས་
ནས། ལྟེ་བ་ལ་ཧཱུྃ་གཉིས་ཀྱིས་གཟིར་བའི་ནང་བྲི། མདབ་མ་བརྒྱད་ཀླུ་བརྒྱད་ཀྱི་སྙིང་པོ་གཟིར་བ་བྲིས་ལ་སྟོབས་པོ་ཆེའི་སྔགས་དང་། ཧཱུྃ་དགུས་ཆོ་ག་བཞིན་དུ་མཚོ་སྐྱེས་བསྐོར་ཏེ་སྔགས་བཟླ་ཞིང་ཇི་ལྟར་འབྱུང་བ་བཞིན་

85-1-230b

མཆོད་པ་བྱས་ལ། ཁམ་ཕོར་ཁ་སྦྱར་ཏེ་ཀླུའི་གནས་སུ་བཅུག་ན། ཀླུ་ཐམས་ཅད་ཆར་གྱི་རྒྱུན་འབེབས་སོ། །གལ་ཏེ་དེས་སྡང་བའི་ཀླུ་རྣམས་ཆར་མི་འབེབས་ན་དེར་སྦྱོར་བ་འདི་ལྟར་བྱ་སྟེ། གཏུམ་པོའི་ས་བོན་ལ་ལན་བརྒྱ་རྩ་བརྒྱད་
བཟླས་ལ། ཀླུའི་མཚོར་སྦྱིན་སྲེག་བྱས་ན་ཆར་འབབ་པར་འགྱུར་རོ། །གལ་ཏེ་དེས་ཀྱང་ཆར་འབབ་པར་མ་གྱུར་ན། དེའི་ཚེ་ཡུངས་དཀར་དང་། ཚ་བའི་མར་ནག་དང་། སྦྲང་རྩི་དང་། ཀ་ར་བི་རའི་མེ་ཏོག་རྣམས་ལྷན་ཅིག་ཕྱེ་
མར་བྱས་ཏེ་རི་ལུ་བྱས་ལ། དེ་ཉིད་ལ་ལན་བརྒྱ་རྩ་བརྒྱད་མངོན་པར་བཟླས་ཏེ། ཀླུའི་མཚོར་བཅུག་ན་འབབ་པར་འགྱུར་རོ། །གལ་ཏེ་ཀླུ་རྣམས་སྡང་བས་ཆར་མི་འབེབས་ན་མགོ་འགས་པར་འགྱུར་རོ། །གལ་ཏེ་
ཡང་མི་འབབ་ན་དུར་ཁྲོད་ཀྱི་ཐལ་བ་བཟུང་སྟེ། རྩབས་སྐྱུར་པོར་སྦངས་ནས་སྔགས་བཟླས་ཏེ་མཚོར་བཅུག་ན། ཀླུ་རྣམས་མྱོས་ཤིང་ཆར་གྱི་རྒྱུན་འབེབས་སོ། །ཇི་སྟེ་དེས་ཀྱང་མ་བབས་ན་པད་མ་དང་། ཨུད་
པ་ལ་སྔོན་པོ་དང་། བབ་བླ་དང་ཟངས་ཀྱི་ཕྱེ་མ་དང་། ཡུངས་ཀར་དང་། དབང་པོའི་ལག་པ་དང་། བ་ལ་ཤ་རྣམས་ལས་རི་ལུ་རྒྱ་ཤུག་གི་འབྲུ་གུ་ཙམ་བྱས་ལ། རི་ལུ་རེ་རེ་ཞིང་ལན་བདུན་བདུན་མངོན་པར་བསྔགས་
ཏེ། ཇི་སྲིད་ཆར་འབབ་ཀྱི་བར་དུ་རི་ལུ་རྣམས་མཚོར་སྐྱུར་ན། ཉིན་མོ་དང་མཚན་མོ་བྱེ་བྲག་མེད་པར་ཆར་འབབ་པར་འགྱུར་རོ། །དེ་ནས་བཅོམ་ལྡན་འདས་རྡོ་རྗེ་འཛིན་པ་ཆེན་པོས་སྔགས་ཀྱི་རྒྱལ་པོ་འདི་གསུངས་ཏེ། 
ཨོཾ་ན་མོ་ནཱི་ལ་ཨྃ་བ་དྷ་ཡ། བཛྲ་པཱ་ཎ་ཡེ། མ་ཧཱ་ཡཀྵ་སེ་ན་པ་ཏ་ཡེ། ཨ་ནེ་ཀ་གྃ་ག་ན་དཱི་བཱ་ལུ་ཀོ།   སྶ་མ་བུད་དྷ་ཀོ་ཊི་ཤ་ཏ་ཧ་ས་སྲ་པ་རི་བྲིད་ཏ་ཡ། བི་ཀྲི་ཏྃ་དཾ ། ཀ་རཱ་ལ་རཱུ་པ་ཡ། ཨག་ནི་རཱ།  སི་ན་ཡ།  ན་ཡཱ། ཛྭ་ལི་
ཏ་བི།  ཥ་ས་སྭཱ་ཡ་བྷཱི་མ་ན་དཱ་ཡ། བ་སུ་ཀི་ནཱ་ག་རཱ་ཛཱ་བྷི་བྷཱུ་ཥི་ཏ་ཀ་ར་ཙ་ར་ཎཱ་ཡ། ཀྲིཥྞ་བྷུ་ཛ་གཱ་ཡ། ཡ་ཛྙོ་པ་བཱི་ཏྲཱ་ཡ་ཛྭ་ལི་ཏ་བྷུ་ཛ། མ་ཎི་མུ་ཀུ་ཊ་ཡ་པུ།  རི་ཏ་ཊ་པ་བཱ་ད་ནཱ་ཡ་སྃ།   ཀྲུ་ཙི་ཏ་བྷུ་ལ་ཏཱ་ཡ་ད་ཤ་ན་ཥཎྜ་རོ་ཥ་ཎ་ཡ།

85-1-231a

ཀྲི་ཏཱནྟ་རཱུ་པཱ་ཡ།  བིདྱུ་ཛི་ཧཱ་ཡ་མ་ཧོ་ར་ག་བཀྵ་ཎཱ་ཡ་ཀཱ་ར།  སྥོ་ཊ་ཏྲཱ་ས་ན་ཀ་རཱ་ཡ། སུ་བརྞ་ཀ་ན་ཀ་རཱ་ཛ་མེ་ཁ་ལཱ་ཡ། ཧཱུྃ་ཀཱ་ར་ནཱ་ད་ཏྲཱ་ས་ན་ཀ་རཱ་ཡ། ཨ་སཱི་ཏི་ཡོ་ཛ་ན་ས་ཧ་སྲ་གྃ་བྷི་ར་སཱ་ག་ར་ཛཱ་ནུ་མཎྜ་ལཱ་ཡ། ཙ་ཀྲཱ་དི་ཏྱ་སྐན་དྷ་བ་
ཧ་ནཱ་ཡ་དྃཥྚ་ཀ་རཱ་ལཱ་ཡ་ཧ་སི་ཏ་ཨཊྚཱཊྚ་ཧ་ས་ནཱ་ད་ནཱ་ད་ཡ། མ་ཧཱ་སྃ་ཀྵོ་བྷ་ཀ་རཱ་ཡ། ཀཱ་ལ་རཱུ་པཱ་ཡ་ཏྲཻ་ལོ་ཀྱ་བྷཀྵ་ཎ་ཀཪྞཱ་ཡ། ནཱ་གཱ་ནཱྃ།  མྲི་ཏྱུ་ཀཱ་ལཱ་ཡཱ། ཨི་མྃ་གྃ་གཱ་ན་དཱི་བཱ་ལ།   ཀ་ས་མེ།  བུད་དྷ་བྷ་ག་བངྦི་བྷཱ་ཥི་ཏྃ། མན་ཏྲ་མཱ་བརྟྟ་ཡི་ཥྱཱ་མི།  
བྷོ་བྷོ་པནྣཱ་ག་ཨདྡྷི།  པཱ་ཏ་ཡེ། ཨི་དན་ནཱི་ལཱྃ་བ་ར་དྷ་ར།  ཤ་རཱི་རཾ་བཛྲ་པཱ་ཎི།   ཧྲྀ་ད་ཡ་ཡ་སཿམ་ཏི་ཀྲ་མ་ཐ། མ་ཀུ་ལོ་ཏ་སཱ་ད་ནྃ། བྷ་བི་ཥྱྃ་ཏི། ཏད་ཡ་ཐཱ། བུད་དྷ་བུད་དྷ། བི་བུད་དྷ།  བི་བུད་དྷ། མ་ཧཱ་བཱ་ལོ་ཀ་པཱ་
ལི་ནཱི་ཛ། ཧ་ར་ཛ་ཧ་ར། ནཱ་གཱ་ནཱྃ། པྲ་ཧ་ར་པྲ་ཧ་ར། སརྦྦ་ནཱ་གཱ་ནཱྃ། ཙྪིན་ད་ཙྪིན་ད།  ནཱ་གཱ་ནཱྃ།  ཧྲི་ད་ཡཱ་ནི།  བྷིན་ད་བྷིན་ད།  ནཱ་ག་མ་ར་མ་ཎི།  བི་ཤི་ར་ཡན་ཏུ་ནཱ་ག་ཧྲི་ད་ཡཱ་ནི། སྤོ་ཊ་ཡ། སྥོཊ་ཡ། ནཱ་ག་ཡ་ན་ནཱི།  བི་ཤིར་ཡན་ཏུ་ནཱ་ག་
ཤ་རཱི་ར་ཎི། ཏད་ཡ་ཐཱ་ཧཱུྃ་ཧཱུྃ་ཕཊ། ནཱ་ག་བི་དཱ་ར་ཎཱ་ཡ་ཕཊ། ནཱ་ག་ཙྪིནྡ་ནཱ་ཡ་ཕཊ། ནཱི་ལ་བ་ས་ནཱ་ཡ་ཕཊ། ཨ་པྲ་ཏི་ཧ་ད་བཱ་ལ།   པ་ར་ཀྲ་མཱ་ཡ་ཕཊ། ཀྲི་ཏཱན་ཏ་རཱུ་པཱ་ཡ་ཕཊ། རོ་ཥ་ཎཱ་ཡ་ཕཊ། ཏྲཱ་ས་ནཱ་ཡ་ཕཊ། ཀུཥྨ་ཎྜོཏྶཱ་
ད་ན་ཀཱ་རཱ་ཡ་ཕཊ། པྲེ་ཏ་པི་ཤཱ་ཙ་པི་ནཱི་ཤ་ཀཱ་རཱ་ཡ་ཕཊ། ཡཀྵ་ཨ་པ་སྨ་ར་བི་ནཱ་ཤ་ཀཱ་རཱ་ཡ་ཕཊ། ཧ་ས་ཧ་ས། ད་ར་ད་ར། མཱ་ར་ཡ།  མཱ་ར་ཡ། ནཱ་ཤ་ཡ་ནཱ་ཤ་ཡ། སརྦྦ་བིགྷཱ་ན་བི་ནཱ་ཤ་ཀ་རཱ་ཡ་ཕཊ། ནཱི་ལཱྃ་བ་ར་དྷ་རོ་བཛྲ་པཱ་
ཎི་རཱ་ཛྙཱ་པ་ཡ་ཏི་སྭཱ་ཧཱ། གནོད་སྦྱིན་དང་སྲིན་པོ་ལ་སོགས་པས་ཟིན་པ་ལ་ནི་ཆུ་ལ་བཟླས་ཏེ་གཏོར་ན་གྲོལ་བར་འགྱུར་རོ། །ཆར་བཟློག་པ་ལ་ནི་ཐལ་བ་ལ་བཟླས་ནས་སྤྲིན་ལ་བལྟས་
ཏེ་གཏོར་བར་བྱའོ། །ཆུ་ལ་བཟླས་ཏེ་གཏོར་ན་ནི་ཆར་འབབ་པར་འགྱུར་རོ། །རིམས་ལ་ནི་སྐུད་པ་སྔོན་པོ་ལ་བཟླས་ཏེ་ལག་པ་ལ་བཏགས་ན་གྲོལ་བར་འགྱུར་རོ། །ཟླ་བ་དང་ཉི་མ་གཟས་ཟིན་པའི་དུས་སུ་གོ་རོ་ཙ་ན་

85-1-231b

ལ་ལན་སྟོང་མངོན་པར་བཟླས་ཏེ་དཔྲལ་བར་ཐིག་ལེ་བྱས་ན་མི་སྣང་བར་འགྱུར་རོ། །དོན་ལ་དམིགས་ཏེ་གཙང་ཞིང་གཙང་བའི་གོས་གྱོན་ལ་ཉིན་མཚན་དུ་ཀུན་དུ་རུ་བསྲེགས་ཏེ་ལན་བརྒྱད་བརྒྱ་བཟླས་ན་རྨི་ལམ་དུ་དགེ་སྡིག་ཐམས་
ཅད་སྟོན་པར་འགྱུར་རོ། །ས་ལ་ལན་བདུན་བཟླས་ཏེ་ཆོམ་པོ་ལ་བལྟས་ནས་བུས་ན་ཆོམ་པོ་བས་མི་མཐོང་ཞིང་བཟློག་པར་འགྱུར་རོ། །མེ་ཏོག་གམ་འབྲས་བུ་ལ་ལན་བདུན་བཟླས་ཏེ་གང་ལ་བྱིན་པ་དེ་དབང་དུ་
འགྱུར་རོ་ཞེས། །མཁའ་འགྲོ་ཀུན་དང་མཉམ་སྦྱོར་བའི། །རྡོ་རྗེ་མཁའ་འགྲོ་བདེ་བའི་མཆོག །རྡོ་རྗེ་སེམས་དཔའ་དེ་བཞིན་གཤེགས། །བཅོམ་ལྡན་རྡོ་རྗེ་ཅན་གྱིས་གསུངས། །རྒྱུད་ཀྱི་རྒྱལ་པོ་ཆེན་པོ་དཔལ་རྡོ་རྗེ་མཁའ་འགྲོ་ལས་
ཀླུ་ཐམས་ཅད་དགུག་པའི་རིམ་པར་ཕྱེ་བ་སྟེ་གསུམ་པའོ།། །། དེ་ནས་བཅོམ་ལྡན་འདས་ལ་ལྷ་མོ་རྣམས་ཀྱིས་སླར་ཡང་མཆོད་པས་མཆོད་ཅིང་ཕྱག་གསུམ་བྱས་ཏེ།    འདི་སྐད་ཅེས་གསོལ་ཏོ། །ལས་ཐམས་ཅད་ཀྱི་ཚོགས་
བཅོམ་ལྡན་འདས་ལྷ་ཡིས་བཤད་དུ་གསོལ། དེ་ནས་བཅོམ་ལྡན་འདས་ཀྱིས་རིག་པའི་རྒྱལ་པོ་འདི་མགུར་དུ་བཞེས་ཏེ་བཀའ་སྩལ་པ། གྷི་ལི་གྷི་ལི་བཛྲ་བ་རི་པ་བ་ས་པ་ཡད་བཛྲ་ཨི་ནི་རི་ཤ་བ་རི་ཤ་པ་ཡ། ཧཱུྃ་ཧཱུྃ་ཧཱུྃ། ཧོ་ཧོ་ཧོ། བྷ་ས།   ཋ་ཋ་ཋ། ཧ་ས་ཧ་
ས་ཧ་ཧ། ཨོཾ་ནི་ཟླ་ཕྱེད་ཐིག་ལེས་བརྒྱན། །དེ་ནི་ཆུ་འཛིན་བརྒྱད་ལ་གནས། །མཁའ་འགྲོ་མ་ཡི་རིག་སྔགས་ཏེ། །སྒྱུ་མ་ཆེན་པོའི་རང་བཞིན་ནོ། །འདི་ནི་གསུངས་མ་ཐག་ཏུ་ཡང་། །ཀླུ་རྣམས་ཐམས་ཅད་བརྒྱལ་འགྱུར་ཞེས། །
རྡོ་རྗེ་སེམས་དཔའ་དེ་བཞིན་གཤེགས། །བཅོམ་ལྡན་རྡོ་རྗེ་ཅན་གྱིས་གསུངས། །ན་མཿ་ཤྨ་ཤཱ་ན་བཱ་སི་ནི་ཡེ། མ་ཧཱ་ཀཱ་ལ་ཨ་ནུ་ཙ་རཱ་ཡ། ཏད་ཡ་ཐཱ། ཨོཾ་ཙ་ལེ་ཙ་ལེ།  པྲ་ཙ་ལེ། ལ་ལཱ་ལ་ལཱ་ཡ། དེ་བ་ལིཾ་ག་སྭཱ་ཧཱ། སྔགས་འདི་བསྙེན་པ་ཁྲི་བྱས་ཏེ། 
མཚན་ཕྱེད་ན་ལིང་གའི་དྲུང་དུ་ཇི་སྲིད་འོངས་ཀྱི་བར་དུ་བཟླས་པ་བྱས་ཏེ་དྲུང་དུ་དགུག་པའི་ཆོ་གའོ། །ཨོཾ་ཙ་མུཎ་ཌེ་དྲུ་མ་ཀེ་ཤི་བིདྱུ་ཛི་ཧྭེ། ཧ་ན་ཧ་ན། ད་ཧ་ད་ཧ། པ་ཙ་པ་ཙ། དེ་བ་དཏྟ་མཱ་ར་ཡ་སྭཱ་ཧཱ། རང་གི་རྐང་མཐིལ་གཡོན་པར་སེན་རྩིས་རི་

85-1-232a

རབ་བྲིས་ལ། དེའི་ནང་རོལ་གྱི་གྲྭ་བཞིར་ཡི་གེ་ཧྲཱིཿབཞི་བྲི། དབུས་སུ་སྔགས་ཀྱི་ཚིག་བྲིས་ལ། རྡོག་པས་མནན་ཏེ་བཟླས་ན་ཁུགས་ཤིང་དབང་དུ་འགྱུར་རོ། །སྐྱེས་བུའི་བྱིན་པ་གཡོན་པའི་རུས་པའི་ཐུར་མ་ལ་
སྟེང་གི་ཆར་ཚོགས་ཀྱི་དབང་ཕྱུག་ཕྱག་བཞི་པ་ཞལ་འོག་ཏུ་གཟིགས་པ། ལག་པ་གཡས་པ་དང་། གཡོན་པར་ཐོ་བ་དང་། དགྲ་སྟ་དང་། ཞགས་པ་དང་། མདུང་རྩེ་གསུམ་བསྣམས་པ་བྱས་ལ། དུག་དང་། ཁྲག་དང་། 
སྐེ་ཚེ་དང་། ལན་ཚ་དང་། ལྕེ་མྱང་ཚར་བཅས་པའི་མར་ནག་གི་ནང་དུ་ཕུར་བུ་དེ་བཙོས་ཏེ་སྟོབས་པོ་ཆེའི་སྔགས་བཟླས་ལ། གང་གི་ཁྱིམ་སྒོར་སྦས་པ་དེ་ལ་གཅོང་ནད་ཆེན་པོ་འབྱུང་བར་གྱུར་ལ། བཏོན་ན་ཐར་བར་འགྱུར་རོ། །ཨོཾ་
བཛྲ་ཀྲོ་དྷཱ་མ་ཧཱ་བ་ལ་ཧ་ན་ད་ཧ་པཱ་ཙ། བི་དྷྭན་ས་ཡ། ཨུད་སཱ་དཱ་ཡ་མཱ་རཱ་ཡ་ཧཱུྃ་ཕཊ། གྲོག་མཁར་གྱི་ས་དང་། བའི་རྣམ་ལྔར་བཅས་པས་ཀླུ་བཱ་སུ་ཀིའི་གཟུགས་བརྙན་མཐོ་གང་ཙམ་པ་བྱས་ཏེ་ཀ་ར་བཱི་རའི་ལྕུག་མས་བཀབ་ལ་གུ་
གུལ་གྱི་བདུག་པ་རྒྱུན་མི་འཆད་པར་བདུག་ཅིང་དཀར་གསུམ་གྱི་གཏོར་མ་བྱིན་ལ། ཀ་ར་བཱི་རའི་ལྕུག་མས་རྒྱུན་མི་འཆད་པར་ཆུ་གཏོར་ཞིང་བཟླས་ན། ཞག་བདུན་གྱི་ཆར་གྱི་རྒྱུན་འབེབས་པར་བྱེད་དོ། །ཇི་སྟེ་བབ་པར་མ་གྱུར་ན། 
ཉི་མ་བདུན་པ་ལ་དུམ་བུ་དུམ་བུར་བྱས་ཏེ། བུམ་པའི་ནང་དུ་བླུགས་ལ། ཧཱུྃ་བཞི་པའི་སྔགས་ཟློས་ཤིང་ཆུ་བོ་ཆེན་པོར་བསྐུར་ན་ངེས་པར་འབབ་པར་འགྱུར་རོ། །ཨོཾ་ག་ག་ཨ་རི་ག་གཱ་སྭཱ་ཧཱ། སྔགས་འདིས་ནང་པར་སྔར་གདོང་མ་
བཀྲུས་པར་རྡེའུ་ལ་ལན་བདུན་བཟླས་ཏེ་གང་ཡང་རུང་བའི་བུ་གར་བཅུག་ལ། ཆེ་གེ་མོའི་ཁ་ཆིངས་ཤིག་ཅེས་བརྗོད་ན་ཁ་འཆིངས་པར་འགྱུར་རོ། །མུ་ཀ་ཏིཥྛ་ན་ཏི་མུ་ཀ་ཚན་ཏི། གཙྪ་ཏི། མུཿཀཱཿཀཪྻན་ཏི་
དནྟ་ལྃ་ཀ་ལྃ།  མཱུ་ཀཱ་ནཱྃ། མུ་ཏྲ་པུ་རི་ཥེ་ཎ། དེ་ཝ་དཏ་ཏ་སྱ་མུ་ཁ་བན་དྷ་མི་སྭཱ་ཧཱ། གླང་གི་ལྕི་བ་ས་ལ་མ་ལྷུང་བ་བྱི་བའི་ཁུང་བུ་སྒོ་གནམ་དུ་བལྟས་པའི་ནང་དུ་བཅུག་ལ། བཟླས་ཤིང་ཁ་ཆིངས་ཤིག་ཅེས་བརྗོད་ན་རྒྱལ་

85-1-232b

པོའི་ཕོ་བྲང་ལ་སོགས་པ་དང་། བཤགས་འགྱེད་པ་ལ་བཟླས་པ་ཙམ་གྱིས་ཁ་བཅིངས་པར་འགྱུར་རོ། །ཨ་ཀཱ་རོ་མུ་ཁྃ་ཐོག་མར་སྦྱོར། སརྦྦ་དྷརྨྨཱ་ཎཱྃ་དེ་མཐར། །རབ་ཏུ་སྦྱར་ཏེ་སླར་ཡང་ནི། །ཨཱདྱ་ནུཏ་པནྣ་ཏྭཱཏ་ཅེས་བྱ། །
སྔོན་དུ་གསུངས་པའི་སྦྱོར་བ་ཡང་། །བློ་གྲོས་ཆེན་མོ་མདུན་གནས་ཏེ། །སྔགས་འདི་བདུན་ནི་བརྗོད་བྱས་ན། །མཁར་གནས་རྣམས་ཀྱིས་ངེས་པར་ནི། །ཆུ་ནི་རབ་ཏུ་མང་པོ་འབེབས། །སྡེ་ཚན་གྱི་མཐའ་མ་རའི་སྟན་ལ་གནས་
པ་ལ། དབྱངས་ཡིག་བཞི་པ་དང་ཐིག་ལེས་བརྒྱན་ཏེ། ཙན་དན་དམར་པོས་ཉལ་བའི་སྔས་ཀྱི་ས་གཞི་ལ་བྱུགས་ཏེ། དེར་རང་གི་ཁྲག་གིས་སྙིང་པོ་ལ་མིང་བྲིས་ལ་ཉལ་བའི་དུས་སུ་མེ་ཏོག་དམར་པོས་གཏོར་ཞིང་བདུག་པས་བདུགས་ན། 
རང་གི་བུད་མེད་ཆགས་པས་མི་ཕྱེད་པར་འགྱུར་རོ། །སྙིང་གར་ཉི་མ་ལ་ཧཱུྃ་བསྒོམས་ཏེ། བདག་ཉིད་ཁམས་གསུམ་རྣམ་པར་རྒྱལ་བ་ལ་སོགས་པར་བསྒོམས་ལ། རྡོ་རྗེ་སོ་ཅན་གྱི་ཁྲག་གིས་ཤིང་ཛཱ་ཏིའི་ལྕུག་མའི་མྱུ་གུས་རས་སམ་གྲོ་
ག་ལ་རླུང་གི་ས་བོན་གྱི་དབུས་སུ་བསྒྲུབ་བྱའི་མིང་དང་བསྐུལ་ཚིག་དུ་བཅས་པ། ཧཱུྃ་ཌ་ཀཱི་ཞེས་བྱ་བའི་ས་བོན་གཉིས་ཀྱི་དབུས་སུ་བྲིས་ལ་ལྕགས་ཀྱུ་ལ་སོགས་པས་དགུག་པ་ལ་སོགས་པའི་ལས་བྱས་ཏེ་སོ་ཕག་གི་དབུས་སུ་
བཅུག་ལ། སྐུད་པ་དམར་པོས་དཀྲིས་ནས་རླུང་མཚམས་སུ་གཡོན་བརྐྱང་གི་རྐང་པས་མནན་ཏེ་བཟླས་ན་རྒྱ་མཚོ་ལ་ཐུག་གི་ས་གཞི་ཐམས་ཅད་དུ་འཁྱམ་པར་འགྱུར་རོ། །བཏོན་ནས་འོ་མས་བཀྲུས་ན་གྲོལ་བར་འགྱུར་གྱི་གཞན་དུ་ནི་
མ་ཡིན་ནོ། །བདག་ཉིད་མྃ་དམར་པོ་ལས་བུད་མེད་ཀྱི་གཟུགས་སུ་བསྐྱེད་དེ། ཨོཾ་དམར་པོ་སྤྱི་བོར་ཡང་བསམས་ལ། བུ་མོའི་ཁ་ནས་བདག་གི་ཁར་སྔགས་ཀྱི་ཕྲེང་བ་ཆོ་ག་བཞིན་དུ་ཞུགས་པར་བསམས་ན་དབང་དུ་འགྱུར་རོ། །བུད་མེད་
ཀྱི་གཅི་བའི་ཤུལ་གྱི་ས་དང་། རང་གི་གཅི་བའི་ཤུལ་གྱི་ས་ལས་མོ་མཚན་གྱི་གཟུགས་བྱས་ཏེ། དེའི་སྟེང་དུ་རང་གི་མཚན་མ་བཞག་ལ། སྔགས་ལན་བདུན་བཟླས་ནས་དེར་གཅི་བའི་ལས་བྱས་ལ། ཉི་མ་བདུན་དུ་དུས་གསུམ་དུ་

85-1-233a

སྔགས་བརྒྱ་རྩ་བརྒྱད་བཟླས་ན། བརྒྱ་བྱིན་གྱི་ཆུང་མ་ཡང་འོང་བར་འགྱུར་ན་གཞན་རྣམས་ལྟ་ཅི་སྨོས། སྐྱེས་པའི་ཐོད་པར་གོ་རོ་ཙ་ན་དང་སེན་རྩིས་བསྒྲུབ་བྱའི་གཟུགས་བརྙན་བྲིས་ཏེ། སྙིང་གར་མིང་དང་
སྤེལ་བའི་སྔགས་བྲིས་ལ། དྲིའི་ཆུས་བྱུགས་ནས་ཐོད་པ་གཉིས་ཁ་སྦྱར་ཅིང་རོའི་སྐུད་པས་ཀུན་ཏུ་དཀྲིས་ཏེ། སྤྲ་ཚིལ་གྱིས་བྱུགས་ལ་རོ་བསྲེགས་པའི་སོལ་བའི་མེ་ལ། ཇི་སྲིད་སྤྲ་ཚིལ་ཞུ་བར་མ་གྱུར་གྱི་བར་དུ་རིག་པའི་རྒྱལ་པོ་
འདི་ཟློས་ཤིང་གདུངས་ན། ལས་ཀྱི་ཆོ་ག་དེ་ལྟ་བུས་ལྷའི་འཇིག་རྟེན་ཡང་འོང་བར་འགྱུར་རོ། །དུག་ཅན་གྱི་ཐོད་པར་གནོད་སྦྱིན་སྨོན་པའི་ལྕེ་བཅུག་ལ། རྟའི་རྨིག་པའི་སེར་ཁར་བཅུག་སྟེ། གང་གི་ཁྱིམ་སྒོར་སྦས་པ་ཉི་མ་བདུན་གྱིས་
བསྐྲད་པར་འགྱུར་རོ། །ཡང་ན་ལས་ཀྱི་དུས་སུ་ཁ་ཟས་ཀྱི་ཕུད་ཀྱི་ཆང་བུ་ལ་སྔགས་ལན་བརྒྱ་རྩ་བརྒྱད་བཟླས་ཏེ། ཁྲོ་བ་དང་བཅས་པས་བསྒྲུབ་བྱར་གཞུག་སྟེ། ཉི་མ་བདུན་གྱིས་བསྐྲད་པར་འགྱུར་རོ། །ལྕི་བ་ས་ལ་མ་ལྷུང་བ་ལ་བསྒྲུབ་
བྱའི་གཟུགས་བརྙན་སོར་བཅུ་དྲུག་པའམ། ཕྱེད་དང་བཅུ་གསུམ་པ་བྱས་ལ། རས་མའི་དུམ་བུ་ལ་དེའི་མིང་བྲིས་ཏེ་ལྟོར་བཅུག་ལ། བག་ཟན་གྱིས་དེའི་ཁ་བཀང་སྟེ། རོའི་སྐྲས་དཀྲིས་ལ་གཏུན་ཤིང་ལ་སྔགས་ལན་བདུན་བཟླས་ཏེ། 
ཁྲོ་བ་དང་བཅས་པས་དེའི་གདོང་བཙོགས་ན་བཅིངས་པར་འགྱུར་རོ། །དཔའ་བོ་གཡུལ་དུ་བསད་པའི་རས་ལ་བུ་མོའི་གཟུགས་བརྙན་རི་མོར་བྲིས་ཏེ། བ་གླང་གི་རྡུལ་དང་། ཤིང་བུ་པ་ཏ་ལའི་རྩ་བའི་བདུག་པས་བདུགས་ན་བུ་མོ་དེ་འོང་
བར་འགྱུར་རོ། །རས་སམ། གྲོ་གའམ། སྤང་ལེབ་བམ། རྩིག་ངོས་ལ། ཁྲོ་བོ་གཤིན་རྗེའི་གཤེད་ཀྱི་གཟུགས་ཁ་དོག་ཐམས་ཅད་ལྡན་པ་གཡས་བརྐྱང་པས་གནས་པ། ལག་པ་གཡས་ན་ཐོ་བ་གཡོན་ན་སྦྲུལ་ཞགས་འཛིན་ཅིང་། 
ཁྲོ་གཉེར་དང་། སྨིན་མ་བཅུམ་པ། མཆེ་བ་གཙིགས་ཤིང་སྤྱན་དམར་བ། སྐྲ་གྱེན་དུ་འགྲེང་ཞིང་སྦྲུལ་གྱི་རྒྱན་གྱིས་བརྒྱན་པ་འོད་འབར་བ་དང་བཅས་པ་བྲིས་ལ། སྦྲུལ་ཞབས་ཀྱི་ལྟོར་དུར་ཁྲོད་ཀྱི་སོལ་བས་དགྲའི་ཚོགས་ཀྱི་མིང་སྔགས་

85-1-233b

དང་སྤེལ་བ་བྲིས་ཏེ་བཞག་ན། ཇི་སྲིད་གནས་ཀྱི་བར་དུ་དགྲ་རྣམས་བཅིང་པར་འགྱུར་ཏེ། ཐ་ན་ཡིད་ཀྱིས་ཀྱང་ཅུང་ཟད་ཙམ་ཡང་གནོད་པར་སེམས་པར་མི་འགྱུར་ཏེ། གལ་ཏེ་གནོད་པར་སེམས་ན་འབྱུང་པོ་དང་། རིམས་དང་། གདོན་
དང་། ཤ་ཟ་དང་། མཁའ་འགྲོ་མས་ཉེ་བར་འཚེ་བར་འགྱུར་ལ། ལྷ་རྣམས་ཀྱིས་ཀྱང་གཏོར་བར་འགྱུར་ཏེ། ཕ་རོལ་གྱི་དཔུང་གི་ཚིག་སྤེལ་ན་དཔུང་བཅིངས་པར་འགྱུར་རོ། །གཞན་ཡང་ཤིང་ལོ་ལ་སོགས་པ་ལ་སྔགས་ཕྲེང་གཉིས་
སུ་བྲིས་ཏེ། ཕྲེང་གཉིས་པའི་མཐར་བསྒྲུབ་བྱའི་མིང་ཡི་གེ་དང་སྤེལ་ཏེ་བྲིས་ནས་བཅིངས་ལ། ཁམ་ཕོར་དུ་བཞག་སྟེ། དེར་བཤང་བ་བཏང་ལ། བ་གླང་གི་ལྕི་སྐམ་གྱི་ཐལ་བས་བཀང་སྟེ། ཁམ་ཕོར་ཁ་སྦྱར་ལ་
དབུགས་ནང་དུ་རྔུབ་ཅིང་ས་འོག་ཏུ་སྦས་ནས། སས་འཐུག་པ་ཁོ་ནར་བཀབ་ན། དགྲ་བཅིངས་པར་འགྱུར་བ་ལས་གཞན་དུ་མ་ཡིན་ནོ། །རཏྣ་བཛྲ་ཞེས་བྱས་ནས། །དེ་ནས་ཨོཾ་དང་བཛྲ་བརྗོད། །ཧྲཱི་དང་ཕཊ་ནི་མཐར་སྦྱར་
བ། །སྔགས་འདི་དཔུང་ནི་འཆིང་བྱེད་ཡིན། ས་ནག་པོ་ལ་ལྷ་མོ་ཙ་མུཎྚའི་གདོང་བྱས་ལ། གོ་རོ་ཙ་ནས་བསྒྲུབ་བྱ་དུ་ཡོད་པའི་མིང་དང་སྤེལ་བའི་སྔགས་བྲིས་ཏེ་དེའི་ཁར་བཅུག་ལ། དེའི་ཁར་མཆོད་པ་རྣམ་པ་ལྔས་མཆོད་
ཅིང་། ཁྱིམ་གྱི་ཕྱོགས་གཅིག་ཏུ་བཞག་ལ། ཉིན་གཅིག་བཞིན་དུ་མཆོད་པར་བྱས་ན་ཁ་བཅིངས་ཤིང་དབང་དུ་འགྱུར་རོ། །ཁམ་ཕོར་ལ་ལྡོང་རོས་ཀྱིས་བུད་མེད་ཀྱི་གཟུགས་བརྙན་བྲིས་ལ་དེའི་བྷ་གར་འཛུབ་མོ་བཙུགས་
ཏེ། ཟླ་བ་གཟས་ཟིན་ནས་ཇི་སྲིད་གྲོལ་གྱི་བར་དུ་སྔགས་བཟླ་བའམ། ཡང་ན་བུད་མེད་དངོས་ཀྱི་བྷ་གར་ཡང་རུང་སྟེ། དེ་ལྟར་བསྒྲུབ་པའི་འཛུབ་མོ་དེས་འཛུབ་ཡུག་ཙམ་གྱིས་བུ་མོ་ཐམས་ཅད་འོང་བར་འགྱུར་རོ། །ནིམ་
བའི་ལོ་མ་ལ་དུག་དང་། རང་གི་ཁྲག་དང་། དྷ་དུ་རའི་ཁུ་བས་ཡི་གེ་ཕུཿབྲི། དེའི་དབུས་སུ་བསྒྲུབ་བྱའི་མིང་བྲིས་ལ་བག་ཟན་ནིམ་ཟན་གྱི་རི་ལུའི་ནང་དུ་བཅུག་སྟེ་རྒོངས་མོ་བྱ་རོག་ཚང་དུ་འགྲོ་ཁ་མ་ལ་ཟར་བཅུག་ན་ངེས་པར་བསྐྲད་

85-1-234a

པར་འགྱུར་རོ། །བརྩིག་ངོས་སམ་སྤང་ལེབ་ལ་ཡི་གེ་ཐ་བྲི། དེའི་ནང་དུ་དབྱངས་ཀྱི་ཡི་གེས་འཁོར་བར་བྲི་དེའི་ནང་དུ་ཕ་བྲི། དེའི་ནང་དུ་ཧ་བྲི། ཧའི་ནང་དུ་ཀ ། དེར་བསྒྲུབ་བྱའི་མིང་བྲིས་ལ་དེ་ཁ་བཅད་དེ་བཞག་ན་དབང་དུ་
འགྱུར་ཞིང་བཅིང་བས་བཅིངས་པར་འགྱུར་རོ། །ལྟེ་བའི་པད་མའི་དབུས་སུ་མིང་གི་ཡི་གེའམ། ཨ་བསྒོམས་ཏེ། པད་མའི་བསྡུ་བ་བྱས་ལ། སྙིང་གི་ཞགས་པས་བཅིངས་ན་བསྲུང་བར་འགྱུར་ཏེ། ཨ་ནི་སེམས་ཅན་ཐམས་ཅད་ཀྱི། །
རང་གི་ཕྱག་རྒྱ་རྟག་ས་བོན། །སྲོག་བསྲུང་ལ་སོགས་དོན་གྱི་ཕྱིར། །སྟོབས་ཀྱིས་ཡང་དག་བཅིང་བར་བྱ། །ཡང་ན་རྡོ་རྗེ་ལྟེ་བ་ཁ་སྦྱོར་གྱི་ནང་དུ་གངས་ཀྱི་འོད་ལྟ་བུའི་ཡི་གེ་ཨ་བསམས་ལ། དེའི་མཐའ་གཉིས་སུ་སྙིང་གི་ཞགས་
པས་བཅིངས་ན་ཡང་བསྲུང་བའི་དམ་པར་འགྱུར་རོ། །སྙིང་གའི་པད་མ་ལ་གནས་པར་ཡི་གེ་བ་ཁ་མཐུར་དུ་བལྟས་པ་བསམས་ལ། ལྟེ་བའི་པད་མར་ཡི་གེ་ཨ་ནས་ཀྱི་འབྲུ་ཚོད་ཙམ་བསམས་ཏེ། བ་ལས་བའི་འོ་མའི་རྒྱུན་ལྟ་བུ
འི་བདུད་རྩིའི་ཆུ་རྒྱུན་འབབས་པས་ཨ་ལས་ཁྲུས་ཆབ་གསོལ་བ་རྟག་ཏུ་བསམས་ན། པད་མ་ཁ་སྦྱོར་གྱི་བསམ་གཏན་གྱི་སྦྱོར་བ་འདིས་ནི་ལུས་བརྟན་པར་འགྱུར་བ་དང་། སྲོག་བསྲུང་བ་ལ་སྙིང་གར་དབང་བསྐུར་ཞིང་རྒྱས་པ་ཕུན་སུམ་
ཚོགས་པར་འགྱུར་རོ། །ཤིང་ཏ་ལའི་འདབ་མ་ལ་བསྒྲུབ་བྱའི་མིང་གི་ཡི་གེ་ག་དང་སྤེལ་བ། ཐོག་མ་དང་ཐ་མར་ཨོཾ་ཁ་སྦྱར་བའི་རི་མོ་བྲིས་ལ་རི་མོ་དེ་དུར་ཁྲོད་ཀྱི་སོལ་བས་བཀང་ལ་བུམ་པ་ལ་སོགས་པའི་ནང་དུ་བཅུག་སྟེ། སྤྲ་ཚིལ་
ལ་སོགས་པས་ཁ་བཅད་ལ་དབུགས་ནང་དུ་རྔུབ་ཅིང་མི་གཙང་བའི་ཕུང་པོའི་ནང་དུ་བཅུག་ན་རྒྱུ་བ་དང་མི་རྒྱུ་བ་ཐམས་ཅད་བཅིངས་པར་འགྱུར་རོ། །ཤིང་ཨར་ཀའི་རྩ་བ་ལ་ཚོགས་ཀྱི་དབང་ཕྱུག་གི་གཟུགས་ལག་པ་བཞི་དང་ལྡན་
པ་བྱས་ཏེ། ས་བོན་དང་། དགུག་པ་དང་། དམ་ཚིག་སྦྱིན་པ་ལ་སོགས་པ་བྱས་ནས། ལན་ཚ་དང་། མ་རི་ཙི་དང་། བཅའ་སྒ་དང་། སྔོན་པོ་དང་། སྐེ་ཚེ་དང་། སྤུན་པ་དང་། ཆུ་རྣམས་ཀྱིས་ལེགས་པར་བྱུགས་ཏེ་ཉི་མ་ཕྱེད་ན་ཁྱིམ་གྱི་

85-1-234b

ཆུའི་ནང་དུ་སྐེ་མན་ཆད་ཁ་ལྷོར་བསྟན་ཏེ་བཅུག་ལ་མཆོད་པ་རྣམ་པ་ལྔས་མཆོད་དེ། སྔགས་པས་འདི་སྐད་ཅེས་བརྗོད་པར་བྱའོ། །ཁྱོད་ཀྱིས་བདག་ལ་སོགས་པའི་ལས་འདི་ཞེས་བྱ་བ་བྱས་ན། དེ་ནས་ཅི་ནུས་པའི་རྗེས་སུ་ཐུན་པའི་
མཆོད་པ་ཁྱོད་ལ་སྦྱིན་ནོ་ཞེས་བརྗོད་ལ་ཉི་མ་བདུན་གྱི་བར་དུ་བྱའོ། །དེ་ནས་བྱ་བ་བྱས་པ་དང་། དེ་ནས་བཏོན་ལ་འོ་མས་བཀྲུ་ཞིང་ཅི་ནུས་པའི་མཆོད་པ་བྱིན་ལ་བཟོད་པ་གསོལ་བར་བྱའོ། །བུམ་པ་དྲིའི་ཆུའི་བཀང་སྟེ།  རིན་པོ་ཆེ་དང་། 
སྨན་དང་། འབྲུ་དང་ལྡན་པར་བྱས་ཤིང་སྟོབས་པོ་ཆེའི་སྔགས་བརྒྱ་རྩ་བརྒྱད་བཟླས་ནས་མཎ་ཌ་གྲུ་བཞི་པར་བྱས་པའི་སྟེང་དུ་སྐྱེས་བུའི་གཙོ་བོ་བཞག་སྟེ། བུམ་པ་དེས་ཁྲུས་བྱས་ལ་སྔགས་དེ་གྲོ་ག་ལ་གོ་རོ་ཙ་ནས་བྲིས་ནས་
གཙུག་པུད་ལ་བཏགས་ཏེ་གཡུལ་དུ་ཞུགས་ན་ཕ་རོལ་གྱི་གཡུལ་ལས་རྒྱལ་བར་འགྱུར་རོ། །དུར་ཁྲོད་ཀྱི་རས་སམ། ཨ་བ་དྷཱུ་ཏཱིའི་རས་ལ་དུག་དང་། ཁྲག་དང་། ནིམ་པའི་ལོ་མའི་ཁུ་བ་རྣམས་ཀྱིས་སྔགས་ཀྱི་ཡི་གེ་རེ་རེ་ཞིང་བསྒྲུབ་
བྱའི་མིང་དང་སྤེལ་བ་ལུགས་ལས་བཟློག་སྟེ་བྲིས་ལ་བཅིངས་ནས་ཉ་ཕོར་གྱི་ནང་དུ་བཅུག་སྟེ། ཤ་ཟའི་ཤིང་གི་རྩ་བའི་རླུང་མཚམས་སུ་སྦས་ན་ནི་བསྐྲད་པར་འགྱུར་ལ་མེ་མཚམས་སུ་བཞག་ན་ནི་ཕན་ཚུན་སྡང་བར་འགྱུར་ལ། བདེན་བྲལ་གྱི་
མཚམས་སུ་གསང་སྟེ་སྦས་ན་ནི་གསོད་པར་འགྱུར་རོ། །ཆོ་ག་འདི་ཉིད་ཀྱིས་རྣལ་འབྱོར་པས་གཡུལ་དུ་ཞུགས་ན་དཔུང་བཅིངས་པར་འགྱུར་རོ། །སླར་བཟློག་པ་ལ་ནི་བཏོན་ལ་འོ་མས་བཀྲུ་ཞིང་། སྐྱེས་བུའི་མིང་དང་སྤེལ་བའི་སྔགས་ལུགས་
སུ་འབྱུང་བར་བཟླས་སོ། །ལྡོང་རོས་ཀྱིས་རང་གི་ལག་པ་གཡོན་པའི་མཐིལ་ལ་བསྒྲུབ་བྱའི་མིང་བྲིས་ལ་མེ་མར་གྱི་རྩེ་མོ་ལ་བསྲོས་ན་དབང་དུ་འགྱུར་རོ། །མཎ་ཌལ་བྱུགས་ཏེ། ཟན་གྱི་ཆང་བུ་ལ་མིང་སྔགས་བཟླས་ནས་རྒོངས་མོ་ཚང་དུ་
འགྲོ་ཁ་མའི་བྱ་རོག་ལ་བྱིན་ཡང་བསྐྲད་པར་འགྱུར་རོ། །བསྒྱེགས་ནས་བསད་པའི་རོའི་ཐག་གུ་བླངས་ལ། དུམ་བུ་གསུམ་དུ་བྱས་ཏེ། རོ་བསྲེགས་པའི་ཤིང་ཕྱེད་ཚིག་པ་བླངས་ལ་བསྲུབས་ཤིང་བྱས་ནས། དུར་ཁྲོད་དུ་ཤིང་གི་ཁྲི་འཁྲོག་ཅིང་

85-1-235a

སྒྲ་དང་བཅས་པ་ལ་འདུག་སྟེ། ཐ་གུ་དེས་བསྲུབ་ཤིང་ལ་བཏགས་ནས། རོའི་བུམ་པར་བཅུག་སྟེ། དེས་བསྲུབས་ཤིང་སྔགས་བཟླས་ན་གང་གི་མིང་ནས་བཟུང་སྟེ་བཟླས་པ་དེ་འོང་བར་འགྱུར་རོ། །ཡང་ཐ་མལ་པའི་རྡོའམ། བརྡར་
རྡོ་ལ་ཀླུའི་རྒྱལ་པོ་གདེངས་ཀ་གསུམ་དང་ལྡན་པའི་གཟུགས་བྱས་ལ་རྫ་མ་ནག་པོའི་ནང་དུ་བཞག་སྟེ། སྦྲང་རྩི་དང་འབྲས་ཡོས་ཀྱི་བོ་ག་ལིང་དང་། དྲི་དང་། མེ་ཏོག་དང་། བདུག་པ་དང་། མར་མེ་དང་། འོ་ཐུག་ལ་སོགས་པས་མཆོད་ལ་སྣོད་དེ་ཉིད་
ཀྱི་ནང་དུ་བཞག་སྟེ། རས་སར་པས་བཀབ་ལ་བཅིངས་ནས་རྒྱ་བཏབ་སྟེ། དེའི་སྟེང་དུ་ལག་པ་བཞག་ལ་སྟོང་རྩ་བརྒྱད་བཟླས་ནས་ཤིན་ཏུ་གསང་སྟེ་གྲོང་ཁྱེར་གྱི་དབུས་སུ་སྦས་ན་ཇི་སྲིད་མ་བཏོན་གྱི་བར་དུ་གྲོང་ཁྱེར་དེ་གནས་པར་འགྱུར་རོ། །གྲོང་
ཁྱེར་བ་འབྲོས་པ་རྣམས་དགུག་པར་འདོད་ན་དེ་ཉིད་དུ་མཆོད་ཅིང་དུས་གསུམ་དུ་སྔགས་བཟླས་ན་འོང་བར་འགྱུར་རོ། །གྲོང་ཁྱེར་བ་འབྲོས་པར་རྩོམ་པ་ལ་ནི་བུ་རམ་ལ་བཟླས་ཏེ་བཟླའ་བར་བྱིན་ན་མི་འབྲོས་སོ། །གྲོང་བརྟན་པར་བྱ་བའི་སྦྱོར་བ་གཞན་ཡང་
རྫ་མཁན་གྱི་ལག་པ་ཕྱིས་པའི་འཇིམ་པ་ལ་སྣོད་བྱས་ལ་སྟོང་རྩ་བརྒྱད་ཡོངས་སུ་བཟླས་ཏེ། དབུགས་མི་འབྱིན་པར་ཆུའི་ནང་དུ་བཞག་ན་བརྟན་པར་འགྱུར་རོ། །ཇི་སྟེ་དགྲ་གསད་པར་འདོད་ན་སྤྲ་ཚིལ་ལམ། བག་ཟན་ལས་གཟུགས་
རྙན་བྱས་ལ། ཆོས་གོས་ཀྱི་རས་ཀྱི་གཟུགས་བརྙན་གྱི་གདོང་ནས་བརྩམས་ཏེ་རྐང་པའི་མཐར་ཐུག་པར་དཀྲིས་ལ་ལེགས་པར་སྦས་ཏེ། དེའི་སྟེང་དུ་ལག་པ་བཞག་ལ་མིང་དང་སྤེལ་བའི་སྔགས་སྟོང་དུ་གཅིག་གིས་མ་ཚང་བ་
བཟླས་ནས་ལྷ་མཆོད་པའི་ཁྱིམ་གྱི་ཕྱོགས་གཅིག་ཏུ་བཞག་སྟེ། སྙིང་གར་སེང་ལྡེང་གི་ཕུར་བུ་བཏབ་ལ་ཕུར་བུའི་སྟེང་དུ་དུས་གསུམ་དུ་ཆུ་ཚན་བླུགས་ཤིང་ཡོངས་སུ་བཟླས་ན་བརླག་པར་འགྱུར་རོ། །ཉི་ཤུའི་ཕྱེད་ཀྱི་རྫས་དང་ཁ་ཆེར་སྦྱར་ལ་
རྣལ་འབྱོར་པས་ཐིག་ལེ་བྱས་ན་སྐྱེ་བོ་སྐལ་བ་བཟང་པོར་འགྱུར་རོ། །རྫས་དེ་དག་མ་ལ་ཡ་སྐྱེས་དང་བཅས་པས་ཡན་ལག་ཐམས་ཅད་བྱུགས་ཏེ། གང་ལ་རེག་པ་དེ་ཤི་ཡང་མི་གཏོང་ངོ་། །རྫས་དེ་དག་ཉིད་དམར་པོ་དང་པ་ལ་ཤ་དང་། སྦྲང་རྩི་

85-1-235b

དང་། ནད་ཀྱི་དབང་པོ་དང་། འཚོད་བྱེད་དང་། ལྷན་ཅིག་ཏུ་བསྲེས་ཏེ་བྱས་ན་རྟག་ཏུ་ས་སྟེངས་པ་རྣམས་བྱམས་ཤིང་ཐམས་ཅད་དུ་རྒྱལ་བར་འགྱུར་ཏེ། རྒྱལ་པོ་དང་། རྒྱལ་པོའི་བློན་པོ་རྣམས་ཀྱིས་རྣལ་འབྱོར་པ་ཐམས་ཅད་དུ་བསྲུང་བར་འགྱུར་
བ་ལ་ཐེ་ཚོམ་མེད་དོ། །རྩ་སྔགས་འབུམ་དུ་བཟླས་ནས་སུ། །དེ་འོག་ལས་རྣམས་བརྩམ་པར་བྱ། །གཞན་དུ་དུས་མིན་འཆི་བ་དང་། དམྱལ་བར་ངེས་པར་བསྲེག་འགྱུར་ཞེས། །མཁའ་འགྲོ་ཀུན་དང་མཉམ་སྦྱོར་བའི། །རྡོ་རྗེ་མཁའ་འགྲོ་བདེ་བ
འི་མཆོག །རྡོ་རྗེ་སེམས་དཔའ་དེ་བཞིན་གཤེགས། །བཅོམ་ལྡན་རྡོ་རྗེ་ཅན་གྱིས་གསུངས། །རྒྱུད་ཀྱི་རྒྱལ་པོ་ཆེན་པོ་དཔལ་རྡོ་རྗེ་མཁའ་འགྲོ་ལས། ལས་ཐམས་ཅད་ཀྱི་ཚོགས་རབ་ཏུ་འབྱུང་བ་ཞེས་བྱ་བའི་ཆོ་ག་རྒྱས་པའི་རིམ་པར་ཕྱེ་བ་སྟེ་
བཞི་པའོ།། །། དེ་ནས་མཁའ་དབྱིངས་དབུས་གྱུར་པར། །ཉི་མའི་དཀྱིལ་འཁོར་བསམ་བྱ་བ། །ཕྱོགས་དང་ཕྱོགས་མཚམས་ནམ་མཁའ་ལ། །དཔག་མེད་རིགས་ཀྱིས་ཡོངས་གང་བའོ། །མཁའ་དབྱིངས་ཉི་མ་དེ་དབུས་སུ། །རང་གི་
ས་བོན་མཚན་མ་ནི། །ཉི་མ་སྟོང་བས་ལྷག་པ་ཡི། །འོད་ཟེར་རྣོན་པོ་འབར་ཞིང་འཁྲུག །མེ་སྟག་འཕྲོ་བས་བདུད་སྡེ་བསྲེག །གོང་བུར་དེ་བསྡུས་སྦྱོར་བ་ཡིས། །ཞུ་བ་ལས་ནི་སྐུར་བཞེངས་པ། །སྐུ་མདོག་སྔོན་པོ་དྲག་ཆེན་པོ། །འོད་ཟེར་
བསྐལ་པའི་མེ་དང་མཚུངས། །འབར་བའི་ལུས་དང་སྒྲ་ཆེན་གྱིས། །འཇིགས་པ་དག་ཀྱང་འཇིགས་པར་མཛད། །ལྷག་གེར་བཞད་ཆེན་ཚེམས་ཀྱི་འོད། །ལྷ་མོའི་དཀྱིལ་འཁོར་རྒྱུན་ཆགས་ཀྱི། །འཁོར་ལོ་བླ་རེ་མཐར་གནས་ཤིང་། །སླར་ཡང་འོད་
ལྡན་ཕྱག་བཞི་བཞི། །ཐོང་ཀ་སྒྱུ་མ་ཆེན་མོས་མཛེས། །རྒྱལ་བ་རྣམ་གྲོལ་དྲིན་མེད་རྒྱུན། །ཁ་བ་མཆོག་གི་ཟེར་ཚོགས་འཁྲུ། །ཉིས་འགྱུར་དུ་ནི་བྱུང་བས་གསལ། །རིན་ཆེན་ལ་ཞུགས་ཞབས་གཉིས་བསྐྱོད། །གྲོང་ཁྱེར་སུམ་
བརྩེགས་ལ་སོགས་པའི། །མཐར་ཐུག་བསྐྱོད་པས་རབ་མཛེས་པ། །རྣམ་པར་རྒྱལ་བའི་རྒྱུན་འཇུག་ཅིང་། །འབྱུང་འཇུག་དབུགས་ནི་ཡོངས་གང་བའི། །སྒྲ་ཡི་ཚོགས་ཀྱིས་འཇོམ་བྱེད་པ། །ས་གསུམ་པ་ནི་རབ་ཏུ་གཡོ། །མཚོན་ཆ་

85-1-236a

སྣ་ཚོགས་འཕངས་པས་ཁྱབ། །མུན་པའི་ཚོགས་ཀྱིས་གཏིབས་པ་བཞིན། །ཐམས་ཅད་དུ་ནི་འཇིགས་པར་མཛད། །གནས་ལ་གནས་པའི་ལྷ་རྣམས་དང་། །འབྱུང་པོའི་བདག་པོ་ཚངས་སོགས་ཀྱང་། །རྐང་པའི་གྲིབ་མའི་
མཐའ་ཙམ་ཡང་། །ཉེ་བར་བཟོད་པར་ནུས་མ་ཡིན། །བགེགས་ཀྱི་ཚོགས་གཞན་སྒྱུ་ཅན་དང་། །སྲིན་པོ་ལ་སོགས་ལྷ་གཞན་གྱིས། །འོད་ཀྱི་དཀྱིལ་འཁོར་ཕྱི་རོལ་གྱི། །དཔག་ཚད་འབུམ་གྱི་ཆར་ཡང་ནི། །ཉེ་བར་གཟུང་བར་ནུས་མ་ཡིན། །
ཡོད་མེད་དེ་ནི་ལྷ་ཡི་ཕྱོགས། །ཅུང་ཟད་འོད་ཀྱི་ལུས་ཅན་ཡིད། །རྡུལ་ལམ་དུ་བ་ལྟ་བུར་གཡོ། །པད་མ་རཱ་ག་ལྟ་བུ་ཡི། །གཡོན་ཞལ་འོད་ཟེར་ཚོགས་ཀྱིས་ནི། །ཐམས་ཅད་མ་ལུས་བསྲེག་སྙམ་སེམས། །བན་དུ་ཀ་ཡི་མེ་ཏོག་གི། ཕུང་པོ་སྤུངས་
འདྲའི་འོད་ཀྱིས་ནི། །རིགས་གསུམ་ལས་བྱུང་ཀུན་ནས་ནི། །ལྷགས་པ་ཐམས་ཅད་ངོ་མཚར་གྱུར། །འོད་གཟུགས་དེས་ནི་བསྲེག་སྙམ་སེམས། །ཉི་མ་སྟོང་བས་ལྷག་འོད་ཀྱིས། །བསྐུལ་ཞིང་བྱང་ཆུབ་ཐོབ་པར་མཛད། །ཕཊ་སྒྲ་ཆེན་པོས་
སད་མཛད་ཅིང་། །རབ་ཏུ་བསྒྱིངས་པས་ལྷ་ཀུན་བསྲེག །གཡས་ཞལ་དཀར་པོའི་འོད་ཟེར་ནི། །གངས་ཀྱི་སྙིང་པོ་སྤུངས་པ་དང་། །ཤེལ་དང་བཻ་དཱུར་རྡོ་དང་ནི། །ངང་པ་ཀུན་ད་ཟླ་འདྲ་བའི། །དྲི་མེད་འོད་ཀྱིས་གསལ་མཛད་པ། །རྙོག་པ་མེད་
པའི་གདེངས་ཀའི་བར། །རང་གི་ཆུ་རྒྱུན་འབབ་པ་བཞིན། །རྒྱལ་བའི་རིགས་ཀུན་གསལ་བར་མཛད། །ནུབ་ནི་སེར་པོ་གསེར་བཙོས་འདྲ། །ཀུ་སུམ་ཛ་ཡི་མེ་ཏོག་དང་། །མེ་འབར་སོལ་བ་སྤུངས་འདྲ་ཞིང་། །ཉི་མ་འཆར་ཀའི་འོད་འདྲ་བ
ཡི། །སྤྱན་ཟུར་བགྲད་པས་འཇིགས་པར་མཛད། །ཤིན་ཏུ་དྲག་པའྀ་གཟུགས་ཆེན་ལས། །ས་གཞི་རྣམས་ནི་མ་ལུས་པར། །སྐར་མདའི་འོད་ལྟར་ལྡིང་ཞིང་འཁྲུག །བལྟ་བར་དཀའ་ཞིང་གཟུང་བར་དཀའ། །མེ་ལྕེ་འཁྱིལ་པ་ལྟ་བུར་འབར། །
དཔག་ཚད་སྟོང་ཕྲག་དུ་མ་རུ། །ཡངས་པའི་རྡོ་རྗེ་མདའ་ཡི་ནི། །དྲ་བ་ཆེན་པོས་འཁོར་ལོ་བཅིངས། །ཁྭ་གདོང་ལ་སོགས་སོ་སོ་ཡི། །བ་སྤུ་རེ་རེའི་ཁུང་ནས་ཀྱང་། །རི་རབ་དུ་མའི་རྡུལ་མཚུངས་པའི། །མཁའ་འགྲོ་མ་ཡི་འཁོར་ལོ་དང་། །རྡོ་རྗེ་

85-1-236b

གསུམ་གྱི་རང་བཞིན་རྣམས། །སྤྲོ་བས་ནམ་མཁའ་གསལ་མཛད་པ། །ཕྱག་བརྒྱད་སྤྱན་གསུམ་གྱེན་སྐྲ་འབར། །མཁའ་འགྲོ་ཉི་ཤུ་བཞི་ཕྱེད་བསྐོར། །དེ་ལྟར་སྔགས་པས་རྣམ་བསམ་བྱ། །གཡས་དང་པོ་ན་རྡོ་རྗེ་སྔོན་པོ་འབར་ཞིང་རྣོ་བ་
གདེངས་པ་ལ་རིགས་ལྡན་གྱིས་དཀྲིས་པ་བསྣམས་པའོ། །གཉིས་པ་ན་པད་མས་བཅིངས་པའི་མདའི་མཆོག་གོ། །གསུམ་པ་ན་པད་མ་ཆེན་པོས་ཡུ་བ་དཀྲིས་པའི་རལ་གྲིའོ། །བཞི་པ་ན་དུང་སྐྱོང་གི་ཞགས་པས་དཀྲིས་པའི་ལྕགས་ཀྱུའོ། །
གཡོན་གྱི་དང་པོ་ན་མཐའ་ཡས་ཀྱི་བ་དན་བཏགས་པའི་ཁ་ཊྭཱྃ་ག་བསྒྲེང་བའོ། །གཉིས་པ་ན་ནོར་རྒྱས་ཀྱི་བུ་ཡིས་རྒྱུད་བྱས་པའི་གཞུའི་མཆོག་གོ། །གསུམ་པ་ན་འཇོག་པོའི་ཞགས་ཐ་དང་བསྡིགས་མཛུབ་བོ། །བཞི་པ་ན་ཚངས་
པའི་མགོ་ཁྲག་འཛག་པ་སྟོབས་ཀྱིས་རྒྱུ་བས་བཅིངས་པ་བསྣམས་པའོ། །ཀླུའི་རྒྱལ་པོ་དེ་དག་ཐམས་ཅད་ཀྱང་མཆེ་བ་གཙིགས་ཤིང་ལྕེ་འདྲིལ་བ། ལྟ་བའི་དུག་ཅན་གདེངས་ཀའི་ནོར་བུའི་འོད་ཀྱིས་ནམ་མཁའི་ངོས་ཐམས་ཅད་
གསལ་བའོ། །ཁྭ་གདོང་མ་ལ་སོགས་པ་ཐམས་ཅད་ཀྱང་སྦྲུལ་གྱི་རྒྱན་གྱིས་གླུབས་ཤིང་སྤྱན་གསུམ་པ། སྐྲ་གྱེན་དུ་འབར་བ། ཕྱག་ན་ཟངས་གྲི་དང་། ཁ་ཊྭཱྃ་ག་དང་། ཐོད་པ་བསྣམས་པ་ཐོད་པའི་ཕྲེང་བས་གླུབས་ཤིང་གཅེར་བུ་
ཞལ་མཆེ་བ་གཙིགས་པ། འོད་ཟེར་སྣ་ཚོགས་འཕྲོ་བ། ཁྲོ་གཉེར་གྱི་རིམ་པ་ཅན། ཟུར་མིག་དུ་གཟིགས་པས་ས་གཞི་བསྐྱོད་ཅིང་། ཀླུའི་ཚོགས་སྐྲག་པས་ཁ་བུབ་དུ་འགྱེལ་བར་བསམས་ན་ནམ་མཁའ་ལ་གནས་ཏེ་ཆར་གྱི་རྒྱུན་
གཏོང་བས་ས་གཞི་སྐད་ཅིག་གིས་གང་བར་བྱེད་དོ་ཞེས། མཁའ་འགྲོ་ཀུན་དང་མཉམ་སྦྱོར་བའི། །མཁའ་འགྲོ་མ་ནི་འབར་བའི་མཆོག །རྡོ་རྗེ་སེམས་དཔའ་དེ་བཞིན་གཤེགས། །བཅོམ་ལྡན་རྡོ་རྗེ་ཅན་གྱིས་གསུངས། །ཡང་ན་རྟ་བླ་
མོ་ཞིབ་དུ་བཏགས་ལ་རས་ཀྱིས་གཡོགས་ཏེ་ལི་ཁྲི་དང་བསྲེས་ལ། སྦྲང་རྩིས་སྦྲུས་ཏེ། མགོ་བདུན་པའི་ཀླུའི་གཟུགས་སོར་བཅུ་གཉིས་པ་བྱས་ལ། དེའི་ཁང་པ་སོར་བཅུ་དྲུག་ཡངས་པར་བྱས་ནས། ཁང་པ་དེ་གྲུ་བཞི་ལ་གདོང་བཞི་བྱས་ཏེ།

85-1-237a

གྲུ་གཅིག་པ་ནི་རྟའི་གདོང་པ། གཉིས་པ་ལ་སེང་གེའི་གདོང་པ། གསུམ་པ་ལ་སྤྲེའུ་ཡི་གདོང་པ། བཞི་པ་ལ་ཉའི་གདོང་པ་བྱས་ཏེ། དེའི་ནང་དུ་ཀླུའི་རྒྱལ་པོ་རས་ཁ་དོག་སྣ་ཚོགས་པས་གཡོགས་ཏེ་བཞག་ལ། དེ་ནས་སྔགས་
བརྒྱ་རྩ་བརྒྱད་ཡོངས་སུ་བཟླས་པས་བཏབ་སྟེ། ཡིད་ཀྱིས་ཇི་ལྟར་འདོད་པའི་མེ་ཏོག་དང་། བདུག་པ་དང་། གཏོར་མ་ལ་སོགས་པའི་མཆོད་པ་བསམས་ཏེ་བྱིན་ལ། ཡུངས་ཀར་ལ་ལན་བདུན་བསྔགས་ཏེ་ཀླུའི་སྟེང་དུ་གཏོར་ཏེ། དེ་ནས་འདོད་
པ་ཐམས་ཅད་པའི་གཏོར་མ་བྱིན་ན། དེས་ཀླུའི་རྒྱལ་པོ་རྣམས་མཛའ་བོར་གྱུར་ནས། ཀླུ་ཐམས་ཅད་ཀྱིས་ཐན་པ་བྱུང་བའི་དུས་སུ་ཉི་མ་བདུན་དུ་ཆར་ཕབ་པས་འཛམ་བུའི་གླིང་ཐམས་ཅད་གང་བར་བྱེད་དོ། །ཆར་མི་འབབ་པའི་དུས་
སུ་དེ་ལྟར་བྱས་ན་གདོན་མི་ཟ་བར་ཆར་འབབ་བོ། །ཅི་སྟེ་ཀླུ་གདུག་པ་ཅན་ཡིན་ན་ཡང་རླུང་གྲང་མོ་དང་། རྡོ་ཆར་དང་། གློག་དང་། སེར་བ་འབེབས་ཏེ་དེ་བཟློག་པར་འདོད་ན་རིག་པ་འཛིན་པས་ཐལ་བ་དང་ཡུངས་ཀར་ཞོ་གཉིས་ཙམ་ལ་ལན་ཉི་
ཤུའི་བར་དུ་བཟླས་ཏེ། ཇི་སྲིད་འདོད་པའི་ས་ཕྱོགས་སུ་མཚམས་བཅིངས་ལ། ཡང་དེ་ཉིད་ལ་ལན་བདུན་བཟླས་ཏེ། ཀླུའི་མགོར་བསྣུན་ཞིང་ཡིད་ཀྱིས་ཇི་སྙེད་འདོད་པར་ཕྱོགས་བཅིང་བ་བྱས་ཏེ། ཕྱོགས་མཚམས་དང་སྟེང་འོག་ཏུ་གཏོར་ནས་
མཚམས་ཆེན་པོ་བཅིངས་པར་འགྱུར་རོ། །ཇི་སྟེ་དགྲ་ཐམས་ཅད་དང་འགྲན་ཟླ་དང་སྡང་བའི་གྲོགས་པོ་དང་། སྡང་བའི་ཕྱོགས་བྱེད་པ་རྣམས་དང་། ཕ་རོལ་གྱི་འཁོར་ལོ་འཇིགས་ཤིང་གདུལ་བར་འདོད་པ་དང་། བཏགས་པ་དང་། བཅིང་བ་དང་། གསད་པ་དང་། 
རེངས་པ་དང་། གཞོམ་པར་འདོད་ན་རྟ་བླ་མོ་དེ་ཉིད་དུར་ཁྲོད་ཀྱི་ཐལ་བ་དང་བསྒོས་ཏེ། སྐྱེས་པའམ། བུད་མེད་ཀྱི་གཟུགས་བྱས་ལ། ཁྲོ་བོ་ཆེན་པོའི་སྔགས་བརྒྱ་རྩ་བརྒྱད་བཟླས་ཏེ། དུར་ཁྲོད་ཀྱིས་བརྐོས་པའི་ནང་དུ་མིང་ནས་སྨོས་ཏེ་བཞག་ལ། ཡུངས་ཀར་
ལ་བརྒྱ་རྩ་བརྒྱད་བཟླས་ཏེ་དེའི་སྟེང་དུ་གཏོར་ལ་སེང་ལྡེང་གི་ཕུར་བུ་ལ་ལན་བརྒྱ་རྩ་བརྒྱད་བཟླས་ཏེ་བཏབ་ནས་སྦས་ན་ཇི་སྲིད་ཕུར་བུ་མ་བཏོན་གྱི་བར་དུ་སྡུག་བསྔལ་ཆེན་པོ་ཉམས་སུ་མྱོང་བར་འགྱུར་ཏེ། རིག་པ་འཛིན་པ་མ་གཏོགས་པ་གཞན་གྱིས་དགྲོལ་བར་

85-1-237b

མི་ནུས་སོ། །ཅི་སྟེ་གསད་པར་འདོད་ན་མི་རུས་ཀྱི་ཕུར་བུ་ལ་སྔགས་བརྒྱ་རྩ་བརྒྱད་བཟླས་པས་བསྣུན་ལ་ཁྲག་དང་བཅས་པའི་ཡུངས་དཀར་ལ་བཟླས་ཏེ་གཏོར་ན་ཞག་བདུན་སྡོད་པར་མི་འགྱུར་ཞེས། མཁའ་འགྲོ་ཀུན་དང་མཉམ་སྦྱོར་བའི། །རྡོ་རྗེ་
མཁའ་འགྲོ་བདེ་བའི་མཆོག །རྡོ་རྗེ་སེམས་དཔའ་དེ་བཞིན་གཤེགས། །བཅོམ་ལྡན་རྡོ་རྗེ་ཅན་གྱིས་གསུངས། །རྒྱུད་ཀྱི་རྒྱལ་པོ་ཆེན་པོ་དཔལ་རྡོ་རྗེ་མཁའ་འགྲོ་ལས། ཀླུ་ཐམས་ཅད་དགུག་པ་དང་། གཞུག་པ་དང་། བཅིང་བའི་ཆོ་ག་རྒྱས་པ་སྟེ། རིམ་
པར་ཕྱེ་བ་ལྔ་པའོ།། །། དེ་ནས་བཅོམ་ལྡན་འདས་ལ་ལྷ་མོ་རྣམས་ཀྱིས་སླར་ཡང་མཆོད་ཅིང་ཕྱག་བྱས་ཏེ། འདི་སྐད་ཅེས་གསོལ་ཏོ། སྒྲ་ཆེན་པོས་རྣམ་པར་འཕྲུལ་པའི་ཀླུའི་སྔགས་མི་འཚལ་ན། བཀའ་དྲིན་ཆེན་པོས་བཤད་དུ་གསོལ། 
བཀའ་སྩལ་པ། སྔགས་ཀྱི་རྒྱལ་པོ་ཆེན་པོའི་མཚན་ཉིད་སྐལ་བ་ཆེན་མོའི་ལྷ་མོ་ཉོན་ཅིག །གཤིན་རྗེ་མཆེ་བ་ཅན་མ་ཉིད། །རུསྦལ་གྱི་ནི་སྟན་ལ་བཞུགས། །དབུ་མ་ཡི་ནི་ཐ་མ་ཉིད། །སླར་ཡང་བཞི་པ་ལ་གནས་པ། །གཤིན་རྗེའི་ཕྱོགས་ཀྱི་
མཐར་གནས་པ། །བཟང་པོ་ཡིས་ནི་སྟེང་དུ་བརྒྱན། །སླར་ཡང་གཤིན་རྗེའི་མཆེ་བ་ཅན། །རུསྦལ་གྱིས་ནི་རབ་ཏུ་བརྒྱན། །ཨོཾ་བྷ་ཞེས་བྱ་བའི་ཚིག་དང་ལྡན། །དང་པོ་དང་ནི་རུསྦལ་གྱི། །སྟན་བཞུགས་མགོན་པོ་རི་མོ་དང་། །རྩེས་བརྒྱན་ལན་གཉིས་བསྒྱུར་
བར་བྱ། །མགོན་པོ་ཕན་ཕན་ཚིག་གིས་བརྒྱན། །ཀ་ཁི་མུ་ཁི། མུ་ཀ་ཀེ་སི། ན་ག་གེ། ཨིན་དྷུ་བྷག་གི། ཀེ་ཏི་སཛྫི། བེ་ཧི་བ་དི་ཧི། ཨ་པ་རི་རོ་སིའོ། །ཀ་ཧ་ཀ་ཧིཛྫའི། ཀསྨ་ད་ཐྃ། ཛ་ལི་ཨིན་ད་བྷ་མི་བི་ད་ཐུ་མ་ཧེ་ས་རོ་པ་ཙཀྑེ་བི་སརྦྦ་ལ་བ་ཧ་ཎོ་བི་ཧོ་
བི་ཎ་ས་ན་ཏ་ཧ་ན་སེའི། ཀ་ཀི་ཧ་ཨ་ཨ་སནྟི་ཨ་ཞེས། མཁའ་འགྲོ་ཀུན་དང་མཉམ་སྦྱོར་བའི། །རྡོ་རྗེ་མཁའ་འགྲོ་བདེ་བའི་མཆོག །རྡོ་རྗེ་སེམས་དཔའ་དེ་བཞིན་གཤེགས། །བཅོམ་ལྡན་རྡོ་རྗེ་ཅན་གྱིས་གསུངས། །འབུགས་བྱེད་
པ་ནི་ས་དབང་ཕྱུག །ཟླ་བའི་དུམ་བུས་བརྒྱན་པ་སྟེ། །སླར་ཡང་དབུ་མའི་དབུ་མ་གཟུང་། །བྱང་ཕྱོགས་ཀྱི་ནི་དབུ་མ་ཡི། །ཞབས་ཀྱི་པད་མ་ཉི་མར་ལྡན། །བདེན་བྲལ་ལ་ནི་སྨེ་བས་བརྒྱན། །

85-1-238a

འབར་བས་འབུགས་པས་རྣམ་པར་ཀླུབས། །བྱང་ཕྱོགས་ཀྱི་ནི་དང་པོ་དང་། །ཁྱུ་མཆོག་སྟེང་ན་གནས་པ་ཡི། །གཤིན་རྗེ་ཕྱོགས་ཀྱི་མཐར་གནས་དང་། །རླུང་ནི་ཡུག་ས་མོ་ཡིས་བརྒྱན། །བདེན་བྲལ་ལ་ནི་གནས་
པ་ཡི། །གཤིན་རྗེ་ཡི་ནི་མཆེ་བ་ཅན། །གཏི་མུག་རྒྱན་གྱིས་རྣམ་པར་བརྒྱན། །གཤིན་རྗེ་འཇོམས་པ་གཏི་མུག་ཀླུབས། །ཀླུ་ཡི་ཕྱག་རྒྱ་འདི་ཡིས་ནི། །མཁའ་འགྲོ་མ་ཀུན་དགའ་མགུར་འགྱུར། །སྒྱུ་འཕྲུལ་ཆེན་པོ་བཅུ་དྲུག་འདི། །
ཡི་གེ་རེ་རེར་ཀུན་གནས་ཞེས། །མཁའ་འགྲོ་ཀུན་དང་མཉམ་སྦྱོར་བའི། །མཁའ་འགྲོ་མ་ནི་བདེ་བའི་མཆོག །རྡོ་རྗེ་སེམས་དཔའ་དེ་བཞིན་གཤེགས། །བཅོམ་ལྡན་རྡོ་རྗེ་ཅན་གྱིས་གསུངས། །དང་པོ་རུསྦལ་གཟུང་པར་བྱ། །བཟང་པོའི་སྟེང་
དུ་གནས་པ་ཡི། །བྱང་གི་དང་པོ་གཉིས་པར་ལྡན། །གཤིན་རྗེ་ཕོ་ཉ་ཆུ་ལྷར་བཞུགས། །ཡི་གེ་ར་ནི་གཏི་མུག་བརྒྱན། །སླར་ཡང་ཀ་ཤ་ཞེས་བྱར་བརྗོད། །གཤིན་རྗེ་མཆེ་ཅན་བཟང་པོས་བརྒྱན། །སླར་ཡང་མཆེ་ཅན་བདེན་བྲལ་བཞུགས། །
གཏི་མུག་དང་ནི་ལྷན་ཅིག་ལྡན། །དེར་ནི་ས་མཐའ་ཞེས་བྱ་བ། །གཏི་མུག་གིས་ནི་ལྷན་ཅིག་བརྒྱན། །ལྷ་མོ་བསྟན་པ་འདི་ཡིས་ནི། །བུ་མོ་རྣམས་ནི་དགུག་པའི་མཆོག །ཤར་ཕྱོགས་ནས་ནི་བརྒྱད་བཟུང་ཞིང་། །བཞི་པར་ལྡན་པའི་དབུས་
མའི་མཐའ། །ཡུགས་ས་མོ་ཡིས་སྤྱི་བོར་བརྒྱན། །སླར་ཡང་དབུ་མའི་མཐའ་མ་གཟུང་། །འབུགས་པ་དང་ནི་ལྡན་པར་བྱ། །གཤིན་རྗེ་འཇོམས་མ་བཟུང་ནས་སུ། །ཡུགས་ས་མོ་ཡིས་རྣ་ཆ་བྱ། །མཐར་ནི་སྭཱ་ཧཱས་ཡོངས་སུ་བརྒྱན། །
རིག་བྱེད་ཀྱིས་ནི་མཉེས་པར་བྱ། །ཐོད་པའི་དབུ་གནས་རྒྱལ་བར་འགྱུར། །མུ་ཨོ་ཎི་ཀ་ཀ་ཀཱ་སྃ་བྀ། ཨི་ཀ་མུ་ཀ་ཎ། རུ་པ་ཏེ་ས་ཀ་མི་ཀ་མུ་པ་ནི་ཨཎ་ཊོ་ཧ་པ་ལ་ཧ་ལ་རི་གི་ཎི་ལེ་ཨ་ཧི་མུ་ཕ་ཀ་ཏེ། སྶྱ་ཨིཉྫི་ཨ་བི་མུ་ཏྃ་ཀི་གྲ་སྱ་
ཧཱ་མུ་ཀ་ཧཙྪ།  གཱ་ཐ་ཀི་བ་ཡནྷ་ཐཱ་མི་སུ་སྭཱ་ཁ་ཧཱ་ཕཊ། ཀླུའི་ཕྱག་རྒྱ་འདི་ཡིས་ནི། །བཅིང་བ་དང་ནི་བསྐྲད་བར་འགྱུར། །ཨོཾ་ཨིན་དེ་ཎ་ཧ་ད་བྷ་ཨ།   ཛ་མེ་ན་ཨུ་བ་དི་ཨ་ཛི་ཧ།  ཧཱ་དཱ་བཱ་ཧ།  དན་དེ་ན།  ཏཛྫི་ཡ་སུ་ལ་ཧ་རེ་ན་སུ་ལི་ཡ་སྭཱ་ཧཱ།

85-1-238b

ཨོཾ་ཛྃ་བྷ་ནི་ཛྃ་བྷེ་ཧེ། ཨོཾ་སྟམ་བྷ་ནི་སྟམ་བྷ་ཧི། ཨོཾ་མོ་ཧ་ནི་མོ་ཧེ་ཧི། ཨོཾ་ཨཱ་ཀར་ཥ་ནི། ཨཱ་ཀར་ཥེ་ཧི། ཨོཾ་ཐམ་བྷ་ཐམ་བྷ་མ་ཧཱ་ཐམ་བྷ། ཨ་མུ་ཀྃ་ཐམ་བྷ་ཡ་སྭཱ་ཧཱ། དེ་ལྟར་རྣལ་འབྱོར་པ་རྣམས་ཀྱི་ཆོ་ག་བཞིན་ལས་བསྟན་པའོ། །
ཨོཾ་ན་མོ་བྷ་ག་བ་ནི་ཙ་མུན་དྷེ་སུ་ཁ་མུ་ཁི་ཥུ་ཀ་ཀཎྛེ།  ག་ཌོ་ད་རི་ཨ་མུ་ཀ་སྱ་མུ་ཁམ་བན་དྷ་བན་དྷ། ཧ་ན་ཧ་ན། ད་ཧ་ད་ཧ། པ་ཙ་པ་ཙ། ཧཱུྃ་ཕཊ་སྭཱ་ཧཱ། མཁའ་འགྲོ་ཀུན་དང་མཉམ་སྦྱོར་བའི། །རྡོ་རྗེ་མཁའ་འགྲོ་བདེ་བའི་
མཆོག །རྡོ་རྗེ་སེམས་དཔའ་དེ་བཞིན་གཤེགས། །བཅོམ་ལྡན་རྡོ་རྗེ་ཅན་གྱིས་གསུངས། དཔའ་བོ་འདེད་ཕྱོགས་སུ་བལྟས་པའི་རྐང་མཐིལ་གྱི་ལྤགས་པ་དང་། མ་ན་ད་དང་། ཉ་ནི་པ་དང་། མིག་སྨན་དང་། རྡོ་དང་དམར་པོ་རྣམས་མི་
ཁྲག་དང་བཏགས་ལ་སླར་ཡང་ཙན་དན་དམར་པོ་དང་ལན་མང་དུ་སྦལ་ཏེ། ཨ་མའི་རི་ལུར་གྱུར་པ་དང་། དབུས་སུ་ལིག་བུ་མིག་བཅུག་སྟེ་གྲིབ་མ་ལ་བསྐམས་ནས། ཉི་མ་དང་། ཟླ་བ་དང་། སྲེག་བྱེད་ཀྱི་དབུས་སུ་རི་ལུ་བཅུག་ལ། སླར་ཡང་
སྐར་མ་རྒྱལ་ལ་ལྷག་པར་གནས་པར་བྱ་སྟེ། རིག་པའི་རྒྱལ་པོའི་ཞལ་དུ་བཅུག་ལ་ཇི་སྲིད་མི་སྣང་བར་གྱུར་པ་དེ་སྲིད་དུ་བཟླས་པར་བྱའོ། །སྦྲུལ་གྱི་རྒྱལ་པོ་རྙེད་པ་དང་། རི་མོ་དཀར་ནག་དུམ་བུ་སོ་སོར་ཕྱེ་ལ་དཀར་ནག་སོ་སོར་ཤེས་པར་བྱས་
པ་དེ་དང་། ཤང་ཀ་པུས་པ་དང་། ཨ་ག་རུ་ནག་པོ་ལ་སྟོང་ཕྲག་ཉི་ཤུ་རྩ་བཞིར་གཅིག་གིས་མ་ཚང་བའི་སྔགས་བཟླས་ལ། ཕྱིས་ཀྱང་བརྒྱ་རྩ་བརྒྱད་བཟླས་ཏེ་བདུག་པར་བྱའོ། །སྐར་མ་རྒྱལ་གསུམ་ལ་སྣམ་བུ་བྱས་ཏེ། ཟླ་བ་ཡར་ངོ་ལ་
དུམ་བུ་དཀར་པོས་བདུག་གོ། །མར་ངོ་ལ་ནི་དུམ་བུ་ནག་པོས་བདུག་གོ། །དེ་ནས་དེ་གྱོན་པའི་ལུས་ཀྱིས་ལན་ཁྲི་བཟླས་ན་འགྲུབ་པར་འགྱུར་ཏེ། དཀར་པོ་དང་ནག་པོའི་ཕྱོགས་ལ་སོ་སོར་གྱོན་པས་མི་སྣང་བར་འགྱུར་རོ། །གང་དུ་
འགྲོ་བར་འདོད་པ་དེར་འགྲོ་བར་འགྱུར་ཞིང་གང་ལ་འདོད་པ་དེ་ལ་འདོད་པ་སྤྱོད་པར་འགྱུར་རོ། །དེའི་ཁའི་བུ་གར་ལིག་བུ་མིག་བཅུག་སྟེ། དུ་བ་མེད་པར་བསྲེགས་ལ། དེ་ཚིག་པ་དང་མཚན་མོ་ཞིབ་མོར་བཏགས་ཏེ། མིག་ལ་བྱུགས་

85-1-239a

ན་ཁྱིམ་གྱི་མེ་ཏོག་མཆོག་ལྟར་གསལ་ལ་རང་གི་ལྷའི་སྔགས་བཟླས་ན་མི་མཐོང་བར་འགྱུར་རོ། །ལྟོ་འཕྱེ་ཡི་རྒྱལ་པོ་ས་བུམ་འམ། ཁམ་ཕོར་གྱི་ནང་དུ་བཅུག་སྟེ་གཏེར་དུ་སྦས་ལ། དེ་ནས་རུལ་ཞིང་ཟགས་པ་དང་
བཏོན་ཏེ། དེའི་ཐོད་པའི་རུས་པ་བདར་ཏེ་ཐིག་ལེར་བྱས་ན་གྲིབ་མ་ཡང་མེད་པར་བྱེད་དོ། །དེ་ཟགས་པའི་སས་ལུས་ལ་བྱུགས་ན་དུག་སྣ་ཚོགས་ཞི་བར་བྱེད་དོ། །གང་གི་རྡུལ་གྱི་དྲི་རྟག་ཏུ་ཞིམ་ཞིང་སྐྲ་གཡས་སུ་འཁྱིལ་བ་དང་། ཡིད་
དུ་འོང་ཞིང་གྲིབ་མ་བདུན་དང་ལྡན་ལ་ལུས་ལ་རྨ་མེད་ཅིང་བདེན་པར་སྨྲ་བ་དང་། ཡུན་རིང་དུ་མིག་མི་འཛུམས་པ་དེ་ནི་ལྷ་མོ་དངོས་གྲུབ་བྱེད་པར་འགྱུར་ཏེ། གཞན་ཡང་ཁའི་དབུགས་དྲི་ཞིམ་ཞིང་རྟག་ཏུ་སྐྱིད་དེ་བར་གནས་པ་དེ་ནི་བྱང་ཆུབ་
སེམས་དཔའ་རྣམས་ལྟར་སྦྱིན་པ་ཆེན་པོ་རྟག་ཏུ་གཏོང་བས་སྒྲུབ་པ་པོ་རྣམས་བསྐྱབ་པའི་ཕྱིར་མི་རོའི་གཟུགས་ཀྱིས་གནས་ཏེ། སེམས་ཅན་རྣམས་བྱིན་གྱིས་བརླབ་པའི་ཕྱིར་སངས་རྒྱས་ཤཱཀྱ་ཐུབ་པ་མྱ་ངན་ལས་འདའ་བའི་གཟུགས་
ལྟར་ཕན་པར་ཉེ་བར་གནས་པ་མདུན་དུ་བརྡར་བ་དང་ཡང་དག་པར་ལྡན་པ་ཡིན་ནོ། །ལྷ་མོ་དེ་ནི་དངོས་གྲུབ་ཀྱི་ཡོན་ཏན་ཐམས་ཅད་ཀྱི་འབྱུང་གནས་སུ་གྱུར་པས་ལྕེ་སྤྱང་དང་། བྱ་རོག་དང་། བྱ་རྒོད་ལ་སོགས་པ་ཤ་ཟན་ཐམས་ཅད་ཀྱིས་
ཀྱང་བསྐོར་ཏེ་གནས་ལ། ཡང་དཔང་པོའི་ཚུལ་གྱིས་གཟུགས་དེ་ལ་གནོད་སྦྱིན་དང་། སྲིན་པོ་དང་། ལྷ་དང་། ཡི་དགས་ལ་སོགས་པས་ཀུན་ནས་བསྐོར་ཏེ། གནས་པ་བསྒྲུབ་པ་པོ་ཤིན་དུ་མཉམ་པར་བཞག་པས་ཆོ་ག་དེ་ལྟར་ཤེས་
པར་བྱས་ནས། དེའི་སྙིང་ག་ན་རོ་ཙ་ན་ཡོད་པ་བླངས་ཏེ། རང་གི་སྙིང་པོ་བཟླས་པས་ཐིག་ལེ་བྱས་ན། སྟེང་དུ་དཔག་ཚད་བྱེ་བ་སྟོང་ཕྲག་གི་བར་དུ་འགྲོ་ཞིང་སླར་ཡང་འོང་ལ། རྫུ་འཕྲུལ་དང་། ཆོ་འཕྲུལ་སྣ་ཚོགས་མཐོང་ཞིང་
མཁའ་འགྲོ་མ་རྣམས་དང་དགའ་མགུར་རྩེ་ཞིང་རྣལ་འབྱོར་ཐམས་ཅད་རྙེད་པར་འགྱུར་རོ། །དེའི་ཤ་ཟོས་པ་ཙམ་གྱིས་ཁམས་གསུམ་གྱི་ཡེ་ཤེས་ཅན་དུ་འགྱུར་ཞིང་། རླུང་གི་ཤུགས་ཀྱིས་དཔག་ཚད་བརྒྱར་འགྲོ་ལ་ལྷའི་ལུས་ཅན་དུ་འགྱུར་ཏེ།

85-1-239b

གང་དང་གང་འདོད་པ་དེ་དང་དེ་སྟེར་བར་འགྱུར་རོ། །ནམ་མཁའ་ལྡིང་དང་། བྱི་ལ་དང་། འུག་པའི་ཞག་ལ་མི་རོའི་རས་ཀྱིས་སྡོང་བུ་བྱས་ཏེ། མེ་མར་བཏང་ན། གཏེར་ཐམས་ཅད་མཐོང་བར་འགྱུར་ཞིང་ཤ་ཟ་དང་། འབྱུང་པོ་གང་དག་ཡིབ་པ་དེ་
དག་ཐམས་ཅད་མཐོང་བར་འགྱུར་རོ་ཞེས་མཁའ་འགྲོ་ཀུན་དང་མཉམ་སྦྱོར་བའི། །རྡོ་རྗེ་མཁའ་འགྲོ་བདེ་བའི་མཆོག །རྡོ་རྗེ་སེམས་དཔའ་དེ་བཞིན་གཤེགས། །བཅོམ་ལྡན་རྡོ་རྗེ་ཅན་གྱིས་གསུངས། །རྒྱུད་ཀྱི་རྒྱལ་པོ་ཆེན་པོ་
དཔལ་རྡོ་རྗེ་མཁའ་འགྲོ་ལས་ཀླུའི་སྔགས་ཐམས་ཅད་ཀྱི་རབ་ཏུ་སྦྱོར་བའི་རིམ་པར་ཕྱེ་བ་སྟེ་དྲུག་པའོ།། །། ལག་པའི་ཕྱག་རྒྱའི་མཚན་ཉིད་ནི། །དེ་ནས་ཡང་དག་བཤད་བྱ་བ། །གང་ཞིག་སྤྱི་གཙུག་ཕྲེང་རེག་པ། །དེ་ལ་
མགོ་བོ་བསྟན་པར་བྱ། །གང་ཞིག་དཔྲལ་བ་སྟོན་བྱེད་པ། །དེ་ལ་འཁུར་ཚོས་བསྟན་པར་བྱ། །གང་ཞིག་སོ་ནི་སྟོན་བྱེད་པ། །དེ་ལ་ལྕེ་ནི་བསྟན་པར་བྱ། །གང་ཞིག་མཆུ་ལ་རེག་བྱེད་པ། །དེ་ལ་ཀོས་ཀོ་བསྟན་པར་བྱ། །གང་ཞིག་ལྟོ་བ་སྟོན་བྱེད་
པ། །དེ་ལ་ལྟེ་བ་བསྟན་པར་བྱ། །གང་ཞིག་རྐུབ་ཚོས་སྟོན་བྱེད་པ། །དེ་ལ་ས་ནི་བསྟན་པར་བྱ། །གང་ཞིག་སྐྱེ་གནས་སྟོན་བྱེད་པ། །དེ་ལ་ལིང་ག་བསྟན་པར་བྱ། །གང་ཞིག་པུས་མོ་སྟོན་བྱེད་པ། །དེ་ལ་བྱིན་པ་བསྟན་པར་བྱ། །གང་ཞིག་
ལག་པ་སྟོན་བྱེད་པ། །དེ་ལ་དཔུང་པ་བསྟན་པར་བྱ། །གང་ཞིག་རྐང་པ་སྟོན་བྱེད་པ། །དེ་ལ་མཐིལ་ནི་བསྟན་པར་བྱ། །གང་ཞིག་སོར་མོ་སྟོན་བྱེད་པ། །དེ་ལ་སེན་མོ་བསྟན་པར་བྱ། །གང་ཞིག་ནམ་མཁའ་སྟོན་བྱེད་པ། །དེ་ལ་ཉི་མ་བསྟན་པར་
བྱ། །གང་ཞིག་ཆུ་བོ་སྟོན་བྱེད་པ། །དེ་ལ་རྒྱ་མཚོ་བསྟན་པར་བྱ། །གང་ཞིག་སོར་མོ་གཅིག་སྟོན་པ། །དེ་ལ་སོར་མོ་གཉིས་བསྟན་བྱ། །དེ་ནས་ཤི་བ་གསོ་བ་དང་། །གསོན་པོ་ནད་མེད་སྤེལ་བྱ་ཞིང་། །འཕྲོག་བྱེད་མ་ལ་སོགས་པ་ཡི། །
ཟིན་པ་དང་ནི་དགྲོལ་བའི་བརྡ། །མདོར་བསྡུས་ནས་ནི་བཤད་བྱ་ཡིས། །དེ་ནི་ལྷ་མོ་ཉན་པར་གྱིས། །གང་ཞིག་སྟེང་དུ་ལྟ་བྱེད་པ། །དེ་ལ་དཔྲལ་བ་བསྟན་པར་བྱ། །གང་ཞིག་མིག་ནི་སྟོན་བྱེད་པ། །དེ་ལ་སོ་ནི་བསྟན་པར་བྱ། །གང་ཞིག་ལྟེ་བ་སྟོན་

85-1-240a

བྱེད་པ། །དེ་ལ་མཆུ་ནི་བསྟན་པར་བྱ། །གང་ཞིག་མཆུ་ནི་སྟོན་བྱེད་པ། །དེ་ལ་མཆེ་བ་བསྟན་པར་བྱ། །གང་ཞིག་ལྕེ་ནི་སྟོན་བྱེད་པ། །དེ་ལ་ལྟོ་བ་བསྟན་པར་བྱ། །གང་ཞིག་བྱིན་པ་སྟོན་བྱེད་པ། །དེ་ལ་བརླ་ནི་བསྟན་
པར་བྱ། །གང་ཞིག་བརླ་ནི་སྟོན་བྱེད་པ། །དེ་ལ་རྐང་པ་བསྟན་པར་བྱ། །གང་ཞིག་རྐང་པ་སྟོན་བྱེད་པ། །དེ་ལ་སེན་མོ་བསྟན་པར་བྱ། །གང་ཞིག་ལོང་མོ་སྟོན་བྱེད་པ། །དེ་ལ་ས་ནི་བསྟན་པར་བྱ། །གང་ཞིག་ཧ་ཧར་རྒོད་སྟོན་པ། །དེ་ལ་
ཁྲག་གི་གནས་བསྟན་བྱ། །གང་ཞིག་མདུང་ནི་སྟོན་བྱེད་པ། །དེ་ལ་ཤཱཀ་ཏི་བསྟན་པར་བྱ། །གང་ཞིག་རྩེད་མོ་སྟོན་བྱེད་པ། །དེ་ལ་ལྟ་བ་བསྟན་པར་བྱ། །གང་ཞིག་ཕྱོགས་ནི་སྟོན་བྱེད་པ། །དེ་ལ་ཕྱོགས་མཚམས་བསྟན་པར་བྱ། །
གང་ཞིག་གཅི་བ་སྟོན་བྱེད་པ། །དེ་ལ་བཤང་བ་བསྟན་པར་བྱ། །གང་ཞིག་བཞིན་འགྱུར་སྟོན་བྱེད་པ། །དེ་ལ་ཞི་བས་བལྟ་བར་བྱ། །དེ་ནས་མཁུར་བ་དཔྲལ་དབུས་སུ། །མདུང་དང་སྣ་ལ་ཤཱཀ་ཏི་ཡོད། །སྨིན་མ་བཅུམ་སྟེ་བཟློག་ཅིང་
ལྟ། །ནུ་མ་མཐོ་ཞིང་ལྟེ་བ་ཡངས། །རབ་བྱེད་སྨད་ནི་རྣམ་པར་འགྱུར། །རི་མོ་གསུམ་པ་ཡོངས་སུ་ཟླུམ། །མཁའ་འགྲོ་མ་ནི་ཉེར་འགྲོ་བའི། །མཚན་ཉིད་འདི་དག་ཤེས་པར་བྱ། །སོང་བའི་ས་ལས་སླར་མི་ལྡོག །རྒྱུ་མེད་པར་ནི་ངུ་བ་དང་། །
དེ་བཞིན་དོན་མེད་པར་ནི་རྒོད། །འཇམ་པར་སྨྲ་ཞིང་སྙིང་རྗེ་མེད། །དོན་མེད་པར་ནི་མང་དུ་སྨྲ། །སྒྱུ་མ་ཆེ་དང་མཉམ་སྦྱོར་བའི། །མཁའ་འགྲོ་མ་ནི་འབར་བའི་མཆོག །མཚན་ཉིད་འདི་དག་དང་ལྡན་པ། །མཁའ་འགྲོའི་མཆོག་ཏུ་
ཤེས་བྱ་ཞེས། །རྡོ་རྗེ་སེམས་དཔའ་དེ་བཞིན་གཤེགས། །བཅོམ་ལྡན་རྡོ་རྗེ་ཅན་གྱིས་གསུངས། །རྒྱུད་ཀྱི་རྒྱལ་པོ་ཆེན་པོ་དཔལ་རྡོ་རྗེ་མཁའ་འགྲོ་ལས་ལག་པའི་ཕྱག་རྒྱའི་སྦྱོར་བ་དང་། སོས་བཏབ་པའི་མཚན་མ་
ལ་སོགས་པའི་རིམ་པར་ཕྱེ་བ་སྟེ་བདུན་པའོ།། །། དེ་ནས་སྔགས་ཀྱི་རིག་པ་ཡི། །ལྷ་མོའི་མཚན་ཉིད་བཤད་པར་བྱ། །གང་ཞིག་ལག་གཡོན་སྟོན་བྱེད་པ། །ཕྱག་ནི་འཚལ་བར་བྱེད་པ་ཡིན། །གང་ཞིག་

85-1-240b

སྲིན་ལག་སྟོན་བྱེད་པ། །ཕྱག་འཚལ་བ་ཡི་ལན་གྱུར་ཡིན། །གང་ཞིག་ལྟོ་བ་ལ་རྡེབས་པ། །ལྟོགས་སོ་ཞེས་ནི་སྟོན་པ་ཡིན། །གང་ཞིག་སོར་མོས་སོར་མོ་སྟོན། །བཟའ་བར་བྱ་ཞེས་སྟོན་པ་ཡིན། །གང་ཞིག་བྱིན་པ་ལ་
རེག་པ། །བདག་ནི་ངལ་བར་སྟོན་པ་ཡིན། །གང་ཞིག་སོར་མོ་ལ་རེག་པ། །བདག་ནི་ངལ་སོས་ཞེས་སྟོན་པའོ། །གང་ཞིག་སོ་ནི་སོས་འཆའ་བ། །ཤ་ཟའོ་ཞེས་ནི་སྟོན་པ་ཡིན། །གང་ཞིག་ཁྲོ་གཉེར་ལ་རེག་པ། །བདག་ནི་
བཅིངས་པར་སྟོན་པ་ཡིན། །གང་ཞིག་མཁའ་ལྡིང་ལ་རེག་པ། །བདག་ནི་གྲོལ་བར་སྟོན་པ་ཡིན། །གང་ཞིག་ལག་པས་ལག་པ་སྟོན། །དེ་རིང་གཏོར་མ་ཟ་ཞེས་སྟོན། །གང་ཞིག་ལག་གཡས་སྟོན་བྱེད་པ། །དེ་ལྟར་གྱིས་
ཞེས་སྟོན་པ་ཡིན། །གང་ཞིག་རྣ་བ་ལ་རྡེབས་པ། །གནས་པར་བྱ་ཞེས་སྟོན་པ་ཡིན། །དེ་ནས་ངག་བརྡའི་ཆོ་ག་བཤད། །པོ་ཏྃ་གི་ནི་ཕྱག་འཚལ་བའོ། །པྲ་ཏི་པོ་ཏྃ་གི་ནི་ཕྱག་གི་ལན།   །ནོ་ག་མུྃ་ནི་འགྲོ་བའོ། །ལུམ་པ་ནི་འོང་ཞེས་
བྱ་བའོ། །ནི་ག་རྃ་ནི་བྱིན་ཅིག་པའོ། །ཙ་ཙུ་ཀྃ་ནི་ལོང་ཤིག་པའོ། །ཧྲི་ད་ཡ་ནི་དཔའ་བོའོ། །ཀུ་ར་བ་ནི་ཤི་བའོ། །ཀར་ནི་ཀ་ནི་དྲིལ་བུའོ། །ཨ་ལི་ཀར་ནི་མགོའོ། །བ་ར་ཧ་ནི་སྐྲའོ། །ཤྲ་བ་ནོ་ནི་རྣ་བའོ། །མན་ཐ་ནི་བདུད་རྩིའོ། །ན་ར་ནི་མཉམ་
པར་འགྲོ་བའོ། །ཏ་ལི་ཀ་ནི་མཁའ་འགྲོ་མའོ། །ན་ར་ཀྃ་ནི་དཀྱིལ་འཁོར་རོ། །ཨ་མུ་ཀ་ནི་དུར་ཁྲོད་དོ། །ཀ་ཁི་ལ་ནི་སྒོའོ། །སྦོས་ནི་བྲམ་ཟེའོ། །པ་རི་ཏི་ནི་རྒྱལ་རིགས་སོ། །བི་ར་དི་ནི་རྗེའུ་ཡི་རིགས་སོ། །ཀྲུར་ནི་དམངས་རིགས་སོ། །
ཨན་ཐ་ནི་ཤེན་པའོ། །ཨ་ལི་ཀ་ནི་ཕྱུགས་སོ། །ད་ཀི་ནྃ་སྲིང་མོའོ། །མུ་ཏ་ཀ་ནྃ་ཀླུམ་མོ། །ལྕེ་སོ་ལ་རེག་པ་ནི་བཀྲེས་པར་སྟོན་པའོ། །ཏྲི་སྣ་ནི་དྲིས་བསྒོ་བའོ། །ཨ་ཀྃ་ནྃ་ནི་གང་ནས་ཞེས་པའོ། །སྠ་ནད་ནི་ཆེ་གེ་མོ་ནས་ཞེས་
པའོ། །ཀི་རི་ནོ་ནི་མེ་ཏོག་གོ། །ལམ་བོ་ད་ར་དན་ད་ནི་དགོད་པའོ། །ནི་རོ་ད་ནི་ཆར་དབབ་པའོ། །བིག་ཉ་པ་ཏི་ནི་ཚིམ་པའོ། །དྷུ་མ་པྲི་ཡ་ན་ནི་ཆུ་འཛིན་ནོ། །ས་ནུ་ནི་རི་བོའོ། །ས་རོ་ད་ནི་ཆུ་བོའོ། །ཨང་གུ་ལ་ནི་ཆ་ཤས་སོ། །བ་ད་ན་ནི་སྡོང་པའོ། །

85-1-241a

ར་ཛི་ཀ་ནི་ལྕེའོ། །ཨ་ད་ན་ནི་སོའོ། །པྃ་ཀ་ཏེ་ནི་རྒྱལ་མཚན་ནོ། །ཚན་དོ་ནི་ཕྲེང་བའོ། །ཙ་ལ་ནི་རླུང་ངོ་། །མྲེ་ག་པ་ཏི་ནི་ཕྱུགས་སོ། །མན་ད་ལ་ནི་མཉམ་པའོ། །སྭ་ས་ནི་ལམ་གྱི་བཞི་མདོའོ། །ཕལ་གུ་ཤམ་ནི་སྐྱེ་བའོ། །མ་ཧཱ་ཀྵར་ནི་ཕྱུགས་
ཆེན་པོའོ། །ཚ་ནི་རའོ། །ན་ནི་སྐྱེས་བུའོ། །བ་ནི་གླང་ངོ་། །མ་ནི་མ་ཧེའོ། །བ་ནི་བཟའ་བའོ། །ཨ་བྱ་ཀ་ནི་རྒྱལ་པོའི་སྐྱེས་བུའོ། །སྠ་ནི་གནས་པའོ། །ཁ་ལ་རེག་པ་ནི་ཟོས་པའོ། །སོ་ལ་རེག་པ་ནི་ངོམས་པའོ། །ཧྲི་ཀ་ནི་ངོ་ཚའོ། །སྟོང་པ་ལ་རེག་པ་ནི་
མེ་ཐུན་ལས་གྱིས་ཤིག་པའོ། །བརླ་ན་རེག་པ་ནི་དེ་ལྟར་གྱིས་ཤིག་པའོ་ཞེས། མཁའ་འགྲོ་ཀུན་དང་མཉམ་སྦྱོར་བའི། །རྡོ་རྗེ་མཁའ་འགྲོ་བདེ་བའི་མཆོག །རྡོ་རྗེ་སེམས་དཔའ་དེ་བཞིན་གཤེགས། །བཅོམ་ལྡན་རྡོ་རྗེ་ཅན་གྱིས་གསུངས། །
རྒྱུད་ཀྱི་རྒྱལ་པོ་ཆེན་པོ་དཔལ་རྡོ་རྗེ་མཁའ་འགྲོ་ལས་མཁའ་འགྲོ་མ་ཐམས་ཅད་ཀྱི་བརྡའི་རིམ་པར་ཕྱེ་བ་སྟེ་བརྒྱད་པའོ།། །། དེ་ནས་ལྷ་མོ་ཐམས་ཅད་ཡང་དག་པར་འདུས་ཏེ། བཅོམ་ལྡན་འདས་ཐོག་མ་དང་ཐ་མ་མེད་
པའི་རྡོ་རྗེ་རྣལ་འབྱོར་གྱི་དབང་ཕྱུག་ཆེན་པོ་ལ་གསོལ་བ་བཏབ་པ། བཅོམ་ལྡན་འདས་དེ་བཞིན་གཤེགས་པ་ཐམས་ཅད་ཀྱི་གསང་ཆེན་སྡང་བ་ཐམས་ཅད་འདུལ་བའི་འཕྲུལ་འཁོར་གྱི་ལེའུ་ཞེས་བྱ་བ་བསྐྱེད་དུ་གསོལ། 
དེ་ནས་བཅོམ་ལྡན་འདས་ཀྱིས་དེ་བཞིན་གཤེགས་པ་ཐམས་ཅད་ཀྱི་གསང་ཆེན་མཆོག་ཏུ་རྨད་དུ་གྱུར་པ། རིན་ཆེན་ཁ་སྦྱོར་ཞེས་བྱ་བའི་འཁྲུལ་འཁོར་གསུངས་པ་ནི་མདོར་བསྡུས་ནས་ནི་བརྗོད་བྱ་བ། །དེ་ནི་བདག་གིས་བཤད་ཀྱིས་
ཉོན། །རིགས་ལྡན་དང་ནི་རྟ་ཡི་འགྲོས། །གཤིན་རྗེ་ཡི་དགས་དེ་བཞིན་དུ། །གཞན་ཡང་རོ་ལངས་ཟུང་དང་ནི། །སྲིན་པོ་ཡི་ནི་ཁྱད་པར་གྱིས། །དེ་ནས་རིམ་དང་ཕྱི་རོལ་རིམ། །ངེས་འཇོམས་སྒོ་དང་སྟོང་པ་དང་། །གྲྭ་ཡི་མཐར་ནི་རྡོ་རྗེར་ལྡན། །
འཁྲུལ་འཁོར་ཆེན་པོ་བཅུ་གཉིས་ནི། །སྔགས་ཀྱི་ཕྲེང་བས་ཁྱད་པར་བྱས། །རིམ་པ་འདི་བཞིན་བརྗོད་པ་ཡིན། །གྲུ་བཞི་ཤིན་ཏུ་ཚད་ལྡན་ཞིང་། །རེའུ་མིག་བཞི་བཅུ་དགུར་ལྡན་པ། །སྔགས་པས་མཉམ་པར་བཞག་སྟེ་བྱ། །དང་པོ་ཡི་ནི་

85-1-241b

ཕྲེང་བ་གཉིས། །ལྷག་བཅས་ཨ་ལ་སོགས་པ་དགོད། །རེའུ་མིག་ལྷག་མ་རྣམས་ལ་ནི། །ཀ་ལ་སོགས་པ་མདོར་བསྡུས་པའི། །ཡི་གེ་ཐམས་ཅད་ཅི་རིགས་པར། །གོ་རིམས་བཞིན་དུ་དགོད་པར་བྱ། །དབུས་ཀྱི་རེའུ་མིག་སོང་པ་ལ། །ཀ་ཤ་
ཞེས་བྱ་ཡི་གེར་ནི། །གནས་བའི་བ་ནི་བྲི་བར་བྱ། །འཁོར་ལོ་རི་མོ་གཉིས་བསྐོར་ལ། །རི་མོའི་བར་དུ་རྣལ་འབྱོར་པས། །འཕེལ་བ་ལ་སོགས་བསྡུས་ཏེ་དགོད། །ཕྱི་རོལ་པད་མ་འདབ་བརྒྱད་ལ། །དབང་པོར་ཀ་སྟེ་ལུས་ངན་ཙ། །ཆུ་ལྷ་གཤིན་རྗེ་ཊ་དང་
ཏ། །རླུང་དང་མེ་དང་དབང་ཆེན་ཆུར། །དེ་ལྟར་ཡ་ར་ལ་ཝ་དགོད། །འབྱུང་བ་ཆེན་པོ་ཁམས་ཞེས་བྱ། །སླར་ཡང་ཕྱི་རོལ་གྲུ་བཞི་ལ། །རླུང་དང་མེ་དང་བདུད་རྩི་རོ། །གཤིན་རྗེ་འཇོམས་མ་ལ་སོགས་ཏེ། །ཤ་ཥ་ས་ཧར་བསྟན་པ་དགོད། །རི་རཱི་ལི་ལཱི་ཞེས་བྱ་བ། །མ་ནིང་
ཞེས་བྱར་བསྟན་པ་བཞི། །སྒོ་བཞི་རུ་ནི་དགོད་པར་བྱ། །ཆོ་གའི་སྦྱོར་བ་དེ་ལྟ་བུས། །སྔགས་ཀྱི་རྒྱལ་པོ་དེ་ནས་དགོད། །འབུགས་པ་རྨི་ལམ་ཟླ་བར་ལྡན། །རེའུ་མིག་དང་པོ་བརྒྱན་པར་བྱ། །གཉིས་པར་བདེན་བྲལ་ཕྱི་རོལ་གཟུང་། །རུསྦལ་དང་ནི་ལྡན་པར་དགོད། །
རེའུ་མིག་གསུམ་པ་ལ་གནས་པ། །དབུ་མ་ཡི་ནི་མཐའ་མ་བཟུང་། །དེ་ཉིད་ཀྱི་ནི་བཞི་པར་གནས། །རེའུ་མིག་བཞི་པར་ལྷོ་ཡི་མཐའ། །བཟང་པོ་ཡིས་ནི་སྤྱི་བོར་བརྒྱན། །བདེན་བྲལ་ཕྱི་རོལ་གཟུང་ནས་ནི། །རུསྦལ་དང་ནི་ལྡན་པར་བྱ། །རེའུ་མིག་ལྔ་པར་
ཡང་དག་དགོད། །དབུ་མའི་མཐའ་མ་བཟུང་ནས་སུ། །དེ་ཉིད་ཀྱི་ནི་བཞི་པར་གནས། །རེའུ་མིག་དྲུག་པ་བརྒྱན་པར་བྱ། །རླུང་མཚམས་ཕྱི་རོལ་བཟུང་ནས་ནི། །རུསྦལ་ཟླ་ཕྱེད་ཐིག་ལེར་ལྡན། །རེའུ་མིག་བདུན་པར་དགོད་པར་བྱ། །རེའུ་མིག་ལ་
གནས་བརྒྱད་པར་རླུང་། །མ་ནིང་དང་པོའི་སྟན་བཞུགས་ཤིང་། །དང་པོའི་གསུམ་པ་དགུ་པར་དགོད། །ཉི་ཤུ་པའི་སྟན་བཞུགས་པ། །རླུང་གིས་ཕྱི་རོལ་བཟུང་ནས་ནི། །གཏི་མུག་བརྒྱན་པ་བཅུ་པར་དགོད། །ཉི་ཤུ་རྩ་གཅིག་པ་ཉིད་ནི། །རེའུ་མིག་བཅུ་
གཅིག་པ་ལ་དགོད། །བཅུ་གཉིས་རླུང་གིས་བརྒྱན་པར་བྱ། །རུསྦལ་གྱི་ནི་སྟན་བཞུགས་པའི། །རླུང་གི་ཕྱི་རོལ་ཟླ་དུམ་དང་། །ཐིག་ལེས་བརྒྱན་པ་བཅུ་གསུམ་དགོད། །བཅུ་བཞི་པ་ཡང་དེས་བརྒྱན་བྱ། །དབུ་མ་ཡི་ནི་དང་པོ་ཡིས། །རེའུ་མིག་

85-1-242a

བཅྭ་ལྔ་སྤྲས་པར་བཞེད། །གཏི་མུག་གིས་ནི་བརྒྱན་པ་ཡི། །དབུ་མའི་དབུ་མ་བཅུ་དྲུག་པར། །དབུ་མའི་དབུ་མ་སྟན་བཞུགས་པ། །བཟང་པོ་ཡིས་ནི་མགོར་བརྒྱན། །ལྷོ་མཐའ་བཅུ་བདུན་པར་ནི་དགོད། །ལྷོ་ཡི་དབུ་མར་རླུང་གི་ནི། །སྟན་སྦྱིན་གཏི་མུག་བརྒྱན་པར་བྱ། །རེའུ་མིག་བཅྭ་
བརྒྱད་པ་ལ་དགོད། །རེའུ་མིག་བཅུ་དགུ་པར་གནས་པ། །མེ་ནི་ཨ་ཡིས་བརྒྱན་པ་ཡིན། །རུསྦལ་དང་ནི་ལྡན་པ་ཡིན། །རླུང་གི་ཕྱི་རོལ་ཟླ་དུམ་དང་། །ཐིག་ལེར་བརྒྱན་པ་ཉི་ཤུར་དགོད། །དབུ་མའི་གཉིས་པ་ཕན་པའི་མཆོག །རེའུ་མིག་ཉི་ཤུ་གཅིག་པར་དགོད། །ལྷོ་
མཐའ་ཡི་ནི་སྟན་བཞུགས་པའི། །རླུང་གི་ཕྱི་རོལ་གཟུང་ནས་སུ། །གཏི་མུག་ལྡན་པ་ཉི་ཤུ་གཉིས། །དང་པོ་ཡིས་ནི་གསུམ་པ་ཡིས། །རེའུ་མིག་ཉི་ཤུ་གསུམ་པ་བརྒྱན། །རེའུ་མིག་ཉི་ཤུ་རྩ་བཞི་པ། །ནུབ་ཕྱོགས་དང་ནི་ལྡན་པར་བྱ། །རེའུ་མིག་ཉི་ཤུ་རྩ་དྲུག་པ། །བྱང་
གི་དབུ་མར་ལྡན་པར་འདོད། །རེའུ་མིག་ཉི་ཤུ་རྩ་བདུན་པ། །དབུ་མ་ཡི་ནི་གཉིས་པས་བརྒྱན། །རེའུ་མིག་ཉི་ཤུ་རྩ་བརྒྱད་པ། །ནུབ་ཕྱོགས་ཀྱིས་ནི་མཛེས་པར་བྱས། །དང་པོའི་དབུ་མ་བཟུང་ནས་ནི། །རི་ཞེས་བྱ་བ་འོག་ཏུ་སྦྱིན། །རེའུ་མིག་ཉི་ཤུ་དགུ་པར་དགོད། །དབུ་མ་
ཡི་ནི་བཞི་པ་ཡིས། །རེའུ་མིག་སུམ་བཅུ་པ་ལ་བརྒྱན། །དེ་ཉིད་ཀྱི་ནི་གཉིས་པ་ཡིས། །རེའུ་མིག་སུམ་བཅུ་གཅིག་པ་བརྒྱན། །རུསྦལ་ཐིག་ལེར་ལྡན་པ་ཡི། །རླུང་གི་ཕྱི་རོལ་བཟུང་ནས་ནི། །རེའུ་མིག་སུམ་བཅུ་གཉིས་པར་དགོད། །རེའུ་མིག་སུམ་བཅུ་
གསུམ་པ་ཡང་། །དེ་ཉིད་ཀྱིས་ནི་བརྒྱན་པར་བཞེད། །རེའུ་མིག་སུམ་བཅུ་རྩ་བཞི་པ། །ནུབ་ཕྱོགས་ཀྱིས་ནི་མཛེས་པར་བྱ། །ཨོ་ནི་ཐིག་ལེར་ལྡན་པ་དག །རེའུ་མིག་སུམ་བཅུ་ལྔ་པར་དགོད། །རེའུ་མིག་སུམ་བཅུ་དྲུག་པ་ཡང་། །ཡི་གེའི་དབང་ཕྱུག་དེ་ཉིད་བཞེད། །
རླུང་གི་ཕྱི་རོལ་བཟུང་ནས་སུ། །འབུགས་དང་ལྡན་པ་སུམ་བཅུ་བདུན། །རླུང་གི་འདབ་མ་ལ་གནས་པ། །རེའུ་མིག་སུམ་བཅུ་བརྒྱད་ལ་དགོད། །རེའུ་མིག་སུམ་བཅུ་དགུ་པ་ནི། །ལྷོ་ཡི་མཐའ་ཡིས་བརྒྱན་པར་བྱ། །རེའུ་མིག་བཞི་བཅུ་ཐམ་པ་ཡང་། །འཕེལ་
བ་ཡིས་ནི་བརྒྱན་པར་བྱ། །རེའུ་མིག་བཞི་བཅུ་རྩ་གཅིག་པ། །འབུགས་པ་རྨི་ལམ་ཐིག་ལེས་བརྒྱན། །ཤར་མདབ་དབུ་མ་བཟུང་ནས་ནི། །ཤར་གྱི་ཕྱི་རོལ་འོག་ཏུ་སྦྱིན། །རེའུ་མིག་བཞི་བཅུ་གཉིས་པར་དགོད། །རེའུ་མིག་བཞི་བཅུ་གསུམ་པ་ནི། །ནུབ་ཕྱོགས་ཀྱི་ནི་དང་

85-1-242b

པོར་ལྡན། །རེའུ་མིག་བཞི་བཅུ་བཞི་པ་ཡང་། །དབུ་མ་ཡི་ནི་གཉིས་པས་བརྒྱན། །རླུང་གི་ཕྱི་རོལ་བཟུང་ནས་སུ། །རུསྦལ་དང་ནི་ཐིག་ལེར་ལྡན། །རེའུ་མིག་བཞི་བཅུ་ལྔ་ལ་དགོད། །སླར་ཡང་རླུང་གི་ཕྱི་རོལ་གཟུང་། །རུསྦལ་ཐིག་ལེར་ལྡན་པ་དག །བཞི་བཅུ་དྲུག་
ལའང་དགོད་པར་བྱ། །རླུང་གི་ཕྱི་རོལ་བཟུང་ནས་སུ། །ལྷོ་ཡི་མཐའ་དང་ལྡན་པར་བྱ། །རེའུ་མིག་བཞི་བཅུ་བདུན་པར་གནས། །ཤར་གྱི་ཕྱི་རོལ་སྟན་བཞུགས་པའི། །ཤར་གྱི་མདབ་མའི་གསུམ་པ་ནི། །རེའུ་མིག་བཞི་བཅུ་བརྒྱད་པར་དགོད། །རླུང་གིས་ཕྱི་རོལ་བཟུང་
ནས་སུ། །ལྷོ་ཡི་མཐའ་ཡི་སྟན་བཞུགས་པ། །བཞི་བཅུ་རྩ་དགུ་པ་ལ་དགོད། །དགྲ་རྣམས་ཐམས་ཅད་བཅིང་བ་དང་། །ཁྱད་པར་གྱིས་ནི་རྨོངས་པ་དང་། །སྒྲོལ་བའི་ཆོ་གའི་སྦྱོར་བ་འདི། །བཞིན་མཛེས་མ་ནི་ཁྱོད་ལ་བཤད། །སླར་ཡང་རེའུ་མིག་དང་པོ་ལ། །འབུགས་པ་རྨི་
ལམ་ཟླ་བ་ཡིས། །བརྒྱན་པ་དག་ནི་དགོད་པར་བྱ། །བདེན་བྲལ་ཕྱི་རོལ་བཟུང་ནས་ནི། །རུསྦལ་གྱི་ནི་སྟན་བཞུགས་པ། །རེའུ་མིག་གཉིས་པར་གནས་པར་བྱ། །དབུ་མའི་མཐའ་མ་བཟུང་ནས་ནི། །དེ་ཉིད་ཀྱི་ནི་བཞི་པར་གནས། །རེའུ་མིག་གསུམ་པར་
དགོད་པར་བྱ། །རླུང་གི་ཕྱི་རོལ་བཟུང་ནས་སུ། །མ་ཀར་རྨི་ལམ་ཟླ་བས་བརྒྱན། །རེའུ་མིག་བཞི་པར་དགོད་པར་བྱ། །རུསྦལ་རྨི་ལམ་མཆོད་པ་ཡི། །རླུང་གི་ཕྱི་རོལ་བཟུང་ནས་སུ། །རེའུ་མིག་ལྔ་པར་དགོད་པར་བྱ། །རེའུ་མིག་དྲུག་པར་གནས་པ་ནི། །
དབུ་མ་ཡི་ནི་གཉིས་པ་དང་། །ནུབ་ཕྱོགས་ཀྱི་ནི་དང་པོར་འདོད། །འབུགས་པ་རྨི་ལམ་ཐིག་ལེར་ལྡན། །རེའུ་མིག་བདུན་པར་དགོད་པར་བྱ། །རླུང་གི་ཕྱི་རོལ་བཟུང་ནས་སུ། །རུསྦལ་རྨི་ལམ་གྱིས་བརྒྱན་པ། །རེའུ་མིག་བརྒྱད་པར་གནས་པ་མིན། །རེའུ་
མིག་དགུ་པ་ལ་གནས་པ། །དབུ་མ་ཡི་ནི་གཉིས་པ་དང་། །དེ་བཞིན་ནུབ་ཀྱི་དང་པོ་ཡིན། །ལྷོ་ཡི་མཐའ་མ་བཟུང་ནས་ནི། །བཟང་པོ་ཡིས་ནི་མགོར་བརྒྱན་པ། །རེའུ་མིག་བཅུ་པ་ལ་གནས་པའོ། །བཅུ་གཅིག་པ་ལ་ཡི་གེ་དེ། །རླུང་གི་ཕྱི་རོལ་བཟུང་
ནས་ནི། །རུསྦལ་རྨི་ལམ་ལྡན་པར་བྱ། །རེའུ་མིག་བཅུ་གཉིས་པ་ལ་བྲི། །རེའུ་མིག་བཅུ་གསུམ་ལ་གནས་པ། །དབུ་མ་ཡི་ནི་གཉིས་པ་དང་། །དེ་བཞིན་དུ་ནི་ནུབ་ཕྱོགས་སྦྱིན། །ཤར་གྱི་གསུམ་པ་བཟུང་ནས་སུ། །ཤར་གྱི་མ་ནིང་སྟན་

85-1-243a

གནས་པ། །རེའུ་མིག་བཅུ་བཞི་པ་ལ་འདོད། །རླུང་གི་ཕྱི་རོལ་བཟུང་ནས་སུ། །རུསྦལ་རྨི་ལམ་ཟླ་བས་བརྒྱན། །རེའུ་མིག་བཅྭ་ལྔ་པ་ལ་གནས། །དབུ་མའི་བཞི་པའི་སྟན་གནས་པའི། །དེ་ཉིད་ཀྱི་ནི་མཐའ་བཟུང་སྟེ། །རེའུ་མིག་བཅུ་དྲུག་པ་ལ་
བྲི། །རུསྦལ་གྱི་སྟན་གནས་པ་ཡི། །བདེན་བྲལ་ཕྱི་རོལ་བཟུང་ནས་ནི། །རེའུ་མིག་བཅུ་བདུན་པར་གནས་བྱ། །མ་ཀ་ར་ལ་ཞོན་པ་ཡི། །རླུང་གི་ཕྱི་རོལ་ཐིག་ལེས་བརྒྱན། །རེའུ་མིག་བཅྭ་བརྒྱད་པ་ལ་བྲི། །ལྷོ་ཡི་མཐའ་ཡི་སྟན་བཞུགས་པའི། །རླུང་གི་ཕྱི་རོལ་
བཟུང་ནས་ནི། །བཅུ་དགུ་པ་ལ་བྲི་བར་བྱ། །རེའུ་མིག་ཉི་ཤུ་ལ་གནས་པ། །རི་ཡི་སྟན་ལ་གནས་པ་ཡི། །དང་པོ་ཡི་ནི་གསུམ་པ་གཟུང་། །ལྷོ་ཡི་མཐའ་ཡི་སྟན་བཞུགས་པ། །རླུང་གི་ཕྱི་རོལ་བཟུང་ནས་ནི། །རེའུ་མིག་ཉི་ཤུ་གཅིག་པར་བྲི། །རེའུ་མིག་ཉི་ཤུ་གཉིས་
གནས་པར། །མ་ཀ་ར་ལ་ཞོན་པ་ཡི། །རླུང་གི་ཕྱི་རོལ་ཐིག་ལེས་བརྒྱན། །ཉི་ཤུ་གསུམ་པ་ལ་ཡང་དེ། །རེའུ་མིག་ཉི་ཤུ་བཞིར་གནས་པ། །མ་ཀར་ཐིག་ལེ་ཟླས་བརྒྱན་པའི། །རླུང་གི་ཕྱི་རོལ་སླར་ཡང་གཟུང་། །ཉི་ཤུ་རྩ་ལྔ་ཆོ་ག་བཞིན། །ཉི་ཤུ་དྲུག་པར་གནས་པ་ནི། །
མ་ཀ་ར་དང་ཐིག་ལེ་ཡིས། །སྟེང་དུ་བརྒྱན་པའི་རླུང་ཕྱི་རོལ། །ཉི་ཤུ་བདུན་ལའང་དེ་ཞེས་བྱ། །ཉི་ཤུ་བརྒྱད་པ་ལ་གནས་པར། །མ་ཀར་རྨི་ལམ་ཟླ་བ་ཅན། །རླུང་གི་ཕྱི་རོལ་གཟུང་བར་བྱ། །ཉི་ཤུ་དགུ་པ་ལ་གནས་པར། །རླུང་གི་ཕྱི་རོལ་བཟུང་ནས་ནི། །འབུགས་
དང་ལྷན་ཅིག་ལྡན་པར་བྲི། །དབུ་མའི་བཞི་པ་བཟུང་ནས་ནི། །དེར་ནི་དང་པོའི་གསུམ་པའང་སྦྱིན། །མཁས་པས་རེའུ་མིག་སུམ་བཅུ་བརྒྱན། །དབུ་མའི་དབུ་མ་བཟུང་ནས་ནི། །གཏི་མུག་གིས་ནི་མཛེས་བྱས་པ། །སུམ་བཅུ་གཅིག་པར་གནས་པར་བྱ། །མ་ཀ་ར་ཞོན་རྨི་
ལམ་དང་། །རླུང་གི་ཕྱི་རོལ་ཟླ་བས་བརྒྱན། །སུམ་བཅུ་གཉིས་པར་དགོད་པར་བྱ། །ཤར་གྱི་གསུམ་པ་བཟུང་ནས་ནི། །རྀ་ཞེས་བྱ་བ་དེ་ལ་སྦྱིན། །རེའུ་མིག་སུམ་བཅུ་གསུམ་པར་གནས། །རླུང་གི་ཕྱི་རོལ་བཟུང་ནས་ནི། །ལྷོ་མཐའི་སྟན་བཞུགས་གཏི་མུག་
གིས། །བརྒྱན་པ་སུམ་བཅུ་བཞི་ལ་དགོད། །རེའུ་མིག་སུམ་བཅུ་ལྔར་གནས་པར། །དབུ་མའི་དང་པོ་བཟུང་ནས་ནི། །རླུང་ཡང་དེར་ནི་དགོད་པར་བྱ། །འཕེལ་བ་དང་ནི་ལྷོ་མཐའ་དང་། །རླུང་ཡང་དེར་ནི་སྦྱིན་བྱ་སྟེ། །རེའུ་མིག་སུམ་བཅུ་དྲུག་པ་བརྒྱན། །

85-1-243b

རེའུ་མིག་སུམ་བཅུ་བདུན་པར་གནས། །དབུ་མ་ཡི་ནི་གཉིས་པ་ལ། །ནུབ་ཕྱོགས་ཀྱིས་ནི་མཛེས་པར་བྱ། །རེའུ་མིག་སུམ་བཅུ་བརྒྱད་པ་ལ། །ལྷོ་ཡི་མཐའ་ནི་བཟུང་ནས་སུ། །དབུ་མའི་དབུ་མ་སྟན་དང་ལྡན། །བཟུང་བ་ཡིས་ནི་སྤྱི་བོར་བརྒྱན། །སླར་ཡང་
ལྷོ་ཡི་དབུ་མ་གཟུང་། །གཏི་མུག་དང་ནི་ལྡན་པ་ཡི། །རླུང་གི་འོག་ཏུ་སྦྱིན་པར་བྱ། །སུམ་བཅུ་དགུ་པ་ལ་ཡང་དེ། །རེའུ་མིག་བཞི་བཅུ་པར་གནས་པ། །དབུ་མའི་དང་པོ་བཟུང་ནས་ནི། །རླུང་ཡང་དེར་ནི་དགོད་པར་བྱ། །བཞི་བཅུ་གཅིག་ལ་གནས་པར་ནི། །དབུ་མ་
ཡི་ནི་གཉིས་པ་དང་། །ནུབ་ཕྱོགས་ཀྱི་ནི་དང་པོ་བྲི། །བཞི་བཅུ་གཉིས་པ་ལ་གནས་པར། །རླུང་གི་ཕྱི་རོལ་བཟུང་ནས་ནི། །རུསྦལ་རྨི་ལམ་ལྡན་ཉི་ཟླ། །བཞི་བཅུ་གསུམ་པ་ལ་གནས་པར། །འབུགས་པ་རྨི་ལམ་ཟླ་བས་བརྒྱན། །བཞི་བཅུ་བཞི་ལ་
གནས་པར་ནི། །རླུང་གིས་ཕྱི་རོལ་བཟུང་ནས་སུ། །རུསྦལ་རྨི་ལམ་ཅན་ཉི་ཟླ། །བཞི་བཅུ་ལྔ་ལ་གནས་པར་ནི། །ར་ཞེས་བྱ་བ་བྱང་ཕྱོགས་ཀྱི། །དབུ་མ་དང་ནི་ལྡན་པར་བྲི། །བཞི་བཅུ་དྲུག་ལ་གནས་པར་ནི། །རླུང་གི་ཕྱི་རོལ་བཟུང་ནས་སུ། །མ་ཀ་
རར་ཞོན་རྨི་ལམ་ཅན། །བཞི་བཅུ་བདུན་ལ་གནས་པར་ཡང་། །གཏི་མུག་གིས་བརྒྱན་ལྷོ་མཐའི་སྟན། །རེའུ་མིག་བཞི་བཅུ་བརྒྱད་པར་ནི། །རི་དང་ལྡན་པར་དང་པོ་ཡི། །དབུ་མ་ཡིས་ནི་བརྒྱན་པར་འདོད། །བཞི་བཅུ་དགུ་ལ་གནས་པར་ཡང་། །འབུགས་
པ་རྨི་ལམ་ཟླ་བས་བརྒྱན། །འདི་ནི་རྣལ་འབྱོར་ལྡན་པའི་མཆོག །རྨུགས་དང་དེ་བཞིན་ལྟུང་བ་དག །སྔགས་ཀྱི་རྒྱལ་པོས་བསྐུལ་བས་ན། །ལས་རྣམས་ཐམས་ཅད་བྱེད་པར་འགྱུར། །རྨུགས་པར་བྱེད་དང་གནོད་པ་དག །ལྷ་མོ་ཁྱོད་ལ་
བཤད་པ་སྟེ། །མ་ཀ་ར་ཞོན་དྲི་མ་མེད། །རྨི་ལམ་ཟླ་བར་ཡང་དག་ལྡན། །རྡོ་རྗེ་ཡི་ནི་སྟེང་ན་གནས། །འབར་བའི་ཕྲེང་བས་བརྒྱན་པ་སྟེ། །ཕྱོགས་ཀུན་དུ་ནི་རྣམ་འཕྲོ་བར། །བསྒོམས་ནས་དེ་ཡི་དབུས་སུ་ནི། །ཇི་ལྟར་འབྱུང་བཞིན་བསྒྲུབ་བྱའི་མིང་། །སྔགས་
པས་དེ་ནི་སྤངས་ནས་སུ། །ཕཊ་ཀྱི་གནས་སུ་སྦྱིན་པར་བྱ། །རེའུ་མིག་དེ་དག་དབུས་སུ་ནི། །མྱོས་པར་འགྱུར་བའི་བསྒྲུབ་བྱ་ནི། །སྒྲུབ་པ་པོ་ཡིས་འདྲི་རུ་གཞུག །ཡེ་ཤེས་རྡོ་རྗེས་གཞོམ་པར་བྱ། །གྲིབ་མ་ཡང་ནི་བརླུག་པར་བསམ། །དཔའ་བོའི་འཕྲལ་གྱི་

85-1-244a

བུམ་པ་འམ། །བྲམ་ཟེའི་བུམ་པ་སྐམ་པར་ནི། །འཁོར་ལོ་གཉིས་ནི་བཅུག་ནས་སུ། །ཆོ་ག་བཞིན་དུ་བྲིས་བྱས་ཏེ། །འབྱུང་པོ་ཀུན་གྱི་གཏོར་མ་སྦྱིན། །སྒྲུབ་པོས་དེ་ལྟར་བྱིས་ནས་ནི། །ཕྱི་ནས་ལས་ནི་བརྩམས་བྱས་ན། །རྡོ་རྗེ་ཐུགས་ཀྱི་
བཀའ་བཞིན་དུ། །ལས་རྣམས་ཐམས་ཅད་བྱེད་པར་འགྱུར། །སླར་ཡང་རེའུ་མིག་དང་པོ་ལ། །འབུགས་པ་རྨི་ལམ་ཟླ་བས་བརྒྱན། །རེའུ་མིག་གཉིས་པ་ལ་གནས་པར། །བཟང་པོས་སྤྱི་བོར་བརྒྱན་པ་ཡི། །ལྷོ་ཡི་མཐའ་ནི་གཟུང་བར་བྱ། །རེའུ་མིག་གསུམ་
པ་ལ་གནས་པར། །རླུང་གི་ཕྱི་རོལ་བཟུང་ནས་ནི། །རུསྦལ་རྨི་ལམ་ཟླས་བརྒྱན་བྱ། །རེའུ་མིག་ལྔ་པ་ལ་གནས་པར། །སླར་ཡང་འབུགས་པ་ཟླ་བས་བརྒྱན། །རེའུ་མིག་དྲུག་པ་ལ་གནས་པར། །རི་ཡི་སྟན་ལ་གནས་པ་ཡི། །ཤར་ཕྱོགས་ཀྱི་ནི་གསུམ་པ་གཟུང་། །རེའུ་
མིག་བདུན་པ་ལ་གནས་པར། །རུསྦལ་རྨི་ལམ་ཟླས་བརྒྱན་པའི། །རླུང་གི་ཕྱི་རོལ་གཟུང་བར་བྱ། །རེའུ་མིག་བརྒྱད་པ་ལ་གནས་པར། །དབུ་མའི་བཞི་པའི་སྟན་གནས་པའི། །དེ་ཉིད་ཀྱི་ནི་མཐའ་མ་གཟུང་། །རེའུ་མིག་བཅུ་པ་ལ་གནས་པར། །རུསྦལ་གྱི་ནི་སྟན་གནས་
པའི། །བདེན་བྲལ་ཕྱི་རོལ་བཟུང་བར་འདོད། །བཅུ་གཉིས་པ་ལ་གནས་པར་ནི། །རུསྦལ་རྨི་ལམ་ཟླས་བརྒྱན་པའི། །རླུང་གི་ཕྱི་རོལ་གཟུང་བར་བྱ། །བཅུ་བཞི་པ་ལ་གནས་པར་ནི། །རིའི་སྟན་ལ་གནས་གྱུར་པའི། །ཤར་གྱི་གསུམ་པ་བཟུང་བར་བྱ། །བཅྭ་ལྔ་པ་ལ་གནས་གྱུར་
པ། །དབུ་མའི་བཞི་པའི་སྟན་གནས་པའི། །དེ་ཉིད་ཀྱི་ནི་མཐའ་གཟུང་བྱ། །བཅུ་དྲུག་པ་ལ་གནས་པར་ཡང་། །རུསྦལ་རྨི་ལམ་ཟླར་ལྡན་པའི། །རླུང་གི་ཕྱི་རོལ་གཟུང་བར་བྱ། །བཅུ་བདུན་པ་ལ་གནས་པར་ནི། །རུསྦལ་སྟན་ལ་གནས་པ་ཡི། །བདེན་བྲལ་ཕྱི་
རོལ་བཟུང་བར་བྱ། །བཅུ་དགུ་པ་ལ་གནས་པར་བྱ། །ལྷོ་ཡི་མཐའ་ཡི་སྟན་གནས་པ། །རླུང་གི་ཕྱི་རོལ་བཟུང་བར་བརྟག །ཉི་ཤུ་པ་ལ་གནས་པར་ནི། །དབུ་མའི་གཉིས་པ་བཟུང་ནས་ནི། །ནུབ་ཀྱི་དང་པོའང་སྦྱིན་པར་བྱ། །ལྷོ་མཐའི་སྟན་ལ་གནས་པ་ཡི། །རླུང་གི་ཕྱི་
རོལ་བཟུང་ནས་ནི། །རེའུ་མིག་ཉི་ཤུ་གཅིག་པར་བྲི། །འབུགས་པ་རྨི་ལམ་ཟླས་བརྒྱན་པ། །རེའུ་མིག་ཉི་ཤུ་དགུ་པར་བྲི། །དབུ་མའི་བཞི་པ་བཟུང་ནས་ནི། །ཤར་གྱི་གསུམ་པ་དེར་སྦྱིན་ཏེ། །རེའུ་མིག་སུམ་བཅུ་བརྒྱན་པར་བྱ། །སུམ་བཅུ་གཅིག་ལ་

85-1-244b

གནས་པ་ནི། །རུསྦལ་རྨི་ལམ་ཟླས་བརྒྱན་པའི། །རླུང་གི་ཕྱི་རོལ་གཟུང་བར་བྱ། །སུམ་བཅུ་གསུམ་ལ་གནས་པར་ནི། །འབུགས་པ་རྨི་ལམ་ཟླས་བརྒྱན་བྱ། །སུམ་བཅུ་བཞི་ལ་གནས་པར་ཡང་། །དབུ་མའི་དང་པོ་བཟུང་ནས་སུ། །དེར་ནི་རླུང་ཡང་སྦྱིན་
པར་བྱ། །སུམ་བཅུ་ལྔ་པ་ཉིད་དག་ཀྱང་། །དེ་ཉིད་ཀྱིས་ནི་བརྒྱན་པར་བཞེད། །སུམ་བཅུ་དྲུག་ལ་གནས་པར་ནི། །མེ་ནི་ཨ་དང་ལྡན་པར་བྱ། །བྱང་གི་དབུ་མ་བཟུང་ནས་སུ། །དེ་ཉིད་དུ་ནི་བྲི་བར་བྱ། །སུམ་བཅུ་བརྒྱད་ལ་གནས་པར་ཡང་། །ཨ་ཞེས་བྱ་བ་བྲི་
བྱ་ཞིང་། །ལྷོ་ཡི་མཐའ་ནི་གཟུང་བྱ་སྟེ། །རླུང་ཡང་དེར་ནི་བྲི་བར་བྱ། །བཞི་བཅུ་པ་ལ་གནས་པར་ནི། །རླུང་གི་ཕྱི་རོལ་བཟུང་ནས་ནི། །འོག་ཏུ་ལྷོ་མཐའ་གནས་པ་དང་། །གཏི་མུག་གིས་ནི་བརྒྱན་པར་བྱ། །རེའུ་མིག་བཞི་བཅུ་གཉིས་གནས་པར། །
དང་པོའི་གསུམ་པ་བཟུང་ནས་སུ། །རི་ཞེས་བྱ་བ་འོག་ཏུ་སྦྱིན། །རེའུ་མིག་བཞི་བཅུ་གསུམ་པ་ལ། །རླུང་གི་ཕྱི་རོལ་བཟུང་ནས་སུ། །འབུགས་པ་ཡིས་ནི་བརྒྱན་པར་བྱ། །བཞི་བཅུ་བཞི་ལ་གནས་པར་ནི། །རླུང་གི་ཕྱི་རོལ་བཟུང་ནས་སུ། །རུས་
སྦལ་རྨི་ལམ་ལྡན་པར་བྱ། །བཞི་བཅུ་ལྔ་པ་ལ་གནས་པ། །གཏི་མུག་གིས་ནི་བརྒྱན་པ་ཡིས། །དབུ་མའི་དབུ་མ་གཟུང་བར་བྱ། །ལྷོ་ཡི་མཐའ་ནི་བཟུང་ནས་སུ། །དབུ་མའི་དབུ་མས་སྟན་དུ་བྱ། །བཟང་པོ་ཡིས་ནི་མགོ་བོར་བརྒྱན། །ལྷོ་ཡི་དབུ་
མའང་གཟུང་བྱ་སྟེ། །གཏི་མུག་དང་ནི་ལྡན་པ་ཡི། །རླུང་ནི་དེ་ཡི་སྟན་དུ་བྱ། །དེ་ཉིད་དུ་ནི་མཁས་པས་དགོད། །རེའུ་མིག་བཞི་བཅུ་བདུན་པ་ལ། །གཏི་མུག་གིས་ནི་བརྒྱན་པ་ཡི། །ལྷོ་མཐའ་ཡིས་ནི་སྟན་བཞུགས་པར། །རླུང་གི་ཕྱི་རོལ་གཟུང་
བར་བྱ། །རེའུ་མིག་བཞི་བཅུ་བརྒྱད་པ་ལ། །རུསྦལ་རྨི་ལམ་ཟླར་ལྡན་པའི། །རླུང་གི་ཕྱི་རོལ་བཟུང་ནས་སུ། །ལན་གཉིས་སུ་ནི་བྲི་བར་བྱ། །རེའུ་མིག་བཞི་བཅུ་དགུ་པ་ལ། །རི་ཞེས་བྱ་བ་དང་ལྡན་པའི། །དང་པོའི་གསུམ་པ་བཟུང་བ་ཡིས། །མཛེས་པ་
མཆོག་ཏུ་ཕན་པར་འདོད། །ལྷ་མོ་འདིས་ནི་སྡང་གྱུར་ནས། །ཁྱད་པར་དུ་ནི་གཡུལ་འགྱེད་བྱེད། །རྟ་དང་མ་ཧེ་བུམ་པར་ནི། །ཆོ་ག་ཇི་བཞིན་གཞག་པར་བྱ། །འབུགས་པ་རྨི་ལམ་ཟླས་བརྒྱན་པའི། །སླར་ཡང་བདེན་བྲལ་ཕྱི་རོལ་གཟུང་། །རུསྦལ་དང་ནི་ལྷན་

85-1-245a

ཅིག་བཅེས། །དབུ་མའི་བཞི་པའི་སྟན་བཞུགས་པ། །སླར་ཡང་དེ་ཡི་མཐའ་བཟུང་སྟེ། །རེའུ་མིག་དང་པོ་བརྒྱན་པར་བཞེད། །བཟང་པོས་སྤྱི་བོར་བརྒྱན་པ་ཡི། །ལྷོ་ཡི་མཐའ་མ་གཟུང་བར་བྱ། །རུསྦལ་དང་ནི་སྦྱར་
བ་ཡི། །བདེན་བྲལ་ཕྱི་རོལ་དེ་ནས་གཟུང་། །དབུ་མའི་བཞི་པའི་སྟན་བཞུགས་པ། །སླར་ཡང་དེ་ཡི་མཐའ་བཟུང་སྟེ། །རེའུ་མིག་གསུམ་པ་བརྒྱན་པར་བྱ། །དབུ་མའི་གཉིས་པ་བཟུང་ནས་ནི། །སླར་ཡང་ནུབ་ཀྱི་ཕྱོགས་ཀྱིས་
མཛེས། །རེའུ་མིག་ལྔ་པ་བརྒྱན་པར་བཞེད། །འབུགས་པ་རྨི་ལམ་ཟླ་བས་བརྒྱན། །དང་པོའི་གསུམ་པ་གཟུང་ནས་སུ། །ཤར་གྱི་མ་ནིང་འོག་ཏུ་སྦྱིན། །རླུང་གི་ཕྱི་རོལ་བཟུང་ནས་ནི། །ལྷོ་ཡི་མཐའ་ཡི་སྟན་དུ་བྱ། །བདུན་
པ་ལ་ནི་བརྒྱན་པར་བཞེད། །དབུ་མ་ཡི་ནི་གཉིས་པ་བཟུང་། །ནུབ་ཀྱི་ཕྱོགས་ནི་དེ་རུ་སྦྱིན། །བཅྭ་ལྔ་པ་ནི་ཤིན་ཏུ་བརྒྱན། །རླུང་གི་ཕྱི་རོལ་བཟུང་ནས་སུ། །རུསྦལ་དང་ནི་རྨི་ལམ་དང་། །ཟླ་བས་བརྒྱན་པ་ལན་གཉིས་ཀྱིས། །
བཅུ་བདུན་པ་ནི་མཛེས་པར་བྱ། །རུསྦལ་རྨི་ལམ་ཟླས་བརྒྱན་པའི། །རླུང་གི་ཕྱི་རོལ་བཟུང་ནས་ནི། །ལན་གཉིས་སུ་ནི་བཟླས་པ་ནི། །རེའུ་མིག་བཅུ་དགུ་པ་ལ་དགོད། །རི་ཞེས་བྱ་བའི་སྟན་བཞུགས་པའི། །ཤར་
གྱི་དབུ་མ་བཟུང་བ་དང་། །ལྷོ་མཐའི་སྟན་ལ་བཞུགས་པ་ཡི། །རླུང་གི་ཕྱི་རོལ་བཟུང་བ་ཡིས། །ཉི་ཤུ་གཅིག་པ་མཛེས་པར་བྱ། །དབུ་མའི་བཞི་པ་བཟུང་ནས་ནི། །ཤར་ཕྱོགས་ཀྱི་ནི་དབུ་མ་དང་། །དབུ་མ་ཡི་ནི་དབུ་མ་
ལ། །ཨ་ཞེས་བྱ་བས་མཛེས་པར་བྱ། །ལྷོ་ཡི་མཐའ་ནི་བཟུང་ནས་སུ། །དབུ་མའི་དབུ་མ་གཟུང་བར་བྱ། །བཟང་པོ་ཡིས་ནི་མགོ་བོར་བརྒྱན། །སླར་ཡང་ལྷོ་ཡི་དབུ་མ་གཟུང་། །རླུང་ནི་འོག་ཏུ་སྦྱིན་པར་བྱ། །གཏི་མུག་གིས་ནི་
མཛེས་པ་སྟེ། །ཨ་དང་ལྡན་པའི་མེ་ཡང་བཏུ། །བྱང་གི་དབུ་མ་བཟུང་བ་དག །ཉི་ཤུ་དགུ་པ་ལ་ནི་བྲི། །རླུང་གི་ཕྱི་རོལ་བཟུང་ནས་ནི། །རུསྦལ་རྨི་ལམ་ཟླ་བ་ཅན། །སུམ་བཅུ་གཅིག་ལ་ཉིས་འགྱུར་བྲི། །སླར་ཡང་རླུང་གི་ཕྱི་རོལ་བྲི། །

85-1-245b

རུསྦལ་རྨི་ལམ་ཟླ་བ་ཅན། །སུམ་བཅུ་གསུམ་པར་ཉིས་འགྱུར་བྲི། །དབུ་མའི་གཉིས་པ་བཟུང་ནས་སུ། །སླར་ཡང་ནུབ་ཀྱི་དང་པོ་ཅན། །སུམ་བཅུ་ལྔ་པ་བརྒྱན་པར་བཞེད། །འབུགས་པ་རྨི་ལམ་ཟླ་བ་ཅན། །དེར་ནི་འཕེལ་བའང་སྦྱིན་
བྱ་སྟེ། །ལྷོ་ཡི་མཐའ་ནི་བཟུང་ནས་སུ། །སླར་ཡང་དེ་བཞིན་རླུང་དང་ནི། །རླུང་གི་ཕྱི་རོལ་བཟུང་ནས་ནི། །འབུགས་པ་ཡིས་ནི་བརྒྱན་པ་དག །བཅུ་བཞི་པ་ལ་བྲི་བར་བྱ། །དབུ་མའི་གཉིས་པ་བཟུང་ནས་ནི། །ནུབ་ཀྱི་དང་པོས་བརྒྱན་
པ་ཡིས། །སུམ་བཅུ་ལྔ་པ་མཛེས་པར་བྱ། །རི་ཞེས་བྱ་བའི་སྟན་གནས་པའི། །དང་པོ་ཡི་ནི་གསུམ་པ་དང་། །ལྷོ་མཐའི་སྟན་ལ་གནས་པ་ཡི། །རླུང་གི་ཕྱི་རོལ་བཟུང་བ་ལ། །གཏི་མུག་གིས་ནི་མཛེས་པར་བྱ། །དབུ་མ
འི་དང་པོ་བཟུང་ནས་སུ། །རླུང་ཡང་དེར་ནི་སྦྱིན་པ་ཡིས། །བཞི་བཅུ་བདུན་པ་བརྒྱན་པར་བྱ། །འབུགས་པ་རྨི་ལམ་ཟླ་བ་ཅན། །ཤར་གྱི་གསུམ་པ་བཟུང་ནས་སུ། །རི་ཞེས་བྱ་བ་སྦྱིན་པར་བྱ། །ལྷོ་མཐའི་སྟན་ལ་གནས་པ་ཡི། །
རླུང་གི་ཕྱི་རོལ་དེ་ནས་བཟུང་། །གཏི་མུག་གིས་ནི་མཛེས་པར་བྱ། །དབུ་མའི་དང་པོ་བཟུང་ནས་ནི། །དེ་བཞིན་རླུང་དང་བཅས་པ་ཡིས། །རེའུ་མིག་བཞི་བཅུ་དགུ་པ་ལ། །བརྒྱད་པ་མཆོག་ཏུ་ཕན་པ་ཡིན། །འཁོར་ལོ་འདི་ནི་ལྷ་མོ་ཆེ། །མཆོག་
ཏུ་རྣོ་སྟེ་བརླག་པར་བྱེད། །མར་ངོ་ཡི་ནི་ཚེས་བཅུ་དང་། །དེ་བཞིན་ཡར་ངོའི་དེ་ཉིད་དམ། །ཡང་ན་འབྱུང་པོའི་མཚན་མོ་ལ། །ཐོད་པའི་སྟན་ལ་གནས་ནས་སུ། །ལྷོ་ཕྱོགས་སུ་ནི་ཁ་བལྟས་ནས། །དུག་དང་ཁྲག་དང་གཏུམ་པ་ཡི། །ས་བོན་གྱིས་ནི་སྣག་ཚ་བྱ། །
བར་སྣང་ལ་ནི་ཐོད་པར་གླུགས། །མི་ཡི་རུས་པའི་སྨྱུ་གུ་ཡིས། །འཇིགས་བྱེད་འཇིགས་པའི་སྔགས་རྣམས་འཏུ། །དང་པོ་ཤ་ཆེན་གཏོར་བྱིན་ཏེ། །དེ་ནས་ལས་ནི་བརྩམ་པར་བྱ། །དམར་པོ་འམ་ནི་སྔོན་པོ་ཡི། །གོས་ནི་ཁྱད་པར་དག་ཏུ་བགོ། །མཆོད་པ་རྡོ་རྗེའི་ཆོ་
ག་དང་། །དེ་བཞིན་བསམ་གཏན་བཟླས་པ་དག །ཇི་ལྟར་སུས་ཀྱང་མི་རྟོགས་པ། །དེ་ལྟར་སྔགས་པས་རྟག་ཏུ་བྱ། །གསད་ལ་གཤིན་རྗེའི་རྒྱལ་པོ་སྟེ། །ཡི་དགས་ལ་ནི་ཡི་དགས་གཟུགས། །རོ་ལངས་ལ་ནི་རོ་ལངས་དང་། །སྲིན་པོ་སྲིན་པོས་གནོན་པར་བྱ། །སྟོང་ལ་སྟོང་

85-1-246a

པའི་པད་མ་སྟེ། །ངེས་པར་འཇོམས་པའི་གྲྭ་རུ་ནི། །སྔགས་ཕྲེང་དེ་བཞིན་ཕྲེང་བ་ཡི། །རིམ་པ་དེ་ལྟར་བརྗོད་པ་ཡིན། །འདི་ནི་ཁམས་གསུམ་རྒྱལ་ཞེས་བྱ། །སྔགས་ཚིག་འདི་ཡིས་རྣམ་
བརྒྱན་པ། །རིག་རྒྱལ་འཁོར་ལོ་སྒྱུར་བའི་སྔགས། །མ་བྱུང་འབྱུང་བར་མི་འགྱུར་རོ། །འཁྲུལ་འཁོར་ཆེན་པོ་བཅུ་གཉིས་ནི། །བཞིན་མཛེས་མ་ནི་ཁྱོད་ལ་བཤད། །འདི་ནི་སྡང་བ་ཐམས་ཅད་ཀྱི། །དེ་བཞིན་
འཇིགས་བྱེད་མི་བཟད་ཡིན། །ཡང་དག་ཆོ་ག་གང་གིས་ནི། །དངོས་གྲུབ་མྱུར་དུ་འཇུག་བྱེད་པ། །བཟའ་དང་སྟོན་མོ་འདུས་པ་ཡི། །བསྒྲུབ་ཐབས་ཆོ་ག་དེ་ནས་བཤད། །ཕྱུགས་རྣམས་དག་ནི་དགུག་པ་ཉིད། །
སྒྲུབ་པོས་སྔར་བསྟན་རིམ་པས་བྱ། །རྒྱུ་མེད་པ་ཡིས་ཕྱུགས་རྣམས་ནི། །རྒྱུ་མཚན་མེད་པས་གཞོམ་པར་བྱ། །ཕྱུགས་རྣམས་དང་ནི་དེ་བཞིན་ལྔ། །བོང་བུ་མི་དང་རུས་སྦལ་དང་། །རྔ་མོ་ལྕེ་སྤྱང་རྟ་ལ་
སོགས། །ཁྱི་དང་ཕག་གི་ཤ་དག་དང་། །ཟངས་ཀྱི་གཙུག་ཕུད་ཅན་དེ་བཞིན། །བཟའ་དང་སྦྱིན་སྲེག་གཏོར་མ་ནི། །མ་དཔྱད་པར་ནི་བྱས་གྱུར་ན། །མ་ལུས་ལུས་པ་མྱེད་འགྲུབ་ཅིང་། །རྒྱལ་སྲིད་ཐམས་ཅད་རབ་
འགྲུབ་ཅེས། །མཁའ་འགྲོ་ཀུན་དང་མཉམ་སྦྱོར་བའི། །རྡོ་རྗེ་མཁའ་འགྲོ་བདེ་བའི་མཆོག །རྡོ་རྗེ་སེམས་དཔའ་དེ་བཞིན་གཤེགས། །བཅོམ་ལྡན་རྡོ་རྗེ་ཅན་གྱིས་གསུངས། །རྒྱུད་ཀྱི་རྒྱལ་པོ་ཆེན་པོ་དཔལ་རྡོ་རྗེ་མཁའ་
འགྲོ་ལས་འཕྲུལ་འཁོར་ཐམས་ཅད་འབྱུང་བ་ཞེས་བྱ་བའི་རིམ་པར་ཕྱེ་བ་སྟེ་དགུ་པའོ།། །། ཚེ་དང་ནད་མེད་སྤེལ་བ་དང་། །བྱ་དང་བྱ་མིན་སྦྱོར་བའི་མཆོག །དབུགས་ཀྱི་ལས་ལ་སོགས་མཚན་ཉིད། །ཉོན་ཅིག་ལྷ་མོ་
སྐལ་ཆེན་མ། །ཉི་ཁྲི་དང་ནི་ཆིག་སྟོང་དང་། །དྲུག་བརྒྱ་རུ་ནི་རྩིས་པ་ཡི། །ཆུ་ཚོད་དྲུག་བཅུའི་དབུགས་རྣམས་ཀྱིས། །ཉིན་མཚན་ལོ་རུ་གྲགས་པ་ཡིན། །འབྱུང་དང་འཇུག་པའི་དབུགས་དག་ལས། །འབྱུང་བའི་མཚན་

85-1-246b

མས་བགྲང་བར་བྱ། །བློ་དང་ལྡན་པས་དབུགས་གཉིས་ལས། །འཇུག་པ་འབྱུང་ལ་ཐིམ་པར་བྱ། །གནས་ནི་བཅུ་གཉིས་དག་ཏུ་ཡང་། །ཕྱི་རོལ་མཚན་མ་གཞག་པར་བྱ། །ཚེས་གྲངས་བྱེ་བྲག་གསུངས་པ་
བཞིན། །དབྱངས་ཀྱི་བྱེ་བྲག་ཤེས་པར་བྱ། །གཟའ་རྣམས་ཀྱི་ནི་བྱེ་བྲག་དང་། །སྐར་མ་རྣམས་ཀྱི་རྒྱུ་བ་ལས། །དུག་གི་དུག་ལས་སོགས་དང་གཞན། །རིམ་པ་འདི་ཡིས་བརྗོད་པར་བྱ། །དཔྱིད་ཟླ་ར་བ་ནས་བརྩམས་
ཏེ། །ཉི་མ་བྱང་དུ་འགྲོ་བའི་དུས། །ཟླ་བ་བཅུ་གཉིས་པོ་རྣམས་ནི། །རིམ་ནི་རིམ་པ་བཞིན་དུ་གཞག །ཤར་གྱི་ཕྱོགས་ནས་བརྩམས་ནས་སུ། །སྔ་དྲོ་མཁས་པས་བརྩི་བར་བྱ། །ཚེས་གྲངས་གསུམ་དང་བཅུ་གསུམ་དང་། །
བཞི་དང་དེ་བཞིན་བཅུ་བཞི་པ། །ལྔ་པ་དང་ནི་བཅྭ་ལྔ་པ། །མཚུངས་པ་ཉིད་དུ་སྦྱར་བར་བྱ། །ད་ནི་ཡང་དག་བཤད་ཀྱིས་ཉོན། །འདི་ལྟ་སྟེ། དང་པོ་ནི་འཕེལ་བའོ། །གཉིས་པ་ནི་གཏི་མུག་གོ། །གསུམ་པ་ནི་བཟང་
པོའོ། །བཞི་པ་ནི་ཁྱུ་མཆོག་གོ། །ལྔ་པ་ནི་རུས་སྦལ་ལོ། །དྲུག་པ་ནི་ཆུ་སྲིན་ནོ། །བདུན་པ་ནི་ཡུགས་ས་མོའོ། །བརྒྱད་པ་ནི་སྨེ་བའོ། །དགུ་པ་ནི་འབུགས་པའོ། །བཅུ་པ་ནི་འཕྱོ་བའོ། །བཅུ་གཅིག་པ་ནི་རྨི་ལམ་
མོ། །བཅུ་གཉིས་པ་ནི་སའི་དབང་ཕྱུག་གོ། །དང་པོ་ནི་སའི་དབང་ཕྱུག་གོ། །གཉིས་པ་ནི་འཕེལ་བའོ། །གསུམ་པ་ནི་གཏི་མུག་གོ། །བཞི་པ་ནི་བཟང་པོའོ། །ལྔ་པ་ནི་ཁྱུ་མཆོག་གོ། །དྲུག་པ་ནི་རུས་སྦལ་
ལོ། །བདུན་པ་ནི་ཆུ་སྲིན་ནོ། །བརྒྱད་པ་ནི་ཡུགས་ས་མོའོ། །དགུ་པ་ནི་སྨེ་བའོ། །བཅུ་པ་ནི་འབུགས་པའོ། །བཅུ་གཅིག་པ་ནི་འཕྱོ་བའོ། །བཅུ་གཉིས་པ་ནི་རྨི་ལམ་མོ། །གཉིས་པ་ནི་སའི་དབང་
ཕྱུག་གོ། །གསུམ་པ་ནི་འཕེལ་བའོ། །བཞི་པ་ནི་གཏི་མུག་གོ། །ལྔ་པ་ནི་བཟང་པོའོ། །དྲུག་པ་ནི་ཁྱུ་མཆོག་གོ། །བདུན་པ་ནི་རུས་སྦལ་ལོ། །བརྒྱད་པ་ནི་ཆུ་སྲིན་ནོ། །དགུ་པ་ནི་ཡུགས་ས་མོའོ། །བཅུ་

85-1-247a

པ་ནི་སྨེ་བའོ། །བཅུ་གཅིག་པ་ནི་འབུགས་པའོ། །བཅུ་གཉིས་པ་ནི་འཕྱོ་བའོ། །དང་པོ་ནི་འཕྱོ་བའོ། །གཉིས་པ་ནི་རྨི་ལམ་མོ། །གསུམ་པ་ནི་སའི་དབང་ཕྱུག་གོ། །བཞི་པ་ནི་འཕེལ་བའོ། །ལྔ་པ་
ནི་གཏི་མུག་གོ། །དྲུག་པ་ནི་བཟང་པོའོ། །བདུན་པ་ནི་ཁྱུ་མཆོག་གོ། །བརྒྱད་པ་ནི་རུས་སྦལ་ལོ། །དགུ་པ་ནི་ཆུ་སྲིན་ནོ། །བཅུ་པ་ནི་ཡུགས་ས་མོའོ། །བཅུ་གཅིག་པ་ནི་སྨེ་བའོ། །བཅུ་གཉིས་པ་ནི་འབུགས་པའོ། །
དང་པོ་ནི་འབུགས་པའོ། །གཉིས་པ་ནི་འཕྱོ་བའོ། །གསུམ་པ་ནི་རྨི་ལམ་མོ། །བཞི་པ་ནི་སའི་དབང་ཕྱུག་གོ། །ལྔ་པ་ནི་འཕེལ་བའོ། །དྲུག་པ་ནི་གཏི་མུག་གོ། །བདུན་པ་ནི་བཟང་པོའོ། །བརྒྱད་པ་ནི་ཁྱུ་མཆོག་གོ། །
དགུ་པ་ནི་རུས་སྦལ་ལོ། །བཅུ་པ་ནི་ཆུ་སྲིན་ནོ། །བཅུ་གཅིག་པ་ནི་ཡུགས་ས་མོའོ། །བཅུ་གཉིས་པ་ནི་སྨེ་བའོ། །དང་པོ་ནི་སྨེ་བའོ། །གཉིས་པ་ནི་འབུགས་པའོ། །གསུམ་པ་ནི་འཕྱོ་བའོ། །བཞི་པ་ནི་
རྨི་ལམ་མོ། །ལྔ་པ་ནི་སའི་དབང་ཕྱུག་གོ། །དྲུག་པ་ནི་འཕེལ་བའོ། །བདུན་པ་ནི་གཏི་མུག་གོ། །བརྒྱད་པ་ནི་བཟང་པོའོ། །དགུ་པ་ནི་ཁྱུ་མཆོག་གོ། །བཅུ་པ་ནི་རུས་སྦལ་ལོ། །བཅུ་གཅིག་པ་ནི་ཆུ་
སྲིན་ནོ། །བཅུ་གཉིས་པ་ནི་ཡུགས་ས་མོའོ། །དང་པོ་ནི་ཡུགས་ས་མོའོ། །གཉིས་པ་ནི་སྨེ་བའོ། །གསུམ་པ་ནི་འབུགས་པའོ། །བཞི་པ་ནི་འཕྱོ་བའོ། །ལྔ་པ་ནི་རྨི་ལམ་མོ། །དྲུག་པ་ནི་སའི་
དབང་ཕྱུག་གོ། །བདུན་པ་ནི་འཕེལ་བའོ། །བརྒྱད་པ་ནི་གཏི་མུག་གོ། །དགུ་པ་ནི་བཟང་པོའོ། །བཅུ་པ་ནི་ཁྱུ་མཆོག་གོ། །བཅུ་གཅིག་པ་ནི་རུས་སྦལ་ལོ། །བཅུ་གཉིས་པ་ནི་ཆུ་སྲིན་ནོ། །དང་པོ་ནི་ཆུ་སྲིན་
ནོ། །གཉིས་པ་ནི་ཡུགས་ས་མོའོ། །གསུམ་པ་ནི་སྨེ་བའོ། །བཞི་པ་ནི་འབུགས་པའོ། །ལྔ་པ་ནི་འཕྱོ་བའོ། །དྲུག་པ་ནི་རྨི་ལམ་མོ། །བདུན་པ་ནི་སའི་དབང་ཕྱུག་གོ། །བརྒྱད་པ་ནི་འཕེལ་བའོ། །

85-1-247b

དགུ་པ་ནི་གཏི་མུག་གོ། །བཅུ་པ་ནི་བཟང་པོའོ། །བཅུ་གཅིག་པ་ནི་ཁྱུ་མཆོག་གོ། །བཅུ་གཉིས་པ་ནི་རུས་སྦལ་ལོ། །དང་པོ་ནི་རུས་སྦལ་ལོ། །གཉིས་པ་ནི་ཆུ་སྲིན་ནོ། །གསུམ་པ་ནི་ཡུགས་ས་མོའོ། །
བཞི་པ་ནི་སྨེ་བའོ། །ལྔ་པ་ནི་འབུགས་པའོ། །དྲུག་པ་ནི་འཕྱོ་བའོ། །བདུན་པ་ནི་རྨི་ལམ་མོ། །བརྒྱད་པ་ནི་སའི་དབང་ཕྱུག་གོ། །དགུ་པ་ནི་འཕེལ་བའོ། །བཅུ་པ་ནི་གཏི་མུག་གོ། །བཅུ་གཅིག་པ་ནི་བཟང་
པོའོ། །བཅུ་གཉིས་པ་ནི་ཁྱུ་མཆོག་གོ། །དང་པོ་ནི་ཁྱུ་མཆོག་གོ། །གཉིས་པ་ནི་རུས་སྦལ་ལོ། །གསུམ་པ་ནི་ཆུ་སྲིན་ནོ། །བཞི་པ་ནི་ཡུགས་ས་མོའོ། །ལྔ་པ་ནི་སྨེ་བའོ། །དྲུག་པ་ནི་འབུགས་པའོ། །བདུན་པ་
ནི་འཕྱོ་བའོ། །བརྒྱད་པ་ནི་རྨི་ལམ་མོ། །དགུ་པ་ནི་སའི་དབང་ཕྱུག་གོ། །བཅུ་པ་ནི་འཕེལ་བའོ། །བཅུ་གཅིག་པ་ནི་གཏི་མུག་གོ། །བཅུ་གཉིས་པ་ནི་བཟང་པོའོ། །དང་པོ་ནི་བཟང་པོའོ། །གཉིས་པ་ནི་ཁྱུ་
མཆོག་གོ། །གསུམ་པ་ནི་རུས་སྦལ་ལོ། །བཞི་པ་ནི་ཆུ་སྲིན་ནོ། །ལྔ་པ་ནི་ཡུགས་ས་མོའོ། །དྲུག་པ་ནི་སྨེ་བའོ། །བདུན་པ་ནི་འབུགས་པའོ། །བརྒྱད་པ་ནི་འཕྱོ་བའོ། །དགུ་པ་ནི་རྨི་ལམ་མོ། །བཅུ་པ་ནི་སའི་དབང་
ཕྱུག་གོ། །བཅུ་གཅིག་པ་ནི་འཕེལ་བའོ། །བཅུ་གཉིས་པ་ནི་གཏི་མུག་གོ། །དང་པོ་ནི་གཏི་མུག་གོ། །གཉིས་པ་ནི་བཟང་པོའོ། །གསུམ་པ་ནི་ཁྱུ་མཆོག་གོ། །བཞི་པ་ནི་རུས་སྦལ་ལོ། །ལྔ་པ་ནི་ཆུ་སྲིན་ནོ། །
དྲུག་པ་ནི་ཡུགས་ས་མོའོ། །བདུན་པ་ནི་སྨེ་བའོ། །བརྒྱད་པ་ནི་འབུགས་པའོ། །དགུ་པ་ནི་འཕྱོ་བའོ། །བཅུ་པ་ནི་རྨི་ལམ་མོ། །བཅུ་གཅིག་པ་ནི་སའི་དབང་ཕྱུག་གོ། །བཅུ་གཉིས་པ་ནི་འཕེལ་བའོ། །
འཕེལ་བའི་ཉི་མ་ལ་སྐྱེས་པའི་བྱིས་པ་ནི། ཉི་མ་དགུ་པའམ། ཟླ་བ་དགུ་པའམ། ལོ་དགུ་ན་ཤི་ཆད་དུ་མ་གྱུར་ན། ཕྱུག་ཅིང་སྐལ་བ་བཟང་བ་དང་། སེམས་གདུག་ཅིང་རྩུབ་ལ་མེ་དྲོད་ཆུང་ཞིང་ཡུལ་མཐའ་

85-1-248a

འཁོབ་ཀྱི་གཙོ་བོར་འགྱུར་ལ། གཡེམ་པ་ལ་དགའ་བ་དང་། ཐམས་ཅད་དུ་འཇམ་པོར་སྨྲ་ཞིང་ནོར་དང་ལྡན་ཞིང་ནད་མེད་པ་དང་། སྐྱིད་པ་ལ་རྟག་པར་འགྱུར་ཏེ། ཚེ་ལོ་བརྒྱད་བཅུ་རྩ་གཅིག་འཚོ་སྟེ། 
སའི་དབང་ཕྱུག་གི་ཉི་མ་ལ་འཆི་བར་འགྱུར་རོ། །སའི་དབང་ཕྱུག་གི་ཉི་མ་ལ་བཙས་པའི་བྱིས་པ་ནི། ཉི་མ་བརྒྱད་པའམ། ཟླ་བ་བརྒྱད་དམ། ལོ་བརྒྱད་པ་ལ་གལ་ཏེ་ཤི་ཆད་དུ་མ་གྱུར་ན་ནོར་དང་འབྲུ་རྟག་པར་འགྱུར་ཞིང་བདེན་
པར་སྨྲ་ལ་མཛའ་བཤེས་མང་ཞིང་ཆོས་ཤེས་པ་དང་། མཁས་ལ་ཚངས་པར་སྤྱོད་ཅིང་སེམས་ཅན་ཀུན་ལ་ཕན་པ་བྱེད་ལ། བཟོ་ཤེས་པ་དང་། འཇམ་པོར་སྨྲ་ཞིང་སྐལ་བ་དང་ལྡན་ཏེ། བསྟན་བཅོས་ཐམས་ཅད་རྒྱས་
པར་འགྱུར་བ་ལ་ཐེ་ཚོམ་མེད་དེ། ཚེ་ལོ་བརྒྱད་བཅུ་རྩ་བརྒྱད་འཚོ་སྟེ། རྨི་ལམ་གྱི་ཉི་མ་ལ་འཆི་བར་འགྱུར་རོ། །རྨི་ལམ་གྱི་ཉི་མ་ལ་བཙས་པའི་བྱིས་པ་ནི་ཉི་མ་བཞིའམ། ལྔའམ། བཅུའམ། མིན་ན་ཟླ་བ་བརྒྱད་
དམ། ལོ་བརྒྱད་པ་ལ་གལ་ཏེ་ཤི་ཆད་དུ་མ་གྱུར་ན། དེས་བླ་མ་ཉོན་མོངས་པར་བྱེད་པ་དང་། དཔའ་ཞིང་བརྟུལ་ཕོད་པས་ཕ་རོལ་གནོན་པ་དང་། དགྲ་ཐམས་ཅད་འཇོམས་ཤིང་སྐྱེ་བོ་དམ་པ་དང་མཛའ་བ་དང་། སྐྱབས་
མེད་པ་རྣམས་ཀྱི་དཔུང་གཉེན་བྱེད་ཅིང་ཐམས་ཅད་དུ་ཚིག་རྩུབ་སྨྲ་ལ་སྡིག་པའི་ལས་ལ་ནན་ཏན་བྱེད་པ་དང་། དབུལ་ཞིང་འཕྱར་བ་དང་། ནད་མེད་ཅིང་རྟག་ཏུ་བཟའ་བ་རྙེད་པ་དང་། མཐོན་པོ་ལ་རྟེན་པས་འཚོ་
ཞིང་རྟག་ཏུ་སེང་གེ་དང་འདྲ་བར་སེམས་ཏེ། ཚེ་ལོ་དྲུག་ཅུ་འཚོ་ཞིང་འཕྱོ་བའི་ཉི་མ་ལ་དགྲའི་མཚོན་གྱིས་འཆི་བར་འགྱུར་བ་ལ་ཐེ་ཚོམ་མེད་དོ། །འཕྱོ་བའི་ཉི་མ་ལ་བཙས་པའི་བྱིས་པ་ནི་ཟླ་བ་བཞི་པ་དང་། དྲུག་པ་
དང་། དགུ་པ་དང་། བཅུ་པ་ལ་གལ་ཏེ་ཤི་ཆད་དུ་མ་གྱུར་ན། དེ་ནི་ཤེས་རབ་ཆུང་ཞིང་བློ་དང་མེ་དྲོད་དམན་ལ། སྡང་བ་མང་ཞིང་བུ་ཚ་མི་འཚོ་ལ་འཁོར་མང་བ་དང་། ཡོ་བྱད་འཕེལ་ཞིང་སྡུག་བསྔལ་མང་བ་དང་།

85-1-248b

གཉེན་འདུན་ཐམས་ཅད་དགའ་ལ། ངན་སོང་ལ་བརྩེ་བ་དང་ནོར་དང་ཕྱུགས་མང་ལ་ཆུང་མ་གསུམ་ལེན་ཅིང་ཅུང་ཟད་ཙམ་གྱིས་ཁྲོ་བ་དང་། ང་རྒྱལ་ཆེ་ཞིང་དགྲ་རྣམས་འཇིགས་ལ་ཁེ་སྤོགས་ཀྱིས་འཚོ་སྟེ། 
ཚེ་ལོ་བརྒྱད་ཅུ་རྩ་གཅིག་འཚོ་ཞིང་འབུགས་པའི་ཉི་མ་ལ་འཆི་བར་འགྱུར་རོ། །འབུགས་པའི་ཉི་མ་ལ་བཙས་པའི་བྱིས་པ་ནི་ཉི་མ་གཉིས་པའམ། ཟླ་བ་གཉིས་པའམ། བཞི་པའམ། ལོ་བརྒྱད་པ
འམ། བཅུ་པ་ལ་གལ་ཏེ་ཤི་ཆད་དུ་མ་གྱུར་ན། དེ་ནི་ཕ་མ་ལྟོགས་པ་དང་། ནོར་ཆུང་ཞིང་རྨོངས་པ་དང་སྡིག་པའི་བསམ་པ་དང་ལྡན་ཞིང་ངང་ཚུལ་ངན་ལ་ནད་བུ་ཅན་དུ་འགྱུར་བ་དང་། ཚངས་པར་སྤྱོད་ཅིང་དཔའ་
ལ་སྡུག་པ་དང་། སེར་སྣ་དང་ལྡན་པར་འགྱུར་ཏེ། ཚེ་ལོ་དྲུག་ཅུ་རྩ་བཞིར་འཚོ་ལ། སྨེ་བའི་ཉི་མ་ལ་རང་གི་ཁྱིམ་དུ་འཆི་བར་འགྱུར་རོ། །སྨེ་བའི་ཉི་མ་ལ་བཙས་པའི་བྱིས་པ་ནི་ཉི་མ་གཉིས་པའམ། 
ལྔ་པའམ། ཟླ་བ་གསུམ་པའམ། དགུ་པའམ། ལོ་དགུ་པ་ལ་གལ་ཏེ་ཤི་ཆད་དུ་མ་གྱུར་ན་དེས་ནི་རང་གི་རིགས་བསྟོད་ཅིང་ཆོས་ཤེས་པ་དང་། བསྟན་བཅོས་ཕུན་སུམ་ཚོགས་ཤིང་བཟོ་སྣ་ཚོགས་རིག་པ་དང་། 
དཔའ་ལ་ང་རྒྱལ་ཆེ་བ་དང་། གཡོ་སྒྱུ་ཅན་ཡིན་ལ་ཕྲག་དོག་དང་ལྡན་ཞིང་ནོར་ཉུང་བ་དང་། གཟུགས་བཟང་ཞིང་བྱ་བ་ཐམས་ཅད་ཡང་བ་ཡིན་ཏེ། ཚེ་ལོ་དྲུག་ཅུ་རྩ་གསུམ་དུ་བདེ་བར་འཚོ་ལ་ཡུགས་ས་མོའི་ཉི་མ་
ལ་ཆུར་འཆི་བར་གདོན་མི་ཟའོ། །ཡུགས་ས་མོའི་ཉི་མ་ལ་བཙས་པའི་བྱིས་པ་ནི་ཉི་མ་གཉིས་པའམ། བཅུ་པའམ། ཟླ་བ་གཉིས་པའམ། བརྒྱད་པའམ། ལོ་བརྒྱད་པ་ལ་གལ་ཏེ་ཤི་ཆད་དུ་
མ་གྱུར་ན་དེ་ནི་སྡིག་པའི་བློ་དང་ལྡན་ཞིང་སེམས་ཅན་ཀུན་ལ་འཁྱལ་ཚིག་སྨྲ་ཞིང་ནོར་ཉུང་ལ་འཕྱར་བ་དང་། ཐམས་ཅད་དུ་ནད་ཀྱིས་ཐེབས་ལ་རྒྱལ་པོའི་ཆད་པས་གཅོད་ཅིང་བུད་མེད་ཐམས་ཅད་ལ་སྐལ་

85-1-249a

བ་བཟང་པོར་འགྱུར་ལ་བཟོ་དང་ངོར་ཐབས་ཐམས་ཅད་ཀྱི་བཟོ་ལ་མཁས་པ་སྟེ། ཚེ་ལོ་ལྔ་བཅུ་རྩ་ལྔའམ། ཡང་ན་སུམ་བཅུ་རྩ་དྲུག་ཏུ་འཚོ་ལ་ཆུ་སྲིན་གྱི་ཉི་མ་ལ་འཆི་བར་ཐེ་ཚོམ་མེད་དོ། །ཆུ་སྲིན་
གྱི་ཉི་མ་ལ་བཙས་པའི་བྱིས་པ་ནི་ཉི་མ་བཅུ་པའམ། ཟླ་བ་གསུམ་པའམ། ལྔ་པའམ། ལོ་དགུ་པ་ལ་མ་ཤི་ན་བསོད་ནམས་དང་། ཚུལ་ཁྲིམས་ཕུན་སུམ་ཚོགས་ཤིང་། ཞི་དེས་དང་། བསླབ་
པ་དང་ལྡན་ཞིང་ནོར་དང་། གཟུགས་དང་། སྐལ་བ་ཕུན་སུམ་ཚོགས་ལ་དཔལ་དང་གྲགས་པ་དང་། བུ་དང་། ཚ་བོ་འཕེལ་ལ། གྲོང་ཁྱེར་གྱི་གཙོ་བོར་འགྱུར་བ་དང་། འཁོར་དང་། ལོངས་སྤྱོད་ཕུན་སུམ་
ཚོགས་པ་དང་། བཟོ་དང་དུས་ཀྱི་མཐའ་ལ་མཁས་པ་དང་། དགྲ་ཐམས་ཅད་བརླག་པར་བྱེད་དོ། །ཚེ་ལོ་ལྔ་བཅུ་རྩ་ལྔའམ། ཡང་ན་དྲུག་ཅུ་རྩ་བཞིར་འཚོ་ལ་རུས་སྦལ་གྱི་ཉི་མ་ལ་འཆི་བར་འགྱུར་རོ། །
རུས་སྦལ་གྱི་ཉི་མ་ལ་བཙས་པའི་བྱིས་པ་ནི་ཉི་མ་གཉིས་པ་དང་། དགུ་པ་དང་། ཟླ་བ་བརྒྱད་པ་དང་། དགུ་པ་དང་། ལོ་དགུ་པ་ལ་མ་ཤི་ན་དེ་ནི་རྟག་ཏུ་སེམས་ཁྲལ་ཆེ་བ་དང་། ཁྲོ་བ་དང་བཅས་ཤིང་ཅུང་ཟད་
ཀྱིས་མགུ་བ་དང་། མང་དུ་སྨྲ་ཞིང་གཉེན་རྣམས་བྱམས་པ་དང་། རྟག་ཏུ་གཡེམ་པ་དང་། ཕྱུགས་ལ་གཏོང་ཕོད་ཆེ་བ་དང་། བུ་དང་ཆུང་མ་གསོད་པ་དང་། སེམས་ཆུང་ཞིང་བསམ་པ་ངན་པ་དང་། ཞིང་
ལས་ཀྱིས་འཚོ་ཞིང་མཛེ་ནད་ཀྱིས་ཐེབས་ཏེ། ཚེ་ལོ་དྲུག་ཅུ་རྩ་བཞིའམ། བརྒྱད་བཅུ་ཐམ་པར་འཚོ་ལ་ཁྱུ་མཆོག་གི་ཉི་མ་ལ་རང་གི་ཡུལ་དུ་འཆི་བར་འགྱུར་རོ། །ཁྱུ་མཆོག་གི་ཉི་མ་ལ་བཙས་པའི་བྱིས་པ་
ནི་ཉི་མ་དགུ་པའམ། ཟླ་བ་གཉིས་དང་། བརྒྱད་པའམ། ལོ་བརྒྱད་པ་དང་། དགུ་པ་ལ་གལ་ཏེ་མ་ཤི་ན་དཔའ་ཞིང་རྟུལ་ཕོད་པས་ཕ་རོལ་གནོན་ལ་སྒེག་ཅིང་ཕྱུག་པ་དང་། ཆུང་མ་མང་དུ་ལེན་ལ་གཉེན་འདུན་

85-1-249b

ཐམས་ཅད་དགའ་ཞིང་ཕའི་ཚེ་འཇོམས་པ་དང་། ཁེ་སྤོགས་དང་། གཡེམ་པ་ལ་དགའ་ཞིང་ལེ་ལོ་དང་། མུ་ཆོར་དུ་སྨྲ་བ་དང་། ངང་ཚུལ་ངན་པ་དང་། ལས་གདུག་པ་ལ་དགའ་སྟེ། ཚེ་ལོ་དྲུག་བཅུའམ། ཉི་ཤུར་
འཚོ་ལ་བཟང་པོའི་ཉི་མ་ལ་མཚོན་གྱིས་འཆི་བར་འགྱུར་རོ། །བཟང་པོའི་ཉི་མ་ལ་བཙས་པའི་བྱིས་པ་ནི་ཉི་མ་ལྔ་པའམ། ཟླ་བ་དགུ་པའམ། ལོ་བཅུ་པ་ལ་མ་ཤི་ན་དེ་ནི་དབུལ་ཞིང་ཆོས་སྤྱོད་ལ་བདེན་པར་སྨྲ་བ་དང་། 
སྙན་པར་སྨྲ་བ་དང་། ཆུང་མ་གཅིག་ལ་དགའ་ཞིང་རིག་པའི་བདག་པོར་འགྱུར་བ་དང་། བཟོ་དང་། དུས་ཐམས་ཅད་ཤེས་ཤིང་རང་གི་གཉེན་འདུན་བྱམས་པ་དང་། རིགས་ཀྱི་འཆད་པས་འཚོ་བ་སྟེ། ཚེ་ལོ་བརྒྱར་འཚོ་ལ་
གཏི་མུག་གི་ཉི་མ་ལ་ཆུར་འཆི་བར་འགྱུར་བ་ལས་གཞན་དུ་མ་ཡིན་ནོ། །གཏི་མུག་གི་ཉི་མ་ལ་བཙས་པའི་བྱིས་པ་ནི་ཉི་མ་གཉིས་པའམ། ཟླ་བ་དགུ་པའམ། ལོ་དགུ་པ་ལ་གལ་ཏེ་ཤི་ཆད་དུ་མ་གྱུར་ན་མང་དུ་ཟ་ཞིང་
སེམས་ཆུང་ལ་རྟག་ཏུ་གཡེམ་པ་ལ་དགའ་བ་དང་། རྒྱུན་དུ་ཁྲོ་ཞིང་བརྐམ་ཆགས་ཆེ་ལ། ནད་བུ་ཅན་དུ་འགྱུར་བ་དང་། ཡིད་གཞུངས་ཤིང་གཉེན་འདུན་བྱམས་པ་དང་། རྟག་ཏུ་ཁྲོ་བ་དང་ང་རྒྱལ་ཅན་དུ་འགྱུར་བ་དང་། ངང་ཚུལ་
ངན་ཞིང་སྡིག་སྤྱོད་ལ་ཚིག་རྩུབ་དང་ཁྱལ་བ་སྨྲ་བ་ལ་དགའ་བ་དང་། མཚོན་ཆ་རྡེག་པ་ལ་དགའ་སྟེ། ཚེ་ལོ་དྲུག་བཅུ་རྩ་བཞིར་འཚོ་ལ་འཕེལ་བའི་ཉི་མ་ལ་ཡན་ལག་གི་ཟུག་རྔུ་དང་སྐྲངས་འབུར་གྱིས་འཆི་བར་འགྱུར་བ་ལ་ཐེ་ཚོམ་མེད་དོ། །
འཕེལ་བའི་ཉི་མ་ལ་ནད་ཀྱིས་ཐེབས་ན་ཤིན་ཏུ་བག་བྱ་དགོས་ཏེ། གལ་ཏེ་ཞག་བཅྭ་ལྔ་ལ་མ་ཤི་ན་དེ་ནས་ཉི་མ་ལྔ་ན་འཚོ་བར་འགྱུར་རོ། །སའི་དབང་ཕྱུག་ལ་ནི་ཉི་མ་གསུམ་ན་མ་ཤི་ན་དེ་ནས་ཉི་མ་བདུན་ན་འཚོ་བར་
འགྱུར་རོ། །རྨི་ལམ་ལ་ཡང་ཉི་མ་གསུམ་ན་མ་ཤི་ན་དེ་བཞིན་དུ་ཉི་མ་བདུན་ན་འཚོའོ། །འཕྱོ་བ་ལ་ནི་ཉི་མ་གསུམ་འམ་ལྔ་ན་འཆི་འཚོ་ཆ་ཕྱེད་དོ། །འབུགས་པ་ལ་ནི་ཉི་མ་གསུམ་འམ་བཞི་པ་ལ་མ་ཤི་ན་ཉི་མ་བཅུ་ན་འཚོ་

85-1-250a

བར་འགྱུར་རོ། །སྨེ་བ་ལ་ནི་ཉི་མ་གསུམ་པ་ལ་འཆི་བའམ་བརྒྱད་པ་ལ་འཚོ་སྟེ། ཡུན་རིང་དུ་ནད་ཀྱིས་གདུང་བར་འགྱུར་རོ། །ཡུགས་ས་མོ་ལ་ནི་ཉི་མ་ལྔ་པ་ལ་འཆི་བའམ་དགུ་པ་ལ་ལྡང་བར་འགྱུར་ལ། ཞག་བཅུ་ན་
ནད་ལས་གྲོལ་བར་འགྱུར་རོ། །ཆུ་སྲིན་ལ་ནི་ཉི་མ་བརྒྱད་པ་ལ་འཆི་བའམ། ཞག་ཉི་ཤུ་རྩ་གཅིག་གིས་འཚོ་འཆི་འཚོ་ཕྱེད་པར་འགྱུར་རོ། །རུས་སྦལ་ལ་ནི་ཉི་མ་བརྒྱད་པ་ལ་མ་ཤི་ན་དེ་ནས་ཞག་བཅུ་པ་ལ་ནད་ལས་གྲོལ་བར་འགྱུར་རོ། །
ཁྱུ་མཆོག་ལ་ནི་ཉི་མ་གསུམ་པའམ། ལྔ་པ་ལ་མ་ཤི་ན་ནད་ཅུང་ཟད་དང་བཅས་པར་འགྱུར་ཞིང་བརྒྱད་པ་ལ་ལྡང་ངོ་། །བཟང་པོ་ལ་ནི་ཉི་མ་བརྒྱད་པ་དང་བཅུ་པ་ལ་མ་ཤི་ན་དེ་ནས་གྲོལ་བར་འགྱུར་རོ། །གཏི་མུག་ལ་ནི་ཉི་མ་གསུམ་པ་
འམ་བདུན་པ་ལ་མ་ཤི་ན་དེ་ནས་གྲོལ་བར་འགྱུར་རོ། །གང་གི་མཆེ་བས་མངོན་ཟིན་ན། །འཆི་བདག་དང་ནི་མངོན་པར་འགྲོགས། །དུག་བསྡུ་བ་ཡི་སྦྱོར་བ་ཡིས། །དེ་རྣམས་ཇི་ལྟར་འགྲུབ་འགྱུར་ཞིང་། །ཚེ་དང་ནད་མེད་སྤེལ་བའི་ཕྱིར། །
གཞན་ལ་ཆོ་ག་ཇི་ལྟར་སྦྱར། བཀའ་སྩལ་པ། སེམས་ཅན་ཀུན་ཀྱི་ནད་རྣམས་ནི། །གཞོམ་ཞིང་བསྐྱང་བར་བྱ་བ་དང་། །ཤི་བ་རྣམས་ཀྱང་འཚོ་འགྱུར་ན། །གཞན་ལྟ་སྨོས་ཀྱང་ཅི་ཞིག་དགོས། །དེ་རྣམས་བསོད་
ནམས་ཆེ་འགྱུར་བ། །ཆུ་ཡི་སྦྱིན་བསྲེག་ཆོ་ག་ནི། །མདོར་བསྡུས་ནས་ནི་བརྗོད་བྱ་བ། །དེ་ནས་ང་ཡིས་བཤད་ཀྱིས་ཉོན། །ས་ཡི་ཆ་ནི་ཡིད་འོང་བ། །ཁ་དོག་དཀར་པོ་དྲི་ཡིས་བྱུག །མེ་ཏོག་ཕྲེང་དཀར་གྱིས་བརྒྱན་
ཅིང་། །རྒྱལ་མཚན་བླ་རེས་འབར་བྱས་པ། །རྩ་བ་ནག་པོ་ར་རི་མེད། །བུམ་པ་ཆུ་ཡིས་བཀང་སོགས་པ། །དེ་དབུས་ལྷ་མོ་བསམ་པ་ནི། །པད་མའི་སྟན་ལ་ཡང་དག་བཞུགས། །ཞལ་གཅིག་ཕྱག་ནི་གཉིས་པ་སྟེ། 
ཤིན་ཏུ་མཛེས་པའི་ན་བཟས་ཀླུབས། །རྒྱན་རྣམས་ཀུན་གྱིས་བརྒྱན་པ་སྟེ། །པད་མའི་ཕྲེང་བས་མཛེས་པར་བྱས། །མཁའ་འགྲོ་མའི་འཁོར་ལོ་སྤྲོ། །གངས་དང་ཀུན་ད་ཟླ་འདྲ་བའི། །བདུད་རྩིའི་ཆུ་རྒྱུན་འབབ་པ་ཡིས། །

85-1-250b

དུག་གི་མཐུ་ནི་འཕྲོག་པར་མཛད། །ལྷ་མོའི་སྦྱོར་བ་འདི་ལྟ་བུས། །བསམས་ན་དུག་ནི་འཇོམས་པར་འགྱུར། །འོ་མ་ནག་པོར་གྱུར་གྱི་བར། །མུན་པས་རིང་དུ་ཟིལ་མནན་པ། །སླར་ཡང་བདུག་པས་བདུག་པར་བྱ། །དཔྱིད་ཟླ་
ལ་སོགས་རིམས་བཞིན་དུ། །ཉི་མ་བྱང་དུ་འགྲོ་བའི་ཚེ། །ཇི་ལྟའི་དུས་བཞིན་མཚན་མ་ནི། །རིམ་གྱིས་རིམ་གྱིས་སྦྱར་བར་བྱ། །ཉིན་མོ་ཡི་ནི་ཆུ་ཚོད་དག །མཁས་པས་བཞི་དང་བཅུ་གཉིས་བསྒྱུར། །མཚན་མོ་དྲུག་དང་བཅུ་
གསུམ་བསྒྱུར། །ཆུ་ཚོད་མཁས་པས་བརྩམ་པར་བྱ། །རེའུ་མིག་དག་ནི་གཉིས་པ་ལ། །དུས་ལ་མཁས་པས་མཚན་མ་བྱ། །ཉིན་མོ་དྲུག་དང་བཅུ་གཉིས་བསྒྱུར། །ཆུ་ཚོད་ཀྱི་ནི་མཚན་མ་བྱ། །བཞི་དང་བཅུ་གསུམ་བསྒྱུར་
བ་ནི། །མཚན་མོའི་ཆུ་ཚོད་དུ་ནི་བརྟག །བརྒྱད་དང་བཅུ་གཉིས་བསྒྱུར་བ་དག །ཉིན་མོ་རུ་ནི་བརྟག་པར་བྱ། །གཉིས་དང་བཅུ་ནི་གསུམ་བསྒྱུར་བ། །མཚན་མོའི་ཆུ་ཚོད་དུ་ནི་བརྟག །ཆུ་ཚོད་སུམ་བཅུ་ཐམ་པ་ནི། །
དབུས་ཀྱི་བི་ཤུ་གཉིས་གར་སྦྱར། །གཉིས་དང་བཅུ་ནི་གསུམ་པོ་དག །ཉིན་མོའི་ཆུ་ཚོད་ཤེས་བྱ་སྟེ། །བརྒྱད་དང་བཅུ་ནི་གཉིས་པོ་དག །དེ་ཡི་མཚན་མོའི་མཚན་མར་བྱ། །བཞི་དང་བཅུ་གསུམ་མཚན་མ་ནི། །
ཉིན་མོ་ཡི་ནི་ཆུ་ཚོད་དོ། །དྲུག་དང་བཅུ་ནི་གཉིས་བསྒྱུར་བ། །མཚན་མོའི་ཆུ་ཚོད་མཚན་མ་བྱ། །དྲུག་དང་བཅུ་ནི་གསུམ་བསྒྱུར་བ། །ཉིན་མོ་ཡི་ནི་ཤེས་བྱ་སྟེ། །བཞི་དང་བཅུ་ནི་གཉིས་བསྒྱུར་བ། །
མཚན་མོའི་ཆུ་ཚོད་དུ་ནི་གྲགས། །དེ་བཞིན་ལྷོར་ནི་འགྲོ་བ་ཡི། །དུས་ཤེས་པར་ནི་བཤད་པར་བྱ། །བཞི་དང་གསུམ་བསྒྱུར་ཆུ་ཚོད་ནི། །ཉིན་མོ་ཡི་ནི་བཤད་པ་ཡིན། །དྲུག་དང་བཅུ་ནི་གཉིས་བསྒྱུར་བ། །
མཚན་མོ་ཡི་ནི་མཚན་མར་བྱ། །གཉིས་དང་བཅུ་ནི་གསུམ་བསྒྱུར་བ། །དེ་བཞིན་ཉིན་མོའི་ཆུ་ཚོད་ཡིན། །བརྒྱད་དང་བཅུ་ནི་གཉིས་བསྒྱུར་བ། །ཆུ་ཚོད་མཚན་གྱིར་རབ་ཏུ་གྲགས། །བཅུ་ནི་གསུམ་དུ་བསྒྱུར་

85-1-251a

བ་དག །བི་ཤུའི་ཉིན་མོའི་ཆུ་ཚོད་དེ། །དེ་བཞིན་མཚན་གྱི་ཆུ་ཚོད་ཀྱང་། །བཅུ་ནི་གསུམ་དུ་བསྒྱུར་བར་བྱ། །བརྒྱད་དང་བཅུ་ནི་གཉིས་བསྒྱུར་བ། །ཉིན་མོ་ཡི་ནི་བསམ་པར་བྱ། །གཉིས་དང་བཅུ་ནི་
གསུམ་བསྒྱུར་བ། །མཚན་མོའི་ཆུ་ཚོད་དུ་ནི་བརྟག །བཞི་དང་བཅུ་ནི་གཉིས་བསྒྱུར་བ། །ཉིན་མོའི་ཆུ་ཚོད་རིམ་པ་ཡིན། །དྲུག་དང་བཅུ་ནི་གསུམ་བསྒྱུར་བ། །དེ་བཞིན་མཚན་མོའི་ཆུ་ཚོད་དོ། །སུམ་བརྒྱ་དྲུག་བཅུའི་
དབུགས་ཀྱིས་ནི། །ཆུ་ཚོད་ཀྱི་ནི་དུས་རྣམས་འདའ། །ཆུ་ཚོད་དྲུག་ཅུའི་གྲངས་ཀྱིས་ནི། །ཉིན་མཚན་ཕྲུགས་གཅིག་ཏུ་ནི་བརྗོད། །ཟླ་བའི་གོ་རིམས་ཇི་བཞིན་དུ། །རིམས་པ་དེ་བཞིན་མཚན་མ་བྱ། །
ཆུ་ཚོད་དབུགས་ནི་རྫོགས་དང་པོ། །རིམ་གྱིས་འཕེལ་ཞིང་རིམ་གྱིས་འབྲི། །ལས་དང་ལས་མིན་བྱེ་བྲག་བཞིན། །དབུགས་ནི་རིམ་གྱིས་གཟུང་བར་བྱ། །མཁའ་འགྲོ་གཉིས་དང་དུས་ཚིགས་དང་། །བགྲོད་པ་
གཉིས་ཀྱིས་མཚོན་པར་བྱ། །གཉིས་པོ་དག་ནི་བཅུར་བསྒྱུར་བ། །དེ་བཞིན་ལོའི་ཆུ་ཚོད་དོ། །དེ་ཡི་མཚན་མ་ལྡན་པ་ཡིས། །ཉིན་མཚན་གྱིས་ནི་དབུགས་སུ་བརྩི། །ངག་གི་དབང་ཕྱུག་ཀུན་བཟུང་ནས། །
དབྱངས་ཀྱི་མཚན་མར་མངོན་པར་བཞག །མ་ནིང་གཉིས་ནི་སྤངས་ནས་སུ། །ས་ཡི་དབང་ཕྱུག་ཀུན་དུ་བཞག །ཨ་ཡི་རིམ་པ་ལ་བབ་ན། །དཔལ་དང་མངོན་པར་མཉམ་འགྲོགས་ཤིང་། །ནོར་རྙེད་པར་
ནི་སྣང་བ་སྟེ། །སྐལ་བ་བཟང་པོར་གདོན་མི་ཟ། །ཨ་ཡི་རེའུ་མིག་ལ་བབ་ན། །རིམས་དང་ནད་ཀྱིས་གཟེར་བ་དང་། །འཇིགས་ཤིང་སྐྲག་པར་སྣང་འགྱུར་བས། །ཨཱ་ཞེས་བྱ་བས་ངེས་པར་སྟོན། །ཡི་གེ་
ཨི་ལ་བབ་གྱུར་ན། །རྒྱལ་པོའི་དཔལ་ནི་སྟེར་འགྱུར་ཏེ། །ཀུན་ནས་ནོར་ནི་རྙེད་པ་དང་། །གང་ཞིག་བསམས་པ་དེ་འགྲུབ་འགྱུར། །ཡི་གེ་ཨཱི་ལ་བབ་གྱུར་ན། །ཟླ་བ་དྲུག་ནི་འཆི་བ་དང་། །དེ་བཞིན་དགྲས་ནི་གཟིར་

85-1-251b

བ་དང་། །མེ་ཡིས་འཇིགས་པར་ཤེས་པར་བྱ། །ཡི་གེ་ཨུ་ལ་བབ་གྱུར་ན། །དཔལ་ལྡན་གྲོགས་མོ་རྙད་པ་དང་། །ནོར་དང་འབྲུ་ནི་འཕེལ་བ་དང་། །དཔལ་རྣམས་ཀྱང་ནི་རྙེད་པར་འགྱུར། །ཨཱུ་ལ་གལ་ཏེ་བབ་གྱུར་ན། །
དེ་ནི་དགྲ་ཡིས་འཚེ་བར་སྣང་། །བྲན་གཟའ་དང་ནི་གཉེན་ཚན་རྣམས། །འཇིགས་ཤིང་སྐྲག་པར་སྣང་བར་འགྱུར། །ཡི་གེ་ཨེ་ལ་བབ་གྱུར་ན། །འཕྲལ་དུ་སྐྱེ་བོ་སྐལ་ཅན་འགྱུར། །སྐྱེས་པ་བུད་མེད་དག་གི་ནི། །
མཆོད་པའི་གནས་ནི་འཐོབ་པར་འགྱུར། །ཨཻ་མཚན་མ་ལ་ལྷུང་ན། །དགྲ་དང་རྒྱལ་པོའི་འཇིགས་པའི་དང་། །ལུས་ཅན་རྐུན་པོས་གཟེར་འགྱུར་ཞིང་། །ནད་དང་རིམས་ཀྱིས་ཐེབས་པར་འགྱུར། །ཨོའི་མཚན་མ་ལ་
བབ་ན། །གནས་ཀྱི་དབང་པོར་འགྱུར་བ་དང་། །ནོར་དང་འབྲུ་ནི་རྙེད་འགྱུར་ཞིང་། །ཡིད་འོངས་རིམ་པ་དེ་བཞིན་ནོ། །ཨཽ་ཡི་མཚན་མ་ལ་བབ་ན། །འཐབ་མོ་དང་ནི་དགྲས་འཚེ་ཞིང་། །གནས་ལས་ཉམས་དང་བརྡེག་
བཙོག་དང་། །བྱས་པ་ཆུད་ནི་ཟོས་པར་འགྱུར། །ཡི་གེ་ཨྃ་ལ་བབ་གྱུར་ན། །བྲན་བཟའ་དག་ནི་རྙེད་འགྱུར་ཞིང་། །བུ་དང་རིག་པའང་རྙེད་འགྱུར་ཏེ། །དེ་བཞིན་གྲོགས་པོ་རྙེད་པར་འགྱུར། །ཇི་ལྟར་སྔོན་གྱི་ཨ་ཞེས་
པ། །དེ་བཞིན་མཐའ་མའང་གཟུང་བར་བྱ། །དྲུག་འགྱུར་དུ་ནི་བཞག་ནས་སུ། །སྔ་མ་དེ་བཞིན་སུམ་འགྱུར་བྱ། །སུམ་བརྒྱ་དྲུག་ཅུར་བསྲེས་ནས་སུ། །ས་བཞི་རུ་ནི་བཅད་ནས་སུ། །ཡི་གེ་ལྷག་མ་
གཟུང་བྱས་ཏེ། །དགེ་དང་མི་དགེ་མཚོན་པར་བྱ། །ཡང་ན་རི་མོ་ཀྱག་ཀྱོག་བྲི། །དབྱངས་ཀྱི་དང་པོ་ལ་སོགས་བགྲང་། །ཡང་ན་མེ་ཏོག་གཏོར་ནས་ནི། །དེ་བཞིན་ས་ནི་མཚོན་པར་བྱ། །ཡང་ན་སྔོ་དྲོ་
རོ་ཧི་ཏཱའི། །དུས་སུ་རྩི་བ་པོ་ཡིས་བལྟ། །རྣལ་འབྱོར་བསྟན་བཅོས་རབ་རྒྱས་པའོ། །བཅུ་གཉིས་ཀྱི་ནི་གནས་དག་ཏུ། །སེམས་ནི་བསྐྱེད་པའི་ཆོ་ག་བཤད། །རོ་ཧི་ཏཱའི་དུས་བདག་ཉིད་བསམ། །

85-1-252a

ས་དབང་ཕྱུག་ལ་དེ་བཞིན་ཁྱིམ། །རྨི་ལམ་ལ་ནི་སྤུན་གྱི་བསམ། །བྱཱ་ཀུ་ལི་ལ་ཉེ་དུ་སྟེ། །བྷི་དྲི་ཀཱ་ལ་བུ་ཡི་བསམ། །སྨེ་བ་ལ་ནི་དགྲ་ཡིར་བསྟན། །རཎྜཱ་ལ་ནི་སྦྱོར་བ་བསམ། །མ་ཀ་ར་
ལ་གསོ་དཔྱད་དོན། །རུས་སྦལ་ལ་ནི་ཆོས་ཀྱི་དོན། །ཁྱུ་མཆོག་ལ་ནི་དྲག་པོའི་ལས། །བཟང་པོ་ལ་ནི་ནོར་ཤེས་བྱ། །གཏི་མུག་ལ་ནི་ཀུན་ཏུ་འཁྲུག །འཕེལ་བ་ལ་ནི་རེག་བྱེད་ན། །དོན་རྣམས་འགྲུབ་པར་འགྱུར་
བ་དང་། །ནོར་དང་འབྲུ་དང་ཕྲད་པ་དང་། །གྲོགས་པོ་སྡུག་དང་འཕྲད་པར་འགྱུར། །དུས་ནི་རིང་པོར་མི་སྡོད་ཅིང་། །མྱུར་དུ་འཕྲད་འགྱུར་གདོན་མི་ཟ། །ས་དབང་ཕྱུག་ལ་རེག་ཙམ་གྱིས། །ལམ་དུ་འགྲོ་
བ་ཉིད་དང་ནི། །ཁ་ཟས་སེམས་དང་བུ་དང་ནོར། །ལམ་གྱི་བསམ་པ་སྟོན་པར་བྱེད། །རྨི་ལམ་ལ་ནི་ནོར་རྙེད་ཅིང་། །མཆོད་པ་འཐོབ་ཅིང་གྲོགས་དང་འཕྲད། །གཉེན་བཤེས་ཡིད་ནི་དགའ་བ་དང་། །
ཞི་ཞིང་དགོས་པའང་འགྲུབ་པར་སྟོན། །བྱཱ་ཀུ་ལ་ལ་མྱ་ངན་དང་། །ཁྱེད་པར་ཅན་གྱི་དོན་ཉམས་ཤིང་། །གཉེན་འདུན་དང་ནི་འབྲལ་བར་འགྱུར། །བྷི་དྲི་སྐྱེས་ནི་སྟེར་བ་དང་། །བྱམས་པར་སྨྲ་བ་རྙེད་འགྱུར་ཏེ། །
བུ་ནི་སྐྱེ་བ་མཐོང་བར་འགྱུར། །མི་ཀི་རཱ་ལ་རྩོད་པ་དང་། །ཅ་ཅོས་ཀུན་ཏུ་ཉོན་མོངས་ཤིང་། །ཆོམ་པོ་བཀྲ་ནི་མི་ཤིས་དང་། །གཉེན་འདུན་ནད་ཀྱིས་ཐེབས་པར་འགྱུར། །རཎྚཱ་ལ་ནི་བཏུང་དང་བཟའ། །
གོས་དང་རྒྱན་ལ་སོགས་རྙེད་ཅིང་། །སྟོར་བ་སླར་ཡང་རྙེད་པ་དང་། །བུད་མེད་སྡུག་དང་ཕྲད་པར་འགྱུར། །མ་ཀ་ར་ལ་སེམས་ཁྲལ་དང་། །དོན་གཉེར་འབྲས་བུ་མེད་པར་འགྱུར། །ཡིད་འོང་ནོར་དང་འབྲལ་
འགྱུར་ཞིང་། །འདོད་པ་རྣམས་དང་འཕྲད་མི་འགྱུར། །རུས་སྦལ་ལ་ནི་སྐལ་བཟང་ཞིང་། །ཞི་དང་བསྲུང་དང་བཀྲ་ཤིས་འགྱུར། །སྟན་དང་ནོར་དང་བཏུང་བ་རྙེད། །ཁྱུ་མཆོག་ལ་ནི་ལས་རྣམས་ལ། །རྒྱལ་པོའི་

85-1-252b

ཆད་པས་ངེས་པར་འཇིགས། །མྱ་ངན་དང་ནི་གནས་སུ་འགྲོ། །བྱེ་བྲལ་དག་ནི་མཐོང་བར་འགྱུར། །བཟང་པོ་ལ་ནི་ལོངས་སྤྱོད་དང་། །དོན་རྣམས་ཐམས་ཅད་ངེས་
པར་འགྲུབ། །མཆོད་པའི་གནས་འགྱུར་གྲོགས་དང་ནི། །བཀྲ་ཤིས་དག་ནི་འབྱུང་བར་འགྱུར། །གཏི་མུག་ལ་ནི་དོན་རྣམས་ཀུན། །སྙིང་པོ་མེད་པའི་རྩྭ་དང་མཚུངས། །གནས་ནི་བཅིངས་དང་
ལམ་གྱི་ནི། །འདུ་ཤེས་དག་ནི་མཐོང་བར་འགྱུར། །ཉོན་ཅིག་ལྷ་མོ་སྐལ་བ་ཆེན་མོ། །ཡན་ལག་གི་ནི་མཚན་མ་རྣམས་ནི། །འཕེལ་བའི་ཉི་མ་ལ་མིག་གཡོན་པ་འགུལ་ན་ཕ་དང་མ་སྐྲག་པར་འགྱུར་རོ། །
སའི་དབང་ཕྱུག་ལ་ནི་མཛེས་པར་སྣང་ངོ་། །རྨི་ལམ་ལ་ནི་གོས་རྙེད་དོ། །འཕྱོ་བ་ལ་ནི་ནོར་རྙེད་དོ། །འབུག་པ་ལ་ནི་མ་དང་ཕ་ལ་ཉེས་དོན་འབྱུང་ངོ་། །སྨེ་བ་ལ་ནི་ཅིར་ཡང་མི་འགྱུར་རོ། །ཡུགས་ས་མོ་
ལ་ནི་གཉེན་འདུན་འོང་ངོ་། །ཆུ་སྲིན་ལ་ནི་བགོ་བ་རྙེད་དོ། །རུས་སྦལ་ལ་ནི་འཐབ་རྩོད་དོ། །ཁྱུ་མཆོག་ལ་ནི་བྱང་ཕྱོགས་ནས་མགྲོན་པོ་འོང་ངོ་། །བཟང་པོ་དང་། གཏི་མུག་ལ་དེ་བཞིན་དུ་བགོ་བའོ། །འཕེལ་
བའི་ཉི་མ་ལ་མིག་གཡས་པ་འགུལ་བའི་འབྲས་བུ་ཡང་སྔ་མ་བཞིན་ནོ། །སའི་དབང་ཕྱུག་ལ་ནི་ཅིའི་མཚན་མར་ཡང་མི་འགྱུར་རོ། །རྨི་ལམ་ལ་ནི་འཐབ་རྩོད་དོ། །བྱཱ་ཀུ་ལི་ལ་ནི་ལམ་རིངས་ཀྱི་གཏམ་ཐོས་པར་འགྱུར་རོ། །
འབུགས་པ་ལ་ནི་ནོར་ཉམས་པར་འགྱུར་རོ། །སྨེ་བ་ལ་ནི་ནོར་རྙེད་པར་འགྱུར་རོ། །ཡུགས་ས་མོ་ལ་ནི་ངུ་བར་སྟོན་ནོ། །ཆུ་སྲིན་ལ་ནི་ཅིར་ཡང་མི་འགྱུར་རོ། །རུས་སྦལ་ལ་ནི་བགོ་བ་རྙེད་དོ། །ཁྱུ་མཆོག་ལ་ནི་སྟོར་བ་
རྙེད་པར་འགྱུར་རོ། །བཟང་པོ་ལ་ནི་འགྲོན་པོ་འོང་བར་འགྱུར་རོ། །གཏི་མུག་ལ་ནི་ཕོ་ཉ་དང་ཕྲད་དོ། །ཡང་རོ་ཧི་ཏཱའི་ཉི་མ་ལ། རྣ་བ་གཡས་པ་ངུ་ན་བུད་མེད་དང་འཕྲད་དོ། །སའི་དབང་ཕྱུག་གིས་ནི་མཛེས་པར་

85-1-253a

འགྱུར་རོ། །རྨི་ལམ་གྱིས་ནི་མགུ་བར་འགྱུར་རོ། །བྱཱ་ཀུ་ལིས་ནི་བཏུང་བ་རྙེད་དོ། །བྷི་དྲི་ཀས་ནི་ཅུང་ཟད་སྐྲག་པར་འགྱུར་རོ། །མི་ཀི་རཱས་ཀྱང་དེ་བཞིན་ནོ། །རཎ་ཌས་ནི་མྱ་ངན་གྱིས་འཛིན་ནོ། །མ་ཀ་
རས་ནི་མཛེས་པར་འགྱུར་རོ། །རུས་སྦལ་ནི་འགྲོན་པོ་འོང་ངོ་། །བྲྀ་ཥ་བྷས་ནི་བྱམས་སྡུག་ཏུ་འགྱུར་རོ། །བཟང་པོས་ནི་མཉེས་པར་འགྱུར་རོ། །གཏི་མུག་གིས་ནི་ཅིར་ཡང་མི་འགྱུར་རོ། །རོ་ཧི་ཏཱའི་ཉི་མ་ལ་རྣ་བ་གཡོན་པ་ངུ་ན། བཟའ་བ་
དང་བཏུང་བ་འོང་བར་འགྱུར་རོ། །སའི་དབང་ཕྱུག་གིས་ནི་དགེ་བར་འགྱུར་རོ། །རྨི་ལམ་གྱིས་ནི་སྔོན་མ་མཐོང་བ་ཅུང་ཟད་མཐོང་བར་འགྱུར་རོ། །བྱཱ་ཀུ་ལི་ལ་བཅིང་བར་འགྱུར་རོ། །བྷི་དྲི་ཀཱ་ལ་འཐབ་རྩོད་འབྱུང་ངོ་། །མི་ཀི་རཱ་ལ་
གཞན་དག་འོང་ངོ་། །རཎྚཱ་ལ་སྟོར་བརླག་ཐོས་པར་འགྱུར་རོ། །མ་ཀ་ར་ལ་ཤི་ཆད་ཐོས་པར་འགྱུར་རོ། །ཀཱུརྨ་ལ་མྱ་ངན་གྱིས་འཛིན་ཏོ། །བྷྀ་ཥ་བྷ་ལ་དགེ་བར་སྟོན་ནོ། །བཟང་པོས་ནི་གཏམ་ངན་ཐོས་པར་འགྱུར་རོ། །གཏི་མུག་
གིས་ནི་ཅིར་ཡང་མི་འགྱུར་རོ། །རོ་ཧི་ཏཱའི་ཉི་མ་ལ་རྐན་གཡའ་ན། མི་ཆེན་པོ་འོང་ངོ་། །སའི་དབང་ཕྱུག་གིས་ནི་ཁྱིམ་དགེ་བར་འགྱུར་རོ། །རྨི་ལམ་གྱིས་ནི་སུ་ཞིག་འོང་བར་སྟོན་ནོ། །བྱཱ་ཀུ་ལིས་ནི་བགོ་བ་རྙེད་དོ། །བྷི་དྲི་ཀཱས་ནི་སེམས་
ཁྲལ་སྐྱེ་བོ། །མི་ཀི་རཱས་ནི་བདེ་བར་སྟོན་ནོ། །རཎ་ཌཱས་ནི་སྐྲག་གོ། །མ་ཀ་རས་ནི་ཁྱིམ་འཕེལ་ལོ། །ཀཱུར་མས་ནི་སུ་ཞིག་འཆི་བར་སྟོན་ཏོ། །ཁྱུ་མཆོག་གིས་ནི་འདྲོན་པོ་འོང་བར་གྱུར་ཏོ། །བཟང་པོས་ནི་ཆོམ་པོ་འོང་བར་སྟོན་ཏོ། །གཏི་མུག་
གིས་ནི་ཁྱིམ་མཛེས་པར་སྟོན་ཏོ། །རོ་ཧི་ཏཱའི་ཉི་མ་ལ་ལུས་ཐམས་ཅད་གཡེན། འཐབ་རྩོད་དང་སྐྱོ་སྔོགས་འབྱུང་ངོ་། །སའི་དབང་ཕྱུག་གིས་ནི་ནོར་རྙེད་དོ། །རྨི་ལམ་གྱིས་ནི་འཇིགས་པར་འགྱུར་རོ། །བྱཱ་ཀུ་ལིས་ནི་མ་དང་ཕ་ལ་ཉེས་དོན་འབྱུང་ངོ་། །
བྷི་དྲི་ཀཱས་ནི་ལས་ཉེ་བར་གནས་པར་སྟོན་ཏོ། །མི་ཀི་རཱས་ནི་ཕ་མ་སྐྲག་པ་སྐྱེ་བར་འགྱུར་རོ། །རཎ་ཌཱས་ནི་ལྷོ་ཕྱོགས་ནས་འགྲོན་པོ་འོང་བར་སྟོན་ཏོ། །མ་ཀ་རས་ནི་སྐྱ་སེང་འོང་བར་སྟོན་ཏོ། །ཀཱུར་མས་ནི་འགྲོན་པོ་བློ་བུར་དུ་འོང་ངོ་། །

85-1-253b

བྷི་ཥ་བྷས་ནི་མྱ་ངན་སྐྱེའོ། །བྷ་དྲས་ནི་འཇིགས་པ་ཆེན་པོ་འབྱུང་ངོ་། །གཏི་མུག་གིས་ནི་སངས་རྒྱས་རྗེས་སུ་དྲན་ནོ། །རོ་ཧི་ཏཱའི་ཉི་མ་ལ་རྐང་པའི་ཤ་འགུལ་ན་དགེའོ། །སའི་དབང་ཕྱུག་ཀྱང་དེ་བཞིན་ནོ། །རྨི་ལམ་གྱིས་ནི་གཏམ་འདྲི་བ་དག་འོང་ངོ་། །
བྱཱ་ཀུ་ལིས་ནི་འཐབ་རྩོད་དོ། །བྷི་དྲི་ཀཱས་ནི་བདག་པོ་མཛེས་པར་འགྱུར་རོ། །མི་ཀི་རཱས་ཀྱང་འཐབ་རྩོད་དོ། །རཎ་ཌས་ནི་འཐབ་རྩོད་དང་སྐྱོ་སྔོགས་སུ་འགྱུར་རོ། །མ་ཀ་རས་ཀྱང་དེ་བཞིན་ནོ། །ཀཱུར་མས་ནི་དེ་ཉིད་དུ་སུ་ཞིག་འཆི་བར་སྟོན་
བྲྀ་ཥ་བྷས་ནི་གོས་རྙེད་དོ། །བྷ་དྲས་ནི་ནད་དང་ཕྲད་པར་འགྱུར་རོ། །མོ་ཧི་ཏཱས་ནི་མྱ་ངན་དང་ཕྲད་པར་འགྱུར་རོ། །འཕེལ་བ་ནོར་རྒྱས་བུ་ཡིན་ཏེ། །གཏི་མུག་དེ་བཞིན་འཇོག་པོ་ཡིན། །བཟང་པོ་སྟོབས་ཀྱིས་རྒྱུ་བ་སྟེ། །ཁྱུ་མཆོག་པད་མར་
ཤེས་བྱ་སྟེ། །རུས་སྦལ་དེ་བཞིན་པད་མ་ཆེ། །ཆུ་སྲིན་དུ་ནི་དུང་སྐྱོང་གསུངས། །ཡུགས་ས་མོ་ནི་མཐའ་ཡས་བཞེད། །རིག་ལྡན་སྨེ་བར་ཤེས་པར་བྱ། །འབུགས་པ་མགོ་བརྒྱ་པ་ཞེས་བྱ། །འཕྱོ་བ་ཡིད་ཀྱིས་འགྲོ་བ་སྟེ། །
རྨི་ལམ་གཙིགས་པ་ཞེས་བྱ་ཡིན། །ས་ཡི་དབང་ཕྱུག་ཆར་འབེབས་སོ། །ལྷ་མོ་བཅུ་གཉིས་འདི་དག་ནི། །ལོ་གནས་རྟེན་འབྲེལ་བཅུ་གཉིས་དངོས། །དེ་ལྟར་ས་རྣམས་ཤེས་བྱས་ནས། །དགེ་དང་མི་དགེ་བརྟག་པར་བྱ། །
དེ་ནས་དུས་སུ་བགྲོད་པ་ནི། །བཤད་ཀྱིས་སྒྲུབ་པ་པོ་རྣམས་ཉོན། །དགའ་བ་སྐད་ཅིག་ཉིད་དང་ནི། །འབྲས་བུའི་ཡན་ལག་བྱེ་བྲག་རྣམས། །སུམ་འགྱུར་དུ་ནི་སྒྱུར་བྱས་ཏེ། །ཀུན་ལ་རྐང་པ་བཞི་ཡིས་དགང་། །མདུད་པ་
བཅད་ཅིང་འཆར་བ་ཡིས། །དུས་ནི་དེ་ལྟར་བརྗོད་པ་ཡིན། །ཆད་པ་བགེགས་དང་གཟའ་རྣམས་དང་། །མདུང་དང་དགྲ་རྣམས་ལྟུང་བ་དང་། །ཁྱིམ་ས་ཡི་ནི་དཔྱད་དག་ལ། །ལྟོ་འཕྱེ་ལྟོར་ནི་བརྐོ་བ་དང་། །
འགྲོ་འོང་སྦྱོར་བའི་བྱེ་བྲག་དང་། །ཚེ་དང་ནད་མེད་སྤེལ་བ་དང་། །དེ་བཞིན་ས་བོན་གདབ་པ་དང་། །ཕྱུགས་རྣམས་ཇི་ལྟར་གདུལ་བ་དང་། །བྲལ་དང་འདུ་དང་རྒྱལ་སྲིད་དང་། །རྙེད་པ་དག་ནི་སྤང་བྱ་ཞིང་། །

85-1-254a

ཡིད་ལས་བྱུང་དང་གཡུལ་འགྱེད་དང་། །སྡོང་བུའི་ཕུང་པོ་དེ་བཞིན་ཏེ། །བྱིས་པ་གསོ་བའི་སྒྲུབ་པ་དང་། །མིག་སྨན་ཁྱབ་པར་དེ་བཞིན་ཏེ། །དུས་དང་ཚོད་ལ་སོགས་པ་ཉིད། །ཉིན་དང་ཉིན་གྱིས་དབྱེ་བར་བྱ། །
བཅུད་ཀྱིས་ལེན་དང་རྩི་རྣམ་གཉིས། །ལས་ནི་ཡོངས་སུ་སྨིན་པར་བྱ། །སེམས་འཕེལ་མཉམ་པར་འཇུག་པ་ཡིས། །སྲིད་དང་ཞི་བའི་རང་བཞིན་ཏེ། །དེ་ལྟར་རྩི་དང་བཅུད་ལེན་སྩོགས། །བློ་ལྡན་འབད་པས་ཤེས་བྱ་ཞེས། །
དམ་ཚིག་ཀུན་དང་མཉམ་སྦྱོར་བའི། །རྡོ་རྗེ་མཁའ་འགྲོ་བདེ་བའི་མཆོག །རྡོ་རྗེ་སེམས་དཔའ་དེ་བཞིན་གཤེགས། །བཅོམ་ལྡན་རྡོ་རྗེ་ཅན་གྱིས་གསུངས། །རྒྱུད་ཀྱི་རྒྱལ་པོ་ཆེན་པོ་དཔལ་རྡོ་རྗེ་མཁའ་འགྲོ་
ལས། །དབུགས་བརྩི་བའི་རིམ་པར་ཕྱེ་བ་ཞེས་བྱ་བ་སྟེ་བཅུ་པའོ།། །། དེ་ནས་ཡང་དག་བཤད་བྱ་བ། །དངོས་གྲུབ་མཆོག་གི་རིག་པ་ལ། །སྒྱུ་མ་ཆེན་མོ་ཞེས་བྱ་བ། །གསང་བ་
ཆེན་པོའི་དབང་ཕྱུག་སྟེ། །སེམས་ཅན་ཐམས་ཅད་གདུལ་མཛད་གཉེན། །དབང་ཕྱུག་ཐམས་ཅད་བྱེད་པ་པོ། །འདི་ནི་རིག་པ་དམ་པ་མཆོག །མིང་ཙམ་མཆོག་ཏུ་རྙེད་དཀའ་བ། །དང་པོ་ཆོས་ཀྱི་འབྱུང་
གནས་བསམ། །དེ་ནས་ཡི་གེ་དགོད་པར་བྱ། །དབྱངས་ཡིག་དང་པོ་ཐིག་ལེར་བཅས། །པད་མའི་སྟེང་དུ་ཡང་དག་གནས། །རྟག་ཏུ་དབུགས་ཀྱི་ངོ་བོ་སྟེ། །འབྱུང་བ་རུ་ནི་བྱེད་པ་ཡིན། །འབར་བའི་ཕྲེང་བས་
མཛེས་པའི་མདོག །ཕྱོགས་ཀུན་དུ་ནི་རྣམ་པར་འཕྲོ། །སྣ་ཚོགས་མདུད་པའི་འཆར་བ་ཆེ། །ཟླ་བའི་དབུགས་གནས་བསྒོམ་པར་བྱ། །ཀུན་ཏུ་འགྲོ་བ་འཐོབ་འགྱུར་ཞིང་། །འདི་ནི་རྙེད་དཀའི་སངས་རྒྱས་འགྱུར། །
དེ་ཉིད་སྤངས་པས་ཡི་གེ་མེད། །འགྱུར་མེད་རྙོག་པ་མེད་པ་སྟེ། །དུང་དང་ཟླ་འདྲ་དྲི་མེད་པའི། །བྱང་ཆུབ་སེམས་ཞེས་དེ་བྱའོ། །རང་གི་སྙིང་གི་དབུས་གྱུར་པར། །འདབ་བརྒྱད་པད་མས་ཤིན་ཏུ་བརྒྱན། །དེ་ཡི་དབུས་

85-1-254b

གྱུར་ས་བོན་ནི། །གངས་དང་འདྲ་བར་འཛག་པ་སྟེ། །མཆོག་ཏུ་ཞི་བའི་ཧ་ལ་ནི། །དབྱངས་ཡིག་དྲུག་པ་དང་སྦྱར་ནས། །ཐིག་ལེས་སྟེང་དུ་བརྒྱན་པ་ཡི། །ཡི་གེ་དགོད་པས་དགོད་པར་བྱ། །རྣལ་འབྱོར་
པ་ཡི་དབུགས་རྔུབ་བྱེད། །དངོས་དང་དངོས་མེད་རྣམ་སྤངས་པའོ། །རང་གི་མགྲིན་དབུས་གནས་པར་ཡང་། །པད་མ་དམར་པོ་ཀུན་འོང་མཛེས། །དེར་ནི་ཐིག་ལེ་ཟླ་བ་ཡིས། །བརྒྱན་པའི་དབྱངས་ཡིག་བཅུ་
གསུམ་པ། །པུ་ལུ་ཏ་ཞེས་བྱ་བར་གྲགས། །མགོ་ཡི་ཀླད་པའི་དབུས་གནས་པར། །ཐིག་ལེའི་གཟུགས་ཅན་མི་ཤིགས་པ། །ཨ་ཏ་ས་ཡི་མེ་ཏོག་བཞིན། །འོག་ཏུ་བལྟས་ཤིང་འཕྱང་བ་སྟེ། །
ཉིན་དང་མཚན་དུ་བདུད་རྩི་ཡི། །ཚུལ་གྱིས་འབབ་པས་ཡང་དག་གནས། །དང་པོ་འཁོར་ལོ་བསྒོམས་ནས་ནི། །དབྱངས་ཡིག་གིས་ནི་ཁྱད་པར་སྦྱར། །རང་གི་ཕྱག་རྒྱར་མངོན་ལྡན་པས། །སངས་རྒྱས་བྱང་ཆུབ་
རབ་ཏུ་སྟེར། །དེ་ཡི་བརྟུལ་ཞུགས་མ་བཤད་དེ། །སྦྱིན་སྲེག་ལས་དང་སྔགས་རྣམས་དང་། །གཟུང་བ་དང་ནི་བགྲང་ཕྲེང་དང་། །གཅིག་ནས་གཅིག་ཏུ་ལྡོག་པར་འགྱུར། །སྔགས་ཀྱི་དཀྱིལ་འཁོར་དབྱིབས་ཆོས་དག །
སྦྱོར་བ་རྣམ་གསུམ་ཞེས་བྱ་སྟེ། །དུག་མེད་བྱས་ནས་ནན་ཏན་དུ། །བརྟེན་བྱ་འདི་ནི་བསྟེན་བྱས་ནས། །སྲིད་པའི་ལོངས་སྤྱོད་དག་འགྱུར་ཞིང་། །སྲིད་པས་སྲིད་པ་མཆོག་གི་བདག །ཡེ་ཤེས་རྣམ་པ་གསུམ་
གྱིས་ནི། །སྲིད་པའི་ཉེས་པས་གོས་མི་འགྱུར། །རྣལ་འབྱོར་པ་ཡིས་སྦྱོར་བ་འདི། །རྟག་ཏུ་རྒྱུན་དུ་གོམས་བྱས་ན། །ཟླ་དྲུག་ཙམ་གྱིས་ངེས་པར་ནི། །རྡོ་རྗེ་སེམས་དཔའ་མཉམ་འགྱུར་ཞེས། །
རྡོ་རྗེ་མཁའ་འགྲོ་བདེ་བའི་མཆོག །བཅོམ་ལྡན་རྡོ་རྗེ་ཅན་གྱིས་གསུངས། །ཟླ་བའི་དཀྱིལ་འཁོར་ཡོངས་རྫོགས་པ། །བྷ་གའི་དབུས་སུ་བསྒོམ་པར་བྱ། །དེ་ཡི་དབུས་གྱུར་ས་བོན་ནི། །སྔོ་ཞིང་ཅུང་ཟད་དམར་

85-1-255a

བའི་འོད། །འོད་ཟེར་སྔོན་པོའི་ཕྲེང་འཁྲུགས་ལས། །འདམ་སྐྱེས་སྔོན་པོ་ལྟ་བུ་ཡི། །ཞལ་གཅིག་ཕྱག་བཞི་སྤྱན་གསུམ་པ། །མགོ་སྐྱེས་ཁམ་པ་གྱེན་བསྒྲེང་ཞིང་། །རྒྱན་རྣམས་ཀུན་གྱིས་རྣམས་པར་
ཀླུབས། །རྐེད་པ་སྟག་གི་ལྤགས་པས་དཀྲིས། །ཕྱག་ན་ལྕགས་ཀྱུ་ཞགས་པ་དག །མདའ་དང་གཞུ་ནི་མཆོག་ཏུ་འགེངས། །ཨིན་དྲ་ནཱི་ལ་ལྟ་བུ་སྟེ། །དང་པོའི་ཡི་གེ་ལས་བྱུང་སྒོམ། །གང་གི་རིག་པ་རབ་
སྦྱོར་བས། །ཀུན་ནས་དེ་མ་ཐག་ཏུ་འགྲུབ། །དམར་པོ་རུ་ནི་བསྒོམས་ནས་སུ། །དེ་ནས་ཆོ་ག་བཞིན་དུ་བྱ། །དབྱངས་ཡིག་གཉིས་པ་དང་ལྡན་པར། །སྲིད་པ་གསུམ་པོ་བསྒོམ་པར་བྱ། །འབད་པས་
བསྒྲུབ་བྱ་སྣང་བྱས་ཏེ། །སླར་ཡང་དེ་ཉིད་དུ་ནི་གཞུག །དེས་ནི་ས་གསུམ་མ་ལུས་པ། །བསྒྲུབ་པ་པོ་ཡི་དབང་དུ་འགྱུར། །ཚངས་དང་ཁྱབ་འཇུག་དྲག་པོ་དང་། །དབང་པོ་དང་ནི་འདོད་ལྷ་སོགས། །
ཡི་གེ་ཕན་ཚུན་བསྐུལ་བ་ཡི། །ཆུང་མ་དང་ནི་བཅས་ཏེ་མགུགས། །བཅོམ་ལྡན་དེ་ཉིད་ཤེས་བྱ་བ། །སྤྱོད་པའི་གར་གྱིས་གཙོ་བོ་ཡིན། །དེ་ནས་དབུས་མའི་མཐའ་དང་ལྡན། །ཐིག་ལེ་སྒྲ་ཡིས་ཡང་དག་
མཚན། །སྐུ་གསུང་ཐུགས་ལ་ལེགས་གནས་པར། །དངོས་པོ་བསྒོམ་པས་བསྒོམ་བྱས་ན། །གོང་བུ་དགུག་པའི་དམ་པ་ཡིན། །བྷ་ག་ཡི་ནི་དབུས་གྱུར་པ། །ཡེ་གེ་རྒྱ་མཚོ་བསྒོམ་བྱས་ལ། །
ཡི་གེ་མི་འགྱུར་རྫོགས་པ་ལས། །སྐུ་མདོག་དཀར་པོ་ཞལ་བཞི་པ། །རྡོ་རྗེ་དང་ནི་ཁ་ཊྭཱྃ་རྣམས། །དཔའ་བོ་སྤྱི་གཙུག་ཟླ་ཕྱེད་བརྒྱན། །གཤོར་དང་ཐོད་པའང་བསྡམས་པ་སྟེ། །དབུགས་མི་གཡོ་བར་
བསྒོམ་པར་བྱ། །རླུང་དང་མེ་ནི་ཡང་དག་ལྡན། །ཆུ་དང་དབང་ཆེན་མནན་པ་སྟེ། །སྤྲོ་བའི་བདག་ཉིད་ཅན་གྱིས་སྤྲོ། །འབད་དེ་སྒྲུབ་བྱ་དམིགས་ན་ནི། །ཁུ་བ་དགུག་པའི་དམ་པ་ཡིན། །

85-1-255b

ཙྀ་ཡི་ཡེ་ཤེས་ལས་བྱུང་བ། །སྐུ་མདོག་སེར་པོ་ཀུན་ཏུ་འབར། །ཞལ་བཞི་པ་ལ་ཕྱག་བཞི་པ། །མགོ་སྐྱེས་ཐོད་པའི་ཕྲེང་བས་བརྒྱན། །སྡིགས་མཛུབ་རྡོ་རྗེ་ཞགས་པ་དང་། །ཀ་པཱ་ལ་ནི་ཕྱག་གཡོན་ན། །
གཡས་ན་རྡོ་རྗེ་འབར་བ་དང་། །དེ་བཞིན་དུ་ནི་ལྕགས་ཀྱུའི་མཆོག །རྟ་ཞལ་ཚུལ་དུ་བྱས་ནས་ནི། །ཆང་འགུགས་པའི་དམ་པ་ཡིན། །ར་ཡི་ཡེ་ཤེས་ལས་བྱུང་བ། །འོད་ཟེར་དམར་པོ་དྲག་ཆེན་པོ། །
དཔའ་བོ་ཐོད་པའི་ཕྲེང་བ་ཅན། །རྒྱན་ཀུན་གྱིས་ནི་རྣམ་པར་ཀླུབས། །ཞལ་བཞི་པ་ལ་ཕྱག་བཞི་པ། །ལྕེ་སྤྱང་གི་ནི་གདོང་ཅན་ཏེ། །ཁ་ཊྭཱྃ་ག་དང་ཐོད་པ་དང་། །རྡོ་རྗེ་དེ་བཞིན་རལ་གྲི་བསྣམས། །ཁྲག་གིས་
གང་བའི་ལུས་ཅན་སྒོམ། །འབེད་དེ་བསྒྲུབ་བྱ་དམིགས་ནས་ནི། །མཁའ་འགྲོ་མ་ཡི་འཁོར་ལོ་སྤྲོ། །རྡོ་རྗེ་ཕྲ་མོས་ཕུག་ནས་སུ། །འཇིབ་པ་ཉིད་དུ་རབ་བསྒོམས་ན། །ཁྲག་དགུག་པ་ཡི་དམ་པ་ཞེས། །
སྒྱུ་མ་ཀུན་དང་མཉམ་སྦྱོར་བའི། །རྡོ་རྗེ་མཁའ་འགྲོ་ཞེས་གྲགས་པ། །རྡོ་རྗེ་སེམས་དཔའ་དེ་བཞིན་གཤེགས། །བཅོམ་ལྡན་རྡོ་རྗེ་ཅན་གྱིས་གསུངས། །རྒྱུད་ཀྱི་རྒྱལ་པོ་ཆེན་པོ་དཔལ་རྡོ་རྗེ་མཁའ་འགྲོ་ལས། 
སྒྱུ་མ་ཀུན་ཏུ་རྣམ་པར་འཕྲུལ་པའི་རིམ་པ་ཕྱེ་བ་སྟེ་བཅུ་གཅིག་པའོ།། །། རྡོ་རྗེ་མཁའ་འགྲོའི་སྒྲུབ་ཐབས་ནི། །བཤད་པར་བྱ་ཡིས་ལྷ་མོ་ཉོན། །དང་པོར་རོ་ནི་བསྒོམས་བྱས་ཏེ། །
མཁས་པས་ཆོས་དབྱིངས་རང་བཞིན་བསམ། །རྣལ་འབྱོར་པ་ནི་དེར་གནས་ནས། །གོ་འཕང་མཆོག་ནི་བསྒོམ་པར་བྱ། །རང་སྙིང་ཟླ་བའི་དབུས་སུ་ནི། །དེ་ཉིད་ཐམས་ཅད་བཀོད་ནས་སུ། །དེ་ཡི་འོད་ཟེར་
ལས་བྱུང་བ། །མཁའ་འགྲོ་མ་སོགས་མཆོད་ནས་ནི། །ཕྱག་བྱས་ནས་ནི་འདི་སྐད་བརྗོད། །སངས་རྒྱས་བྱང་ཆུབ་སེམས་དཔའ་རྣམས། །ཀུན་ནས་བདག་ལ་དགོངས་སུ་གསོལ། །བདག་མིང་འདི་ཞེས་བགྱི་

85-1-256a

བ་ནི། །དུས་འདི་ནས་བཟུང་ཇི་སྲིད་དུ། །བྱང་ཆུབ་སྙིང་པོར་མཆིས་ཀྱི་བར། །ཇི་ལྟར་དུས་གསུམ་མགོན་པོ་རྣམས། །ཡང་དག་བྱང་ཆུབ་ངེས་མཛད་པ། །དེ་བཞིན་བླ་མེད་བྱང་ཆུབ་སེམས། །དམ་པ་
བདག་གིས་བསྐྱེད་པར་བགྱི། །སངས་རྒྱས་རྣལ་འབྱོར་སྐྱེད་སྡོམ་པ། །སངས་རྒྱས་ཆོས་དང་དགེ་འདུན་ཏེ། །བླ་ན་མེད་པའི་དཀོན་མཆོག་གསུམ། །དེང་ནས་བརྩམས་ཏེ་མཆོག་ཏུ་གཟུང་། །བསླབ་པ་ཡི་ནི་
ཚུལ་ཁྲིམས་དང་། །དགེ་བའི་ཆོས་ནི་བསྡུ་བ་དང་། །སེམས་ཅན་དོན་བྱེད་ཚུལ་ཁྲིམས་གསུམ། །བདག་གིས་སོ་སོར་བརྟན་པོར་བཟུང་། །རྡོ་རྗེ་རིགས་མཐོ་ཆེན་པོ་ལ། །རྡོ་རྗེ་དྲིལ་བུ་ཕྱག་རྒྱ་ཡང་། །
ཡང་དག་ཉིད་དུ་གཟུང་བགྱི་ཞིང་། །སློབ་དཔོན་དག་ཀྱང་བདག་གིས་གཟུང་། །རིན་ཆེན་རིགས་ཆེན་རྣལ་འབྱོར་གྱི། །དམ་ཚིག་ཡིད་དུ་འོང་བ་ལ། །ཉིན་རེ་ཞིང་ནི་དུས་དྲུག་ཏུ། །སྦྱིན་པ་རྣམ་བཞི་
སྩལ་བར་བགྱི། །བྱང་ཆུབ་ཆེན་པོ་ལས་བྱུང་བའི། །པད་མའི་རིགས་ཆེན་དག་པ་ལ། །ཕྱི་ནང་གསང་བའི་ཐེག་པ་གསུམ། །དམ་ཆོས་ཡང་དག་གཟུང་བར་བགྱི། །ལས་ཀྱི་རིགས་མཆོག་ཆེན་པོ་
ལ། །མཆོད་པ་ཅི་ནུས་བགྱི་བ་དང་། །སྡོམ་པ་ཐམས་ཅད་ལྡན་པར་བགྱི། །བླ་ན་མེད་པའི་བྱང་ཆུབ་སེམས། །དམ་པ་དེ་ནི་སྐྱེད་བགྱི་ཞིང་། །སེམས་ཅན་ཀུན་གྱི་དོན་གྱི་ཕྱིར། །སྡོམ་པ་མ་ལུས་གཟུང་
བར་བགྱི། །མ་རྒལ་བ་རྣམས་བསྒྲལ་བ་དང་། །མ་གྲོལ་བ་རྣམས་བདག་གིས་དགྲོལ། །དབུགས་མ་ཕྱིན་པ་དབུགས་དབྱུང་ཞིང་། །འགྲོ་ཀུན་མྱ་ངན་འདས་ལ་དགོད། །དེ་ནས་ཨོཾ་སྭ་བྷཱ་བ་ཤུད་དྷ་སརྦ་
དྷརྨཿསྭ་བྷཱ་བ་ཤུད་དྷོ྅ཧྃ། དེ་ནས་ཚིག་འདི་བརྗོད་ནས་ཆོས་ཐམས་ཅད་བདག་མེད་པར་ལྟ་སྟེ། དེ་ཉིད་བཅོམ་ལྡན་རྡོ་རྗེ་ཅན། །རྡོ་རྗེ་སེམས་དཔའ་དེ་བཞིན་གཤེགས། །སྐུ་མདོག་སྔོན་པོ་འཇིགས་

85-1-256b

ཆེན་པོ། །ཐོད་པའི་ཕྲེང་བས་རྣམ་པར་ཀླུབས། །ཞལ་བཞི་པ་ལ་ཕྱག་བཞི་པ། །སྤྱན་གསུམ་གྱིས་ནི་མཛེས་པ་སྟེ། །ཡི་དགས་ཆེན་པོ་གདན་དུ་བྱས། །ཉི་མ་ལ་བཞུགས་གར་དང་ལྡན། །ཕྱག་ན་ཐོད་པ་
ཁ་ཊྭཱྃ་དང་། །དེ་བཞིན་གཞན་ཡང་གཞུ་དང་མདའ། །ཆོ་གའི་བྱ་བ་དེ་ཉིད་ཀྱིས། །ཡེ་ཤེས་རྒྱ་མཚོ་བསྒོམ་པར་བྱ། །ཤར་ནི་དཀར་ཞིང་འོད་སྔོ་སྟེ། །གཡོན་ན་ཁ་ཊྭཱྃ་དྲིལ་བུ་དང་། །གཞན་ན་རྡོ་རྗེ་ཐོད་པའོ། །
བྱང་ཕྱོགས་དམར་གང་སེར་སྐྱའི་འོད། །གཡོན་ན་ཁ་ཊྭཱྃ་ཞགས་པ་དང་། །གཡས་ན་རྔེའུ་ཆུང་ཐོད་པ་བསྣམས། །ནུབ་ཕྱོགས་དམར་ཞིང་སེར་སྐྱའི་འོད། །གཞུ་དང་མདའ་ཡི་མཆོག་དང་ནི། །སྣ་ཚོགས་
པད་མ་ཐོད་པ་དག །གཡོན་དང་གཡས་ཀྱི་ཕྱག་ཏུ་དགོད། །ལྷོ་ནི་དཀར་ཞིང་སེར་བའི་འོད། །གཡོན་ན་དུང་དང་རིན་ཆེན་ཏེ། །གཡས་ན་བ་དན་ཐོད་པ་བསྣམས། །གླང་ཆེན་ལྕེ་སྤྱང་མི་དང་ནི། །
གླང་གི་ཐོད་པར་རིམ་བཞིན་བཞུག །དང་པོ་ལྟུང་བྱེད་མ་ཡིན་ཏེ། །གཉིས་པ་དེ་བཞིན་གསོད་མ་ཡིན། །གསུམ་པ་མགུགས་མ་ཞེས་བྱ་སྟེ། །བཞི་པ་གར་གྱི་དབང་ཕྱུག་མ། །རིག་མ་དེ་དག་གྱེན་
སྐྲ་འབར། །རྒྱན་རྣམས་ཐམས་ཅད་རྣམ་པར་ཀླུབས། །གར་དང་ལྡན་པས་ཡང་དག་བཞུགས། །ཕྱོགས་མཚམས་དག་ནི་བཞི་པོ་རུ། །ཐོད་པ་རྣམ་པ་བཞི་པོ་དགོད། །སངས་རྒྱས་གཟུགས་ཀྱིས་
རྣམ་བརྒྱན་པ། །སྤྱི་གཙུག་གསལ་བར་ཡང་དག་ལྡན། །དང་པོའི་ཡི་གེ་ལྡན་པ་རུ། །བསྒོམས་ན་སྐད་ཅིག་དེ་ལ་འབར། །རྫས་ཀྱི་དངོས་གྲུབ་འབྲས་རབ་སྟེར། །ལྷ་མོ་དེ་ལྟར་བསྒོམས་ན་ནི། །སྦྱོར་བའི་
དངོས་གྲུབ་རིག་པ་ཆེ། །ཡིད་ཆེས་ཡང་དག་འཇུག་པར་འགྱུར། །མི་སྣང་བ་དང་ཐམས་ཅད་དང་། །སྒྲུབ་པོས་སྐད་ཅིག་གིས་མཐོང་འགྱུར། །ལྷ་མཆོག་ལས་སྐྱེས་ཕྲོགས་ནས་སུ། །སངས་རྒྱས་ཀུན་

85-1-257a

གྱི་བུ་མོ་སྤྱོད། །གང་གཱའི་བྱེ་སྙེད་སངས་རྒྱས་རྣམས། །ཉིད་ཀྱི་རྡོ་རྗེ་གནས་བཞུགས་པ། །ལག་ཏུ་ཤིང་ཐོག་བཞག་པ་བཞིན། །རྡོ་རྗེ་མིག་གིས་མཐོང་བར་འགྱུར། །གང་གཱའི་བྱེ་སྙེད་ཞིང་
དག་ན། །སྐུ་གསུང་ཐུགས་ཀྱི་མཚན་ཉིད་རྣམས། །ཐམས་ཅད་རང་གི་སེམས་ཉིད་ཀྱི། །རི་མོ་ལས་བྱུང་མཐོང་བར་འགྱུར། །སྔགས་ཀྱི་ཡི་གེ་གོ་ཟློག་པས། །རྒྱུད་དང་སྔགས་ནི་བསྒོམ་པར་བྱ། །
གསང་ཆེན་དམ་པ་དེ་དག་ནི། །མཛེས་མ་ཁྱོད་ལ་བཤད་པ་ཡིན། །ཐོ་རངས་རང་གི་སྙིང་གར་ནི། །ཨ་ལས་ཟླ་བའི་དཀྱིལ་འཁོར་བསམ། །དེ་སྟེང་ཡི་གེ་ཧཱུྃ་བསྒོམས་ལ། །བྱམས་པའི་སེམས་ནི་བསྐྱེད་ནས་སུ། །
དེ་ནས་དཀྱིལ་འཁོར་བྲི་བར་བྱ། །གྲུ་བཞི་པ་ལ་སྒོ་བཞི་པ། །ཁ་ཁྱེར་དེ་བཞིན་རྡོ་རྗེས་མཚན། །སྐུད་པ་བཞི་དང་ཡང་དག་ལྡན། །དར་གྱི་ཕྲེང་བས་མཛེས་པར་བྱས། །དཀྱིལ་འཁོར་གྲྭ་རྣམས་ཐམས་ཅད་དང་། །
སྒོ་དང་སྒོ་ཁྱུད་མཚམས་རྣམས་སུ། །རྡོ་རྗེ་རིན་ཆེན་རྣམ་སྤྲས་པར། །ཕྱིའི་དཀྱིལ་འཁོར་ཐིག་གདབ་བྱ། །ཤེས་རབ་ཅན་གྱིས་དེའི་ནང་དུ། །འཁོར་ལོའི་ཕྲེང་བས་རྣམ་བརྒྱན་ཏེ། །དེ་ཡི་དབུས་སུ་པད་མ་ནི། །
དཀར་པོས་ཤིན་དུ་མཛེས་པར་བྱ། །སླར་ཡང་དེ་ཡི་དབུས་གྱུར་པར། །འོད་ལྡན་པད་མ་དཀར་པོ་བྲི། །དེ་ནས་སྔགས་པས་དེའི་ནང་དུ། །རྡོ་རྗེའི་ཕྲེང་བ་ཀུན་འཁྲུགས་བྲི། །སླར་ཡང་པད་ཆེན་འདབ་བརྒྱད་པ། །
ཨིན་ཏྲ་ནཱི་ལའི་འོད་འབར་བྲི། །རྡོ་རྗེ་ཀ་བའི་ནང་ལོགས་སུ། །དཀྱིལ་འཁོར་ལྔས་ནི་རྣམ་བརྒྱན་པ། །རི་རབ་ལྷུན་པོའི་སྟེང་དུ་ནི། །སྣ་ཚོགས་པད་མ་ཡིད་འོང་བསམ། །མཁའ་འགྲོ་ཀུན་དང་མཉམ་སྦྱོར་བའི། །
རྡོ་རྗེ་མཁའ་འགྲོ་བདེ་བའི་མཆོག །རྡོ་རྗེ་སེམས་དཔའ་དེ་བཞིན་གཤེགས། །བཅོམ་ལྡན་རྡོ་རྗེ་ཅན་གྱིས་གསུངས། །རྒྱུད་ཀྱི་རྒྱལ་པོ་ཆེན་པོ་དཔལ་རྡོ་རྗེ་མཁའ་འགྲོ་ལས་རྡོ་རྗེ་མཁའ་འགྲོ་འབྱུང་བའི་རིམ་པར་ཕྱེ་བ་སྟེ་བཅུ་

85-1-257b

གཉིས་པའོ།། །། དེ་ནས་ཡང་དག་བཤད་བྱ་བ། །དངོས་གྲུབ་ཐམས་ཅད་རབ་སྒྲུབ་པ། །གང་ཞིག་ཤེས་པ་ཙམ་གྱིས་ནི། །སྒྲུབ་པོས་དངོས་གྲུབ་ཐོབ་འགྱུར་བའོ། །ཨ་ནི་སྣར་རྩེར་བསམས་ནས་སུ། །
པ་ནི་ལིང་གའི་ལྟེ་བར་བསམ། །དེ་ནས་མཉམ་པར་སྦྱར་བྱས་ཏེ། །རྣལ་འབྱོར་མ་ཡི་འཁོར་ལོ་ཀུན། །པད་མའི་ལྟེ་བ་རྣམས་སུ་སྦྱར། །ཨ་བ་དྷཱུ་ཏཱིའི་གནས་དེ་བཞིན། །སྨིན་མའི་བར་དུ་གཞག་པར་བྱ། །
དབྱངས་ཡིག་དང་པོར་ཡང་དག་ལྡན། །བསྒོམས་ན་སྐད་ཅིག་དེ་ལ་འབར། །དེ་ནས་འབར་ཕྲེང་རྒྱ་མཚོར་ནི། །ཀུན་ནས་སྒོའི་འཁོར་ལོ་བསམ། །ལྟེ་བ་སྙིང་གའི་ཁ་དང་ནི། །དཔྲལ་སྟེང་སྤྱི་གཙུག་འཁོར་ལོ་ནི། །
དང་པོ་སྔགས་ཚོགས་བྱིན་གྱིས་བརླབ། །ལྟེ་བ་སྙིང་གར་རྣལ་འབྱོར་མ། །ལྕེ་གཉིས་དཔའ་བོས་བྱིན་གྱིས་བརླབ། །དཔའ་བོ་དང་ནི་རྣལ་འབྱོར་མ། །གཉིས་མེད་ཆོ་ག་ཇི་བཞིན་དུ། །འགལ་མེའི་འཁོར་ལོ་ལ་གནས་པ། །
མཁའ་འགྲོ་མ་ནི་དེ་བཞིན་འཁོར། །གློག་ལྟ་བུར་ནི་གསལ་བའི་འོད། །ཡིད་ཤུགས་ཆེན་པོས་རིག་པ་ཆེ། །ལྷའི་རྣལ་འབྱོར་དུས་སུ་ནི། །ཕྱོགས་བཅུ་རྣམས་སུ་སྤྲོ་བར་བྱ། །ཤིན་ཏུ་ཕྲ་བའི་རྡུལ་ཚོགས་ནི། །
ཤིན་ཏུ་ཕྲ་བའི་དངོས་པོར་བསྒོམ། །འགྱུར་བ་མེད་ཅིང་སྣང་བ་མེད། །ཀུན་མཁྱེན་འབྲས་བུ་སྟེར་བའོ། །མེ་ཏོག་ལ་ནི་གནས་བསམས་ཏེ། །གང་ལ་བྱིན་ཏེ་རྒྱས་འདེབས་འགྱུར། །དུང་དང་ཟླ་འདྲའི་འོད་མཛད་པ། །
ལྟུང་བྱེད་མ་ཡི་སྦྱོར་བ་བསམ། །བསྒྲུབ་བྱ་ཁ་རུ་བཅུག་ནས་ནི། །ལྡད་ཅིང་བཟླས་ན་ལྟུང་བར་འགྱུར། །དེ་ནས་ཉི་མ་ལ་གནས་པའི། །མདུང་ཚུལ་ཉི་མའི་འོད་ཅན་ནི། །བསྐལ་པའི་མེ་ལྟར་རབ་འཇིགས་
པའི། །གསོད་མ་བསམས་ཏེ་ཡིད་ཀྱིས་སུ། །བསྒྲུབ་བྱར་ལྷན་ཅིག་གཅིག་གྱུར་ནས། །སྟེང་དུ་བལྟས་ན་འཆི་བར་འགྱུར། །དེ་ནས་རླུང་དང་མེའི་ནི། །དཀྱིལ་འཁོར་ལ་གནས་མེ་སྟག་གི། །ཕུང་པོ་འཕྲོ་

85-1-258a

བའི་མགུགས་མ་བསམ། །ཡིད་ཀྱིས་བསྒྲུབ་བྱའི་སྙིང་ཞུགས་ཏེ། །དེ་ཡི་སྙིང་ནི་རྩ་ནས་དབྱུང་། །འགུགས་མའི་སྔགས་བཟླས་འགུགས་པར་འགྱུར། །རླུང་གི་དཀྱིལ་འཁོར་སེམས་ཀྱིས་ནི། །
རླུང་གི་དཀྱིལ་འཁོར་ལ་གནས་ཏེ། །རླུང་མདོག་བསྒྲུབ་བྱ་རླུང་ནང་བསམ། །སླར་ཡང་བདག་དང་བསྒྲུབ་བྱ་ནི། །གཅིག་ཏུ་གྱུར་ཏེ་གར་མཛད་མའི། །སྔགས་ཟློས་ཤིང་ནི་གར་བྱས་ན། །གར་བྱེད་བྱེད་དུ་འཇུག་
པར་འགྱུར། །མཆོད་པ་རྡོ་རྗེ་རབ་སྦྱོར་གྱིས། །དེ་ནས་ལས་རྣམས་ཀུན་སྒྲུབ་བྱ། །སྙིང་ག་ཉིད་དང་དེ་བཞིན་ཁ། །མགོ་དང་སྤྱི་གཙུག་མཚོན་ཆ་སྟེ། །ལྟེ་བ་སྙིང་ག་རྣམས་སུ་ནི། །དབུགས་མི་གཡོ་བས་བསྒོམ་
པར་བྱ། །དང་པོ་རྡོ་རྗེ་སེམས་དཔའ་སྟེ། །གཉིས་པ་པད་མ་གར་དབང་རྒྱལ། །གསུམ་པ་རྣམ་པར་སྣང་མཛད་དེ། །དེ་བཞིན་བཞི་པ་རྟ་མཆོག་རྒྱལ། །ལྔ་པ་རྡོ་རྗེ་ཉི་མ་སྟེ། །དྲུག་པ་ཧེ་རུ་ཀར་ནི་བརྗོད། །སླར་ཡང་
ལྟེ་བ་སྙིང་ག་དང་། །དེ་བཞིན་ཁ་དང་མགོ་དང་ནི། །སྤྱི་གཙུག་མཚོན་ཆ་ཉིད་དག་སྟེ། །རྡོ་རྗེ་ཕག་མོ་གཤིན་རྗེ་མ། །དེ་བཞིན་རྨོངས་མ་བསྐྱོད་མ་སྟེ། །སྐྲག་མ་དང་ནི་གཏུམ་མོ་རྣམས། །དྲུག་པོ་འདི་དག་རིག་པ་
ཆེ། །ཕ་རོལ་ཕྱིན་པ་རྣམ་པ་དྲུག །དེ་ནས་དབང་བསྐུར་བསྒོམས་ནས་ནི། །ཕྱི་ནས་མཆོད་པ་བརྩམ་པར་བྱ། །བདག་ཉིད་ཧེ་རུ་ཀར་བྱས་ནས། །དཔལ་ལྡན་ཧེ་རུ་ཀར་དྲན་བྱ། །དམ་ཚིག་ཡེ་ཤེས་
གཅིག་གྱུར་བས། །དེས་ནི་རྡོ་རྗེ་ཅན་དུ་བརྗོད། །རྣལ་འབྱོར་འདི་ནི་མཆོད་ཆེན་དང་། །དེ་བཞིན་སྔགས་ཀྱི་དགོད་པ་སྟེ། །དེ་ནས་དཔའ་བོ་མཆོད་ཤེས་ནས། །ལས་ནི་འབེད་པ་ཉིད་ཀྱིས་བྱ། །སྔགས་པས་
རང་དགར་དབྱེ་བྱ་སྟེ། །ཕྱིན་ཅི་ལོག་ཏུ་ངེས་པར་སྦྱར། །ཚར་གཅོད་པ་དང་ཕན་འདོགས་པའི། །ལས་ཀྱི་མདོག་ཏུ་རྣམ་པར་སྒོམ། །དེ་ཉིད་དབྱེ་བས་ཕྱེ་ནས་ནི། །རྩ་ནི་ལམ་དུ་སྦྱར་བར་བྱ། །སྦྱོར་བ་ཡི་ནི་དོན་རྣམས་ལ། །

85-1-258b

དགའ་བ་ཆེན་པོས་འདིས་སྒྲུབ་བྱ། །ཆོ་ག་འདི་ཡིས་བསྒྲུབས་ན་ནི། །ལྷ་དང་ལྷ་མིན་མིར་བཅས་འགྲུབ། །མཁའ་འགྲོ་ཀུན་དང་མཉམ་སྦྱོར་བའི། །རྡོ་རྗེ་མཁའ་འགྲོ་བདེ་བའི་མཆོག །རྡོ་རྗེ་སེམས་དཔའ་དེ་བཞིན་གཤེགས། །
བཅོམ་ལྡན་རྡོ་རྗེ་ཅན་གྱིས་གསུངས། །རྒྱུད་ཀྱི་རྒྱལ་པོ་ཆེན་པོ་དཔལ་རྡོ་རྗེ་མཁའ་འགྲོ་ལས། དཔའ་བོའི་གཉིས་སུ་མེད་པའི་མཆོད་པ་དང་། ལས་ཀྱི་ཚོགས་རྣམས་འབྱུང་བའི་རིམ་པར་ཕྱེ་བ་སྟེ་བཅུ་གསུམ་པའོ།། །། 
དེ་ནས་སྐུ་གསུང་ཐུགས་ཀྱི་ནི། །འཁོར་ལོར་གནས་པའི་བྱེ་བྲག་དང་། །གནས་ཀྱི་རབ་ཏུ་དབྱེ་བ་དང་། །ཡུལ་གྱི་དབྱེ་བ་བཤད་པར་བྱ། །གོ་ནི་མ་ལ་ཡ་ཡུལ་ཏེ། །སྤྱི་གཙུག་ཛཱ་ལ་དྷ་ར་ཡིན། །ཨུ་རྱན་རྣ་བ་གཡས་པ་སྟེ། །
ཨར་བུ་ད་ནི་རྒྱབ་ཕྱོགས་ཡིན། །གནས་ཀྱི་མིང་ཅན་རྣམ་པ་བཞིའོ། །གོ་ད་བ་རི་རྣ་གཡོན་ཏེ། །ར་མཱི་ཤྭ་རི་སྨིན་དབུས་གསུངས། །མིག་ནི་དེ་བི་ཀོ་ཊི་སྟེ། །དབུང་བ་མ་ལ་བ་ཞེས་བརྗོད། །འདི་དག་ཉེ་བའི་གནས་ཡིན་ཏེ། །
གནས་ཀྱི་ཁྱད་པར་ཚུལ་གྱིས་ནི། །མཁའ་སྤྱོད་ཐུགས་ཀྱི་འཁོར་ལོར་གནས། །ཀཱ་མ་རུ་མཆན་ཁུང་དེ་བཞིན་དུ། །ནུ་མ་ཨོ་ཊེར་རབ་ཏུ་གྲགས། །དེ་དག་ཞིང་སྟེ་ལྟེ་བ་ནི། །ཏྲི་ཤ་ཀུ་ནི་ཞེས་བྱ་ཡིན། །སྣ་ཡི་རྩེ་མོ་ཀོ་
ས་ལ། །དེ་དག་ཉེ་བའི་ཞིང་དུ་བརྗོད། །ཁ་ནི་ཀ་ལིང་ག་ཡིན་ཏེ། །མགྲིན་པ་ལམ་པ་ཀ་རུ་བརྗོད། །ཚན་དྷཱོ་ཧ་ཞེས་བྱ་བར་གྲགས། །སྙིང་ཀ་ཀིན་ཙི་ཞེས་བྱ་སྟེ། །ཆུ་སོ་ཧི་མ་ལ་ཞེས་བྱ། །ཉེ་བའི་རོལ་སར་བརྗོད་པ་
ཡིན། །གནས་ཀྱི་ཁྱད་པར་ཚུལ་གྱི་ནི། །ས་སྤྱོད་གསུང་གི་འཁོར་ལོར་གནས། །མཚན་ནི་ཡི་དགས་གནས་པ་སྟེ། །གྲི་ཧ་དེ་བ་བཤང་བའི་ལམ། །དེ་དག་འདུན་སར་བརྗོད་པ་སྟེ། །བརླ་ནི་སཽ་རཥྚ་ཞེས་བྱ། །བྱིན་པ་གཉིས་ནི་གསེར་གླིང་སྟེ། །ཉི་བའི་འདུན་ས་
ཉིད་ཡིན་ནོ། །སོར་མོ་རྣམས་ནི་ན་ག་ར། །རྐང་པའི་བོལ་ནི་སིན་དྷུ་སྟེ། །དུར་ཁྲོད་ཅེས་ནི་བྱ་བར་བརྗོད། །མཐེ་བོ་མ་རུ་ཞེས་བྱ་སྟེ། །པུས་མོ་ཀུ་ལུ་ཏཱ་ཞེས་བརྗོད། །ཉེ་བའི་དུར་ཁྲོད་ས་འོག་ནི། །སྐུ་ཡི་འཁོར་ལོར་ཡང་དག་གནས། །རང་ལུས་

85-1-259a

སྐྱེས་པའི་ཡུལ་འདི་དག །མཁའ་སྤྱོད་མ་ཡི་གནས་སུ་བརྗོད། །ཕྱི་དང་ནང་དང་ཡང་དག་གནས། །ཉི་ཤུ་རྩ་བཞིར་ཕྱེ་བ་ཡིས། །སྐུ་གསུང་ཐུགས་ཀྱི་འཁོར་ལོ་ཡིན། །གནས་རྣམས་དག་ནི་ཐམས་ཅད་དུ། །
རྩ་རྣམས་ཀུན་ནི་ཡང་དག་བཤད། །ཡུལ་འདི་རྣམས་ནི་བུ་མོས་གང་། །རྩའི་གཟུགས་ཀྱིས་གནས་སོ་ཞེས། །དཔའ་བོ་ཀུན་དང་མཉམ་སྦྱོར་བའི། །མཁའ་འགྲོ་མ་ཡི་དྲ་བའི་སྡོམ། །རྡོ་རྗེ་སེམས་དཔའ་དེ་བཞིན་གཤེགས། །བཅོམ་ལྡན་
རྡོ་རྗེ་ཅན་གྱིས་གསུངས། །སླར་ཡང་བསྡུས་ཏེ་བཤད་བྱ་བ། །དེ་ནི་བདག་གིས་བཤད་ཀྱིས་ཉོན། །པུལླཱི་ར་དང་མ་ལ་ཡར་ཐོད་པའི་དུམ་བུ་ཅན་དང་རབ་ཏུ་གཏུམ་མ་སྟེ། སོ་དང་སེན་མོ་འབབ་པའོ། །ཛཱ་ལྃ་དྷ་རར་ཀེང་རུས་ཆེན་པོ་དང་གཏུམ་
མིག་མ་སྟེ། སྐྲ་དང་བ་སྤུ་འབབ་པའོ། །ཨོ་ཊ་ཡ་ནེར་ཀེང་རུས་དང་འོད་ལྡན་མ་སྟེ། ལྤགས་པ་དང་དྲི་མ་འབབ་པའོ། །ཨར་བུ་དེར་མཆེ་བ་རྣམས་པར་གཙིགས་པ་དང་སྣ་ཆེན་མ་སྟེ། ཤ་འབབ་པ་སྟེ། གནས་སོ། །གོ་ད་བ་རེར་ལྷའི་སྒྲ་དང་དཔའ་
བོའི་བློ་མ་སྟེ། ཐམས་ཅད་དུ་ནི་རྒྱུས་པ་འབབ་པའོ། །རཱ་མེ་ཤྭ་རིར་འོད་དཔག་མེད་པ་དང་མི་ཐུང་མ་སྟེ། རུས་པའི་ཕྲེང་བ་འབབ་པའོ། །དེ་བི་ཀོ་ཊར་རྡོ་རྗེའི་འོད་དང་ལང་ཀའི་དབང་ཕྱུག་མ་སྟེ། རྟག་ཏུ་མཆིན་པ་འབབ་པའོ། །མ་ལ་བར་རྡོ་རྗེའི་
ལུས་དང་ལྗོན་གྲིབ་མ་སྟེ། སྙིང་ཕྲུག་འབབ་པ་སྟེ་ཉེ་བའི་གནས་སོ། །དེ་ལྟར་བསྟན་པ་འདི་དག་ནི། །ཐུགས་ཀྱི་འཁོར་ལོ་མཁའ་སྤྱོད་དེ། །སྙོམས་པར་ཞུགས་པས་ཡང་དག་གནས། །ཀཱ་མ་རུ་པར་ནི་མྱུ་གུ་ཅན་དང་ས་སྲུང་མ་སྟེ། རྟག་ཏུ་མིག་
འབབ་པའོ། །ཨོ་ཊེར་ནི་རྡོ་རྗེ་རལ་པ་ཅན་དང་འཇིགས་བྱེད་ཆེན་མོ་སྟེ། མཁྲིས་པ་འབབ་པར་གྲགས་པ་སྟེ་ཞིང་ངོ་། །ཏྲི་ཤ་ཀུ་ནེར་དཔའ་བོ་ཆེན་པོ་དང་རླུང་གི་ཤུགས་མ་སྟེ། གློ་བ་འབབ་པའོ། །ཀོ་ས་ལར་རྡོ་རྗེ་ཧཱུྃ་མཛད་དང་ཆང་འཐུང་མ་སྟེ། 
རྒྱུ་མའི་ཕྲེང་བ་འབབ་པའོ། །ཉེ་བའི་ཞིང་ངོ་། །ཀ་ལིང་ཀར་ནི་ཤིན་ཏུ་བཟང་པོ་དང་སྔོ་བསངས་ལྷ་མོ་སྟེ། རྩིབ་ལོགས་ཀྱི་སྣལ་མ་འབབ་པའོ། །ལམ་བཱ་ཀར་ནི་རྡོ་རྗེ་བཟང་པོ་དང་ཤིན་ཏུ་བཟང་མོ་སྟེ། བོང་བུ་རྣམས་ལྟར་ལྟོ་འབབ་པའོ། །
85-1-259b

རོལ་སའོ། །ཀན་རྩིར་ནི་འཇིགས་བྱེད་ཆེན་པོ་དང་རྟ་རྣ་མ་སྟེ། བཤང་བ་འབབ་པར་གྲགས་སོ། །ཧི་མ་ལ་ཡར་ནི་མིག་མི་བཟང་དང་ཁྭ་གདོང་མ་སྟེ། མཚོགས་མའི་སྲུབས་འབབ་པའོ། །ཉེ་བའི་རོལ་སའོ། །གསུང་གི་འཁོར་ལོ་
ས་སྤྱོད་དེ། །སྙོམས་པར་ཞུགས་པས་ཡང་དག་གནས། །པྲེ་ཏ་པུ་རིར་ནི་སྟོབས་པོ་ཆེ་དང་འཁོར་ལོའི་ཤུགས་ཅན་མ་སྟེ། ཐམས་ཅད་དུ་བད་ཀན་འབབ་པའོ། །གྲི་ཧ་དེ་བ་ཏར་ནི་རིན་ཆེན་རྡོ་རྗེ་དང་དུང་སྐྱེས་མ་སྟེ། རྟག་ཏུ་རྣག་འབབ་པའོ། །འདུན་སའོ། །
སཽ་རཥྚར་ནི། རྟ་འགྲིན་དང་གླང་རྣ་མ་སྟེ། རྟག་ཏུ་ཁྲག་འབབ་པར་གྲགས་སོ། །སུ་བརྣ་དི་པ་ར་ནམ་མཁའི་སྙིང་པོ་དང་འཁོར་ལོའི་གོ་ཆ་མ་སྟེ། དེ་བཞིན་དུ་རྡུལ་འབབ་པའོ། །ཉེ་བའི་འདུན་སའོ། །ནཱ་ག་རར་ནི་ལྷའི་དགྲ་དང་ཤིན་ཏུ་དཔའ་
མོ་སྟེ། ཚིལ་འབབ་པའོ། །སིནྡྷུའི་ཡུལ་དུ་ནི་པད་མ་གར་གྱི་དབང་ཕྱུག་མ་དང་། སྟོབས་ཆེན་མ་སྟེ། རྟག་ཏུ་མཆི་མ་འབབ་པའོ། །དུར་ཁྲོད་དོ། །མ་རུར་ནི་རྣམ་པར་སྣང་མཛད་དང་འཁོར་ལོ་སྒྱུར་མ་སྟེ། མཆིལ་མ་འབབ་པར་གྲགས་སོ། །
ཀུ་ལ་ཏར་ནི་རྡོ་རྗེ་སེམས་དཔའ་དང་བརྩོན་འགྲུས་ཆེན་མོ་སྟེ། སྣབས་གཞོན་ནུ་འབབ་པའོ། །ཉེ་བའི་དུར་ཁྲོད་དོ། །སྐུ་ཡི་འཁོར་ལོ་ས་འོག་སྤྱོད། །སྙོམས་པར་ཞུགས་པས་ཞུགས་ཡིན་ཞེས། །མཁའ་འགྲོ་ཀུན་དང་མཉམ་སྦྱོར་བའི། །
རྡོ་རྗེ་མཁའ་འགྲོ་བདེ་བའི་མཆོག །རྡོ་རྗེ་སེམས་དཔའ་དེ་བཞིན་གཤེགས། །བཅོམ་ལྡན་རྡོ་རྗེ་ཅན་གྱིས་གསུངས། །རྒྱུད་ཀྱི་རྒྱལ་པོ་ཆེན་པོ་དཔལ་རྡོ་རྗེ་མཁའ་འགྲོ་ལས། དཔའ་བོ་གཉིས་སུ་མེད་པའི་གནས་བསྟན་པ་ཞེས་བྱ་བའི་རིམ་
པར་ཕྱེ་བ་སྟེ། བཅུ་བཞི་པའོ།། །། དེ་ནས་ལས་ཀྱི་རབ་མཆོག་ནི། །སྦྱོར་བ་ཀུན་གྱི་དམ་པ་སྟེ། །གང་ཡང་གྲུབ་པར་བྱེད་པའི་སྔགས། །དེ་ཡི་དབྱེ་བ་རིམ་བཞིན་བཤད། །ཡི་གེ་ཕོ་ཉ་ལ་སོགས་སྔགས། །
མདའ་ཡི་ཤུགས་ཀྱིས་ཡོངས་སུ་འཁོར། །སྤྲུལ་པའི་འཁོར་ལོའི་དབུས་སུ་ནི། །སྡེ་ཚན་བརྒྱད་ཀྱིས་ཤིན་དུ་བསྐོར། །སྔགས་རྣམས་ཐམས་ཅད་འབྱུང་བ་སྟེ། །གཞན་ཡང་ཅི་ཡང་རུང་བ་སྟེ། །ཆོས་ཀྱི་འཁོར་ལོ་ཞེས་བྱ་བ། །ལུས་ཅན་རྣམས་

85-1-260a

ཀྱི་སྙིང་དགའ་བྱེད། །སྒྲ་ལྔ་དང་ནི་ཡང་དག་ལྡན། །ཡ་ར་ལ་ཝས་རྣམ་པར་ཀླུབས། །ལོངས་སྤྱོད་འཁོར་ལོ་ཞེས་བྱ་བ། །རོ་རྣམས་ཀྱི་ནི་རྟེན་རང་བཞིན། །ཆ་རྣམས་བཞི་པོ་དག་གིས་ནི། །ཀུན་ནས་ཡོངས་སུ་བསྐོར་
བའོ། །བདེ་བ་ཆེན་པོའི་འཁོར་ལོ་ཆེ། །བྱང་ཆུབ་སུམ་བཅུ་གཉིས་དང་ལྡན། །ཟླ་བ་ཉི་མ་ཞེས་བྱ་བ། །གཡོན་དང་གཡས་ཀྱི་ངོས་གཉིས་སུ། །དཔའ་བོ་མཁའ་འགྲོ་མ་རྣམས་ཀྱི། །འགྲོ་དང་འོང་བར་ངེས་པར་བརྗོད། །
གནས་གཉིས་ལ་ནི་མཉམ་པར་ཞོན། །འོག་དང་སྟེང་དུ་ཡང་དག་བརྟན། །གཡོན་དང་གཡས་ཀྱི་ངོས་གཉིས་སུ། །དབྱངས་ཡིག་བཅུ་གཉིས་སྟེང་བལྟས་བྲིས། །ཀ་སོགས་འོག་ཏུ་བལྟས་པ་ནི། །ངོས་གཉིས་དག་ཏུ་སྤེལ་བ་
སྟེ། །དབུས་སུ་དེས་ནི་སྦྱར་བར་བྱ། །ད་ལྟར་བསྟན་པ་འདི་དག་ནི། །རྩ་དང་སྒྲ་ཡི་རང་བཞིན་ནོ། །གཉིས་མེད་ཡེ་ཤེས་རྡོ་རྗེ་སྟེ། །མཁའ་འགྲོ་སྒྲ་ཡི་རང་བཞིན་ནོ། །ངེས་འབྱུང་སངས་རྒྱས་ཐམས་ཅད་དེ། །གང་དུ་སྐྱེ་བ་ཞེས་
བྱར་གྲགས། །ཤིན་ཏུ་རྣམ་དག་ཡེ་ཤེས་ཆེ། །ལྷ་མོ་ཀུན་གྱི་རང་བཞིན་གང་། །རྡོ་རྗེ་སེམས་དཔའ་ཞེས་བྱ་སྟེ། །མཆོག་ཏུ་བདེ་བར་བརྗོད་པ་ཡིན། །རང་འབྱུང་གིས་ནི་གཟུགས་འདི་ཉིད། །སྤྲོ་དང་སྡུད་པར་བྱེད་པའོ། །
ཡི་གེ་ཕོ་ཉ་ལ་སོགས་སྔགས། །དེར་ནི་ཆ་དང་བྲལ་བ་གང་། །བྷ་གའི་དབུས་སུ་གཟུགས་མེད་པ། །དེ་ནི་རྟག་ཏུ་གནས་པ་ཡིན། །སྨིན་དབུས་པད་མའི་ཟླ་བ་རུ། །བཅུ་དྲུག་སྐུད་པས་བསྐོར་བ་ཡིན། །ཤེས་རབ་ཐབས་
ཀྱི་མཉམ་སྦྱོར་གྱིས། །ཁ་སྦྱོར་ཞེས་བྱར་བརྗོད་པ་ཡིན། །ལག་གཉིས་ཀུན་དུ་འཁྱུད་པ་ཡིན། །རྡོ་རྗེ་ལུ་གུ་རྒྱུད་བཅིངས་བརྗོད། །སླར་ཡང་རྣམ་པར་གྲོལ་བའི་ལམ། །འབབ་པའི་ཚོགས་ནི་མཆོག་ཏུ་དགའ། །
སྦྱོར་བ་ཁ་སྦྱར་ཉིད་དང་ནི། །རྡོ་རྗེ་ལུ་གུ་རྒྱུད་དུ་བཞེད། །རྡོ་རྗེ་པད་མ་དབྱེ་བ་དང་། །སྒྲོན་ཆུང་སྦྲང་རྩི་བྱེད་པར་བཤད། །སྐོར་བ་གང་ཕྱིར་བསྐྱོད་པ་སྟེ། །བདེ་དེའི་ཐབས་ཀྱིས་ཀུན་རིག་པའོ། །དགའ་དང་བདེ་བའི་རང་བཞིན་གྱིས། །

85-1-260b

ཞགས་པ་པད་མོར་བཅུག་པ་ཡིན། །ཆགས་པ་ལྕགས་ཀྱུ་ཁོ་ན་སྟེ། །དེ་བཞིན་གཤེགས་པ་ཐམས་ཅད་དགུག །མི་འཁྲུག་རྡོ་རྗེས་དཀྲུག་པར་བྱ། །དེ་ནི་གསལ་ཤིང་ཞེས་བྱར་བརྗོད། །དེ་ནས་ཆགས་སོགས་ཉོན་མོངས་ཀྱི། །
བག་ཆགས་དུམ་བུ་ཉིད་དུ་བྱ། །ཤིན་ཏུ་རྒྱ་ཆེར་དམིགས་པ་ཡིས། །ཀུན་རྫོབ་དེ་བཞིན་བརྡུང་བ་དང་། །དངོས་ཀུན་རྡོ་རྗེས་མེད་པར་བྱ། །རྡོ་རྗེ་ཞེས་བྱ་དེ་བཞིན་གཤེགས། །ཇི་ལྟར་བསྟན་ཀྱང་དེ་དབུས་སུ། །རྟག་སྟོང་འབྱིན་དང་སྡུད་
པ་པོ། །དེ་ནི་དེ་ཉིད་ཅེས་བྱ་སྟེ། །རང་འབྱུང་གཅིག་གིས་ཁྱབ་པའོ། །གང་མིང་སངས་རྒྱས་ཐམས་ཅད་ཀྱི། །སྒྱུ་མ་ཞེས་བྱར་གྲགས་པ་སྟེ། །གསང་བ་མཆོག་གི་དགྱེས་པ་ན། །ཐམས་ཅད་བདག་ཉིད་གང་གནས་པའོ། །
འདི་ནི་ཀུན་མཁྱེན་ཞེས་བྱ་སྟེ། །ཀུན་ཏུ་འགྲོ་བ་མི་ཤིགས་པའོ། །པད་མ་ཡི་ནི་སྣ་རྩེ་རུ། །རྒྱུ་དང་མི་རྒྱུ་ཀུན་སྒོམ་བྱ། །ཕྱི་རོལ་ཡི་གེ་སྤངས་ནས་སུ། །ཡིད་ཀྱི་བཟླས་དང་ལྡན་པར་བྱ། །ངེས་པའི་གོ་འཕང་རྟག་ཏུ་གནས། །
བསྟན་པ་ཆོས་དབྱིངས་རང་བཞིན་ནོ། །རྟག་ཏུ་ཕྲ་བ་རྡུལ་དང་བྲལ། །ཡེ་ཤེས་སྐུ་སྟེ་དྲི་མ་མེད། །གསལ་བ་ཆོས་ཀྱི་རང་བཞིན་ཤེས། །མྱ་ངན་འདས་པ་འབའ་ཞིག་ཡུལ། །ཕན་ཚུན་མདུད་པའི་གསང་སྔགས་ནི། །བྱེ་བྲག་ཏུ་ནི་
ཕྱེ་ནས་སུ། །ས་བོན་ཕྲེང་བ་དེ་ནས་སྒོམ། །ཧཱུྃ་གི་སྐུད་པས་བརྒྱུ་བར་བྱ། །བསྒྲུབ་བྱ་འགོག་པར་གྱུར་ན་ནི། །གོམ་པ་གཉིས་ཀྱང་མི་འགྲོའོ། །འདི་ཡི་ཤེས་རབ་ལྷན་སྐྱེས་ཏེ། །དེ་ཡི་གཟུགས་སུ་གྱུར་བས་གནས། །ལས་ཀྱི་
རླུང་གིས་བསྐྱོད་ནས་སུ། །ལྟེ་བའི་དཀྱིལ་འཁོར་འདི་ནས་འབར། །སྒྱུ་མ་ཆེན་པོ་ཞེས་བྱར་བཤད། །ལས་རྣམས་ཐམས་ཅད་རབ་སྒྲུབ་པའོ། །སྐྲ་རྩེ་བརྒྱར་གྱུར་པ་ཡི་ཆ། །སྐད་ཅིག་གློག་གི་འོད་ཟེར་ཅན། །ལྷ་ཡི་རྣལ་འབྱོར་དུས་
སུ་ནི། །བ་སྤུ་རྣམས་ཀྱི་བུ་ག་ནས། །ཕྱོགས་བཅུ་རྣམས་སུ་སྤྲོས་ནས་ནི། །ལྷ་དང་ལྷ་མིན་ཀུན་བསྡིགས་ཏེ། །སྙིང་ཀའི་ཆོས་ཀྱི་འཁོར་ལོ་ནི། །བསྲེགས་ཏེ་ལོངས་སྤྱོད་འཁོར་ལོར་སོང་། །སྣ་བུག་གཡས་ནས་བྱུང་ནས་ནི། །སླར་ཡང་

85-1-261a

ཞུགས་ཏེ་སྨིན་མཚམས་ཀྱི། །མཛོད་སྤུའི་ཁུང་ནས་བྱུང་ནས་སུ། །ཕྱོགས་བཅུར་བཞུགས་པའི་སངས་རྒྱས་དང་། །བྱང་ཆུབ་སེམས་དཔའ་ཐམས་ཅད་ཀྱི། །སྣ་སྒོ་གཡོན་དུ་ཞུགས་ནས་ནི། །སྤྱི་བོའི་འཁོར་ལོ་བསྲེགས་
ནས་སུ། །སྔོན་གྱི་ལམ་ནས་སླར་བྱུང་སྟེ། །སླར་ཡང་སྤྱི་གཙུག་ཏུ་ནི་ཞུགས། །བསྲེགས་པར་གྱུར་པའི་སངས་རྒྱས་རྣམས། །དགའ་བ་བསྐྱེད་ནས་ལྟེ་བ་ཡི། །དཀྱིལ་འཁོར་དུ་ནི་སོང་གྱུར་ནས། །སྔོན་བཞིན་དུ་ནི་གནས་པར་གྱུར། །
དུས་མིན་འཆི་བ་ལས་རྒྱལ་ཉིད། །ཡན་ལག་ཁ་ཊྭཱྃ་ག་དང་སྦྱར། །ཐོད་པའི་མཆོད་ཡོན་སྣོད་དུ་ནི། །ཞལ་དུ་མཆོད་ཡོན་ངེས་སྦྱར་ཞེས། །མཁའ་འགྲོ་ཀུན་དང་མཉམ་སྦྱོར་བའི། །རྡོ་རྗེ་མཁའ་འགྲོ་བདེ་བའི་མཆོག །རྡོ་རྗེ་སེམས་དཔའ་དེ་
བཞིན་གཤེགས། །བཅོམ་ལྡན་རྡོ་རྗེ་ཅན་གྱིས་གསུངས། །རྒྱུད་ཀྱི་རྒྱལ་པོ་ཆེན་པོ་དཔལ་རྡོ་རྗེ་མཁའ་འགྲོ་ལས་སྐུ་གསུམ་དང་སྔགས་དང་རྒྱུད་ཀྱི་འབྱུང་བ་དང་། འཆི་བ་སླུ་བ་ཞེས་བྱ་བའི་རིམ་པར་ཕྱེ་བ་སྟེ་བཅྭ་ལྔ་པའོ།། །། 
དེ་ནས་དངོས་གྲུབ་ཀུན་གྱི་གནས། །གསང་བ་མཆོག་གི་དགྱེས་པ་སྟེ། །ཡིད་འོང་བཅུད་ནི་ཀུན་གྱི་རྟེན། །སེམས་ཅན་ཀུན་ལ་བདེ་སྟེར་བ། །འདོད་པའི་ཡོན་ཏན་ལྔ་ཡིས་རྒྱས། །བླ་རེ་དམ་པ་བྲེས་བས་འབར། །འདབ་སྟོང་ལྡན་
པའི་པད་མ་ཆེ། །སྦྱོར་བའི་གདན་ལ་བཞུགས་པ་ལ། །དེར་ནི་ལྷ་མོས་ཞུས་གྱུར་པ། །འཁོར་ལོ་ཀུན་གྱི་ངེས་པ་དང་། །དབྱངས་རྣམས་ཀྱི་ནི་བྱེ་བྲག་དང་། །ཡི་གེའི་དབྱེ་བ་མི་འཚལ་ཏེ། །འཁོར་ལོའི་གྲངས་ནི་ཇི་ལྟ་བུ། །
དེ་རྣམས་ལས་ནི་ཅི་ཞིག་ལགས། །སྣ་ཚོགས་གླུ་ཡི་སྔགས་དང་ནི། །འཕྲུལ་འཁོར་དག་ནི་མདོར་བསྡུས་དང་། །འཁོར་ལོའི་དབང་ཕྱུག་དུས་དང་ནི། །དེ་བཞིན་དཔའ་བོ་རྣམས་ཀྱི་སྟན། །འདི་དག་ལ་ནི་ཐེ་ཙོམ་མཆིས། །བདེ་བ་ཆེན་པོས་
བཤད་དུ་གསོལ། །བཀའ་སྩལ་པ། །རྒྱུད་རྣམས་ཀུན་ཏུ་སྦས་པ་གང་། །དེ་དག་ཐམས་ཅད་ཞུ་འདོད་པ། །ལེགས་སོ་ལེགས་སོ་ལྷ་མོ་ཆེ། །བློ་གྲོས་ཆེན་མོ་ལེགས་སོ་ལེགས། །མཁའ་འགྲོ་མ་ནི་ཐམས་ཅད་ཀྱང་། །ཐེ་ཙོམ་སྐྱེ་ན་གཞན་ཅི་སྨོས། །

85-1-261b

སྒྱུ་མ་ཀུན་དུ་རྣམ་འཕྲུལ་བ། །ཉོན་ཅིག་ལྷ་མོ་སྒྱུ་མ་ཆེ། །གང་ཞིག་བྲིས་པ་ཙམ་གྱིས་ནི། །སྒྲུབ་པོས་དངོས་གྲུབ་ཐོབ་འགྱུར་བ། །མདོར་བསྡུས་ནས་ནི་བརྗོད་བྱ་སྟེ། །དེ་ནི་བདག་གིས་བཤད་ཀྱིས་ཉོན། །གནག་དང་དམར་བར་རྟག་གྱུར་ནས། །
ཁྱད་པར་དུ་ནི་གཏོར་མ་སྦྱིན། །ཙ་རུའི་བཟའ་བ་ལྷན་ཅིག་བྱ། །སྒྲུབ་པ་པོ་ཡིས་གཡོན་ནས་བསྐོར། །འདི་ཡིས་སྒྲུབ་པོ་ཀུན་ལ་ནི། །མ་མོ་དགའ་འགྱུར་ཐེ་ཚོམ་མེད། །དེ་ནས་མཁའ་འགྲོ་མ་རྣམས་ནི། །ས་རྣམས་ལ་ནི་རྣམ་རོལ་པ། །བརྩོན་ཆེན་
འཁོར་ལོ་སྒྱུར་མ་དང་། །སྟོབས་ཆེན་མ་དང་རབ་དཔའ་མོ། །འཁོར་ལོའི་གོ་ཆ་གླང་སྣ་མ། །ཁཎ་ཌ་རོ་ཧ་འཁོར་ལོའི་ཤུགས། །བྱ་གདོང་མ་དང་རྟ་རྣ་མོ། །ཤིན་ཏུ་བཟང་མོ་སྔོ་སངས་མོ། །ཆང་འཐུང་མ་དང་རླུང་ཤུགས་མ། །དེ་བཞིན་འཇིགས་བྱེད་ཆེན་མོ་
དང་། །ས་སྲུངས་མ་དང་ལྗོན་གྲིབ་མ། །ལང་ཀའི་བདག་མོ་མིའུ་ཐུང་མོ། །དཔའ་བོའི་བློ་མ་སྣ་ཆེན་མོ། །འོད་ལྡན་མ་དང་གཏུམ་མིག་མ། །རབ་གཏུམ་མ་སྟེ་སྒྲུབ་བྱེད་ཡིན། །མཁའ་འགྲོ་མ་ནི་ཉི་ཤུ་བཞི། །འདི་དག་སྔོན་ཉིད་གྲུབ་པ་ཡིན། །
རང་མིང་བརྗོད་པའི་སྔགས་ལ་ནི། །མཐར་ནི་ཧཱུྃ་ཧཱུྃ་ཕཊ་དང་སྦྱར། །ཨོཾ་ནི་ཐམས་ཅད་གསལ་བྱེད་དོ། །གྲུབ་གསོལ་འདོད་པ་ཐམས་ཅད་ལ། །རྣལ་འབྱོར་དམ་མཆོག་འདི་མཐོང་ན། །གཞན་དག་སྙིང་པོ་མེད་རྩྭར་མཚུངས། །དཔའ་བོ་ཉིད་
གྱུར་གྲུབ་པ་ནི། །དཔལ་ལྡན་ཧེ་རུ་ཀ་ཡི་ནི། །དཀྱིལ་འཁོར་དམ་པ་མཐོང་བས་ཡིན། །དེ་ནས་དེ་ཤེས་རྟག་བསྒོམ་པ། །དངོས་གྲུབ་དེ་བཞིན་གཤེགས་པས་གསུངས། །ཉོན་ཅིག་ལྷ་མོ་ཤེས་རབ་ཅན། །རིག་པའི་རྒྱལ་པོ་བསྒྲུབ་
པའི་ཐབས། །འཁོར་ལོ་ཆེན་པོ་རྨད་གྱུར་པ། །གདེངས་ཀའི་དབང་ཕྱུག་ཅེས་བྱ་སྟེ། །ཐོས་པ་ཙམ་གྱིས་སྲེགས་བྱེད་ན། །མིང་དང་ལྡན་པར་བྲིས་པ་ཡིས། །གདེངས་ཀ་ཐམས་ཅད་སྨོས་ཅི་དགོས། །དབང་ལྡན་ནས་ནི་བརྩམས་ནས་སུ། །
ཀླུ་རྣམས་ས་བོན་ལས་བྱུང་བ། །རིན་ཆེན་དང་ལྡན་གདེངས་གསུམ་མཐོ། །གཞན་ཡང་ཕྱོགས་ནི་ཀུན་ཏུ་བསམ། །དེ་ནས་འགུར་འདི་བཞེས་ཏེ། །ཤར་དུ་ཀྵ་མྃ་བར་དུ་བྲི། །ནུབ་ཏུ་ཧི་སྟེ་བྱང་དུ་ཧྃ། །གཤིན་རྗེར་ཧཱུྃ་ཞེས་བྱ་བ་བྲི། །

85-1-262a

ཀི་ལི་ཀི་ལི་ཡི་དགས་སུ། །སྲིན་པོར་ཙི་ལི་ཇི་སྙེད་པ། །རླུང་ནི་སི་ལི་སི་ལི་བྲི། །མེ་ཡི་ཕྱོགས་སུ་དི་ལི་ཉིད། །དང་པོར་རབ་གཏུམ་མ་ནས་ནི། །བརྩོན་ཆེན་མ་ཡི་མཐར་ཐུག་པ། །སྔགས་འདི་དག་ནི་བྱིན་གྱིས་བརླབ། །
འཁོར་ལོ་འདི་ནི་སྐལ་ཆེན་ལྡན། །དགྲ་རྣམས་ཀྱི་ནི་གནད་གཅོད་པ། །ཧཱུྃ་ཕཊ་ཅེས་བྱ་སྤེལ་བ་ཡི། །བསྒྲུབ་བྱ་དེ་ཡི་དབུས་སུ་བྲི། །ལན་ཅིག་བཟླས་པའི་གུ་གུལ་གྱིས། །བདུག་པ་ཉིད་དུ་སྦྱར་བྱས་ལ། །ཀླུ་རྣམས་ཐམས་ཅད་འབེབས་
པར་འགྱུར། །ལག་པ་གཡོན་པ་ལ་འཁོར་ལོ་འདི་དངོས་སུའམ་ཡིད་ཀྱིས་བྲིས་ལ་སྔགས་ལན་ཅིག་བཟླས་པས་བྱབས་ན་འཆི་བས་དུས་སུ་ཟིན་པ་སློབ་བར་བྱེད་དོ། །ཀ་ར་བི་རའི་མདབ་མའི་ཁུ་བས་ཀ་ར་བི་རའི་སྨྱུག་གུས་བྲིས་ཏེ། ལན་ཅིག་
བཟླས་པས་རེག་ན་མངལ་གང་དུ་འདོད་པ་དེར་འཕོ་བར་འགྱུར་རོ། །དུག་དང་ལན་ཚྭ་དང་སྐྱེ་ཚེས་བྲིས་ཏེ། ཁྲོས་ན་གསོད་པར་འགྱུར་རོ། །རོ་བསྲེགས་པའི་འགལ་བ་ད་དུ་རའི་ཁུ་བས་མེ་བསད་དེ་འབྱུང་པོའི་ཉི་མ་ལ་དེ་ཉིད་ཀྱིས་འཁོར་ལོ་བྲིས་ལ་
ལན་ཅིག་བཟླས་པ་དེས་གང་ལ་བསྣུན་པ་ལྟུང་བར་འགྱུར་རོ། །སང་ཀོ་ཏའི་སྨྱུག་གུས་སྔགས་ཆོ་ག་སྔ་མ་བཞིན་བྲི་ལ། ཐལ་བ་ལ་མངོན་པར་བསྔགས་ཏེ། གང་ལ་བསྣུན་པ་དེ་ཤ་ཟས་བཟུང་བར་འགྱུར་རོ། །དུར་ཁྲོད་ཀྱི་སོལ་བས་ཤིང་
ལེབ་བམ་བརྩིག་ངོས་ལ་འབྱུང་པོའི་མཚན་མོ་གང་གི་སྙིང་ཀར་མིང་བྲིས་པ་དེ་གདོན་ཆེན་པོས་བཟུང་བར་འགྱུར་རོ། །བསྒྲུབ་བྱའི་གཟུགས་བྱས་ལ། དེའི་སྙིང་ཀར་འཕྲུལ་འཁོར་བཅུག་སྟེ། ཞག་བདུན་གྱི་བར་དུ་དྲིའི་ཆུའི་ནང་དུ་བཞག་ནས། 
ཨ་ཏི་མུག་ཏའི་ལྕུག་མ་ལ་ལན་བདུན་བསྔགས་ཏེ་དེ་ལ་སྣུན་ན། ཞག་བདུན་གྱི་མཐར་རླུང་གི་ཤུགས་ཀྱིས་འོང་བར་འགྱུར་རོ། །འཁོར་ལོ་དེ་ཉིད་བྱེ་བྲག་དུ་དུར་ཁྲོད་ཀྱི་རས་ལ་ཕོ་ཉའི་ཁ་དོག་གིས་བྱེ་བྲག་ཏུ་གྱུར་པ་བྲིས་ལ་ལས་ཀྱི་ཕོ་ཉ་དང་
ལྷན་ཅིག་ཏུ་བསྒྲུབ་པར་བྱའོ། །ཀ་ར་བི་རའི་ལྕུག་མ་ཁྲུ་ཕྱེད་དང་གཉིས་ཀྱི་ཚད་དང་ལྡན་པ་ལ་གང་ལ་མངོན་པར་ཕྱོགས་ཏེ་སྔགས་བྲིས་ནས་རོ་བསྲེག་པའི་མེ་འབར་བ་ལ་དོར་ཏེ། ཇི་སྲིད་མ་ཚིག་པ་དང་མྱུར་དུ་བླངས་ལ་རིག་པའི་རྒྱལ་པོ་ལན་

85-1-262b

བདུན་བཟླས་ནས་གང་ཞིག་དྲན་ཏེ་ཀླད་ལ་བསྐོར་ན། དེ་དེའི་མོད་ལ་རླུང་གི་ཤུགས་ཀྱིས་འོང་བར་འགྱུར་རོ། །སྐྱེས་པའི་རོའི་ཁམ་པོར་ལ་བབ་བླ་དང་ཡུང་བའི་ཁུ་བས་གང་གི་མིང་བྲིས་པ་དེ་དེའི་མོད་ལ་བཅིངས་པར་འགྱུར་རོ། །
དུར་ཁྲོད་ཀྱི་རས་སམ། ཟླ་མཚན་གྱི་རས་ལ་ཤིང་ཨ་ཤོ་ཀའི་སྨྱུག་གུས་ཀླུ་རྣམས་སྤངས་པའི་འཁོར་ལོ་འདི་བྲིས་ལ། དེའི་དབུས་སུ་སྔགས་པས་ཆོ་ག་བཞིན་ཡི་གེ་ཨེ་དང་སྤེལ་བ་བྲིས་ན། མཁའ་འགྲོ་མའི་ཁྱད་
པར་ཐམས་ཅད་དང་། ལུས་སྤྲུལ་པོ་ཐམས་ཅད་བཅིངས་པར་འགྱུར་རོ། །ཐོད་པ་ལ་སྐྱེས་པའི་ཁྲག་གིས་གང་གི་མིང་བྲིས་ལ་སྔགས་པ་ཁྲོ་བ་དང་བཅས་པས་སྔགས་བཟླས་ན། དེའི་ཁྲག་མགུགས་པར་བྱེད་ལ་ཡིད་ཞི་
བ་དང་ལྡན་པས་ཞི་བས་སྔགས་བཟླས་ན་སླར་གཏོང་བར་འགྱུར་རོ། །འཁོར་ལོ་དེ་ཉིད་ཟླ་བས་བརྒྱན་ཅིང་གསལ་བར་གོ་རོ་ཙ་ནས་གྲོ་ག་ལ་སྐར་མ་རྒྱལ་གྱི་ཉིན་པར་བྲིས་ཏེ། བུད་མེད་གང་གིས་རྟག་ཏུ་བཅངས་ན་རིག་པའི་རྒྱལ་པོ་
ཉིད་དེའི་ལྷུམས་སུ་ཞུགས་པར་འགྱུར་རོ། །བུད་མེད་དང་ཞི་བའི་འདུས་པས་ཀུན་ཏུ་སྤྱོད་པའི་མིའི་མཆོག་དེའི་ལག་ཐིལ་ན་ཡོད་པའི་དཔལ་གང་གིས་ཀྱང་དབྲོག་པར་མི་ནུས་ལ། རྣམ་པ་དེ་ལྟ་བུའི་ཆོ་ག་དང་ལྡན་པས་ནི་དངོས་གྲུབ་
ཐམས་ཅད་ཀྱི་འབྲས་བུ་སྟེར་བར་འགྱུར་རོ། །བཅོམ་ལྡན་འདས་འདི་ལ་ནི་བརྟུལ་ཞུགས་དང་སྤྱོད་པ་དང་བསྨྱུང་བ་དང་། ཆོ་ག་མེད་པར་ཡང་ཆོ་ག་ཞིབ་མོའི་སྦྱོར་བའི་ཚུལ་འདི་ཉིད་ཀྱིས་ལས་ཐམས་ཅད་ཇི་ལྟར་འདོད་པ་བཞིན་
བྱེད་དོ། །ནམ་མཁའི་དབྱིངས་ཀྱི་དབུས་བསམ་པ། །ཟླ་བའི་དཀྱིལ་འཁོར་དམ་པ་སྟེ། །འོད་ཟེར་ཚོགས་ནི་གསལ་བའི་མདངས། །འཁོར་ལོའི་ཕྲེང་བ་རྣམ་པར་ཀླུབས། །དེ་དབུས་འཁོར་ལོ་རྩིབས་བརྒྱད་དང་། །པད་མའི་
ཕྲེང་བས་ཤིན་ཏུ་མཛེས། །སླར་ཡང་འཁོར་ལོ་བྲི་བར་བྱ། །རྡོ་རྗེ་ཕྲེང་བ་རྣམ་པར་འཕྲོ། །སྐུ་གསུང་ཐུགས་ཀྱི་རྡོ་རྗེ་ཡི། །དཀྱིལ་འཁོར་དཀྱིལ་འཁོར་ལྟ་བུ་ཡིན། །ནམ་མཁའ་ཐམས་ཅད་གཡོག་བྱེད་པ། །རང་གི་ལུས་ལས་སྤྲོ་བར་བྱ། །

85-1-263a

དཀར་དང་དམར་དང་སྔོན་པོ་སྟེ། །ཁ་དོག་མཆོག་གི་བྱེ་བྲག་བྱ། །བྱ་བའི་ཆོ་ག་འདི་ཡིས་ནི། །དཔའ་བོའི་དབང་ཕྱུག་དེ་བཞིན་བྲི། །དབུས་སུ་བསྒྲུབ་པར་བྱ་བའི་མིང་། །ཇི་ལྟར་འདོད་བཞིན་སྦྱར་བར་བྱ། །ཕྱི་རོལ་རྡོ་རྗེའི་ཕྲེང་
བ་ནི། །འོད་ཟེར་འབར་བའི་ཕྲེང་འཁྲུགས་བྲི། །འདི་ནི་བསྲུང་བ་ཆེན་པོ་སྟེ། །ཐམས་ཅད་བསྲུང་བ་བླ་ན་མེད། །རིམ་དང་ནད་དང་དུག་དང་ནི། །མཁའ་འགྲོ་མ་ཡིས་འཚེ་བ་དང་། །གདོན་དང་བདུད་དང་ལོག་འདྲེན་དང་། །གང་ཡང་ལུས་
སྲུལ་ལ་སོགས་པ། །གྲིབ་མ་ཡང་ནི་མི་འགོམ་ན། །དེ་ཡི་ལུས་ལྟ་སྨོས་ཅི་དགོས། །ཟླ་གཟུགས་ལྟ་བུའི་ཡི་གེ་ལྟ། །ཕྱོགས་བཅུར་རྣམ་པར་འབྱེར་བར་བྱེད། །དཀར་པོ་ཡིས་ནི་ཞི་འགྱུར་ཏེ། །ནག་པོས་སྐད་ཅིག་དག་གིས་གསོད། །
དམར་པོ་ཡིས་ནི་དབང་བྱེད་དེ། །དེ་ཉིད་ཀྱིས་ནི་ངེས་པར་འགུགས། །སེར་པོས་ངེས་པར་འཆིང་འགྱུར་ཏེ། །དམག་གི་དཔུང་ནི་འཆིང་བར་འགྱུར། །ཞེས་བཅོམ་ལྡན་འདས་ཀྱིས་གསུངས་ཏེ། །ལས་ཐམས་ཅད་འབྱུང་བ་ཞེས་བྱ་བའི་
བསྲུང་བའི་འཁོར་ལོའོ། །བཀའ་ཡི་འཁོར་ལོའི་ཁྱད་པར་ནི། །དེ་ནས་ཡང་དག་བཤད་པར་བྱ། །ལས་ཀྱི་ཆོ་ག་མཐོང་བ་ཡིས། །སེམས་ཅན་ཀུན་གྱི་དོན་བྱེད་པའོ། །ནམ་མཁའི་དབྱིངས་ཀྱི་དབུས་གནས་པར། །ཟླ་བའི་
དཀྱིལ་འཁོར་ལྟ་བུ་ཡི། །དཀྱིལ་འཁོར་འཁོར་ལོ་ལྟ་བུས་བསམ། །བཅུ་དྲུག་འདབ་མས་རྣམ་པར་བརྒྱན། །དེ་དབུས་པད་ཆེན་འདབ་བརྒྱད་པ། །རྡོ་རྗེ་རྩེ་ལྔ་པ་ཡི་མཆོག །འོད་ཟེར་དཀར་པོས་ཤིན་ཏུ་མཛེས། །སྒྲུབ་པོར་
འཁོར་ལོའི་ཕྱི་རོལ་བྲི། །པད་མའི་ལྟེ་བར་སྭཱ་ཧཱ་བྲི། །དངོས་གྲུབ་ཐམས་ཅད་རབ་སྟེར་བའོ། །མ་མོའི་ཁྱིམ་ནི་ཉམས་དགའ་བར། །ཙན་དན་དམར་པོས་བྱུགས་ནས་ནི། །འབོལ་ཞིང་ཤིན་ཏུ་འཇམ་པ་ཡི། །སྟན་ལ་སྐྱེ་
གནས་ཕྱག་རྒྱ་བཅིང་། །སྔགས་པས་བསྒྲུབ་བྱ་མངོན་ཕྱོགས་ཏེ། །བརྒྱ་རྩ་བརྒྱད་དུ་བཟླས་པར་བྱ། །ཡན་ལག་རུས་པས་བརྒྱན་བསམ་ཞིང་། །གཅེར་བུར་གྱུར་པས་རང་གིས་བྲི། །ཡི་དགས་གོས་སམ་རོ་ཡི་ནི། །

85-1-263b

བུམ་པ་སྐམ་པོ་དག་ལ་ཡང་། །ཡི་དགས་སེན་རྩི་ཁྲག་དང་ནི། །དེ་བཞིན་ཙན་དན་དམར་པོས་བྲི། །འཁོར་ལོ་དེ་ཡི་སྟེང་གནས་ཏེ། །ཇི་ལྟར་འདོད་བཞིན་ཐུན་གསུམ་དུ། །བློ་ལྡན་མཐེའུ་ཆུང་བསྐྱོད་ནས་ནི། །
བྲམ་ཟེ་གསོད་པའང་ཉིན་བདུན་འགྲུབ། །ཙན་དན་དམར་པོའི་རྡུལ་ལས་ནི། །བསྒྲུབ་པར་བྱ་བའི་གཟུགས་བྱས་ལ། །ཚ་བ་གསུམ་གྱིས་ལུས་བྱུགས་ནས། །སྤྲ་ཚིལ་གྱིས་ཀྱང་བྱུག་པར་བྱ། །ཟངས་མའི་ཁབ་
ཀྱིས་སྐྱེ་གནས་དབུག །སེང་ལྡེང་མདག་མེ་དུ་མེད་ལ། །བློ་དང་ལྡན་པས་ཉིན་བདུན་བསྲོ། །སྒྲུབ་པ་པོ་ཡིས་བརྒྱ་བཟླས་ན། །རྒྱལ་པོ་བློན་བཅས་མདུན་ན་འདོན། །བཙུན་མོའི་འཁོར་དང་བཅས་པས་ནི། །མྱུར་དུ་འགུགས་
པར་བྱེད་པ་ཡིན། །གྲོ་ག་ཡི་ནི་འདབ་མ་ལ། །རོ་ཡི་སེན་རྩི་རོ་ཙ་ནས། །མྀ་ཡི་བདག་པོ་འཁོར་བཅས་པ། །མིང་དང་སྦེལ་ཏེ་བྲི་བར་བྱ། །མངོན་པར་ཕྱོགས་ཏེ་བཟླས་བཞིན་དུ། །སེང་ལྡེང་དང་ནི་དུར་ཁྲོད་མེར། །
ཇི་སྲིད་སྤྲ་ཚིལ་མ་ཞུ་བར། །མེ་ཡི་སྟེང་དུ་གདུང་བར་བྱ། །བསྒྲུབ་བྱ་མངོན་པར་གདུངས་ཙམ་གྱིས། །ལྷ་དང་ལྷ་མིན་འོང་འགྱུར་ན། །ས་སྟེང་སྐྱེ་བོ་སྨོས་ཅི་དགོས། །ཡི་དགས་སེན་རྩི་སྐྱེས་པ་ཡི། །ཁྲག་དང་འགི་
ཝང་བཅས་པ་ཡིས། །བསྒྲུབ་བྱའི་མིང་སྤེལ་གྲོ་གར་བྲི། །བསྒྲུབ་པར་བྱ་བའི་རྐང་རྗེས་ས། །ཙན་དན་དམར་པོ་ཉིད་དང་ནི། །དུར་ཁྲོད་ཟས་ལྷག་ཐལ་བ་རྣམས། །སྒྲུབ་པ་པོ་ཡིས་ཅིག་བསྡུས་ནས། །སེང་ལྡེང་
མེ་ནི་དུ་མེད་ལ། །རྡུལ་དེ་ལག་པ་གཉིས་ཀྱིས་ནི། །མཉེས་ནས་སྦྱིན་སྲེག་བྱས་པ་ཡིས། །ཐལ་བ་དེ་ནི་བཟུང་ནས་སུ། །བསྒྲུབ་པར་བྱ་བའི་གཟུགས་བྱས་ཏེ། །སྙིང་ཀར་འཕྲུལ་འཁོར་བཅུག་ནས་ནི། །ཟློས་བཞིན་དུ་ནི་མེར་
གདུངས་ན། །བརྒྱལ་ཞིང་སེམས་དང་བྲལ་འགྱུར་ལ། །རྨོངས་ཤིང་རབ་ཏུ་མྱོས་ནས་ནི། །རླུང་གི་ཤུགས་ཀྱིས་འོང་བར་འགྱུར། །ཆོ་གའི་བྱ་བ་འདི་ཡིས་ནི། །ཡི་གེ་ཉི་ཤུ་རྩ་གཉིས་བཞེད། །ལྷ་མོ་སྔགས་ཆེན་འདི་དག་ནི། །མཁའ་འགྲོ་

85-1-264a

མ་ཡི་སྙིང་འཇོམས་ཡིན། །དེ་ནས་དེ་བཞིན་གཤེགས་ཀུན་གྱི། །ཡིད་འོང་ཞི་བ་བསྐྱེད་པ་མོ། །བཀའ་ཡི་འཁོར་ལོ་བཤད་པར་བྱ། །མཁའ་དབྱིངས་དབུས་གྱུར་བསམ་པ་ནི། །ཟླ་བའི་དཀྱིལ་འཁོར་དམ་པ་སྟེ། །
རྡོ་རྗེ་རྩེ་གསུམ་ཁ་བཞི་པ། །དེས་ནི་དེ་ནས་བྲི་བར་བྱ། །དེ་དབུས་པད་མ་འདབ་བརྒྱད་པ། །ཤིན་ཏུ་མཛེས་པ་བྲིས་ནས་སུ། །བཻ་རོ་ཙ་ནའི་རིག་པ་ཆེ། །སེམས་ཅན་ཀུན་སྐྱེད་སྡུད་པ་མོ། །རྡོ་རྗེ་སེམས་དཔའ་དེ་བཞིན་གཤེགས། །
བཅོམ་ལྡན་རྡོ་རྗེ་ཅན་གྱིས་གསུངས། །ནད་ཐམས་ཅད་མེད་པར་བྱེད་པ་ཞེས་བྱ་བའི་བསྲུང་བའི་འཁོར་ལོའི་སྦྱོར་བའོ། །དེ་ནས་བཅོམ་ལྡན་ཀུན་མཁྱེན་པས། །ཡེ་ཤེས་མངོན་པར་ཤེས་པ་ཡི། །འཁོར་ལོ་ཞེས་བྱ་བཀའ་སྩལ་པ། །
གེ་སར་ལྟེ་བར་ལྡན་པ་ཡི། །པད་མ་འདབ་མ་དྲུག་པར་བྲི། །ཟླ་བ་བཟང་པོས་ཉེ་བར་བརྒྱན། །རྡོ་རྗེའི་ཕྲེང་བས་རྣམ་པར་ཀླུབས། །དེ་ཡི་ཕྱི་རོལ་འཁོར་ལོ་སྟེ། །སྟོན་ཀའི་ཟླ་ལྟར་དྲི་མེད་པ། །ཡི་གེ་མཆོག་ནི་རྣམ་
པ་བདུན། །ལྷ་མོ་ཆེན་མོ་ཕན་པ་གཅིག ། བདུད་ཐམས་ཅད་ཀྱི་ལས་འཇོམས་པར་བྱེད་པ་འཁོར་ལོའི་རྒྱལ་པོ་ཞེས་བྱའོ། །ཙན་དན་དཀར་པོ་རོ་ཙ་ནས། །གྲོ་ག་ལ་ནི་བྲིས་ནས་སུ། །འཁོར་ལོ་ལག་པ་
གཡོན་པར་བཅང་། །འཁོར་ལོ་འདི་ནི་ལྷ་མོ་ཆེ། །ལས་ཀྱི་འོད་ཀྱིས་བརྒྱན་པ་ཡིན། །དེ་ནས་བསྒྲུབ་བྱ་ཉི་དབུས་སུ། །བསམས་ཏེ་སྟོང་དུ་བཟླས་ནས་ནི། །ཡི་གེ་ཤེལ་གྱི་རྣམ་པ་ལྟར། །བསམས་ཏེ་ནད་ཀྱིས་
གདུངས་ལ་བསྟན། །མཐོང་བ་ཙམ་གྱི་མོད་ལ་ནི། །ནད་རྣམས་ཀུན་ལས་རྣམ་གྲོལ་བར། །འགྱུར་བ་ཉིད་དུ་ཐེ་ཚོམ་མེད། །ལག་པ་གཡོན་པར་འཁོར་ལོ་འདི། །ཟླ་བའི་དབུས་སུ་རྣམ་བཀོད་ན། །སྟོན་ཀ་ཡི་ནི་ཟླ་འདྲར་
འགྱུར། །འཁོར་ལོ་འདི་ནི་ལྷ་མོ་ཆེ། །ལས་ཀྱི་འོད་ཀྱིས་རབ་བརྒྱན་ན། །ལས་ཀྱི་ཆོ་ག་མཐོང་བ་ཡིས། །བྱ་བ་ཐམས་ཅད་བྱེད་པར་འགྱུར། །དུར་ཁྲོད་རས་སམ་ཐོད་པ་འམ། །ཨརྐ་ཡི་ནི་འདབ་མ་ལ། །སྔར་བསྟན་པ་

85-1-264b

ཡི་སོལ་བ་དང་། །སྐྱེས་པའི་ཁྲག་གི་སྣག་ཚ་ཡིས། །སྒྲུབ་པོས་མིང་རུས་སྨྱུག་གུས་བྲི། །ཉི་མའི་དབུས་གྱུར་ཁྲོ་སེམས་ཀྱིས། །གཟུགས་བརྙན་བྱས་ལ་བསྒྲུབ་བྱ་ཡི། །དབུས་སུ་དེ་ནི་བཅུག་ནས་སུ། །སྐེ་ཚེ་ཡིས་ནི་
བྱུགས་ནས་ནི། །ཡང་དང་ཡང་དུ་བསྲོ་བར་བྱ། །སྔགས་ཀྱི་རྒྱལ་པོ་བསྐུལ་བ་ཡིས། །བྱ་བ་ཐམས་ཅད་བྱེད་པར་འགྱུར། །འདྀ་ཡི་ནད་རྣམས་ཐམས་ཅད་ནི། །འཕེལ་དང་དེ་བཞིན་སྦྱོར་བྱེད་པའོ། །རིམས་ལ་ཡི་དགས་སྙིང་ཀར་
བྲི། །འགའ་རི་ཡི་དགས་ཀླད་པ་སྟེ། །རྗེད་བྱེད་རླུང་དང་སྤྲིན་ལ་བྲི། །གཟེར་བར་བྱ་བ་མདུང་ལ་སྟེ། །དུག་དང་མཛེ་ནད་ལྟོ་འཕྱེ་ལ། །གཟའ་ལ་གཟའ་ཡི་མཚན་མར་བྲི། །མདོར་བསྡུས་ནས་ནི་འཁོར་ལོར་དགོད། །ཤེལ་དང་ཟླ་བའི་འོད་འདྲ་
བའི། །ཡི་གེ་བདུད་རྩི་རྒྱུན་འབབ་པས། །སྟོན་ཀའི་ཟླ་ཟེར་ལྟ་བུར་ནི། །བསམ་གཏན་བསམས་པ་ཙམ་གྱིས་ནི། །འཆི་བའང་ངེས་པར་སློང་བར་འགྱུར། །སྦྲུལ་ཆེན་བརྒྱ་ཡིས་ཟིན་ནས་ནི། །འཆི་བའང་མྱུར་དུ་སློང་བར་བྱེད། །
དུག་གིས་རྒྱལ་བར་གྱུར་པ་དག །བསྟན་པ་ཙམ་གྱིས་སློང་བར་འགྱུར། །རིམས་དང་གདོན་དང་རྗེད་བྱེད་དང་། །ལག་པ་མཐོང་བས་བརླག་པར་བྱེད། །གྲིབ་མ་ཡང་ནི་མི་འགོམ་ན། །དེ་ཡི་ལུས་ལྟ་སྨོས་ཅི་དགོས། །ཟངས་མ་ཡི་ནི་
འདབ་མ་འམ། །ལག་པ་གཡོན་པར་འཁོར་ལོ་འདི། །བབ་བླ་དང་ནི་ཡུང་བས་བྲི། །དེ་ནས་ཆུ་ཡི་ནང་བཞག་ལ། །ཇི་ལྟར་འབྱུང་བཞིན་འབེད་དེ་མཆོད། །མཚམས་ཀྱི་དུས་སུ་མཉམ་བཞག་པས། །དེ་བཞིན་དུ་ནི་སྔགས་བཟླས་བྱ། །
ཆུ་ཡི་ནང་ནས་བཏོན་ནས་སུ། །འོ་མས་བཀྲུས་ལ་རྒྱ་མཚོར་གཞུག །གཡུལ་དུ་ཁུ་ཚུར་བཅངས་ནས་ནི། །རྒྱན་རྣམས་ཀུན་གྱིས་རྣམ་བརྒྱན་ཏེ། །ཡིད་ལ་རྟག་ཏུ་ཟློས་བྱེད་ན། །ཇི་སྲིད་ཁུ་ཚུར་མ་དཀྲོལ་བར། །མྱུར་དུ་ཐམས་ཅད་རེངས་
འགྱུར་ཏེ། །དགྲ་བོ་གལ་ཏེ་ལག་ན་ནི། །མཚོན་ཆ་ཕྱར་ཏེ་ཐོགས་པ་ཡང་། །ཇི་སྲིད་ཁུ་ཚུར་མ་དཀྲོལ་བར། །མཚོན་ཆ་གཏོང་བར་མི་ནུས་སོ། །ཡི་གེ་བདུན་དང་རྣལ་འབྱོར་མ། །དྲུག་གི་ཡི་གེ་འདི་དག་ནི། །འཁོར་ལོ་དྲུག་ལ་གནས་པར་ནི། །

85-1-265a

ལག་པའི་དབུས་སུ་བཀོད་ནས་སུ། །ཆོ་ག་རིམ་པས་བཅང་བར་བྱ། །ཁ་ནས་གསང་སྔགས་རྒྱལ་པོ་ཟློས། །དེ་ཡི་གཟུགས་གྱུར་བཟུང་ནས་ནི། །དེ་ནི་འགུགས་འགྱུར་ཐེ་ཙོམ་མེད། །ཙན་དན་དམར་པོའི་རྡུལ་དང་ནི། །
ལན་ཚྭ་སྐེ་ཚེ་དེ་བཞིན་ཏེ། །བསྒྲུབ་བྱའི་རྐང་རྗེས་རྡུལ་དང་ནི། །གཅིག་ཏུ་བྱས་ནས་བརྟག་པར་བྱ། །ལན་བརྒྱར་བཟླས་ཏེ་རབ་བསྒོམས་ན། །ས་བདག་སྐྱེ་བོའི་ནོར་དང་ནི། །བཅས་ཏེ་དབང་དུ་གྱུར་པ་འམ། །དེ་ནི་འགུགས་འགྱུར་ཐེ་
ཚོམ་མེད། །སྦྱོར་བ་འདི་ནི་གྲུབ་པ་སྟེ། །གཞན་དག་ཏུ་ནི་ང་མི་སྨྲ། །རྡུལ་དེ་ཉིད་ནི་བཟུང་ནས་སུ། །ལྕགས་ཕྱེ་དང་ནི་སྲེ་བར་བྱ། །དུར་ཁྲོད་རས་ལ་གཏུམས་ནས་སུ། །ལན་བདུན་དུ་ནི་བཟླས་པར་བྱ། །ལམ་གྱི་བཞི་མདོར་
སོར་བརྒྱད་ཙམ། །བརྐོས་ཏེ་དགྲ་ཡི་མིང་ནས་ནི། །བཟུང་ནས་ས་ཡིས་དགབ་པར་བྱ། །གང་གི་མིང་བཟུང་དེ་བཅིངས་འགྱུར། །ཕྱེ་མ་དེ་ཉིད་བཟུང་ནས་སུ། །འོ་མ་ཡིས་ནི་འབད་དེ་བཀྲུ། །སླར་ཡང་གྲོལ་འགྱུར་ཐེ་ཚོམ་མེད། །
ཕྱེ་མ་དེ་ཉིད་བཟུང་ནས་སུ། །སྨྱོ་བྱེད་ལྔ་དང་ལྡན་པར་བྱ། །རོ་ཡི་གོས་ལ་བསྒྲུབ་བྱའོ། །མིང་བྲིས་ནས་ནི་བཏུམ་པར་བྱ། །ལན་བརྒྱ་བཟླས་ཏེ་དུར་ཁྲོད་དུ། །སྦས་ཏེ་སྐྱེས་བུ་འཕྲལ་དུ་ནི། །སྨྱོ་འགྱུར་འདི་ལ་ཐེ་ཚོམ་མེད། །
ཕྱུང་ནས་བ་ཡི་འོ་མ་ཡིས། །འབད་དེ་སླར་ཡང་བཀུས་ན་ནི། །འགྲོལ་འགྱུར་འདིར་ནི་ཐེ་ཚོམ་མད། །རྡོ་རྗེ་སེམས་དཔའ་དེ་བཞིན་གཤེགས། །བཅོམ་ལྡན་རྡོ་རྗེ་ཅན་གྱིས་གསུངས། །དེ་ནས་བཅོམ་ལྡན་དེ་བཞིན་
གཤེགས། །རྡོ་རྗེ་དཔའ་བོའི་འཁོར་ལོ་གསུངས། །ཟླ་བའི་དབུས་འགྱུར་རྡོ་རྗེ་ནི། །རྩེ་གསུམ་དེ་བཞིན་ཁ་དྲུག་པ། །སླར་ཡང་ཟླ་བར་པད་མ་ནི། །མདབ་དྲུག་ལེགས་པར་གནས་པ་བྲི། །དེ་ཡི་དབུས་གྱུར་
ས་བོན་ནི། །འདོད་དོན་ཐམས་ཅད་སྒྲུབ་བྱེད་པའོ། །སྔགས་པས་ལྟེ་བར་བྲི་བར་བྱ། །བསྒྲུབ་བྱའི་མིང་དང་སྤེལ་བར་བྱ། །རྡོ་རྗེ་སེམས་སོགས་ལྷ་རྣམས་ནི། །ཐམས་ཅད་སྣ་ཚོགས་བླ་ན་མེད། །སངས་རྒྱས་ཀུན་གྱི་གོ་ཆ་ཆེ། །

85-1-265b

མཛེས་མའི་གདོང་ཅན་ཁྱོད་ལ་བཤད། །དབུས་སུ་སྔ་མའི་གསང་སྔགས་བྲི། །པད་མའི་མདབ་མར་དེ་བཞིན་གཞན། །རི་བོ་དྲུག་ནི་ཡོངས་སྤངས་པ། །རྡོ་རྗེ་ཡི་ནི་ལྟེ་བར་བྲི། །གུར་ཀུམ་སེན་རྩི་རང་ཁྲག་དང་། །རོ་ཙ་ན་ཡིས་གྲོ་
ག་ལ། །ཆོ་ག་བཞིན་དུ་བྲིས་ནས་ནི། །དུས་གསུམ་དུ་ནི་བཟླས་བྱས་ལ། །མཆོད་ཆེན་བྱས་ནས་གཟུང་བར་བྱ། །ལན་བདུན་དུ་ནི་མངོན་ཟླས་ཏེ། །གོས་ཀྱི་མཐའ་མར་བཅིང་བར་བྱ། །ལམ་དུ་འགྲ་ན་རྐུན་པོ་དང་། །
སྟག་སོགས་འཇིགས་པར་མི་འགྱུར་རོ། །ཐམས་ཅད་དུ་ནི་བསྲུང་འགྱུར་བ། །འགྲུབ་འགྱུར་འདི་ལ་ཐེ་ཚོམ་མེད། །ལྟེ་བ་དེར་ནི་ཐིག་ལེ་ཡིས། །བསྐོར་བའི་ཐིག་ལེ་དག་ཀྱང་བྱ། །ཨ་རི་ཙ་ཏ་ཀ་བཅུད་དང་། །ཡུང་བ་དག་གིས་ཁྱད་པར་དུ། །
ཨ་ཤོ་ཀའི་སྨྱུག་གུ་ཡི། །དཔའ་བོ་ཡི་ནི་རས་མར་བྲི། །བསྒྲུབ་བྱའི་མིང་དང་སྤེལ་བ་ཡིས། །སྔགས་འདི་སྟོང་དུ་དེ་ནས་ཟླ། །བསྒྲུབ་བྱའི་རྐང་རྗེས་ས་དང་ནི། །གླང་པོ་ཆེ་ཡི་རྐང་རྗེས་རྡུལ། །དུར་ཁྲོད་ཐལ་བར་བཅས་པ་ལས། །
སྒྲུབ་པས་གཟུགས་བརྙན་བྱས་ནས་སུ། །བཅིང་བས་བཅིངས་ཏེ་དེ་ཡི་ནི། །སྙིང་ཀ་རུ་ནི་གཞུག་པར་བྱ། །མེ་ཏོག་སེར་པོས་མཆོད་ནས་ནི། །གསང་བའི་གནས་སུ་སྦས་གྱུར་ན། །དགྲ་རྣམས་ཐམས་ཅད་འཆིང་འགྱུར་ཞིང་། །
བརླག་པར་བྱེད་པ་མི་བཟད་པར། །རྡོ་རྗེ་སེམས་དཔའ་དེ་བཞིན་གཤེགས། །བཅོམ་ལྡན་རྡོ་རྗེ་ཅན་གྱིས་གསུངས། །མཁའ་འགྲོ་མ་ཡི་སྙིང་པོའི་སྔགས། །དེ་ནས་བཅོམ་ལྡན་འདས་ཀྱིས་གསུངས། །ནམ་མཁའི་དབྱིངས་གྱུར་ས་བོན་
ནི། །ཀུན་ཏུ་འོད་ཟེར་རབ་འཕྲོ་བ། །སྟོན་ཀའི་ཟླ་ལྟར་དྲི་མེད་པའི། །འཁོར་ལོ་རྩིབས་ནི་བཅུ་གཉིས་བྱ། །རྩིབས་དེ་རྣམས་ལ་ས་བོན་གྱི། །ཡི་གེ་མཆོག་ཏུ་ཕན་པ་དགོད། །དེ་ཡི་ལྟེ་བར་དགོད་བྱ་བ། །རིག་པ་ཆེན་པོའི་ཡི་གེ་ཆེ། །
བསྲུང་བ་རྡོ་རྗེའི་ཆོག་རིག་པས། །མཁའ་འགྲོ་མ་ཀུན་གོ་ཆ་བྱ། །སྔགས་ཀྱི་རྒྱལ་པོ་བསྐུལ་བ་ཡི། །དབུས་སུ་བསྒྲུབ་བྱའི་མིང་བྲི་བྱ། །རྣམ་པའི་མཆོག་ཀུན་ལྡན་པ་རུ། །སྤྲོ་བའི་བདག་ཉིད་ཅན་གྱིས་སྤྲོ། །གུར་ཀུམ་དང་ནི་རོ་ཙ་ནས། །

85-1-266a

གྲོ་ག་འམ་ནི་རས་དཀར་ལ། །སྙིང་སྟོབས་ཅན་གྱིས་བྲི་བར་བྱ། །ལས་ཀྱི་ཆོ་ག་མཐོང་བ་ཡིན། །ཐམས་ཅད་དུ་ནི་བསྲུང་བ་དང་། །བསྒྲུབ་པ་པོ་ཡིས་སྔར་བསྟན་བཞིན། །གདུག་པ་རྣམས་ནི་ཚར་གཅོད་བྱེད། །དངོས་གྲུབ་
ཐམས་ཅད་རབ་སྟེར་བའི། །ལས་མཆོག་དེ་ནས་བཤད་པར་བྱ། །གང་ཞིག་བསྒྲུབ་བ་ཙམ་གྱིས་ནི། །འཇིག་རྟེན་གསུམ་པོ་དབང་བྱེད་པའོ། །སྐྱེ་གཉིས་རྡོ་རྗེའི་རིགས་དང་ནི། །གཟུགས་བཟང་བུ་མོ་གཞན་ཡང་རུང་། །
ཀ་ར་བི་རའི་མེ་ཏོག་དམར། །རྒྱལ་གྱི་སྦྱོར་བས་བསྒྲུབ་པར་བྱ། །གོ་རོ་ཙ་ནས་བསྒྲུབས་ནས་སུ། །མེ་ཏོག་དེར་ནི་ཆུར་གནས་ལ། །སྒྲུབ་པོ་ཤིན་ཏུ་མཉམ་བཞག་པས། །ལན་བརྒྱ་རུ་ནི་བཟླས་པར་བྱ། །ཆུ་བོ་ཆེན་པོར་ཞུགས་
ནས་སུ། །ལྟེ་བ་མན་ཆད་ཆུར་བཅུག་སྟེ། །ལག་པ་ཐལ་སྦྱར་དབུས་བཟུང་ནས། །རིག་པ་སྟོང་དུ་བཟླས་པར་བྱ། །སྙིམ་པ་ཆུ་ཡིས་བཀང་བ་དང་། །བཅས་པས་སྒྲུབ་པོས་བཏུང་བར་བྱ། །དེ་ནས་དེ་ནི་འགྲུབ་
འགྱུར་ཏེ། །སྒྲུབ་པོས་ངག་ནི་གྲུབ་པ་ཡིས། །རྒྱལ་པོ་ཆུང་མར་བཅས་པ་དག །ཡིད་ཀྱིས་མགུགས་འགྱུར་གདོན་མི་ཟ། །ཀ་ར་བི་རའི་མེ་ཏོག་ནི། །དམར་པོ་ཡང་དག་བཟུང་ནས་ནི། །རིག་པ་ལན་
བདུན་བཟླས་བྱས་ལ། །སྐྱེ་གནས་དབུས་སུ་གཞུག་བྱ་སྟེ། །མེ་ཏོག་དེ་ནི་ཁ་སྦྱར་ནས། །གསང་བའི་གནས་སུ་གཞག་པར་བྱ། །གཉིས་མེད་ཡེ་ཤེས་རྣལ་འབྱོར་པས། །བརྒྱ་ཕྲག་གཅིག་ཏུ་བཟླས་པར་བྱ། །
སྒྲུབ་པོ་རྩེ་གཅིག་ཡིད་ཀྱིས་ནི། །མེ་ཏོག་དེ་ནི་བླངས་ནས་སུ། །མེ་ཏོག་གིས་ནི་གང་བསྣུན་པ། །དེ་ཡི་མོད་ལ་དབང་དུ་འགྱུར། །བརྒྱལ་ཞིང་སེམས་དང་བྲལ་བ་ཡི། །ཡན་ལག་ཚིགས་ཀུན་གཞན་དབང་སྟེ། །མངོན་
འགྱུར་སེམས་ནི་ལྡོག་པ་རུ། །སྐད་ཅིག་གིས་ནི་དབང་བྱེད་འགྱུར། །འདི་ནི་མངོན་སུམ་གྲུབ་པ་ཡི། །དོན་ཡོད་དབང་དུ་བྱེད་པ་ཡིན། །ཞེས་བཅོམ་ལྡན་འདས་ཀྱིས་གསུངས་སོ། །རྣལ་འབྱོར་མ་རྣམས་

85-1-266b

མགུགས་པའི་ཆོ་ག་འཁོར་ལོའི་རྒྱལ་པོ་ཞེས་བྱ་བའོ། །གང་ཞིག་བྲིས་པ་ཙམ་གྱིས་སུ། །རྡོ་རྗེ་སེམས་དཔའ་འང་བརླག་འགྱུར་ཞིང་། །དངོས་གྲུབ་མྱུར་དུ་སྟེར་འགྱུར་བ། །དེ་ནས་ཡང་དག་བཤད་བྱ་བ། །ཟླ་བའི་དབུས་གྱུར་
རྡོ་རྗེ་སྟེ། །དེ་བཞིན་གཞན་ཡང་པད་མའོ། །ཀུན་ནས་རྣམ་པར་འཕྲོ་བ་ཡི། །མཁའ་འགྲོ་མ་ཡི་ས་བོན་དགོད། །དབུས་སུ་རྡོ་རྗེ་ཕག་མོ་ནི། །ཤིན་ཏུ་དྲག་ཅིང་གསལ་བའི་གཟུགས། །ཡི་གེའི་དགོད་པས་དགོད་པར་བྱ། །
རིམ་པ་དེ་ལྟར་བརྗོད་པ་ལ། །ཞི་ལ་ཞི་བའི་ཡིད་ཀྱིས་སུ། །རོ་ཙ་ན་ཡིས་གྲོ་གར་བྲི། །མ་མོའི་གནས་དང་དུར་ཁྲོད་དུ། །གོས་ཆེན་དེ་བཞིན་ཁྲོ་དང་བཅས། །ཆགས་པ་ལ་ནི་དམར་པོའི་གོས། །རྒྱས་ལ་གོས་སེར་དེ་བཞིན་ཏེ། །
དེ་དང་དེར་ནི་བསྒོམ་བྱས་ནས། །ཅི་རིགས་པར་ནི་སྤྲུལ་པར་བྱ། །བུ་མོ་གཞོན་ནུའི་རོ་ཡིས་ནི། །གོས་ནི་འབད་དེ་བླངས་ནས་སུ། །ཚེས་བརྒྱད་དང་ནི་བཅུ་བཞི་ལ། །དེ་ཉིད་ལས་བྱུང་སོལ་བ་ཡིས། །སྣ་ཚོགས་རྡོ་རྗེ་ཁ་བཞི་
ལ། །སྔགས་དང་སྤེལ་བར་བྲིས་ནས་ནི། །ལན་བདུན་དུ་ནི་བཟླས་ནས་སུ། །གང་གི་ཁྱིམ་དུ་སྦས་གྱུར་པ། །དེ་ནི་གཤིན་རྗེའི་གྲོང་ཁྱེར་དུ། །ཉི་མ་བདུན་གྱིས་འགྲོ་བར་འགྱུར། །དེ་ཡི་རྐང་པའི་རྐང་སྦུབས་དང་། །
བུམ་པ་ལ་སོགས་དག་ཀྱང་རུང་། །རུས་པའི་ཕུར་བུའི་སྦུ་གུར་ནི། །འཕྲུལ་འཁོར་འདི་ནི་བཅུག་བྱ་སྟེ། །ཆོ་གའི་སྦྱོར་བ་འདི་ཡིས་ནི། །འཆི་འགྱུར་འདིར་ནི་གདོན་མི་ཟ། །ལས་རྣམས་ཀུན་ལ་སྒྲུབ་པ་པོས། །ཆོ་ག་དང་ནི་
ལྡན་པར་བྱ། །རང་གིས་བཟུང་བའི་སྔགས་ཀྱིས་ནི། །བསྐལ་པ་བྱེ་བ་བརྒྱས་མི་འགྲུབ། །ལས་འདི་མཆོག་ཏུ་ཤེས་བྱ་སྟེ། །སྔགས་གཞན་རྒྱས་པས་ཅི་ཞིག་བྱ། །དེ་དག་ཐམས་ཅད་སྤངས་ནས་སུ། །འདི་ཉིད་འབེད་དེ་
གཟུང་བར་བྱ། །གང་དང་གང་གི་བསམ་གཏན་གྱིས། །སྒྲུབ་པོས་བཟླས་པ་བརྩམ་པར་བྱ། །སྦྱོར་བ་དེ་དང་དེ་དག་གིས། །འདོད་པའི་འབྲས་བུ་ཐོབ་པར་འགྱུར། །ཇི་ལྟར་ནོར་བུ་དག་པ་ནི། །རྫས་གང་ལ་བརྟེན་

85-1-267a

དེ་གཟུགས་འཛིན། །དེ་བཞིན་རྡོ་རྗེ་མཁའ་འགྲོ་ཡང་། །ཡང་དག་བསམ་གཏན་མཆོག་འཛིན་འགྱུར། །བསམ་པ་གང་དང་གང་གིས་ནི། །མི་རྣམས་ཡིད་ནི་ཡང་དག་སྦྱོར། །དེ་དང་དེ་ཡི་དངོས་འགྱུར་ཏེ། །
སྣ་ཚོགས་གཟུགས་ཅན་ནོར་བུ་བཞིན། །དེ་ཉིད་བསྡུས་དང་འདུས་པ་སྟེ། །གཞན་ཡང་སྔོན་དང་ཐ་མ་ཡི། །དེ་ཉིད་སྦྱོར་བའི་ཆོ་ག་ཅན། །བྱ་བའི་རྒྱུད་རྣམས་ཐམས་ཅད་དུ། །ཇི་སྲིད་མེ་ཡིས་འཇིག་
གི་བར། །དེ་དེར་འགྲོ་བ་ཉོན་མོངས་འགྱུར། །ཐམས་ཅད་དུ་ནི་སྦས་པ་སྟེ། །བརྩོན་འགྲུས་ཕ་རོལ་འཇོམས་པའོ། །རྡོ་རྗེ་སེམས་དཔའ་མཉམ་ལྡན་པའི། །རྡོ་རྗེ་སློབ་དཔོན་བདག་ཉིད་ཆེ། །
མྱུར་དུ་དངོས་གྲུབ་སྐྱེ་འགྱུར་བ། །འཕྲལ་དུ་ཡང་དག་ཡིད་ཆེས་བྱེད། །སྒྲུབ་པོས་ཕྱག་རྒྱའི་སྦྱོར་བ་ཡིས། །ཉོན་མི་མོངས་པར་འགྲུབ་པར་འགྱུར། །དམ་ཚིག་མི་ལྡན་མི་དག་ལ། །ཀློག་གམ་གལ་
ཏེ་བྱིན་གྱུར་ན། །ངན་པའི་བདག་ཉིད་བཅོམ་ནས་ནི། །ངན་འགྲོ་རྣམས་སུ་ལྟུང་བར་འགྱུར། །གཡོན་གྱི་རྒྱུད་ནི་དམིགས་ནས་སུ། །སྐྱེ་བོ་གཡོན་གྱི་སྤྱོད་པ་བྱ། །ཐམས་ཅད་གཡོན་པས་བྱས་
ན་ནི། །མྱུར་དུ་དངོས་གྲུབ་འགྲུབ་འགྱུར་ཞེས། །སྒྱུ་མ་ཀུན་དང་མཉམ་སྦྱོར་བའི། །རྡོ་རྗེ་མཁའ་འགྲོ་བདེ་བའི་མཆོག །རྡོ་རྗེ་སེམས་དཔའ་དེ་བཞིན་གཤེགས། །བཅོམ་ལྡན་རྡོ་རྗེ་ཅན་གྱིས་གསུངས། །
རྒྱུད་ཀྱི་རྒྱལ་པོ་ཆེན་པོ་དཔལ་རྡོ་རྗེ་མཁའ་འགྲོ་ལས། དཔའ་བོ་ཐམས་ཅད་དང་མཉམ་པར་སྦྱོར་བའི་འཁོར་ལོ་འབྱུང་བ་ཞེས་བྱ་བའི་རིམ་པར་ཕྱེ་བ་སྟེ་བཅུ་དྲུག་པའོ།། །། དེ་ནས་ཡང་དག་བཤད་
བྱ་བ། །སྙིང་པོ་ཐམས་ཅད་བསྡུས་པ་སྟེ། །སེམས་ཅན་ཀུན་ལ་ཕན་བྱའི་ཕྱིར། །སྒྲུབ་པོའི་བདུད་རྩི་སྦྱོར་བའི་མཆོག །ག་བུར་དང་ནི་གུར་ཀུམ་དང་། །གནྡྷ་གནྡྷ་པ་ཏྲ་སྟེ། །ཤིང་ཚ་དང་ནི་སུག་སྨེལ་བཅས། །

85-1-267b

ཀུ་སུམ་དང་ནི་དེ་བཞིན་ཆུ། །པི་སི་ཏ་དང་ཀུན་དུ་རུ། །དེ་བཞིན་རི་ཡི་ཞག་དང་ནི། །རི་སྐྱེས་དང་ནི་སྤུ་གུའི་ཞག །དྲྀ་ཡི་མར་ཁུ་སོ་དང་ནི། །དེ་བཞིན་ལག་སྐྱེས་ཀྱི་ནི་རྡུལ། །གངས་ཀྱི་ཆུ་དང་སྙིང་པོ་དང་། །
རྒྱ་མཚོ་ལས་སྐྱེས་དེ་དག་ནི། །ལུས་ཅན་རྣམས་ལ་ཕན་བྱེད་པ། །གང་གང་ལ་ནི་གངས་ཆུ་བཞིན། །དེ་ལྟར་བཅྭ་བརྒྱད་རྫས་རྣམས་ནི། །བཅུད་ཀྱིས་ལེན་མཆོག་ཕན་བྱེད་ཡིན། །དེ་ནས་བརྟག་པའི་ལས་དང་ནི། །ཡོན་ཏན་ཡན་
ལག་ཆོ་ག་བཤད། །ཙམ་པ་ཀ་དང་བ་ཀུ་ལ། །ནཱ་ག་གེ་སར་ཀུ་མུ་ཏ། །ཨུད་པལ་ཤེ་ཕ་ལི་ཀ་དང་། །སྦྲང་རྩི་འཛག་དང་པྲི་ཡང་ཀུ། །ཀུ་སུ་མ་ནི་ཉིད་དག་གོ། ཤྲི་བ་ལ་དང་པོ་སོ་འཆའ། །ཀ་པི་ཏ་དང་ལ་ཀུ་ཚ། །
སྐུ་བ་དང་ནི་བརྟ་ཀི། །ཨ་རུ་ར་དང་བ་རུ་ར། །བ་ལ་ཏ་ཀ་སྐྱུ་རུ་ར། །ཨེ་ལ་རྩི་དང་པུ་ན་ཀ ། ཨེ་རཎ་ཌ་དང་མ་རི་རྩི། །དེ་བཞིན་དུ་ནི་པི་པི་ལིང་། །བཅའ་བ་དང་ནི་ཤུ་དག་དང་། །ཡུང་བ་དང་ནི་རུ་རྟ་དང་། །
བཅའ་ལྒ་དང་ནི་སྒོག་སྐྱ་དང་། །རླན་ཅན་གྱི་ནི་དོ་བ་དང་། །ན་ག་པ་ལ་དཀར་པོ་དང་། །དེ་བཞིན་རྒན་པོ་གཞོན་ནུར་བྱེད། །གླང་ཆེན་དགྲ་དང་རི་མཛེས་དང་། །འཛག་དང་བྱིས་པ་སྟུག་པོ་དང་། །རལ་པ་དམར་པོ་སྨྱོ་
བྱེད་དང་། །མཚན་མོའི་ཤིང་དང་མྱུར་འགྲོ་དང་། །ཀ་དམ་པ་དང་གསེར་ཤིང་སྟེ། །དེ་བཞིན་དུ་ནི་ཤི་རི་ཤ ། ཀ་རན་ཛ་དང་ཤྲི་ཁྲུ་དང་། །ནིམ་པ་དང་ནི་པི་ལ་སི། །དེ་བཞིན་ག་དུ་མ་ཛ་རི། །
པ་ལ་ཤ་དང་ཙན་དན་གཉིས། །དེ་བཞིན་ཨ་གར་ནག་པོ་དང་། །གུར་ཀུམ་གུར་ཤིང་བྱེ་ཀ་ར། །སྦྲང་རྩི་མོ་ཀྵ་པུས་ཀ་ར། །མེ་ཏོག་འབྲས་བུ་རྩ་བ་དང་། །ཤུན་པ་ཤིང་དང་རོ་ཉིད་དོ། །
ཁུ་བྱུག་ཟངས་ཀྱི་གཙུག་པུད་ཅན། །བྱ་རོག་དང་ནི་གར་ར་དང་། །རྨ་བྱ་ཏི་བྱ་ཕུག་རོན་དང་། །དྲང་སྲོང་བུ་སྟོབས་འཕེལ་བར་བྱེད། །ར་དང་རི་འོང་རི་དགས་དང་། །ས་ལི་ག་དང་ཕག་

85-1-268a

དང་ནི། །ཁྱད་པར་དུ་ནི་བྱི་བ་རྣམས། །ནད་རྣམས་ཐམས་ཅད་འཇོམས་པར་བྱེད། །མེ་ཏོག་འབྲས་བུ་ཤུན་པའི་ཆང་། །དེ་བཞིན་དུ་ནི་འབྲུ་ཡི་ཆང་། །གཞན་ཡང་ཆང་གི་བྱེ་བྲག་
དག ། མདོར་བསྡུས་ནས་ནི་བཏུང་བའི་མཆོག །འདི་དག་སྐྱེས་པ་བུད་མེད་ཀྱི། །སྟོབས་རྣམས་སྐྱེད་པའི་སྨན་ཡིན་ཏེ། །ནད་རྣམས་ཐམས་ཅད་འཇོམས་པར་བྱེད། །བཟའ་དང་བཏུང་དང་གཞིབ་
པ་དང་། །ལྡག་པ་དང་ནི་མུར་བ་དང་། །སྣ་སྨན་མགོ་བོར་བསྐུ་བ་དང་། །བཀྲུ་བ་དང་ནི་དྲིལ་ཕྱེས་དང་། །བཟའ་དང་བཏུང་སོགས་དེ་དག་ནི། །རྣལ་འབྱོར་པ་ཡི་སྦྱོར་བ་མཆོག །
དེ་ལྟར་དྲུག་བཅུ་རྩ་བཞི་ཡི། །རྫས་དང་བཅྭ་བརྒྱད་དག་ཏུ་སྦྱར། །སྦོམ་པོ་ཕྲ་མོའི་སྦྱོར་བ་རྣམས། །སྐྱེས་པ་དང་ནི་བུད་མེད་ཀྱང་། །ཆུང་ངུ་ལ་སོགས་དབྱེ་བ་སྟེ། །རླུང་དང་མཁྲིས་པ་བད་ཀན་
སོགས། །རེ་རེ་ཞིང་ཡང་གསུམ་གསུམ་འདོད། །ནག་པོ་དཀར་པོ་སྔོ་བསངས་ཏེ། །འཛག་དང་དེ་བཞིན་འཕོ་བ་ལའོ། །དགྲ་དང་མཛའ་བཤེས་བར་མ་སྟེ། །ཁམས་ཀྱི་སྡེ་ཚན་བསྡུས་པ་
ཡིན། །དཔའ་བོ་གཅིག་དང་སྐྱེ་གཉིས་རྩ། །འབྲས་བུ་ཆེན་པོ་སྐ་བ་གསུམ། །ལྷང་ཚེར་དང་ནི་དངུལ་ཆུ་བཞི། །བདུད་རྩི་ཡི་ནི་སྙིང་པོ་ལྔ། །དུས་དྲུག་དེ་བཞིན་དྲུག་བཅུ་སྟེ། །བདུན་པོ་ཡལ་ག་མདབ་
སོགས་བཅས། །སྐམ་ས་དང་ནི་རླན་ཅན་ཡུལ། །མར་དང་མར་ནག་བཀྲུ་སྨན་ནི། །རྣོ་དང་དངུལ་ཆུའི་ཟས་སུ་སྦྱིན། །རང་སྐྱུར་དང་ནི་ཡུང་བ་དག །ཆ་མཉམ་དངུལ་ཆུའི་འབྲས་བུ་སྟེ། །ཉི་མའི་འོད་
ཟེར་བསྲོས་ནས་ནི། །སྦྲང་རྩི་ཡི་ནི་ཐིགས་པ་བླུགས། །ཐལ་སྨན་ལན་ཚྭས་བུ་གར་སྒྲུབ། །རོ་ནི་བསྐ་བ་རྣམས་དང་ཡང་། །ལྷང་ཚེར་དཀར་པོའི་སྐྱོ་མ་སྦྱིན། །དངུལ་ཆུ་དྲུག་ཆར་བྱ་བ་མཆོག །

85-1-268b

སྐྱེད་བྱེད་དོན་ནི་རྒ་བ་འཇོམས། །ཆ་ནི་ཚད་ལྡན་འཆིང་བྱེད་དེ། །འབྲས་བུས་བྱ་བ་བྱེད་པར་འགྱུར། །སྔོན་དུ་གསེར་ཤོག་བླུགས་པ་ཡིས། །རང་སྐྱོན་འཇོམས་པའི་ཆོ་ག་ཡིན། །དེ་ནས་ཆུ་དང་ལན་ཚྭ་དང་། །
ཐལ་བའམ་རྡུལ་ནི་བླུགས་པར་བྱ། །དྲོན་མོ་བླུགས་ན་སྐྲ་དཀར་སྐྱེ། །གླང་ཆེན་མགོ་ཡི་བཅུད་བླངས་ལ། །སེང་གེའི་ཚད་དུ་བཅོ་བར་བྱ། །དེ་ནས་སླར་ནི་ཕྱུང་ནས་སུ། །ཨར་ཀའི་ཤིང་གི་ཁུ་བ་བླུགས། །
ཚོས་པའི་འོད་ཀྱིས་སྙིང་མིག་འཇོམས། །ཙན་ཏྲ་དང་ནི་ར་ས་ན། །སྒོ་སྐྱ་དང་ནི་ཀེར་ས་དང་། །ཨ་ཏྲ་པ་ཏིའི་རུས་པ་དང་། །དེ་བཞིན་དུ་ནི་མེ་ཏོག་བཟུང་། །བྱ་གྲི་དང་ནི་ཀུན་དུ་རུ། །ས་རི་བ་དང་སེན་མོ་དང་། །
ནོར་བུ་ཟླ་འོད་ན་གེ་སར། །ཐིགས་པའི་རྒྱུན་དང་ཀ་ཏམ་པ། །ཙམ་པ་ཀ་རི་སོ་བ་དང་། །ཤི་ཤུ་བིལ་བ་ཨུད་པ་ལ། །རང་སྐྱུར་དང་ནི་བཅས་པ་རུ། །འཛག་དང་དངུལ་ཆུ་ཁ་ཚོས་བྱ། །ཕྱུང་ན་སྦྲུལ་གྱི་
གཟུགས་ལྟར་འགྱུར། །ཁྲག་དང་སྨྱོ་བྱེད་མཚན་ཤིང་བླུགས། །སྐྲ་དཀར་གྱི་ནི་ཉེས་པ་འཇོམས། །རྒས་དང་མཛེ་ནད་སེལ་བར་བྱེད། །རྣོན་པོ་ཐལ་སྨན་བཅས་པ་ཡིས། །བཀྲུས་ཤིང་བཀུས་ནས་གཞང་
འབྲུམ་འཇོམས། །ལྟོ་སྐྱེས་མ་རྙིངས་རྫས་ཀྱི་ལས། །བཅུད་དང་བཅུད་ལེན་མར་ཞག་སྔགས། །ཤི་རི་ཤ་ཡི་རྩྭས་ཀྱང་གཟག །མགོར་གནས་ལ་སྐྱེས་ལྡན་པར་བྱ། །མདོག་དམར་དངུལ་ཆུ་རྨོངས་པ་གསོ། །
གསོས་ཏེ་འཁྲུས་ན་འབྲས་བུའི་ལམ། །ཚད་ལས་འདས་ན་དུག་དུ་འགྱུར། །དེ་ནས་ལྤགས་པ་ཤུན་པ་དང་། །མེ་ཏོག་དང་ནི་འབྲས་བུ་སོགས། །ཁ་དང་སྐ་དང་མངར་བ་དང་། །ཚྭ་དང་སྐྱུར་པོ་ལ་སོགས་པས། །
ཁྱད་པར་དུ་ནི་བཙོ་བྱ་བ། །ཁ་མེད་རྫར་ནི་བཙོ་བར་བྱ། །ཁ་དང་བཅས་པར་བསྲེག་པ་སྟེ། །ཚར་གཅད་པ་དང་གནོན་པ་ཡིན། །ཁ་མེད་པ་དང་ཐོད་པའི་དབྱིབས། །འོད་མ་དང་ནི་བྱ་རོག་

85-1-269a

མཆུ། །དེ་དག་བཙོ་བའི་ཞི་ཁ་རྫ། །ཡིབ་དང་ཁྲོས་དང་འཐོར་བ་དང་། །བཞི་པ་ཆུ་རུ་འབྲོས་པའོ། །ཤིན་ཏུ་ཚོས་པར་གྱུར་ན་ནི། །འདར་དང་རྨོངས་དང་དུ་བ་དང་། །ཁྲོལ་ཁྲོལ་སྒྲ་ནི་སྒྲོགས་པ་ཡིན། །
བཙིར་དང་མཉེ་དང་དཀྲུག་པ་དང་། །དེ་བཞིན་དུ་ནི་བརྡུང་བའོ། །སྦྲང་རྩིར་བཙོ་དང་བུ་རམ་བཙོ། །གླང་ཆེན་བཙོ་དང་སེང་གེ་བཙོ། །རྣོན་པོར་བྱས་ཏེ་བཙོ་བར་བྱ། །མཉེས་པས་དྲི་མའི་རྡུལ་འཐོར་འགྱུར། །
བློ་གྲོས་འཁྲུལ་པ་མེད་པ་ཡིས། །རིམ་གྱིས་རིམ་གྱིས་མཉེ་བར་བྱ། །ཆ་ཡི་ཚད་བྱས་གསོ་བ་ནི། །སྦྱངས་ན་འགྱུར་གྱི་གཞན་དུ་མིན། །དེ་ནས་ཆ་གཞན་བཅས་པ་ལ། །གི་རི་ཀར་ནིའི་ཕྱེ་མ་ནི། །
ལུགས་ལས་ཟློག་པའི་ལམ་བཙུགས་ལ། །ཚད་ལྡན་ཆོ་ག་བཞིན་དུ་བཙོ། །དུ་རུ་ཀ་དང་བ་ལི་ཀ །ཙག་ཀྲ་མར་དེའི་ས་བོན་དང་། །བ་ལ་ཏ་ཀ་ཤི་ཀྲུའི་འབྲས། །པ་རི་ཙ་ཏ་ཀུ་སུ་མ། ཨུད་པལ་མ་ལི་
ཀ་ས་བོན། །བར་དར་རུས་པ་ཀ་སི་དང་། །སི་རི་ས་སྐུ་ས་བོན་དང་། །སྦྲང་རྩི་བོ་སོན་བ་ལ་ཤ །ཞི་ག་རྫེའུ་ནི་ཚོས་པ་དང་། །དེ་དག་སྐྱོ་མ་སྐྱེད་ཕྱིར་བླུགས། །དེ་དག་གི་ནི་རྟོགས་བྱས་ལ། །ཡིད་ལ་
སེམས་པའི་འཕྲུལ་འཁོར་གྱིས། །བུ་མོའི་བཅུད་ནི་དྲངས་ཏེ་བླུགས། །འདི་ཡིས་རབ་ཏུ་བསྒྲུབ་བར་བྱ། །གཞན་དུ་ནམ་ཡང་མ་ཡིན་ནོ། །བུ་མོ་གཅིག་དང་གཉིས་དང་ནི། །མང་པོའི་བར་དུ་བརྟག་པར་བྱ། །
ལྷང་ཚེར་དངུལ་ཆུ་ཤིང་ཆེན་ནི། །དེ་ཚེ་འབྲས་བུ་སྨིན་པར་འགྱུར། །བྱ་བ་ཀུན་གྱི་ལམ་གྱིས་ནི། །བྱེད་པ་པོ་དང་ཟ་བོར་འགྱུར། །ལྷ་ཡིས་རྒྱ་མཚོ་བསྲུབས་པ་བཞིན། །ཉི་ཤུ་རྩ་ལྔའི་ཆ་ཡི་བར། །
སྟོབས་ལྡན་བཟུང་བ་གནས་སུ་འགྱུར། །རྫུ་འཕྲུལ་གྱི་ནི་ཚད་དང་ལྡན། །དངུལ་ཆུ་རྨ་བྱའི་མགྲིན་འདྲ་དང་། །སྦྲུལ་གྱི་གཟུགས་དང་སྦལ་པའི་གཟུགས། །ཆུ་འཛིན་དབྱིབས་དང་རྣམ་པ་བཞི། །

85-1-269b

ས་ལའི་དྲི་དང་དྲི་ཞིམ་དང་། །དེ་བཞིན་ཆང་དང་ཆང་མིན་དྲི། །ཆ་གཉིས་དང་ནི་ཆ་གསུམ་དང་། །བུད་མེད་མདོག་ཉམས་སྣང་འགྱུར་ཞིང་། །བོང་ཚོད་རན་དང་རིང་བ་དང་། །ཡན་ལག་རྩུབ་འདོད་མགྲིན་པ་རིང་། །
མིག་ནི་ཟངས་ལྟར་དམར་བ་སྟེ། །སྟོབས་ལྡན་སྔོ་བསངས་ནུ་མ་མེད། །རྐང་པའི་ཁྱེད་པར་སྔར་བཤད་དང་། །སྦྲང་རྩི་ལྟ་བུའི་དྲི་དང་ལྡན། །སྒྲུབ་པོ་དབང་པོའི་ཡོན་ཏན་བྱེད། །དེ་རྣམས་ཐབས་ཀྱིས་སྦྱངས་
ཡིན་ཏེ། །རྩུབ་དང་མཉན་དང་ཡན་ལག་མཁྲང་། །སྟོབས་ལྡན་ཞེས་ནི་བྱ་བ་ཡིན། །དེ་དང་འཁྱུད་ལས་འབྱུང་བ་ནི། །རྫས་ནི་ཡོངས་སུ་སྦྱོར་བྱེད་དེ། །རྣོན་པོ་དང་ནི་ལྷང་ཚེར་ལ། །ཐུན་མོང་དུ་ནི་བརྟེན་
ནས་སུ། །ཞ་ཉེ་བླུགས་པས་འཇོམས་པར་འགྱུར། །རོ་ནི་ཁ་དང་བསྐ་བར་འགྱུར། །དེ་ནས་རང་སྐྱུར་ནང་དུ་ནི། །གཅི་བས་བཙོས་ན་ཉེས་པ་འབྱང་། །དེ་ནས་གཅི་བའི་ལན་ཚྭ་དང་། །ཕག་གི་ཞག་
དང་ཚིལ་དང་ཁྲག །བཅས་པར་མཉེས་ནའང་ཉེས་པ་འབྱང་། །སླར་ཡང་ཙུ་ཏ་ཛི་ཏི་ན། །ཚྭ་དང་དམར་པོ་ཉིད་དང་ནི། །སྨྱོ་བྱེད་ཆ་མཉམ་དངུལ་ཆུ་རིག །དེ་དང་མཉམ་པའི་སྦྲང་རྩི་ཆུ། །མཉེས་ན་
ཉེས་པ་ཟད་པར་འགྱུར། །དེ་ནས་མ་ཧེའི་རྨིག་པར་ནི། །ཆར་པའི་ཆུ་དང་བཅས་པ་ལ། །ཟངས་ཀྱི་ཕྱེ་མ་འཁར་ཕྱེ་དང་། །མིག་སྨན་ཕྱེ་མ་བླུགས་ཤིང་བཙོ། །ཚོས་ནས་སྦྲང་རྩིའི་ནང་དུ་གཞུག །
དེ་ཡིས་བཅིངས་པར་འགྱུར་བ་ཡིན། །དེ་ནས་ཁྲག་ནི་ཆ་བདུན་གྱིས། །སྦྱངས་ན་སྣུམ་ཞིང་སྟོབས་ལྡན་ལ། །སླར་ཡང་ཆ་མཉམ་ཁྲག་དང་ནི། །མཉེས་པས་སྣུམ་ཞིང་རྩུབ་པར་འགྱུར། །ར་གན་ཙུ་ཏའི་
ཤིང་དང་ནི། །ཟངས་དང་ཡུང་བ་ལ་སོགས་དྲུག །བྱིན་པས་ཉེས་པ་ཚར་གཅོད་འགྱུར། །དེ་ནས་ཙན་ཏྲའི་ཤིང་དང་ནི། །སྦྲང་རྩི་འཛག་དང་སེན་མོ་དང་། །ཐལ་སྨན་འབུས་ཟོས་ཤིང་ཕྱེ་དང་། །མ་ཧཱ་ཧ་ཏ་

85-1-270a

མོ་ཀྵ་དང་། །པུས་ཀ་ར་དང་བར་ཏ་ཀི། །སྐུ་བ་སིན་དུ་པ་རི་ཕྱེ། །བཅས་པར་མི་ཡི་རྐང་དུ་གཞུག །ཅུང་ཟད་བཞག་སྟེ་ཕྱུང་ནས་སུ། །རྡོ་ཡི་གཏུན་དུ་མཉེ་བར་བྱ། །འོད་མའི་ནང་དུ་བླུགས་
ནས་ནི། །བཙོ་རྫ་རྒོད་མའི་ཁ་འདྲ་དང་། །ཀ་རན་ད་ཡི་མཆུ་ཡི་དབྱིབས། །བོང་བུའི་གདོང་དང་རྔ་མོའི་གདོང་། །ཁ་ཆེན་འདི་དག་བཅིང་བ་དང་། །ཚར་བཅད་པ་ལ་བསྔགས་པ་ཡིན། །གང་ཡང་འཕྲུལ་
འཁོར་ཁ་ཆེ་བ། །རྫ་རྔ་ཡི་ནི་དབྱིབས་འདྲ་དང་། །འོ་མའི་དབྱིབས་འདྲ་ལ་སོགས་དང་། །མཚོན་ཆ་རལ་གྲིའི་ཤུབས་འདྲ་བ། །ཀང་ཀ་ཡི་ནི་མགྲིན་པ་འདྲ། །ཉེས་པ་ཚར་གཅོད་པ་ལ་བསྔགས། །གཞན་
ཡང་དངུལ་ཆུ་བཅིངས་པ་ལ། །བཤད་པ་དེ་དག་རྗེས་སུ་གཟུང་། །བཞི་ཆ་ལུས་པ་བཙོ་ཆེན་ཏེ། །ཕྱེད་ལུས་སྟོབས་ཆེན་བཙོ་བ་ཡིན། །དངུལ་ཆུར་བརྟེན་པའི་དྲི་མ་ནི། །དེ་བཞིན་དུ་ནི་སྦྱར་བར་བྱ། །
སྦྱང་བ་དང་ནི་རྟོགས་པ་དང་། །རྨོངས་པ་དེ་བཞིན་གསོད་པའོ། །དེ་ནས་ལྷང་ཚེར་རྡུལ་ཕྱེ་དང་། །བཅས་པར་རྩི་ཡི་ནང་དུ་བླུགས། །བན་དུ་ཞེས་བྱའི་ཕྱེ་མ་ནི། །སྐྱོ་མར་བཅས་པའི་ནང་དུ་བཏུང་། །ལྷང་ཚེར་
དངུལ་ཆུ་རྣོན་པོ་ཡི། །ཆོ་ག་ཡིས་ནི་སོ་སོར་བཅིང་། །དེ་ནས་ཅུང་ཞིག་ངལ་བསོ་བྱ། །གཞག་པ་མེ་ཡི་གནས་སམ་ནི། །ཆུ་ཡི་ཤིང་ལ་བརྟེན་པར་བྱ། །ལྕི་བའམ་འབྲས་ཀྱི་ཕུང་པོའང་རུང་། །རྔོ་བ་ཡི་ནི་
ནང་དག་དང་། །བ་ལང་མ་ཧེ་སོགས་པའི་ལྷས། །བྱེ་མ་ཡི་ནི་ཕུང་པོར་སྦ། །དེ་ནས་ངལ་བསོ་ཕྱུང་ནས་ནི། །གཟུགས་དང་སྒྲ་དང་དྲི་རོ་སོགས། །ཚད་དང་མཚན་མ་ཇི་བཞིན་བརྟག །ལ་ལའི་འབྲས་བུ་
ལ་ལའི་རྩ། །ཁ་ཅིག་མེ་ཏོག་མདབ་མ་དང་། །ཤུན་པ་དང་ནི་རུས་པའང་རུང་། །རྣལ་འབྱོར་པ་ཡིས་ལོངས་སྤྱོད་ནི། །རྣམ་པ་སྣ་ཚོགས་ལྟ་བར་བྱ། །བཅོས་པའམ་བཅོས་མིན་ཡོ་བྱེད་ནི། །རྙེད་ན་རྡོ་རྗེ་

85-1-270b

འཛིན་འདྲར་འགྱུར། །དེ་ཡང་སྟོབས་ཅན་བཅུད་བྲལ་ནི། །སྔོན་བཞིན་ཉེས་པ་སྣ་ཚོགས་འགྱུར། །དངུལ་ཆུ་ལྷང་ཚེར་ཁ་དོག་ནི། །སྣ་ཚོགས་དང་ལྡན་སྐྱོན་ཡིན་ཏེ། །ཁྲག་དང་མཁྲེས་པ་སྐྱད་བྱེད་ཡིན། །དམར་
པོས་ཁྲག་ཀྱང་སྐྱེད་པར་བྱེད། །དཀར་པོས་ཟུག་ཟེར་སྐྱེད་འགྱུར་ཞིང་། །སྲོག་ནི་འཇོམས་པར་བྱེད་པ་ཡིན། །ལྗང་སེར་དག་ནི་མ་སྨིན་དང་། །སེར་སྐྱ་ལམ་ནི་འགག་འགྱུར་ཞིང་། །ཉིས་འགྱུར་ཆ་ནི་ཤིན་ཏུ་འཆིང་། །
ཉེས་པ་དག་ནི་བརྒྱར་ལྡན་པས། །བློ་དང་ལྡན་པས་དཔྱད་དེ་བཟའ། །སྔོ་དང་ནག་པོ་བཅུད་ཆེན་ཡིན། །དེ་ལྟར་བཅུད་ལེན་རྣམ་དཔྱད་ན། །ཆུ་སྐྱེས་ཆེན་པོའི་ཡོན་ཏན་ལྡན། །དངུལ་ཆུའི་འོལ་སེ་གཅིག་དང་ནི། །རྒྱ་མཚོ་
ལས་བྱུང་ཉིས་འགྱུར་ལྡན། །བཞི་འགྱུར་གྱི་ནི་མེ་ཏོག་བཅས། །སྣ་སྨན་ལྡག་པའི་མཆོག་ཡིན་ཏེ། །ཁྲག་དང་དངུལ་ཆུ་བཅུ་འགྱུར་དུ། །རིམ་གྱིས་སྤེལ་ཏེ་བཟའ་བར་བྱ། །དེ་ཕན་ཆད་ནི་འབྲས་བུ་མེད། །
དངུལ་ཆུ་བསོ་བས་རྨོངས་པ་དང་། །ཁྱད་པར་དུ་ནི་བསད་ཀྱང་རུང་། །སྔར་བསྟན་པ་ཡི་མེ་ཏོག་དང་། །བྱང་ཆུབ་སེམས་དང་བཅས་ཏེ་བཟའ། །ཐམས་ཅད་དུ་ནི་སྔ་དྲོ་བཟའ། །ཆོ་གའི་རིམ་པ་འདི་ཡིན་ནོ། །
ལྷང་ཚེར་ཆུ་དང་དངུལ་ཆུ་ནི། །དགོངས་མོའི་དུས་སུ་ལྡག་པར་བྱ། །ཟླ་བ་ལ་ནི་ཟླ་བའི་ལམ། །ཉི་མ་ལ་ནི་ཉི་མ་སྟེ། །དེ་དང་དེ་ནས་སྦྱིན་པར་བྱ། །དེ་ལྟར་ཡུལ་དང་དུས་དང་ནི། །རྫས་རྣམས་རྒྱ་ཆེར་བསྟན་པ་དག །
ཡིད་གཞུངས་ལ་སོགས་འཕེལ་བྱེད་ཡིན། །མཁའ་འགྲོ་ཀུན་དང་མཉམ་སྦྱོར་བའི། །རྡོ་རྗེ་མཁའ་འགྲོ་བདེ་བའི་མཆོག །རྡོ་རྗེ་སེམས་དཔའ་དེ་བཞིན་གཤེགས། །བཅོམ་ལྡན་རྡོ་རྗེ་ཅན་གྱིས་གསུངས། །རྒྱུད་ཀྱི་
རྒྱལ་པོ་ཆེན་པོ་དཔལ་རྡོ་རྗེ་མཁའ་འགྲོ་ལས། བཅུད་ཀྱིས་ལེན་གྱི་ཆོ་གའི་རིམ་པར་ཕྱེ་བ་སྟེ་བཅུ་བདུན་པའོ།། །། དེ་ནས་ཡང་དག་བཤད་བྱ་བ། །རྒྱུད་དུ་སྦས་པ་ངེས་པར་བྱ། །ཡང་དག་བསྡུས་

85-1-271a

པ་ཆོ་ག་ནི། །བཤད་ཀྱིས་སྒྲུབ་པ་པོ་རྣམས་ཉོན། །བདེ་མཆོག་བླ་མའི་གནས་ལ་སོགས། །མཁའ་འགྲོ་མས་ནི་ཐམས་ཅད་ཁྱབ། །ཡེ་ཤེས་ལྡན་པའི་རང་སྐྱེ་གནས། །ཡུལ་དང་ཡུལ་དུ་མངོན་པར་
སྐྱེ། །དེ་ནི་མཁའ་འགྲོ་མ་ཞེས་བྱ། །རྡོ་རྗེ་དཀྱིལ་འཁོར་གཙོ་མོ་ཡིན། །རྣལ་འབྱོར་མ་དྲུག་སྒྲུབ་པོ་ལ། །བརྡ་ཡི་སྐད་ཀྱིས་བཤད་པ་ཡིན། །ཀུ་ལུ་ཏཱ་དང་མ་རུ་ཡི། །ཡུལ་དུ་གནས་པ་མ་མོ་སྟེ། །སིནྡྷུ་དང་ནི་
ནཱ་ག་རར། །རིགས་ཀྱི་གཙོ་མོ་རྣམས་ཡིན་ནོ། །ལམ་བ་ཀ་དང་སཽ་རཥྚར། །གང་གནས་རིགས་ཀྱི་ལྷ་མོ་ཡིན། །ཁ་བའི་རི་དང་ཀན་ཙི་ན། །གང་ཡོད་བྱིས་བཅས་མོ་ཞེས་བྱ། །པན་ཙ་ལི་ཡི་ཡུལ་དག་དང་། །
གྲི་ཧ་དེ་བ་ཏཱ་དག་ན། །ལྷན་ཅིག་སྐྱེས་པའི་བུ་མོ་གནས། །ཀ་ལིང་ཀ་དང་ཀོ་ས་ལེར། །བརྟུལ་ཞུགས་འཛིན་མ་ཤ་ཆེན་ཟ། །པྲེ་ཏ་པུ་རི་ཞེས་བྱ་དང་། །ཏྲི་ཤ་ཀུ་ནོར་སྦོམ་དབང་ཕྱུག །ཁཎྜ་རོ་ཧ་ཞེས་བྱ་གནས། །
པུལླཱི་ར་དང་ཛཱ་ལྃ་དྷར། །ཙན་ཌ་ལ་ཡི་བུད་མེད་གནས། །ཨོ་ཏྲེ་དང་ནི་ཀམ་རུ་ཡི། །ཡུལ་དུ་བུ་མོ་ཆེན་མོ་སྟེ། །དེ་བི་ཀོ་ཊི་ཞེས་བྱ་དང་། །ར་མི་ཤ་རིའི་བུ་མོའང་འདོད། །གོ་ད་བ་ཨར་བུ་དེར། །མཁའ་འགྲོ་མ་
ཡི་དབང་ཕྱུག་མཆོག །གསེར་གླིང་ཇི་ལྟར་བསྟན་པ་བཞིན། །ཨཽ་ཌྜི་ཡང་ནི་དེ་བཞིན་ནོ། །ཡུལ་འདི་རྣམས་ཀྱི་བུ་མོ་གང་། །དཔའ་བོ་གཉིས་མེད་ཁྱབ་པ་སྟེ། །ཀུན་ཀྱང་འདོད་པའི་གཟུགས་ཅན་མ། །
ཡིད་ཀྱི་ཤུགས་ཀྱིས་འཇུག་མ་ཡིན། །དེ་ནས་བཅོམ་ལྡན་འདས་ལ་ལྷ་མོས་སླར་ཡང་མཆོད་ཅིང་ཕྱག་བྱས་ཏེ། འདི་སྐད་ཅེས་གསོལ་ཏོ། །མཁའ་འགྲོ་མ་ཡི་ཁྱད་པར་དང་། །ཞིང་སྐྱོང་འཇིགས་པ་ཆེན་པོ་ཡི། །
མིང་དང་ཞིང་གི་མིང་དང་ནི། །གནས་རྣམས་ཀྱི་ནི་ཁྱད་པར་དང་། །གང་དུ་སྒྲུབ་པ་པོས་ཐོས་ན། །ཐེ་ཚོམ་མེད་པར་འགྲུབ་འགྱུར་བ། །དེ་དག་ཐམས་ཅད་མདོར་བསྡུས་ཏེ། །གཙོ་བོས་བདག་ལ་བཤད་

85-1-271b

དུ་གསོལ། །དེ་ནས་བཅོམ་ལྡན་རྡོ་རྗེ་ཅན། །རྡོ་རྗེ་སེམས་དཔའ་དེ་བཞིན་གཤེགས། །ང་ཡིས་གང་ལའང་མ་བཤད་པའི། །གསང་ཆེན་ཤིན་ཏུ་སྙེད་དཀའ་བ། །གང་ཡིན་ཁྱོད་ནི་ཞུ་འདོད་པ། །ལེགས་སོ་ལེགས་སོ་
ལྷ་མོ་ཆེ། །སྒྱུ་མ་ཆེན་པོར་རང་འགྲོ་བ། །བཤད་ཀྱིས་རྩེ་གཅིག་ཡིད་ཀྱིས་ཉོན། །ཨ་ཏ་ཧ་སེའི་ཡུལ་གནས་པ། །ཞི་བའི་གདོང་ཞེས་གྲགས་པ་སྟེ། །རྒྱལ་པོ་ལྷ་མོའི་སྐྱེས་གནས་འབྱུང་། །རྡོ་རྗེ་ཡི་ནི་མཚོན་ཆ་བསྣམས། །
ཡུལ་དེར་གནས་པའི་ལྷ་མོ་དེ། །ཀ་དམ་པ་ཡི་ཤིང་ལ་བརྟེན། །དྲིལ་བུ་ཆེན་པོ་ཞེས་བྱ་བའི། །ཀྵེ་ཏྲ་པཱ་ལ་སྟོབས་པོ་ཆེ། །ཀོ་ལ་གིར་ནི་དཔལ་ཆེན་མོ། །གཙིགས་པའི་སྐྱེ་གནས་ལས་བྱུང་བ། །གཙིགས་པའི་
གཟུགས་ཅན་ལྷ་མོ་སྟེ། །རྣམ་པར་འགྱུར་ཞིང་འཇིགས་སུ་རུང་། །གྲོང་ཁྱེར་དེར་གནས་དྲག་ཤུལ་ཅན། །རིའི་རྩེ་མོར་བརྟེན་ཏེ་གནས། །མེ་ཡི་གདོང་པ་ཞེས་བྱ་བ། །ཀྵེ་ཏྲ་པཱ་ལ་མཛེས་པའི་གདོང་། །ད་རན་ར་ནི་
བདེ་བྱེད་མ། །སྨེ་བརྩེགས་ཆེན་པོའི་སྐྱེ་གནས་བྱུང་། །ལྷ་མོ་ག་ཡའི་མཚོན་ཆ་བསྣམས། །ཆོས་ཀྱི་དབང་ཕྱུག་གསོལ་བ་མོ། །ཞིང་དེར་གནས་པར་གྲགས་པ་དེ། །ཏ་ལའི་ཤིང་ལ་བརྟེན་ཏེ་གནས། །
གྱེན་དུ་འབར་སྐྲ་ཞེས་བྱ་བ། །ཀྵེ་ཏྲ་པཱ་ལ་གཙིགས་པ་ཆེ། །དེ་བི་ཀོ་ཊྚར་རྣ་མོ་ཆེན། །སྟོབས་པོ་ཆེའི་སྐྱེ་གནས་འབྱུང་། །ལྷ་མོ་ལག་ན་མདུང་ཅན་ཏེ། །རྣལ་འབྱོར་དབང་ཕྱུག་ཀུན་གྱིས་མཆོག །གནས་དེར་
ལྷ་མོ་དྲག་ཆེན་མོ། །བ་ཊའི་ཤིང་ལ་བརྟེན་ཏེ་གནས། །ཀྵེ་ཏྲ་པཱ་ལ་ལུས་ཆེན་པོ། །མཆོག་གི་དབང་ཕྱུག་རྒྱུ་ཞེས་བྱ། །བི་ར་ཛར་ནི་ཕྱི་མོ་སྟེ། །བ་དན་གྱི་ནི་ཕྱག་བརྒྱ་བསྣམས། །ཞི་བའི་གཟུགས་ཅན་ལྷ་མོ་ཆེ། །
འདོད་པའི་དབང་ཕྱུག་རབ་སྩོལ་བ། །ཞིང་དེར་གནས་པ་མེད་འབར་མ། །ཨཱ་མྲའི་ཤིང་ལ་བརྟེན་ཏེ་གནས། །ཧ་ཧར་དགོད་པ་སྒྲ་ཆེན་པོ། །སེམས་ཅན་ཐམས་ཅད་འཇིགས་པར་བྱེད། །ཨེ་རུ་དར་ནི་མེ་ལྕེའི་ཁ། །

85-1-272a

ཐོད་པ་དགེ་བའི་སྐྱེ་གནས་བྱུང་། །ལྷ་མོ་རྡོ་རྗེ་ཤག་ཏི་བསྣམས། །ཞིང་དེར་ཤིན་ཏུ་མྱོས་བས་གནས། །གྲོང་ཁྱེར་དེར་གནས་ལྷ་མོ་དེ། །གསེར་ཤིང་ལ་ནི་བརྟེན་ཏེ་གནས། །དྲིལ་བུ་སྒྲ་ཞེས་བྱ་བ་
ཡི། །ཀྵེ་ཏྲ་པཱ་ལ་དཔའ་བོ་ཆེ། །པྲེ་ཏ་པུ་རིར་དམར་སེར་ཏེ། །འཇིགས་པ་ཆེན་མོའི་སྤྱན་དང་ལྡན། །ལྷ་མོ་གཏུན་ཤིང་མཚོན་ཆ་བསྣམས། །གཙིགས་པའི་སྐྱེ་གནས་ལས་བྱུང་བའོ། །ཞིང་དེར་གནས་པའི་ལྷ་
མོ་དེར། །ཛཱ་ཏིའི་ཤིང་ལ་བརྟེན་ཏེ་གནས། །བྱིན་ཆེན་ཞེས་བྱའི་ཞིང་སྐྱོང་ནི། །ཤིན་ཏུ་གཙིགས་ཤིང་འཇིགས་སུ་རུང་། །ཨེ་ལ་པུ་རིར་བོང་ཞོན་མ། །རབ་ཏུ་གཏུམ་པའི་སྐྱེ་གནས་བྱུང་། །ཕྱག་ན་ཞགས་པས་
འཇིགས་ཆེན་མོ། །ཞིང་དེར་མྱོས་པས་ཡང་དག་གནས། །ཕྱོགས་དེར་གནས་པའི་ལྷ་མོ་དེ། །སྟོབས་ཆེན་ཕ་རོལ་གནོན་པ་མོ། །གླང་ཆེན་རྣ་བ་ཞེས་བྱ་བའི། །ཞིང་སྐྱེས་མཆོག་ཆེན་ལས་སྐྱེས་པའོ། །
ཁ་ཆེའི་ཡུལ་དུ་བ་ལང་རྣ། །གཏུམ་པའི་སྐྱེ་གནས་ལས་བྱུང་མ། །རྡོ་རྗེ་ལྕགས་སྒྲོག་ཐོགས་ནས་ནི། །དགྲ་རྣམས་འཇོམས་ལ་མཆོག་ཏུ་བརྩོན། །གནས་དེར་གནས་པའི་ལྷ་མོ་དེ། །རི་ཡི་རྩེ་ལ་བརྟེན་ཏེ་གནས། །
སྦུ་གུའི་བྱིན་པ་ཅན་ཞེས་བྱ། །ཀྵེ་ཏྲ་པཱ་ལ་འཇིགས་ཆེན་པོ། །མ་རུའི་ཡུལ་དུ་རིམ་པ་མོ། །འཇིགས་གདོང་དཔའ་བོའི་སྐྱེ་གནས་འབྱུང་། །ལྕགས་ཀྱུ་ཞགས་ཐོགས་ལྷ་མོ་དེ། །ཞིང་དེར་ཤིན་ཏུ་མྱོས་པས་
གནས། །ཡུལ་དེར་གནས་པའི་ལྷ་མོ་དེ། །དབྱེ་ཆེན་ལ་ནི་བརྟེན་ཏེ་གནས། །གཙིགས་པ་ཞེས་བྱའི་ཞིང་སྐྱོང་ནི། །རྨོངས་པར་བྱེད་པ་གཞན་ཡངས་པའོ། །ནཱ་ག་རར་ནི་ཐོང་གཤོལ་མ། །སྨེ་བརྩེགས་
ཡན་ལག་སྐྱེ་གནས་བྱུང་། །རོ་ལངས་ཅན་ནི་འོད་ཆེན་མ། །དཔའ་བོ་ཀུན་ལ་དངོས་གྲུབ་སྩོལ། །གནས་དེར་གནས་པའི་བཟང་མོ་དེ། །སྤ་ཡི་ཤིང་གི་ལྡུམ་རར་གནས། །སྤུ་ཡི་བྱིན་པ་ཞེས་བྱ་བའི། །

85-1-272b

ཀྵེ་ཏྲ་པཱ་ལ་གཙིགས་པ་ཆེ། །པུན་ད་བར་ཏའི་ཡུལ་དུ་ནི། །ཙ་མུཎྜི་ཞེས་བྱ་བ་སྟེ། །སྟོབས་པོ་ཆེ་ཡི་སྐྱེ་གནས་བྱུང་། །ཁ་ཊྭཱྃ་ག་ཡིས་ལག་པ་བརྒྱན། །ལྷ་མོ་སྤྱོད་དང་གྲོལ་བར་བྱེད། །སྡིག་པ་མ་
ལུས་ཟད་བྱེད་པ། །བུམ་པ་ཞེས་བྱའི་ཞིང་སྐྱོང་ནི། །ཞིང་དེ་ན་ནི་ཡང་དག་གནས། །ཛ་ལན་དྷར་ནི་བཞིན་དངས་མ། །ཆགས་པའི་རིགས་ཀྱི་སྐྱེ་གནས་འབྱུང་། །རྡོ་རྗེ་ལྕགས་སྒྲོག་ཐོགས་ནས་ནི། །
བདེ་བའི་མཆོག་ནི་ཀུན་ལ་སྟེར། །གྲོང་ཁྱེར་མཆོག་དེར་གནས་ལྷ་མོ། །ཁང་པ་བརྩེག་མར་བརྟེན་ན་གནས། །རལ་པ་གསུམ་ཞེས་བྱ་བ་ཡི། །ཞིང་སྐྱོང་ཤིན་ཏུ་གཙིགས་པོ་ཆེ། །པྲེ་ཏཱ་པུ་རིར་གློག་གི་
གདོང་། །གཙིགས་པའི་སྐྱེ་གནས་ཡང་དག་བྱུང་། །ལྷ་མོ་དབྱིག་པ་ཤཀ་ཏི་ཐོགས། །བསམ་པ་ཐམས་ཅད་རྫོགས་བྱེད་མ། །ཞིང་དེར་གནས་པའི་ལྷ་མོ་དེ། །དྲག་པའི་གཟུགས་ཅན་འཇིགས་པར་བྱེད། །
དྲིལ་བུའི་སྒྲ་ཞེས་བྱ་བ་ཡི། །ཀྵེ་ཏྲ་པཱ་ལ་དམད་པ་མིན། །འུག་པའི་གདོང་ཅན་འཇིགས་སུ་རུང་། །སོ་བ་དེར་ནི་མེ་ལྕེའི་གདོང་། །ཟངས་གྲི་ཡིས་ནི་ལག་པ་བརྒྱན། །ཤ་ཆེན་གྱི་ནི་སྟན་ལ་གནས། །བདེ་བའི་དབང་ཕྱུག་
རབ་སྟེར་བ། །ཞིང་དེར་གནས་པའི་ལྷ་ཆེན་མོ། །ཤལ་མ་རི་ཡི་ཤིང་ལ་གནས། །བྱ་བ་ཀུན་མཛེས་ཞེས་བྱ་བའི། །ཀྵེ་ཏྲ་པཱ་ལ་འཇིགས་ཆེན་པོ། །ཙ་རིད་ཏ་ཡི་ཡུལ་དུ་ནི། །ཀ་རན་ཛ་གནས་ཞེས་བྱ་བ། །ཤག་ཏི་
གཙིགས་པའི་སྐྱེ་གནས་བྱུང་། །ཤག་ཏི་ཡི་ནི་ཕྱག་རྒྱ་ཐོག  །དྲིལ་བུ་ཆེན་པོ་ཞེས་བྱ་བ། །ཀྵེ་ཏྲ་པཱ་ལ་སྟོབས་པོ་ཆེ། །སྦྲུལ་དང་ལྡན་པའི་གྱིན་སྐྲ་ཅན། །གདུག་པ་ཐམས་ཅད་འཇིགས་པར་མཛད། །ཨུ་ཌྱེན་དུ་ནི་
ལྷ་ཆེན་མོ།     །གསང་བ་ཞེས་བྱའི་སྐྱེ་གནས་བྱུང་། །ལྷ་མོ་རྡོ་རྗེ་ལྕགས་སྒྲོག་ཐོགས། །ཤིན་དུ་དྲག་ཅིང་གསལ་བའི་གཟུགས། །སྒྲ་ཆེན་ཞེས་བྱ་དྲག་པོའི་གཟུགས། །ཀྵེ་ཏྲ་པཱ་ལ་སྟོབས་པོ་ཆེ། །གནས་མཆོག་དེར་གནས་

85-1-273a

ལྷ་མོ་དེ། །ཨ་ཤོ་ཀ་ཡི་ཤིང་བརྟེན་གནས། །ཛཱ་ལནྡྷ་རར་གཏུམ་མོ་ནི། །ཞི་བའི་ཡི་ནི་སྐྱེ་གནས་བྱུང་། །ལག་ན་ཟངས་གྲི་ཕྱར་ཏེ་ཐོགས། །དབང་ཕྱུག་ཐམས་ཅད་སྟེར་བ་མོ། །གནས་དེར་གནས་པ་
དྲག་ཆེན་མོ། །གསེར་ཤིང་ལ་ནི་བརྟེན་ཏེ་གནས། །སྐྱེད་པ་ཞེས་བྱའི་དཔའ་བོ་ཆེ། །བདུད་རྣམས་ཐམས་ཅད་འཇིགས་པར་བྱེད། །ཀྵེ་རེ་ཀེར་ནི་སྐྱེ་བོའི་མ། །དྲག་ཅིང་སྔོ་ལ་སྟོབས་ཆེན་མ། །རལ་གྲི་ལག་
ཐོགས་ལྷ་མོ་ཆེ། །དངོས་གྲུབ་ཐམས་ཅད་སྟེར་བ་མོ། །ལྷ་མོ་ཆེན་མོ་གྱེན་སྐྲ་འབར། །ས་ལའི་ཤིང་ལ་བརྟེན་ཏེ་གནས། །ལྷུན་པོ་ཆེན་པོ་ཞེས་བྱ་བའི། །ཀྵེ་ཏྲ་པཱ་ལ་ཞིང་དེར་གནས། །མ་ཡ་པུ་རིར་འདོད་མ་སྟེ། །
འཇིགས་པའི་གདོང་གི་སྐྱེ་གནས་བྱུང་། །རྡོ་རྗེ་ཤག་ཏི་དགེ་བ་ཐོགས། །བསྒྲུབ་པོ་རྣམས་ལ་སྟོབས་སྟེར་བ། །གཟུགས་སྔོན་འཇིགས་པ་ཆེན་མོ་སྟེ། །འབྱུང་པོའི་ཤིང་ལ་བརྟེན་ཏེ་གནས། །དེར་གནས་འཇིགས་པ་ཞེས་བྱ་
བའི། །ཀྵེ་ཏྲ་པཱ་ལ་སྟོབས་པོ་ཆེ། །པུ་ཏ་ནར་ནི་ཨ་མྲ་ཀེ། དགྲ་རྣམས་ཐམས་ཅད་འཇིགས་བྱེད་པ། །ཐོང་གཤོལ་དང་ནི་ག་ཡ་ཐོགས། །སེམས་ཅན་ཐམས་ཅད་དབང་བྱེད་མ། །ད་རུའི་ཤིང་ལ་བརྟེན་ཏེ་གནས། །
སེམས་ཅན་ཐམས་ཅད་འཇིགས་པར་བྱེད། །བརྟུལ་ཞུགས་ཆེན་པོ་ཞེས་བྱ་བའི། །ཀྵེ་ཏྲ་པཱ་ལ་ཞིང་དེར་གནས། །རྒྱལ་པོའི་ཁབ་ཏུ་ཛ་ན་ས། །ཁྲག་ཆེན་གྱི་ནི་སྐྱེ་གནས་བྱུང་། །རྡོ་རྗེ་ལྕགས་ཀྱུར་ཡང་དག་ལྡན། །
ཕ་རོལ་གཡུལ་ལས་རྒྱལ་བར་མཛད། །ཞིང་དེར་གནས་པའི་ལྷ་མོ་དེ། །ཛི་ལའི་སྒྲ་འབྱིན་འཇིགས་པར་བྱེད། །རྣ་ཆེན་ཞེས་བྱའི་ཞིང་སྐྱོང་ནི། །རྟག་ཏུ་དེ་དང་ཉེ་བར་གནས། །བོད་ཡུལ་དུ་ནི་ལྷན་སྐྱེས་ཏེ། །རང་བྱུང་གི་ནི་སྐྱེ་
གནས་བྱུང་། །ཆུ་སྲིན་རྒྱལ་མཚན་ལག་ན་ཐོགས། །ཞི་ཞིང་གསལ་བའི་གཟུགས་ཅན་ཏེ། །ཡུལ་དེར་གནས་པའི་ལྷ་མོ་དེ། །བྲག་གི་ཁྱིམ་ལ་བརྟེན་ཏེ་གནས། །ལོངས་སྤྱོད་ཞེས་བྱའི་དཔའ་བོ་ཆེ། །ཀྵེ་ཏྲ་པཱ་ལ་ཐུབ་དཀའ་

85-1-273b

བའོ། །མ་ལ་བེར་ནི་དབང་བསྐུར་མ། །ཐོ་བ་ཡི་ནི་ཕྱག་རྒྱ་ཐོགས། །སྒྲུབ་པ་པོ་ལ་རྟག་ཏུ་བརྩེ། །གྲགས་དང་དཔལ་དང་བཀྲ་ཤིས་སྟེར། །ཞིང་དེར་གནས་པའི་ལྷ་མོ་དེ། །མངར་བའི་ཤིང་ལ་བརྟེན་ཏེ་གནས། །སྐྱེས་
བུའི་དབང་ཕྱུག་ཞེས་བྱ་བའི། །ཞིང་སྐྱོང་སྣ་ཚོགས་དབང་ཕྱུག་ཡོད། །ཞིང་འདི་རྣམས་ཀྱི་བུ་མོ་དང་། །དཔའ་བོ་རྣམས་ནི་དངོས་གྲུབ་སྟེར། །རྟག་ཏུ་མཚན་མོ་འཕྱན་པ་དང་། །རྟག་ཏུ་མཚན་མོ་འདུ་བར་བྱེད། །
མཁའ་ལ་སྤྱོད་པ་རྙེད་དཀའ་བའི། །དངོས་གྲུབ་ཡངས་པ་སྟེར་འགྱུར་ཏེ། །སྒྲུབ་པ་པོ་ཡི་ལས་རྣམས་ནི། །ཐམས་ཅད་འགྲུབ་འགྱུར་ཐེ་ཚོམ་མེད། །དེ་ནས་དངོས་གྲུབ་ཀུན་སྟེར་བའི། །མཆོད་པའི་ཆོ་ག་བཤད་པར་བྱ། །
མེ་ཏོག་བདུག་པ་དེ་བཞིན་དུ། །མར་མེ་དྲི་ཡི་ཁྱད་པར་དང་། །གཏོར་མའི་སྣོད་ཀྱིས་ཉེ་བར་མཆོད། །ཤ་རློན་དང་ནི་ཉ་ལ་སོགས། །བཟའ་བའི་རྫས་ནི་ཐམས་ཅད་དང་། །དེ་བཞིན་བདུད་རྩི་ལྔ་ཡི་མཆོག །གཡོན་གྱི་ཆར་
ནི་སྣོད་ཡིན་ཏེ། །གཡས་སུ་ཁྲོ་བོ་བསྟན་པར་བྱ། །ཨོཾ་ཤིང་གཅིག་དང་ནི་དུར་ཁྲོད་དང་། །རི་བོ་དང་ནི་རི་སུལ་ཕུག །གྲོང་དང་བཞི་མདོ་ཞིང་དང་ནི། །ཁྱད་པར་དུ་ནི་ཁང་སྟོང་དང་། །སེམས་ཅན་སྣོད་དང་ཐང་དང་ནི། །
ཁྱད་པར་དུ་ནི་ཆུ་ལ་གནས། །ནག་པོ་དྲག་པོ་དྲག་ཆེན་པོ། །ལྷ་སྦྱིན་མཉམ་དུ་བསྟེན་པ་དང་། །ནག་པོ་གཙིགས་པ་འཇིགས་བྱེད་དང་། །རྒ་ལས་འདས་དང་ལོག་འདྲེན་རྣམས། །རྒན་བྱད་མ་དང་དྲག་མོ་དང་། །
འཇིགས་བྱེད་མ་དང་ཨུ་མ་དང་། །རྒྱལ་དང་རྣམ་པར་རྒྱལ་མ་དང་། །མི་ཐུབ་གཞན་གྱིས་མི་ཐུབ་མ། །ནག་མོ་བཟང་མོ་ནག་ཆེན་མོ། །ནག་སྦོམ་མ་དང་རྣལ་འབྱོར་མ། །དབང་མོ་དང་ནི་ཟླ་བ་མོ། །དྲག་ཏུ་
སྡང་དང་འཕྱང་བ་མོ། །འཕྲོག་བྱེད་མ་དང་མར་མེ་མ། །འཇིབ་བྱེད་གྲོང་གནས་རྣལ་འབྱོར་མ། །དྲག་མོའི་གཟུགས་དང་གཟུགས་ཆེན་མོ། །མཆེ་བ་གཙིགས་དང་ཐོད་ཆེན་མོ། །ཐོད་ཕྲེང་ཕྲེང་དང་ཁ་ཊྭཱྃ་མ། །སྦྲུལ་ཆེན་རལ་

85-1-274a

གྲི་དགྲ་སྟ་ཅན། །རྡོ་རྗེ་དེ་བཞིན་གཞུ་ཅན་མ། །དེ་ཉིད་ཆེན་མོའི་མཁའ་འགྲོ་ལྔ། །ལས་ཀུན་རྗེས་སུ་སྒྲུབ་བྱེད་པ། །སྦྱོར་བའི་དཀྱིལ་འཁོར་རྒྱལ་ཆེན་མོ། །དེ་བཞིན་རྡོ་རྗེ་དབང་ཕྱུག་གཙོ། །དེ་བཞིན་གཤེགས་
པའི་སྐུ་ཆེན་ཏེ། །རྡུལ་མེད་རྣལ་འབྱོར་འབྱིན་པ་མོ། །རྡོ་རྗེ་དབང་མོ་བཀའ་འདི་ཡིས། །ཐམས་ཅད་ཀུན་ནས་འདིར་སྤྱོན་ཅིག །ཨོཾ་ཀཀྐ་དྷྱ་ན་བ་བ་བན་དྷ་ན་ཁ་ཁ་ཁཱ་ད་ན་སརྦྦ་དུཥྚཱན་ཧ་ན་ཧ་ན་གྷཱ་ཏ་ཡ་གྷཱ་ཏ་ཡ་ཨ་མུ་ཀ་སྱ་ཤན་
ཏིང་ཀུ་རུ་ཧཱུྃ་ཧཱུྃ་ཧཱུྃ་ཕཊ་ཛ་སྭཱ་ཧཱ། བདུད་རྩི་ཡིས་ནི་ཁ་བཀང་སྟེ། །ལྷ་རྣམས་ཐམས་ཅད་ཚིམ་པར་བྱ། །རྣལ་འབྱོར་རྣལ་འབྱོར་མ་ཡིས་ནི། །ལས་རྣམས་ཐམས་ཅད་སྒྲུབ་པར་བསྒོམ། །ཨོཾ་བཀཱ་བཀཱ་སརྦ་ཡོ་
གེ་ཤྭ་རི་ཧཱུྃ་ཧཱུྃ་ཧཱུྃ་ཛ་སྭཱ་ཧཱ། ལ་སོགས་སྦྱོར་བ་ཇི་བཞིན་དུ། །གཏོར་མའི་ལས་ནི་སྦྱར་བྱ་སྟེ། །ཞི་དང་རྒྱས་དང་དབང་དང་དགུག །གསད་དང་སྡང་དང་བཅིང་བ་ལ། །སྒྲུབ་པོས་གཏོར་མའི་དེ་ཉིད་ཀྱིས། །ལས་རྣམས་
ཐམས་ཅད་བསྒྲུབ་བྱ་ཞིང་། །ཡེ་ཤེས་ལྕགས་ཀྱུའི་བྱེ་བྲག་གིས། །རང་འདོད་ལྷ་ནི་ཚིམ་པར་བྱ། །ཞིང་དང་གནས་དང་དེ་བཞིན་གྲོང་། །གྲོང་ཁྱེར་རི་ཡི་རྩེ་མོ་རུ། །འབྱུང་པོ་ཐམས་ཅད་ཚོགས་གྱུར་པར། །
འདུས་ན་སྒྲུབ་པོ་ལ་མཆོག་སྟེར། །གནས་ལ་སོགས་པར་རྟག་གནས་ཤིང་། །སྒྲུབ་པ་པོ་ནི་གུས་ལྡན་ལ། །ལྷ་མོ་རྣམས་ཀྱིས་མཆོག་སྟེར་བ། །སྒྲུབ་པ་པོ་ལ་ཐེ་ཚོམ་མེད། །གང་གིས་སྒྲུབ་པ་པོ་འགྲུབ་པའི། །
རོ་ཡི་བསྒྲུབ་པ་བཤད་པར་བྱ། །རྒན་པོ་མ་ཡིན་རྨ་མེད་ཅིང་། །མཛེ་དང་ཤུ་བ་ལ་སོགས་སྤངས། །ཤིན་ཏུ་མཉམ་པར་བཞག་པ་ཡིས། །འབྱུང་པོའི་ཉི་མ་ལ་བསྒྲུབ་བྱ། །བདུད་རྩི་ལྔ་ཡི་ཁྱད་པར་དང་། །
ལྷ་ཡི་ཆུ་ཡིས་བཀྲུ་བར་བྱ། །མར་ཁུ་ཆེན་པོས་བྱུག་པ་དང་། །བདུག་པ་ཆེན་པོས་དེ་བདུག་བྱ། །མཎྜལ་གྲུ་བཞི་བྱས་ནས་ནི། །དེ་དབུས་འབད་པས་གྲུ་གསུམ་བྱ། །སངས་རྒྱས་ཐམས་ཅད་བདག་ལ་གསོན། །

85-1-274b

ཞེས་བྱ་ལ་སོགས་སྔོན་བཞིན་བརྗོད། །ཧ་ཧཱ་ཧ་ཧཱ་ཧཱུྃ་ཧཱུྃ་ཧེ་ཧེ། །ཞེས་བྱའི་དམོད་པ་རྣམ་པ་བརྒྱད། །སྒྲུབ་པ་པོ་ཡིས་ཆོག་བཞིན་བྱ། །མེ་ལ་གནས་པའི་ས་བོན་ནི། །རླུང་གི་ས་བོན་གྱིས་ཕྱེ་བ། །སྤྱི་གཙུག་ཏུ་ནི་སྦྱར་བྱས་ལ། །ས་ཡི་
སྟེང་དུ་མཆོད་པར་བྱ། །རྣལ་འབྱོར་མ་ཡི་དབུགས་གནས་པར། །འབད་པ་ཡིས་ནི་མྱུར་དུ་བལྟ། །སྒྲུབ་པོས་བདག་ཉིད་བསམ་བྱ་བ། །སྐྱེ་གནས་དབུས་སུ་རིམ་བཞིན་བལྟ། །འབར་ཕྲེང་གི་ནི་རྒྱ་མཚོ་སྟེ། །ཕོ་ཉ་འོད་དང་
བཅས་བལྟ་ཞེས། །མཁའ་འགྲོ་ཀུན་དང་མཉམ་སྦྱོར་བའི། །རྡོ་རྗེ་མཁའ་འགྲོ་བདེ་བའི་མཆོག །རྡོ་རྗེ་སེམས་དཔའ་དེ་བཞིན་གཤེགས། །བཅོམ་ལྡན་རྡོ་རྗེ་ཅན་གྱིས་གསུངས། །རྒྱུད་ཀྱི་རྒྱལ་པོ་ཆེན་པོ་དཔལ་རྡོ་རྗེ་མཁའ་
འགྲོ་ལས། འདུ་བའི་གནས་ངེས་པ་དང་། བསྒྲུབ་པའི་ཆོ་གའི་རིམ་པར་ཕྱེ་བ་སྟེ་བཅྭ་བརྒྱད་པའོ།། །། དེ་ནས་ཡང་དག་བཤད་བྱ་བ། །མ་མོའི་དཀྱིལ་འཁོར་དགེ་བ་དང་། །ལྷ་རྣམས་ཐམས་ཅད་བསྒྲུབ་པ་དང་། །
དེ་བཞིན་ཕོ་ཉའི་ཁྱད་པར་དང་། །འབྱུང་པོ་གདོན་གྱི་རིག་པ་ཆེ། །གང་གཞན་ལུས་སྤྲུལ་ལ་སོགས་པ། །དེ་བཞིན་སྔགས་ཀྱི་ཕྲེང་བ་རྣམས། །དེ་ནི་ཁྱོད་ལ་བཤད་ཀྱིས་ཉོན། །གྲུ་བཞི་པ་ལ་སྒོ་བཞི་པ། །སྒོ་ཁྱུད་
དང་ནི་ལྡན་པ་ཡི། །དཀྱིལ་འཁོར་ཉམས་དགའ་བྲི་བར་བྱ། །དངོས་གྲུབ་ཀུན་གྱི་ཡོན་ཏན་གནས། །འདོད་ཡོན་ལྔ་ཡིས་རབ་བརྒྱན་པ། །མཆོད་པ་ལྔ་དང་ཡང་དག་ལྡན། །རོ་ལ་གཡོགས་པའི་རས་སམ་ནི། །
མཚོན་གྱིས་བརྒྱབ་པའི་རས་དག་དང་། །བུ་བཙས་པའི་རས་དང་ནི། །བ་གླང་ཀོ་བ་ལ་སོགས་ལ། །དམ་ཚིག་ཅན་གྱི་འདྲི་མཁན་གྱིས། །སྒྲུབ་པོ་མཆོག་གིས་འདྲི་རུ་གཞུག །ཚེས་བརྒྱད་དང་ནི་བཅུ་བཞི་ལ། །
འབྱུང་པོའི་དཀྱིལ་འཁོར་བསྒྲུབ་པར་བྱ། །དེ་ནས་འབུམ་ཕྲག་གཅིག་བཟླས་པས། །མངོན་སུམ་དུ་ནི་མདུན་གནས་འགྱུར། །ཚངས་པ་མོ་དང་ཞི་བ་མོ། །གཞོན་ནུ་མོ་དང་ཕག་མོ་དང་། །དབང་མོ་དང་ནི་ཙ་མུན་ཌི། །

85-1-275a

ཚོགས་ཀྱི་དབང་མོ་སྲེག་བྱེད་མ། །རིམ་པ་གཉིས་པ་ཡིའོ། །དབང་པོ་གཤིན་རྗེ་ཆུ་ལྷ་དང་། །ལུས་ངན་དང་ནི་ཡི་དགས་གཙོ། །སྲེག་བྱེད་བདེན་བར་རླུང་གི་ལྷ། །རིམ་པ་གསུམ་པ་ཡིའོ། །ཉི་མ་དང་ནི་
ཟླ་བ་དང་། །མིག་དམར་དང་ནི་གཟའ་ལག་དང་། །ཕུར་བུ་དང་ནི་པ་བ་སངས། །སྤེན་པ་དང་ནི་རཱ་ཧུ་ལ། །རིམ་པ་བཞི་པའི་འོ། །ཚངས་པ་ཁྱབ་འཇུག་དེ་བཞིན་དུ། །རུ་ཏྲ་སྐེམ་བྱེད་སྒོ་བཞིར་རོ། །ས་དང་ཆུ་དང་མེ་དང་
རླུང་། །འབྱུང་པོ་ཆེན་པོའི་ཁམས་རྣམས་དང་། །མཁའ་འགྲོ་མ་དང་མར་མེ་མ། །འཇིབ་བྱེད་འཕྲོག་བྱེད་བཅས་པའི་གཙོ། །འབྱུང་པོ་ལས་ཀྱང་འབྱུང་བའི་གཟུགས། །སྒྲུབ་པོས་ཆོ་ག་བཞིན་དུ་བསྒྲུབ། །དཀྱིལ་
འཁོར་ཆེན་པོའི་སྦྱོར་བ་ཡིས། །ཕྱི་རོལ་དཀྱིལ་འཁོར་བྲི་བར་བྱ། །དབུས་སུ་ཀུན་ནས་ཟླུམ་པོར་ནི། །རི་མོ་མཛེས་པས་བསྐོར་བར་བྱ། །པད་མ་འདབ་བརྒྱད་བྲིས་ནས་ནི། །གེ་སར་གསང་བའི་སྤྱོད་ཡུལ་གྱི། །དབུས་སུ་ཁྲོ་
བོ་ཆེན་པོ་བྲི། །ཞལ་གཅིག་ཕྱག་ནི་བཞི་པ་སྟེ། །ཞལ་གྱི་མཆེ་བ་ཅུང་ཟད་གཙིགས། །ཁྲོ་དང་བཅས་ཤིང་བཞད་པའི་ཞལ། །སྐུ་མདོག་སྔོན་པོ་དྲག་ཆེན་པོ། །ཐོད་པའི་ཕྲེང་བས་རྣམ་པར་ཀླུབས། །ཡི་དགས་ལ་ཞོན་ཉི་མར་བཞུགས། །
སུམ་བཅུ་གསུམ་པ་འཇིགས་པར་མཛད། །གར་དང་ལྡན་ཞིང་སྟག་ལྤགས་མནབས། །སྤྱན་གསུམ་ཤིན་ཏུ་གསལ་བའི་གཟུགས། །རྡོ་རྗེ་འབར་བ་བ་དན་གསུམ། །ཁྲག་གང་བ་ཡི་གཤོར་དང་བཅས། །མདའ་དང་གཞུ་ནི་དེ་བཞིན་ཏེ། །
གཡས་དང་གཡོན་གྱི་ཕྱག་གིས་འཕྱར། །ཤར་དུ་མཁའ་འགྲོ་མ་བྲི་སྟེ། །ལྷོ་ཡི་ཕྱོགས་སུ་འཕྲོག་བྱེད་མ། །འཇིབ་བྱེད་ལྷ་མོ་ནུབ་ཏུ་བྲི། །བྱང་དུ་ལྷ་མོ་འབར་མའོ། །ལྷ་མོ་ཕག་མོ་ཞེས་བྱ་བ། །ཕྱག་བཞི་ཡི་གེ་ཧྲཱིཿལས་
བྱུང་། །སྐུ་མདོག་སྔོན་མོ་དྲག་ཆེན་མོ། །ཕག་གི་གདོང་ཅན་འཇིགས་པར་བྱེད། །མདའ་དང་དེ་བཞིན་གཞུ་དང་ནི། །རྒྱལ་མཚན་ཐོད་པ་ཐོགས་པའོ། །ཞི་བ་མོ་ནི་ཕེཾ་ལས་བྱུང་། །མདོག་དམར་གཟི་བརྗིད་ཆེན་མོ་ཏེ། །ཐོད་པ་དང་

85-1-275b

ནི་ལྕགས་ཀྱུ་དང་། །ཁ་ཊྭཱྃ་ཌམ་རུ་དེ་བཞིན་ནོ། །གཞོན་ནུ་མ་ནི་ཧི་ལས་བྱུང་། །ཁ་དོག་སེར་མོ་ཕྱག་བཞི་པ། །མདུང་རྩེ་གསུམ་དང་བ་དན་གསུམ། །མདའ་དང་གཞུ་ནི་དེ་བཞིན་ནོ། །ཙ་མུན་ཌི་ནི་ཧོ་ལས་བྱུང་། །མདོག་སྔོ་ལག་པ་བཞི་
པ་སྟེ། །ཁ་ཊྭཱྃ་དང་ནི་ཐོད་པ་དང་། །གཤོལ་དང་དེ་བཞིན་ཌ་མ་རུ། །བྃ་ལས་བྱུང་བའི་ཚངས་པ་མོ། །མདོག་དཀར་ལག་པ་བཞི་པ་སྟེ། །པད་མ་དང་ནི་ཐོད་པ་དང་། །དེ་བཞིན་གཞན་ན་མདའ་གཞུའོ། །ཚོགས་ཀྱི་དབང་མོ་གྃ་
ལས་བྱུང་། །སྔོ་བསངས་མདོག་སྟེ་ལག་བཞི་མ། །མདུང་རྩེ་གསུམ་དང་ཐོད་པ་དང་། །བགྲང་ཕྲེང་གཡོན་གྱི་ལག་ཏུ་ཐོགས། །ཁྱབ་འཇུག་མ་ནི་བིམ་ལས་བྱུང་། །མདོག་སྔོ་ལག་པ་བཞི་པ་སྟེ། །ཆང་དང་ཆུ་ཡི་ཐོད་པ་དང་། །
ཞགས་པ་ཁ་ཊྭཱྃ་དེ་བཞིན་གཞན། །དབང་མོ་ཨིཾ་ལས་བྱུང་བ་སྟེ། །མདོག་སེར་ལག་པ་བཞི་དང་ལྡན། །རྡོ་རྗེ་ཤག་ཏི་ཐོད་པ་དང་། །སྡིགས་མཛུབ་དང་ནི་ཞགས་པ་ཉིད། །ཐམས་ཅད་གྱེན་སྐྲ་འབར་བ་དང་། །སྣ་ཚོགས་ཀྱིས་ནི་བརྒྱན་
པ་སྟེ། །རོ་ཡི་སྟན་བཞུགས་སྤྱན་གསུམ་དང་། །སྟག་གི་ལྤགས་པས་རྐེད་དཀྲེས་པའོ། །ཤར་སྒོར་ཚངས་པ་བྲི་བྱ་སྟེ། །མདོག་དཀར་ལག་པ་བཞི་དང་ལྡན། །ཐོད་པ་དང་ནི་བགྲང་ཕྲེང་དང་། །རིལ་བ་སྤྱི་བླུགས་པད་མ་ཐོགས། །
བྱང་དུ་དེ་བཞིན་ཁྱབ་འཇུག་སྟེ། །མདོག་སྔོན་ལག་པ་བཞི་དང་ལྡན། །དུང་དང་དེ་བཞིན་འཁོར་ལོ་དང་། །ཐོད་པ་དང་ནི་དབྱུག་པ་མཆོག །ལྷོ་རུ་རུ་ཏྲ་བྲི་བྱ་སྟེ། །དུ་བའི་མདོག་ཅན་ལག་པ་བཞི། །རྩེ་གསུམ་མདུང་དང་ཐོད་པ་དང་། །ཞགས་པ་
དང་ནི་བགྲང་ཕྲེང་ཐོགས། །ནུབ་ཏུ་སྐེམ་བྱད་བྲི་བྱ་སྟེ། །མདོག་སེར་ལག་པ་བཞི་དང་ལྡན། །ཤག་ཏི་དང་ནི་དབྱུག་པ་དང་། །དཔའ་བོའི་ཐོད་པ་བགྲང་ཕྲེང་ཐོགས། །དབང་ལྡན་ཁྱུ་མཆོག་སྟན་ལ་ཞོན། །ཁ་དོག་དཀར་པོ་ལག་བཞི་བ། །ཐོད་པ་
དང་ནི་རྩེ་གསུམ་ཐོག །གཞན་གཉིས་ཐལ་མོ་སྦྱར་བའོ། །དབང་པོ་གླང་ཆེན་ཞོན་པ་སྟེ། །མདོག་སེར་ལག་པ་བཞི་དང་ལྡན། །རྡོ་རྗེ་དང་ནི་ཐོད་པ་ཐོགས། །གཞན་གཉིས་ཐལ་མོ་སྦྱར་བའོ། །མེ་ནི་ལུག་གི་སྟན་ལ་ཞོན། །ཁ་དོག་དམར་པོ་

85-1-276a

ལག་བཞི་པ། །མེ་ཐབ་ཉིད་དང་ཐོད་པ་དང་། །གཞན་གཉིས་ཐལ་མོ་སྦྱར་བའོ། །གཤིན་རྗེ་མ་ཧེ་སྟན་ལ་ཞོན། །ཁ་དོག་སྔོན་པོ་ལག་བཞི་པ། །དབྱུག་པ་དང་ནི་ཐོད་པ་ཐོགས། །གཞན་གཉིས་སྐྲག་སྟེ་ཐལ་སྦྱར་བའོ། །
བདེན་བྲལ་མི་རོའི་སྟན་བཞུགས་པ། །ཁ་དོག་ལྗང་ཁུ་ལག་བཞི་པ། །ཁ་ཊྭཱྃ་ག་དང་ཐོད་པ་ཐོགས། །གཞན་གཉིས་སྐྲག་སྟེ་ཐལ་སྦྱར་བའོ། །ཆུ་ལྷ་ཆུ་སྲིན་སྟན་ལ་བཞུགས། །ཁ་དོག་དཀར་པོ་ལག་བཞི་པ། །ཞགས་པ་དང་
ནི་ཐོད་པ་ཐོགས། །གཞན་གཉིས་སྐྲག་སྟ་ཐལ་སྦྱར་བའོ། །རླུང་ནི་ཤ་བའི་སྟན་ལ་བཞུགས། །དུ་བའི་མདོག་ཅན་ལག་བཞི་པ། །བ་དན་དང་ནི་ཐོད་པ་ཐོགས། །གཞན་གཉིས་དེ་བཞིན་ཐལ་སྦྱར་བའོ། །ལུས་ངན་གཏེར་གྱི་
སྟན་ལ་གནས། །ཁ་དོག་སེར་པོ་ལག་བཞི་པ། །རིན་ཆེན་དང་ནི་ཐོ་བ་ཐོགས། །གཞན་གཉིས་དེ་བཞིན་ཐལ་སྦྱར་བའོ། །གཟའ་དང་སྐར་མ་ཐམས་ཅད་ཀྱང་། །རང་རང་དམ་ཚིག་ལས་བྱུང་ཞིང་། །རྫུ་འཕྲུལ་ལྡན་ཞིང་སྟོབས་
ཆེན་པོ། །རང་རང་སྟན་ལ་གནས་པར་བསམ། །མ་མོ་རྣམས་ཀྱང་ཀུན་གྱི་མ། །འབྱུང་པོའི་རིག་པ་གཞན་དེ་བཞིན། །ལས་རྣམས་ཐམས་ཅད་སྒྲུབ་པ་ཡི། །ཕོ་ཉའི་བསྒྲུབ་ཐབས་དེ་ནས་བཤད། །སོ་སོར་སྟོབས་ཀྱིས་ཚར་གཅད་པ། །
ཉོན་ཅིག་ལྷ་མོ་སྐལ་ཆེན་མ། །ལོངས་སྤྱོད་ལ་དགའི་སྒྲུབ་པ་པོས། །ཕོ་ཉའི་ལས་ནི་བརྩམ་པར་བྱ། །ཟླ་བ་རྡོ་རྗེའི་ཆོ་ག་ཡིན། །རྡོ་རྗེ་སེམས་དཔའ་བསྒོམ་བྱས་ཏེ། །སྔགས་ཀྱི་རྒྱལ་པོ་བསྐུལ་བ་ཡིས། །ཐམས་ཅད་བྲན་བཞིན་བྱེད་
པར་འགྱུར། །དུ་ཁྲོད་དང་ནི་ཤིང་གཅིག་ཏུ། །དེར་ནི་དཀྱིལ་འཁོར་བརྩམ་པར་བྱ། །ཤར་དང་བྱང་དང་ནུབ་དང་ནི། །དེ་བཞིན་དུ་ནི་ལྷོ་ཕྱོགས་སུ། །དྲུག་དྲུག་ཏུ་ནི་བྱས་ནས་སུ། །དེ་ནས་མཆོད་པ་བརྩམ་པར་བྱ། །གནས་ལ་སོགས་
པ་ཉི་ཤུ་བཞི། །རིམ་པ་བཞིན་དུ་ཡོངས་སུ་བསྐོར། །དྲི་དང་མེ་ཏོག་དེ་བཞིན་དུ། །མར་མེ་དང་ནི་དྲི་ཡི་ཆུ། །དྲི་ཡི་ཆུ་ཡིས་བཀང་བ་ཡི། །བུམ་པའང་གོས་ཀྱིས་མཛེས་པར་བྱ། །ཉིན་མཚན་ཕྲུགས་གཅིག་གནས་གྱུར་ཅིང་། །

85-1-276b

དེ་ནས་མཚན་གཅིག་གནས་པར་བྱ། །གནས་སོགས་ཡང་དག་ཕྱག་བྱས་ནས། །དེ་ནས་བཟོད་པ་གསོལ་བར་བྱ། །དཔའ་བོ་ཡི་ནི་སྟོན་མོ་ཡིས། །དང་པོར་སློབ་དཔོན་མཉེས་པར་བྱ། །དེ་ལྟར་བྱས་པའི་སྔགས་པ་ཡིས། །
ཕྱི་ནས་ལས་ནི་བརྩམ་པར་བྱ། །གཞན་དུ་དུས་མིན་འཆི་བ་དང་། །དམྱལ་བར་ངེས་པར་སྲེག་འགྱུར་ཏེ། །བགེགས་ཀྱིས་ཉེ་བར་གཙེས་ནས་ནི། །ངེས་པར་དམྱལ་བར་ལྟུང་བར་འགྱུར། །དམ་ཚིག་ལྡན་པའི་འདྲི་མཁན་གྱིས། །
འབྱུང་པོའི་ཉི་མ་ལ་རྙེད་པའི། །བུ་བཙས་ལ་སོགས་རས་ལ་ནི། །ཚོན་རྩི་ཁྲག་དང་བསྲེས་ནས་སུ། །སྟེང་དུ་སྐྱེས་པའི་ནང་བཞག་ནས། །སྒྲུབ་པའི་དཀྱིལ་འཁོར་བྲི་བར་བྱ། །ཡི་དགས་སེན་རྩི་མར་ཆེན་དང་། །ཤ་ཆེན་གྱིས་
ནི་བདུག་པར་བྱ། །དེ་ལ་དྲི་ཡིས་བསྒོས་ནས་སུ། །དེ་བཞིན་ཡི་དགས་མེ་ཏོག་མཆོད། །ལྷ་མོ་ཆེན་མོ་མཆོད་པ་འདིས། །མེ་འབར་མ་ནི་མཆོག་ཏུ་མཉེས། །ཤིང་གཅིག་གི་ནི་དྲུང་དུ་ནི། །ཆོ་ག་བཞིན་དུ་འབུམ་བཟླས་བྱ། །
རྒྱལ་ལ་སོགས་པའི་དུས་སུ་ནི། །སློབ་དཔོན་གྱིས་ནི་འདྲི་རུ་གཞུག །སོར་ནི་བཅུ་གཉིས་ཚད་དུ་བྱ། །གཟུགས་བཟང་བཞོན་ནུ་ཕུན་སུམ་ཚོགས། །རྒྱན་རྣམས་ཀུན་གྱིས་བརྒྱན་པས་སྟེ། །གོས་ནི་སེར་པོ་བགོས་པར་བྲི། །
ལག་གཉིས་གྱེན་དུ་ཐལ་མོ་སྦྱར། །མེ་འབར་བ་ནི་ཀུན་ཏུ་འོད། །སྒྲུབ་པོའི་མདུན་དུ་བཀྲམ་ནས་ནི། །འབད་དེ་ཆོ་ག་བཞིན་མཆོད་བྱ། །མེ་ཏོག་དམར་དང་དྲི་ལ་སོགས། །ཤ་སྐམ་གྱིས་ནི་བདུག་པར་བྱ། །ཤ་དང་ཉ་ཤ་བཙོང་ལ་
སོགས། །ཉེ་བར་སྤྱོད་པའི་གཏོར་མ་སྦྱིན། །རྫས་ལྔ་དག་གི་དངོས་པོ་ཡིས། །མཆོད་ནས་འབུམ་དུ་བཟླས་ན་ནི། །དང་པོ་ལ་ནི་སྒྲ་འབྱུང་སྟེ། །གཉིས་པ་ལ་ནི་ཉ་དྲི་བྲོ། །གསུམ་པར་ཤིང་ནི་གཡོ་འགྱུར་ཏེ། །བཞི་པ་ལ་ནི་མདུན་དུ་
གནས། །དམ་ཚིག་ཕྱག་རྒྱ་བསྟན་ནས་ནི། །སྔགས་ནི་དེ་ལ་བརྗོད་པར་བྱ། །ལག་གཉིས་ཐལ་མོ་སྦྱར་ནས་ནི། །སྤྱི་བོར་བཞག་སྟེ་བརྗོད་བྱ་བ། །ཨོཾ་དི་བེ་ཤྭ་རི་ཧཱུྃ། ཕུཿཕུཿཕུཿ། དམ་ཚིག་གི་སྔགས་དང་ཕྱག་རྒྱའོ། །

85-1-277a

བདུད་རྩི་ལྔ་ཡི་བཀང་བ་ཡི། །དམ་ཚིག་ཆུ་ནི་སྦྱིན་པར་བྱ། །འབད་དེ་དམ་ཚིག་བྱིན་ནས་ནི། །ལག་པ་གཡོན་པས་གཟུང་བར་བྱ། །རྣལ་འབྱོར་མ་དང་གཉིས་མེད་པ། །བྱིན་གྱིས་རློབས་ལ་ང་སྒྲུབས་
ཤིང་།   །དེ་ནས་ཤིན་ཏུ་མཛེས་མ་ཡིས། །བཟའ་དང་བཏུང་སོགས་སྟོན་མོ་དང་། །གསེར་ཞོ་གཉིས་ནི་སྟེར་འགྱུར་ཏེ། །ཟད་པ་ཉིད་དུ་ལོངས་སྤྱོད་བྱ། །འདོད་ལ་དགའ་བའི་འབར་བྱེད་མ། །གལ་ཏེ་གྲུབ་པར་མ་གྱུར་ན། །
དྲག་མོ་ཡི་ནི་ས་བོན་གྱིས། །གཟེར་ཏེ་འབུམ་དུ་བཟླས་པར་བྱ། །ས་བོན་གྱིས་ནི་གཟེར་ཙམ་གྱིས། །མར་མེ་མ་ཡི་སྤྱི་བོ་འགེམས། །རྟག་ཏུ་སེམས་ཅན་དོན་བརྩོན་པས། །འབར་མ་ཆུང་མར་བསྒྲུབ་པར་བྱ། །
ཉོན་ཅིག་ལྷ་མོ་ཤེས་རབ་ཆེ། །གཞན་ཡང་མཁའ་འགྲོ་བསྒྲུབ་པའི་ཐབས། །ཐང་ཀ་ཁྲུ་གཉིས་བྱས་ནས་སུ། །ལྷག་པར་གནས་ཏེ་མཆོད་གཏོར་ནས། །དེ་ནས་རི་མོ་བྲི་རུ་གཞུག །དཀར་ཞིང་དམར་ལ་ཤིན་དུ་མཛེས། །
ཞལ་གཅིག་ཕྱག་ནི་གཉིས་པ་སྟེ། །ཤིན་ཏུ་མཛེས་པའི་ན་བཟའ་གསོལ། །ལག་ན་བསྡིགས་མཛུབ་ལྕགས་ཀྱུ་ཐོགས། །སྐྲ་གྲོལ་བས་ནི་རྣམ་པར་མཛེས། །མེ་འབར་འོད་ཟེར་ཤིན་ཏུ་གསལ། །ཧ་ཧར་རྒོད་ཅིང་མིག་ཡོན་མ། །
ས་ལ་ཁྲག་གིས་བྱུགས་ནས་སུ། །གནས་དེར་བྲི་སྐུ་དགྲམ་པར་བྱ། །མེ་ཏོག་དམར་པོ་ལ་སོགས་དང་། །དྲི་དང་བདུག་པའི་ཁྱད་པར་གྱིས། །ཉེ་བར་མཆོད་པའི་གཏོར་མ་དགོད། །ཤ་དང་ཉ་དང་བཙོང་ལ་སོགས། །བདུད་རྩི་
ལྔ་ཡིས་དགང་བར་བྱ། །རྣལ་འབྱོར་མ་ནི་སྒོམ་ཞིང་ཟློས། །འབུམ་ཕྲག་གཅིག་གིས་འགྲུབ་པར་འགྱུར། །ལག་གཉིས་ཐལ་མོ་སྦྱར་ནས་སུ། །ཁར་བཅུག་ནས་ནི་བགད་པར་བྱ། །ཨོཾ་ཌཱ་ཀི་ནཱི་ཧཱུྃ་ཕུྃཿཕུཿ། བསྒྲུབ་
པའི་སྔགས་དང་ཕྱག་རྒྱའོ། །དང་པོ་ས་ནི་གཡོ་འགྱུར་ཏེ། །གཉིས་པ་ལ་ནི་མདུན་དུ་དགོད། །གསུམ་པ་མདུན་དུ་སྣང་འགྱུར་ཏེ། །བཞི་པ་ལ་ནི་བཀའ་ནོད་དོ། །བདུད་རྩི་ལྔ་ཡི་ཁྱད་པར་གྱི། །དམ་ཚིག་འབད་དེ་བྱིན་ནས་ནི། །གཡོག་མོ་

85-1-277b

རུ་ནི་བསྒྲུབས་པ་ཡིས། །ཅི་འདོད་བཀའ་ནི་བསྒོ་བར་བྱ། །དགྲ་རྣམས་བསད་ཅིང་དམད་པ་དང་། །ཡན་ལག་གཟེར་བ་གང་འདོད་པའི། །ལས་ལ་སོགས་པ་ཐམས་ཅད་ནི། །གཡོག་མོའི་ལས་ཀྱིས་སྒྲུབ་པར་འགྱུར། །གལ་ཏེ་འབུམ་གྱིས་
གདོན་ཟ་ན། །རྡོ་རྗེ་མ་ཡི་ས་བོན་གྱིས། །སྔོན་དུ་བསྟན་པའི་ཆོ་ག་བཞིན། །མཁས་པས་གཟེར་བར་བྱས་ཏེ་བཟླ། །ར་དག་གི་ནི་ལྤགས་པ་ལ། །འབད་དེ་ཐང་ཀ་བརྐྱང་བར་བྱ། །འཇིབ་བྱེད་མ་ནི་འདྲི་རུ་གཞུག །ཁ་དོག་དམར་པོ་
ཤིན་ཏུ་མཛེས། །ལུས་ལ་རྒྱན་གྱིས་བརྒྱན་པ་དང་། །མཛེས་པའི་གོས་ནི་གྱོན་པར་བྲི། །གཡོན་པ་བསྡིགས་མཛུབ་ཞགས་པ་དང་། །གཡས་སུ་དགྲ་སྟ་དགོད་པར་བྱ། །ལམ་གྱི་བཞི་མདོ་ཡིད་འོང་བར། །མཁས་པ་ཡིས་ནི་བསྒྲུབ་བྱ་སྟེ། །
ལྕི་བ་ཡིས་ནི་བྱུགས་བྱས་ལ། །མེ་ཏོག་སྣ་ཚོགས་དགྲམ་པར་བྱ། །མེ་ཏོག་བདུག་པ་མར་མེ་སོགས། །འབྱུང་པོ་ཀུན་གྱི་གཏོར་མ་སྦྱིན། །ཁྲག་དང་ཉ་དང་ཤ་དང་བཙོང་། །བཟའ་བ་དག་ནི་སྣ་ཚོགས་དང་། །བདུད་རྩི་ལྔ་ཡིས་བཀང་ལ་སྦྱིན། །
འབེད་དེ་བསམ་གཏན་གནས་པས་བཟླ། །ཨོཾ་ཨ་ཀཪྵ་ཡ་ཕུཿཕཊ། ལག་གཉིས་མཉམ་པར་བྱས་ནས་སུ། །ཞགས་པའི་ཚུལ་གྱིས་གར་བསྐྱོད་བྱ། །སྙིང་པོའི་སྔགས་དང་ཕྱག་རྒྱའོ། །རྣལ་འབྱོར་པ་ཡིས་འབུམ་བཟླས་པས། །འཇིབ་བྱེད་
མ་ནི་འགྲུབ་འགྱུར་ཏེ། །དང་པོ་ཁྱི་ནི་ངུ་བའི་སྒྲ། །གཉིས་པ་ལ་ནི་གསལ་བར་བགོད། །གསུམ་པ་ལ་ནི་མཚོན་ཐོགས་ནས། །སྡིགས་པའི་ཕྱིར་ནི་འོང་བར་བྱེད། །བཞི་པར་མདུན་དུ་གནས་ནས་ནི། །བདག་གིས་ཅི་བགྱི་བཀའ་སྩོལ་སྨྲ། །
བདུད་རྩི་ལྔ་ཡི་ཁྱད་པར་གྱི། །དམ་ཚིག་དག་ནི་བྱིན་ནས་སུ། །སེམས་ཅན་རྣམས་ལ་ཕན་པའི་ཕྱིར། །དབུལ་པོ་བདག་གིས་ཁྱོད་བསྒྲུབས་སོ། །དེ་ནས་ཉི་མ་རེ་རེ་ཞིང་། །གསེར་སྲང་ཕྱེད་ཕྱེད་སྟེར་བར་འགྱུར། །གལ་ཏེ་འབུམ་གྱིས་མ་གྲུབ་ན། །
རོ་ལངས་སྙིང་པོས་གཟེན་ཏེ་བཟླ། །ས་བོན་འདི་ཡིས་གཟེར་ཙམ་གྱིས། །འཇིབ་བྱེད་མའི་མགོ་འགེམས་སོ། །ཆུ་འགྲམ་གྱི་ནི་ས་ཕྱོགས་སུ། །ཀམ་པོ་ཛི་ནི་བསྒྲུབ་པར་བྱ། །བ་གླང་ལ་སོགས་ཀོ་བ་ནི། །བརྒྱང་སྟེ་འཕྲོག་བྱེད་

85-1-278a

མ་འདྲིར་གཞུག །ལུས་ནི་སྦྲུལ་གྱིས་བརྒྱན་པ་སྟེ། །ཁ་དོག་སྔོན་པོ་འབར་བའི་འོད། །སྐྲ་གྲོལ་བས་ནི་རྣམ་པར་བརྒྱན། །གོས་དམར་བགོས་ཤིང་ཕྱག་གཉིས་མཛེས། །རལ་གྲི་དང་ནི་ཞགས་པ་ཐོགས། །
ཧ་ཧར་རྒོད་ཅིང་རྣམ་པར་གཙིགས། །ཁྲག་གིས་མཎྜལ་བྱུགས་ནས་ནི། །དྲི་དང་མེ་ཏོག་བདུག་པས་བདུག །ཤ་དང་ཉ་དང་ཙོང་ལ་སོགས། །ཉེ་བར་མཆོད་པའི་གཏོར་མ་སྦྱིན། །བདུད་རྩི་ལྔ་དང་ལྡན་པ་ཡི། །སྔོན་བཞིན་ལྷ་ཡི་
གཏོར་མ་སྦྱིན། །རྣལ་འབྱོར་པ་ནི་སྒོམ་ཞིང་ཟློས། །འབུམ་གཅིག་གིས་ནི་འགྲུབ་འགྱུར་ཏེ། །དང་པོ་ཆུ་ནི་གཡོ་བར་འགྱུར། །གཉིས་པ་ལ་ནི་ཆར་ཆེན་འབབ། །གསུམ་པར་ཐོག་ནི་འབབ་འགྱུར་ཏེ། །བཞི་པ་ལ་ནི་མདུན་དུ་གནས། །བདུད་རྩི་ལྔ་
ཡི་ཁྱད་པར་གྱིས། །དམ་ཚིག་དེ་ནས་འབད་དེ་སྦྱིན། །ཨོཾ་ཀྲིཾ་ཀྲུྃ་ཕུྃ་ཕུཿཕཊ། ལག་གཉིས་ཁུ་ཚུར་བཅིངས་ནས་སུ། །དེ་ཡི་སྔགས་ནི་བརྗོད་པར་བྱ། །སྙིང་པོའི་སྔགས་དང་ཕྱག་རྒྱའོ། །མདུན་ན་ཐལ་མོ་སྦྱར་ནས་ནི། །ཅི་ཞིག་བགྱི་ཞེས་
བརྗོད་པར་འགྱུར། །ཏི་སེའི་གངས་ཀྱི་རྩེ་རུ་ནི། །བརྩེ་ཕྱིར་ཁྱོད་ཀྱིས་ང་ཁྲིད་ལ། །སླར་ཡང་འདིར་ནི་འོང་བ་དང་། །རྒྱལ་པོའི་བུ་མོའམ་གཞན་ཡང་རུང་། །ང་འདོད་པ་ནི་ཁྲིད་དེ་ཤོག །གསེར་དང་དངུལ་དང་ཟངས་ལ་སོགས། །བཟའ་དང་བགོ་
དང་བཏུང་བ་དང་། །ཇི་ལྟར་འདོད་བཞིན་ཁྱེར་ཏེ་འོང་། །ལྷ་ཡི་བུ་མོའམ་མི་མོའང་རུང་། །ཏི་སེའི་གངས་ཀྱི་རྩེ་རུ་ནི། །ཇི་ལྟར་འདོད་བཞིན་ཁྲིད་པར་བྱེད། །བསྟན་པའི་ལས་ཀྱིས་མ་གྲུབ་ན། །ལས་གཞན་གྱིས་ནི་བསྒུབ་པར་བྱ། །
བདག་ཉིད་ཡེ་ཤེས་མཁའ་འགྲོ་རུ། །མཁས་པ་ཡིས་ནི་བསྒོམས་ནས་སུ། །དེ་ནི་རྐང་པ་གཡོན་པ་ཡིས། །མནན་ཏེ་ལྔ་བརྒྱར་བཟླས་ན་ནི། །གདོན་མི་ཟ་བར་འགྲུབ་པར་འགྱུར། །གལ་ཏེ་དེས་ཀྱང་མ་གྲུབ་ན། །དཔའ་བོའི་དབུས་
སུ་བཀུག་ནས་ནི། །དུམ་བུ་དུམ་བུར་གཏུབ་པར་བྱ། །ཀྲི་ཞེས་བྱ་དང་གསོད་པ་དང་། །ཧཱུྃ་གི་ས་བོན་བསྒོམས་པ་ཡིས། །ཐམས་ཅད་དུ་ནི་བཟའ་བར་བསམ། །དེས་ནི་བསྒྲུབ་བྱའི་རྣལ་འབྱོར་མ། །ཐམས་ཅད་ཀྱི་ནི་དབང་ཕྱུག་མའང་། །

85-1-278b

གལ་ཏེ་མ་གྲུབ་འཆི་བར་འགྱུར། །བསྟན་པའི་ལས་ཀྱིས་མ་གྲུབ་ན། །བ་ལ་ཏ་ཀ་ནག་པོའི་ཤིང་། །མེ་སྦར་བ་ཡི་དབུས་སུ་ནི། །ཁྲག་དང་བཅས་པའི་ཡུངས་ཀར་ནི། །ཉི་མ་ཕྱེད་ན་ཧཱུྃ་ཞེས་པ། །བརྗོད་ཅིང་སྦྱིན་བསྲེག་
བྱས་ནས་ནི། །མཁའ་འགྲོ་མ་རྣམས་འཆི་འགྱུར་བས། །གདོན་མི་ཟ་བར་འགྲུབ་པར་འགྱུར། །དེ་ནས་ཤང་ཀར་བསྒྲུབ་པའི་ཐབས། །ཉོན་ཅིག་ལྷ་མོ་སྐལ་ཆེན་མ། །དུར་ཁྲོད་དང་ནི་ཤིང་གཅིག་དང་། །ཆུ་འགྲམ་ལམ་གྱི་
བཞི་མདོར་བསྒྲུབ། །དམ་ཚིག་ཅན་གྱི་འདྲི་མཁན་གྱིས། །ཚོན་གྱི་དཀྱིལ་འཁོར་བྲི་བར་བྱ། །སོར་ནི་བཅུ་བཞིའི་ཚད་དག་ཏུ། །དཔའ་བོ་ཡི་ནི་རས་ལ་བྲི། །གྲུ་གསུམ་དཀྱིལ་འཁོར་དགེ་བ་སྟེ། །དཀྱིལ་འཁོར་ཟླུམ་པོའི་
ཚུལ་དུ་བྱ། །སྐུ་མདོག་སྔོན་པོ་གླང་ལ་ཞོན། །ལུས་ལ་ཐལ་བའི་རྡུལ་གྱིས་བྱུགས། །ཕོ་མཚན་གྱེན་འགྲེང་ཞི་བའི་གཟུགས། །རལ་པའི་ཅོད་པན་མདུང་དང་ལྡན། །ཞལ་བཞི་པ་ལ་ཕྱག་བཞི་པ། །ཐོད་པའི་ཕྲེང་བས་རྣམ་པར་ཀླུབས། །
ཁ་ཊྭཱྃ་ག་དང་ཐོད་པ་ཉིད། །དེ་བཞིན་གཞན་ན་གཤོར་དང་ལྡན། །བཤང་གཅིར་ལྡན་པས་མཆོད་བྱ་སྟེ། །འབྱུང་པོ་ཀུན་གྱི་གཏོར་མ་སྦྱིན། །སྔགས་འདི་ཡིས་ནི་བཀུག་ནས་སུ། །འབུམ་དུ་བཟླས་པས་བསྒྲུབ་པར་བྱ། །ཨོཾ་ཀ་པཱ་ལ་མཱ་ལ་
ལྃ་ཀྲི་ཏི་ཤི་ར་ཧཱུྃ་ཧཱུྃ། ཨཱ་གཙྪ་ཡ་ཨཱ་གཙྪ་ཡ་རུ་དྲཱ་ཡ་སྭཱ་ཧཱ། སྤྱན་དྲང་བའི་སྔགས་སོ། །ཨོཾ་ཨ་རུ་དྲ་ཧཱུྃ་ཧཱུྃ་སྭཱ་ཧཱ། འབུམ་དུ་བཟླས་པས་འགྲུབ་པར་འགྱུར། །གལ་ཏེ་གྲུབ་པར་མ་གྱུར་ན། །དེ་ནས་དེ་ནི་བསྲེག་པར་བྱ། །གྲུབ་ནས་
བྱ་བ་ཐམས་ཅད་ནི། །བྱེད་པར་འགྱུར་ཏེ་གཞན་དུ་མིན། །དེ་ནས་ཡང་དག་བཤད་བྱ་བ། །ནོར་ལྷ་ཡི་ནི་བསྒྲུབ་པའི་ཐབས། །རི་བོ་དང་ནི་རྒྱ་མཚོའི་འགྲམ། །འབབ་ཆུ་འདུས་པའི་མདོ་དག་ཏུ། །སྔར་བསྟན་པ་ཡི་ཆོ་ག་ཡིས། །དཀྱིལ་
འཁོར་མཆོག་ནི་བསྒྲུབ་པར་བྱ། །སོར་ནི་བཅུ་གཉིས་ཚད་དག་ཏུ། །ཁྱད་པར་ཏུ་ནི་བསྒྲུབ་པར་བྱ། །ཁ་དོག་ནག་པོ་ཤིན་དུ་མཛེས། །ཞལ་གཅིག་ཕྱག་ནི་བཞི་པ་སྟེ། །འཁོར་ལོ་དང་ནི་དབྱིག་པ་བསྣམས། །ཐོད་པ་པད་མ་དེ་བཞིན་ནོ། །

85-1-279a

རིན་ཆེན་གྱི་ནི་ཅོད་པན་དང་། །རྒྱན་རྣམས་ཀུན་གྱིས་རྣམ་པར་གླུབས། །བཤང་གཅི་དང་ནི་ཁུ་བ་ཁྲག །མཆོད་པ་ཉིད་དུ་སྦྱིན་བྱ་ཞིང་། །མི་ཡི་ཤ་ཡིས་བདུག་བྱས་ན། །དངོས་གྲུབ་ཉེ་བར་བྱེད་པར་འགྱུར། །ཨོཾ་ཨ་
བཛྲ་ནཱ་ར་ཡ་ཎ་ཧཱུྃ་ཧཱུྃ་ཨཱཿསྭཱ་ཧཱ། སྤྱན་དྲང་བའི་སྔགས་སོ། །ཨོཾ་མ་མ་ཙཀྲ་སཱ་ད་ཡ་སརྦྦ་ཨ་སུ་ར་ད་མ་ན་ཧཱུྃ་ཧཱུྃ་སྭཱ་ཧཱ། སྟོང་ཕྲག་བརྒྱར་ནི་བཟླས་པ་ཡིས། །ལྷ་མ་ཡིན་ནི་ཀུན་གྱི་སྒོར། །འཇུག་པའི་ནུས་དང་ལྡན་འགྱུར་
ཞིང་། །སྒྱུ་མ་ཐམས་ཅད་སྟོན་བྱེད་དེ། །དགྲ་རྣམས་ཐམས་ཅད་འདུལ་ནུས་ཤིང་། །རྒྱལ་སྲིད་དག་ཀྱང་ཐོབ་པར་འགྱུར། །ཆོ་གའི་རིམ་པ་འདི་ཉིད་ཀྱིས། །དེ་ནས་ཚངས་པའང་བསྒྲུབ་བྱ་སྟེ། །ཆུ་ཡི་འགྲམ་ནི་དབེན་པ་
དང་། །ཁྱད་པར་པད་མོའི་ཚུལ་དུ་བསྒྲུབ། །ཁ་དོག་སེར་པོ་ཕྱག་བཞི་པ། །གདོང་བཞི་ཡིས་ནི་མཛེས་པར་བྱས། །ཞི་བ་རལ་པའི་ཅོད་པན་འཆང་། །མཆོད་ཕྱིར་ཐོགས་ཀྱིས་རྣམ་པར་བརྒྱན། །པད་མ་དང་ནི་
བགྲང་ཕྲེང་དང་། །དབྱུག་པ་དང་ནི་ཐོད་པ་བསྣམས། །སྒྲུབ་པ་པོ་ཡི་གཙོ་བོ་ཡིས། །བྲིས་སྐུ་དག་ནི་དམིགས་ནས་སུ། །ཡིད་འོང་སྣ་ཚོགས་དྲི་ཞིམ་ནི། །གུར་ཀུམ་ཙན་དན་ལ་སོགས་པ། །དྲི་ཆུས་ཡང་ཡང་བསྒོ་བྱ་ཞིང་། །རྟག་ཏུ་
བསྒོམ་དང་ལྡན་པ་ཡིས། །མཆོད་པའི་ཆོ་གའི་རིམ་དེ་དག །བྷ་གའི་དབུས་སུ་སྦྱིན་པར་བྱ། །ཨོཾ་བྲཧྨ་ཨཱ་གཙྪ་ཧཱུྃ་ཨཱཿསྭཱ་ཧཱ། སྤྱན་དྲང་བའི་སྔགས་སོ། །ཨོཾ་བྷུ་བསྟ་ཏྭ་བི་དུརྦྦ་རེ་ཎུ། །བྷརྒོ་དེ་བ་ས་དྷི་མ་ཧི། 
དྷི་ཡོ་ཡོ་ན་པྲ་ཙོ་ད་ཡ་ཏ། འབུམ་དུ་བཟླས་པས་འགྲུབ་འགྱུར་ཏེ། །ཞི་བ་དང་ནི་རྒྱས་པ་དང་། །དགུག་དང་དབང་དུ་བྱ་བ་དང་། །ནོར་སྐྱེད་པ་དང་མངོན་སྤྱོད་སོགས། །ལས་རྣམས་ཐམས་ཅད་ནུས་འགྱུར་ཏེ། །བཟླས་དང་
སྦྱིན་བསྲེག་ཀུན་གྱིས་འགྲུབ། །ཁྱོད་ལ་ཡང་དག་བཤད་པ་ཡིན། །ཉོན་ཅིག་ལྷ་མོ་སྐལ་ཆེན་མོ། །བགེགས་ཀྱི་རྒྱལ་པོ་བསྒྲུབ་པའི་ཐབས། །མ་མོའི་ཁྱིམ་ནི་ཉམས་དགའ་བར། ། སྒོམ་པ་དགེ་བ་བྱས་ནས་ནི། །

85-1-279b

བློ་ལྡན་མཆོད་པ་སྔོན་འགྲོ་བས། །འབེད་དེ་བྲིས་སྐུ་དམིགས་པར་བྱ། །ཁ་དོག་དམར་པོ་ཆེར་འབར་བ། །སྐྱིལ་དཀྲུང་བཅིང་བའི་གར་གྱིས་བཞུགས། །ཞལ་གཅིག་པ་ལ་སྤྱན་གསུམ་པ། །རལ་པའི་ཐོར་ཚུགས་དག་དང་ལྡན། །
འོད་ཟེར་དམར་པོ་འབར་ཞིང་འཁྲུག །མཆེ་བ་གཙིགས་པ་འཇིགས་པར་བྲི། །དགྲ་སྟ་དང་ནི་གཏུན་ཤིང་དང་། །མདའ་དང་གཞུ་ནི་དེ་བཞིན་ཏེ། །ཁ་ཊྭཱྃ་ག་དང་ལྕགས་ཀྱུ་དང་། །ཁྲག་གིས་གང་བའི་ཐོད་པ་དང་། །དེ་བཞིན་རྡོ་རྗེ་རལ་
གྲི་སྟེ། །གཞན་ཡང་ཤ་ཆེན་ཐོད་པ་བསྣམས། །མུ་སུན་དི་དང་བ་དན་གསུམ། །ཤཀྟི་དང་ནི་བཅུ་གཉིས་སོ། །ཨོཾ་ཨ་མོ་གྷ་སིདྡྷ་སརྦྦ་ཨརྦུ་མེ་པྲ་སཱ་དྷ་ཡ་ཧཱུྃ་ཧཱུྃ་ཛཿཛཿསྭཱ་ཧཱ། སྤྱན་དྲང་བའི་སྔགས་སོ། །ཨོཾ་ཨཱཿཧཱུྃ་སྭཱ་ཧཱ།
བཟླས་པའི་སྔགས་སོ། །སྟོང་ཕྲག་བརྒྱས་ནི་འགྲུབ་འགྱུར་ཏེ། །དེ་ནས་ལས་ནི་བརྩམ་བར་བྱ། །ལན་ཅིག་བཟླས་ནས་ཐིག་ལེ་དག །སྔགས་པས་བྱས་ན་སྐལ་བཟང་འགྱུར། །རྒྱལ་པོ་སྒོར་ཡང་མཆོད་འཐོབ་སྟེ། །
དགྲ་རྣམས་ཐམས་ཅད་ཟད་བྱེད་འགྱུར། །བགེགས་རྣམས་མ་ལུས་བསྐྲད་པ་དང་། །འདོད་པ་ཀུན་གྱིས་འབྲས་སྟེར་བར། །འགྱུར་བ་འདི་ལ་ཐེ་ཚོམ་མེད། །ཆོ་གའི་སྦྱོར་བ་དེ་ཉིད་ཀྱིས། །མ་མོ་རྣམས་ཀྱི་བསྒྲུབ་ཐབས་མཆོག །
སྦྱོར་བའི་རིམ་པ་དེ་ཉིད་ཀྱིས། །གཟའ་རྣམས་ཀྱང་ནི་བསྒྲུབ་པར་འདོད། །ཨོཾ་སརྦྦ་ཏི་ཐི་ནཱཀྵ་ཏྲ་གྲ་ཧ་མངྒ་ལེ་བྷྱཿསྭཱ་ཧཱ། གཟའ་ཐམས་ཅད་ཀྱི་སྔགས་སོ། །ཨོཾ་ཞེས་བྱ་བ་དང་པོ་སྟེ། །སྭཱ་ཧཱའི་མཐའ་ཅན་བྱིན་བརླབ་ཅེས། །མཁའ་འགྲོ་
ཀུན་དང་མཉམ་སྦྱོར་བའི། །རྡོ་རྗེ་མཁའ་འགྲོ་བདེ་བའི་མཆོག །རྡོ་རྗེ་སེམས་དཔའ་དེ་བཞིན་གཤེགས། །བཅོམ་ལྡན་རྡོ་རྗེ་ཅན་གྱིས་གསུངས། །རྒྱུད་ཀྱི་རྒྱལ་པོ་ཆེན་པོ་དཔལ་རྡོ་རྗེ་མཁའ་འགྲོ་ལས་འབྱུང་པོ་དང་གདོན་ཐམས་ཅད་ཀྱི་
བསྒྲུབ་ཐབས་འབྱུང་བའི་རིམ་པར་ཕྱེ་བ་སྟེ་བཅུ་དགུ་པའོ།། །། དེ་ནས་བཅོམ་ལྡན་འདས་ལ་ལྷ་མོ་རྣམས་ཀྱིས་མཆོད་ཅིང་ཕྱག་བྱས་ཏེ། འདི་སྐད་ཅེས་གསོལ་ཏོ། །ཡེ་ཤེས་དེ་ཉིད་ཁྱད་པར་དང་། །

85-1-280a

ལུས་ཀྱི་མཚན་མ་ཇི་ལྟར་ལགས། །རྩ་རྣམས་གང་ལ་རྟེན་གྱུར་དང་། །དེ་རྣམས་དབྱེ་བ་མི་འཚལ་ཏེ། །བཅོམ་ལྡན་འདས་ལ་ཉན་པར་འཚལ། །བདེ་བ་ཆེན་པོས་བཤད་དུ་གསོལ། །ཉོན་ཅིག་ལྷ་མོ་སྒྱུ་མ་ཆེ། །སྒྱུ་མ་
ཀུན་དུ་རྣམ་འཕྲུལ་བ། །རྩ་ཆེན་པོ་ནི་སུམ་བཅུ་གཉིས། །དེ་དག་གཞན་ལས་ཤིན་ཏུ་གཙོ། །བཅུ་དང་གཉིས་ནི་དེ་བཞིན་དུ། །དབྱངས་རྣམས་འཕོ་བའི་མཚན་ཉིད་དེ། །ཡར་ངོ་མར་ངོའི་བྱེ་བྲག་གིས། །ཉི་ཤུ་རྩ་བཞིར་བརྗོད་པ་
ཡིན། །དུས་ནི་མྱུར་དང་རིང་བ་དག །ཡན་ལག་མཚན་མའི་མཚན་ཉིད་ནི། །གང་ཞིག་ཤེས་པ་ཙམ་གྱིས་ནི། །འཆི་བའི་དུས་ལ་བབ་པས་གནས། །དབུགས་ནི་རྣམ་པར་དགོད་གྱུར་ན། །ལུས་ཅན་དྲུག་དང་གཉིས་ཀྱིས་
འཆི། །སྔ་དྲོ་རོ་ཧི་ཏའི་དུས་སུ། །དེ་ཡི་མཚན་མ་མཚོན་པར་བྱ། །སྣ་དང་མིག་གི་གནས་དང་ནི། །འགྲམ་པ་དང་ནི་རྣ་བའི་རྩ། །ལྕེ་དང་སོ་ཡི་མཚམས་དང་ནི། །དེ་བཞིན་མགྲིན་པའི་ཕྱི་རོལ་དང་། །སྙིང་ཀའི་དྲ་བ་ལྟེ་བ་དང་། །
བརླ་དང་བྱིན་པ་དེ་བཞིན་གཞན། །ཆུ་སོ་དང་ནི་མཚན་དག་དང་། །མགོ་དང་སྤྱི་གཙུག་གི་ནི་ཕྱོགས། །དབུགས་ནི་ཆད་ཅིང་ཆད་གྱུར་པའི། །ལུས་ཀྱི་མཚན་མ་མྱུར་བ་རུ། །འཆི་བའི་དུས་ནི་སྟོན་པར་བྱེད། །ཉི་མའི་གྲངས་ཀྱི་ཚད་ཀྱིས་ནི། །
འཁོར་ལོས་དུས་ཀྱི་བདག་ཉིད་བརྩི། །སྒོ་གཅིག་ནས་ནི་ཉིན་དྲུག་ཏུ། །གང་ཚེ་དབུགས་ནི་རྒྱུ་གྱུར་པ། །ཡོན་ཏན་གསུམ་གྱི་ལོ་དག་ནི། །ཞག་ནི་སུམ་བརྒྱ་དྲུག་བཅུ་རུ། །བགོས་པ་ཡི་ནི་ཚད་དང་ནི། །མདོར་བསྡུས་ནས་ནི་
བསྟན་པར་བྱ། །ལོ་གཉིས་དང་ནི་ཟླ་བ་དག །དུས་ཀྱི་གྲངས་སུ་བསྟན་པ་དང་། །ཉིན་ཞག་དག་ནི་བཅྭ་བརྒྱད་དུ། །དེ་ཡི་ཚད་ནི་ཡང་དག་བརྗོད། །ཉི་མ་དག་ནི་བདུན་དང་མཐའ། །གལ་ཏེ་རླུང་ནི་རྒྱུ་གྱུར་ན། །ལོ་གཉིས་དང་
ནི་དེ་བཞིན་དུ། །ཟླ་བ་དྲུག་ཏུ་འཚོ་འགྱུར་ཞིང་། །ཉི་མ་བརྒྱད་དུ་རླུང་བརྒྱུ་ན། །དེ་བཞིན་ལོ་གཉིས་ཟླ་བ་ནི། །རིག་བྱེད་ཀྱི་ནི་གྲངས་དང་ནི། །ཉི་མ་ཉི་ཤུ་རྩ་བཞི་རུ། །འཚོ་འགྱུར་དུས་ཀྱི་གྲངས་ཡིན་ནོ། །གལ་ཏེ་ཉིན་དགུ་རྒྱུ་གྱུར་ན། །

85-1-280b

ལོ་གཉིས་ཟླ་བ་བཞི་དང་ནི། །ཉིན་ཞག་ཉི་མའི་གྲངས་སུ་ནི། །ལུས་ཅན་རྣམས་ཀྱི་སྦྱོར་བ་ཡིན། །གལ་ཏེ་ཉིན་བཅུར་རྒྱུ་གྱུར་ན། །ལོ་གཉིས་ལས་ནི་མི་འཚོའོ། །གལ་ཏེ་ཉིན་ཞག་བཅུ་གཅིག་ཏུ། །སྒོ་གཅིག་ནས་ནི་རྒྱུ་བ་དག །
ལོ་གཅིག་ཟླ་བ་དགུ་དང་ནི། །ཉིན་ཞག་བཅུ་བརྒྱད་དག་ལས་ནི། །མི་འཚོ་མཛེས་མ་ཁྱོད་ལ་བཤད། །ཉིན་ཞག་བཅུ་གཉིས་རྒྱུ་ན་ནི། །ལོ་གཅིག་དང་ནི་ཟླ་བ་ནི། །དབྱངས་ཀྱི་གྲངས་དང་ཉིན་ཞག་ནི། །དུས་ཀྱི་གྲངས་ལས་མི་
འཚོའོ། །གལ་ཏེ་ཉི་མ་བཅུ་གསུམ་དུ། །གཡས་ཀྱི་ལམ་ནས་རྒྱུ་བ་ནི། །ལོ་གཅིག་དང་ནི་ཟླ་བ་དག །རིག་བྱེད་ཀྱི་ནི་གྲངས་དང་ནི། །ཉི་མ་དགུ་ལས་མི་འཚོ་ཞེས། །མཛེས་མའི་གདོང་ཅན་ཁྱོད་ལ་བཤད། །གལ་ཏེ་
བདུན་ཕྲག་གཉིས་སུ་ནི། །གཡས་ཀྱི་ལམ་ནས་རླུང་རྒྱུ་དེ། །ལོ་གཅིག་ཟླ་བ་གཉིས་དང་ནི། །ཉི་མ་བཅུ་ཡི་ཕྱེད་དག་ལས། །འཚོ་བར་མི་འགྱུར་དེ་ཡི་ནི། །ཚེ་ཚད་ངེས་པར་བསྟན་པ་ཡིན། །གང་ཞིག་ཉི་མ་ལྔ་གསུམ་དུ། །
གཡས་ཀྱི་སྒོ་ནས་རླུང་རྒྱུ་ན། །ལོ་གཅིག་ན་ནི་གདོན་མི་ཟ། །གང་ཞིག་བརྒྱད་ཕྲག་གཉིས་སུ་ནི། །གཡས་ནས་རླུང་ནི་རྒྱུ་བ་དང་། །དེ་ཡི་ཚེ་ཚད་ངེས་པ་དག །ཟླ་བ་བཅུ་དང་ཉི་མ་ནི། །ཉི་ཤུ་རྩ་བཞི་དག་ལས་ནི། །
མི་འཚོ་བར་ནི་ངས་བཤད་དོ། །གལ་ཏེ་ཉན་ཞག་བཅུ་བདུན་དུ། །གཡས་ཀྱི་ལམ་ནས་རླུང་རྒྱུ་ན། །དེ་ནས་དེ་ཡི་ཚེ་ཚད་ནི། །ཟླ་བ་དགུ་དང་ཉིན་ཞག་ནི། །བཅྭ་བརྒྱད་དག་ལས་མི་འཚོ་བར། །གདོན་མི་ཟ་བར་བཤད་པ་ཡིན། །
ཉིན་ཞག་བཅྭ་བརྒྱད་རྒྱུ་ན་ནི། །ཟླ་བ་དག་ནི་བརྒྱད་དང་ནི། །ཉིན་ཞག་ཉི་མའི་གྲངས་སུ་ནི། །དེ་ཡི་དུས་ནི་བཤད་པ་ཡིན། །གལ་ཏེ་ཉིན་ཞག་བཅུ་དགུ་རུ། །དྲི་ཡི་བཞོན་པ་རྒྱུ་བ་དག །ཇི་སྲིད་འཚོ་བ་བཤད་པར་བྱ། །
ཟླ་བ་དག་ནི་བདུན་དང་ནི། །ཉིན་ཞག་དུས་ཀྱི་གྲངས་ལས་ནི། །འཚོ་བར་མི་འགྱུར་གདོན་མི་ཟ། །གལ་ཏེ་ཉིན་ཞག་ཉི་ཤུར་ནི། །རྒྱུ་བ་ཟླ་བ་དྲུག་ན་ནི། །དེ་ཡི་སྲོག་ནི་འགྲོ་བར་འགྱུར། །གལ་ཏེ་ཉིན་ཞག་ཉི་ཤུ་གཅིག །ཉི་མའི་

85-1-281a

ལམ་ནས་རླུང་རྒྱུ་བ། །ཟླ་བ་ལྔ་དང་ཉི་མ་ནི། །ཉི་མའི་གྲངས་ལས་མི་འཚོའོ། །ཉིན་ཞག་ཉི་ཤུ་གཉིས་རྒྱུ་ན། །ཟླ་བ་རིག་བྱེད་གྲངས་དང་ནི། །ཉིན་ཞག་ཉི་ཤུ་རྩ་བཞི་ལས། །མི་འཚོ་བར་ནི་ཡང་དག་བརྗོད། །གལ་ཏེ་
ཉིན་ཞག་ཉི་ཤུ་གསུམ། །སྒོ་གཅིག་ནས་ནི་རླུང་རྒྱུ་ན། །ཟླ་བ་བཞི་དང་ཉི་མ་ནི། །དུས་ཀྱི་གྲངས་ལས་མི་འཚོ་བརྗོད། །ཉི་ཤུ་རྩ་བཞིར་རྒྱུ་བ་དང་། །ཟླ་བ་གསུམ་དང་ཉི་མ་ནི། །བཅུ་གཅིག་དག་ལས་མི་འཚོའོ། །ཉིན་ཞག་ཉི་
ཤུ་ལྔ་རྒྱུ་ན། །ཟླ་བ་གསུམ་ལས་མི་འཚོའོ། །དེ་ལས་གོང་མ་སྔར་བསྟན་པའི། །གྲངས་ལས་མདོར་བསྡུས་ཤེས་པར་བྱ། །བཅུ་དང་གཉིས་ཀྱི་རྩིས་ལས་ནི། །བར་བར་གྱི་ནི་བསྟན་པ་ཡིན། །ཆ་དང་ཆ་ཡིས་རིམ་བཞིན་དུ། །
བར་བར་ཉི་མ་གསལ་བར་བྱས། །བློ་དམན་རྣམས་ཀྱིས་རྟོགས་བྱའི་ཕྱིར། །དུས་དེ་དག་ནི་བཤད་པ་ཡིན། །རྣལ་འབྱོར་པ་རྣམས་ལ་ནི་དུས། །ཤིན་ཏུ་ཕྲ་བ་ངེས་བཤད་པ། །ཁམས་རྣམས་སྙོམས་པའི་ལུས་ལས་ནི། །དེ་དག་བལྟ་
ཞིང་ཡིད་ཆེས་བྱ། །སྒོ་ནི་སྟེང་དུ་ལྟས་འབབ་པ། །སྣ་ཡི་བར་ཤ་ཆད་གྱུར་ན། །ཉིན་ཞག་བདུན་གྱིས་ཐེ་ཚོམ་མེད། །ཆ་ཤས་དགུ་ནི་ཡང་དག་གནས། །དེ་བཞིན་སྒོ་ནི་སྟེང་བལྟས་ལས། །མིག་གི་ཆུ་ནི་ཆད་གྱུར་ན། །ཉི་མ་ལྔ་ན་འཆི་
བར་འགྱུར། །ཆ་ཤས་བཅུ་ནི་ཤེས་བྱ་བ། །སྟེང་དུ་ལྟས་ཏེ་འགྲོ་བ་ལས། །རྣ་བ་གཡོན་དང་འགྲམ་པ་ཡི། །ངོས་ཀྱི་མཚན་མ་དག་ལས་ནི། །ཉིན་ཞག་གཅིག་ལས་མི་འཚོའོ། །ཆ་ཤས་བཅུ་གཅིག་གནས་པ་ཡི། །
གསལ་བར་སྟེང་དུ་འགྲོ་བ་ལས། །རྣ་བ་གཡས་པར་རྟེན་པ་ཡིས། །ཉིན་ཞག་བཅྭོ་བརྒྱད་དག་ན་འཆད། །ཆ་ཤས་བཅུ་གཉིས་དེ་བཞིན་གནས། །ལྕེ་ཡི་སྐུད་པ་ནག་མཐོང་ན། །ལུས་ཅན་དུས་ཀྱི་ཉིན་ཞག་འཆི། །ཆ་ཤས་བཅུ་
གསུམ་སྟེན་པ་ཡི། །དེ་བཞིན་སྟེང་དུ་འབར་བ་ཡི། །སྟེང་འོག་སོ་ནི་འཐམས་གྱུར་ན། །འབྱུང་བ་དག་ནི་མ་ལུས་འདྲེན། །སྲོག་ནི་དུས་གྲངས་ཉི་མས་འགྲོ། །དབྱངས་ཡིག་བཅུ་བཞི་རྟེན་པ་ནི། །མགྲིན་པའི་བློ་ན་གནས་པའི་རྩ། །སྟེང་དུ་

85-1-281b

བལྟས་པ་ཞེས་གྲགས་ཀྱིས། །ཉིན་ཞག་ལྔ་ལས་མི་འཚོའོ། །ཆ་ཤས་བཅྭ་ལྔ་གནས་པ་ཡི། །སྟེང་དུ་བལྟས་པའི་མཆོག་དེ་ལ། །བྲང་གི་དྲ་བ་ཞོམ་གྱུར་ན། །ཟླ་ཕྱེད་ན་ནི་གདོན་མི་ཟ། །ཆ་ཤས་བཅྭ་དྲུག་རྫོགས་པའི་བདག །
ལྟེ་བའི་དབུས་གྱུར་སྟེང་བལྟས་པ། །སེན་མོའི་ཁྲག་ནི་མེད་གྱུར་ན། །ཉིན་ཞག་བཅུ་ན་ཡང་དག་ཉལ། །སླར་ཡང་ཆ་ཤས་བཅུ་བདུན་ནི། །གནས་པའི་བརླ་ཡི་མཚན་མ་ལས། །ཉིན་ཞག་ཉི་ཤུ་རྩ་བཞི་ན། །འཆི་འགྱུར་འདིར་ནི་གདོན་མི་ཟ། །
ཆ་ཤས་བཅོ་བརྒྱད་གནས་པ་ཡི། །བྱིན་པ་ལ་ནི་གནས་པའི་རྩ། །དེ་བཞིན་སྟེང་དུ་བལྟས་པ་ཡིས། །ཉིན་ཞག་ཉི་མའི་གྲངས་ཀྱིས་འཆི། །བཅུ་དགུ་ཡི་ནི་ཆ་ཤས་གནས། །ཆུ་སོ་དེ་བཞིན་སྟེང་བལྟས་པས། །དེ་དང་མཉམ་པའི་ཉིན་ཞག་
གིས། །འཆི་འགྱུར་འདིར་ནི་ཐེ་ཚོམ་མེད། །ཆ་ཤས་ཉི་ཤུ་གནས་པ་ཡི། །ཕོ་མཚན་ལ་ནི་གནས་པའི་རྩ། །སྟེང་དུ་བལྟས་བ་མཆོག་དབང་ཕྱུག །མཚན་མས་ཉིན་ཞག་དུས་ཀྱི་ནི། །གྲངས་ཀྱིས་འཆི་འགྱུར་ཐེ་ཚོམ་མེད། །རེའུ་མིག་བཅུ་
གཉིས་རྩིས་པ་ལ། །བར་བར་ཉི་མ་བསྟན་པ་དག །ལོ་ཡི་རིམ་གྱིས་དེ་སྦྱངས་ཏེ། །བདུན་བཅུ་རྩ་གཉིས་རིམ་པ་དང་། །སུམ་བཅུ་རྩ་དྲུག་བཅྭ་བརྒྱད་ཀྱིས། །ཟླ་བ་ལ་སོགས་གོ་རིམས་བཞིན། །རིམ་གྱིས་རིམ་གྱིས་དབྲི་བར་བྱ། །
ལྷག་མར་གང་ཞིག་གྱུར་པ་ནི། །བསྡུས་ཏེ་འཚོ་བའི་དུས་སུ་ནི། །ལྷ་མོ་ཆེན་མོ་ཤེས་བྱ་ཞེས། །མཁའ་འགྲོ་ཀུན་དང་མཉམ་སྦྱོར་བའི། །རྡོ་རྗེ་མཁའ་འགྲོ་བདེ་བའི་མཆོག །རྡོ་རྗེ་སེམས་དཔའ་དེ་བཞིན་གཤེགས། །བཅོམ་ལྡན་རྡོ་རྗེ་
ཅན་གྱིས་གསུངས། །རྒྱུད་ཀྱི་རྒྱལ་པོ་ཆེན་པོ་དཔལ་རྡོ་རྗེ་མཁའ་འགྲོ་ལས་རྩ་དང་མཉམ་པར་སྦྱོར་བའི་དབུགས་འབྱུང་བ་ཞེས་བྱ་བའི་རིམ་པར་ཕྱེ་བ་སྟེ་ཉི་ཤུ་པའོ།། །། སྒོ་དགུ་པོ་ཡི་མཚན་ཉིད་དང་། །རྩ་ནི་གང་བར་
གནས་པ་ཡི། །ཡོན་ཏན་སྐྱོན་སོགས་ཇི་ལྟར་བལྟ། །དེ་རྣམས་བྱེ་བྲག་མི་འཚལ་ཏེ། །ཡེ་ཤེས་དབང་ལ་ཉན་པར་འཚལ། །བདེ་བ་ཆེན་པོས་བཤད་དུ་གསོལ། །གོང་དུ་འཕོ་བའི་སྦྱོར་མཚན་ཉིད། །བཤད་ཀྱིས་ལྷ་མོ་

85-1-282a

མཉན་པར་གྱིས། །སྔོན་དུ་བདག་ཉིད་སྦྱང་བྱས་ལ། །ཕྱི་ནས་ལས་ནི་བརྩམ་པར་བྱ། །གཟུགས་མེད་གནས་པ་མདོག་སྔོ་བའི། །པད་ཆེན་ཟླ་བ་ལྟ་བུ་འཛག །སླར་ཡང་གཟུགས་སུ་གནས་པ་སྟེ། །རྣམ་པ་ཀུན་
གྱིས་བརྒྱན་པའོ། །ཆ་ཤས་བཞི་དང་ཡང་དག་ལྡན། །ཁ་ནི་ཐུར་དུ་བལྟས་ཏེ་འཕྱང་། །གོ་འཕང་གནས་པའི་གནས་ནས་ནི། །ཀུན་ད་ཟླ་འདྲ་རྟག་ཏུ་དག །རྣམ་ཤེས་ཡེ་ཤེས་བདུད་རྩི་ནི། །ལྷ་མོ་ཆེན་མོ་འབབ་པའི་མཆོག །
རྟེན་དུ་གྱུར་པའི་པད་མ་གང་། །ཟླ་བའི་འོད་ཀྱིས་རྣམ་པར་བརྒྱན། །དེ་ནི་ཆ་དང་ཆ་ཡིས་གཟུགས། །གོང་བུ་གནས་པ་ཞེས་བྱར་བརྗོད། །དེ་ནས་གཞན་ཡང་བཤད་བྱ་བ། །གནས་ཀྱི་མཐའ་ནི་དག་པར་བྱ། །དག་ནས་སྲིད་པ་འཕོ་བྱ་ཡི། །
གཞན་དུ་ན་ནི་དོན་མེད་འགྱུར། །དགང་བ་ཡིས་ནི་ལུས་བཀང་ན། །དུག་དང་རིམས་ཀྱི་ཚ་བ་འཕྲོག །བུམ་པ་ཅན་གྱིས་སྒོ་བཅིངས་ན། །སྒོ་ཡི་སྦུ་གུ་དག་པར་འགྱུར། །འཐོར་བས་སྣ་ཚོགས་རྡུལ་དུ་བྱ། །རབ་ཏུ་ཞི་བས་ཞི་བར་འགྱུར། །
རྣམ་ཤེས་དགྲོག་པའི་ཆོ་ག་དང་། །གཞན་དུ་འགྲོ་བའང་བཤད་པར་བྱ། །དེ་ནས་ཕྱི་རོལ་སྦྱོར་བ་ནི། །མཁས་པ་ཡིས་ནི་སྦྱང་བར་བྱ། །གནས་གཉིས་དག་ནི་བསམས་ནས་སུ། །རླུང་གི་དཀྱིལ་འཁོར་བསྒོམ་པར་བྱ། །
རླུང་གི་དབུས་སུ་མེ་ཡིས་ནི། །ཡང་དང་ཡང་དུ་དབྱེ་བར་བྱ། །ཨཱ་ལི་ཀཱ་ལིར་ལྡན་པ་ཡི། །ས་བོན་དེར་ནི་སྦྱར་བར་བྱ། །རྣལ་འབྱོར་པ་ཡིས་ཁྱད་པར་དུ། །འབྱུང་དང་འཇུག་པས་བཟློས་པར་བྱ། །འབྱུང་བ་ཡེ་ཤེས་ས་བོན་གྱིས། །
བསྣུན་དང་ལྡན་པར་བསམ་པར་བྱ། །འཇུག་པ་སྙིང་གི་རྣམ་ཤེས་ལ། །མེ་ཏོག་ལྟ་བུར་བསྣུན་པར་བྱ། །རྣལ་འབྱོར་པས་ནི་འབྱུང་བཟླས་ཏེ། །བདག་ཉིད་ལས་ནི་ཕྱི་རོལ་བྱ། །འཇུག་པ་འབྱུང་བར་མཚོན་བྱ་སྟེ། །དེ་ཁོ་ན་ཉིད་
མཉམ་པར་བསྒོམ། །མཉམ་བཞག་དངོས་པོ་བསྒོམས་ན་ནི། །འགྲུབ་འགྱུར་འདིར་ནི་ཐེ་ཚོམ་མེད། །དེ་ནས་ཕྱི་རོལ་ལུས་ལ་ནི། །བསྒྲུབ་པ་པོ་ཡིས་རྣམ་པར་སྤྲུལ། །ཉི་མའི་ལམ་ནས་ངང་ཕྱུང་སྟེ། །ལྷ་མོ་ཆ་ཤས་ལྡན་པར་བྱ། །

85-1-282b

བསྒྲུབ་བྱའི་སྙིང་ཀར་ཞུགས་ནས་ནི། །རླུང་དང་མེ་ཡིས་འབར་བ་དག །དེ་ཡི་རྣམ་ཤེས་བཟུང་ནས་ནི། །ལུས་ཀྱི་དཀྱིལ་འཁོར་དུ་ནི་འཇུག །བསྒྲུབ་བྱའི་རྣམ་ཤེས་བསྡུས་ནས་སུ། །འོག་གི་འཁོར་ལོ་སྦྱར་བར་བྱ། །ཇི་སྲིད་ཟད་
པར་བྱས་བར་དུ། །དེ་སྲིད་ལྐུགས་ཏེ་གནས་པར་འགྱུར། །འཆི་བའི་དུས་ལ་བབ་གྱུར་ན། །འཆི་བའི་མཚན་མ་སྟོན་པ་དང་། །རིམས་ལ་སོགས་པས་མ་ཕོག་པར། །གོང་དུ་འཕོ་བ་མཆོག་ཡིན་ནོ། །དེ་ནས་གཞན་ལུས་ལ་
འཇུག་པ། །མདོར་བསྡུས་ནས་ནི་བཤད་པར་བྱ། །སེང་གེ་རྣམ་རོལ་ཕྱག་རྒྱ་ཡིས། །རྣལ་འབྱོར་པ་ཡིས་བཅིངས་ནས་སུ། །རྟག་ཏུ་སྲོག་དང་རྩོལ་བ་བྱ། །ཁྱོད་ཀྱི་གནས་སུ་སྦྱར་ནས་ནི། །རང་གི་ལུས་ནི་ཡོངས་བཏང་སྟེ། །
རིམ་གྱིས་སྦྱོར་བས་ཕྱེ་ནས་སུ། །ཆོ་ག་འདི་ལྟར་བྱས་པ་ཡིས། །སྔགས་པ་གཞན་གྱི་ལུས་ལ་འཇུག །སྦྱོར་བའི་རིམ་པ་དེ་ཉིད་ཀྱིས། །རང་གི་ལུས་ལ་སྦྱར་བར་འདོད། །འགྲོ་དང་འོང་བའི་བྱེ་བྲག་གིས། །མཉམ་པར་བཞག་སྟེ་
གང་བྱེད་པ། །དཔའ་བོའི་དབང་ཕྱུག་ཐམས་ཅད་དང་། །མཁའ་འགྲོ་མ་དང་སྦྱོར་བས་མཆོད། །གང་གི་རིང་ནས་ཐོས་གྱུར་པ། །དེ་ནི་ཡང་དག་བཤད་ཀྱིས་ཉོན། །དེ་བཞིན་མཁས་པས་གཞན་སེམས་ཀྱི། །བསམ་པ་རྗེས་སུ་
ཤེས་པར་བྱ། །བསྒོམ་དང་བཟླས་པའི་ཁྱད་པར་གྱི། །སྦྱོར་བའི་དམ་པ་སྐྱེ་བར་འགྱུར། །གང་གི་ལམ་ནས་བསམས་ན་ནི། །འགྲུབ་འགྱུར་འདིར་ནི་ཐེ་ཚོམ་མེད། །འཁོར་ལོ་གང་ཞིག་སྔར་བསྟན་པར། །ཞུགས་ཏེ་ཉན་པ་
གཉིས་སུ་ནི། །འཇིག་རྟེན་གསུམ་དང་འདྲེས་ནས་ནི། །མེ་སྟག་བཞིན་དུ་རྣམ་པར་འཁོར། །རླུང་གིས་བསྐྱེད་པའི་མེ་ཡིས་ནི། །ཤེས་རབ་ལྡན་པས་ཞུགས་བསམས་ན། །ཟླ་དྲུག་ཙམ་གྱིས་ངེས་པར་ནི། །རིང་ན་
གནས་པ་ཐོས་པར་འགྱུར། །བསྒོམ་པའི་སྦྱོར་བ་འདི་ཡིས་ནི། །ཡེ་ཤེས་མིག་གིས་མཐོང་འགྱུར་བ། །ཤིན་ཏུ་རིང་ན་གནས་པ་ཡང་། །བསྒྲུབ་པོས་སྐད་ཅིག་གསལ་བར་མཐོང་། །བསྟན་དང་མ་བསྟན་གང་ཅིའང་རུང་། །

85-1-283a

དེ་ཀུན་ང་ཡིས་ཡང་དག་བཤད། །ཉོན་ཅིག་ལྷ་མོ་སྒྱུ་མ་ཆེ། །དགེ་བའི་སྒོ་ནས་འགྲོ་བ་དང་། །གང་གི་ལམ་ནས་འགྲོ་བ་ཡིས། །ཐར་པའི་དངོས་གྲུབ་རབ་སྟེར་བ། །མཆོག་དང་ཐ་མའི་བྱེ་བྲག་རྣམས། །མདོར་བསྡུས་
ནས་ནི་བཤད་པར་བྱ། །ལྟེ་བ་ལས་ནི་འདོད་ཁམས་ལྷ། །ཐིག་ལེ་གཟུགས་ཅན་མཐོ་རིས་ཏེ། །སྟེང་ནས་འགྲོ་བས་སྟེང་གི་ནི། །མྱུར་དུ་འགྲོ་བར་བྱེད་པར་འགྱུར། །སྣ་ནས་གནོད་སྦྱིན་གནས་སུ་སྟེ། །རྣ་བ་དག་ནི་གྲུབ་པའི་ལྷ། །
གལ་ཏེ་མིག་ལས་ཡེ་ཤེས་འགྲོ། །མི་རྣམས་ཀྱི་ནི་བདག་པོར་འགྱུར། །སྲིད་པའི་སྒོ་ལས་ཡི་དགས་ཏེ། །དེ་བཞིན་ཆུ་ལས་དུད་འགྲོའོ། །ཆུ་མིན་གྱིས་ནི་དམྱལ་བར་ལྟུང་། །ཐར་པའི་ལམ་ལས་གཞན་དུ་འགྲོ། །
སྔོན་དུ་བུམ་པ་བརྩམས་པ་ཡིས། །སྒོ་རྣམས་ཐམས་ཅད་བཅིང་བར་བྱ། །རྒྱལ་བ་ལྔ་ཡི་མཆོད་རྟེན་གྱི། །སྒོ་ཡི་བུ་གར་བསྒོམ་པར་བྱ། །དེ་ལ་འོག་གི་སྒོ་རུ་ནི། །ཆུ་ཡི་ས་བོན་དཀར་པོ་བསམ། །ཆུ་དང་ཆུ་མིན་སྒོ་ལ་ནི། །
མེ་ཡི་ས་བོན་འབར་བ་སྟེ། །དེ་ལ་ཤིན་དུ་མཉམ་གཞག་པས། །དབུགས་ནི་བུམ་པ་ཅན་དུ་བསྒོམ། །ལུས་ནི་རླུང་གི་མདོག་ཏུ་སྟེ། །རླུང་གི་དཀྱིལ་འཁོར་བསྒོམ་པར་བྱ། །རླུང་གི་མཐའ་ནི་རྩ་བ་ཅན། །རླུང་གི་ས་བོན་
རྩ་བར་ཏེ། །ཐིག་ལེ་སྒྲ་དང་ལྡན་པ་ཡི། །རྩ་བའི་ས་བོན་དྲང་བར་བྱ། །འོག་ཏུ་རླུང་གི་དཀྱིལ་འཁོར་གྱིས། །སྒྲ་དང་སྒྲ་ཡིས་འཕུལ་བར་བྱེད། །དུས་ལ་བབ་ན་འཕོ་བྱ་སྟེ། །དུས་མིན་ལྷ་རྣམས་གསོད་པར་འགྱུར། །
ལྷ་རྣམས་བསད་པ་ཙམ་གྱིས་ནི། །དམྱལ་བར་ངེས་པར་བསྲེག་པར་འགྱུར། །དེ་བས་འཆི་བའི་མཚན་མ་ནི། །མཁས་པས་འབད་དེ་ཤེས་པར་བྱ། །རྣལ་འབྱོར་པ་ཡིས་སྔར་བསྟན་པའི། །སྔོ་ཆེན་བདེ་བ་ཕུན་སུམ་
ཚོགས། །བསྒྲུབ་པོ་རྣམས་ཀྱིས་སྨིན་པ་ལ། །སྟེང་གི་རྩ་བ་བཟའ་བར་བྱ། །ཆུ་དང་སྐྱ་རེང་ལྡན་པ་དག །གཡོན་པའི་བདུད་རྩིར་སྦྱར་བྱས་ལ། །ཟོས་ན་ཞི་དང་རྒྱས་པ་སྟེ། །དུག་དང་རིམས་ཀྱི་ཚ་བ་འཕྲོག །ཆོ་གའི་

85-1-283b

སྦྱོར་བ་འདི་ཡིས་ནི། །རྙིངས་དང་སྨིན་པ་འཇོམས་པར་བྱེད། །ལྷ་མོ་སླར་ཡང་བཟློག་པ་ཡིས། །ནམ་མཁར་འགྲོ་བ་བརྗོད་པར་བྱ། །རླུང་དང་མེ་ཡི་བྱེ་བྲག་གིས། །རྐང་པའི་འཁོར་ལོ་སྦྱར་བྱས་ཏེ། །ཡིད་ཀྱིས་རབ་ཏུ་ཞིར་སྦྱར་
ནས། །ནམ་མཁའ་ལ་ནི་འགྲོ་འགྱུར་ཞིང་། །མཁའ་འགྲོ་ཀུན་གྱིས་བསྐོར་ནས་སུ། །ལྷ་ཡི་ལུས་ཀྱིས་ཀུན་དུ་རྩེ། །ཇི་སྲིད་ཟླ་ཉིད་ཡོད་ཀྱི་བར། །དེ་སྲིད་ནམ་མཁར་གནས་པར་འགྱུར། །སླར་ཡང་ལུགས་ལས་བཟློག་པ་ཡིས། །
ཁ་དོག་དཀར་པོའི་པད་མ་བསམ། །བསྒྲུབ་བྱའི་དབུས་སུ་སྦྱར་བ་ནི། །རྟག་ཏུ་ངག་གི་དངོས་གྲུབ་བྱེད། །རང་གི་ལུས་དབུས་བསྒོམ་བྱ་བ། །རླུང་གི་དཀྱིལ་འཁོར་འཁྲུག་པ་ལྟར། །རང་གི་ཁ་ནས་བྱུང་ནས་སུ། །བསྒྲུབ་བྱའི་ཁ་རུ་ཐིམ་
པར་བྱ། །ཉི་མ་བདུན་གྱིས་དངོས་གྲུབ་ཏུ། །འགྱུར་ཏེ་གཞན་དུ་ཡང་མ་ཡིན། །རླུང་གི་ལམ་ནས་བསྒྲུབ་བྱ་ཡི། །ལུས་ལ་ཐིམ་པར་གྱུར་བ་དང་། །དེའི་སེམས་ནི་བཟུང་ནས་སུ། །བདག་ལ་གཞུག་སྟེ་མེ་ལ་ནི། །བསམས་ཏེ་རླུང་དང་
མེ་སྦྱར་བས། །དེ་ཡི་ལུས་ནི་འཁྲུག་པར་འགྱུར། །ཚིགས་དགུ་ལས་ནི་སྟེང་གཞན་གྱིས། །མོད་ལ་འཕོ་བར་ཤེས་བྱ་སྟེ། །ཉིན་རེ་བྲམ་ཟེ་གསོད་པ་དང་། །མཚམས་མེད་ལྔ་ནི་བྱེད་པ་དང་། །རྐུ་འཕྲོག་འདོད་ལ་སྤྱོད་པ་ཡང་། །ལམ་འདི་ཡིས་ནི་
དག་འགྱུར་ཏེ། །སྡིག་པས་གོས་པར་མི་འགྱུར་ཞིང་། །སྲིད་པའི་སྐྱོན་ལས་རིང་དུ་འགྲོ། །ཇི་ལྟར་འདམ་ལས་སྐྱེས་པ་ཡི། །པད་མ་དྲི་མེད་ཡིད་འོང་བ། །དེ་བཞིན་ལུས་ཀྱི་འདམ་ལས་ནི། །ཡེ་ཤེས་སྐུ་ནི་འདོད་བཞིན་འགྲོ། །མཁའ་འགྲོ་ཀུན་དང་
མཉམ་སྦྱོར་བའི། །རྡོ་རྗེ་མཁའ་འགྲོ་བདེ་བའི་མཆོག །རྡོ་རྗེ་སེམས་དཔའ་དེ་བཞིན་གཤེགས། །བཅོམ་ལྡན་རྡོ་རྗེ་ཅན་གྱིས་གསུངས། །རྒྱུད་ཀྱི་རྒྱལ་པོ་ཆེན་པོ་དཔལ་རྡོ་རྗེ་མཁའ་འགྲོ་ལས་གོང་དུ་འཕོ་བའི་བསམ་གཏན་དང་། སེང་གེ་རྣམ་
པར་རོལ་པའི་ཕྱག་རྒྱའི་སྦྱོར་བ་འབྱུང་བའི་རིམ་པར་ཕྱེ་བ་སྟེ་ཉི་ཤུ་རྩ་གཅིག་པའོ།། །། ངག་གི་ཕྱག་རྒྱའི་མཚན་ཉིད་ནི། །དེ་ནས་ཡང་དག་བཤད་པར་བྱ། །གཡས་ཀྱི་ཆ་རུ་རྣལ་འབྱོར་པ། །གཡོན་དུ་རྣལ་འབྱོར་མ་ཉིད་དེ། །སོར་མོ་ཁར་ནི་འཇུག་བྱེད་པ། །

85-1-284a

མཁའ་འགྲོ་མ་ཡི་མཚན་མའོ། །གྷོ་གྷུ། ཐལ་མོ་སྤྱི་བོར་འཇོག་བྱེད་པ། །འབར་བྱེད་མ་ཡི་མཚན་མའོ། །གུ་གྷུ། མཐེ་བོ་འཚིར་བར་བྱེད་པ་ནི། །འཇིབ་བྱེད་མ་ཡི་མཚན་མའོ། །མུ་གྷུ། ལག་པ་རྣ་བར་རྡེབས་པ་ནི། །
བློ་ལྡན་འཕྲོག་བྱེད་རྟགས་ཡིན་ནོ། །ལུ་གྷུ། སྣ་རྩེར་སྐྱོར་མོ་རྡེབས་པ་ནི། །ཐུགས་བདེ་མི་བདེ་འདྲི་བ་ཡིན། དྃཥྚྱ། ཤ་བའི་མགོ་ལྟར་སྟོན་བྱེད་པ། །རྣལ་འབྱེད་བྱེད་པའི་མཚན་མའོ། །གན་དྷོ་དེ། གང་ཞིག་སྨིན་མའི་དབུས་རེག་པ། །
ངའི་སྙིང་སྡུག་གྲོགས་པོའོ། །ཨ་ལི་ནི་ད་ཧ། སོ་ཡིས་ལྕེ་ནི་འཚེར་བྱེད་པ། །འདུས་ནང་གཏོར་མ་བཟའ་ཞེས་པའོ། །བཀྴི་ཡོ། ལག་པ་རྩ་ལ་འཇུ་བྱེད་པ། །ཁྱོད་ཀྱི་ཁྱིམ་དུ་ངས་ཕྱིན་པའོ། །དྭི་ར་ཏི། ལག་པ་སྙིང་ཀར་ཉིད་བྱེད་ན། །
ད་ནི་ངའི་ཡིད་འོང་བའོ། །རུ་ཙ་བ་ཏ་བ་ཏ། སྣ་རྩེར་ཁུ་ཚུར་འཆང་བ་ནི། །མེད་དོ་ཞེས་ནི་སྟོན་པའོ། །ཤུ་ནྱ་ཏ། ལག་པ་བརྐྱང་སྟེ་ལྟོར་རྡེབས་ན། །ཕུན་སུམ་ལྡན་པར་ཡོད་ཞེས་པའོ། །ཀྲི་ཀ་ས་ཧ། ལྟེ་བ་རུ་ནི་ཉེད་བྱེད་ན། །ཁ་ཟས་ཟ་བར་
འདོད་པའོ། །ཙན་ཌ་ལི་ཀ །མཛུབ་མོ་མདུན་དུ་སྟོན་བྱེད་ན། །ཞེ་གནག་གཏུམ་ལ་དྲག་པའོ། །ནཱི་ལ་དན་ཏ་བ་ཏ། སྨིན་མ་ལ་ནི་རེག་བྱེད་ན། །འདིར་འདོད་པ་ནི་ད་ལྟ་སྟོན། །ཨ་ནྃ་ག་ཡུ་ཏ། ལྕེ་ནི་འདྲིལ་བར་བྱེད་པ་དག །ད་ལྟ་འཆི་
ཞེས་བྱ་བའོ། །དུར་ག་ཏི། ཀུན་དུ་ལྟ་བར་བྱེད་པ་ནི། །ཚེས་གྲངས་ཤེས་པར་འདོད་པའོ། །ཏ་ར་ག་ན། ཚེས་གཅིག་ནས་ནི་བརྩམས་ནས་སུ། །མཐེ་བོས་རི་མོ་བྲི་བར་བྱ། །ཉི་ཚོད་ཡི་གེ་ལ་སོགས་པ། །སྔར་བསྟན་བ་
བཞིན་དུ་མདུན་དུ་རེག །གི་རི། སྟེང་དུ་ལྟ་བར་བྱེད་པ་ནི། །ཉིན་ཕྱེད་དགའ་བས་རོལ་བའོ། །ས་མ་ཚ་ཡ། འཛུམ་དང་བཅས་པར་ལྟ་བྱེད་ཅིང་། །ལག་པས་ལག་པ་བཟུང་ནས་སུ། །རྒྱ་མཚོ་ལྟ་བུར་སྟོན་བྱེད་པ། །ནོར་ཟས་བྱིན་ཞེས་
བྱ་བའོ། །ཛིར་ན་པ་ཏ། ལག་གཉིས་ཁུ་ཚུར་འཆང་བྱེད་ན། །ད་ལྟར་འགྲོགས་ལ་འདོད་ཞེས་པའོ། །ས་ལ་བབ་ཏ། མཐེ་འོ་ཡིས་ནི་སྲིན་ལག་ལ། །རེག་པ་འཆི་བར་མི་འགྱུར་བའོ། །སོ་མ། མཐེ་བོ་ཁྲོ་བོ་བཟའ་ལ་སོགས། སུརྱ།

85-1-284b

མཁའ་འགྲོ་ཀུན་དང་མཉམ་སྦྱོར་བའི། །རྡོ་རྗེ་མཁའ་འགྲོ་བདེ་བའི་མཆོག །རྡོ་རྗེ་སེམས་དཔའ་དེ་བཞིན་གཤེགས། །བཅོམ་ལྡན་རྡོ་རྗེ་ཅན་གྱིས་གསུངས། །རྒྱུད་ཀྱི་རྒྱལ་པོ་ཆེན་པོ་དཔལ་རྡོ་རྗེ་མཁའ་འགྲོ་ལས་རྣལ་འབྱོར་མ་
རྣམས་ཀྱི་ངག་གི་ཕྱག་རྒྱའི་བརྡ་ཡིས་རོལ་པའི་ཆོ་གའི་རིམ་པར་ཕྱེ་བ་སྟེ་ཉི་ཤུ་རྩ་གཉིས་པའོ།། །། ལྷ་མོས་སླར་ཡང་གར་མཛད་དེ། །གླུ་འདི་ཡིས་ནི་མཉེས་པར་བྱས། །ཨེ་བྃ་སི་ཏ་ཨ་རུ་ན་ནི་བྷ། ཛ་ནི་ཏེ་མེ་དྷྱ་མ་ག་མ་ཨཱ་ག་མ་དྷ་མ་
པཱ་སི་ནི་སཱ་སཱ་སཱ། ནི་ག་མ་སཱ་སཱ་སཱ། རི་ག་མོ་བྷུ་པ་ཏི། ས་རི་རི་ས་རི་རཱི་སཱ་སཱ་སཱ། མ་དྷྱ་མ་ཨ་དྷ་མ་སཱ་སཱ་སཱ། ཤྲུ་ཏ་ནི་ས་སཱ་སཱ་སཱ། ས་ནི་ས་རི་ཏ་གྷ་མ་གྷ་མ། ཨ་དྷ་མ་དྷ་མ་སཱ་སཱ་སཱ། བ་བ་མ་ཡ་བ་བ་དྷ་ན་མོ་ཞེས་བྱའོ། །
ཤར་དུ་མེའོ། །གཤིན་རྗེར་ནི་བྲེའོ། །ནུབ་དུ་ནི་མིའོ། །བྱང་དུ་ནི་ཀུའོ། །མེ་མཚམས་སུ་ནི་དྷ་སིའོ། །བདེན་བྲལ་དུ་ནི་མ་ཀའོ། །རླུང་མཚམས་སུ་ནི་ཏུ་ཀུའོ། །དབང་ལྡན་དུ་ནི་བི་མོའོ། །ཨ་ནི་སྒུར་པོའོ། །ཨི་ནི་ཟླ་བ་ལ་སྐྱེས་པའོ། །ཨུ་ནི་ལྷའི་བླ་
མའིའོ། །ཨེ་ནི་པ་བ་སངས་ཀྱིའོ། །ཨོ་ནི་ཉི་མའི་བུའིའོ། །ཨྃ་ནི་གཟའི་བདག་པོ་རི་འོང་ཅན་ནོ། །ཨ་ནི་ཉི་མའོ། །གཟའ་རྣམས་ཀྱི་ནི་ཆོ་ག་ལས། །ཟླ་བ་ཉི་མའི་བརྗོད་པར་བྱ། །ཟླ་བ་ཀརྐ་ཊ་ལ་དབང་། །ཉི་མ་གདོང་ལྔ་པ་ལ་སྟེ། །གཟའ་རྣམས་
ལྷག་མ་ཇི་སྙེད་པ། །ར་སི་གཉིས་གཉིས་ལ་ནི་སྤྱོད། །སྒང་གཤོང་འཁོར་ལོ་ཁྱོད་ཀྱིས་བཤད། །སྐར་མ་དུས་དང་ཉི་མ་ཡི། །བྱེ་བྲག་དག་ནི་མི་འཚལ་ཏེ། །བདེ་བ་ཆེན་པོས་བཤད་དུ་གསོལ། །བཀའ་སྩལ་པ། ལུག་དང་རོ་ཧི་ཏ་སོགས་
པ། །གང་གི་འཆི་བ་བཤད་ཀྱིས་ཉོན། །མདོར་བསྡུས་ནས་ནི་བརྗོད་པར་བྱ། །ཟླ་བ་དང་ནི་ཚེས་གྲངས་དང་། །སྐར་མ་ཡི་ནི་དུས་དང་ལྡན། །གདོན་དང་ནད་ནི་དེ་བཞིན་ཏེ། །སྒང་གཤོར་ར་སི་ཚད་མ་ནི། །གང་ཞིག་ལས་ནི་སྐྱེས་པའི་
བརྗོད། །བ་ཏྲ་ཡི་ནི་ཉི་མ་ལ། །དགུན་ཟླ་ར་བའི་ཟླ་བ་ཡི། །གཟའ་ནི་མིག་དམར་དག་དང་ནི། །རྒྱུ་སྐར་སྨིན་དྲུག་ལྡན་གྱུར་པ། །དེ་ནི་དེ་ཡི་འཆི་དུས་ཡིན། །སུས་ཀྱང་བསྐྱབ་པར་མི་ནུས་སོ། །ཁྱུ་མཆོག་གི་ནི་ཉི་མ་ལ། །ལུས་ཀྱི་

85-1-285a

མཚན་མ་ལ་སོགས་དང་། །སྨྱོ་ཞིང་འགུལ་བའི་ནད་ཀྱིས་ནི། །འཆི་བར་འགྱུར་བ་བཤད་པར་བྱ། །དེ་བཞིན་དགུན་ཟླ་འབྲིང་པོ་ཡི། །གཟའ་ལག་དང་ནི་སྣར་མར་ལྡན། །ཉི་མ་བཞི་པ་དེ་ལ་ནི། །དགོངས་མོ་འཆི་འགྱུར་ཐེ་
ཚོམ་མེད། །དགུན་ཟླ་ཐ་ཆུངས་ལྷ་མོ་ཆེ། །སྐར་མ་མགོ་དང་ལྡན་པ་དང་། །གཟའ་ནི་གཟའ་ལག་བཅས་པ་ལ། །འཁྲིག་པའི་མི་ནི་གང་ཡིན་པ། །ཉི་མ་དྲུག་ལ་འཆི་བར་འགྱུར། །དཔྱིད་ཟླ་ར་བའི་ཚེས་བརྒྱད་ལ། །སྐར་མ་མགོ་དང་
ལྡན་པ་དང་། །གཟའ་ནི་པ་བ་སངས་འཛོམ་ཞིང་། །ཉི་མ་སྔ་དྲོའི་དུས་ལ་ནི། །ཀརྐ་ཊ་ནི་འཆི་བར་འགྱུར། །དཔྱིད་ཟླ་འབྲིང་པོའི་གཉིས་ལྔ་ལ། །སྐར་མ་མཆུ་དང་ལྡན་པ་དང་། །གཟའ་ནི་སྤེན་པར་ལྡན་པ་ལ། །སེང་གེའི་མི་ནི་འཆི་
བར་འགྱུར། །དཔྱིད་ཟླ་ཐ་ཆུངས་བཅུ་གཉིས་ལ། །སྐར་མ་ནག་པར་ལྡན་པ་དང་། །གཟའ་ནི་ཉི་མ་དག་ལ་ནི། །སྐྲན་དང་གཟེར་བའི་ནད་ཀྱིས་ནི། །བུ་མོའི་མི་ནི་འཆི་བར་འགྱུར། །དབྱར་ཟླ་ར་བའི་བཅུ་བཞི་ལ། །སྐར་མ་ལྷ་
མཚམས་ལྡན་པ་དང་། །གཟའ་ནི་མིག་དམར་དག་ལ་ནི། །སྲང་གི་མི་ནི་འཆི་བར་འགྱུར། །དབྱར་ཟླ་འབྲིང་པོའི་བཅུ་གཅིག་ལ། །ནག་པ་དང་ནི་མིག་དམར་ལ། །སྡིག་པའི་མི་ནི་འཆི་བར་འགྱུར། །དབྱར་ཟླ་ཐ་ཆུངས་ཚེས་
དགུ་ལ། །སྐར་མ་དྲོ་ཞུན་ལྡན་པ་དང་། །གཞུའི་མི་ནི་འཆི་བར་འགྱུར། །དེ་དག་ངེས་པར་ལྡན་གྱུར་ན། །འཆི་འགྱུར་བདེན་པར་ང་ཡིས་བཤད། །སྟོན་ཟླ་ར་བའི་བདུན་པ་ལ། །སྐར་མ་རྒྱལ་དང་ལྡན་པ་དང་། །གཟའ་ནི་ཟླ་
བར་བཅས་པ་ལ། །ཆུ་སྲིན་མི་ནི་འཆི་བར་འགྱུར། །སྟོན་ཟླ་འབྲིང་པོའི་བཅུ་གསུམ་ལ། །སྐར་མ་ཐ་སྐར་ལྡན་པ་དང་། །གཟའ་ནི་ཟླ་བར་བཅས་པ་ལ། །བུམ་པའི་མི་ནི་ཟད་པར་འགྲོ། །སྟོན་ཟླ་ཐ་ཆུངས་སྒྱུ་མ་ཆེ། །ཉི་མ་
དག་ནི་བརྒྱད་པ་ལ། །སྐར་མ་ནམ་གྲུར་ལྡན་པ་དང་། །གཟའ་ནི་སྤེན་པར་བཅས་པ་ལ། །ཉའི་མི་ནི་འཆི་བར་འགྱུར། །སྔོན་དུ་སྐྱེ་དུས་ཤེས་བྱ་སྟེ། །ཕྱི་ནས་དུས་ནི་རྩི་བར་བྱ། །གཞན་དུ་དུས་ནི་སྨྲ་བ་དག །ཐམས་ཅད་དོན་མེད་ཉིད་

85-1-285b

དུ་འགྱུར། །སྐྱེ་དུས་ཤིན་ཏུ་མཉམ་བཞག་སྟེ། །ཞི་དང་དྲག་པོ་དཔྱད་པར་བྱ། །ཚེ་དང་འཆི་དུས་ལ་སོགས་པ། །དེ་ནས་དེ་ལྟར་ལུང་བསྟན་ཞེས། །མཁའ་འགྲོ་ཀུན་དང་མཉམ་སྦྱོར་བའི། །རྡོ་རྗེ་མཁའ་འགྲོ་བདེ་བའི་མཆོག །
རྡོ་རྗེ་སེམས་དཔའ་དེ་བཞིན་གཤེགས། །བཅོམ་ལྡན་རྡོ་རྗེ་ཅན་གྱིས་གསུངས། །རྒྱུད་ཀྱི་རྒྱལ་པོ་ཆེན་པོ་དཔལ་རྡོ་རྗེ་མཁའ་འགྲོ་ལས་གཟའ་དང་ཉི་མའི་ངེས་པར་འཆི་བ་ཚར་གཅད་པའི་དབང་དུ་བྱས་པའི་རིམ་པར་ཕྱེ་བ་སྟེ་ཉི་ཤུ་རྩ་
གསུམ་པའོ།། །། ལྟས་ཀྱི་མཚན་ཉིད་དགེ་བ་ནི། །རབ་ཏུ་བཤད་ཀྱིས་ལྷ་མོ་ཉོན། །ཨཱ་ལི་ཀཱ་ལི་མཉམ་བྱས་ལ། །སྡེ་ཚན་དུ་ནི་བསྡེབ་པར་བྱ། །དབྱངས་དང་གསལ་བྱེད་དང་པོ་སོགས། །བལྟས་ཏེ་མིང་ནི་གཟུང་
བར་བྱ། །ཆ་ཤས་ལྡན་ལ་སྙིང་སྟོབས་ཅན། །དེ་ཡི་རིགས་ནི་ཤེས་པར་བྱ། །མཐའ་ཡས་ལ་སོགས་ཀླུ་རྣམས་དང་། །ཉི་མ་ལ་སོགས་དེ་བཞིན་གཟའ། །མཁའ་འགྲོ་མ་སོགས་མ་མོ་རྣམས། །དེ་ཡི་རིགས་སུ་རབ་ཏུ་
གྲགས། །ལྷ་རྣམས་ཐམས་ཅད་ཉིད་དང་ནི། །སྔགས་རྣམས་ཐམས་ཅད་དེ་ལས་སྐྱེས། །སྐྱེ་བོ་ཐམས་ཅད་སྐྱེད་བྱེད་མ། །དེས་ན་མ་ཞེས་བྱ་བར་བརྗོད། །ཨ་ཡིག་དང་ནི་དེ་བཞིན་ཨ། །ཀ་ཙ་ཊ་དང་ཡང་དག་ལྡན། །ཏ་པ་དང་
ནི་ཡ་ཤ་སྟེ། །སྡེ་དགུ་ཡི་ནི་ཡི་གེའོ། །ཨི་དང་སླར་ཡང་ལྷ་མོ་ཨཱི། །དེ་བཞིན་གཞན་ཡང་ཁ་ཚ་ཋ། །ཐ་ཕ་དང་ནི་ར་ཥ་ཉིད། །སྡེ་ཚན་གཉིས་པ་ཡིན་པར་བརྗོད། །ཨུ་དང་ལྷ་མོ་དེ་བཞིན་ཨཱུ། །ག་ཛ་ཌ་དང་ཡང་དག་ལྡན། །
ད་བ་དང་ནི་ལ་ས་སྟེ། །དེ་དག་སྡེ་ཚན་གསུམ་པ་ཡིན། །ཡི་གེ་ཨེ་དང་དེ་བཞིན་ཨཻ། །དེ་བཞིན་སླར་ཡང་གྷ་ཛྷ་ཌྷ། །དྷ་བྷ་ཝ་ཧ་སླར་དེ་བཞིན། །འདི་དག་སྡེ་ཚན་བཞི་པ་ཡིན། །ཨོ་ཡིག་དང་ནི་ཨཽ་ཡིག་དང་། །ཨྃ་ཞེས་བྱ་དང་
ཚེག་དྲག་བཅས། །སླར་ཡང་ང་ཉ་ཎ་ན་མ། །འདི་དགུ་སྡེ་ཚན་ལྔ་པ་ཡིན། །ཀུན་ཏུ་བཞི་བཅུ་རྩ་བཞི་དང་། །ལྷག་མ་ལྔ་དང་བཅས་པར་བྱ། །དེ་དག་སྐྱེ་བོ་ཐམས་ཅད་ཀྱི། །སྐྱེ་དང་འཇིག་པར་ཡང་དག་གནས། །ཡི་གེ་བཅུ་གཉིས་

85-1-286a

སྒྱུ་འཕྲུལ་ཆེ། །འཚོ་དང་དུས་ཀྱི་རང་བཞིན་བརྗོད། །དེ་དག་ར་སི་ཞེས་བྱ་བ། །སྐར་མ་ཀུན་དང་ཡང་དག་ལྡན། །ཟླ་བ་ཉི་མའི་བྱེ་བྲག་གིས། །དེ་བཞིན་འོག་དང་སྟེང་དུ་ལྟ། །བརྟན་པ་ཉིད་དང་གཡོ་བ་ཉིད། །གཉིས་པོ་
གཉིས་སུ་བརྗོད་པ་ཡིན། །རྐྱང་པ་དང་ནི་སྦྱར་བ་སྟེ། །རིང་དང་ཐུང་དང་ཕམ་དང་རྒྱལ། །དེ་ལས་སྟེང་གི་རྒྱལ་བ་སྟེ། །འོག་ནི་འཆི་བར་ཤེས་པར་བྱ། །ཉི་མའི་རྒྱུ་བར་འགྲོ་བ་ཡི། །གཟའ་དང་ར་སི་སྐར་མ་རྣམས། །ཉི་མ་ལ་ནི་གནས་
ཏེ་འཆར། །ར་སི་གཟའ་དང་གསུམ་པར་འདོད། །དབུགས་རྒྱུ་བ་དང་ཡང་དག་ལྡན། །ཐམས་ཅད་ར་སིར་ཤེས་པར་བྱ། །ཀརྐ་ཊ་དང་གླང་པོའི་དགྲ། །དེ་བཞིན་གཞོན་ནུ་མ་དང་སྲས། །ཆ་ཤས་དྲུག་དང་ཡང་དག་ལྡན། །གཟའ་ཡིས་
བསྐུལ་ནས་འཆར་བར་འགྱུར། །སྡིག་པ་དང་ནི་ཆུ་སྐྱེས་དང་། །ཁྱུ་མཆོག་དང་ནི་བུམ་པར་བཅས། །ཆ་ཤས་ལྔ་ཡི་ཚད་དང་ལྡན། །གཟའ་ཡིས་བསྐུལ་ནས་འཆར་བར་འགྱུར། །ཉ་དང་ལུག་དང་དེ་བཞིན་དུ། །གཞུ་དང་ཟུང་དུ་སྤྲོད་པ་དག །
ཆ་ཤས་བཞི་དང་ཡང་དག་ལྡན། །སྔ་མ་བཞིན་དུ་འཆར་བར་འགྱུར། །སླར་ཡང་ལྟས་དང་བཅས་པ་ཡི། །གཟའ་རྣམས་འཆར་བར་བཤད་པར་བྱ། །འབྲས་བུའི་མིག་དང་ལྡན་པར་བྱ། །ལྟས་ཆེན་འབྱུང་བ་མཉན་པར་
གྱིས། །ནག་མོ་དང་། གཙིགས་མ་དང་། འཇིགས་སུ་རུང་མ་དང་། རྒ་ལས་འདས་མ་དང་། ལོག་འདྲེན་མ་དང་། གཏུམ་མོ་དང་། དྲག་མོའི་གཟུགས་ཅན་མ་དང་། དཀའ་ཟློག་ལྷ་མོ་དང་། རྒྱལ་མ་དང་། རྣམ་
པར་རྒྱལ་མ་དང་། མི་ཐུབ་མ་དང་། གཞན་གྱིས་མི་ཐུབ་མ་དང་། ནག་མོ་བཟང་མོ་དང་། ནག་མོ་ཆེན་མོ་དང་། ནག་མོ་སྦོམ་མོ་དང་། དབང་མོ་དང་། ཟླ་བ་མོ་དང་། དྲག་མོ་དང་། སྡང་མ་དང་། འཕྱང་བ་མ་དང་། སུམ་
བཅུའི་དབང་མོ་དང་། འཕྲོག་བྱེད་མ་དང་། འབར་མ་དང་། འཇིབ་བྱེད་མ་དང་། ལྷ་མོ་འདི་རྣམས་མིང་དང་ནི། །ལྟས་ཆེན་ཉི་ཤུ་རྩ་བཞི་ཡི། །མིང་ནི་མཚུངས་པས་འབྲས་བུ་སྟེར། །ཉིས་འགྱུར་དུ་ནི་བྱས་ནས་སུ། །དབང་པོའི་ཆ་དང་

85-1-286b

ཡང་དག་ལྡན། །ལྟས་ནི་ལྷག་མ་བཟུང་ནས་སུ། །ལྟས་ནི་ཤེས་པ་ཉིད་དུ་བྱ། །ནག་མོ་དང་ནི་འཇིགས་རུང་དང་། །དྲག་མོའི་གཟུགས་དང་དཀའ་ཟློག་ཉིད། །ནག་སྦོམ་མ་དང་རྒྱལ་མ་དང་། །དྲག་མོ་སུམ་བཅུའི་དབང་མོ་དང་། །
འཕྲོག་བྱེད་མ་དང་འཇིབ་བྱེད་མ། །བཅུ་པོ་འདི་དག་རྩུབ་པོར་གྲགས། །བག་མ་ལེན་དང་བཀྲ་ཤིས་དང་། །གྲོང་དང་ཚོང་འདུས་གཟུགས་པ་དང་། །ལམ་དུ་དཔག་དང་ཐབ་མོ་དང་། །ཆེན་པོའི་སར་ནི་དབྱུང་བ་སོགས། །
ལྟས་དེ་ལས་ནི་འབྲས་མེད་པས། །དགེ་བའི་ལས་རྣམས་མི་བྱ་སྟེ། །རིགས་དེ་རྣམས་ལ་སྒྱུ་མ་ཆེ། །བཟང་པོའི་ལས་ནི་སྤང་བར་བྱ། །དགེ་བས་ཀྱང་ནི་གསོད་འགྱུར་ན། །དྲག་པོའི་ལས་ཀྱིས་སྨོས་ཅི་དགོས། །ལུས་ལ་གནས་
པའི་དབུགས་དང་ནི། །ཕྱི་རོལ་གཟའ་དང་ར་སི་སྟེ། །ཕྱི་དང་ནང་དུ་བཅས་པ་ཡི། །རྒྱུ་བ་ཤེས་ན་འགྲུབ་པར་འགྱུར། །གཟའ་གང་ཡིན་པ་དབྱངས་ཤེས་བྱ། །དབྱངས་གང་ཡིན་པ་དེ་ཉིད་ཀྱང་། །ར་སི་ཉིད་དུ་ཤེས་པར་བྱ། །དབྱངས་དང་ར་སི་དེ་བཞིན་དུ། །
སྐར་མའང་དབྱངས་ཀྱི་གཟུགས་སུ་བལྟ། །ཕན་ཚུན་སྦྱོར་བ་མ་གཏོགས་པར། །འབྲས་བུ་འགྲུབ་པར་མི་འགྱུར་རོ། །གཡོ་བ་འཆར་ལ་གཡོ་བའི་ལས། །བརྟན་པ་ལ་ནི་མི་གཡོར་འགྱུར། །འདྲེན་མ་ཡིས་ནི་འདྲེན་མ་སྟེ། །ཕྱི་དང་ནང་དུ་བཅས་
པས་གསལ། །མཁའ་འགྲོ་ཀུན་དང་མཉམ་སྦྱོར་བའི། །རྡོ་རྗེ་མཁའ་འགྲོ་བདེ་བའི་མཆོག །རྡོ་རྗེ་སེམས་དཔའ་དེ་བཞིན་གཤེགས། །བཅོམ་ལྡན་རྡོ་རྗེ་ཅན་གྱིས་གསུངས། །རྒྱུད་ཀྱི་རྒྱལ་པོ་ཆེན་པོ་དཔལ་རྡོ་རྗེ་མཁའ་འགྲོ་ལས་གཟའ་རྣམས་
ཀྱི་རྒྱུ་བ་དང་སྡེ་ཚན་གྱི་ལྟས་ཀྱི་ཆོ་གའི་རིམ་པར་ཕྱེ་བ་སྟེ་ཉི་ཤུ་རྩ་བཞི་པའོ།། །། ད་ནི་གཟའ་དང་སྐར་མ་རུ། །བཅས་པའི་རྒྱུ་བ་བཤད་ཀྱིས་ཉོན། །ཉི་མ་རྒྱུ་བའི་ཉིན་མོ་ནི། །ཐུན་ཕྱེད་ལྔ་དང་བདུན་པ་ལ། །བྱ་བ་ཅི་ཡང་མི་
འགྲུབ་བོ། །ཟླ་བ་ཡི་ནི་བཞི་དང་དྲུག །མིག་དམར་གྱི་ནི་གསུམ་དང་ལྔ། །གཟའ་ལག་གཉིས་དང་བཞི་པ་ལ། །གདོན་མི་ཟ་བར་འཇོམས་པར་འགྱུར། །བླ་མས་དང་པོ་གསུམ་པ་ལ། །འཆི་བ་ཉིད་དུ་འགྱུར་བ་ཡིན། །ངན་སྤོང་གི་ནི་གཉིས་པ་དང་། །

85-1-287a

བདུན་པ་ལ་ནི་ཤེས་པར་བྱ། །དལ་བ་ཡི་ནི་དང་པོ་དང་། །དྲུག་པ་ལ་ནི་འཆི་བར་བྱེད། །རིགས་དེ་དག་ལ་འཆར་བ་ཡི། །དུས་ནི་ཡོངས་སུ་ཆད་པར་བསྟན། །དེ་དག་ཐུན་མོང་མཚན་ཉིད་དེ། །རྣལ་འབྱོར་པ་ཡི་གཞན་བཤད་ཉོན། །ལྔ་ནས་ཉི་ཤུ་
ལྔའི་བར་འདི་དག་ནི་བརྗོད་བྱ་སྟེ། །དེ་ལས་བཅུ་གསུམ་གསུམ་གྱི་བར་དུ་རེ་རེ་སྤེལ་བར་བྱ། །དགུན་ཟླ་ཐ་ཆུངས་ཉི་མ་ལ་མཚུངས་གསུམ་མིག་ཟླ་བ་དྲུག །གསུམ་ཟུང་ཟླ་སྟེ་ཟླ་ལྷག་ཚེས་ཕྱོགས་མདའ་ཡོན་ཏན། །ཐིག་ལེ་དེ་དག་གི་ནི་འཚོ་བ་ཡང་
དག་བཤད་པ་ཡིན། །ལྔ་ལས་བཅུའི་བར་དང་དེ་བཞིན་བཅུ་ནས་ནི། །བཅུ་ལྔའི་བར་ཏེ་དེ་ནས་ཉི་ཤུའི་བར་དང་ནི། །དེ་ནས་ཉི་ཤུ་ལྔ་ཡི་བར་དུ་སྦྱང་བར་བྱ། །དེ་ནས་བསྒྲུབ་པོས་ཤེས་བྱ་བ། །གནས་སྐབས་འགྱུར་བ་བཤད་པར་བྱ། །
ཟླ་བ་གང་ལ་གནས་པ་ཡི། །དང་པོ་སྐར་མ་བསྒྲང་བར་བྱ། །ཉི་མ་ཡི་ནི་ཆུ་ཚོད་དག །ཇི་སྙེད་འདས་པ་དེ་སྙེད་ནི། །ཟླ་བའི་གནས་སྐབས་རྒྱུ་བའི་ཕྱིར། །དེ་ནི་དྲུག་བཅུར་བསྒྱུར་བར་བྱ། །སླར་ཡང་ཉི་ཚོད་ཟླ་བ་བསྣན། །དྲུག་བཅུ་རུ་ནི་
བསྒྱུར་བྱས་ལ། །མདའ་དང་སྲེག་བྱེད་རོ་ཡི་ནི། །དབང་པོར་བཅས་པས་དེ་བཞིན་གཅད། །བཅུ་གཉིས་དག་གི་ནང་ནས་ནི། །ལྷག་མའི་ཆ་ཤས་གཟུང་བར་བྱ། །ལྷག་མའི་ཆ་ཤས་དེ་ཡི་ནི། །སྐྱིད་སྡུག་གནས་སྐབས་མྱོང་བར་
འགྱུར། །ཉིན་དང་མཚན་གྱི་སྦྱོར་བ་ཡིས། །ལྷག་མའི་ཆུ་ཚོད་ཏུ་ནི་བརྗོད། །དང་པོའི་ཟླ་བར་རབ་གནས་པ། །དེ་ཡི་བྱ་བ་ཉམས་པར་འགྱུར། །གཉིས་པ་བཀྲ་ཤིས་ཤིས་པ་སྟེ། །གསུམ་པ་འཆི་སྟེ་གསོད་པར་འགྱུར། །བཞི་པ་དགོད་
ཏེ་ཚིམ་པར་འགྱུར། །ལྔ་པ་ནོར་ཏེ་རྙེད་པར་འགྱུར། །དྲུག་པ་རིམས་ཏེ་ལུས་འཇིག་འགྱུར། །བདུན་པ་ལ་ནི་དགའ་བ་སྟེ། །ཚིམ་པ་ཉིད་ནི་འཐོབ་པར་འགྱུར། །བརྒྱད་པ་འཇིག་རྟེན་བརླག་པར་འགྱུར། །ཟླ་བ་དགུ་པར་གནས་པ་
ཡིས། །ལུས་ནི་དགྲ་དང་བཅས་པར་འགྱུར། །བཅུ་པ་དགའ་མགུར་རྩེ་འགྱུར་ཞིང་། །སྣ་ཚོགས་པས་ནི་རྒྱལ་བར་འགྱུར། །བཅུ་གཅིག་སྣ་ཚོགས་འཇིགས་པས་གདུང་། །བཅུ་གཉིས་པ་ནི་ལོངས་སྤྱོད་དེ། །བདེ་བ་ཆེན་པོས་རྒྱལ་

85-1-287b

བར་འགྱུར། །ལུག་ལ་སོགས་པ་བསྟན་པ་ཡིས། །ཟླ་བ་རིམ་པ་བཞིན་དུ་རྒྱུ། །མཁའ་འགྲོ་ཀུན་དང་མཉམ་སྦྱོར་བའི། །རྡོ་རྗེ་མཁའ་འགྲོ་བདེ་བའི་མཆོག །རྡོ་རྗེ་སེམས་དཔའ་དེ་བཞིན་གཤེགས། །བཅོམ་ལྡན་རྡོ་རྗེ་ཅན་གྱིས་
གསུངས། །རྒྱུད་ཀྱི་རྒྱལ་པོ་ཆེན་པོ་དཔལ་རྡོ་རྗེ་མཁའ་འགྲོ་ལས་ཐམས་ཅད་རྒྱུ་བའི་རིམ་པར་ཕྱེ་བ་སྟེ་ཉི་ཤུ་རྩ་ལྔ་པའོ།། །། དེ་ནས་བཅོམ་ལྡན་འདས་ལ་ལྷ་མོས་མཆོད་ཅིང་ཕྱག་བྱས་ནས་འདི་སྐད་ཅེས་གསོལ་ཏོ། །
སྒང་གཤོང་འཁོར་ལོ་ཁྱོད་བཤད་པ། །དེ་རྣམས་དབྱེ་བ་ཅི་འདྲ་དང་། །དུས་ཀྱི་གྲངས་ནི་ཇི་བཞིན་གསུངས། །རྒྱུ་བ་ཡི་ནི་ཁྱད་པར་དག །འདི་ལ་བདག་ནི་ཐེ་ཚོམ་སྐྱེས། །བདེ་བ་ཆེན་པོས་བཤད་དུ་གསོལ། །སྒྱུ་མ་ཀུན་གྱིས་རྣམ་རོལ་པ། །
ཉོན་ཅིག་ལྷ་མོ་རྒྱུ་མ་ཆེ། །དུས་ཀྱི་བགྲང་བ་ལུས་མེད་ཅིང་། །ཐམས་ཅད་ཏུ་ནི་ཐམས་ཅད་གནས། །དངོས་པོ་ཀུན་ལ་ཁྱབ་པ་སྟེ། །ལུས་ལ་གནས་ཀྱང་ལུས་མི་སྐྱེ། །དུས་ཉིད་དུས་ནི་མེད་པ་དང་། །འཇིག་རྟེན་ཉིད་ནི་འཇིག་རྟེན་མིན། །
བདེན་པ་དང་ནི་བརྫུན་པ་མིན། །ལྷ་ཁྱོད་ཀྱིས་ནི་སྔར་བཤད་པའི། །བསམ་གྱིས་མི་ཁྱབ་དུས་མཚན་ཉིད། །གང་ཞིང་ཁྱོད་ཀྱིས་བཤད་པ་སྟེ། །དོན་དམ་ཤིན་དུ་རྙེད་དཀའ་བ། །ལུས་ལས་འདས་ཤིང་དྲི་མེད་པ། །རྣལ་འབྱོར་པ་ཡིས་
ཇི་ལྟར་རྟོགས། །སྐྱེ་བོ་ཀུན་ལ་སྨན་སླད་ཏུ། །དབུགས་ཀྱི་ངེས་པ་བཤད་དུ་གསོལ། །བཅོམ་ལྡན་འདས་ཀྱིས་བཀའ་སྩལ་པ། །ནད་མེད་རླུང་དང་བྲལ་བ་དང་། །ཁམས་ནི་སྙོམས་པར་གནས་པ་དང་། །རན་པར་ཟ་ཞིང་ཚུལ་བཞིན་
རྒྱུ། །དེ་ཡི་མིག་བཙུམས་གཟུང་བར་བྱ། །མིག་བཙུམས་མིག་ནི་བཙུམས་པ་སྟེ། །མིག་བཙུམས་དྲུག་ལ་ཆ་ཤས་ནི། །གཅིག་ཅེས་བྱ་བར་བརྗོད་པ་ཡིན། །ཡུད་ཙམ་དྲུག་ནི་སྐད་ཅིག་སྟེ། །སྐད་ཅིག་དྲུག་ནི་ཐང་ཅིག་
ཡིན། །ཐང་ཅིག་དྲུག་ནི་ཆུང་ཟད་ཡིན། །དུས་ཀྱི་གོ་རིམས་བྱ་བ་འདིས། །སུམ་བཅུ་ཐམ་པར་བསྒྱུར་བ་ལ། །ཡི་གེ་ལྕི་བའི་དུས་ཞེས་བརྗོད། །ཡི་གེ་ལྕི་བ་བཅུ་ལ་ནི། །སྲོག་གཅིག་ཅེས་བྱའི་དུས་སུ་བཤད། །

85-1-288a

དེ་ནི་བཅུ་གསུམ་བསྒྱུར་བ་ལས། །དེ་ཡང་གཉིས་སུ་བསྒྱུར་བ་ནི། །སྲང་གཅིག་ཞེས་ནི་བརྗོད་པ་ཡིན། །སྲང་ནི་དྲུག་བཅུ་ཐམ་པ་ལ། །ཆུ་ཚོད་གཅིག་ཏུ་བཞེད་པ་ཡིན། །དེ་བརྒྱད་ཐུན་གཅིག་ཞེས་བྱའོ། །དེ་བཞིན་
ལ་ནི་ཉིན་གཅིག་གོ། །ཉིན་མཚན་དུས་ནི་མཉམ་པ་ལ། །མཚན་མོའང་དེ་དང་མཉམ་པར་བཤད། །ཆུ་སྲིན་ནས་ནི་སྦལ་པའི་བར། །ཉི་མ་འཕེལ་བར་བརྗོད་པ་སྟེ། །ལྷ་མོ་སྲང་ནི་གསུམ་གསུམ་གྱིས། །ཉིན་རེ་ཞིང་ནི་སྤེལ་བར་བྱ། །
ཆུ་སྲིན་ལས་ནི་འདས་ནས་སུ། །མཚན་མོ་སྲང་ནི་གསུམ་གསུམ་འབྲི། །ཚད་མ་དེ་དག་བསྟན་པའི་ཕྱིར། །ཟངས་མ་སྲང་ནི་བཅུ་གཉིས་ལ། །སྣོད་ནི་སྤངས་སུ་སོར་བརྒྱད་དང་། །རྒྱར་ནི་སོར་མོ་བཅུ་གཉིས་པ། །ལེགས་པ་
ཉིད་དུ་བརྡུང་བར་བྱ། །གསེར་ནི་འོལ་སེ་སུམ་བཅུ་ལས། །སོར་དྲུག་པ་ཡི་ཚད་ཙམ་དུ། །ཐུར་མ་ལེགས་པར་བརྡུངས་ནས་ནི། །ཐུར་མ་དེ་ཡིས་བུ་ག་ནི། །ཟངས་མའི་སྣོད་ལ་མཁས་པས་དབུག །ཆུ་ནི་རྙོག་མ་མེད་པ་ལས། །
སྲང་ནི་དྲུག་བཅུའི་ཚད་དུ་བྱ། །སྲང་འདིས་ཆུ་ཚོད་ཚད་ཡིན་ཏེ། །སྐྱེ་བོ་རྣམས་ལ་ཕན་ཕྱིར་བཤད། །ཆུ་ཚོད་དེ་ནི་ཡུད་ཙམ་སྟེ། །ཐུན་ཕྱེད་དང་ནི་ཐུན་གཅིག་དང་། །ཉིན་དང་མཚན་མོའི་ཚད་ཀྱིས་ནི། །རིམ་བཞིན་ཟླ་ཕྱེད་ཟླ་བར་
སྤེལ། །ཟླ་བ་གཉིས་ནི་དུས་ཡིན་ཏེ། །དེ་གསུམ་ཉི་མ་འགྲོ་ལྡོག་བརྗོད། །ཉི་མ་འགྲོ་ལྡོག་གཉིས་ལ་ནི། །ལོ་གཅིག་ཉིད་དུ་བརྗོད་པ་ཡིན། །མཁའ་འགྲོ་ཀུན་དང་མཉམ་སྦྱོར་བའི། །རྡོ་རྗེ་མཁའ་འགྲོ་བདེ་བའི་མཆོག །
རྡོ་རྗེ་སེམས་དཔའ་དེ་བཞིན་གཤེགས། །བཅོམ་ལྡན་རྡོ་རྗེ་ཅན་གྱིས་གསུངས། །རྒྱུད་ཀྱི་རྒྱལ་པོ་ཆེན་པོ་དཔལ་རྡོ་རྗེ་མཁའ་འགྲོ་ལས་དུས་འབྱུང་བའི་རིམ་པར་ཕྱེ་བ་སྟེ་ཉི་ཤུ་རྩ་དྲུག་པའོ།། །། དེ་ནས་སྐར་མའི་རིགས་གང་ཡིན། །
མདོར་བསྡུས་ནས་ནི་བཤད་པར་བྱ། །ཐ་སྐར་དང་ནི་མགོ་དང་རྒྱལ། །དེ་བཞིན་དུ་ནི་ནབ་སོ་དང་། །མེ་བཞི་ལྷ་མཚམས་དེ་བཞིན་དུ། །ནམ་གྲུ་ས་རི་གྲོ་ཞུན་བཅས། །ལྷ་ཡི་ཚོགས་ཞེས་བརྗོད་པ་ཡིན། །སྣར་མ་དྲེ་དང་ཆུ་སྟོད་དང་། །

85-1-288b

ཁྲུམས་སྟོད་དང་ནི་བྲ་ཉེ་དང་། །ལག་དང་མགོ་དང་ཆུ་སྨད་དང་། །ཁྲུམས་སྨད་མི་ཡི་ཚོགས་ཡིན་ནོ། །སྨིན་དྲུག་དང་ནི་ཆུ་དང་ནི། །མོན་གྲུ་དང་ནི་མོན་གྲེ་དང་། །སྐག་དང་ནག་པ་སྣྲོན་དང་ནི། །ས་ག་དང་ནི་སྣྲུམས་རྣམས་ནི། །སྲིན་པོ་ཡི་ནི་རིགས་
ཡིན་པར། །བཞིན་མཛེས་མ་ནི་ཁྱོད་ལ་བཤད། །སྨིན་དྲུག་རྒྱལ་ནི་ར་ཡིན་ཏེ། །མགོ་དང་སྣར་མ་ཀླུ་ཡིན་ནོ། །ལག་དང་སྣྲུམས་ནི་ཁྱི་ཡིན་ཏེ། །ལྷ་མཚམས་ནབ་སོ་ཕག་གི་རིགས། །མཆུ་དང་གྲེ་ནི་བྱི་བའོ། །སྐག་ནི་བྱི་ལར་བཤད་
པ་སྟེ། །ནག་པ་ས་ག་སྟག་ཡིན་ནོ། །དབོ་དང་ཁྲུམས་སྟོད་གཉིས་པོ་ནི། །ཁྱུ་མཆོག་ཞེས་ནི་བཤད་པ་སྟེ། །སྟོབས་འདོད་པས་ནི་ཤེས་པར་བྱ། །མེ་བཞི་དང་ནི་ས་རི་གཉིས། །མ་ཧེར་ཤེས་བྱ་སྟོབས་ཀྱི་མཆོག །ཐ་སྐར་དང་ནི་
ཁྲུམས་སྨད་གཉིས། །རྟ་ཡི་རིགས་ཞེས་བྱ་བར་གྲགས། །ཆུ་སྟོད་དང་ནི་གྲོ་ཞུན་གཉིས། །སྤྲེའུ་ཡི་རིགས་སུ་བརྗོད་པ་ཡིན། །བྲ་ཉེ་དང་ནི་ནམ་གྲུ་གཉིས། །གླང་པོའི་རིགས་ཀྱིས་བྱིན་བརླབས་པའོ། །མོན་གྲུ་དང་ནི་མོན་གྲེ་དག །
མི་ཡི་རིགས་སུ་ཡང་དག་གསུངས། །སྟོབས་ཆེན་ཕ་རོལ་གནོན་པ་རུ། །ལྷ་མོ་ངས་ནི་བདེན་པར་བཤད། །ཆུ་སྨད་དང་ནི་བྱི་བཞིན་དག །ནེའུ་ལེའི་རིགས་སུ་གྲགས་པ་ཡིན། །མང་པོ་ཉིད་ཀྱིས་ཅི་ཞིག་བྱ། །མདོར་བསྡུས་ནས་ནི་
བཤད་ཀྱིས་ཉོན། །རང་གི་སྐྱེ་བའི་སྐར་མ་ནི། །བྱ་བ་ཀུན་ལ་དཔྱད་མི་དགོས། །སྐར་མ་མི་ཡི་སྲོག་ཡིན་ཏེ། །གཞན་དུ་ངས་ནི་མ་བཤད་དོ། །སྐར་མའི་ཆ་ནི་བཟློག་པ་དག །བཟུང་ན་ངེས་པར་འཆི་བར་འགྱུར། །ལུག་དང་སྲང་
དང་ཀརྐ་ཊ། །ཆུ་སྲིན་དག་ནི་གཡོ་བར་བརྗོད། །སྡིག་པ་བུམ་པ་སེང་གེ་དང་། །ཁྱུ་མཆོག་དག་ནི་བརྟན་པ་སྟེ། །ཉ་དང་གཉིས་སྦྱོར་གཞུ་དང་ནི། །བུ་མོ་རྣམས་ནི་འདྲེན་མའོ། །ལྷ་ཡི་བླ་མ་ཉི་མ་དང་། །མིག་དམར་སྐྱེས་པའི་གཟུགས་
ཡིན་ཏེ། །པ་བ་སངས་དང་སྒྲ་གཅན་དང་། །ཟླ་བ་མོའི་གཟུགས་ཡིན་ནོ། །གཟའ་ལག་དང་ནི་སྤེན་པ་གཉིས། །མ་ནིང་ཉིད་དུ་བསྟན་པ་སྟེ། །ནམ་མཁའི་འཁོར་ལོར་གནས་པའི་གཟའ། །མཁའ་འགྲོ་ཀུན་དང་མཉམ་སྦྱོར་པའི། །

85-1-289a

རྡོ་རྗེ་མཁའ་འགྲོ་བདེ་བའི་མཆོག །རྡོ་རྗེ་སེམས་དཔའ་དེ་བཞིན་གཤེགས། །བཅོམ་ལྡན་རྡོ་རྗེ་ཅན་གྱིས་གསུངས། །རྒྱུད་ཀྱི་རྒྱལ་པོ་ཆེན་པོ་དཔལ་རྡོ་རྗེ་མཁའ་འགྲོ་ལས་སྐར་མ་རྣམས་ཀྱི་སྟོབས་ལ་དབང་བའི་ཆོ་གའི་རིམ་པར་ཕྱེ་
བ་སྟེ་ཉི་ཤུ་རྩ་བདུན་པའོ།། །། ཚེས་དང་སྐར་མ་གཟའ་འཆར་བ། །རབ་ཏུ་བཤད་ཀྱིས་ལྷ་མོ་ཉོན། །རོ་ཧི་ཏ་ཡི་ཚེ་ལ་ནི། །སྨིན་དྲུག་དང་ནི་མིག་དམར་ལ། །འདྲོན་པོ་ལམ་དུ་འཇུག་པར་བཟང་། །ཚེས་དེ་རྙེད་པ་འཐོབ་འགྱུར་
བའོ། །མ་ཀ་ར་ཡི་ཉི་མ་ལ། །མཆུ་དང་མིག་དམར་ལྡན་པ་ལ། །གཟེར་དང་འཇོམས་སོགས་འབྱུང་བས་ན། །ཚེས་དེ་ཡོངས་སུ་སྤང་བར་བྱ། །སྭཔྣ་ཡི་ནི་ཉི་མ་ལ། །ལག་དང་སྤེན་པར་ལྡན་པའི་ཚེ། །ནག་པོ་ཉིད་དུ་ཤེས་
བྱ་བས། །ཚེས་དེའང་ཡོངས་སུ་སྤང་བར་བྱ། །རོ་ཧི་ཏ་ཡི་ཉི་མ་ལ། །མཆུ་དང་གཟའ་ལག་ལྡན་པ་ལ། །བཀྲ་ཤིས་དང་ནི་བཟང་པོར་བྱེད། །རཎྜ་ཡི་ནི་ཉི་མ་ལ། །ལག་དང་གཟའ་ལག་བཅས་པ་དག །ཀུན་ཏུ་འཇོམས་
པར་བཤད་པས་ན། །མཆོག་གི་སྦྱོར་བས་དེ་ཡང་སྤང་། །ས་ཡི་དབང་ཕྱུག་ཚེས་ལ་ནི། །བྲ་ཉེ་དང་ནི་གཟའ་ལག་ལྡན། །དེ་ཡང་ནག་པོའི་དུས་ཤེས་བྱ། །བྷ་དྲ་ཡི་ནི་ཚེས་དག་ལ། །གྲེ་དང་ལྷ་ཡི་བླ་མར་ལྡན། །ཚེས་དེ་རྙེད་པ་
བྱེད་པས་ན། །སྦྱོར་པ་པོ་ཡིས་བསྟེན་པར་བྱ། །མི་ཀི་ར་ཡི་ཚེས་ལ་ནི། །མོན་གྲུ་ལྷ་ཡི་བླ་མ་དག །གལ་ཏེ་ན་ནི་འཛོམ་གྱུར་ན། །འབྲུ་དང་ནོར་རྣམས་ཟད་བྱེད་པར། །གདོན་མི་ཟ་བར་བཤད་པ་ཡིན། །ཚེས་ནི་བཅུ་གསུམ་
དག་ལ་ནི། །སྐག་དང་ལྷ་ཡི་བླ་མ་དག །གལ་ཏེ་འཛོམས་ན་ནག་པོ་བས། །ཉེས་པ་ཀུན་གྱིས་འཇིགས་པར་འགྱུར། །བྲི་ཤ་བ་ཡི་ཚེས་ལ་ནི། །སྟོབས་ལྡན་གྱི་ནི་བློན་པོ་དང་། །གལ་ཏེ་ཁྲུམས་སྟོད་འཛོམ་ན་ནི། །ཚེས་དེ་རྒྱས་པ་སྟེར་འགྱུར་
ཞིང་། །དགེ་བའི་གྲོགས་རྣམས་ཐམས་ཅད་བྱེད། །བྲཱིདྡྷི་ཀ་ཡི་ཉི་མ་ནི། །ཆུ་སྟོད་དང་ནི་པ་བ་སངས། །གལ་ཏེ་འཛོམ་ན་ནད་ཀྱིས་ནི། །གདུངས་ཤིང་འཇོམས་པར་ཐེ་ཚོམ་མེད། །འབྱུང་པོ་ཡི་ནི་ཉི་མ་ལ། །བྲ་ཉེ་དང་ནི་པ་བ་སངས། །འཛོམ་ན་གཤིན་

85-1-289b

རྗེའི་མཆེ་བ་སྟེ། །ཚེས་དེ་ཡོངས་སུ་སྤང་བར་བྱ། །ཀུརྨྨ་ཡི་ནི་ཉི་མ་ལ། །སྨིན་དྲུག་དང་ནི་སྤེན་པ་རུ། །གལ་ཏེ་འཛོམ་པར་གྱུར་ན་ནི། །རྙེད་དང་གྲགས་པ་ལ་སོགས་དང་། །བསོད་ནམས་ཀུན་གྱི་འབྲས་བུ་འཐོབ། །བྱ་ཀུ་ལི་ཡི་ཉི་མ་ནི། །སྐག་དང་
སྤེན་པར་ཇི་ཞིག་ལྟར། །འཛོམ་ན་གདུང་བར་བྱེད་པས་ན། །ཉི་མ་དེ་ལའང་འགྲོ་བ་སྤང་། །ཟླ་བ་ཉ་ཡི་ཉི་མ་ལ། །མཆུ་དང་སྤེན་པར་ལྡན་གྱུར་ན། །འཆི་བའི་དུས་ལ་བབ་པས་ན། །ཚེས་དེ་ཤིན་དུ་སྤང་བར་བྱ། །མེ་ཡི་
མཚམས་སུ་མི་ཀིར་བྲི། །གཤིན་རྗེ་ཡི་ནི་རཎྜ་སྟེ། །སྲིན་པོ་ཡི་ནི་ཀུརྨྨ་བྲི། །ཆུ་ཡི་ཕྱོགས་སུ་ཁྱུ་མཆོག་སྟེ། །འཇིགས་བྱེད་དུ་ནི་བྱ་ཀུ་ལི། །གཏེར་གྱི་ཕྱོགས་སུ་སྭ་བ་ན། །མིག་གསུམ་ཕྱོགས་སུ་བཟང་པོ་བྲི། །ཤར་གྱི་
ཕྱོགས་སུའང་ཁྱུ་མཆོག་གོ། །ཟླ་བ་ཉི་མའི་བྱེ་བྲག་གིས། །དེ་རྣམས་སུ་ནི་རྒྱུ་བར་བཤད། །བ་ཏྲ་ནས་ནི་རན་དར་སྟེ། །བྱ་ཀུ་ལི་དང་བྲེ་ཤ་བ། །བ། །འདི་དག་ཉི་མའི་རྒྱུ་བར་ནི། །རིགས་མཆོག་མ་ནི་ཁྱོད་ལ་བཤད། །ཁྱུ་མཆོག་
དང་ནི་མི་ཀི་ར། །སྭ་པ་ན་དང་ཀུར་མ་ནི། །ཟླ་བའི་རྒྱུ་བར་བཤད་པ་སྟེ། །རིམ་པ་དེ་ལྟར་བརྗོད་པ་ཡིན། །ཉ་ལ་མེ་མཚམས་གནས་པ་སྟེ། །སྟོང་ལ་རླུང་གི་ཕྱོགས་སུ་གནས། །དེ་ལྟར་དེ་དག་དབུས་སུ་ནི། །གནས་པ་དེ་དག་གདུང་
བར་འགྱུར། །ཟླ་བ་ཉི་མ་ལས་བྱུང་བའི། །རི་མོ་མཉམ་དུ་ལྟ་བས་ན། །དེས་ན་ཤེས་རབ་ཅན་གྱིས་སྤང་། །ཞི་དང་སྡིག་པར་ལྟ་བས་ན། །ལྟ་བའི་འཆད་པ་འབྱུང་བ་སྟེ། །མྱུར་དུ་གསོད་པར་བྱེད་པ་ཡིན། །སྒྲ་གཅན་གྱི་ནི་
རྒྱུ་བ་ཡི། །དུས་ནི་མདོ་རུ་བསྡུས་པ་ཡིན། །ཡར་ངོ་མར་ངོའི་བྱེ་བྲག་གིས། །བློ་ལྡན་འབད་དེ་ཤེས་པར་བྱ། །མཁའ་འགྲོ་ཀུན་དང་མཉམ་སྦྱོར་བའི། །རྡོ་རྗེ་མཁའ་འགྲོ་བདེ་བའི་མཆོག །རྡོ་རྗེ་སེམས་དཔའ་དེ་བཞིན་གཤེགས། །
བཅོམ་ལྡན་རྡོ་རྗེ་ཅན་གྱིས་གསུངས། །རྒྱུད་ཀྱི་རྒྱལ་པོ་ཆེན་པོ་དཔལ་རྡོ་རྗེ་མཁའ་འགྲོ་ལས་ཚེས་གྲངས་དང་སྐར་མའི་ངེས་པ་རིམ་པར་ཕྱེ་བ་སྟེ་ཉི་ཤུ་རྩ་བརྒྱད་པའོ།། །། ཉོན་ཅིག་ལྷ་མོ་སྒྱུ་མ་ཆེ། །སྒྱུ་མ་ཀུན་གྱིས་རྣམ་གྲོལ་བ། །

85-1-290a

ལུས་ཅན་ཀུན་གྱི་རྣམ་ཤེས་ཏེ། །ལུས་ལས་འདས་ཤིང་དྲི་མ་མེད། །ལྷུན་པོ་དང་ནི་ཏི་སེ་དང་། །དེ་བཞིན་དུ་ནི་འབིགས་བྱེད་སོགས། །ཤར་གྱི་ལུས་འཕགས་བ་གླང་སྤྱོད། །བྱང་གི་སྒྲ་མི་སྙན་དང་ནི། །འཛམ་བུའི་
གླིང་དང་བཅས་པ་དང་། །ལན་ཚ་ཅན་དང་འོ་མ་ཡི། །རྒྱ་མཚོ་ལ་སོགས་ཆུ་ཚོགས་དང་། །འོག་དང་སྟེང་དུ་གང་གྱུར་པ། །ཁམས་གསུམ་མ་ལུས་ཟད་པར་བྱ། །གཟུགས་ལ་སོགས་པའི་ཕུང་པོ་དང་། །སྐྱེ་མཆེད་ཁམས་
རྣམས་ཟད་པར་བྱ། །འབྱུང་པོ་ལ་སོགས་ཕྱོགས་བཅུ་ཡི། །འཇིག་རྟེན་ཁམས་ཀུན་ཟད་བསམས་ཏེ། །དངོས་དང་དངོས་མེད་འདྲེས་པར་ནི། །བདག་ཉིད་ཀྱང་ནི་བསྒོམ་པར་བྱ། །གཟུགས་ལ་སོགས་པའི་མཚན་ཉིད་རྣམས། །
མཉམ་ཉིད་སྟོང་པ་ཉིད་དུ་བལྟ། །ཐམས་ཅད་ནམ་མཁར་ཐིམ་ནས་ནི། །བ་གླང་རྨིག་པར་གྲོང་ཁྱེར་བསྒོམ། །རྣལ་འབྱོར་ཅན་གྱི་ཆོ་ག་བཞིན། །སེམས་ནི་མེ་མར་ལྟ་བུར་བསྒོམ། །དེ་དབུས་ཡིད་ཀྱིས་བལྟས་ནས་ནི། །དེར་ནི་
མཚན་མ་བརྟག་པར་བྱ། །མེ་མར་ལྟ་བུས་ཞི་བར་འགྱུར། །དམར་པོས་བརྒྱན་ན་རྒྱས་པ་སྟེ། །ཉི་མའི་དཀྱིལ་འཁོར་ལྟར་སྣང་ན། །ཆགས་པ་ལ་སོགས་འགྲུབ་པར་འགྱུར། །མཐའ་མར་དུ་བའམ་གནག་མཐོང་ན། །
མངོན་སྤྱོད་ཏུ་ནི་གྲགས་པ་ཡིན། །རླུང་གི་མདོག་ལྟར་རབ་འཁྲུགས་ན། །དེ་མ་ཐག་ཏུ་བསྐྲད་པར་འགྱུར། །འོད་ཟེར་དཀར་པོ་ལོང་ལོང་པོས། །བློ་ལྡན་སྔགས་ཀྱི་དངོས་གྲུབ་ནི། །རྣལ་འབྱོར་པ་ཡིས་འགྲུབ་ཤེས་བྱ། །
བཀྲ་ཤིས་ཀྱིས་ནི་ལམ་སྟོན་ཡིན། །ཆོ་ག་འདིས་ནི་གཞན་གསལ་དང་། །གཞན་གྱི་གཟུགས་སོགས་དབུ་མ་རྣམས། །དེ་འོག་རྣལ་འབྱོར་བསྐྱེད་པར་བྱ། །ཡེ་ཤེས་ལ་སོགས་སེམས་ཀྱིས་ནི། །གང་ཞིག་སྟོང་ཉིད་ཤེས་བྱས་ན། །
སེམས་ནི་མྱུར་དུ་ཐར་བར་འགྱུར། །ཡེ་ཤེས་ཀྱིས་ནི་ཤེས་བྱ་བརྟག །ཤེས་བྱས་འགྲོ་བ་བརྟག་པར་བྱ། །ཕ་དང་མ་ནི་བསད་བྱས་ཤིང་། །བྲམ་ཟེ་གཙང་མ་གཉིས་བཟུང་ནས། །རྒྱལ་པོ་ཡུལ་འཁོར་བཅས་བཅོམ་ན། །མི་དེ་

85-1-290b

དག་པར་འགྱུར་ཞེས་བྱ། །ཡེ་ཤེས་རང་བཞིན་ཀུན་དང་སྦྱོར། །རྡོ་རྗེ་མཁའ་འགྲོ་བདེ་བའི་མཆོག །རྡོ་རྗེ་སེམས་དཔའ་དེ་བཞིན་གཤེགས། །བཅོམ་ལྡན་རྡོ་རྗེ་ཅན་གྱིས་གསུངས། །རྒྱུད་ཀྱི་རྒྱལ་པོ་ཆེན་པོ་དཔལ་རྡོ་རྗེ་
མཁའ་འགྲོ་ལས་ཡེ་ཤེས་འབྱུང་བའི་རིམ་པར་ཕྱེ་བ་སྟེ་ཉི་ཤུ་རྩ་དགུ་པའོ།། །། ཡེ་ཤེས་ཁྱད་པར་གང་གིས་ནི། །ཡེ་ཤེས་ཐུན་མོར་བྱིན་བརླབས་པ། །བྱེ་བྲག་ཅན་ནི་ཇི་ལྟ་བུ། །ལྷ་ལས་རོལ་མོ་ཉན་པར་འཚལ། །བཅོམ་ལྡན་
འདས་ཀྱིས་བཀའ་སྩལ་པ། །ལྕི་བར་གྱུར་པ་སུམ་བཅུ་པོས། །དགེ་དང་སྡིག་པའི་འབྲས་འབྱུང་བ། །ང་རྒྱལ་གྱིས་ནི་བྱིན་བརླབས་པ། །སེམས་ཀྱིས་བྱས་པའི་ལས་ཚོགས་ཀྱིས། །བསྒོམ་པར་གྱུར་པའི་རང་རིག་པའི། །
སེམས་ནི་འགྲོ་བ་དེ་རུ་འགྲོ། །སྲིད་པའི་ཞགས་པས་རྟག་འཇིགས་པས། །དེ་ཡི་འགྲོ་བ་མི་མཐོང་ངོ་། །འདུ་ཤེས་རྣམ་པ་ལྔ་དང་ནི། །ལྟ་བ་ལྔ་ཡིས་ཕ་རོལ་འགྲོ། །ལྷ་ཡི་ཡེ་ཤེས་གསལ་བར་བལྟ། །ལྷ་མིན་ཡེ་ཤེས་ཁྲོ་བའོ། །
ཡི་དགས་ཡེ་ཤེས་ཞན་པ་སྟེ། །དམྱལ་བའི་ཡེ་ཤེས་འཇིགས་པས་ནོན། །བྱོལ་སོང་ཡེ་ཤེས་བླུན་པ་སྟེ། །བརྟན་པ་རྣམས་ནི་སེམས་མེད་པའོ། །རྒྱུ་བའི་ཡེ་ཤེས་རྣམ་པ་ལྔ། །གླེན་པས་བསྒྲིབས་དང་ལྐུགས་པ་དང་། །
བྱིས་པའི་ཤེས་པའི་ཤེས་པ་ཅན། །སེམས་ཅན་ཡོངས་སུ་མ་སྨིན་དང་། །བླ་མའི་ལམ་ནི་སུན་འབྱིན་པ། །དེ་དག་ཀུན་གྱིས་མི་ཤེས་ཏེ། །གསང་ཆེན་སངས་རྒྱས་སྤྱོད་ཡུལ་ལོ། །ཡེ་ཤེས་དེ་ཉིད་བྱེ་བྲག་དག །བདེ་བ་
ཆེན་པོས་བཤད་དུ་གསོལ། །བཅོམ་ལྡན་འདས་ཀྱིས་བཀའ་སྩལ་པ། །ཡེ་ཤེས་དེ་ཉིད་བྱེ་བྲག་དག །ཉོན་ཅིག་ཡང་དག་སྒྱུ་མ་ཆེ། །ལས་རྣམས་ཀྱི་ནི་བྱེ་བྲག་གིས། །ཡེ་ཤེས་བྱེ་བྲག་སྤྲུལ་པ་ཡིན། །དམན་དང་རབ་དམན་དམན་པ་
ཅན། །གནོད་སྦྱིན་ལྷ་མིན་གྲུབ་པ་པོ། །ཀླུ་དང་བྱོལ་སོང་གསང་བ་ལ། །ལྟོ་འཕྱེ་དང་ནི་མི་འམ་ཅི། །མི་དང་ཡི་དགས་མཁའ་འགྲོ་མ། །དམྱལ་བ་ལ་སོགས་གང་གྱུར་དང་། །གསོལ་བའི་གཟུགས་སུ་མངོན་བརྗོད་དང་། །

85-1-291a

ཕྲ་མོ་སྒོ་ང་ལས་བྱུང་བ། །ཆུ་དང་མེ་དང་རླུང་དང་ནི། །དེ་བཞིན་དུ་ནི་ས་ཡི་ཁམས། །བརྟན་པ་ལ་སོགས་ཐམས་ཅད་དང་། །རྩ་དང་མདབ་མ་ཕྲ་བ་དང་། །ས་དང་རྡོ་དང་བྲག་ལ་སོགས། །ཐམས་ཅད་ཡེ་ཤེས་བྱིན་བརླབས་
པས། །ཐམས་ཅད་སྣང་སྟེ་གཞན་དུ་ན། །ཡེ་ཤེས་མེད་པར་སྐྱེ་མི་འགྱུར། །སྐྱེ་བ་བྱེ་བ་སྟོང་ཕྲག་ཏུ། །སངས་རྒྱས་ཡེ་ཤེས་ཀྱིས་བསྐུལ་བས། །དེ་ནས་རྣལ་འབྱོར་བསྟན་བཅོས་ལ། །འབད་དེ་དད་པ་བསྐྱེད་པར་བྱ། །གར་གྱི་
གནས་དང་མཚུངས་པ་ཡི། །ཕྱི་རོལ་བསྟན་བཅོས་སུ་འབྱིན་པ། །རྣལ་འབྱོར་བསྟན་བཅོས་རྗེས་འབྲངས་ན། །སྤྱོད་དང་གྲོལ་བའི་འབྲས་བུ་འཐོབ། །སྙིང་པོ་ལས་ཀྱང་སྙིང་པོ་མཆོག །རྣལ་འབྱོར་བསྟན་བཅོས་མཚོན་པར་བྱ། །
མཁའ་འགྲོ་ཀུན་དང་མཉམ་སྦྱོར་བའི། །རྡོ་རྗེ་མཁའ་འགྲོ་བདེ་བའི་མཆོག །རྡོ་རྗེ་སེམས་དཔའ་དེ་བཞིན་གཤེགས། །བཅོམ་ལྡན་རྡོ་རྗེ་ཅན་གྱིས་གསུངས། །རྒྱུད་ཀྱི་རྒྱལ་པོ་ཆེན་པོ་དཔལ་རྡོ་རྗེ་མཁའ་འགྲོ་ལས་རྡོ་རྗེ་སེམས་དཔའ་རྣམ་པར་
འཕྲུལ་པ་འབྱུང་བའི་རིམ་པར་ཕྱེ་བ་སྟེ་སུམ་བཅུ་པའོ།། །། དེ་ནས་ཡང་དག་བཤད་བྱ་བ། །རྡོ་རྗེ་དྲིལ་བུའི་མཚན་ཉིད་དེ། །རྡོ་རྗེ་སེམས་སོགས་ལྷ་རྣམས་སུ། །རྡོ་རྗེའི་བློས་ནི་ཤེས་པར་བྱ། །ཞི་དང་རྒྱས་དང་མངོན་སྤྱོད་ཀྱི། །རྡོ་རྗེ་དག་ནི་
ཐམས་ཅད་ཀྱང་། །གསེར་ལ་སོགས་པ་ལེགས་པར་བརྡུང་། །རྡོ་རྗེ་ཀུན་གྱིས་ཤིན་ཏུ་བརྒྱན། །ཆ་གསུམ་དུ་ནི་བཟུང་ནས་སུ། །ཆ་བརྒྱད་སྐ་རགས་ལེགས་པར་བརྒྱན། །ཕྱོགས་དང་ཕྱོགས་མཚམས་བརྒྱད་དང་ནི། །དབུས་མ་ཉིད་དང་
སངས་རྒྱས་དགུ། །རྩེ་མོ་དགུ་ནི་ལྷ་ཉིད་དེ། །ལྷ་དགུ་ཡིས་ནི་བྱིན་གྱིས་བརླབས། །ཆུ་སྲིན་ལས་ནི་བྱུང་བ་ཡི། །རྩེ་མོ་པད་མ་ཟླ་བར་གནས། །རྩེ་དགུ་ཞེས་ནི་བྱ་བ་སྟེ། །རྡོ་རྗེ་ཡེ་ཤེས་འགྲོ་བ་སྒྲོལ། །ཆ་གསུམ་གྱི་ནི་ཚད་དག་ལ། །
དབུ་མ་ཅུང་ཟད་རིང་ཡང་རུང་། །འདི་ནི་ཐུན་མོང་ཚད་ཡིན་ནོ། །རྩེ་མོ་ཀུན་གྱི་དབུས་མ་ཟླུམ། །ཕྱོགས་སོགས་རྩེ་མོ་འདུས་བས་གནས། །དབུས་ནི་ཟུར་བརྒྱད་དག་ཏུ་བྱ། །དབུས་ཀྱི་ཆ་ཡི་ཚད་ལྡན་པ། །གནས་པ་ལྟེ་བ་ཞེས་བྱའོ། །རིན་ཆེན་

85-1-291b

མ་ར་ཀ་ཏ་ལྟར། །དེ་ཡང་ཅུང་ཟད་ཟུར་བརྒྱད་བྱ། །སྟེང་དང་འོག་དང་དབུས་དག་ནི། །སོ་སོར་ཆ་ནི་གསུམ་གསུམ་འདོད། །སྟེང་གི་པད་མ་ཟླ་བ་ནི། །དྲུག་ཆ་ཀུན་ནས་ཟླུམ་པོར་བྱ། །དེ་དག་ལ་ནི་སེང་གེའི་སྣ། །ནས་ཕྱེད་ཙམ་དུ་
མཐོ་བར་བྱ། །མཆེ་བ་ཡི་ནི་མཐར་གནས་པ། །དེ་ནི་དྲུག་ཆ་ཞེས་བྱར་གྲགས། །ཆ་ནི་ཉི་ཤུ་རྩ་བདུན་ལ། །སོ་སོ་རུ་ནི་དགུ་དགུར་འདོད། །ཆ་གསུམ་བླ་མའི་མཐའ་མ་ནི། །སྟེང་གི་ཆ་གཉིས་སྤངས་ནས་ནི། །དབུས་ཀྱི་མཐའ་ཡང་
དེ་བཞིན་ནོ། །མདབ་མ་ལ་ནི་གང་གནས་པའི། །ཆུ་སྲིན་ཆ་གཅིག་ཉིད་ཡིན་ཏེ། །དེ་ཡི་ཕྱེད་དུ་སྐ་རགས་འདོད། །རྡོ་རྗེ་ཀུན་ལ་བློ་ལྡན་པས། །མཆུ་དང་ཞེང་ནི་མཉམ་པོར་བྱ། །དེ་ནས་ཡང་དག་བཤད་བྱ་བ། །དམ་ཚིག་རྡོ་རྗེའི་
མཚན་ཉིད་དེ། །གསེར་ལ་སོགས་པ་ལས་བརྡུངས་པ། །ཆ་ལ་སོགས་པ་སྔོན་དུ་ནི། །ཇི་ལྟར་བསྟན་བཞིན་ལྡན་པར་བྱ། །པད་མ་ཟླ་བ་ལ་གནས་པའི། །ཆུ་སྲིན་གྱི་ནི་མཆེ་བའི་གཟུགས། །འོག་གི་ཆུ་སྲིན་ལས་བྱུང་བ། །
ཆུ་ཞེང་ཇི་ལྟར་བསྟན་པ་བཞིན། །རྩེ་མོ་ཡེ་ཤེས་རང་བཞིན་འབྱུང་། །ཀུན་གྱི་དབུས་སུ་རྣམ་སྣང་སྟེ། །ཤར་ཕྱོགས་སུ་ནི་མི་བསྐྱོད་པའོ། །ལྷོ་རུ་རིན་ཆེན་བསྟན་པ་སྟེ། །འོད་དཔག་མེད་པ་ནུབ་དུ་དགོད། །བྱང་དུ་དོན་ཡོད་གྲུབ་པ་
སྟེ། །རྩེ་བཞི་ལ་སོགས་ལྷ་ཡིན་ནོ། །པད་མ་བྱང་ཆུབ་ཡན་ལག་བརྒྱད། །ས་ལ་ཇི་བཞིན་དགོད་པར་བྱ། །ཕྱག་ན་པད་མ་བྱམས་པ་དང་། །མཁའ་སྙིང་ཀུན་དུ་བཟང་པོ་དང་། །གནོད་སྦྱིན་བདག་དང་འཇམ་པའི་དཔལ། །
ས་སྙིང་སྒྲིབ་སིལ་དེ་བཞིན་ཏེ། །ལྷ་ནི་བརྒྱད་པོ་འདི་དག་ཉིད། །མདབ་མ་བརྒྱད་ལ་ཇི་བཞིན་བརྟག །དབུས་སུ་ཡེ་ཤེས་སེམས་དཔའ་ནི། །བཅུ་གསུམ་གནས་སུ་ཐིམ་པར་བྱ། །གཞན་ཡང་མདབ་བརྒྱད་ལྷ་མོ་བརྒྱད། །
ཇི་བཞིན་གནས་སུ་སྦྱར་བར་བྱ། །རྡོ་རྗེ་ལྕགས་ཀྱུ་ཞགས་པ་དང་། །རྡོ་རྗེ་ལྕགས་སྒྲོག་དྲིལ་བུ་ཉིད། །ལྷ་མོ་དག་ནི་བཞི་པོ་འདི། །ཕྱོགས་ཀྱི་པད་མར་ཡང་དག་གནས། །མཚམས་ནི་བཞི་པོ་དག་ཏུ་ཡང་། །སླར་ཡང་དེ་

85-1-292a

བཞིན་ལྷ་མོ་བཞི། །སྐུལ་བྱེད་རིན་ཆེན་སྒྲོན་མ་དང་། །དེ་བཞིན་རྡོ་རྗེ་ལྕགས་སྒྲོག་དང་། །དེ་བཞིན་གཞན་གྱིས་མི་ཐུབ་མ། །པད་མའི་མདབ་མ་ཀུན་ལ་དགོད། །རྩེ་མོ་དག་ནི་རྣམ་ལྔ་ལ། །མཁའ་འགྲོ་མ་ནི་ལྔ་ཉིད་དེ། །ཤར་དུ་
རྡོ་རྗེ་མཁའ་འགྲོ་མ། །བྱང་དུ་དྲག་མོ་ཞེས་བྱ་བ། །རོ་ལངས་མ་ནི་ནུབ་དུ་གནས། །ལྷོ་རུ་དེ་བཞིན་ཙཎྜ་ལཱི། །དབུས་སུ་ཡེ་ཤེས་མཁའ་འགྲོ་སྟེ། །དམ་ཚིག་རྡོ་རྗེ་བསྒོམ་པར་བྱ། །གདུག་ལ་རྡོ་རྗེ་རྩེ་གསུམ་སྟེ། །རྩེ་མོ་དག་ནི་གདེངས་པོར་
བྱ། །དེ་བཞིན་རྩེ་མོ་གཅིག་པ་ནི། །ཀླུ་རྣམས་སྐྲག་པར་བྱེད་པའོ། །ཁྲོ་བོའི་རྡོ་རྗེ་གདེངས་པོ་སྟེ། །ལྷག་མ་རྣམས་ནི་འདུལ་བྱེད་པའོ། །ཞི་ལ་ཞི་བའི་ལྷ་ཉིད་དེ། །རིགས་ཀྱི་རིམ་པའི་ཆོ་གས་དབྱེ། །ལས་ཀྱི་ཆོ་ག་མཐོང་བ་ཡིས། །
བྱ་བ་ཐམས་ཅད་བྱེད་པར་འགྱུར། །དེ་ནས་གཞན་ཡང་བཤད་བྱ་བ། །གསང་བའི་རྡོ་རྗེའི་མཚན་ཉིད་དོ། །ཆ་ལྔའི་ཚད་དང་ལྡན་པ་ནི། །སྤྱི་གཙུག་རྡོ་རྗེ་ཞེས་བྱར་གྲགས། །རྣ་ཆ་ཆ་དྲུག་ཚད་ཏུ་བྱ། །མགུལ་དོ་ཆ་ནི་བཞི་པ་སྟེ། །
སྙིང་ཀར་ཆ་ལྔ་པ་ནི་གཟུང་། །གསང་བ་དང་ནི་ལག་པར་ཡང་། །ཆ་དྲུག་པ་ནི་གཟུང་བྱ་སྟེ། །ཇི་ལྟར་མཛེས་པར་བརྟག་པར་བྱ། །རྡོ་རྗེའི་རྒྱན་གྱིས་བརྒྱན་ནས་ནི། །རྣལ་འབྱོར་པ་ཡི་ཡེ་ཤེས་འཕེལ། །ཆོ་གའི་བྱ་བ་འདི་ཉིད་ཀྱིས། །
རྣལ་འབྱོར་རིག་པར་རྟག་ཏུ་བསྒོམ། །དེ་ནས་དྲིལ་བུའི་མཚན་ཉིད་ཀྱི། །ཆུ་ཞེང་ལ་སོགས་བཤད་པར་བྱ། །རིན་ཆེན་སྣ་ཚོགས་འབར་བ་དང་། །རྡོ་རྗེའི་སྐ་རགས་ཕྲེང་གཉིས་བྱ། །ཤེལ་སྒོང་དྲི་མ་མེད་པ་ལྟར། །དྲ་བ་དྲ་བ་ཕྱེད་པས་
བརྒྱན། །ཆ་གསུམ་མཚན་ཉིད་ལྡན་པ་ལ། །རྡོ་རྗེ་ལ་སོགས་མཚན་མས་བརྒྱན། །དབུས་ཀྱི་ཁོག་པ་ཟབ་པ་དང་། །ཐམས་ཅད་དགའ་བྱེད་བཅུད་ཀྱི་གནས། །དེ་ནས་པད་མ་རིན་ཆེན་དང་། །ཨུད་པལ་ཀུ་མུ་ད་ཡིས་བརྒྱན། །
ཕྱོགས་དང་ཕྱོགས་མཚམས་ཆ་བརྒྱད་ཏུ། །ལྷ་མོ་ལ་སོགས་བརྒྱད་ཏུ་གྲགས། །དེ་ཡི་སྟེང་དུ་ལྷ་མོ་ནི། །ས་བོན་བརྒྱད་ལས་བསམ་པར་བྱ། །ཤར་ཕྱོགས་སུ་ནི་སྒྲོལ་མ་སྟེ། །དེ་བཞིན་བྱང་དུ་གོས་དཀར་མོའོ། །ནུབ་དུ་བདག་

85-1-292b

མའི་མིང་ཅན་ཏེ། །ལྷོ་རུ་སངས་རྒྱས་སྤྱན་ཞེས་བྱ། །མདོག་མཛེས་སྦྲང་རྩི་ཡིད་འོང་མ། །དེ་བཞིན་རིན་ཆེན་འཁྱིལ་མའོ། །ནམ་མཁའི་ཕྱོགས་ཀྱི་དབུས་སུ་ནི། །གཟུགས་རྫོགས་བསྐོར་བས་ཡང་དག་གནས། །པད་མ་རྒྱས་པ་
ལྟ་བུའི་དབྱིབས། །གཟུགས་མེད་སྲིད་པའི་ཕྱོགས་སུ་ནི། །ཡེ་ཤེས་བདུད་རྩི་བུམ་པ་འདྲ། །ཤེས་རབ་བདུད་རྩིའི་གནས་ཡིན་ཏེ། །དེ་ཡི་དབུས་ཀྱི་སྟན་ལ་ནི། །སྟེང་དུ་པད་མ་རྡོ་རྗེ་ནི། །རྩེ་མོ་དགུ་པར་བསམ་པར་བྱ། །
དབུས་ཀྱི་དབྱུག་པ་ཡེ་ཤེས་ཏེ། །ཐམས་ཅད་སྤྲོ་ཞིང་སྡུད་པ་མོ། །ཨོཾ་ལྟར་མཆོག་ནི་སྩོལ་བར་འགྲུབ། །བྱ་བ་ཐམས་ཅད་རབ་བསྒྲུབ་མའོ། །ཡེ་ཤེས་རྡོ་རྗེའི་དྲིལ་བུ་ནི། །རྩེ་མོ་དགུ་པ་དེ་བཞིན་ནོ། །སོར་མོ་བཅུ་གཉིས་ཚད་
དུ་ནི། །རྡོ་རྗེའི་ཕྲེང་བ་སྐ་རགས་བྱས། །པད་མ་མཆོག་གི་མདབ་མ་དང་། །དྲ་བ་དྲ་བ་ཕྱེད་པས་བརྒྱན། །སྔོན་བཞིན་མཚན་ཉིད་ཐམས་ཅད་ལྡན། །ལྷ་མོ་ཡི་ནི་མཚན་མས་མཛེས། །ཤར་གྱི་ཕྱོགས་སུ་པད་མ་ནི། །ཁ་དོག་དཀར་
པོས་མཛེས་པར་བྱ། །གཤིན་རྗེར་པད་མ་སྔོ་དམར་ཏེ། །ནུབ་ཀྱི་ཕྱོགས་སུ་པད་མ་དམར། །བྱང་དུ་ཨུད་པ་ལ་ནི་བྲི། །བདུད་རྩི་གནས་ཀྱི་དབུས་ན་ནི། །ལྷ་མོ་ཡི་ནི་ཞལ་གཅིག་བྲི། །ཤེས་རབ་ཕ་རོལ་ཕྱིན་མའོ། །གཟུགས་
མཛེས་བསྐོར་བས་ཡང་དག་གནས། །སྟེང་གི་པད་དང་རྡོ་རྗེ་ནི། །སྔ་མ་བཞིན་དུ་བསམ་པར་བྱ། །དབུས་ཀྱི་ཡེ་ཤེས་དབྱིག་པ་ནི། །ཟུར་བརྒྱད་པས་ནི་མཛེས་པར་བྱ། །དྲིལ་བུ་འདི་ནི་ལྷ་མོ་ཆེ། །ཚེ་དང་ནད་མེད་ཕུན་སུམ་ཚོགས། །
དེ་ནས་དཔའ་བོའི་དྲིལ་བུ་སྟེ། །རྡོ་རྗེའི་ཕྲེང་བའི་སྐ་རགས་ལྡན། །དེ་བཞིན་དུ་ནི་ཤེས་རབ་དང་། །བདུད་རྩི་ཡི་ནི་བུམ་པར་ལྡན། །མཚན་ཉིད་ཐམས་ཅད་ཡོངས་སུ་རྫོགས། །དྲ་བ་དྲ་ཕྱེད་དཔྱང་བར་བྱ། །སོར་དགུ་རུ་ནི་ཡངས་པ་
སྟེ། །ཁ་ནི་སོར་ལྔའི་ཚད་དུ་བྱ། །དེ་ལས་ཅུང་ཟད་ལྷག་བྱ་མིན། །རྩེ་ལྔ་པ་འམ་རྩེ་དགུ་པ། །སྐལ་བ་བཟང་པོ་ཐམས་ཅད་དང་། །དབང་ཕྱུག་དང་ནི་སྔགས་རྣམས་ཀྱི། །འབྲས་བུ་ཐམས་ཅད་རབ་སྟེར་ཞིང་། །མཁའ་འགྲོའི་སྟོབས་དང་

85-1-293a

རྫུ་འཕྲུལ་སྟེར། །དེ་བཞིན་ཕུན་ཚོགས་ཐམས་ཅད་དང་། །དེ་བཞིན་གཤེགས་པ་ཐམས་ཅད་ཀྱི། །དངོས་གྲུབ་མཆོག་ནི་གསལ་བར་སྟེར། །ད་ནི་དེ་བཞིན་གཤེགས་པ་ཡི། །དྲིལ་བུའི་མཚན་ཉིད་བཤད་པར་བྱ། །
ཁར་བ་ལས་བྱུང་སྒྲ་སྙན་བྱེད། །ཁོང་སྟོང་དང་ནི་བུམ་པར་ལྡན། །རྡོ་རྗེ་རིན་ཆེན་པད་མ་དང་། །རལ་གྲི་ལ་སོགས་མཚན་མ་ཅན། །དྲ་བ་དྲ་བ་ཕྱེད་པས་སྤྲས། །ཆུ་སྲིན་ལས་ནི་བྱུང་བ་ཡི། །ཡེ་ཤེས་ལྔ་ཡི་རྣམ་དག་པས། །རྩེ་མོ་ལྔ་
དང་བཅས་པ་སྟེ། །སྐ་རགས་གཉིས་གཉིས་དབུས་སུ་ནི། །འཁོར་ལོའི་ཕྲེང་བ་གཉིས་དང་ལྡན། །དེ་བཞིན་སྐ་རགས་གཉིས་དབུས་སུ། །པད་མ་ལ་ནི་པད་ཕྲེང་གཉིས། །རིན་ཆེན་ལ་ནི་རིན་པོ་ཆེ། །དེ་བཞིན་སྐ་རགས་ལྡན་པར་
བྱ། །དོན་ཡོད་གྲུབ་པ་ཞེས་བྱ་ལ། །སྐ་རགས་གཉིས་དབུས་རལ་གྲིས་བརྒྱན། །ཀུན་ལ་ཤེས་རབ་གདོང་ལྡན་པས། །དཔའ་བོ་ཀུན་གྱིས་རྒྱལ་བར་འགྱུར། །ཀུན་ལའང་འཁར་བའམ་ཡང་ན་ནི། །ལྕགས་གསུམ་
ལས་བྱུང་དྲིལ་བུ་སྟེ། །ཆ་གསུམ་དང་ནི་ལྡན་པར་བྱ། །རྡོ་རྗེའི་རིགས་ལ་བ་གླང་གདོང་། །སྐ་རགས་རྡོ་རྗེའི་ཕྲེང་བས་བསྐོར། །བུམ་པའི་སྟེང་དུ་གནས་པ་ཡི། །ཁ་ཁྱེར་ཅུང་ཟད་གྲུ་བཞིར་བྱ། །བ་གླང་གདོང་ནི་མྱུར་
བ་རུ། །ནོར་དང་འབྲུ་རྣམས་འཕེལ་བར་བྱེད། །ནད་མེད་སྟོབས་ནི་རྟག་སྟེར་ཞིང་། །སྡུག་བསྔལ་ཐམས་ཅད་འཕྲོག་པར་བྱེད། །སྔར་བསྟན་རྗེས་སུ་འབྲངས་ནས་ནི། །རྡོ་རྗེས་མཚན་ཉིད་མཚོན་པར་བྱ། །རིན་ཆེན་
དབང་སོགས་ཐོད་པ་དང་། །རང་རང་མཚན་མ་ཤེས་པར་བྱ། །སོར་བརྒྱད་དམ་ནི་བཅུ་དྲུག་གམ། །ཉི་ཤུ་ལས་ནི་ལྷག་མི་བྱ། །ཇི་ལྟར་ནུས་ཤིང་རྗེས་མཐུན་པར། །བསྒྲུབ་པའི་དབང་པོས་དེ་དག་བྱ། །ཁ་ཡང་ཆོ་གའི་རིམ་པ་
ཡིས། །སོར་མོ་ལྔ་ལས་གཞན་པ་སྤང་། །ལྷ་མོ་འདི་ནི་དྲིལ་བུ་ཡི། །བསྒྲུབ་ཐབས་རྒྱ་ཆེར་བསྟན་པ་སྟེ། །ཐུན་མོང་གི་ནི་རྒྱུད་ཀུན་ལས། །དཔའ་བོ་རྣམས་ཀྱིས་བསྔགས་པ་ཡིན། །མཁའ་འགྲོ་ཀུན་དང་མཉམ་སྦྱོར་བའི། །

85-1-293b

རྡོ་རྗེ་མཁའ་འགྲོ་བདེ་བའི་མཆོག །རྡོ་རྗེ་སེམས་དཔའ་དེ་བཞིན་གཤེགས། །བཅོམ་ལྡན་རྡོ་རྗེ་ཅན་གྱིས་གསུངས། །རྒྱུད་ཀྱི་རྒྱལ་པོ་ཆེན་པོ་དཔལ་རྡོ་རྗེ་མཁའ་འགྲོ་ལས་རྡོ་རྗེ་དང་དྲིལ་བུའི་མཚན་ཉིད་དང་ཚད་ཀྱི་ཆོ་གའི་རིམ་
པར་ཕྱེ་བ་སྟེ་སུམ་བཅུ་རྩ་གཅིག་པའོ།། །། རྡོ་རྗེ་སློབ་དཔོན་མཚན་ཉིད་ནི། །རབ་ཏུ་བཤད་ཀྱིས་ལྷ་མོ་ཉོན། །དུལ་ཞིང་ཆ་ལུགས་མཛེས་པ་དང་། །སེམས་ཅན་ཀུན་ལ་མི་འཇིགས་སྦྱིན། །སྔགས་དང་རྒྱུད་ཀྱི་སྦྱོར་བ་ཤེས། །
རྣལ་འབྱོར་བཟོའི་ཆ་ལ་མཁས། །ཐམས་ཅད་ཏུ་ནི་འཇམ་པར་སྨྲ། །སེམས་ཅན་ཀུན་ལ་བུ་བཞིན་ལྟ། །རྟག་ཏུ་གཏོང་ལ་དགའ་བ་དང་། །བསམ་གཏན་སྦྱོར་ལ་མངོན་པར་བརྩོན། །སྙིང་རྗེ་ཕན་པའི་སེམས་ཀྱིས་ནི། །
བདེན་པར་སྨྲ་ཞིང་འཚེ་མི་བྱེད། །རྟག་ཏུ་མཉམ་པའི་སེམས་བསྐྱེད་པས། །སེམས་ཅན་ཀུན་གྱི་མགོན་སྐྱོབ་སྟེ། །སེམས་ཅན་བསམ་པའི་བྱེ་བྲག་མཁས། །མགོན་མེད་རྣམས་ལ་གཉེན་ལྟར་བརྩེ། །མཛའ་སྡུག་གིས་
ནི་ལེགས་པས་ལྟ། །སྔགས་ཀྱི་ཚུལ་ལ་ཤིན་ཏུ་གོམས། །དམ་ཚིག་སྤྱོད་ལ་རབ་ཏུ་གུས། །ཕྱག་རྒྱ་བརྡའི་སྦྱོར་བ་རིག །རྣལ་འབྱོར་མ་རྣམས་དམ་ཚིག་ལ། །བརྡ་ཡིས་སྦྱོར་བ་སྟོན་པ་དང་། །གཉིས་མེད་སྦྱོར་བ་མི་ཕྱེད་གནས། །
སྔགས་ཀྱི་འཁོར་ལོ་སྤྱོད་ལ་གུས། །དབང་བསྐུར་དོན་གྱི་ཡོན་ཏན་འབྱུང་། །གནས་སོགས་མཐོང་བའི་ངང་ཚུལ་ཅན། །དེ་ཉིད་བཅུ་ནི་ཡོངས་སུ་ཤེས། །འདི་ནི་སློབ་དཔོན་ཞེས་བྱར་བརྗོད། །གསོལ་པ། དེ་ལྟ་བུའི་སློབ་དཔོན་ལ་ཇི་ལྟར་བལྟ་
བར་བགྱི། བཀའ་སྩལ་པ། སངས་རྒྱས་ཀུན་གྱི་རང་བཞིན་སྐུ། །ཡན་ལག་བྱང་ཆུབ་སེམས་དཔའ་སྟེ། །བ་སྤུ་རྣམས་ནི་དགྲ་བཅོམ་ཉིད། །སྤྱི་གཙུག་རིགས་ལྔའི་སངས་རྒྱས་ཏེ། །འཇིག་རྟེན་པ་ནི་ཞབས་ཀྱི་གདན། །འོད་ཟེར་
གནོད་སྦྱིན་གསང་ལ་སོགས། །དེ་ལྟར་ཡོན་ཏན་རང་བཞིན་ལུས། །རྣལ་འབྱོར་ཅན་གྱིས་རྟག་ཏུ་བལྟ། །ཇི་ལྟའི་མཚན་ཉིད་དང་ལྡན་པར། །ཡེ་ཤེས་ཅན་གྱིས་མཚན་ཤེས་ནས། །དེ་ལྟའི་བླ་མ་འབད་དེ་བསྟེན། །གང་ཡང་ཁྲོ་དང་སྒྱུ་

85-1-294a

ཅན་དང་། །ངག་ནི་ཤིན་ཏུ་རྩུབ་པ་དང་། །ཡོན་ཏན་དག་གིས་ཆོག་ཤེས་པ། །དེ་ནི་བླ་མར་བསྟེན་མི་བྱ། །གཞན་ཡང་སློབ་མའི་སྤྱོད་པ་དང་། །ལས་ཀྱི་དེ་ཉིད་བཤད་ཀྱིས་ཉོན། །ཁྲོ་དང་བཅས་ཤིང་རྟོག་གེར་གུས། །ན་སོ་དག་ནི་
ཡོལ་བ་དང་། །གང་ཡང་དགེ་སློང་དངོས་གནས་དང་། །ཞེན་དང་ཆགས་པས་བཅིངས་པ་ལ། །རིན་ཐང་མེད་པའི་རིན་ཆེན་ནི། །དེ་ལ་བཤད་པར་མི་བྱའོ། །གང་ཡང་ང་རྒྱལ་མེད་པ་དང་། །སྒྱུ་མེད་བདག་ཏུ་མི་འཛིན་ཅིང་། །དེ་བཞིན་ཆོས་ལ་མངོན་པར་དད། །
དེ་ལ་མན་ངག་སྦྱིན་པར་བྱ། །གཞན་དུ་ན་ནི་ལྟུང་བར་འགྱུར། །སློབ་དཔོན་གྱི་ནི་གསང་བ་དང་། །རྣལ་འབྱོར་མ་དང་ལྷ་ཡི་སྦྱོར། །ལྷ་ཡི་དམ་ཚིག་སྤྱོད་པ་དང་། །གཏོར་མ་ལ་སོགས་གསང་སྦྱོར་བ། །དམོད་པ་དག་ཏུ་གང་བྱེད་པ། །སྐྲག་པ་ཀུན་དང་བཅས་བཞིན་དུ། །
མནར་མེད་པར་ནི་མྱུར་བར་ལྟུང་། །སློབ་དཔོན་གྱི་ནི་མལ་སྟན་དང་། །ལྷམ་དང་གདུགས་དང་ན་བཟའ་སོགས། །ཉེ་བའི་ལོངས་སྤྱོད་ཐམས་ཅད་དང་། །གྲིབ་མ་བགོམ་བར་མི་བྱ་ཞིང་། །ཅོ་བྲི་བར་ནི་མི་བྱའོ། །གལ་ཏེ་བྱས་ན་དུས་ཀུན་དུ། །དེ་ནི་ཀུན་ཏུ་གཟེར་
འགྱུར་ཞིང་། །དོན་ཉམས་དཔལ་ལས་རིང་དུ་འགྱུར། །བདུད་དང་སྡང་བས་གཟིར་འགྱུར་ཏེ། །མཆོད་རྟེན་བཤིག་དང་སྡིག་མཚུངས་པས། །དེ་བས་གྲིབ་མ་འགོམ་མི་བྱ། །སློབ་དཔོན་དམོད་བྱེད་གང་ཡིན་པ། །རྨི་ལམ་དུ་འང་དངོས་གྲུབ་མེད། །སློབ་དཔོན་
གྱི་ནི་ཡོན་ཏན་གཟུང་། །སྐྱོན་རྣམས་ནམ་ཡང་གཟུང་མི་བྱ། །སྔགས་དང་ཕྱག་རྒྱའི་སྦྱོར་ལ་སོགས། །དེ་ཡི་ལམ་གྱིས་འགྲུབ་པར་འགྱུར། །མཎྜལ་ཆོག་སོགས་རིམ་པ་ཡིས། །སྔོན་དུ་བསླབ་པ་སྦྱིན་བར་བྱ། །དངོས་པོ་རང་བཞིན་མེད་པར་ནི། །
མཐོང་བར་བྱང་ཆུབ་རིམ་པ་སྟེ། །རང་བཞིན་དག་པའི་ཆོས་རྣམས་ནི། །ངོ་བོ་མེད་ལ་དངོས་མཐོང་བས། །ལུས་ཀྱི་ལས་ནི་རྣམ་གསུམ་དང་། །ངག་གི་རྣམ་པ་བཞི་རྣམས་དང་། །ཡིད་ཀྱི་རྣམ་པ་གསུམ་དག་སྟེ། །དེ་ལྟར་རྣམ་པ་
བཅུར་ཕྱེ་བ། །དཀར་པོ་ཡིས་ནི་དཀར་འགྱུར་ལ། །ནག་པོས་དེ་བཞིན་འབྲས་གནག་འབྱིན། །དེས་ན་དེ་དག་སྤང་བྱ་སྟེ། །སེམས་ཅན་རྣམས་ལ་ཚིག་རྩུབ་དང་། །ཚིག་འཁྱལ་སྨྲ་བ་སྤང་བར་བྱ། །སྙིང་རྗེ་ཡི་ནི་སེམས་

85-1-294b

ཀྱིས་སུ། །འཚེ་དང་གནོད་པ་སྤང་བར་བྱ། །བདག་ནི་ཤི་བར་གྱུར་ཀྱང་སླའི། །སྲོག་ཆགས་གསོད་པ་དེ་ལྟར་མིན། །རབ་ཏུ་འབར་མེར་མཚུངས་པས་ན། །གཞན་གྱི་ནོར་ལ་རེག་མི་བྱ། །རྣལ་འབྱོར་པ་ཡིས་བརྫུན་བསྲུང་
ཞིང་། །བླ་མའི་བཀའ་སྩལ་ཐམས་ཅད་བྱ། །རྣལ་འབྱོར་པ་ཡི་རྣལ་འབྱོར་པ། །བརྫུན་དུ་སྨྲ་བ་ཐམས་ཅད་དང་། །སེམས་ཅན་ཀུན་ལ་སྐྱོན་བརྗོད་མིན། །གཞན་གྱི་བུད་མེད་སྤང་བྱ་ཞིང་། །ལོག་པས་འཚོ་དང་རྙེད་ལ་
སོགས། །དེ་ལས་ཐམས་ཅད་སྤང་བར་བྱ། །དགའ་བ་དག་ལ་སྤྱོད་པ་དང་། །གཏོར་མ་དག་གིས་དུས་སོགས་ལ། །དམ་ཚིག་སྤྱོད་པར་བྱེད་པ་ཡང་། །བཟའ་དང་བཅའ་སོགས་ཚོད་ཟིན་བྱ། །རྣལ་འབྱོར་དངོས་གྲུབ་འདོད་
པ་རྣམས། །སེམས་ཅན་མགུ་ལ་དངོས་གྲུབ་འབྱུང་། །དེ་ལ་དང་པོར་རེ་ཤིག་སློབ་མས་བླ་གོས་ཕྲག་པ་གཅིག་ལ་བཟར་ཏེ། པུས་མོ་གཡས་པའི་ལྷ་ང་ས་ལ་བཙུགས་ལ་ལག་པ་གཉིས་ཐལ་མོ་སྦྱར་ཏེ། འདི་སྐད་ཅེས་བརྗོད་པར་
བྱའོ། །སངས་རྒྱས་ཆོས་དང་དགེ་འདུན་ལ། །རྟག་ཏུ་བདག་ནི་སྐྱབས་སུ་མཆི། །རྣལ་འབྱོར་གསང་སོགས་མཁའ་འགྲོ་མ། །ཐེག་པ་གསུམ་པོ་ཐམས་ཅད་དང་། །དཔའ་བོ་དཔའ་མོ་དབང་ལྷ་མོ། །བདག་ཉིད་ཆེན་མོ་རྣམས་
དང་ནི། །ཁྱད་པར་དུ་ཡང་སློབ་དཔོན་ལ། །རྟག་པར་བདག་ནི་སྐྱབས་སུ་མཆི། །ཨོཾ་པཉྩ་ཌཱ་ཀི་ནཱི་པཱུ་ཛོ་པསྠཱ་ནཱ་ཡ་ཨཱཏྨཱ་ནཱྃ་ནི་ཏ་ཡཱ་མི་ཧཱུྃ། སརྦྦ་ཨཱ་ཙཱརྱ་པཱུ་ཛོ་པསྠ་ནཱ་ཡ་ཨཱཧྨཱ་ནཱྃ་ནི་ཏ་ཡཱ་མི་ཧཱུྃ། སརྦྦ་སཏྭ་པ་རི་ཏྲཱ་ཎ་ཨརྠྃ་
ཨཱཧྨཱ་ནཱྃ་ནི་ཏ་ཡ་མི་ཧཱུྃ། ཞེས་བྱ་བས་བྱིན་གྱིས་བརླབས་ལ། །སླར་ཡང་འདི་སྐད་ཅེས་བརྗོད་པར་བྱ་སྟེ། ཁྲོ་དང་བདག་ཏུ་འཛིན་པ་དང་། །ཚིག་རྩུབ་ཞེ་གཅོད་སྤང་བར་བགྱི། །སྡིག་པའི་གྲོགས་དང་སྲོག་གཅོད་དང་། །
རྐུ་འཕྲོག་དག་ནི་སྤང་བར་བགྱི། །ལོངས་སྤྱོད་རྒྱ་ཆེན་སྤང་བགྱི་ཞིང་། །དེས་དང་བཅས་པས་ཆོག་ཤེས་བགྱི། །གར་གྱི་གནས་དང་མཚུངས་པ་ཡི། །ཕྱི་རོལ་བསྟན་བཅོས་སྤང་བར་བགྱི་ཞེས་སོ། །དེ་ནས་ཡང་དག་བཤད་

85-1-295a

བྱ་བ། །སྡོམ་པའི་ཆོ་ག་བླ་ན་མེད། །དང་པོ་བླ་མ་དམ་ཚིག་ནི། །ཐོབ་པ་རྒྱུ་དང་འབྲས་བུ་འབྱུང་། །བསྟན་དང་དེ་བཞིན་ངེས་པར་བསྟན། །སྐུ་གསུང་ཐུགས་ཀྱི་རང་བཞིན་ཏེ། །བསྟན་པ་དག་ནི་ལོངས་སྤྱོད་ཡིན། །
ངེས་པར་བསྟན་པས་མྱ་ངན་འདས། །བཤང་གཅི་ལ་སོགས་བཟའ་བ་དང་། །རིགས་དང་རིགས་མིན་དེ་བཞིན་གཞན། །སྔགས་རྣམས་ཀྱི་ནི་མན་ངག་གིས། །མིང་སོགས་ཆོ་ག་བཞིན་དབང་བསྐུར། །སློབ་མས་དངོས་པོ་བསྒོམས་
ནས་སུ། །མྱ་ངན་འདས་པ་བསྟན་པར་བྱ། །ཁྱོད་ཀྱིས་སྲོག་ཆགས་གསད་བྱ་ཞིང་། །བརྫུན་དུ་ཡང་ནི་སྨྲ་བར་བྱ། །མ་བྱིན་པར་ནི་བླང་བར་བྱ། །གཞན་གྱི་བུད་མེད་བསྟེན་པར་བྱ། །མཆོད་རྟེན་ལས་ནི་མི་བྱ་ཞིང་། །གླེགས་བམ་
བཀླག་པའང་མི་བྱའོ། །ལག་པའི་ཕྱག་རྒྱ་མི་བཅིང་ཞིང་། །སྔགས་ཀྱི་ཡེ་གེ་བཟླས་མི་བྱ། །བསྟན་བཅོས་དག་ནི་རྙེད་སླ་སྟེ། །དེ་ཡི་སྦྱོར་བ་རྙེད་པར་དཀའ། །བླ་མའི་བསྙེན་བཀུར་བརྩོན་པ་ཡི། །ཐབས་ཀྱིས་རྣལ་འབྱོར་པ་
ཡིས་རྙེད། །བདག་ཉིད་ལུས་དང་གཞན་གྱི་ལུས། །བདག་ཉིད་བདེ་མཆོག་བྱང་གྲོལ་ཏེ། །བདག་གི་ལུས་ལ་མ་ཆགས་ཤིང་། །གཟུགས་བརྙན་སོགས་འདྲའི་ལྷ་རུ་བརྟག །མཁའ་འགྲོ་ཀུན་དང་མཉམ་སྦྱོར་བའི། །རྡོ་རྗེ་
མཁའ་འགྲོ་བདེ་བའི་མཆོག །རྡོ་རྗེ་སེམས་དཔའ་དེ་བཞིན་གཤེགས། །བཅོམ་ལྡན་རྡོ་རྗེ་ཅན་གྱིས་གསུངས། །རྒྱུད་ཀྱི་རྒྱལ་པོ་ཆེན་པོ་དཔལ་རྡོ་རྗེ་མཁའ་འགྲོ་ལས་བླ་མའི་བསྙེན་བཀུར་དང་། དམ་ཚིག་དང་སྡོམ་པའི་
ཆོ་གའི་རིམ་པར་ཕྱེ་བ་སྟེ་སུམ་བཅུ་རྩ་གཉིས་པའོ།། །། དེ་ནས་མཁའ་འགྲོ་མ་རྣམས་ནི། །ས་རྣམས་ལ་ནི་རྣམ་རོལ་པའི། །སྔགས་ཀྱི་འབྱུང་བས་རོལ་པ་སྟེ། །ད་ནི་ཡང་དག་བཤད་པར་བྱ། །ཨོཾ་ཀྵ་མྃ་ཀྵ་མྃ་ཕཊ་ཕཊ། 
ཀ་ར་ཀ་ར་བན་དྷ་བན་དྷ་པ་ཙ་པ་ཙ་ཧི་ཧི་ཧི།  ཧཱྃ་ཧཱྃ། ད་ཧ་ད་ཧ། ཀུ་རུ་ཀུ་རུ། ཏྲཱ་ས་ཡ་ཏྲཱ་ས་ཡ། བྷ་ཀྵ་བྷ་ཀྵ་ཧཱུྃ་ཧཱུྃ། ཀི་ལི་ཀི་ལི་བ་ས་རུ་དྷེ་ར་ཨནྟྲ་མཱ་ལཱ་བ་ལམྦི་ནེ་གྲྀཧྣ་གྲྀཧྣ། ཀྵོ་བྷ་ཡ་ཀྵོ་བྷ་ཡ། ཧྲ་ཧྲ་ཨཱ་ཀཌྜྷྱ་ཡ་ཀཌྜྷྱ་ཡ། ཙི་ལི་ཙི་ལྀ། སི་ལི་སི་ལི།

85-1-295b

སཔྟ་པཱ་ཏཱ་ལ་ག་ཏཱ་བྷུ་ཛ་ག་སརྦྦི་བཱ་ཏརྫྫ་ཡ་ཏརྫྫ་ཡ་ཡ་ཧྲཽཾ་ཧྲཽཾ་ཕེཾ་ཕེཾ་ཧྲཱིཾ་ཧྲཱིཾ། དྷི་ལི་དྷི་ལི་ཧཱུཾ་ཧཱུཾ་ཕཊ། ཨོཾ་ན་མོ་བྷ་ག་བ་ཏེ་བཱི་རེ་ཤཱ་ཡ་མ་ཧཱ་ཀྐགྣི་སནྣི་བྷཱ་ཡ། ཛ་ཊ་མུ་ཀུ་ཊོཏྐ་ཊ་ཡ་དྃཥྚཱ་ཀ་རཱ་ལོ་གྲ་བྷཱི་ཥ་ཎ་མུ་ཁཱ་ཡ་ས་ཧ་སྲ་བྷུ་ཛ་བྷཱ་སུ་རཱ་ཡ་པ་ར་ཤུ་པ་ཤོ་དྱ་ཏི་ཤུ་ལ་
ཁ་ཊྭཱྃ་ག་དྷ་རི་ཎི་བྱཱ་གྷྲཱ་ཛི་ནཱམྦ་ར་དྷ་རཱ་ཡ་མ་ཧཱ་དྷཱ་མྲཱ་ན་དྷཱ་ཀཱ་ར་ཝ་པུ་ཥཱ་ཡ་ཧཱུྃ་ཧཱུྃ་ཕཊ་སྭཱ་ཧཱ། ཨོཾ་ཧཱུྃ་སྭཱ་ཧཱ་ཕཊ། ལ་ཏྲེ་ཧཱུྃ་རུ་རེཾ་བ་སཱ་བ་ཀ་ཙ་ནི་ཀེ་རུ་ཧེ་ཤཱི། ཨོཾ་བཛྲ་བཻ་རོ་ཙ་ནི་ཡེ་སྭཱ་ཧཱ། ཨོཾ་ཧྲཱིཿཧ་ཧ་ཧཱུྃ་ཧཱུྃ་ཕཊ། ཨོཾ་ཧ་ན་མ་ཧི། སྭཱ་ཧཱ་ཧཱུ། བཽ་ཥཊ་ཧེ། 
ཧཱུྃ་ཧཱུྃ་ཧོ། ཕཊ་ཧཾ་སྭཱ་ཧཱ། ཨོཾ་ཧཱིྃ་ཧཱིྃ་ཧཱུྃ། ཧེྃ་ཧེྃ་ཧཱ། ཨོཾ་བྃ། ཧྃ་ཡོཾ་ཧྲཱིཾ་མྃ། ཧྲཱིཾ་ཧྲཱིཾ། ཧཱུྃ་ཧཱུྃ།  ཕཊ་ཕཊ། ཨོཾ་སརྦྦ་བུདྡྷ་བཛྲ་བརྞྞ་ནཱི་ཡེ་བཛྲ་ཌཱ་ཀི་ནི་ཡེ་སྭཱ་ཧཱ། ཨོཾ་སུམྦྷ་ནི་སུམྦྷ་ཧཱུྃ་ཧཱུྃ་ཕཊ། ཨོཾ་གྲྀཧྞ་གྲྀཧྞ་ཧཱུྃ་ཧཱུྃ་ཕཊ། ཨོཾ་གྲྀཧྞཱ་པ་ཡ་གྲྀཧྞཱ་པ་ཡ་ཧཱུྃ་ཧཱུྃ་ཕཊ། 
ཨོཾ་ཨཱ་ན་ཡ་ཧོ་བྷ་ག་བྃ་བིདྱཱ་རཱ་ཛཱ་ཧཱུྃ་ཧཱུྃ་ཕཊ་སྭཱ་ཧཱ། ཨོཾ་བཛྲ་ཌཱ་ཀི་ནཱི་བཪྵ་བ་པ་ཡ་ཧཱུྃ་བྷུ་སྭཱ་ཧཱ། ཨོཾ་གྷི་ལི་གྷི་ལི། བཪྵ་བཪྵ་པ་ཡ་ཧཱུྃ་ཧཱུྃ་ཧཱུྃ་ཧོ་ཧོ་ཧོ། ཋ་ཋ་ཋ་སྭཱ་ཧཱ། ཨོཾ་སུམྦྷ་ནི་སུམྦྷ་ཧཱུྃ་ཧཱུྃ་ཧཱུྃ་ཕཊ། ཨོཾ་ཀ་ཀཀྵི་ཀ་ཀ་རུ་ཏྲི་ཀ་ཀ་ཨིནྡྲོ་པ་ཧ་རི་ཎི། ཨ་མུ་ཀ་
སྱ་ཛཱི་བི་ཏྃ་ཤྲི་གྷྲྃ་ཨཱ་གཙྪ་ཀ་ཀི་ཡ་ཐཱ་སུ་ཁྃ་ཕཊ། ཨོཾ་སརྦྦ་ཏི་ཐི་ནཀྵ་ཏྲ་གྲ་ཧ་མྃ་ག་ལེ་བྷྱཿསྭཱ་ཧཱ། ཨོཾ་མ་ནུ་ནི་ཀ་སྱ་ཨི་ནུ་ནི་བ་སི་མུ་ནི་ཧ་ཐ་ལཱ་གྷ་ལེ་ཧི་ཕ་ཌེ་ཨི་ཨ་མུ་ཀ་སྱ་མུ་ཁ་ཧ་ཐ་བནྡྷ་ནི་སྭཱ་ཧཱ། ཨོཾ་རཏྣ་བཛྲ་བཛྲ་ཧྲི་ཕཊ། ཨོཾ་གྲ་སྭཱ་ཧཱ། ཨོཾ་ཨ་
ཊེ་བ་ཊེ་ན་ཊེ་ཀུ་ན་ཊེ་ཋ་ཀེ་ཋ་ར་ཀེ་ཏ་རུ་བི་ཏ་རུ་བེ་ན་ཏ་ཀེ་ལི་ལི་ལུ་ལུ་ཧི་ལེ་མི་ལེ་ཏི་ལེ་ཥི་ལེ་སི་ལེ་ཨ་ཐེ་པ་ཐེ་ན་ཐེ་ཀུ་ན་ཐེ་ཨ་ན་པ་ཊི་ཧ་ན་པ་ཏི་ཀ་སྱ་ཀ་སྱ་གྷ་སྱ་གྷ་སྱ་མ་ཧཱ་གྷ་སྱ་མ་ཧཱ་གྷ་སྱ་སྭཱ་ཧཱ། ཨོཾ་པིངྒ་ལཱཀྵ་ཡ་ཧཱུྃ་ཧཱུྃ་ཧཱུྃ་ཕཊ་སྭཱ་ཧཱ། སྔགས་
འདི་ཡིས་ནི་སྒྲུབ་པ་པོ། །ལས་རྣམས་ཐམས་ཅད་བྱེད་འགྱུར་ཏེ། །སྔགས་ཀྱི་ཆོ་ག་ཇི་བཞིན་དུ། །ཉོན་ཅིག་ལྷ་མོ་བཤད་པར་བྱ། །ཨོཾ་ན་མོ་བྷ་ག་བ་ཏི་བཛྲ་བཱ་ར་ཧི་ཨཱརྱ་ཨ་པ་རཱ་ཛི་ཏེ་ཏྲཻ་ལོ་ཀྱ་མཱ་ཏེ་མ་ཧཱ་བིདྱེ་སརྦྦ་བྷཱུ་ཏ་བྷ་ཡཱ་བ་ཏེ། 
མ་ཧཱ་བཛྲེ་བཛྲཱ་ས་ནེ། ཨ་ཛི་ཏེ་ཨ་པ་རཱ་ཛི་ཏེ།  བ་ཤཱེ་ཀ་རི་ནེེ་ཏྲ་བྲ་ཧྨཱ་ཎི་བ་ཤས་ཤོ་ཥ་ཎི་རོ་ཥ་ཎི་ཀྲོ་དྷ་ཀ་རཱ་ལི་ནི་སནྟྲཱ། ས་ནི་མཱ་ར་ཎི་སུ་པྲ་བྷེ་དྷ་ནཱི་པ་རཱ་ཛ་ཡེ་བི་ཛ་ཡེ་ཛྃ་བྷ་ནི་སྟྃ་བྷ་ནི་མོ་ཧ་ནི། བཛྲ་བཱ་རཱ་ཧི།  མ་ཧཱ་ཡོ་གི་ནི།  ཀ་མེ་ཤྭ་རི་

85-1-296a

ཁ་གེ་ཏདྱ་ཐཱ་པྲོ་ཏྃ་གེ་པྲོ་ཏྃ་གེ། ཧ་ན་ཧ་ན་པྲཱ་ནཱྃ་ཀིཾ་ཀི་ནི་ཁིཾ་ཁི་ནི། དྷུ་ན་དྷུ་ན་བཛྲ་ཧ་སྟེ་ཤོ་ཥ་ཡ་ཁ་ཊྭཱྃ་ག་ཀ་པཱ་པ་ལ་མཱ་ལ་དྷཱ་རི་ཎི་མ་ཧཱ་པི་ཤི་ཏ་མཱྃ་སཱ་ཤ་ནི་མ་ནུ་ཥ་ཨནྟྲ་པྲ་བྲིཏྟ་སནྣི་དྷྱྃ་ན་ར་སི་རོ་མཱ་ལཱ་གྲྃ་ཐི་ཏ་དྷཱ་ར་ནི། སུམྦྷ་ནི་སུམྦྷ་
ཧ་ན་ཧ་ན་པྲ་ཎྃ།   སརྦྦ་པཱ་པ་ས་ཏྭ་ནྃ་སརྦྦ་པ་ཤུ་བྷ་ནྃ་མ་ཧཱ་མཱྃ་ས་ཙྪེ་ད་ནི་ཀྲོ་དྷ་ནི་མཱུརྟྟི་ཐེ་དྃཥྚ་ཀ་རཱ་ལི་ནི་མ་ཧཱ་མུ་དྲེ་ཤྲཱི་ཧེ་རུ་ཀ་དེ་བ་སྱཱ་གྲ་མ་ཧི་ཥི་ས་ཧ་སྲ་ཤེ་རེ་ས་ཧ་སྲ་བ་ཧཱ་བེ་ཤ་ཏ་ས་ཧ་སྲཱ་ན་ནེ་ཛ་ལ་ཏ་ཏེ་ཛ་སེ་ཛ་ལ་ལ་མུ་ཁེ་པིང་ག་ལ་ལོ་ཙ་ནི།   བཛྲ་ཤ་
རཱི་རེ་བཛྲ་ཨ་ས་ནེ། མི་ལི་མི་ལི། ཏི་མི་ལི་ཏི་མི་ལི་ཧེ་ཧེ།  ཧཱུྃ་ཧཱུྃ་ཁ་ཁ། དྷུ་དྷུ་དྷུ་རུ་དྷུ་རུ། མུ་རུ་མུ་རུ། ཨ་དྭཻ་ཏེ་མོ་ཧཱ་ཡོ་གི་ནི་པ་ཋི་ཏ་སིདྡྷི་དྲཻྃ་དྷྃ་དྲཻྃ་དྷྃ་གྲྃ་གྲྃ།  ཧེ་ཧེ་ཧ་ཧ། བྷི་མེ་ཧ་ས་ཧ་ས་བཱི་རེ་ཧ་ཧ་ཧོ་ཧོ་ཧཱུྃ་ཧཱུྃ། ཏྲཻ་ལོ་ཀྱ་བི་ནཱ་ས་ནི། ཤ་ཏ་ས་ཧ་སྲ་ཀོ་
ཊི་ཏ་ཐཱ་ག་ཏ་པ་རི་བཱ་རེ་ཏེ་ཧཱུྃ་ཧཱུྃ་ཕཊ། སི་ཧ་རཱུ་པེ་ཁ་ག་ཛ་རཱུ་པེ་ག་ཏྲཻ་ལོ་ཀྱ་ཨུ་ད་ར་ས་མུ་དྲ་མ་ཁ་ལེ་གྲ་ས་གྲ་ས་ཧཱུྃ་ཧཱུྃ་ཕཊ། བཱི་རཱ་དྭཻ་ཏེ།  ཧཱུྃ་ཧཱུྃ་ཧ་ཧ་མ་ཧཱ་པ་ཤུ་མོ་ཧ་ནི་ཡོ་གི་ཤྭ་རི་ཏྭྃ་ཌཱ་ཀི་ནཱི་ལོ་ཀཱ་ནཱྃ་བནྡ་ནི་ས་དྱཿཔྲ་ཏྱཱ་ཡ་ཀ་རི་ཎི་ཧཱུྃ་ཕཊ། 
བྷུ་ཏ་ཏྲཱ་ས་ནི་མ་ཧཱ་བཱི་རེ་པ་ཡོ་གེ་ཤྭ་རི་ཕཊ་ཕཊ་ཧཱུྃ་ཧཱུྃ་ཕཊ། ཧཱུྃ་ཧཱུྃ་ཕཊ་ཧཱུྃ་ཕཊ་སྭཱ་ཧཱ། ཨ་ཨཱ། ཨི་ཨཱི། ཨུ་ཨཱུ། རྀ་རཱྀ། ལྀ་ལཱྀ། ཨེ་ཨཻ། ཨོ་ཨཽ། ཨྃ་ཨཿ། ཀ་ཁ་ག་གྷ་ང་། ཙ་ཚ་ཛ་ཛྷ་ཉ། ཊ་ཋ་ཌ་ཌྷ་ཎ། ཏ་ཐ་ད་དྷ་ན། 
པ་ཕ་བ་བྷ་མ། ཡ་ར་ལ་ཝ། ཤ་ཥ་ས་ཧ། ཀྵཿ། འདི་ནི་བཅོམ་ལྡན་ལྷ་དེ་ཉིད། །ལྷ་རྣམས་ཀུན་གྱི་མཆོག་གི་གནས། །སྔགས་རྣམས་ཐམས་ཅད་སྐྱེད་བྱེད་པ། །རྒྱུད་རྣམས་ཀྱང་ནི་དེ་བཞིན་ནོ། །མཁའ་འགྲོ་ཀུན་དང་
མཉམ་སྦྱོར་བའི། །རྡོ་རྗེ་མཁའ་འགྲོ་བདེ་བའི་མཆོག །རྡོ་རྗེ་སེམས་དཔའ་དེ་བཞིན་གཤེགས། །བཅོམ་ལྡན་རྡོ་རྗེ་ཅན་གྱིས་གསུངས། །རྒྱུད་ཀྱི་རྒྱལ་པོ་ཆེན་པོ་དཔལ་རྡོ་རྗེ་མཁའ་འགྲོ་ལས་སྔགས་ཀྱི་ཆོ་ག་རིམ་པར་ཕྱེ་བ་སྟེ་
སུམ་བཅུ་རྩ་གསུམ་པའོ།། །། དེ་ནས་ཡང་དག་བཤད་བྱ་བ། །རྒྱུད་དུ་སྦས་པ་ངེས་པར་བྱ། །དེ་ནས་ཐམས་ཅད་ཆོས་འབྱུང་བར། །སྣ་ཚོགས་ལྟེ་བར་མི་ཤིགས་དགེ། །བྲིས་ནས་ཆོ་ག་བཞིན་དུ་སྔགས། །

85-1-296b

ཆོས་ཀུན་གཅིག་པུ་བསྡུ་བར་བྱ། །ཨཱ་ལི་ཀཱ་ལི་མཉམ་བྱས་ནས། །སྡེ་མཚན་ལ་ནི་ཐིམ་པར་བྱ། །དེར་གནས་པ་ལས་དཔའ་བོ་ནི། །འདོད་པའི་དོན་ཀུན་སྒྲུབ་བྱེད་བཏུ། །ཡེ་ཤེས་ལོངས་སྤྱོད་རྫོགས་པ་དང་། །སྤྲུལ་པ་
ཐོབ་གྱུར་གདོན་མི་ཟ། །འོག་དང་སྟེང་འགྲུབ་རྟག་ཏུ་སྟེར། །བདག་གི་ཕོ་ཉ་མོ་ཀུན་འགྲོ། །ཕོ་ཉ་མོ་དེ་གྲུབ་ཀུན་སྟེར། །མཐོང་དང་དེ་བཞིན་རེག་པ་དང་། །ཙུམ་བྷ་ན་དང་རྟག་པར་མཁྱུད། །སྦྱོར་བའི་གནས་ཀྱི་ཁྱད་པར་
ཉིད། །ཇི་སྙེད་རྣལ་འབྱོར་ཚོགས་རྣམས་ནི། །ཐམས་ཅད་དངོས་གྲུབ་བྱེད་པར་བཤད། །བདེན་པ་ཐམས་ཅད་སྦྱིན་བྱ་སྟེ། །གཞན་དུ་ནམ་ཡང་མ་ཡིན་ནོ། །མ་དང་སྲིན་མོ་བུ་མོ་དང་། །ཆུང་མ་ཕོ་ཉ་མོར་གནས་ལ། །
གང་ཞིག་རྟག་ཏུ་སྔགས་སྦྱིན་པ། །རང་གི་ཆོ་ག་དེ་བཞིན་བྱ། །ཐོད་པའི་ཕྲེང་བའི་དབུ་རྒྱན་དང་། །དེ་བཞིན་སངས་རྒྱས་གཙུག་ནོར་བུ། །པད་མ་དཔལ་གྱི་ནགས་རྩ་བ། །བརྡ་ཡིས་སངས་རྒྱས་ཕྱག་རྒྱ་ཡིན། །དབང་པོ་གང་དང་
གང་ལམ་ནས། །རང་བཞིན་དེ་དང་དེ་འགྲོ་བ། །མཆོག་ཏུ་མཉམ་བཞག་སྦྱོར་བ་ཡིས། །སངས་རྒྱས་ཀུན་ཏུ་རང་ཉིད་འགྱུར། །མཁའ་འགྲོ་ཀུན་དང་མཉམ་སྦྱོར་བའི། །རྡོ་རྗེ་མཁའ་འགྲོ་བདེ་བའི་མཆོག །རྡོ་རྗེ་སེམས་དཔའ་
དེ་བཞིན་གཤེགས། །བཅོམ་ལྡན་རྡོ་རྗེ་ཅན་གྱིས་གསུངས། །རྒྱུད་ཀྱི་རྒྱལ་པོ་ཆེན་པོ་དཔལ་རྡོ་རྗེ་མཁའ་འགྲོ་ལས། རྡོ་རྗེ་དབང་བསྐུར་བའི་བརྡའི་རིམ་པར་ཕྱེ་བ་སྟེ་སུམ་བཅུ་རྩ་བཞི་པའོ།། །། དེ་ནས་མཁའ་
འགྲོ་མ་རྣམས་ཀྱི། །དངོས་གྲུབ་ཐམས་ཅད་རབ་སྟེར་བའི། །ཡེ་ཤེས་འབྱུང་བ་བཤད་པར་བྱ། །བོང་བུའི་ཆ་བྱད་རྣལ་འབྱོར་བདག །ཡིད་ཤུགས་ཀྱིས་ནི་ཟློག་པར་བྱེད། །མཁའ་འགྲོ་མ་དང་མཛེས་མ་དང་། །
དུམ་སྐྱེས་གཟུགས་ཅན་རྣལ་འབྱོར་མ། །རྣལ་འབྱོར་མ་ནི་འདི་དག་ཉིད། །བརྡ་ཡི་ཚུལ་གྱིས་བསྟན་པ་སྟེ། །བསམ་གཏན་ཕྱག་རྒྱ་འདོད་གཟུགས་ཅན། །བོང་བུའི་ཆ་བྱེད་ཁྲག་འཛག་ཞལ། །སྦྲུལ་གྱིས་དཀྲིས་པའི་མདུང་རྩེ་ནི། །
85-1-297a

གསུམ་པ་མཁའ་འགྲོའི་ལག་ན་ཐོགས། །ཁ་ཊྭཱྃ་ག་དང་ཐོད་པ་ནི། །སྟེང་དུ་སྟོད་དེ་ཐོགས་པ་དང་། །མི་རོའི་སྟན་བཞུགས་ཆེར་འབར་བ། །སྐྲ་ནི་ཁམ་པ་གྱེན་བརྫེས་ཤིང་། །སྤྱན་གསུམ་གྱིས་ནི་མཛེས་པར་
བྱས། །རྒྱན་རྣམས་ཀུན་གྱིས་རྣམ་པར་ཀླུབས། །ཕྱག་ན་ཟངས་གྲི་བསྣམས་ཤིང་རྩེ། །སྣ་ཚོགས་མེ་ཏོག་འབྲས་ལྡན་པའི། །རིན་ཆེན་མཐོན་པོའི་གནས་སུ་སྒོམ། །ཚེ་ཐུང་བ་དང་ཤི་བ་ཡང་། །འཚོ་བ་དང་ནི་ཚེ་རིང་བར། །
བོང་བུའི་ཚུལ་གྱི་རྣལ་འབྱོར་གྱིས། །ལག་འཐིལ་གནས་པ་བཞིན་དུ་མཐོང་། །མཁའ་འགྲོ་ཀུན་དང་མཉམ་སྦྱོར་བའི། །རྡོ་རྗེ་མཁའ་འགྲོ་བདེ་བའི་མཆོག །རྡོ་རྗེ་སེམས་དཔའ་དེ་བཞིན་གཤེགས། །བཅོམ་ལྡན་རྡོ་རྗེ་
ཅན་གྱིས་གསུངས། །རྒྱུད་ཀྱི་རྒྱལ་པོ་ཆེན་པོ་དཔལ་རྡོ་རྗེ་མཁའ་འགྲོ་ལས་ཧེ་རུ་ཀའི་རྣམ་པར་རོལ་པའི་ཆོ་གའི་རིམ་པར་ཕྱེ་བ་སྟེ་སུམ་བཅུ་རྩ་ལྔ་པའོ།། །། དེ་ནས་ཡང་དག་བཤད་བྱ་བ། །སྒྲུབ་པོའི་ཆོ་ག་ཇི་བཞིན་ཏེ། །
ཉིན་རེའམ་ཡང་ན་ཟླ་རེ་འམ། །ཡང་ན་དེ་བཞིན་ལོ་རེ་ནི། །ཇི་བཞིན་བྱིན་གྱིས་བརླབས་ན་ནི། །ཕྱག་རྒྱའི་དངོས་གྲུབ་འཇུག་པར་འགྱུར། །སྒྲུབ་པ་པོ་ཡི་ལག་གཡོན་གྱིས། །པད་མའི་སྣོད་ནི་བཟུང་ནས་སུ། །ལག་པ་གཡས་
པ་བ་དན་ནི། །གསུམ་པར་བྱས་ཏེ་བསྒོམ་པར་བྱ། །ཁམས་ཀྱི་རང་བཞིན་ཐམས་ཅད་དང་། །དེ་བཞིན་སྲོག་དང་རྩ་ལས་བྱུང་། །མངོན་པར་འདུས་བྱས་ལེགས་བྲིས་པ། །སློབ་དཔོན་ཀུན་ལ་སྦྱིན་པར་བྱ། །ལྷ་ཡི་རྒྱན་དང་
ཡང་དག་ལྡན། །ཕྱག་རྒྱའི་མཚན་མས་རྣམ་པར་ཀླུབས། །སངས་རྒྱས་རྣལ་འབྱོར་སྡོམ་སྐྱེས་པས། །སྐལ་པ་བཟང་པོའི་གར་ཆེན་བྱ། །པད་མ་མཆོག་ལ་རེག་བྱེད་པ། །ལོ་གཅིག་བར་དུའང་མ་བྱས་ན། །སྒྲུབ་པོས་དམ་
ཚིག་སྤངས་འགྱུར་ཏེ། །དེས་ནི་དམ་ཚིག་སྤངས་ནས་སུ། །སླར་ཡང་མི་བྱའི་སྡོམ་པ་བླང་། །གཞན་དུ་སྔགས་དང་ཕྱག་རྒྱ་ནི། །རིམ་པ་འབྲས་བུ་མེད་པར་འགྱུར། །མཁའ་འགྲོ་ཀུན་དང་མཉམ་སྦྱོར་བའི། །རྡོ་རྗེ་མཁའ་འགྲོ་བདེ་བའི་མཆོག །

85-1-297b

རྡོ་རྗེ་སེམས་དཔའ་དེ་བཞིན་གཤེགས། །བཅོམ་ལྡན་རྡོ་རྗེ་ཅན་གྱིས་གསུངས། །རྒྱུད་ཀྱི་རྒྱལ་པོ་ཆེན་པོ་དཔལ་རྡོ་རྗེ་མཁའ་འགྲོ་ལས་བརྡ་ཡིས་རོལ་པ་དང་དམ་ཚིག་དང་སྡོམ་པའི་ཆོ་གའི་རིམ་པར་ཕྱེ་བ་སྟེ་སུམ་བཅུ་རྩ་དྲུག་པའོ།། །། 
མཚོན་ཆ་ཀུན་གྱི་མཚན་ཉིད་ནི། །རབ་ཏུ་བཤད་ཀྱིས་ལྷ་མོ་ཉོན། །འཁྲུལ་འཁོར་གྱིས་འཕེན་མི་འཕེན་དང་། །དེ་བཞིན་ལག་པས་འཕེན་པ་དང་། །འཕངས་ནས་སླར་ནི་གཟུང་བ་དང་། །ལག་པས་འགྱེད་དང་རྣམ་པ་ལྔ། །དབྱིབས་
དང་བདེ་བླག་སྦྱོར་བ་དང་། །ལྟོང་རྒྱུད་སྦྱོར་དང་འདྲེན་དང་མྱུར། །འགེངས་དང་འཕེན་དང་གསོལ་བའོ། །གྲིམས་པ་ཉིད་དང་སྲན་འཛུགས་དང་། །མཉེན་ཞིང་ཡན་ལག་བརྟེན་པ་དང་། །རྒྱ་ཆེར་འགེངས་ཤིང་རྣམ་པར་དག །ལུས་ཀྱི་ཕྱག་
རྒྱ་བདེ་བླག་ཅན། །འདི་ཡིས་ལུས་ལ་བརྒྱན་ནས་ནི། །རིམས་དང་དུག་དང་དབྱིག་དུག་དང་། །མཁའ་འགྲོས་གཙེས་དང་གདོན་རྣམས་ཀྱིས། །ནམས་ཀྱང་ཚུགས་པར་མི་འགྱུར་རོ། །རང་གི་སྙིང་ཁར་འདྲེན་ཚུལ་དུ། །བདེ་བླག་
ཅན་གྱིས་གཞུ་བཟུང་ནས། །གཡས་སུ་རབ་ཏུ་སྐོར་བྱེད་ཅིང་། །མདའ་འཕངས་ན་ནི་གྲུབ་པར་འགྱུར། །ཤར་ཕྱོགས་ལེགས་པར་བསྲང་ནས་ནི། །ནུབ་ཕྱོགས་ཅུང་ཟད་བཀུག་ནས་སུ། །གཞུ་རྒྱུད་དལ་བུས་དྲངས་ན་ནི། །འགྲོ་བ་
ཐམས་ཅད་འགུགས་པར་འགྱུར། །ཐམས་ཅད་འགུགས་པའི་ཕྱག་རྒྱའོ། །རྣ་དྲུང་བར་དུ་ཟླུམ་པོར་ནི། །ཅི་རིགས་པར་ནི་ལེགས་པར་བཟུང་། །ཡི་གེ་ཨོཾ་གྱིས་ཁར་དྲངས་ཏེ། །ཇི་སྲིད་ཡི་གེ་ཨ་བརྗོད་པ། །དེ་སྲིད་བར་དུ་བཟུང་བར་བྱ། །
འཛིན་པའི་ཕྱག་རྒྱའོ། །ཅི་རིགས་པར་ནི་དྲངས་ནས་ནི། །ཆོ་ག་བཞིན་དུ་བཟུང་ནས་སུ། །དེར་ནི་ཅུང་ཟད་དབྱེ་བར་བྱ། །འགེངས་པ་ཐམས་ཅད་གྲུབ་པར་འགྱུར། །འགེངས་པའི་ཕྱག་རྒྱ་འོ། །ཆང་པས་འབེན་ནི་བསྒྲིབས་ནས་སུ། །མིག་ནི་ཅུང་
ཟད་གདངས་ཏེ་བལྟ། །ལྟ་བ་ཆང་པ་ལ་གཏད་དེ། །མྱུར་དུ་འཕངས་ནི་འགྲུབ་པའི་མཆོག །མདའ་གཞུས་རྣམ་པར་རྒྱལ་བའི་ཕྱག་རྒྱའོ། །གྲུ་བཞི་པ་དང་རྣོན་པོ་དང་། །དེ་བཞིན་ཀུན་ནས་ཟླུམ་པོ་སྟེ། །གཡས་ཕྱོགས་ནས་ནི་བསྐོར་ནས་སུ། །

85-1-298a

སྟེང་དང་དེ་བཞིན་འོག་ཏུ་ནི། །རིམ་གྱིས་གནོན་ཅིང་དྲག་ཏུ་གནོན། །འབིགས་པ་བཅུ་ཡི་རྒྱ་མཆོག་གིས། །ཁམས་གསུམ་རྒྱལ་སྲིད་ཆེན་པོ་ལ། །བདེ་བར་རྒྱལ་ཞིང་ལོངས་སྤྱོད་འགྱུར། །དཔལ་ཁམས་གསུམ་རྣམ་པར་
རྒྱལ་བའི་ཕྱག་རྒྱའི་སྦྱོར་བ་བླ་ན་མེད་པའོ། །མཁའ་འགྲོ་ཀུན་དང་མཉམ་སྦྱོར་བའི། །རྡོ་རྗེ་མཁའ་འགྲོ་བདེ་བའི་མཆོག །རྡོ་རྗེ་སེམས་དཔའ་དེ་བཞིན་གཤེགས། །བཅོམ་ལྡན་རྡོ་རྗེ་ཅན་གྱིས་གསུངས། །རྒྱུད་ཀྱི་རྒྱལ་པོ་ཆེན་པོ་
དཔལ་རྡོ་རྗེ་མཁའ་འགྲོ་ལས་མཚོན་ཆ་ཐམས་ཅད་ཀྱི་བརྡའི་ཡེ་ཤེས་ཀྱི་གོ་ཆའི་རིམ་པར་ཕྱེ་བ་སྟེ་སུམ་བཅུ་རྩ་བདུན་པའོ།། །། ཕོ་ཉ་གདུལ་བའི་བསྒྲུབ་པའི་ཐབས། །དེ་ནས་ཡང་དག་བཤད་པར་བྱ། །ཐ་མལ་སྔགས་ཀྱི་ལུས་
ཅན་དང་། །ཞིང་སྐྱེས་མ་ནི་གང་ཡང་རུང་། །སྒྲུབ་པོས་དེ་དག་ཐམས་ཅད་ལ། །ཕན་པའི་མཆོག་གིས་བདེ་བ་བསྒྲུབ། །འདི་དག་གཞན་པས་ལོངས་སྤྱོད་ཀྱི། །བསྙེན་བཀུར་གྱིས་ནི་བསྟེན་མི་བྱ། །སྐལ་བཟངས་ཕྱུག་ཅིང་སྲ་བ་སྟེ། །
རང་གི་བཀྲ་ཤིས་རིགས་སྤྱོད་དང་། །རི་མོ་ཅན་ནི་སེམས་གཡོ་ཞིང་། །འོ་མ་འཛིན་སྦོམ་པད་མ་ཅན། །ལྟེ་བ་དུང་འདྲ་དུང་ཅན་མ། །དེ་དག་རིམ་པ་བཞིན་དུ་བརྗོད། །འབྱུང་པོའི་ཤིང་གི་རྩ་བ་འབད་པས་ཁར་བཅུག་ན། ཇི་སྲིད་བུ་མོའི་བདེ་
བ་རྙེད་པ་དེ་སྲིད་ཀྱི་བར་དུ་སྔགས་པས་འཛིན་པར་འགྱུར་རོ། །གན་དུ་ཤ་དང་ལ་ཀྵ་ནའི་སྨན་བཏགས་ཏེ་ཏིལ་མར་དུ་བཙོས་ལ་རྐང་པ་ལ་བསྐུས་ན་ཡང་འདོད་པ་ལ་སྤྱོད་པ་རྣམས་ཀྱིས་བསྔགས་སོ། །ཨ་ཤྭད་ཐའི་ཤིང་ཀན་ད་དང་པ་ཐ་དང་། བུ་ཤེལ་ཙི་
རྣམས་ཆ་མཉམས་ཏེ། ཤིང་ཨར་ཀའི་འོ་མ་དང་སྦྱར་ལ་དེས་ཕོ་མཚན་དྲིལ་ཕྱིས་བྱས་ན། གདོན་མི་ཟ་བར་འཕར་བར་འགྱུར་ཏེ། དེའི་འོག་ཏུ་མྱུར་དུ་ཆུ་དྲོན་གྱིས་བཀྲུས་ན་ཇི་སྲིད་འདོད་པ་བཞིན་འགྱུར་རོ། །པད་མ་དཀར་པོའི་གེ་སར་སྦྲང་རྩི་དང་ལྷན་ཅིག་བཏགས་ཏེ་
ལྟེ་བར་བསྐུས་ན། བུད་མེད་སྲ་བ་རྣམས་ཀྱང་ཁུ་བ་འཛག་པར་འགྱུར་རོ། །ཏིལ་དཀར་པོ་དང་། གེ་སར་དང་། དཔའ་བོ་ཆིག་འགྲེང་གི་རྩ་བ་རྣམས་བཏགས་ཏི། སྦྲང་རྩི་དང་མ་ཧེ་ཡི་མར་དང་ལྷན་ཅིག་ཏུ་སྦྱར་ཏེ་ལྟེ་བར་བསྐུས་ན། ཕོ་མཚན་མཁྲེང་ཞིང་བུད་མེད་

85-1-298b

ཆགས་པ་ཆེ་བ་རྣམས་ཡིད་འཕྲོག་པར་འགྱུར་ཞིང་། བོང་བུ་ལྟར་ནི་འདོད་སྤྱོད་པས། །བདེ་དོན་གཉེར་ལ་བདེ་སྟེར་བར། །འདུལ་བ་དོན་ཡོད་རྒྱུད་ལས་ནི། །ངས་ནི་འཛིན་པ་བཤད་པ་ཡིན། །ལིང་གས་བུད་མེད་བསྒྲུབ་
བྱ་ཞིང་། །བྷ་གས་སྐྱེས་པ་བསྒྲུབ་པར་བྱ། །ལིང་ག་དོན་གཉིར་མཚན་མ་ཞེས་བཤད་དེ། །བྷ་ག་ལ་ནི་སྤེལ་བར་བྱ། །ཕྱག་རྒྱ་ཕྱག་རྒྱར་སྦྱོར་བ་ཡིན། །རྣམ་པར་རོལ་པས་ལིང་ག་ཞེས། །བྱ་བ་རུ་ནི་བསྟན་པ་སྟེ། །
རྣམ་པར་འཕྱེད་པས་བྷ་ག་ཡིན། །མ་བསྟན་གསལ་བར་བསྟན་པ་སྟེ། །ཉི་བར་བསྟན་པའི་རང་བཞིན་ཉིད། །ཨ་ཡིག་བ་ཡི་ཡི་གེ་ལས། །བྷ་ག་ལིང་ག་བསྐྱེད་ནས་ནི། །བུང་བ་ལ་སོགས་རིམ་ཇི་བཞིན། །མཁའ་འགྲོ་མ་ཀུན་བསྒྲུབ་པར་བྱ། །མཁའ་འགྲོ་མ་
དང་མཉམ་སྦྱོར་བའི། །རྡོ་རྗེ་མཁའ་འགྲོ་བདེ་བའི་མཆོག །རྡོ་རྗེ་སེམས་དཔའ་དེ་བཞིན་གཤེགས། །བཅོམ་ལྡན་རྡོ་རྗེ་ཅན་གྱིས་གསུངས། །རྒྱུད་ཀྱི་རྒྱལ་པོ་ཆེན་པོ་དཔལ་རྡོ་རྗེ་མཁའ་འགྲོ་ལས།
ཕོ་ཉ་གདུལ་བའི་ཆོ་གའི་རིམ་པར་ཕྱེ་བ་སྟེ། །སུམ་བཅུ་རྩ་བརྒྱད་པའོ།། །། དེ་ནས་བཅོམ་ལྡན་འདས་ལ་ལྷ་མོས་མཆོད་ཅིང་ཕྱག་བྱས་ཏེ་འདི་སྐད་ཅེས་གསོལ་ཏོ། །སེམས་ཅན་བསོད་ནམས་མེད་པ་དང་། །སྔགས་རྣམས་བསྟེན་པར་
མི་ནུས་པ། །དེ་རྣམས་དངོས་གྲུབ་ཇི་ལྟར་ཐོབ། །སྟོབས་མེད་རྣམས་ཀྱི་སྟོབས་བསྐྱེད་ཅིང་། །སྔགས་དང་བྲལ་ཡང་བསྲུང་འགྱུར་བ། །མདོར་བསྡུས་ནས་ནི་བཤད་དུ་གསོལ། །སྒྱུ་མ་ཀུན་ཏུ་རྣམ་འཕྲུལ་བ། །ཉོན་ཅིག་ལྷ་མོ་
སྒྱུ་མ་ཆེ། །སེམས་ཅན་རྣམས་ནི་ཆགས་བྱའི་ཕྱིར། །ལྷ་ཡི་སྨན་ནི་བཤད་པར་བྱ། །དེ་ནི་ཇི་ལྟར་གཟུང་བྱ་བ། །དེ་ནི་དེ་བཞིན་བཤད་པར་བྱ། །བདག་ཉིད་ལྷ་ཡི་དངོས་བྱས་ནས། །ཕྱི་ནས་ས་བོན་བསྒྲུབ་པར་བྱ། །སེམས་
ཅན་རྣམས་ནི་ཆགས་པ་དང་། །དེ་བཞིན་བྱ་བ་སྣ་ཚོགས་བྱེད། །ས་བོན་ལ་སོགས་གཟུགས་པ་ཡི། །ལས་རྣམས་སྣ་ཚོགས་འབྱུང་བའོ། །ལྷ་མོས་གསོལ་པ། ཇི་ལྟ་བུའི་ས་བོན་ལ་སོགས་པ་ལགས། བཅོམ་ལྡན་འདས་ཀྱིས་བཀའ་སྩལ་པ། ཨེ་རཎྜ་

85-1-299a

ད་དང་གསེར་ཤིང་ལ་སོགས་པའི་ཤིང་གི་ས་བོན་ཏེ། དེ་ལ་སོགས་པ་ཡོངས་སུ་སྨིན་པ་རྣམས་ཆོ་ག་བཞིན་བསྒྲུབ་པར་བྱའོ། །མར་ངོའི་འབྱུང་པོའི་ཉི་མ་ལ། །ཟླ་མཚན་ཚོན་དང་དབང་པོ་བསྒོ། །དུར་ཁྲོད་
ཐལ་བར་ལྡན་པ་དང་། །གཏོར་མ་དང་ནི་བསྲུང་བར་བཅས། །དེ་བཞིན་ལྷ་ཡི་ལྕུག་མ་གཟུགས། །པ་ཐ་དང་ནི་རྒྱལ་བ་དང་། །གཞན་གྱིས་མི་ཐུབ་པ་ཉིད་དང་། །ཙཀྲ་ཨང་ག་རྨོངས་བྱེད་རྣམས། །མཚོན་ཆ་ཐམས་ཅད་ཟློག་
པར་བྱེད། །ཙཀྲ་ཨང་ག་ལག་པས་འཕེན། །པ་ཏས་འཕྲུལ་འཁོར་འཕེན་པ་སྟེ། །འཕངས་ནས་བཟུང་བ་རྒྱལ་བས་སོ། །གཞན་གྱིས་མི་ཐུབ་ལག་པས་འགྱེད། །རྨོངས་བྱེད་ཀྱིས་མི་འཕེན་པའོ། །འདི་དག་བརྡ་ཡི་ཚུལ་
གྱིས་བཤད། །དེ་དག་ཐམས་ཅད་གྲིམས་པར་ནི། །གཡོན་ཕྱོགས་སུ་ནི་བསྒྲིལ་ནས་སུ། །མགྲིན་པའམ་སྤྱི་བོར་བཟུང་བྱས་ན། །མཚོན་ཆ་ལྔ་ནི་བཟློག་པར་བྱེད། །གདོལ་པའི་བུ་མོ་མདོག་སྔོན་གྱི། །པད་མ་ལས་ནི་སྐྱེས་པ་
དང་། །བདུད་རྩི་ལྔ་ཡིས་བསྒོས་ནས་སུ། །ཉི་ཚན་དག་ལ་བསྐམ་པར་བྱ། །ཁྱི་ནག་པོ་ཡི་ཐོད་པ་ནི། །དུར་ཁྲོད་ས་ཡིས་བརྐང་བ་རུ། །མར་ངོའི་ཚེས་བརྒྱད་བཅུ་བཞི་ལ། །ཕ་མེས་ཀྱི་ནི་ནགས་སུ་གཟུགས། །དེ་ནི་འབད་དེ་བླངས་ནས་
སུ། །དུར་ཁྲོད་དང་ནི་བླ་མ་དང་། །ཧེ་རུ་ཀ་དཔལ་མཆོད་བྱས་ལ། །གྲུབ་པའི་ས་བོན་གཟུང་བྱས་ཏེ། །ཐོད་པ་རུ་ནི་བཞག་པ་ལ། །ཆོ་ག་བཞིན་དུ་མངོན་བསྔགས་ཏེ། །མགུལ་པར་བཅིངས་ན་སྦེད་པར་འགྱུར། །མཉམ་པར་བཞག་སྟེ་
བཅིང་བ་དགྲོལ། །བྱ་རོག་ནག་པོའི་ཐོད་པ་དང་། །མདུང་ངམ་མཚོན་གྱིས་བསད་པ་ཡི། །སྐྱེས་བུ་ཡི་ནི་ཐོད་པ་རུ། །སྦྲུལ་ནག་པོ་ཡི་ཞག་གིས་ནི། །གསེར་ཤིང་ལ་སོགས་ས་བོན་ལ། །ཡང་དང་ཡང་དུ་བསྒོས་བྱས་ལ། །གྲོག་མཁར་
གྱི་ནི་ས་དག་དང་། །དུར་ཁྲོད་ས་ཡིས་བསྲེགས་བཀང་སྟེ། །བཞི་མདོ་ལམ་གྱི་དབུས་སམ་ནི། །ཆུ་བོ་ཡི་ནི་འགྲམ་དག་ཏུ། །སྒྲུབ་པོ་ཤིན་དུ་མཉམ་བཞག་པས། །ཐོད་པར་རྒོངས་མོའི་དུས་སུ་བཞག །གཏོར་མ་སྦྱིན་ཞིང་

85-1-299b

བཅུ་བ་དང་། །བསྲུང་བ་དག་ནི་ཉིན་རེ་བྱ། །ཁ་ཊྭཱྃ་ག་སོགས་ལྡན་པ་ཡི། །དཔལ་ལྡན་ཧེ་རུ་ཀ་གཟུགས་བྱ། །ལག་གཡོན་ཐོད་པ་བཟུང་ནས་ནི། །བརྟུལ་ཞུགས་སྤྱོད་པར་ལྡན་པ་ཡིས། །ཆོ་ག་བཞིན་དུ་བསྐྱེད་བྱས་ན། །
ཤ་ཟ་ལ་སོགས་ཅོ་མི་འདྲི། །ས་བོན་སྨིན་པ་བཟུང་ནས་ནི། །མཁས་པས་སྔོན་བཞིན་མཆོད་བྱས་ནས། །གྲུབ་པའི་རྫས་ཀྱི་ཕུད་དག་ནི། །ཁྱད་པར་དུ་ནི་བླ་མར་དབུལ། །སྒྲུབ་པོས་དེར་ནི་ཁར་བཅུག་ན། །སྣ་ཚོགས་པ་
ཡི་གཟུགས་སུ་སྣང་། །ལྷ་དང་སྦྱིན་བདག་གནོད་སྦྱིན་སོགས། །ཇི་ལྟར་འདོད་བཞིན་གཟུགས་བསྒྱུར་ཏེ། །ལྷ་ཡི་བུ་མོ་རྣམས་དང་ནི། །ཇི་སྲིད་འདོད་ཀྱི་བར་དུ་རོལ། །རྒོངས་མོ་གཏོར་མ་སྔོན་འགྲོ་བས། །ཇི་བཞིན་ལྷག་
པར་གནས་བྱ་ཞིང་། །ཤིང་བསྐྱེད་ཆོ་ག་རྒྱས་པ་ལས། །འབྱུང་བཞིན་བསྲུང་བ་ལ་སོགས་བྱ། །གཞན་དུ་མེ་ཏོག་འབྲས་བུ་སོགས། །དྲག་པོའི་གདོན་གྱིས་གཙེས་པས་ན། །འགྲུབ་པ་ཉིད་དུ་མི་འགྱུར་རོ། །དེ་ནས་སྐྲ་
གྲོལ་གཅེར་བུར་ནི། །གྱུར་པའི་བུ་མོའི་ལག་གཡོན་དུ། །གལ་ཏེ་སྨིན་པའི་འབྲས་བུ་དེ། །སྒྲུབ་པ་པོས་ནི་གཞག་པར་བྱ། །གང་དང་གང་གི་ཁྲག་གིས་ནི། །ཡང་དང་ཡང་དུ་འབྲས་བུ་བསྒོ། །དེ་ཡི་ཁྲག་གིས་བསྒོས་པ་ཡི། །
ཤ་ལ་སོགས་པ་མཚོན་བྱ་ཞིང་། །དེ་ཡི་ཐལ་བས་བསྐྱེད་པར་བྱ། །དེ་ཡི་ཐོད་པར་གཟུགས་པ་དང་། །དེ་ཡི་ཤ་ཁྲག་ཞག་གིས་ནི། །ཡང་དང་ཡང་དུ་བཅུ་བར་བྱ། །དེ་ཡི་ཤ་སོགས་བདུག་པ་དང་། །བྱུག་པའང་ཡང་དང་ཡང་དུ་
བྱ། །སྔོན་དུ་གཏོར་མ་བསྲུང་སོགས་བྱ། །ས་བོན་དེ་ནི་སྨིན་པ་དང་། །ཆོ་ག་བཞིན་དུ་བླངས་ནས་ནི། །ཁ་ཡི་ནང་དུ་བཞག་གྱུར་ན། །ཆོ་གས་ཇི་ལྟར་བསམ་པ་བཞིན། །དེ་དང་དེ་ཡི་གཟུགས་འགྱུར་ཏེ། །དེ་བཞིན་འདི་ཡི་
མཐུ་ཡིས་ནི། །མི་སྣང་བར་ནི་ཐམས་ཅད་འགྱུར། །ས་བོན་མ་ཉམས་སྟོབས་ཀྱིས་སུ། །འུག་པ་ལ་སོགས་རྣམས་ཀྱིས་ཀྱང་། །ཆ་ཙམ་ཡང་ནི་མཐོང་མི་ནུས། །དེ་ནས་གཞན་ཡང་བཤད་བྱ་བ། །མཚོན་ཆ་ཐམས་ཅད་

85-1-300a

བཟློག་པའི་ཕྱིར། །ཉི་མ་གཟིས་ནི་ཟན་དུས་སུ། །པན་ད་ར་ག་ཞེས་བྱ་དང་། །དཔའ་བོ་གཅིག་པ་སྟོབས་པོ་ཆེ། །སྔ་དྲོ་ཉི་མ་ཤར་དུས་སུ། །བྱང་ཕྱོགས་རྩ་བ་བརྐོས་ནས་ནི། །མཉམ་པར་བཞག་པས་
གཟུང་བར་བྱ། །སྔར་བསྟན་ཆོ་གའི་རིམ་པ་ཡིས། །རྒྱུ་དང་མི་རྒྱུ་རྨོངས་པར་བྱེད། །བགྲོད་དཀའི་ལམ་ནི་ཉམ་ང་རུ། །སྟག་དང་སེང་གེ་སོགས་འཇིགས་དང་། །རྒྱལ་པོ་རྐུན་པོའི་འཇིགས་སོགས་པ། །ཐམས་ཅད་བསྲུང་
བ་བླ་ན་མེད། །ཡང་ན་དེ་ཡི་གེ་སར་ནི། །ཞོ་དང་ལྷན་ཅིག་བཟའ་བར་བྱ། །ཇི་སྲིད་མགྲིན་པར་ལུད་ཀྱི་བར། །དེ་སྲིད་བར་དུ་བཟའ་བར་བྱ། །ཇི་སྲིད་དེ་ནི་མ་ཞུའི་བར། །རྡོ་རྗེ་འཛིན་འདྲའི་ལུས་སུ་འགྱུར། །དེ་ལུས་མཚོན་ཆ་
ཕོག་པ་ཡང་། །ཆུ་ཡི་ཐིགས་པ་ལྟར་མི་སྣོད། །མཚོན་ཆ་ཐམས་ཅད་ཟློག་པ་ཡི། །དེ་ནས་སྦྱོར་བ་གཞན་བཤད་བྱ། །སྔོན་བཞིན་གཏོར་མ་སོགས་ལྡན་པར། །ཨང་ཀོ་ཏ་ཀའི་རྩ་བླངས་ལ། །དེ་ལས་རི་ལུ་བྱས་ནས་སུ། །
ལྕགས་གསུམ་གྱིས་ནི་དཀྲི་བར་བྱ། །ལྷ་མོ་དེར་ནི་ཁར་བཅུག་ན། །མཚོན་ཆ་ཐམས་ཅད་ལྡོག་འགྱུར་ཞིང་། །རིམས་དང་གློ་དང་དབུགས་མི་བདེ། །ནད་རྣམས་གཞན་ཡང་ཚར་གཅོད་ལ། །རྣམ་པ་སྣ་ཚོགས་དུག་དང་ནི། །
ལུས་སྲུལ་ལ་སོགས་གཞན་དག་ཀྱང་། །སེང་གེ་ཡིས་ནི་གླང་ཆེན་བཞིན། །དྲི་ཙམ་གྱིས་ནི་འབྲོས་པར་འགྱུར། །དེ་ནས་སྦྱོར་བ་གཞན་བཤད་པ། །པེ་ཏི་ཞེས་བྱ་ལྷ་ཡི་སྨན། །རྒྱལ་དང་ཉི་མ་དག་གམ་ནི། །ཡང་ནི་ཟླ་
བ་གཟས་ཟིན་ཚེ། །ཕྱག་རྒྱར་བཅས་པའི་སྒྲུབ་པ་པོས། །ལྷ་ཡི་རྣལ་འབྱོར་དམིགས་ན་ནི། །གཏོར་མ་མཆོག་སོགས་བྱས་ནས་སུ། །འབད་དེ་སྔགས་ནི་བཟླས་བྱས་ལ། །སྐྲ་གྲོལ་གཅེར་བུར་གྱུར་པ་ཡིས། །ཤིན་
དུ་མཉམ་པར་བཞག་སྟེ་གཟུང་། །ཆོ་གའི་བྱ་བ་འདི་ཡིས་ནི། །འགྲུབ་འགྱུར་འདིར་ནི་ཐེ་ཚོམ་མེད། །ཆ་བདུན་དུ་ནི་བགོས་ནས་སུ། །མཁས་པས་སྤྱི་བོར་གཟུང་བར་བྱ། །རིམ་པ་འདི་ཡིས་སྒྱུ་མ་ཆེ། །མཚོན་ཆ་

85-1-300b

ཐམས་ཅད་ཟློག་འགྱུར་ཏེ། །ཇི་སྙེད་ས་སྟེངས་གནས་པ་ཡི། །མཚོན་ཆ་གཞན་ཡང་ཟློག་བྱེད་པ། །ཉི་མ་ཡིས་ནི་མུན་པ་བཞིན། །བལྟས་པ་ཙམ་གྱིས་བཟློག་པར་བྱེད། །དེ་ནས་ཆོ་ག་གཞན་བཤད་པ། །ནག་པོ་ཆེན་པོ་
སྨན་ཆེན་པོ། །བློ་ལྡན་གཟའ་ནི་ཉི་མ་དང་། །སྐར་མ་རྒྱལ་དང་ལྡན་པ་ལ། །མཆོད་དང་གཏོར་མའི་ཆོ་ག་ཡིས། །ཤིན་དུ་མཉམ་པར་བཞག་པས་གཟུང་། །ཁྱུ་མཆོག་ར་ཡི་ས་དང་ནི། །ཕྱི་ནས་གཅིག་པུ་བསྲེ་བར་བྱ། །ལོ་གཅིག་
བར་དུ་ནུས་དང་ལྡན། །དེ་ནས་གསར་པ་གཞན་གཟུང་བྱ། །ཇི་སྲིད་ལུས་ལ་གནས་ཀྱི་བར། །མཚོན་ཆས་ཆོད་ཅིང་ཕུགས་མི་འགྱུར། །སྒྲུབ་པོ་དེ་ཡི་ལུས་ལ་ནི། །དུག་ཀྱང་འཕོ་བར་མི་འགྱུར་རོ། །སྔོན་བསྟན་ཆོ་གའི་བྱ་
བ་ཡིས། །བྷ་མ་དན་ཏའི་སྨན་གཟུང་བྱ། །པད་མ་ཡི་ནི་འདམ་དང་ནི། །ལྷན་ཅིག་ཏུ་ནི་བསྲེ་བར་བྱ། །སྔར་བསྟན་ཆོ་གའི་རིམ་པ་ཡིས། །ཨི་ཤྭ་རི་ནི་བཟུང་བར་བྱ། །མཚན་མ་གཅིག་གི་ས་དག་དང་། །ཤིན་དུ་མཉམ་པར་བཞག་
སྟེ་བསྲེ། །ཡོན་ཏན་དག་ནི་སྔ་མ་བཞིན། །ཉོན་ཅིག་ལྷ་མོ་ཤེས་རབ་ཆེ། །ཀུ་མ་རཱི་ཞེས་བྱ་བའི་སྨེན། །གཞོན་ནུ་མ་ཡི་རྐང་རྗེས་རྡུལ། །དེ་ཡི་གཅི་བའི་ས་དང་བཅས། །མ་ཧེ་རྭ་ཡི་ས་དང་ལྡན། །འདམ་འདི་སུམ་བཅུ་གསུམ་པས་
མཆོད། །དེ་ནས་ཡང་དག་བཤད་བྱ་བ། །བིཥྞུ་བི་ཞེས་བྱ་བའི་སྨན། །སྔར་བསྟན་ཆོ་གའི་བྱ་བ་ཡིས། །ནགས་ཀྱི་ཕྲེང་བ་བཟུང་བར་བྱ། །བཟློག་སྟེ་འཁོར་བའི་འཁོར་ལོ་ཡི། །འཇིམ་པ་འབད་དེ་བླངས་ནས་སུ། །དེ་དང་
ལྷན་ཅིག་ལྡན་པར་བྱ། །ལུས་ལ་གནས་ན་བསྲུང་བར་འགྱུར། །རྩེ་གཅིག་ཡིད་ཀྱིས་མཉམ་པར་གྱིས། །ཕག་མོ་ཞེས་བྱའི་སྨན་དང་ནི། །ཕག་གི་ལུས་ལས་བྱུང་བའི་འདམ། །མ་ཧེའི་རྭ་ཡི་ནང་དུ་གཞག །ལོ་གཅིག་བར་དུ་ནུས་
དང་ལྡན། །དེས་ཀྱང་སྔ་མ་བཞིན་དུ་འགྱུར། །ལམ་གྱི་བཞི་མདོ་རི་རྩེ་དང་། །གླང་ཆེན་མཆེ་བར་ཆགས་པའི་ས། །དབང་པོ་ཤིང་གི་རྩ་བར་བཅས། །སུམ་བཅུ་གསུམ་དབང་འདམ་ཞེས་བྱ། །དེ་ནས་ཙ་མུན་ད་བཤད་བྱ། །ཁ་དོག་

85-1-301a

གཅིག་པ་བླ་ན་མེད། །ཙཎ་ཌ་ལི་ཡི་རྩ་གཟུངས་ལ། །སྔར་བསྟན་བཞིན་དུ་བསྒྲུབ་པར་བྱ། །ཤིང་གཅིག་དང་ནི་མཚན་གཅིག་པའི། །ས་དང་སྦྱར་ཏེ་འདམ་དུ་བྱ། །དེ་ནི་ལུས་ལ་གནས་པར་དུ། །སུམ་བཅུ་གསུམ་པས་
ཀྱང་མི་ཤིགས། །དེ་ནས་ཆོ་ག་གཞན་བཤད་བྱ། །སྙིང་པོ་ཐམས་ཅད་བསྡུས་པ་སྟེ། །མངལ་ནས་དང་པོ་བྱུང་བ་ནི། །མ་ཡི་ནུ་ཞོ་མ་འཐུངས་པ། །རྡོ་རྗེ་ཕག་མོར་བཅས་པ་ཡི། །ཧེ་རུ་ཀ་ནི་མཆོད་བྱས་ལ། །དེ་ལྟར་བྱས་
ནས་ལྷ་མོ་ཆེ། །གཏོར་མ་བྱིན་ལ་ཡང་ཡང་བསྲུང་། །དེ་ཡི་ལྟག་པ་གཤགས་ནས་སུ། །ལྕེ་ནི་རྩ་བར་བཅས་ཏེ་བླངས། །བྲིངྒ་རཱ་ཛ་གསེར་ཤིང་དང་། །ཀ་ག་ག་ཛ་གཞན་མི་ཐུབ། །ལྷ་ཡི་སྨན་དང་བཅས་པ་ལས། །རི་ལུ་
རུ་ནི་བྱས་ནས་སུ། །ཁར་བཅུག་ནས་ནི་བཟུང་གྱུར་ན། །མཚོན་ཆ་ཐམས་ཅད་ཟློག་པར་འགྱུར། །ཇི་སྙེད་ས་སྟེང་གནས་པ་ཡི། །མཚོན་ཆ་རྣམས་ཀྱང་ཟློག་བྱེད་ན། །ཁ་ཅིག་ལ་ལྟ་སྨོས་ཅི་དགོས། །རིམས་དང་དུག་དང་ནད་རྣམས་
དང་། །མཁའ་འགྲོ་མ་དང་གདོན་གྱིས་འཚེ། །དེ་དག་ཐམས་ཅད་ཟློག་འགྱུར་ཏེ། །གཞན་དག་ཏུ་ནི་ང་མི་སྨྲ། །དེ་ནས་སྦྱོར་བ་གཞན་བཤད་བྱ། །དེ་ཡི་ཤ་དང་ཞག་དང་ཁྲག །གཅིན་དང་ཁུ་བར་བཅས་པ་ཡིས། །ཡུང་བ་ནག་པོ་ལ་བྱུགས་ཏེ། །
རྒྱལ་དང་འབྱུང་པོའི་ཉི་མ་ལ། །བགེགས་ནི་ཞི་བར་བྱ་བའི་ཕྱིར། །འབྱུང་པོ་ཀུན་གྱི་གཏོར་བྱིན་ཏེ། །ལས་རྣམས་ཐམས་ཅད་བསྒྲུབ་པའི་ཕྱིར། །སྔགས་པ་ཆོ་གར་ལྡན་པ་ཡིས། །བྱིས་པའི་རོ་ཡི་ལྟོ་བར་ནི། །མར་ངོ་འབྱུང་པོའི་ཉི་མ་ལ། །
དུར་ཁྲོད་ཀྱི་ནི་ས་གཞི་རུ། །ཆོ་ག་བཞིན་དུ་བཙུགས་ལ་བསྐྱེད། །ལྕེ་སྤྱང་ལ་སོགས་བསྲུང་བར་བྱ། །འདབ་མ་སྦྲུལ་ཞིང་སྨིན་པ་དང་། །སྔར་གྱི་ཆོ་ག་བཞིན་བླངས་ཏེ། །དེ་ནི་ལུས་ལ་གནས་ཀྱི་བར། །སྐད་ཅིག་གིས་ནི་དཔའ་བོར་འགྱུར། །སྔར་
བསྟན་བྱིས་པའི་ལྕེ་དང་ནི། །ཡུང་བ་ནག་པོར་བཅས་པ་ལས། །རི་ལུར་བྱས་ཏེ་ཁར་བཅུག་ལ། །གཡུལ་དུ་ཞུགས་ན་དགྲ་བཅིངས་འགྱུར། །དེ་ནས་དཔུང་རྣམས་ཐམས་ཅད་ནི། །རྨོངས་བྱེད་སྐུད་པ་བཤད་པར་བྱ། །སྐར་མ་རྒྱལ་ལ་ནན་

85-1-301b

ཏན་དུ། །ནགས་ཀྱི་རས་བལ་བླངས་ནས་ནི། །ཟླ་མཚན་གྱིས་ནི་བྱུགས་བྱས་ལ། །སུམ་སྒྲིལ་ཡང་ནི་སུམ་སྒྲིལ་དུ། །གཞོན་ནུ་མ་ཡིས་འབད་དེ་བཀལ། །རྐང་པ་བརྒྱད་པའི་སྔགས་ཀྱིས་ནི། །བཟླས་ཤིང་མདུད་པ་དེ་ཙམ་བྱ། །མདུད་པ་
དག་ནི་ཐམས་ཅད་ཀྱང་། །མ་མོ་བརྒྱད་དུ་བརྟག་པར་བྱ། །དེ་ལྟར་སྔགས་བརྒྱད་བྱས་པ་ཡིས། །བྱིན་གྱིས་བརླབས་པ་བྱས་ནས་སུ། །སོ་སོ་རེ་རེ་དག་ལ་ཡང་། །བརྒྱ་རྩ་བརྒྱད་བརྒྱད་བཟླས་བྱས་ལ། །ལག་པ་གཡོན་པར་བཏགས་ན་
ནི། །མདའ་དང་རལ་གྲི་ལ་སོགས་པའི། །མཚོན་ཆ་ཐམས་ཅད་བཅིངས་པར་འགྱུར། །སྒྱུ་མ་ཆེན་པོའི་རིག་པ་འདི། །རབ་ཏུ་འབད་དེ་གསང་བར་བྱ། །དེ་ནས་ཆོ་ག་གཞན་བཤད་པ། །ནགས་ཀྱི་ཤལ་མ་ལི་ཡི་ནི། །བལ་ནི་སྐར་མ་རྒྱལ་ལ་བླངས། །
བུ་མོ་ཡི་ནི་གཅི་བ་ཡིས། །བཏགས་ཏེ་དེ་དང་བསྲེ་བར་བྱ། །བུ་མོ་ཡིས་ནི་བཀལ་བར་བྱ། །གཟའ་དང་སྐར་མ་དགེ་བ་དང་། །ཟླ་བ་སྟོབས་ཅན་དག་ལ་ནི། །མདུད་པའི་སྦྱོར་བ་བྱས་ནས་སུ། །སོ་སོ་ཞིང་ནི་རེ་རེ་ལ། །སྔར་གྱི་རིམ་པའི་སྦྱོར་བ་ཡིས། །
ཤིན་དུ་མཉམ་པར་བཞག་སྟེ་བསྒྲུབས། །འདི་ཡིས་བཅིངས་པ་ཙམ་གྱིས་ནི། །སུམ་བཅུ་གསུམ་པས་ཀྱང་མི་འཆིང་། །ལས་ཀྱི་ཆོ་ག་མཐོང་བ་ཡིས། །མཚོན་ཆ་ཐམས་ཅད་འཆིང་འགྱུར་ཏེ། །འདི་ནི་བ་གླང་ལྷས་སུ་བསྒྲུབ། །སུ་རག་
ཏ་དང་སེང་ལྡེང་དང་། །ནིམ་པ་དང་ནི་ཨར་ཀའང་རུང་། །སྐར་མ་རྒྱལ་དང་ཉི་མ་ལ། །ཤིང་བུ་དེ་གཉིས་བཟུང་ནས་ནི། །མྱོས་པར་བྱེད་པའི་རིགས་པ་ཆེ། །རིག་པ་ཀུན་གྱི་གཙོ་མོ་སྟེ། །ལན་བརྒྱ་རུ་ནི་བཟླས་ནས་སུ། །ཤིང་བུ་ཕན་ཚུན་དྲུད་གྱུར་
ན། །དགྲ་བོ་དང་ནི་འཐབ་པར་འགྱུར། །རྡོ་རྗེ་ཡི་ནི་ཆུ་དང་ནི། །འཛུབ་མོའི་ཁྲག་དང་བཅས་པ་ལ། །མྱོས་པར་བྱེད་མའི་རིག་པ་བཟླ། །སྔགས་ཀྱི་བཟླས་པ་སྔོན་འགྲོ་བས། །དཔྲལ་བར་ཐིག་ལེ་བྱས་ན་ནི། །ཆོམ་པོ་དང་ནི་རྐུན་པོ་དང་། །འཚེ་
བར་བྱེད་པ་གཞན་ཡང་རུང་། །སྐྱེ་བོ་ཐམས་ཅད་རྨོངས་པར་བྱེད། །མཁའ་འགྲོ་ཀུན་དང་མཉམ་སྦྱོར་བའི། །རྡོ་རྗེ་མཁའ་འགྲོ་བདེ་བའི་མཆོག ། རྡོ་རྗེ་སེམས་དཔའ་དེ་བཞིན་གཤེགས། །

85-1-302a

བཅོམ་ལྡན་རྡོ་རྗེ་ཅན་གྱིས་གསུངས། །རྒྱུད་ཀྱི་རྒྱལ་པོ་ཆེན་པོ་དཔལ་རྡོ་རྗེ་མཁའ་འགྲོ་ལས། སྟོབས་བསྐྱེད་པའི་ཆོ་ག་ཡི་རིམ་པར་ཕྱེ་བ་སྟེ་སུམ་བཅུ་རྩ་དགུ་པའོ།། །། གང་གིས་སྒྲུབ་པ་པོ་འགྲུབ་པའི། །དེ་ནས་སྦྱོར་བ་
གཞན་བཤད་བྱ། །རས་སྟེར་གྱི་ནི་ས་བོན་དག །སྙེ་མའི་རྩེར་གནས་བླང་བར་བྱ། །སྔོན་བཞིན་ཡི་དགས་ཟླ་ཕྱེད་ཀྱི། །འབྱུང་པོའི་ཉི་མ་གཟའ་བཟང་ལ། །གཽ་རི་ལ་སོགས་མཁའ་འགྲོ་མར། །བཅས་པའི་ཧེ་རུ་ཀ་
མགོན་མཆོག །བུད་མེད་ཀྱི་ནི་མེ་ཏོག་གིས། །ཡང་ཡང་དུ་ནི་བསྒོ་བར་བྱ། །བསྒེགས་པ་འམ་ནི་མཚོན་གྱིས་བསད། །སྤྱང་ཀི་ལ་སོགས་མ་ཟོས་པའི། །བུད་མེད་ཐོད་པ་མཛེས་པ་རུ། །ཆོ་ག་དེ་ཡིས་བསྐྱེད་པར་བྱ། །
དེ་ཡང་རྔ་མོ་དག་གི་ནི། །འཁྲུལ་འཁོར་ལ་ནི་བསྐྱོན་ནས་སུ། །དེ་ཡི་རྩེ་མོ་བླང་བར་བྱ། །སྔགས་པས་མཆོད་པ་བྱས་ནས་ནི། །བུ་མོར་བསྒོམ་ཞིང་དེ་བསྐུལ་བའི། །ཆུ་ནི་འབད་དང་བཅས་ཏེ་གཏོར། །བུད་མེད་རོ་བསྲེགས་
ས་དང་ནི། །ཐལ་བར་བཅས་པས་དེ་བཀང་ལ། །རས་སྟེར་གྱི་ནི་ས་བོན་ཉིད། །ཐོད་པ་དེར་ནི་བསྐྱེད་པར་བྱ། །བགེགས་དགྲ་དང་ནི་གཤིན་གཤེད་ཀྱི། །སྔགས་ནི་མངོན་པར་བཟླས་པ་ཡིས། །མཆོད་དང་གཏོར་མ་ཕུལ་ནས་
ནི། །ཅི་རིགས་སུ་ནི་བསྲུང་བར་བྱ། །ཞི་བའི་ཚིགས་བཅད་སྔགས་ཀྱིས་ནི། །བརྒྱ་རྩ་བརྒྱད་དུ་བཟླས་པའི་ཆུས། །དེར་ནི་བཅུ་སྟེ་བསྐྱེད་པར་བྱ། །གཞན་དུ་ཡི་དགས་འཚེ་བ་འབྱུང་། །འབུ་ལ་སོགས་པ་བསྲུང་བ་དང་། །
ཤིང་བསྐྱེད་རིག་བྱེད་བཞིན་དུ་བྱ། །དེ་ནི་འབད་དེ་སྨིན་པ་ཡི། །རས་བལ་དག་ནི་བཟུང་ནས་སུ། །གཞོན་ནུ་མ་ཡི་ཁྲག་གིས་ནི། །བསྒོས་ལ་སྔར་གྱི་བུ་མོ་ཡི། །སྐྲ་དང་བཅས་པ་བུ་མོས་བཀལ། །སྐུད་པ་དེ་ཡིས་བཅིངས་གྱུར་ན། །
དེ་མ་ཐག་ཏུ་སྐྱེས་བུ་ནི། །འདོད་ཆགས་གདུངས་པའི་བུད་མེད་འགྱུར། །བཀྲོལ་ན་སླར་ཡང་རྣལ་བར་འགྱུར། །བསྒེགས་པའི་རོ་ཡི་ཁྲག་དང་ནི། །ཞག་གི་ཡུངས་ཀར་ཡང་ཡང་བསྒོ། །གསང་བ་ཡི་ནི་ཞིང་ས་རུ། །ཚེས་བརྒྱད་སྐར་མ་

85-1-302b

རྒྱལ་ལ་ནི། །ལམ་དང་རིགས་མཆོག་ཐོད་པ་ནི། །རོ་བསྲེགས་པས་བཀང་རོ་དང་བཅས། །ཉི་མ་ཤིས་པ་དག་ལ་གཟུགས། །དེ་ནི་ཤིན་དུ་སྨིན་པ་བླང་། །ཅི་རིགས་འཕྲུལ་འཁོར་བཙིར་བའི་མར། །བསྐྲད་པ་ལ་སོགས་བྱ་བ་
ཀུན། །བློ་ལྡན་ཇི་ལྟར་འདོད་བཞིན་བྱེད། །ས་མཐའ་ལྔ་པ་ཡང་དག་ལྡན། །རླུང་གི་ས་བོན་ལས་བྱུང་བ། །དེ་ཡི་མོད་ལ་བསྐྲད་འགྱུར་ཏེ། །བསྒྲུབ་བྱ་དེ་ནི་སླར་མི་ལྡོག །བསྒེགས་ནས་བསད་པའི་སྐྱེས་བུའི་རོ། །ཆོ་གའི་རིམ་
བཞིན་མཆོད་བྱས་ལ། །སྔར་ནི་ཇི་ལྟར་བསྟན་པ་བཞིན། །མར་དེས་ཡན་ལག་ཀུན་དུ་བྱུག །ཧེ་རུ་ཀ་ཡི་སྤྱོད་པ་ཡིས། །སྔགས་ནི་ཟློས་ཤིང་ཀུན་དུ་གནས། །སྦྱོར་ཆེན་དེ་ནི་བགེགས་བསྐྲད་བྱ། །སྔགས་པ་ཆེན་པོས་དེ་དུས་སུ། །
བགེགས་ནི་རྣམ་པ་སྣ་ཚོགས་པ། །རོ་ཡི་ལུས་ལས་བྱུང་མཐོང་སྟེ། །དེ་ནས་དེར་ནི་དེ་དུས་སུ། །གྲུབ་པའི་རྫས་ཀྱི་བར་ཆད་བྱེད། །གཡོག་དང་བཅས་པའི་སྒྲུབ་པ་པོས། །དེ་ཚེ་ཕྱག་རྒྱ་བཅིངས་བྱ་སྟེ། །སྐྱེས་གནས་
ཕྱག་རྒྱ་དཔྲལ་བ་ཡི། །སྟེང་དུ་བཅིངས་ལ་བསྟན་བྱ་ཞིང་། །དྲག་པོ་ཡི་ནི་གཟུགས་ཀྱིས་སུ། །དཔའ་བོའི་དམ་ཚིག་ཅི་རིགས་བསྟན། །ཤ་དང་ཁྲག་ཏུ་བཅས་པ་ཡི། །གཏོར་མ་ཡི་དགས་རྣམས་ལ་སྦྱིན། །དེ་ཡི་
ལུས་ལས་འཛགས་པའི་མར། །བླངས་ཏེ་སྐུ་བའི་ལ་ནང་བླུགས། །དེ་ཡིས་ལུས་ལ་བྱུགས་ཙམ་གྱིས། །ནམ་མཁར་རྒྱུ་བ་འགྲུབ་པར་འགྱུར། །གཞན་ཡང་རལ་གྲི་མིག་སྨན་དང་། །རྩི་ལ་སོགས་པ་རབ་ཏུ་
འགྲུབ། །ཁྲག་དང་མི་ཡི་ཞག་གིས་ནི། །ཡུངས་ཀར་ལ་ནི་བསྒོས་ནས་སུ། །མི་རོ་ཡི་ནི་ཁར་བཅུག་ལ། །བསྲུང་བ་ལ་སོགས་འབད་དེ་བྱ། །དེ་ནས་སྔ་མ་བཞིན་བསྐྱེད་པའི། །ཡུངས་ཀར་གང་ལ་
བསྣུན་པ་ཡི། །བསྒྲུབ་བྱ་དེ་ནི་རིམས་ནད་ཀྱིས། །འཛིན་ཏེ་དེ་མ་ཐག་ཏུ་འཆི། །སོ་བྱ་ཡི་ནི་ཁྲག་དང་ནི། །ཞག་གིས་སྣུམ་སྟེར་བསྒོ་བྱས་ལ། །དེ་ཡི་ཐོད་པ་རོ་བསྲེགས་པས། །བཀང་བ་རུ་ནི་བསྐྱེད་པར་བྱ། །མཆོད་དང་གཏོར་མ་ལ་སོགས་པ། །

85-1-303a

སྔར་བསྟན་བཞིན་དུ་ཅི་རིགས་བྱ། །སྨིན་པའི་འབྲས་བུ་ཁར་བཅུག་ན། །སྐྱེས་བྱ་བ་ཡི་གཟུགས་སུ་འགྱུར། །དེ་ལྟར་ས་བོན་གཞན་དག་ཀྱང་། །དོག་པ་ལ་གནས་འབྲས་བུ་གཟུང་། །དེ་དང་འདྲ་བའི་གཟུགས་འགྱུར་ཏེ། །
ཁ་ལས་བཏོན་ན་སྔོན་བཞིན་འགྱུར། །བྱ་རྣམས་ཀྱི་ནི་ཚེ་དང་མཚུངས། །གླང་པོའི་གཟུགས་སོགས་དེ་བཞིན་བྱ། །བི་ད་རི་ཡྀ་ས་བོན་ནི། །མར་ངོ་སྐར་མ་རྒྱལ་དང་ནི། །གཟའ་ནི་ཉི་མ་དག་ལ་གཟུང་། །མ་དུ་ལུང་གའི་ཡར་ངོ་ལ། །
མི་རོའི་ཞག་གིས་བྱུགས་ནས་སུ། །ཟླ་བ་གཟས་ནི་ཟིན་པའི་ཚེ། །དེ་ཡི་ཡན་ལག་མཆོག་ཏུ་གཟུགས། །ཟིན་པ་དེ་ཡི་གཟུགས་སུ་འགྱུར། །དེ་ཡི་རུས་པ་རྐང་དང་ནི། །ཤ་ལ་སོགས་པ་བསྐྱེད་པར་བྱ། །དེ་ཡི་ལྤགས་པ་རུས་པ་ཡི། །
ཕྱག་རྒྱས་ཡན་ལག་བརྒྱན་བྱས་ལ། །བློ་དང་ལྡན་པས་སྔར་བསྟན་བཞིན། །མཆོད་པ་བྱས་ཏེ་ཐལ་བ་གཏོར། །སྔགས་དང་བཅས་པའི་ཆུ་ཡིས་ནི། །མཁས་པ་ཡིས་ནི་རྟག་ཏུ་བཅུག །བགེགས་མཐར་བྱེད་དང་གཤིན་གཤེད་ཀྱི། །
སྔགས་ནི་སྔགས་པས་རྟག་ཏུ་བཟླ། །ཤ་ཟ་ལ་ནི་གཏོར་མ་སྦྱིན། །གཞན་དུ་ན་ནི་བཏོན་ཏེ་ཁྱེར། །ས་བོན་དེ་ནི་སྨིན་པར་གཟུང་། །ལྕུག་མ་གསུམ་གྱིས་དཀྲིས་ནས་སུ། །ཁར་བཅུག་ན་ནི་སྦེད་འགྱུར་ཏེ། །ཉི་མ་ཟླ་བ་སོགས་པས་ཀྱང་། །
འཇིག་རྟེན་གསུམ་འདིར་མཐོང་མི་འགྱུར། །མ་དུ་ལུང་ག་གཅིག་པུ་ནི། །ཁར་བཅུག་མ་དུ་ལུང་གར་འགྱུར། །བཏོན་ན་སླར་ཡང་སྣང་འགྱུར་ཏེ། །འབྲས་བསྐྱེད་ཐུན་མོང་ཆོ་གའོ། །དེ་ནས་སྔགས་ཀྱི་ཆོ་ག་བཤད། །སྤྱན་མའི་སྔགས་
ཀྱིས་གཟུགས་པར་བྱ། །མཱ་མ་ཀཱི་ཡི་སྔགས་ཀྱིས་བཅུ། །སྒྲོལ་མའི་སྔགས་ཀྱིས་བསྐྱེད་པར་བྱ། །དེ་བཞིན་གོས་དཀར་མས་ནི་བསྲུང་། །འདི་དག་ས་ལ་སོགས་པ་སྟེ། །ཐམས་ཅད་འཛིན་ཅིང་གསོ་བ་ཡིན། །དེས་ན་འབད་པ་
ཐམས་ཅད་ཀྱིས། །སྤྱན་ལ་སོགས་པས་བསྲུང་བར་བྱ། །དེ་ནས་རྒོངས་མོའི་དུས་སུ་ནི། །སྐུ་བ་ཁན་དེའི་ས་བོན་དག །མི་ཡི་ཞག་སོགས་ཀྱིས་བྱུགས་ལ། །བཞི་མདོའི་སས་བཀང་ཐོད་པར་བསྐྱེད། །དེ་ཡི་དཔྲལ་བར་ཐིག་ལེ་བྱ། །

85-1-303b

བཟའ་དང་བཅའ་སོགས་རྣམ་པ་ལྔ། །མཐོང་བ་ཙམ་གྱིས་ཁ་བར་འགྱུར། །དེ་ནས་ཐིག་ལེ་ཕྱིས་ན་ནི། །དེ་ཡི་མོད་ལ་རྣལ་མར་འགྱུར། །འོལ་མ་སེ་ཡི་ས་བོན་ནི། །བྲམ་ཟེ་ཡི་ནི་ཐོད་པ་རུ། །སྐར་མ་རྒྱལ་ལ་སྔགས་པས་
བསྐྱེད། །དེ་ནས་ཕྱུང་སྟེ་སླར་ཡང་ནི། །ཐ་མལ་སྐྱེས་བུའི་ཐོད་པར་བསྐྱེད། །ས་བོན་དེ་ནི་གྲུབ་གྱུར་ན། །ཁ་རུ་བཅུག་པས་དེ་གཟུགས་འགྱུར། །སྐྱེས་པ་བུད་མེད་མ་ནིང་སོགས། །བྱ་ཡི་ཆོ་ག་བཞིན་དུ་འགྱུར། །ཁ་ལས་
བཏོན་ན་སླར་ཡང་ནི། །ཐ་མལ་གཟུགས་འགྱུར་ཐེ་ཚོམ་མེད། །སྦྱོར་བ་འདི་ནི་གྲུབ་པ་སྟེ། །གཞན་དག་ཏུ་ནི་ང་མི་སྨྲ། །སྔགས་པས་བུང་བའི་རྒྱལ་པོའི་སྨན། །གསལ་ཤིང་བསད་པའི་ཐོད་པར་བསྐྱེད། །ཞག་དང་ཁྲག་གིས་གཏོར་
བར་བྱ། །དེ་ཡི་རྩ་བ་བླངས་ནས་སུ། །སྲིན་ལག་གི་ནི་ཁྲག་དང་ནི། །ཞག་ཏུ་བཅས་པ་བསྲེ་བར་བྱ། །སྤྱི་བོར་བཞག་ན་རྒྱལ་བར་འགྱུར། །ལྷ་ལ་སོགས་པ་དབང་དུ་བྱེད། །བ་གླང་རྣ་བའི་ལྕུག་མ་ནི། །རྙེད་ནས་དེ་ཡི་ས་བོན་ནི། །
སྨིན་པ་བཟུང་སྟེ་ཁར་བཅུག་ནས། །གཡུལ་དུ་ཞུགས་ན་རྒྱལ་བར་འགྱུར། །བྲིངྒ་རཱ་ཛ་བཟུང་ནས་སུ། །ཤན་པའི་བུ་མོ་སྔོན་མོ་ཡི། །ཁྲག་གིས་ཟླ་བ་མར་ངོ་ལ། །ཡང་ཡང་བྱུགས་ཏེ་སྦྱར་བར་བྱ། །བ་གླང་རྣ་བའི་ལྕུག་དང་ནི། །
སྐྱེས་པའི་ཐོད་པར་བསྐྱེད་དང་བཅས། །འབྲས་བུ་ཆེན་པོ་སྟེར་བར་འགྱུར། །དེ་ལ་སོགས་པའི་རྩ་བ་དང་། །འབྲས་བུ་ཚུལ་བཞིན་བསྐྱེད་པ་ཡིས། །བགེགས་རྣམས་ཐམས་ཅད་བརླག་བྱེད་པར། །སངས་རྒྱས་ངེས་པའི་རྒྱུད་ལས་
གསུངས། །བསྒྲུབ་པར་མི་བྱ་བ་དང་ནི། །འགྲུབ་པར་མི་འགྱུར་ཅི་ཡང་མེད། །མན་ངག་དག་ནི་མ་གཏོགས་པར། །དངོས་གྲུབ་སྣང་བར་མི་འགྱུར་རོ། །ཀོ་ཀ་ན་ཏའི་འབྲས་བུ་ནི། །སྣ་ཆེན་གྱི་ནི་ཐོད་པར་བསྐྱེད། །དུར་ཁྲོད་
སྐྱེས་པའི་བྲིངྒ་ནི། །ཐོད་པར་བསྐྱེད་པའི་རྩ་དང་བཅས། །ཡར་ངོ་མར་ངོའི་བཅུ་བཞི་ལ། །བདུད་རྩི་ལྔ་དང་ལྷན་ཅིག་བཏགས། །རིལུ་མཛེས་པ་བྱས་ནས་ནི། །གྲིབ་མ་ལ་ནི་བསྐམ་པར་བྱ། །དེ་ཡིས་ཐིག་ལེ་བྱས་ནས་ནི། །

85-1-304a

འགྲོ་ཀུན་བྲན་བཞིན་དབང་དུ་འགྱུར། །ཨམ་བྲའི་ཤིང་གི་རུས་པ་ནི། །མར་ཁུ་ཆེན་པོས་བྱུགས་པ་དང་། །དེ་བཞིན་བ་ཡི་རྣམ་ལྔས་བྱུག །ལག་པར་ཁུ་བ་བྱུགས་ནས་སུ། །འབྲས་དེ་གང་ལ་བྱིན་པ་ནི། །
དེ་དབང་འགྱུར་ཏེ་གཞན་དུ་མིན། །བལ་པོ་སེའུའི་འབྲས་བུ་ནི། །ཁྲག་གིས་བྱུགས་ཏེ་བུད་མེད་ཀྱི། །ཐོད་པར་བཙུགས་པ་སྨིན་པ་ཡི། །འབྲས་བུ་དེ་ནི་མི་དབང་ལ། །རྒྱལ་ལ་བྱིན་ན་རྟག་དབང་འགྱུར། །སྐུ་བ་ཁན་དེའི་
ས་བོན་ནི། །ནིམ་པ་ལ་སོགས་འབྲས་བུས་བྱུག །རོ་བསྲེགས་ས་དང་ལྡན་པ་ཡི། །ཆགས་ཅན་ཁམ་ཕོར་ས་བོན་བསྐྱེད། །ཤིན་དུ་མཉམ་པར་བཞག་སྟེ་བསྲུང་། །མར་ངོ་ཡི་ནི་ཉི་མ་ལ། །ཉིན་ཕྱེད་ཉི་མ་ཚ་དུས་བསྒྲུབ། །
དེ་ནི་བླུགས་པ་ཙམ་གྱིས་སུ། །ཆང་སོགས་བརླག་འགྱུར་ཐེ་ཚོམ་མེད། །དེ་ནས་གཞན་ཡང་བཤད་བྱ་བ། །ཡུངས་ཀར་སྨིན་པ་བརྒྱ་དང་ནི། །རྩ་བརྒྱད་བླངས་ནས་ཞག་གིས་ནི། །བསྒོས་ཏེ་ལེགས་པར་ཐུམ་པོར་བྱ། །བུད་
མེད་རོ་ཡི་ལྟོ་བར་གཞུག །ཉིན་བདུན་བཞག་སྟེ་ཕྱུང་ནས་སུ། །དེ་ཡི་མཆིན་པར་བཅས་པའི་སས། །དེ་ཡི་ཐོད་པ་བཀང་བར་བསྐྱེད། །གཏོར་མ་དང་ནི་བསྲུང་བ་དང་། །བདུག་པ་དང་ནི་ཆུས་བཅུ་སོགས། །ཤིན་དུ་འབད་དང་བཅས་
པ་ཡིས། །ལས་རྣམས་ཐམས་ཅད་སྔོན་བཞིན་བྱ། །ཇི་སྲིད་སྨིན་གྱི་བར་དུ་བསྐྱེད། །དེ་ནས་སྔར་བཞིན་འབད་པས་བླངས། །བུད་མེད་ཀྱི་ནི་ཁྲག་གིས་བྱུག །འདབ་མ་དང་ནི་ས་བོན་སོགས། །དེ་ཡི་ཡན་ལག་ཅི་ཡང་རུང་། །
བུད་མེད་གང་དང་གང་བསྣུན་པ། །དེ་ནི་ཕྱི་བཞིན་འབྲང་བར་འགྱུར། །འོལ་སེའི་ས་བོན་འབད་དེ་གཟུང་། །དམར་སེར་ཐོད་པར་བསྐྱེད་པར་བྱ། །དེ་ཡི་ལྕུག་མ་བཟུང་ནས་སུ། །བློ་དང་ལྡན་པས་སྒོང་ང་བྱ། །དེ་ཡི་ནང་དུ་ཆང་བླུགས་ན། །
སྣོད་དེར་གནས་པའི་རྫས་རྣམས་ནི། །ཇི་སྲིད་མ་ཟད་བར་དུ་ནི། །དེ་ན་གནས་པའང་ཟད་མི་འགྱུར། །ཆུ་འགྲམ་ས་དང་རྫ་མཁན་ས། །དེ་བཞིན་མཐོང་བས་ཆགས་པའི་ས། །གྲོག་མཁར་གྱི་ནི་ས་དག་དང་། །མཚན་མ་གཅིག་པའི་ས་རྣམས་

85-1-304b

ནི། །བསྐྱེད་པ་ཀུན་ལ་ཤིན་ཏུ་བསྔགས། །གཅི་བའི་ཤུལ་གྱི་ས་བཟུང་ལ། །སྔགས་ཀྱིས་མངོན་པར་བྱིན་གྱིས་བརླབ། །བོང་བུའི་གཅིན་དང་བཅས་པ་ལས། །མཁས་པས་མི་ཡི་གཟུགས་བརྙན་བྱ། །གསེར་ཤིང་སྔར་བཞིན་
སྦྱང་བྱས་ལ། །སྔགས་པས་དེ་ཡི་ཁར་བསྐྱེད་བྱ། །དེ་ཡི་ཡན་ལག་ལྔ་བཟུང་སྟེ། །རི་ལུ་དག་ནི་མཛེས་པར་བྱ། །ལས་རྣམས་ཐམས་ཅད་བྱེད་འགྱུར་ཏེ། །ཁྱད་པར་དུ་ནི་དབང་དུ་བྱེད། །ཡུངས་ཀར་ལ་སོགས་འབྲས་བུ་ནི། །
གླང་པོ་ཆེ་ཡི་ཤ་དང་ནི། །ཁྲག་དང་རུས་པའི་ཞག་ལ་སོགས། །དེ་ཡི་ཐལ་བ་སོགས་པས་བྱུག །དེ་ཡི་ཐོད་པར་བསྐྱེད་པ་དག །དེ་ནི་ཁ་རུ་བཅུག་ཙམ་གྱིས། །གླང་པོ་ཆེ་ཡི་གཟུགས་སུ་འགྱུར། །འདི་ནི་ཐུན་མོང་ཆོ་ག་སྟེ། །དེ་བཞིན་
རྟ་དང་མ་ཧེ་སོགས། །དེ་བཞིན་སྟག་དང་རི་བོང་སོགས། །ཆོ་ག་དེ་བཞིན་བསྐྱེད་པ་ཡིས། །ཁྲག་བཅས་བསྒོམས་ནས་སྟག་སོགས་འགྱུར། །སྦྱོར་བའི་ཆོ་གའི་དུས་སུ་ནི། །གྲུབ་པའི་གཟའ་ལ་སོགས་དང་སྦྱར། །རྟག་ཏུ་སྒོམ་དང་བཟླས་
ལ་དགའ། །དམ་ཚིག་སྤྱོད་པ་བསྲུང་བ་དག །དེ་ཡིས་རྟག་ཏུ་འགྲུབ་འགྱུར་ཏེ། །གཞན་དུ་ན་ནི་འབྲས་བུ་མེད། །རྡོ་རྗེ་སེམས་དཔའ་དེ་བཞིན་གཤེགས། །བཅོམ་ལྡན་རྡོ་རྗེ་ཅན་གྱིས་གསུངས། །རྒྱུད་ཀྱི་རྒྱལ་པོ་ཆེན་པོ་དཔལ་རྡོ་རྗེ་
མཁའ་འགྲོ་ལས་འབྲས་བུ་བཅོས་མའི་ཕྱག་རྒྱ་ཡེ་ཤེས་ཀྱི་རིམ་པར་ཕྱེ་བ་སྟེ་བཞི་བཅུ་པའོ།། །། དེ་ནས་ཨཱ་ལི་ཀཱ་ལི་གཉིས། །དེ་ཉིད་ལས་ནི་ཀུན་སྐྱེད་ཅིང་། །སྤྲོ་ཞིང་སྡུད་པར་བྱེད་པ་པོ། །ཐ་སྙད་ཀྱི་ནི་ཆོ་ག་སྟེ། །སྔགས་ཀྱི་
མཚན་ཉིད་ཐུན་མོང་བ། །ཆོ་ག་འདི་དག་ཇི་བཞིན་ཉོན། །ཨ་ཞེས་བྱ་བ་མདོག་དམར་བ། །མགོ་དང་ཐིག་ལེ་སྤངས་པ་ནི། །བསྒྲུབ་བྱའི་སྙིང་ཀ་མགོ་བོ་དང་། །གསང་བ་དང་ནི་ལྟེ་བར་བསམ། །ཨཱ་ཞེས་བྱ་བ་ཐིག་ལེར་ལྡན། །མཚལ་
དང་འོལ་མ་སེ་དང་ནི། །ཀུ་སུ་མ་ནི་ལྟ་བུ་ཡི་མདོག །བསྒྲུབ་བྱའི་མགོར་ནི་བསམ་བྱས་ལ། །མྱོས་ཤིང་སེམས་དང་བྲལ་བ་དང་། །ལྐུགས་ཤིང་རྣམ་པར་ཉམས་པར་བསམ། །དེ་ཡི་ལུས་ནི་རང་ཉིད་ཀྱི། །ས་བོན་གྱིས་དཀྲུགས་རྨོངས་

85-1-305a

བསྒོམས་ན། །རིང་པོར་མི་ཐོགས་དབང་འགྱུར་ཏེ། །རྟག་ཏུ་ཐམས་ཅད་སྟེར་བར་འགྱུར། །ཨི་ཞེས་བྱ་བ་སྐས་ལྟ་བུ། །དབྱངས་ཡིག་གསུམ་པའི་ཐུང་ངུ་ནི། །བསྒྲུབ་བྱའི་སྙིང་ཀ་ལྟེ་བ་དང་། །དེ་བཞིན་དུ་ནི་མགྲིན་
པར་བསྒོམ། །ཨཱི་ཞེས་བྱ་བའི་དབྱངས་ཡིག་བཞི། །ལི་ཁྲི་ཡི་ནི་མདོག་ལྟ་བུ། །བསྒྲུབ་བྱ་ཡི་ནི་དཔྲལ་བར་དགོད། །གང་གི་ལུས་ལ་གསུམ་པ་དང་། །བཞི་པའི་མཆོག་ནི་བཀོད་པ་ཡིས། །མྱོས་ཤིང་ཆ་ལུགས་ཉམས་པ་དང་། །སེམས་
དང་བྲལ་བར་བྱས་ནས་སུ། །ཇི་སྲིད་འཚོ་ཡི་བར་དུ་ནི། །ལྐུགས་པ་བཞིན་དུ་དབང་དུ་འགྱུར། །དེ་ནས་དབྱངས་ཡིག་ལྔ་པ་ནི། །དབང་པོའི་མཚོན་ཆ་ལྟ་བུའི་འོད། །ཨུ་ཞེས་བྱ་བའི་བསྒྲུབ་བྱ་ཡི། །མགྲིན་པར་ཞགས་པ་ལྟ་བུར་བསམ། །
གློག་དང་མཚུངས་པར་འབར་བ་ཡི། །དབྱངས་ཡིག་མཆོག་ནི་དྲུག་པ་སྟེ། །ཨཱུ་ཞེས་བྱ་བ་བསྒྲུབ་བྱ་ཡི། །སྙིང་གི་དབུས་སུ་བསྒོམ་པར་བྱ། །ལྐུགས་ཤིང་མྱོས་པར་གྱུར་པ་དང་། །ལུས་ནི་གཡོ་ཞིང་སེམས་དང་བྲལ། །གང་དུ་སྒྲུབ་
པ་པོར་གནས་པར། །འཁྲུགས་པ་བཞིན་དུ་འོང་བར་འགྱུར། །བདག་ཉིད་དང་ནི་ནོར་དང་བཅས། །དབང་དུ་ཡང་ནི་འགྱུར་བ་ཡིན། །རི་ཞེས་བྱ་བ་དུ་བའི་མདོག །དཔྲལ་བ་ལུས་དང་བྲལ་བ་སྟེ། །དབྱངས་ཡིག་གི་ནི་དམ་པ་དེ། །སྙིང་ཀ་དང་ནི་གསང་
བར་བསྒོམ། །དེ་ནས་རི་ནི་མུན་པའི་མདོག །བསྒྲུབ་བྱའི་ལུས་ཀྱི་མགོ་བོ་དང་། །དེ་བཞིན་རྐང་པ་མགྲིན་པ་རུ། །རིང་པོ་དེ་ནི་བསྒོམ་པར་བྱ། །བདུན་པ་དང་ནི་བརྒྱད་པ་འདིས། །མྱུར་དུ་བསྐྲོད་པར་བྱེད་པ་སྟེ། །སེམས་ནི་རྨུགས་ཤིང་ཉམས་གྱུར་ནས། །
ས་གཞི་མ་ལུས་རྒྱུ་འགྱུར་ཏེ། །མཐོང་བ་ཡི་ནི་ཚེ་འདི་ལ། །སླར་ཡང་ཟློག་པར་མི་འགྱུར་རོ། །ལི་ཞེས་བྱ་བ་སྲིད་པ་སྡོམ། །བྱ་རོག་གི་ནི་གཤོག་པ་འདྲ། །སྒྲུབ་པོས་བསྒྲུབ་བྱའི་མིག་དང་ནི། །མགྲིན་པ་དང་ནི་གསང་བར་བསྒོམ། །དབྱངས་ཡིག་རིང་
པོ་ལཱི་ཞེས་པས། །བསྒྲུབ་པར་བྱ་བ་དཀྲིས་པར་བསམ། །བསྒྲུབ་བྱའི་ལུས་ལ་བསྒོམས་ཙམ་གྱིས། །སྡང་བར་བྱེད་པའི་མཆོག་ཡིན་ཏེ། །སེམས་ཅན་ཀུན་གྱིས་སྨད་པ་དང་། །སྐྱེ་བོ་ཀུན་གྱིས་བརྙས་པ་དང་། །མར་ཁུ་ཕྱུང་བའི་འབའ་ཆ་བཞིན། །

85-1-305b

སྐྱེ་བོ་ཀུན་གྱིས་སྤོང་བར་འགྱུར། །ཅོག་ལ་མའི་མཚལ་དང་ནི། །ལྷམ་བུ་ཆུ་ཤེལ་ལྟ་བུའི་མདོག །ཨེ་ཞེས་བྱ་བ་དབྱངས་ཀྱི་རྒྱལ། །གསང་དང་ལྟེ་བ་སྙིང་གར་དགོད། །ཨེ་ཞེས་བྱ་བ་གཟི་བརྗིད་ཆེ། །ལི་ཁྲི་དང་ནི་ཉི་མའི་མདོག །བསྒྲུབ་
བྱའི་མིག་དང་དེ་བཞིན་དུ། །ཁ་དང་མགྲིན་པར་བསྒོམ་པར་བྱ། །སྒྲུབ་པའི་མཆོག་གིས་ཡིད་ལ་ནི། །ལས་འདི་བྱས་པ་ཙམ་གྱིས་སུ། །ཁམས་གསུམ་པོ་ནི་མ་ལུས་པ། །མཐེ་བོའི་ཁྱོན་ཙམ་དུ་ནི་མཐོང་། །གདོང་དང་གདོང་ནི་མངོན་ཕྱོགས་
ཏེ། །དེ་ཡི་ཡི་གེའི་ཆ་ཤས་ཀྱིས། །དབུགས་ཀྱི་རི་མོ་ལྕུག་མས་དགུག །ཆ་ཤས་ལྕུག་མའི་དམ་ཚིག་དབང་། །ཨ་ཞེས་བྱ་བའི་དབྱངས་ཡིག་ནི། །ཐིག་ལེ་དང་ནི་ཟླ་ཕྱེད་བཅས། །ཟླ་བ་གཉིས་ནི་ཚེག་དྲག་བཅས། །འདི་ནི་སངས་རྒྱས་
ཐམས་ཅད་ཀྱི། །ཡི་གེ་མཆོག་གི་ཕྱག་རྒྱ་སྟེ། །སངས་རྒྱས་རི་མོར་ཡང་དག་གནས། །འདི་ལྟར་ཨཱ་ལི་ཀཱ་ལི་ཞེས། །བཅུད་ལེན་ཐམས་ཅད་ཅེས་བྱར་བརྗོད། །གཙོ་བོ་ལ་ནི་ཐིམ་བྱས་ནས། །རྡོ་རྗེ་སེམས་དཔའ་སོགས་དང་སྦྱར། །
དེ་ཡི་འོག་ཏུ་ཕྱིན་ནས་ནི། །ཡི་གེ་ཐམས་ཅད་གཞུག་པར་བྱ། །ཇི་སྲིད་སྣང་བ་ཡོད་ཀྱི་བར། །འདིས་ནི་བསྲུང་བ་བྱེད་པར་བརྗོད། །ཐིག་ལེ་ཞེས་བྱ་སེམས་ཡིན་ཏེ། །སེམས་ཀྱི་རང་བཞིན་སྟོང་པ་ཡིན། །ཟླ་བ་གཉིས་དང་ཡང་དག་ལྡན། །
མི་འགྱུར་མཆོག་གི་ཕྱག་རྒྱའོ། །དེ་ལས་དབྱངས་ཡིག་རྣམས་ཀྱི་ནི། །སྒྲུབ་པོ་བདག་ཉིད་ཆེན་པོ་ཡི། །ལས་ནི་ལྷ་དང་ལྷ་མིན་དང་། །མིར་བཅས་མྱུར་དུ་དབང་དུ་བྱེད། །ཨོཾ་ཞེས་བྱ་བ་ཉི་མ་ལྟར། །འོད་ཟེར་འབར་བ་སྟོང་དང་ལྡན། །
བསྒྲུབ་བྱ་ཡི་ནི་མགོ་བོ་དང་། །དཔྲལ་བ་ཁྱད་པར་སྙིང་ཀར་བསྒོམ། །ཨོཾ་ཞེས་བྱ་བ་རྟག་འབར་བ། །ཉི་མ་བྱེ་བའི་གཟི་བརྗིད་ཅན། །བསྒྲུབ་བྱ་ཡི་ནི་ལུས་ཀུན་ལ། །ཁྱབ་པ་ཉིད་དུ་བསྒོམ་པར་བྱ། །བསྐལ་པ་ཡི་ནི་མེ་དཔུང་ལྟར། །
དབྱངས་ཀྱིས་ཁྱབ་ནས་བསྒོམ་པ་དང་། །དབྱངས་ཀྱི་མེ་ཡིས་བསྒྲུབ་བྱ་ཡང་། །རབ་ཏུ་འབར་བར་བསྒོམ་བྱས་ནས། །དགྲ་བོ་ལོ་བརྒྱར་འཚོ་བ་ཡང་། །དེ་མ་ཐག་ཏུ་ལྟུང་བར་འགྱུར། །ཨ་ནི་ཐམས་ཅད་སྡུད་པ་སྟེ། །འཚེ་བ་བཟློག་པར་བྱེད་པའང་ཡིན། །ཨཱ་ནི་གཤེགས་

85-1-306a

སུ་གསོལ་བ་སྟེ། །ཇི་ལྟར་འདོད་བཞིན་ལྷ་ཡང་བྱེད། །བུད་མེད་ཀུན་གྱི་མངལ་དུ་ནི། །བསམ་ན་ཁུ་བ་འཛག་པར་འགྱུར། །ཁྱད་པར་དུ་ནི་གཞན་དག་ལའང་། །དཀར་པོ་དམར་པོའི་ཏིང་འཛིན་བྱ། །ཨ་ལ་སོགས་དང་ཡི་གེ་
རྣམས། །ལུས་ལ་བཀོད་ན་དཔྱད་མི་དགོས། །དེ་ལྟར་དབྱངས་ཀྱི་ལས་རྣམས་ནི། །ཁྱོད་ལ་བདག་གིས་གང་བསྟན་ལ། །དབྱངས་ཡིག་དགེ་བ་བཅུ་དྲུག་ནི། །ལུས་ལ་གོ་ཆར་བགོད་དེ་བྱ། །ཨཱ་ཞེས་བྱ་བ་རྐང་གཉིས་དགོད། །
ཨ་ནི་བྱིན་པ་གཉིས་ལ་བསམ། །ཨཱི་ནི་བརླ་ལ་དགོད་བྱ་སྟེ། །ཨི་ཞེས་བྱ་བ་གསང་བར་གནས། །ཨུ་ནི་ལྟེ་བའི་རྩ་བ་སྟེ། །ཨཱུ་ཞེས་བྱ་བ་ལྟེ་བའི་དབུས། །རི་ནི་ལྟེ་བའི་སྟེང་དུ་དགོད། །རཱི་ཞེས་བྱ་བ་སྙིང་ཀར་ཡིན། །ལི་ཞེས་བྱ་བ་
མགྲིན་པར་དགོད། །དེ་བཞིན་ལཱི་ནི་རྐན་ལའོ། །ཨེ་ཞེས་བྱ་བ་ཁ་ལ་སྟེ། །དེ་བཞིན་ཨཻ་ནི་སྣ་ལའོ། །ཨོ་ནི་རྣ་བ་དག་ལ་སྟེ། །ཨཽ་ཞེས་བྱ་བ་དཔྲལ་བར་རོ། །ཨྃ་ནི་མགོ་ལ་དགོད་བྱས་ཏེ། །ཨཿཞེས་བྱ་བ་བརྒྱད་དུ་དགོད། །དབང་
དང་དགུག་ལ་དམར་པོར་ཏེ། །གསད་ལ་ཐམས་ཅད་སྔོན་པོར་རོ། །དུ་བ་ལྟ་བུར་བསམས་ན་ནི། །བསྐྲད་པ་ཉིད་འགྱུར་ཐེ་ཚོམ་མེད། །དབྱངས་ཡིག་ཀུན་གྱིས་བྱིན་བརླབས་འདི། །བདག་གི་དེ་ཉིད་གསལ་བ་ཡིན། །སྒྲུབ་པོ་བདག་ཉིད་དམ་པ་ཡིས། །
དེ་ལྟར་གོ་ཆ་བགོས་ནས་ནི། །སྒྲུབ་པོས་དབྱངས་དང་ཡི་གེ་ཡི། །ཕྱི་ནས་ལས་རྣམས་ཤིན་དུ་སྦྱར། །དེ་ནས་རིག་པའི་དེ་ཉིད་འབྱུང་། །ལས་རྣམས་རྟག་ཏུ་བྱས་པ་སྟེ། །ཀ་ནས་མ་ཡི་མཐར་ཐུག་པའི། །ལས་ནི་བློ་གྲོས་ཆེན་པོས་ཉོན། །ལྷ་དང་
ལྷ་མིན་མི་དང་བཅས། །གང་གིས་ས་གསུམ་ཐམས་ཅད་ནི། །སྒྲུབ་པོ་ཤིན་ཏུ་རྒྱས་པ་ཡི། །དབང་དུ་དེ་དག་ཐམས་ཅད་འགྱུར། །ཡིད་ལ་འདོད་པའི་འབྲས་སྟེར་བ། །དེ་ནི་ང་ཡིས་བཤད་པར་བྱ། །དབྱངས་ཡིག་བཅུ་དྲུག་པོ་རྣམས་ཀྱི། །མཛེས་མ་ཁྱོད་ལ་སྔར་བཤད་
ནས། །ད་ནི་ཀ་སོགས་ཡི་གེ་ཡི། །ལས་རྣམས་འདོད་བཞིན་བྱེད་པ་བཤད། །ལྷ་མོ་ཡི་གེ་དང་པོ་ནི། །ཉི་མའི་གཟི་བརྗིད་དང་མཚུངས་ཤིང་། །ལི་ཁྲི་སྤུངས་པ་ལྟ་བུ་ཡི། །ཐིག་ལེར་ལྡན་པའི་ཡི་གེ་ཆེ། །སྒྲུབ་པོས་བསྒྲུབ་བྱའི་སྙིང་ཀ་དང་། །ལྟེ་བ་དང་ནི་

85-1-306b

མགོ་བོར་བསྒོམ། །དེ་ཡིས་བསྒྲུབ་བྱའི་ལུས་ཀྱི་ནི། །ནང་དུ་ཕུག་སྟེ་ཁྱབ་པར་བསམ། །དེ་ཡིས་ལུས་ནི་འཁྲུག་ནས་སུ། །རྨོངས་ཤིང་སེམས་དང་བྲལ་བ་དང་། །བརྒྱལ་བཞིན་དུ་ནི་དབང་དུ་འགྱུར། །ཇི་སྲིད་ལུས་ལ་གནས་ཀྱི་བར། །དེ་སྲིད་དབང་དུ་
འགྱུར་བ་སྟེ། །ཇི་སྲིད་འཚོ་ཡི་བར་དུ་ནི། །བདག་ཉིད་ནོར་དང་བཅས་འགྱུར་ལ། །ཁ་ཞེས་བྱ་བའང་བརྩོན་ཆེན་མ། །ལྷམ་བུ་ཆུ་གཤེར་ལྟ་བུ་དང་། །ཉི་མ་འཆར་ཁ་ལྟ་བུའི་མདོག །ཐིག་ལེར་བཅས་པ་གཟི་བརྗིད་ཆེ། །གསལ་ཞིང་འོད་
དང་བཅས་པ་སྟེ། །བསྒྲུབ་བྱ་ཡི་ནི་སྙིང་ཀ་དང་། །མགོ་དང་རྐང་པ་ཀུན་དུ་དགོད། །དེ་ཡིས་བསྒྲུབ་བྱ་ཕུག་ནས་ནི། །རྨོངས་ཤིང་སེམས་དང་བྲལ་བར་བསམ། །སྒྲུབ་པ་པོ་ཡི་མཆོག་གིས་ནི། །དེ་ཡི་ལུས་ནི་དཀྲུགས་པ་དང་། །མྱོས་
ཤིང་བརྒྱལ་བར་བསྒོམ་པར་བྱ། །དེ་ཡིས་ཤིན་དུ་རྒྱལ་འགྱུར་ཞིང་། །ཡི་གེའི་དབང་པོས་ཕྱེ་བས་ན། །སྒྲུབ་པོ་བདག་ཉིད་ཆེན་པོ་ཡི། །ཇི་སྲིད་འཚོ་ཡི་བར་དུ་ནི། །ནོར་དང་བཅས་པ་དབང་དུ་འགྱུར། །ག་ཞེས་བྱ་བའི་ས་བོན་ཆེ། །
རང་གི་ལྷ་ཡི་སྡོམ་པ་སྟེ། །ཚེག་དྲག་བཅས་པ་གཟི་བརྗིད་ཆེ། །གཙོ་བོ་ཆར་སྤྲིན་ལྟ་བུའི་མདོག །བསྒྲུབ་བྱའི་མགོ་དང་མགྲིན་པ་དང་། །ཁྱད་པར་དུ་ནི་སྙིང་ཀར་བསམ། །དེ་ཡིས་བསྒྲུབ་པར་བྱ་བའི་ལུས། །ཡི་གེས་ཀུན་ཏུ་ཕུག་བསམ་ན། །
ལུས་ནི་རྟག་ཏུ་དཀྲུགས་པས་ན། །འདར་ཞིང་དེ་ཡི་དབང་དུ་འགྱུར། །བདག་ཉིད་དང་ནི་ནོར་དང་བཅས། །སྡང་བའི་དགྲ་རྣམས་མ་ལུས་པ། །ཁྱིམ་ལ་སོགས་པ་ཀུན་དུ་ནི། །ཇི་སྲིད་ཉི་ཟླ་ཡོད་ཀྱི་བར། །མ་ལུས་པར་ནི་འཇོམས་པར་བྱེད། །
གྷ་ཞེས་བྱ་བ་སྒྱུ་མ་ཆེ། །བསྐལ་པའི་མེ་དང་གཟི་བརྗིད་མཚུངས། །སྟེང་དུ་ཐིག་ལེས་བརྒྱན་པ་སྟེ། །ཀུ་སུ་མ་ཡི་ཁུ་བ་འདྲ། །བསྒྲུབ་བྱ་ཡི་ནི་ལྟེ་བ་དང་། །གསང་བ་སྙིང་ཀ་ཁ་དང་ནི། །མགོ་བོ་རུ་ནི་བསམས་ཙམ་གྱིས། །བསྒྲུབ་བྱ་དགའ་བས་
མྱོས་ནས་སུ། །སེམས་དང་བྲལ་ཞིང་ཉམས་ནས་ནི། །ཇི་སྲིད་འཚོ་ཡི་བར་དུ་ནི། །བདག་ཉིད་ནོར་དང་བཅས་པ་རུ། །ཤིན་དུ་དེ་ཡི་དབང་དུ་འགྱུར། །ང་ཞེས་བྱ་བ་གཟི་བརྗིད་ཆེ། །སྡེ་ཚན་གྱི་ནི་མཐའ་མར་གནས། །དེ་ནི་འདོད་པའི་མདའ་

85-1-307a

ཡིན་ཏེ། །འཇིག་རྟེན་གསུམ་པོ་དབང་དུ་བྱེད། །དེ་ནི་བསྒྲུབ་བྱའི་གསང་བར་བསམ། །ཁུ་བ་དག་ནི་འཛག་པར་བྱེད། །གསང་བ་རུ་ནི་ཞུགས་པ་ཡིས། །ཐམས་ཅད་དུ་ནི་འབིགས་པར་འགྱུར། །ཡན་ལག་གི་ནི་ཚིགས་ཀུན་དུ། །
དེ་ཡིས་ཕུག་པས་མྱོས་ནས་ནི། །ནོར་དང་བདག་ཉིད་བཅས་པ་ནི། །མྱུར་བ་ཉིད་དུ་དབང་དུ་འགྱུར། །ཇི་སྲིད་འཚོ་ཡི་བར་དུ་ནི། །དེ་ལ་ཆགས་དང་བྲལ་མི་འགྱུར། །ཡི་གེ་ལྔ་པོ་ཀུན་གྱིས་ཀྱང་། །བདག་ཉིད་གོ་ཆ་བསྐོན་པར་བྱ། །ཀ་ཞེས་བྱ་བ་སྙིང་
ཀར་དགོད། །ཁ་ཞེས་བྱ་བ་མགོ་ལ་སྟེ། །ག་ཞེས་བྱ་བ་སྤྱི་གཙུག་ཏུ། །གྷ་ཞེས་བྱ་བ་གོ་ཆར་བྱ། །ང་ཞེས་བྱ་བ་སྒྲུབ་པ་པོའི། །ལག་པ་གཡོན་ལ་དགོད་པར་བྱ། །དེ་ནས་བསྒྲུབ་བྱ་དབང་དང་ནི། །དགུག་དང་གསད་ལ་སོགས་པར་སྦྱར། །ཆོ་ག་དེ་
ལྟར་བྱས་ན་ནི། །དཔྱད་མི་དགོས་པར་དངོས་གྲུབ་འགྱུར། །ཙ་ཞེས་བྱ་བ་དུ་བའི་མདོག །རླུང་གི་གནས་ཀྱི་ཡི་གེ་སྟེ། །སྒྲུབ་པོས་དེ་ཡི་སྙིང་ཀ་དང་། །མགོ་དང་རྐང་པར་བསམ་པར་བྱ། །བསྒྲུབ་བྱ་རླུང་ལ་གནས་ནས་ནི། །ཀུན་དུ་འཕོ་བར་བསམ་པ་དང་། །
སེམས་དང་བྲལ་བར་གྱུར་ནས་སུ། །ནམ་མཁའ་ལ་ནི་གནས་བཞིན་དུ། །རླུང་གིས་གཞན་དང་གཞན་དག་ཏུ། །ཁྱེར་བ་རུ་ནི་བསྒོམ་པར་བྱ། །བསམ་གཏན་སྦྱོར་བ་འདི་ཡིས་ནི། །བསྒྲུབ་བྱ་ཤིན་དུ་བརྟན་པ་ཡང་། །བསྐྲད་འགྱུར་འདིར་ནི་ཐེ་ཚོམ་མེད། །
བསྒྲུབ་བྱའི་ལུས་ནི་འཕངས་པས་ན། །ཇི་སྲིད་འཚོ་ཡི་བར་དུ་ནི། །སླར་ཡང་འོང་བར་མི་འགྱུར་རོ། །ཚ་ཞེས་བྱ་བའི་ཡི་གེ་ཆེ། །གསལ་ཞིང་མིག་སྨན་ནག་པོའི་མདོག །ཆ་གཉིས་པ་དང་ཡང་དག་ལྡན། །བསྒྲུབ་བྱ་ཡི་ནི་མགོ་བོར་བསམ། །
དེ་ཡི་མགོ་ལ་དུ་བ་ཡི། །ཚོགས་དང་མཚུངས་པའི་རླུང་གིས་ཁྱབ། །ཅུང་ཟད་ཙམ་གྱིས་བསྒྲུབ་བྱ་ཡི། །ལུས་ནི་དེ་ཡིས་བསྐོར་བར་བསམ། །སླར་ཡང་ཚ་ནི་ཚེག་དྲག་བཅས། །ལྟེ་བ་རུ་ནི་བསམས་ནས་སུ། །ལན་གསུམ་དུ་ནི་བརྗོད་བྱས་ན། །
ཡི་གེ་འདི་ནི་བསྐྲད་པའི་མཆོག །བསྒྲུབ་བྱ་རྨོངས་ཤིང་སེམས་དང་བྲལ། །དགྲ་བོ་མདངས་ནི་ཉམས་ནས་སུ། །ས་སྟེངས་མ་ལུས་པ་རུ་འཁྱམ། །ཇི་སྲིད་འཚོ་ཡི་བར་དུ་ནི། །སླར་ཡང་ལྡོག་པར་མི་འགྱུར་རོ། །ཛ་ཞེས་བྱ་བའི་ཡི་གེ་རྒྱལ། །

85-1-307b

དུ་བའི་མདོག་ཅན་གཟི་བརྗིད་ཆེ། །འོད་ཟེར་ལྡན་ཞིང་ཤིན་དུ་འབར། །རྡུལ་ཕྲན་དག་ནི་སྟོང་དུ་འཕྲོ། །བསྒྲུབ་བྱ་ཡི་ནི་མགོ་བོ་དང་། །གསང་བར་ཡི་གེ་ཞུགས་པར་བསྒོམ། །ཡན་ལག་ཚིགས་ཀུན་ཕུག་པ་དང་། །སེམས་དང་བྲལ་བ་བཞིན་དུ་གནས། །
ཡི་གེས་ཡོངས་སུ་བཀང་བས་ན། །དེ་ནས་བརྒྱལ་བར་གྱུར་ནས་ནི། །ཉིན་དང་མཚན་དུ་རྨོངས་པ་དང་། །མི་སད་པར་ནི་བསྒོམ་པར་བྱ། །ས་སྟེངས་ཤིང་དང་ནག་ཚལ་བཅས། །ཐམས་ཅད་དུ་ནི་འགྲོ་བར་འགྱུར། །བསྐྲད་པའི་ཆོ་ག་འདི་
དག་ནི། །དགེ་མ་ཁྱོད་ལ་ང་ཡིས་བཤད། །ཇི་སྲིད་འཚོ་བའི་བར་དུ་ནི། །སླར་ཡང་འོང་བར་མི་འགྱུར་རོ། །ཛ་ཞེས་བྱ་བ་སྟོབས་པོ་ཆེ། །བསྒྲུབ་བྱ་ཡི་ནི་སྙིང་ཀ་རུ། །ཉི་མ་ལྟ་བུར་འབར་བ་དང་། །འོད་ཟེར་གསལ་བ་རྣམ་པར་
འཕྲོ། །ཐིག་ལེ་ཟླ་བ་ཕྱེད་པས་བརྒྱན། །བསྒྲུབ་བྱའི་མགོ་དང་སྙིང་ཀ་དང་། །ལྟེ་བའི་སྟེང་དུ་ཡི་གེ་བསམ། །སྒྲུབ་པའི་དབང་པོས་བསྒྲུབ་བྱའི་ལུས། །འབར་བས་བཅུད་དང་ཕྲལ་བར་བསམ། །དེ་ཡིས་བསྒྲུབ་བྱ་བརྒྱལ་འགྱུར་ཞིང་། །
བསྐྲད་པ་འམ་ནི་འཆི་བ་འམ། །ཡང་ན་སྨྱོན་པ་ཉིད་དུ་འགྱུར། །ཡི་གེ་ཡིས་ནི་ལྟུང་བས་ན། །སླར་ཡང་འོང་བར་མི་འགྱུར་ཏེ། །ས་གཞི་ནགས་ཚལ་བཅས་པ་རུ། །སྨྱོ་ཞིང་འགྲོ་འགྱུར་ཐེ་ཚོམ་མེད། །ཛྷ་ཞེས་བྱ་བ་འདི་ཡིས་ནི། །མྱུར་དུ་བསྐྲད་
འགྱུར་ཐེ་ཚོམ་མེད། །ཉ་ཞེས་བྱ་བའི་ཡི་གེ་མཆོག །སྣ་ཚོགས་པ་ཡི་མདོག་དང་ལྡན། །པ་ལ་ཤ་ཡི་མེ་ཏོག་གི། །འོད་ཟེར་སྟོང་ཕྲག་འབར་བ་སྟེ། །ཆུ་རྒྱུན་སྟོང་ནི་འབབ་པ་ཡིས། །དེ་ཡི་ལུས་ལ་དབོ་བར་བྱ། །དེ་ཡིས་ནོར་དང་བཅས་པ་རུ། །
བརྒྱལ་ཞིང་སེམས་དང་བྲལ་བ་དང་། །རྨོངས་ཤིང་མྱུར་དུ་དབང་དུ་འགྱུར། །ཊ་ཞེས་བྱ་བའི་ཡི་གེ་མཆོག །དབང་པོའི་མཚོན་ཆ་ལྟ་བུའི་མདོག །འོད་ཟེར་འབར་བ་སྟོང་ཕྲག་གིས། །ཡི་གེ་འབར་དང་ལྡན་པར་བསམ། །བསྒྲུབ་བྱ་ཡི་ནི་དཔྲལ་
བ་དང་། །མགྲིན་པ་དང་ནི་སྙིང་ཀར་བསམ། །བསྒྲུབ་བྱའི་སྟེང་དུ་ནམ་མཁའ་ལ། །བདུད་རྩི་སྒོ་ཡི་ཐིག་ལེ་ནི། །སྤྱི་བོའི་སྟེང་དུ་རྟག་ཏུ་བསམ། །ཅུང་ཟད་གློག་ནི་གཡོ་འདྲ་བའི། །ཁ་བ་དག་ནི་འབབ་པར་བསམ། །སྒྲུབ་པ་པོ་ཡིས་བསྒྲུབ་

85-1-308a

བྱ་ནི། །ཡན་ལག་ཚིགས་ཀུན་གཡོ་བ་དང་། །བརྒྱལ་ཞིང་རྨོངས་ལ་མྱོས་བསམས་ན། །ཇི་སྲིད་ཉི་ཟླ་ཡོད་བར་དུ། །ནོར་དང་བདག་ཉིད་བཅས་པ་རུ། །དེ་ཡིས་ཐམས་ཅད་དབང་དུ་འགྱུར། །དེ་ལྟར་ཊ་ཡི་རྒྱལ་པོ་ཡི། །
ལས་ནི་ཁྱོད་ལ་ང་ཡིས་བཤད། །དེ་ནས་ཡི་གེ་གཉིས་པ་ཡི། །ལས་ཀྱི་མཆོག་ནི་བཤད་པར་བྱ། །ཋ་ཞེས་བྱ་བའི་ཡི་གེ་ནི། །དབང་ཆེན་དང་ནི་འདྲ་བར་འདོད། །སྤྱི་བོར་བདུད་རྩི་ཐེག་ལེས་བརྒྱན། །དེ་བཞིན་གློག་དང་འབྲུག་གིས་
བརྒྱན། །ཡི་གེའི་མཆོག་ནི་བསྒོམ་པར་བྱ། །བདུད་རྩི་ཆུ་རྒྱུན་འབབ་པ་ཡིས། །བསྒྲུབ་བྱའི་ལུས་ལ་ཀུན་དུ་གཏོར། །བསྒྲུབ་བྱའི་མགོ་དང་མགྲིན་པ་དང་། །སྙིང་ཀ་རུ་ནི་གནས་པར་བསམ། །བསྒྲུབ་བྱའི་མགོ་ནི་ཕུག་པ་དང་། །ལུས་ལ་ཀུན་
དུ་ཁྱབ་པ་ཡིས། །བསྒྲུབ་བྱ་མྱོས་ཤིང་འདར་བ་རུ། །སྔགས་པས་ཡི་གེས་རྟག་ཏུ་བསྒོམ། །དེ་ནས་ཇི་སྲིད་འཚོ་བར་དུ། །བརྒྱལ་ཞིང་རྨོངས་པས་དབང་དུ་འགྱུར། །དེ་ནས་ཌ་ཞེས་བྱ་བ་ནི། །ཡི་གེའི་རྒྱལ་པོ་གསུམ་པ་སྟེ། །དེ་ཡི་ལས་ཀྱི་མཆོག་
རྣམས་ནི། །རྩེ་གཅིག་ཡིད་ཀྱིས་གུས་པས་ཉོན། །ཌ་ཞེས་བྱ་བ་ཐིག་ལེར་བཅས། །རྡོ་རྗེ་ལྟ་བུའི་དབྱིབས་ཅན་ཡིན། །ཨུད་པ་ལ་ལྟར་ལྗང་སེར་ཏེ། །འོད་ཟེར་གསལ་བ་ཀུན་དུ་འཕྲོ། །བསྒྲུབ་བྱའི་སྤྱི་བོར་བསམ་པ་ཡིས། །བསྒྲུབ་བྱའི་
ཚིགས་ནི་འབུགས་ཤིང་འབྱེད། །བསྒྲུབ་བྱ་མིག་ཡོར་བསྒོམ་བྱས་ན། །ལུས་ནི་ཀུན་དུ་གཡོ་བཞིན་དུ། །ཇི་སྲིད་འཚོ་ཡི་བར་དུ་ནི། །རྨོངས་དང་བཅས་པས་དབང་དུ་འགྱུར། །དེ་ནས་ལས་ཀྱི་མཆོག་གཞན་ནི། །ཤིན་དུ་གཉེར་བར་
བྱེད་པ་སྟེ། །ཌྷ་ཞེས་བྱ་བ་ཡི་གེ་རྒྱལ། །ཤིན་དུ་རྨད་བྱུང་བྱེད་པ་པོ། །དབང་པོའི་མཚོན་ཆ་ལྟ་བུའི་མདོག །ཉི་མ་ལྟ་བུར་འབར་བ་སྟེ། །བསྒྲུབ་བྱའི་སྙིང་དང་ལྟེ་བ་དང་། །མགྲིན་པར་ཡི་གེ་བསམ་ནས་སུ། །བྱང་ཆུབ་སེམས་ནི་
བབས་འཛག་པས། །དེ་ཡི་ལུས་ལ་དབོ་བར་བྱ། །དེ་ཡིས་གཟི་ཞིང་བརྒྱལ་ནས་སུ། །གཉིད་ལོག་པར་ནི་བསྒོམ་བྱས་ན། །འདི་ཡིས་རིང་པོར་མི་ཐོགས་པར། །རྨོངས་ཤིང་སྒྲུབ་པོའི་དབང་དུ་འགྱུར། །ཆོ་གའི་སྦྱོར་བ་འདི་ཡིས་

85-1-308b

ནི། །ནམ་ཡང་ཆགས་དང་བྲལ་མི་འགྱུར། །དེ་ནས་ཊ་མཐའི་ཡི་གེའི་ལས། །ཇི་ལྟར་འདོད་བཞིན་འབད་དེ་ཉོན། །ཎ་ཞེས་བྱ་བ་དུ་བའི་མདོག །ཅུང་ཟད་འབར་ཞིང་གསལ་བ་སྟེ། །དྲི་མ་མེད་པའི་དུ་བ་ལས། །འོད་ཟེར་གསལ་བ་
རྣམ་པར་འཕྲོ། །བསྒྲུབ་བྱ་ཡི་ནི་ལུས་ཀུན་ལ། །དེ་ཡིས་རྣམ་པར་ཁྱབ་བྱེད་ཅིང་། །འོད་ཟེར་གློག་སྟོང་འཁྱུག་འདྲ་བ། །བསྒྲུབ་པར་བྱ་བའི་སྟེང་དུ་བསྒོམ། །འོད་ཟེར་བརྒྱ་ཡིས་བཀང་བས་ན། །མྱོས་ནས་སུ་ནི་བརྒྱལ་བར་
འགྱུར། །དེ་ཡིས་ཇི་སྲིད་འཚོ་བར་དུ། །དེ་ནི་དེ་ཡི་དབང་དུ་འགྱུར། །ཏ་ཞེས་བྱ་ཡི་ཡི་གེ་མཆོག །འོད་ཟེར་གློག་ལྟར་གསལ་བ་སྟེ། །མདོག་ནི་རྨ་བྱའི་མགྲིན་པ་འདྲ། །ཡི་གེ་འདི་ནི་བསྒྲུབ་བྱ་ཡི། །སྙིང་དང་མགྲིན་པ་གསང་བ་དང་། །ལྟེ་བར་
བཀོད་དེ་འབུགས་པར་བསམ། །ཡི་གེ་དེ་ཡིས་རྨོངས་པས་ན། །བསྒྲུབ་བྱ་སེམས་དང་བྲལ་བ་དང་། །རྨོངས་ཤིང་བརྒྱལ་བར་གྱུར་ནས་སུ། །ཇི་སྲིད་འཚོ་ཡི་བར་དུ་ནི། །མྱོས་ཤིང་དབང་འགྱུར་གཞན་དུ་མིན། །དེ་ཡི་དྲུང་ན་གནས་པ་ཡི། །
ཐ་ཞེས་བྱ་བ་ཡི་གེ་མཆོག །མུ་མེན་གྱི་ནི་མདོག་འདྲ་དང་། །ཨུད་པལ་སྔོན་པོའི་འདབ་མའི་འོད། །བསྒྲུབ་བྱའི་སྙིང་ཀ་དཔྲལ་བ་དང་། །དེ་བཞིན་དུ་ནི་རྐང་པར་དགོད། །བསྒྲུབ་བྱའི་ལུས་ལ་དབང་པོ་ཡི། །མཚོན་ཆ་བཞིན་དུ་ཐིམ་པར་བསམ། །
ཡི་གེའི་རྒྱལ་པོས་མནན་པས་ན། །བསྒྲུབ་བྱ་སེམས་དང་བྲལ་འགྱུར་ཞིང་། །ས་འཛིན་གྱི་ནི་དབང་པོ་བཞིན། །འགྲོ་བ་དག་ཀྱང་བཅིངས་པར་འགྱུར། །རེག་བྱ་མི་ཤེས་དྲི་མི་ཤེས། །སྒྲ་མི་ཐོས་ཤིང་གཟུགས་མི་མཐོང་། །ལྕེ་ཡིས་རོ་
རྣམས་མི་མྱོང་ཞིང་། །དུག་གིས་བརྒྱལ་བ་བཞིན་དུ་གནས། །གང་དང་གང་གི་སྟེང་དུ་ནི། །ཉི་འོད་ལྟ་བུའི་ཡི་གེ་བསམ། །ཡི་གེའི་རྒྱལ་པོ་ཐ་ཡིས་ནི། །སྐྱེས་བུ་བཅིངས་འགྱུར་ཐེ་ཚོམ་མེད། །དེ་ནས་གཞན་ཡང་ང་ཡིས་ནི། །
སྟོང་པའི་ལས་ཀྱི་ཆོ་ག་ཉོན། །ད་ཞེས་བྱ་བ་མདོག་སྔོན་ནི། །ཆར་སྤྲིན་ནག་པོའི་འོད་དང་མཚུངས། །འོད་ཟེར་འབར་བ་རྣམ་གྲོལ་བ། །བསྒྲུབ་བྱ་ཡི་ནི་མགོར་བསམ་ལ། །མེ་སྟག་འཕྲོ་བ་བསྒོམས་པ་ནི། །ཕྱོགས་ཀུན་དུ་ནི་

85-1-309a

བསམ་པར་བྱ། །ཡི་གེའི་དབང་ཕྱུག་དེ་ཡིས་ནི། །བསྒྲུབ་བྱའི་མགོ་བོ་ཕུག་པར་བསམ། །འབར་བའི་སྤྲིན་ནི་སྟོང་ཕྲག་གིས། །དེ་ནི་ཀུན་དུ་བསྐོར་བར་བསམ། །དེ་ནི་བཀོད་པ་ཙམ་གྱིས་སུ། །སྡོང་མགོ་དང་ནི་མཚུངས་
པར་འགྱུར། །ཕུག་སྟེ་ཤིན་དུ་བཅིངས་པས་ན། །འགྲོ་བའང་མི་གཡོ་བར་ནི་འགྱུར། །ཇི་སྲིད་སྒྲུབ་པོ་འདོད་བར་དུ། །སེམས་དང་བྲལ་ཞིང་བརྟན་པར་གནས། །སླར་ཡང་སྒྲུབ་པོས་བསམ་ཙམ་གྱིས། །རྨོངས་པ་ལས་ནི་གྲོལ་བར་
འགྱུར། །དེ་ནས་ཡི་གེ་དྷ་ཡི་ནི། །ལས་ནི་རྨད་དུ་གྱུར་པ་ཉོན། །དྷ་ཞེས་བྱ་བ་གཞུ་ཡི་དབྱིབས། །ཁ་དོག་སེར་པོ་གསེར་གྱི་མདོག །གསེར་ལྟ་བུ་ཡི་འོད་ཟེར་འཕྲོ། །བསྒྲུབ་བྱ་ཡི་ནི་མགྲིན་པ་རུ། །ཞགས་པ་ལྟ་བུར་འབར་བར་
བསམ། །སྒྲུབ་པའི་དབང་པོས་བསྒྲུབ་བྱ་དེ། །ཁྲིད་དེ་འོང་བར་བསྒོམ་བྱས་ན། །སྒྲུབ་པ་པོ་ནི་གར་གནས་པར། །རྨོངས་དང་བཅས་ཏེ་འོང་བར་འགྱུར། །ཇི་སྲིད་འཚོ་ཡི་བར་དུ་ནི། །ཕྱུགས་དེ་སེམས་དང་བྲལ་འགྱུར་ཞིང་། །ཉི་མ་
བརྒྱད་པའི་ཆ་ལ་ནི། །རང་གི་གནས་ནས་འོང་བར་འགྱུར། །དེ་ནས་ཡི་གེ་ན་ཡི་ནི། །ལས་ཀྱི་ཆོ་གའི་སྒྲུབ་པ་ཉོན། །མདོག་ནི་དུ་བའི་ཕུང་པོ་འདྲ། །རླུང་གི་དཀྱིལ་འཁོར་འཁྲུག་དང་ལྡན། །བསྒྲུབ་བྱའི་སྙིང་ཀ་མགྲིན་པ་དང་། །
ལྟེ་བ་དང་ནི་རྐང་པར་སྦྱར། །དེ་ཡིས་དགྲ་རྣམས་རང་ཡུལ་ནས། །བསྐྲད་འགྱུར་འདིར་ནི་ཐེ་ཚོམ་མེད། །དེ་ནི་རྨོངས་པས་རང་ཡུལ་དུ། །ནམ་ཡང་ཕྱིས་ནི་འོང་མི་འགྱུར། །དེ་ནས་སྡེ་ཚན་ལྔ་པ་ནི། །ཡི་གེ་རྣམས་ཀྱི་དབང་ཕྱུག་མཆོག །
ལས་ནི་ཤིན་དུ་གྲུབ་པ་སྟེ། །གཞན་དང་གཞན་ནི་བཤད་པར་བྱ། །པ་ཞེས་བྱ་བ་རླུང་གི་གནས། །ཆར་སྤྲིན་གྱི་ནི་སྤྲིན་གྱིས་བསྐོར། །འབར་ཞིང་དུ་བས་འཁྲིགས་པར་ལྡན། །བསྒྲུབ་བྱ་ཡི་ནི་མགོ་བོ་དང་། །མགྲིན་པ་སྙིང་ཀ་
རྐེད་པ་དང་། །རྐང་པ་དག་ཏུ་བསམ་ནས་ནི། །པ་ཞེས་བྱ་བ་ཡི་གེ་དེས། །བསྒྲུབ་བྱའི་ལུས་ནི་དཀྲི་བར་བྱ། །བསྒྲུབ་པར་བྱ་བ་ང་རྒྱལ་དང་། །ཁྲོ་བས་བརྟན་གནས་གཙོ་བོ་ཡང་། །ཡི་གེ་གཙོ་བོ་བཀོད་པ་ཡིས། །སྐད་ཅིག་

85-1-309b

གིས་ནི་བསྐྲད་འགྱུར་ཏེ། །གལ་ཏེ་ཚེ་རབས་གཞན་དག་ལའང་། །སླར་ཞིང་ལྡོག་པར་མི་འགྱུར་རོ། །དེ་ནས་ཡི་གེ་ཕ་ཡི་ནི། །ལས་མཆོག་ང་ཡིས་བཤད་ཀྱིས་ཉོན། །ཡི་གེ་པད་མའི་མདོག་འདྲ་ཞིང་། །འབར་བ་བསྒྲུབ་བྱའི་སྤྱི་
བོ་དང་། །མགྲིན་པ་སྙིང་ཀ་ལྟེ་བ་དང་། །གསང་བའི་གནས་སུ་བཀོད་ནས་ནི། །ཀུ་སུ་མ་ཡི་ཁུ་འདྲ་བ། །འཛག་པ་རུ་ནི་རྣམ་བསམས་ཏེ། །བསྒྲུབ་བྱའི་ལུས་ནི་ཕྱི་ནང་དུ། །དེ་ཡིས་གང་བར་བསྒོམ་བྱས་ན། །བསྒྲུབ་བྱ་རྨོངས་
ཤིང་བརྒྱལ་འགྱུར་ལ། །སེམས་མེད་ལུས་ནི་འདར་གྱུར་ནས། །རྨོངས་པས་སྒྲུབ་པ་པོ་ཡི་ནི། །དབང་དུ་འགྱུར་ཏེ་དཔྱད་མི་དགོས། །བ་ཞེས་བྱ་བའི་རྒྱལ་པོ་ནི། །གྲུ་བཞི་པ་ལ་སྟོབས་པོ་ཆེ། །དུང་དང་ཟླ་འདྲ་དཀར་པོའི་མདོག །
ཟླ་བའི་འོད་ཅན་བསྒྲུབ་བྱ་ནི། །དབུས་སུ་སྒྲུབ་པོས་ཐིམ་པར་བསམ། །དེ་ལུས་དུག་གིས་མི་ཚུགས་ཤིང་། །ནད་ལ་སོགས་པས་གཟིར་མི་འགྱུར། །རིམས་དང་བཀྲེས་དང་སྐོམ་མི་འབྱུང་། །འདི་ནི་རྟག་ཏུ་བསྒོམས་གྱུར་ན། །
ཚེ་རིང་ནད་མེད་རྒྱལ་བར་འགྱུར། །བསམ་གཏན་སྦྱོར་བ་འདི་ཡིས་ནི། །ཟླ་བ་དམར་དང་བཅས་པ་རུ། །ལྷན་ཅིག་ཏུ་ནི་བཟླས་གྱུར་ན། །རྟག་ཏུ་བདུད་རྩིའི་རྒྱུན་འདྲར་འགྱུར། །དེ་ནས་རྒྱལ་པོ་བྷ་ཞེས་པའི། །ལས་ཀྱི་མཆོག་ནི་
མཉན་པར་གྱིས། །དབང་པོའི་མཚོན་ཆ་ལྟ་བུ་སྟེ། །ཉི་མ་འཆར་ཁ་ལྟ་བུའི་མདོག །བསྒྲུབ་བྱ་ཡི་ནི་མགོ་བོ་རུ། །རྒྱལ་བའི་མཆོག་ནི་རྟག་བསམ་ལ། །དེ་ཡི་ལུས་ནི་མ་ལུས་པར། །ཡི་གེའི་རྒྱལ་པོས་དབུག་བར་བྱ། །
རྨོངས་ཤིང་སེམས་དང་བྲལ་འགྱུར་ཏེ། །རྡོ་རྗེ་ཡིན་ཡང་བརྒྱལ་གྱུར་ནས། །མཆེ་བས་ཟིན་ལྟར་སྐད་ཅིག་ལ། །ལྟུང་ཞིང་འཆི་བ་ཉིད་གྱུར་པས། །དེ་ཡི་སྲོག་ནི་རྨོངས་པར་འགྱུར། །དགྲ་ནི་ལོ་བརྒྱར་འཚོ་བ་ཡང་། །སྐད་ཅིག་
གིས་ནི་འཆི་བར་འགྱུར། །དེ་ནས་གཟི་བརྗིད་ཆེན་པོ་ཡི། །ཡི་གེ་ཉི་ཤུ་རྩ་ལྔ་པ། །མ་ཞེས་བྱ་བ་དམ་པ་མཆོག །དེ་ཡི་ལས་ནི་ཇི་བཞིན་ཉོན། །ཙམ་པ་ཀ་ལྟར་སེར་བའི་མདོག །བསྐལ་པའི་མེ་བཞིན་གཟི་བརྗིད་འབར། །

85-1-310a

འོད་ནི་གློག་སྟོང་འཁྱུག་པ་བཞིན། །བསྒྲུབ་པར་བྱ་བའི་སྟེང་བསམ་ལ། །དེ་ཡི་འོད་ཀྱིས་བསྒྲུབ་བྱ་ཡི། །སྟེང་དང་འོག་ནི་མ་ལུས་པར། །ལུས་ནི་ཀུན་དུ་གཡོགས་བསམ་ན། །གནོད་སྦྱིན་ལྷ་དང་ཀླུ་ཡི་བུ། །ཤ་ཟ་དང་ནི་
སྲིན་པོ་དང་། །ཁམས་གསུམ་ཡི་གེའི་བདག་པོ་དང་། །ལྷ་དང་ལྷ་མིན་མི་དང་བཅས། །སྒྲུབ་པོ་བདག་ཉིད་ཆེན་པོ་ཡི། །སྐད་ཅིག་གིས་ནི་དབང་འགྱུར་བར། །མདོར་བསྡུས་ངས་ནི་ཁྱོད་ལ་བཤད། །ཡ་ཞེས་བྱ་བ་ཡི་གེ་མཆོག །མུན་པ་དང་
ནི་དུ་བའི་མདོག །རླུང་གི་དཀྱིལ་འཁོར་དབུས་གནས་ཤིང་། །རླུང་གི་གཟུགས་ཅན་ཡི་གེ་ཆེ། །རླུང་བདུན་གྱི་ནི་གཙོ་བོ་དང་། །གནས་ཞེས་བྱ་བར་བརྗོད་པ་སྟེ། །ཟླ་ཕྱེད་ཀྱི་ནི་དབྱིབས་ཅན་ལ། །བ་དན་བརྒྱ་ཡིས་རྣམ་པར་གླུབས། །
རྣམ་པ་བཞི་ཡི་རྟེན་གྱུར་པ། །ཕྱི་རོལ་གོས་ལྟར་དཀྲིས་པ་སྟེ། །ར་ཞེས་བྱ་བ་ཡི་གེ་མཆོག །འབར་བ་བྱེ་བ་སྟོང་དང་ལྡན། །དེ་ཡི་སྟེང་དུ་བསམ་པར་བྱ། །དུ་བ་ཡི་ནི་ཕྲེང་བས་བརྒྱན། །བསྒྲུབ་བྱའི་མགོ་བོར་བསྒོམས་ནས་ནི། །དགྲ་
བོ་ལོ་བརྒྱ་འཚོ་བ་ཡང་། །སྦྲུལ་གྱི་མཆེ་བས་ཟིན་པ་ལྟར། །སྐད་ཅིག་ཙམ་གྱིས་སྲོག་དང་ནི། །བྲལ་ཞིང་འཆི་བའི་སྒོར་གཞོལ་འགྱུར། །ལྷ་སོགས་ཐམས་ཅད་གང་རུང་གི། སྟེང་དུ་ཡི་གེ་འདི་སྦྱར་ན། །མྱུར་དུ་ལྟུང་འགྱུར་
དཔྱད་མི་དགོས། །གདོན་དང་རིམས་རྣམས་ཐམས་ཅད་ནི། །དེ་ལ་འབབ་པར་འགྱུར་བ་དང་། །སྦྲུལ་ཆེན་བརྒྱ་ཡི་འཆི་བ་འབབ། །དེ་ཡིས་མྱུར་དུ་འཆི་འགྱུར་ན། །གནོད་པ་གཞན་ལྟ་སྨོས་ཅི་དགོས། །ཡ་ཞེས་པ་དང་ར་ཞེས་པ། །
རླུང་དང་མེ་ཡི་གཟུགས་ཅན་དུ། །ནམ་མཁའི་ཕྱོགས་སུ་བསམ་ནས་ནི། །ནམ་མཁའི་ངོས་ནི་གཡོགས་བསམ་ན། །ཉི་ཟླ་གཟའ་སྐར་སོགས་པའང་རུང་། །ཆུ་བོ་དང་ནི་རྒྱ་མཚོ་ཡི། །དབུས་སུ་ཡི་གེ་གཉིས་པོ་དག །བསམ་
ནས་ཉི་མ་བརྒྱད་པ་ལ། །རྒྱ་མཚོ་ལ་སོགས་ཐམས་ཅད་སྐམ། །ཞིང་ས་འབྲུ་ཡི་ཕུང་པོ་དང་། །ཁྱིམ་ལ་སོགས་པའི་གནས་བསམ་ན། །ཕྱི་རོལ་མེ་ལྕེ་འབར་བ་ཡིས། །ཐམས་ཅད་ཡི་གེ་ཐལ་བར་བྱེད། །

85-1-310b

མེ་ཡི་དཀྱིལ་འཁོར་དབུས་གནས་ཏེ། །རླུང་གིས་ཀུན་དུ་བསྐོར་བར་ནི། །ཡི་གེ་མཆོག་ནི་གཉིས་བསམ་ན། །ལས་ནི་ཀུན་དུ་ཉེ་བར་གནས། །དེ་ནས་གཞན་ཡང་ཡི་གེ་གཉིས། །སྟོབས་ཆེན་ལྡན་པ་བཤད་པར་བྱ། །དབང་ཆེན་དང་ནི་
དེ་བཞིན་ཆུ། །ལས་རྣམས་ཐམས་ཅད་བྱེད་པ་པོ། །ལ་ཞེས་བྱ་བ་ས་ཡིན་ཏེ། །ས་ཞེས་བྱ་བ་འཛིན་པའི་མཆོག །དབང་པོ་རྡོ་རྗེས་མཚན་པ་དང་། །འོད་ཟེར་གློག་ལྟར་འབར་བ་སྟེ། །ཁ་དོག་ལྔ་དང་ལྡན་པ་རུ། །ཡི་གེའི་དབང་
པོ་ས་ལ་བསྒོམ། །དེ་སྟེང་ཆུ་ཡི་ཡི་གེ་ནི། །བཞི་པ་ལེགས་པར་གནས་པ་སྟེ། །དུང་དང་ཟླ་འདྲ་དཀར་པོའི་མདོག །ཁ་བའི་རྒྱུན་ནི་འབབ་པ་སྟེ། །ལ་ཡི་སྟེང་དུ་བཀོད་ནས་སུ། །ཤིན་དུ་བསིལ་བའི་བདུད་རྩི་འཛག །དབང་
ཆེན་གྱིས་ནི་བསྐོར་བ་ཡི། །ཆུ་ཡི་དཀྱིལ་འཁོར་དབུས་གནས་པ། །སྤྱི་བོར་ཐིག་ལེ་དང་ནི་ལྡན། །ཆར་པའི་རྒྱུན་ནི་སྟོང་ཕྲག་འབེབས། །སྟེང་དུ་སྤྲིན་གྱི་ཕུང་པོ་ནི། །གློག་དང་འབྲུག་ལ་སོགས་པས་བརྒྱན། །བདུད་རྩི་ཆར་གྱི་རྒྱུན་
འབེབས་པ། །ནམ་མཁའ་ཐམས་ཅད་ཁྱབ་པ་རུ། །དཀྱིལ་འཁོར་གཉིས་ཀྱི་དབུས་འགྱུར་བ། །རང་གི་མགོ་ཡི་སྟེང་བསྒོམས་ནས། །སྒྲུབ་པོ་བདག་ཉིད་ཆེན་པོ་ཡི། །ལས་ནི་ཇི་ལྟར་འདོད་བཞིན་བྱེད། །གདེངས་ཀ་གསུམ་
གྱིས་མཛེས་པ་ཡི། །ལྷག་མ་ཅན་ནི་ཞི་གཟུགས་བསམ། །དེ་ཡི་མིག་གཉིས་དབང་པོ་ཡི། །མཚོན་ཆས་བརྒྱན་པའི་དབུས་སུ་ནི། །བདུད་རྩི་འབེབས་པའི་ཨི་ཡིག་དགོད། །གྲོང་ཁྱེར་གྱི་ནི་མཐའ་མ་དང་། །བསྒྲུབ་བྱ་ཡི་ནི་
སྟེང་དུ་དབབ། །དུག་དང་གདོན་དང་རིམས་ལ་སོགས། །སྐད་ཅིག་གིས་ནི་ཞི་བར་འགྱུར། །ད་ནི་སྐྲ་དཀར་གཞོམ་པ་ཡི། །ཆོ་ག་བཤད་ཀྱི་ཉན་པར་གྱིས། །དཀྱིལ་འཁོར་ཉིས་འགྱུར་ཡི་གེ་ནི། །དེ་ལྟར་རྟག་ཏུ་བསམ་གྱུར་
ན། །ཚེ་ཐུང་བ་ཡང་རིང་འགྱུར་ན། །སྐྲ་དཀར་ལ་སོགས་སྨོས་ཅི་དགོས། །བུད་མེད་དབང་ཕྱུག་རྣམས་ལ་ནི། །འབད་པས་ཡང་ཡང་གཡོན་བསྐོར་ཞིང་། །རང་གི་སྤྱི་བོའི་སྟེང་དུ་ནི། །ལོ་གཅིག་བར་དུ་བསྒོམ་བྱས་ན། །རྒ་བ་དང་ནི་འཆི་བ་

85-1-311a

འཇོམས། །ནད་ཀྱིས་གདུང་བར་མི་འགྱུར་ཏེ། །གལ་ཏེ་ཀླུ་ཆེན་བརྒྱད་ཀྱི་ནི། །མཆེ་བའི་དུག་གིས་ཟིན་གྱུར་ཀྱང་། །དུག་ནི་དུག་མེད་བྱས་ནས་སུ། །དུག་གིས་བརྒྱལ་བ་སློང་བར་མཛེད། །འདྲོན་པོ་ལམ་གྱིས་དུབ་པ་དང་། །གདོན་ལ་
སོགས་པས་གཟེར་བ་རྣམས། །ཀུན་ལས་ཐར་བར་འགྱུར་བ་ཡིན། །བདག་གི་སྤྱི་བོར་བསམས་ཙམ་གྱིས། །སྐད་ཅིག་གིས་ནི་བཀྲེས་སྐོམ་འཇོམས། །ནད་རྣམས་ཀུན་གྱིས་གདུངས་པ་ལ། །ཡི་གེ་བཀོད་པས་གྲོལ་བར་འགྱུར། །དེ་ལྟར་ལས་
རྣམས་སྣ་ཚོགས་ནི། །ལྷ་མོ་ཁྱོད་ལ་བཤད་པ་ཡིན། །གཙོ་མོ་བཞི་ཡི་རྣམ་པ་བཞི། །ལས་ཀྱི་ཆོ་ག་རྒྱས་པ་སྟེ། །རླུང་དང་མེ་དང་བདུད་རྩི་བཅུད། །དེ་བཞིན་དྲོད་ཀྱི་སྡེ་པ་སྟེ། །གཤིན་རྗེ་བརྟན་པ་ཕྱག་གཉིས་པ། །རྒྱན་རྣམས་ཀུན་གྱིས་
རྣམ་པར་ཀླུབས། །ལུས་ནི་མེ་ལས་བྱུང་བ་རུ། །བསྐལ་པའི་མེ་ལྕེ་ལྟ་བུར་བསམ། །འོག་དང་སྟེང་དུ་ཝ་ཡིས་བརྒྱན། །དེ་ཡི་ཕྱོགས་ཀུན་ཐམས་ཅད་དུ། །འབར་བ་གང་གི་སྙིང་ཀར་བསམ། །འོད་ཟེར་འབར་བ་རྣམ་པར་འཕྲོ། །
ཝ་དང་ལྡན་པའི་ཡི་གེ་ཆེ། །ནམཁའ་ཁྱབ་པས་བཅིངས་འགྱུར་ཏེ། །བརྟན་མ་ཡི་ནི་འཁྲུལ་འཁོར་གྱི། །ཡི་གེའི་རྒྱལ་པོས་བཅིངས་པས་ན། །ས་འཛིན་ལྟ་བུར་བརྟན་པར་འགྱུར། །རྐང་མེད་དང་ནི་རྐང་གཉིས་དང་། །རྐང་བཞི་ལ་སོགས་
སེམས་ཅན་གྱི། །ལྟེ་བ་རུ་ནི་བསྒོམ་བྱས་ན། །དེ་མ་ཐག་ཏུ་འཆི་བར་འགྱུར། །དེ་ཡང་བསྐལ་པའི་མེ་ལྟ་བུའི། །འོད་ཟེར་འབར་བ་འཕྲོ་བ་ཡི། །ཝ་ནི་སྟེང་དུ་བསྒོམ་པར་བྱ། །སླར་ཡང་མེ་ཡིས་འབར་བསམ་ན། །གང་གི་
ལག་པ་གཡོན་པ་ལ། །ཡི་གེ་དེ་ནི་དགོད་པར་བསམ། །ཇི་སྲིད་ལག་ཏུ་བསམ་གྱི་བར། །ས་སྟེང་གི་ནི་སྐྱེ་བོ་རྣམས། །རང་གི་གནས་ནི་དེ་ཉིད་ནས། །འབེབས་ཤིང་འགུགས་པར་བྱེད་པའི་མཆོག ། འདི་ནི་གཤིན་རྗེ་བརྟན་མ་ལ། །
མོས་པའི་ལས་རྣམས་བཤད་པ་ཡིན། །དབང་པོ་ཐམས་ཅད་འབེབས་པ་ཡི། །གཤིན་རྗེའི་ཕོ་ཉའི་ལས་བཤད་བྱ། །ཨུད་པལ་སྔོན་པོའི་མདབ་འདྲ་བ། །མགོ་དང་ཐིག་ལེ་སྤངས་པ་ནི། །ཨུད་པལ་སྔོན་པོའི་མདབ་ལྟ་བུ། །

85-1-311b

གང་གི་ལྕེ་དང་རྐན་བསམ་ན། །སྐལ་བ་བཟང་པོ་འཇོམས་པར་འགྱུར། །སྙིང་དང་ཁ་དང་སྣ་དང་ནི། །མིག་དང་རྣ་བར་དེ་བཞིན་དུ། །ཡི་གེ་དབུ་མ་བཀོད་ན་ནི། །དབང་པོ་ཐམས་ཅད་འཕྲོག་འགྱུར་ཏེ། །གཟུགས་མི་མཐོང་ཞིང་སྒྲ་མི་
ཐོས། །དྲི་མི་ཚོར་ཞིང་སྟོབས་མི་འགྱུར། །དེ་བཞིན་ལྕེ་ཡིས་རོ་མི་མྱོང་། །དུག་གིས་བརྒྱལ་བ་བཞིན་དུ་གནས། །ལས་རྣམས་དེ་དག་ཐམས་ཅད་ལ། །ཡིད་ཀྱིས་བཟློག་ན་གྲོལ་བར་འགྱུར། །གཤིན་རྗེ་མཆེ་བ་དུ་བའི་མདོག །
སྲེག་བའི་བསྐལ་བ་ལྟ་བུ་སྟེ། །ཐམས་ཅད་ཁྱབ་པར་འཁྱམས་འགྱུར་བ། །སྣ་ཚོགས་འོད་ཅན་བསྒོམ་པར་བྱ། །དྲོད་ཀྱི་སྡེ་པའི་ཡི་གེ་ས། །དུ་བ་དང་ནི་རླུང་གི་མདོག །སྙིང་དང་ལག་པ་རྐང་པར་དགོད། །ཁམས་གསུམ་ཡང་ནི་
བསྐྲད་འགྱུར་ན། །ས་སྟེང་སྐྱེ་བོ་སྨོས་ཅི་དགོས། །ཐིག་ལེར་བཅས་ཤིང་ཧ་དང་ནི། །བཅས་པ་གང་གི་ལྕེ་སྟེང་དུ། །བསམས་ན་ཕུར་བུ་ལྟ་བུར་འགྱུར། །ཡི་གེ་དགེ་བ་དེ་ཉིད་ནི། །རྟག་ཏུ་ལྕེ་སྟེང་བསམས་ན་ནི། །ལན་ཅིག་བཟླས་པས་
ཟིན་འགྱུར་ཏེ། །དེ་ནི་བསྙན་དངགས་མཁན་པོར་འགྱུར། །དེ་ལྟར་ས་དང་ས་མཐའ་ཡི། །ཡི་གེའི་ཆོ་ག་བཤད་པའོ། །འཇིག་རྟེན་གསུམ་པོ་འཇོམས་བྱེད་མ། །འོད་ཟེར་དམར་པོ་གཟི་བརྗིད་ཆེ། །ཉི་མ་བྱེ་བ་ལྟ་བུའི་འོད། །ཅུང་ཟད་
སྔོ་བ་འཇིགས་ཆེན་མོ། །མ་ཧེ་དང་ནི་རྟ་དག་ནི། །འཕྲུལ་འཁོར་སྦྱོར་བ་ཀུན་ལ་བསམ། །དེ་ཡིས་ཡི་གེའི་རྒྱལ་པོ་ནི། །གཟི་བརྗིད་ཆེན་པོའི་ཡི་གེ་ཧ། །དེ་ཡི་ལས་ནི་སྣ་ཚོགས་མཆོག །འདོད་པའི་ལས་ནི་བཤད་པར་བྱ། །དེ་ལྟར་བདག་
ལུས་རྟག་ཏུ་ནི། །ཡི་གེ་ལྔར་ནི་བསམ་བྱས་ན། །འགྲོ་བ་རྣམས་ཀྱི་བྱ་བ་ནི། །ཚིག་གིས་ཐམས་ཅད་བྱེད་པར་འགྱུར། །ས་སྟེངས་ལྷ་དང་ལྷ་མིན་དང་། །མི་དང་བཅས་པ་འབེབས་བྱེད་ཅིང་། །སྒྲུབ་པ་པོ་ནི་དུས་མིན་པར། །འཆི་བ་དག་ནི་
འཇོམས་པར་བྱེད། །སྒྲུབ་པོ་ཡིད་ལ་འདོད་བཞིན་དུ། །ནད་རྣམས་ཐམས་ཅད་གནོན་པར་བྱེད། །ངག་ཙམ་གྱིས་ནི་དཔུང་ཚོགས་དང་། །ཆུ་དང་རྒྱ་མཚོ་འཆིང་བ་དང་། །གྲུ་དང་ཁྱོགས་དང་འཕྲུལ་འཁོར་དང་། །རྟ་དང་གླང་པོ་ལ་སོགས་འཆིང་། །

85-1-312a

ཤིང་ཆེན་ས་ལ་སྒྱེལ་བ་དང་། །སེམས་ཅན་རྣམས་ནི་དབང་དུ་བྱེད། །ལས་ཀྱི་ཆོ་ག་མཐོང་བ་ཡིས། །བྱ་བ་རྣམས་ནི་འདོད་བཞིན་བྱེད། །ཧ་ཞེས་བྱ་བའི་ཡི་གེ་མཆོག །མགོ་དང་བྲལ་ཞིང་ཐིག་ལེས་བརྒྱན། །དེ་ཡི་ལས་
རྣམས་མ་ལུས་པ། །ཕན་པ་བཤད་ཀྱིས་མཉན་པར་གྱིས། །ཁྱབ་བྱ་ཁྱབ་བྱེད་སྟོང་པ་སྟེ། །ཀུན་དུ་འགྲོ་བ་མི་ཤིགས་པ། །ཤིན་དུ་སྟོང་དང་སྟོང་པ་སྟེ། །དེ་ནི་སེམས་མེད་གཉིད་ལོག་པ། །སད་པ་དང་ནི་བྲལ་བ་སྟེ། །དེ་ནི་ཅི་ཡང་སྣང་
མི་འགྱུར། །ལྷ་དང་ལྷ་མིན་གནོད་སྦྱིན་མིན། །མི་འམ་ཅི་དང་དྲི་ཟ་མིན། །ཀླུ་རྣམས་དང་ནི་སྲིན་པོ་དང་། །རྒྱ་མཚོ་དང་ནི་རི་རབ་མིན། །ཆུ་བོའི་ཤིང་དང་ནགས་ཚལ་དང་། །དེ་བཞིན་ས་སོགས་མ་ཡིན་ཏེ། །འཇིགས་རུང་དམྱལ་བ་ལ་
སོགས་མིན། །མེ་དང་དུ་ལ་སོགས་མིན་ཞིང་། །ཉི་མ་ཟླ་བ་གཟའ་སྐར་མྱིན། །མི་དང་ཤ་ལ་སོགས་པ་མིན། །མངལ་སྐྱེས་དང་ནི་དྲོད་ལས་སྐྱེས། །སྒོ་ང་དང་ནི་རླན་སྐྱེས་མིན། །ཐང་ལ་གནས་དང་ཆུ་གནས་མིན། །པད་མ་ལས་ནི་སྐྱེས་
པ་དང་། །དབང་པོ་ཁྱབ་འཇུག་བདེ་བྱེད་མིན། །རླུང་དང་མཁྲིས་པ་བད་ཀན་སོགས། །འབྱུང་བའི་ཚོགས་ལ་སོགས་མིན་ཏེ། །ཧ་ཞེས་བྱ་བ་ཡི་གེ་མཆོག །རྟག་ཏུ་བསམས་ན་དམིགས་མི་འགྱུར། །ལོ་གཅིག་བར་དུ་བསྒོམས་
གྱུར་ན། །རྒ་དང་ནད་ཀུན་འཇོམས་འགྱུར་ཏེ། །དེ་ལ་དུག་ཀྱང་མི་འཕོ་ན། །ནད་ཀྱི་འཇིགས་པ་ག་ལ་ཞིག །དུག་ནི་ཁུར་བུ་བརྒྱ་ཟོས་ཀྱང་། །དེ་ནི་འཆི་བར་མི་འགྱུར་རོ། །རྟག་ཏུ་སྟོང་ཉིད་བསྒོམས་ན་ནི། །དེ་ནི་ཐར་འགྱུར་ཐེ་
ཚོམ་མེད། །མགོ་དང་བྲལ་བའི་ཡི་གེ་ཀྴ། །དེ་ཉིད་མཆོག་ཏུ་ཐིམ་ནས་སུ། །བསྒོམས་ན་སྐད་ཅིག་མངོན་ཤེས་སྐྱེ། །ཐིག་ལེར་ལྡན་པའི་སྦྱོར་བ་ཡིས། །རྐན་དང་སྣ་སྒོའི་ལམ་དུ་ནི། །རི་མོ་དག་ནི་ཞུགས་པ་བསམ། །རི་མོ་མར་
མེའི་རྩེ་ལྟ་བུ། །དཀྱིལ་འཁོར་བཞི་ཡི་གཟི་ཅན་བསམ། །རྟག་ཏུ་རྐན་ནི་ཕུག་སྟེ་གནས། །རྟག་ཏུ་སྦྱོར་བར་གནས་པ་ཡིས། །ཉི་མ་བདུན་ན་མཐོང་འགྱུར་ཏེ། །འདི་དང་མཚུངས་པ་ཡོད་མ་ཡིན། །བྲམ་ཟེ་གསོད་པའང་ཉིན་བདུན་གྱིས། །

85-1-312b

རྩེ་མོ་རྒྱས་པར་མཐོང་འགྱུར་ཏེ། །དེ་ལྟར་མཐོང་བའི་རྣལ་འབྱོར་པས། །གཞན་གྱི་གྲོང་སོགས་འདོད་བཞིན་འགྲོ། །ཀྵ་ཡི་རྒྱལ་པོ་འདི་ཉིད་ཀྱི། །ལས་ནི་བསམ་གྱིས་མི་ཁྱབ་གནས། །འཇིག་རྟེན་འཇིག་རྟེན་འདས་དངོས་གྲུབ། །
བརྟུལ་ཞུགས་མ་ནི་ཁྱོད་ལ་བཤད། །རེ་རེ་ཡི་ནི་ལས་རྣམས་ཀྱང་། །བསྟན་པ་རུ་ནི་ནུས་མ་ཡིན། །སྐྱེ་བོ་རང་དོན་བྱེད་པ་ཡི། །ཡིད་བཞིན་ནོར་བུ་ལྟ་བུ་ཡིན། །ཡི་གེ་སྡེ་ཚན་སོ་སོ་ཡི། །ཡི་གེ་དག་ནི་སོ་སོ་ཞིང་། །རེ་རེའང་སྦྱོར་བ་བཞི་བཞི་སྟེ། །
གཅིག་ཀྱང་བཞི་རུ་སྦྱོར་བ་བཞིན། །ཨཱ་ལི་ཀཱི་ལིའི་ཕྱག་རྒྱ་ཆེ། །དངོས་གྲུབ་ཐམས་ཅད་རབ་སྟེར་བ། །ཤེས་རབ་ཐབས་ནི་མ་གཏོགས་པར། །གོ་འཕང་མཆོག་ནི་ཐོབ་མི་འགྱུར། །སྒྱུ་མ་ཆེ་དང་མཉམ་སྦྱོར་བའི། །རྡོ་རྗེ་མཁའ་འགྲོ་བདེ་
བའི་མཆོག །རྡོ་རྗེ་སེམས་དཔའ་དེ་བཞིན་གཤེགས། །བཅོམ་ལྡན་རྡོ་རྗེ་ཅན་གྱིས་གསུངས། །རྒྱུད་ཀྱི་རྒྱལ་པོ་ཆེན་པོ་དཔལ་རྡོ་རྗེ་མཁའ་འགྲོ་ལས། ཨཱ་ལི་ཀཱི་ལིའི་སྔགས་ཀྱི་སྒྲུབ་ཐབས་འབྱུང་བའི་ཆོ་གའི་རིམ་པར་ཕྱེ་བ་སྟེ་
བཞི་བཅུ་རྩ་གཅིག་པའོ།། །། དེ་ནས་བཅོམ་ལྡན་འདས་ལ་ལྷ་མོ་རྣམས་ཀྱིས་མཆོད་ཅིང་ཕྱག་འཚལ་ཏེ། སླར་གསོལ་པ། ཁྱོད་ཀྱིས་སྔར་བཤད་གསང་བ་དང་། །ཐམས་ཅད་བདག་ཉིད་རྟག་ཏུ་བཞུགས། །ཡི་གེ་བཅུ་དྲུག་རིག་
པ་ཆེ། །བདེ་མཆོག་བླ་མར་བཤད་པ་དང་། །ཁམས་རྣམས་དང་ནི་དེ་བཞིན་རྩ། །འབྱུང་གནས་སྒྲ་ཚུལ་ངེས་འབྱུང་དང་། །འཇིག་རྟེན་གསུམ་དུ་རྙེད་དཀའ་བ། །ཐོག་མ་དབུས་མཐར་དབྱེ་བ་དག །ཇི་ལྟར་ནང་དུ་ཡང་དག་གནས། །
དེ་རྣམས་དབྱེ་བ་དེ་བཞིན་གསུངས། །བཀའ་སྩལ་པ། སྒྱུ་མ་ཀུན་གྱི་རྣམ་རོལ་པའི། །ཉོན་ཅིག་ལྷ་མོ་སྒྱུ་མ་ཆེ། །སངས་རྒྱས་ཀུན་ལའང་གསང་བ་སྟེ། །གཞན་རྣམས་ལ་ལྟ་སྨོས་ཅི་དགོས། །སྒྱུ་མ་ཆེན་པོ་བཅུ་དྲུག་ནི། །
མ་མོ་ཉིད་དུ་རབ་ཏུ་བཤད། །དེ་ཡིས་ནང་གི་དཀྱིལ་འཁོར་དུ། །གྱུར་པ་ཉིད་དུ་ཐེ་ཚོམ་མེད། །རྣལ་འབྱོར་པ་ཡི་བདུད་རྩི་སྦྱོར། །བཅུ་དྲུག་ཆར་ཡང་མི་ཕོད་དོ། །སླར་ཡང་བདུད་རྩི་རྫས་རྣམས་ནི། །ད་ནི་བཤད་ཀྱིས་

85-1-313a

མཉན་པར་གྱིས། །ར་ནི་དམར་ཆེན་པོ་ཡི་ཁམས། །ཧ་ཞེས་བྱ་བ་རི་ལས་སྐྱེས། །སེ་ནི་གན་ད་པ་ཏྲ་སྟེ། །པ་ནི་ལྤགས་པར་བསྟན་པ་ཡིན། །ར་ཞེས་བྱ་བ་དྲི་རུ་གསུངས། །མེ་ཞེས་བྱ་བ་མེ་ཏོག་སྟེ། །དེ་བཞིན་ར་ནི་ཆུ་ཡིན་ནོ། །
མེ་ཞེས་བྱ་བ་པི་སི་ཏ། །ས་ནི་ཀུན་དུ་རུ་ཉིད་ཡིན། །ར་ནི་ས་རི་ཞེས་བྱ་སྟེ། །ཨད་ན་ཞེས་བྱ་ན་ལ་ཛ། །ནི་ཞེས་བྱ་བ་དྲི་ཡི་མར། །ས་ནི་སོ་དང་ལག་སྐྱེས་ཡིན། །ད་ནི་རྒྱ་མཚོ་ལས་བྱུང་བ། །སྠི་ནི་ཁ་བའི་སྙིང་པོ་ཡིན། །ཏ་ཞེས་བྱ་བ་ག་
བུར་ཏེ། །བྱང་ཆུབ་སེམས་ལས་བྱུང་བ་ཡི། །རྟག་ཏུ་ཡེ་ཤེས་དམ་པ་མཆོག །རྩ་རྣམས་ཐམས་ཅད་ཡང་དག་འདུས། །དེ་དག་ལྷ་མོ་ཁྱོད་ལ་བསྟན། །གསང་སོགས་རྣལ་འབྱོར་པ་ཡི་རྫས། །བཤང་དང་གཅི་སོགས་ལྔ་ལ་བྱ། །
ཁམས་རྣམས་སྡུས་པའི་སྡེ་ཚན་ནི། །དེ་ལྟར་བཅུད་ལེན་བསྟན་པ་ཡིན། །མཁའ་འགྲོ་ཀུན་དངོས་ཆགས་པ་ཡི། །སེམས་དཔའ་རྡོ་རྗེ་ལས་བྱུང་བ། །པད་མ་འབྱེད་པའི་སྦྱོར་བ་ཡིས། །པད་མ་གར་དབང་ཞེས་བྱ་སྟེ། །སྟེང་དུ་གསལ་
བར་འཕྲོ་བས་ན། །རྡོ་རྗེ་ཉི་མ་ཞེས་བྱ་ལ། །འདི་ནི་གསལ་ཞིང་འབར་བས་ན། །རྣམ་སྣང་མཛད་ཆེན་ཐུབ་པའང་ཡིན། །རླུང་ནི་སྣ་ཚོགས་ལས་བྱུང་བ། །ཁྱད་པར་སྤྱོད་པས་རྟ་མཆོག་ཡིན། །རྣམ་ཤེས་རྡོ་རྗེ་སེམས་དཔའ་སྟེ། །
ཕན་ཚུན་གཉིས་མེད་རང་བཞིན་ནོ། །གནས་དེར་ཉི་མ་ནུབ་པ་ཡི། །སྤྲུལ་པའི་སྐུ་ཡི་གཟུགས་ཀྱི་བདག །ལྷ་དང་མི་ཡི་བདེ་བ་ནི། །བསྡུས་བྱས་རྙོག་པ་མེད་པ་སྟེ། །འཁོར་བའི་ལམ་ནི་གཅོད་པ་པོ། །སྤྲོས་པ་ཐམས་ཅད་
ཉེར་ཞི་བའི། །རྡོ་རྗེ་སེམས་དཔའ་ཧེ་རུ་ཀ །མཁའ་འགྲོ་མ་ཀུན་སྒྲ་རུ་བཤད། །ཡང་ན་མཁའ་འགྲོ་མ་ཀུན་གྱི་སྒྲས་ནི་རབ་ཏུ་གཏུམ་མོ་ལ་སོགས་པ་ལ་བྱ་ལ་དངོས་པོ་ནི་རང་བཞིན་ཏེ། དེ་རྣམས་ཀྱི་རྡུལ་ཕྲ་རབ་ལས་བསྒྲུབས་
པའོ། །དེ་ཉིད་སེམས་ཅན་གྱི་དོན་ལ་ནུས་པ་དང་ལྡན་པའི་ཕྱིར་སེམས་དཔའི་སྒྲར་བརྗོད་དེ། མི་ཤེས་པའི་རི་བོ་འཇོམས་པས་ན་ཡེ་ཤེས་ཉིད་ནི་རྡོ་རྗེའོ། །སེམས་དཔའ་རྣམ་པ་གཉིས་གསུངས་ཏེ། སྣོད་དང་བཅུད་ཀྱི་འཇིག་རྟེན་ནོ། །

85-1-313b

བཅུད་ནི་རྒྱུ་བ་ཞེས་བཤད་ལ། །དེ་བཞིན་སྣོད་ནི་བརྟན་པའོ། །རེ་རེ་ཞིང་ཡང་གཉིས་གཉིས་ཏེ། །སྐལ་བ་བཟང་དང་སྐལ་ངན་ནོ། །ས་དང་ཆུ་དང་མེ་རླུང་གི། །གཟུགས་ནི་རྣམ་པ་བཞི་རུ་གནས། །འདི་ནི་ཞེས་བྱ་བ་ནི་བཅོམ་ལྡན་
འདས་དེ་ཉིད་དེ་རང་བྱུང་བས་ན་རང་བྱུང་བཅོམ་ལྡན་འདས་སོ་རང་བྱུང་བ་ཞེས་བྱ་བ་ནི་འབྱུང་བ་ཆེན་པོ་རྗེས་སུ་དཔག་པའི་རང་བཞིན་གྱི་ཕྱིར་རོ། །བཅོམ་ལྡན་འདས་ཤེས་བྱ་བ་ནི་དབང་ཕྱུག་ལ་སོགས་པའི་ཡོན་ཏན་དང་ལྡན་པས་སོ། །
ཡང་ན་ཉོན་མོངས་པ་ལ་སོགས་པའི་བདུད་བཅོམ་པས་ན་བཅོམ་ལྡན་འདས་ཏེ། རང་བྱུང་བཅོམ་ལྡན་འདས་དེ་ཉིད་ལྷག་པའི་ལྷ་ནི་གཅིག་ཉིད་དེ་ལྷ་ཉིད་ཡིན་ཞིང་ལྷག་པ་ཉིད་ཀྱི་ཕྱིར་ལྷག་པའི་ལྷ་སྟེ། ལྷག་པའི་ལྷ་ཡི་སྒྲར་གང་སྔར་
བསྟན་པའི་ཁམས་རྣམས་ཀྱི་ནང་ན་གཙོ་བོ་དང་དམ་པར་གྱུར་པ་སྟེ། ཕུང་པོ་དང་ཁམས་དང་སྐྱེ་མཆེད་རྣམས་ཡང་དག་པར་སྐྱེད་པར་བྱེད་པའི་ཁུ་བ་དང་ཁྲག་གོ། །མཆོག་ཏུ་བདེ་བ་དེ་ལས་སྐྱེས་ཤིང་བྱུང་བས་ན་འབྱུང་གནས་ཏེ། 
ངེས་འབྱུང་ནི་སེམས་སྐྱེད་པའི་བཞེད་གཞུང་གསུངས་སོ། །སྒྲ་ནི་དབྱངས་ཏེ་ཤེས་རབ་ཀྱི་དབྱངས་ཀྱི་རྗེས་སུ་འཇུག་པའོ། །ཚུལ་ནི་སྒྲར་བཏགས་པ་སྟེ། དེ་ལས་བྱུང་བའོ། །བསྟེན་ཅིང་བསྙེན་པར་བྱས་པས་ན་དམ་ཚིག་སྟེ། ཡུལ་ཅན་
གྱིས་ཡང་དག་པར་བཞག་པའི་གཟུགས་ལ་སོགས་པའི་ཡུལ་རྣམས་དང་། དོན་དམ་པར་དབྱེར་མེད་པས་ཉེ་བར་བརྟགས་ནས་ཡུལ་ཅན་དབང་པོ་ལ་ཡང་ཡུལ་ཞེས་བྱའོ། །སྤྱོད་པ་ནི་དབང་པོ་བཅུ་གཉིས་པོ་དེ་རྣམས་ཀྱི་ཉེ་བར་རྒྱུ་
བ་སྟེ། དེ་རྣམས་ཀྱི་རྣམ་པར་ཤེས་པའི་རང་བཞིན་བྱང་ཆུབ་ཀྱི་སེམས་ཐོབ་པ་ནི་སྤྱོད་ཡུལ་ལོ། །འཇིག་རྟེན་གསུམ་དུ་རྙེད་དཀའ་བ་ཞེས་བྱ་བ་ནི་ཟག་པ་དང་བཅས་པའི་དངོས་པོ་གསུམ་ལས་རྙེད་པར་མི་འགྱུར་བའི་མཚན་ཉིད་
དེ་ཐོག་མ་དབུས་མཐར་ཡང་དག་གནས་པའོ། །དེ་ལ་ཐོག་མ་ནི་གསང་བ་སྟེ། འདི་སྐད་ཅེས་བྱ་བ་སྔར་འབྱུང་གནས་སུ་གྱུར་པའི་རིག་པའོ། །མཐའ་ཞེས་བྱ་བ་ནི་དགེས་པ་སྟེ་ཐོས་པ་ཞེས་བྱ་བ་བསྟེན་པར་བྱའོ། །དབུས་ཞེས་བྱ་

85-1-314a

བ་ནི་མཆོག་སྟེ། བདག་གི་ཞེས་བྱ་བ་ཤིན་ཏུ་དམ་པར་གྱུར་པའོ། །ཡང་དག་གནས་ནི་ཐམས་ཅད་བདག་ཉིད་དེ། དུས་གཅིག་ན་ཞེས་བྱ་བའོ། །བཅོམ་ལྡན་འདས་མ་སྒྱུ་མ་ཆེན་མོ་དེ་ཉིད་ངན་པར་སྤྱོད་པ་སྟེ། ལོ་བརྒྱད་
པ་དང་རྡོ་རྗེ་པད་མོ་སྦྱོར་བས་བྱུང་བའི་ཁྲག་དང་བཅས་པའོ། །ལྷ་དང་མི་ཡི་བདེ་བ་ནི། །བསྡུས་བྱས་རྡོ་རྗེ་རྡུལ་གྱི་ནི། །བཅུ་དྲུག་ཆར་ཡང་མི་ཕོད་པ་སྟེ། དེ་ལ་བཅུ་དྲུག་ཆ་ནི་བུད་མེད་ཀྱི་སྐུད་པ་ལས་བྱུང་བའི་ཁམས་རྣམས་སྐུད་པ་བཅུ་
དྲུག་དང་ལྷན་ཅིག་ཏུ་བསྒྲིལ་བ་སྟེ་ཆགས་པ་ཆེན་པོ་ཞེས་བྱ་བ་གང་ཡིན་པའོ། །དེ་ལྟར་སྐུད་པ་བཅུ་དྲུག་དང་བསྒྲིལ་བའི་ཆ་ཤས་བཅུ་དྲུག་གོ། །བསྡུས་བྱས་ཞེས་བྱ་བ་བདུད་རྩི་ལྔའི་སྙིང་པོའི་གོང་བུར་བྱས་པ་སྟེ། བདུད་རྩི་ལྔ་ཡི་སྦྱོར་བར་གྱུར་
པའོ། །དང་ཞེས་བྱ་བ་ནི་བསྡུ་བའི་དོན་ཏེ་སྡེ་ཚན་རྣམས་ཀྱིས་བསྟན་པའི་ཁམས་གང་དང་གང་ཡིན་པའི་རླན་དེ་དང་དེ་ས་བོན་དང་བསྒྲིལ་ཏེ་བརྟག་པར་བྱའོ། །ལྷའི་བདེ་བ་ཞེས་བྱ་བ་ནི་དེ་བདུད་རྩི་ལྟར་ཡོངས་སུ་སྨིན་པས་རང་གི་སྐུ་རྡོ་རྗེར་གྱུར་པའི་
སྐད་ཅིག་གོ། །མིའི་ཡིན་པས་ན་མི་ཡི་སྟེ་ངེས་པར་གསལ་བའི་བདེ་བའོ། །དེ་ཡང་དངོས་གྲུབ་ཐམས་ཅད་ཀྱི་རང་བཞིན་རྟག་ཏུ་བདེ་བའི་གསལ་བས་མཚན་པའོ། །ཆོས་ཀྱི་དབྱིངས་དང་མཉམ་པར་སྦྱོར་བའི་སེམས་ཀྱི་རྡོ་རྗེ་མངོན་དུ་བྱ་ཞིང་
བདེ་བ་བསྟེན་པ་ལས་བདེ་བ་ཉིད་དུ་སྐྱེ་བར་འགྱུར་ཏེ། ཐེར་ཟུག་ཏུ་བདེ་བ་སྟེར་བས་སོ། །དེ་ཡང་དཔེར་ན་མངར་པོས་བསྒོས་པའི་ས་བོན་ནི། །མངར་པོ་ཉིད་ནི་བསྟེན་པ་དང་། གང་ཕྱིར་མངར་པོས་བསྐྱེད་བྱས་ན། །དེ་ཡི་རོ་ནི་མངར་པོར་འགྱུར། །
དེ་བཞིན་དུ་ཆོས་ཀྱི་བདུད་རྩི་ལས་བྱུང་བའི་བདེ་བ་བསྟེན་ན་བདེ་བ་འཕེལ་བར་འགྱུར་རོ། །དེ་དང་མཉམ་པ་དངོས་པོ་གསུམ་པོ་གང་ན་ཡང་ཡོད་པ་མ་ཡིན་ཏེ་ཆ་ཤས་ཀུན་དང་མཚུངས་པ་ལྟ་ཞོག །དེའི་རྡུལ་ཕྲ་རབ་ཀྱི་ཆ་དང་མཚུངས་པ་ཡང་
ཡོད་པ་མ་ཡིན་ནོ། །རྡུལ་ཕྲ་རབ་ནི་རྡོ་རྗེ་ཕྲ་མོའི་རང་བཞིན་ཏེ། བྱང་ཆུབ་ཀྱི་སེམས་བདེ་བའི་བདག་ཉིད་སྤྲོས་པའོ། །མཐུ་དང་ངོ་བོ་ཉིད་དག་དང་། །རང་བཞིན་གྱིས་ནི་གྲུབ་པ་སྟེ། །དེ་ཡི་རང་བཞིན་གཏམ་དག་ནི། །བཞིན་མཛེས་

85-1-314b

མ་ནི་ཁྱོད་ལ་བཤད། །གང་ཞིག་ཕྱི་རོལ་སྦྱོར་ལ་དགའ། །བཅུ་དྲུག་ཆར་ཡང་མི་ཕོད་དོ། །སྦྱོར་བའི་མཆོག་ནི་འདི་མཐོང་ན། །གཞན་དག་འབུས་ཟོས་རྩྭ་དང་འདྲ། །ད་ནི་ཆུ་སྐྱེས་ཆེན་པོའི་ཡོན་ཏན་དང་ལྡན་པའི་གནས་ཕུན་སུམ་
ཚོགས་པ་བཤད་པར་བྱ་སྟེ། མི་གསལ་བརྡ་ཡི་ཚུལ་གྱིས་ནི། །གནས་ནི་གསང་བ་ཞེས་བྱར་བཤད། །མི་གསལ་བ་ཡི་དངོས་པོར་ནི། །བརྡ་ཡི་སྐད་ཀྱིས་བཤད་པ་ཡིན། །འདི་ནི་རྟོག་པ་ལ་བརྟེན་ནས། །གནས་ནི་
གསང་བ་བཤད་པར་བྱ། །དགོན་ཆེན་ཞེས་བྱ་བ་ལ་སོགས་པ་ནི་སྒྲ་ཇི་བཞིན་ནོ། །གཞན་ཡང་དགོན་ཆེན་ཞེས་བྱ་བ་ནི་ཤེས་རབ་སྟེ། སྔགས་ཀྱི་ཡོན་ཏན་གྱི་ཤིང་གི་ཚོགས་དཔག་ཏུ་མེད་པ་དང་ལྡན་པའི་ཕྱིར་རོ། །དེ་ཉིད་རང་
བཞིན་གྱིས་ལྷའི་བདག་ཉིད་པས་ན་ས་ཕྱོགས་སོ། །རིགས་མཐའ་ཡས་པའི་རང་བཞིན་གྱི་ཕྱིར་མང་པོའི་ཚིག་གོ། །བདག་དང་སེམས་ཅན་ལ་སོགས་པར་རྟོགས་པ་དང་བྲལ་བས་རྣམ་པར་དབེན་པ་སྟེ། ལྟ་བ་ངན་པ་རྣམས་
ཀྱིས་གཞིག་པར་མི་ནུས་པའི་ཕྱིར་རི་བོའོ། །འཇུག་པར་དཀའ་བའི་ཕྱིར་རི་བོར་ཏེ། ཟབ་ཅིང་རྒྱ་ཆེ་བའི་ཤེས་རབ་ཀྱི་ཆུ་བོའི་གནས་སུ་གྱུར་པས་རྒྱ་མཚོ་ཆེན་པོའི་འགྲམ་རྣམས་སོ། །འཕགས་པའི་ལམ་ཡན་ལག་བརྒྱད་དང་སྦྱིན་པ་
ལ་སོགས་པའི་རང་བཞིན་རྣམ་པར་དག་པ་གྲུབ་པས་གདོད་ནས་གྲུབ་པ་སྟེ། ཉན་ཐོས་ལ་སོགས་པའི་བྱང་ཆུབ་འདོད་ཆགས་ཀྱི་མེས་བསྲེགས་པས་དུར་ཁྲོད་དོ། །དེ་ལྟར་ན་མེ་ལོང་ལྟ་བུ་ལ་སོགས་པ་ལྔ་རྣམ་པར་དག་པས་གནས་རྣམ་པ་ལྔར་
བསྒྲགས་སོ། །ཆུང་ངུ་ནི་དང་པོར་ལོ་བཅུ་གཅིག་མའི་པད་མ་དང་རོལ་པས་བཅུད་ཀྱིས་ལེན་བསྒྲུབ་པར་བྱའོ། །གཉིས་པར་ལོ་བཅུ་གཉིས་མ་དང་རོལ་པས་ནི་དམ་ཚིག་དོན་དུ་གཉེར་བར་བྱའོ། །གསུམ་པར་ལོ་བཅུ་དྲུག་མ་དང་ལྷན་ཅིག་ཏུ་
དགའ་བས་ནི་སྔགས་རྣམས་གོམས་པར་བྱའོ། །བཞི་པར་ལོ་ཉི་ཤུ་མ་དང་ནམ་མཁར་འཕུར་བ་བསྒྲུབ་པར་བྱའོ། །ལྔ་པར་ལོ་ཉི་ཤུ་རྩ་ལྔ་མ་དང་དབང་བསྐུར་བར་བྱའོ། །ཞེས་བྱ་བའི་བར་དུའོ། །དེ་ལྟར་ན་དབུགས་འབྱུང་མཆོག་དང་བར་

85-1-315a

མ་དང་། ཞེས་བྱ་བ་གནས་ལྔ་པོ་དེ་དག་དང་རིམ་པ་བཞིན་དུ་སྦྱར་རོ། །དེ་ལ་རིགས་ལྡན་རྣམས་ནི་རྡོ་རྗེ་རིགས་ཀྱི་བུ་མོ་ལ་སོགས་པ་རྣམས་དྲི་ཡི་ཆུས་མཆོད་པར་བྱ་སྟེ། བཅས་པ་ཞེས་བྱ་བ་ནི་རིགས་ཀྱི་བུ་མོ་དེའི་མེ་ཏོག་བཟུང་ལ་
མཁས་པས་རང་གི་ཁུ་བ་དང་བཅས་པས་མཆོད་དོ། །རྟག་ཏུ་ཞེས་བྱ་བ་ནི་ཐམས་ཅད་དུ་རྒྱུན་མི་འཆད་པར་ཏེ། དུས་ཀྱི་ཁྱད་པར་ཞེས་བྱ་བ་སྔ་དྲོའི་དུས་སུའོ། །གཞན་ཡང་ལྷན་ཅིག་སྐྱེས་གྲུབ་ཅེས་བྱ་བ་ཐུན་མོང་གི་དངོས་གྲུབ་དང་ལྡན་ཞིང་
སྒྲུབ་པ་པོ་ལ་བརྩེ་བ་སྟེ། ཐིག་ལེ་དེས་སངས་རྒྱས་དང་བྱང་ཆུབ་སེམས་དཔའ་རྣམས་མཆོད་པར་བྱའོ། །གཞན་ཡང་དགོན་པ་ཆེན་པོ་ཞེས་བྱ་བ་ནི་བུད་མེད་ཀྱི་ཕྱག་རྒྱ་སྟེ། འདོད་ཆགས་ལ་སོགས་པའི་ཉོན་མོངས་པའི་ནགས་ཚལ་དང་ལྡན་པའི་
ཕྱིར་རོ། །དེ་ཉིད་ཐབས་ཀྱིས་ཡོངས་སུ་སྦྱངས་ན་བྱང་ཆུབ་ཀྱི་ལམ་སྟེ། ཡོངས་སུ་སྦྱངས་པ་ནི་མ་ཐུག་པར་སོན་པའོ། །དེའི་དར་མོ་ཏྭ་ཡ་ནི་ས་ཕྱོགས་ཏེ། དེ་ཉིད་དེ་བཞིན་གཤེགས་པ་ཐམས་ཅད་ཀྱིས་བསྔགས་པའི་རྡོ་རྗེ་རིགས་ལ་སོགས་
པའི་བུ་མོ་བས་ན་རྣམ་པར་དབེན་པའོ། །དེ་ཉིད་བདེ་བ་ཆེན་པོས་མི་གཡོ་བས་ན་རི་བོའོ། །སེམས་ཅན་དམན་པས་འཇུག་པར་དཀའ་བས་ན་རི་བོར་ཏེ་ཕུག་དང་ལྡན་པས་ན་ཚང་ཚིང་ངོ་། །ཐབས་དང་ཤེས་རབ་སྙོམས་པར་འཇུག་པའི་རྒྱ་མཚོའི་
གནས་པས་རྒྱ་མཚོའི་འགྲམ་སྟེ། སེམས་ཅན་ཐམས་ཅད་ཀྱི་རྒྱུད་ལ་མཉམ་པར་གནས་པས་ན་དུར་ཁྲོད་དོ། །གདོད་ནས་གྲུབ་པ་ནི་རྟག་ཏུ་གྲུབ་པ་སྟེ། འཆར་བ་དང་ནུབ་པ་སྤངས་ཤིང་ནམ་མཁའ་ལྟར་ཡོངས་སུ་གྲུབ་པས་རྟག་ཏུ་བདེ་བ་
ཆེན་པོའི་ཚུལ་གྱིས་དམིགས་པས་དེའི་རང་བཞིན་དུ་བྱས་པའོ། །ནི་ཞེས་བྱ་བ་ནི་འདུས་པ་སྟེ་དེ་དང་ལྡན་པའི་ཕྱིར་རོ། །སྣ་ཚོགས་པད་མ་རས་ཀྱིས་གཡོགས་ཞེས་བྱ་བ་ལ་སྣ་ཚོགས་ནི་རྣམ་པ་དུ་མ་སྟེ། པད་མ་ནི་གཟུགས་ཀྱི་ཚིག་བླ་
དགས་སོ། །རས་ནི་གསལ་བར་མ་བྱས་པ་སྟེ། གཡོགས་པ་ནི་ཤིན་དུ་མི་མངོན་པར་བྱས་པའོ། །སྟན་ནི་རིག་པ་ཉིད་གདན་དུ་བྱས་པ་སྟེ་དག་པ་ནི་འཇམ་པའོ། །ལྷ་མོ་རྣམས་ཀྱིས་པད་མ་རང་གི་མཚན་མའི་གོས་ཀྱི་རྒྱན་

85-1-315b

གྱིས་བརྒྱན་པའོ། །གཞག་པ་ནི་མཆོད་པར་བྱ་བ་སྟེ། ཡང་དང་ཡང་དུ་འདོད་པས་མཉེས་པར་བྱ་བའོ། །སྡོམ་པ་ནི་བདེ་བའི་མཆོག་གོ། །པད་མའི་ཁྲག་དང་ཞེས་བྱ་བ་ནི་དེ་བཞིན་དུ་ཁྲག་ནི་བཅུད་ཀྱིས་ལེན་པ་སྟེ། ཁྲག་ནི་
པད་མ་ཡིན་ལ་བཤང་བ་ལ་སོགས་པ་ནི་བཅུད་ཀྱིས་ལེན་ཏོ། །དེས་འདི་སྐད་དུ་བསྟན་པར་འགྱུར་ཏེ། ཁྲག་ཆེན་ག་བུར་བཅས་པ་དང་། །ཙན་དན་དམར་པོར་སྦྱར་བ་དག །ཚོགས་ཀྱི་ནང་དུ་ཞུགས་པ་ན། །ར་ས་ཡ་ན་
བླ་ན་མེད། །ཅེས་བྱ་བ་ལ་ཁྲག་ཆེན་ནི་དུས་སུ་འབབ་པའི་ཟླ་མཚན་དུ་གྱུར་པའོ། །ཙན་དན་དམར་པོ་ནི་ཤ་སྟེ་དེ་དང་བཅས་པའོ། །ཚོགས་ཀྱི་ནང་དུ་ཞུགས་པ་ནི་དབང་པོ་ཐམས་ཅད་ལས་བྱུང་བ་སྟེ། དེ་དག་ཐམས་ཅད་
ཀྱི་བཅུད་ནི་ར་ས་ཡ་ནའོ། །བཟའ་བར་བྱ་ཞེས་བྱ་བ་ལ། ཆོ་ག་གང་གིས་བཟའ་བར་བྱ་ཞེ་ན། སྦོམ་པོའམ་མཐའ་ལྟག་ཅེས་བྱ་བ་ལ་སྦོམ་པོ་ནི་རྡོ་རྗེའོ། །མཐའ་ལྟག་ནི་བྷ་ག་སྟེ། ཨ་ན་མ་ཞེས་བྱ་བ་མིང་
གིས་བསྙད་པའི་ཕྱིར་རོ། །ཁར་ཞེས་བྱ་བ་ནི་དེ་ཉིད་ཀྱི་ཁས་རང་གི་ལྷ་ཡི་ཁར་རོ། །དེ་ཡང་དང་པོར་བླ་མར་དབུལ་བྱས་ཏེ། །དེ་ནས་སངས་རྒྱས་རྣམས་ལ་དབུལ། །ཕྱག་རྒྱ་ལ་ནི་བྱིན་ནས་སུ། །
ཞི་བའི་བཏུང་བ་བཞིན་དུ་མྱང་། །མཆོད་པ་བཞི་པ་བཞི་ཞེས་བྱ་བ་ལ། བྱང་ཆུབ་ཀྱི་སེམས་བསྐྱེད་པའི་རིམ་པ་སྒོམ་པ་པོས་ནི། དུས་བཞིར་མཁའ་འགྲོ་མ་ལ་སོགས་པའི་ལྷ་མོ་དང་། 
རྣམ་པར་ཐར་པའི་སྒོ་བཞིའི་བདག་ཉིད་ཅན་ཇི་སྲིད་སྟོང་པ་ཉིད་ཀྱི་ང་རྒྱལ་ནས་བཟུང་སྟེ། གཟུགས་ཡོངས་སུ་རྫོགས་པའི་བར་དུ་ངེས་པར་བྱས་པས་མཆོད་པར་བྱའོ། །དཔའ་བོ་དང་ནི་
སྙོམས་འཇུག་པ་ཞེས་བྱ་བ་ནི། གཞན་ཡོངས་སུ་རྫོགས་པའི་རིམ་པ་ལ་གནས་པའི་སྒོམ་པ་པོ་སྟེ། དུས་ཀྱི་ངེས་པ་མེད་ཅིང་ཐོག་མ་དང་ཐ་མ་མེད་པའི་ང་རྒྱལ་གྱིས་རྟག་ཏུ་གནས་པ་རྣམས་ཀྱིས་ཅི་ཞིག་

85-1-316a

བྱ་ཞེ་ན། ཡིད་ནི་ནང་དུ་ཆུད་པའི་སྟེ། དེ་བཞིན་གཤེགས་པ་ཐམས་ཅད་ཀྱི་སྐྱེད་མ་མོའི་ཤེས་རབ་དང་ཇི་ལྟ་བ་བཞིན་དུ་མཉམ་པར་སྦྱོར་བ་དང་ལྡན་པས་མཆོག་ཏུ་དགའ་བ་རྣམ་པར་སྤྲོ་སྟེ། གནས་པས་ཚིམ་པར་བྱ་
ཞེས་བྱ་བའི་བར་དུའོ། །དེ་ལྟར་མཆོད་པས་ཐ་མ་མཆོག་དང་བར་མ་སྟེ། ཐ་མ་ནི་ཆགས་པ་ཆེན་པོའི་ཚུལ་ལོ། །དེ་ཡང་རྡོ་རྗེ་ཅན་གྱིས་ཐམས་ཅད་བསྡུས་ནས་བཙུན་མོའི་བྷ་ག་བདེ་བ་ཅན་དུ་སྤྲོས་ལ། དེར་དཀྱིལ་འཁོར་བྲི་བར་བྱ་
ཞེས་བྱ་བ་དང་སྦྱར་བ་སྟེ། གཞན་གྱི་དེ་ཁོ་ན་ཉིད་ཇི་ལྟ་བ་བཞིན་དུ་བསྟན་པའོ། །བར་མ་ནི་བདག་གི་དེ་ཁོ་ན་ཉིད་དེ། རྡོ་རྗེ་འཛིན་པས་འཁོར་ལོ་ཐམས་ཅད་རང་གི་དབུས་སུ་བསྡུས་ལ། རྡོ་རྗེ་ཀུན་གྱི་རང་བཞིན་དུ་བྱས་པ་ཆོ་ག་དེས་བསྒོམ་པ་ནི་
མཆོག་གོ། །བུད་མེད་ཀུན་གྱི་སྒྱུ་མ་ཞེས་བྱ་བ་ལ་བུད་མེད་ཀུན་ནི་གཟུགས་ལ་སོགས་པའོ། །སྒྱུ་མ་ནི་ཡོན་ཏན་ཏེ་རང་བཞིན་གྱིས་སྐུ་ལ་སོགས་པས་གནས་པའོ། །སྒྱུ་མ་སྟེ་ཡོན་ཏན་གྱི་རྒྱུས་མ་ལུས་པ། སྒྱུ་མའི་དོན་དུ་གསུངས་
སོ། །མ་ལུས་པ་ནི་ཆ་ཤས་ཏེ་ཆ་དང་བཅས་པའོ། །ཆ་ནི་དངོས་པོར་བསྟན་པ་སྟེ། །ཆ་མེད་ཡོན་ཏན་ཞེས་བྱ་ཡིན། །ཡོན་ཏན་ཡོན་ཏན་ཅན་སྦྱར་བ། །ཡུལ་དང་དབང་པོ་རབ་ཏུ་དགེ། །ཨཱ་ལི་ཀཱ་ལི་ཡོན་ཏན་གསུངས། །མཉམ་པ་
དམ་ཚིག་སྤྱོད་ཡུལ་ཡིན། །དེ་ཉིད་ནི་མཚན་མ་ཡིན་པས་ན་ཕྱག་རྒྱ་སྟེ། འདི་ནི་ཞེས་བྱ་བ་ནི་འཛིན་པ་པོའི་བློས་མངོན་དུ་བྱས་པའོ། །ཡོན་ཏན་དེས་རྟག་ཏུ་ཡོན་ཏན་དང་ལྡན་པར་གྱུར་པའི་རིང་པོ་ལ་སོགས་པ་གཉིས་སུ་མེད་པའི་
ཚུལ་ཉིད་མཆོག་སྟེ། བླ་ན་མེད་ཅིང་དམ་པར་གྱུར་པའོ། །དེ་ཡང་ལུགས་མ་ལ་སོགས་པ་གཞན་དག་ལས་ཕུལ་དུ་བྱུང་བར་རང་བཞིན་གྱིས་གྲུབ་པའི་ཕྱིར་རོ། །རང་བཞིན་གྱིས་གྲུབ་པ་ནི་འགྱུར་བ་མེད་པའི་མཚན་ཉིད་དང་ངོ་བོ་ཉིད་
རྣམ་པར་དག་པ་སྟེ། ཇི་ལྟར་འོ་མ་ལ་ཞོ་ལ་སོགས་པ་བཞིན་ནོ། །དེ་བས་ན་བཅོས་མ་ལས་བྱེ་བྲག་ཏུ་གྱུར་པའོ། །གཞན་ཡང་ངན་པར་སྤྱོད་པའང་འགྲུབ་པར་འགྱུར། །རྙེད་དང་བདེ་དང་དགའ་ཀུན་གྱིས་ཞེས་བྱ་བ་ལ་

85-1-316b

རྙེད་པ་ནི་བྱང་ཆུབ་ཀྱི་སེམས་རྙེད་པ་སྟེ། དེ་ཉིད་དགའ་བ་ཀུན་གྱིས་ཁྱད་པར་དུ་འཕེལ་བས་ཡིན་གྱི། སློངས་མོས་འཚོ་བ་ལ་སོགས་པ་དང་། དཀའ་ཐུབ་ཀྱི་སྦྱོར་བ་ལ་སོགས་པ་རྣམས་ནི་མི་མཐུན་པའི་ཕྱོགས་ཡིན་པས་
ནམ་ཡང་འགྲུབ་པར་མི་འགྱུར་ཏེ་སྤང་བར་བྱའོ། །དེས་ཞེས་བྱ་བ་ནི་གྲུབ་པའི་རྫས་ཀྱིས་ཏེ། ཁྱད་པར་ཇི་ལྟ་བུ་ཞིག་ཅེ་ན། རང་བཞིན་དང་ངོ་བོ་ཉིད་ཀྱིས་གྲུབ་པ་སྟེ། རང་བཞིན་གྱི་སྔགས་ཀྱི་ཡི་གེ་ཡོངས་སུ་གྱུར་པ་ལས་
རང་གི་ལྷའི་གཟུགས་སུ་ཡོངས་སུ་བརྗེ་བ་སྟེ། སྔགས་བཟླས་པ་དང་། རང་གི་ས་བོན་ཡོངས་སུ་གྱུར་བ་ལས་རང་བཞིན་ཡོངས་སུ་བརྗེ་བའོ། །སྣ་ཚོགས་ཞེས་བྱ་བ་ནི་ཁམས་ཀྱི་རང་བཞིན་ཏེ། མཁའ་འགྲོ་མ་རྣམ་པ་བཅྭ་བརྒྱད་དུ་ཕྱེ་བ་
ཡིན་གྱི། བྷུ་བ་ལ་སོགས་པའི་ཁམས་ནི་མ་ཡིན་ནོ། །ནམ་མཁའ་ཀུན་དུ་རྒྱུ་གྲུབ་པ། ཞེས་བྱ་བ་ལ་ནམ་མཁའི་སྒྲས་ནི་སེམས་ལ་བྱ་སྟེ། ཇི་ལྟར་ནམ་མཁའི་ཁམས་ལ་སོགས་པ་ཐམས་ཅད་ཀྱི་གནས་སུ་གྱུར་པ་བཞིན་
དུ་ཐམས་ཅད་ཀྱི་གོ་སྐབས་སྟེར་བའི་ཕྱིར་རོ། །ཡང་ན་ཉན་ཐོས་ལ་སོགས་པའི་གནས་བསྲེགས་པས་ན་ནམ་མཁའ་སྟེ། ནམ་མཁའ་དེར་བདུད་རྩིའི་རང་བཞིན་གྱིས་རྒྱུ་ཞིང་སྤྱོད་པས་ན། དེ་ནི་ནམ་མཁའ་ཀུན་དུ་རྒྱུ་གྲུབ་པས། །མཁའ་
འགྲོ་མ་ཞེས་རབ་ཏུ་གྲགས་ཞེས་སོ། །སྣ་ཚོགས་ཀུན་དུ་ཕྱག་རྒྱ་སྟེ་ཞེས་བྱ་བ་ལ། ཀུན་དུ་ནི་སྐུ་གསུང་ཐུགས་ཀྱི་རྡོ་རྗེའི་རིགས་ཐམས་ཅད་དོ། །སྣ་ཚོགས་ནི་རྡོ་རྗེ་འཛིན་ཆེན་པོ་སྟེ། དེའི་ཕྱག་རྒྱ་ནི་དཀྱིལ་འཁོར་གྱི་འཁོར་ལོའི་ཕྱག་
རྒྱ་ཐམས་ཅད་དོ། །དེས་ན་སྣ་ཚོགས་ཕྱག་རྒྱ་སྟེ། སེམས་ཀྱི་རང་བཞིན་གྱིས་ཟླ་བ་དང་དམར་པོའི་གྲུབ་པའི་རྫས་དེ་དག་ཉི་ཤུ་རྩ་ལྔའི་བར་དུ་རྟག་ཏུ་གོམས་པར་བྱ་བ་སྟོབས་སུ་གྱུར་པའོ། །སྣ་ཚོགས་སྡོམ་པ་ནི་རྣམ་པ་སྣ་ཚོགས་པའི་
བདེ་བ་གྲུབ་པ་སྟེ། མཁའ་འགྲོ་ཀུན་ཞེས་བྱ་བ་ཁྲག་དང་མཉམ་པར་སྦྱོར་བའི་ཆོ་གས་སྔགས་པ་རྡོ་རྗེ་མཁའ་འགྲོ་ཞེས་བྱ་བར་གྲགས་པ་སྟེ། རང་ཉིད་སྐྱེས་པར་གྱུར་པའོ། །དེ་ཉིད་མེད་སེམས་ནི་དེ་ཁོ་ན་ཉིད་ཀྱི་སེམས་མེད་པ་སྟེ།

85-1-317a

ཕྱིན་ཅི་ལོག་གི་སེམས་ཀྱིས་སྦྱོར་བའོ། །ལྷ་ལ་དམིགས་པ་ནི་འདོད་པའི་ལྷར་བསྒོམ་པའོ། །ཤིན་དུ་དེ་ཉིད་སེམས་ཞེས་བྱ་བ་ནི་དེ་ཁོ་ན་ཉིད་ཀྱི་སེམས་ཀྱིས་བརྒྱན་པ་སྟེ། ཕྱིན་ཅི་མ་ལོག་པའི་མཚན་ཉིད་དོ། །དེ་ཡང་
ཁྲག་ལ་སོགས་པའི་ཁམས་སངས་རྒྱས་རྣམས་ཀྱི་རང་བཞིན་གྱི་དེ་ཁོ་ན་ཉིད་དེ་དངོས་གྲུབ་ཐམས་ཅད་ཀྱི་གནས་སོ། །ལུགས་མ་ལ་སོགས་པའི་རྣལ་འབྱོར་ནི་དེ་སྤངས་ནས་བཅོས་མ་སྒོམ་པར་བྱེད་པ་སྟེ། གང་གི་ཕྱིར་གཟུགས་
བརྙན་མ་ཡིན་པས་སོ། །དེས་ནི་འདི་སྐད་བསྟན་པར་འགྱུར་ཏེ། ཇི་ལྟར་སྨིན་པའི་འབྲས་བུ་བོར་ནས། ཤིང་གི་རྩ་བ་ལེན་པར་བྱེད་པ་བཞིན་དུ། རྣལ་མ་བོར་ཏེ་བཅོས་མ་ལ་ཆགས་པ་ཡང་བློ་གྲོས་དམན་ཞིང་ཤིན་དུ་བླུན་པར་སྟོན་ཏོ། །
དེས་ན་དེ་ཁོ་ན་ཉིད་ཀྱི་སེམས་ཀྱིས་ཕུན་སུམ་ཚོགས་པས་བདག་ཉིད་སྦྱོར་ཞིང་རྫོགས་པའི་རིམ་པས་སངས་རྒྱས་ཀྱི་སྐུ་ལ་དམིགས་པ་ནི་མཆོག་ཏུ་མི་འགྱུར་བའི་ཡེ་ཤེས་འགྲུབ་པར་འགྱུར་རོ། །ཡེ་ཤེས་དེ་ཉིད་ནི་མཆོག་ཏུ་མི་འགྱུར་བ་
སྟེ། ཐོག་མ་དང་ཐ་མ་མེད་པའི་ཕྱིར་རོ། །དེས་ན་གཞན་ཡང་གཟུགས་བརྙན་དང་ལུགས་མ་སོགས་པ་སྤངས་ཏེ། ཁམས་སྣ་ཚོགས་ཀྱི་ཤེས་པ་ཉིད་སངས་རྒྱས་ཐམས་ཅད་འདུས་པར་བརྟག་པར་བྱའོ། །ལྷའི་རྣལ་འབྱོར་དུས་སུ་ནི། །
བ་སྤུ་རྣམས་ཀྱི་བུ་ག་ནས་ཞེས་བྱ་བ་ལ་བ་སྤུ་ནི་ལྟེ་བའི་དཀྱིལ་འཁོར་ཏེ་བུ་ག་ནི་ནམ་མཁའོ། །རྩེ་མོའི་བར་ཞེས་བྱ་བ་ནི་ཡི་གེ་བཅུ་དྲུག་ཡོངས་སུ་གྱུར་པའི་ཁམས་རྣམས་ཏེ། སྤྲོ་བ་དམ་ཚིག་དཀྱིལ་འཁོར་ཏེ། །རྣལ་འབྱོར་
པས་ནི་རྟག་ཏུ་བསྒོམ། །དམ་ཚིག་དཀྱིལ་འཁོར་ཞེས་བྱ་བ། །རང་གི་པད་མའི་ལྟེ་དབུས་སུ། །ཟླ་བར་གནས་པའི་ཧཱུྃ་ཡིན་ཏེ། །སངས་རྒྱས་བྱེ་བ་སྟོང་ཕྲག་ནི། །ཕྱོགས་བཅུ་དག་ཏུ་སྤྲོ་བར་བྱེད། །ཐིག་ལེ་བཅུ་དྲུག་ཐིག་སྐུད་
ཀྱི། །སྔགས་པས་ཐིག་གིས་བཏབ་པ་ཡི། །ལྟེ་བའི་དཀྱིལ་འཁོར་བཅུ་དྲུག་པར། །ཨ་སོགས་ཀྵ་ཡི་མཐར་ཐུག་པ། །ཐ་མ་ལས་ནི་སྔགས་བཏུ་བྱ། །ཕྱི་ནས་ཐིག་ལེར་ཆ་དང་བྲལ། །བཤང་དང་གཅི་བའི་རང་བཞིན་པས། །

85-1-317b

འདི་རུ་ཀྵ་ནི་སྤང་བར་བྱ། །ཡི་གེ་ཧ་ནི་ཡོངས་གྱུར་པས། །ཡི་གེ་ཐམས་ཅད་ཡལ་ཀ་འདྲ། །འདི་ནི་རང་བྱུང་བཅོམ་ལྡན་འདས། །གཅིག་པུ་ཉིད་ནི་ལྷག་པའི་ལྷ། །སངས་རྒྱས་ཀུན་དངོས་སྟོང་པ་ཡི། །ཡི་གེ་ཉིད་ནི་མཁའ་འགྲོ་
མ། །ཞེས་བྱ་བ་ནི་སྔགས་ཀྱི་མན་ངག་གོ། ཀ་སོགས་ཡང་དག་གནས་པ་ཡི། །ཡི་གེ་ལྷ་ཡི་གཟུགས་ཡིན་ཏེ། །ཨ་སོགས་དབྱངས་རྣམས་ཐམས་ཅད་ཀྱི། །སྔར་ནི་བསྒེག་ཅིང་བརྒྱན་པ་ཡི། །ལྷག་པའི་ལྷ་ནི་ཡི་གེ་ཧཱུྃ། །ལྟེ་བའི་
དབུས་སུ་བསམ་པར་བྱ། །ལྟེ་བ་པད་མ་ཞེས་བྱ་སྟེ། །བསམ་པ་བསྒོམ་པར་བྱ་བ་ཡིན། །སངས་རྒྱས་ཀུན་དངོས་སྟོང་པ་ནི། །རྣམ་ཤེས་ཧཱུྃ་གི་གཟུགས་ཉིད་དོ། །ཡི་གེ་ཉིད་ནི་མཁའ་འགྲོ་མ། །སྒྲ་ཡི་གཟུགས་ཀྱིས་གནས་པའོ། །
གང་ཕྱིར་གཞན་ཡང་འདི་དག་ནི། །ཇི་ལྟར་སངས་རྒྱས་ཀུན་དེ་བཞིན། །འདི་ནི་རྟག་ཏུ་འདོན་པ་དང་། །སངས་རྒྱས་ཀུན་གྱི་ཐུགས་ལ་གནས། །མགོ་དང་ཐིག་ལེ་རྣམ་སྤངས་པ། །གཅིག་པུ་ཉིད་ནི་ལྷག་པའི་ལྷ། །རང་གི་
དབུས་གནས་རྡོ་རྗེ་ཅན། །ཡི་གེ་རྣམས་ཀྱིས་ཡོངས་སུ་བསྐོར། །དེ་ཁོ་ན་ཉིད་སྣང་བ་དམ་པའི་ཡུལ་ལ་འཇུག་པ་ཞེས་བྱ་བ་ལ་ཡེ་ཤེས་ནི་སྤྱོད་ཡུལ་ཡོངས་སུ་ཤེས་པའོ། །ཡོངས་སུ་ཤེས་པ་ཞེས་བྱ་བ་ནི་ཀུན་ནས་ཤེས་པའི་
ཡེ་ཤེས་ཏེ། དེ་ཉིད་ཀྱིས་ནི་བདག་ཉིད་སངས་རྒྱས་ཐམས་ཅད་དོ། །བདག་ཉིད་ཅེས་བྱ་བ་ནི་ཀུན་རྫོབ་སྟེ། ཀུན་རྫོབ་ཡོངས་སུ་ཤེས་པ་ནི་སངས་རྒྱས་ཉིད་དོ། །དེ་ཉིད་ཀྱིས་སངས་རྒྱས་དང་རྡོ་རྗེ་འཛིན་པ་ཉིད་དུ་འགྲུབ་བོ། །
ཐབས་གང་གིས་ཞེ་ན་དེ་ཁོ་ན་ཉིད་སྣང་བ་ཞེས་བྱ་བའི་བར་དུའོ། །མཁའ་འགྲོ་ཀུན་དང་མཉམ་སྦྱོར་བའི། །རྡོ་རྗེ་མཁའ་འགྲོ་བདེ་བའི་མཆོག །རྡོ་རྗེ་སེམས་དཔའ་དེ་བཞིན་གཤེགས། །བཅོམ་ལྡན་རྡོ་རྗེ་ཅན་
གྱིས་གསུངས། །རྒྱུད་ཀྱི་རྒྱལ་པོ་ཆེན་པོ་དཔལ་རྡོ་རྗེ་མཁའ་འགྲོ་ལས་གསང་བ་ཞེས་བྱ་བ་ལ་སོགས་པ་དེ་ཁོ་ན་ཉིད་འབྱུང་བའི་རིམ་པར་ཕྱེ་བ་སྟེ་བཞི་བཅུ་རྩ་གཉིས་པའོ།། །། སྦྱིན་བསྲེག་ལས་ཀྱི་ཆོ་ག་ནི། །

85-1-318a

ཇི་བཞིན་བཤད་ཀྱིས་ལྷ་མོ་ཉོན། །རྒྱལ་སྲིད་ཕྱིར་ནི་སྔགས་པ་ཡིས། །སྟོང་ཕྲག་བཅུར་ནི་བཟླ་བར་བྱ། །ཕོ་ཉའི་སྟེང་དུ་གནས་ནས་ནི། །སྦྱིན་བསྲེག་སྟོང་ཕྲག་ལྔ་ནི་བྱ། །ཤ་ཆེན་འོ་མ་ལ་བསྒྲེས་པ། །
རིམ་པ་འདི་ཡིས་བསྲེགས་ན་ནི། །དཔག་ཚད་འབུམ་ཕྲག་བརྒྱ་ཡི་བར། །ཚུན་ཆད་ཕོ་བྲང་རྙེད་པར་འགྱུར། །དཔལ་ལྡན་རྒྱལ་སྲིད་ཆེ་གྲུབ་པ། །སུས་ཀྱང་གཞིག་པར་མི་ནུས་སོ། །མི་དང་བ་ལང་ལྕེ་སྤྱང་ཤས། །དེ་བཞིན་
ངོ་མཚར་མཆོག་འགྱུར་ཏེ། །ཆང་དང་འོ་མར་སྦགས་ནས་ནི། །སྦྱིན་བསྲེག་འབུམ་ཕྲག་གཅིག་བྱས་ན། །གླིང་བདུན་ལ་ནི་དབང་བ་ཡི། །རྒྱལ་སྲིད་ལོངས་སྤྱོད་དཔལ་ཆེན་འགྱུར། །དེ་ནས་མཚམས་མེད་ལྔ་བྱེད་པ། །
གང་གིས་གཞོམ་པར་འདོད་པ་དེས། །དུག་དང་ཁྲག་དང་མར་ནག་བཅས། །མི་ཡི་རུས་པ་བསྲེགས་བྱས་ཏེ། །ཚེར་མ་ཅན་གྱི་ཤིང་དང་ནི། །དེ་བཞིན་ཕུབ་མ་མི་སྐྲར་བཅས། །ཤན་པ་ཡི་ནི་མེ་སྦར་ལ། །གཅེར་བུ་
སྐྲ་ནི་ལྷུག་པ་ཡིས། །ལྷོ་ཕྱོགས་སུ་ནི་ཁ་བལྟས་ཏེ། །ཁྲོ་དང་བཅས་པས་ཉིན་ཕྱེད་ན། །སེམས་མི་གཡེང་བས་སྲེག་པ་འམ། །ཡང་ན་གོས་སྔོན་གྱོན་ནས་སུ། །མཚན་ཕྱེད་ན་ནི་བསྲེག་པར་བྱ། །སྔགས་ཀྱི་
མཐར་ནི་མིང་དང་སྦྱར། །དགྲ་བོ་སྟོབས་དང་ལྡན་པ་ཡང་། །དཔུང་དང་བཅས་པར་བརླག་འགྱུར་ན། །ཕལ་བ་ལ་ལྟ་ཅི་ཞིག་སྨོས། །དེ་ནས་དགྲ་བོ་སྟོབས་ཀྱིས་ནི། །དྲེགས་པ་བསྐྲད་པའི་ཆོ་ག་བཤད། །
ཁྭ་ཡི་གཤོག་པ་ཞག་དང་ནི། །ནིམ་པའི་ཁུ་བར་བསྲེས་པ་དག །ཤ་ཟའི་ཤིང་ལ་མེ་སྦར་ཏེ། །རླུང་དུ་བལྟས་ཏེ་བསྲེག་བྱས་ན། །མཚན་མོ་བདུན་ནི་ཚུན་ཆད་ཀྱིས། །བསྐྲད་འགྱུར་འདིར་ནི་ཐེ་ཚོམ་མེད། །
དེ་ནས་དབྱེ་བ་བཤད་པར་བྱ། །སྨྱོ་བྱེད་མེ་ནི་འབར་བ་ལ། །ནིམ་པ་ཡི་ནི་ལོ་མ་དང་། །སྦྲུལ་གྱི་ལྤགས་པར་སྲེ་བྱས་ལ། །བྱ་རོག་དང་ནི་འུག་པ་ཡི། །ཚང་གི་ཤིང་དང་བཅས་པ་དག །བརྒྱ་རྩ་བརྒྱད་དུ་

85-1-318b

བསྲེགས་ན་ནི། །མཛའ་བཤེས་གཉེན་འདུན་བཅས་པ་དང་། །སྐྱེ་བོ་ཐམས་ཅད་སྡང་བར་འགྱུར། །དེ་ནས་དགུག་པ་བཤད་བྱ་སྟེ། །བསྒྲུབ་བྱ་ཤིང་གི་སྟན་ལ་ནི། །རོལ་པར་བཅས་ཤིང་གཡོ་དང་བཅས། །རླུང་གིས་
གདོང་ནི་སྟེང་དུ་བལྟ། །ལི་ཁྲི་ལྟ་བུའི་མདོག་ཏུ་བསམ། །ཞགས་པ་ལྕགས་ཀྱུའི་སྦྱོར་བ་ཡིས། །སྔགས་ཀྱི་མཐར་ནི་ཛ་བཟླས་ཏེ། །བསྒྲུབ་བྱའི་སྙིང་གི་པད་མ་དབུག །བུད་མེད་ཡིན་ན་སྐྱེ་གནས་དབུག །
ཁམས་གསུམ་འགྲུབ་པར་གདོན་མི་ཟ། །དེ་ནས་ཆོ་ག་གཞན་བཤད་པ། །དགུག་པ་ལ་སོགས་ཇི་བཞིན་འབྱུང་། །དུམ་བུ་གཅིག་པའི་ཐོད་པ་ནི། །གཟུགས་མཛེས་མ་ཆག་མ་གས་ལ། །བསྒྲུབ་
པར་བྱ་བའི་གཟུགས་བྲིས་ཏེ། །མདབ་མ་རློན་པ་བརྒྱ་ལ་ནི། །ཁྲག་དང་གོ་རོ་ཙ་ནར་བཅས། །དྷ་དུ་ར་ཡི་སྨྱུག་གུ་ཡིས། །སྔགས་ནི་མིང་དང་བཅས་པར་བྲི། །ཐོད་པའི་ནང་དུ་བཞག་ནས་སུ། །བསྒྲུབ་
བྱ་དམར་པོ་རས་ཀྱིས་གཡོག   །སྔགས་ཀྱི་ང་རྒྱལ་བསྒྱིངས་ནས་སུ། །མདབ་མ་རེ་རེ་བཟུང་ནས་ནི། །གོ་བཟློག་སྙིང་པོའི་གསང་སྔགས་ནི། །ཟློས་ཤིང་མདབ་མ་ཐམས་ཅད་བསྲེག །ཡིད་ལ་
བསམ་བཞིན་འགུགས་པར་འགྱུར། །དེ་ནས་གཞན་ཡང་ཙན་དན་ནི། །དམར་ལས་བསྒྲུབ་བྱའི་གཟུགས་བྱས་ལ། །རང་ཁྲག་གོ་རོ་ཙ་ནར་བཅས། །མིང་བྲིས་བསྒྲུབ་བྱའི་སྙིང་ཀར་
གཞུག །ཚ་བ་གསུམ་གྱིས་བྱུགས་ནས་སུ། །སྙིང་ཀ་ལྟེ་བ་གསང་བའི་གནས། །ཟངས་མའི་ཁབ་ཀྱིས་དབུག་བྱས་ན། །མཚན་ཕྱེད་ན་ནི་འདོད་བཞིན་འགུགས། །
གསེར་བཙག་གིས་ནི་སྐྱེ་གནས་ཀྱི། །གཟུགས་བྲིས་དེ་ཡི་སྟེང་དུ་ནི། །ལག་པ་གཡོན་པ་གཞག་བྱས་ལ། །བརྒྱ་རྩ་བརྒྱད་དུ་བཟླས་ན་ནི། །

85-1-319a

གང་གི་མིང་ནས་གཟུང་གྱུར་པ། །དེ་ནི་དེ་མོད་འོང་བར་འགྱུར། །རླུང་གིས་གཙུབས་པའི་ཤིང་ལོ་ལ། །ཁྭ་ཡི་སྒྲོ་ཡི་སྨྱུ་གུ་ཡིས། །མིང་དང་བཅས་པའི་འཕྲུལ་འཁོར་ནི། །མཆི་མ་ལས་ནི་བྲིས་ནས་སུ། །
གྱེན་དུ་ལྡང་བའི་ཚུབ་མར་བསྐུར། །ཆོ་ག་དེས་ནི་བསྐྲད་པར་འགྱུར། །སྤྲེའུ་རུས་པའི་ཕུར་བུ་ནི། །སོར་དྲུག་པ་ཡི་ཚད་དུ་བྱ། །སྔགས་ནི་ལན་བདུན་བཟླས་ནས་སུ། །གང་གི་ཁྱིམ་སྒོར་སྦས་ན་ནི། །དེ་ཡི་རིགས་ནི་ཆད་པར་
འགྱུར། །བ་གླང་རྟ་དང་གླང་ཆེན་དང་། །བོང་བུ་རྔ་མོ་མ་ཧེ་ཡི། །གནས་སུ་སྦས་ན་བརླག་པར་འགྱུར། །རླུང་གི་དཀྱིལ་འཁོར་ལ་གནས་པའི། །བསྒྲུབ་བྱ་རྔ་མོའི་སྟེང་དུ་བསྐྱོན། །གཅེར་བུ་མར་ཁུས་བྱུགས་པ་དང་། །སྐྲ་གྲོལ་ཁ་ནི་ལྷོ་རུ་
བལྟས། །སྐྱབས་མེད་ངུ་ཞིང་བརྒྱལ་བར་བསམ། །མགྲིན་པ་ཞགས་པས་བཅིངས་ནས་སུ། །རྒྱབ་ནས་ཁྲོ་བོས་རྡེག་བྱེད་ཅིང་། །ཁམས་གསུམ་གནོན་པའི་བསམ་པ་ཡིས། །མེ་ཡི་མཚམས་སུ་གདོང་བལྟས་ཏེ། །སྔགས་ཀྱི་
མཐར་ནི་ཛ་བཟླས་ན། །ཇི་ལྟར་འདོད་བཞིན་འགྲུབ་པར་འགྱུར། །རྟ་དང་མ་ཧེར་ཞོན་པ་ཡི། །དགྲ་བོ་ནང་ནི་ཕན་ཚུན་དུ། །ཚོན་ཆ་ཐོགས་ནས་ཁྲོས་ནས་ནི། །ཕན་ཚུན་དཔུང་དང་བཅས་པ་རུ། །འཐབ་མོ་བྱེད་པ་བསྒོམ་པར་བྱ། །
སྔགས་པ་གཡུལ་དུ་ཁ་བལྟས་ཏེ། །དེ་ཡི་མིང་དང་སྤེལ་བ་ཡི། །ཡི་གེ་ར་ནི་བྲི་བར་བྱ། །གདོང་ནི་སྟེང་དུ་བལྟ་བར་བསམ། །སྒྲུབ་པོ་རོ་ཡི་སྟེང་དུ་ནི། །རྡོ་རྗེ་སྐྱིལ་དཀྲུང་མི་གཡོར་གནས། །དེ་ཡིས་བསྒྲུབ་བྱ་མནན་ནས་སུ། །
ལུས་དང་ངག་ནི་གཟིར་བར་བྱ། །སྔགས་ནི་མིང་དང་སྤེལ་བ་རུ། །སྔ་མ་བཞིན་དུ་བཟླས་བར་བྱ། །བཅིང་བའི་ཆོ་གའོ། །མཁའ་འགྲོ་ཀུན་དང་མཉམ་སྦྱོར་བའི། །རྡོ་རྗེ་མཁའ་འགྲོ་བདེ་བའི་མཆོག །རྡོ་རྗེ་སེམས་དཔའ་དེ་བཞིན་
གཤེགས། །བཅོམ་ལྡན་རྡོ་རྗེ་ཅན་གྱིས་གསུངས། །རྒྱུད་ཀྱི་རྒྱལ་པོ་ཆེན་པོ་དཔལ་རྡོ་རྗེ་མཁའ་འགྲོ་ལས་ལས་ཐམས་ཅད་ཀྱི་བསམ་གཏན་འབྱུང་བ་དང་སྦྱིན་བསྲེག་ཆོ་གའི་རིམ་པར་ཕྱེ་བ་སྟེ་བཞི་བཅུ་རྩ་གསུམ་པའོ།། །། 

85-1-319b

ད་ནི་སྦྱིན་བསྲེག་ཆོ་ག་གཞན། །རབ་ཏུ་བཤད་ཀྱིས་ལྷ་མོ་ཉོན། །བསྒེགས་པ་འམ་ནི་གཞན་ཡང་རུང་། །རྨ་མེད་ཤིན་དུ་མཛེས་པ་ནི། །འབྱུང་པོའི་ཉིན་ཞག་ལ་རྙེད་པ། །སྒྲུབ་པོས་སྔར་བཤད་བཞིན་བསྒྲུབས་ན། །དངོས་གྲུབ་ཐམས་ཅད་
རབ་ཏུ་འགྲུབ། །ཟླ་མཚན་ཕྱིས་པའི་རས་མ་ནི། །བྱི་ལ་རྟུག་པར་བཅས་པ་དག །ཞིབ་ཏུ་བརྡུངས་པས་བདུག་པ་བྱ། །བདུག་པ་འདི་ཡིས་སྒྲུབ་པ་པོ། །ཤིན་དུ་བྱིན་གྱིས་རློབ་པར་འགྱུར། །ཁྱི་མོ་ནག་མོའི་འོ་མ་དང་། །མ་ཤ་འབྲས་བུ་
བཅས་པ་ལས། །འོ་ཐུག་བྱས་ཏེ་རོ་ཡི་ཁར། །འཇིགས་པ་མེད་པར་སྦྱིན་བསྲེག་བྱ། །དེ་ནས་རོ་དེ་ལངས་ནས་ནི། །ཅི་བགྱི་ཞེས་ནི་སྨྲ་འགྱུར་ཏེ། །རི་ལུ་མིག་སྨན་དངོས་གྲུབ་དང་། །རྐང་བྱུག་རལ་གྲི་དེ་བཞིན་ཏེ། །གཏེར་དང་དགྲ་བོ་ཚར་
གཅད་དང་། །གནོད་སྦྱིན་མོ་དང་བཅུད་ཀྱིས་ལེན། །གང་བསླངས་གཅིག་ནི་བྱིན་ནས་སུ། །འགྲོ་བར་འགྱུར་གྱི་གཞན་དུ་མིན། །དཔའ་བོ་རྣམས་དང་རྩེ་འགྱུར་བ། །གཞན་དག་ཏུ་ནི་ང་མི་སྨྲ། །དེ་ནས་རོ་ལངས་ཆེན་པོ་ཡི། །བསྒྲུབ་ཐབས་
གཞན་ནི་བཤད་པར་བྱ། །སྔར་བསྟན་མཚན་ཉིད་ལྡན་པ་ཡི། །རོ་ནི་མཛེས་པ་བཟུང་ནས་ནི། །རྣལ་འབྱོར་ཆེན་པོར་ལེགས་གནས་པ། །མཚན་ཕྱེད་ན་ནི་བསྒོམས་ནས་སུ། །དེ་ཡི་ཤ་ནི་དམར་ཆེན་བཅས། །སྦྱིན་བསྲེག་བརྒྱ་རྩ་
བརྒྱད་བྱས་ན། །དཔལ་ལྡན་རྡོ་རྗེ་ཕག་མོ་ནི། །མཁའ་འགྲོ་མ་ཡིས་བསྐོར་གྱུར་ཅིང་། །རོ་ལངས་སྲིན་པོ་དུ་མས་བསྐོར། །ཧ་ཧར་བཞད་པས་འཇིགས་བྱེད་པ། །དེར་ནི་དྲུང་དུ་འོང་བར་འགྱུར། །ལྕེ་སྤྱང་བརྒྱ་ཕྲག་མང་པོ་ནི། །
བསྐོར་ནས་འཇིགས་པའི་སྒྲ་སྒྲོགས་བྱེད། །དེ་མཐོང་འཇིགས་པར་མི་བྱ་སྟེ། །སྔགས་ཀྱིས་བསྒྱིངས་པའི་ལུས་སུ་བྱ། །རྡོ་རྗེ་བརྟུལ་ཤུགས་བདག་ཉིད་སེམས། །ཀྱེ་ཧོ་དཔའ་བོ་ཆེན་པོ་ལེགས། །ལྷ་མོས་དེ་སྐད་བརྗོད་
ནས་ནི། །སྒྲུབ་པོ་ཡིད་ལ་གང་འདོད་པའི། །དངོས་གྲུབ་བརྒྱ་ཡང་སྟེར་བར་འགྱུར། །རྣལ་འབྱོར་མ་ཡིས་ཡོངས་བསྐོར་ཏེ། །དཔའ་བོ་རང་གི་གནས་སུ་འགྲོ། །དེ་ནི་དེ་ཡི་མོད་ལ་ཡང་། །ལྷ་ཡི་ལུས་སུ་གྱུར་ནས་ནི། །

85-1-320a

ཁམས་གསུམ་ཀུན་དུ་རྒྱུ་བར་འགྱུར། །དཔའ་བོ་འདོད་པའི་གཟུགས་ཅན་ཏེ། །སྐལ་བཟང་དེ་བཞིན་གཤེགས་པ་འདྲ། །རྟག་ཏུ་ནམ་མཁར་འཕུར་བ་དང་། །རྒ་དང་འཆི་བ་རྣམ་པར་སྤོང་། །ས་བཞི་
ཀུན་ཏུ་རྒྱུ་འགྱུར་ཞིང་། །ཇི་ལྟར་འདོད་བཞིན་དངོས་གྲུབ་འཇུག །དེ་ནས་ཉོན་མོངས་ཞི་བྱ་དང་། །ཏིང་ངེ་འཛིན་ནི་རྒྱས་བྱའི་ཕྱིར། །རང་གི་ལྷ་ཡི་སྦྱོར་བར་གནས། །ནང་གི་སྦྱིན་བསྲེག་བརྩམ་པར་བྱ། །ཟླ་བའི་དཀྱིལ་འཁོར་
དབུས་སུ་ནི། །བདག་ཉིད་རྟག་ཏུ་བསམ་པར་བྱ། །འོད་ཟེར་ཕྲེང་བ་འཁྲུགས་ཤིང་དྲག །འོད་ཀྱི་དཀྱིལ་འཁོར་ཕྲེང་བ་ཅན། །ཕྱོགས་བཅུར་བཞུགས་པའི་རྒྱལ་བ་ནི། །སྟོང་གསུམ་སྟོང་གི་རྡུལ་མཚུངས་པ། །
ཁ་དོག་དཀར་ལ་སོགས་བཀུག་སྟེ། །ལུས་མཆོག་དེ་ལ་གཞུག་པར་བྱ། །འདི་ནི་ཞི་བའི་སྦྱིན་བསྲེག་ཡིན། །རྒྱས་ལ་བྱང་ཆུབ་སེམས་དཔའ་དགུག །རངས་པའི་གཟུགས་སུ་ལྷག་པར་མོས། །ཤིན་དུ་ཉོན་
མོངས་ཟད་བྱའི་ཕྱིར། །ཁྱད་པར་ཁྲོ་བོའི་གཟུགས་སུ་བྱ། །སྣ་ཚོགས་རྗེས་སུ་ཆགས་བྱའི་ཕྱིར། །བུད་མེད་ཀྱི་ནི་གཟུགས་སུ་བསམ། །འདི་ནི་ནང་གི་སྦྱིན་བསྲེག་ཏུ། །སྒྲུབ་པོ་ཀུན་ལ་བསྟན་པ་ཡིན། །
ཕུང་པོ་ལ་སོགས་བུད་ཤིང་ནི། །ལས་ཀྱི་རླུང་གིས་བསྐྱོད་པ་ཡི། །ལྟེ་བའི་དཀྱིལ་འཁོར་ནས་འབར་བ། །ཡེ་ཤེས་མེ་ལ་བསྲེག་པར་བྱ། །ཚངས་པའི་མེ་ནི་རྐེད་པར་གནས། །ལ་ལ་ན་ནི་དགང་གཟར་ཏེ། །ར་ས་ན་ནི་
བླུགས་གཟར་ཁ། །དབྱུག་པ་རྡོ་རྗེ་རིན་ཆེན་འོག །རང་གི་རྡོ་རྗེ་མཐའ་ཡི་བར། །ཐོད་པ་བསྲེག་རྫས་སྣོད་ཡིན་ཏེ། །རྫས་རྣམས་ཐམས་ཅད་བསྲེག་པར་བྱ། །འདི་ནི་བླ་མེད་སྦྱིན་བསྲེག་གི། །ཆོ་གའི་རིམ་པ་ཉིད་ཡིན་ཏེ། །ལྷ་མོ་ཁྱོད་
ལ་བཤད་པ་ཡིན། །དེ་ལྟར་བྱས་ན་ཏིང་འཛིན་ནི། །ཉམས་པར་མི་འགྱུར་བརྟན་འགྱུར་བར། །རྒྱུད་རྣམས་ཀུན་ལས་ཐུན་མོང་དུ། །ཆོ་ག་འདིས་ནི་རབ་ཏུ་གྲགས། །མཁའ་འགྲོ་ཀུན་དང་མཉམ་སྦྱོར་བའི། །རྡོ་རྗེ་མཁའ་འགྲོ་བདེ་བའི་མཆོག །

85-1-320b

རྡོ་རྗེ་སེམས་དཔའ་དེ་བཞིན་གཤེགས། །བཅོམ་ལྡན་རྡོ་རྗེ་ཅན་གྱིས་གསུངས། །རྒྱུད་ཀྱི་རྒྱལ་པོ་ཆེན་པོ་དཔལ་རྡོ་རྗེ་མཁའ་འགྲོ་ལས་རོ་ལངས་བསྒྲུབ་པ་དང་། ནང་གི་སྦྱིན་བསྲེག་གི་ཆོ་གའི་རིམ་པར་ཕྱེ་བ་སྟེ་བཞི་བཅུ་རྩ་བཞི་པའོ།། །། 
བགྲང་ཕྲེང་ཆོ་ག་ཇི་བཞིན་དུ། །རབ་ཏུ་བཤད་ཀྱིས་ལྷ་མོ་ཉོན། །ཡང་དག་ཆོ་ག་གང་གིས་ནི། །འདི་ནི་འགྲུབ་འགྱུར་ཐེ་ཚོམ་མེད། །ཤེལ་དང་ཉ་ཕྱིས་མུ་ཏིག་དང་། །ཁམས་ཀུན་ལ་སོགས་གཞན་ཡང་རུང་། །དུང་དང་ལུང་ཏང་མུ་
མེན་ནི། །ཚེ་དང་ནད་མེད་འཕེལ་བར་བྱེད། །གསེར་དང་དེ་བཞིན་དངུལ་དང་ནི། །ཁྱད་པར་པད་མའི་ས་བོན་དང་། །རིན་ཆེན་ཕྲེང་བ་མཛེས་པ་ནི། །མཁས་པ་ཡིས་ནི་བགྲངས་ནས་སུ། །རྒྱལ་སྲིད་ཕྱིར་ནི་སྔགས་བཟླས་ན། །
དཔལ་ཆེན་མྱུར་དུ་འཐོབ་པར་འགྱུར། །གུར་གུམ་ལ་སོགས་དྲི་དང་ནི། །ཁྱད་པར་དུ་ཡང་བྱི་རུ་དང་། །ཙན་དན་དམར་པོ་དངུལ་ལ་སོགས། །སྒྲུབ་པ་པོ་ཡིས་རི་ལུ་བྱ། །ཞེན་ཅིང་རྗེས་སུ་ཆགས་པ་མཆོག །སྒྲུབ་པ་པོ་ལ་འབྲས་བུ་སྟེར། །
རུ་རག་ལུང་ཏང་ས་བོན་དང་། །མི་ཡི་རུས་པ་དེ་བཞིན་ཏེ། །དྲག་པོའི་ལས་ལ་སྦྱར་བར་བྱ། །ཁྱད་པར་དུ་ནི་མངོན་སྤྱོད་ལའོ། །ཞི་རྒྱས་དབང་དང་མངོན་སྤྱོད་ལ། །བུ་དན་ཙི་བ་ལས་ཀུན་བྱེད། །སྔགས་མཉེས་པ་ལ་ལྔ་བཅུ་སྟེ། །རྗེས་སུ་
ཆགས་པར་དེ་ཡི་ཕྱེད། །ཞི་བ་ལ་ནི་བརྒྱ་ཡིན་ཏེ། །རྒྱས་ལ་བརྒྱད་ནི་ལྷག་པར་བྱ། །མངོན་སྤྱོད་ལ་ནི་དྲུག་བཅུ་སྟེ། །ལས་ཀྱི་བྱེ་བྲག་གིས་ནི་སྦྱར། །ལས་ཀྱི་བྱེ་བྲག་ཇི་བཞིན་དུ། །བགྲང་བའི་ཕྲེང་བ་རྣམས་ནི་བྱ། །གསེར་གྱི་
སྐུད་པས་བརྒྱུ་བར་བྱ། །ལས་རྣམས་ཀུན་བྱེད་དགེ་བ་ཡིན། །ཡང་ན་རས་བལ་སྐུད་པ་ནི། །བུ་མོ་གཞོན་ནུ་གཟུགས་མཛེས་ཤིང་། །ཡན་ལག་ཤིན་དུ་རྫོགས་པ་དང་། །བློ་གྲོས་ལྡན་ཞིང་ངག་འཇམ་སྨྲ། །དེ་ཡི་བཀལ་བའི་
སྐུད་པས་བརྒྱུ། །སྔགས་ཀྱི་དངོས་གྲུབ་གྲོལ་བར་འགྱུར། །རི་ལུ་རྣམས་ནི་དགྲ་བཅོམ་སྟེ། །སྟེང་མ་མཆོད་རྟེན་དུ་ནི་བརྟག །མཆོད་རྟེན་ཆོས་ཀྱི་དབང་པོ་པས། །ཆོས་ཀྱི་དབྱིངས་ནི་དབུས་སུ་བྱ། །བསྐྲད་ལ་བྱ་རོག་སྤུ་དང་ནི། །

85-1-321a

བོང་བུ་རྔ་མོའི་སྤུ་ལས་བྱ། །རྟ་དང་མ་ཧེའི་སྤུ་ཡིས་ནི། །ཕན་ཚུན་སྡང་བའི་སྐུད་པར་བྱ། །དུར་ཁྲོད་སྐྲ་ཡི་སྐུད་པ་དང་། །ཁྱི་ཡི་སྤུ་དང་བསྲེས་ཏེ་བཀལ། །དྲག་པོའི་ལས་ལ་ཁྱད་པར་དུ། །མདོར་བསྡུས་ནས་ནི་བསྟན་པ་ཡིན། །
ཞི་བ་ལ་ནི་འཛུབ་མོར་བཞག །རྒྱས་ལ་གུང་མོར་དགལ་བར་བྱ། །དབང་དུ་བྱ་བ་སྲིན་ལག་གསུངས། །མཐའ་མ་ལ་ནི་མངོན་སྤྱོད་བྱ། །མཐེ་བོ་ལྕགས་ཀྱུར་བྱས་ནས་ནི། །ལྷ་རྣམས་ཐམས་ཅད་འགུགས་པར་བསམ། །ཤིན་དུ་
མཉམ་བཞག་སྔགས་བཟླས་ན། །འགྲུབ་འགྱུར་འདི་ལ་ཐེ་ཚོམ་མེད། །མཁའ་འགྲོ་ཀུན་དང་མཉམ་སྦྱོར་བའི། །རྡོ་རྗེ་མཁའ་འགྲོ་བདེ་བའི་མཆོག །རྡོ་རྗེ་སེམས་དཔའ་དེ་བཞིན་གཤེགས། །བཅོམ་ལྡན་རྡོ་རྗེ་ཅན་གྱིས་གསུངས། །
རྒྱུད་ཀྱི་རྒྱལ་པོ་ཆེན་པོ་དཔལ་རྡོ་རྗེ་མཁའ་འགྲོ་ལས་བཟླས་པའི་ཆོ་གའི་རིམ་པར་ཕྱེ་བ་སྟེ་བཞི་བཅུ་རྩ་ལྔ་པའོ།། །། དེ་ནས་པད་མར་རྡོ་རྗེ་བཅུག་པ་བསྐྱོད་ཅིང་གར་བྱས་ཏེ། བཅོམ་ལྡན་འདས་ལ་ལྷ་མོས་འདི་སྐད་ཅེས་
གསོལ་ཏོ། །གཙུག་ལག་ཁང་དང་ཁང་བཟང་དང་། །མཆོད་རྟེན་དཀྱིལ་འཁོར་གྲོང་ཁྱེར་དང་། །ཁྱིམ་དང་ལྡུམ་ར་ལ་སོགས་པ། །ལྟོ་འཕྱེའི་ལྟོ་བར་བརྐོ་བ་དང་། །སློབ་མ་ས་གཞི་གཟུང་བ་དང་། །བུམ་པ་སྟ་གོན་གནས་པ་ཉིད། །བསྲུང་བའི་
ཆོ་ག་སྔོན་འགྲོ་བའི། །ལྷ་དང་སློབ་མ་སྟ་གོན་གནས། །ཡེ་ཤེས་སྐུད་པ་ཚོན་རྩི་རྣམས། །མདོར་བསྡུས་ནས་ནི་བཤད་དུ་གསོལ། །སློབ་མ་ཡི་ནི་ཆོ་ག་དག །ཇི་བཞིན་བཤད་ཀྱིས་ལྷ་མོ་ཉོན། །སྔར་བཤད་མཚན་ཉིད་
ལྡན་པ་དང་། །ཡེ་ཤེས་ཡོངས་སུ་རྫོགས་པའི་ལུས། །སེམས་ཅན་དོན་བརྩོན་སེམས་ཀྱིས་ནི། །དངོས་པོ་ཀུན་གྱིས་གསོལ་བ་གདབ། །སླར་ཡང་དཀྱིལ་འཁོར་བྲི་བའི་ཕྱིར། །སློབ་མ་ཡིས་ནི་བླ་མ་ལ། །
ཡང་དང་ཡང་དུ་གསོལ་བར་བྱ། །གསོལ་ནས་བླ་མས་སྨྲ་བྱ་སྟེ། །ཡོ་བྱད་ཐམས་ཅད་འབྱོར་རམ་ཅི། །ཅུང་ཟད་ཅིག་ནི་འབྱོར་གྱུར་ལ། །ཁ་ཅིག་དག་ནི་མ་འབྱོར་ཅེས། །སྨྲ་ན་སློབ་དཔོན་བདག་ཆེན་གྱིས། །

85-1-321b

དེ་ཡི་སེམས་ནི་བརྟག་པར་བྱ། །བརྟན་པ་ལ་ནི་བརྟན་པར་ཏེ། །གཡོ་བ་ལས་ནི་གཡོ་བ་རུ། །འདྲེན་མ་ལ་ནི་འདྲེན་མར་ཤེས། །སློབ་མ་ཡི་ནི་རྐང་མཐིལ་དུ། །གཞུ་འདྲའི་རླུང་གི་དཀྱིལ་འཁོར་བསམ། །ལྟེ་བར་ཡེ་
ཤེས་མེ་འབར་བ། །དེ་ཡི་འོད་ཟེར་སྙིང་ཀར་འབར། །འབར་བས་ཀུན་ནས་འཁྲིགས་པར་བསྒོམ། །བྃ་ལས་བྱུང་བའི་མི་སྡུག་གཟུགས། །སྡིག་ནི་སྣ་ཡི་སྒོ་ནས་དབྱུང་། །དེ་ནས་ཁྲོ་བོའི་གཟུགས་བསྒོམས་ལ། །དེ་ནི་ཀུན་
ནས་ཟ་བར་བསྒོམ། །ཨོཾ་བཛྲ་ཌཱ་ཀི་ནི་ཁ་ཁ་ཁཱ་ཧི་ཁཱ་ཧི། སརྦ་པཱ་པྃ་ད་ཧ་ད་ཧ་བྷསྨི་ཀུ་རུ་ཧཱུྃ་ཧཱུྃ་ཕཊ། བསྒྲུབ་བྱ་ལྷ་གཟུགས་བསྐྱེད་ནས་སུ། །བསྲུང་བ་དག་ནི་དགོད་པར་བྱ། །དཀྱིལ་འཁོར་ཆོ་ག་ཇི་བཞིན་དུ། །བརྟག་པ་
རུ་ནི་སུ་ཡིས་ནུས། །རང་གི་ལྷ་ཡི་སྦྱོར་བ་ཡིས། །དཀྱིལ་འཁོར་དག་ནི་བརྟགས་ན་འགྲུབ། །གྲོང་དང་དུར་ཁྲོད་ཚོང་དུས་དང་། །ཚལ་དང་ལྷ་ཁང་གྲོང་ཁྱེར་གྱི། །ཤར་དང་བྱང་གི་ས་གཞི་ཤིས། །ལྷོ་དང་ནུབ་ཕྱོགས་དེ་ལྟ་མིན། །
གཙུག་ལག་ཁང་གི་གནས་ཁང་དང་། །ཚལ་དང་རི་རྩེ་རྡོ་ལེབ་དང་། །ཁང་བཟངས་གི་ནི་སྟེང་ཕྱོགས་དང་། །དུར་ཁྲོད་དང་ནི་ལྷ་ཡི་ཁྱིམ། །ས་ཡི་ཆ་ནི་ཇི་སྙེད་པ། །རྒྱུད་རྣམས་ཀུན་ལ་བསྔགས་པ་ཡིན། །ས་ཡི་མཚན་ཉིད་ཤེས་པར་བྱ། །
ཡང་ན་ཡིད་ནི་གར་དགའ་བར། །དེ་རྣམས་སུ་ནི་དཀྱིལ་འཁོར་བྲི། །དམན་སོགས་དངོས་གྲུབ་བྱེ་བྲག་གིས། །པུས་མོ་ཆུ་སོ་ལྟེ་བའི་བར། །བརྐོས་ལ་ཕུབ་མ་རྡོ་དང་ནི། །གྱོ་མོ་སོལ་བ་ཟུག་རྔུ་དང་། །ཚེར་མ་ལ་སོགས་བསལ་ལ་
བཅག །ཕྱི་ནས་མཐོ་གང་ཚད་དུ་བརྐོ། །དེ་ནི་ཆུ་ཡིས་རབ་བཀང་ལ། །ཤར་དུ་བལྟས་ཏེ་གོམ་བརྒྱར་འགྲོ། །སླར་ལོག་ལས་ནི་བརྟག་པར་བྱ། །ཆུ་ནི་གང་བར་གནས་ན་ཤིས། །སྐམས་ན་སྔགས་པས་སྤང་བར་བྱ། །སྔོན་དུ་འབྲུ་ལ་
སོགས་པ་གཞུག །དེ་ལྟར་ས་ཡི་ཆ་སྦྱངས་ལ། །ལྃ་གྱི་ས་བོན་ལས་བྱུང་བའི། །གོས་དང་རྒྱན་གྱིས་རྣམ་པར་ཀླུབས། །ཞལ་གཅིག་ཕྱག་ནི་གཉིས་པ་སྟེ། །འོད་ཟེར་སེར་པོ་ཀུན་དུ་འབར། །ས་ཡི་ལྷ་མོ་ལག་པ་ན། །གསེར་གྱི་

85-1-322a

བུམ་པ་ཐོགས་པ་ནི། །ལུས་ཕྱེད་ས་ལ་གནས་པ་རུ། །བལྟས་ཏེ་ལག་པ་གཡས་པ་ནི། །ས་ལ་རེག་ན་བསྐུལ་བར་བྱ། །ཨོཾ་ཨེ་ཧྱེ་ཧི་མ་ཧཱ་དེ་བི་པྲྀ་ཐྭཱི་ལོ་ཀ་མཱ་ཏ་རེ་སརྦྦ་རཏྣ་སྃ་པུརྞྞ་ད་བྱི་ཨ་ལངྐཱ་ར་བྷཱུ་ཥི་ཏེ་ཧཱ་ར་ནཱུ་པུ་ར་ནིཪྒྷོ་ཥ་བཛྲ་
ས་ཏྭ་པྲ་པུྰ་ཛི་ཏེ་གྲྀ་ཧཱི་ཏྭཱ། ཨི་དྃ་ཨརྒྷྃ་ཨསྨིན་སིནྣ་ནི་ཧི་ཏོ་བྷ་བ་ཧྲི་ཧི་ཧི་ཧི་ཧྃ་སྭཱ་ཧཱ། མེ་ཏོག་དྲི་ལ་སོགས་མཆོད་ནས། །དེ་ཉིད་དུ་ནི་ཐིམ་པར་བསམ། །ཁང་བཟངས་རྡོ་ལེབ་གཞི་དང་ནི། །གཙུག་ལག་ཁང་དང་ཞབས་ཀྱིས་བཅག །
བ་གླང་ལྷས་དང་རྒྱ་མཚོའི་འགྲམ། །ལག་པ་ས་ལ་བཞག་ནས་སུ། །རང་གི་སྙིང་པོ་བརྒྱད་བརྒྱར་བཟླ། །དེར་ནི་བརྐོ་སོགས་བྱ་མི་དགོས། །དེ་ལྟར་སྦྱངས་པའི་ས་གཞི་ལ། །དཀྱིལ་འཁོར་དང་ནི་རྗེས་འཐུན་པའི། །རིན་ཆེན་
ལ་སོགས་བཞི་འགྱུར་གྱི། །དཀྱིལ་འཁོར་གྱི་ནི་ཁང་པ་བྱ། །ཨཱཿལྃ་ཧཱུྃ་ཞེས་བརྗོད་ནས། །ས་འོག་རྡོ་རྗེའི་དངོས་པོར་བྱ། །ཨོཾ་མེ་དེ་ནི་བཛྲི་བྷ་བ་ཧཱུྃ། །ཁུང་ནི་རིམ་པ་འདི་ཡིས་དགང་། །དེ་དབུས་ཁྲོ་བོ་ཆེན་པོ་ནི། །བསྐལ་
པའི་མེ་ལྟར་འབར་བ་བསྒོམ། །དེ་ནས་ཁྭའི་གདོང་སོགས་ནི། །སྟེང་ནི་ཁྲོ་མོའི་གཟུགས་ཅན་ལ། །ལྟེ་བ་མན་ཆད་རྩེ་གཅིག་པ། །རྡོ་རྗེ་ཡི་ནི་གཟུགས་སུ་སྤྲོ། །བགེགས་ཀྱི་ཚོགས་ལ་འོག་གཟིགས་པའི། །བསྒྱིངས་བཅས་
སྔགས་ནི་ཟློས་བཞིན་དུ། །དེ་རྣམས་སྙིང་ཀར་གདབ་པར་བྱ། །ཨོཾ་བཛྲ་ཌཱ་ཀི་ནཱི་སརྦྦ་བིགྷྣན་ཨ་ནུ་ཙྪེ་ད་ཡེ་ཀི་ལ་ཡ་ཧཱུྃ་ཕཊ། དེ་ནས་སྔར་བསྟན་ས་དབུས་སུ། །རྡོ་རྗེ་འཛིན་ཆེན་སྦྱོར་བ་ཡིས། །བདག་ཉིད་ཉེ་བར་གནས་ནས་ནི། །
ནམ་མཁའ་དང་ནི་མཚུངས་པར་བསྒོམ། །དོན་དམ་ལ་ནི་ལྟ་བ་སྟེ། །འདི་ནི་བསྲུང་བའི་དམ་པ་མཆོག །གང་ཞིག་བསྲུང་བའི་ཆོ་ག་ཀུན། །འདི་ཉིད་དུ་ནི་བརྟགས་པ་ཡིན། །དེ་ནས་རྡོ་རྗེ་མདའ་ཡི་ནི། །དྲ་བ་རྡོ་རྗེ་
ར་བ་དང་། །རྡོ་རྗེ་རང་བཞིན་ས་རུ་བྱ། །རྒྱལ་པོ་ཆེན་པོར་བསྒྱིངས་བྱས་ལ། །དཀྱིལ་འཁོར་ས་ལ་ཧཱུྃ་ཞེས་བརྗོད། །རྡོ་རྗེའི་འགྲོས་ཀྱིས་ཀུན་དུ་བསྐོར། །བདུད་རྩི་ལྔས་ནི་ཀུན་དུ་བྱུག །དེ་བཞིན་གཤེགས་པའི་

85-1-322b

གནས་རྣམས་སུ། །ཙན་དན་སོགས་པས་གྲུ་བཞིར་བྱ། །ཕལ་པ་ཡི་ནི་གནས་རྣམས་སུ། །སོ་སོར་ཟླུམ་པོར་བྱས་ནས་ནི། །ལྷ་ཡི་འཁོར་ལོ་ཆོ་ག་བཞིན། །མེ་ཏོག་སོགས་པས་མཆོད་པར་བྱ། །དེ་ནས་རིན་ཆེན་གསེར་དང་དངུལ། །
ཟངས་སམ་འཇིམ་པ་དག་ཀྱང་རུང་། །ཇི་ལྟར་འབྱོར་པའི་རྗེས་ཐུན་པར། །བུམ་པ་དག་ནི་བྱ་བ་སྟེ། །རྩ་བ་ནག་པོ་ལ་སོགས་སྤང་། །ལྟོ་ཡང་བུམ་པ་བཟང་པོའི་དབྱིབས། །བྱ་གྷྲི་སེང་ཏྲི་དབྱུག་པ་ཡི། །ཨུད་པ་ལ་དང་གཞན་མི་
ཐུབ། །ས་ཧ་དེ་བའི་སྨན་ཆེན་བཅས། །གསེར་དང་དངུལ་དང་མུ་ཏིག་དང་། །མུ་མེན་བྱི་རུ་རིན་ཆེན་ལྔ། །ཏིལ་དང་ནས་དང་གྲོ་དང་ནི། །མོན་སྲན་གྲེའུ་དང་མུད་ཀར་བཅས། །ག་བུར་ཙན་དན་དམར་པོ་སོགས། །སྨན་གྱི་ཆུ་ཡིས་
དགང་བར་བྱ། །དེ་ལྟར་དམ་ཚིག་ཆེན་པོ་ཡི། །མེ་ཏོག་ཆུ་དང་ལྡན་པར་བྱ། །དངོས་པོ་རང་བཞིན་དག་པའི་ཕྱིར། །ཡིད་འོང་མི་འོང་བརྟག་མི་བྱ། །དངོས་ཀུན་རྟོག་པ་ལས་བྱུང་བས། །ཡིད་འོང་མི་འོང་དཔྱད་མི་བྱ། །
རྫས་ཀྱི་ནུས་པ་བསམ་མི་ཁྱབ། །སངས་རྒྱས་ཉིད་དུ་འབབ་པར་འགྱུར། །དཔེར་ན་སྤ་ཡི་རྩ་བ་ནི། །དཀར་པོ་ནག་པོ་རྣ་བ་དང་། །དཔྲལ་བར་བྱུག་པས་བུད་མེད་ཀྱི། །ཟླ་མཚན་འཛག་པ་ཞི་བར་འགྱུར། །གླང་ཆེན་
གཅིན་དང་ག་བཀྵ། །དཀར་པོའི་ས་བོན་མིག་བསྐུས་ན། །ལྟོ་ནི་འཁྲུ་བར་འགྱུར་བ་བཞིན། །འདིར་ཡང་ཡོ་བྱད་ཁྱད་པར་ཅན། །སྦྱངས་ལ་ཉེ་བར་སྤྱོད་པ་ཡིས། །ཁྱད་པར་འབྲས་བུ་ཐོབ་བར་འགྱུར། །
དཔེར་ན་སྔགས་ཀྱིས་སྦྱངས་པའི་དུག །ཟོས་པས་ནད་རྣམས་ཐམས་ཅད་ནི། །འཇོམས་ཤིང་བཅུད་ལེན་ཉིད་དུ་འགྱུར། །དེ་བཞིན་འདིར་ཡང་བརྟག་པར་བྱ། །ཐམས་ཅད་རང་རང་མཚན་མ་དང་། །སོ་སོའི་སྔགས་
ཀྱིས་མངོན་པར་བཟླ། །མཚན་མར་རང་རང་མདོག་ཏུ་བྱ། །མགྲིན་པར་རས་ཟུང་སར་བས་དཀྲི། །ཁ་ནི་ཤིང་ལོ་སར་པས་དགང་། །ཀུ་ཤའི་ཆུན་པོ་འོག་ཏུ་གདིང་། །ཁ་དོག་བཙོས་པའི་སྐུད་པས་བརྒྱན། །ལྷག་པར་གནས་ཤིང་མཆོད་བྱས་ནས། །བདུག་སྤོས་དག་ནི་

85-1-323a

ཕུལ་ནས་སུ། །འཁོར་ལོའི་དབུས་སུ་གཞག་པར་བྱ། །དེ་ནས་པུས་མོ་གཡས་པ་ནི། །ས་ལ་བཙུགས་ཏེ་སྤྱིས་གཏུགས་ལ། །འདི་སྐད་བརྗོད་དེ་མཁྱེན་པར་གསོལ། །དཀྱིལ་འཁོར་ཐུགས་
རྗེའི་རང་བཞིན་ཅན། །སློབ་མ་རྣམས་ལ་བརྩེ་བ་དང་། །ཁྱེད་རྣམས་ལ་ཡང་མཆོད་པའི་ཕྱིར། །བདག་ནི་དི་རིང་འདྲི་བར་འཚལ། །ཇི་བཞིན་རེ་བ་བཀང་བ་དང་། །སེམས་ཅན་རྣམས་ལ་སྨན་སླད་དུ། །མགོན་པོས་
གུས་ལྡན་བདག་ལ་ནི། །བཀའ་དྲིན་དག་ནི་གནང་བར་གསོལ། །དེ་ལྟར་ལན་གསུམ་བརྗོད་བྱ་ཞིང་། །བུམ་པ་སྟ་གོན་གནས་ནས་སུ། །སངས་རྒྱས་འཇིག་རྟེན་མགོན་པོ་རྣམས། །དི་རིང་བདག་ལ་བརྩེ་བས་
དགོངས། །བྱང་ཆུབ་སེམས་དཔའ་དགྲ་བཅོམ་དང་། །གང་གཞན་སྔགས་ཀྱི་ལྷ་རྣམས་དང་། །འཇིག་རྟེན་སྐྱོང་བའི་ལྷ་རྣམས་དང་། །བསྟན་པ་ལ་ནི་དགའ་བ་ཡི། །འབྱུང་པོ་རྫུ་འཕྲུལ་ཆེན་པོ་དང་། །གང་ཡང་ལྷ་ཡི་སྤྱན་
ཅན་རྣམས། །རྡོ་རྗེ་ཅན་བདག་འདི་ཞེས་བྱས། །དཀྱིལ་འཁོར་དགེ་བ་འདི་ཞེས་པ། །ཡོ་བྱད་ཅི་འབྱོར་པ་ཡིས་ནི། །དེ་རིང་འདྲི་བར་འཚལ་ལགས་ན། །དཀྱིལ་འཁོར་དང་ནི་བཅས་པ་ཡི། །བདག་དང་སློབ་མའི་ཚོགས་
བཅས་ལ། །ཀུན་གྱིས་བྱིན་རློབ་ཉེ་བར་བཞུགས། །ཆོ་ག་བཞིན་དུ་ལན་གསུམ་བརྗོད། །དེ་ནས་སར་པ་ལེགས་པར་བསྒྲིལ། །ཚད་ལྡན་ཤིན་དུ་མཛེས་པ་ཡིས། །སྐུད་པས་ཤེས་རབ་ཅན་ཐིག་གདབ། །ཆོ་ག་བཞིན་དུ་མེ་ཏོག་
མཆོད། །ཉི་ཤུ་རྩ་ལྔར་ཕྱེ་བ་ཡི། །སྐུད་པ་དག་ནི་བརྐྱང་བར་བྱ། །ཤར་དང་ནུབ་དང་བྱང་དང་ལྷོར། །ཐིག་སྐུད་བརྐྱང་བའི་རིམ་པ་འདིས། །དཀྱིལ་འཁོར་དག་ནི་ཆ་བརྒྱད་བྱ། །ཕྱེད་ནི་ལག་པར་བསྡོགས་ནས་སུ། །ཐིག་གདབ་ཆོ་ག་
བརྩམ་པར་བྱ། །གཡོན་པའི་རྡོ་རྗེ་ཁུ་ཚུར་ནི། །ལྟེ་བར་བཞག་སྟེ་གཟུང་བར་བྱ། །དེ་ཡི་འོག་ཏུ་ཅི་བདེར་བྱ། །སྔགས་པ་ཤར་དུ་ཁ་བལྟས་ཏེ། །ཕྱོགས་ཀུན་མཉམ་པར་དམིགས་ནས་སུ། །མཉམ་ཞིང་ཚད་དང་ལྡན་པ་རུ། །ཚངས་པའི་

85-1-323b

ཐིག་གཉིས་བྲི་བར་བྱ། །མེ་མཚམས་གནས་ཏེ་རླུང་དང་ནི། །བདེན་བྲལ་གྲྭར་གནས་དབང་ལྡན་དུ། །སྔགས་པ་ཤར་དང་ལྷོར་བལྟས་ལ། །སྐུད་པ་དག་ནི་གདབ་པར་བྱ། །འདིར་ནི་སློབ་དཔོན་སློབ་མ་དག །གཡས་ཕྱོགས་སུ་ནི་བསྐོར་བར་
བྱ། །སློབ་མ་མེད་ན་རང་ཉིད་ཀྱིས། །ཕུར་བུར་བཏགས་ཏེ་བྲི་བར་བྱ། །ཉིས་འགྱུར་བྱས་ཏེ་ཕུར་བུར་གདབ། །ནང་གི་འཁོར་ལོ་རྡོ་རྗེ་ར། །འོད་ཀྱི་དཀྱིལ་འཁོར་རིམ་གཉིས་སུ། །དབང་ལྡན་མཚམས་ནས་བརྩམས་ནས་ནི། །གཡས་སྐོར་
དུ་ནི་སྐུད་པ་བསྐོར། །སྒོ་ནི་དཀྱིལ་འཁོར་བརྒྱད་ཆ་རུ། །མུ་ཁྱུད་མེད་པར་འདོད་པ་ཡིན། །སྒོ་ཡི་ཚད་ཀྱིས་སྒོ་ཁྱུད་དེ། །དེ་ཡི་ཕྱེད་ཀྱིས་འགྲམ་པ་བྱ། །སྒོ་ཡི་སུམ་འགྱུར་ཏྭ་ར་ན། །བ་དན་དྲིལ་བུར་ལྡན་པ་ཡིན། །རྒྱལ་
མཚན་བ་དན་རི་དགས་བཅས། །ཁ་ཁྱེར་ཚད་དང་ལྡན་པར་བྱ། །ཏྭ་ར་ན་ཡི་ཕྱི་རོལ་དུ། །ཚོན་གྱི་ས་ཡི་ཉིས་འགྱུར་དུ། །ཕྱི་ཡི་འོད་ཀྱི་དཀྱིལ་འཁོར་བྱ། །འཁོར་ལོ་དེ་ཡི་ཕྱི་རོལ་དུ། །ཤིང་ལ་སོགས་པའི་དུར་ཁྲོད་བྱ། །
གཞན་ཡང་འཁོར་ལོའི་རྗེས་འཐུན་པར། །ཇི་ལྟར་མཛེས་པར་རབ་ཏུ་བརྟག །ཐིག་སྐུད་ཆད་ན་སློབ་དཔོན་འཆི། །དམན་དང་ལྷག་པས་ནད་འབྱུང་སྟེ། །ཕྱོགས་ལ་འཁྲུལ་ན་སློབ་མ་མྱོས། །དེ་བས་སྐྱོན་མེད་ཤེས་པར་བྱ། །
ཡེ་ཤེས་ཐིག་སྐུད་གཤེགས་གསོལ་ནས། །དེ་ནས་ལས་འདི་བརྩམ་པར་བྱ། །འདོད་དང་ཐར་པ་རབ་སྟེར་བའི། །ཚོན་རྩི་དག་ནི་བསྐྱེད་པར་བྱ། །དཀར་དང་སེར་དང་དམར་དང་ལྗང་། །ཀུན་གྱི་ནང་རོལ་ནག་པོ་རུ། །ཚོན་གྱི་ཆ་ནི་
རིམ་བཞིན་དགྱེ། །དེ་ནས་སློབ་མས་ཅི་དགར་དགྱེ། །ཚོན་རྩི་རེ་རེ་འི་ཞེང་དུ་ནི། །སྒོ་ཡི་ཉི་ཤུ་ཆ་ཡི་ཚད། །གལ་ཏེ་ཚོན་རྩི་མི་མཉམ་ཞིང་། །ཡོ་དང་དམའ་བར་གྱུར་ན་ནི། །རི་མོ་དམའ་བས་དངོས་མི་འགྲུབ། །ཡོན་པོ་
གདུང་བ་སྐྱེད་བྱེད་པས། །སྤངས་ནི་མཐེའུ་ཆུང་གང་ཙམ་དུ། །མཐོ་ཞིང་དྲང་བར་བྲི་བར་བྱ། །དེ་ལ་སྤོམ་ན་ནད་འབྱུང་སྟེ། །དམའ་ན་ནོར་ནི་ཟད་པར་འགྱུར། །ཡོན་པོས་ཕན་ཚུན་སྡང་འགྱུར་ཏེ། །ཆད་ན་བླ་མ་སློབ་མ་དག །

85-1-324a

གཉི་ག་འཆི་བར་ཤེས་པར་བྱ། །གཡས་སྐོར་མ་ཡིན་བྲིས་ན་ནི། །རྡུལ་ཚོན་ཕུར་བུས་བཏབ་པར་འགྱུར། །ཤར་ནི་ཤིན་ཏུ་དཀར་བའི་མདོག །ལྷོ་ནི་དམར་པོའི་མདོག་ཏུ་བྱ། །ནུབ་ཕྱོགས་སེར་པོར་བྱ་བ་སྟེ། །
བྱང་ནི་ལྗང་ཁུ་ཉིད་དུ་བྱ། །ཆོ་ག་དག་ནི་དེ་དག་གིས། །སངས་རྒྱས་བཞི་ཡི་གདན་བཞུགས་པ། །རྡོ་རྗེ་ལ་སོགས་དཔའ་རྣལ་འབྱོར། །མདབ་མའི་མཁའ་འགྲོ་ལ་སོགས་པས། །ཁྭ་གདོང་ལ་སོགས་དབྱེ་བར་བྱ། །དབུས་སུ་སྣ་
ཚོགས་པད་མ་ནི། །གེ་སར་དང་ནི་ལྡན་པ་ལ། །མཚམས་རྣམས་སུ་ནི་ཐོད་པའོ། །དཀར་དང་དམར་དང་དེ་བཞིན་སྔོ། །སྐུ་ལ་སོགས་པའི་ཁ་དོག་དབྱེ། །དེ་ལྟར་འཁོར་ལོ་ལྷ་མོ་ཆེ། །དཔའ་བོ་རྣམས་ནི་མཆོད་པར་བྱ། །སྔར་
བཤད་ས་ཡི་མཚན་ཉིད་ལ། །དབུས་སུ་མཐོ་བར་བྲི་བར་བྱ། །ཤར་དང་བྱང་དུ་གཞོལ་བ་ནི། །སྔགས་པ་རྣམས་ཀྱི་དངོས་གྲུབ་འགྱུར། །དབུས་སུ་མཐོ་བས་རྒྱལ་སྲིད་དང་། །རིག་པ་འཛིན་པའི་གནས་དག་འཐོབ། །བྱང་དུ་མཐོ་བས་
འཆི་འགྱུར་རམ། །ནོར་རྣམས་བརླག་པར་འགྱུར་བ་སྟེ། །ཡང་ན་ནད་ཀྱིས་འདེབས་པར་འགྱུར། །ཇི་སྐད་བཤད་པའི་ཤར་མཐོ་བས། །མྱུར་དུ་རིགས་རྣམས་ཟད་པར་འགྱུར། །དབུས་སུ་དམའ་བའི་རང་བཞིན་ས། །སྒྲུབ་པ་པོ་ནི་འཇོམས་
དང་ལྡན། །དེ་ཉིད་བསྡུས་དང་བདེ་མཆོག་དང་། །གསང་དང་རྡོ་རྗེ་འཇིགས་བྱེད་དུ། །དཀྱིལ་འཁོར་རྣམས་ཀྱི་རྒྱལ་པོ་འདི། །མ་བྱུང་འབྱུང་བར་མི་འགྱུར་རོ། །བཤད་དང་མ་བཤད་གང་ཅིའང་རུང་། །ཐམས་ཅད་ཧེ་རུ་ཀ་ལ་གནས། །
མཁའ་འགྲོ་ཀུན་དང་མཉམ་སྦྱོར་བའི། །རྡོ་རྗེ་མཁའ་འགྲོ་བདེ་བའི་མཆོག །རྡོ་རྗེ་སེམས་དཔའ་དེ་བཞིན་གཤེགས། །བཅོམ་ལྡན་རྡོ་རྗེ་ཅན་གྱིས་གསུངས། །རྒྱུད་ཀྱི་རྒྱལ་པོ་ཆེན་པོ་དཔལ་རྡོ་རྗེ་མཁའ་འགྲོ་ལས་ས་གཟུང་
བ་དང་། སྟ་གོན་ལ་གནས་པ་དང་། ཐིག་བྲི་བའི་ཆོ་གའི་རིམ་པར་ཕྱེ་བ་སྟེ་བཞི་བཅུ་རྩ་དྲུག་པའོ།། །། དེ་ནས་བཅོམ་ལྡན་འདས་ལ་ལྷ་མོས་མཆོད་ཅིང་ཕྱག་བྱས་ནས་འདི་སྐད་ཅེས་གསོལ་ཏོ། །རིམ་པར་ཕྱེ་བ་བཅུ་བདུན་

85-1-324b

པར། །ཁྱོད་ཀྱིས་ཁམས་ཀྱི་བཅུད་ཆེན་གསུངས། །ཕྱི་རོལ་རྣམ་པ་དུ་ཞིག་དང་། །ནང་ནི་རྣམ་པ་དུ་རུ་དབྱེ། །དགྲ་དང་མཛའ་བཤེས་བར་མ་དང་། །དེ་བཞིན་གཞན་ཡང་ཚད་དབྱེ་དང་། །སྐམས་ས་དང་ནི་རླན་ཅན་ཡུལ། །ཁམས་ཀྱི་སྡེ་
ཚན་བསྡུས་པ་དག །ངོ་མཚར་ཆེན་པོ་འདི་དག་ལ། །བདག་ནི་ཐེ་ཚོམ་སྐྱེ་བར་གྱུར། །བཅོམ་ལྡན་འདས་ཀྱིས་བཀའ་སྩལ་པ། །ད་ནི་སྡེ་ཚན་རྣམས་དང་ནི། །འབྲལ་བ་རབ་ཏུ་བཤད་ཀྱིས་ཉོན། །སྦོམ་པོ་ཕྲ་མོའི་སྦྱོར་བ་ཡིས། །
ཆུང་ངུ་ལ་སོགས་བྱེ་བྲག་དག །རླུང་དང་མཁྲིས་པ་བད་ཀན་སོགས། །སྐྱེས་པ་དང་ནི་བུད་མེད་ཀྱང་། །རེ་རེ་ཞིང་ཡང་གསུམ་གསུམ་འདོད། །ནག་པོ་སེར་སྐྱ་སྔོ་བསངས་དང་། །རྩུབ་དང་འཇམ་དང་ཡན་ལག་མཁྲང་། །འཛེར་པ་ཅན་ཞེས་བྱ་བ་
ཡིན། །སྦོམ་ཐུང་བོང་ཚོད་རན་དང་རིང་། །སྔོ་བསངས་མཚུངས་རྩུབ་མགྲིན་པ་རིང་། །མིག་ནི་ཟངས་ལྟར་དམར་བ་སྟེ། །ཕྲེང་ཅན་ཐུན་མོང་ནུ་མ་མེད། །མདོག་ཉམས་སཱ་ལིའི་དྲི་དང་ནི། །ཆང་དང་ཆང་མིན་མྱོས་པའི་དྲི། །ཆང་གཉིས་དང་ནི་ཆང་གསུམ་
སྟེ། །རྐེད་པ་ཡི་ནི་བྱེ་བྲག་ཡིན། །སྦྲང་རྩི་ལྟར་འཛག་སྦྲང་རྩིའི་དྲི། །སོ་སོར་བྱ་ཡི་གཞན་དུ་མིན། །ཡིད་ལ་སེམས་པའི་འཕྲུལ་འཁོར་གྱིས། །བུ་མོའི་བཅུད་ནི་དྲངས་ཏེ་གླུགས། །འདི་ནི་སོ་སོར་བསྒྲུབ་པ་ཡིན། །བུ་མོ་གཅིག་དང་གཉིས་
དང་ནི། །མང་པོའི་བར་དུ་བརྟག་པར་བྱ། །ཡོན་ཏན་གསལ་བར་གྱུར་པ་སྟེ། །སྒྲུབ་པོའི་དབང་པོའི་ཡོན་ཏན་བྱེད། །ཉི་ཤུའི་བར་དུ་གཞོན་ནུ་ཡིན། །དེ་རྣམས་ཐབས་ཀྱིས་སྦྱང་བར་བྱ། །སྟོབས་དང་ལྡན་པ་གཟུང་བའི་གནས། །
དེ་དང་འཁྱུད་ལས་བྱུང་བ་ནི། །རྫས་རྣམས་ཡོངས་སུ་སྦྱོང་བྱེད་ཡིན། །བྱ་བ་ཀུན་གྱི་མཚམས་ལྡན་ནི། །བྱེད་པོ་ཟ་པོའི་ལམ་ཆེན་ཡིན། །དངུལ་ཆུ་ཡི་ནི་ཤིང་ཆེན་པོ། །དེས་ན་ཆུ་སྐྱེས་ཡོན་ཏན་ལྔ། །རང་སྐྱོན་འཇོམས་པ་ཡིད་
ཆེས་ཡིན། །དེ་དག་ནི་ཐུན་མོང་གི་ཆོ་གའོ། །ལྟོ་སྐྱེས་མ་རྙིངས་རྫས་ཀྱི་ལས། །སྐྱེད་བྱེད་དོན་ནི་རྒས་པ་འཇོམས། །ལྷང་ཚེར་དངུལ་ཆུ་བཅིངས་པའི་མཆོག །གསེར་སྒྱུར་རྩི་ཆེན་ཆོ་ག་ཡིས། །རྫུ་འཕྲུལ་ལ་སོགས་གསལ་

85-1-325a

བར་འགྱུར། །ལྷང་ཚེར་དང་ནི་དངུལ་ཆུ་བཞི། །རྨ་བྱའི་མགྲིན་པའི་གཟུགས་དང་ནི། །སྦྲུལ་གྱི་གཟུགས་དང་སྦལ་པའི་གཟུགས། །གཟུགས་དང་སྒྲ་དང་དྲི་དང་རོ། །དེ་ཡི་ཚད་ནི་ཀུན་ཤེས་བྱ། །དེ་ཡང་སྟོབས་ལྡན་
བཅུད་བྲལ་ན། །སྔོན་བཞིན་ཉེས་པ་སྣ་ཚོགས་འགྱུར། །དངུལ་ཆུ་ལྷང་ཆེར་ཁ་དོག་ནི། །སྣ་ཚོགས་དང་ལྡན་སྐྱོན་ཡིན་ཏེ། །མཁྲིས་པ་དག་ཀྱང་སྐྱེད་པར་བྱེད། །དམར་པོས་ཁྲག་ནི་སྐྱེད་པར་བྱེད། །དཀར་པོས་གཟེར་ནད་སྐྱེད་འགྱུར་
ཞིང་། །སྲོག་ནི་འཇོམས་པར་བྱེད་པ་ཡིན། །ལྗང་སེར་དག་ནི་མ་སྨིན་དང་། །སེར་སྐྱས་བཤང་གཅིའི་ལམ་ནི་འགག །ཉིས་འགྱུར་ཆ་ནི་ཤིན་དུ་འཆིང་། །ཉེས་པ་དག་ནི་བརྒྱད་ལྡན་པས། །བློ་དང་ལྡན་པས་དཔྱད་དེ་བཟའ། །བཅུད་
ལེན་སྔོན་པོར་ཤེས་བྱས་ནས། །འབད་པས་དེ་ལྟར་བཅུད་ལིན་སྤྱད། །གཞག་པ་མེ་ཡི་གནས་དང་ནི། །ཆུ་ཡི་ཤིང་ལ་བརྟེན་པ་དང་། །འབྲུ་ཡི་དབུས་སུ་གཞུག་པ་དང་། །བྱེ་མའི་ཕུང་པོར་འཁྲུལ་འཁོར་འཇུག །གསོ་ལ་ཁ་ཅིག་འབྲས་
བུ་དང་། །ཁ་ཅིག་མེ་ཏོག་འདབ་མར་བཅས། །ཤུན་པ་དང་ནི་རུས་པ་སོགས། །སྒྲུབ་པོའི་ཉེ་བའི་ལོངས་སྤྱོད་ནི། །དེ་ཉིད་རིག་པས་སྦྱར་བར་བྱ། །ཆོ་ག་དུ་མ་མཐོང་བ་ཡིས། །བཅོས་མའམ་བཅོས་མ་མ་ཡིན་པའི། །ཡོ་བྱད་དག་ནི་རྙེད་
གྱུར་ན། །རྡོ་རྗེ་འཛིན་དང་མཚུངས་པར་འགྱུར། །ཞེས་བྱ་བ་ནི་གཞག་པ་དང་གསོ་བའི་ཆོ་གའོ། །ལྕི་བ་དང་ནི་རྡོ་ནང་དང་། །བ་གླང་མ་ཧེའི་ལྷས་ལ་སོགས། །ཆོ་ག་བཞིན་དུ་རྣམ་བརྟགས་པའི། །བཅུད་ཀྱི་རྫས་ནི་གཞག་པར་བྱ། །
བཅུད་ལེན་སྔོན་པོ་ཤེས་བྱས་ནས། །འབད་དེ་དེ་ལྟར་བཅུད་ལེན་བྱ། །བཅུད་བརྟག་པའི་གནས་ཀྱི་ཆོ་གའོ། །གླང་ཆེན་མགོ་ཡི་བཅུར་བླུགས་ཏེ། །སེང་གེར་བཙོ་བར་བྱས་པ་ཡིས། །འབྲས་ཆན་སྟེར་བའི་ཡོན་ཏན་འགྱུར། །གསོ་ཐབས་ནི། །ཤ་རི་
ཤ་ཡི་རྩ་བ་དང་། །གསེར་ཤོག་གིས་ནི་གསོ་བར་བྱ། །མདོག་དམར་དངུལ་ཆུ་རྨོངས་པས་ནི། །ལྤགས་པ་དང་ནི་ཤུན་པ་དང་། །མེ་ཏོག་འབྲས་བུར་ལྡན་པ་ཡིན། །རྣོན་པོར་བཅས་ཏེ་བཅོས་པ་དག །མཉེས་ན་དྲི་མའི་རྡུལ་འཐོར་འགྱུར། །

85-1-325b

བློ་གྲོས་འཁྲུལ་པ་མེད་པ་ཡིས། །རིམ་གྱིས་རིམ་གྱིས་མཉེ་བར་བྱ། །འདི་དག་ནི་འཇུག་པའི་ཆོ་གའོ། །དེ་ནས་གཅི་བའི་ལན་ཚྭ་དང་། །ཕག་གི་ཞག་དང་ཚིལ་དང་ཁྲག །བཅས་པས་མཉེས་ནའང་ཉེས་པ་འབྱང་། །སླར་ཡང་འབྱུང་པོའི་
སྒྲ་དང་ནི། །ཛ་ནི་ཏ་དང་རལ་པ་དམར། །བིན་ཛ་ར་དང་ཙམ་པ་དང་། །སྨྱོ་བྱེད་དག་ནི་ཆ་མཉམས་ཏེ། །དེ་དང་མཉམ་པའི་སྦྲང་རྩི་རུ། །མཉེས་ན་རྩི་ཡི་ཉེས་ཟད་འགྱུར། །དེ་ནས་མ་ཧེའི་རྨིག་པར་ནི། །ཆར་བའི་ཆུ་དང་བཅས་པ་ལ། །
ཟངས་ཀྱི་ཕྱེ་མ་ཁར་ཕྱེ་དང་། །མིག་སྨན་ཕྱེ་མ་བླུགས་ཤིང་བཙོ། །ཚོས་ནས་སྦྲང་རྩིའི་ནང་དུ་གཞུག །དེ་ཡིས་བཅིངས་པར་འགྱུར་བ་ཡིན། །དེ་ནས་ཁྲག་ནི་ཆ་བདུན་གྱིས། །སྦྱངས་ན་སྣུམ་ཞིང་ལྕི་ལ་སོགས། །དེ་ཡི་སྟོབས་ནི་ཟད་
པར་འགྱུར། །སླར་ཡང་ཆ་མཉམ་ཁྲག་དང་ནི། །མཉེས་པས་སྣུམ་ཞིང་ལྕི་བར་འགྱུར། །ར་གན་ཙུ་ཏའི་ཤིང་དང་ནི། །ཟངས་མ་དང་ནི་ཡུང་བ་དང་། །གོ་ར་ས་ནི་དཀར་ནག་གཉིས། །དྲུག་པོས་ཉེས་པ་ཚར་གཅོད་འགྱུར། །དེ་ནས་
ཙནྡྲའི་ཤིང་དང་ནི། །སྦྲང་རྩི་འཛག་དང་སེན་མོ་དང་། །ཐལ་སྨན་འབུས་ཟོས་ཤིང་ཕྱེ་དང་། །མ་ཧ་ཧ་ཧ་མཀྵ་དང་། །པུས་ཀ་ར་དང་བརྟ་ཀི། །སྐུ་བ་སིནྡྷུ་བ་རའི་ཕྱེ། །བཅས་པར་མི་ཡི་རྐང་དུ་གཞུག །ཅུང་ཟད་བཞག་སྟེ་ཕྱུང་ནས་སུ། །
རྡོ་གཏུན་བརྡུང་བ་སྔར་བཤད་ཉིད། །འོད་མའི་ནང་དུ་བླུགས་ནས་ནི། །དེ་ནས་འཁྲུལ་འཁོར་ནང་དུ་གཞུག །བཙོས་ནས་ལྷང་ཚེར་དངུལ་ཕྱེ་དང་། །བཅས་པར་རྩི་ཡི་ནང་དུ་བླུགས། །ལྷང་ཚེར་དངུལ་ཆུ་རྣོན་པོ་ཡི། །ཆོ་ག་ཡིས་ནི་
སོ་སོར་བཅིང་། །དེ་དག་ཟླ་བ་ལས་བྱུང་བ། །ཨ་ཏྲ་པ་ཏའི་རུས་པ་དང་། །དེ་བཞིན་དུ་ནི་མེ་ཏོག་བཟུང་། །བྱ་གྲི་དང་ནི་ཀུན་ཏུ་རུ། །ས་རི་པ་དང་སེན་མོ་དང་། །ནོར་བུ་ཟླ་འོད་ན་གེ་སར། །སྐྱུ་རུ་ར་ཁུ་ཀ་ཏམ་པ། །ཙམ་པ་ཀི་རི་སོ་བ་དང་། །ཤི་ཤོ་བའི་
བ་ཨུད་པ་ལ། །རང་སྐྱུར་དང་ནི་བཅས་པ་རུ། །འཛག་དང་དངུལ་ཆུ་ཁཱ་ཚོས་བྱ། །ཕྱུང་ན་སྦྲུལ་གྱི་གཟུགས་ལྟར་འགྱུར། །ཁྲག་དང་བསྙོ་བྱེད་ཡུང་བ་བླུགས། །སྐྲ་དཀར་ཉེས་པ་ཀུན་འཇོམས་བྱེད། །མར་དང་མར་ནག་བསྐོལ་བ་ནི། །

85-1-326a

གཉིས་པོ་ཡང་དང་ཡང་དུ་བྱ། །ཆུ་ཤིང་ཨ་བ་མརྒ་དང་། །སྣུ་ཧ་པ་ལ་ཤ་ཡི་བདབ། །སོ་པན་ཙ་ནའི་བཅུད་དང་ནི། །ཐལ་སྨན་སྡེ་ཡིས་སྦྱང་བར་བྱ། །སྦྱང་བའི་ཆོ་གའོ། །དེ་ནས་རང་སྐྱུར་ཡུང་བ་དག །རྣོན་པོ་དངུལ་ཆུའི་ཟས་
སུ་སྦྱིན། །དེ་ནས་འོག་གི་ལམ་ནས་ནི། །འཁྲུལ་འཁོར་གྱིས་ནི་བཀྲུ་སྨན་བྱ། །རྒས་དང་མཛེ་ནད་སེལ་བར་བྱེད། །རྣོན་པོ་ཐལ་སྨན་བཅས་པ་ཡིས། །བཀྲུས་ཤིང་བསྐུས་ན་གཞང་འབྲུམ་འཇོམས། །རྩི་དང་བཅུད་ལེན་རིམ་
གྱིས་འཕེལ། །རྣོན་པོ་དང་ནི་ལྷང་ཚེར་ལ། །ཐུན་མོང་དུ་ནི་བརྟེན་ནས་སུ། །ཞ་ཉེ་བླུགས་པས་འདུལ་འགྱུར་ཏེ། །དེ་ཚེ་རོ་ནི་ཁ་དང་སྐ། །དེ་ནས་རང་སྐྱུར་ནང་དུ་ནི། །ལྕི་བས་བཙོས་ན་ཉེས་པ་འབྱང་། །ཉི་མའི་འོད་ལ་བསྲོས་པས་ཀྱང་། །
སྐྲ་དཀར་གྱི་ནི་ཉེས་པ་སྐྱེད། །བཅུད་ནི་ཤིན་དུ་བསྐོལ་བ་ཡི། །འོད་ཀྱིས་སྙིང་དང་མིག་འཇོམས་སོ། །དེ་ལ་སྦྲང་རྩི་པོ་སོན་ཆ། །ཐིག་ལེ་དག་ནི་བྱིན་པས་སྦྱང་། །སྐྱོན་སྦྱང་ཆོ་ག་སྔོན་དུ་ནི། །གསེར་ཤོག་ཐལ་སྨན་ལན་ཚྭས་བསྒྲུབས། །
རོ་ནི་བསྐ་བ་དང་བཅས་པའི། །ལྷང་ཚེར་དཀར་པོའི་སྐྱོ་མས་བླུགས། །ཆ་ནི་ངེས་པ་དང་བཅས་པས། །ཡུན་རིང་དུ་ནི་མཉེས་གྱུར་ན། །ཉེས་པ་འབྱང་གི་གཞན་དུ་མིན། །གཞན་ཡང་ཆ་དང་ཆ་ཅན་དང་། །གི་རི་ཀར་ནའི་ཕྱེ་མ་དག  །
དྲུག་ཆ་དངུལ་ཆུ་བྱ་བ་ཡིན། །ཆ་ནི་ཚད་ལྡན་ངེས་པར་འཆིང་། །དེ་ཚེ་གོ་བཟློག་ལམ་ནས་སུ། །འཁྲུལ་འཁོར་ཆོ་ག་བཞིན་དུ་བླུགས། །ཞི་ཁ་རྗེ་འུ་རུ་བཙོ་བར་བྱ། །དེ་ནས་དུ་རུ་ཀ་དང་ནི། །པ་ལི་ཙཀྲ་མར་ད་ཡི། །ས་བོན་བ་ལ་ཏ་
ཀ་དང་། །ཀ་ཤི་ཤི་ཁྲུའི་འབྲས་བུ་དང་། །བ་རི་ཙ་ཏ་ཀ་མེ་ཏོག །ཨུད་པལ་མ་ལི་ཀ་ས་བོན། །རྒྱ་ཤུག་གི་ནི་རུས་པ་དང་། །ཤི་རི་ཤ་དང་སྐུ་ས་བོན། །སྦྲང་རྩི་པོ་སོན་ཆ་དང་ནི། །པ་ལ་ཤ་ཡི་ཤུན་པ་དག །ཆོ་ག་ཤེས་པས་ཇི་ག་རྫེར། །ཚོས་
ནས་ལེགས་པར་བླུགས་པར་བྱ། །དེ་ནས་ཆོ་ག་བཞིན་བཏོན་ནས། །སླར་ཡང་དེ་དག་བཏགས་པ་ཡིས། །ཕྱེ་མ་དང་ནི་སྐྱོ་མ་བླུགས། །བཙོ་བ་དང་ནི་བསྲེག་པ་དང་། །ཚར་བཅད་པ་དང་མནན་པའོ། །བཙོ་བ་ཐོད་པའི་འཁྲུལ་འཁོར་དང་། །འོད་མ་བྱ་རོག་

85-1-326b

མཆུ་ཡི་དབྱིབས། །ཡིབ་དང་ཁྲོས་དང་འཐོར་བ་དང་། །ཆུ་ཡི་ནང་དུ་འབྲོས་པ་ཡིན། །ཤིན་དུ་ཚོས་པའི་མཚན་མ་ནི། །འདར་བ་དང་ནི་རྨོངས་པ་དང་། །དུ་བར་འཐུལ་ཞིང་ཁྲོལ་སྒྲ་འབྱིན། །བཙིར་དང་མཉེ་དང་དཀྲུག་པ་དང་། །བརྡུང་བ་དང་ནི་རྣམ་པ་
བཞི། །སྦྲང་རྩིར་བཙོ་དང་བུང་བར་བཙོ། །གླང་ཆེན་བཙོ་དང་སེང་གེར་བཙོ། །རྒོད་མ་དང་ནི་ཀ་རན་དང་། །བོང་བུ་དང་ནི་རྔ་མོའི་ཁ། །བཅིང་བ་དང་ནི་ཚར་བཅད་ལ། །འཁྲུལ་འཁོར་འདི་དག་ཤིན་དུ་བསྔགས། །འཁྲུལ་འཁོར་གང་ཞིག་ཁ་ཆེ་བ། །
རྫ་རྔ་ཡི་ནི་དབྱིབས་འདྲ་དང་། །འོད་མ་ལྟ་བུ་ལ་སོགས་པ། །ཚོན་ཆ་རལ་གྲིའི་ཤུབས་འདྲ་དང་། །ཀང་ཀའི་མགྲིན་པ་བྱ་རོག་མཆུ། །གཞན་ཡང་བཅིང་བར་གང་བཤད་པ། །དེས་ནི་ཚར་བཅད་རྗེས་གཟུང་བྱ། །བཞི་ཆ་ལུས་པ་བསྐོལ་ཆེན་ཏེ། །
ཕྱེད་ལུས་སྟོབས་ལྡན་བསྐོལ་བ་ཡིན། །རྩི་ལ་བརྟེན་པའི་ཉེས་པ་དག །ཐུན་མོང་མིན་པ་དེ་ཡིས་འབྱང་། །སྦྱང་བ་དང་ནི་རྟོགས་པ་དང་། །རྨོངས་དང་དེ་བཞིན་གསད་པའོ། །ལྷང་ཚེར་སྨན་ནི་བཅིངས་པ་རུ། །དངུལ་གྱི་ཕྱེ་མ་བླུགས་པར་བྱ། །དཔའ་བོ་གཅིག་དང་
སྐྱེ་གཉིས་རྩ། །འབྲས་བུ་ཆེན་པོ་བསྐ་བ་གསུམ། །ལྷང་ཚེར་དང་ནི་དངུལ་ཆུ་བཞི། །བདུད་རྩི་ཡི་ནི་སྙིང་པོ་ལྔ། །དུས་དྲུག་དེ་བཞིན་དྲུག་བཅུ་སྟེ། །བདུན་པོ་ཡལ་ག་འདབ་སོགས་བཅས། །ཚ་དང་ཁ་བ་སྐམ་སྐྱེས་མཆོག །མངར་དང་སྐྱུར་བ་རླན་ཅན་
བཟང་། །ལན་ཚྭ་བསྐ་བ་གཉི་གའང་རུང་། །ནིམ་བ་བ་རུ་ར་དང་ནི། །ཨ་རུ་ར་ཡི་འབྲས་བུ་རྣམས། །མར་ནག་བསྐོལ་ན་བྱ་བ་བྱེད། །སྐྱུ་རུ་ར་ཁུས་མཁྲིས་སེལ་ཏེ། །བུད་མེད་འོ་མར་བསྐོལ་བ་ནི། །འཚོ་ཞིང་ནད་མེད་འཕེལ་བར་བྱེད། །ཙམ་པ་ལ་
དང་བ་ཀུ་ལ། །ནཱ་ག་གེ་སར་ཀུ་མུ་ཏ། །ཨུད་པལ་ཤེ་པ་ལི་ཀ་དང་། །སྦྲང་རྩི་འཛག་དང་པྲི་ཡང་ཁུ། །ཀུ་སུམ་པ་དང་སྤྲི་ཀ་དང་། །རེའུ་ནུ་ཀ་དང་བཅུ་གཅིག་སྟེ། །མེ་ཏོག་གི་ནི་སྡེ་རུ་བརྗོད། །ཤྲི་ཕར་ལ་པོ་སོན་ཆ། །ཀ་པིཏྠ་དང་ལ་ཀུ་ཚ། །སྐུ་བ་དང་ནི་བར་
ཏ་ཀི། །ཨ་རུ་ར་དང་བ་རུ་དང་། །པ་ལུ་ཏ་ཀ་སྐྱུ་རུ་ར། །ཨེ་ལ་ཛི་དང་པུ་ན་ཀ །ཨེ་རཎ་ཌ་དང་མ་རི་ཙ། །པི་པི་ལིང་དང་བཅུ་དྲུག་སྟེ། །འདི་དག་འབྲས་བུའི་སྡེ་ཚན་ཡིན། །བཅའ་བ་དང་ནི་ཤུ་དག་དང་། །ཡུང་བ་དང་ནི་རུ་རྟ་དང་། །བཅའ་ལྒ་དང་ནི་

85-1-327a

སྒོག་སྐྱ་དང་། །རླན་ཅན་གྱི་ནི་དོ་བ་དང་། །ནཱ་ག་པཱ་ལ་དཀར་པོ་དང་། །དེ་བཞིན་རྒན་པོ་གཞོན་ནུ་བྱེད། །བ་ལི་ཀ་སྡུག་མཚན་མོའི་ཤིང་། །བཅུ་གཉིས་རྩ་བ་ཡི་ནི་སྡེ། །དངོས་གྲུབ་ཐམས་ཅད་རབ་སྟེར་བའོ། །
གླང་ཆེན་སྐྲ་དང་རི་མཛེས་དང་། །འཛག་དང་བྱིས་པ་སྟུག་པོ་དང་། །རལ་པ་དམར་པོ་དྷ་དུ་ར། །ཨ་ཤྭ་ཀན་ད་བདུན་པོ་ནི། །སྡོང་པོ་ཡལ་ག་རྩ་བར་བཅས། །ཀ་ཏམ་པ་དང་གསེར་ཤིང་སྟེ། །དེ་བཞིན་དུ་ནི་ཤི་རི་ཤ །ཀ་རན་ཛ་དང་ཤི་ཁྲུ་དང་། །
ནིམ་པ་དང་ནི་པི་སི། །དེ་བཞིན་ཀ་དུ་མ་ཛ་རི། །འདི་བརྒྱད་ཤུན་པའི་སྡེ་ཞེས་བརྗོད། །ཙན་དན་གཉིས་དང་ཨ་ཀར་ནི། །ནག་པོ་དང་གསུམ་སྡོང་པོ་བཟུང་། །བུ་རམ་བྱེ་མ་ཀ་ར་དང་། །སྦྲང་རྩི་ཨི་ཀྵུ་པུས་ཀ་ར། །ཤ་ཁ་ར་དང་རྣམ་པ་
དྲུག །བཅུད་ཀྱི་སྡེ་ཞེས་བྱ་བ་ཡིན། །ཁུ་བྱུག་དང་ནི་བྱ་རོག་དང་། །རྨ་བྱ་དང་ནི་ཏི་བྱ་རྣམས། །འདི་དག་གི་ནི་ཤ་གཟུང་སྟེ། །ཉམ་དང་སྟོབས་ནི་འཕེལ་བར་བྱེད། །ཟངས་ཀྱི་གཙུག་བུད་གྷར་ཀ་ར། །ཕུག་རོན་དང་ནི་ནཻ་ཙོ་རྣམས། །འདི་དག་
གི་ནི་ཁུ་བ་གཟུང་། །སེམས་ཅན་ཀུན་ལ་སྟོབས་རབ་སྟེར། །ར་དང་རི་བོང་ཤ་བ་དང་། །ས་ལ་གི་དང་ཕག་དང་ནི། །ཁྱད་པར་དུ་ནི་བྱི་བ་རྣམས། །ནད་རྣམས་ཐམས་ཅད་འཇོམས་པར་བྱེད། །ཁྱད་པར་དུ་ནི་རླུང་ལ་བསྔགས། །རིའུ་ནུ་ཀ་
དང་པར་ཐི་བ། །ཨ་འབྲ་བིལ་བའི་མེ་ཏོག་དང་། །མརྫ་རི་དང་ལྷ་མིན་དགྲ། །སུ་ར་སི་དང་རལ་པ་ཅན། །པ་པར་ནཱ་ག་པུས་པ་དང་། །ཨར་ཛ་ཀ་ཡི་འདབ་མ་དང་། །ཀ་ཏུ་དང་ནི་བི་ཤ་ན། །སྒྲོན་ཤིང་རིག་པ་འཛིན་པ་དང་། །ཡལ་ག་རྣམ་
པ་ལྔར་བཤད་པ། །འདི་དག་མཛའ་བོའི་སྡེ་ཞེས་བྱ། །བར་བ་རི་དང་ག་ན་དང་། །ཛ་ལ་དང་ནི་གྱ་གྱུ་དང་། །ཨུ་པི་ཏ་ཡི་ཤུན་པ་དང་། །རྣག་གི་དྲི་དང་རྐུན་པོ་དང་། །ཁུ་ཏྲ་ལོ་ཧ་ཤུ་ཀ་ཏི། །ཆུར་སྐྱེས་ཤིང་དང་བྲག་ཞུན་དང་། །
སྦྲང་རྩི་མེ་ཏོག་བྷྲིང་ག་ར། །ཧ་ཏ་ཞེ་པ་ལི་དང་ནི། །དེ་བཞིན་དུ་ནི་པ་ཡ་སི། །བར་མ་ཡི་ནི་སྡེ་ཚན་ཡིན། །དི་ར་ད་དང་བོ་ལ་དང་། །ཞོ་དང་ཀུན་དུར་ཀ་ད་ཛ། །ཐང་ཤིང་དང་ནི་སྲ་རྩི་དང་། །པོ་སོན་ཆ་ཡི་ཁུ་བ་དང་། །ཤུ་དག་དང་ནི་གན་ད་དང་། །

85-1-327b

ཏུ་ཧི་ན་དང་ར་ལས་སྐྱེས། །མྲི་ག་དང་ནི་བ་གུ་ཛ། །སྒོག་ཀྱ་དང་ནི་མི་སི་དང་། །ཤིང་ཀུན་དང་ནི་ཡུང་བ་རྣམས། །དགྲ་བོའི་སྡེ་ཞེས་བྱ་བར་བཤད། །དགྲ་བོ་ཡི་ནི་རྫས་ལ་ཁྱབ། །གུ་གུལ་དང་ནི་བྲེ་ཤ་དང་། །ཀི་ཏང་དེ་བཞིན་འོ་མ་སྟེ། །
བོ་ར་དང་ནི་རང་སྐྱུར་དང་། །ག་པུར་དང་ནི་ས་ལ་ཀི། །དགུ་པོ་དེ་དག་སླ་བའི་རྫས། །མུ་ར་རལ་པ་དམར་པོ་དང་། །ཛ་ལ་དང་ནི་གྱ་གྱུ་དང་། །སྟུག་པོ་ནད་དང་ཀུ་ཐི་ར། །ནི་ཤ་དང་ནི་ཤི་ཁྲུ་དང་། །ཤི་ར་གཅའ་བ་ཤུ་དག་རྣམས། །
བཅུ་གཉིས་རྩ་བ་ལ་སྐྱེས་ཡིན། །པུ་ཐི་དང་ནི་ཀེ་སོ་དང་། །གླ་བལ་དང་ནི་སེན་མོ་སྟེ། །གན་ད་ཀུ་རི་ཞེས་བྱ་བ། །ལྔ་པོ་སྲོག་ཆགས་ལས་བྱུང་བའི། །དྲི་རུ་སྒྲུབ་པོས་ཤིས་པར་བྱ། །ཤི་རི་ཤ་དང་གསེར་ཤིང་དང་། །ལོ་ད་དང་ནི་ཀ་
པིཏྠ། །ན་གི་ཀ་དང་པི་ཙུ་ཤུན། །སྐྱུར་རྩི་ཆེན་པོ་ཞེས་བྱ་བ། །བདུན་པོ་འདི་དག་ཤུན་པའི་སྡེ། །ཙན་དན་གསུམ་དང་ཨ་ཀར་ནག །སྒྲོན་ཤིང་དང་ནི་ཤིང་ཤ་པ། །དྲུག་པོ་འདི་དག་སྡོང་བུ་ཡི། །སྡེ་ཞེས་བྱ་བར་ཀུན་དུ་བཤད། །སྒྱུ་མ་ཀུན་དང་
མཉམ་སྦྱོར་བའི། །རྡོ་རྗེ་མཁའ་འགྲོ་ཞེས་གྲགས་པ། །རྡོ་རྗེ་སེམས་དཔའ་དེ་བཞིན་གཤེགས། །བཅོམ་ལྡན་རྡོ་རྗེ་ཅན་གྱིས་གསུངས། །རྒྱུད་ཀྱི་རྒྱལ་པོ་ཆེན་པོ་དཔལ་རྡོ་རྗེ་མཁའ་འགྲོ་ལས་བཅུད་ཀྱིས་ལན་གྱི་རྫས་ཀྱི་དབང་དུ་བྱས་པའི་ཆོ་གའི་
རིམ་པར་ཕྱེ་བ་སྟེ་བཞི་བཅུ་རྩ་བདུན་པའོ།། །། དེ་ནས་བཅོམ་ལྡན་འདས་ལ་ལྷ་མོས་མཆོད་ཅིང་ཕྱག་བྱས་ནས་འདི་སྐད་ཅེས་གསོལ་ཏོ། །ལས་རྣམས་ཐམས་ཅད་རབ་སྒྲུབ་པའི། །སྦྱིན་བསྲེག་ཁྱོད་ཀྱིས་སྔར་གསུངས་ན། །
ཐབ་ཁུང་རྣམས་ཀྱི་ཚད་དང་ནི། །འདུག་སྟངས་ཡམ་ཤིང་སོགས་མ་འཚལ། །བཅོམ་ལྡན་འདས་ཀྱིས་བཀའ་སྩལ་པ། །སྒྱུ་མ་ཀུན་གྱིས་རྣམ་རོལ་པའི། །ཉོན་ཅིག་ལྷ་མོ་སྒྱུ་མ་ཆེ། །དང་པོ་ས་གཞི་བཟུང་ནས་སུ། །ཕྱི་ནས་ཧོམ་ཁུང་
བརྩམ་པར་བྱ། །ཞི་བས་ས་ནི་དཀར་པོའི་ཆར། །ཁྲུ་གང་ཚད་ལ་ཤིན་ཏུ་ཟླུམ། །ཁྲུ་ཕྱེད་ཐུར་དུ་བརྐོ་བར་བྱ། །ཤིན་དུ་མཉམ་པར་བཞག་པ་ཡིས། །སོར་བརྒྱད་པ་ཡི་རྡོ་རྗེ་ནི། །པད་མའི་སྟེང་དུ་བྲི་བས་མཚན། །ཁུང་ནས་སོར་

85-1-328a

བཞི་བོར་ནས་ནི། །སོར་བཞིའི་སྤངས་དང་ཞེང་ལྡན་བའི། །ཁ་ཁྱེར་གྱིས་ནི་བསྐོར་བར་བྱ། །མཚམས་སུ་རྡོ་རྗེའི་དབྱིབས་ལྟ་བུའི། །རྩེ་གསུམ་རྡོ་རྗེས་བསྐོར་བར་བྱ། །ས་སེར་དང་ནི་བ་གཅི་ཡིས། །ཧོམ་ཁུང་ཀུན་དུ་
བྱུག་པར་བྱ། །བརྟུལ་ཞུགས་ཅན་གྱིས་གཉིས་གར་ཡང་། །དྲི་ནི་དཀར་པོས་བྱུགས་ནས་སུ། །ཤིན་དུ་མཉམ་པར་བཞག་པ་ཡིས། །མེ་ཏོག་དཀར་པོས་གཏོར་བར་བྱ། །དཀྱིལ་འཁོར་ཁང་པ་ལ་སོགས་པའི། །ཤར་གྱི་ཕྱོགས་སུ་ལས་
དེ་བརྩམ། །རྒྱས་པ་ས་གཞི་སེར་པོ་ལ། །རིན་པོ་ཆེ་ཡི་དབྱིབས་འདྲའི་ཐབ། །ཡང་ན་གྲུ་བཞི་པ་ཡང་རུང་། །ཁྲུ་དོ་ཟབས་སུ་ཁྲུ་གང་བརྐོ། །དེ་ནང་སོར་བརྒྱད་བོར་ནས་སུ། །ཁ་ཁྱེར་སོར་བརྒྱད་ཚད་དུ་བྱ། །སོར་བརྒྱད་དཔངས་དང་
ལྡན་པ་ལ། །རིན་ཆེན་ཕྲེང་བས་བསྐོར་བར་བྱ། །ཧོམ་ཁུང་ནང་དུ་འཁོར་ལོ་ནི། །རྩིབས་བརྒྱད་སེར་པོ་བྲིས་བ་ལ། །འོག་ཏུ་ཆ་དྲུག་སོར་དྲུག་པའི། །རྡོ་རྗེ་རིན་ཆེན་བྲི་བར་བྱ། །ས་སེར་དང་ནི་དྲི་སེར་གྱིས། །ཧོམ་ཁུང་ཀུན་དུ་བྱུགས་
ནས་སུ། །མེ་ཏོག་སེར་པོ་ལ་སོགས་པའི། །མཆོད་པ་དག་ནི་ཇི་བཞིན་བྱ། །འདི་ནི་རྟག་ཏུ་གྲོང་ཁྱེར་སོགས། །བྱང་གི་ཕྱོགས་ཆར་བྱ་བ་ཡིན། །དབང་ལ་ས་གཞི་དམར་པོ་ལ། །པད་མ་ཡིས་ནི་མཚན་བ་ཡི། །ཐབ་ཁུང་སྐྱེ་གནས་
དབྱིབས་སུ་བྱ། །ཡང་ན་ཟླ་ཕྱེད་དབྱིབས་ལྟ་བུ། །ཁུང་བུ་དང་ནི་ཁ་ཁྱེར་སོགས། །ཞི་བ་ཡི་ནི་ཚད་དུ་བྱ། །ས་དམར་དྲི་མར་སོགས་བྱུགས་ཏེ། །མེ་ཏོག་དམར་པོ་ལ་སོགས་གཏོར། །འདི་ནི་གྲོང་ཁྱེར་ལ་སོགས་པའི། །ནུབ་ཀྱི་
ཕྱོགས་ཆར་རྟག་ཏུ་བྱ། །མངོན་སྤྱོད་ཕ་མེས་ནགས་དང་ནི། །མ་མོའི་ཁྱིམ་དུ་རྩུབ་པ་དང་། །གས་པའི་ས་ལ་བྲི་བར་བྱ། །གྲུ་གསུམ་སོར་མོ་ཉི་ཤུ་ཚད། །སོར་བཅུ་ཐུར་དུ་བརྐོ་བར་བྱ། །རྩེ་གསུམ་ཁྲོ་བོའི་རྡོ་རྗེ་ནི། །ཆར་སྤྲིན་གྱི་
ནི་འོད་དང་མཚུངས། །སོར་བརྒྱད་པ་ཡི་ཚད་ཙམ་དུ། །དེ་ཡི་དབུས་སུ་མཚན་པར་བྱ། །ཁུང་བུ་སོར་གསུམ་བོར་བ་ནི། །ཁ་ཁྱེར་སོར་གསུམ་བསྐོར་བར་བྱ། །ས་ནག་དུར་ཁྲོད་ཐལ་བ་སོགས། །ཅི་སྙེད་པ་ཡིས་བྱུགས་བྱས་ཏེ། །དཀྱིལ་འཁོར་

85-1-328b

ཁང་སོགས་ལྷོ་ཕྱོགས་བྱ། །ལྷག་མ་ཡི་ནི་ལས་རྣམས་ཀྱང་། །ལས་བཞིའི་ཁུང་བུར་འདུས་མོད་ཀྱི། །སླར་ཡང་དེ་རྣམས་ཁྱད་པར་གྱི། །ཁུང་བུ་འདིར་ནི་བཤད་ཀྱིས་ཉོན། །དགུག་པའི་ཧོམ་ཁུང་རྡོ་རྗེ་ནི། །རྩེ་གཅིག་ལྟ་བུའི་
དབྱིབས་སུ་བྱ། །རྡོ་རྗེ་ལྕགས་ཀྱུས་བསྐོར་བ་ལ། །ལྷག་མ་དག་ནི་དབང་དང་མཚུངས། །བཅིང་བ་ལ་ནི་གྲུ་བཞི་སྟེ། །རྨོངས་ལ་རྒྱས་པ་ལྟ་བུ་ཡིན། །དབང་ལྡན་གྱི་ནི་ཕྱོགས་ཆ་རུ། །ས་ནི་དཀར་དང་སེར་པོར་བྱ། །བསྐྲད་ལ་མངོན་
སྤྱོད་ལྟ་བུ་སྟེ། །ཁྱད་པར་དུ་ནི་རླུང་མཚམས་སུ། །རྔ་མོའི་ལྕི་བས་བྱུགས་ཏེ་བྱ། །མཛའ་བོ་དག་ནི་ཉམས་ནས་སུ། །ཕན་ཚུན་སྡང་བར་བྱ་བ་ལ། །དེ་ཡང་མངོན་པར་སྤྱོད་པ་ཡི། །ཆོ་ག་ཇི་བཞིན་བལྟ་བར་བྱ། །ལས་རྣམས་ཐམས་ཅད་
བསྡུས་པ་ཡི། །ཆོ་ག་དེ་ནས་བཤད་བྱ་སྟེ། །ལས་ཀུན་དེ་ཉིད་རིག་པ་ཡིས། །བསམ་པ་ལ་སོགས་བྱེ་བྲག་དབྱེ། །ལས་ཀྱི་རྗེས་མཐུན་ས་གཞི་ལ། །ལས་ཀྱི་རྗེས་འཐུན་ཐབ་ཁུང་བྱ། །སྔགས་པའི་ཡིད་ནི་གར་དགའ་བའི། །
ས་ཕྱོགས་སུ་ནི་སྦྱར་ཡང་རུང་། །ཁྲུ་གང་བའི་ཚད་དུ་ནི། །པད་མ་ཨུད་པལ་དབྱིབས་འདྲ་བྱ། །ཁ་ཁྱེར་པད་མ་ལྟ་བུ་སྟེ། །ཁུང་དང་ཁ་ཁྱེར་ཅུང་ཟད་གདིང་། །ནང་དུ་བོར་སོགས་ཞི་བ་འདྲ། །ཕྱོགས་བཞིར་རྡོ་རྗེས་མཚན་པར་བྱ། །རྒྱར་ནི་སོར་
བརྒྱད་ཚད་ཙམ་ལ། །དཔངས་ནི་སོར་གཅིག་ཚད་ཙམ་པའི། །འཁོར་ལོ་རིན་ཆེན་པད་མ་དང་། །རལ་གྲི་མཚོན་ཆས་བསྐོར་བ་ཡི། །དབུས་སུ་རྡོ་རྗེའི་མཚན་མ་བྱ། །ངོས་སུ་རྡོ་རྗེའི་ར་བ་ཡིས། །ཧོམ་ཁུང་ཀུན་ནས་ཟླུམ་པོ་ལ། །འོག་ནི་
འཁོར་བར་བྲི་བར་བྱ། །ཧོམ་ཁུང་གི་ཆོ་གའོ། །ཡམ་ཤིང་པ་ལ་ཤ་དང་ནི། །ཨུ་དུམ་བ་ར་ཨ་འབྲ་དང་། །ནྱ་གྲོ་དྷ་དང་པ་ལ་ཤ །  །ཀ་ཏམ་པ་སོགས་འོ་མ་ཅན། །རྩེ་མོ་ཆ་ལས་བྱས་པ་སྟེ། །སོར་ནི་བཅུ་གཉིས་ཚད་དུ་བྱ། །
རློན་ཞིང་འདབ་མར་བཅས་པ་སྟེ། །སྙིང་དང་རྩེ་མོ་ཉམས་པ་དང་། །ཤུན་པ་མེད་ཅིང་གས་པ་དང་། །ཐུང་དང་ཤིན་དུ་རིང་བ་དང་། །ཕྲ་དང་སྦོམ་དང་འཁྱོག་པ་དང་། །གས་དང་ཆགས་དང་འབུས་ཟོས་དང་། །རྩེ་མོ་ཆ་ནི་གཉིས་ཡོད་ཅིང་། །

85-1-329a

སྲོག་ཆགས་ལྡན་ཞིང་སྐམས་པ་དག །དགེ་བའི་ལས་རྣམས་ཐམས་ཅད་ལ། །སྤངས་ཏེ་སྡིག་པའི་ལས་ལ་ཤིས། །ནས་དང་ཏིལ་དང་འོ་མ་ཞོ། །སཱ་ལུའི་འབྲས་ཆན་པྲི་ཡང་ཀུ། །ཀུ་ཤ་སྔོན་པོ་ཙུ་ཏའི་འདབ། །མེ་ཏོག་ཙན་དན་དཀར་པོ་དང་། །
སྦྲང་རྩི་མར་དང་ཡོས་བོག་དང་། །དུར་བ་དྲི་ཞིམ་ཁུ་བ་རྣམས། །རྣལ་འབྱོར་པ་ཡིས་ཞི་བ་ལ། །ཇི་ལྟར་རྙེད་པས་བསྲེག་པར་བྱ། །མཆོད་སྦྱིན་གྱི་ནི་ཤིང་རྣམས་ལ། །བུད་ཤིང་ཐབ་ལས་དམའ་བར་བྱ། །ནགས་ཀྱི་ལྕི་སྐམ་དག་ཀྱང་རུང་། །སྲོག་
ཆགས་ལྡན་པ་སྤང་བར་བྱ། །ཞི་བའི་ཡམ་ཤིང་དང་བུད་ཤིང་དང་འབྲུ་ལ་སོགས་པ་བསྲེག་རྫས་ཀྱི་ཆོ་གའོ། །ཡམ་ཤིང་ཞི་བའི་ལྟ་བུ་སྟེ། །དབུས་ཀྱི་ཆ་ནི་མཛེས་པ་ལས། །སྲིད་དུ་བཅག་ཁྲུ་གང་དུ་བྱ། །དྲི་སེར་ཆུ་ཡིས་གཏོར་ནས་ནི། །ཞོ་དང་འོ་མ་མར་ལ་
སྦག །མངར་གསུམ་ལ་ནི་བརྟགས་པར་བྱ། །དེ་ནས་ཟས་མཆོག་ཞོ་ཟན་དང་། །མར་དང་ཏིལ་ནི་ནག་པོ་དང་། །ཤ་ཏ་པུས་པ་མར་དང་བཅས། །སྦྲང་རྩི་དང་ནི་སཱ་ལུའི་འབྲས། །འབྲུ་རྣམས་གཞན་དང་པད་མ་དང་། །ནཱ་ག་གེ་སར་བིལ་བའི་
འབྲས། །དེ་བཞིན་དུར་བར་བཅས་པ་དག །རྒྱས་པའི་ལས་ལ་བསྲེག་པར་བྱ། །བུད་ཤིང་སྔར་བཞིན་ཁྱད་པར་དུ། །འབྲས་བུ་དང་ནི་བཅས་པས་བྱ། །ཙམ་པ་དང་ནི་ཨ་ཤོ་ཀ །པུ་ན་ནཱ་ག་ན་གེ་སར། །ཤིན་ཏུ་དམར་ཞིང་སྐྱུར་བ་
དང་། །མེ་ཏོག་དང་ནི་འབྲས་བུར་བཅས། །ཡལ་ག་ཡི་ནི་ཆ་ལས་བྱས། །སོར་ལྔ་པ་ཡི་ཚད་དུ་ནི། །དབང་གི་ལས་ཀྱི་ཡམ་ཤིང་བྱ། །བུད་ཤིང་ཡང་ནི་སྐྱུར་བ་དང་། །མེ་ཏོག་བཅས་པའི་ཤིང་ལ་བྱ། །མེ་ཏོག་དྲི་ངན་རྣམས་དང་ནི། །
དེ་བཞིན་འབྲུ་ནི་ནག་པོ་དང་། །ཕུབ་མ་དག་ནི་གཏོར་བར་བྱ། །དེ་བཞིན་མི་རུས་ཕྱེ་མ་དང་། །དུག་ལ་སོགས་པ་དབུལ་བར་བྱ། །ཚ་ཞིང་ཁ་དང་ཚེར་མར་བཅས། །དུར་ཁྲོད་དུ་ནི་སྐྱེས་པའི་ཤིང་། །རྩ་བའི་ཆ་ལས་བྱས་པ་སྟེ། །སོར་མོ་
བཅུ་གཉིས་ཡམ་ཤིང་ཚད། །རྩེ་མོ་རྣོ་ལ་རྩུབ་པ་སྟེ། །རྩེ་གཉིས་དུག་ལ་སོགས་པ་སྦག །འུག་པའི་སྒྲོ་ལ་སོགས་པའང་རུང་། །དྲག་པོའི་ལས་ཀྱི་བུད་ཤིང་བྱ། །དེ་ནས་མཆོད་ཡོན་སྣོད་བཤམ་པ། །གསེར་དང་དངུལ་ལས་བྱས་པ་འམ། །

85-1-329b

དུང་དང་ཉ་ཕྱིས་དག་ཀྱང་རུང་། །ཟངས་དང་ཁར་བའི་རྫས་རྣམས་དང་། །ས་དང་ཤིང་ལོ་དག་ཀྱང་རུང་། །ཇི་ལྟར་འབྱོར་བར་བཤམ་པར་བྱ། །མེ་ཏོག་འོ་མར་བཅས་པ་ཡི། །ཨརྒའི་སྣོད་ནི་མདུན་དུ་གཞག །དྲི་ཞིམ་བདུག་པས་བདུགས་
ནས་སུ། །རང་གི་སྔགས་ཀྱིས་ལན་བདུན་བཟླ། །གཡོན་དུ་ཆུ་སྣོད་གཞག་བྱ་སྟེ། །ཞི་བའི་ལས་ཀྱི་མཆོད་ཡོན་ཡིན། །ཞོ་དང་ཏིལ་དུ་བཅས་པ་དང་། །དྲི་སེར་ལ་སོགས་ལྡན་པའི་ཆུ། །རང་གི་སྔགས་ཀྱིས་མངོན་བཟླས་པ། །རྒྱས་པ་ཡི་ནི་ཨ
རྒ་ཡིན། །དབང་ལ་ཟངས་ཀྱི་སྣོད་སོགས་པར། །དྲི་དམར་ལ་སོགས་བཅས་པའི་ཆུ། །མེ་ཏོག་དམར་པོས་འབར་བ་སྟེ། །ཡོངས་སུ་བཀང་བས་ཆགས་པར་བྱ། །ཆུ་ནི་ནག་ཅིང་དྲི་མི་ཞིམ། །ཁྲག་དང་ལྡན་པས་བྱ་བ་འམ། །རང་སྐྱུར་དང་ནི་
བ་གླང་གཅིན། །ཡང་ན་མི་ཡི་གཅི་བ་འམ། །ཡང་ན་བོང་བུའི་གཅིན་ཡང་རུང་། །ཕཊ་དང་སྤེལ་བའི་སྔགས་བཟླས་པ། །གཡས་ཀྱི་ཕྱོགས་སུ་བཞག་ནས་ནི། །དྲག་པོའི་ལས་ལ་སྦྱར་བར་བྱ། །ཨརྒའི་ཆོ་གའོ། །ནད་སོགས་ཞི་ཕྱིར་ཞི་བ་ནི། །
སྙིང་རྗེར་ལྡན་པས་དགོང་མོ་བྱ། །དཔའ་བོ་ཤར་དུ་བལྟས་ནས་སུ། །མེ་ཏོག་ཕྲེང་སོགས་རྒྱན་དང་ནི། །བསྒོ་བ་དག་ནི་དཀར་པོར་བྱ། །འཇམ་པའི་སྟན་ལ་གནས་ནས་ནི། །པད་མའི་སྐྱིལ་དཀྲུང་བཅིངས་ནས་སུ། །དཔལ་ལྡན་རྣམ་སྣང་
མཛད་བསྒོམས་ཏེ། །བརྩི་དང་ལྡན་པས་མི་སྨྲ་བར། །བསྒྲུབ་བྱ་ཡི་གེ་ཨོཾ་བྱུང་བའི། །ཆུ་ཡི་དཀྱིལ་འཁོར་དཀར་པོ་ལ། །སེང་གེ་པད་མ་ཟླ་བ་ཡི། །སྟན་ལ་གནས་པ་དམིགས་ནས་སུ། །འོག་ནས་འབྱུང་བའི་རིམ་པ་ཡིས། །སེམས་ཅན་
ཀུན་ལ་ཕན་བྱའི་ཕྱིར། །སྭཱ་ཧཱའི་མཐའ་ཅན་སྔགས་བཟླས་ལ། །རྟག་ཏུ་ཞི་བའི་ལས་རྣམས་བྱ། །དབུལ་དང་རིད་སོགས་རྒྱས་པའི་ལས། །དགའ་དང་ལྡན་པས་སྔ་དྲོ་བྱ། །གོས་སེར་ལ་སོགས་བརྒྱན་ནས་ནི། །བྱང་ཕྱོགས་སུ་ནི་
ཁ་བལྟས་ཏེ། །བཟང་པོ་ཡི་ནི་འདུག་སྟངས་སམ། །ཡང་ན་རོལ་པའི་སྟངས་ཀྱིས་གནས། །འབྲས་ཆེན་དཀར་པོ་ཞོ་དང་ནི། །བཅས་བཟའ་དེ་ཉིད་རིག་པ་ཡིས། །བཟའ་དང་བཏུང་བས་ཚིམ་ནས་སུ། །རིན་ཆེན་འབྱུང་བར་བསྒོམས་ནས་ནི། །

85-1-330a

ཡི་གེ་ལྃ་ལས་བྱུང་བ་ཡི། །དབང་ཆེན་གྱི་ནི་དཀྱིལ་འཁོར་ལ། །གླང་ཆེན་སྟེང་དུ་གནས་པ་ཡི། །བསྒྲུབ་པར་བྱ་བ་དམིགས་ནས་སུ། །སྔགས་ཀྱི་མཐར་ནི་ཨོཾ་བརྗོད་ཅིང་། །རྒྱས་པར་བྱ་བའི་ཆོ་ག་སྦྱར། །དབང་གི་དོན་དུ་འདི་
གསུངས་ཏེ། །མཚན་མོ་ཆགས་པའི་སེམས་ཀྱིས་ནི། །ནུབ་ཀྱི་ཕྱོགས་སུ་ཁ་བལྟས་ལ། །དམར་པོའི་རྒྱན་གྱིས་ཀླུབས་ནས་ནི། །སེམས་དཔའི་སྐྱིལ་དཀྲུང་གནས་ནས་སུ། །རྡོ་རྗེ་ཆགས་པ་མཆོག་ཏུ་བསྒོམས། །ཡྃ་ལས་
བྱུང་བའི་རླུང་དཀྱིལ་ལ། །བཙུན་མོའི་པད་མ་འཇམ་ལྡན་པར། །བསྒྲུབ་པར་བྱ་བ་དམིགས་ནས་སུ། །སྔགས་ཀྱི་མཐར་ནི་ཧོ་བཟླས་ཏེ། །འོད་ཟེར་དམར་པོས་བསྐུལ་ནས་སུ། །ཟུར་མིག་ལྟ་བས་སྦྱིན་བསྲེགས་ནས། །བུད་མེད་
རྣམས་ནི་རྨོངས་པར་འགྱུར། །དཀོན་མཆོག་གསུམ་ལ་གནོད་པ་དང་། །དམ་ཚིག་འདས་ཤིང་ཁྲོ་བ་ལ། །སྡང་བའི་སེམས་ཀྱིས་ལྷོར་བལྟས་ཏི། །མཚན་ཕྱེད་དམ་ནི་ཉི་ཕྱེད་ལ། །གོས་སོགས་སྔོན་པོས་བརྒྱན་ནས་སུ། །མཁྲང་ཞིང་
རྩུབ་པའི་སྟན་ལ་ནི། །ཁྲོ་བོའི་སྐྱིལ་དཀྲུང་གནས་ནས་སུ། །རྡོ་རྗེ་ཁྲོ་བོར་བསྒོམ་པར་བྱ། །རྃ་ལས་ཉི་མའི་དཀྱིལ་འཁོར་ལ། །བསྒྲུབ་པར་བྱ་བ་དམིགས་ནས་སུ། །ཧཱུྃ་དང་ཕཊ་ཅེས་བྱ་བ་ནི། །འབྲུག་གི་སྒྲ་ལྟར་གྲགས་པ་སྟེ། །
ཐོག་མ་དབུས་མཐའ་སྦྱར་བར་བྱ། །བསྒྲུབ་བྱའི་ལས་ཀྱི་ཆོ་གའོ། །དེ་ནས་སྒྲུབ་པོ་དཔལ་ལྡན་པས། །རྒྱན་རྣམས་ཀུན་གྱིས་བརྒྱན་ནས་སུ། །གསང་བ་གཉིས་ཀྱི་ཏིང་འཛིན་གནས། །སྦྱིན་བསྲེག་ལས་ནི་བརྩམ་པར་བྱ། །ཆུ་ཡི་
སྣོད་ནི་གཡོན་དུ་གཞག །གཡས་སུ་བསྲེག་རྫས་གཞག་པར་བྱ། །ལས་ཀུན་བྱེད་པས་བཟླས་པ་ཡིས། །རྫས་རྣམས་ཀུན་ལ་བསང་གཏོར་ཏེ། །དེ་ནས་བཀྲ་ཤིས་བཅས་པ་ཡིས། །གཡས་ནས་བསྐོར་ལ་ཀུ་ཤ་
དགྲམ། །རྩེ་མོའི་ཆ་ལས་བྱས་པ་ནི། །དྲི་མ་མེད་ཅིང་མ་ཉམས་ལ། །བདབ་མར་བཅས་ཤིང་ཁ་དོག་སྔོ། །ཤིན་དུ་རིང་མིན་ཐུང་བ་མིན། །འདུད་པར་བྱས་པ་གཡས་སྐོར་དགྲམ། །དེ་ནས་ལས་ཀྱི་རྗེས་འཐུན་པར། །

85-1-330b

ཐབ་ཁུང་ཕྱོགས་ཀྱི་བྱེ་བྲག་གིས། །གཞན་ཡང་ཤར་ཕྱོགས་བསྟན་ཏེ་དགྲམ། །དེ་ཡིས་སྒོར་ནི་བཀྲམ་ནས་སུ། །དེ་ནས་ཐབ་ཀྱི་ནང་དུ་ནི། །སྒྲུབ་པ་པོ་ཡིས་ཀུ་ཤ་སྦྱིན། །ཀུ་ཤའི་ལས་ནི་རྫོགས་ནས་སུ། །མེ་ཡི་
ལས་ནི་བརྩམ་པར་བྱ། །གཙུབ་ཤིང་ལས་བྱུང་མེ་འམ་ནི། །ཡང་ན་ལས་ཀྱི་བྱེ་བྲག་གིས། །སྐྱེ་གཉིས་ལ་སོགས་མེ་ཡང་རུང་། །རླུང་ཡབ་ཀྱིས་ནི་སྤར་ནས་སུ། །འོ་མར་ལྡན་པའི་བུད་ཤིང་སོགས། །མེ་ནི་གསལ་བར་སྦར་
བར་བྱ། །མེ་ནི་འབར་བར་ཤེས་ནས་སུ། །དེ་ནས་མེ་ལྷ་དགུག་པར་བྱ། །མེ་ཡི་ཕྱོགས་ནས་སྤྱན་དྲང་བ། །དྲང་སྲོང་གི་ནི་འཁོར་གྱིས་བསྐོར། །ཡི་གེ་རྃ་ལས་ཡང་དག་བྱུང་། །ལས་བྱུང་བའི་པད་མ་ནི། །མཛེས་པའི་ལུག་
གི་སྟེང་གནས་པ། །བསམ་གཏན་ལ་བཞུགས་ཡང་དག་བསམ། །མདོག་དང་ན་བཟའ་རྒྱན་ལ་སོགས། །ལས་ཀྱི་རྗེས་སུ་འཐུན་པར་བྱ། །མེ་ཡི་ཁམས་ཀྱི་རང་བཞིན་ཏེ། །འབར་བའི་ཕྲེང་བ་རྒྱ་ཆེན་བཅས། །ཞལ་
གཅིག་དང་ནི་ཕྱག་བཞིར་ལྡན། །རྡོ་རྗེ་རྩེ་གསུམ་དབྱིག་པ་དང་། །བགྲང་ཕྲང་རིལ་བ་སྤྱི་བླུགས་ནི། །གཡས་དང་གཡོན་དུ་རིམ་བཞིན་བསམ། །རྡོ་རྗེ་མེ་ནི་བྱོན་པ་དང་། །ཐབ་ཀྱི་དབུས་སུ་བཞུགས་སུ་གསོལ། །དེ་ནས་
ཨརྒྷ་སོགས་བྱིན་ཏེ། །ཆོ་ག་བཞིན་དུ་མཆོད་པར་བྱ། །ལས་ཀུན་བྱེད་པའི་ཆུ་ཡིས་ནི། །བསང་གཏོར་བྱས་ནས་ཞལ་བསིལ་སྦྱིན། །དངོས་གྲུབ་བསླང་བའི་བསམ་པ་ཡིས། །དེ་ཡི་ཁར་ནི་དགང་བླུགས་དབུལ། །དགེ་བའི་ལས་ལ་གྲུ་
མོ་ནི། །པུས་མོའི་བར་དུ་བཅུག་སྟེ་བསྲེག །དྲག་པོའི་ལས་ལ་ལག་པ་གཡོན། །ཕྱི་རུ་ཕྱུང་སྟེ་བསྲེག་པར་བྱ། །ཨོཾ་བཛྲ་ཨ་ན་ལ་མ་ཧཱ་བྷཱུ་ཏ་ཛྭ་ལ་ཡ་སརྦྦ་བྷསྨི་ཀུ་རུ་སརྦྦ་དུཥྚཱྃ་བི་གྷྣཱཾ་ཧཱུྃ་ཕཊ། མེ་ཡི་སྔགས་ནི་དེ་ཉིད་ལ། །ལས་དང་རྗེས་སུ་
འཐུན་པར་སྤེལ། །སརྦྦ་སམྤ་ཏེ་སྭཱ་ཧཱ། །མར་གྱིའོ། །མར་གྱའོ། །ཨོཾ་ཨགྣ་ཡེ་སྭཱ་ཧཱ། ཞོ་ཟན་གྱིའོ། །ཨོཾ་ཨ་པྲ་ཏི་ཧ་ཏ་བཛྲཱ་ཡ་སྭཱ་ཧཱ། ཞེས་བྱ་བ་ནི་ཀུ་ཤ་ཡི་འོ། །ཨོཾ་སརྦྦ་པཱ་པ་ད་ཧ་ན་བཛྲཱ་ཡ་སྭཱ་ཧཱ། ཞེས་བྱ་བ་ནི་ཏིལ་གྱིས་སྡིག་པ་བསྲེག་པར་བྱ་བའིའོ། །

85-1-331a

ཨོཾ་བཛྲ་ཨཱ་ཡུཿཥེ་སྭཱ་ཧཱ། ཞེས་བྱ་བ་ནི་དཱུར་བའི་སྟེ། ཚེ་སྤེལ་བར་བྱ་བའིའོ། །ཨོཾ་བཛྲ་པུཥྚ་ཡེ་སྭཱ་ཧཱ། ཞེས་བྱ་བ་ནི་འབྲས་ཀྱི་སྟེ། ཁྱིམ་རྒྱས་པར་བྱ་བའིའོ། །འབྲུ་ལ་སོགས་པ་གཞན་དག་ཀྱང་འདིར་མར་གྱིས་བསྒོས་ཏེ་བསྲེག་
པར་བྱའོ། །དེ་འོག་གསང་གཏོར་ཞལ་བསིལ་སོགས། །མེ་ནི་ཚིམ་བྱས་འབར་བ་ཡི། །རྣམ་པར་ཡོངས་སུ་ཐིམ་པར་འགྱུར། །དེ་ནས་མེ་དབུས་བདག་གི་ལྷ། །རྒྱན་དང་ན་བཟའ་ཁ་དོག་སོགས། །ལས་ཀྱི་རྗེས་སུ་འཐུན་པར་ནི། །བསམ་
ཞིང་མེ་ཡི་མཚན་མ་བརྟག །གསེར་ལ་སོགས་པའི་ཁ་དོག་གིས། །མེ་ཡི་མདོག་ནི་ཤེས་པར་བྱ། །ཞི་ལ་ཁ་དོག་དཀར་པོ་ཤིས། །རྒྱས་པ་ལ་ནི་གསེར་ལྟ་བུ། །དབང་ལ་བྱི་རུ་བཅག་པའི་མདོག །མངོན་སྤྱོད་ལ་ནི་ནག་པོ་དང་། །སྔོ་སོགས་
མཚན་མར་ཤེས་པར་བྱ། །དབྱིབས་ནི་དཔལ་གྱི་བེའུ་དང་། །རྡོ་རྗེ་འཁོར་ལོ་ལ་སོགས་པ། །རང་གི་མཚན་མས་བརྒྱན་པ་ཤིས། །མེ་ནི་ཤིན་དུ་དྲི་ཞིམ་ན། །དགེ་བའི་ལས་ཀྱི་དངོས་གྲུབ་སྟེར། །མི་རོའི་དྲི་དང་ཉ་ཡི་དྲི། །དུ་བ་ཆེ་ཞིང་སྒྲ་དང་ལྡན། །
མེ་སྟག་གིས་ནི་སྔགས་པ་སྲེག །མེ་ཡི་མཚན་མ་ངན་པ་སྟེ། །མི་དགེ་བ་ཡི་མཚན་མ་ནི། །མི་དགེ་བའི་ལས་ལ་ཤིས། །དེ་ཉིད་ཤིས་པའི་ལས་རྣམས་ལ། །ཤིས་པའི་མཚན་མ་མ་ཡིན་ནོ། །དེ་ནས་བགེགས་ནི་བསྐྲད་ནས་སུ། །དེ་ནས་སླར་ཡང་
སྦྱིན་བསྲེག་བརྩམ། །དེ་ནས་རང་གི་སྔགས་ཀྱིས་ནི། །མེ་ལ་བསང་གཏོར་བྱས་ནས་སུ། །དགང་བཟར་ཆོ་ག་བཞིན་བཀང་ལ། །དགང་བླུགས་ལན་གསུམ་སྦྱིན་པར་བྱ། །ཨོཾ་ཨགྣ་ཡེ་ཨ་མུ་ཀ་བ་ས་ཨ་ཏི་ཀྃ་ཀུ་རུ་སྭཱ་ཧཱ། ཞེས་བྱ་
བའི་སྔགས་ཀྱིས་སོ། །ལྷ་རྣམས་ཚིམ་པར་བྱ་བའི་ཕྱིར་ཡི་གེ་གསུམ་གྱི་སྔགས་སྔོན་དུ་བཟླས་པ་དང་། རང་གི་སྔགས་སྤེལ་ཏེ་རིམ་པ་བཞིན་དུ་བསྲེག་པར་བྱའོ། །དེ་ལ་བསྲེག་པའི་གོ་རིམས་ནི་འདི་ཡིན་ཏེ། དང་པོར་ནི་ཡམ་ཤིང་ངོ་། །
དེའི་འོག་ཏུ་ནི་མར་རོ། །དེ་ནས་གྲོ་དང་ཏིལ་ལ་སོགས་པའོ། །དེ་ནས་བཟའ་བ་ལ་སོགས་པའོ། །དེ་ནས་ཟན་ནོ། །དེ་ནས་ཞོ་དང་། འོ་མ་དང་། འབྲས་བུ་ལ་སོགས་པ་དང་། བལྡག་པ་དང་། བཏུང་བ་ལ་སོགས་པའི་ཚོགས་

85-1-331b

བསྲེགས་ལ། དེ་ནས་རྣལ་འབྱོར་པས་མེ་ཏོག་དང་། སོ་རྩི་ལ་སོགས་པས་དབུལ་ལོ། །དེ་བཞིན་དུ་རང་གི་ལྷ་ཡང་མཆོད་ནས་འདོད་པའི་དོན་གྱི་དངོས་གྲུབ་གསོལ་བར་བྱའོ། །དེ་ནས་མགོན་པོ་གཤེགས་སུ་གསོལ་ནས། སླར་
ཡང་སློབ་མས་མེ་ལྷ་མཆོད་དེ་གཤེགས་སུ་གསོལ་ན་རྣལ་འབྱོར་པ་ལ་འདོད་པའི་འབྲས་བུ་སྟེར་བར་འགྱུར་རོ། །སྦྱིན་བསྲེག་གི་ཆོ་གའོ། །གསེར་རམ་དངུལ་ལམ་ཟངས་མ་འམ། །མཆོད་སྦྱིན་གྱི་ནི་ཤིང་ཡང་རུང་། །དགང་གཟར་
སྐྱུ་དང་དབྱིག་པ་སོགས། །ཚད་དང་དབྱིབས་ལ་སོགས་པ་བཤད། །སྟེང་དུ་སོར་བཞི་དང་ལྡན་པ། །དཀྱུས་ནི་གྲུ་བཞིར་བྱ་བ་སྟེ། །ཟབས་སུ་སོར་གཉིས་བརྐོ་བར་བྱ། །དཀྱིལ་དུ་ཡེ་ཤེས་རྡོ་རྗེས་བརྒྱན། །དེ་ཡི་སྟེང་དུ་མཆུ་
སོར་བཞི། །པད་མའི་འདབ་མ་ལྟ་བུར་བྱ། །དེ་དབུས་བཅུད་ནི་འཛག་པ་ཡི། །བུ་ག་མཐེའུ་ཆུང་ཚད་དུ་བྱ། །དེ་ནས་འོག་ཏུ་དབྱུག་པ་སྟེ། །རྡོ་རྗེ་རིན་ཆེན་སོར་དྲུག་བརྒྱན། །དགང་གཟར་ཆོས་ནི་སྟེར་བའི་མ། །བླུགས་གཟར་རོ་
ལྡན་ཐབས་ཡིན་ཏེ། །སེམས་ཅན་ཀུན་ལ་ཕན་བྱེད་པ། །རྒྱ་རུ་སོར་གཉིས་ཟབས་སོར་གཅིག །ཁ་ནི་པད་མའི་འདབ་མ་འདྲ། །དབུས་སུ་རྡོ་རྗེས་མཛེས་པ་སྟེ། །ལྷག་མ་སྔོན་བཞིན་མཚོན་པར་བྱ། །སོར་མོ་ལྔ་དང་
ལྡན་པ་ཡིས། །གང་བའི་སྦྱིན་བསྲེག་བྱ་བར་བརྗོད། །སོར་མོ་གསུམ་དང་ལྡན་པ་ཡིས། །སྦྱིན་བསྲེག་གཅིག་ཤོས་བྱ་བར་བརྗོད། །ཞི་བ་བྱང་ཆུབ་མཆོག་གིས་གཟུང་། །ནོར་བུའི་ཁུ་ཚུར་རྒྱས་པ་ལ། །དབང་དང་དགུག་
པ་དག་ལ་ནི། །དེ་བཞིན་པད་མའི་ཁུ་ཚུར་གཟུང་། །དྲག་པོའི་ལས་ལ་འབད་པ་ཡིས། །དེ་བཞིན་ཁྲོ་བོའི་ཁུ་ཚུར་བྱ། །དགང་གཟར་བླུགས་གཟར་གྱི་ཆོ་གའོ། །དགང་བླུགས་ཞེས་བྱ་བ་ནི་གང་བའི་སྦྱིན་བསྲེག་ལ་སོགས་
པའོ། །དེ་ཡི་ཆོ་ག་གཞན་བཤད་བྱ། །ཞི་བ་དང་ནི་རྒྱས་དང་དབང་། །དགེ་བ་ཡི་ནི་ལས་རྣམས་ལ། །གདོང་ནི་འཛུམ་དང་བཅས་པར་བྱ། །དྲག་པོའི་ལས་ལ་ཁྲོ་གདོང་གིས། །ཡམ་ཤིང་ལ་སོགས་བསྲེག་པར་བྱ། །དེ་ཉིད་བསྡུས་དང་

85-1-332a

བདེ་མཆོག་དང་། །གསང་དང་རྡོ་རྗེ་འཇིགས་བྱེད་བཅས། །ཏི་ལ་ཀ་སོགས་མ་བཤད་པ། །སྦྱིན་བསྲེག་མདོ་རུ་བསྡུས་པའོ། །མཁའ་འགྲོ་ཀུན་དང་མཉམ་སྦྱོར་བའི། །རྡོ་རྗེ་མཁའ་འགྲོ་བདེ་བའི་མཆོག །རྡོ་རྗེ་སེམས་
དཔའ་དེ་བཞིན་གཤེགས། །བཅོམ་ལྡན་རྡོ་རྗེ་ཅན་གྱིས་གསུངས། །རྒྱུད་ཀྱི་རྒྱལ་པོ་ཆེན་པོ་དཔལ་རྡོ་རྗེ་མཁའ་འགྲོ་ལས་ལས་ཐམས་ཅད་ཀྱི་སྦྱིན་བསྲེག་གི་ཆོ་གའི་རིམ་པར་ཕྱེ་བ་སྟེ་བཞི་བཅུ་རྩ་བརྒྱད་པའོ།། །། སླར་ཡང་ལྷ་མོས་གར་
བྱས་ཏེ། །ཚིག་འདི་དག་ནི་གསོལ་བར་འགྱུར། །ཆུང་ངུ་ལ་སོགས་ཇི་ལྟ་བུ། །དེ་རྣམས་བྱེ་བྲག་ཇི་ལྟར་ལགས། །ཁམས་ཀྱི་རང་བཞིན་སྣ་ཚོགས་ལ། །རྫས་ཀྱི་མཚན་ཉིད་གང་བཤད་པ། །དེ་དག་བདག་ནི་ཐེ་ཚོམ་སྐྱེས། །
ཐུབ་པ་ཆེན་པོས་བཤད་དུ་གསོལ། །བཅོམ་ལྡན་འདས་ཀྱིས་བཀའ་སྩལ་པ། །ད་ནི་ཆུང་ངུ་ལ་སོགས་ཀྱི། །བྱེ་བྲག་ལ་སོགས་བཤད་པར་བྱ། །ཡོན་ཏན་ལྡན་པའི་རྫས་མཚན་ཉིད། །བཤད་ཀྱིས་ཤེས་རབ་ལྷ་མོ་ཉོན། །ཆུང་ངུ་ལ་
སོགས་པ་གང་དག་གི་ཡིན་པ་དེ་དག་ནི་ཆུང་ངུ་ལ་སོགས་པ་སྟེ། སོགས་པའི་སྒྲས་བར་མ་དང་ཆེན་པོ་དང་ཆེན་པོའི་ཆེན་པོ་ལ་བྱ་སྟེ། གནས་སྐབས་ཀྱི་དབྱེ་བ་རྣམ་པ་བཞིས་རྣམ་པ་བཞིར་དབྱེ་བར་བྱའོ། །རླུང་དང་མཁྲིས་པ་དང་བད་
ཀན་ལ་སོགས་པའི་རང་བཞིན་གྱི་དབྱེ་བས་བུད་མེད་དང་སྐྱེས་པ་དག་བྱེ་བྲག་ཏུ་ཤེས་པར་བྱ་སྟེ། །རྫས་རྣམས་སྦྱར་བར་བྱའོ། །དེ་ཡང་རླུང་ཅན་ལ་ནི་སྣུམ་པའི་རྫས་སྦྱིན་པར་བྱ་ལ། མཁྲིས་པ་ཅན་ལ་ནི་བསིལ་བའི་རྫས་བྱིན་ན་
ཕན་ཏེ། བད་ཀན་ཅན་ལ་ནི་ཁ་བ་དང་བསྐ་བའི་རྫས་སྦྱིན་ནོ། །ཡང་རྩུབ་པ་དང་གསིལ་བ་དང་སྣུམ་པ་རྣམས་རླུང་དང་མཁྲིས་པ་དང་བད་ཀན་ཅན་ལ་སོ་སོར་བསྔགས་སོ། །སྐྱེས་པ་དང་ནི་བུད་མེད་ཀྱང་། །རེ་རེ་ཞིང་ཡང་གསུམ་གསུམ་
འདོད། །ཅེས་བྱ་བ་ནི་ཁམས་ཀྱི་རང་བཞིན་གྱིས་ངེས་པ་གསུམ་དུ་འདོད་པའོ། །ཀྱང་ཞེས་བྱ་བ་ནི་བརྟག་པ་སྟེ། མ་ནིང་ལ་ནི་བཅུད་ཀྱིས་ལེན་མི་སྦྱར་བའི་ཕྱིར་རོ། །ནག་པོ་ནི་ཁ་དོག་ནག་པོ་སྟེ། འཛག་པ་ལ་བསྔགས་སོ། །སེར་སྐྱ་

85-1-332b

ཡང་ཁ་དོག་སྟེ་འཕོ་བ་ལའོ། །སྔོ་བསངས་ནི་ནག་པོ་དང་སེར་པོ་གཉིས་འདུས་པ་སྟེ། འཛག་པ་དང་འཕོ་བ་གཉིས་ཀ་ལའོ། །དང་ཞེས་བྱ་བ་ནི་རིམ་པ་བཞིན་དུ་སྦྱར་བའི་དོན་ཏོ། །རྩུབ་པ་ཞེས་བྱ་བ་ནི་བ་ལང་གི་ལྕེ་ལྟར་རྩུབ་པའོ། །
འཇམ་པ་ནི་པད་མ་ཅན་ཞེས་བྱ་བའོ། །མཁྲང་བ་ནི་ཁུ་བ་སྲ་བ་སྟེ། གང་གི་ཁུ་བ་འཐས་པར་གྱུར་པའོ། །འཛེར་པ་ཅན་ནི་དུང་ཅན་མ་སྟེ། པད་མ་ལ་ཤ་མཛེར་ཡོད་པའོ། །བུད་མེད་འདི་དག་ནི་བཅུད་བཅིང་བ་ལ་དབང་བར་གྱུར་པ་
ཡིན་ནོ། །སྦོམ་ཞེས་བྱ་བ་ནི་གདོང་དང་ཁ་དང་ནུ་མ་ཕེལ་ཁ་ཆེ་ཞིང་སྦོམ་པའོ། །ཐུང་ཞེས་བྱ་བ་ནི་བོང་ཐུང་བ་དང་སྐྲ་ཐུང་ཞིང་ཆང་གི་དྲི་དང་ལྡན་ལ་འདོད་པས་མྱོས་པ་སྟེ། དེ་དག་ནི་བོང་ཚོད་རན་ཞེས་བྱ་བར་བཤད་དོ། །རིང་བ་ནི་གདོང་དང་ལག་པ་
དང་རྐང་པའི་དཀྱུས་རིང་བའོ། །གཞན་ཡང་ཉའི་དྲི་དང་ལྡན་པའི་ཁུ་བ་རིང་དུ་འཛག་པ་སྟེ། དུང་ཅན་མའོ། །སྔོ་བསངས་མཚུངས་ཞེས་བྱ་བ་ནི་དབྱངས་མི་སྙན་ཞིང་ཡན་ལག་དང་སྐྲ་ཐུང་བའོ། །ཡན་ལག་རྩུབ་ཅེས་བྱ་བ་ནི་དྲི་མི་ཞིམ་ཞིང་
འགྲོས་དལ་བ་སྟེ། རི་མོ་ཅན་མའོ། །མགྲིན་པ་རིང་བ་ནི་གང་གི་མགྲིན་པ་མཐོ་བ་དེ་མགྲིན་པ་རིང་བ་སྟེ། པད་མ་དཀར་པོ་ལྟ་བུའི་འོད་ཡོད་ཅིང་ཡིད་དུ་འོང་ལ་དུས་རྟག་ཏུ་རྡུལ་གྱི་དྲི་ཞིམ་པ་དང་། རི་དགས་ཀྱི་མིག་འདྲ་ལ་རི་དགས་ལྟར་ལྟ་
ཞིང་མགྲིན་པ་དང་ལྟོ་རི་དགས་འདྲ་ལ་རྐེད་པ་རི་དགས་ཀྱི་རྒྱལ་པོ་ལྟ་བུ་སྟེ། པད་མ་ཅན་དུ་ཤེས་པར་བྱའོ། །མིག་ནི་ཟངས་ལྟར་དམར་བ་ཞེས་བྱ་བ་ནི་མིག་དང་རྐང་པ་དང་ལག་པ་ཤིན་དུ་དམར་ཞིང་མ་ལི་ཀའི་དྲི་དང་ལྡན་པ་དང་། 
བདེ་བར་གཤེགས་པའི་རིགས་ལ་དགའ་ཞིང་དེ་བཞིན་དུ་བདེ་བའི་དངོས་གྲུབ་སྟེར་བའོ། །པི་ནོ་ཨུན་ཏ་ཞེས་བྱ་བ་ནི་པི་ན་ནི་འོ་མ་འཛིན་པ་སྟེ། དེ་མཁྲང་ཞིང་སྐྲ་ལི་བ་དང་བཞིན་ཀུན་ནས་ཟླུམ་པ་དང་། ལྟེ་བའི་དབུས་ན་རི་མོ་གསུམ་ཡོད་
པ་དེ་ནི་ཕྲེང་བ་ཅན་དུ་ཤེས་པར་བྱ་བའོ། །ཐུན་མོང་མ་ནི་གང་གི་རྒྱུ་སྦྱིན་པར་བྱེད་པའོ། །ནུ་མ་མེད་ཅེས་བྱ་བ་ནི་ངང་ཚུལ་ངན་པ་དང་སྐྱེས་པ་ལྟར་ནུ་མ་སྤངས་པ་སྟེ། ཡན་ལག་མ་ཚང་བ་ཞེས་བྱ་བའི་བར་དུའོ། །མདོག་ཉམས་ཞེས་

85-1-333a

བྱ་བ་ནི་མདངས་རྩུབ་པའོ། །སཱ་ལུ་དྲི་ཞེས་བྱ་བ་ནི་སཱ་ལི་ལྟར་ཡིད་དུ་འོང་བའི་དྲི་ཡོད་པའོ། །ཆང་ནི་སྟོབས་ཏེ། དམ་ཚིག་དང་སྤྱོད་པ་ཕུན་སུམ་ཚོགས་པའི་བསམ་པ་དང་ལྡན་པའོ། །ཆང་མིན་དྲི་ཞེས་བྱ་བ་ནི་
ཁྱད་པར་དུ་མི་རོའི་དྲིའི་རྗེས་སུ་འགྲོ་བའོ། །མྱོས་པ་ནི་ཤིན་དུ་ཁྱད་པར་དུ་གྱུར་པའོ། །ཆ་གཉིས་པ་ནི་ཆ་གཉིས་ཏེ་ཆ་གཉིས་གཉིས་བསྡུས་པའོ། །ཆ་གསུམ་ནི་ཆ་གཉིས་པོ་དེ་གསུམ་དུ་བསྒྱུར་བ་སྟེ། སྤུ་མེད་པ་དང་། ཤ་ཆེ་
བ་དང་། རུ་སྦལ་གྱི་རྒྱབ་ལྟར་མཐོ་བ་དང་། གླང་པོ་ཆེའི་ཟེ་བ་ལྟར་མཁྲང་བ་དང་། སྐྱེ་གནས་ཡངས་པ་དང་ཁྲག་དང་ཁུ་བ་རྟག་ཏུ་འཛག་པ་སྟེ། དྲུག་པོ་དེ་དག་ནི་སྐལ་བཟང་མ་སྟེ། སུ་བྷ་ག་ཡིན་ལ་དེ་དག་ནི་སྒྲུབ་པ་པོ་ལ་
མཆོག་སྟེར་བ་ཡིན་ནོ། །དེ་དག་ནི་རྐེད་པའི་བྱེ་བྲག་གོ། །དེ་ཉིད་ཀྱིས་སྦྲང་རྩི་ལྟར་འཛག་སྦྲང་རྩིའི་དྲི་སྟེ། སྦྲང་རྩིའི་རང་བཞིན་ཅན་ནོ། །སོ་སོ་ནི་དམ་ཚིག་གི་དོན་དང་གཞན་ལ་སོ་སོ་སྟེ་ཐ་དད་པར་སྦྱར་གྱི། གཞན་དུ་སྟེ་
སེམས་ཅན་གྱི་དོན་དུ་ར་ས་ཡ་ན་ལ་སོགས་པ་ལས་གཞན་དུ་ནི་ནམ་ཡང་མ་ཡིན་ཏེ། གཞན་དུ་ནི་ཚིག་ཙམ་ཡང་སྦྱར་བར་མི་བྱའོ། །འདིར་ནི་སོ་སོར་བསྒྲུབ་པ་སྟེ། ཡིད་ལ་སེམས་པའི་འཁྲུལ་འཁོར་གྱིས་ཞེས་བྱ་བ་ལ་
ཡིད་ལས་བྱུང་བ་ནི་ཡིད་ལ་སེམས་པ་སྟེ། འཁྲུལ་འཁོར་ནི་ཤིང་དང་ལྤགས་པའི་རང་བཞིན་གྱིས་འཁྲུལ་འཁོར་རོ། །བསྒྲུབ་པ་ནི་དེས་བསྒྲུབ་པར་བྱའོ། །བུ་མོ་གཅིག་ནི་དང་པོ་སྟེ། བྱང་ཆུབ་དང་ཐར་པའི་དོན་དུའོ། །
གཉིས་ནི་དམ་ཚིག་གི་དོན་དུའོ། །མང་པོ་ནི་ནོར་གྱི་དོན་དུ་བརྟག་པར་ཞེས་བྱ་བ་ནི་ཁྱད་པར་དུ་རྫས་བཅྭ་བརྒྱད་ཀྱི་སྟེ། གསལ་བར་གྱུར་པ་ནི་གཅིག་ཉིད་མཐའ་ཡས་པའི་ཡོན་ཏན་སྟེར་བའི་ཕྱིར་རོ། །སུ་ལ་ཞེ་ན་སྒྲུབ་
པའི་དབང་པོ་ལ་སྟེ། ཡོན་ཏན་བྱེད་པ་ནི་དེ་ཉིད་ཀྱིས་བྱའི་གདོང་པའི་རྩའི་བདུད་རྩིས་ཡོན་ཏན་དེ་ཡང་དང་ཡང་དུ་གོམས་པར་བྱ་བས་སོ། །བྱིས་པ་ཞེས་བྱ་བ་ནི་ཤེད་མ་བྱེ་བ་སྟེ། བུ་མོ་གཞོན་ནུ་མའོ། །ཉི་ཤུ་ཞེས་བྱ་བ་

85-1-333b

ལོ་ཉི་ཤུའི་བར་དུའོ། །དེ་རྣམས་ཐབས་ཀྱིས་སྦྱང་བར་བྱ་ཞེས་བྱ་བ་ནི་དེ་རྣམས་ཉིད་ས་བོན་གདབ་པའི་ཞིང་དུ་གྱུར་པས་སྦྱང་བར་བྱ་བ་ཡིན་ལ། དེ་རྣམས་ཉིད་ཐབས་ཡིན་ཏེ་མངོན་པར་འདོད་པའི་དོན་ཉེ་བར་གཏོད་ཅིང་སྟེར་ལ་
འབྲས་བུ་མངོན་སུམ་དུ་བྱེད་པ་ཞེས་བྱ་བའི་བར་དུའོ། །ཕྲ་མོ་ནི་ཡིད་དུ་འོང་བ་སྟེ་ནམ་མཁའ་ལྟ་བུའི་སྤྱོད་ཡུལ་ལོ། །སྟོབས་ལྡན་གཟུང་བ་ཡི་ནི་གནས་པ་ཞེས་བྱ་བ་ལ་སྟོབས་ལྡན་ནི་ནུས་པ་ཡོད་པའོ། །གཟུང་བ་ནི་བདག་
གིར་བྱ་བའོ། །གནས་ནི་དབྱིབས་ཏེ་ཐུར་དུ་འབེབས་པ་དང་གྱེན་དུ་འཕེན་པའི་དོ་ལ་དང་ཀུར་བ་ལ་སོགས་པའོ། །རྫས་ནི་ཡོངས་སུ་སྦྱོང་ཞེས་བྱ་བ་ལ་རྫས་ནི་སྲིད་པའི་རྒྱ་མཚོའོ། །དེ་ལས་གྲུ་ལྟར་སྦྱོང་ཞིང་ཕན་འདོགས་པར་བྱེད་པས་
ན་ཡོངས་སུ་སྦྱོང་བའོ། །ཀུན་གབ་ཅེས་བྱ་བ་ནི་སྲོག་ཆགས་ནེའུ་ལེ་ལྟར་ཀུན་དུ་འཁྱུད་པ་དང་། ཕུག་རོན་ལྟར་འོ་བྱེད་ཅིང་སོས་མ་མཆུ་བཟུང་སྟེ་འཇིབ་པ་དང་སྐྲ་ནས་གཟུང་བ་དང་། སེན་མོ་འདེབས་པ་དང་ཁུ་ཚུར་སྣུན་པ་དང་། 
སོས་འདེབས་ཤིང་འདྲལ་བ་དང་མཆན་ཁུང་དང་ནུ་མ་དང་། རྐེད་པ་དང་བརླ་གཉིས་དང་མགྲིན་པ་དང་རྒྱབ་ཏུ་སེན་མོས་འདྲལ་ཞིང་སིད་ཅེས་བྱ་བའི་སྒྲ་དང་བཅས་པར་སྔགས་པས་སྔོན་དུ་བྱ་ཞིང་། གཞན་ཡང་ནུ་མ་མཉེ་བ་ལ་སོགས་
པས་དེའི་སེམས་རྣམ་པར་འདུལ་བའི་བྱ་བ་དེ་དག་སོ་སོར་བྱེད་པའི་ཚུལ་རྣམ་པ་བརྒྱད་དང་སྦྱར་རོ། །སེན་མོ་འདེབས་པ་དེ་ཡང་འཇམ་ཞིང་གཞོན་ནུ་ལ་ནི་ཀུ་ཤའི་ཚད་ཙམ་དུ་གདབ་པ་དང་དྲལ་བར་བྱས་ཏེ། རྐེད་པ་དང་རྒྱབ་དང་
བྷ་གའི་སྟེང་དང་སྐྲ་དང་འགྲམ་པ་ལ་སོགས་པ་རྣམས་སུ་འབྲས་ཀྱིས་གཟེགས་མའི་ཚད་ཙམ་གྱི་རི་མོ་ཅི་རིགས་པར་ཆགས་པ་ལྷོད་པ་རྣམས་ལ་གདབ་བོ། །དེ་ཡང་སེན་མོ་འབའ་ཞིག་ནི་མ་ཡིན་གྱི། འོ་བྱ་བ་ལ་
སོགས་པ་རྣམས་ཀྱིས་ཚིམ་པར་བྱའོ། །གང་ཞིག་ཆགས་པ་སྲ་བ་རྣམས་ལ་ནི་སོར་མོ་རིང་པོ་གསུམ་སྦྲུལ་གྱི་མགོ་ལྟར་བྱས་ལ། མོ་མཚན་གྱི་བུ་གར་བཅུག་ནས། སིད་ཅེས་བྱ་བའི་སྔགས་འབྱུང་གི་བར་དུ་བྲུད་

85-1-334a

པར་བྱས་པས་རྒན་མོ་ལ་སོགས་པ་ཚིམ་པར་བྱ་བ་ནི་རྡོ་རྗེ་སོར་མོ་ཞེས་བྱའོ། །གང་ཞིག་གཞོན་ཞིང་མཉེན་པ་རྣམས་ལ་ནི་རང་གི་མཚན་མ་དང་འོད་དང་ལྡན་པའི་བྱང་ཆུབ་ཀྱི་སེམས་འབབ་པའི་རྩར་ལྕེ་བཅུག་
སྟེ་ཟིལ་པ་ཙམ་གྱིས་དགའ་བར་བྱ་སྟེ་རྡོ་རྗེ་ལྕེའི་ཐུར་མ་ཞེས་བྱའོ། །དེ་ལྟར་སྒྲུབ་པ་པོས་ཡང་དང་ཡང་དུ་བསྒུལ་བས་སྙིང་འདར་བ་དང་དགའ་བས་མྱོས་ཤིང་སེམས་ཀྱི་རྡུལ་ཕྲ་མོའི་ཆུ་འཛག་ལ། ངོ་ཚ་ལ་སོགས་པ་དང་བྲལ་
ཏེ་བ་སྤུ་ལངས་ནས་ཤིན་དུ་ཆགས་པས་ལྟ་ཞིང་འཁྱུད་པ་ལ་གུས་པར་གྱུར་ཅིང་སིད་ཅེས་ཟེར་བ་དང་། དེ་ནས་སྐྱིལ་དཀྲུང་བཅིངས་ལ་རྡོ་རྗེ་དང་པད་མོ་མཉམ་པར་སྦྱོར་བས་དོ་ལ་དང་། ཀུར་པ་ན་དང་། སུ་ཙི་དང་ཨུད་ཀྴེ་པ་དང་སུ་པྲ་
ས་རི་དང་། གྲ་མ་ན་ག་ར་དང་། པྲེང་ཁེ་ན་དང་ཨུ་རུ་སྤོ་ཏ་ཞེས་བྱ་བ་ལ་སོགས་པ་ཇི་སྙེད་བསྟན་བཅོས་ཐམས་ཅད་ལས་འབྱུང་བའི་ཀ་ར་ན་བསྟེན་པར་བྱ་སྟེ། དེ་དག་ཀུན་ཀྱང་རྡོ་རྗེ་སེམས་དཔའི་ཕྱག་རྒྱར་བརྗོད་དོ། །དེ་དག་
གིས་རང་གི་དོན་གྱིས་དངོས་གྲུབ་རབ་ཏུ་སྒྲུབ་པས་ན་དེ་དག་ཀུན་དགའ་བ་ལས་བྱུང་བའི།  རྫས་ནི་ཡོངས་སུ་སྦྱོང་བྱེད་ཡིན་ཞེས་བྱ་བ་ཉིད་ཟ་བ་པོ་ཞེས་བྱ་སྟེ། དེ་ཡང་ཇི་སྲིད་དུ་ཡུལ་རྣམས་ཀྱི་ར་ས་ཡ་ན་ལ་སྐྱེས་བུས་དམན་
པར་སྤྱོད་ཅིང་དགའ་བའི་འཁོར་ལོར་ཞུགས་ནས་ཀྱང་། སྐྱེས་བུ་དམན་པར་སྤྱོད་པ་ནི། མི་འཕོ་ཞེས་བྱའོ། །བྱ་བ་ཀུན་གྱི་ལམ་གྱིས་ནི་ཞེས་བྱ་བ་ནི་བྱང་ཆུབ་ཀྱི་ལམ་སྟེ་ཟ་བ་པོ་ཞེས་བྱ་བ་ཕྱི་དང་ནང་གི་མིག་ལ་སོགས་པའི་
དབང་པོ་དང་། གཟུགས་ལ་སོགས་པའི་ཡུལ་ཐམས་ཅད་གཅིག་ཏུ་བསྡུས་ཤིང་རང་རང་གི་ཚུལ་དང་རང་རང་གི་ཆ་ལ་གནས་པའི་ཉེ་བའི་ལོངས་སྤྱོད་པ་ཐམས་ཅད་བསྡུས་ཏེ་ཉམས་སུ་བསྟེར་བ་ཡིན་གྱི། གཞན་དུ་སོ་སོ་
བས་ནི་ཐམས་ཅད་ལ་ཉེ་བར་ལོངས་སྤྱོད་པར་མི་འགྱུར་རོ། །ཉེ་བར་ལོངས་སྤྱོད་པ་དེ་ཉིད་ཁྲིད་པར་བྱེད་པས་ན་ལམ་མོ། །དངུལ་ཆུ་ཡི་ནི་ཤིང་ཆེན་པོ་ཞེས་བྱ་བ་ནི་ཇི་ལྟར་དཔག་བསམ་གྱི་ཤིང་འདོད་པའི་དོན་ཐམས་ཅད་

85-1-334b

སྟེར་བ་ལྟར་བྱང་ཆུབ་ཀྱི་སེམས་འདིས་ཀྱང་འབྲས་བུ་ཐམས་ཅད་སྤྱོད་ཡུལ་དུ་བྱེད་པའི་ཕྱིར་རོ། །དེས་ན་ཆུ་སྐྱེས་ཡོན་ཏན་ལྡན། །རང་སྐྱོན་འཇོམས་པའི་ཡིད་ཆེས་ཡིན། །ཞེས་བྱ་བ་ལ་གང་གིས་དོན་སྟོན་ཅིང་གསལ་བར་
བྱེད་པས་ན་ཡིད་ཆེས་ཏེ། དེ་ཁོ་ན་ཉིད་ལ་ལྟ་བར་བྱེད་པའོ། །དེ་ཡང་འདིར་ཕྱག་རྒྱའི་ཡེ་ཤེས་ཀྱི་དབང་བསྐུར་བས་དབུགས་ཕྱུང་བ་ཡིན་ལ། ཕྱག་རྒྱའི་ཡེ་ཤེས་ཀྱང་རྣམ་པ་གཉིས་ཏེ། དངོས་གྲུབ་སྣ་ཚོགས་དང་བདེ་བ་
འཇུག་པས་རིག་པ་དང་རིག་པར་བྱ་བར་གཟུང་ངོ་། །དེ་ལྟར་ན་དབང་པོ་ཀུན་ལས་སྐྱེས་པའི་ཡིད་ཆེས་པ་དེས་དཔལ་དང་ན་སོ་དང་ནད་མེད་པའི་བདེ་བ་ཕུན་སུམ་ཚོགས་པར་འགྱུར་ཏེ། དཔལ་དང་ན་སོ་དང་ཆགས་པ་དང་ལྡན་པའི་
ཟླ་བ་ལ་སོགས་པ་ལ་ཉེ་བར་སྤྱད་པས་དབང་ཕྱུག་དང་ནད་མེད་པ་དང་སྟོབས་འཕེལ་བ་དང་། སེམས་ཅན་གྱི་དོན་དུ་ཡུན་རིང་དུ་འཚོ་ཞིང་བདེ་བ་དམ་པ་དེ་ཉིད་ཀྱིས་དེ་ཁོ་ན་ཉིད་ལ་བལྟ་ཞིང་ཡིད་ཆེས་པས་ཕྱིན་ཅི་མ་ལོག་པའི་དངོས་
གྲུབ་ཏུ་འགྱུར་རོ་ཞེས་བྱ་བའི་བར་དུའོ། །རང་གི་ཞེས་བྱ་བ་ནི་རང་གི་ཁུ་བ་སྟེ། དེས་ཞི་བ་དང་རྒྱས་པ་དང་དབང་དང་དགུག་པ་ལ་སོགས་པ་ཀུན་དུ་འགྱུར་ཏེ། དེ་ཉིད་ནི་རྩི་ཞེས་བྱ་བ་ར་ས་ཡ་ནའི་གཙོ་བོར་བཤད་དོ། །ལྟོ་སྐྱེས་མ་
རྙིས་རྫས་ཀྱི་ལས་ཞེས་བྱ་བ་ལ་མ་རྙིས་པ་ནི་མ་རྒས་པ་སྟེ། འབུ་ལ་སོགས་པ་དང་བྲལ་ཞིང་མཚན་ཉིད་ལྡན་པའོ། །ལྟོ་སྐྱེས་ནི་མངལ་ནས་དང་པོ་བྱུང་བ་ཤི་བའོ། །ལས་ནི་དེའི་བྱ་བ་སྟེ་མི་སྣང་བ་ལ་སོགས་པ་དང་གཞན་
ཡང་གཟུགས་སྣ་ཚོགས་སུ་སྒྱུར་བ་དང་། རྩི་ལ་སོགས་པའི་བྱ་བ་ཐམས་ཅད་སྦྱར་བར་བྱའོ། །སྐྱེད་བྱེད་དོན་ནི་རྒས་པ་འཇོམས་ཞེས་བྱ་བ་ལ་བདག་ཉིད་ཀྱི་མཐུ་གང་གིས་སྐྱེད་བྱེད་ཀྱི་དོན་རྒ་བ་འཇོམས་པ་སྟེ། 
སྐྱེད་བྱེད་ནི་འབྱིན་པ་པོའོ། །རྫས་དེས་སྐྱེད་བྱེད་ཀྱི་དོན་ཉིད་རྒ་བ་འཇོམས་པའོ། །རྒས་པ་འཇོམས་པ་ལ་སོགས་པ་ཡང་དབང་པོས་ཨོ་ཙ་ཀའི་ནད་རྣམས་ལ་ཟླ་བ་བརྒྱད་དུ་མངལ་ན་གནས་པའི་བྱིས་པའི་རོས་བཅོམ་པ་

85-1-335a

ལ་སོགས་པ་ཡིན་ནོ། །ལྷང་ཚེར་དངུལ་ཆུ་བཅིང་བའི་མཆོག་ཅེས་བྱ་བ་ལ། མཆོག་ནི་གསལ་བ་དང་མངོན་སུམ་དུ་གྱུར་པ་ཞེས་བྱ་བའི་བར་དུའོ། །རྩི་ནི་རྫུ་འཕྲུལ་ལྡན་པའི་ཆ་ཞེས་བྱ་བ་ལ། རྫུ་འཕྲུལ་ནི་ནམ་
མཁར་འཕུར་བ་ལ་སོགས་པའོ། །ཆ་ནི་ཆ་ཤས་ཏེ་སྐྱོན་གྱི་ཚོགས་ཡིན་ལ། དེ་དང་བྲལ་བ་ལས་འགྲུབ་པའོ། །དངུལ་ཆུ་བཞི་ཞེས་བྱ་བ་ནི་བ་ར་ཏ་དང་། ཉེ་བའི་བཅུད་དང་། བཅུད་ཅན་དང་རྩིའི་དབང་པོ་རྣམས་སོ། །ལྷང་ཚེར་
བཞི་ཞེས་བྱ་བ་ནི་དཀར་པོ་དང་སེར་པོ་དང་སྔོན་པོ་དང་དམར་པོའི་བྱེ་བྲག་གིས་སོ། །དེ་རེ་རེ་ཞིང་ཡང་རྣམ་པ་བཞི་སྟེ། རྨ་བྱའི་མགྲིན་པ་དང་སྦྲུལ་དང་སྦལ་པ་དང་སྤྲིན་གྱི་བྱེ་བྲག་གིས་སོ། །དེ་ལ་རྨ་བྱའི་མགྲིན་པ་ནི་མགྲིན་པའི་
སྤུ་ལྟར་སྔོན་དམར་དུ་འདུག་པའོ། །སྔོན་པོ་ནི་བཅུད་ཆེན་པོ་སྟེ་ལྷག་པར་གཟུང་བར་བྱའོ། །སྦྲུལ་གྱི་གཟུགས་ནི་བྱེ་བྲག་ཏུ་འཕེལ་བས་སྦྲུལ་གྱི་དབྱིབས་ལྟར་གྱུར་པའོ། །སྦལ་པའི་གཟུགས་ནི་སྦལ་པའི་འགྲོས་ལྟ་
བུའོ། །སྤྲིན་གྱི་གཟུགས་ནི་ཆུ་འཛིན་གྱི་འགོས་ལྟ་བུའོ། །སྟོབས་ལྡན་སོགས་བཅུད་བྲལ་ན་ནི། །སྔོན་བཞིན་ཉེས་པ་སྣ་ཚོགས་འགྱུར་ཞེས་བྱ་བ་ལ། སྟོབས་ལྡན་ནི་མུ་ཟི་སྟེ། དེའི་སྐྱོན་ནི་ལྕི་བ་དང་སྣུམ་པ་དང་
སྲ་བ་དག་ཡིན་ཏེ། སྐྱོན་དེས་སྔ་མཁོ་བཞིན་དུ་འགྱུར་བའོ། །ནག་པ་དང་གཡོ་བ་དང་ལྕི་བ་ནི་ལྷང་ཚེར་དང་རྩིའི་སྐྱོན་ནོ། །རྡོ་དང་རླན་དང་ལྕི་བ་དང་སྲོག་ཆགས་ཀྱིས་ཟོས་པ་ལྟ་བུ་དང་རྟུལ་བ་ནི་རྣོན་པོའི་སྐྱོན་ཏེ་སྐྱོན་ལྔ་པོ་དེས་
སྔ་མ་བཞིན་ནོ། །རྡོ་དང་བཅུས་པ་ཡང་མུ་ཟིའི་སྐྱོན་ནོ། །བབ་བླ་ཡི་ནི་སེར་སྐྱའོ། །མུ་ཏིག་གི་ཡང་སེར་སྐྱ་སྟེ། སྙིང་པོ་མེད་པའོ། །བྱི་རུའི་ནི་སྣུམ་བག་མེད་པའོ། །ཁར་བའི་ནི་གསེར་རྡོའོ། །མུ་མེན་གྱི་ནི་གསེར་མེད་པའོ། །
ནོར་བུའི་ནི་ཕུག་པའོ། །གསེར་གྱི་ནི་བཙོས་མའི་ལྷད་དོ། །དངུལ་གྱི་ནི་འགས་པ་དང་སྲ་བ་ལ་སོགས་པའོ། །ཞ་ཉེའི་ནི་ཡན་ལག་ལ་གནོད་པའོ། །སྦྲུལ་རིང་འཁར་བའི་གཡུ་དང་བྱེ་མ་ལ་སོགས་པ་ནི་སྐྱ་བོའོ། །སྐྱོན་དེ་དག་

85-1-335b

ཐམས་ཅད་ཀྱིས་ཀྱང་སྔ་མ་བཞིན་ཏེ་རིན་པོ་ཆེའི་ཆོ་གའོ། །མ་ལུས་པ་ཞེས་བྱ་བ་ནི་གཞན་སྲོག་ཆགས་དང་རྩ་བ་ལ་སོགས་པ་ཡང་སྟེ། སྭ་སྟིའི་མདབ་མའི་ཡང་སེར་སྐྱའོ། །ཁ་ད་སིའི་རླིག་པའི་ཡང་བཅོས་མ་དང་སེར་སྐྱའོ། །
སྨན་སེན་མོའི་ནི་ཕག་པའི་རྣ་བ་ལྟ་བུའོ། །རི་དགས་ཀྱི་སྐྱོན་ཆེན་པོ་ནི་ཉ་དང་ཐལ་སྨན་ལ་སོགས་པའི་དྲི་ལྟ་བུ་དང་། བསྲེགས་ན་མྱུར་དུ་ཐལ་བར་འགྱུར་བ་སྟེ་སྤང་བར་བྱའོ། །རྒྱ་མཚོའི་སྡིག་པའི་ཡང་ཅུང་ཟད་སེར་ཞིང་སྐྱ་བ་
སྟེ། ལས་ཐམས་ཅད་ལ་སྤང་བར་བྱའོ། །རོ་ཉེའི་ནི་སྦྲུལ་ལྟར་རིང་བའོ། ། ཡུང་བའི་ནི་མདོག་མེད་པ་དང་སྐྱ་བོ་དང་ཕྲ་བའོ། །ཤུ་དག་གི་ནི་ལྗང་གུར་སྒྲུབ་པ་པོས་ཤེས་པར་བྱའོ། །རུརྟའི་ནི་ཅག་ན་རྒྱ་མཚོའི་དབུ་བ་ལྟ་བུའོ། །
ཀ་ཀོ་ལའི་ནི་སྦལ་པའི་གཟུགས་ལྟར་མི་མཉམ་ལ་སྦུན་པ་ལྟར་ཡང་བའོ། །ཛཱ་ཏི་ཕ་ལའི་སྐྱོན་ནི་སྐྱ་བ་དང་སྣུམ་མེད་པ་དང་སྒྲ་ཆུང་བའོ། །སུག་སྨེལ་དང་འབྲས་བུ་གསུམ་གྱི་སྐྱོན་ནི་སྦུན་པ་ལྟར་ཡང་བ་སྟེ། ཉེས་པ་གསུམ་
སྐྱེད་པར་བྱེད་དོ། །རེའུ་ནུ་ཀའི་ནི་ན་ལེ་ཤམ་ལྟར་ཆུའི་སྟེང་ན་འཕྱོ་བའོ། །པྲི་ཡང་ཀུའི་ནི་ལྗང་གུ་སྟེ་འགལ་ལོ། །གུར་གུམ་གྱི་ནི་བློ་དང་ལྡན་པས་ཕྲ་བ་དང་སེང་ལྡེང་ལྟ་བུ་དང་། གེ་སར་ཆུང་བ་དང་ཅུང་ཟད་སེར་བ་དང་མར་ནག་
ལྟར་མདོག་མེད་པའོ། །རོ་ཉེའི་ནི་སྦྲུལ་ལྟར་རིང་བའིའོ། །ཨུ་ཤི་རའི་སྐྱོན་ནི་འོད་ལྗང་གུར་འདུག་པ་དང་། ཐུང་བ་སྟེ་རྟག་ཏུ་སྤང་བར་བྱའོ། །ཀེ་བར་ཏོའི་གླ་སྒང་གི་ནི་ཆུ་རྙོག་པ་ཅན་ལས་སྐྱེས་པ་དང་ཟི་མའི་ནང་ནས་སྐྱེས་
པ་སྟེ་སྤང་བར་བྱའོ། །གླ་སྒང་གི་ནི་རླན་ཅན་ལས་སྐྱེས་པའོ། །ཚ་ཏྲ་ཀྲའི་ནི་ཁ་དོག་ལྗང་གུའོ། །སེ་ཧ་ལིའི་ནི་རྩ་བ་མེད་པའོ། །ཀུ་སུ་མའི་ཕྲ་བའོ། །ཅམ་པ་ཀའི་ནི་ཁ་ཆེར་བྱེ་བར་ཤེས་པར་བྱའོ། །ཀེ་ཏ་ཀིའི་ནི་བུ་
མང་བའོ། །ཉོན་ཅིག་ལྷ་མོ་སྐལ་ཆེན་མ། །རྩི་དང་རྫས་རྣམས་སྐྱེ་བའི་ཡུལ། །རི་ཁ་བ་ཅན་གྱི་རྩེ་མོ་དང་། རི་བོ་དབང་ཆེན་དང་། འབིགས་བྱེད་ཀྱི་བྲག་ལས་བྱུང་བ་དང་། གཞན་ཡང་གནས་ཀྱི་ཚང་ཚིང་གང་ནས་མིག་སྨན་

85-1-336a

ལྟ་བུའི་ཆུ་རྒྱུན་དུ་འབབ་པའི་བྲག་ལས་སྐྱེས་པ་སྟེ། གང་དག་གིས་རྩི་བྱིན་གྱིས་རློབ་པའི་གནས་ཀྱང་བཤད་པར་བྱའོ། །བུང་བའི་ཚོགས་ཀྱིས་ནམ་མཁའི་ངོས་སུ་བརྒྱན་པ་དང་། །རླུང་ཚོགས་མི་རྒྱུ་དེ་ཉིད་རླུང་
སྐྱེས་ཁ་བ་འབབ། །སྣ་ཚོགས་ཤིང་བུ་གེལ་བའི་དྲི་ཡིས་བསྒོས་པ་དང་། །མཁའ་ལ་ལྷ་ཚོགས་སངས་རྒྱས་སྒྲ་ཡིས་གསལ་བྱེད་པ། །སྣ་ཚོགས་དྲི་ཞིམ་དྲི་ཡིས་རོལ་བའི་ཡིད་དུ་འོང་། །སྣ་ཚོགས་ཤིང་གི་འབྲས་བུ་
བྲུལ་བས་ས་གཞི་བརྒྱན། །དེ་ལྟའི་རི་ཤོང་ཆུ་འབབ་བ། །བཅུད་ནི་སྐྱེ་བའི་གནས་སུ་བཤད། །དེ་ལ་བྲག་དཀར་པོ་ལས་ནི་ཤེལ་དང་ཆུ་ཤེལ་ལ་སོགས་པའི་ནོར་བུ་སྐྱེ་བར་འགྱུར་རོ། །བྲག་སེར་པོ་ཆུ་སེར་པོ་འབབ་པ་ལས་
ནི་བྱི་རུ་དང་བཙག་དང་བརྒྱ་བྱིན་གྱི་གཞུ་ལྟ་བུའི་ནོར་བུ་དང་ནོར་བུ་ཛྣི་བ་ནི་རི་དམར་པོ་དག་ལས་སྐྱེ་བར་འགྱུར་རོ། །རིའི་ལྗོངས་གང་ལྗོང་སྔོན་དུ་འདུག་ཅིང་དྲོ་བ་དང་བཅས་ལ་རླངས་པ་དུ་བ་ལྟ་བུ་ཡོད་ཅིང་ས་རྡོ་གནག་པ་ལས་ནི་
གསེར་རྡོ་དང་།   ཁར་བ་དང་གཞན་དག་དང་ལྕགས་ཁབ་ལེན་གྱི་རིགས་རྣམ་པ་བཞི་སྐྱེ་བར་འགྱུར་རོ། །བྲག་ལྗང་སྔོན་ལས་ནི་བྱེ་མ་ལ་སོགས་པ་རྣམས་དང་མུ་མེན་དང་ནོར་བུ་སྟམ་པ་ལ་སོགས་པ་སྣ་ཚོགས་དག་སྐྱེ་བར་
འགྱུར་རོ། །བྲག་ཁ་དོག་སྔོན་དམར་སྣ་ཚོགས་སུ་འདུག་པ་ལས་ནི་ལྡོང་རོས་དང་བབ་བླ་དང་མུ་ཟི་ལ་སོགས་པ་སྐྱེ་བར་འགྱུར་རོ། །བྲག་སུམ་ཞིང་སྲོག་ཆགས་དང་བཅས་པ་ལས་ནི་ཚལ་ལ་སོགས་པ་ཐལ་སྨན་རྣམས་
སྐྱེ་བར་འགྱུར་རོ། །དེ་དག་བླང་བ་ཡང་དང་པོ་གཏོར་མ་བྱིན་ལ་སྐུ་བའི་སྣོད་དུ་བླང་བར་བྱའོ། །དངུལ་ཆུ་གང་རྡོ་ལས་གཅི་རློན་གྱི་སྦྱོར་བས་བསྒྲུབས་པ་དེ་ནི་མཆོག་གོ། །རིག་པ་དེ་དག་ལྷ་མོ་ཆེ། །སྦྱོར་བ་ཀུན་གྱི་དམ་པ་ཡིན། །
ཚངས་པ་བརྒྱ་བྱིན་སོགས་འགྲུབ་མ། །གཞན་དག་ལ་ལྟ་སྨོས་ཅི་དགོས། །འདས་པའི་དུས་ན་སྔོན་བྱུང་བ། །བསྐལ་པ་དང་པོ་བདེ་བ་ཆེ། །དེར་ནི་རྡོ་རྗེ་སེམས་དཔའ་ཆེ། །ལྷག་པ་ཡི་ནི་ལྷ་གཅིག་བཞུགས། །ལྷ་མིན་

85-1-336b

གྲུབ་པ་སོགས་མཐོང་སྟེ། །ལྷ་ཡི་ཚོགས་ནི་སྐྲག་གྱུར་ནས། །སངས་རྒྱས་ཐམས་ཅད་འདུས་ནས་ནི། །མྱུར་དུ་ང་ལ་བསྐུལ་བར་བྱེད། །ཐིག་ལེར་ཞུ་ལས་ལྷ་མོ་ཆེ། །བདུད་ཀྱིས་ཀུན་དུ་གཏོར་བ་ནི། །ཐམས་ཅད་རྨོངས་པར་བྱེད་
པ་ཡི། །དངུལ་ཆུ་ཞེས་ནི་བྱ་བར་གྲགས། །ཆུ་གཏིང་ལས་བྱུང་དམན་པ་སྟེ། །དེ་བཞིན་རི་ལས་སྐྱེས་པ་མཆོག །ད་ནི་དྲི་ཡི་སྦྱོར་བ་དག །སླར་ཡང་བཤད་ཀྱིས་ལྷ་མོ་ཉོན། །དཀར་པོ་དང་ནི་དམར་པོ་དང་། །ཁྱད་པར་དུ་ནི་སེར་པོ་སྟེ། །
དེ་རྣམས་དབྱེ་བ་བཤད་པར་བྱ། །མཆོག་དང་དམན་དང་བར་མ་ཡིན། །ཀེ་ཏ་ཀེ་ལྟར་དྲི་ཞིམ་ཞིང་། །ཡང་ལ་སྣུམ་བ་གླ་རྩིའི་མཆོག །ཁ་ད་སི་ནི་སྐམ་སྐྱེས་པའི། །རླིག་པ་ཤ་ཆེན་ཟླུམ་པོ་ཤིས། །སྡིག་པ་སྔོ་ཞིང་སྣུམ་པ་དང་། །
རྒྱ་མཚོ་ལས་ནི་བྱུང་བ་བཟང་། །སེན་མོ་རྟ་ཡི་རྨིག་འདྲ་དང་། །གླང་པོ་ཆེ་ཡི་རྣ་ལྟ་བུ། །བ་ད་རི་སི་ཨུད་པལ་དང་། །མདབ་མ་ལྟ་བུ་རྣམ་པ་བཞི། །གཉིས་གཉིས་ཤིང་ནི་བདུག་པར་སྦྱར། །ཨ་ཀ་རུ་ནི་ལྕི་བ་དང་། །སྣུམ་ཞིང་བྱ་རོག་མཆུ་
འདྲ་ཤིས། །གཅའ་བ་སོར་མོའི་དབྱིབ་འདྲ་ཞིང་། །དྲི་མ་མེད་པ་ཤིན་དུ་བསྔགས། །མུ་ར་སེར་པོ་མཆོག་ཡིན་ཏེ། །སྐྱ་བོ་དག་ནི་དམན་ཤེས་བྱ། །ཤུ་དག་སྦོམ་ཞིང་ཕྱི་རོལ་སེར། །ནང་ན་དཀར་པོ་ཡོད་པ་བཟང་། །ནང་དབང་ཤ་བའི་ར་འདྲ་བར། །
མཛེས་པ་ཡོན་ཏན་ལྡན་པ་ཡིན། །ཡུང་བ་ཀུ་ད་ཙ་ལྟར་སེར། །སྦོམ་ཞིང་ཚིགས་ནི་ཆེ་བ་དང་། །བཅག་ན་མིག་སྨེན་མདོག་འདྲ་བ། །རྩི་ཡིས་ལས་ལ་དགེ་བ་ཡིན། །ཅུང་ཟད་མདོག་ནི་སྔོ་བ་དང་། །བཅག་ན་ས་ཧ་ར་ཡི་དྲི། །ཡུང་བ་དེ་ནི་མེར་
ནག་དང་། །རྩི་ཡི་ལས་ལ་དམན་པར་བཤད། །ར་ན་སྲན་མ་མངྒ་ལྟར། །སྔོ་བ་མཆོག་ནི་ཡིན་པར་བཤད། །པྲི་ཡང་ཀུ་ནི་ནགས་སྐྱེས་ཤིང་། །ས་ཧ་དེ་བའི་མདབ་འདྲ་མཆོག །གུར་གུམ་ཀུ་སུམ་དམར་འདྲ་ཞིང་། །སྣུམ་ལ་གེ་སར་སྲབ་པ་
མཆོག །གེ་སར་སྦོམ་ཞིང་སེར་བ་དང་། །སྦྲང་རྩིའི་དྲི་ལྡན་འབྲིང་པོ་ཡིན། །ཛཱ་ཧི་ཕ་ལ་སྒྲ་ཆེ་ཞིང་། །ལྕི་ལ་སྣུམ་པ་ཤིན་དུ་གཅེས། །ཀཀྐོ་ལ་ནི་སྙོམས་པ་དང་། །ལྕི་ཞིང་སྒྲ་མེད་བཟང་བ་ཡིན། །ཨུ་ས་ར་ནི་དཀར་བ་དང་། །

85-1-337a

རིང་ཞིང་སྲ་བ་དེ་བཞིན་བསྔགས། །ཀེ་བར་ཏི་མུད་གླ་སྒང་ནི། །ཆུ་བོའི་འགྲམ་དང་མཚོ་འགྲམ་དང་། །དྲི་མ་མེད་པའི་ཆུ་ལ་སྐྱེས། །ཟི་མ་འདབ་བུ་ལ་སོགས་བྲལ། །ཤིན་དུ་དྲི་ཞིམ་ཡིད་འོང་མཆོག །ཚ་ཏི་
བ་ནི་གི་ཝང་གི། །མདོག་ལྟར་འཚོད་པ་བསྔགས་པ་ཡིན། །གླ་སྒང་སྐམ་སྐྱེས་མཁྲེགས་པ་བཟང་། །རླན་སྙོམས་ཡུལ་ནས་སྐྱེས་པ་འབྲིང་། །ཨ་རུ་ར་ནི་འབིགས་བྱེད་ཀྱི། །ནགས་དང་རི་བོ་དབང་ཆེན་སྐྱེས། །ནར་མ་ད་ཡི་
ཆུ་སྐྱེས་མཆོག །གཞན་དག་དམན་དང་འབྲིང་པོ་ཡིན། །སྨྱུང་པོ་དང་ནི་འཇིགས་མེད་དང་། །འཚོ་དང་དེ་བཞིན་བདུད་རྩི་སྟེ། །གཙང་མ་དང་ནི་འཕེལ་བ་དང་། །རྣམ་པར་རྒྱལ་བ་བདུན་དུ་བརྗོད། །རི་མོ་གསུམ་པོ་སྨྱུང་པོ་
སྟེ། །འཇིགས་བྱེད་རི་མོ་ལྔ་པ་ཡིན། །འཚོ་བ་གསེར་མདོག་ཤེས་པར་བྱ། །བདུད་རྩི་ཤ་ཆེན་ཞེས་བྱ་སྟེ། །དེ་བཞིན་གཙང་མ་ཤ་མེད་ཡིན། །སེར་སྐྱ་འཕེལ་བ་ཞེས་བྱ་སྟེ། །ཀུ་བ་ལྟ་བུ་རྣམ་པར་རྒྱལ། །དྲི་ལ་སྨྱུང་པོ་སྦྱར་
བྱ་སྟེ། །བཅུད་ཀྱིས་ལེན་པ་བདུད་རྩི་བསྔགས། །འཇིགས་མེད་རྣམ་པར་རྒྱལ་བ་འབྲིང་། །ལྷག་མ་རྣམས་ནི་དོན་མེད་དོ། །སྐྱུ་རུ་ར་ནི་ཤ་ཆེ་ཞིང་། །རུས་པ་ཆུང་ལ་རོ་དང་ལྡན། །རྡོ་བ་ཅན་གྱི་རི་ལས་སྐྱེས། །ཤིན་དུ་སྨིན་པ་མཆོག་
ཏུ་བཤད། །བ་རུ་ར་ནི་ཐ་མལ་པའི། །རི་ལས་སྐྱེས་པའམ་གཞན་ཡང་རུང་། །ཨ་རུ་སྐང་ནི་སྣུམ་ཞིང་སྔོ། །ལྕི་ཞིང་མར་དང་བཅས་པ་བཟང་། །ད་ནི་དེ་དག་རེ་རེ་ཞིང་། །གཟུང་བར་བྱ་བ་བཤད་ཀྱིས་ཉོན། །རྫས་ནི་དུས་བཞིན་
སྐྱེས་པ་དང་། །བཅུད་དང་བཅས་པ་གཟུང་བྱ་སྟེ། །འཐུན་པས་ཕན་པ་ཉིད་འགྱུར་གྱི། །བཟློག་པས་གནོད་པ་ཉིད་དུ་འགྱུར། །ད་ནི་ཚིམ་པར་བྱ་བ་ཡི། །ཆོ་ག་བཤད་ཀྱིས་ལྷ་མོ་ཉོན། །མ་དྷི་དང་ནི་པེཥྠི་དང་། །དེ་བཞིན་གོ་
དྷི་ཛ་ཀ་ལ། །དེ་དག་འབྲུ་དང་བཅོས་པའི་ཆང་། །རོ་ཡི་བྱེ་བྲག་སྣ་ཚོགས་དེ། །རིམ་པ་དེ་དག་བརྗོད་པ་ཡིན། །མ་དྷི་རྣམ་པ་ལྔར་བཤད་དེ། །པེཥྠི་རྣམ་པ་བརྒྱད་དུ་བརྗོད། །གོ་དི་རྣམ་པ་བདུན་ཡིན་ཏེ། །དེ་བཞིན་ཛ་ག་ལ་

85-1-337b

ནི་གསུམ། །བཙོ་དང་སྦྱོར་བའི་ཆོ་ག་དག །ད་ནི་རབ་ཏུ་བཤད་ཀྱིས་ཉོན། །སྦྲང་རྩི་ལས་བྱུང་དང་པོ་སྟེ། །ཁརྫ་རི་ཡི་གཉིས་པ་ཡིན། །རྒུན་འབྲུམ་ལས་བྱུང་གསུམ་པ་སྟེ། །བཅུད་ཚོགས་ལས་བྱུང་བཞི་པ་ཡིན། །
ལྔ་པ་དབང་ཆེན་ཞེས་བྱ་སྟེ། །ཐམས་ཅད་ཀྱི་ནི་གཙོ་བོར་བརྗོད། །རབ་ཏུ་གདང་དང་སེར་སྐྱ་དང་། །མྱོས་པར་བྱེད་པ་ཐམས་ཅད་འབྱུང་། །ལོ་དི་ལས་བྱུང་མདོག་བཟང་དང་། །མཆོག་ཏུ་གསེར་དང་ཛི་བོ་དང་། །ཞི་བ་དང་ནི་
རྣམ་པ་བརྒྱད། །དེ་བརྒྱད་པེཥྠི་ལས་བྱུང་བ། །མདོར་བསྡུས་ནས་ནི་བརྗོད་པ་ཡིན། །ཨུ་ཀྵ་ལས་བྱུང་དང་པོ་སྟེ། །སི་ཏུ་ཡི་ནི་གཉིས་པ་ཡིན། །གསུམ་པ་བུ་རམ་གཉིས་ལས་བྱུང་། །བཞི་པ་སྐྱ་བོ་ཞེས་བྱ་སྟེ། །
སྣ་ཚོགས་དང་ནི་དེ་བཞིན་གཞན། །མི་འཇིགས་ཞེས་བྱ་དང་ནི་བདུན། །འབྲས་བུ་ཡི་ནི་ཁུ་བ་དང་། །མེ་ཏོག་དང་ནི་དེ་བཞིན་གཞན། །ཉ་བུ་ཅན་གྱི་འབྲས་བུ་དང་། །ཙ་ཀྲ་ཨང་ཀ་བཟུང་ནས་ནི། །ན་ལེ་ཤམ་ནི་དྲུག་
བཅུ་བཞི། །སྐྱུ་རུ་ར་ཁུ་སྲང་བཅུ་དང་། །པོ་སོན་ཆ་ནི་སྲང་ཕྱེད་བཅས། །ཆུ་བྲེ་གང་དུ་མཉེས་ནས་ནི། །ཉི་མའི་འོད་ལ་བཙོ་བར་བྱ། །ས་ཧར་ད་དྲིའི་མེ་ཏོག་དང་། །འུ་སུ་ཤ་ཏ་པུས་པ་དང་། །མ་ལ་ཡ་དང་ཨུ་ཤི་ར། །
རི་ལས་སྐྱེས་པའི་གཞོན་ནུ་མ། །ཛཱ་ཏི་ཤིང་ཚ་སོ་པན་ཙ། །དེ་དག་སོ་སོར་ཞོ་གཉིས་གཉིས། །བུར་ཤིང་ཁུ་བ་སྲང་བརྒྱད་དང་། །ཆུ་ནི་ད་ཡི་བཞི་འགྱུར་བཅས། །སྔོན་པོ་ཀཎྜ་ཀ་རི་དང་། །རྒྱ་སྤོས་སུག་སྤེལ་ཏ་མ་ལ། །
བཙོད་དང་ནཱ་ག་གེ་སར་དང་། །ཨུ་ཤི་ར་དང་ན་ལེ་ཤམ། །གླང་པོ་ཆེ་ཡི་པི་པི་ལིང་། །བུ་རམ་སྲང་ནི་གཅིག་དང་བཅས། །ཆུ་ནི་སྲང་བདུན་ནང་དུ་བླུགས། །རྒྱ་སྤོས་བྲག་ཞུན་ཏ་མ་ལ། །རྒྱ་སྤོས་རུ་ཏ་ཆ་རེ་བྱ། །འབྲུ་ཆང་
བྲེ་གང་ནང་དུ་ནི། །ཐམས་ཅད་བཅོས་ཏེ་ཉིན་བདུན་དུ། །ཉི་མའི་འོད་ལ་བཙོ་བར་བྱ། །དེ་ནས་སྦྲང་རྩི་དེ་མཉམ་དང་། །འཛམ་བུའི་ཤིང་ནི་ཆ་བརྒྱད་བཅས། །སླར་ཡང་སྔ་མ་བཞིན་དུ་ནི། །ཉི་མ་ལ་ནི་བཙོ་བྱས་ཏེ། །

85-1-338a

སྦྲང་རྩི་ཙམ་ཞིག་ལུས་པ་དང་། །བདུག་སྤོས་ཀྱིས་ནི་བདུག་པར་བྱ། །དེ་ནས་ཟླ་བ་གཅིག་ཏུ་ནི། །འབྲས་ཀྱི་སོ་བའི་ནང་དུ་གཞུག །དེ་ནས་ས་ཡི་འོག་ཏུ་ནི། །ཟླ་བ་གཅིག་དང་ཉིན་བཞི་གཞག །ཐོག་མ་ཐ་མ་
མཉམ་པ་སྟེ། །བར་མ་བཞི་འགྱུར་དུ་ནི་བླུགས། །དུ་ཧི་ག་བུར་གླ་རྩིས་བདུག །དེ་ནི་སྒེག་མོ་ཞེས་བྱ་ཡིན། །ད་ཏྲིའི་མེ་ཏོག་སྲང་ཕྱེད་དང་། །ཆང་དང་མཉམ་པའི་བུ་རམ་དང་། །ལྷག་མའི་ཆ་ནི་རྫོགས་ནས་སུ། །ཕྱི་ནས་གཅིག་
ཏུ་བསྲེ་བར་བྱ། །ཆང་གི་བཅུ་དྲུག་ཆ་དང་ནི། །ད་ཏྲིའི་མེ་ཏོག་ཇི་སྙེད་པ། །དྲི་ཞིམ་གྱི་ནི་སྐྱོ་མ་དང་། །དེ་རྣམས་ཐམས་ཅད་གཅིག་ཏུ་སྤྱོ། །ཟླ་བ་རེ་རེ་སྤེལ་བྱ་སྟེ། །དེ་ཡི་ནང་དུ་སྒེག་མོ་བླུགས། །དང་པོར་མཉམ་པོར་བླུགས་བྱ་སྟེ། །
ཟླ་བ་གཉིས་ལ་ཉིས་འགྱུར་བྱ། །དེ་ལྟར་གསུམ་བཞི་ལྔ་དྲུག་བདུན། །ལ་སོགས་ལོ་གཅིག་བར་དུ་སྤེལ། །དེ་ནས་ཟླ་བ་དྲུག་ཏུ་ནི། །ཁ་བཅད་ནས་ནི་སྦ་བར་བྱ། །བུ་རམ་ཁུ་བས་སྤེལ་བྱ་སྟེ། །རབ་ཏུ་མྱོས་བྱེད་གསོ་བར་
བཤད། །ཆུ་ཤིང་སྨིན་པ་རྡོག་མ་བརྒྱད། །དེ་བཞིན་སྒེག་མོ་སྲང་བརྒྱད་དང་། །ཕུར་མོའི་ཕྱེ་མ་སྲང་གཅིག་དང་། །འོད་མའི་ནང་དུ་བླུགས་ནས་སུ། །འབྲུ་ཡི་ནང་དུ་ཟླ་ཕྱེད་གཞག །ཆགས་ཅན་མཆོག་ཅེས་བཤད་པ་ཡིན། །འབྲས་
བུ་གསུམ་དང་ཤ་ཤི་དང་། །ཨཱ་ཀ་རུ་དང་ཨརྫུ་ན། །ཛཱ་ཏི་མེ་ཏོག་བཅས་པའི་རྫས། །ཕྱེ་མ་སྲང་གཅིག་བཟུང་ནས་སུ། །སླར་ཡང་སྒེག་མོ་སྲང་བརྒྱད་བཅས། །ཉི་མ་བདུན་དུ་གཞག་པར་བྱ། །མེ་ཏོག་མྱོས་བྱེད་ཞེས་བྱ་ཡིན། །
རྒུན་འབྲུྃ་ཀ་ཏྃ་ཤིང་དབང་ཕྱུག །ཁརྫ་རི་ཡི་ཁུ་བ་དང་། །སྤ་ཡི་རྩ་བ་རྣམ་པ་གཉིས། །པ་ཏ་མེ་ཏོག་ལ་སོགས་བཅས། །རྣམ་པ་བརྒྱད་ནི་སྦྱར་བར་བྱ། །ཕབས་ནི་བཅོས་པའི་ཆོ་ག་ཡིན། །པེཥྠི་ལས་བྱུང་མྱོས་བྱེད་དེ། །ཟན་
ལས་བྱུང་བ་ཆུ་ཅན་མཆོག །རྩུ་ཏ་ལ་སོགས་ཤུན་པ་ལས། །བྱུང་བ་ཆང་ཞེས་བྱ་བ་ཡིན། །ཛ་ག་ལ་ནི་འབྲུ་ཆང་བརྗོད། །རྒུན་འབྲུམ་སྦྲང་རྩི་དཔའ་བོ་གཅིག །སྐྱུར་པོ་གཡོན་ཅན་ཟན་མོ་ཡིན། །ཙིན་ཙ་རྩ་བ་ལས་བྱུང་

85-1-338b

གང་། །ཉ་ཕྱིས་ཅན་ཞེས་བྱ་བར་གྲགས། །མེ་ཏོག་གིས་བསྒོམ་རབ་མྱོས་ཡིན། །དྲི་ཞིམ་དང་བཅས་སྒེག་མོར་བཤད། །ཁ་ཟས་མི་ལེན་རིད་པ་དང་། །མཁྲིས་པ་ཅན་ལ་ཛ་གལ་ཕན། །བད་ཀན་ཅན་ལ་ཟན་ཆང་ཕན། །
གཉི་ག་ལ་ནི་ཛི་བོ་བསྔགས། །སྦྱོར་བས་བཅུད་ལེན་རོ་ཡི་མཆོག །ཙཀ་ཀྲ་ཨང་ཀ་སྦྲང་རྩི་དང་། །རུ་རྟ་དང་ནི་གླ་སྒང་གི། ཁུ་བ་དང་ནི་ཙུ་ཏ་དང་། །ཀུམ་པ་ལ་སོགས་གཞན་དག་ཀྱང་། །ཆང་གི་ཕབས་སུ་སྦྱར་བར་བྱ། །
ཆང་དང་ཕབས་ཀྱི་ཆོ་གའོ། །གླ་སྒང་དང་ནི་ཀུ་ཙ་དང་། །ཡུང་བ་དང་ནི་སྒོག་སྐྱ་རྣམས། །སིངས་པོའི་ནང་དུ་ཞག་གསུམ་སྦང་། །དེ་ནས་ལོ་མ་ལྔ་པ་ཡི། །ཁུ་བའི་ནང་དུ་བསྐོལ་བར་བྱ། །འབྲས་ཕྱེ་དང་ནི་བུ་རམ་བཅས། །ཤིང་ཁྲུའི་
ཁུ་བ་ར་གཅིན་གྱིས། །བཀྲུས་ན་དག་པར་འགྱུར་བ་ཡིན། །ཤོ་བན་ཛ་དང་ར་གཅིག་ཏུ། །གླ་རྩི་དག་ནི་སྦང་བྱས་ན། །དེ་ཡིས་དྲི་དང་འབྲལ་མི་འགྱུར། །ཁ་ད་སི་ཡི་རླིག་པ་ནི། །དང་པོ་ཐལ་བས་སྤུ་ཕྱི་ལ། །དེ་ནས་ལོ་མ་ལྔ་པ་ཡི། །
ཁུ་བར་ཁྭ་ཚོས་བྱས་ནས་ནི། །སླར་ཡང་ཤིང་ཁྲུའི་ཁུ་བ་དང་། །ར་ཡི་གཅིན་དུ་སྦངས་ནས་ནི། །ཀེ་ཏ་ཀི་ཡི་ནང་བཅུག་ལ། །སོ་པན་ཙ་ཡི་རྩ་བར་གཞུག །དེ་ནི་ཁ་ད་སི་རླིག་སྦྱང་། །ཤུ་དག་དང་ནི་ཡུང་བ་གཉིས། །ཡུངས་
མར་རྡོ་རྗེའི་འོ་མ་དང་། །སིངས་པོ་ཆ་མཉམ་ནང་བསྐོལ་བས། །དག་འགྱུར་འདིར་ནི་ཐེ་ཚོམ་མེད། །ཨེ་རན་ད་ཡི་ཁུ་བ་དང་། །བྲག་ཞུན་གྱི་ནི་ཆུར་བཅས་པས། །སེ་ཧལ་ལེ་ནི་བཀྲུས་ནས་སུ། །འདབ་མར་བཏུམས་ཏེ་ལྕི་
བས་བྱུག །ས་ཡི་འོག་ཏུ་སྦས་པས་འདག །ཀུ་སུ་མ་དང་འབྲས་བུ་རྣམས། །དང་པོ་ཏ་ཀྲར་སྦངས་ནས་ནི། །བཀྲུས་ནས་ཤི་རི་ཕ་ལ་ཡི། །ནང་དུ་བཅུག་ནས་བསྲོས་པས་འདག །མུ་ཟི་མར་ཁུས་དག་འགྱུར་ཏེ། །
བབ་བླ་བ་ལང་ཤ་ཡིས་འདག །བྱ་གྲི་བ་ལང་ལྕི་བས་སྦྱར། །ལྡོང་རོས་དང་སྐྱུར་གྱིས་ནི་འདག །གུར་ཀུམ་མར་གྱིས་འདག་པར་འགྱུར། །གཅའ་བ་གླང་གི་གཅིན་གྱིས་ཏེ། །ཨ་ཀ་རུ་ནི་ཁྲག་གིས་སྦྱང་། །

85-1-339a

སི་ཧླ་བུ་མོའི་ཁྲག་གིས་འདག །དེ་ནས་བཅོམ་ལྡན་འདས་ལ་ལྷ་མོས་མཆོད་ཅིང་ཕྱག་བྱས་ཏེ་འདི་སྐད་ཅེས་གསོལ་ཏོ། །བཅུད་ཀྱིས་ལེན་ནི་རབ་སྦྱོར་བ། །གནས་ནི་གང་དུ་བརྩམ་པར་བགྱི། །སྡེ་ཚན་རྣམས་ནི་
སྔར་བཤད་པའི། །འབྲེལ་པ་དག་ནི་ཇི་ལྟར་ལགས། །སྦྱོར་བའི་རིམ་པ་ཁྱོད་བཤད་པའི། །དགོས་པ་དག་ནི་ཅི་ཞིག་ལགས། །མར་ནག་བཙོ་བ་ཆོ་ག་དང་། །ཡུལ་དང་འབྲེལ་པའི་ཏིང་ངེ་འཛིན། །ཁམས་ནི་བཅྭ་བརྒྱད་
བསྟན་པ་ཡི། །ཕན་ཚུན་བསྡུས་པ་ཇི་ལྟ་བུ། །འཁྲུལ་འཁོར་བྱེ་བྲག་བཤད་པ་དག །ཕྱི་དང་ནང་ནི་ཇི་ལྟར་ལགས། །ནད་རྣམས་སྣ་ཚོགས་བྱུང་བ་དག །ཇི་ལྟར་སྨིན་པས་འབྲས་བུར་འགྱུར། །སྦོམ་པོའི་བྱེ་བྲག་
དུ་ཞིག་མཆིས། །ཕྲ་མོ་ཡི་ནི་ཁྱད་པར་ཅི། །རྫས་དང་བཅུད་ལེན་མི་འཚལ་ཏེ། །ཁྱོད་ཀྱིས་སྦྱོར་བ་གང་བཤད་པའི། །དུས་ཀྱི་ཁྱད་པར་ཇི་ལྟ་བུ། །དེ་རྣམས་བདག་ནི་ཐེ་ཚོམ་སྐྱེས། །བདེ་བ་ཆེན་པོས་བཤད་དུ་གསོལ། །བཀའ་སྩལ་
པ། སྒྱུ་མ་ཀུན་གྱིས་རྣམ་རོལ་པ། །ཉོན་ཅིག་ལྷ་མོ་སྒྱུ་མ་ཆེ། །སྦྲང་རྩི་ལྟ་བུར་བཅུད་བསྡུས་པ། །རྒྱུད་རྣམས་ཀུན་དུ་གསང་བ་ཡིན། །གནས་སོགས་ཇི་བཞིན་མཆོད་ནས་སུ། །བདེ་མཆོག་སྔགས་ཀྱི་བསྙེན་པར་བྱ། །དཔའ་བོ་
རྣལ་འབྱོར་གཉིས་མེད་པ། །ཉི་ཤུ་རྩ་བཞི་ཆེར་མཆོད་ནས། །རྣལ་འབྱོར་ཆེན་པོ་དེ་ཡིས་ནི། །བཅུད་ལེན་སྨན་གྱི་སྦྱོར་བ་བརྩམ། །རིག་པ་འཛིན་པའི་གྲོགས་པོ་ནི། །སྔགས་ཀྱི་བསྙེན་པར་གུས་པ་དང་། །སྐྱོ་དུབ་མེད་ཅིང་དགོས་པ་
མེད། །དམ་ཚིག་སྤྱོད་ལ་གུས་པ་སྟེ། །དཔའ་ཞིང་བརྟན་ལ་གཡོ་སྒྱུ་མེད། །འཇམ་ཞིང་བླ་མའི་བསྙེན་བཀུར་བརྩོན། །དེ་དང་ལྷན་ཅིག་བསྒྲུབ་པར་བྱ། །སྒྲུབ་པོས་གཞན་དུ་བྱིས་ན་ནི། །དངོས་གྲུབ་འབྲས་བུ་འབྱུང་མི་འགྱུར། །
སྔར་བཤད་རིག་པ་སྦྱང་བྱས་ཏེ། །དང་པོ་དམ་ཚིག་སྦྱིན་པར་བྱ། །གཅེར་བུའི་བརྟུལ་ཞུགས་འཛིན་པ་ཡིས། །གཉིས་པས་མིང་སོགས་དབང་ནི་བསྐུར། །དབང་བསྐུར་ནས་ནི་དེ་ཉིད་བསྟན། །སྟོང་དང་སྟོང་མིན་སོགས་སྤངས་པའི། །

85-1-339b

རོ་ནི་མི་མཆོག་གིས་རྟོགས་བྱ། །སྒོ་དགུ་ལས་ནི་བྱུང་བའི་རྫས། །སྦོམ་པོ་ཞེས་ནི་བྱ་བ་སྟེ། །རྫས་ནི་འཇུ་བར་བྱེད་པ་ཡིན། །བཅུད་ནི་དངུལ་གྱི་ལྷག་མ་ཡིན། །ལེན་པ་སྙིང་སྟོབས་ཞེས་བྱར་བཤད། །སྙིང་སྟོབས་རྫས་ཞེས་བྱ་བ་སྟེ། །དངུལ་
ནི་ཞུ་བ་ཞེས་བྱར་བརྗོད། །དེ་ལྟར་རྫས་དང་ཞུ་བ་ནི། །བསྡུས་པ་ལེན་པ་ཞེས་བྱའོ། །མུན་པ་ཕྲ་མོ་ཞེས་བྱ་སྟེ། །ཕྲ་མོ་ནམ་མཁའི་ཁམས་མཚན་ཉིད། །ཕུང་པོ་ལ་སོགས་ཁྱད་པར་དང་། །ཁམས་རྣམས་ཐམས་ཅད་འཚོད་པ་ཡིན། །
སྣ་ཚོགས་གཟུགས་རྣམས་འབྱིན་པ་ནི། །ང་ཡི་ཡེ་ཤེས་ཀྱིས་བསྐུལ་ཡིན། །དེ་དག་ལྷ་མོ་སྐལ་ཆེན་མོ། །རྫས་དང་ཁམས་ནི་བསྡུས་པ་སྟེ། །བརྩོན་འགྲུས་དམན་ཞིང་ཐ་ཤལ་དང་། །བསོད་ནམས་དམན་པས་མཐོང་མི་འགྱུར། །
བརྩོན་འགྲུས་བཅུད་ཀུན་གནས་ཡིན་པས། །དེ་བས་བརྩོན་འགྲུས་བརྩམ་པར་བྱ། །བཅུད་ནི་བཅིང་དང་གསོ་བ་དག །མདོར་བསྡུས་ནས་ནི་བཤད་པ་ཡིན། །ཡོངས་སུ་སྨིན་པའི་མཆོག་གིས་ནི། །མཉམ་མེད་བཅུད་ལ་བརྟེན་པ་ཡི། །
རྣམ་བཅིང་ལ་སོགས་ཉེས་པ་བརྒྱ། །བློ་དང་ལྡན་པས་དཔྱད་དེ་དགག །བཅུད་ནི་ནག་པོ་སྔོན་པོ་སྟེ། །བཅུད་ནི་ཡོངས་སུ་གྲུབ་པ་ཡིན། །དངུལ་ཆུ་ལྷང་ཚེར་ཆོ་ག་ཡིས། །ཇི་སྲིད་བཅུད་ཆེན་གྲུབ་ཀྱི་བར། །དེ་སྲིད་དུ་ནི་འབད་དེ་དཔྱད། །
འཁྲུལ་འཁོར་གང་ཞིག་ཁ་ཆེ་བ། །དེ་ནི་ཀ་རན་རྒོད་མའི་ཁ། །འཁྲུལ་འཁོར་གང་ཞིག་རྫ་རྔ་འདྲ། །དེ་ཉིད་བོང་བུ་རྔ་མོའི་ཁ། །རྒོད་མའི་ཁ་ནི་འོད་མ་ཡི། །སྦུ་གུ་ཡིས་ནི་བརྒྱན་བར་བྱ། །ཀ་རན་ད་ཡི་འཁྲུལ་འཁོར་ནི། །རལ་
གྲི་ཤུགས་ཀྱིས་བརྒྱན་པར་བྱ། །འཁྲུལ་འཁོར་བོང་བུའི་ཁ་ཞེས་པ། །ཀང་ཀའི་མགྲིན་པའི་སྦུ་གུར་སྦྱར། །རྔ་མོའི་ཁ་ཡི་འཁྲུལ་འཁོར་ནི། །བྱ་རོག་མཆུ་དང་སྦྱང་བར་བྱ། །ཚར་གཅད་པ་ནི་སྦལ་བ་སྟེ། །འོད་མ་ཅན་གྱིས་
སྦྲང་རྩིར་བཙོ། །བྱ་རོག་མཆུ་ཅན་བུང་བར་བཙོ། །རྡོ་ལེབ་འབར་ཞིང་འོད་དང་བཅས། །ཀང་ཀའི་མཆུ་ཅན་གླང་ཆེན་བཙོ། །རལ་གྲི་ཤུབས་ཅན་འཁྲུལ་འཁོར་གྱིས། །སེང་གེ་རུ་ནི་བཙོ་བ་ཡིན། །བཅུད་ཆེན་ཡིབ་དང་ཁྲོས་

85-1-340a

པ་དང་། །འཐོར་ཞིང་ཤིན་དུ་ཚོས་པ་ཡིས། །ཆུ་ཡི་ནང་དུ་འབྲོས་པར་འགྱུར། །དེ་ནས་གླང་ཆེན་མགོ་བཅུད་དང་། །མུ་ཟི་ལ་སོགས་བྱིན་ནས་ནི། །བསྲེགས་པས་ཚར་གཅད་མནན་པ་དང་། །འོག་ཏུ་ས་ལ་བོ་ནས་སུ། །འདར་
ཞིང་རྨོངས་ལ་དུ་བར་འཐུལ། །ཁྲོལ་ཁྲོལ་གྱི་ནི་སྒྲ་འབྱིན་ནོ། །དེ་ནས་ཨ་ས་གན་ད་དང་། །བ་ལ་ཙཀྲ་མར་ད་དང་། །བ་ལ་ཏ་ཀ་ཤི་ཁྲུ་སྟེ། །པ་རི་ཚ་ད་ཀུ་མུ་ཏ། །ཨུད་པལ་མ་ལི་ཀ་ས་བོན། །རྒྱ་ཤུག་རུས་པ་ཡི་ས་བོན། །སྐུ་བའི་
ས་བོན་མ་ཏུ་དང་། །པོ་སོན་པ་ལ་ཤུ་བའི་ཤུན། །ཕྱི་མ་སྐྱོ་མར་བྱས་པ་ཡི། །ནང་དུ་དེ་ནས་བརྡུང་བར་བྱ། །ཆ་ནི་ངེས་དང་བཅས་པས་འཆིང་། །རྫས་ནི་དྲུག་ཆ་སྦྱིན་པར་བྱ། །དེ་ནས་རྡོ་ཡི་གཏུན་དུ་མཉེ། །དང་པོ་རེ་ཞིག་སྦྱང་བར་བྱ། །
དེ་ནས་གཅི་བའི་ལན་ཚྭ་དང་། །ཕག་གི་ཞག་དང་ཁྲག་ཏུ་བཅས། །དཀྲུགས་པས་ཉེས་པ་གཞོམ་པར་བྱ། །འཁྲུལ་འཁོར་གཞུག་པ་བཤད་པར་བྱ། །ཙན་ཏྲ་ཐལ་སྨན་ལ་སོགས་དང་། །བཅས་པ་རྐང་གི་ནང་དུ་གཞུག །
དང་པོ་བརྒྱ་རྩ་བརྒྱད་པར་བྱ། །ཕྱི་ནས་ལྟོ་སྐྱེས་བཅས་པའི་བཅུད། །འོད་མའི་ནང་དུ་བཅུག་ནས་སུ། །སྔར་བཤད་གནས་སུ་གཞག་པར་བྱ། །རྩ་བ་འབྲས་བུ་ཞེས་བྱ་བ་ནི་སོ་པན་ཛ་ལ་སོགས་པའི་རྩ་བ་དང་འབྲས་བུའོ། །ཀ་ཏུ་
མ་ཛརྫ་ལ་སོགས་པའི་ནི་མེ་ཏོག་དང་འདབ་མ་དང་རུས་པ་ལ་སོགས་པ་གཟུང་ངོ་། །བཅུད་བཙོ་བའི་སྦྱོར་བའི་ཆོ་གའོ། །ལྷང་ཚེར་ཕྱོགས་ཀྱི་ཆ་དང་ནི། །བཅུད་ནི་དབང་པོའི་ཆ་དང་བཅས། །ཆ་ནི་ངེས་པས་འཆིང་འགྱུར་ཏེ། །ཆ་
བཅུས་རིམ་གྱིས་སྤེལ་བར་བྱ། །དྲི་ཞིམ་ཟླ་བ་རེ་རེ་སྦྱིན། །གསེར་གྱིས་མདོག་ནི་བཟང་པོར་འགྱུར། །དངུལ་གྱིས་སོ་ནི་བཟང་པོར་འགྱུར། །མུ་ཏིག་མིག་ནི་དག་པར་འགྱུར། །མུ་མེན་སྐྲ་དང་སྤུ་ལ་ཕན། །རྡོ་རྗེས་ཐོག་ནི་ཟློག་
འགྱུར་ཏེ། །ལྕགས་ཀྱིས་ཆུ་དང་མཚོན་རྣམས་ཟློག །སྣ་ཚོགས་དབང་ཕྱུག་སེམས་དང་ནི། །ལྷང་ཚེར་གྱིས་ནི་བརྒྱ་བྱིན་དང་། །མེ་དང་གཤིན་རྗེ་ཆུ་ལྷ་དང་། །ལུས་ངན་ལ་སོགས་བགེགས་ཀུན་ཟློག །ནཱ་ག་བར་ནི་མར་སར་དང་། །

85-1-340b

རྒྱ་མཚོ་ལན་ཚྭར་བཅས་པ་ཡི། །དངུལ་ཆུའི་སྦྱོར་བ་མཆོག་འདི་ཡིས། །རྒས་པ་དང་ནི་མཛེ་ནད་འཇོམས། །བ་ལང་ལྕེ་ཡི་སྨན་དང་ནི། །དངུལ་ཆུར་བཅས་པ་བྱུགས་པ་ཡིས། །གཞང་འབྲུམ་ནད་ནི་སེལ་བར་བྱེད། །ཀ་རི་ཀེ་སས་
གསོ་བ་སྟེ། །གི་རི་ཀར་ནི་ཀ་དང་ནི། །རལ་པ་དམར་པོས་བཞུ་ཞིང་གསད། །འཛག་དང་ཨ་ཤ་གད་ད་དང་། །ནཱ་ག་བ་ལ་བ་ལི་ཀ །ཆ་མཉམ་གྱིས་ནི་རྨོངས་པར་བྱ། །དྷ་དུ་ར་ཡི་ཁུ་བ་ཡིས། །རང་གི་ཡོན་ཏན་མ་ལུས་བྱེད། །
དེ་ནས་སྙིང་པོ་ཀུན་བསྡུས་པའི། །མར་ཁུའི་ཆོ་ག་བཤད་པར་བྱ། །མར་ཁུ་རྣམ་པ་གཉིས་གསུངས་ཏེ། །སྣོད་དང་སེམས་ཅན་ལས་བྱུང་བའོ། །དང་པོ་སྣོད་ཀྱི་བཤད་བྱ་སྟེ། །འབྲས་བུ་ཆེན་པོ་གསུམ་གྱི་ཆུས། །སྣུམ་སྟེར་རྣམས་
ལ་ཡང་ཡང་བསྒོ། །དེ་ནི་ལེགས་པར་བསྐམ་བྱས་ལ། །རྡུལ་ལ་སོགས་པའི་སྐྱོན་བྲལ་བའི། །ས་ཡི་ཆར་ནི་སྔགས་པས་བསྐྱེད། །ལེགས་པར་སྨིན་ཅིང་སྣུམ་པ་དང་། །སྐྱ་བོ་ལ་སོགས་སྐྱོན་སྤངས་གནག །ལེགས་པར་
བརྡུང་ཞིང་བསྲོས་ནས་སུ། །སྐྱུ་རུ་ར་ཁུ་ཆར་ཆུས་སྦང་། །སྲ་བ་དེ་ཡི་བདུག་པས་བསྒོ། །དུ་མེད་མེ་ཡིས་རན་པར་བདུག །དེ་ནས་འཁྲུལ་འཁོར་དག་གིས་བཅིང་། །དཔྱིད་དང་སོས་ཀ་སྟོན་དུས་གསུམ། །ཉི་མའི་འོད་ལ་
སྨན་མར་བཙོ། །དགུན་སྟོད་དགུན་སྨད་དབྱར་དང་གསུམ། །མར་ཁུ་མེ་ཡིས་རན་པར་བཙོ། །གན་ད་པ་ཏྲ་ཏྭ་ཙ་དང་། །སུག་སྨེལ་ནཱ་ག་པུས་པར་བཅས། །རལ་པ་དང་ནི་ས་ལི་ལ། །དེ་དག་ཕྱེ་མར་བྱས་པ་ནི། །ཏིལ་ལས་
བྱུང་བའི་ནང་བླུགས་ཏེ། །ཆུ་ནི་མར་ཁུའི་བཞི་འགྱུར་བྱ། །ཨ་ག་རུ་ནི་སྲང་ཕྱེད་དང་། །སྨན་གྱི་བཞི་འགྱུར་བྱས་ནས་སུ། །དེ་ནས་མེ་ནི་རན་པས་བསྐོལ། །སླར་ཡང་རལ་པ་གླ་སྒང་དང་། །ཙན་དན་ཤིང་ཚ་བ་ཏྲར་
བཅས། །སྔར་བཤད་ཕྱེ་མ་མཉམ་པོར་བྱ། །དེ་བཞིན་སྔ་མ་བཞིན་དུ་བཙོ། །སླར་ཡང་སིཧླ་དཀར་མིན་ལྷ། །རུ་རྟ་ཛ་ལ་བ་ཐར་བཅས། །ཐམས་ཅད་བསྲེས་པ་སྲང་གཅིག་བཏང་། །མར་ཁུ་སྲང་ནི་བརྒྱད་དང་བཅས། །

85-1-341a

འོད་མའི་ནང་དུ་བླུགས་ནས་ནི། །ཉི་མ་བདུན་དུ་ཉི་མར་བཙོ། །ཡིད་འོང་སྐལ་བཟང་སྟོབས་རབ་སྟེར། །འདོད་པའི་དོན་ནི་ཕུན་སུམ་ཚོགས། །གལ་ཏེ་ཚངས་པའི་མར་ཁུར་བཅས། །རྣལ་འབྱོར་ཅན་ལ་མཆོག་སྟེར་འགྱུར། །
གཞན་ཡང་སྦ་ལ་སུག་སྨེལ་དང་། །བ་ཏ་བྷྲིང་ག་རཱ་ཛ་དང་། །སེན་མོ་རུ་རྟ་པི་ཤ་ཙ། །སོ་སོར་ཆ་བཞི་ཆ་དྲུག་བདུན། །ཆ་ནི་བཅུ་གཉིས་དག་དང་བཅས། །འདི་རྣམས་སྨན་གྱི་སྐྱོ་མ་ནི། །སྔར་བཤད་པ་ཡི་ཚད་དང་བཅས། །སྔར་བཤད་
འོད་མའི་ཆོ་གས་བཙོ། །གང་ཚེ་རྐང་གི་མར་ཁུར་བཅས། །ནད་རྣམས་ཐམས་ཅད་འཕྲོག་པར་འགྱུར། །དེ་ནས་ཤ་ཆེན་མར་ཁུ་དང་། །ལྷན་ཅིག་བསྲེས་ཏེ་སྦྲང་རྩི་ཡི། །སྣོད་ཏུ་བླུགས་ཏེ་ཉི་མར་བསྲོ། །ཉི་མ་བདུན་ནི་ཚུན་
ཆད་ཀྱིས། །རི་དགས་ལྟེ་བ་དང་མཚུངས་འགྱུར། །སྦྱོར་བ་འདི་ནི་དམ་པ་སྟེ། །བསྲུང་བ་ཀུན་གྱིས་བླ་ན་མེད། །ཏི་ཏྲ་ཙ་ཡི་འབྲས་བུ་དང་། །ཙན་དན་སིཧླ་ཤིང་ཚར་བཅས། །སྔར་བཤད་པ་ཡི་མར་ཁུ་དེ། །རྐང་གི་མར་དང་
བསྲེས་ནས་ནི། །སྔར་བཞིན་སྦྲང་རྩིའི་སྣོད་གཞག་སོགས། །དེ་ནི་ག་བུར་མཚུངས་འགྱུར་ཏེ། །སྐྱེ་བོ་ཐམས་ཅད་རྨོངས་པར་བྱེད། །དེ་ནས་རི་སྐྱེས་མར་ཁུར་བཅས། །འབྲས་གསུམ་གླ་སྒང་ཤུ་དག་དང་། །པུ་ཏི་ཏ་དཀར་
ཀུ་གསུམ། །སེ་བལ་ཡི་ངར་པ་དང་། །གུར་ཀུམ་དང་ནི་ལྷན་ཅིག་བཅས། །སྦྲང་རྩིའི་སྣོད་དུ་བླུགས་ནས་སུ། །ཉིན་བདུན་ཉི་མའི་དྲོད་ལ་བཙོ། །སྐལ་བཟང་སྟོབས་འཕེལ་མདངས་དང་ལྡན། །རྟག་ཏུ་འོ་མ་བཏུང་བྱ་ཞིང་། །
བསམ་གཏན་བཟླས་ལ་འབད་པར་བྱ། །ཚངས་པར་སྤྱོད་ལ་རྟག་གནས་ནས། །ཁུ་བ་དག་ནི་དགག་པར་བྱ། །སྦྲང་རྩི་དང་ནི་བཅས་པ་རུ། །སྒྲུབ་པོས་ཕྲ་མོ་ཟླ་དྲུག་བཟའ། །དེ་ཡི་བཤང་བ་ཀུན་བླངས་ལ། །ཕྲ་མོ་ལྷན་ཅིག་ཕྱེ་
མར་བྱ། །རྫ་མ་སར་པར་བཞག་ནས་སུ། །ཚ་གསུམ་ཙོ་རའི་ཕྱེ་མ་ནི། །ཉིས་འགྱུར་དུ་ན་བྱིས་པ་དང་། །འབྱིན་བྱེད་ཕྱེ་མ་བཅུ་ཆར་བསྲེ། །བུ་རམ་གྱིས་ནི་རི་ལུ་བྱ། །སྒྲུབ་པོ་ཤིན་དུ་མཉམ་བཞག་པས། །ཉི་མ་རེ་རེ་ཞོ་

85-1-341b

གཉིས་གཉིས། །ཟོས་ན་ནད་རྣམས་ཐམས་ཅད་ནི། །འཇིག་འགྱུར་ཁྱད་པར་གཞང་འབྲུམ་འཇོམས། །མེས་པོ་ཡི་ནི་ཆ་བཞི་དང་། །སྒོག་སྐྱ་དང་ནི་བཅུ་དྲུག་བསྲེ། །འོ་མ་དང་ནི་ལྷན་ཅིག་བཏུང་། །ཉི་མ་བདུན་ནི་ཚུན་ཆད་ཀྱིས། །
གཟེར་ནད་གླང་སྣ་འཇོམས་པར་འགྱུར། །སིངས་པོ་དང་ནི་ལྷན་ཅིག་ཏུ། །སྔ་མ་བཞིན་དུ་འཐུངས་ན་ནི། །ནད་རྣམས་ཐམས་ཅད་སེལ་བར་བྱེད། །ཟླ་དྲུག་སྦྱོར་བ་གོམས་པ་ཡིས། །སྐྲ་དཀར་དང་ནི་གཉེར་མ་འཕྲོག །འབྲས་ནི་དམར་
པོའི་ཕྱེ་མ་དང་། །བ་ལའི་རྩ་བ་འདབ་མར་བཅས། །སྒོག་སྐྱ་ཞོ་གཉིས་ལྷན་ཅིག་ཏུ། །བཏགས་ཏེ་རི་ལུ་བྱས་ནས་ནི། །མར་རམ་མར་ནག་ནང་དུ་བཙོ། །ཟོས་ནས་གཅིན་དང་འཚམ་པར་བཏུང་། །དེས་ནི་རུས་པ་ཆག་པ་དག །འབྱོར་
ཞིང་སྟོབས་དང་ཉམ་འཕེལ་འགྱུར། །བྷྲིང་ག་རཱ་ཛ་ཚངས་པ་ནི། །རློན་པ་གཅི་བ་དང་བཅས་བཟའ། །དེ་ཡིས་དུག་ནི་འཕྲོག་པར་བྱེད། །ཡུང་བའི་ཁུ་བ་ཞོ་གཉིས་དང་། །དེ་དང་མཉམ་པའི་གཅི་བར་བཅས། །མཐུངས་ན་རྒྱུ་
བའི་དུག་དང་ནི། །ཤུ་བ་དང་ནི་ནད་ཀུན་འཇོམས། །ཡུང་བའི་ཁུ་བ་བ་ལང་གཅིན། །དེ་བཞིན་འབྱུང་པོའི་གཙོ་བོ་སྟེ། །རིག་བྱེད་གྲངས་དང་མཉམ་པའི་སྲང་། །དེ་ལ་ཞོ་ནི་གཉིས་གཉིས་བཏུང་། །དཔྱིད་ཀྱི་དུས་སུ་ཅུང་ཟད་
བསྐྱེད། །སྦྱོར་བའི་གཙོ་བོ་འདི་ཡིས་ནི། །དུག་དང་རིམས་རྣམས་སེལ་བར་བྱེད། །གླ་སྒང་སྐྱུ་རུ་ར་དང་ནི། །དྲི་རྣོན་དང་ནི་ཞག་ཆེན་དང་། །སྦྲང་རྩི་ཆ་མཉམ་ཕྱེ་མ་ནི། །ཁབ་ལེན་ལྕགས་ཀྱི་སྣོད་དུ་གཞག །སྦྱོར་བའི་
རིམ་པ་འདི་ཡིས་ནི། །སྲང་ནི་སུམ་བརྒྱའི་བར་དུ་བྱ། །འབའ་སྃ་ཏ་ཞེས་བྱ་བ་སྟེ། །དངོས་གྲུབ་ཐམས་ཅད་རབ་སྟེར་བ། །ལོ་གཅིག་བར་དུ་སྦྱོར་བ་ཡིས། །ཡིད་འོང་ཡིད་ནི་གཞུངས་པར་འགྱུར། །ནད་རྣམས་ཀུན་
ལས་རྣམ་པར་གྲོལ། །གཉེར་མ་དང་ནི་སྐྲ་དཀར་སེལ། །དུས་ཀྱི་རླུང་དང་ཉི་ཚན་སོགས། །བསྟེན་ཀྱང་འཇིགས་པར་མི་བྱའོ། །སྦྱོར་བ་གཞན་ལ་བརྟེན་པ་ནི། །འབྲས་བུ་མེད་ཅིང་ལོག་པར་འགྱུར། །རྟག་ཏུ་བསམ་

85-1-341c

གཏན་བཟླས་བྱས་ནས། །ལོ་ནི་སུམ་བརྒྱའི་བར་དུ་འཚོ། །པི་པི་ལིང་དང་གུར་ཀུམ་ནི། །ཆ་ནི་མཉམ་པོར་བྱས་ནས་སུ། །སོ་ཀའི་དུས་སུ་བཟའ་བར་བྱ། །དེ་རྗེས་གཅི་བ་དྲོ་འཐུངས་ན། །ཁ་ཟས་ཡི་གར་འོང་
ཞིང་འཇུ། །ནིར་ཀུྃ་དི་ཡི་ཁུ་བ་དང་། །གཅི་བར་བཅས་པ་སྣ་སྨན་སྦྱིན། །བད་ཀན་ལས་གྱུར་ནད་རྣམས་འཕྲོག །དེ་ཉིད་པད་མའི་དྲི་མ་དང་། །བཅས་པར་བྱུགས་ན་གླང་ཤུ་སེལ། །མ་ར་ཀ་དའི་རྩ་བ་དང་། །སོ་དང་སེན་མོའི་རྡུལ་
དུ་བསྲེ། །རྨ་ནི་དང་པོ་མར་གྱིས་བཀྲུ། །དེ་རྗེས་སྨན་དེས་བྱུགས་ན་ནི། །རྨ་ནི་འདྲུབ་པར་བྱེད་པའི་མཆོག །སོ་ཕག་རྡུལ་དང་སུག་སྨེལ་ཕྱེ། །གི་རི་ཀཪྞའི་ཁུ་བ་རུ། །མཉེས་ཏེ་མིག་ལ་བྱུགས་ན་ནི། །རབ་རིབ་དག་ནི་
འཇོམས་པའི་མཆོག །འབྲས་བུ་གསུམ་གྱི་ཁུ་བས་སྦྱང་། །མ་ཧ་ཧ་ཏ་ཀ་ཡི་འདབ། །འོ་མ་དང་ནི་ལིག་བུ་མིག །འབྱུང་པོའི་ཆུ་དང་བཅས་པ་རུ། །མིག་ཏུ་བླུགས་ནས་ལོ་དྷ་ཡིས། །བདུགས་ན་དྲི་མ་མེད་པར་འགྱུར། །ཡུང་
བ་གཉིས་ཀྱི་ཆ་མཉམ་ཕྱེ། །བ་ཡི་དར་བ་བྲེ་དོར་བཅས། །བྲེ་གང་ལུས་ཀྱི་བར་དུ་བསྐོལ། །ཞག་བདུན་དུ་ནི་དེ་འཐུངས་ན། །དེ་ཡིས་ལུས་ནི་རྒྱས་འགྱུར་ཏེ། །བཅུད་ཀྱིས་ལེན་གྱི་སྦྱོར་བ་འདི། །དཔའ་བོ་རང་ཉིད་བཤད་པ་ཡིན། །
ཡུང་བ་དང་ནི་སོ་ཕག་དང་། །དེ་བཞིན་བཙག་དང་སྨྱོ་བྱེད་ཁུ། །རླུང་མེད་གནས་སུ་གནས་ནས་ནི། །ལུས་ལ་དྲིལ་ཕྱིས་བྱས་ན་ནི། །རྟག་ཏུ་སྟོབས་ནི་འཕེལ་བྱེད་ཅིང་། །དངུལ་ཆུ་བཅིང་བ་དག་ལ་ཕན། །རུ་རྟ་མུར་
བ་ཤུག་ཏི་ཀ །ཤིང་ཚ་ཆ་མཉམ་ཕྱེ་དང་ནི། །མང་སི་ཚ་ནི་ཉིས་འགྱུར་བཅས། །དྲིལ་ཕྱིས་བྱས་ན་འདོད་པ་འགྲུབ། །བྲག་ཞུན་དང་ནི་སོ་ཕག་དང་། །ནིར་གུན་དི་དང་ཨེ་ལ་ཚ། །ཆ་ནི་མཉམ་པོར་བྱས་པ་ཡི། །
ཡུང་བ་དག་ནི་བཞི་འགྱུར་བཅས། །གསེར་ཤིང་ཁུ་བ་ཆ་ཕྱེད་ཀྱིས། །དྲིལ་ཕྱིས་བྱས་ན་དུག་འཕྲོག་ཅིང་། །གཅི་བར་བཅས་པའི་དྲིལ་ཕྱིས་ཀྱིས། །ཁྱི་རྔོ་དང་ནི་མཛེ་ནད་འཇོམས། །ཁྱེའུ་དང་བུ་མོ་གཞོན་ནུའི་

85-1-341d

ཤ །མར་དང་བཅས་པ་ཅི་རིགས་པར། །རྒྱུན་དུ་ཟོས་ན་ཚེ་རིང་འགྱུར། །མཛེས་མ་ལས་བྱུང་མེ་ཏོག་ནི། །ཟོས་ན་རིམ་གྱིས་རྒ་བ་འཇོམས། །རྟག་ཏུ་ག་བུར་ཙན་དན་དག །བསྟེན་ན་ནད་རྣམས་སེལ་བའི་མཆོག །
དེ་བཞིན་བཞི་མཉམ་གཅི་བར་བཅས། །སྣ་སྨན་བྱིན་ནའང་ནད་ཀུན་སེལ། །ཤ་ཤ་ཀ་དང་ཡུང་བ་དང་། །ཁ་བ་ཡི་ནི་སྙིང་པོ་དག །པད་མ་ཅན་གྱི་པད་མ་ནི། །སྨྱུང་པོ་ཡི་ནི་ཁུ་བ་དང་། །སེམས་ཀྱི་དབང་ཕྱུག་ལག་
མཐིལ་དུ། །མཉེས་ཏེ་རིམ་གྱིས་བསྟེན་ན་ནི། །ནད་རྣམས་ཀུན་ལས་གྲོལ་འགྱུར་ཞིང་། །བསམ་པ་ཐམས་ཅད་རྫོགས་བྱེད་པར། །གདོན་མི་ཟ་བར་ངས་བཤད་དེ། །དཔྱིད་ཀྱི་དུས་སུ་བསྐུལ་བར་བྱ། །མཁྲང་མ་
ཞེས་བྱ་ཆེན་པོའི་ཆེན། །དེ་ཡི་གཅི་བའི་ལན་ཚྭ་དང་། །དེ་ཡི་ཁྲག་དང་ཁུ་བར་བཅས། །དངུལ་ཆུ་དང་ནི་སྦྲང་རྩིར་བསྲེ། །སྦྱོར་བ་ཆེན་པོ་འདི་དག་ནི། །མཛེས་མའི་གདོང་ཅན་ཁྱོད་ལ་བཤད། །རྟག་ཏུ་ནད་མེད་སྟོབས་ལྡན་
འགྱུར། །བད་ཀན་ཅན་གྱི་མི་རྣམས་ལ། །ཚ་བའི་རྫས་དང་ལྷན་ཅིག་སྦྱིན། །ཐུང་ངུའི་པད་མ་ལས་བྱུང་བ། །དང་པོ་མཁས་པས་གཟུང་བར་བྱ། །ལྕེ་དང་དཀར་པོར་བཅས་པ་ལས། །སྦྱོར་བ་པོས་ནི་རི་ལུ་བྱ། །ཟླ་བ་དྲུག་
ཏུ་བསྟེན་པ་ཡིས། །རྒྱུ་དང་མི་རྒྱུ་བཅས་པར་འཆིང་། །ཇི་སྲིད་ལུས་ནི་གནས་ཀྱི་བར། །དུག་ཀྱང་འཕོ་བར་མི་འགྱུར་རོ། །མཁྲང་མ་ལས་བྱུང་མེ་ཏོག་གཟུང་། །དེ་བཞིན་ཁྭ་གདོང་བདུད་རྩིར་བཅས། །ཤ་ཆེན་
དག་ནི་ཉིས་འགྱུར་བྱ། །རང་ལས་བྱུང་བའི་སེམས་དང་བཅས། །དེ་ནི་ཟོས་ཤིང་བསྟེན་པ་ཡིས། །ཚེ་དང་ནད་མེད་ཕུན་སུམ་ཚོགས། །རིམ་འདི་རྟག་ཏུ་བསྟེན་བྱས་ན། །ལོ་ནི་སུམ་བརྒྱར་འཚོ་འགྱུར་ཞིང་། །
སྐྲ་དཀར་དང་ནི་གཉེར་མ་སེལ། །བསྟན་བཅོས་ཀུན་ལ་འཇིགས་མེད་འགྱུར། །བཤང་བའི་ཕྱེ་མ་ཞོ་གཉིས་དང་། །ཨ་པ་མརྒའི་ཐལ་བ་དག །མི་ཡི་གཅིན་དང་མ་ཧེའི་གཅིན། །བཅས་པར་མཁས་

85-1-342a

པས་བླུད་ན་ནི། །སྟོབས་རྣམས་བདེ་བར་སྐྱེ་འགྱུར་བར། །ངས་བཤད་པ་ལ་ཐེ་ཚོམ་མེད། །རྡོ་རྗེ་བླ་མ་མཆོད་ནས་ནི། །དེ་འོག་ལས་ནི་བརྩམ་པར་བྱ། །ཡུང་བ་ཤེ་ཀ་རར་བཅས་པས། །ཁྲག་དང་
མཁྲིས་པའང་སེལ་བར་བྱེད། །མི་མོའི་འོ་མ་སྲང་བརྒྱ་དང་། །རྡོ་རྗེའི་འོ་མ་སྲང་བརྒྱར་བཅས། །སྐྱུ་རུ་རུའི་ཁུ་བའང་དེ་ཙམ་སྟེ། །བ་ཡི་འོ་མ་ཁམ་ཕོར་གང་། །ཡུང་བ་སྦྲང་རྩི་ཙན་དན་དམར། །སྲང་གཅིག་དང་ནི་པ་
ཐེ་དག །སྔར་བཤད་མཚན་ཉིད་ལྡན་པ་ནི། །བརྒྱ་རྩ་བརྒྱད་ནི་གཟུང་བར་བྱ། །སྔོན་བཞིན་རན་པར་བཙོ་བྱས་ལ། །ཁྱིམ་གྱི་མེ་ཏོག་དཀར་པོར་བཅས། །དཔྱིད་ཀྱི་དུས་སུ་བསྐུལ་བར་བྱ། །སྦོམ་པོ་ལ་སོགས་ལྔ་
ཡི་ནི། །ལས་ཀྱི་ཆོ་ག་བཤད་པར་བྱ། །ནུ་མ་མེད་པ་རྩུབ་མོ་དང་། །མཛེར་པ་ཅན་ཏེ་གསུམ་པ་ཡི། །གཅི་བའི་ལན་ཚྭ་བཟུང་ནས་སུ། །མཐེ་བོ་ཡི་ནི་ཁྲག་དང་བཅས། །འགུགས་པར་བྱེད་པའི་དམ་པ་ཡིན། །
རྫས་ལ་རྟ་དང་མ་ཧེའི་ཁྲག །ཁྲོ་བོ་ཡི་ནི་ཁྲག་དང་བཅས། །དེ་བཞིན་དུ་ནི་ཐ་ཆུངས་ཀྱི། །ཁྲག་དང་བཅས་པས་གསད་པའང་འགྲུབ། །ཐུང་ངུ་ཡི་ནི་ལན་ཚྭ་དང་། །དེ་ཉིད་ཀྱི་ནི་ཁུ་བར་བཅས། །རིང་པོའི་ཁྲག་དང་
བཅས་པ་ཡིས། །རྒྱས་པ་ཆེན་པོར་འགྱུར་བ་ཡིན། །དེ་ཉིད་སྲིན་ལག་འབྱུང་པོའི་བདག །དོན་ཡོད་དབང་དུ་སྡུད་པ་ཡིན། །དྲི་ཡི་ཆུ་ནི་རྒྱལ་མཚན་གྱི། །ཁྲག་དང་ལྷན་ཅིག་བཅས་ནས་སུ། །ལག་མཐིལ་དུ་ནི་མཉེས་
ལ་བཟའ། །འདོད་དོན་ཐམས་ཅད་སྒྲུབ་བྱེད་ཡིན། །པད་མ་ལས་བྱུང་མ་རྙེད་ན། །རོ་ཡི་ལག་པ་ལས་བྱུང་གཟུང་། །རྣལ་འབྱོར་དོན་གཉེར་དབུལ་པོ་ཡིས། །ལག་པའི་མཆོད་པས་ཡིད་འདོད་བྱ། །རྒྱུད་རྣམས་ཀུན་
དུ་གང་སྦས་པ། །དེ་དག་ཐམས་ཅད་ཁྱོད་ལ་བཤད། །དབང་བསྐུར་ལག་ཏུ་བཀོད་ནས་ནི། །མཁས་པས་རྒྱབ་ཏུ་གཤེགས་སུ་གསོལ། །མཛེས་མ་ཀུན་དུ་རུའི་ས་བོན། །ཕག་གི་མཆེ་བས་མཉེས་ནས་སུ། །

85-1-342b

ཐིག་ལེར་བྱས་ན་རྒྱུ་མི་རྒྱུའི། །འགྲོ་བ་དབང་དུ་བྱེད་པར་འགྱུར། །གི་རི་ཀཪྞན་དཀར་པོ་དང་། །པྲི་ཡང་ཀུ་རུ་བཅས་ཏེ་བླག །ཉམས་སྟོབས་དག་ནི་འཕེལ་བར་འགྱུར། །བུ་མོ་གཞོན་ནུའི་མིག་རྣག་དང་། །ལྡོང་རོས་བཅས་
པ་བསྟེན་ན་ནི། །སྣ་ཚོགས་དུག་རྣམས་འཇོམས་པར་བྱེད། །བུ་མོ་སྔོ་བསངས་མིག་རྣག་དང་། །ཀླད་པ་ཡི་ནི་ཞག་ཏུ་བཅས། །དེ་ནི་བསྟེན་པ་ཙམ་གྱིས་སུ། །སྐྲ་དཀར་འཇོམས་པར་ཐེ་ཚོམ་མེད། །ལྕེ་དང་ཁྲག་ནི་ཆ་
མཉམས་ལ། །བུ་རམ་འོལ་སྐེ་བཞི་ཆར་བཅས། །གཞན་ཡང་ཁུ་བ་མར་དང་ནི། །དངུལ་ཆུ་སྔར་ནི་བཤད་བཞིན་བཟུང་། །མུ་ཟི་བཟང་པོར་བཅས་པ་ནི། །བསྟེན་ན་སྦྱོར་བའི་དམ་པ་སྟེ། །ཟླ་དྲུག་ཙམ་དུ་ངེས་པར་ནི། །
རྒ་དང་ན་ལས་གྲོལ་འགྱུར་ཞིང་། །ལོ་ནི་སུམ་བརྒྱར་འཚོ་བར་འགྱུར། །རྐང་གི་ཞག་དང་མུ་ཟི་ནི། །ཞོ་ནི་ཕྱེད་ཕྱེད་སྦྱར་བྱས་ལ། །ལོ་གཅིག་བར་དུ་བསྟེན་ན་ནི། །ལྷ་ཡི་གཟུགས་འགྱུར་ཐེ་ཚོམ་མེད། །
ནམ་མཁའི་མེ་ནི་མཉེས་བྱེད་པ། །སུ་སི་རའི་ཚད་དང་མཉམ། །འདི་ནི་སྦྱོར་བ་ཆེན་པོ་སྟེ། །ཚེ་དང་ནད་མེད་འཕེལ་བྱེད་ཡིན། །རྩི་བསད་དང་ནི་བཀྲ་ཤིས་བཅས། །ལྷག་པའི་ལྷ་ཡི་སེམས་པར་ལྡན། །
བསླད་དང་གཞིབ་དང་སྣ་སྨན་གྱིས། །རྡོ་རྗེའི་ལུས་འགྱུར་ཐེ་ཚོམ་མེད། །ཅེ་མྱང་ཚ་དང་གསེར་ཤིང་དང་། །སྨྱོ་བྱེད་དག་ལ་བཞི་ཆར་བཅས། །ཙག་ཀྲ་མརྡ་སེན་མོའི་རྡུལ། །སོ་མ་ར་ཛ་ཡུང་བ་དག །
ཐམས་ཅད་གཅིག་ཏུ་སྦྱོར་བ་ཡི། །རྫས་ནི་སྲང་གཅིག་བཟུང་ནས་སུ། །སྔར་བཤད་ཆོ་ག་བཞིན་དུ་ནི། །མར་ཁུ་དག་ནི་བཙོ་བར་བྱ། །མི་རྒྱལ་ཏ་ལ་ས་ཧྱ་དེ། །འབྲས་བུ་ཡི་ནི་ཆུ་དང་བཅས། །བཞི་དང་
ལྔ་དང་དྲུག་བདུན་ཆ། །དེ་དག་ཇི་སྙེད་མར་དེ་སྙེད། །ལྕགས་ཀྱི་དྲི་མ་སྤྲི་ཡང་ཀུ། །སོ་དང་སེན་མོ་ཡུང་བར་བཅས། །དེ་དག་སླར་ཡང་མར་ཁུར་བཙོ། །གསལ་ཞིང་ནད་མེད་འཕེལ་བར་བྱེད། །མགོ་བསྐུ་

85-1-342c

བ་ཡི་ཆོ་གའོ། །པྲི་ཡང་ཀུ་དང་ཙན་དྲ་དང་། །ཀན་ཏེ་ལ་བ་ནའི་མེ་ཏོག །སྦྲང་རྩི་འཛག་དང་ཀུ་མུ་ཏ། །ཨུད་པལ་ཆུ་ཡི་དོ་བར་བཅས། །སྐྱེར་བར་བཅས་པའི་སྐྱོ་མ་ནི། །སྲང་གཅིག་ཚད་དུ་བཟུང་བར་བྱ། །འདོད་པའི་མེ་ནི་འབར་བྱེད་དེ། །སྐལ་
བཟང་སྟོབས་ནི་འཕེལ་བར་བྱེད། །ཙམ་པ་དང་ནི་གུར་ཀུམ་དང་། །བ་བླའི་ཁུ་བར་བཅས་པ་བསྐུ། །བསྐུ་བྱུག་གི་ཆོ་གའོ། །འབྱིན་བྱེད་གཅིག་དང་མར་ཁུ་གཉིས། །དབང་པོ་གསུམ་དང་ལྡན་པར་བྱ། །སྐ་བ་ཞེས་བྱ་སྐྱུ་རུ་ར། །
ཀྲི་རི་མ་ལ་ཨེ་ལ་ཛི། །ཙམ་པ་ཀ་དང་ཙན་དན་དང་། །ནཱ་ག་གེ་སར་རུ་རྟ་དང་། །པད་མ་རག་ཏ་པྲི་དར་བཅས། །སྦྲང་རྩི་མེ་ཏོག་པྲི་ཡང་ཀུ། །བ་ན་མ་ལ་ཕུར་མོ་དང་། །ཨ་པྲ་ད་དི་པུས་པར་བཅས། །ཆུ་ཡི་དོ་བ་དཔའ་བོ་གཅིག །
ཤ་ཏ་པུས་པ་ཛ་ལ་གསུམ། །རྒྱ་སྤོས་དག་ནི་མཆོག་ཡིན་ཏེ། །མར་ཁུ་བཙོ་བའི་ཆོ་གས་ནི། །སྣ་སྨན་བཏུང་དང་བསྐུ་བྱུག་བྱ། །སྣ་སྨན་སྲང་བཅུ་སྦྱིན་བྱ་སྟེ། །བཏུང་བ་སྲང་ནི་རྣམ་པ་བརྒྱ། །ཉི་ཤུ་ལྷག་པ་མགོར་བསྐུ་ཡིན། །
དྲིལ་ཕྱིས་སྲང་ནི་སུམ་བརྒྱར་བྱ། །སྨན་བསྐོལ་ཆོ་ག་བཤད་བྱ་སྟེ། །སྨན་ནི་ཇི་སྙེད་ཡོད་པ་ཡིན། །ཆུ་ནི་བཅུ་དྲུག་འགྱུར་དུ་བཙོ། །སྨན་དང་མཉམ་པའི་ཆུ་ལུས་པ། །བསྐོལ་བའི་ཆོ་གའི་མཆོག་ཏུ་བཤད། །ཀི་ད་དང་ནི་མ་ཚན་དི། །ས་ལ་
ཛང་དང་གུ་གུལ་དང་། །ཀུན་དུ་རུ་དང་ཨ་ཀ་རུ། །མར་དུ་བཅས་པ་བདུག་སྤོས་ཀྱི། །སྦྱོར་བའི་མཆོག་ཏུ་བཤད་པ་ཡིན། །སུམ་བཅུ་གསུམ་པའང་མཆོད་པར་བྱེད། །བྲག་ཞུན་ག་བུར་རུ་རྟ་དང་། །ཙན་དན་སེན་མོ་པི་པི་ལིང་། །
གླ་སྒང་བཅས་པ་སྔར་བཤད་པའི། །རྫས་དང་ལྷན་ཅིག་བསྲེས་ནས་ནི། །བྱེ་མ་ཁ་ར་མར་དང་བཅས། །བུ་རམ་དག་ནི་སྤང་བར་བྱ། །ཁམ་ཕོར་ཐོད་པའི་དབྱིབས་འདྲ་བ། །ཏ་ལའི་འབྲས་བུའི་ནང་དུ་
གཞུག །བདུག་སྤོས་ཀྱི་འཁྲུལ་འཁོར་གཉིས་ཀྱི་ཆོ་གའོ། །བིཥྞུ་ཀྲན་ད་ཁ་ད་སི། །རལ་པ་དམར་པོ་པྲི་ཡང་གསུམ། །ཤིང་ཚྭ་སེན་མོ་

85-1-342d

རུ་རྟ་དང་། །གླ་སྒང་རྒྱ་སྤོས་འདག་གུ་ནི། །བུད་མེད་ཁྲུས་ཀྱི་འདག་ཆལ་མཆོག །ད་ནི་བུད་མེད་མངལ་གང་ནས། །རྣག་དང་ཐལ་བ་ཉ་དྲི་འབྱུང་། །དེ་རྣམས་སྦྱང་བར་བྱ་བ་བཤད། །དང་པོ་དྲི་ཞིམ་ཆུ་ཡིས་
བཀྲུ། །དེ་ནས་ལོ་ད་བསྐོལ་བས་བཀྲུ། །དེ་ནས་ཁྲི་སྟེང་བཞག་ནས་སུ། །ཁམ་ཕོར་བདུག་སྤོས་ཁ་སྦྱར་ཏེ། །བུག་པ་དག་ནི་དབུག་པར་བྱ། །དེ་རུ་སྦུ་གུ་བཅུག་ནས་ནི། །སྐྱེ་གནས་ནང་དུ་བདུག་པར་བྱ། །
ནྱ་གྲོ་དྷ་ཡི་ཤིང་བུ་ནི། །མཐེའུ་ཆུང་ཚད་ཙམ་བླངས་ནས་སུ། །བ་ཡི་གཅིན་གྱི་ནང་དུ་ནི། །ཞག་གཅིག་བར་དུ་སྦང་བར་བྱ། །དེ་ཡིས་སོ་ནི་བྲུད་ནས་སུ། །དེ་འོག་རུ་རྟ་ཨ་རུ་ར། །ཆ་མཉམ་དྲི་ཡིས་སོ་ལ་བསྒོ། །
ཁ་ཡི་དྲི་མ་སེལ་བའི་མཆོག །གླ་སྒང་རུ་རྟ་ཨེ་ལ་དང་། །སུག་སྨེལ་འུ་སུ་ཤིང་མངར་རྣམས། །ཟོས་ན་རྣག་དང་སྒོག་དྲི་དང་། །ཆང་གི་དྲི་ནི་འཕྲོག་པའི་མཆོག །པ་ལ་བ་ནི་རྣམ་གཉིས་ཀྱིས། །སྦང་བ་
དང་ནི་བསྒོ་བྱས་ན། །མེ་ཏོག་དང་ནི་སྐྱུར་པོ་སོགས། །སྦྱང་ཞིང་དྲི་ཡིས་བསྒོ་བའི་མཆོག །རལ་པ་དམར་པོ་བ་ལ་དང་། །སུག་སྨེལ་རྒྱ་སྤོས་འུ་སུ་བཅས། །སེན་མོ་དང་ནི་གླ་སྒང་ལ། །སྐྱུ་རུ་ར་ནི་སུམ་
འགྱུར་བླུགས། །འདི་ནི་ཁྲུས་ཀྱི་སྦྱར་བའི་མཆོག །ཤིང་ཚ་གླ་སྒང་རྒྱ་སྤོས་དང་། །པ་ཏྲ་ཀེ་པར་ཏི་ཡི་ནི། །གླ་སྒོང་རུ་རྟ་སེན་མོར་བཅས། །སྐྱུ་རུ་ར་ནི་ཆ་གསུམ་བྱ། །དེ་དག་བཀྲུ་བའི་འདག་ཆལ་
མཆོག །རྒྱལ་པོ་ལ་སོགས་ཕྱི་རོལ་སྦྱོར། །དྲུག་བཅུ་རྩ་བཞིའི་རིམ་པ་ནི། །བདག་ལས་སྐྱེས་པ་ལྔ་དང་བསྲེ། །རྒྱལ་པོ་ལ་སོགས་བཅུ་དྲུག་བྱ། །ཨ་ཨི་ཨོ་ཨ་སྟེ་དང་པོའོ། །ལྀ་ཨུ་ཨེ་རྀ་གཉིས་
པའོ། །ཨཱི་ཨྃ་ཨ་ཨོ་ནི་གསུམ་པའོ། །ཨཱུ་ལཱྀ་རཱྀ་ཨེ་ནི་བཞི་པའོ། །ལྷ་ཡི་གཟུགས་སུ་བྱེད་པ་ཡི། །སྨན་ནི་དེ་དག་བསྟན་པ་ཡིན། །དབྱངས་ཚད་ཆོ་ག་ཤེས་པ་ཡིས། །དེ་དག་ཐམས་ཅད་ཤེས་པར་

85-1-343a

བྱ། །ཨ་ནི་ས་ཡི་བདག་པོ་སྟེ། །ཨི་ནི་ས་ཧ་དེ་བ་ཡིན། །ཨོ་ནི་རྨ་བྱའི་ཅོད་པན་ཏེ། །ཨཱ་ནི་ངན་པར་སྦྱོར་མ་ཡིན། །ལྀ་ནི་ཀྲི་ཏ་ཨ་ཛཱ་ལི། །ཨུ་ནི་རལ་པ་དམར་པོ་ཡིན། །ཨེ་ནི་རྟག་ཏུ་དུ་བ་སྟེ། །རྀ་ནི་
གི་རི་ཀརྞི་ཀ །ཨཱི་ནི་ཙག་ཀྲ་ཨང་ཀ་ཡིན། །ཨྃ་ནི་ཤ་སི་ཤེ་ཁ་ར། །ཨ་ཞེས་བྱ་བ་ཉི་མའི་ཤིང་། །ཨོ་ཞེས་བྱ་བ་ལ་ཛུ་བ། །ཨཱུ་ནི་སྨྱོ་བྱེད་ཅེས་བྱ་སྟེ། །ལཱི་ནི་མགོ་ཡི་ལྕུག་མ་ཡིན། །རཱྀ་ནི་མ་ཧེའི་རྭ་ཡིན་ཏེ། །
ཨེ་ཞེས་བྱ་བ་རྡོ་རྗེ་ཅན། །ཀ་ནི་གུ་གུལ་ལོ། །ཁ་ནི་རྡོ་རྗེ་ཅན་ནོ། །ག་ནི་སྨྱོ་བྱེད་དོ། །གྷ་ནི་ར་མའོ། །ང་དང་ཙ་ནི་ས་ར་པོད་ཀ་དང་ཨ་ཏ་པ་རིའོ། །ཚ་དང་ཛ་ནི་སི་དང་ཙམ་པ་ཀའོ། །ཛྷ་ནི་ཀུན་དུ་རའོ། །
ཉ་དང་ཊ་ནི་ཨང་ཀོ་ལ་དང་སོན་ཙི་ཀའོ། །ཋ་ནི་ལྡོང་རོས་སོ། །ཌ་ནི་ཨ་ཀ་རུའོ། །ཌྷ་ནི་ལུག་རུའོ། །ཎ་ནི་དཱུར་བ་དཀར་པོའོ། །ཏ་དང་ཐ་ནི་ཉ་དང་གན་ཏི་ཀའོ། །ད་དང་དྷ་ནི་གུར་ཀུམ་དང་རོ་ཙ་ནའོ། །ན་ནི་པྃ་ཤྠིའོ། །པ་དང་ཕ་ནི་ཤ་
ཁ་ར་དང་ལི་ཤིའོ། །བ་ནི་པྲི་ཡང་ཀུའོ། །བྷ་ནི་ནཱ་ག་གེ་སར་རོ། །མ་ནི་སེན་མོའོ། །ཡ་ར་ལ་ཝ་བཞི་པོ་ནི། །རླུང་ལ་སོགས་པའི་སྦྱོར་བ་མཆོག །པྲིང་ཀ་ཨན་ཛ་ལི་དང་ནི། །རལ་པ་དམར་པོ་
ས་ཧ་དེ། །དཔྲལ་བར་ཐིག་ལེ་བྱས་པ་ཡི། །རྒྱུ་དང་མི་རྒྱུ་བཅས་རྨོངས་བྱེད། །སུ་ཏ་པ་ཏི་མ་ཡུ་ར། །ཏི་ཀ་ཛ་ལ་གཞན་མི་ཐུབ། །དེ་དག་བྷ་གར་བྱུགས་ན་ནི། །ལན་ཅིག་ཙམ་གྱིས་བཀའ་ཉན་
འགྱུར། །བཛྲི་མེ་ཤ་ཨ་ཀ་དང་། །ཨ་དན་ཛ་ལེ་ཐལ་སྨན་མཆོག །རལ་པ་ཀ་ཏམ་སྨྱོ་བྱེད་དང་། །ཀན་ཏའི་རི་ལུས་དབང་དུ་བྱེད། །ན་ནི་ན་ར་ཨན་ཛ་ལི། །ལ་ཛ་ལར་ནི་བཅས་པ་ཡིས། །ཆུ་ལ་
ཤཱཀྱའི་དབང་པོ་བཞིན། །རྒྱལ་པོ་ཀྲི་ཏ་ཨན་ཛ་ལི། །ན་རི་དང་ནི་དེ་སྟིར་བཅས། །མེ་ནི་བཅིང་བའི་དམ་པ་ཡིན། །བེ་སྣུ་ཧེ་མ་བཛྲི་དང་། །ཧཱི་དུར་བཅས་པ་ཁར་བཅུག་ན། །དེ་ཡི་མོད་ལ་ངལ་སོས་འགྱུར། །

85-1-343b

རྒྱལ་པོ་བློན་པོ་ལ་ཏ་དང་། །པ་ན་རྡོ་རྗེ་མཁྲང་བའི་མཆོག །པ་ན་ས་ཧ་ཤི་ཁ་དང་། །མེ་ཤར་བཅས་པས་དུག་འཇོམས་བྱེད། །པརྱ་སུ་པ་མེ་ཤེ་དང་། །སྣི་ཧ་བྷ་གར་བླུགས་ན་ནི། །མངལ་ན་གནས་པ་སྐྱེ་བར་འགྱུར། །
མ་ཧེའི་ར་དང་ལ་ཏ་དང་། །ན་རི་ཨ་བ་ནར་བཅས་པ། །ལག་པས་བྱུགས་ན་རྒྱན་རྒྱལ་འགྱུར། །པྲེ་ཏ་ཙན་དི་ན་ར་དང་། །ས་ཧ་དེ་བ་ཁར་བཅུག་ན། །མཚན་མོ་དག་ནི་འཇིགས་མེད་རྒྱུ། །སྐག་དང་རྒྱལ་རྩ་
ཁྲིས་པ་དང་། །པན་དུ་བློན་པོ་དེ་བཞིན་ཏེ། །པུ་ཏ་ཨར་ཐི་ཆ་བསྙམས་པ། །འདོད་དང་ལྡན་ཞིང་མངལ་འཛིན་འགྱུར། །ཤ་ཏ་སྲིང་ག་ཧསྟ་དང་། །ཙན་དན་གྱི་ནི་ཕྱེ་མ་དག །སེམས་ཅན་ཐམས་ཅད་དབང་དུ་
བྱེད། །བུད་མེད་ཀུན་ལ་བདེ་བ་སྟེར། །ནི་ཏ་ཀེ་ཀེ་པེ་ཡ་དང་། །སྐྱེས་བུས་བྷ་ག་བྱུགས་ན་ནི། །དབང་དུ་སྡུད་པར་བྱེད་པའི་མཆོག །རྩ་མཁྲིས་རལ་པ་དམར་པོ་དང་། །ད་ལ་དང་ནི་པ་འདུར་བཅས། །རི་ལུ་
ཁ་རུ་བཅུག་ན་ནི། །འཁྲིག་དུས་ཁུ་བ་འཛིན་པའི་མཆོག །མ་ཡུ་ར་དང་ཨ་ཤུ་དང་། །ཨར་ཀ་མེ་ཤི་ཕྱེ་མས་ནི། །དགྲ་བོ་བརླག་པར་བྱེད་པ་ཡིན། །རྨོངས་བྱེད་ཀན་ཏ་གཞན་མི་ཐུབ། །ས་ཡི་བདག་པོར་ཡང་
དག་ལྡན། །སྨིག་མ་ཡི་ནི་ས་བོན་བཅས། །བྱ་བ་ཀུན་བྱེད་དགེ་བ་ཡིན། །ག་རི་དུ་ཧི་ཀྲ་མ་དང་། །བུ་དན་ཙ་རི་རྡོ་རྗེ་ཅན། །རང་ཁྲག་བཅས་པའི་སྐྱོ་མ་ཡིས། །སྟ་རེ་འབར་བའང་གངས་སུ་བྱེད། །ཨ་ཨ། 
ཨི་ཨཱི། ཨུ་ཨཱུ། རྀ་རཱྀ། ལྀ་ལཱྀ། ཨེ་ཨཻ། ཨོ་ཨཽ། ཨྃ་ཨཱཿ། ཨ་ལ་སོགས་པས་ལུས་བྱུགས་ན། །ལྷ་རྣམས་ཀྱིས་ཀྱང་མཆོད་འགྱུར་ན། །ས་སྟེངས་སྐྱེ་བོ་སྨོས་ཅི་དགོས། །ཡང་ཨ་ཨི་ཨོ་ཨཱཿ
རྣམས་ནི། །ཡིད་འོང་བདུག་པའི་སྦྱོར་བའོ། །ལཱྀ་ཨཱུ་རཱྀ་ཨཽ་རྣམས་ནི། །དྲིལ་ཕྱིས་སྦྱོར་བའི་དམ་པ་ཡིན། །ཨཱ་ཨྃ་ཨེ་ཨཱི་རྣམས་ནི། །མིག་སྨན་ལ་སོགས་ཆོ་གའོ། །ཨུ་ལྀ་རྀ་ཨེ་རྣམས་ནི། །ཁྲུས་ཀྱི་བྱ་བའི་

85-1-344a

ཆོ་གའི་མཆོག །ཀ་སོགས་བདུད་རྩི་ལྔ་ལྡན་པ། །དབང་དུ་བྱ་བའི་ཆོ་ག་མཆོག །ཙ་ལ་སོགས་དང་བདུད་རྩི་ལྔས། །བྲམ་ཟེ་རྒྱལ་རིགས་རྗེའུ་རིགས་སོགས། །སྐྱེས་པ་བུད་མེད་དབང་དུ་བྱེད། །ཊ་ལ་སོགས་
དང་བདུད་རྩི་ལྔས། །དམངས་རིགས་དག་ནི་དབང་དུ་བྱེད། །ཏ་ལ་སོགས་དང་ཏིལ་ཆེན་གྱིས། །དཔྲལ་བར་ཐིག་ལེར་བྱས་ན་ནི། །རྒྱུ་དང་མི་རྒྱུ་བཅས་རྨོངས་བྱེད། །པ་ལ་སོགས་དང་བདུད་རྩི་ལྔས། །ཙན་དན་བཅས་པས་དབང་
དུ་བྱེད། །ཤ་ཥ་ས་ཧ་རྣམས་ཀྱིས་ནི། །རླུང་དང་མེ་དང་དབང་ཆེན་ཆུ། །ཡ་ལ་སོགས་པའི་དཀྱིལ་འཁོར་གྱི། །ཆོ་ག་ཇི་བཞིན་རིག་པ་ཡིས། །བསྐྲད་པ་ལ་སོགས་བྱེད་པར་འགྱུར། །མཁའ་འགྲོ་ཀུན་དང་མཉམ་སྦྱོར་
བའི། །རྡོ་རྗེ་མཁའ་འགྲོ་བདེ་བའི་མཆོག །རྡོ་རྗེ་སེམས་དཔའ་དེ་བཞིན་གཤེགས། །བཅོམ་ལྡན་རྡོ་རྗེ་ཅན་གྱིས་གསུངས། །རྒྱུད་ཀྱི་རྒྱལ་པོ་ཆེན་པོ་དཔལ་རྡོ་རྗེ་མཁའ་འགྲོ་ལས་བཅུད་ཀྱིས་ལེན་གྱི་སྦྱོར་བ་དང་། སྡོམ་པའི་
ཆོ་གའི་རིམ་པར་ཕྱེ་བ་སྟེ། བཞི་བཅུ་རྩ་དགུ་པའོ།། །། གསང་བ་མཆོག་གི་དགྱེས་པ་ན། །ཐམས་ཅད་བདག་ཉིད་རྟག་བཞུགས་ལ། །གསང་ཆེན་དུ་ནི་ལེགས་བཞུགས་པའི། །དེར་ནི་ལྷ་མོས་འདི་སྐད་གསུངས། །
ལྷ་ཁྱོད་ཀྱིས་ནི་སྔར་བཤད་པའི། །མཚོན་ཆ་ལྔ་ཡི་ཆོ་ག་དང་། །ཐོད་པའི་ཕྲེང་བའི་དབང་བསྐུར་བ། །དེ་བཞིན་པད་མའི་ནགས་ཚལ་དང་། །གནས་བཞི་ཁྱོད་ཀྱིས་གསུངས་པ་ཡི། །དགོས་པ་དག་ནི་ཇི་ལྟ་བུ། །བསྡུས་
པའི་མིང་ནི་ཇི་ལྟར་ལགས། །དེ་བཞིན་གཞན་ཡང་བྲི་བ་ཅི། །ཁྱོད་ཀྱིས་བ་དན་གསུམ་བཤད་པའི། །མཆོད་པ་ཡི་ནི་ཁྱད་པར་ཅི། །དེ་དག་བདག་ནི་ཐེ་ཚོམ་གྱུར། ཐུབ་པ་ཆེན་པོས་བཤད་དུ་གསོལ། །
སྒྱུ་མ་ཀུན་གྱིས་རྣམ་རོལ་པའི། །རྒྱུད་རྣམས་ཀུན་དུ་སྦས་པ་གང་། །དེ་དག་ཐམས་ཅད་ཞུ་འདོད་པ། །སྒྱུ་འཕྲུལ་ཆེན་མོ་ལེགས་སོ་ལེགས། །ནང་གི་སྦྱོར་བའི་སྡོམ་པ་ནི། །རབ་ཏུ་བཤད་ཀྱིས་ལྷ་མོ་ཉོན། །ལྟོང་

85-1-344b

རྒྱུད་སྦྱོར་བ་ལ་སོགས་ཚོགས། །མེ་ཏོག་དག་ནི་བསྡུས་པ་འདྲ། །རྣ་དྲུང་བར་དུ་འགེངས་པ་དག །ལྕགས་ཀྱུ་ཞགས་པ་སོགས་པའང་སྦྱར། །མདའ་ནི་མྱུར་བ་མགྱོགས་པ་སྟེ། །འཕེན་པ་མདའ་ཡི་ཤུགས་ཡིན་ནོ། །
གཡས་དང་གཡོན་ནི་གཉི་ག་ཡིས། །འགེངས་པ་མཆོག་མའི་བར་དུ་ཡིན། །འཛིན་པ་ཅུང་ཟད་གནས་པ་སྟེ། །མི་འདའ་བར་ནི་འཕང་བར་བྱ། །མདའ་ཡི་ཆོ་ག་བརྗོད་མི་ལང་། །ད་ནི་ཕྱག་རྒྱ་བརྗོད་པར་བྱ། །ས་ནི་ཕྱག་རྒྱས་གདབ་
པར་བྱ། །མཉམ་པ་རྐང་གཉིས་གཞིབས་པ་སྟེ། །ཡངས་པ་རྒྱ་ཆེར་བསྐྱེད་པ་ཡིན། །ཟླུམ་པོ་དཀྱིལ་འཁོར་ལྟ་བུར་བྱ། །གཡོན་པ་ཅུང་ཟད་བསྐུམས་པ་ནི། །གཡས་པ་བརྐྱང་ཞེས་བྱ་བ་སྟེ། །གཡོན་བརྐྱང་
གཡོན་པ་བསྲང་ནས་ནི། །གཡས་པ་ཅུང་ཟད་བསྐུམས་པའོ། །མདའ་གཞུ་རིག་བྱེད་ཆོ་ག་ཡིས། །མཚོན་ཆ་ཐམས་ཅད་འཕང་བར་བྱ། །འདི་ནི་དབྱིབས་ཀྱི་ཕྱག་རྒྱ་ཡིན། །ད་ནི་ལུས་ཀྱི་མཚན་ཉིད་རྣམས། །
ཕྱག་རྒྱ་རབ་ཏུ་བཤད་པར་བྱ། །གྲིམས་པ་ནི་མི་ལྷོད་པ་སྟེ་སྙིང་སྟོབས་དང་ལྡན་པའོ། །སྲན་འཛུགས་པ་ནི་བརྟན་ཞིང་བརྩོན་འགྲུས་དང་ལྡན་པའོ། །མཉེན་པ་ཞེས་བྱ་བ་ནི་མཛེས་ཤིང་སྙན་པར་སྨྲ་བའོ། །ཡན་ལག་བརྟན་
ཞེས་བྱ་བ་ནི་ཕྱག་རྒྱས་རྨ་སྲོལ་ཆེར་འདོད་པའི་ངང་ཚུལ་ཅན་ནོ། །རྒྱ་ཆེར་འགེངས་ཤིང་རྣམ་པར་དག་ཞེས་བྱ་བ་ལ་འགེངས་པ་ནི་ཡོངས་སུ་རྫོགས་པ་སྟེ། ཚད་དང་ལྡན་ཞིང་ཡིད་དུ་འོང་བའི་ལུས་འཛུམ་པ་དང་བཅས་ཤིང་འཐུན་པར་འཇུག་
པའོ། །ལུས་ཀྱི་ཕྱག་རྒྱ་བདེ་བླག་ཅན། །ཞེས་བྱ་བ་ནི་རབ་ཏུ་རྫོགས་པའི་ངང་ཚུལ་ཅན་ནོ། །རིམས་དང་དུག་དང་དབྱིག་དུག་དང་། །བསམ་གཏན་སྦྱོར་བས་དབུག་པར་བྱ། །ཁྲོ་བོའི་གཟུགས་སུ་བསྒོམས་ནས་སུ། །
ལྷ་ཡི་དབང་པོར་གཞུར་བྱས་ནས། །ཀླུ་དབང་བ་སུ་ད་ཡི་རྒྱུད། །གློག་ནི་མདའ་རུ་བསམ་བྱ་སྟེ། །མེ་ལྕེ་འབར་བ་མདེ་འུར་བྱ། །སྒྲོ་ནི་རླུང་ཞེས་བྱ་བ་སྟེ། །རྣམ་པ་ལྔར་ནི་འབུགས་པ་ཡིན། །ལག་པ་

85-1-345a

གཡས་པ་ཞེས་བྱ་བ་ནི་སྣ་སྒོ་གཡས་པ་སྟེ། དེ་ནས་སྤྲོ་བར་བྱའོ། །ལག་པ་གཡོན་པ་ནི་སྣ་སྒོ་གཡོན་པ་སྟེ་བསྡུ་བའོ། །ཆང་བས་འབེན་ནི་བསྒྲིབས་ནས་སུ་ཞེས་བྱ་བ་ནི་དབང་དུ་བྱ་བའི་དོན་ཏོ། །འགྱེད་པ་ཞེས་
བྱ་བ་ནི་དགུག་པའོ། །དེ་ལ་ཆང་བ་ཞེས་བྱ་བ་ནི་རྣམ་པར་ཤེས་པ་དང་རླུང་ངོ་། །མིག་གདངས་པ་ནི་བཞིན་འཛུམ་བ་དང་བཅས་པའོ། །ལྟ་བ་ཆང་བ་ལ་གཏད་ཅེས་བྱ་བ་ནི་ཤི་བ་རྣམས་ཀྱང་འཚོ་བར་བྱེད་པའི་མཆོག་གོ། །
མདའ་གཞུས་རྣམ་པར་རྒྱལ་བ་ཡི། །འབུགས་པའི་མཚན་ཉིད་བཤད་པར་བྱ། །སྨིན་མའི་དཀྱུས་ནི་གཞུ་ཡིན་ཏེ། །བཟློག་སྟེ་ལྟ་བ་མདའ་ཡིན་ནོ། །འབུགས་པ་རང་གི་སེམས་ཀྱིས་ནི། །གཞན་སེམས་དོན་ལ་གཏད་
པ་ཡིན། །རོལ་པ་འགྲོས་ནི་དལ་བ་སྟེ། །འོ་མ་འཛིན་པ་མཁྲང་བ་ནི། །བོ་ནོ་ཨུ་ན་ཏ་ཞེས་བྱ། །བུ་མོ་འདི་ནི་ཡིད་འཕྲོག་མ། །ཐམས་ཅད་དངོས་པོ་གསུམ་ཡིན་ཏེ། །ཡན་ལག་མི་གསལ་འོད་ལྡན་གང་། །དེ་ནི་
ཡང་དག་གསལ་ཞིང་འབར། །སྙིང་གིས་ཐམས་ཅད་འཛིན་པ་གང་། །དེ་ནི་ཡན་ལག་བསྒྲུབ་པར་བརྗོད། །སྙིང་ནི་པད་མ་ཞེས་བཤད་དེ། །པད་མ་དེ་ནི་ཀུན་གྱིས་མཆོད། །ཐམས་ཅད་འཛིན་པ་མགོ་བོ་ཡིན། །
གླད་པ་ནས་ནི་ཀུན་དུ་རྒྱུ། །གང་གི་སྟོབས་ནི་གང་ཡིན་པ། །དེ་ནི་དེ་ཚེ་སྦྱར་བར་བྱ། །གནས་ནི་རྣམ་པ་དུ་མར་བཤད། །ཤ་དང་པུས་ཀར་བུང་བ་སོགས། །འདིར་ཡང་རིམ་པ་དེ་ཉིད་ཀྱིས། །སེམས་ནི་དགུགས་པ་སྔོན་
འགྲོ་བའི། །བདག་གི་གདན་ལ་སོགས་པ་ཡིནོ། །རང་ཉིད་ཀྱིས་ནི་རྟོགས་པར་སླ། །བརྡ་ཡིས་བཤད་པ་བརྗོད་པར་བྱ། །གྲུ་བཞི་ལ་སོགས་ཞེས་བྱ་ལ། །གྲུ་བཞི་པ་ནི་ཟུར་བཞི་སྟེ། །ལ་ཡིག་དབང་ཆེན་དཀྱིལ་
འཁོར་རོ། །འདབ་མ་ཅན་ནི་གྲུ་གསུམ་སྟེ། །མེ་ཡི་དཀྱིལ་འཁོར་རྃ་ལས་བྱུང་། །དེ་བཞིན་ཀུན་ནས་ཟླུམ་པོ་ནི། །བ་དང་ཡ་ཞེས་བྱ་བར་བཤད། །བསྒྲུབ་པར་བྱ་ལ་དཀྱིལ་འཁོར་དག །ཡི་གེ་དང་བཅས་བསམས་ཏེ་

85-1-345b

བསྒྲུབས། །གཡས་ཕྱོགས་ནས་ནི་བསྐོར་བ་ནི། །བསྒྲུབ་བྱའི་ཡན་ལག་ཀུན་བསམས་པའོ། །རིམ་གྱིས་གནོན་ཅིང་འགྲོ་བྱ་སྟེ། །བསྒྲུབ་པོ་ཤིན་དུ་མཉམ་བཞག་པས། །རྡོ་རྗེ་ཆགས་པར་བདག་བསྒོམས་ན། །རྒྱལ་སྲིད་
ཐམས་ཅད་ལོངས་སྤྱོད་འགྱུར། །སླར་ཡང་ཨེ་ནི་གཞུར་བྱས་ཏེ། །བ་ཞེས་བྱ་བ་མདའ་ཡིན་ནོ། །མདའ་གཞུའི་རིག་བྱེད་སྦྱོར་བ་ཡིས། །སྔར་བཤད་ཇི་བཞིན་གནས་པར་བྱ། །བསྒྲུབ་པར་བྱ་བ་འོད་དམར་འགྱུར། །མདུན་དུ་
བལྟས་པ་བསམ་པར་བྱ། །གསང་བའི་གནས་ཀྱི་ངེས་པ་ནི། །ཤ་ཡི་འབུགས་པར་ངས་བཤད་དེ། །ལྟེ་བའི་དབུགས་ནི་པུས་ཀ་ར། །སྙིང་ཀ་བུང་བ་ཞེས་བྱ་སྟེ། །གེ་སར་འབུགས་པ་དཔྲལ་བ་ཡིན། །མིག་སོགས་
གཡོ་བ་ཞེས་བྱ་སྟེ། །དབང་པོའི་ཚོགས་ནི་གཡུལ་འགྱེད་པ། །མི་ཡི་བདག་པོ་གསད་པར་བྱ། །དེ་དག་ཀུན་གྱི་མན་ངག་ནི། །བླ་མའི་ཁ་ལས་ངེས་པར་བྱ། །འཁྲུལ་འཁོར་གྱིས་འཕེན་མི་འཕེན་དང་། །ཞེས་བྱ་བ་ལ་
འཁྲུལ་འཁོར་ནི་ཏ་ལའི་འདབ་མ་དང་། གྲོ་ག་དང་རས་ལ་སོགས་པ་ལ་རལ་གྲི་དང་། པད་མ་དང་། འཁོར་ལོའི་དཀྱིལ་འཁོར་སྔགས་དང་བཅས་པར་བྲིས་པ་སྟེ། དེ་ནི་འཁྲུལ་འཁོར་གྱིས་འཕེན་པའོ། །མི་འཕེན་པ་
ཞེས་བྱ་བ་ནི་རང་གི་སྙིང་ཀའི་ཡིག་འབྲུ་ལས་སྣ་སྒོའི་ལམ་ནས་བྱུང་སྟེ་དགུག་པ་དང་། གཞུག་པ་དང་། བཅིང་བ་དང་། དབང་དུ་བྱ་བའོ། །ལག་པས་འཕེན་པ་ཞེས་བྱ་བ་ནི་རང་གི་ལྷར་དམིགས་ཏེ་དམ་ཚིག་དབང་དུ་བྱ་
བའི་ཕྱིར་འགྲོ་བ་དང་འོང་བར་བྱེད་པའོ། །འཕངས་ནས་སླར་ནི་གཟུང་བ་དང་ཞེས་བྱ་བ་ནི་ཕྱག་རྒྱར་བཅུག་སྟེ་བསླང་ནས་ཐལ་བར་བྱས་ལ་སླར་ཡང་གཟུང་བ་ཞེས་བྱ་བ་ལ་སོགས་པའི་ཡི་གེས་རང་ཉིད་བཀུག་ནས་བསླང་
སྟེ། རྡོ་རྗེ་ལྕགས་ཀྱུ་ལ་སོགས་པས་ནམ་མཁའི་ངོས་ཐམས་ཅད་ཡོངས་སུ་ཁྱབ་པའི་དུ་བ་ལྟ་བུའི་ཡེ་ཤེས་དེར་བཀུག་ཅིང་གསོས་ཏེ་དམ་བཅའོ། །དེ་ནས་དགྲ་བོའི་གཟུགས་བརྙན་བྱས་ཏེ། རྣམ་པར་སྣང་མཛད་
85-1-346a

ལ་སོགས་པ་ཅི་རིགས་པར་བསམས་ནས་རྐང་པ་དང་རྐང་པར། ལག་པ་དང་ལག་པར། ཁ་དང་ཁར། ལུས་དང་ལུས་སུ། ངག་དང་ངག་ཏུ། ལྟ་བ་དང་ལྟ་བར་འཐབ་ཅིང་འཆིང་བར་བསྒོམ་པར་བྱ་བ་འདི་ནི་ལག་
པས་འགྱད་པ་སྟེ་རྣམ་པ་ལྔའོ། །ཨཱ་ལི་ཀཱ་ལི་མཉམ་བྱས་ནས། །ཞེས་བྱ་བ་ནི། ཨྃ་ཨིྃ། ཨུྃ་ཨེྃ། ཨོཾ་ཨྃ་ཨཱ། ཀ་ཙ་ཊ་ཏ་པ་ཡ་ཤ་རྣམས་ཏེ། །རབ་ཏུ་སྦྱོར་བ་རྒྱས་པར་ནི། །བསྒྲུབ་པ་བསྒྲུབ་པོ་རྣམས་ལ་
བཤད། །པད་མ་གར་དབང་བསྒྱུར་ནས་སུ། །བུ་མོའི་གནས་ལ་འདུག་པར་བསམ། །ཨེ་ཞེས་བྱ་དང་བྃ་ཞེས་པ། །ལ་ཞེས་བྱ་བ་གསུམ་པ་སྟེ། །བསྒྲུབ་པོས་འདིར་ནི་ཡི་གེ་བསམ། །མེ་མར་གྱི་ནི་རྩེ་ལྟར་
བྱ། །རྩེ་མོ་ལྟ་བུ་ཞེས་བྱ་བ་ལ། ཤི་ཁ་ནི་མགོ་སྟེ་ཀླད་པའི་གོང་བུའོ། །རྩེ་མོ་ནི་མེའི་རྩེ་མོ་སྟེ། དེས་མར་སར་བུམ་པར་བཙོས་པ་ལྟར་ཐམས་ཅད་དུ་བཞུ་བར་བྱའོ། །སྔགས་ཀྱི་མར་མེ་འདི་ཡིས་ནི། །སྐད་
ཅིག་གིས་ནི་འདར་བར་འགྱུར། །བུ་མོ་ཆགས་པས་གདུངས་ནས་སུ། །ཇི་སྲིད་འཚོ་བར་དབང་དུ་འགྱུར། །ལྷ་མོ་ཀླུ་མོ་གནོད་སྦྱིན་མོ། །ལུགས་མ་འམ་ནི་བྲིས་པ་ལ། །དེ་ཡི་མིང་ནི་བྲིས་ནས་སུ། །བློ་ལྡན་
སྙིང་ཀར་བཅུག་སྟེ་བསྒོམ། །ཉི་མ་བདུན་ནི་ཚུན་ཆོད་ཀྱིས། །མར་མེ་ཡི་ནི་ཆོ་ག་ཡིས། །འགྲུབ་འགྱུར་འདིར་ནི་ཐེ་ཚོམ་མེད། །གང་གི་དབང་པོ་རྫས་ཡིན་ཏེ། །ཤིན་དུ་མཉམ་པར་བཞག་སྟེ་བསྒྲུབ། །དབང་པོ་
མིག་ལ་སོགས་པ་ཡིན། །རིགས་པའི་སྦྱོར་བ་ལམ་ཡིན་ཏེ། །གང་དང་གང་གི་རང་བཞིན་ཏེ། །དེ་དང་དེ་ཡི་དངོས་པོ་ཡིས། །བདེ་བ་ཉིད་དུ་བསྒྲུབ་པར་བྱ། །བདེ་བ་སེམས་ཞེས་བྱ་བ་སྟེ། །དེ་ཉིད་དུ་ནི་བདག་བདེ་
སོགས། །སྡུག་བསྔལ་གྱིས་ནི་འགྲུབ་མི་འགྱུར། །བདེ་བ་ཡིས་ནི་འགྲུབ་པར་བཤད། །ཤིན་དུ་བདེ་བའི་བསྒྲུབ་ཐབས་ནི། །ཐོས་དང་བསམ་གཏན་སོགས་སྤངས་པའི། །དམན་པ་དག་ནི་གང་གིས་ཀྱང་། །

85-1-346b

བསྒྲུབ་པར་ནུས་པ་མ་ཡིན་ཏེ། །སྐྱེ་བོ་ཐབས་དང་བྲལ་བས་ན། །ཚུལ་ངན་དམན་པ་དཀའ་བས་བསྒྲུབ། །བདག་ཉིད་བསྒྲུབ་པ་དང་བྲལ་བས། །སྐལ་མེད་ངལ་བ་དོན་མེད་ཅིང་། །དེ་ལ་དངོས་གྲུབ་ཞེས་མི་བརྗོད། །
ཨ་ས་མ་ཞེས་བྱ་བ་ནི་དཔེ་དང་ཟླ་མེད་པའོ། །ཨ་དྷི་ཏ་ཞེས་བྱ་བ་ནི་རྣལ་འབྱོར་པ་རྣམས་ཀྱི་སྦྱོར་བའོ། །སངས་རྒྱས་ཀུན་དུ་རང་ཉིད་འགྱུར། །ཞེས་བྱ་བ་ནི་དངོས་པོ་ཐམས་ཅད་གཉིས་སུ་མེད་པའི་ཡེ་ཤེས་སུ་མཚོན་
ཅིང་འཇུག་པའོ། །པྲ་ཏ་ཧྃ་ཞེས་བྱ་བ་ནི་ཉི་མ་རེ་རེ་ཞིང་ངོ་། །ཡང་ན་ཟླ་རེ་སྟེ་ཟླ་བ་ཉ་ལའོ། །ཡང་ན་ལོ་རེ་ཞིང་སྟེ་གལ་ཏེ་མ་འབྱོར་པའམ། སྐལ་བ་མེད་པ་དང་། འདས་པའི་དབང་གིས་ཀྱང་རུང་སྟེ། དེ་དག་གིས་ནི་ལོ་རེ་ཞིང་
བྱའོ། །དེ་བཞིན་ཞེས་བྱ་བ་ནི་དབང་བསྐུར་བའི་ཆོ་ག་ལྟར་བྱ་བའོ། །ཡང་ན་དེ་བཞིན་ཏེ།   སློབ་དཔོན་གཞན་མེད་ན་ཇི་བཞིན་བྱིན་གྱིས་བརླབས་ནས་ཞེས་བྱ་བ་ལ་དེ་ལ་བྱིན་གྱིས་བརླབས་ནས་ཞེས་བྱ་བ་ནི་སངས་རྒྱས་ཀྱི་
སྡོམ་པ་སྟེ། དེ་རྙེད་ནས་བདག་དང་ལྷན་ཅིག་ཏུ་གར་བྱ་བའོ། །སངས་རྒྱས་སྡོམ་པ་ནི་སངས་རྒྱས་དང་འབྲེལ་པ་སྟེ། དེ་སུ་ཞིག་ཅེ་ན། གཟུགས་ལ་སོགས་པ་དང་། ལང་ཚོ་ཕུན་སུམ་ཚོགས་པའི་བུ་མོའོ། །གར་ཞེས་
བྱ་བ་ནི་བདག་ཉིད་རང་གི་ལྷའི་རྣལ་འབྱོར་དང་ལྡན་པས་སྤྱད་པར་བྱ་ཞེས་བྱ་བའི་དོན་ཏོ། །དེས་ནི་འདི་སྐད་བསྟན་པར་འགྱུར་ཏེ། ཕྱག་རྒྱ་ལ་སོགས་པའི་ཡོ་བྱད་རྣམས་ཇི་སྟེ་རྒྱུན་དུ་མ་འབྱོར་ན་དེས་བདེ་བ་སླར་ཡང་རྗེས་སུ་
གཟུང་བའི་ཕྱིར། རིམ་པ་འདིས་མཆོད་པ་བྱ་ཞིང་དམ་ཚིག་བསྲུང་ཞིང་བསྐྱང་བར་བྱའོ་ཞེས་བྱ་བའི་དོན་ཏོ། །གཞན་ཡང་བརྡས་བཤད་པའི་དོན་བསྟན་པར་བྱ་སྟེ། པྲ་ཏ་ཧྃ་ཞེས་བྱ་བ་ནི་རབ་ཏུ་མང་པོའོ། །དེ་ཅི་ཞིག་ཞེ་ན། 
ཁམས་བཅྭ་བརྒྱད་ཀྱི་མཉམ་པར་སྦྱོར་བ་ཞེས་བྱ་བའི་བར་དུའོ། །ཟླ་རེ་ཞེས་བྱ་བ་ནི་ཟླ་བ་དང་། དམར་པོའོ། །ལོ་རེ་ཞེས་བྱ་བ་ནི་ལོ་བཅུ་གཅིག་མ་ནས་བརྩམས་ཏེ། ཉི་ཤུ་རྩ་ལྔ་མའི་བར་དུའོ། །གལ་ཏེ་དེ་དག་ཀྱང་མ་

85-1-347a

འབྱོར་ན་ཇི་བཞིན་བྱིན་གྱིས་བརླབས་ནས་ཞེས་བྱ་བ་བདག་ཉིད་གཅིག་པུས་བདེ་བའི་སྦྱོར་བས་དམ་ཚིག་བསྐྱང་བར་བྱ་ཞེས་བྱ་བའི་དོན་ཏོ། །ཕྱག་རྒྱས་དངོས་གྲུབ་འཇུག་པར་འགྱུར་ཞེས་བྱ་བ་ལ་འཇུག་པ་ནི་ཉམས་སུ་ལེན་
པའོ། །སྒྲུབ་པ་པོ་ཡི་ལག་གཡོན་གྱིས། །པད་མའི་སྣོད་ནི་བཟུང་ནས་སུ། །ཞེས་བྱ་བ་ལ་པད་མའི་སྣོད་ནི་དུམ་བུ་གཅིག་པའི་ཐོད་པ་སྟེ། དེ་ལ་ཀ་ཞེས་བྱ་བ་ནི་ལུས་སོ། །པཱ་ལ་ཞེས་བྱ་བ་ནི་སྐྱོང་བ་སྟེ། དུམ་བུ་གཅིག་པ་ཞེས་
བྱ་བ་ནི་མ་ཉམས་ཤིང་ཤིན་དུ་མཛེས་པའོ། །དེ་ལ་པད་མ་ཞེས་བྱ་བ་ནི་པད་མ་ཅན་ནམ། རིགས་གཞན་གྱི་བུ་མོ་ཡང་རུང་སྟེ། སྣོད་ནི་དེའི་ཆོས་ཀྱི་འབྱུང་གནས་ཀྱི་པད་མ་ཡིན་ལ་དེ་ཉིད་མཉམ་པ་སྟེ། རྨ་མེད་པ་ཞེས་བྱ་བའི་བར་དུའོ། །
ལག་པ་ཞེས་བྱ་བ་ནི་བརྟན་པ་ཞེས་བྱ་བར་འཇུག་པའོ། །གཡོན་པ་ཞེས་བྱ་བ་ནི་ཟུར་མིག་གཡོན་དུ་ལྟ་བའོ། །བ་དན་གསུམ་ཞེས་བྱ་བ་ནི་བུ་མོའི་བཅུད་འཛག་པ་སྟེ་དེ་བཟའ་བའོ། །ལག་པ་གཡས་པ་ཞེས་བྱ་བ་ལ་ལག་པ་
ནི་ལོ་ཉི་ཤུ་རྩ་ལྔ་མའི་བར་ཡིན་ལ། བཤེས་གཉེན་དང་ལྡན་པའི་ཕྱིར་གཡས་པའོ། །དེ་ཉིད་ནི་གཡོན་པ་སྟེ། དེ་ལས་བྱུང་བ་དེ་ལོངས་སྤྱད་པར་བྱ་བའོ། །དེ་ལ་ལོངས་སྤྱད་པ་ཞེས་བྱ་བ་ནི་ཇི་ལྟར་བླ་མས་ཉམས་སུ་
བསྟར་བ་དེ་ལྟར་སྤྱད་པས་འགྲུབ་པར་འགྱུར་རོ། །སྒྲུབ་པ་པོས་དེ་ལྟར་ངེས་པར་ཤེས་པར་བྱས་ལ་དེ་ནས་དུས་བཅིང་བར་བྱའི། གཞན་དུ་ན་ལྟུང་བར་འགྱུར་རོ། །ལྟུང་བ་ཞེས་བྱ་བ་ནི་དམ་ཚིག་ལས་འདས་པ་ཞེས་བྱ་བའི་
དོན་ཏོ། །སྔགས་ནི་བླ་མས་བསྟན་པ་སྟེ། །ཕྱག་རྒྱ་དེ་ལ་བསྟན་པ་ཡིན། །དེ་ཉིད་རྟག་ཏུ་སྦྱོར་བ་ཡིས། །ཆོས་ཀྱི་འཁོར་ལོ་བསྐོར་བར་འགྱུར། །འདི་དག་ཐམས་ཅད་མི་རྟོག་པ། །མི་རྟོག་པ་ཡང་མ་ཡིན་ཏེ། །རྟོག་
པ་མེད་པའི་རང་བཞིན་གྱིས། །མི་རྟོག་པ་ནི་བརྟགས་པ་ཡིན། །དུས་དྲུག་དུ་ནི་བསྟན་པ་དག །རྟག་ཏུ་རྣམ་པར་མི་རྟོག་གནས། །རྡོ་རྗེ་སེམས་སོགས་རྒྱལ་བ་རུ། །དེ་ཡི་རང་བཞིན་ཡོངས་ཤེས་བྱ། །སོས་ཀ་དང་

85-1-347b

ནི་དབྱར་དང་སྟོན། །དགུན་སྟོད་དགུན་སྨད་དེ་བཞིན་དཔྱིད། །དེ་དག་མ་འདྲེས་ཤེས་བྱས་ལ། །འདིས་ནི་ལས་རྣམས་ཐམས་ཅད་བྱ། །སོས་ཀའི་དུས་ནི་རྟ་མཆོག་སྟེ། །དེ་བཞིན་དབྱར་ནི་ཧེ་རུ་ཀ །རྡོ་རྗེ་ཉི་མ་སྟོན་
ཡིན་ཏེ། །པད་མས་རོལ་པ་དགུན་སྟོད་ཡིན། །དགུན་སྨད་རྡོ་རྗེ་སེམས་དཔའ་ལ། །དཔྱིད་ནི་རྣམ་པར་སྣང་མཛད་དོ། །སོས་ཀ་མར་མེས་མཆོད་བྱ་སྟེ། །དེ་བཞིན་དབྱར་ནི་ཆུ་ཡིས་མཆོད། །སྟོན་ནི་མར་ཁུས་
མཆོད་བྱ་སྟེ། །དགུན་སྟོད་དེ་བཞིན་མེ་ཏོག་དབུལ། །དགུན་སྨད་ག་བུར་བཟའ་བྱ་སྟེ། །ཁྱད་པར་དུ་ནི་བཞི་མཉམ་གྱིས། །དཔྱིད་ཀྱི་དུས་སུ་མཆོད་པར་བྱ། །དུས་ཀྱི་མཆོད་དང་མཉམ་མེད་དེ། །སྦྱོར་བ་ཀུན་གྱི་
དམ་པ་ཡིན། །རྣལ་འབྱོར་མ་ནི་ཐམས་ཅད་དང་། །མཁའ་འགྲོ་མ་དང་མ་མོ་མཉེས། །དེ་བས་འབད་པ་ཐམས་ཅད་ཀྱིས། །མཆོད་ན་མཆོད་པའི་བདག་ཉིད་འགྱུར། །རང་བཞིན་དེ་དག་རྫོགས་པར་ནི། །གང་ཞིག་
གྱུར་པའི་རྣལ་འབྱོར་པས། །སྒྲུབ་པོ་རྣམས་ཀྱི་ལས་རྣམས་ནི། །ཐམས་ཅད་བྱེད་འགྱུར་གདོན་མི་ཟ། །དེ་དག་རང་བཞིན་གྲུབ་པ་སྟེ། །དུས་ཞེས་བྱ་བར་བརྗོད་པ་ཡིན། །དུས་ལ་སོགས་པའི་རང་བཞིན་གྱིས། །རྒྱལ་
བ་ཐམས་ཅད་ཡང་དག་བཞུགས། །དུས་ཀུན་སེམས་ལ་གནས་མོད་ཀྱི། །དེ་ལྟར་ན་ཡང་རྣམ་པར་འཁྲུལ། །མི་ཤིགས་པ་ཞེས་བྱ་བ་ནི་ཡི་གེ་ཧཱུྃ་སྟེ། དེ་ཡང་བདག་ཉིད་ཀྱི་ལུས་ལ་གནས་པའི་ཧཱུྃ་ངོ་། །དེ་ཉིད་ནི་ཡི་གེ་
མཆོག་ཅེས་བྱ་སྟེ། ཡི་གེ་མཆོག་དེའི་ཕྱག་རྒྱ་ནི་རྩ་གསུམ་ནས་བདེ་བ་ཆེན་པོའི་སྒོར་སྣའི་སྒོ་གཉིས་ནས་རླུང་ཇི་ལྟ་བ་བཞིན་དུ་འཇུག་པ་ཡིན་ལ། དེ་ཉིད་ནི་ཨཱ་ལི་ཀཱ་ལི་སྟེ། གཡས་དང་གཡོན་དུའོ། །དེས་འདི་སྐད་བསྟན་
པར་འགྱུར་ཏེ། ལྟེ་བའི་དཀྱིལ་འཁོར་དུ་བྱང་ཆུབ་ཀྱི་སེམས་ལ་སོགས་པའི་རླུང་གི་དཀྱིལ་འཁོར་འཇུག་པ་ཡིན་ལ། དེའི་སྟེང་དུ་ནི་ཆུའི་དཀྱིལ་འཁོར་རོ། །དེ་ནས་ནི་མེའོ། །དེ་ནས་ནི་སའོ། །དེའི་སྟེང་དུ་ནི་པད་མའོ། །དེའི་སྟེང་དུ་

85-1-347c

གནས་པའི་ས་བོན་ནི་མི་ཤིགས་པ་དང་ཡི་གེའི་མཆོག་ཅེས་བརྗོད་དོ། །དབང་པོ་ཀུན་ལས་བྱུང་བ་ཡིན། །དམ་ཚིག་ཐོད་པ་ཞེས་བྱར་བརྗོད། །མཛེས་པ་ཕྲེང་བ་ཞེས་བཤད་དེ། །དེ་ཁོ་ན་ཉིད་ཨུ་རྒྱན་ཡིན། །གཙུག་གི་
ནོར་བུ་དབང་བསྐུར་ཏེ། །སངས་རྒྱས་ཞེས་བྱ་རྗེས་གནང་ཡིན། །ཧེ་རུ་ཀ་ཡི་དབང་བསྐུར་བའོ། །ཐོད་པ་ལུས་ཞེས་བྱ་བ་སྟེ། །རྐེད་པ་ཕྲེང་བའི་མིང་ཅན་ཡིན། །དབུ་རྒྱན་བྷ་ག་ཞེས་བྱར་བརྗོད། །སངས་རྒྱས་ཁུ་བ་ཞེས་བརྗོད་དོ། །གཙུག་གི་
ནོར་བུ་བདེ་བར་བཤད། །རྡོ་རྗེ་པད་མའི་དབང་བསྐུར་བའོ། །སླར་ཡང་བཤད་པར་བྱ་བ་སྟེ། །ཐོད་པ་དབང་གཉིས་དམ་ཚིག་སྟེ། །ཕྲེང་བ་སྔགས་ཀྱི་བདག་པོར་བརྗོད། །བཅུ་དྲུག་ཐིག་གིས་བཏབ་པའོ། །སྟོང་པ་དབུ་རྒྱན་ཞེས་བྱར་བཤད། །
ཨ་ལ་སོགས་པའི་མ་མོ་རྣམས། །སངས་རྒྱས་ཞེས་བྱའི་སྒྲ་རུ་བརྗོད། །དེ་རྣམས་དབུས་ཀྱི་བདེ་བ་གང་། །དེ་ནི་གཙུག་གི་ནོར་བུར་བརྗོད། །རིགས་རྣམས་ཀུན་གྱིས་ཐམས་ཅད་དུ། །རྟག་ཏུ་དབང་བསྐུར་དེ་ལྟ་བུ། །དཔལ་ཞེས་བྱ་བ་
དགའ་བ་སྟེ། །བདེ་བ་སངས་རྒྱས་སུ་ནི་བརྗོད། །པད་མ་པད་མ་ཉིད་ཡིན་ལ། །ནགས་ནི་སྐྱ་རེང་ཞེས་བྱར་གྲགས། །རྩ་བ་བྱང་ཆུབ་སེམས་ཡིན་ནོ། །ཡང་ན་པད་མ་ལྟེ་བའི་འཁོར་ལོ་སྟེ། །ནགས་ནི་ཨ་སོགས་མ་མོ་ཡིན། །རྩ་བ་ཐར་བ་
སྟེར་བྱེད་པའི། །བརྡ་ཡིས་སངས་རྒྱས་ཕྱག་རྒྱ་ཡིན། །ཡང་ན་ལྟེ་བ་མཚོ་སྐྱེས་ཞེས་བྱ་སྟེ། །ནགས་ཞེས་བྱ་བ་ངག་ཡིན་ལ། །རྩ་བ་ལུས་ཀྱི་བླ་དགས་ཡིན། །སངས་རྒྱས་སེམས་ཀྱི་བརྡ་ཡིན་ནོ། །གཅིག་པུ་ངེས་པའི་རྣལ་འབྱོར་
ཡིན། །དབེན་པ་རྟོག་པ་སྤངས་པ་སྟེ། །སྦས་པ་གསལ་བར་མ་བྱས་པའོ། །ནགས་ནི་སྔར་བཤད་ཁམས་རྣམས་ཏེ། །ལྷན་ཅིག་མཆོག་ཏུ་འཇུག་པས་ན། །བསྡུས་པ་ཞེས་ནི་བྱ་བར་བརྗོད། །ལྷ་ཞེས་བྱ་བར་རང་མིང་བརྗོད། །
གཟའ་དང་སྐར་མ་ལ་སོགས་ལྷ། །ཨ་ཀྲ་ཞེས་བྱའི་སྒྲ་བརྗོད་པ། །དེ་ནི་རྣལ་འབྱོར་ཤེས་པ་མིན། །ཨ་ཀྲ་གཙོ་བོ་ཞེས་བརྗོད་ཅིང་། །ཨ་ཀྲ་དམ་པ་ཞེས་བྱ་ལ། །ཨ་ཀྲ་དང་པོ་ཞེས་བཤད་ཅིང་། །ཨ་ཀྲ་སྤྱི་བོར་གནས་པ

85-1-347d

པའོ། །རང་གི་མིང་དང་ལྡན་པ་ཡིས། །སྡིག་པ་དག་ནི་སེལ་བར་བྱེད། །ཡང་ན་ས་ནི་ཨ་སོགས་ཏེ། །དེ་རྣམས་ཨ་ཀྲ་ཧ་ཞེས་བྱ། །མགོར་གནས་འོག་ཏུ་བལྟས་ནས་ནི། །ཡི་གེ་ཐ་སྙད་ཆར་དུ་འབེབས། །ཐ་སྙད་ཅེས་བྱ་
བ་ནི་དབྱངས་དང་གསལ་བྱེད་རྣམས་ཏེ་དེ་རྣམས་ཀྱིས་འཚོ་བར་གྱུར་པའོ། །དབྱངས་ཞེས་བྱ་བ་ལ་སྭ་ནི་རང་ཉིད་ཀྱིས་སོ། །ར་ནི་མཛེས་པ་སྟེ་དེས་ན་སྭ་རའོ། །ཧ་ནི་སྐལ་བཟངས་ཡི་གེ་སྟེ། །རྣམ་པའི་མཆོག་ཀུན་ལྡན་པ་དང་། །
རྒྱན་རྣམས་ཀུན་གྱིས་ཀླུབས་པ་ཡི། །རྡོ་རྗེ་སེམས་སོགས་ལྷ་རྣམས་སུ། །བདག་གི་ལུས་ནི་བསམ་པར་བྱ། །བསམ་གཏན་སྦྱོར་བ་འདི་ཡིས་ནི། །སྡིག་པ་ཀུན་ལས་གྲོལ་འགྱུར་ཞིང་། །བསོད་ནམས་ཀུན་དང་ལྡན་པ་རུ། །
དངོས་པོ་གསུམ་ནི་ཡང་དག་གནས། །བྲིས་པས་བསོད་ནམས་གང་མཐོང་བ། །བསམས་པས་ཀྱང་ནི་དེ་བཞིན་མཐོང་། །སློབ་མ་བདག་ཉིད་ཆེན་པོ་ལ། །འདི་ཡིས་དབང་ནི་བསྐུར་བར་བྱ། །དབང་བསྐུར་དམ་པ་བསྒོམ་བྱར་
འདོད། །གང་དང་གང་གི་ལྷ་ཡི་མཆོག །དེ་དང་དེ་ནི་སློབ་དཔོན་འགྲོ། །གང་དང་གང་ལ་ལྷག་མོས་པ། །དེ་དང་དེ་ཡིས་དབང་བསྐུར་བྱ། །དབང་ནི་རྣམ་པ་བཞི་དག་ཏུ། །ཡང་དང་ཡང་དུ་སོ་སོར་བཤད། །གང་ཞིག་སྔར་ནི་བཤད་པ་
རྣམས། །དེ་དག་ཀུན་གྱིས་བརྗོད་པ་ཡིན། །རྣལ་མའི་སྦྱོར་བ་རྟོགས་བྱའི་ཕྱིར། །བཅོས་མ་ཡི་ནི་བསྒོམ་པ་དང་། །བཅོས་མ་ཡི་ནི་བཟླས་པ་བྱ། །རྣལ་མའི་སྦྱོར་བ་རྟོགས་གྱུར་ན། །བཅོས་མའི་སྦྱོར་བ་ཕྱི་
རོལ་ནས། །རྣལ་མའི་སྦྱོར་བ་རྟོགས་གྱུར་པས། །བཅོས་མ་དག་ནི་མི་བྱའོ། །དཔེར་ན་གཟིངས་ལ་འཇུས་ནས་ནི། །ཆུ་ཡི་ཕ་རོལ་འགྲོ་བར་བྱེད། །ཕ་རོལ་ཕྱིན་ནས་འདོར་བ་ལྟར། །བཅོས་མ་དག་ཀྱང་དེ་བཞིན་ནོ། །
དཀྱིལ་འཁོར་ལ་སོགས་ལས་གང་ནི། །བཅོས་མའི་སེམས་ཀྱིས་གང་བྱེད་པ། །ཕྱི་རོལ་ལས་རྣམས་གསལ་བྱེད་པས། །དང་པོའི་ལས་ཅན་རྣམས་ལ་བསྔགས། །དངོས་གྲུབ་དེ་ཀུན་འདིར་གནས་པས། །རྒྱལ་

85-1-348a

བའི་དངོས་ཉིད་རིག་ལ་མིན། །གང་ཡང་སྒྲ་ཤེས་བསྟན་བཅོས་རྣམས། །དྲང་སྲོང་རྣམས་ཀྱིས་བྱས་པ་ལྟར། །རང་གི་སེམས་ནི་འཇུག་བྱེད་པའི། །སྐྱེས་བུའི་བཅོས་མའི་བྱ་བ་རྣམས། །རྒྱུད་ཀྱི་རྗེས་
སུ་འབྲངས་ནས་ནི། །འབད་པས་སྡུག་བསྔལ་སློང་བར་བྱེད། །དེ་ཕྱིར་དཀྱིལ་འཁོར་ལ་སོགས་པ། །བྱ་བའི་ཆོ་ག་ལ་འབད་པ། །ཐར་པ་དང་བྲལ་ཕྱི་རོལ་ཏེ། །སྐྱེས་བུ་ཉོན་མོངས་འབའ་ཞིག་བྱེད། །མི་རྟོག་བས་ནི་འཚང་
མི་རྒྱ། །རྟོག་དང་བཅས་པས་ཀྱང་དེ་བཞིན། །ཤིན་དུ་རྣམ་དག་ཡོངས་ཤེས་ན། །ཡིད་འདོད་རྣམས་ཀྱི་དེ་ཉིད་འགྱུར། །རྒྱུ་དང་འབྲས་བུའི་རང་བཞིན་ནི། །དམ་པ་ཉིད་དུ་ཡོད་མིན་ཅིང་། །རང་བཞིན་གསལ་བ་ཉིད་ཀྱི་ཕྱིར། །
སྟོང་པ་ཉིད་ཀྱང་མ་ཡིན་ནོ། །རང་བཞིན་དབྱེ་བ་ཐམས་ཅད་ཀྱི། །རྣམ་པ་དག་ནི་རྣམ་གནས་པ། །རྒྱ་མཚོ་ལ་ནི་རིན་ཆེན་བཞིན། །ཐོག་མཐའ་མེད་པའི་ཚུལ་ཅན་ཡིན། །འཇིག་རྟེན་རྟག་ཏུ་ཐ་སྙད་སྤྱོད། །འཇིག་
རྟེན་ལས་འདས་དེ་དང་འགལ། །ཡོད་དང་མེད་ཅེས་བྱ་བ་ནི། །རང་བཞིན་ཉིད་དུ་ཤེས་པ་མིན། །འདི་ཡི་ཚུལ་གྱིས་རབ་རྟོགས་པ། །རྫོགས་དང་བྲལ་བས་གྲོལ་བ་མིན། །རྣལ་མའི་ལམ་ལ་བརྟེན་ན་ནི། །ཐམས་ཅད་
བྱས་ཀྱང་རྣམ་པར་གྲོལ། །སྐྱོན་དང་ཡོན་ཏན་འཕེལ་བྱེད་པའི། །འཁོར་བ་དང་ནི་མྱ་ངན་འདས། །བདེ་བ་དང་ནི་སྡུག་བསྔལ་དངོས། །ལྷན་ཅིག་སྐྱེས་པར་ཡང་དག་གནས། །མཁའ་འགྲོ་ཀུན་དང་མཉམ་སྦྱོར་བའི། །
རྡོ་རྗེ་མཁའ་འགྲོ་བདེ་བའི་མཆོག །རྡོ་རྗེ་སེམས་དཔའ་དེ་བཞིན་གཤེགས། །བཅོམ་ལྡན་རྡོ་རྗེ་ཅན་གྱིས་གསུངས། །རྒྱུད་ཀྱི་རྒྱལ་པོ་ཆེན་པོ་དཔལ་རྡོ་རྗེ་མཁའ་འགྲོ་ལས་རྡོ་རྗེ་སེམས་དཔའི་དབུགས་དབྱུང་བ་དང་། རང་བཞིན་ངེས་
པར་བསྟན་པའི་རིམ་པར་ཕྱེ་བ་སྟེ་ལྔ་བཅུ་པའོ།། །།རྒྱུད་ཀྱི་རྒྱལ་པོ་ཆེན་པོ་དཔལ་རྡོ་རྗེ་མཁའ་འགྲོ་རྫོགས་སྷོ།། །། རྒྱ་གར་གྱི་པཎ་ཌི་ཏ་ཆེན་པོ་ག་ཡ་དྷ་ར་དང་། བོད་ཀྱི་ཞུ་ཆེན་གྱི་ལོ་ཙྪ་བ་འགོས་ལྷས་བཙས་ཀྱིས་བསྒྱུར་ཅིང་ཞུས་ཏེ། དཔེ་གཉིས་ལ་གཏུགས་ནས་གཏན་ལ་ཕབ་པའོ། །

85-1-348b

This is a blank page with་blank image

85-1-349a

This is a blank page with་blank image

85-1-349b

༄༅༅། །རྒྱ་གར་སྐད་དུ། བཛྲ་ཌཱ་ཀ་ནཱ་མ་ཨུཏྟ་ར་ཏནྟྲ། བོད་སྐད་དུ། རྡོ་རྗེ་མཁའ་འགྲོ་ཞེས་བྱ་བའི་རྒྱུད་ཕྱི་མ། འཇིག་རྟེན་དབང་ཕྱུག་ལ་ཕྱག་འཚལ་ལོ། །གསང་དང་མཆོག་དང་དགྱེས་པ་
དང་། །ཐམས་ཅད་བདག་ཉིད་ལ་རྟག་བཞུགས། །མཁའ་འགྲོ་ཀུན་དངོས་སེམས་དཔའ་སྟེ། །རྡོ་རྗེ་མཁའ་འགྲོ་བདེ་བའི་མཆོག །འདི་ནི་རང་བྱུང་བཅོམ་ལྡན་འདས། །འདི་ཉིད་གཅིག་པུ་ལྷག་པའི་ལྷ། །
འབྱུང་གནས་སྒྲ་གཟུགས་ལས་ངེས་འབྱུང་། །དམ་ཚིག་སྤྱོད་ཡུལ་བཅོམ་ལྡན་རྣམས། །ཐོག་མཐའ་དབུས་མཐར་ཡང་དག་གནས། །འཇིག་རྟེན་གསུམ་རྣམས་ན་རྙེད་དཀའ། །འདོད་ཆགས་མ་ཡིན་ཆགས་
བྲལ་མིན། །དབུ་མར་ཡང་ནི་དམིགས་པ་མེད། །སྒྱུ་མའི་ཕྱག་རྒྱ་བུད་མེད་ཀུན། །གཉིས་མེད་ཡེ་ཤེས་དམ་པ་ཡིན། །སྤྱོད་ན་མ་ཡང་འགྲུབ་འགྱུར་ཏེ། །བདེ་དང་སྤྲོ་བས་ཐམས་ཅད་འཐོབ། །ནམ་མཁའ་ཀུན་
དུ་སྤྱོད་འགྲུབ་པ། །མཁའ་འགྲོ་མ་ཞེས་རབ་ཏུ་གྲགས། །སྣ་ཚོགས་ཕྱག་རྒྱ་ཐམས་ཅད་དང་། །ཀུན་ནས་སྣ་ཚོགས་སྡོམ་པ་ནི། །མཁའ་འགྲོ་མ་ཀུན་མཉམ་སྦྱོར་བས། །རྡོ་རྗེ་མཁའ་འགྲོར་རབ་ཏུ་གྲགས། །སོ་སོའི་ལྷ་ལ་
དམིགས་པ་ནི། །དེ་ཉིད་བསམ་བྲལ་རྣལ་འབྱོར་ཏེ། །དབང་བསྐུར་བ་ལས་ངེས་པར་སྐྱེ། །གཟུགས་བརྙན་རང་བཞིན་རྣལ་འབྱོར་ཏེ། །རྣལ་འབྱོར་ཆེན་པོ་བྱང་ཆུབ་སེམས། །རྣལ་འབྱོར་དབང་ཕྱུག་བདག་པོ་རང་། །
བྱང་ཆུབ་སེམས་ནི་རྡོ་རྗེ་སྟེ། །སངས་རྒྱས་ཀུན་གྱི་རང་བཞིན་ཕྱིར། །དེ་ཕྱིར་ཀུན་ནས་འབད་པ་ཡིས། །སྣ་ཚོགས་རང་བཞིན་ལ་མཆོད་བྱ། །གཉིས་གཉིས་འཁྱུད་པའི་རང་བཞིན་གྱིས། །སྣ་ཚོགས་འགྲོ་བ་
ཁྱབ་པར་གནས། །སངས་རྒྱས་ཉིད་དང་བདག་དང་ནི། །སེམས་ཅན་དང་ནི་ནུས་ལྡན་རྣམས། །རང་གི་ལྷ་ཡི་རྣལ་འབྱོར་པས། །བསྒྲུབ་བྱའི་བདག་ཉིད་དེ་ཡི་ཕྱིར། །འདི་ཡིས་སངས་རྒྱས་ཐམས་ཅད་དང་། །

85-1-350a

ནུས་ལྡན་ཀུན་གྱི་དེ་ཉིད་ནི། །ཐམས་ཅད་རྡོ་རྗེ་འཛིན་ཉིད་དུ། །སྐྱེ་བ་འདིར་ནི་འགྲུབ་པར་འགྱུར། །ཞེས་བཅོམ་ལྡན་འདས་དཔལ་རྡོ་རྗེ་སེམས་དཔའ་དེ་བཞིན་གཤེགས་པས་བཀའ་སྩལ་ཏོ། །རྡོ་རྗེ་མཁའ་འགྲོ་
བདེ་བའི་མཆོག །ཐམས་ཅད་མཁའ་འགྲོ་ཐམས་ཅད་མཉམ་སྦྱོར་ཏེ། །ཁམས་གསུམ་པོ་ནི་མ་ལུས་པ། །ནམ་མཁའ་པ་ཡི་མཚན་ཉིད་དུ། །ཐམས་ཅད་ནམ་མཁའི་མཚན་ཉིད་དང་། །ཐམས་ཅད་སྒྱུ་མ་ལྟ་བུའོ། །མཐོང་
བ་དང་ནི་རེག་པ་རྣམས། །ཐམས་ཅད་སྒྱུ་མ་ཇི་བཞིན་དུ། །འགྲོ་བ་ཀུན་ཏུ་གནས་པ་རྣམས། །འགའ་ཡང་དམིགས་པ་མ་ཡིན་ནོ། །རྣལ་འབྱོར་པ་ཡི་ཕྱག་རྒྱ་འདིས། །འཇིག་རྟེན་གསུམ་དུ་རྒྱུ་བར་བྱེད། །རྨོངས་པ་གང་གིས་འཆིང་
འགྱུར་བ། །མཁས་པས་དེ་ཡི་རོལ་པས་གྲོལ། །ཚོགས་གནས་གང་བའི་སེམས་ཅན་རྣམས། །གཞན་དང་གཞན་དུ་གསལ་སྐྱེ་ཞིང་། །གཟུགས་ནི་སངས་རྒྱས་རྣམ་སྣང་མཛད། །ཚོར་བ་རྡོ་རྗེ་ཉི་མ་ཡིན། །འདུ་ཤེས་པད་མ་གར་
དབང་ཕྱུག །དེ་བཞིན་འདུ་བྱེད་རྡོ་རྗེ་རྒྱལ། །རྣམ་ཤེས་རྡོ་རྗེ་སེམས་དཔའ་སྟེ། །དངོས་པོ་ཀུན་གྱི་རང་བཞིན་ལ། །རྡོ་རྗེ་མཁའ་འགྲོར་རབ་ཏུ་གྲགས། །དེ་དག་འབྱུང་ཆེན་གཅིག་ཕུ་སྟེ། །ཐམས་ཅད་བདེ་བ་སྩོལ་བའོ། །རྡུལ་དང་
རྡུལ་མེད་དུ་བརྗོད་པ། །སྒྱུ་མ་ཆེན་མོའི་རང་བཞིན་ཉིད། །ས་ནི་ལྟུང་བར་བྱེད་མ་སྟེ། །ཆུ་ཁམས་གསོད་པར་བྱེད་མའོ། །མེ་ཡི་ཁམས་ནི་འགུགས་བྱེད་མ། །གར་དབང་ཕྱུག་མ་དེ་བཞིན་རླུང་། །ནམཁའི་ཁམས་ཀྱི་རང་བཞིན་
ནི། །སྒྱུ་མ་ཆེན་མོའི་རང་བཞིན་ནོ། །འབྱུང་བ་ལྔ་ཡི་རང་བཞིན་གྱིས། །གཙོ་བོ་རྡོ་རྗེ་དེ་བཞུགས་སོ། །འབྱུང་བ་ཀུན་དང་མཉམ་སྦྱོར་བས། །མཁའ་འགྲོ་མ་མཆོག་འབར་མའོ། །མིག་ལ་གཏི་མུག་རྡོ་རྗེར་བཤད། །ཐོས་
བྱེད་ཞེ་སྡང་རྡོ་རྗེར་བཤད། །སེར་སྣ་རྡོ་རྗེ་དེ་བཞིན་སྣ། །ཁ་ལ་འདོད་ཆགས་རྡོ་རྗེར་བརྗོད། །རེག་ལ་ཕྲག་དོག་རྡོ་རྗེ་སྟེ། །སྐྱེ་མཆེད་ཐམས་ཅད་མཉམ་སྦྱོར་བ། །རྡོ་རྗེ་མཁའ་འགྲོ་བདེ་བའི་མཆོག །

85-1-350b

མིག་གིས་མཐོང་སོགས་སྟོང་པས་ན། །འདི་ཀུན་སྟོང་པའི་རང་བཞིན་གྱིས། །རྣམ་པར་རྟོག་མེད་མཐོང་བ་ཡིས། །དེ་ནི་ཐོགས་པ་མེད་པར་འགྱུར། །འདི་དག་ནམ་མཁའི་རང་བཞིན་ཏེ། །ཐམས་ཅད་ནམ་མཁའི་རང་བཞིན་
སེམས། །བསྒོམས་པ་ཐོགས་མེད་དང་ལྡན་ན། །རྣམ་པར་མི་རྟོག་རབ་ཏུ་སྐྱེ། །ཞེས་བཅོམ་ལྡན་འདས་དཔལ་རྡོ་རྗེ་སེམས་དཔའ་དེ་བཞིན་གཤེགས་པས་དེ་སྐད་བཀའ་སྩལ་ཏོ། །དེ་བཞིན་གཤེགས་པ་ཐམས་ཅད་ཀྱི་ཐོགས་པ་མེད་
པ་དོན་ཡོད་པའི་བདེ་བ་ཆེན་པོའི་དམ་ཚིག་ཅེས་བྱ་བའི་ཏིང་ངེ་འཛིན་གྱི་རིམ་པར་བྱ་བ་གསུངས་པ། ཇི་སྲིད་འཁོར་བའི་གནས་ན་མཁྱེན་པ་མཆོག་དང་ལྡན་པ་བཞུགས་པར་གྱུར་པ་དེ་སྲིད་དུ་སེམས་ཅན་གྱི་དོན་ཐམས་ཅད་ནུས་པ་མཚུངས་
པ་མེད་པར་མི་ལྡོག་སྟེ། འདི་ཉིད་ཀྱིས་ན་སེམས་ཅན་དམ་པ་དེ་སྲིད་པའི་ཞགས་པ་ནི་རྟག་ཏུ་མི་འཇིགས་པ་དང་། བརྩོན་འགྲུས་ཀྱི་སེམས་ཅན་གྱི་དོན་མི་འདོར་བར་རྟག་ཏུ་མྱུར་བར་བྱེད་པ་དང་། སྨོན་ལམ་དག་པའི་ཕྱིར་ན་ནམ་མཁའི་
གནས་གཞི་ཇི་ཙམ་དུ་གྱུར་པ་དང་། སྲིད་པ་དག་ཕྱིར་སེམས་ཅན་གྱི་དོན་སེམས་ཀྱི་འདོད་པའི་ནུས་པ་ཅན་ཏེ། དེ་དག་ནི་ལྷའི་བུ་རྣམས་རྟག་ཏུ་ཆགས་པའི་དགའ་བ་ཅན་རྣམས་དང་། །གཞན་ཡང་འདོད་ཆགས་ཅན་རྣམས་ཀྱི་དོན་དུ་
ཆགས་པ་རྣམ་པར་དག་པའི་ཕྱིར་ན་བསྐལ་བར་ཡང་མི་ཟད་པའི་བདེ་བ་ཆེན་པོ་རྣམ་པར་དག་པ་སྦྱིན་པར་བྱ་བའི་ཕྱིར་ཏེ། གདོད་མ་ནས་གནས་གཞི་མེད་པ་བསྐལ་པ་ལ་སོགས་པ་ཐམས་ཅད་དུ་བསྟན་པ་མངོན་དུ་གདོད་མ་ནས་
བྱུང་བ་བསྐལ་བ་ཐོག་མ་ནས་བདེ་བ་ཆེན་པོ་རྡོ་རྗེ་སེམས་དཔའང་དེར་ལྷག་པའི་ལྷ་གཅིག་པུར་ཡོད་དེ། སེམས་ཅན་ཐམས་ཅད་སྐྱེད་པར་བྱེད་པ་འཇིག་རྟེན་གྱི་ཁམས་ཐམས་ཅད་ཀྱི་རྩེ་མོ་སྟེ། གླུ་དང་དབྱངས་སོགས་རོལ་མོ་དང་། །
དངོས་པོ་ཀུན་བདག་དེ་ཡི་ཕྱིར། །ང་ནི་ཀུན་དུ་བདེ་བར་བཞུགས། །སེམས་དཔའ་ཐམས་ཅད་བསྐྱེད་པ་ཡིན། །འདོད་ལ་ཆགས་པ་རྣམ་བྲལ་བ། །དེར་བྱུང་བ་ཡི་སེམས་དཔའ་རྣམས། །གདུལ་བྱ་དེ་རྣམས་མཁྱེན་པ་སྟེ། །

85-1-351a

ཡི་གེ་ལས་བྱུང་རྣམ་པར་སྤངས། །ཡེ་ཤེས་འདི་དེ་མཆོད་པར་བྱ། །དེ་ཡོངས་མཆོད་ན་མཆོད་པར་བྱ། །དེ་ཡོངས་མཆོད་ན་སྲིད་པ་ཟད། །འོ་ན་ཡེ་ཤེས་ལས་སྲིད་བྱུང་། །རང་བཞིན་དངོས་པོ་བེམས་པོ་མིན། །
དེ་ལྟར་ན་ང་ཚོར་བ་སྟེ། །འགྲོ་བ་རྣམ་ཤེས་ཙམ་དུ་བརྗོད། །རང་རིག་པས་ན་གང་འདི་དག །ཡེ་ཤེས་བདག་ཉིད་ལས་གཞན་མེད། །ཚངས་པའི་སྒོང་བརྗོད་རང་བཞིན་མེད། །ནམ་མཁའ་དང་མཉམ་བདག་མེད་དེ། །སེམས་
ཅན་མང་ཡང་འགའ་ཡིས་ཀྱང་། །སེམས་ཅན་དོན་གང་ཡོད་མིན་ལ། །བླ་མེད་སངས་རྒྱས་དོན་ཡང་མེད། །བདག་དོན་དང་ནི་གཞན་དོན་དང་། །དེ་ལས་གཞན་པའི་ནུས་པ་མེད། །སྟོང་པ་ཉིད་ལ་རྟག་གནས་ན། །དེ་ལས་འགྲོ་བའི་
དོན་དུ་འོང་། །དེ་མེད་སེམས་ཅན་དོན་ཀུན་མེད། །དམྱལ་བར་ཡང་ནི་འགྲོ་འགྱུར་ཏེ། །དེ་ནས་གཞན་ཡང་འཇིག་རྟེན་གྱི། །ཁམས་རྣམས་ཀུན་ན་བཞུགས་པ་ཡི། །སངས་རྒྱས་ཐམས་ཅད་འདུས་ནས་ནི། །ང་ལ་མྱུར་དུ་
བསྐུལ་བར་བྱས། །མ་ཧཱ་སུ་ཁ་བཛྲ་སཏྭ་ཛཿཧཱུྃ་བྃ་ཧོཿ   སུ་ར་ཏ་སྟྭྃ། ང་ལ་འདི་ཡིས་བསྐུལ་མ་ཐག །ཀུན་ལ་བདེ་བ་སྩོལ་བའོ། །འདོད་པ་དག་པ་དོན་གྲུབ་པ། །འགྲོ་བ་ཐམས་ཅད་བདེ་བ་བསྐྱེད། །ང་ནི་འདོད་པ་མཆོག་
གི་གཟུགས། །སངས་རྒྱས་ཀུན་གྱིས་བྱིན་བརླབས་པ། །ང་ཡང་ཆོས་ཀྱི་འདོད་པ་ཅན། །སངས་རྒྱས་ཀུན་གྱི་བདག་པོ་སྟེ། །སངས་རྒྱས་ཀུན་གྱི་འདོད་ཆགས་ཆེ། །སངས་རྒྱས་ཀུན་གྱི་བདེ་ཆེན་པོ། །སངས་རྒྱས་ཀུན་གྱི་སྐུ་ཆེ་བ། །
སངས་རྒྱས་ཀུན་གྱི་གསུང་དབྱངས་ཡིན། །སངས་རྒྱས་ཀུན་གྱི་སེམས་ཆེན་པོ། །སངས་རྒྱས་ཀུན་གྱི་རྒྱལ་པོ་ཆེ། །རྡོ་རྗེ་འཛིན་པ་ཀུན་གྱི་བདག །འཇིག་རྟེན་དབང་ཕྱུག་ཀུན་གྱི་བདག །རིན་ཆེན་ཀུན་བདག་དབང་ཕྱུག་སྟེ། །
མཁའ་འགྲོ་མ་ནི་ཐམས་ཅད་དང་། །མཉམ་པ་ཉིད་དུ་རབ་སྦྱོར་ཕྱིར། །སངས་རྒྱས་ཀུན་ཀྱང་མཉམ་སྦྱོར་ཡིན། །སངས་རྒྱས་ཀུན་དང་མཉམ་པའི་ཕྱིར། །རྡོ་རྗེ་མཁའ་འགྲོ་རབ་ཏུ་བརྗོད། །དེ་ནས་དཀྱིལ་འཁོར་ཆེན་པོའི་

85-1-351b

སྦྱོར་བ་དཀྱིལ་འཁོར་ཐམས་ཅད་བྲི་བར་བྱ་སྟེ། དེ་དབུས་ཇི་ལྟའི་ཚུལ་དུ་ནི། །རྡོ་རྗེ་སེམས་དཔའ་རྣམ་དགོད་དེ། །ཟླ་བའི་མདོག་ལ་འཛུམ་བག་ཅན། །དེ་བཞིན་འོད་ཟེར་དམར་པོ་འཁྲིགས། །སངས་རྒྱས་ཕྲེང་
བས་རྣམ་པར་མཛེས། །རྒྱན་རྣམས་ཀུན་གྱིས་རྣམ་པར་བརྒྱན། །ཞལ་བཞི་པ་ལ་ཕྱག་བཞི་པ། །སྤྱན་གསུམ་རལ་པའི་ཐོར་ཚུགས་ཅན། །རིག་མ་བཞི་དང་མཉམ་པར་ལྡན། །སངས་རྒྱས་གཟུགས་ཀྱིས་ཉེ་བར་
མཛེས། །གཡས་ཞལ་ཞི་བ་དཀར་པོ་ཡིན། །དེ་བཞིན་གཡོན་པ་དམར་པོ་མཆོག །ནུབ་ཀྱི་ཡང་ནི་སེར་པོ་མཚུངས། །ཐོད་པ་ལ་བཞུགས་གར་དང་ལྡན། །ལྷ་རྣམས་འཇིགས་པར་མཛད་པ་པོ། །རྡོ་རྗེ་དང་ནི་ཁ་ཊྭཱྃ་འཛིན། །དྲིལ་བུ་ཐོད་པ་དེ་བཞིན་ནོ། །མཁའ་
འགྲོ་མ་རྣམས་དང་མཉམ་ལྡན། །རྒྱ་ཆེན་བོར་ནི་བྲི་བར་བྱ། །མཁའ་འགྲོ་མ་རྣམས་དང་མཉམས་སོ། །རྡོ་རྗེ་མཁའ་འགྲོ་བདེ་བའི་མཆོག །བཅོམ་ལྡན་འདས་རྡོ་རྗེ་འཛིན་པ་རྡོ་རྗེ་སེམས་དཔའ་དེ་བཞིན་གཤེགས་པས་དེ་སྐད་ཅེས་བཀའ་སྩལ་ཏོ། །
མ་དང་ཆ་བླངས་མ་ཉིད་དང་། །གཉེན་མོ་དེ་བཞིན་བཞོ་བྱས་ལ། །གཉིས་གཉིས་སྦྱོར་བས་འདོད་སྤྱད་ནས། །དངོས་གྲུབ་ཐམས་ཅད་རབ་ཏུ་སྟེར། །བ་ལང་ཤ་དང་རྟ་ཤ་སོགས། །ཐོགས་པ་མེད་པར་བཟའ་བར་བྱ། །འཇིག་
རྟེན་ལ་རྟག་གཡོན་ལ་སྤྱད། །འབེད་དེ་གཡོན་པས་བསྙེན་བསྐུར་བྱ། །བརྟན་དང་གཡོ་ལ་སོགས་པ་ཡི། །འགྲོ་ཀུན་གཡོན་ལས་བྱུང་བས་ན། །ཕོ་ཉ་མོ་ལ་ཆགས་བྲལ་བས། །གྲོལ་བ་ཉིད་དུ་འགྲོ་བ་མིན། །རྟག་ཏུ་ཕོ་
ཉ་མོར་ཆགས་གྲོལ། །འདི་ལ་ཐེ་ཙོམ་ཡོད་མ་ཡིན། །སྒྲུབ་པོས་དེ་ལ་འབད་བྱས་ན། །བརྟུལ་ཞུགས་མེད་ནའང་བརྟུལ་ཞུགས་རྫོགས། །དམ་ཚིག་གཞུང་ལུགས་ལ་སྤྱོད་ཅིང་། །ཟས་གཅིག་ཏུ་ནི་མཛེས་པར་བཟའ། །
རིགས་གཅིག་གི་ནི་མཚན་ཉིད་ཕྱིར། །རིགས་ལྔ་ལ་ནི་མཉམ་པར་སྤྱོད། །སྦྲང་རྩི་མཚལ་དང་ག་བུར་བཅས། །ཙན་དན་དམར་པོ་དང་སྦྱར་ཏེ། །རྡོ་རྗེ་ལས་བྱུང་མཉམ་ལྡན་པ། །འདི་དག་བདུད་རྩི་ལྔ་ཡིན་ཏེ། །

85-1-352a

དངོས་གྲུབ་ཀུན་ནི་རབ་གསོལ་མཛད། །སྦོམ་པོ་མཐའ་ལྟག་ཁ་སྦྱར་བས། །རྟག་ཏུ་རྣལ་འབྱོར་བཞིན་བླངས་ཏེ། །ཞི་བའི་བཏུང་བ་བཞིན་མྱངས་ན། །དངོས་གྲུབ་རྟག་པར་ཐོབ་པར་འགྱུར། །མཆོག་གི་དམ་ཚིག་
འདི་རྣམས་ནི། །ཞལ་བཟང་མོ་ཁྱོད་ལ་བཤད་ཡིན། །ཐབས་དང་བཅས་པའི་ལས་རྣམས་ཀུན། །ཐོགས་ཆགས་མེད་པར་རྟག་ཏུ་སྤྱོད། །རྣམ་པར་རྟོག་མེད་བསྒོམས་པ་ཡིས། །བརྟུལ་ཞུགས་རྣམས་ཀྱི་མཆོག་གི་མཆོག །རྣམ་
པར་རྟོག་མེད་བསྒོམས་པ་ཡིས། །ལས་རྣམས་ཐམས་ཅད་རྟག་ཏུ་བྱ། །ཐོགས་པ་མེད་པས་སྤྱོད་པ་ནི། །དེ་བཞིན་དཀའ་ཐུབ་རྣམས་ཀྱི་མཆོག །ཐོགས་པ་མེད་པའི་སེམས་ཀྱིས་ནི། །སྐྲ་ཤད་འཛིངས་པ་འདྲ་བར་ནི། །ཡིད་ལ་
ཡུལ་རྣམས་བརྟེན་བྱེད་པ། །དེ་ནི་འདའ་དཀའི་དཀའ་ཐུབ་ཡིན། །གང་ཞིག་ལས་རྣམས་ཐམས་ཅད་ལ། །ཤེས་རབ་ཀྱིས་ནི་ངེས་པར་སྤྱད། །སྟོང་པའི་མན་ངག་ཅན་དེ་ནི། །བདག་ཉིད་ཆེན་པོའི་དཀའ་ཐུབ་འདིའོ། །ཤེས་
རབ་གཟུགས་བརྙན་ལྟ་བུ་ལ། །རྣམ་རྟོག་མེད་པའི་སེམས་ཀྱིས་ནི། །དོན་ལ་ཐོགས་པ་མེད་སྤྱོད་མ། །དེ་ཡི་དཀའ་ཐུབ་བདག་ཉིད་ཡིན། །ཤེས་རབ་ཐབས་ལས་གཞན་པ་མིན། །གང་གིས་སེམས་ནི་གནས་མི་བྱ། །
དེ་འདྲར་ཡང་དག་གནས་བྱས་ན། །བྱང་ཆུབ་ཆེན་པོ་ཉེ་བར་སྟེར། །རྣམ་པར་མི་རྟོག་རྗེས་གནས་པའི། །རྣལ་འབྱོར་པ་ལ་མངོན་ལྡན་ན། །དེ་རྣམས་ཀྱི་ནི་འབྱུང་བ་ཀུན། །ཤེས་རབ་ཕ་རོལ་ཕྱིན་པར་ངེས། །ཤེས་
རབ་མེ་ལོང་གཟུགས་བརྙན་བཞིན། །འདུས་བྱས་དངོས་པོ་དེ་འདྲ་བར། །ཤེས་རབ་བློ་ཡིས་དྲན་པར་བྱ། །དེ་ཡི་རྣམ་རྟོག་མེད་སེམས་ནི། །མེ་ལོང་ནང་གི་གཟུགས་བརྙན་དང་། །རྨི་ལམ་སྒྱུ་མ་ཆུ་བུར་བཞིན། །མིག་འཕྲུལ་ལྟ་
བུར་བལྟ་བ་ནི། །དེ་ནི་གཙོ་བོ་ཡིན་པར་བཤད། །གློག་དང་དྲི་ཟའི་གྲོང་ཁྱེར་བཞིན། །འདུས་བྱས་འདི་དག་རྣམ་པར་སྨིན། །འདི་ལྟར་དངོས་རྣམས་རབ་གསལ་བར། །གང་དེའི་རྣམ་གྲངས་རྩེ་མོ་མཆོག །དེས་ན་སེམས་ནི་

85-1-352b

གང་ཞིག་ཏུ། །གནས་པ་ཡོད་པར་གཞག་པ་མིན། །འདི་དག་ལྟ་བུར་ཀུན་དུ་བྱུང་བའི་དངོས་པོ་རྣམས་ཀྱང་སྒྱུ་མ་ཁྱད་པར་ཅན་རྣམས་ཡང་དག་པར་རྫོགས་པར་ལོངས་སྤྱོད་པ་བསྐྱེད་དེ། བདེ་བས་ཡོངས་སུ་བཞུ་བས་ཁྱད་པར་ཅན་འགའ་
ཞིག་ཏུ་རྫོགས་པར་ལོངས་སྤྱོད་པ་སྐྱེའོ། །བཟང་པོ་ཡོངས་སུ་གྱུར་པས་ནི་འབྲས་བུ་ཁྱད་པར་ཅན་འགའ་འཐོབ་བོ། །དེས་ནི་བརྟན་པ་དང་གཡོ་བའི་དངོས་པོ་རྣམས་གྲིབ་མ་ལྟ་བུ་ལས་གཞན་འགའ་ཅི་ཡང་མ་མཐོང་ངོ་། །གང་ཡང་ཁྱད་
པར་འདི་དག་བསྒོམ་པ་གོམས་པའི་སྟོབས་ལས་བདེ་བ་མཆོག་ཏུ་ཞི་བ་ལ་སོགས་པའི་ཁྱད་པར་ཅན་གྱི་དགོས་པ་བསྐྱེད་ན་བླ་ན་མེད་པའི་འབྲས་བུ་མངོན་དུ་ཐོབ་པར་བྱེད་པའི་རྒྱུའི་དངོས་པོར་འགྱུར་བ་དེའི་ཚེ་བཅོམ་ལྡན་འདས་སྐྱོན་འགའ་ཡང་མ་
མཆིས་སོ། །དེའི་ཕྱིར་འབད་པ་ཐམས་ཅད་ཀྱིས། །རབ་ཏུ་མཆོད་པར་ཀུན་ཏུ་གནས། །དཀའ་ཐུབ་སྡུག་བསྔལ་དྲག་པོ་ཡིས། །རྨོངས་པ་བརྐམས་ཤིང་སྡུག་བསྔལ་ཏེ། །སྡུག་བསྔལ་གྱིས་ནི་སེམས་གཡེངས་པ། །གཡེངས་
པ་ཡིས་ནི་དངོས་གྲུབ་མེད། །བདེ་བ་ཀུན་ཏུ་བརྟན་འགྱུར་བ། །སེམས་ཀྱི་རང་བཞིན་བརྟན་འགྱུར་གྱི། །སྡུག་བསྔལ་གྱིས་ནི་སེམས་གཡོ་ཞིང་། །འགོག་པར་ཡང་ནི་ལྷག་པར་འགྲོ། །ལུས་དང་ངག་དང་སེམས་རྣམས་ནི། །
བདེ་བར་གནས་ན་བྱང་ཆུབ་འཐོབ། །གཞན་དུ་དུས་མིན་འཆི་བ་དང་། །དམྱལ་བར་ངེས་པར་ལྟུང་བར་འགྱུར། །བཅོམ་ལྡན་འདས་རྡོ་རྗེ་འཛིན་རྡོ་རྗེ་སེམས་དཔའ་དེ་བཞིན་གཤེགས་པས་དེ་སྐད་ཅེས་བཀའ་སྩལ་ཏོ། །མཁའགྲོ་
མ་ཐམས་ཅད་དང་མཉམ་པར་སྦྱོར་བ་རྡོ་རྗེ་མཁའ་འགྲོ་བདེ་བའི་མཆོག་རྡོ་རྗེ་མཁའ་འགྲོའི་རྒྱུད་ཆེན་པོ་ལས། མཆོག་གི་དེ་ཁོ་ན་ཉིད་སྣང་བར་བྱེད་པ་དང་། ཡུལ་ལ་ཤེས་པ་འཇུག་པའི་ལེའུ་སྟེ་དང་པོའོ།། །། དེ་ནས་བཅོམ་ལྡན་
འདས་ལ་ཡང་ལྷ་མོས་མཆོད་པ་བྱས་ནས་ཕྱག་འཚལ་ཏེ་འདི་སྐད་ཅེས་གསོལ་ཏོ། །སྙིང་པོ་གང་གིས་གདུག་པ་ཅན་རབ་ཏུ་འདུལ་བ་སྟེ། དེ་བཞིན་གཤེགས་པ་ཐམས་ཅད་ཀྱི་བསྟན་པ་ལ་སྨོད་པའི་གདུག་པ་ཅན་ཐམས་ཅད་འདུལ་བ་དང་། ལྷ་གདུག་པ་ཅན་ལ་

85-1-353a

སོགས་པའི་སེམས་ཅན་ཐམས་ཅད་གདུལ་ཞིང་ཞི་བའི་གནས་ལ་བརྟུལ་ཏེ། བྱང་ཆུབ་ཀྱི་སྙིང་པོའི་བར་དུ་གདུག་པ་བྱེད་པར་མི་འགྱུར་བར་གནས་པ་བཅོམ་ལྡན་འདས་ཀྱིས་གསུང་དུ་གསོལ། དེ་ནས་བཅོམ་ལྡན་འདས་
དེ་བཞིན་གཤེགས་པ་ཐམས་ཅད་ཀྱི་སྐུ་གསུང་ཐུགས་ཀྱི་བདག་པོས་འདི་གླུར་བླངས་ཏེ་བཀའ་སྩལ་ཏོ། །དང་པོར་རྣམ་པར་སྣང་མཛད་གཞག །དེ་རྗེས་རྗོད་བྱེད་ཐ་མ་སྟེ། །རྒྱུ་བ་དེར་ལྷུང་ང་ཡིས་མཐོང་། །སྙིང་པོའི་སྤྱི་བོར་གསུམ་བས་
བརྒྱན། །ལ་ཡི་མཐའ་ན་གནས་པ་ལ། །སྟེང་དུ་ཡི་གེ་ས་དང་ལྡན། །གཉིས་པ་ཡིས་ནི་མཉེས་བྱ་སྟེ། །སྙིང་པོ་དེ་ལ་ཨ་ཡིག་ལྡན། །ས་མཐའ་ཀུན་དངོས་དེ་ཉིད་དོ། །རྗོད་བྱེད་དང་ནི་རྗོད་བྱེད་སྟེ། །རྗོད་བྱེད་ལྔ་པས་གདན་དུ་བྱས། །ཟླ་ཕྱེད་ཐེག་
ལེས་བརྒྱན་པ་ཅན། །དབུས་གནས་པ་ལས་ཞ་བོར་ལྡན། །སྲེག་པའི་མཐའ་ཡིས་ཡོངས་སུ་བརྒྱན། །ས་ཡི་དེ་མ་ཐག་གནས་པ། །རླུང་གཟུགས་སུ་གནས་འོག་ཏུ་སྦྱར། །དེ་འོག་ཧུྃ་ཧུྃ་ཐུང་ངུ་གཉིས། །ཡི་གེ་ཕཊ་དང་བཅས་རྫོགས་པ། །ཨྃ་
དངོས་ཡི་གེར་རྫོགས་པར་ལྡན། །ལྔ་པའི་དབུས་ན་གནས་དེ་ལ། །གཞན་པའི་ཨི་ཡིས་སྟེང་དུ་བརྒྱན། །དེ་ནས་བརྗོད་བྱེད་ར་ལ་ཞོན། །སྤྱི་གཙུག་ཏུ་གནས་དབང་ཕྱུག་དང་། །བརྗོད་བྱེད་པ་ཡི་འཁོར་འགྱུར་བ། །ཡང་དང་ཡང་
དུ་གཞག་པར་བྱ། །རྗོད་བྱེད་ར་ལ་བསྐྱོན་པ་དང་། །ཨེ་ཡིག་རྣ་བ་དག་ལ་བརྒྱན། །དེ་ནས་རྗོད་བྱེད་ར་ཉིད་ནི། །ཡང་ནི་ལྔ་པ་དག་ལ་བསྐྱོན། །འདི་ཡང་ཐམས་ཅད་པ་ཉིད་དེ། །བརྗོད་བྱེད་མགོ་བོར་ཟླ་ཕྱེད་བརྒྱན། །ལྔ་པ་དང་ལྡན་ཉིས་
འགྱུར་བྱ། །ཀུན་གྱི་མགོན་པོ་དེ་ཉིད་མཆོག །ཕཊ་དང་རིན་ཆེན་དག་གིས་བརྒྱན། །ཧ་ནི་མཇུག་ཐོགས་ཉིད་དུའོ། །རྣམ་པར་སྣང་མཛད་ཀྱི་ཚོགས་ཀུན་ལ་ཡོངས་སུ་མཉེས་པར་བྱའོ། །བཅོམ་ལྡན་འདས་རྡོ་རྗེ་སེམས་དཔའ་དེ་བཞིན་
གཤེགས་པས་དཔའ་བོ་དྲུག་དང་མཉམ་པར་སྦྱོར་བའི་མཁའ་འགྲོ་མ་དྲ་བའི་སྡོམ་པས་དེ་སྐད་ཅེས་བཀའ་སྩལ་ཏོ། །ཡང་འདིར་ཧཱུྃ་ཡིག་ལས་བྱུང་བར། །སྣ་ཚོགས་པདྨ་ཉི་དཀྱིལ་འཁོར། །ལས་ཀྱི་རྡོ་རྗེ་དབུས་གནས་པར། །

85-1-353b

དེ་ཉིད་ཧཱུྃ་ནི་རྣམ་བསྒོམས་ཏེ། །འོད་ཕྲེང་དུ་མ་ལྡན་པ་ཡི། །མཁའ་འགྲོ་ཡི་ནི་འཁོར་ལོ་སྤྲོ། །ཞལ་གཅིག་ཕྱག་གཉིས་སྤྱན་གསུམ་མ། །ཁ་དོག་དམར་མོ་འཇིགས་ཆེན་མོ། །འཇིགས་པའི་དངོས་པོའི་ང་རོ་ཅན། །སྤྱན་གསུམ་དབུ་སྐྲ་
ཁམ་སེར་གྱེན། །ན་སོ་གཞོན་བྱེད་ཕུན་ཚོགས་མ། །སྟག་གི་ལྤགས་པའི་སྨད་དཀྲིས་ཅན། །འཇིགས་བྱེད་ཆེན་པོ་ལྗགས་འདྲིལ་མ། །འཇིགས་པ་ཡང་ནི་འཇིགས་མཛད་མ། །མཁའ་འགྲོ་མ་ཀུན་དང་མཉམ་སྦྱོར། །རྡོ་རྗེ་མཁའ་འགྲོར་རབ་
གྲུབ་པའོ། །བཅོམ་ལྡན་འདས་རྡོ་རྗེ་འཛིན་པ་རྡོ་རྗེ་སེམས་དཔའ་དེ་བཞིན་གཤེགས་པས་དེ་སྐད་ཅེས་བཀའ་སྩལ་ཏོ། །སྔོན་གྱི་རིམ་པ་ཇི་བཞིན་དང་། །མེ་དང་མཉམ་པ་གཉིས་བརྗོད་དང་། །ཀ་ར་ཀ་ར་བདུན་པ་སྦྱར། །བནྡྷ་དེ་བཞིན་དགྲ་
སྙིང་སྟེ། །འདི་ཡང་ལན་གཉིས་བརྗོད་པར་བྱེད། །ས་སྡེ་ལ་ནི་མ་དང་ཨ། །འཇིག་རྟེན་གཟུགས་བྲལ་གྱི་མཐར་གནས། །རང་བཞིན་འདི་ཡང་གཉིས་སུ་བརྗོད། །གཞན་དང་གཞན་དང་ལྡན་པར་བྱ། །བྷ་ཛ་དག་དང་ཉེར་གནས་པ། །དེ་ནི་
ལན་གཉིས་དག་ཏུ་བརྗོད། །རྗོད་བྱེད་ལ་ནི་གསུམ་པ་དང་། །ཁོང་ན་གནས་པས་ལྡན་པར་བྱ། །དེ་ནས་ཟླ་བ་གཞོན་ནུ་ཕྱེད། །ཡོངས་སུ་གང་བས་བརྒྱན་པར་བྱ། །དེ་དག་ཡང་དང་ཡང་དུ་བརྗོད། །ཉིན་མོར་བྱེད་པའི་རང་བཞིན་དང་། །ཡོངསུ་
ལྡན་པ་ཉིད་དུ་བྱ། །རྗོད་བྱེད་དང་ནི་གཤེགས་གསོལ་གནས། །ལྔ་པར་ལྡན་པ་ཉིས་འགྱུར་རོ། །ཕེ་ཡིག་དྲག་ཅིང་མྱུར་བ་ལ། །ཟླ་བ་གཞོན་ནུ་དང་ལྡན་པ། །ཡང་གཅིག་ཀྱང་ནི་བརྗོད་པར་བྱ། །དྲག་མྱུར་བརྗོད་པ་ཕཊ་གཉིས་སོ། །
རྣམ་རྟོག་ཀུན་གྱི་བུད་ཤིང་ནི། །བསྲེག་པས་ད་ཧ་ད་ཧ་སྟེ། །དེ་སྐད་ཅེས་པ་བོད་པའི་སྔགས། །ལྔ་པའི་ཉེ་ཆེར་གཉིས་པར་སྦྱར། །ཨ་ཉི་དང་ཡང་ཡང་དག་ལྡན། །རྗོད་བྱེད་གཙོ་དང་ཡང་ལྡན་པ། །ཡང་དང་ཡང་དུ་བརྗོད་པར་བྱ། །
བྷཀྵ་བྷཀྵ་ཞེས་རྗེས་སུ། །བ་ས་རུ་དྷི་ར་དང་ནི། །ཨནྟྲ་མཱ་ལཱ་བ་ལམྦི་ནེ། །གྲྀཧྞ་གྲྀཧྞ་དག་དང་ནི། །སཔྟ་བཱ་ཏཱ་ལ་ཀ་ཏད་སྦྱར། །བྷུ་ཛངྒ་དང་སརྦྦ་མྦཱ། །ཏརྫ་ཡ་ནི་གཉིས་བརྗོད་དོ། །ཀ་ཡིག་སྡེ་ལས་ཀ་ཉིད་ལ། །གཉིས་པ་

85-1-354a

དང་ནི་བཞི་པ་སྦྱར། །རླུང་གི་ངོ་བོར་གནས་པའོ། །ཨི་མཐའ་ས་མཐའ་ཞེས་བརྗོད་ལ། །ཉི་མ་བདུན་གྱིས་གནས་པར་བརྒྱན། །རྗོད་བྱེད་ལ་ནི་བཞི་པས་བརྒྱན། །ཡང་དང་ཡང་དུ་བརྗོད་པར་བྱ། །ཀ་ཤ་ཨོ་
དང་པ་སྡེ་དང་། །དེ་འོག་དང་པོ་དང་ལྡན་གཞག །ར་དང་ཧར་སྦྲེལ་གཉིས་དག་ལ། །ཐིག་ལེ་གཉིས་གཉིས་རབ་ཏུ་སྦྱར། །ཨ་དང་སྡེ་ཚན་ས་བོན་བརྗོད། །སྡེ་ཚན་གྱི་ནི་བཞི་པ་དང་། །དང་པོ་རུ་ནི་ལྡན་པར་བྱ། །གསུམ་པས་ཀྱང་ནི་
དང་པོ་སྦྱར། །གསུམ་པ་ལ་ཡང་དེས་མཉེས་བྱ། །རྗོད་བྱེད་ཀྱང་ནི་རྗོད་བྱེད་ནི། །ཨི་ཡི་སྟན་དུ་ལྡན་པར་བྱ། །ས་སྡེ་ལ་ཨེ་ར་ཡིས་བརྒྱན། །ཟླ་དུམ་དང་ནི་ཐིག་ལེར་ལྡན། །དེ་ནི་ཡང་ཡང་བརྗོད་པར་བྱ། །དེ་ཉིད་ཨེ་ཕྱོགས་བཞི་པར་
ལྡན། །དེ་ནས་ཡང་དང་ཡང་དུ་བཟླས། །རྗོད་བྱེད་དང་ནི་བཞི་པ་སྦྱར། །མཐའ་རུ་ལ་གཅིག་ཨི་དང་སྦྱར། །དེ་ཡང་ཡང་དང་ཡང་དུ་བཟླས། །རྗོད་བྱེད་ཡི་གེ་ཧ་ཡང་སྦྱར། །དེ་སྟེང་ཟླ་དུམ་ཐིག་ལེས་བསྐྱོན། །ལྔ་པ་ཡང་ནི་མཉེས་པར་
བྱ། །དེ་ཡང་ཡང་དང་ཡང་དུ་བཟླས། །རྣམ་མང་མཐའ་ཡས་རབ་བསྒྲུབ་ཅིང་། །དགེ་བའི་མེ་ཏོག་མང་སྤུད་པ། །འདི་ནི་ལྷ་མོ་སྒྱུ་ཆེན་མོ། །དངོས་གྲུབ་ཀུན་རབ་སྩོལ་བའོ། །འདིར་ནི་གསུངས་མ་ཐག་ཏུ་ཡང་། །འཇིག་རྟེན་ཁམས་
ནི་ཐམས་ཅད་གཡོས། །དེ་བཞིན་གཤེགས་པ་ཀུན་ཀྱང་སྐྲག །སླར་ཡང་དེ་བཞིན་གཤེགས་པ་ཀུན། །མངོན་པར་བྱང་ཆུབ་རྫོགས་སངས་རྒྱས། །རི་བོ་ཀུན་ཡང་གཡོ་ཞིང་འགས། །གདུག་པ་ཀུན་འདུལ་དུལ་ཞིང་ཞི། །དཀྱིལ་
འཁོར་དུ་ནི་བཀུག་ནས་བཅུག །དམ་ཚིག་གིས་བཅིངས་དབང་དུ་འདུས། །མ་མོའི་ཚོགས་དང་འབྱུང་པོའི་ཚོགས། །གཟའ་དང་རིམས་ནད་ཐམས་ཅད་དང་། །གནོད་སྦྱིན་སྲིན་པོ་ལོག་འདྲེན་དང་། །སྡིག་པ་ཅན་དང་
དམྱལ་བ་ཀུན། །བཀས་ཤིང་བསྒྱེལ་ཏེ་རྣམ་པར་བཤིག །བཅོམ་ལྡན་འདས་རྡོ་རྗེ་འཛིན་པ་རྡོ་རྗེ་སེམས་དཔའ་དེ་བཞིན་གཤེགས་པ་མཁའ་འགྲོ་མ་ཐམས་ཅད་མཉམ་པར་སྦྱོར་བའི་རྡོ་རྗེ་མཁའ་འགྲོ་བདེ་བའི་མཆོག་གིས་དེ་

85-1-354b

སྐད་ཅེས་བཀའ་སྩལ་ཏོ། །གྲུ་བཞི་པ་ལ་སྒོ་བཞི་པ། །སྒོ་སྐྱོངས་རྣམས་དང་ཡང་དག་ལྡན། །དེ་ཡི་དབུས་སུ་རྡོ་རྗེ་བྲི། །ཁ་དོག་དམར་པོ་འོད་ཆེན་པོ། །ཕྱི་རོལ་རི་མོ་ཟླུམ་པོས་བསྐོར། །དེ་ཡི་དབུས་སུ་བཅོམ་ལྡན་འདས། །ཁྲོ་བོ་ཆེན་པོ་ཞལ་བཞིས་
མཛེས། །ཅུང་ཟད་མཆེ་གཙིགས་འཇིགས་བག་ཅན། །ཅུང་ཟད་འཛུམ་ཞིང་བཞད་པའི་ཞལ། །གཡས་པ་དཀར་པོ་ཞི་བ་སྟེ། །གཡོན་པ་དམར་པོ་འཇིགས་པ་ཆེ། །ནུབ་ཀྱི་ཞལ་ནི་མདངས་སེར་པོ། །ལྷ་མོ་བཞི་དང་མཉམ་ལྡན་ཞིང་། །ཕྱག་བཞི་ཡིས་ནི་རྣམ་པར་མཛེས། །
འཇིགས་པའི་བདུད་བཞི་མནན་པ་པོ། །སངས་རྒྱས་གཟུགས་ཀྱིས་ཉེ་བར་མཛེས། །དཔའ་བོ་གཡས་ན་ཁ་ཊྭཱྃ་ག །ཐོད་པ་ཡང་ནི་གཡོན་ནའོ། །གཡས་ན་རྡོ་རྗེ་འབར་བ་བྲི། །ཐོད་པ་ཡི་ནི་ཁྱད་པར་རོ། །དཔའ་བོ་གཞུ་དང་མདའ་འཛིན་ཅིང་། །
ཤེས་རབ་དགའ་མས་རབ་ཏུ་མཛེས། །འབར་བ་དམར་པོའི་དཀྱིལ་འཁོར་གསལ། །སེམས་དཔའ་འབར་བ་འཁྱིལ་པར་ལྡན། །འཇིགས་པ་ཆེན་པོའི་དུས་དང་ནི། །དུར་ཁྲོད་ཀྱི་ནི་མེ་བཞིན་འབར། །དབུ་སྐྲ་འབར་བ་ཆེན་པོ་གསལ། །
དབུ་རྒྱན་ཐོད་པས་རྣམ་པར་ཕྱེ། །རོལ་པ་ཐམས་ཅད་འཚོགས་པ་ན། །ཧེ་རུ་ཀ་ནི་གར་ལ་སྤྱོད། །མ་མོའི་འཁོར་ལོའི་གནས་མཆོག་ཏུ། །ས་རྣམས་ཀྱི་ནི་དབང་ཕྱུག་ཉིད། །ཀུན་ནས་ཀུན་དུ་ཐམས་ཅད་པ། །རང་ཉིད་རྟག་
ཏུ་ཐམས་ཅད་ཀུན། །མཁའ་འགྲོ་ཀུན་ཀྱང་མཉམ་སྦྱོར་བའོ། །རྡོ་རྗེ་མཁའ་བདེ་བའི་མཆོག །བཟླས་དང་བསྒོམ་པའི་རབ་སྦྱོར་ཀྱིས། །འགྲུབ་པར་འདི་ལ་ཐེ་ཙོམ་མེད། །ཐུན་མཚམས་ནས་ནི་རབ་སྦྱོར་བས། །མཆོག་
གི་སྡོམ་པ་བསྒོམ་པར་བྱ། །འབུམ་རྫོགས་ནས་ནི་རྡོ་རྗེ་ཆེ། །ཁྲོ་བོའི་རྒྱལ་པོ་དང་མཉམ་འགྱུར། །རྡོ་རྗེ་འཛིན་པ་ཆེན་པོ་ཡི། །ཚེ་དང་མདོག་དང་ན་སོ་དང་། །གཟུགས་དང་སྟོབས་དང་བརྩོན་འགྲུས་དང་། །རྫུ་འཕྲུལ་གྲུབ་པ་
ཆེན་པོར་ལྡན། །སེམས་ཅན་དོན་བྱེད་ནུས་པར་འགྱུར། །ཡང་ན་གསང་སྔགས་ཏིང་འཛིན་གྱིས། །ཅུང་ཟད་ཙམ་ཞིག་བཟླས་པ་བྱ། །ལས་ནི་བརྒྱ་ཙམ་བྱེད་པར་འགྱུར། །འདི་ལྟ་སྟེ། བརྟན་པ་དང་། གཡོ་བ་

85-1-355a

ཐམས་ཅད་ངེས་པར་གནོན་པ་དང་། ལྟུང་བར་བྱེད་པ་དང་། འཇིག་པར་བྱེད་པ་དང་། རྒྱས་འདེབས་པ་དང་། ལྐུགས་པར་བྱེད་པ་དང་། རེངས་པར་བྱེད་པ་དང་། དབུགས་འབྱིན་པར་བྱེད་པ་དང་། 
རྨོངས་པར་བྱེད་པ་དང་། འཆིང་བ་དང་། འགྱེས་པ་དང་། དབང་དུ་བྱེད་པ་དང་། རྣམ་པར་བསྒྱུར་བར་བྱེད་པ་དང་། སྨྱོ་བར་བྱེད་པ་དང་། རྣམ་པར་འགྱུར་ཞིང་བསྐྲོད་པར་བྱེད་པ་དང་། སྡང་བ་དང་། ནོར་རྫས་འཇོམས་ཤིང་
འཇིགས་པར་བྱེད་པ་དང་། ངུད་མོ་བྱེད་དུ་འཇུག་པ་དང་། བསྡིགས་པར་བྱེད་པ་དང་། བདག་ཉིད་བཅིངས་ནས་འཚོག་པ་དང་། བརྡུང་བ་དང་། ལོང་བར་བྱེད་པ་དང་། ས་བོན་འཇོམས་པར་བྱེད་པ་དང་། རིམས་དང་། ཁོང་ནད་དང་། 
དུག་གིས་འཛིན་པ་དང་། རང་གིས་བརྐོས་ནས་འཇུག་པ་དང་། དམྱལ་བར་ལྟུང་བར་བྱེད་པ་དང་། དུད་འགྲོའི་གནས་ཡོངས་སུ་བསྒྱུར་བར་བྱེད་པ་དང་། སྐྱེས་པ་བུད་མེད་དུ་བྱེད་པ་དང་། བུ་ཆུང་ལྟོ་ནས་ལྟུང་བྱེད་པ་དང་། བྷ་ག་
འཆིང་བ་དང་། མ་ནིང་དུ་བྱེད་པ་དང་། འདོད་པ་ལ་ཆགས་ལ་སྙོམ་པར་བྱེད་པ་དང་། རྒོད་ཅིང་འཆིང་བ་དང་གཞན་གྱིས་རང་གསོད་དུ་འཇུག་པ་དང་། མཚོན་རྡུག་པར་བྱེད་པ་དང་། དགོས་དགུ་བྱེད་པ་དང་། ཡུད་
ཀྱིས་བསྐྲོད་པ་དང་། གཅེར་བུར་བྱེད་པ་དང་། བྷ་ག་དང་བཤང་ལམ་སྒྲོགས་པར་བྱེད་པ་དང་། བྷ་ག་དང་བཤང་ལམ་རང་ལུག་ཏུ་བྱེད་པ་དང་། ཁུ་བ་ཁྲག་ཏུ་བྱེད་པ་དང་། ནད་རྣམས་མྱུར་དུ་སེལ་བར་བྱེད་པ་དང་། ཁྲག་ལས་
གྱུར་པའི་མཛེ་ནད་ལ་སོགས་པ་སུད་པར་བྱེད་པ་དང་། མྱ་ངན་དང་སྡུག་བསྔལ་གྱིས་བཅིངས་ཤིང་གཟིར་བར་བྱེད་པ་དང་། དུམ་བུ་དུམ་བུར་བྱེད་པ་དང་། ལུས་ཅན་ཐམས་ཅད་ཕྱེ་མར་བྱེད་ཅིང་གསད་པ་དང་། ཐམས་
ཅད་རྗེས་སུ་ཆགས་པས་འགུགས་པ་དང་། གཞུགས་པ་དང་། གཡོ་བ་དང་། འདར་བ་དང་། རྒོད་པ་དང་། སེམས་ཅན་ཐམས་ཅད་ལ་རྒྱུན་དུ་ཅ་བླར་སྨྲ་བ་དང་། སྔོན་གྱི་གནས་སོ་སོར་ཐོབ་པ་ལྟར་སྟོན་པ་དང་།

85-1-355b

དབང་དུ་བྱེད་པའི་ལས་ཐམས་ཅད་ལ་རབ་ཏུ་སྦྱོར་བ་དང་། བྲན་དུ་བྱེད་པ་དང་། ལྷ་དང་། ཀླུ་དང་། གནོད་སྦྱིན་དང་། སྲིན་པོ་དང་། ལོག་འདྲེན་དང་། འབྱུང་པོ་དང་། མ་མོ་དང་། མཁའ་འགྲོ་མ་ཐམས་ཅད་འདུལ་བར་
བྱེད་པ་དང་། ནོར་སྦྱིན་པ་དང་། ས་དང་། ཆུ་དང་། མེ་དང་། རླུང་དང་། ནམ་མཁའ་ཐམས་ཅད་བཀའ་བསྒོ་བར་བྱེད་པ་དང་། ཚངས་པ་དང་། ཁྱབ་འཇུག་དང་། དབང་ཕྱུག་ཆེན་པོ་དག་ལས་རྣམ་པར་
རྒྱལ་བར་འགྱུར་བ་དང་། ཆགས་པ་ཐམས་ཅད་འཇིག་པར་བྱེད་པ་དང་། རིམས་དང་། ཡམས་དང་། དུག་དང་། མཁའ་འགྲོ་མ་ཐམས་ཅད་ལས་གྲོལ་བར་བྱེད་པ་དང་། དེ་བཞིན་གཤེགས་པ་ཐམས་
ཅད་ཆགས་པ་དང་བྲལ་བ་འབིགས་པར་བྱེད་པ་དང་། བྱང་ཆུབ་སེམས་དཔའ་ཐམས་ཅད་འཁོར་བ་ལ་སྐྱོ་བ་འཇིག་པར་བྱེད་པ་སྟེ། དེ་ལྟ་བུར་འདི་དག་ནི་ལྷ་མོ་ཐམས་ཅད་གྲུབ་པར་བྱེད་པར་བརྗོད་པ་སྟེ། སྔགས་ཀྱི་
རྒྱལ་པོ་འདི་དག་ཉིད་ནི་མ་བྱུང་འབྱུང་བར་མི་འགྱུར་རོ། །བཅོམ་ལྡན་འདས་རྡོ་རྗེ་འཛིན་པ་སྟེ་རྡོ་རྗེ་སེམས་དཔའ་དེ་བཞིན་གཤེགས་པས་མཁའ་འགྲོ་མའི་སྒྱུ་མ་ཐམས་ཅད་དང་མཉམ་པར་སྦྱོར་བའི་རབ་ཏུ་འགྲུབ་པ་དེ་སྐད་ཅེས་
བཀའ་སྩལ་ཏོ། །འདི་དག་ནི་རྡོ་རྗེ་མཁའ་འགྲོའི་རྒྱུད་ཆེན་པོ་ལས་ལས་ཀྱི་ཚོགས་ཐམས་ཅད་ཀྱི་ཆོ་ག་དང་། སྒྱུ་འཕྲུལ་ཆེན་མོའི་རྣམ་པར་འཕྲུལ་པའི་སྔགས་ཀྱི་ཆོ་གའི་ལེའུ་སྟེ་གཉིས་པའོ།། །། 
དེ་ནས་གསང་བ་བརྗོད་པར་བྱ། །མདོར་བསྡུས་ཕྱིར་ན་རྒྱས་པར་མིན། །ཐམས་ཅད་སྒྱུ་མར་མཉམ་སྦྱོར་ན། །ལས་རྣམས་ཐམས་ཅད་མཉམ་པར་བྱེད། །དངོས་གྲུབ་ཆེན་པོ་སྒྱུ་མ་ཀུན། །དབང་
ཕྱུག་ཐམས་ཅད་རབ་གྲུབ་པའོ། །རིག་པ་རྣམ་པར་འཕྲོ་བྱེད་པ། །འབྱུང་པོའི་གདོན་རྣམས་འགུགས་པར་བྱེད། །ཧི་མ་བནྟ་སྱེ་ཨུཏྟ་རེ་ཎ་བྷ་བཙྪི་བོ་ན་མ། མ་ཧཱ་མ་སོ། སོ་བ་ཨི་ཨ་དྷ་

85-1-356a

མ་སི་ཧྃ་བེ་ཧི་མ་སེ་ཧི་མ་སེ་ཧི་བ་ཏི་བུཛྫ་ཨི། ཨི་སོ། ནི་དོ། མ་ཧི། ནཱི་ཏོ། ཀུམྦྷ་ཀཎྜ། སིནྣ་དོ། སཱ་ག་ར་ས་སཏྱ་པ་ཌ་བེ་སིནྣ་སིནྣ་དྃ། བནྡྷཱ་མི། ཀུ་རུ་ར་སསྶ་བི་ཌ་ལ་ས། ཏུཎྜ་བནྡྷཱ་མེ། ཛཱ་བ་
སུ་ར་ཨུ་ད་ནི། ཛ་བ་ར་བི་བ་བྷ་ཨ་དྷི་ཨ་ཧ་ཏོ་བརྞྞ་ཨ་ནུ་བ་དེ་ན་སཱ་དྷུ་ན། མ་མ་རི་ཨ་སརྦྦ་སི་དྷ་ན་སྭཱ་ཧཱ། བཅོམ་ལྡན་འདས་རྡོ་རྗེ་འཛིན་པ་རྡོ་རྗེ་སེམས་དཔའ་དེ་བཞིན་གཤེགས་པས་བཀའ་སྩལ་ཏོ། །འདིས་ལན་བདུན་
དུ་མངོན་པར་བརྗོད་པས་བསྔགས་པ་བྱས་ཏེ། ཁྱིམ་གྱི་ཐོག་ཏུ་གཞག་ན་བརྗོད་པར་བྱེད་པར་འགྱུར་རོ། །བ་ས་ཧ་ཏོ་ལ་ཨི་མི་ཛྙ་ཨ། བ་ས་བ་ཛ་ན་མོ་ཧི་ཨ། ཨེ་ས་བིཛྫ་ཙ་ཧ་ཨིན་མནྟ་ཨི་ཨིནྡྷ་ན། ཧ་ཨ་བཱ་ཨི་ཛ་བེ་
ན་དིཎྞ་ཎི། དྷ་ཏམྤ་ཧི་མ་ཧཱ་སྭ་བ་ཨ་ན་ནེ་བཱ་དྷོ་སི། རཱ་ཛ་ཀུ་ལ་ཁཎྜ། ཌ་ཎི་ཌ། ཛེ་བཱ་ཨི་བ་དྷ། ཏ་དྷི་ཎ་ཏ་ཎ། ན་མཿ   སིདྷ་ན། ན་མཿ    པུ་པ་ཛ་ཛ་པཱ་ད་ན། མ་ས་ཝ་རཱ་ཎེ། ཏདྱ་ད་རེ་མ་ཧཱ་དཎྜེ་ད་ཧ་ཧེ་དུན་ཧེ་ཧེ་སྭཱ་ཧཱ།
འདིས་བྱེ་མ་ལ་ལན་བདུན་དུ་བསྔགས་པ་བྱས་ཏེ། འབྲུ་རྣམས་ལ་བཏབ་ན་ལྕེ་སྤྱང་ལ་སོགས་པའི་སྲོག་ཆགས་རྣམས་ཀྱིས་མི་ཟ་ཞིང་སྤྲིན་རྣམ་པར་བཟློག་པར་བྱེད། རཏྣཱ་ར་ཏི། ཨོཾ་ཨ་ལ་ལ་བར་ཙུ་ལི་ལ་ཙོར་བགྒྷ་ཀ་ན་ད་ས་བཱ་མུ་
ཧ་བནྡྷཱ་མི་སྭཱ་ཧཱ། ཤིང་བུ་སོར་བཞི་བ་པ་ལ་ལན་བདུན་དུ་བཟླས་ཏེ། རྣ་བ་གཡས་པ་ལ་བཏགས་ན་ཆོམ་རྐུན་རྣམས་རེངས་པར་བྱེད་དོ། །ཨི་ད་སི། ཨ་ཏི་ཎི་ཛ་ཧ་ཨ་ཀ་ལི་ལོ་ཧི་དི། པིངྒ་ལེ། མ་མེ་ག་བྷ་ན་ཨི། ཨ་ཧྃ་སི་ལ་
ཨུ་ས་རི་མི་ཨ་བ་ར་བྷ་ཎ་ཨི། ཨ་ཧྃ་བཱ་ད་ཨུ་སཱ་ར་མི་ཨ་བ་ར་བྷ་ཎ་མི་ཨ་ཧམ་དུ་ཧ་མི་བྷི་ཏོ་བཛྫ་པ། མི་ལོ་ལོ་ཀ་ལི་ལོ་ཧི་དི་པངྒ་ལི་ཧཱུྃ་ཕཊ། གླང་གི་རྭ་ཡིས་བྲུས་པའི་ས་དབུས་མ་བླངས་ལ་སྔགས་འདིས་ལན་
བདུན་དུ་མངོན་པར་བཏབ་སྟེ། ནགས་ཁྲོད་དང་འཇིགས་པའི་ལམ་དང་། རྒྱལ་པོས་བཀྲབས་པ་ལ་སོགས་པ་ཐམས་ཅད་ཀྱིས་གནོད་པ་བྱེད་པར་མི་འགྱུར་ཏེ། བ་གླང་གི་གདོང་པ་ཅན་དུ་བྱས་ནས་ཆོ་ག་འདི་བྱ་སྟེ། ས་དེ་ལག་

85-1-356b

པར་གཞག་ལ། སེར་བ་འབབ་པ་ལ་སོགས་པ་ལ་བཏབ་ན། ལྡོག་པར་འགྱུར་ཏེ་འདི་ཡི་ཆོ་ག་འདིའོ། །ཨོཾ་ཛཾ་བི་ལི་ཨ་བ་ཨ་བིཛྫི་སུ་ཏི་ཐ་ད་སི། ཨི་སུ་བྷ་དེ་སུ་བྷ་དེ་ཨོ། སོ་ཎ་ཨོ་ཨ་ཙ་ལ་ཧི་སུཎྞ་པ་ད་ནེ། ཨི་སི་ལ་བ་
ད་བ་ར་ཥ་བཛྫ་ཧི་སྭཱ་ཧཱ། སྣོད་བཟང་པོར་ཆུ་བླུགས་ཏེ། རྗེས་སུ་མཐུན་པའི་གནས་སུ་འདུག་སྟེ། ལན་བདུན་དུ་བསྔགས་ནས་ཆུ་དེ་ནམ་མཁའ་ལ་གཏོར་ན། སེར་བ་དང་རླུང་འབབ་པ་ལ་སོགས་པ་རེངས་པར་བྱེད་དོ། །
ན་ཨ་མོ་དྷེ། བྷ་ག་བ་ཏི། ཀི་བྷི་ཀུ་རེ་ཎ་ཤ་ཏྲ་ཡ། ཐ་མ་ཀེ་ཧ་ཐ་ཀ་ར་ལ་པཱ་ཀེ། ནི་ཏ་སྃ་རུ་བི་ཏི་བྷ་ཏུ་ཡ། རུ་ཛ་རི་ཊ་རམ་ཊ་ཀུ་ཀེ་ཏོ་ལི་ཊ་ལུ་ཡ། ལུ་ཏྃ་ཏིཥྛ་ལེ་ཀ་སི་ར་ལེ་ལོ་ཏི་གྲ་ལེ་བྷི་ཥི་ཥ་ལེ་ཎ་སི་མུ་ལེ་ཁ་
ཨ་ཡ་ཐེ་སརྦྦ་ཧ་དེ་སྲ་ན་བྷུ་ཛ་ཀུ་བྷ་ན་སུ་ཐེ་ར་ཥ་ཡ་ན་པ་ཡ་ར་ཏི་ཥུ་དྷ་ཡ་ན་ཤོ་པ་དྱ་ཏི་ཏ་ཀ་སུ་ས་ལ་ཀ་ཁ་སེ་སིདྡྷ་བ་ཧཱ་ལ་ས་ཧི་པ་ཎ་སྭཱ་ཧཱ། ཆུ་ལ་ལན་བདུན་བསྔགས་ནས་ཁ་གདོང་བཀྲུས་ན་ཐམས་ཅད་འགྲུབ་པར་
བྱེད་དོ། །རིམ་པ་བཞིན་དུ་ཧེ་རུ་ཀ་དང་འདབ་མ་རྣམས་ལ་མཁའ་འགྲོ་མ་རྣམས་བཀོད་དེ། དབུགས་མི་འབྱུང་བར་སྦྱར་བ་ལས། །འགྲུབ་པར་འདི་ལ་ཐེ་ཚོམ་མེད། །ཡང་ནི་རྣལ་འབྱོར་པ་རྣམས་འདིར། །
པད་མ་ལ་ནི་རབ་བསམས་ཏེ། །ཡིད་ནི་རླབས་མེད་པར་བྱས་ཏེ། །སྔགས་ནི་ཕོ་ཉ་མོར་སྦྱར་ན། །དེ་ཡིས་རྟག་ཏུ་འགྲུབ་འགྱུར་བ། །འདི་ལ་སྔགས་པ་ཐེ་ཚོམ་མེད། །དཔལ་རྡོ་རྗེ་མཁའ་འགྲོ་མའི་རྒྱུད་
ཆེན་པོ་ལས་ལེའུ་གསུམ་པའོ།། །། དེ་ནས་གཞན་ཡང་བཤད་བྱ་བ། །རབ་ཏུ་རྟོགས་བྱའི་དཔའ་བོ་དྲུག །དཔའ་མོ་དྲུག་དང་མཉམ་སྦྱོར་ཕྱིར། །གནས་རྣམས་རེ་རེ་ཡི་གེ་སྟེ། །དང་པོ་སྙིང་ག་ཉིད་
དུའོ། །མགོ་བོ་ལ་ནི་གཉིས་པར་བརྗོད། །སྤྱི་གཙུག་ལ་ནི་གསུམ་པ་སྦྱིན། །དཔུང་པ་གོ་ཆ་བཞི་པ་ཉིད། །མིག་དག་ལ་ནི་ལྔ་པ་ཡིན། །དྲུག་པ་ཐམས་ཅད་ལ་ནི་བརྗོད། །དཔལ་རྡོ་རྗེ་མཁའ་འགྲོའི་རྒྱུད་ཆེན་པོ་ལས་ལེའུ་བཞི་པའོ།། །།  དེ་ནས་གཞན་ཡང་བཤད་བྱ་བ། །

85-1-357a

མཁའ་འགྲོ་མ་རྣམས་ཉེར་འདུས་མཆོག །གང་དུ་མཉེས་པར་འགྱུར་བ་ཡི། །མཁའ་འགྲོ་མ་ཀུན་རབ་སྡོམ་པའོ། །ཡི་དགས་གནས་བཞིར་རབ་སྦྱར་རམ། །ཡང་ན་རྒྱ་མཚོའི་འགྲམ་དུ་འམ། །
ལམ་གྱི་བཞི་མདོར་རབ་བསྒྲུབ་ཅིང་། །མཆོག་རྣམས་ཐམས་ཅད་བསྒྲུབ་པར་བྱ། །རི་བོ་ཕུག་དང་ནགས་ཚལ་དང་། །དེ་བཞིན་ཤིང་གཅིག་ཏུ་མརྗོད་པར། །མཚན་མོ་འཇིགས་པའི་གཟུགས་ཀྱིས་རབ་བསྒྲུབས་ནས། །
རྣལ་འབྱོར་བླ་ན་མེད་པ་སྐྱེ་བར་འགྱུར། །དེར་ནི་རྟག་ཏུ་མཁའ་འགྲོ་མ་རྣམས་དང་། །ལྷན་ཅིག་འདུག་པར་སྒྲུབ་པོ་ཐེ་ཚོམ་མེད། །དཔལ་རྡོ་རྗེ་མཁའ་འགྲོའི་རྒྱུད་ཆེན་པོ་ལས་ལེའུ་ལྔ་པའོ།། །། སྔར་སྤྱོད་ཆོ་གའི་རིམ་པ་
རྣམས། །རབ་ཏུ་བཤད་ཀྱི་ལྷ་མོ་ཉོན། །དཀའ་ཐུབ་རྣལ་འབྱོར་པས་མི་བྱ། །གཞན་པ་ཀུན་དང་གནས་མི་བྱ། །ལུས་ལ་མཆོག་ཏུའང་མཆོད་མི་བྱ། །བརྙས་པ་ཉིད་དུའང་མི་བྱ་སྟེ། །སྣ་ཚོགས་རང་བཞིན་མེད་མཉམ་
ལྟ། །གསེག་མ་སོལ་བས་བསྒོས་བྱ་ཞིང་། །ཐལ་བས་འབད་དེ་བརྒྱན་པར་བྱ། །བཟའ་དང་བཟའ་མིན་ལ་སོགས་ལ། །སྔགས་པས་ཀུན་དུ་རྟོག་མི་བྱ། །མེ་ཏོག་རྙེད་རྙེད་ཐམས་ཅད་ཀྱིས། །རྟག་ཏུ་ཕྲེང་བ་ཉིད་དུ་བྱ། །དཔལ་
རྡོ་རྗེ་མཁའ་འགྲོའི་རྒྱུད་ཆེན་པོ་ལས་ལེའུ་དྲུག་པའོ།། །། དེ་ནས་གོ་ཆ་རྣམས་ཀྱི་ནི། །ལས་ཀྱི་ཚོགས་རྣམས་བཤད་བྱ་བ། །འཇིག་རྟེན་གསུམ་ན་བཅུད་ཡོད་གང་། །སྨྱོ་བྱེད་འབྲས་སྐྱེས་ལ་བསྲེས་ན། །དེ་ལ་སྐད་ཅིག་གིས་ཀུན་གྲུབ། །གོ་ཆ་
བཟླས་བཞིན་འགྲོ་བྱེད་ན། །ལྷ་རྣམས་ཀྱིས་ཀྱང་མི་མཐོང་ཞིང་། །ཆོམ་རྐུན་སྟག་སོགས་ཀྱིས་མི་འཇིགས། །གོ་ཆ་བཟློས་བཞིན་དུ་རྒྱལ་པོའི་གྲོང་དུ་བྱིན་གྱིས་བརླབས་ཏེ། ཞུགས་ན་མི་མཐོང་བར་ཡང་འདོད་པ་དེ་བླངས་ནས་སླར་ཡོད་
པ་དང་། གོ་ཆ་བཟློས་བཞིན་བཟླས་པས་གང་ལ་རེག་ན་དེ་མདུང་བཞིན་དུ་རེངས་པར་འགྱུར་རོ། །སུམ་བཅུ་རྩ་གསུམ་པས་ཀྱང་མི་གཡོས་སོ། །སྔགས་བཟླས་པའི་རྐང་པས་བསྣུན་ན་ནི་སླར་གྲོལ་བར་འགྱུར་རོ། །དཔལ་རྡོ་རྗེ་མཁའ་འགྲོའི་རྒྱུད་

85-1-357b

ཆེན་པོ་ལས་ལེའུ་བདུན་པའོ།། །། དེ་ནས་རྩ་བའི་སྔགས་ཀྱི་ལས་བཤད་དེ། ཤ་ལྔ་ལས་གཟུགས་བརྙན་གྱི་རབ་ཏུ་སྦྱོར་བ་ལས་ལས་ཐམས་ཅད་བྱེད་པ་ཡིན་ཏེ། ལྷ་དང་ལྷ་མ་ཡིན་དང་། ཀླུ་དང་གནོད་སྦྱིན་ཐམས་ཅད་དང་། དྲི་ཟ་ཐམས་ཅད་དང་། 
ལྷའི་སྐྱེ་གནས་ཐམས་ཅད་དྲན་པ་ཉིད་ཀྱིས་མཆིའོ། །སྤྲིན་རྣམས་སྐྲག་པར་བྱེད་པ་དང་། ཆར་འབེབས་པར་བྱེད་པ་དང་། བཟློག་པར་བྱེད་པ་དང་། རྒྱ་མཚོ་སྐེམས་པར་བྱེད་པ་དང་། ཆུ་བོ་རྒྱུན་ཕྱོགས་ལས་བཟློག་པར་བྱེད་པ་དང་། དབང་པོ་
བཟློག་པར་བྱེད་པས།  དུར་ཁྲོད་ཀྱི་སོལ་བ་ལ་ཇི་ཙམ་འདོད་པ་བཟླས་ནས་གང་ལ་བསྣུན་ན། དེ་དེའི་སྐད་ཅིག་མ་ཉིད་ལ་ལྟུང་ངོ་། །དུར་ཁྲོད་ཀྱི་སོལ་བ་ལ་ཡོངསུ་བཟླས་ཏེ། གང་ལ་བསྣུན་ན་དེ་དེའི་སྐད་ཅིག་ཉིད་ལ་ཤ་ཟས་འཛིན་ནོ། །
དཔལ་རྡོ་རྗེ་མཁའ་འགྲོའི་རྒྱུད་ཆེན་པོ་ལས་ལེའུ་བརྒྱད་པའོ།། །། དེ་ནས་གཞན་ཡང་བཤད་བྱ་བ། །མཁའ་འགྲོ་མ་ཡི་སྤྱོད་པ་སྟེ། །དཔའ་བོའི་དཔའ་དང་ཆ་བླངས་མ། །གང་གིས་ཕོ་ཉར་ཤེས་བྱས་ཏེ། །དཔའ་བོས་མཛེས་མ་སྤྱད་པར་
བྱ། །ས་ནི་རྟེན་དུ་བྱས་ནས་ནི། །དམ་པའི་སྤྱོད་པའི་བཟླས་བརྗོད་བྱ། །རིམ་ལས་བཟློག་པའི་ལྡང་ཚུལ་དང་། །ཁ་ཡི་རང་བཞིན་འཇིགས་བག་ཅན། །རྟག་ཏུ་སྨྱོན་མ་བསུས་པའི་གདོང་། །ཆོས་ཀྱི་རིམ་པ་མྱུར་ཤེས་པ། །མཁའ་འགྲོ་མ་ཡི་རྣམ་
སྤྱོད་ཡིན། །རི་མོ་གསུམ་པོ་ཡོངས་ཟླུམ་པོར། །རིམ་དང་རིམ་བཟློག་ཇི་བཞིན་ཤེས། །འགྲོ་དང་འོང་བས་མཁའ་འགྲོ་མའི། །མཚན་མ་ཀུན་གྱི་མཚན་ཉིད་དོ། །དགྲོལ་ལས་བཞིན་གྱི་གཉེར་མ་ཅན། །ཇི་ཞིག་གིས་ནི་སླར་ལྡོག་བྱེད། །
དེ་ལས་རྡོ་རྗེའི་དགུག་པ་གསལ། །དེ་དབྱངས་ཀོ་ཀི་ལ་ཡི་སྐད། །རྣལ་འབྱོར་དམ་པ་དེ་ལྟའི་དངོས། །ཤེས་པར་བྱས་ན་དངོས་གྲུབ་སྟེར། །དེ་ལ་མཚན་ཉིད་བསམ་བྱས་ན། །དེ་ཡིས་དེ་ཡི་དངོས་པོར་འགྱུར། །དཔལ་རྡོ་རྗེ་མཁའ་འགྲོའི་
རྒྱུད་ཆེན་པོ་ལས་ལེའུ་དགུ་པའོ།། །། དངོས་གྲུབ་ཀུན་ནི་རབ་སྟེར་བ། །ང་ཡིས་བཤད་ཀྱིས་ལྷ་མོ་ཉོན། །ལུས་ངག་སེམས་ལ་རྟག་ཏུ་ནི། །ཡིད་ཀྱི་རྡུལ་དང་བྲལ་བར་བྱ། །མཁའ་འགྲོ་ཀུན་དང་མཉམ་སྦྱོར་བའི། །ལུས་ཀྱི་དཀྱིལ་འཁོར་

85-1-358a

རྣམ་བསམ་པར། །གང་དུའང་ཕོ་ཉ་མོ་གནས་མིན། །ཡོངསུ་བསྒོམས་པས་འོང་མིན་གྱི། །དད་པ་ཙམ་གྱིས་གཟུང་བྱ་སྟེ། །མིག་དང་ལག་པས་མ་ཡིན་ནོ། །གསང་བ་འདི་གསལ་མི་བྱ་ཞིང་། །རབ་ཏུ་འབད་དེ་སྦ་
བར་བྱ། །རྣལ་འབྱོར་མ་རྣམས་ཀུན་བསྡུས་ལྟ། །དེ་ཕྱིར་ལུས་ཉིད་དུ་མི་བལྟ། །དཔལ་རྡོ་རྗེ་མཁའ་འགྲོའི་རྒྱུད་ཆེན་པོ་ལས་ལེའུ་བཅུ་པའོ།། །། དེ་ནས་གཞན་ཡང་བཤད་བྱ་བ། །དམ་ཚིག་སྤྱོད་པའི་སྤྱོད་ཡུལ་ཏེ། །དམ་ཚིག་རབ་
བསྲུངས་རབ་འགྲུབ་སྟེ། །དམ་ཚིག་ལས་ནི་སྔགས་པར་གནས། །རྟག་ཏུ་འབྲས་སྐྱེས་སྟོབས་བརྟེན་ཅིང་། །རྣལ་འབྱོར་མ་རྣམས་སྨད་མི་བྱ། །རྗེས་སུ་འཇུག་རྣམས་མི་བཟློག་གོ། །དམ་ཅན་མི་རྣམས་ལ་མི་སྨད། །བརྩོན་ལྡན་
རྣམས་ལ་གནོད་མི་བྱ། །འདི་རྣམས་དང་ལྡན་ཅིག་བདེར་བྱ། །གྲོལ་བར་འདོད་པ་དེ་དོན་དུ། །དམ་ཚིག་རྣམས་ནི་སྤྱད་པར་བྱ། །སངས་རྒྱས་རྣམས་ཀྱིས་གསུངས་པ་ལ། །ཅུང་ཟད་ཙམ་ཡང་སྨད་མི་བྱ། །ཁྲོས་ཏེ་རབ་སྦྱོར་
འགའ་མི་བྱ། །སྔགས་ལ་སྦྱར་བར་མི་བྱའོ། །དཔལ་རྡོ་རྗེ་མཁའ་འགྲོའི་རྒྱུད་ཆེན་པོ་ལས་ལེའུ་བཅུ་གཅིག་པའོ།། །། རྡོ་རྗེ་མཁའ་འགྲོ་སྒྲུབ་པའི་ཐབས། །ང་ཡིས་བཤད་ཀྱིས་ལྷ་མོ་ཉོན། །དང་པོར་བསྒོམ་བྱ་རོ་ཉིད་དེ། །
ཆོས་དབྱིངས་དག་ཏུ་རིག་པར་བྱ། །དེ་ཡི་སྟེང་ནུས་རྣལ་འབྱོར་པ། །གོ་འཕང་མཆོག་ནི་བསྒོམ་བྱས་ཏེ། །དེ་ཉིད་དུ་ནི་རྣམ་པར་དགོད། །རང་གི་སྙིང་གའི་ཟླ་དབུས་སུ། །འོད་ལས་ལྷ་མོ་ཀུན་ཕྱུང་བ། །ཕྱག་འཚལ་མཆོད་སོགས་འདི་ལྟར་གསུངས། །
དང་པོར་སྙིང་གར་ཟླ་དབུས་སུ། །ཡི་གེ་ཨ་ཡིས་ཟླ་དཀྱིལ་འཁོར། །རྣམ་པར་བསམས་ལ་དེ་སྟེང་དུ། །ཡི་གེ་ཧཱུྃ་ནི་རྣམ་པར་བསྒོམ། །དེ་ནས་བྱམས་པའི་སེམས་བྱས་ཏེ། །དེ་ནས་རེ་ཞིག་དཀྱིལ་འཁོར་བྲི། །གྲུ་བཞི་པ་ལ་
སྒོ་བཞི་པ། །ཁ་ཁྱེར་རྡོ་རྗེས་ངེས་པར་མཚན། །སྐུད་པ་བཞི་དང་ཡང་དག་ལྡན། །འཕན་གྱི་ཕྲེང་བ་ཤིན་ཏུ་མཛེས། །དཀྱིལ་འཁོར་ཀུན་གྱི་གྲྭ་རྣམས་དང་། །སྒོ་ཁྱུད་ཀྱི་ནི་མཚམས་རྣམས་སུ། །རྡོ་རྗེ་རིན་པོ་ཆེས་མཚན་པར། །

85-1-358b

དཀྱིལ་འཁོར་ཕྱི་རིམ་ཐིག་གདབ་བོ། །ཤེས་རབ་ཅན་གྱིས་ཐིག་གདབ་བོ། །འཁོར་ལོའི་ཕྲེང་བས་རྣམ་པར་མཛེས། །དེ་ནང་དུ་ཡང་པད་མ་ནི། །མདོག་དཀར་རབ་ཏུ་མཛེས་པ་བྲི། །གཞན་ཡང་དེ་ཡི་སྟེང་དུ་ནི། །མདོག་དམར་པད་མ་འོད་དང་ལྡན། །པད་མའི་
ཕྲེང་བས་བསྐོར་བས་སོ། །སྔགས་པས་དེ་ཡི་ནང་དུ་ཡང་། །རྡོ་རྗེ་འཕྲེང་བ་འཁྲིགས་པར་བྲི། །ཡང་ན་པད་ཆེན་འདབ་བརྒྱད་པ། །ཨིནྡྲ་ནཱི་ལའི་འོད་མཉམ་པའོ། །དེ་དབུས་དཀྱིལ་འཁོར་ལྔས་བརྒྱན་པར། །གཡས་ན་རྡོ་རྗེ་གཙོ་བོ་
བཞུགས། །རི་རབ་རི་ཡི་སྟེང་དུ་ནི། །སྣ་ཚོགས་གཟུགས་ཅན་ཡིད་འོང་བ། །སངས་རྒྱས་བྱང་ཆུབ་སེམས་དཔའ་རྣམས། །ཐམས་ཅད་བདག་ལ་དགོངས་སུ་གསོལ། །བདག་མིང་ཆེ་གེ་མོ་ཞེས་པ། །དུས་འདི་ནས་ནི་བཟུང་ནས་ནི། །ཇི་སྲིད་
བྱང་ཆུབ་མ་ཐོབ་པར། །ཇི་ལྟར་དུས་གསུམ་མགོན་པོ་རྣམས། །བྱང་ཆུབ་ཏུ་ནི་ངེས་མཛད་པའི། །བླ་ན་མེད་པའི་བྱང་ཆུབ་སེམས། །དམ་པ་བདག་གིས་བསྐྱེད་པར་བགྱི། །ཚུལ་ཁྲིམས་ཀྱི་ནི་བསླབ་པ་དང་། །དགེ་བའི་ཆོས་ནི་བསྡུད་པ་དང་། །
སེམས་ཅན་དོན་བྱེད་ཚུལ་ཁྲིམས་གསུམ། །བདག་གིས་བརྟན་པོར་སོ་སོར་གཟུང་། །སངས་རྒྱས་རྣལ་འབྱོར་སྡོམ་པ་ལ། །སངས་རྒྱས་ཆོས་དང་དགེ་འདུན་ལ། །བླ་ན་མེད་པའི་དཀོན་མཆོག་གསུམ། །དེང་ནས་བརྩམས་ཏེ་གཟུང་བར་
བགྱི། །རྡོ་རྗེ་རིགས་མཆོག་ཆེན་པོ་ལ། །རྡོ་རྗེ་དྲིལ་བུ་ཕྱག་རྒྱ་དག །ཡང་དག་ཉིད་དུ་གཟུང་བར་བགྱི། །སློབ་དཔོན་དག་ཀྱང་གཟུང་བར་བགྱི། །རིན་ཆེན་རིགས་མཆོག་རྣལ་འབྱོར་ལ། །དམ་ཚིག་ཡིད་དུ་འོང་བ་ནི། །ཉིན་རེ་ཞིང་ནི་
ཡང་དང་ཡང་། །སྦྱིན་པ་རྣམ་བཞི་རྟག་ཏུ་སྦྱིན། །བྱང་ཆུབ་ཆེན་པོ་ལས་བྱུང་བའི། །པད་མའི་རིགས་ཆེན་དག་པ་ལ། །ཕྱི་ནང་གསང་བ་ཐེག་པ་གསུམ། །དམ་པའི་ཆོས་རྣམས་སོ་སོར་གཟུང་། །ལས་ཀྱི་རིགས་མཆོག་ཆེན་པོ་ལ། །
སྡོམ་པ་ཐམས་ཅད་ལྡན་པར་ནི། །ཡང་དག་ཉིད་དུ་གཟུང་བར་བགྱི། །མཆོད་པའི་ལས་ཀྱང་ཅི་ནུས་བགྱི། །བྱང་ཆུབ་སེམས་ནི་བླ་ན་མེད། །དམ་པ་བདག་གིས་བསྐྱེད་པར་བགྱི། །སེམས་ཅན་ཀུན་གྱི་དོན་གྱི་ཕྱིར། །སྡོམ་པ་ཐམས་ཅད་

85-1-359a

གཟུང་བགྱི་ཞིང་། །མ་བསྒྲལ་བ་རྣམས་བདག་གིས་བསྒྲལ། །མ་གྲོལ་བ་རྣམས་བདག་གིས་དགྲོལ། །དབུགས་མ་ཕྱིན་པ་བདག་གིས་དབྱུང་། །སེམས་ཅན་མྱ་ངན་བཟླས་ལ་དགོད། །ཨོཾ་སྭ་བྷཱ་བ་ཤུདྡྷཱཿ་སརྦྦ་དྷརྨྨཱཿ  སྭ་བྷཱ་བ་
ཤུདྡྷོ་ཧྃ། དེ་ནས་ཐམས་ཅད་བདག་མེད་པ་གནས་གཞི་དང་ངན་པར་བྲལ་བར་བལྟས་ཏེ། དེ་ཉིད་བཅོམ་ལྡན་རྡོ་རྗེ་ཅན། །རྡོ་རྗེ་སེམས་དཔའ་དེ་བཞིན་གཤེགས། །ཁ་དོག་སྔོན་པོ་དྲག་པོ་ཆེ། །ཐོད་པའི་ཕྲེང་བས་རྣམ་པར་བརྒྱན། །
ཕྱག་བཞི་པ་ལ་ཞལ་བཞི་པ། །སྤྱན་གསུམ་གྱིས་ནི་རྣམ་པར་མཛེས། །ཡི་དགས་ཆེན་པོ་གདན་དུ་མཛད། །ཉི་མ་ལ་བཞུགས་གར་བཅས་མཛད། །ཐོད་པ་དང་ནི་ཁ་ཊྭཱྃ་ག །གཞུ་དང་དེ་བཞིན་གཞན་མདའོ། །དེ་ལྟའི་ཆོ་གའི་རིམ་
པ་འདི། །ཡེ་ཤེས་ཀྱི་ནི་རྣམ་པར་བསྒོམ། །ཤར་དུ་དཀར་པོ་སྔོ་མདངས་ཅན། །གཡོན་ན་ཁ་ཊྭཱྃ་ག་དྲིལ་བུ། །རྡོ་རྗེ་ཐོད་པ་དེ་བཞིན་གཞན། །བྱང་ན་དམར་པོའམ་ཅུང་ཟད་སེར། །གཡོན་ན་ཁ་ཊྭཱྃ་ག་ཞགས་པ། །ཕྱག་གཡས་
ཅང་ཏེའུ་ཐོད་པ་ཉིད། །ནུབ་ན་དམར་བའམ་ཅུང་ཟད་སེར། །འབད་པས་མདའ་དང་གཞུ་འཛིན་ཅིང་། །ཐོད་པ་སྣ་ཚོགས་པད་མ་དག །གཡས་དང་གཡོན་གྱི་ཕྱག་ནའོ། །ལྷོ་ན་དཀར་བའམ་སེར་བ་འམ། །གཡོན་ཕྱག་རྩེ་
གསུམ་རིན་པོ་ཆེ། །གཡས་ན་དེ་བཞིན་ཐོད་པའོ། །གླང་པོ་དང་ནི་ལྕེ་སྤྱང་དང་། །མི་དང་བ་ལང་ཉིད་དག་ནི། །ཐོད་པ་རྣམས་ན་ཆོ་ག་བཞིན། །དང་པོར་ལྟུང་བར་བྱེད་མ་ཉིད། །གཉིས་པ་གསོད་མར་བྱེད་མ་སྟེ། །གསུམ་པ་
འགུགས་མར་བྱེད་མའོ། །བཞི་པ་གར་གྱི་དབང་ཕྱུག་མའོ། །རིག་མ་དེ་དག་དབུ་སྐྲ་ནི། །གྱེན་དུ་འབར་ཞིང་རྒྱན་རྣམས་ཀྱིས། །བརྒྱན་ནས་གར་མཛད་བཞུགས་པའོ། །མཚམས་བཞིར་གནས་པའི་ཐོད་པར་ནི། །སངས་རྒྱས་
གཟུགས་ལྔས་ཉེ་བར་བརྒྱན། །བཏུང་བ་མཆོག་དང་ཡང་དག་ལྡན། །དང་པོར་ཡི་གེར་ཡང་དག་ལྡན། །སྐད་ཅིག་ལས་ནི་འབར་བར་བསམ། །ལྷ་མོ་དེ་ལྟར་བསྒོམ་བྱས་ནས། །འབྲས་བུ་ནོར་གྱི་དངོས་གྲུབ་འཐོབ། །རིག་པ་ཆེན་པོ་

85-1-359b

སྦྱོར་འགྲུབ་པ། །ཡང་དག་མངོན་སུམ་རབ་ཏུ་བསྒོམ། །མི་སྣང་བར་གནས་ཐམས་ཅད་བདག །རྣལ་འབྱོར་པས་ནི་ཡུད་ཀྱིས་མཐོང་། །ལྷ་མཆོག་ལས་སྐྱེས་བུ་མོ་རྣམས། །སངས་རྒྱས་ཀུན་ལ་འཕྲོགས་ནས་སྤྱོད། །རྡོ་རྗེ་
གསུམ་གྱི་གནས་བཞུགས་པའི། །སངས་རྒྱས་གང་གཱའི་བྱེ་མཉམ་རྣམས། །རང་ལག་སྐྱུ་རུ་ར་གཞག་བཞིན། །རྡོ་རྗེ་མིག་གིས་མཐོང་བར་འགྱུར། །གང་གཱའི་བྱེ་མཉམ་སངས་རྒྱས་ཞིང་། །སྐུ་གསུང་ཐུགས་རྣམས་ཀྱིས་མཚན་
པའི། །སེམས་དངོས་གར་མཁན་དངོས་པོ་ནི། །ཐམས་ཅད་བདག་ཉིད་དུ་མཐོང་འགྱུར། །རྒྱུད་དང་སྔགས་རྣམས་རྣམ་བསྒོམས་པ། །ཡི་གེ་ཕྱིན་ཅི་ལོག་ཏུ་སྦྱར། །མཆོག་ཏུ་གསང་བ་འདི་དག་ནི། །ཁྱོད་ལ་ལེགས་པར་བཤད་པ་ཡིན། །
མཁའ་འགྲོ་མ་ཀུན་མཉམ་སྦྱོར་བའི། །རྡོ་རྗེ་མཁའ་འགྲོ་བདེ་བའི་མཆོག །རྡོ་རྗེ་སེམས་དཔའ་དེ་བཞིན་གཤེགས། །བཅོམ་ལྡན་རྡོ་རྗེ་དེ་སྐད་གསུངས། །འདི་དག་ནི་རྡོ་རྗེ་མཁའ་འགྲོའི་རྒྱུད་ཆེན་པོ་ལས། རྡོ་རྗེ་མཁའ་འགྲོ་ཆེན་པོ་བཞེངས་
པའི་ལེའུ་སྟེ་བཅུ་གཉིས་པའོ།། །། དེ་ནས་དངོས་གྲུབ་ཀུན་སྟེར་བ། །གང་གིས་དངོས་གྲུབ་མྱུར་བྱེད་ཅིང་། །ཐེ་ཚོམ་མེད་པར་བསྐྱེད་པ་ཡི། །མཁའ་འགྲོ་མ་ཡི་སྙིང་པོ་བཤད། །མཚན་མ་གཉིས་ལ་སྔགས་མཉམ་སྦྱར། །དཔའ་བོ་
མཁའ་འགྲོ་མ་གཉིས་མེད། །རབ་ཏུ་སྦྱོར་བའི་དོན་འདི་དག །རྣལ་འབྱོར་མ་ལ་རབ་ཏུ་བསྒྲུབ། །དེ་ལས་འགྲུབ་པར་རབ་ཏུ་གྲགས། །ལྷ་དང་ལྷ་མིན་མིར་བཅས་རྣམས། །བསྒྲུབ་བྱ་རྣམས་ནི་མྱུར་བར་འདིས། །ཇི་བཞིན་རྟག་ཏུ་ཉེ་བ་
དང་། །རིང་ཡང་དེ་བཞིན་མྱུར་བསྐྱེད་དེ། །འདི་དག་ཉེ་བར་འགྱུར་བ་ནི། །དེ་ཡི་གཟུགས་སྐུ་འགུགས་པར་བྱེད། །པདྨའི་ལྟེ་བར་རབ་གནས་ལ། །དབུགས་ཀྱི་བརྡ་ཡིས་བསྒོམ་པར་བྱ། །དེར་ནི་སྣ་ཚོགས་སྐུ་བསམས་ཏེ། །སྣ་ཚོགས་སྐུ་ལ་
མཆོད་བྱ་ཞིང་། །བྱང་ཆུབ་སེམས་ནི་གཏོགས་བྱས་ནས། །བདག་ཉིད་རབ་ཏུ་སྦྱར་བར་བྱ། །མཁའ་འགྲོ་མ་དང་མཉམ་སྦྱོར་བ། །དེ་ལ་མཁའ་བཞིན་གནས་པར་བྱ། །འབྱུང་གནས་ཐམས་ཅད་དེ་ལྟ་ཉིད། །དེར་ནི་མཁའ་འགྲོ་མ་ཀུན་ནོ། །

85-1-360a

གནས་སོགས་འབྱུང་གནས་མཁའ་འགྲོ་མ། །ཡུལ་རྣམས་ཀུན་ལ་གནས་པ་ཡིན། །ཡུལ་ཡུལ་དུ་ནི་སྐྱེས་ལྡན་མ། །རང་སྐྱེའི་གནས་སུ་ཡང་དག་བཤད། །དཀྱིལ་འཁོར་ལ་ཞུགས་མཁའ་འགྲོ་མ། །དེ་ནས་མཚན་མོ་ཤར་
ནས་བཟའ། །དེ་ཡིས་མཉམ་པར་རབ་སྦྱར་ནས། །སྔགས་པས་རྟག་ཏུ་རབ་བསྒྲུབ་བྱ། །དེར་ནི་རོལ་པ་ཆེན་སྤྱོད་ཅིང་། །ཐམས་ཅད་སྒྱུ་མ་ལྟ་བུར་བསྒྲུབ། །དམ་ཚིག་རང་བཞིན་དུ་བྱས་ནས། །དེ་ལ་སྡོམ་པ་རབ་སྐྱེ་བ། །སྣང་མེད་དགའ་བར་
རང་རིག་པའོ། །དེ་དག་ནི་དཔལ་རྡོ་རྗེ་མཁའ་འགྲོའི་རྒྱུད་ཆེན་པོ་ལས་ལེའུ་བཅུ་གསུམ་པའོ།། །། དེ་ནས་ཡང་དག་བཤད་བྱ་བ། །མ་མོའི་དཀྱིལ་འཁོར་དགེ་བ་དང་། །ལྷ་རྣམས་ཀུན་གྱི་སྒྲུབ་ཐབས་ཀུན། །ཕོ་ཉ་རྣམས་ཀྱི་ཁྱད་པར་དང་། །
འབྱུང་པོ་གདོན་དང་རིག་པ་ཆེ། །ལུས་སྲུལ་པོ་ནི་གང་ཞིག་དང་། །དེ་བཞིན་སྔགས་ཀྱི་ཕྲེང་བ་དང་། །དེ་ལྟར་བཤད་ཀྱིས་ལྷ་མོ་ཉོན། །གྲུ་བཞི་པ་ལ་སྒོ་བཞི་པ། །སྒོ་སྐྱོང་རྣམས་དང་ཡང་དག་ལྡན། །དངོས་གྲུབ་ཡོན་ཏན་ཀུན་གྱི་གཞི། །དཀྱིལ་
འཁོར་མཛེས་པར་བྲི་བར་བྱ། །འདོད་པའི་ཡོན་ཏན་ལྔ་དང་ལྡན། །ཉེ་བར་སྤྱོད་པ་ལྔ་ཡིས་བརྒྱན། །རི་མོ་མཁན་ནི་དམ་ཚིག་ཅན། །སྒྲུབ་པོ་མཆོག་གིས་འདྲི་རུ་གཞུག །རོ་ལ་དཀྲིས་པའི་རས་དག་གམ། །ཡང་ན་མཚོན་གྱིས་བཏབ་པའི་
ཟས། །འབྱུང་པོ་དག་གི་རས་དག་ནི། །བ་གླང་ཀོ་བ་ཙམ་ཞིག་ལ། །ནག་པོའི་བརྒྱད་དམ་བཅུ་བཞི་ལ། །འབྱུང་པོ་རྣམས་ཀྱི་དཀྱིལ་འཁོར་བསྒྲུབ། །དེ་ནས་འབུམ་གཅིག་བཟླས་བྱིན་ན། །མདུན་དུ་མངོན་སུམ་ཉིད་དུ་འགྱུར། །ཚངས་པ་མོ་དང་
ཤིས་བྱེད་མ། །གཞོན་ནུ་མ་དང་ཕག་མོ་དང་། །དབང་པོ་མ་དང་རྒན་བྱད་མ། །ཚོགས་ཀྱི་དབང་ཕྱུག་མ་དང་ནི། །བྱིན་ཟ་ཡི་ནི་བདག་ཅན་མའོ། །རིམ་པ་གཉིས་པ་དག་ལ་ནི། །ཚངས་དང་གཤིན་རྗེ་ཆུ་ལྷ་དང་། །ནོར་སྦྱིན་དང་ནི་ཡི་དགས་དང་། །བྱིན་
ཟ་དང་ནི་དབང་ལྡན་དང་། །བདེན་བྲལ་དེ་བཞིན་རླུང་ལྷའོ། །རིམ་པ་གསུམ་པ་དག་ལ་ནི། །ཉི་མ་དང་ནི་ཟླ་བ་དང་། །མིག་དམར་དང་ནི་གཟའ་ལག་དང་། །ཕུར་བུ་དང་ནི་པ་བ་སངས། །སྤེན་པ་སྒྲ་གཅན་འཛིན་དག་གོ། །རིམ་པ་

85-1-360b

བཞི་ལ་སྒོ་བཞིར་ནི། །ཚངས་དང་ཁྱབ་འཇུག་དེ་བཞིན་དུ། །དྲག་པོ་དང་ནི་ཀརྟི་ཀ །ས་དང་ཆུ་དང་མེ་དང་རླུང་། །འབྱུང་བ་ཆེན་པོ་བཞི་རྣམས་སོ། །རིམ་པ་དང་པོའི་དབུས་ཉིད་ཀྱི། །ཕྱོགས་བཞི་དང་པོར་མཁའ་འགྲོ་མ། །མར་མེ་
མ་དང་མཛེས་པ་མོ། །འཇིགས་བྱེད་མ་དང་དེ་བཞིན་དུ། །དབུས་སུ་ཁྱབ་བདག་ཉིད་གནས་སོ། །ཡང་དག་མཐའ་ལས་མཐར་འགྱུར་བའི། །རང་བཞིན་གྱིས་ནི་ཆོ་ག་བཞིན། །རྣལ་འབྱོར་པས་ནི་བསྒྲུབ་པར་བྱ། །དཀྱིལ་འཁོར་
ཆེན་པོའི་སྦྱོར་བ་ཡིས། །ཕྱི་ཡི་དཀྱིལ་འཁོར་དེ་བཞིན་བྲི། །དབུས་སུ་ཡོངས་སུ་ཟླུམ་པོ་རུ། །རི་མོ་ཤིན་དུ་མཛེས་པས་བསྐོར། །ལྟེ་བ་སྦས་པའི་སྤྱོད་ཡུལ་ཅན། །པད་མ་འདབ་བརྒྱད་བྲི་བར་བྱ། །དེ་དབུས་
ཁྲོ་བོ་ཆེན་པོ་ནི། །ཞལ་གཅིག་པ་ལ་ཕྱག་བཞི་པ། །མཆེ་བ་ཅུང་ཟད་གཙིགས་པ་ཅན། །ཅུང་ཟད་བཞད་པའི་ཞལ་དང་ལྡན། །ཁ་དོག་སྔོན་པོ་གཙིགས་པ་ཆེ། །ཐོད་པའི་ཕྲེང་བས་རྣམ་པར་བརྒྱན། །རོ་གཅིག་གར་ལྡན་
ཉི་མར་བཞུགས། །ལྷ་རྣམས་འཇིགས་པར་མཛད་པ་པོ། །སྟག་གི་ལྤགས་པའི་སྨད་དཀྲིས་ཅན། །སྤྱན་གསུམ་གཟུགས་མཆོག་དང་ལྡན་པ། །རྡོ་རྗེ་འབར་བ་ཕྱག་གཡས་ན། །འཕན་ལྕེ་གསུམ་པ་གཡོན་ནའོ། །
མདའ་གཞུ་དེ་བཞིན་གཡས་གཡོན་ཕྱག །མཁའ་འགྲོ་མ་ནི་ཤར་དུ་བྲི། །ལྷོ་རུ་འཇིགས་བྱེད་མ་ཉིད་དེ། །ནུབ་ཏུ་ལྷ་མོ་མཛེས་མའོ། །བྱང་དུ་མར་མེ་མ་དགོད་དོ། །ཡི་གེ་ཧྲཱིཿལས་བྱུང་བ་ཡི། །ཕག་མོ་ཞལ་གཅིག་
ཕྱག་བཞི་མ། །མདའ་གཞུ་དང་ནི་དེ་བཞིན་དུ། །རྒྱལ་མཚན་དང་ནི་ཐོད་པ་ཉིད། །ཁ་དོག་སྔོན་མོ་འཇིགས་ཆེན་མོ། །ཕག་གི་གདོང་པས་འཇིགས་པར་མཛད། །ཡི་གེ་ཕཊ་ལས་ཤིས་བྱེད་མ། །ཁ་དོག་དམར་མོ་ཕྱག་
བཞི་མ། །ཐོད་པ་དང་ནི་ལྕགས་ཀྱུ་ཉིད། །དེ་བཞིན་ཁ་ཊྭཱྃ་ཅང་ཏེའུ། །ཡི་གེ་ཧ་ལས་གཞོན་ནུ་མ། །ཁ་དོག་སེར་མོ་ཕྱག་བཞི་མ། །རྩེ་གསུམ་དང་ནི་འཕན་ལྕེ་གསུམ། །དེ་བཞིན་གཞུ་དང་མདའ་ཉིད་དོ། །ཧོ་ཡིག་

85-1-361a

ལས་ནི་རྒན་བྱད་མ། །ཁ་དོག་ནག་མོ་ཕྱག་བཞི་མ། །ཁ་ཊྭཱྃ་ག་དང་ཐོད་པ་ཉིད། །དེ་བཞིན་རལ་གྲི་ཅང་ཏེའུ། །བཾ་ཡིག་ལས་བྱུང་ཚངས་པ་མོ། །ཁ་དོག་དཀར་མོ་ཕྱག་བཞི་མ། །པདྨ་དང་ནི་ཐོད་པ་ཉིད། །
དེ་བཞིན་གཞན་ན་གཞུ་དང་མདའ། །གྷ་ཡིག་ལས་བྱུང་ཚོགས་དབང་མོ། །སྔོ་བསངས་མདོག་ལ་ཕྱག་བཞི་མ། །རྩེ་གསུམ་དེ་བཞིན་ཐོད་པ་དང་། །བགྲང་ཕྲེང་དང་ནི་ལ་དུའོ། །བྃ་ཡིག་ལས་ནི་ཁྱབ་འཇུག་མ། །
ཁ་དོག་སྔོན་མོ་ཕྱག་བཞི་མ། །དབྱུག་ཐོ་དང་ནི་ཐོད་པ་འཛིན། །དེ་བཞིན་ཞགས་པ་རལ་གྲི་བཞིན། །ཡི་གེ་ལས་བྱུང་དབང་པོ་མ། །ཁ་དོག་སེར་མོ་ཕྱག་བཞི་མ། །རྡོ་རྗེ་གསལ་ཤིང་ཐོད་པ་དང་། །སྡིགས་
མཛུབ་དང་ནི་ཞགས་པའོ། །ཀུན་ཀྱང་དབུ་སྐྲ་གྱེན་དུ་འབར། །སྣ་ཚོགས་རྒྱན་གྱིས་རྣམ་པར་བརྒྱན། །སྤྱན་གསུམ་དང་ནི་རོ་ལ་ཞོན། །སྟག་གི་ལྤགས་པའི་སྨད་དཀྲིས་ཅན། །ཤར་གྱི་སྒོ་ནི་ཚངས་པ་བྲི། །ཁ་
དོག་དཀར་པོ་ཞལ་བཞི་པ། །ཐོད་པ་དང་ནི་བགྲང་ཕྲེང་དང་། །གནྡྷ་དང་ནི་པདྨའོ། །བྱང་དུ་དེ་བཞིན་ཁྱབ་འཇུག་སྟེ། །ཁ་དོག་ནག་པོ་ལག་བཞི་པ། །རལ་གྲི་དེ་བཞིན་འཁོར་ལོ་དང་། །ཐོད་པ་དང་ནི་དབྱུག་པའོ། །
ལྷོ་རུ་དྲག་མོ་བྲི་བྱ་སྟེ། །དུ་བའི་མདོག་ལ་ལག་བཞི་པ། །རྩེ་གསུམ་ཉིད་དང་ཀ་པཱ་ལ། །དེ་བཞིན་ཞགས་པ་བགྲང་ཕྲེང་འཛིན། །ནུབ་ཏུ་ཀརྟི་ཀ་བྲི་སྟེ། །ཁ་དོག་སེར་པོ་ལག་བཞི་པ། །དཔའ་བོ་གསལ་ཤིང་
དབྱུག་པ་དང་། །དེ་བཞིན་ཐོད་པ་བགྲང་ཕྲེང་འཛིན། །དབང་ལྡན་ཁྱུ་མཆོག་ལ་ཞོན་པ། །ཁ་དོག་དཀར་པོ་ལག་བཞི་པ། །ཐོད་པ་དང་ནི་རྩེ་གསུམ་འཛིན། །དེ་བཞིན་གཞན་ནི་ཐལ་མོ་སྦྱར། །གླང་པོ་ཞོན་
པ་དབང་པོ་སྟེ། །ཁ་དོག་སེར་པོ་ལག་བཞི་པ། །རྡོ་རྗེ་དང་ནི་ཐོད་པ་འཛིན། །གཞན་ནི་ཐལ་མོ་ཁ་སྦྱར་བྱེད། །ར་སྐྱེས་ཞོན་པ་མེ་ཕྱོགས་འཛིན། །ཁ་དོག་དམར་པོ་ལག་བཞི་པ། །མེ་ཐབ་དང་ནི་ཐོད་པར་

85-1-361b

ལྡན། །སྐྲག་ནས་གཞན་ནི་ཐལ་མོ་སྦྱར། །གཤིན་རྗེ་མ་ཧེ་ལ་ཞོན་པ། །ཁ་དོག་ནག་པོ་ལག་བཞི་པ། །དབྱུག་པ་དང་ནི་ཐོད་པ་འཛིན། །དེ་བཞིན་སྐྲག་ནས་ཐལ་མོ་བྱེད། །བདེན་བྲལ་དང་ནི་ཁྱི་ལ་ཞོན། །ཁ་དོག་ལྗང་གུ་ལག་
བཞི་པ། །རལ་གྲི་ཉིད་དང་ཐོད་པ་འཛིན། །སྐྲག་ནས་གཞན་དག་ཐལ་མོ་སྦྱོར། །ཆུ་ཡི་ཕྱོགས་ནི་ཆུ་སྲིན་ཞོན། །ཁ་དོག་དཀར་པོ་ལག་བཞི་པ། །ཞགས་པ་དང་ནི་ཐོད་པར་ལྡན། །གཞན་དག་ཐལ་མོ་ཁ་སྦྱོར་བྱེད། །རླུང་ནི་རི་
དགས་ཞོན་པ་སྟེ། །དུ་བའི་མདོག་ཅན་ལག་བཞི་པ། །བ་དན་དང་ནི་ཐོད་པར་ལྡན། །དེ་བཞིན་གཞན་ནི་ཐལ་མོ་སྦྱོར། །ནོར་སྦྱིན་ན་ནི་གཏེར་ལ་ཞོན། །ཁ་དོག་སེར་པོ་ལག་བཞི་པ། །རིན་པོ་ཆེ་དང་ཐོད་པར་ལྡན། །གཞན་དག་ཐལ་
མོ་སྦྱར་བའོ། །གཟའ་དང་རྒྱུ་སྐར་ཐམས་ཅད་ནི། །སོ་སོའི་དཀྱིལ་འཁོར་ལ་བསམ་བྱ། །རང་གི་དམ་ཚིག་ལས་བྱུང་བ། །སྟོབས་པོ་ཆེ་ལ་རྫུ་འཕྲུལ་ལྡན། །མ་མོ་ཀུན་གྱི་ཡང་མ་མོ། །དེ་བཞིན་རིག་པར་གྱུར་པའི་མཆོག །ཉོན་ཅིག་ལྷ་
མོ་ཆ་ཆེན་མོ། །གཏོར་མ་རེ་རེས་གཟུང་བར་བྱ། །དངོས་གྲུབ་ཐམས་ཅད་རབ་སྟེར་བའི། །རྟག་ཏུ་རྣལ་འབྱོར་གར་སྤྱོད་ན། །དེ་ལ་འབད་པས་ཁུར་བྱེད་པའི། །ཕོ་ཉའི་སྒྲུབ་ཐབས་རབ་བཤད་པ། །རྒྱུད་
རྣམས་ཀུན་ནས་རྙེད་དཀའ་བའི། །དེ་ཡིས་ལྡན་བྱས་དངོས་གྲུབ་འགྱུར། །རྣལ་འབྱོར་གཅིག་པས་རྟག་གནས་པས། །འཁོར་བའི་སྐྱོན་དང་ངེས་པར་གྲོལ། །ཕོ་ཉ་མོར་ཆགས་རྟག་པར་གྲོལ། །
མཆོག་གི་རིམ་པས་སྤྱད་པར་བྱ། །བསྙེན་བཀུར་ཙམ་ནི་བྱ་མིན་གྱི། །སྐྱེ་གནས་དམན་པའང་དགའ་བདེའི་གནས། །མ་དང་སྲིང་མོ་བུ་མོ་དང་། །ཆུང་མ་ཡང་ནི་ཕོ་ཉར་གནས། །འཇིག་རྟེན་ལ་རྟག་གཡོན་པས་
སྤྱོད། །རྐང་པ་གཡོན་པ་སྔོན་དུ་འདོར། །ལག་པ་གཡོན་པས་ཡོངས་སུ་བསྒྱུར། །གཡོན་པ་དང་པོར་མཆོད་པར་བྱ། །གཡོན་པ་ཕྱོགས་ཀྱིས་བསྒྱུར་བྱ་ཞིང་། །གཡོན་པས་འབད་པས་ཚིམ་པར་བྱེད། །དཔལ་རྡོ་རྗེ་མཁའ་འགྲོའི་

85-1-362a

སྙིང་པོའི་རྒྱུད་ཆེན་པོ་ལས་ལེའུ་བཅུ་བཞི་པའོ།། །།དཔལ་རྡོ་རྗེ་མཁའ་འགྲོའི་རྒྱུད་ཕྱི་མ་སྙིང་པོ་བསྡུས་པ་ཞེས་བྱ་བ་རྫོགས་སོ།། །། རྒྱ་གར་གྱི་མཁན་པོ་ཆེན་པོ་མཆོག་གི་དབང་ཕྱུག་གི་
ཞལ་སྔ་ནས་དང་། བོད་ཀྱི་དགེ་སློང་ཤཱཀྱ་བརྩོན་འགྲུས་ཀྱིས་གྲོམ་པ་རུ་ལག་རྒྱང་ཕུའི་ལྷ་རི་མོའི་མགུལ་གྱི་དབེན་གནས་སུ་བསྒྱུར་བའོ།། །།