87-1-1a

༼ང་༽ ༄༅། ༈ །གསང་སྔགས་རྒྱུད་འབུམ་གྱི་སྐོར་བཞུགས་སོ། །
(黃)  秘密經第四部

87-1-1b

༄༅༅། །རྒྱ་གར་སྐད་དུ།     ཤྲཱི་གུ་ཧྱ་བཛྲ་ཏནྟྲ་རཱ་ཛ།    བོད་སྐད་དུ།    དཔལ་གསང་བ་རྡོ་རྗེ་རྒྱུད་ཀྱི་
རྒྱལ་པོ། ། དཔལ་རྡོ་རྗེ་མཁའ་འགྲོ་ལ་ཕྱག་འཚལ་ལོ། །དཔལ་ལྡན་འཁོར་ལོ་སྡོམ་པ་རུ། །གསང་བའི་འཁོར་
ལོ་མི་གསུང་བ། །བདག་གིས་ཟབ་མོའི་དོན་མ་རྟོགས། །དེ་ཕྱིར་ཁྱེད་ཀྱིས་བདག་ལ་གསུངས། །བཅོམ་ལྡན་འདས་
ཀྱིས་བཀའ་སྩལ་པ། །ཉོན་ཅིག་ལྷ་མོ་སྤྱན་གཟངས་རིང་། ། གསང་བའི་འཁོར་ལོ་ཤིན་དུ་ཟབ། །རྒྱུད་རྣམས་ཀུན་དུ་
མ་གསུངས་པ། །ཁྱོད་ཀྱིས་ངོར་མཛད་ང་ཡིས་བཤད། །གསང་བ་རྡོ་རྗེ་རྒྱུད་ཀྱི་རྒྱལ་པོ་ལས་གླེང་བསླང་བའི་ལེའུ་སྟེ་དང་པོའོ།། །། 
ལྷ་མོས་གསོལ་པ་བཅོམ་ལྡན་འདས། །གསང་བ་ཞེས་པ་ཇི་ལྟར་ལགས། །དེ་ཡི་འཁོར་ལོ་ཇི་ལྟར་ལགས། །དེ་ཡི་རྡོ་རྗེ་
ཇི་ལྟར་ལགས། །དེ་ཡི་པད་མ་ཇི་ལྟར་ལགས། །བཅོམ་ལྡན་འདས་ཀྱིས་བཀའ་སྩལ་པ། གསང་བ་ཞེས་པ་རྣམ་པ་བཞི། །
གསང་བའི་ཕོ་བྲང་དང་པོ་སྟེ། །དེ་ནས་གསང་བའི་དབང་བསྐུར་ཕྱིར། །གཉིས་པ་རིག་པའི་ཕོ་བྲང་སྟེ། །བཞི་པའི་དོན་ནི་རིག་

87-1-2a

པའི་ཕྱིར། །གསུམ་པ་རྟ་མགྲིན་འཁོར་ལོ་སྟེ། །དེ་ཡི་མགྲིན་པར་གནས་པའི་ཕྱིར། །བཞི་པ་གསང་བ་བདེ་སྐྱོང་སྟེ། །སྡིག་པ་སྤོང་ཕྱིར་བདེ་སྐྱོང་ཡིན། །དེ་རྣམས་དོན་ནི་གསང་བ་སྟེ། །བརྟུལ་ཞུགས་བྱེད་ཅིང་གཏོང་ཕོད་ཆེ། །ཨེ་བཾ་
ཟབ་ཅིང་ཆགས་ལ་དགའ། །ཁུ་བ་འཛག་ཅིང་རཀྟ་འབབ། །འདི་ལ་སྟོན་གྱིས་གཞན་ལ་གསང་། །རྡོ་རྗེ་པད་མ་ཞེས་བྱ་བ། །བཞི་པོ་གནས་པའི་རྟེན་ཡིན་ཏེ། །དཔེར་ན་ཁང་རྟེན་ཀ་བ་བཞིན། །རྒྱུད་ཀྱི་དོན་ནི་རྒྱུན་ཡིན་ནོ། །གསང་བ་རྡོ་རྗེའི་རྒྱུད་
ཀྱི་རྒྱལ་པོ་ལས་རྟོག་པ་སེལ་བའི་ལེའུ་སྟེ་གཉིས་པའོ།། །། ལྷ་མོས་གསོལ་པ་བཅོམ་ལྡན་འདས། །རེ་རེའི་དབྱེ་བ་མ་འཚལ་བས། །འཇིག་རྟེན་ཀུན་རྫོབ་ཉིད་དུ་ལྟུང་། །འཁྲིག་པའི་ཟུག་ངུ་མི་བཟད་པས། །བདག་ནི་འདི་ཉིད་དུ་ནི་
འགུམ། །བཅོམ་ལྡན་འདས་ཀྱིས་བཀའ་སྩལ་པ། །གསང་བའི་ཕོ་བྲང་རིམ་པ་དྲུག །འདབ་མའི་གྲངས་ནི་གཉིས་འགྱུར་རོ། །རྟ་མགྲིན་གྲངས་ནི་དགུ་རུ་ཤེས། །གསང་བ་བདེ་སྐྱོང་རིམ་པ་གཉིས། །བརྒྱད་དང་ལྔ་བཅུའི་གྲངས་ཡིན་ནོ། །རིག་
པའི་ཕོ་བྲང་འདབ་མ་ལྔ། །རིགས་ནི་མེ་ཏོག་ལྟ་བུའོ། །བྷ་ག་རབ་འབྲིང་གསུམ་ཡིན་ཏེ། །རྣལ་འབྱོར་མཁས་པས་བཙལ་བར་བྱ། །སྨན་དང་སྣུམ་གྱི་རི་ལུ་ཡིས། །རྣལ་འབྱོར་སོར་མོ་ལ་བསྐུས་ལ། །གཞང་ཁ་ནས་ནི་ཕྱེ་མས་བདུག །གསང་
བ་ནས་ཀྱང་སྣུམ་གྱིས་བདུག །དེ་ནས་རྣལ་འབྱོར་ཕོ་འམ་མོས། །རྩ་དེ་སོར་མོས་ལེགས་པར་བཙལ། །རིང་ཐུང་ཚད་ནི་སོར་གཉིས་ནས། །སོར་བརྒྱད་པར་ནི་གར་གནས་པ། །ཤེས་རབ་བྷ་ག་ཆེ་ཆུང་དང་། །དེ་བཞིན་བྷ་ག་དྲང་དྲོ་དང་། །ཆུ་
རྣམས་ཆེ་ཞིང་བདེ་བ་ཆུང་། །དེ་ལ་རྣལ་འབྱོར་མཁས་པ་ཡིས། །བྷ་ག་ཆེ་ན་བདེ་བ་ཆུང་། །བྷ་ག་ཆེ་ན་ཆུང་ངུ་བྱ། །ཆུང་ན་དེ་བཞིན་བསྐྱེད་པར་གསུངས། །གྲང་ན་དེ་བཞིན་བསྲོ་བར་བྱ། །ཆུ་རྣམས་ཆེ་ན་ཆུང་བར་བྱ། །འདི་འདྲའི་བྷ་ག་གང་ལ་
ཡོད། །བུད་མེད་འདི་ལ་བྷ་ག་མངའ། །དེ་ཕྱིར་བུད་མེད་བཅོམ་ལྡན་འདས། །ཐབས་ཀྱི་རྡོ་རྗེ་ཕྲ་སྦོམ་དང་། །རིང་བ་དང་ནི་ཐུང་བ་སྟེ། །ཤེས་རབ་ཇི་བཞིན་ཐབས་ལའོ། །དེ་ཡི་གནས་སུ་གཟུང་བར་བྱ། །གསང་བ་རྡོ་རྗེ་རྒྱུད་ཀྱི་རྒྱལ་པོ་ལས་གསང་

87-1-2b

བ་རྟོགས་པའི་ལེའུ་སྟེ་གསུམ་པའོ།། །། ལྷ་མོས་གསོལ་པ་བཅོམ་ལྡན་འདས། །ཨེ་བྃ་རྣམ་པའི་དབུས་གང་དུ། །བདེ་བའི་ཁྱད་པར་ཚོལ་བ་ལ། །འདི་ལས་ཁྱད་པར་མེད་དམ་ཅི། །བཅོམ་ལྡན་འདས་ཀྱིས་བཀའ་སྩལ་པ། །ཤིན་དུ་དབེན་པའི་
གནས་བཙལ་ལ། །བཟའ་བ་བཅུད་ཅན་སྣ་ཚོགས་དང་། །བཏུང་བ་ཞིམ་པོ་མང་པོ་དང་། །གུར་ཀུམ་ལ་སོགས་དྲི་ཞིམ་དང་། །ཤིན་དུ་འཇམ་པའི་སྟན་བཏིང་ལ། །རྣལ་འབྱོར་མ་ཡི་གནས་བཅུ་རུ། །དྲི་ཞིམ་ཐིག་ལེ་རེ་རེ་བྱ། །རྣལ་འབྱོར་ཕ་
ཡི་གནས་ལྔ་རུ། །དེ་བཞིན་ཐིག་ལེ་ལྔ་ཡང་བྱ། །དེ་ནས་མཁའ་གསང་བྱིན་གྱིས་བརླབ། །ཨེ་ལས་གྲུ་གསུམ་གཏིང་རིང་བསམ། །དེ་ཡི་ནང་དུ་པྃ་ལས་ནི། །པད་མ་འདབ་མ་བརྒྱད་དུ་བསམ། །དེ་ཡི་དབུས་སུ་འཁོར་ལོ་བསམ། །འཁོར་ལོའི་དབུས་སུ་རེ་མིག་
དགོང་། །དེ་ནས་ཐབས་ཀྱི་རྡོ་རྗེ་ཡང་། །ཧཱུྃ་ལས་རྡོ་རྗེ་རྩེ་ལྔ་བསམ། །ཨོཾ་ལས་རྡོ་རྗེ་མགོ་བོར་བསམ། །ཕཊ་ལས་རྡོ་རྗེ་བུ་ག་བསམ། །དེ་ནས་བདེ་བའི་སྟན་ཐོག་དུ། །སྦྱོར་བ་རྣམ་པ་གསུམ་བྱ་སྟེ། །ཡན་ལག་ཐབས་དང་སྦྱོར་བ་དངོས། །འཁོར་ལོ་ཉི་ཤུ་རྩ་དགུ་
ལ། །ཆགས་པ་སྐྱེ་བའི་དྲི་ཡིས་བྱུག །བདེ་བ་སྐྱེ་བའི་ཟས་ཟོས་ནས། །བདེ་བའི་སྟན་ལ་འདུག་ནས་ནི། །ཐབས་ཀྱིས་གནས་དགུར་འོ་ཡང་བྱ། །ཤེས་རབ་ཀྱིས་ཀྱང་གནས་ལྔར་བྱ། །ཐབས་ཀྱིས་ཤེས་རབ་པད་མ་ལ། །འོ་བྱས་པད་མ་རྒྱས་སུ་གཞུག །ཤེས་
རབ་ཀྱིས་ཀྱང་དེ་བཞིན་ནོ། །ཆགས་པ་སྐྱེ་བའི་རྟགས་འབྱུང་སྟེ། །དེ་ནས་གཅིག་གིས་གཅིག་འཁྱུད་ནས། །ཧེ་རུ་ཀ་དང་ཕག་མོར་བསམ། །ཤེས་རབ་རྐང་པ་གཉིས་བརྐྱང་ནས། །ཐབས་ནི་ཐབས་ལྡན་གྱིས་བསྐྱོད་ནས། །ནང་རྟགས་ཕྱི་རུ་བསྟན་པའི་ཕྱིར། །
ཤེས་རབ་མ་ལ་རྟགས་གསུམ་འབྱུང་། །ལུས་འདར་འཕར་བ་སྐུ་ཡི་རྟགས། །མི་བཟོད་སྐད་འདོན་ངག་གི་རྟགས། །ཤེས་པ་བརྒྱལ་བ་ཐུགས་ཀྱི་རྟགས། །འདི་ནི་གསང་བའི་དཀྱིལ་འཁོར་ཏེ། །འདི་ཡིས་སྐྲ་དཀར་གཉེར་མ་སྤོང་། །ནད་ཀྱི་ཟུག་རྔུ་ཐམས་
ཅད་འཇོམས། །འདི་ནི་གསང་བའི་བཅུད་ཀྱིས་ལེན། །ཕྱི་ཡི་དཀྱིལ་འཁོར་བསྒོམས་པ་མིན། །གསང་བའི་དཀྱིལ་འཁོར་ཉིད་ལ་གནས། །སྦྱིན་སྲེག་ལ་སོགས་བྱ་བ་མིན། །གསང་བའི་རྡོ་རྗེ་རྒྱུད་འདི་ནི། །ཀུན་གྱིས་ཐོས་པར་མི་འགྱུར་ཏེ། །གླེགས་བམ་སོར་ནི་

87-1-3a

བཅུ་གཉིས་བྱ། །གླེགས་བམ་གསང་བའི་གནས་སུ་སྦ། །ཡོངས་སུ་སྨིན་པའི་རྣལ་འབྱོར་མ། །འགའ་ཡིས་མཐོང་གི་གཞན་ལ་སྦ། །གསང་བ་སྟོན་པའི་བླ་མ་ནི། །སངས་རྒྱས་ཉིད་པས་བཙུན་པ་ཡིན། །གཞན་ཡང་འདོད་པའི་སྟན་ཐོག་ཏུ། །
གསུངས་པའི་སྦྱོར་ཐབས་ཀུན་བྱས་ནས། །ལྔ་བཅུ་ནས་བཟུང་སྟོང་གི་བར། །རྣལ་འབྱོར་མ་ཀུན་བདེ་མེད་ཀྱང་། །སྦྱོར་ཐབས་མཁས་པས་བསྐྱེད་བྱས་ནས། །བཅུ་གཉིས་མ་དང་བདེ་བ་མཉམ། །སྦྱོར་ཐབས་མི་ཤེས་རྣལ་འབྱོར་པས། །རླུང་མཁྲིས་བད་ཀན་
ཀུན་ནས་སྐྱེ། །ཤེས་རབ་ཀྱིས་ཀྱང་ཐབས་ལ་སྟེ། །སྦྱོར་ཐབས་མཁས་པའི་ཤེས་རབ་མ། །ཐབས་ཀྱིས་རྟག་ཏུ་བསྟེན་པར་བྱ། །སྦྱོར་ཐབས་མཁས་པའི་རྣལ་འབྱོར་བ། །རྣལ་འབྱོར་མ་ཡི་གསང་ལ་བརྟེན། །གསང་ལ་བསྟེན་པ་ཇི་ལྟར་ལགས། །
བཅོམ་ལྡན་འདས་ཀྱིས་བཀའ་སྩལ་པ། །མིང་སྲིང་ཚུལ་ལམ་རྗེ་འབངས་ཚུལ། །ཕ་སྤད་ཚུལ་ལམ་མཁན་སློབ་ཚུལ། །གཞན་གྱི་མི་རིག་ངོ་ཚ་བསྲུང་། །དབེན་པའི་གནས་སུ་སྦྱོར་བ་བྱ། །གལ་ཏེ་མ་བསྟེན་དམ་ཚིག་ཉམས། །ཚེ་འདི་ཉིད་ལ་དམྱལ་བར་ལྟུང་། །
ལྷ་མོས་གསོལ་པ་བཅོམ་ལྡན་འདས། །ཐབས་མེད་རྣལ་འབྱོར་ཇི་ལྟར་ལགས། །བདེ་བ་ཁྱད་མེད་ཇི་ལྟར་ལགས། །ཕྱག་རྒྱ་མ་བསྟེན་ཇི་ལྟར་ལགས། །བཅོམ་ལྡན་འདས་ཀྱིས་བཀའ་སྩལ་པ། །བདེ་བ་ལ་གནས་གསང་བའི་དོན། །ཁྱོད་ཀྱིས་ངོར་མཛད་ང་
ཡིས་བཤད། །སྦྱོར་ཐབས་མི་ཤེས་རྣལ་འབྱོར་དང་། །སྟན་ཡང་གཅིག་ལ་མི་འདུག་སྟེ། །འདོད་ཆགས་བསམ་པ་ཡང་མི་བྱ། །གལ་ཏེ་དེ་འདྲ་རྟེན་གྱུར་ན། །འཇིག་རྟེན་ཕལ་བའི་འདོད་ཆགས་ཏེ། །ཤི་ནས་མནར་མེད་དམྱལ་བར་སྐྱེ། །འདོད་ཆགས་
སྤྱོད་པ་ཤལ་མ་རི། །ལྕགས་ཀྱི་སོར་ནི་བཅུ་དྲུག་པ། །ཡར་ལ་འཛེག་ཅིང་མར་ལ་འབབ། །ཐབས་མེད་རྣལ་འབྱོར་འདྲ་བ་འབོད། །དེ་ཕྱིར་སྦྱོར་ཐབས་མཁས་པས་བསྟེན། །སྦྱོར་ཐབས་ལས་ནི་བདེ་བ་སྐྱེ། །དེ་ཕྱིར་བདེ་བ་ཁྱད་པར་འཕགས། །བདེ་བ་ཁྱད་
མེད་ལུས་ཟུངས་ཉམས། །རླུང་ཁྲིས་བད་ཀན་ཀུན་ནས་སྐྱེ། །ལས་ཀྱི་ཕྱག་བརྒྱ་རྟག་ཏུ་བསྟེན། །ཕྱག་བརྒྱ་མ་བསྟེན་དམ་ཚིག་ཉམས། །ཕྱག་བརྒྱ་བསྟེན་པའི་དུས་སུ་ཡང་། །རྣལ་འབྱོར་མིང་སྲིང་བརྡ་ཡིས་མཚོན། །གང་ཞིག་མཛུབ་མོ་སྟོན་པ་ན། །

87-1-3b

འོངས་སམ་ཞེས་ནི་འདྲི་བ་ཡིན། །སོར་མོ་གཉིས་ནི་སྟོན་པ་དང་། །མཐེ་བོ་དྲང་པོར་སྟོན་པ་དང་། །དེ་བཞིན་སྲིན་ལག་དྲང་པོར་སྟོན། །རྡོ་རྗེ་བོ་ལ་ཞེས་བྱ་སྟེ། །པད་མ་ཀཀྐོ་ལ་ཞེས་བྱ། །དེ་ལྟར་མ་བྱས་དམ་ཚིག་ཉམས། །བརྡ་ཡི་བྱེ་བྲག་མ་ལུས་པ། །སམ་བུ་ཊ་རུ་ཤེས་
པར་བྱ། །ལྷ་མོས་གསོལ་པ་བཅོམ་ལྡན་འདས། །རྡོ་རྗེ་པད་མ་དགའ་བའི་གནས། །དེ་རུ་གཟུང་བ་ཇི་ལྟར་ལགས། །བཅོམ་ལྡན་འདས་ཀྱིས་བཀའ་སྩལ་པ། །དེ་རུ་གཟུང་བ་རྣམ་པ་གཉིས། །རབ་ཀྱི་དབུགས་དང་ཤེས་པས་གཟུང་། །དང་པོ་བཙན་ཐབས་
སྦྱོར་བས་གཟུང་། །སྦྱོར་བ་རྣམ་པ་བཅུ་རུ་གཟུང་། །གཅིག་ནི་སྦོམ་པོ་ཁྲོ་མོས་གཟུང་། །གཟུང་བའི་རྟེན་ནི་རྣམ་པ་བཞི། །མན་ངག་ཅན་གྱིས་ཤེས་པར་བྱ། །གལ་ཏེ་དེ་རུ་མ་ཟིན་ན། །འཁོར་བར་ལྟུང་བས་རང་གིས་སུ། །ཏིང་ངེ་འཛིན་གྱི་ཧྃ་ལ་བསྡུ། །
ལྕེ་ཡིས་བྱང་ཆུབ་སེམས་བླངས་ལ། །རོ་མའི་འཁོར་ལོ་རུ་ནི་བསྟིམ། །དེ་ལྟར་མ་བྱས་དམ་ཚིག་ཉམས། །ལྷ་མོས་གསོལ་པ་བཅོམ་ལྡན་འདས། །ཤེས་རབ་བསྐྱོད་ཐབས་འབའ་ཞིག་གམ། །ཐབས་ཀྱི་བསྐྱོད་པ་འབའ་ཞིག་གམ། །རྣལ་འབྱོར་ཕ་
དང་རྣལ་འབྱོར་མ། །བདེ་བ་ཁྱད་པར་མེད་དམ་ཅི། །བདེ་བའི་ངོ་བོ་ཇི་ལྟར་ལགས། །བཅོམ་ལྡན་འདས་ཀྱིས་བཀའ་སྩལ་པ། །བསྐྱོད་པ་བུད་མེད་ཀྱིས་ཀྱང་བསྐྱོད། །སྦྱོར་ཐབས་ཀྱང་ནི་ཐབས་ཀྱིས་བྱ། །དེ་ལས་བདེ་བ་ཁྱད་པར་འཕགས། །དཔེར་ན་དར་
དང་སྣལ་མ་བཞིན། །ཐབས་ཀྱིས་སྣལ་མའི་ཆ་ཙམ་མྱོང་། །ཤེས་རབ་དར་གྱི་ཤམ་བུ་ཙམ། །དེ་ཕྱིར་རྣལ་འབྱོར་མའི་རྒྱུད། །རྣལ་འབྱོར་མ་ཡི་འགྲུབ་པར་གསུངས། །རྒྱུད་ཀྱི་ནང་ན་མཆོག་ཡིན་པས། །རབ་གནས་སྦྱིན་སྲེག་དབང་བསྐུར་དང་། །
མཆོད་དང་བཟླས་དང་གཏོར་མ་དང་། །ཁྲུས་དང་བསྲུང་བ་ལ་སོགས་པ། །གསང་བ་འདི་ལས་གཞན་ན་མེད། །འབྲས་བུའི་ནང་ན་འདི་མཆོག་སྟེ། །ཡེ་ཤེས་ལྔ་ཡི་སྤྲོས་དང་བྲལ། །དེ་ནས་ལྷ་མོས་འཁོར་དཔག་ཏུ་མེད་པ་དང་། མཁའ་འགྲོ་མ་
རྣམས་འདོད་ཆགས་ཀྱི་ཐེ་ཚོམ་ཡོངས་སུ་ཟད་ནས།  བཅོམ་ལྡན་འདས་ལ་ཀུན་གྱིས་འཁྱུད་ནས་གསང་བའི་མཆོད་པས་བདེ་བ་ཆེན་པོའི་རོས་གང་བར་མཆོད་ནས་མི་སྣང་བར་གྱུར་ཏོ། །གསང་བའི་ཡང་གསང་བ་གསང་བ་རྡོ་རྗེའི་རྒྱུད་ཀྱི་རྒྱལ་པོ་

87-1-4a

འཁོར་ལོ་སྡོམ་པའི་རྟོག་པ་རྒྱུ་དང་འབྲས་བུའི་དེ་ཁོ་ན་བསྟན་པའི་ལེའུ་སྟེ་བཞི་པའོ། །གསང་བ་རྡོ་རྗེའི་རྒྱུད་ཀྱི་རྒྱལ་པོ་ཞེས་བྱ་བ་རྫོགས་སྷོ།། །། པཎྜི་ཏ་རཏྣ་བཛྲ་དང་། ལོ་ཙྪ་་བ་དགེ་སློང་ཤཱཀྱ་ཡེ་ཤེས་ཀྱིས་བསྒྱུར་ཏེ་
གཏན་ལ་ཕབ་པའོ། ། རྒྱ་གར་སྐད་དུ། ཤྲཱི་གུ་ཧྱ་སརྦ་ཙྪིནྡ་ཏནྟྲ་རཱ་ཛཱ།  བོད་སྐད་དུ། དཔལ་གསང་བ་ཐམས་ཅད་གཅོད་པའི་རྒྱུད་ཀྱི་རྒྱལ་པོ། དཔལ་རྡོ་རྗེ་སེམས་དཔའ་ལ་ཕྱག་འཚལ་ལོ། །འདི་སྐད་བདག་གིས་ཐོས་པའི་དུས་གཅིག་ན། 
བཅོམ་ལྡན་འདས་དེ་བཞིན་གཤེགས་པ་ཐམས་ཅད་ཀྱི་སྐུ་དང་། གསུང་དང་། ཐུགས་རྡོ་རྗེ་བཙུན་མོའི་བྷ་ག་ལ་སྙོམས་པར་ཞུགས་སོ། །དེ་ནས་བྱང་ཆུབ་སེམས་དཔའ་རྡོ་རྗེ་སྙིང་པོ་ལ་སོགས་པའི་འཁོར་རྣམས་ཀྱིས་གཡོན་གྱི་ཕྱོགས་ནས་སྐོར་བ་ལན་
གསུམ་བྱས་ནས་ཕྱི་ནང་གསང་བའི་མཆོད་པས་མཆོད་ནས་འདི་སྐད་ཅེས་གསོལ་ཏོ། །ཀྱེ་ཧོ་བཅོམ་ལྡན་རྡོ་རྗེ་འཛིན། །གསང་བ་ཞེས་པ་ཇི་ལྟར་ལགས། །དེ་ཡི་གཅོད་པ་ཇི་ལྟར་ལགས། །རྒྱུད་ཀྱི་དོན་ནི་ཇི་ལྟར་ལགས། །དེ་ཡི་རྒྱལ་པོའང་ཇི་ལྟར་
ལགས། །བཅོམ་ལྡན་འདས་ཀྱིས་བཀའ་སྩལ་པ། །གསང་བ་ཞེས་པ་རྣམ་པ་བཞི། །དང་པོ་བུམ་དབང་དང་འབྲེལ་བའི། །བསྐྱེད་པའི་རིམ་པའི་རྣལ་འབྱོར་ཏེ། །རྟེན་དང་བརྟེན་པར་བསྒོམ་པ་ནི། །སྣོད་བཅུད་གཟུང་འཛིན་རྣམ་རྟོག་རྣམས། །སྤང་ཕྱིར་
ང་ཡིས་གསུངས་པ་ཡིན། །དེའི་ཁྱད་པར་དགོངས་པའི་དོན། །དང་པོ་སྟོང་ཉིད་ལ་སོགས་པ། །རྒྱུད་གཞན་དུ་ནི་ང་ཡིས་གསུངས། །རྟེན་དང་བརྟེན་པའི་བྱེ་བྲག་ལ། །དང་པོ་རྟེན་གྱི་དགོངས་པ་ཡང་། །ཐུགས་ཀའི་ཡི་གེ་ཧཱུྃ་ལས་ནི། །མར་མེ་གཅིག་
ལས་གཉིས་ཀྱི་ཚུལ། །ཁ་དོག་ནག་པོའི་ཨེ་འཕྲོས་པས། །གྲུ་གསུམ་རྒྱ་ཆེ་གཏིང་རིང་བསམ། །གྲུ་གསུམ་སྐུ་གསུང་ཐུགས་ཡིན་ཏེ། །དུག་གསུམ་འཇོམས་པ་དགོངས་པའི་དོན། །ལོགས་ནི་རྣམ་ཐར་གསུམ་ཡིན་ཏེ། །ལུས་ངག་ཡིད་གསུམ་ལས་
བྱུང་བའི། །མི་དགེ་བཅུ་འཇོམས་དགོངས་པའི་དོན། །ཆོས་ཀྱི་སྐུ་ནི་དྲི་མེད་ཀྱིས། །རང་བཞིན་གྱིས་ནི་ཀུན་ལ་ཁྱབ། །དེ་ཕྱིར་རྒྱ་ཆེན་དགོངས་པའི་དོན། །འཕགས་པ་ཉན་ཐོས་རང་རྒྱལ་དང་། །བྱང་ཆུབ་སེམས་དཔའ་རྣམས་ཀྱིས་ཀྱང་། །ཆོས་

87-1-4b

སྐུ་རྟོགས་པ་མ་ཡིན་པས། །གཏིང་རིང་བ་རུ་དགེངས་པས་བཤད། །དེ་ནས་ཐུགས་ཀའི་ཧཱུྃ་ལས་ཡང་། །ཧཱུྃ་འཕྲོས་པ་ལས་རྡོ་རྗེར་གྱུར། །རྡོ་རྗེ་གུར་དུ་གྱུར་པ་ཡང་། །དང་པོ་ཚེ་ཡི་བར་ཆད་དང་། །གཉིས་པ་ཐར་པའི་བར་ཆད་དེ། །བགེགས་ནི་རྣམ་པ་གཉིས་
ཡིན་ཏེ། །ཕྱི་ཡི་བགེགས་དང་ནང་གི་བགེགས། །ཕྱི་ཡིས་ཚེ་ཡི་བར་ཆད་དེ། །ནང་གི་ཐར་པའི་བར་ཆད་བྱེད། །བར་ཆད་རྣམ་པ་གཉིས་བསྲུང་བ། །རྡོ་རྗེ་གུར་གྱི་དགོངས་པའི་དོན། །ཡྃ་ལས་བྱུང་བའི་གོང་དང་འདྲ། །དབྱིབས་ནི་ཟླ་གམ་ལྟ་བུ་སྟེ། །
རྣམ་པར་རྟོག་པ་སྤོང་བ་དང་། །མི་རྟོག་པ་ནི་སྐྱེ་བ་ལ། །དབང་དུ་བྱེད་པས་དབང་གིས་དོན། །བ་དན་བཞི་ཡི་དགོངས་པ་ཡང་། །ཆོས་རྣམས་དུས་གསུམ་གནས་པ་ཡི། །དགོངས་པ་ཡིན་པར་ང་ཡིས་གསུངས། །རྃ་ལས་མེ་ཡི་དཀྱིལ་འཁོར་ནི། །ཟུར་
གསུམ་དྲག་པོའི་དགོངས་པ་ཡིན། །རྡོ་རྗེ་རྩེ་གསུམ་སྐུ་གསུམ་དོན། །བྃ་ལས་ཆུ་ཡི་དཀྱིལ་འཁོར་ཏེ། །ཟླུམ་པོ་སྤྲོས་པ་ཞི་བར་གསུངས། །བུམ་པ་ཆོས་སྐུའི་ཡན་ལག་བཞི། །ལྃ་ལས་གསེར་གྱི་ས་གཞི་སྟེ། །གྲུ་བཞི་རྒྱས་པའི་རང་བཞིན་
ཏེ། །རྡོ་རྗེ་རྩེ་ལྔ་ཡེ་ཤེས་ལྔ། །དེ་སྟེང་རི་རབ་རྩེ་མོ་བརྒྱད། །རྣམ་ཐར་བརྒྱད་ཀྱི་དགོངས་པ་ཡིན། །སྣོད་བཅུད་རྣམ་རྟོག་མི་མངའི་རྟགས། །དུར་ཁྲོད་བརྒྱད་ནི་གཡས་དང་གཡོན། །གོ་རིམས་བཞིན་དུ་དགོད་པར་བྱ། །རེ་རེའི་བྱེ་བྲག་རྣམ་
རྟོག་ཡང་། །བླ་མའི་ཞལ་ལས་ཤེས་པར་བྱ། །གཉེན་པོའི་སྟོབས་ནི་ཡོངས་སུ་རྒྱས། །ཤིང་རྣམས་རིམས་བཞིན་རྟག་ཏུ་དགོད། །རྣམ་རྟོག་མི་དགེ་བཅུ་ཡི་དོན། །འཇོམས་པའི་རྟགས་སུ་ཕྱོགས་སྐྱོང་དགོད། །འདོད་ཆགས་ཞེ་སྡང་མ་རིག་པ། །
གདུག་པ་འཇོམས་ཕྱིར་ཀླུ་བརྒྱད་དགོད། །ཐུགས་རྗེ་ཆེན་པོ་དང་ལྡན་པ། །གཟུགས་སྐུ་གཉིས་ཀྱི་ང་རྒྱལ་གྱིས། །ལུས་དང་ངག་གི་སེམས་ཅན་གྱིས། །དོན་མཛད་ཕྱིར་ནི་ཆར་སྤྲིན་དགོད། །ནང་དང་གསང་བ་དེ་བཞིན་ནོ། །དེ་བཞིན་མཐར་
ཐུག་བཞི་པ་ཡང་། །སྙན་ནས་རྒྱུད་པ་ཤེས་པར་བྱ། །དེ་ནས་ནང་དུ་གཞལ་ཡས་ཁང་། །བྷྲུྃ་ལས་འཁོར་ལོ་རྩིབས་བརྒྱད་དེ། །རྩིབས་བརྒྱད་རྣམ་ཤེས་བརྒྱད་ཀྱིས་དངོས། །ཡོངས་སུ་གྱུར་བས་རྣམ་སྣང་སྐུ། །ཕྱི་ནས་བལྟས་པས་ནང་

87-1-5a

དུ་གསལ། །དེ་བཞིན་ནང་ནས་ཕྱི་རུ་སྟེ། །ཐམས་ཅད་གཅིག་ཏུ་སྣང་བའི་དོན། །ཚོན་ཆེན་སྣ་ལྔ་སྐུ་ལྔའི་དོན། །ཁ་དོག་ལྔ་ནི་རིགས་ལྔའི་དོན། །གྲུ་བཞི་ཚངས་པའི་གནས་བཞིར་གསུངས། །ལོགས་བཞི་བསྡུ་བའི་དངོས་པོ་སྟེ། །སྒོ་
བཞི་དྲན་པ་ཉེར་གཞག་ཡིན། །ཀ་བ་བརྒྱད་ནི་རྣམ་ཐར་བརྒྱད། །གདུང་བཞི་ཡེ་ཤེས་བཞི་ཡི་དོན། །ཏྭ་ར་ན་ལ་སོགས་པ་ཀུན། །སྟོབས་ལ་སོགས་པ་ཡིན་པར་གསུངས། །དེ་ནས་ནང་དུ་གདན་རྣམས་ནི། །པད་མའི་ས་བོན་དབྱངས་ལས་སྐྱེས། །
འདོད་ཆགས་ལ་སོགས་ཉོན་མོངས་ཀྱིས། །མ་གོས་རྟགས་སུ་པད་མའི་གདན། །དེ་སྟེང་ཉི་མ་ཟླ་བ་སྟེ། །ཐབས་དང་ཤེས་རབ་གཉིས་ཀྱི་བརྡ། །དང་པོ་རོ་ནི་ང་བདག་གམ། །རྣམ་རྟོག་འཇོམས་ཕྱིར་གསུངས་པ་ཡིན། །ཡན་ལག་བཞི་
ལྡན་གཙོ་བོའི་གདན། །འཁོར་ལ་རེ་རེ་གདན་དུ་སྦྱིན། །གཙོ་བོའི་ཡན་ལག་ཡིན་པའི་ཕྱིར། །དགོངས་པའི་དོན་དང་བཅས་པ་ཡིས། །རྟེན་གྱི་དཀྱིལ་འཁོར་རྫོགས་པའོ། །དེ་ནས་ལྷ་རྣམས་བསྐྱེད་པ་ནི། །སྐྱེ་བ་བཞི་ཡི་ཚུལ་ཡིན་ཏེ། །སྐད་
ཅིག་ལས་བྱུང་རྫུས་པའི་ཚུལ། །དཔེར་ན་ཆུ་གཏིང་ལས་ནི་ཉ། །རྐྱེན་ལས་སྐྱེས་པ་དྲོད་གཤེར་སྐྱེས། །དཔེར་ན་ཉི་མས་པད་མ་བཞིན། །སྤྲོ་ཞིང་བསྡུ་བ་སྒོང་སྐྱེས་ཚུལ། །དཔེར་ན་རྡོ་ལས་ཟངས་བཞིན་ནོ། །སྦྱོར་བ་ལས་བྱུང་མངལ་
སྐྱེས་ཚུལ། །ཡར་ལ་སྲེག་ཅིང་མར་ལ་གསོ། །དཔེར་ན་སྤྲ་ཚིལ་ལས་ནི་གཟུགས། །ཕོ་བྲང་རྣམ་པར་སྣང་མཛད་དེ། །རྗེས་སུ་སྐྱེད་བ་ཧེ་རུ་ཀ །དབང་བསྐུར་བཅོམ་ལྡན་མི་བསྐྱོད་པ། །བསྟོད་པ་རིན་ཆེན་འབྱུང་ལྡན་ཡིན། །མཆོད་
པ་དོན་ཡོད་གྲུབ་པའོ། །བདུད་རྩི་མྱང་བ་འོད་དཔག་མེད། །ཡན་ལག་དྲུག་ལས་བྱུང་བ་ཡི། །དངོས་གྲུབ་འདི་ནི་ཁྱད་པར་འཕགས། །དེ་ནས་བཟླས་པའམ་བསྒོམ་པ་ནི། །དབང་པོ་རབ་འབྲིང་ཐ་མ་སྟེ། །རབ་ཀྱིས་ཡོངས་སུ་རྫོགས་པ་ཡི། །
བསྒོམ་པའམ་བཟླས་པ་བྱ་བར་གསུངས། །འབྲིང་གིས་གཙོ་བོ་ཡབ་ཡུམ་ཡིན། །ཐ་མའི་དབུ་མའི་སྤྱན་ལ་འཇུག །དབུ་མའི་སྤྱན་ལ་བརྟན་གྱུར་ནས། །སུམ་བཅུ་རྩ་བདུན་རྫོགས་པར་སྒོམ། །འབྲིང་པོ་ཡིས་ཀྱང་དེ་བཞིན་ཏེ། །གནས་

87-1-5b

པ་རྩ་དང་གཡོ་བ་རླུང་། །བཀོད་པ་སེམས་དང་དམན་པ་དབྱིབས། །ཟབ་པ་སྔགས་དང་ཐིག་ལེ་དང་། །མཐར་ཐུག་ཆོས་དང་ཡན་ལག་བདུན། །འདི་ཡིས་བསྟན་པ་ཤིན་དུ་ཟབ། །གོང་དུ་གསུངས་པ་ཐམས་ཅད་ཀྱང་། །རྣམ་པ་བཞི་རུ་ཤེས་པར་བྱ། །རེ་རེ་
ལ་ཡང་བཞི་བཞི་སྟེ། །དུ་མའི་ཚུལ་ནི་ཤིན་དུ་ཟབ། །ཕྱི་དང་ནང་ནི་སྔགས་ཀྱི་དོན། །གཟུགས་བརྙན་དཀྱིལ་འཁོར་ཕྱི་ཡི་དོན། །ཕྱི་ལ་ལྟོས་ནས་ནང་ཡིན་ཏེ། །དེ་ཉིད་གསང་བ་གསང་བའི་དོན། །ལས་སུ་རུང་བ་མཐར་ཕྱིན་དོན། །གཟུགས་བརྙན་དཀྱིལ་
འཁོར་ཕྱི་ཡི་དོན། །ནང་དུ་དཀྱིལ་འཁོར་མཚན་ཉིད་ནི། །ཕུང་པོ་སྐྱེ་མཆེད་ཁམས་རྣམས་ལ། །རེ་རེ་ལྷ་རུ་བྱིན་བརླབས་ལ། །ལྔ་འམ་དྲུག་གམ་སུམ་བཅུ་བདུན། །གཡས་གཡོན་སྟེང་འོག་སྒོ་ལ་སོགས། །བླ་མའི་ཞལ་ལས་ཤེས་པར་བྱ། །རྡོ་རྗེ་
སྙིང་པོས་ཡང་གསོལ་པ། །སུམ་བཅུ་རྩ་བདུན་ཞེས་བྱ་བའི། །ཡོངས་སུ་རྫོགས་པ་ཇི་ལྟར་ལགས། །བསྐྱེད་པ་ཞེས་བྱ་ཇི་ལྟར་ལགས། །དེ་ཡི་རིམ་པ་ཇི་ལྟར་ལགས། །གཞན་ཡང་རྟེན་གྱི་དཀྱིལ་འཁོར་དང་། །ཐུན་དང་ཐུན་མཚམས་ཇི་ལྟར་ལགས། །
ལྟ་སྤྱོད་ཟུང་དུ་ཇི་ལྟར་འཇུག །དཔའ་བོས་བདག་ལ་བཤད་དུ་གསོལ། །བཅོམ་ལྡན་འདས་ཀྱིས་བཀའ་སྩལ་པ། །སུམ་བཅུ་རྩ་བདུན་ཡང་དག་རྒྱུ། །འབྲས་བུ་གཉིས་མེད་ཡེ་ཤེས་བསྐྱེད། །དེ་ཕྱིར་འབྲས་བུ་སྔོན་འགྲོ་བའི། །རྒྱུ་ནི་གཙོ་བོར་གྱུར་བ་ཡིན། །
ཧེ་རུ་ཀར་གྱུར་གཅིག་ལ་ཡང་། །རྒྱུ་རྣམས་ཡོངས་སུ་རྫོགས་པ་སྟེ། །གནས་ནི་ཉི་ཤུ་རྩ་བཞི་སོགས། །བླ་མའི་ཞལ་ནས་ཤེས་པར་བྱ། །རྒྱུ་ནོར་བ་ལས་མ་ཡིན་ཏེ། །གྲོ་ལས་ནས་ཀྱི་མྱུ་གུ་མིན། །མ་ཚང་བ་ལས་མ་ཡིན་ཏེ། །འབྲུ་ཉམས་པ་ལས་མྱུ་གུ་
མེད། །རྒྱུ་མེད་པ་ལས་མ་ཡིན་ཏེ། །ནམ་མཁའི་མེ་ཏོག་ལས་ནི་དྲི། །རྒྱུ་དེ་རྐྱེན་མེད་པ་ལས་མིན། །ནགས་སྲེག་མེ་ལ་རླུང་མེད་བཞིན། །དེ་ལྟར་ཡན་ལག་བཞི་ལྡན་པའི། །ལས་དང་པོ་ཡིས་རྣམ་རྟོག་སྤང་། །ལྷ་ཡི་རྣལ་འབྱོར་ལ་གནས་པས། །
བསྐྱེད་པ་ཞེས་ནི་གསུངས་པ་ཡིན། །ཕྱི་དང་ནང་དུ་དུ་མའི་ཆ། །དེ་ཡི་རིམ་པར་བཤད་པ་ཡིན། །རྟེན་གྱི་དཀྱིལ་འཁོར་བྱེ་བྲག་ཀྱང་། །ཁྱམས་དང་བླ་གབ་མེད་པ་དང་། །བླ་གབ་བཅས་དང་རྣམ་པ་གསུམ། །མོས་པའི་དབང་དུ་གསུངས་པ་ཡིན། །

87-1-6a

འཁོར་ལོ་བཞི་ཡི་དབྱེ་བ་ཡིས། །བཞི་དབྱེ་ཡི། །ཉིན་མཚན་བཞི་རུ་གསུངས་པ་ཡིན། །མཚམས་ཀྱང་བཞི་རུ་ཤེས་པར་བྱ། །དབྱུག་གུ་ཆུ་ཚོད་འཕོ་བ་དང་། །ཐུན་བརྒྱད་བསྒོམ་པའི་རྣལ་འབྱོར་པས། །ཐུན་དང་མཚམས་ནི་མཉམ་པར་གསུངས། །
མཚམས་ཀྱི་ཚེ་ན་རྣལ་འབྱོར་པ། །དབང་པོ་འབྲིང་དང་ཐ་མ་ཡིས། །ལྷ་རྣམས་རྫོགས་པར་སྤྲོ་བྱས་ལ། །མར་མེ་གཅིག་ལས་གཉིས་ཀྱི་ཚུལ། །མཆོད་པ་ལ་སོགས་ཚུལ་བཞིན་བྱ། །ལྟ་བ་ཞེས་པ་མཉམ་གཞག་སྟེ། །རྗེས་ཐོབ་སྤྱོད་པ་རུ་ནི་བཤད། །
བསྐྱེད་པའི་རིམ་པ་བསྒོམ་པ་ལས། །རྒྱན་དྲུག་འཆང་བའི་སྤྱོད་པ་གནང་། །གསང་བའི་དབང་དང་འབྲེལ་བ་ལ། །རྒྱན་དང་བདུད་རྩིའི་སྤྱོད་པ་གནང་། །རྡོ་རྗེའི་རིགས་དང་རིན་ཆེན་རིགས། །པད་མའི་རིགས་དང་ལས་ཀྱི་རིགས། །སྤྱོད་པ་གནང་བ་ང་ཡིས་
གསུངས། །ཤེས་རབ་ཡེ་ཤེས་དང་འབྲེལ་བས། །གོང་དུ་གསུངས་པ་ཐུན་མོང་སྟེ། །ཁྱད་པར་ཕྱག་རྒྱའི་སྤྱོད་པ་གནང་། །ལྟ་བ་མི་ལྡན་སྤྱོད་པ་དང་། །སྤྱོད་པ་མི་ལྡན་ལྟ་བ་གཉིས། །འདི་ནི་གསང་སྔགས་དམ་སྲི་སྟེ། །མནར་མེད་སེམས་ཅན་དམྱལ་
བར་སྐྱེ། །དེ་ཕྱིར་ལྟ་མེད་སྤྱོད་པ་སྤང་། །སྲིན་པོ་ཁྲོས་པའི་སྤྱོད་པའོ། །སྤྱོད་མེད་ལྟ་བའང་སྤང་བ་སྟེ། །དཀའ་ཐུབ་ཀྱིས་ནི་ལུས་གདུངས་ཤིང་། །ཕུང་སོགས་རྣམ་སྣང་ལ་སོགས་ལ། །བརྙས་པ་རྟོག་གེ་སྐམ་པོ་ཡིན། །དེས་ན་ལྟ་སྤྱོད་ཟུང་དུ་
འཇུག །གླང་ཆེན་བཞེངས་ཀྱང་མཉམ་པར་བཞེངས། །གླང་ཆེན་བཞུགས་ཀྱང་མཉམ་པར་བཞུགས། །རྡོ་རྗེ་སྙིང་པོས་ཡང་ཞུས་པ། །བདུད་རྩི་ཞེས་པ་ཇི་ལྟར་ལགས། །དེ་ཡི་སྤྱོད་པ་ཇི་ལྟར་ལགས། །དེ་ཡི་ཡོན་ཏན་ཇི་ལྟར་འབྱུང་། །
རྒྱན་ལ་སོགས་པའི་དོན་རྣམས་ཀུན། །གཙོ་བོས་བདག་ལ་བཤད་དུ་གསོལ། །བཅོམ་ལྡན་འདས་ཀྱིས་བཀའ་སྩལ་པ། །བདུད་རྩི་རྣམ་པ་གསུམ་དུ་གསུངས། །དང་པོར་ཕྱི་ཡི་བདུད་རྩི་བསྟེན། །བདུད་རྩི་ལྔ་དང་ཤ་ལྔ་ལ། །ལྕགས་
ཀྱུ་ལྔ་ནི་དགོད་པ་སྟེ། །བརྒྱད་དང་བཅུ་བཞི་དང་པོར་འཛག །སི་ཧླ་མི་བསྐྱོད་ལུད་སྐམ་བླང་། །བཅུ་གཉིས་བཅུ་དྲུག་དང་པོར་འཛག །ཧེ་རུ་ཀ་དང་རྣམ་སྣང་དང་། །ལུད་སྐམ་སྙིང་པོ་བླང་བར་བྱ། །ཡར་གྱི་ངོ་དང་མར་གྱི་ངོ་། །བརྒྱད་

87-1-6b

དང་བཅུ་བཞི་བཅྭ་ལྔ་ལ། །ཐམས་ཅད་བཟང་པོའི་དུས་སུ་གསུངས། །སེང་གེའི་གཟུགས་ནི་དཀར་པོ་བཟང་། །ལུས་ངག་སྡོམ་ཞིང་ཉེས་པ་མེད། །འདི་ནི་ཤ་ཡི་སྒྲུབ་པའི་རྟེན། །གླང་པོ་གླང་པོ་ཆེན་པོ་སྟེ། །ཀེ་ཏ་ཀ་ཡི་རྒྱུ་ཉིད་ལས། །གླ་རྩི་ལ་སོགས་
འབྱུང་བའི་ཤ །བ་ལང་གི་ཝང་ལྡན་པའི་ཤ །རྟ་ནི་རྟའི་རྒྱལ་པོ་སྟེ། །ཁ་དོག་དཀར་མིན་དམར་བ་མིན། །དབྱིབས་དང་ཁ་དོག་མི་འགྱུར་ཤ །མི་ནི་སྐྱེ་བ་བདུན་པའི་ཤ །ལུས་ངག་ཡིད་ལ་མཁས་པས་བརྟག  །བཟའ་བའི་སྣོད་ནི་དུམ་བུ་གཅིག །
དེ་ཡི་ནང་དུ་བསྒྲུབ་པར་བྱ། །རབ་འབྲིང་ཐ་མའི་མཚན་མ་ནི། །འབར་དང་དུད་པ་ལྦོ་བ་རྣམས། །མཚན་མ་ཕྱི་ཡི་ཡིན་པར་བཤད། །གཞན་སྐྱེས་དོན་ནི་རྒས་ཆེན་སེལ། །སྐད་མ་ཕྱིན་ན་དངོས་གྲུབ་མེད། །སྐད་ཕྱུང་བས་ནི་ཚངས་པར་འགྱུར། །
ནང་གི་བདུད་རྩི་རང་བྱུང་ཡིན། །དྲིལ་ཅན་བུ་ག་དགུ་ལམ་ནས། །འཛག་པའི་བདུད་རྩི་རྒྱུན་ཆད་ནས། །ཏིལ་གྱི་འབྲུ་བཞིན་གང་བ་སྟེ། །ཨ་བ་དྷཱུ་ཏཱིར་དབུགས་ཆུད་པས། །སྟེང་གི་དྲུག་པའི་རྒྱུ་བ་ཡིན། །སི་ཧླ་ག་པུར་དབུས་ན་གནས། །འོག་གི་
དྲུག་པ་རྒྱུ་བ་ཡིན། །འདི་ནི་གསང་བའི་བདུད་རྩི་སྟེ། །སྐྲ་དཀར་གཉེར་མ་འཆི་བ་སྤོང་། །སྤྱོད་པའི་རྣལ་འབྱོར་རྣམ་པ་གཉིས། །གང་ཟག་མཆོག་དང་ལས་དང་པོ། །བསྐྱེད་པའི་རིམས་ལ་ལེགས་གནས་ཤིང་། །རིགས་སུ་འཛིན་པ་སྤང་བའི་ཕྱིར། །
ཕྱི་ཡི་དྲུག་པའི་བདུད་རྩི་སྦྱིན། །ལས་དང་པོ་ལ་ཕྱི་ནང་གཉིས། །འདི་ཡི་ནུས་པའང་དུ་མ་སྟེ། །སྐྲ་དཀར་མེད་ཅིང་རྣམ་རྟོག་འཇོམས། །དཀྱིལ་འཁོར་བཞི་ལ་རབ་ཏུ་གནས། །ལྔ་པ་གོམས་པར་གྱུར་པ་ཡིས། །དྲུག་པ་གཟུང་བར་གསུངས་པ་སྟེ། །
ཀུན་རྫོབ་སྟེང་གི་སྣ་རྩེ་ནས། །སོར་བཞི་ནས་ནི་དབུས་སུ་བཞུགས། །ལྟེ་བའི་གནས་སུ་དབུགས་གནས་པ། །སྟེང་གི་དྲུག་པ་ཟིན་པ་ཡིན། །འདི་ཡི་ནུས་པའང་དུ་མ་སྟེ། །སྲེད་པ་མེད་ཅིང་ཡང་བའོ། །འདབ་ཆགས་རྒྱལ་པོ་ཇི་བཞིན་དུ། །ནམ་
མཁར་འཕུར་ཞིང་ལྟུང་བ་མེད། །མཆོག་དང་ཆད་པའི་དབུས་གནས་པ། །འོག་གི་དྲུག་པ་ཡིན་པར་བཤད། །གང་ཟག་མཆོག་ལ་གསུངས་པ་ཡིན། །འདི་ཡི་ནུས་པའང་དུ་མ་སྟེ། །དྲིལ་ཅན་བུ་ག་འགག་པར་བྱེད། །རྒྱན་གྱི་དང་པོ་ཞེ་སྡང་

87-1-7a

འཇོམས། །དུར་ཁྲོད་ཆེན་པོ་སི་ཧླ་ལིང་། །རུ་དྲ་འདུལ་བའི་རིམ་པ་སྟེ། །བདུད་རྩིས་རྣམ་རྟོག་ལ་སོགས་འཇོམས། །ཕྲིན་ལས་བཞི་ནི་ཐུན་མོང་ཡིན། །ཕྱག་རྒྱས་འདོད་ཆགས་རྣམ་པར་དག །རྡོ་རྗེ་སྙིང་པོས་ཡང་གསོལ་པ། །དྲུག་པ་
ཞེས་པ་ཇི་ལྟ་བུ། །གང་ཟག་མཆོག་ནི་ཇི་ལྟ་བུ། །འདོད་ཆགས་ཇི་ལྟར་རྣམ་པར་དག །དཔའ་བོས་བདག་ལ་བཤད་དུ་གསོལ། །བཅོམ་ལྡན་འདས་ཀྱིས་བཀའ་སྩལ་པ། །གཡས་གཡོན་སྟེང་འོག་བཞི་ལས་ནི། །ལྔ་པ་ནམ་མཁའ་འབྱུང་བ་ཡིན། །
ལྔ་པ་རང་བཞིན་མེད་པ་སྟེ། །དྲུག་པ་ཞེས་ནི་གསུངས་པ་ཡིན། །དགའ་བ་མཆོག་དགའ་ལྷན་ཅིག་དགའ། །བྲལ་བའི་དགའ་བ་སྔོན་འགྲོ་བས། །ལྔ་པ་བདེ་བ་ཆེན་པོ་འབྱུང་། །བདེ་ཆེན་རང་བཞིན་མེད་པ་དག །འོག་གི་སྒོ་ཡི་དྲུག་པ་ཡིན། །དེ་ཕྱིར་
དྲུག་པ་འདོད་པས་ཀྱང་། །བཞི་པ་སྔོན་དུ་སོང་བ་ཡིས། །ལྔ་པ་ཡོངས་སུ་རྫོགས་པ་བསྒོམ། །དཔེར་ན་ཟངས་ཀྱི་དངོས་པོ་ལ། །གསེར་འགྱུར་རྩི་ཡི་ནུས་པ་ཡིས། །ཟངས་ཉིད་གསེར་དུ་གྱུར་པ་སྟེ། །ཟངས་ལས་མ་གཏོགས་གསེར་ཉིད་དང་། །
ལྔ་པ་ལས་གཞན་དྲུག་པ་ནི། །སངས་རྒྱས་ཀྱིས་ཀྱང་མ་གསུངས་སོ། །ལོ་དང་ཟླ་བ་ཟླ་བ་ཕྱེད། །ཉིན་ཞག་དུས་དྲུག་དུས་གཉིས་ལ། །སྐད་ཅིག་རེ་ཙམ་དྲུག་ལ་འབྱུང་། །ལས་དང་པོ་ཡི་སྤྱོད་ཡུལ་མིན། །དཔེར་ན་ཆུ་ཡི་སྣོད་ནང་དུ། །བདུད་རྩི་
ཐིགས་པ་གཅིག་གཞག་པ། །ཆུ་རུ་ཉམས་སུ་མྱོང་བ་ལས། །གཅིག་ཤོས་ཉམས་སུ་མྱོང་བ་མེད། །ཆུ་ལ་བརྟེན་ནས་བདུད་རྩི་ཡང་། །ཉམས་སུ་མྱོང་བར་བྱེད་པ་སྟེ། །དེ་བཞིན་སྤྲོས་བཅས་ལྔ་པ་ལ། །རྟེན་ནས་སྤྲོས་མེད་དྲུག་པ་འབྱུང་། །རྒྱུད་
གཞན་དུ་ནི་ང་ཡིས་གསུངས། །མཚན་མ་ལྔ་འམ་རོ་བརྒྱད་དམ། །ས་བརྒྱད་ནོན་ནས་མངོན་ཤེས་ལྡན། །ལས་ཀྱི་ཕྱག་བརྒྱ་ཡོངས་སུ་སྤངས། །ཡེ་ཤེས་ཕྱག་བརྒྱ་ལ་གནས་ཤིང་། །ཕྱག་རྒྱ་ཆེན་པོ་ལ་འཇུག་པ། །འདི་ནི་གང་ཟག་མཆོག་
ཡིན་ཏེ། །འདི་ཡིས་དྲུག་པ་ཟིན་པར་བཤད། །འདོད་ཆགས་ཞེས་པ་འཁོར་བ་སྟེ། །རྣམ་དག་མྱ་ངན་འདས་པར་གསུངས། །དེ་ནས་གསང་བ་གཉིས་པ་ཡང་། །གསང་བའི་དབང་དང་འབྲེལ་བ་སྟེ། །རྟེན་ཅིང་འབྲེལ་པ་ཟབ་མོའི་དོན། །དང་པོ་ལྷ་ཡི་ང་

87-1-7b

རྒྱལ་བྱ། །མཁའ་འགྲོ་རྩ་རུ་ཤེས་པར་བྱ། །དཔའ་བོ་བྱང་ཆུབ་སེམས་སུ་ཤེས། །འཁོར་ལོའི་གནས་དེད་འཁོར་ལོ་དང་། །དེ་ནས་བསྒྲུབ་བྱ་ཤེས་པར་བྱ། །བདེ་བ་ཆེན་པོའི་འཁོར་ལོ་ནས། །ཚངས་མདོའི་བར་དུ་སོར་མོའི་ཚད། །བཅུ་ཚན་བཞི་
དང་བརྒྱད་ཡིན་ཏེ། །སོར་གསུམ་ལ་ནི་འཁོར་ལོ་རེ། །སྐུ་གསུང་ཐུགས་ཀྱི་རང་བཞིན་ཡིན། །དབང་གིས་གནས་ཀྱི་འཁོར་ལོའི་གནས། །བླ་མའི་ཞལ་ནས་ཤེས་པར་བྱ། །ཚངས་མདོ་མེ་ལ་གཞང་ཁ་རླུང་། །སོར་གསུམ་སོར་བཞི་མཁས་པས་བརྟག །
གནས་གསུམ་གསང་བའི་གནས་ཡིན་ཏེ། །དེ་བཞིན་གནས་གསུམ་རིག་པའོ། །སོར་བཞི་རྟ་མགྲིན་གནས་ཡིན་ཏེ། །སོར་བརྒྱད་གསང་བ་བདེ་སྐྱོང་གནས། །རྣལ་འབྱོར་ཕ་དང་རྣལ་འབྱོར་མའི། །ལུས་ཀྱི་རྟེན་གྱི་བྱེ་བྲག་ལས། །སོར་མོ་བཞི་
བཅུ་བརྒྱད་ཉིད་ལས། །བརྒྱད་ནི་གསང་བའི་འཁོར་ལོའི་གནས། །བཞི་བཅུ་ལ་ནི་འཁོར་ལོ་གཞན། །བླ་མའི་ཞལ་ནས་ཤེས་པར་བྱ། །ཐམས་ཅད་སྒལ་ཚིགས་དབྱུག་གུ་སྟེ། །ཕྱི་དང་ནང་དུ་མཁས་པས་བརྟག །འཁོར་ལོ་ལ་ཡང་རྣམ་པ་གཉིས། །
དང་པོར་འཁོར་ལོ་གཉིས་པ་རྩ། །རྐྱེན་དང་གསང་བ་རང་བཞིན་དང་། །དབང་དང་རྣམ་པ་བཞི་རུ་གསུངས། །རྐྱེན་ལ་གཉིས་ཏེ་གསང་བ་བཞི། །རང་བཞིན་བཅུ་དྲུག་དབང་ནི་གཉིས། །ཙཎྜ་ལི་ནི་ཉི་ཤུ་བཞི། །འཁོར་ལོ་བཞི་རུ་སྦས་པ་སྟེ། །
བླ་མ་ཆོགས་ནང་མཐོང་ན་རྒྱབ་ཀྱིས་ཕྱོགས། །མན་ངག་གཞན་དུ་སྤེལ་ཞིང་འཕྱར་ལ་དགའ། །འདོད་ཆགས་སྤྱོད་ཕྱིར་སྦས་པའི་རིམ་པ་ནོད། །གབ་པའི་དོན་ལ་རྒྱབ་ཕྱོགས་སྐུར་བ་འདེབས། །གསང་སྔགས་བར་གཅོད་རྣལ་འབྱོར་གཞན་ལ་
གཤེ། །འདི་ནི་མནར་མེད་སེམས་དམྱལ་ཆེན་པོར་སྐྱེ། །སངས་རྒྱས་སྟོང་རྩ་གཅིག་རྫོགས་ཚེ་ཡི་ཚད། །འདི་ལ་སྦས་ཀྱི་ཐམས་ཅད་ལ། །ང་ཡིས་སྦ་བར་མ་གསུངས་ཏེ། །དེ་ཕྱིར་རྒྱུད་གཞན་དུ་ནི་སྦས། །རྒྱུད་འདིར་ང་ཡིས་རྒྱས་པར་བཤད། །སུམ་
བཅུ་རྩ་གཉིས་གཡས་གཡོན་ཆ། །དྲུག་བཅུ་རྩ་བཞི་གྲངས་སུ་སྦས། །སུམ་བཅུ་རྩ་གཉིས་ལས་ནི་ཟུང་། །བཅུ་དྲུག་གྲངས་སུ་སྦས་པ་ཡིན། །སུམ་བཅུ་རྩ་གཉིས་ཕྱོགས་དང་མཚམས། །བརྒྱད་ཀྱི་གྲངས་སུ་སྦས་པའོ། །སྤྱི་གཙུག་འཁོར་ལོ་སྤྱི་

87-1-8a

བོར་སྦས། །གསང་བ་བདེ་སྐྱོང་ལྟེ་བར་སྦས། །བཅུ་དྲུག་ལས་ནི་ཟུང་འགྱུར་བ། །བརྒྱད་ཀྱི་གྲངས་སུ་སྦས་པ་ཡིན། །བཅུ་དྲུག་ལས་ནི་གཡས་གཡོན་ཆ། །སུམ་བཅུ་རྩ་གཉིས་གྲངས་སུ་སྦས། །བཅུ་དྲུག་ལས་ནི་བཞི་བཞིར་འགྱུར། །དྲུག་
བཅུ་རྩ་བཞིའི་གྲངས་སུ་སྦས། །མགྲིན་པ་ལོངས་སྤྱོད་འཁོར་ལོ་རུ། །རོ་དྲུག་ལ་ནི་ལོངས་སྤྱོད་པས། །རོ་མ་ལོངས་སྤྱོད་འཁོར་ལོར་སྦས། །རྟ་མགྲིན་འཁོར་ལོ་མགྲིན་པར་སྦས། །བརྒྱད་ལས་གཡས་གཡོན་ཆ་གཉིས་ཆ། །བཅུ་དྲུག་གྲངས་སུ་སྦས་
པ་ཡིན། །བརྒྱད་ལས་གཡས་གཡོན་སྟེང་འོག་བཞི། །སུམ་བཅུ་རྩ་གཉིས་གྲངས་སུ་སྦས། །བརྒྱད་ལས་གཡས་གཡོན་སྟེང་འོག་བཞི། །མཚམས་བཞི་དང་ནི་བརྒྱད་ཀྱི་ཆ། །དྲུག་བཅུ་རྩ་བཞི་གྲངས་སུ་སྦས། །ཚངས་མདོའི་མེ་ནི་མེ་ལ་
སྦས། །སྙིང་ག་ཆོས་ཀྱི་འཁོར་ལོ་རུ། །ཆོས་ཀུན་རིག་པས་རིག་པ་སྦས། །དྲུག་བཅུ་རྩ་བཞི་ལས་ནི་ཟུང་། །སུམ་བཅུ་རྩ་གཉིས་གྲངས་སུ་སྦས། །དྲུག་བཅུ་རྩ་བཞི་ལས་ནི་བཞི། །བཅུ་དྲུག་གྲངས་སུ་སྦས་པ་ཡིན། །དྲུག་བཅུ་རྩ་བཞི་ལས་ནི་
བརྒྱད། །བརྒྱད་ཀྱི་གྲངས་སུ་སྦས་པའོ། །གཞང་ཁ་རླུང་ནི་རླུང་ལས་སྦས། །གསང་བའི་གཏུམ་མོ་གཏུམ་མོར་སྦས། །འཁོར་ལོ་རེ་ལ་འཁོར་ལོ་བཞི། །ཕྱི་རུ་སྲོག་གི་རྣམ་པར་འཁྱུད། །ཆུ་དང་ཆུ་བྲན་ཆུ་བོ་རྣམས། །སྣ་ཚོགས་དུ་མར་འབབ་བྱེད་
ཀྱང་། །རྒྱ་མཚོ་ཆེན་པོར་རོ་གཅིག་འགྱུར། །ལྟེ་བར་རོལ་པ་བདེ་ཆེན་སྐུ། །རྣམ་པར་ཐར་དང་སྟོང་པ་དང་། །དེ་བཞིན་མཚན་དང་དཔེ་བྱད་ལྡན། །སྙིང་ག་ཆོས་ཀྱི་སྐུ་ཡིན་ཏེ། །རྣམ་ཐར་ལ་སོགས་དེ་བཞིན་ནོ། །མགྲིན་པ་ལོངས་སྤྱོད་དེ་དང་འདྲ། །
བདེ་ཆེན་སྤྲུལ་པའང་དེ་བཞིན་ནོ། །མཚན་རྣམས་སྟེང་ལ་སྟོང་པ་འོག །དང་པོའི་བདེ་ཆེན་ཁ་སྦྱོར་ཡིན། །རྣམ་ཐར་སྟེང་ལ་དཔེ་བྱད་འོག །བདེ་ཆེན་ཁ་སྦྱོར་གཉིས་པ་ཡིན། །གཞན་ནི་ཞལ་ལས་ཤེས་པར་བྱ། །སྟོབས་བཅུ་རྣམ་དག་ཁ་སྦྱོར་
བཅུ། །རླུང་ནི་སྒྲོལ་མའི་ངོ་བོ་སྟེ། །རྩ་དྲུག་དབུགས་ཀྱི་རང་བཞིན་གང་། །མེ་ནི་གོས་དཀར་རང་བཞིན་ཏེ། །ཟུར་རྩ་གསུམ་ནི་དྲོད་ཀྱིས་གང་། །རང་བཞིན་གྱིས་ནི་གནས་པ་ལ། །བརྒྱད་དང་ལྔ་ཡི་མཚན་ཉིད་ལ། །བརྒྱད་ལ་དབྱངས་ཀྱི་དང་པོ་བརྒྱད། །

87-1-8b

ལྔ་ལ་ཀཱ་ལི་དང་པོ་ལྔ། །རིག་པའི་ཕོ་བྲང་མཐའ་ཅན་ལྔ། །རྟ་མགྲིན་དབྱངས་ཡིག་གཡོན་དང་གཡས། །ཨ་གཉིས་མཐར་གཞག་འདབ་དགུ་ཡིན། །གསང་བའི་བདེ་སྐྱོང་འཁོར་ལོ་ནི། །མ་ནིང་བཞི་དང་ཨ་གཉིས་དབུས། །བྱང་ཆུབ་སུམ་བཅུ་རྩ་བདུན་
ཡིན། །དེ་ནས་རྩ་ཡི་མཚན་ཉིད་ཀྱང་། །ཕྱི་ཡིས་སྟོང་ཕྲག་བདུན་བཅུ་གཉིས། །ཤ་ལ་གནས་ནས་ཚིལ་བུ་སྐྱེད། །ནང་གི་བརྒྱ་དང་ཉི་ཤུ་ནི། །ཚིལ་ལ་གནས་ནས་རྐང་སྐྱེད་པའོ། །གསང་བ་སུམ་བཅུ་རྩ་གཉིས་ནི། །རུས་པར་གནས་ཤིང་ག་པུར་སྐྱེད། །
དེ་ཁོ་ནའི་རྩ་གསུམ་ནི། །གསང་བར་གནས་ཤིང་བདེ་བ་སྐྱེད། །ཁང་པ་སྟོང་ཕྲག་བདུན་བཅུ་གཉིས། །ཁང་པ་རེ་ལ་ཁང་པ་འབུམ། །ཁང་པ་དེར་གནས་སྲིན་བུའི་རིགས། །སྟོང་ཕྲག་བདུན་བཅུ་རྩ་གཉིས་ཏེ། །གྲངས་ནི་འབུམ་དུ་ཤེས་པར་བྱ། །ནང་
དང་གསང་བའི་རྩ་ལ་ཡང་། །སྲིན་བུའི་རིགས་ནི་གྲངས་སུ་གསུངས། །དེ་ཁོ་ནའི་རྩ་གསུམ་ལས། །འདོད་ཆགས་སྐྱེད་པའི་སྲིན་བུ་དགུ། །ཉིན་དང་མཚན་མོ་མཚམས་དང་གསུམ། །དགུ་རུ་མཁས་པས་ཤེས་པར་བྱ། །རྩ་དེར་གནས་པའི་ག་བུར་ཡང་། །
བདུད་རྩི་སྦྱོར་བ་ལས་བྱུང་བ། །བདུད་རྩི་ལ་སོགས་གོང་དུ་གསུངས། །ཡྃ་ལས་རླུང་གི་དཀྱིལ་འཁོར་དང་། །རྃ་ལས་མེའི་དཀྱིལ་འཁོར་དང་། །དེ་སྟེང་ཨ་ལས་ཀ་པཱ་ལ། །པྃ་ལས་པད་མ་འདབ་བརྒྱད་བསམ། །ནང་དུ་ཟླ་བའི་དཀྱིལ་འཁོར་བསམ། །དེ་རུ་ཤ་
ལ་སོགས་པ་དགོད། །གཙོ་བོའི་སྟེང་དུ་སོར་བཞི་འམ། །མཐོ་གང་ཙམ་དུ་བསམ་པ་ནི། །ཡི་གེ་གོ་བཟློག་བསམ་པར་བྱ། །སྔོན་པོ་དམར་པོ་དཀར་པོ་སྟེ། །ཧཱུྃ་ལས་གྱུར་པའི་རྡོ་རྗེ་བསམ། །དེ་སྟེངས་ཡི་གེ་ཨོཾ་བསམ་ལ། །ཉི་མའི་དཀྱིལ་འཁོར་སྟེང་
དུ་བསམ། །འདི་ནི་བདུད་རྩིའི་ཁ་སྦྱོར་རོ། །ཤ་ལྔ་ལས་ནི་གདན་ལྔར་གྱུར། །ལྕགས་ཀྱུ་བདུད་རྩི་ལྔ་རུ་འགྱུར། །ལས་ཀྱི་རླུང་གིས་མེ་བུས་ཏེ། །ཟླ་བ་གཙོ་བོ་ལ་སོགས་ཞུ། །ཐ་མལ་པ་ཡི་བདུད་རྩི་ཡིན། །ཡི་གེ་གསུམ་དང་ཉི་མ་ཞུ། །ལྷ་ཡི་
བདུད་རྩི་ཞེས་ནི་བྱ། །འོད་ཟེར་གྱིས་བཀུག་ཡེ་ཤེས་ཀྱི། །བདུད་རྩི་ཡིན་པར་ང་ཡིས་གསུངས། །ལན་གསུམ་བསྐོར་བ་སྐུ་གསུང་ཐུགས། །འདི་ནི་བྱིན་བརླབས་རྣལ་འབྱོར་རོ། །དེ་ནས་བདུད་རྩི་མྱང་དང་མཆོད། །མཆོད་པའི་རྣལ་འབྱོར་

87-1-9a

ཞེས་ནི་གསུངས། །དེ་ནས་རོལ་པའི་རྣལ་འབྱོར་ཏེ། །གཡས་གཡོན་དགོངས་པ་ཤེས་པར་བྱ། །དེ་ནས་ཞུ་བའི་རྣལ་འབྱོར་ཡང་། །མཉམ་པའི་རླུང་དང་གཏུམ་མོའི་མེས། །ཡེ་ཤེས་བཞི་ཡི་ངོ་བོར་གྱུར། །ཆ་གཅིག་མི་སྐྱོད་རྣམ་སྣང་
སྟེ། །ཤ་ཟའི་མཁའ་འཁྲོ་མཉམ་པ་ཉིད། །ཆ་གཅིག་བྱ་བ་ནན་ཏན་ཏེ། །སྲིན་བུ་ལས་ཀྱི་མཁའ་འགྲོ་མཆོད། །ཆ་གཅིག་རླུང་དང་མཁྲིས་པ་སྟེ། །མཁྲིས་པས་བད་ཀན་ལ་སོགས་པ། །བླ་མའི་ཞལ་ནས་ཤེས་པར་བྱ། །རྩ་ནི་ཡེ་ཤེས་མཁའ་འགྲོ་
སྟེ། །སོ་སོར་ཀུན་རྟོག་ཡེ་ཤེས་མཆོད། །ཆ་གཅིག་རང་བཞིན་མེད་པ་སྟེ། །མེ་ལོང་ལྟ་བུའི་ཡེ་ཤེས་ཀྱིས། །རྡོ་རྗེ་མཁའ་འགྲོ་མཆོད་པར་མཛད། །རླུང་ནི་རྡོ་རྗེ་མཁའ་འགྲོ་སྟེ། །རྩ་ནི་ཡེ་ཤེས་མཁའ་འགྲོ་ཡིན། །ག་པུར་ཤ་ཟའི་མཁའ་འགྲོ་སྟེ། །
སྲིན་བུ་ལས་ཀྱི་མཁའ་འགྲོ་ཡིན། །གཞན་ཡང་རྩ་ལ་སོགས་པ་ལ། །མཁའ་འགྲོ་རྣམས་ཀྱི་བྱེ་བྲག་ཀུན། །གོ་རིམས་བཞིན་དུ་ཤེས་པར་བྱ། །སྐུ་ནི་ལས་ཀྱི་མཁའ་འགྲོ་སྟེ། །གསུང་ནི་ཤ་ཟའི་མཁའ་འགྲོའོ། །ཐུགས་ནི་ཡེ་ཤེས་མཁའ་འགྲོ་ཡིན། །
བདེ་ཆེན་རྡོ་རྗེ་མཁའ་འགྲོའོ། །གཞན་ཡང་འཁོར་ལོ་དབུས་ནས་ནི། །མཁའ་འགྲོའི་བྱེ་བྲག་ཤེས་པར་བྱ། །དགའ་བ་ལས་ཀྱི་མཁའ་འགྲོ་སྟེ། །མཆོག་དགའ་ཤ་ཟའི་མཁའ་འགྲོའོ། །རང་བཞིན་དགའ་བ་ཡེ་ཤེས་ཡིན། །བདེ་ཆེན་རྡོ་རྗེ་མཁའ་
འགྲོའོ། །དཔའ་བོ་ཟླ་བའི་དཀྱིལ་འཁོར་ཏེ། །མཁའ་འགྲོ་མ་ནི་ཉི་མའོ། །ཙཎྜ་ལི་ནི་ཉི་ཤུ་བཞི། །སྦས་པའི་འཁོར་ལོ་བཞི་རུ་ངེས། །བདེ་ཆེན་ལོངས་སྤྱོད་འཁོར་ལོར་བསྡུ། །ལོངས་སྤྱོད་ཆོས་ཀྱི་འཁོར་ལོར་བསྡུ། །གོང་དུ་བསྡུ་བའི་རིམ་པ་ཡང་། །
ཐིག་ལེ་ལ་ནི་ཐམས་ཅད་འདུས། །དཔེར་ན་ཉི་མའི་དཀྱིལ་འཁོར་གཅིག་ཉིད་ལ། །ཉི་མའི་འོད་ཟེར་ཕྱོགས་བཅུ་དུ་མར་སྣང་། །དུ་མའི་འོད་ཟེར་དཀྱིལ་འཁོར་གཅིག་ཏུ་འདུས། །དཔེར་ན་འཁོར་ལོས་སྒྱུར་བའི་རྒྱལ་པོའི་གདུགས། །ཤིང་
གི་འཁྲུལ་འཁོར་སྦྱོར་བ་ཇི་བཞིན་ནོ། །སྙིང་ག་ཆོས་ཀྱི་འཁོར་ལོར་བསྡུས་ནས་ཀྱང་། །ཉི་ཟླའི་དཀྱིལ་ན་ཙ་ན་ཀ་ཡི་ཚད། །དེའི་དབུས་སུ་ཐིག་ལེ་ཡུངས་ཀར་ཚད། །སྔགས་ཕྲེང་བ་སྤུའི་ཉག་མ་ཙམ་གྱིས་ནི། །གཡོན་བསྐོར་གཡས་བསྐོར་

87-1-9b

དབྱངས་གསལ་སྦྲུལ་ལྟར་འཁྱིལ། །དེ་དག་ཐིག་ལེའི་རྣལ་འབྱོར་ཏེ། །འདི་ལ་སེམས་ནི་བརྟན་འགྱུར་ནས། །དེ་ནས་ཕྲ་མོའི་རྣལ་འབྱོར་བསྒོམ། །ཟླ་བ་ཀཱ་ལི་ཀཱ་ལི་ཨ། །ཨ་ལི་ཉི་མ་ལ་ཐིམ་ནས། །ཉི་མ་ཞབས་ཀྱུ་ལ་ཐིམ་བསམ། །ཞབས་བསྐྱེད་
ལ་སོགས་རིམ་པར་ཐིམ། །ཡན་ལག་ལྔ་ནི་ཡེ་ཤེས་ལྔ། །དེ་ནི་ཕྲ་མོའི་རྣལ་འབྱོར་ཏེ། །དེ་ནས་ནཱ་ད་ཕྲ་མོ་ལ། །སེམས་ནི་རིམ་པར་བསྒོམ་པའོ། །དེ་ནས་རང་རིག་ཡེ་ཤེས་ཏེ། །ཆོས་ཀུན་སྟོང་པར་རོ་གཅིག་པའོ། །གཞན་ཡང་ཆོས་ཀྱི་འཁོར་ལོ་
དང་། །སྤྲུལ་པ་ཡི་ནི་འཁོར་ལོ་གཉིས། །འབར་བ་དང་ནི་འཛག་པའི་ཚུལ། །བླ་མའི་ཞལ་ནས་ཤེས་པར་བྱ། །ཕྱི་ཡི་རྣམ་རྟོག་རྩོལ་བ་སྟེ། །ནང་གི་རྣམ་རྟོག་སྲོག་གི་རླུང་། །སྲོག་རྩོལ་གཉིས་འགགས་དབུ་མ་སྟེ། །ཀུན་རྫོབ་སྟེང་གི་སྣ་རྩེ་ནས། །
སོར་བཞི་ནས་ནི་རྩ་གསུམ་གཅིག །དབུགས་དགག་པ་ཡི་གནས་ཡིན་པས། །དང་པོར་དེ་རུ་གཟུང་བར་བྱ། །དེ་ནས་སྤྲུལ་པའི་གནས་སུ་གཟུང་། །ཡང་ན་བགྲང་བར་ཤེས་པར་བྱ། །དེ་ནས་གསང་བ་གསུམ་པ་ནི། །ཤེས་རབ་ཡེ་ཤེས་དང་འབྲེལ་
བའི། །དགའ་བའི་མཚན་ཉིད་བཤད་པའོ། །གཞང་ཁ་གཡའ་ཞིང་བ་སྤུ་ལྡང་། །དགའ་བའི་མཚན་ཉིད་མི་དམིགས་པ། །བཅུ་གཉིས་རང་བཞིན་ཡིན་པར་གསུངས། །བྱང་ཆུབ་སེམས་རྒྱུ་མི་རྟོག་སྙམ། །མཆོག་དགའ་མི་དམིགས་ཉི་ཤུ་ལྔ། །
གསང་བའི་ནོར་བུ་ཡོངས་སུ་གང་། །ལྷན་ཅིག་སྐྱེས་དགའ་མི་དམིགས་པ། །ཆོས་ཀྱི་སྐུ་ནི་ཡིན་པར་གསུངས། །བདེ་བའི་རྒྱུན་ཆད་བྲལ་བའི་དགའ། །དེ་ཡི་མི་དམིགས་གཟུགས་སྐུ་གཉིས། །གཞན་ཡང་སྔོན་དུ་འགྲོ་བ་རྣམས། །
ཡན་ལག་ཐབས་དང་སྦྱོར་བ་དངོས། །དགོངས་པ་དང་བཅས་རིམ་པའོ། །སྐར་མའི་ཚོགས་ལྟར་དུ་མར་སྤྲོས་མོད་ཀྱང་། །ཉི་མ་ཟླ་བ་ལྟ་བུར་ཟུང་དུ་འཇུག །ཉི་མ་ཟླ་བ་ལྟ་བུར་ཟུང་འཇུག་ཀྱང་། །སྒྲ་གཅན་ལྟ་བུར་གཉིས་སུ་མེད་པའོ། །
རྡོ་རྗེ་སྙིང་པོས་གསོལ་པ། །སྐར་མའི་ཚོགས་ནི་ཇི་ལྟ་བུ། །ཟུང་དུ་འཇུག་པ་ཇི་ལྟ་བུ། །གཉིས་སུ་མེད་པ་ཇི་ལྟ་བུ། །བཅོམ་ལྡན་འདས་ཀྱིས་བཀའ་སྩལ་པ། །བྱང་ཆུབ་སུམ་བཅུ་རྩ་བདུན་ནི། །རྒྱུ་ཡི་ཁྱད་པར་སྤྲོས་པའོ། །སྐུ་གསུམ་

87-1-10a

དང་ནི་ཡེ་ཤེས་ལྔ། །འབྲས་བུའི་ཁྱད་པར་སྤྲོས་པ་ཡིན། །རྒྱུ་རྣམས་བདུན་དུ་བསྡུ་བ་དང་། །འབྲས་བུ་གསུམ་དུ་བསྡུ་བའོ། །རྒྱུ་རྣམས་འབྲས་བུ་ལ་ཐིམ་སྟེ། །འབྲས་བུ་གཉིས་སུ་བསྒོམ་པར་བྱ། །ཆོས་ཀུན་སེམས་ཀྱི་ངོ་བོ་
སྟེ། །སེམས་ནི་སྟོང་པའི་རང་བཞིན་ཡིན། །ཐམས་ཅད་སྟོང་པར་རོ་གཅིག་པ། །འདི་ནི་བླང་དོར་མེད་པའི་དབྱིངས། །འདོད་ཆགས་རྣམ་པར་དག་བྱའི་ཕྱིར། །འདོད་ཆགས་སྐུ་ཡི་ཕྱག་རྒྱ་ལྔ། །ཕྱག་རྒྱ་ཆེན་པོ་ཡེ་ཤེས་གཉིས། །
དམ་ཚིག་ཆོས་དང་ལས་ཕྱག་རྒྱ། །འདི་ལ་བརྟེན་པ་ཤིན་ཏུ་ཟབ། །འདི་ནི་བདེ་བ་ཆེན་པོ་སྟེ། །བསྐྱེད་དང་རྫོགས་པའི་རང་བཞིན་དག །བདེ་ཆེན་འཁོར་ལོ་རྣམ་པ་གསུམ། །གསང་བའི་སྣ་རྩེ་ཨེ་ལ་གནས། །སྤྲུལ་པའི་འཁོར་ལོ་གང་བ་
ཡིན། །རིག་པ་ལ་སོགས་དེ་བཞིན་ཏེ། །གསང་བ་བདེ་སྐྱོང་བ་ལ་གནས། །རང་བཞིན་བདེ་ཆེན་འཁོར་ལོ་སྟེ། །བདེ་བ་ཆེན་པོས་རོལ་གང་བ། །ཏིལ་དང་ཏིལ་མར་ཇི་བཞིན་ནོ། །དཔེར་ན་ཤིང་སྣ་བཅད་པ་ལས། །འོ་མ་འཛག་པ་ཇི་བཞིན་
ནོ། །བདེ་བ་ཆེན་པོ་དེ་ཉིད་ལས། །སྐྲ་ཡི་རྩེ་མོ་བརྒྱད་སྟོང་དང་། །ཁྲི་དང་འབུམ་གྱིས་བསྒོམ་པ་སྟེ། །དང་པོ་སྤྲིན་གྱི་རྣམ་པ་སྟེ། །གཉིས་པ་དུ་བ་ལྟ་བུའོ། །གསུམ་པ་གློག་གི་རྣམ་པ་སྟེ། །བཞི་པ་མར་མེ་ལྟ་བུའོ། །འདི་དག་ཀུན་གྱི་རིམ་པ་
ཡང་། །སྤྲུལ་པ་ལ་སོགས་རིམ་པ་བཞིན། །སྤྲིན་གྱི་རྣམ་པ་སྐྱེ་བ་ནི། །ཨ་ནི་སྐྱེ་བའི་མཚན་མ་ཡིན། །མར་མེ་ལྟ་བུ་འཆི་བ་ཡིས། །ཧྃ་གི་མཚན་མར་གསུངས་པ་ཡིན། །ལྔ་པ་ནམ་མཁའ་ལྟ་བུ་ནི། །གཉིས་སུ་མེད་པ་བར་མ་དོའི། །
མཚན་མ་སྟོང་པར་ཤེས་པར་བྱ། །གཞན་ཡང་འདར་བ་ལ་སོགས་པ། །བླ་མའི་ཞལ་ནས་ཤེས་པར་བྱ། །དེ་ནས་གསང་བ་གསུམ་པ་ཡང་། །ཤེས་རབ་ཡེ་ཤེས་འབྲེལ་བ་སྟེ། །དགའ་བ་བཞིའི་མཚན་ཉིད་ཀྱང་། །གཞང་ལམ་གཡའ་ཞིང་
བ་སྤུ་ལྡང་། །ལུས་འདར་དགའ་བའི་ངོ་བོ་ཡིན། །གསང་བ་རྡོ་རྗེ་རྩ་ལམ་ནས། །བྱང་ཆུབ་སེམས་རྒྱུ་བདེ་བ་སྙམ། །མཆོག་དགའ་ཡི་ནི་ངོ་བོ་སྟེ། །རྡོ་རྗེ་པད་མ་འགས་པ་སྙམ། །ལྷན་ཅིག་སྐྱེས་པའི་ངོ་བོ་ཡིན། །བདེ་བའི་རྒྱུན་ཆད་བདེ་བ་སྙམ། །

87-1-10b

བྲལ་བ་དགའ་བའི་ངོ་བོ་ཡིན། །འདི་རྣམས་ཀུན་གྱི་མཚན་ཉིད་ཀྱང་། །བྱང་ཆུབ་སེམས་ཕྱོགས་ལ་སོགས་པ། །གོང་དུ་གསུངས་པར་ཤེས་པར་བྱ། །དགའ་བ་སྣང་བ་ཞེས་བྱ་སྟེ། །མཆོག་དགའ་སྣང་བ་མཆེད་པ་ཡིན། །རབ་ཏུ་དགའ་བ་སྣང་བ་ཐོབ། །
ལྷན་གཅིག་སྐྱེས་པ་འོད་གསལ་བའོ། །ཡེ་ཤེས་བཞི་ཡི་རང་བཞིན་ཏེ། །བདུད་བཞི་འཇོམས་པའི་ངེས་པ་ཡིན། །རགས་པ་བཞི་ནི་གསང་བར་འཇོམས། །ཕྲ་བའི་བདུད་བཞི་རང་བཞིན་གྱིས། །འཁོར་ལོ་བཞི་རུ་འཇོམས་པ་ཡིན། །
འཁོར་ལོ་ལ་རྟེན་དགའ་བ་བཞི། །དེ་ཉིད་ཡེ་ཤེས་བཞི་རུ་སྣང་། །དེ་ཕྱིར་བདུད་བཞི་འཇོམས་པ་ཡིན། །འདོད་ཆགས་ལ་བརྟེན་དུག་གསུམ་ནི། །ཉོན་མོངས་པ་ཡི་བདུད་ཡིན་ཏེ། །འདོད་ཆགས་རྣམ་པ་བཅུ་གཉིས་ཡིན། །གསང་བའི་
བདེ་སྐྱོང་ཉོན་མོངས་འཇོམས། །ཁ་དོག་དབྱིབས་ནི་ཕུང་པོའི་བདུད། །རྟ་མགྲིན་འཁོར་ལོ་ཕུང་པོ་འཇོམས། །སྦལ་བ་བཞི་ནི་ལྷ་ཡི་བདུད། །རིག་པའི་འཁོར་ལོ་ལྷ་བདུད་འཇོམས། །སྐྱེ་བ་དང་བཅས་འཆི་བ་སྟེ། །གསང་བ་སྐྱེ་མེད་འཆི་
བདག་འཇོམས། །པྲ་བའི་བདུད་འཇོམས་དེ་དང་འདྲ། །སྐད་ཅིག་བཞི་དང་སྡེ་པ་བཞི། །བཟང་པོ་བཞི་དང་བདེན་པ་བཞི། །འབྱུང་བ་བཞི་དང་ཡུམ་བཞི་དང་། །ཚངས་པའི་གནས་བཞི་ལ་སོགས་པ། །ཡེ་ཤེས་བཞི་པོ་འདི་ཉིད་
ལས། །ཁྱད་པར་གཞན་ནི་མི་འབྱུང་སྟེ། །རྣམ་པར་རྟོག་པའི་བྱེ་བྲག་དང་། །གཞན་ཡང་མོས་པའི་བྱེ་བྲག་དང་། །ཆོས་ཚུལ་དུ་མའི་བྱེ་བྲག་གིས། །སྣ་ཚོགས་དུ་མར་གསུངས་པ་ཡིན། །དབང་གསུམ་བགྲོད་པའི་རྣལ་འབྱོར་པ། །
དགེ་སློང་ཆེན་པོར་གསུངས་པ་སྟེ། །འདི་ཡི་ཐམས་ཅད་བྱ་བར་གསུངས། །རྡོ་རྗེ་སྙིང་པོས་ཡང་གསོལ་པ། །དགེ་སློང་དབང་གསུམ་ཇི་ལྟར་ལགས། །དེ་ཡི་བྱ་བ་ཇི་ལྟ་བུ། །བཅོམ་ལྡན་འདས་ཀྱིས་བཀའ་སྩལ་པ། །དགེ་སློང་ལ་སོགས་
རྣམ་པ་གསུམ། །སོ་སོར་ཐར་དང་བྱང་ཆུབ་སེམས། །རིག་འཛིན་ཉིད་ཀྱི་དགེ་སློང་ངོ་། །གཅིག་དང་བཞི་དང་བཅུ་དང་ལྡན། །ཉིས་བརྒྱ་ལྔ་བཅུའི་གོ་རིམ་ཀྱིས། །བསྙེན་གནས་དགེ་བསྙེན་དགེ་ཚུལ་དང་། །དགེ་སློང་སོ་སོར་ཐར་པ་ཡིན། །

87-1-11a

གཏོང་དང་གཏོང་བ་ཆེན་པོ་དང་། །ཤིན་ཏུ་གཏོང་དང་རྣམ་པར་གཏོང་། །བསྙེན་གནས་དགེ་བསྙེན་དགེ་ཚུལ་དང་། །དགེ་སློང་བྱང་ཆུབ་སེམས་དཔའ་ཡིན། །དཀྱིལ་འཁོར་དུ་ཞུགས་དགེ་བ་སྟེ། །དེ་ལ་གནས་པ་བསྙེན་གནས་ཡིན། །
བདུན་དང་ལྡན་ཕྱིར་ཆེན་པོ་ཡིན། །ཆེན་པོ་འདི་གསུམ་བྱེ་བྲག་ཀྱང་། །བུམ་པའི་དབང་ནི་དགེ་བ་སྟེ། །དེ་ལ་བསྙེན་པས་དགེ་བསྙེན་ཡིན། །དེ་ཕྱིར་བདུན་ལྡན་ཆེན་པོ་ཡིན། །གསང་བའི་དབང་ནི་དགེ་བ་སྟེ། །དེ་ཡི་ཚུལ་ལྡན་དགེ་ཚུལ་ཡིན། །
བདུན་དང་ལྡན་པས་ཆེན་པོ་ཡིན། །དགེ་བ་ཤེས་རབ་ཡེ་ཤེས་ཏེ། །དེ་ཉིད་སློང་བས་དགེ་སློང་ཡིན། །བདུན་དང་ལྡན་པས་ཆེན་པོ་ཡིན། །ཆེན་པོ་འདི་གསུམ་བྱེ་བྲག་ཀྱང་། །ཕྱིར་མི་ལྡོག་པ་གསུམ་ཡིན་ཏེ། །རྣམ་པར་སྨིན་པ་འཁོར་
ལོ་དང་། །ཐེག་པ་དམན་པར་ལྡོག་པ་ནི། །སྤོང་བ་གསུམ་ནི་གོ་རིམས་བཞིན། །ཐེག་པ་གསུམ་གྱིས་ངེས་འབྱུང་ཞིང་། །རིག་འཛིན་ཐེག་པ་འབྲས་བུར་གནས། །འབྲས་བུ་འདི་གནས་རྣལ་འབྱོར་པ། །ཁྱིམ་པའམ་རྡོ་རྗེ་འཛིན་པ་ཡི། །
ཆ་ལུགས་སུ་ནི་གནས་བྱས་ལ། །དབང་བསྐུར་རབ་གནས་ལ་སོགས་བྱ། །ཐེག་པ་གསུམ་གྱི་ཆ་ལུགས་ཀྱིས། །གསང་བ་སྤྱད་པར་མ་གསུངས་ཏེ། །དཔེར་ན་རྡོ་ལས་ཟངས་སུ་འགྱུར། །ཟངས་ལས་གསེར་གྱི་རྣམ་པར་རོལ། །ཟངས་ཀྱི་དུས་ན་རྡོ་
མེད་དོ། །གསེར་དུ་གྱུར་པས་རྡོ་མི་སྣང་། །རིག་འཛིན་ཉིད་ཀྱི་དགེ་སློང་ལ། །སོ་སོར་ཐར་དང་བྱང་ཆུབ་སེམས། །གཉིས་པོ་གནས་པ་ཉིད་དུ་ནི། །སངས་རྒྱས་ཀྱིས་ཀྱང་མ་གསུངས་སོ། །དེ་ནས་གསང་བ་བཞི་པ་ཡང་། །བཞི་པའི་དབང་
དང་འབྲེལ་བ་སྟེ། །རྟག་ཏུ་གཡོ་བའི་སེམས་འདི་ཉིད། །གཟུགས་ལ་སོགས་པ་བཀུག་ནས་ནི། །སྒོམ་བྱར་ལྷན་ཅིག་བཅས་པ་དག །དབང་དུ་བྱས་དེ་བསྒོམ་པར་བྱ། །གཟུང་བ་དང་ནི་འཛིན་པ་ཡི། །དམིགས་པ་ཐམས་ཅད་རྣམ་སྤངས་
ཏེ། །སེམས་ཉིད་བསམ་དུ་མེད་པས་ན། །ཅིར་ཡང་བསམ་པར་མི་བྱའོ། །སེམས་ཉིད་སྟོང་པར་བཅུག་ནས་སུ། །སྟོང་པ་སེམས་སུ་རབ་བཅུག་ནས། །སྟོང་དང་མི་སྟོང་ལ་སོགས་པའི། །རྟོག་པ་བཅོམ་པས་མཁའ་ལྟར་འགྱུར། །

87-1-11b

རྟེན་ཡོད་མ་ཡིན་བརྟེན་པ་མེད། །དཔེ་མེད་གནས་ཀྱང་ཡོད་མ་ཡིན། །དེ་ཉིད་གནས་པ་རྫོགས་པ་སྟེ། །ལྷན་སྐྱེས་གཉིས་མེད་རིག་པའོ། །དེ་ནས་སྤྱོད་པ་བཀའ་སྩལ་པ། །ཁྲོ་ཚུལ་གར་དང་ཕྱག་བརྒྱ་རྣམས། །སྒྱུ་མ་ཙམ་དུ་མ་ཤེས་པར། །ཕྱག་རྒྱ་ཆེན་
པོར་ཡང་དག་བསྒོམས། །དུར་ཁྲོད་རྒྱལ་པོ་དྲེགས་པ་ཅན། །སྙིང་རྗེ་མེད་ཅིང་ཤ་ཁྲག་ཟ། །དེ་ཡི་གནས་སུ་སྐྱེ་བར་འགྱུར། །ཕྱི་ནང་སྦས་དང་མཐར་ཐུག་གི། །དཀྱིལ་འཁོར་དུ་ཞུགས་དབང་མནོས་ནས། །བསྒོམ་དང་བཟླས་པ་ལ་སོགས་མེད། །གསང་
སྔགས་བར་དུ་གཅོད་ཅིང་གཤེ། །རྣལ་འབྱོར་ཀུན་ལ་སྐུར་བ་འདེབས། །རྡོ་རྗེ་སྤུན་ཚིག་སློབ་ལ་འཕྱར། །རྩ་བ་ཡན་ལག་དམ་ཚིག་ཉམས། །བླ་མ་ལ་སྨོད་རྣམ་སྨིན་གྱིས། །མནར་མེད་སེམས་ཅན་དམྱལ་བར་སྐྱེ། །རྟེན་ཅིང་འབྲེལ་བ་ཟབ་མོ་ཡི། །
རྩ་ཡི་འཁོར་ལོའི་དོན་མ་རྟོགས། །ལྕགས་གྱི་སོར་ནི་བཅུ་དྲུག་པ། །མཛེག་པ་རུ་ནི་ང་ཡིས་བཤད། །གབ་པའི་གསང་བ་མ་རྟོགས་པར། །སྦས་པ་མི་དམིགས་རྣམ་གསུམ་གྱིས། །མཐུར་དུ་སེམས་ཅན་དམྱལ་བར་སྐྱེ། །ཤིང་རྟའི་འཁོར་ལོ་འཁོར་
བ་ལྟར། །ལས་ཀྱི་རྣམ་པར་སྨིན་པས་འཁོར། །ཤེས་པས་རང་གི་རང་རིག་དང་། །རང་རིག་བདེ་བ་གང་འདོད་དང་། །རང་རིག་སྒྱུ་མར་གང་འདོད་པ། །རང་རིག་ཤེལ་སྒོང་ལྟ་བུ་དང་། །དབྱིངས་དང་ཡེ་ཤེས་ལ་སོགས་པ། །ལྟ་བའི་དོན་ཉིད་བཅད་
པའོ། །རྒྱུད་ཀྱི་དོན་ནི་རྣམ་པ་གསུམ། །བདེ་ཆེན་འཁོར་ལོ་རྒྱུ་ཡི་རྒྱུད། །གསང་བའི་སྣ་རྩེ་ཐབས་ཀྱི་རྒྱུད། །གསང་བ་བདེ་སྐྱོང་འབྲས་བུའི་རྒྱུད། །བུམ་པ་རྒྱུ་ཡི་རྒྱུད་དུ་གསུངས། །གསང་བ་ཐབས་ཀྱི་རྒྱུད་ཡིན་ཏེ། །ཤེས་རབ་ཡེ་ཤེས་འབྲས་
བུའི་རྒྱུད། །སྐྱེ་བ་རྒྱུ་ཡི་རྒྱུད་དུ་གསུངས། །འཆི་བ་ཐབས་ཀྱི་རྒྱུད་དུ་གསུངས། །བར་མ་དོ་ནི་འབྲས་བུའི་རྒྱུད། །རྒྱུད་ཅེས་པ་ནི་རྒྱུན་ཡིན་ཏེ། །རྒྱལ་པོ་གསང་བ་སྟོན་པ་སྟེ། །གསང་བ་རྣམ་པ་བཞི་རུ་གསུངས། །བུམ་པ་ལས་དང་པོ་ལ་གསང་། །
གསང་བ་བུམ་པའི་དུས་སུ་གསང་། །ཤེས་རབ་ཡེ་ཤེས་གསང་བར་གསང་། །རང་རིག་ཤེས་རབ་ཡེ་ཤེས་གསང་། །གསང་བའི་འཁོར་ལོ་བཞི་པའོ། །དེ་ནས་བྱང་ཆུབ་སེམས་དཔའ་རྡོ་རྗེ་སྙིང་པོ་དང་། མཁའ་འགྲོ་མའི་ཚོགས་རི་རབ་ཀྱི་རྡུལ་

87-1-12a

སྙེད་ཀྱིས་བཅོམ་ལྡན་འདས་ལ་ལན་གསུམ་བསྐོར་བ་བྱས་ནས་མི་སྣང་བར་གྱུར་ཏོ། །དཔལ་གསང་བ་ཐམས་ཅད་གཅོད་པའི་རྒྱུད་ཀྱི་རྒྱལ་པོ་རྫོགས་སྷོ།། །། པཎ་ཌི་ཏ་ག་ཡ་དྷ་ར་དང་། ལོ་ཙྪ་་བ་དགེ་སློང་ཤཱཀྱ་ཡེ་ཤེས་ཀྱིས་
བསྒྱུར་བའོ། ། ༄༅། །རྒྱ་གར་སྐད་དུ། ཤྲཱི་ཙཀྲ་སྃ་བ་ར་གུ་ཧྱ་ཨཱ་ཙིནྟ་ཏནྟྲ་རཱ་ཛཱ། བོད་སྐད་དུ། དཔལ་འཁོར་ལོ་སྡོམ་པ་གསང་བ་བསམ་གྱིས་མི་ཁྱབ་པའི་རྒྱུད་ཀྱི་རྒྱལ་པོ། དཔལ་བདེ་བ་ཆེན་པོ་ལ་ཕྱག་འཚལ་ལོ། །འདི་སྐད་བདག་གིས་ཐོས་
པ་དུས་གཅིག་ན། བཅོམ་ལྡན་འདས་དེ་བཞིན་གཤེགས་པ་ཐམས་ཅད་ཀྱི་སྐུ་དང་། གསུང་དང་ཐུགས་རྡོ་རྗེ་བཙུན་མོའི་བྷ་ག་ལ་སྙོམས་པར་བཞུགས་སོ། །དེའི་ཚེ་དེའི་དུས་ན་འཁོར་འདུས་པ་ཐམས་ཅད་ཀུན་རྫོབ་འཁོར་བའི་ཆོས་ལ་སྐྱོ་བར་
གྱུར་ཏོ། །དེ་ནས་གསང་བའི་བདག་པོ་ཕྱག་ན་རྡོ་རྗེས་གསོལ་པ། །ཀྱེ་ཀྱེ་བཅོམ་ལྡན་འདས་ཧེ་རུ་ཀ །ཀུན་རྫོབ་འཁོར་བའི་ཆོས་རྣམས་ཀྱིས། །དེ་ཡི་རང་བཞིན་ཇི་ལྟ་བུ། །གཙོ་བོས་བདག་ལ་བཤད་དུ་གསོལ། །བཅོམ་ལྡན་འདས་ཀྱིས་བཀའ་སྩལ་
པ། །སླུ་བའི་མཐའ་དང་མཚན་མར་སྣང་། །དེ་ཉིད་ཀུན་རྫོབ་འཁོར་བའི་ཆོས། །སེམས་ཉིད་བསམ་གྱིས་མི་ཁྱབ་པ། །འཁོར་བའི་ཆོས་ཀྱི་རང་བཞིན་ནོ། །ཕྱག་ན་རྡོ་རྗེས་ཡང་ཞུས་པ། །བསམ་གྱིས་མི་ཁྱབ་སེམས་ཉིད་ཀྱིས། །དབྱེ་བ་མི་མཐུན་གྲངས་
དག་ན། །དུས་དང་གནས་པའི་ཚུལ་དང་ཡང་། །འཇུག་པའི་དུས་དང་ཐབས་རྣམས་དང་། །གནས་པའི་ཚད་དང་རིམ་བ་དག །གཙོ་བོས་བདག་ལ་བཤད་དུ་གསོལ། །བཅོམ་ལྡན་འདས་ཀྱིས་བཀའ་སྩལ་པ། །བག་ཆགས་ཉོན་མོངས་ཡེ་ཤེས་
སྐུ། །རིས་དྲུག་རྩ་ཤིང་འཁྲིལ་ལྕུག་གི། །རང་བཞིན་ངག་གི་ལམ་འདས་ལ། །དེ་ཉིད་བསམ་གྱིས་མི་ཁྱབ་སྟེ། །དུས་གསུམ་སངས་རྒྱས་ངོ་བོ་ཡིན། །བདེ་གཤེགས་ཀུན་གྱི་ཐུགས་ཀྱི་གསང་། །དེ་ནི་ང་ཡིས་བཤད་ཀྱིས་ཉོན། །རྟག་ཆད་སྐྱེ་
འགག་ལ་སོགས་པའི། །མཐའ་སྤངས་སེམས་ཉིད་རང་རིག་ཅིང་། །གདོད་ནས་སྤྲོས་བྲལ་བདེན་པ་ཉིད། །དེ་དོན་བསམ་གྱིས་མི་ཁྱབ་ངེས། །དེ་ཉིད་དབྱེ་བ་རབ་འབྲིང་མཐའ། །རྣམ་པ་གསུམ་དུ་ཤེས་བྱ་སྟེ། །དང་པོར་རང་རིག་བསམ་

87-1-12b

མི་ཁྱབ། །རྒྱུ་དང་ལམ་རྟགས་བསམ་མི་ཁྱབ། །མཐའ་དང་ཉོན་མོངས་བསམ་མི་ཁྱབ། །ཆོས་དང་ལྟ་སྤྱོད་བསམ་མི་ཁྱབ། །ཡི་གེ་བསམ་གྱིས་མི་ཁྱབ་པ། །མདོར་བསྟན་དེ་ཉིད་རྣམ་པར་དབྱེ། །གཟུགས་སྒྲ་དྲི་རོ་རེག་བྱ་ཆོས། །དེ་ཉིད་
ཆོས་ནི་བསམ་མི་ཁྱབ། །ཨ་ནི་ཡི་གེ་དམ་པ་སྟེ། །ཁོང་ནས་འབྱུང་བ་སྐྱེ་བ་མེད། །སྐྱེ་བ་ཀུན་གྱི་རྒྱུར་གྱུར་པ། །ཡི་གེ་དམ་པ་བསམ་མི་ཁྱབ། །ཕྲག་བྱུང་ཁྲུས་དང་གཙང་སྦྲ་དང་། །རྒྱན་ཆ་གཅེར་བུ་ཐལ་གོས་སོགས། །ཆང་དང་
བདུད་རྩི་ཤ་དང་ཡང་། །མ་དང་སྲིང་མོ་བུ་མོ་སོགས། །རོལ་པའི་སྤྱོད་པ་བསམ་མི་ཁྱབ། །ངའི་འདུལ་བའི་སེམས་ཅན་ལ། །མོས་པའི་མཐའ་ལ་ཐུག་པ་མེད། །དེ་ཕྱིར་ཐེག་པ་ཐུག་མེད་པས། །དེ་ཉིད་ལྟ་བ་བསམ་མི་ཁྱབ། །རྟག་
ཆད་སྒྲོ་སྐུར་ལྟོས་པའི་སྒྲ། །དེ་ཉིད་མཐའ་གནས་བསམ་མི་ཁྱབ། །འདོད་ཆགས་ཞེ་སྡང་གཏི་མུག་སོགས། །ཉོན་མོངས་བསམ་གྱིས་མི་ཁྱབ་པ། །འདར་དང་འཕར་དང་དྲོད་ལ་སོགས། །རྟགས་ཉིད་བསམ་གྱི་མི་ཁྱབ་པ། །ལྷ་བསྒོམ་
རླུང་དང་རྩ་སོགས་པ། །ལམ་ཉིད་བསམ་གྱིས་མི་ཁྱབ་པ། །རང་རིག་ནམ་མཁའི་སྤྲིན་ཆར་ཚུལ། །ཕ་རོལ་ཕྱིན་དྲུག་ལ་སོགས་པ། །རྒྱུ་ཉིད་བསམ་གྱིས་མི་ཁྱབ་པ། །རྒྱུ་འབྲས་ཐ་སྙད་ཀུན་དང་བྲལ། །རྩོལ་བ་རྡུལ་གྱིས་མ་གོས་པ། །སྤྲིན་
མེད་མཁའ་ལྟར་མ་བཅོས་པའི། །སྤྱི་དང་རང་གི་མཚན་ཉིད་དག །རང་རིག་བསམ་གྱིས་མི་ཁྱབ་པའོ། །ཨ་ནི་ཤང་དང་སྦྲུལ་སོགས་ཀྱི། །བཅུ་གཉིས་ལ་སོགས་དབྱེ་བ་ཡིས། །ཡི་གེའི་དབྱེ་བ་རྒྱས་པའོ། །གཟུགས་ནི་སྡུག་དང་མི་སྡུག་
སོགས། །བཅུ་དགུ་ཕྲ་རབ་རྡུལ་གྱི་བར། །སྒྲ་ལ་སོགས་པ་དེ་བཞིན་ཏེ། །སྒྲ་བརྒྱད་དྲི་གསུམ་རོ་དྲུག་སྟེ། །རེག་བྱ་བཅུ་གཅིག་ཆོས་དེ་བཞིན། །གང་ཞིག་འདུས་བྱས་འདུས་མ་བྱས། །ཆོས་ཀྱི་དབྱེ་བ་རྒྱས་པའོ། །ཐེག་པ་གསུམ་དང་
བཅྭ་བརྒྱད་དང་། །ཇི་སྙེད་འདུ་ཤེས་ཡོད་ཀྱི་བར། །ལྟ་བའི་དབྱེ་བ་རྒྱས་པའོ། །ཚོགས་ཀྱི་ལམ་དང་སྦྱོར་བའི་ལམ། །མཐོང་ལམ་བསྒོམ་ལམ་མཐར་ཕྱིན་ལམ། །ལམ་གྱི་དབྱེ་བ་རྒྱས་པའོ། །སེམས་རྟག་བདུད་རྟགས་འབྱུང་བའི་

87-1-13a

རྟགས། །རྟགས་ཀྱི་དབྱེ་བ་རྒྱས་པའོ། །མུ་སྟེགས་རང་རྒྱལ་ཉན་ཐོས་ནས། །རྡོ་རྗེ་འཛིན་པའི་སྤྱོད་པའི་བར། །སྤྱོད་པའི་དབྱེ་བ་རྒྱས་པའོ། །རྟག་དང་ཆད་དང་སྒྲོ་སྐུར་ནས། །འཁོར་དང་མྱ་ངན་འདས་མཐའ་དང་། །ཐབས་དང་
ཤེས་རབ་མཐའ་ཡི་བར། །མཐའ་ཡི་དབྱེ་བས་རྒྱས་པའོ། །འདོད་ཆགས་ལ་སོགས་ཉི་ཁྲི་དང་། །ཆིག་སྟོང་རྩ་བ་ཉེ་བ་དང་། །ཞེ་སྡང་ལ་སོགས་དེ་བཞིན་ཏེ། །ཉོན་མོངས་དབྱེ་བ་རྒྱས་པའོ། །ཀུན་ནས་ཉོན་མོངས་རྣམ་པར་བྱང་། །
འདོད་ཆགས་ཆེ་དང་སྦྱིན་པ་སོགས། །རྒྱུ་ཡི་དབྱེ་བ་རྒྱས་པའོ། །སེམས་དང་ནམ་མཁའ་ཡེ་ཤེས་དང་། །སངས་རྒྱས་འོད་གསལ་ཟུང་འཇུག་སོགས། །རང་རིག་དབྱེ་བ་རྒྱས་པའོ། །བློས་བརྟགས་མཚན་མར་སྣང་བ་དང་། །སྒྲོ་འདོགས་པ་
དང་སྐུར་འདེབས་དང་། །རིམ་མིན་མོས་པ་ཁྱད་པར་ཚོལ། །རྡུལ་ཙམ་ཁས་ལེན་བློས་འཇོག་ཅིང་། །སངས་རྒྱས་ཉིད་ཀྱང་སྒྲུབ་བྱེད་པ། །གང་ལྟར་བཅོས་ཀྱང་དེ་མཐའ་སྟེ། །གང་ཞིག་མཐར་ལྷུང་ལྟ་བ་དེ། །རང་རིག་གཞན་རིག་
སེམས་མ་ཡིན། །ཀུན་རྫོབ་དོན་དམ་གཉིས་མ་ཡིན། །རང་རིག་རྟོག་གེ་སྐམ་པོ་དང་། །མཐའ་ལྷུང་དབུ་མར་ཁས་ལེན་པ། །དེ་ནི་སེམས་ཉིད་རང་རིག་དང་། །བརྗོད་མེད་བསམ་གྱིས་མི་ཁྱབ་པའི། །མི་མཐུན་པ་ཡི་ཕྱོགས་ཡིན་ཏེ། །དེ་བྲལ་བསམ་གྱིས་
མི་ཁྱབ་པའི། །རང་རིག་ཡེ་ཤེས་ཆེན་པོ་ཡིན། །སྦྱིན་སོགས་དཀར་པོའི་ཆོས་རྣམས་དང་། །རང་རིག་སྤྱི་ཡི་རྣམ་པ་ཡིས། །རང་རིག་ཡེ་ཤེས་ཆེན་པོ་ལ། །ཐབས་དང་ཐབས་ལས་བྱུང་བ་འམ། །རྒྱུ་དང་འབྲས་བུ་ལ་སོགས་པ། །རྡུལ་ཙམ་
ཐ་སྙད་ཡོད་མ་ཡིན། །རང་འབྱུང་ཡེ་ཤེས་ཡིན་པའི་ཕྱིར། །འདོད་ཆགས་ལ་སོགས་སྐྱོན་གྱིས་ཀྱང་། །དེ་ལ་སྒྲིབ་པ་མ་ཡིན་ཏེ། །ནམ་མཁའ་ལ་ནི་སྤྲིན་བཞིན་ནོ། །རང་རིག་གཞན་རིག་བྱེ་བྲག་གིས། །སེམས་ཅན་སངས་རྒྱས་གཉིས་སུ་དབྱེ། །
རང་རིག་སྤྲིན་མེད་ནམ་མཁའ་ལ། །གཞན་རིག་རྣམ་རྟོག་ནམ་མཁར་མཚུངས། །སྤྲིན་སོགས་རླུང་གིས་གཏོར་བྱས་ཏེ། །སྤྲིན་མེད་མཁའ་འདྲ་སྣང་བ་ཉིད། །གཞན་རིག་རྣམ་རྟོག་བྲལ་བ་ལ། །སྒྲིབ་བྲལ་སངས་རྒྱས་ཞེས་བྱ་སྟེ། །རང་

87-1-13b

རིག་ཁོ་ན་ཙམ་དུ་ཟད། །དཔེར་ན་སྐྱེས་བུ་ནམ་མཁའ་ལྟ་བ་ལ། །སྤྲིན་གྱིས་སྐྱེས་བུའི་མིག་ལ་བསྒྲིབས་པ་ལས། །ནམ་མཁའ་དེ་ལ་མ་བསྒྲིབས་ཇི་བཞིན་ནོ། །གྲངས་ནི་དང་པོ་གཅིག་ཡིན་ཏེ། །གཞན་རིག་རང་རིག་གྱུར་བ་ལས། །དག་པ་
གཞན་གྱིས་རྣམ་གྲོལ་མིན། །འདིར་ནི་རང་རིག་གཅིག་ཁོ་ན། །དེ་ཉིད་རིག་ཅིང་ངེས་པའོ། །ཀུན་ཀྱང་ཉོན་མོངས་རྣམ་པར་བྱང་། །གཟུང་འཛིན་ཐབས་དང་ཤེས་རབ་སྟེ། །བསམ་གྱིས་མི་ཁྱབ་གཉིས་པའོ། །ལུས་ངག་སེམས་ཀྱི་རང་བཞིན་ལས། །
རྣམ་ཐར་སྟོང་དང་མཚན་མ་མེད། །སྨོན་པ་མེད་དང་སྐུ་གསུང་ཐུགས། །བསམ་གྱིས་མི་ཁྱབ་གསུམ་པའོ། །བྱམས་དང་སྙིང་རྗེ་དགའ་བཏང་སྙོམས། །ས་ཆུ་མེ་རླུང་རང་བཞིན་ལས། །བཞི་ཡི་གྲངས་སུ་ངེས་པ་སྟེ། །དགའ་བ་ལ་སོགས་དེ་བཞིན་
ནོ། །རིགས་ལྔ་ཡི་ནི་སངས་རྒྱས་ལྔ། །ཕུང་པོ་ལྔ་དང་ཆགས་སྡང་ལྔ། །བསམ་གྱིས་མི་ཁྱབ་ལྔ་པའོ། །ཕ་རོལ་ཕྱིན་དྲུག་རང་བཞིན་ལས། །ཡུལ་དྲུག་དབང་པོ་དྲུག་ལ་སོགས། །བསམ་གྱིས་མི་ཁྱབ་དྲུག་ཉིད་དེ། །བརྒྱ་སོགས་གྲངས་ནི་
བསམ་མི་ཁྱབ། །གང་ཞིག་རང་རིག་གཞན་རིག་གཉིས། །ཐོག་མ་མེད་ནས་གནས་པ་སྟེ། །ལུས་དང་གྲིབ་མའི་ཚུལ་དུ་གནས། །རང་རིག་མེད་པར་གཞན་རིག་དག །སོ་སོ་སྐྱེ་བོའི་དུས་ན་འདོད། །འདི་ཡང་རྨོངས་ཆེན་མ་རུངས་པ། །གཞན་
རིགས་མ་སྤངས་རང་རིག་འདོད། །འཁོར་བ་མ་སྤངས་མྱ་ངན་འདས། །ཁ་ཅིག་འཁོར་བ་མྱ་ངན་འདས། །རིག་པས་བླང་དོར་གཉིས་སུ་རྟོགས། །དེ་ལ་སོགས་པ་ལྟ་བའི་གདོན། །རིག་པ་འཛིན་ལ་བརྒྱ་རྩ་བཅུ། །ཐེག་ཆེན་མདོ་སྡེ་སྟོང་ཕྲག་
གསུམ། །ཉན་ཐོས་རང་རྒྱལ་བརྒྱ་ཕྲག་གཉིས། །ཁྱབ་འཇུག་དྲག་པོ་ལ་སོགས་པ། །ལྟ་བའི་གདོན་ལ་བསམ་མི་ཁྱབ། །རང་རིག་གདོད་ནས་མ་སྐྱེས་པ། །སྟོང་པ་མ་བཅོས་ལྷུན་གྱིས་གྲུབ། །བདེ་བ་ཆེན་པོ་རོས་གང་བ། །ཁམས་
གསུམ་འཁོར་བ་ཀུན་ཤེས་ན། །སངས་རྒྱས་ཉིད་ནི་འཁོར་བ་ལ། །འཁོར་བ་ཉིད་ནི་མྱ་ངན་འདས། །ལྟ་བའི་གདོན་དང་བྲལ་བ་སྟེ། །རང་རིག་མེད་ཅིང་གཞན་རིག་མེད། །དོན་དམ་ཀུན་རྫོབ་གཉིས་ཀ་སྤངས། །སེམས་མེད་ནམ་མཁའ་

87-1-14a

ཆོས་ཉིད་མེད། །འཁྲུལ་པ་མེད་ཅིང་མ་འཁྲུལ་མེད། །ཐེག་པ་མེད་ཅིང་རིམ་པ་མེད། །དམན་དང་གྱ་ནོམ་གཉིས་ཀ་མེད། །ཡེ་ཤེས་མེད་ཅིང་བདེ་བ་མེད། །མཐའ་བྲལ་དབུ་མར་མི་གནས་པ། །བསམ་མི་ཁྱབ་དུ་གནས་པ་སྟེ། །འདི་
རྟོགས་ཁོང་དུ་ཆུད་པ་དང་། །མི་འཇིགས་སྒྲོ་སྐུར་མི་རྩོམ་པ། །རྒྱལ་བའི་སྲས་ཀྱི་ཐུ་བོ་སྟེ། །རྒྱལ་སྲས་ཀུན་གྱི་ནང་ན་མཆོག །རྡོ་རྗེ་འཛིན་པས་བྱིན་རློབ་ཅིང་། །མཁའ་འགྲོ་ཀུན་གྱི་མཆོད་པའི་གནས། །རིགས་འཛིན་ས་ལ་འཇུག་པ་སྟེ། །
དེས་ཀྱང་མཉམ་གཞག་འབད་དེ་བསླབ། །རིག་འཛིན་ས་ལ་གནས་པར་བྱ། །རིག་འཛིན་ས་ལ་གནས་ནས་ཀྱང་། །རྡོ་རྗེ་འཛིན་པའི་ས་ལ་འཇུག །རྡོ་རྗེ་འཛིན་པའི་སར་གནས་ཏེ། །བཅྭ་ལྔ་ས་ཡི་བདག་ཉིད་ལས། །སྐུ་གཉིས་གཞན་
གྱི་དོན་མཛད་པ། །གཞན་གྱི་ལས་དང་སྨོན་ལམ་སྟོབས། །དེ་ཡི་སྟོབས་ཀྱིས་སྣང་བ་ལས། །ཡང་དག་ཉིད་ལ་སྣང་རྒྱུ་མེད། །རིམ་པ་རྣམ་པ་གཉིས་ཡིན་ཏེ། །དང་པོ་བླ་མའི་གདམས་ངག་དང་། །རིག་འཛིན་ས་ལ་གནས་པའི་བར། །
རང་རིག་སྤྱི་ཡི་རྣམ་པ་སྟེ། །ཆོས་ཉིད་ཡུལ་དུ་བྱས་པའོ། །རྡོ་རྗེ་འཛིན་པའི་སར་གྱུར་ཏེ། །རང་རིག་རང་གི་མཚན་ཉིད་ནི། །ཡུལ་དང་ཡུལ་ཅན་ལ་སོགས་པའི། །རྟོག་མེད་མཁའ་ལྟར་སྣང་བ་ཡིས། །ཁམས་གསུམ་བརྟན་དང་གཡོ་བཅས་
པའི། །བདག་ཉིད་དེ་ཉིད་ཚུལ་གྱིས་ནི། །མཉམ་ཞག་རྗེས་ཐོབ་ཀུན་སྤངས་ཏེ། །སྒྱུ་མའི་ཚུལ་དུ་གང་གནས་པ། །སྣང་བ་མཐར་ཕྱིན་པ་ཡི་ཚད། །ཐུན་དང་འཕོ་བ་ཆུ་ཚོད་དང་། །དབྱུ་གུ་སྐད་ཅིག་རིམ་པ་ལ། །སེམས་ཀྱི་བྱིང་རྒོད་ལ་
སོགས་སྐྱོན། །བྲལ་ཏེ་དབེན་པར་གནས་པ་ནི། །སྣང་མེད་མཐར་ཕྱིན་ཚད་ཡིན་ཏེ། །རང་རིག་ཕྱི་ཡི་ཚད་བསྟན་ཏོ། །སྣང་བ་མེད་ཅིང་སྒྱུ་མ་མེད། །བྱ་བརྩལ་མེད་ཅིང་བགྲོད་པ་མེད། །རང་བྱུང་ལྷུན་གྱི་གྲུབ་པ་རུ། །རྟག་ཏུ་མི་འགྱུར་གང་
གནས་པ། །རང་རིག་པའི་མཚན་ཉིད་ལ། །མཐར་ཕྱིན་པ་ཡི་ཚད་ཡིན་ནོ། །འདོད་ཆགས་རོ་ཡིས་མྱོས་པ་དང་། །སེམས་བསྐྱེད་སྡོམ་འཛིན་དབང་བསྐུར་དང་། །ཚོགས་ཀྱི་འཁོར་ལོ་འདུས་པའི་དུས། །བསམ་གྱིས་མི་ཁྱབ་རྒྱལ་

87-1-14b

བའི་དུས། །ཁྱད་པར་ཅན་དུ་གསུངས་པའོ། །གཞན་ཡང་རྟོག་པའི་སེམས་དང་ཡང་། །རྟོག་མེད་སེམས་དང་འདྲེས་པ་ཡི། །གཟུགས་ལ་བརྟེན་པའི་མིག་ཉིད་ཀྱིས། །རྟོག་པའི་རྒྱུན་ཆད་སེམས་དེ་ཉིད། །སེམས་ཀྱི་རྒྱུན་བྲལ་རྒྱུ་དེ་ཉིད། །བསམ་
གྱིས་མི་ཁྱབ་རྒྱུ་ཡི་དུས། །སྒྲ་ལ་སོགས་པའི་དེ་བཞིན་ནོ། །འདོད་ཆགས་ཞེ་སྡང་གཏི་མུག་སོགས། །ཉོན་མོངས་རྗེས་ནས་རྒྱུ་བ་སྟེ། །བྱམས་དང་སྦྱིན་སོགས་དེ་བཞིན་ནོ། །བཟོ་སོགས་བཏང་སྙོམས་དེ་བཞིན་ཏེ། །བསམ་གྱིས་མི་ཁྱབ་རྒྱུ་ཡི་
དུས། །བླ་མའི་ཞལ་ནས་ཤེས་པར་བྱ། །སྦྱིན་དང་ཚུལ་ཁྲིམས་ལ་སོགས་དང་། །བྱམས་དང་སྙིང་རྗེ་ལ་སོགས་པའི། །མདོར་ན་དཀར་པོའི་ཆོས་རྣམས་དང་། །བཟོ་དང་རྒྱུ་རྩལ་ལ་སོགས་དང་། །བསྐྱེད་རྫོགས་བསྒོམ་པའི་རིམ་པ་ཀུན། །
སྐྱེ་བ་གཅིག་གམ་དུ་མས་ནི། །ཡོངས་སུ་རྫོགས་པར་གྱུར་པ་དང་། །འཁོར་བའི་ཆོས་ལ་གང་སྐྱོ་བ། །བསམ་མི་ཁྱབ་ལ་འཇུག་པའི་དུས། །བསྐྱེད་དང་རྫོགས་སོགས་མི་གནས་ཤིང་། །རྫོགས་པ་ཆེན་པོར་གང་འདོད་པ། །དེ་ཡང་འཇུག་པའི་
དུས་ཡིན་ཏེ། །བདུད་རྣམས་བསམ་གྱིས་མི་ཁྱབ་པས། །བར་མ་ཆོད་པར་འཇུག་པའི་དུས། །གཟུང་བའི་ཐབས་ནི་བཅྭ་བརྒྱད་དེ། །མཁའ་མཉམ་གཞི་བཅས་གཞི་མེད་དང་། །ཡུལ་དྲུག་དུག་གསུམ་བརྟེན་པ་དང་། །ལྷན་ཅིག་སྐྱེས་ཉིད་
སྒྲ་ལ་བརྟེན། །ས་ཆུ་མེ་རླུང་སྒྲ་བརྟེན་ནོ། །ཆོས་རྣམས་གཟོད་ནས་མ་སྐྱེས་པའི། །རང་རིག་བསྒོམ་པ་མཁའ་མཉམ་སྟེ། །བླ་མའི་སེམས་གཟུང་དང་པོར་གཅེས། །ཆོས་རྣམས་ཐམས་ཅད་སེམས་ཡིན་ཏེ། །སེམས་ནི་གཟོད་ནས་མ་
སྐྱེས་པ། །གཞི་བཅས་རང་རིག་རྣལ་འབྱོར་རོ། །སེམས་ནི་གཟོད་ནས་རང་རིག་པ། །གཞི་མེད་བསམ་གྱིས་མི་ཁྱབ་པའོ། །གཟུགས་སྒྲ་དྲི་རོ་རེག་བྱ་ཆོས། །དེ་བརྟེན་སེམས་གཟུང་བླ་མ་ལས། །སྐྱེས་བུས་འབད་དེ་བླང་བར་བྱ། །དེ་
བཞིན་འདོད་ཆགས་ཞེ་སྡང་དང་། །གཏི་མུག་རྗེས་སུ་མཁས་པས་གཟུང་། །ལྷན་ཅིག་སྐྱེས་གཉིས་འབྱུང་བཞི་ལ། །བརྟེན་ཏེ་སྐྱེ་བ་མེད་པར་བསྒོམ། །བྱེ་བྲག་སེམས་གཟུང་བསམ་མི་ཁྱབ། །ཉན་ཐོས་ལ་སོགས་ཐེག་ཆེན་ལ། །

87-1-15a

མན་ངག་ཡོད་པ་མ་ཡིན་ཏེ། །ལྟ་བ་སྤྱོད་པ་སེམས་གཟུང་དང་། །རྒྱུ་དང་འབྲས་བུ་ལམ་དང་ཡང་། །དུས་དང་ལོངས་སྤྱོད་རྣལ་འབྱོར་དང་། །བདག་དོན་གཞན་དོན་དགོངས་པ་དང་། །ངལ་དུབ་མཐའ་སྤངས་ཚེགས་ཆུང་དང་། །
ཚོགས་སོག་པ་ཡི་ཁྱད་པར་དང་། །ཁྱད་པར་རྣམ་པ་བཅྭ་ལྔ་ཡིས། །རིག་འཛིན་ཐེག་པ་ཁྱད་པར་འཕགས། །ཀྱེ་ཧོ་བཅོམ་ལྡན་འཇིགས་པ་ཆེ། །རང་རིག་བསམ་མི་ཁྱབ་པ་ལ། །སྦྱིན་དང་བྱམས་སོགས་དགོངས་པ་ཅི། །སྐུ་གཉིས་གཞན་
དོན་གང་ལས་བྱུང་། །བསམ་མི་ཁྱབ་ལ་ལེགས་གནས་པས། །དེ་ཉིད་ཅི་ལགས་ཕྱི་རུ་ཅི། །བཅོམ་ལྡན་འདས་ཀྱིས་བཀའ་སྩལ་པ། །སྦྱིན་དང་བྱམས་པ་ལ་སོགས་པས། །གཞན་རིག་རྣམ་རྟོག་འགགས་པ་དང་། །སྐུ་གཉིས་སེམས་
ཅན་དོན་མཛད་པའི། །སེམས་ཅན་རྣམས་ནི་སངས་རྒྱས་སུ། །འབྱུང་བའི་རྐྱེན་དུ་ངེས་པས་ན། །བསམ་མི་ཁྱབ་ལ་མི་གནས་ཀྱང་། །སྦྱིན་སོགས་འབད་དེ་བསླབ་པར་བྱ། །དེ་ལ་བསམ་མི་ཁྱབ་པ་འབྱུང་། །སྐུ་གཉིས་སྟོབས་དང་མི་
འཇིགས་དང་། །གཟུངས་དང་ཏིང་འཛིན་ལས་རྣམས་ཀུན། །སྦྱིན་ལ་སོགས་པ་སྦྱིན་བྱས་ནས། །བསམ་མི་ཁྱབ་པ་འབྱུང་བར་ངེས། །དེ་ཉིད་རྟོགས་ན་བསམ་མི་ཁྱབ། །དེ་ཉིད་མ་རྟོགས་འཁོར་བའི་ཆོས། །དབུལ་པོས་ནོར་བུའི་བྱི་
དོར་བཞིན། །བསམ་མི་ཁྱབ་ལ་སེམས་གཞག་ཀྱང་། །བསྐྱེད་རྫོགས་རིམ་པས་སེམས་གནས་ནས། །དེ་ནི་སྔོན་སྦྱངས་འཕྲོ་ཅན་ཏེ། །སེམས་ཀྱི་ཡིག་མགོ་གཅད་པ་གཅེས། །རང་སེམས་ལས་སུ་རུང་བ་ན། །དེ་ནི་ཕྱི་རྟགས་ནང་དུ་སྟེ། །
དེ་ཉིད་ནང་རྟགས་ཕྱི་རུ་འབྱུང་། །ལུས་ལ་དྲི་མེད་སྲིན་བུ་མེད། །སྐྲ་དཀར་གཉེར་མ་སོགས་མེད་པ། །བསྐྱེད་དང་རྫོགས་པའི་རྟགས་ཡིན་ནོ། །འཁོར་བ་སྒྱུ་མར་སྣང་བ་དང་། །སྤྲིན་མེད་མཁའ་ལྟར་གང་སྣང་བ། །བསམ་མི་ཁྱབ་
པའི་རྟགས་ཡིན་ནོ། །དེ་ནས་འཁོར་འདུས་པ་དེ་དག་ཐམས་ཅད་ཆོས་ཐམས་ཅད་ཀྱི་རང་བཞིན་དེ་ཁོ་ན་ཉིད་བསམ་གྱིས་མི་ཁྱབ་པ་ལ་རྗེས་སུ་ཡི་རང་བར་གྱུར་ཏོ།། །།དཔལ་འཁོར་ལོ་སྡོམ་པའི་གསང་བ་བསམ་གྱིས་མི་ཁྱབ་པའི་རྒྱུད་ཀྱི་རྒྱལ་པོ་

87-1-15b

བཅོམ་ལྡན་འདས་ཀྱིས་གསུངས་པ་རྫོགས་སྷོ།། །། པཎ་ཌི་ཏ་གཱ་ཡ་དྷ་ར་དང་། ལོ་ཙྪ་བ་ཤཱཀྱ་ཡེ་ཤེས་ཀྱིས་བསྒྱུར་བའོ། ། རྒྱ་གར་སྐད་དུ།    ཤྲཱི་ཁཱ་ས་མ་ཏན་ཏྲ་རཱ་ཛ་ནཱ་མ།  བོད་སྐད་དུ།   དཔལ་ནམ་མཁའ་དང་མཉམ་
པའི་རྒྱུད་ཀྱི་རྒྱལ་པོ་ཞེས་བྱ་བ།  དཔལ་བདེ་མཆོག་ལ་ཕྱག་འཚལ་ལོ། །འདི་སྐད་བདག་གིས་ཐོས་པ་དུས་གཅིག་ན། བཅོམ་ལྡན་འདས་དེ་བཞིན་གཤེགས་པ་ཐམས་ཅད་ཀྱི་སྐུ་དང་གསུང་དང་ཐུགས་རྡོ་རྗེ་བཙུན་མོའི་བྷ་ག་རྣམས་ལ་
བཞུགས་སོ། །དེའི་ཚེ་འཁོར་འདུས་པ་དེ་དག་གི་ནང་ནས་མཁའ་སྤྱོད་མ་དང་། ས་སྤྱོད་མ་དང་། ས་འོག་ན་སྤྱོད་པ་མ་གསུམ་ལ་བཅོམ་ལྡན་འདས་ཀྱིས་ཞལ་འཛུམ་པ་མཛད་དེ། གསང་བའི་དོན་འདི་གསུངས་པ། དད་ལྡན་སྙིང་
རྗེར་ལྡན་དང་རྩེ་གཅིག་སེམས། །ལུས་ངག་གུས་བཅས་གཞན་ལ་ཕན་སེམས་ལྡན། །འཇིགས་མེད་བརྟུལ་ཞུགས་ལྡན་ཞིང་ཟབ་མོ་ཡི། །ལམ་ལ་སྤྲོ་བར་གྱིས་ལ་ལེགས་པར་ཉོན། །མཁའ་འགྲོ་ཁྱོད་ཀྱི་མཚན་ཉིད་ནི། །
ང་ཡི་ཁྱོད་ལ་བཤད་པར་བྱ། །མཁའ་སྤྱོད་སྟེང་སྒོའི་རླུང་ཡིན་ཏེ། །ས་སྤྱོད་བར་དུ་ཐིག་ལེའི་སྒོ། །ས་འོག་སྤྱོད་པ་ཤུ་ཀྲའི་སྒོ། །སྒོ་གསུམ་སྐུ་གསུང་ཐུགས་ཡིན་ཏེ། །དང་པོ་མཁའ་སྤྱོད་མཚན་ཉིད་ཀྱང་། །རྣམ་པ་གསུམ་དུ་
ཤེས་བྱ་སྟེ། །བེམས་པོའི་རླུང་དང་རྣམ་རྟོག་རླུང་། །ཀུན་གྱི་མཚན་ཉིད་ཡེ་ཤེས་རླུང་། །མདོར་བསྟན་དེ་ཉྀད་རིམ་པས་དབྱེ། །གཉིས་མེད་རླུང་ནི་མ་ནིང་སྟེ། །ཟུང་འཇུག་ཐབས་དང་ཤེས་རབ་རླུང་། །ལྡང་འཇུག་སྐུ་གསུང་
ཐུགས་ཀྱི་རླུང་། །སྙིང་དང་གཞང་ཁ་མགྲིན་པ་དང་། །ལྟེ་བ་ལུས་ཀྱིས་ཁྱབ་པ་རུ། །རིགས་ལྔའི་རླུང་ནི་ཁྱབ་པར་གནས། །རྒྱུ་བ་བཞི་ནི་འབྱུང་བའི་རླུང་། །དངས་སྙིགས་འབྱེད་པ་བརྒྱད་དུ་འགྱུར། །འདི་ཉིད་རླུང་ནི་ཐུན་བརྒྱད་
དེ། །ཐུན་རེ་ལ་ནི་འཕོ་བ་གཉིས། །རླུང་གི་འཕོ་བ་བཅུ་དྲུག་ཡིན། །འཕོ་བ་གཅིག་ལ་ཆུ་ཚོད་གཉིས། །ཆུ་ཚོད་རེ་ལ་དབྱུག་གུ་གཉིས། །རླུང་གི་དབྱུག་གུ་དྲུག་བཅུ་བཞི། །དེ་བཞིན་ཆུ་ཚོད་སུམ་བཅུ་གཉིས། །ཉི་ཁྲི་ཆིག་

87-1-16a

སྟོང་དྲུག་བརྒྱ་སོགས། །སེམས་དང་སེམས་མིན་འདྲེས་པའི་རླུང་། །རགས་པ་དང་ནི་ཕྲ་བ་ལ། །མཁས་པས་སེམས་ཀྱི་གཞོན་པར་གཟུང་། །རྣམ་རྟོག་གཟུང་འཛིན་སེམས་ཀྱི་རྟ། །གཟུང་འཛིན་གཉིས་འགགས་དབུ་མར་གནས། །
དེ་ཉིད་ཡེ་ཤེས་རྡོ་རྗེའི་རླུང་། །དབྱེ་བ་ཐབས་དང་ཤེས་རབ་གཉིས། །འདི་རྣམས་མཁའ་སྤྱོད་རང་བཞིན་ཏེ། །དེ་དག་མན་ངག་མཁས་པས་བརྟག །ཡོན་ཏན་སྐྱོན་དང་རྟགས་རྣམས་ཀྱིས། །རླུང་གི་མཚན་ཉིད་ཤེས་པར་བྱ། །དེ་དག་ཀུན་གྱི་རྟེན་
ཉིད་ཀྱང་། །གཞོལ་མ་དང་ནི་གཡོན་མ་དང་། །འདི་ནི་གཞུ་ཡི་རྣམ་པར་གནས། །བེམས་པོ་རླུང་གི་ལམ་ཡིན་ཏེ། །དབང་པོ་མངོན་སུམ་ལམ་ཡིན་པས། །སྣ་ཡི་རི་རབ་གླིང་བཞི་ལ། །ཉི་ཟླ་བྱང་ཆུབ་ལྷོར་རྒྱུག་གིས། །ཐབས་དང་ཤེས་རབ་སྐོར་
སོགས་ལ། །འབད་པས་སེམས་ནི་གཟུང་བར་བྱ། །འདི་དག་བེམས་པོས་ཡང་དག་གནས། །མི་ཤེས་པའི་རབ་རིབ་ཀྱིས། །རིན་ཆེན་སེམས་ནི་དྲི་ཅན་བྱས། །འདི་ནི་རྣམ་རྟོག་རླུང་ཡིན་ཏེ། །འདི་ཉིད་ཀྱིས་ནི་ལམ་གྱུར་པ། །རོ་མ་དང་ནི་རྐྱང་མའོ། །
སྦྲུལ་འཁྱིལ་ལྟ་བུའི་རྣམ་པ་སྟེ། །རྣལ་འབྱོར་གྱི་ནི་དམིགས་པའི་ཡུལ། །གནས་དེར་རྣམ་རྟོག་རླུང་འགག་གོ། །རང་རིག་གདོད་ནས་མ་སྐྱེས་པ། །འདི་ཉིད་ཡེ་ཤེས་རྡོ་རྗེའི་རླུང་། །ཀུན་འདར་མ་ཡི་རྩ་ལ་བརྟེན། །ཙཎྜཱ་ལི་ནི་ཤིང་ལྟ་བུ། །རང་རིག་
ཡེ་ཤེས་སྤྱོད་ཡུལ་ཏེ། །གནས་དེར་འབད་དེ་རང་རིག་གཟུང་། །མཁའ་སྤྱོད་རླུང་གི་རང་བཞིན་ཕྱིར། །འདི་དག་རྡོ་རྗེའི་ལམ་ཡིན་ནོ། །དེ་ནས་ས་སྤྱོད་བཤད་བྱ་སྟེ། །རང་རིག་ཡེ་ཤེས་གང་འདོད་པས། །ཙཎྜཱ་ལི་ཡི་བྱེ་བྲག་བརྟག །དང་པོར་རང་
བཞིན་ཙཎྜཱ་ལི། །གཉིས་པ་གཏུམ་མོ་ཙཎྜཱ་ལི། །གསུམ་པ་ཁ་སྦྱར་ཙཎྜཱ་ལི། །དེ་བཞིན་གཅེར་བུའི་ཙཎྜཱ་ལི། །དེ་ཉིད་ལ་ཡང་དབྱེ་བ་སྟེ། །གཅེར་བུ་གཏུམ་མོ་ཤིན་དུ་གཏུམ། །ཡང་དག་གཏུམ་མོ་གཞན་སྦྱར་དང་། །བྱེ་བྲག་ཀུན་ལ་སྦྱར་བར་བྱ། །
གཅེར་བུ་ཤིན་ཏུ་གཅེར་བུ་དང་། །ཤིན་དུ་གཅེར་བུ་གཅེར་བུ་སོགས། །འདི་དག་ཀུན་ལ་སྦྱར་བར་བྱ། །དབྱེ་ན་རྣམ་པ་བཅུ་གཉིས་ཏེ། །ཡན་ལག་བཅུ་ཚན་བཞི་དང་བརྒྱད། །ས་སྤྱོད་མ་ཡི་རང་བཞིན་ཏེ། །སྟོང་ཕྲག་བདུན་བཅུ་རྩ་གཉིས་སོགས། །

87-1-16b

གཞན་སྐྱེས་ཀྱི་ནི་ཁྲོ་མ་ཙམ། །ཕྲ་བ་དེ་ལས་བཟློག་པའོ། །བརྒྱ་དང་ཉི་ཤུ་སྐྲ་ཡི་རྩེ། །སུམ་བཅུ་རྩ་གཉིས་སྐྲ་ཡི་རྩེ། །ལྔ་ཡི་ཆ་སྟེ་གཙོ་བོ་གསུམ། །གསུམ་འདུས་ཡུངས་ཀར་གྱི་ནི་ཚད། །དབུས་དང་གཡས་གཡོན་ཕྲ་སྦོམ་དང་། །གཉིས་འགྱུར་
བྱེ་བྲག་ཤེས་པར་བྱ། །དངས་མ་དང་ནི་སྙིགས་མའི་རྩར། །རང་བཞིན་དུ་ནི་གནས་པ་ལ། །ཡི་གེ་ལྟ་བུའི་རྩ་མདུད་ཀྱང་། །དང་པོའི་སྒྲ་རུ་གང་ཤེས་པ། །ས་སྤྱོད་མ་ཡི་རང་བཞིན་ནོ། །གནས་ལ་སོགས་པ་གཞན་ནས་ཤེས། །འདི་ཉིད་ནོར་བུ་
རིན་པོ་ཆེ། །འདི་ལ་བརྟེན་ནས་ཐམས་ཅད་འབྱུང་། །རིགས་འཆོལ་གནས་འཆོལ་ཚད་འཆོལ་དང་། །དབྱིབས་དང་ཁ་དོག་གྲངས་ལ་སོགས། །འཆོལ་པ་ལས་ནི་དངོས་གྲུབ་མིན། །དེ་ཉིད་བྲལ་བའི་རང་བཞིན་ནི། །ས་སྤྱོད་མ་ཡི་དངོས་གྲུབ་སྟེ། །
ཐམས་ཅད་ཀུན་གྱི་རྟེན་ཡིན་ནོ། །ས་འོག་སྤྱོད་མའི་རང་བཞིན་ཏེ། །དེ་ནས་ཡང་དག་རབ་བཤད་པ། །བྱང་ཆུབ་སེམས་ནི་རྣམ་པ་གསུམ། །དང་པོ་ཆོས་ཉིད་སེམས་ཡིན་ཏེ། །འདི་ནི་ཤེས་བརྗོད་ཡུལ་ལས་འདས། །གཉིས་པ་རང་རིག་བྱང་
ཆུབ་སེམས། །དཔེར་ན་རྐྱེན་གྱིས་ཤེལ་སྒོང་བཞིན། །གསུམ་པ་བེམས་པོའི་བྱང་ཆུབ་སེམས། །སིཧླ་དང་ནི་ག་པུར་ཏེ། །དོན་དམ་ཀུན་རྫོབ་གཉིས་སུ་གནས། །ལས་ཀྱི་རླུང་དང་ལས་ཀྱི་མེས། །གཡོ་བ་ཀུན་རྫོབ་བྱང་ཆུབ་སེམས། །ཡེ་
ཤེས་རླུང་དང་ཡེ་ཤེས་མེས། །གཡོ་བ་དོན་དམ་སེམས་ཡིན་ཏེ། །དངས་སྙིགས་ལས་ནི་རིམ་པ་ཡིན། །དབྱིབས་དང་ཁ་དོག་ལས་ཀྱིས་ནི། །སེམས་ཀྱི་ཁྱད་པར་ཤེས་པར་བྱ། །ལས་ཀྱི་རླུང་གིས་མི་གཡོ་ཞིང་། །ལས་ཀྱི་མེ་ཡིས་མི་འཛག་
པར། །ཁ་བ་ལྟ་བུའི་མཚན་ཉིད་ལས། །མི་ཤིགས་ཧྃ་གི་དབྱིབས་འདྲ་སྟེ། །ནོར་བུ་ཀུན་དའི་མདོག་ལྟ་བུ། །དཀར་ལ་མཚེར་དང་གཟི་མདངས་སྣུམ། །བདེ་བ་ཆེན་པོའི་སྐུར་འབྱུང་བ། །འདི་ནི་དོན་དམ་བྱང་ཆུབ་སེམས། །དམར་ལ་དངས་པའི་
རང་བཞིན་ལ། །ཁྱད་པར་བཞི་ནི་ཐུན་མོང་སྟེ། །འདི་ནི་ཤེས་རབ་བྱང་ཆུབ་སེམས། །དེ་ལས་བཟློག་པའི་དམན་པ་གཉིས། །འོག་སྒོར་གནས་ཤིང་སྲིད་པ་སྐྱེ། །དམན་པའི་རྐྱེན་ཀྱིས་གཡོ་བར་བྱེད། །དེ་ཕྱིར་དོན་དམ་ཀུན་རྫོབ་ཀྱིས། །

87-1-17a

སེམས་ཀྱི་མཚན་ཉིད་ཤེས་པར་བྱ། །རྒྱུ་འཆོལ་བ་ལས་དངོས་གྲུབ་མེད། །རྐྱེན་འཆོལ་བ་ལས་དེ་བཞིན་ཏེ། །བླ་མའི་ཞལ་ནས་ཤེས་པར་བྱ། །དོན་དམ་སེམས་ཀྱི་སྤྱོད་ཡུལ་མིན། །ཀུན་རྫོབ་ཚོར་བ་བདེ་བའི་ཡུལ། །ས་འོག་སྤྱོད་པའི་
རང་བཞིན་ཏེ། །རྡོ་རྗེ་གསུམ་བསྒོམ་མི་ཕྱེད་པ། །དེ་ཉིད་རྡོ་རྗེ་སེམས་དཔའ་སྟེ། །ཡི་གེ་དང་ནི་ཡན་ལག་དང་། །བསྡུས་པའི་དོན་དང་སྤྱི་ཡི་དོན། །སྦས་པའི་དོན་དང་མཐར་ཐུག་དོན། །སྣ་ཚོགས་སེམས་ལས་འབྱུང་བར་འགྱུར། །ནོར་བུ་དང་ནི་སིལ་
སྙན་བཞིན། །རྟོག་མེད་རྟེན་ལས་སྣ་ཚོགས་འབྱུང་། །ཨཱ་ལྀ་ཀཱ་ལྀ་མ་ནིང་དང་། །དྲུག་ཏུ་སྦྱོར་བ་བརྟག་པར་བྱ། །སྒྲ་མཐའི་ཡི་གེ་བསམ་མི་ཁྱབ། །ཡན་ལག་རྣམ་པ་གསུམ་ཡིན་ཏེ། །རྒྱུ་འབྲས་བརྡ་དང་བརྡ་ཅན་དང་། །བརྗོད་བྱ་དང་ནི་རྗོད་
བྱེད་དོ། །དེ་ལས་བཟློག་པ་བསྡུས་པར་བཤད། །ཐེག་པ་གསུམ་དང་དེ་ལས་གཞན། །ཐུན་མོང་སྤྱི་རུ་ངེས་པ་སྟེ། །བྱེ་བྲག་རང་ལས་ཤེས་པར་བྱ། །སྦས་པ་དབང་དང་སྔགས་སུ་དབྱེ། །སྔགས་ལ་བཞི་སྟེ་དབང་ལ་གཉིས། །ཆོས་ནི་སྤྱི་དང་བྱེ་
བྲག་གོ། །དེ་དག་ཀུན་གྱི་མཚན་ཉིད་ཀྱང་། །བླ་མའི་ཞལ་ནས་ཤེས་པར་བྱ། །སྣོད་དང་སྣོད་མིན་བྱེ་བྲག་ཀྱང་། །བླ་མས་ལེགས་པར་བརྟག་བྱ་སྟེ། །དེ་ཉིད་ཡང་དག་རྟོགས་གྱུར་ན། །སྟོན་པ་མེད་ཅིང་བསྟན་པ་མེད། །བསམ་གཏན་ལ་སོགས་འཇིག་པ་མེད། །
སངས་རྒྱས་གཟུགས་ནི་སྣ་ཚོགས་འབྱུང་། །བྱ་བ་བཅུ་གཉིས་ལ་སོགས་པ། །ཆོས་ཀྱི་འཁོར་ལོ་སྣ་ཚོགས་བསྐོར། །དམན་པ་རྣམས་ལ་བྱ་བའི་རྒྱུད། །བྱ་མེད་རྣལ་འབྱོར་དེ་ལྟག་ལ། །དེ་རྗེས་རྣལ་འབྱོར་ཉིད་གསུངས་ཏེ། །རྣལ་འབྱོར་ནང་པ་དེ་ལྟག་
ལ། །ཕྱི་ནས་རྣལ་འབྱོར་མ་རྒྱུད་ནི། །ཤེས་རབ་སྙིང་པོ་བརྩེར་གྱུར་པའི། །ཐབས་དང་ཤེས་རབ་བསྲུབ་ཤིང་ལ། །གཉིས་མེད་ཐུགས་ཀྱིས་བསྲུབས་པ་ལས། །བདུད་རྩིའི་རོ་ནི་ཉི་ཤུ་བཞི། །ནོར་བུ་རིན་ཆེན་རྒྱུད་ཅེས་བརྗོད། །འཇིག་རྟེན་འཇིག་རྟེན་འདས་པ་ཡི། །
དངོས་གྲུབ་ཐམས་ཅད་འདི་ལས་འབྱུང་། །ཇི་ལྟར་མ་དཀྲོགས་འོ་མ་ལས། །འདོད་པ་གང་ཡང་འབྱུང་བ་མིན། །དེ་བཞིན་ལོ་གྲངས་མང་པོ་ལས། །དངོས་གྲུབ་མྱུར་དུ་འབྱུང་བ་མིན། །དེ་ཕྱིར་རིན་ཆེན་ཉི་ཤུ་བཞི། །བདུད་རྩི་རོ་འདྲ་སེང་གེའི་གཟུགས། །གནས་

87-1-17b

ནི་ཉི་ཤུ་བཞི་ཉིད་ཀྱང་། །སྐུ་གསུང་ཐུགས་ཀྱིས་བྱིན་བརླབས་ཏེ། །མཁའ་འགྲོ་ཉི་ཤུ་བཞི་ལ་གཏད། །ཕྱག་རྒྱ་བཞི་ཡིས་རྒྱས་བཏབ་བོ། །དམ་དུ་སྦ་ཞིང་དམ་དུ་སྤེལ། །རྒྱ་ལས་འདས་ན་དམ་ཚིག་ཉམས། །སྔགས་དང་དབྱིབས་དང་ཆོས་བདག་ནི། །
སྐུ་གསུང་ཐུགས་ཀྱི་རང་བཞིན་ཏེ། །དེ་ཡི་ངོ་བོར་རྒྱུད་ཀུན་བརྟག །སྔགས་ལ་གཉིས་ཏེ་ཆོས་ལ་གཉིས། །དབྱིབས་ཀྱང་དེ་བཞིན་ཤེས་པར་བྱ། །རེ་རེའི་བྱེ་བྲག་དབྱེ་བ་ཡང་། །བླ་མའི་ཞལ་ནས་ཤེས་པར་བྱ། །ཕྱི་ནང་སྦས་པ་མཐར་ཐུག་བཞི། །
རྒྱུད་ཀུན་ཕྱག་བརྒྱ་བཞི་ཡིན་ཏེ། །དེ་ཉིད་དབྱེ་བ་མཁས་པས་བརྟག །དེ་ཉིད་རྟོགས་ན་རྒྱུད་དང་ལྡན། །དེ་ལས་བཟློག་པ་འདས་པའོ། །རང་བཞིན་གྱིས་ནི་ཙཎ་ཌ་ལི། །གནས་ནི་ཉི་ཤུ་རྩ་བཞི་སྟེ། །རྩ་གསུམ་གྱིས་ནི་བྱིན་གྱིས་བརླབས། །གནས་
ནི་ཉི་ཤུ་རྩ་བཞི་རུ། །མཁའ་འགྲོ་ཉི་ཤུ་རྩ་བཞི་ལ། །རྒྱུད་ནི་ཉི་ཤུ་རྩ་བཞི་གཏད། །པུ་རུ་རབ་གཏུམ་གསང་རྡོ་རྗེ། །ཛ་རུ་གཏུམ་མིག་གསང་བ་གཅོད། །ཨོ་རུ་འོད་ལྡན་བསམ་མི་ཁྱབ། །ཨ་རུ་སྣ་རྩེ་ནམ་མཁའ་མཉམ། །གོ་རུ་བསྟན་བློ་ནམ་
མཁའ་ཆེ། །ར་རུ་མེའུ་ཐུང་སྐུ་གསུང་ཐུགས། །དེ་རུ་ལང་ཀ་རིན་ཆེན་ཕྲེང་། །མ་རུ་ཤིང་གྲིབ་དམ་ཚིག་ཆེ། །ཀ་རུ་ཨེ་ར་སྟོབས་པོ་ཆེ། །ཨོ་རུ་འཇིགས་བྱེད་ཡེ་ཤེས་གསང་། །ཏྲི་རུ་རླུང་ཤུགས་ཡེ་ཤེས་ཕྲེང་། །ཀོ་རུ་ཆང་འཐུང་ཡེ་ཤེས་
འབར། །ཀ་རུ་ཤྱཱ་མ་ཟླ་བའི་ཕྲེང་། །ལ་རུ་ཤིན་བཟང་རིན་ཆེན་འབར། །ཀ་རུ་རྟ་རྣ་ཉི་མའི་འཁོར། །ཧེ་རུ་ཁ་ཁ་ཡེ་ཤེས་རྒྱལ། །བྲེ་རུ་འཁོར་ཤུགས་མཁའ་འགྲོ་གསང་། །གྲྀ་རུ་ཁཎྜ་གསང་མེ་འབར། །སཽ་རུ་ཤོཎྜི་གསང་བདུད་རྩི། །སུ་རུ་
འཁོར་ལོ་དུར་ཁྲོད་རྒྱན། །ན་རུ་ཤིན་དཔའ་རྡོ་རྗེ་རྒྱལ། །སུ་རུ་སྟོབས་ཆེན་ཡེ་ཤེས་རྒྱལ། །མ་རུ་འཁོར་སྒྱུར་ཆགས་པའི་རྒྱལ། །ཀུ་རུ་བརྩོན་འགྲུས་མཁའ་འགྲོ་སྡོམ། །དེ་དག་གཏད་དོ་ལེགས་པར་སྦོས། །ནང་དུ་ཙཎྜཱ་ལི་དག་ནི། །ཉི་ཤུ་བཞི་ནི་གཏད་
པ་སྟེ། །དང་པོ་གསང་བ་གཉིས་པའང་། །རང་བཞིན་ཡིན་ཏེ་དེ་ནས་དབང་། །རྐྱེན་ནི་ཐ་མས་གསུངས་པ་སྟེ། །མཁའ་འགྲོ་ཁྱེད་ཀྱི་རང་བཞིན་ཏེ། །དེ་ནས་དངོས་གྲུབ་གང་འདོད་སྦྱིན། །དངོས་གྲུབ་དམ་པ་གང་འདོད་པས། །དབང་དང་དམ་

87-1-18a

ཚིག་ལྡན་བྱས་ཏེ། །རྟ་དང་གླང་པོ་ལ་སོགས་དང་། །བུ་དང་ཆུང་མ་ནོར་གྱི་དབྱིག །བསྙེན་བཀུར་དག་གིས་བསྙེན་བྱས་ཏེ། །བདུད་རྩི་རོ་ཡི་ར་ལི་ལས། །བླ་མའི་ཞལ་ནས་དངོས་གྲུབ་བླང་། །ཡིད་ལ་ཟུང་ལ་དྲན་པར་གྱིས། །དེ་ནས་
འཁོར་འདུས་པ་དེ་དག་ཐམས་ཅད་རྗེས་སུ་ཡི་རང་བར་གྱུར་ཏོ། །སྐུ་གསུང་ཐུགས་ཀྱི་རང་བཞིན་དཔལ་ནམ་མཁའ་དང་མཉམ་པའི་རྒྱུད་ཀྱི་རྒྱལ་པོ་ཞེས་བྱ་བ་རྫོགས་སྷོ།། །། པཎ་ཌི་ཏ་གཱ་ཡ་དྷ་ར་དང་། དགེ་སློང་ཤཱཀྱ་ཡེ་ཤེས་ཀྱིས་
ཞུས་ཤིང་བསྒྱུར་བའོ། ། རྒྱ་གར་སྐད་དུ།   ཤྲཱི་མ་ཧཱ་ཁ་ཏནྟྲ་རཱ་ཛ།   བོད་སྐད་དུ།   དཔལ་ནམ་མཁའ་ཆེན་པོའི་རྒྱུད་ཀྱི་རྒྱལ་པོ། དཔལ་བདེ་བ་ཆེན་པོ་ལ་ཕྱག་འཚལ་ལོ། །འདི་སྐད་བདག་གིས་ཐོས་པ་དུས་གཅིག་ན། བཅོམ་
ལྡན་འདས་དེ་བཞིན་གཤེགས་པ་ཐམས་ཅད་ཀྱི་སྐུ་དང་གསུང་དང་ཐུགས་རྡོ་རྗེ་བཙུན་མོའི་བྷ་ག་ལ་བཞུགས་སོ། །གཞན་ཡང་དཔའ་བོ་དང་མཁའ་འགྲོ་མ་གྲངས་མེད་པ་དང་ཐབས་གཅིག་ཏུ་བཞུགས་སོ། །དེ་རྣམས་ཀྱི་ནང་ནས་བྱང་ཆུབ་
སེམས་དཔའ་ཆེན་པོ་རྡོ་རྗེ་སྙིང་པོས། བཅོམ་ལྡན་འདས་ལ་གཡས་ཕྱོགས་ནས་བསྐོར་བ་ལན་གསུམ་བྱས་ཏེ། ཕྱི་ནང་གསང་བའི་མཆོད་པས་མཆོད་ནས་འདི་སྐད་ཅེས་གསོལ་པ། ཀྱེ་ཧོ་བཅོམ་ལྡན་འཇིགས་པ་ཆེ། །བཅོམ་པ་
གང་ལགས་ལྡན་པ་གང་། །འཇིགས་པ་གང་ལགས་ཆེན་པོ་གང་། །བདག་ལ་ཁྱོད་ཀྱིས་བཤད་དུ་གསོལ། །བཅོམ་ལྡན་འདས་ཀྱིས་བཀའ་སྩལ་པ། །བཅོམ་པ་བདུད་བཞི་བཅོམ་པ་སྟེ། །རེ་རེ་ལ་ཡང་བཞི་བཞི་སྟེ། །བཅུ་དྲུག་
གྲངས་སུ་ཤེས་པར་བྱ། །ལྡན་པ་དེ་ཡི་གཉེན་པོ་སྟེ། །དང་པོ་བུམ་དབང་བདུད་བཞི་ཡང་། །ཁ་དོག་དབྱིབས་ལ་ལོག་རྟོག་གིས། །བསྐྱེད་པའི་གཟུང་འཛིན་དུ་མ་དག །ཕུང་པོའི་བདུད་དུ་རབ་ཏུ་གྲགས། །འདོད་ཆགས་ཞེ་
སྡང་ལ་སོགས་པ། །ཉོན་མོངས་པ་ཡི་བདུད་ཡིན་ནོ། །ཡང་དག་ལམ་སྟོན་བླ་མ་མེད། །ཞེ་སྡང་རུ་དྲར་སྐྱེ་བ་ཡི། །རྒྱུ་དང་ལམ་སྟོན་གྲོགས་ངན་དག །ལྷ་ཡི་བུ་ཡི་བདུད་ཡིན་ཏེ། །ལས་དང་ཉོན་མོངས་པ་ཡི་རྒྱུས། །སྲོག་འཆད་པ་ནི་

87-1-18b

འཆི་བདག་བདུད། །བསྐྱེད་པའི་རིམ་ལ་ལེགས་གནས་ནས། །ལྷ་ཡི་བུ་ཡི་བདུད་ཀྱང་བཅོམ། །ལོག་རྟོག་དུ་མའི་རྟོག་པ་འགག །དེས་ན་ཕུང་པོའི་བདུད་བཅོམ་མོ། །རྟེན་དང་བརྟེན་པ་རོ་མཉམ་པས། །ཉོན་མོངས་པ་ཡི་བདུད་བཅོམ་མོ། །དུས་མིན་
འཆི་དང་ཚེ་ཟད་པས། །འདི་དག་འཆི་བདག་བདུད་ཡིན་ཏེ། །ཚེ་ལོ་སྟོང་སོགས་ཐུབ་པ་ཡི། །ཚེ་ཡི་འཆི་བདག་བདུད་བཅོམ་མོ། །གཞན་ཡང་བདུད་འཇོམས་བྱེ་བྲག་ནི། །ཕྱི་ཡི་ཚེ་ཡི་བཅུད་ཀྱིས་ལེན། །གྲུབ་ན་འཆི་བདག་བདུད་འཇོམས་
སོ། །དེ་བཞིན་ལུས་ཀྱི་ཕུང་པོ་སྟེ། །ལོངས་སྤྱོད་ཀྱིས་ནི་ཉོན་མོངས་འཇོམས། །སེམས་ཀྱིས་ལྷ་ཡི་བདུད་བཅོམ་སྟེ། །རྟེན་དང་བརྟེན་ནི་སྒྱུ་མར་ལྡན། །དེ་ནས་གསང་དབང་བདུད་བཞི་ཡང་། །ཕྱག་མཚན་ཁྲོ་ཚུལ་གར་ལ་སོགས། །ཕྱི་
རུ་དུ་མ་ཕུང་པོའི་བདུད། །རགས་པས་ཡིད་ནི་ཉོན་མོངས་པས། །ཉོན་མོངས་པ་ཡི་བདུད་ཡིན་ནོ། །དམན་པའི་ལམ་གང་སྟོན་པ་ཡི། །བླ་མ་ལྷ་ཡི་བུ་ཡི་བདུད། །ཕྱི་ཡི་ཚེ་ཡི་བཅུད་ཀྱིས་ལེན། །དེ་ཉིད་འཆི་བདག་བདུད་ཡིན་ནོ། །
གཞན་ཡང་བདུད་ཀྱི་བྱེ་བྲག་ནི། །སྒོ་གསུམ་འཁྲུལ་པར་གང་སྟོན་པ། །བླ་མ་ལྷ་ཡི་བུ་ཡི་བདུད། །སྒོ་གསུམ་ལས་ནི་དུ་མའི་ཆ། །དེ་ཉིད་མ་ཤེས་ཕུང་པོའི་བདུད། །དེ་ཉིད་འབད་དེ་བསྒྲུབ་བྱས་ཀྱང་། །འབྲས་བུ་མི་འབྱུང་སེམས་
ཉོན་མོངས། །ཉོན་མོངས་པ་ཡི་བདུད་ཡིན་ཏེ། །རླུང་སོགས་གནས་པའི་ཚུལ་ཤེས་པས། །ལྷ་ཡི་བུ་ཡི་བདུད་བཅོམ་མོ། །དེ་ཉིད་སྒྱུ་མར་ཤེས་པར་བྱ། །དེ་ཉིད་ཤེས་པས་ཕུང་པོ་དང་། །ཉོན་མོངས་པ་ཡི་བདུད་བཅོམ་མོ། །
དངོས་པོའི་མཐར་ལྷུང་སྐྱེ་བས་འཆི། །རྒྱུ་མེད་ལས་སྐྱེ་འཆི་བ་སྟེ། །རྒྱུ་རྐྱེན་མ་བསྐྱེད་རང་བཞིན་གནས། །སྒྱུ་མས་འཆི་བདག་བདུད་བཅོམ་མོ། །ཚེ་ལ་དབང་སྒྱུར་མ་ལྟ་བུ། །གཉེན་པོའི་སྟོབས་དང་ལྡན་པའོ། །ཤེས་རབ་ཡེ་ཤེས་
བདུད་བཞི་ཡང་། །རྩ་དང་ཤུ་ཀྲ་ལ་སོགས་པའི། །དམན་པའི་ལམ་སྟོན་ལྷ་ཡི་བདུད། །དེ་ཉིད་དུ་མ་ཕུང་པོའི་བདུད། །དེ་སྒོམ་རང་བཞིན་ཉོན་མོངས་པས། །ཉོན་མོངས་པ་ཡི་བདུད་ཡིན་ནོ། །ཁ་དོག་དབྱིབས་ནི་སྐྱེས་པས་འཇིག །

87-1-19a

དེ་ཉིད་འཆི་བདག་བདུད་ཡིན་ནོ། །གཞན་ཡང་བདུད་ཀྱི་བྱེ་བྲག་ཀྱང་། །འདོད་ཆགས་ཆེན་པོའི་ལམ་སྟོན་པའི། །བླ་མ་ལྷ་ཡི་བུ་ཡི་བདུད། །དགའ་བ་བཞི་ནི་དུ་མ་སྟེ། །རྒྱུད་ལ་སྤུངས་པས་ཕུང་པོའི་བདུད། །རང་སེམས་ཉོན་མོངས་
ཉོན་མོངས་བདུད། །འཁོར་བར་ལྟུང་བས་སྐྱེ་བ་སྟེ། །སྐྱེ་བ་ལས་བྱུང་འཆི་བདག་བདུད། །རྣམ་པར་རྟོག་པ་སྐྱེ་བས་སོ། །འདོད་ཆགས་ཀྱིས་ནི་འཆི་བདག་བདུད། །མ་སྤངས་སུམ་བཅུ་དྲུག་གཉིས་དང་། །ངེས་པ་སུམ་བཅུ་རྩ་དྲུག་གི། །ལམ་
བསྟེན་བླ་མས་ལྷ་བདུད་བཅོམ། །དགའ་བཞི་སྒྱུ་མ་རང་བཞིན་མེད། །བདེ་ཆེན་རོར་འགྱུར་ཕུང་པོ་བཅོམ། །འབྲས་བུ་རང་རིག་ཡེ་ཤེས་སྦྱིན། །རང་སེམས་ཉོན་མོངས་སྡུག་བསྔལ་བྲལ། །ཉོན་མོངས་པ་ཡི་བདུད་བཅོམ་མོ། །དེ་ཡིས་འཆི་
བ་དང་བྲལ་བས། །དེ་ཉིད་འཆི་བདག་བདུད་བཅོམ་མོ། །འོག་གི་ལམ་གྱི་བདུད་བཞི་ཡི། །དམན་པའི་སྟོབས་ཀྱིས་ཟིན་པ་སྟེ། །རྒྱལ་པོ་དམངས་སུ་བབས་པ་བཞིན། །དེ་ཉིད་ལམ་གྱི་བདུད་ཀྱིས་ཟིན། །རྒྱལ་པོ་རྒྱལ་ས་ཤོར་བ་བཞིན། །
བཞི་པ་དང་འབྲེལ་བདུད་བཞི་ནི། །གསུམ་པའི་སྣོད་དང་ལྡན་པ་ལ། །བཞི་པའི་ལམ་སྟོན་བླ་མ་ནི། །ལྷ་ཡི་བུ་ཡི་བདུད་ཡིན་ཏེ། །བདུད་གསུམ་བླ་མའི་ཞལ་ནས་ཤེས། །སྣོད་མིན་གསང་བ་སྒྲོགས་པ་དང་། །མར་དང་ཁ་ར་ལ་སོགས་པ། །
འཐུངས་ཏེ་མ་ཞུ་དུག་འགྱུར་བཞིན། །ཁྱད་པར་བདུད་ཀྱིས་ཟིན་པ་སྟེ། །རིགས་ངན་རྒྱལ་ས་འཛིན་པ་འདྲ། །དབང་དང་གདམས་ངག་འབྲེལ་བཅས་པའི། །བདུད་འཇོམས་ལམ་གྱི་སྟོབས་དང་ལྡན། །ཡེ་ཤེས་ལྔ་འམ་ཡོན་ཏན་དྲུག །ལྡན་པ་དག་
ཏུ་རབ་ཏུ་གྲགས། །བླ་མ་གཅིག་ལ་སྣོད་བཅུད་གཉིས། །ཐོབ་ན་དེ་ཉིད་དམ་པ་སྟེ། །བླ་མ་གཅིག་ལ་དབང་ཐོབ་ནས། །བླ་མ་གཅིག་ལ་མཉན་པར་བྱ། །བླ་མ་རྣམ་པ་གཉིས་སུ་གསུངས། །ཕྱི་ཡི་བླ་མ་དེ་ཉིད་དེ། །ནང་གི་བླ་མ་བདག་པོའི་
ལྷ། །བདུད་དང་དགྲ་ཡི་སྡེ་རྣམས་ཀུན། །ཐམས་ཅད་འཇིགས་ཤིང་སྐྲག་བྱེད་པས། །འཇིགས་པ་ཞེས་ནི་གསུངས་པ་སྟེ། །དགྲ་དང་བདུད་ཀྱི་གཡུལ་ལས་རྒྱལ། །དམིགས་པ་ལྷ་སོགས་བདུན་དང་ལྡན། །དེ་ཕྱིར་ཆེན་པོ་ཞེས་ནི་གསུངས། །

87-1-19b

དེའི་ཚེ་འཁོར་འདུས་པ་དེ་དག་དང་། བྱང་ཆུབ་སེམས་དཔའ་ཆེན་པོ་རྡོ་རྗེ་སྙིང་པོ་དང་། ཐམས་ཅད་རྒྱུད་ལ་དགའ་ཞིང་མགུ་ནས་རྗེས་སུ་ཡི་རང་བར་གྱུར་ཏོ། །དཔལ་ནམ་མཁའ་ཆེན་པོའི་རྒྱུད་ཀྱི་རྒྱལ་པོ་རྫོགས་སྷོ།། །།
རྒྱ་གར་གྱི་མཁན་པོ་གཱ་ཡ་དྷ་ར་དང་། ལོ་ཙྪ་་བ་དགེ་སློང་ཤཱཀྱ་ཡེ་ཤེས་ཀྱིས་བསྒྱུར་བའོ། ། རྒྱ་གར་སྐད་དུ།   ཤྲཱི་ཀཱ་ཡ་བཱ་ཀ་ཙིཏྟ་ཏནྟྲ་རཱ་ཛ།  བོད་སྐད་དུ།   དཔལ་སྐུ་གསུང་ཐུགས་ཀྱི་རྒྱུད་ཀྱི་རྒྱལ་པོ།  དཔལ་རྡོ་རྗེ་
སེམས་དཔའ་ལ་ཕྱག་འཚལ་ལོ། །འདི་སྐད་བདག་གིས་འདོད་ཆགས་ཆེ། །མཆོག་གྱུར་འདི་ལ་ཡང་དག་གནས། །མགོན་པོ་ཐུགས་རྗེ་ཆེ་ལྡན་པ། །ཁྱོད་ཀྱིས་བདག་ལ་བཤད་དུ་གསོལ། །རྡོ་རྗེ་འཛིན་པས་བཀའ་སྩལ་པ། །སྐུ་ནི་
བུམ་པའི་ངོ་བོ་སྟེ། །གསུང་ནི་གསང་བའི་ངོ་བོ་འདོད། །ཐུགས་ཀྱང་ཤེས་རབ་ཡེ་ཤེས་ཏེ། །སངས་རྒྱས་སྤྱན་དང་མཱ་མ་ཀཱི། །དམ་ཚིག་སྒྲོལ་མ་གོས་དཀར་མོ། །རྡོ་རྗེ་འཛིན་ལ་འདི་སྐད་གསོལ། །རྒྱུད་ཀྱི་དོན་ལ་གོམས་ཤིང་། །
སྨྲ་བའི་ཚིག་གིས་མ་རྨོངས་ལ། །གཞན་གྱི་རྩོད་པས་མི་རྫི་ཡང་། །དབང་དང་མན་ངག་མ་ཐོབ་པར། །དབང་བསྐུར་རབ་གནས་སྦྱིན་སྲེག་སོགས། །སྔགས་སྤྱོད་ངལ་བ་དོན་མེད་ཡིན། །ཤི་ནས་སེམས་ཅན་དམྱལ་བར་སྐྱེ། །དེ་ཕྱིར་
གཙོ་བོས་དབང་བསྐུར་གྱི། །མན་ངག་ཡང་དག་བཤད་དུ་གསོལ། །རྡོ་རྗེ་འཛིན་པས་བཀའ་སྩལ་པ། །དང་པོར་བུམ་དབང་རིམ་པ་ཡང་། །གནས་ནི་ཤིན་དུ་བསྔགས་པ་བཙལ། །བཀྲ་ཤིས་ཡིད་དགའ་ཤིན་དུ་སྣུམ། །བཀྲ་ཤིས་
བྱ་རྣམས་སྙན་པར་སྒྲོགས། །དཔག་བསམ་ཤིང་རྒྱས་ཡོད་པར་འདོད། །གཞན་ཡང་དུར་ཁྲོད་ཤིང་གཅིག་གམ། །ཆུ་ངོགས་དག་ལ་སོགས་པ་རུ། །ས་བདག་ས་ཡི་ལྷ་མོ་ལ། །གཏོར་མ་སྦྱིན་སྲེག་མཆོད་ཡོན་གྱིས། །
ས་བསླང་ཕྱིར་ནི་མཐོ་རྣམས་གཟུགས། །དེ་ནས་དང་པོ་བསྙེན་པ་དབུལ། །བསྙེན་པ་གསུམ་ནི་རབ་འབྲིང་སྟེ། །མཚན་མ་གྲངས་དང་དུས་སུ་གསུངས། །རེ་རེ་ལ་ཡང་གསུམ་གསུམ་སྟེ། །མཚན་མ་གཟུགས་དང་འོད་དང་སྒྲ། །

87-1-20a

གྲངས་ནི་སྟོང་དང་ཁྲི་དང་འབུམ། །དུས་ནི་བཅྭ་ལྔ་བཅུ་གསུམ་དང་། །བདུན་དུ་བསྙེན་པ་རྫོགས་པ་དང་། །ལྷ་རྣམས་མཉེས་པས་བསྙེན་བྱས་ནས། །ལྷ་དང་སློབ་མ་རྫས་རྣམས་ཀུན། །ལྷག་པར་གནས་པ་ཚུལ་བཞིན་བྱ། །
བཀྲ་ཤིས་ལོ་གྲངས་ལྡན་པ་ཡི། །བུ་མོས་ས་ཡི་ཕྱོགས་མཐུན་པའི། །ཀུ་ཤ་བཙལ་ལ་མཚན་མ་བརྟག །སོ་ཤིང་རྩེ་མོར་མེ་ཏོག་དྲི། །བསྲུང་སྐུད་ལ་སོགས་མཚན་མ་བརྟག །དབང་གི་དཀྱིལ་འཁོར་བསྐྱེད་པར་བྱ། །དཀྱིལ་
འཁོར་སློབ་མ་རབ་འབྲིང་ཐ། །ཏིང་འཛིན་མེ་ཏོག་རྡུལ་ཚོན་རིམ། །གང་དང་ལྡན་པ་དེ་ཉིད་དོ། །དེ་ནས་མཆོད་རྫས་རིམ་པ་དགྲམ། །ཁྃ་བི་ར་ཡི་སྔགས་ཀྱིས་ཀྱང་། །དེ་ལ་རྡོ་རྗེ་བྱབ་པར་བྱ། །དེ་ལ་ཀུ་ཤ་ལ་སོགས་པ། །དཀྱིལ་
བའི་ཆོ་ག་དང་བཅས་བྱ། །གཞན་ཡང་སྔོན་དུ་འགྲོ་བའི་རྫས། །བླ་མ་མཉེས་པར་བྱ་བ་དང་། །དཀྱིལ་འཁོར་ལྷ་རྣམས་མཆོད་པའི་ཕྱིར། །རྟ་དང་གླང་པོ་མ་ཧེ་དང་། །རིན་ཆེན་ལ་སོགས་གཏེར་རྣམས་དང་། །སྤོས་དང་མར་
མེ་ལ་སོགས་པ། །བརྒྱ་འམ་སྟོང་ངམ་ཁྲི་འམ་འབུམ། །བླ་རེ་རྒྱན་དང་བ་དན་སོགས། །བྱིན་བརླབས་ཚོགས་བསག་ཕྱི་རུ་དགོད། །དེ་ནས་སློབ་མ་གཞུག་པར་བྱ། །ཁྲུས་དང་ཡན་ལག་དྲི་ཡིས་བྱུག །ཀྱེ་ཧོ་ཁྱོད་ནི་ཇི་ལྟ་
བུ། །འཇིག་རྟེན་སྤྲུལ་པ་ལས་སད་ན། །ཧེ་རུ་ཀར་གྲགས་ཆེན་པོ་ཡི། །དཀྱིལ་འཁོར་ཆེན་པོར་ཁྱོད་རོལ་ལམ། །དད་པ་དང་བཅས་སྤྲོ་བར་གྱིས། །རྣམ་རྟོག་དང་བྲལ་རྡོ་རྗེ་སེམས། །དགའ་ཆེན་ཁྱོད་བདག་སྟོན་པ་པོ། །
རྡོ་རྗེ་འཛིན་པ་དགོངས་སུ་གསོལ། །བྱང་ཆུབ་ཆེན་པོར་ལུང་བསྟན་པ། །མགོན་པོ་ཆེན་པོ་བདག་འཚལ་ལོ། །དམ་ཚིག་དེ་ཉིད་བདག་ལ་སྩོལ། །བྱང་ཆུབ་སེམས་ནི་བདག་ལ་སྩོལ། །པད་མ་ལས་བྱུང་བདག་ལ་སྩོལ། །
གསང་བ་དགྱེས་པ་བདག་ལ་སྩོལ། །ཐར་པ་ཆེན་པོའི་གྲོང་མཆོག་ཏུ། །མགོན་པོ་བདག་ནི་འཇུག་པར་འཚལ། །ལེགས་སོ་ལེགས་སོ་རིགས་ཀྱི་བུ། །རྒྱལ་སྲས་ཀུན་གྱི་ནང་ན་མཆོག །རྣམ་རྟོག་ཐམས་ཅད་འཇིག་

87-1-20b

བྱེད་པས། །གཉིས་མེད་ཁྱོད་ཀྱིས་བླང་བར་བྱ། །མི་བསྐྱོད་བཅོམ་ལྡན་དང་མཚུངས་པའི། །ཟིལ་གྱིས་མི་ནོན་ཁྱོད་ཀྱིས་བླངས། །དམ་ཚིག་སྤྱོད་པ་སྤྱད་པ་ཡི། །མཆོག་གི་དེ་ཉིད་བླང་བར་བྱ། །ཐབས་དང་ཤེས་རབ་ཟུང་དུ་སྦྲེལ། །ནམ་
ཡང་ཁྱོད་ཀྱིས་སྤང་མི་བྱ། །ཚངས་སྤྱོད་དེ་བཞིན་བསམ་གཏན་ལ། །འབད་པས་སེམས་ནི་བརྟན་པར་བྱ། །ཆང་ནི་རྟག་བཏུང་ཁྲོ་མི་བྱ། །དེ་བཞིན་ཤ་ཡང་ཤེས་པར་བྱ། །གཞན་གྱི་ཕྱག་རྒྱ་བསྟེན་པར་བྱ། །འདི་ནི་དམ་ཚིག་
བརྒྱད་ཡིན་ནོ། །དཀོན་མཆོག་གསུམ་ལ་སྐྱབས་སུ་འགྲོ། །ཐུན་མོང་སྡོམ་དང་སེམས་སྐྱེད་སྦྱིན། །བསྐོར་བ་ལན་གསུམ་ཕྱག་གསུམ་བྱ། །ཡོལ་བས་བར་དུ་བཅད་ནས་ནི། །མིག་ལ་སོགས་པ་ལྔ་བཀབ་ལ། །ལྷ་གྲངས་དུ་
ཡོད་མེ་ཏོག་སྦྱིན། །ཀུན་བྱེད་ཆུ་ཡིས་གསང་དག་བྱ། །མེ་ཏོག་དང་བཅས་རྡོ་རྗེ་ཡང་། །དེ་ཡི་སྙིང་ལ་གཞག་ལ་བསྒོམ། །སློབ་དཔོན་ལ་ནི་བརྙས་བྱེད་སོགས། །ལྟུང་བའི་ཉེས་པ་བརྗོད་པར་བྱ། །ཕྱི་ཡི་རྡོ་རྗེ་འཛིན་པ་དབབ། །
སྔོན་དུ་སྡིག་པ་ལན་གསུམ་དྲལ། །མིག་གིས་གཟུགས་རྣམས་མཐོང་བ་དང་། །རྣ་བས་སྒྲ་དང་སྣ་ཡིས་དྲི། །ལྕེ་ཡིས་རོ་དང་ལུས་ཀྱིས་རེག །དངོས་གྲུབ་ཕྲིན་ལས་སོ་སོ་རུ། །མཁས་པས་བརྟག་པར་ཤེས་པར་བྱ། །
མེ་ཏོག་དོར་ཏེ་ལྷ་ཡང་སྦྱིན། །འཁོར་རྣམས་གཙོ་བོའི་ཡན་ལག་ཡིན། །གཙོ་བོའི་མཚན་ཉིད་ཤེས་པར་བྱ། །ཇི་ལྟར་གསོ་བའི་སྨན་པ་ཡིས། །དབང་པོ་ལྔ་ཡི་ཟུག་རྔུ་འབྱིན། །དེ་བཞིན་སེམས་དཔའ་ཆེན་པོ་ཡིས། །
མི་ཤེས་པ་ཡི་རབ་རིབ་ཀུན། །རྒྱལ་བ་རྣམས་ཀྱིས་ཡང་དག་གསལ། །དེ་ལ་གཟུགས་བརྙན་དཀྱིལ་འཁོར་བསྟན། །དབང་གི་དཀྱིལ་འཁོར་བྱང་ཤར་དུ། །པད་མ་འདབ་མ་བརྒྱད་པ་རུ། །གཞག་ལ་རིག་པའི་དབང་ལྔ་
བསྐུར། །ཆུ་ཁམས་མི་བསྐྱོད་མེ་ལོང་གིས། །རྡོ་རྗེ་རིགས་ཀྱི་ཕྲིན་ལས་འགྲུབ། །དབུ་རྒྱན་རིན་ཆེན་འབྱུང་ལྡན་ཏེ། །མཉམ་ཉིད་ཡེ་ཤེས་རང་བཞིན་གྱིས། །རིན་ཆེན་རིགས་ཀྱི་ཕྲིན་ལས་འགྲུབ། །འོད་དཔག་

87-1-21a

མེད་པའི་རྡོ་རྗེའི་དབང་། །སོ་སོར་རྟོག་པའི་རང་བཞིན་གྱིས། །པད་མ་རིགས་ཀྱིས་ཕྲིན་ལས་བྱེད། །དྲིལ་བུ་དོན་ཡོད་གྲུབ་པ་སྟེ། །བྱ་བ་ནན་ཏན་ཡེ་ཤེས་ཀྱིས། །ཕྲིན་ལས་སྣ་ཚོགས་བྱེད་པར་འགྱུར། །
རིགས་ལས་དྲས་ནས་མིང་གི་དབང་། །རྡོ་རྗེ་དང་ནི་ནི་རྡོ་རྗེ་སེམས། །རྣམ་སྣང་ཆེན་པོའི་ངོ་བོ་སྟེ། །ཆོས་དབྱིངས་ཡེ་ཤེས་རང་བཞིན་ལས། །དེ་བཞིན་ཉིད་ཀྱི་མཚན་ཉིད་འཛིན། །མི་འཇིགས་སེང་གེའི་ཁྲི་སྟེངས་སུ། །
རིགས་བྱེད་སློབ་དཔོན་དབང་སྦྱིན་བྱ། །བདུད་བཞི་འཇོམས་པས་རྒྱལ་ཆེན་བཞི། །ཆོས་རྣམས་མི་ནུབ་རྒྱལ་མཚན་གཟུགས། །ཆོས་ཀྱི་སྐུ་ཡིས་ཀུན་ལ་ཁྱབ། །གདུགས་ཀྱིས་སྟེང་ནས་དགབ་པར་བྱ། །རྡོ་རྗེ་དྲིལ་
བུ་བརྟུལ་ཞུགས་གཉིས། །ཕྱག་རྒྱ་དམ་ཚིག་གསུམ་པོ་ཡིན། །དབུགས་དབྱུང་བ་དང་ལུང་བསྟན་དང་། །རྗེས་སུ་གནང་དང་ཕྱིར་མི་ལྡོག །བརྟན་པར་བྱེད་དང་རྣམ་པ་ལྔ། །གཞན་ཡང་རྫས་ཀྱི་བྱེ་བྲག་རྣམས། །རིན་ཆེན་
བདུན་ལ་སོགས་པ་ཀུན། །ཐུན་མོང་ཡིན་པར་ང་ཡིས་གསུངས། །བུམ་པའི་དབང་གིས་ལས་རྣམས་ཏེ། །དཀྱིལ་འཁོར་དུ་འཇུག་དང་པོ་ཡིན། །གཉིས་པ་རིག་པའི་དབང་ཡིན་ཏེ། །བརྟན་པར་བྱེད་པ་གསུམ་པའོ། །
དེ་ནས་གསང་བ་བཤད་བྱ་བ། །ལུས་ནི་རི་རབ་ལྷུན་པོ་ལ། །བྱང་ཆུབ་སེམས་ཀྱི་གནས་བཅས་ནས། །བདེ་བའི་སྟན་ལ་གནས་ནས་སུ། །གསང་བའི་དབང་གི་རྟེན་གྱུར་པ། །རིག་མ་དང་པོ་བཙལ་བར་བྱ། །
དང་པོ་ཤེས་པས་བརྟག་པ་དང་། །བདག་དབང་ཡོད་པར་བླང་བ་དང་། །ཉེས་པ་དག་པར་སྦྱང་བ་དང་། །དཀྱིལ་འཁོར་བསྐྱེད་པར་བྱ་བ་དང་། །བར་ཆོད་བགེགས་རྣམས་ཞི་བ་དང་། །བསྲུང་དང་དེ་ལ་ཚོགས་ཀྱིས་
མཆོད། །དྲི་ཡི་ཐིག་ལེ་དུ་མ་བྱ། །གཡོན་ན་གནས་པ་དེ་ཉིད་དང་། །བསྲུབ་དང་བསྲུབ་བཅས་སྦྱོར་བྱས་དང་། །སྲུབ་ལས་བདེ་བའི་ཆུ་རྒྱུན་གྱིས། །ལུས་ཀུན་ཁྱབ་ནས་གསང་བ་རུ། །དཀར་ལ་རྩ་དམར་ལྟ་
87-1-21b

བུར་འཛག །དཀྱིལ་འཁོར་དུ་འཇུག་གོང་དང་འདྲ། །རོ་མའི་འཁོར་ལོར་བྱཱ་བསམས་ལ། །ལྕེ་དེ་པད་མར་བྱིན་བརླབས་ཏེ། །ལྕེ་ཡི་རྩེ་མོར་བྷྱཿབསམས་ལ། །སིཧླ་ག་པུར་འདྲེས་པ་ཡིས། །བྷྱཿལ་གཞག་སྟེ་དེ་ལ་བསྟིམ། །
སོ་གཉིས་ལོངས་སྤྱོད་མཉམ་སྦྱར་ལ། །དབུས་སུ་མི་དམིགས་བསྒོམ་པར་བྱ། །གསང་བའི་དབང་ལ་རྣམ་གསུམ་སྟེ། །རྡོ་རྗེ་གཙོ་མོར་བྱོན་པ་དང་། །སྦོམ་པོ་ཁྲོ་མོས་སྦྱིན་པ་དང་། །རྡོ་རྗེ་གྲེ་ཚངས་སྦྱིན་པའོ། །ཤེས་རབ་ཡེ་ཤེས་
དབང་ལ་ཡང་། །དང་པོར་ཤེས་རབ་བརྟག་པ་ནྀ། །ལུས་དང་ངག་དང་ཡིད་དང་གསུམ། །མཁས་པས་བརྟག་ཅིང་ཤེས་པར་བྱ། །དེ་ནས་ཁྱད་པར་ལྔ་བརྟགས་ཏེ། །རིགས་དང་ལང་ཚོ་ལོངས་སྤྱོད་དང་། །རྒྱན་དང་གཟུགས་
ཀྱི་ཁྱད་པར་ལྔ། །ཕྱི་ཡི་བརྟག་པ་ཡིན་པར་གསུངས། །སེམས་བརྟན་རྡོ་རྗེ་ཡི་ནི་རིགས། །ཁྱད་པར་ཡིན་པར་ང་ཡིས་གསུངས། །རྣམ་རྟོག་ཆུང་བ་རྡོ་རྗེ་ཡི། །ལང་ཚོའི་ཁྱད་པར་ཡིན་པར་གསུངས། །མི་རྟོག་པས་
བརྒྱན་ཤེས་པ་སྟེ། །རྡོ་རྗེའི་རྒྱན་གྱི་ཁྱད་པར་ཡིན། །དེ་ཉིད་གསུམ་དུ་མི་འགྱུར་བ། །མི་ནུབ་ཆོས་ཀྱི་རྒྱལ་མཚན་ཏེ། །རྡོ་རྗེ་གཟུགས་ཀྱི་ཁྱད་པར་ཡིན། །ཆོས་རྣམས་ཐམས་ཅད་སྟོང་པ་ཉིད། །དེ་ཡི་རོ་ལ་ལོངས་སྤྱོད་པ། །རྡོ་རྗེའི་ལོངས་སྤྱོད་
ཁྱད་པར་རོ། །ཀུན་འདར་མ་སྟེ་ཐུགས་ཀྱི་རིགས། །རིགས་ཀྱི་ཁྱད་པར་ཡིན་པའོ། །དེ་ཉིད་མདའ་ལྟར་མཁྲེང་བ་ནི། །ཐུགས་ཀྱི་ལང་ཚོའི་ཁྱད་པར་རོ། །རྩ་དེ་དམར་ལ་གདང་པ་དང་། །བྱང་ཆུབ་སེམས་ནི་དཀར་
ལ་དངས། །གཉིས་སུ་མེད་པར་གསལ་བའི་ཚུལ། །དཔེར་ན་ནོར་བུ་ཀེ་ཀེ་རུ། །དར་ལ་བརྒྱུས་པ་ཇི་བཞིན་དུ། །ཐུགས་ཀྱི་གཟུགས་ཀྱི་ཁྱད་པར་རོ། །ལ་ལ་ནཱ་དང་ར་ས་ནཱ། །ཨ་བ་དྷཱུ་ཏཱིར་གཉིས་མེད་ལ། །ཐུགས་
ཀྱི་ལོངས་སྤྱོད་ཁྱད་པར་རོ། །དང་པོར་ཕྱི་ལ་གཉིས་པ་ནང་། །གསུམ་པ་གསང་བའི་བརྟག་པའོ། །ལུས་བརྟག་པ་ནི་སྐུ་ཡིན་ཏེ། །ངག་བརྟག་པ་ནི་གསུང་དུ་འགྱུར། །ཡིད་བརྟག་ཐུགས་སུ་འགྱུར་བའོ། །སྒྱུ་མ་

87-1-22a

ཙམ་གྱིས་དགོངས་པའི་དོན། །ཀུན་ལ་ཁྱབ་པར་ཤེས་པར་བྱ། །ལུས་ཀྱི་དྲུག་ལ་ངག་གི་བདུན། །སེམས་ཀྱི་བདུན་པོ་སྒྱུ་མའི་ཚུལ། །དང་པོར་སྨིག་རྒྱུ་ཆུར་འཁྲུལ་དང་། །གཉིས་པ་སྨིག་རྒྱུ་ཉིད་ཡིན་ཏེ། །གསུམ་པ་སྨིག་རྒྱུ་
མི་སྣང་བཞིན། །དེ་བཞིན་ཞལ་ནས་ཤེས་པར་བྱ། །ཆུ་ལ་བདུན་ནོ་མར་ལ་གཅིག །དྲི་ནི་བདུན་ཏེ་ཤ་ལ་གཉིས། །སྒོ་ང་བཞི་སྟེ་འོ་མ་གསུམ། །འདི་རྣམས་བཙལ་བའི་རྟེན་གྱུར་པ། །ལོ་ནི་གསུམ་བཞི་ཡིན་པར་གསུངས། །བུ་རམ་གཉིས་
ཏེ་བུ་རམ་གཅིག །ཆང་ནི་གཉིས་སུ་ཤེས་པར་བྱ། །རྒྱན་ནི་བྱེ་བྲག་སྣ་ཚོགས་སོ། །དགུན་དང་དེ་བཞིན་སྟོན་གྱི་ཤ །ཞག་གཅིག་ན་ནི་བཅུད་དང་ལྡན། །དབྱར་དང་དཔྱིད་ཀྱི་ཤ་རྣམས་ཀྱང་། །དྲོད་དང་ལྡན་ན་བཅུད་དང་ལྡན། །རང་བཞིན་
ཤི་བའི་ཤ་ཡིན་ཏེ། །འདུན་པ་བྱས་ན་དམ་ཚིག་ཉམས། །རྩ་བ་ལྔ་དང་ཡན་ལག་བཅས། །གཞན་ཡང་འབྲས་བུ་ལ་སོགས་སྨན། །མར་དང་བཅས་པས་སྦྱར་བར་བྱ། །ཤ་ཡང་མར་གྱི་དེ་བཞིན་ནོ། །དེ་བས་ཀུན་གྱི་བཅུད་སྐྱེད་དེ། །
མངར་བ་ཀུན་གྱིས་རོ་རྩ་བྱེད། །བཅུད་བསྐྱེད་ཤ་ནི་གཞོན་ནུ་ཞེས། །རོ་རྩ་ཤ་ནི་བཅྭ་ལྔ་ཡིན། །བཅུད་བསྐྱེད་ཤ་དང་མར་གཉིས་ཀྱང་། །ལྔ་དང་ལྔ་ཡི་ཆ་ཡིས་བསྲེ། །ཆང་ནི་མཉམ་པོར་གསུངས་པའོ། །རོ་རྩ་བ་ཡི་ཤ་ལ་ཡང་། །
འོ་མ་སྒོ་ང་ཆ་མཉམ་པར། །ལྔ་གསུམ་ལྔ་གཉིས་གཙོ་བོར་བྱ། །ཁ་རའི་ཆང་ངམ་འོ་མ་འམ། །ཤ་དང་མཉམ་པོར་སྦྱིན་པར་བྱ། །འདི་ནི་ཡན་ལག་སྤྲོས་བཅས་སོ། །དེ་ནས་མཚམས་བཅད་བསྙེན་པ་དང་། །དམ་ཚིག་སྣ་ཚོགས་
བྱ་བ་ཡང་། །སྤྲོས་པ་མེད་པའི་ཡན་ལག་ཡིན། །དབང་བསྐུར་སྔོན་དུ་བསྒོམ་པའི་དོན། །དབང་ཐོབ་ཕྱིར་ནི་ང་ཡིས་གསུངས། །རིག་མ་གཏད་དང་མན་ངག་སྦྱིན། །བརྡ་རྣམས་བྱ་ཞིང་འདོད་པའི་རྟགས། །བརྟག་པ་ཤིན་དུ་
སྤྲོས་པ་མེད། །ཕྱག་དང་ཞབས་ལ་སོགས་པས་འཁྱུད། །དང་པོའི་སྦྱོར་ཐབས་ཞེས་གསུངས་སོ། །དབུ་རྒྱན་མགུལ་རྒྱན་ལ་སོགས་པ། །སྦྱོར་ཐབས་ཆེན་པོ་ཞེས་བྱ་སྟེ། །ལངས་པ་ཅོག་པུ་གན་ཀྱལ་དང་། །ཁ་སྦུབ་འཕྲེད་དང་

87-1-22b

ལྔ་ཡིན་ཏེ། །འདི་རྣམས་ཀུན་གྱི་དགོངས་པ་ཟབ། །དགོངས་མེད་སྤྱོད་པ་སྤྱོད་བྱེད་པ། །འདི་ནི་མནར་མེད་སྐྱེ་བའི་རྒྱུ། །ཐ་མལ་པ་ལས་བརྒྱ་འགྱུར་གྱིས། །བུམ་པའི་དབང་དང་འབྲེལ་བའོ། །བུམ་པ་དང་ནི་གསང་བ་སྟེ། །གསང་བ་ལས་
གཞན་གསུམ་པ་སྟེ། །དེ་ཡི་རྣམ་སྨིན་བརྗོད་མི་ལང་། །དཀྱིལ་འཁོར་དུ་འཇུག་རིམ་པ་ནི། །བླ་མའི་ཞལ་ནས་ཤེས་པར་བྱ། །ཡན་ལག་བདུན་བསྒོམས་སྦྱོར་བ་དངོས། །ཁྱད་པར་རྣམ་པ་གསུམ་ལས་བྱུང་། །སྔགས་དང་སྨན་ནི་དང་པོ་
སྟེ། །གཉིས་པ་སྦྱོར་ཐབས་ཡིན་པར་གསུངས། །གསུམ་པ་ཏིང་ངེ་འཛིན་ཡིན་ཏེ། །སྔགས་དང་སྨན་གྱིས་ཀུན་ད་དྲང་། །རྐེད་བཅིང་ཚད་དང་གནས་པའི་ཚད། །དྲང་བའི་ཚད་རྣམས་ཤེས་པར་བྱ། །འབྱུང་བ་བཞི་དང་རིགས་
མཐུན་པའི། །རྐད་བཅིང་རྐེད་པའི་ཚད་དང་མཉམ། །སོར་གསུམ་སོར་བཞི་དར་རམ་མེན། །གནས་པའི་ཚད་ནི་རྣམ་པ་དྲུག །རྣམ་ཐར་གསང་བའི་ཕོ་བྲང་གནས། །སྐྱེ་མཆེད་རིག་པར་གནས་པའོ། །སྟོང་པ་རྟ་མགྲིན་འཁོར་
ལོར་གནས། །ཁམས་རྣམས་གསང་བ་བདེ་སྐྱོང་གནས། །འདབ་ལ་སྤྲུལ་པའི་འཁོར་ལོར་གནས། །ཡང་དག་སྤོང་བ་སྙིང་གར་གནས། །ཧེ་རུ་ཀར་ནི་མ་གཤེགས་ཅིག   །རྡོ་རྗེ་མདའ་ཡིས་མ་བརྒྱབ་པའོ། །དྲང་བའི་ཚད་ནི་སོར་
བཞི་འབྱུང་། །དང་པོར་ཁྲུས་བྱས་གཉིས་པ་ལ། །སྨན་དང་སྣུམ་དང་དྲི་དང་གསུམ། །སུམ་ཆ་སུམ་གཉིས་སྟོད་སྨད་དུ། །ལུས་ལ་སྐུ་ཞིང་མེ་ལ་བདུག །རྩེ་གསུམ་རྩ་ནི་ཤིན་དུ་ཟབ། །བ་སྦྲུ་བ་དང་ལྕ་བ་དང་། །རང་མཉེ་བ་
དང་ཉེའུ་ཤིང་དང་། །ར་མོ་ཤགས་དང་ཡན་ལག་བཅས། །རྡོ་ལ་སོགས་པ་ལྔ་སྦྱར་དང་། །གཞན་ཡང་སྨན་དང་སྣུམ་དང་དྲི། །དར་ལ་སོགས་པའི་ནང་དུ་བླུགས། །སྒོ་གཉིས་ནས་ནི་ཐོ་ལྡོས་བདུག །ཟབ་པའི་སྔགས་བཏབ་
བསྒོམ་བྱས་ན། །དང་པོར་མཚན་མ་ཤེས་པར་བྱ། །ཆགས་པའི་གཟི་ལྡན་སྣ་ཚོགས་འབྱུང་། །ཐ་མའང་གསུམ་མམ་བདུན་ན་འབྱུང་། །དགོངས་པའི་བྱེ་བྲག་ཤེས་གྱུར་ན། །སྔགས་དང་དམན་དང་ཁྱད་པར་རོ། །དགོངས་

87-1-23a

པ་མི་ཤེས་འདོད་ཆགས་ཕྱིར། །སྨན་ལ་སོགས་པ་བཙལ་མི་བྱ། །འདི་ཡི་སྡིག་པ་བསམ་མི་ཁྱབ། །བདུག་པའི་སྦྱོར་ཐབས་ཤེས་གྱུར་ན། །དབུས་ཀྱི་རྩ་ཡི་ཁ་འབྱེད་པ། །སྦྱོར་ཐབས་ཁྱད་པར་ཡིན་པར་གསུངས། །བདེ་
ཆེན་གོ་བཟློག་སྦྱོར་བ་དང་། །འཁོར་ལོའི་གོ་བཟློག་སྦྱོར་བ་དང་། །སྐུ་ཡི་གོ་བཟློག་སྦྱོར་བ་དང་། །ཡེ་ཤེས་གོ་བཟློག་སྦྱོར་བ་དང་། །འབྱུང་བ་གོ་བཟློག་སྦྱོར་བ་དང་། །ཡུམ་གྱི་གོ་བཟློག་སྦྱོར་བ་དང་། །ཐིག་ལེ་གོ་བཟློག་སྦྱོར་བ་
དང་། །བསམ་གཏན་གོ་བཟློག་སྦྱོར་བ་དང་། །ཡི་གེ་གོ་བཟློག་སྦྱོར་བ་དང་། །སྟོང་པ་གོ་བཟློག་སྦྱོར་བ་དང་། །དབུགས་ཀྱི་གོ་བཟློག་སྦྱོར་བ་དང་། །དགའ་བའི་གོ་བཟློག་སྦྱོར་བ་དང་། །གཏུམ་མོའི་གོ་བཟློག་སྦྱོར་བ་དང་། །རྩ་
ཡི་གོ་བཟློག་སྦྱོར་བ་དང་། །བྱང་སེམས་གོ་བཟློག་སྦྱོར་བ་དང་། །གཡས་གཡོན་གོ་བཟློག་སྦྱོར་བ་དང་། །བརྡ་ཡི་གོ་བཟློག་སྦྱོར་བ་དང་། །རྟེན་གྱི་གོ་བཟློག་སྦྱོར་བ་རྣམས། །ཀུན་མཁྱེན་པས་ཀྱང་མ་གཟིགས་པ། །སངས་
རྒྱས་རྣམས་ཀྱི་ཐུགས་ཀྱི་གསང་། །བྱང་ཆུབ་སེམས་དཔའ་ཀུན་གྱི་ཡུམ། །སྲས་རྣམས་ཐུན་མོང་མ་ཡིན་བསྐྱེད། །ཏིང་ངེ་འཛིན་གྱི་ཁྱད་པར་རོ། །འདི་ཡི་ཁྱད་པར་མ་དཔག་པར། །ཟབ་པའི་དོན་ནི་ཡོད་མ་ཡིན། །དབང་
བསྐུར་བའི་སྔོན་དུ་ཡང་། །གདམས་ངག་སྦྱིན་པར་གསུངས་པ་ཡིན། །གདམས་ངག་དེ་ཡིས་དབང་ཐོབ་འགྱུར། །ཤེས་རབ་མ་ལ་བརྟེན་ནས་སུ། །བདེ་བའི་ཡེ་ཤེས་བསྐྱེད་པས་ན། །ཤེས་རབ་ཡེ་ཤེས་དབང་དུ་གསུངས། །
སིཧླ་ག་པུར་ཤེས་རབ་སྟེ། །དེ་ཡི་བདེ་བ་ཡེ་ཤེས་ཡིན། །སིཧླ་ཤེས་རབ་ཅེས་བྱ་སྟེ། །ག་པུར་ཡེ་ཤེས་སུ་ནི་བཤད། །རྩ་གསུམ་འདུས་པ་ཤེས་རབ་སྟེ། །དེ་ཡི་ཐིག་ལེ་ཡེ་ཤེས་ཡིན། །ལ་ལཱ་ནཱ་ནི་ཡེ་ཤེས་སོ། །རཱ་ས་ནཱ་ནི་ཤེས་རབ་
སྟེ། །ཤེས་ཞེས་སྟེ། །བྱང་ཆུབ་སེམས་ནི་ཡེ་ཤེས་སོ། །མཁའ་འགྲོ་མ་ནི་ཤེས་རབ་སྟེ། །དཔའ་བོ་ཡེ་ཤེས་སུ་ནི་བཤད། །དགའ་བ་གསུམ་ནི་ཡེ་ཤེས་ཏེ། །རང་བཞིན་དགའ་བ་ཤེས་རབ་ཡིན། །འོག་ནི་ཤེས་རབ་ཅེས་བྱ་སྟེ། །

87-1-23b

སྟེང་ལ་ཡེ་ཤེས་སུ་ཡང་བཤད། །གཡོན་པ་ཤེས་རབ་ཅེས་བྱ་སྟེ། །གཡས་པ་ཡེ་ཤེས་སུ་ཡང་བཤད། །ཆོས་དབྱིངས་ཤེས་རབ་ཅེས་བྱ་སྟེ། །ཡེ་ཤེས་བཞི་ནི་ཡེ་ཤེས་ཏེ། །ཕྱག་མཚན་མིང་དང་ཡི་གེ་རྣམས། །གཞན་ཡང་བྱེ་བྲག་ཤེས་
པར་བྱ། །ཤེས་རབ་ཡེ་ཤེས་ལ་ཡང་གསུམ། །ཚིག་ལ་བསླབ་པའང་གནང་བ་ཡིན། །གཟུགས་བརྙན་ལ་ནི་བཤད་པ་སྟེ། །མངོན་པར་རྟོགས་པས་བསྒོམ་པ་གསུངས། །ཨེ་ཝྃ་མ་ཡཱའི་རྣམ་པ་བཞི། །ཨེ་ནི་ས་སྟེ་ཝྃ་ནི་ཆུ། །
མ་ནི་མེ་སྟེ་ཡཱ་ནི་རླུང་། །ཨེ་ནི་སྙིང་རྗེ་ཝྃ་ནི་བྱམས། །མ་ནི་དགའ་བ་ཡཱ་བཏང་སྙོམས། །ཨེ་ནི་སྤྱན་ཝྃ་མཱ་མ་ཀཱི། །མ་ནི་གོས་དཀར་ཡཱ་སྒྲོལ་མ། །ཨེ་ནི་སྦྱིན་པ་ཝྃ་ཚུལ་ཁྲིམས། །མ་ནི་བཟོད་པ་ཡཱ་བསམ་གཏན། །ཨེ་ནི་ཕྱག་རྒྱ་
བཟང་པོ་སྟེ། །ཝྃ་ནི་དམ་ཚིག་ཕྱག་རྒྱ་ཡིན། །མ་ནི་ཆོས་ཀྱི་ཕྱག་རྒྱ་སྟེ། །ཡཱ་ནི་ཤེས་རབ་ཕྱག་བརྒྱའོ། །ཨེ་ནི་ཤར་ཏེ་ཝྃ་ལྷོ་ཕྱོགས། །མ་ནི་ནུབ་ཕྱོགས་ཡཱ་བྱང་ཕྱོགས། །ཨེ་ནི་སྐུ་ཡི་ཐིག་ལེ་སྟེ། །ཝྃ་ནི་གསུང་ལ་མ་ནི་
ཐུགས། །ཡཱ་ནི་ཡེ་ཤེས་ཐིག་ལེའོ། །ཨེ་ནི་སྔོན་པོ་ཝྃ་ལྗང་ཀུ། །མ་ནི་དམར་པོ་ཡཱ་སེར་པོ། །ཨེ་ནི་མཁའ་འགྲོ་ཝྃ་ལཱ་མ། །མ་ནི་དུམ་སྐྱེས་ཡཱ་གཟུགས་ཅན། །ཨེ་ནི་ཡེ་ཤེས་མཁའ་འགྲོ་ཡིན། །ཝྃ་ནི་རྡོ་རྗེའི་མཁའ་འགྲོ་
ཡིན། །མ་ནི་ཤ་ཟའི་མཁའ་འགྲོ་སྟེ། །ཡཱ་ནི་ལས་ཀྱི་མཁའ་འགྲོའོ། །ཨེ་ནི་འགོག་པ་ཝྃ་ནི་ལམ། །མ་ནི་སྡུག་བསྔལ་ཡཱ་ཀུན་འབྱུང་། །ཨེ་ནི་བདེ་ཆེན་ཝྃ་ལོངས་སྤྱོད། །མ་ནི་ཆོས་ལ་ཡཱ་སྤྲུལ་པ། །ཨེ་ནི་མཚན་ལ་ཝྃ་སྟོང་
པ། །མ་ནི་རྣམ་ཐར་ཡཱ་དཔེ་བྱད། །ཨེ་ནི་རྣམ་པ་སྣ་ཚོགས་ཏེ། །ཝྃ་ནི་རྣམ་པར་སྨིན་པའོ། །མ་ནི་རྣམ་པར་ཉེད་པ་སྟེ། །ཡཱ་ནི་རྣམ་པ་མཚན་ཉིད་བྲལ། །ཨེ་ནི་ཆུང་བ་ཝྃ་འབྲིང་པོ། །མ་ནི་ལྷག་པ་ཡཱ་ཆེར་ལྷག །ཨེ་ནི་
གཡས་ནས་མེ་རྒྱུ་སྟེ། །ཝྃ་ནི་གཡོན་ནས་རླུང་རྒྱུའོ། །མ་ནི་འོག་ནས་ས་རླུང་རྒྱུ། །ཡཱ་ནི་སྟེང་ནས་ཆུ་རླུང་རྒྱུ། །ཨེ་ནི་གནས་བརྟན་ཝྃ་ཕལ་ཆེན། །མ་ནི་བཀུར་བ་ཡཱ་ཐམས་ཅད། །ཨེ་ནི་བསྙེན་པ་ཝྃ་ཉེ་བསྙེན། །མ་ནི་

87-1-24a

སྒྲུབ་པ་ཡཱ་བསྒྲུབ་ཆེ། །ཨེ་ནི་ཤར་ལྷོ་ཝྃ་ལྷོ་ནུབ། །མ་ནི་ནུབ་བྱང་ཡ་བྱང་ཤར། །ཨེ་ནི་རྒྱུད་ལ་ཝྃ་ནི་སྔགས། །མ་ནི་ཡེ་ཤེས་ཡཱ་གསང་བ། །ཨེ་ནི་སྣང་བ་ཝྃ་སྣང་མཆེད། །མ་ནི་སྣང་ཐོབ་ཡཱ་འོད་གསལ། །ཨེ་ནི་
བདག་གི་བཟང་པོ་ཡིན། །ཝྃ་ནི་དུས་ཀྱི་བཟང་པོའོ། །མ་ནི་ཡེ་ཤེས་བཟང་པོར་གསུངས། །ཡཱ་ནི་རླུང་གི་བཟང་པོ་ཡིན། །ཨེ་ནི་བདག་གི་གནས་ཡིན་ཏེ། །ཝྃ་ནི་རྣལ་འབྱོར་གནས་སུ་བསྟན། །མ་ནི་གཞན་གྱི་གནས་ཡིན་ཏེ། །
ཡཱ་ནི་རྒྱུད་ཀྱི་གནས་ཡིན་ནོ། །ཨེ་ནི་དགའ་བ་ཝྃ་མཆོག་དགའ། །མ་ནི་ལྷན་ཅིག་ཡཱ་དགའ་བྲལ། །ཨེ་ནི་མེ་ལོང་ཝྃ་མཉམ་ཉིད། །མ་ནི་ཀུན་རྟོག་ཡཱ་ནན་ཏན། །ཨེ་ནི་ཆོས་སྐུ་ཝྃ་ལོངས་སྤྱོད། །མ་ནི་སྤྲུལ་སྐུ་ཡཱ་བདེ་ཆེན། །
ཨེ་ནི་ཞི་བ་ཝྃ་ནི་དབང་། །མ་ནི་རྒྱས་པ་ཡཱ་གསོད་པ། །ཡི་གེ་བཏུས་པའི་སྔགས་ཚན་གསུམ། །ཨོཾ་ནི་སྐུ་ཡི་འཁོར་ལོ་སྟེ། །ཨཱཿནི་གསུང་གི་འཁོར་ལོའོ། །ཧཱུྃ་ནི་ཐུགས་ཀྱི་འཁོར་ལོ་ཡིན། །ཨོཾ་ནི་རྣམ་སྣང་ཨཱཿ
འོད་དཔག །ཧཱུྃ་ནི་མི་སྐྱོད་རང་བཞིན་ནོ། །ཨོཾ་ནི་ཕྱག་གཡོན་ཧཱུྃ་ནི་གཡས། །ཨཱཿནི་དབུས་ཀྱི་སྙིང་ག་ཡིན། །ཨོཾ་ནི་གཡོན་གྱི་སྤྱན་ཡིན་ཏེ། །ཧཱུྃ་ནི་གཡས་པ་ཨཱཿདབུ་མ། །ཨོཾ་ནི་སྲོག་ཡིན་ཧཱུྃ་རྩོལ་བ། །ཨཱཿནི་གནས་པར་
ཤེས་པར་བྱ། །ཨོཾ་ནི་སྐུ་ལ་ཧཱུྃ་ནི་ཐུགས། །ཨཱཿནི་གསུང་དུ་ཤེས་པར་བྱ། །ཨོཾ་ནི་ལུས་ལ་ཨཱཿནི་ངག །ཧཱུྃ་ནི་ཡིད་དུ་ཤེས་པར་བྱ། །ཨོཾ་ནི་ཐབས་ལ་ཧཱུྃ་ཤེས་རབ། །ཨཱཿནི་གཉིས་སུ་མེད་པའོ། །ཨོཾ་ནི་གཡོན་གྱི་ལ་ལ་ནཱ། །
ཧཱུྃ་ནི་གཡས་ཀྱི་རཱ་ས་ནཱ། །ཨཱཿནི་ཨ་བ་དྷཱུ་ཏཱི་ཡིན། །ཨོཾ་ནི་གཡས་ཀྱི་ར་ས་ནཱ། །ཧཱུྃ་ནི་གཡོན་གྱི་ལ་ལཱ་ནཱ། །ཨཱཿནི་དེ་བཞིན་དབུས་ན་གནས། །ཨོཾ་ནི་ག་པུར་ཧཱུྃ་སིཧླ། །ཨཱཿནི་དཀར་དམར་རྩ་དག་ཡིན། །ཨོཾ་ནི་མཆོག་དགའ་
ཧཱུྃ་ཁྱད་དགའ། །ཨཱཿནི་རང་བཞིན་དགའ་བའི་དོན། །དགའ་བ་ལྷན་ཅིག་སྐྱེས་དགར་འགྱུར། །ལྷན་ཅིག་སྐྱེས་པ་དགའ་བར་འགྱུར། །རྒྱུ་ལ་འབྲས་བུ་སྦྱོར་བ་དང་། །འབྲས་བུ་ལ་ཡང་རྒྱུ་སྦྱོར་དང་། །རྒྱུ་ལ་རྒྱུ་ཡི་

87-1-24b

སྦྱོར་བ་དང་། །འབྲས་བུ་ལ་ཡང་འབྲས་བུར་སྦྱོར། །རྒྱུ་འབྲས་གཉིས་སུ་མེད་པར་སྦྱོར། །ཐབས་ལ་ཤེས་རབ་སྦྱོར་བ་དང་། །ཤེས་རབ་ལ་ཡང་ཐབས་ཀྱིས་སྦྱོར། །ཐབས་ལ་ཐབས་ཀྱིས་སྦྱོར་བ་དང་། །ཤེས་རབ་ཤེས་
རབ་སྦྱོར་བ་དག །ཐབས་དང་ཤེས་རབ་གཉིས་མེད་སྦྱོར། །སྦྱོར་བ་འདི་ཡི་དགོངས་པ་ཡང་། །ཀུན་མཁྱེན་བས་ཀྱང་རྟོགས་པར་དཀའ། །ཨ་ནི་རྣམ་སྣང་མི་བསྐྱོད་པ། །ན་རོ་རིན་ཆེན་འབྱུང་ལྡན་ཏེ། །ཟླ་ཚེས་འོད་དཔག་
མེད་པ་ཡིན། །ཐིག་ལེ་དོན་ཡོད་གྲུབ་པའོ། །ཨོཾ་ནི་བདེ་གཤེགས་ལྔ་རང་བཞིན། །ཞབས་སྐྱེད་དོན་ཡོད་གྲུབ་པ་སྟེ། །ཨ་ནི་དེ་བཞིན་འོད་དཔག་མེད། །ཧ་ནི་རྣམ་པར་སྣང་མཛད་དེ། །ཟླ་ཚེས་རིན་ཆེན་འབྱུང་ལྡན་
ཡིན། །ཐིག་ལེ་མི་བསྐྱོད་རང་བཞིན་ནོ། །ཞབས་བསྐྱེད་སྒྲོལ་མའི་རང་བཞིན་ཏེ། །ཨ་ནི་གོས་དཀར་ངོ་བོ་ཡིན། །ཧ་ནི་རྡོ་རྗེ་དབྱིངས་ཕྱུག་མ། །ཟླ་ཚེས་མ་མཱ་ཀཱི་རང་བཞིན། །ཐིག་ལེ་སྤྱན་དུ་ཤེས་པར་བྱ། །
འབྱུང་བ་ལྔ་དང་སྐུ་ལྔ་དང་། །འཁོར་ལོ་ལྔ་དང་དགའ་བ་ལྔ། །གོ་རིམས་བཞིན་དུ་ཤེས་པར་བྱ། །ཞབས་སྐྱེད་བྱ་བ་ནན་ཏན་ཡིན། །ཨ་ནི་མཉམ་ཉིད་ཡེ་ཤེས་སོ། །ཧ་ནི་ཆོས་ཀྱི་དབྱིངས་ཡིན་ཏེ། །ཟླ་ཚེས་སོ་
སོར་རྟོག་པའོ། །ཐིག་ལེ་མེ་ལོང་ཡེ་ཤེས་སོ། །འདི་དག་ཀུན་གྱི་དགོངས་པ་ནི། །སངས་རྒྱས་ཀུན་གྱི་ཐུགས་ཀྱི་གསང་། །ཀུན་ཏུ་གསང་ཞིང་དཔྱད་པར་དཀའ། །ཡི་གེ་ཚུལ་གྱིས་རྒྱས་བཏབ་པའོ། །དེ་ནས་
བྱང་ཆུབ་སེམས་དཔའ་རྡོ་རྗེ་སྙིང་པོ་དང་། མཁའ་འགྲོ་མའི་ཚོགས་ཀྱིས་མཆོད་པས་མཆོད་ནས་མི་སྣང་བར་གྱུར་ཏོ། །མཁའ་འགྲོ་མ་དྲ་བའི་སྡོམ་པ་སྐུ་གསུང་ཐུགས་ཀྱི་རྒྱུད་ཀྱི་རྒྱལ་པོ་རྫོགས་སྷོ།། །།
པཎྜཱི་ཏ་ག་ཡ་དྷ་ར་དང་། ལོ་ཙྪ་་བ་དགེ་སློང་ཤཱཀྱ་ཡེ་ཤེས་ཀྱིས་བསྒྱུར་བའོ། ། ༄། །རྒྱ་གར་སྐད་དུ།   ཤྲཱི་རཏྣ་མཱ་ལེ་ཏནྟྲ་རཱ་ཛ།    བོད་སྐད་དུ།   དཔལ་རིན་ཆེན་ཕྲེང་བའི་རྒྱུད་ཀྱི་རྒྱལ་པོ།   དཔལ་བདེ་

87-1-25a

བ་ཆེན་པོ་ལ་ཕྱག་འཚལ་ལོ། །ལྷ་མོས་གསོལ་པ་རྡོ་རྗེ་འཛིན། །དཔལ་ལྡན་འཁོར་ལོ་སྡོམ་པ་རུ། །རིན་ཆེན་ཕྲེང་བའི་དོན་མ་རྟོགས། །ཁྱོད་ཀྱི་བདག་ལ་བཤད་དུ་གསོལ། །བཅོམ་ལྡན་འདས་
ཀྱིས་བཀའ་སྩལ་པ། །ཉོན་ཅིག་ལྷ་མོ་སྤྱན་གཟངས་རིང་། །དཔལ་ལྡན་འཁོར་ལོ་སྡོམ་པ་རུ། །མ་གསུངས་ང་ཡིས་ཁྱོད་ལ་བཤད། །རིན་པོ་ཆེ་ནི་རྣམ་པ་གསུམ། །དེ་ཡི་ཕྲེང་བའང་རྣམ་པ་གསུམ། །དང་
པོ་སྣོད་ཀྱི་རིན་པོ་ཆེ། །གཉིས་པ་བཅུད་ཀྱི་རིན་པོ་ཆེ། །སྣོད་བཅུད་གཉིས་དང་རང་བཞིན་བྲལ། །དེ་ནི་རིན་ཆེན་གསུམ་པ་ཡིན། །ལྷ་མོས་གསོལ་པ་བཅོམ་ལྡན་འདས། །རྣམ་པ་གསུམ་དུ་གསུངས་པ་
ལས། །དེ་རྣམས་རིན་ཆེན་ཇི་ལྟར་ལགས། །དེ་ཡི་ཕྲེང་བ་ཇི་ལྟར་ལགས། །དེ་རྣམས་སུ་ཡི་སྤྱོད་ཡུལ་ལགས། །བཅོམ་ལྡན་འདས་ཀྱིས་བཀའ་སྩལ་པ། །དང་པོ་སྣོད་ཀྱི་རིན་པོ་ཆེ། །རྣམ་པ་ལྔ་རུ་ཤེས་
པར་བྱ། །ག་ག་རི་ནི་དཀར་པོ་ཆེ། །མི་བསྐྱོད་པ་ཡི་བྱིན་བརླབས་ཏེ། །དབྱིབས་ནི་ཟླ་གམ་ལྟ་བུ་ལ། །རབ་ནི་ངང་པའི་སྒོ་ང་ཙམ། །འདི་ནི་རིན་ཆེན་འབར་བ་སྟེ། །བ་དཀར་ར་དཀར་ལུག་མོ་ཡིས། །
འོ་མ་བསྐུ་ཞིང་སྦངས་པ་དང་། །མི་བསྐྱོད་པ་ལ་མཆོད་པར་བྱ། །དེ་ནི་སྤྱི་བོར་གདགས་པའོ། །མཆོད་པའི་བྱེ་བྲག་ཀུན་ལ་བྱ། །ཤར་གྱི་གདོན་རྣམས་ཐུབ་པ་དང་། །གང་ལ་ཡོད་པ་དེ་ལ་སྐྱོབ། །འབྲིང་ནི་
གཞན་སྐྱེས་སྦོམ་པོ་ཙམ། །འདི་ནི་རིན་ཆེན་དགེ་བ་སྟེ། །དངུལ་ཆུ་རྣམ་པ་གཉིས་བླུགས་ལ། །རྐྱེན་གྱི་རྫས་རྣམས་ཚང་བ་དང་། །ཁ་ཡི་ནང་དུ་གཞུག་པ་སྟེ། །རོ་མའི་འཁོར་ལོ་ལྕེས་མནན་ལ། །དེ་ནས་དལ་གྱི་བསྐྱོད་པ་དང་། །
གསང་བའི་རྡོ་རྗེ་སྣ་རྩེ་རུ། །བདེ་བ་ཆེན་པོ་སྐྱེས་ཙམ་ན། །རོ་མའི་འཁོར་ལོར་དོག་པ་མནན། །དཔེར་ན་སྦྲུལ་གྱི་ཤ་ཟོས་པ། །མགོ་བོ་མནན་པས་ཕྱི་རུ་འབྱུང་། །དེ་བཞིན་མནན་པས་བྱང་ཆུབ་སེམས། །

87-1-25b

སྣ་རྩེ་ལས་ཀྱང་གྱེན་ལ་ལྡོག །ཏིལ་དང་ཏིལ་མར་བཞིན་དུ་གནས། །ཁྱད་པར་བདེ་བ་གྱེན་ལ་སྐྱེ། །བདེ་བ་སྟེར་ཕྱིར་རིན་པོ་ཆེ། །དེ་ཡི་དུ་མ་ཕྲེང་བར་བཤད། །ཐ་མ་སྐྱེས་པའི་ཁྲོ་བོ་ཙམ། །ཨ་ར་ལ་སོགས་སྨན་ལྔ་དང་། །སྤྱི་
བོའི་གཙུག་ཏུ་བཏགས་གྱུར་ན། །ལུས་ཀྱི་གཉེར་མ་ཟད་པར་བྱེད། །དེ་ནས་ཡང་དག་གཉིས་པ་ཡང་། །བཻ་དུརྱཱ་ནི་སྔོན་པོ་སྟེ། །རིན་ཆེན་འབྱུང་ལྡན་བྱིན་བརླབས་ཏེ། །དབྱིབས་ནི་སོགས་ཀ་ལྟ་བུ་སྟེ། །རབ་ཀྱི་ཚད་ནི་གླང་པོའི་
མིག །འདི་ནི་རིན་ཆེན་མྱུ་གུ་སྟེ། །ངང་པའི་སྒོ་ང་ལྡོང་རོས་དང་། །སྤང་ཤ་མ་དང་གསུམ་སྦྱར་ནས། །དེ་གདུགས་རྣ་བ་གཡས་སུ་གདགས། །ལྷོ་ཡི་གདོན་རྣམས་ཐུབ་པར་གསུངས། །གང་ལ་ཡོད་པ་དེ་ལ་སྐྱོབ། །འབྲིང་ནི་ངང་པའི་
སྒོ་ང་ཙམ། །འདི་ནི་རིན་ཆེན་ཨེ་རཎྜ། །ག་པུར་རཀྟ་དངུལ་ཆུ་གསུམ། །དེ་ཡི་ནང་བླུགས་ལྕེ་ལྐོག་ཏུ། །གྱེན་ཐུར་གཉིས་ནི་སྣ་དང་འཇུག །དེ་ཡི་བྱང་ཆུབ་སེམས་བཟུང་སྟེ། །མགལ་མེའི་འཁོར་ལོ་བཞིན་དུ་གནས། །ཐ་མ་བྱེའུའི་
སྒོང་ཚད་ཙམ། །ཨ་རུ་ར་དང་སྐྱུ་རུ་ར། །བ་རུ་ར་དང་ལྡོང་རོས་རྣམས། །བསྲེས་ཏེ་ལུས་ལ་བྱུག་བསྐུས་ཏེ། །འདི་ནི་དྷནྡྷ་ཀསྤུ་ར། །ལུས་ཀྱི་སྲིན་བུ་འབྱེར་བར་བྱེད། །དེ་ནས་ཡང་དག་གསུམ་པ་ཡང་། །པད་མ་རཀྟ་དམར་པོ་སྟེ། །
དབྱིབས་ནི་ཟླུམ་པོ་ལྟ་བུ་ལ། །འོད་དཔག་མེད་ཀྱིས་བྱིན་བརླབས་ཏེ། །རབ་ནི་དཀར་ཤ་པ་ནི་སྟོང་། །གུར་ཀུམ་ག་པུར་ལྔ་སྦྱར་ལ། །དེ་ལ་བསྐུ་ཞིང་བྱུག་པ་བྱའོ། །ལྟེ་བའི་དབུས་སུ་གཞག་ལ་བཅིང་། །འདི་ན་རཏྣ་ཀེ་རུ་ར། །ནུབ་ཀྱི་
གདོན་རྣམས་ཐུབ་པར་གསུངས། །འབྲིང་ནི་ཀཪྴ་ནི་སྟེ། །འདི་ནི་རཏྣ་ཀ་ར་སྟེ། །མར་དང་སིཧླ་སྦྲང་མ་ཡང་། །བཟོ་རུ་བྱས་པའི་དངུལ་ཆུ་རྣམས། །དེ་ཡི་ནང་བླུགས་ལྟེ་བར་མནན། །འདི་ཡིས་བྱང་ཆུབ་སེམས་གཟུང་སྟེ། །ཆུ་ལ་
ཆུ་གཞག་ཇི་བཞིན་ནོ། །ཐ་མ་ཀཪྴ་པ་ནི་སྟེ། །འབྲས་བུ་གསུམ་དང་རུ་སྟ་དང་། །མར་གྱི་སྙིང་པོ་དང་སྦྱར་ཏེ། །སྤྱི་བོའི་གཙུག་ཏུ་སྦ་བ་དང་། །འདི་ནི་རཏྣ་དེ་བ་སར། །སྐྲ་དཀར་མེད་པར་བྱེད་པའོ། །དེ་ནས་ཡང་དག་བཞི་པ་ཡང་། །

87-1-26a

དེ་ནི་མརྒད་ལྗང་གུ་སྟེ། །དབྱིབས་ནི་གྲུ་བཞི་ལྟ་བུ་སྟེ། །དོན་ཡོད་གྲུབ་པར་བྱིན་བརླབས་ཏེ། །རབ་ནི་བེ་ཅོན་དབྱུག་པ་ཙམ། །འདི་ནི་རཏྣ་ག་ག་ནི། །རྩ་བ་ལྔ་དང་ཡན་ལག་བཅས། །བསྐུས་ལ་རྣ་བ་གཡོན་དུ་གདགས། །
འདི་ཡི་བྱང་གི་གདོན་རྣམས་ཐུབ། །འབྲིང་ནི་བྱ་མོའི་སྒོ་ང་ཙམ། །མ་ཧཱ་དེ་བ་ཨུ་མ་དེ། །གཉིས་ཀྱི་ག་པུར་རཀྟ་ཡིས། །བྱུགས་ལ་ལྟེ་བའི་ནང་དུ་གཞུག ། ག་པུར་སིཧླ་གཉིས་ཀ་འཛིན། །ཐ་མ་གཞན་སྐྱེས་སྒོ་ང་ཙམ། །ལྡོང་རོས་སེར་པོ་
གསེར་དང་གསུམ། །མན་ཆ་གཅིག་ནི་བྱིན་ནས་ནི། །འདི་ནི་ཨེ་རུ་ན་ར་སྟེ། །སྲིན་བུ་མི་སྐྱེ་བདེ་དང་ལྡན། །འདི་ནི་རཏྣ་སནྡ་ཧ། །དེ་ནས་ཡང་དག་ལྔ་པ་ཡང་། །ཁ་དོགས་དབྱིབས་ནི་དུ་མར་སྣང་། །རྣམ་པར་སྣང་མཛད་བྱིན་
བརླབས་ཏེ། །དོན་རྣམས་སོ་སོ་དུ་མ་བྱེད། །ལྷ་མོས་གསོལ་པ་བཅོམ་ལྡན་འདས། །མ་འོངས་སོ་སོ་སྐྱེ་བོ་ཡིས། །རིན་ཆེན་གནས་རྣམས་གང་ལས་བཙལ། །རིན་ཆེན་མི་འཚལ་ཇི་ལྟར་ལགས། །རིན་པོ་ཆེ་ནི་ཇི་ལྟར་བརྟག །
བཅོམ་ལྡན་འདས་ཀྱིས་བཀའ་སྩལ་པ། །རྒྱ་མཚོ་ཆེན་པོའི་ཕྱི་རོལ་ན། །རིན་པོ་ཆེ་ཡི་གླིང་ཡོད་དེ། །དེ་ཡི་གནས་ནས་བཙལ་བར་བྱ། །གཞན་ཡང་རིན་ཆེན་གནས་རྣམས་ནི། །གསེར་དངུལ་ལ་སོགས་རྡོ་རྣམས་ཀྱི། །
གནས་ནི་ཀུན་ན་ཡོད་པར་གསུངས། །རིན་ཆེན་ཤེས་པ་རྣམ་པ་ལྔ། །དང་པོར་རྒྱུད་རྣམས་ཐམས་ཅད་ལ། །རྨོངས་པ་མེད་པས་ཤེས་པ་དང་། །བླ་མའི་མན་ངག་ཤེས་པས་ཐོབ། །གཉིས་པ་རྣལ་འབྱོར་བཅས་པས་ཤེས། །
གསུམ་པ་རྒྱུད་ཀྱི་མན་ངག་ལ། །ཞུགས་པའི་ཚོང་དཔོན་ཆེན་པོས་ཤེས། །བཞི་པ་ཡོན་ཏན་ཀུན་ལྡན་པའི། །རྒྱལ་པོ་ཆེན་པོ་དེས་ཤེས་སོ། །ལྔ་པ་རྣལ་འབྱོར་མཁས་པ་དང་། །རྒྱལ་པོ་དང་ནི་འབྲེལ་པ་ཡི། །གསེར་
མགར་མཁས་པས་རྟོགས་པར་འགྱུར། །ལྷ་མོས་གསོལ་པ་བཅོམ་ལྡན་འདས། །དང་པོའི་མན་ངག་ཇི་ལྟར་ཡིན། །གཉིས་པ་རྣལ་འབྱོར་ཇི་ལྟར་ལགས། །གསུམ་པ་རྒྱུད་ནི་ཇི་ལྟར་ལགས། །བཞི་པའི་ཡོན་ཏན་ཐམས་

87-1-26b

ཅད་དམ། །ལྔ་པ་འབྲེལ་བ་ཇི་ལྟར་ལགས། །བཅོམ་ལྡན་འདས་ཀྱིས་བཀའ་སྩལ་པ། །དང་པོ་མན་ངག་ཤེས་པ་ཡང་། །རིན་ཆེན་ངོ་བོ་གཅིག་ཉིད་ལ། །ཡོན་ཏན་དུ་མར་ཤེས་པ་སྟེ། །དཔེར་ན་རྫས་ཀྱི་ཕ་ལམ་བཞིན། །ཆུ་ལ་མི་
འབྱིང་འབིགས་ལ་སོགས། །དུ་མ་ཤེས་པ་མན་ངག་ཡིན། །རྣལ་འབྱོར་ཤེས་པ་རྩེ་གཅིག་སྟེ། །དེ་ཡིས་ཐམས་ཅད་ཤེས་པ་ཡིན། །རྒྱུད་ཀྱི་དོན་ནི་ཤེས་པ་ཡི། །ཚོང་དཔོན་དེ་ཡིས་ཤེས་པ་ཡིན། །སྔགས་དང་རྒྱུད་ལ་སོགས་
པ་ཡི། །ཡོན་ཏན་ཀུན་ལྡན་རྒྱལ་པོ་ཤེས། །རྒྱལ་པོ་རྣལ་འབྱོར་དང་འབྲེལ་བའི། །ས་འོག་གསེར་གྱི་རླངས་བ་ཤེས། །གསེར་མགར་དེ་ཡིས་ཤེས་པའོ། །བརྟག་པ་རྣམ་པ་གཉིས་ཡིན་ཏེ། །མངོན་སུམ་དང་ནི་མཚན་མ་
སྟེ། །རྡོ་རྗེ་ཕ་ལམ་ལ་སོགས་དང་། །ཨེ་རནྟ་ལ་སོགས་པ་ཡི། །མངོན་སུམ་གཏན་ལ་ཕབ་པ་ཡིན། །མ་ཧཱ་ནཱི་ལ་ལ་སོགས་པ། །གདོན་རྣམས་ཐུབ་ཅིང་ལྷ་རྣམས་སྐྱོབ། །དམ་ཚིག་ཉམས་པ་གསོ་བ་དང་། །ཚེ་རྣམས་རིང་
བ་ལ་སོགས་སོ། །དང་པོར་གདོན་གྱི་མཚན་མ་ནི། །མཁས་པས་བརྟག་ཅིང་ཤེས་པར་བྱ། །དེ་ནས་གདོན་གྱི་མཚན་མ་ལ། །དེ་ཉིད་ཆོ་ག་ཚུལ་བཞིན་བྱ། །དེ་ནས་ཆུ་མིག་གཙང་མ་རུ། །གཏོར་མ་བཏང་ལ་ཆུ་གཙང་བླང་། །
གསེར་དངུལ་སྣོད་དུ་ཆུ་བླུགས་ལ། །ལྷ་འམ་ཀླུ་འམ་གནོད་སྦྱིན་སོགས། །མཚན་མ་གཉིས་ཀྱི་མཎྜལ་ལ། །རྣལ་འབྱོར་པ་ཡིས་གཞག་པར་བྱ། །གོམ་པ་གསུམ་གྱིས་གཅད་པར་བྱ། །གཡོན་གྱི་མཎྜལ་ཐོག་ཏུ་ནི། །ཆུ་ཡི་ནང་
དུ་མེ་ལོང་གཞག །ཕྱི་རུ་གཏོར་མ་ཆ་གཅིག་གཞག །ནང་དུ་ཡོལ་བ་དཀར་པོས་བཅད། །དེ་རུ་ཚོགས་དང་བཀྲ་ཤིས་གཞག །རྣལ་འབྱོར་ཡན་ལག་ཁྲུས་བྱས་ལ། །ལྷ་ཡི་རྣལ་འབྱོར་རྫོགས་པ་དང་། །ཁྲོ་བོས་དྲག་ཏུ་མཚམས་
ཅད་ལ། །སྦོམ་པོ་ཁྲོ་མོ་ལྷ་རུ་བསྒོམ། །དེ་ཡིས་རིན་ཆེན་དང་པོ་གཟུང་། །དེ་ནས་སོར་བཞི་འཕྱང་དུ་གཞུག །ཐུབ་བམ་མི་ཐུབ་ལ་སོགས་པ། །མཁས་པས་བརྟགས་ཤིང་ཤེས་པར་བྱ། །དབྱིབས་དང་ཁ་དོག་རིན་པོ་ཆེ། །

87-1-27a

ཡོན་ཏན་མེད་པ་ག་ལ་སྲིད། །དཔེར་ན་བུ་གཅིག་སྐྱེས་གྱུར་ན། །ཕ་མེད་པ་ཡང་ག་ལ་སྲིད། །དེ་བས་མཁས་པས་བརྟག་པར་བྱ། །ལྷ་མོས་གསོལ་པ་བཅོམ་ལྡན་འདས། །གསེར་དངུལ་ལ་སོགས་ཇི་ལྟར་ལགས། །བཅོམ་
ལྡན་འདས་ཀྱིས་བཀའ་སྩལ་པ། །གསེར་ནི་རྣམ་པ་གཉིས་ཡིན་ཏེ། །རང་བཞིན་དང་ནི་བཟོར་བྱས་ཡིན། །རང་བཞིན་གྱིས་ནི་འཆི་བ་བསླུ། །བཟོར་བྱས་པ་ནི་རྣམ་པ་གཉིས། །གསེར་འགྱུར་
གསེར་གྱི་རྒྱན་ཡིན་ཏེ། །བདར་བའི་གསེར་གྱིས་སྲིད་ལམ་འགེགས། །ལོ་དང་ཟླ་བ་ཟླ་བ་ཕྱེད། །མཁས་པས་བརྟགས་ཤིང་ཤེས་པར་བྱ། །དངུལ་ལ་སོགས་པའང་དེ་བཞིན་ཏེ། །མདོར་ན་སྣང་ཞིང་སྲིད་པའི་རྫས། །ཐམས་ཅད་
རིན་པོ་ཆེ་ཡིན་ཏེ། །མན་ངག་ཅན་གྱིས་ཤེས་པར་བྱ། །དེ་ནས་བཅུད་ཀྱི་རིན་པོ་ཆེ། །ལུས་ཀྱི་རི་རབ་ལྷུན་པོ་ལ། །རིན་ཆེན་གསེར་གྱི་དབྱེ་བ་ཡང་། །ཐབས་དང་ཤེས་རབ་རིན་པོ་ཆེ། །ཤེས་རབ་རྩ་ཡི་རང་བཞིན་ཏེ། །ཐབས་ནི་
བྱང་ཆུབ་སེམས་ཡིན་ནོ། །དམར་དང་དངས་པ་ཤེས་རབ་སྟེ། །དཀར་དང་དངས་པ་ཐབས་སུ་གསུངས། །ཨ་བ་དྷཱུ་ཏཱི་རིན་ཆེན་ལས། །ཐིག་ལེ་དུ་མ་ཕྲེང་བ་ཡིན། །ལྷ་མོས་གསོལ་པ་བཅོམ་ལྡན་འདས། །ཨ་བ་དྷཱུ་ཏཱི་ཇི་ལྟར་
ལགས། །བཅོམ་ལྡན་འདས་ཀྱིས་བཀའ་སྩལ་པ། །ཨ་བ་དྷཱུ་ཏཱིའི་རང་བཞིན་ལས། །སྟེང་དུ་སྒོ་ལྔ་ཡང་དག་གནས། །བར་དང་འོག་ཏུའང་དེ་བཞིན་ཏེ། །བསྐྱེད་དང་རྫོགས་དང་རང་བཞིན་ལས། །ཡོན་ཏན་སྐྱོན་གྱི་མཚན་
ཉིད་དོ། །བདེ་ཆེན་ཐིག་ལེ་ཧཾ་ཡིན་ནོ། །དང་ཨཱཿཧཱུཾ་ཧ་དང་བཞི། །བདེ་བ་ཆེན་པོའི་འཁོར་ལོ་རུ། །སྐུ་གསུང་ཐུགས་དང་བདེ་བ་ཆེ། །འབར་བ་བཞི་རུ་ཡང་དག་བཤད། །སྐུ་གསུང་ཐུགས་དང་བདེ་བ་ཆེ། །མགྲིན་
པ་རུ་ནི་འཇུག་པ་བཞི། །སྙིང་གར་ཡང་ནི་འཛག་པ་བཞི། །སྤྲུལ་པ་རུ་ཡང་དེ་བཞིན་ཏེ། །ཆོས་ཀྱི་སྐུ་ནི་རིན་ཆེན་ལ། །སྟོང་པ་བཅུ་དྲུག་ཕྲེང་བར་བཤད། །དེ་ནས་ཤིན་ཏུ་གསང་བའི་དོན། །པདྨ་རྡོ་རྗེ་གཉིས་

87-1-27b

པ་ཡང་། །ཨ་བ་དྷཱུ་ཏཱི་རིན་པོ་ཆེ། །ཨ་ཕཊ་ཨེ་དང་ཝཾ་དང་བཞི། །གསང་བའི་ཐིག་ལེ་བཞི་རུ་བཤད། །ཨ་ནི་མེ་ལོང་ལྟ་བུ་སྟེ། །ཕཊ་ནི་བྱ་བ་ནན་ཏན་ཡིན། །ཨེ་ནི་སོ་སོར་རྟོག་པ་སྟེ། །ཝཾ་ནི་མཉམ་ཉིད་ཡེ་ཤེས་སོ། །རིན་ཆེན་
ཆོས་དབྱིངས་ཡེ་ཤེས་ཏེ། །རྣམ་པར་ཐར་དང་སྟོང་པ་དང་། །མཚན་དང་དེ་བཞིན་དཔེ་བྱད་རྣམས། །ཨ་ནི་འཁོར་ལོ་འབྱུང་བ་བཞི། །ཕཊ་ཀྱི་གནས་སུ་ཡེ་ཤེས་ལྔ། །ཨེ་ཡི་གནས་སུ་སྙོམས་འཇུག་དགུ། །ཝཾ་གི་གནས་
སུ་ལྔ་བཅུ་བརྒྱད། །དེ་ཁོ་ན་རུ་ཤེས་པར་བྱ། །ཀྵ་ཨེ་ཏ་ས་བོན་བཞི། །ཡོན་ཏན་སྐྱོན་གྱི་མཚན་ཉིད་ཀྱིས། །ཀུན་ལ་ཁྱབ་ཅིང་ཤེས་པར་བྱ། །ལྷ་མོས་གསོལ་པ་བཅོམ་ལྡན་འདས། །འདི་ཡིས་གདོན་རྣམས་ཇི་
ལྟར་ཐུབ། །བྱང་སེམས་དགག་པ་ཇི་ལྟར་ལགས། །སྐྲ་དཀར་གཉེར་མ་ཇི་ལྟར་ཞི། །བཅོམ་ལྡན་འདས་ཀྱིས་བཀའ་སྩལ་པ། །རྣམ་པར་རྟོག་པ་གདོན་ཡིན་ཏེ། །མཚན་དང་དཔེ་བྱད་སྤོང་བ་དང་། །ཕུང་པོ་ལྔ་ནི་བདུད་རྩི་
ལྔ། །སྐྱེ་མཆེད་དེ་ནི་ལྔ་རུ་འགྱུར། །ཁམས་རྣམས་རྟེན་གྱི་ངོ་བོ་སྟེ། །དེ་རྣམས་རྟེན་རྩིའི་ངོ་བོ་སྟེ། །རྣམ་རྟོག་སྤོང་ཕྱིར་རིན་པོ་ཆེ། །བྱང་ཆུབ་སེམས་དགག་རིམ་པ་ཡང་། །གཡས་བརྐྱང་བས་ནི་ཐབས་ཀྱིས་
ཏེ། །གཡོན་གྱིས་ཤེས་རབ་རྩ་མདུད་དགག །ས་གས་ནམ་མཁའ་དགག་པར་བྱ། །ཟླུམ་པོས་གསང་བའི་སྣ་རྩེར་དགག །ལ་ལ་ནཱ་དང་ར་ས་ནཱ། །ཨ་བ་དྷཱུ་ཏཱིའི་ནང་ཆུད་པ། །དེ་ནི་ནམ་མཁའ་ཟླུམ་པོ་སྟེ། །དཔེར་ན་
སྦྲུལ་གྱི་ལྕེ་གཉིས་ལ། །དུག་དང་སྨན་ནི་ཡོད་པ་བཞིན། །གཞན་ཡང་འདུག་སྟངས་བྱེ་བྲག་གིས། །དགག་པའི་སྦྱོར་བ་ཤེས་པར་བྱ། །དགག་པ་སྲོག་དང་རྩོལ་བའི་རྟེན། །དེ་ལྟར་དབུས་སུ་གནས་པ་དང་། །རིམ་
ནས་རིམ་པར་གྱེན་ལ་དྲང་། །སྐད་ཅིག་ནས་བཟུང་ལོ་ཡི་བར། །སྐྲ་དཀར་གཉེར་མའི་རང་བཞིན་དགག །གང་ལ་བརྟེན་པ་དེ་ཡི་ཚད། །ལྷ་མོས་གསོལ་པ་བཅོམ་ལྡན་འདས། །དབུས་སུ་གནས་པ་ཇི་ལྟར་ལགས། །

87-1-28a

རིམ་ནས་རིམ་དུ་ཇི་ལྟར་དྲང་། །བཅོམ་ལྡན་འདས་ཀྱིས་བཀའ་སྩལ་པ། །ཐབས་ཞེས་བྱ་བ་རྟག་པའི་མཐའ། །ཤེས་རབ་ཞེས་པ་ཆད་པའི་མཐའ། །སྙོམས་པར་འཇུག་པ་དབུ་མའི་དོན། །གཡས་ཀྱི་སྲོག་ནི་རྟག་པའི་མཐའ། །
གཡོན་གྱི་རྩོལ་བ་ཆད་པའི་མཐའ། །དེ་གཉིས་གནས་པ་དབུ་མའི་དོན། །རོ་མ་རྟག་པའི་བྱང་ཆུབ་སེམས། །རྐྱང་མ་ཁྲག་ནི་ཆད་པའོ། །ཀུན་འདར་མ་རུ་གང་གནས་པ། །དེ་ནི་དབུ་མར་ཤེས་པར་བྱ། །མཆོག་གི་དགའ་བ་རྟག་པའི་
མཐའ། །བྲལ་བའི་དགའ་བ་ཆད་པའི་མཐའ། །ལྷན་ཅིག་དགའ་བ་དབུ་མར་བཤད། །དང་ཧཱུཾ་ནི་མཐའ་གཉིས་ཏེ། །ཨཱཿཡི་རྣམ་པ་དབུ་མར་གནས། །ཨཱ་ལི་ཀཱ་ལི་མཐའ་གཉིས་ཏེ། །མ་ནིང་ཡི་གེ་དབུ་མ་ཡིན། །སྐྱེས་པ་
བུད་མེད་མཐའ་གཉིས་ཏེ། །མ་ནིང་གཉིས་སུ་མེད་པར་གསུངས། །འདི་ནི་སྒོམ་པ་ཟུང་དུ་འཇུག །དེ་ནི་གནས་པར་དབུ་མའི་དོན། །ཤེས་རབ་ཕ་རོལ་ཕྱིན་པ་རུ། །འབྲེལ་པ་ཟུང་དུ་འཇུག་པར་གསུངས། །བྱ་བའི་རྒྱུད་དང་རྣལ་འབྱོར་རྒྱུད། །
སྣང་བ་ཟུང་དུ་འཇུག་པར་གསུངས། །དཔལ་ལྡན་གསང་བ་འདུས་པ་རུ། །སྟེང་སྒོའི་རླུང་ལ་ཟུང་དུ་འཇུག །ཤེས་རབ་རྣལ་འབྱོར་བླ་མ་རུ། །སིཧླ་ག་པུར་ཟུང་དུ་འཇུག །རིམ་ནས་རིམ་དུ་དྲང་བ་ཡང་། །གསང་བའི་འཁོར་ལོ་ཨ་ལ་ནི། །
བདེ་བ་རྫོགས་པའི་ཚད་བསྟན་པ། །པདྨ་རྡོ་རྗེ་འགགས་པ་སྙམ། །དེ་ནི་ཡོངས་སུ་རྫོགས་པའི་ཚད། །དེ་ནས་གསང་བའི་འཁོར་ལོ་ནས། །བདེ་ཆེན་འཁོར་ལོའི་བར་དུ་དྲང་། །དང་པོར་དེ་ལྟར་ཤེས་པར་བྱ། །དེ་ལྟར་
སེམས་ནི་བརྟན་འགྱུར་ན། །བདེ་བ་ཆེན་པོའི་འཁོར་ལོ་ནས། །གསང་བའི་སྣ་རྩེ་བར་དུ་དྲང་། །ལྷ་མོས་གསོལ་པ་བཅོམ་ལྡན་འདས། །བཅུད་ཀྱི་རིན་ཆེན་གང་ན་གནས། །དེ་ནི་ཤེས་པ་སུ་ཡིས་ཤེས། །དེ་ཡི་བརྟག་པ་ཇི་ལྟར་
ལགས། །བཅོམ་ལྡན་འདས་ཀྱིས་བཀའ་སྩལ་པ། །སྤྱི་བོ་ཚངས་པའི་བུ་ག་ནས། །གསང་བའི་འཁོར་ལོ་ཡན་ཆད་དུ། །ཨ་བ་དྷཱུ་ཏཱི་ཙནྡན་གནས། །ལ་ལ་ར་ས་སྦྲུལ་ལྟར་གནས། །གཞན་རྣམས་བ་ཐག་ཁུག་པར་

87-1-28b

གནས། །འདི་རྣམས་རང་བཞིན་ཀུན་ལ་གནས། །རྩ་དང་འཁོར་ལོ་འདི་རྣམས་ནི། །དེ་བཞིན་གཤེགས་པའི་སྙིང་པོར་གསུངས། །ཕྱི་ཡི་རྩ་དང་ནང་གི་རྩ། །གསང་བ་དེ་བཞིན་མཐར་ཐུག་པའི། །མན་ངག་ཡོད་པས་ཤེས་
པར་གསུངས། །བརྟག་པ་རྣམ་པ་གཉིས་སུ་བསྟན། །དང་པོ་ལུས་ཀྱི་བརྟག་པ་སྟེ། །གཉིས་པ་ངག་ཏུ་ཤེས་པར་བྱ། །ལུས་ལ་སྤྱི་དང་བྱེ་བྲག་གཉིས། །སྒུ་ན་རླུང་གི་རང་བཞིན་ཏེ། །ཡན་ལག་ཐུང་བ་ཆུ་ཡི་ཁམས། །ཡན་ལག་རྒྱས་
པ་ས་ཡི་ཁམས། །སྨད་ཞེང་ཆེ་བ་མེ་ཡི་ཁམས། །སྣ་ཚོགས་དུ་མ་ནམ་མཁའི་ཁམས། །སྤྱི་རུ་དཀར་བ་ཆུ་ཡི་ཁམས། །དམར་བ་མེ་རུ་ཤེས་པར་བྱ། །སེར་ན་དེ་བཞིན་ས་ཡི་ཁམས། །སྔོ་ན་རླུང་དུ་ཤེས་པར་བྱ། །ཡང་ན་རླུང་གི་ཁམས་
ཡིན་ཏེ། །དྲོད་རྣམས་ཆེ་ན་མེ་ཡི་ཁམས། །བརྟན་ན་ས་ཡི་ཁམས་སུ་གསུངས། །ཆུ་ཁམས་ཆེ་ན་ཆུ་ཡི་ཁམས། །དེ་རྣམས་ཀུན་ལྡན་ནམ་མཁའི་ཁམས། །འཇུག་པ་བདེ་ཆེན་ས་ཡིན་ཏེ། །ལྡོག་པ་སྤྲུལ་པ་ཆུ་རུ་གསུངས། །རྣལ་འབྱོར་
རྒྱུད་ནི་བྱེ་བྲག་གིས། །སེམས་ཀྱི་གནས་སུ་ཤེས་པར་བྱ། །ཤུ་ཀྲ་རླུང་ལ་སིཧླ་མེ། །སྤྲུལ་དང་ཆོས་སུ་ཁ་སྦྱར་ཡིན། །གཞན་ཡང་མཁས་པས་ཤེས་པར་བྱ། །དེ་ནས་བྱེ་བྲག་གསུངས་པ་ཡི། །དབྱིབས་དང་ཁ་དོག་མཚན་མ་གསུམ། །
ཀུན་ལ་མཁས་པས་ཤེས་པར་བྱ། །དང་པོར་དབྱིབས་ཀྱི་བརྟག་པ་ཡང་། །དཔྲལ་བའི་དབྱིབས་ལ་རྣམ་པ་བཞི། །གྲུ་བཞི་ཟླུམ་པོ་ཟླ་གམ་དང་། །གྲུ་གསུམ་དུ་ཡང་ཤེས་པར་བྱ། །དཀར་པོ་ལ་སོགས་དེ་དང་འདྲ། །རྣ་བ་ནས་གཟུང་
རྐང་པའི་བར། །ཀུན་ལ་བརྟག་ཅིང་ཤེས་པར་བྱ། །སྐད་ནི་ཕྲ་དང་སྦོམ་པ་དང་། །རིང་དུ་འདོན་དང་ཐུང་བ་དང་། །འདར་བ་ལ་སོགས་བྱེ་བྲག་རྣམས། །མཁས་པས་བརྟག་ཅིང་ཤེས་པར་བྱ། །རྟགས་དེས་བརྟག་པའི་མཚན་མ་ནི། །
རྣམ་པ་གསུམ་དུ་ཤེས་པར་བྱ། །འདོད་ཆགས་སྐུ་དང་ཞེ་སྡང་ཐུགས། །མུན་པ་གསུང་དུ་ཤེས་པར་བྱ། །དང་པོ་འདོད་ཆགས་དབྱེ་བ་ཡང་། །ཡར་ངོ་མར་ངོ་མཚམས་དང་གསུམ། །དབྱིབས་དང་ཁ་དོག་སྐད་གསུམ་ལ། །

87-1-29a

མཁས་པ་འདོད་པ་སྐྱེ་བ་བརྟག །ཉིན་བར་བཞི་དང་མཚན་བར་བཞི། །དེ་བཞིན་སྐད་ཅིག་ཐང་ཅིག་རྣམས། །མཁས་པས་བརྟག་ཅིང་ཤེས་པར་བྱ། །མིག་འཛུམས་བ་སྤུ་ལྡང་ལ་སོགས། །དབྱིབས་ཀྱི་འདོད་པ་སྐྱེ་བའི་རྟགས། །
འདོད་པའི་གཟུགས་ལྡན་ཅུང་ཞིག་དམར། །སྣ་བུག་དཀར་ལ་སོགས་པ་དང་། །སྐད་འདར་ཁ་ནི་སྐམ་ལ་སོགས། །འདོད་པ་སྐྱེ་བའི་རྟགས་སུ་བཤད། །གཞན་ཡང་འདོད་པ་རྒྱས་པའི་རྟགས། །ཁ་དོག་དབྱིབས་ལ་བརྟག་པར་བྱ། །སྲ་
ཕྱིར་འདོད་པ་ས་ཡི་ཁམས། །ཆུ་ལ་སོགས་པ་དེ་བཞིན་ནོ། །གསུང་དང་ཐུགས་ལའང་ཤེས་པར་བྱ། །ལྷ་མོས་གསོལ་པ་བཅོམ་ལྡན་འདས། །འདོད་ཆགས་ཞེས་པ་ཇི་ལྟར་ལགས། །དེ་ཡི་ཆེན་པོ་ཇི་ལྟར་ལགས། །ཞེ་སྡང་ལ་སོགས་ཇི་
ལྟར་ལགས། །སྐུ་གསུང་ཐུགས་ནི་ཇི་ལྟར་ལགས། །བཅོམ་ལྡན་འདས་ཀྱིས་བཀའ་སྩལ་པ། །འདོད་ཆགས་ཉོན་མོངས་འཁོར་བ་སྟེ། །གབ་པའི་གསང་བ་མ་གཏོགས་པར། །སྦས་པའི་གསང་བ་ལ་ཞེན་ནས། །སྲིད་པའི་ས་བོན་མི་ཟབ་
པས། །དཔེར་ན་རྒྱུད་ཀྱི་མདའ་བཞིན་དུ། །འབྲས་བུ་མནར་མེད་དམྱལ་བར་སྐྱེ། །ཆེན་པོ་མི་རྟོག་རང་བཞིན་ཏེ། །འབྲས་བུ་གཉིས་མེད་ཡེ་ཤེས་སྐྱེད། །འདོད་ཆགས་ཞེས་པ་སྤང་བྱ་སྟེ། །དེ་ཡི་ཆེན་པོ་གཉེན་པོར་གསུངས། །འདོད་
ཆགས་ཞེས་པ་མེ་ཏོག་སྟེ། །དེ་ཡི་ཆེན་པོ་དྲི་དང་འདྲ། །གཞན་ཡང་བྱེ་བྲག་ཤེས་པར་བྱ། །ཞེ་སྡང་ལ་སོགས་གོང་དང་འདྲ། །ཐམས་ཅད་རྟེན་པ་སྐུ་རུ་བསྟན། །བརྗོད་པ་དང་བྲལ་གསུང་དུ་བསྟན། །རྣམ་རྟོག་བྲལ་བ་ཐུགས་སུ་ཤེས། །
རྣམ་རྟོག་ཆུང་ཞིང་གཏོང་ཕོད་ཆེ། །བླ་མ་ལ་གུས་སྙིང་རྗེ་ཆེ། །གཞན་ཡང་བྱེ་བྲག་ཀུན་ཤེས་པ། །འདི་ལ་བསྟན་གྱི་ཀུན་ལ་གསང་། །བླ་མ་ཡོན་ཏན་ཀུན་ལྡན་ཞིང་། །དབང་དང་མན་ངག་འབྲེལ་ཤེས་དང་། །གསང་བའི་དོན་ལ་མ་རྨོངས་
ཤིང་། །ཐུགས་རྗེ་ཆེན་པོ་དང་ལྡན་པས། །ཆོས་ལ་སེར་སྣ་མེད་པ་དང་། །གསལ་ལ་གསོང་པོར་སྨྲ་བ་དང་། །རིགས་བཅས་ཀུན་གྱིས་བཀུར་བ་དང་། །ལས་ཀྱི་ཕྱག་རྒྱ་འཆང་བ་དང་། །དམ་ཚིག་དང་ལྡན་བླ་མ་སྟེ། །

87-1-29b

འདི་ལ་བཀུར་གྱི་ཐམས་ཅད་ལ། །བསྙེན་ཅིང་བཀུར་བར་བྱ་བ་མིན། །དེ་ནས་རིན་ཆེན་གསུམ་པ་ནི། །གཉིས་མེད་ལྷན་ཅིག་སྐྱེས་པ་སྟེ། །རྟོག་བྲལ་སྤྲོས་པ་མེད་པ་ཡིན། །དེ་རྟོགས་རིན་ཆེན་ཕྲེང་བའོ། །ལྷ་མོས་གསོལ་པ་བཅོམ་ལྡན་འདས། །
གབ་པ་ཞེས་པ་ཇི་ལྟར་ལགས། །དེ་ཡི་འབྲས་བུ་ཇི་ལྟར་སྨིན། །སྦས་པ་ཞེས་པ་ཇི་ལྟར་ལགས། །དེ་ཡི་འབྲས་བུ་ཇི་ལྟར་ལགས། །བཅོམ་ལྡན་འདས་ཀྱིས་བཀའ་སྩལ་པ། །གབ་པ་ཞེས་པ་ཡེ་ཤེས་ཏེ། །སུམ་ཅུ་རྩ་བདུན་སྐུ་
གསུང་ཐུགས། །ཆོས་དང་ལོངས་སྤྱོད་སྤྲུལ་སྐུ་གསུམ། །དགའ་བ་བཞི་རུ་མདོར་བསྡུས་པ། །དམིགས་པའི་རྐྱེན་ནི་གསང་བའོ། །བདུན་དང་ལྡན་ཕྱིར་ཆེན་པོའོ། །སུམ་ཅུ་རྩ་བདུན་ལ་སོགས་པའི། །གཉེན་པོ་སྟོབས་ཀྱིས་
མ་ཞུགས་པར། །སྦས་པ་པདྨ་རྡོ་རྗེ་གཉིས། །སྙོམས་པར་ཞུགས་ན་འདོད་པ་སྐྱེ། །འདི་ནི་རྐུན་པོ་མ་རུངས་པ། །དཔེར་ན་ལྗོན་ཤིང་རྩ་བ་ལས། །ཡལ་ག་མེ་ཏོག་ཐམས་ཅད་སྐྱེས། །ཉོན་མོངས་རྩ་བ་འདོད་ཆགས་ལས། །
དུག་གསུམ་ལ་སོགས་ཐམས་ཅད་དེ། །སྦས་པའི་གསང་བ་འཁོར་བ་སྟེ། །གབ་པ་མྱ་ངན་འདས་པར་གསུངས། །འཁོར་བ་མནར་མེད་དམྱལ་བ་དང་། །དུར་ཁྲོད་བརྒྱད་པོ་དྲེགས་པ་ཅན། །སྙིང་རྗེ་མེད་ཅིང་ཤ་ཁྲག་ཟ། །ཤིང་
རྟའི་འཁོར་ལོ་བཞིན་དུ་གནས། །མྱ་ངན་འདས་པ་སྐུ་གསུམ་སྟེ། །སྐྱོབ་པ་མྱ་ངན་འདས་གྱུར་ཀྱང་། །འཁོར་ལོ་འཁོར་བའི་ཚུལ་དུ་ནི། །ཚོགས་ཀྱི་ཤུགས་ཀྱི་མཐུ་ཡིས་སུ། །སེམས་ཅན་དོན་ལ་ཡང་དག་འཇུག །ཆོས་སྐུ་
སྤྲོས་བྲལ་ནམ་མཁའ་བཞིན། །སྐུ་གཉིས་སྤྲིན་དང་ཆར་ལྟ་བུ། །སྐུ་གཉིས་སེམས་ཅན་དོན་མཛད་པ། །སེམས་ཅན་ལས་དང་སྨོན་ལམ་སྟོབས། །དེ་ཡི་སྟོབས་ཀྱི་སྣང་བ་ལས། །ཡང་དག་ཉིད་ལ་སྣང་རྒྱུ་མེད། །
སྐུ་གསུམ་དེ་ཉིད་བཞི་བཅུའི་དོན། །དུར་ཁྲོད་ལ་སོགས་བརྡ་རུ་ཤེས། །སུམ་ཅུ་རྩ་གཉིས་ཆོས་སྐུའི་བརྡ། །བརྒྱད་ནི་གཟུགས་སྐུ་གཉིས་ཀྱི་བརྡ། །གཞན་ཡང་བརྡ་ཡི་བྱེ་བྲག་ནི། །སྦོམ་པོ་གསང་བའི་

87-1-30a

རྡོ་རྗེའི་བརྡ། །ཁྲོ་མོ་གསང་བའི་པད་མའི་བརྡ། །སྒུ་དང་དྲང་བ་ཡོན་ཏན་སྐྱོན། །མཛུབ་མོ་ལ་རྟེན་མཐེའུ་ཆུང་ནི། །ང་ཡི་གམ་དུ་ཚུར་ཤོག་ཡིན། །མཐེ་བོ་ལ་བརྟེན་མཛུབ་མོ་བར། །ཁྱོད་ཀྱི་གན་དུ་འོང་གིས་ཡིན། །
མཐེ་བོང་མཛུབ་གཉིས་ཟུར་གསུམ་ནི། །བྷ་ག་རྒྱས་སམ་དྲི་བ་ཡིན། །བྷ་ག་རྒྱས་པ་ཟླུམ་པོར་སྟོན། །བདེ་བའི་གནས་སུ་འདུ་བ་ཡང་། །སྲོད་དམ་ནམ་གུང་ཐོ་རངས་གསུམ། །མཛུབ་ཚིགས་དང་པོ་ནས་གཟུང་ནས། །ཐ་མའི་
བར་དུ་བརྡ་ཡིན་ནོ། །སྐུ་གསུང་ཐུགས་ཀྱིས་བྱིན་བརླབས་ཀྱིས། །ལན་གསུམ་བར་དུ་ནན་ཏན་གནད། །གཞན་ཡང་བརྡ་ཡི་བྱེ་བྲག་རྣམས། །རྒྱུད་རྣམས་ཀུན་དུ་མ་གསུངས་པ། །གནས་ནི་ཐབས་ཀྱི་འདུག་སྟངས་སོ། །
ཉེ་གནས་ཤེས་རབ་འདུག་པར་གསུངས། །ཞིང་ནི་ཐབས་ཀྱི་བཟའ་བའི་ཚོགས། །དེ་བཞིན་ཤེས་རབ་ཉེ་བའི་ཞིང་། །འདུ་བ་ཐབས་ནི་འོང་བ་སྟེ། །ཤེས་རབ་འོང་བ་ཉེ་འདུ་ཡིན། །ཙྪནྡོ་ཐབས་ཀྱི་སྟན་དང་རྒྱན། །
ཤེས་རབ་དེ་བཞིན་ཉེ་ཙྪནྡོ། །དུར་ཁྲོད་ཐབས་ཀྱི་རྣམ་རྟོག་བྲལ། །དེ་བཞིན་ཤེས་རབ་ཉེ་དུར་ཁྲོད། །གཞན་ཡང་བརྡ་ཡི་བྱེ་བྲག་རྣམས། །ཁ་དོག་དེ་བཞིན་དབྱིབས་དང་ཡང་། །ཡན་ལག་ཚུལ་ལས་ཤེས་
པར་བྱ། །དེ་ནས་ལྷ་མོ་ལ་སོགས་པས་མཆོད་པ་སྣ་ཚོགས་པས་མཆོད་ནས་མི་སྣང་བར་གྱུར་ཏོ། །དཔལ་རིན་ཆེན་ཕྲེང་བའི་རྒྱུད་ཀྱི་རྒྱལ་པོ་ཆེན་པོ་གསང་བ་སྟེ་རང་བཞིན་གྱིས་གསང་བ་རྫོགས་སྷོ།། །།
རྒྱ་གར་གྱི་མཁན་པོ་རིན་ཆེན་རྡོ་རྗེ་དང་། །ལོ་ཙྪ་་བ་དགེ་སློང་ཤཱཀྱ་ཡེ་ཤེས་ཀྱིས་བསྒྱུར་ཅིང་ཞུས་ཏེ་གཏན་ལ་ཕབ་པའོ།   །སླད་ཀྱིས་ཀྱང་དཔེ་ཕྱི་མོ་ལ་གཏུགས་ནས་བཅོས་པའོ། ། རྒྱ་གར་སྐད་དུ།   ཤྲཱི་མ་ཧཱ་ས་མཱ་
ཡ་ཏནྟྲ་རཱ་ཛ་ནཱ་མ།  བོད་སྐད་དུ།   དཔལ་དམ་ཚིག་ཆེན་པོའི་རྒྱུད་ཀྱི་རྒྱལ་པོ་ཞེས་བྱ་བ།  འཇམ་དཔལ་གཞོན་ནུར་གྱུར་པ་ལ་ཕྱག་འཚལ་ལོ། །འདི་སྐད་བདག་གིས་ཐོས་པ་དུས་གཅིག་ན། བཅོམ་ལྡན་འདས་

87-1-30b

དེ་བཞིན་གཤེགས་པ་ཐམས་ཅད་ཀྱི་སྐུ་དང་གསུང་དང་ཐུགས་རྡོ་རྗེ་བཙུན་མོའི་བྷ་ག་ལ་སྙོམས་པར་བཞུགས་སོ། །དེ་ནས་བྱང་ཆུབ་སེམས་དཔའ་ཆེན་པོ་རྡོ་རྗེ་སྙིང་པོ་དང་། རྣལ་འབྱོར་མ་གྲངས་མེད་པའི་ནང་ནས་བྱང་ཆུབ་
སེམས་དཔའ་རྡོ་རྗེ་སྙིང་པོ་ལ་ཞལ་འཛུམ་པ་མཛད་ནས། དམ་ཚིག་གི་རིམ་པ་བཀའ་སྩལ་པ། དམ་ཚིག་དང་ནི་མི་ལྡན་ན། །བསྒྲུབས་ཀྱང་འགྲུབ་པར་མི་འགྱུར་ཏེ། །རྒྱུ་མེད་པ་ཡི་འབྲས་བུ་བཞིན། །
ཚེ་ཡི་དུས་བྱས་དམྱལ་བར་འགྲོ། །དེ་ཕྱིར་དམ་ཚིག་ཤིན་དུ་བསྲུང་། །སངས་རྒྱས་བླ་མ་ལས་ཐོབ་ཕྱིར། །ཐུན་མོང་མ་ཡིན་བླ་མ་ཡི། །ལྔ་བཅུའི་བདག་ཉིད་བསྲུང་བར་བྱ། །ཐུན་མོང་བརྒྱད་དང་བཅུ་བཞི་སྟེ། །དེ་
རྣམས་ངེས་པ་ཤེས་པར་བྱ། །དེ་རྣམས་སྤྱི་ཡི་དམ་ཚིག་སྟེ། །བྱེ་བྲག་དམ་ཚིག་བསྲུང་བར་བྱ། །ཕུང་པོ་ལྔ་ནི་རིགས་ལྔ་སྟེ། །འབྱུང་བ་ལྔ་ནི་ཡུམ་ལྔའོ། །སྐྱེ་མཆེད་སེམས་དཔའ་སེམས་མ་ཡིན། །
གཟུགས་ཕུང་རྣམ་པར་སྣང་མཛད་ལ། །བརྗེད་དང་བརྙས་པ་ལ་སོགས་སྤང་། །དེ་ལ་མཆོད་དང་བསྟོད་སོགས་བྱ། །དོན་དམ་པར་ནི་རང་རིག་སྟེ། །ཚོགས་བསགས་ཕྱིར་ན་ང་ཡིས་གསུངས། །ཚོར་བ་
ལ་སོགས་དེ་དང་འདྲ། །ས་ནི་སངས་རྒྱས་སྤྱན་ཡིན་ཏེ། །སྤྱོད་ལམ་གསུམ་དུ་མ་ཡེངས་བྱ། །གང་དུ་གསུངས་པའི་ཚུལ་བཞིན་བསྲུང་། །ཆུ་ལ་སོགས་པ་དེ་བཞིན་ནོ། །མིག་ལ་སོགས་པ་དེ་བཞིན་ནོ། །
གཟུགས་ལ་སོགས་པ་དེ་བཞིན་བསྲུང་། །དཀྱིལ་འཁོར་དུ་ཞུགས་རྣལ་འབྱོར་པ། །རྡོ་རྗེ་འཛིན་པ་བཞིན་དུ་མཆོད། །བརྙས་ཤིང་གཤེ་བ་ལ་སོགས་སྤང་། །སེམས་ཅན་ཕོ་དང་མོ་ཀུན་ལ། །དཔའ་
བོ་དཔའ་མོ་དམ་ཚིག་བསྲུང་། །བཟའ་བ་ལ་སོགས་དུས་སུ་ཡང་། །བདུད་རྩི་སྦྱོར་བས་དམ་ཚིག་བསྲུང་། །ཤ་ལྔ་བདུད་རྩི་ལྔ་རྣམས་ལ། །རང་གི་སྤྱོད་དང་གཞན་སྤྱོད་ལ། །རྗེས་སུ་ཡི་རང་དམ་ཚིག་ཡིན། །

87-1-31a

མདོར་ན་སྣང་ཞིང་སྲིད་པའི་རྫས། །དམ་ཚིག་བསྲུང་ཞིང་མཆོད་པའི་ཕྱིར། །ལུས་ཀྱི་ཉེས་སྡོམ་སྐུ་ཡིན་ཏེ། །ངག་གི་ཉེས་སྡོམ་གསུང་དུ་གསུངས། །ཡིད་ཀྱི་ཉེས་སྡོམ་ཐུགས་སུ་གསུངས། །ཨོཾ་
གྱི་འོད་ཟེར་དཀར་པོ་ཡིས། །འདོད་ཁམས་དག་པར་གྱུར་པ་ནི། །སྐུ་ཡི་དམ་ཚིག་བསྲུང་བའོ། །དེ་ལ་མཆོད་དང་བསྟོད་སོགས་བྱ། །བསྡུ་བའང་དུ་ཤེས་པར་བྱ། །ཨཿནི་ཁ་དོག་དམར་པོ་ཡིས། །གཟུགས་
ཁམས་དག་པ་གསུང་དམ་ཚིག །ཧཱུྃ་གི་ཁ་དོག་ནག་པོ་ཡིས། །གཟུགས་མེད་དག་པ་དམ་ཚིག་གོ། །ཨོཾ་ནི་སྤྱི་བོར་ཡང་དག་གནས། །ཨཱཿནི་དེ་བཞིན་མགྲིན་པར་གནས། །ཧཱུྃ་ནི་སྙིང་གར་སྤྲོ་དང་བསྡུ། །སྐུ་ཡི་མཁའ་
འགྲོ་བཅུ་གཉིས་སུ། །འདོད་ཁམས་དག་པ་དམ་ཚིག་གོ། །གསུང་གི་མཁའ་འགྲོ་བཅུ་གཉིས་སུ། །གཟུགས་ཁམས་དག་པ་དམ་ཚིག་ཡིན། །ཐུགས་ཀྱི་མཁའ་འགྲོ་བཅུ་གཉིས་སུ། །གཟུགས་མེད་དག་པ་དམ་ཚིག་སྟེ། །
ཨོཾ་དང་ཨཱཿདང་ཧཱུྃ་ལ་བསྡུ། །ཨོཾ་ནི་རྒྱུ་ཡི་སྐུ་བཅུ་གཉིས། །ཨཱཿནི་ལམ་གྱི་སྐུ་བཅུ་གཉིས། །ཧཱུྃ་ནི་འབྲས་བུ་སྐུ་བཅུ་གཉིས། །བདེ་བ་ཆེན་པོའི་སྐུ་གསུང་ཐུགས། །ཡེ་ཤེས་གཅིག་སྦྱོར་སྡོམ་པའོ། །དཔལ་ལྡན་
ཆོས་ཀྱི་སྐུ་གསུང་ཐུགས། །ཡེ་ཤེས་གཅིག་སྦྱོར་སྡོམ་པའོ། །ལོངས་སྤྱོད་རྫོགས་པའི་སྐུ་གསུང་ཐུགས། །ཡེ་ཤེས་གཅིག་གྱུར་སྡོམ་པའོ། །སྤྲུལ་པ་ཡང་ནི་སྐུ་གསུང་ཐུགས། །ཡེ་ཤེས་གཅིག་སྦྱོར་སྡོམ་པའོ། །
བདེ་ཆེན་སྙིང་པོ་ཧྃ་ཉིད་ལ། །སྐུ་དང་གསུང་དང་ཐུགས་དང་ཡང་། །ཡེ་ཤེས་དང་ནི་རྣམ་པ་བཞི། །ཨོཾ་དང་ཨཱཿདང་ཧཱུྃ་དང་ཡང་། །ཡན་ལག་བཞི་བཞིར་ཐུབ་པས་གསུངས། །རྒྱུ་དང་ལམ་དང་འབྲས་བུ་ལ། །བཞི་བཅུ་རྩ་བརྒྱད་
ཤེས་པར་བྱ། །ཨ་དང་ཧྃ་གཉིས་རང་བཞིན་གྱི། །སྔགས་ཀྱི་ངོ་བོར་ཤེས་པར་བྱ། །སྔགས་ཀྱི་གྲངས་ནི་ཉི་ཁྲི་སྟོང་། །དྲུག་བརྒྱ་བཟླས་པར་ཤེས་པར་བྱ། །ལག་པ་བསྐྱོད་པ་རང་བཞིན་གར། །རྐང་པ་རང་བཞིན་དཀྱིལ་

87-1-31b

འཁོར་རོ། །དེ་ལྟར་གནས་ན་དམ་ཚིག་གོ། །གཞན་ཡང་དམ་ཚིག་བྱེ་བྲག་ཡང་། །འཇིག་རྟེན་ཐ་སྙད་སྤང་བའི་ཕྱིར། །མི་བསྐྱོད་རྣམ་སྣང་ལ་སོགས་དང་། །དཔའ་བོ་མཁའ་འགྲོ་མ་ཞེས་པ། །གསང་བའི་རྡོ་རྗེ་པད་མ་དང་། །
ཇི་ལྟར་རོལ་པའི་སྤྱོད་པ་ཀུན། །ཐ་སྙད་ཀྱང་ནི་ལམ་ལ་འཇུག །གཞན་ཡང་གསང་བའི་དམ་ཚིག་ནི། །རྩ་བ་བཞི་དང་ཡན་ལག་བཅུ། །ཐེག་པ་ཆེ་ལ་སྨོད་པ་དང་། །གསང་བའི་དོན་ལ་སྐུར་འདེབས་དང་། །རྣལ་
འབྱོར་ཀུན་ལ་གནོད་པ་དང་། །སེམས་ཅན་ཀུན་ལ་འཚེ་བྱེད་པ། །འདི་གསང་བ་ནི་དམ་ཚིག་ཡིན། །སྦས་པ་བསྲུང་བའི་རིམ་པ་ཡང་། །མ་བྱིན་བླང་བའི་དམ་ཚིག་སྟེ། །འདོད་པ་ཆེན་པོ་དང་ལྡན་པའི། །འདོད་ཆགས་སྤྱོད་
པའང་དེ་དང་འདྲ། །རང་གི་དམ་ཚིག་བསྲུང་བའི་ཕྱིར། །བརྫུན་དུ་སྨྲ་བ་བཞི་པ་ཡིན། །རོ་རྩའི་ཤ་དང་བཅུད་ཀྱི་ཤ །ཁ་བའི་ཆང་དང་མངར་བའི་ཆང་། །མར་ལ་གཅིག་སྟེ་འོ་མ་གཉིས། །གཞན་ནི་གསུམ་སྟེ་
ཡན་ལག་བཅུ། །འདི་ལྟར་དམ་ཚིག་ཡིན་པར་གསུངས། །བདུད་རྩི་ཉིད་ལ་དུས་གསུམ་དུ། །བཅོམ་ལྡན་སྐུ་གསུང་ཐུགས་ཀྱི་སྟེ། །དང་པོར་ཡུངས་ཀར་ཐ་མ་ཡང་། །བྱི་ལའི་ཁམས་ཀྱི་ཚུལ་དུ་བཟའ། །
མཚན་མོ་ཤེས་རབ་སྐུ་གསུང་ཐུགས། །ཉིན་མོ་ཐབས་ཀྱི་སྐུ་གསུང་ཐུགས། །ཉི་མ་ནུབ་དང་ཉི་མ་ཤར། །ཉི་མ་གུང་ནི་ཐབས་ཀྱི་དུས། །ནམ་སྲོས་ནམ་ནི་ལངས་བ་དང་། །ནམ་གྱི་གུང་ནི་ཤེས་རབ་དུས། །
དུས་དྲུག་མཆོད་པ་རྒྱུན་མི་གཅད། །དམ་ཚིག་འདི་ལས་མ་ཉམས་ན། །ཕྱོགས་བཅུ་འཇིག་རྟེན་ཁམས་བཞུགས་པའི། །དཔའ་བོ་མཁའ་འགྲོ་མ་མོ་རྣམས།། །མཆོད་དང་བསྲུང་བ་ལ་སོགས་བྱེད། །གཞན་
ཡང་གསང་བའི་བྱེ་བྲག་ལ། །གསང་བ་སྒོམ་པའི་རྣལ་འབྱོར་པས། །ལུས་ལ་མེ་དང་ཁྲེག་མི་གདོན། །སྲོག་གམ་ཟུག་རྔུའི་ཕྱིར་མ་གཏོགས། །སྲོག་ཆགས་འདོད་པ་སྤྱོད་མཐོང་ན། །རང་གི་རྣལ་འབྱོར་

87-1-32a

ཤོར་མི་བྱ། །དམ་ཚིག་བསྡུ་ཕྱིར་དབེན་པར་འདུག །ལས་སུ་རུང་ན་གཡོན་བར་འཁྱམ། །འདི་སྐད་ཅེས་བྱ་ཡན་ལག་བརྒྱད། །བདག་གི་བཅུ་བཞི་ཡིན་པར་གསུངས། །ཐོས་པའི་དུས་གཅིག་
ལྔ་བཅུའི་དོན། །བཅོམ་ལྡན་འདས་ནི་རྩ་བ་བཞི། །དེ་བཞིན་གཤེགས་པ་ཡན་ལག་བཅུ། །སྐུ་གསུང་ཐུགས་ནི་ལུས་ངག་ཡིད། །རྡོ་རྗེ་མི་ཕྱེད་ཕྱིར་དམ་ཚིག །བཙུན་མོ་དམ་ཚིག་གིས་བརྒྱན་མཛེས། །བྷ་ག་
མཉམ་པར་འཇོག་པས་སོ། །སྙོམས་པ་དུས་གསུམ་མི་འགྱུར་བ། །བཞུགས་པ་བདེ་བའི་ངོ་བོ་ལའོ། །རྡོ་རྗེ་སྙིང་པོ་ལ་སོགས་པ། །བྱེ་བྲག་ཡིན་པར་ང་ཡིས་གསུངས། །ཨེ་ནི་ཡན་ལག་བརྒྱད་ཡིན་
ནོ། །བྃ་ནི་བཅུ་པོའི་རང་བཞིན་ཏེ། །མ་ནི་ལྔ་བཅུའི་རང་བཞིན་ནོ། །ཡཱ་ནི་གཞན་རྣམས་ཡིན་པར་གསུངས། །ཨེ་ནི་སྲོག་ཆགས་གསོད་པ་སྟེ། །བྃ་ནི་མ་བྱིན་ལེན་པའོ། །མ་ནི་བརྫུན་དུ་སྨྲ་
བའོ། །ཡ་ནི་འདོད་ཆགས་སྤྱོད་པའོ། །ཨེ་ནི་སྐུ་ཡི་དམ་ཚིག་སྟེ། །བྃ་ནི་གསུང་གི་དམ་ཚིག་གོ། །མ་ནི་ཐུགས་ཀྱི་དམ་ཚིག་གོ། །ཡཱ་ནི་བཟའ་བའི་དམ་ཚིག་གོ། །དུས་གསུམ་
དམ་ཚིག་མ་བསྲུངས་ན། །འཇིག་རྟེན་པ་དང་འབུམ་འགྱུར་བའི། །རྣམ་སྨིན་ཆེ་བར་ང་ཡིས་གསུངས། །དམ་ཚིག་ཉམས་པའི་མཚན་མ་ནི། །ལུས་ཀྱི་ཉེས་པ་སྣ་ཚོགས་འབྱུང་། །
ངག་གི་ཉེས་པ་སྣ་ཚོགས་སྨྲ། །ཁ་དོག་དབྱིབས་རྣམས་འགྱུར་བ་དང་། །ལག་གི་རྫས་རྣམས་མི་ཐུབ་ཅིང་། །འབྲས་དང་ཤུ་བ་ལ་སོགས་འབྱུང་། །དེ་ཚེ་རྣལ་འབྱོར་ཉམས་པ་དེས། །
དམ་ཚིག་ཉམས་པ་ཤིན་དུ་བསམ། །བླ་མ་རྡོ་རྗེ་སྤུན་གྲལ་དུ། །ཚོགས་ཀྱི་དཀྱིལ་འཁོར་སྤྲུལ་བྱས་ལ། །གསེར་དངུལ་ལ་སོགས་བརྒྱ་འམ་སྟོང་། །རྟ་དང་གླང་པོ་ལ་སོགས་དང་། །

87-1-32b

བཻ་ཌཱུརྱ་དང་མན་ཤེལ་དང་། །གདུགས་དང་རྒྱལ་མཚན་བརྒྱ་འམ་སྟོང་། །མར་མེ་ལ་སོགས་དེ་བཞིན་ནོ། །ཚོགས་ཀྱི་འཁོར་ལོ་ཆེན་པོ་བསྐོར། །ཚོགས་བསགས་པས་ནི་ཉམས་པ་
གསོ། །གལ་ཏེ་ཉམས་པ་མ་གསོས་ན། །ཉམས་པ་དེ་དང་རྣལ་འབྱོར་གཞན། །གནས་གཅིག་དང་ནི་ཆུ་གཅིག་གམ། །ཡུལ་དང་ལམ་གྱི་གནས་གཅིག་གམ། །སྐད་ཅིག་ཙམ་ཡང་འདུག་
མི་བྱ། །འདུག་ན་ཉེས་པ་བསམ་མི་ཁྱབ། །རབ་གནས་སྦྱིན་སྲེག་དབང་བསྐུར་དང་། །གཏོར་མ་མཆོད་དང་བཟླས་པ་དང་། །རི་ལུ་མིག་སྨན་ལ་སོགས་དང་། །ཞི་རྒྱས་ལ་
སོགས་ལས་རྣམས་དང་། །འཇིག་རྟེན་མཚན་མ་བརྒྱད་དག་དང་། །འཇིག་རྟེན་འདས་པའི་མཚན་མ་བཞི། །སངས་རྒྱས་པ་ཡི་མཚན་མ་གཅིག །གཞན་ཡང་དངོས་གྲུབ་མ་ལུས་
པ། །དམ་ཚིག་འདི་ལས་འབྱུང་བར་འགྱུར། །འབྲུ་རྣམས་སྣ་ཚོགས་སྐྱེ་འགྱུར་བ། །རིན་ཆེན་ས་ལས་སྐྱེས་པ་བཞིན། །དམ་པ་སྐུ་གསུང་ཐུགས་ཡིན་ཏེ། །དེ་ལས་འདས་
ན་ཚིམ་བར་འགྱུར། །ཇི་ལྟར་བུ་ནི་མེད་པའི་ཁྱིམ། །ཤི་མ་ཐག་ཏུ་སྟོང་པར་འགྱུར། །དེ་བཞིན་དམ་ཚིག་འདི་མེད་ན། །མནར་མེད་སེམས་ཅན་དམྱལ་བར་སྐྱེ། །པི་ཝང་
གླིང་བུ་སྦྱོར་ཀུན་སོགས། །རྒྱུད་དང་བྲལ་ན་བརྡུང་མི་རུང་། །དེ་བཞིན་དམ་ཚིག་མེད་གྱུར་ན། །སྔགས་བཟླས་བསྒོམ་པ་ལ་སོགས་པ། །འབྲས་བུ་མེད་པར་བརླག་པར་
འགྱུར། །ནས་ལས་ནས་ཀྱི་མྱུ་གུ་སྐྱེ། །དམ་ཚིག་ལས་ནི་རྡོ་རྗེ་འཆང་། །ཚེ་འདིར་ཐོབ་པར་གསུངས་པ་སྟེ། །དུས་ནི་གཞན་མིན་རྩོད་ལྡན་དུས། །

87-1-33a

བསྟན་བྱ་གཞན་མིན་ང་ཡིས་ཏེ། །སྐྱེ་བ་གཞན་མིན་ཕ་དང་མ། །མན་ངག་གཞན་མིན་ས་མ་ཡ། །བཞི་ནི་ཡིན་པར་གསུངས་པའོ། །དེ་ལྟར་དམ་ཚིག་དང་ལྡན་པ། །བུད་མེད་འདུ་ཞིང་དགའ་བར་འགྱུར། །
མཁའ་འགྲོ་རྣལ་འབྱོར་མ་མོ་སྟེ། །སྐུ་གསུང་ཐུགས་ཀྱི་མཚན་མར་སྟོན། །ནོར་དང་བྲན་དང་གཡོག་འཁོར་དང་། །རྒྱལ་པོའི་འཁོར་ཡུལ་ལ་སོགས་འདུ། །ངག་ནི་སྙན་ཅིང་བདེ་བར་འགྱུར། །སྲོག་གཅོད་ལ་སོགས་ཚིག་
སྨྲས་ཀྱང་། །སེམས་ཅན་སྐྲག་པར་མི་འགྱུར་རོ། །ལུས་ཀྱི་སེམས་ཅན་བསད་བྱས་ཀྱང་། །རྣམ་སྨིན་འབྱུང་བར་མི་འགྱུར་རོ། །སྐུ་ནི་ཐོབ་པར་གསུངས་པའོ། །ངག་གིས་ཕྲ་མའི་ཚིག་སྨྲས་ཀྱང་། །ཉེས་པར་མི་
འགྱུར་གསུང་ཐོབ་འགྱུར། །ཡིད་ཀྱིས་མནར་སེམས་བསམས་བྱས་ཀྱང་། །ཉེས་པར་མི་འགྱུར་ཐུགས་ཐོབ་འགྱུར། །དམ་ཚིག་ལྡན་པའི་ཡོན་ཏན་ནོ། །ཨེ་མའོ་རྒྱུད་ནི་ངོ་རེ་མཚར། །དཔལ་དམ་ཚིག་ཆེན་པོའི་རྒྱུད་ཀྱི་
རྒྱལ་པོ་རྫོགས་པའོ།། །། རྒྱ་གར་གྱི་མཁན་པོ་གཱ་ཡ་དྷ་ར་དང་། ལོ་ཙྪ་་བ་དགེ་སློང་ཤཱཀྱ་ཡེ་ཤེས་ཀྱིས་བསྒྱུར་བའོ། །
རྒྱ་གར་སྐད་དུ།   ཤྲཱི་མ་ཧཱ་བཱ་ལ་ཏནྟྲ་རཱ་ཛ་ན་མ།    བོད་སྐད་དུ།   དཔལ་སྟོབས་པོ་ཆེའི་རྒྱུད་ཀྱི་རྒྱལ་པོ་ཞེས་བྱ་བ།    དཔལ་སྡོམ་པའི་སྙྀང་པོ་ལ་ཕྱག་འཚལ་ལོ། །འདི་སྐད་བདག་གིས་ཐོས་པ་དུས་གཅིག་ན། བཅོམ་
ལྡན་འདས་དེ་བཞིན་གཤེགས་པ་ཐམས་ཅད་ཀྱིས་བྱིན་གྱིས་བརླབས་པའི་བྱང་ཆུབ་སེམས་དཔའ་རྡོ་རྗེ་སྙིང་པོ་ལ་སོགས་པ་དཔའ་བོའྀ་ཚོགས་དང་། ལཱ་མ་ལ་སོགས་པ་མཁའ་འགྲོ་མའི་ཚོགས་དང་། རྣལ་འབྱོར་མ་དང་། 
མ་མོའི་ཚོགས་ཀྱིས་བསྐོར་ནས་བཙུན་མོའྀ་བྷ་ག་ལ་སྙོམས་པར་བཞུགས་སོ། །འཇིག་རྟེན་ན་ནི་ཆེར་གྲགས་པ། །དགྲ་ནི་ཆེན་པོ་དྲུག་ཡིན་ཏེ། །ཇི་ལྟར་ཉི་མ་ནུབ་པའི་ཚེ། །གྲོང་ཁྱེར་གྱི་ནི་མི་རྣམས་ཀྱི། །

87-1-33b

རྟ་དང་གླང་པོ་ལ་སོགས་པ། །རྫས་རྣམས་ཡོངས་སུ་འཕྲོག་པར་བྱེད། །ཐམས་ཅད་དབུལ་པོར་སྐྱེ་བར་འགྱུར། །དེ་བཞིན་ཡུལ་དྲུག་གི་ནི་དགྲས། །ཤེས་རབ་ཉི་མ་ནུབ་པའི་ཚེ། །མ་རིག་པ་ཡི་མུན་པ་ལ། །སོ་སོ་
སྐྱེ་བོ་ཐམས་ཅད་ཀྱི། །ཡེ་ཤེས་ལྔ་ལ་སོགས་པ་ཡི། །རྫས་རྣམས་ཡོངས་སུ་འཕྲོག་པར་བྱེད། །བདེ་བ་མེད་པའི་གནས་སུ་སྐྱེ། །དགྲ་དེ་ཡོངས་སུ་གཞོམ་པའི་ཕྱིན། །མཆོད་པ་མེད་ཅིང་བཟླས་པ་མེད། །གཏོར་མ་
སྦྱིན་སྲེག་དཀྱིལ་འཁོར་མེད། །ཀློག་དང་སྒོམ་པ་བསམ་གཏན་མེད། །གཡེང་བའི་ཚེས་དང་སྐར་མའི་ཚོགས། །ཐམས་ཅད་སྤངས་ཏེ་བདེ་བ་ཡི། །བསྟན་ལ་བདག་ཉིད་ལེགས་འདུག་སྟེ། །ཤེས་རབ་ཡེ་ཤེས་བསྲུབ་པར་བྱ། །
ཤྀང་རྟ་ཡི་ནི་འཁོར་ལོ་ལྟར། །ཡུལ་ལ་ཡང་དག་རྒྱུག་པའི་སེམས། །དེ་དག་ལས་ནི་བཟློག་ནསུ། །ལས་ཀྱི་རླུང་ནི་ཆེན་པོ་གཡོས། །ཡེ་ཤེས་མེ་ནི་ཆེན་པོ་འབར། །རྣམ་རྟོག་སྲེག་སྟེ་བདུད་རྩིའི་རོས། །ཏིལ་གྱི་འབྲུ་བཞིན་
གང་བ་སྟེ། །སྐྱེ་བ་མེད་པའི་གནས་སུ་གཟུང་། །དེ་ནས་སེམས་ནི་བརྟན་གྱུར་ནས། །མཚན་མར་སྣང་བ་འགག་པར་འགྱུར། །དེ་ཉིད་ལས་ནི་བཟློག་ནས་སུ། །རང་སེམས་སྟོང་པར་བསྒོམ་པར་བྱ། །ཆོས་ལ་བདག་མེད་
རྟོགས་པ་ན། །དེ་ཚེ་སེམས་ནི་རྟོགས་པར་འགྱུར། །ཐམས་ཅད་སྟོང་པར་རོས་གང་སྟེ། །བདེ་བ་ཆེན་པོའི་སྐུ་ཞེས་བརྗོད་དོ། །ཤེས་རབ་ཕ་རོལ་ཕྱིན་པ་སྟེ། །འདི་ལ་བསལ་བ་ཅི་ཡང་མེད། །བསྟན་པར་བྱ་བ་ཅི་ཡང་
མེད། །དེ་ཉིད་མཐོང་བས་རྣམ་པར་གྲོལ། །རིགས་གཅིག་དང་ནི་རྀགས་གསུམ་དང་། །རིགས་ལྔ་རིགས་ནྀ་བརྒྱ་ལ་སོགས། །དེ་ཉིད་འདི་ལ་ཐ་དད་མེད། །ཇི་ལྟར་གླང་པོ་རྙེད་གྱུར་ནས། །གླང་པོའི་རྗེས་ནི་
མི་བཙལ་ལྟར། །སེམས་ཀྱི་དེ་ཉིད་རྙེད་གྱུར་ན། །རྣམ་རྟོག་གང་ཡང་མི་བཙལ་ལོ། །ཇི་ལྟར་དུག་ནི་འདོད་པ་ལ། །སྨན་ཉིད་དུག་ཏུ་སྦྱར་ཏེ་བྱིན། །སྨན་ལས་དུག་འབྱུང་སྦྱོར་བ་ཡང་། །སྨན་པ་མཁས་པས་

87-1-34a

སྦྱོར་བ་ཤེས། །གཞན་ཡང་མར་དང་ཁ་ར་དང་། །མར་གྱི་སྙིང་པོ་ལ་སོགས་པ། །འཐུངས་ཏེ་ཞུ་ན་སྨན་དུ་འགྱུར། །དེ་བཞིན་ང་ཡིས་གསུངས་པ་ཡང་། །དྲང་བའི་དོན་དང་ངེས་པའི་དོན། །སྒྲ་ནི་ཇི་བཞིན་
ཇི་བཞིན་མིན། །དགོངས་པ་དང་ནི་དགོངས་པ་མིན། །བསྲེགས་བཅད་བདར་བའི་གསེར་བཞིན་དུ། །ཡོངས་སུ་བརྟགས་ནས་ང་ཡིས་བཀའ། །བླང་བར་བྱ་ཡི་མོས་པ་འམ། །གཞན་གྱིས་མཁས་པ་འཇུག་མི་
བྱ། །ཇི་ལྟར་སྐྱེ་བོ་བླུན་པོ་སྟེ། །དགྲ་རུ་གྱུར་པའི་སྐྱེ་བོ་ཡིས། །སྨན་ཡིན་བྱས་ཏེ་དུག་བྱིན་ན། །སྨན་དུ་དམིགས་ཏེ་དུག་ཟོས་ན། །ཟོས་པའི་རྗེས་ལ་འཆི་བར་འགྱུར། །ཐབས་རྣམས་ཐམས་ཅད་སྒྱུ་མ་ཤེས། །ཤེས་རབ་
བརྗོད་དུ་མེད་པར་གསུངས། །ཇི་ལྟར་རིག་པ་མཁས་པ་ཡིས། །དུག་ནི་དུག་གིས་འབྱིན་པར་བྱེད། །ཇི་ལྟར་མེ་ཡི་ཚིག་པ་ལ། །དེ་བཞིན་མེ་ཡིས་གདུང་བར་བྱ། །ཇི་ལྟར་འདོད་ཆགས་ཆེ་བ་ལ། །འདོད་ཆགས་ཉིད་ཀྱིས་
སྤང་བར་བྱ། །ཇི་ལྟར་ཞེ་སྡང་ཆེ་བ་ལ། །ཞེ་སྡང་ཉིད་ཀྱིས་སྤང་བར་བྱ། །དེ་བཞིན་གཏི་མུག་ཆེ་བ་ལ། །གཏི་མུག་ཉིད་ཀྱིས་སྤང་བར་བྱ། །དཔེར་ན་རླུང་ནི་མར་མེ་འཇིག་པའི་རྒྱུ། །དེ་ཉིད་ནགས་སྲེག་མེ་ཡི་གྲོགསུ་འགྱུར། །
དེ་བཞིན་འདོད་ལ་བརྟེན་པ་བདེ་བའི་ཡུལ། །དུག་གིས་དགྲ་རྣམས་བཅོམ་ནས་གཉིས་མེད་ཐོབ། །རི་ལུ་མིག་སྨན་ལ་སོགས་འདི་ལས་བྱུང་། །ལས་ཐམས་ཇི་ལྟར་ཕ་རོལ་ཐབས་ལྡན་པས། །གཟིངས་ལ་བརྟེན་ནས་ཕ་རོལ་འགྲོ། །
ཕ་རོལ་ཕྱིན་ནས་འདོར་བར་བྱེད། །དེ་བཞིན་རང་རིག་ཚོལ་བས་ཀྱང་། །བུད་མེད་སྒྱུ་མ་ལ་བརྟེན་ཏེ། །རང་རིག་ཡེ་ཤེས་ཐོབ་པར་བྱ། །རང་རིག་ཡེ་ཤེས་ཐོབ་པ་དང་། །བུད་མེད་སྒྱུ་མ་དོར་བར་བྱ། །ཟབ་མོའི་དགོངས་པ་མ་
རྟོགས་པར། །ཟབ་མོའི་སྤྱོད་པ་སྤྱོད་པར་བྱེད། །སེམས་ཅན་དམྱལ་བ་ཆེན་པོར་ལྟུང་། །ཇི་ལྟར་རི་ཡི་རྩེ་མོ་ནས། །སྐྱེས་བུ་འགའ་ཞིག་ལྷུང་འགྱུར་ན། །དེ་ནི་ལྷུང་བ་ཆེན་པོར་འགྱུར། །གཞན་ཡང་དར་གྱི་སྲིན་བུ་ཡིས། །

87-1-34b

རང་ལ་རང་གིས་འཆིང་བར་བྱེད། །མཚན་མོ་མེ་ཡི་སྲིན་བུ་ཡང་། །རང་གིས་རང་ནི་སྲེག་པར་བྱེད། །སྒྱུ་མ་ཙམ་གྱི་ཚུལ་གནས་ཤིང་། །མཐའ་བཞི་ལས་ནི་རྣམ་པར་གྲོལ། །སྤྲོས་པ་ཐམས་ཅད་ཉེ་བར་ཞི། །མཚོན་བྱ་མཚོན་བྱེད་
མ་ཡིན་ཏེ། །ལྟ་བའི་དབུས་ན་གནས་པ་ཡི། །ཤེས་རབ་ཕ་རོལ་ཕྱིན་པའོ། །དཔལ་སྟོབས་པོ་ཆེའི་རྒྱུད་ལས་མངོན་པར་རྟོགས་པའི་ལེའུ་སྟེ་དང་པོའོ།། །།  གང་ཞིག་བརྟག་པར་བྱེད་པ་ཡང་། །གནས་ནི་ཤིན་དུ་བསྔགས་པ་རུ། །ཁྲུ་
དོ་པ་ཡི་མཎྜལ་ལ། །དང་པོ་བ་ཡི་རྣམ་ལྔ་ཡིས། །སོར་གཅིག་ཙམ་དུ་བྱུག་པར་བྱ། །དེ་ནས་དྲི་ཆེན་དྲི་ཆུ་ཡིས། །བྱུགས་ཏེ་མེ་ཏོག་སྔོན་པོ་དགྲམ། །རྒྱན་ལ་སོགས་པས་མཛེས་པར་བརྒྱན། །བུམ་པ་ལྔ་ནི་ཕྱོགས་དང་
དབུས། །དེ་ནས་བཟླས་པ་ཁྲི་འམ་འབུམ། །བདུད་རྩི་ཆུ་རུ་བྱིན་བརླབས་ཏེ། །གང་ཞིག་བརྟག་པའི་མི་དེ་ལ། །དང་པོ་མཚམས་གཅད་ཁྲུས་བྱས་ཏེ། །རློག་པ་ནག་པོ་ཕྱིར་བཟློག་གོན། །སྐྲ་ནི་གྱེན་བཅིངས་ཤ་བཅིངས་དང་། །
བེར་ཀ་ཐོགས་ཏེ་ཤར་སྒོར་གཞག །ཚིལ་ཆེན་མེ་མར་ཤར་དུ་གཏམ། །ནུབ་ཏུ་མེ་ལོང་དངུལ་ལ་སོགས། །དག་པ་དེ་ལ་སྨན་ལྔ་དང་། །དྲི་ལྔས་བྱུག་སྟེ་བཀྲུ་བར་བྱ། །དེ་ནས་མེ་ལོང་ནང་དུ་ཡང་། །གདོན་གྱི་མཚན་མ་བརྟག་བྱ་
སྟེ། །གཙོ་བོའྀ་སྔགས་ཀྱི་མཐའ་རུ་ནི། །གདོན་གྱི་མིང་དང་སྔགས་བཏགས་ན། །ལྷ་ཡི་གདོན་ལ་སོགས་པ་ཀུན། །མཚན་མར་འབྱུང་བ་ཐེ་ཙོམ་མེད། །མི་དེ་རྒྱན་ནི་ཐ་དད་དེ། །ལྷ་ལ་སོགས་མཐོང་བྱེ་བྲག་གོ། །དུས་ནི་
འབྱུང་པོའི་ཉི་མ་སོགས། །མཚན་མ་སྣ་ཚོགས་བྱུང་བའི་ཚེ། །དེ་ཚེ་གདོན་ནི་དབང་དུ་བསྡུ། །ཚེ་དང་བསོད་ནམས་ལོངས་སྤྱོད་དང་། །མཛའ་བཤེས་ཟུག་རྔུ་ལ་སོགས་པ། །གདོན་ལ་སོགས་པ་བསལ་བའི་ཕྱིར། །
དཔལ་ལྡན་མཁའ་འགྲོ་མ་ལ་སོགས། །བརྟག་པའི་རྫས་ཀྱི་བྱེ་བྲག་ཀྱང་། །མཆོད་དང་ཚོགས་ཀྱི་འཁོར་ལོ་སོགས། །བསྐོར་ལ་མཚན་མ་བརྟག་པར་བྱ། །དབང་བསྐུར་དུས་སུ་ཡེ་ཤེས་ཀྱང་། །དབབ་པ་དེ་བཞིན་སྡིག་ལ་

87-1-35a

སོགས། །མཚན་མ་མེ་ལོང་དག་ལ་ནི། །བརྟགས་ཏེ་གཞན་ཡང་ཅི་འདོད་པའི། །མཚན་མ་བརྟག་ལ་བླ་མ་ཡི། །ཞལ་ནས་ཡང་དག་ཤེས་པར་བྱ། །ནད་ཀྱི་ཟུག་རྔུ་དབྱུང་བའི་ཕྱིར། །གསོ་བའི་རིག་པ་ལས་
གསུངས་པའི། །རླུང་དང་བད་ཀན་མཁྲིས་པ་དང་། །འདུས་པ་དང་ནི་ཡན་ལག་བཅས། །གནས་བཞིར་འཁོར་ལོར་གནས་པ་སྟེ། །ལུས་ཀུན་ཁྲུས་བྱས་གནས་བཞི་རུ། །སྔགས་པས་ལག་པས་མཉེ་བྱ་སྟེ། །མེ་ལོང་
དཀྱིལ་དུ་བརྟག་བྱས་ན། །རླུང་ལ་སོགས་པ་ཤེས་པར་ངེས། །དེ་རྗེས་འཁོར་ལོ་དེ་ཉིད་ལ། །གསོ་བའི་སྦྱོར་བ་ཤེས་པར་བྱ། །དུག་ནི་བརྟག་པའི་རིམ་པ་ཡང་། །ནད་གྲོལ་ཡན་ལག་ཐམས་ཅད་ལ། །གང་དུ་དུག་ཞུགས་
མཚན་མ་བརྟག །དེ་ནས་གསོ་བའི་སྦྱོར་བ་ཡང་། །སྨན་དང་སྔགས་དང་ཆུ་སྦྱར་ཏེ། །མཁས་པས་བརྟགས་ནས་གསོ་བར་བྱ། །དཔལ་སྟོབས་པོ་ཆེའི་རྒྱུད་ལས་མཚན་མ་ཐམས་ཅད་བརྟག་པའི་ལེའུ་སྟེ་གཉིས་
པའོ།། །། གང་ཞིག་བསྲུང་བའི་རྟེན་དེ་ཡང་། །གང་དང་ལྡན་པའི་རིམ་པ་ཡིས། །བསྲུང་བའི་འཁོར་ལོ་བརྩམ་པར་བྱ། །གཙོ་བོའི་བཟླས་པ་ཁྲི་འམ་འབུམ། །བསྙེན་པ་བྱས་ཏེ་དེ་ནས་ཡང་། །གསེར་རམ་དངུལ་ལས་
བཟོ་བྱས་ཏེ། །ནང་དུ་དཀྱིལ་འཁོར་རྫོགས་པ་འམ། །ཡང་ན་འདབ་བརྒྱད་ལྟེ་བར་བཅས། །རྡོ་རྗེ་ར་བ་ལ་སོགས་བྱ། །ཡུངས་ཀར་ལ་སོགས་འབྲུ་ལྔ་དང་། །རིན་ཆེན་ལྔ་དང་སྨན་ལྔ་དང་། །དེ་ནང་གཞག་སྟེ་རབ་གནས་
བྱ། །ཡོངས་སུ་རྫོགས་ནས་བཅིང་བར་བྱ། །གཞན་ཡང་གྲོ་གའམ་ཤིང་ཤུན་ནམ། །དུར་ཁྲོད་དག་གི་རོ་རས་ལ། །བསང་དང་བགེགས་བསྐྲད་ཚུལ་བཞིན་བྱ། །བཟླས་པ་གོང་དང་འདྲ་བ་སྟེ། །དཀྱིལ་འཁོར་ཡོངས་སུ་
རྫོགས་གྱུར་ན། །སྔགས་ཀྱང་ཡོངས་སུ་རྫོགས་པར་བྲི། །སྐུ་གསུང་ཐུགས་ཀྱི་འཁོར་ལོ་ཡིས། །ལུས་ངག་ཡིད་ལ་བསྲུང་བར་བྱ། །ཡོངས་སུ་མ་རྫོགས་ཟུར་དྲུག་ལ། །དཔའ་བོ་དྲུག་གི་སྔགས་བྲིས་ཏེ། །བསྲུང་བའི་

87-1-35b

ལུས་ལ་མཚན་པར་བསྒོམ། །རྩིབས་མཚན་དྲུག་ལ་གཡུང་དྲུང་གི། །ཡི་གེ་དྲུག་ནི་བྲིས་པ་སྟེ། །བསྲུང་བྱའི་ལུས་ལ་མཚན་པར་བསྒོམ། །དབུས་སུ་ཡི་གེ་ཀྵ་བྲིས་ཏེ། །བར་ཆད་ཐམས་ཅད་བསལ་བར་བསམ། །
ཆོ་ག་ཡོངས་སུ་རྫོགས་བྱ་སྟེ། །བཟོ་བྱས་སྣོད་ནི་ཁ་དོག་སྒྱུར། །ལེགས་པར་སྦས་ཏེ་སྤྱི་བོ་འམ། །མགྲིན་པ་དེ་བཞིན་དཔུང་པ་ཡི། །ཚངས་པའི་བུ་ག་ལོངས་སྤྱོད་མཉམ། །སོར་བཞི་དག་ཏུ་བཅིང་བར་བྱ། །གཞན་ཡང་ནད་
པའམ་རྣལ་འབྱོར་པ། །ངག་ལ་སྲུང་ན་དང་པོར་ཡང་། །གདོན་བསལ་བསངས་ཏེ་གནས་གསུམ་དུ། །ཐིག་ལེ་གསུམ་བྱས་སྔགས་གསུམ་དགོད། །གཞན་ཡང་གནས་ནི་སུམ་བཅུ་བདུན། །ཐིག་ལེ་བྱས་ཏེ་སྔགས་རྣམས་
དགོད། །དེ་ནས་གོ་ཆ་མཚན་མ་ཡང་། །ཚུལ་བཞིན་མཐུན་པར་ཤེས་པར་བྱ། །དེ་ནས་སྟན་ནམ་མལ་ཆ་ལ། །ཨོཾ་ཨཱཿབཛྲ་རཀྵ་རཀྵ་ཧཱུྃ་ཕཊ། །སྒོ་འམ་གཞན་ལའང་བྲི་བར་བྱ། །གཞན་ཡང་ལག་པ་གཡས་པ་ཡིས། །མཐིལ་
དུ་གུར་ཀུམ་དག་སྦྱར་ཏེ། །གཡོན་གྱི་སྦོམ་མོ་ཁྲོ་མོ་ཡིས། །སྤྱི་བོ་དཔྲལ་བ་རྣ་བ་མིག །སྣ་དང་ཁ་དང་མགྲིན་པ་དང་། །དཔུང་པ་སྙིང་ག་ལྟེ་བ་དང་། །འོག་གི་སྣོད་གཉིས་ཡན་ལག་ལ། །སྔགས་དང་བཅས་མས་ལེགས་པར་
འཚོ། །གཞན་ཡང་སྐུད་པ་སྣ་ལྔ་ལ། །སྔགས་དང་བཅས་ན་བསྲུང་བར་འགྱུར། །དཔལ་སྟོབས་པོ་ཆེའི་རྒྱུད་ལས་བསྲུང་བའི་འཁོར་ལོའི་ལེའུ་སྟེ་གསུམ་པའོ།། །། མགོན་པོ་ཐུགས་རྗེ་ཆེ་ལྡན་པ། །དེ་
ཉིད་ལ་ནི་ཕྱག་འཚལ་ཏེ། །རྡོ་རྗེ་སྙིང་པོས་ཡང་ཞུས་པ། །བསྲུང་བའི་འཁོར་ལོ་དེ་ལྟར་ན། །ཡེ་ཤེས་བྱེ་བྲག་ཇི་ལྟར་ལགས། །བཅོམ་ལྡན་འདས་ཀྱིས་བཀའ་སྩལ་པ། །ཡེ་ཤེས་ཀྱིས་ནི་དེ་ཉིད་ཀྱི། །རྟོག་པ་རབ་
ཏུ་བཤད་པར་བྱ། །དེ་ལ་ཡེ་ཤེས་ཀྱི་ནི་གནས། །རྣམ་པ་ལྔ་རུ་ཤེས་བྱ་སྟེ། །ཕྱི་དང་ནང་དང་བསང་བ་དང་། །རབ་ཏུ་གསང་དང་གསང་བ་ཆེ། །ང་ཡིས་བཤད་ཀྱིས་ལེགས་པར་ཉོན། །དེ་ལ་ཕྱི་ཡི་ཡེ་ཤེས་ནི། །སྐུ་མདོག་

87-1-36a

ཕྱག་མཚན་དང་འབྲེལ་བའོ། །དེ་ལྟར་རྟོགས་པ་ཕྱིའི་ཡེ་ཤེས། །ནང་གི་ཕུང་སོགས་ལྷ་རུ་རྟོགས། །དེ་ཉིད་དང་བྲལ་ཡེ་ཤེས་སོ། །དེ་ནས་གསང་བའི་ཡེ་ཤེས་ནི། །རྩ་དང་རླུང་དང་ཐིག་ལེར་རྟོགས། །རྟོག་པ་དེ་
དང་བྲལ་བ་ནི། །གསང་བའི་ཡེ་ཤེས་ཡིན་པར་བཤད། །དགའ་བ་མཆོག་དང་བྲལ་བའི་དགའ། །ལྷན་ཅིག་སྐྱེས་དགའ་གང་ཡིན་པ། །བདེ་བར་རྟོག་པ་རྣམ་རྟོག་སྟེ། །དེ་སྤོང་རབ་གསང་ཡེ་ཤེས་སོ། །དེ་ནས་ཡེ་ཤེས་ཆེན་པོ་བཞི། །
དང་པོ་རོ་མཉམ་མཐའ་སྤངས་པའི། །ཡེ་ཤེས་དེ་ཉིད་ཡོད་པ་ལ། །རྣམ་རྟོག་སྤོང་སྟེ་དེ་བཞིན་འཇོག །དེ་ཉིད་རང་རིག་ཆེན་པོ་སྟེ། །དེ་ཉིད་ཡེ་ཤེས་ཆེན་པོའོ། །དེ་ལྟར་ཤེས་ན་རྡོར་འཛིན་གྱི། །ས་ནི་ངེས་པར་ཐོབ་པའོ། །
དཔལ་སྟོབས་པོ་ཆེའི་རྒྱུད་ལས་ཡེ་ཤེས་བརྟག་པའི་ལེའུ་སྟེ་བཞི་པའོ།། །། དེ་ནས་ཡེ་ཤེས་ཆེན་པོའི། །རྟག་པ་དེ་ཉིད་བཤད་པར་བྱ། །དང་པོར་རོ་མཉམ་གྱུར་པའོ། །སྟོང་པ་ཉིད་ཀྱི་རོ་མཉམ་ལ། །
སྐུ་མདོག་ཕྱག་མཚན་ལ་སོགས་པ། །ཕུང་པོ་ཁམས་དང་སྐྱེ་མཆེད་སོགས། །རྩ་དང་རླུང་དང་ཐིག་ལེ་དང་། །དགའ་དང་མཆོག་དགའ་བྲལ་བ་དང་། །དེ་ལ་སོགས་པ་ཐམས་ཅད་ཀུན། །སྒྱུ་མ་ཙམ་དུ་ཤེས་པར་བྱ། །དེ་ཉིད་
གཞན་རིག་ཅེས་བྱ་སྟེ། །རང་རིག་སེམས་ཀྱི་དེ་ཉིད་ལ། །གཉིས་སུ་མེད་པར་བསྒོམ་པ་ནི། །དེ་ཉིད་ཡེ་ཤེས་ཆེན་པོ་སྟེ། །མཐར་ཕྱིན་བརྟག་པ་རྫོགས་པའོ། །དཔལ་སྟོབས་པོ་ཆེའི་རྒྱུད་ལས་
ཡེ་ཤེས་ཆེན་པོའི་ལེའུ་སྟེ་ལྔ་པའོ།། །།དེ་ལྟར་བཅོམ་ལྡན་འདས་ཀྱིས་བཀའ་སྩལ་པ་དང་། རྡོ་རྗེ་སྙིང་པོ་ལ་སོགས་པ་དཔའ་བོ་དང་། མཁའ་འགྲོ་མ་དང་། རྣལ་འབྱོར་མ་དང་། མ་མོའི་ཚོགས་ཐམས་ཅད་རྗེས་སུ་ཡི་རང་
ནས་ཕྱི་ནང་གསང་བའི་མཆོད་པས་མཆོད་ནས། གཡོན་ཕྱོགས་ནས་ལན་གསུམ་བསྐོར་བ་བྱས་ནས་མི་སྣང་བར་གྱུར་ཏོ། །དཔལ་སྟོབས་པོ་ཆེའི་རྒྱུད་ཀྱི་རྒྱལ་པོ་རྫོགས་སོ།། །། པཎ་ཌི་ཏ་གཱ་ཡ་དྷ་ར་དང་། ལོ་ཙྪ་་བ་དགེ་སློང་ཤཱཀྱ་

87-1-36b

ཡེ་ཤེས་ཀྱིས་བསྒྱུར་བའོ། ། ༄༅། །རྒྱ་གར་སྐད་དུ།   ཤྲཱི་ཛྙཱ་ན་གུ་ཧྱ་ཏནྟྲ་རཱ་ཛཱ།   བོད་སྐད་དུ།   དཔལ་ཡེ་ཤེས་གསང་བའི་རྒྱུད་ཀྱི་རྒྱལ་པོ།  དཔལ་བདེ་བ་ཆེན་པོ་ལ་ཕྱག་འཚལ་ལོ། །བྱང་ཆུབ་ཕྱོགས་
ཆོས་སུམ་བཅུ་རྩ་བདུན་གྱི། །རང་ལུས་རྩ་ཡི་འཁོར་ལོ་བཞིའི་གཙོ་བོ། །སྙིང་པོ་དེ་ལ་ཡང་དག་ཕྱག་འཚལ་ལོ། །དབང་བཞིའི་དེ་ཉིད་བདག་ལ་གསུངས། །ཉོན་ཅིག་རྡོ་རྗེ་སྙིང་པོའི་བདག །བསྐྱེད་པའི་རིམ་པའི་ལྷ་རྣམས་ཀྱི། །དེ་
ཉིད་དང་པོར་བཤད་བྱ་སྟེ། །དྲུག་བཅུ་རྩ་བཞི་དཔེ་བྱད་ཡིན། །སུམ་བཅུ་རྩ་བདུན་བྱང་ཆུབ་ཕྱོགས། །ལྔ་ནི་ཡེ་ཤེས་ལྔ་ཡིན་ཏེ། །དཔའ་བོ་གཅིག་པ་ཆོས་ཀྱི་དབྱིངས། །ཕྱག་མཚན་སྐུ་མདོག་གཞན་ནས་གསུངས། །གུ་ཧྱའི་རྡོ་
རྗེ་དྲིལ་བུའི་ཚད། །ནས་དང་སོར་ཚིགས་ཡིན་པར་འདོད། །དེ་ཉིད་ཐབས་དང་ཤེས་རབ་ཡིན། །དོན་དམ་ཉིད་ལ་དབྱེར་མེད་དེ། །བསྒོམ་བྱ་མེད་དེ་སྒོམ་པ་མེད། །བསྒོམས་པས་ཐོབ་པ་ཅི་ཡང་མེད། །རྒྱུ་དང་རྐྱེན་གྱིས་བསྐྱེད་དུ་
མེད། །སེམས་ཀྱི་གཞི་ལ་སྐུ་ལྔ་དང་། །སྟོན་པ་མེད་ཅིང་བསྟན་པ་མེད། །འཇིགས་དང་རྣམ་རྟོག་ཀུན་དང་བྲལ། །དེ་ཉིད་བཞི་པའི་དེ་ཉིད་དོ། །དང་པོ་རླུང་གི་དེ་ཉིད་དེ། །སྲོག་རྩོལ་གཉིས་ནི་ཨ་དང་ཧྃ། །ཨ་ནི་ཆོས་རྣམས་
ཐོག་མ་ནས། །མ་སྐྱེས་པ་ཡི་དོན་ཡིན་ནོ། །ཧྃ་ནི་གཟུང་འཛིན་གཉིས་ཀྱིས་སྟོང་། །ལྡང་འཇུག་གསུམ་ནི་སྐུ་གསུང་ཐུགས། །སེམས་ཀྱི་གཞི་དང་སྐུ་ལྔ་དང་། །རྣམ་པར་ཐར་དང་སྟོང་པ་དང་། །དེ་བཞིན་མཚན་དང་
དཔེ་བྱད་སོགས། །དེ་དག་རླུང་གི་དེ་ཉིད་དེ། །དེ་ནས་ཐིག་ལེའི་དེ་ཉིད་ཀྱང་། །ཉི་ཟླ་ཐབས་དང་ཤེས་རབ་སྟེ། །སྔགས་ཀྱི་ཕྲེང་བ་མཚན་དཔེ་ཡིན། །ཐིག་ལེ་ཡེ་ཤེས་ལྔ་རང་བཞིན། །གཉིས་སུ་མེད་པའི་དེ་ཉིད་ཡིན། །
ཕྲ་མོ་ལ་སོགས་གཞན་ནས་ཤེས། །དེ་ནས་འོག་གི་སྒོ་དག་ནི། །དེ་ཉིད་ཡང་དག་བཤད་བྱ་སྟེ། །རྩ་གསུམ་སྐུ་གསུང་ཐུགས་ཀྱི་སྟེ།   །རྩ་ལྔ་ཡེ་ཤེས་ལྔ་ཡིན་ནོ། །ཙཎྜཱ་ལི་ནི་ཉི་ཤུ་བཞི། །དེ་ཉིད་ཡེ་ཤེས་ཉི་ཤུ་བཞི། །

87-1-37a

ཆོས་སྐུའི་ཕྲིན་ལས་ཉི་ཤུ་བཞི། །ཁ་སྦྱར་ཐབས་དང་ཤེས་རབ་སྟེ། །འཛག་དང་འབར་བ་གཉིས་མེད་ཡིན། །འཁོར་ལོ་བཞི་ནི་སྐུ་བཞི་སྟེ། །དྲུག་ནི་དེ་ཉིད་དྲུག་ཡིན་ཏེ། །སྒྲོལ་མ་རླུང་གི་དེ་ཉིད་དེ། །མེ་ནི་གོས་
དཀར་ངོ་བོ་ཉིད། །བཅུ་དྲུག་སྟོང་པ་བཅུ་དྲུག་ཡིན། །བཞི་ནི་ཡེ་ཤེས་བཞི་ཡིན་ནོ། །རྣམ་པར་ཐར་དང་སྟོང་པ་དང་། །དེ་བཞིན་མཚན་དང་དཔེ་བྱད་དང་། །རིག་སྔགས་སྙོམས་འཇུག་ཕྲ་བ་དགུ། །ཡེ་ཤེས་ལྔ་བཅུ་ལ་
སོགས་པ། །རྩ་འདབ་དེ་ཉིད་ཡིན་པར་ངེས། །རྩ་དེ་གནས་པའི་རིམ་པ་ཡང་། །འཁོར་ལོ་བ་ཐག་ཁུག་པ་ལས། །གཡས་གཡོན་སྦྲུལ་ལྟར་འཁྲིལ་བ་སྟེ། །ཕྱི་ཡི་གཡས་གཡོན་གཞུ་ལྟ་བུ། །གསུམ་པའི་དབང་གི 
དེ་ཉིད་ཀྱང་། །སིཧླ་ཤེས་རབ་ཆོས་དབྱིངས་ཏེ། །ག་པུར་ཐབས་ཀྱི་ཡེ་ཤེས་བཞི། །རྩ་ནི་འོག་མིན་གནས་ཡིན་ཏེ། །དགའ་བ་མཆོག་དགའ་བྱང་ཆུབ་ཕྱོགས། །རང་བཞིན་དགའ་བ་ཆོས་སྐུ་སྟེ། །བྲལ་བའི་དགའ་བ་
གཟུགས་སྐུ་གཉིས། །བཅུ་དྲུག་སྟོང་པ་བཅུ་དྲུག་གོ། །རྒྱུད་ཀྱི་ཚུལ་དུ་སྒྱུ་མ་ཙམ། །གང་ཞིག་རང་རིག་འདོད་པས་ཀྱང་། །དང་པོར་ངོ་བོ་ཤེས་བྱ་སྟེ། །དེ་ནས་དེ་ཉིད་ཤེས་པར་བྱ། །གལ་ཏེ་དེ་ཉིད་མི་ཤེས་ན། །ཟབ་
མོའྀ་ལམ་ཉིད་སྒོམ་བྱེད་ན། །འབྲས་བུ་མེད་ཅྀང་བརླག་པར་ངེས། །ལྷ་ཡི་དེ་ཉིད་མ་ཤེས་ན། །དུར་ཁྲོད་གནས་པའི་སྲིན་པོ་འདྲ། །དེ་བཞིན་དུར་ཁྲོད་སྲིན་མོ་འདྲ། །སྤྱོད་པའི་དེ་ཉིད་མ་ཤེས་ན། །གྲོང་ཁྱེར་གནས་
པའི་སྨྱོན་པ་འདྲ། །ཁྱི་ཕག་སྲིན་པོ་རཀྵ་འདྲ། །ཕྱག་མཚན་དེ་ཉིད་མ་ཤེས་ན། །བརྒྱ་བྱིན་ལག་ན་མཚོན་ཐོགས་འདྲ། །ཕྱག་རྒྱའི་དེ་ཉིད་མ་ཤེས་ན། །རྒྱལ་པོ་པང་གི་བཙུན་མོ་འདྲ། །རླུང་གི་དེ་ཉིད་མ་ཤེས་ན། །བརྒྱ་བྱིན་སྤྱི་
བོའི་དུ་བ་འདྲ། །རྩ་ཡི་དེ་ཉིད་མ་ཤེས་ན། །ཙན་དན་ཤིང་གི་སྦྲུལ་སོགས་འདྲ། །ལུས་ཀྱི་གཉེར་མ་དག་དང་འདྲ། །ལུས་ཀྱི་དྲི་མ་ཆུ་དང་འདྲ། །ཐིག་ལེའི་དེ་ཉིད་མ་ཤེས་ན། །ཙན་དན་ཤིང་གི་འཛེར་པ་འདྲ། །འཁོར་ལོའི་

87-1-37b

དེ་ཉིད་མ་ཤེས་ན། །བརྒྱ་བྱིན་ལག་ན་འཁོར་ལོ་འདྲ། །དེ་བཞིན་སྲིད་པའི་འཁོར་ལོ་འདྲ། །པད་མའི་དེ་ཉིད་མ་ཤེས་ན། །འདམ་བུ་ཚལ་གྱི་པདྨ་འདྲ། །སྟུག་པོའི་དེ་ཉིད་མ་ཤེས་ན། །མཆོད་རྟེན་གྱི་ནི་འཁོར་ལོ་འདྲ། །ཁ་
སྦྱོར་དེ་ཉིད་མ་ཤེས་ན། །ཐལ་མོ་གཡས་གཡོན་སྦྱར་བ་འདྲ། །གནས་ཀྱི་དེ་ཉིད་མ་ཤེས་ན། །འཁོར་ལོ་སྒྱུར་རྒྱལ་ཕོ་བྲང་འདྲ། །བྱང་སེམས་དེ་ཉིད་མ་ཤེས་ན། །མི་གཙང་སྒོ་ཡི་ལུད་པ་འདྲ། །སིཧླའི་དེ་ཉིད་མ་ཤེས་ན། །མཚོན་
སོགས་ལས་བྱུང་ཁྲག་དང་འདྲ། །དགའ་བ་དེ་ཉིད་མ་ཤེས་ན། །སྨད་འཚོང་མ་ཡི་འདོད་ཆགས་འདྲ། །སྤང་བྱའི་དེ་ཉིད་མ་ཤེས་ན། །གྲོང་ཁྱེར་མེད་པའི་རྒྱལ་པོ་འདྲ། །གཉེན་པོའི་དེ་ཉིད་མ་ཤེས་ན། །རྒྱལ་པོ་མེད་པའི་གྲོང་ཁྱེར་
འདྲ། །རང་རིག་དེ་ཉིད་མ་ཤེས་ན། །འདུས་བྱས་ནམ་མཁའ་སྟོང་པ་འདྲ། །གཞན་ཡང་དེ་ཉིད་བཅྭ་བརྒྱད་ནི། །བླ་མའི་ཞལ་ནས་ཤེས་པར་བྱ། །ཐམས་ཅད་སྒྱུ་མའི་ཚུལ་དང་ནི། །རྨི་ལམ་གློག་དང་སྤྲིན་ལྟ་བུ། །དེ་ཉིད་ཤེས་ན་
གྲོལ་བར་འགྱུར། །ཀྱེ་ཧོ་མགོན་པོ་ཐུགས་རྗེ་ཆེ། །རང་རིག་ཡེ་ཤེས་ཚོལ་བ་ལ། །རང་དང་གཞན་གྱི་སྡེ་པ་ལ། །འདི་ལ་ཁྱད་པར་མེད་དམ་ཅི། །བཅོམ་ལྡན་འདས་ཀྱིས་བཀའ་སྩལ་པ། །ཁྱད་པར་ཆེན་པོ་དེ་ཉིད་དེ། །གཞན་
ནི་ཁྱད་པར་དབང་བཞི་དང་། །དེ་ཡི་ལམ་གྱི་དེ་ཉིད་བརྟགས། །ཆང་བ་བདག་དང་དབང་ཕྱུག་དང་། །ཕྱབ་དང་བྱེད་པ་པོ་ཉིད་ལས། །རྒྱུ་སོགས་རྒྱུད་ལས་ཁྱད་པར་འཕགས། །གང་ཟག་བདག་དང་བྲལ་བའི་ཕྱིར། །ཉན་
ཐོས་རང་རྒྱལ་ཐེག་ཆེན་དང་། །རླུང་སོགས་ཆོས་ཀྱི་བདག་གིས་བཅིངས། །དམན་པ་རྣམས་ཀྱི་སྣང་བས་ཁྱད། །ཐེག་ཆེན་རང་བཞིན་ལྷ་ཡིས་ཁྱད། །རྣལ་འབྱོར་རྣལ་འབྱོར་ཆེན་པོ་སོགས། །དེ་ཉིད་ཀྱི་ནི་ཁྱད་པར་ཆེ། །
ལེགས་པར་བསྟན་གྱིས་ལེགས་པར་བཟུང་། །དེ་ནས་འཁོར་ཐམས་ཅད་དགའ་ཞིང་ཡིད་རངས་པར་གྱུར་ཏོ། །དཔལ་རྡོ་རྗེ་སེམས་དཔའ་ཡེ་ཤེས་གསང་བའི་དེ་ཁོ་ན་ཉིད་ཀྱི་རྒྱུད་ཀྱི་རྒྱལ་པོ་རྫོགས་སྷོ།། །།

87-1-38a

རྣལ་འབྱོར་མ་ཙན་དྲ་མཱ་ལེ་དང་། ལོ་ཙྪ་་བ་དགེ་སློང་ཤཱཀྱ་ཡེ་ཤེས་ཀྱིས་བསྒྱུར་བའོ། །  ༄། ། རྒྱ་གར་སྐད་དུ། ཤྲཱི་ཛྙཱ་ན་མཱ་ལ་ཏནྟྲ་རཱ་ཛ།  བོད་སྐད་དུ། དཔལ་ཡེ་ཤེས་ཕྲེང་བའི་རྒྱུད་ཀྱི་རྒྱལ་པོ། དཔལ་རྡོ་རྗེ་
སེམས་དཔའ་ལ་ཕྱག་འཚལ་ལོ། །ཀྱེ་ལགས་གསང་བདག་རྡོ་རྗེ་འཛིན། །གསང་བ་བླ་ན་མེད་པ་ཡི། །ལྟ་བ་ཞེས་པ་གང་གང་ལགས། །སྤྱོད་པ་གང་དང་གང་ལགས་པ། །གཙོ་བོས་བདག་ལ་བཤད་དུ་གསོལ། །བཅོམ་ལྡན་
འདས་ཀྱིས་བཀའ་སྩལ་པ། །ལྟ་བ་ཤེས་རབ་ཕ་རོལ་ཕྱིན། །གདོད་ནས་སྤྲོས་བྲལ་ལྷུན་གྱིས་གྲུབ། །རང་རིག་ཡེ་ཤེས་དབྱིངས་ན་གསལ། །མ་རིག་མུན་པས་སྒྲིབས་པ་མེད། །ཤེས་རབ་སྙིང་པོ་རྩེར་བྱུང་བ། །ལྟ་བ་
ཀུན་གྱི་ཡང་རྩེ་ཡིན། །དོན་དམ་རང་རིག་ཡེ་ཤེས་ལ། །བླང་བ་མེད་ཅིང་དོར་བ་མེད། །དམན་དང་གྱ་ནོམ་གཉིས་ཀ་མེད། །བསྒོམ་པ་པོ་མེད་བསྒོམ་བྱ་མེད། །དམིགས་མེད་གནས་སུ་སྙིང་རྗེ་དང་། །དམིགས་མེད་གནསུ་
ཤེས་རབ་གཉིས། །བློ་དང་ལྷན་ཅིག་གཅིག་གྱུར་པ། །ནམ་མཁར་ནམཁའི་རང་བཞིན་ནོ། །རང་རིག་ཡེ་ཤེས་གང་འདོད་པས། །མཚན་མའི་རྣམ་རྟོག་བསྒོམ་པ་མིན། །དམན་པ་རྣམས་ལ་སྐུར་མི་གདབ། །དེ་ཉིད་
ལ་ཡང་སྒྲོ་མྀ་གདགས། །དང་པོར་བསྐལ་པར་བསྒོམས་པ་དང་། །རང་རིག་སྐད་ཅིག་ཐོབ་པ་གཉིས། །བརྒྱ་སྟོང་ལ་སོགས་ཆར་མི་ཕོད། །དཔེ་དང་བགྲང་བར་མི་ནུས་ཏེ། །དཔེར་ན་མཚོ་དང་རླབས་རྗེས་བཞིན། །དངོས་
པོ་སྒོམ་པ་བསྒོམ་པ་མིན། །དངོས་མེད་སྒོམ་པ་སྒོམ་པ་མིན། །དངོས་དང་དངོས་མེད་རོ་མཉམ་ན། །མ་བསྒོམས་ན་ཡང་བསྒོམས་པ་ཉིད། །བསྒོམ་དང་མི་བསྒོམ་གཉིས་ཀ་མེད། །འོད་གསལ་དེ་ལ་སེམས་ཟིན་ན། །
གཟུང་འཛིན་དགྲ་ཡི་དཔུང་རྣམས་འཇོམས། །ཕྱོགས་བཅུ་འཇིག་རྟེན་ཁམས་བཅས་པའི། །དཔའ་བོ་མཁའ་འགྲོ་མཆོད་པའི་གནས། །རབ་ཀྱིས་མཉམ་གཞག་རྗེས་ཐོབ་སྤངས། །འབྲིང་གིས་རྗེས་ཐོབ་སྟོང་པར་ལྟ། །

87-1-38b

ཐ་མས་རྗེས་ཐོབ་སྒྱུ་མར་ལྟ། །སེང་གེ་ལྟ་བུའི་ལྟ་སྤྱོད་ནི། །བཞི་པ་ཡིན་པར་ང་ཡིས་གསུངས། །དེ་ནས་སྤྱོད་པའི་རྒྱལ་པོ་བཤད། །སྤྱོད་པ་རྣམ་པ་གསུམ་ཡིན་ཏེ། །ཀུན་དུ་བཟང་པོ་བྷུ་སུ་ཀུ། །ཨ་བ་དྷཱུ་ཏཱི་གསུམ་ཡིན་ནོ། །
སྤྱོད་པའི་དུས་དང་གནས་དང་ཟས། །གང་ཟག་དང་ནི་དབྱེ་བ་དང་། །ངོ་བོ་དང་ནི་ཚད་དང་ཡང་། །ཐབས་དང་དགོངས་པ་དགོས་པ་དང་། །མཁས་པས་ཀུན་ལ་སྦྱར་བར་བྱ། །སངས་རྒྱས་རིག་དང་རྡོ་རྗེའི་རིགས། །རིན་ཆེན་
རིགས་དང་པདྨའི་རིགས། །ལས་ཀྱི་རིགས་དང་སྤྱོད་པ་ལྔ། །ཀུན་དུ་བཟང་པོའི་སྤྱོད་པ་ཡིན། །སྡོམ་པ་གསུམ་ལ་གནས་པ་དང་། །དཀོན་མཆོག་གསུམ་ནི་འཛིན་པ་དག །སངས་རྒྱས་ཀྱི་ནི་མཆོག་གི་སྤྱོད། །རྡོ་རྗེ་དྲིལ་བུ་
ཕྱག་རྒྱ་འཛིན། །བླ་མ་འཛིན་པ་རྡོ་རྗེའི་སྤྱོད། །དམ་ཚིག་ཡིད་འོང་དུས་བཞི་རུ། །སྦྱིན་པ་རྣམ་བཞི་རིན་ཆེན་སྤྱོད། །ཐེག་པ་གསུམ་དང་དམ་ཆོས་འཛིན། །པདྨ་གར་གྱི་སྤྱོད་པ་ཡིན། །དམ་ཚིག་ཐམས་ཅད་ལྡན་པ་དང་། །མ་གྲོལ་
ལ་སོགས་དགྲོལ་བ་ནི། །རྟ་ཡི་རྒྱལ་པོའི་སྤྱོད་པ་ཡིན། །ཟ་བ་ཉལ་བ་འཆག་པ་གསུམ། །རྣལ་འབྱོར་ཆེན་པོས་གནས་བྱ་སྟེ། །གཡེང་བས་གཡེང་བ་སྤོང་བ་ནི། །བྷུ་སུ་ཀུ་ཡི་སྤྱོད་པའོ། །རྒྱན་འཆང་བ་དང་བདུད་རྩི་མྱང་། །ཕྱག་
རྒྱ་བསྟེན་དང་རྣམ་པ་གསུམ། །ཨ་བ་དྷཱུ་ཏཱིའྀ་སྤྱོད་པ་སྟེ། །རྒྱན་ལ་དྲུག་སྟེ་ཕྱག་རྒྱ་ལྔ། །བདུད་རྩི་བཅུ་སྟེ་མི་གཙང་བས། །མི་གཙང་འཁྲུད་པའི་སྤྱོད་པའོ། །གནས་ནི་ཁ་ན་མ་ཐོ་མེད། །ཕྱི་ནང་གཡེང་མེད་གནས་ཡིན་ནོ། །རྟོག་
པ་འཇོམས་པ་སློབ་པའི་དུས། །གྲུབ་ན་རྫུ་འཕྲུལ་སྟོན་པའི་དུས། །ཐབས་ནི་གཞན་གྱིས་མཐོང་བ་དང་། །སྒྲོ་དང་སྐུར་པ་མེད་པའོ། །དགོངས་པ་གཉེན་པོའི་སྟོབས་ཡིན་ཏེ། །རྙེད་དང་བཀུར་སྟི་གྲགས་པ་དང་། །ཟུག་རྔུའི་ཁ་
ཟས་མ་ཡིན་ཏེ། །བླ་མའི་དུས་ཐབས་ལེགས་བསྟེན་བླང་། །ཁ་ཟས་རྣམ་རྟོག་ཆུང་བ་ཡི། །ལས་དང་པོ་ཡིས་བྱ་བར་གསུངས། །དབྱེ་བ་གསུམ་དང་བྱེ་བྲག་ནི། །གོང་དུ་གསུངས་པ་ཁོ་ནའོ། །ངོ་བོ་རྟོག་མེད་སེམས་དེ་ཉིད། །

87-1-39a

གཙང་སྨེ་འགགས་དང་སྤྲུལ་པ་སྟོན། །འདི་ཉིད་འགྲུབ་པའི་ཚད་ཡིན་ནོ། །དགོངས་པ་ལ་ཡང་གཉིས་ཡོད་དེ། །གཙང་སྨེ་སྤང་བ་དགོངས་པའི་དོན། །དགོངས་པ་དངོས་ལ་རྣམ་པ་བཞི། །རང་སེམས་བརྟན་གཡོ་
བརྟག་པ་དང་། །ཕྱག་རྒྱ་ཁྱད་པར་ཚོལ་བ་དང་། །དེས་འདུལ་གང་ཟག་གཞུག་པ་དང་། །མི་མོས་སྐུར་པ་དགག་པའོ། །གསང་སྔགས་རྒྱལ་པོའྀ་ལྟ་སྤྱོད་ཀྱིས། །འཁོར་གྱི་དཔའ་བོ་མཁའ་འགྲོ་ཚོགས། །འདུས་དང་བརྒྱལ་དང་
འགྱེལ་གྱུར་པས། །དབུགས་དབྱུང་བ་ཡི་ཏིང་འཛིན་གྱིས། །ཐམས་ཅད་དྲན་པ་སླར་རྙེད་ནས། །ཐམས་ཅད་མགྲིན་གཅིག་འདི་སྐད་གསོལ། །དངོས་པོ་རོ་མཉམ་གྱུར་པ་ཡི། །ལྟ་བ་འདི་ཡང་ངོ་མཚར་ཆེ། །གཡེང་བས་གཡེང་
བ་སྤང་བ་ཡི། །སྤྱོད་པ་འདི་ཡང་ངོ་མཚར་ཆེ། །ཆོས་རྣམས་སྟོང་པར་རོ་མཉམ་ན། །ལྟ་དང་མི་ལྟ་ག་ལ་ཡོད། །གཙང་སྨེ་བདུད་རྩི་རོ་གཅིག་ལ། །སྤྱོད་དང་མི་སྤྱོད་ག་ལ་ཡོད། །དབང་བསྐུར་བ་དང་རྡོ་རྗེ་འཛིན། །མཉམ་
གཞག་རྗེས་ཐོབ་ག་ལ་ཡོད། །ཐམས་ཅད་སེམས་ཀྱི་ངོ་བོ་ལ། །གཟུང་དང་འཛིན་པ་ག་ལ་ཡོད། །འཇིགས་བྱེད་ཆེན་པོས་བཀའ་སྩལ་པ། །འཁོར་བ་ཐོག་མ་མེད་པ་ནས། །ལྷན་ཅིག་སྐྱེས་པའི་སྒྲིབ་གཡོགས་ཀྱིས། །
རིན་ཆེན་སེམས་ནི་དྲི་ཅན་བྱས། །ཟླ་བ་རབ་རིབ་སེལ་བྱེད་དེ། །མིག་གིས་རང་གི་རྡུལ་མི་མཐོང་། །སེམས་ཀྱིས་ད་ཉིད་མ་རྟོགས་པར། །ཐ་དད་གཟུང་འཛིན་སྣ་ཚོགས་འཛིན། །དེ་ཕྱིར་ལྟ་བའི་རྒྱལ་པོ་བསྟན། །མི་ཤེས་པ་
ཡི་རབ་རིབ་ཀྱིས། །བདུད་རྩིའི་དེ་ཉིད་མ་ཤེས་ཏེ། །གཙང་དང་མི་གཙང་ལ་སོགས་བརྟགས། །དེ་ཕྱིར་སྤྱོད་པའི་རྒྱལ་པོ་བསྟན། །གནས་པའི་རྐྱེན་དང་གཡེང་བའི་རྐྱེན། །དེ་ཕྱིར་ཟུང་འཇུག་རྒྱལ་པོ་བསྟན། །རྐྱེན་དང་
དབང་པོ་རབ་འབྲིང་གིས། །མཉམ་གཞག་རྗེས་ཐོབ་རྒྱལ་པོ་བསྟན། །མི་ཤེས་པ་ཡི་རབ་རིབ་ཀྱིས། །འཁྲུལ་པས་གཟུང་འཛིན་གཉིས་སུ་བརྟགས། །དེ་ཕྱིར་སེམས་ཀྱི་རྒྱལ་པོ་བསྟན། །ལྟ་སྤྱོད་འདི་ལ་ནན་ཏན་གྱིས། །དེ་ནས་

87-1-39b

ཐམས་ཅད་དགའ་ཞིང་མགུ་ནས་ཡི་རངས་ཏེ། ཕྱི་ནང་གི་མཆོད་པས་མཆོད་ནས་མི་སྣང་བར་གྱུར་ཏོ། །དཔལ་ཡེ་ཤེས་ཕྲེང་བའི་རྒྱུད་ཀྱི་རྒྱལ་པོ་ལྟ་སྤྱོད་ཟུང་དུ་འཇུག་པ་རྫོགས་སྷོ།། །།
རྣལ་འབྱོར་མ་ཙནྡྲ་མཱ་ལེ་དང་། དགེ་སློང་ཤཱཀྱ་ཡེ་ཤེས་ཀྱིས་བསྒྱུར་བའོ། ། ༄༅། །རྒྱ་གར་སྐད་དུ། ཤྲཱི་ཛྙཱ་ནཱ་ཛྭ་ལ་ཏནྟྲ་རཱ་ཛ། བོད་སྐད་དུ། དཔལ་ཡེ་ཤེས་འབར་བའི་རྒྱུད་ཀྱི་རྒྱལ་
པོ་དཔལ་ཀུན་དུ་བཟང་པོ་ལ་ཕྱག་འཚལ་ལོ།  །ཀྱེ་མ་སངས་རྒྱས་ཀྱེ་སངས་རྒྱས། །ངོ་མཚར་རྨད་དུ་བྱུང་བ་ཡི། །རྒྱུད་ནི་གང་ལགས་རྒྱལ་པོ་གང་། །ཡེ་ཤེས་གང་ལགས་འབར་བ་གང་། །དཔལ་ནི་གང་ལགས་བདག་ལ་
གསུངས། །འཇིགས་བྱེད་ཆེན་པོས་བཀའ་སྩལ་པ། །དཔལ་ནི་གཉིས་མེད་ཡེ་ཤེས་ཏེ། །གཉིས་མེད་བདེ་ཆེན་རོ་ལས་བྱུང་། །གཟུང་འཛིན་མཐའ་སྤངས་རང་རིག་གོ། སྣ་ཚོགས་མདུད་པ་ཡེ་ཤེས་ཆེ། །རང་བྱིན་བརླབ་
པ་ལྟེ་བར་ཏེ། །དཀྱིལ་འཁོར་འཁོར་ལོ་གསང་བར་རོ། །སྨིན་མཚམས་ཀྱི་ནི་མཛོད་སྤུ་ལྟར། །ཐུང་ངུ་གནས་ཤིང་རིང་དུ་འགྱུར། །དེ་ཉིད་དྲང་དང་ཁ་དབྱེ་དང་། །རྒྱས་པར་བྱ་བ་གསུམ་ཡོད་དེ། །དང་པོར་དྲང་བའི་རྣམ་
པ་ཡང་། །འདྲོངས་པའི་ཚད་ནི་གསུམ་ཡོད་དེ། །སྒོ་གསུམ་ཡོན་ཏན་གསུམ་ལྡན་ན། །སོར་བཞི་ཕྱི་རུ་འབྱུང་བར་ངེས། །འབྲྀང་ལ་སོར་གཉིས་ཐ་མ་ལ། །སོར་དང་ནས་ཀྱི་ཚད་ཀྱིས་འབྱུང་། །སྦོམ་ཕྲ་གཞན་སྐྱེས་ཕྲ་
མོ་ཙམ། །དང་པོ་བྱ་གདོང་ཉིད་ན་གནས། །རྣམ་ཐར་སོར་གཉིས་སྐྱེ་མཆེད་བཞི། །སྟོང་པ་བཅུ་དྲུག་ཁམས་བཅྭ་བརྒྱད། །ཉི་ཤུ་ལྟེ་བར་ཉི་ཤུ་ལྔ། །སྙིང་ཁ་རུ་ནི་གནས་པའོ། །སྨན་ལ་སོགས་པ་ཀུན་ལྡང་བས། །དང་
བའི་སྦྱོར་བ་བརྩམ་པར་བྱ། །རྣམ་སྣང་སྐུ་རགས་བཅིང་བ་དང་། །རྒྱབ་ཡོལ་དབུལ་དང་མཆོད་པ་དབུལ། །གདན་ཁྲི་དབུལ་དང་སྐུ་ཁྲུས་དབུལ། །སྨན་མཆོད་དབུལ་དང་མེ་མཆོད་དབུལ། །དེ་ནས་རེག་བྱའི་

87-1-40a

མཆོད་པ་དབུལ། །ཀུན་རྫོབ་ལྕེ་ཡི་རྩེ་མོ་འམ། །ཁྲོ་བོ་མཛུབ་མོའི་རྩེ་མོ་ལ། །བདུད་རྩི་རི་ལུ་ལེགས་བྱས་ཏེ། །མཁས་པས་རེག་བྱའི་མཆོད་པ་དབུལ། །མངོན་དུ་ཤེས་པ་དོན་མི་ཟ། །བདེ་བ་ཆེན་པོའི་མཆོད་པ་
ཡིས། །ཁམས་གསུམ་མཆོད་པ་གདོན་མི་ཟ། །དར་རམ་མེན་ཏྲི་སོར་བཞིའི་ཚད། །རྐེད་པར་སྐ་རགས་དབུལ་བར་བྱ། །སྤྲུལ་པའི་གཡས་དང་གཡོན་གཉིས་སུ། །རས་བལ་ལ་སོགས་རྒྱབ་ཡོལ་དབུལ། །ཤིང་བུ་རིགས་
དང་འཐུན་པ་ཡིན། །སྦོམ་བྲ་རིགས་ཀྱི་བདག་པོ་ཙམ། །དྲི་མེད་སྨན་དང་སྣུམ་ལྡན་པའི། །ཟུག་རྔུ་མི་སྐྱེད་མཆོད་རྫས་ཀྱིས། །བཻ་རོ་ཙ་ནའི་ལམ་དུ་མཆོད། །དྲི་ཞིམ་ཆུ་ཡིས་ཁྲུས་བྱས་ཏེ། །ཁྲུས་ཀྱིས་ལུས་ལ་མཆོད་པ་
དབུལ། །སྨན་དང་སྣུམ་གྱི་ཕྱེ་མ་ཡིས། །སྒོ་གཉིས་དག་ཏུ་མཆོད་པ་དབུལ། །ཤིན་དུ་དྲོ་བའི་མེ་དག་གིས། །གཏུམ་མོའི་མེ་ལ་མཆོད་པ་དབུལ། །རྐེད་པའི་ཚད་མཉམ་ཀ་ཏི་ཀ །གདན་ཁྲི་བསྟབ་པའི་མཆོད་པ་
དབུལ། །དེ་ཡིས་འདྲོངས་པར་གདོན་མི་ཟ། །དེ་ནས་རྒྱས་པར་བྱ་བ་ཡང་། །གཞན་ནི་གོང་དང་འདྲ་བ་སྟེ། །ཕྱི་ནང་འདོད་པའི་མཚན་མ་ཀུན། །རྒྱས་པར་བྱེད་པའི་ལས་ཡིན་ཏེ། །རྒྱས་པའི་སྦྱོར་བ་གསུམ་བྱས་ན། །
དཔེར་ན་མེ་ཏོག་པདྨ་བཞིན། །དེ་ནས་དབྱེ་བའི་རིམ་པ་ཡང་། །གོང་དུ་གསུངས་པ་ཐུན་མོང་སྟེ། །དུས་གསུམ་ལྕེ་ཡི་རྩེ་མོས་ཀྱང་། །བསྐྱེད་ན་ངེས་པར་ཁ་འབྱེད་དོ། །དེ་ཉིད་གསུམ་ནི་མེ་རང་བཞིན། །མེ་འབར་བ་ཡི་
རྐྱེན་གྱུར་པ། །རླུང་ཉིད་ཡིན་པར་གསུངས་པ་སྟེ། །རྐྱེན་དེས་མེ་ཉིད་འབར་བར་བཤད། །གཞན་ཡང་རྐྱེན་གྱི་བྱེ་བྲག་དང་། །སྲོག་རྩོལ་རླུང་ནི་དབུ་མར་དགག །བུམ་པ་ཞབས་མེད་རླུང་ཕུལ་ནས། །སྒོ་དགུ་ཕྱི་རོལ་
དྲག་ཏུ་བུད། །ལུས་ཀྱི་ངལ་དུབ་ཆ་མཉམས་སྟེ། །སྦྱོར་བ་རྫོགས་ན་བདེ་བའི་རྐྱེན། །བདེ་བ་ལས་ནི་རྡོ་རྗེ་འཆང་། །བདེ་བ་ཡིས་ནི་བདེ་བ་འགྲུབ། །རྒྱུ་བདེ་བ་ལས་འབྲས་བུ་བདེ། །རྒྱུ་ཡི་ནང་ན་འདི་མཆོག་ལ། །

87-1-40b

འབྲས་བུའི་ནང་ན་འདི་མཆོག་གོ། དེ་ནས་བདེ་བའི་རྐྱེན་གྱུར་པ། །སྲིད་པ་དགག་དང་རླུང་དགག་པ། །གནས་ནས་གནས་སུ་རྟེན་གཟུང་སྟེ། །གཡས་བརྐྱང་བས་ནི་རོ་མ་དགག །དཔའ་བོ་གཡས་ནས་མཁའ་འགྲོ་
གཡོན། །གཡོན་བརྐྱང་བས་ནི་རྐྱང་མ་སྟེ། །ས་གས་ཀུན་དར་མ་རུ་གཟུང་། །དེ་བཞིན་ཟླུམ་པོས་དབུ་མར་གཟུང་། །དེ་དག་ཀུན་གྱི་བྱེ་བྲག་ཀྱང་། །དཔའ་བོས་གཡས་དང་གཞན་གྱིས་གཡོན། །དེ་བཞིན་ཀུན་
ལ་སྦྱར་བར་བྱ། །གཞན་ཡང་གཟུང་བའི་བྱེ་བྲག་ཀྱང་། །དྲིལ་ཅན་བུ་གུ་དགུ་ལམ་གྱིས། །རླུང་རྒྱུ་ཕྱི་རུ་བུས་བྱས་ཏེ། །རྐང་ལག་དྲག་ཏུ་བསྒྲིམས་བྱས་ན། །ཟིན་པར་འདི་ལ་ཐེ་ཙོམ་མེད། །དཔའ་བོ་མཁའ་འགྲོ་
མ་གཉིས་ཀྱིས། །ཐུན་མོང་དུ་ནི་བྱ་བར་གསུངས། །བཻ་རོ་ཙ་ན་ལས་ཀྱི་རླུང་། །གཞན་ཡང་ལམ་བརྒྱད་རླུང་རྣམས་དག །དང་པོ་ཉིད་དུ་བསྡམ་བྱས་ན། །ཟིན་པར་འདི་ལ་ཐེ་ཙོམ་མེད། །དབྱེ་བ་བསྡམ་པའི་མན་
ངག་གོ། བྱེད་པ་སྤེལ་མར་སོང་གྱུར་ན། །མི་ཟིན་པ་ལ་ཐེ་ཙོམ་མེད། །གནས་གསུམ་དག་ཏུ་ཀྵ་བསམས་ཏེ། །དབུགས་གསུམ་པ་ཡིས་ཡར་དྲངས་ཏེ། །ལྟེ་བའི་གྱེན་ལ་དྲངས་ཀྱང་ཟིན། །འདི་ནི་གང་ཟག་
མཆོག་གིས་ཡིན། །མཛེས་པའི་སྤྱི་བོ་དེ་ཉིད་ལ། །གྱེན་དུ་བཀན་དང་ཐུར་དུ་བཀན། །དྲང་པོར་གཡས་གཡོན་བཙན་ཐབས་ལ། །ཀ་ཏིའི་གཟེར་ནི་བཙན་ཐབས་གཅིག །སྦོམ་པོ་ཁྲོ་མོས་མནན་པ་སྟེ། །བླ་མའི་ཞལ་
ནས་མ་བླངས་ན། །ལུས་ཀྱི་ནད་བཞི་ཀུན་ནས་སྐྱེ། །ཆུ་འགགས་ཆུ་སོ་སྐྲངས་ལ་སོགས། །ལུས་སྨད་ནད་སྣ་ཉི་ཤུ་འབྱུང་། །གཞན་ཡང་བཙན་ཐབས་བཅུ་གཉིས་ནི། །བླ་མའི་ཞལ་ནས་ཤེས་པར་བྱ། །བླ་མ་མཉེས་
པར་བྱ་བའི་ཕྱིར། །ལུས་སྲོག་ལོངས་སྤྱོད་ཐམས་ཅད་ཀྱིས། །དུས་གསུམ་མཎྜལ་དང་བཅས་མཆོད། །ལུས་སྲོག་བཏང་བར་ཕངས་པ་བས། །མན་ངག་དམ་པ་དེ་བས་ཕངས། །དེ་བས་བཙན་ཐབས་ལེགས་

87-1-41a

པར་སྦ། །མན་ངག་ཆུ་བོའི་རྒྱུན་འདྲ་བས། །དེ་ཉིད་རྒྱུད་དུ་ཤེས་པར་བྱ། །ཟབ་མོའི་དོན་སྟོན་རྒྱལ་པོར་གསུངས། །རྡོ་རྗེ་ཕག་མོ་ལ་སོགས་རྣམས། །གསང་བའི་གསང་བ་རྨད་བྱུང་འདི། །ཁྱོད་ལ་
གཏད་དོ་དམ་དུ་སྦོས། །ཀུན་ལ་སྤེལ་ན་དམ་ཚིག་ཉམས། །ཀྱེ་མ་རྒྱུད་ཀྱྀ་དོན་འདི་ལ། །ཕྱོགས་བཅུའི་འཇིག་རྟེན་ཁམས་བཞུགས་པའི། །དཔའ་བོ་མཁའ་འགྲོ་མ་ཡི་ཚོགས། །ཐམས་ཅད་ངོ་མཚར་ཆེར་སྐྱེས་ཏེ། །
དགའ་ཞིང་མགུ་ནས་ཡི་རང་ངོ་། །དཔལ་ཡེ་ཤེས་འབར་བའི་རྒྱུད་ཀྱི་རྒྱལ་པོ་མཁའ་འགྲོ་མའི་གསང་བ་ལས་ཀྱང་གསང་བ་རྨད་དུ་བྱུང་བ་རྫོགས་སྷོ།། །། སིང་ག་ལའི་གླིང་གི་རྣལ་འབྱོར་མ་
ཙནྡྲ་མཱ་ལེ་དང་། དགེ་སློང་ཤཱཀྱ་ཡེ་ཤེས་ཀྱིས་བསྒྱུར་བའོ། ། ༄༅། །རྒྱ་གར་སྐད་དུ།   ཤྲཱི་ཙནྡྲ་མཱ་ལ་ཏནྟྲ་རཱ་ཛ།   བོད་སྐད་དུ།   དཔལ་ཟླ་བའི་ཕྲེང་བའི་རྒྱུད་ཀྱི་རྒྱལ་པོ།  དཔལ་རྡོ་རྗེ་སེམས་
དཔའ་ལ་ཕྱག་འཚལ་ལོ། །ཀྱེ་ཧོ་མགོན་པོ་རྡོ་རྗེ་ཅན། །སྒྲོན་མ་ཉི་ཤུ་རྩ་བཞི་ཡི། །ངེས་པ་གང་ལགས་ཚད་གང་ལགས། །རང་བཞིན་གྲུབ་པ་ཇི་ལྟར་ལགས། །མགོན་པོས་བདག་ལ་བཤད་དུ་གསོལ། །བཅོམ་ལྡན་འདས་
ཀྱིས་བཀའ་སྩལ་པ། །རང་བཞིན་གྲུབ་པ་སྒྲུབ་འདོད་པ། །བླ་མའི་བཀའ་དྲིན་ལེགས་མནོས་ཏེ། །དུར་ཁྲོད་ལ་སོགས་ས་ཕྱོགས་སུ། །བར་ཆད་གསུམ་མེད་ཡོན་ཏན་ལྡན། །བརྟགས་པ་ལས་དང་པོ་ཡི་གནས། །
གང་ཟག་མཆོག་ལ་བརྟག་ཏུ་མེད། །ཡོན་ཏན་ལྡན་པའི་སར་འདུག་སྟེ། །བླ་མེད་སེམས་གཟུང་རྣལ་འབྱོར་པས། །སྒོ་གསུམ་དལ་བའི་ཚད་བརྟག་སྟེ། །བཅིང་བ་གསུམ་ནི་ངེས་བསྒོམས་པས། །སྐྱེ་བ་གཅིག་གིས་
གྲུབ་པར་ངེས། །དབུགས་བཅིང་ཀུན་རྫོབ་སྣ་རྩེ་ཡིན། །ཡིད་བཅིངས་སོར་བཞི་ནམ་མཁའི་ཁམས། །སེམས་བཅིངས་རང་རིག་བསམ་མི་ཁྱབ། །རྒྱུ་རྐྱེན་ལས་ནི་སྣ་ཚོགས་ལས། །སེམས་ཅན་མོས་པ་སྣ་ཚོགས་

87-1-41b

འབྱུང་། །དེ་དག་བཅིངས་གསུམ་དག་པ་ཡིས། །སེམས་ཅན་བཅིངས་ལས་ངེས་པར་གྲོལ། །བླ་མའི་ཞལ་ནས་ཤེས་པར་བྱ། །འདུ་ཤེས་གསུམ་གྱི་ཆ་ལས་གྲོལ། །ཐིག་ལེ་ཆ་གསུམ་ཕྲ་མོ་ནི། །ཡན་ལག་ལྔ་ལྡན་འབྱུང་བའི་
རིམ། །སྒྲ་དང་རང་རིག་རེ་རེར་སྣང་། །སྟོང་ཉིད་ཐབས་དང་ཤེས་རབ་ཚུལ། །ས་དང་ལམ་སོགས་རིམ་པ་ཀུན། །རང་བཞིན་གྱིས་གནས་མཁས་པས་སྦྱར། །དེ་ནས་སྒྲོན་མའི་ཚད་བསྟན་ཏེ། །ཚད་ནི་སྤྱི་དང་བྱེ་བྲག་སྟེ། །
བརྒྱ་ཕྲག་གཉིས་དང་བཅུ་གཉིས་དང་། །ཡི་གེ་གསུམ་ལས་ངེས་འབྱུང་བ། །གསང་བ་གཅོད་པའི་རྒྱུད་ཀྱི་ཚད། །བརྒྱ་ཕྲག་གཅིག་དང་སུམ་བཅུ་ལྔ། །ཡི་གེ་བཅུ་དགུ་ལས་བྱུང་བ། །རིན་ཆེན་ཕྲེང་བའི་ངེས་པའི་
ཚད། །བརྒྱ་ཕྲག་གཅིག་དང་སུམ་བཅུ་བཞི། །མི་འགྱུར་བཅུ་གསུམ་ལས་བྱུང་བ། །སྐུ་གསུང་ཐུགས་ཀྱི་སྒྲོན་མའོ། །བརྒྱད་བཅུ་རྩ་ལྔར་ཡི་གེ་བཞིས། །མ་ཚང་པ་ལས་གང་འགྱུར་བ། །གསང་བ་བསམ་གྱིས་མི་ཁྱབ་
པའོ། །བརྒྱད་བཅུ་རྩ་གཉིས་ཡི་གེ་གཅིག །རིན་ཆེན་འབར་བའི་ལྡང་ཚད་དོ། །སུམ་བཅུ་རྩ་གཅིག་ཡི་གེ་ནི། །ཉི་ཤུ་རྩ་གཉིས་ལས་བྱུང་བ། །ནམ་མཁའ་མཉམ་པའི་ཚད་ཡིན་ནོ། །དྲུག་བཅུ་རྩ་དྲུག་ཡི་གེ་དྲུག །
དམ་ཚིག་ཆེན་པོའི་རྒྱུད་ཀྱི་ཚད། །དྲུག་བཅུ་ཡི་གེ་ཉི་ཤུ་གཅིག །གསང་བ་རྡོ་རྗེར་རབ་ཏུ་གྲགས། །དྲུག་བཅུ་རྩ་གཉིས་མི་འགྱུར་བ། །བཅུ་དྲུག་སྟོབས་པོ་ཆེ་ཡི་ཚད། །བཞི་བཅུ་རྩ་གཅིག་ཡི་གེ་ལྔ། །ནམ་མཁའ་ཆེན་པོའི་
ཚད་ཡིན་ནོ། །དྲུག་བཅུ་རྩ་དྲུག་ཡི་གེ་དྲུག །ཡེ་ཤེས་འབར་བའི་ལྡང་ཚད་དོ། །སུམ་བཅུ་རྩ་དྲུག་ཡི་གེ་དགུ། །ཡེ་ཤེས་ཕྲེང་བའི་ཚད་ཡིན་ནོ། །སུམ་བཅུ་རྩ་བཞི་ཉི་ཤུ་བཞི། །མཁའ་འགྲོ་གསང་བའི་ཚད་ཡིན་ནོ། །
སུམ་བཅུ་རྩ་བཞི་བཅུ་བཞི་དག །མེ་ཡི་ཕྲེང་བའི་ཚད་ཡིན་ནོ། །ཉི་ཤུ་རྩ་གཉིས་བཅྭ་བརྒྱད་དག །ཡེ་ཤེས་རྒྱལ་པོའི་ལྡན་ཚད་དོ། །བདུན་བཅུ་རྩ་བརྒྱད་རྐང་བ་ཕྱེད། །ཆགས་པའི་རྒྱལ་པོའི་ཚད་ཡིན་ནོ། །

87-1-42a

ཚིགསུ་བཅད་པ་ཉི་ཤུ་ལྔ། །ཡེ་ཤེས་བསམ་པའི་ལྡང་ཚད་དོ། །དགུ་བཅུ་གོ་བརྒྱད་ལས་བྱུང་བ། །ཡེ་ཤེས་གསང་བའི་ཚད་ཡིན་ནོ། །ཉི་ཤུ་ཐམས་པ་གང་ཡིན་པ། །གསང་བ་རྡོ་རྗེ་རྒྱལ་པོའི་ཚད། །
བརྒྱ་དང་ཉི་ཤུ་རྩ་གཉིས་ནི། །རྡོ་རྗེ་རྒྱལ་པོ་ར་ལིའི་ཚད། །ལྔ་བཅུ་རྩ་གསུམ་ཡི་གེ་བཅུ། །དུར་ཁྲོད་རྒྱན་གྱི་ལྡང་ཚད་དོ། །སུམ་བཅུ་རྩ་གསུམ་ཡི་གེ་ནི། །བཅུ་དྲུག་མཁའ་འགྲོ་མ་སྡོམ་ཚད། །ལྔ་བཅུ་ཡྀ་གེ་བཅྭ་ལྔ་ལས། །
བྱུང་བ་གསང་བ་བདུད་རྩིའི་རྒྱལ། །བཞི་བཅུ་ཡི་གེ་ཉི་ཤུ་བཞི། །ཉི་མའི་འཁོར་ལོའི་གཞུང་ཚད་དོ། །སུམ་བཅུ་ཡི་གེ་བཅུ་དྲུག་ལས། །བྱུང་བ་ཟླ་བའི་ཕྲེང་ཚད་དོ། །དེ་ནས་ངེས་པར་བཤད་བྱ་སྟེ། །གསང་བའི་འཁོར་
ལོ་གང་སྟོན་པ། །གསང་བའི་རྡོ་རྗེའི་དམ་ཚིག་དག །སྟོན་པ་དམ་ཚིག་ཆེན་པོར་ངེས། །དགྲ་དྲུག་སྟོན་པ་སྟོབས་པོ་ཆེ། །དབང་བཞི་དགག་སྒྲུབ་གསང་བ་གཅོད། །རང་རིག་དེ་སྟོན་བསམ་མི་ཁྱབ། །ཡི་གེ་
གསུམ་སྟོན་རིན་ཆེན་འབར། །སྒོ་གསུམ་ལམ་སྟོན་ནམ་མཁའ་མཉམ། །བཅོམ་ལྡན་ལ་སོགས་ཐེ་ཙོམ་མེད། །སྟོན་པ་ནམ་མཁའ་ཆེན་པོ་སྟེ། །དབང་བཞིའི་དེ་ཉིད་གང་སྟོན་པ། །ཡེ་ཤེས་གསང་བའི་རྒྱུད་
དུ་ངེས། །ལྟ་སྤྱོད་རྨད་དུ་གང་བྱུང་བ། །སྟོན་པ་ཡེ་ཤེས་ཕྲེང་བར་ངེས། །གླེང་བསླང་རྣམ་པ་ལྔ་ཡི་དོན། །སྟོན་པ་མཁའ་འགྲོ་གསང་བའི་རྒྱུད། །ཧེ་རུ་ཀ་དཔལ་གང་སྟོན་པ། །མེ་ཡི་ཕྲེང་བའི་རྒྱུད་དུ་གྲགས། །
དབང་གསུམ་དོན་ནི་གང་སྟོན་པ། །སྐུ་གསུང་ཐུགས་ཀྱི་ར་ལིར་ངེས། །སྣོད་བཅུད་རིན་ཆེན་སྟོན་བྱེད་པ། །རིན་ཆེན་ཕྲེང་བའི་ར་ལིར་ངེས། །ལྷན་ཅིག་སྐྱེས་སྟོན་ཡེ་ཤེས་བསམ། །རྡོ་རྗེ་རྙོག་པ་མེད་པའོ། །ལྷ་ཡི་དེ་ཉིད་གང་སྟོན་པ། །
ཆགས་པའི་རྒྱལ་པོའི་ར་ལིར་ངེས། །ངེས་པ་ལྔ་སྟོན་རྡོ་རྗེ་རྒྱལ། །ཨཱ་ལི་དུར་ཁྲོད་བརྒྱད་སྟོན་དུར་ཁྲོད་བརྒྱན། །དམ་ཚིག་སྡོམ་པ་མཁའ་འགྲོ་གསུམ། །སྟོན་པ་མཁའ་འགྲོ་སྡོམ་པའོ། །དཀྱིལ་འཁོར་

87-1-42b

ལ་སོགས་དྲུག་སྟོན་པ། །གསང་བ་བདུད་རྩིའི་རྒྱལ་པོའོ། །འཁྲུལ་པ་འཁྲུལ་གཞི་དེ་སད་པ། །གསུམ་སྟོན་ཡེ་ཤེས་རྒྱལ་པོའི་རྒྱུད། །མ་སྤངས་ངེས་སྟོན་ཉི་འཁོར་ལོ། །ཚད་ངེས་བསྒྲུབ་གསུམ་སྟོན་ཟླ་ཕྲེང་། །
རྒྱུད་སོགས་ལྔ་སྟོན་ཡེ་ཤེས་འབར། །དེ་ནས་འཁོར་ཐམས་ཅད་དགའ་ནས་རྒྱུད་ཐམས་ཅད་ཀྱི་དོན་ལ་ཡི་རང་བར་གྱུར་ཏོ། །དཔལ་ཟླ་བའི་ཕྲེང་བའི་རྒྱུད་ཀྱི་རྒྱལ་པོ་རྫོགས་སྷོ།། །།
རྒྱ་གར་གྱི་མཁན་པོ་གཱ་ཡ་དྷ་ར་དང་། ལོ་ཙྪ་་བ་དགེ་སློང་ཤཱཀྱ་ཡེ་ཤེས་ཀྱིས་བསྒྱུར་བའོ། ། ༄༅། །རྒྱ་གར་སྐད་དུ།   ཤྲཱི་རཏྣ་ཛྭ་ལ་ཏནྟྲ་རཱ་ཛ་ནཱ་མ།   བོད་སྐད་དུ། 
དཔལ་རིན་ཆེན་འབར་བའི་རྒྱུད་ཀྱི་རྒྱལ་པོ་ཞེས་བྱ་བ། དཔལ་ཀུན་ཏུ་བཟང་པོ་ལ་ཕྱག་འཚལ་ལོ། །ཧེ་ཧེ་རྡོ་རྗེ་སྙིང་པོ་དང་། །མཁའ་སྤྱོད་མ་ལ་སོགས་པ་དག །སྒོ་གསུམ་ལེགས་པར་བསྡུས་ནས་ནི། །
ར་ལི་ཆེན་པོའི་དབྱེ་བ་ཉོན། །ལ་ལས་བྱུང་བ་ཐབས་ཀྱི་རྒྱུད། །ར་ལས་བྱུང་བ་ཤེས་རབ་རྒྱུད། །ཨི་བྱིས་ཨ་ལས་གཉིས་མེད་རྒྱུད། །ཐབས་ནི་སྐུ་སྟེ་ཤེས་རབ་གསུངས། །གཉིས་མེད་ཐུགས་སུ་ཤེས་པར་བྱ། །
སྐུ་གསུང་ཐུགས་ཀྱི་རང་བཞིན་ལས། །ཉི་ཤུ་རྩ་བཞི་བྱུང་བའོ། །ཨ་ལ་ལ་ཧོ་ཨེ་མའོ། །ཐབས་ནི་ལ་ལས་ཇི་ལྟར་བྱུང་། །ར་ལས་ཤེས་རབ་ཇི་ལྟར་བྱུང་། །ཨ་ལས་གཉིས་མེད་ཇི་ལྟར་བྱུང་། །སྐུ་གསུང་ཐུགས་སུ་
ཇི་ལྟར་འགྱུར། །ཉི་ཤུ་རྩ་བཞིར་ཇི་ལྟར་དབྱེ། །ཨེ་མའོ་མགོན་པོས་བཤད་དུ་གསོལ། །འཇིགས་བྱེད་ཆེན་པོས་བཀའ་སྩལ་པ། །ཨ་ལས་ཨ་བ་དྷཱུ་ཏཱི་སྟེ། །འདི་ཉིད་ལས་ནི་གཉིས་མེད་རྒྱུད། །འབྱུང་བའི་
གནས་དང་རྒྱུ་རུ་བརྟགས། །ལ་ལས་ལ་ལ་ནཱ་ཡི་རྩ། །དེ་ལས་ཐབས་ཀྱི་རྒྱུད་བྱུང་བའི། །རྒྱུ་དང་གནས་དང་ངོ་བོར་བརྟག །ར་ལས་ར་ས་ནཱ་ཡི་རྩ། །འདི་ཉིད་ལས་ནི་ཤེས་རབ་ཀྱི། །ར་ལི་འབྱུང་བའི་རྒྱུ་དང་གནས། །

87-1-43a

ར་ནི་ཆགས་ཕྱིར་ཤེས་རབ་སྟེ། །ཤེས་རབ་ཡི་གེ་བཅུ་དྲུག་བརྡ། །ལ་ནི་ནུབ་ཕྱིར་ཐབས་ཡིན་ཏེ། །ཐབས་ཀྱི་ཡི་གེ་བཞི་བཅུའི་བརྡ། །ཐོག་མ་ཉིད་ནས་མ་སྐྱེས་པ། །ཨ་ནི་གཉིས་མེད་རང་བཞིན་ཏེ། །གཉིས་
མེད་བློ་ཡི་སྤྱོད་ཡུལ་མིན། །བློ་དང་སྒྲ་ནི་ཀུན་རྫོབ་ཕྱིར། །གཡས་ནི་ཐབས་ཡིན་ལ་ལཱ་ནཱ། །གཡོན་པ་ཤེས་རབ་ར་ས་ནཱ། །ཨ་བ་དྷཱུ་ཏཱི་གཉིས་སུ་མེད། །ཐབས་དང་ཤེས་རབ་གཉིས་མེད་ཀྱི། །ར་ལིའི་ངོ་བོ་ཤེས་པར་བྱ། །
འདོད་ཆགས་རྡུལ་ལ་ལུས་ནི་ཐབས། །ལ་ལ་ནཱ་ནི་སྐུ་ཡིན་ཏེ། །གཏི་མུག་མུན་པ་ངག་དང་ཡང་། །ཤེས་རབ་ར་ས་ནཱ་ནི་གསུང་། །ཞེ་སྡང་སྙིང་སྟོབས་ཡིད་ཡིན་ཏེ། །སྐུ་གསུང་ཐུགས་ཀྱི་འགྱུར་བའོ། །སྐུ་ལ་བརྒྱད་དེ་གསུང་
ལ་བརྒྱད། །ཐུགས་ལ་བརྒྱད་དེ་ཉི་ཤུ་བཞི། །ར་ལི་ཉི་ཤུ་བཞི་རུ་ངེས། །གནས་ནི་ཉི་ཤུ་རྩ་བཞི་དང་། །ཙཎྜ་ལི་དང་ཕྱག་དག་དང་། །མཁའ་འགྲོ་འབྱུང་པོ་ཉི་ཤུ་བཞི། །དེ་ཉིད་བརྡ་རུ་ངེས་པ་སྟེ། །སྐུ་གསུང་ཐུགས་ཀྱི་དབྱེ་
བསོ། །གནས་དང་མཁའ་འགྲོ་ར་ལི་དབྱེ། །སྐུ་གསུམ་དུ་ནི་དེ་ཉིད་བསྡུ། །དང་པོར་རྒྱུད་ཀྱི་ངེས་པ་དང་། །རྒྱུ་མི་གནས་དང་གནས་ངེས་པ། །གཏད་བ་ངེས་དང་གོ་རིམ་ངེས། །གྲངས་ངེས་རིགས་ངེས་བཅྭ་ལྔར་ངེས། །མདོ་སྡེ་འདུལ་
བ་མངོན་པ་ཡི། །དམན་པའི་རིམ་པ་དང་པོར་གསུང་། །དམན་པ་རྣམས་ལ་བྱ་བའི་རྒྱུད། །དེ་རྗེས་རྣལ་འབྱོར་ཉིད་ཡིན་ཏེ། །སྐྱེས་པ་འདུལ་ཕྱིར་རྣལ་འབྱོར་རྒྱུད། །ཕྱི་ནས་རྣལ་འབྱོར་མ་རྒྱུད་ནི། །བུད་མེད་ཡོངསུ་གཟུང་ཕྱིར་
རོ། །དང་པོ་རྩ་བའི་རྒྱུད་གསུངས་ཏེ། །དེ་ནས་བཤད་པའི་རྒྱུད་ཉིད་དོ། །དེ་ནས་རྒྱུད་ནི་ཕྱི་མའོ། །དེ་རྗེས་ཕྱི་མའི་ཕྱི་མ་སྟེ། །རིམ་པ་བཅུ་ནི་བསྐོར་བ་སྟེ། །སྣོད་ངན་དམན་པའི་རིམ་པས་གསུངས། །མེ་ཏོག་སྙིང་པོའི་བཅུད་
བཞིན་དུ། །ཕྱི་ཡི་ཕྱི་ནས་བདུད་རྩི་ཡི། །ར་ལིའི་སྙིང་པོ་སྙིང་པོ་རྒྱུད། །དང་པོར་ལ་ལས་སྐུ་ཡི་རྒྱུད། །དཔའ་བོ་མཁའ་འགྲོ་མས་ཞུས་ནས། །སྐུ་ཡི་མཁའ་འགྲོ་བརྒྱད་ལ་གཏད། །དེ་རྗེས་ར་ལས་གསུང་གི་རྒྱུད། །

87-1-43b

གསུང་གི་མཁའ་འགྲོ་བརྒྱད་ལ་གཏད། །ཕྱི་ནས་ཨ་ལས་ཐུགས་ཀྱི་རྒྱུད། །ཐུགས་ཀྱི་མཁའ་འགྲོ་བརྒྱད་ལ་གཏད། །གཉིས་མེད་ཡེ་ཤེས་བདུད་རྩིའི་རོ། །ལུས་ལས་ལུས་གསལ་མིག་གི་ལུས། །གསལ་བའི་ཕྱིར་ན་སྒྲོན་མ་
སྟེ། །སེང་གེའི་གཟུགས་འདྲ་བདུད་རྩིའི་རོ། །ཉི་མའི་འོད་འདྲ་ཟླ་བའི་ཟེར། །འབྲུག་གི་སྒྲ་འདྲ་རྒྱ་མཚོའི་གཏིང་། །ཆུ་བོའི་རྒྱུན་འདྲ་རི་རབ་ལྷུན། །ཨུ་དུམ་འབའ་ར་ཞིང་གི་རྡུལ། །འདི་ལ་འདོད་འདོད་ཚོལ་བ་དང་། །རྟོག་
གེ་པ་ཡིས་དཔྱད་དུ་མེད། །གལ་ཏེ་རང་འདོད་དཔྱད་གྱུར་ན། །དཔའ་བོ་མཁའ་འགྲོ་ཁྲོས་གྱུར་ཏེ། །མགོ་ལུས་ཚལ་པ་རྒྱ་རུ་འགེས། །དེ་བས་རང་གི་ཆུང་མ་དང་། །བུ་དང་ཡུལ་འཁོར་ལུས་ངག་གིས། །བླ་མ་དམ་པ་
མཉེས་བྱ་སྟེ། །ཆུ་བོའི་རྒྱུན་འདྲའི་མན་ངག་བླང་། །ཀྱེ་མའོ་མགོན་པོ་སྙིང་རྗེ་ཅན། །ར་ལིའི་དབྱེ་བ་དེ་ལྟར་ན། །དེ་ཡི་ཆེན་པོ་ཇི་ལྟར་ལགས། །ནང་དུ་ཉི་ཤུ་རྩ་བཞི་ཡི། །ངེས་པ་སླར་ཡང་བདག་ལ་གསུངས། །རྡོ་རྗེ་
ཅན་གྱིས་བཀའ་སྩལ་པ། །མ་སྤངས་ཉི་ཤུ་རྩ་བརྒྱད་ཀྱིས། །ར་ལིའི་འདི་ནི་ཆེན་པོར་ངེས། །རེ་རེ་ལ་ཡང་ཆེན་པོ་བདུན། །གང་ཞིག་འབྲས་བུ་འདོད་པ་ལ། །རྒྱུ་ཉིད་གཙོ་བོར་གྱུར་པ་སྟེ། །སཱ་ལུ་ལས་ནི་མྱུ་གུ་བཞིན། །
དེ་ཕྱིར་དང་པོ་རྒྱུ་མི་སྤང་། །ལྷན་ཅིག་སྐྱེས་གཉིས་རྒྱུ་ཡིན་ཏེ། །རང་བཞིན་ལྷན་ཅིག་སྐྱེས་པ་དང་། །ལྷན་ཅིག་ལྷན་ཅིག་སྐྱེས་པའོ། །ཐུན་མོང་དང་ནི་ཐུན་མོང་མིན། །བླ་མའི་ཞལ་ནས་ཤེས་བྱའྀ་ཕྱིར། །དཔའ་
བོ་མཁའ་འགྲོའི་ཞལ་ཡིན་ཏེ། །དེ་ཉིད་སྟོན་པའི་བཀའ་ལས་འདས། །དེ་ལས་འཁྲུལ་པ་སྙིང་རེ་རྗེ། །ཕུང་སོགས་རྩ་དང་ཤུ་ཀྲ་ནི། །ལྷན་ཅིག་སྐྱེས་པའི་རྒྱུ་ཡིན་ཏེ། །ལོག་རྟོག་འཁྲུལ་པ་རྒྱུར་འདོད་དང་། །
ངོ་བོ་མ་གྲུབ་རྒྱུར་འདོད་དང་། །ཀུན་རྫོབ་བྱང་སེམས་རྒྱུར་འདོད་པ། །འདི་ནི་རྨོངས་པ་མ་རུངས་པ། །ཕུང་པོ་འབྱུང་བ་དབང་པོ་དང་། །ཕྱི་ཡི་སྐྱེ་མཆེད་དམན་པོའི་རྒྱུ། །བརྟགས་པ་རྒྱུར་འདོད་སྙིང་རེ་རྗེ། །

87-1-44a

ནམ་མཁའི་མེ་ཏོག་གི་དྲི་གང་། །རང་བཞིན་གནས་པའི་རྩ་རླུང་སོགས། །ཁྱད་པར་ལམ་གྱི་རྒྱུ་ཡིན་ཏེ། །རང་བཞིན་གནས་པ་མ་ཤེས་པར། །ལོག་པར་རྟོགས་པ་སྙིང་རྗེ་ཉམས། །དོན་དམ་བྱང་ཆུབ་སེམས་
ཀྱིས་ནི། །ལྷན་ཅིག་སྐྱེས་པའི་ཡེ་ཤེས་རྒྱུ། །བླ་མ་མ་བསྟེན་དེ་ལས་འཁྲུལ། །ཀུན་རྫོབ་ཤུ་ཀྲ་རྒྱུར་འདོད་པ། །རྒྱུ་དང་འབྲས་བུ་འཁྲུལ་པའོ། །རྐྱེན་མེད་རྒྱུ་ཡིས་འབྲས་མི་འབྱིན། །དེ་ཕྱིར་རྐྱེན་ནི་སྤང་མི་བྱ། །ཡེ་ཤེས་
རླུང་དང་ཡེ་ཤེས་མེ། །ལྷན་སྐྱེས་གཉིས་མེད་རྐྱེན་ཡིན་ཏེ། །དེ་ཉིད་སྤང་བར་མི་བྱ་ཞིང་། །ལས་ཀྱི་རླུང་དང་མེ་ཉིད་དང་། །གཞན་དུའང་དེ་ཉིད་སྦྱར་བར་བྱ། །སྲིད་པ་ལེན་དང་བདེ་བ་ལེན། །ལས་མི་སྤང་ཞིང་བདེ་བ་
ཡང་། །མི་སྤང་བ་ནི་བཞི་པའོ། །ལུས་དང་ལུས་ཀྱི་སྙིང་པོའི་རྩ། །གནས་དང་གནས་ཆེན་མི་སྤང་བ། །ལྔ་བ་དྲུག་པ་ཡིན་པར་འདོད། །དེ་ཉིད་ཕྱི་དང་ནང་དུ་ཤེས། །ཕྱི་ནི་དབྱེ་བ་མ་སྤངས་པའོ། །སྣང་བ་དང་ནི་མུན་པའི་ཆ། །
གང་བ་དང་ནི་སྟོང་པའི་ཆ། །འཕོ་བ་མ་སྤངས་བརྒྱད་པའོ། །རྒྱུ་ཡི་གནས་དང་འབྲས་བུའི་གནས། །དེ་ཉིད་མི་སྤང་ཤེས་པར་བྱ། །རིན་པོ་ཆེ་ཡི་ཕོ་བྲང་དུ། །རྟེན་ནྀ་མི་སྤང་ཤུ་ཀྲ་གཟུང་། །གལ་ཏེ་དེ་རུ་མ་ཟིན་ན། །ཤོར་བ་
མི་སྤང་རོ་མར་བསྟིམ། །གཉེན་པོ་མི་སྤང་གཟུགས་སྐུ་གཉིས། །མ་སྤངས་པ་ནི་བཅུ་གཉིས་པའོ། །ནོར་བུའི་རྟེན་ལས་སྐྱེས་པ་ཡི། །བདེ་བ་ལ་རྟེན་དབང་པོ་ཡི། །སྒོ་བསྡུ་ངོ་བོ་མ་སྤངས་པའོ། །གོང་འོག་ཁྱད་
པར་ཤེས་བྱས་ནས། །སྒྱུ་མས་གཉེན་པོ་མ་སྤངས་པའོ། །དགའ་བ་མཆོག་དགའ་ཤེས་བྱས་ཏེ། །སྔོན་དུ་འགྲོ་བ་མ་སྤངས་པའོ། །འཁོར་བ་ལུགས་ལས་བཟློག་བྱ་སྟེ། །གནས་ནས་གནས་སུ་ཟློག་བྱེད་པ། །
གནས་ཀྱི་ཁྱད་པར་མ་སྤངས་པའོ། །དེ་ཉིད་རིམ་པར་འཕོ་བྱེད་པ། །བླ་མའི་བླ་མ་ལས་བརྒྱུད་ཤེས། །འཁོར་བ་འཇུག་ལྡོག་བྱེ་བྲག་ནི། །འཕོ་བ་མ་སྤངས་རྣམ་པ་གཉིས། །ཡེ་ཤེས་མེ་ནི་ཆེར་འབར་བས། །

87-1-44b

ཕུང་པོ་འབྱུང་བ་དབང་པོ་སོགས། །ཐམས་ཅད་བདུད་རྩིར་གྱུར་པ་ནི། །རྐྱེན་གྱི་ཁྱད་པར་མ་སྤངས་པའོ། །ལུས་ཀྱི་བ་སྤུའི་བུ་ག་དང་། །བརྟན་དང་གཡོ་བའི་དངོས་པོ་ཀུན། །བདེ་བའི་ངོ་བོར་གང་སྣང་བ། །ངོ་བོའི་
ཁྱད་པར་མ་སྤངས་པའོ། །དེ་ཉིད་སྒྱུ་མའི་རང་བཞིན་མེད། །གཉེན་པོའི་ཁྱད་པར་མ་སྤངས་པའོ། །བཞིན་མཛེས་མིག་ཡངས་ཕྱག་རྒྱ་ནི། །ལྡན་པ་ཕྱག་རྒྱ་མ་སྤངས་པའོ། །དམ་ཚིག་ཆོས་ཀྱི་ཕྱག་རྒྱ་དང་། །དེ་ནས་ཡེ་
ཤེས་ཕྱག་རྒྱ་ཆེ། །ཕྱག་རྒྱའི་ཁྱད་པར་མ་སྤངས་པའོ། །ཆགས་པའི་ཕྱག་རྒྱ་ལས་ཡིན་ཏེ། །དམ་ཚིག་ཆོས་ནི་མ་ནིང་གི། །ཕྱག་རྒྱ་གཉིས་སུ་ཤེས་པར་བྱ། །ཡེ་ཤེས་ཕྱག་རྒྱ་ཆེན་པོ་གཉིས། །གྲོལ་བའི་ཕྱག་
རྒྱ་ཡིན་པར་འདོད། །ཕྱག་རྒྱའི་དབྱེ་བ་མ་སྤངས་པའོ། །དང་པོར་གསང་བའི་འཁོར་ལོར་ཏེ། །ཕྱི་ནས་རང་བཞིན་འཁོར་ལོར་ཡིན། །འཁོར་ལོའི་དབྱེ་བ་མ་སྤངས་པའོ། །དང་པོར་གསང་བའི་གཏུམ་མོ་སྟེ། །གཉིས་
པར་རང་བཞིན་གཏུམ་མོ་ནི། །གཏུམ་མོའི་དབྱེ་བ་མ་སྤངས་པའོ། །ལས་ཀྱི་རླུང་དང་མེ་གཉིས་ནི། །ཀུན་རྫོབ་འཁོར་བའི་རྐྱེན་ཡིན་ཏེ། །ཡེ་ཤེས་རླུང་དང་མེ་གཉིས་ནི། །དོན་དམ་གཉིས་མེད་རྐྱེན་ཡིན་ཏེ། །རྐྱེན་གྱི་
དབྱེ་བ་མ་སྤངས་པའོ། །སྲིད་པ་སྐྱེད་ཅིང་འཛག་པ་བདེ། །ཀུན་རྫོབ་ཤུ་ཀྲའི་ལས་ཡིན་ནོ། །སྲིད་པ་མི་ལེན་རང་རིག་སྐྱེས། །དོན་དམ་བྱང་སེམས་ལས་ཡིན་ནོ། །ལས་ཀྱི་དབྱེ་བ་མ་སྤངས་པའོ། །སྦྱོར་ཐབས་རྩ་ནི་རྒྱས་
པ་དང་། །ཁ་འབྱེད་པ་ཡི་ལས་ཡིན་ཏེ། །སྦྱོར་ཐབས་བཞི་ལ་མ་རྨོངས་པ། །འདི་ནི་མ་སྤངས་ཉི་ཤུ་བརྒྱད། །སྤྱི་མཐུན་ལས་ལས་གྲུབ་པ་ཡི། །མི་དྲུག་ལ་སོགས་གྲངས་ཀྱིས་བསྟན། །རང་རིག་ཡེ་ཤེས་གང་འདོད་པས། །
བླ་མའི་དུས་ཐབས་ལེགས་བསྟེན་ཏེ། །མི་སྤང་ངེས་པའི་གདམ་ངག་བླང་། །འདི་ཉིད་རྡོ་རྗེ་འཆང་གི་རྒྱུ། །དེ་ལས་བྱུང་བ་ཁྱད་པར་འབྲས། །དང་པོར་ཆ་སྟེ་ཐིག་ལེ་དང་། །ཚུལ་དང་ཚུལ་ཅན་མཆོག་གཞན་མཆོག །འདི་

87-1-45a

ཉིད་དེ་ཉིད་དྲུག་ཡིན་ཏེ། །དེ་ཉིད་དྲུག་ནི་ཙཎྜ་ལི། །རེ་རེ་ལ་ཡང་བཞི་བཞི་སྟེ། །ཙཎྜ་ལི་ནི་ཉི་ཤུ་བཞི། །ར་ལི་ཉི་ཤུ་རྩ་བཞིར་ངེས། །ཕྱི་རུ་གནས་ནི་ཉི་ཤུ་བཞི། །སྤྱན་དང་ཕྱག་རྒྱ་ཉི་ཤུ་བཞི། །ཙཎྜཱ་ལི་དང་ར་ལི་ཡི། །
ཕྱི་དང་ནང་དུ་གྲངས་སུ་ངེས། །ཧེ་ཧེ་དཔའ་བོ་རྡོ་རྗེ་འཆང་། །ར་ལིའི་འབྱུང་བའི་རྒྱུ་གང་ལགས། །ར་ལིའི་ངོ་བོ་གང་གང་ལགས། །བཅོམ་ལྡན་འདས་ཀྱིས་བཀའ་སྩལ་པ། །སྐུ་དང་ཕྱག་མཚན་རགས་པ་ཀུན། །ར་ལིའི་
ངོ་བོ་དམན་པའི་ལམ། །མཁའ་སྤྱོད་ས་སྤྱོད་ས་འོག་སྤྱོད། །སྒོ་གསུམ་ལ་གནས་ཁྱད་པར་གྱི། །ར་ལིའི་ངོ་བོར་གསུངས་པ་ཡིན། །དགའ་བ་བཅུ་དྲུག་རྟེན་དང་བཅས། །ཟབ་པའི་ར་ལིའི་ངོ་བོར་བརྟག  །རང་རིག་སྟོང་
པ་ཐབས་དང་བཅས། །མཐར་ཐུག་ར་ལིར་ཤེས་པར་བྱ། །ཨ་ནི་ཐོག་མར་མ་སྐྱེས་པ། །ལ་ནི་ནུབ་དང་སྐྱོང་བ་སྟེ། །ར་ནི་ཆགས་དང་རིན་པོ་ཆེ། །ར་ལས་འདོད་ཆགས་ཁྲག་ཡིན་ཏེ། །ལ་ལས་ཞེ་སྡང་ཁུ་བའོ། །ཨ་
ལས་གཏི་མུག་ཁུ་བ་སྟེ། །སེམས་ཅན་ར་ལིའི་རང་བཞིན་ཏེ། །ཡེ་ཤེས་ལྔ་དང་ས་བཅུ་སོགས། །ཀུན་ལ་ལྡན་པས་ར་ལིར་གནས། །སྐུ་ཡི་ར་ལི་སྤྱི་བོ་ཡི། །གཙུག་ཏོར་དག་ལས་བྱུང་བའོ། །གསུང་ནི་ལྗགས་ཀྱི་དབང་
པོ་ལས། །ཐུགས་ཀྱི་ར་ལི་ཐུགས་ཀ་ནས། །བྱུང་བ་རྣམ་པར་ངེས་པའོ། །སྐུ་གསུང་ཐུགས་ཀྱི་རྡོ་རྗེ་ཡི། །སྤྱན་རྣམས་ལ་ནི་རིམ་བཞིན་བྱུང་། །སྐུ་གསུང་ཐུགས་ཀྱི་གནས་ལ་སྟེ། །སྤྱི་བོ་ལ་སོགས་དག་ལས་བྱུང་། །
ཕྱག་གི་མཐིལ་ནས་རིམ་པས་བྱུང་། །བླ་མའི་ཞལ་ནས་བླང་བར་བྱ། །བྱེ་བྲག་འབྱུང་བའི་སྒོ་ཡིན་ཏེ། །ཧེ་ཧེ་སེམས་ཅན་སངས་རྒྱས་ཀྱི། །རང་བཞིན་ས་དང་ལམ་ལྡན་ཏེ། །ཟླ་བ་བཅུ་སོགས་ས་སོགས་ནི། །བརྫུས་
སྐྱེས་ལ་སོགས་ཇི་ལྟར་ལགས། །འོན་ཏེ་སངས་རྒྱས་མིན་ནམ་ཅྀ། །སེམས་ཅན་ཐམས་ཅད་གཟོད་མ་ནས། །སངས་རྒྱས་ཡིན་པར་གསུངས་པ་སྟེ། །རྫུས་སྐྱེས་སྒོང་སྐྱེས་དྲོད་གཤེར་སོགས། །སེམས་ཀྱི་

87-1-45b

གནས་བཅུ་ས་བཅུ་སྟེ། །རྣམ་ཤེས་བརྒྱད་ནི་བྱང་ཆུབ་ལྔ། །མཁན་པོ་སེམས་ཀྱི་རྒྱལ་པོ་སྟེ། །རང་བཞིན་དག་པ་ཆོས་གོས་ཡིན། །རང་བཞིན་གནས་པ་ཁ་སྤུ་བྲེགས། །ཨ་དང་ཧྃ་གཉིས་སྔགས་ཀྱི་དོན། །ཐམས་ཅད་
སེམས་ལ་གནས་པ་སྟེ། །སེམས་མེད་སངས་རྒྱས་མ་ཡིན་ཏེ། །ངམ་གྲོག་ལ་སོགས་བེམས་པོ་ཡི། །སེམས་ཉིད་སངས་རྒྱས་ཡིན་པའི་ཕྱིར། །སེམས་ཅན་སངས་རྒྱས་རང་བཞིན་ནོ། །རྒྱུ་དང་འབྲས་བུའི་ཚུལ་དང་
ཡང་། །བག་ལ་ཉལ་དང་ཀུན་དུ་རྒྱུ། །ནུས་པའི་ཚུལ་དང་མངོན་སུམ་ཚུལ། །གཟུགས་ཅན་གཟུགས་མེད་མཁས་པས་བརྟགས། །སངས་རྒྱས་སེམས་ཅན་དེ་བཞིན་ནོ། །དེ་ལྟར་སེམས་ཅན་སངས་རྒྱས་པས། །ར་ལི་
སེམས་ཅན་རང་བཞིན་ཕྱིར། །ལུས་ལ་སྐུ་ཡི་ཕྱག་རྒྱས་གདབ། །ངག་ལ་གསུང་གི་ཕྱག་རྒྱས་གདབ། །སེམས་ལ་ཐུགས་ཀྱི་ཕྱག་རྒྱས་གདབ། །སྐུ་གསུང་ཐུགས་ཀྱི་རང་བཞིན་དུ། །དངོས་པོ་རོ་མཉམ་གྱུར་པ་ལས། །
སངས་རྒྱས་སེམས་ཅན་ག་ལ་ཡོད། །དམན་དང་གྱ་ནོམ་ག་ལ་ཡོད། །འཁོར་བ་ཡོངས་སུ་ཤེས་པ་ལ། །མྱ་ངན་འདས་ཞེས་དེ་ལ་བརྗོད། །ཐམས་ཅད་འཇིགས་དང་རྣམ་རྟོག་སྤོངས། །འདི་ལ་ཐམས་ཅད་ངོ་མཚར་གྱི། །
ལེགས་པར་གཏད་ཀྱིས་དམ་དུ་སྦོས། །དེའི་ཚེ་འཁོར་འདུས་པ་ཐམས་ཅད་ངོ་མཚར་དུ་གྱུར་ཏེ་མི་སྣང་བར་གྱུར་ཏོ། །དཔལ་རིན་ཆེན་འབར་བའི་རྒྱུད་ཀྱི་རྒྱལ་པོ་རྫོགསྷོ།། །། རྣལ་འབྱོར་མ་ཟླ་བའི་ཕྲེང་བ་དང་
ལོ་ཙྪ་་བ་དགེ་སློང་ཤཱཀྱ་ཡེ་ཤེས་ཀྱིས་བསྒྱུར་ཅིང་ཞུས་ཏེ་གཏན་ལ་ཕབ་པའོ། ། ༄༅། །རྒྱ་གར་སྐད་དུ།   ཤྲཱི་སཱུརྱ་ཙཀྲ་ཏནྟྲ་རཱ་ཛ་ནཱ་མ།   བོད་སྐད་དུ།   དཔལ་ཉི་མའི་འཁོར་
ལོའི་རྒྱུད་ཀྱི་རྒྱལ་པོ་ཞེས་བྱ་བ། དཔལ་བདེ་མཆོག་ལ་ཕྱག་འཚལ་ལོ། །ཨ་ལ་ལ་ཧོ་དཔའ་བོ་ཀྱེ། །ངོ་མཚར་རྨད་དུ་བྱུང་བ་ཡི། །བསྐྱེད་དང་རྫོགས་པ་ཆེན་པོ་སྟེ། །མ་སྤངས་པ་དང་ངེས་པ་དག །མགོན་པོས་

87-1-46a

བདག་ལ་བཤད་དུ་གསོལ། །བཅོམ་ལྡན་འདས་ཀྱིས་བཀའ་སྩལ་པ། །དང་པོ་མ་སྤངས་བཤད་བྱ་སྟེ། །ཕུང་པོ་ཁམས་དང་སྐྱེ་མཆེད་དག །བསྐྱེད་པའི་རིམ་པའི་རྒྱུ་མ་སྤངས། །ཕྱག་མཚན་ཉི་ཟླ་ཡིག་འབྲུ་དག །
བླ་མའི་མན་ངག་རྐྱེན་མ་སྤངས། །ལུས་ངག་སྒོ་བསྡམས་དམ་ཚིག་ལས། །སྐུ་གཉིས་འབྱུང་བ་འབྲས་མ་སྤངས། །ཞེ་སྡང་རུ་དྲར་སྐྱེ་བའི་ལས། །ཞེ་སྡང་རང་རིག་བསྐྱེད་པ་དང་། །ལུས་ཀྱི་དྲི་མ་འཁྲུད་པ་ལས། །ལས་ཀྱི་
དབྱེ་བ་མ་སྤངས་པའོ། །པུལླི་ར་དང་ཛཱ་ལན་སོགས། །ནང་དུ་སྤྱི་བོ་སྤྱི་གཙུག་སོགས། །གནས་ཀྱི་དབྱེ་བ་མ་སྤངས་པའོ། །ཤར་སོགས་བདུད་ཀྱི་སྙིང་ག་རུ། །ཞབས་གནས་གནས་ཆེན་མ་སྤངས་པ། །གནས་དེ་ཕྱི་དང་
ནང་དུ་ཤེས། །གནས་ཀྱི་དབྱེ་བ་མ་སྤངས་པའོ། །གསེར་འགྱུར་རྩི་ཡི་རྣམ་པ་བཞིན། །ཕུང་སོགས་ལྷ་རུ་འཕོ་བྱེད་པ། །འདི་ནི་འཕོ་བ་མ་སྤངས་པའོ། །རྒྱུ་ཡི་གནས་ནི་སྙིང་ག་སྟེ། །འབྲས་བུའི་གནས་ནི་ཕུང་སོགས་
ཏེ། །མ་སྤངས་པ་ནི་གཉིས་སུ་ཤེས། །ཕུང་སོགས་སྒྱུ་མར་འཛིན་བྱེད་པ། །འདི་ནི་རྟེན་པ་མ་སྤངས་པའོ། །གལ་ཏེ་ནང་དུ་མ་ཟིན་ན། །ཕྱི་རུ་དེ་ཉིད་ངོ་བོར་བསྒོམ། །དེ་ཉིད་ཤོར་བ་མ་སྤངས་པའོ། །གཉེན་པོ་མ་
སྤངས་སྒྱུ་མར་བསྒོམ། །ཕུང་སོགས་ལ་བརྟེན་ལྷ་རྣམས་ལ། །སྒོ་གསུམ་ངོ་བོ་མ་སྤངས་པ། །ཐ་མལ་པ་དང་བསྐྱེད་རིམ་གཉིས། །གོང་འོག་ཁྱད་པར་ཤེས་བྱ་སྟེ། །སྒྱུ་མས་གཉེན་པོ་མ་སྤངས་པའོ། །བདུན་
པོ་རྣམ་དག་ལ་སོགས་པ། །སྔོན་དུ་འགྲོ་བ་མ་སྤངས་པའོ། །ཕུང་སོགས་རྟོག་པ་ལས་ལོགས་ནས། །ཕྲ་བའི་གནས་སུ་གནས་བྱེད་པ། །གནས་ཀྱི་ཁྱད་པར་མ་སྤངས་པའོ། །ལྷ་ཡི་རྣམ་པར་འཇུག་པ་དང་། །
གོང་དུ་སྒྱུ་མར་བཟློག་པ་གཉིས། །འཕོ་བའི་ཁྱད་པར་མ་སྤངས་ཉིད། །ཡེ་ཤེས་མེ་ནི་ཆེར་འབར་ཏེ། །ཕུང་སོགས་སྒྱུ་མར་གང་འཛིན་པ། །རྟེན་གྱི་ཁྱད་པར་མ་སྤངས་པའོ། །མཉམ་གཞག་རྗེས་ཐོབ་

87-1-46b

ཀུན་འགགས་སྟེ། །ཐམས་ཅད་རྟེན་དང་བརྟེན་པར་སྣང་། །ངོ་བོའི་ཁྱད་པར་མ་སྤངས་པའོ། །དེ་ཉིད་སྒྱུ་མ་རང་བཞིན་མེད། །གཉེན་པོའི་ཁྱད་པར་མ་སྤངས་པའོ། །ཤེས་རབ་ཕག་མོ་མ་སྤངས་པ། །ཕྱག་རྒྱ་མ་སྤངས་པ་
རུ་འདོད། །མ་སྤངས་གཅིག་ནི་གཞན་དང་འདྲ། །གོང་འོག་ལས་ཀྱི་ཁྱད་པར་རོ། །ཞེ་སྡང་ཐུགས་ལ་འདོད་ཆགས་གསུང་། །གཏི་མུག་སྐུ་ཡི་ཕྱག་རྒྱ་སྟེ། །ཕྱག་རྒྱའི་དབྱེ་བ་མ་སྤངས་པ། །སྐུ་དང་གསུང་དང་
ཐུགས་འཁོར་ལོ། །བདེ་བ་ཆེན་པོའི་འཁོར་ལོ་དག །འཁོར་ལོའི་དབྱེ་བ་མ་སྤངས་པའོ། །དང་པོ་སྒྱུ་མའི་ཡེ་ཤེས་མེ། །གཉིས་པ་སྒྱུ་མ་ལྟར་སྣང་མེ། །གཏུམ་མོའི་དབྱེ་བ་མ་སྤངས་པའོ། །ཕུང་སོགས་སྒྱུ་མ་
ལས་གཡོ་ཞིང་། །ཕུང་སོགས་སྒྱུ་མས་ཡང་དག་བསྲེག །ཀུན་རྫོབ་རྟོགས་པའི་རྐྱེན་ཡིན་ཏེ། །སྒྱུ་མ་ལྟར་སྣང་ལས་གཡོ་ཞིང་། །སྒྱུ་མ་དེ་ཉིད་ལྷར་བསྲེགས་པ། །དོན་དམ་གཉིས་མེད་རྐྱེན་ཡིན་ཏེ། །རྐྱེན་གྱི་
དབྱེ་བ་མ་སྤངས་པའོ། །འཁོར་བ་སྤོང་ཞིང་རྣམ་རྟོག་བསྐྱེད། །ཀུན་རྫོབ་བདེན་པ་སེམས་ཀྱི་ལས། །འཁོར་བར་མི་འཁོར་རང་རིག་བསྐྱེད། །དོན་དམ་སེམས་ཀྱི་ལས་ཡིན་ཏེ། །ལས་ཀྱི་དབྱེ་བ་མ་སྤངས་པ། །འདི་
དག་མ་སྤངས་ཉི་ཤུ་བརྒྱད། །བུམ་པའི་དབང་དང་འབྲལ་བའོ། །གསང་དབང་བླ་མའི་ཞལ་ནས་བླང་། །བཞི་པའི་མ་སྤངས་ཉི་ཤུ་བརྒྱད། །རང་རིག་ལྷན་ཅིག་སྐྱེས་པ་ཡི། །ཆོས་ཉིད་མ་དག་བཞི་པའི་རྒྱུ། །ཞལ་གྱི་མན་ངག་
རྐྱེན་མ་སྤངས། །འགྲོ་བའི་ཆོས་རྣམས་རང་རིག་མེས། །བསྲེགས་པ་ལས་མ་སྤངས་པ་ཡིན། །གོང་འོག་རིམ་པས་དབྱེ་མ་སྤངས། །ཨ་བ་དྷཱུ་ཏཱི་འོག་མིན་གནས། །གནས་དང་གནས་ཆེན་མ་སྤངས་པ། །དེ་ཉིད་ཕྱི་དང་ནང་
དུ་ངེས། །ཕྱི་ནང་དབྱེ་བ་མ་སྤངས་པའོ། །སྟོང་པ་དང་ནི་གཟུང་འཛིན་ཆར། །འཕོ་བ་མ་སྤངས་ཨ་དང་ཧྃ། །རྟེན་མ་སྤངས་ཏེ་རྟོག་པ་ལ། །སེམས་འཕྲོས་དེ་ཉིད་རང་རིག་བསྒོམ། །ཤོར་བ་མ་སྤངས་པར་རིག་ལ། །དབང་

87-1-47a

པོའྀ་སྒོ་བསྡུ་ངོ་མ་སྤངས། །རྟོག་བཅོམ་གཉེན་པོ་མ་སྤངས་པའོ། །རང་རིག་སྤྱི་ལ་སེམས་པ་ལས། །སྔོན་འགྲོ་མ་སྤངས་མ་སྤངས་བརྒྱད། །བླ་མའི་ཞལ་ནས་ཤེས་པར་བྱ། །སྤྱི་དང་རང་གི་མཚན་ཉིད་ལ། །
འཕོ་བ་མ་སྤངས་རང་རིག་བསྒོམ། །ཕྱག་རྒྱ་མ་སྤངས་རང་རིག་ལས། །ཕྲིན་ལས་ཉི་ཤུ་རྩ་བཞི་འབྱུང་། །ལས་མ་སྤངས་ཏེ་གཞན་རྣམས་ནི། །བླ་མའི་ཞལ་ནས་ཤེས་པར་བྱ། །དད་མེད་བླ་མ་མ་བསྟེན་དང་། །བླ་མ་དམ་པ་མ་རྙེད་
དང་། །མ་སྤངས་ངོ་བོ་མ་ཤེས་པར། །རང་རིག་འབྲས་བུ་གང་འདོད་པ། །དེ་དག་མི་ཤེས་དྲི་མས་བསྒྲིབས། །དཔེར་ན་སྦྲུལ་གྱི་འོ་མ་བཞིན། །དེ་ནས་ངེས་པ་བཅྭ་ལྔ་ཡང་། །རྒྱུ་དང་རྐྱེན་དང་གནས་དང་ཡང་། །གཏད་བ་གོ་རིམ་
གྲངས་དང་རིམ། །ངེས་པ་བདུན་ནི་གཞན་དུ་གསུངས། །སྔགས་ནི་སྤྲོས་བཅས་སྤྲོས་མེད་ངེས། །རྐྱེན་ནི་ཡེ་ཤེས་མེ་རླུང་ངེས། །རྒྱུ་འབྲས་གནས་ནི་ཨ་ཧྃ་ངེས། །དབང་བཞི་གོང་འོག་ཁྱད་པར་ངེས། །སུན་འབྱིན་གཉེན་པོ་ངེས་པ་དང་། །
ངོ་བོ་ངེས་དང་དབྱེ་བ་ངེས། །ལས་ངེས་པ་དང་བཅྭ་ལྔ་སྟེ། །དེ་ལས་བྱུང་བའི་ངེས་པ་དག །བཅུ་བདུན་བླ་མའི་ཞལ་ནས་ཤེས། །མ་སྤངས་པ་དང་ངེས་པ་ཡི། །མཚན་ཉིད་ཡོངས་སུ་ཤེས་གྱུར་ན། །འཁྲུལ་པ་དང་ནི་འཁྲུལ་
པའི་གཞི། །ཐམས་ཅད་འདི་ཡིས་སྤོང་བར་བྱེད། །འཇིག་རྟེན་འཇིག་རྟེན་འདས་པ་ཡི། །དངོས་གྲུབ་ཐམས་ཅད་འདི་ལས་འབྱུང་། །གོང་བུ་ཆུ་དང་གཟུགས་སུ་གནས། །དེ་བཞིན་གཟུགས་ལས་འདས་པ་སྟེ། །གནས་པ་
རྣམ་པ་བཞི་རུ་ཡང་། །རྒྱུད་ནི་ངེས་པ་ཁོ་ན་སྟེ། །རྒྱུད་ནི་དབང་པོའི་ངོ་བོར་གནས། །དེ་ཕྱིར་དངོས་གྲུབ་འདོད་པས་ཀྱང་། །འབད་པས་བླ་མ་མཉེས་བྱ་སྟེ། །རྒྱུད་ཀྱི་ངོ་བོ་དབང་རྣམས་དང་། །དེ་ཡི་མན་ངག་ཤེས་པར་བྱ། །
བླ་མ་མཉེས་པར་མ་བྱས་ཤིང་། །དབང་རྣམས་ཐོབ་པར་མ་བྱས་པར། །ཉན་པ་ལ་སོགས་བྱེད་པ་ནྀ། །འབྲས་བུ་མེད་ཅིང་བརླག་པར་འགྱུར། །དེ་བས་འབད་དེ་ནན་ཏན་བྱ། །དཔལ་ཉི་མའི་འཁོར་ལོའི་རྒྱུད་ཀྱི་རྒྱལ་པོ་

87-1-47b

རྫོགས་སྷོ། །རྒྱ་གར་གྱི་མཁན་པོ་གཱ་ཡ་དྷ་ར་དང་། ལོ་ཙྪ་བ་དགེ་སློང་ཤཱཀྱ་ཡེ་ཤེས་ཀྱིས་བསྒྱུར་ཅིང་ཞུས་ཏེ་གཏན་ལ་ཕབ་པ། ། ༄༅། །རྒྱ་གར་སྐད་དུ།   ཤྲཱི་ཛྙཱ་ན་རཱ་ཛ་ཏནྟྲ་རཱ་ཛ།   བོད་སྐད་དུ།   དཔལ་ཡེ་
ཤེས་རྒྱལ་པོའྀ་རྒྱུད་ཀྱི་རྒྱལ་པོ། ། དཔལ་བདེ་བ་ཆེན་པོ་ལ་ཕྱག་འཚལ་ལོ། །ཀྱེ་མ་སངས་རྒྱས་ཀྱེ་སངས་རྒྱས། །ཀྱེ་མ་སངས་རྒྱས་མཛད་པ་ལེགས། །གང་ཕྱིར་སེམས་ཅན་ཐམས་ཅད་ཀྱིས། །མྱ་ངན་
འདས་པ་ཐོབ་བྱའི་ཕྱིར། །དད་དང་བརྩོན་འགྲུས་རྫོགས་བྱས་ཏེ། །བླ་མའི་རྗེས་སུ་འཇུག་པར་བྱ། །རང་རིག་གཉིས་སུ་མེད་པ་ལ། །གཞན་རིག་གཉིས་སུ་འཛིན་པས་འཁྲུལ། །གཟོད་ནས་མ་སྐྱེས་མ་གྲུབ་ལ། །
སྐྱེ་དང་གྲུབ་པར་འཛིན་པས་འཁྲུལ། །དངོས་པོ་རོ་མཉམ་གྱུར་པ་ལ། །དམན་དང་གྱ་ནོམ་འཛིན་པས་འཁྲུལ། །འཁོར་བ་ཡོངས་སུ་ཤེས་པ་ཉིད། །མྱ་ངན་འདས་པར་བརྗོད་པ་ལ། །སངས་རྒྱས་སེམས་ཅན་རྟོག་པས་
འཁྲུལ། །རང་བཞིན་ལྷུན་གྱིས་གྲུབ་པ་ལ། །རྒྱུ་དང་རྐྱེན་གྱིས་སྐྱེ་བས་འཁྲུལ། །བརྡ་དང་ཐ་སྙད་བྲལ་བ་ལ། །བློ་ཡི་སྤྱོད་ཡུལ་བྱེད་པས་འཁྲུལ། །མཐའ་བྲལ་དབུ་མར་གནས་པ་ལ། །རྟག་དང་ཆད་པར་འཛིན་པས་
འཁྲུལ། །ཤེས་བརྗོད་ཡུལ་ལས་འདས་པ་ལ། །བདག་དང་བདག་གིར་འཛིན་པས་འཁྲུལ། །དངོས་པོ་མཚན་མ་ལ་སོགས་པའི། །རྣམ་རྟོགས་ཀུན་གྱིས་སྟོང་པ་ལ། །དངོས་པོར་རྗེསུ་འཛིན་པས་འཁྲུལ། །རང་ཉིད་
གཉིས་སུ་མེད་པ་ལ། །བདེན་པ་གཉིསུ་འཛིན་པས་འཁྲུལ། །གདུལ་བྱ་སྣ་ཚོགས་འདུལ་བ་ཡི། །ཐེག་པ་དུ་མའི་གོང་འོག་ལ། །སྒྲོ་དང་སྐུར་བ་འདེབས་པས་འཁྲུལ། །སེམས་ཅན་འཁྲུལ་པ་སྣ་ཚོགས་ཀྱིས། །ལས་
ཀྱིས་རྣམ་སྨིན་ལ་སོགས་ལ། །ལྟ་བས་སྐུར་བ་འདེབས་པས་འཁྲུལ། །རང་རིག་གཟོད་ནས་འོད་གསལ་ལ། །སྐུ་མདོག་ཕྱག་མཚན་ལ་སོགས་པ། །རྡོ་རྗེ་འཛིན་པར་འདོད་པས་འཁྲུལ། །འཁྲུལ་པ་དང་ནི་

87-1-48a

འཁྲུལ་པའི་གཞི། །འདོད་ཆགས་འདོད་ཆགས་ཆེན་པོ་སྟེ། །འཁྲུལ་གཞི་འཁྲུལ་པ་ལས་འདས་ན། །འདོད་ཆགས་ཆེན་པོ་བཅོམ་ལྡན་འདས། །ཞེ་སྡང་ཞེ་སྡང་བཅོམ་ལྡན་འདས། །དེ་བཞིན་ཞེ་
སྡང་བཅོམ་ལྡན་འདས། །གཏི་མུག་གཏི་མུག་ཆེན་པོ་སྟེ། །དེ་བཞིན་གཏི་མུག་བཅོམ་ལྡན་འདས། །འདི་ཡིས་ངེས་པར་གྲོལ་འགྱུར་གྱིས། །འདི་སྤངས་གཞན་གྱིས་གྲོལ་བ་མིན། །བདག་པོ་ལྷ་དང་བླ་མ་སྤུན། །བདག་
པོ་ལྷན་ཅིག་རྣལ་འབྱོར་ཙམ། །ཐེག་པ་སྤྱི་བསྡུས་དེ་ལས་གཞན། །སྐྱེ་བོའྀ་བེམས་པོ་ཆ་དང་བརྒྱད། །དེ་དག་རང་རིག་ཐོབ་པའི་རྒྱུ། །དེ་ཕྱིར་དམ་ཚིག་གཙོ་བོར་བསྲུང་། །འབྲས་བུའི་ཁྱད་པར་རང་རིག་འབྱུང་། །ཀྱེ་མ་
མགོན་པོ་ཀྱེ་སངས་རྒྱས། །འདོད་ཆགས་དབྱེ་བ་དེ་ལྟར་ན། །དེ་ཡི་ངོ་བོ་ཇི་ལྟར་ལགས། །ཞེ་སྡང་ལ་སོགས་དེ་དང་འདྲ། །རྡོ་རྗེ་སྙིང་པོ་སྙིང་རྗེ་ཆེ། །ལེགས་པར་ཉོན་ལ་ཡིད་ལ་ཟུང་། །ལས་དང་ལས་ཀྱི་རྣམ་སྨིན་
གྱི། །རྒྱུ་འབྲས་མི་ཤེས་གཏི་མུག་སྟེ། །ལུས་སེམས་ཀུན་ནས་འཁྲུག་པ་དག །ཞེ་སྡང་ཡིན་ཏེ་སྒོ་གསུམ་གྱིས། །ཀུན་ནས་བསླང་སྟེ་ནོར་བུའི་མཐར། །ས་བོན་འབྱུང་བ་འདོད་ཆགས་སོ། །དབང་སོགས་ངོ་བོ་གང་ལས་
ཤེས། །འདོད་ཆགས་ལ་སོགས་ཆེན་པོར་ངེས། །རང་རིག་ངོ་བོ་གང་ལ་གནས། །འོག་མ་སྤོང་བའི་གཉེན་པོ་སྟེ། །ངོ་བོར་སྒྱུ་མར་གང་ཤེས་དང་། །དབང་པོའི་སྒོ་བསྡུས་ཐབས་ཡིན་ནོ། །གོང་མ་སྐྱེ་བའི་རྒྱུར་
འགྱུར་བའི། །ཕྱིར་ཡང་ཆེན་པོར་གྱུར་པ་སྟེ། །གཞན་གྱི་དོན་དུ་གྱུར་པ་དང་། །དེ་ལས་གཞན་དག་མོས་འགྱུར་དང་། །མང་པོ་མི་མོས་སྤོང་བ་དང་། །ཉོན་མོངས་སྤྱི་ཡིས་ཟིལ་མ་ནོན། །བྱེ་བྲག་འདོད་
ཆགས་ཞེ་སྡང་སོགས། །ཟིལ་གྱིས་མི་ནོན་འོག་མ་ཡི། །རྣམ་རྟོག་གང་ཡང་མི་སྐྱེ་དང་། །ཉོན་མོངས་སྤྱི་དང་བྱེ་བྲག་སྤོང་། །གཉེན་པོ་ཡིན་པར་ངེས་པ་དང་། །ཉོན་མོངས་སྐྲ་རྩེ་ཙམ་མི་སྐྱེ། །གཉིས་ནི་གོང་

87-1-48b

དང་འདྲ་བ་སྟེ། །བཅུ་ཡིས་འདོད་ཆགས་ཆེན་པོ་དག །བཅོམ་ལྡན་འདས་སུ་གསུངས་པ་སྟེ། །ཞེ་སྡང་ལ་སོགས་དེ་བཞིན་ནོ། །ཟབ་མོའྀ་ལྟ་སྤྱོད་མ་རྟོགས་པར། །སྔགས་སྤྱོད་བཟླས་པ་ལ་སོགས་བྱེད། །དེ་དག་ངལ་
བ་དོན་མེད་ཡིན། །དེ་དག་བླ་མ་དམ་པ་ལས། །མན་ངག་དམ་པ་བཙལ་བྱ་སྟེ། །འཁྲུལ་པ་དང་ནི་འཁྲུལ་གཞི་ལས། །སད་པར་བྱེད་པའི་ཆོ་ག་བླང་། །དེའི་ཚེ་རྒྱུད་ཀྱི་དོན་ལ་དགའ་ཞིང་རྗེས་སུ་ཡི་རང་བར་གྱུར་ཏོ། །
དཔལ་ཡེ་ཤེས་རྒྱལ་པོ་ཞེས་བྱ་བའི་རྒྱུད་ཀྱི་རྒྱལ་པོ་རྫོགས་སྷོ།། །། རྒྱ་གར་གྱི་མཁན་པོ་གཱ་ཡ་དྷ་ར་དང་། ལོ་ཙྪ་་བ་དགེ་སློང་ཤཱཀྱ་ཡེ་ཤེས་ཀྱིས་བསྒྱུར་བའོ། །
༄། །རྒྱ་གར་སྐད་དུ།   ཤྲཱི་བཛྲ་ཌཱ་ཀི་གུ་ཧྱ་ཏནྟྲ་རཱ་ཛ།   བོད་སྐད་དུ།   དཔལ་རྡོ་རྗེ་མཁའ་འགྲོ་གསང་བའི་རྒྱུད་ཀྱི་རྒྱལ་པོ།  དཔལ་ཧེ་རུ་ཀ་ལ་ཕྱག་འཚལ་ལོ། །ཀྱེ་ཧོ་མངོན་རྫོགས་མགོན་པོ་ཀྱེ། །དབང་རྣམས་དམ་པ་
ཡོད་དམ་ཅི། །གཙོ་འཁོར་ཁྱད་པར་མེད་དམ་ཅི། །སེམས་ཅན་དང་ནི་སངས་རྒྱས་ལ། །བྱེ་བྲག་ཐ་དད་མེད་དམ་ཅི། །དམ་ཚིག་ཆེ་ཆུང་ཇི་ལྟར་མཆིས། །དེ་ཉམས་བཤགས་ཐབས་ཡོད་དམ་ཅི། །བཅོམ་ལྡན་འདས་ཀྱི་
བཀའ་སྩལ་པ། །རྣམ་རྟོག་གཟུང་འཛིན་དགག་པ་དང་། །རང་རིག་ཡེ་ཤེས་བླུགས་པའི་ཕྱིར། །དབང་རྣམས་སྒྱུ་མ་ཙམ་དུ་ཡོད། །རྣལ་འབྱོར་སེམས་ཀྱི་ངོ་བོ་རུ། །དབང་ནི་ངེས་པ་ཁོ་ན་སྟེ། །ལུས་ངག་ཀུན་ནས་
བཟང་བ་ལ། །དེ་ཕྱིར་སེམས་ཀྱི་དྲི་མ་ནི། །འཁྲུད་དང་གཏོར་དང་སྲེག་པ་དང་། །མཁྱེན་པའི་རྟེན་དང་གོ་འབྱེད་པས། །ས་དང་ཆུ་དང་མེ་དང་རླུང་། །ནམ་མཁའ་ལྟ་བུར་གསུངས་པ་སྟེ། །དང་པོ་གཉིས་པ་གསུམ་པ་
དག །རིམས་ཀྱིས་མ་བགྲོད་དབང་མི་ཐོབ། །བསྐྱེད་པའི་རིམ་ལ་ལེགས་གནས་ཤིང་། །རྫོགས་པའི་རིམ་པ་འདོད་རྣམས་ལ། །ཐབས་འདི་རྫོགས་པའི་སངས་རྒྱས་ཀྱིས། །སྐས་ཀྱི་རིམ་པ་ལྟ་བུར་གསུང་། །

87-1-49a

གང་ཟག་མཆོག་དང་ལས་དང་པོ། །མངོན་པར་རྟོགས་པའི་རིམ་པ་དང་། །མངོན་པར་རྟོགས་པའི་ཡན་ལག་གོ། །འདི་ཡིས་ངན་འགྲོ་སྲིད་ལས་གྲོལ། །དབང་དང་དམན་ངག་འབྲེལ་བས་སོ། །དེ་ནས་བཞི་པ་ཞལ་གྱི་
དབང་། །སྔོན་དུ་འགྲོ་དང་མི་འགྲོ་མེད། །འདྀ་ནི་དབང་གི་རྒྱལ་པོ་སྟེ། །སློབ་དཔོན་སེམས་ཀྱི་རྒྱལ་པོ་ཡིན། །འདི་ནི་རང་རིག་བཞི་པའི་དབང་། །འདི་ཡིས་ཐམས་ཅད་གྲོལ་བར་འགྱུར། །འདི་ལ་རྟག་ཏུ་ཕྱག་སོགས་བྱ། །
རྡོ་ཤིང་འདྲ་འབག་ལ་སོགས་པའི། །གཟུགས་བརྙན་ཡོངས་སུ་རྫོགས་པ་དང་། །རས་དང་ཚོན་ལ་སོགས་པ་ཡི། །གཟུགས་བརྙན་ཡོངས་སུ་རྫོགས་པ་ལ། །བྱིན་བརླབས་ཡེ་ཤེས་དབབ་བྱས་ནས། །ལྷ་ཡིན་ཟེར་ནས་
མཆོད་སོགས་ཏེ། །བཅོས་མ་ལ་སོགས་དེ་ལྟར་ན། །ཕུང་སོགས་ཡེ་ནས་སངས་རྒྱས་ལ། །ཅི་ཡི་ཕྱིར་ན་མཆོད་མི་བྱེད། །དེ་ནས་གཞན་ཡང་དབྱེ་བ་དག །འཁྲུལ་པ་དང་ནི་འཁྲུལ་པའི་གཞྀ། །བཅོས་མ་ཉེ་བར་བཅོས་མ་དང་། །
འདྲ་བ་ཡིན་པ་ལྟ་བུ་ཡི། །དབང་བཞིས་གྲོལ་བར་མི་འགྱུར་ཏེ། །ལོག་པའི་སྲེད་པས་སྲིད་པར་འཆིང་། །འཁྲུལ་པའི་འཁོར་ལོས་འཁོར་བར་འཁོར། །དེ་བས་དངོས་གྲུབ་འདོད་པས་ཀྱང་། །ལྷ་ཡི་བུ་ཡི་བདུད་སྤང་
ཏེ། །བླ་མ་དམ་པ་རྟག་ཏུ་བསྟེན། །ཡིད་ཆེས་རིགས་དང་ངེས་པ་སྐྱེ། །ལུང་གི་ཚད་མ་ཡིན་པ་དང་། །འོག་མ་སྤངས་ཤིང་གོང་མ་ཐོབ། །མན་ངག་ཚད་མ་ཡིན་པ་བླང་། །མོས་པའི་རྗེས་སུ་འབྲང་བྱེད་ཅིང་། །ཆེ་བའི་ང་རྒྱལ་
ལ་གནས་ཤིང་། །འཇིག་རྟེན་ལྟ་སྤྱོད་དང་འདྲེས་པའི། །སྣོད་བཅུད་བླང་བར་མི་བྱའོ། །དེ་ནས་གཙོ་འཁོར་བྱེ་བྲག་ཀྱང་། །གནས་ཀྱི་ཁྱད་པར་དབུས་སུ་སྟེ། །རྒྱན་གྱི་ཁྱད་པར་ཐལ་བའོ། །རིགས་ཀྱི་ཁྱད་པར་དྲུག་པའི་རིགས། །
དེ་ནས་གཙོ་འཁོར་བྱེ་བྲག་ཀྱང་། །ཕྱག་དང་ཞབས་སོགས་ཁྱད་པར་གྱིས། །གཙོ་བོ་འཁོར་ལས་ཁྱད་པར་འཕགས། །དཔེར་ན་ཕ་རོལ་ཕྱིན་དྲུག་ལས། །ཤེས་རབ་ཕ་རོལ་ཕྱིན་མེད་ན། །ཕ་རོལ་ཕྱིན་པ་ལྔ་དག་གིས། །

87-1-49b

ཕ་རོལ་ཕྱིན་པའི་མིང་མི་ཐོབ། །དཀྱིལ་འཁོར་དབུས་སུ་གང་གནས་པའི། །དེ་ཉིད་ཀྱི་ནི་དཀྱིལ་འཁོར་སྟེ། །གང་ཞིག་དབུས་སུ་མི་གནས་ན། །འཁོར་རྣམས་དཀྱིལ་འཁོར་དུ་མི་འགྱུར། །དཔེར་ན་རྒྱལ་པོ་མེད་པ་ཡི། །གྲོང་
དང་གྲོང་ཁྱེར་ཇི་བཞིན་ནོ། །དེ་བཞིན་དམ་ཚིག་བྱེ་བྲག་ཀྱང་། །རྩ་བའི་དམ་ཚིག་ཉམས་གྱུར་ན། །ཡན་ལག་དམ་ཚིག་དེ་དང་འདྲ། །ཐུགས་ཀྱི་དམ་ཚིག་ཉམས་གྱུར་ན། །སྐུ་གསུང་དམ་ཚིག་དེ་དང་འདྲ། །སྲོག་གཅོད་དམ་ཚིག་ཉམས་
གྱུར་ན། །བརྫུན་དང་མ་བྱིན་ལེན་པ་དང་། །འདོད་ཆགས་དམ་ཚིག་དེ་དང་འདྲ། །ལྟ་བའི་དམ་ཚིག་ཉམས་གྱུར་ན། །སྤྱོད་པའི་དམ་ཚིག་དེ་དང་འདྲ། །ཚུལ་འཆོས་མི་དགེ་མོས་པ་ཙམ། །དམ་ཚིག་ཉམས་པ་དེ་དང་འདྲ། །
དཔེར་ན་འཁོར་ལོས་སྒྱུར་བའི་རྒྱལ་པོ་དང་། །བྲལ་བའི་རིན་ཆེན་བདུན་པོ་དེ་དག་གིས། །འཁོར་ལོས་སྒྱུར་བའི་མིང་ནི་མི་ཐོབ་བཞིན། །བླ་མའི་ཞལ་ནས་ཐམས་ཅད་ཤེས་པར་བྱ། །དེ་ནས་སངས་རྒྱས་སེམས་ཅན་ཡང་། །
རྡུལ་ཙམ་ཁྱད་པར་མེད་མོད་ཀྱང་། །རང་རིག་གཞན་རིག་རྐྱེན་དག་དང་། །རང་སེམས་ལས་སུ་རུང་བ་དང་། །མ་རུང་པ་དང་ལས་ཀྱི་མཐའ། །ལོག་པ་དང་ནི་མ་ལོག་པ། །དོན་བྱེད་ནུས་དང་མི་ནུས་པ། །ཡོངསུ་
རྫོགས་དང་མ་རྫོགས་པས། །སངས་རྒྱས་སེམས་ཅན་གཉིས་སུ་སྣང་། །ཐ་དད་པར་ནི་མི་བརྟག་སྟེ། །ཆུ་ཁམས་གསེར་དང་ནམ་མཁའ་བཞིན། །རང་བཞིན་གྱིས་ནི་དག་པར་འདོད། །རང་སེམས་རང་གིས་རྟོགས་
པ་ན། །སེམས་ཅན་གདོད་ནས་སངས་རྒྱས་སོ། །རྡོ་རྗེ་ཕག་མོས་ཡང་ཞུས་པ། །སྲོག་གཅོད་ལ་སོགས་དམ་ཚིག་གི། །དབྱེ་བ་ཁྱེད་ཀྱིས་བདག་ལ་གསུངས། །བཅོམ་ལྡན་འདས་ཀྱིས་བཀའ་སྩལ་པ། །རང་གི་
ལུས་ངག་སེམས་གཡོས་ཀྱང་། །གསོད་པའི་འདུ་ཤེས་མ་སྐྱེས་ན། །སྲོག་གཅོད་ཉམས་པ་ཆུང་ངུར་ངེས། །གཞན་གྱིས་གནོད་པར་ཚོར་བ་དག །ཉམས་པ་འབྲིང་དུ་གསུངས་པ་ཡིན། །དེ་ལས་བཟློག་པ་ཆེན་པོར་

87-1-50a

ངེས། །གང་ཞིག་མ་བྱིན་ཆུང་བླངས་ཀྱང་། །གཞན་ལ་ཉོན་མོངས་ཆེར་སྐྱེས་ན། །དེ་ཉིད་ཉམས་པ་འབྲིང་དུ་ངེས། །ཆེར་བླངས་ཉོན་མོངས་ཆུང་ན་འབྲིང་། །ཆེན་པོ་ལས་ནི་ཉོན་མོངས་ཆེར། །དེ་ནི་ཆེན་པོ་ཁོ་ནར་
ངེས། །ཚུལ་འཆོས་ལྟུང་བ་ཆེན་པོ་སྟེ། །མི་ཤེས་པ་དང་བག་མེད་དག །བརྗེད་ངས་ལ་སོགས་འབྲིང་དུ་གསུངས། །གཞན་ཡང་དམ་ཚིག་ཉམས་པ་ཡི། །ཆེ་འབྲིང་ཆུང་ངུའི་ལྡང་ཚད་དག །རང་དང་གཞན་དང་གཉི་
ཀ་ཡིས། །རྒྱུ་རྐྱེན་དག་ལས་ཤེས་བྱ་སྟེ། །ལྟུང་བའི་ངོ་བོས་ཟིན་པ་དང་། །ཕྱི་ནང་རྡོ་རྗེ་སློབ་དཔོན་གྱིས། །སྤྱན་སྔར་དཀྱིལ་འཁོར་ཆེན་པོ་བཞེངས། །ཚུལ་དང་འཐུན་པར་བཤད་པ་བྱ། །དམ་ཚིག་གོང་འོག་
བྱེ་བྲག་གིས། །བླ་མའི་དཀྱིལ་འཁོར་ཤེས་པར་བྱ། །གཞན་ཡང་བཤགས་པའི་བྱེ་བྲག་ལ། །སྦྱིན་སྲེག་གིས་ནི་སྡྀག་བསྲེག་ཕྱིར། །ནང་གི་སྦྱིན་སྲེག་ཆེན་པོ་བརྩམ། །ཟབ་པའི་མེ་ནི་རྒྱུན་གཞག་མེད། །ཐབས་
ཀྱྀ་རྒྱུན་གཞག་མེ་ཡིན་ཏེ། །ལོ་བདུན་དང་ནི་ལོ་གཅིག་དག །ཕྱི་ཡི་རྒྱུན་གཞག་ཆེན་པོའི་མེ། །ཟླ་བ་བདུན་དང་གསུམ་དག་ནི། །འབྲིང་དུ་གསུངས་ཏེ་ཞག་བདུན་སོགས། །རྒྱུན་གཞག་མེ་ནི་ཆུང་ངུར་གསུངས། །
རྒྱས་པ་ལ་སོགས་དེ་བཞིན་ཏེ། །རང་བཞིན་གདོད་ནས་གནས་པ་ཡི། །གཏུམ་མོ་ཡེ་ཤེས་མེ་རང་བཞིན། །འདི་ནྀ་རྒྱུན་གཞག་ཆེན་པོའྀ་མེ། །ཐོག་མཐའ་མེད་པར་གནས་པའི་ཕྱྀར། །དམ་ཚིག་ཉམས་པའི་བུད་
ཤིང་སོགས། །ཡེ་ཤེས་མེ་ཡི་བུད་ཤིང་ཡིན། །མན་ངག་ཅན་གྱིས་བསྲེགས་བྱས་ན། །ཉམས་པའི་ཤིང་སོགས་འཚྀག་པར་ངེས། །དགང་གཟར་ལ་སོགས་དེ་བཞིན་ཏེ། །རྒྱས་པ་ལ་སོགས་དེ་དང་འདྲ། །
རྒྱུད་འདི་གཏད་ཀྱིས་ལེགས་པར་ཟུང་། །ཐམས་ཅད་དགའ་ཞིང་མགུ་བར་གྱུར། །དཔལ་རྡོ་རྗེ་མཁའ་འགྲོ་གསང་བའི་རྒྱུད་ཀྱི་རྒྱལ་པོ་རྫོགས་སྷོ།། །། རྒྱ་གར་གྱི་མཁན་པོ་གཱ་ཡ་དྷ་ར་དང་། ལོ་ཙྪ་་བ་དགེ་སློང་ཤཱཀྱ་ཡེ་ཤེས་ཀྱིས་བསྒྱུར་བའོ།། །།

87-1-50b

༄༅༅། །རྒྱ་གར་སྐད་དུ།   ཤྲཱི་ཛྭ་ལ་ཨགྣི་གུ་ཧྱ་ཏནྟྲ་རཱ་ཛ།   བོད་སྐད་དུ།    དཔལ་གསང་བ་མེ་འབར་བའི་རྒྱུད་ཀྱི་རྒྱལ་པོ། ། བཅོམ་ལྡན་འདས་བདེ་བ་ཆེན་པོ་ལ་ཕྱག་འཚལ་ལོ། །འདི་སྐད་བདག་གིས་ཐོས་
པ་དུས་གཅིག་ན། བཅོམ་ལྡན་འདས་དེ་བཞིན་གཤེགས་པ་ཐམས་ཅད་ཀྱི་སྐུ་དང་གསུང་དང་ཐུགས་རྡོ་རྗེ་བཙུན་མོའི་བྷ་ག་ལ་སྙོམས་པར་ཞུགས་སོ། །དེའི་ཚེ་འཁོར་འདུས་པའི་ནང་ན་རྡོ་རྗེ་ཕག་མོས་གསོལ་
པ། རྣལ་འབྱོར་གང་ལགས་འཕོ་བ་གང་། །འཆི་བ་གང་ལགས་ཤི་བ་གང་། །རོ་ནྀ་གང་ལགས་རོ་ཆེན་གང་། །དེ་བཞིན་ཤི་བ་ཆེན་པོ་གང་། །ཐལ་བ་གང་ལགས་ཐལ་ཆེན་གང་། །ཚ་ཚ་གང་ལགས་ཚ་ཚ་ཡི། །ཆེན་པོ་
གང་ལགས་གནས་ནི་གང་། །བཅོམ་ལྡན་འདས་ཀྱིས་བཤད་དུ་གསོལ། །བཅོམ་ལྡན་འདས་ཀྱིས་བཀའ་སྩལ་པ། །ཐབས་དང་ཤེས་རབ་སྙོམས་འཇུག་པ། །རྣལ་འབྱོར་ཞེས་ནི་གསུངས་པ་ཡིན། །དུས་མིན་
ལྷ་ནི་གསོད་པ་སྟེ། །དང་པོར་འཕོ་བའི་རྟགས་དང་ཡང་། །དུས་ཚོད་ངེས་པར་ཤེས་བྱ་སྟེ། །བར་ཆད་མེད་པའི་ཏིང་འཛིན་གྱིས། །འཁྲུལ་འཁོར་བཅས་ཏེ་ཁྱད་པར་གྱིས། །འབྲས་བུ་འབྱུང་བར་འཕོ་བར་ངེས། །
ཁམས་དང་འབྱུང་བ་སོ་སོར་ཐིམ། །སྲོག་གི་རྩོལ་བ་ལ་ཐིམ་སྟེ། །རྩོལ་བ་རྣམ་ཤེས་ལ་ཐིམ་པའི། །སྐད་ཅིག་དང་པོ་འཆི་བ་སྟེ། །རྡོ་རྗེ་ཅན་སོགས་རིགས་བཞི་དང་། །རྣམ་སྣང་ཐ་དད་བྲལ་བ་ཡི། །སྐད་ཅིག་དང་
པོ་ཤི་བ་སྟེ། །དེ་ནས་ཞག་བདུན་བར་དུ་གཞག །ལུས་ཀྱི་མཁའ་འགྲོ་མྱ་ངན་འདས། །དེ་ནི་ཤི་བ་ཆེན་པོར་གྲགས། །ལུས་ནི་ཏ་ལའི་མགོ་བོ་འདྲ། །འདི་ཉིད་རོ་ཞེས་གསུངས་པ་སྟེ། །ཡེ་ཤེས་དབབ་དང་
ཡེ་ཤེས་བརྟན། །མཁའ་སྤྱོད་ས་སྤྱོད་ས་འོག་སྤྱོད། །སྤྱི་བོ་མགྲིན་པ་སྙིང་ག་རུ། །དྲི་ཡི་ཐིག་ལེ་གསུམ་བྱས་ཏེ། །སྐུ་གསུང་ཐུགས་སུ་བྱིན་གྱིས་བརླབ། །ཐོག་མར་དྲི་ཞིམ་སྣ་ཚོགས་ཀྱིས། །ཁྲུས་བྱས་

87-1-51a

གནས་ནི་བཅུ་གཉིས་སུ། །དྲི་ཡི་ཐིག་ལེ་བཅུ་གཉིས་བྱ། །དཔའ་བོ་མཁའ་འགྲོས་བྱིན་གྱིས་བརླབ། །གཞན་ཡང་རྒྱན་ལ་སོགས་པ་ཀུན། །དངོས་སུ་གནས་པས་རབ་ཏུ་ངེས། །རི་མོར་བྲིས་
པ་འབྲིང་པོ་སྟེ། །དྲི་ཡི་ཐིག་ལེ་ཐ་མར་ངེས། །གཡས་བརྐྱང་ལས་སོགས་འདུག་སྟངས་ཀྱིས། །ཧེ་རུ་ཀར་གྲགས་ཆེན་པོར་བཞེངས། །རང་རིག་བདག་པོ་གང་ཡིན་པ། །ཧེ་རུ་ཀ་རུ་ངེས་པ་དང་། །དེ་ལ་དུས་དྲུག་
མཆོད་པས་མཆོད། །འདི་དག་རོ་ནྀ་ཆེན་པོ་སྟེ། །འཆི་བ་ཞེས་ནི་རྣམ་རྟོག་སྟེ། །མཁའ་སྤྱོད་གནས་སུ་འཁྲིད་པར་བྱེད། །རང་བཞིན་བསྲེགས་པ་ཐལ་བ་སྟེ། །རྩ་བའི་དཀྱིལ་འཁོར་ལ་བརྟེན་ནས། །ཆོས་སྐུ་གཟུགས་
བརྙན་རིམ་བཞིན་བརྩིག །ཡང་ན་བུམ་པ་ལྟ་བུ་ཡི། །གཞལ་ཡས་ཁང་པ་བརྩེག་མར་བརྩིག །མི་འཆི་བཅུ་ཕྱེད་སྙིང་པོ་དང་། །ཙན་དན་གུར་ཀུམ་ལ་སོགས་པའི། །དྲི་ཡིས་བྱུགས་ཤིང་བསྒོ་མར་བྱ། །ཙན་དན་
དམར་པོ་ལ་སོགས་པའི། །དྲི་ཞིམ་ལྡན་པའི་ཤིང་བུ་འམ། །ཡང་ན་འབྲས་བུ་ཡོད་པ་ཡི། །བུད་ཤིང་ཆད་དང་མཐུན་པ་ཡིས། །ཐབ་ཁུང་ཆེན་པོར་རྫོགས་པར་བརྩིག །བླ་མ་དམ་པ་མཉེས་བྱས་ལ། །ཞལ་ནས་ཡང་དག་ཤེས་
པར་བྱ། །ཟུར་བཞི་རྒྱལ་པོ་ཆེན་པོ་བཞི། །ཕྱོགས་བཞི་མི་འཇིགས་སེང་གེ་བརྒྱད། །ཀ་བ་བཞི་དང་གདུང་བཞིར་ལྡན། །ཆོ་ག་ཡོངས་སུ་རྫོགས་པ་དང་། །རིག་པའི་དཀྱིལ་འཁོར་གཞུག་པ་དང་། །སྔར་གྱི་
དབང་ཐོབ་རྫོགས་པར་བསྐུར། །དེ་ནས་རྒྱུན་གཞག་མེ་སྦར་ཏེ། །མེ་ལྷ་ལ་སོགས་གཞན་དང་འདྲ། །དེ་ནས་རིག་པ་དེ་ཉིད་ཀྱང་། །མི་ཡི་ཁང་པ་མཛེས་པ་རུ། །རང་བཞིན་སྤྱན་དྲངས་བཞུགས་སུ་གསོལ། །མེ་མཆོད་
སྡིག་པ་བསྲེག་པ་ཡི། །སྔགས་དང་རྫས་སོགས་གཞན་དང་འདྲ། །མེ་དང་དུ་བ་རླུང་སོགས་ཀྱིས། །མཚན་མ་མཁས་པས་བརྟག་བྱ་སྟེ། །བཀྲ་ཤིས་རྟགས་རྣམས་བྱུང་ན་ལེགས། །མེད་ན་སྡིག་པ་བསྲེག་པར་བྱ། །

87-1-51b

དུང་ལ་སོགས་པ་བྱུང་ན་རབ། །མ་བྱུང་ན་ཡང་ཆོ་ག་རྣམས། །རྫོགས་པ་ལས་བྱུང་རུས་པ་རྣམས། །འདི་ནི་བལ་བ་ཆེན་པོ་སྟེ། །དེ་ལས་གཞན་པ་ཐལ་བར་གསུངས། །དེ་ནས་རུས་པ་ཞག་གསུམ་ནི། །གུར་གུམ་ལ་སོགས་
དྲིས་གཏོར་ཏེ། །རུས་པའི་མཚན་མ་བརྟག་བྱ་སྟེ། །ཁ་དོག་དབྱིབས་དང་དྲི་དང་རོ། །བླ་མའི་ཞལ་ནས་ཤེས་པར་བྱ། །གདོན་བསལ་ཁྲུས་བྱ་རུས་པ་བརྡུང་། །མ་ཉམས་དུམ་བུ་གཅིག་པ་ལ། །དྲི་སོགས་བསྒོས་པའི་
ནང་དུ་སྟེ། །དཀྱིལ་འཁོར་ཡོངས་སུ་རྫོགས་པ་ཡི། །སྟེང་དུ་སེང་གེའི་ཁྲི་དག་ལ། །སེང་གེ་རྒྱལ་ཆེན་འོག་གི་རྒྱན། །སྟེང་ནས་གདུགས་དང་རྒྱལ་མཚན་ཏེ། །གནས་དེར་རུས་པ་གཞག་བྱས་ལ། །མེ་ཏོག་བྱས་ནས་
ཞག་ལྔ་རུ། །བསྙེན་པ་བྱས་ཏེ་དྲུག་པ་ལ། །གདུང་བྱུང་སྟ་གོན་བདུན་པ་ལ། །ཚ་ཚ་རབ་ཏུ་གནས་པར་བྱ། །དང་པོར་རོ་བསྲེགས་དུས་སུ་ཡང་། །ཤི་བ་དང་པོ་ནས་གཟུང་སྟེ། །ཞག་ལྔ་རོ་ཡི་བསྙེན་པ་སྟེ། །དྲུག་པ་རོ་ཡྀ་སྟ་གོན་
ནོ། །བདུན་པ་དུར་ཁྲོད་རབ་ཏུ་གནས། །དང་པོར་སྣང་བ་གཉིས་པར་རོ། །གསུམ་པ་རུས་པ་མྱ་ངན་འདས། །མྱ་ངན་འདས་པ་རྣམ་པ་གསུམ། །གཞན་ལ་མེད་ཅིང་རང་ལ་མེད། །དམན་ལ་མེད་ཅིང་དེ་རྗེས་མེད། །ཐབས་སུ་
མ་གསུངས་ཤེས་རབ་ཀྱི། །རྩ་བརྒྱུད་བཤད་རྒྱུད་ཕྱྀ་མ་དང་། །ཕྱི་མའི་ཕྱི་མར་མ་གསུངས་པའོ། །མྱ་ངན་འདས་པ་རྣམ་པ་གསུམ། །བདུད་རྩྀ་སྒྲོན་མ་ར་ལྀ་ཡི། །རྒྱུད་དུ་ཁྱོད་ལ་ང་ཡིས་བཤད། །དེ་ནས་ཚ་ཚའི་རིམ་པ་ཡང་། །
སྣང་བ་རྒྱལ་པོ་ལ་སོགས་ལ། །མཐུན་པའི་གཏམ་གྱིས་ས་སོགས་བླང་། །མི་སྣང་ས་བདག་ལ་སོགས་ལ། །གཏོར་མ་མེ་ཡིས་ས་སོགས་བླང་། །དེ་ནས་སྐུད་པ་རྣམ་ལྔ་ཡང་། །ཕན་པ་རྡོ་རྗེ་ཅན་དང་ཡང་། །གཟི་བརྗིད་གར་
དང་རྡོ་རྗེ་རྒྱལ། །སྲད་བུས་ས་གཟུང་ས་སྦྱང་སོགས། །ཆོ་ག་གཞན་དང་མཐུན་པར་བྱ། །དུར་ཁྲོད་གནས་སུ་རྩ་བ་ཡི། །དཀྱིལ་འཁོར་ཆེན་པོ་བཞེངས་པར་བྱ། །ལྷ་གྲངས་དུ་ཡོད་གཏོར་མ་གཏང་། །སྦྱིན་སྲེག་དག་གིས་

87-1-52a

ཞི་བྱས་ཏེ། །གཅིག་གམ་ལྔ་འམ་བདུན་ནམ་ནི། །ཉི་ཤུ་རྩ་གཅིག་བརྒྱ་རྩ་བརྒྱད། །ཅི་ནུས་པར་ནི་གདབ་པར་བྱ། །དུས་ནི་མཚན་མོ་ཤེས་པ་སྟེ། །དང་པོ་ལ་ནི་དཀྱིལ་འཁོར་གྱིས། །ཕྱག་རྒྱ་ཆེན་པོ་རྫོགས་པ་སྟེ། །
གསུམ་པ་བཞི་པ་གཉིས་པ་དག །ཆོས་ཀྱི་སྐུ་ཡི་གཟུགས་བརྙན་གདབ། །བུམ་དབང་ས་ལ་གདབ་པ་སྟེ། །གསང་དབང་ས་དང་ཆུ་ལ་གདབ། །གསུམ་པ་མེ་དང་རླུང་ལ་གདབ། །བཞི་པ་ནམ་མཁར་གསུངས་པའོ། །དང་པོ་འཕོ་བས་
མ་ལྷུང་ལ། །གཉིས་པ་རོ་བསྲེག་མ་ལྷུང་བའོ། །གསུམ་པ་ཚ་ཚས་མ་ལྷུང་ན། །འཆི་བ་སླུ་བའི་དམ་པ་སྟེ། །སྲིད་པའི་འཆི་བ་ལས་གྲོལ་ངེས། །དམན་པའི་འཕོ་བ་ལ་སོགས་པས། །ལྷུང་ཞིང་འཆི་བ་ཁོ་ནར་ངེས། །དེ་བས་སྲིད་ལས་
གྲོལ་འདོད་པས། །བླ་མ་དམ་པ་རབ་མཉེས་ཏེ། །འཕོ་བ་ལ་སོགས་གདམས་ངག་བླང་། །རྒྱུད་འདི་གཏད་ཀྱིས་ལེགས་པར་ཟུང་། །དེའི་ཚེ་འཇིག་རྟེན་གྱི་ཁམས་ཀྱི་ས་ཆེན་པོ་ཡང་གཡོས་པར་གྱུར་ཏོ། །མཆོད་པ་སྣ་ཚོགས་
པའི་ཆར་ཡང་བབ་བོ། །དཔའ་བོ་དང་མཁའ་འགྲོ་མ་དང་དུར་ཁྲོད་ན་གནས་པའི་རོ་ལངས་ཆེན་པོ་ཐམས་ཅད་རྒྱུད་ཀྱི་དོན་ལ་རྗེསུ་ཡི་རངས་བར་གྱུར་ཏོ། །དཔལ་གསང་བ་མེ་འབར་བའི་རྒྱུད་ཀྱི་རྒྱལ་པོ་རྫོགས་སྷོ།། །།
པཎ་ཌི་ཏ་གཱ་ཡ་དྷ་ར་དང་།  ལོ་ཙྪ་་བ་དགེ་སློང་ཤཱཀྱ་ཡེ་ཤེས་ཀྱིས་བསྒྱུར་བའོ། ། ༄༅། །རྒྱ་གར་སྐད་དུ།   ཤྲཱི་ཨ་མྲི་ཏ་གུ་ཧྱ་ཏནྟྲ་རཱ་ཛ།   བོད་སྐད་དུ། 
དཔལ་གསང་བ་བདུད་རྩིའི་རྒྱུད་ཀྱི་རྒྱལ་པོ། ། བཅོམ་ལྡན་འདས་དཔལ་བདེ་བ་ཆེན་པོ་ལ་ཕྱག་འཚལ་ལོ། །འདི་སྐད་བདག་གིས་ཐོས་པ་དུས་གཅིག་ན། བཅོམ་ལྡན་འདས་དེ་བཞིན་གཤེགས་པ་ཐམས་ཅད་ཀྱི་སྐུ་དང་
གསུང་དང་ཐུགས་རྡོ་རྗེ་བཙུན་མོའི་བྷ་ག་ལ་བཞུགས་སོ། །དེའི་ཚེ་བྱང་ཆུབ་སེམས་དཔའ་རྡོ་རྗེ་སྙིང་པོས་གསོལ་པ། དཀྱིལ་འཁོར་དབྱེ་བ་ཇི་ལྟ་བུ། །སྔགས་དང་གཏོར་མ་ཇི་ལྟ་བུ། །སྦྱིན་སྲེག་མཆོད་སོགས་

87-1-52b

ཇི་ལྟ་བུ། །ཁྱོད་ཀྱིས་བདག་ལ་བཤད་དུ་གསོལ། །བཅོམ་ལྡན་འདས་ཀྱིས་བཀའ་སྩལ་པ། །དང་པོ་དཀྱིལ་འཁོར་དབྱེ་བ་ཡང་། །ཕྱི་ལ་གཟུགས་བརྙན་དཀྱིལ་འཁོར་ཏེ། །ནང་དུ་ལུས་ཀྱི་དཀྱིལ་འཁོར་རོ། །གསང་བར་
བྷ་གའི་དཀྱིལ་འཁོར་ཏེ། །བཞི་པ་རང་རིག་བྱང་ཆུབ་སེམས། །དེ་རྣམས་ལྷ་ཡི་མཚན་ཉིད་ཀྱང་། །སྐུ་མདོག་ཕྱག་མཚན་རགས་པའི་ལམ། །ཁྲོ་ཚུལ་དྲུག་བཅུ་རྩ་བཞི་དང་། །འབར་བའི་གར་དགུ་ཕྱག་བརྒྱ་དྲུག །མཚན་
ཉིད་སྒྱུ་མ་ལྟ་བུ་ཡིས། །ཐ་མལ་པ་ཡི་རྣམ་རྟོག་སྤོང་། །ལུས་ཀྱི་དྲི་འཁྲུ་ཞེ་སྡང་དག །ལོངས་སྤྱོད་རྫོགས་པའི་སྐུར་གྱུར་པའོ། །འདི་དག་ཕྱི་ཡི་དཀྱིལ་འཁོར་ཏེ། །དཀྱིལ་འཁོར་དབུས་སུ་གང་གྱུར་པ། །དེ་ཉིད་ཀྱི་ནི་དཀྱིལ་
འཁོར་ཏེ། །རྡོ་རྗེ་ཅན་དང་ཕན་པ་དང་། །དེ་བཞིན་རྡོ་རྗེ་གཟི་བརྗིད་དང་། །པདྨ་གར་གྱྀ་དབང་ཕྱུག་དང་། །དེ་བཞིན་རྟ་བདུན་རྡོ་རྗེ་སེམས། །སྙིང་པོ་ཡོངས་གཟུང་དཀྱིལ་འཁོར་ཏེ། །དེ་དག་ཕྱི་ཡི་དཀྱིལ་འཁོར་ཡིན། །
དེ་ནས་ནང་གི་དཀྱིལ་འཁོར་ཡང་། །རྣལ་གྲོལ་སྟེང་དུ་གདན་ཁྲི་རླུང་། །རང་གི་བདག་པོའི་ལྷ་ཡིན་ནོ། །དང་པོར་དེ་ཉིད་ཤེས་བྱ་སྟེ། །རགས་པ་དང་ནི་ཕྲ་བ་དང་། །ཟུང་འཇུག་སྒོ་གསུམ་ཉི་ཁྲི་དང་། །ཆིག་སྟོང་དྲུག་བརྒྱ་རྒྱུ་བ་ཙམ། །
ལས་ནི་རགས་པའི་ལམ་འཇོམས་ཤིང་། །ངག་གྀ་དྲི་འཁྲུ་གཏི་མུག་དག །སྤྲུལ་པའི་སྐུ་ཡི་རྒྱུར་གྱུར་པ། །མཁའ་སྤྱོད་རླུང་དུ་ཤེས་པར་བྱ། །གང་ཞིག་སྣང་བ་བསྒོམ་པ་དང་། །དེ་བཞིན་མུན་པ་བསྒོམ་པ་དག །ཉིན་དང་
མཚན་མོར་རབ་ཏུ་གྲགས། །གནོད་མཛེས་ལྟ་སྟངས་དམན་པ་སྟེ། །ཚུལ་དེ་དེ་ལས་བཟློག་པའོ། །དང་པོར་ཡིད་བཅིང་སྣ་རྩེར་བྱ། །དེ་བཞིན་སེམས་བཅིང་རླུང་བཅིང་ཡང་། །ནམ་མཁའ་སོར་བཞི་དེ་ནས་སྟོང་། །དེ་ནས་བར་དུ་
ཐིག་ལེ་ཡང་། །ཡན་ལག་དང་བཅས་ཡན་ལག་མེད། །ཤིན་ཏུ་ཡན་ལག་མེད་པ་སྟེ། །ཡན་ལག་བཅས་པ་བཅུ་གསུམ་སྟེ། །ཐབས་ལ་ཐབས་ཀྱི་སྦྱོར་བ་ནི། །བླ་མའི་ཞལ་ནས་ཤེས་པར་བྱ། །མ་ནིང་འདུས་པའི་སྒོ་རུ་

87-1-53a

གསུངས། །དེ་ནས་འོག་སྒོ་ཙཎྜཱ་ལི། །ཁ་སྦྱོར་དང་ནི་སྟུག་པོ་སོགས། །རྐྱེན་དང་བཅས་དང་རང་བཞིན་དང་། །བདག་སྦྱང་བ་དང་གཞན་སྦྱང་དང་། །གཏུམ་མོ་རང་བཞིན་སྦར་བ་དང་། །གཏུམ་མོ་གོ་
བཟློག་སྦར་བ་དང་། །གཏུམ་མོ་རྐྱེན་གྱིས་སྦར་བ་དང་། །གཏུམ་མོ་ཞར་ལ་སྦར་བ་དང་། །གཏུམ་མོ་བྱེ་བྲག་སྦར་བ་དང་། །སྤྱི་བོའི་གཏུམོ་སྦར་བ་དང་། །གྲོལ་བའི་རང་བཞིན་གཏུམ་མོ་དང་། །ཆགས་པའི་རང་བཞིན་
གཏུམ་མོ་སྟེ། །ནང་གི་ལྷ་ཡི་ངོ་བོ་སྟེ། །གསང་བའི་ལྷ་ཡི་རིང་བའི་རྒྱུ། །དེ་ནས་གསང་བའི་དཀྱིལ་འཁོར་ཡང་། །དབང་པོ་གཉིས་སྦྱོར་ཀུན་དུ་རུ། །དེ་ཡི་ཕྱིར་ན་བྷ་ག་ཡིན། །དགའ་བ་ལ་སོགས་སྒྱུ་མ་ཡི། །ཕྲ་བའི་
ལམ་སྤོང་ལས་ཡིན་ཏེ། །སེམས་ཀྱི་དྲི་འཁྲུད་འདོད་ཆགས་དག །རང་རིག་སེམས་ཀྱི་རྒྱལ་པོའྀ་རྒྱུ། །དེ་ནས་བཞི་པའི་དཀྱིལ་འཁོར་ནི། །ཆོས་སྐུ་སྐྱེ་མེད་ནམ་མཁའ་བཞིན། །རང་རིག་སྟོང་པ་འོད་གསལ་ལ། །
བསྒོམས་པས་ཉེས་པ་མ་ཡིན་ཏེ། །མ་བསྒོམས་པས་ཀྱང་ཉེས་པ་མིན། །བསྒོམ་པ་ཉིད་ཀྱང་རྟོག་པ་སྟེ། །མི་བསྒོམ་པ་ཡང་རྟོག་པ་ཉིད། །བསྒོམ་དུ་རྡུལ་ཙམ་མེད་པ་ལ། །ཡོངས་སུ་སྐད་ཅིག་མེད་པ་འདི། །ལྷ་ཡི་
རྒྱལ་པོ་ཡིན་པར་འདོད། །དཀྱིལ་འཁོར་རྣམས་ཀྱི་མཆོག་གྱུར་པ། །རང་རིག་ཡེ་ཤེས་མེ་བོ་ཆེ། །ཐམས་ཅད་འདི་ལ་གནས་པ་སྟེ། །དཔེར་ན་འཁོར་ལོས་སྒྱུར་བའི་རྒྱལ་པོ་དག །ཡུལ་དང་གྲོང་ཁྱེར་དག་ཏུ་
མི་འགྲོ་ཡང་། །ཡུལ་ན་འདོད་པ་ཐམས་ཅད་སྡུད་པ་ལྟར། །མཆོད་དང་གཏོར་མ་ལ་སོགས་པའི། །ལས་དང་བྱ་བ་སྣ་ཚོགས་ཀུན། །སེམས་ཀྱི་དེ་ཉིད་ཤེས་གྱུར་ན། །ཐམས་ཅད་འདི་ལ་བསྡུད་པར་ངེས། །ལས་ནི་ཟབ་
པའི་ལམ་སྤོང་སྟེ། །སྒོ་གསུམ་རྣམ་དག་དུག་གསུམ་འཇོམས། །གཟུགས་སྐུ་གཉིས་ནི་འབྱུང་བའི་རྒྱུ། །སྦྱིན་སྲེག་རྣམ་པ་བཞི་ཡིན་ཏེ། །སྤྱི་ཡི་ཐུན་མོང་ཡིན་པར་གསུངས། །དེ་ནས་ནང་གི་སྦྱིན་སྲེག་ཀྱང་། །ལྟེ་བ་སྙིང་ཀ་

87-1-53b

སྤྱི་བོ་མགྲིན། །རིགས་ནི་ངེས་པའི་ཐབ་ཁུང་སྟེ། །སྐུ་ནི་སྤྱི་བོ་གསུང་མགྲིན་པ། །སྙིང་གར་ཐུགས་ཏེ་ཡོན་ཏན་དང་། །ཕྲིན་ལས་གཏུམ་མོ་གཉིས་སུ་ངེས། །རླུང་དང་རྩ་དང་ཐིག་ལེ་དང་། །རང་བཞིན་གནས་པའི་ཡེ་ཤེས་མེ། །
མེ་ལྷ་དག་པས་བདག་པོའྀ་ལྷ། །སྐུ་མདོག་ཕྱག་མཚན་རྣམ་རྟོགས་དག །སྲེག་རྫས་བསྲེག་སྟེ་མེ་མཆོད་བྱ། །ཉེ་བར་ཞི་བ་སྦྱིན་པ་དང་། །རྣམ་རྟོག་སྲེག་ཕྱིར་སྦྱིན་སྲེག་སྟེ། །རང་ལུས་ཡེ་ཤེས་མེ་ཡིས་ནི། །རྟོག་པའི་
བུད་ཤིང་བསྲེག་བྱ་བ། །འདི་ནི་སྦྱིན་སྲེག་ཚད་མ་སྟེ། །ཏིལ་སོགས་སྡིག་པར་ངེས་པ་འམ། །ལས་ཀྱི་མེ་ཉིད་ཡེ་ཤེས་སམ། །བསྲེགས་པས་ངེས་པར་ཚིག་གམ་ཅི། །སྲེག་རྫས་རྟོག་པ་སྲེག་བྱེད་མེ། །དབང་པྶོ་
སྤྱོད་ཡུལ་མ་ཡིན་ཏེ། །དེ་ཕྱིར་ལས་ཀྱི་མེ་ཉིད་ལ། །ཏིལ་སོགས་བསྲེག་པའི་ལས་བྱས་ཀྱང་། །ངེས་པར་སྡིག་པ་ཚིག་མི་འགྱུར། །མཆོད་པ་ལ་སོགས་དེ་བཞིན་ནོ། །བསྟན་པ་ཙམ་དུ་ངེས་པ་སྟེ། །རྒྱུད་ནི་དོན་
དམ་མ་ཡིན་ཏེ། །དོན་དམ་རྟོགས་པས་བསྟན་པ་མེད། །དགང་གཟར་བླུགས་གཟར་ལ་སོགས་པ། །བླ་མའི་ཞལ་ནས་ཤེས་པར་བྱ། །དེ་ནས་གསང་བའི་སྦྱིན་སྲེག་ཀྱང་། །ཐབ་ཁུང་ལྟེ་བ་འམ་སྣ་རྩེ་སྟེ། །
ཆགས་གྲོལ་གནས་ནི་ངེས་པ་དང་། །རང་བཞིན་དང་ནི་གསང་བ་ཡི། །གཏུམ་མོ་ཡེ་ཤེས་མེ་སྦར་ཏེ། །གཡས་གཡོན་དགང་གཟར་བླུགས་གཟར་གྱིས། །ཤུ་ཀྲ་རྩ་དང་རླུང་སོགས་ཀྱི། །ཕྲ་མོའི་རྟོག་པའི་སྲེག་རྫས་
བསྲེག །བདེ་བའི་མེ་ལྷ་མཆོད་པར་བྱ། །ཞི་རྒྱས་ལས་ཀྱི་རིམ་པ་དང་། །བཞི་པ་ཞལ་ནས་ཤེས་པར་བྱ། །དེ་ནས་སྔགས་ཀྱི་དབྱེ་བ་ཡང་། །ཕྱི་ཡི་སྔགས་ནི་ཨོཾ་ཨཱཿཧཱུྃ། །ནང་དུ་བདུད་རྩིའི་མཚན་ཉིད་དེ། །གསང་
བར་མཆོག་ཚད་དབུས་ན་གནས། །མཐར་ཐུག་མཐའ་བྲལ་རང་རིག་གོ། །སྤོས་སོགས་ཕྱི་ཡི་མཆོད་པ་སྟེ། །བདུད་རྩི་ལ་སོགས་ནང་དུའོ། །གསང་བར་བདེ་བའི་རོ་ཡིས་མཆོད། །མཐར་ཐུག་སྟོང་པའི་

87-1-54a

རོ་ཡི་མཆོད། །འབྲས་སོགས་ཕྱི་ཡི་གཏོར་མ་སྟ། །དམན་པའི་བགེགས་སོགས་ཞི་བར་བྱེད། །ཨ་བ་དྷུ་ཏཱི་འི་ཀ་པཱ་ལར། །ཤ་སོགས་བདུད་རྩིའི་རང་བཞིན་གནས། །རྣམ་རྟོག་བགེགས་ཆེན་ཞི་བར་
བྱེད། །བདེ་བ་ཆེན་པོའི་བདུད་རྩིའི་རོས། །ཕྲ་བའི་གདོན་ཆེན་ཞི་བྱས་པ། །འདི་ནི་གསང་བའི་གཏོར་མར་གསུངས། །རང་རིག་སྟོང་པའི་བདུད་རྩིའི་རོས། །བདེ་ཆེན་གདོན་ནི་ཞི་བྱས་པ། །འདྀ་ནི་བཞི་པའི་གཏོར་མར་
ངེས། །ཕྱག་འཚལ་སྐོར་བ་ལ་སོགས་དང་། །སྦྱང་སོགས་བླ་མའི་ཞལ་ནས་ཤེས། །གང་གི་ཕྱིར་ན་སྦྱིན་སྲེག་ན། །དངོས་གྲུབ་དམ་པ་སྟེར་བ་དང་། །རྣམ་རྟོག་སྲེག་ཕྱིར་སྦྱིན་སྲེག་སྟེ། །ཤིང་སོགས་སྲེག་
པ་སྦྱིན་སྲེག་མིན། །མཉེས་པའི་དོན་གྱིས་མཆོད་པ་སྟེ། །སྤོས་སོགས་ཕུལ་བས་མཉེས་པ་མེད། །རང་སེམས་ལས་སུ་རུང་བ་དག །མཉེས་པས་མཆོད་པ་ཆེན་པོ་སྟེ། །གདོན་དང་གནོད་པ་ཞི་བ་དང་། །
བར་ཆད་ཞི་དང་དངོས་གྲུབ་དག །འབྱུང་བའི་ཕྱིར་ན་གཏོར་མ་སྟེ། །འབྲས་སོགས་ཕྱི་ཡི་གཏོར་མ་ཡིས། །གདོན་སོགས་ཞི་བར་མི་འགྱུར་ཏེ། །རང་གི་སྒོ་གསུམ་རྣམ་རྟོག་དག །གདོན་ལ་སོགས་པར་སྣང་
བ་སྟེ། །འཁྲུལ་པའི་རྣམ་རྟོག་མ་སྤངས་པར། །གདོན་སོགས་ཞི་བར་མི་འགྱུར་ཕྱིར། །སྒོ་གསུམ་རྣམ་རྟོག་འཇོམས་པ་ཡི། །སེམས་ཀྱི་གཏོར་མ་གཏོར་མའི་མཆོག །གདོན་དང་གནོད་པ་ཞི་བ་དང་། །
དམ་ཚིག་གསོ་དང་ལྷ་རྣམས་འགོ། དངོས་གྲུབ་ཐམས་ཅད་འབྱུང་བར་འགྱུར། །ཕྱྀ་ནང་གཏོར་མར་ངེས་པའོ། །རྒྱུད་རྣམས་ཉེ་བར་ཞི་བ་དང་། །ལུས་ལས་འབྱུང་ཕྱིར་ལྷ་ཡིན་ཏེ། །ཕྱི་ཡི་དཀྱིལ་འཁོར་
ལྷ་མ་ཡིན། །ལུས་དང་ཡན་ལག་ལྷ་མ་ཡིན། །ཁ་མིག་ལ་སོགས་ལྷ་མ་ཡིན། །ལུས་ལས་མ་བྱུང་གཡེང་བའི་ཕྱྀར། །དབང་པོ་སྒོ་གསུམ་གཡེང་བ་དགག །རང་གི་ལུས་ལ་རང་ལུས་འབྱུང་། །

87-1-54b

སྒོ་གསུམ་ཞི་ཕྱིར་ལྷ་ཞེས་བརྗོད། །ཡིད་སྐྱོབ་ཕྱིར་ན་སྔགས་ཡིན་ཏེ། །རང་སེམས་ལས་སུ་རུང་བ་དང་། །རྣམ་རྟོག་གདོན་རྣམས་ལས་སྐྱོབ་ཕྱིར། །འདི་ནི་སྔགས་ཀྱི་རྒྱལ་པོར་གསུངས། །གཞན་ཡང་དངོས་གྲུབ་
འདོད་པ་ཡིས། །ཐམས་ཅད་བླ་མའི་ཞལ་ནས་བླང་། །རྒྱུད་འདི་གཏད་ཀྱིས་ནན་ཏན་གྱིས། །དེའི་ཚེ་འཁོར་འདུས་པ་ཐམས་ཅད་རྒྱུད་ཀྱི་དོན་ལ་ཡི་རང་པར་གྱུར་ཏོ། །དཔལ་གསང་བ་བདུད་རྩིའི་རྒྱུད་ཀྱི་རྒྱལ་པོ་
རྫོགས་སྷོ། ། རྒྱ་གར་གྱི་མཁན་པོ་གཱ་ཡ་དྷ་ར་དང་། ལོ་ཙྪ་་བ་དགེ་སློང་ཤཱཀྱ་ཡེ་ཤེས་ཀྱིས་བསྒྱུར་བའོ། ། ༄། །རྒྱ་གར་སྐད་དུ།   ཤྲཱི་ཤྨཱ་ཤཱ་ནི་ཨ་ལཾ་ཀཱ་ར་ཏནྟྲ་
རཱ་ཛ།    བོད་སྐད་དུ།    དཔལ་དུར་ཁྲོད་རྒྱན་གྱི་རྒྱུད་ཀྱི་རྒྱལ་པོ།  །དཔལ་བདེ་བ་ཆེན་པོ་ལ་ཕྱག་འཚལ་ལོ། །འཇིགས་བྱེད་ཆེ་ལ་ཕྱག་འཚལ་ཏེ། །ཞབས་ལ་སྤྱི་བོས་ལེགས་བཏུད་ནས། །དུར་ཁྲོད་གང་ལགས་
རྒྱན་གང་ལགས། །རྒྱུད་ནི་གང་ལགས་རྒྱལ་པོ་གང་། །བཅོམ་ལྡན་འདས་ཀྱིས་བཀའ་སྩལ་པ། །ལེགས་སོ་རྡོ་རྗེ་སྙིང་པོ་ལེགས། །ལེགས་པར་ཉོན་ལ་ལེགས་པར་ཟུང་། །དང་པོར་དུར་ཁྲོད་བཤད་བྱ་སྟེ། །
དུར་ཁྲོད་སྤྱི་དང་བྱེ་བྲག་གནས། །གཞལ་ཡས་ཁང་གི་ཕྱི་རོལ་ཏེ། །རྡོ་རྗེ་ར་བའི་ནང་རོལ་དུ། །འཇིགས་པ་ཆེན་པོ་སྤྱི་ཡི་གནས། །བྱེ་བྲག་ཤར་ལ་སོགས་པ་སྟེ། །སྣོད་ཀྱི་ཞེན་པ་བཟློག་པ་ཡང་། །
ལྕགས་རི་ནག་པོ་ཚུན་ཆད་དེ། །རྡོ་རྗེ་ར་བས་དེ་ཉིད་དོ། །ཆེན་པོ་ཁྲུ་ནི་ཉི་ཤུ་སྟེ། །ཆུང་བ་ཁྲུ་གང་ཕན་ཆད་དོ། །དེ་ལས་གཞན་པ་དཀྱིལ་འཁོར་ནི། །ཚད་ལས་ངེས་པར་འདས་པའོ། །རྣམ་ཤེས་ཚོགས་བརྒྱད་
རྣམ་རྟོག་བརྒྱད། །མི་མངའི་རྟགས་སུ་དུར་ཁྲོད་བརྒྱད། །ཕྱོགས་དང་ཕྱོགས་བྲལ་དག་ཏུ་དགོད། །ཚོགས་བརྒྱད་ཡོན་ཏན་བརྒྱད་ལྡན་པའི། །རྟགསུ་ཤིང་བརྒྱད་རིམ་པས་དགོད། །དེ་བཞིན་གདུག་པ་བརྒྱད་

87-1-55a

བཅོམ་པའི། །རྟགསུ་ཀླུ་བརྒྱད་རིམ་པས་དགོད། །ཚོགས་བརྒྱད་མི་དགེ་བཅུ་བཅོམ་པའི། །རྟགས་སུ་ཕྱོགས་སྐྱོང་རིམ་པས་དགོད། །ལུས་ངག་གཉིས་ཀྱིས་སེམས་ཅན་གྱི། །དོན་མཛད་ཕྱིར་ནི་
ཆར་སྤྲིན་དགོད། །དེ་ཉིད་དུར་ཁྲོད་འཇིགས་པ་ཆེ། །ཐབས་དང་ཤེས་རབ་གཉིས་མེད་རྒྱུ། །རྣམ་རྟོག་ཟིལ་གནོན་བརྒྱད་པོར་བཤད། །མཛེས་པའི་ཕྱིར་ན་རྒྱན་ཡིན་ནོ། །དེ་ཉིད་གསལ་བར་བྱ་བའི་ཕྱིར། །དང་པོར་
དུར་ཁྲོད་བཤད་པར་བྱ། །ཤར་དུ་གཏུམ་དྲག་ནག་པོ་ཆེ། །ལྷོ་རུ་ཧ་ཧར་དགོད་སེར་ཆེ། །ནུབ་ཏུ་མི་བཟང་དམར་པོ་སྟེ། །བྱང་དུ་ཚང་ཚིང་ལྗང་གུ་ཆེ། །མེ་རུ་གཡེར་ཀ་ཅན་ཡིན་ཏེ། །བདེན་བྲལ་མཚམས་སུ་འབར་
བ་འཛིན། །རླུང་མཚམས་དམྱལ་སོགས་གནས་པ་སྟེ། །དབང་ལྡན་དུ་ནི་དབྱིབས་ཅན་དུ། །བྷུ་ཙ་རི་ཁེ་ཙ་ཤ་ནི། །ས་སྟེངས་ཤར་གྱི་ཕྱི་རུ་དགོད། །པ་ཏ་ལི་དང་བཱ་ས་ནི། །ས་འོག་ནུབ་ཀྱི་ཕྱི་རུ་དགོད། །དུར་ཁྲོད་འདི་
རྣམས་མཚན་ཉིད་ཀྱང་། །འབར་བ་ཚིག་དང་མ་ཚིག་སོགས། །ཀེང་རུས་ཐོད་པ་ལ་སོགས་དང་། །རོ་ལངས་འབྱུང་པོའི་ཚོགས་དང་བཅས། །ལྕེ་སྤྱང་སྒྲ་ཡིས་འཇིགས་པའི་གཟུགས། །ཤར་དུ་ཤི་རྀ་ཤ་ཡི་
ཤིང་། །ལྷོ་རུ་ཨ་ཤྭད་དཐ་ཡི་ཤིང་། །ནུབ་ཏུ་ཝང་གེ་ལིང་གི་ཤིང་། །བྱང་དུ་ཙཱུ་ཏའི་ཤིང་དུ་ངེས། །གོང་དང་མཚུངས་པ་ནྱ་གྲོ་དྷ། །པརྐ་ཏི་ལྕུག་པཱ་ཐཱ་དག །མེ་ནས་དབང་ལྡན་མཚམས་སུ་དགོད། །ཇི་ལྟར་གྲགས་པའི་
གཟུགས་སུ་འདོད། །ཤར་དུ་དབང་པོ་གནས་པ་སྟེ། །ལྷོ་རུ་གཤིན་རྗེ་གནས་པའོ། །ནུབ་ཏུ་ཀླུ་དབང་གནས་པ་སྟེ། །བྱང་དུ་གནོད་སྦྱིན་ཡང་དག་གནས། །ཤར་ལྷོར་མེ་ནི་གནས་པའོ། །ལྷོ་ནུབ་མཚམས་སུ་
སྲིན་པོ་གནས། །ནུབ་བྱང་མཚམས་སུ་རླུང་དགོད་དེ། །བྱང་ཤར་མཚམས་སུ་དབང་ལྡན་དགོད། །ཉི་ཟླ་ཤར་ལ་ས་བདག་ནུབ། །ཇི་ལྟར་གྲགས་པའི་གཟུགས་སུ་དགོད། །ཤར་དུ་ནོར་རྒྱས་གནས་པ་སྟེ། །

87-1-55b

འཇོག་པོ་ལྷོ་སྟེ་སྟོབས་རྒྱུ་ནུབ། །པད་མ་བྱང་ལ་པད་ཆེན་མེ། །ཧུ་ལུ་ཧུ་ལུ་སྲིན་པོར་དགོད། །རིགས་ལྡན་རླུང་མཚམས་དགོད་པ་སྟེ། །དུང་སྐྱོང་དབང་ལྡན་མཚམས་སུའོ། །གདུག་པ་སྦྲུལ་གྱི་གཟུགས་སུ་དགོད། །
ཁ་དོག་རིགས་ཀྱི་དབྱེ་བས་དབྱེ། །ཤར་དུ་ཆར་སྤྲིན་དཀར་པོར་དགོད། །ལྷོ་རུ་པུ་མི་ཏི་དགོད་དོ། །ནུབ་ཏུ་འཇིགས་པ་རྣམ་པར་གནས། །བྱང་དུ་ཨ་བ་ཡང་དག་གནས། །སྔོ་ཉ་མེར་ནི་ཡང་དག་གནས། །གྷཱ་
ཉ་སྲིན་པོའི་མཚམསུ་དགོད། །རླུང་གི་མཚམས་སུ་པར་ཤ་ན། །གཏུམ་པོ་འདི་བརྒྱད་ཆར་སྤྲིན་བརྒྱད། །བཙོད་ཀྱི་མདོག་འདྲ་གུར་ཀུམ་མདོག །ནམ་མཁའི་མདོག་འདྲ་དུ་བའི་མདོག །སྤྲིན་གྱི་མདོག་འདྲ་
སྤྲིན་གྱི་གཟུགས། །ཤར་ལ་སོགས་པ་བཞི་བཞི་སྟེ། །འདི་དག་ནང་རྟགས་ཕྱི་རུ་འབྱུང་། །དང་པོར་སྤངས་པ་ཕུན་སུམ་ཚོགས། །དེ་ནས་ཡེ་ཤེས་ཕུན་སུམ་ཚོགས། །རང་རིག་དོན་ནི་ཕུན་སུམ་ཚོགས། །གཞན་
དོན་ཕུན་སུམ་ཚོགས་པ་ཡིན། །རྟགས་སུ་འཇིགས་པ་འདི་དག་གནས། །དེ་ནས་ནང་གི་དུར་ཁྲོད་སོགས། །ལྤགས་པ་རྡོ་རྗེ་ར་བ་སྟེ། །རུས་པ་རྡོ་རྗེ་གུར་དུ་ངེས། །དཔུང་པ་ཉེ་བའི་དཔུང་པ་སྟེ། །བརླ་དང་དེ་བཞིན་ཉེ་བའི་
བརླ། །བརྒྱད་ནི་དུར་ཁྲོད་བརྒྱད་དུ་ངེས། །རྗེ་ངར་ཉེ་བའི་རྗེ་ངར་བཞི། །ལགས་ངར་ཉེ་བའི་ལག་ངར་བཞི། །བརྒྱད་ནི་ནང་གི་ཤིང་བརྒྱད་དོ། །ཚིགས་དང་དེ་བཞིན་ཉེ་བའི་ཚིགས། །སྟེང་དང་འོག་ཏུ་བཞི་བཞི་སྟེ། །
ནང་གི་ཕྱོགས་སྐྱོང་ཡིན་པར་འདོད། །མཐིལ་དང་དེ་བཞིན་ཉེ་བའི་མཐིལ། །སྟེང་འོག་དེ་བཞིན་ཀླུ་བརྒྱད་དོ། །རྩེ་དང་དེ་བཞིན་ཉེ་བའི་རྩེ། །བརྒྱད་ནི་ཆར་སྤྲིན་བརྒྱད་ཡིན་ཏེ། །བསྐྱེད་རིམ་རྣམ་རྟོག་མི་མངའི་རྟགས། །
དུར་ཁྲོད་བརྒྱད་ནི་ནང་ན་གནས། །རྩ་རླུང་ངོ་བོ་ཤེས་པ་རྒྱས། །དེ་ཕྱིར་ནང་གི་ཤིང་བརྒྱད་གནས། །རགས་པའི་གདུག་པ་འདུལ་བའི་ཕྱིར། །ནང་ན་ཀླུ་བརྒྱད་ཡང་དག་གནས། །བདག་སྤྱོད་གཞན་ཡང་སྤྱོད་པའི་ཕྱིར། །

87-1-56a

ཆར་སྤྲིན་བརྒྱད་ནི་ནང་དུ་གནས། །དེ་ནས་གསང་བའི་དུར་ཁྲོད་ཀྱང་། །སྣ་རྩེར་རྩ་བརྒྱད་དུར་ཁྲོད་བརྒྱད། །ལྟེ་བར་རྩ་བརྒྱད་ཤིང་བརྒྱད་དོ། །སྙིང་གར་རྩ་བརྒྱད་ཕྱོགས་སྐྱོང་བརྒྱད། །མགྲིན་པར་རྩ་བརྒྱད་ཀླུ་བརྒྱད་
དེ། །སྤྱི་བོར་རྩ་བརྒྱད་ཆར་སྤྲིན་བརྒྱད། །གསང་བར་རྣམ་རྟོག་མི་མངའི་རྟགས། །དུར་ཁྲོད་བརྒྱད་ནི་གསང་བར་གནས། །ཐམས་ཅད་བདེ་བར་སྣང་བའི་ཕྱིར། །གསང་བར་ཤིང་བརྒྱད་ཡང་དག་གནས། །ཕྲ་བའི་མཚན་མའི་
རྣམ་རྟོག་གི། །གདུག་པ་འཇོམས་ཕྱིར་ཀླུ་བརྒྱད་དགོད། །བདེ་བས་བདག་སྤྱོད་གཞན་སྦྱོར་བས། །དེ་ཡི་ཕྱིར་ན་ཆར་སྤྲིན་དགོད། །དེ་ནས་བཞི་པའི་དུར་ཁྲོད་ཀྱང་། །རྣམ་ཤེས་བརྒྱད་ནི་དེ་ཉིད་བརྒྱད། །དུར་ཁྲོད་བརྒྱད་
དུ་ངེས་པའོ། །དུར་ཁྲོད་སོགས་བརྒྱད་དེ་ཉིད་ཤིང་། །ལྷག་མ་གསུམ་དང་ཚོར་ཚོགས་ལྔ། །བརྒྱད་ནི་ཕྱོགས་སྐྱོང་བརྒྱད་དུ་ངེས། །ཉོན་མོངས་དྲུག་དང་དེ་ཡི་གཉིས། །བརྒྱད་པོ་དག་ནི་ཀླུ་བརྒྱད་དོ། །ལྔ་དང་བཞི་དག་
གསུམ་དག་ནི། །དེ་དག་བཞི་པའི་ཆར་སྤྲིན་བརྒྱད། །གཟུང་འཛིན་རྣམ་རྟོག་མི་མངའི་རྟགས། །བཞི་པ་ཡི་ནི་དུར་ཁྲོད་བརྒྱད། །སྟོབས་སོགས་མཁྱེན་པའི་ཡོན་ཏན་རྒྱས། །རྟགས་སུ་ཤིང་བརྒྱད་ངེས་པའོ། །རྣམ་
རྟོག་གདུག་པ་འདུལ་བ་ཡི། །རྟགསུ་ཀླུ་བརྒྱད་ངེས་པའོ། །གཟུགས་སྐུ་གཉིས་ཀྱིས་སེམས་ཅན་གྱི། །དོན་མཛད་རྟགསུ་ཆར་སྤྲིན་བརྒྱད། །ཕྱོགས་སྐྱོང་བླ་མའི་ཞལ་ནས་ཤེས། །དེ་དག་ཀུན་གྱི་བྱེ་བྲག་ཀྱང་། །བླ་མའི་
ཞལ་ནས་ཤེས་པར་བྱ། །རྒྱུན་ཆགས་ཕྱྀ་ནང་རྒྱུད་ཅེས་བྱ། །རྒྱལ་པོ་ཁྱད་པར་འཕགས་པའོ། །གཞན་ཡང་ང་ཡིས་གསུངས་པའྀ་བཀའ། །གསུང་གཅྀག་ཉིད་དུ་གསུངས་གྱུར་ཀྱང་། །དུ་མ་ཉིད་དུ་སོ་སོར་སྣང་། །ཆོས་
ཚུལ་དུ་མའི་བྱེ་བྲག་དང་། །མོས་པ་དུ་མའི་བྱེ་བྲག་དང་། །འདུ་ཤེས་དུ་མའི་བྱེ་བྲག་གིས། །ཐེག་པའི་མཐའ་ལ་ཐུག་པ་མེད། །སེམས་གཟུང་ཡན་ལག་བསམ་མི་ཁྱབ། །ང་ཡི་རྗེས་སུ་འབྲང་བ་ཡི། །བླ་མ་ས་རབ་

87-1-56b

ནོན་པ་དང་། །དེ་ཉིད་བཅུ་ལྡན་མངོན་ཤེས་སྐྱེས། །དེ་གསུང་བཅུ་དྲུག་མཐའ་ཡི་བར། །རིག་པའི་གནས་ལྔ་མཁས་པས་སྦྱང་། །མཁའ་འགྲོ་མ་ཡི་ལུང་བསྟན་པས། །བརྩམས་ལ་བཞི་ཡི་མཐའ་ཡིས་ངེས། །དེ་ལྟའི་མན་
ངག་མ་ཐོབ་བར། །སྔགས་ཀྱི་ལྟ་སྤྱོད་གང་སྤྱོད་པ། །རང་ཡང་ཕུང་ལ་གཞན་ཡང་ཕུང་། །མཐོང་བའི་ཆོས་ལ་དམྱལ་སོགས་འཚེད། །དེ་བས་དངོས་གྲུབ་འདོད་པ་ཡིས། །བླ་མ་དམ་པ་མཉེས་བྱས་ཏེ། །མན་ངག་དམ་
པ་བླང་བར་བྱ། །ངེས་པའི་ལྟ་སྤྱོད་མ་རྙེད་བར། །གསང་བའི་ལྟ་དང་སྤྱོད་པ་དང་། །མོས་པའི་རྗེས་སུ་གང་བྱེད་དང་། །ཉོན་མོངས་ཟིལ་ནོན་ལ་སོགས་དག །གསང་སྔགས་ལྟ་བུར་སྤྱད་པ་སྤྱོད། །འདི་དག་རྐུན་པོ་མ་
རུངས་པ། །མཐོང་བའི་ཆོས་ལ་དམྱལ་བར་སྐྱེ། །དང་པོ་སྲིད་པ་སྐྱེ་བ་ཡང་། །ཡར་ངོ་མར་ངོ་མཚམས་དང་གསུམ། །སིཧླའི་དང་པོ་ཐ་མ་དང་། །འབྲས་བུ་སྲེད་པ་སྐྱེ་བ་ཡི། །དུས་དེར་ཀུན་དུ་རུ་བྱེད་ན། །འབྱུང་བའི་རླུང་
གི་ནང་ཞུགས་ན། །ནད་གཞི་བསྡུས་ཤིང་ནད་གཞི་སྐྱེད། །སྲོག་དང་ཚངས་པར་སྤྱོད་པ་འབྱུང་། །དེ་ལ་འདོད་པའི་མཚོན་ཆས་ནི། །གཡེང་བ་མེ་དང་གཏར་ཀ་བྱ། །ཕྱི་ནས་རིགས་ཀྱི་བདག་པོས་སོ། །སྲིད་པར་སྐྱེ་བའྀ་
དུས་ཚོད་ཀྱང་། །རྒྱུན་ཆད་ཞག་གསུམ་ཞག་ལྔ་དང་། །བདུན་དང་དགུ་ཡི་དུས་རྣམས་སྤང་། །དེ་ལྟར་རྒྱུད་མཆོག་རྒྱལ་པོའྀ་དོན། །ཁྱོད་ལ་གཏད་ཀྱིས་ལེགས་པར་ཟུང་། །དེ་ནས་འཁོར་ཐམས་ཅད་དགའ་ཞིང་མགུ་སྟེ་
རྗེས་སུ་ཡི་རང་པར་གྱུར་ཏོ། །དཔལ་དུར་ཁྲོད་རྒྱན་གྱི་རྒྱུད་ཀྱི་རྒྱལ་པོ་རྫོགས་སྷོ།།    །། པཎྜི་ཏ་གཱ་ཡ་དྷ་ར་དང་།  ལོ་ཙྪ་་བ་དགེ་སློང་ཤཱཀྱ་ཡེ་ཤེས་ཀྱིས་བསྒྱུར་བའོ། །
༄། །རྒྱ་གར་སྐད་དུ།   ཤྲཱི་བཛྲ་རཱ་ཛ་མ་ཧཱ་ཏནྟྲ།   བོད་སྐད་དུ།   དཔལ་རྡོ་རྗེ་རྒྱལ་པོ་ཆེན་པོའྀ་རྒྱུད།  དཔལ་སྡོམ་པའི་རྒྱལ་པོ་ལ་ཕྱག་འཚལ་ལོ། །འདི་སྐད་བདག་གིས་ཐོས་པ་དུས་གཅིག་ན། བཅོམ་ལྡན་

87-1-57a

འདས་དེ་བཞིན་གཤེགས་པ་ཐམས་ཅད་ཀྱི་སྐུ་དང་། གསུང་དང་། ཐུགས་རྡོ་རྗེ་བཙུན་མོའི་བྷ་ག་ལ་རྡོ་རྗེ་སྙིང་པོ་ལ་སོགས་པའི་དཔའ་བོ་མཁའ་འགྲོ་གྲངས་མེད་པ་དང་ཐབས་ཅིག་ཏུ་བཞུགས་པའི་དུས་
སུ་ཕྱི་ནང་གསང་བ་བླ་ན་མེད་པའི་མཆོད་པས་མཆོད་ནས། བཅོམ་ལྡན་འདས་ལ་མངོན་དུ་ཕྱོགས་པ་དང་། བཅོམ་ལྡན་འདས་ཞལ་འཛུམ་པ་མཛད་དེ། རྡོ་རྗེ་སྙིང་པོ་ལ་སོགས་པས་གསོལ་པ། རྡོ་རྗེ་གང་ལགས་
ཆེན་པོ་གང་། །རྒྱུད་ནི་གང་ལགས་རྒྱལ་པོ་གང་། །བཅོམ་ལྡན་འདས་ཀྱིས་བཀའ་སྩལ་པ། །དོན་གྱི་རྡོ་རྗེ་རྣམ་པ་བཞི། །དབང་བཞིའི་གྲངས་སུ་ཤེས་པར་བྱ། །རྣམ་རྟོག་འཇོམས་ཕྱིར་རྡོ་རྗེ་སྟེ། །དེ་ལ་
རྣམ་པ་བཞི་ཡིན་ཏེ། །ཕྱི་ནང་གསང་བ་རབ་གསང་གཉིས། །རྩེ་གསུམ་རྩེ་གཅིག་རྩེ་ལྔ་པ། །རྩེ་དགུ་པ་ནི་ཉིད་ཡིན་ནོ། །བཅུ་གཉིས་དེ་ཉིད་རྡོ་རྗེ་སྟེ། །རྟགས་ཀྱི་རྡོ་རྗེ་བཞི་ཡིན་ནོ། །གཉིས་སུ་མེད་པ་རྩེ་གཅིག་
པས། །རྣམ་རྟོག་ཐམས་ཅད་སྤངས་པ་ཡིན། །རྩེ་གསུམ་སྐུ་གསུང་ཐུགས་ཡིན་ཏེ། །འདོད་ཆགས་ཞེ་སྡང་གཏི་མུག་གསུམ། །འཇོམས་པའི་ཕྱྀར་ན་བཤད་པ་ཡིན། །རྩེ་ལྔ་ཡེ་ཤེས་ལྔ་ཡི་རྟགས། །མེ་ལོང་
མཉམ་ཉིད་སོ་སོར་རྟོག །བྱ་བ་ནན་ཏན་ཆོས་དབྱིངས་ཤེས། །ཉོན་མོངས་ལྔ་ནི་སྤངས་པ་སྟེ། །ཞེ་སྡང་ང་རྒྱལ་འདོད་ཆགས་དང་། །ཕྲག་དོག་གཏི་མུག་འཇོམས་པར་བྱེད། །རྡོ་རྗེ་རྩེ་དགུ་གང་ཡིན་པ། །ཡེ་ཤེས་
རྩེ་དགུ་བཤད་པ་སྟེ། །ཁམས་གསུམ་ས་དགུ་འཇོམས་པར་བྱེད། །འདོད་ཁམས་གཟུགས་ཁམས་གཟུགས་མེད་ཁམས། །ཉན་ཐོས་རང་རྒྱལ་བྱང་ཆུབ་སེམས། །རིག་འཛིན་སངས་རྒྱས་ཡེ་ཤེས་ཆེ། །
ས་དགུ་ལ་ནི་གང་སྒྲིབ་པའི། །སྒྲིབ་པ་སྦྱོང་བར་བྱེད་པ་ཡི། །རྡོ་རྗེ་རྩེ་དགུར་བསྟན་པ་ཡིན། །རྡོ་རྗེ་རྩེ་མོ་བཅུ་གཉིས་པ། །འཁོར་བའི་རྟེན་འབྲེལ་བཅུ་གཉིས་ཀྱི། །སྤོང་བའི་ཡེ་ཤེས་བཅུ་གཉིས་ཡིན། །

87-1-57b

མ་རིག་པ་ལས་འདུ་བྱེད་དེ། །འདུ་བྱེད་རྐྱེན་གྱིས་རྣམ་པར་ཤེས། །མིང་དང་གཟུགས་དང་སྐྱེ་མཆེད་དྲུག །རེག་དང་ཚོར་དང་སྲེད་དང་ལེན། །སྲིད་པ་སྐྱེ་དང་རྒ་ཤི་སྟེ། །དེ་རྣམས་སྤོང་བའི་གཉེན་པོ་སྟེ། །ཆོས་
ཀྱི་ཡེ་ཤེས་མངོན་དུ་བྱ། །དེ་ལས་ཡེ་ཤེས་དྲུག་རང་བཞིན། །དེ་ལས་སྐུ་གསུང་ཐུགས་ངོ་བོ། །དེ་ལས་སྐྱེ་མཆེད་དྲུག་སངས་རྒྱས། །དེ་ལས་གཉིས་མེད་རེག་པ་ནི། །དེ་ལས་ཉམས་མྱོང་བདེ་ཆེན་པོ། །རང་རིག་
དེ་ཉིད་སྲེད་པ་སྟེ། །ཆོས་ཀུན་སྟོན་བྱེད་ལེན་པ་སྟེ། །སྲིད་པ་ལོངས་སྤྱོད་རྫོགས་སྐུ་ཡིན། །སྐྱེ་བ་སྤྲུལ་པའི་སྐུ་རུ་བཤད། །རྒ་ཤི་རྒྱུན་དང་མྱ་ངན་འདས། །འོད་གསལ་སྟོང་ཆེན་ངང་དུ་ཐིམ། །དེ་ཕྱིར་རྡོ་རྗེ་བཅུ་
གཉིས་པ། །རྫས་ཀྱི་རྡོ་རྗེ་བཞི་ཡིན་ཏེ། །འབིགས་ཤིང་རྣོ་བ་ཟུར་གསུམ་སྟེ། །གྲུ་བཞིས་རྫས་རྣམས་བརྡར་བྱས་པས། །འཇམ་ཞིང་དང་ལ་འཇོམས་པར་བྱེད། །ཕ་ལམ་ཟླུམ་པོས་རྩུབ་པ་འཇོམས། །ཟུར་
ལྔས་ཐམས་ཅད་ཅི་དགར་བྱེད། །དེ་ནས་ཆེན་པོའི་དོན་བཤད་དེ། །དམྱིགས་དང་བསམ་པ་སྤྱོད་པ་དང་། །བརྟུལ་ཞུགས་བརྩོན་འགྲུས་སྨོན་ལམ་དང་། །དེ་བཞིན་ཡེ་ཤེས་ཆེན་པོ་སྟེ། །རེ་རེ་ལ་ཡང་བདུན་བདུན་སྦྱར། །
དེ་ཕྱིར་ཆེན་པོ་ཞེས་ནི་བསྟན། །རྒྱུད་ནི་རྣམ་པ་ལྔ་ཡིན་ཏེ། །ཕྱི་དང་ནང་དང་གསང་བ་དང་། །རབ་ཏུ་གསང་དང་གསང་བ་ཆེ། །དེ་རྣམས་རྒྱུན་དུ་གནས་པ་ལ། །རྒྱུ་ཡི་རྒྱུད་དུ་བསྟན་པ་ཡི། །དེ་རྣམས་དོན་ནི་ཇི་བཞིན་
རྟོགས། །འབྲས་བུའི་རྒྱུད་དུ་བསྟན་པ་ཡིན། །རྒྱུ་དང་འབྲས་བུ་གཉིས་མེད་པ། །རྒྱུ་ནི་གཉིས་སུ་མེད་པ་ཡི། །རང་རིག་ཡེ་ཤེས་མཐར་ཐུག་པ། །མཐར་ཐུག་བླ་ན་མེད་པའི་རྒྱུད། །རྒྱལ་པོ་ལ་ཡང་ལྔ་ཡིན་ཏེ། །ཕྱི་ནང་གསང་
དང་རབ་ཏུ་གསང་། །ཤིན་དུ་གསང་བ་ཆེན་པོ་སྟེ། །དེ་རྣམས་དོན་ལ་དབང་བསྐུར་དང་། །དེ་ཡི་མི་མཐུན་ཕྱོགས་འཇོམས་ཕྱིར། །དེ་ཕྱིར་རྒྱལ་པོ་ལྔ་རུ་བསྟན། །རྡོ་རྗེ་སྙིང་པོས་ཡང་གསོལ་པ། །བཅོམ་ལྡན་འདས་

87-1-58a

ནི་ཇི་ལྟར་ལགས། །དེ་བཞིན་གཤེགས་པ་ཐམས་ཅད་ཀྱི། །སྐུ་གསུང་ཐུགས་ནི་ཇི་ལྟར་ལགས། །བཙུན་མོའི་བྷ་ག་ཇི་ལྟར་ལགས། །རྡོ་རྗེ་གང་ལགས་སྙིང་པོ་གང་། །དཔའ་བོ་གང་ལགས་མཁའ་
འགྲོ་གང་། །དཔག་ཏུ་མེད་པ་ཇི་ལྟར་ལགས། །ཐབས་གཅིག་བཞུགས་པ་ཇི་ལྟར་ལགས། །ཕྱི་ནང་གསང་བ་བླ་མེད་པའི། །མཆོད་ནས་ཞེས་པ་ཇི་ལྟར་ལགས། །མངོན་ཕྱོགས་འཁོད་པ་ཇི་ལྟར་ལགས། །ཞལ་
འཛུམ་མཛད་པ་ཇི་ལྟར་ལགས། །གཟིགས་པ་ཞེས་པ་ཇི་ལྟར་ལགས། །བཅོམ་ལྡན་འདས་ཀྱིས་བཀའ་སྩལ་པ། །ཉོན་མོངས་དང་ནི་འཆི་བདག་བདུད། །ཕུང་པོའྀ་བདུད་དང་ལྷ་ཡི་བདུད། །བདུད་བཞི་བཅོམ་པས་
བཅོམ་པའོ། །ལྡན་པ་ཡོན་ཏན་དྲུག་ལྡན་ཕྱིར། །དབང་ཕྱུག་དང་ནི་གཟུགས་བཟང་དང་། །དཔལ་དང་གྲགས་དང་སྐལ་བ་བཟང་། །ཡེ་ཤེས་ཕུན་སུམ་ཚོགས་པ་ལ། །དྲུག་པོ་དེ་ལྡན་ཞེས་བྱ་བ། །འཁོར་བའི་
ཆོས་ནི་མྱ་ངན་ཏེ། །དེ་ལྟར་བྲལ་ཕྱིར་འདས་པའོ། །འདས་པའི་དེ་བཞིན་གཤེགས་པ་ཀུན། །འགྲོ་བའི་དོན་མཛད་དེ་བཞིན་གཤེགས། །ཐམས་ཅད་དུས་གསུམ་སངས་རྒྱས་ཀྱི། །སྐུ་གསུང་ཐུགས་ཀྱི་ངོ་བོར་
བཅས། །བཙུན་མོ་ཞེས་བྱ་ཆོས་ཀྱི་དབྱིངས། །དེ་ལས་བྱུང་ཕྱིར་བྷ་ག་སྟེ། །དབྱེར་མི་ཕྱེད་པས་བཞུགས་པར་བཤད། །རྡོ་རྗེ་ཆོས་རྣམས་འཇིགས་པ་ཆེ། །སྙིང་པོ་ཡེ་ཤེས་ཆེན་པོ་སྟེ། །སོགས་པ་མང་པོའྀ་དོན་ཡིན་
ཡིན་ཏེ། །དཔའ་བོ་ཞེས་པ་རྣམ་པ་ལྔ། །ཕྱི་ནང་གསང་བ་ལ་སོགས་ཀྱི། །རྣམ་པར་རྟོག་པ་འཇོམས་ཕྱིར་ཡིན། །མཁའ་ལ་འགྲོ་བས་མཁའ་འགྲོ་སྟེ། །རྩ་སོགས་ལ་ཡང་ཤེས་པར་བྱ། །ཐམས་ཅད་དེ་ལས་བྱུང་བའི་
ཕྱིར། །མ་ཞེས་ང་ཡིས་གསུངས་པ་ཡིན། །དེ་ཡི་དོན་ལ་མི་དཔོགས་པས། །དེ་ཡི་ཕྱིར་ན་དཔག་ཏུ་མེད། །ཐབས་གཅིག་བཞུགས་ཞེས་བྱ་བ་འདི། །དེ་ཉིད་དོན་དང་དབྱེར་མེད་ཕྱིར། །གཅིག་གི་དོན་དུ་བཤད་པའོ། །

87-1-58b

གཉིས་པ་མ་ཡིན་དེ་དུས་སུ། །ཕྱི་ནང་མ་ཡིན་མཆོད་པ་ནི། །ཕྱི་ཡི་མཆོད་པ་བཤད་པར་བྱ། །མེ་ཏོག་བདུག་པ་མར་མེ་དང་། །དྲི་དང་ལྷ་བཤོས་བཏུང་བ་དང་། །རོལ་མོ་སིལ་སྙན་དབྱངས་ཉིད་དང་། །སྒེག་དང་རྒོད་དང་གར་ཉིད་དང་། །
རྟ་དང་གླང་པོ་རིན་ཆེན་སོགས། །དེ་ནས་ནང་གི་མཆོད་པ་ནི། །བྷ་ག་བཙུམས་ལ་ཀུ་ཙ་བཙིར། །བདུད་རྩྀ་ལྔ་དང་བཏུང་བ་ལྔ། །བྱང་ཆུབ་སེམས་དང་ལྡན་བྱས་ཏེ། །ཕུང་པོ་ཁམས་དང་སྐྱེ་མཆེད་རྣམས། །དེ་ལ་སོགས་པས་མཆོད་པར་
བྱ། །དེ་ནས་གསང་བའི་མཆོད་པ་ནི། །རྩ་དང་རླུང་དང་ཐིག་ལེ་སྟེ། །དེ་ཉིད་གཉིས་མེད་བདེ་བ་ཡིས། །རྩ་དང་རླུང་སོགས་ཐིག་ལེས་མཆོད། །དེ་ནས་རབ་གསང་མཆོད་པ་ནི། །དང་པོ་དགའ་དང་མཆོག་དགའ་དང་། །དགའ་བྲལ་དེ་བཞིན་ལྷན་སྐྱེས་དགའ། །བདེ་བའི་ཁྱད་པར་
དེ་ཉིད་ཀྱིས། །རང་བཞིན་དགའ་སོགས་ཐམས་ཅད་མཆོད། །དེ་ནས་བླ་མེད་མཆོད་པས་ནི། །རང་རིག་སྟོང་པར་རྟོགས་པ་ཡིས། །འོད་གསལ་དེ་ཉིད་ཆོས་ཀྱི་སྐུ། །དེ་ཉིད་བླ་མེད་མཆོད་པ་མཆོག ། བཅོམ་ལྡན་འདས་ཀྱིས་
དེ་སྐད་ཅེས་བཀའ་སྩལ་ནས། རྡོ་རྗེ་སྙིང་པོ་ལ་སོགས་པའི་འཁོར་རྣམས་དགའ་ཞིང་མགུ་ནས་རྗེས་སུ་ཡི་རངས་པར་གྱུར་ཏེ། གཡོན་ཕྱོགས་ནས་བསྐོར་བ་བྱས་ནས་སོ་སོའྀ་རྫུ་འཕྲུལ་གྱིས་མི་སྣང་བར་གྱུར་ཏོ། །དཔལ་འཁོར་ལོ་
སྡོམ་པ་རྡོ་རྗེ་རྒྱལ་པོའྀ་རྒྱུད་རྫོགས་སྷོ།། །། རྣལ་འབྱོར་མ་ཙནྡྲ་མཱ་ལེ་དང་། ལོ་ཙྪ་བ་དགེ་སློང་ཤཱཀྱ་ཡེ་ཤེས་ཀྱིས་བསྒྱུར་བའོ། །
༄༅། །རྒྱ་གར་སྐད་དུ།   ཤྲཱི་ཛྙཱ་ན་ཨཱ་ཤ་ཡ་ཏནྟྲ་རཱ་ཛ།   བོད་སྐད་དུ།   དཔལ་ཡེ་ཤེས་བསམ་པའི་རྒྱུད་ཀྱི་རྒྱལ་པོ།  དཔལ་རྡོ་རྗེ་སེམས་དཔའ་ལ་ཕྱག་འཚལ་ལོ། །འདི་སྐད་བདག་གིས་ཐོས་པ་དུས་གཅིག་ན། 
བཅོམ་ལྡན་འདས་དཔའ་བོ་དང་མཁའ་འགྲོ་མའི་འཁོར་གྲངས་མེད་པ་དང་། ཡེ་ཤེས་གསང་བའི་གནས་ན་ཐབས་གཅིག་ཏུ་བཞུགས་པའི་དུས་སུ་དཔའ་བོ་ཡེ་ཤེས་མཁའ་འགྲོ་ཞེས་བྱ་བས་བཅོམ་ལྡན་འདས་ཀྱི་

87-1-59a

ཞབས་ལ་སྤྱི་བོས་གཏུགས་ཏེ། ཐལ་མོ་སྦྱར་ནས་གསོལ་པ། བཅོམ་ལྡན་ཡེ་ཤེས་མངའ་བདག་ཆེ། །ཡེ་ཤེས་ཀྱི་ནི་རང་བཞིན་དང་། །ཡེ་ཤེས་སྐྱེ་གནས་གང་དང་གང་། །རྒྱལ་པོ་ཇི་ལྟར་ལགས་པ་
དང་། །གང་ལ་དབང་བྱེད་གང་གིས་འདུལ། །དེ་ཉིད་བདག་ལ་བཤད་དུ་གསོལ། །བཅོམ་ལྡན་འདས་ཀྱིས་བཀའ་སྩལ་པ། །དཔའ་བོ་ཡེ་ཤེས་མཁའ་འགྲོ་ཉོན། །ཡེ་ཤེས་ཞེས་བྱ་རྣམ་པ་ལྔ། །དེ་ཉིད་དོན་ལ་ཤེས་
པ་དང་། །ལོག་རྟོག་ཤེས་པས་མ་བསྒྲིབས་ཕྱིར། །སྤྱི་བོའི་ཡེ་ཤེས་བཤད་པའོ། །མེ་ལོང་ཡེ་ཤེས་མཉམ་ཉིད་དང་། །སོ་སོར་རྟོག་དང་བྱ་ནན་ཏན། །ཆོས་དབྱིངས་ཡེ་ཤེས་ལྔ་པའོ། །དེ་ལ་མེ་ལོང་ཡེ་ཤེས་ནི། །
དཔེར་ན་གཡའ་དག་མེ་ལོང་ལ། །གཟུགས་བརྙན་གསལ་བར་སྣང་བ་བཞིན། །དེ་བཞིན་སེམས་ཀྱི་མེ་ལོང་ལ། །ཉོན་མོངས་གཡས་ནི་དག་བྱས་ན། །ཆོས་རྣམས་གཟུགས་བརྙན་སྒྱུ་མར་མཐོང་། །སེམས་ཀྱི་
མེ་ལོང་གང་ཡིན་ལ། །སྒྱུ་མ་ཙམ་དུ་སྣང་བ་དེ། །ཐ་དད་མི་ཕྱེད་མཉམ་ཡེ་ཤེས། །མཉམ་ཉིད་ཡེ་ཤེས་གང་ཡིན་པ། །ཀུན་རྫོབ་སྒྱུ་མ་ཙམ་དེ་ནི། །ལས་དང་མཚན་ཉིད་མ་འདྲེས་པ། །དེ་ཉིད་སོ་སོར་རྟོག་ཡེ་ཤེས། །
དེ་ཉིད་ནན་ཏན་སྒྲུབ་བྱེད་དེ། །དེ་ཉིད་དོན་གྲུབ་ཡེ་ཤེས་ཏེ། །ཐམས་ཅད་ཆོས་དབྱིངས་གཞན་མིན་ཏེ། །དེ་ཕྱིར་ཆོས་དབྱིངས་ཡེ་ཤེས་ཡིན། །ཡེ་ཤེས་སྐྱེ་གནས་གང་ཡིན་པ། །ཁ་སྦྱོར་དབུས་ཀྱི་རྩ་བརྒྱད་དོ། །དབྱིངས་
དང་ཡེ་ཤེས་གཉིས་མེད་ཚུལ། །ཤར་དང་ལྷོ་དང་ནུབ་དང་བྱང་། །ཡེ་ཤེས་བཞི་པོ་སྐྱེ་བའི་གནས། །དེ་དག་ཀུན་འདུས་ལྟེ་བ་ནི། །ཆོས་དབྱིངས་ཡེ་ཤེས་སྐྱེ་བའི་གནས། །མེ་ལོང་ཡེ་ཤེས་མཉམ་ཉིད་དང་། །སོ་སོར་རྟོག་དང་
བྱ་བ་གྲུབ། །ཆོས་དབྱིངས་ཡེ་ཤེས་ལ་སོགས་པ། །བདག་པོ་བྱེད་པའི་ཕྱིར་དང་ནི། །ཞེ་སྡང་དང་ནི་ང་རྒྱལ་དང་། །འདོད་ཆགས་དང་ནི་ཕྲག་དོག་དང་། །དེ་བཞིན་གཏི་མུག་ལ་སོགས་པའི། །ཉོན་མོངས་ཐམས་ཅད་འཇོམས་

87-1-59b

པའི་ཕྱིར། །རྒྱལ་པོ་ཞེས་ནི་བསྟན་པ་ཡིན། །ཡེ་ཤེས་མཁའ་འགྲོས་ཡང་གསོལ་པ། །བྱང་ཆུབ་སེམས་ནི་ཇི་ལྟར་ལགས། །དེ་ཉིད་དབྱེ་བ་གང་ལགས་དང་། །དེ་ཡི་གནས་དང་གཟུང་བའི་གནས། །ངེས་པར་བཟློག་པའི་ཚུལ་
ཉིད་དང་། །དེ་ཉིད་ཀྱི་ནི་འབྲས་བུ་དང་། །རྟགས་དང་ཡོན་ཏན་གང་ལགས་པ། །དེ་ཉིད་བདག་ལ་བཤད་དུ་གསོལ། །བཅོམ་ལྡན་འདས་ཀྱིས་བཀའ་སྩལ་པ། །བྱང་ཆུབ་སེམས་ནི་རང་རིག་སྟེ། །དབྱེ་བའི་དོན་ནི་གཉིས་སུ་
བསྟན། །དེ་ཡི་གནས་ནི་རྩ་ཡིན་ཏེ། །གཟུང་བ་རིག་པའི་འཁོར་ལོར་ཏེ། །ངེས་པར་བཟློག་པའི་ཐབས་དག་ནི། །གོ་བཟློག་པ་ཡི་ཚུལ་ཡིན་ནོ། །དེ་ཉིད་འབྲས་བུ་གཉིས་མེད་རྟོགས། །རྟགས་ནི་ལུས་ལ་ཁྲག་བྱུང་
དང་། །བ་སྤུ་ལངས་དང་འདར་བ་དང་། །ཁ་ཟས་དད་ཆུང་ལུས་ཡང་དང་། །སྐྲ་དཀར་གཉེར་མ་དེངས་པ་དང་། །ལེ་ལོ་མེད་དང་བརྩོན་འགྲུས་ལྡན། །དེ་ལ་སོགས་པའི་རྟགས་རྣམས་འགྲུབ། །དེ་ནས་ཡོན་ཏན་བཤད་
པ་ནི། །རྐང་མགྱོགས་ས་སྟེང་ས་འོག་གི། །འཇིག་རྟེན་དངོས་གྲུབ་གང་ཡིན་དང་། །འཇིག་རྟེན་ལས་འདས་ཐོབ་པར་འགྱུར། །གཉིས་མེད་བྱང་ཆུབ་སེམས་ཀྱི་གནས། །རང་རིག་འོད་གསལ་དེ་ཉིད་ང་། །ཡེ་
ཤེས་རང་བཞིན་གནས་ཡིན་ཏེ། །རྟགས་ནི་འོད་གསལ་དེ་ཉིད་དོ། །འབྲས་བུ་ཆོས་སྐུ་འཆང་ཆེན་པོའྀ། །ས་ནི་ངེས་པར་ཐོབ་པའོ། །རྣལ་འབྱོར་སེམས་གཟུང་བསྒོམ་པ་བརྟག །ལུས་སེམས་ཚགས་སུ་བཅུག་
ནས་ནི། །རང་གི་སེམས་ཀྱི་དེ་ཉིད་ལ། །དེ་ཉིད་དབྱེར་མེད་བསྒོམ་པར་བྱ། །དེ་ཡིས་ཐོབ་མེད་འབྲས་བུ་ཐོབ། །བཅོམ་ལྡན་འདས་ཀྱིས་དེ་སྐད་ཅེས་བཀའ་སྩལ་པ་དང་། ཡེ་ཤེས་མཁའ་འགྲོ་ལ་སོགས་པའི་
འཁོར་ཐམས་ཅད་རྗེས་སུ་ཡི་རང་ནས་དེ་ཁོ་ན་ཉིད་བླ་ན་མེད་པའི་མཆོད་པས་མཆོད་དེ་མི་སྣང་བར་གྱུར་ཏོ། །དཔལ་འཁོར་ལོ་སྡོམ་པ་ཡེ་ཤེས་བསམ་པའི་རྒྱུད་ཀྱི་རྒྱལ་པོ་རྫོགས་སྷོ།། །།

87-1-60a

པཎ་ཌི་ཏ་གཱ་ཡ་དྷ་ར་དང་། ལོ་ཙྪ་བ་དགེ་སློང་ཤཱཀྱ་ཡེ་ཤེས་ཀྱིས་བསྒྱུར་བའོ། ། རྒྱ་གར་སྐད།  ཤྲཱི་རཱ་ག་རཱ་ཛ་ཏནྟྲ་རཱ་ཛ།   བོད་སྐད་དུ།   དཔལ་ཆགས་པའི་རྒྱལ་པོའི་རྒྱུད་ཀྱི་རྒྱལ་པོ།  དཔལ་
རྡོ་རྗེ་མཁའ་འགྲོ་ལ་ཕྱག་འཚལ་ལོ། །འདི་སྐད་བདག་གིས་ཐོས་པ་དུས་གཅིག་ན། བཅོམ་ལྡན་འདས་དེ་བཞིན་གཤེགས་པ་ཐམས་ཅད་ཀྱི་སྐུ་དང་གསུང་དང་ཐུགས་རྡོ་རྗེ་བཙུན་མོའྀ་བྷ་ག་ལ་བཞུགས་སོ། །
དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་རྡོ་རྗེ་སྙིང་པོས་སྤོས་དང་མེ་ཏོག་ལ་སོགས་པའི་མཆོད་པས་མཆོད་ནས། ཧེ་ཧེ་དཔའ་བོ་འཇིགས་པ་ཆེ། །སེམས་ཅན་སངས་རྒྱས་རང་བཞིན་ནས། །མཚན་དང་དཔེ་
བྱད་གང་དང་གང་། །སྟོང་དང་དེ་བཞིན་རྣམ་ཐར་དང་། །བརྫུས་སྐྱེས་མངལ་སྐྱེས་རྒོང་སྐྱེས་དང་། །དྲོད་གཤེར་གཉིས་གསུམ་བཞི་ཆར་ཅི། །བཅོམ་ལྡན་འདས་ཀྱིས་བཀའ་སྩལ་པ། །ཨ་ནི་དབུ་ཡི་གཙུག་ཏོར་ཏེ། །ཨ་
ནི་དབུ་སྐྲ་གཡས་སུ་འཁྱིལ། །ཨི་ནི་དཔྲལ་བའི་དབྱེས་མཉམ་པ། །ཨཱི་ནི་སྨིན་མཚམས་མཛོད་སྤུ་སྟེ། །ཨུ་ནི་སྤྱན་སྨིག་མཐོན་མཐིང་ལ། །བ་ཡི་རྫི་མ་ལྟ་བུའོ། །ཨཱུ་ཚེམས་བཞི་བཅུ་མངའ་བ་སྟེ། །རི་རཱྀ་ཚེམས་
མཉམ་ཚེམས་ཐགས་བཟང་། །ལི་ལཱི་ཚེམས་དཀར་རོ་བྲོ་མཆོག །ཨེ་ནི་འགྲམ་པ་སེང་གེ་འདྲ། །ཨཻ་ལྗགས་ཤིན་དུ་སྲབ་པ་སྟེ། །ཨོ་ནི་ཚངས་པའི་དབྱངས་དང་ལྡན། །ཨཽ་ནྀ་དཔུང་མགོ་ཤིན་དུ་ཟླུམ། །ཨྃ་ནི་བདུན་
མཐོ་བ་རུ་གསུངས། །ཨཿནི་ཐལ་གོང་རྒྱས་པ་སྟེ། །འདི་དག་བཅུ་དྲུག་གཡས་སྐོར་རོ། །དེ་ནས་གཡོན་སྐོར་མཚམས་ནས་ཀྱང་། །ཨ་ནི་ལྤགས་སྲབ་མདོག་གསེར་འདྲ། །ཨཱ་ནི་བཞེངས་བཞིན་མ་
བཏུད་པར། །ཕྱག་གཉིས་པུས་མོ་སླེབ་པའོ། །ཨི་ནི་རོ་སྟོད་སེང་གེ་འདྲ། །ཨི་ནི་ཤིནྱ་གྲོ་ལྟ་བུར། །ཆུ་དང་ཞེང་ནི་གབ་པའོ། །ཨུ་ནི་མཛོད་སྤུ་གཡས་སུ་འཁྱིལ། །ཨཱུ་ནི་སྤུ་རྣམས་གྱེན་དུ་ཕྱོགས། །རི་འདོམས་

87-1-60b

སྦ་བ་སྦུབས་སུ་ནུབ། །རཱི་བརླ་ལེགས་པར་ཟླུམ་པའོ། །ལྀ་ནི་ཞབས་ལོང་ཚིགས་མི་མངོན། །ལཱྀ་ཎི་ཕྱག་ཞབས་འཇམ་ཞིང་གཞོན། །ལཱྀ་ནི་ཕྱག་མཐིལ་ཞབས་ཀྱི་མཐིལ། །འཇམ་ཞིང་གཞོན་ཤ་རྒྱས་པའོ། །
ཨེ་ནི་ཕྱག་ཞབས་དྲ་བས་འབྲེལ། །ཨཻ་ནི་སེན་མོ་རིང་བ་སྟེ། །ཨོ་ནི་ཕྱག་དང་ཞབས་མཐིལ་ལ། །འཁོར་ལོ་དང་ནི་ལྡན་པ་ཡིན། །ཨཽ་ནྀ་ཞབས་ནི་ཤིན་དུ་གནས། །ཨྃ་ཞབས་རྟིང་པ་ཡངས་པ་སྟེ། །ཨཿནི་བྱིན་པ་
རི་དགས་ནི། །ཨེ་ན་ཡ་ཡི་ལྟ་བུ་སྟེ། །སྤྱི་བོའྀ་མི་ཤིགས་སྙིང་པོ་ཧྃ། །སྟོན་པ་སུམ་བཅུ་རྩ་གཉིས་མཚན། །ཀ་ནི་སེན་མོ་ཟངས་མདོག་འདྲ། །ཁ་ནི་སེན་མོ་མདོག་སྣུམ་པ། །ག་ནི་སེན་མོ་མཐོ་བ་སྟེ། །གྷ་ནི་
སོར་མོ་རྣམས་ཟླུམ་པ། །ང་ནི་སོར་མོ་རྣམས་རྒྱས་པ། །ཙ་ནི་སོར་རྣམས་བྱིན་གྱིས་ཕྲ། །ཚ་ནི་རྩ་རྣམས་མི་མངོན་པ། །ཛ་ནི་རྩ་མདུད་མེད་པ་ཡིན། །ཛྷ་ནི་ལོང་བུ་མི་མངོན་པ། །ཉ་ནི་ཞབས་མི་མཉམ་པ་མེད། །
ཊ་ནི་སེང་གེའི་སྟབས་སུ་གཤེགས། །ཋ་ནི་གླང་པོའི་སྟབས་སུ་གཤེགས། །ཌ་ནི་ངང་པའི་སྟབས་སུ་གཤེགས། །ཌྷ་ནི་ཁྱུ་མཆོག་སྟབས་སུ་གཤེགས། །ཎ་ནི་གཡོན་ཕྱོགས་ལྡོག་ཅིང་གཤེགས། །ཏ་ནི་མཛེས་
པར་གཤེགས་པ་སྟེ། །ཐ་ནི་མི་གཡོ་བར་གཤེགས་པ། །ད་ནི་སྐུ་ལ་འཁྲིལ་བག་ཆགས། །དྷ་སྐུ་བྱི་དོར་བྱས་པ་འདྲ། །ན་སྐུ་རིམ་པར་འཚམ་པའོ། །པ་ནི་སྐུ་གཙང་ཕ་སྐུ་འཇམ། །བ་སྐུ་རྣམ་པར་དག་པའོ། །
བྷ་ནི་མཚན་རྫོགས་ངོ་བོ་ཉིད། །མ་སྐུ་ཁོ་ལགས་ཡངས་ཤིང་བཟང་། །ཡ་ནི་གོམ་པ་སྙོམས་པའོ། །ར་སྐུ་ཤིན་དུ་གཞོན་མདོག་ཅན། །ལ་ནི་སྐུ་ལ་འཁྲུལ་པ་མེད། །ཝ་ནི་སྐུ་ལུས་རྒྱས་པ་སྟེ། །ཤ་ནི་ཤིན་དུ་
གྲིམས་པའོ། །ཥ་ནི་ཡན་ལག་ཐམས་ཅད་མཛེས། །ས་གཟིགས་རབ་རིབ་མེད་ཅིང་དག །ཧ་དཀུ་ཟླུམ་པ་ཉིད་ཡིན་ཏེ། །ཀྵ་ནི་སྐུ་སྐབས་ཕྱེད་པའོ། །ཡ་ནི་སྐུ་སྙོམས་པ་ཡིན་ཏེ། །ར་ནི་ཕྱལ་ཕྱམ་མེད་པ་ཡིན། །

87-1-61a

ལ་ནི་ལྟེ་བ་ཟབ་པ་སྟེ། །ཝ་ནི་ལྟེ་བ་གཡས་སུ་འཁྱིལ། །དྷ་ནི་ཀུན་ནས་མཛེས་པ་སྟེ། །དྷ་ནི་ཀུན་སྤྱོད་གཙང་མ་ཡིན། །འདི་དག་ཐབས་ཀྱི་རང་བཞིན་གྱིས། །གཡས་ནས་བསྐོར་བ་བཞི་བཅུ་
ཡིན། །དེ་ནས་གཡོན་གྱྀས་བཞི་བཅུ་ནི། །ཀ་ནི་སྐུ་སྨེ་གནག་བག་མེད། །ཁ་ནི་ཤིང་བལ་ལྟར་འཇམ་ཕྱག །ག་ཕྱག་རི་མོ་མདངས་ཡོད་པ། །གྷ་ཕྱག་རི་མོ་ཟབ་པ་དང་། །ང་ཕྱག་རི་མོ་རིང་བའོ། །ཅ་
ཞལ་ཧ་ཅང་མི་རིང་བ། །ཚ་ཞལ་གཟུགས་ཀྱི་གཟུགས་བརྙན་སྣང་། །ཛ་ཛྷ་ལྗགས་མཉེན་ལྗགས་སྲབ་པ། །ཉ་ནི་ལྗགས་དམར་ངོ་བོ་སྟེ། །གླང་པོའྀ་ང་རོ་འབྲུག་སྒྲ་ཊ། །ཋ་ནི་གསུང་སྙན་མཉེན་འཇམ་པ། །
ཌ་ཌྷ་མཆེ་བ་ཟླུམ་དང་རྣོ། །ཎ་ཎི་མཆེ་དཀར་ཏ་ཚེམས་མཉམ། །ཐ་ནི་མཆེ་བ་བྱིན་གྱིས་ཕྲ། །ད་ཤངས་ཤིན་དུ་ཐོ་བ་དང་། །དྷ་ཤངས་ཤིན་དུ་གཙང་བའོ། །ན་ནི་སྤྱན་འོད་རྣམ་པར་དག །པ་ཕ་སྤྱན་བཟང་རྫི་མ་
སྟུག །བ་ནི་དཀར་ནག་ཕྱེད་པད་མའི། །འདབ་མའི་མདངས་འདྲ་པད་མའི་སྤྱན། །བྷ་ནི་དེ་བཞིན་སྨིན་མཚམས་རིང་། །མ་ཡ་སྨིན་མཚམས་སྨིན་སྤུ་མཉམ། །ར་ནི་དེ་བཞིན་སྨིན་མ་སྣུམ། །ལ་ནི་ཕྱག་
རིང་རྒྱས་པའོ། །དེ་བཞིན་ཝ་ནི་སྙན་ཤལ་མཉམ། །སྙན་གྱི་དབང་པོ་མ་ཉམས་ཤ །དཔྲལ་བ་ལེགས་པར་འབྱེས་པ་ཥ། །ས་ནི་དཔྲལ་བའི་དབྱེས་ཆེ་བ། །ཧ་ནི་དབུ་དག་ཤིན་དུ་རྒྱས། །དབུ་སྐྲ་བུང་བ་
ལྟར་གནག་ཀྵ། །དབུ་སྐྲ་སྟུག་པ་ཡ་ཡིན་ཏེ། །དེ་བཞིན་དབུ་སྐྲ་འཇམ་བ་ར། །དབུ་སྐྲ་མི་འཛིང་བ་ནི་ལ། །དབུ་སྐྲ་མི་གཤོར་བ་ནི་ཝ། །དབུ་སྐྲ་དྲི་ཞིམ་དྷ་ཡིན་ཏེ། །ཕྱག་ལ་དཔལ་གྱི་བེའུ་དང་ནི། །
བཀྲ་ཤིས་གཡུང་དྲུང་འཁྱིལ་བས་བརྒྱན། །ལྡོང་རོས་ལྟ་བུ་དྷ་ཡིན་ཏེ། །ལྟེ་བ་སྤྲུལ་པའི་སྙིང་པོ་ཨྃ། །གཙོ་བོ་དཔེ་བྱད་བརྒྱད་བཅུར་ལྡན། །ཨ་ནི་ཕྱི་ནང་སྟོང་པ་ཉིད། །ཨཱ་ནི་སྟོང་པ་ཉིད་སྟོང་

87-1-61b

པ། །ཨི་ནི་ཆེན་པོ་སྟོང་པ་ཉིད། །ཨཱི་ནི་དོན་དམ་སྟོང་པ་ཉིད། །ཨུ་ནི་འདུས་བྱས་སྟོང་པ་ཉིད། །ཨཱུ་ནི་འདུས་མ་བྱས་སྟོང་པ། །རཱི་ནི་མཐའ་ལས་འདས་སྟོང་པ། །རཱི་ནི་ཐོག་མཐའ་སྟོང་པ་ཉིད། །ལི་ནི་དོར་བ་
མེད་པ་སྟོང་། །ལཱྀ་ནི་རང་བཞིན་སྟོང་པ་ཉིད། །ཨེ་ནི་ཆོས་རྣམས་ཐམས་ཅད་སྟོང་། །ཨཻ་ནྀ་རང་གི་མཚན་ཉིད་སྟོང་། །ཨོ་ནི་མི་དམིགས་སྟོང་པ་ཉིད། །ཨཽ་ནི་དངོས་པོ་མེད་སྟོང་ཉིད། །ཨྃ་ནི་
ངོ་བོ་སྟོང་པ་ཉིད། །དངོས་མེད་ངོ་བོ་སྟོང་ཉིད་ཨཿ། །མགྲིན་པ་ལོངས་སྤྱོད་སྙིང་པོ་ཨོཾ། །ཤེས་རབ་སྟོང་པ་བཅུ་དྲུག་རྩ། །གཟུགས་ཅན་གཟུགས་རྣམས་ལ་ལྟ་བ། །རྣམ་པར་ཐར་པ་དང་པོ་ཨ། །
ནང་གཟུགས་མེད་པར་འདུ་ཤེས་པས། །ཕྱི་རོལ་གཟུགས་རྣམས་ལ་ལྟ་བ། །རྣམ་ཐར་གཉིས་པ་ཀ་ཡིན་ནོ། །སྡུག་པ་རྣམ་པར་ཐར་པའི་ལུས། །མངོན་སུམ་བྱས་ནས་རྫོགས་པ་ནི། །དེ་དག་
རྣམ་ཐར་གསུམ་པ་ཙ། །གཟུགས་ཀྱི་འདུ་ཤེས་ལས་འདས་པ། །སྣ་ཚོགས་འདུ་ཤེས་ཡིད་མི་བྱེད། །ནམ་མཁའ་མཐའ་ཡས་ལ་གནས་ཊ། །ནམ་མཁའ་མཐའ་ཡས་ལས་འདས་ཏེ། །རྣམ་
ཤེས་མཐའ་ཡས་ལ་གནས་ཤིང་། །རྣམ་ཤེས་མཐའ་ཡས་རྫོགས་པ་སྟེ། །རྣམ་ཤེས་མཐའ་ཡས་ལས་འདས་ནས། །ཅི་ཡང་མེད་པ་ལ་གནས་ཏེ། །དེ་ཉིད་རྫོགས་པ་པ་ཡིན་ནོ། །ཅི་ཡང་མེད་པ་ལས་
འདས་ཏེ། །འདུ་ཤེས་མེད་མིན་ལ་གནས་ཏེ། །འདུ་ཤེས་མེད་མིན་རྫོགས་པ་ཡི། །འདུ་ཤེས་མེད་མིན་ལ་འདས་ཏེ། །འདུ་ཤེས་ཚོར་བ་འགོག་པའི་ལུས། །མངོན་སུམ་བྱས་ནས་རྫོགས་པ་ནི། །རྣམ་པ་
པར་ཐར་པ་བརྒྱད་པ་ཤ །  །སྙིང་ག་ཆོས་ཀྱི་འཁོར་ལོ་ཧཱུྃ། །གཙོ་བོ་རྣམ་ཐར་བརྒྱད་དང་ལྡན། །འདི་དག་རྩ་ཡི་རྣམ་པར་གནས། །འཁོར་ལོའི་རྒྱ་ནི་སོར་གསུམ་སྟེ། །སེམས་ཅན་ཀུན་ལ་རང་བཞིན་

87-1-62a

གནས། །དེ་ཕྱིར་སེམས་ཅན་སངས་རྒྱས་ཡིན། །སྣ་ཚོགས་བསྡུད་པའི་མཚན་ཉིད་ཀྱང་། །རིང་དུ་འབྱུང་ཞིང་ཐུང་དུ་གནས། །སྨིན་མཚམས་ཀྱི་ནི་མཛོད་སྤུ་བཞིན། །ཆོས་ཀྱི་འབྱུང་གནས་
ལྟེ་བ་ལ། །གཡས་གཡོན་བུ་ག་ལྔ་ལྔ་སྟེ། །སྟེང་འོག་ཁ་ཡི་བར་ནས་འབྱུང་། །རོ་མ་ཤར་དུ་མངོན་དུ་ཕྱོགས། །རྐྱང་མ་ནུབ་སྟེ་འོག་གི་ཆར། །རོ་མས་རྐྱང་མ་ལ་འཁྱུད་ཅིང་། །གཡས་པའི་ཆ་རུ་ཟུང་འཇུག་
ཉིད། །རྐྱང་མས་རོ་མ་ལ་འཁྱུད་ཅིང་། །གཡོན་གྱི་ཆ་རུ་ཟུང་འཇུག་ཉིད། །གཡས་གཡོན་རྩེ་མོ་སྐུ་གསུང་ཐུགས། །དེ་སྒྲ་སྔགས་སུ་རབ་ཏུ་གྲགས། །སྔགས་དང་རྒྱུད་དང་དངོས་གྲུབ་སོགས། །དེ་ཉིད་
ལས་ནི་བྱུང་བས་ན། །སེམས་ཅན་སངས་རྒྱས་རང་བཞིན་ནོ། །སྐྱེ་བ་བཞི་ཡི་རིམ་པ་ཡང་། །སྣོད་བཅུད་ཡབ་ཡུམ་ལ་ཐིམ་སྟེ། །ཡབ་ཡུམ་ཉི་མ་ཟླ་བར་འགྱུར། །སྣང་བའི་ཐིག་ལེ་ཡང་དག་བཅས། །
འདི་དག་ནང་གི་མངལ་སྐྱེས་ཚུལ། །ཨཱ་ལི་ཀཱ་ལི་ཉི་ཟླ་སྟེ། །སེམས་ནི་ཐིག་ལེའི་ངོ་བོར་གནས། །ནང་གི་སྒོང་སྐྱེས་ཡིན་པར་འདོད། །ཀཱ་དང་ཨཱ་ལས་ཉི་ཟླ་སྟེ། །རང་བྱུང་ཐིག་ལེ་དྲོད་གཤེར་ཡིན། །
དེ་དག་སྐད་ཅིག་རྐྱེན་མེད་ལས། །རང་བཞིན་འབྱུང་བ་རྫུས་སྐྱེས་སོ། །རྐྱེན་མེད་སྦྱོར་བ་སྒོང་སོགས་ལས། །བདེ་བ་སྐྱེ་དང་བདེ་བའི་རྒྱུ། །ཐམས་ཅད་དྲན་པ་གསང་བ་ཡི། །མངལ་ནས་སྐྱེས་པའི་ཚུལ་ཡིན་ཏེ། །
ཡར་ལ་སྲེག་དང་མར་ལ་གསོ། །གནས་གསུམ་ཉི་ཤུ་བཞིར་འཕོ་ཡིན། །ཕྱི་ནང་འདོད་པའི་མཚན་མ་ཡིས། །རྩ་རྒྱས་བདེ་བ་སྟེར་བ་དང་། །རིན་པོ་ཆེ་ཡི་ཕོ་བྲང་དུ། །སེམས་འཛིན་གསང་བའི་སྒོང་སྐྱེས་
ཡིན། །ནང་གི་འདོད་པའི་མཚོན་ཆ་ཡིས། །བདེ་བ་སྐྱེ་བ་དྲོད་གཤེར་སྐྱེས། །གང་གི་རྐྱེན་གྱིས་མ་སྐྱེས་པར། །གདོད་ནས་བདེ་བའི་རྒྱུར་སྐྱེས་ལ། །བདེ་བ་སྐྱེས་པ་རྫུས་སྐྱེས་སོ། །གཏུམ་མོ་གོ་བཟློག་རྐྱེན་གྱིས་

87-1-62b

སྦར། །གཏུམ་མོ་རྐྱེན་གྱིས་སྦར་བ་དང་། །གཏུམ་མོ་གོ་བཟློག་སྦར་བ་དང་། །གཏུམ་མོ་རང་བཞིན་སྦར་བ་ནི། །མངལ་སྐྱེས་སྒོང་སྐྱེས་དྲོད་གཤེར་སྐྱེས། །རྫུས་སྐྱེས་རིམ་པར་སྦྱར་བར་བྱ། །དུ་མའི་གཞི་
བཅས་གཞི་བཅས་དང་། །གཞི་མེད་ཤིན་དུ་གཞི་མེད་དེ། །མངལ་སྐྱེས་གོང་སྐྱེས་དྲོད་གཤེར་སྐྱེས། །རྫུས་སྐྱེས་བཞི་ཆར་རིམ་པར་སྦྱར། །རྒྱུ་དང་ལམ་སྟེ་འབྲས་བུ་ཀུན། །སྐྱེ་བ་བཞི་ཡི་ངོ་བོར་གཅིག །
དེ་ཕྱིར་སངས་རྒྱས་སེམས་ཅན་གཉིས། །དངོས་པོ་རོ་མཉམ་གྱུར་པ་ལ། །ལོག་རྟོག་སྒྱུ་མས་གཉིས་སུ་འཁྲུལ། །རྡོ་རྗེ་སྙིང་པོ་སྙིང་རྗེ་ཆེ། །ནང་དང་གསང་བའི་དཀྱིལ་འཁོར་ཡང་། །ང་ཡིས་བཤད་ཀྱིས་
ལེགས་པར་ཉོན། །སྐུ་ཡི་དཀྱིལ་འཁོར་སྤྱི་བོར་བསྒོམ། །གསུང་ནི་མགྲིན་པ་ཐུགས་ནི་སྙིང་། །ཡོན་ཏན་ལྟེ་བ་ཕྲིན་ལས་ནྀ། །སྣ་རྩེ་དག་ཏུ་བསམ་པར་བྱ། །འབར་བ་བཞི་ཡི་ཨ་ལ་ཡང་། །རྡོ་རྗེ་ཕག་
མོ་རབ་ཏུ་གྲགས། །ཧྃ་ནི་བདེ་མཆོག་ཧེ་རུ་ཀ །དཔའ་བོ་གཅིག་པ་ཡིན་པར་འདོད། །བདུན་པ་དང་ནི་དགུ་པ་དག །གསུམ་པ་ཧཱུྃ་ལས་རབ་ཏུ་གྲགས། །བཅུ་གསུམ་པ་དང་བཅྭ་ལྔ་པ། །བཅུ་དགུ་ཨོཾ་ལས་
རབ་ཏུ་གྲགས། །ཉི་ཤུ་རྩ་ལྔ་ཉི་ཤུ་དགུ། །ཧྃ་གི་ངོ་བོར་ཡང་དག་གནས། །སུམ་བཅུ་བདུན་དང་དྲུག་བཅུ་བཞི། །ཨ་ཡི་དཀྱིལ་འཁོར་ཡིན་པར་ངེས། །རྩ་ནི་རྡོ་རྗེ་ཕག་མོ་སྟེ། །གཡས་གཡོན་
ཕྱག་ལ་དབུ་མ་ཞལ། །དཔའ་བོ་བྱང་ཆུབ་སེམས་ཡིན་ཏེ། །སྐྱེ་མཆེད་བཅུ་གཉིས་དངས་མ་ཡང་། །བཅུ་གཉིས་ཕྱག་ཏུ་རབ་ཏུ་གྲགས། །འབྱུང་བཞིའི་དངས་མ་ཞལ་བཞིར་ངེས། །མཛེས་
པའི་ཕྱིར་ན་རྒྱན་དུ་བཤད། །གསུང་མཆོག་བླ་མའི་ཞལ་ནས་བླང་། །གཡས་གཡོན་སྟེང་འོག་སྒོ་བཞི་སྟེ། །མདོམ་གང་མཉམ་པ་གྲུ་བཞི་ཡིན། །བདུད་རྩི་ལྔ་ནི་ཚོན་རྩི་ལྔ། །རྩ་ནི་ཐིག་

87-1-63a

གི་རང་བཞིན་ཏེ། །ཀ་བ་བརྒྱད་ནི་རྐང་བརྒྱད་དོ། །སོ་སེན་བ་སྤུ་ཏྭ་ར་སོགས། །མཁས་པས་བརྟག་ཅིང་ཤེས་པར་བྱ། །འདི་དག་རང་བཞིན་དཀྱིལ་འཁོར་ཏེ། །དཔེར་
ན་རང་བྱུང་གསེར་དང་འདྲ། །འདི་ནི་བཅོས་མ་མ་ཡིན་ཏེ། །རང་རིག་ཡེ་ཤེས་གཟུགས་བརྙན་ནི། །གཟུགས་བརྙན་དཀྱིལ་འཁོར་བསྒོམ་པ་མིན། །རྡུལ་ཚོན་ལ་སོགས་བྲི་བ་མིན། །སྤོས་
ལ་སོགས་པས་མཆོད་པ་མིན། །རྡོ་ཤིང་ལྷ་ལ་ཕྱག་མི་བྱ། །རང་བཞིན་གནས་པའི་སངས་རྒྱས་ལ། །རང་བཞིན་མཆོད་པས་རྟག་ཏུ་མཆོད། །སྐུ་ནི་དགུན་དུས་རང་བཞིན་ཏེ། །འབྱུང་བའི་སྐུ་གསུམ་ཟླ་བ་གསུམ། །
གསུང་ནི་དཔྱིད་དུས་ངོ་བོ་སྟེ། །འཇུག་པའྀ་སྐུ་གསུམ་ཟླ་བ་གསུམ། །ཐུགས་ནི་དབྱར་དུས་ངོ་བོ་སྟེ། །གནས་པ་སྐུ་གསུམ་ཟླ་བ་གསུམ། །ཡེ་ཤེས་སྟོན་གྱི་དུས་ཡིན་ཏེ། །སྐུ་གསུང་ཐུགས་ནི་ཟླ་བ་གསུམ། །དང་
པོ་རྒྱུ་ཡི་ས་པ་ཡིན། །འཁོར་ལོ་ཆགས་པ་དམར་པོ་ལ། །ཡི་གེ་རྣམས་ནྀ་དཀར་པོས་གནས། །ལམ་གྱིས་ས་བ་རྣམ་པ་གཉིས། །རིང་བ་དང་ནི་ཉེ་བའོ། །དེ་ནས་འབྲས་བུའི་ས་བ་ཡིན། །འཁོར་ལོ་ཡང་དག་གནས་པ་སྟེ། །
འཁོར་ལོ་དེ་རྣམས་ལྷ་རྣམས་ཀྱང་། །སྐུ་མདོག་ཕྱག་མཚན་ཀུན་དང་བྲལ། །རང་བཞིན་གསལ་བ་དྲི་མ་མེད། །ཤེལ་ལྟར་གསལ་བ་དྲི་མ་མེད། །མི་མཐོང་མཐོང་བའི་ངོ་བོ་ཅན། །ཟབ་ཅིང་ཕྲ་བའི་རང་བཞིན་ཅན། །
ཕྱི་རུ་སྐུ་མདོག་ཕྱག་མཚན་ལྷ། །ནང་གི་ཤིན་དུ་ཕྲ་བའི་གཟུགས། །གསང་བའི་བདེ་བ་ལྷ་རུ་ངེས། །དེ་ལས་བཟློག་པ་བཞི་པའི་ལྷ། །ལུས་ལས་བྱུང་ཕྱིར་ལྷ་ཞེ་འམ། །རྒྱུད་རྣམས་དག་བྱེད་ཕྱིར་ན་ལྷ། །
ཆགས་པའི་ཕྱྀར་ན་ལྷ་ཡིན་ཏེ། །རྒྱལ་པོ་ཤེས་རབ་རང་བཞིན་ཏེ། །ཐབས་དང་ཤེས་རབ་རང་བཞིན་གྱི། །ཆགས་པ་ཆེན་པོའི་རྒྱུད་གསུངས་སོ། །དེ་ནས་ས་ཆེན་པོ་ཡང་ཆེར་གཡོས་པར་གྱུར་ཏེ། 

87-1-63b

མཆོད་པའི་སྤྲིན་གྱི་ཆར་ཆེན་པོ་ཡང་བབས་པར་གྱུར་ཏོ། །དེ་ནས་དཔའ་བོ་དང་མཁའ་འགྲོ་མ་རྣམས་ཀྱང་རྒྱུད་ཀྱི་དོན་ལ་དགའ་ཞིང་མགུ་སྟེ་རྗེས་སུ་ཡི་རང་ནས་མི་སྣང་བར་གྱུར་ཏོ། །དཔལ་ཆགས་པའི་རྒྱལ་
པོའྀ་རྒྱུད་ཀྱི་རྒྱལ་པོ་རྫོགས་སྷོ།། །། རྣལ་འབྱོར་མ་ཙནྡྲ་མཱ་ལེ་དང་། ལོ་ཙྪ་་བ་དགེ་སློང་ཤཱཀྱ་ཡེ་ཤེས་ཀྱིས་བསྒྱུར་བའོ། །
༄༅། །རྒྱ་གར་སྐད་དུ།   ཤྲཱི་ཌཱ་ཀི་ནཱི་སྃ་བ་ར་ཏནྟྲ་རཱ་ཛ་ནཱ་མ།   བོད་སྐད་དུ།   དཔལ་མཁའ་འགྲོ་མའི་སྡོམ་པའི་རྒྱུད་ཀྱི་རྒྱལ་པོ་ཞེས་བྱ་བ།  དཔལ་བདེ་བ་ཆེན་པོ་ལ་ཕྱག་འཚལ་ལོ། །བདེ་བ་ཆེན་པོའྀ་རོས་
གང་བས། །ཐམས་ཅད་སྟོང་པར་གྱུར་ནས་ཀྱང་། །ཧེ་ཧེ་མགོན་པོ་རྡོ་རྗེ་འཛིན། །མཁའ་འགྲོ་མ་ནི་ཇི་ལྟར་ལགས། །དེའི་སྡོམ་པ་ཇི་ལྟར་ལགས། །དམ་ཚིག་བསྲུང་བ་ཇི་ལྟར་ལགས། །རྡོ་རྗེ་ཕག་མོ་བདག་ལ་གསུངས། །
ཉོན་ཅིག་རྡོ་རྗེ་ཕག་མོ་ཉོན། །དང་པོ་དམ་ཚིག་མཚན་ཉིད་ཀྱང་། །རྩ་བ་དང་ནི་ཡན་ལག་བཅས། །རང་གི་ལུས་ངག་ཡིད་གསུམ་དག །ཀུན་ནས་འཁྲུགས་ཏེ་གཞན་གྱྀ་ཡང་། །སྒོ་གསུམ་ཀུན་འཁྲུགས་ཆེན་པོ་སྟེ། །
རང་བཞིན་སྒོ་གསུམ་འཁྲུགས་པ་འབྲིང་། །ཉམས་པ་འབྲིང་དུ་གསུངས་པ་ཡིན། །རང་གཞན་འཁྲུགས་པ་ཐ་མ་ཡང་། །ཉམས་པ་ཆུང་ངུ་ཡིན་པར་འདོད། །རེ་རེ་ལ་ཡང་གསུམ་གསུམ་སྟེ། །
ཉམས་པ་ཆེ་འབྲིང་དགུ་རུ་དབྱེ། །རང་ལ་མནར་སེམས་མ་སྐྱེས་ཀྱང་། །གཞན་ལ་མནར་སེམས་སྐྱེས་པ་ཡི། །བདག་གི་གཡེང་བས་རྐྱེན་བྱས་པ། །དེ་ཉིད་ཉམས་པ་འབྲིང་དུ་བཤད། །རང་ལ་མནར་སེམས་
ཆེར་སྐྱེས་ཀྱང་། །གཞན་ལ་ཉེས་པ་ཆུང་བས་ན། །འདི་ཡང་ཉམས་པ་འབྲིང་དུ་བཤད། །གཡེང་བའི་རྐྱེན་གྱིས་གང་ཉམས་ཀྱང་། །འདི་ནི་ལྟུང་བ་ཡང་བར་གསུངས། །རང་གི་དམ་ཚིག་བསྲུངས་པ་ཡི། །ལྟ་སྤྱོད་གང་ལ་གཞན་

87-1-64a

མ་མོས། །ཟབ་མོའི་དོན་ལ་སྐུར་འདེབས་པ། །ལྟུང་བ་ཆེ་འབྲིང་ཡང་བར་བཤད། །རང་གིས་མ་ཉེས་གཞན་ཆེར་འཁྲུགས། །འདི་ནི་ཉམས་པ་ཆུང་ངུར་བཤད། །རེ་རེའི་དབྱེ་བ་གཞན་ནས་ཤེས། །དེ་ནས་སྣོད་ཀྱི་
མཚན་ཉིད་ཀྱང་། །ཕྱི་ཡིས་རང་གི་སྒོ་གསུམ་དག །འཁྲུགས་པ་ཆེ་ཆུང་རིམ་པས་དབྱེ། །རང་སེམས་འཁྲུགས་ན་ཕྱི་རོལ་ལ། །བསྣུན་སོགས་ཉམས་པ་ཆེན་པོར་འགྱུར། །གཡེངས་པས་ཉམས་པ་འབྲིང་ཆུང་ངུ་། །མདོར་
ན་རང་བཞིན་དམ་ཚིག་དང་། །བཅས་ཏེ་བྱེ་བྲག་དམ་ཚིག་ལས། །གཉིས་སུ་མེད་པར་མཁས་པས་གསུངས། །དམ་ཚིག་ལས་ནི་རྡོ་རྗེ་འཆང་། །དེ་ནས་མཁའ་འགྲོ་མཚན་ཉིད་ཀྱང་། །མཁའ་འགྲོ་རྩ་རུ་གནས་པ་སྟེ། །ཕག་
མོ་ཡུངས་ཀར་ཙམ་གྱི་ཚད། །གཞན་ནི་ལྔ་ཡི་ཚད་ཙམ་སྟེ། །གསལ་ལ་རང་བཞིན་མེད་པའོ། །ཀ་ནས་གཡས་སྐོར་ཀ་ཡི་བར། །མཁའ་འགྲོ་དྲུག་བཅུ་བཞི་རུ་ངེས། །ཀ་སོགས་ཟུང་རྩ་མཁའ་འགྲོ་སྟེ། །ཕྱི་ནས་རྩ་རེ་མཁའ་
འགྲོ་རེ། །མཁའ་འགྲོ་ནས་བསྐོར་མཚམས་ཀྱི་བར། །སུམ་བཅུ་རྩ་བདུན་མཁའ་འགྲོ་མ། །ལྟེ་བ་སྤྲུལ་པར་ཡང་དག་གནས། །ཨ་སོགས་བརྒྱད་ནི་མཁའ་འགྲོ་བརྒྱད། །དེ་བཞིན་ཟུང་རྩ་མཁའ་འགྲོ་བཞི། །སྙིང་ག་
རུ་ནི་ཡང་དག་གནས། །ཟུང་རྩ་གསུམ་ནི་མཁའ་འགྲོ་རེ། །གཞན་རྣམས་རྩ་རེ་མཁའ་འགྲོ་རེ། །བཅུ་གཉིས་བཅུ་བཞི་མགྲིན་པར་གནས། །རྡོ་རྗེ་ཕག་མོ་ལྟེ་བར་གནས། །གཞན་ནི་སྤྱི་བོར་ཡང་དག་གནས། །དེ་ནས་
སྡོམ་པ་བཤད་བྱ་སྟེ། །སངས་རྒྱས་ཀུན་གྱི་བདེ་ཆེན་པོ། །བདེ་དེ་སྡོམ་པར་ཡང་དག་བཤད། །གང་ཞིག་བདེ་བ་ཁྱད་པར་ཅན། །ངེས་པར་སྒོམ་པ་ཡིན་པར་འདོད། །རྡོ་རྗེ་ཕག་མོ་མི་འདའ་བས། །སྡོམ་པ་དམ་
ཚིག་ཏུ་ནི་བཤད། །མི་ཕྱེད་པས་ནི་ཕྱག་རྒྱར་གསུངས། །རྡོ་རྗེ་ཕག་མོས་ཡང་ཞུས་པ། །དམ་ཚིག་ཉམས་པའི་རྒྱུ་གང་ལགས། །རྐྱེན་ནི་གང་ལགས་དུས་གང་ལགས། །ཚད་ནི་གང་ལགས་བསྲུང་དུས་གང་། །ལུས་ངག་དམ་

87-1-64b

ཚིག་ཇི་ལྟར་དབྱེ། །དང་པོར་ཉམས་པའི་རྒྱུ་ཉིད་ཀྱང་། །མི་ཤེས་པ་དང་བག་མེད་དང་། །ཉོན་མོངས་ལྡན་དང་མ་གུས་དང་། །བརྗེད་ངས་དྲན་པ་མི་གསལ་བ། །འདི་དྲུག་དམ་ཚིག་ཉམས་པའི་རྒྱུ། །བླ་མ་མ་བསྟེན་གྲོགས་ངན་
འགྲོགས། །མདོར་ན་སྒོ་གསུམ་གཡེངས་པའི་ཡུལ། །དེ་དག་ཉམས་པའི་རྐྱེན་དུ་གསུངས། །གདོན་གྱིས་བར་ཆད་ཆང་གིས་མྱོས། །ལོག་ལྟ་སྐྱེས་དང་ཁེངས་གྲགས་འདོད། །ཉོན་མོངས་ཟིལ་ནོན་བླ་མས་སྐྱོ། །འདོད་ཆགས་
ཆེན་པོ་སྐྱེས་པ་དག །དམ་ཚིག་ཉམས་པའི་དུས་ཡིན་ཏེ། །སྤྱིར་ནི་རྩོད་ལྡན་དུས་སུ་གསུངས། །གདོན་སོགས་གཞན་གྱིས་བྱིན་བརླབས་ཚེ། །བསྲུང་བའི་འདུ་ཤེས་སྔོན་སོང་ན། །ཆེན་པོ་རྫོགས་ཀྱང་ཆུང་ངུར་གསུངས། །འདུ་ཤེས་
སྔོན་དུ་མ་སོང་ན། །བག་མེད་ཉམས་པ་སོ་ན་གནས། །གདོན་སོགས་རང་གིས་མ་མཐོང་ན། །དེ་ཡང་ཉམས་པ་ཆུང་བར་གསུངས། །འཁོར་བས་སྐྱོ་དང་རྣམ་སྨིན་དྲན། །བླ་མ་དྲན་དང་འདོད་པ་སྐྱེས། །བར་ཆད་བྲལ་བ་
བཤགས་པའི་དུས། །སྦྱོར་བ་དངོས་གཞི་མཇུག་དང་གསུམ། །གང་རྫོགས་ཚད་ནི་མཐར་ཕྱིན་ཏེ། །ཆེ་འབྲིང་དབྱེ་བས་ཤེས་པར་བྱ། །སྦྱོར་བ་ལྟུང་བ་ཆུང་ངུ་སྟེ། །དངོས་གཞི་ལྟུང་བ་འབྲིང་དུ་འབྱུང་། །མཇུག་རྫོགས་ལྟུང་བ་
ཆེན་པོར་ངེས། །རྒྱན་དང་ཕྱག་རྒྱ་ཕྱག་མཚན་དག །འཆང་བ་བསྟེན་པའི་དམ་ཚིག་ཡིན། །ཤ་ལྔ་བདུད་རྩི་ལྔ་རྣམས་ནི། །བཟའ་བར་བྱ་བའི་དམ་ཚིག་གོ། །སེམས་ཅན་དཔའ་བོ་མཁའ་འགྲོ་ལ། །ལོངས་སྤྱོད་མཆོད་པ་གང་བྱེད་
པ། །བལྟ་བར་བྱ་བའི་དམ་ཚིག་གོ། །རང་གཞན་སྒྱུ་མར་གང་ཤེས་པ། །ཤེས་པར་བྱ་བའི་དམ་ཚིག་གོ། །སྒོ་གསུམ་སྐུ་གསུང་ཐུགས་སུ་བསམ། །བསྲུང་བར་བྱ་བའི་དམ་ཚིག་གོ། །ཉོན་མོངས་དུག་དྲུག་གཟུང་འཛིན་ཀུན། །རང་
རིག་སྐྱེ་བ་མེད་པར་བསྒྲལ། །བསྒྲལ་བའི་དམ་ཚིག་ཆེན་པོ་ཡིན། །དམ་ཚིག་དོན་དུ་དམ་ཚིག་དག །དུས་དྲུག་དུས་གཉིས་ལོ་བར་དུ། །བརྟུལ་ཞུགས་ཅན་གྱིས་དམ་ཚིག་བསྲུང་། །དངོས་གྲུབ་དོན་དུ་རྟག་ཏུ་

87-1-65a

བསྲུང་། །སྐད་ཅིག་ཙམ་ཡང་གནང་བ་མེད། །རང་གི་ལུས་ཀྱི་ཉེས་པ་ལས། །གཞན་གྱི་ལུས་ཀྱི་ཉེས་འབྱུང་བ། །འདི་ནི་སྐུ་ཡི་ཉེས་པར་བཤད། །རང་གི་ལུས་ཀྱི་ཉེས་པ་ལས། །གཞན་གྱི་ངག་གི་ཉེས་འབྱུང་བ། །
བདག་གི་སྐུ་ཡི་ཉམས་པ་སྟེ། །གཞན་ལ་གསུང་གི་ཉམས་པར་འགྱུར། །གཞན་ཡང་མཁས་པས་ཤེས་པར་བྱ། །རང་ལ་རྩ་བའི་ཉེས་པ་ལས། །གཞན་ལ་ཡན་ལག་ཉེས་འབྱུང་དང་། །ལེགས་པ་ལས་ནི་ཉེས་འབྱུང་སོགས། །བླ་
མའི་ཞལ་ནས་ཤེས་བྱ་སྟེ། །འབད་དེ་དམ་ཚིག་བསྲུང་བར་བྱ། །དམ་ཚིག་དེ་ཡི་དོན་རྣམས་ལ། །འཁོར་རྣམས་འཇིགས་ཤིང་སྐྲག་གྱུར་ཏེ། །རྡོ་རྗེ་ཕག་མོས་ཡང་ཞུས་པ། །དམ་ཚིག་འདི་ཡི་དོན་རྣམས་ནི། །ཟབ་ཅིང་རྒྱ་ཆེ་རྟོག་པར་
དཀའ། །མགོན་པོ་ཁྱོད་ཀྱིས་བཞེས་པར་ཞུ། །བཅོམ་ལྡན་འདས་ཀྱིས་བཀའ་སྩལ་པ། །བདུད་རྩི་ཁར་ཟོས་སླར་ལ་དོར་བ་མེད། །ངན་སྐྱུགས་ཕྱིར་དོར་སླར་ལ་ཟ་བ་མེད། །རང་རིག་བྱང་ཆུབ་བདུད་རྩིའི་རོ་ཚོར་ན། །ལོག་རྟོག་འཁྲུལ་
པའི་རྒྱུ་འབྲས་ག་ལ་ཚོལ། །དེ་བས་དམ་ཚིག་ཁོ་ན་གཙོ་བོར་གྱིས། །དེའི་ཚེ་འཁོར་འདུས་པ་ཐམས་ཅད་ཀྱང་རྒྱུད་ཀྱི་དོན་ལ་རྗེས་སུ་ཡི་རང་པར་གྱུར་ཏོ། །མཁའ་འགྲོ་མའི་སྡོམ་པའི་རྒྱུད་ཀྱི་རྒྱལ་པོ་རྫོགས་སྷོ།།   །།
རྒྱ་གར་གྱི་མཁན་པོ་གཱ་ཡ་དྷ་ར་དང་། ལོ་ཙྪ་་བ་དགེ་སློང་ཤཱཀྱ་ཡེ་ཤེས་ཀྱིས་བསྒྱུར་བའོ། ། ༄༅། །རྒྱ་གར་སྐད་དུ།    ཤྲཱི་ཌཱ་ཀི་ནཱི་གུ་ཧྱ་ཛྭ་ལ་ཏནྟྲ་རཱ་ཛ།   བོད་སྐད་དུ།   དཔལ་
མཁའ་འགྲོ་མ་གསང་བ་འབར་བའི་རྒྱུད་ཀྱི་རྒྱལ་པོ།  དཔལ་བདེ་བ་ཆེན་པོ་ལ་ཕྱག་འཚལ་ལོ། །ཀྱེ་ཨ་ལ་ལ་ཧོ། ཀྱེ་ཨ་ལ་ལ་ཧོ། མཁའ་འགྲོ་གང་ལགས་མ་གང་ལགས། །གསང་དང་རྒྱུད་དང་རྒྱལ་པོ་གང་། །ཉོན་ཅིག་བྱང་ཆུབ་
སེམས་དཔའ་ཁྱོད། །མཁའ་འགྲོ་བཞི་སྟེ་མ་ནི་གསུམ། །གསང་བ་དྲུག་སྟེ་རྒྱུད་བརྒྱད་དོ། །རྒྱལ་པོ་བཅུ་དགུ་དག་ཏུ་བསྟན། །དང་པོ་མཁའ་འགྲོ་དབྱེ་བ་ཡང་། །རགས་པའི་རྟོག་པ་སྤང་བའི་ཕྱིར། །བུམ་པའི་དབང་

87-1-65b

དང་འབྲེལ་པ་ཡི། །སྐུ་མདོག་ཕྱག་མཚན་དང་པོའོ། །སྐུ་མདོག་ཕྱག་མཚན་སྤང་བའི་ཕྱིར། །གསང་བའི་དབང་དང་འབྲེལ་བ་ཡི། །རླུང་དང་རྩ་སོགས་ཙཎྜཱ་ལི། །འདི་དག་མཁའ་འགྲོ་གཉིས་པ་སྟེ། །དམན་པ་རྣམས་
ལ་སྐུ་དང་ཕྱག །རླུང་དང་རྩ་སོགས་ཁ་དོག་དབྱིབས། །དེ་ཉིད་སྤང་བར་བྱ་བའི་ཕྱིར། །ཤེས་རབ་ཡེ་ཤེས་དང་འབྲེལ་བའི། །ལྷན་ཅིག་སྐྱེས་པ་དགའ་བའི་རོ། །འདི་དག་གསང་བའི་མཁའ་འགྲོ་སྟེ། །མཁའ་འགྲོ་འདི་
རྣམས་རིམ་པ་ལས། །དམན་པ་རྣམ་ལ་ཕྲ་བའི་གཟུགས། །ལུས་སེམས་ཚོར་བ་བདེ་བ་ལས། །འདས་པའི་བདེ་བ་ཆེན་པོ་དག །སྤང་ཕྱིར་རང་རིག་ཡེ་ཤེས་ཏེ། །སེམས་ཀྱི་དེ་ཉིད་སྟོང་བའི་རོ། །དེ་ཉིད་མཁའ་འགྲོ་
བཞི་པ་སྟེ། །ཤེས་བརྗོད་ཀུན་གྱི་ཡུལ་མ་ཡིན། །དེ་ཉིད་ལྔ་ལ་སོགས་པ་ཡི། །མཁའ་འགྲོ་འདི་རྣམས་རིམ་པ་ཡང་། །སྐུ་མདོག་ཕྱག་མཚན་རགས་པའི་གཉེན། །རླུང་དང་རྩ་སོགས་བུམ་དབང་སྤོང་། །བདེ་བས་
རླུང་དང་རྩ་སོགས་སྤོང་། །རང་རིག་སྟོང་པས་བདེ་བ་སྤོང་། །གཟུགས་སྐུ་གཉིས་ཀྱིས་སྟོང་པ་སྤོང་། །དེ་ཕྱིར་གོང་མ་གཉན་པོར་བཤད། །རགས་པ་ཕུང་སོགས་བུམ་དབང་རྒྱུ། །བུམ་དབང་གསང་དབང་རྒྱུ་ཡིན་ཏེ། །གསང་བ་
གསུམ་པའི་རྒྱུ་རུ་ངེས། །བདེ་བ་རང་རིག་སྐྱེད་པ་ཡི། །རྒྱུ་དང་འབྲས་བུ་ངེས་པ་སྟེ། །འབྲས་བུ་བཞི་དང་མི་མཐུན་བཞི། །མཁའ་འགྲོ་རྣམས་ཀྱིས་རིམ་པའོ། །མ་ནི་རྣམ་པ་གསུམ་ཡིན་ཏེ། །འདོད་ཆགས་ཆེན་
པོས་བཅོམ་ལྡན་འདས། །ཞེ་སྡང་ཆེན་པོས་བཅོམ་ལྡན་འདས། །གཏི་མུག་ཆེན་པོས་བཅོམ་ལྡན་འདས། །ང་རྒྱལ་ལ་སོགས་དེ་དང་འདྲ། །ཐུན་མོང་མ་ཡིན་སྲས་འབྱུང་བས། །མ་ཞེས་གསུངས་པ་ཡིན་
པར་འདོད། །སྣོད་མིན་གསང་བ་སྒྲོགས་ཐོས་པ། །སྐྲག་པ་ཐུན་མོང་མ་ཡིན་བསྐྱེད། །བསྐྱེད་པའི་ཕྱིར་ན་མ་ཞེས་བྱ། །སྐྱེ་བ་གཅིག་གིས་སངས་རྒྱས་པས། །སྲས་རྣམས་ཐུན་མོང་མ་ཡིན་སྐྱེད། །

87-1-66a

དེའི་ཕྱིར་ན་མ་ཞེས་བྱ། །ཐུན་མོང་བླ་མའི་ཞལ་ནས་ཤེས། །དེ་ནས་གསང་བ་བཤད་བྱ་སྟེ། །བདུད་རྩི་དྲུག་དག་གསང་བ་སྟེ། །གཟུགས་དང་སྒྲ་དང་དྲི་དང་རོ། །རེག་བྱ་དེ་བཞིན་ཆོས་ཡིན་ཏེ། །རྒྱུད་ནི་དབང་བཞི་ངོ་བོ་སྟེ། །
བརྗོད་བྱ་བརྗོད་བྱེད་བརྒྱད་དུ་བཤད། །གསང་བ་ལྔ་ནི་རྒྱལ་པོ་ལྔ། །ལྟ་བ་སྤྱོད་པ་ཟུང་འཇུག་ལམ། །རྒྱུ་དང་འབྲས་བུ་ས་ལ་སོགས། །བཅུ་དགུ་རྒྱལ་པོ་ཡིན་པར་གསུངས། །ཀྱེ་བོ་དཔའ་བོ་འཇིགས་པ་ཆེ། །གནོད་སྦྱིན་གཟུགས་
དང་སྲིན་པོ་གཟུགས། །གཞན་ཡང་བདུད་ལ་སོགས་པའི་གཟུགས། །སྣ་ཚོགས་སྟོན་ན་ཇི་ལྟར་བགྱི། །ལྷ་འམ་ཀླུ་ལ་སོགས་པའི་གཟུགས། །སྡུག་པ་སྟོན་ན་ཇི་ལྟར་བགྱི། །གནོད་སྦྱིན་སྒྲ་དང་སྲིན་པོ་སྒྲ། །ཤིན་དུ་འཇིགས་པའི་སྒྲ་གྲག་ན། །
དེ་ལ་བདག་གིས་ཇི་ལྟར་བགྱི། །ཚངས་པའི་སྒྲ་དང་ངང་པའི་སྒྲ། །སྒྲ་སྙན་བྱུང་ན་ཇི་ལྟར་བགྱི། །བྱ་རྒོད་དྲི་དང་བླ་རྩི་དྲི། །ངན་སྐྱུགས་ལ་སོགས་དྲི་བྱུང་ན། །དེ་ལ་བདག་གིས་ཇི་ལྟར་བགྱི། །གུར་ཀུམ་ཙན་དན་ག་པུར་སོགས། །དྲི་ཞིམ་བྱུང་ན་ཇི་ལྟར་བགྱི། །
བདུད་རྩི་ལ་སོགས་དྲུག་བཅུ་སོགས། །བཟང་པོ་སྟོན་ན་ཇི་ལྟར་བགྱི། །ངན་སྐྱུགས་ལ་སོགས་དམན་པའི་རོ། །སྣ་ཚོགས་སྟོན་ན་ཇི་ལྟར་བགྱི། །རེག་བྱ་ལྕགས་ཀྱི་སྤུ་གྲི་སོགས། །རྩུབ་པ་བྱུང་ན་ཇི་ལྟར་བགྱི། །དར་མེན་ལ་སོགས་ལུས་ཀྱིས་
རེག །འཇམ་པ་བྱུང་ན་ཇི་ལྟར་བགྱི། །འཇིག་རྟེན་ཆོས་རྣམས་སྣ་ཚོགས་དང་། །འཇིག་རྟེན་འདས་པའི་ཆོས་རྣམས་སྟོན། །དེ་ལ་བདག་གིས་ཇི་ལྟར་བགྱི། །བཅོམ་ལྡན་འདས་ཀྱིས་བཀའ་སྩལ་པ། །གཟུགས་ངན་ཁོང་ཁྲོ་མི་བསྐྱེད་ཅིང་། །
གཟུགས་བཟང་འདོད་པར་མི་བྱ་སྟེ། །དེ་ལ་ལུས་ཀྱི་ཕྱག་རྒྱ་བསྟན། །ལན་བྱེད་དཔའ་བོ་མཁའ་འགྲོ་ཡི། །དངོས་གྲུབ་སྤྲུལ་པ་ཡིན་པར་ངེས། །བརྟུལ་ཞུགས་ཅན་གྱིས་དངོས་གྲུབ་བླང་། །ལན་མེད་བདུད་ཀྱི་བར་ཆད་དེ། །བདུད་བསལ་བ་
ཡི་ཆོ་ག་བརྩམ། །ཀུན་ལ་མཁས་པས་སྦྱོར་བར་བྱ། །སྒྲ་སྙན་འདོད་པ་མི་བསྐྱེད་ཅིང་། །འཇིགས་པའི་སྒྲ་ལ་ཁོང་མི་ཁྲོ། །དེ་ལ་བཏང་སྙོམས་སེམས་བྱ་སྟེ། །རྡོ་རྗེ་གླུ་ཡིས་བརྟག་པར་བྱ། །དེ་བཞིན་དྲི་བཟང་མི་ཆགས་ཞིང་། །དྲི་ངན་ཁོ་ཁྲོ་

87-1-66b

མི་བྱ་བར། །མཉམ་པར་དམིགས་ལ་བརྟག་པར་བྱ། །དྲིའི་ཕྱག་རྒྱ་དེ་ལ་བསྟན། །ལན་བྱེད་མཁའ་འགྲོའི་སྤྲུལ་པ་སྟེ། །ལན་མེད་བདུད་ཀྱི་སྤྲུལ་པའོ། །རོ་བཟང་བཟའ་བར་མི་བྱ་ཞིང་། །རོ་ངན་དོར་བར་མི་བྱའོ། །མཉམ་པར་གཞག་
ལ་བརྟག་པར་བྱ། །དེ་ལ་རོ་ཡི་ཕྱག་རྒྱ་བསྟན། །དེ་བཞིན་བྱེ་བྲག་ཤེས་པར་བྱ། །དེ་བཞིན་ཆོས་ལ་ཆོས་ཕྱག་རྒྱ། །བརྟགས་ཏེ་བདུད་རྣམས་བསལ་བར་བྱ། །ལུས་ལ་བྱུང་བའི་བདུད་རྣམས་ཀྱང་། །ཁ་དོག་དབྱིབས་ལ་ཤེས་པར་བྱ། །
དང་པོ་དངོས་གྲུབ་བླང་བ་ཡང་། །མིག་གིས་གཟུགས་ལ་རྣ་བས་སྒྲ། །སྣ་ཡིས་དྲི་དང་ལྕེ་ཡིས་རོ། །ལུས་ཀྱིས་རེག་དང་ཡིད་ཀྱིས་ཆོས། །བརྟུལ་ཞུགས་ཅན་གྱིས་དངོས་གྲུབ་བླང་། །དེ་ནས་བདུད་ནི་བསལ་བྱ་སྟེ། །ཡང་ན་སྟོང་པའི་རྫོང་ལ་གནས། །
ཡང་ན་ཕྲིན་ལས་བཞི་ཡིས་བསལ། །ཆུ་ཡིས་བདེ་བ་འཇམ་སོགས་པས། །ནང་གི་བདུད་ནི་བསལ་བའོ། །བད་མཁྲིས་སྟེང་སྒོ་འདུས་པའི་བར། །རླུང་ཅན་མགོ་ཡི་སྒོ་རུ་སྟེ། །རྒྱུད་འདི་གཏད་ཀྱིས་ལེགས་པར་ཟུང་། །དེ་ལྟར་བྱས་ན་དངོས་
གྲུབ་ཐོབ། །དཔལ་མཁའ་འགྲོ་མ་གསང་བ་འབར་བའི་རྒྱུད་ཀྱིས་རྒྱལ་པོ་རྫོགས་སྷོ།། །། རྒྱ་གར་གྱི་མཁན་པོ་གཱ་ཡ་དྷ་ར་དང་། བོད་ཀྱི་ལོ་ཙྪ་བ་དགེ་སློང་ཤཱཀྱ་ཡེ་ཤེས་ཀྱིས་བསྒྱུར་བའོ། ། ༄༅། །རྒྱ་གར་སྐད་དུ། 
ཤྲཱི་བཛྲ་བྷཻ་ར་བ་བི་དཱ་ར་ཎཱ་ཏནྟྲ་རཱ་ཛ། །  བོད་སྐད་དུ།   དཔལ་རྡོ་རྗེ་འཇིགས་བྱེད་རྣམ་པར་འཇོམས་པའི་རྒྱུད་ཀྱི་རྒྱལ་པོ།  དཔལ་ཧེ་རུ་ཀ་ལ་ཕྱག་འཚལ་ལོ། །འདི་སྐད་བདག་གིས་ཐོས་པ་དུས་གཅིག་ན། བཅོམ་ལྡན་འདས་འཁོར་དཔག་
ཏུ་མེད་པ་དང་། རི་རབ་ཀྱི་སྟེང་དུ་བཞུགས་པའི་དུས་སུ་བྱང་ཆུབ་སེམས་དཔའ་རྡོ་རྗེ་སྙིང་པོས། བཅོམ་ལྡན་འདས་ལ་ལན་གསུམ་བསྐོར་བ་བྱས་ཏེ་ཐལ་མོ་སྦྱར་ནས་འདི་སྐད་ཅེས་གསོལ་ཏོ། །ཐུགས་རྗེ་ཆེ་ལྡན་བཅོམ་ལྡན་འདས། །རྡོ་རྗེ་
གང་ལགས་འཇིགས་བྱེད་གང་། །འཇོམས་པ་གང་ལགས་རྒྱུད་གང་ལགས། །རྒྱལ་པོ་གང་ལགས་བཤད་དུ་གསོལ། །བཅོམ་ལྡན་འདས་ཀྱིས་བཀའ་སྩལ་པ། །རྡོ་རྗེ་རྣམ་པ་གསུམ་ཡིན་ཏེ། །ཉོན་མོངས་བདུད་སོགས་འཇིགས་པར་བྱེད། །

87-1-67a

ཉོན་མོངས་དགྲ་སོགས་རྣམ་པར་འཇོམས། །རྒྱུ་ཡི་རྒྱུད་དང་འབྲས་བུའི་རྒྱུད། །མཐར་ཐུག་རྒྱུད་ནི་གང་ཡིན་ལ། །རྒྱལ་པོ་ཞེས་ནི་བསྟན་པ་ཡིན། །རྡོ་རྗེ་སྙིང་པོས་ཡང་གསོལ་པ། །རེ་རེའི་བྱེ་བྲག་མ་འཚལ་བས། །དེ་ཡི་དབྱེ་བ་
བཤད་དུ་གསོལ། །བཅོམ་ལྡན་འདས་ཀྱིས་བཀའ་སྩལ་པ། །རྡོ་རྗེ་རྣམ་པ་གསུམ་ཡིན་ཏེ། །དོན་གྱི་རྡོ་རྗེ་དེ་ནས་རྟགས། །རྫས་ཀྱི་རྡོ་རྗེ་དང་ནི་གསུམ། །དེ་ནས་དོན་གྱི་རྡོ་རྗེ་བཤད། །གཟུང་འཛིན་རྟོག་པས་མི་ཕྱེད་ཕྱིར། །དོན་གྱི་རྡོ་རྗེ་
བཤད་པའོ། །དབང་བཞི་རྡོ་རྗེ་རེ་རེ་སྟེ། །རྡོ་རྗེ་བཞི་རུ་བཤད་པ་ཡིན། །རྟགས་ཀྱི་རྡོ་རྗེ་གསུམ་ཡིན་ཏེ། །རྩེ་གསུམ་རྩེ་ལྔ་རྩེ་དགུ་པ། །རྩེ་གསུམ་སྐུ་གསུང་ཐུགས་ཀྱི་རྟགས། །རྩེ་ལྔ་ཡེ་ཤེས་ལྔ་ཡི་རྟགས། །རྩེ་དགུ་ཁམས་གསུམ་ས་དགུའི་
རྟགས། །དོན་གྱི་རྡོ་རྗེ་བཞི་ཡིན་ཏེ། །བུམ་པའི་དབང་དང་འབྲེལ་པ་ཡི། །སྐུ་མདོག་ཕྱག་མཚན་ལ་སོགས་པ། །གཟུང་དང་འཛིན་པའི་རྣམ་རྟོག་ནི། །འཇིགས་དང་འཇོམས་པས་རྡོ་རྗེའོ། །གསང་བའི་དབང་དང་འབྲེལ་པ་ཡི། །རྩ་དང་
རླུང་དང་ཐིག་ལེ་ལ། །གཟུང་འཛིན་གཉིས་སུ་གང་རྟོག་པ། །འཇིག་ཅིང་འཇོམས་པས་རྡོ་རྗེའོ། །ཤེས་རབ་ཡེ་ཤེས་དང་འབྲེལ་པའི། །ལྷན་ཅིག་སྐྱེས་དགའ་ལ་སོགས་ལ། །གཟུང་དང་འཛིན་པར་གང་རྟོག་པ། །འཇིག་ཅིང་འཇོམས་པས་
རྡོ་རྗེ་ཡིན། །བཞི་པའི་དབང་དང་འབྲེལ་པ་ཡི། །རང་རིག་སེམས་ཉིད་སྟོང་ཉིད་ལ། །གཟུང་འཛིན་གཉིས་སུ་གང་རྟོགས་པ། །འཇིག་ཅིང་འཇོམས་པས་རྡོ་རྗེའོ། །དེ་ནས་རྟགས་ཀྱི་རྡོ་རྗེ་ནི། །རྩེ་གསུམ་སྐུ་གསུང་ཐུགས་སུ་བཤད། །འདོད་
ཆགས་ཞེ་སྡང་གཏི་མུག་གསུམ། །འཇིག་ཅིང་འཇོམས་པས་རྡོ་རྗེ་སྟེ། །རྩེ་ལྔ་ཡེ་ཤེས་ལྔ་ཡི་རྟགས། །ང་རྒྱལ་ལ་སོགས་རྣམ་པ་ལྔ། །འཇིག་ཅིང་འཇོམས་པས་རྡོ་རྗེའོ། །དེ་ནས་རྫས་ཀྱི་རྡོ་རྗེ་ནི། །རྣམ་པ་བཞི་རུ་བསྟན་པ་སྟེ། །ཟུར་
གསུམ་རྣོ་ལ་འབིགས་པ་དང་། །གྲུ་བཞི་དག་ནི་གསལ་བར་བྱེད། །ཟླུམ་པོས་རྫས་རྣམས་འཇོམས་པར་བྱེད། །ཟུར་ལྔས་འདོད་བསྒྲུབ་རྫས་རྡོ་རྗེ། །རྒྱུད་ཀྱི་དོན་ནི་རྣམ་པ་བཞི། །རྒྱུ་དང་འབྲས་བུ་གཉིས་ཀའི་རྒྱུད། །མཐར་ཐུག་རྒྱུད་ནི་

87-1-67b

རྒྱལ་པོ་སྟེ། །དེ་རྣམས་ཀུན་ལ་དབང་བྱེད་པས། །ལོག་ལྟའི་རྒྱུད་སོགས་སྤོང་བར་བྱེད། །བཅོམ་ལྡན་འདས་ཀྱིས་དེ་སྐད་ཅེས་བཀའ་སྩལ་པ་དང་། བྱང་ཆུབ་སེམས་དཔའི་འཁོར་དཔག་ཏུ་མེད་པ་རྣམས་དགའ་ཞིང་མགུ་ནས་རྗེས་སུ་ཡིད་རངས་
ཏེ། གཡས་ཕྱོགས་ནས་ལན་གསུམ་བསྐོར་ནས་སོ་སོའི་རྫུ་འཕྲུལ་གྱིས་མི་སྣང་བར་གྱུར་ཏོ། །དཔལ་རྡོ་རྗེ་འཇིགས་བྱེད་རྣམ་པར་འཇོམས་པའི་རྒྱུད་ཀྱི་རྒྱལ་པོ་རྫོགས་སྷོ།། །། པཎ་ཌི་ཏ་གཱ་ཡ་དྷ་ར་དང་། ལོ་ཙྪ་་བ་དགེ་སློང་
ཤཱཀྱ་ཡེ་ཤེས་ཀྱིས་བསྒྱུར་བའོ། ། ༄༅། །རྒྱ་གར་སྐད་དུ།   ཤྲཱི་ཨགྣི་མཱ་ལེ་ཏནྟྲ་རཱ་ཛཱ།   བོད་སྐད་དུ།   དཔལ་མེའི་ཕྲེང་བའི་རྒྱུད་ཀྱི་རྒྱལ་པོ།  དཔལ་རྡོ་རྗེ་སེམས་དཔའ་ལ་ཕྱག་འཚལ་ལོ། །ཧ་ཧ་ཧི་ཧི་ཧེ་ཧེ་ཀྱེ། །
བདག་ལ་ཁྱེད་ལ་ཞུ་བ་མཆིས། །ཤྲཱི་ནི་གང་ལགས་ཧེ་གང་ལགས། །རུ་ནི་གང་ལགས་ཀ་གང་ལགས། །དབང་བཞི་ཧེ་རུ་ཀ་གང་ལགས། །བཅོམ་ལྡན་འདས་ཀྱིས་བཀའ་སྩལ་པ། །ཤྲཱི་ནི་གཉིས་མེད་ཡེ་ཤེས་ཏེ། །ཧེ་ནི་རྒྱུ་སོགས་རྣམ་
པར་སྤངས། །རུ་ནི་ཚོགས་དང་བྲལ་བ་ཉིད། །ཀ་ནི་གང་དུའང་མི་གནས་སོ། །དེ་ལྟའི་དཔལ་ལྡན་ཧེ་རུ་ཀ  ། རྟག་ཏུ་ལུས་དང་སེམས་ལ་གནས། །དེ་ཉིད་ལ་ཡང་རྣམ་པ་བཞི། །དབང་བཞི་གྲངས་ཀྱིས་ངེས་པ་སྟེ། །དང་པོ་བུམ་དབང་ཧེ་
རུ་ཀ  ། སྐུ་དང་ཕྱག་མཚན་སྣང་བའི་ཚེ། །རང་སེམས་ལས་སུ་རུང་བ་སྟེ། །དེ་ཚེ་འཇིག་རྟེན་ཐ་མལ་པའི། །རྒྱུ་དྲུག་རྐྱེན་བཞི་འབྲས་བུ་བཞི། །སྤངས་པའི་ཕྱིར་ན་ཧེ་ཞེས་བརྗོད། །ལས་དང་ཉོན་མོངས་ཚོགས་དང་བྲལ། །དེ་ཡི་ཕྱིར་ན་རུ་
ཞེས་བརྗོད། །འཇིག་རྟེན་ཐ་མལ་རྣམ་རྟོག་གི། །གཟུང་འཛིན་གང་ཡང་མི་གནས་པའི། །ཕྱིར་ན་ཀ་ཞེས་གསུངས་པའོ། །ཐབས་དང་ཤེས་རབ་ཟུང་འཇུག་པས། །གཟུང་འཛིན་གཉིས་བགགས་གཉིས་སུ་མེད། །དེ་ཡི་ཕྱིར་ན་ཤྲཱི་རུ་བརྗོད། །
བསྐྱེད་པའི་རིམ་པ་ཧེ་རུ་ཀ ། ཕག་མོ་ལ་གནས་ཚོགས་དང་ལྡན། །ཟག་མེད་རྒྱུ་རྐྱེན་ཀུན་དང་ལྡན། །ཐབས་དང་ཤེས་རབ་གཉིས་ཀྱི་ཚུལ། །དེ་ནས་གསང་དབང་ཧེ་རུ་ཀ ། ཉི་ཟླ་ཕྱག་མཚན་ཡིག་འབྲུའི་ཚོགས། །བསྐྱེད་རིམ་རྒྱུ་རྐྱེན་ཀུན་

87-1-68a

སྤངས་ཏེ། །རླུང་སོགས་ལས་སུ་རུང་བས་ན། །དེ་ཡི་ཕྱིར་ན་ཧེ་ཞེས་བརྗོད། །ཕྱི་ཡི་སྦྱིན་སྲེག་གཏོར་མ་དང་། །མཆོད་པ་དཀྱིལ་འཁོར་ལ་སོགས་པའི། །ཚོགས་དང་བྲལ་བའི་ཕྱིར་ན་རུ། །བསྐྱེད་པའི་རྡོ་རྗེ་ཕག་མོ་དང་། །དམིགས་
དང་ལྟ་སྤྱོད་གང་ལ་ཡང་། །མི་གནས་ཕྱིར་ན་ཀ་ཞེས་བརྗོད། །བསྐྱེད་པའི་གཟུང་འཛིན་གཉིས་མེད་མའོ། །ཕྱིར་ན་ཤྲཱི་ཞེས་གསུངས་པ་སྟེ། །རྒྱུ་རྣམས་ལམ་ལ་སོགས་དང་ལྡན། །རླུང་སོགས་ཐབས་དང་ཤེས་རབ་ཚུལ། །རླུང་སོགས་སྒྱུ་
མའི་ངོ་བོར་གནས། །རྩ་རླུང་རང་བཞིན་གནས་ལ་སོགས། །ནང་གི་རྒྱུ་དང་རྐྱེན་སོགས་ལྡན། །ནང་གི་དཔལ་ལྡན་ཧེ་རུ་ཀ  ། དེ་ནས་གསུམ་པའི་ཧེ་རུ་ཀ  ། རླུང་སོགས་རང་བཞིན་གནས་པ་ཡི། །རྒྱུ་སྤངས་ཕྱིར་ནི་ཧེ་ཞེས་བརྗོད། །རླུང་སོགས་
ལམ་ལ་བརྟེན་པ་ཡི། །ཚོགས་དང་བྲལ་ཕྱིར་རུ་ཞེས་བརྗོད། །རླུང་དང་རྩ་དང་ཐིག་ལེ་དང་། །ཙཎྜཱ་ལི་ཡི་ཁ་དོག་དང་། །དབྱིབས་ལ་མི་གནས་ཕྱིར་ན་ཀ ། སེམས་ཉིད་བདེ་བར་གནས་པས་སོ། །ནང་གི་ཐབས་དང་ཤེས་རབ་མེད། །དེའི་ཕྱིར་ན་
ཤྲཱི་རུ་གསུངས། །མིག་སེར་ནད་ཀྱིས་བཏབ་པ་ལྟར། །རང་སེམས་བདེ་བར་གནས་པས་སོ། །སེམས་ཉིད་བདེ་བར་གནས་པ་དང་། །བདེ་བ་ལ་བསྟེན་ཚོགས་དང་ལྡན། །ལྷན་ཅིག་སྐྱེས་པའི་རྒྱུ་རྐྱེན་ལྡན། །སེམས་དང་བདེ་བ་ཐ་དད་མེད། །
སེམས་དང་བདེ་བ་གང་གནས་པ། །མཆོག་དང་ཆད་པའི་དབུས་གནས་པ། །གསུམ་པའི་དཔལ་ལྡན་ཧེ་རུ་ཀ  ། དེ་ནས་བཞི་པའི་ཧེ་རུ་ཀ ། རང་རིག་སྟོང་པར་གནས་པའི་ཚེ། །ལྷན་ཅིག་སྐྱེས་པའི་རྒྱུ་རྐྱེན་བྲལ། །དེ་ཡི་ཕྱིར་ན་ཧེ་ཞེས་བརྗོད། །
ཕ་རོལ་ཕྱིན་དྲུག་བདེ་བའི་ལམ། །ཐམས་ཅད་སྟོང་པར་རོ་གཅིག་པས། །ཚོགས་གཉིས་བྲལ་ཕྱིར་རུ་ཞེས་བརྗོད། །བདེ་བ་ཙམ་ལ་འང་མི་གནས་ཕྱིར། །ཀ་ཞེས་ངེས་པར་བརྗོད་པ་ཡིན། །སེམས་ཉིད་རང་རིག་སྟོང་པར་གནས། །སྟོབས་
སོགས་ཕུན་སུམ་ཚོགས་པས་ན། །རང་བཞིན་ལྷན་ཅིག་སྐྱེས་པ་དང་། །གཟུགས་སྐུའི་རྒྱུ་རྐྱེན་ལ་སོགས་ལྡན། །ཤྲཱི་ཞེས་བྱ་བ་མངོན་པར་བརྗོད། །དབྱིངས་དང་ཡེ་ཤེས་གཉིས་སུ་མེད། །དངོས་པོར་རོ་མཉམ་མཐའ་ཡས་པའི། །སེམས་ཀྱི་དེ་

87-1-68b

ཉིད་ལ་གནས་པ། །བཞི་པའི་དཔལ་ལྡན་ཧེ་རུ་ཀ ། བདུད་རྣམས་ཀུན་ལ་ཐོ་འཚམ་ཞིང་། །ལྷན་ཅིག་སྐྱེས་པའི་དུར་ཁྲོད་རོལ། །མི་གསལ་གསལ་བའི་རང་བཞིན་མེད། །སྣང་ཞིང་གསལ་ལ་རང་བཞིན་མེད། །མེ་ལོང་བཞིན་འདྲ་ཆུ་ཟླ་བཞིན། །
མཁས་པས་འབད་དེ་འཁྲུལ་པ་སྤང་། །དེ་ལྟར་དོན་ནི་མ་རྟོགས་པར། །ཁ་ཅིག་སྐུ་མདོག་ཕྱག་མཚན་ལ། །ཧེ་རུ་ཀ་ཡི་རྣམ་པར་རྟོག །ཁ་ཅིག་གཟུགས་བརྙན་རྣམ་པར་རྟོག །ཁ་ཅིག་རང་གི་ངོ་བོར་འདོད། །དེ་བཞིན་རྩ་དང་རླུང་འདོད་
སོགས། །དེ་བཞིན་རང་རིག་ཧེ་རུ་ཀ ། བླ་མ་མ་བསྟེན་བརྩོན་འགྲུས་མེད། །ཤེས་རབ་མི་ལྡན་བཟོད་སོགས་མེད། །རིགས་དང་རིག་པའི་ང་རྒྱལ་ཅན། །ཁེ་དང་གྲགས་པ་རྙེད་དང་དགའ། །རྒྱུ་དེས་ལོག་རྟོག་སྣ་ཚོགས་བསྐྱེད། །དེ་བས་
ཧེ་རུ་ཀར་གྲགས་པའི། །དངོས་གྲུབ་འདོད་པའི་རྣལ་འབྱོར་པས། །དད་ལྡན་གུས་བཅས་ཕ་རོལ་ཕྱིན། །རྫོགས་བྱས་བླ་མ་དམ་པ་ལས། །མན་ངག་ཡང་དག་བླང་བར་བྱ། །མ་མོའི་ཚོགས་ཀྱིས་ཡང་ཞུས་པ། །ཧེ་རུ་ཀ་དཔལ་དེ་ལྟར་ན། །
རྡོ་རྗེ་ཕག་མོ་ཇི་ལྟར་ལགས། །བཅོམ་ལྡན་འདས་ཀྱིས་བཀའ་སྩལ་པ། །རྡོ་རྗེ་གསུམ་སྟེ་ཕག་ནི་གཉིས། །དོན་གྱི་རྡོ་རྗེ་དེ་ནས་རྟགས། །ཐ་མ་རྫས་ཀྱི་རྡོ་རྗེ་སྟེ། །དོན་གྱི་རྡོ་རྗེ་བཞི་པ་སྟེ། །གཟུང་འཛིན་རྣམ་པར་རྟོག་པ་ཡིས། །མི་ཕྱེད་
ཕྱིར་ན་རྡོ་རྗེ་སྟེ། །དབང་བཞིས་རྡོ་རྗེ་རེ་རེའོ། །རྟགས་ཀྱི་རྡོ་རྗེ་གསུམ་ཡིན་ཏེ། །རྩེ་གསུམ་རྩེ་ལྔ་རྩེ་དགུ་སྟེ། །རྩེ་གསུམ་སྐུ་གསུང་ཐུགས་ཀྱི་རྟགས། །རྩེ་ལྔ་ཡེ་ཤེས་ལྔ་ཡིན་ཏེ། །ཁམས་གསུམ་ས་དགུ་འཇོམས་པ་ཡི། །རྟགས་
སུ་རྡོ་རྗེ་རྩེ་དགུའོ། །རྫས་ཀྱི་རྡོ་རྗེ་བཞི་ཡིན་ཏེ། །ཟླུམ་པོ་ལ་སོགས་རྣམ་པ་བཞི། །མི་ཤེས་དྲི་མས་ཆེས་གོས་པའི། །དུད་འགྲོར་སྐྱེས་པའི་ཕག་མོ་དང་། །ཤེས་རབ་ཆར་བྱུང་ཕག་མོ་སྟེ། །དེ་ཉིད་རྣམ་པ་བཞི་རུ་ངེས། །བུམ་དབང་
ཞེ་སྡང་གཏི་མུག་ཕག །གསང་དབང་རླུང་གི་གཏི་མུག་ཕག །གསུམ་པ་ཆགས་དགའ་གཏི་མུག་ཕག །བཞི་པ་ཆོས་དབྱིངས་གཏི་མུག་ཕག །འདི་ཉིད་ཁྱོད་ལ་ལེགས་པར་གཏད། །ཐམས་ཅད་རྗེས་སུ་ཡི་རང་ངོ་། །དཔལ་མེའི་

87-1-69a

࿔࿔།  །ཕྲེང་བའི་རྒྱུད་ཀྱི་རྒྱལ་པོ་ཤྲཱི་ཧེ་རུ་ཀའི་ངེས་པར་འབྱུང་བ་རྫོགས་སྷོ།།        ༈        །།རྒྱ་གར་གྱི་མཁན་པོ་གཱ་ཡ་དྷ་ར་དང་། ལོ་ཙྪ་བ་དགེ་སློང་ཤཱཀྱ་ཡེ་ཤེས་ཀྱིས་བསྒྱུར་ཅིང་ཞུས་པའོ། །
 རྒྱ་གར་སྐད་དུ།   ཤྲཱི་བཛྲ་སིདྷ་ཛཱ་ལ་སྃ་བ་ར་ཏནྟྲ་རཱ་ཛ།   བོད་སྐད་དུ།   དཔལ་རྡོ་རྗེ་གྲུབ་པ་དྲ་བའི་སྡོམ་པའི་རྒྱུད་ཀྱི་རྒྱལ་པོ། དཔལ་རྡོ་རྗེ་མཁའ་འགྲོ་ལ་ཕྱག་འཚལ་ལོ། །འདི་སྐད་བདག་གིས་ཐོས་པའི་དུས་གཅིག་ན། 
བཅོམ་ལྡན་འདས་དགའ་ལྡན་གྱི་གནས་རིན་པོ་ཆེའི་ཁང་བཟང་གི་ནང་ན་བྱང་ཆུབ་སེམས་དཔའ་བྱམས་པ་དང་། དགའ་བའི་འོད་དང་དྲི་མ་མེད་པའི་འོད་ལ་སོགས་པ་དཔའ་བོ་དང་རྣལ་འབྱོར་མའི་འཁོར་དཔག་ཏུ་མེད་པ་དང་། དེ་བཞིན་
གཤེགས་པ་ཐམས་ཅད་ཀྱི་དེ་ཁོ་ན་བཙུན་མོའི་བྷ་ག་ལ་སྙོམས་པར་ཞུགས་པའི་དུས་སུ་རིགས་སྒྱུ་མའི་དབང་དུ་མཛད་དེ་ཐམས་ཅད་ཀྱིས་ལྷའི་ཕྱི་ནང་གསང་བ་བླ་ན་མེད་པའི་མཆོད་པས་མཆོད་པའི་དུས་སུ་བྱང་ཆུབ་སེམས་དཔའ་
བྱམས་པས་བཅོམ་ལྡན་འདས་ཀྱི་ཞབས་ལ་མགོ་བོས་ཕྱག་འཚལ་ཏེ། ཐལ་མོ་སྦྱར་ནས་གསོལ་པ། མགོན་པོ་ཐུགས་རྗེ་ཆེ་ལྡན་པ། །དེ་ཉིད་དོན་དམ་གང་ཡིན་པ། །དཔལ་དང་རྡོ་རྗེ་དོན་དང་ནི། །དྲ་བ་སྡོམ་པ་རྒྱུད་ཀྱི་དོན། །དེས་
བསྟན་དོན་ནི་གང་ཡིན་པ། །དེ་ཉིད་བདག་ལ་བཤད་དུ་གསོལ། །བཅོམ་ལྡན་འདས་ཀྱིས་བཀའ་སྩལ་པ། །བྱམས་པ་ལ་སོགས་འཁོར་རྣམས་ཀུན། །ཕྱི་རོལ་དོན་ལ་གཡེང་བའི་སེམས། །ནང་དུ་བསྡུས་ལ་རྩེ་གཅིག་ཉོན། །དཔལ་
ནི་གཉིས་མེད་ཡེ་ཤེས་ཏེ། །དེ་ཉིད་མཆོད་པའི་འོས་ཡིན་ལ། །གཉིས་མེད་བདེ་བས་མཆོད་པར་བྱ། །རྡོ་རྗེ་ཞེས་བྱ་ཡེ་ཤེས་ལྔ། །གཟུང་འཛིན་རྟོག་པས་མི་ཕྱེད་ཕྱིར། །རྡོ་རྗེ་ཞེས་ནི་བསྟན་པ་ཡིན། །དེ་ཉིད་དོན་ལ་རྩེ་གཅིག་པས། །
ཆོས་སྐུ་རྡོ་རྗེ་འཆང་ཆེན་པོའི། །ས་ནི་ངེས་པར་འཐོབ་པའོ། །དྲ་བ་ཞེས་པ་མང་པོའི་དོན། །ཀུན་རྫོབ་གཞན་རིག་ཏུ་བསྟན་པ། །གྲངས་མང་རྒྱ་ཆེར་བསྟན་པ་ནི། །ནམ་མཁའ་དང་མཚུངས་སྡོམ་པའི་དོན། །ནམ་མཁའ་དང་མཚུངས་

87-1-69b

རང་རིག་ནི། །སེམས་ཀྱི་དེ་ཉིད་སྟོང་པའི་རོ། །སྐད་ཅིག་དེ་ཡི་རྒྱུན་ཉིད་ལ། །རྒྱུད་ཅེས་བྱ་བར་བསྟན་པ་ཡིན། །དཔལ་རྡོ་རྗེ་གྲུབ་པ་དྲ་བའི་སྡོམ་པའི་རྒྱུད་ལས་མཚན་གྱི་སྡོམ་པའི་ལེའུ་སྟེ་དང་པོའོ།། །། དེ་ནས་གཞན་ཡང་ང་
ཡིས་བཤད། །ཡེ་ཤེས་སྐྱེ་བའི་རྒྱུ་དང་གནས། །རྐྱེན་དང་དེ་བཞིན་དམིགས་པའི་ཡུལ། །བྱེ་བྲག་མིང་གི་རྣམ་གྲངས་དང་། །དོན་གྱི་རྣམ་གྲངས་གང་ཡིན་དང་། །ཕན་ཡོན་དང་ནི་འབྲས་བུ་དང་། །དོན་དམ་དེ་ཉིད་ཆོས་ཀྱི་དབྱིངས། །དེ་ཉིད་
འདིར་ནི་བཤད་པར་བྱ། །རྒྱུ་ནི་རང་རིག་ཡེ་ཤེས་ཏེ། །རྒྱུ་མེད་རྒྱུ་ཡི་རང་བཞིན་ཅན། །རང་རིག་སྒྱུ་མར་བྱུང་བ་ནི། །བདེ་ཆེན་འཁོར་ལོ་ནས་བརྩམས་ཏེ། །འཁོར་ལོ་བཞི་འམ་བརྒྱད་གཉིས་བཤད། །དེ་བཞིན་ཉི་ཤུ་རྩ་བཞི་སྟེ། །ཡེ་
ཤེས་སྐྱེ་བའི་རྟེན་ཡིན་ལ། །གནས་ནི་དེ་དང་མཉམ་པའི་རྩ། །གྲོགས་ནི་ཡེ་ཤེས་རླུང་ཡིན་ཏེ། །ཡེ་ཤེས་རླུང་གི་བཞོན་པ་ལ། །ཞོན་ནས་དེ་ཉིད་བྱུང་བ་ཡིན། །གྲངས་ནི་སྔ་མ་ལྟར་ཤེས་བྱ། །ངོ་བོ་ཐིག་ལེ་ཉིད་ཡིན་ཏེ། །ཐིག་ལེ་མདུད་
པའི་གྲངས་སུ་ཤེས། །དེ་ཡི་ཕན་ཡོན་གང་ཡིན་པ། །གཟུང་འཛིན་རྣམ་པར་རྟོག་པ་ཡིས། །ཕྱིན་ཅི་ལོག་ཏུ་བརྟགས་པ་ཡི། །རྣམ་པར་རྟོག་པ་སྤོང་བ་ཡིན། །འབྲས་བུ་རྡོ་རྗེ་འཆང་ཆེན་པོའི། །ས་ནི་ངེས་པར་ཐོབ་པའོ། །དཔལ་རྡོ་རྗེ་
དྲ་བའི་སྡོམ་པའི་རྒྱུད་ལས་ཡེ་ཤེས་ཀྱི་རྒྱུ་དང་གནས་ལ་སོགས་པའི་ལེའུ་སྟེ་གཉིས་པའོ།། །།  དེ་ནས་གཞན་ཡང་བཤད་བྱ་བ། །འཁོར་ལོ་རྣམས་ཀྱི་དབྱེ་བ་ནི། །བདེ་ཆེན་འཁོར་ལོའི་འདབ་མ་ནི། །སུམ་བཅུ་རྩ་གཉིས་
གྲངས་ཡིན་ནོ། །དེ་ནས་ལོངས་སྤྱོད་འཁོར་ལོ་ནི། །འདབ་མ་བཅུ་དྲུག་དག་དུ་བསྟན། །ཆོས་ཀྱི་འཁོར་ལོ་འདབ་མ་བརྒྱད། །སྤྲུལ་པའི་འཁོར་ལོའི་འདབ་མ་ནི། །དྲུག་བཅུ་རྩ་བཞི་དག་ཡིན་ནོ། །བདེ་ཆེན་འཁོར་ལོ་སོར་བཞི་སྟེ། །
ལོངས་སྤྱོད་འཁོར་ལོ་སོར་བཅུ་དྲུག །ཆོས་ཀྱི་འཁོར་ལོ་སོར་བཅུ་གཉིས། །སྤྲུལ་པའི་འཁོར་ལོ་སོར་བཅུ་དྲུག །བདེ་ཆེན་འཁོར་ལོའི་ལྟེ་བ་རུ། །ཧྃ་ནི་དཀར་པོ་ཐུར་བལྟས་བསམ། །ལོངས་སྤྱོད་འཁོར་ལོའི་ལྟེ་དབུས་སུ། །

87-1-70a

ཨོཾ་ནི་དམར་པོ་གྱེན་བལྟས་བསམ། །ཆོས་ཀྱི་འཁོར་ལོའི་ལྟེ་དབུས་སུ། །ཧཱུྃ་ནི་སྔོན་པོ་ཐུར་བལྟས་བསམ། །སྤྲུལ་པའི་འཁོར་ལོའི་ལྟེ་དབུས་སུ། །ཨཾ་ནི་དམར་པོ་གྱེན་བལྟས་བསམ། །དང་པོའི་འཁོར་ལོའི་འདབ་མ་
ལ། །དབྱངས་ཀྱི་ཡི་གེ་བཅུ་དྲུག་ནི། །ལུགས་འབྱུང་ལུགས་མིན་དགོད་པར་བྱ། །ལོངས་སྤྱོད་འཁོར་ལོའི་འདབ་མ་ལ། །དབྱངས་ཡིག་བཅུ་དྲུག་རིམ་བཞིན་དགོད། །ཆོས་ཀྱི་འཁོར་ལོའི་འདབ་མ་ལ། །ལྃ་མྃ་པྃ་ཏྃ། །ཡི་གེ་འདི་རྣམས་
གཡོན་ནས་དགོད། །ཨོཾ་ཏྲཱྃ་ཧྲཱི་ཨ། །མཚམས་ནས་གཡས་སུ་དགོད་པར་བྱ། །སྤྲུལ་པའི་འདབ་མ་བཞི་རྩིབས་ལ། །གསལ་བྱེད་ཡི་གེ་སུམ་བཅུ་གཉིས། །ལུགས་འབྱུང་ལུགས་ལས་བཟློག་ཚུལ་དགོད། །སྐུ་གསུང་ཐུགས་ཀྱི་རྩ་
གསུམ་ནི། །དབུས་ནས་དྲང་པོར་གནས་པ་སྟེ། །ཧཱུྃ་ནི་དཀར་པོ་ཐུར་བལྟས་པ། །མར་གྱི་རྩེ་ལ་ཐུག་པར་དགོད། །གཡས་ན་ཐབས་ཀྱི་རྩ་གནས་ཏེ། །ཀ་ལི་སུམ་བཅུ་རྩ་གཉིས་ནི། །ཐབས་ལ་ལན་གསུམ་བསྐོར་བྱས་ན། །ལུགས་
འབྱུང་འོག་དུ་ཁ་བལྟས་དགོད། །གཡོན་ན་ཤེས་རབ་རྩ་གནས་ལ། །མ་མོ་དབྱངས་ཡིག་བཅུ་དྲུག་ནི། །གྱེན་ལ་བལྟས་པ་དགོད་པར་བྱ། །སྒལ་ཚིགས་ལ་གནས་སྲོག་ལ་བརྟེན། །རྩ་གསུམ་འདུས་པའི་གནས་དེར་ནི། །རིན་ཆེན་
དང་འདྲ་འདུད་པ་ནི། །དགུ་པོར་གནས་པ་བྱ་གདོང་ཚུལ། །ཆོས་ཀྱི་དབྱིངས་ཀྱི་དབང་ཕྱུག་མ། །བདེ་བ་རེག་སྟེར་མ་ནི་བཞུགས། །གཞན་ཡང་རྐྱེན་གྱི་འཁོར་ལོ་གཉིས། །གྲུ་གསུམ་གནས་སུ་ཡི་གེ་རྃ། །དེ་ནི་ཡོངས་སུ་གྱུར་པ་
ལས། །མེ་ཡི་འཁོར་ལོ་གྲུ་གསུམ་པ། །ཚད་ནི་སོར་གསུམ་ཉིད་ཡིན་ཏེ། །ལྟེ་བར་རྃ་ནི་དམར་པོ་བསམ། །འདབ་མ་གསུམ་ལ་ཨོཾ་ཨཱཿཧཱུྃ། །གྲུ་གསུམ་ཟུར་ལ་དགོད་བྱ་བ། །རྡོ་རྗེ་རྩེ་གསུམ་བསམ་པར་བྱ། །རླུང་གི་གནས་སུ་
ཡི་གེ་ཡྃ། །དེ་ཉིད་ཡོངས་སུ་གྱུར་པ་ལས། །མདོག་ནག་གཞུ་ཡི་དབྱིབས་འདྲ་ལ། །ཚད་ནི་སོར་བཞི་ཉིད་ཡིན་ནོ། །དབུས་སུ་མདབ་མ་ལྔ་ཡིན་ཏེ། །ལྟེ་བར་ཡང་ནི་ནག་པོ་བསམ། །འདབ་མ་ལྔ་ལ་དྷ་ལྔ་དགོད། །བ་དན་ལྔ་ཡིས་

87-1-70b

མཚན་པའོ། །རླུང་གིས་དམ་ཚིག་མེ་སྦར་བས། །དམ་ཚིག་མེ་ཡིས་གཏུམ་མོ་བསྐུལ། །འཁོར་ལོ་གསུམ་བསྲེགས་རྙིད་པ་ཙམ། །ཡི་གེ་ཧྃ་ནི་བསྲོས་པ་ཡིས། །ཧྃ་བཞུ་བདུད་རྩིའི་ཆར་ཡང་བབ། །ལྟེ་བའི་གནས་སུ་ཐིག་ལེར་གྱུར། །
རྒྱུན་དུ་འབར་བར་གྱུར་པ་ཡིས། །རིན་ཆེན་དབྱིབས་འདྲའི་ནང་སླེབས་ནས། །རང་བཞིན་དགའ་བ་ཉམས་མྱོང་བས། །རང་གི་སེམས་ཀྱི་སྙིང་པོའི་རོ། །བཞི་པའི་དཔལ་ལྡན་ཧེ་རུ་ཀ །དེ་ཉིད་རྟོགས་པར་གྱུར་པ་ཡིས། །
ཆོས་སྐུ་རྡོ་རྗེ་འཆང་ཆེན་པོའི། །ས་ནི་ངེས་པར་ཐོབ་པའོ། །དཔལ་རྡོ་རྗེ་གྲུབ་པ་དྲ་བའི་སྡོམ་པའི་རྒྱུད་ལས་འཁོར་ལོ་བཞི་བསྟན་པའི་ལེའུ་སྟེ་གསུམ་པའོ།། །།དེ་ནས་གཞན་ཡང་བཤད་བྱ་བ། །ཡིད་བཞིན་ནོར་
བུ་དང་མཚུངས་པའི། །ངེས་དོན་དུ་ནི་ང་ཡིས་གསུངས། །དེ་ཡི་དོན་ལ་ཁྱེད་རྣམས་ཀྱིས། །རྩེ་གཅིག་སེམས་ཀྱིས་ཡིད་ལ་ཟུང་། །བཅོམ་ལྡན་འདས་ཀྱིས་དེ་སྐད་ཅེས་བཀའ་སྩལ་པ་དང་བྱམས་པ་དང་། དགའ་བའི་འོད་དང་། དྲི་
མ་མེད་པའི་འོད་ལ་སོགས་པ་དཔའ་བོ་དང་། རྣལ་འབྱོར་མའི་འཁོར་དཔག་ཏུ་མེད་པ་ཐམས་ཅད་དགའ་ཞིང་མགུ་ནས་རྗེས་སུ་ཡིད་རང་ནས་ལྷའི་མཆོད་པ་རྣམ་པ་དུ་མས་མཆོད་པ་ནི་ནམ་མཁའ་ལ་རིན་པོ་ཆེའི་ཆར་དང་། སྒེག་
པ་དང་། རྒོད་པ་དང་། དགའ་བའི་མཆོད་པའི་རྣམ་པ་དང་། པ་ཊ་ཧ་ལ་སོགས་པའི་མཆོད་པ་དང་། གཞན་ཡང་ལྷ་འི་མེ་ཏོག་དང་། སྤོས་དང་། མར་མེ་དང་། ཞལ་ཟས་ཀྱི་མཆོད་པ་རོ་རྒྱ་པ་དང་། བཏུང་བའི་མཆོད་པས་
མཆོད་དེ། གཞན་ཡང་ནང་དང་། གསང་བ་དང་། གསང་བའི་གསང་བ་བླ་ན་མེད་པའི་མཆོད་པ་ཆེན་པོ་རྨད་དུ་བྱུང་བས་མཆོད་ནས་ལན་གསུམ་བསྐོར་བ་བྱས་ཏེ། སོ་སོའི་རྫུ་འཕྲུལ་གྱིས་མི་སྣང་བར་གྱུར་ཏོ། །དཔལ་
རྡོ་རྗེ་གྲུབ་པ་དྲ་བ་སྡོམ་པའི་རྒྱུད་ཀྱི་རྒྱལ་པོ་རྫོགས་སྷོ།། །། རྒྱ་གར་གྱི་མཁན་པོ་གཱ་ཡ་དྷ་ར་དང་། ལོ་ཙྪ་་བ་དགེ་སློང་ཤཱཀྱ་ཡེ་ཤེས་ཀྱིས་བསྒྱུར་ཅིང་ཞུས་པའོ། །

87-1-71a

༄༅། །རྒྱ་གར་སྐད་དུ།   ཤྲཱི་མ་ཧཱ་བཱ་ལ་ཛྙཱ་ན་རཱ་ཛ་ཏནྟྲ་རཱ་ཛ།   བོད་སྐད་དུ།   དཔལ་སྟོབས་ཆེན་ཡེ་ཤེས་རྒྱལ་པོའི་རྒྱུད་ཀྱི་རྒྱལ་པོ།  དཔལ་རྡོ་རྗེ་སེམས་དཔའ་ལ་ཕྱག་འཚལ་ལོ། །འདི་སྐད་བདག་གིས་ཐོས་པ་དུས་གཅིག་ན། །བཅོམ་ལྡན་
འདས་དེ་ཁོ་ན་ཉིད་བཙུན་མོའི་བྷ་ག་ལ་འཁོར་དཔའ་བོ་རྡོ་རྗེ་ལ་སོགས་པ་མཁའ་འགྲོ་མ་དང་། མ་མོའི་ཚོགས་ཀྱིས་བསྐོར་ཏེ་བཞུགས་པའི་དུས་སུ། དཔའ་བོ་རྡོ་རྗེ་མཁའ་འགྲོ་མ་ལ་སོགས་པས་གཡོན་ཕྱོགས་སུ་བསྐོར་བ་ལན་གསུམ་
བྱས་ནས་ཕྱོགས་གཅིག་ཏུ་འཁོད་དོ། །དཔའ་བོ་རྡོ་རྗེས་བཅོམ་ལྡན་འདས་ལ་སྤྱི་བོས་གཏུགས་ཏེ། ཧ་ཧ་ཞེས་པ་གསུམ་བརྗོད་ནས་བཅོམ་ལྡན་འདས་ལ་གསོལ་པ། རྩ་ནི་གང་ལགས་རླུང་གང་ལགས། །ཐིག་ལ་གང་ལགས་གྲངས་ནི་
དུ། །དེ་ལ་སེམས་གཟུང་ཇི་ལྟར་ལགས། །འཁོར་ལོ་ཇི་ལྟར་ལགས་པ་དང་། །དེ་ཡི་གྲངས་ནི་དུ་ཞིག་མཆིས། །རྩ་རྣམས་རང་བཞིན་ཇི་ལྟར་ལགས། །ཡི་གེ་དགོད་ཐབས་ཇི་ལྟར་ལགས། །དེ་རྣམས་དབུས་ཀྱི་ལྟེ་བར་ནི། །ཡི་གེ་དགོད་པ་གང་
དང་གང་། །གཏུམ་མོ་སྦར་བ་ཇི་ལྟར་ལགས། །ཟླ་བ་ཉི་མ་ཇི་ལྟར་ལགས། །གནས་ནི་གང་དུ་གཟུང་བར་བགྱི། །རྐྱེན་གཉིས་འཁོར་ལོ་ཇི་ལྟར་ལགས། །གོ་བཟློག་ཚུལ་ནི་ཇི་ལྟར་ལགས། །གསང་བའི་འཁོར་ལོ་བཞི་གང་ལགས། །དེ་
རྣམས་ཀྱི་ནི་དགོངས་པ་དང་། །དེ་ལ་དགའ་སོགས་ཇི་ལྟར་འབྱུང་། །སྟོང་པ་བཅུ་དྲུག་ཇི་ལྟར་ལགས། །ས་ཡི་རིམ་པ་ཇི་ལྟར་ལགས། །དེ་རྣམས་ཀྱི་ནི་དགོངས་པ་དང་། །དགོས་པའི་དགོངས་པ་ཇི་ལྟར་ལགས། །བཅོམ་ལྡན་འདས་ཀྱིས་
བཀའ་སྩལ་པ། །ཉོན་ཅིག་དཔའ་བོ་རྡོ་རྗེ་ཁྱོད། །ཁྱོད་ལ་བཤད་ཀྱིས་ལེགས་པར་ཟུང་། །རྩ་རྣམས་ཀྱི་ནི་རང་བཞིན་ནི། །ནམ་མཁའ་གཉིས་མེད་ཐམས་ཅད་བསྐྱེད། །དེར་གནས་རླུང་གི་རང་བཞིན་ནི། །གཡོ་བ་རྣམ་ཤེས་གཡོ་བ་ཡིན། །
ཐིག་ལེ་སྟོང་ཉིད་ངོ་བོ་སྟེ། །སྟོང་ཉིད་བསམ་དུ་མེད་པའོ། །ཐིག་ལེ་གྲངས་ནི་བཅུ་དྲུག་སྟེ། །རྩ་དང་རླུང་ཡང་དེ་བཞིན་ནོ། །དེ་ནས་སེམས་གཟུང་བསྟན་པ་ནི། །རྩ་རླུང་དང་ནི་ཐིག་ལེ་ལ། །གཉིས་མེད་རྩེ་གཅིག་སེམས་དང་པོ། །འཁོར་ལོའི་

87-1-71b

གྲངས་ནི་བཞི་ཡིན་ཏེ། །བདེ་ཆེན་འཁོར་ལོ་ལོངས་སྤྱོད་ཆོས། །དེ་འོག་སྤྲུལ་པའི་འཁོར་ལོ་སྟེ། །དེ་རེ་ལ་ཡང་བཞི་བཞི་སྟེ། །བཅུ་དྲུག་གྲངས་སུ་ཤེས་པར་བྱ། །མེ་རླུང་གཉིས་ནི་རྐྱེན་ཡིན་ཏེ། །རོ་མའི་འཁོར་ལོ་ཉིད་དང་ནི། །སྤྱི་གཙུག་
འཁོར་ལོ་དབང་བསྐུར་གནས། །གསང་བའི་འཁོར་ལོ་བཞི་ཡིན་ཏེ། །བདེ་སྐྱོང་འཁོར་ལོ་དང་པོ་སྟེ། །རྟ་མགྲིན་ལོངས་སྤྱོད་འཁོར་ལོ་ཡིན། །རིག་པའི་འཁོར་ལོ་གསུམ་པའོ། །གསང་བའི་འཁོར་ལོ་བཞི་ཡིན་ནོ། །ཉི་ཤུ་རྩ་བཞི་གྲངས་
སུ་བསྟན། །རྩ་རྣམས་རང་བཞིན་ང་ཡིས་བཤད། །རྩ་ནི་ས་ཡི་རང་བཞིན་ཏེ། །རླུང་དང་ཐིག་ལེའི་རང་བཞིན་ནོ། །དེ་ནས་ཡི་གེ་དགོད་པ་ནི། །བདེ་ཆེན་འཁོར་ལོ་སུམ་བཅུ་གཉིས། །གསལ་བྱེད་སུམ་བཅུ་རྩ་གཉིས་ནི། །གཡས་ནས་
བསྐོར་ཏེ་དགོད་པར་བྱ། །ལོངས་སྤྱོད་འཁོར་ལོའི་རྩིབས་བཅུ་དྲུག །དབྱངས་ཡིག་བཅུ་དྲུག་གཡོན་ནས་དགོད། །ཆོས་ཀྱི་འཁོར་ལོ་འདབ་མ་བརྒྱད། །ཡུམ་བཞིའི་ས་བོན་གཡོན་ནས་དགོད། །ཐབས་ནི་མཚམས་ཏེ་གཡས་ནས་
བསྐོར། །སྤྲུལ་པའི་འཁོར་ལོའི་འདབ་མ་ནི། །དྲུག་བཅུ་རྩ་བཞི་གང་ཡིན་ལ། །གསལ་བྱེད་གཡས་བསྐོར་དགོད་པར་བྱ། །དབྱངས་ཡིག་གཉིས་ལྡན་གཡོན་ནས་བསྐོར། །བདེ་ཆེན་འཁོར་ལོའི་ལྟེ་དབུས་སུ། །ཧྃ་ནི་དཀར་པོ་ཐུར་བལྟས་
བསམ། །ལོངས་སྤྱོད་འཁོར་ལོའི་ལྟེ་དབུས་སུ། །ཨོཾ་ནི་དཀར་པོ་གྱེན་བལྟས་བསམ། །ཆོས་ཀྱི་འཁོར་ལོའི་ལྟེ་དབུས་སུ། །ཧཱུྃ་ནི་སྔོན་པོ་ཐུར་བལྟས་བསམ། །སྤྲུལ་པའི་འཁོར་ལོའི་ལྟེ་དབུས་སུ། །ཨ་ནི་དམར་པོ་གྱེན་བལྟས་
བསམ། །རྐྱེན་གྱི་འཁོར་ལོ་གཉིས་ཡིན་ཏེ། །དང་པོའི་གནས་སུ་ཡི་གེ་ཡྃ། །གཏུམ་མོ་འབར་བའི་ཡྃ་ཡིན་ཏེ། །ནག་པོ་ཡོངས་སུ་གྱུར་བ་ལས། །རླུང་འཁོར་མདོག་གནག་གཞུ་ཡི་དབྱིབས། །དབུས་སུ་དྷ་ལྔ་དགོད་བྱས་ནས། །བ་
དན་ལྔ་ནི་མཛེས་པའོ། །གྲུ་གསུམ་གནས་སུ་ཡི་གེ་རྃ། །མེ་ཡི་འཁོར་ལོ་གྲུ་གསུམ་དམར། །དབུས་སུ་ཨོཾ་ཨཱཿཧཱུྃ་ནི་དགོད། །ཟུར་ལ་རྡོ་རྗེ་གསུམ་གྱིས་མཚན། །རྐྱེན་གྱི་འཁོར་ལོ་དེ་ལྟར་ཡིན། །རླུང་གིས་བསྐྱོད་པས་དམ་ཚིག་མེས། །

87-1-72a

ཡེ་ཤེས་མེ་ནི་བསྐུལ་བ་མཁས། །འཁོར་ལོ་བཞི་འམ་བརྒྱད་གཉིས་བཤད། །བདེ་ཆེན་མ་རྟོགས་གཉིས་ཙམ་བསྲེགས། །བདེ་ཆེན་ཧྃ་ནི་བསྲོས་བྱས་ནས། །ཞུ་བ་འཆི་མེད་བདུད་རྩི་ནི། །ཟླ་བ་ཞུ་བའི་
བདུད་རྩི་ཡིས། །སྲོག་གི་རྩ་ཡི་ནང་ནས་འབབ། །རྒྱུན་དུ་འབབ་པར་གྱུར་པ་ཡིས། །འཆི་མེད་ཐིགས་པ་གཉིས་ཡིན་ཏེ། །གཟུང་བ་མདུད་པའི་ནང་དུ་གཟུང་། །གོ་བཟློག་ལུགས་སུ་བཟློག་པ་སྟེ། །མཐར་ཐུག་གནས་
སུ་གཟུང་བའོ། །གསང་བའི་འཁོར་ལོ་བཞི་པ་ནི། །གསང་བ་བདེ་སྐྱོང་འཁོར་ལོ་སྟེ། །ཧཱུྃ་ནི་ལྟེ་བར་དགོད་བྱས་ནས། །འདབ་མ་ལྔ་བཅུ་བརྒྱད་ཀྱི་གྲངས། །གསལ་བྱེད་ལུགས་བཞིན་དགོད་པར་བྱ། །དབྱངས་ཡིག་རིམ་
གཉིས་དག་བཀོད་ནས། །ཐ་མ་བཟུང་སྟེ་སྤངས་པའོ། །སྡིག་པ་སྤོང་ཕྱིར་བདེ་སྐྱོང་སྟེ། །དེ་ཕྱིར་བདེ་སྐྱོང་ཞེས་ནི་བཤད། །རྟ་མགྲིན་འཁོར་ལོའི་འདབ་བཟུང་ལ། །དབྱངས་ཡིག་ལུགས་དང་ལུགས་མིན་དགོད། །ལྟེ་བར་ཨུ་
ནི་དགོད་པར་བྱ། །བདེ་བའི་ལོངས་སྤྱོད་མྱོང་བའི་ཕྱིར། །རྟ་མགྲིན་འཁོར་ལོ་རུ་ནི་བཤད། །རིག་པའི་འཁོར་ལོ་འདབ་མ་ལྔ། །ལྟེ་བར་ཧྃ་ནི་དགོད་བྱས་ནས། །འདབ་མ་ལྔ་ལ་ཨོཾ་ཧཱུྃ་ཏྲྃ་ཨ། །གཡས་ནས་རིམས་གྱིས་དགོད་
པར་བྱ། །བཞི་པའི་དོན་ནི་རིག་པའི་ཕྱིར། །རིག་པའི་འཁོར་ལོ་ཞེས་ནི་བཤད། །གསང་བའི་འཁོར་ལོ་རིམ་པ་དྲུག །ལྟེ་བ་འདབ་བཞི་འདབ་མ་བརྒྱད། །བཅུ་དྲུག་སུམ་བཅུ་རྩ་གཉིས་ཏེ། །དྲུག་བཅུ་རྩ་བཞི་བཤད་པ་
ཡིན། །ལྟེ་བར་ཨ་ནི་དགོད་པ་སྟེ། །ཨེ་བྃ་མ་ཡ་དེ་རྣམས་ནི། །འདབ་མ་བཞི་ལ་གཡོན་ནས་དགོད། །འདབ་མ་བརྒྱད་ལ་དགོད་བྱ་བ། །སྡེ་བརྒྱད་ཀྱི་ནི་དང་པོ་བརྒྱད། །གཡོན་གྱི་རིམ་པས་དགོད་པར་བྱ། །འདབ་མ་བཅུ་དྲུག་གང་ཡིན་ལ། །
མ་མོ་བཅུ་དྲུག་གཡོན་ནས་དགོད། །འདབ་མ་སུམ་བཅུ་གཉིས་སོགས་ལ། །དབྱངས་ཡིག་ཡི་གེ་བཅུ་དྲུག་ནི། །གཡས་དང་གཡོན་གྱི་རིམ་པས་དགོད། །འདབ་མ་དྲུག་བཅུ་རྩ་བཞི་ལ། །གཡས་ནས་ཀཱ་ལི་ལུགས་བཞིན་དགོད། །ཨཱ་ལི་རིམ་

87-1-72b

གཉིས་གཡོན་ནས་དགོད། །གསང་བའི་དབང་བསྐུར་བའི་ཕྱིར། །གསང་བའི་འཁོར་ལོ་ཞེས་ནི་བཤད། །དེ་ནས་རོ་མའི་འཁོར་ལོ་ནི། །འདབ་མ་གཉིས་ལ་ལྟེ་བར་བཅས། །མ་ནིང་བཞི་ཡི་འདབ་གཉིས་ལ། །ལྟེ་བར་དེ་ཉིད་
ཐུར་ལ་དགོད། །རིན་ཆེན་རྩེ་མོ་བསམ་བྱ་བ། །བྷྱ་ནི་གྱེན་ལ་དགོད་པར་བྱ། །ཡི་གེ་གཉིས་ཀྱི་དབུས་སུ་ནི། །བྱང་ཆུབ་སེམས་ཀྱི་བདེ་བའི་རོ། །ཉམས་སུ་མྱོང་བར་བྱ་བའི་ཕྱིར། །ཉམས་མྱོང་རོ་མའི་འཁོར་ལོར་བཤད། །དེ་
ནས་དབང་བསྐུར་འཁོར་ལོ་ནི། །སྟེང་གི་ཚངས་སྒོའི་འདབ་མ་བརྒྱད། །ལྟེ་བར་ཨྃ་ནི་དགོད་པ་སྟེ། །དྃ་ལྃ་ཁྃ་རུྃ།  གཡོན་ནས་བརྩམས་ཏེ་ཕྱོགས་བཞིར་དགོད། །ཧཱུྃ་ཏྲཱྃ་ཧྲཱི་ཨ། གཡས་ནས་མཚམས་སུ་རིམ་པར་དགོད། །
བྱང་ཆུབ་སེམས་ཀྱི་ཆུ་རྒྱུན་གྱིས། །ལུས་ངག་ཡིད་གསུམ་སྒྲིབ་པ་དག །འཁྲུད་པའི་ཕྱིར་ན་དབང་བསྐུར་ཏེ། །དེ་ཕྱིར་དབང་བསྐུར་འཁོར་ལོར་བཤད། །དེ་ནས་ཡང་ནི་བཤད་བྱ་བ། །མདོར་བསྡུས་བསྒོམ་པ་བཤད་པར་བྱ། །
གོང་དུ་བསྟན་པ་གང་ཡིན་པ། །སྒྱུ་མ་ཙམ་དུ་ཤེས་པར་བྱ། །རང་རིག་སེམས་ལས་གཞན་མིན་ཏེ། །རང་གི་སེམས་ཀྱི་སྟོང་པ་ཉིད། །འོད་གསལ་བ་ཡི་རང་བཞིན་དུ། །ཅི་ཡང་མི་རྟོག་ཤེས་འགྱུར་ན། །མ་བསྒོམས་
ན་ཡང་བསྒོམ་པ་ཉིད། །དེ་ལྟར་སེམས་ལ་ལེགས་པར་ཟུང་། །བཅོམ་ལྡན་འདས་ཀྱིས་དེ་སྐད་ཅེས་བཀའ་སྩལ་པ་དང་། དཔའ་བོ་རྡོ་རྗེ་ལ་སོགས་པའི་དཔའ་བོ་དང་། མཁའ་འགྲོ་མ་དང་། མ་མོ་ལ་སོགས་པའི་
འཁོར་དཔག་ཏུ་མེད་པ་རྗེས་སུ་ཡི་རང་བར་གྱུར་ཏེ། ཕྱི་ནང་གསང་བའི་མཆོད་པས་མཆོད་ནས་མི་སྣང་བར་གྱུར་ཏོ། །དཔལ་སྟོབས་ཆེན་ཡེ་ཤེས་རྒྱལ་པོའི་རྒྱུད་ཀྱི་རྒྱལ་པོ་རྨད་དུ་བྱུང་བ་རྫོགས་སྷོ།། །།
རྒྱ་གར་གྱི་མཁན་པོ་གཱ་ཡ་དྷ་ར་དང་། ལོ་ཙྪ་་བ་དགེ་སློང་ཤཱཀྱ་ཡེ་ཤེས་ཀྱིས་བསྒྱུར་བའོ། ། ༄༅༅། །རྒྱ་གར་སྐད་དུ།    ཤྲཱི་ཙཀྲ་སྃ་བ་ར་ཏནྟྲ་རཱ་ཛ་ཨདྦྷུ་ཏ་ཤྨཱ་སཱ་ནི་ཨ་ལྃ་ཀ་ར་ནཱ་མ།    བོད་སྐད་དུ།   

87-1-73a

དཔལ་འཁོར་ལོ་སྡོམ་པའི་རྒྱུད་ཀྱི་རྒྱལ་པོ་དུར་ཁྲོད་ཀྱི་རྒྱན་རྨད་དུ་བྱུང་བ་ཞེས་བྱ་བ།  དཔལ་ཧེ་རུ་ཀ་ལ་ཕྱག་འཚལ་ལོ། །འདི་སྐད་བདག་གིས་ཐོས་པ་དུས་གཅིག་ན། བཅོམ་ལྡན་འདས་དེ་བཞིན་
གཤེགས་པ་ཐམས་ཅད་ཀྱི་སྐུ་དང་། གསུང་དང་། ཐུགས་རྡོ་རྗེ་བཙུན་མོའི་བྷ་ག་རྣམས་ལ་བཞུགས་སོ། །དེ་ནས་རྡོ་རྗེ་སྙིང་པོ་ལ་སོགས་པའི་དཔའ་བོ་དང་དཔའ་མོ་རྣམས་ཀྱིས་ཕྱིའི་མཆོད་པ་དང་། ནང་དང་། 
གསང་བ་དང་། དེ་ཁོ་ན་ཉིད་ཀྱི་མཆོད་པས་མཆོད་ནས་འདི་སྐད་ཅེས་གསོལ་ཏོ། །ཀྱེ་ཧོ་བཅོམ་ལྡན་རྡོ་རྗེ་འཛིན། །དཔལ་ཞེས་བགྱི་བ་ཇི་ལྟར་ལགས། །འཁོར་ལོ་ཞེས་པ་གང་ལ་བགྱི། །སྡོམ་པ་ཉིད་ཀྱང་ཇི་ལྟ་བུ། །
རྒྱུད་ཀྱི་དོན་ནི་ཇི་ལྟར་ལགས། །དེ་བཞིན་རྒྱུད་ཀྱི་རྒྱལ་པོ་ཅི། །བཅོམ་ལྡན་འདས་ཀྱིས་བཀའ་སྩལ་པ། །དཔལ་ནི་གཉིས་མེད་ཡེ་ཤེས་ཏེ། །འཁོར་ལོ་རྣམ་པ་བཞི་རུ་བརྗོད། །ཕྱི་ནང་གསང་བ་དེ་ཉིད་དོ། །དང་
པོ་ཕྱི་ཡིས་འཁོར་ལོ་ནི། །སྐུ་མདོག་ཕྱག་མཚན་ལྷ་ཡི་སྐུ། །དྲུག་བཅུ་རྩ་གཉིས་རིམ་པ་སྟེ། །ཡེ་ཤེས་དམ་ཚིག་སྐུ་གསུང་ཐུགས། །དཀྱིལ་འཁོར་ཕྱོགས་མཚམས་རིམ་པ་བཞིན། །ལུགས་འབྱུང་ལུགས་ལས་
བཟློག་པ་ནི། །ཐ་མལ་གཅོད་པས་ཕྱི་རུ་བཤད། །གཉིས་པ་ནང་གི་འཁོར་ལོ་ནི། །གནས་སོགས་ས་བཅུའི་རིམ་པ་རྣམས། །མཐོ་རིས་ས་སྟེངས་ས་འོག་དང་། །འཁོར་ལོ་སྒོ་ལ་དགོད་པ་ནི། །ཕྱི་རོལ་སྤྲོས་པ་གཅོད་པའོ། །
གསུམ་པ་གསུམ་པའི་འཁོར་ལོ་ནི། །སྤྲུལ་པ་ཆོས་དང་ལོངས་སྤྱོད་དང་། །དེ་བཞིན་བདེ་བ་ཆེན་པོ་སྟེ། །རྩ་ཆེན་སུམ་བཅུ་རྩ་གཉིས་ཀྱི། །གནས་སུ་གྱུར་པས་སྡུག་བསྔལ་གཅོད། །དགའ་བ་དང་ནི་མཆོག་དགའ་དང་། །
རྣམ་པའི་དགའ་བའི་གཉེན་པོ་ནི། །བདེ་བ་སྟོང་པ་མི་རྟོག་གསུམ། །དབྱེར་མེད་རྟོགས་པས་ལྷན་སྐྱེས་ལ། །དེ་ཁོ་ན་ཡི་འཁོར་ལོར་བརྗོད། །སྡོམ་པ་ཕྱི་ནང་གསང་བ་ཉིད། །འདོད་ཆགས་ཞེ་སྡང་གཏི་མུག་དང་། །ང་རྒྱལ་

87-1-73b

ལ་སོགས་ཉོན་མོངས་པ། །གཉེན་པོས་ཡེ་ཤེས་ངང་དུ་སྡོམ། །བདག་དང་དངོས་པོར་ལྟ་བ་དང་། །ཐ་མལ་པ་ཡི་རྣམ་རྟོག་ཀྱང་། །དག་པ་ལྷའི་འཁོར་ལོར་སྡོམ། །གཟོད་ནས་ལུས་ལ་གྲུབ་པ་ཡི། །རྩ་དང་རླུང་དང་བྱང་སེམས་
དང་། །ཨ་བ་དྷཱུ་ཏཱིའི་ནང་དུ་སྡོམ། །བདེ་བ་སྟོང་པ་མི་རྟོག་དང་། །དངོས་དང་དངོས་མེད་ཡེ་ཤེས་ཀྱང་། །དབྱེར་མེད་གཉུག་མའི་ངང་དུ་སྡོམ། །རྒྱུད་ཅེས་བྱ་བ་རྒྱུན་ཡིན་ཏེ། །གནས་སྐབས་གསུམ་གྱི་དྲི་མ་དང་། །འཇུག་དང་ཞུགས་
དང་ངེས་པ་ཡིས། །རྒྱུ་དང་ཐབས་དང་འབྲས་བུ་སྟེ། །དང་པོ་འཁོར་བའི་རང་བཞིན་ལ། །གཉིས་པ་ཐུན་མོང་མྱ་ངན་འདས། །རྒྱལ་པོ་ཞེས་པ་རྣམ་པ་བཞི། །འོག་མའི་ཡོན་ཏན་ལྡན་པ་དང་། །ངེས་པའི་དོན་ལ་དབང་བྱེད་དང་། །
གཉེན་པོ་ཡེ་ཤེས་ཆེ་བ་དང་། །གནས་ལ་ཁྱབ་པས་རྒྱལ་པོ་ཡིན། །རྡོ་རྗེ་སྙིང་པོས་ཡང་གསོལ་པ། །དུར་ཁྲོད་བརྒྱད་ནི་ཇི་ལྟར་ལགས། །དེ་ཡི་དགོངས་པ་ཇི་ལྟར་ལགས། །བཅོམ་ལྡན་འདས་ཀྱིས་བཀའ་སྩལ་པ། །ཕྱི་ནང་
གསང་བ་དེ་ཉིད་ཀྱིས། །དུར་ཁྲོད་རྣམ་པ་བཞི་རུ་འགྱུར། །དང་པོ་ཕྱི་ཡི་དུར་ཁྲོད་ནི། །རྡོ་རྗེ་ར་བའི་ནང་རོལ་ལམ། །ཡང་ན་ཕྱི་རོལ་གྲྭ་རྣམས་སུ། །ལུགས་འབྱུང་ལུགས་ལས་བཟློག་པ་ནི། །གཏུམ་དྲག་དང་ནི་ཚང་ཚིང་དང་། །
འབར་བས་འཁྲུགས་པའི་ཀེང་རུས་དང་། །འཇིགས་སྡེ་རྣམས་ནི་ཤར་སོགས་ཀྱི། །ཕྱོགས་སུ་གཡོན་ནས་བསྐོར་ཏེ་གནས། །ཧ་ཧར་རྒོད་པ་དབང་ལྡན་ཏེ། །དཔལ་གྱི་ནགས་ཚལ་བྱིན་ཟེར་རོ། །འཇིགས་པའི་མུན་པ་བདེན་
བྲལ་དུ། །རླུང་མཚམས་ཀི་ལི་ཀི་ལིར་སྒྲོགས། །ཤར་དུ་ཧ་རི་པ་སྱེ་ལ། །གཏུམ་དྲག་དཀར་པོ་གླང་པོའི་གདོང་། །བྱང་དུ་བྱང་ཆུབ་ཤིང་བུ་ལ། །གྷ་ར་སེར་པོ་མི་ཡི་གདོང་། །ནུབ་དུ་མྱ་ངན་མེད་ཤིང་ལ། །འབར་འཁྲུགས་
དམར་པོ་ཆུ་སྲིན་གདོང་། །ལྷོ་རུ་ཙཱུ་ཏིའི་ཤིང་བུ་ལ། །འཇིགས་སྟེ་ནག་པོ་མ་ཧེའི་གདོང་། །མེ་རུ་ཀ་རན་ཙ་ན་སྡེ། །དཔལ་གྱི་ནགས་ཚལ་ར་གདོང་དམར། །བདེན་བྲལ་ཨརྫུའི་ཤིང་བུ་ལ། །འཇིགས་པའི་མུན་པ་མ་ཧེའི་གདོང་། །རླུང་དུ་

87-1-74a

སྲིད་གྲུབ་ཤིང་བུ་ལ། །ཀི་ལི་སྒྲ་སྒྲོགས་རི་དགས་གདོང་། །དབང་ལྡན་ནྱ་གྲོ་དྷ་ཤིང་ལ། །ཧ་ཧར་རྒོད་པ་བ་གླང་གདོང་། །གཡས་ན་གྲི་གུག་ཐོད་པ་གཡོན། །ཤིང་ལོའི་སྟེང་ན་སྟོད་ཕྱུང་ངོ་། །ཤར་དུ་བརྒྱ་བྱིན་དཀར་པོ་
ལ། །རྡོ་རྗེ་སྡིགས་མཛུབ་གླང་པོ་ཞོན། །བྱང་དུ་ལུས་ངན་སེར་པོ་ལ། །དབྱུག་པ་འཛིན་ཅིང་གཏེར་ལ་ཞོན། །ནུབ་དུ་ཆུ་བདག་དམར་པོ་ནི། །ཆུ་སྲིན་ཞོན་ནས་ཞགས་པ་ཐོགས། །ལྷོ་རུ་གཤིན་རྗེ་ནག་པོ་ལ། །མ་ཧེ་ཞོན་ནས་བེ་ཅོན་
ཐོགས། །ཤར་ལྷོ་མེ་ལྷ་དམར་སེར་ལ། །ར་ལ་ཞོན་ནས་མེ་ཐབ་འཛིན། །ལྷོ་ནུབ་སྲིན་པོ་སྨུག་ནག་ལ། །རལ་གྲི་ཐོགས་ནས་མི་ལ་ཞོན། །ནུབ་བྱང་རླུང་ལྷ་མདོག་སྔོན་པོ། །རི་དགས་ཞོན་ནས་འཕན་ནི་འཕྱར། །བྱང་ཤར་དབང་
ལྡན་དཀར་པོ་ནི། །ཁྱུ་མཆོག་ཞོན་ནས་རྩེ་གསུམ་ཐོགས། །ཐམས་ཅད་རང་རང་རིག་མས་འཁྱུད། །ནོར་རྒྱས་དང་ནི་འཇོག་པོ་དང་། །སྟོབས་ཀྱིས་རྒྱུ་དང་པད་མ་དག །ཤར་ནས་བརྩམས་ཏེ་གཡོན་དུ་དགོད། །པད་མ་ཆེ་དང་
མཐའ་ཡས་དང་། །རིགས་ལྡན་དང་ནི་དུང་སྐྱོང་ནི། །གཡས་ཀྱི་ཕྱོགས་ནས་དགོད་པའོ། །སྒྲ་སྒྲོགས་པ་དང་རྨུགས་པ་དང་། །མུན་པ་ཅན་དང་ཀུན་དུ་འཁྱིལ། །ཤར་ནས་བྱང་གི་ཕྱོགས་སུ་དགོད། །འཁྲིགས་པ་གང་བ་འབབ་
པ་དང་། །དྲག་པོ་སྤྲིན་ཚོགས་མཚམས་ལ་དགོད། །རྡོ་རྗེ་རིན་ཆེན་པད་མ་དང་། །ལས་དང་དམ་ཚིག་རྣལ་འབྱོར་མ། །སྣ་ཚོགས་འཇིག་རྟེན་མཁའ་འགྲོ་རྣམས། །ཤིན་དུ་འཇིགས་པའི་གཟུགས་ཀྱིས་ནི། །རོ་ལ་སྤྱོད་ཅིང་མཁའ་
ལ་རྒྱུ། །གཞན་ཡང་རྣལ་འབྱོར་མཆོད་རྟེན་དང་། །ཆུ་དང་མེ་སོགས་རིམ་པ་སྟེ། །གཟའ་དང་པར་ཏ་གྲུབ་པ་རྣམས། །རོལ་པ་ཆེན་པོའི་ཚུལ་དུ་གནས། །འབྱུང་པོའི་གདོན་དང་རོ་ལངས་དང་། །སྟག་དང་ཁྱི་དང་ཅེ་སྤྱང་དང་། །ཝ་དང་
འུག་པ་བྱ་རྒོད་དང་། །ཕྱེད་ཚིག་པ་དང་རྣམ་པར་དཔྱངས། །མགོ་བོ་ལུས་པོ་རུས་རྐང་རྣམས། །ཨ་ལ་ཕེྃ་མིག་སྒྲ་སྒྲོགས་པ། །དེ་ནས་ནང་གི་དུར་ཁྲོད་ནི། །ལུས་ཀྱི་སྐྲ་སེན་སྤུ་ལ་སོགས། །སྐྱེ་ཞིང་འཇིག་པར་བྱེད་པས་ན། །དུར་

87-1-74b

ཁྲོད་ཆེན་པོ་ལུས་ལ་དགོད། །དེ་ནས་གསང་བའི་དུར་ཁྲོད་ནི། །རྩ་ཆེན་སུམ་བཅུ་རྩ་གཉིས་ནས། །འབྱུང་འཇུག་གནས་པའི་རླུང་རྣམས་ནི། །དབུགས་རྒྱུ་ཞེས་པ་དུར་ཁྲོད་དོ། །རྣམ་པར་ཤེས་པའི་ཚོགས་བརྒྱད་དང་། །དངོས་པོའི་
རྟོག་པ་སྣ་ཚོགས་པ། །ཆོས་ཀྱི་དབྱིངས་ཀྱི་དུར་དུ་མཆི། །གསང་བ་རིག་པའི་ཡེ་ཤེས་ཁྲོད། །དེ་ནས་དུར་ཁྲོད་དགོས་པ་ནི། །རྣམ་ཤེས་དག་པས་དུར་ཁྲོད་ལ། །ཕྱོགས་སྐྱོང་མི་དགེ་བཅུ་པོ་སྤོང་། །སངས་རྒྱས་བརྒྱད་ཀྱི་མཚན་
མ་ཤིང་། །ཐུགས་རྗེའི་རྟགས་སུ་ཤིང་བརྒྱད་ལ། །ཞིང་སྐྱོང་སྔགས་ཀྱི་ཐེག་པ་བསྲུང་། །གདུག་པ་འཇོམས་ཕྱིར་ཀླུ་བརྒྱད་དགོད། །མཆོད་རྟེན་རང་སངས་རྒྱས་ཀྱི་གནས། །རྣལ་འབྱོར་བཏུལ་ཞུགས་སྤྱོད་པ་བྱེད། །ཆུ་ནི་བརྗོད་
བྱ་ཟབ་པ་ལ། །མེ་སོགས་རྟོག་པ་བྲལ་བའོ། །རྡོ་རྗེ་སྙིང་པོས་ཡང་གསོལ་པ། །བཅོམ་ལྡན་འདས་ནི་ཇི་ལྟར་ལགས། །དེ་བཞིན་གཤེགས་པ་ཐམས་ཅད་ཀྱི། །སྐུ་དང་གསུང་ཐུགས་ཇི་ལྟར་ལགས། །བཙུན་མོའི་བྷ་ག་ཇི་ལྟ་
བུ། །བཞུགས་པའི་དོན་ནི་ཇི་ལྟར་ལགས། །བཅོམ་ལྡན་འདས་ཀྱིས་བཀའ་སྩལ་པ། །ཉོན་མོངས་བདུད་དང་འཆི་བདག་བདུད། །ལྷ་ཡི་བུ་དང་ཕུང་པོའི་བདུད། །བདུད་བཞི་བཅོམ་པས་བཅོམ་པ་ལ། །ལྡན་པ་ཡོན་ཏན་དྲུག་ཉིད་
དེ། །དབང་ཕྱུག་དང་ནི་གཟུགས་བཟང་དང་། །དཔལ་དང་གྲགས་དང་སྐལ་པ་བཟང་། །ཡེ་ཤེས་ཕུན་སུམ་ཚོགས་པ་ནི། །དྲུག་པོ་དེ་ལ་ལྡན་ཞེས་གསུངས། །འཁོར་བའི་ཆོས་ནི་མྱ་ངན་ཏེ། །དེ་དང་བྲལ་ཕྱིར་འདས་པའོ། །
འདས་པའི་དེ་བཞིན་གཤེགས་པ་ཀུན། །འགྲོ་བའི་དོན་མཛད་དེ་བཞིན་གཤེགས། །ཐམས་ཅད་དུས་གསུམ་སངས་རྒྱས་ཀྱི། །སྐུ་གསུང་ཐུགས་ཀྱི་ངོ་བོར་གནས། །བཙུན་མོ་ཞེས་པ་ཆོས་ཀྱི་དབྱིངས། །དེ་ལ་ཡོད་ཕྱིར་བྷ་ག་སྟེ། །
མི་ཕྱེད་པས་ན་བཞུགས་ཞེས་བྱ། །རྡོ་རྗེ་སྙིང་པོས་ཡང་གསོལ་པ། །དཔའ་བོ་ཞེས་པ་གང་ལ་བགྱི། །དེ་བཞིན་དཔའ་མོ་ཉིད་ཀྱང་ཅི། །དེ་ཡི་མཆོད་པ་ཇི་ལྟར་ལགས། །བཅོམ་ལྡན་འདས་ཀྱིས་བཀའ་སྩལ་པ། །དཔའ་བོ་ལ་

87-1-75a

ཡང་རྣམ་བཞི་སྟེ། །བུམ་པའི་དབང་དང་འབྲེལ་པ་ཡི། །ལྷ་ཡི་རྣལ་འབྱོར་བསྒོམས་པ་ཡིས། །ཐ་མལ་པའི་རྣམ་རྟོག་སྤོང་། །དེས་ན་ཕྱི་ཡི་དཔའ་བོར་བཤད། །གསང་བའི་དབང་དང་འབྲེལ་བ་ཡི། །རྩ་རླུང་ཐིག་ལེ་
བསྒོམས་པ་ཡིས། །མཚན་མའི་རྣམ་རྟོག་འཇོམས་པ་ནི། །ནང་གི་དཔའ་བོར་བཤད་པ་ཡིན། །གསུམ་པའི་དབང་དང་འབྲེལ་བ་ཡི། །དགའ་བ་བཞི་ཡི་དོན་བསྒོམས་པས། །གཟུང་དང་འཛིན་པའི་རྟོག་པ་འཇོམས། །དེ་ནི་གསང་བའི་དཔའ་
བོ་ཡིན། །བཞི་པའི་དབང་དང་འབྲེལ་པ་ཡི། །གཉིས་སུ་མེད་པ་གང་བསྒོམས་པས། །ཐ་དད་རྟོག་པ་འཇོམས་པའི་ཕྱིར། །དེ་ཁོ་ན་ཡི་དཔའ་བོར་བཤད། །དཔའ་མོ་ལ་ཡང་རྣམ་པ་བཞི། །མ་ནི་ཤེས་རབ་ཕ་རོལ་ཕྱིན། །གདོད་ནས་སྤྲོས་
བྲལ་ལྷུན་གྲུབ་ལ། །ལྟ་བའི་ཞེན་པ་སྤོང་བ་ནི། །དེ་ནི་ཕྱི་ཡི་དཔའ་མོར་བཤད། །ནང་དུ་རྩ་དང་ཐིག་ལེ་སོགས། །རང་བཞིན་མེད་པར་བྱེད་པས་མ། །གསང་བར་དགའ་བ་བཞི་རྣམས་ལ། །རང་བཞིན་ལྷན་ཅིག་སྐྱེས་པས་མ། །རང་རིག་སེམས་ཀྱིས་
ངོ་བོ་ནི། །ནམ་མཁའ་ལྟ་བུར་གང་བསྒོམ་པ། །དེ་ཁོ་ན་ཡི་དཔའ་མོའོ། །མཆོད་པ་ཡང་ནི་རྣམ་པ་བཞི། །ཕྱི་ནང་གསང་བ་དེ་ཁོ་ན། །དང་པོ་ཕྱི་ཡི་མཆོད་པ་ནི། །མེ་ཏོག་བདུག་སྤོས་མར་མེ་དང་། །དྲི་དང་ལྷ་བཤོས་བཏུང་བ་དང་། །རོལ་མོ་སིལ་སྙན་དབྱངས་
ཉིད་དང་། །གཟུགས་དང་སྒྲ་དང་དྲི་དང་ནི། །རོ་དང་རེག་བྱ་འཇམ་པ་དང་། །འཁོར་ལོ་རིན་ཆེན་གླང་པོ་རྟ། །བཙུན་མོ་དམག་དཔོན་བློན་པོ་རྣམས། །ཕྱི་ཡི་མཆོད་པ་ཐུན་མོང་ངོ་། །རང་གི་ལུས་ལས་བྱུང་བ་ཡི། །བདུད་རྩི་ལྔ་དང་བཏུང་བ་དང་། །ཤ་ལྔ་ལྷག་
པའི་རྫས་རྣམས་ནི། །ཕུང་པོ་ཁམས་དང་སྐྱེ་མཆེད་ཀྱི། །འཁོར་ལོ་རྣམས་ལ་མཆོད་པ་ནང་། །དེ་ནས་གསང་བའི་མཆོད་པ་ནི། །རང་སྣང་ཐབས་ཀྱི་རིག་མ་ཡིས། །སྐྲ་གཟུང་བྷ་ག་ཀུ་ཙ་བཙིར། །རྩ་དང་རླུང་དང་ཐིག་ལེ་སོགས། །དགའ་བ་མཆོག་དགའ་
དགའ་བྲལ་དང་། །ལྷན་ཅིག་སྐྱེས་པའི་བདེ་བ་མཆོད། །རང་རིག་སྟོང་པར་རྟོགས་པ་ཡི། །འོད་གསལ་དེ་ཉིད་ཆོས་སྐུ་ལ། །ཞེན་པ་རྣམས་དང་བྲལ་བ་ནི། །བླ་ན་མེད་པའི་མཆོད་པའོ། །རྡོ་རྗེ་སྙིང་པོས་ཡང་གསོལ་པ། །གཏོར་མ་ཞེས་པ་གང་ལ་

87-1-75b

བགྱི། །དེ་ཡི་ཕན་ཡོན་ཇི་ལྟར་འབྱུང་། །བཅོམ་ལྡན་འདས་ཀྱིས་བཀའ་སྩལ་པ། །གཏོར་མ་རྣམ་པ་བཞི་རུ་གསུངས། །ཕྱི་ནང་གསང་བ་དེ་ཁོ་ན། །དང་པོ་ཕྱི་ཡི་གཏོར་མ་ནི། །ཐུན་མཚམས་ལྷ་ཡི་མདུན་ཉིད་དུ། །རྃ་ལས་མེ་དང་ཡྃ་ལས་
རླུང་། །སྒྱེད་གསུམ་ཨ་ལས་དུམ་གཅིག་པའི། །ནང་དུ་བདུད་རྩི་ཤ་ལྔ་ལ། །སྐུ་གསུང་ཐུགས་ཀྱི་སྦྱོར་བ་ཡིས། །ལྷ་རྣམས་མཉེས་པར་བྱེད་པ་དང་། །མཁའ་འགྲོ་དགྱེས་པར་བྱེད་པའོ། །གཉིས་པ་ནང་གི་གཏོར་མ་ནི། །ཕུང་པོ་ཁམས་
དང་སྐྱེ་མཆེད་རྣམས། །ལུས་ནི་ལྷ་ཡི་འཁོར་ལོ་ལ། །རྩ་ནི་ཡེ་ཤེས་མཁའ་འགྲོ་མ། །སྲིན་བུ་ལས་ཀྱི་མཁའ་འགྲོ་མཆོད། །གསུམ་པ་གསང་བའི་གཏོར་མ་ནི། །འཁོར་ལོ་བཞི་ཡི་ཀ་པཱ་ལར། །རླུང་དང་ཐིག་ལེ་བདུད་རྩི་ལ། །
དགའ་བ་གསུམ་གྱིས་བྱིན་བརླབས་ཏེ། །ལྷན་ཅིག་སྐྱེས་པ་མཆོད་པར་བྱ། །དེ་ཉིད་བཞི་པའི་གཏོར་མ་ནི། །ཕྱི་ནང་དངོས་པོའི་གཏོར་མ་ཀུན། །ཆོས་ཀྱི་དབྱིངས་ཀྱི་པད་སྣོད་དུ། །དོན་དམ་སེམས་ཀྱི་གསུམ་སྔགས་ཀྱིས། །བདེ་བ་
ཆེན་པོའི་ངང་ལ་མཆོད། །ཕན་ཡོན་དངོས་གྲུབ་སྟེར་བ་དང་། །ཕྱི་ནང་བར་ཆད་སེལ་བ་དང་། །ཟས་ཀྱི་རྟོག་པ་ཆོམས་པ་དང་། །ཁམས་དང་སྐྱེ་མཆེད་རྟས་པ་དང་། །རྒས་སྲ་ལུས་ཀྱི་མདངས་ལྡན་ཞིང་། །སྐྲ་དཀར་གཉེར་མ་སྤོང་བ་
དང་། །དངོས་པོའི་གདོན་ལས་གྲོལ་བ་དང་། །འཁོར་བའི་ཕ་རོལ་སོན་པའོ། །ལྷ་མོས་གསོལ་པ་བཅོམ་ལྡན་འདས། །སེམས་ཀྱི་རང་བཞིན་ཇི་ལྟ་བུ། །དེ་ལས་འཁྲུལ་ནས་ཇི་ལྟར་འཁོར། །མ་འཁྲུལ་དོན་ལ་ཇི་ལྟར་གཞག །
དེ་ལས་ཡོན་ཏན་ཇི་ལྟར་འབྱུང་། །བཅོམ་ལྡན་འདས་ཀྱིས་བཀའ་སྩལ་པ། །སེམས་ལས་མ་གཏོགས་སངས་རྒྱས་དང་། །སེམས་ལས་མ་གཏོགས་ཆོས་གཞན་དག །སངས་རྒྱས་ཀྱིས་ཀྱང་མ་གཟིགས་ཤིང་། །མ་གསུངས་
གསུང་བར་མི་འགྱུར་ཏེ། །དེས་ན་སངས་རྒྱས་ཐམས་ཅད་ཀྱི། །སེམས་ཀྱི་གསང་འདི་གསང་བའི་མཆོག །ཁམས་གསུམ་བརྟན་དང་གཡོར་བཅས་པ། །སྣང་བ་མྱོང་ཞིང་གྲུབ་པ་མེད། །དེ་ཕྱིར་འཁོར་བའི་མིང་ཡང་མེད། །ཐོག་

87-1-76a

མར་མ་སྐྱེས་རང་བཞིན་དག །གློ་བུར་སངས་རྒྱས་མིང་ཡང་མེད། །སངས་རྒྱས་སེམས་ཅན་གཉིས་མ་ཡིན། །ཀུན་རྫོབ་དོན་དམ་གཉིས་མ་ཡིན། །རང་བཞིན་རིག་པ་འོད་གསལ་སོགས། །སྨྲར་མེད་བརྗོད་དུ་མེད་
པ་སྟེ། །དཔེར་ན་ལྐུགས་པས་རོ་མྱོང་འདྲ། །རས་དང་ཤེལ་འདྲའི་རང་བཞིན་ལ། །ལོག་རྟོག་རྩི་སོགས་རྣམ་པར་འཁྲུལ། །ཁམས་གསུམ་བརྟན་དང་གཡོར་སྣང་ཞིང་། །འདོད་པའི་བྱང་ཆུབ་སྣ་ཚོགས་དང་། །དེ་དག་སྤྱོད་པ་སྣ་
ཚོགས་དག །དེ་ཉིད་གཡེང་དང་རྣམ་རྟོག་སྟེ། །རང་གིས་འཁྲུལ་ནས་རང་གིས་འཆིང་། །རང་གིས་གསོད་ཅིང་རང་གིས་ཟ། །རང་གིས་ལྟུང་ཞིང་རང་སྡུག་བསྔལ། །རང་རིག་ཡེ་ནས་སྤྲོས་བྲལ་ལ། །སྒྲ་དང་ཐ་སྙད་འཇུག་ན་འཁྲུལ། །
རང་རིག་ངང་གིས་འོད་གསལ་ལ། །མ་རིག་མུན་པས་བསྒྲིབས་ན་འཁྲུལ། །དངོས་པོ་སྟོང་པར་རོ་མཉམ་ལ། །བླང་དང་དོར་བར་བྱེད་ན་འཁྲུལ། །འདོད་ཡོན་ངང་གིས་འགག་པ་ལ། །དེ་དག་དཀའ་བས་སྤོང་ན་འཁྲུལ། །རང་རིག་
ཡེ་ནས་སྟོང་པ་ལ། །འདོད་ཡོན་ལྔ་ལ་བརྟེན་ན་འཁྲུལ། །དམན་དང་གྱ་ནོམ་མེད་པ་ལ། །སྒྲོ་དང་སྐུར་པ་འདེབས་ན་འཁྲུལ། །གདོད་ནས་སྤྲོས་བྲལ་ལྷུན་གྲུབ་ལ། །སྒོམ་དང་མི་སྒོམ་བྱེད་ན་འཁྲུལ། །སངས་རྒྱས་སེམས་ཅན་གཉིས་
མེད་ལ། །དེ་དག་གཉིས་སུ་འཛིན་ན་འཁྲུལ། །དོན་དམ་ཀུན་རྫོབ་གཉིས་མེད་ལ། །བདེན་པ་གཉིས་སུ་འབྱེད་ན་འཁྲུལ། །སངས་རྒྱས་འཁོར་བའི་ཆུ་བོ་རྒལ། །སྐྱེ་འགག་གང་ལྟར་འདོད་ཀྱང་འཁྲུལ། །སྟོང་ཉིད་རོ་ལ་མི་གནས་
པར། །དངོས་པོ་མཚན་མར་གནས་ན་འཁྲུལ། །སེམས་ཀྱི་གླང་ཆེན་མི་འདུལ་བར། །གཡེང་བའི་སེམས་སུ་འདུག་ན་འཁྲུལ། །རྣམ་རྟོག་རླུང་གིས་བསྐྱོད་པ་ལ། །རང་རིག་ཡེ་ཤེས་འདོད་ན་འཁྲུལ། །རང་སེམས་རང་གིས་མ་
མཐོང་བར། །ཆེ་བའི་ང་རྒྱལ་སྨྲ་ན་འཁྲུལ། །རང་རིག་ཉམས་སུ་མ་མྱོང་བར། །དཀར་པོའི་ཆོས་རྣམས་སྤོང་ན་འཁྲུལ། །སངས་རྒྱས་མ་འཁྲུལ་སེམས་ཅན་འཁྲུལ། །རང་བཞིན་མ་འཁྲུལ་རང་རིག་འཁྲུལ། །སེམས་ཉིད་མ་འཁྲུལ་

87-1-76b

བག་ཆགས་འཁྲུལ། །སངས་རྒྱས་ལས་འཁྲུལ་སེམས་ཅན་དེ། །རང་རིག་ལས་འཁྲུལ་གཞན་རིག་སྣང་། །སེམས་ཉིད་ལས་འཁྲུལ་བག་ཆགས་འབྱུང་། །དེས་ན་རང་སེམས་འཁྲུལ་པ་དག །དོན་དུ་སྣང་བ་རབ་ཏུ་སྐྱེ། །སྐྱེ་བ་མེད་བཞིན་སྐྱེ་བས་འཁྲུལ། །ལྕགས་
བསྲེགས་ས་གཞི་རང་གི་སེམས། །མེ་སོགས་བྱེད་པ་གཞན་ན་མེད། །བཀྲེས་སྐོམ་སྡུག་བསྔལ་རང་གི་སེམས། །ཟས་སྐོམ་བཀྲེས་པ་གཞན་ན་མེད། །བརྡེག་བཙོག་ལྕགས་བཞུས་རང་གི་སེམས། །སྲོག་གཅོད་ཤན་པ་གཞན་ན་མེད། །འགྲོ་བ་ཐམས་ཅད་
རང་སེམས་ཀུན། །རང་གི་སེམས་སུ་མ་ཤེས་ན། །དེ་ཡིས་སངས་རྒྱས་སྤངས་པ་ཡིན། །བླ་མ་དམ་པ་རྟག་ཏུ་བསྟེན། །ཐེག་ཆེན་ཟབ་མོའི་མདོ་རྒྱུད་བལྟ། །བསྒོམ་དུ་མེད་པའི་དོན་བསྒོམས་ན། །མ་བསྒོམས་ན་ཡང་བསྒོམ་པའི་མཆོག །དེ་ལྟར་གྱུར་པའི་
མཁས་པ་ལ། །སྟོང་པར་མི་འགྱུར་གང་ཡང་མེད། །དེ་ལས་མྱ་ངན་འདས་པ་འབྱུང་། །སྐུ་དང་སྟོབས་ལ་སོགས་པ་ཀུན། །ནོར་བུའི་ཚུལ་དུ་རང་བཞིན་འབྱུང་། །དེ་དག་སེམས་ཀྱི་ཕན་ཡོན་ནོ། །ལྷ་མོས་གསོལ་པ་བཅོམ་ལྡན་འདས། །རྟེན་གྱི་གང་ཟག་
རྣམ་པ་དུ། །རྒྱུད་ཀྱི་རྣམ་གྲངས་དུ་ཞིག་མཆིས། །གདུལ་བྱ་གང་ལ་རྒྱུད་རྣམས་བཤད། །བཅོམ་ལྡན་འདས་ཀྱིས་བཀའ་སྩལ་པ། །སེམས་ཅན་སངས་རྒྱས་རང་བཞིན་པས། །གདོལ་པ་ཀོ་ལྤགས་མཁན་ལ་སོགས། །གཟུགས་ངན་གསོད་པའི་དོན་གཉེར་
བ། །ཐེག་པ་འདི་ལས་འགྲུབ་པར་འགྱུར། །དཀྱིལ་འཁོར་རྫོགས་པར་བསྒོམ་པ་དང་། །གཙོ་བོ་ཡབ་ཡུམ་བསྒོམ་པ་དང་། །དབུ་མའི་སྤྱན་ལ་སེམས་འཛིན་པ། །བསྐྱེད་རིམ་སྤྲོས་དང་བཅས་པའི་ལམ། །རིགས་ལ་གནས་པའི་རྣལ་འབྱོར་གྱིས། །ལྷ་སོགས་བུ་མོ་མཚན་
ལྡན་ལ། །ཆགས་པས་ཆགས་པ་སྤོང་བ་ནི། །ལས་ཀྱི་ཕྱག་རྒྱ་ཆགས་པའི་ལམ། །གནས་པ་རྩ་དང་གཡོ་བ་རླུང་། །བཀོད་པ་བྱང་སེམས་དམན་བ་དབྱིབས། །ཟབ་པ་སྔགས་དང་ཐིག་ལེ་དང་། །མཐར་ཐུག་ཡན་ལག་བདུན་བསྒོམས་པ། །ཆོས་ཀྱི་ཕྱག་རྒྱ་གྲོལ་བའི་ལམ། །རྟེན་
ཡོད་མ་ཡིན་བརྟེན་པ་མེད། །དམིགས་པ་ཐམས་ཅད་རྣམ་བསལ་ཏེ། །ལྷན་ཅིག་སྐྱེས་པའི་དོན་བསྒོམ་པ། །ཕྱག་རྒྱ་ཆེན་པོར་རང་བྱིན་བརླབ། །དེ་རྣམས་གཉིས་སུ་བསྡུ་བ་སྟེ། །གང་ཟག་མཆོག་དང་ལས་དང་པོ། །ལས་དང་པོ་ལ་ཕྱི་ནང་གཉིས། །མཆོག་ལ་ཡང་ནི་ཕྱི་ནང་གཉིས། །དབང་

87-1-77a

བཞི་བགྲོད་པའི་རྣལ་འབྱོར་གྱིས། །བསྙེན་གནས་དགེ་བསྙེན་དགེ་ཚུལ་དང་། །དགེ་སློང་ཆེན་པོ་གསུངས་པ་སྟེ། །འདི་ཡིས་རྒྱུད་རྣམས་འགྲུབ་པར་འགྱུར། །རྩ་བའི་རྒྱུད་ནི་རྣམ་པ་གསུམ། །བཤད་རྒྱུད་སུམ་བཅུ་རྩ་གཉིས་ཏེ། །ཡན་ལག་རྒྱུད་ནི་གྲངས་ལས་འདས། །རྩ་བ་ཆེན་པོ་ཕྱི་མ་དང་། །
ཕྱི་མའི་ཕྱི་མར་བསྡུས་པ་ཡིན། །བྲམ་ཟེ་རྒྱལ་རིགས་རྗེ་རིགས་དང་། །དམངས་རིགས་གདོལ་པ་གདུལ་དོན་དུ། །རྒྱུད་ཀྱང་རྣམ་པ་བཞིར་གསུངས་ཏེ། །བྱ་སྤྱོད་རྣལ་འབྱོར་བླ་མེད་དོ། །ལྷ་མོས་གསོལ་བ་བཅོམ་ལྡན་འདས། །གནས་གང་དུ་ནི་གཙོ་བོ་བསྒོམ། །ཐབས་ནི་རྣམ་པ་དུ་ཞིག་མཆིས། །དེ་བཞིན་ཐབས་ལས་
བྱུང་བ་ཅི། །བཅོམ་ལྡན་འདས་ཀྱིས་བཀའ་སྩལ་པ། །རི་རྩེ་དུར་ཁྲོད་རོ་སྟེང་དུ། །གཅེར་བུ་སྐྲ་བཤིག་ལྷོར་བལྟས་ཏེ། །ཨཱ་ལི་ཀཱ་ལིས་ལུས་བསྲུངས་ལ། །དཔའ་བོའི་འཁོར་ལོ་བསྒོམ་པར་བྱ། །སྨིན་པར་བྱེད་པ་དབང་བཞི་ལ། །གྲོལ་བ་བསྐྱེད་རྫོགས་གཉིས་ཀྱི་ལམ། །ལམ་གཉིས་ལ་ནི་བརྟེན་ནས་སུ། །སྔགས་པས་
བྱང་ཆུབ་བསྒྲུབ་པར་བྱ། །བུམ་པས་ལུས་ཀྱི་དྲི་མ་འཁྲུད། །གསང་བས་ངག་གི་དྲི་མ་འཁྲུད། །གསུམ་པས་སེམས་ཀྱི་དྲི་མ་སྟེ། །དེ་ནི་ཀུན་དུ་བརྟགས་པ་ལ། །ལྷན་ཅིག་སྐྱེས་པའི་མ་རིག་པ། །བཀྲུ་བའི་ཕྱིར་ན་བཞི་པ་བཤད། །གནས་དང་ལྡང་བ་ཉིད་དང་ནི། །འཇུག་དང་ཡོངས་སུ་རྫོགས་པ་
དང་། །བྱིན་གྱིས་བརླབ་དང་དབང་བསྐུར་དང་། །ཏིང་འཛིན་མཆོད་པ་བསྐྱེད་རིམ་ལ། །ཉེ་བར་བསྡུ་བ་རྫོགས་པའི་རིམ། །རིམ་གཉིས་མཉམ་པར་གནས་ནས་སུ། །རྡོ་རྗེ་ཅན་གྱིས་ཆོས་འཆད་དོ། །སྟོང་པ་མངོན་གྱུར་ཆོས་སྐུ་ལ། །མཚན་དཔེ་བདེ་བ་ལོངས་སྤྱོད་སྐུ། །རོལ་པའི་མཛད་པ་སྤྲུལ་སྐུ་ལ། །སྐུ་
གསུམ་དབྱེར་མེད་བདེ་ཆེན་དང་། །ལྷ་མོས་གསོལ་པ་བཅོམ་ལྡན་འདས། །གང་གིས་བསྒྲུབས་ན་འགྲུབ་པར་འགྱུར། །གང་ལ་བར་ཆད་འབྱུང་བར་འགྱུར། །བཅོམ་ལྡན་འདས་ཀྱིས་བཀའ་སྩལ་པ། །འཁོར་བས་སྐྱོ་ནས་སྡོམ་གསུམ་ལྡན། །ཐོས་ཆེ་དང་ལྡན་མཚན་ཉིད་བཟང་། །དབེན་པར་དཀྱིལ་འཁོར་བྲིས་
སྨྲ་བཅད། །ཆོས་གོས་གྱོན་ལ་བདུད་རྩི་སྤྱད། །ཐུན་བཞིར་བསྒྲུབས་ན་འགྲུབ་པར་འགྱུར། །ཞེན་པ་ཆེ་བའི་རྣལ་འབྱོར་ལ། །ལྟ་བའི་བར་ཆད་འབྱུང་བར་འགྱུར། །གཡེང་བ་ཆེ་བའི་རྣལ་འབྱོར་ལ། །བསྒོམ་པའི་བར་ཆད་འབྱུང་བར་འགྱུར། །དམ་ཚིག་ཉམས་པའི་རྣལ་འབྱོར་ལ། །སྤྱོད་པའི་བར་
ཆད་འབྱུང་བར་འགྱུར། །ལེ་ལོ་ཆེ་བའི་རྣལ་འབྱོར་ལ། །འབྲས་བུའི་བར་ཆད་འབྱུང་བར་འགྱུར། །ལྷ་མོས་གསོལ་པ་བཅོམ་ལྡན་འདས། །རྒྱུད་ཀྱི་ངོ་བོ་ཇི་ལྟ་བུ། །རྩ་བའི་རྒྱུད་ཅེས་གང་ལ་བགྱི། །བཤད་པའི་རྒྱུད་ཅེས་གང་ལ་བགྱི། །འབྱུང་བའི་དུས་ནི་ཇི་ལྟ་བུ། །བཅོམ་ལྡན་འདས་

87-1-77b

ཀྱིས་བཀའ་སྩལ་པ། །ལྷན་ཅིག་སྐྱེས་པའི་རང་བཞིན་ལ། །རྒྱུད་རྣམས་ཀུན་གྱི་ངོ་བོ་འདུས། །ཡོད་པ་རྒྱུ་ལ་བསྒྲུབ་པ་ལམ། །མངོན་འགྱུར་འབྲས་བུའི་ངོ་བོ་ཡིན། །ཐོག་མར་གསུངས་པ་རྩ་བའི་རྒྱུད། །ཕྱི་ནས་གསུངས་པ་བཤད་པའི་རྒྱུད། །དོན་རྣམས་སྟོན་པས་རྩ་བ་ལ། །གསལ་
བར་བྱེད་པ་བཤད་པའི་རྒྱུད། །བསྐལ་པ་རྫོགས་ལྡན་སུམ་གཉིས་དང་། །རྩོད་ལྡན་དུས་བཞིའི་རིམ་པ་ཡིས། །རྒྱུད་ཀྱང་རྣམ་པ་བཞིར་གསུངས་ཏེ། །བྱ་སྤྱོད་རྣལ་འབྱོར་བླ་མད་དོ། །ལྷ་མོས་གསོལ་པ་བཅོམ་ལྡན་འདས། །ཟབ་མོའི་རྒྱུད་འདི་གང་ལ་སྦ། །ཇི་ལྟ་བུ་ལ་སྦྱིན་
པར་བྱ། །སྟེར་ན་ལུང་ནོད་ཇི་ལྟར་བྱ། །བཀའ་འདི་རྒྱ་ཡིས་ཇི་ལྟར་གདབ། །བཅོམ་ལྡན་འདས་ཀྱིས་བཀའ་སྩལ་པ། །སྙིང་རྗེ་མེད་ཅིང་ཁྲོ་ལ་གདུག །ཁེངས་ཤིང་ཆགས་པ་ཚུལ་ཁྲིམས་མེད། །དད་མེད་རིགས་ངན་བླ་མས་སྐྱོ། །ཐོས་ཆུང་སྙིང་རིང་རྣམས་ལ་སྦ། །
དཔའ་ཞིང་དུལ་ལ་བློ་གྲོས་ལྡན། །བཟོད་ལྡན་དྲང་ལ་གཡོ་སྒྱུ་མེད། །དད་ལྡན་རིགས་བཟང་གཏོང་ཕོད་ཆེ། །ཐོས་མང་དམ་ཚིག་ལྡན་ལ་སྦྱིན། །དབང་བཞི་བགྲོད་པའི་སྔགས་པ་ཡིས། །སྔོན་དུ་བླ་མ་མཉེས་བྱས་ལ། །ཡར་ངོ་མར་ངོའི་ཚེས་
བཅུ་ལ། །དཔའ་བོ་རྣལ་འབྱོར་ཚོགས་ཀྱིས་མཆོད། །ཇི་ལྟར་རྡོ་རྗེ་འཛིན་པ་ཡིས། །ལྷ་མོ་རྣམས་ལ་རྒྱུད་གཏད་ལྟར། །དེ་བཞིན་གསང་བའི་རྒྱུད་སྡེ་རྣམས། །ཟུང་ལ་སྒྲུབ་པ་ཆེད་དུ་གྱིས། །ལན་གསུམ་བརྗོད་
ལ་རྒྱུད་རྣམས་སྦྱིན། །ཕྱི་རབས་དུས་ཀྱི་སྙིགས་མ་ལ། །ཆགས་སེམས་གྱོང་བའི་སློབ་མ་ནི། །གུས་པས་མི་ཞུ་གཡོ་སྒྱུས་འདོད། །ཐོས་ནས་ཁུངས་སུབ་རང་ཆེ་འབྱིན། །དེ་ལ་བསྟན་ན་དམ་ཚིག་ཉམས། །ངེས་པར་
དད་ནས་ཞུ་བ་ཡི། །གཅིག་ནས་གཉིས་ལ་མ་སྤེལ་ན། །རྡོ་རྗེ་འཛིན་པའི་རིགས་རྒྱུན་འཆད། །བཅོམ་ལྡན་འདས་ཀྱིས་དེ་སྐད་ཅེས་བཀའ་སྩལ་པ་དང་། ཡེ་ཤེས་མཁའ་འགྲོ་མ་ལ་སོགས་པའི་འཁོར་ཐམས་
ཅད་ཀྱིས་རྒྱུད་ཀྱི་དོན་རྟོགས་ནས་རྗེས་སུ་ཡི་རང་ངོ་། །དཔལ་འཁོར་ལོ་སྡོམ་པའི་རྒྱུད་ཀྱི་རྒྱལ་པོ་དུར་ཁྲོད་ཀྱི་རྒྱན་རྨད་དུ་བྱུང་བ་རྫོགས་སྷོ།། །། པཎྜི་ཏ་གཱ་ཡ་དྷ་ར་དང་། ལོ་ཙྪ་་བ་དགེ་སློང་ཤཱཀྱ་ཡེ་ཤེས་ཀྱིས་བསྒྱུར་བའོ།། །།དགེའོ།།

87-1-78a

༄༅། །རྒྱ་གར་སྐད་དུ།   ཨ་ནཱ་བི་ལྃ་ཏནྟྲ་རཱ་ཛ་ནཱ་མ།   བོད་སྐད་དུ།   རྒྱུད་ཀྱི་རྒྱལ་པོ་རྙོག་པ་མེད་པ་ཞེས་བྱ་བ།  རྡོ་རྗེ་མཁའ་འགྲོ་ལ་ཕྱག་འཚལ་ལོ། །སེམས་ཅན་རྣམས་ལ་ཕན་འདོད་པས། །རྙོག་མེད་རབ་ཏུ་བཤད་པར་བྱ། །སྣང་
བ་མེད་ཅིང་དཔེ་མེད་པ། །ཚིག་གི་ཡུལ་ལས་རྣམ་པར་འདས། །ཞི་ཞིང་བདག་མེད་དག་པ་ཉིད། །མཚན་མེད་མཚན་གཞི་རྣམ་པར་སྤངས། །ངང་གི་སངས་རྒྱས་འདི་ཉིད་ཚུལ། །མཚན་ཉིད་མཚན་གཞི་རྣམ་པར་སྤངས། །ཁྱད་པར་དུ་ཡང་མདོར་བསྡུས་
པས། །བདག་གིས་གསལ་བར་བཤད་པ་ཡིན། །རྨོངས་པ་རྣམས་ལ་ཕན་འདོད་པས། །སྙིང་རྗེས་འདི་ནི་བསྟན་པ་ཡིན། །ཁ་ཅིག་སྟོང་པར་འདོད་པ་དང་། །ཁ་ཅིག་ཐིག་ལེའི་གཟུགས་ཅན་དང་། །ཁ་ཅིག་ཁྱབ་འཇུག་ཚུལ་གྱིས་ནི། །བློ་དམན་དག་ནི་འཇོག་
པར་བྱེད། །དེ་ཉིད་ངེས་པར་ཡང་དག་པར། །རྒྱུ་ཡི་གནས་ཀྱི་སྤྱོད་ཡུལ་ཉིད། །རྒྱུ་དང་འབྲས་བུ་མ་གྲུབ་ན། །བསྒོམ་པ་མེད་ཅིང་བྱང་ཆུབ་མེད། །རྒྱུ་ཡི་ཡིད་ཆེས་སྤངས་པ་འདི། །ཐོག་མ་ཐ་མ་མེད་པའི་བདག །སྒྱུ་མའི་ཡེ་ཤེས་ལས་བྱུང་བ། །རྣམ་
པ་སྣ་ཚོགས་སྟོན་པར་བྱེད། །ཁ་ཅིག་དྲག་པོའི་རང་བཞིན་དུ། །ཁ་ཅིག་ཞི་བ་ཆེན་པོ་ཆེ། །ཁ་ཅིག་ཕྱག་རྒྱའི་རང་བཞིན་གཟུགས། །ཁ་ཅིག་འདར་ཞིང་གཡོ་བ་དང་། །གླུ་གར་དེ་བཞིན་སིལ་སྙན་དང་། །ལྷ་ཡི་སྔགས་ནི་བརྗོད་པ་ཉྀད། །ཁ་ཅིག་
སྔགས་ནི་ཡང་དག་དགོད། །ཁ་ཅིག་དཀྱིལ་འཁོར་བྲི་བ་དང་། །དབང་ལ་སོགས་པ་བརྟག་པ་དང་། །འབྱུང་དང་འབྱུང་ལས་གྱུར་པའི་ལུས། །དེ་ལྟར་ལ་སོགས་མཐའ་ཡས་མཆོག །སངས་རྒྱས་ལ་སོགས་རྡོ་རྗེ་བརྟགས། །གང་ཚེ་སེམས་ནི་
ལེགས་གནས་པ། །དེ་བཞིན་ཉིད་ཀྱི་སྤྱོད་ཡུལ་ཉིད། །དཀྱིལ་འཁོར་དེ་བཞིན་འགྱུར་བ་ནི། །ཕན་འདོད་རྣམས་ནི་ཤེས་པར་བྱ། །ཕུང་པོ་ལ་སོགས་ཚོགས་རྣམས་ཀྱིས། །གང་ཞིག་ཁྱད་པར་གྱིས་བཅོས་པ། །ལུས་ངག་ཡིད་གསུམ་
བཅོས་པའི་ཕྱིར། །རྡུལ་ཚོན་དཀྱིལ་འཁོར་ཞེས་བྱར་གསུངས། །ཕུང་སོགས་གཞན་སོགས་མཐོང་བའི་ཕྱིར། །ཚོགས་ཀྱི་དཀྱིལ་འཁོར་ཞེས་བྱར་གསུངས། །སེམས་ཀྱི་དཀྱིལ་འཁོར་དག་པ་སྟེ། །རང་བཞིན་མེད་པར་བསྒོམ་པར་བྱ། །

87-1-78b

མེ་ལོང་ལྟ་བུ་གཅིག་ཉིད་དེ། །དང་པོ་གྲུར་ནི་རྟོགས་པར་བྱ། །སོ་སོར་རྟོག་པ་ཞེས་གསུངས་པས། །ཤར་གྱི་གྲྭར་ནི་རྣམ་པར་བརྒྱན། །བྱ་བ་ནན་ཏན་ཁྱད་འཕགས་པ། །བྱང་གི་གྲྭར་ནི་རྣམ་པར་སྤྲོས། །མཉམ་ཉིད་ཡེ་ཤེས་ཆེན་པོ་ནི། །བག་
ཆགས་མེད་གྲྭ་རྗེས་རྟོགས་བྱེད། །གཞན་དུའང་དཀྱིལ་འཁོར་གྲུ་བཞི་པ། །གྲྭ་ཡི་དབུས་ནི་ཐམས་ཅད་དུ། །དེ་ཉིད་འདི་ནི་རབ་འཇུག་པས། །ཡེ་ཤེས་སྤྱོད་ཡུལ་དུ་ནི་བརྟག །སྒོ་བཞིར་ཡང་དག་བརྗོད་པ་ནི། །དེ་བཞིན་དྲན་པ་བཞིར་བྱུང་བ། །
དེ་བཞིན་གྲྭ་བཞིར་གསུངས་པ་ནི། །སྦྱིན་པ་བཞི་ནི་རྣམ་དག་པ། །དབུས་སུ་དཀྱིལ་འཁོར་གཟུགས་སུ་ནི། །མི་བསྐྱོད་པའི་རྣམ་པར་བརྒྱན། །ཞི་དང་ཆོས་དོན་བརྒྱན་པ་ལས། །དེ་དག་ཐམས་ཅད་དཀྱིལ་འཁོར་འགྲུབ། །དྲ་བ་དྲ་ཕྱེད་ཟླ་
བ་སོགས། །དཀྱིལ་འཁོར་དུ་ནི་བྲིས་པ་དང་། །རྟ་བབས་ལ་སོགས་ཐམས་ཅད་ནི། །ཏིང་འཛིན་ཡན་ལག་རྟ་བབས་ཉིད། །སེམས་ཀྱི་མཐར་ཐུག་བརྗོད་པ་སྟེ། །དེ་ཉིད་རང་བཞིན་ལས་ནི་གསུངས། །གང་ཞིག་སེམས་ཀྱི་རབ་
འཕེལ་བ། །ཏིང་འཛིན་ཡན་ལག་རྣམ་པར་གནས། །དེ་ཉིད་དྲ་བ་ཞེས་སུ་གསུངས། །དྲ་བ་ཕྱེད་པ་ཕྱེད་དུ་སྟེ། །དྲིལ་བུ་དོ་ཤལ་བརྟགས་པ་ནི། །རང་གི་བཙུན་མོ་རྟོགས་པར་བྱེད། །སྒྲ་བརྙན་རྣམ་པ་ལྟ་བུར་ནི། །ཆོས་རྣམས་ཐམས་
ཅད་སོ་སོར་རྟོགས། །ཆོས་རྣམས་མ་སྐྱེས་མཐོང་བའི་ཕྱིར། །དེ་ཉིད་རྒྱལ་མཚན་ཕྲེང་བར་གསུངས། །བླ་རེ་ལ་སྩོགས་གང་བྲེས་པ། །དངོས་པོ་ལ་སོགས་དང་པོར་ངེས། །སེམས་ནི་བླ་རེ་ཞེས་བྱར་བཤད། །དམ་པའི་དོན་ལས་
གསུངས་པའོ། །གོས་ཕྲེང་དེ་དག་ཐམས་ཅད་ནི། །རྣམ་པ་སྣ་ཚོགས་སྣང་བ་ཉིད། །གང་ཞིག་རྡོ་རྗེ་རྣམ་པའི་སེམས། །དགའ་བའི་ཡེ་ཤེས་ཀྱིས་ནི་མཚན། །དེ་ཡི་འོག་ཏུ་རྟག་ཏུ་གསུངས། །གྲྭ་ཡི་མཚམས་ནི་ཐམས་ཅད་དུ། །རྡོ་རྗེ་
རིན་ཆེན་རྟོགས་པའི་ཕྱིར། །རྡོ་རྗེ་རིན་པོ་ཆེ་ཡིས་སྤྲས། །ཟླ་བ་ཉི་མ་གང་གསུངས་པ། །ཐབས་དང་ཤེས་རབ་དོན་མཐོང་ཕྱིར། །ཐབས་དང་ཤེས་རབ་བདག་ཉིད་སེམས། །ཡེ་ཤེས་འདིས་ནི་རྣམ་པར་བརྒྱན། །སྐུ་གསུང་ཐུགས་ཀྱི་

87-1-79a

རྡོ་རྗེ་སྐྱེས། །དེ་ཉིད་དཀྱིལ་འཁོར་དུ་ནི་གསུངས། །སྐུ་གསུང་ཐུགས་ནི་ཉེ་བའི་ཕྱིར། །རྣམ་པ་གཅིག་ཏུ་མཚན་ཉིད་མེད། །བླ་མ་སློབ་མ་རྣམས་གསལ་བར། །རབ་ཏུ་འཇུག་པ་དེ་ཉིད་གསུངས། །སྦྱིན་སྲེག་ཡང་ནི་བཤད་པ་ཡང་། །ལྷ་
རྣམས་ཚིམ་པ་ང་ཡིས་བརྗོད། །རྣམ་རྟོག་མེད་པའི་སེམས་གང་ནི། །ཐབ་ཁུང་སྒྲ་ཡིས་མཚན་པ་ཉིད། །བྱེ་བྲག་ཕྱེད་པས་མེ་ནང་དུ། །གཟུགས་ཀྱི་ཕུང་སོགས་ལྔ་པོ་རྣམས། །སེམས་ལས་བྱུང་བའི་ཡམ་ཤིང་ཉིད། །ཐམས་ཅད་ཀྱི་ནི་སྲེག་
ལུགས་བྱ། །གཟུགས་ལ་སོགས་པ་གང་བྱུང་བ། །ཡམ་ཤིང་ཞེས་ནི་རབ་ཏུ་གྲགས། །དེ་ལྟར་སྦྱིན་སྲེག་བཤད་ནས་ནི། །རབ་ཏུ་གནས་པ་བརྗོད་པར་བྱ། །སྐུ་གསུང་ཐུགས་ལ་རྟག་ཏུ་ནི། །གང་ཞིག་སེམས་ནི་བརྟན་གྱུར་པ། །དེ་ཉིད་
རབ་ཏུ་གནས་པར་བརྗོད། །ཕུང་པོ་རྣམས་ཀྱི་དངོས་པོ་ཅི། །གང་ཞིག་སྔགས་ཀྱི་མཚན་ཉིད་ནི། །དེ་ནི་གསལ་བར་བརྗོད་པར་བྱ། །ཡིད་རྣམས་ཀྱིས་ནི་སྐད་དུ་ཡང་། །གང་ཞིག་གསང་བ་བདག་གིས་བརྗོད། །སྐྱེ་བ་མེད་ཅིང་སྣང་
མེད་པ། །མཚན་གཞི་མཚན་ཉིད་རྣམ་པར་སྤངས། །གསང་བའི་དོན་ནི་རྟོགས་པའི་ཕྱིར། །འདི་ནི་ང་ཡིས་སྔགས་སུ་གསུངས། །སྔགས་ནི་གསལ་བར་བཤད་ནས་ནི། །ལྷ་རྣམས་ཡང་ནི་བརྗོད་པར་བྱ། །ཕུང་པོ་ཁམས་དང་སྐྱེ་མཆེད་ཀྱི། །རང་
བཞིན་གྱི་ནི་ལེགས་གནས་གང་། །ཡང་དག་བྱང་ཆུབ་ཐར་པ་ཉིད། །དེ་ཀུན་ཡང་དག་རབ་བརྟགས་ཤིང་། །གལ་ཏེ་སེམས་ཀྱི་ཉེར་བརྟགས་གང་། །ལྷ་ཞེས་བྱ་བར་ཡང་དག་བཤད། །སྐུ་གསུང་ཐུགས་ཀྱི་ཕྱག་རྒྱ་ལས། །དེ་ཉིད་དུ་ནི་ཡང་དག་
གསུངས། །ལྷ་ལ་གསོལ་བཏབ་རྣལ་འབྱོར་ནི། །གསལ་བར་ང་ཡིས་བརྗོད་པར་བྱ། །དེ་ནས་སྐྱིལ་ཀྲུང་བཅས་ནས་ནི། །སྣ་ཡི་རྩེ་མོར་བལྟས་ནས་ཀྱང་། །རང་གི་རང་བཞིན་རྣལ་འབྱོར་གྱིས། །དེ་ཉིད་མཐོང་བ་གཞག་པར་བྱ། །སྙིང་གའི་
གནས་སུ་ལག་པ་གཉིས། །འབད་པས་མཉམ་པར་སྦྱར་ནས་སུ། །མི་རྟོག་པ་ཡི་རང་བཞིན་དུ། །གང་ཚེ་སེམས་ནི་རབ་རྒྱུ་བ། །སངས་རྒྱས་ཐམས་ཅད་འདུས་པའི་བདག །དེ་ཚེ་དེ་ལ་སྐྱེ་བར་འགྱུར། །སངས་རྒྱས་ཐམས་ཅད་འདུས་པའི་བདག །

87-1-79b

མྱུར་བར་བྱིན་གྱིས་རློབ་པར་འགྱུར། །སངས་རྒྱས་ཐམས་ཅད་འདུས་པའི་བདག །སངས་རྒྱས་ཀུན་གྱི་སྡོམ་པའི་བདག །ཐུགས་ཀྱི་རྡོ་རྗེས་གསུངས་པ་བཞིན། །རྣལ་འབྱོར་སངས་རྒྱས་ཐམས་ཅད་འགྱུར། །ང་ཡིས་གསལ་བར་བརྗོད་པ་ནི། །སྐུ་གསུང་
ཐུགས་ཀྱི་གྲུབ་སྦྱིན་པ། །སངས་རྒྱས་ཀུན་མཆོག་གསང་བའི་དོན། །ཐབས་དང་ཤེས་རབ་སྤྱོད་ཡུལ་དོན། །སེམས་ཅན་དོན་དུ་སྙིང་རྗེ་ཆེ། །སངས་རྒྱས་བྱང་ཆུབ་རབ་སྒྲུབ་པ། །སྣ་རྩེའི་དཀྱིལ་འཁོར་ང་ཡིས་གསུངས། །དེ་དག་ཐམས་ཅད་དབྱིབས་
ཙམ་དུ། །མདོར་བསྡུས་ཐམས་ཅད་མ་བྱས་སོ། །རེས་འགའ་དམ་ཚིག་འཁོར་ལོ་ཡང་། །དེ་ཉིད་ཞེས་བྱ་མ་གསུངས་སོ། །རྟོགས་པ་ཅུང་ཟད་ཙམ་གྱིས་ནི། །གང་འགྲུབ་དེ་ནི་རེས་དགའ་ཡང་། །གསུང་གི་འཁོར་ལོར་གསུངས་པ་ཡིན། །རྣམ་
རྟོག་མེད་པར་ལྷག་མོས་པས། །སྒྲུབ་པོ་དམ་པས་བསྒྲུབ་པར་བྱ། །ཁྲག་དང་ཁུ་བ་དེ་བཞིན་ཤ །བཤང་བ་དང་ནི་གཅི་བ་ཉིད། །དམ་ཚིག་ཞེས་བྱ་རབ་འབད་པར། །གང་ཞིག་བདག་གིས་ཚིག་གསུངས་པ། །དེ་རྣམས་ཀུན་ལ་དེ་བཞིན་
གཤེགས། །དེ་རྣམས་ཐ་སྙད་ཙམ་གྱིས་གནས། །གང་ཚེ་དམ་ཚིག་འདོད་ཆགས་སེམས། །དེས་ནི་དེ་ཉིད་རབ་ཏུ་སྤྱོད། །གང་ཚེ་སེམས་ནི་ཆགས་གྱུར་པ། །དེ་ནི་སེམས་ཅན་ཡོད་མ་ཡིན། །དེ་ལ་ཀུན་དུ་རྟོག་པ་ཡི། །ཁྲག་ནི་ཟ་བར་
འགྱུར་བའོ། །ཁྲག་ནི་ཆེན་པོ་ཟོས་ནས་ནི། །འོད་དཔག་མེད་པའང་བཟའ་བར་བྱ། །གང་ཞིག་ཆོས་རྣམས་ལས་སྐྱེས་པ། །ཁུ་བའི་སྒྲར་ནི་བསྒྲགས་པར་བྱ། །དེ་ཚེ་མ་སྐྱེས་རྟོགས་པའི་ཕྱིར། །བཟའ་བར་ཡང་དག་གསུངས་པ་
ཉིད། །དངོས་པོ་ཀུན་གྱི་མཉམ་པ་ཉིད། །ཤ་ཆེན་དུ་ནི་རབ་དུ་དབྱེ། །མི་དམིགས་པའི་རྣལ་འབྱོར་གྱིས། །བཟའ་བ་ཞེས་བྱར་མངོན་པར་བརྗོད། །གང་ཞིག་རབ་ཏུ་འཛག་པའི་སེམས། །ནུས་པའི་རྗེས་སུ་སྦྱོར་བ་ལས། །ཕྱག་རྒྱ་
ལས་ཀྱི་སྦྱོར་བ་ཡིས། །དེ་ཡང་གཅི་བའི་སྒྲ་ཡིས་བརྗོད། །ཆོས་དང་ཆོས་མིན་ངེས་པའི་སེམས། །སྦས་པའི་ཆར་ནི་གནས་པ་འདི། །ཆོས་རྣམས་ཐམས་ཅད་རབ་རྟོགས་པའོ། །བཤང་བ་ཟ་བར་ཡང་དག་བརྗོད། །དམ་ཚིག་

87-1-80a

ཉིད་ཀྱི་མཚན་ཉིད་ནི། །འདི་རྣམས་ཐམས་ཅད་གསལ་བར་བཤད། །འདི་རྣམས་དོན་ནི་རྟོགས་པ་ཡིས། །སངས་རྒྱས་ཀུན་གྱི་བདག་ཉིད་འགྱུར། །དཔལ་བདེ་བ་དམ་པ་རྟོགས་པར་བྱེད་པ་དང་ལྡན་པ་ཞེས་བྱ་བའི་རྒྱུད་
བྱིན་གྱིས་བརླབ་པའི་རིམ་པ་ཆེན་པོ་མཁའ་འགྲོ་མ་དྲ་བ་སྡོམ་པའི་བརྟག་པ་རྙོག་པ་མེད་པ་ཞེས་བྱ་བ་རྫོགས་སྷོ།། །།ཡེ་དྷརྨཱ་ཧེ་ཏུ་པྲ་བྷ་བཱ་ཧེ་ཏུན་ཏོ་ཥཱན་ཏ་ཐཱ་ག་ཏོ་ཧྱ་བ་དཏ། ཏེ་ཥཱཉྩ་ཡོ་ནི་རོ་དྷ་ཨེ་བྃ་བཱ་དཱི་མ་ཧཱ་
ཤྲ་མ་ཎཱཿ། ། རྒྱ་གར་གྱི་མཁན་པོ་པཎ་ཌི་ཏ་གྷ་ཡ་དྷཱ་ར་དང་། བོད་ཀྱི་ལོ་ཙྪ་བ་དགེ་སློང་ཤཱཀྱ་ཡེ་ཤེས་ཀྱིས་བསྒྱུར་བའོ། ། ༄༅། །རྒྱ་གར་སྐད་དུ།   ཤྲཱི་སྃ་བ་ར་ཁ་ས་མ་ཏནྟྲ་རཱ་ཛ་ནཱ་མ།   བོད་སྐད་དུ།   དཔལ་བདེ་མཆོག་ནམ་
མཁའ་དང་མཉམ་པའི་རྒྱུད་ཀྱི་རྒྱལ་པོ་ཞེས་བྱ་བ།  འཇམ་དཔལ་ཡེ་ཤེས་སེམས་དཔའ་ལ་ཕྱག་འཚལ་ལོ། །འདི་སྐད་བདག་གིས་ཐོས་པ་དུས་གཅིག་ན། བཅོམ་ལྡན་འདས་དེ་བཞིན་གཤེགས་པ་ཐམས་ཅད་ཀྱི་སྐུ་དང་གསུང་
དང་ཐུགས་རྡོ་རྗེ་བཙུན་མོའི་བྷ་ག་ལ་བཞུགས་སོ། །དེ་ནས་དེ་བཞིན་གཤེགས་པ་ཐམས་ཅད་ཀྱི་བྱིན་གྱིས་བརླབས་ཀྱིས་རྡོ་རྗེ་སྙིང་པོས་གསོལ་པ། ཀྱེ་བཅོམ་ལྡན་འདས་གསང་བ་བས་ཀྱང་ཆེས་གསང་བ། གསང་བ་ཆེན་པོ་
དེ་བཤད་དུ་གསོལ། བཅོམ་ལྡན་འདས་ཀྱིས་བཀའ་སྩལ་པ། །རྡོ་རྗེ་སྙིང་པོ་ཁྱོད་ཉོན་ཅིག །སྲོག་དང་ལྔ་པ་དེ་བཞིན་དུ། །ལམ་དང་འབྲས་བུ་ཉིད་ཡིན་ནོ། །རྡོ་རྗེ་སྙིང་པོས་གསོལ་པ། བཅོམ་ལྡན་འདས་སྲོག་གང་ལགས།   །བཅོམ་ལྡན་འདས་ཀྱིས་
བཀའ་སྩལ་པ། །སྲོག་ནི་འཛིན་པར་བྱེད་པ་སྟེ། །སྔགས་དང་རླུང་དང་རྟེན་ཉིད་དོ། །རྡོ་རྗེ་སྙིང་པོས་གསོལ་པ། བཅོམ་ལྡན་འདས་ལྔ་པ་གང་ལགས། བཅོམ་ལྡན་འདས་ཀྱིས་བཀའ་སྩལ་པ། །སངས་རྒྱས་ལྔ་དང་
འབྱུང་བ་ལྔ། །ལྔ་པ་ཡང་ནི་གཅིག་ཉིད་དོ། །རྡོ་རྗེ་སྙིང་པོས་གསོལ་པ། བཅོམ་ལྡན་འདས་ལམ་གང་ལགས། བཅོམ་ལྡན་འདས་ཀྱིས་བཀའ་སྩལ་པ། སྨིན་པ་དང་ནི་གྲོལ་བའོ། །རྡོ་རྗེ་སྙིང་པོས་གསོལ་པ། སྨིན་པའི་

87-1-80b

ལམ་ནི་གང་ལགས། །བཅོམ་ལྡན་འདས་ཀྱིས་བཀའ་སྩལ་པ། །བུམ་པ་གསང་བ་ཤེས་རབ་དང་། །བཞི་པའི་རང་བཞིན་ངོ་བོ་སྟེ། །དེ་ཡི་རྣམ་པ་དེ་ལ་གནས། །རྡོ་རྗེ་སྙིང་པོས་གསོལ་པ། བཅོམ་ལྡན་འདས་གྲོལ་བའི་ལམ་གང་ལགས། །
བཅོམ་ལྡན་འདས་ཀྱིས་བཀའ་སྩལ་པ། །སྙིང་རྗེ་ཆེན་པོ་ལས་སྐྱེས་པ། །དགའ་བའི་ཤུགས་ལས་རྣམ་པར་གྲུབ། །ཐབས་དང་ཤེས་རབ་གཉིས་མེད་མཆོག །བདེ་བ་ཆེན་པོ་ལམ་ཡིན་ནོ། །རྡོ་རྗེ་སྙིང་པོས་གསོལ་པ། བཅོམ་
ལྡན་འདས་སྙིང་རྗེ་ཆེན་པོ་ནི་གང་། དགའ་བ་ནི་གང་། ཐབས་ནི་གང་། ཤེས་རབ་ནི་གང་། གཉིས་སུ་མེད་པ་ནི་གང་ལགས། བཅོམ་ལྡན་འདས་ཀྱིས་བཀའ་སྩལ་པ། །དམིགས་པ་མེད་པ་སྙིང་རྗེའི་མཆོག །དགའ་བ་གཉིས་མེད་
བདེ་བ་ཆེ། །ཐབས་ནི་ཧེ་རུ་ཀ་དཔལ་ཉིད། །ཤེས་རབ་རྡོ་རྗེ་རྣལ་འབྱོར་མ། །གཉིས་སུ་མེད་པ་ཟུང་འཇུག་མཆོག །རྡོ་རྗེ་སྙིང་པོས་གསོལ་པ། བཅོམ་ལྡན་འདས་ཧེ་རུ་ཀ་ནི་གང་ལགས། རྣལ་འབྱོར་མ་ནི་གང་ལགས། བཅོམ་
ལྡན་འདས་ཀྱིས་བཀའ་སྩལ་པ། །ཧེ་རུ་ཀ་ནི་ཕུང་པོ་ཉིད། །ཕུང་པོ་ཡང་ནི་ཧེ་རུ་ཀ །ཁམས་ནི་རྡོ་རྗེ་མ་དཔལ་ཏེ། །རྡོ་རྗེ་མ་དཔལ་ཁམས་ཉིད་དོ། །སྐྱེ་མཆེད་དེ་ཡང་དེ་བཞིན་དུ། །ལྷ་ཡི་ངོ་བོར་ཤེས་པར་བྱ། །རྡོ་རྗེ་སྙིང་པོས་
གསོལ་པ། བཅོམ་ལྡན་འདས་ཕུང་པོའི་ཧེ་རུ་ཀ་གང་ལགས། ཁམས་ཀྱི་རྡོ་རྗེ་རྣལ་འབྱོར་མ་གང་ལགས། བཅོམ་ལྡན་འདས་ཀྱིས་བཀའ་སྩལ་པ། །ཧེ་རུ་ཀ་དཔལ་བདག་ཉིད་དངོས། །དྲི་མ་མེད་པའི་ཁ་དོག་ཅན། །རྡོ་རྗེ་དྲིལ་
བུ་འཛིན་པ་སྟེ། །དྲུག་གིས་བརྒྱན་ཅིང་དགུ་དང་ལྡན། །ཟླ་ཚེས་སྣ་ཚོགས་རྡོ་རྗེ་དང་། །རིགས་ཀྱི་བདག་པོས་རྣམ་པར་བརྒྱན། །སྤྱན་གསུམ་དག་གིས་མཛེས་པ་སྟེ། །ཆགས་པ་མེད་པའི་ཤམ་ཐབས་ཅན། །ཤེས་རབ་རང་བཞིན་
རྣལ་འབྱོར་མ། །བནྡུ་དམར་པོའི་ཁ་དོག་ཅན། །གཅེར་བུ་ཕྱག་རྒྱ་ལྔས་བརྒྱན་ཅིང་། །དག་པ་ལྔ་བཅུ་ཡི་ཕྲེང་བས་མཛེས། །རྡོ་རྗེ་པད་མའི་སྣོད་སྣམས་པ། །ཡབ་ལ་འཁྱུད་ཅིང་བརྐྱང་བསྐུམ་བཞུགས། །གཉིས་མེད་

87-1-81a

བདེ་བ་ལ་དགྱེས་པ། །ཆུ་སྐྱེས་ཉི་མའི་དབུས་ན་འགྱིང་། །ཁམས་ཉིད་ཀྱང་ནི་ལྷ་ཉིད་དོ། །དཔལ་བདེ་མཆོག་ནམ་མཁའ་དང་མཉམ་པའི་རྒྱུད་ལས་བསྐྱེད་པའི་རིམ་པའི་དུམ་བུ་སྟེ་ལེའུ་དང་པོའོ།། །།  རྡོ་རྗེ་སྙིང་པོས་
གསོལ་པ། བཅོམ་ལྡན་འདས་རང་བཞིན་གྱིས་རྣམ་པར་དག་པ་ནི་གང་ལགས། ངོ་བོ་ཉིད་ཀྱིས་འོད་གསལ་བ་ནི་གང་ལགས། བཅོམ་ལྡན་འདས་ཀྱིས་བཀའ་སྩལ་པ། །བརྟན་དང་གཡོ་བ་ཐམས་ཅད་ཀུན། །ཤེས་རབ་རང་བཞིན་མ་ཉིད་དེ། །ལྔ་
པའི་ངོ་བོ་འོད་གསལ་ཉིད། །མ་སྐྱེས་རྟོག་པ་བྲལ་བའི་སྐུ། །བརྗོད་དུ་མེད་ཅིང་བསམ་མི་ཁྱབ། །རྟོག་པ་མེད་པ་ནམ་མཁའི་དབུས། །གཉིས་མེད་བདེ་བའི་རྣམ་པ་ཅན། །གསལ་བའི་རང་བཞིན་གཡོ་བ་མེད། །གཉིསུ་མེད་པ་བདེ་བའི་
མཆོག །འབྲས་བུ་ལམ་གྱི་རྣམ་པའོ། །དཔལ་བདེ་མཆོག་ནམ་མཁའ་དང་མཉམ་པའི་རྒྱུད་ལས་རྫོགས་པའི་རིམ་པའི་དུམ་བུ་སྟེ་ལེའུ་གཉིས་པའོ།། །། རྡོ་རྗེ་སྙིང་པོས་གསོལ་པ། བཅོམ་ལྡན་འདས་རྣམ་པར་རྟོག་
པ་རྣམ་པར་དག་པ་ནི་གང་ལགས། །བཅོམ་ལྡན་འདས་ཀྱིས་བཀའ་སྩལ་པ། །སྔགས་དང་སྦྱིན་སྲེག་གཏོར་མ་དང་། །དབང་གི་རྣམ་པར་དག་པ་དང་། །མཎྜལ་དང་ནི་དེ་བཞིན་དུ། །བུམ་པའི་ངོ་བོ་ལྷར་ཤེས་པ། །སྔགས་ཀྱི་དེ་བཞིན་གནས་
པའོ། །རྡོ་རྗེ་སྙིང་པོས་གསོལ་པ། བཅོམ་ལྡན་འདས་སྔགས་ནི་གང་། སྦྱིན་སྲེག་ནི་གང་། གཏོར་མ་ནི་གང་། དབང་ནི་གང་། མཎྜལ་ནི་གང་། བུམ་པ་ནི་གང་། སྔགས་ཀྱི་དེ་བཞིན་ཉིད་ནི་གང་ལགས། བཅོམ་ལྡན་འདས་ཀྱིས་བཀའ་
སྩལ་པ། སྔགས་ནི་གསང་སྔགས་རྒྱལ་པོ་སྟེ། ཨོཾ་ཤྲཱི་བཛྲ་ཧེ་ཧེ་རུ་རུ་ཀྃ་ཧུྃ་ཧཱུྃ་ཕཊ། ཌཱ་ཀི་ནཱི་ཛཱ་ལ་སམྦ་ར་སྭཱ་ཧཱ། ཨོཾ་ཧྲཱིཿཧ་ཧ་ཧཱུཾ་ཕཊ། སརྦྦ་བུ་དྷ་ཌཱ་ཀི་ནཱི་ཡེ་བཛྲ་ཝརྞྞ་ནཱི་ཡེ་ཧུྃ་ཧཱུྃ་ཕཊ་སྭཱ་ཧཱ། ཨོཾ་བཛྲ་བཻ་རོ་ཙ་ནཱི་ཡེ་ཧུྃ་ཧཱུྃ་ཕཊ་སྭཱ་ཧཱ། 
གསང་སྔགས་རྒྱལ་པོ་འདི་དག་གིས། །བསྐལ་པ་སྟོང་ལ་སོགས་པ་ཡི། །སྡིག་པ་མ་ལུས་དག་བྱེད་ཆུ། །གྲུ་བཞི་པ་ལ་སྒོ་བཞི་པ། །འཁོར་ལོ་དག་གིས་རྣམ་པར་མཛེས། །ཨ་ཤྭཏྠ་དང་ནྱ་གྲོ་དྷ། །དཱུར་བ་ལ་སོགས་དེ་བཞིན་དུ། །བཞི་

87-1-81b

བའི་ངོ་བོར་ཡང་དག་ཤེས། །ཤ་ལྔ་དང་ནི་བདུད་རྩི་ལྔ། །གྱེན་དུ་ཕེཾ་གྱི་སྒྲ་བསྒྲགས་པས། །དཔའ་བོ་རྣལ་འབྱོར་མ་ཀུན་དགྱེས། །དབང་ནི་ཐ་མའི་ལམ་ཉིད་དོ། །བདུད་རྩི་ཆུ་ཡིས་ལེགས་བྱུགས་ནས། །མེ་ཏོག་དམར་པོས་མཆོད་པའོ། །རིན་
ཆེན་སྣོད་བཟངས་བྲུྃ་གྱིས་མཛེས། །དཔའ་བོ་བདུད་རྩི་དག་བྱེད་ཆུ། །ཞལ་བཞི་སྔགས་ཀྱི་འོད་ཟེར་གྱིས། །གདུག་པ་མ་ལུས་ཀུན་འདུལ་ཞིང་། །སྤྲོ་དང་བསྡུ་བའི་རྣམ་པ་ཅན། །རྡོ་རྗེ་སྙིང་པོས་གསོལ་པ། ཀྱེ་བཅོམ་ལྡན་འདས་སྐྱེ་
མཆེད་ཀྱི་མཁའ་འགྲོ་མ་གང་ལགས། བཅོམ་ལྡན་འདས་ཀྱིས་བཀའ་སྩལ་པ། །གཅེར་བུ་ཐལ་བའི་མདོག་ཅན་ཏེ། །ཉི་ཤུ་རྩ་བཞིའི་ཡུལ་རྣམས་འགྲིམ། །ལྔ་པ་དང་ནི་དྲུག་པའོ། །རྡོ་རྗེ་སྙིང་པོས་གསོལ་པ། བཅོམ་ལྡན་
འདས་སྔགས་ནི་གང་། གཏོར་མ་ནི་གང་ལགས། བཅོམ་ལྡན་འདས་ཀྱིས་བཀའ་སྩལ་པ། ཨོཾ་ཛྭ་ལ་མུ་ཁི་ཌཱ་ཀི་ནཱི་ཀྃ་ཀ་ནི་ཧཱུྃ་ཕཊ། ཨོཾ་པ་རི་ནཱ་ཡ་ནི་ཌཱ་ཀི་ནཱི་ཧཱུྃ་ཕཊ། ཨོཾ་མ་ཌི་ར་ཌཱ་ཀི་ནཱི་ཧཱུྃ་ཕཊ། ཨོཾ་པ་ར་མུ་ཁི་ཌཱ་ཀི་ནཱི་ཧཱུྃ་ཕཊ། 
ཨོཾ་ཨུ་ལུ་ཀ་ཏི་ཌཱ་ཀི་ནཱི་ཧཱུྃ་ཕཊ། ཨོཾ་ཨ་ར་ན་མ་ནི་ཌཱ་ཀི་ནཱི་ཧཱུྃ་ཕཊ། ཆུ་སྐྱེས་དག་གིས་རྣམ་བརྒྱན་ཅིང་། །བདུད་རྩི་ལྔ་ཡིས་རྣམ་པར་མཛེས། །དཔའ་མོ་དྲུག་ནི་མཉེས་པར་འགྱུར། །རྡོ་རྗེ་སྙིང་པོས་གསོལ་པ། བཅོམ་ལྡན་
འདས་རྣམ་པའི་ངོ་བོ་ནི་གང་། །སྤྲུལ་པའི་ངོ་བོ་ནི་གང་ལགས། བཅོམ་ལྡན་འདས་ཀྱིས་བཀའ་སྩལ་པ། །རྣམ་པའི་ངོ་བོ་ལྷ་ཉིད་དེ། །སྤྲུལ་པ་ཚོགས་ཀྱི་བདག་པོར་བཤད། །རྡོ་རྗེ་སྙིང་པོས་གསོལ་པ། བཅོམ་ལྡན་འདས་ཚོགས་
ཀྱི་བདག་པོ་ནི་གང་། བཅོམ་ལྡན་འདས་ཀྱིས་བཀའ་སྩལ་པ། །དབང་གི་ཁ་དོག་དམར་པོ་སྟེ། །ཞལ་གཅིག་པ་ལ་ཕྱག་བཞི་པ། །སྤྲུལ་པ་འཁོར་ལོའི་རྩིབས་ལ་གནས། །བརྐྱང་བསྐུམ་ཚུལ་གྱིས་མནན་པའོ། །རྡོ་རྗེ་སྙིང་པོས་
གསོལ་པ། བཅོམ་ལྡན་འདས་བསྙེན་པར་བྱ་བ་གང་ལགས། བཅོམ་ལྡན་འདས་ཀྱིས་བཀའ་སྩལ་པ། །བསྙེན་པར་བྱ་བ་སྔགས་ཉིད་དེ། །ཨོཾ་ག་ཎ་པཏ་ཡེ་སྭཱ་ཧཱ། ནག་པོ་འབྲུ་ཡི་རི་ལུ་ལ། །བསྙེན་དང་སྒྲུབ་པའི་ལྷར་གནས་

87-1-82a

པ། །སྔགས་ཀྱི་ངོ་བོར་ཤེས་པར་བྱ། །དཔལ་བདེ་མཆོག་ནམ་མཁའ་དང་མཉམ་པའི་རྒྱུད་ལས་ལས་སྣ་ཚོགས་ཀྱི་དུམ་བུ་སྟེ་ལེའུ་གསུམ་པའོ།། །།བཅོམ་ལྡན་འདས་ཀྱིས་དེ་སྐད་ཅེས་བཀའ་སྩལ་པ་དང་། བྱང་
ཆུབ་སེམས་དཔའ་རྡོ་རྗེ་སྙིང་པོ་དང་། བྱང་ཆུབ་སེམས་དཔའ་རྡོ་རྗེ་གནོད་གནས་ལ་སོགས་པ་དང་། རྣལ་འབྱོར་མ་དཔག་ཏུ་མེད་པའི་འཁོར་དེ་དག་རྗེས་སུ་ཡི་རངས་ཏེ། བཅོམ་ལྡན་འདས་ཀྱིས་གསུངས་པ་ལ་མངོན་པར་བསྟོད་
དོ། །ཁ་ཆེའི་མཁན་པོ་ཛྙཱ་ན་བཛྲས་རང་འགྱུར་དུ་མཛད་པ་རྫོགས་སྷོ།། །། ཡེ་དྷརྨཱ་ཧེ་ཏུ་པྲ་བྷ་བཱ་ཧེ་ཏུན་ཏོ་ཥཱན་ཏ་ཐཱ་ག་ཏོ་ཧྱ་བ་དཏ། ཏེ་ཥཱཉྩ་ཡོ་ནི་རོ་དྷ་ཨེ་བྃ་བཱ་དཱི་མ་ཧཱ་ཤྲ་མ་ཎཱཿ། །མྃ་ག་ལ་བྷ་བ་ཏུ། 
ཤུ་བྷམསྟུ་སརྦ་ཛཱ་ག་ཏྃ། ཤུ་བྷ། མྃ་ག་ལྃ་བྷ་བ་ཏུ། ཤུ་བྷམསྟུ་སརྦ་ཛཱ་ག་ཏྃ། ཤུ་བྷྃ། ༄༅། །རྒྱ་གར་སྐད་དུ།   ཌཱ་ཀི་ནཱི་སརྦ་ཙིཏྟ་ཨ་དྭ་ཡ་ཨ་ཙིནྟ་ཛྙཱ་ན་བཛྲ་བཱ་རཱ་ཧི་ཨ་བྷི་བྷ་བ་ཏནྟྲ་རཱ་ཛ་ནཱ་མ།   བོད་སྐད་དུ།   མཁའ་འགྲོ་མ་
ཐམས་ཅད་ཀྱི་ཐུགས་གཉིས་སུ་མེད་པ་བསམ་གྱིས་མི་ཁྱབ་པའི་ཡེ་ཤེས་རྡོ་རྗེ་ཕག་མོ་མངོན་པར་འབྱུང་བའི་རྒྱུད་ཀྱི་རྒྱལ་པོ་ཞེས་བྱ་བ།  མགོན་པོ་དཔའ་བོ་འཇིགས་བྱེད་དཔལ་ཧེ་རུ་ཀ་ལ་ཕྱག་འཚལ་ལོ། །འདི་སྐད་བདག་གིས་
ཐོས་པ་དུས་གཅིག་ན། ཕྱི་དང་ནང་དང་གསང་བའི་དུར་ཁྲོད་ཆེན་པོའི་གནས་མཆོག་ཏུ་གྱུར་པ་ན། བཅོམ་ལྡན་འདས་ཞེ་སྡང་འཇོམས་པའི་ཧེ་རུ་ཀ་དང་། གཏི་མུག་འཇོམས་པའི་ཧེ་རུ་ཀ་དང་། ང་རྒྱལ་འཇོམས་པའི་ཧེ་རུ་ཀ་
དང་། འདོད་ཆགས་འཇོམས་པའི་ཧེ་རུ་ཀ་དང་། ཕྲག་དོག་འཇོམས་པའི་ཧེ་རུ་ཀ་དང་། ཡུམ་སངས་རྒྱས་སྤྱན་དང་། ཡུམ་མཱ་མ་ཀཱི་དང་། ཡུམ་གོས་དཀར་མོ་དང་། ཡུམ་དམ་ཚིག་སྒྲོལ་མ་དང་། ཡུམ་ཀུན་དུ་བཟང་མོ་དང་། དེ་
རྣམས་ཀྱི་བྷ་ག་ལ་ལྷན་ཅིག་སྐྱེས་པའི་ཡེ་ཤེས་བསམ་གྱིས་མི་ཁྱབ་པའི་ཚུལ་དུ་བཞུགས་སོ། །དེའི་ཚེ་དེའི་དུས་ན་ཡེ་ཤེས་ཀྱི་མཁའ་འགྲོ་མ་དུར་ཁྲོད་ཀྱི་བདག་མོ་དང་། ཁྲོས་མ་ནག་མོ་དང་། བདེ་ཆེན་དཀར་མོ་དང་། སེར་མོ་དོན་

87-1-82b

གྲུབ་མ་དང་། དམར་མོ་སྒྲ་སྒྲོག་མ་དང་། སྣ་ཚོགས་མཐར་ཕྱིན་མ་དང་། ལས་ཀྱི་གཙོ་མོ་ལ་སོགས་པའི་ཡེ་ཤེས་དང་། ལས་ལ་གྲུབ་པའི་མཁའ་འགྲོ་མའི་ཚོགས་དཔག་ཏུ་མེད་པ་དང་། གཞན་ཡང་བཛྲ་ཌཱ་ཀི་ནཱི་དང་། རཏྣ་ཌཱ་ཀི་ནཱི་དང་། པདྨ་
ཌཱ་ཀི་ནཱི་དང་། ཀརྨ་ཌཱ་ཀི་ནཱི་དང་། ས་མ་ཡ་ཌཱ་ཀི་ནཱི་དང་། བི་ཥ་ཌཱ་ཀི་ནཱི་དང་། སརྦ་ཌཱ་ཀི་ནཱི་དང་། ལོ་ཀ་ཌཱ་ཀི་ནཱི་ལ་སོགས་ཏེ་དུར་ཁྲོད་བརྒྱད་ཀྱི་མཁའ་འགྲོ་མ་དང་། དཔའ་བོ་དང་དཔའ་མོའི་ཚོགས་དཔག་ཏུ་མེད་པ་དང་། གཞན་ཡང་འཇིག་
རྟེན་པའི་མེས་པོ་ཆངས་པ་དང་། བརྒྱ་བྱིན་ལ་སོགས་པའི་ལྷའི་ཚོགས་དཔག་ཏུ་མེད་པ་དང་། གཞན་ཡང་རྒྱལ་པོ་ཆེན་པོ་བཞི་པོ་རང་གི་འཁོར་དང་བཅས་པ་དང་། ཕྱོགས་སྐྱོང་བ་བཅུ་དང་། ལྷ་མ་སྲིན་སྡེ་བརྒྱད་དང་། འཁོར་
དཔག་ཏུ་མེད་པ་དང་ཐབས་གཅིག་པའི་ཚུལ་གྱིས་གནས་སོ། །ཡང་དེའི་ཚེ་ན་ཡེ་ཤེས་ཀྱི་མཁའ་འགྲོ་མ་དུར་ཁྲོད་ཀྱི་བདག་མོ་ཞེས་བྱ་བ་རང་གི་སྟན་ལས་ལངས་ནས་མགོན་པོ་དཔའ་བོ་འཇིགས་བྱེད་ཧེ་རུ་ཀ་ལ་འདི་སྐད་ཅེས་
གསོལ་ཏོ། །ཀྱེ་ཀྱེ་མགོན་པོ་བདག་ལ་གསོན། །ཁྱེད་ཀྱི་འཁོར་དུ་འདུས་པ་ཡི། །སྐལ་དང་ལྡན་པ་འདི་རྣམས་ལ། །ལམ་ལོག་མུ་སྟེགས་མ་ལགས་པའི། །དམན་པ་ཉན་ཐོས་མ་ལགས་པའི། །མ་སྨིན་མཚན་ཉིད་མ་
ལགས་པའི། །བསམ་གྱིས་མི་ཁྱབ་ཆོས་ཅིག་ཞུ། །ཕྱོགས་རིས་མེད་པ་ལྟ་བའི་མཆོག །བསམ་གྱིས་མི་ཁྱབ་བཤད་དུ་གསོལ། །དགག་སྒྲུབ་མེད་པ་སྤྱོད་པའི་མཆོག །བསམ་གྱིས་མི་ཁྱབ་བཤད་དུ་གསོལ། །བར་
ཆོད་སེལ་བ་བདེ་ཡི་མཆོག །བསམ་གྱིས་མི་ཁྱབ་བཤད་དུ་གསོལ། །སྨིན་པར་བྱེད་པ་དབང་གི་མཆོག །བསམ་གྱིས་མི་ཁྱབ་བཤད་དུ་གསོལ། །སངས་རྒྱས་ཐོབ་བྱེད་འབྲས་བུའི་མཆོག །ཡེ་ཤེས་ལྔ་ཡི་གཟུགས་
བརྙན་ཏེ། །བསམ་གྱིས་མི་ཁྱབ་བཤད་དུ་གསོལ། །རྣམ་རྟོག་སེལ་བྱེད་རྣམ་རྒྱལ་ལྔ། །བསམ་གྱིས་མི་ཁྱབ་བཤད་དུ་གསོལ། །མཁའ་འགྲོ་མ་ཐམས་ཅད་ཀྱི་ཐུགས་གཉིས་སུ་མེད་པའི་ཡེ་ཤེས་བསམ་གྱིས་

87-1-83a

࿓࿓། །མི་ཁྱབ་པ་ཕག་མོ་མངོན་པར་འབྱུང་བ་ཞེས་བྱ་བ་ལས། གླེང་གཞིའི་ལེའུ་སྟེ་དང་པོའོ།། །། དེ་ནས་མགོན་པོ་དེས་སྤྱན་ཕྱོགས་མཚམས་ཀུན་ལ་གཟིགས་ནས་ཞལ་རྡོ་རྗེའི་མགུར་འཛུམ་པ་མཛད་ནས་
བཀའ་སྩལ་པ་ནི། ཨེ་མ་ཧོ། ཉོན་གཅིག་དུར་ཁྲོད་བདག་མོ་ཁྱོད། །དུས་འདིར་ཚོགས་པའི་འཁོར་རྣམས་ལ། །མངོན་པར་འབྱུང་བའི་རྒྱུད་བཤད་ཀྱིས། །ཁ་སྦུབ་ཞབས་རྡོལ་དྲི་མ་ཅན། །སྣོད་སྐྱོན་གསུམ་པོ་སྤང་བྱས་ལ། །
རྩེ་གཅིག་སེམས་ཀྱིས་མཉན་པར་གྱིས། །ཕྱོགས་རིས་མེད་པའི་ལྟ་བ་དེ། །གཉུག་མའི་སེམས་ཀྱིས་བལྟ་བར་གྱིས། །དམིགས་གཏད་མེད་པའི་སྒོམ་པ་ནི། །གཉུག་མའི་ཡིད་ཀྱིས་བསྒོམ་པར་བྱ། །དགག་སྒྲུབ་མེད་པ་སྤྱོད་པའི་
མཆོག །གཉུག་མའི་ཡིད་ཀྱིས་སྤྱད་པར་བྱ། །བར་ཆོད་སེལ་བ་བརྡ་ཡི་ཆོས། །གཉུག་མའི་ཡིད་ཀྱིས་བསལ་བར་བྱ། །སྨིན་པར་བྱེད་པ་དབང་གི་མཆོག །གཉུག་མའི་སེམས་ཀྱིས་བསྐུར་བར་བྱ། །ཚེ་གཅིག་འབྲས་བུ་སངས་
རྒྱས་དེ། །གཉུག་མའི་སེམས་ཀྱིས་བསྒྲུབ་པར་བྱ། །ཡེ་ཤེས་ལྔ་ཡི་གཟུགས་བརྙན་དེ། །མ་བཅོས་སེམས་ཀྱིས་བསྒྲུབ་པར་བྱ། །རྣམ་རྟོག་སེལ་བྱེད་རྣམ་རྒྱལ་ལྔ། །མ་བཅོས་སེམས་ཀྱིས་གཅད་པར་བྱ། །མཁའ་འགྲོ་
མ་ཐམས་ཅད་ཀྱི་ཐུགས་གཉིས་སུ་མེད་པའི་ཡེ་ཤེས་བསམ་གྱིས་མི་ཁྱབ་པ་ལས་ཕག་མོ་མངོན་པར་འབྱུང་བའི་རྒྱུད་ལས་སྟོན་པས་ཞལ་གྱིས་བཞེས་པའི་ལེའུ་སྟེ་གཉིས་པའོ།། །། དེ་ནས་སྟོན་པས་བཀའ་
སྩལ་པ། །ཚེ་གཅིག་སངས་རྒྱས་ཐོབ་འདོད་པས། །དང་པོ་གདེང་ཆེན་ལྟ་བ་གཅེས། །དེས་ན་ལྟ་བ་དང་པོར་བསྟན། །ཕྱོགས་རིས་མེད་པ་ལྟ་བའི་མཆོག །ནམ་མཁའ་ལྟ་བུ་ཤེས་པར་གྱིས། །ཐམས་ཅད་འདེགས་པ་ལྟ་བའི་
མཆོག །ས་གཞི་ལྟ་བུར་ཤེས་པར་གྱིས། །ཐམས་ཅད་བསྡུད་པ་ལྟ་བའི་མཆོག །འབྱུང་བ་ཆུ་ལྟར་ཤེས་པར་གྱིས། །ཉོན་མོངས་བསྲེག་པ་ལྟ་བའི་མཆོག །འབྱུང་བ་མེ་ལྟར་ཤེས་པར་གྱིས། །ངོས་གཟུང་མེད་པ་ལྟ་

87-1-83b

བའི་མཆོག །འབྱུང་བ་རླུང་ལྟར་ཤེས་པར་གྱིས། །དེ་ནས་ཡང་སྟོན་པས་གསུངས་པ། འཕོ་འགྱུར་མེད་པ་ལྟ་བའི་མཆོག །རི་བོ་ལྟ་བུར་ཤེས་པར་གྱིས། །གཡོ་འགུལ་མེད་པ་ལྟ་བའི་མཆོག །རྒྱ་མཚོ་ལྟ་བུར་ཤེས་པར་བྱ། །གསལ་
ལ་མ་འདྲེས་ལྟ་བའི་མཆོག །འཇའ་ཚོན་ལྟ་བུར་ཤེས་པར་གྱིས། །གཉིས་སུ་མེད་པ་ལྟ་བའི་མཆོག །ག་བུར་ལྟ་བུར་ཤེས་པར་བྱ། །དེ་ནས་ཡང་གསང་བས་ཚིག་འདི་གསུངས་ཏེ། ཟིལ་གྱིས་གནོན་པ་ལྟ་བའི་མཆོག །
སེང་གེ་ལྟ་བུར་ཤེས་པར་བྱ། །ཉམ་ང་མེད་པ་ལྟ་བའི་མཆོག །གླང་ཆེན་ལྟ་བུར་ཤེས་པར་བྱ། །སྟོབས་དང་ལྡན་པ་ལྟ་བའི་མཆོག །རྟ་མཆོག་ལྟ་བུར་ཤེས་པར་བྱ། །ཀུན་དུ་རྒྱུག་པ་ལྟ་བའི་མཆོག །སྟག་མོ་ལྟ་བུར་ཤེས་
པར་བྱ། །འཇིགས་པེ་མེད་པ་ལྟ་བའི་མཆོག །དོམ་བུ་ལྟ་བུར་ཤེས་པར་བྱ། །དེ་ནས་ཡང་གསང་བའི་ཚིག་འདི་གསུངས་ཏེ། སྐྱོན་གྱིས་མ་གོས་ལྟ་བའི་མཆོག །བྱང་ཆུབ་སེམས་དེ་དཀར་པོར་སྣང་། །དུས་གསུམ་མི་འགྱུར་
ལྟ་བའི་མཆོག །བྱང་ཆུབ་སེམས་དེ་ནག་པོར་སྣང་། །ཡོན་ཏན་རྒྱས་པ་ལྟ་བའི་མཆོག །བྱང་ཆུབ་སེམས་དེ་སེར་པོར་སྣང་། །ཀུན་ལ་ཁྱབ་པ་ལྟ་བའི་མཆོག །བྱང་ཆུབ་སེམས་དེ་དམར་པོར་སྣང་། །ཕྲིན་ལས་རྫོགས་
པ་ལྟ་བའི་མཆོག །བྱང་ཆུབ་སེམས་དེ་ལྗང་ཁུར་ཤར། །དེ་ནས་ཡང་གསང་བའི་ཚིག་གསུངས་ཏེ། དུས་གསུམ་སྣང་བ་ལྟ་བའི་མཆོག །རྣམ་པར་སྣང་མཛད་ལྟ་བུར་ཤར། །ཆོས་ཉིད་དོན་ལ་རྟག་སེམས་པས། །རྡོ་རྗེ་
སེམས་དཔའ་ལྟ་བུར་ཤར། །ཐམས་ཅད་མཉམ་པ་ཉིད་རྟོགས་པས། །རིན་ཆེན་འབྱུང་ལྡན་ལྟ་བུར་ཤར། །ཆོས་ཅན་སོ་སོར་མ་འདྲེས་པས། །སྣང་བ་མཐའ་ཡས་ལྟ་བུར་ཤར། །སྣ་ཚོགས་སྣང་ལ་མ་འདྲེས་པས། །དོན་
ཡོད་གྲུབ་པ་ལྟ་བུར་ཤར། །ཞེས་པ་གསུངས་སོ། །མཁའ་འགྲོ་མ་ཐམས་ཅད་ཀྱི་ཐུགས་གཉིས་སུ་མེད་པའི་ཡེ་ཤེས་བསམ་གྱིས་མི་ཁྱབ་པ་ཕག་མོ་མངོན་པར་འབྱུང་བའི་རྒྱུད་ལས་ལྟ་བ་བསྟན་པའི་ལེའུ་སྟེ་གསུམ་

87-1-84a

པའོ།། །། དེ་ནས་དུར་ཁྲོད་བདག་མོ་དེས། །སྟོན་པ་ལ་ནི་འདི་སྐད་ཞུས། །རྟོགས་པ་ལྟ་བའི་རྗེས་ཐོགས་ལ། །བསྒོམ་པའི་གོ་རིམས་ཇི་ལྟ་བུ། །ཞེས་ཞུས་པས། དེ་ནས་སྟོན་པས་བཀའ་སྩལ་པ། །སངས་རྒྱས་ཐོབ་པར་
འདོད་པ་ཡིས། །རྟོགས་པའི་དོན་གོ་བསྒོམས་ལས་བྱུང་། །གཞན་དུ་འབྲས་བུ་འབྱུང་མི་འགྱུར། །སྣ་ཚོགས་སྣང་བའི་ཆོས་རྣམས་ཀུན། །ཡེ་ནས་སྤྲོས་དང་བྲལ་བ་ལ། །རྟག་པར་འཛིན་པ་བསྒོམ་པའི་སྐྱོན། །ཕྱི་དང་ནང་གི་ཆོས་
ཉིད་ལ། །ཆད་པར་འཛིན་པ་བསྒོམ་པའི་སྐྱོན། །འོ་ན་ཇི་ལྟར་བསྒོམ་ཞེས་ན། །ལམ་མེད་ལམ་གོལ་དམན་པའི་ལམ། །འདི་རྣམས་སྤངས་ཏེ་བསྒོམ་པར་བྱ། །དང་པོ་བྱང་ཆུབ་སེམས་བསྐྱེད་དེ། །སྨོན་འཇུག་གཉིས་པོ་སྔོན་དུ་
གཅེས། །གཟུང་བ་ཡུལ་མེད་སྒོམ་པའི་མཆོག །ཆོས་ཀྱི་བདག་མེད་རྟོགས་པར་བྱ། །འཛིན་པའི་སེམས་མེད་སྒོམ་པའི་མཆོག །གང་ཟག་བདག་མེད་རྟོགས་པར་བྱ། །ཆོས་རྣམས་གང་ཡིན་མི་འགེགས་པས། །ཐབས་ཀྱི་
ལམ་དུ་ཤེས་པར་བྱ། །ངོ་བོ་ཅི་ཡང་མ་གྲུབ་པས། །ཤེས་རབ་ལམ་དུ་ཤེས་པར་བྱ། །ཆོས་རྣམས་རྒྱུ་མེད་སྒོམ་པའི་མཆོག །སྟོང་པ་ཉིད་ཀྱི་རྣམ་ཐར་ཡིན། །འབྲས་བུ་སྟོང་པ་སྒོམ་པའི་མཆོག །མཚན་མེད་པའི་རྣམ་ཐར་
ཡིན། །རྒྱུ་འབྲས་དབྱེར་མེད་སྒོམ་པའི་མཆོག །སྨོན་པ་མེད་པའི་རྣམ་ཐར་ཡིན། །ཀུན་ལ་བྱམས་པ་སྒོམ་པའི་མཆོག །བྱམས་པ་ཚད་མེད་རང་བཞིན་ཡིན། །ཀུན་ལ་བརྩེ་བ་སྒོམ་པའི་མཆོག །སྙིང་རྗེ་ཚད་མེད་ངོ་བོ་ཉིད། །ཀུན་
ལ་ཕན་པ་སྒོམ་པའི་མཆོག །དགའ་བ་ཚད་མེད་ངོ་བོ་ཉིད། །ཀུན་ལ་ཁྱབ་པ་སྒོམ་པའི་མཆོག །བཏང་སྙོམས་ཚད་མེད་ངོ་བོ་ཉིད། །བསོད་ནམས་ཚོགས་སོག་སྒོམ་པའི་མཆོག །བཞི་གསུམ་བཅུ་གཉིས་བདག་ཉིད་ཅན། །
ལམ་ལ་བསྒོམས་པ་སྒོམ་པའི་མཆོག །ངེས་འབྱེད་བཞིའི་བདག་ཉིད་ཅན། །ཡེ་ཤེས་མཐོང་བ་སྒོམ་པའི་མཆོག །བྱང་ཆུབ་ཡན་ལག་རྣམ་བདུན་ཡིན། །གོམས་པར་བྱེད་པ་སྒོམ་པའི་ལམ། །འཕགས་ལམ་བརྒྱད་ཀྱི་བདག་

87-1-84b

ཉིད་ཅན། །གོམས་པ་མཐར་ཕྱིན་སྒོམ་པའི་མཆོག །བཅུ་པ་ལ་ནི་ཡོངས་སུ་གྲོལ། །སངས་རྒྱས་པའི་རྣམ་ཐར་ཡིན། །ཆགས་སེམས་བྲལ་བ་སྒོམ་པའི་མཆོག །སྦྱིན་པའི་ཕ་རོལ་ཕྱིན་པ་ཡིན། །རང་སེམས་དག་པ་སྒོམ་པའི་
མཆོག །ཚུལ་ཁྲིམས་ཕ་རོལ་ཕྱིན་པ་ཡིན། །ཇི་མི་སྙམ་པ་སྒོམ་པའི་མཆོག །བཟོད་པའི་ཕ་རོལ་ཕྱིན་པ་ཡིན། །གོ་ཆ་སྦྱོར་བ་སྒོམ་པའི་མཆོག །བརྩོན་འགྲུས་ཕ་རོལ་ཕྱིན་པ་ཡིན། །གཡེང་བ་མེད་པ་སྒོམ་པའི་མཆོག །བསམ་
གཏན་ཕ་རོལ་ཕྱིན་པ་ཡིན། །འཁོར་འདས་ཤེས་པ་སྒོམ་པའི་མཆོག །ཤེས་རབ་ཕ་རོལ་ཕྱིན་པ་ཡིན། །ཉོན་མོངས་མི་སྤོང་སྒོམ་པའི་མཆོག །ཐབས་ཀྱི་ཕ་རོལ་ཕྱིན་པ་ཡིན། །མི་མཐུན་ཟིལ་གནོན་སྒོམ་པའི་མཆོག །
སྟོབས་ཀྱི་ཕ་རོལ་ཕྱིན་པ་ཡིན། །ཅི་བསམས་འགྲུབ་པ་སྒོམ་པའི་མཆོག །སྨོན་ལམ་ཕ་རོལ་ཕྱིན་པ་ཡིན། །ཇི་སྙེད་མཁྱེན་བྱ་སྒོམ་པའི་མཆོག །ཡེ་ཤེས་ཕ་རོལ་ཕྱིན་པ་ཡིན། །ཆོས་དབྱིངས་ཡེ་ཤེས་སྒོམ་པའི་མཆོག །
སྤྲོས་པ་མེད་པའི་རང་བཞིན་ཡིན། །མེ་ལོང་ཡེ་ཤེས་བསྒོམ་པའི་མཆོག །ཐམས་ཅད་གཟུགས་བརྙན་ལྟར་ཤེས་ཡིན། །མཉམ་ཉིད་ཡེ་ཤེས་བསྒོམ་པའི་མཆོག །ཀུན་ལ་སྙོམས་པའི་བདག་ཉིད་ཡིན། །ཀུན་རྟོག་ཡེ་ཤེས་སྒོམ་
པའི་མཆོག །མ་འདྲེས་གསལ་བའི་ངོ་བོ་ཉིད། །བྱ་གྲུབ་ཡེ་ཤེས་སྒོམ་པའི་མཆོག །ཕྲིན་ལས་ཐམས་ཅད་དུས་གཅིག་རྫོགས། །མཁའ་འགྲོ་མ་ཐམས་ཅད་ཀྱི་ཐུགས་གཉིས་སུ་མེད་པའི་ཡེ་ཤེས་བསམ་གྱིས་མི་ཁྱབ་པ་ཕག་
མོ་མངོན་པར་འབྱུང་བའི་རྒྱུད་ཅེས་བྱ་བ་ལས་སྒོམ་པའི་ལེའུ་སྟེ་བཞི་པའོ།། །། དེ་ནས་དུར་ཁྲོད་བདག་མོ་དེས། །ཧེ་རུ་ཀ་ལ་འདི་སྐད་གསོལ། །གོམས་པར་བྱ་བའི་རྗེས་ཐོབ་ལ། །སྤྱོད་པའི་གོ་རིམས་ཇི་ལྟར་བགྱི། །དེ་
ནས་སྟོན་པས་གསང་བའི་ཚིག་འདི་སྐད་ཅེས་བཀའ་སྩལ་ཏོ། །ཅུང་ཟད་དྲོད་ནི་ཐོབ་པ་དང་། །དེ་ཚེ་སྤྱོད་པ་སྤྱད་པར་བྱ། །དང་པོ་གསང་བའི་སྤྱོད་པ་བྱ། །བྱང་ཆུབ་སེམས་ནི་དྲོད་ཐོབ་ནས། །རིག་པ་རྟུལ་ཞུགས་སྤྱོད་པར་བྱ། །ལྷན་
87-1-85a

ཅིག་སྐྱེས་པའི་དྲོད་ཐོབ་ནས། །མ་དད་ཟློག་པའི་སྤྱོད་པ་བྱ། །ཆུ་ཚོད་ལྟ་བུའི་དྲོད་ཐོབ་ནས། །ཚོགས་ཀྱི་སྤྱོད་པ་ཅི་བདེར་སྤྱད། །སྨྱོན་པ་ལྟ་བུའི་སེམས་ཐོབ་ནས། །ཕྱོགས་མེད་རྣམ་རྒྱལ་སྤྱོད་པ་བྱ། །དེ་ཡི་དབྱེ་བ་གཞན་ན་
གསལ། །གནས་དང་གྲོགས་དང་དུས་དང་ཟས། །ལེའུ་གཞན་ནས་ཤེས་པར་བྱ། །ཀུན་གྱིས་བཀུར་བ་སྤྱོད་པའི་མཆོག །རྒྱལ་པོ་ལྟ་བུའི་སྤྱོད་པ་བྱ། །ངོ་ཚ་ཤེས་པ་སྤྱོད་པའི་མཆོག །རྗེ་རིགས་ལྟ་བུའི་སྤྱོད་པ་བྱ། །ཆགས་སྡང་
འཁྲུ་བ་སྤྱོད་པའི་མཆོག །བྲམ་ཟེ་ལྟ་བུའི་སྤྱོད་པ་བྱ། །སྲིད་དང་བྲལ་བ་སྤྱོད་པའི་མཆོག །དམངས་རིགས་ལྟ་བུའི་སྤྱོད་པ་བྱ། །དམས་ས་འཛིན་པ་སྤྱོད་པའི་མཆོག །གདོལ་པ་ལྟ་བུའི་སྤྱོད་པ་བྱ། །དེ་ནས་གཞན་ཡང་བཤད་བྱ་སྟེ། །
མཐོ་ས་འཛིན་པ་སྤྱོད་པའི་མཆོག །སེང་གེ་ལྟ་བུའི་སྤྱོད་པ་བྱ། །ཉམ་ང་མེད་པ་སྤྱོད་པའི་མཆོག །གླང་ཆེན་ལྟ་བུའི་སྤྱོད་པ་བྱ། །ཤུགས་དང་ལྡན་པ་སྤྱོད་པའི་མཆོག །རྟ་མཆོག་ལྟ་བུའི་སྤྱོད་པ་བྱ། །རྣམ་རྟོག་གསོད་པ་སྤྱོད་
པའི་མཆོག །སྤྱང་ཀི་ལྟ་བུའི་སྤྱོད་པ་བྱ། །དྲག་ཤུལ་ལྟ་བྱེད་སྤྱོད་པའི་མཆོག །དྲེད་མོ་ལྟ་བུའི་སྤྱོད་པ་བྱ། །དེ་ནས་གཞན་ཡང་བཤད་བྱ་སྟེ། །གཟའ་གཏད་མེད་པ་སྤྱོད་པའི་མཆོག །རི་དགས་ལྟ་བུའི་སྤྱོད་པ་བྱ། །ངོ་ཚ་
བྲལ་བ་སྤྱོད་པའི་མཆོག །རོ་ལངས་ལྟ་བུའི་སྤྱོད་པ་བྱ། །རོ་དང་འགྲོགས་པ་སྤྱོད་པའི་མཆོག །རིགས་ངན་ལྟ་བུའི་སྤྱོད་པ་བྱ། །དུར་ཁྲོད་གནས་པ་སྤྱོད་པའི་མཆོག །ལྕེ་སྤྱང་ལྟ་བུའི་སྤྱོད་པ་བྱ། །བག་ཡོད་རྔམ་པ་སྤྱོད་པའི་
མཆོག །ཝ་མོ་ལྟ་བུའི་སྤྱོད་པ་བྱ། །དེ་ལས་གཞན་ཡང་བཤད་པར་བྱ། །ཟུང་དུ་འབྲེལ་བ་སྤྱོད་པའི་མཆོག །ངུར་བ་ལྟ་བུའི་སྤྱོད་པ་བྱ། །གཞན་གྱིས་མི་མཐོང་སྦྱོད་པའི་མཆོག །ཁྭ་ཏ་ལྟ་བུའི་སྤྱོད་པ་བྱ། །དུག་ལྔ་སྤྱོད་པ་
སྤྱོད་པའི་མཆོག །རྨ་བྱ་ལྟ་བུའི་སྤྱོད་པ་བྱ། །དུས་ཚོད་འཛིན་པ་སྤྱོད་པའི་མཆོག །ཁུ་བྱུག་ལྟ་བུའི་སྤྱོད་པ་བྱ། །ཉེས་པས་མ་གོས་སྤྱོད་པའི་མཆོག །བྱ་རྒོད་ལྟ་བུའི་སྤྱོད་པ་བྱ། །དེ་ནས་གཞན་ཡང་བཤད་བྱ་སྟེ། །རིམ་གྱིས་

87-1-85b

འཛེག་པའི་སྤྱོད་པའི་མཆོག །སྤྲེའུ་ལྟ་བུའི་སྤྱོད་པ་བྱ། །འཇིགས་པ་མེད་པ་སྤྱོད་པའི་མཆོག །དོམ་བུ་ལྟ་བུའི་སྤྱོད་པ་བྱ། །མཚན་མོ་རྒྱུ་བ་སྤྱོད་པའི་མཆོག །ཞག་མིག་ཅན་གྱི་སྤྱོད་པ་བྱ། །གང་ལ་མི་གནས་སྤྱོད་པའི་མཆོག །
བུང་བ་ལྟ་བུའི་སྤྱོད་པ་བྱ། །སྣང་བ་ལྟ་བ་སྤྱོད་པའི་མཆོག །འཕར་བ་ལྟ་བུའི་སྤྱོད་པ་བྱ། །དེ་ལས་གཞན་ཡང་བཤད་བྱ་སྟེ། །དགོས་འདོད་འབྱུང་བ་སྤྱོད་པའི་མཆོག །ནོར་བུ་ལྟ་བུའི་སྤྱོད་པ་བྱ། །སྨན་དུག་གཉིས་མེད་སྤྱོད་པའི་
མཆོག །ག་བུར་ལྟ་བུར་ཤེས་པར་བྱ། །ཅིས་ཀྱང་མི་ཚུགས་སྤྱོད་པའི་མཆོག །རྡོ་རྗེ་ལྟ་བུར་ཤེས་པར་བྱ། །མི་མཐུན་གཅོད་པ་སྤྱོད་པའི་མཆོག །རལ་གྲི་ལྟ་བུར་ཤེས་པར་བྱ། །དེ་ནས་གཞན་ཡང་བཤད་བྱ་སྟེ། །ཐབས་དང་ཤེས་
རབ་སྤྱོད་པའི་མཆོག །མདའ་གཞུ་ལྟ་བུར་ཤེས་པར་བྱ། །སྟོང་པའི་ཁ་འབྱེད་སྤྱོད་པའི་མཆོག །ཤཀ་ཏི་ལྟ་བུར་ཤེས་པར་བྱ། །འབིགས་པར་བྱེད་པ་སྤྱོད་པའི་མཆོག །མདུང་ཐུང་ལྟ་བུར་ཤེས་པར་བྱ། །ང་བདག་གསོད་པ་སྤྱོད་
པའི་མཆོག །སྟ་རི་ལྟ་བུར་ཤེས་པར་བྱ། །གདུལ་བྱ་འདྲེན་པ་སྤྱོད་པའི་མཆོག །ལྕགས་ཀྱུ་ལྟ་བུར་ཤེས་པར་བྱ། །དགོན་པའི་གནས་དང་དུར་ཁྲོད་དང་། །གྲོང་ཁྱེར་དག་ཏུ་རྣལ་འབྱོར་རྒྱུ་བའི་ཚེ། །དེ་འདྲའི་སྐྱེས་བུའི་ཕྱག་རྒྱ་ཆེར་
རྟོགས་བྱེད། །དེ་ཉིད་སེམས་ཀྱི་ཁྱད་པར་མཐོང་གྱུར་ན། །བརྟུལ་ཞུགས་མེད་ཀྱང་སངས་རྒྱས་ས་ལ་འགྲོ། །སེམས་ཉིད་གཉིས་ཀྱི་གནད་དང་མ་བྲལ་ན། །བརྟུལ་ཞུགས་སྤྱད་ཀྱང་སྡུག་བསྔལ་སྣ་ཚོགས་སྐྱེ། །བསམ་གྱིས་མི་
ཁྱབ་བརྟུལ་ཞུགས་རབ་ལྡན་ན། །རྒྱལ་པོ་རྒྱལ་རིགས་སྤྱི་བོར་དབང་བསྐུར་ལྟར། །ཐོགས་པ་མེད་པ་ཕྱག་རྒྱ་ཆེན་པོ་དེ། །སྐྱེ་བ་འདི་ལ་སངས་རྒྱས་ས་ལ་རེག་ཅེས་གསུངས་སོ། །མཁའ་འགྲོ་མ་ཐམས་ཅད་ཀྱི་ཐུགས་གཉིས་སུ་
མེད་པའི་ཡེ་ཤེས་བསམ་གྱིས་མི་ཁྱབ་པ་ཕག་མོ་མངོན་པར་འབྱུང་བའི་རྒྱུད་ལས་སྤྱོད་པའི་རབ་ཏུ་དབྱེ་བའི་ལེའུ་སྟེ་ལྔ་པའོ།། །། དེ་ནས་དུར་ཁྲོད་བདག་མོ་དེས། །སྟོན་པ་ལ་ནི་འདི་སྐད་གསོལ། །ཡང་དག་བརྡ་ནི་བརྡ་ཆེན་

87-1-86a

པོ། །ཀུན་གྱིས་མི་རྟོག་སྦས་པའི་དོན། །བར་ཆད་སེལ་བ་བརྡའི་ཆོས། །བསམ་གྱིས་མི་ཁྱབ་བཤད་དུ་གསོལ། །དེ་ནས་སྟོན་པས་བཀའ་སྩལ་པ། །སྣང་བ་ཐམས་ཅད་ལས་ཀྱི་བརྡ། །ཚིག་ནི་ཇི་སྙེད་ངག་གི་བརྡ། །དེ་ལ་
བསམ་གྱིས་མི་ཁྱབ་གནས། །དོན་གྱི་བརྡ་རུ་ཤེས་པར་བྱ། །དེ་ནས་དུར་ཁྲོད་བདག་མོས་ཡང་ཞུས་པ། གང་ཟག་འཇུག་པའི་རིམ་པ་དང་། །དཔའ་བོ་བརྟག་པའི་རིམ་པ་དང་། །ཕྱག་རྒྱ་མོ་ཡི་བརྟག་པ་དང་། །མཆོག་དང་ཐུན་མོང་
དངོས་གྲུབ་དང་། །ཚོགས་ཀྱི་འཁོར་ལོའི་དུས་དག་དང་། །རྣལ་འབྱོར་ཕག་མོ་རྫོགས་བྱེད་དང་། །བརྡ་ཡི་བྱེ་བྲག་ཇི་སྙེད་པ། །འགྲོ་མགོན་ཁྱེད་ཀྱིས་བཤད་དུ་གསོལ། །མགོན་པོ་དཔའ་བོས་བཀའ་སྩལ་པ། །ཐམས་ཅད་ཀུན་གྱི་བརྡ་
ཆེན་པོ། །སྦས་པའི་བརྡ་ནི་བཤད་བྱ་བ། །གཡས་པ་ཐབས་ཀྱི་རང་བཞིན་དང་། །གཡོན་པ་ཤེས་རབ་རང་བཞིན་དང་། །ལུས་ཀྱི་བརྡ་རྣམས་རྫོགས་པར་བྱ། །མི་རྟོག་སྒོམ་པ་སྟོན་པ་ལ། །ལག་པ་གཡོན་པ་བསྟན་པ་ནི། །ས་རོ་ཞེས་
ནི་བརྗོད་པར་བྱ། །རྐང་པ་གྲོང་ཁྱེར་ས་བགྲོད་པས། །སྤྱོད་པ་ཉམས་མྱོང་གིས་འགྲོ་བ། །གོ་བའི་ཕྱིར་ནས་རྐང་བསྟན་ཏེ། །ཨ་གྷུ་ལ་ཞེས་བརྗོད་པར་བྱ། །སྲིན་ལག་མཁའ་འགྲོ་མ་ཡི་རྩ། །དེ་ཡི་ཕྱིར་ན་དེ་བསྟན་ཏེ། །ཤེས་རབ་ཆེན་
པོར་གོ་བྱའི་ཕྱིར། །བྷ་ཏ་རི་ཞེས་བརྗོད་པར་བྱ། །ལྕེ་ཡིས་ཟས་ཀྱི་རོ་མྱོང་ལྟར། །སྟོང་པས་བདེ་བ་མྱོང་བསྟན་ཕྱིར། །ལྕེ་བསྟན་ཙརྱ་གྷ་ཞེས་བརྗོད། །སྐལ་བར་ལྡན་པའི་བདག་ཉིད་ནི། །ཡུལ་ལ་རིག་པར་བྱ་བའི་ཕྱིར། །ལྟོ་བ་ཟས་
ཀྱི་སྣོད་བསྟན་པ། །ཨན་དྷ་ལི་ཞེས་བརྗོད་པར་བྱ། །ལྟོ་བ་ཟས་ཀྱི་སྣོད་ཡིན་ཕྱིར། །དེ་བཞིན་སྣོད་ནི་བསྟན་པར་བྱ། །བླ་མའི་བརྒྱུད་པ་གོ་ཆའི་ཕྱིར། །པྃ་ཀ་ཏ་ཞེས་བརྗོད་པར་བྱ། །སོར་མོ་ལྔའི་ནི་རྒྱུད་གཅིག་ལྟར། །ལྔ་ཡི་རྩ་བ་ཨེ་
བྃ་དུ། །བསྡུས་ཕྱིར་སོར་མོ་ལྔ་བསྟན་ལ། །ཚན་དྷོ་ཧ་ཞེས་བརྗོད་པར་བྱ། །སོའི་སྟོབས་ཀྱིས་ཟས་འདུལ་ལྟར། །ཨེ་བྃ་ཇི་བཞིན་རྟོགས་པར་བྱེད། །གང་གིས་སོ་ནི་བསྟན་བྱས་པས། །ཙ་ལ་ནི་ཞེས་བརྗོད་པར་བྱ། །བྱིན་པས་

87-1-86b

ལུས་ཀྱི་སྟོབས་སྐྱེད་ལྟར། །གོམས་པས་འབྲས་བུ་སྐྱེད་པའི་ཕྱིར། །གོ་ཕྱིན་པ་ནི་བསྟན་བྱས་ལ། །མེ་ག་བ་ཞེས་བརྗོད་པར་བྱ། །ས་གཞི་འགྲོ་བ་ཀུན་འདེགས་ལྟར། །འབྲས་བུ་དམ་ཚིག་གིས་བསྟེན་ལྟར། །ས་གཞི་གྲུ་བཞིར་བསྟན་
བྱས་ལ། །མཎ་ཌལ་ཞེས་སུ་བརྗོད་པར་བྱ། །སོར་མོ་ལྔ་ནི་རྒྱུ་མཐུན་ཕྱིར། །ཕུང་ལྔ་རིགས་ལྔར་རྒྱས་བཏབ་པས། །གཡས་པའི་སོར་མོ་ལྔ་བསྟན་པ། །སྦ་ར་ན་ཞེས་བརྗོད་པར་བྱ། །མི་བསྐྱོད་པ་དང་རྡོ་རྗེ་འཆང་། །རྒྱས་གདབ་གཉིས་
ནི་གོ་བྱའི་ཕྱིར། །དབུགས་ནི་ལ་ནི་དབྱུང་བར་བྱ། །དཔལ་ཀུན་ཤམ་ཞེས་བརྗོད་པར་བྱ། །སོ་འཆའ་བའི་ཞེ་སྡང་གིས། །འབྲས་བུའི་རྟགས་ནི་ཡིན་པའི་ཕྱིར། །གཉིས་སྣང་གཅོད་ཕྱིར་སོ་འཆའ་བས། །མ་ཏ་ཁྲ་ཞེས་བརྗོད་པར་
བྱ། །ཤ་ནི་སྲོག་ཆགས་ཐམས་ཅད་ལས། །འབྱུང་ཞིང་ཆོས་རྣམས་ཐམས་ཅད་ནི། །སེམས་ཡིན་ཕྱིར་ནས་ཤ་བསྟན་པས། །ར་ཙ་ན་ཞེས་བརྗོད་པར་བྱ། །ཁྲོ་གཉེར་ཁྲོས་པའི་རྟགས་ཡིན་པས། །བྱ་བ་ཐམས་ཅད་སྡུག་
བསྔལ་གྱི། །རྟགས་ཡིན་ཕྱིར་ན་ཁྲོ་གཉེར་བསྟན། །ནི་རི་ཧ་ཞེས་བརྗོད་པར་བྱ། །བསྡུམས་པས་དབྱེ་བ་མེད་པ་ལྟར། །འཁོར་འདས་དབྱེར་མི་ཕྱེད་པ་ལྟར། །བྷ་ག་ནི་ཞེས་བརྗོད་པར་བྱ། །དཔེ་ཡིས་མཚོན་པའི་དོན་དུ་ནི། །དྲི་
མ་ཀུན་ལས་གྲོལ་བའི་ཕྱིར། །བསྡམས་པ་བཀྲོལ་ནས་གྲེ་ནན་བརྗོད། །བྱིན་གྱིས་བརླབས་པའི་གཏོར་མ་ཡིན། །ཐམས་ཅད་ཚིམ་པར་བྱེད་པ་ལྟར། །སྣ་ཚོགས་སྣང་བའི་ཆོས་ཀུན་ལ། །བདེ་བ་ཆེན་པོའི་རོས་ཚིམ་ཕྱིར། །
གཏོར་མ་བཏང་ལ་ཧིཀ་ཀ་བརྗོད། །ལྟོ་བ་ཟས་ཀྱི་སྣོད་ཡིན་ལྟར། །སེམས་ཅན་སངས་རྒྱས་སྣོད་ཡིན་པས། །དོན་དུ་ལྟོ་བ་བསྟན་ནས་ནི། །ནི་གར་མ་ཞེས་བརྗོད་པར་བྱ། །དེ་རྣམས་ཕན་ཡོན་དཔག་མེད་པས། །སྙིང་པོ་རྒྱུད་དུ་གསལ་
བར་བསྟན། །བརྡ་དང་ལྡན་པའི་རྣལ་འབྱོར་པས། །བདུད་རྩི་རྣམ་པ་ལྔ་པོ་ལ། །ལོངས་སྤྱོད་པ་ནི་ཐབས་ཀྱི་མཆོག །བྱིན་གྱིས་བརླབས་དང་ས་བོན་དང་། །རང་བཞིན་བདུད་རྩི་ལ་འབད་པས། །དཔག་མེད་རིམས་ཀྱིས་ཕན་ཡོན་

87-1-87a

འབྱུང་། །དེ་ནས་གཞན་ཡང་བཤད་བྱ་སྟེ། །ལྔ་བསྡུས་རྩེ་མོ་མནན་པ་ནི། །བུམ་པའི་དབང་སྟེ་ལུས་ཀྱི་བརྡ། །མཐེབ་སྲིན་ཨེའི་དྲང་རོ་གཅིག །གསང་བའི་དབང་སྟེ་ལུས་ཀྱི་བརྡ། །བྱང་ཆུབ་མཆོག་གི་ཕྱག་
རྒྱ་ནི། །གསུམ་པ་ཤེས་རབ་ཡེ་ཤེས་ཡིན། །སྐྱེས་དང་མ་སྐྱེས་གཉིས་མེད་པས། །བཞི་པ་ཡིན་སྟེ་ལུས་ཀྱི་བརྡ། །དེ་ཡི་ངག་གི་བརྡ་སྨྲས་པ། །ཀ་ལ་ཤ་ཡ་བུམ་པའི་དབང་། །ཡ་ར་ལ་ཝ་གསང་བའི་བརྡའོ། །ཨེ་
བྃ་མ་ཡ་གསུམ་པའི་བརྡའོ། །ཨེ་ཧཱུྃ་ཨོཾ་ཨཱ་བཞི་པའོ། །མཁའ་འགྲོ་མ་ཐམས་ཅད་ཀྱི་ཐུགས་གཉིས་སུ་མེད་པའི་ཡེ་ཤེས་བསམ་གྱིས་མི་ཁྱབ་པ་ཕག་མོ་མངོན་པར་འབྱུང་བའི་རྒྱུད་ལས་བརྡའི་ལེའུ་སྟེ་དྲུག་
པའོ།། །། དེ་ནས་དུར་ཁྲོད་བདག་མོ་དེས། སྟོན་པ་མཚན་ཉིད་བཞི་དང་ལྡན་པ་དེ་ལ་ཕྱིའི་མཆོད་པའི་ཚོགས་དཔག་ཏུ་མེད་པ་དང་། ནང་གི་མཆོད་པའི་ཚོགས་དཔག་ཏུ་མེད་པ་དང་། གསང་བའི་མཆོད་པའི་
ཚོགས་དཔག་ཏུ་མེད་པ་དང་། དེ་ཁོ་ན་ཉིད་ཀྱི་མཆོད་པ་ཕུལ་ནས་འདི་སྐད་ཞུས་སོ། །བླ་མེད་སྟོན་པ་ཧེ་རུ་ཀ ། འཁོར་བའི་སེམས་ཅན་འདྲེན་མཛད་པ། །ཐུགས་རྗེ་ཆེ་དང་ལྡན་པ་ཁྱོད། །ནད་པ་ལྟ་བུའི་སེམས་ཅན་ལ། །
ཆོས་ཀྱི་སྨན་མཆོག་བསྟན་དུ་གསོལ། །ལོང་བ་ལྟ་བུའི་སེམས་ཅན་ལ། །ཆོས་ཀྱི་སྒྲོན་མེ་སྦར་དུ་གསོལ། །རྒྱལ་པོ་ལྟ་བུའི་སྟོན་པ་ཁྱོད། །ཀུན་ལ་བྱམས་པ་མཛད་དུ་གསོལ། །བློན་པོ་ལྟ་བུའི་སྟོན་པ་ཁྱོད། །
ཀུན་ལ་ཕན་པ་མཛད་དུ་གསོལ། །ཞེས་ཞུས་སོ། །དེ་ནས་སྟོན་པ་འཇིགས་བྱེད་ཧེ་རུ་ཀ་དེ་ཐུགས་རབ་ཏུ་དགྱེས་ཏེ། སྐུའི་སྒོ་ནས་མཛེས་གར་རྣམ་པ་གསུམ་མཛད། གསུང་གི་སྒོ་ནས་རྡོ་རྗེའི་ཚིག་རྣམ་པ་གསུམ་མཛད། ཐུགས་ཀྱི་
སྒོ་ནས་ཁྱད་པར་ཀྱི་ཡེ་ཤེས་རྣམ་པ་གསུམ་བསྐྱེད་ནས། འཁོར་རྣམས་ལ་སྤྱན་གཟིགས་ནས་ཚངས་པའི་གསུང་གིས་རྡོ་རྗེའི་ཚིག་འདི་བཀའ་སྩལ་ཏོ། །ཉོན་ཅིག་དུར་ཁྲོད་བདག་མོ་ཁྱོད། །འཁོར་བའི་སེམས་ཅན་ཐམས་ཅད་ལ། །

87-1-87b

མ་རིག་པའི་མུན་པས་བསྒྲིབས། །འཁོར་བའི་རྒྱ་མཚོ་ཆེན་པོར་ལྟུང་། །ཉོན་མོངས་འདམ་དུ་བྱིང་བ་ཡིས། །དུས་གསུམ་སངས་རྒྱས་ཐམས་ཅད་ཀྱིས། །ཆོས་ཀྱི་སྒོ་མོ་བརྒྱད་ཁྲི་དང་། །བཞི་སྟོང་གི་ནི་གྲངས་སྙེད་ཀུན། །ཉོན་
མོངས་པའི་གཉེན་པོར་བསྟན། །དབང་པོ་རབ་འབྲིང་དང་སྦྱར་ནས། །ཐུན་མོང་ཐེག་པ་རིམ་གྱིས་བསྟན། །མདོ་སྡེ་འདུལ་བ་མངོན་པ་གསུམ། །བསྟན་པ་ཀུན་གྱི་རྩ་བ་ཡིན། །བདེར་གཤེགས་ཐུགས་རྗེ་བསམ་མི་ཁྱབ། །
སེམས་ཅན་རྣམས་ལ་དེ་ལྟར་བསྟན། །དེ་ནས་དུར་ཁྲོད་བདག་མོ་དེས་ཡང་འདི་སྐད་ཅེས་གསོལ་ཏོ། །བླ་མེད་སྟོན་པ་ཧེ་རུ་ཀ ། ཐུན་མོང་ཐེག་པ་དེ་ལྟར་བསྟན། །ཁྱད་པར་གསང་སྔགས་ཇི་ལྟར་ལགས། །རྒྱུད་སྡེ་རྣམས་ཀྱི་དབྱེ་
བ་ཞུ། །སྨིན་པའི་ལམ་ནི་ཇི་ལྟར་ལགས། །གྲོལ་བའི་ལམ་ནི་གང་ལ་བགྱི། །དཔའ་བོ་ཆེན་པོས་བཤད་དུ་གསོལ། །ཞེས་ཞུས་སོ། །དེ་ནས་སྟོན་པ་ཧེ་རུ་ཀས། །ཉོན་ཅིག་དུར་ཁྲོད་བདག་མོ་ཁྱོད། །སྐལ་བར་ལྡན་པའི་གང་ཟག་
ལ། །གསང་སྔགས་རྒྱུད་སྡེ་ངས་བཤད་ཀྱིས། །སྣོད་སྐྱོན་གསུམ་པོ་སྤོངས་ལ་ཉོན། །བྱ་བ་གཙོ་བོར་བྱེད་པ་ལ། །ཀྲི་མའི་རྒྱུད་སྡེ་རྣམ་ལྔ་བསྟན། །སྦྱོར་བ་གཙོ་བོར་བྱེད་པ་ལ། །གཉིས་པའི་རྒྱུད་སྡེ་རྣམ་ལྔ་བསྟན། །སེམས་
ཉིད་གཙོ་བོར་བྱེད་པ་ལ། །རྣལ་འབྱོར་རྒྱུད་སྡེ་རྣམ་ལྔ་བསྟན། །བདེ་སྟོང་གཙོ་བོར་བྱེད་པ་ལ། །བླ་ན་མེད་པའི་རྒྱུད་ལྔ་བསྟན། །ཡིད་ལ་བྱེད་པ་མེད་རྣམས་ལ། །གོང་ན་མེད་པའི་རྒྱུད་ལྔ་བསྟན། །དེའི་ཕྱིར་རྒྱུད་སྡེ་རྣམ་པ་ལྔ། །
གསང་སྔགས་རྒྱུད་ཅེས་བྱ་བར་གྲགས། །རེ་རེ་ལ་ཡང་ལྔ་ལྔ་སྟེ། །རྒྱུད་ཆེན་ཉི་ཤུ་རྩ་ལྔ་ནི། །མ་བྱུང་འབྱུང་བར་མི་འགྱུར་རོ། །ཞེས་གསུངས་སོ། །དེ་ནས་ཡང་དུར་ཁྲོད་བདག་མོ་དེས་ཡང་ཞུས་པ། རྒྱུད་ཀྱི་དབྱེ་བ་དེ་ལྟར་ན། །སྨིན་
ཞེས་བགྱི་བ་ཇི་ལྟར་ལགས། །ལམ་ཞེས་བགྱི་བ་གང་ལ་བགྱི། །དེ་ཡི་དབྱེ་བ་བཤད་དུ་གསོལ་ཞེས་ཞུས་སོ། །དེ་ནས་སྟོན་པས་བཀའ་སྩལ་པ། །ཉོན་ཅིག་དུར་ཁྲོད་བདག་མོ་ཁྱོད། །འཁོར་བའི་སེམས་ཅན་ཐམས་ཅད་ལ། །དེ་

87-1-88a

ཉིད་ཡོད་དེ་སྨིན་ལམ་མེད། །དེས་ན་འབྲས་བུ་ཐོབ་མི་འགྱུར། །ལམ་ལོག་མུ་སྟེགས་བྱེད་རྣམས་ལ། །དེ་ཉིད་ཡོད་དེ་སྨིན་ལམ་མེད། །དེས་ན་འབྲས་བུ་ཐོབ་མི་འགྱུར། །དམན་པ་ཉན་ཐོས་རང་རྒྱལ་ལ། །དེ་
ཉིད་ཡོད་དེ་སྨིན་ལམ་མེད། །དེ་ཕྱིར་བསྐལ་པ་གྲངས་མེད་དུ། །དཀའ་ཐུབ་སྤྱོད་པ་ཉོན་རེ་མོངས། །མ་སྨིན་མདོ་སྡེར་ཞུགས་རྣམས་ལ། །དེ་ཉིད་ཡོད་དེ་སྨིན་ལམ་མེད། །དེས་ན་ཚེ་གཅིག་སངས་རྒྱས་དཀའ། །ཞེས་སོ། །དེ་ནས་
དུར་ཁྲོད་བདག་མོ་དེས་ཡང་ཞུས་པ། སྨིན་ཞེས་བྱ་བ་གང་ལ་བགྱི། །ལམ་ཞེས་བྱ་བ་ཇི་ལྟར་ལགས། །དཔའ་བོ་ཆེན་པོས་བཤད་དུ་གསོལ། །ཉོན་ཅིག་དུར་ཁྲོད་བདག་མོ་ཁྱོད། །སྨིན་ཞེས་བྱ་བ་ནི་སང་དྷའི་སྒྲ་ལས་ཤེས་པར་
བྱའོ། །ལམ་ཞེས་བྱ་བའི་སྒྲ་ནི་ཨ་ཐ་མི་ཐའི་སྒྲ་ལས་ཤེས་པར་བྱ། འཇིག་རྟེན་པའི་ལམ་དང་སྦྱར་རོ། །ལུས་དང་ངག་དང་སེམས་དང་གསུམ། །མ་སྨིན་སྨིན་པར་བྱེད་པའི་ཐབས། །དབང་བཀུར་ཆོ་ག་ཇི་སྙེད་བསྟན། །དང་པོ་
བསྙེན་པ་བྱ་བ་གཅེས། །གྲངས་དང་དུས་དང་མཚན་མ་ཡི། །བསྙེན་པ་རྣམ་གསུམ་རྫོགས་བྱས་ནས། །ས་ཆོག་སྟ་གོན་ཚུལ་བཞིན་བྱ། །དང་པོ་ས་གཞི་ཡོངས་སུ་གཟུང་། །གཉིས་པ་སྟ་གོན་གནས་པ་སྟེ། །ནུབ་གསུམ་
པ་ལ་འཇུག་པར་བྱ། །རྒྱུད་རྣམས་གཞན་དུ་ཤེས་པར་བྱ། །དེ་ནས་དཀྱིལ་འཁོར་ཤར་གྱི་སྒོར། །བའི་རྣམ་ལྔའི་མན་ཌལ་བྲི། །སྐལ་ལྡན་སློབ་མ་དེར་བཞག་ལ། །བུམ་པའི་དབང་རྣམས་རྫོགས་པར་བསྐུར། །དཀྱིལ་འཁོར་
དེ་ཡི་ལྷོའི་སྒོ་རུ། །བདུད་རྩི་ལྔ་ཡི་མན་ཌལ་བྱ། །སྐལ་ལྡན་སློབ་མ་དེར་བཞག་ལ། །གསང་བའི་དབང་རྣམས་རྫོགས་པར་བསྐུར། །དཀྱིལ་འཁོར་དེ་ཡི་ནུབ་སྒོ་རུ། །དལ་གྱི་ཆོས་འབྱུང་ཨེ་དབྱིབས་བྲི། །སྐལ་ལྡན་སློབ་
མ་དེར་བཞག་ལ། །ཤེས་རབ་ཡེ་ཤེས་དབང་བསྐུར་ཏེ། །གསུམ་པའི་དབང་རྣམས་རྫོགས་པར་བསྐུར། །དཀྱིལ་འཁོར་དེ་ཡི་བྱང་སྒོ་རུ། །ཕྲིན་ལས་རྣམ་བཞིའི་མན་ཌལ་བྲི། །སྐལ་ལྡན་སློབ་མ་དེར་བཞག་ལ། །བཞི་བའི་

87-1-88b

དབང་རྣམས་རྫོགས་པར་བསྐུར། །དཀྱིལ་འཁོར་དེ་ཡི་ཕོ་བྲང་དུ། །སེང་ཆེན་བསྣོལ་བའི་ཁྲི་སྟེངས་སུ། །སྐལ་ལྡན་སློབ་མ་དེར་བཞག་ལ། །རྡོ་རྗེ་སློབ་དཔོན་བྱེད་པའི་དབང་། །ཆོ་ག་ཐམས་ཅད་རྫོགས་པར་བསྐུར། །སྐུ་གསུང་ཐུགས་ཀྱི་
དབང་གསུམ་པོ། །ཐོག་མ་ཉིད་དུ་བསྐུར་བར་བྱ། །དེ་ནས་དུར་ཁྲོད་བརྒྱད་རྣམས་ཀྱིས། །དབང་ནི་རྣམ་པ་བརྒྱད་པོ་བསྐུར། །དེ་ནས་ཟས་རྣམས་བདུད་རྩིའི་དབང་། །ཇི་ལྟ་བར་ནི་བསྐུར་བར་བྱ། །དེ་ནས་ཕྱག་མཚན་རྣམས་ཀྱི་དབང་། །གོ་རིམས་
བཞིན་དུ་བསྐུར་བར་བྱ། །དེ་ནས་ཉན་པའི་དབང་རྣམས་བསྐུར། །དེ་ནས་བཤད་པའི་དབང་རྣམས་བསྐུར། །དེ་ནས་སྐལ་ལྡན་གང་ཟག་ལ། །མངའ་གསོལ་སུམ་བཅུ་རྩ་ལྔ་བྱ། །དེ་ནས་བཀྲ་ཤིས་རྫས་བརྒྱད་ཀྱིས། །དབང་རྣམས་མ་
ལུས་རྫོགས་པར་བསྐུར། །དེ་ནས་དབང་རྫོགས་གང་ཟག་དེ། །བདེར་གཤེགས་རྣམས་ཀྱི་སྲས་ཡིན་ཏེ། །མཁྱེན་རབ་བདེ་གཤེགས་རྣམས་དང་མཉམ། །མཐུ་སྟོབས་ཁྲོ་རྒྱལ་རྣམས་དང་མཉམ། །ཚེ་ཚད་ཉི་ཟླ་གཉིས་དང་མཉམ། །དང་
པོ་ལས་ཅན་སྦྱོར་བ་ཡིས། །ས་བརྒྱད་པ་ལ་རབ་ཏུ་གནས། །དབང་བསྐུར་གནང་བ་མ་ཐོབ་ན། །རིག་པ་ཤེས་རབ་རྩལ་རྫོགས་ཀྱང་། །སློབ་དཔོན་བྱ་བ་ཡོང་མི་ནུས། །དབང་བསྐུར་གནང་བ་མ་མཐོང་ན། །གཞན་གྱི་ཡོན་ཏན་ཀུན་འཆང་
ཡང་། །འཁོར་ལོ་སྲོག་ཤིང་མེད་པ་འདྲ། །དབང་མ་ཐོབ་པར་ལས་རྩོམ་དང་། །སྒྱིད་མ་མ་རྟས་ཁལ་འགེལ་བ། །འདི་དག་ཕུང་པོའི་རྒྱུ་ཡིན་ནོ། །སློབ་དཔོན་མཉེས་པར་མ་བྱས་ཤིང་། །དབང་རྣམས་ཐོབ་པར་མ་བྱས་ན། །ཉན་པ་ལ་
སོགས་རྩོམ་པ་ནི། །འབྲས་བུ་མེད་ཅིང་བརླག་པར་འགྱུར། །མཁའ་འགྲོ་མ་ཐམས་ཅད་ཀྱི་ཐུགས་གཉིས་སུ་མེད་པའི་ཡེ་ཤེས་བསམ་གྱིས་མི་ཁྱབ་པ་ཕག་མོ་མངོན་པར་འབྱུང་བའི་རྒྱུད་ལས་དབང་བསྐུར་བའི་ལེའུ་སྟེ་བདུན་པའོ།། །།
དེ་ནས་དུར་ཁྲོད་ཕག་མོ་དེས། །ཧེ་རུ་ཀ་ལ་འདི་སྐད་ཞུས། །སངས་རྒྱས་ཐོབ་བྱེད་འབྲས་བུའི་ཆོས། །བསམ་གྱིས་མི་ཁྱབ་བཤད་དུ་གསོལ། །དབང་པོ་རབ་འབྲིང་ཐ་མ་གསུམ། །གང་དང་གང་གིས་གྲོལ་བ་ལགས། །དུག་ལྔ་

87-1-89a

སྤྱོད་པའི་གང་ཟག་ལྔ། །གང་དང་གང་གིས་འཇོམས་པར་བྱེད། །དེ་ནས་སྟོན་པས་བཀའ་སྩལ་ཏེ། །ཉོན་ཅིག་དུར་ཁྲོད་བདག་མོ་ཁྱོད། །དབང་པོ་རབ་ཀྱི་གང་ཟག་ལ། །རང་བཞིན་རྣམ་དག་ཕག་མོ་བསྟན། །དབང་
པོ་འབྲིང་གི་གང་ཟག་ལ། །བརྗོད་པ་སྒྲ་ཡི་ཕག་མོ་བསྟན། །དབང་པོ་ཐ་མའི་གང་ཟག་ལ། །མཚོན་པ་བརྡ་ཡི་ཕག་མོ་བསྟན། །ཞེས་བཀའ་སྩལ་ཏོ། །དེ་ནས་དུར་ཁྲོད་བདག་མོ་དེས། །སྟོན་པ་ལ་ནི་ཚིག་འདི་གསོལ། །རང་
བཞིན་རྣམ་པར་དག་པ་ཡི། །རྡོ་རྗེ་ཕག་མོ་ཇི་ལྟ་བུ། །སྒྲ་ཡི་ཕག་མོ་ཇི་ལྟ་བུ། །དབྱིབས་ཀྱི་ཕག་མོ་ཇི་ལྟ་བུ། །ཞེས་པ་ལ་སོགས་པ་ཞུས་སོ། །ཉོན་ཅིག་དུར་ཁྲོད་བདག་མོ་ཁྱོད། །རང་བཞིན་ཉིད་ནས་དག་པ་དེ། །ཆོས་ཀྱི་སྐུ་
ཡི་ངོ་བོ་ཉིད། །སྐད་ཅིག་དྲུག་གིས་རྫོགས་སངས་རྒྱས། །གྲོལ་འགྱུར་འདི་ལ་ཐེ་ཚོམ་མེད། །བརྗོད་པ་སྒྲ་ཡི་ཕག་མོ་དེ། །ལོངས་སྤྱོད་སྒྲ་ཡི་ངོ་བོ་ཉིད། །ལོངས་སྤྱོད་རྫོགས་སྐུའི་ངོ་བོ་ཉིད། །ཟླ་དྲུག་གོམས་པའི་སྦྱོར་བ་ཡིས། །
འགྲུབ་འགྱུར་འདི་ལ་ཐེ་ཚོམ་མེད། །མཚོན་པ་བརྡ་ཡི་ཕག་མོ་དེ། །སྤྲུལ་པ་སྐུ་ཡི་ངོ་བོ་ཉིད། །ཟླ་དྲུག་གོམས་པའི་སྦྱོར་བ་ཡིས། །འགྲུབ་འགྲུར་འདི་ལ་ཐེ་ཚོམ་མེད། །ཅེས་བཀའ་སྩལ་ཏོ། །དེ་ནས་དུར་ཁྲོད་བདག་
མོ་དེས། །དཔའ་བོ་ཆེ་ལ་ཡང་ཞུས་པ། །གང་ཟག་རིགས་ལ་ལྔ་ཡོད་དེ། །གཏི་མུག་ཅན་གྱི་གང་ཟག་དང་། །ཞེ་སྡང་ཅན་གྱི་གང་ཟག་དང་། །འདོད་པ་གཙོར་བྱེད་གང་ཟག་དང་། །ང་རྒྱལ་ཅན་གྱི་གང་ཟག་དང་། །ཕྲག་དོག་ཅན་གྱི་གང་
ཟག་ལྔ། །དེ་རྣམས་གང་དང་གང་གིས་གྲོལ་ཞེས་ཞུས་སོ། །དེ་ནས་སྟོན་པས་བཀའ་སྩལ་ཏེ། །གཏི་མུག་ཅན་གྱི་གང་ཟག་ལ། །སྐུ་ཡི་ཕག་མོ་དཀར་མོ་བསྟན། །གཏི་མུག་ཚུལ་གྱིས་གཏི་མུག་འཇོམས། །འདོད་པ་
གཙོར་བྱེད་སྐྱེས་བུ་ལ། །གསུང་གི་ཕག་མོ་དམར་མོ་བསྟན། །འདོད་ཆགས་ཚུལ་གྱིས་འདོད་ཆགས་འཇོམས། །ཞེ་སྡང་ཅན་གྱི་གང་ཟག་ལ། །ཐུགས་ཀྱི་ཕག་མོ་ནག་མོ་བསྟན། །ཞེ་སྡང་ཚུལ་གྱིས་ཞེ་སྡང་འཇོམས། །

87-1-89b

ང་རྒྱལ་ཅན་གྱི་གང་ཟག་ལ། །ཡོན་ཏན་ཅན་གྱི་ཕག་མོ་བསྟན། །ང་རྒྱལ་ཚུལ་གྱིས་ང་རྒྱལ་འཇོམས། །ཕྲག་དོག་ཅན་གྱི་གང་ཟག་ལ། །ཕྲིན་ལས་ཕག་མོ་ལྗང་ཁུ་བསྟན། །ཕྲག་དོག་ཚུལ་གྱིས་ཕྲག་དོག་འཇོམས། །དེ་ནས་དུར་ཁྲོད་
བདག་མོ་དེས། །ཧེ་རུ་ཀ་ལ་ཚིག་འདི་གསོལ། །དུག་ལྔ་ཤས་ཆེ་གང་ཟག་ལྔ། །འབྲས་བུ་སྐུ་ལྔ་ཇི་ལྟར་ཐོབ། །ཡེ་ཤེས་ལྔ་ནི་ཇི་ལྟར་སྣང་། །རིགས་ལྔ་ཞེས་ནི་གང་ལ་བགྱི། །ཁྲོ་མོ་ལྔ་ནི་ཇི་ལྟར་བསྒོམ། །འཁོར་ལོ་ལྔ་ནི་
ཇི་ལྟར་གནས། །སྙིང་པོ་ལྔ་ནི་ཇི་ལྟར་བཟླས། །དམ་ཚིག་ལྔ་ནི་ཇི་ལྟར་བསྲུང་། །ཉམས་མྱོང་ལྔ་ནི་ཇི་ལྟར་འབྱུང་། །ཉོན་མོངས་ལྔ་ནི་ཇི་ལྟར་འབྱུང་། །ཡེ་ཤེས་ལྔ་ནི་ཇི་ལྟར་འཕེལ། །གྲངས་ཀྱི་ཚད་ནི་ཇི་ལྟར་བཟླས། །
མཚན་མའི་རྟགས་ནི་ཇི་ལྟར་འབྱུང་། །དུས་ཀྱི་ཚད་ནི་ཇི་ལྟར་ལགས། །ལས་ཚོགས་རྣམས་ནི་ཇི་ལྟར་འགྲུབ་ཅེས་ཞུས་སོ། །དེ་ནས་དཔའ་བོ་ཧེ་རུ་ཀས། ཐུགས་རབ་ཏུ་དགྱེས་ཏེ་བརྡའི་ཚིག་འདི་བཀའ་སྩལ་ཏོ། །ཉོན་ཅིག་
དུར་ཁྲོད་བདག་མོ་ཁྱོད། །དུག་ལྔ་སྤྱོད་པའི་གང་ཟག་ལྔ། །འབྲས་བུ་རྣམ་པ་ལྔ་ཐོབ་སྟེ། །ཀུན་ལ་ཁྱབ་པ་ཆོས་སྐུ་དང་། །ཐེག་ཆེན་སྤྱོད་པ་ལོངས་སྐུ་དང་། །གང་ལ་གང་འདུལ་སྤྲུལ་སྐུ་དང་། །ཅིས་ཀྱང་མི་ཤིགས་རྡོ་རྗེའི་སྐུ། །
ངོ་བོ་ཉིད་ཀྱི་སྐུ་མཆོག་དང་། །སྐྱེ་བ་གཅིག་གིས་ཐོབ་པར་འགྱུར། །རྟོགས་པའི་དོན་ལ་གོམས་པར་བྱེད། །ཚེ་འདི་ཉིད་ལ་སངས་རྒྱས་འཐོབ། །རྫོགས་སངས་རྒྱས་ཀྱིས་རྒྱུད་དུ་བཤད། །ཐོབ་བྱའི་ཡེ་ཤེས་རྣམ་ལྔ་ཡང་། །སྤྲོས་བྲལ་
ཆོས་དབྱིངས་ཡེ་ཤེས་དང་། །མེ་ལོང་ཡེ་ཤེས་གཟུགས་བརྙན་ལྟར། །བདག་གཞན་གཉིས་མེད་མཉམ་པ་ཉིད། །གསལ་ལ་མ་འདྲེས་སོ་སོར་རྟོག །ཕྲིན་ལས་མཐར་ཕྱིན་བྱ་བ་གྲུབ། །ཡེ་ཤེས་ལྔ་ནི་དེ་ལྟར་སྐྱེ། །གཞན་
ནས་མ་ཡིན་རང་ཉིད་ལའོ། །དུག་ལྔ་སྤྱོད་པའི་གང་ཟག་ལྔ། །རིགས་ནི་རྣམ་པ་ལྔ་ཐོབ་སྟེ། །སྤྲོས་མེད་དེ་བཞིན་གཤེགས་པའི་རིགས། །དགོས་འདོད་འབྱུང་བ་རིན་ཆེན་རིགས། །སྐྱོན་གྱིས་མ་གོས་པདྨའི་རིགས། །སེམས་

87-1-90a

ཅན་དོན་གྲུབ་ལས་ཀྱི་རིགས། །གཞན་ནས་མ་ཡིན་རང་ཉིད་ལ། །དུག་ལྔ་སྤྱོད་པའི་གང་ཟག་དེ། །ཡེ་ཤེས་ཁྲོ་མོ་ལྔ་བསྒོམས་ནས། །བདེ་བ་སྐྱེ་བ་སྐུ་ཡིན་པས། །བདེ་ཆེན་དཀར་མོ་བསྒོམ་པར་བྱ། །ནུས་པ་འབྱུང་
བ་གསུང་ཡིན་པས། །དམར་མོ་སྒྲ་སྒྲོགས་བསྒོམ་པར་བྱ། །རྟོགས་ཚད་འཆར་བ་ཐུགས་ཡིན་པས། །ཁྲོས་མ་ནག་མོ་བསྒོམ་པར་བྱ། །བརྟན་པར་བྱེད་པ་ཡོན་ཏན་ཏེ། །སེར་མོ་དོན་གྲུབ་བསྒོམ་པར་བྱ། །བར་ཆད་སེལ་བ་
ཕྲིན་ལས་ཏེ། །སྣ་ཚོགས་མཐར་ཕྱིན་བསྒོམ་པར་བྱ། །རིམས་ཀྱིས་མ་ཡིན་ཅིག་ཅར་ཡིན། །རྒྱ་དང་འབུར་གྱི་ཚུལ་དུ་བྱ། །ཡིག་འབྲུ་རྣམས་ཀྱི་གནས་ལུགས་ནི། །སྤྱི་གཙུག་བདེ་ཆེན་འཁོར་ལོ་ན། །བདེ་བྱེད་སྐུའི་གེ་བཞི། །
རང་བཞིན་རྩའི་གཟུགས་ཅན་ནོ། །མགྲིན་པ་ལོངས་སྤྱོད་འཁོར་ལོ་ན། །གསུང་མཆོག་ཡི་གེ་རྣམ་བཞི་ནི། །རང་བཞིན་རྩའི་ཚུལ་དུ་གནས། །སྙིང་ཀ་ཆོས་ཀྱི་འཁོར་ལོ་ན། །ཐུགས་མཆོག་ཡི་གེ་རྣམ་བཞི་ནི། །རྩ་ཡི་དབྱིབས་
དང་འཐུན་པར་གནས། །ལྟེ་བ་སྤྲུལ་པའི་འཁོར་ལོ་ན། །རྟེན་བྱེད་ཡོན་ཏན་ཡི་གེ་བཞི། །དེ་ཡི་རང་བཞིན་རྩ་ཡི་དབྱིབས། །ཕྲིན་ལས་ཡི་གེ་རྣམ་བཞི་ནི། །ཞི་རྒྱས་དབང་དྲག་ཡི་གེ་བཞི། །ལས་དང་རྗེས་འཐུན་གཟུགས་
སུ་གནས། །སྙིང་པོ་ལྔའི་བཟླས་ཐབས་ནི། །ཕྱི་དང་ནང་དང་གསང་བ་དང་། །ཕྲིན་ལས་བཞི་ཡི་ཚུལ་དུ་བཟླས། །དམ་ཚིག་ལྔའི་བསྲུང་ཚུལ་ནི། །བདེ་ཆེན་དཀར་མོའི་དམ་ཚིག་ཏུ། །སེམས་ཅན་ཀུན་ལ་བྱམས་པ་བསྒོམས། །
ཁྲོས་མ་ནག་མོའི་དམ་ཚིག་ཏུ། །དྲག་ཅིང་རྩུབ་པའི་སྤྱོད་པ་བྱ། །སེར་མོ་དོན་གྲུབ་དམ་ཚིག་ཏུ། །དངོས་པོ་ཀུན་ལ་ཆགས་མེད་བྱ། །དམར་མོ་སྒྲ་སྒྲོགས་དམ་ཚིག་ཏུ། །སྨྲ་ཞིང་བུད་མེད་བརྟེན་པར་བྱ། །སྣ་ཚོགས་
མཐར་ཕྱིན་དམ་ཚིག་ཏུ། །རྒྱུད་ཅིང་མཆོད་པའི་སྤྱོད་པ་བྱ། །མཁའ་འགྲོ་སྤྱིའི་དམ་ཚིག་ཏུ། །བདུད་རྩི་ལྔ་དང་ཤ་ལྔ་ལ། །རྟག་ཏུ་ལོངས་སྤྱོད་བྱ་བ་ནི། །བཟའ་བའི་དམ་ཚིག་རྣམ་ལྔ་སྟེ། །གསང་སྔགས་སྤྱོད་པས་བསྟེན་པར་

87-1-90b

བྱ། །དེ་ནས་ཉམས་དང་བྱིན་བརླབས་ནི། །གོ་རིམས་སྐྱེ་ཚུལ་འདི་ལྟ་སྟེ། །དམིགས་པ་མེད་པའི་སྙིང་རྗེ་སྐྱེ། །སངས་རྒྱས་མཁའ་འགྲོའི་ཉམས་མྱོང་ཡིན། །ཆོས་རྣམས་གཟུགས་བརྙན་ལྟར་མཐོང་བ། །རྡོ་རྗེ་མཁའ་འགྲོའི་
ཉམས་མྱོང་ཡིན། །ཐམས་ཅད་མཉམ་པ་ཉིད་སྐྱེ་བ། །རིན་ཆེན་མཁའ་འགྲོའི་ཉམས་མྱོང་ཡིན། །ཆོས་རྣམས་མ་འདྲེས་སོ་སོར་གསལ། །པད་མ་མཁའ་འགྲོའི་ཉམས་མྱོང་ཡིན། །དངོས་པོ་གང་ལའང་ཐོགས་མེད་པ། །
ལས་ཀྱི་མཁའ་འགྲོའི་ཉམས་མྱོང་ཡིན། །ཉོན་མོངས་ལྔ་ཡི་འགྱུར་ལུགས་ནི། །གཏི་མུག་ཆོས་ཀྱི་དབྱིངས་སུ་འགྱུར། །ཞེ་སྡང་མེ་ལོང་ཡེ་ཤེས་འགྱུར། །ང་རྒྱལ་མཉམ་པ་ཉིད་ཀྱིར་འགྱུར། །འདོད་ཆགས་སོ་སོར་
རྟོག་པར་འགྱུར། །ཕྲག་དོག་བྱ་བ་ནན་ཏན་འགྱུར། །དེ་ནས་འགྱུར་བ་ལམ་དུ་བྱེད། །དེ་ནས་གཞན་ཡང་བཤད་བྱ་སྟེ། །སྐུ་ཡི་ཡི་གེ་རྣམ་བཞི་ཡིས། །ཆོས་ཀྱི་དབྱིངས་ཀྱི་ཡེ་ཤེས་འཕེལ། །གསུང་གི་ཡི་གེ་རྣམ་
བཞི་ཡིས། །སོ་སོར་རྟོག་པའི་ཡེ་ཤེས་འཕེལ། །ཐུགས་ཀྱི་ཡི་གེ་རྣམ་བཞི་ཡིས། །མེ་ལོང་ལྟ་བུའི་ཡེ་ཤེས་འཕེལ། །ཡོན་ཏན་ཡི་གེ་རྣམ་བཞི་ཡིས། །མཉམ་པ་ཉིད་ཀྱི་ཡེ་ཤེས་འཕེལ། །ཕྲིན་ལས་ཡི་གེ་རྣམ་བཞི་
ཡིས། །བྱ་བ་གྲུབ་པའི་ཡེ་ཤེས་འཕེལ། །ཨཱ་ལི་དང་ནི་ཀཱ་ལི་ཡིས། །སྒྲ་དོན་དག་གིས་རྟོགས་པར་འགྱུར། །ཞེས་སོ། །དེ་ནས་གསང་བ་བཤད་བྱ་སྟེ། །གྲངས་ཀྱི་ཚད་ནི་འདི་ལྟ་སྟེ། །འབུམ་ཕྲག་གཅིག་གིས་བགེགས་
རྣམས་སྐྲོད། །འབུམ་ཕྲག་གཉིས་ཀྱིས་གྲོང་ཁྱེར་སྐྲོད། །འབུམ་ཕྲག་གསུམ་གྱིས་རྒྱལ་པོ་འཇོམས། །འབུམ་ཕྲག་བཞི་པས་བུད་མེད་འགུགས། །འབུམ་ཕྲག་ལྔ་ཡིས་ཕྱོགས་རྣམས་བསྲེག །འབུམ་ཕྲག་
དྲུག་གིས་འབྱུང་བ་བཟློག །འབུམ་ཕྲག་བདུན་གྱིས་གནས་ཁང་གཡོ། །འབུམ་ཕྲག་བརྒྱད་ཀྱིས་མངོན་ཤེས་འཆར། །འབུམ་ཕྲག་དགུ་ཡིས་ཟས་ནོར་འདུ། །འབུམ་ཕྲག་བཅུ་ཡིས་གང་འདོད་འགྲུབ། །དེ་ནས་

87-1-91a

གསང་བ་བཤད་བྱ་སྟེ། །མཚན་ལྟས་རབ་འབྲིང་ཐ་མ་གསུམ། །སྐལ་དང་ལྡན་པའི་གང་ཟག་ལ། །ཡེ་ཤེས་ཁྲོ་མོ་རྣམ་པ་ལྔ། །མངོན་སུམ་དག་དུ་མཐོང་བར་འགྱུར། །དབང་པོ་རབ་ཀྱི་སྣང་བ་སྟེ། །ལས་
འཕྲོ་ཅན་གྱི་སྣང་བ་ཡིན། །སྐལ་པ་འབྲིང་གི་གང་ཟག་ལ། །ཡེ་ཤེས་ཁྲོ་མོ་རྣམ་པ་ལྔ། །རང་གི་ལས་དང་གང་འཐུན་པར། །རྨྱི་ལམ་དག་ཏུ་མཆོག་དུ་གསལ། །སྐལ་བ་འབྲིང་གི་མཚན་ལྟས་ཡིན། །སྐལ་བ་དམན་
པའི་གང་ཟག་ལ། །ཚུལ་བཞིན་བྲིས་པའི་ཐང་སྐུ་སྟེ། །འོད་དང་སྒྲ་དང་འཛུམ་པ་དང་། །མཁའ་འགྲོའི་ལུང་བསྟན་འབྱུང་བ་དང་། །སྐྱེ་བ་འདི་ལ་ངེས་པར་འགྲུབ། །སྦྱོར་བ་དམན་པའི་གང་ཟག་ལ། །བར་མ་དོར་ནས་
ལམ་སྣ་འདྲེན། །མཁས་སྤྱོད་གནས་སུ་འཁྲིད་པར་བྱེད། །དུས་ཀྱི་ཚད་ནི་རྣམ་གསུམ་སྟེ། །རབ་ལ་སྐད་ཅིག་རྣམ་དྲུག་ཡིན། །འབྲིང་ལ་ཟླ་བ་དྲུག་གིས་གྲོལ། །ཐ་མ་ལོ་དྲུག་སྦྱར་བའོ། །ཕྱི་དང་ནང་དང་གསང་བ་གསུམ། །
རྣམ་པ་གསུམ་དུ་ཤེས་པར་བྱ། །ལས་ཚོགས་རང་བཞིན་དབྱེ་བ་ནི། །རྒྱས་དང་བསྡུས་པ་ཤིན་དུ་རྒྱས། །རྣམ་པ་གསུམ་དུ་ཤེས་པར་བྱ། །བསྡུས་པ་ཚར་གཅད་རྗེས་གཟུང་གཉིས། །རྒྱས་པ་ཕྲིན་ལས་རྣམ་པ་
བཞི། །ཤིན་དུ་རྒྱས་པ་ཐུན་མོང་བརྒྱད། །དེ་ལས་འཕྲོས་པ་ཉི་ཤུ་ལྔ། །བདེ་ཆེན་དཀར་མོའི་ཏིང་འཛིན་གྱིས། །ཞི་བའི་ལས་ཚོགས་རྣམ་ལྔ་འགྲུབ། །སེར་མོ་དོན་གྲུབ་ཏིང་འཛིན་གྱིས། །རྒྱས་པའི་ལས་ཚོགས་རྣམ་
ལྔ་འགྲུབ། །དམར་མོ་སྒྲ་སྒྲོགས་ཏིང་འཛིན་གྱིས། །དབང་གི་ལས་ཚོགས་རྣམ་ལྔ་འགྲུབ། །ཁྲོས་མ་ནག་མོའི་ཏིང་འཛིན་གྱིས། །དྲག་པོའི་ལས་ཚོགས་རྣམ་ལྔ་འགྲུབ། །སྣ་ཚོགས་མཐར་ཕྱིན་ཏིང་འཛིན་གྱིས། །
ཕྲིན་ལས་བཞི་ཡི་ལས་རྣམས་འགྲུབ། །མཁའ་འགྲོ་མ་ཐམས་ཅད་ཀྱི་ཐུགས་གཉིས་སུ་མེད་པའི་ཡེ་ཤེས་བསམ་གྱིས་མི་ཁྱབ་པའི་ཕག་མོ་མངོན་པར་འབྱུང་བའི་རྒྱུད་ལས་འབྲས་བུའི་ལེའུ་སྟེ་བརྒྱད་པའོ།། །།

87-1-91b

དེ་ནས་དུར་ཁྲོད་བདག་མོ་དེས། །སྟོན་པ་མཚན་ཉིད་བཞི་ལྡན་ལ། །ཕྱི་ནང་གསང་བའི་མཆོད་པ་འདི་ཕུལ་ནས་འདི་སྐད་ཞུས་ཏེ། སྐལ་བར་ལྡན་པའི་གང་ཟག་གིས། །བདག་དང་གཞན་ལ་ཕན་གདགས་ཕྱིར། །སྐུ་དང་
མཆོད་རྟེན་ཇི་ལྟར་བགྱི། །དེ་ཡི་གོ་རིམས་བཤད་དུ་གསོལ། །ཞེས་ཞུས་པའོ། །དེ་ནས་སྟོན་པས་བཀའ་སྩལ་ཏེ། །ཉོན་ཅིག་དུར་ཁྲོད་བདག་མོ་ཁྱོད། །རིགས་ཅན་ལྔའི་གང་ཟག་དེས། །བདག་དོན་གཞན་དོན་བྱེད་
འདོད་པས། །སྐུ་ལྔ་གདུང་ལྔ་མཆོད་རྟེན་ལྔ། །རྒྱུ་ལྔ་སྔགས་ལྔ་ལས་རིམ་ལྔ། །ལྔ་ཚན་ལྔ་རུ་ཤེས་པར་བྱ། །དེ་ཡི་བྱ་བའི་རིམ་པ་ནི། །དེ་ཉིད་གསུམ་དང་ལྡན་པར་བྱ། །དང་པོ་བདག་གི་དེ་ཉིད་དང་། །གཉིས་པ་རྒྱུ་
ཡི་དེ་ཉིད་དང་། །གསུམ་པ་འབྲས་བུའི་དེ་ཉིད་དོ། །དང་པོ་བདག་གི་དེ་ཉིད་ནི། །དེ་བཞིན་རིགས་ཀྱི་གང་ཟག་དེ། །དད་དང་བརྩོན་འགྲུས་རབ་ལྡན་པས། །སྐུ་དང་མཆོད་རྟེན་འདེབས་དུས་སུ། །འདུ་ཤེས་གསུམ་
དང་ལྡན་པར་བྱ། །གཉིས་པ་རྒྱུ་ཡི་དེ་ཉིད་ནི། །རྣམ་པ་ལྔ་རུ་ཤེས་པར་བྱ། །ས་གཞི་དཀར་ཞིང་སྣུམ་པ་ལ། །རིན་ཆེན་སྣ་ལྔ་ལ་སོགས་པའི། །ལྔ་ཚན་ལྔ་ནི་ལེགས་སྦྱར་ཏེ། །ལུས་ངག་ཡིད་གསུམ་སྦྱོར་བ་
ཡིས། །སྐུ་དང་མཆོད་རྟེན་ཅི་རིགས་གདབ། །འོག་མིན་གནས་ནས་སྤྱན་དྲངས་ལ། །རབ་ཏུ་གནས་པ་གཞུང་བཞིན་བྱ། །དེ་ནས་མངའ་གསོལ་ན་བཟའ་གསོལ། །དེ་ལ་མཆོད་དང་བསྟོད་པ་བྱ། །བཞུགས་སུ་
གསོལ་བའི་རིམ་པ་ནི། །དམ་ཆོས་གཞན་དང་འཐུན་པར་བྱ། །ཞི་བའི་ལས་རྣམས་འགྲུབ་པར་འགྱུར། །དང་པོ་བདག་གི་དེ་ཉིད་ནི། །རིན་ཆེན་རིགས་ཀྱི་གང་ཟག་དེས། །དད་དང་བརྩོན་འགྲུས་རབ་ལྡན་པས། །སྐུ་
འམ་མཆོད་རྟེན་འདེབས་དུས་སུ། །འདུ་ཤེས་གསུམ་དང་ལྡན་པར་བྱ། །གཉིས་པ་རྒྱུ་ཡི་དེ་ཉིད་ནི། །རྣམ་པ་ལྔ་རུ་ཤེས་པར་བྱ། །ས་བཞི་སེར་ལ་འཚེར་བ་ལ། །གོང་དུ་བསྟན་པ་ཇི་ལྟ་བར། །སྐུ་དང་མཆོད་

87-1-92a

རྟེན་ཅི་རིགས་གདབ། །འོག་མིན་གནས་ནས་སྤྱན་དྲངས་ནས། །རབ་ཏུ་གནས་པ་གཞུང་བཞིན་བྱ། །དེ་ལ་མངའ་གསོལ་ན་བཟའ་གསོལ། །མཆོད་དང་བསྟོད་པ་བཞུགས་པ་རྣམས། །དམ་ཆོས་གཞན་
དང་འཐུན་པར་བྱ། །རྒྱས་པའི་ལས་རྣམས་འགྲུབ་པར་འགྱུར། །དང་པོ་བདག་གི་དེ་ཉིད་ནི། །པད་མ་རིགས་ཀྱི་གང་ཟག་དེ། །དད་དང་བརྩོན་འགྲུས་རབ་ལྡན་པས། །སྐུ་དང་མཆོད་རྟེན་བྱེད་དུས་སུ། །འདུ་ཤེས་
གསུམ་དང་ལྡན་པར་བྱ། །གཉིས་པ་རྒྱུ་ཡི་དེ་ཉིད་ནི། །རྣམ་པ་ལྔ་རུ་ཤེས་པར་བྱ། །ས་གཞི་དམར་ལ་གདང་བ་ལ། །ལྔ་ཚན་ལྔ་དང་ལེགས་སྦྱར་ཏེ། །ལུས་ངག་ཡིད་གསུམ་སྦྱོར་བ་ཡིས། །སྐུ་དང་མཆོད་རྟེན་ཅི་
རིགས་གདབ། །འོག་མིན་གནས་ནས་སྤྱན་དྲངས་ལ། །རབ་ཏུ་གནས་པ་གཞུང་བཞིན་བྱ། །དེ་ལ་མངའ་གསོལ་ན་བཟའ་གསོལ། །མཆོད་དང་བསྟོད་དང་གཞུགས་པ་ཀུན། །དམ་ཆོས་གཞན་དང་འཐུན་པར་བྱ། །
དབང་གི་ལས་རྣམས་འགྲུབ་པར་འགྱུར། །དང་པོ་བདག་གི་དེ་ཉིད་ནི། །རྡོ་རྗེ་རིགས་ཀྱི་གང་ཟག་དེ། །དད་དང་བརྩོན་འགྲུས་རབ་ལྡན་པས། །སྐུ་དང་མཆོད་རྟེན་འདེབས་དུས་སུ། །འདུ་ཤེས་གསུམ་དང་ལྡན་པར་བྱ། །
གཉིས་པ་རྒྱུ་ཡི་དེ་ཉིད་ནི། །རྣམ་པ་ལྔ་རུ་ཤེས་པར་བྱ། །ས་བཞི་གནག་ཅིང་རྩུབ་པ་ལ། །ཁྲག་དང་དུག་དང་ཚེར་མ་དང་། །ཡུངས་དཀར་ཡུངས་ནག་སྐྱེ་ཚེ་དང་། །ལྔ་ཚན་ལྔ་དང་བཅས་པ་ལ། །ལུས་ངག་ཡིད་
གསུམ་སྦྱོར་བ་ཡིས། །སྐུ་དང་མཆོད་རྟེན་ཅི་རིགས་གདབ། །འོག་མིན་གནས་ནས་སྤྱན་དྲངས་ལ། །རབ་ཏུ་གནས་པ་གཞུང་བཞིན་བྱ། །དེ་ལ་མངའ་གསོལ་ན་བཟའ་གསོལ། །མཆོད་དང་བསྟོད་པ་བཞུགས་
པ་ཀུན། །དམ་ཆོས་གཞན་དང་འཐུན་པར་བྱ། །དྲག་པོའི་ལས་རྣམས་འགྲུབ་པར་བྱེད། །དང་པོ་བདག་གི་དེ་ཉིད་ནི། །ལས་ཀྱི་རིགས་ཀྱི་གང་ཟག་དེ། །དད་དང་བརྩོན་འགྲུས་རབ་ལྡན་པས། །སྐུ་དང་མཆོད་རྟེན་

87-1-92b

འདེབས་དུས་སུ། །འདུ་ཤེས་གསུམ་དང་ལྡན་པར་བྱ། །གཉིས་པ་རྒྱུ་ཡི་དེ་ཉིད་ནི། །རྣམ་པ་ལྔ་རུ་ཤེས་པར་བྱ། །ས་བཞི་ལྗང་ཞིང་ཁ་དོག་སེར། །གོང་དུ་ལྔ་ཚན་ལྔ་དང་སྦྱར། །དེ་ལ་སྐུ་དང་མཆོད་རྟེན་རྣམས། །ཇི་ལྟར་ནུས་
པ་བཞིན་དུ་གདབ། །འོག་མིན་གནས་ནས་སྤྱན་དྲངས་ལ། །རབ་ཏུ་གནས་པ་གཞུང་བཞིན་བྱ། །དེ་ལ་མངའ་གསོལ་ན་བཟའ་གསོལ། །མཆོད་དང་བསྟོད་པ་བཞུགས་པ་རྣམས། །དམ་ཆོས་གཞན་དང་འཐུན་པར་བྱ། །དྲག་
པོའི་ལས་རྣམས་འགྲུབ་པར་འགྱུར། །བསྟོད་པ་ལྔ་ནི་སོ་སོར་བསྟོད། །མཁའ་འགྲོ་མ་ཐམས་ཅད་ཀྱི་ཐུགས་གཉིས་སུ་མེད་པའི་ཡེ་ཤེས་བསམ་གྱིས་མི་ཁྱབ་པ་ཕག་མོ་མངོན་པར་འབྱུང་བའི་རྒྱུད་ལས་སྐུ་དང་མཆོད་རྟེན་
གདབ་པའི་ལེའུ་སྟེ་དགུ་པའོ།། །། དེ་ནས་དུར་ཁྲོད་བདག་མོ་དེས་སྟོན་པ་མཚན་ཉིད་བཞི་ལྡན་ལ་ཕྱི་ནང་གསང་བའི་མཆོད་པ་གསུམ་ཕུལ་ནས་འདི་སྐད་ཞུས་སོ། །ཀྱེ་ཀྱེ་མགོན་པོ་བདག་ལ་གསོན། །ཁམས་གསུམ་
འཁོར་བའི་སེམས་ཅན་རྣམས། །ཉོན་མོངས་བརྒྱད་ཁྲི་བཞི་སྟོང་དང་། །རྣམ་རྟོག་བརྒྱད་ཁྲི་བཞི་སྟོང་གིས། །དུས་གསུམ་ཀུན་ཏུ་སྡུག་བསྔལ་བསྐྱེད། །དེ་ཡི་གཉེན་པོ་བཤད་དུ་གསོལ། །ཁམས་གསུམ་འཁོར་བའི་སེམས་
ཅན་རྣམས། །རྒྱུ་ནི་མ་རིག་པ་ཡིས་བསྐྱེད། །རྐྱེན་ནི་རྣམ་པར་རྟོག་པ་སྟེ། །དེ་རྣམས་རྣམ་རྟོག་ཇི་ལྟར་བསལ། །ཕྱོགས་ངན་ལ་སོགས་འགྲོ་བའི་ཚེ། །དེ་ཡི་རྟོག་པ་གཅད་པར་ཞུ། །ལེགས་ཉེས་ཀུན་གྱི་སྟངས་
གཅོད་པའི། །མནའ་དང་གལ་གྱིས་འཇིགས་པ་ལ། །དེ་ཡི་རྟོག་པ་གཅད་པར་ཞུ། །ཉོན་མོངས་ནད་ཀྱིས་ཉེན་པ་ལ། །དེ་ལས་ཐར་པའི་ཐབས་གཅིག་ཞུ། །བདག་གཞན་གཉིས་པོ་རྩོད་དུས་སུ། །དེ་ལས་རྒྱལ་
བའི་ཐབས་གཅིག་ཞུ། །ལུས་སེམས་གཉིས་པོ་འབྲལ་དུས་དེར། །དེ་ལས་ཐར་པའི་ཐབས་གཅིག་ཞུ། །དེ་ནས་སྟོན་པས་ཚིག་འདི་སྐད་ཅེས་བཀའ་སྩལ་ཏོ། །རྒྱུ་འབྲས་ཀུན་དུ་སྡུག་བསྔལ་བ། །མ་ལུས་དབྱེར་

87-1-93a

མེད་ཤེས་གྱུར་ན། །སྡུག་བསྔལ་མ་ལུས་བདེ་བར་འགྱུར། །གཞན་ཡང་ཐུན་མོངས་འདི་ལྟ་སྟེ། །ཕྱོགས་ངན་ལ་སོགས་འགྲོ་བའི་ཚེ། །ཕྱོགས་ལས་རྣམ་པར་རྒྱལ་བར་བྱ། །ཉེས་ལེགས་ཀུན་གྱི་སྟངས་
གཅོད་པ། །མནའ་འམ་གལ་གྱིས་འཇིགས་པ་ལ། །མནའ་ལས་རྣམ་པར་རྒྱལ་བར་བྱ། །ནད་དང་གདོན་གྱིས་ཉེན་པ་ལ། །བགེགས་ལས་རྣམ་པར་རྒྱལ་བར་བྱ། །བདག་གཞན་གཉིས་པོ་རྩོད་པ་ལ། །ངག་ལས་
རྣམ་པར་རྒྱལ་བར་བྱ། །ལུས་སེམས་གཉིས་པོ་འབྲལ་དུས་དེར། །རླུང་ལས་རྣམ་པར་རྒྱལ་བར་བྱ། །མཁའ་འགྲོ་མ་ཐམས་ཅད་ཀྱི་ཐུགས་གཉིས་སུ་མེད་པའི་ཡེ་ཤེས་བསམ་གྱིས་མི་ཁྱབ་པ་ཕག་མོ་མངོན་པར་འབྱུང་
བའི་རྒྱུད་ལས་རྣམ་པར་རྒྱལ་བ་རྣམ་པ་ལྔའི་ལེའུ་སྟེ་བཅུ་པའོ།། །།དེ་ནས་མགོན་པོ་ཧེ་རུ་ཀས་འཁོར་རྣམས་ལ་དེ་སྐད་ཅེས་བཀའ་སྩལ་པ་དང་། གསང་སྔགས་ཀྱི་སྡུད་པ་མོ་རབ་ཏུ་དགའ་སྟེ། འཁོར་
རྣམས་འདུས་པའི་ཚོགས་ཀྱིས་ཀྱང་དེ་ལྟར་དགའ་མགུ་ཡི་རངས་ཏེ། ཕྱི་ནང་གསང་བའི་མཆོད་པ་ཕུལ་ནས། མགོན་པོ་ཐུགས་རྗེ་དང་ལྡན་པས། །བདག་དང་འདུས་པའི་འཁོར་རྣམས་དང་། །འཁོར་བའི་
སེམས་ཅན་ཐམས་ཅད་ལ། །ཐུགས་རྗེས་གནང་བ་བཀའ་དྲིན་ལགས། །ཞེས་དགའ་མགུ་ཡི་རངས་ཏེ། བཅོམ་ལྡན་འདས་ཀྱིས་གསུངས་པ་ལ་མངོན་པར་བསྟོད་དོ། །མཁའ་འགྲོ་མ་ཐམས་ཅད་ཀྱི་
ཐུགས་གཉིས་སུ་མེད་པའི་ཡེ་ཤེས་བསམ་གྱིས་མི་ཁྱབ་པ་ཕག་མོ་མངོན་པར་འབྱུང་བ་རྩ་བའི་རྒྱུད་བཅོམ་ལྡན་འདས་འཇིགས་བྱེད་ཧེ་རུ་ཀས་གསུངས་པ་རྫོགས་སྷོ།། །། དུར་ཁྲོད་བདག་མོས་གསོལ་
པ། ལྷ་མོ་རྣམས་ཀྱི་སྐུ་མདོག་ནི། །ཇི་ལྟར་ཤེས་ན་གྲོལ་བར་འགྱུར། །ཕག་མོ་ཞེས་བྱ་གང་ལ་བྱ། །ཡི་གེའི་དོན་ནི་གང་ལ་བསྐྱལ། །བསྐྱེད་རྫོགས་ངོ་བོ་གང་ལ་བྱ། །དཔའ་བོ་ཧེ་རུ་ཀས་བཀའ་སྩལ་པ། ཉོན་ཅིག་

87-1-93b

དུར་ཁྲོད་ཕག་མོ་ཁྱོད། །ཉེས་པའི་སྐྱོན་གྱིས་མ་གོས་པ། །དཀར་ཞིང་སྤྲོས་བྲལ་ཞི་བར་བྱེད། །མ་ཆགས་སྐྱོན་གྱིས་མ་གོས་པ། །དམར་ལ་གདང་བ་སྒྲ་སྒྲོགས་ཡུམ། །སྐྱོན་མེད་སེམས་ཉིད་རང་དབང་འདུས། །གཉན་
པོ་གཅིག་ཀྱང་མི་འགྱུར་བས། །ཁྲོས་མ་ནམ་མཁའི་ཁ་དོག་བཞིན། །མི་འགྱུར་རང་སེམས་དབྱིངས་སུ་གྲོལ། །ཆེ་བ་ཡེ་ཤེས་ལྔ་རྒྱས་པ། །སེར་མོ་སྐྱོན་མེད་དོན་གྲུབ་མ། །ངོ་བོ་རྒྱལ་ལ་གཡོ་དང་བྲལ། །སྣ་ཚོགས་
སྐྱོན་གྱིས་མ་གོས་པས། །ཨིན་དྲ་ནཱི་ལའི་མཐར་བྱིན་མ། །སྣ་ཚོགས་ངོ་བོ་གཅིག་ཏུ་འདུས། །རྣམ་པ་གང་ཡང་འགྱུར་བ་མེད། །ཆོས་ཀྱི་དབྱིངས་ལས་འགྱུར་བ་མེད། །རྣམ་རྟོག་ཅིས་ཀྱང་མ་གོས་པས། །པག་
ཅེས་བྱ་བ་རྟོག་མེད་ཡིན། །དབྱིངས་ཉིད་རྟོག་པ་སྤྲོས་བྲལ་བས། །མོ་ཞེས་བྱ་བ་དབྱིངས་སུ་ཐིམ། །དེ་ལ་ཕྱེ་ན་རྣམ་པ་གསུམ། །དམ་ཆོས་སྐྱེ་མེད་ཕག་མོ་ནི། །སྐྱེ་འགག་མེད་པས་ཆོས་སྐུ་ཡིན། །བརྗོད་པ་སྒྲ་ཡི་
ཕག་མོ་ནི། །ཕག་ནི་ཀཱ་ལི་ཐབས་ཡིན་ལ། །མོ་ནི་ཨཱ་ལི་ལོངས་སྐུར་འདོད། །མཚོན་པ་དབྱིངས་ཀྱི་ཕག་མོ་ནི། །སྟོང་ཉིད་མཚོན་པའི་སྐུ་མདོག་ལ། །རྟོག་མེད་སྙིང་རྗེ་ཕག་གི་གདོང་། །ཐབས་དང་ཤེས་རབ་ཕག་
མོ་ལ། །བདེ་སྟོང་སྐྱོན་བྲལ་གཅེར་བུ་ནི། །རྟོག་པ་མེད་པས་སྤྲུལ་སྐུའོ། །ཡིག་འབྲུ་གསལ་ལ་མི་རྟོག་པས། །ཐིམ་པ་ན་ཡང་ཅང་ཏེའུ། །སྣང་སྟོང་མཐའ་དང་བྲལ་བའོ། །བསྐྱེད་རྫོགས་ངོ་བོ་དབྱེར་མེད་པས། །
མཚོན་པ་སྣང་བ་སྟོང་པའི་ངང་། །དེ་ཉིད་སྣང་བའི་ངོ་བོ་ཉིད། །དབྱེར་མེད་གཟུང་འཇུག་ཁས་ལེན་བྲལ། །གཅིག་ལ་གཅིག་རྒྱས་གདབ་པར་བྱ། །གྲོལ་འགྱུར་འདི་ལ་ཐེ་ཚོམ་མེད་ཅེས་གསུངས་སོ། །མཁའ་འགྲོ་མ་ཐམས་
ཅད་ཀྱི་ཐུགས་གཉིས་སུ་མེད་པའི་ཡེ་ཤེས་བསམ་གྱིས་མི་ཁྱབ་པ་ཕག་མོ་མངོན་པར་འབྱུང་བའི་རྒྱུད་ལས་རྒྱུད་ཕྱི་མ་བསྐྱེད་རིམས་བསྟན་པའི་ལེའུ་སྟེ་དང་པོའོ།། །། དེ་ནས་དུར་ཁྲོད་བདག་མོ་དེས་དཔའ་བོ་ཆེན་

87-1-94a

པོ་ལ་འཛུམ་པ་དང་བཅས་ནས་ཞུས་པ། གསང་སྔགས་རྣམས་ཀྱི་སྔགས་ནི་གང་། །བཟླས་པར་བྱ་བའི་ཡི་གེ་གང་། །འཁོར་ལོ་རྣམ་བཞི་དགོད་པ་གང་ཞེས་ཞུས་པས། ཧེ་རུ་ཀས་བཀའ་སྩལ་པ། དུར་
ཁྲོད་བདག་མོས་གུས་པར་གྱིས། །གསང་སྔགས་རྣམས་ཀྱི་ཡི་གེ་ནི། །ཐམས་ཅད་བྱེད་པ་ཡི་གེ་ཨོཾ། །དགྱེས་པ་སྐུ་ཡི་ཡི་གེ་ནི། །བཛྲ་བཱ་ར་ཧི་ཞེས་འབྱུང་། །ནུས་པ་འབྱུང་བ་གསུང་གི་ཀྲོ་ཏཱ་ཀཱ་ལི། །རྟོགས་པ་ཐུགས་
ནི་ཧ་རི་ས། །ཡོན་ཏན་འབྱུང་བ་ཨ་བེ་ཤ་ཡ། །ཕྲིན་ལས་མཛད་པ་ཨེ་བྃ་མ་ཡ། །དེ་ལས་གཞན་ཡང་འདི་ལྟ་སྟེ། །འཁོར་ལོ་ལྔ་ཡི་དབུས་ཉིད་དུ། །ཡི་གེ་བཞི་པས་རྒྱས་བཏབ་ནས། །བཟླས་པ་ཕྱི་ནང་གསང་
བ་གསུམ། །ཞི་བ་ཕྱི་ཡི་བཟླས་པ་ནི། །ཡིག་འབྲུ་རྣམས་ནི་ཁ་དོག་དཀར། །དེ་ལས་འོད་ཟེར་དཀར་པོ་འཕྲོས། །ཉོན་མོངས་ཤེས་བྱའི་སྒྲིབ་པ་ཀུན། །བ་སྤུའི་སྒོ་ནས་བསྟན་པ་ཡིས། །སེམས་ཅན་ཀུན་ལ་ཕོག་
པས་ཀྱང་། །སྒྲིབ་པ་ཐམས་ཅད་དག་པར་བསམ། །དེ་བཞིན་གཤེགས་ལ་ཕོག་པས་ཀྱང་། །མཉེས་པའི་མཆོད་པ་ཕུལ་བས་སོ། །བདག་ལ་སླར་ཐིམ་ཞི་བ་འགྲུབ། །རྒྱས་པ་སེར་པོ་འཕྲོ་འདུ་ཡིས། །གོང་བཞིན་
སྤྲོ་བསྡུ་ཤེས་པར་བྱ། །དམར་པོ་དབང་གི་འཕྲོ་འདུ་བྱ། །དྲག་པོ་ནག་པོའི་འཕྲོ་འདུ་བྱ། །སྣ་ཚོགས་འཕྲོས་པས་ཕྲིན་ལས་བཞིའི། །དངོས་གྲུབ་ཐམས་ཅད་འགྲུབ་པ་ཡིན། །ནང་དང་གསང་བའི་བཟླས་
པ་ཡང་། །གོང་བཞིན་སྤྲོ་བསྡུ་ཤེས་པར་བྱ། །དུར་ཁྲོད་ཕག་མོས་ཡང་གསོལ་པ། །ཟད་ཅིང་འཕེལ་བར་བྱེད་པ་གང་། །མཐར་ཐུག་པའི་ཡི་གེ་གང་། །ཞེས་ཞུས་སོ། །དཔའ་བོ་ཆེན་པོས་ཡང་གསུངས་པ། །
གཏི་མུག་ཟད་བྱེད་ཨ་ཡིན་ཏེ། །ཧས་ནི་ཞེ་སྡང་ཟད་པར་བྱེད། །ང་རྒྱལ་ཟད་བྱེད་རི་ཡིན་ཏེ། །ནི་ཡིས་འདོད་ཆགས་ཟད་པར་བྱེད། །ཕྲག་དོག་ཟད་བྱེད་ས་ཡིན་ནོ། །ཨ་ནི་ཆོས་དབྱིངས་ཡེ་ཤེས་འཕེལ། །ཧ་ནི་མེ་ལོང་ཡེ་

87-1-94b

ཤེས་འཕེལ། །རི་ཡིས་མཉམ་ཉིད་ཡེ་ཤེས་འཕེལ། །ནི་ཡིས་སོ་སོར་རྟོག་བྱེད་འཕེལ། །ས་ཡི་བྱ་གྲུབ་ཡེ་ཤེས་འཕེལ། །ཨ་ནི་སངས་རྒྱས་མཁའ་འགྲོར་སྣང་། །ཧ་ནི་རྡོ་རྗེ་མཁའ་འགྲོར་སྣང་། །རི་ནི་རིན་ཆེན་མཁའ་འགྲོར་སྣང་། །ནི་ཡིས་པད་མ་མཁའ་འགྲོར་སྣང་། །ས་ཡིས་ལས་
ཀྱི་མཁའ་འགྲོར་སྣང་། །ཨས་ནི་དེ་བཞིན་རིགས་ཐོབ་སྟེ། །ཧས་ནི་རྡོ་རྗེའི་རིགས་ཆེན་ཐོབ། །རི་ནི་རིན་ཆེན་རིགས་ཐོབ་སྟེ། །ནི་ཡིས་པད་མའི་རིགས་ཐོབ་བོ། །ས་ནི་ལས་ཀྱི་རིགས་ཆེན་ཐོབ། །ཆོས་སྐུའི་མཐར་ཐུག་ཨ་ཡིན་ཏེ། །
ལོངས་སྐུའི་རྣམ་པ་ཡི་གེ་ཧ། །སྤྲུལ་པ་སྐུ་ནི་རི་ཡིན་ནོ། །ངོ་བོ་ཉིད་སྐུའི་ཡི་གེ་ནི། །རྡོ་རྗེའི་སྐུ་ནི་ཡི་གེ་ས་ཞེས་གསུངས་སོ། །དུར་ཁྲོད་བདག་མོས་ཡང་ཞུས་པ། །དབང་པོ་རབ་འབྲིང་རིམ་པ་ཡིས། །ཇི་ལྟར་
ཤེས་ན་གྲོལ་བར་འགྱུར། །དཔའ་བོ་ཆེན་པོས་ཡང་གསུངས་པ། །དབང་པོ་རབ་འབྲིང་གསུམ་ཡིན་ཏེ། །དབང་པོ་རབ་ཀྱི་གང་ཟག་ལ། །སྐད་ཅིག་དྲུག་གི་གདམས་ངག་བསྟན། །ཡེ་ཤེས་སྐད་ཅིག་དང་པོ་ཡིས། །
གཟུང་བའི་རྣམ་པར་རྟོག་པ་གཅད། །སྐད་ཅིག་གཉིས་པའི་ཡེ་ཤེས་ཀྱིས། །འཛིན་པའི་རྣམ་པར་རྟོག་པ་གཅད། །སྐད་ཅིག་གསུམ་པའི་ཡེ་ཤེས་ཀྱིས། །གཟུང་འཛིན་གཉིས་ཀྱི་རྟོག་པ་གཅད། །སྐད་ཅིག་བཞི་པའི་
ཡེ་ཤེས་ཀྱིས། །ཉམས་ལ་ཞེན་པའི་རྣམ་རྟོག་གཅད། །སྐད་ཅིག་ལྔ་པའི་ཡེ་ཤེས་ཀྱིས། །ཉམས་མྱོང་བདེ་བའི་རྣམ་རྟོག་གཅད། །སྐད་ཅིག་དྲུག་པའི་ཡེ་ཤེས་ཀྱིས། །ཡིད་ལ་བྱེད་པའི་རྣམ་རྟོག་གཅད། །གྲོལ་
འགྱུར་རབ་ལ་ཐེ་ཚོམ་མེད། །དབང་པོ་འབྲིང་པོའི་གང་ཟག་ལ། །རླུང་དྲུག་མན་ངག་བསྟན་པ་ནི། །ལྷན་ཅིག་སྐྱེས་པའི་རླུང་གོམས་པས། །རང་བཞིན་སྒྲིབ་པ་སེལ་བར་བྱེད། །ཐད་ཀར་འབྱུང་བའི་རླུང་གོམས་པས། །
མཚན་མོ་ལྟ་བུའི་སྒྲིབ་པ་སེལ། །རང་ལས་སྐྱེས་པའི་རླུང་གོམས་པས། །ཆོད་པའི་སྒྲིབ་པ་སེལ་བར་བྱེད། །སྤོང་བྱེད་རླུང་ལ་གོམས་པ་ཡིས། །སྔོན་དུ་རྒྱུ་བའི་སྒྲིབ་པ་སེལ། །སྦྱོང་བྱེད་རླུང་ལ་གོམས་པ་ཡིས། །ཤེས་

87-1-95a

བྱའི་སྒྲིབ་པ་སེལ་བར་བྱེད། །རྫོགས་བྱེད་རླུང་ལ་གོམས་པ་ཡིས། །ས་རྣམས་རིམས་ཀྱིས་གནོན་པར་བྱེད། །ཡེ་ཤེས་རྣམས་ནི་དུས་གཅིག་འཆར། །ཤེས་བྱ་ཐམས་ཅད་དུས་གཅིག་ཆོད། །རླུང་དྲུག་མ་ཡིན་ཡེ་ཤེས་ཡིན། །མུན་པ་རྣམས་ནི་བསྒྲིབས་པ་
ཡིས། །ཡེ་ཤེས་རིམས་ཀྱིས་སྐྱེ་བ་དང་། །སྒྲིབ་པ་རིམས་ཀྱིས་སེལ་བར་བྱེད། །གྲོལ་འགྱུར་འདི་ལ་ཐེ་ཚོམ་མེད། །དབང་པོ་ཐ་མའི་གང་ཟག་ལ། །ཡུལ་ནི་དག་པའི་སངས་རྒྱས་ཞིང་། །ལུས་དག་པ་ནི་དཀྱིལ་འཁོར་ཡིན། །རང་སེམས་དག་པ་ཕག་མོའི་སྐུ། །ངག་དག་པ་ནི་སྔགས་
སུ་གསུངས། །ལྟ་བསྒོམ་དག་པ་དངོས་གྲུབ་ཡིན། །དཔེ་དོན་གཉིས་སུ་མེད་པ་གང་། །སྐལ་མེད་དངོས་གྲུབ་མི་འབྱུང་བས། །ལོ་དྲུག་བསྒོམས་ན་ཐེ་ཚོམ་མེད་ཅེས་གསུངས་སོ། །མཁའ་འགྲོ་མ་ཐམས་ཅད་ཀྱི་ཐུགས་གཉིས་སུ་མེད་པའི་ཡེ་ཤེས་བསམ་གྱིས་མི་ཁྱབ་པ་ཕག་མོ་
མངོན་པར་འབྱུང་བའི་རྒྱུད་ལས་རྒྱུད་ཕྱི་མ་རྫོགས་རིམ་བསྟན་པའི་ལེའུ་སྟེ་གཉིས་པ་རྫོགས་སྷོ།། །། པཎ་ཌི་ཏ་གཱ་ཡ་དྷ་རའི་ཞལ་སྔ་ནས།  ལོ་ཙྪ་་བ་གྱི་ཇོ་ཟླ་བ་འོད་ཟེར་གྱིས་བསྒྱུར་བའོ། ། ༄༅། །རྒྱ་གར་སྐད་དུ། ཤྲཱི་བཛྲ་མ་ཧཱ་ཀཱ་ལ་ཀྲོ་དྷ་ནཱ་ཐ་ར་ཧ་སྱ་སིདྡྷི་བྷ་བ་ཏནྟྲ་ནཱ་མ། 
བོད་སྐད་དུ། དཔལ་རྡོ་རྗེ་ནག་པོ་ཆེན་པོ་ཁྲོས་པའི་མགོན་པོ་གསང་བ་དངོས་གྲུབ་འབྱུང་བ་ཞེས་བྱ་བའི་རྒྱུད། དཔལ་ཧེ་རུ་ཀ་ལ་ཕྱག་འཚལ་ལོ། དེ་ནས་བཅོམ་ལྡན་ཀུན་མཁྱེན་པའི། །ཡེ་ཤེས་མངོན་པར་མཁྱེན་པ་ཡིས། །བདུད་ཀྱི་དཀྱིལ་འཁོར་འཇོམས་བྱེད་པ། །
བཀའ་ཡི་འཁོར་ལོ་བཤད་པར་བྱ། །དེ་བཞིན་གཤེགས་པ་ཐམས་ཅད་ཀྱི་ཐོགས་པ་མེད་ཅིང་གདོན་མི་ཟ་བ་བདེ་བ་ཆེན་པོ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས་འདི་སྐད་ཅེས་གསུངས་སོ། །ཇི་སྲིད་འཁོར་བའི་གནས་སུ་ནི། །ཀུན་མཁྱེན་
བདེ་གཤེགས་བཞུགས་གྱུར་པ། །མྱ་ངན་འདའ་བར་མི་མཛད་ཅིང་། །དེ་སྲིད་མཚུངས་མེད་སེམས་ཅན་དོན། །རྒྱུན་མི་མཆད་པར་འགྲོ་བ་ཀུན། །སྲིད་པའི་ཞགས་པས་འཇིགས་མེད་པར། །བྱམས་པའི་ཐུགས་ཀྱི་བརྩོན་འགྲུས་ཀྱིས། །རྟག་ཏུ་སེམས་ཅན་
དོན་རྣམས་མཛད། །ནམ་མཁའི་ཁམས་ཀྱི་མཐའ་ཐུག་པར། །སྨོན་ལམ་རྣམ་པར་སྦྱོང་བྱེད་ཅིང་། །སྙིང་རྗེས་དོན་བརྩོན་སེམས་ཀྱིས་ནི། །དཔའ་བོས་སྲིད་པ་སྦྱོང་བར་མཛད། །སྣ་ཚོགས་གཟུགས་ཅན་ནོར་བུ་བཞིན། །འདི་ནི་རྒྱུད་རྣམས་ཀུན་དུ་ཡང་། །

87-1-95b

ཀླ་གློའི་སྐད་ཀྱིས་སྦས་པ་སྟེ། །འཁོར་བའི་སྡུག་བསྔལ་འཇོམས་པ་པོ། །རྡོ་རྗེ་སེམས་དཔའ་མཉམ་གྱུར་པའི། །རྡོ་རྗེ་སློབ་དཔོན་བདག་ཉིད་ཆེ། །མྱུར་དུ་དངོས་གྲུབ་སྟེར་བྱེད་པ། །འཕྲལ་དུ་ཡང་དག་ཡིད་ཆེས་བྱེད། །བསམ་པ་གང་དང་གང་དག་གིས། །མི་
རྣམས་སེམས་དང་འཐུན་པར་འཇུག །དེ་དང་དེ་ཡི་གཟུགས་སྤྲུལ་ཏེ། །སྣ་ཚོགས་གཡོགས་ཏེ་བདེ་བར་བཞུགས། །དེ་ཕྱིར་འབད་པ་དུ་མ་ཡིས། །སྣ་ཚོགས་ཚུལ་གྱིས་འཐུན་པར་བྱ། །བདག་ཉིད་སངས་རྒྱས་ཧེ་རུ་ཀ །དཔའ་བོ་རྣལ་འབྱོར་མ་
ཚོགས་ཅན། །རང་གི་ལྷ་ཡི་རབ་སྦྱོར་བས། །བདག་ཉིད་ཡེ་ཤེས་མཆོག་འགྲུབ་འགྱུར། །འདི་ཡིས་རྒྱལ་བ་རྒྱ་མཚོ་དང་། །དཀྱིལ་འཁོར་བ་དང་ཞིང་སྐྱོང་ཚོགས། །གདོད་ནས་གྲུབ་པའི་དུར་ཁྲོད་གནས། །མཁའ་འགྲོའི་དབང་ཕྱུག་མགོན་པོ་ཆེ། །སྐུ་
གསུང་ཐུགས་དང་ཕྲིན་ལས་ཚོགས། །ཡེ་ཤེས་ཡོན་ཏན་རིགས་ཀྱི་ལྷ། །ནག་པོ་ཆེན་པོ་འཁོར་དང་བཅས། །ལྷ་མོ་ཆེན་མོ་བཀའ་འབངས་བཅས། །རྡོ་རྗེ་འཛིན་པས་དུས་ཀུན་དུ། །སྒྱུ་མ་ལྟ་བུའི་ཏིང་འཛིན་གྱིས། །ཕྱི་ནང་གསང་བའི་མགོན་པོ་ཆེ། །བདེ་བ་ཆེན་པོའི་
རོལ་པ་ཡིས། །ཡེ་ཤེས་གསང་བ་བསམ་མི་ཁྱབ། །ཚེ་འདི་ཉིད་དུ་འགྲུབ་འགྱུར་ཞེས། །བཅོམ་ལྡན་རྡོ་རྗེ་ཅན་གྱིས་གསུངས། །ཐམས་ཅད་ནམ་མཁའི་མཚན་ཉིད་དེ། །ནམ་མཁའ་ལ་ནི་མཚན་ཉིད་མེད། །ཁམས་གསུམ་པོ་ནི་མ་ལུས་པ། །འགྲོ་ཀུན་སྒྱུ་མ་ལྟ་བུ་
ཡིན། །བརྟན་པ་དང་ནི་གཡོ་བ་ཡི། །འགྲོ་བ་དམིགས་སུ་མེད་པ་སྟེ། །མཐོང་བ་དང་ནི་ཐོས་ལ་སོགས། །ཐམས་ཅད་སྒྱུ་མ་ལྟ་བུར་འཆར། །གང་གིས་སྐྱེ་བོ་འཆིང་གྱུར་པ། །དེ་ཉིད་ཡོངས་ཤེས་རྣམ་པར་གྲོལ། །ཕྱག་རྒྱའི་སྦྱོར་བ་འདི་ཡིས་ནི། །ས་གསུམ་བདེ་
བ་ཆེན་པོར་བསྒྱུར། །ཉོན་མོངས་མེད་ན་ཡེ་ཤེས་མེད། །ཉན་རང་བྱང་ཆུབ་ལམ་ལས་རིང་། །ཕུང་པོ་ཁམས་དང་སྐྱེ་མཆེད་དང་། །འབྱུང་བ་བཞི་ལ་སོགས་པ་རྣམས། །ཐམས་ཅད་གདོད་ནས་དག་པ་ཡི། །ཡེ་ཤེས་ཆེན་པོའི་བྱིན་བརླབས་ཀྱིས། །དངོས་
པོ་དུ་མ་གསལ་བར་སྣང་། །ཡེ་ཤེས་མེད་པར་སྐྱེ་མི་འགྱུར། །སངས་རྒྱས་ཡེ་ཤེས་ཀྱིས་རབ་བསྐུལ། །དེ་བས་བླ་མེད་རྒྱུད་འདི་རུ། །འབད་དེ་དང་བ་བསྐྱེད་པར་བྱ། །གསང་བའི་སྡོམ་པ་བླ་ན་མེད། །དང་པོ་བླ་མའི་དམ་ཚིག་དག །ཐོབ་པས་རྒྱུ་དང་

87-1-96a

འབྲས་བུ་འབྱུང་། །སྐུ་གསུང་ཐུགས་ཀྱི་རང་བཞིན་ཏེ། །བརྟན་པ་དག་ནི་ལོངས་སྤྱོད་ཡིན། །ངེས་པར་བརྟན་པ་མྱ་ངན་འདའ། །རྣལ་འབྱོར་གྱི་ནི་དམ་ཚིག་གནས། །བརྡ་ཡི་སྦྱོར་བ་གསང་བ་དང་། །དབང་བསྐུར་བས་ནི་དངོས་གྲུབ་སྟེར། །བླ་མ་
དེ་བཞིན་གཤེགས་པ་དང་། །རྒྱལ་བ་བྱང་ཆུབ་སེམས་དཔར་བཅས། །དཀྱིལ་འཁོར་བདག་པོ་བླ་ན་མེད། །སྔགས་པ་གསང་བ་འདིར་ཞུགས་གང་། །ཡང་དག་བླ་མ་བསྟེན་པར་བྱ། །འདིར་ནི་བྱང་ཆུབ་སེམས་ཀྱིས་ནི། །བསྙེན་པ་ཉེ་བར་བསྙེན་པ་དང་། །བསྒྲུབ་པ་
བསྒྲུབ་པ་ཆེན་པོ་ཡི། །ཁྱད་པར་རིམ་པ་རྟགས་དང་དུས། །ལས་ལ་སྦྱར་བ་ཤེས་པར་བྱ། །ཇི་སྲིད་ལས་ཀྱི་སྦྱོར་བ་ཡིས། །མགོན་པོ་འཁོར་བཅས་མཉེས་གྱུར་ན། །ལས་དང་དངོས་གྲུབ་སྣ་ཚོགས་པ། །མྱུར་དུ་འགྲུབ་པར་ཐེ་ཚོམ་མེད། །དཔལ་མགོན་པོ་ཆེན་པོ་དངོས་གྲུབ་
འབྱུང་བའི་རྒྱུད་ལས་གསང་བ་མངོན་པར་བྱང་ཆུབ་པའི་ལེའུ་སྟེ་དང་པོའོ།། །། དེ་ནས་བཅོམ་ལྡན་འདས་དེ་བཞིན་གཤེགས་པ་ཐམས་ཅད་དང་། བྱང་ཆུབ་སེམས་དཔའ་ཐམས་ཅད་ཀྱིས་བཅོམ་ལྡན་འདས་རྡོ་རྗེ་འཛིན་པའི་གསུང་རྨི་ལམ་ལྟ་བུར་ཉེ་བར་
གསན་ཏེ། གསུང་རྡོ་རྗེའི་ཚིག་འདི་གསུངས་སོ། །རྡོ་རྗེ་འཛིན་པ་གང་ཞིག་གིས། །སྒྱུ་མ་བྲག་ཆའི་སྒྲ་བརྙན་ལྟར། །ཡིད་འོང་དབེན་པའི་གནས་དག་ཏུ། །དངོས་གྲུབ་ཐམས་ཅད་བསྡུས་པ་སྒྲུབ། །བསྐལ་པ་བཟང་པོ་འདི་ལ་ནི། །བྱུང་བའི་མགོན་པོ་མ་ལུས་པ། །ཀུན་
གྱི་སྙིང་པོར་གྱུར་པ་ནི། །གསང་བ་ཞིང་སྐྱོང་མགོན་པོ་ཆེ། །སངས་རྒྱས་ཀུན་གྱི་མགོན་པོ་འདིས། །བསྟན་པ་བསྲུང་བར་མཛད་པ་ཡིན། །ཞེས་གསུངས་སོ། །དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་ཀུན་དུ་བཟང་པོ་ལ་སོགས་པ་དང་། རྡོ་རྗེ་འཛིན་པ་ལ་སོགས་
པས་བཅོམ་ལྡན་འདས་ལ་འདི་སྐད་ཅེས་གསུངས་སོ། །གང་དུ་རྡོ་རྗེའི་ཐེག་པ་ཆེ། །གསང་བ་བསྡུས་པའི་ཡང་དག་ལམ། །སངས་རྒྱས་བསྟན་པ་སྲུང་བྱེད་པའི། །སྙིང་པོ་འབྲས་བུ་ལམ་བྱེད་པ། །སྙིགས་མ་ལྔ་ལྡན་དུས་ཉིད་དུ། །འདྲེན་པ་ཡེ་ཤེས་བསྟན་པ་
བསྲུང་། །འདི་ཉིད་གསང་བའི་སྒྲུབ་པ་གང་། །རྡོ་རྗེའི་ཐེག་པ་འདིར་བསྟན་གསོལ། །དེ་སྐད་ཅེས་གསོལ་པ་དང་། དེ་ནས་བཅོམ་ལྡན་འདས་རྡོ་རྗེ་འཛིན་པས་བཀའ་སྩལ་པ། ཤེས་རབ་སྙིང་རྗེ་ཟུང་འཇུག་པ། །ཏིང་འཛིན་གང་དུ་སྒོམ་གྱུར་པ། །བླ་མེད་དཀོན་

87-1-96b

མཆོག་བསྟན་པ་སྟེ། །རྒོལ་བ་ངན་པ་བཟློག་པར་མཛད། །ཐུབ་པ་མཆོག་གི་བསྟན་པ་ལ། །འཛིན་དང་སྐྱོང་དང་སྲུང་བ་གསུམ། །ལྔ་བརྒྱ་དུས་ཀྱི་སྙིགས་མ་ལ། །བདག་ཏུ་འཛིན་པ་སྤོང་བར་མཛད། །སྐུ་གསུམ་ཡེ་ཤེས་ལྔ་ལྡན་པར། །གསང་བ་གཅིག་པུ་བསྒྲུབ་
པར་བྱ། །ཞེས་བཀའ་སྩལ་ཏོ། །གསང་བའི་བདེ་བ་ཆེན་པོ་དབྱིངས་ལ་རབ་ཏུ་བཞུགས་པ་བཅོམ་ལྡན་འདས་དཔལ་ཧེ་རུ་ཀ་རྡོ་རྗེ་རང་རིག་པའི་རྣལ་འབྱོར་མའི་ཚོགས་ཀྱི་དཀྱིལ་འཁོར་ཆེན་པོའི་དབུས་སུ་སངས་རྒྱས་ཐམས་ཅད་ཀྱི་ལྷུན་གྱིས་གྲུབ་པའི་
གནས་གསང་བ་རང་བྱུང་བླ་ན་མེད་པའི་རྡོ་རྗེ་རབ་ཏུ་རྒྱལ་བའི་སྙིང་པོ་མི་ཕྱེད་པའི་རྡོ་རྗེའི་ཏིང་ངེ་འཛིན་ལ་སྙོམས་པར་ཞུགས་ཏེ། སྐུ་གསུང་ཐུགས་རྡོ་རྗེའི་སྙིང་པོ་ཡེ་ཤེས་ཀྱི་དངོས་གྲུབ་སྒྲུབ་ཅིང་བདུད་ཀྱི་གཡུལ་ལས་རབ་ཏུ་རྒྱལ་བར་བྱེད་པ་ཞེས་བྱ་
བའི་ཆོས་མི་བཟད་པ་ཡང་དག་པར་འབྱུང་བ་ཞེས་བྱ་བ་སྟོན་པར་མཛད་དོ། །རྡོ་རྗེ་གཞི་ལ་གནས་པའི་ཆ། །གཏེར་གྱི་བུམ་པ་ཁ་ཁྱེར་ལྡན། །དུས་ཀྱི་རྒྱལ་པོ་འོད་གསལ་བ། །ཆུ་འཛིན་ཕྱོགས་ཙམ་ཕྱེད་ལྡན་ཉིད། །སྒྲ་དང་སྒྲ་ལས་ཁྱབ་པ་སྟེ། །དུ་མ་མ་
ཡིན་གནས་པའི་ཡུལ། །དམ་ཚིག་གསང་བ་འབྱུང་བ་ལས། །རྒྱལ་བ་རིན་ཆེན་འབར་བའི་གཙོ། །ཕྱོགས་དུས་མེད་པར་རང་བྱུང་བ། །ཆོས་འབྱུང་ཕོ་བྲང་དཀྱིལ་འཁོར་དུ། །རིགས་ཀྱི་ཡོན་ཏན་ལྡན་པར་ནི། །ནམ་མཁའི་རྒྱ་མཚོ་འབྲས་
ལྡན་པ། །ཕུན་སུམ་ཚོགས་པ་ལྷུན་གྱིས་གྲུབ། །མི་བྱེད་ལྷན་ཅིག་སྐྱེས་པ་རྒྱལ། །ཕོ་བྲང་གསང་བའི་གཞལ་ཡས་ཁང་། །དཀྱིལ་འཁོར་རིན་ཆེན་འོད་འཁྲུག་པ། །གེ་སར་པད་མའི་དབུས་སུ་ནི། །ཀུན་ནས་ཟླུམ་པོར་འཁོར་
བ་ནི། །ཚད་མེད་ཕྲེང་བས་བརྒྱན་པ་ནི། །བཀོད་པ་དཔག་མེད་རིམ་པར་ལྡན། །རི་རབ་ལྷུན་པོ་མཆོག་བྱུང་བའི། །དེ་ཉིད་ཀུན་ནས་ཡོངས་བསྐོར་བའི། །རྒྱ་མཚོ་དང་ནི་རི་རྣམས་ཏེ། །ཤིན་དུ་མཉམ་ཞིང་མཚུངས་པར་འཁོར། །
དེ་ཉིད་རིམ་པ་ཡོངས་སུ་བརྟན། །བྱེ་བྲག་མཚུངས་མེད་དམར་ཆེན་མཚོ། །རིམ་པས་ཆུ་གཏེར་འོ་མའི་གནས། །འབྱུང་བ་བསྡུས་པ་མི་ལུས་ཀྱི། །ཕུང་པོ་རུས་པའི་རི་བོ་ལ། །ཕྱི་ནང་མཉམ་པའི་ཚད་ཅན་གྱི། །

87-1-97a

ལྷུན་གྱིས་གྲུབ་པར་བསྟན་པ་ཡིན། །དེ་ལས་དངོས་པོ་སྣ་ཚོགས་ཀྱིས། །ཐ་དད་སྣང་བ་ཡེ་ཤེས་གཟུགས། །རང་བྱུང་བདེ་བ་ཆེན་པོ་ཉིད། །མཉམ་པ་མེད་པ་ཀུན་དུ་འབྱུང་། །དུས་གསུམ་དེ་བཞིན་
གཤེགས་པ་ཡི། །འབྱུང་གནས་སྙིང་པོ་རྡོ་རྗེའི་གདན། །རྡོ་རྗེ་དཀྱིལ་དཀྲུང་མི་ཕྱེད་ལས། །ཐོག་མཐའ་མེད་པའི་རང་བཞིན་ཅན། །གསང་བ་ཆེན་པོའི་རིགས་དག་པའི། །འདོད་ཆགས་རྡོ་རྗེའི་སྐུར་ལྡན་པ། །ལྷོ་
ཕྱོགས་བྱ་རྐང་རི་དང་ནི། །དཔལ་གྱི་རི་ལ་མདུན་ཕྱོགས་པ། །དྷ་ན་ཀ་ཐ་པར་པ་ཏ། །པད་མ་གེ་སར་རྒྱས་པའི་དབུས། །ཆོས་ཀྱི་འབྱུང་གནས་རྟག་པར་གནས། །དཔལ་ལྡན་དགའ་བའི་ཁང་པ་བརྩེགས། །གསང་
བ་སྔགས་ཀྱི་རྒྱ་མཚོ་ཡི། །མ་ལུས་རྒྱལ་བ་བགྲོད་པའི་ཡུལ། །གསང་བ་ཆོས་ཀྱི་དབྱིངས་ཆེན་པོ། །དཔལ་ལྡན་རྒྱུ་སྐར་དཀྱིལ་འཁོར་དུ། །ཀླ་ཀློའི་ཡུལ་གྱི་མི་རྣམས་དང་། །ལྷ་དང་ལྷ་མིན་དྲི་ཟར་བཅས། །གསང་
ཆེན་ཡོངས་སུ་རྫོགས་པ་ཡི། །རང་བྱུང་ཡེ་ཤེས་ཕོ་བྲང་དུ། །ཚངས་དབང་ཁྱབ་འཇུག་དབང་ཕྱུག་བདག །དཀྱིལ་འཁོར་སྒོ་བཞིར་བཅུག་ནས་ཀྱང་། །སྐྱེ་བོ་ཆགས་ཅན་རབ་འདུལ་ཕྱིར། །མཆོག་ཏུ་གྱུར་པའི་སྙིང་པོ་
གསུང་། །ཕྱོགས་བཅུར་གནས་ཀྱི་སངས་རྒྱས་དང་། །བྱང་ཆུབ་སེམས་དཔའི་ཚོགས་རྣམས་དང་། །དཔའ་བོ་རྣལ་འབྱོར་དབང་ཕྱུག་ཚོགས། །གང་གཱ་ཀླུང་གི་བྱེ་སྙེད་ཀྱི། །ཁྲག་ཁྲིག་རི་རབ་རྡུལ་མཉམ་པ། །དེ་
དབུས་སེང་གེའི་ཁྲི་བཞུགས་པའི། །ཐུབ་པའི་རྒྱལ་པོ་དེ་བཞིན་གཤེགས། །རྡོ་རྗེ་འཛིན་པ་ཆེན་པོ་ལ། །རྡོ་རྗེ་སྙིང་པོ་སེམས་དཔའ་ཆེ། །བླ་གོས་ཕྲག་པ་གཅིག་གཟར་ཏེ། །པུས་མོའི་ལྷ་ང་ས་ལ་བཙུགས། །
ཐལ་མོ་སྦྱར་ཏེ་འདི་དོན་ཞུས། །གསང་ཆེན་ཁྱད་པར་འཕགས་པ་ཡི། །ལྷུན་གྱིས་གྲུབ་པའི་ཕྱག་རྒྱ་ཆེ། །མི་འགྱུར་རྡོ་རྗེ་ཐེག་པའི་ལམ། །དུས་དང་གནས་དང་གང་ཟག་སྟེ། །སྤྱོད་ཡུལ་བསྟན་པའི་ཁྱད་པར་

87-1-97b

ནི། །གྲུབ་དང་སྒྲུབ་པ་ཕྲིན་ལས་ཚོགས། །ཐབས་དང་སྟོབས་དང་འཇུག་པ་སྟེ། །རིམ་པ་མངོན་བྱེད་རྒྱུར་ལྡན་པ། །དེ་ཉིད་བཅོམ་ལྡན་གསུང་དུ་གསོལ། །ཞེས་གསོལ་ཏོ། །དེ་ནས་བཅོམ་ལྡན་རྡོ་རྗེ་འཛིན་པས་བཀའ་སྩལ་པ།  
བླ་མ་སངས་རྒྱས་བསྟན་པ་ལ། །དགའ་ཞིང་མགུ་ལ་རབ་དང་བའི། །སེམས་དཔའ་ཆེན་པོས་གསང་བའི་དོན། །རབ་ཏུ་ཞུས་པ་ལེགས་སོ་ལེགས། །ཤིན་དུ་རྨད་དུ་བྱུང་བ་ཡི། །གདུལ་དཀའ་མ་ལུས་གདུལ་དོན་དུ། །བྱང་ཆུབ་
སེམས་ཀྱི་ཡེ་ཤེས་མཛོད། །ཁྱོད་ལ་ཡང་དག་བསྟན་པར་བྱ། །དེ་ནས་དངོས་གྲུབ་ཐམས་ཅད་ཀྱི། །གྲུབ་པ་རབ་ཏུ་སྟེར་བྱེད་པ། །རྒྱལ་བ་ཀུན་གྱི་སྙིང་པོ་སྟེ། །གསང་བ་ལས་ཀྱི་རིམ་པ་ཉིད། །དུས་གསུམ་སངས་རྒྱས་ཐམས་ཅད་ཀྱི། །
བསྟན་པ་བསྲུང་ཞིང་བཀའ་ལ་གནས། །དམ་ཚིག་འཛིན་པའི་ཞིང་སྐྱོང་ལ། །མགོན་པོ་ས་བཅུའི་དབང་ཕྱུག་གཙོ། །དཔལ་ལྡན་རིག་འཛིན་ཐམས་ཅད་ལ། །མཆོག་དུ་གྱུར་པའི་ལས་སྒྲུབ་པ། །དཔལ་ལྡན་ནག་པོ་ཆེན་
པོ་ནི། །འདིས་ནི་ལྷ་མིན་འདུས་པ་ཡི། །གཡུལ་ལས་རྒྱལ་བར་བྱེད་པ་ཡིན། །ལྷ་སྲིན་སྡེ་བརྒྱད་མ་ལུས་པས། །མཆོད་པས་གཙོ་བོར་གྱུར་པ་ཡིན། །དཔལ་ལྡན་ལྷ་མོ་ཆེན་མོ་དང་། །ནག་མོ་རེ་མ་ཏིར་གྱུར་པས། །
ལྕམ་དྲལ་གྱུར་པས་བསྟན་པ་བསྲུང་། །སྐུ་དང་གསུང་དང་ཐུགས་གསང་བ། །ཕྱི་ནང་དེ་ཉིད་ཁོ་ནའི་དོན། །ཡོན་ཏན་ཕྲིན་ལས་དབང་ཕྱུག་ཏུ། །དམ་ཚིག་མགོན་པོ་ཞིང་སྐྱོང་བ། །ཉི་ཤུ་རྩ་བཞིའི་
གཙོ་བོ་སྟེ། །གཞན་ཡང་དུས་གསུམ་དབང་བྱེད་པའོ། །དཔལ་མགོན་པོ་ཆེན་པོ་དངོས་གྲུབ་འབྱུང་བའི་རྒྱུད་ལས་གསང་བ་སྤྱི་ལ་དགོངས་པའི་ལེའུ་སྟེ་གཉིས་པའོ།། །། དེ་ནས་གསང་བ་བཤད་བྱ་བ། །འདི་
ཉིད་བླ་མེད་སྒྲུབ་པ་པོ། །འཁོར་བའི་རྒྱ་མཚོར་ལྷུང་བ་ཡི། །སེམས་ཅན་དུ་ཁ་གཟིགས་ནས་ནི། །ཇི་ལྟ་ཇི་ལྟར་གྲོལ་འགྱུར་བ། །དེ་དང་དེ་ཡི་ཐབས་སྟོན་མཛད། །དུས་ནི་བསྐལ་པ་བཟང་པོ་ཡི། །རྫོགས་ལྡན་ཐ་མར་གྱུར་པ་ཡི། །དཔག་མེད་དུས་ལས་འདས་ནས་ནི། །གཉིས་

87-1-98a

ལྡན་དང་ནི་གསུམ་ལྡན་ལས། །རྩོད་བའི་དུས་ཀྱི་རིམ་པ་ལ། །བཅོམ་ལྡན་ཚེ་ལོ་བརྒྱ་པའི་དུས། །དེ་ཉིད་བསྟན་པའི་སྙིགས་མ་ཡི། །ལྔ་བརྒྱ་པ་ཡི་དུས་ཀྱི་མཐར། །ཤིན་དུ་གདུག་ཅིང་རྩུབ་པ་ཡི། །མི་སྲུན་
པ་ཡི་དུས་ཀྱི་ཚེ། །དེ་ཚེ་མགོན་པོའི་བསྟན་པ་འབྱུང་། །གང་ཟག་ལ་ཡང་གཉིས་སུ་བཤད། །བསྒྲལ་བར་བྱ་བའི་གང་ཟག་དང་། །སྒྲོལ་བར་བྱེད་པའི་སྒྲུབ་པོ་སྟེ། །དང་པོ་བསྟན་པ་འཇིག་བྱེད་ཅིང་། །དཀོན་མཆོག་གསུམ་པོ་སྨོད་
པ་དང་། །བླ་མ་ལ་སྡང་བདག་ལ་སྨོད། །དེ་དག་ལ་སོགས་བྱ་བར་བཤད། །སྒྲུབ་པ་པོ་ནི་རྣམ་པ་གསུམ། །ཧེ་རུ་ཀ་དཔལ་རྣལ་འབྱོར་མ། །དག་ཅིང་སྦྱངས་ཏེ་ཏིང་འཛིན་གསལ། །རིམ་པ་གོ་འཕང་ཐོབ་པ་སྟེ། །ཐུན་མོང་སྤྱི་དང་བྱེ་བྲག་ཏུ། །དམ་ཚིག་གནས་
པའི་རྡོ་རྗེ་འཛིན། །གནས་ཀྱི་ཁྱད་པར་འབྱུང་བ་ཡང་། །བསྙེན་པའི་དུས་དང་བསྒྲུབ་པ་དང་། །ལས་ལ་སྦྱར་བའི་དུས་ཤེས་པས། །ཡིད་འོང་དབེན་དང་དུར་ཁྲོད་སོགས། །བསམ་གཏན་འཕེལ་དང་ཁྱད་པར་རོའོ། །ཡུལ་དང་དབང་པོའི་སྤྱོད་ཡུལ་དུ། །མཐོང་
བ་དང་ནི་ཐོས་པ་དང་། །རེག་པ་དང་ནི་དྲན་པ་ཡིས། །དཀྱིལ་འཁོར་བ་ཡི་སྣང་བ་དང་། །མ་ལུས་དངོས་པོ་གང་ཤར་བ། །བདེ་བ་ཅན་དུ་ཤེས་པར་བྱ། །བསྟན་པ་ཀུན་ལས་བསྡུས་པ་ནི། །བྱང་ཆུབ་སེམས་དཔའི་ལམ་ལས་ཀྱང་། །གསང་བ་འབྲས་
བུ་ལམ་བྱེད་པ། །རྡོ་རྗེ་ཐེག་པ་འདི་ཉིད་དེ། །བསྟན་པ་འཛིན་སྐྱོང་སྲུང་དང་གསུམ། །འདི་ནི་ཁྱད་པར་བསྲུང་བ་ཡིན། །གྲུབ་པ་བསྙེན་པའི་ཏིང་འཛིན་དང་། །ཉེ་བར་བསྙེན་པའི་ཏིང་འཛིན་དང་། །དཔལ་ལྡན་ཁྲག་འཐུང་ཡེ་ཤེས་
ཆེ། །རྣམ་དག་མཚན་ཉིད་ཀུན་གྲུབ་པ། །བདེ་བའི་བསོད་ནམས་རྒྱུན་གནས་པ། །རྣམ་དག་སྟོབས་ནི་རྒྱས་པར་བྱེད། །བསྙེན་པའི་དུས་སུ་རང་ལྷ་ཡི། །ཧེ་རུ་ཀར་ནི་གནས་པ་ཡི། །མདུན་དུ་བཀའ་སྡོད་དམ་ཚིག་
གི། །མགོན་པོ་ཕྱག་བཞི་བསྒོམ་པར་བྱ། །དེ་ནས་ཐུགས་ཀའི་རང་སྔགས་ལས། །འོད་འཕྲོས་འཁོར་བའི་བཟླས་པ་ལས། །ཁྱད་པར་དུ་ནི་སྒྲ་བཅས་དང་། །ཤིན་དུ་དལ་བར་བཟླས་པ་བྱ། །ཉེ་བར་བསྙེན་པའི་དུས་སུ་ནི། །

87-1-98b

བདག་ཉིད་ཧེ་རུ་ཀ་ལུས་ནི། །ཧཱུྃ་ཕྱུང་མདུན་དུ་འོད་འཕྲོས་པས། །བསྐྱེད་ཅིང་མཐར་ནི་ཉེ་བར་བསྡུ། །སྒྲུབ་པའི་དུས་སུ་མགོན་པོ་ཡི། །རྒྱས་འདེབས་སྤྱི་བོར་ཧེ་རུ་ཀ །དེ་ཉིད་གསང་སྔགས་ཕྱོགས་བཅས་པ། །དེ་ཉིད་
སེམས་དཔའ་སུམ་བརྩེག་བསམ། །གསང་བ་ཞིང་སྐྱོང་རྒྱལ་པོ་ཆེ། །ཆོ་ག་གསུམ་གྱིས་སྒྲུབ་པའི་ཚུལ། །འཇིག་རྟེན་འཇིག་རྟེན་འདས་པའི་བདག །ཐམས་ཅད་བདེ་ཆེན་གནས་པ་ལ། །དུས་གསུམ་འཁོར་ལོ་
གསུམ་དུ་གནས། །བརྟུལ་ཞུགས་འཛིན་པས་འཐོབ་པར་འགྱུར། །སྒྲུབ་པ་ཆེན་པོ་བླ་ན་མེད། །ཡེ་ཤེས་མགོན་པོ་ཆེན་པོ་ཉིད། །ཁ་གདོང་ལ་སོགས་ལྷ་མོ་བརྒྱད། །རིམ་པ་བཞིན་དུ་ཡོངས་སུ་བསྐོར། །དཀྱིལ་
འཁོར་ཕོ་བྲང་དབུས་སུ་ཡང་། །དུར་ཁྲོད་དུ་ནི་མགོན་པོ་རོལ། །འཇིག་རྟེན་གསུམ་ན་རྙེད་དཀའ་བ། །དམ་ཚིག་སྤྱོད་པའི་རང་བཞིན་ནི། །རྟག་ཏུ་རང་སྔགས་སྦས་པ་སྟེ། །རབ་ཏུ་འབད་དེ་གསང་བར་བྱའོ། །
ཕྲིན་ལས་ཁྱད་པར་གང་ཡིན་པ། །ལས་ལ་སྦྱོར་བ་རིམ་ཤེས་བྱ། །རེངས་པར་བྱེད་དང་སྐྲོད་པ་དང་། །རྨུགས་པར་བྱེད་དང་བརྒྱལ་དུ་འཇུག  ། རྣམ་པར་རྨོངས་དང་ལྐུགས་པར་བྱེད། །དུག་གིས་འཛིན་དང་འོན་
ལོང་དང་། །རང་ཤ་རང་གིས་ཟ་བྱེད་ཅིང་། །བཤིས་ངན་དུག་དང་ཁྲག་ཏུ་སྐྱུག །འདི་དག་དུས་མིན་འཆི་བྱེད་པ། །ལས་ཀྱི་ཁྱད་པར་ཡོངས་སུ་བསྟན། །ཆར་དབབ་པ་དང་སྤྲིན་དྲལ་དང་། །ཐོག་དང་སེར་
བ་དབབ་པ་དང་། །རང་ཕྱོགས་སུ་ནི་བཟློག་ཅིང་བསྲུང་། །བྱད་ཀ་བཟློག་དང་ངག་བཅིང་དང་། །ནུས་པ་གཞོམ་དང་ཆོ་འཕྲུལ་དང་། །ཕྲན་ཚེགས་ལས་ཀྱི་གསང་བའོ། །ཐབས་ནི་ལས་ཀྱི་རིམ་པ་སྟེ། །རྟེན་གྱི་གང་
ཟག་འགའ་ཞིག་གིས། །དང་པོར་བླ་མ་མཉེས་པར་བྱ། །གཉིས་པར་དབང་བཞི་ཐོབ་པ་དང་། །གསུམ་པར་བྱིན་གྱིས་བརླབས་ནས་ནི། །བཀའ་བསྒོའི་རྗེས་གནང་ཚུལ་བཞིན་དུ། །མ་ནོར་འཇུག་པའི་གོ་རིམ་ཤེས། །རྟེན་ཚུལ་ཁྱད་པར་ཤེས་

87-1-99a

པར་བྱ། །སྟོབས་ནི་ཆོས་རྣམས་ཐམས་ཅད་ལ། །སྒྱུ་མ་ལྟ་བུར་ཤེས་པ་དང་། །ཡང་དག་བདེན་པའི་སྟོབས་ཀྱིས་ནི། །རང་བཞིན་མེད་པར་རྟོགས་པས་འབྱུང་། །འཇུག་པ་ཐུན་མོང་མ་ཡིན་པ། །བྱམས་པ་སྙིང་རྗེ་བྱང་
ཆུབ་སེམས། །ཚད་མེད་བཞི་དང་ལྡན་པ་ཡིས། །འགྲོ་བའི་དོན་ལ་སེམས་པ་པོ། །མངོན་དུ་བྱེད་པ་ཉེར་སྒྲུབ་སྟེ། །དུས་དང་གྲངས་དང་མཚན་མ་སྟེ། །དང་པོ་བར་དང་ཐ་མར་ཡང་། །གཙོ་བོ་དང་ནི་འཁོར་རྣམས་ཀྱི། །གང་གྲུབ་རབ་
འབྲིང་ཐ་མ་རུ། །རྟགས་ཀྱི་དབྱེ་བ་བསྟན་པ་ཡིན། །རྒྱུ་ནི་ཐོགས་པ་མེད་པ་ཡི། །རྟེན་ཅིང་འབྲེལ་པར་འབྱུང་བ་སྟེ། །མངོན་སུམ་དུ་ནི་འབྱུང་བ་ལ། །གང་གིས་དགག་པར་མི་ནུས་པ། །དེ་ལས་འབྲས་བུ་ཕུན་སུམ་ཚོགས། །
སྙིང་པོ་སྨིན་པ་བཞིན་དུ་འབྱུང་། །གང་དུ་ཐོགས་མེད་རྡོ་རྗེ་ཡི། །སྙིང་པོ་ཟད་པ་མེད་པའི་དོན། །ཡང་དག་ཡེ་ཤེས་སྣང་བ་པོ། །བླ་མའི་དྲིན་ལས་ཐོབ་པར་འགྱུར། །དཔལ་མགོན་པོ་ཆེན་པོ་དངོས་གྲུབ་འབྱུང་བའི་རྒྱུད་ལས་
གསང་བའི་རིམ་པ་བསྟན་པའི་ལེའུ་སྟེ་གསུམ་པའོ།། །། དེ་ནས་དབང་ལྡན་བདུད་འཇོམས་པའི། །སྒྲུབ་པ་ཡང་དག་རབ་ཏུ་བཤད། །གསང་བའི་མགོན་པོ་ཆེན་པོ་ཡི། །སྦས་པའི་ཡུམ་དང་བཅས་པ་ཡི། །གསང་བ་
མཁའ་འགྲོ་མ་བཞི་དང་། །ལྷན་ཅིག་ཏུ་ནི་དགྱེས་པར་རོལ། །ཞལ་གཅིག་པ་ལ་ཕྱག་བཞི་པ། །གདུལ་དཀའ་འདུལ་བའི་དཔའ་བོ་ནི། །ཞལ་གཅིག་པ་ལ་སྤྱན་གསུམ་པ། །མི་ཐུང་ཁྲོས་པ་ཨུཏྤལ་མདོག །
མགོ་སྐྱེས་གྱེན་འགྲེང་རྔམ་པའི་སྐུ། །རོ་ཡི་གདན་ལ་བཞུགས་མཛད་ཅིང་། །ཀླུ་བརྒྱད་རྒྱན་གྱིས་བརྒྱན་པ་པོ། །ཁྲོས་པས་ཆར་སྤྲིན་ནག་པོ་ལྟར། །མེ་སྟག་ཕུང་པོ་ལྟ་བུ་ཡི། །སྤྱན་གསུམ་དྲག་པོའི་ལྟ་བས་
གཟིགས། །གླང་པོའི་ཚུལ་ཅན་སྟོབས་ལྡན་པ། །རྒྱུ་མའི་དོ་ཤལ་སྦྱངས་པ་ཡི། །མི་མགོ་རློན་པའི་ཕྲེང་བས་ཀླུབས། །ཤིན་དུ་མི་སྲུན་སྒེག་པའི་སྐུ། །བདུད་འདུལ་ཆེན་པོ་ལྷ་ཡི་ལྷ། །ཉམས་ལྡན་གཟི་བརྗིད་ཕུན་སུམ་ཚོགས། །

87-1-99b

མ་རིག་མུན་སེལ་སྒེག་པའི་ཉམས། །རྨད་བྱུང་ཆོས་སྒྲོགས་བཞད་པར་སྟོན། །བརྟུལ་ཞུགས་སྤྱོད་པ་དཔའ་བོ་སྟེ། །གདུག་པ་འདུལ་མཛད་འཇིགས་པར་སྟོན། །ལོག་ལྟ་སྤོང་བྱེད་གཙིགས་པའི་ཉམས། །གདུག་པ་ཚར་གཅོད་སྙིང་
རྗེས་ཁྲོས། །ངོ་མཚར་ཉོན་མོངས་འཇོམས་མཛད་ཅིང་། །ཁྲོ་ཆགས་མི་གཡོ་ཞི་བའི་ཐུགས། །གཡས་ཀྱི་དང་པོས་གྲི་གུག་བསྣམས། །གཡོན་གྱི་དང་པོས་ཐོད་ཁྲག་འཛིན། །གཡས་ཀྱི་གཉིས་པས་རལ་གྲི་འདེབས། །
གཡོན་པས་ཁ་ཊྭཱྃ་འཛིན་པར་མཛད། །གསུང་གིས་ཧ་ཧ་ཞེས་སྒྲོགས་པ། །ལོག་པར་ལྟ་བ་འཇོམས་པར་མཛད། །སྟག་གི་ལྤགས་པའི་ཤམ་ཐབས་ཅན། །སྣ་ཚོགས་ཆུ་སྐྱེས་ཉི་མར་བཅས། །རང་བྱུང་རོལ་པའི་སྟབས་ཀྱིས་
གནས། །དེ་ཡི་མདུན་དུ་གཏུམ་པ་མོ། །ལྷ་མོ་ཞལ་གཅིག་ཕྱག་གཉིས་མ། །མུན་པའི་མདོག་ཅན་ཞལ་གཅིག་མ། །ཕྱག་གཉིས་སྤྱན་གསུམ་ཁྲོ་ཚུལ་ཅན། །གྲི་གུག་ཐོད་པ་བསྣམས་པར་མཛད། །ཡབ་ལ་ཕྱག་རྒྱ་དྲུག་
གིས་བརྒྱན། །ཡུམ་ལ་ལྔ་ཡིས་རྒྱས་བཏབ་གནས། །སྐུ་དང་གཉིས་མེད་འཁྲིལ་བར་བཞུགས། །མེ་འོད་ཕྲེང་བས་ཡོངས་སུ་བསྐོར། །ཡེ་ཤེས་རྒྱ་མཚོའི་འཁོར་སྲུངས་མ། །ཤར་ཕྱོགས་མཁའ་འགྲོ་འཕྲོག་མ་དང་། །ལྷོ་
ཕྱོགས་གླང་སྣ་མ་ཞེས་བྱ། །ནུབ་ཀྱི་སྲིན་མོ་རལ་པ་ཅན། །བྱང་དུ་ས་ཡི་གཙུག་ཡིན་ནོ། །གང་དུ་རྒྱ་མཚོ་ཆུ་ངོགས་དང་། །ནག་པོའི་ཆུ་དང་འདྲ་བའི་སྐུ། །མ་རུངས་འཇོམས་བྱེད་ནག་པོ་ཆེ། །
འབད་པས་སྙིང་རྗེ་བསྐྱེད་པ་ཉིད། །གསད་པར་བྱ་བ་བརྗོད་པ་ཉིད། །སྙིང་རྗེ་མེད་ན་མི་འགྲུབ་པས། །དེ་ཕྱིར་སྙིང་རྗེ་བསྐྱེད་པར་བྱ། །མཚམས་མེད་ལྔ་ནི་བྱེད་པ་དང་། །སངས་རྒྱས་བསྟན་པ་འཁྲུག་བྱེད་པ། །
ཞེ་སྡང་རིགས་ཀྱི་ཏིང་འཛིན་གྱིས། །རེ་ཤིག་ཙམ་དུ་གསད་པར་བྱ། །གཟས་པའི་ཤ་ལ་རྟག་ཏུ་རོལ། །ཀུན་དུ་གཏུམ་པའི་ཤུགས་འཆང་བ། །ཡུལ་དང་ཡུལ་དུ་རོལ་བྱེད་པས། །ཤིང་རྣམས་ལ་ནི་གནས་ནས་ཀྱང་། །དཀྱིལ་

87-1-100a

འཁོར་ཞིང་རྣམས་སྐྱོང་བར་བྱེད། །དུར་ཁྲོད་གནས་ཀྱིས་ཡོངས་སུ་བསྐོར། །མ་མོའི་གནས་སོགས་ཁྱབ་པར་བྱེད། །ཀླུ་ཡིས་མཆོད་པའི་ཞིང་སྐྱོང་བ། །མེ་ཡི་ཕྱེ་མས་ཡོངས་སུ་བསྐོར། །སྒོ་དང་མིག་གིས་ཁྱད་
པར་འགྱུར། །གཙོ་བོའི་སྔགས་ཀྱིས་ལུས་ཅན་ཏེ། །སྒྲུབ་པ་པོ་ཡི་ལུས་ལ་གནས། །དེ་དག་རིམ་པར་དུས་བསྟན་པ། །དམ་ཚིག་ལྡན་པའི་སྔགས་པ་ཡིས། །སྒྲུབ་པའི་རྫས་རྣམས་ཁྱད་པར་ལས། །འབྲུ་ནག་གཏོར་མ་
རབ་ཏུ་ཤིས། །ཤ་ཆེན་གྱིས་ནི་བརྒྱན་པ་ཡི། །ཚོགས་རྫས་པཱུ་ཛ་གུས་པས་དབུལ། །ཕྱི་ནང་གསང་བ་ཁྱད་པར་ལས། །བསྟན་པའི་ཚུལ་གྱིས་ཕྲིན་ལས་ལས། །བྱེ་བྲག་རྒྱུན་དང་གནས་སྐབས་པྲ། །གྲུབ་དང་སྒྲུབ་
པས་མངོན་དུ་འགྱུར། །དུས་རྣམས་ཀུན་དུ་ཞེ་སྡང་གིས། །རྣམ་པ་ཀུན་དུ་གཞོམ་མི་བྱ། །ཡུལ་མིན་པ་ལ་གསད་བྱ་ན། །རྣལ་འབྱོར་དམ་ཚིག་ལས་ཉམས་ཕྱིར། །གྲུབ་པ་ནམ་ཡང་ཡོད་མི་སྲིད། །ཁྱད་པར་ཡེ་ཤེས་བླ་མེད་པ། །
དམ་ཚིག་མགོན་པོ་སྒྲུབ་པ་ཡི། །དམ་ཚིག་འདི་ནི་རྨད་པོ་ཆེ། །བདེ་བར་གཤེགས་པའི་ལམ་སྦྱོར་མཛད། །བྱང་ཆུབ་སེམས་ཀྱི་ཟླ་བ་འདི། །ཡར་ངོ་མར་ངོ་རབ་ཏུ་གནས། །ཡར་ངོ་ཡིས་ནི་སྐྱེད་བྱེད་ལ། །མར་ངོ་ལ་ནི་འགྲིབ་པར་
བྱེད། །ཡར་ངོ་ཡི་ནི་བཅྭ་ལྔ་ལ། །བྱང་ཆུབ་སེམས་ཀྱི་མཁའ་འགྲོ་ཡང་། །བདེ་བ་ཆེན་པོར་འདུ་བར་མཛད། །འདི་ནི་ངེས་པའི་དོན་དུ་གསུངས། །དཀྱིལ་འཁོར་ལྷ་ཉིད་ལུས་ཉིད་ཡིན། །གཞན་དུ་ལྷ་དང་དཀྱིལ་འཁོར་ནི། །བཙལ་ཡང་
རྙེད་པར་མི་འགྱུར་ཞེས། །འདྲེན་པ་དཔའ་བོས་རྟག་ཏུ་གསུངས། །སྐུ་གསུང་ཐུགས་ཀྱི་གསང་བ་ལ། །དྲག་པོ་ཀུན་གྱི་སྲོག་གྱུར་པ། །ཡོན་ཏན་ཕྲིན་ལས་དབང་ཕྱུག་གི། །ཕྱི་ནང་གསང་བའི་བདག་པོ་ཡིན། །སྟོན་པ་གནས་པའི་རང་བཞིན་
ལས། །འཁོར་ལོ་དགུག་བྱ་གཉིས་མེད་བསྟིམ། །དངས་སྙིགས་ལས་ནི་རྒྱུ་འབྲས་དང་། །གནས་པ་ཁྱད་པར་རྟེན་འབྲེལ་ཏེ། །འཁྲུལ་དང་འཁྲུལ་པ་མ་ཡིན་པ། །ཁམས་གསུམ་ཀུན་ལ་དབང་བྱེད་པས། །འཇིག་རྟེན་ལས་དང་ཡེ་ཤེས་ཀྱི། །

87-1-100b

མགོན་པོའི་ཁྱད་པར་མངོན་དུ་འབྱུང་། །གདགས་པ་ཐ་སྙད་ཁྱབ་པ་པོ། །ཐུན་མོང་བར་ནི་བསྟན་པ་ཡིན། །འདི་དག་ལས་དང་སྐྱེ་བོ་ལས། །སྒྲིབ་པ་ཐུན་མོང་ལྷ་ཡི་ཆ། །དངོས་དང་བརྒྱུད་པས་ལུང་བསྟན་པ། །སྲོག་དང་སྲོག་མ་ཡིན་པ་སྟེ། །
རྒྱུ་དང་རྐྱེན་དང་བསྐུལ་བ་ཡིས། །གསང་སྔགས་བཟླས་པ་མངོན་པར་ཕྱེ། །འདི་ནི་མངོན་དུ་འབྱུང་བའོ། །དཔལ་མགོན་པོ་ཆེན་པོ་དངོས་གྲུབ་འབྱུང་བའི་རྒྱུད་ལས་གསང་བ་མངོན་པར་འབྱུང་བའི་ལེའུ་སྟེ་བཞི་པའོ།། །། 
དེ་ནས་ཡང་དག་བཤད་བྱ་བ། །ཧེ་རུ་ཀ་དཔལ་མགོན་ཉིད་ཀྱི། །གསང་བའི་སྤྲུལ་པ་ནག་པོ་ཆེ། །འདི་ཡི་སྒྲུབ་རིམ་བཤད་པར་བྱ། །གསང་བའི་སྒྲུབ་པའི་ཐབས་མཆོག་སྟེ། །སྐལ་བ་ཅན་ལ་སྦྱིན་པར་བྱ། །གང་དུ་སྒྲུབ་པའི་ས་ཕྱོགས་སུ། །མི་
མཐུན་གཡེང་བ་སྤང་བྱས་ནས། །དེ་ནས་ནག་པོ་བསྒྲུབ་པར་བྱ། །འགྲོ་བ་ཀུན་ལ་རབ་བལྟས་ནས། །ཚད་མེད་བྱང་ཆུབ་སེམས་ཀྱི་བློས། །སྙིང་རྗེ་ཆེན་པོ་བསྐྱེད་བྱས་ནས། །བདེ་བའི་སྟན་ལ་འདུག་ནས་ནི། །ལྷོར་བལྟས་
སྐྲ་གྲོལ་གཅེར་བུ་ཡིས། །དང་པོར་སྐད་ཅིག་ཙམ་གྱིས་ནི། །རང་ལྷར་བསྐྱེད་པའི་སྙིང་ག་རུ། །ཨ་ལས་ཟླ་བའི་དཀྱིལ་འཁོར་ཡང་། །བསིལ་ཞིང་འོད་དང་བཅས་པ་བསམ། །དེའི་སྟེང་རྃ་ལས་ཉི་དཀྱིལ་འཁོར། །
རྟ་བདུན་འོད་ཟེར་ཚ་བ་དང་། །མེ་ཡི་རང་བཞིན་འཕྲོ་བ་བསམ། །དེ་དབུས་ཡི་གེ་ཧཱུྃ་ནག་པོ། །ཡེ་ཤེས་ལྔ་ཡི་རང་བཞིན་ཅན། །དེ་ཡི་འོད་ཀྱིས་སྣང་བ་ལས། །དཔག་མེད་ཁ་དོག་བཞི་བཅས་བསམ། །
རང་བཞིན་གནས་སུ་འཕྲོས་པ་ལས། །བླ་མ་དང་ནི་ལྷག་པའི་ལྷ། །དཀྱིལ་འཁོར་འཁོར་ལོ་བཅས་པ་དང་། །ནག་པོ་ཆེན་པོ་འཁོར་དང་བཅས། །མདུན་གྱི་ནམ་མཁར་བཞུགས་པ་ལ། །སྐྱབས་
སུ་འགྲོ་དང་མཆོད་པ་དབུལ། །སྡིག་པ་བཤགས་པ་ལ་སོགས་བྱ། །བཟོད་པར་གསོལ་ནས་གཤེགས་སུ་གསོལ། །དེ་རྗེས་དངོས་པོ་ཐམས་ཅད་ཀུན། །མ་ལུས་སྟོང་པ་ཉིད་གཞུག་ཅིང་། །ཨོཾ་སྭ་བྷཱ་བ་ཤུདྡྷཱཿ

87-1-101a

སརྦ་དྷརྨྨཱཿསྭ་བྷཱ་བ་ཤུདྡྷོ྅ཧྃ། ཨོཾ་བཛྲ་ཤུདྡྷཱཿསརྦ་དྷརྨཱཿསྭ་བྷཱ་བ་ཤུདྡྷོ྅ཧྃ། ཨོཾ་ཡོ་ག་ཤུདྡྷཱཿ སརྦ་དྷརྨྨཱཿསྭ་བྷཱ་བ་ཤུདྡྷོ྅ཧྃ། ཞེས་བརྗོད་པར་བྱའོ། །ཕྱི་དང་ནང་གི་དངོས་པོ་ཀུན། །གདོད་ནས་དག་པའི་ངང་དུ་བསམ། །
དེ་ཉིད་ཧཱུྃ་དང་བཅས་པ་ཡང་། །ནཱ་ད་ཙམ་དུ་གནས་པ་ལས། །ནམ་མཁའ་ལྟ་བུའི་ངང་ལས་ནི། །ཚངས་པའི་གནས་བཞི་ཁྱབ་པར་བྱ། །དེ་ལས་ས་བོན་འདི་དག་ནི། །འཆད་བཞིན་པ་ལས་རིམ་པས་བསམ། །ཡྃ་ལས་རླུང་
གི་དཀྱིལ་འཁོར་དང་། །རྃ་ལས་མེ་ཡི་དཀྱིལ་འཁོར་དང་། །བྃ་དཀར་ཆུ་ཡི་དཀྱིལ་འཁོར་ཏེ། །ལྃ་ལས་གསེར་གྱི་ས་གཞི་ཉིད། །དེ་སྟེང་བྷྲུྃ་ལས་རི་རབ་འབྱུང་། །དེ་དག་ཕྱི་ནང་ངོ་བོ་ཉིད། །དེ་དག་སྟེང་གི་ཆ་
ལ་ཡང་། །དབུས་སུ་པྃ་ལས་པད་མ་ནི། །སྣ་ཚོགས་པད་མ་རྒྱ་ཆེ་བ། །ལྟེ་བ་གེ་སར་བཅས་དབུས་སུ། །ཧ་ལས་སྣ་ཚོགས་རྡོ་རྗེ་ནི། །ཁ་དོག་ལྔ་དང་ལྡན་པར་བསམ། །དེ་དབུས་རྃ་ལས་ཉི་མ་ཡི། །ཧཱུྃ་ཡིག་ས་
བོན་ལས་བྱུང་བ། །ས་གཞི་མ་ལུས་རྡོ་རྗེར་གྱུར། །སྟེང་འོག་ཕྱོགས་མཚམས་རྡོ་རྗེ་དང་། །རལ་གྲི་འཁོར་ལོ་མདའ་དང་ནི། །ཕུར་བུ་གྲི་གུག་ཁ་ཊྭཱྃ་ག །རྡོ་རྗེ་རྩེ་གཅིག་པ་དང་ནི། །རྩེ་གསུམ་ཉི་ཤུ་རྩ་ལྔའི་བར། །
དུ་མ་རྣམ་པར་འཕྲོས་ནས་ནི། །ཤིན་དུ་རྒྱ་ཆེ་བསམ་པར་བྱ། །བླ་རེ་ར་བ་ལོག་དང་ནི། །གུར་གྱི་རྣམ་པར་མཚམས་བཅིང་བྱ། །མེ་འོད་འབར་བ་ཁྱབ་པར་འགྱུར། །འདི་དག་བསྲུང་བའི་ཁྱད་པར་རོ། །
བྷྲུྃ་ལས་བྱུང་བའི་འཁོར་ལོ་ནི། །རྩིབས་བཅུ་པ་ནི་ཡོངས་སུ་འཁོར། །དེ་སྟེངས་རྃ་ལས་ཉི་དཀྱིལ་འཁོར། །དེ་ཡི་དབུས་སུ་ཧཱུྃ་མཛད་དོ། །ཞལ་གསུམ་ཕྱག་ནི་དྲུག་པ་སྟེ། །རིན་ཆེན་ཀླུ་དབང་རྒྱན་དང་ལྡན། །རོལ་པས་རྣམ་པར་སྒེག་
པར་བསམ། །རྃ་ལས་ཉི་མའི་དཀྱིལ་འཁོར་དབུས། །དེ་སྟེངས་ཧཱུྃ་བཅུ་རྣམ་པར་བསམ། །དེ་ལས་ཁྲོ་བོའི་རྒྱལ་པོ་བཅུ། །ཞལ་ཕྱིར་གཟིགས་པ་རྣམ་པར་བསམ། །ཁྲོ་བོ་དེ་དག་རེ་རེ་ཞིང་། །ཕྱོགས་སྐྱོང་བཅུ་པོ་གདན་ལ་ནི། །

87-1-101b

བཀུག་ནས་གཉིས་མེད་བཞུགས་པར་བསམ། །དེ་ལས་གསང་སྔགས་བརྗོད་ཙམ་གྱིས། །ཕུར་བུས་གདབ་དང་བརྡུང་བར་བྱ། །དེས་ནི་བླ་མེད་མཆོག་དག་འགྱུར། །ཁྲོ་བོ་དེ་དག་རེ་རེ་ཞིང་། །བརྟན་པར་བྱ་ཕྱིར་གསང་སྔགས་བརྗོད། །
ཨོཾ་དཀར་འཁོར་ལོ་དང་བཅས་པ། །འོད་ལྡན་དེ་ལས་སྤྲོས་བསྡུས་པས། །བཅོམ་ལྡན་རང་བཞིན་ཡངས་ཤིང་ཁྱབ། །འོད་དུ་ཞུ་ནས་གཞལ་ཡས་ཁང་། །རིན་ཆེན་སྣ་ཚོགས་ལས་གྲུབ་པ། །གྲུ་བཞི་སྒོ་དང་རྟ་བབས་
བཅས། །རྡོ་རྗེ་དང་ནི་ནོར་བུ་ཡི། །འོད་ཟེར་འཁྲུགས་པའི་རྣམ་པའོ། །ཕོ་བྲང་ནང་མ་ཟླུམ་པོ་ལ། །རེ་མིག་དགུ་པ་རྡོ་རྗེས་བསྐོར། །ཕྱི་ནི་པད་མ་མུ་ཁྱུད་བཅས། །དེ་ཡི་ནང་ན་ཨེ་ཡི་དབྱིབས། །དྲག་པོའི་
གནས་སུ་བསམ་པར་བྱ། །དབུས་མའི་ནང་དུ་པྃ་ལས་ནི། །པད་མ་ཉི་ཟླར་བཅས་པ་བསམ། །ཨཱ་ལི་ཀཱ་ལི་འདུས་པ་ལས། །དེ་ལས་ནམ་མཁའི་ས་བོན་ཏེ། །ནམ་མཁའ་ལས་ནི་ཧཱུྃ་བྱུང་སྟེ། །གཉིས་
མེད་ཞུགས་ལས་འོད་དུ་ཞུ། །དེ་ལ་རྡོ་རྗེ་གྲི་གུག་བསམ། །འོད་ཀྱི་སྣང་བས་ཁྱབ་པ་ལས། །སྐད་ཅིག་གིས་ནི་སྐུ་རྫོགས་པ། །ནག་པོ་ཆེན་པོ་བསམ་པར་བྱ། །ཞལ་གཅིག་ཕྱག་བཞི་འཇིགས་པའི་
གཟུགས། །དཔའ་བོ་ཆེན་པོ་རོལ་པས་བཞུགས། །ཡབ་ཡུམ་གཉིས་སུ་མེད་པར་བསམ། །དེ་ལྟར་ཡབ་ཡུམ་རྫོགས་བསྐྱེད་ནས། །མཁའ་གསང་བྱིན་གྱིས་བརླབ་བྱ་སྟེ། །སྔགས་བརྗོད་པས་ནི་དགྱེས་
པ་བསྐྱེད། །དེ་ལས་དཀྱིལ་འཁོར་ལྷ་ཚོགས་རྣམས། །ཡབ་ཡུམ་སྙོམས་པར་ཞུགས་པ་ལས། །ཡུམ་གྱི་མཁའ་དབྱིངས་བདེ་ཆེན་དུ། །སོ་སོར་ཆོ་གས་བསྐྱེད་བྱས་ལ། །ཕྱི་རོལ་དུ་ནི་རིམས་ཀྱིས་འབྱུང་། །དང་པོར་གཙོ་བོའི་རྒྱན་
དང་བཅས། །རྫོགས་པར་ཕྱུང་སྟེ་དྷཱུ་ཏཱི་ནས། །གྱེན་དུ་ཐུགས་ཀའི་པད་མ་ལས། །འཐོན་ཏེ་འགྲོ་བའི་དོན་བྱས་ལ། །སླར་འདུས་རང་ལ་ཐིམ་གྱུར་པ། །དཔལ་ལྡན་སྙིང་རྗེའི་སྟོབས་སུ་གནས། །དེ་ལས་རིམ་པ་ཇི་བཞིན་དུ། །

87-1-102a

ཕྱུང་ནས་སོ་སོའི་གདན་ལ་བཞུགས། །གཙོ་བོའི་ཕྱོགས་བཞིར་མཁའ་འགྲོ་བཞི། །ཞལ་གཅིག་ཕྱག་ནི་བཞི་པ་སྟེ། །གར་སྟབས་ལྡན་པའི་ལྷ་མོ་ནི། །གཡས་བརྐྱང་བ་ནི་རྣམ་པར་འགྱིང་། །དཔའ་མོ་བདེ་བའི་
སྐུར་བསྐྱེད་པའོ། །མཚམས་བཞིར་ཐོད་པ་བདུད་རྩིས་བཀང་། །སྣ་ཚོགས་པད་འདབ་ལ་གནས་པ། །ཉི་མ་ལ་གནས་མགོན་པོ་ནི། །ཤར་དུ་སྐུ་ཡི་མགོན་པོ་དང་། །ལྷོ་རུ་ཡོན་ཏན་མགོན་པོ་དང་། །ནུབ་དུ་གསུང་གི་མགོན་པོ་དང་། །
བྱང་དུ་ལས་ཀྱི་མགོན་པོ་སྟེ། །ཐམས་ཅད་ཞལ་གཅིག་ཕྱག་གཉིས་པ། །གྲི་གུག་ཐོད་པ་བསྣམ་པའོ། །སོ་སོའི་གཡོན་དུ་ཡུམ་རེ་རེ། །གཏུམ་མོ་དང་ནི་དྲག་མོ་དང་། །ཟློག་བྱེད་མ་དང་དཔའ་མོ་སྟེ། །ཞལ་གཅིག་ཕྱག་གཉིས་རྒྱན་དང་བཅས། །
དེ་ཡི་ཕྱི་ཡི་གྲུ་ཆད་ལ། །བདེ་འཛིན་པ་དང་ཁ་ཊྭཱྃ་ག །གཎ་ཌཱི་འཛིན་དང་རྒྱལ་མཚན་འཛིན། །སོ་སོའི་ཡུམ་དང་བཅས་པ་སྟེ། །ཞལ་གཅིག་ཕྱག་གཉིས་འབར་བའོ། །དེ་ཡི་ཕྱི་རོལ་སྒོ་དང་གྲྭར། །ལྷ་མོ་བརྒྱད་པོ་གར་གྱིས་རོལ། །ཐམས་ཅད་
ཞལ་གཅིག་ཕྱག་གཉིས་པ། །གར་སྟབས་ལྡན་པས་བཞུགས་པའོ། །དཀྱིལ་འཁོར་ལྷ་རྣམས་རྫོགས་པ་དང་། །དེ་ནས་གཙོ་བོ་ཡབ་ཡུམ་དག །སྙོམས་པར་ཞུགས་པས་འོད་དུ་ཞུ། །དེ་ནས་ལྷ་མོ་བཞི་ཡིས་ནི། །རྡོ་རྗེ་ཚད་མྱེད་
དབྱངས་ཀྱིས་བསྐུལ། །ཨེ་བྃ་སི་ཏ་ཨུ་ཌ་ན་ནི་བཱ། ཛ་ཏི་དྷ་མ་དྷ་མ། གྷ་མ་ཨང་ཀ་མ། དྷ་དྷ་ཤ་རི་དྷ་རྃ། ས་ནི་ས་ས་ས་ནི་ག་མ་ས་ས་ས། རི་ག་མོ་བུ་མ་ཏེ་ས་རི་ས་ར་ས་རི་རི་ས་ནི་ཤ །མ་ཧཱ་མ་ཨ་དྷ་མ་ས་ས། ཤྲུ་ཏྲ་ནི་སཱ་ས་
སཱ། ས་ནི་ས་རི་ཏ་གྷ་མ་ཨྃ་གྷྃ། ཨ་ཏ་མ་ཏ་ཡ། ས་སཱ་པ་པ། མ་ཡ་ཨ་བ་ས་དྷེ་ན་མ་ཨ་ཨི། དེ་ལྟར་བསྐུལ་བར་གྱུར་པ་ལས། །དེ་ལྟར་ཉེ་བར་གསན་ནས་ནི། །ཐུགས་རྗེའི་ངང་ལས་བཞེངས་མཛད་དེ། །ནག་པོ་
གསང་བའི་བུ་དང་བཅས། །ཤིན་དུ་འཇིགས་ཤིང་འབར་བའི་སྐུ། །བདུད་འདུལ་ཆེན་པོ་རྒྱན་དང་བཅས། །སྤྲོ་བ་དང་ནི་བསྡུ་བར་མཛད། །དེ་ཉིད་བརྟན་དང་མཉེས་པར་མཛད། །སྐུ་གསུང་ཐུགས་ནི་རྒྱས་གདབ་ཅིང་། །ཡེ་ཤེས་གཞུག་དང་

87-1-102b

དབང་བསྐུར་དང་། །བྱིན་གྱིས་བརླབས་དང་མཆོད་པ་དང་། །སྔགས་ཀྱིས་བསྟེན་ཕྱེད་བཟླས་པ་བྱ། །བདུད་རྩི་མྱང་དང་བསྟོད་ཅིང་བསྐུལ། །ཏིང་འཛིན་དོན་བསམ་ཉེར་བསྡུ་བྱ། །དེ་ནས་ལྡང་བར་གྱུར་པ་ན། །གཉིས་པ་ལྷ་རྣམས་ཐམས་ཅད་ཀུན། །
སྐད་ཅིག་གིས་ནི་རྫོགས་བྱ་སྟེ། །དེ་ཡི་ངང་ལ་ཏིངེ་འཛིན། །གསང་བ་ཁྱད་པར་རྫོགས་པར་བྱ། །རྣམ་རྟོག་བག་ཆགས་ཀྱིས་བཅིངས་ལ། །རྟོག་པ་དག་པའི་ཐབས་མཆོག་ལྡན། །རྣམ་རྟོག་རང་བཞིན་ཡོངས་ཤེས་ན། །དེ་ཉིད་ཐོབ་ཏུ་
མེད་པ་སྟེ། །བདེ་བ་ཆེན་པོ་ཡང་དག་འབྱུང་། །ཆགས་པ་མེད་པས་ཀུན་དུ་སྤྱད། །འདི་དེའི་རང་བཞིན་རྣལ་འབྱོར་པ། །རིག་མ་རྣམས་ལ་རོལ་བྱེད་ནའང་། །དེ་ཉིད་ཤེས་ལ་བཅིང་མེད་དེ། །རྣམ་པར་རོལ་པའི་ཚུལ་མཆོག་གོ། །
དཔལ་མགོན་པོ་ཆེན་པོ་དངོས་གྲུབ་འབྱུང་བའི་རྒྱུད་ལས་གསང་བ་ལྷའི་གནས་མངོན་པར་འབྱུང་བའི་ལེའུ་སྟེ་ལྔ་པའོ།། །། དེ་ནས་ཡང་དག་བཤད་བྱ་བ། །གང་དུ་སྔགས་ཀྱི་ཡི་གེ་དང་། །བཟང་པོའི་སྔགས་ཀྱི་ཕྲེང་བ་འདི། །རྫ་རྔ་བཅིང་པ་
ལས་ཤེས་བྱ། །རེ་མིག་བདུན་པའི་གྲངས་ཀྱིས་ནི། །ཀུན་ནས་མཉམ་པར་དགོད་པར་བྱ། །མཁས་པས་དབྱངས་དང་གསལ་བྱེད་ནི། །སྡེ་ཚན་རིམ་པས་ཕྱེ་བ་ཉིད། །ཀུན་ནས་བསྐོར་བའི་ཚུལ་གྱིས་ནི། །རིམ་པ་བཞིན་དུ་བཏུ་བར་བྱ། །
སྡེ་ཚན་དྲུག་པའི་ལྔ་པ་ནི། །ཧ་ཡི་འོག་ནས་གནས་པ་བླང་། །ཨསྨ་ཤ་ཡི་བཞི་པ་ཉིད། །ཝ་འོག་གནས་པ་དེ་ཉིད་དེ། །སྡེ་ཚན་གཉིས་པའི་དང་པོ་སྟེ། །པ་ཡི་སྟེང་ན་གནས་པ་བླང་། །ཨན་ཏས་ཐ་ཡི་གསུམ་པ་སྟེ། །ཡ་ཡི་
སྟེང་མ་ཡང་དག་བླང་། །སྡེ་ཚན་བརྒྱད་པའི་བཞི་པ་ནི། །མ་ཡི་སྟེང་ན་གནས་པ་ལ། །སྡེ་ཚན་དང་པོའི་གཉིས་པ་ཉིད། །ཉ་ཡི་འོག་ན་གནས་པ་སྦྱར། །སྡེ་ཚན་དང་པོའི་ལྔ་པ་སྟེ། །ཌ་ཡི་འོག་ན་གནས་པ་སྦྱར། །
སྡེ་ཚན་དང་པོའི་བཅྭ་ལྔ་པ། །དྷ་ཡི་སྟེང་ན་གནས་པ་ཡི། །ཟླ་ཚེས་ཐིག་ལེས་བརྒྱན་པར་བྱ། །སྡེ་ཚན་དང་པོའི་བཅུ་བཞི་པ། །དེ་ཡི་འོག་མའི་ཡི་གེ་ལ། །དབྱངས་ཀྱི་བཅྭ་ལྔ་པ་ཡིན་ཏེ། །དྷ་ཡི་འོག་མས་བརྒྱན་པར་བྱ། །དེ་ཉིད་ཐོག་མར་

87-1-103a

སྦྱིན་བྱ་ཡིན། །སྡེ་ཚན་དྲུག་པའི་གཉིས་པ་ཉིད། །ན་ཡི་འོག་ན་གནས་པ་སྟེ། །བཞི་པ་ཡི་ནི་ཐོག་མ་གང་། །ར་ཡི་འོག་མ་སྦྱར་བྱས་ཏེ། །ཐོག་མར་འབྱུང་བའི་དྲུག་པོ་སྟེ། །འདི་ནི་ཡིད་བཞིན་ནོར་བུ་སྟེར། །
ཚ་ཡི་སྟེང་ན་གནས་པ་གང་། །བྷ་ཡི་འོག་མ་རྣམ་པར་བླང་། །ཊ་ཡི་སྟེང་མས་བརྒྱན་པར་བྱ། །ཧ་ཡི་འོག་ན་གནས་པ་དང་། །ཝ་ཡི་འོག་མ་གཟུང་བར་བྱ། །པ་ཡི་སྟེང་མ་ཉིད་བཏུ་བྱ། །ཡ་ཡི་སྟེང་ན་གནས་པ་ལས། །ཉ་ཡི་སྟེང་
མས་ལས་ཀུན་བྱེད། །མ་ཡི་སྟེང་གནས་ཡི་གེ་ཉིད། །རི་རཱི་ཡི་འོག་མ་སྦྱར་བྱས་ལ། །ཉིས་འགྱུར་ཌྷ་ཡི་སྟེང་མས་བརྒྱན། །ཙ་ཡི་སྟེང་ན་གནས་པ་ལ། །ཨི་ཡི་སྟེང་མ་དྲུང་དུ་བཞག །འདི་ནི་དངོས་གྲུབ་འབྱུང་བའི་གནས། །ང་ཡི་
སྟེང་མའི་ཡི་གེ་ལ། །དྷ་ཡི་སྟེང་མས་ཡང་དག་བརྒྱན། །རིག་བྱད་མངོན་སུམ་དང་པོར་གནས། །མ་ལུས་ཡེ་ཤེས་སྐུར་གྱུར་པའོ། །ཥ་ཡི་འོག་ན་གནས་པ་ལ། །བྷ་ཡི་འོག་མའི་ཡི་གེ་དང་། །ཎ་ཡི་འོག་ནས་རབ་སྦྱིན་དང་། །པ་ཡི་ཐོག་
མ་ཡང་དག་བླང་། །ཐ་འོག་ཌ་འོག་སྟན་དུ་སྦྱར། །ཙ་ས་བར་གནས་ཡི་གེ་དང་། །ཛྷ་ཡི་སྟེང་མ་བདག་པོ་སྟེ། །ས་ཡ་བར་ན་གནས་པ་བཟུང་། །ཁ་དང་ཨ་ཡི་བར་གནས་པ། །ཏ་ཡི་འོག་མ་ཉ་སྟེངས་ལྡན། །མ་ཡི་སྟེང་
གནས་རི་རཱཾ་འོག་སྦྱར། །ཐིག་ལེས་བརྒྱན་པ་ཉིས་འགྱུར་སྦྱར། །ཙ་ཡི་སྟེང་ན་གནས་པ་ལ། །ཨྀ་ཡི་སྟེང་མས་བརྒྱན་པ་དྲུང་། །འདི་ནི་སྦས་པའི་སྙིང་པོ་སྟེ། །རང་སྲོག་ཡི་གེར་གསང་བའོ། །ད་ཡི་སྟེང་མའི་ཡི་གེ་ལ། །
དྷ་ཡི་སྟེང་མས་བརྒྱན་པར་བྱ། །སངས་རྒྱས་ཀུན་གྱི་ཡེ་ཤེས་ཆེ། །སྙིང་པོ་བཟླས་པའི་རིག་པ་སྟེ། །བཀྲ་ཤིས་པ་ནི་ཐོག་མར་སྦྱར། །ན་ཡི་སྟེང་མས་ཡང་དག་རྒྱལ། །ཛ་ཡི་གོང་མ་དྷ་སྟེངས་སྦྱར། །ས་ལ་བར་གནས་ཌ་སྟེངས་སྦྱར། །
ཐིག་ལེ་ནཱ་དས་བརྒྱན་པར་བྱ། །ན་འོག་དྷ་སྟེངས་མགོ་བོར་སྦྱིན། །འདི་ལས་མ་སྟེངས་རི་འོག་ལྡན། །ཐིག་ལེ་ཟླ་ཚེས་དག་གིས་མཚན། །ཙ་ཡི་སྟེང་ན་གནས་པ་ལ། །ར་ཡི་འོག་མ་དྲུང་དུ་སྦྱིན། །བྷ་སྟེངས་གནས་པ་ལ་འོག་སྦྱར། །ཉ་ཡི་

87-1-103b

འོག་མ་ཡང་དག་ལྡན། །ཤ་ས་བར་གནས་ཉ་འོག་སྦྱར། །འདི་ནི་གསང་བའི་བཟླས་པ་སྟེ། །བྱ་བ་སྟོབས་ལྡན་ཉིད་ཡིན་ནོ། །གང་དུ་མངོན་པར་ཕྱོགས་པ་ཡི། །དཔལ་ལྡན་ནག་པོ་ཆེན་པོ་ཡི། །གསང་སྔགས་མཆོག་ཏུ་གྱུར་པ་འདིས། །སྟོང་དང་བརྒྱ་པ་
བཅུར་འགྱུར་གྱིས། །རིགས་ནི་དམ་པའི་ས་ལ་གནས། །ཐོབ་པ་ཡུལ་དང་ཡུལ་དུ་གནས། །ཕ་ཡི་འོག་མ་དང་པོར་བླང་། །ཧ་ཡི་འོག་མ་བླང་བྱས་ལ། །ཐ་ཡི་སྟེང་མ་སྦྱིན་པར་བྱ། །ཌ་ཡི་སྟེང་མའི་དྲུང་ཉིད་དུ། །ཤ་ཡི་ཐོག་མས་བརྟེན་པར་བྱ། །ཕ་ཡི་སྟེང་མ་བཏུ་
བར་བྱ། །ལ་ཡི་སྟེང་མའི་ཡི་གེ་ལ། །ཌ་ཡི་སྟེང་མས་སྟན་དུ་སྦྱར། །ཉ་ཡི་སྟེང་མ་ཉིས་འགྱུར་ལ། །ཕྱི་མ་ཉ་ཡི་འོག་མས་བརྒྱན། །ཨེ་ཡི་འོག་གྱུར་བསྡུས་པ་ལ། །ཤ་ཡི་སྟེང་མ་དྲུང་དུ་སྦྱར། །ལ་ཡི་འོག་མ་རྒྱན་དུ་བྱས། །ཉ་ཡི་འོག་གིས་སྦྱིན་པར་བྱ། །
ཨོ་ཡི་འོག་ན་གནས་པ་ལ། །ཉ་ཡི་འོག་མས་བརྒྱན་པར་བྱ། །ད་ཡི་འོག་མར་གནས་པ་ལ། །ཐིག་ལེ་ནཱ་ད་དག་གིས་བརྒྱན། །ད་ཡི་འོག་མའི་ཡི་གེ་ལ། །ཨུ་ཡི་སྟེང་མ་སྦྱིན་པར་བྱ། །ཚ་ཡི་སྟེང་ན་གནས་པ་གང་། །བྷ་ཡི་འོག་མ་རྣམ་པར་
བླངས། །ཏ་ཡི་སྟེང་མས་བརྒྱན་པར་བྱ། །དྷ་ཡི་འོག་མ་གནས་པ་དང་། །ཝ་ཡི་འོག་མ་གཟུང་བར་བྱ། །ས་ཡི་སྟེང་མ་ཉིད་བསྡུས་བྱ། །ཡ་ཡི་སྟེང་ན་གནས་པ་ལས། །ཉ་ཡི་འོག་མས་དེ་ལ་བརྒྱན། །ཉ་ཡི་འོག་མ་ཀུན་གྱི་རྟེན། །ས་ཡི་སྟེང་མ་བླང་
བར་བྱ། །བྷ་ཡི་སྟེང་ན་གནས་པ་ལ། །ལ་ཡི་འོག་མས་བརྒྱན་པར་བྱ། །ཕ་ཡི་སྟེང་མ་ཉིད་དེ་བླང་། །ཛྷ་ཡི་འོག་མ་ང་སྟེང་དང་། །བ་ཡི་སྟེང་ན་གནས་པ་ལ། །ཨུ་ཡི་སྟེང་མ་ཡང་དག་བླང་། །ཨེ་ཡི་འོག་གནས་ཡི་གེ་ལ། །དྷ་ཡི་སྟེང་མ་
མགོ་བོར་སྦྱིན། །ལ་ཐ་བར་གནས་པ་ལ་ཡང་། །ཎ་ཡི་སྟེང་མས་བརྒྱན་པར་བྱ། །མ་སྟེངས་ཐིག་ལེ་ནཱ་དས་བརྒྱན། །ཛྷ་འོག་གནས་པའི་ཡི་གེ་ལ། །ད་སྟེངས་ས་ཡི་སྟེང་མ་དང་། །ཕ་འོག་ཏ་ཡི་འོག་མས་བརྒྱན། །ཛྷ་
ཡི་གོང་ན་གནས་པ་དང་། །མ་ཡི་སྟེང་མ་ས་སྟེངས་གནས། །ཡ་ཡི་སྟེང་མ་ཉིད་དང་ལྡན། །ཛྷ་འོག་ཉ་ཡི་སྟེང་མ་ལ། །དྷ་ཡི་སྟེང་མས་མགོ་བོར་བརྒྱན། །ཌ་ཡི་འོག་མ་ཤ་སྟེང་ལྡན། །ཐིག་ལེ་ནཱ་དས་བརྒྱན་པའོ། །ཌ་ཡི་སྟེང་མས་ཚ་ཉིད་དུ། །ཤ་ཡི་

87-1-104a

ཐོག་མས་བརྟེན་པར་བྱ། །ཕ་ཡི་སྟེང་མ་བཏུ་བར་བྱ། །ལ་སྟེངས་གནས་པ་ཊ་སྟེངས་སྦྱར། །ཉ་ཡི་སྟེང་དུ་ཉིས་འགྱུར་བས། །ཕྱི་མའི་ཉ་ཡི་འོག་མས་བརྒྱན། །དབྱངས་ཡིག་དང་པོ་ཀ་འོག་ཅན། །ས་སྟེངས་གནས་པ་
ཉིད་དང་ཡང་། །ཨུ་སྟེང་གནས་པ་ཡང་དག་བཅས། །ས་སྟེང་གནས་པ་ཐིག་ལེས་བརྒྱན། །ཉ་ཡི་སྟེང་མའི་གནས་པ་ལ། །ཨཻ་ཡི་འོག་གནས་ག་འདུན་གནས། །ཏ་ཡི་འོག་མ་མགོ་བོར་སྦྱིན། །ང་སྟེང་གནས་པ་ཎ་འོག་
སྦྱར། །ལ་སྟེང་གནས་པ་ཊ་འོག་བཅས། །ལ་འོག་ཟུར་གནས་སྦྱར་བར་བྱ། །བྷ་ཡི་འོག་མའི་ཡི་གེ་ལ། །མ་སྟེང་གནས་པ་སྟན་དུ་བྱས། །ཤའི་འོག་ཛ་ཡི་སྟེང་མར་སྦྱར། །ཎ་འོག་གནས་པ་ཉིད་དྲུང་སྟེ། །བྷ་སྟེངས་
གནས་པའི་འོག་མས་བརྒྱན། །ཤ་སྟེང་དྲུང་དུ་སྦྱིན་པར་བྱ། །ལ་སྟེང་ཤ་ཡི་ཐོག་མ་ལ། །ཕྱི་མ་ཉ་འོག་གནས་པས་མཛེས། །ཊ་འོག་ཤ་ཐོག་ཐིག་ལེས་བརྒྱན། །ཤ་ཐོག་རི་རཱི་ཡི་འོག་མས་བརྒྱན། །བ་ཐོག་ལ་སྟེང་གནས་
པ་སྦྱར། །དེ་ལ་ཉ་འོག་སྦྱིན་པར་བྱ། །བྷ་སྟེང་གནས་པ་ལ་འོག་ལྡན། །ཉ་འོག་དག་གིས་ཡང་དག་མཛེས། །ཀ་ག་བར་གནས་པ་ཉིད་ལ། །ཉིས་འགྱུར་དུ་ནི་བསྡུ་བར་བྱ། །གྷ་སྟེང་གནས་པ་དེ་ཉིད་ལ། །ཉ་འོག་བརྒྱན་པ་ཉིད་དུ་བྱ། །
མ་ཡི་ཐོག་མ་ཌ་འོག་བཅས། །གྷ་སྟེང་གནས་པ་ཉིད་དང་ནི། །ཝ་འོག་གནས་པ་ཋ་འོག་སྦྱིན། །ཧ་འོག་ཎ་ཡི་འོག་མར་ལྡན། །དེ་ཡི་ཉིས་འགྱུར་ཤེས་པར་བྱ། །ཁ་འོག་མ་ཡི་ཡི་གེ་ལ། །ཨུ་རི་བར་གནས་སྦྱར་བར་བྱ། །མ་སྟེང་ཕ་འོག་འོག་ཏུ་སྦྱིན། །
དེ་ནི་ཉིས་འགྱུར་སྦྱར་བར་བྱ། །ཚ་ཡི་སྟེང་མ་ཕ་ཐོག་དྲུང་། །ཥ་ཡི་ཐོག་མ་དྲུང་དུ་གནས། །དེ་ནི་ཟུང་དུ་སྦྱར་བར་བྱ། །མ་སྟེང་གནས་པ་ས་ཐོག་དྲུང་། །ཉིས་འགྱུར་རིམ་པར་ཤེས་པར་བྱ། །ཤ་ཐོག་གནས་པ་ཝ་ཐོག་དྲུང་། །ལན་གཉིས་སུ་ནི་
བརྗོད་པར་བྱ། །ཀ་འོག་གནས་པ་ཕ་སྟན་པ། །བ་འོག་སྟན་དུ་བྱས་པ་ཉིད། །ཉིས་འགྱུར་དག་ཏུ་ཤེས་པར་བྱ། །བྷ་སྟེང་གནས་པ་ཊ་སྟེང་དྲུང་། །ཥ་ཡི་འོག་མ་སྟན་དུ་བྱས། །ཤའི་སྟེང་ཌ་ཡི་འོག་མས་བརྒྱན། །དྷ་འོག་ཨི་ཐོག་སྟན་དུ་

87-1-104b

སྦྱར། །ཕ་ཡི་སྟེང་མ་དྲུང་དུ་བཞག །ཧ་ཡི་འོག་མ་ཎ་འོག་ལྡན། །ཕ་ཐོག་དྲག་པོར་འགྱུར་བའོ། །ཤ་སྟེངས་ཐ་ཡི་འོག་མས་བརྒྱན། །འདི་ཉིད་རིམ་པ་མངོན་སྤྱོད་པའི། །མ་ར་ཡ་ཡི་ཐོག་མར་སྦྱར། །མ་ཡི་སྟེང་གནས་
རི་འོག་སྦྱར། །ཉིས་འགྱུར་ཐིག་ལེ་ནཱ་དས་བརྒྱན། །ཙ་ཡི་སྟེང་ན་གནས་པ་ལ། །ཨི་ཡི་སྟེང་མ་བརྒྱན་པ་དྲུང་། །བྷ་ཐོག་ཐ་ཐོག་གནས་པ་སྦྱར། །དེ་ལ་ཉ་ཡི་འོག་མས་བརྒྱན། །མ་སྟེང་གནས་པ་ཉ་འོག་ནི། །ཡང་དག་
སྟན་དུ་བྱ་བའོ། །འདི་ནི་དྲི་མེད་བདེ་བའི་གཏེར། །སྙིང་པོ་གསང་སྔགས་འདི་ཉིད་ནི། །གང་དུ་གནས་པའི་ས་ཕྱོགས་སུ། །ནག་པོ་ཆེན་པོ་འཁོར་དང་བཅས། །མ་ལུས་ཞིང་སྐྱོང་འཁོར་དང་བཅས། །དུར་ཁྲོད་རོ་ལ་ལྕེ་སྤྱང་དང་། །ཤ་ཟའི་
ཚོགས་རྣམས་འདུ་བ་བཞིན། །ངེས་པར་འདུ་བར་བྱེད་པ་སྟེ། །བསྟན་པ་རྒྱ་མཚོ་སྲུང་བྱེད་པའོ། །དཔག་ཚད་བརྒྱད་ཁྲིའི་བར་དུ་ནི། །དེ་ཡི་བགེགས་རྣམས་མ་ལུས་པ། །ཏིལ་འབྲུ་ཙམ་དུ་བྱེད་པར་མཛད། །སྙིང་པོ་འདི་ནི་
ཟློས་བྱེད་ཅིང་། །གང་དུ་ཉི་མ་གཅིག་ཏུ་ཡང་། །མ་ཆད་མངོན་པར་སེམས་པ་ཡི། །ཧེ་རུ་ཀ་དཔལ་རྣལ་འབྱོར་ལ། །འཇིགས་པ་ཀུན་ལས་སྲུང་བ་དང་། །ཞི་བ་དང་ནི་རྒྱས་པ་དང་། །དེ་བཞིན་དབང་དང་མངོན་སྤྱོད་ལ། །
ཐོགས་པ་མེད་པར་འགྲུབ་པར་འགྱུར། །ཇི་སྲིད་མཚན་མ་མ་བྱུང་གི། །བར་དུ་འབད་དེ་བསྒྲུབ་པར་བྱ། །མཚན་མ་བྱུང་ནས་བླ་མ་ཡི། །མན་ངག་བཞིན་དུ་ལས་ལ་སྦྱར། །དཔལ་མགོན་པོ་ཆེན་པོ་དངོས་
གྲུབ་འབྱུང་བའི་རྒྱུད་ལས་གསང་བ་སྔགས་ཀྱི་ལེའུ་སྟེ་དྲུག་པའོ།། །། དེ་ནས་གཞན་ཡང་བཤད་བྱ་བ། །ཡང་དག་ཡེ་ཤེས་བསྐྱེད་པ་པོ། །གདུག་པ་མ་ལུས་འདུལ་མཛད་པ། །གཏུམ་པོ་དེ་ཡི་གསང་བའི་ཡུམ། །ལྷ་མོ་
བཞི་དང་བཅས་པ་ཡི། །གསང་སྔགས་བཏུ་བ་བཤད་པར་བྱ། །དབྱངས་ཡིག་བཅུ་བཞི་པ་དག་ལ། །ཐིག་ལེ་ནཱ་དས་རྣམ་པར་བརྒྱན། །རིག་བྱེད་མངོན་སུམ་དང་པོར་གནས། །དྲུག་པ་ཡི་ནི་ལྔ་པ་དང་། །མཐར་གནས་པ་ཡི་བཞི་པ་དང་། །

87-1-105a

བདུན་པ་ཡི་ནི་དང་པོ་ཉིད། །ཨན་ཏསྠ་ཡི་གསུམ་པ་སྟེ། །དང་པོའི་གསུམ་པ་ཐོག་ཏུ་སྦྱིན། །ལྔ་པའི་ལྔ་པ་གསུམ་པས་བརྒྱན། །གཉིས་པ་ཡི་ནི་དང་པོ་ལ། །ཨན་ཏསྠ་ཡི་གསུམ་པས་བསྟན། །དབྱངས་ཀྱི་བཅུ་གསུམ་པ་ཡིས་བརྒྱན། །
དྲུག་པ་ཡི་ནི་དང་པོ་དང་། །དབྱངས་ཀྱི་དགུ་པས་གནས་དེར་སྦྱར། །གཉིས་པ་ཡི་ནི་དང་པོ་དང་། །ཨན་ཏས་ཐ་ཡི་གསུམ་པ་དང་། །དེ་ཉིད་ཀྱི་ནི་གཉིས་པ་དང་། །ལྔ་པ་ཡི་ནི་དང་པོ་ལ། །དབྱངས་ཀྱི་བདུན་པས་སྟེང་འོག་སྦྱིན། །ལྔ་པ་ཡི་ནི་
ལྔ་པ་ལ། །དབྱངས་ཀྱི་གསུམ་པ་མགོ་བོར་སྦྱིན། །གསུམ་པ་ཡི་ནི་དང་པོ་ལ། །དྲུང་དུ་ལྔ་པའི་ལྔ་པ་སྦྱར། །ལྔ་པའི་བཞི་པ་དག་དང་སྦྱར། །དང་པོའི་དང་པོའི་དྲུང་དུ་ནི། །གཉིས་པའི་གསུམ་པ་སྦྱར་བ་དང་། །མཐར་གནས་ལས་
ཀྱང་ཕྱི་མ་ཡི། །དེ་ལ་དབྱངས་ཀྱི་གསུམ་པས་བརྒྱན། །ཨན་ཏས་ཐ་ཡི་དང་པོ་ལ། །དབྱངས་ཡིག་བཅུ་གཅིག་པ་ཡིས་བརྒྱན། །བརྒྱད་པ་ཡི་ནི་བཞི་པ་ལ། །དབྱངས་ཡིག་དྲུག་པ་དག་གིས་བརྒྱན། །ཐིག་ལེ་ནཱ་དས་མཛེས་པའོ། །
དྲུག་པ་ཡི་ནི་གཉིས་པ་ཉིད། །བཞི་པ་ཡི་ནི་ཐོག་མ་སྦྱར། །འདི་ནི་གསང་བའི་གཏུམ་པ་མོ། །དྲག་ཅིང་ཤིན་ཏུ་ཆེར་འཇིགས་བྱེད། །ཡིད་བཞིན་ནོར་བུའི་རིགས་འཛིན་གཏེར། །བཀྲ་ཤིས་པ་ནི་ཐོག་མར་སྦྱར། །མཐར་
གནས་པ་ཡི་བཞི་པ་ལ། །དབྱངས་ཡིག་བདུན་པ་སྟེང་འོག་སྦྱར། །ཐིག་ལེ་ནཱ་དས་མཛེས་པ་ཡིན། །ཨུསྨ་ཤ་ཡི་བཞི་པ་ལ། །དབྱངས་ཡིག་དྲུག་པ་དང་སྦྱར་བ། །ཨན་ཏསྠ་ཡི་གཉིས་པ་སྦྱར། །དེ་ཉིད་ཐིག་ལེས་མཛེས་པར་
བྱས། །གཉིས་པའི་དང་པོ་བླང་བྱས་ལ། །དབྱངས་ཀྱི་དགུ་པ་བླང་བ་ཉིད། །དྲུག་པ་ཡི་ནི་ལྔ་པ་ལ། །ཨུསྨ་ཤ་ཡི་བཞི་པ་དང་། །གཉིས་པ་ཡི་ནི་དང་པོ་དང་། །དབྱངས་ཡིག་བཅུ་པ་སྦྱར་བར་བྱ། །བདུན་པ་ཡི་ནི་གཉིས་པ་དང་། །གཉིས་པ་
ཡི་ནི་དང་པོ་དང་། །ལྔ་པའི་དང་པོ་བཏུ་བར་བྱ། །དྲུག་པ་ཡི་ནི་ལྔ་པ་ལ། །དབྱངས་ཡིག་བཅྭ་ལྔ་པ་ཡིས་བརྒྱན། །གཉིས་པའི་ལྔ་པར་གནས་པའོ། །མཐར་གནས་པ་ཡི་གསུམ་པ་དང་། །ལྔ་པ་ཡྀ་ནི་ལྔ་པ་དང་། །དྲུག་པ་ཡི་ནི་བཞི་པ་དང་། །

87-1-105b

ཕྱི་མའི་ཡང་ནི་བཞི་པ་ལ། །ལྔ་པ་ཡི་ཡང་ལྔ་པ་ལ། །དབྱངས་ཀྱི་གསུམ་པས་བརྒྱན་པར་བྱ། །དང་པོ་ཡི་ནི་དང་པོ་དང་། །དྲུག་པ་ཡི་ནི་ལྔ་པ་ལ། །དབྱངས་ཀྱི་ལྔ་པས་བརྒྱན་པར་བྱ། །གཉིས་པ་ཡི་ནི་དང་པོ་དང་། །མཐར་གནས་པ་ཡི་གསུམ་
པ་ལ། །ཨན་ཏསྠ་ཡི་དང་པོ་སྦྱར། །མཐར་གནས་པ་ཡི་གསུམ་པ་དང་། །བདུན་པ་ཡི་ནི་ལྔ་པ་དང་། །དྲུག་པ་ཡི་ནི་བཞི་པ་སྦྱར། །ལྔ་པ་ཡི་ནི་ལྔ་པ་དང་། །དབྱངས་ཀྱི་དགུ་པའི་ཡི་གེ་ལ། །ལྔ་པའི་གསུམ་པ་གདགས་པར་བྱ། །ཨུསྨ་ཤ་ཡི་གསུམ་
པ་ལ། །ལྔ་པའི་དང་པོ་སྦྱར་བར་བྱ། །ཐིག་ལེ་ནཱ་དས་ཡང་དག་བརྒྱན། །དྲུག་པ་ཡི་ནི་གསུམ་པ་དང་། །ཨན་ཏསྠ་ཡི་དང་པོ་སྟེ། །ཡི་གེ་གསུམ་གྱི་བདག་ཉིད་ཀྱིས། །ཉིས་འགྱུར་དག་ཏུ་སྦྱར་བར་བྱ། །ཨུསྨ་ཤ་ཡི་བཞི་པ་ལ། །དང་པོའི་དྲུག་པ་དང་སྦྱར་བ། །
ཨནྟསྠ་ཡི་གཉིས་པ་སྦྱར། །ཐིག་ལེ་ནཱ་དས་བརྒྱན་པར་བྱ། །འདི་ནི་གསང་བའི་ཡུམ་དག་གིས། །སྙིང་པོ་སྦས་པ་མཆོག་གྱུར་པ། །ལྷ་མོ་ནག་མོ་ཡེ་ཤེས་ཆེ། །སྔགས་ནི་དྲག་ཅིང་སྡུད་པའོ། །དེ་ནས་ཡེ་ཤེས་ལྔ་ལྡན་པའི། །རིག་བྱེད་མངོན་སུམ་
དང་པོར་བཞག །དྲུག་པ་ཡི་ནི་ལྔ་པ་དང་། །མཐར་གནས་པ་ཡི་བཞི་པ་ལ། །གཉིས་པ་ཡི་ནི་དང་པོ་ཉིད། །ཨནྟསྠ་ཡི་གསུམ་པ་སྟེ། །དང་པོའི་གསུམ་པ་ཐོག་ཏུ་སྦྱིན། །དང་པོའི་བཅུ་དྲུག་པ་མཐའ་བྱ། །མཐར་ནི་ཧཱུྃ་ཕཊ་སྦྱར་
བར་བྱ། །སྡེ་ཚན་གཉིས་པའི་དང་པོ་ལ། །ཨནྟསྠ་ཡི་གཉིས་པ་སྦྱར། །དང་པོའི་དགུ་པ་བླང་བ་ཉིད། །དྲུག་པ་ཡི་ནི་ལྔ་པ་ལ། །ཐིག་ལེ་ནཱ་དས་བརྒྱན་པའོ། །གཉིས་པ་ཡི་ནི་དང་པོ་ལ། །དྲུང་དུ་དེ་ཉིད་ལྔ་པ་སྦྱར། །གཉིས་
པའི་དང་པོ་དེ་ཉིད་དང་། །དབྱངས་ཀྱི་དགུ་པ་སྦྱར་བར་བྱ། །མཐར་གནས་པ་ཡི་བཞི་པ་ལ། །བདུན་པ་ཡི་ནི་གཉིས་པ་སྦྱར། །དེ་ལ་ཐིག་ལེ་ནཱ་དས་བརྒྱན། །གཉིས་པ་ཡི་ནི་དང་པོ་ལ། །ཨནྟསྠ་ཡི་གསུམ་པ་དང་། །བདུན་
པ་ཡི་ནི་གཉིས་པ་སྦྱར། །ལྔ་པའི་དང་པོ་ཉིད་ལ་འང་། །དབྱངས་ཀྱི་བདུན་པ་སྟེང་འོག་སྦྱར། །བདུན་པ་ཡི་ནི་གཉིས་པ་ལ། །ཐིག་ལེ་ནཱ་དས་མཛེས་བྱས་པའོ། །འདི་དག་ཀུན་གྱི་ཐོག་མ་དང་། །ཐ་མར་ཡང་དག་བརྟེན་པར་

87-1-106a

བྱ། །འདི་ནི་ཌཱ་ཀི་བཞི་དག་གི། །སྙིང་པོ་སྦས་པ་མཆོག་ཏུ་གསུངས། །དཔལ་མགོན་པོ་ཆེན་པོ་དངོས་གྲུབ་འབྱུང་བའི་རྒྱུད་ལས་གསང་སྔགས་རིམ་པར་བསྟན་པའི་ལེའུ་སྟེ་བདུན་པའོ།། །། དེ་ནས་གཞན་ཡང་བཤད་པར་
བྱ། །གསང་བ་སྔགས་ཀྱི་འཁོར་ལོ་ལས། །མཐར་ནི་ཧཱུཾ་ཕཊ་སྦྱར་བར་བྱ། །ལྷ་ཡི་འཁོར་ལོ་རྒྱ་མཚོ་ཉིད། །ལན་ཚྭ་ཆུ་རྒྱུན་འབབ་པའི་ངང་། །གངས་ཀྱི་ཐིགས་པ་བདུད་རྩིའི་ཆུ། །མེ་ཏོག་མདངས་གསལ་སྙིང་པོ་ཡི། །གེ་སར་ཟེ་འབྲུར་ལྡན་པ་ལ། །འདབ་
རྒྱས་ཡེ་ཤེས་ཉི་ཤར་བས། །རང་གྲོལ་མདངས་འབར་རབ་ཏུ་རྒྱས། །རྡོ་རྗེ་རིན་ཆེན་རལ་གྲི་དང་། །འཁོར་ལོ་འབར་བའི་རྩིབས་དག་ལས། །འཁོར་བའི་རྒྱུན་ལས་འོད་ཟེར་འཕྲོ། །སྟེང་འོག་དག་ལས་རིམ་པ་ནི། །འཁྲུག་ཅིང་
གཅོད་པའི་གྲི་གུག་གིས། །ལས་དང་ཕྲིན་ལས་རང་བྱུང་དུ། །བྱེད་ཅིང་བསྐུལ་བའི་ལས་གྲུབ་པ། །ཕྱི་ནང་གསང་བ་རིམ་བཞིན་དུ། །དབབ་དང་སྔགས་པ་ཟློག་པ་སྟེ། །རྩ་བ་ཡན་ལག་ལས་བཞིར་འགྱུར། །དང་པོ་ཐུན་མོང་
དགུ་པ་སྟེ། །གཉིས་པ་བྱེ་བྲག་ཕྱེ་བ་དང་། །བསྐྱེད་པའི་ཡེ་ཤེས་མི་ཟློག་པ། །ཀླུངས་སུ་ཆུད་པ་ཕྱག་རྒྱ་ཆེ། །སྙིང་པོ་གཅིག་ལ་དུས་གསུམ་དུ། །འགྱུར་མེད་དེ་ཉིད་དབྱེ་བ་ཉིད། །གཅིག་ལས་དུ་མའི་ངོ་བོ་ཅན། །འཇིག་རྟེན་པ་དང་ཡེ་
ཤེས་ཆེ། །མི་འགྱུར་བ་དང་འགུགས་པ་དང་། །ལས་རྣམས་བྱེད་པའི་སྲོག་གྱུར་པ། །གསང་སྔགས་འཁོར་ལོ་འདི་དག་ནི། །བྱེ་བྲག་རྣལ་འབྱོར་པས་ཤེས་བྱ། །མ་ཧཱ་ཀཱ་ལ་ཧཱུཾ་ཧཱུཾ་ཕཊ། བཛྲ་མ་ཧཱ་ཀཱ་ལ་ཧཱུཾ་ཕཊ། བཛྲ་
ཀའུ་ཝ་མ་ཧཱ་ཀཱ་ལཱ་ཡ་ཧཱུཾ་ཧཱུཾ་ཕཊ། ན་མོ་རཏྣ་ཏྲ་ཡཱ་ཡ། ཏདྱ་ཐཱ། ཤྲཱི་མ་ཧཱ་ཀཱ་ལཱ་ཡ། ཤཱ་ས་ནྃ་ཨུ་པ་ཧཱ་རཱི་སྨཱ། ཨེ་ཥཱ་པ། མ་ཀཱ་ལཿཨ་ཡྃ། ཨི་དྃ་རཏྣ་ཏྲ་ཡཱ་ཡ། ཨ་པ་ཀཱ་རི་སྨཱ། ཡ་དི་པྲ་ཏི་ཛྙཱ། སྨ་ར་སི་
ཏ་དཱ། ཨེ་དྃ་དུཥྚ་སཏྭ། ཁ་ཁ་ཁཱ་ཧི་ཁཱ་ཧི། མ་ར་མ་ར། གྲཱིཧྞ་གྲཱིཧྞ། བནྡྷ་བནྡྷ། ཧ་ན་ཧ་ན། ད་ཧ་ད་ཧ། པ་ཙ་པ་ཙ། སརྦྦ་དུ། དི་ན་མེ་ཀེ་ན་མཱ་ར་ཡ་ཧཱུཾ་ཧཱུཾ་ཕཊ་སྭཱ་ཧཱ། མ་ཧཱ་ཀཱ་ལི་ནི་ཀྲོ་དྷ་ས་ཀི་ལ་རཀྵི་ཎཱི་ཙཎྜ་ཨཀྵཱི་ཡེ་ཧཱུཾ་ཕཊ། 

87-1-106b

ཨོཾ་ཧྲཱི་ཧཱུྃ་ཀཱ་ལི་མ་ཧཱ་ཀཱ་ལྀ་རཀྟ་མཱྃ་སེ་ན། བྷཀྵ་ཎི་ཨ་ནུ་ཀ་ས་ཡ།   སརྦྦ་ལིྃ་སྟྃ་བྷ་ཡ་ཧཱུྃ་ཕཊ། ཨཱཿམྃ་རྃ་ཧཱུྃ་ཕཊ་སྭཱ་ཧཱ། ཨོཾ་ཀ་རཱ་ལི་མྃ་ཧཱུྃ་ཕཊ། ཨོཾ་ཀང་ཀཱ་ལྃ་ཧྲཱིཿཧཱུྃ་ཕཊ། ཨོཾ་ཀཱ་ལ་ར་ཏྲི་རྃ་ཧཱུྃ་ཕཊ། དེ་ལས་དངོས་དང་ཉམས་སུ་ཡང་། །ནག་པོ་ཆེན་
པོའི་ཞལ་སྟོན་དང་། །ཐ་མ་རྨི་ལམ་ལུང་སྟོན་པ། །མི་ནག་བོང་ཐུང་གསུས་འཕྱང་དང་། །བྱ་ནག་ཁྭ་ཏ་ལ་སོགས་འོང་། །དེ་ཡང་རབ་འབྲིང་ཐ་མ་ཡི། །བྱེ་བྲག་རྟགས་སུ་འཆར་བར་འགྱུར། །གྲངས་ནི་བདུན་འབུམ་དག་དང་ནི། །མངོན་སུམ་གསལ་བའི་
ངེས་པ་འཆར། །ཁྲི་ཕྲག་བདུན་དང་ཁྲི་ཕྲག་དགུ། །སྟོང་ཕྲག་བདུན་གྱིས་ཉེ་བར་འགྱུར། །ཐབས་དང་ཤེས་རབ་བཅས་པ་ཡི། །སྔགས་ཀྱི་སྟོང་ཕྲག་བཅུ་དག་ནི། །དུས་ནི་ཟླ་དྲུག་ཞག་བདུན་པར། །རྣལ་འབྱོར་སྨྲ་བ་བཅད་དེ་བཟླས། །མི་ཚིག་
བར་མ་ཆོད་པ་ཡི། །གསང་སྔགས་ཕྲིན་ལས་ངེས་པར་འགྲུབ། །ཐུན་མཚམས་མཆོད་དང་གཏོར་མ་དང་། །བསྟོད་དང་བཅོལ་བསྐུལ་ལས་ལ་འབད། །རང་ཉིད་ཧེ་རུ་ཀར་གསལ་བ། །རི་རབ་སྟེང་དུ་ཡུམ་བཅས་བསམ། །དེ་མདུན་ནག་པོ་ཆེན་པོ་ཉིད། །
གསལ་བ་བསྐྱེད་ཚུལ་དབྱེ་བ་ཡིས། །རྒྱན་དང་ཆ་ལུགས་རྫོགས་པ་ནི། །མངོན་སུམ་ལྟ་བུར་བལྟ་བར་བྱ། །བདག་དང་མདུན་གྱི་མགོན་པོ་ཡི། །ཐུགས་ཀའི་ས་བོན་རང་སྔགས་ལས། །དེ་ལྟར་སྤྲོ་བསྡུས་ཏིང་འཛིན་བསམ། །དེ་ལྟར་དུས་དང་གཞན་
དུ་ཡང་། །རྟེན་བཅས་དཀྱིལ་འཁོར་བཞེངས་པ་དང་། །རྟེན་བཙུགས་བརྟན་བྱེད་དེ་ཉིད་བསྙེན། །དེ་ནས་རྟེན་བཅས་ཙམ་གྱིས་ནི། །ངེས་པར་དེ་ཡི་མདུན་སོང་བ། །མཆོད་དང་གཏོར་མ་བཤམ་པར་བྱ། །ཤ་ཆེན་བསྲེག་སྤོས་ཕུལ་ནས་ནི། །
དམིགས་པ་གཏོད་པར་བྱེད་པ་དང་། །གང་ལ་བྱ་བའི་སྒྲུབ་བྱ་དེ། །དམིགས་པས་བཀུག་ཅིང་བསྟན་པ་དང་། །གཏོར་མར་དབུལ་ཞིང་བཀའ་བསྒོ་བྱ། །ལྷ་དང་བྲལ་ཞིང་ཉེས་པ་བསྒོ། །དེ་ནས་མ་ཉེས་ཉེས་པ་སྒྲག །དཔང་བཙུགས་
ལས་ལ་བཅོལ་བསྐུལ་བྱ། །དེ་ཡིས་ངེས་པར་འགྲུབ་པར་འགྱུར། །དེ་ལས་ཁྱད་པར་ཕྲིན་ལས་ནི། །ལྷ་སྦྱིན་དང་ནི་མཆོད་སྦྱིན་སོགས། །བསྒྲལ་བའི་ཞིང་དེ་གང་ཡིན་པ། །དེ་ཡི་ཟག་པའི་རྫས་རྣམས་དང་། །ཕུང་ཤུལ་ས་དང་

87-1-107a

གཡུལ་སྤྲད་ས། །གྲོག་མཁར་ས་ལ་སོགས་པ་རྣམས། །བསྡུད་ཆད་ས་ལ་བོང་བུའི་ཆུས། །སྦྲུས་ཏེ་ལིང་ག་སྟ་གོན་བྱ། །དེ་ནས་དབེན་པར་སོང་ནས་ནི། །མར་ངོ་ཡི་ནི་ཚེས་བརྒྱད་དམ། །བཅུ་བཞི་ལ་སོགས་
སྒྲུབ་དུས་ལ། །གཟའ་སྐར་ཤིན་དུ་དྲག་པོ་ལ། །དེ་ནས་འཁོར་ལོ་བྲི་བར་བྱ། །རྒྱུ་ནི་རོ་རས་ཤིང་ཤུན་དང་། །ཞིང་ལྤགས་དག་ལ་དུག་སྣ་དང་། །ཁྲག་དང་དུག་གི་མེ་ཏོག་གི། །དུ་བ་མཚན་ངན་ཐོད་ཆགས་ལ། །མཆོག་
ཕུར་བསྟོད་པའི་སྣག་ཚས་བྲི། །རྒྱ་སྐྱེགས་དག་གིས་བསྲེས་ལ་བྲི། །ཚད་དང་ལྡན་པའི་མུ་ཁྱུད་ནི། །རིམ་པ་བཞི་དང་ལྡན་པ་ལ། །ནང་དུ་ལིང་ཚེ་དགུ་པ་བྱ། །ཕྱོགས་བཞི་དབུས་དང་ལྔ་པོར་ནི། །གྲུ་གསུམ་ནག་པོ་
ས་བོན་བཅས། །ལས་རྣམས་བྱེད་པ་རླུང་ཡིག་དང་། །མ་ཧཱ་ཀཱ་ལ་འབྲུ་བཞི་དང་། །སྟེང་ནོན་ཨོཾ་དང་བཛྲ་སྟེ། །དེ་ཡི་ཕྱིར་མི་རྩིབས་བརྒྱད་ལ། །ཨ་མུ་ཀྃ་དང་བ་ཡི་ནི། །ཡི་གེ་བཅུ་གསུམ་གཉིས་གཉིས་པ། །
གཡས་སྐོར་དག་ཏུ་དགོད་པར་བྱ། །དེ་ཡི་ཕྱི་རིམ་པད་འདབ་བརྒྱད། །སྒོ་མཚམས་ལྷ་མོའི་འཁོར་ལོའི་སྔགས། །མིང་སྤེལ་བཅས་པ་དགོད་པར་བྱ། །དེ་ཡི་ནང་གི་གྲུ་ཆད་བཞིར། །ཧཱུྃ་གཉིས་ཕཊ་དང་བཅས་པ་
ལ། །མིང་སྤེལ་བཅུག་ལ་བྲི་བར་བྱ། །ཁྱད་པར་སྦས་པའི་འཁོར་ལོ་ནི། །དབུས་སུ་རླུང་གི་ས་བོན་ཉིད། །ཕྱོགས་བཞིར་མཁའ་འགྲོ་མ་བཞི་གནས། །ཕྱོགས་བཞིར་སྔགས་ཀྱི་ཕྲེང་བ་ལས། །ཕྱི་རོལ་རྩིབས་
ལ་གཅོད་པའི་སྔགས། །འདབ་བརྒྱད་ཆ་ལ་ཙཎ་ཌི་ཀ །མཐའ་རྟེན་སྔ་མ་དག་དང་མཚུངས། །ཡང་ན་རིམ་པ་གསུམ་པ་ཡི། །གསང་སྔགས་མ་ཧཱ་ཀཱ་ལ་ཡི། །ཕྲིན་ལས་ཁྱད་པར་དགོད་པར་བྱ། །འདིས་ནི་ཤིན་དུ་མངོན་
སྤྱོད་མྱུར། །ཐབས་དང་ཤེས་རབ་ཁྱད་པར་དང་། །སྟེང་འོག་བར་གྱི་དབྱེ་བ་ཡིས། །ཟངས་དང་ལྕགས་ཀྱི་གྲི་གུག་གིས། །བླ་དང་ཚེ་སྲོག་དོན་སྙིང་ལ། །མྱུར་དུ་འཁོར་བས་གཅོད་པར་བྱེད། །སྡུད་བྱེད་འཕྲོག་ཅིང་ལེན་པའི་སྲོག །བསྒྲལ་

87-1-107b

བ་རྡོ་རྗེ་རིགས་ཀྱི་ལས། །ཐུན་མོང་དུ་ནི་བྱ་བ་ཡིན། །ཁྱད་པར་འཁོར་ལོ་དྲིལ་བྱ་སྟེ། །དུས་ཀྱི་རིམ་པས་ལས་ལ་སྦྱར། །འདི་ནི་ཀུན་དུ་མནན་པ་སྟེ། །ལས་ཀྱི་གཤིན་རྗེའི་གནས་སུ་གཏད། །འཁོར་ལོ་ལ་ཡང་བསྙེན་པ་དང་། །
བསྒྲུབ་པ་གོ་རིམ་ནོར་མི་བྱ། །འདིས་ནི་བྱ་བ་མི་འགྲུབ་མེད། །དཔལ་མགོན་པོ་ཆེན་པོ་དངོས་གྲུབ་འབྱུང་བའི་རྒྱུད་ལས་གསང་སྔགས་དང་འཁོར་ལོ་བསྒྲུབ་པའི་ལེའུ་སྟེ་བརྒྱད་པའོ།། །། དེ་ནས་གཞན་ཡང་བཤད་བྱ་བ། །དཔལ་
ལྡན་ནག་པོ་ཆེན་པོ་ཡི། །རྣལ་འབྱོར་ཏིང་འཛིན་ལ་ཞུགས་ཏེ། །མངོན་པར་སྤྱོད་པ་བརྩམ་པར་བྱ། །ཁྱད་པར་དུར་ཁྲོད་པ་ཡི་ཤིང་། །ལྷ་འདྲེ་གཏུམ་པོ་གནས་པ་ལས། །མ་མོའི་བྱེ་བྲག་བརྟགས་པ་ལས། །བཅད་པ་
མགོ་མཇུག་མ་ནོར་བར། །གཉིས་བཤགས་དེ་ནས་སྔགས་བྲིས་ལ། །བསྡམས་ཏེ་ཟླ་བ་མིག་གིས་ནི། །ཕྱེ་བའི་བདུན་ཕྲག་གསུམ་པ་ལ། །ལེགས་པར་གཞན་སྟེ་ཚད་དུ་བྱ། །དཀྱིལ་འཁོར་གྲུ་གསུམ་པ་ལ་
གཟུགས། །གཞན་ཡང་བསྒྲུབ་བྱའི་གཟུགས་དག་ནི། །ཟུར་གསུམ་ཚུད་པ་སྔགས་དང་བཅས། །མིང་སྤེལ་བསྐུལ་ཚིག་ལྡན་པ་ནི། །གྲངས་ནི་རབ་འབྲིང་ཐ་མ་སྟེ། །ཅི་རིགས་པར་ནི་བྱ་བར་གསུངས། །ཡང་ན་རོ་སྒྲོམ་
ཤིང་ལ་ཡང་། །བྱང་བུ་བྱས་ལ་ལིང་ག་བྲི། །གཞན་དུ་མགོན་པོ་ཡབ་ཡུམ་གྱི། །འཁོར་ལོ་ལེགས་པར་བྲིས་པ་དང་། །བསྒྲུབ་བྱ་སྲོག་གི་འཁོར་ལོ་ནི། །གྲི་གུག་ལྔ་པ་འཁོར་བ་དག །དེ་དག་བར་དུ་བཅུག་པ་
དང་། །ཡང་ན་མགོན་པོའི་འཁོར་ལོ་དང་། །བསྒྲུབ་བྱ་དུ་ཡོད་ལིང་ག་རྣམས། །དེ་ཡི་ནང་དུ་དྲིལ་བར་བྱ། །འཁོར་ལོ་ཚོན་སྐུད་རྣམ་ལྔས་བཀྲི། །དེ་ཡི་ཕྱི་རོལ་ཀུ་ཤ་ཡི། །རྩྭ་ཡི་མི་གཟུགས་བྱས་ནས་ཀྱང་། །རང་
མདུན་གྲུ་གསུམ་ནག་པོ་ཡི། །ནང་དུ་གཟུགས་དེ་གཞུག་པར་བྱ། །དེ་ལ་ལྷ་དང་དབྱེ་བ་དང་། །ཉེས་པ་བསྒོ་ཞིང་བསྒྲག་པར་བྱ། །དེ་ནས་བདག་ཉིད་ལྷ་དང་ནི། །མདུན་དུ་ནག་པོ་ཆེན་པོ་ནི། །ཞལ་གཅིག་ཕྱག་བཞི་འཇིགས་པའི་

87-1-108a

གཟུགས། །ཡུམ་དང་བཅས་པ་བསྐྱེད་པ་དང་། །སྤྱན་དྲང་མཆོད་ཅིང་བསྟིམ་པར་བྱ། །ལས་མགོན་རྣམས་དང་མ་མོ་བཞི། །རྒྱལ་ཆེན་བཞི་དང་ཕྱོགས་སྐྱོང་བཅུ། །ལྷ་སྲིན་སྡེ་བརྒྱད་མ་ལུས་དང་། །གཞན་
ཡང་དུར་ཁྲོད་ཤ་ཟ་དང་། །མ་མོ་རོ་ལངས་ལྕེ་སྤྱང་དང་། །སྟག་དང་དྲེད་དང་བྱ་གཅན་སོགས། །བྱ་རོག་ཁྭ་ཏ་ལ་སོགས་པ། །ཡོངས་སུ་བསྐོར་ཅིང་ཕྲིན་ལས་བྱེད། །དེ་ནས་རང་དང་མགོན་པོ་དང་། །ལྷ་མོ་བཞི་ལ་སོགས་པ་ཡི། །ས་བོན་ལས་ནི་
འོད་ཟེར་ཡང་། །ལྕགས་ཀྱུ་ལྟ་བུ་དཔག་མེད་པས། །བསྒྲུབ་བྱ་དེ་དག་མ་ལུས་པ། །སྙིང་གི་སྲོག་རྩ་ནས་དྲངས་ཏེ། །རང་དབང་མེད་པར་རླུང་གིས་བཏེག །མྱུར་དུ་འོངས་པ་མདོག་ཉམས་པ། །རིད་ཅིང་སྐྲ་འཛིངས་ཤིན་ཏུ་འདར། །ཡེད་ཡེད་
སྡང་ཞིང་སྐྲག་པ་དེ། །ཞགས་པས་བཅིངས་དང་བསྡམས་པ་དང་། །དྲིལ་བུ་ལ་སོགས་སྒྲ་ཡིས་ནི། །ཤིན་དུ་དབང་པོ་མྱོས་གྱུར་ཏེ། །དེ་ཡི་རྣམ་པར་ཤེས་པ་ནི། །མིང་དང་བཅས་པའི་གཟུགས་ལ་བསྟིམ། །དེ་ཡི་དུས་སུ་གསང་སྔགས་ནི། །
ཕྲིན་ལས་སྔགས་རིངས་མཐའ་རུ་ནི། །ཨཱ་ཀར་ཥ་ཡ་ཛཿཞེས་བརྗོད། །མགོན་པོ་ནག་པོ་ཡབ་ཡུམ་གྱི། །ལྟེ་བར་གྲུ་གསུམ་ལྕགས་ཁང་ནི། །བཙོན་དོང་མུན་ཁང་གནས་པ་བསམ། །དེ་ལས་ཐར་དུས་མེད་པར་བྱ། །དེ་ནས་དོང་དེ་རོ་
གཡམ་ལ། །རྡོ་རྗེ་རྒྱ་གྲམ་བྲིས་པས་མནན། །མཐའ་མར་ལས་སྦྱོར་དུས་སུ་ཡང་། །བསྒྲུབ་བྱའི་ཐེམ་པའམ་ལམ་དག་ཏུ། །མནན་པ་བྱས་ལ་ཕྲིན་ལས་བཅོལ། །གལ་ཏེ་དེ་ཉིད་སྦྱིན་སྲེག་གིས། །ལས་སྦྱོར་བསྒྲུབ་བྱའི་ཆུ་རྗེས་སོགས། །དྲི་
མ་གོས་དང་སྐྲ་སོགས་དང་། །ཚ་བ་གསུམ་དང་དུག་སྣ་དང་། །ཁྲག་དང་སྐྱེ་ཚེ་ཤང་ཚེ་དང་། །ད་དྷུ་ར་དང་རེ་ལ་སོགས། །ས་སྣ་གཞན་དང་སྦྱར་བར་བྱ། །བོང་བུའི་ཆུ་དང་བསྲེས་ནས་ནི། །འཇིམ་པ་བྱས་ལ་གཡོག་པར་བྱ། །དུག་ཆུ་རོ་
སོལ་དག་གིས་ནི། །དེ་ལ་བྱུག་ཅིང་གནས་ལྔ་རུ། །སེང་ལྡེང་ལྕགས་ཕུར་བཏབ་ལ་གཞག །དེ་ཡི་ལུས་པོ་ཐམས་ཅད་ལ། །སྤྲ་ཚིལ་གྱིས་ནི་བྱུག་པར་བྱ། །དེ་ལ་དྲག་པོའི་ཤིང་གི་ནི། །ཚེར་མ་སྣ་ཚོགས་བཙུགས་ལ་གཞག །

87-1-108b

གྲུ་གསུམ་ཨེ་ཡི་ནང་དུ་ནི། །དེ་གཟུགས་ཕྱི་གན་དག་ཏུ་གཞག །ཁ་ནང་དུར་ཁྲོད་ཐལ་བས་བརྫང་། །དེ་ནས་དོང་ཁ་བཅད་ལ་གཞག །དེ་ལ་ཐུན་བཞར་བྱ་བའམ། །དུས་དྲུག་དག་ཏུ་བྱ་བ་ནི། །རྣལ་འབྱོར་པ་ཡིས་ལྷོར་བལྟས་ལ། །ཉིན་
ཕྱེད་མཚན་ཕྱེད་དུས་སུ་བྱ། །ཡང་ན་དུས་བཞིར་ལས་ལ་སྦྱར། །ཕྱོགས་ཀྱི་ཌཱ་ཀི་བཞི་ཡིས་ནི། །དགུག་གཞུག་བསྟིམ་དང་བསྔགས་པར་བྱ། །དེ་ནས་ཐོད་པ་མཚན་ངན་དུ། །ཡུངས་ཀར་ཉུངས་ནག་ལ་སོགས་པའི། །ཐུན་རྫས་
རྣམས་ལ་སྔགས་བཟླས་ཤིང་། །དུས་དུས་དག་ཏུ་བརྡེག་པར་བྱ། །སྐབས་སྐབས་དུག་གི་ཆུ་ཡིས་བརྡེག །གལ་ཏེ་གུ་གུལ་ནག་པོ་དང་། །ཤ་ཆེན་དག་གིས་བདུག་པར་བྱ། །ཡང་ན་འབྲས་བུ་མེ་ལ་ནི། །སྤྲ་ཚིལ་མ་ཞུ་ཙམ་
དུ་བསྲོ། །དེ་ནས་སྔགས་ཀྱིས་བརྡེག་པར་བྱ། །འདིས་ནི་ཉེ་བར་འགྲུབ་པར་འགྱུར། །དེ་ལྟར་ཆོ་གའི་ཐབས་འདི་ཡིས། །དགྲ་ཡི་ཁང་པར་བྱ་རོག་དག །མང་པོ་འབའ་ཞིག་སྐད་འདོན་དང་། །ལུས་ལ་ཚ་བས་ཐེགས་ལ་སོགས། །
དུ་མའི་ཆོ་འཕྲུལ་འབྱུང་བར་འགྱུར། །དང་པོར་ནང་རྟགས་གསལ་བར་འཆར། །ཕྱི་རྟགས་རིམ་གྱིས་འབྱུང་བར་འགྱུར། །དཔལ་མགོན་པོ་ཆེན་པོ་དངོས་གྲུབ་འབྱུང་བའི་རྒྱུད་ལས་དྲག་པོའི་མངོན་སྤྱོད་བསྟན་པའི་ལེའུ་སྟེ་དགུ་པའོ།། །། 
དེ་ནས་གདུག་པ་འདུལ་དོན་དུ། །ནག་པོ་ཆེན་པོ་ཁྲོས་པ་ཡི། །བསྒྲུབ་པའི་རིམ་པ་མཆོག་གྱུར་པ། །གཞན་ཡང་རབ་ཏུ་བཤད་པར་བྱ། །རྗེ་བཙུན་ཧེ་རུ་ཀ་དཔལ་དང་། །ནག་པོ་ཆེན་པོའི་ལྷ་ཚོགས་རྣམས། །ནམ་མཁར་མངོན་པར་
བལྟས་ནས་ནི། །བདུན་པོ་ཡོངས་སུ་དག་པར་བྱ། །བཟོད་པར་གསོལ་ལ་གཤེགས་སུ་གསོལ། །དེ་རྗེས་སྟོང་པའི་ངང་ལས་ནི། །ཚད་མེད་བཞི་པོ་བསམ་པར་བྱ། །བྱང་ཆུབ་སེམས་ཀྱི་ངང་ལས་ནི། །པད་མ་ཟླ་ཉིར་
གནས་པ་ཡི། །ཧཱུྃ་ཡིག་ནག་པོ་བསམ་པར་བྱ། །དེ་ཡི་འོད་ཀྱིས་ཁྱབ་པ་ལས། །བསྡུས་ཤིང་སྐད་ཅིག་ཡོངས་གྱུར་པ། །དཔལ་ལྡན་ནག་པོ་ཆེན་པོ་ནི། །ཞལ་གཅིག་པ་ལ་སྤྱན་གསུམ་པ། །ཕྱག་གཉིས་སྐུ་མདོག་ཤི་

87-1-109a

ཏུ་ནག །དབུ་སྐྲ་ཁམ་ནག་གྱེན་དུ་བརྫེས། །གཡས་པ་གཤིན་རྗེའི་ལྕེ་འདྲ་བའི། །གྲི་གུག་རྣོན་པོ་འཛིན་པར་མཛད། །གཡོན་པ་ཐོད་པ་ཁྲག་བཀང་བསྣམས། །ཐོད་པས་སྐྲ་མཚམས་བཅིངས་པ་དང་། །ཡན་ལག་
ཐུང་ཞིང་རགས་པའི་གཟུགས། །མཆེ་གཙིགས་འཇིགས་སུ་རུང་བ་སྟེ། །ལྟོས་འགྲོ་བརྒྱད་དང་རིན་ཆེན་བརྒྱད། །རྒྱུ་མའི་ག་ཤ་སྟག་ལྤགས་ཅན། །མི་མགོ་རློན་པའི་ཕྲེང་བ་འཕྱང་། །ཞལ་ནས་ཁྲག་འཛག་གད་རྒྱངས་ཅན། །ཕྱག་
རྒྱ་དྲུག་གིས་སྐུ་ལ་སྤྲས། །དྲག་པོའི་ཉམས་དང་ལྡན་པ་སྟེ། །སྐད་ཅིག་ཙམ་གྱིས་བསྐྱེད་པར་བྱ། །དེ་ཡི་ཐུགས་ཀར་ཉི་མ་ལ། །ཡེ་ཤེས་སེམས་དཔའ་གསལ་བར་དམིགས། །ཏིང་འཛིན་སེམས་དཔའ་དང་བཅས་པ། །རྟེན་
དང་རྟེན་པར་བཅས་པ་བསམ། །དེ་ལ་འདི་ཡི་གསང་སྔགས་བྱུང་། །ཨོཾ་བཛྲ་མ་ཧཱ་ཀཱ་ལཱ་ཡ་ཧཱུྃ་ཧཱུྃ་ཕཊ། ཇི་སྲིད་སྐྱོ་བར་མ་གྱུར་པ། །གསང་སྔགས་ཕྲེང་བ་བཟླས་པར་བྱ། །དེ་ནས་ཤ་ཆེན་སྤོས་བསྲེག་ཅིང་། །གཞན་ཡང་དུག་དང་
ཁྲག་ལ་སོགས། །བདུག་པའི་དུ་བས་མཆོད་པར་བྱ། །མ་ཤ་འབྲས་དང་སོ་བ་དང་། །འབྲུ་ནག་མེ་ཏོག་བྱུག་པ་དང་། །སྒྲོན་མ་ལྔ་དང་མི་འཆི་ལྔ། །ཁུ་བ་ཆན་དང་ཆང་ལ་སོགས། །གཏོར་མ་ནག་པོ་ཆེ་ལ་དབུལ། །མཆོད་དང་
བསྟོད་པ་ཚུལ་བཞིན་བྱ། །འདི་ཡི་ཉེ་བར་སྤྱད་པ་ནི། །བསྒྲུབ་བྱའི་ཟག་པའི་རྫས་རྣམས་དང་། །ཚ་བ་གསུམ་ལ་སོགས་པ་ལ། །གང་གི་མིང་དང་བཅས་པའི་གཟུགས། །བྱས་ཏེ་དུག་གིས་བྱུགས་ནས་ཀྱང་། །ཚེར་མས་བཀང་སྟེ་ཐབ་ཁུང་དུ། །འབྲས་ཕུབ་མེ་ལ་
གདུང་ལ་སོགས། །བྱ་བ་སྣ་ཚོགས་ལས་བྱས་ན། །སྐད་ཅིག་གིས་ནི་བརླག་པར་བྱེད། །རྡོ་རྗེ་སློབ་དཔོན་སྨོད་བྱེད་ཅིང་། །སངས་རྒྱས་བསྟན་པ་འཇིག་བྱེད་པ། །དཀོན་མཆོག་གསུམ་ལ་སྡང་བ་དང་། །སེམས་ཅན་ཀུན་ལ་འཚེ་བ་རྣམས། །འདི་དག་ནག་པོ་
ཆེན་པོས་སྒྲོལ། །ཡན་ལག་དག་གི་ཤ་ཆོད་ལ། །མགོན་པོ་ནག་པོའི་ཞལ་དུ་གསོལ། །ཡང་ན་དེ་ཡི་སྤྱི་ནས་ནི། །ཏིལ་ཙམ་དུ་ནི་མཛད་དུ་གསོལ། །ཁྲག་གི་རྒྱུན་ཡང་འཐུང་བར་མཛོད། །དེ་ལྟར་ཕྲིན་ལས་ལས་བཅོལ་བྱ། །དེ་ནས་སྦྱིན་

87-1-109b

སྲེག་བརྩམ་པར་བྱ། །ཕུང་ཤུལ་གཡུལ་སྤྲད་ལ་སོགས་པ། །དུར་ཁྲོད་སོལ་བས་བྱུག་བྱས་ཏེ། །གྲུ་གསུམ་རིམ་པ་ཁ་སྒྱེར་ལྡན། །དེ་ཡི་ནང་དུ་དྲག་པོའི་ཤིང་། །ཚེར་མ་ཅན་གྱིས་བརྩིག་པར་བྱ། །མཆོད་དང་བསྲེག་རྫས་གཏོར་མ་དང་། །
བསྒྲུབ་བྱའི་ལིང་ག་ཤ་ཆེན་དང་། །ཡུངས་ཀར་བཅས་པས་ཡོངས་སུ་བསྐོར། །སྔགས་པས་ལྷོར་བལྟས་ཏིང་འཛིན་ཞུགས། །མེ་ལྷ་བསྐྱེད་ཅིང་དགུག་གཞུག་བྱ། །ལིང་ག་ཕུར་བཏབ་བཏུབས་བྱས་ལ། །མེ་སྦར་བསྲེགས་པས་
ལྷ་ལ་མཆོད། །གསང་སྔགས་འདོད་ཡོན་སྒྱུར་ལྡན་པ། །ཕྲག་གཅིག་གིས་ནི་ལན་ཅིག་སྟེ། །ལན་གྲངས་རོལ་མཚོའི་ཁྱད་པར་གྱིས། །ཕྱིར་མི་ཟློག་ཅིང་སྲོག་གཏོར་བྱེད། །དེ་རྗེས་གསོལ་གདབ་བཅོལ་བསྐུལ་བྱ། །ཤིན་དུ་མྱུར་
བར་རྟགས་རྣམས་འགྲུབ། །ནག་པོ་ཆེན་པོའི་གསང་བའི་ལས། །མ་གྲུབ་ལན་གསུམ་སྤོབས་པ་དང་། །ས་བོན་འཕྲོག་ཅིང་གཅུད་པས་འགྲུབ། །དཔལ་མགོན་པོ་ཆེན་པོ་དངོས་གྲུབ་འབྱུང་བའི་རྒྱུད་ལས་དྲག་པོའི་སྦྱིན་སྲེག་བསྟན་
པའི་ལེའུ་སྟེ་བཅུ་པའོ།། །། དེ་ནས་དཀྱིལ་འཁོར་ཆེན་པོ་ཡི། །དུར་ཁྲོད་གནས་པའི་ཞིང་སྐྱོང་དང་། །ཉི་ཤུ་རྩ་བཞིའི་ཞིང་སྐྱོང་བཅས། །དེ་དག་རིམ་པ་བཤད་པར་བྱ། །རྡོ་རྗེ་རིགས་ཀྱི་ཕོ་ཉ་མོ། །དྲུག་བཅུ་རྩ་བཞིའི་ཕྲིན་
ལས་དང་། །འདི་ཉིད་གསང་བའི་མགོན་པོ་ཡི། །ཐབས་མཆོག་འདི་ནི་ཀུན་དུ་སྦས། །དཔལ་ལྡན་མགོན་པོ་རྡོ་རྗེ་ཅན། །ཁོ་བོ་དེ་བཞིན་གཤེགས་པའི་སྐུ། །དཀྱིལ་འཁོར་དབུས་བཞུགས་དཔའ་བོ་ནི། །
ཤིན་དུ་འགྱིང་ཞིང་འབར་བའི་སྐུ། །ལིང་ཚེ་དགུ་པའི་དབུས་སུ་ནི། །སྣ་ཚོགས་པད་མ་ཉི་དབུས་ལ། །དཔའ་བོ་ཆེན་པོ་ཕྱེད་དཀྱིལ་ཚུལ། །ཞལ་གཅིག་པ་ལ་ཕྱག་བཞི་པ། །སྤྱན་གསུམ་བྱི་རུ་ལ་ལྟར་དམར། །སྐུ་
མདོག་སྔོན་པོ་འཇིགས་ཆེན་པོ། །ཐོད་པའི་ཕྲེང་བས་རྣམ་པར་བརྒྱན། །ཕྱག་རྒྱ་ལྔ་ལྡན་གར་གྱིས་རོལ། །དང་པོས་གྲི་གུག་ཐོད་པ་དང་། །གཉིས་པ་རལ་གྲི་ཁ་ཊྭཱྃ་ག །ཀླུ་བརྒྱད་རྒྱན་གྱི་ཕྲིན་ལས་ཅན། །དེ་ཡི་ཐུགས་ཀར་

87-1-110a

གནས་པ་ཡི། །ས་བོན་སྤྲོ་དང་བསྡུ་བའི་དངོས། །ཨོཾ་མ་ཧཱ་ཀཱ་ལ་ཨཱ་ཀཪྵ་ཡ་མ་མ་པྲ་ཤ་མ་ན་ཡ་ཧ་ས་མ་ཡ་སྟྭཱྃ། ཐམས་ཅད་སྡུད་ཅིང་དབང་བྱེད་པ། །སྐད་ཅིག་ཙམ་གྱིས་བསྐྱེད་པར་བྱ། །དེ་ཡི་ཤར་གྱི་ལིང་ཚེ་ལ། །
དྲག་པོ་ཤིན་དུ་འཇིགས་པ་སྟེ། །ཞལ་གཅིག་ཕྱག་བཞི་སྤྱན་གསུམ་པ། །མཐིང་ནག་རྔམ་པའི་ཚུལ་དུ་གནས། །དེ་ཡི་མདུན་དུ་རྒན་བྱེད་མ། །གཡས་སུ་མི་སྡུག་དྲག་མོ་ཆེ། །གཡོན་དུ་འཇིགས་མ་གནས་པ་དང་། །རྒྱབ་ཏུ་ཨུ་མ་རྣམ་པར་རོལ། །ནག་
པོའི་ལྷོ་ཡི་ཕྱོགས་སུ་ནི། །དྲག་པོ་ཆེན་པོ་དུ་བའི་མདོག །ཞལ་གཅིག་ཕྱག་བཞི་སྤྱན་གསུམ་པ། །ཐོད་ཕྲེང་གིས་བརྒྱན་གཙིག་པའི་ཚུལ། །དེ་ཡི་མདུན་དུ་རྣམ་རྒྱལ་མ། །གཡས་སུ་རྣམ་པར་རྒྱལ་བ་མ། །རྒྱབ་ཏུ་མི་
སྡུག་མ་གནས་ལ། །གཡོན་དུ་གཞན་གྱིས་མི་ཐུབ་མའོ། །ལྷ་གཏེར་མཉམ་གནས་ནུབ་ཕྱོགས་སུ། །ཞལ་གཅིག་ཕྱག་བཞི་སྤྱན་གསུམ་པ། །མདོག་སེར་རྒྱུ་མའི་ཕྲེང་བས་དཀྲིས། །ཤིན་དུ་བཞད་པའི་ཚུལ་དུ་གནས། །
དེ་ཡི་མདུན་དུ་ནག་མོ་ཆེ། །གཡས་སུ་དྲག་ཆེན་དྲག་ཤུལ་ཅན། །རྒྱབ་ཏུ་ནག་སྦོམ་མ་ནི་གནས། །གཡོན་དུ་བཟང་མོ་མཆེ་བ་ཅན། །ནག་མོ་ཁྱབ་བྱེད་བྱང་ཕྱོགས་སུ། །ཞལ་གཅིག་ཕྱག་བཞི་སྤྱན་གསུམ་པ། །ཆར་སྤྲིན་
ནག་པོའི་མདོག་འདྲ་བ། །ཤིན་དུ་གདངས་ཤིང་ལྗགས་འདྲིལ་བ། །དེ་ཡི་མདུན་དུ་དབང་མོ་སྟེ། །གཡས་སུ་ཟླ་བ་མོ་ཞེས་བྱ། །རྒྱབ་ཏུ་དྲག་ཏུ་སྡང་བ་ལ། །གཡོན་དུ་རྣ་བ་འཕྱང་བའོ། །གཙོ་བོ་ནག་པོ་ཆེན་པོ་ནི། །
ཤར་ལྷོ་མཚམས་ཀྱི་གནས་བཞུགས་པ། །གཙིགས་པ་ཅན་ནི་ཤེལ་གྱི་མདོག །སྟག་ལྤགས་གོས་ཀྱིས་དཀྲིས་པའོ། །མདུན་དུ་ལྷ་མོ་འཕྲོག་བྱེད་མ། །གཡས་སུ་འབར་བྱེད་མ་གནས་ལ། །དེ་ཡི་རྒྱབ་ཏུ་འཇིབ་བྱེད་མ། །
གཡོན་དུ་ཡུལ་སྐྱོང་མ་གནས་སོ། །གཙོ་བོར་གྱུར་པའི་སྐུ་ཡི་ནི། །ལྷོ་ནུབ་མཚམས་སུ་བཞུགས་པ་ནི། །མི་སྡུག་པ་ནི་དཱུར་བའི་མདོག །ཤིན་དུ་མི་སྲུན་གཟུགས་འཆང་བ། །གཟིག་གི་ཀོ་བ་རློན་པས་དཀྲིས། །མདུན་དུ་འཇིགས་

87-1-110b

བྱེད་དྲག་མོ་ཆེ། །གཡས་སུ་གཟུགས་ཆེན་མོ་ཞེས་བྱ། །རྒྱབ་ཏུ་མཆེ་བ་གཙིགས་མ་སྟེ། །གཡོན་དུ་ཐོད་ཅན་མ་ཡིན་ནོ། །ནག་པོ་ཆེན་པོའི་སྐུ་ཡི་ནི། །ནུབ་བྱང་མཚམས་ཀྱི་གྲྭར་བཞུགས་པ། །དགའ་བར་ལྡན་པ་པད་དམར་མདོག །
གླང་པོའི་ལྤགས་པ་འཛིན་པའོ། །དེ་ཡི་མདུན་དུ་ཐོད་ཕྲེང་འཛིན། །གཡས་སུ་ཕྲེང་བ་འཛིན་མ་སྟེ། །རྒྱབ་ཏུ་ཏྲི་ཤུལ་འཛིན་མའོ། །གཡོན་དུ་ལྟོས་འགྲོ་བསྣམས་པའོ། །གཙོ་བོ་ནག་པོ་ཆེན་པོ་ཡི། །བྱང་ཤར་མཚམས་སུ་གནས་པ་
ནི། །ལོག་སྲེད་ཅན་གྱི་རྫ་གསར་མདོག །སྤྲེའུའི་ལྤགས་པ་འཛིན་པ་མོ། །དེ་ཡི་མདུན་དུ་རལ་གྲི་མ། །གཡས་སུ་དགྲ་སྟ་འཛིན་མ་སྟེ། །རྒྱབ་ཏུ་རྡོ་རྗེ་མདའ་ཐོགས་མ། །གཡོན་དུ་རྡོ་རྗེ་གཞུ་མའོ། །ཁྲོ་བོའི་ཕོ་ཉ་འདི་དག་ནི། །ཞལ་གཅིག་ཕྱག་
བཞི་གར་གྱིས་རོལ། །དང་པོ་གྲི་གུག་ཐོད་པ་འཛིན། །གཉིས་པས་ཌ་མ་རུ་དང་ནི། །ཏྲི་ཤཱུ་ལ་ནི་འཛིན་པར་མཛད། །ཕོ་ཉའི་རྣལ་འབྱོར་མ་འདི་དག །འདི་དག་ཕལ་ཆེར་ཞལ་གཅིག་ལ། །ཕྱག་གཉིས་གྲི་གུག་ཐོད་པ་ཅན། །ནག་མོ་
སེར་དང་དམར་ལྗང་སྟེ། །ཕྱག་རྒྱ་ལྔ་དང་ལྡན་པའོ། །དུར་ཁྲོད་གནས་སུ་རོལ་པར་མཛད། །ཕོ་བྲང་དེ་ཡི་ཕྱི་རོལ་དུ། །ཞིང་སྐྱོང་རྣམས་ཀྱིས་ཡོངས་སུ་བསྐོར། །ཀ་ཊ་ཧ་རེ་ཀ་ཏྃ་ཤིང་། །ཤན་ཏི་པ་ལ་ཡབ་ཡུམ་ཅན། །ཀོལླ་ཀིར་ནི་
རོ་ཡི་ཤིང་། །གྷན་དྷ་པཱ་ལ་ཡུམ་དང་ལྡན། །དྷ་ར་པར་ཏ་པ་ཡི་ཤིང་། །ཨྃ་གི་པཱ་ལ་ཡབ་ཡུམ་སྦྱོར། །ཀོ་ཊིར་དྷི་བ་པ་དྷི་ཤིང་། །ཛྭཱ་ལ་པཱ་ལ་ཡབ་ཡུམ་སྦྱོར། །བྷ་རི་ཙར་ཏེ་ཨ་འབྲའི་ཤིང་། །ཤྭ་ར་དྷ་ས་གཉིས་མེད་གནས། །
ཨོ་ཊ་དབྱངས་ཅན་ཀ་ན་ཀའི། །ཀ་པཱ་ལ་ཡི་ལྷ་སྲུབ་བྱེད། །ས་ཊ་བྷ་རུར་ཛཱ་ཏིའི་འབྲས། །གྷན་སྟོད་ད་པ་ལྷན་ཅིག་སྦྱོར། །ཨོ་ལ་པུ་རིར་ཧ་ཏི་པ་ཡི་རྣ་བ་ཅན། །ཧ་ན་མོ་ཧ་ཡབ་ཡུམ་སྦྱོར། །ཀརྨི་ར་བར་རྩ་བའི་སྡོང་། །
ཙན་དྲ་ས་ནི་གོ་ཊའི་བདག །མ་རི་ཎ་བར་ཐང་སྒྲོན་ཤིང་། །བྱིན་པ་ཀྵེ་ཏྲ་པཱ་ལར་ལྡན། །ནཱ་ག་བ་རར་ས་ཤིང་ཅན། །ཀེང་རུས་ལྡན་པ་རོལ་པར་འགྱུར། །སུཎཌེ་པར་རི་ཛཱ་ལུའི་ཤིང་། །པུ་ཡྀ་རྐང་པ་རྟག་ཏུ་རོལ། །

87-1-111a

ཛཱ་ལ་དྷ་རར་ཁང་བརྩེགས་ཤིང་། །བུམ་པ་ཅན་དེ་བདེ་བར་རོལ། །བྷ་སྣ་གུ་བར་དྲག་ཀློག་འཁྲུག །ཛཱ་ཊ་ཏྲི་པ་མཉམ་པར་གནས། །སོ་ས་པར་ནི་ཏྲིལ་ཤའི་ཤིང་། །སྒྲ་གཅན་སྒྲོགས་པའི་ཡུམ་དང་བཅས། །ཙ་རི་ཊ་པའི་ཀ་རན་ཙར། །
མཛེས་པ་ཤཀ་ཏི་ཅན་ཡུམ་ལྡན། །ཨོ་ཊ་ཡ་པར་ཨ་ཤོ་ཀའི། །ཤིན་དུ་སྒྲ་གཅན་གསང་མོར་བཅས། །གཟུང་འཛིན་ས་སར་ཀ་ཀོ་ལི། །སྲེད་པ་དཔའ་བོ་དབང་ཕྱུག་བཅས། །ཀྵི་རི་ཀེ་པར་ས་ལའི་ཤིང་། །ལྷུན་པོ་འབར་བ་དབང་ཕྱུག་བཅས། །
ཀྵི་རི་ཀི་སར་ས་ལའི་ཤིང་། །ལྷུན་པོ་འབར་བ་ལྷན་ཅིག་བཅས། །བྷ་ཡང་མ་འབུར་འབྱུང་པོའི་ཤིང་། །སྟོབས་ཆེན་འཇིགས་པ་གནས་བྱེད་པའོ། །པུ་ཊ་ནར་ནི་དྷ་དུ་པའི། །ཨ་བྷ་ཀེ་བ་བརྟུལ་ཞུགས་འཛིན། །རཱ་ཛ་གྷི་ཧར་ཛ་པ་ན། །སྣ་ཆེན་ཛི་ལི་སྒྲ་
གཅན་ནོ། །ཁང་པ་ཅན་དུ་རང་བྱུང་བྲག །ཐུབ་དཀའ་རྒྱལ་མཚན་འཛིན་མར་བཅས། །མ་ཧཱ་ཏྲཱ་ཡེར་ཙན་དན་ཤིང་། །སྣ་ཚོགས་དབང་ཕྱུག་དབང་བསྐུར་བཅས། །འདི་དག་ཀྵེ་ཏྲ་པཱ་ལ་ནི། །ཞིང་སྐྱོང་ཞལ་གཅིག་ཕྱག་བཞི་པ། །གྲི་གུག་གཅང་ཏེ་
གཡས་པ་ན། །གཡོན་པ་ཐོད་ཁྲག་རྩེ་གསུམ་ཅན། །ཡུམ་ནི་སོ་སོའི་ཕྱག་མཚན་ལྡན། །སྐྱེ་གནས་ལས་བྱུང་སྒྲ་སྒྲོགས་མཛད། །རྟག་ཏུ་སྒྲུབ་པ་པོ་རྣམས་ཀྱིས། །ལུས་ལ་ཡང་དག་གནས་ནས་ནི། །དངོས་གྲུབ་སྟེར་བྱེད་སྟོབས་མཆོག་བྱེད། །
འདི་དག་ཞིང་སྐྱོང་ཐུགས་བརྩེ་བས། །རྟག་པར་མཚན་མོ་འདུ་བར་མཛད། །འདི་དག་ས་གསུམ་ཁྱབ་པ་སྟེ། །སྣ་ཚོགས་མདོག་ཅན་འབར་བའོ། །ཨོཾ་ཤཱནྟི་ཀྵེ་པ་ཧཱུྃ་ཕཊ། ཨོཾ་མ་ཧཱ་སྨྲྀ་ཏི་ཧཱུྃ་ཕཊ། ཨོཾ་བྷ་ལན་པཱུ་ཧཱུྃ་ཕཊ། ཨོཾ་ཤང་ཀ་རི་ཧཱུྃ་ཕཊ། 
ཨོཾ་ཀཱ་ལཱ་དྷི་པ་ཧཱུྃ་ཕཊ། ཨོཾ་ཛ་ཡ་བྷ་ལན་ཧཱུྃ་ཕཊ། ཨོཾ་བེ་སུ་བྷ་ག་ཧཱུྃ་ཕཊ། ཨོཾ་བརྞ་ས་ན་ཧཱུྃ་ཕཊ། ཨོཾ་ཀྵེ་ཏྲ་པཱ་ལ་ཧ་ཧི་ཧཱུྃ་ཕཊ། ཨོཾ་ཀཱི་ལི་ཀཱི་ལི་ཕེམ་ཕེམ་ཕཊ་ཕཊ། ཀྵྃ་ཀྵྃ་ཀྵྃ་ཀྵྃ།  ཀ་ཧ་ཀ་ཧ། ། པ་ཙ་པ་ཙ། ཧཱུྃ་ཧཱུྃ་ཕཊ་ཕཊ། 
ཧ་ཧཱ། ཌ་ཌཱ་རྃ་ཀྟྱ་རྃ་ཁྃ་ཁྃ་ཁྃ་ཁྃ། རུ་རུ་རུ་རུ། ཌྃ་ཌྃ་ཌྃ་ཌྃ། ཀྃ་ཀྃ་ཀྃ་ཀཾ། ཙྃ་ཙྃ་ཙྃ་ཙྃ།   ཀྲྃ་ཀྲྃ་ཀྲྃ་ཀྲྃ།    སྃ་སྃ་སང་སང་། བྃ་བྃ་བྃ་བྃ། ཡྃ་ཡྃ་ཡྃ་ཡྃ། ཨྱཱེ་བྷྲུྃ་བྷྲུྃ་བྷྲུྃ་བྷྲུྃ། ཀྵྃ་ཀྵྃ་ཀྵྃ་ཀྵྃ།    ཀླེཾ་ཀླིཾ་ཀླུྃ་ཀླུྃ།   ཀླེྃ་ཀླིྃ་ཀླུྃ་ཀླུྃ།  པཱྃ་པཱྃ་པཱྃ་པཱྃ། 

87-1-111b

སྭཱ་ཧཱ། ཡུལ་ནི་ཉི་ཤུ་རྩ་བཞི་ཡི། །དྲག་པོའི་ཞིང་སྐྱོང་ཉི་ཤུ་བཞི། །སྐུ་གསུང་ཐུགས་ཀྱི་འཁོར་ལོ་ཡི། །ས་གསུམ་རྣམ་པར་ཁྱབ་ནས་གནས། །འདི་དག་གསང་བའི་སྔགས་ཡིན་ཏེ། །གཞན་དུ་ནམ་ཡང་འཁྲུལ་བར་འགྱུར། །ཨོཾ་ཌཱ་ཀི་ནཱི། ཀ་ཀཀྣ་ཏ་ན། བ་བ་བན་
དྷན། ། ཁ་ཁ་ཁཱ་ཧཱི་བནྡྷ་ན། སརྦ་དུཥྚཱ་ནཱྃ། ཧ་ན་ཧ་ན། གྷ་གྷ་གྷཱ་ཏ་ཡ་གྷཱ་ཏ་ཡ། ཨ་མུ་ཀ་སྱ་ཤཱྃཏིཾ་ཀུ་རུ་ཧཱུྃ་ཧཱུྃ་ཕཊ་སྭཱ་ཧཱ། འདི་དག་གྲུབ་པའི་རྣལ་འབྱོར་མ། །དངོས་གྲུབ་སྩོལ་བར་ཐེ་ཚོམ་མེད། །འདི་ཉིད་དཀྱིལ་འཁོར་དགོད་པ་
ཡིས། །སྣ་ཚོགས་ཕྲིན་ལས་བྱེད་པ་སྟེ། །དུར་ཁྲོད་བརྒྱད་ཀྱི་བདག་པོ་མཆོག །ཕོ་ཉ་ལེགས་བརྟེན་འཁོར་ལོ་ཡིན། །དཔལ་མགོན་པོ་ཆེན་པོ་དངོས་གྲུབ་འབྱུང་བའི་རྒྱུད་ལས་དུར་ཁྲོད་ཀྱི་བདག་མོ་རྣམས་དང་། ཕོ་ཉ་བ་
ཁྱད་པར་བ་རྣམས་དང་མ་མོ་དང་ཞིང་སྐྱོང་གི་ཕྲིན་ལས་བསྟན་པའི་ལེའུ་སྟེ་བཅུ་གཅིག་པའོ།། །། དེ་ནས་གཞན་ཡང་ཉི་ཤུ་བཞི། །གསང་བའི་མགོན་པོ་འདི་ཉིད་ཀྱིས། །དཀྱིལ་འཁོར་ཕོ་བྲང་གནས་པའོ། །མཁའ་
འགྲོའི་གསང་སྔགས་བསྟན་པར་བྱ། །ཕོ་ཉ་ལེགས་སྐྱེས་རྣལ་འབྱོར་མ། །རྒྱ་མཚོ་དང་ནི་རོ་ཡིས་ནི། །ཕྱེ་བའི་རྡོ་རྗེ་ནོར་བུ་དང་། །པད་མ་རལ་གྲིའི་རིགས་དང་ནི། །དམ་ཚིག་ཡེ་ཤེས་བདེ་གཤེགས་ཀྱིས། །སྣ་
ཚོགས་ཤ་ཟའི་མ་མོ་རྣམས། །གནས་སྐྱེས་ཡུལ་དང་གྲོང་གནས་པ། །ཀླུ་ཡིས་མཚོན་པས་ཀུན་དུ་ཕྱེ། །ཨོཾ་བྷཻ་ར་ཁི་ནི་སྭཱ་ཧཱ། ཌུ་ཌི་ནི། ཌ་ཤ་ཀ་ར་ལི་ནི་ཛྭཱ་ལ་མུ་ཁི་ནི། བཱ་ཡུ་བེ་ག་ནི། པྲ་ཙཎྜི་ནི། རུ་དྲ་
ཨཀྵི་ཎི་། མ་ཧཱ་ནཱ་སི་ནི། ཨ་སེ་ནི་ཡ་མ་ནི། ཀཱི་ནི། ལ་ཀྵྨཱི་ནི། བི་ཛ་ཡ་ནི། ཤྲཱི་ཛཱ་ན་ཡེ། ཤྲཱི་ཛཱ་ཡ་ཀ་ར་ཎི། ཤྲཱི་བཛྲི་ཎི། ཀྃ་ཀཱ་ལི་ནི། ཀཱ་ལ་རཱ་ཏྲི་ཎི། པྲ་ཀྲོ་དྷ་མུ་ཁི་ནི། ཀ་ལ་ཛི་ཧྭཱ་ནི། ག་ར་ལི་ནི། བཛྲ་བྷཻ་ར་བཱ་ཀཱ་ར་ནི། དྷུ་རུ་
སི་ནི། ཡ་ནི་མ་ན་ཨྃ་ཀ་རི་ཎི། མྲི་ཀ་ར་ས་ཏིསྠཱ་ནི། རཏྣ་མཱ་ལི་ནི། སཱུ་ཏྲ་ཨ་ཀྵི་ཎི། ཀུ་སུ་ལི་ནི། ཁ་ཏྟྲ་ཎི། བཛྲ་པྲ་བྷ་ནི། བཛྲ་ཀཱ་ལ་ཡི་ནི། ས་མ་པཉྩ་ནི། ཀ་མ་ནི་བྷི། ཙི་ཏྲཱ་ལི་ག་ནི། ཤུ་ཀི་ནི། སརྦ་དྷི་ནི། སཱུ་ཏྲ་རི་ཎི། གྷ་

87-1-112a

ལསྶ་ནི། པདྨཱ་ཀྵི་ཎི། ཛ་ལ་ཛ་ལ་ཁ་ཌི་བྷ་བ་བྷུ་དྷི་ནི། ཤྲཱི་གྷོ་ར་ཎི། ཙནྡྲ་ལེ་ཁ་ནི། ཙནྜ་མུ་ཁི་ནི། ཧྃ་ས་ཝཪྨི་ཎི། ཝཱ་གི་མེ་ཤྭ་ར་ཎི། གྷི་ཏ་རུ་དྲ་ཡེ། ཀ་ར་ཎི་སྭ་ཀ་བྷི་རུ་ས་ནི་མྲི་དྷ་ནི་དྷི། གྷུ་རི་ཎི། ཤ་ཥོ་ནི། སུ་ཤི་གྷྲྃ་ན། བནྡུ་བྷ་
ར་ཎི། ཤྲཱི་མུ་ཁི་ནི། བཪྐ་ལ་ནི། ཀ་ལི་ནི། ཧ་རི་ཎི་ཐཱ་ཡེ། པད་མི་ནི། ན་གྲ་པ་ཨཀྵི་ཎི། བྷཱི་མ་ལ་ཙཎ་གྲི་ཎི་སྭཱ་ཧཱ། བྷཀྵ་བྷཀྵ་སརྦ་ཡོ་གི་ནི་ཀཱ་མེ་ཤྭ་རི། སརྦ་དུཥྚ་གརྫ་གརྫ་གྲྀཧྞ་གྲྀཧྞ་ཧཱུྃ་ཕཊ། ཚེས་བརྒྱད་དང་ནི་ཉ་བ་དང་། །
ཉི་ཤུ་དགུ་དང་དགུ་སྟོང་དང་། །ཞི་རྒྱས་དབང་དང་མངོན་སྤྱོད་ཀྱི། །ལས་ནི་ཐེ་ཚོམ་མེད་འགྲུབ་པའོ། །དབྱུག་གུ་དག་པའི་ཕོ་ཉ་དང་། །ཆུ་ཚོད་ཀྱི་ནི་མ་མོ་དང་། །འཕོ་བ་གནོད་སྦྱིན་བརྒྱ་ཕྲག་གཉིས། །ཐུན་ནི་ཕོ་ཉ་བརྒྱ་དག་གོ། དུས་
སྦྱོར་བཅུ་གཉིས་གནས་པའི་ཡུལ། །ཉི་ཤུ་རྩ་བཞི་དེ་ཡི་ཕྱེད། །རྩ་རླུང་ཡི་གེ་ཁམས་ལ་རྒྱུ། །འཆིང་གྲོལ་ཚར་གཅོད་རྗེས་འཛིན་པའོ། །དཔལ་མགོན་པོ་ཆེན་པོ་དངོས་གྲུབ་འབྱུང་བའི་རྒྱུད་ལས་ཕྱི་དང་ནང་གི་དངོས་པོ་ཕོ་ཉ་
མའི་ལས་བསྟན་པའི་ལེའུ་སྟེ་བཅུ་གཉིས་པའོ།། །། དེ་ནས་གཞན་ཡང་བཤད་བྱ་བ། །ནག་པོ་ཆེན་པོ་གཏུམ་པོ་ནི། །ཞལ་གདངས་མཆེ་གཙིགས་ལྗགས་འདྲིལ་ཅིང་། །ཨ་ལ་ལ་ཡི་སྒྲ་སྒྲོགས་པ། །རབ་འཇིགས་
བཞེངས་པའི་སྟབས་ཀྱིས་ནི། །གསང་བ་མཆོད་བྱེད་ལྷ་མོ་བརྒྱད། །ཀུན་ནས་གར་གྱིས་རོལ་པ་སྟེ། །འདི་ཡིས་ཕྲིན་ལས་དབང་ཐོབ་བྱེད། །ཨོཾ་བཛྲ་ཀ་ཝུ་བ་མ་ཧཱ་ཀཱ་ལཱ་ཡཻ་ཧཱུྃ་ཧཱུྃ་ཕཊ། ཨོཾ་གྲཱི་དྷྲ་ས་གཱ་ཡཻ་ཧཱུྃ་ཧཱུྃ་ཕཊ། 
ཨོཾ་བྷ་ག་བྱཱ་གྷཱ་ཡེ་ཧཱུྃ་ཧཱུྃ་ཕཊ། ཨོཾ་བྷ་ན་སུ་བ་རཱ་ཡཻ་ཧཱུྃ་ཧཱུྃ་ཕཊ། ཨོཾ་སི་མ་ལཱ་ཡཻ་ཧཱུྃ་ཧཱུྃ་ཕཊ། ཨོཾ་བྷ་ན་ཤྭཱ་ནཱ་སྱཻ་ཧཱུྃ་ཧཱུྃ་ཕཊ། ཨོཾ་ཀྲོ་ཎ་དྷ་ཀ་རཱ་སྱཻ་ཧཱུྃ་ཧཱུྃ་ཕཊ། ཨོཾ་ཨུ་ལཱུ་ཀཱ་སྱཻ་ཧཱུྃ་ཧཱུྃ་ཕཊ། ཨོཾ་ག་རུ་ཌ་ས་གཱ་སྱཻ་ཧཱུྃ་ཧཱུྃ་ཕཊ། 
འདི་ནི་དཔལ་ནག་པོ་ཆེན་པོ་འཁོར་ལྷ་མོ་བརྒྱད་དང་བཅས་པའི་སྔགས་སོ། །མཚན་ཕྱེད་དུས་ན་གཏོར་མ་འབུལ། །ཤ་ལྔ་དང་ནི་བདུད་རྩི་ལྔ། །མྱོས་བྱེད་སྟོབས་དང་བཅས་པས་མཆོད། །གསང་བ་སྒྲུབ་པའི་མཆོག་ཏུ་བཤད། །བསྙེན་

87-1-112b

པ་སྔོན་དུ་སོང་བ་ཡིས། །དབེན་པར་དུག་དང་ཚ་བ་དང་། །ས་ལ་དགྲ་བོའི་གཟུགས་བྱ་སྟེ། །གྲོ་ག་འམ་ནི་རོ་རས་ལ། །རྒྱ་སྐྱགས་དུག་དང་ཁྲག་རྣམས་ཀྱིས། །བྱ་རོག་མོ་ཡི་རུས་པས་ནི། །གཟུགས་བྲིས་དེ་ཡི་སྙིང་གར་ནི། །ཨེ་ཡི་
རྣམ་པའི་འཁོར་ལོ་ལ། །མཱ་ར་ཡ་ཡི་མཐའ་ཅན་གྱི། །མན་ངག་བཞིན་དུ་བྲི་བར་བྱ། །དེ་ནས་རྐང་པ་ནས་བརྩམས་ཏེ། །དྲིལ་ལ་དུར་ཁྲོད་སྐྲ་ཡིས་དཀྲི། །སྔར་གྱི་གཟུགས་ཀྱི་སྙིང་ག་རུ། །བཅུག་སྟེ་ཚིགས་དང་ལྟེ་བ་སོགས། །
དུག་དང་བཅས་པའི་ཚེར་མ་གཟུགས། །དེ་ནས་སྔགས་པ་འདོད་ལྷ་ཡི། །ང་རྒྱལ་ཆེན་པོ་རབ་ལྡན་པས། །སྙིང་གའི་ཧཱུྃ་ལས་འོད་འཕྲོས་པས། །ལྷ་ལ་བཀའ་བསྒོ་རྣམ་ཤེས་ནི། །མན་ངག་ཅན་གྱིས་དགུག་པར་བྱ། །ཨོཾ་བཛྲ་མ་ཧཱ་ཀཱ་ལ་
ཆེ་གེ་མོ་ཨཱ་ཀར་ཥ་ཛ་ཛཿཧཱུྃ་བྃ་ཧོས་དགུག་པ་དང་། །གཞུག་དང་བཅིང་དང་མྱོས་པར་བྱ། །དེ་ནས་ཚ་བ་དུག་གིས་བྲབ། །དེ་བཞིན་བདུན་ཕྲག་ཉི་ཤུ་གསུམ། །ཟླ་བ་གཅིག་ཏུ་ལས་བསྒྲུབས་ལ། །དྲག་པོའི་ཐབ་ཏུ་ཚེར་མ་དང་། །བྲ་མའི་མེ་ལ་
བསྲོ་བར་བྱ། །དེས་ཀྱང་འདུད་པར་མི་བྱེད་ན། །བསྟན་པ་བདེ་ལ་གནས་པའི་ཕྱིར། །སྙིང་རྗེ་ཆེན་པོ་རབ་བསྐྱེད་དེ། །གྲི་ལྕགས་ལས་བྱས་མཚོན་གྱིས་གཏུབ། །ཁྲག་དང་དུག་དང་ཚ་བ་དང་། །ཚེར་མ་ལིང་གར་བཅས་ཏེ་བསྲེགས། །ཐལ་
བ་བླ་མའི་མན་ངག་ལྟར། །མནན་དང་ཆུ་བོར་དོར་བར་བྱ། །གཞན་ཡང་མི་ཤིས་ཐོད་པ་ལ། །དུག་གི་མྱུ་གུས་གཟུགས་བྲིས་ཏེ། །དེ་ཡི་ལྕེ་ལ་ཨུད་མ་ནི། །མིང་སྤེལ་བྲིས་ལ་ཐོད་པ་གཉིས། །ཁ་སྦྱར་སྐུད་པ་ནག་པོས་དཀྲི། །ནག་
པོའི་གོས་ཀྱིས་གཏུམས་ནས་ནི། །མི་ཤིས་ས་ཕྱོགས་དག་ཏུ་མནན། །བསྙེན་དང་སྒྲུབ་པས་མཉེས་གྱུར་ན། །འཆི་དང་སྨྱོ་བར་འགྱུར་བར་ནི། །ཐེ་ཚོམ་ཡོད་པ་མ་ཡིན་ནོ། །ཡི་དགས་སམ་ནི་དགྲ་བོ་གང་། །གྲོ་ག་ལ་ནི་གཟུགས་བྲིས་ལ། །
སྙིང་གར་སྔགས་འདིས་བསྐོར་བར་བྱ། ཨོཾ་བཛྲ་མ་ཧཱ་ཀཱ་ལ་ཆེ་གེ་མོ་མཱ་ར་ཡ་ཧཱུྃ་ཧཱུྃ་ཕཊ། ཅེས་པའི་སྔགས་བྲིས་གཏོར་མར་གཞུག །དེ་ནས་བསྒྲུབ་སྔགས་བཟླས་པར་བྱ། །དེ་ཡི་རྗེས་ལ་གཏོར་མ་དབུལ། །མགོན་པོ་

87-1-113a

ནག་པོ་འཁོར་བཅས་ལ། །ཤ་ཁྲག་རྐང་སོགས་བསྟབ་བྱས་ནས། །གཏོར་མས་བསད་པས་བསྒྲལ་བྱ་སྟེ། །དམིགས་པར་བྱ་བ་མྱུར་དུ་བརླག །གཞན་ཡང་གདུག་པ་ཕ་རོལ་ཏེ། །ནུས་པ་ཅུང་ཟད་ཡོད་གྱུར་ན། །རང་ཤེད་རང་ལ་དབབ་པའི་
ཕྱིར། །ངག་མནན་སྦྱོར་བ་འདི་ལྟར་བྱ། །གྲོ་ག་འམ་ནི་རོ་རས་ལ། །ཁྲག་དང་དུག་དང་བདུག་པ་ཡིས། །གཟུགས་ནི་ལྕེས་ཁེངས་སྔགས་བྲི་བ། །སྟམ་བྷ་མིང་སྤེལ་ལྡན་པ་བསྐོར། །ཕྱིན་ཅི་ལོག་ཏུ་དྲིལ་ལ་བཅིང་། །ཟག་པའི་རྫས་སོགས་ས་
ལ་ནི། །ཚ་ཚ་བྱས་པའི་ནང་བཅུག་ལ། །བསྟིམ་ཞིང་མནན་ལ་མདུན་བྱས་ལ། །རྣལ་འབྱོར་སྤྲོ་བསྡུ་ཕྱག་རྒྱ་བཅིང་། །ཐུན་གྱིས་བྲབས་ལ་བཟླས་པ་བྱ། །ལས་བཅོལ་ཞག་བདུན་ཐུན་བཞིར་བྱ། །དེ་ལ་སྔར་བཞིན་བྱས་ནས་ནི། །གནོད་པའི་ས་ཕྱོགས་
དག་ཏུ་མནན། །མྱུར་དུ་འགྲུབ་པར་ཐེ་ཚོམ་མེད། །ཐོད་པ་འམ་ནི་སྣོད་གཞན་དུ། །སྦྱིན་སྲེག་བྱས་པའི་ཐལ་བ་དེ། །ཐུན་རྫས་ཀྱིས་བྲབ་ལིང་གར་བཅས། །ཡང་ན་དྲག་པོ་ཀླུ་ལ་གཏད། །གྲུ་གསུམ་དོང་བཅུག་བརྫི་བར་བྱ། །ཁ་བཅད་ནས་ནི་དྲག་པོ་
ཡི། །ངེས་པར་ཐོབ་པར་ཐེ་ཚོམ་མེད། །དེ་ལྟར་ལས་ལ་སྦྱོར་དུས་སུ། །ཉེས་པ་བསྒོ་བའི་ཐབས་ཤེས་ནས། །སྲུང་བྱེད་ཉེས་པ་འདི་ལྟར་བསྒྲག །བསྟན་པ་འཇིག་པར་བྱེད་པ་ཡི། །དགྲ་བོ་སྲུང་བྱེད་ལྷ་ཁྱོད་ཉོན། །གདུག་པའི་སེམས་ལྡན་དགྲ་འདི་
ཡིས། །དཀོན་མཆོག་བླ་མ་ལ་སྨོད་ཅིང་། །རྣལ་འབྱོར་ལ་སྡང་སེམས་ཅན་འཚེ། །སྒྲུབ་པ་པོ་ལ་བརྙས་གྱུར་པས། །དཔག་ཚད་སྟོང་དུ་ལྟུང་བ་ཡི། །དམྱལ་བའི་སྡུག་བསྔལ་མྱོང་གྱུར་པས། །བདག་གིས་མྱུར་དུ་བསྒྲལ་ནས་ནི། །གཟུགས་ཀྱིས་ལྷ་རྣམས་
མཆོད་པ་ཡིན། །ཁྱེད་ཀྱིས་སྲུང་བར་མ་བྱེད་པར། །སྡིག་ཅན་འདི་ནི་མྱུར་དུ་སྤོངས། །ཞེས་བརྗོད་པར་བྱའོ། །བསྟན་པ་བསྲུང་བའི་བསམ་པ་དང་། །སྙིང་རྗེ་ཆེན་པོ་ལྡན་པ་ཡིས། །ཡེངས་པ་མེད་པར་བྱས་གྱུར་ན། །ངེས་པར་འགྲུབ་པར་གདོན་མི་ཟ། །བརྒྱ་བྱིན་
དག་གི་སྲོག་ཀྱང་གཡོ། །སྡིག་ཅན་དགྲ་བགེགས་སྨོས་ཅི་དགོས། །བྱང་ཆུབ་སེམས་དང་རབ་ལྡན་ན། །ངོ་བོ་ཉིད་ཀྱིས་འགྲུབ་པར་གྱུར། །དཔལ་མགོན་པོ་ཆེན་པོ་དངོས་གྲུབ་འབྱུང་བའི་རྒྱུད་ལས་ལྷ་མོའི་འཁོར་ལོ་དང་ལས་བསྒྲུབ་པ་བསྟན་པའི་ལེའུ་སྟེ་བཅུ་གསུམ་

87-1-113b

པའོ།། །། དེ་ནས་གཞན་ཡང་བཤད་བྱ་བ། །གསང་བའི་ཆོ་ག་ཉམས་དགའ་བ། །དཔལ་ལྡན་ལྕམ་དྲལ་ཐམས་ཅད་ཀྱི། །སྒྲུབ་པ་རབ་ཏུ་ཉམས་དགའ་ནི། །མགོན་པོ་ཀུན་གྱི་གནས་འདི་ནི། །ཞལ་གཅིག་པ་ལ་ཕྱག་དྲུག་པ། །དང་པོ་གྲི་གུག་ཐོད་ཁྲག་
འཛིན། །སྤྱན་གསུམ་མཐིང་ནག་རྔམ་པ་ཡི། །གཡས་གཡོན་བར་མས་ཕྲེང་བ་དང་། །ཌ་མ་རུ་ནི་འཛིན་ཅིང་བརྡུང་། །ཐ་མ་གཉིས་ཀྱིས་ཁ་ཊྭཱྃ་དང་། །སྡིགས་མཛུབ་ཞགས་པ་འཆང་བར་མཛད། །ཀླུ་བརྒྱད་ཀྱིས་བརྒྱན་ཁྲག་འཛག་ཞལ། །ས་བོན་རང་
སྔགས་ཕྲེང་བ་ཅན། །རྒྱས་བཏབ་པས་ནི་བྱིན་བརླབས་ཤིང་། །རྡོ་རྗེ་སེམས་དཔའ་དབུ་བརྒྱན་པ། །ནྱ་གྲོ་དྷ་ཡི་ཤིང་ལ་བརྟན། །བི་ནཱ་ཡ་ཀ་མནན་པར་བསམ། །ཨོཾ་བཛྲ་མ་ཧཱ་ཀཱ་ལ་ཀྵཾི་ཀྵེ་ཏྲ་བིགྷཱན་བི་ནཱ་ཡ་ཀཱ་ནཱན་ཧཱུྃ་ཧཱུྃ་ཕཊ་སྭཱ་ཧཱ། ཤ་ཆེན་བསྲེགས་སྤོས་
ཕུལ་ནས་ནི། །སྐྱོ་བར་གྱུར་ན་གསང་སྔགས་བཟླས། །དེ་ལ་གཏོར་མ་དབུལ་བར་བྱ། །ཁྱད་པར་བྱིན་བརླབས་གྱུར་པར་བྱ། །ཕྲིན་ལས་ཐོགས་པ་མེད་པ་འགྲུབ། །ཨོཾ་བཛྲ་ཀྲོ་དྷ་ས་མ་ཡ་མ་ཧཱ་ཀཱ་ལཱ་ཡ་ཧཱུྃ་ཕཊ། སྐུའི་མགོན་པོའི་སྔགས་སོ། །ཨོཾ་མ་ཧཱ་
ཀཱ་ལ་གུ་ཎ་ཧྲྀ་ད་ཧཱུྃ་ཕཊ། ཡོན་ཏན་གྱི་མགོན་པོའི་སྔགས་སོ། །ཨོཾ་བཛྲ་མ་ཧཱ་ཀཱ་ལ་རཀྵ་རུ་ཏྲི་བ་ཤ་ནི་ཧཱུྃ་ཕཊ། གསུང་གི་མགོན་པོའི་སྔགས་སོ། །ཨོཾ་བཛྲ་ཀྲྀཥྞ་ཙཎྜ་མཱ་ར་ཡ་མ་ཧཱ་ཀཱ་ལ་ཙི་ཏ་ལ་ཧྲཱིཿཛཿ། ལས་ཀྱི་མགོན་པོའི་སྔགས་སོ། །ཨོཾ་མ་ཧཱ་ཀཱ་ལི་ཧ་ན་
བཛྲ་ཧཱུྃ་ཕཊ། ཡི་གེ་བཅུ་པའི་གསང་བའི་མགོན་པོའི་སྔགས་སོ། །ཨོཾ་ཙཎྜེ་ཤྭ་རི་ཡེ་སྭཱ་ཧཱ། གཏུམ་པ་མོའི་སྔགས་སོ། །ཨོཾ་ཙཎྜི་ཙ་ཀཱི་ཡེ་སྭཱ་ཧཱ། དྲག་མོའི་སྔགས་སོ། །ཨོཾ་ཀཱ་ལི་ཀ་ཡེ་སྭཱ་ཧཱ། ཟློག་བྱེད་མའི་སྔགས་སོ། །ཨོཾ་ཀུ་ལི་ཤེ་ཥ་རཱི་ཡེ་སྭཱ་ཧཱ། 
དཔའ་མོའི་སྔགས་སོ། །ཨོཾ་ཤྲཱི་མ་ཧཱ་ཀཱ་ལ་ག་ཎ་མཻ་ཏྲི་ཛཿ བེང་འཛིན་མའི་སྔགས་སོ། །ཨོཾ་རེ་དན་ཏི་མ་ཧཱ་ཀཱ་ལི་ཏྲི་ཤཱུ་ལ་སརྦ་ཤ་ཏྲཱུྃ་ཛཿ། རྩེ་གསུམ་འཛིན་པའི་སྔགས་སོ། །ཨོཾ་བཛྲ་མ་ཧཱ་ཀཱ་ལ་ཀྲོ་ཏྲི་གཎྜི་ས་ཡ་ཧཱུྃ་ཕཊ། གཎྜི་འཛིན་པའི་སྔགས་སོ། །ཨོཾ་
བཛྲ་མ་ཧཱ་ཀཱ་ལ་ཏེ་ཙི་ཙཽ་ཏ་ཀ་ར་མ་རཱ་ཎཱྃ་ཧཱུྃ་ཕཊ་རྒྱལ་མཚན་འཛིན་པའི་སྔགས་སོ། །གསང་བ་བེང་འཛིན་མགོན་པོ་ཡིས། །ལྷ་མ་ཡིན་གྱི་གྲོང་ཁྱེར་ནི། །སུམ་བརྩེགས་ལ་སོགས་ཁང་བཟངས་རྣམས། །ཁྲོ་བོ་ཙན་དན་བེང་བསྣམས་ཀྱིས། །

87-1-114a

ལྷ་དམག་བྱེ་བ་དུང་ཕྱུར་རྣམས། །ཕྱུང་ནས་བརླག་པར་མཛད་པ་ཡི། །གྲོང་ཁྱེར་འབུམ་ཕྲག་བརྒྱད་བཅུ་འམ། །རླག་བྱེད་བདུད་འདུལ་ཆེན་པོ་སྟེ། །འདི་ཉིད་གཡོན་གནས་ལྷ་མོ་ནི། །ཀུན་དུ་དགྱེས་ནས་གར་སྟབས་གནས། །ཨོཾ་ཤྲཱི་མ་ཧཱ་ཀཱ་ལ་དུ་བེང་
ནི་ཛ་ཨ་མུ་ཀའི་མགོ་བོ་ལ་རུ་དྲ་ཧཱུྃ་བྷྱོ། ཨོཾ་ཤྲཱི་མ་ཧཱ་ཀཱ་ལ་ཏྲག་རཀྵྃ་དུ་བེང་ནི་ཛཿམུན་ནག་ཤིག་བྷྱོཿ །མུ་ཤི་བྷྱོཿ། ཆེ་གེ་མོ་མཱ་ར་ཡ་ཕཊ། ཨོཾ་བཛྲ་མ་ཧཱ་ཀཱ་ལ་རཀྵ་ཏྲི་ཡ་ཀྵ། རུ་དྲ་ས་མ་ཡ། སརྦ་ཤ་ཏྲུྃ་རུ་རུ་ཙ་པ་ལཱ་ཡ། མ་ར་ན་རྦད་རྦད། ནྲི་རྦད་པུ་རྦད་པུ། 
ཚལ་པ་ཚལ་པ། ནི་ཤ་ཀུ་རུ་ས་མ་ཡ། ཆེ་གེ་མོ། གཏུབས་གཏུབས་ཛ་ཛ། ཨོཾ་རུ་རུ་མ་མ་བྷྱོ། མ་མ་ཤ་ཏྲཱུྃ། ཙིཏ་ལ་པཱ། མཱ་ར་ཡ་རྦུད་རྦུད། རེ་ཤྃ་གྷཱ་ཏ་ཡ་གྷཱ་ཏ་ཡ། ཀཱ་ལོ་ཡྃ་བྷ་ཤ་ནི་མ་ཧཱ་ཀཱ་ལ། ཡཀྵ་སཱ་ས་ན། ཨ་པ་ཀ་རི་དི་ན་མེ་ཀེ་ན་མེ་རུ་རུ་མ་མ་
བྷྱཿ། ཙིཏྟ་ལ་ཧྲིཾ་ཧྲིཾ་རྦད། ཏྲི་རི་པྲི་ཏྲི་ཀ་ཧི་སྭཱ་ཧཱ། ཏི་ཀ་པ་ཏྲ་ཧཱུྃ། ཨ་ཏྲ་ཀ་ཏི་སྭ་མོ་ཤ་མོ་སྣ། ཏིག་པུག་ཤིག །ཀུ་མི་ཏ་རྦད་ཤིག་རྦུད་སོད། གཎ་ཌི་འཛིན་པའི་ཁྲོ་བོ་ཆེ། །མ་རུངས་ཀླད་པ་འགེམས་པར་བྱེད། །ཙ་མུཎ་ཌེ་ལྡན་རོལ་པ་སྟེ། །གདུག་པ་
འདུལ་བའི་ལས་ལ་ཤིས། །ཁ་ཊྭཱྃ་རྩེ་གསུམ་འཛིན་པས་ནི། །དགྲ་བགེགས་ལུས་ངག་ཡིད་ལ་འདེབས། །གཏུམ་པོ་ཐོགས་འབེབས་མིག་སྒྱུར་མ། །སངས་རྒྱས་བསྟན་པ་སྐྱོང་བའོ། །གང་དུ་ཀེང་རུས་རྒྱལ་མཚན་བསྣམས། །བདུད་དང་བདུད་ཀྱི་ཕྱོགས་
སྐྲག་བྱེད། །འདི་ཉིད་ལེགས་ལྡན་རྒྱལ་པོ་ཆེ། །རྡོ་རྗེ་བསེ་གདོང་སྣ་ཚོགས་གདོང་། །དཀྱིལ་འཁོར་ལྷ་ཚོགས་འདི་དག་གིས། །གསང་སྔགས་རིམ་པ་བསྟན་པའོ། །ཐུན་མོང་ཁྱད་པར་བྱེ་བྲག་གིས། །ལུས་ཀྱི་མཚན་ཉིད་རྟགས་བཅས་པ། །
གྲུབ་པ་ཀུན་ཏུ་བགྲོད་པའོ། །དཔལ་མགོན་པོ་ཆེན་པོ་དངོས་གྲུབ་འབྱུང་བའི་རྒྱུད་ལས་དཀྱིལ་འཁོར་བའི་མགོན་པོ་དང་ཡུམ་དང་བཅས་པའི་གསང་སྔགས་དང་ཕྲིན་ལས་ཀྱི་ལེའུ་སྟེ་བཅུ་བཞི་པའོ།། །། 
དེ་ནས་བདེན་པ་ཙམ་གྱིས་ནི། །གྲུབ་པ་སྩོལ་བར་མཛད་པ་པོ། །དངོས་གྲུབ་འབྱུང་གནས་རིམ་པ་ནི། །ཡང་དག་ཉིད་དུ་བཤད་པར་བྱ། །བྱ་རོག་གཡང་བཞིས་བརྒྱན་པ་ཡི། །ནག་པོ་ཕྱག་བཞི་པ་ཡི་སྐུ། །གསང་ཞིང་དམ་ཚིག་ལྡན་

87-1-114b

པས་བྲི། །དེ་ནི་སྐུ་ཡི་རྟེན་དུ་བཤད། །གསེར་དངུལ་ལ་སོགས་ཀྱིས་བྲིས་པའི། །ནག་པོ་ཆེན་པོའི་སྙིང་པོ་དང་། །ཉེ་བའི་སྙིང་པོ་བྲིས་པ་རྣམས། །གསུང་གི་རྟེན་དུ་འདོད་པའོ། །བྱ་རོག་སོགས་དང་རྟ་ནག་སྙིང་། །ཁྱི་ཡི་སྙིང་དང་མི་ཡི་སྙིང་། །
རིན་ཆེན་ལྔ་དང་བཅས་པ་རྣམས། །ཐུགས་ཀྱི་རྟེན་དུ་གཟུང་བར་བྱ། །སྙིང་གི་རྣམ་པ་ཐམས་ཅད་དང་། །ཉ་ཤ་ལ་སོགས་འབྲུ་ཡི་ཆན། །སྨན་གྱི་རྣམ་པ་ཐམས་ཅད་དང་། །བསྙེན་པའི་གཏོར་མ་བྱ་བ་ཡིན། །རྫས་དང་རྟ་གཏོར་སྟེང་དང་
འོག །སྟེང་ནས་དར་ནག་གུར་གྱིས་དབུབ། །ཤ་ལྔ་སྨན་ལྔ་མྱོས་བྱེད་བཅས། །རྒྱུན་དུ་ཐུགས་དམ་བསྐུལ་ཕྱིར་མཆོད། །རྟ་ནག་ལུག་ནག་གཡག་རོག་ལ། །མགུལ་དུ་སྙིང་པོ་བྲིས་ལ་གདགས། །དེ་ཡི་ངོ་བོ་ལེགས་
ཕུལ་ལ། །ཕྱི་ཡི་རྟེན་དུ་བྱ་བར་བཤད། །ནག་པོ་རས་སམ་དར་ལ་ཡང་། །རིན་ཆེན་ལྔ་དང་བཅས་པ་ཡིས། །ནག་པོ་ཞལ་གཅིག་ཕྱག་བཞི་པ། །བྲིས་པ་ཉིན་གཅིག་གིས་རྫོགས་ནས། །བར་ཆད་མེད་པར་རབ་གནས་བྱ། །གསང་
རྟེན་ལུས་ལ་བཅང་བའོ། །སྣ་ཚོགས་འབྲུ་ནག་དཔལ་བྱས་པའི། །གཏོར་མ་མི་ཤས་བརྒྱན་པ་དག །ཕོ་བྲང་རྟེན་དང་བརྟེན་པར་བཅས། །ནང་གི་རྟེན་དུ་སློབ་པའོ། །སྐྱེས་པ་གྲིར་ཤིའི་ཐོད་ཕྲེང་ནི། །ཡོན་ཏན་ལྡན་ཕྱིར་རྟག་ཏུ་སྦ། །
མི་གསོད་མཚོན་ལས་བྱས་པ་ཡིས། །རྡོ་རྗེ་གྲི་གུག་ཧཱུྃ་བྲིས་པ། །ཕྲིན་ལས་བྱེད་པའི་ཁྱད་པར་རོ། །དམ་ཚིག་གནས་པའི་རྣལ་འབྱོར་པས། །ཉམས་དགའ་དབེན་པའི་གནས་ཉིད་ཏུ། །ལྷ་མོའི་རྟེན་ཡང་འདི་ལྟར་རོ། །རིགས་མེད་ཀྱི་ནི་
ཐོད་པ་ལ། །གསང་སྔགས་ཡི་གེ་འདི་དག་ནི། །བྲིས་པ་ཙམ་གྱིས་ལས་འགྲུབ་བྱེད། །བསྒྲུབ་པ་མི་དགོས་ནུས་པ་འབྱུང་། །དུར་ཁྲོད་སོལ་བས་སྔགས་འདི་བྲི། །ཨོཾ་ཤྲཱི་དེ་ཝི་ཙ་མུཎྜ་རཀྟ་ཙ་མུཎྜི། སེང་ཀ་མོར་དྷ་ཀེ་སང་ཧ་
སི་ཏ། མུ་ཁི་ཀ་ར་ཧ་ར། ཀཱི་ལ་ཀཱི་ལ། ཕྲེ་ཀྵ་ཏི་ཏ་ས་ན་ས་ཏ་བྲུྃ་བྲུྃ་ལ་ལ་ཏ་ཡ། ཀ་བཱ་ལ་མ་ལཱ་དྷ་ར་ནི་ཧཱུྃ་ཧཱུྃ་ཕཊ་ཕཊ་སྭཱ་ཧཱ། །ཐོད་པའི་ནང་དུ་འཁོར་བར་བི། །ཕྱི་ཡི་རྟེན་དུ་བཤད་པ་ཡིན། །བོང་བུ་ནག་མོའི་ཐོད་པ་

87-1-115a

ལ། །རྟེན་པ་ལྷ་མོའི་སྐུ་བྲིས་པ། །ནང་གི་རྟེན་དུ་བཤད་པ་ཡིན། །ནེལ་གྲིའི་སྙིང་ནི་མ་ཉམས་པ། །མཚོན་གྱི་རྩེ་ལ་བཀོན་ལ་གཞག །གསང་བའི་རྟེན་དུ་གཟུགས་པར་བྱ། །བུ་མོའི་ཐོད་པ་ཇ་རིལ་དང་། །གྲི་གུག་
དར་གྱིས་གཏུམས་པ་དང་། །དྲི་བཟང་མཚོན་གྱིས་བདུག་པར་བྱ། །དེ་ཁོ་ན་ཉིད་ཀྱི་རྟེན་དུ་བཤད། །དེ་ནས་ནུབ་ཕྱོགས་དག་ནས་ནི། །གསུམ་གྱིས་ཁུར་ནས་འོངས་པའི་རྡོ། །མི་ནག་གསུམ་གྱིས་འདི་སྐད་བརྗོད། །སྐུ་གསུང་ཐུགས་ཀྱི་
བདག་ཉིད་ཅན། །རྡོ་རྗེ་མགོན་པོ་འཁོར་བཅས་པ། །རང་བཞིན་གནས་ནས་སྐུ་བཞེངས་ལ། །འདིར་ནི་བསྟན་སྲུང་བཞུགས་སུ་གསོལ། །ལན་གསུམ་བརྗོད་ནས་བཞུགས་པར་བྱ། །རོལ་མོའི་སྒྲ་དང་སྤོས་དུད་དང་། །སྣ་ཚོགས་
རོལ་མོས་བསུ་ནས་ཀྱང་། །ཕྲིན་ལས་གང་འགྲུབ་རིམ་ཤེས་བྱ། །འདི་ནི་རང་བཞིན་རྟེན་ཡིན་ནོ། །དཔལ་མགོན་པོ་ཆེན་པོ་དངོས་གྲུབ་འབྱུང་བའི་རྒྱུད་ལས་ཕྱི་ནང་གསང་བ་དང་སྐུ་གསུང་ཐུགས་ཀྱི་རྟེན་གཟུགས་པའི་ལེའུ་སྟེ་བཅྭ་ལྔ་པའོ།། །།  
དེ་ནས་གཞན་ཡང་བཤད་པར་བྱ། །དཔལ་ལྡན་ནག་པོ་ཆེན་པོ་ཡི། །བཀཱ་ཡི་ཚོགས་ཀྱིས་འཁོར་གྱུར་པ། །འདི་ནི་ཀུན་དུ་ཤེས་པར་བྱ། །ལས་ཀྱི་མགོན་པོ་རྣམས་དང་ནི། །ལྷ་མོ་ཆེན་མོ་འཁོར་དང་བཅས། །ལྷ་སྲིན་སྡེ་བརྒྱད་མ་ལུས་པ། །
ཕོ་ཉ་མངག་གཞུག་ལས་བྱེད་པའོ། །གཞན་ཡང་ཕྱོགས་སྐྱོང་བཅུ་དང་ནི། །ཀླུ་ཆེན་བརྒྱད་དང་ལྷ་ཆེན་བརྒྱད། །གཟའ་ཆེན་བརྒྱད་དང་རྒྱལ་ཆེན་བཞི། །རྒྱུ་སྐར་ཉི་ཤུ་རྩ་བརྒྱད་དེ། །གནོད་སྦྱིན་བརྒྱད་དང་འཕྲོག་མའི་བུ། །ཤ་ཟ་དང་ནི་མ་མོ་དང་། །
འཇིག་རྟེན་པ་དང་དམ་ཚིག་གནས། །ཞིང་སྐྱོང་མ་ལུས་འཁོར་དང་བཅས། །འདི་དག་ལས་ཀུན་བྱེད་ཕ་ཡི། །འཇིག་རྟེན་སྐྱོང་བ་བཞི་བཅས་པས། །གྲུབ་པ་རབ་ཏུ་སྩོལ་མཛད་པ། །ལྷ་དང་ལྷ་མིན་མི་འམ་ཅི། །ལྟོ་འཕྱེ་གྲུལ་
བུམ་སྲུལ་པོ་དང་། །ལུས་སྲུལ་གྲིབ་གནོན་སྐེམ་བྱེད་སོགས། །ནམ་མཁའ་ལྡིང་དང་དྲི་ཟ་དང་། །འབྱུང་པོ་མ་ལུས་འདུས་པ་ཀུན། །འདི་དག་སྒྲུབ་ལ་གྲོགས་བྱེད་ཅིང་། །མཐུ་སྟོབས་དཔུང་དང་ནུས་པ་ཡིས། །བསྲུང་ཞིང་བར་

87-1-115b

ཆད་ངེས་པར་སེལ། །སྒྲ་གཅན་འཛིན་པའི་རཱ་ཧུ་ལ། །འདི་ལ་སོགས་པ་ཐམས་ཅད་ལ། །ཚོགས་ཀྱི་གཏོར་མས་ཆེར་མཆོད་ན། །དཔལ་དང་རྫུ་འཕྲུལ་མྱུར་དུ་སྟེར། །འདི་དག་འཁོར་དང་བཅས་པ་ཡི། །ཉེ་དང་ཉེ་བའི་མཚན་མ་དང་། །
རྟགས་དང་ཆོ་འཕྲུལ་དུ་མ་འབྱུང་། །སྐུ་གསུང་ཐུགས་ཀྱི་རྟགས་དང་ནི། །ཕྱི་ནང་གསང་བའི་རྟགས་གྱུར་པ། །དངོས་དང་ཉམས་སྣང་རྨྱི་ལམ་དང་། །སྤྲུལ་པའི་ཕྲིན་ལས་ངེས་འབྱུང་བ། །གཙོ་བོ་ཉིད་དང་འཁོར་རྣམས་ཀྱི། །
རིམ་པ་རྗེས་སུ་འབྲེལ་པར་འབྱུང་། །རྟགས་བྱུང་ནས་ནི་ལས་ལ་བསྐུལ། །དཔལ་མགོན་པོ་ཆེན་པོ་དངོས་གྲུབ་འབྱུང་བའི་རྒྱུད་ལས་གཙོ་བོ་དང་འཁོར་དུ་བཅས་པ་མཆོད་པར་བསྟན་པའི་ལེའུ་སྟེ་བཅུ་དྲུག་པའོ།། །། 
དེ་ནས་གཞན་ཡང་བཤད་བྱ་བ། །དཔལ་ལྡན་ནག་པོ་ཆེན་པོ་ཡི། །ཐར་པའི་གྲོང་ཁྱེར་ཉམས་དགའ་བར། །དབང་བསྐུར་ཆོ་ག་བཤད་པར་བྱ། །འདིས་ནི་བདུད་དང་བདུད་ཀྱི་ཕྱོགས། །དེ་ལས་རྒྱལ་བར་བྱེད་པ་ཡི། །ཆོ་ག་བཟང་པོ་བླ་ན་
མེད། །དཀྱིལ་འཁོར་བཟང་པོ་བཞེངས་པར་བྱ། །ཕུན་སུམ་ཚོགས་པའི་གནས་དག་ཏུ། །རྒྱུད་ཤེས་ཡང་དག་བླ་མ་ལ། །སྣོད་ལྡན་དག་པའི་སློབ་མ་ཡིས། །གསོལ་བ་ལན་གསུམ་གདབ་བྱས་ལ། །མཎྜལ་མེ་ཏོག་སྔོན་འགྲོ་ཡིན། །
རྡོ་རྗེ་འཛིན་པ་མ་ལུས་དང་། །རྒྱལ་བ་མགོན་པོ་མ་ལུས་དང་། །དབང་ཕྱུག་དམ་པའི་དཀྱིལ་འཁོར་དང་། །དབང་བསྐུར་གནང་བར་མཛད་དུ་གསོལ། །ལན་གསུམ་བརྗོད་ནས་གནང་གྱུར་པས། །དང་པོ་བསྙེན་པ་བརྩམ་པར་བྱ། །
མཚན་མ་ཉེ་བའམ་ཚུལ་ཤེས་ནས། །དེ་ནས་སྔོན་འགྲོ་བརྩམ་པར་བྱ། །དང་པོ་བགེགས་རྣམས་ཉེར་ཞི་ཡི། །ཕྲིན་ལས་མཆོད་པ་གཏོར་མ་ཡི། །ཡེ་ཤེས་ལྷ་རྣམས་མཆོད་པ་དང་། །ལུས་དང་ངག་དང་ཡིད་ཀྱིས་ནི། །
སྡིག་པ་བྲལ་ཞིང་བགེགས་དབྱུང་བའི། །སྔགས་དང་བཅས་པའི་ཡུངས་ཀར་གྱིས། །མེ་སྦར་བསྲེག་དང་བྲལ་བར་བྱ། །དེ་རྗེས་ས་ཕྱོགས་གཙང་མ་ལས། །ས་བརྟག་པ་དང་སྦྱང་བར་བྱ། །ས་བླངས་

87-1-116a

ནས་ནི་བཀའ་ཐོབ་པས། །བརྐོ་ཞིང་རོ་ལྔ་བསལ་བར་བྱ། །དེ་ནས་བསྲུང་ཞིང་བཅག་པར་བྱ། །རྡོ་རྗེ་འཛིན་པ་བཞེངས་ནས་ནི། །རྡོ་རྗེ་གོམ་པའི་གར་སྟབས་ཀྱིས། །ཧཱུྃ་ཧཱུྃ་དྲག་པོའི་སྒྲ་བརྗོད་པས། །ཕྱོགས་ཀུན་
བཅིང་བར་བྱས་ནས་ནི། །བགེགས་ལ་བཀའ་བསྒོ་གཏོར་མ་སྦྱིན། །སློབ་མ་ཀུན་ལ་བསྲུང་བྱས་ལ། །རྡོ་རྗེ་མགོན་པོ་ཆེན་པོ་ཡི། །ཏིང་ངེ་འཛིན་དུ་གནས་པ་ལ། །གསོལ་བ་གདབ་པས་གནང་བ་སྦྱིན། །ཁྱད་པར་བདུད་རྩི་
འཁྱིལ་བས་བསྲུང་། །ཡང་དག་ཡེ་ཤེས་སེམས་དཔའ་ཆེ། །འཁོར་བའི་གཡུལ་ལས་རྒྱལ་བྱེད་པ། །རྒྱལ་བ་མ་ལུས་བསྟན་སྐྱོང་ཆེ། །དེ་ནས་ལྷག་པར་གནས་པ་བརྩམ། །ས་འཛིན་ལྷ་མོ་ཉིད་མཆོད་པས། །བཀའ་བྱིན་ནས་ནི་
ཐིམ་པར་བལྟ། །བུམ་པ་བཀྲ་ཤིས་ཡང་དག་ལྡན། །མ་ཉམས་མཚན་ཉིད་ལྡན་པ་ལྔ། །ཁ་ཚར་མ་ཉམས་རས་ཟུང་དཀྲི། །སྙིང་པོ་སྨན་དང་འབྲུ་ལྔ་སོགས། །སྤོས་དང་རིན་ཆེན་དག་གིས་དགང་། །རྒྱུན་འབབ་ཆུ་ཡིས་གང་བ་དང་། །འབྲས་
ལྡན་ཤིང་གིས་ཁ་བརྒྱན་པའོ། །དེ་ནས་བསྲུང་བའི་འཁོར་ལོ་ཡི། །བཀའ་ཡི་ཁྲོ་བོ་རྣམ་པར་བསྒོམ། །དཀྱིལ་འཁོར་དྲི་ཡི་ཐིག་ལེ་ལ། །མེ་ཏོག་བཅལ་བཀྲམ་ལྷ་རྣམས་ནི། །བསྐྱེད་ཅིང་མཆོད་ལ་གཉིས་མེད་བསྟིམ། །སོ་ཤིང་དོར་དང་ལྟས་
བརྟག་པ། །བསྲུང་སྐུད་ཀུ་ཤ་སྦྱིན་པར་བྱ། །དེ་ནས་སེམས་བསྐྱེད་སྡོམ་གནས་པས། །དམ་ཚིག་གསང་བ་སྦྱིན་པར་བྱ། །ཁྱད་པར་ལྷ་ལ་གསོལ་བཏབ་ནས། །རྡུལ་ཚོན་དཀྱིལ་འཁོར་ཐིག་གདབ་བྱ། །དང་པོར་ཡེ་ཤེས་ཐིག་གདབ་ཅིང་། །
ཕྱི་ནང་དམ་ཚིག་ངེས་པར་གདབ། །གོ་རིམས་མ་ནོར་ངེས་པའི་ཚུལ། །སྲད་བུ་ཤེས་རབ་ཅན་ཐིག་གདབ། །ཚོན་ནི་བྱིན་གྱིས་བརླབས་ནས་ཀྱང་། །སྤྲ་བརྟག་རྡུལ་ཚོན་རིམ་པར་དགྱེ། །གྲུ་བཞི་པ་ལ་སྒོ་བཞི་པ། །རྟ་བབས་བཞིས་ནི་
མཛེས་པ་ཡི། །ཟླུམ་སྐོར་ཕོ་བྲང་ལེ་ཚེ་དགུ། །དབུས་མ་ཨེ་དབྱིབས་དྲག་པོ་ཉིད། །ཕྱི་རོལ་པད་མ་འདབ་བརྒྱད་པ། །ལྷ་ཁྱམས་བཅས་པའི་དཀྱིལ་འཁོར་མཆོག །འདོད་ཡོན་རིན་ཆེན་སྐེད་བད་དང་། །དྲ་ཕྱེ་བ་ཀུ་ལི་ཡི་ཕྲེང་། །ཡང་ན་ཁ་

87-1-116b

བད་མཛེས་པའི་རྒྱན། །ཆོས་འཁོར་རི་དགས་གདུགས་དང་བཅས། །ཐོད་སྐམ་པད་མའི་ཕྲེང་བར་ལྡན། །དུར་ཁྲོད་བརྒྱད་ཀྱིས་ཡོངས་སུ་འཁོར། །རྡོ་རྗེ་མེ་འོད་འབར་བས་འཁྲིགས། །དམ་ཚིག་ཡེ་ཤེས་གཉིས་མེད་པའི། །གསང་སྔགས་
ཉེ་བ་སྔགས་པར་གནས། །བརྟན་ཞིང་མཆོད་ལ་གསོལ་བ་གདབ། །ཉེ་བར་བརྒྱན་ཅིང་ཡོངས་སུ་བསྐོར། །དེ་ནས་སློབ་དཔོན་བདག་འཇུག་བྱ། །སྦྱིན་སྲེག་ལས་ནི་རབ་ཏུ་ཤིས། །དཔལ་མགོན་པོ་ཆེན་པོ་དངོས་གྲུབ་འབྱུང་བའི་རྒྱུད་ལས་
གསང་བ་ཆེན་པོའི་དཀྱིལ་འཁོར་གསལ་བར་བྱེད་པའི་ལེའུ་སྟེ་བཅུ་བདུན་པའོ།། །། དེ་ནས་གཞན་ཡང་རྣམ་བཤད་བྱ། །ཡང་ན་ལེ་ཚེ་དགུ་ལྡན་པའི། །པད་མ་འདབ་བརྒྱད་ཕྱི་རོལ་དུ། །མུ་ཁྱུད་འཁོར་ལོ་རིམ་གསུམ་ལ། །
ཨ་དབྱིབས་ཞིང་སྐྱོང་རིམ་པ་དགོད། །ལྷ་དང་ས་བོན་ཕྱག་མཚན་ནི། །སྐུ་གསུང་ཐུགས་ཀྱི་ཕྱག་རྒྱས་མཚན། །སློབ་མ་ཁྲུས་བྱས་རྒྱན་བཏགས་ཏེ། །མཎྜལ་མེ་ཏོག་ཕྱག་བྱ་ཞིང་། །རས་ཀྱིས་མིག་ནི་བཀབ་ནས་སུ། །དང་པོར་
མེ་ཏོག་དོར་བར་བྱ། །མཚན་མ་མཐོང་བས་ལེགས་པར་དྲང་། །སྒོ་བཞི་ནས་ནི་ནང་འཇུག་ཅིང་། །གུ་གུལ་བདུག་ཅིང་ཏིང་འཛིན་གྱིས། །ནག་པོ་ཆེན་པོའི་ལྷ་ཚོགས་ཀྱང་། །ངེས་པར་སྤྱན་དྲངས་བསྟིམ་པར་བྱ། །དེ་ལས་ངེས་པར་
རྟགས་རྣམས་བྱུང་། །ཡང་ན་སོ་སོའི་མགོན་པོར་བསྐྱེད། །ཡེ་ཤེས་སེམས་དཔའ་བྱིན་གྱིས་བརླབ། །བླ་མ་དཀྱིལ་འཁོར་གཙོ་བཅས་ལས། །འོད་འཕྲོས་རང་བྱིན་བརླབས་པར་གྱུར། །མཐོང་བ་དྲི་དང་བདུད་རྩིས་གཏོར། །
གདོང་གཡོགས་བཀྲོལ་ཞིང་ལྷ་ངོ་བསྟན། །དེ་ནས་དབང་པོའི་བྱེ་བྲག་གིས། །ངེས་པར་རིམ་པས་དབང་བསྐུར་ཏེ། །བསྟན་པ་འཛིན་ཅིང་བསྟན་པ་སྐྱོང་། །བསྟེན་པ་སྲུང་བར་བྱེད་པ་ཡི། །སངས་རྒྱས་བསྟན་པ་
འཕེལ་མཛད་པ། །སྐུ་ཡི་མགོན་པོ་འཁོར་བཅས་ཀྱིས། །བླ་མེད་དངོས་གྲུབ་སྦྱིན་པའི་ཕྱིར། །ཡང་དག་ཡེ་ཤེས་དབང་བསྐུར་རོ། །སྐུ་གསུང་ཐུགས་དང་ཡོན་ཏན་དང་། །ཕྲིན་ལས་ལྷ་ཡི་ཁྱད་པར་རོ། །མེ་ལོང་ཡེ་ཤེས་

87-1-117a

དབང་ཉིད་ཅན། །རྡོ་རྗེ་རིགས་ཀྱི་མགོན་པོ་ཡིས། །དཀྱིལ་འཁོར་ཆེན་པོའི་ནང་དུ་ནི། །ཞེ་སྡང་དག་པས་དབང་བསྐུར་རོ། །མཉམ་ཉིད་སོ་སོར་རྟོག་པ་དང་། །བྱ་བ་ནན་ཏན་ཆོས་ཀྱི་དབྱིངས། །ཡེ་ཤེས་ལྔ་ཡི་རིགས་ཀྱི་གཙང་། །
ངེས་པར་དབང་བསྐུར་བསྟན་པར་བྱ། །ཕྲིན་ལས་བཞི་ཡི་དབང་ཡང་བསྐུར། །ལྷ་མོ་བརྒྱད་ཀྱིས་ལས་རྣམས་འགྲུབ། །བུམ་པ་སྤྱི་བོར་བྱིན་པ་དང་། །ཐོད་པའི་བདུད་རྩི་བླུགས་པ་ཡིས། །གསང་བ་བདེ་ཆེན་ཡེ་ཤེས་ཉིད། །
རང་བྱུང་དྲི་མེད་དབང་བསྐུར་བའོ། །རྡོ་རྗེས་བྷ་ལིཾ་གཏད་པ་ཡིས། །ནུས་པ་ཐོགས་མེད་སྦྱིན་བྱེད་ཡིན། །སྐུ་གསུང་ཐུགས་ཀྱི་གསང་བ་མཆོག །ལྷ་དང་སྔགས་ཀྱི་ཟབ་པའི་ཆོས། །ཏིང་འཛིན་ཆེན་པོའི་ཕྱག་རྒྱ་ཆེ། །
འདི་ཉྀད་དངོས་གྲུབ་ཀུན་གྱི་གཏེར། །ཟབ་ཅིང་རྒྱ་ཆེའི་དོན་སྒྲུབ་པ། །སྐལ་བ་ཅན་ལ་སྦྱིན་པར་འོས། །ཧེ་རུ་ཀ་དང་ནག་པོ་ཆེ། །བླ་མ་ཐ་དད་མེད་པ་ལ། །ཚོགས་ཀྱི་འཁོར་ལོས་ལེགས་མཆོད་ཅིང་། །ཞབས་ལ་གཏུགས་ལ་
སྨོན་ལམ་གདབ། །འདི་ནི་ཐོབ་པར་ཐེ་ཚོམ་མེད། །ཕྲིན་ལས་ཀུན་དུ་གྲུབ་སྟེར་བྱེད། །དཔལ་མགོན་པོ་ཆེན་པོ་དངོས་གྲུབ་འབྱུང་བའི་རྒྱུད་ལས་དབང་བསྐུར་ཞིང་བྱིན་གྱིས་བརླབས་པའི་ལེའུ་སྟེ་བཅྭ་བརྒྱད་པའོ།། །། 
དེ་ནས་གཞན་ཡང་བཤད་བྱ་བ། །དཔལ་ལྡན་མགོན་པོ་དེ་ཉིད་ཀྱི། །ཕྱོགས་བཞི་ཡོངས་སུ་སྐྱོང་བ་ཡི། །རྒྱལ་པོ་ཆེན་པོ་རྣམ་པ་བཞི། །ཤར་ཕྱོགས་ནས་ནི་ཡུལ་འཁོར་སྲུང་། །ལྷོ་ཕྱོགས་ནས་ནི་འཕགས་སྐྱེས་པོ། །ནུབ་
ཕྱོགས་ནས་ནི་སྤྱན་མི་བཟང་། །བྱང་ཕྱོགས་ནས་ནི་རྣམ་ཐོས་སྲས། །སངས་རྒྱས་བསྟན་པ་སྲུང་བྱེད་པ། །འདི་ཉིད་གྲུབ་པ་སྟེར་བྱེད་པའོ། །རབ་ཏུ་དབེན་ཞིང་གཙང་བ་དང་། །བཀྲ་ཤིས་ཉམས་དགའ་ས་ཕྱོགས་སུ། །
རྣམ་ཐོས་སྲས་ནི་བསྒྲུབ་པར་བྱ། །ས་གཞི་པ་ཡི་ལྕི་བས་བྱུཀ  །དྲི་བཟང་ཙན་དན་དཀར་དམར་དང་། །ཨ་ག་རུ་དང་དུ་རུ་ཀ །ཁ་ཆེ་གྷི་ཧང་སྣ་ཚོགས་སྨན། །བསྲེག་ཅིང་ཚོགས་པའི་སྨན་དུ་བྱ། །མཎྜལ་གྲུ་བཞི་མདའ་གང་བ། །དཀྱིལ་འཁོར་

87-1-117b

སྒོ་བཞི་རྟ་བབས་དང་། །རིན་ཆེན་ཁང་པ་ཡིད་འོང་བ། །ཕོ་བྲང་རིན་ཆེན་ལས་གྲུབ་པ། །སྣ་ཚོགས་པད་མ་རིན་ཆེན་གླིང་། །གཏེར་དང་དཔག་བསམ་ལྗོན་ཤིང་བཅས། །ཀ་བ་སྟོང་ཕྲག་དུ་མ་ཡིས། །རབ་ཏུ་རྒྱས་ཤིང་ཡོངས་སུ་བསྐོར། །
ལྟེ་བ་རིན་ཆེན་མུ་ཁྱུད་ལ། །ལྷ་མོ་བརྒྱད་ཀྱིས་ཡོངས་སུ་བསྐོར། །བར་མ་ལྷ་ཁྱམས་མཛེས་པ་ལ། །གནོད་སྦྱིན་ཆེན་པོ་བརྒྱད་ཀྱིས་བསྐོར། །ཕྱི་མ་ར་བས་བསྐོར་བ་ལ། །ཀླུ་ཆེན་བརྒྱད་ཀྱིས་ཡོངས་སུ་བསྐོར། །སྒོ་བཞིར་གནོད་སྦྱིན་བཞི་
བཀོད་པ། །དབུས་སུ་རིན་ཆེན་སེང་གེའི་ཁྲི། །སྣ་ཚོགས་པད་མ་གེ་སར་བཅས། །དེ་དབུས་ཟླ་བ་དར་གྱི་གདན། །དེ་ལ་སྐུ་གསུང་ཐུགས་ཀྱི་གནས། །ས་བོན་ཕྱག་མཚན་སྐུ་དགོད་བྱ། །སྣ་ཚོགས་མཆོད་པས་ཡོངས་བསྐོར་ཏེ། །འབྲས་དང་གྲོ་དང་འབྲུ་
སྣ་ལ། །གཏོར་མ་ཤིན་དུ་བཟང་བར་བཤམ། །ཁྱད་པར་མེ་ཏོག་སྣ་ཚོགས་ནི། །ན་ག་གེ་སར་ཀུ་མུ་ད། །པུན་ཏ་ཀེ་བ་བ་ཀུ་ལི། །བ་ཤི་ཀ་དང་ཙམ་པ་ཀ །དྷ་ནུ་ཀ་རི་མ་ལ་ཀི། །སུ་ཏི་ཀ་དང་ཨུཏ་པ་ལ། །པད་མ་མན་དྷ་ར་བ་དང་། །དེ་དོད་པ་ལ་
སོགས་པའོ། །སྣ་ཚོགས་ཆུ་དང་བསྲེག་སྤོས་ཚོགས། །གུ་གུལ་ཁྱད་པར་བསྲེགས་པར་བྱ། །ཀ་ར་བུ་རམ་སྦྲང་རྩི་དང་། །ཁུར་བ་འབྲས་ཆན་ཞུན་མར་དང་། །ཞལ་ཟས་བྱེ་བྲག་ཐམས་ཅད་དང་། །སྣང་གསལ་མར་མེ་བྱུག་པ་དང་། །སྒྲ་
སྙན་སྣ་ཚོགས་མཆོད་པའི་རྫས། །གདུགས་དང་རྒྱལ་མཚན་བ་དན་དང་། །འཕན་དང་བླ་རེ་ལ་སོགས་པ། །སྣ་ཚོགས་དར་གྱི་ལྡ་ལྡི་དང་། །དེ་ལྟར་བཀོད་པ་ལེགས་བརྒྱན་ནས། །བདེ་བའི་སྟན་ལ་འདུག་ནས་ཀྱང་། །རང་ལྷར་བསྐྱེད་པའི་ས་བོན་
ལས། །འོད་འཕྲོས་མདུན་གྱི་དཀྱིལ་འཁོར་ལ། །རབ་ཏུ་འཕྲོས་པས་འོད་དུ་འབར། །དེ་ལས་དབུས་སུ་རྒྱལ་ཆེན་ནི། །སྐུ་མདོག་གུར་གུམ་མདོག་འདྲ་བ། །རིན་ཆེན་སྣ་ཚོགས་རྒྱན་གྱིས་བརྒྱན། །སེང་གེའི་ཁྲི་ལ་ལེགས་བཞུགས་པའི། །
ཕྱག་གཡས་ཡིད་བཞིན་ནོར་བུ་སྟེ། །རིན་ཆེན་འབར་བའི་རྒྱལ་མཚན་ཅན། །གཡོན་པ་ནེའུ་ལེའི་སྣོད་ཅན་ལས། །ཁ་ནས་རིན་ཆེན་སྐྱུག་པར་བསམ། །གནོད་གནས་དབང་པོ་གང་བ་བཟང་། །ནོར་བུ་བཟང་དང་རྟ་ཡི་བདག །ཡང་དག་ཤེས་དང་

87-1-118a

འབྲོག་གནས་དང་། །ལྔ་རྩེན་པི་ཙི་ཀུཎྜ་ལི། །སྣ་ཚོགས་རྐྱེན་དང་ཕྱག་མཚན་བཅས། །རེ་རེའང་དུ་མས་ཡོངས་བསྐོར་ནས། །ཤིན་དུ་གསལ་ཞིང་བརྟན་པར་བསམ། །དེ་ནས་ས་བོན་ལས་འཕྲོས་ཏེ། །རང་བཞིན་གནས་
ནས་སྤྱན་དྲངས་ལ། །མཆོད་ཅིང་བསྟོད་དེ་གཉིས་མེད་བསྟིམ། །ཁྱད་པར་གསོལ་བ་གདབ་པར་བྱ། །རྒྱལ་བ་མགོན་པོ་འཁོར་བཅས་པའི། །ཡིད་འོང་ཁང་བཟངས་ཕོ་བྲང་འདི། །ཡིད་བཞིན་ནོར་བུའི་ཆར་འབེབས་པའི། །རིན་ཆེན་གཏེར་
གྱི་དངོས་གྲུབ་གསོལ། །ཨོཾ་བེ་སྭཱ་ཧཱ། ཨོཾ་བཻ་ཤྲ་བ་ཎཱ་ཡ་སྭཱ་ཧཱ། ཨོཾ་ཛམྦྷ་ལཱ་ཡ་སྭཱ་ཧཱ། ཨོཾ་པཱུརྞྞ་བྷ་དྲཱ་ཡ་སྭཱ་ཧཱ། བྷ་ཡ་ཧཱ། ཨོཾ་ཀུ་བེ་རཱ་ཡ་སྭཱ་ཧཱ། ཨོཾ་སྃ་པྲ་ཛ་ནཱ་ཡ་སྭཱ་ཧཱ། ཨོཾ་གུ་ཧྱ་སྠ་ནཱ་ཡ་སྭཱ་ཧཱ། ཨོཾ་པཱཉྩི་ཀཱ་ཡ་སྭཱ་ཧཱ། ཨོཾ་པི་ཙི་ཀུཎྜ་ལཱ་ཡ་སྭཱ་ཧཱ། 
དང་པོ་ལྕགས་ཀྱུའི་ཕྱག་རྒྱ་སྟེ། །གཉིས་པ་རིན་ཆེན་འབར་བ་ཉིད། །གསུམ་པ་ཀུན་ནས་བསྟོད་པར་བྱ། །དེ་ནས་གཏོར་མ་དབུལ་བར་བྱ། །གསོལ་བ་བཏབ་ནས་ཕྲིན་ལས་བཅོལ། །དེ་ནས་ཡེ་ཤེས་གཤེགས་སུ་གསོལ། །དེར་གནས་པ་
ནི་བཞུགས་པར་བྱ། །ཕྱི་རྟེན་ནང་རྟེན་ཁྱད་པར་བ། །རིམ་པ་འཁོར་ལོ་སྔགས་དང་བཅས། །མིས་མི་མཐོང་བར་སྦས་ཏེ་བཅང་། །ཁྱད་པར་རྟགས་ནི་གསལ་བར་འབྱུང་། །ཉེ་བའི་མཚན་མ་ངེས་མཐོང་ནས། །དངོས་གྲུབ་བླང་ཞིང་
གཏོར་མ་དབུལ། །སྦྱིན་སྲེག་ལས་ཀྱིས་མྱུར་དུ་འགྲུབ། །གསང་སྔགས་འབུམ་ཕྲག་བཅུ་ཡིས་ནི། །འབྲས་བུ་ཡིད་ལ་འདོད་ཀུན་འགྲུབ། །ཁ་སྐོང་མེ་ཡི་མཆོད་པ་བྱ། །གཏོར་མ་ཆེན་པོ་དང་བཅས་པ། །ལན་བདུན་ཉེ་བར་བསྙེན་པས་འགྲུབ། །
འདི་ནི་ལྷ་རྣམས་ཀུན་གྱི་གཏེར། །སྒྲུབ་པ་པོ་ལ་སྩོལ་བར་མཛད། །དཔལ་མགོན་པོ་ཆེན་པོ་དངོས་གྲུབ་འབྱུང་བའི་རྒྱུད་ལས་ཁྱད་པར་དུ་འཕགས་པ་རྣམ་ཐོས་སྲས་གནོད་སྦྱིན་ཆེན་པོ་བརྒྱད་དང་བཅས་པ་བསྒྲུབ་པའི་ལེའུ་སྟེ་བཅུ་དགུ་པའོ།། །། 
དེ་ནས་གཞན་ཡང་བཤད་བྱ་བ། །འཕགས་པ་ཆེན་པོ་དེ་ཉིད་ལ། །ཀླུ་ཆེན་བརྒྱད་ཀྱིས་ཡོངས་བསྐོར་བ། །རིམ་པ་འདི་ནི་བསྟན་པར་བྱ། །ཁྱད་པར་ས་བཅུའི་དབང་ཕྱུག་ཆེ། །དཔལ་ལྡན་ཐུགས་རྗེའི་བདག་པོ་ཉིད། །ཞལ་གཅིག་ཕྱག་ནི་གཉིས་པ་ཉིད། །

87-1-118b

སྤྱན་གསུམ་ཅུང་ཟད་ཁྲོ་བའི་ཚུལ། །སྐུ་མདོག་དམར་དང་ལྗང་ཁུའི་མདོག །རིན་ཆེན་འབར་བའི་དབུ་རྒྱན་ཅན། །སྐུ་ལ་དར་བེར་སུམ་རིམ་ལ། །སྣ་ཚོགས་ཅོད་པན་རྒྱན་གྱིས་སྤྲས། །ཕྱག་རྒྱ་རིན་ཆེན་འབར་བ་བསྣམས། །ལྷ་ཡི་བ་དན་
མཛེས་པ་འཕྱར། །གཡོན་པ་མཆོད་རྟེན་སྐུ་གདུང་བསྣམས། །ནེའུ་ལེའི་རྐྱལ་བ་ནོར་སྐྱུག་འཆང་། །འཁོར་དུ་ཁྱད་པར་ཀླུ་ཆེན་བརྒྱད། །སྐུ་ལུས་མི་ཡི་རྣམ་པ་ལ། །སྦྲུལ་མགོ་བདུན་པའི་གདེངས་ཀ་ཅན། །ཕྱག་གཉིས་ཐལ་མོ་སྦྱར་བ་ནས། །ཡིད་བཞིན་
ནོར་བུ་ལེགས་བསྣམས་པ། །སེམས་དཔའི་འདུག་སྟངས་ཕྱེད་དཀྱིལ་ཅན། །ཐམས་ཅད་གཙོ་ལ་འདུད་པར་བྱེད། །ནོར་རྒྱས་པད་མ་ཉིད་དང་ནི། །སྟོབས་ཀྱི་རྒྱུ་དང་འཇོག་པོ་ཉིད། །པད་མ་ཆེ་དང་ཧུ་ལུ་ཆེ། །དུང་སྐྱོང་རིགས་ལྡན་བརྒྱད་པོ་ཉིད། །རྒྱ་མཚོ་ཆེན་པོའི་ནང་དག་
གི། །པད་མ་ལ་ནི་གནས་བཅས་ཏེ། །དེ་ལྟར་བསྐྱེད་ལ་ཡེ་ཤེས་པ། །སྤྱན་དྲངས་མཆོད་ལ་གཉིས་མེད་བསྟིམ། །དགྱེས་པའི་ཚུལ་གྱིས་རྣལ་འབྱོར་ལ། །ཡིད་འོང་དངོས་གྲུབ་སྩོལ་བར་འགྱུར། །ཨོཾ་ཤྲཱི་བཛྲ་ཡཀྵ་བཻ་ཤྲ་བ་ཎཱ་ཡ་ཧཱུྃ་ཕཊ། ཨོཾ་བ་རུ་ཎཱ་ཡ་སྭཱ་ཧཱ། ཨོཾ་ཨན་ནཱ་
ཡ་སྭཱ་ཧཱ། ཨོཾ་ཏཀྵ་ཀཱ་ཡ་སྭཱ་ཧཱ། ཨོཾ་ཤྃ་ཁཱ་པཱ་ལཱ་ཡ་སྭཱ་ཧཱ། ཨོཾ་ཀར་ཀོ་ཊཱ་ཡ་སྭཱ་ཧཱ། ཨོཾ་པད་མཱ་ཡ་སྭཱ་ཧཱ། ཨོཾ་མ་ཧཱ་པད་མཱ་ཡ་སྭཱ་ཧཱ། ཨོཾ་ཀུ་ལི་ཀཱ་ཡ་སྭཱ་ཧཱ། དེར་ནི་གསང་སྔགས་བཟླས་པ་ཡིས། །སྔགས་ཀྱི་འོད་ཟེར་སྤྲོ་བསྡུ་བྱ། །དེ་ནས་ཀླུ་རྣམས་ཐམས་ཅད་ལ། །ཡིད་འོང་
གཏོར་མ་དབུལ་བར་བྱ། །ནཱ་ག་གེ་སར་པུས་པ་དང་། །རྒྱ་མཚོ་ལྦུ་བ་ཨ་རུ་ར། །ཛཱ་ཏི་བ་ལ་གུར་གུམ་དང་། །ཙན་དན་དཀར་དམར་པུ་ཤེལ་ཙེ། །དབང་པོ་ལག་དང་སྙིང་ཞོ་ཤ །ཆུ་སྲིན་སྡེར་མོ་ལེབ་རྒན་དང་། །འགྲོན་བུ་དུང་དང་མུ་ཏིག་དང་། །ཉ་ཕྱིས་
བླ་གོར་ཞོ་ཤ་དང་། །མཁལ་མ་ཞོ་ཤ་རྨ་བྱའི་མདོངས། །རྟ་རུ་རྒུན་འབྲུམ་མདར་གསུམ་དང་། །གསེར་གྱི་བྱེ་མ་རས་སྐུད་དང་། །འོ་མ་དང་ནི་འབྲུ་སྣ་ལྔ། །རིན་ཆེན་སྣ་ཚོགས་མ་ལུས་པ། །ཁྱད་པར་དུ་ནི་དབུལ་བར་བྱ། །དེ་ནས་མཆོད་
ཅིང་བསྟོད་བྱ་སྟེ། །དངོས་གྲུབ་གང་འདོད་སྩལ་བར་བསམ། །དེ་ན་ཞི་བའི་སྦྱིན་སྲེག་བྱ། །གསང་སྔགས་ཁྲི་ཕྲག་བཅུ་བཟླས་ནས། །རྟགས་བྱུང་ནས་ནི་དངོས་གྲུབ་བླང་། །དཔལ་མགོན་པོ་ཆེན་པོ་དངོས་གྲུབ་འབྱུང་བའི་རྒྱུད་ལས་

87-1-119a

རྒྱལ་པོ་རྣམ་ཐོས་སྲས་ལ་ཀླུ་ཆེན་པོ་བརྒྱད་ཀྱིས་བསྐོར་བའི་ལེའུ་སྟེ་ཉི་ཤུ་པའོ།། །། དེ་ནས་གཞན་ཡང་བཤད་བྱ་བ། །དྲང་སྲོང་སྲས་མཆོག་དེ་ཉིད་ལ། །ལྷ་མོ་བརྒྱད་ཀྱིས་ཡོངས་བསྐོར་བའི། །ཐབས་ཉིད་རྣལ་འབྱོར་པས་ཤེས་
བྱ། །རིན་ཆེན་བདུན་པའི་ཁང་བཟངས་སུ། །ནོར་བུ་སྣ་ཚོགས་གདན་བཞུགས་པའི། །འཕགས་པ་སྐུ་མདོག་བཻ་ཌཱུརྱ། །ཞལ་གཅིག་ཕྱག་དྲུག་སྤྱན་གསུམ་པ། །རིན་ཆེན་སྣ་ཚོགས་དུ་མས་སྤྲས། །གདུག་པ་ཀླུ་ཡིས་ཉེར་
བརྒྱན་ཅིང་། །གཡས་ཀྱི་དང་པོ་རྒྱལ་མཚན་འཛིན། །གཡོན་གྱི་དང་པོ་རིན་ཆེན་སྣོད། །བར་མ་གཉིས་ནི་རྡོ་རྗེ་དང་། །པད་མ་འབར་བ་བསྣམས་པ་དང་། །ཐ་མས་ཞགས་པ་ཐོ་བ་འཕྱར། །སྟག་གི་ལྤགས་པའི་ཤམ་
ཐབས་ཅན། །དར་གྱི་ཅོད་པན་དག་གིས་མཛེས། །སྐད་ཅིག་གིས་ནི་བསམ་པར་བྱ། །ཨོཾ་བཛྲ་བི་རུ་ཀ །ཀུ་བེ་ར་ཨཱཏྨ་ཀ །མ་ཧཱ་ཡཀྵ་རཱ་ཛ་རཏྣ་སིདྡྷི་ཧཱུྃ་སྭཱ་ཧཱ། གསང་སྔགས་འདི་ནི་བརྗོད་པ་ཡིས། །གནོད་སྦྱིན་མོ་རྣམས་
མདུན་དུ་འགུགས། །ཨོཾ་ཙནྡྲ་ཀཱན་ཏྱེེ་སྭཱ་ཧཱ། ཨོཾ་སུ་བྷ་དྲཱ་ཡཻ་སྭཱ་ཧཱ། ཨོཾ་ད་ཏཱ་ཡཻ་སྭཱ་ཧཱ། ཨོཾ་གུ་ཧྱཱ་ཡཻ་སྭཱ་ཧཱ། ཨོཾ་སུ་དཏྟཱ་ཡཻ་སྭཱ་ཧཱ། ཨོཾ་དེ་བྱཻ་སྭཱ་ཧཱ། ཨོཾ་ཨཱརྱཱ་ཡཻ་སྭཱ་ཧཱ། ཨོཾ་ས་ར་སྭ་ཏྱཻ་སྭཱ་ཧཱ། ཟླ་འོད་ཅན་མ་རབ་བཟང་མོ། །
སྦྱིན་བྱེད་མ་དང་གསང་བ་མ། །རབ་སྦྱིན་མ་དང་དཔལ་ལྷ་མོ། །འཕགས་མ་དང་ནི་དབྱངས་ལྡན་ཏེ། །ཐམས་ཅད་ཞལ་གཅིག་ཕྱག་གཉིས་མ། །ཀུན་ཏུ་རྒྱལ་བ་འོད་འཕྲོ་མ། །གདུ་བུ་དཔུང་རྒྱན་མགུལ་
རྒྱན་དང་། །ཞབས་གདུབ་དོ་ཤལ་ལེགས་བརྒྱན་ཅིང་། །དར་དང་ནོར་བུས་རྣམ་པར་མཛེས། །དཀར་དང་སེར་དང་དཱུར་བའི་འོད། །གསེར་འོད་པད་མ་རཱ་ག་དང་། །ཨུཏྤལ་པད་མ་རཱ་ག་དང་། །ཨུཏྤལ་པུཎྜ་རཱི་
ཀ་དང་། །པ་ལ་ཤ་ཡི་མདོག་མཚུངས་པ། །འོད་ཀྱི་ཕྲེང་བས་འཁྲིགས་པའི་ནང་། །རིན་ཆེན་སྒྲོམ་བུ་གཏེར་གྱི་སྣོད། །རིན་ཆེན་གཞོང་པ་དུང་ཆོས་དང་། །བེ་ཙུ་ར་དང་ནོར་བུ་མེ། །དཔལ་བེ་པན་ཙ་ལི་ཀ་སྟེ། །གཡོན་པ་

87-1-119b

ཀུན་དུ་པད་མ་བསྣམས། །སྒེག་ཅིང་འགྱིང་དང་ལྡན་པར་བསམ། །གཙོ་བོས་ལྷ་མོ་བརྒྱད་པོ་བསྐུལ། །ལྷ་མོ་བརྒྱད་པོ་ཐམས་ཅད་ཀྱིས། །རིན་ཆེན་ཆར་པ་ཕབ་ནས་ནི། །བཀའ་བཞིན་བགྱིད་པ་རྣམ་པར་བསམ། །མགོན་པོ་མྱུར་དུ་བསྐུལ་
བའི་ཚེ། །གཙོ་བོས་མི་འཇིགས་སེང་གེ་ཆིབས། །ཐུན་མོང་གི་ནི་ལས་བྱེད་པའོ། །སྟོབས་ལྡན་གླང་ཆེན་རབ་བརྟན་ཆིབས། །ཁྱད་པར་སྒྲུབ་པའི་ལས་རྣམས་བྱེད། །གཡུ་འབྲུག་སྔོན་པོ་ཆིབས་ནས་ནི། །སྣང་སྲིད་མ་ལུས་དབང་དུ་སྡུད། །
དབང་དུ་བྱེད་པའི་ལས་རྣམས་དང་། །ཁྱད་པར་སྦྱིན་སྲེག་དྲག་པོ་ནི། །བཤད་དང་རྔམ་པའི་ཚུལ་གྱིས་ནི། །མྱུར་དུ་ལས་ལ་འགྲོ་བ་ཡིན། །ཕྱི་ནས་གསང་བའི་རིམ་ཤེས་པའི། །སྟོང་ཕྲག་བཅུ་ཡིས་འགྲུབ་པ་སྟེ། །འདི་ནི་རིན་ཆེན་གའུའི་ནང་། །རིན་
ཆེན་འབར་བའི་འཁོར་ལོ་ལ། །གསང་སྔགས་ཡི་གེའི་ཕྲེང་བ་ཅན། །ས་བོན་སྤྲོ་བསྡུས་ཏིང་འཛིན་བསྒོམ། །ན་མོ་བཻ་ཤྲ་བ་ཎ་བཛྲ་མུ་ས་ལ། མུ་སུ་ན་སྟི། ཏྲི་ཤཱུ་ལ་ཨྃ་ཀུ་ཤ །པཱ་ཤ་པ་ར་ཤུ། བན་དྷ་མུད་ག་ར་ལཱ་ལང་ཀྲྀ་ཏ། ཧསྟ་སྱ། ན་མོ་ན་མཿ 
སརྦ་དེ་ཝ་ཏ་སུ་ཙི་ཏ། ཀྲི་ཏ་ཊ་སྱ། མ་ཧཱ་ཀཱི་ལ་ཀཱི་ལཱ་ཡ། སརྦ་གྲ་ཧཱ། ཨ་ཀ་རི་ཥ་ཎི་ཡ་བི་ཛ་ཡ། ཛ་ཡྃ་དཱུ། བྷ་ག་བཱན། ན་ད་ཀུ་བེ་རཱ། ཀྵི་ཏི་ས་ཏི་ཙཀྲ་ཏི་ནི། ཀ་ལ་ཀ་ལ། ན་ད་ཀུ་བེ་ར་ཀི་རི་ཀི་ལི། ནཱ་ད་ཀུ་བེ་ར། ཀྵི་ཏི་པ་ཏི། ཙཀྲ་ཏི་ནི། བི་ཛི་མ་ཧཱ་
བྷ་ག་བ་ནི། ནཱ་ད་ཀུ་བེ་ར། བི་ཀྲ་ཏ། དྲང་སྲོང་ཀ་ར་ལ། བན་དྷ་ན། རེའུ་ཏྲ། དྷི་ཧྱ་ས། གུ་ཧྱ། ཀ་ན་ག་ན་བ་རི་བྲི་དྷ།  བཻ་ཤྲ་བ་ཎ། བྷ་ནེ་བྷ་ནེ། བྷི་བ་ན་བ་སི་ཏི། ཀུ་ཏི་ཀུ་ཏི། ཀུ་བེ་ར། ན་ད་ཀུ་བེ་ར། ན་མཿསྟུ་ཏེ་སྭཱ་ཧཱ། འདི་ནི་ཁྱད་པར་སྒྲུབ་པ་སྟེ། །
གསང་སྔགས་གནོད་སྦྱིན་སྟོང་སྡེའི་ཚོགས། །མ་ལུས་འདི་ཡིས་སྐུལ་བར་བྱེད། །གར་མཁན་མཆོག་ཅེས་བྱ་བ་ཡི། །ལྷ་ནི་དུ་མས་ཡོངས་བསྐོར་བའི། །འདི་ནི་བསྐྱེད་ཅིང་སྤྱན་དྲང་བ། །སྤྱན་དྲངས་མཆོད་ཅིང་བསྟོད་པ་དང་། །གང་སྒྲུབ་ལས་ལ་
བསྐུལ་བར་བྱ། །འདི་ཡིས་རྣལ་འབྱོར་དགོས་པ་སྒྲུབ། །ཞི་བས་ནད་གདོན་མ་ལུས་ལ། །དབང་གིས་ཁམས་གསུམ་མ་ལུས་བསྒྱུར། །རྒྱས་པས་ནོར་དང་འབྲུ་སོགས་འཕེལ། །མངོན་སྤྱོད་ཀྱིས་ནི་གདུག་པ་འདུལ། །ནོར་བུ་བཟང་པོས་གཏེར་ལ་

87-1-120a

སྤྱོད། །ཡང་དག་ཤེས་ཀྱིས་དུས་གསུམ་མཐོང་། །གང་བ་བཟང་པོས་ལོངས་སྤྱོད་འཕེལ། །གཙུག་ན་འཁྱིལ་པས་ཚེ་དཔལ་སྟེར། །འབྲོག་གནས་རྒྱལ་བས་དུད་འགྲོ་སྤེལ། །གནོད་སྦྱིན་ལྔ་པོ་འདི་དག་གིས། །ས་གསུམ་གཡོ་
བར་བྱེད་པ་སྟེ། །འདི་དག་སྒྲུབ་པོས་མཆོད་གྱུར་ན། །ཕུན་སུམ་ཚོགས་པའི་དཔལ་རྣམས་སྟེར། །རང་ཉིད་ལྷག་པའི་ལྷ་ཡིས་ནི། །ས་བོན་ལས་འཕྲོས་ལྕགས་ཀྱུས་ནི། །འདི་དག་སྲོག་གི་དབང་པོ་ལ། །དབང་བྱེད་ལས་བྱེད་མི་ཟློག་འགྱུར། །
གནོད་སྦྱིན་རྣམས་ལ་ཤིང་ཐོག་དང་། །ཀླུ་རྣམས་གཏོར་མས་ཀུན་དུ་མཆོད། །ལྷ་མོ་ཨ་རུ་ར་ཡི་འབྲུ། །མ་ལུས་མྱུར་དུ་མཆོད་པའོ། །གང་པོ་དང་ནི་མཛེས་མ་དག །ཁྱད་པར་མངག་གཞུག་གྱུར་པའོ། །དཔལ་མགོན་པོ་ཆེན་པོ་
དངོས་གྲུབ་འབྱུང་བའི་རྒྱུད་ལས་རྒྱལ་པོ་ཆེན་པོ་རྣམ་ཐོས་སྲས་འཁོར་དང་བཅས་པ་བསྒྲུབ་པའི་ལེའུ་སྟེ་ཉི་ཤུ་རྩ་གཅིག་པའོ།། །།   དེ་ནས་གཞན་ཡང་བཤད་བྱ་བ། །སེམས་ཅན་རྣམས་ཀྱི་དོན་གྱི་ཕྱིར། །འཁོར་བའི་སྲིད་པ་ཇི་
སྲིད་པར། །བྱང་ཆུབ་སེམས་ཀྱི་ཆོས་རྣམས་སྟོན། །རི་བོའི་རྩེ་དང་ནགས་ཚལ་བྲག །རྒྱ་མཚོའི་འགྲམ་དང་ཤིང་གཅིག་ས། །གདོད་ནས་གྲུབ་པའི་དུར་ཁྲོད་དེ། །གནས་འདི་དག་ཏུ་བསམ་གཏན་བསྒོམ། །ལས་ཀྱི་མགོན་པོ་
འཇིགས་པའི་གཟུགས། །གྲུ་གསུམ་ཕོ་བྲང་ལ་གནས་པ། །དུར་ཁྲོད་གཞལ་ཡས་འབར་བ་ནི། །མེ་དཔུང་འབར་བ་འཕྲོ་བའི་དབུས། །ཞལ་གཅིག་པ་ལ་ཕྱག་གཉིས་པ། །སྐུ་མདོག་ནག་ཅིང་མཆེ་བ་རྣོ། །ཡན་ལག་ཐུང་
ཞིང་གསུས་པ་འཕྱང་། །ཐོད་པ་སྐམ་པོའི་དབུ་རྒྱན་བྱས། །སྤྱན་གསུམ་སྡང་མིག་ཁྲོ་ཚུལ་སྟོན། །བཞིན་བསྒྱུར་མི་སྡུག་ལུས་ཅན་ནི། །ཕྱག་གཡས་རྡོ་རྗེ་གྲི་གུག་འཕྱར། །གཡོན་པ་དམ་ཉམས་སྙིང་ཁྲག་གིས། །ཐོད་པ་
བཀང་ནས་གསོལ་བར་མཛད། །དུག་སྦྲུལ་གདུག་པས་ལྷུ་ཚིགས་བརྒྱན། །དབུ་སྐྲ་དམར་སེར་གྱེན་དུ་བརྫེས། །མི་ཐོད་རློན་པའི་དོ་ཤལ་བྱས། །རོ་ཡི་གདན་ལ་བརྫིས་ནས་ཀྱང་། །དྲག་པོའི་ང་རོ་སྒྲོགས་པའི་གནས། །སྐུ་

87-1-120b

གསུང་ཐུགས་ཀྱི་མགོན་པོ་ནྀ། །གསོད་བྱེད་རྔམ་བྱེད་སྒྲོལ་བྱེད་ཆེ། །བསྒྲུབ་བྱ་ངེས་པར་སྒྲོལ་བའི་ཚེ། །སྐུ་ཡི་མགོན་པོས་དམ་ཉམས་ཀྱི། །ལྟེ་བའི་སྲོག་རྩ་གཅོད་པར་བྱེད། །གསུང་གི་མགོན་པོས་དམ་ཉམས་ཀྱི། །མགྲིན་པ་ནས་ནི་ཁྲག་
རྣམས་འདྲེན། །རྡོ་རྗེ་ཐུགས་ཀྱི་མགོན་པོ་ཡིས། །སྙིང་གི་དཀར་ནག་མཚམས་སུ་ཡང་། །བྱ་རོག་མཆུ་ནི་བཙུགས་ནས་ཀྱང་། །སྲོག་རྩ་མྱུར་དུ་གཅོད་པར་བྱེད། །ཕོ་ཉ་ཤ་ཟའི་གདོང་ཅན་གྱིས། །སྤྱི་གཙུག་ནས་ནི་རྩ་ལ་འཇིབ། །
ལས་བྱེད་མ་མོ་ཙཎ་ཌི་ཀས། །གསང་བའི་མདོམས་སོར་དངས་མ་རྔུབ། །རྩ་འཇིབ་མ་དང་ཁྲག་འཐུང་མ། །སྲོག་འཕྲོག་མས་ནི་ལས་ལ་སྦྱོར། །ཉིན་མཚན་དུས་ལས་འདའ་མི་བྱེད། །འདི་དག་གསང་སྔགས་མ་ཡེངས་བཟླས། །
དུས་གསུམ་དག་ཏུ་ཏིང་འཛིན་འབད། །རྩ་བའི་སྔགས་ནི་སྲོག་ཡིན་ཏེ། །གསུང་གི་དངོས་གྲུབ་སྙིང་པོ་ཡིན། །ཉེ་བའི་སྙིང་པོས་ཐུགས་བསྐུལ་བའོ། །ཡེ་ཤེས་ས་བོན་མི་ཤིགས་པ། །དངས་མའི་གནས་པར་དེ་བཤད་དོ། །
སྐུ་གསུང་ཐུགས་དང་ཡོན་ཏན་ལས། །རིམ་པར་བཟླས་པས་བསམ་གཏན་འགྲུབ། །རྟགས་རྣམས་ཉེ་བར་མ་བྱུང་ན། །འབད་པས་བསྟེན་ཅིང་མཆོད་པར་བྱ། །གཞན་དུ་འགྲུབ་པར་མི་འགྱུར་རོ། །ཨོཾ་མ་ཧཱ་ཀཱ་ལ་
གུ་ན་ཧྲི་ད་ཧཱུྃ་ཕཊ། ཨོཾ་མ་ཧཱ་ཀཱ་ལ་ཏྲག་ཤད་ཛཿ མ་ཧཱ་ཀཱ་ལ་སི་ཏི་ཡ་མ་དུ་ཛཿ ཨཱ་ལི་ཀཱ་ལི་མཉམ་ལྡན་པའི། །རྩ་བརྒྱད་ཕྲེང་བ་རབ་ཏུ་བསྒྲགས། །རིམ་པར་བྱིན་བརླབས་ལྡན་བྱའི་ཕྱིར། །བཟླས་པ་བརྒྱ་རྩ་བརྒྱད་དུ་བྱ། །
བགྲང་ཕྲེང་ནུས་པར་ལྡན་པ་ཡིས། །ལས་ནི་མྱུར་བར་ཤིས་པ་ཡིན། །ཤེལ་གྱིས་ཞི་བ་ཆེན་པོ་འགྲུབ། །མུ་ཏིག་གིས་ནི་རྒྱས་པ་ལ། །དྲེད་པོའི་སོ་ཡིས་གསད་པ་འགྲུབ། །དེ་གཉིས་འགྱུར་བ་བོང་བུའི་སོ། །སྡང་དང་སྐྲད་པ་རྔ་མོའི་སོ། །
ཀ་སོགས་རྣམ་དག་ཡུམ་བཅུ་དྲུག །བྱིས་པ་འཚོ་བྱེད་དབང་སོགས་ལ། །དབྱངས་དང་གསལ་བྱེད་རྣམས་བསྲེས་པས། །བཞི་ཡིས་ལྷག་པའི་པད་འབྲས་ཤིང་། །ལུང་ཏང་དམར་པོ་བདུན་གཅིག་དྲུག །ཡང་ན་ཙན་དན་འབྲུ་

87-1-121a

དགུ་འམ། །རྒྱུ་སྐར་ཕྱེད་པོས་གྲངས་མཉམ་པས། །ལུང་ཏང་ནག་པོས་རྨོངས་བྱེད་ནུས། །དབྱངས་དང་གསལ་བྱེད་ཕྱེད་སྦྱངས་པས། །རུ་རཱ་ཀྵ་ནི་མངོན་སྤྱོད་ལ། །དེ་ལྟའི་ཆོ་ག་ཤེས་པ་ཡིས། །ཚར་གཅད་ཕན་གདགས་
ལས་རྣམས་སྤྱད། །གསང་སྔགས་ཡི་གེའི་འཁོར་ལོ་ནི། །མགལ་མེ་བཞིན་དུ་བསྐོར་བར་བྱ། །དེ་ལྟར་དུས་བཞིར་བསྒྲུབ་པར་བྱ། །དེས་ནི་ཉེ་བར་འགྲུབ་པར་འགྱུར། །དེས་ཀྱང་གྲུབ་པར་མ་གྱུར་ན། །རང་ཉིད་ཡེ་ཤེས་ནག་
པོ་ཡི། །གདུག་པ་འདུལ་བར་བསམས་ནས་ནི། །ལས་བྱེད་མགོན་པོའི་སྲོག་རྩ་འཕྲོག །དེ་ལྟར་བསྐུལ་བས་ལས་ལ་སྦྱོར། །གཟས་པ་པོ་དེ་སྒྲོལ་བར་བྱེད། །གལ་ཏེ་ལས་ལ་འགྱངས་པ་ན། །སྲོག་གི་ཐིགས་པ་བླང་བ་དང་། །
གསང་སྔགས་སྙིང་པོ་གོ་བཟློག་ཅིང་། །ལྟེ་བ་དཀྲུགས་པའི་ལས་བྱས་ན། །ཤི་ས་བསྟན་པར་འགྱུར་བ་སྟེ། །སྲོག་ནི་དམར་ལེན་བྱེད་པར་འགྱུར། །མ་རུངས་འདུལ་བའི་ལས་འདི་དག །སངས་རྒྱས་བསྟན་པ་བསྲུང་བ་ལས། །
གཞན་དུ་བྱས་ན་ཉེས་པར་འགྱུར། །སྦྱིན་སྲེག་དང་ནི་མནན་པ་དང་། །དེ་བཞིན་ཟོར་དགྱེ་ལས་བྱ་བ། །གསད་པ་རང་གཤེད་གནད་ལ་དབབ། །དེ་ལས་མྱུར་བར་རྟགས་བྱུང་ཚེ། །ཐུགས་དམ་བསྐང་ཞིང་གཏོར་མ་འབུལ། །ཚོགས་ཀྱི་
འཁོར་ལོའི་མཆོད་པ་དང་། །དེ་དག་རྣལ་མར་འགྲུབ་པར་འགྱུར། །དཔལ་མགོན་པོ་ཆེན་པོ་དངོས་གྲུབ་འབྱུང་བའི་རྒྱུད་ལས་ལས་ཉེ་བར་བསྒྲུབ་པར་བསྟན་པའི་ལེའུ་སྟེ་ཉི་ཤུ་གཉིས་པའོ།། །།  དེ་ནས་གཞན་ཡང་བཤད་པར་བྱ། །
དཔལ་ལྡན་ལྷ་མོ་འཁོར་དང་བཅས། །ནག་མོ་མངོན་པར་འབྱུང་བ་ཡི། །ལས་ཀྱི་དངོས་གྲུབ་ཆོ་ག་བཤད། །དམ་ཚིག་གསང་བའི་སྔགས་པ་ཡིས། །བྲག་ནག་རྩེ་མོ་རྣོ་བ་ཡིས། །ཁ་ལྷོར་བལྟས་པའི་བྲག་ཕུག་གམ། །
གཞན་ཡང་རི་བོའི་ཟོམ་འམ་རྩེ། །ཤིང་གཅིག་དུར་ཁྲོད་མ་མོའི་གནས། །རབ་ཏུ་འཇིགས་པའི་གནས་མཆོག་ཏུ། །མཎྜལ་དང་ནི་མཆོད་པ་དང་། །གཏོར་མ་ལེགས་པར་བཤམས་ནས་ནི། །ཤ་ཆེན་བསྲེགས་སྤོས་

87-1-121b

ཕུལ་ནས་ཀྱང་། །བར་ཆད་བགེགས་རྣམས་བསྐྲད་པར་བྱ། །གྲུ་གསུམ་ཁྲག་དང་དུག་གིས་བྱུག །དུག་ཤིང་ཚེར་མ་ཅན་གྱིས་བརྩིག །གཞན་ཡང་ལིང་ག་བྱས་པ་ལ། །མི་བསད་ལྕགས་ཀྱུ་ཏྲི་ཤཱུ་ལ། །དེ་ཡི་ལུས་ལ་གདབ་
པར་བྱ། །ཚིལ་ཆེན་མར་མེ་ཟུར་གསུམ་པ། །བཏང་ནས་བདག་ཉིད་ལྷར་བསྐྱེད་ལ། །དཀྱིལ་འཁོར་གྲུ་གསུམ་ལེགས་གནས་པ། །མ་ཧཱ་ཀཱ་ལ་ཕྱག་བཞི་པ། །མདོག་ནག་ཁྲག་འཛག་མེ་དཔུང་དབུས། །ཞལ་གཅིག་སྤྱན་
གསུམ་འབར་བ་སྟེ། །གཡས་ཀྱི་དང་པོ་ཆུ་གྲི་དང་། །འོག་མ་ཏྲི་ཤཱུལ་རྩེ་གསུམ་པ། །གཡོན་གྱི་དང་པོས་མདའ་གཞུ་དང་། །གཉིས་པས་མགོ་བོ་ཁྲག་འཛག་བསྣམས། །དུར་ཁྲོད་ཀྱིས་བརྒྱན་ཤམ་ཐབས་ཅན། །དེ་ཡི་
གཡས་དང་གཡོན་གཉིས་སུ། །ཤ་ཟ་གཉིས་ནི་གནས་པར་བསམ། །ལས་ཀུན་བྱེད་པའི་ཕོ་ཉར་བསྐུལ། །དང་པོ་ལྷ་མོ་ཆེན་མོ་ནི། །ཨེ་དབུས་གསང་སྔགས་ལས་གྲུབ་པའི། །ཞལ་གཅིག་པ་ལ་ཕྱག་བཞི་པ། །སྤྱན་
གསུམ་ཤིན་ཏུ་སྐུ་མདོག་གནག །ཤིན་དུ་རྔམ་ཞིང་སྒེག་པའི་སྐུ། །གཡས་ཀྱི་དང་པོ་རལ་གྲི་འཆང་། །འོག་མ་ཤག་ཏི་འབར་བ་ཅན། །གཡོན་གྱི་དང་པོ་ཐོད་ཁྲག་འཛིན། །འོག་མ་ཁ་ཊྭཱྃ་བསྣམས་པའོ། །རལ་པ་ཁམ་ནག་གྱེན་
དུ་བརྫེས། །མཆེ་གཙིགས་ཐོད་པ་དུག་སྦྲུལ་བརྒྱན། །གླང་པོའི་སྟོད་གཡོགས་སྟག་ཤམ་དང་། །རེ་ལྡེ་ནག་པོའི་ཤམ་ཐབས་གསོལ། །བོང་བུ་གྭ་དམར་སྟེང་ནས་ནི། །ཕྱེད་དཀྲུང་འབར་བས་བཞུགས་པའོ། །ཡང་ན་
ཞལ་གཅིག་ཕྱག་གཉིས་མ། །རལ་གྲི་ནེའུ་ལེའི་རྐྱལ་པ་འཛིན། །དམ་ཚིག་བསྐྱེད་ལ་ཡེ་ཤེས་དགུག །ཕྲིན་ལས་བཅོལ་བར་བྱ་བའོ། །ཨོཾ་ཤྲཱི་ཡ་དེ་བཱི་ཀཱ་ལི་ཀཱ་ལི་མ་ཧཱ་ཀཱ་ལི་བྷྱོ་ཧཱུྃ། ཨོཾ་རུ་རུ་རོ་རུ་བེེ་ཏིཥྚ་བ་སོ་ཙ་པ་ལ་ཨ་ཤུག་མེ་
བྷྱོ་ཛ༔   །མ་ཧཱ་ཀཱ་ལི་དེ་ཝཱི་ཀ་རཱ་ལ་བི་ཀྲྀ་ཏ་ཀ་རཱ་ལ་ཀྲི་ཎི། ཙཎྜ་རཱུ་པི་ཎི་ཧཱུྃ་ཧཱུྃ་ཕཊ། རག་མོ་ཙ་ཏི་ཁ་རག་མ་ཧཱུྃ་བྷྱ༔  ཨོཾ་མ་ཧཱ་ཀཱ་ལི་དེ་ཝཱི་གྲྀཧྣ་བ་ལིྃ་ཏ་ཁ་ཁ་ཁཱ་ཧི་ཁཱ་ཧི། ད་ཧ་ད་ཧ། པ་ཙ་པ་ཙ། མཱ་ར་ཡ་མཱ་ར་ཡ། སྥོཊ་ཡ་སྥོཊ་ཡ། 

87-1-122a

ཁཱ་ཧི་ཧཱུྃ་ཕཊ། བདུད་རྩི་ལྔ་དང་ཤ་ལྔ་དང་། །སྐྱེས་པ་གྲིར་ཤིའི་སྙིང་ཁྲག་གིས། །ནག་པོ་ཆེན་པོའི་གཏོར་མར་བླུགས། །མ་ཉམས་གྲིར་ཤིའི་བྃ་བླངས་ལ། །མ་ཧཱ་རུ་དྲ་བསྟིམས་ནས་ནི། །མགོ་བོ་ལྷོ་ནུབ་མཚམས་སུ་བསྟན། །
རྐང་པ་བྱང་ཤར་མཚམས་སུ་བསྟན། །གན་རྐྱལ་བཞག་ལ་བསྒྲལ་བར་བྱ། །དེ་ཡི་ཤ་དང་ཁྲག་དང་ནི། །ལྤགས་པ་ཚིལ་བུ་རྐང་མར་བཅས། །གླད་པ་ཀླད་རྒྱས་ཞག་དང་ནི། །དབང་པོ་ལྔ་དང་དོན་སྙིང་ལྔ། །རུས་པའི་བྱེ་བྲག་ཐམས་
ཅད་ཀྱིས། །ཡེ་ཤེས་ནག་པོ་ཆེན་པོ་དང་། །དཔལ་ལྡན་ནག་མོ་རེ་མ་ཏི། །ལས་ཀྱི་མགོན་པོ་འཁོར་དང་བཅས། །ཕོ་ཉ་བྲན་གཡོག་དུར་ཁྲོད་གནས། །ཌཱ་ཀིའི་ཚོགས་ཀྱི་ཐུགས་དམ་བཀང་། །དེ་ཡི་ཤ་ཡི་ཚོགས་རྣམས་ཀྱིས། །ནག་པོ་སྟོང་
གི་ཐུགས་དམ་བསྐང་། །དེ་ཡི་ཁྲག་དང་ཆུ་སེར་གྱིས། །མ་མོ་བྱེ་བའི་ཐུགས་དམ་བསྐང་། །དེ་ཡི་ཆུ་རྒྱུས་རུས་པ་རྐང་། །ཤ་ཟ་འབུམ་གྱི་ཐུགས་དམ་བཀང་། །མཁའ་འགྲོ་ལྔ་དང་ལྷ་མོ་བརྒྱད། །དེ་ཡི་ཕྲིན་ལས་མགོན་པོ་དང་། །ཤ་ཟ་འཁོར་
དང་བཅས་ལ་དབུལ། །ཕུང་པོ་བསྒྲལ་བའི་ཚོགས་ཀྱིས་མཆོད། །རྣམ་ཤེས་བསྒྲལ་བའི་ཡེ་ཤེས་བསྒྱུར། །མི་བསྐྱོད་པ་ཡི་ཞིང་ཁམས་སུ། །རྒྱལ་བའི་སྲས་བུ་བསྐྱེད་པ་ཡིན། །རྣལ་འབྱོར་འཆི་བ་སླུ་བ་དང་། །བར་ཆད་ཐམས་ཅད་བཟློག་
པར་བྱེད། །མ་རུངས་བསྟེན་ལ་སྡང་ཞིང་འཚེ། །སྒྲུབ་ལ་གནོད་ན་ལས་འདི་བྱ། །གཞན་དུ་བྱས་ན་བརླག་པར་འགྱུར། །དེ་ཡི་ཤ་ལ་སྦྱིན་སྲེག་བྱ། །ཚིལ་ནི་ཞུན་ཆེན་མར་མེ་བྱ། །གླད་རྒྱས་ཐོད་པའི་རྔ་ལྤགས་བྱ། །ལྤགས་པ་ཚོགས་
ཀྱི་གདན་དུ་བྱ། །བསྲེགས་པའི་རུས་པ་ཚ་ཚ་བྱ། །འདིས་ནི་མགོན་པོ་འཁོར་བཅས་ཚོགས། །མཉེས་པར་འགྱུར་ཞིང་ཐུགས་དམ་བཀང་། །གཞན་ཡང་ཕྲན་ཚེགས་ལས་ཀྱི་གསང་བ་རབ་ཏུ་བཤད་པར་བྱའོ། །དཀྱིལ་འཁོར་བའི་ལྷའི་
ཕྲིན་ལས་ཀྱི་རྣལ་འབྱོར་དང་རབ་ཏུ་ལྡན་པས་ཞི་བའི་ལས་སྒྲུབ་པ་ལ་ནི་བིལ་བ་ལ་སོགས་པ་ལ་སྦྱིན་སྲེག་བརྒྱ་རྩ་བརྒྱད་དུ་བྱའོ། །འབྲས་ལྡན་གྱི་ཤིང་གང་ལས་རྒྱས་པའི་ལས་སྒྲུབ་ན་སྟོང་ཕྲག་གིས་བྱའོ། །ཁཱི་ཌི་རའི་ཤིང་དང་དམར་བའི་ཤིང་

87-1-122b

གིས་ནི་དབང་གི་ལས་སྒྲུབ་ན་ཁྲི་ཕྲག་གིས་བྱའོ། །ཤིན་ཏུ་རྩུབ་པའི་ཚེར་མ་དང་ལྡན་པའི་ཤིང་དག་གིས་ནི་མངོན་སྤྱོད་ལ་འབུམ་ཕྲག་གིས་བྱ་བར་ཤིས་སོ། །བསྐྲད་པ་ལ་ནི་ཤིང་གི་ལོ་མ་རླུང་མར་བྱུང་བའི་ཚེ་ས་ལ་མ་ལྷུང་བར་བླངས་ཏེ་གཟུགས་
བརྙེན་བྲིས་ནས་ཡུལ་གཞན་གྱི་ཧོར་ཁྲ་ལ་བཏགས་ཏེ་གཏང་བར་བྱའོ། །གལ་ཏེ་བཟློག་པར་འདོད་ན་ཞི་བའི་སྦྱིན་སྲེག་གི་ཐལ་བས་གཏོར་ཞིང་བ་སེར་སྐྱའི་འོ་མས་ལུས་བཀྲུས་ན་ཞི་བར་བྱེད་དོ། །རུས་ཕྱེ་སྣ་ཚོགས་པ་ལ་ཁྲག་བྱུགས་ཏེ་
གཟུགས་བརྙན་བྲིས་ལ་དགྲ་བོ་དེའི་ཕྱོགས་སུ་གཏོར་བས་ནི་ཤ་ཟ་ཆེན་པོས་འཛིན་པར་བྱེད་དོ། །ཡང་ན་ལྕེ་སྤྱང་གི་ཤ་ལ་སྦྱིན་སྲེག་བྱས་ཏེ་དུར་ཁྲོད་དུ་ཐལ་བ་ཕྱར་ནས་ལྷག་མ་གཟས་པ་པོའི་སྒོ་ལ་གཏོར་ནས་བཏང་ན་དུར་ཁྲོད་ཀྱི་ལྕེ་སྤྱང་
གི་ཚོགས་རབ་ཏུ་འདུ་ཞིང་ངུ་ལ་སྒོ་ལ་སྡེར་མོས་འབྲད་པར་འགྱུར་རོ། །དེ་ལྟ་བུ་ལན་གསུམ་བྱས་ན་ལྕེ་སྤྱང་གིས་ཟ་བར་འགྱུར་རོ། །གང་དུ་ཐོག་གིས་ཤི་བའི་རུས་པ་ལ་རབ་ཏུ་བསྔགས་ཏེ་རི་བོང་གི་ཐོད་པར་བཅུག་སྟེ་ཤིང་རྐང་གཅིག་
པའི་རྩེ་མོ་ལ་བཏགས་ན་ཐོག་འབབ་པས་འཆི་བར་འགྱུར་རོ། །ཡང་ན་དེ་ཉིད་ཀྱི་གཟུགས་བྱས་ཏེ་དེ་ཉིད་དང་རིགས་འཐུན་པའི་རུས་པ་རྙེད་ན་ཡུངས་ཀར་གྱིས་བརྡེག་ཅིང་ཕ་མེས་ཀྱི་དུར་ཁྲོད་དུ་གྲིབ་སོ་ལྷགས་པ་དང་སྦས་ཏེ་གཏོར་མས་མནན་ཅིང་དོང་
བྲུས་པར་སྦས་ལ་རོ་བསྲེགས་པའི་གཡམ་པས་མནན་ན་རིགས་འཆད་པར་འགྱུར་རོ། །གྲོག་མཁར་གྱིས་ལ་གཟུགས་བྱས་ལ། །དེ་ལ་དུག་དང་ཏིལ་མར་གྱིས་བྱུགས་ལ་འབྲས་ཕུབ་ཀྱི་མེ་ལ་རབ་ཏུ་བསྲོ་ཞིང་སྔགས་བརྡེགས་ན་རིམས་ཚ་བ་
ཆེན་པོས་བཏབ་པར་འགྱུར་རོ། །གཞན་པ་ལ་ནི་སྤྲ་ཚིལ་གྱིས་བྱུགས་ཤིང་ཚེར་མའི་རིགས་མང་པོ་བཏབ་པར་བྱས་ནས་དུས་མ་ཡིན་པའི་རླུང་ལ་ཕྱར་ན་ཡུལ་གཞན་དུ་གཤིས་ངན་དུ་འཆི་བར་བྱེད་དོ། །མཚོ་ནང་གི་ཉ་སེ་བ་བཟུང་སྟེ་གྲོ་ག་ལ་ལིང་
ག་བྲིས་པ་དེ་བག་ཟན་གྱི་གཟུགས་དང་བཅས་པ་ལ་རབ་ཏུ་བསྔགས་ཏེ་སླར་བཏང་ན་ཆུ་གྲིར་མྱུར་དུ་འཆི་བར་བྱེད་དོ། །བསེ་ཤིང་ལ་ལིང་ག་བསྲེགས་ཏེ་སྒོ་ཁང་དུ་སྦས་ན་སྐྲངས་པ་ཆེན་པོས་བཏབ་པར་འགྱུར་རོ། །གལ་ཏེ་གྲོག་མཁར་

87-1-123a

གྱི་ས་ལ་གཟུགས་བྱས་ཏེ་མཆོད་རྟེན་རྙིང་པའི་འོག་ཏུ་འབྱུང་པོའི་ཉི་མ་ལ་མནན་ནས་རོ་གཡམ་གྱིས་ཁ་བཅད་ན་ནི་འཁོར་དང་བཅས་པ་ནུས་པ་མེད་ཅིང་རབ་ཏུ་གནོན་པར་འགྱུར་རོ། །དེ་ཉིད་ཀྱི་ཟག་པ་གང་ཡིན་པ་དང་ཕུང་ཤུལ་ནས་ས་
བླངས་ཏེ་གཟུགས་བརྙན་བྱས་ལ་གནས་ཀྱི་སར་རུས་པའི་ཕུར་བུས་བཏབ་ན་ནི་འོན་པ་དང་ལོང་བ་དང་ཡན་ལག་ཉམས་པ་དང་ལྐུགས་པར་འགྱུར་ཏེ། ཀླུ་གནས་པའི་སར་སྦས་ན་དབང་པོ་ཉམས་པ་ཉིད་བྱེད་དོ། །གལ་ཏེ་ས་ཕྱོགས་དེར་ཆར་མི་འབབ་པར་
གྱུར་ན་ཀ་ར་བཱི་རའི་ཤིང་བཙུགས་ལ་བ་དམར་སེར་གྱི་འོ་མ་གཏོར་བར་བྱས་པས་ཀླུ་གནས་པའི་སར་སོང་ནས་རང་ཏིང་ངེ་འཛིན་དུ་གནས་པས་བཀའ་བསྒོ་ན་ཆར་ཆེན་པོ་འབབ་པར་བྱེད་དོ། །བལ་པོ་སེའུ་ཡི་ཤིང་དང་འབྲུག་ཤིང་དུ་བཅས་པ་གཡབ་ཅིང་ཀླུ་གཟིར་ན་
ཆར་འབབ་ཅིང་སྤྲིན་སད་པར་བྱེད་དོ། །གལ་ཏེ་སྤྲིན་དྲལ་བར་འདོད་ན་རླུང་ལྷའི་གཏོར་མ་བྱས་ལ་རླུང་གི་བ་དན་གཡབ་པར་བྱའོ། །ཁྲག་སྣ་ཚོགས་པ་ཡུངས་ཀར་ཡུངས་ནག་ཏུ་སྦྱར་ཏེ་ཀླུ་གནས་པའི་སར་སྦྱིན་སྲེག་ཏུ་བྱས་ནས་བཟླས་པའི་ཐུན་བར་དུ་གཏོར་ན་སེར་བ་
མོད་ལ་འབབ་པར་འགྱུར་རོ། །ཡུངས་ཀར་ཡུངས་ནག་ཐལ་ཆེན་ལ་རབ་ཏུ་བསྔགས་ནས་གཏོར་ན་སེར་བ་མོད་ལ་གཅོད་པར་བྱེད་དོ། །དྷ་དུ་རའི་ཤིང་ལ་སྦྱིན་སྲེག་བྱས་ན་སྨྱོ་བར་འགྱུར་རོ། །ནིམ་པའི་ཤིང་གིས་ནི་རེངས་པར་བྱེད་དོ། །མེ་ཏོག་བན་དྷུ་རི་ཀ་དང་པླཀྵ་ཡིས་
དགུག་པར་འགྱུར་རོ། །ཙན་དན་དཀར་པོའི་སྦྱིན་སྲེག་བྱས་ན་གང་ལ་ཡང་གསོ་བར་བྱེད་དོ། །ཨ་རུ་རའི་སྦྱིན་སྲེག་གིས་མྱུར་དུ་ཞི་བར་བྱེད་དོ། །མ་ཧེའི་འོ་མས་བཀྲུས་ན་བཅིངས་པ་ཐམས་ཅད་གྲོལ་ལོ། །ཨ་ཀ་རུའི་ཤིང་དང་འབྲས་བུ་དང་ལྡན་པའི་ཤིང་དང་
གཅིག་ཏུ་བསྲེགས་ཏེ་མཚོར་དོར་ན་རྒྱས་པར་འགྱུར་རོ། །གླང་པོ་ཆེའི་རུས་པ་ལ་གི་ཧང་དང་བཅས་པའི་གླང་སྣ་ཅན་གྱི་མེ་ཏོག་དང་སེར་བའི་རིགས་ཀྱི་མེ་ཏོག་དང་བཅས་པ་ཀུན་དགའ་ར་བར་སྦྱིན་སྲེག་བྱས་ན་འབྱོར་བ་ཕུན་སུམ་ཚོགས་པར་བྱེད་དོ། །
དེ་དག་ཐམས་ཅད་སྔགས་དང་བཅས་པའི་ནུས་པ་འགྲུབ་བོ། །དྲང་སྲོང་གི་རུས་པ་རི་བོའི་རྩེར་སྦས་ཏེ་འབྲུ་སྣས་མཆོད་པ་བྱས་ཏེ་ཆུ་བོ་རྒྱུན་དུ་འབབ་པ་མཐོང་བའི་སར་སྤྱོད་ཡུལ་དུ་འགྱུར་ན་རིགས་ཐམས་ཅད་རབ་ཏུ་འཕེལ་བར་བྱེད་དོ། །ཨ་བྲའི་

87-1-123b

འབྲས་བུ་དང་ཤིང་ཐོག་ཛི་ཙིན་ཏ་ཀ་དང་ཛ་ལུ་དང་ཛི་བ་ཀ་རྣམས་ལ་སྣོད་དུ་བཀང་སྟེ་གཏོར་མ་བྱས་ནས་སྐུ་གཟུགས་ཀྱི་མདུན་དུ་ཕུལ་ན་ནི་གནོད་སྦྱིན་གྱིས་འབྱོར་པ་ཐམས་ཅད་སྤེལ་བར་འགྱུར་རོ། །ཕུར་བུས་གདབ་ཅིང་ཡུངས་ཀར་ཐལ་ཆེན་གྱིས་མཚམས་
བཅད་པར་གྱུར་ན་གནོད་པ་ཐམས་ཅད་ལས་བསྲུང་བར་འགྱུར་རོ། །དཔལ་མགོན་པོ་ཆེན་པོ་དངོས་གྲུབ་འབྱུང་བའི་རྒྱུད་ལས་སྣ་ཚོགས་པའི་ལས་ཀྱི་རབ་ཏུ་བྱེད་པ་བསྟན་པའི་ལེའུ་སྟེ་ཉི་ཤུ་རྩ་གསུམ་པའོ།། །། དེ་ནས་གཞན་ཡང་བཤད་བྱ་བ། །ཤིན་དུ་གསང་བ་
བླ་ན་མེད། །ནག་པོ་མངོན་པར་འབྱུང་བ་ཡི། །ལས་ཀྱི་དངོས་གྲུབ་ཆོ་ག་བཤད། །དཔལ་ནག་པོ་ཆེན་པོའི་ཕྱོགས་ཀྱི་ཕྲིན་ལས་ཀྱི་ལྷ་མོ་ལ། ཤར་གྱི་ལྷ་མོ་འཕྲོག་མས་འགུགས་པའི་ལས་བྱེད་དོ། །ལྷོའི་ལྷ་མོ་གླང་སྣ་མས་འཆིང་བའི་ལས་བྱེད་དོ། །ནུབ་ཀྱི་
ལྷ་མོ་རལ་པ་ཅན་གྱིས་སྡོམ་པའི་ལས་བྱེད་དོ། །བྱང་གི་ལྷ་མོ་སའི་གཙུག་གིས་མྱོས་ཤིང་དབང་དུ་བྱེད་པར་འགྱུར་རོ། །ལྷ་མོ་བྱ་རྒོད་མགོ་བོ་ཅན་མས་རེངས་པའི་ལས་བྱེད་དོ། །སྟག་གི་མགོ་བོ་ཅན་མས་བསྐྲད་པའི་ལས་བྱེད་དོ། །ཕག་རྒོད་ཀྱི་མགོ་བོ་ཅན་
མས་སྨྱོར་འཇུག་པའི་ལས་བྱེད་དོ། །ལྕེ་སྤྱང་གི་གདོང་གིས་དབྱེ་བའི་ལས་བྱེད་དོ། །ཁྱི་གདོང་མས་ནི་རྣམ་པར་རྨོངས་པའི་ལས་བྱེད་དོ། །ཁྭའི་གདོང་གིས་རྣམ་པར་གནོན་པའི་ལས་བྱེད་དོ། །འུག་པའི་གདོང་གིས་ནི་ཁྲག་དྲང་བའི་ལས་
བྱེད་དོ། །ཁྱུང་གི་གདོང་གིས་ནི་བརྒྱལ་བའི་ལས་བྱེད་དོ། །གཞན་ཡང་གྲོང་ཁྱེར་དཀྲུག་པའི་ལས་བྱ་བར་འདོད་ན་གྲོ་གའམ་ཤིང་ཤུན་ལ་དབྱངས་དང་གསལ་བྱེད་སྤེལ་ཞིང་གོ་བཟློག་ཏུ་བྲིས་ལ་བསྣོལ་བར་བྱས་ལ་རླུང་གི་ཤུགས་ཀྱིས་བསྒྲུབ་བྱ་གང་གི་
གཟུགས་དང་མི་སྤེལ་གྱིས་གནས་དེ་མྱུར་དུ་བསྐྱོད་པ་རླུང་དང་མེ་དང་ཆུ་བསྣོལ་མ་རྣམ་པར་འཁྲུག་པར་བྱེད་དོ། །དེ་ནས་ཡང་ཁ་སྦྱར་དབྱེ་བའི་ལས་དག་གིས་ཕ་རོལ་གྱི་སྡེ་དག་གི་ལུས་དང་ངག་དང་སེམས་ཀྱི་དབྱེ་བས་ཕྱག་རྒྱ་དང་གསང་སྔགས་དང་
ཏིང་ངེ་འཛིན་གྱིས་བསྐུལ་ནས་ལན་བདུན་མྱུར་དུ་འགྲུབ་པར་འགྱུར་རོ། །གལ་ཏེ་ཀླུའི་དུག་གིས་གཟས་པ་པོ་འཛིན་དུ་འཇུག་པར་འདོད་ན་ཏི་ཐ་ལའི་འབྲུ་ལ་བྱས་པའི་དུག་སྦྲུལ་གྱི་གཟུགས་མགོ་གསུམ་པ་ལྕེ་བརྐྱང་བའམ་ཅི་རིགས་སུ་བྱས་པ་

87-1-124a

དེའི་ཁའི་ནང་དུ་གང་ལ་དམིགས་པའི་རྫས་དེ་མིང་དང་བཅས་པས་ཀླུ་གནས་པའི་ས་ཕྱོགས་སུ་བཏང་ན་སྦྲུལ་གྱིས་འཛིན་པའི་ལས་བྱེད་དོ། །མ་ཧེ་དང་རྟའི་འཕྲུལ་འཁོར་འབྱུང་པོའི་ཉི་མ་ལ་ས་ཏི་ཙའི་ཁུ་བས་བྲིས་ཏེ་དེ་ཉིད་
ཀྱི་ཤ་ཁྲག་དང་བཅས་པས་བསྐུལ་བར་གྱུར་ན་ནི་ཤིན་ཏུ་འཁྲུག་ཅིང་འབྱེ་བར་འགྱུར་རོ། །ཡང་ན་བི་ཏ་ན་རོ་པ་ལ་ཏྲཻ་ཞེས་བྱ་བའི་ཆོ་གའི་ཐབས་ཀྱིས་བགེགས་ཆེན་པོ་བསྒྲལ་བའི་གཟུགས་ལ་བརྟེན་ནས་ཆོ་ག་ཕྱག་མཚན་དག་བཙུགས་
ཏེ་ལས་སུ་བྱ་བའོ། །ཡང་ན་ས་ནག་པོ་གྲུ་གསུམ་པ་ལ་ནག་པོའི་ཚོགས་ཁ་ཕྱིར་བལྟས་པ་དང་ནང་དུ་བལྟས་པ་དག་བཀོད་དེ། ཕ་རོལ་རྒོལ་བའི་ཕྱོགས་སུ་བསྐྱལ་ན་ནི་མྱུར་དུ་ཡུལ་དང་བཅས་པ་བརླག་པར་བྱེད་དོ། །
ཤ་ཟ་ཆེན་པོའི་གཟུགས་ཤིན་ཏུ་འཇིགས་པ་ཁ་གདངས་པ་ནག་པོ་གྲི་གུག་དང་ཞགས་པ་ཐོགས་པ་མདུན་དུ་དམིགས་ལ་ཕུར་བུས་བཏབ་པ་དང་བཅས་པའི་ཐབས་ཀྱི་ཕ་རོལ་གྱི་དཔུང་གཡོས་པ་དང་བཅས་པ་བཟློག་པར་བྱེད་དོ། །
གཏོར་མ་ཆེན་པོ་བྱས་ཏེ་ཡང་གཏོར་ན་གཡུལ་བཤམས་པ་ལས་རྣམ་པར་རྒྱལ་བར་བྱེད་དོ། །རི་རབ་ཀྱི་གཟུགས་ལ་སྣ་ཚོགས་པའི་གཟུགས་བརྙན་བཀོད་དེ་ཕྲིན་ལས་སེམས་དཔའ་དང་བཅས་པའི་ཕྱག་རྒྱས་བཏབ་ན་གཡུལ་ཆེན་པོ་
ལས་རྒྱལ་བར་བྱེད་དོ། །དཔག་བསམ་གྱི་ཤིང་ལྗོན་པའི་ཚུལ་དུ་བྱ་བ་ལས་ཨ་ཤོ་ཀའམ་བི་ཌ་ཀའི་ཤིང་ལ་བརྟེན་ནས་ཐབས་དང་ལྡན་པའི་ཡུལ་ཕྱོགས་དེ་ཡོངས་སུ་རྒྱས་པའི་གནས་ཐོབ་པར་བྱེད་དོ། །རྡོ་རྗེ་བྱ་ཁྱུང་
གི་ཕྱག་རྒྱ་བཅས་ལ་དེས་ཀླུ་ནོན་པར་བྱས་ན་དེ་ཉིད་ཁ་དོག་དཀར་པོར་གྱུར་པའི་འཇམ་པའི་སྤྱོད་ཡུལ་གྱིས་འདུལ་བ་ལ་ནག་པོར་བསྒྱུར་བའི་རྩུབ་པའི་ཐབས་ཀྱིས་དཀྲུགས་པས་ཀླུའི་གནས་ཐམས་ཅད་དུ་ལྟས་ཆེན་པོ་དྲུག་བྱུང་
བས་ཐམས་ཅད་འདར་ཞིང་མགོ་བོ་ཨརྫ་གའི་དོག་པ་བཞིན་དུ་འགས་པ་སྙམ་བྱེད་ནས་མྱུར་བར་འོངས་ཏེ་བཀའ་ཉན་ཅིང་འཛམ་བུའི་གླིང་དུ་ཆར་གྱི་རྒྱུན་ཆེན་པོས་རབ་ཏུ་གང་བར་བྱེད་པར་འགྱུར་རོ། །གང་དུ་སྐྱེས་པ་གཡུལ་ངོར་གསད་

87-1-124b

པའི་མགལ་དུམ་དང་ལག་ངར་གྱི་རུས་པ་ལ་དཔལ་ནག་པོ་ཆེན་པོའི་གཟུགས་བརྙེན་ཇི་ལྟ་བར་བྱས་ལ་བསྐྱེད་པ་དང་བསྟིམས་ཏེ་བཟླས་པ་བྱ། དབེན་པར་སྦས་ནས་གསོལ་བ་བཏབ་ན་གང་འདོད་པ་འབྱུང་བར་འགྱུར་ཏེ། 
ས་ཀུན་ལ་ཡང་བསྲུང་བར་འགྱུར་བ་དང་འདས་པ་ལ་སོགས་པའི་དོན་ཤེས་པ་དང་། དེའི་མདུན་དུ་ཁྲུས་བྱས་ཏེ་ཉལ་ན་ལུང་སྟོན་པའམ་དགེ་མི་དགེ་གསལ་པོ་སྟོན་པར་འགྱུར་རོ། །ཡང་ན་དུར་ཁྲོད་ཀྱི་རས་སམ་
དར་ནག་པོ་ལ་ཡང་རུང་སྟེ། དམ་ཚིག་དང་ལྡན་པས་བྲིས་ཏེ། མཆོད་པ་དང་གཏོར་མར་ལྡན་པས། རབ་ཏུ་གནས་པར་བྱས་ན་སྐུ་བྱིན་བརླབས་དང་ལྡན་པར་འགྱུར་རོ། །དེ་ཉིད་ཀྱང་རིན་པོ་ཆེ་ལས་
བྱས་ནས་དེའི་མདུན་དུ་གསོལ་བ་བཏབ་ན་ཟླ་བ་དྲུག་གིས་ངེས་པར་ཡང་འགྲུབ་པར་འགྱུར་རོ། །ཡང་ན་ནག་པོ་ཆེན་པོའི་གསང་སྔགས་སྔོན་དུ་བྱས་ཏེ་ཤེས་རབ་ཡོངས་སུ་འཛིན་པ་ཁྲི་ཕྲག་གཅིག་བཟླས་ན་ཐོས་པའི་
གཟུངས་ཡོངས་སུ་འཛིན་པ་དང་བློ་ཡོངས་སུ་དག་པ་དང་མི་བརྗེད་པའི་གཟུངས་ཐོབ་པར་འགྱུར་རོ། །སྲུང་བས་བསྲུང་ཞིང་བཅིངས་པ་ཐམས་ཅད་ལས་ཡོངས་སུ་གྲོལ་ལོ། །གང་དུ་སྒྲུབ་པ་པོ་ཕུན་སུམ་
ཚོགས་པས་སྐུ་གསུང་ཐུགས་ཡོན་ཏན་ཕྲིན་ལས་ཀྱི་རྟེན་ལ་རབ་ཏུ་གནས་པ་མཚན་ཉིད་དང་ལྡན་པར་བྱས་ན་དངོས་གྲུབ་ཐམས་ཅད་འགྲུབ་པ་དང་བར་ཆད་ཐམས་ཅད་ལས་བཟློག་པར་འགྱུར་བ་ཡིན་ནོ། །ཁྱད་པར་དུ་ཡང་
གསང་བ་ཆེན་པོའི་དམ་ཚིག་ལ་ངེས་པར་གནས་པ་ཉིད་ཀྱིས་ཕྱོགས་དང་དུས་ཐམས་ཅད་དུ་ཡེ་ཤེས་ཀྱི་ནག་པོ་ཆེན་པོས་རྗེས་སུ་སྐྱོང་བ་དང་རྒྱང་རིང་པོ་ནས་ཀྱང་ངེས་པར་གཟིགས་པར་མཛད་དོ། །འཇིགས་པ་ཐམས་ཅད་ལས་རབ་ཏུ་སྒྲོལ་བར་
འགྱུར་རོ། །སྟོབས་དང་ཚེ་དང་དཔལ་རབ་ཏུ་སྟེར་ཅིང་མི་ཟད་པའི་ཡེ་ཤེས་ཐོབ་པར་བྱེད་པ་དང་ཉམ་ང་བ་དང་བག་ཚ་བ་མེད་པར་སེང་གེའི་སྟོབས་ཀྱིས་རྒྱུ་ཞིང་བདུད་ཀྱི་རིས་ཀྱི་ཕྱོགས་མ་ལུས་པ་ཕམ་ཞིང་སྐྲག་སྟེ་མགོ་འགས་པ་ཙམ་དུ་བྱེད་པར་འགྱུར་ཞིང་རྒྱ་མཚོ་

87-1-125a

ཆེན་པོའི་མཐར་ཐུག་པར་འབྱེར་བར་འགྱུར་རོ། །གང་གིས་གཏུམ་པ་དང་དཔའ་བ་དང་དྲག་པོའི་བརྟུལ་ཞུགས་ཀྱིས་ཀུན་ཏུ་སྤྱོད་ལ་རྡོ་རྗེའི་ཏིང་ངེ་འཛིན་མི་ཤིགས་པར་འགྱུར་བ་མེད་པའི་ཚུལ་གྱིས་ཁྱབ་པར་
རྒྱུ་བའོ། །གནས་ཀྱི་མཁའ་འགྲོ་མ་དང་ཕོ་ཉའི་མཁའ་འགྲོ་མ་དང་འཇིག་རྟེན་གྱི་མཁའ་འགྲོ་མ་དང་དམ་ཚིག་གི་མཁའ་འགྲོ་མ་དང་ཤ་ཟའི་མཁའ་འགྲོ་མའི་དབང་ཕྱུག་ཏུ་འགྱུར་རོ། །རྡོ་རྗེ་རིགས་ཀྱི་མཁའ་
འགྲོ་ཕོ་ཉ་མོ་དྲུག་བཅུ་རྩ་བཞིས་ཀྱང་ཕྲིན་ལས་ཐོགས་པ་མེད་པ་འགྲུབ་པར་བྱེད་དོ། །ཞིང་སྐྱོང་ཆེན་པོ་དང་ཉེ་བའི་ཞིང་སྐྱོང་ཉི་ཤུ་རྩ་བཞི་པོ་དག་གིས་ཀྱང་ཕྲིན་ལས་ཐོགས་པ་མེད་པ་སྒྲུབ་པར་བྱེད་པའོ། །
གདུལ་དཀའ་བ་མ་ལུས་པ་འདུལ་ཞིང་འཇིག་རྟེན་གསུམ་ལས་རྣམ་པར་རྒྱལ་བར་བྱེད་དོ། །གང་དུ་རྒྱུད་འདི་འཆང་བ་དང་ཀློག་པ་དང་འཛིན་པ་དང་སེམས་པ་དང་དེ་བཞིན་ཉིད་དུ་གནས་པ་དང་། རྣལ་འབྱོར་
དུ་གང་གནས་པ་ལ་ཉེ་བར་སྐྱོབ་པར་བྱེད་དོ། །ཉེ་བར་དགོངས་པས་མཁྱེན་པར་འགྱུར་རོ། །དཔལ་མགོན་པོ་ཆེན་པོ་དངོས་གྲུབ་འབྱུང་བའི་རྒྱུད་ལས་ས་གསུམ་དུ་སྒྲུབ་པའི་དབང་ཕྱུག་ཏུ་བསྟན་པའི་ལེའུ་སྟེ་
ཉི་ཤུ་རྩ་བཞི་པའོ།། །། དེ་ནས་གཞན་ཡང་བཤད་བྱ་བ། །གསང་བ་མངོན་པར་འབྱུང་བའི་གནས། །དྲང་སྲོང་ཐུབ་པས་ཡང་དག་བསྟན། །ངེས་པར་གསང་བ་འཛིན་
གྱུར་པ། །རྒྱལ་བ་ཡོན་ཏན་འབྱུང་བའི་གཏེར། །ཡེ་ཤེས་མགོན་པོ་ཆེན་པོ་དང་། །ལས་ཀྱི་མགོན་པོ་དུ་མར་བཅས། །དཔལ་ལྡན་ལྷ་མོ་ནག་མོ་ནི། །འཁོར་བཅས་དཀྱིལ་འཁོར་བསྟན་པ་སྟེ། །སྐལ་ལྡན་ལམ་
འདི་འཛིན་པ་གང་། །ང་ཡིས་ལུང་བསྟན་གྱུར་པ་ཡིན། །གདུག་པ་རྣམས་ནི་གཟུང་བའི་ཕྱིར། །མཁས་པས་སྙིང་རྗེ་བསྐྱེད་ནས་ནི། །ཆོ་ག་ཀུན་མཆོག་གིས་རབ་སྒྲུབ། །

87-1-125b

བདག་ཉིད་ཇི་བཞིན་སེམས་ཅན་དེ། །དེ་བཞིན་བདག་དེ་དམ་པའི་བདག །དཔལ་ཧེ་རུ་ཀའི་གོ་འཕང་གནས། །འདི་ལ་ཐེ་ཚོམ་མི་བྱ་སྟེ། །སུན་འབྱིན་པས་ནི་འགྲུབ་མི་འགྱུར། །རྣམ་དག་རྣམ་པ་ཅན་སེམས་
ཀྱི་རང་བཞིན་གྱིས་ནི་མྱ་ངན་འདས། །མ་རུངས་པ་ནི་གང་དག་གིས། །སྐྱེ་བོ་བཅིངས་པར་གྱུར་པ་གང་། །དེ་ཉིད་ཐབས་དང་བཅས་པ་ཡིས། །སྲིད་པའི་བཅིང་ལས་གྲོལ་བར་འགྱུར། །དེ་ལྟར་གྲུབ་
པའི་ལམ་བསྟེན་ཅིང་། །ཐུན་མོང་ཁྱད་པར་འགྲུབ་པར་འགྱུར། །དུས་བཞི་དག་ཏུ་གཏོར་མ་འབུལ། །བགེགས་མེད་བསོད་ནམས་འཕེལ་བྱེད་པའོ། །འདིར་འཇིག་རྟེན་དང་འཇིག་རྟེན་
ལས་འདས་པའི་དཔལ་ཡེ་ཤེས་ཀྱི་མགོན་པོ་ལྕམ་དྲལ་འཁོར་དང་བཅས་པ་རྣམས་ལ་གཏོར་མ་དབུལ་བར་བྱ་སྟེ། ཤ་ཆེན་པོ་དང་བཅས་པའི་གཏོར་མ་བཤམས་ལ། །ཨོཾ་བ་ལིཾ་མ་ཎི་རྃ་ཧཱུྃ་ཛ། རཀྵ་
ནི་རཀྵ་ནི་རཀྵ་མི། ཁ་ཁ་ཁཱ་ཧི་གྲྀཧྞ་གྲྀཧྞ་བ་ལིཾ། མ་ཧཱ་བི་ཤ་ནཱྃ། པྲ་སཱ་དྷ་ཡ་པྲ་སཱ་དྷ་ཡ། ཧུ་ལུ་ཧུ་ལུ་ཕཊ། ཁ་ཁ་ཁཱ་ཧི་ཁཱ་ཧི་མཱ་ར་མཱ་ར། སརྦ་ཏ་ས་ན་ས་ཏྲྃ། ཝ་རི་ཧ་དྷི་ར་པྲ་ཡ་ཙྪན་ཏུ་སྭཱ་
ཧཱ། ཨོཾ་ཨཱཿ  ཧཱུྃ་ཞེས་པས་མཚན་ཕྱེད་ན་གཏོར་མ་བསྲེག་སྤོས་དང་བཅས་པ་དབུལ་བར་བྱའོ། །ཨོཾ་ཧཱཿ  ཀ་ཧ་ཀ་ཧ་མ་ལི་ནི་མུ་ཁི་ཡེ་ཡཾ་སཱ་དྷ་ཡ། མ་ཧཱ་ཀཱ་ལ་བུདྡྷ་ཛྃ། པྲ་ཏི་ཏོ་སི། 
ཀཱ་ར་ཡ་ཀཱ་ར་ཡ། པྲ་དུཥྚན། གྲྀཧྞ་གྲྀཧྞ། མ་ར་མ་ར། ཁ་ཁ་ཁཱ་ཧི་ཁཱ་ཧི། ཤཱི་གྷྲྃ། ད་ཧ་ད་ཧ། པ་ཙ་པ་ཙ། ཧུ་ར་ཧུ་ར། མྃ་རྃ་ཧཱུྃ་ཕཊ། །ཨི་དིཾ་
བ་ལིྃ་གྲྀཧྣ་གྲྀཧྞ། ཤྲཱི་སརྦ་ཨོཾ་ཨཱཿཧཱུྃ།   །དཔལ་མགོན་པོ་ཆེན་པོ་དངོས་གྲུབ་འབྱུང་བའི་རྒྱུད་ལས་གསང་བ་གྲུབ་

87-1-126a

པ་དང་གཏོར་མའི་ལེའུ་སྟེ་ཉི་ཤུ་རྩ་ལྔ་པའོ། །དཔལ་མགོན་པོ་ཆེན་པོ་ཁྲོས་པའི་མགོན་པོ་གསང་བ་མངོན་པར་
འབྱུང་བའི་རྒྱུད་ཀུན་གྱི་རྩ་བར་གྱུར་པ་བསྟན་པ་འཛིན་པ། བསྟན་པ་སྐྱོང་བ། བསྟན་པ་བསྲུང་ངེས་པ། གསང་བ་བདུད་དཔུང་འདུལ་བར་བྱེད་པའོ། །དཔལ་
མགོན་པོ་ཆེན་པོ་དངོས་གྲུབ་འབྱུང་བའི་རྒྱུད་ཀུན་གྱི་སྙིང་པོར་གྱུར་པ་གདོད་ནས་གྲུབ་པའི་བླ་མ་ཡིན་ནོ། །རྫོགས་སྷོ།། །།
རྒྱ་གར་གྱི་མཁན་པོ་མ་ཧཱ་པཎྜི་ཏ་ཨ་བྷ་ཡཱ་ཀ་ར་གུཔྟ་པཱ་ཏའི་ཞལ་སྔ་ནས་དང་། བོད་ཀྱི་ལོ་ཙྪ་བ་མཁས་པ་ཆེན་པོ་ཁེའུ་རྒད་འཁོར་ལོ་གྲགས་ཀྱིས་བསྒྱུར་ཅིང་ཞུས་པའོ། །
ཡང་སླད་ནས་མཁས་པ་ཆེན་པོ་སངས་རྒྱས་གྲགས་པའི་སྤྱན་སྔར་ཀེ་བོ་ཤེས་རབ་དཔལ་གྱིས་ཀྱང་ཞུ་ཏིག་བགྱིས་པའོ། ། 
༄༅། །རྒྱ་གར་སྐད་དུ།   ཤྲཱི་བུད་དྷ་ཀ་པཱ་ལ་ནཱ་མ་ཡོ་གི་ཏན་ཏྲ་རཱ་ཛ།   བོད་སྐད་དུ།     དཔལ་སངས་རྒྱས་ཐོད་པ་ཞེས་བྱ་བ་རྣལ་འབྱོར་མའི་རྒྱུད་ཀྱི་རྒྱལ་པོ།  དཔལ་སངས་རྒྱས་
ཐོད་པ་ལ་ཕྱག་འཚལ་ལོ། །འདི་སྐད་བདག་གིས་ཐོས་པ་དུས་གཅིག་ན། བཅོམ་ལྡན་འདས་དེ་བཞིན་གཤེགས་པ་ཐམས་ཅད་ཀྱི་སྐུ་དང་། གསུང་དང་། ཐུགས་
རྡོ་རྗེའི་དཀྱིལ་འཁོར་ཆེན་པོ་རྒྱན་དང་ལྡན་པའི་དབུས་སུ་དེ་བཞིན་གཤེགས་པ་ཐམས་ཅད་དང་། རྣལ་འབྱོར་མ་རྣམས་དང་ལྷན་ཅིག་ཏུ་བཞུགས་ཏེ། འཕགས་པ་ཀུན་དགའ་བོ་ལ་སོགས་པ་འདོད་ཆགས་དང་བྲལ་

87-1-126b

བའི་གཙོ་བོ་རྣམས་དང་། འཕགས་པ་སྤྱན་རས་གཟིགས་དབང་ཕྱུག་ལ་སོགས་པའི་བྱང་ཆུབ་སེམས་དཔའ་བྱེ་བ་ཕྲག་བརྒྱད་བཅུ་དང་ཡང་ཐབས་ཅིག་ཏུ་བཞུགས་སོ། །དེ་ནས་བཅོམ་ལྡན་
འདས་ཀྱིས་རྡོ་རྗེའི་ཚིག་གིས་རྡོ་རྗེ་ཆེན་པོའི་གནས་སུ་རྒྱུད་ཐམས་ཅད་དང་སྔགས་ཡང་དག་པར་བཤད་ནས། དེ་བཞིན་གཤེགས་པ་ཐམས་ཅད་ཀྱི་བདག་པོས་རྡོ་རྗེ་དང་པད་མོའི་ཡང་དག་པར་
སྦྱར་བས་བཙུན་མོའི་བྷ་གར་ཡོངས་སུ་མྱ་ངན་ལས་འདས་སོ། །དེ་ཡོངས་སུ་མྱ་ངན་ལས་འདས་པ་མཐོང་ནས། བྱང་ཆུབ་སེམས་དཔའ་ཐམས་ཅད་དང་། 
རྣལ་འབྱོར་མ་ཐམས་ཅད་རྨད་དུ་གྱུར་ཏེ་གཅིག་ལ་གཅིག་ལྟ་ཞིང་། ཨེ་མའོ་བཅོམ་ལྡན་འདས་དེ་བཞིན་གཤེགས་པ་ཐམས་ཅད་ཀྱི་བདག་པོ་དཀྱིལ་འཁོར་ཆེན་པོ་རྒྱན་དང་
ལྡན་པའི་དབུས་སུ་ཇི་ལྟར་ཡོངས་སུ་མྱ་ངན་ལས་འདས། །དེ་ནས་རྣལ་འབྱོར་མ་སྣ་ཚོགས་སྡེ་མ་ལ། བྱང་ཆུབ་སེམས་དཔའ་སེམས་དཔའ་ཆེན་པོ་ཕྱག་ན་རྡོ་རྗེས་འདི་སྐད་
ཅེས་གསོལ་ཏོ། །ལྷ་མོ་སེམས་ཅན་བསོད་ནམས་དམན་པ་རྣམས་ནུས་པ་ལ་ཞོན་པར་འགྱུར་བའི་ཐབས་ཅུང་ཟད་མཆིས་སམ། གསུངས་པ། རྣལ་འབྱོར་
གྱི་རྒྱུད་ལ་བྱེ་བ་ཕྲག་དྲུག་ཉིད་དོ། །རྣལ་འབྱོར་མའི་རྒྱུད་ལ་ནི་བྱེ་བ་ཕྲག་བཅུ་དྲུག་ཉིད་དོ། །མདོ་སྡེ་
སོ་སོ་ལ་ནི་བྱེ་བ་ཕྲག་བརྒྱད་བཅུའོ། །དེ་བཞིན་དུ་ཕ་རོལ་དུ་ཕྱིན་པའི་ཐེག་པ་ལ་ནི་བྱེ་བ་ལ་བསྒྲེས་པའི་འབུམ་ཕྲག་ལྔའོ། །འདི་དག་ཐམས་ཅད་

87-1-127a

ནི་ཐུབ་པའི་དབང་པོས་གསུངས་སོ། །སྔགས་དང་བྲལ་ན་ནི་རྒྱུད་ཀྱི་ནུས་པ་མི་སྣང་སྟེ། རྒྱུད་ལ་ལར་ནི་ཅི་ནས་སྔགས་བྱེ་བ་བཟླས་པར་གསུངས་སོ། །བསོད་ནམས་འབྲིང་པོ་རྣམས་ཀྱིས་ནི་སྔགས་འབུམ་བཟླས་པས་
མྱུར་བར་འགྲུབ་པར་གསུངས་སོ། །བསོད་ནམས་ཆེ་བས་ཁྲི་བཟླས་པས་ཤིན་ཏུ་མྱུར་བར་འགྲུབ་བོ། །དེ་ལྟར་རྡོ་རྗེ་ཅན་ཆེན་པོ་རྒྱུད་ཀྱི་བདག་པོའི་གཙོ་བོས་གསུངས་སོ། །བསོད་ནམས་ཆུང་བའི་སེམས་ཅན་རྣམས་ཀྱིས་ནི་བྱེ་བ་
བཟླས་པར་གསུངས་སོ། །སེམས་ཅན་འབད་རྩོལ་ཆུང་བ་རྣམས་ཀྱིས་ནི་འབུམ་བཟླས་པར་བདག་སྨྲའོ། །སེམས་ཅན་སྒོམ་པ་ལ་ཞེན་པ་རྣམས་ཀྱིས་ནི་ཁྲི་ཁོ་ན་བཟླས་པར་བྱའོ། །སེམས་ཅན་འདོད་ཆགས་ལ་ཞུགས་པ་རྣམས་ཀྱི་
བཟླས་པ་ཇི་ལྟར་ལགས། བླུན་པོ་དང་ལྐུགས་པའི་རིགས་ཅན་རྣམས་ཀྱི་སྔགས་ཀྱི་གྲངས་ཇི་ལྟར་ལགས། ཤིན་ཏུ་དམིགས་པའི་སྔགས་ཀྱི་བཟླས་པ་ཇི་ལྟར་ལགས། འདི་ལྟར་ཕན་ཚུན་སྨྲ་བས་བཟླས་ན་དངོས་གྲུབ་གཞན་
དུ་ཡང་འགྱུར་རོ། །གལ་ཏེ་དམན་པའི་སེམས་ཀྱིས་ཉོན་མོངས་བཞིན་པས་བཟླས་པ་དེའི་ཚེ་བསྐལ་པ་སྐར་མ་ལྟ་བུ་བྱེ་བར་ཡང་དེ་ལ་དངོས་གྲུབ་མེད་དོ། །དེ་ལྟར་ཐོས་ནས་རྣལ་འབྱོར་མ་སྣ་ཚོགས་སྡེ་མ་བཅོམ་ལྡན་འདས་ཀྱི་ཞལ་
ལ་བལྟ་བར་བྱེད་ཅིང་ཟུར་མིག་དང་བཅས་པའི་ཆགས་པས་བལྟས་ཏེ། ཤིན་ཏུ་ཁྲོ་བས་འཇིགས་པར་བྱེད་ཅིང་སྙིང་རྗེའི་ཐུགས་འཁྲུགས་པས་བདུད་ཀྱི་དཔུང་རབ་ཏུ་བཅོམ་མོ། །དེ་ལྟར་བཞུགས་པའི་ལྷ་མོ་ཆེན་མོ་རྒྱུད་ཐམས་ཅད་ཀྱི་
བདག་པོའི་དབང་ཕྱུག་ལ་དེ་ནས་དེས་གཟིགས་པ་ཙམ་གྱིས་བཅོམ་ལྡན་འདས་ཀྱི་དབུ་ལས་སྔགས་ཕྱུང་ངོ་། །ཨོཾ་བུད་དྷེ་སིད་དྷེ་སིད་དྷི། ཨ་མྲི་ཏ་ཨ་ར་ཛེ་བུད་དྷ་ཀ་པཱ་ལ་སྥོ་ཊ་ནེ་པ་ཏེ་ཡ་ཏྲ་སྥ་ཡྃ་ཧཱུྃ་ཧོ་ཕཊ། དེ་ལྟར་སྔགས་
ཀྱི་མཆོག་གསན་པས་ས་རིམ་པ་བདུན་གྱི་འོག་ཏུ་ཆུད་པའི་ཀླུ་རྣམས་བཅོམ་པར་བྱས་ཤིང་ཕྱེ་མར་བྱས་ནས་སླར་འོངས་ཏེ་སྣ་ཚོགས་སྡེ་མའི་ཞལ་དུ་ཞུགས་ཏེ། པད་མའི་ནང་ནས་བྱུང་ནས་སླར་ཐོད་པར་ཞུགས་སོ། །

87-1-127b

སྔགས་འདིའི་མཐུས་ཀླུ་རྣམས་ཞིག་སྟེ། སྐྲག་ཅིང་རྔུལ་འབྱུང་བར་འགྱུར་རོ། །ནོར་རྒྱས་ལ་སོགས་པའི་རྫུ་འཕྲུལ་ཆེན་པོའི་ཀླུ་ཐམས་ཅད་ལྷགས་ཏེ། སྟོབས་ཀྱིས་རྒྱུ་དང་། དུང་སྐྱོང་དང་། འཇོག་པོ་དང་། མཐའ་ཡས་དང་། 
པད་མ་དང་། པད་མ་ཆེན་པོ་ལ་སོགས་པ་ཀླུ་ཆེན་པོ་རྣམས་དང་། གཞན་གང་ཡང་རུང་བ་དུག་ལས་བྱུང་བ་ཐམས་ཅད་ཀྱང་ལྷགས་སོ། །རྣལ་འབྱོར་མ་སྣ་ཚོགས་སྡེ་མ་ལ་ཁ་ཕྱོགས་ཏེ་ཀླུ་ཐམས་ཅད་ཀྱིས་ཞུས་པ། ལྷ་མོ་
བཀའ་ཅི་སྩོལ་ཅི་ཞིག་བགྱི་ཞེས་སྨྲའོ། །གསུངས་པ་གང་ཡང་སངས་རྒྱས་ཉམས་སུ་མྱོང་བ་དེ་ལྟར་གྱིས་ཤིག །དེ་ལྟར་ཐོས་པ་ཙམ་གྱིས་དཀྱིལ་འཁོར་ཆེན་པོ་རྒྱན་དང་ལྡན་པའི་དབུས་སུ་བཅོམ་ལྡན་འདས་ཀྱི་ཐོད་པ་ཁ་ཕྱེ་
སྟེ་གླེགས་བམ་བྱུང་ངོ་། །ནམ་མཁའ་ལ་སྒྲ་བྱུང་ངོ་། །ལྷ་མོ་ལྷ་ཚོགས་སྡེ་མ་ཟུང་། །སེམས་ཅན་ཀུན་ལ་ཕན་འདོགས་མ། །རྒྱུད་འདི་རྒྱལ་པོ་ཆེན་པོ་སྟེ། །རྣལ་འབྱོར་མ་ཡི་གོང་ན་མེད། །སངས་རྒྱས་ཐོད་པ་ཞེས་བྱ་བ། །
སེམས་ཅན་ཀུན་ལ་ཕན་བྱེད་པའོ། །དེ་ལྟར་ཐོས་ནས་སྣ་ཚོགས་སྡེ་མས་གླེགས་བམ་ཡང་དག་པར་བཟུང་སྟེ། ཕྱག་ན་རྡོ་རྗེ་ལ་ཉེ་བར་གཏད་དོ། །ཕྱག་ན་རྡོ་རྗེས་རྒྱུད་འདི་ཟུང་། །སེམས་ཅན་ཀུན་ལ་བདེ་འབབ་པ། །རྣལ་འབྱོར་མ་ཡི་
དངོས་གྲུབ་ཀུན། །འབྲས་བུ་མྱུར་དུ་སྟེར་བྱེད་པའོ། །མནན་དང་སྤར་བ་ཡེ་ཤེས་ཆེ། །གོང་ན་མེད་པ་རྙེད་དཀའ་བ། །གསང་བ་མཆོག་གི་ཉམས་དགའ་བ། །ལུས་ཀུན་ལ་ནི་རྣམ་པར་གནས། །ནམ་མཁའ་ལྡིང་དང་ཆར་དབབ་དང་། །དངུལ་
ཆུ་བཅུད་ཀྱིས་ལེན་པ་དང་། །བསྐྲད་དང་དབང་དུ་བྱ་ཉིད་དང་། །རྨོངས་དང་མངོན་སྤྱོད་ཉིད་དང་ནི། །དཔུང་ལ་སོགས་པ་རེངས་ཉིད་དང་། །དུས་སུ་ཟིན་པ་བཟློག་པ་དང་། །ཕུར་བུས་གདབ་དང་གསད་པ་དང་། །རྟག་ཏུ་སྒྲུབ་པ་བྱེད་པ་དང་། །
སྣ་ཚོགས་སྔགས་རིམ་ཇི་བཞིན་དང་། །ཇི་བཞིན་རྣལ་འབྱོར་མ་བསྐྱེད་དང་། །དཔལ་ཆེན་ཧེ་རུ་ཀ་ཡི་ནི། །བསྐྱེད་པ་དང་ནི་གནས་རྒྱུ་དང་། །དངོས་དང་དངོས་མེད་སྤྲོས་མེད་དང་། །སྲིད་པར་སྤྱོད་ཅིང་གོས་མེད་དང་། །དགོངས་པས་

87-1-128a

བཤད་པ་མཆོག་ཆེན་དང་། །རྣལ་འབྱོར་མ་ཡི་མཆོག་ཆེན་དང་། །རྣལ་འབྱོར་མ་ཡི་འདུས་པ་དང་། །ནུས་པ་རྣམ་པ་མང་གསུངས་པ། །ཐོས་པ་ཙམ་གྱིས་འགྲུབ་པར་འགྱུར། །གཟུགས་བརྙན་དག་
པ་ཉིད་དང་ནི། །དེ་བཞིན་བརྟན་པ་བསྐྱོད་པ་དང་། །དུར་ཁྲོད་འཇིགས་པ་ཆེ་བཟང་དང་། །རོ་ལངས་བསྒྲུབ་ལ་སོགས་པ་དང་། །སྟོབས་པོ་ཆེ་རྣམས་དགུག་པ་དང་། །དེ་བཞིན་འཇིག་རྟེན་གསུམ་དགུག་དང་། །རིམས་ཀྱིས་
གདུང་བ་འཇིགས་ཆེན་དང་། །དགྲ་ཡི་ཁ་སོགས་བཅིང་བ་དང་། །དེ་བཞིན་གསད་དང་བསླུ་བ་དང་། །མི་སྣང་བྱེད་པ་མཆོག་དང་ནི། །མིག་སྨན་དང་ནི་རི་ལུ་ཉིད། །བཅུད་ལེན་རལ་གྲི་ཉིད་དང་ནི། །སངས་རྒྱས་ཐོད་པའི་སྦྱོར་
བ་ཡིས། །ཐོས་པ་ཙམ་གྱིས་འགྲུབ་པར་འགྱུར། །མི་སྣང་བ་ནི་མཆོག་ཆེན་དང་། །སྣ་ཚོགས་སྒྱུ་འཕྲུལ་རྣམ་འཕྲུལ་དང་། །རང་གི་གཟུགས་ནི་སྒྱུར་བ་དང་། །གཞན་གྱི་ལུས་ལ་གཞུགས་སོགས་དང་། །སངས་རྒྱས་བྱེ་བས་
རབ་བསྲུངས་པའི། །སངས་རྒྱས་བུ་མོ་མཆོག་ཆེན་རྣམས། །ཁྲོས་པ་ཙམ་གྱིས་འགུགས་བྱེད་ན། །གཞན་དག་སྨོས་ལྟ་ཅི་ཞིག་དགོས། །མིག་འཕྲུལ་བྱེད་པ་ཉིད་དང་ནི། །དགེ་མཚན་རྣམ་པ་མང་ཤེས་པ། །འདོད་པ་
ལྔ་ནི་བསྟེན་བཞིན་པས། །འདི་རུ་འགྲུབ་པར་གདོན་མི་ཟ། །འཇིགས་ཤིང་འཇོམས་པའི་རྩོད་ཆེན་པོ། །གཅིག་གིས་འབུམ་ལས་རྒྱལ་བར་བྱེད། །སྐྱེས་པ་གཅིག་གི་འདོད་ཆེན་གྱིས། །བུད་མེད་འབུམ་ཕྲག་འཛག་བྱེད་ཅིང་། །
རྡོ་རྗེར་བྱེད་པ་རྙེད་དཀའ་བ། །གཅིག་གིས་ཐམས་ཅད་འདོད་པ་སྤྱད། །དེ་ནས་གཞན་ཡང་རབ་བཤད་པ། །མཁའ་ལྡིང་སྦྱོར་བ་རིམ་ཇི་བཞིན། །རྒྱུད་ཀུན་དུ་ཡང་རྙེད་དཀའ་བ། །མུ་སྟེགས་རྣམས་ཀྱི་ཡུལ་མིན་པ། །རྒྱུད་
ཀུན་དུ་ཡང་མ་གསུངསོ། །སངས་རྒྱས་ཐོད་པའི་གཞུང་ཇི་བཞིན། །རྡོ་རྗེ་མགོན་པོས་གསུངས་པ་ཡི། །མཁའ་ལྡིང་ཤིན་དུ་རྨད་བྱུང་བ། །འཇིག་རྟེན་གསུམ་ན་རྙེད་དཀའ་བའི། །སྦྱོར་བ་རྣམ་པ་བཅྭ་བརྒྱད་གསུངས། །ཤ་ཡི་ཀི་ཡི་སྦྱོར་བ་

87-1-128b

དང་། །རིག་པ་འཛིན་དང་རྒྱལ་པོ་འགྱེད། །རྔ་རྡུང་བུད་མེད་འཕྲོག་པ་དང་། །ཤིང་སྣུན་ཞགས་པས་འཆིང་བ་དང་། །ཁུ་བྱུག་པདྨས་འབྱེད་པ་དང་། །སྟག་བྱེད་ཆུ་བླུགས་དུང་འབུད་དང་། །ཐོད་ལོ་ཀོར་འཕྲོག་སྐྱུག་པ་དང་། །རས་གཡོགས་ཐལ་ལྕག་བརྡབ་
པ་དང་། །ཡིག་གསུམ་བསམ་གཏན་གྱིས་ནི་གཏམ། །འདི་རྣམས་ཀྱིས་ནི་དགུག་པར་བྱ། །མཁའ་ལྡིང་སྦྱོར་བ་བཅྭ་བརྒྱད་པོ། །འཇིག་རྟེན་གསུམ་ན་རབ་རྙེད་དཀའ། །སེམས་ཅན་རྣམས་ལ་ཕན་བྱེད་པ། །རྡོ་རྗེ་མགོན་པོ་ཉིད་ཀྱིས་གསུངས། །དེ་ནས་གཞན་
ཡང་རབ་བཤད་པ། །མཆོག་གི་ཡེ་ཤེས་ཇི་བཞིན་པ། །བྷ་གའི་དབུས་སུ་རྣམ་པར་བཞུགས། །བདེ་བ་ཆེན་པོ་སྟེར་བྱེད་པ། །འདི་ཉིད་དུ་ནི་ཀུན་གནས་ཀྱང་། །བྱིས་པ་རྨོངས་པས་མི་ཤེས་སོ། །དེར་ནི་བཅུད་དང་བཅུད་ལེན་ཏེ། །དེ་ཉིད་དུ་ནི་སངས་རྒྱས་
བཞུགས། །དེར་ནི་དཀྱིལ་འཁོར་བཟང་པོའོ། །དེར་ནི་སློབ་མ་དབང་བསྐུར་བའོ། །དེར་ནི་ཧེ་རུ་ཀ་དཔའ་བོ། །ཉི་ཤུ་རྩ་བཞིའི་དབང་གཙོའོ། །དེར་ནི་ནམ་མཁའ་ལྡིང་འཇིགས་པ། །དེ་ཉིད་དུ་ནི་རོ་ལངས་བསྒྲུབ། །དེར་ནི་དུར་ཁྲོད་བརྒྱད་པོ་
རྣམས། །སྐད་ཅིག་ཙམ་གྱིས་སྐྱེད་པའི་རྒྱུ། །དེར་ནི་སངས་རྒྱས་བདག་ཉྀད་ཆེ། །སྟོང་ཕྲག་གསུམ་ནི་རྣམ་པར་བཞུགས། །དེར་ནི་འཇིག་རྟེན་ཁམས་ཀུན་ཏེ། །དེ་ཉིད་བཅོམ་ལྡན་འདས་ལྷ་མོ། །སངས་རྒྱས་ལ་སོགས་སྐྱེད་པའི་ཡུྃ། །
བྱང་ཆུབ་སེམས་དཔའ་དཔལ་ཆེན་པོ། །ཤེས་རབ་ཕ་རོལ་ཕྱིན་དཔུང་གཉེན། །དེ་ཉིད་བསོད་ནམས་ཀུན་སྟེར་མ། །དེ་ཉིད་ཐར་པ་སྟེར་བྱེད་ན། །ཕྱག་རྒྱ་ཆེན་པོ་གྲགས་ཆེན་པོ། །དངོས་གྲུབ་ཀུན་ནི་འདོད་བྱེད་མ། །མ་དང་
ཚ་མོ་སྲིང་མོ་དང་། །བུ་མོ་བུད་མེད་རབ་བརྟེན་མ། །ཤེས་རབ་མཉེས་ཤིང་འཇིགས་བྱེད་མ། །འགྲོ་དྲུག་བདེ་སྡུག་བག་ཆགས་བཅས། །འཁོར་བ་མྱ་ངན་འདས་ཉིད་དང་། །བདག་ཉིད་ཆེན་པོ་དེ་ཉིད་དེ། །རྣམ་རྟོག་ཀུན་དུ་རྟོག་
པ་ཉིད། །དེ་བཞིན་འཆར་དང་ནུབ་པ་དང་། །ཉིན་མཚན་མལ་སྟན་བཟའ་བ་དང་། །ངེས་པའི་བརྟུལ་ཞུགས་རྩིས་དང་གྲངས། །རྣམ་པར་མི་རྟོག་ཡང་དག་རྟོག །དམན་དང་མཆོག་དང་བར་མ་དང་། །གཞན་དང་གང་དང་དེ་དང་ནི། །

87-1-129a

དེ་ཉིད་བདག་ཉིད་ཆེན་པོ་གཅིག །སེམས་ཅན་ཀུན་ལ་བདེ་བ་འབབ། །དེ་ལྟར་ཐོས་ནས་ཕྱག་ན་རྡོ་རྗེ་ལ་སོགས་པའི་བྱང་ཆུབ་སེམས་དཔའ་རྣམས་དང་། འདོད་ཅན་མ་ལ་སོགས་པ་རི་རབ་ཀྱི་རྡུལ་ཕྲ་རབ་སྙེད་ཀྱི་རྣལ་
འབྱོར་མ་རྣམས་དགའ་བའི་སྤྱན་གདངས་ནས་སྣ་ཚོགས་སྡེ་མ་ལ་ཡང་དང་ཡང་དུ་བཏུད་དེ། འདི་ལྟར་གསོལ་ཏོ། །ཨེ་མའོ། །སྣ་ཚོགས་སྡེ་མ་རྣལ་འབྱོར་མ། །སེམས་ཅན་ཀུན་ལ་བདེ་འབབ་མ། །གླེགས་བམ་དོན་
དང་ལྡན་གང་ཞིག །དེ་ཀུན་སངས་རྒྱས་བྱིན་བརླབས་བཤད། །དེ་ནས་ཕྱག་ན་རྡོ་རྗེའི་ཕྱག་གཉིས་གླང་པོ་ཆེའི་ལག་པ་ལྟར་རབ་ཏུ་བརྐྱང་སྟེ་གླེགས་བམ་ཡང་དག་པར་བླངས་སོ། །དེ་ནས་སངས་རྒྱས་ཀྱི་བྱིན་གྱི་བརླབས་
ཀྱིས་ཕྱག་རྒྱ་ཆེན་པོའི་རྡོ་རྗེའི་གནས་སུ་དོན་དང་བཅས་པའི་གཞུང་ཞུ་བར་གྱུར་ཏོ། །ཕྱག་ན་རྡོ་རྗེའི་སྙིང་ག་ནས་བྱུང་སྟེ། སྣ་ཚོགས་སྡེ་མའི་ཐུགས་སུ་ངལ་སོས་སོ། །དེ་ནས་ཕྱག་ན་རྡོ་རྗེ་གནོད་སྦྱིན་གྱི་བདག་པོ་ཆེན་
པོས་རྣལ་འབྱོར་མ་ཆེན་མོ་ལ་འདི་ལྟར་གསོལ་ཏོ། །སྔགས་ཀྱི་བཟླས་པ་གང་ཞིག་ལགས། །ལས་ཀྱི་ཚོགས་རྣམས་ཇི་ལྟར་འགྲུབ། །སྔོན་དུ་བསྙེན་པ་གང་ཞིག་ལགས། །མཁའ་ལྡིང་འགྲུབ་པའི་ངེས་པ་གང་། །དངུལ་ཆུ་བཅུད་
ལེན་སྣ་ཚོགས་པ། །དངོས་གྲུབ་སྟེར་བྱེད་གང་ཞིག་ལགས། །སྤར་དང་མནན་པ་གང་གསུངས་དང་། །དུས་དང་བྱ་བའི་ངེས་བཅས་དང་། །དངོས་གྲུབ་ཐོབ་དུས་གང་ཞིག་ལགས། །སངས་རྒྱས་ཇི་ལྟ་བུ་རུ་བརྗོད། །དེ་བཞིན་ཐོད་པ་ཇི་ལྟ་བུ། །སྦྱོར་དང་ལྡན་
པའི་ཇི་ལྟ་བུ། །སྣ་ཚོགས་སྡེ་མའང་ཇི་ལྟ་བུ། །ཐེག་པ་ཆེན་པོ་ཇི་ལྟ་བུ། །རྣལ་འབྱོར་མ་ཡི་རྣམ་ངེས་ཅི། །གསུངས་པ། རྒྱུད་འདིར་སྔོན་དུ་བསྙེན་པ་མེད། །དེ་བཞིན་ཡུལ་དང་དུས་ཚེས་དང་། །གཟའ་དང་རྒྱུ་སྐར་སྦྱོར་མེད་པ། །བློ་དང་
ལྡན་པས་རྟག་ཏུ་བསྟེན། །དུས་དང་བྱ་བའི་ངེས་མི་བྱ། །སངས་རྒྱས་ཐོད་པའི་སྦྱོར་བ་ཡིས། །ཐོས་པ་ཙམ་གྱིས་འགྲུབ་པར་འགྱུར། །སངས་རྒྱས་རྡོ་རྗེ་ཞེས་སུ་གསུངས། །ཐོད་པ་གྲུ་གསུམ་ཡང་དག་འབྱུང་། །སྦྱོར་བ་གསང་བར་གནས་

87-1-129b

པའི་རྩ། །དེ་ཡི་སྣ་ཚོགས་ངོ་མཚར་བྱེད། །སྡེ་ནི་བདེ་ཆེན་ཡེ་ཤེས་སོ། །འདི་ཉིད་ཐེག་པ་ཆེན་པོ་སྟེ། །རྣལ་འབྱོར་མ་ཡི་རྩ་ལས་བྱུང་། །དེ་ནི་རྨད་བྱུང་ཆེ་མཆོག་སྟེ། །སངས་རྒྱས་ཐོད་པའི་སྦྱོར་བ་ཉིད། །དེ་ཉིད་ཧེ་རུ་ཀ་དཔའ་བོ། །
འཁོར་བའི་འཇིགས་ལས་སྒྲོལ་བྱེད་པ། །སངས་རྒྱས་ཐོད་པའི་སྦྱོར་བ་ཡིས། །སངས་རྒྱས་ཀུན་གྱི་བདེ་བ་འབབ། །རྣལ་འབྱོར་ཆེན་མོ་སྣ་ཚོགས་བདེ། །དཔའ་དབང་བདག་མོ་དབང་ཕྱུག་མ། །དེ་ཡི་ཐོད་པའི་དཀྱིལ་
འཁོར་ལ། །སྔགས་དང་རྒྱུད་ནི་རྣམ་པར་གནས། །དེ་ཡི་ཡེ་ཤེས་བཟང་པོ་ནི། །ལྷན་ཅིག་སྐྱེས་པ་དག་ལས་འབྱུང་། །དེ་ནི་རིག་པའི་དབང་ལྔ་དང་། །སངས་རྒྱས་བདུན་གྱི་མཚན་ཅན་ཏེ། །སྣ་ཚོགས་སྦྱོར་དང་ཚེ་འཕེལ་དང་། །
དངོས་གྲུབ་ཐམས་ཅད་སྒྲུབ་པ་ནི། །སངས་རྒྱས་ཐོད་པའི་སྦྱོར་བ་ཡིས། །འགྲུབ་པར་འདིར་ནི་གདོན་མི་ཟ། །མན་ངག་ལམ་ལས་གང་ཤེས་པ། །བླ་མའི་དྲིན་ལས་ཤེས་པར་བྱ། །སངས་རྒྱས་ཐོད་པའི་རྒྱུད་ཆེན་པོ་རྣལ་འབྱོར་མ་
རྣམས་ཀྱི་གོང་ན་མེད་པ་གསང་བའི་ཡང་ཤིན་དུ་གསང་བ་ཞེས་བྱ་བ་ལས་དངོས་གྲུབ་ཐམས་ཅད་དང་ཡེ་ཤེས་གཏན་ལ་དབབ་པ་དང་། ཐོད་པ་ཁ་ཕྱེ་བ་ལས་གླེགས་བམ་བྱུང་བའི་ལེའུ་སྟེ་དང་པོའོ།། །། 
དེ་ནས་ཡང་དག་རབ་བཤད་པ། །སྔགས་ལེའུ་ཇི་བཞིན་གསུངས་པ་སྟེ། །མཁའ་འགྲོ་མ་མོ་འབྱུང་པོ་རྣམས། །སྔགས་གང་གིས་ནི་འགྲུབ་འགྱུར་བ། །དེ་ནི་བདག་གིས་རབ་བཤད་ཀྱིས། །ཁྱོད་
ཀྱིས་དད་པ་བརྟན་པས་ཉོན། །ཨོཾ་བུད་དྷ་ཀ་པཱ་ལི་ནི་ཏ་ཊ་སྥོ་ཊ་ཡ་སརྦྦ་ཤུ་བྷ་པྲ་དཱ་ཡི་ནི་ཧཱུྃ་ཕཊ། སྤོས་དབུལ་བའི་སྔགས་སོ། །ཨོཾ་བུད་དྷ་ཀ་པཱ་ལི་ནི་མ་ཊ་མ་ཊ་ཨ་སྭཱ་ཧཱ། མེ་ཏོག་དབུལ་
བའི་སྔགས་སོ། །ཨོཾ་མ་ཧཱ་ཀ་པཱ་ལ་བཛྲི་བ་ར་བ་ཏ་ཊ་སྟ་ཊ་ཡ་སྟ་ཊ་ཡ་མ་ན་མ་ཊ་ཧཱུྃ་ཧེ་སྭཱ་ཧཱ། དྲི་འབུལ་བའི་སྔགས་སོ། །ཨོཾ་བུད་དྷ་ཀ་པཱ་ལི་ནི།   གྲིཧྞ་གྲིཧྞ།   གྲིཧྞཱ་པ་ཡ་གྲིཧྞཱ་པ་ཡ་བ་ར་བ་ར་ཏ་ཊ་ཏ་ཊ། སྟ་ཊ་ཡ་སྟ་ཊ་

87-1-130a

ཡ་མ་ཊ་ཧཱུྃ་ཧཱུྃ་ཧཱུྃ་སྭཱ་ཧཱ། མར་མེ་དབུལ་བའི་སྔགས་སོ། །ཨོཾ་བུདྡྷ་ཀ་པཱ་ལི་ནི། གྲྀཧྞ་གྲྀཧྞ་གྲྀཧྞཱ་པ་ཡ་གྲྀཧྞཱ་པ་ཡ་ཁ་ཁ་ཧཱུྃ། ལྷ་བཤོས་དབུལ་བའི་སྔགས་སོ། །ཨོཾ་མ་ཧཱ་ཀ་པཱ་ལི་བཛྲ་དྷརྨྨ་དྷརྨྨ་མེ་གེ་བ་རེ་
པྲ་བ་རེ་བ་ར་བ་ར་ཀ་ར་ཀ་ར་ཏ་ཊ་ཏ་ཊ་ཧ་ཧེ་སྭཱ་ཧཱ། གོས་དབུལ་བའི་སྔགས་སོ། །ཨོཾ་ཧཱྃ་ཧཻཾ་ཧཽཾ་ཧཻཾ་ཧོཾ་ཧཱྃ་ཧཱ། གོ་ཆའི་སྔགས་སོ། །ཨོཾ་བུད་དྷ་ཀ་པཱ་ལི་ནི་ཨ་ཁྃ་ཀྲོཾ་ཨཿ ཨཱ་ཧཱུྃ་ཧཱུྃ་ཧཱུྃ་ཕཊ། སྤྱན་དྲང་བའི་སྔགས་སོ། །ཨོཾ་མ་ཧཱ་ཀ་པཱ་ལ་བཛྲི་ཎི་
གཙྪ་གཙྪ་ཨུཏ་ཏིཥྛ་ཨུཏ་ཏིཥྛ་ཛ་ཛ་ཛ་ཧ་ཛྃ་ཛྃ་ཛྃ། ཏྲཻ་ལོཀྱ་བི་ཊ་པ་ཎི་ཧཱུྃ་ཕཊ། གཤེགས་སུ་གསོལ་བའི་སྔགས་སོ། །ཨོཾ་མ་ཧཱ་ཀ་པཱ་ལ་བཛྲེ་ཙི་ཏྲེ་སུ་ཙི་ཏྲེ་ཨ་ལཱམ་བ་ནེ་ཕྲིན་ཡཱ། སརྦྦ་བྷཱུ་ཏ་ན་མཱ་ར་ཎ་ཀཱི་ལ་ཡ་སརྦྦ་དུཥྚཱན་ཨུཙྩཱ་ཊ་ཡ་སརྦྦ་བི་གྷཱ་ནྦི་ཏྲཱ་བ་ཡ་
བྷ་ག་བ་ཏི་ཡཀྵ་རཀྵ་ས་པི་ཤཱ་ཙཱ་ན་ཤོ་ཥ་ཡ་ཏ་ཊ་ཡ་སཔྟ་པཱ་ཏཱ་ལ་ག་ཏཱ་ན། ས་ར་ས་ར། པྲ་ས་ར་པྲ་ས་ར། ཧཱུྃ་ཧཱུྃ་ཧཱུྃ། ཕཊ་ཕཊ་ཕཊ། འབྱུང་པོ་ཐམས་ཅད་པའི་གཏོར་མའི་སྔགས་སོ། །འབྲས་སཱ་ལུ་བླངས་ཏེ་འོ་མས་བཀྲུས་ལ་
བུ་མོ་གཞོན་ནུ་མས་དེ་ཤིན་དུ་ཞིབ་པར་བཏགས་ལ། དེ་ཡང་ཤེས་རབ་ཅན་གྱིས་གཟུགས་བརྙན་བྱས་ཏེ། ཞལ་གཅིག་ཕྱག་བཞི་གཞུང་བཞིན་ཅང་ཏེའུ་དང་། ཁ་ཊྭཱྃ་ག་དང་། རལ་གྲི་དང་། ཐོད་པ་འཛིན་པའོ། །དེ་ནས་རོ་
བསྲེགས་པའི་སོལ་བ་ཕྱེ་མར་བྱས་ལ་རྡོ་རྗེ་གཙུག་གིས་མཉེ་བར་བྱའོ། །དེ་ནས་དེས་གཟུགས་བརྙན་ལ་བྱུག་པར་བྱའོ། །མེ་ཏོག་དཀར་པོས་མཆོད་པ་བྱས་ཏེ། སངས་རྒྱས་ཐོད་པའི་རྣལ་འབྱོར་པས་ཧེ་རུ་ཀའི་རྣམ་པའི་
སྦྱོར་བས་སྔགས་བརྒྱ་རྩ་བརྒྱད་བཟླས་པར་བྱའོ། །ཨོཾ་མ་ཧཱ་བཛྲ་ཧེ་རུ་ཀ་བཛྲེ། དྷ་ར་དྷ་ར། དྷུ་རུ་དྷུ་རུ། མ་ཧཱ་ཛྙཱ་ན་པོ་ཊ་ཎེ། ཤཱི་གྷྲྃ་སཱ་ད་ཡ་སྟྃ་བྷ་ཡ་ཀཱི་ལ་ཡ་ཧཱུྃ་ཕཊ། སྔགས་འདིས་ཆུ་ལ་ལན་བདུན་དུ་མངོན་
པར་བཟླས་ཏེ། གཟུགས་བརྙན་དེ་བཀྲུ་བར་བྱའོ། །ཆུ་དེས་རང་གི་གདོང་བཀྲུས་ན་མི་སྣང་བར་བྱེད་དེ། ལྷ་རྣམས་ཀྱིས་ཀྱང་རྙེད་པར་དཀའོ། །ནགས་ཀྱི་ནང་དུ་སྟག་གིས་ཀྱང་མི་མཐོང་ངོ་། །གཞན་དག་གིས་ཀྱང་དེ་

87-1-130b

མཐོང་བར་མི་འགྱུར་རོ། །སྲོག་ཆགས་འབུམ་གྱི་ནང་དུ་སོང་ན་ངོ་མཚར་སྣ་ཚོགས་བྱེད་དོ། །གང་གིས་ཀྱང་མི་མཐོང་ངོ་། །ལྷའི་བུ་མོ་འཕྲོག་ཅིང་ལྷ་རྣམས་ཀྱིས་ཀྱང་མི་མཐོང་ངོ་། །འོ་མས་གདོང་བཀྲུས་པ་ཙམ་གྱིས་
ནི་མཐོང་བར་འགྱུར་རོ། །གཟུགས་བརྙན་དེའི་སྙིང་གར་འབའ་བོ་ལས་ཕུག་སྟེ། དུར་ཁྲོད་ཀྱི་མེ་ལ་འབའ་བོ་ལ་དང་ཚངས་པ་རྡོ་རྗེས་རབ་ཏུ་སྦར་ལ། དེའི་ཐལ་བ་ཡང་དག་པར་བླངས་ཏེ། ཁམ་ཕོར་དུ་གཞག་པར་བྱའོ། །
ཡང་ན་པད་མའི་སྣོད་དུའོ། །སྔགས་འདི་བརྒྱ་རྩ་བརྒྱད་དུ་མངོན་པར་བཟླས་པར་བྱའོ། །ཨོཾ་བུདྡྷ་ཀ་པཱ་ལི་ནི་ཏྲཱྃ་ཧཱུྃ།   ཨོཾ་བཛྲ་བི་ལི་སི་ནཱི་ཧྲཱིཿཧཱུྃ། ཨོཾ་ཀཱ་མི་ནཱི་ཁྃ་ཧཱུྃ། ཨོཾ་པཱ་ཏཱ་ལ་བ་སཱི་ནཱ་ཨཱཿཧཱུྃ། ཨོཾ་ཙི་
ཏྲཿསེ་ནཱ་ས་མ་ཡཱ་དྷིཥྛ་ཡ་ཧྲཱིཿཧཱུྃ། སྔགས་འདི་དག་ནི་སངས་རྒྱས་རྣམས་ཀྱིས་ཀྱང་ཤིན་ཏུ་རྙེད་པར་དཀའོ། །ཐལ་བ་དེ་དང་རྡོ་རྗེ་གཙུག་གིས་ལུས་བྱུག་པར་བྱས་ན་ཇི་སྲིད་དུ་ལུས་ལ་མཚོན་ཆས་ཕོག་པ་དེ་སྲིད་དུ་མི་
ཚུགས་སོ། །སླར་ཞིང་དགྲ་ཐམས་ཅད་ཀྱི་མགོ་བོ་འཆད་པར་འགྱུར་རོ། །གང་སྡང་བ་ལ་བལྟས་ན་དེ་ལོང་བར་འགྱུར་རོ། །གང་ཞིག་སྡང་བའི་སེམས་འཛིན་པ་ན་དེ་སྨྱོ་བར་འགྱུར་རོ། །ཐལ་བ་དེ་ཉིད་དང་མར་ཁུ་
བཟང་པོས་མིག་བྱུགས་ན་དཔག་ཚད་སྟོང་མཐོང་བར་འགྱུར་རོ། །གང་ཅི་ཡང་རུང་བའི་སའི་འོག་ན་གནས་པའི་གཏེར་དཔག་ཚད་སྟོང་གི་འོག་ཏུ་སོན་པའི་དངུལ་དང་གསེར་དང་། རིན་པོ་ཆེ་གང་ན་ཡོད་པ་དེ་ཐམས་ཅད་
ལ་སྲིན་ལག་གིས་སྡིགས་མཛུབ་བྱས་པ་ཙམ་གྱིས་ཐམས་ཅད་མདུན་དུ་ལྷགས་ཏེ་གསོལ་བ་འདེབས་སོ། །ཀྱཻ་སངས་རྒྱས་ཐོད་པའི་རྣལ་འབྱོར་པ་གཏེར་ལོང་ལ་སེམས་ཅན་གྱི་དོན་གྱིས་ཤིག །དེས་གཏེར་
བླངས་ན་གང་འདོད་པ་དེ་བྱེད་དེ། ཐལ་བ་དེས་བྱེད་དོ། །ཐལ་བ་དེ་དང་གོ་རོ་ཙ་ན་ལྷན་ཅིག་བསྣོས་ཏེ། མཛུབ་མོས་མཉེས་པས་དཔུང་གི་ཚོགས་ལངས་པ་མཛུབ་མོ་བསྐོར་བ་ཙམ་གྱིས་འབུམ་ཕྲག་སྟོང་གི་དཔུང་རྣམས་

87-1-131a

ཁ་ཕུབ་ཏུ་ལྷུང་བར་འགྱུར་རོ། །གང་འདོད་པ་དེ་བྱེད་དོ། །བཀྲུས་པ་ཙམ་གྱིས་ལངས་པར་འདི་ཐེ་ཚོམ་མེད་དོ། །ཐལ་བ་དེ་དང་ཞ་ཉེའི་ཕྱེ་མ་དང་བསྣོས་ཏེ་གཅིག་ཏུ་བྱས་ལ། །རྡོ་རྗེའི་གཙུག་རྗེས་སུ་བྱིན་ཏེ་
ཁབ་ལེན་གྱི་ལྕགས་ཀྱི་ཕྱེ་མ་བསྲེ་ཞིང་གསེར་གྱི་ཕྱེ་མ་ཡང་ཅུང་ཟད་བསྲེ་བར་བྱའོ། །རྡོ་རྗེའི་ཆུའི་ཁུ་བ་དང་ལྷན་ཅིག་ཏུ་བསྣོས་ཏེ་ཟངས་མའི་སྣོད་དུ་ཉི་མ་བདུན་གྱི་བར་དུ་གཞག་གོ། །དེ་ནས་མཁྲིས་པ་ཆེན་པོ་མཉེས་ཏེ་རྟའི་ཁྲག་དང་ལྷན་
ཅིག་ཏུ་བསྣོས་ལ་ཡང་སྣོད་དེ་ཉིད་དུ་ཉི་མ་གསུམ་གཞག་པར་བྱའོ། །དེ་ནས་བཏོན་ཏེ་ལྕགས་ཀྱི་སྣོད་དུ་གཞག་པར་བྱའོ། །ཟངས་མའི་སྣོད་དུ་བཞག་པ་དེ་མེའི་ནང་དུ་བཅུག་ན་གསེར་དང་དངུལ་དུ་འགྱུར་བར་སོམ་ཉི་མེད་དོ། །སྲང་གཅིག་ཀྱང་
སྲང་སྟོང་གི་རིན་ཐང་དུ་འགྱུར་ཏེ་རིན་པོ་ཆེ་དང་འདྲ་བར་འགྱུར་རོ། །གསེར་དེ་མ་ཤ་གཅིག་དང་དངུལ་སྲང་གཅིག་བསྲེས་ཏེ་མེ་ལ་བཞུ་ན་སྲང་སུམ་བརྒྱའི་རིན་ཐང་གི་ཚད་དུ་འགྱུར་བར་འདི་ལ་ཐེ་ཚོམ་མེད་དོ། །འདི་ལྟ་བུའི་སྦྱོར་བ་ནི་སངས་རྒྱས་
རྣམས་ཀྱིས་ཀྱང་རྙེད་པར་དཀའོ། །འཇིག་རྟེན་དབང་ཕྱུག་ལ་སོགས་པའི་བྱང་ཆུབ་སེམས་དཔའ་གྲགས་པ་ཆེན་པོ་སྙིང་རྗེ་དང་ལྡན་པའི་བདག་ཉིད་ཆེན་པོ་སྟོབས་ཆེ་བ་དེ་རྣམས་ཀྱང་སྦྱིན་པར་མི་ནུས་སོ། །འདི་ཡི་སྦྱོར་བ་རྙེད་དཀའ་བ། །སངས་
རྒྱས་ཐོད་པའི་རྒྱུད་དུ་གསུངས། །རྒྱུད་གཞན་རྣམས་སུ་སྦས་པ་ཡིན། །འདུས་སོགས་རྣལ་འབྱོར་རྒྱུད་དུ་ནི། །སྦྱོར་བ་རྣམ་པ་མ་གསུངས་པ། །གང་ཚེ་སྔོན་དུ་བསྙེན་དེའི་ཚེ། །དེ་ཡི་སྦྱོར་བས་ཅི་ཞིག་བྱ། །བསོད་ནམས་དམན་
པའི་སེམས་ཅན་གང་། །མཚམས་མེད་ལྔ་ནི་བྱེད་པ་ཡང་། །སངས་རྒྱས་ཐོད་པའི་སྦྱོར་བ་ཡིས། །འདི་ལྟའི་སྦྱོར་བ་འགྲུབ་པར་འགྱུར། །དངོས་པོ་དེ་ཡིས་བློ་ཆེན་རྣམས། །སེམས་ཅན་དོན་ལ་གཅིག་ཏུ་བརྩོན། །སྲང་
གཅིག་གིས་ནི་བསྲེས་བྱའི་རིན། །སྦྱོར་བ་ཀུན་ཏུ་རྙེད་པར་དཀའོ། །སྦྱོར་བ་གླེགས་བམ་ལ་མ་བྲིས། །བླ་མའི་དྲིན་ལས་ཤེས་པར་བྱ། །བླ་མས་དངོས་གྲུབ་བླ་མས་ཐར། །བླ་མ་སྟོན་པ་རྣམ་ཀུན་པ། །དེས་ན་སློབ་མ་བློ་ཆེན་

87-1-131b

གྱིས། །འབད་པས་བླ་མ་མཉེས་པར་བྱ། །ཐལ་བ་དེ་ཉིད་ཀྱིས་ལུས་བལྟ་བའི་དོན་དུ་བུ་མོའི་མགོ་ལ་བླུགས་ཏེ་རྡོ་རྗེ་གཙུག་གིས་བུ་མོ་བཀྲུའོ། །ཡང་ཐལ་བས་ཐིག་ལེ་བྱས་ལ། ཚངས་པས་རྡོ་རྗེས་མཎ་ཌལ་
གྲུ་བཞི་བྱས་ཏེ། དེའི་དབུས་སུ་བུ་མོ་བཞག་པར་བྱའོ། །བདུག་སྤོས་ལྔས་བདུགས་ཤིང་སངས་རྒྱས་ཐམས་ཅད་ཀྱིས་བྱིན་གྱིས་བརླབས་ན་བུ་མོ་ལ་འབབ་པར་འགྱུར་ཏེ། འདས་པ་དང་། མ་འོངས་པ་དང་ད་ལྟར་
བྱུང་བ་སྟོན་ཏོ། །བུ་དོན་གྱིས་འབྲས་བུ་ལ་སྔགས་འདི་ལན་བདུན་དུ་མངོན་པར་བསྔག་སོ། །ཨོཾ་བུདྡྷ་ཀ་པཱ་ལི་ནི་དེ་ཧི། དེ་ཧཱི་ད་དཱ་པ་ཡ་ད་དཱ་པ་ཡ་ཧེ་ཧེ་བྷ་ག་བ་ཏི་ཤཱི་གྷྲྃ་ཁཌྒྃ་ད་ར་ཧི་བུདྡྷ་ཀ་པཱ་ལ་བཛྲ་སྱ་ཡ་ཛྙ་མ་ལྃ་གྷ་ཡ་ཧཱུྃ་སྟྃ་ཧྲཱི་ཕཊ་
ཨ་ཕཊ། ཡུངས་ཀར་བསྣུན་པ་ཙམ་གྱིས་ནི། །བུ་མོ་གྲགས་ཆེན་མ་ནི་རྒོད། །དེ་ཡི་ཁ་ནས་རལ་གྲི་བདུན། །འབྱུང་བ་ལ་ནི་ཐེ་ཚོམ་མེད། །སངས་རྒྱས་ཐོད་པའི་རྣལ་འབྱོར་པས་སྐད་ཅིག་མ་དེ་ཉིད་ལ་འགྲུབ་པར་འདིར་སོམ་ཉི་
མེད་དོ། །དེ་ལྟར་རལ་གྲི་གཅིག་གྲུབ་པས་བྱེ་བ་བརྒྱ་སྟོང་གི་རིག་འཛིན་གྲུབ་པས་བསྐོར་བར་འགྱུར་རོ། །འདི་ལྟ་བུའི་སྦྱོར་བ་ནི་འཇིག་རྟེན་གསུམ་ན་ཡང་རྙེད་པར་དཀའོ། །བུ་མོ་བཀྲུས་པ་ཙམ་གྱིས་རྣལ་མར་འགྱུར་
རོ། །དེའི་ཐལ་བ་ལྕགས་གསུམ་གྱིས་བཀྲིས་ཏེ་རི་ལུ་བྱས་ནས་ཁར་བཅུག་པ་ཙམ་གྱིས་ནི་མི་སྣང་བར་འགྱུར་རོ། །ཤེས་རབ་ཅན་གྱིས་སུམ་བཅུ་པ་ཡང་བསྐོར་རོ། །སངས་རྒྱས་ཐམས་ཅད་ཀྱིས་ཀྱང་མི་གཟིགས་སོ། །
རི་ལུ་ལག་པར་བླངས་པས་དངོས་པོ་གང་དང་གང་ལ་རེག་པ་ཙམ་གྱིས་དེ་དབང་དུ་འགྱུར་རོ། །ཐལ་བའི་སྦྱོར་བ་འདི་དག་ནི། །སངས་རྒྱས་ཀྱིས་ཀྱང་རྙེད་པར་དཀའ། །ཨོཾ་བུདྡྷ་ཀ་པཱ་ལ་ཛཿཧཱུྃ་ཁྃ་རྃ་ཨ། འཇིག་རྟེན་གསུམ། 
བསྒྲུབ་པའི་སྔགས་སོ། །ཨོཾ་བུདྡྷ་ཀ་པཱ་ལི་ནི་ཧྲཱིཿཧཱུྃ། དགྲ་རླག་པའི་སྔགས་སོ། །ཨོཾ་མ་ཧཱ་ཀ་པཱ་ལ་བཛྲི་ཁ་ཁ་ཁཱ་ཧི་ཁཱ་ཧི་སརྦ་དུཥྚན་གྷ་གྷ་གྷཱ་ཏ་ཡ་གྷཱ་ཏ་ཡ་སརྦྦ་ཤ་ཏྲུྃ་ཨོཾ་ཧི་ཏྲཱྃ་ཧཱུྃ་ཕཊ། བསྐྲད་པའི་སྔགས་སོ། །སངས་རྒྱས་

87-1-132a

ཐོད་པའི་རྒྱུད་ཆེན་པོ། རྣལ་འབྱོར་མ་རྣམས་ཀྱི་གོང་ན་མེད་པ་གསང་བའི་ཡང་ཤིན་དུ་གསང་བ་ཞེས་བྱ་བ་ལས་ཐལ་བའི་སྦྱོར་བ་དང་ལས་སྣ་ཚོགས་གཏན་ལ་དབབ་པ་དང་། སྔགས་ཀྱི་ལེའུ་སྟེ་གཉིས་
པའོ།། །། དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་ཕྱག་ན་རྡོ་རྗེས་སྣ་ཚོགས་སྡེ་མ་ལ་བཏུད་དེ་འདི་སྐད་ཅེས་གསོལ་ཏོ། །སེམས་ཅན་དོན་ལ་གཅིག་བརྩོན་པ། །ལེགས་སོ་བཅོམ་ལྡན་འདས་ལྷ་མོ། །འདི་
ལྟའི་རབ་ཏུ་སྦྱོར་ཞེས་པ། །རྒྱུད་གཞན་དག་ཏུ་མ་གསུངས་ཤིང་། །སངས་རྒྱས་ཀུན་གྱིས་རབ་སྦས་པ། །དེ་ནི་འབད་དེ་གསལ་བར་མཛོད། །ལྷ་མོ་ཆེན་མོ་ཁྱོད་ཀྱིས་གསུངས། །ལྷ་ཡི་ལེའུ་ནི་ཇི་ལྟ་བུ། །སངས་རྒྱས་
ཐོད་པའི་རྣལ་འབྱོར་མའི། །རྒྱུད་དུ་ལྷ་རྣམས་དུ་ཞིག་གསུངས། །དེ་རུ་གཟུགས་ནི་ཇི་ལྟ་བུ། །གུས་པ་ཡིས་ནི་ཉན་པར་འཚལ། །གསུངས་པ། རྃ་ལས་ཉི་མ་བསམ་པར་བྱ། །ཉི་མའི་སྟེང་དུ་ཧཱུྃ་བྱུང་བའི། །རྡོ་རྗེ་ནག་
པོ་བསྲེག་པའི་བདག །རྡོ་རྗེ་དེ་ཉིད་འོད་ཟེར་གྱིས། །ར་བ་དྲ་བས་མཚམས་བཅིང་ངོ་། །དེ་བཞིན་རྡོ་རྗེ་ནག་གྱུར་པའི། །རྡོ་རྗེའི་ས་གཞི་བསམ་པར་བྱ། །རྡོ་རྗེའི་ས་གཞིའི་དབུས་ཆུད་པར། །ཨེ་ཡི་རྣམ་པ་བདག་ཉིད་ཆེ། །
གྲུ་གསུམ་ཁམས་གསུམ་བདག་ཉིད་ཅན། །ཡི་གེ་ལྃ་གྱུར་ས་ཡི་ནི། །དཀྱིལ་འཁོར་གྲུ་བཞི་རབ་སེར་པོའོ། །དེ་ཡི་དབུས་ནས་ས་བོན་ནི། །ཡི་གེ་ཨོཾ་སྟེ་ཆོས་བདག་ཉིད། །ཨོཾ་ལས་བྱུང་བའི་འཁོར་ལོ་ནི། །རྩ་རྣམས་ཀུན་
གྱི་རང་བཞིན་ཅན། །རྣལ་འབྱོར་མ་ནི་རྣམ་པར་བཞུགས། །རྩ་ནི་བཅུ་དྲུག་བཅུ་ལ་རྒྱན་དང་། །སྤྲུལ་པ་དྲུག་བཅུ་རྩ་བཞི་འདབ། །དེས་ན་རྩ་བརྒྱ་ཉི་ཤུའོ། །རྡོ་རྗེ་སྐུ་ཡི་བདག་ཉིད་ཆེ། །ཤེས་རབ་ཅན་གྱིས་དེ་ལྟར་བསམ། །དེ་ཡི་དབུས་
གནས་ས་བོན་ནི། །ལྦྃ་དཀར་ཡི་གེ་ལས་བྱུང་བ། །ཆུ་ཡི་དཀྱིལ་འཁོར་ཟླུམ་པོའོ། །རྩ་རྣམས་ཐམས་ཅད་ཆུ་ཡི་ནི། །དཀྱིལ་འཁོར་ལ་ནི་ཐིམ་པར་འགྱུར། །སླར་ཡང་བསམ་པར་བྱ་བ་ནི། །རྃ་དམར་ལས་བྱུང་མེ་དཀྱིལ་

87-1-132b

འཁོར། །གྲུ་གསུམ་འབར་བའི་བདག་ཉིད་ཅན། །རབ་ཏུ་འབར་བཞིན་པ་ཡི་ནི། །རྩ་བའི་འཁོར་ལོ་ཡང་དག་བལྟ། །དེ་ནས་བསམ་པར་བྱ་བ་ནི། །ཡྃ་གྱུར་རླུང་གི་དཀྱིལ་འཁོར་ནི། །ཟླ་བ་ཕྱེད་པའི་རྣམ་འདྲ་སྔོ། །
རྩ་རྣམས་རབ་ཏུ་གཡོ་བའི་གཟུགས། །ཐིམ་གྱུར་འཁོར་ལོའི་རིག་པར་གསུངས། །དེ་དག་ཐམས་ཅད་ཐིམ་འགྱུར་བ། །དེ་ཡི་དབུས་གནས་རྣལ་འབྱོར་པ། །དེ་ལྟར་ཤེས་པར་བྱེད་གང་ཞིག །སངས་རྒྱས་ཐོད་པའི་
རྣལ་འབྱོར་པས། །དེ་ནས་ཟླ་བ་བསམ་པར་བྱ། །ཟླ་བའི་སྟེང་དུ་ཉི་མའོ། །དེ་ཡི་དབུས་ཆུད་ས་བོན་ནི། །ཧཱུྃ་དང་ཨ་ཡི་རང་བཞིན་ནོ། །ཡི་གེ་ཀ་ཡིས་ཧ་བརྒྱན་ཏེ། །ཀ་ནི་ཧ་ལ་ཐིམ་པར་འགྱུར། །མི་ཕྱེད་པ་ཡི་ཧ་དང་
ཧཱུྃ། །གཉི་གའི་བདག་ཉིད་ཅན་བལྟའོ། །ཧ་ནི་མི་ཤིགས་ཤེས་རབ་ཀྱི། །བདག་ཉིད་དང་ནི་ཐིག་ལེ་དག །གཉི་ག་གཅིག་ཏུ་གྱུར་པ་ནི། །ཡི་གེ་ཧཱུྃ་གི་མཆོག་བལྟའོ། །ཧཱུྃ་ལས་བྱུང་བའི་འོད་ཟེར་རྣམས། །དེ་ཡིས་བདེ་བ་
ཆེ་བསྐུལ་ཏེ། །བ་མོ་ལྟ་བུའི་རི་བོང་ཅན། །ཉི་མར་ལྷན་ཅིག་ཞུ་གྱུར་ཅིང་། །དཀྱིལ་འཁོར་གཉི་ག་གཅིག་གྱུར་པ། །ཉི་མའི་མཆོག་ཏུ་བལྟ་བར་བྱ། །ཡང་ནི་ཧཱུྃ་བྱུང་འོད་ཟེར་དང་། །རྩ་བའི་འཁོར་ལོ་ཐམས་ཅད་ལ། །རེག་
མ་ཐག་པའི་མོད་ལ་ནི། །རྩ་བའི་འཁོར་ལོ་ལས་འབབ་འགྱུར། །ཞུ་བ་དེ་ཡིས་ས་བོན་བཀྲུ། །ཧཱུྃ་གྱུར་པ་ལས་རྡོ་རྗེ་སྟེ། །དབུས་སུ་དེ་ཉིད་ཀྱིས་བྱིན་བརླབས། །ས་བོན་རྡོ་རྗེ་ལས་བྱུང་བ། །དཔའ་བོ་ཁྲག་འཐུང་མདོག་
སྔོན་པོ། །ཞལ་གཅིག་པ་ལ་ཕྱག་བཞི་པ། །གཙོ་བོ་ཧཱུྃ་ཞེས་འདོན་པ་སྟེ། །སྐྱིལ་དཀྲུང་ཕྱེད་པའི་གར་གྱིས་གནས། །གཉི་གའང་ཁྲོ་བའི་བདག་ཉིད་ཅན། །སྟག་གི་ལྤགས་པའི་ན་བཟའ་མནབས། །མགོ་བོ་རློན་པའི་འཕྲེང་བ་
འཆང་། །བསྲེགས་སུ་མཆོད་ཕྱིར་ཐོགས་པ་ཡི། །ཤིན་དུ་བཞད་པས་འཇིགས་ཆེ་བའི། །གཙོ་བོ་སྙིང་རྗེའི་བདག་ཉིད་བལྟ། །དཔུང་རྒྱན་མགུལ་དོ་འཁོར་གདུབ་དང་། །གཅེར་བུ་རུས་པའི་སྐ་རགས་འཆང་། །གཡེར་ཀར་བཅས་པའི་

87-1-133a

རྐང་གདུབ་ཅན། །མ་ལུས་བདུད་རྣམས་འཇོམས་པར་བྱེད། །རལ་པའི་ཅོད་པན་ཡང་དག་ལྡན། །སངས་རྒྱས་རྣམ་པ་ལྔ་ཡིས་བརྒྱན། །ཟླ་བ་ཕྱེད་པ་འཛིན་པའི་ལྷ། །དབུ་ལ་སྣ་ཚོགས་རྡོ་རྗེས་མཚན། །འཁོར་ལོ་
རྣ་ཆ་གདུ་བུ་དང་། །ཕྱག་རྒྱ་རྣམ་པ་ལྔ་ཡིས་མཚན། །ཐལ་བའི་རྡུལ་ཅན་འཇིགས་པར་བྱེད། །ཐོད་པ་གཏི་མུག་གིས་བརྒྱན་པའི། །དཔའ་བོ་འཁོར་བ་སྒྲོལ་བྱེད་པ། །བྱང་ཆུབ་ས་བོན་རང་བཞིན་ནོ། །གཙོ་ཆེན་དེ་ཡི་ཤེས་རབ་མ། །
སྣ་ཚོགས་སྡེ་མ་རྣལ་འབྱོར་མ། །གཅེར་བུ་མགོ་བོའི་ཕྲེང་བ་སྤངས། །རྒྱན་མེད་མཆོད་ཕྱིར་ཐོགས་མེད་མ། །བདེ་བ་ཀུན་གྱི་གཟུགས་ཅན་མ། །ཕྱག་གཉིས་སྐྲ་ནི་གྲོལ་བའོ། །ཧེ་རུ་ཀ་ལ་འཁྱུད་གནས་མ། །དེ་ལྟར་ཕ་རོལ་ཕྱིན་
ལྷ་མོ། །ཁ་དོག་དམར་པོ་རྣམ་གསལ་མ། །ཞལ་ནི་ཤིན་དུ་རྣམ་འགྱུར་བ། །ཅུང་ཟད་མཆེ་བ་གཙིགས་འཇིགས་མ། །གཡས་ན་ཅང་ཏེའུ་གྲི་གུག་སྟེ། །གཡོན་ན་ཁ་ཊྭཱྃ་ཐོད་པའོ། །རང་གི་ལུས་སྐྱེས་འོད་ཟེར་གྱིས། །རྩ་ཡི་འཁོར་ལོ་
བསྐུལ་བར་བྱ། །དེ་ཡིས་བསྐུལ་བ་ཙམ་གྱིས་ནི། །རྩ་ཡི་འཁོར་ལོའི་རང་བཞིན་ལས། །འཛག་འགྱུར་འདིར་ནི་ཐེ་ཚོམ་མེད། །འཛག་པ་དེ་ལས་རྣལ་འབྱོར་མ། །བརྒྱད་པོ་བུ་མོ་རྣམས་ཀྱི་མཆོག །མཆོད་པ་སྣ་ཚོགས་
འཛིན་པ་ཡིས། །མགོན་པོ་ཧེ་རུ་ཀ་མཆོད་དོ། །རྡོ་རྗེ་མགོན་པོའི་ཤར་གནས་པ། །རྡོ་རྗེ་མཆེ་བ་མ་ཡིས་ནི། །ཐོད་པ་ཁྲག་གིས་བཀང་གཟུང་སྟེ། །གཟི་བརྗིད་ཆེན་པོ་གསོལ་བར་མཛད། །རྡོ་རྗེ་ཕོ་ཉ་བདག་ཉིད་ཆེ། །དབང་ལྡན་དུ་ནི་ཅང་
ཏེའུ་བརྡུང་། །རྡོ་རྗེ་གདོང་མ་དྲི་སྣོད་དང་། །མེ་ཡི་ཕྱོགས་སུ་རྣམ་པར་གནས། །རྡོ་རྗེ་ཅན་མ་གྲགས་ཆེན་མོ། །མཆོད་ཡོན་སྣོད་བཅས་བདེན་བྲལ་ན། །རྡོ་རྗེ་གཙིགས་མ་ལྷོ་ཡི་ནི། །ཕྱོགས་ན་རྔ་བོ་ཆེ་འཛིན་གསུངས། །རླུང་དུ་རྡོ་རྗེ་
ལྟེ་བ་མ། །རི་བོང་ཅན་གྱི་སྣོད་འཛིན་ནོ། །ནུབ་དུ་རྡོ་རྗེ་འཇིགས་མ་ནི། །ལྕེ་སྤྱང་ཕྱག་ན་འཛིན་པར་གསུངས། །བྱང་དུ་འདོད་ཆགས་རྡོ་རྗེ་མ། །ལྷ་མོའི་ཆགས་པས་གཙོ་བོ་མཆོད། །དེ་ལྟར་ཧེ་རུ་ཀ་བསམས་ནས། །རྣལ་འབྱོར་

87-1-133b

མ་ནི་བརྒྱད་ཀྱིས་མཆོད། །སྣ་ཚོགས་ཟས་དང་སྣ་ཚོགས་སྐོམ། །སྣ་ཚོགས་རོལ་མོ་མཆོག་གསུངས་དང་། །དྲི་ཞིམ་ལྔ་དང་མེ་ཏོག་སྤོས། །འདི་དག་གིས་ནི་གཙོ་བོ་མཆོད། །མཆོད་ཡོན་ཞལ་བསིལ་དེ་བཞིན་ཁྲུས། །གླུ་ཡི་
མཆོག་ནི་རྣམ་མང་པོས། །མགོན་པོ་ཁྲག་འཐུང་བདག་ཉིད་ཆེ། །འདི་དག་གིས་ནི་མཆོད་པར་བྱ། །དཔའ་བོ་རྫོགས་པར་མཐོང་ནས་ནི། །རྩ་ཡི་འཁོར་ལོ་ལས་ནི་འཛག །འཛག་པ་དེ་ལས་རྣལ་འབྱོར་མ། །རྣམ་མང་བརྩེ་བ་ཆེར་
ལྡན་པ། །བདེར་གཤེགས་ཀུན་གྱིས་བྱིན་བརླབས་མ། །སྣ་ཚོགས་རྒྱན་གྱིས་རྣམ་པར་ཀླུབས། །སྣ་ཚོགས་པ་ཡི་ན་བཟའ་མནབས། །གཟུགས་ནི་ལང་ཚོ་གཞོན་པས་བརྒྱན། །ལོ་ནི་བཅུ་དང་གཉིས་ལོན་པ། །ཕྱག་གཡས་བྱང་
ཆུབ་སེམས་བཀང་བའི། །བུམ་པ་ཨ་མྲའི་ལྕུག་བཅས་བསྣམས། །ཞལ་ནི་རབ་བཞད་དང་བ་ཡིས། །ཧེ་རུ་ཀ་ནི་རྒྱལ་གྱུར་ཅིག །རྒྱལ་གྱུར་ཅིག་ཅེས་འདི་ལྟར་སྨྲ། །མགོན་པོས་མདུན་དུ་བལྟས་ནས་ནི། །དབང་བསྐུར་
མཆོག་སྟེ་གསོལ་བ་གདབ། །བརྩེ་དང་ལྡན་པའི་གྲགས་ཆེན་མོ། །འཁོར་བའི་འདམ་དུ་བྱིང་བ་བདག །དབང་བསྐུར་བ་ཡིས་བདག་བསྒྲལ་ཕྱིར། །རྡོ་རྗེ་རྣལ་འབྱོར་མས་ཁྲུས་ཤིག །དཔེར་ན་བུ་ཚ་མེད་པའི་ཁྱིམ། །ཤི་བ་ཙམ་
གྱིས་སྟོང་པ་ཉིད། །དེ་བཞིན་དབང་དང་བྲལ་ན་ནི། །ཡེ་ཤེས་ཀུན་གྱིས་སྟོང་པ་ཉིད། །དཔེར་ན་པིད་བང་སྦྱོར་ཀུན་ཚོགས། །རྒྱུད་དང་བྲལ་ན་བརྡུང་མི་རུང་། །དེ་བཞིན་དབང་དང་བྲལ་ན་ནི། །སྔགས་དང་བསམ་གཏན་
འགྲུབ་མི་འགྱུར། །རྨོངས་པ་གང་ཞིག་དབང་མེད་པར། །བདག་ནི་དབང་བསྐུར་ཞེས་སྨྲ་བ། །ཇི་སྲིད་སངས་རྒྱས་བཞུགས་ཀྱི་བར། །སློབ་མར་བཅས་ཏེ་དམྱལ་བར་འགྲོ། །དེ་ལྟར་ཤེས་བྱ་རྣལ་འབྱོར་མས། །སླར་ཡང་
བདག་ལ་དབང་བསྐུར་ཅིག །ཡང་དང་ཡང་དུ་ཕྱག་འཚལ་ཏེ། །ཐལ་མོ་སྦྱར་ནས་གསོལ་བ་གདབ། །གལ་ཏེ་དབང་བསྐུར་མེད་ན་ནི། །ཧེ་རུ་ཀ་ཡི་བདག་གྱུར་ཅིང་། །དེ་ནས་རྣལ་འབྱོར་མ་དེ་རྣམས། །རྒྱལ་གྱུར་རྒྱལ་

87-1-134a

གྱུར་ཞེས་སྨྲ་ཞིང་། །བཅོམ་ལྡན་དབང་བསྐུར་ཁྲུས་གསོལ་ལོ། །ཕྱི་ནང་གསང་བར་བཅས་པ་ཡི། །དབང་ཙམ་གྱིས་ནི་ནམ་མཁའ་ཡི། །ཁམས་ནས་རྔ་ཡི་སྒྲ་གྲག་ཅིང་། །མེ་ཏོག་ཙན་དན་ཆར་འབབ་འགྱུར། །
དེ་ནས་རྣལ་འབྱོར་མ་དེ་རྣམས། །རྩ་བའི་འཁོར་ལོ་ལ་ནི་ཐིམ། །སངས་རྒྱས་ཐོད་པའི་རྒྱུད་རྣལ་འབྱོར་མའི་གོང་ན་མེད་པ་གསང་བའི་ཡང་ཤིན་དུ་གསང་བ་ཞེས་བྱ་བ་ལས་ལྷ་བསྐྱེད་པ་དང་། དབང་བསྐུར་བའི་ལེའུ་སྟེ་གསུམ་
པའོ།། །། དེ་ནོར་ལ་པའི་རྣམས་ཕྱག་ན་རྡོ་རྗེ་ལ་ཕྱག་བྱས་ནས་འདི་སྐད་ཅེས་གསོལ་ཏོ། །ཅི་ཡི་ཕྱིར་ན་བདག་ཅག་རྣམས། །འོད་ཟེར་གྱིས་ནི་འཚལ་ཏེ་མཆིས། །བཅོམ་ལྡན་བདག་ལ་བཤད་དུ་གསོལ། །དེ་ནས་ཕྱག་ན་རྡོ་རྗེ་གནོད་སྦྱིན་གྱི་བདག་
པོ་ཆེན་པོས་རྣལ་འབྱོར་མ་སྣ་ཚོགས་སྡེ་མ་ལ་འདི་སྐད་ཅེས་གསོལ་ཏོ། །ནོར་རྒྱས་ལ་སོགས་བདག་ཉིད་ཆེ། །ཀླུ་རྣམས་ཅི་ཕྱིར་དགུག་པ་ལགས། །རྣལ་འབྱོར་ཆེན་པོ་བདག་ལ་གསུངས། །དེ་ནས་སྣ་ཚོགས་སྡེ་མའི་སྙིང་གི་འོད་
ཟེར་གྱིས་ཀླུ་ཐམས་ཅད་ཀྱི་སྙིང་ཀ་དང་སྤྱི་བོའི་མཐར་ཐུག་པར་ཞུགས་ཏེ། ཚིམ་པར་བྱས་ནས་སླར་ལོག་གོ། །དེ་ནས་ཀླུ་དེ་རྣམས་ཐམས་ཅད་ཀྱིས་ཕྱག་འཚལ་ཏེ། འདི་སྐད་ཅེས་གསོལ་ཏོ། །ལྷ་མོ་བཀའ་ནི་ཅི་ཞིག་གསོལ། །
ཀྱཻ་ལགས་ཇི་ལྟ་བུ་ཞིག་བགྱི། །གསུངས་པ། མུ་སྟེགས་ལ་སོགས་མཁའ་ལྡིང་སྔགས། །ཡེ་ཤེས་ལས་བྱུང་ཇི་ལྟ་བུ། །དུས་སུ་ཟིན་པ་ཇི་ལྟར་ཡིན། །ཇི་ལྟར་དུག་ནི་སྐྱེ་བར་འགྱུར། །སྦྲུལ་གྱིས་ཟིན་པ་ཙམ་གྱིས་ནི། །སླར་
ཡང་སེམས་ཅན་འཆི་འགྱུར་ཞིང་། །ཞུས་པ། ཁྱབ་འཇུག་དབང་ཕྱུག་སོགས་ལྷ་དང་། །ཚངས་པ་ཚངས་པ་མདུན་ན་འདོན། །དེ་རྣམས་ལ་ནི་འཆི་འཕོ་མཆིས། །དུག་གི་ཉེས་པས་གནོད་པར་འགྱུར། །དེ་ལྟར་དུས་སུ་
ཟིན་ཅེས་སྨྲ། །སྦྲུལ་གྱི་དུས་སུ་ཟིན་ཅེས་སྨྲ། །སྦྲུལ་གྱི་དུག་ནི་སེལ་བ་མེད། །དེ་བཞིན་སྦྲུལ་ལ་དུག་ནི་ཡོད། །སྦྲུལ་ཟིན་འཚོའམ་མི་འཚོ་བ། །བདེ་བྱེད་ལ་སོགས་རྫུ་འཕྲུལ་ཆེའི། །ལྷ་དེ་རྣམས་ནི་དེ་ལྟར་སྨྲ། །སྟོན་

87-1-134b

པ་སྟོང་ཉིད་ངེས་གསུང་བ། །བཅོམ་ལྡན་རྡོ་རྗེ་འཆང་བས་གསུངས། །ཆོས་རྣམས་ཐམས་ཅད་སྟོང་པ་ལ། །སྦྲུལ་གྱི་དུག་ནི་ཇི་ལྟར་ཡོད། །གང་གིས་འཛིན་ཅིང་གང་ཞིག་འཛིན། །དུས་དང་དུས་མིན་ཇི་ལྟར་འགྱུར། །
ཇི་ལྟར་སྤྱོད་ཅིང་ཇི་ལྟར་བསྡུ། །གང་ཕྱིར་འཛིན་ཅིང་གང་དུ་འཛིན། །སེམས་ཅན་དུག་ཟིན་མི་འཆི་བ། །སྟོང་ཉིད་སྨྲ་བའི་ངེས་པ་ཡིན། །འདོད་ཆགས་གཏི་མུག་སྟོང་པ་ཉིད། །གྲགས་ཆེན་ཡུལ་ནི་སྟོང་པ་ཉིད། །ཡུལ་གྱི་
རང་བཞིན་དྲི་མ་མེད། །དྲི་མ་དང་བྲལ་ཇི་ལྟར་དུག །སྦྲུལ་གྱིས་ཀྱང་ནི་ཅི་ཞིག་བྱེད། །ཐ་མལ་པ་ཡི་ཡུལ་ནི་སྦྲུལ། །ཡུལ་གྱི་ཉེས་པ་དུག་ཉིད་དོ། །ལྷ་རྣམས་ཡུལ་རྣམས་ཀྱིས་ནི་བསྒྲིབས། །ཐམས་ཅད་དུས་སུ་ཟིན་པ་
ཡིན། །ཡུལ་གྱི་ཉེས་པ་སྦྱངས་པ་ཉིད། །སྟོན་པ་ལོངས་སྤྱོད་གོས་མི་འགྱུར། །སངས་རྒྱས་ཐོད་པའི་རྣལ་འབྱོར་པས། །འདོད་ཀུན་ཉེ་བར་ལོངས་སྤྱོད་བྱ། །རི་སྐེགས་སྦྱོར་བ་རྙེད་དཀའ་དང་། །སངས་རྒྱས་ཐོད་པའི་སྦྱོར་ལྡན་པས། །
འདིར་ནི་ཀླུ་རྣམས་ཐམས་ཅད་བླགས། །དེ་ཕྱིར་རབ་ངེས་ལྷ་མོ་ཀྱཻ། །དུས་ཟིན་ཐེ་ཚོམ་མེད་པ་རུ། །བློ་མེད་མུ་སྟེགས་ཅན་དེ་སྨྲ། །འདི་ལྟར་སྨྲས་ཏེ་ཀླུ་རྣམས་ཀྱིས། །སྣ་ཚོགས་སྡེ་ལ་ཕྱག་འཚལ་ཏེ། །རང་རང་གི་ནི་གནས་སུ་དོང་། །
དེ་ནས་བཅོམ་ལྡན་འདས་མས་ཡུལ་གྱི་ཉེས་པ་སྤོང་བའི་སྔགས་གསུངས་པ། ཨོཾ་ཤཱུ་ནྱ་ཏཱ་ཛྙཱ་ན་བཛྲ་སྭ་བྷཱ་བ་ཨཱཏྨ་ཀོ྅ཧྃ། སྟོང་དང་སྟོང་མིན་མཐའ་དག་བཅས། །སྒྱུ་མ་རྨི་ལམ་ལྟ་བུར་གཅིག །འཇིག་རྟེན་མཐའ་དག་བརྫུན་གྱིས་
བཅིངས། །ཀྱཻ་ལགས་བཤེས་མོ་འདི་ལྟར་ལྟོས། །དེ་ནས་ཕྱག་ན་རྡོ་རྗེ་གནོད་སྦྱིན་གྱི་བདག་པོ་ཆེན་པོས་བཅོམ་ལྡན་འདས་མའི་ཞབས་ལ་སྤྱི་བོས་གཏུགས་ཏེ། འདི་སྐད་ཅེས་གསོལ་ཏོ། །རི་སྐེགས་སྦྱོར་བ་རྙེད་དཀའ་བ། །
ལྷ་མོ་ཡིས་ནི་བཤད་དུ་གསོལ། །སེམས་ཅན་དོན་ལ་གཅིག་ཏུ་འབད། །དེ་རུ་བདག་ལ་ལྟད་མོ་མཆིས། །གསུངས་པ། །དཀྱིལ་འཁོར་མེད་པར་སྦྱིན་མི་བྱ། །སློབ་མ་བསྡུ་བར་མི་བྱའོ། །གཙོ་བོས་ཇི་ལྟར་

87-1-135a

གསུངས་པ་ཡི། །དཀྱིལ་འཁོར་ལས་ནི་སྨྲ་བར་བྱ། །མཐོ་ལྔ་པ་ཡི་ས་བཟུང་སྟེ། །ཁོར་ཡུག་དུ་ནི་གྲུ་བཞིའོ། །དེ་ཡི་ཕྱེད་ཀྱི་ཟླུམ་པོ་ལ། །བརྒྱད་ལས་འདམ་སྐྱེས་འདབ་མ་བརྒྱད། ། ཨོཾ་ཧཱུྃ་ཧྲཱིཿཧཱུྃ་ཁྃ་ཧཱུྃ་
ཨ་ཧཱུྃ་ཏིཥྛ་ཏིཥྛ་བཛྲ་ས་མ་ཡ་ཨ་དྷིཥྛ་ཡེད། ས་སྦྱང་བའི་སྔགས་སོ། །བཛྲ་ཧེ་རུ་ཀ་བཛྲ་ས་མ་ཡ་ཧྲི་སརྦྦ་དུཥྚ་ས་མ་ཡ་མུ་ཏྲ་པྲ་བན་ཛ་ཧ་ཧཱུྃ་རུ་ལུ་རུ་ལུ་བྷྱོ་ཧཱུྃ་ཧཱུཾ་ཕཊ། ས་སྦྱང་བའི་དུས་སུ་གཏོར་མ་གཏང་བའི་སྔགས་སོ། །
ཨོཾ་སརྦྦ་ཏ་ཐཱ་ག་ཏ་ཨ་དྷིཥྛ་ན་ཨི་དམ་སཱུ་ཏྲ་ཏིཥྛ་མཱ་ཙ་ལ་ཧེ་ཧེ་བུད་དྷ་ཀ་པཱ་ལ་བཛྲ་ཧེ་རུ་ཀ་ཧཱུྃ་ཧཱུྃ་ཋ་ཋ། སྔགས་འདིས་ལན་བདུན་དུ་སྲད་བུ་ལ་མངོན་པར་བསྔགས་པར་བྱའོ། །ཐིག་སྐུད་ཀྱི་སྔགས་སོ། །གྲུ་བཞི་པ་ལ་
སྒོ་བཞི་པ། །རྟ་བབས་བཞི་དང་ཡང་དག་ལྡན། །ཁ་ཁྱེར་སྣམ་བུ་སྤངས་པ་ལ། །བ་དན་རྣམ་པ་བརྒྱད་ཀྱིས་བརྒྱན། །སངས་རྒྱས་ཐོད་པའི་སྦྱོར་བ་ཡིས། །རྡུལ་ཚོན་གཞན་དང་འདྲེས་མེད་པའི། །རྡུལ་ཚོན་དམར་
པོར་རྫོགས་པར་བྱ། །དེ་རུ་བུམ་པ་བཞི་པོ་རྣམས། །གྲྭ་དང་གྲྭ་རུ་རྣམ་པར་བཞག །བུམ་པར་མཚན་མ་བྲི་བྱ་བ། །ཐོད་པ་དང་ནི་ཁ་ཊྭཱྃ་ག །གྲི་གུག་དང་ནི་ཅང་ཏེའུ་དང་། །ཅང་ཏེའུ་གནས་སུ་རྡོ་རྗེ་བྲི། །རྡོ་རྗེའི་
སྟེང་དུ་འདམ་སྐྱེས་ཏེ། །དེ་ལྟར་བུམ་པར་བྲི་བྱས་ནས། །ཆུ་ཡིས་ཡོངས་སུ་དགང་བར་བྱ། །བུམ་པ་ལ་ནི་རས་ཀྱིས་བརྒྱན། །རིན་ཆེན་རྣམ་པ་ལྔ་གཞུག་ཅིང་། །བུམ་པར་ཀུན་ནས་འབྲུ་ལྔ་དང་། །ཨ་
མྲའི་ལྕུག་མས་དགབ་པར་བྱ། །དེ་ནས་འོ་མའི་སྣོད་བཞག་སྟེ། །རྡོ་རྗེ་སློབ་དཔོན་བློ་ཆེན་གྱིས། །སངས་རྒྱས་ཐོད་པའི་སྦྱོར་དང་ལྡན། །པད་མའི་སྟེང་དུ་ཉི་མ་སྟེ། །ཉི་མའི་སྟེང་དུ་ཧཱུྃ་ཡིག་བསམ། །
ཧཱུྃ་གྱུར་པ་ལས་རྡོ་རྗེ་ནི། །སྔོན་པོ་ཧཱུྃ་གི་བདག་ཉིད་སྐྱེས། །ཧཱུྃ་དང་རྡོ་རྗེ་གྱུར་དཔའ་བོ། །ཧེ་རུ་ཀ་ནི་བདག་ཉིད་ཆེ། །སྐུ་མདོག་སྔོན་པོ་ཕྱག་བཞི་པ། །གཙོ་བོ་ཆེན་པོ་ཞལ་གཅིག་པ། །གཡས་ན་གྲི་གུག་ཐོད་པ་སྟེ། །

87-1-135b

གཡོན་ན་ཁ་ཊྭཱྃ་རྡོ་རྗེའོ། །སྐུ་ལ་མི་ཡི་རུས་པས་བརྒྱན། །ཀླུ་རྣམས་སྐྲག་པར་བྱེད་པ་པོ། །སྐྱིལ་དཀྲུང་ཕྱེད་པའི་གར་གྱིས་བཞུགས། །གཅེར་བུ་འཇིགས་བྱེད་རང་བཞིན་ཏེ། །ཞལ་གྱི་མཆེ་བ་ཅུང་ཟད་གཙིགས། །
དབུ་སྐྲ་སེར་ཞིང་གྱེན་དུ་འབར། །ཐོད་པས་སྤྱི་བོ་བརྒྱན་བྱས་པ། །ས་འོག་བདུན་ནི་འཁྲུག་པར་བྱེད། །དཔའ་བོ་དེ་ལྟར་བསམ་པར་བྱ། །ཕྱིས་ནི་ཕྱོགས་ཀྱི་འདབ་མ་ལ། །ཨོཾ་དང་ཧཱུྃ་དང་ཁྃ་དང་སྭ། །ཡི་གེ་ཡོངས་སུ་གྱུར་
པ་ལས། །རྣལ་འབྱོར་མ་ནི་རྣམ་པ་བཞི། །སྣ་ཚོགས་སྡེ་མ་འདོད་ཅན་མ། །ས་འོག་གནས་མ་རབ་བཟང་མ། །ལྷ་མོ་དེ་དག་མདོག་སྔོན་མོ། །གྲགས་ཆེན་ཞལ་གཅིག་ཕྱག་བཞི་མ། །ཉི་མའི་དཀྱིལ་འཁོར་རྣམ་པར་བཞུགས། །
གཡོན་བརྐྱང་བ་ཡི་ཞབས་ཀྱིས་བཞུགས། །གཡས་ན་གྲི་གུག་ཐོད་པ་འཛིན། །གཡོན་ན་ཁ་ཊྭཱྃ་ཅང་ཏེའུ། །རུས་རྒྱན་ལྷ་མོ་ཀུན་འཇིགས་མ། །ཞལ་གྱི་མཆེ་བ་ཅུང་ཟད་གཙིགས། །སྟག་གི་ལྤགས་པའི་ན་བཟའ་མནབས། །
སྐྲ་ནི་སེར་པོ་གྱེན་དུ་འབར། །ཐོད་པའི་ཕྲེང་བས་སྤྱི་བོར་བརྒྱན། །དེ་རྣམས་མགོ་རྒྱུས་ཕྲེང་བ་ཅན། །ལྷ་མོའི་འོད་ཟེར་སྤྲོས་གྱུར་པས། །ཀླུ་རྣམས་སྐྲག་པར་མཛད་པ་མོ། །ཕྱོགས་ཀྱི་འདབ་བཞུགས་ཆེར་བཞད་མའོ། །བློ་ལྡན་
མཚམས་ཀྱི་འདབ་བཟང་ལ། །ཉི་མ་བཞི་ལ་ཧཱུྃ་ཡིག་བཞི། །ཧཱུྃ་ཡིག་སོ་སོར་གྱུར་པ་ལས། །ཆང་འཚོང་མ་དང་འབྱུང་པོ་མ། །བཞིན་བཟང་ནམ་མཁར་འགྲོ་མ་སྟེ། །མཚམས་ཀྱི་འདབ་མར་གནས་ལྷ་མོ། །ཁ་དོག་སེར་མོ་
གྲགས་ཆེན་མོ། །ཐམས་ཅད་ན་བཟའ་སེར་མོ་མནབས། །གཡས་བརྐྱང་བ་ཡི་ཞབས་ཀྱིས་གནས། །ཞལ་གཅིག་མ་ལ་ཕྱག་བཞི་མ། །ཀླུ་བརྒྱད་བརྒྱན་བྱས་ལྷ་མོ་ནི། །གཡས་ན་གྲི་གུག་ཅང་ཏེའུ་འཛིན། །གཡོན་
ན་ཁ་ཊྭཱྃ་ཐོད་པའོ། །སྐུ་ལས་འོད་ཟེར་སེར་པོ་འཕྲོ། །ཤིན་དུ་སྒེག་པའི་ཉམས་དང་ལྡན། །ཅུང་ཟད་མཆེ་བ་གཙིགས་པའི་ཞལ། །ཐམས་ཅད་གར་བྱེད་སྐྲ་སེར་མ། །ཀླུ་རྣམས་སྐྲག་པར་སྐྱེད་བྱེད་མ། །མཚམས་ཀྱི་ཆ་རུ་

87-1-136a

རྣམ་པར་གནས། །དེ་ནས་བསམ་པར་བྱ་བ་ནི། །སློབ་དཔོན་ཧེ་རུ་ཀས་རང་གི་ལུས་ལས་སྐྱེས་པའི་འོད་ཀྱིས་ཕྱོགས་བཅུར་བཞུགས་པའི་དེ་བཞིན་གཤེགས་པ་རྣམས་ལ་ཡང་དག་པར་རེག་པར་བྱས་ནས་སླར་
ལོག་སྟེ། དེ་བཞིན་གཤེགས་པ་རྣམས་ལ་ཡང་དག་པར་རེག་པའི་འོད་ཟེར་ལས་ལྷ་མོའི་ཚོགས་ཡང་དག་པར་སྤྲོས་པས་ཧེ་རུ་ཀ་དང་རྣལ་འབྱོར་བརྒྱད་ལྷན་ཅིག་ཏུ་བཀྲུས་སོ། །བཀྲུས་པ་ཙམ་གྱིས་དེ་བཞིན་གཤེགས་
པ་རྣམས་ཅོད་པན་དུ་གྱུར་ཏོ། །དཀྱིལ་འཁོར་རྫོགས་པར་མཐོང་ནས་ནི། །སློབ་དཔོན་བདག་ཉིད་ཆེན་པོ་ཡིས། །ཕྱིས་ནི་གཏོར་མ་བཏང་བར་བྱ། །ཁྱད་པར་དུ་ནི་འོ་མའོ། །སངས་རྒྱས་ཐོད་པའི་སྦྱོར་ལྡན་པའི། །ཤེས་རབ་ཅན་
གྱིས་ཆང་བཏུང་ཞིང་། །མར་མེ་བཞི་ནི་དབུལ་བར་བྱ། །འབྲས་བུ་བཞི་ཡང་དབུལ་བྱ་ཞིང་། །དེ་ནས་སློབ་མ་བློ་ཆེན་གྱིས། །རས་ཟུང་གསུམ་ནི་དབུལ་བར་བྱ། །དེར་ནི་གདན་ཡང་བསྟབ་པར་བྱ། །སློབ་དཔོན་བདག་ཉིད་
ཆེན་པོ་ཡིས། །དེ་རུ་རྣལ་འབྱོར་མ་མཆོད་དོ། །བློ་གྲོས་ཆེན་པོ་ཐུགས་དགྱེས་པས། །སྣ་ཚོགས་ཟས་དང་སྣ་ཚོགས་སྐོམ། །དཔའ་བོ་རྣལ་འབྱོར་མ་ཚིམ་བྱ། །མགུ་བར་སེམས་པའི་ཡིད་ཀྱིས་ནི། །འཁོར་ལོ་ཁྱད་པར་
ཆེ་བྱ་སྟེ། །ཕྱིས་ནི་སློབ་དཔོན་བརྩེ་ཆེན་བདག །ཕྱི་རོལ་ས་རུ་བྱུང་ནས་ནི། །བདེ་བ་ཡི་ནི་གདན་བཞུགས་ཏེ། །སློབ་མས་མཎ་ཌལ་གསུམ་བྱས་ལ། །ཞབས་ལ་སྤྱིས་གཏུགས་འདི་སྐད་གསོལ། །སྟོན་པ་
བཅོམ་ལྡན་བླ་མ་ཀྱཻ། །སེམས་ཅན་དོན་ལ་གཅིག་བརྩོན་པ། །ནམ་མཁའ་ལྡིང་བཟང་སྦྱོར་བ་དང་། ཤ་རི་ཀ་ཡི་སྦྱོར་བ་འཚལ། །དུས་སུ་ཟིན་པ་བཟློག་པ་ཡིན། །སེམས་ཅན་དོན་ནི་བཟང་པོ་འཚལ། །སངས་
རྒྱས་ཐོད་པའི་རྣལ་འབྱོར་པས། །སྟོན་པ་ཆེན་པོས་དེ་དག་གསུངས། །བདག་གི་ཐེ་ཚོམ་བཟློག་པ་དང་། །སེམས་ཅན་དོན་ནི་མཐར་ཐུག་བགྱི། །བརྟན་པ་དང་ནི་རྒྱུ་བ་དང་། །ཡན་ལག་སྐྱེས་དང་བཅོས་མ་ཡི། །དུག་རྣམས་

87-1-136b

དུག་མེད་པར་བགྱི་ཞིང་། །སེམས་ཅན་ཐམས་ཅད་འཚོ་བགྱི་བ། །བླ་མ་ཆེན་པོ་དེ་དག་གསུངས། །དེ་ནས་སློབ་དཔོན་བརྩེ་བ་ཡིས། །བྱིན་གྱིས་བརླབ་པའི་ཐུགས་ཀྱིས་ནི། །ཁྲག་འཐུང་གོ་འཕང་གནས་པ་ཡི། །སློབ་མ་ལ་ནི་སོ་ཤིང་
སྦྱིན། །སོ་ཤིང་སྔགས་ནི་སྦྱིན་པར་བྱ། །ཨོཾ་ཧཱུྃ་ཧེ་བྷ་ག་བ་ཏི་མུ་ཁྃ་པ་རི་ཤུད་དྷྃ་ཀུ་རུ་སྭཱ་ཧཱ། ལན་བདུན་མངོན་པར་བསྔགས་བྱས་ལ། །སོ་བྲུད་ནས་ནི་ཁ་བཤལ་ཏེ། །སློབ་མ་ལྷག་པར་གནས་པར་བྱ། །རང་གི་ལག་པ་བྱུག་བྱ་ཞིང་། །
མེ་ཏོག་གིས་ཀྱང་དཀྲི་བར་བྱ། །མགྲིན་པ་ལག་པར་ཟླ་བ་བསམ། །ཟླ་བའི་ཟེར་གྱིས་ཕྱོགས་བཅུ་ཡི། །སངས་རྒྱས་སྤྱན་དྲངས་གདོན་མི་ཟ། །སངས་རྒྱས་ཚོགས་ཀུན་ཟླ་བར་བལྟ། །གྲགས་ཆེན་ཐམས་ཅད་རབ་ཞུགས་ཤིང་། །ཟླ་བ་ཞུ་
བར་གདོན་མི་ཟ། །སློབ་དཔོན་བསྒོམས་པའི་ནུས་པ་ཡིས། །སློབ་མའི་མགོ་རུ་ལག་བཞག་སྟེ། །ལྷག་པར་གནས་པའི་གསང་སྔགས་བཟླས། །ཨོཾ་སརྦྦ་བུདྡྷ་ཨ་ཏྲ་ཨ་མུ་ཀ་སྱ་ཀཱ་ཡ་མ་དྷིཥྛ་ན། ཡན་དུ་མཱ་ཙ་ལ་མཱ་ཙ་ལ་
ཏིཥྛ་ཏིཥྛ་ཧ་ར་ཧ་ར། བི་དྷ་ར་བི་དྷ་ར། དྷ་ར་ཏྲ་བ་ཏྲ་བ་བྷོ་བྷ་ག་ཝཱན་ཏ་སརྦྦ་བུདྡྷ་ཀ་པཱ་ལི་བཛྲ་སྱ་ཀ་ཏྃ་མ་ལ་ཡ་ཤཱི་གྷྲྃ་ཀུ་རུ་ཀུ་རུ་ཧཱུྃ་ཧཱུྃ་ཧ་ཧ། སྔགས་འདིས་ལན་བདུན་དུ་བཟླས་པས་ལྷག་པར་གནས་པར་བྱའོ། །སངས་
རྒྱས་དེ་དག་ཐམས་ཅད་ཀྱིས་དེའི་ལུས་ལ་ཡང་དག་པར་བྱིན་གྱིས་རློབ་པར་འགྱུར་རོ། །ལྷག་པར་གནས་པ་ཙམ་གྱིས་རྫུ་འཕྲུལ་ཆེན་པོའི་ཀླུ་རྣམས་སྐྲག་ཅིང་དུག་གི་བུམ་པ་ཡང་འདོར་རོ། །ནོར་རྒྱས་ལ་སོགས་པའི་ཀླུ་
སྟོབས་པོ་ཆེ་རྣམས་དཔྱོད་པར་འགྱུར་རོ། །ཨེ་མའོ་སངས་རྒྱས་ཀྱིས་གསུངས་པའི། །ལྷག་པར་གནས་པ་ཙམ་གྱིས་ནི། །འདི་ལྟའི་སྡུག་བསྔལ་ཐོབ་འགྱུར་ན། །མཁའ་ལྡིང་རྟོགས་པའི་སེམས་ཅན་གྱིས། །
བདག་ནི་ཇི་ལྟར་འགྲོ་བར་འགྱུར། །དེ་མ་ཐག་ཏུ་སློབ་དཔོན་གྱིས། །དཀྱིལ་འཁོར་ནང་དུ་མེ་ཏོག་ནི། །རྣམ་པ་སྣ་ཚོགས་དབུལ་བར་བྱ། །སྣ་ཚོགས་སྤོས་དང་ལྷ་བཤོས་དབུལ། །དུང་ཆོས་ཟངས་ཆོས་སྣོད་དག་ནི། །

87-1-137a

མན་ཇིའི་སྟེང་དུ་གཞག་པར་བྱའོ། །མཆོད་ཡོན་གྱིས་ནི་དོན་ཆེད་དུ། །བུམ་པ་རྣམས་ལ་ལྷག་གནས་བྱ། །ཁྲག་འཐུང་གོ་འཕང་གནས་པ་ཡིས། །རྣལ་འབྱོར་མ་བརྒྱད་བསྐོར་བ་ཡི། །ཁྲག་འཐུང་རྣམ་
པར་སྤྱན་དྲངས་ཏེ། །དཀྱིལ་འཁོར་ཇི་བཞིན་ཡང་དག་ལྡན། །མདོག་དང་མཚན་མར་ལྡན་པ་ཡི། །དེ་བཞིན་གཤེགས་རྣམས་ས་བོན་གྱི། །འོད་ཟེར་གྱིས་ནི་རྣམ་པར་བསམ། །བདག་ཉིད་ཆེན་པོ་གྲགས་ཆེན་པོ། །བུམ་
པ་རུ་ནི་ཞུགས་ཙམ་གྱིས། །དམ་ཚིག་དཀྱིལ་འཁོར་ཞུ་བར་འགྱུར། །རྣལ་འབྱོར་ལྡན་པའི་སེམས་དང་ནི། །སློབ་དཔོན་གྱིས་ནི་འདི་ལྟར་བལྟ། །དེ་ནས་ཟངས་མའི་སྣོད་དུ་ཆུ་བླུགས་ཤིང་དུང་ཕོར་ཆུས་བཀང་སྟེ། 
མན་ཇའི་སྟེང་དུ་གཞག་པར་བྱའོ། །ཡང་ཕྱིར་བྱུང་ནས་སློབ་མའི་དོན་དུ་བདག་ཉིད་ཀྱིས་རས་ཀྱིས་མིག་དགབ་པར་བྱའོ། །རས་གསུམ་གོན་པར་གྱུར་པའི་སློབ་མ་ཕྱིས་དཀྱིལ་འཁོར་གྱི་སྒོར་བཞག་ལ་ཆུས་གཏོར་ཏེ་སྔགས་
བཟླའོ། །ཨ་བྷི་ཥིཉྩནྟུ་མཱྃ་སརྦ་ཡོ་གི་ནི་མ་ཀུ་ཏོ་ཨ་ཏྲ་ཨ་ཏིཥྛ་ཡནྟུ་ཨ་ཙནྟུ་ཧཱུྃ་སྭཱ་ཧཱ། ཅོད་པན་བྱིན་གྱིས་བརླབ་པའི་སྔགས་སོ། །དེ་ནས་སློབ་དཔོན་གྱིས་ཀྱཻ་ཁྱོད་སུ་ཞེས་སྨྲའོ། །སློབ་མས་བདག་ནི་རྒྱལ་
བའི་སྲས་ཞེས་སྨྲའོ། །དེའི་རྗེས་སུ་དཀྱིལ་འཁོར་གྱི་དབུས་སུ་མེ་ཏོག་ལན་གསུམ་དུ་གཏོར་ལ། མིག་རས་བསལ་ཏེ། དཀྱིལ་འཁོར་མཆོད་པར་བྱའོ། །ཨོཾ་ཧེ་རུ་ཀ་བཛྲ་པུཥྤ་ཡྃ་པྲ་ཏཱིཙྪ་ཧཱུྃ།  དབུས་སུའོ། །ཨོཾ་
ཙི་ཏྲ་སེ་ནཱ་པུཥྤ་ཡྃ་པྲ་ཏཱིཙྪ་ཧཱུྃ། ཤར་དུའོ། །ཨོཾ་ཀཱ་མི་ནཱི་པུཥྤ་ཡྃ་པྲ་ཏཱིཙྪ་ཧཱུྃ། ལྷོའིའོ། །ཨོཾ་པ་ཏཱ་ལ་བཱ་སི་ནི་པུཥྤ་ཡྃ་པྲ་ཏཱིཙྪ་ཧཱུྃ།  ནུབ་དུའོ། །ཨོཾ་སུ་བྷ་དྲེ་པུཥྤ་ཡྃ་པྲ་ཏཱིཙྪ་ཧཱུྃ། བྱང་དུའོ། །ཨོཾ་ཤོཎྜི་ནི་པུཥྤ་
ཡྃ་པྲ་ཏཱིཙྪ་ཧཱུྃ།   མེར་རོ། །ཨོཾ་བུདྡྷཱི་ནི་པུཥྤ་པྲ་ཏཱིཙྪ་ཧཱུྃ། བདེན་བྲལ་དུའོ། །ཨོཾ་ཙ་ཏུ་ར་བྷ་དྲ་པུཥྤ་པྲ་ཏཱིཙྪ་ཧཱུྃ།   རླུང་ངོ་། །ཨོཾ་ཨཱ་ཀཱ་ཤ་བྷ་སི་ནི་པུཥྤ་པྲ་ཏཱིཙྪ་ཧཱུྃ།  དབང་ལྡན་དུའོ། །དེ་ནས་དཀྱིལ་འཁོར་གྱི་ལྷའི་སྐུ་མདོག་

87-1-137b

ཇི་ལྟ་བ་དང་། མཚན་མ་ལ་སོགས་པ་དེ་བཞིན་དུ་སློབ་མ་ལ་བསྟན་པར་བྱའོ། །ཡང་དུང་ཕོར་བླངས་ཏེ་ཆུ་བཏུང་བར་བྱའོ། །དེ་འཐུངས་པ་ཙམ་གྱིས་ཀླུ་ཐམས་ཅད་སྐྲག་ཅིང་སྐྱོ་བས་དུག་སྐྱུགས་པར་འགྱུར་རོ། །བརྟན་པ་དང་གཡོ་
བའི་དུག་གང་ཡིན་པ་དང་། གཞན་ཡང་སྦྱར་བ་དང་། ཉེ་བར་སྦྱར་བའི་དུག་གང་ཡིན་པ་དང་། མདའ་དུག་དང་། བྱུག་པའི་དུག་དང་། དགྲ་རྣམས་ཀྱིས་གང་སྦྱར་བ་དང་། བུད་མེད་རྣམས་ཀྱིས་གང་སྦྱར་བའི་དུག་དེ་
རྣམས་ཉེ་བར་འཕོ་བར་འགྱུར་རོ། །གལ་ཏེ་ཀླུ་ཡིས་ཟིན་པ་ཡང་། །དེ་རུ་དེ་ནི་ངེས་པར་འགྲོ། །གཞན་ཡང་སྦྲུལ་གྱི་དུག་ཀྱང་རུང་། །ཆུ་ནི་འཐུངས་པ་ཙམ་གྱིས་ཀྱང་། །དེ་དག་ཐམས་ཅད་འཆི་བར་འགྱུར། །དེ་ཡི་
ཕྱིར་ན་དུག་གི་ཆུ། །འདི་རུ་བཏུང་བར་ཐེ་ཚོམ་མེད། །དེ་ནས་སློབ་མ་དྲི་བར་བྱ། །འདིར་ནི་ཤ་ལི་ཀར་བྱེད་ཅིང་། །མཁའ་ལྡིང་ཤེས་པའི་སློབ་དཔོན་འགྱུར། །བསམ་པ་རྣམ་པར་དག་ཤེས་ནས། །ཕྱིས་
ནི་བཀས་གནང་སྦྱིན་པར་བྱ། །སྟོང་ངམ་བརྒྱ་རུ་གསོལ་བ་གདབ། །དེ་ནས་སྔགས་ཀྱི་མན་ངག་སྦྱིན། །ཇི་སྲིད་སྦྲུལ་གྱིས་ཟིན་དུས་དང་། །ཇི་སྲིད་མཁའ་ལྡིང་རིགས་ཡོད་པར། །དེ་སྲིད་དེ་དང་དེ་
ལས་ཀྱང་། །ཇི་སྲིད་དུས་སུ་ཟིན་མེད་པར། །སངས་རྒྱས་ཐོད་པའི་རྣལ་འབྱོར་པས། །དེ་སྲིད་འབད་རྩོལ་བྱ་བ་མིན། །དུས་ཟིན་འཆི་བའང་ཤེས་བྱ་སྟེ། །ནམ་མཁའ་ལྡིང་གི་བྱ་བ་བྱ། །དུས་སུ་
ཟིན་ནོ་ཞེས་སྨྲ་བ། །དེ་སྲིད་རྣལ་འབྱོར་ཆེ་འདི་ཡིས། །དེ་རུ་ལས་ནི་བརྩམ་པར་བྱ། །བདག་ཉིད་ཧེ་རུ་ཀར་གྱུར་ཅིང་། །རྣལ་འབྱོར་མ་བརྒྱད་ཡང་དག་ལྡན། །བློ་ལྡན་སྔོན་གསུངས་གསང་སྔགས་ཀྱིས། །
ཕྱིས་ནི་གཏོར་མ་སྦྱིན་པར་བྱ། །དེར་རྗེས་དཀྱིལ་འཁོར་བྱས་ནས་ནི། །སྔོན་དུ་གསུངས་པའི་གསང་སྔགས་ཀྱིས། །གནས་དགུ་རུ་ནི་མཆོད་པར་བྱ། །མཁས་པ་ཡིས་ནི་མཆོད་བྱས་རྗེས། །མཉམ་པར་

87-1-138a

བཞག་པས་ལས་རྣམས་བརྩམ། །གང་དུ་རྫུ་འཕྲུལ་ཆེ་ཀླུ་ཡང་། །དེ་རུ་སེམས་བཟང་འོད་ཟེར་སྤྲོ། །ཀླུ་རྣམས་ཀྱི་ནི་སྙིང་སྐམས་པས། །ཅི་ཞིག་བགྱིའོ་ཞེས་ནི་སྨྲ། །གསུངས་པ། ལྷ་མོ་སྣ་ཚོགས་སྡེ་མ་
ཡིས། །སངས་རྒྱས་ཐོད་པར་སྔོན་དུ་གསུངས། །ཀྱེ་ཀྱེ་གྲགས་པ་ཆེ་བའི་ཀླུ། །སོང་སྟེ་འདིར་དུས་ཟིན་གྱུར་པའི། །དུས་ཟིན་འཛིན་པ་བཟུང་བ་མེད། །དུག་མེད་སྦྲུལ་ཡང་མེད་པའོ། །གང་ཕྱིར་དོགས་པས་རྨོངས་གྱུར་པ། །
དེ་ཕྱིར་སྐྱེ་བོ་རྣམས་འཆིར་འགྱུར། །དེ་ནས་འོད་ཟེར་སླར་ལོག་སྟེ། །སྙིང་ག་རུ་ནི་ཐིམ་པར་འགྱུར། །ཡང་ནི་སེམས་ནི་མཉམ་བཞག་པའི། །སློབ་དཔོན་གྱིས་ནི་ངོ་མཚར་བསྟན། །དེ་ནས་ས་ལ་མ་ལྷུང་བའི་ལྕི་བ་བླངས་ཏེ་
འདབ་ཆགས་རི་སྐེགས་གཉིས་བྱ་ཞིང་སྣོད་དཀར་པོ་བྱས་ཏེ། རོ་བསྲེགས་པའི་སོལ་བ་ལ་གཞག་པར་བྱའོ། །རོ་བསྲེགས་པའི་སོལ་བ་ལས་སྣག་ཚ་བྱས་ཏེ། སེམས་ཅན་གྱི་དོན་རིག་པས་དབེན་པར་སྔགས་བྲི་བར་བྱའོ། །
ཨོཾ་བུདྡྷ་ཀ་པཱ་ལི་ནི་ཧྲི་ཏཊྛ་བ་ཡ་བྷོ་ཤ་ལི་ཀ་ན་ཨ་ན་ཡ་ནཱ་བུདྡྷ་ཀ་པཱ་ལ་བཛྲ་སྱ་ཨཱ་ཛྙཱ་མ་ལྃ་གྷ་ཡ་ཧཱུྃ་ཧཱུྃ་ས་རནྟུ་སརྦྦ་ད་ཌཱི་ཀ་ཕ་ཏི་ཀ་ཙེ་ཏེ། མནྡྷྱ་གྷི་དི་སརྦྦ་ཛི་ཨི་ན་སུ་ནནྟི་བ་ཡ་ག་རེ་རེ་ཀར་ཀོ་ཊ་ཀ་པྲ་བྷི་ཏ་ཡ་ནཱ་ག་
རཱ་ཛ་ན  སྤུ་ཏནྟི་མུརྡ་ན་རེ་རེ་ས་སྤྱ། ཨ་བ་ས་སྤྱ་མ་ཙ་ལ་ཧ་མ་བུ་ལ་ཧ་ཛ་ཨི་ཙ་ལ་ཧ་བུ་ལ་ཧ་རེ་རེ་བྷ་རུ་ཀྲི་པྲ་བྷི་ཏ་ཡ་ནཱ་ག་རཱ་ཛ་ན་ཨུ་ཧ་པུ་ཊ་ཊ་མུ་དྷི་པྲ་ན་ཛ་ཨི་ཞེས་པ་ནི་ཤ་ལི་ཀའི་སྙིང་པོའི་སྔགས་སོ། །དེ་ནས་བློ་ཆེན་
རྣལ་འབྱོར་པས། །སེམས་ནི་ཤིན་དུ་མཉམ་བཞག་པས། །ཡོངས་རྫོགས་ཤ་ལི་ཀ་བྱས་ལ། །ཕོ་དང་མོ་རུ་བརྟག་པར་བྱ། །སྣག་ཚ་ཡིས་ནི་བྲི་བར་བྱ། །མིག་གི་སྔོན་དུ་མི་གཞག་ཅིང་། །ཤ་ལི་ཀ་བཟང་
ཕྱོགས་བལྟ། །དེ་ནས་ལྕུག་མ་སྔགས་ཀྱིས་བསྔགས། །ཨོཾ་ཧྃ་ཧ་ལ་ཁྱབ་འཇུག་གི་ས་བོན་ནོ། །ཨོཾ་བྃ་ཚངས་པའི་ས་བོན་ནོ། །ཨོཾ་སྃ་ཞེས་པ་ནི་ཞི་བྱེད་ཀྱི་ས་བོན་ནོ། །ཨོཾ་ཧ་ཧ་ཧ་ཧ་ཧ་ཧ་ཧྃ། མངག་པའི་སྔགས་སོ། །འདི་ལྟ་བུ་ཡི་

87-1-138b

སྔགས་ཀྱི་མཆོག །སྟོང་གསུམ་ན་ཡང་རྙེད་པར་དཀའ། །ལན་བདུན་བསྔགས་པ་ཙམ་གྱིས་ནི། །འགྲོ་བར་འདིར་ནི་ཐེ་ཚོམ་མེད། །ཀླུ་རྣམས་སྐྲག་པར་བྱེད་པ་ཡི། །མཁའ་ལྡིང་ཉམས་དགའ་སོང་ནས་ནི། །ཀླུ་ཡི་གནས་སུ་ཞུགས་དེའི་ཚེ། །
མཁའ་ལྡིང་བྱེ་བའི་སྟོབས་དང་ལྡན། །རིངས་ནས་ཀྱང་ནི་གཤོག་རླུང་གིས། །སྟོབས་པོ་ཆེ་ཡི་ཀླུ་རྣམས་སྐྲག །མཐོ་རིས་མི་ཡུལ་ས་འོག་དང་། །གང་ཡང་གཞན་ན་གནས་པ་དང་། །གཞན་ཡང་རུང་སྟེ་དེ་ཐམས་ཅད། །སྐྲག་ནས་ཅི་བགྱི་ཞེས་ནི་
སྨྲ། །ཀླུ་གང་གིས་ཟིན་པ་དེ་གལ་ཏེ་ཡང་ཤི་ན། བདག་ཉིད་ཆེན་པོ་ཤ་ལི་ཀ་མཐོང་མ་ཐག་ལོང་བར་འགྱུར་རོ། །ཀླུ་དང་སྦྲུལ་དེ་དག་གིས་ཤ་ལི་ཀ་ལ་འདི་སྐད་གསོལ་ཏོ། །ཀྱཻ་ཤ་ལི་ཀ་གཞན་དུ་གསུང་བར་མ་མཛད་ཅིག །དེ་ལྟར་ཐོས་ནས་
ཤ་ལི་ཀ་མགུ་བའི་སེམས་ཀྱིས་དུག་གིས་ཟིན་པའི་མདུན་དུ་སྦྲུལ་ལོང་བ་ཁྱེར་ཏེ་འཇོག་གོ། །དེ་ནས་སློབ་དཔོན་གྱིས་བལྟས་ཏེ། སའི་གོང་བུ་བླངས་ལ་ཤ་ལི་ཀ་མངག་པའི་སྔགས་ཀྱིས་སྦྲུལ་ལོང་བ་ལ་བསྣུན་ན། །སྐད་ཅིག་དེ་ཉིད་ལ་
དེའི་མིག་འབྱེ་བར་འདིར་སོམ་ཉི་མེད་དོ། །དུས་སུ་ཟིན་པ་འགྱེལ་ཏེ་ཤི་བ་སྦྲུལ་གྱིས་མཐོང་ནས་དེའི་ལུས་ལ་འགྲོ་བ་དང་འོང་བར་བྱེད་པས་དུས་སུ་ཟིན་པ་དུག་མེད་པར་འགྱུར་ཞིང་། དགའ་བའི་སེམས་ཀྱིས་ལྡང་ངོ་། །ཟིན་པ་ལངས་
པ་ཙམ་ཉིད་ན་ཤ་ལི་ཀས་སྦྲུལ་བཟུང་སྟེ་མི་སྣང་བར་འགྱུར་རོ། །སྐད་ཅིག་མ་དེ་ཉིད་ལ་སློབ་དཔོན་གྱིས་སྟོང་པ་ཉིད་ཀྱི་ཡེ་ཤེས་སྒོམ་པར་བྱའོ། །སྟོང་པ་དྲི་མེད་ཀུན་རང་བཞིན། །ཆོས་རྣམས་སྟོང་པའི་རང་བཞིན་ཀྱཻ། །གང་གིས་འཛིན་ཅིང་
གང་ཞིག་འཛིན། །མཐའ་དག་སྒྱུ་མའི་རང་བཞིན་ཀྱཻ། །དངོས་པོ་མ་ལུས་པ་མཐའ་དག་དང་དུག་ཀྱང་སྟོང་པ་ཉིད་དུ་སངས་རྒྱས་ཐོད་པའི་རྒྱུད་ལས་གསུངས་ཏེ། ཞག་ཉི་ཤུ་རྩ་གཅིག་གི་མཐར་ཐུག་པར་ཇི་སྲིད་དུ་ལུས་མ་ཞིག་པ་དེ་
སྲིད་དུ་སློབ་དཔོན་གྱིས་ཡང་དག་པར་བརྩམ་པར་བྱའོ། །དེ་ལྟར་སློབ་མ་ལ་རྗེས་སུ་གནང་བ་བྱིན་ནས་ཕྱིས་ལུང་བསྟན་པར་བྱའོ། །དེས་ལན་བརྒྱའམ་སྟོང་དུ་གསོལ་བ་བཏབ་ནས། དུག་འཇོམས་པའི་སྔགས་བསྟན་པར་བྱའོ། ། ཨོཾ་

87-1-139a

བུདྡྷ་ཀ་པཱ་ལི་ནི་ཨ་ཧཱུྃ།  དུག་བཟའ་བའི་སྔགས་སོ། །དེ་ནས་གཞན་ཡང་དོན་དུ་གཉེར་བའི་སེམས་ཅན་དེ་རྣམས་ཐམས་ཅད་ལ་དཀྱིལ་འཁོར་བསྟན་ཏེ། དུང་ཕོར་གྱི་ཆུ་འཐུངས་པ་དེས་ན་དུག་མེད་པར་འགྱུར་ཏེ། སྦྲུལ་གྱིས་མ་འཛིན་
ནོ། །གལ་ཏེ་འཛིན་ན་དེའི་ཚེ་ཀླུ་འཆི་བར་འདིར་ཐེ་ཚོམ་མེད་དོ། །དེ་ལྟར་སློབ་མ་ཤ་ལི་ཀའི་སྦྱོར་བ་ལ་མངོན་པར་བརྩོན་པ་ལ་བཀས་གནང་བ་བྱིན་ཏེ། གྲོང་གང་དུ་གནས་པ་དེར་དུག་གིས་འཛིན་པ་མེད་དོ། །གལ་ཏེ་ཡོད་ན་དེའི་ཚེ་ཀླུ་འཆི་
བར་འགྱུར་རོ། །དེ་ལྟར་ཐོས་ནས་སློབ་མ་རྡོ་རྗེའི་སྦྱོར་བ་དང་།   ལྡན་པའི་སེམས་ཀྱིས་གང་ཅི་ཡང་རུང་བའི་ཡོན་དེར་དབུལ་བར་བྱའོ། །དེ་ནས་ཕྱི་རོལ་གྱི་སར་བྱུང་སྟེ་གཏོར་མ་བཏང་བར་བྱའོ། །དེ་ནས་སློབ་དཔོན་གྱིས་དཀྱིལ་འཁོར་གྱི་
སྔགས་ཀྱིས་གཤེགས་སུ་གསོལ་ཏེ། ཨོཾ་བུདྡྷ་ཀ་པཱ་ལི་ནི་ཧྲཱྀ་ཨུ་ཏཥྛ་གཙྪ་ཧཱུྃ་གཙྪ་ཧཱུྃ་ཕཊ། དཀྱིལ་འཁོར་གཤེགས་སུ་གསོལ་བའི་སྔགས་སོ། །དེ་ནས་ཡང་དག་བཤད་པར་བྱ། །ཆུ་ཡི་སྦྱོར་བ་བླ་མེད་པ། །གང་གིས་བྱིན་པ་ཙམ་གྱིས་
ནི། །དུག་གིས་ཟིན་པ་འཚོ་བར་འགྱུར། །ཉི་མ་བདུན་ན་འཆི་བ་དང་། །གཞན་ཡང་དུག་གིས་ཉམས་པ་རྣམས། །ཆུ་ནི་བྱིན་པ་ཙམ་གྱིས་ནི། །འདི་རུ་འཚོ་བར་ཐེ་ཚོམ་མེད། །སྔགས་འདིས་དཀྱིལ་འཁོར་བྱས་ནས་ནི། །གནས་དགུ་
རྣམས་སུ་མཆོད་པར་བྱ། །དུང་ཕོར་ཆུ་ཡིས་བཀང་བྱས་པ། །དཀྱིལ་འཁོར་དབུས་སུ་གཞག་པར་བྱ། །དེ་ནས་བརྩེ་བ་ཆེན་པོ་ཡི། །བདག་ཉིད་རྣལ་འབྱོར་པ་ཡིས་ནི། །རང་གི་ལག་པ་གཡོན་པ་ལ། །ཟླ་བ་ཡི་ནི་
ཁྱད་པར་བསམ། །བཅུ་དྲུག་ཆ་ལས་ཡོངས་རྫོགས་པའི། །དྲི་མེད་དགེ་བའི་ལུས་ཅན་ཏེ། །དེའི་དབུས་ས་བོན་མི་ཤིགས་དགེ། ཁ་དོག་དཀར་པོའི་ལུས་ཅན་ནོ། །ལག་དེས་སྣོད་ཀྱི་ཁ་བཅད་དེ། །དེ་ནས་གསང་སྔགས་
བཟླ་བར་བྱ། །ཨོཾ་སརྦྦ་བི་ཥ་ཧ་ར་ཧ་ར་ཧཱུྃ་ཧཱུྃ་ཕཊ་ཕཊ་སྭཱ་ཧཱ། སྔགས་འདིས་ལན་བདུན་གྱི་བར་དུ་མངོན་པར་བསྔགས་ཏེ། མི་ཤིགས་པ་དང་ལྷན་ཅིག་ཟླ་བ་ཞུ་བར་གྱུར་ནས་ཆུའི་ནང་དུ་ཐིམ་སྟེ། ཆུ་དང་ཟླ་བ་གཅིག་ཏུ་

87-1-139b

འདྲེས་པས་ཤིན་དུ་དཀར་པོར་འགྱུར་རོ། །གལ་ཏེ་དུག་གིས་ཟིན་པ་མ་ཤི་ན་དེའི་ཆེ་ཆུ་བླུད་དོ། །ཡང་ན་ཤི་བ་ཡིན་ན་མགོ་ནས་རྐང་པའི་མཐར་ཐུག་པར་ལན་གསུམ་གསུམ་དུ་ཆུ་རྒྱུན་མི་ཆད་པར་བླུགས་ན་ལངས་པར་འདིར་ཐེ་ཚོམ་
མེད་དོ། །དེ་ནས་ཆུ་བླུད་ན་རྣལ་མར་འགྱུར་རོ། །སངས་རྒྱས་ཐོད་པའི་རྒྱུད་རྣལ་འབྱོར་མའི་གོང་ན་མེད་པ་གསང་བའི་ཡང་ཤིན་ཏུ་གསང་བ་ཞེས་བྱ་བ་ལས་ཤ་ལི་ཀའི་སྦྱོར་བ་དང་། ཆུའི་སྦྱོར་བའི་ལེའུ་སྟེ་བཞི་པའོ།། །། 
དེ་ནས་ཡང་དག་རབ་བཤད་པ། །ཤིན་དུ་རྙེད་དཀའི་བཅུད་ལེན་ལེའུ། །དེ་བཞིན་གཤེགས་པའི་སྙིང་པོ་མཆོག །རྣལ་འབྱོར་མ་ཡི་གོང་ན་མེད། །གཞོན་ནུ་མ་དང་ཤ་རི་ཀ །གྲུབ་མ་བྱིས་པ་ཅན་མ་དང་། །དེ་བཞིན་
ཐོད་བཟངས་ཅན་མའོ། །འདི་དག་སྨན་ནི་ཆེན་པོ་ལྔ། །སངས་རྒྱས་ལས་ཀྱང་རྙེད་པར་དཀའ། །འདི་དག་ཟོས་པ་ཙམ་གྱིས་ནི། །བསྐལ་པ་བྱེ་བར་དེ་འཚོའོ། །གཞོན་ནུ་མ་ནི་ཟླ་དྲུག་ཏུ། །དེ་བཞིན་ཤ་རི་ཀ་ཟླ་
གསུམ། །གྲུབ་མ་ཟླ་བ་གཅིག་ཏུའོ། །བྱིས་ཅན་མ་ནི་ཟླ་ཕྱེད་གཉིས། །ཐོད་པ་ཅན་ཡང་ཟླ་བར་ཏེ། །ཚེ་འཕེལ་བ་ཡི་མཆོག་ཡིན་ནོ། །བྱ་རོག་མ་ནི་བྱ་རོག་གཟུགས། །གླང་པོ་མ་ནི་ངང་པའི་གཟུགས། །དྲོད་མ་དྲོད་ཀྱི་
གཟུགས་ཅན་ཏེ། །སྔོ་བསངས་དཀར་མོ་སྔོན་མོའི་མིག །ཁ་སྦྱར་སྦྱོར་བའི་དུས་སུ་ནི། །མིག་ལས་བྱུང་བའི་རྫས་གང་ཡིན། །སྨན་དེའི་མིང་ནི་གཞོན་ནུ་མ། །འདི་རུ་བསྟན་པར་སོམ་ཉེ་མེད། །དེ་ཡི་པད་མ་ལས་
བྱུང་རྫས། །རྩ་ཡི་ནང་ན་རྣམ་པར་གནས། །གེ་སར་སྦས་པའི་སྤྱོད་ཡུལ་ཏེ། །སྨན་ནི་ཤ་རི་ཀ་རུ་གསུངས། །མེ་ཏོག་ལྡན་པའི་བུ་མོ་གང་། །ཁ་དོག་ནག་མོས་རབ་མཛེས་མ། །གང་དུ་ཐབས་ཤེས་གཉིས་འདུས་
པ། །དེ་ཡི་ཁ་སྦྱོར་སྦྱོར་ལས་བྱུང་། །སྨན་དེའི་མིང་ནི་གྲུབ་མར་བཤད། །སངས་རྒྱས་ཐོད་པའི་སྦྱོར་བ་ཡིས། །བུད་མེད་རབ་མཛེས་མ་ཉམས་དང་། །དབང་པོ་གཉིས་ཀྱི་སྦྱོར་བ་ཡིས། །མི་ཕྱེད་ཉེ་བར་སྤྱད་པ་ཡི། །

87-1-140a

དེ་ལས་དང་པོར་བྱུང་བའི་རྫས། །སྨན་དེ་བྱིས་པ་ཅན་ནོ་ཞེས། །བདག་ཉིད་ཆེན་པོའི་ལྷ་མོས་གསུངས། །ལྷན་གཅིག་སྐྱེས་དག་བྱུང་བའི་རྫས། །མཆོག་ཆེན་མར་ཁུ་དག་དང་ནི། །བསྲེ་འགྱུར་འདིར་ནི་ཐེ་ཚོམ་
མེད། །སྨན་དེའི་མིང་ནི་ཐོད་ཅན་མོའོ། །ཟླ་བ་ཉི་མའི་སྦྱོར་བ་ཡིས། །བྱ་བར་འདིར་ནི་ཐེ་ཚོམ་མེད། །ཟླ་བས་ཟླ་བར་ཉི་མས་ཉིར། །དེ་ལུས་སྐྲ་དཀར་གཉེར་མ་ཞི། །ཇི་སྲིད་སངས་རྒྱས་བཞུགས་ཀྱི་བར། །དེ་ཡི་ཚེ་ནི་
རྒྱས་པར་འགྱུར། །སྨན་འདི་གྲུབ་པ་ཙམ་གྱིས་ནི། །དག་པའི་ལུས་སུ་འབྱུང་བར་འགྱུར། །དངོས་པོ་གང་དང་གང་ཡང་རུང་། །ལྕགས་དང་ཟངས་མའི་སྣོད་དག་ལ། །དངུལ་ནི་བྱུགས་པ་ཙམ་གྱིས་ནི། །དངུལ་དང་
གསེར་དུ་འགྱུར་བ་ཡིན། །དེ་ནས་ཡང་དག་རབ་བཤད་པ། །དགོངས་བཤད་ཤིན་དུ་རྙེད་དཀའ་བ། །རྒྱུད་གཞན་དུ་ནི་རབ་སྦས་པ། །འབད་པས་དེ་འདིར་རབ་གསལ་བྱ། །དྲི་ཆུ་ཡེ་ཤེས་རྡོ་རྗེ་སྟེ། །དྲི་ཆེན་རྡོ་རྗེ་བཟང་པོ་
ཉིད། །ཁྲག་ནི་མར་མེ་རྡོ་རྗེ་ཡིན། །ཁུ་བ་རྡོ་རྗེའི་ཐབས་བྱུང་ཉིད། །ཤ་ནི་ཆོས་ཀྱི་རྡོ་རྗེ་ཡིན། །དེ་ལྔ་རྣལ་འབྱོར་མ་ཡི་མཆོག །གང་གི་དམ་ཚིག་རྙེད་དཀའ་བའི། །ཐབས་འདིར་བདག་གིས་བཤད་པར་བྱ། །བ་ལང་
ཤ་ནི་འབར་བ་སྟེ། །ཁྱི་ཡི་ཤ་ལ་སྤྲོ་བར་གསུངས། །རྟ་ཡི་ཤ་ལ་བཟའ་བར་བཤད། །གླང་པོའི་ཤ་ལ་ཞུ་བར་གསུངས། །ཤ་ཆེན་ལ་ནི་བཟང་པོར་བཤད། །དེ་ལྔ་རྣལ་འབྱོར་མཆོག་ཏུ་གསུངས། །རྣལ་འབྱོར་རྣལ་
འབྱོར་མ་ལྡན་པར། །གལ་ཏེ་གཅིག་ཏུ་བྱེད་ནུས་པ། །དེ་ཚེ་རྣམ་རྟོག་དེ་ཐམས་ཅད། །འཇིག་འགྱུར་འདིར་ནི་ཐེ་ཚོམ་མེད། །ཟན་ལ་བསོད་ནམས་ཞེས་བྱ་སྟེ། །ཚོད་མ་ལ་ནི་སྡིག་པ་ཉིད། །རོ་ལ་ཤིན་ཏུ་རྙེད་དཀའ་
གསུངས། །བྱིས་པ་ལ་ནི་འགལ་བ་ཉིད། །གཡུང་མོ་ལ་ནི་བཟང་མོར་གསུངས། །རུས་པའི་ཕྲེང་ལ་རྫས་ཞེས་བྱ། །སྐྱེས་བུ་ལ་ནི་རྡོ་རྗེར་གསུངས། །བུད་མེད་ལ་ནི་སྣོད་བཟང་ཉིད། །དབང་པོ་གཉིས་ཀྱི་རབ་སྦྱོར་ལ། །གཟི་

87-1-140b

བརྗིད་ཕྲེང་ཆེན་དེ་བཤད་དོ། །རབ་ཆགས་ཤིན་ཏུ་མཐོང་བ་ཉིད། །འཁྱུད་པ་ལ་ནི་ཆོས་ཞེས་བརྗོད། །འདྲི་བ་ལ་ནི་མར་མེའོ། །ཤིན་དུ་འདྲི་ལ་མེ་ཞེས་བྱ། །འགྲོ་བ་ལ་ནི་ཕྲེང་ཅན་མ། །འོང་ལ་ཤིན་ཏུ་ཕྲེང་ཅན་མ། །མྱུར་བ་ལ་ནི་བྱུག་
ཅེས་བྱ། །དཔའ་བ་ལ་ནི་བཟང་དེ་བརྗོད། །པད་མ་རྩེ་འཇོ་ཕྲེང་ཅན་མ། །སྔགས་ཀྱིས་མཚན་མ་རབ་ངེས་ཞེའོ། །ལྗག་ལ་ལྕེ་འོག་ཅེས་བྱ་སྟེ། །སོ་ལ་བཟའ་བ་སྣ་ལ་བདེ། །མིག་ལ་རོལ་རྩེད་མུ་ཏིག་རྣ། །གསང་བའི་ཡུལ་ལ་
རྙེད་དཀའ་ཞེའོ། །འདི་དག་བཤད་དོ་ལག་ཆེན་པོ། །འཇིག་རྟེན་གསུམ་ན་རབ་རྙེད་དཀའ། །སངས་རྒྱས་ཐོད་པའི་རྣལ་འབྱོར་པ། །མེད་པར་ཕན་ཚུན་སྨྲ་མི་བྱ། །འོན་ཀྱང་བཤད་ཆེན་དེ་ཉིད་འདི། །གཅིག་ལ་གཅིག་གིས་སྨྲ་བར་
བྱ། །རྒྱུད་རྣམས་ཐམས་ཅད་དུ་སྦས་པ། །རྒྱུད་འདི་རུ་ནི་གསལ་བར་བྱས། །ཉེ་འདུན་གྲོང་མཐའ་ལྷན་ཅིག་ཞེའོ། །འདུས་པ་ཕྱི་རོལ་ཞེས་སུ་གསུངས། །ཉེ་བའི་འདུས་པ་ནང་དེ་བཞིན། །གནས་ལ་འབྲས་བུ་ཞེས་སུ་གསུངས། །
ཉེ་བའི་གནས་ལ་ཤིང་ཉིད་དོ། །གྲོང་མཐའ་ལ་ནི་ས་བོན་གསུངས། །ཉེ་བའི་གྲོང་མཐའ་མྱུ་གུའོ། །ཚོགས་པ་ལ་ནི་སྡོང་བུར་གསུངས། །གཅིག་པུ་ལ་ནི་འདབ་མ་སྟེ། །སྟོང་པ་ལ་ནི་རྩ་བཞིའོ། །དེ་ལྟར་དགོངས་པས་བཤད་པ་ནི། །
བདེ་གཤེགས་རྣམས་ཀྱིས་མི་མཁྱེན་ནོ། །སྤྱན་མ་ལ་སོགས་རྣལ་འབྱོར་མ། །རྣམས་ཀྱི་ཁོང་དུ་མི་ཆུད་ཅིང་། །བྱང་ཆུབ་སེམས་དཔའི་ཡུལ་མིན་ཞིང་། །བླ་མ་གུས་པའི་རྣལ་འབྱོར་པས། །སྤྲོས་པ་ཐམས་ཅད་སྤངས་ནས་
ནི། །རྫས་ལ་ཆགས་པར་མི་བྱའོ། །ཤིན་དུ་སྟོང་སྒོམ་རྣལ་འབྱོར་པ། །འདོད་ཆགས་ཞེ་སྡང་ཕྲག་དོག་མེད། །གཏི་མུག་དང་ནི་ང་རྒྱལ་སྤངས། །ཉོན་མོངས་ཐམས་ཅད་རྣམ་པར་སྤངས། །ཟ་འཐུང་དེ་བཞིན་གླུ་ལེན་
ན། །ཤིན་དུ་སྤྲོས་པ་སྤངས་བར་བྱ། །བདེ་བས་དགའ་བ་ཉིད་དང་ནི། །ཤེས་རབ་ཐབས་ཀྱིས་བདག་ཉིད་གསུངས། །བླ་མེད་དེ་ཉིད་ཟླ་ཕྱེད་ཀྱིས། །འགྲུབ་པར་ཐེ་ཚོམ་མེད་པའོ། །ཀྱཻ་ལགས་གྲོགས་མོ་འགྲོ་ཀུན་

87-1-141a

གང་། །མཐའ་དག་དྲི་མ་མེད་པ་ཡི། །བལྟ་དང་བྲལ་ལ་སྐྱེ་བོ་ལྟོས། །གསོག་གསོབ་རང་བཞིན་བརྫུན་བསླུ་བ། །པད་རྩའི་གྲིབ་མ་ལྟ་བུར་ལྟོས། །དབང་པོ་ལྔ་ནི་སྒྱུ་འདྲ་ཞིང་། །ལྔ་ཕུང་དག་པའི་རང་བཞིན་གྱིས། །
རྣལ་འབྱོར་འདི་ནི་བསྒོམས་པས་འགྲུབ། །སངས་རྒྱས་ཐོད་པའི་རྒྱུད་རྣལ་འབྱོར་མའི་གོང་ན་མེད་པ་གསང་བའི་ཡང་ཤིན་དུ་གསང་བ་ཞེས་བྱ་བ་ལས་སྨན་བཟང་པོ་དང་། དགོངས་པ་བཤད་པའི་ལེའུ་སྟེ་ལྔ་པའོ།། །། 
དེ་ནས་ཡང་དག་རབ་བཤད་པ། །དཀྱིལ་འཁོར་འཇིགས་པ་མཆོག་གསང་བར། །ཐབས་དང་ཤེས་རབ་སྒྲུབ་པ་ཡིས། །གང་གིས་སློབ་མ་དབང་བསྐུར་བ། །ཤེས་རབ་པད་མའི་ནང་དབུས་སུ། །དཔག་ཚད་བྱེ་བའི་དཀྱིལ་
འཁོར་ལ། །གསུམ་རྩེགས་དག་པའི་བདག་ཉིད་ལུས། །འཁོར་བའི་འཇིགས་པ་ལས་སྐྱོབ་པ། །དཀྱིལ་འཁོར་དེ་ཡི་དབུས་གནས་པར། །མཁས་པས་སློབ་མ་བཟང་དབང་བསྐུར། །གལ་ཏེ་བྱང་ཆུབ་བླ་མེད་འདོད། །
ཕྱི་ཡི་དཀྱིལ་འཁོར་བྱ་བ་མིན། །ལྷ་རྣམས་བཤིག་པ་ཙམ་གྱིས་ནི། །སྡིག་པ་ཆེན་པོ་སྐྱེ་བར་འགྱུར། །དེས་ན་རྡུལ་ཚོན་ཙམ་གྱིས་ནི། །དེ་བཞིན་ལྷ་རྣམས་དག་མི་འགྱུར། །རྡོ་རྗེ་འཁོར་ལོ་རིན་ཆེན་དང་། །དེ་བཞིན་
པད་མ་རལ་གྲི་ཉིད། །བྱས་ནས་སླར་ཡང་འཇིག་བྱེད་པ། །སྐྱེས་བུ་ཐ་ཤལ་དམྱལ་བར་འགྲོ། །གང་གིས་སངས་རྒྱས་སྤྱན་དྲངས་ཤིང་། །གང་གིས་གཤེགས་སུ་གསོལ་བ་ཡིས། །རྡོ་རྗེ་སེམས་དཔའ་བྱོན་
པ་དང་། །དེ་བཞིན་གཤེགས་པ་བྱོན་པ་རྣམས། །གང་ནའང་བྱོན་པ་མ་ཡིན་ནོ། །དྲི་མ་མེད་ཅིང་དག་པའི་ལུས། །གང་གིས་སྤྱན་དྲངས་གཤེགས་སུ་གསོལ། །དེ་ཉིད་ཀྱིས་ན་བརྟག་མེད་པར། །དེ་བཞིན་
གཤེགས་པ་རྣམས་ཕྱག་བྱ། །ལོ་བཅུ་གཉིས་པའི་བུ་མོ་ནི། །ཚུལ་ཁྲིམས་མ་ཉམས་ཆགས་ཆུང་བའི། །ཐོས་དང་ལྡན་ཞིང་གྲགས་ཆེན་མོ། །ནད་མེད་སྙིང་རྗེ་དང་ལྡན་མ། །སེམས་ཅན་དོན་ལ་གཅིག་ནན་ཏན། །

87-1-141b

དགོད་ཅིང་པད་མའི་སྤྱན་དང་ལྡན། །ཟླ་བའི་ཆ་འདྲ་གདོང་མཛེས་མ། །མུ་ཅོར་མི་སྨྲ་བརྟན་ཞིང་དུལ། །དེས་ན་སློབ་མ་བློ་ཆེན་པོ། །ཤིན་དུ་དད་པའི་སེམས་དང་ལྡན། །འདོད་མེད་དབང་པོ་དུལ་བ་དང་། །ཆགས་དང་ཆགས་བྲལ་
རྣམ་པར་སྤངས། །སེམས་ཅན་དོན་ལ་ཤིན་ཏུ་སྦྱོར། །གཏི་མུག་ཞེ་སྡང་ཕྲག་དོག་སྤངས། །སངས་རྒྱས་ཀུན་གྱིས་བྱིན་གྱིས་བརླབས། །དེ་རྣམས་ལ་ནི་དེ་ཉིད་བཤད། །གསང་བ་ཕྱི་ཡི་ལྔ་དང་ནི། །བདུན་དང་བཅུ་བཞིར་བཤད་པ་
དང་། །གཉི་ག་གཅིག་ཏུ་འདུས་པའོ། །གསང་བའི་དེ་ཉིད་བཤད་པར་བྱ། །སློབ་མ་ལེགས་དང་ལྡན་པ་དང་། །བརྩེ་ལྡན་སེམས་གཞན་མེད་པ་ཡིས། །གསེར་ནི་འབུམ་ཕྲག་བཅུ་དྲུག་དང་། །ས་གཞི་ཡུལ་འཁོར་ལྡན་པ་
དང་། །གླང་པོ་བུད་མེད་དམ་པ་དང་། །རལ་གྲི་འཁོར་ལོ་རྟ་དང་ནི། །ཡོངས་འདྲེན་སྐྱེས་བུ་རིན་ཆེན་རྣམས། །སྦྱོར་དང་ལྡན་པའི་སེམས་ཀྱིས་ནི། །དེར་ནི་བླ་མ་དབུལ་བར་བྱ། །ཤིན་ཏུ་དྲི་མེད་སེམས་ཀྱིས་ནི། །དེ་ནས་འདིར་
ནི་གསོལ་བ་གདབ། །འཁོར་བའི་འདམ་དུ་བྱིང་བ་བདག །དཔུང་གཉེན་ཁྱོད་ཀྱིས་བསྒྲལ་དུ་གསོལ། །བདག་ནི་རྩོལ་ཆུང་སྐལ་དམན་ཞིང་། །སངས་རྒྱས་ཆོས་ནི་རྣམ་པར་སྤངས། །ཀྱེ་ཀྱེ་སྟོན་པ་བླ་མ་ཆེ། །མགོན་
པོ་ཁྱོད་ཀྱིས་བརྩེ་བར་མཛོད། །དེ་ལྟར་གསོལ་འདེབས་ཚིག་གསན་ནས། །དེ་རུ་བླ་མ་མི་གསུངས་བཞུགས། །མན་ངག་འདི་ཡི་ཆ་དག་ནི། །གླེགས་བམ་རྣམས་ལས་སྤྱོད་ཡུལ་མིན། །དཀྱིལ་འཁོར་གང་ལ་གང་གིས་
བརྒྱན། །མཚན་མའི་དོན་གཞན་གར་བཀོད་ཀྱེ། །སུ་ཡིས་སངས་རྒྱས་སྤྱན་དྲངས་ཀྱེ། །འགྲོ་བ་བརྫུན་འདྲའི་སོམ་ཉིར་ལྷུང་། །མཐའ་དག་སྟོང་པ་གོས་མེད་ཀྱེ། །ཆུ་ནང་ཟླ་བ་ཅི་འདྲ་བ། །དེ་འདྲའི་དཀྱིལ་འཁོར་པད་དབུས་
གནས། །ཀྱེ་ལགས་རྣལ་འབྱོར་མ་ཚོགས་ལྟོས། །དེར་ནི་ཧེ་རུ་ཀ་གཅིག་དང་། །ཐམས་ཅད་སྐྱེད་པར་བྱེད་པ་ཡིན། །འགྲོ་ཀུན་རྨི་ལམ་བསླུ་བས་ན། །གཏི་མུག་ལས་ནི་བསྐྱེད་པ་ལྟོས། །སངས་རྒྱས་ཐོད་པའི་རྒྱུད་རྣལ་

87-1-142a

འབྱོར་མའི་གོང་ན་མེད་པ་གསང་བའི་ཡང་ཤིན་དུ་གསང་བ་ལས་དཀྱིལ་འཁོར་འཇིགས་པ་བྲི་བ་དང་། སློབ་མ་དབང་བསྐུར་བའི་ལེའུ་སྟེ་དྲུག་པའོ།། །། དེ་ནས་ཡང་དག་རབ་བཤད་པ། །རི་དང་
ཕུག་དང་ཚང་ཚིང་ངམ། །ཡང་ན་དུར་ཁྲོད་དག་ན་ནི། །གདོད་ནས་གྲུབ་པའི་གནས་སུ་འམ། །འོན་ཏེ་རྒྱ་མཚོའི་འགྲམ་དག་ཏུ། །ཕྱིའི་དཀྱིལ་འཁོར་བླ་མེད་བྲི། །རྡུལ་ཚོན་སྔོན་པོ་ནི་རོ་སྲེགས་པའི་སོལ་བ་ལས་བྱའོ། །རྡུལ་
མཚོན་དམར་པོ་ནི་དུར་ཁྲོད་ཀྱི་སོ་ཕག་ལས་བྱའོ། །རྡུལ་ཚོན་ལྗང་ཁུ་ནི་ནིམ་པའི་མདབ་མ་ལས་བྱའོ། །རྡུལ་ཚོན་དཀར་པོ་ནི་མིའི་རུས་པའི་ཕྱེ་མ་ལས་བྱའོ། །རྡུལ་ཚོན་སེར་པོ་ནི་ཡུང་བའི་ཕྱེ་མ་ལས་བྱའོ། །དེ་ལྟར་
རྡུལ་ཚོན་ལྔ་རྣམས་ཀྱིས། །མཁས་པས་དཀྱིལ་འཁོར་བྲི་བར་བྱ། །ཕོ་བྲང་རིགས་གསུམ་ཟླུམ་པོ་ལ། །རྡོ་རྗེ་གསུམ་གྱིས་ཡོངས་སུ་བསྐོར། །ཕྱི་རོལ་གྲུ་བཞི་ལྷམ་པ་ཡི། །སྒོ་བཞིར་རྟ་བབས་རྣམས་ཀྱིས་བརྒྱན། །བ་དན་
རྣམ་པ་བཞི་ཡིས་བརྒྱན། །དྲ་བ་དྲ་བ་ཕྱེད་པས་སྤྲས། །ཕྱི་རོལ་ཁ་ཁྱེར་དག་པ་དང་། །རིན་ཆེན་ཕ་གུར་ཡང་དག་ལྡན། །པད་མ་ཉི་ཤུ་ཉི་ཤུ་ལྔའི། །གདན་རྣམས་ཀྱིས་ནི་ཤིན་ཏུ་མཛེས། །དེ་ཡི་དབུས་ཆུད་ས་བོན་ནི། །ཡིག་གེ་ཧཱུྃ་གི་
རང་བཞིན་སྔོ། །སྐད་ཅིག་ཙམ་གྱིས་ཧེ་རུ་ཀ །སྐུ་མདོག་སྔོན་པོ་གྲགས་ཆེན་པོ། །གཡས་ན་ཅང་ཏེའུ་གྲི་གུག་སྟེ། །གཡོན་ན་ཁ་ཊྭཱྃ་ཐོད་པའོ། །དཀྱིལ་དཀྲུང་ཕྱེད་པས་འཇིགས་ཆེན་པོ། །ཞལ་གྱིས་མཆེ་བ་
ཅུང་ཟད་གཙིགས། །རལ་པའི་ཅོད་པན་གྱིས་བརྒྱན་ཅིང་། །སངས་རྒྱས་ལྔ་ཡི་ཅོད་པན་ཅན། །དབུ་ལ་སྣ་ཚོགས་རྡོ་རྗེ་མནན། །ཟླ་བ་ཕྱེད་པ་འཛིན་པའི་ལྷ། །སྐུ་ལ་ཐལ་བའི་རྡུལ་གྱིས་བྱུགས། །དཔའ་བོ་ཕྱག་
བཞི་ཕྱག་མཚན་འཆང་། །ཤིན་དུ་ཧཱུྃ་སྒྲོགས་འཇིགས་བྱེད་པ། །གར་གྱི་སྟབས་ཀྱིས་རྣམ་པར་བཞུགས། །མགོ་བོ་རློན་པའི་ཕྲེང་བ་ཅན། །མཆོད་ཕྱིར་ཐོད་པ་འཆང་བ་པོ། །ཐོད་པ་གཏི་མུག་རྣམ་དག་པ། །

87-1-142b

ཕྲེང་བ་བརྒྱུད་པས་བརྒྱན་པའི་ལྷ། །མགུལ་དོ་དང་ནི་འཁོར་ལོ་དང་། །རྐང་རྡུབ་དང་ནི་དཔུང་བརྒྱན་དང་། །གདུབ་བུ་སྐེད་པའི་སྐ་རགས་དང་། །དཔའ་བོ་རྣ་ཆ་མཆོག་གིས་བརྒྱན། །འདི་འདྲའི་གཟུགས་ཅན་གཙོ་
བོ་ནི། །ཧཱུྃ་ཞེས་ཟློས་པར་བྱེད་པའོ། །དེ་ལས་བྱུང་བའི་རྣལ་འབྱོར་མ། །ཉི་ཤུ་རྩ་བཞིའི་བདག་ཉིད་རྣམས། །སྐུ་མདོག་སྔོན་མོ་གྲགས་ཆེན་མོ། །ཤིན་ཏུ་འཇིགས་པའི་གཟུགས་ཅན་མ། །ཞལ་གཅིག་ཕྱག་གཉིས་
ཐོད་པ་འཆང་། །སོ་སོ་ཡི་ནི་མིང་ཇི་བཞིན། །དེ་རྣམས་མིང་ནི་རབ་ཏུ་བཤད། ཕྲེང་བཟངས་མ། འདོད་ཅན་མ། འཇིགས་མ། ཐུབ་དཀའ་མ། དགེ་བའི་སྐ་རགས་ཅན་མ། གཟུགས་ཅན་མ། རྣམ་རྒྱལ་མ། 
འབྱུང་གནས་མ། ཐོད་ཅན་མ། མཚོ་ཆེན་མ། བྱེད་མ། གསོད་མ། སྒྲོལ་མ། འཇིགས་མ། མཐོང་མ། མི་ཕམ་མ། དགེ་མ། འཛུར་བྱེད་མ། དུས་མཚན་མ། གྲགས་ཆེན་མ། མཛེས་སྡུག་མ། 
ནོར་འཛིན་མ། སྐལ་བཟང་མ། གྲགས་མཐོང་མའོ། །འདི་ལྟ་བུའི་དཀྱིལ་འཁོར་མཆོག །ཁ་དོག་རྣམ་པ་ལྔ་ཡིས་བརྒྱན། །དེའི་དབུས་གནས་ལྷ་མོ་ནི། །ཧེ་རུ་ཀ་ལ་བདེ་སྟེར་མ། །དཀྱིལ་དཀྲུང་
ཕྱེད་པའི་གར་བྱེད་མ། །མི་ཡི་རུས་པའི་ཕྲེང་བས་བརྒྱན། །ལྷ་མོ་འོད་ཟེར་དཔག་དཀའ་ཞིང་། །སྐྲ་སེར་གྱེན་དུ་འབར་བ་སྟེ། །ཧཱུྃ་གི་བདག་ཉིད་ལས་སྐྱེས་འཇིགས། །ཞལ་ནས་ཁྲག་ནི་མཐོར་བྱེད་
མ། །དཀར་མོ་ནག་མོ་ལྗང་ཁུ་མ། །ཐམས་ཅད་ཁུ་བ་ལྡན་གྱུར་མ། །ལྷའི་དཀྱིལ་འཁོར་བསྐྱེད་པ་ནི། །ཉི་ཤུ་རྩ་བཞིའི་བདག་ཉིད་གསུངས། །བདག་ཉིད་ཧེ་རུ་ཀ་གཟུགས་ལ། །ཉི་ཤུ་རྩ་བཞིའྀ་ལྷ་མོས་མཆོད། །
ཐོད་པ་བདུད་རྩི་ལྔས་བཀང་བ། །ཧེ་རུ་ཀ་ཡིས་བཏུང་བར་བྱ། །དེ་ཡིས་འཐུངས་པ་ཙམ་གྱིས་ནི། །འགྲོ་བའི་བླ་མ་བདག་ཉིད་ཆེ། །གཙོ་བོ་ལས་གཞན་ཐ་དད་གཟུགས། །རྣལ་འབྱོར་མ་ཀུན་དེ་དང་འདྲ། །དེ་ལྟར་

87-1-143a

ཧེ་རུ་ཀ་མགོན་པོས། །རྣལ་འབྱོར་མ་ཀུན་སྤྱད་པར་བྱ། །ཐམས་ཅད་སྤྱད་པས་ཞུ་གྱུར་ཏེ། །ཉི་མའི་དཀྱིལ་འཁོར་རྣམ་པར་གནས། །དེ་ནི་ཞུ་བར་མཐོང་ནས་ནི། །ཤིན་ཏུ་སྲིད་པ་བསྒྲུབ་པའི་ཕྱིར། །སྒོ་ཡི་རྣལ་འབྱོར་མ་
ཡིས་བསྐུལ། །ཅི་སྟེ་འཇིག་རྟེན་སྙན་མནན་ན། །ཅི་ཕྱིར་ཁྱོད་ནི་མི་དགྱེས་གྱུར། །གལ་ཏེ་ཁྱོད་བདག་ཚིག་གསན་ན། །མི་དགྱེས་གྱུར་པ་མཐའ་དག་ཐོང་། །སྲིད་འཇིགས་སྐྱེ་བོ་ཀུན་ལྷུང་བས། །སྟོང་པའི་ཐུགས་ནི་མ་
མཛད་པར། །ཉིད་ཀྱི་དགོངས་པ་ཀུན་བསྒྲུབས་ཀྱེ། །རྣལ་འབྱོར་མ་ཡི་གྲོགས་པོ་བཞེངས། །གལ་ཏེ་སྤྱོད་གཙོ་ཚིག་གསན་ན། །འབྲས་བུ་ཡལ་བར་མ་དོར་ཅིག །ཁྱོད་མི་སྣང་ན་འགྲོ་བ་ཡི། །སྐྱེ་བོ་མཐའ་དག་གདུང་
བས་ནོན། །ལོག་པའི་ང་རྒྱལ་མ་མཛད་པར། །སྟོང་པའི་རང་བཞིན་སྤངས་ནས་ནི། །ཁྱོད་ཀྱིས་དངོས་མེད་ཀུན་ཐོང་ལ། །རྣལ་འབྱོར་མ་ཡི་ཚོགས་ལ་སྤྱོད། །རྣལ་འབྱོར་མ་ནི་བཞི་པོ་ཡིས། །འདི་ལྟ་བུ་ཡི་གླུ་ཡིས་
བསྐུལ། །སྔོན་བཞིན་མདོག་དང་མཚན་སོགས་ལྡན། །ཀུན་ནས་རྣལ་འབྱོར་མ་རྣམས་བསྐོར། །འཇིགས་པ་འཁོར་བ་སྒྲོལ་བྱེད་པའི། །དཔའ་བོ་ཆེན་པོ་འདི་བཞེངས་སོ། །སངས་རྒྱས་ཐོད་པ་ཞེས་བྱ་བའི་
རྣལ་འབྱོར་མའི་རྒྱུད་བླ་ན་མེད་པ་གསང་བའི་ཡང་ཤིན་དུ་གསང་བ་ལས། དཀྱིལ་འཁོར་དང་ཧེ་རུ་ཀ་བསྐྱེད་པ་དང་བསྒོམ་པའི་ལེའུ་སྟེ་བདུན་པའོ།། །། དེ་ནས་ཡང་དག་རབ་བཤད་བྱ། །སྦྱིན་སྲེག་དཀྱིལ་འཁོར་
མཆོག་བཟང་པོ། །ཞི་བ་དང་ནི་རྒྱས་པ་དང་། །དེ་བཞིན་དབང་དང་མངོན་སྤྱོད་དེ། །སྦྱིན་སྲེགས་རྣམ་པ་བཞི་རུ་གསུངས། །ཤིང་གི་སྦྱིན་སྲེག་མི་བྱ་ཞིང་། །འབྲས་དང་འབྲུ་རྣམས་ཀྱིས་ཀྱང་མིན། །བློ་ལྡན་
གལ་ཏེ་ཞི་འདོད་ན། །མེ་ཏོག་གིས་ནི་སྦྱིན་སྲེག་བྱ། །མེ་ཏོག་ལྔ་པོ་མཆོག་ཆེན་དང་། །འོ་མར་ཡང་དག་ལྡན་པས་བྱ། །གལ་ཏེ་ཞི་བའི་སྦྱིན་སྲེག་འདོད། །ཞི་བའི་གཟུགས་སོགས་ལྡན་པ་ཡིས། །ཞི་བའི་ཐབ་ཁུང་གྲུ་བཞི་པ། །

87-1-143b

ཟབ་དང་རྒྱར་ནི་མཐོ་གང་བ། །ཁ་ལ་རྡོ་རྗེ་རྩེ་ལྔ་པ། །དཀར་པོ་རྩེ་མོ་འདུས་པ་བྲི། །རྡོ་རྗེ་རྩེ་གསུམ་སྔོན་པོ་ནི། །ཞི་བ་ཧཱུྃ་བདག་འཁོར་བར་ནི། །དེ་ཡི་དབུས་སུ་འཁོར་ལོ་ལ། །གྲུ་གསུམ་པ་ཡི་ཡི་གེས་བརྒྱན། །ཨེ་བྃ་མ་ཡ་མཆོག་
ཆེན་གྱི། །ལྟེ་བ་རུ་ནི་བསྐྱེད་པར་གསུངས། །རྩེ་གསུམ་འཇིགས་པའི་རྡོ་རྗེས་བསྐོར། །རྡོ་རྗེའི་ནང་དུ་པད་མ་སྟེ། །པད་མའི་དབུས་སུ་ཉི་མ་བསམ། །ཉི་མའི་དབུས་སུ་ཡི་གེ་ཧཱུྃ། །ཁ་དོག་དམར་པོའི་འོད་ཆེན་པོ། །མཚམས་དང་
མཚམས་སུ་རྡོ་རྗེ་ནི། །རྩེ་དགུ་སེར་པོ་བྲི་བར་བྱ། །བདག་ཉིད་ཧེ་རུ་ཀར་བལྟ་སྟེ། །ཕྱིས་ནི་སྦྱིན་སྲེག་ཡང་དག་བརྩམ། །ཤེས་རབ་ཅན་གྱིས་མེ་ཡི་ལྷ། །སྔགས་འདི་ཡིས་ནི་སྤྱན་དྲང་ངོ་། །ཨོཾ་སརྦྦ་དེ་བ་ཧུ་ཏ་པྲ་དྷེ་ནི་ཨྃ་བི་ཀལ་སུ་
ད་ཧ་ད་ཧ་ནེ་ད་ཧ་ད་ཧ་ཛྭ་ལ་ཛྭ་ལ། པྲ་ས་ར་པྲ་ས་ར། ཨཱ་གཙྪ་ཨཱ་གཙྪ། ཡ་ཏྲི་ཀུནྣེ་ཨ་དྷིཥྛ་ཡ། ཨ་དྷིཥྛ་ཡ། ཏིཥྛ་ཏིཥྛ། ཀི་ལི་ཀི་ལི། ཧ་ཧེ་ཧོ་ཧྃ་ཧྲཿཧྲིཿཧཱུྃ་སྭཱ་ཧཱ། མེ་ལྷ་སྤྱན་དྲང་བའི་སྔགས་སོ། །སངས་རྒྱས་ཐོད་པའི་སྦྱོར་བ་ཡིས། །
ཤེས་རབ་ཅན་སྔགས་ལན་བདུན་བཟླས། །སངས་རྒྱས་ཀུན་གྱིས་བྱིན་བརླབས་ཤིང་། །མདོག་དཀར་དུ་བ་དང་བྲལ་བའི། །མེ་ལྷ་རྒྱལ་དབང་བྱོན་ནས་ཀྱང་། །ཐབ་ཁུང་གི་ནི་དབུས་སུ་བཞུག །དེ་ནས་བློ་ལྡན་སྦྱིན་སྲེག་བྱ། །དེ་རུ་
སོལ་བ་བཞུག་བྱ་བ། །ཨ་ཤྭཏྠ་དང་ནྱ་གྲོ་དང་། །ཨུ་དུམ་བ་ར་ར་ཀ་ཏི། པ་ལ་ཤ་སྟེ་ཤིང་ལྔ་ལས། སོལ་བྱས་དུ་མེད་འབར་བའི་མེ། བློ་ལྡན་ཐབ་ཁུང་དབུས་སུ་གཞུག །གལ་ཏེ་དངོས་གྲུབ་མཆོག་འདོད་ན། །པད་མ་བརྒྱ་ནི་
རྩ་བརྒྱད་དང་། །དེ་བཞིན་ཨུཏྤ་ལ་ཉིད་དང་། །ཀུ་མུ་ད་དམར་དྲི་ཞིམ་འདྲ། །ཀ་ར་བི་ར་གཞན་ཉིས་འགྱུར། །བྱས་ཏེ་བསྲེགས་པས་ཞི་བར་གསུངས། །སྦྱིན་བདག་མདུན་ན་འདུག་པ་ལ། །དེ་ཚེ་དུ་བ་དབབ་པར་བྱ། །མཁས་
པས་གསང་སྔགས་འདི་བཏོན་ཞིང་། །པད་མ་མར་སྦགས་སྲེག་པར་བྱ། །ཨོཾ་པདྨ་ར་ཛེ་ཨགྣི་པྲ་ཎི་ཡ་ཨ་མུ་ཀ་སྱ་ཤཱནྟིྃ་ཀུ་རུ་སྭཱ་ཧཱ། མཁས་པ་ཡིས་ནི་སྔགས་བཟླས་ཏེ། །ཨུཏྤལ་འོ་མས་སྦྱིན་བསྲེག་བྱ། །ཨོཾ་གྷ་གྷ་གྷཱ་ཏ་ཡ་གྷཱ་

87-1-144a

ཏ་ཡ་ཏེ་ཛོ་རཱ་ཛ་བི་ན་ཡ་ཤཱནྟིྃ་ཀུ་རུ་སྭཱ་ཧཱ། མཁས་པ་བདེ་གཤེགས་ཀུན་བདག་གིས། །གུར་གུམ་ཀུ་མུ་ད་སྔགས་བསྲེག །ཨོཾ་སུ་པུཥྤེ་སུ་ཀ་ར་ཙ་ལེ་ཛྭ་ལ་ནཱི་ཡེ་ཤཱནྟིྃ་ཀུ་རུ་སྭཱ་ཧཱ། གསང་སྔགས་རྒྱལ་པོ་འདི་
ཡིས་ནི། །དྲི་ཞིམ་ཙན་དན་སྦྱིན་བསྲེག་བྱ། །ཨོཾ་དྷ་མེ་མ་ཧཱ་མེ་རཱ་ཛེ་ད་ཧ་ད་ཧ་སརྦ་བི་གྷཱ་ཤཱནྟིྃ་ཀུ་རུ་སྭཱ་ཧཱ། ཀ་ར་བཱི་ར་དྲི་ཞིམ་མར། །མཁས་པས་སྔགས་རྒྱལ་བཟླས་ཏེ་བསྲེག །ཨོཾ་ཀཱ་ལི་སུ་ཀཱ་ལི་ཀ་རཱ་ལ་རཱ་ཏྲི་སརྦྦ་པཱ་པྃ་ད་ཧ་ད་ཧ་ཤཱནྟིྃ་ཀུ་རུ་
སྭཱ་ཧཱ། མེ་ཏོག་རེ་རེ་རེ་རེ་ལ། །གསང་སྔགས་རྒྱལ་པོ་ལན་རེ་བཟླ། །ཞི་བའི་སྦྱིན་བསྲེག་བླ་མེད་པ། །འཇིག་རྟེན་གསུམ་ན་རྙེད་པར་དཀའ། །མེ་ནི་འོ་མས་ཞི་བར་བྱ། །དེ་ནས་གཞན་ཡང་རྒྱས་པ་ཡི། །སྦྱིན་སྲེག་ཁྱད་པར་བཤད་པར་བྱ། །
རྒྱས་ལ་ཐབ་ཁུང་ཟླུམ་པོ་སྟེ། །ཆུ་ཡི་དཀྱིལ་འཁོར་ལྟར་སྣང་བ། །ཟབས་དང་རྒྱར་ནི་མཐོ་གསུམ་སྟེ། །ཁ་དོག་སེར་པོར་རྣམ་པར་བསམ། །དེ་དབུས་རྡོ་རྗེ་རྩེ་དགུ་པ། །སྔོ་བྲི་དེ་སྟེང་པད་འདབ་བརྒྱད། །བདག་ཉིད་ཧེ་རུ་ཀ་རྣམ་པ། །ཁྲོ་བའི་
སེམས་ཀྱི་བདག་ཉིད་ཀྱིས། །ཤིང་བསྲེག་པ་ཡི་སྦྱིན་བསྲེག་བྱ། །གལ་ཏེ་རྒྱས་པ་མཆོག་འདོད་ན། །ཨ་མ་ཀན་ཐ་པ་ལ་དང་། །ཨརྒ་བིལ་བ་དུ་དུ་ར། །ཤིང་དུ་རྙེད་དཀའི་ཤིང་ལྔ་ལས། །སོར་བཅུ་གཉིས་ཀྱི་ཚད་ཙམ་དུ། །
སློབ་དཔོན་གྱིས་ནི་གཟུང་བར་བྱ། །མ་གས་མ་སྐམས་མ་བཅད་ཅིང་། །བུ་ག་ཅན་གྱི་ཤིང་སྤང་ངོ་། །དེ་ཡི་དབུས་སུ་སངས་རྒྱས་དང་། །བྱང་ཆུབ་སེམས་དཔའ་ཐམས་ཅད་བསམ། །རེ་རེ་ལ་ནི་བརྒྱ་རྩ་བརྒྱད། །བགྲངས་
ཏེ་དེ་ནས་སྦྱིན་བསྲེག་བྱ། །བདག་ཉིད་ཧེ་རུ་ཀ་ཡི་ཚུལ། །སྐུ་མདོག་ནག་པོ་འོད་ཆེན་པོས། །མར་དང་ཡམ་ཤིང་ཐམས་ཅད་ནི། །སྔགས་བསྲེགས་འདིར་ནི་ཐེ་ཚོམ་མེད། ཨོཾ་ག་ག་ནི་ག་ག་ན་བི་ལོ་ཀ་ནེ་ཧཱུྃ་ཕཊ། ཏེ་ཛོ་རཱ་ཛ་པུཥྚྃ་
ཀུ་རུ་སྭཱ་ཧཱ། ཤིང་རྣམས་ཀུན་གྱིས་སྔགས་འདི་ཡིས། །རེ་རེ་བཞིན་དུ་སྦྱིན་བསྲེག་བྱ། །ཕྱིས་ནི་སེར་པོའི་ཆུས་ཞི་བྱ། །འདི་ལྟའི་རྒྱས་པའི་སྦྱིན་བསྲེག་ནི། །འཇིག་རྟེན་གསུམ་ན་རྙེད་པར་དཀའ། །རྒྱུད་གཞན་རྣམས་སུ་

87-1-144b

སྦས་པ་ནི། །རྒྱུད་འདི་རུ་ནི་གསལ་བར་བྱས། །དེ་ནས་ཡང་དག་རབ་བཤད་པ། །དབང་དུ་བྱ་བའི་སྦྱིན་བསྲེག་མཆོག །ཐབ་ཁུང་གྲུ་གསུམ་དམར་པོ་ལ། །ཟབས་དང་རྒྱར་ནི་སོར་མོ་བརྒྱད། །དེ་དབུས་པད་མ་འདབ་བརྒྱད་དམར། །
ཟླ་བ་དམར་ལ་སོགས་པས་བརྒྱན། །གྲྭ་གྲྭ་རུ་ནི་རྡོ་རྗེ་དམར། །བདག་ཉིད་ཧེ་རུ་ཀར་བསམ་པ། །དམར་པོ་ལྟར་སྣང་ཆགས་པའི་བདག །རྡོ་རྗེ་དམར་པོ་ཐོད་པ་བསྣམས། །ཡོངས་སུ་གང་བའི་ཁྲག་ཉིད་ཀྱིས། །ཁམས་གསུམ་
པ་ལ་རྗེས་སུ་ཆགས། །ཨ་ཤོ་ཀ་ཡི་ཡམ་ཤིང་དང་། །གོ་རོ་ཙ་ནར་ལྡན་པ་ནི། །བློ་ལྡན་བརྒྱ་རྩ་བརྒྱད་བསྲེགས་ཏེ། །ཤིན་དུ་མཉམ་གཞག་སྔགས་ནི་གདོན། །ཨོཾ་ཨ་ཤོ་ཀི་ནི་སུ་ར་ཀེ་ཨ་ནུ་རཱ་ག་ཡ་ཏྲེ་ལོཀྱ་བ་ཤྃ་ཀ་རཱི་ཏྲཻ་ལོ་ཀྱཾ་བཱ་
ཤཱ་མཱ་ནཱ་ཡཱ་ཧྲཱི་སྭཱ་ཧཱ། ཉིན་བདུན་སྦྱིན་བསྲེག་བྱས་ཙམ་གྱིས། །ཁམས་གསུམ་དབང་དུ་འགྱུར་བ་ཡིན། །ཆུ་ནི་དམར་པོར་མེ་ཞི་བྱ། །དེ་ནས་ཡང་དག་རབ་བཤད་པ། །མངོན་སྤྱོད་དང་ནི་བསད་པ་མཆོག །ཟླ་བ་ཕྱེད་
པའི་ཆ་འདྲའི་ཐབ། །ཟབས་དང་རྒྱར་ནི་ཁྲུ་གང་ཚད། །འཇིགས་ཆེན་མདོག་ནི་ལྗང་ཁུའོ། །གྲྭ་གྲྭ་རུ་ནི་རྡོ་རྗེ་བྲི། །དབུས་ཀྱི་ས་གཞི་སྟོང་པ་རུ། །བློ་ལྡན་ཤ་ལྔས་སྦྱིན་བསྲེག་བྱ། །གསོད་པ་ཡི་ནི་སྦྱིན་བསྲེག་
མཆོག །མངོན་སྤྱོད་གསོད་པ་རུ་ནི་གསུངས། །དགྲ་ཀུན་བསྣུན་ཅིང་ཟློག་པར་བྱེད། །དགྲ་བོ་མཐུར་དུ་ཁ་བལྟས་ཤིང་། །ཁ་ནས་ཁྲག་ནི་སྐྱུག་པ་ཉིད། །ཤ་ཡི་དབུས་སུ་བསམ་པར་བྱ། །སེང་ལྡེང་སོལ་
བས་མེ་བྱ་སྟེ། །མེད་ན་འབའ་འབོ་ལ་ཉིད་ཀྱི། །འབའ་འབོ་ཚེར་མས་ཤ་ཕུག་སྟེ། །བརྒྱ་རྩ་བརྒྱད་དུ་སྔགས་ཀྱིས་བསྲེག །ཨོཾ་མཱ་ར་ཡ་མཱ་ར་ཡ་ཀཱི་ལ་ཡ་ཀཱི་ལ་ཡ་སརྦྦ་ཤ་ཏྲུྃ་ནཱ་ཤ་ཡ་ཧཱུྃ་ཕཊ། བདག་ཉིད་ཧེ་རུ་ཀར་
གྱུར་ཅིང་། །སྐུ་མདོག་སྔོན་པོ་ཐུགས་འཁྲུགས་པས། །དགྲ་རྣམས་ཐམས་ཅད་བརླག་པར་ནི། །སྐད་ཅིག་དེ་ལ་ཐེ་ཚོམ་མེད། །ཕེང་མཛད་འཇིགས་ཤིང་འཇིགས་པར་བྱེད། །ཧ་ཧ་ཞེས་མཛད་འཇིགས་པར་མཛད། །

87-1-145a

གདུག་པ་ཐམས་ཅད་གསོད་པར་ནི། །སྦྱིན་བསྲེག་ཙམ་གྱིས་ཐེ་ཚོམ་མེད། །འདི་ལྟའི་བསད་པའི་སྦྱིན་བསྲེག་དང་། །མངོན་སྤྱོད་ཀྱང་ནི་རྙེད་དཀའ་བ། །རྣལ་འབྱོར་ལྷ་མོས་རྟོགས་མིན་ན། །སྔགས་སྐྱེས་ཕལ་ལྟ་སྨོས་ཅི་
དགོས། །དེ་ཕྱིར་སངས་རྒྱས་ཐོད་པ་ཡི། །རྣལ་འབྱོར་ང་རྒྱལ་དང་བྲལ་བས། །ཤིན་དུ་མཉམ་པར་གཞག་པའི་སེམས། །ལྷ་རྣམས་ཀྱིས་ཀྱང་རྙེད་པར་དཀའ། །ལྗང་ཁུའི་ཆུ་ཡིས་མེ་ཞི་བྱ། །གང་གིས་བསྲེགས་ཤིང་གང་ཞིག་བསྲེགས། །
གང་གི་ཞིང་གང་ཞི་བ། །གང་གིས་རྣམ་རྟོག་ཀུན་བཅོམ་པ། །དེ་ཡིས་སེམས་ནི་མགུ་བར་བྱེད། །སངས་རྒྱས་ཐོད་པ་ཞེས་བྱ་བའི་རྣལ་འབྱོར་མའི་རྒྱུད་བླ་ན་མེད་པ་གསང་བའི་ཡང་ཤིན་དུ་གསང་བ་ལས་སྦྱིན་བསྲེག་གི་ཆོ་གའི་
ལེའུ་སྟེ་བརྒྱད་པའོ།། །། དེ་ནས་ཡང་དག་རབ་བཤད་པ། །སྤྱོད་ལེའུ་ཤིན་དུ་རྙེད་དཀའ་བ། །བུད་མེད་ཤིན་དུ་མཆོག་གྱུར་དང་། །རྣལ་འབྱོར་གང་གིས་སྤྱོད་ཀུན་བྱེད། །དངོས་གྲུབ་བརྒྱད་དང་ཡང་དག་ལྡན། །དེ་ནས་སྤྱོད་པ་ཡང་དག་བརྩམ། །
སེམས་ཅན་དངོས་གྲུབ་གང་གང་འདོད། །དེ་དེའི་དངོས་གྲུབ་རྟག་ཏུ་སྟེར། །ལག་པས་ཐོད་པ་གཟུང་བྱས་ཏེ། །གཅེར་བུ་སྐྲ་གྲོལ་གྱུར་པ་ཡི། །བརྟུལ་ཞུགས་ཅན་གྱིས་སྤྱོད་པས་འཁྱམ། །གང་དང་གང་ཚེ་དེ་ཚེ་དེར། །རྟག་ཏུ་སྤྱོད་པ་
ཐམས་ཅད་བྱ། །རྒྱན་རྣམས་ཀུན་ལས་རྣམ་གྲོལ་ཞིང་། །ནམ་མཁའ་དང་མཚུངས་གྱུར་པ་ཡི། །ཤེས་རབ་ཅན་གྱིས་ཁྱིམ་ཁྱིམ་དུ། །སློངས་མོ་བྱ་བར་ཐེ་ཚོམ་མེད། །ཡིད་དང་འཐུན་པ་ཀུན་བླངས་ན། །བསམ་གཏན་གནས་
སུ་ཐེ་ཚོམ་མེད། །དགའ་བའི་སེམས་ཀྱིས་བསམས་ནས་ནི། །རྣལ་འབྱོར་པ་ཡི་སློངས་མོ་བླང་། །ཆོས་ལ་གཞོལ་བའི་རྣལ་འབྱོར་པས། །ཐོད་པའི་སྟེང་དུ་གཞག་པ་ཡི། །རྫས་ནི་དེ་ནས་བཟའ་བར་བྱ། །རྫས་ནི་ཟོས་མ་ཐག་
ཏུ་ཡང་། །ཁྱིམ་ཁྱིམ་ཐལ་ཕུང་ཤིང་དྲུང་དང་། །གང་དུ་གང་ཚེ་དེར་དེའི་ཚེ། །གང་གིས་དགའ་བའི་སེམས་དེ་ཡིས། །བློ་གྲོས་ཆེན་པོ་གཉིད་ལོག་འཕྲེང་། །འདི་ལྟའི་སྤྱོད་པའི་སྦྱོར་བ་ཡིས། །ཕྱག་རྒྱ་ཆེན་པོ་ངས་པར་ཐོབ། །

87-1-145b

དེ་ལྟར་ཡང་རྒྱུད་ལས་གསུངས་པ། །གང་དུ་ཇི་ལྟར་དེར་དེ་ལྟར། །གང་གིས་དེ་ཡིས་སངས་རྒྱས་ཏེ། །རང་གི་རྣམ་རྟོག་དག་གིས་ཉམས། །མཐའ་དག་རང་བཞིན་རྣམ་པར་དག །སངས་རྒྱས་ཐོད་པ་ཞེས་བྱ་བ་རྣལ་འབྱོར་མའི་རྒྱུད་
བླ་ན་མེད་པ་གསང་བའི་ཡང་ཤིན་དུ་གསང་བ་ལས་སྤྱོད་པའི་ལེའུ་སྟེ་དགུ་པའོ།། །། དེ་ནས་ཡང་དག་རབ་བཤད་པ། །གཅིག་ཏུ་སེམས་ཅན་དོན་རབ་ངེས། །གསེར་དུ་ངེས་པར་བྱེད་པའི་ལེའུ། །སློབ་དཔོན་ལ་ནི་རབ་དང་
བས། །མུ་ཏིག་དང་ནི་ཉ་ཕྱིས་དང་། །དངུལ་ཆུ་དང་ནི་བྱི་རུ་ཡིས། །གང་གིས་སེམས་ཅན་ནོར་ལྡན་འགྱུར། །འདི་ནི་ཕྱི་ཡི་སྨན་མིན་ཏེ། །ཤུན་ལྤགས་ལོ་མ་མ་ཡིན་ཞིང་། །དངུལ་ཆུ་བཅུད་ལེན་མ་ཡིན་ཏེ། །མུ་ཟི་ལྷང་ཚེར་མ་ཡིན་
ཞིང་། །ལྕགས་དང་ཞ་ཉི་ཟངས་མ་ཡིན། །ལྕགས་གཞན་དག་ནི་མ་ཡིན་ཏེ། །གྲུབ་པའི་སྨན་གྱི་མཆོག་ཡིན་ནོ། །འདི་ལྟ་བུ་ཡི་ཚིག་ཐོས་ནས། །ཕྱག་ན་རྡོ་རྗེ་སྟོབས་པོ་ཆེས། །ཞབས་ཀྱི་རྡུལ་གྱི་ཆ་བཏུད་ནས། །
སེམས་དཔའ་གཅིག་ཏུ་དད་བརྟེན་པས། །ལྷ་མོ་ལེགས་སོ་ཞེས་ནི་སྨྲ། །སྨན་གྱི་མཆོག་ནི་གང་ཡིན་ཞིང་། །དངོས་གྲུབ་ཀྱང་ནི་ཇི་ལྟ་བུ། །གུས་པ་ཡིས་ནི་ཉན་པར་འཚལ། །ལྷ་མོ་ཆེན་མོ་ཁྱོད་ཀྱིས་གསུངས། །གྲུབ་པའི་
སྨན་གྱི་མཆོག་གང་ལགས། །གང་གིས་སེམས་ཅན་ནོར་ལྡན་འགྱུར། །ཚེ་འཕེལ་བ་ལ་བརྩོན་པ་གང་། །སྔོན་བསྙེན་ལྟོས་པ་མེད་པ་ཡིས། །སྨན་ཆེན་གྲགས་པས་འགྲུབ་པ་གང་། །གང་གིས་རྫས་རྣམས་མང་པོར་འགྱུར། །
མོ་ཤམ་བུ་དང་ལྡན་འགྱུར་གང་། །ཡང་དང་ཡང་དུ་མི་འཆི་ཞིང་། །ཤི་ནས་ཡང་དག་འཚོར་འགྱུར་བ། །ལྷ་མོ་ཆེན་མོ་ཁྱོད་ཀྱིས་གསུངས། །བཀའ་སྩལ་པ། ཁྱིམ་འདི་ཉིད་དུ་གནས་པ་ཡི། །སྨན་ཆེན་པོ་ཡིས་འགྲུབ་པ་
སྟེ། །དེ་ཡང་སྣོད་བཟང་མཆོག་ལ་འགྲུབ། །བྱིས་པ་རྨོངས་པས་མི་ཤེས་སོ། །བདག་དོན་གཅིག་པུ་ལ་འབབ་ཅིང་། །ཀྱེ་མ་གཅིག་ཏུ་དཀའ་འབད་པས། །ཇི་ལྟར་སེམས་ཅན་དོན་འགྲུབ་འགྱུར། །སྣོད་བཟང་ལ་

87-1-146a

ནི་གནས་པའི་བཅུད། །ཟེའུ་འབྲུ་གསང་བའི་སྤྱོད་ཡུལ་ཏེ། །རོ་བཅུད་རྩ་ཡི་ནང་གནས་པའི། །སྨན་ཆེན་རོ་བཅུད་མ་རུ་བརྗོད། །གང་གིས་ལྕགས་ནི་གསེར་འགྱུར་བ། །གཅིག་གིས་ཀྱང་ནི་གྲངས་མེད་འགྱུར། །
འདི་ལྟ་བུ་ཡི་སྨན་ཆེན་མཆོག །རོ་བཅུད་མ་ནི་དེ་བཞིན་གནས། །རབ་འབྱོར་ཆོ་ག་སྔོན་འགྲོ་བས། །སྨན་གྱི་མཆོག་ནི་འགྲུབ་པར་འགྱུར། །དེར་ནི་ཡང་དག་སྦྱོར་བ་བཤད། །དད་པ་བརྟེན་པ་ཡིས་ནི་ཉོན། །མེ་ཏོག་ལྡན་པའི་
བུད་མེད་གང་། །གཞོན་ནུ་ཁ་དོག་ནག་པོ་སྟེ། །རྒྱུད་འདི་ཐོས་པ་དང་ལྡན་ཞིང་། །ངོ་ཚ་མེད་ཅིང་ལྟོས་མེད་མ། །འདོད་པ་ཆུང་ཞིང་སེམས་ཅན་བརྩེ། །དེ་བཞིན་གཤེགས་པ་རྣམས་བསྟེན་ཅིང་། །རྟག་ཏུ་རབ་སྦས་བཙོག་
མེད་མ། །འདི་ལྟའི་བུད་མེད་རབ་བླངས་ཏེ། །སྨན་ཆེན་མཆོག་ནི་ཡང་དག་བརྩམ། །སྐྱེས་བུ་ཤིན་ཏུ་ཆགས་ཆེ་ཞིང་། །མྱུར་དུ་བྱང་ཆུབ་སེམས་འབབ་པ། །གང་ཡིན་དེ་ལ་དངོས་གྲུབ་མེད། །འདི་ལྟ་བུ་ཡི་སྨན་ཆེན་པོ། །
སངས་རྒྱས་ཀྱིས་ཀྱང་རབ་རྙེད་དཀའ། །ཤིན་དུ་བརྟན་པའི་སེམས་ཀྱིས་ནི། །བློ་ལྡན་བུད་མེད་དེ་རྣམས་བསྟན། །དེ་ལྟར་ཡང་ཞེས་གསུངས་པ། རབ་ཏུ་བརྟན་པ་གཙོ་བོའི་གནས། །ཞེས་ནི་སྒྲུབ་པ་པོ་རྣམས་སྨྲ། །དེ་ཕྱིར་
བརྟེན་པའི་སེམས་ཀྱིས་ནི། །སྣོད་བཟང་འབྲས་བུ་བསྐུལ་བར་བྱ། །དེར་ནི་མེ་ཏོག་ལྡན་བུད་མེད། །གསེར་གྱི་སྦྱོར་བ་རྙེད་དཀའ་བརྩམ། །གྲུབ་པའི་བཅུད་ཀྱིས་བྱུགས་པ་ཡི། །ཟླ་བ་རང་གི་སྙིང་ཁར་བསམ། །སྔོན་
དུ་རི་ཡི་རྒྱལ་པོས་བརྒྱན། །དེར་ནི་ཡི་གེ་ཧྲཱིཿས་བོན། །སེམས་ཅན་དོན་ལ་གཅིག་དུ་འབད། །བློ་ལྡན་དགོས་པ་ཡང་དག་བརྩམ། །ཟངས་མའི་དངོས་པོ་སྲང་གཅིག་བཅས། །ཟླུམ་པོ་སྣོད་བཟང་ལ་བཅུག་སྟེ། །གཡོན་
པ་བསྐུམ་པའི་གཡས་ཟུར་གཞག །མེད་ན་ལྕགས་ཀྱང་བྱ་བ་ཡིན། །བརྟན་པའི་སྦྱོར་བའི་སེམས་ཀྱིས་ནི། །དེ་ནས་བློ་ལྡན་ལས་རྣམས་བརྩམ། །རི་རབ་ཟླ་བ་ས་བོན་རྒྱལ། །ཞུ་འགྱུར་ཐེ་ཚོམ་མེད་པ་ཡིན། །
87-1-146b

སྣོད་བཟང་དེར་ནི་ངལ་བསོས་པས། །འབོ་བའི་སྦྱོར་བས་འཛག་པ་ཉིད། །བཟང་པོས་མྱུར་དུ་རབ་བླངས་ཏེ། །མཁས་པ་ཡིས་ནི་བྱུག་པར་བྱ། །རྡོག་པོ་བྱུགས་པ་ཙམ་གྱིས་ནི། །མེ་ཡི་ནང་དུ་གཞུག་བྱ་ཞིང་། །དེ་ནས་ཤེས་
རབ་ཅན་བལྟས་ན། །གསེར་དུ་འགྱུར་བ་ཐེ་ཚོམ་མེད། །དེ་ཡི་མ་ཤ་གཅིག་གིས་ནི། །སྲང་བརྒྱ་རུ་ནི་འགྱུར་བ་ཡིན། །དེ་ལྟར་གསེར་གྱི་སྦྱོར་བ་མཆོག །འཇིག་རྟེན་གསུམ་ནའང་རྙེད་པར་དཀའ། །གལ་ཏེ་སྨན་ཆེན་ཚད་མིན་ན། །དེ་ཚེ་
སངས་རྒྱས་ཚད་མ་ཡིན། །རྒྱུད་ཀྱི་རྒྱལ་པོ་ཆེན་པོ་འདིར། །དངོས་པོ་གང་དང་གང་གསུངས་པ། །སངས་རྒྱས་ཐོད་པའི་སྦྱོར་བ་ཡིས། །དེ་དག་ཐམས་ཅད་བདེན་པར་འགྱུར། །གང་ཞིག་འདི་ཚད་མིན་སྨྲ་བའི། །བློ་གྲོས་ཆེན་པོ་ཐོས་
ལྡན་པ། །ཇི་སྲིད་སངས་རྒྱས་བཞུགས་ཀྱི་བར། །དེ་དག་ཐམས་ཅད་དམྱལ་བར་འགྲོ། །སྨན་འདི་ཙམ་གྱིས་མ་གྲུབ་ན། །ཆོས་ཕུང་བརྒྱད་ཁྲི་བཞི་སྟོང་དང་། །བླ་མེད་རྣལ་འབྱོར་མ་རྣམས་ཀྱི། །དེ་དག་ཐམས་ཅད་བརྫུན་པར་འགྱུར། །
མཚམས་མེད་ལྔ་ནི་བྱེད་པ་དང་། །སེམས་ཅན་སངས་རྒྱས་ཆོས་ལ་འཚེ། །སྨན་གྱིས་མཆོག་ནི་འགྲུབ་འགྱུར་བ། །སྐད་ཅིག་དེ་ལ་ཐེ་ཚོམ་མེད། །སེམས་ཅན་དོན་ལ་གཅིག་ཏུ་འབད། །སྒོམ་ལྡན་འགྲུབ་པ་ལྟ་ཅི་སྨོས། །
སྨན་མཆོག་གསེར་དང་དངུལ་དུ་འགྱུར། །ཇི་སྲིད་སངས་རྒྱས་ཡེ་ཤེས་ཡོད། །མི་ནི་བསྐལ་པ་བྱེ་བར་འཚོ། །དེ་ནས་ཡང་དག་རབ་བཤད་པ། །མོ་ཤམ་རྣམས་ཀྱི་བུ་མེད་པ། །ཡང་དག་སྦྱོར་བས་བཀྲུས་ཙམ་གྱིས། །
སྐད་ཅིག་དེ་ལ་བུ་ལྡན་འགྱུར། །སྔོན་གྱི་གཙོ་བོས་ཇི་སྐད་གསུངས། །ཁྲུས་ཀྱི་ཆོ་ག་རབ་ཏུ་བཤད། །ཁ་དོག་ལྔ་ཡི་རྡུལ་ཚོན་ནམ། །ཡང་ན་རྡུལ་ཚོན་དཀར་པོ་ཡིས། །དཔག་དཀའ་སྐྲག་པར་བྱེད་པ་ཡི། །
དཀྱིལ་འཁོར་འཇིགས་པ་བྲི་བར་བྱ། །དེར་ནི་བུམ་པ་ལྟོ་ཆེ་བ། །ཟླུམ་པོ་བཞི་ནི་གཞག་པར་བྱ། །ཤེས་རབ་ཅན་གྱིས་ཆུ་ཡིས་དགང་། །རས་ཀྱིས་ཀྱང་ནི་དཀྲི་བར་བྱ། །རང་གི་ཁྲག་གིས་མཚན་མ་བྲི། །བུད་མེད་མོ་

87-1-147a

ཤམ་དེ་ཡི་ནི། །ཁམས་ཀྱི་གཙོ་བོ་བླངས་ནས་ནི། །མཁས་པས་བུམ་པའི་ཁ་ལ་བྱུག །དེ་ནས་ཁྲག་འཐུང་གོ་འཕང་ལ། །གནས་པ་བསྒོམ་པའི་མཆོག་ལྡན་པས། །ནག་པོ་དམར་མོ་འཇིགས་ཆེན་པོ། །
རྡོ་རྗེ་ཧཱུྃ་ལས་ཡང་དག་བྱུང་། །འཇིགས་པའི་མེ་ལྟར་འཇིགས་བྱེད་པ། །ཞལ་གཅིག་པ་ལ་ཕྱག་བཞི་པ། །བླ་མ་འཇིགས་པའི་གར་བྱེད་ཅིང་། །མཁས་པས་ཧཱུྃ་ནི་སྒྲོགས་བཞིན་པ། །བློ་ལྡན་བུམ་པའི་ནང་དུ་བསམ། །དེ་ནས་
རལ་གྲི་འཛིན་པ་ཡི། །སྐྱེས་པ་བཞི་པོ་གྲགས་ཆེན་པོ། །ཁྲོ་བོ་གཞན་གྱི་སེམས་དང་ལྡན། །འཇིགས་ཆེན་སྐྱེས་བུ་དེ་རྣམས་ཀྱིས། །རལ་གྲིས་ནམ་མཁར་བསྣུན་ཅིང་གསོད། །སངས་རྒྱས་ཐོད་པའི་སྦྱོར་བ་དང་། །འདི་ལྟ་བུ་ཡི་
སྦྱོར་ལྡན་པས། །དེ་བཞིན་དུ་ནི་བུད་མེད་བཀྲུ། །སྐད་ཅིག་དེ་ལ་བཀྲུས་ཙམ་གྱིས། །བུད་མེད་བུ་དང་ལྡན་པར་འགྱུར། །སངས་རྒྱས་ཐོད་པ་ཞེས་བྱ་བ་རྣལ་འབྱོར་མའི་རྒྱུད་བླ་ན་མེད་པ་གསང་བའི་ཡང་ཤིན་དུ་གསང་བ་ལས་སྨན་
ཆེན་པོ་ཁྱད་པར་ཅན་དང་། མོ་ཤམ་གྱི་ཁྲུས་ཀྱི་ཆོ་གའི་ལེའུ་སྟེ་བཅུ་པའོ།། །། དེ་ནས་ཡང་དག་རབ་བཤད་པ། །མཁའ་ལྡིང་སྦྱོར་ལས་བྱུང་བའི་ལེའུ། །སྔོན་དུ་གསུངས་པའི་ཆོ་ག་ཡིས། །
མཁས་པས་དཀྱིལ་འཁོར་བྲི་བར་བྱ། །བློ་ལྡན་ཧེ་རུ་ཀ་དང་ནི། །ཀུན་ནས་རྣལ་འབྱོར་མ་བརྒྱད་བསྐྱེད། །མཚན་མ་ཕྱག་སོགས་སྔོན་གསུངས་བཞིན། །ཁ་དོག་དཀར་པོ་འབའ་ཞིག་ཉིད། །ཕྱོགས་ཀྱི་རྣལ་འབྱོར་མ་དཀར་
ཞིང་། །མཚམས་ཀྱི་དམར་པོ་ཉིད་ཡིན་ནོ། །སྔོན་དུ་གསུངས་པའི་ཆོ་ག་ཡིས། །མཁས་པས་དཀྱིལ་འཁོར་བྱིན་གྱིས་བརླབ། །བུམ་པ་རྣམ་པ་བཞི་པོ་ལ། །སྔོན་གསུངས་ཕྱག་མཚན་བྲི་བར་བྱ། །རིག་པ་འཛིན་པའི་
སྦྱོར་བ་ཡིས། །ཕྱིས་ནི་སློབ་མ་རྗེས་སུ་གཟུང་། །སྔོན་གྱི་ཆོ་གས་གསོལ་བཏབ་སྟེ། །སྦྱིན་དང་ཚོགས་ཀྱི་འཁོར་ལོ་དང་། །དེ་ནས་དཀྱིལ་འཁོར་མཆོད་པར་བྱ། །སླར་ཡང་གསང་སྔགས་འདི་ཡིས་ནི། །སློབ་མ་རྗེས་སུ་

87-1-147b

གཟུང་བར་བྱ། །ས་སྟེངས་ན་ནི་དུས་ཟིན་ལ། །ཅུང་ཟད་གསོ་བར་མི་ནུས་ཏེ། །ནམ་མཁའ་ལྡིང་ཅན་གྱིས་བཏང་ཞིང་། །དུས་སུ་ཟིན་ཅེས་སྨྲ་བ་ནི། །སངས་རྒྱས་ཐོད་པའི་རྣལ་འབྱོར་པ། །བློ་ལྡན་དེ་ནས་ལས་བརྩམ་མོ། །བདག་ཉིད་ཧེ་རུ་ཀར་
གྱུར་ཅིང་། །ཀུན་ནས་རྣལ་འབྱོར་མ་བརྒྱད་དེ། །དེ་ཀུན་སྐུ་ནི་དཀར་པོ་རུ། །ཆོ་ག་བཞིན་དུ་སྦྱར་བར་བྱ། །འབྲས་བཏགས་རང་བཞིན་བླངས་ནས་ནི། །རིག་པ་འཛིན་པ་གཉིས་བྱའོ། །ཤིན་དུ་མཉམ་པར་གཞག་པ་ཡིས། །དེ་ཡི་ལག་
པར་རལ་གྲི་སྦྱིན། །དེ་ཡི་སྙིང་ཀར་སྔགས་བཞུགས་པ། །འདབ་མ་གང་དང་གང་དེ་ལ། །མར་ཁུ་ཆེ་བྱས་སྣག་ཚ་དང་། །མཁས་པས་སྔགས་ནི་བྲི་བར་བྱ། །ཨོཾ་བུདྡྷ་ཀ་པཱ་ལེ་ནི་ཧྲཱིཿ་ཨོཾ་ཀ་པཱ་ལ་ནི་བཛྲི་ཎི་ཨ། བི་དྷྭན་ས་ཡ་སརྦྦ་ནཱ་ག་ན་
ཨུ་ད་པ་ཡ་དྱ་དྷ་ར་ནི། བི་བྷ་བ་ཡ་ཀ་ལ་ད་ཤ་ན། བྷོ་བྷོ་བྷ་ག་བ་ཏི། བུདྷ་ཀ་པཱ་ལ་ནི།  སརྦྦཱ་ན་ཎ་ཀྵ་ཡྃ་ཀ་རཱི་ཧ་ཧ་ཧ་སྭཱ་ཧཱ། རིག་པ་འཛིན་པའི་སྔགས་སོ། །དེ་ལྟར་ཡོངས་སུ་རྫོགས་ནས་ནི། །འདབ་མ་སྙིང་ཁར་གཞུག་པར་བྱ། །གསང་
སྔགས་འདི་དང་ལྕུག་མ་ཡིས། །ལན་བདུན་བར་དུ་སྤྱན་དྲང་ངོ་། །ཨོཾ་བུདྡྷ་ཀ་པཱ་ལ་ནི་གྷ་ཊ་གྷ་ཊ། གྷ་ཌ་གྷ་ཌ་ཧྲི་ཧྲི་ཧཿཧཿ ཧེ་ཧེཿཧྃ། ལན་བདུན་བསྔགས་པ་ཙམ་གྱིས་ནི། །རིག་པ་འཛིན་པ་རྣམ་པ་གཉིས། །བར་སྣང་དུ་ནི་ལྡིང་
འགྱུར་ཏེ། །གཅིག་ནི་དུམ་བུ་དུམ་བུ་རུ། །ས་ལ་ལྟུང་བ་རུ་ནི་འགྱུར། །དུས་ཟིན་འདིར་ལངས་ཐེ་ཚོམ་མེད། །གཞན་ཡང་སྦྱོར་བ་རྙེད་དཀའ་གང་། །པད་སྟེགས་ལ་སོགས་བཅྭ་ལྔ་པོ། །གླེགས་བམ་ལ་ནི་བྲི་མ་བྱས། །བླ་མའི་
དྲིན་ལས་ཤེས་པར་བྱ། །སངས་རྒྱས་ཐོད་པ་ཞེས་བྱ་བའི་རྒྱུད་རྣལ་འབྱོར་མའི་བླ་ན་མེད་པ་གསང་བའི་ཡང་ཤིན་དུ་གསང་བ་ལས་རིག་པ་འཛིན་པའི་སྦྱོར་བའི་མན་ངག་ངེས་པའི་ལེའུ་སྟེ།  བཅུ་གཅིག་པའོ།། །། དེ་ནས་ཕྱག་ན་རྡོ་རྗེས་
རྣལ་འབྱོར་མ་སྣ་ཚོགས་སྡེ་མ་ལ་ཡང་དང་ཡང་དུ་ཕྱག་འཚལ་ཏེ། འདི་སྐད་ཅེས་གསོལ་ཏོ། །རྣལ་འབྱོར་མ་ཡི་གཙོར་གྱུར་པ། །ཤེས་རབ་ཆེན་པོའི་ལྷ་མོ་ལེགས། །ཁྱོད་ཀྱིས་གསུངས་པའི་སྦྱོར་བ་གང་། །འཇིག་རྟེན་ནའང་

87-1-148a

རྙེད་པར་དཀའ། །བདག་གིས་རྒྱུད་ཀུན་མཐོང་མོད་ཀྱི། །སྦྱོར་བ་འདི་དག་རྙེད་པར་དཀའ། །རྒྱུད་འདིར་ཁྱོད་ཀྱིས་གང་གསུངས་པ། །སངས་རྒྱས་ཀུན་གྱིས་མ་བཤད་དོ། །ཨེ་མའོ་སེམས་ཅན་དོན་ལ་བརྩོན། །
ཨེ་མའོ་སངས་རྒྱས་ཀུན་སྐྱེད་མ། །ཨེ་མའོ་ཕྱག་རྒྱ་ཆེ་ལ་བརྩོན། །སྔགས་རྣམས་ཀུན་གྱི་རབ་འབྱོར་མ། །ཤིན་དུ་རྙེད་དཀའ་གང་ཡིན་དེས། །རྣལ་འབྱོར་པ་གང་ངོ་མཚར་བ། །སྣ་ཚོགས་བྱེད་འགྱུར་ལྷ་མོ་གསུངས། །དང་པོའི་ལེའུ་
གང་གང་གསུངས། །སྦྱོར་དེ་ལྷ་མོས་བདག་ལ་ཤོད། །འདི་ལྟ་བུ་ཡི་ཚིག་གསན་ནས། །རྣལ་འབྱོར་མ་ནི་སྣ་ཚོགས་སྡེ། །བཞད་ཅིང་ཤིན་དུ་བཞད་པ་ཡིས། །ལྷ་རྣམས་ཐམས་ཅད་སྐྲག་པ་དང་། །བདུད་སྡེ་ཐམས་ཅད་འབྲོས་པ་
དང་། །བགེགས་རྣམས་ཐམས་ཅད་འཇིག་པར་འགྱུར། །ཨེ་མའོ་བཞད་པའི་ངེས་པ་ཡིས། །རྒྱལ་བའི་མཆོག་ཀུན་ངོ་མཚར་རོ། །གསུངས་པ། རྒྱལ་མཚན་འཕྱང་བ་བླང་བྱས་ལ། །དེ་ཡི་ཤ་ཡང་བླང་བྱ་ཞིང་། །དེ་ཡི་སྐད་
ཆའི་རུས་པ་ནི། །བླངས་ནས་ཐབ་ཁུང་དུ་ནི་བྱ། །དེ་ཡི་ཐོད་པའི་རྗེས་བཟུང་སྟེ། །རྒྱུས་པ་སྡོང་བུར་བྱས་ཏེ་གཞག །དེ་ཡི་མར་ཁུས་དགང་བྱ་ཞིང་། །ཐབ་ཁུང་གྲུ་གསུམ་སྟེང་དུ་གཞག །གཞན་ཡང་དུད་པ་འབེབས་པ་དང་། །
ཇི་སྲིད་དུད་པ་ཆགས་ཀྱི་བར། །སངས་རྒྱས་ཐོད་པའི་རྣལ་འབྱོར་པས། །གསང་སྔགས་འདི་ནི་བཟླས་པར་བྱ། །ཨོཾ་བུདྡྷ་ཀ་པཱ་ལི་ནི་བྷ་ར་བྷ་ར། དྷ་དྷ་ར། དྷ་དྷ་ར། དྷ་ར་པ་ཡ་དྷ་ར་པ་ཡ། ཤོ་ཥ་ཡ། ཤོ་ཥ་ཡ། ཏ་པ་ཡ་ཏ་པ་
ཡ། ཏྲཱྃ་ཏྲཱྃ་མྃ་སྃ་ར་དྷཱྃ་ཀུ་རུ་ཀུ་རུ་བྷོ་བྷ་ག་བ་ཏེ་བུདྡྷ་ཀ་པཱ་ལ་སྱ་ཛྙཱ་མ་ལྃ་གྷ་ཡ་ཤཱི་གྷྲྃ་ཀ་ཛ་ལ་པ་ཏྃ། པ་ཏ་ཡ་པ་ཏ་ཡ། ཏྲཱྃ་ཏྲཱྃ་ཨ་ཧཱུྃ་སྟམ་བྷ་ཡ་བྷ་བ།  བ་ཏི་ཧཱུཾ་ཕཊ། འདི་ལྟར་སྔགས་ཀྱི་རྒྱལ་པོ་ཡིས། །འཇིག་རྟེན་གསུམ་
ཡང་སྐེམས་པར་བྱེད། །འབྱུང་པོ་རོ་ལངས་མཁའ་འགྲོ་མ། །སྲིན་པོ་ཤ་ཟ་ལ་སོགས་དང་། །གཞན་ཡང་རུང་སྟེ་བགེགས་དེ་རྣམས། །ཐོས་པ་ཙམ་གྱིས་འབྲོས་པར་འགྱུར། །ཇི་སྲིད་དུད་པ་མ་བབས་པ། །དེ་སྲིད་སྔགས་ནི་བཟླ་

87-1-148b

བར་བྱ། །དུད་པ་བབས་མ་ཐག་ཏུ་ནི། །ལག་པ་གཉི་གས་བཟུང་བར་བྱ། །དེ་ནས་བློ་ཆེན་རྣལ་འབྱོར་པས། །རོལ་རྩེད་ཕྲེང་བ་བཏུང་བར་བྱ། །བུ་མོ་ལོ་ནི་བཅུ་དྲུག་མ། །ལང་ཚོའི་གཟུགས་ལ་བརྩེ་བ་ཅན། །འདི་ནི་རྣལ་
འབྱོར་པ་ཡིས་སྤྱད། །གཅིག་ཏུ་སེམས་ཅན་དོན་འབད་པ། །གཅེར་བུ་སྐྲ་གྲོལ་གྱུར་པ་ཡི། །མཁས་པས་ཧེ་ཧའི་སྔགས་བཏོན་ཏེ། །རོལ་རྩེད་ཕྲེང་མ་བཏུང་བར་བྱ། །དེ་ཡི་རྗེས་ལ་རྩེ་འཇོ་བརྩམ། །ཤིན་དུ་བཞད་གྱུར་ཕེད་
མཛད་པའི། །བརྩེ་བ་ཆེན་པོའི་ལག་གཡོན་དུ། །དུད་ཆེན་མཆོག་ནི་གཞག་པར་བྱ། །སྦྱོར་བ་ལ་ནི་མཁས་པ་ཡིས། །ཕྱིས་ནི་བགས་ཀྱིས་བྱ་བ་བྱ། །པད་མ་ལས་བྱུང་རྫས་གང་ཞིག །དེ་ཉིད་ཀྱིས་ནི་དུད་པ་མཉེ། །མིང་
མེད་མཐེ་བོས་མེ་ཏོག་སྦྱིན། །རིལ་བུ་བརྒྱ་དང་རྩ་བརྒྱད་བྱ། །རིལ་བུ་རེ་རེ་རེ་རེ་ལ། །གསང་སྔགས་བརྒྱ་དང་རྩ་བརྒྱད་བཟླ། །ཨོཾ་བུདྡྷ་ཀ་པཱ་ལི་ནི་ཏྲཱྃ་ཧྲཱིཿཧཱུྃ་ཕཊ། འཇིག་རྟེན་གསུམ་ན་རྙེད་དཀའ་ཞིང་། །རྒྱུད་རྣམས་ཀུན་དུ་རྙེད་
དཀའ་བ། །རྣལ་འབྱོར་མས་ཀྱང་རྙེད་དཀའ་བའི། །སྔགས་འདི་ཡིས་ནི་དུད་པ་བསྒྲུབ། །སྲིན་ལག་གི་ནི་སོར་མོ་ཡིས། །མིག་ལ་དུད་པ་བྱུགས་ཙམ་གྱིས། །སྟོང་གསུམ་རྡུལ་ཕྲན་ལྟ་བུ་ཡི། །སངས་རྒྱས་ཐམས་ཅད་
མཐོང་བར་འགྱུར། །དཔག་ཚད་འབུམ་ཕྲག་བརྒྱད་བཅུ་ཡི། །སྟེང་དང་འོག་ནི་མཐོང་བར་འགྱུར། །ལག་པ་གཡོན་པས་མཉེས་ཙམ་གྱིས། །སྐད་ཅིག་དེ་ལ་རྣལ་མར་འགྱུར། །མཛུབ་མོས་བྱུགས་པ་ཙམ་གྱིས་ནི། །རྒྱུ་དང་
མི་རྒྱུ་མཐོང་འགྱུར་ཏེ། །འབྱུང་པོ་ཡི་དགས་ཤ་ཟ་དང་། །གཞན་ཡང་གྲུབ་པ་རྣམས་དང་ནི། །དཔག་ཚད་བྱེ་བ་སྟོང་ཕྲག་གི། སྟེང་དང་འོག་ནི་མཐོང་བར་འགྱུར། །ལག་པ་གཡོན་པས་མཉེས་ཙམ་གྱིས། །རྣལ་མར་འགྱུར་
བར་ཐེ་ཚོམ་མེད། །གུང་མོས་བྱུགས་པ་ཙམ་གྱིས་ནི། །ཤིན་དུ་ངོ་མཚར་བྱེད་འགྱུར་ཏེ། །ཕེག་བརྡབས་བདུན་གྱི་སྒྲ་ཚད་དུ། །ནག་པོ་འབར་བྱེད་རྩེ་མོ་ཡིས། །སྤྲིན་རྣམས་ཐམས་ཅད་འཐོར་བར་འགྱུར། །འདི་ལྟའི་དུད་པ་

87-1-149a

རྙེད་པར་དཀའ། །ལག་པ་གཡོན་པས་མཉེས་ཙམ་གྱིས། །སྐད་ཅིག་དེ་ལ་མི་རུ་འགྱུར། །མཐེ་བོང་གིས་ནི་དུད་པ་ཡི། །བདག་ཉིད་ཆེན་པོ་བྱུགས་ཙམ་གྱིས། །གཟུགས་བརྙེན་མཚན་མ་རི་དང་ཤིང་། །གཞན་
དག་གང་ཡང་རུང་བ་རྣམས། །ཁྲོ་བོའི་ལྟ་བས་བལྟས་ཙམ་གྱིས། །དུམ་བུ་སྟོང་དུ་འགྱུར་བ་ཡིན། །གཡོན་པས་མཉེས་པ་ཙམ་གྱིས་ནི། །རྣལ་མར་འགྱུར་བར་ཐེ་ཚོམ་མེད། །མཐེའུ་ཆུང་གིས་ནི་མིག་བྱུགས་ན། །སྐད་
ཅིག་དེ་ལ་མི་སྣང་འགྱུར། །སངས་རྒྱས་ཀྱིས་ཀྱང་གཟིགས་མི་འགྱུར། །སྐད་ཅིག་སུམ་བཅུ་གསུམ་དུ་འཁོར། །མཛོད་དང་བུད་མེད་རྫས་ཉིད་དང་། །དངོས་པོ་གང་དང་གང་འདོད་པ། །དུད་པའི་བདག་ཉིད་ཆེན་པོ་ཡིས། །སྐད་
ཅིག་དེ་ལ་འཕྲོག་པར་འགྱུར། །འདི་ལྟ་བུ་ཡི་དུད་མཆོག་གི། སྦྱོར་བ་སྣ་ཚོགས་ལེགས་པར་བཤད། །དེ་ནི་མིག་ལ་བྱུགས་ཙམ་གྱིས། །རང་གི་གཟུགས་ནི་བསྒྱུར་བར་བྱེད། །དུད་པ་འདི་ནི་བྱུགས་ཙམ་གྱིས། །རིག་
པ་འཛིན་པའི་གཙོ་བོར་འགྱུར། །བྱ་རོག་འུག་པ་བྱ་རྒོད་དང་། །སྦྲུལ་དང་ཁྱི་དང་ལྕེ་སྤྱང་དང་། །སྟག་དང་གུང་དང་བྱི་ལ་དང་། །སྦྲང་བུ་གླང་པོ་བོང་བུ་རུ། །དེ་ལྟར་དུད་པ་ཆེན་པོ་ཡིས། །སྣ་ཚོགས་པ་ཡི་ལས་བྱེད་པའོ། །ཀུན་
ལ་ལས་ཀུན་ཡོད་མོད་ཀྱི། །སྦྱོར་བ་འབའ་ཤིག་རྙེད་པར་དཀའ། །སྦྱོར་བ་གླེགས་བམ་ལ་མ་བྲིས། །བླ་མའི་ཞལ་ནས་ཤེས་པར་བྱ། །དེ་ནས་ཡང་དག་རབ་བཤད་དེ། །སྦྱོར་བ་ཤིན་དུ་རྙེད་དཀའ་བ། །སྔགས་དང་
རུས་པའི་སྦྱོར་བ་ཡིས། །རྟག་ཏུ་སྣ་ཚོགས་ལས་བྱེད་དོ། །གླང་པོའི་རུས་པས་བསད་པའི་སྦྱོར་བ་བྱའོ། །ཨོཾ་བུདྡྷ་ཀ་པཱ་ལི་ནཱི་ཧྲཱིཿཧཱུྃ། རྟ་ཡི་རུས་པས་བསྐྲད་པ་རྙེད་པར་དཀའ་བ་བྱའོ། །ཨོཾ་བུདྡྷ་ཀ་པཱ་ལི་ནཱི་ཁྃ་ཧྲཱིཿ
ཧཱུྃ་ཕཊ། བ་ལང་གི་རུས་པས་དགྲའི་སྙིང་ཀར་ཕུར་བུ་གདབ་པར་བྱའོ། །ཨོཾ་བུདྡྷ་ཀ་པཱ་ལི་ནཱི་ཏྲཱྃ་ཧྲཱིཿ ཁྱིའི་རུས་པས་རེངས་པ་ཆེན་པོ་བྱ་བར་གསུངས་སོ། །ཨོཾ་བུདྡྷ་ཀ་པཱ་ལི་ནཱི་ཨཱཿཧཱུྃ་ཕཊ། རུས་པ་ཆེན་པོས་ནི་

87-1-149b

དགུག་པར་བྱའོ། །ཨོཾ་བུདྡྷ་ཀ་པཱ་ལ་ནཱི་ཧྲཱི་བཽ་ཥཊ། བོང་བུའི་རུས་པས་རྨོངས་པར་བྱའོ། །ཨོཾ་བུདྡྷ་ཀ་པཱ་ལི་ནཱི་བྲུྃ་ཧཱུྃ། འུག་པའི་རུས་པས་དབང་དུ་བྱའོ། །ཨོཾ་བུདྡྷ་ཀ་པཱ་ལི་ནཱི་ཏྲཱྃ་ཧྲཱིཿཿཧཱུྃ། བྱ་རྒོད་ཀྱི་རུས་པས་དབྱེ་
བར་བྱའོ། །ཨོཾ་བུདྡྷ་ཀ་པཱ་ལི་ནཱི་ཧཱཿཕཊ་ཧཱུྃ། བོང་བུའི་རུས་པས་རེངས་པར་བྱའོ། །ཨོཾ་བུདྡྷ་ཀ་པཱ་ལི་ནཱི་བཛྲི་ལྕེ་སྤྱང་གི་རུས་པས་གཡུལ་ལས་རྒྱལ་བར་བྱེད་དོ། །ཨོཾ་བུདྡྷ་ཀ་པཱ་ལི་ནཱི་བྷ་ག་བ་ཏི་དྷ་ར་དྷ་ར་ཧ་ཧེ་ཧོ་
ཧ་ཧ། མ་ཧེའི་རུས་པས་དགའ་ཞིང་རྩེ་བས་ལོ་བཅུ་གཉིས་སུ་ཉིན་དང་མཚན་དུ་དེའི་བྱང་ཆུབ་སེམས་མི་ལྟུང་ངོ་། །ཨོཾ་བུདྡྷ་ཀ་པཱ་ལི་ནཱི་ར་མ་ར་མ་ཀྲི་ཊ་ཀྲི་ཊ་ཧ་ཧ། སྦྲུལ་གྱི་རུས་པས་ཤིང་རྩད་ནས་འདོན་ནོ། །ཨོཾ་བུདྡྷ་ཀ་
པཱ་ལི་ནཱི་ཏ་ཊ་ཏ་ཊ། ཏྲ་ཏ་ཡ་ཏྲ་ཏ་ཡ། མ་ཏ་སྥོ་ཊ་ཡ་སྤོ་ཊ་ཡ་ཨུདྤ་ཊ་ཡ་ཧཱུྃ་ཕཊ། སྟག་གི་རུས་པས་རི་འདེགས་པར་བྱེད་དོ། །ཨོཾ་བུདྡྷ་ཀ་པཱ་ལི་ནཱི། གྷ་ར་གྷ་ར། མ་ཊ་མ་ཊ་ཏྲ་ཊ་ཡ་ཏྲ་ཊ་ཡ། གྷ་ཊཱ་པ་ཡ་གྷ་ཊཱ་པ་ཡ། སྥོ་ཊ་
སྥོ་ཊ་མོ་ཊ་མོ་ཊ་ཡ་སྃ་ཀྲ་མ་ཡ་ཧྲཱིཿ  ཧཱུྃ་ཏྲྃ་ཕཊ། ལྕགས་ཀྱུས་ནི་ནགས་སྟུག་པོ་སྟོང་པར་བྱེད་དོ། །ཨོཾ་བུདྡྷ་ཀ་པཱ་ལི་ནཱི་བཛྲེ་ནཱ་ཤ་ཡ་མཱ་ར་ཡ་གྷུ་ཊ་གྷུ་ཊི་ནི་སརྦྦ་བི་ན་ཡ་ཏི་ན་ཧྲི་ཡེ་ཡྃ་ཏ་ཌ་ཡ་བྷི་ཏྲཱ་པ་ཡ་ཙ་མྃ་ཙ་མྃ། བྷྲ་མ་ཡ་བྷྲ་མ་
ཡ། བྷོ་བྷ་ག་བ་ཏི་ཨྃ་ཨྃ་ཏཊ་ཧཱུྃ་ཕཊ། སེམས་གཅིག་དྲི་མེད་མེ་ལོང་བཞིན། །གང་བསམས་དེ་ཡང་གཟུགས་བརྙན་དང་། །རྨྱི་ལམ་ལྟ་བུར་ཤེས་མོད་ཀྱི། །འོན་ཀྱང་རྣམ་པར་རྟོག་པས་བཟུང་། །སངས་
རྒྱས་ཐོད་པ་ཞེས་བྱ་བའི་རྣལ་འབྱོར་མའི་རྒྱུད་བླ་ན་མེད་པའི་གསང་བའི་ཡང་ཤིན་དུ་གསང་བ་ལས་སྔགས་སྣ་ཚོགས་ཀྱི་རབ་ཏུ་སྦྱོར་བའི་ལེའུ་སྟེ།   བཅུ་གཉིས་པའོ།། །། དེ་ནས་ཡང་དག་རབ་བཤད་པ། །རྣམ་
དག་ལེའུ་རབ་རྙེད་དཀའ། །ནེ་ནེ་མོ་དང་ཚ་མོ་དང་། །མ་དང་བུ་མོ་ཆུང་མ་ཉིད། །གལ་ཏེ་ཕྱག་རྒྱ་ཆེ་འདོད་ན། །ཤེས་རབ་ཅན་གྱིས་འདི་དག་སྤྱད། །གཡུང་མོ་དང་ནི་གར་མཁན་མ། །ཁྲུས་མཁན་མ་དང་གཏུམ་མོ་ཡི། །བུ་མོ་

87-1-150a

ཀོ་བ་བྱེད་པར་གསུངས། །བློ་དང་ལྡན་པས་འདི་དག་སྤྱད། །དེ་ལྔ་རྣལ་འབྱོར་མ་ཡི་མཆོག །དེ་ནས་ཡང་དག་རབ་བཤད་པ། །མ་དག་པ་ཡི་སེམས་སྦྱང་ཕྱིར། །མིག་ནི་སྲིང་མོར་གྱུར་པ་སྟེ། །རྣ་བ་ཚ་མོ་ཉིད་ཡིན་
ནོ། །སྣ་ནི་མ་རུ་འགྱུར་བ་སྟེ། །ལྕེ་ནི་བུ་མོ་ཉིད་ཡིན་ནོ། །ཡིད་ནི་ཆུང་མར་འགྱུར་བ་སྟེ། །ལྔ་པོ་དེ་རྣམས་མཆོག་ལྷ་མོ། །ཕྱག་རྒྱ་ཆེན་པོ་རབ་སྟེར་མའོ། །གཏི་མུག་གར་མཁན་མ་རུ་འགྱུར། །ཞེ་སྡང་གཡུང་མོ་ཉིད་ཡིན་ནོ། །
འདོད་ཆགས་ཁྲུས་མཁན་མ་ཡིན་ཏེ། །ང་རྒྱལ་གཏུམ་མོ་ཉིད་ཡིན་ནོ། །ཕྲག་དོག་ཀོ་བ་བྱེད་མའོ། །ལྔ་པོ་དེ་རྣམས་བུད་མེད་མཆོག །གཟུགས་ལས་གཏི་མུག་སྐྱེ་བ་སྟེ། །སྒྲ་ལས་ཞེ་སྡང་སྐྱེ་བ་ཡིན། །དྲི་ལ་ལོངས་སྤྱད་
པས་འདོད་ཆགས། །རོ་ལས་ང་རྒྱལ་ཉིད་ཡིན་ཏེ། །རེག་བྱ་ལས་ནི་ཕྲག་དོག་སྐྱེ། །སེམས་ཀྱི་དག་པ་ཉིད་ཡིན་ནོ། །དེ་ཕྱིར་རྣལ་འབྱོར་བློ་ཆེན་གྱིས། །ཤིན་དུ་སྦྱོར་བའི་སེམས་ཀྱིས་ནི། །སྐྱེས་འདིར་དངོས་གྲུབ་མ་ཐོབ་ཀྱང་། །
སྐྱེ་གཞན་སྲིད་པར་དངོས་གྲུབ་འཐོབ། །ཇི་ལྟར་དངོས་པོ་མེད་པར་བསྒོམ། །ཇི་ལྟར་དངོས་པོ་བསྒོམ་པར་བྱ། །དངོས་པོ་སྒོམ་བྱ་ཇི་ལྟར་འགྱུར། །སྲིང་མོའི་གཟུགས་ནི་ཇི་ལྟར་ཡིན། །དཀར་མོ་ལྗང་ཁུ་སྔོན་མོའི་མདོག །འདི་
ལྟའི་གཟུགས་དང་ལྡན་པར་ནི། །དག་པའི་སེམས་ཀྱིས་བལྟ་མི་བྱ། །ཚ་མོས་ཇི་ལྟར་སྒྲ་ཐོས་པའི། །སྒྲ་གྲག་པ་ནི་རྣམ་གསུམ་ཉིད། །འདི་ལྟའི་སྦྱོར་དང་ལྡན་པར་ནི། །དག་པའི་སེམས་ཀྱིས་མཉན་མི་བྱ། །རབ་སྦས་སྐྱེད་མ་
གང་ཡིན་དེས། །དྲི་ནི་རྣམ་པ་གསུམ་བལྟས་པ། །ལྟ་མིན་ཡིད་དང་ལྡན་པ་ལ། །ཇི་ལྟར་འདོད་ཆགས་སྐྱེ་བར་འགྱུར། །ལྕེ་དང་ལྷན་ཅིག་ལོངས་སྤྱོད་རྫས། །རོ་དྲུག་མྱངས་བ་ཅི་འདྲ་བ། །མྱངས་བས་ལོངས་སྤྱོད་ལྡན་པ་ཡི། །
མྱངས་པའི་གཟུགས་ནི་ཇི་ལྟ་བུ། །ཡིད་ཀྱིས་ལོངས་སྤྱོད་དགའ་བདེ་ཉིད། །ཡིད་ཀྱིས་གཉི་ག་སྤྱད་པས་བདེ། །དེར་ནི་རྟག་པ་ཡོད་མ་ཡིན། །དངོས་པོ་ལས་ནི་དངོས་མེད་ཡོད། །དངོས་མེད་ལ་ཡང་དངོས་པོ་ཉིད། །དངོས་

87-1-150b

དང་དངོས་མེད་གཉི་ག་སྟོང་། །འདི་དག་སེམས་ཀྱི་དག་པ་ཉིད། །དེ་ནས་གཞན་ཡང་རབ་བཤད་པ། །ཕྱི་ཡི་ལུས་ནི་སྦྱང་ཕྱར་རོ། །ལྟ་དང་ལྡན་པ་སྙིང་རྗེ་སྟེ། །འཁྱུད་པ་བྱམས་པར་འགྱུར་བའོ། །དྲུད་པའི་སྦྱོར་བའི་བདག་ཉིད་ནི། །
དགའ་བ་ཡན་ལག་མ་ཡི་མཆོག །གཉི་ག་འདུས་ལས་གང་འཛག་པ། །དེ་ནི་བདག་གིས་བཏང་སྙོམས་གསུངས། །དེ་ལྟར་དངོས་པོའི་སྦྱོར་ལྡན་པ། །ཇི་ལྟར་འདོད་ཆགས་ཀྱིས་འཆིང་འགྱུར། །མཐོང་བ་ལས་ནི་འདོད་ཆགས་སྐྱེ། །
འཁྱུད་ལས་འབྲས་བུ་ཅུང་ཟད་ཙམ། །དྲུད་པ་ལས་ནི་དགའ་བ་སྐྱེ། །ཀུན་གྱི་མཐའ་མར་དགའ་བྲལ་ལོ། །དེ་ལྟར་དགའ་དང་དགའ་བྲལ་འབྲས། །ཁམས་གསུམ་པ་ལས་སྐྱེ་བར་འགྱུར། །རབ་དགའ་སེམས་ཀྱི་
སྦྱོར་བ་ཡིས། །དངོས་པོ་གསུམ་གྱིས་འཆིང་མི་འགྱུར། །བཟའ་དང་བཏུང་བ་གང་ཅིའང་རུང་། །བདེ་བ་འབབ་པའི་ཁ་ཟས་རྣམས། །དེ་ཀུན་བཤང་དང་གཅི་སོགས་སུ། །རྣལ་འབྱོར་རིག་པས་རྟག་ཏུ་བརྟག །གང་ཅི་རུང་
བའི་དགའ་རྩེ་འཇོ། །འཁྱུད་པ་དང་ནི་འོ་བྱེད་དང་། །ཉེད་དང་འཚིར་བ་ཉིད་ཀྱིས་ནི། །ཕྱག་རྒྱ་ཆེན་པོའང་མཐོང་བར་འགྱུར། །འདི་ལྟའི་བསྒོམ་དང་ལྡན་པས་ནི། །འདི་རུ་འགྲུབ་པར་ཐེ་ཚོམ་མེད། །རྣལ་འབྱོར་མ་ལྔས་སངས་རྒྱས་
ཀྱི། །དཔལ་དང་ཕྱག་རྒྱ་ཆེར་སྟེར་བྱེད། །རྣལ་འབྱོར་པ་ཡིས་དེ་མཆོད་ན། །འདོད་པ་རྣམས་ཀྱིས་གོས་མི་འགྱུར། །ཕྲག་དོག་ལ་སོགས་ཀྱིས་སྦགས་ཀྱང་། །དེ་ལ་ཉེས་པས་གནོད་པ་མེད། །རྣལ་འབྱོར་པ་ཡི་མཆོག་དེ་ཉིད། །
སྲིད་པའི་ཉེས་པས་གོས་མི་འགྱུར། །ཇི་སྲིད་ཁམས་ནི་ཕྱི་མི་གསོར། །སངས་རྒྱས་སྐུ་སྲིད་སྡིག་དང་བྲལ། །བྱང་ཆུབ་སེམས་ནི་འཛག་མེད་པ། །གང་ཚེ་ཕུན་སུམ་ཚོགས་པའི་ཤིང་། །སངས་རྒྱས་ཐོད་པ་ཞེས་བྱ་བའི་རྣལ་
འབྱོར་མའི་རྒྱུད་བླ་ན་མེད་པ་གསང་བའི་ཡང་ཤིན་དུ་གསང་བ་ལས་སེམས་རྣམ་པར་དག་པའི་ལེའུ་སྟེ།  བཅུ་གསུམ་པའོ།། །། དེ་ནས་ཡང་དག་རབ་བཤད་པ། །སྣ་ཚོགས་སྡེ་མས་བསྔགས་པའི་ལེའུ། །དེ་ལྟར་

87-1-151a

ཕྱག་ན་རྡོ་རྗེ་ལ་སོགས་པའི་བྱང་ཆུབ་སེམས་དཔའ་རྣམས་དང་། རི་རབ་ཀྱི་རྡུལ་ཕྲ་རབ་སྙེད་དང་མཚུངས་པའི་རྣལ་འབྱོར་མ་རྣམས་སྤྱན་དྲངས་ཤིང་མགུ་བའི་སེམས་ཀྱིས་སྣ་ཚོགས་སྡེ་མ་ལ་བཏུད་དེ་བསྟོད་པ། །ཨེ་མ་
འོ་བཅོམ་ལྡན་འདས་ལྷ་མོ། །སངས་རྒྱས་ཐམས་ཅད་སྐྱེད་བྱེད་མ། །དཔལ་དང་གྲགས་པ་ཆེ་ཞིང་འཇིགས། །སེམས་ཅན་ཀུན་ལ་ཕན་མཛད་མ། །ལྷ་མོ་སྙིང་རྗེ་ཆེ་ལྡན་མ། །ཕྱག་རྒྱ་ཆེན་པོ་བློ་ཆེན་མ། །དོན་ཆེན་འབྲས་བུ་སྟོན་
མཛད་མ། །སངས་རྒྱས་ཐོད་པ་ཡི་ནི་རྒྱུད། །རྡོ་རྗེ་འཆང་གིས་སྦས་པ་དང་། །སངས་རྒྱས་རྣམས་ཀྱིས་མ་གསུངས་ཤིང་། །བྱང་ཆུབ་སེམས་དཔའི་ཡུལ་མིན་པ། །གསུང་གཅིག་གིས་ནི་གསལ་མཛད་དེ། །དེ་ནི་ལྷ་མོ་ཁྱོད་ཀྱིས་གསུངས། །
ཨེ་མའོ་སྣོད་ཆེན་ལྷ་མོ་ཁྱོད། །རྣལ་འབྱོར་མ་ཀུན་བསྡུས་བྱས་པ། །དེ་བཞིན་གཤེགས་ཀུན་ཡུལ་མིན་པ། །རྙེད་དཀའ་དངོས་གྲུབ་གང་ཡིན་པ། །དེ་ནི་ལྷ་མོས་གསལ་བར་མཛོད། །གསུངས་པ། རྣལ་འབྱོར་མ་ནི་ཐམས་ཅད་ཉོན། །
བྱང་ཆུབ་སེམས་དཔའ་ཐམས་ཅད་དང་། །འདོད་ཆགས་བྲལ་དང་བདག་ཆེན་ཉོན། །སངས་རྒྱས་དེ་བཞིན་གཤེགས་པ་ཉོན། །ཀླུ་དང་ལྷར་བཅས་མི་རྣམས་ཉོན། །རྒྱུད་རྒྱལ་འདི་ནི་བཀླགས་ཙམ་གྱིས། །བསོད་ནམས་གང་ཡིན་དེ་ཀུན་
གྱི། །བསོད་ནམས་རྗེས་རང་ཡོངས་སུ་བསྔོ། །ཕྱག་རྒྱ་ཆེན་པོའི་དོན་དུ་ནི། །སངས་རྒྱས་ཡོན་ཏན་རྣམ་པ་དབུལ། །སྔགས་དོན་ཟབ་མོ་རྣམས་དང་ནི། །སྦྱོར་བ་ཤིན་དུ་རྙེད་དཀའ་བ། །གང་ཞིག་གསལ་བྱས་བདག་བཟོད་མཛོད། །ཤིན་
དུ་སྦས་པའི་ཡུལ་དེ་ཡང་། །སེམས་ཅན་དོན་དུ་གསལ་བྱས་པས། །རྒྱལ་བའི་མཆོག་རྣམས་བདག་བཟོད་མཛོད། །དེ་ནས་ཡང་དག་རབ་བཤད་པ། །སྔགས་ཀྱི་བཟླས་པ་སྟོབས་པོ་ཆེ། །གལ་ཏེ་དངོས་གྲུབ་མཆོག་འདོད་ན། །སངས་
རྒྱས་ཐོད་སྦྱོར་བཟང་པོ་བཟླ། །ཨོཾ་ཧྲཱིཿབུདྡྷ་ཧཱུྃ ཀ་པཱ་ལི་ནཱི་ཨཱཿ འཇུག་པ་ལ་ཨོཾ། འབྱུང་བ་ལ་ཧྲཱིཿ  གནས་པ་ལ་བུདྡྷ། བདེ་བ་ལ་ཧཱུྃ། ནུབ་པ་ལ་ཀ་པཱ་ལི་ནཱི། ལྡང་བ་ལ་ཨཱཿའོ། །དེ་ལྟར་བཟླས་པ་རབ་རྙེད་དཀའ། །སངས་

87-1-151b

རྒྱས་ཐོད་པའི་སྦྱོར་ཆུད་བཟླ། །དེ་ལྟར་ཡིད་ཀྱི་བཟླས་ལྡན་པས། །དངོས་གྲུབ་འཐོབ་པར་ཐེ་ཚོམ་མེད། །ཨོཾ་བུདྡྷ་ཀ་པཱ་ལི་ནཱི་ཨཱཿཧྲཱིཿཧེཿཧཱུྃ་ཕཊ། སྙིང་པོའི་སྔགས་སོ། །བུདྡྷ་ཀ་པཱ་ལི་ནཱི་བཛྲི་ནི་ཧོ་ཧཱུྃ། ཨ་དུར་ལ་ཀྵེ་ཧཱུྃ་ཕཊ། ཉེ་བའི་སྙིང་
པོའི་སྔགས་སོ། །དེ་ནས་ཡང་དག་རབ་བཤད་པ། །དབང་དུས་ཆོ་ག་ཇི་བཞིན་དུ། །སློབ་མ་དད་བརྟན་གང་ཞིག་གིས། །ཤེས་རབ་མ་ལ་གསོལ་བ་གདབ། །དྲི་ཞིམ་པ་ཡི་དངོས་པོ་ཡིས། །མཎ་ཌལ་རྣམ་པ་ལྔ་བྱས་ཏེ། །སངས་རྒྱས་ཀུན་
གྱིས་བརྒྱན་བྱས་པ། །ལྷ་མོ་ཆེ་ལ་གསོལ་བ་གདབ། །ཞལ་དུ་བཟའ་བའི་རྫས་མཆོག་བསྟབ། །རྫས་དེ་རྣམས་ནི་གསོལ་བ་དང་། །ཡིད་ནི་ཚིམ་ཞིང་ཐུགས་དགྱེས་སོ། །ལྷ་མོ་དགྱེས་པར་མཐོང་ནས་ནི། །ཚིག་འདི་དག་གིས་སྨྲ་བར་བྱེད། །
རྣམ་པར་རྟོག་པ་མང་པོ་ཡིས། །གཡོགས་པའི་བག་ཆགས་རབ་ལྡན་པ། །འཁོར་བའི་འདམ་དུ་བྱིང་བ་བདག །མཛེས་མ་ཁྱོད་ཀྱིས་སྐྱོབ་པར་མཛོད། །གྲགས་ཆེན་སྙིང་རྗེ་ལྡན་པ་ཡི། །ལྷ་མོ་དེ་ནི་ཞི་བར་མཛོད། །དེར་ནི་རྒྱན་རྣམས་
ཐམས་ཅད་དང་། །ལྷབ་ལྷུབ་རྒྱན་རྣམས་དབུལ་བར་བྱ། །དད་པ་བརྟན་པའི་སེམས་ཀྱིས་ནི། །དེ་ནས་བདག་ཉིད་དབུལ་བར་བྱ། །སྣ་ཚོགས་ཟས་དང་སྣ་ཚོགས་བཏུང་། །དེ་ཡི་མདུན་དུ་དབུལ་བར་བྱ། །གང་གིས་ཤེས་རབ་མ་མཉེས་པ། །
སངས་རྒྱས་ཐམས་ཅད་ཀྱིས་ནི་མཆོད། །འདི་ཉིད་ལ་ནི་སངས་རྒྱས་བཞུགས། །གཞན་ཡང་དངོས་གྲུབ་གཙོ་བོ་དང་། །སྙིང་རྗེ་ལྡན་པ་གཞན་གང་ཞིག །མཁའ་འགྲོ་མ་ཀུན་འདི་ལ་བཞུགས། །གང་དུ་དབང་པོ་འགགས་གྱུར་པ། །
བདག་རྟོག་རང་བཞིན་ཉམས་པ་སྟེ། །ཀྱེ་དེ་ལྷན་ཅིག་སྐྱེས་དགར་འགྱུར། །བླ་མའི་ཞལ་སྔར་གསལ་བར་ཞུས། །གང་ཞིག་འཆར་དུས་ཚེ་ན་དབང་པོ་དང་། །ཡུལ་མཉམ་ནུབ་གྱུར་དེ་ལ་ཕྱག་འཚལ་ལོ། །མཁས་པ་རྣམས་ཀྱི་སྙིང་
སྦས་སུ་སད་པ། །ཕྱིས་ནི་མངོན་དགའ་རྒྱལ་བའི་མཛེས་སྐུ་གཅིག །སངས་རྒྱས་ཐོད་པ་ཞེས་བྱ་བའི་རྣལ་འབྱོར་མའི་རྒྱུད་བླ་ན་མེད་པ་གསང་བའི་ཡང་ཤིན་དུ་གསང་བ་ལས་སྔགས་ཀྱི་བཟླས་པ་དང་། ཤེས་རབ་མ་ལ་གསོལ་

87-1-152a

བ་གདབ་པ་དང་། རྒྱུད་ཐམས་ཅད་ཀྱི་གླེང་གཞིའི་ལེའུ་སྟེ་བཅུ་བཞི་པའོ། །འདི་གསུངས་ནས་སྣ་ཚོགས་སྡེ་མ་ལ་སོགས་པའི་རྣལ་འབྱོར་མ་ཐམས་ཅད་དང་། ཕྱག་ན་རྡོ་རྗེ་ལ་སོགས་པའི་བྱང་ཆུབ་སེམས་
དཔའ་རྣམས་རང་རང་གི་གནས་ན་འདུག་སྟེ། ཅིའང་མི་གསུང་བར་བཞུགས་སོ། །སངས་རྒྱས་ཐོད་པ་ཞེས་བྱ་བའི་རྒྱུད་རྣལ་འབྱོར་མ་ཆེན་མོས་གསུངས་པ་མཆོག་ཏུ་གསང་བ་རྫོགས་སྷོ།། །། རྒྱ་གར་གྱི་མཁན་པོ་ཤྲཱི་ག་ཡ་དྷ་ར་དང་། བོད་ཀྱི་ལོ་ཙྪ་
བ་གྱི་ཇོ་ཟླ་བའི་འོད་ཟེར་གྱིས་བསྒྱུར་ཅིང་ཞུས་ཏེ་གཏན་ལ་ཕབ་པ། །ཡེ་དྷ་རྨཱ་ཧེ་ཏུ་པྲ་བྷ་བཱ་ཧེ་ཏུན་ཏོ་ཥཱན་ཏ་ཐཱ་ག་ཏོ་ཧྱ་བ་དཏ། ཏེ་ཥཱཉྩ་ཡོ་ནི་རོ་དྷ་ཨེ་བྃ་བཱ་དཱི་མ་ཧཱ་ཤྲ་མ་ཎཿ།། ༄༅༅། །རྒྱ་གར་སྐད་དུ།   ཤྲཱི་མ་ཧཱ་མཱ་ཡཱ་ཏན་ཏྲ་རཱ་ཛ་
ནཱ་མ།   བོད་སྐད་དུ།   དཔལ་སྒྱུ་འཕྲུལ་ཆེན་པོ་ཞེས་བྱ་བའི་རྒྱུད་ཀྱི་རྒྱལ་པོ།  དཔལ་རྡོ་རྗེ་མཁའ་འགྲོ་ལ་ཕྱག་འཚལ་ལོ། །དཔལ་ལྡན་རྡོ་རྗེ་མཁའ་འགྲོ་མ། །མཁའ་འགྲོ་མ་ཡི་འཁོར་ལོ་བསྒྱུར། །ཡེ་ཤེས་ལྔ་དང་སྐུ་གསུམ་ཉིད། །
འགྲོ་བ་སྐྱོབ་ལ་ཕྱག་འཚལ་ལོ། །ཇི་སྙེད་རྡོ་རྗེ་མཁའ་འགྲོ་མ། །ཀུན་ཏུ་རྟོག་པའི་འཆིང་གཅོད་ཅིང་། །འཇིག་རྟེན་བྱ་བར་རབ་འཇུག་པ། །དེ་སྙེད་རྣམས་ལ་ཕྱག་འཚལ་ལོ། །དེ་ནས་དེ་ལས་རྡོ་རྗེ་མཁའ་འགྲོ་མ་གསང་བའི་དབང་ཕྱུག་མ་རྣམས་ཀྱི་
མཆོག་ཏུ་གསང་བ་ཞེས་བྱ་བའི་རྒྱུད་བཤད་པར་བྱ་སྟེ། གང་ཞིག་གིས་ནི་ཀུན་ཁྱབ་པ། །རྒྱུ་དང་མི་རྒྱུ་ཚངས་སྒོ་ང་། །ལྷ་མོ་ཐམས་ཅད་སྐྱེད་བྱེད་ཅིང་། །ཚངས་ལ་སོགས་པའི་བདག་ཉིད་ཆེ། །དེ་རྣམས་ཀྱི་ནི་གསང་ཆེན་འདི། །སྒྱུ་འཕྲུལ་ཆེན་མོ་དབང་
ཕྱུག་ཆེ། །སྒྱུ་འཕྲུལ་ཆེན་མོ་དྲག་ཆེན་མོ། །འབྱུང་བ་ཡང་དག་བསྡུད་མཛད་མ། །གང་གིས་འདི་ཀུན་ལ་ཁྱབ་པ། །རྒྱུ་དང་མི་རྒྱུའི་འཇིག་རྟེན་གསུམ། །དེས་ནི་དེ་ནས་འདི་བསྡུས་ནས། །འཇིག་རྟེན་གསུམ་པོ་ཡང་སྤྲོའོ། །གསང་བ་པ་རྣམས་འདི་ཡི་ནི། །
སྒྱུ་མའི་བདག་ཉིད་ཅེས་རྣམ་གྲགས། །འཇིག་རྟེན་གསུམ་སྒྲུབ་རིག་མ་སྟེ། །འདོད་པ་ཐམས་ཅད་རབ་སྟེར་བ། །གང་ཞིག་རྣམ་པར་ཤེས་ཙམ་གྱིས། །སྒྲུབ་པའི་དབང་ཕྱུག་རིག་པ་ཉིད། །ལྷ་དང་ནོར་བདག་དྲི་ཟ་དང་། །གནོད་སྦྱིན་ལྷ་མིན་མི་དང་བཅས། །

87-1-152b

རིག་པ་འཛིན་དང་གང་ཡང་རུང་། །མི་འམ་ཅི་དང་ལྟོ་འཕྱེ་ཆེ། །སྲིན་པོ་དང་ནི་ཤ་ཟ་རྣམས། །སྒྲུབ་པོ་རྣམས་ལ་འགྲུབ་པར་འགྱུར། །དབང་དུ་འདུ་འགྱུར་འབྱུང་པོ་རྣམས། །ཆུ་ལས་སྐྱེས་དང་ཐང་ལས་སྐྱེས། །ཆོས་རྣམས་རང་བཞིན་འོད་
གསལ་བ། །གདོད་ནས་དག་ཅིང་རྙོག་པ་མེད། །ཐབས་བརྗོད་པ་ཡིས་དེ་ལས་ནི། །རང་བྱུང་ཡེ་ཤེས་ལྔ་ལྡན་འགྱུར། །རྣལ་འབྱོར་མ་རྣམས་སྦྱོར་བའི་མ། །ཁམས་གསུམ་པོ་ནི་མ་ལུས་ཀུན། །མ་ལུས་ལུས་པ་མེད་གྲུབ་ཅིང་། །སྒྱུ་མ་
ཀུན་གྱིས་རྣམ་རོལ་པའོ། །སངས་རྒྱས་ཀུན་ལས་ཕྲོགས་ནས་སུ། །ལྷ་མཆོག་ལྷ་སྐྱེས་བུ་མོ་སྤྱོད། །རྣལ་འབྱོར་དབང་ཕྱུག་བྱེད་རིག་པ། །དེ་བཞིན་དུ་ནི་མིག་འཕྲུལ་བྱེད། །རྨོངས་པ་དང་ནི་རེངས་པ་དང་། །བསྐྲད་དང་བསད་པ་
ལ་སོགས་པ། །དབང་དང་དགུག་པ་ལ་སོགས་དང་། །ནམ་མཁར་འགྲོ་བ་ཉིད་ཀྱང་ངོ་། །གཞན་གྱི་གྲོང་སོགས་བྱ་བ་དང་། །མི་སྣང་བ་དང་གང་ཡང་རུང་། །ཞེ་འགྲས་པ་དང་རྨུགས་པ་དང་། །དེ་བཞིན་ས་འོག་འགྲོ་བའོ། །རིག་འཛིན་
འཁོར་ལོས་སྒྱུར་ཉིད་འགྱུར། །འཆི་བ་མེད་ཅིང་རྒས་པ་མེད། །རྣལ་འབྱོར་སྒྱུ་མའི་རིག་པ་འདི། །འདི་ཡིས་ན་བ་མེད་པར་འགྱུར། །སྔགས་ཀྱི་ཡི་གེའི་གཟུགས་ཀྱིས་སུ། །རྣལ་འབྱོར་པས་ནི་རྣམ་རོལ་བྱེད། །བཀླགས་པ་དང་ནི་
བསམས་པ་ཡིས། །བསྒོམ་པ་དང་ནི་ཏིང་འཛིན་རྣམས། །ཀླགས་པས་བྱེད་པའི་རིག་པ་སྟེ། །རིག་པའི་དངོས་གྲུབ་བྱེད་པར་འགྱུར། །བརྟུལ་ཞུགས་མེད་ཅིང་དཀའ་ཐུབ་མེད། །དཀའ་སྤྱོད་བསྨྱུང་བ་སྡོམ་མེད་པར། །རྟག་ཏུ་
ཤེས་རབ་ཐབས་སོགས་ཀྱིས། །རྟག་ཏུ་དགའ་དང་བདེ་བས་འགྲུབ། །ལྟེ་བའི་དབུས་ནས་དཔའ་བོ་སྟེ། །གེ་སར་གསང་བའི་སྤྱོད་ཡུལ་ལ། །སེམས་དང་སེམས་མེད་སེམས་ཀྱི་གཟུགས། །ཡེ་ཤེས་ཤེས་བྱའི་རང་བཞིན་བདག །
དེ་ནི་བདག་གིས་བཤད་བྱ་སྟེ། །ཟབ་མོ་སངས་རྒྱས་བསྟན་པའོ། །ཨཱ་ལི་ཀཱ་ལི་མཉམ་བྱས་ཏེ། །རི་མོ་དེ་ལ་སྦྱར་བར་བྱ། །རི་མོ་སྟེང་དུ་འབར་བ་ཡི། །འོག་ཏུ་འབབ་པར་བྱེད་པའོ། །ཁུ་བའི་ཚུལ་གྱིས་འབབ་པ་སྟེ། །བདུད་རྩིའི་

87-1-153a

ཐིགས་པའི་གཟུགས་ལས་སོ། །གང་གང་དབང་པོའི་ལམ་ནས་ནི། །དེ་དེའི་རང་བཞིན་སྐྱེ་བར་འགྱུར། །མཆོག་ཏུ་ཕན་པའི་རྣལ་འབྱོར་གྱིས། །སངས་རྒྱས་ཀུན་གྱི་རང་བཞིན་འབབ། །དམ་ཚིག་ཆེན་པོའི་དངོས་གྲུབ་དང་། །
རིལ་བུ་ཆེན་པོའི་བསྒྲུབ་པ་ཡང་། །སྒྱུ་འཕྲུལ་ཆེན་པོའི་རབ་སྦྱོར་བའི། །སྡོམ་པའི་སྦྱོར་བ་བྱེད་པར་འགྱུར། །མཆོད་པ་ལྔ་དང་ཡང་དག་ལྡན། །འདོད་པའི་ཡོན་ཏན་ལྔ་དང་བཅས། །སྒྲུབ་པའི་དབང་པོ་ཤེས་བྱ་བ། །དངོས་གྲུབ་ཤིན་ཏུ་རྟག་པའོ། །
གང་ཞིག་ཤེས་པའི་དངོས་གྲུབ་ཀྱིས། །ལྷ་ཡི་གནས་སུ་མྱུར་བར་འགྱུར། །དེ་ནི་བདག་གིས་བཤད་བྱ་སྟེ། །ལྷ་མོ་བདེན་པར་ང་སྨྲའོ། །སྒྱུ་འཕྲུལ་ཆེན་མོ་ཁྱོད་ལ་ངས། །འཇིག་རྟེན་གསུམ་འགྲུབ་དེ་བཤད་བྱ། །རྣལ་འབྱོར་ཆེན་མོ་རྣམས་ཀྱི་ནི། །
བཟང་པོའི་ཡི་གེའི་ཕྲེང་བ་རྣམས། །གང་ཞིག་བསམས་པ་ཙམ་གྱིས་ནི། །རྒྱུ་དང་མི་རྒྱུ་འགྲུབ་འགྱུར་བའོ། །འདོད་པས་ཀུན་ལ་ཉེར་སྤྱོད་པ། །ཇི་ལྟར་འདོད་བཞིན་བསྟེན་བྱས་ན། །རྣལ་འབྱོར་པ་ཆེན་རྟག་རོལ་ཏེ། །རྡོ་རྗེ་རྣལ་འབྱོར་མ་རྣམས་
འགྲུབ། །རྣམ་པ་སྣ་ཚོགས་གཟུགས་སུ་ནི། །རྣལ་འབྱོར་བདག་ཉིད་སྟོན་པར་བྱེད། །དེ་བཞིན་གཤེགས་པ་ཀུན་གྱི་དཔལ། །དངོས་གྲུབ་ཆེན་པོ་སྟེར་བར་འགྱུར། །བཅུད་ལེན་རྣམ་པ་སྣ་ཚོགས་ཀྱིས། །རྟག་ཏུ་སེམས་ཅན་དོན་བྱེད་པའོ། །
ཁུ་བ་དགུག་དང་ཆང་དང་ནི། །གོང་བུ་ཆེན་པོ་དགུག་པ་ཉིད། །ཤ་ཆེན་པོ་ནི་བཀུག་ནས་སུ། །རྣལ་འབྱོར་མ་དང་ལྷན་ཅིག་སྤྱོད། །ཚེ་རིང་བརྩོན་འགྲུས་ཆེན་པོ་དང་། །གཟི་བརྗིད་ཆེ་ཞིང་སྟོབས་ཆེན་འགྱུར། །ལྷ་ཡི་མིག་དང་རྫུ་འཕྲུལ་ལྡན། །
ཉིན་རེ་ཟླ་བ་ཐུང་བའོ། །དེ་ཡི་ཚེ་ནི་འཕེལ་འགྱུར་ཏེ། །བསྐལ་པ་ཆེན་པོའི་བར་དུ་གནས། །བལྟ་བས་མི་ངོམས་ལུས་དང་ནི། །ཆོ་འཕྲུལ་དག་ནི་སྟོན་པར་བྱེད། །ཡིད་ལ་བསམས་མ་ཐག་ཏུ་ནི། །རང་གི་གཟུགས་ནི་ཡོངས་བརྗེས་ཤིང་། །
བཀླགས་པས་འགྲུབ་པའི་དོན་ཡོད་པ། །རིག་མའི་དབང་ཕྱུག་རྫུ་འཕྲུལ་ཆེ། །རིག་པ་འཇིག་རྟེན་གསུམ་པོ་ན། །ང་ཡི་རིག་དང་མཉམ་པ་མེད། །རྒྱུད་རྣམས་ཀུན་གྱི་ལུང་འདི་ནི། །མཛེས་མ་ཁྱོད་ལ་བཤད་པ་ཡིན། །རྣལ་འབྱོར་མའི་དབང་ཕྱུག་

87-1-153b

མའི་རིག་མ་ཆེན་མོ་ལས་དངོས་གྲུབ་ཀྱི་མཚན་མ་བསྟན་པ་སྟེ་ལེའུ་དང་པོའོ།། །། དེ་ནས་དེ་ལས་རྣལ་འབྱོར་མའི་དབང་ཕྱུག་ཆེན་མོ་རྣམས་ཀྱི་སྦྱོར་བའི་དངོས་གྲུབ་ཀྱི་འབྲས་བུ་རབ་ཏུ་སྟེར་བའི་གསང་བའི་ཡི་གེ་བཟང་པོ་བཤད་པར་བྱ་སྟེ། 
གང་ཞིག་བསམས་པ་ཙམ་གྱིས་ནི། །རྣལ་འབྱོར་མ་མཆོག་སྟེར་འགྱུར་བ། །དང་པོའི་ཡི་གེའི་སྦྱོར་བ་ཡིས། །རྟག་དུ་དབུགས་ནི་བཏང་བར་བྱ། །བརྒྱད་པའི་མཐའ་དང་ཡང་དག་ལྡན། །ཨུ་དང་ཐིག་ལེར་བཅས་པ་ཡིས། །རྣལ་འབྱོར་པ་ཡི་
དབུགས་རྔུབ་བྱེད། །དངོས་དང་དངོས་མེད་རྣམ་སྤངས་པའོ། །དེ་ལ་བརྟུལ་ཞུགས་མ་བཤད་དེ། །ཕྲེང་བ་སྔགས་དང་གཟུང་བ་དང་། །སྦྱིན་བསྲེག་གི་ནི་ལས་རྣམས་ཀྱང་། །གཅིག་ནས་གཅིག་ཏུ་ལྡོག་པར་འགྱུར། །སྔགས་དང་དབྱིབས་དང་
ཆོས་བདག་ཉིད། །སྦྱོར་བ་རྣམ་གསུམ་ཞེས་བྱ་སྟེ། །ཡེ་ཤེས་རྣམ་པ་གསུམ་གྱིས་ནི། །སྲིད་པའི་ཉེས་པས་གོས་མི་འགྱུར། །དེ་ལྟར་རྒྱུན་དུ་རྣལ་འབྱོར་པ། །རྟག་ཏུ་གོམས་པ་ཉིད་ཀྱིས་ནི། །རྡོ་རྗེ་སེམས་དཔའ་དང་མཉམ་པའང་། །
ཟླ་བ་གཅིག་གིས་དེ་འགྲུབ་འགྱུར། །དབང་པོའི་མདོག་དང་ཡང་དག་ལྡན། །དང་པོའི་ཡི་གེ་བསྒོམ་བྱ་སྟེ། །རང་གི་རིག་པ་རབ་སྦྱར་ན། །དེས་འདི་མོད་ལ་འགུགས་པར་འགྱུར། །ཡི་གེ་གཉིས་པ་དང་ལྡན་པ། །བསམ་ཞིང་རྣམ་པར་བསྒོམ་
བྱས་ན། །ས་གསུམ་པོ་ནི་མ་ལུས་པ། །དེ་དག་ཐམས་ཅད་དབང་དུ་འགྱུར། །ཚངས་དང་ཁྱབ་འཇུག་དབང་པོ་དང་། །དེ་བཞིན་དབང་པོ་འདོད་དབང་ཕྱུག །ཡེ་ཤེས་ཡི་གེས་བསྐུལ་བྱས་ན། །དེ་དག་ཆུང་མར་བཅས་ཏེ་འགུགས། །ཡི་གེ་ཨ་དང་
ཡང་དག་ལྡན། །སྐུ་གསུང་ཐུགས་ལ་ལེགས་གནས་པ། །སྦྱོར་བ་རྣམ་གསུམ་བསྒོམ་བྱས་ན། །གོང་བུ་འགུགས་པའི་མཆོག་ཡིན་ནོ། །ཡི་གེ་ཁེ་དང་ཡང་དག་ལྡན། །སྐུ་མདོག་དམར་པོ་ཞལ་བཞི་པ། །ལག་ན་ཐོད་པ་ཆགས་པའི་
བདག །ཁུ་བ་འགུགས་པའི་མཆོག་ཡིན་ནོ། །ཡི་གེ་རྩི་དང་ལྡན་པ་ཡིས། །ཁ་དོག་སེར་པོ་ཀུན་ཏུ་འོད། །རྟ་ཡི་ཞལ་གྱི་ཚུལ་བྱས་ན། །ཆང་འགུགས་པ་ཡི་དམ་པ་ཡིན། །ཡི་གེ་ར་དང་ཡང་དག་ལྡན། །ཁ་དོག་དམར་པོ་འོད་ཆེན་པོ། །

87-1-154a

ཕྱག་བཞི་པ་དང་ཞལ་བཞི་པ། །ལྕེ་སྤྱང་ཚུལ་དུ་ལེགས་གནས་པ། །ཁྲོ་བའི་སེམས་ཀྱིས་བསྒོམ་བྱས་ན། །ཁྲག་འགུགས་པ་ཡི་དམ་པའོ། །ཡི་གེ་དྲུག་དང་ཡང་དག་ལྡན། །གནས་དྲུག་དུ་ནི་ངེས་སྦྱར་བྱ། །རྣལ་འབྱོར་
མཁའ་འགྲོ་མ་ཡི་ཚོགས། །རྡོ་རྗེ་རྣལ་འབྱོར་མ་རྣམས་འགྲུབ། །མིག་གཉིས་དང་ནི་རྣ་བ་དང་། །དེ་བཞིན་སྣ་དང་ཡིད་ཉིད་དག །སེང་གེ་རྣལ་འབྱོར་ཕྱག་རྒྱ་ཡི། །རྣལ་འབྱོར་པ་ཡི་བཅིང་བར་བྱ། །སྲོག་དང་རྩོལ་བ་བསྡམས་ནས་སུ། །
བསྒོམས་ན་སྐད་ཅིག་དེ་ལ་འབར། །འོག་མིན་སྲིད་པའི་མཐར་ཐུག་པར། །རྒྱུ་དང་མི་རྒྱུའི་འཇིག་རྟེན་བདུན། །ཐམས་ཅད་ཀྱིས་ནི་དེ་བསྒོམས་ཀྱང་། །དེ་ནི་རྟོག་པ་མ་ཡིན་ནོ། །གལ་ཏེ་ཐམས་ཅད་རབ་རྟོགས་ན། །འགྲོ་བའི་རོལ་པ་
རྣམ་པར་འཇིག །དེ་ཕྱིར་ཡེ་ཤེས་འདི་གསང་ཞིང་། །མི་གསལ་ཡི་གེ་མེད་པའོ། །གང་ཕྱིར་སངས་རྒྱས་རྣམས་ཀྱི་མཁྱེན། །རྣལ་འབྱོར་གཉིད་དང་ཡང་དག་ལྡན། །གོང་བུར་སོང་བའི་ཡིད་དེ་ཡིས། །གཟུགས་གཅིག་ཏུ་ནི་སྒོམ་
པར་བྱེད། །སྒོ་དགུ་ལས་ནི་གང་བྱུང་བ། །རྫས་ཀྱི་བདག་ཉིད་རྣམ་བསྒོམ་ལ། །རང་བཞིན་མེད་པའི་བློ་ལྡན་པའི། །རྣམ་པར་མི་རྟོག་པའི་བཟའ། །མཐེ་བོང་དང་ནི་སྲིན་ལག་གིས། །ཁ་རུ་ཡིད་བཞིན་ནོར་བུ་ནི། །བདུད་རྩིའི་རང་བཞིན་
ལས་བྱུང་བའི། །རྟག་པའི་དངོས་གྲུབ་ཐོབ་པར་འགྱུར། །རྣལ་འབྱོར་མའི་དབང་ཕྱུག་མའི་རིག་པ་ཆེན་མོ་ལས་སྦྱོར་བ་གཏན་ལ་དབབ་པའི་ལེའུ་སྟེ་གཉིས་པའོ།། །། དེ་ནས་ཡང་དག་བཤད་བྱ་བ། །དམ་ཚིག་སྒྲུབ་པའི་དམ་པ་སྟེ། །
རྫས་གཞན་ཚོགས་ནི་བཟའ་བྱ་བ། །ཐམས་ཅད་མཁྱེན་པའི་འབྲས་སྟེར་བའོ། །གང་ཞིག་ཟོས་པ་ཙམ་གྱིས་ནི། །འབྱུང་པོའི་མི་རྣམས་འགྲུབ་འགྱུར་བ། །བརྟན་པ་དང་ནི་མྱུར་འགྲོ་ཉིད། །དེ་བཞིན་དུ་ནི་བ་ལང་ཁྱི། །ཆེན་པོར་ཡང་དག་ལྡན་
པ་ནི། །དེ་བཞིན་ཡེ་ཤེས་བདུད་རྩི་ལྔ། །ཚེས་གྲངས་བཅུ་བཞི་བརྒྱད་ལ་ནི། །ལྷན་ཅིག་བསྒོས་ཏེ་སྦྱར་བྱས་ནས། །ཉི་མ་བདུན་དུ་ལྕེ་སྤྱང་གི། །དབུས་སུ་གཞག་ལ་དེ་ནས་གཏོན། །ལྔ་པོ་དག་ལས་ཡུངས་དཀར་གྱིས། །འབྲས་བུའི་

87-1-154b

ཚད་ཙམ་རི་ལུ་བྱ། །དེ་ནི་རྒྱུད་འདིར་གསུངས་མོད་ཀྱི། །ཚེས་བརྒྱད་དང་ནི་བཅུ་བཞིའི་བར་དག་ཏུ། །ཉི་མ་བདུན་དུ་ལྷན་ཅིག་མིན་བསྒོས་སྦྱར་ནས་ལྕེ་སྤྱང་དབུས་སུ་ལེགས་བཞག་ལ། །དེ་ལས་གཏོན་ཏེ་ལྔ་པོ་དག་ལས་ནི། །དངོས་གྲུབ་འབྲས་
བུའི་ཚད་ཙམ་རིལ་བུ་བྱ། །འབྲས་བུ་ཆེན་པོ་རབ་ཏུ་རྟོགས་པས་ན། །དེ་ནི་རྒྱུད་འདིར་གསུངས་ཀྱི་ཀུན་ཏུ་སྦས། །འབྲས་བུ་ཆེན་པོ་སངས་རྒྱས་ཀྱིས། །ཐམས་ཅད་དུ་ནི་སྦས་པའོ། །དེ་ནས་སྒྲུབ་ཐབས་འབྱུང་བའོ། །ཡིད་ཀྱི་པད་མ་
བསམ་བྱ་བ། །ཁ་དོག་དམར་པོ་ཀུན་འོད་ལ། །ལྷ་མོ་བཞི་དང་ཡང་དག་ལྡན། །སངས་རྒྱས་གཟུགས་ཀྱིས་ཉེར་བརྒྱན་པའོ། །ཤར་དུ་ཨུདྤ་ལ་སྔོ་འོད་མདོག །ལྷོ་རུ་སེར་པོ་ལྟ་བུའོ། །ནུབ་ཏུ་དཀར་དང་དམར་བའི་འོད། །
བྱང་དུ་མ་རྒད་འོད་ཡིན་ནོ། །འབར་བའི་འཕྲེང་བས་འཁྲིགས་པ་དང་། །ཞལ་བཞི་ཕྱག་བཞི་སྤྱན་གསུམ་མཛེས། །ཤར་ཕྱོགས་ཀྱི་ལྷ་མོ་ནི་སྤྱན་གསུམ་པ་ཕྱག་གཡོན་ན་ཁ་ཊྭཱྃ་ག་དང་དྲིལ་བུ། གཡས་ན་རྡོ་རྗེ་དང་། ཐོད་པ་བསྣམས་
པ་བསམ་མོ། །ལྷོ་ཕྱོགས་ཀྱི་ལྷ་མོའི་ཕྱག་ན་མདུང་རྩེ་གསུམ་པ་དང་། རིན་པོ་ཆེ་དང་། བ་དན་དང་། ལྕེ་སྤྱང་བསྣམས་པའོ། །ནུབ་ཕྱོགས་ཀྱི་ལྷ་མོའི་ཕྱག་ན་གཞུ་དང་། མདའ་དང་། སྣ་ཚོགས་པད་མ་དང་། ཐོད་པ་བསྣམས་པའོ། །བྱང་ཕྱོགས་
ཀྱི་ལྷ་མོའི་ཕྱག་ན་རལ་གྲི་དང་། ཞགས་པ་དང་། རྔེའུ་ཆུང་དང་། ཐོད་པ་བསྣམས་པའོ། །སྐུ་གསུང་ཐུགས་ཀྱི་རྡོ་རྗེ་ནི། །དེ་ཡིས་དབུས་སུ་བསམ་པར་བྱ། །ཐོད་པ་ཉིད་དང་ཁ་ཊྭཱྃ་ག །དེ་བཞིན་གཞུ་དང་མདའ་ཉིད་དོ། །དང་པོའི་
སྔགས་དང་ཡང་དག་ལྡན། །བསྒོམས་ན་སྐད་ཅིག་དེ་ལ་འབར། །དེ་ལྟར་རྣལ་འབྱོར་པས་བསྒྲུབས་ན། །རྫས་ཀྱི་དངོས་གྲུབ་རབ་ཏུ་སྟེར། །རྣལ་འབྱོར་མ་ཡི་གྲུབ་སྦྱོར་བས། །འཕྲལ་དུ་ཡིད་ཆེས་ཡང་དག་འཇུག །ཐམས་ཅད་
ཀྱིས་ནི་མི་མཐོང་ཞིང་། །སྟོང་ཕྲག་གཅིག་ཏུ་སྣང་བར་འགྱུར། །སངས་རྒྱས་ཀུན་ལས་ཕྲོགས་པ་དང་། །ལྷའི་བུ་མོ་མཆོག་ལ་སྤྱོད། །གང་གཱའི་བྱེ་སྙེད་སངས་རྒྱས་རྣམས། །ཉིད་ཀྱི་རྡོ་རྗེའི་གནས་བཞུགས་པ། །ལག་ཏུ་སྐྱུ་རུ་

87-1-155a

ར་བཞག་བཞིན། །རྡོ་རྗེའི་མིག་གིས་མཐོང་བར་འགྱུར། །གང་གཱའི་བྱེ་སྙེད་ཞིང་དག་ཀྱང་། །སྐུ་གསུང་ཐུགས་ཀྱི་མཚན་ཉིད་དང་། །དངོས་པོ་ཀུན་གྱི་བདག་ཉིད་གནས། །སེམས་ཀྱི་གར་ལས་བྱུང་བ་མཁྱེན། །ཡི་གེ་གོ་
བཟློག་སྦྱོར་བ་ཡིས། །སྔགས་ནི་དེ་རུ་རྣམ་བསྒོམ་བྱ། །རྡོ་རྗེ་ཆུ་དང་ཡང་དག་ལྡན། །རིལ་བུ་རེ་རེ་བཟའ་བར་བྱ། །ཡི་གེ་བརྒྱད་ཀྱི་མཐའ་ལྡན་པ། །ཨཱུ་དང་ཐིག་ལེར་བཅས་པ་ནི། །མཐའ་རུ་ཡང་དག་སྦྱར་བྱས་ལ། །སྔགས་ནི་ཀུན་དུ་བརྗོད་བྱ་
སྟེ། །གུ་ཧྱ་བཀྵ་ཨ་བྷཀྵེ་ཧཱུྃ་ཞེས་བྱའོ། །རྣལ་འབྱོར་མ་ཀུན་སྦྱོར་བ་ཡིས། །དང་པོའི་ཡི་གེ་ཡང་དག་ལྡན། །གལ་ཏེ་རྡོ་རྗེ་ཅན་གྱིས་གྲུབ་འདོད་ན། །ལན་བདུན་མངོན་སྔགས་རྣལ་འབྱོར་པ་ཡིས་བཟའ། །ཡི་གེ་གསུམ་མཐའ་ཞེས་བྱ་སྟེ། །
བརྒྱད་ཀྱི་མཐའ་མར་ལེགས་གནས་པ། །ཨུ་དང་ཐིག་ལེར་ཡང་དག་ལྡན། །ཡི་གེ་མཆོག་ཏུ་གྱུར་པའི་གནས། །ཡི་གེ་དང་པོ་སྦྱོར་བ་ཡིས། །ཧྲཱི་ཞེས་བྱ་བ་ཡང་དག་སྦྱར། །ཡི་གེ་རྣམས་ཀྱི་མཐར་སྦྱོར་ལ། །ས་བོན་ལྔས་ནི་རབ་དགང་བྱ། །ཡི་གེ་ཡིས་
ནི་རྣམ་བསྒོམས་ཏེ། །པད་མ་རབ་ཏུ་རྒྱས་པར་བྱ། །ཅི་སྟེ་རྡོ་རྗེ་ཅན་འགྲུབ་འདོད། །དེ་ལྟའི་སྦྱོར་བ་ཀུན་ཤེས་བྱ། །དེ་ནས་འདིར་རྡོ་རྗེ་རྣལ་འབྱོར་མ་རྣམས་ཀྱིས་དགོངས་པ་དཔལ་རྡོ་རྗེའི་གླུས་སྲིད་པ་ཤིན་ཏུ་སྒྲུབ་པ་བླངས་པ། ཀྱེ་གྲོགས་པོ་
རྡོ་རྗེས་པད་མ་ཁ་འབྱེད་སད་མཛད་མ། །ཨ་ལ་ལ་ཧོ། བདེ་བ་ཆེན་པོ་གར་གྱིས་རབ་ཏུ་མཉེས་མཛོད་ཅིག །ཉི་མའི་དཀྱིལ་འཁོར་པད་མའི་ཁ་ནི་རབ་ཕྱེ་བ་བདེ་བ་ཆེན་པོ་གར་གྱིས་རབ་ཏུ་མཉེས་པར་མཛོད། །རྡོ་རྗེ་འཛིན་པ་ཆེན་པོ་ལ། །དེ་ནས་འདིར་གླུ་
བླངས་ཙམ་གྱིས། །རྡོ་རྗེ་མཁའ་འགྲོ་མ་རྣམས་གར། །རྡོ་རྗེ་སེམས་དཔའ་ཡང་དག་བསྐུལ། །དེ་ལྟར་རྟག་ཏུ་གུས་ལྡན་པས། །སྦྱོར་བའི་དངོས་གྲུབ་འགྱུར་བ་ཡིན། །དུས་བཞིར་རབ་ཏུ་སྦྱོར་བ་ཡིས། །འགྲུབ་པར་འགྱུར་བ་བསྒོམ་པའི་མཆོག །
རྒྱན་རྣམས་ཐམས་ཅད་ཡོངས་རྫོགས་ཤིང་། །སྤོས་དང་མེ་ཏོག་རྣམས་ཀྱིས་བརྒྱན། །ཇི་ལྟར་སྐུ་གསུམ་མཆོག་སྟེར་བའི། །དངོས་གྲུབ་ངེས་པར་ཐོབ་པར་འགྱུར། །དཔག་ཚད་བརྒྱའི་ཁྱོན་ཙམ་དུ། །འདི་ནི་རབ་ཏུ་སྣང་བར་བྱེད། །

87-1-155b

དབང་པོ་གཉིས་ནི་རབ་སྦྱོར་བས། །སྒོ་དགུ་ལས་ནི་བྱུང་བའི་རྫས། །སངས་རྒྱས་བྱང་ཆུབ་གནས་ཞི་བའི། །དེ་ཉིད་བླ་ན་མེད་པ་འགྲུབ། །འདིར་ཚིགས་བཅད་དུ་འགྱུར་བ་ནི། །གཟུགས་རྣམས་དེ་བཞིན་ཕྱག་རྒྱ་མཚན་མ་དང་། །རྫས་རྣམས་དང་ནི་བསམ་
གཏན་རྣམ་སྒོམ་པའི། །ཆོ་གའི་ཐབས་ནི་སྣ་ཚོགས་བསྟན་པ་དང་། །ལྷ་མོ་ཡིད་འདོད་རྣམས་ནི་གསུངས་པའོ། གང་གི་ཁྱིམ་དུ་རྒྱུད་འདི་གནས་པ་དང་། རྒྱུན་ཏུ་འཆང་བ་དང་། ཀློག་པ་དང་། རྣམ་པར་བསྒོམ་པ་དེ་ལ་ནད་རྣམས་འབྱུང་བར་མི་
འགྱུར་ཞིང་། རྒས་པ་དང་། བགེགས་མི་འབྱུང་ལ། འཆི་བར་མི་འགྱུར་ཏེ། རྒྱུན་ཏུ་ཐམས་ཅད་དུ་རྣལ་འབྱོར་མའི་དབང་ཕྱུག་མ་རྣམས་ཀྱིས་བགེགས་བསྲུང་བར་འགྱུར་རོ། །རྡོ་རྗེ་རྣལ་འབྱོར་མ་ཆེན་མོ་རྣམས་ཀྱི་དགོངས་པ་མཆོག་ཏུ་
གསང་བ་གསང་བ་ཆེན་པོ་ཉེ་བར་སྤྱོད་པ་དང་བཅས་པའི་སྒྲུབ་ཐབས་ཏེ་ལེའུ་གསུམ་པའོ། །སྒྱུ་འཕྲུལ་ཆེན་མོའི་རྒྱུད་ཅེས་བྱ་བ་རྫོགས་སྷོ།། །། རྒྱ་གར་གྱི་མཁན་པོ་ཛི་ན་པ་ར་དང་། བོད་ཀྱི་ལོ་ཙྪ་བ་ཆེན་པོ་འགོས་ལྷས་བཙས་
ཀྱིས་བསྒྱུར་ཅིང་ཞུས་ཏེ་གཏན་ལ་ཕབ་པའོ། ། ༄༅། །རྒྱ་གར་སྐད་དུ།   བཛྲ་ཨ་ར་ལི་མ་ཧཱ་ཏན་ཏྲ་རཱ་ཛཱ་ནཱ་མ།   བོད་སྐད་དུ།   རྡོ་རྗེ་ཨ་ར་ལི་ཞེས་བྱ་བའི་རྒྱུད་ཀྱི་རྒྱལ་པོ་ཆེན་པོ། ཀྱེའི་རྡོ་རྗེ་ལ་ཕྱག་འཚལ་ལོ། །
འདི་སྐད་བདག་གིས་ཐོས་པ་དུས་གཅིག་ན། བཅོམ་ལྡན་འདས་དེ་བཞིན་གཤེགས་པ་ཐམས་ཅད་ཀྱི་ཤེས་རབ་ཀྱི་ཕ་རོལ་དུ་ཕྱིན་པའི་བྷ་ག་ལ་བཞུགས་སོ། །བཅོམ་ལྡན་འདས་ཀྱིས་སངས་རྒྱས་དང་། བྱང་ཆུབ་སེམས་དཔའ་དུ་མ་དང་། 
དེ་བཞིན་གཤེགས་པས་གསོལ་བ་བཏབ་པར་རིག་ཅིང་བྱང་ཆུབ་སེམས་དཔའ་རྣམས་ཀྱིས་ཡང་མཁྱེན་ནས་བདེ་བའི་ཏིང་ངེ་འཛིན་ལས་བཞེངས་ཏེ། ཕྱག་ན་རྡོ་རྗེ་ལ་འདི་སྐད་ཅེས་བཀའ་སྩལ་ཏོ། །ཆུ་ཡིས་གདོང་ནི་བཀྲུས་ནས་ནི། །
སྨན་ནི་ཟ་བར་བྱས་ནས་སུ། །བདེ་བའི་སྟན་ལ་འདུག་ནས་ནི། །ཧེ་རུ་ཀ་ནི་རབ་བསྒྲུབ་བྱ། །རང་གི་སྙིང་གར་རེ་ཕ་ནི། །བསྲེག་པའི་བསྐལ་པ་ལྟར་འབར་བསྒོམ། །དེ་བྱུང་རྡོ་རྗེ་ཉི་མ་ནི། །འབར་བའི་ཕྲེང་བས་ཡང་དག་

87-1-156a

ཁྱབ། །དེ་ཡི་སྟེང་དུ་ཧཱུྃ་ཉིད་དེ། །བསྐལ་པའི་མེ་ནི་ལྟ་བུ་ཉིད། །དེ་ནི་རྡོ་རྗེར་ཡང་བསམས་ནས། །རྡོ་རྗེ་ལས་བྱུང་ཧེ་རུ་ཀ །བགེགས་ནི་ཆེན་པོ་མནན་ནས་ནི། །སྐུ་ལ་ཐལ་བས་བྱུགས་པ་
དང་། །ཕྱག་རྒྱ་ལྔ་དང་ཡང་དག་ལྡན། །འཇིགས་པའང་ནི་འཇིགས་པར་མཛད། །ཨིནྡྲ་ནཱི་ལའི་འོད་ལྟ་བུ། །དབུ་སྐྲ་སེར་པོ་སྟོབས་པོ་ཆེ། །གར་དགུའི་རོ་དང་ལྡན་པར་ནི། །རོལ་པའི་གར་གྱིས་གར་མཛད་ཅིང་། །
རི་རབ་རི་རྒྱལ་མཐོན་པོ་ཡང་། །ས་ཡི་འོག་ཏུ་ཡང་དག་མནན། །བྱག་ཏུ་རྡོ་རྗེ་རྣམ་བསྒོམས་ནས། །གཡོན་པས་སྐྱེས་པའི་ཐོད་པ་ནི། །བདུད་རྩི་ལྔ་དང་ཡང་དག་ལྡན། །ཤ་ལྔ་ཡང་དག་ལྡན་པར་བསྒོམ། །
ཀུན་ད་དང་ནི་ཟླ་བ་དང་། །ཆུ་སྐྱེས་དོ་ཤལ་ལྟ་བུར་ནི། །ཁ་ཊྭཱྃ་ག་ཡིས་ཕྲག་པ་བརྒྱན། །རྡོ་རྗེ་ཨ་ར་ལི་ལས་ལྷའི་ལེའུ་སྟེ་དང་པོའོ།། །། དེ་ནས་ཕྱག་ན་རྡོ་རྗེ་ལ་སོགས་པ་བྱང་ཆུབ་སེམས་དཔའ་
ཐམས་ཅད་དང་། དབང་པོ་ལ་སོགས་པ་རྡོ་རྗེ་ནམ་མཁའ་ལ་གནས་པ་ཐམས་ཅད་དང་། གླང་པོ་ཆེའི་རྣ་བ་ལ་སོགས་པ་ཞིང་སྐྱོང་བ་ཐམས་ཅད་དང་། ཀུན་དར་ལ་སོགས་པའི་ཡི་དགས་ཐམས་ཅད་དང་། 
དེ་དག་ལ་སོགས་པ་སེམས་ཅན་ཐམས་ཅད་ཀྱི་ཆོས་ཉན་པའི་སྦྱོར་བ་དེས་དེ་བཞིན་གཤེགས་པ་ཐམས་ཅད་ཀྱི་བདག་པོ་རྡོ་རྗེ་ཨ་ར་ལི་ཆེན་པོ་ལ་ཞུས་པ། བཅོམ་ལྡན་འདས་གཏོར་མའི་སྔགས་ཇི་ལྟར་ལགས། བཅོམ་ལྡན་འདས་ཀྱིས་
བཀའ་སྩལ་པ། །བདེ་གཤེགས་ཀུན་གྱི་སྟོན་པ་ཡིས། །གཏོར་མའི་ལས་ནི་རབ་ཏུ་ཕྱེ། །ཕྱག་རྒྱ་ཡང་ནི་ཁྱད་པར་དུ། །འདོད་པའི་དོན་ཀུན་སྒྲུབ་པའོ། །རྡོ་རྗེ་ཐལ་མོ་གྱེན་ཕྱེ་ནས། །ཨོཾ་ཛྭ་ལ་ཛྭ་ལ་བྷྱོ་ཧཱུྃ་ཕཊ་སྭཱ་ཧཱ། 
འདི་ཉིད་སྔགས་ནི་ཆེན་པོ་ཉིད། །དེ་བཞིན་དུ་ནི་གཏོར་མའི་སྔགས། །ལས་ནི་ཐམས་ཅད་པ་ཡི་སྔགས། །ཡིན་པ་ཉིད་དུ་ཐེ་ཚོམ་མེད། །རྡོ་རྗེ་ཨ་ར་ལི་ལས་གཏོར་མའི་བྱ་བའི་ལེའུ་སྟེ་གཉིས་པའོ།། །། 

87-1-156b

དེ་ནས་བཅོམ་ལྡན་འདས་ཀྱིས་མིང་ཡང་དག་པར་རབ་ཏུ་ཕྱེ་བ། གདོང་རིང་ན་ནི་མཐོ་བ་དང་། །དེ་བཞིན་དཔག་བསམ་ཤིང་ཉིད་དང་། །ཚངས་པར་སྤྱོད་པ་མང་བ་ཉིད། །དམ་ཚིག་འདིར་ནི་དངོས་གྲུབ་བྱིན། །གླང་པོ་
རྟ་བོང་གླང་རྔ་མོ། །ཁྱི་ལས་བྱུང་བའི་མར་མེ་དང་། །མར་མེ་ཆེན་པོ་བསྲེགས་ནས་ནི། །ཚངས་སྤྱོད་འཛིན་པ་མཆོད་པར་བྱ། །དེ་ནས་སྡོམ་པ་བཀའ་སྩལ་པ། །ཁྱོད་ཀྱིས་སྲོག་ཆགས་བསད་བར་བྱ། །བརྫུན་
གྱི་ཚིག་ཀྱང་སྨྲ་བར་བྱ། །ཁྱོད་ཀྱིས་མ་བྱིན་པར་ཡང་ལོང་། །གཞན་གྱི་བུད་མེད་བསྟེན་པར་གྱིས། །མ་དང་སྲིང་མོ་ཉིད་དང་ཡང་། །བུ་མོ་སྲིང་མོའི་བུ་མོ་ནི། །ཐབས་དང་ཤེས་རབ་ཆོ་ག་ཡིས། །རྣལ་
འབྱོར་རིག་པས་རྟག་ཏུ་མཆོད། །དེ་ནས་དབང་ནི་བཀའ་སྩལ་པ། ཕྱག་རྒྱ་ལྡན་པའི་སློབ་དཔོན་གྱིས། །དེ་ལ་དབང་བསྐུར་སྦྱིན་པར་བྱ། །དབང་བསྐུར་དེའི་ཕྱི་ནས་ནི། །དེ་ཉིད་འདི་
ནི་རབ་ཏུ་དབྱེ། །དེ་ཉིད་བདེ་བ་ཆེན་པོ་སྟེ། །ཐམས་ཅད་ལུས་ལ་རྣམ་པར་གནས། །འདི་ཉིད་ཡེ་ཤེས་ཆེན་པོ་སྟེ། །མཆོག་ཏུ་དགའ་བའི་རང་བཞིན་ཅན། །དེ་ནས་སྦྱིན་བསྲེག་བཀའ་སྩལ་པ། །
ཁྲུ་གང་ཙམ་པའི་ཚད་དང་ནི། །ཁྲུ་ཕྱེད་ས་ལ་བརྐོ་བར་བྱ། །རྡུལ་མཚོན་དཀར་པོ་ལྡན་པར་ནི། །རྣམ་པར་མཁས་པས་ཐབ་ཁུང་བྱ། །གསུངས་པའི་སྔགས་ཀྱིས་ངེས་པར་ནི། །དེ་ནི་ཤ་སོགས་
སྦྱིན་བསྲེགས་བྱ། །མི་ནི་ལྷ་ཡི་སྤྱན་ཉིད་དེ། །འདོད་པའི་དོན་ཀུན་སྒྲུབ་པའོ། །དེ་ནས་དཀྱིལ་འཁོར་བཀའ་སྩལ་པ། །གྲུ་བཞི་པ་ལ་སྒོ་བཞི་པ། །རྟ་བབས་བཞི་ཡིས་རྣམ་པར་བརྒྱན། །
ཀ་པ་བརྒྱད་དང་ཡང་དག་ལྡན། །མཁས་པས་དཀྱིལ་འཁོར་བྲི་བར་བྱ། །དུར་ཁྲོད་སོལ་བ་སོ་ཕག་དང་། །ལྡོང་རོས་ཕྱེ་མ་ཉིད་དང་ཡང་། །ལྗང་ཁུ་ཡི་ཡང་ཕྱེ་མ་ཉིད། །དཀྱིལ་འཁོར་ལ་ནི་མཁས་པས་བསྔགས། །

87-1-157a

དབུས་སུ་གསུམ་ལ་རྡོ་རྗེ་བྲི། །ཤར་གྱི་སྒོ་རུ་མགོ་ཆེན་པོ། །ལྷོ་རུ་རྡོ་རྗེ་དྲིལ་བུ་ཉིད། །དེ་བཞིན་ནུབ་དུ་དགྲ་སྟ་སྟེ། །བྱང་དུ་གྲི་གུག་དགེ་བ་ཉིད། །རྡོ་རྗེ་དཀྱིལ་འཁོར་དུ་ནི་བྲི། །ཆོས་དོན་འདོད་དང་ཐར་པ་ལ། །དཀྱིལ་འཁོར་
འདི་ནི་རབ་ཏུ་དབྱེ། །དཀྱིལ་འཁོར་བཞེངས་པར་བྱས་ནས་ནི། །དེར་ནི་སློབ་མ་གཞུག་པར་བྱ། །རས་ཀྱིས་གདོང་ནི་བཅིངས་ནས་ནི། །བཀྲོལ་ནས་དཀྱིལ་འཁོར་བསྟན་པར་བྱ། །རྡོ་རྗེ་ཨ་ར་ལི་ལས་ལས་ཐམས་
ཅད་པའི་ལེའུ་སྟེ་གསུམ་པའོ།། །། མངོན་པར་ཤེས་པ་བཀའ་སྩལ་པ། །ལྷ་ཡི་མིག་དང་རྣ་བ་དང་། །དེ་བཞིན་གཞན་སེམས་ཤེས་པ་ཉིད། །སྔོན་གྱི་གནས་རྗེས་དྲན་པ་དང་། །དེ་བཞིན་རྫུ་འཕྲུལ་
མངོན་ཤེས་ཉིད། །ཧེ་རུ་ཀ་ཡི་དབྱིབས་བསྒོམས་ན། །ཡོ་གི་མངོན་ཤེས་ལྔ་རུ་འགྱུར། །ཤིན་དུ་གོམས་པའི་རྣལ་འབྱོར་གྱིས། །ཧེ་རུ་ཀར་ནི་ངང་གིས་འགྱུར། །བསམ་གཏན་ལས་ནི་ནུས་སྐྱེས་ནས། །ཡིད་ནྀ་བརྟན་ནམ་
གཡོ་འམ་ཅི། །རང་གི་སེམས་ནི་བསྐུལ་བའི་ཕྱིར། །གླུ་ནི་སྣ་ཚོགས་ལན་པ་དང་། །དེ་བཞིན་གར་ནི་སྣ་ཚོགས་ཉིད། །སྣ་ཚོགས་རིམ་གྲོ་བྱེད་པ་དང་། །ལུས་ལ་རྒྱན་ནི་སྣ་ཚོགས་དང་། །དེ་བཞིན་སྣ་ཚོགས་དགའ་བ་
ཡི། །གཟུགས་སྒྲ་དེ་བཞིན་དྲི་དང་ནི། །རོ་དང་རེག་བྱ་ཡང་དག་བརྩམ། །དེ་ནས་ལས་རྒྱས་བཀའ་སྩལ་པ། །རེའུ་མིག་བརྒྱད་ནི་བྲིས་ནས་ནི། །རྒྱུད་ཀྱི་སྔགས་ནི་རྒྱས་པར་བྱ། །ལས་ཀྱི་དབྱེ་བའི་རབ་དབྱེ་བས། །དེ་
བཞིན་ཞི་རྒྱས་ལ་སོགས་ཀྱིས། །ཨོཾ་ནི་དབང་ལྡན་ལ་ནི་མེར། །དེ་བཞིན་བདེན་བྲལ་ཉིད་དུ་ལ། །རླུང་གི་མཚམས་སུ་ཧཱུྃ་ཉིད་དེ། །ཤར་དུ་ཛ་ནི་རྣམ་པར་གནས། །ལྷོ་རུ་ཛ་ཡི་རྣམ་པ་ཉིད། །ནུབ་ཏུ་བྷྱོ་ཡི་རྣམ་པ་སྟེ། །བྱང་དུ་
ཕཊ་ཀྱི་རྣམ་པ་ཡིས། །དབུས་སུ་སྭཱ་ཧཱ་རྣམ་པར་གནས། །ངོས་གསུམ་དུ་ནི་བསྒྲུབ་བྱའི་མིང་། །རྡོ་རྗེ་ཨར་ལི་ལས་སྤྱོད་པའི་ལེའུ་སྟེ་བཞི་པའོ།། །།  དེ་ནས་འཁོར་ལོ་བྲི་བ་བཀའ་སྩལ་པ། ཆེ་གེ་མོ་འདི་སོད་ཅིག །ཆེ་གེ་

87-1-157b

མོ་འདི་དབང་དུ་མཛོད་ཅིག །ཆེ་གེ་མོ་རེངས་པར་མཛོད་ཅིག །ཆེ་གེ་མོ་རྨོངས་པར་མཛོད་ཅིག །ཆེ་གེ་མོ་མ་ལུས་པར་གྱིས་ཤིག །ཆེ་གེ་མོ་ལྐུགས་པར་མཛོད་ཅིག །ཆེ་གེ་མོ་ཁུག་ཅིག །ཆེ་གེ་མོ་སྐྲོད་ཅིག །ཆེ་གེ་མོ་ལ་སྡང་བར་
མཛོད་ཅིག །ཆེ་གེ་མོ་ཆིངས་ཤིག །ཆེ་གེ་མོ་མ་ནིང་དུ་མཛོད་ཅིག །ཆེ་གེ་མོ་སྒུར་པོར་མཛོད་ཅིག །ཅེས་སྔགས་ཀྱི་རྐང་པ་འདི་རྣམས་ཀྱི་ངོས་གཉིས་སུ་བྲིས་ཏེ། གྲོ་གའི་འདབ་མར་གུར་གུམ་གྱིས་འདྲི་བར་བྱ་ཞིང་། འདི་དཔུང་པའི་
རྩ་བར་གདགས་པར་བྱའོ། །དགུག་པ་ལ་ནི་ཟླ་མཚན་ཟགས་པའི་རས་ལ་རྒྱ་སྐྱེགས་ཀྱི་ཁུ་བས་བྲི་བར་བྱའོ། །བསད་པ་ལ་སོགས་པའི་ལས་ལ་དུར་ཁྲོད་ཀྱི་སོལ་བ་དང་། ཙི་ཏྲ་ཀའི་ཁུ་བ་དང་། ཡུངས་མར་དང་། དུག་དང་། སྐེ་ཚེ་དང་། 
ལན་ཚྭ་དང་། ཚ་བ་གསུམ་དང་། ཀ་ན་ཀའི་ཁུ་བ་དང་། རུས་པའི་སྨྱུ་གུས་སོ། །དགུག་པ་ལ་ནི་སྐྱུ་རུ་རའི་ཚེར་མས་སོ། །རྨོངས་པ་ལ་ནི་དྷ་རུ་ཀའི་ཤིང་གིས་སོ། །རེངས་པ་ལ་ནི་པ་ཊའི་སྨྱུ་གུས་སོ། །མ་ལུས་པ་ལ་ནི་བོ་དེ་ཙེའི་ཤིང་གི་
སྨྱུ་གུས་བྲི་བར་བྱའོ། །དེ་ནས་རྡོ་རྗེའི་མཆོད་པ་བཀའ་སྩལ་པ། བས་མཐའ་དང་ནི་དབེན་པ་དང་། །བདག་གི་ཁྱིམ་གྱི་ནང་དུ་ཡང་། །ལོ་ནི་བཅུ་གསུམ་དེ་བཞིན་དུ། །ལོ་ནི་བཅུ་དྲུག་བུ་མོ་དང་། །ཉི་ཤུ་རྩ་ལྔ་མ་མཆོད་བྱ། །
བ་དང་དེ་བཞིན་མ་ཧེ་དང་། །སྤྲེའུ་མོ་དང་ཁྱི་མོ་དང་། །བོང་མོ་དེ་བཞིན་རྔ་མོ་དང་། །ཤ་བ་དང་ནི་ར་མ་ཉིད། །ཕག་དང་བ་མན་ལས་བྱུང་བ། །གཞན་ཡང་ཧེ་རུ་ཀ་མཆོད་ན། །འགྲུབ་པ་ཉིད་དུ་ཐེ་ཚོམ་མེད། །ཉ་དང་ཟླ་བ་འཕོ་བ་
ཡི། །ཚེས་ནི་མུ་སྟེགས་ཅན་གྱིས་བརྟགས། །དྲི་མ་གཞིག་པར་བྱ་བའི་ཕྱིར། །རྣལ་འབྱོར་པས་ནི་མྱང་བར་བྱ། །སྲོག་ཆགས་རྣམས་ནི་གསད་མི་བྱ། །བརྫུན་གྱི་ཚིག་ནི་སྨྲ་མི་བྱ། །མ་བྱིན་པར་ནི་བླང་མི་བྱ། །ཕ་རོལ་བུད་
མེད་བསྟེན་མི་བྱ། །ཉིན་བར་ཉལ་ཞིང་མཚན་མོ་ལངས། །ཤིན་དུ་མཉམ་པར་བཞག་པས་འདུག །ཤ་ཆེན་དང་ནི་རུས་པ་དང་། །ཁྲག་ནི་ཆེན་པོ་བཏུང་བ་དང་། །ཁུ་ཆེན་ཡང་དག་བཟའ་བ་དང་། །དེ་བཞིན་རྣམ་སྣང་ཆེན་པོ་ཉིད། །

87-1-158a

བྲམ་ཟེ་མོ་དང་གཡུང་མོ་ཉིད། །གར་མ་དེ་བཞིན་བཙོ་བླག་མ། །ཐོད་ཅན་མ་དང་ཀོ་ལྤགས་མཁན། །གདོལ་པ་དེ་བཞིན་ཕྱག་དར་མ། །རྩྭ་འཚོང་མ་དང་ཤན་མ་ཉིད། །དེ་བཞིན་ཀླ་ཀློ་ལ་སོགས་དང་། །སྨིག་
མཁན་དང་ནི་ཆང་འཚོང་མ། །གཞན་ཡང་ཟླ་མཚན་འཛག་པ་ཉིད། །མ་དང་སྲིང་མོ་བུ་མོ་དང་། །སྲིང་མོ་ལས་བྱུང་བུ་མོ་ཉིད། །གཞན་གྱི་བུ་མོ་སྤང་མི་བྱ། །རྗེའུ་རིགས་མངོན་དགའ་མི་བྱ་སྟེ། །བགྲོད་བྱའི་བུ་མོ་རྟག་སྤངས་ནས། །
བགྲོད་མིན་མཁས་པས་བསྟེན་པར་བྱ། །རྡོ་རྗེ་ཨ་ར་ལི་ལས་འཁྲུལ་འཁོར་དང་། ལས་ཀྱི་ཕྱག་རྒྱ་བསྟན་པའི་ལེའུ་སྟེ་ལྔ་པའོ།། །། དེ་ནས་དམ་ཚིག་གི་བག་དབབ་པ་བཀའ་སྩལ་པ། ཉན་ཐོས་སྐལ་བ་ངན་པ་ལ། །བག་ནི་
དབབ་པར་མི་བྱ་ཞིང་། །དེ་བཞིན་གཅེར་བུ་ཐོད་དུམ་དང་། །རལ་པ་ཅན་ནི་ཐམས་ཅད་ལ། །དམ་ཚིག་བག་ནི་དབབ་མི་བྱ། །སྙིང་རྗེ་ཡིས་ནི་བདག་ཉིད་ཅན། །གལ་ཏེ་ཡིན་ན་བཟའ་བར་བྱ། །གྲུབ་ཀྱང་ལྟ་བ་དམན་པ་ནི། །སེམས་ཅན་
དོན་བྱེད་སྐྱེས་པ་ཉིད། །སྐལ་བ་ངན་པ་ཞེས་བྱར་བརྗོད། །བྲམ་ཟེ་དམ་ཚིག་རྣམ་པར་སྡང་། །དེ་ནས་སློབ་མའི་དམ་ཚིག་བཀའ་སྩལ་པ། དུལ་བྱེད་བློ་དང་ལྡན་པ་དང་། །བཟོད་ལྡན་དལ་བ་མི་བསླུ་བ། །བླ་མར་གུས་ཤིང་སྙིང་རྗེ་ལྡན། །
རྒྱུད་ནི་འདིར་ནི་རབ་ཏུ་བསྔགས། །དེ་ནས་སློབ་དཔོན་གྱི་མཚན་ཉིད་བཀའ་སྩལ་པ། སྔགས་དང་རྒྱུད་ཀྱི་སྦྱོར་བ་ཤེས། །སྙིང་རྗེ་ལྡན་ཞིང་བསྟན་བཅོས་མཁས། །དེ་ཉིད་བཅུ་ནི་ཡོངས་སུ་ཤེས། །དཀྱིལ་འཁོར་བྲི་བའི་ལས་ལ་མཁས། །དེ་
ནས་ཐུན་ཚོད་བཞི་བྱིན་གྱིས་བརླབ་པ་བཀའ་སྩལ་པ། ཇི་ལྟར་བསྒོམ་པའི་སྦྱོར་བ་དེས། །དང་པོ་ཐུན་ཚོད་བྱིན་གྱིས་བརླབ། །དེས་ནི་ཅི་སྲིད་ཉི་ཕྱེད་ན། །ཉི་མ་ཕྱེད་ན་ཐུན་གསུམ་པ། །དུས་དང་བྲལ་ནས་ནམ་ཕྱེད་ན། །ཐུན་ཚོད་བྱིན་བརླབས་
རབ་ཏུ་གྲགས། །ཐུན་ཚོད་བྱིན་བརླབས་རྣལ་འབྱོར་གྱིས། །བདག་གི་རྣལ་འབྱོར་ལྡན་པས་འགྲུབ། །དེ་ནས་བདག་ཉིད་ཀྱི་དཀྱིལ་འཁོར་བཀའ་སྩལ་པ། འདོད་ཆགས་ཞེ་སྡང་གཏི་མུག་དང་། །ཕྲག་དོག་དང་ནི་སེར་སྣ་ཉིད། །བཅོམ་

87-1-158b

ལྡན་ཧེ་རུ་ཀ་ལ་མེད། །ཡོད་ན་རྣམ་པར་དག་པ་ཉིད། །དེ་ནས་དམ་ཚིག་བསྒྲུབ་པ་བཀའ་སྩལ་པ། བགེགས་དང་བཙུགས་པའི་ཤིང་ལའམ། །ལྗོན་ཤིང་བཏགས་ཤིང་འཕྱང་བ་དང་། །གཡུལ་དུ་མཚོན་གྱིས་བསྣུན་པ་ཉིད། །བདག་ཉིད་
རྣལ་འབྱོར་ལྡན་པས་བསྒྲུབ། །དེ་ནས་ནང་དུ་མཛད་པ་བཀའ་སྩལ་པ། བཏུང་བ་རིན་པོ་ཆེ་ཡི་ཆུ། །གང་ཞིག་བཟའ་དེ་དོན་ཡོད་ཉིད། །ཁྲུས་ནི་དཔག་མེད་རྡོ་རྗེ་ཡིས། །དྲིལ་སོགས་རིམ་པ་རྣམ་སྣང་མཛད། །དམ་ཚིག་ཆོས་ཀྱི་དེ་བཞིན་སྤྱད། །
བཙོ་ནི་གང་ཟག་མཉམ་པས་ནི། །དམ་ཚིག་རོ་ནི་འདི་ཡིས་ནི། །གང་ཞིག་གླུ་ཡི་རང་བཞིན་ཉིད། །མཁའ་འགྲོ་ཐམས་ཅད་བཙུན་མོ་སྟེ། །བུ་ནི་འཇམ་དཔལ་ལ་སོགས་པ། །ཁྲོ་བོ་ཡི་ནི་བསྙེན་བཀུར་བ། །བདག་ཉིད་ཧེ་རུ་ཀ་རུ་འགྱུར། །བརྗོད་
པ་བཟླས་པ་ཡང་དག་བཤད། །ཡན་ལག་ཉེད་སོགས་ཕྱག་རྒྱ་སྟེ། །ལྷ་ཡི་རྣལ་འབྱོར་དམིགས་ནས་ནི། །གང་ཞིག་ཐམས་ཅད་དུ་ནི་གནས། །མང་དུ་བརྗོད་པ་ཅི་ཞིག་བྱ། །གང་ཞིག་འཇིག་རྟེན་བྱ་གནས་པ། །རྡོ་རྗེ་སེམས་དཔའི་གནས་
ཐོབ་ཕྱིར། །རྣམ་པར་བཟློག་པས་བྱ་བ་ཉིད། །རི་དགས་ཤོར་སོགས་བྱ་བ་ནི། །འཇིག་རྟེན་དུ་ནི་མི་ཤེས་པས། །མཆོག་ཏུ་རབ་ཏུ་བསྔགས་འགྱུར་བ། །རྣམ་དག་དག་པ་དམ་པ་ནི། །དེ་ཉིད་ཐོབ་པས་རབ་ཏུ་སྤྱོད། །དེ་ནས་སྡོམ་པ་བཀའ་སྩལ་པ། །
རྡོ་རྗེ་དྲིལ་བུ་གཟུང་བྱ་ཞིང་། །བདུད་རྩི་མཁས་པས་བཟའ་བར་བྱ། །རང་གི་ཕྱག་རྒྱ་རྟག་བསྟེན་ཅིང་། །སྤྱོད་པ་འདའ་བ་ཉིད་མི་བྱ། །དེ་ནས་ལྷའི་མཆོད་པ་བཀའ་སྩལ་པ། ཆུ་ཀླུང་ཚལ་གྱི་གནས་སུ་ནི། །བདག་ཉིད་ལྷ་ནི་
མཆོད་པར་བྱ། །བདག་གི་སྔགས་ནི་བརྗོད་པར་བྱ། །མེ་ཏོག་ལ་སོགས་བྱིན་གྱིས་བརླབ། །རྡོ་རྗེ་ཨ་ར་ལི་ལས་ལས་སྣ་ཚོགས་བསྟན་པའི་ལེའུ་སྟེ་དྲུག་པའོ།། །། དེ་ནས་བཅོམ་ལྡན་འདས་ཀྱིས་བསོད་སྙོམས་ཀྱི་ལྷུང་བཟེད་བཀའ་
སྩལ་པ། མཁས་པས་ཕྲུ་བ་ཆག་པར་ནི། །རིག་བཞི་རུ་ནི་སློངས་མོས་རྒྱུ། །ཆུ་བོའི་འགྲམ་དུ་བཟའ་བྱ་ཞིང་། །གཙང་སྦྲ་ཉིད་ནི་རབ་ཏུ་དབྱེ། །བྱི་ལའི་རྐང་པ་ཙམ་གྱི་ནི། །ཁམ་ནི་བློ་དང་ལྡན་པས་བླང་། །ཕྱེ་

87-1-159a

བཏབ་བཟའ་བར་མི་བྱ་ཞིང་། །མི་སྟེར་བ་ལ་རྟག་ཏུ་བླངས། །གཡས་སུ་རབ་མོས་སྐྱེ་བོ་ནི། །གཡོན་ནས་བསྐོར་བ་རུ་ནི་བྱ། །ངེས་པ་མེད་པར་ཁྱིམ་དུ་གནས། །འགྲུབ་འགྱུར་འདི་ལ་ཐེ་ཚོམ་མེད། །རྡོ་རྗེ་ཤིང་
གི་སྟོངས་བྱས་དང་། །དེ་བཞིན་དྲིལ་བུ་ཤིང་གི་བདག །ཧེ་རུ་ཀ་ནི་རབ་གྲུབ་ཕྱིར། །བཟུང་ནས་རྟག་ཏུ་རྒྱུ་བར་བྱ། །དེ་ནས་རྡོ་རྗེ་གནོད་སྦྱིན་མོའི་བསྒྲུབ་པ་བཀའ་སྩལ་པ། སེར་སྐྱའི་ཁྲུ་མ་བླངས་ནས་ནི། །
སྔགས་ནི་འདི་ནི་བཟླ་བར་བྱ། །བསྲུང་བར་བྱས་ཤིང་བསྐམས་བྱས་ནས། །དེ་ལ་གུ་གུལ་བསྲེ་བར་བྱ། །མཁས་པས་གནོད་སྦྱིན་མོ་སྔོན་དུ། །དེས་ནི་བདུག་པ་སྦྱིན་པར་བྱ། །ཤིན་དུ་མཛེས་ཤིང་གོས་མཛེས་པ། །
བྲིས་སྐུར་གནས་པ་ལེགས་གྲུབ་ཕྱིར། །འདི་ཉིད་ཀྱི་ནི་ཆོ་ག་ཡིས། །གནོད་སྦྱིན་མོ་ནི་དགུག་པར་བྱ། །བྲིས་སྐུ་ཉིད་ནི་གནོད་སྦྱིན་མོ། །སྔ་བར་བྱིན་ནས་འགྲོ་བར་འགྱུར། །དེ་ཡི་རྒྱན་རྣམས་ཐམས་ཅད་ནི། །གང་
ཞིག་ཅུང་ཟད་རྒྱན་རྣམས་ཀུན། །སྔ་བ་རུ་ནི་བླང་བར་བྱ། །གལ་ཏེ་འདོད་ན་མཚན་མོ་ལ། །མེ་ཏོག་གིས་ནི་མཆོད་པར་བྱ། །དེ་ནས་རྡོ་རྗེ་རོ་ལངས་ཀྱི་བསྒྲུབ་པ་བཀའ་སྩལ་པ། མ་ཆད་རྨ་མེད་གང་བ་ནི། །
ལེགས་པར་བརྟུལ་ཞུགས་ཅན་གྱིས་བཀྲུ། །མར་ཁུ་ཆེན་པོས་བྱུག་པ་དང་། །བདུག་པ་ཆེན་པོས་བདུག་པར་བྱ། །དཀྱིལ་འཁོར་ཆེན་པོའི་ཤར་ཕྱོགས་སུ། །མར་ཁུ་ཆེན་པོའི་མར་མེ་དབུལ། །ང་ཡི་ཁྱོད་
ལ་ཅི་གསུངས་པའི། །དེ་ལ་དཀྱིལ་འཁོར་བཞེངས་པར་བྱ། །ཡུངས་ཀར་རོ་ལ་བརྡེག་བྱ་ཞིང་། །སྒྲ་ནི་རི་བོར་ཡང་དག་བརྗོད། །དེ་ལ་མཁས་པས་འཇིགས་མི་བྱ། །ཨོཾ་ཛྭ་ལ་ཛྭ་ལ་བྷྱོ་ཧཱུྃ་བརྗོད་
པར་བྱའོ། །དེས་ནི་ཅི་ཞིག་སྦྱིན་ཞས་སྨྲ། །སྒྲུབ་པོས་དེ་ལ་བླང་བར་བྱ། །རྐང་བྱུག་དང་ནི་མིག་སྨན་ཉིད། །རལ་གྲི་དང་ནི་ས་འོག་དང་། །རིལ་བུ་མཁའ་ལ་སྤྱོད་པ་ཉིད། །ཐམས་ཅད་སྦྱིན་པར་ཐེ་ཚོམ་མེད། །

87-1-159b

དེ་ནས་ཚོགས་ཀྱི་དཀྱིལ་འཁོར་བཀའ་སྩལ་པ། གོང་གི་བསམ་གཏན་བྱས་ནས་ནི། །དེ་ལ་སྔགས་ནི་བཟླ་བར་བྱ། །རང་གིས་ཧེ་རུ་ཀ་ཡི་ནི། །རྣལ་འབྱོར་གྱིས་ནི་བདག་ཉིད་དུ། །ཚོགས་ཀྱི་དཀྱིལ་འཁོར་འགྲུབ་པར་འགྱུར། །
གཙང་ཞིང་དབེན་པའི་ས་ཕྱོགས་དང་། །ཞི་ཞིང་དགེ་བའི་གནས་སུ་ནི། །རྣལ་འབྱོར་པ་ཡིས་བཟའ་བར་བྱ། །ཚོགས་ཀྱི་དཀྱིལ་འཁོར་འདི་ཉིད་དུ། །དཔལ་ལྡན་ཧེ་རུ་ཀ་ཡི་ནི། །ཨ་ར་ལི་ཞེས་བྱ་བའི་མཚན། །ཟ་བ་ན་
ནི་གཏམ་སྨྲ་བྱ། །རི་ཡི་རྒྱལ་པོའི་མགོར་གནས་པ། །ཚོགས་ཀྱིས་དག་པའི་སེམས་ཀྱིས་བསྐོར། །དེ་ཡང་ཚོགས་ཀྱི་དཀྱིལ་འཁོར་འདིར། །འགྲུབ་འགྱུར་གང་ཕྱིར་འདི་ཉིད་དུ། །མཆོད་པས་གྲུབ་པར་ཤེས་
མི་འགྱུར། །དེ་ཡི་བཙུན་མོ་བསྲུང་བ་ནི། །གཤིན་རྗེ་མཐར་བྱེད་དུ་ནི་འགྱུར། །ཤེས་རབ་མཐར་བྱེད་དཔུང་གི་མགོན། །པད་མ་མཐར་བྱེད་སྐུ་བསྲུང་བདག །དེ་ཡི་བགེགས་ཀྱི་མཐར་བྱེད་ནི། །
དམག་དཔོན་དུ་ནི་བརྗོད་པ་ཡིན། །འདོད་པའི་རྒྱལ་པོ་ཞེས་བྱ་བ། །དེ་ཡི་གཤེད་མའི་བདག་པོ་ཉིད། །དཔལ་ལྡན་དབྱིག་པ་སྔོན་པོ་ནི། །སྒོ་སྲུང་བ་ཡི་བདག་པོ་ཉིད། །ཐམས་ཅད་ལ་ནི་དབང་བྱེད་
པ། །ཞར་བ་མི་གཡོ་མགོན་པོ་ཉིད། །ཡི་གེ་པ་ཡི་བདག་པོ་ནི། །དེ་བཞིན་དུ་ནི་སྟོབས་པོ་ཆེ། །རྡོ་རྗེ་ཨ་ར་ལི་ལས་དངོས་གྲུབ་བསྒྲུབ་པའི་ལེའུ་སྟེ་བདུན་པའོ།། །།  
དེ་ནས་བྱང་ཆུབ་སེམས་དཔའ་ཕྱག་ན་རྡོ་རྗེ་ལ་སོགས་པ་ཐམས་ཅད་གཏམ་འདི་ཐོས་ནས་སྲིད་པའི་སྦྱོར་བ་ཀུན་དུ་བཅད་ཅིང་རྣམ་པར་དག་པར་གྱུར་པ་དང་། །སྡིག་པ་ཟད་ཅིང་ཉོན་མོངས་
པ་བསྲེགས་པར་གྱུར་ཏོ། །དེ་ནས་བྱང་ཆུབ་སེམས་དཔའ་དེ་དག་གིས་ཚིག་འདི་སྐད་ཅེས་གསོལ་ཏོ། །རྡོ་རྗེ་ཨ་ར་ལི་བརྩོན་ཆེ། །སྣ་ཚོགས་ཨེ་མ་རྨད་བྱུང་བ། །གང་ཞིག་བདག་ཅག་ཉོན་མོངས་ཁེབས། །གང་

87-1-160a

ཞིག་བདག་ཅག་གྲུབ་འགྱུར་བ། །དེ་ནས་བྱང་ཆུབ་སེམས་དཔའ་དེ་རྣམས་རྐང་གཉིས་ཀྱི་མཆོག་དམ་པ་ཐོབ་ནས་སངས་རྒྱས་ཀྱི་རོལ་པ་སྟོན་པར་བྱེད་དོ། །ལ་ལར་རྫོགས་པའི་བྱང་ཆུབ་མཛད། །ཁ་ཅིག་ཏུ་ནི་དཀའ་
ཐུབ་སྤྱོད། །ལྷ་ལས་བབས་པའི་སྤྲུལ་པ་དང་། །དེ་བཞིན་ཁབ་ནས་འབྱུང་བ་དང་། །ཆོས་ཀྱི་འཁོར་ལོ་བསྐོར་བ་དང་། །ཁ་ཅིག་ཏུ་ནི་རབ་བྱུང་བྱེད། །འདུལ་བར་སྟོན་པར་བྱེད་པ་དང་། །མངོན་པའི་སེམས་ནི་ལྷག་པའི་སེམས། །
ལ་ལར་སྔགས་ཀྱི་བདག་ཉིད་འཆང་། །ཁ་ཅིག་ཕ་རོལ་ཕྱིན་པའི་ཚུལ། །ཁ་ཅིག་བྱེ་བྲག་སྨྲ་བའི་ལམ། །ཁ་ཅིག་ཏུ་ནི་མདོ་སྡེ་པ། །ཁ་ཅིག་ཏུ་ནི་རྣམ་ཤེས་ཉིད། །ཁ་ཅིག་ཏུ་ནི་དབུ་མ་ཉིད། །ལ་ལར་དམྱལ་བ་ཆེན་པོར་འགྲོ། །ལ་ལར་
སེམས་ཅན་རྗེས་སུ་སྐྱོང་། །སེམས་ཅན་འདུལ་བ་ལ་བལྟས་ནས། །སྙིང་རྗེའི་བསམ་པས་རོལ་པར་བྱ། །རྡོ་རྗེ་ཨ་ར་ལི་ལས་ཕན་ཡོན་གྱི་ལེའུ་སྟེ་བརྒྱད་པའོ།། །། དེ་ནས་དེ་བཞིན་གཤེགས་པ་ཐམས་ཅད་དང་། 
གང་ཡང་བྱང་ཆུབ་སེམས་དཔའ་དེ་དག་གིས་ལས་རྣམ་པར་འབྱེད་པ་བསྟན་པར་བྱའོ། །གང་ཞིག་རྒྱུད་གང་དུ་དམ་ཚིག་བྱེད་པ་དེས་ནི་འཇིག་རྟེན་གསུམ་པོ་ཀུན་གྱིས་བསྟོད་པར་འགྱུར་རོ། །གང་ཞིག་རྒྱུད་དེ་ཡིས་གང་གི་ཚེ་བྱེད་
པ་དེ་ནི་སྲིད་པར་མཛེས་པར་འགྱུར་རོ། །གང་ཞིག་གླུ་ཡིས་མཆོད་བྱེད་ན། །དེས་ནི་རྟག་ཏུ་སྒྲ་སྙན་འགྱུར། །གང་ཕྱིར་གང་ཞིག་མར་མེ་འབུལ། །དེ་ནི་མིག་དང་ལྡན་པར་འགྱུར། །གང་ཞིག་གར་གྱིས་མཆོད་བྱེད་
པ། །དེ་ནི་རིག་འཛིན་ཆེན་པོར་འགྱུར། །གང་ཞིག་ཕྱག་འཚལ་བྱེད་པ་ནི། །དེ་ལ་སྐྱེ་བོ་ཕྱག་འཚལ་འགྱུར། །གང་ཞིག་དྲི་ཞིམ་འབུལ་བ་ནི། །ལུས་ནི་དྲི་ཞིམ་ལྡན་པར་འགྱུར། །གང་ཞིག་ཕྲེང་བ་བཟང་འབུལ་
བ། །དེ་ནི་གསེར་གྱི་ཕྲེང་ལྡན་འགྱུར། །གང་ཞིག་གོས་ནི་འབུལ་བ་ནི། །དེས་ནི་ལྷ་ཡི་གོས་རྙེད་འགྱུར། །གང་ཞིག་མཚན་ཙམ་འདོན་པ་དང་། །དད་པ་ཙམ་ཡང་རབ་བྱེད་པ། །ལྷག་པར་མོས་པ་རབ་ཏུ་བྱེད། །གང་ཞིག་སྐྱེ་བོ་མཆོད་བྱེད་

87-1-160b

པ། །དེ་རྣམས་ཐམས་ཅད་རྣམ་དག་པའི། །སྲིད་པའི་ལོངས་སྤྱོད་རབ་ཏུ་བཟང་། །རྡོ་རྗེ་ཨ་ར་ལི་ལས་ཡོན་ཏན་རྗེས་སུ་བསྔགས་པའི་ལེའུ་སྟེ་དགུ་པའོ།། །།  དེ་ནས་ཡང་གང་ཞིག་དེ་ལྟར་རྣམ་པར་དག་པའི་སྦྱིན་པ་བྱིན་པས་
དེ་རྐང་གཉིས་ཀྱི་མཆོག་ཏུ་འགྱུར་རོ། །དེ་ནས་བྱང་ཆུབ་སེམས་དཔའ་དེ་དག་དགའ་བས་ཐེ་ཚོམ་སྐྱེས་ཏེ། བཅོམ་ལྡན་འདས་ལ་ལན་གསུམ་བསྐོར་བ་བྱས་ཏེ་ཉེ་བར་འདུག་སྟེ་ཞུས་པ། ཇི་ལྟ་བུ་ཡི་རྣལ་འབྱོར་བགྱི། །བཅོམ་ལྡན་
འདས་ཀྱིས་བཀའ་སྩལ་པ། །སྦྱིན་པ་མཐའ་གསུམ་ཡོངས་དག་པ། །ཧེ་རུ་ཀ་ནི་བསྒོམ་པར་བྱ། །སྦྱིན་པ་ཡང་ནི་ཧེ་རུ་ཀ ། གང་ལ་སྦྱིན་པའང་དེ་ལྟ་བུ། །སྦྱིན་པ་འདི་ནི་རབ་ཏུ་བསྔགས། །སྦྱིན་པ་འདི་ནི་དཔེ་ཙམ་སྟེ། །ཚུལ་ཁྲིམས་ལ་
སོགས་འདི་ལྟར་སྤྱད། །རྒྱུད་ཀྱི་རྒྱལ་པོ་ཆེན་པོ་རྡོ་རྗེ་ཨ་ར་ལི་ལས་དེ་སྐད་ཅེས་གསུངས་སོ། །རྡོ་རྗེ་ཨ་ར་ལི་ལས་རྣལ་འབྱོར་མའི་གོང་ན་མེད་པ་ཞེས་བྱ་བའི་ལེའུ་སྟེ་བཅུ་པའོ། །རྫོགས་སྷོ།། །། རྒྱ་གར་གྱི་མཁན་པོ་ཀཱ་ཡ་
སྟ་པ་ག་ཡ་དྷ་རའི་ཞལ་སྔ་ནས་དང་། བོད་ཀྱི་ལོ་ཙྪ་བ་དགེ་སློང་ཤཱཀྱ་ཡེ་ཤེས་ཀྱིས་བསྒྱུར་ཅིང་ཞུས་ཏེ་གཏན་ལ་ཕབ་པའོ། ། ༄༅། །རྒྱ་གར་སྐད་དུ།   རྀ་ཥི་ཨ་ར་ལི་ཏན་ཏ་རཱ་ཛ་ནཱ་མ།   བོད་སྐད་དུ།   རྀ་ཥི་ཨ་ར་ལིའི་རྒྱུད་ཀྱི་རྒྱལ་
པོ་ཞེས་བྱ་བ།  དཔལ་རྡོ་རྗེ་མཁའ་འགྲོ་ལ་ཕྱག་འཚལ་ལོ། །འདི་སྐད་བདག་གིས་ཐོས་པ་དུས་གཅིག་ན། བཅོམ་ལྡན་འདས་རི་གི་རྣམ་པའི་ཨེ་བྃ་སྡོམ་པ་ལ་བཞུགས་སོ། །གཉིས་མེད་གཉིས་
ཀྱི་རྣལ་འབྱོར་གྱི། །ཨ་ར་ལི་དང་རི་གིར་བརྟགས། །རི་གི་རྣལ་འབྱོར་དབང་ཕྱུག་གཙོ། །དེ་ལ་ཨ་ར་ལིས་ཞུས་པ། །གནས་ཀྱི་རྣམ་པ་དུ་ཞིག་ལགས། །ཉེ་གནས་རྣམ་པ་དུ་རུ་འགྱུར། །དེ་ལ་ཞིང་
གི་རྣམ་པ་དུ། །ཉེ་ཞིང་རྣམ་པ་དུ་རུ་གསུངས། །ཙྪནྡོ་རྣམ་པ་དུ་རུ་བརྗོད། །ཉེ་བའི་ཙྪནྡོ་རྣམ་པ་དུ། །དེ་ལ་འདུ་བ་གང་ཞིག་ལགས། །དེ་བཞིན་ཉེ་བའི་འདུ་བ་ཅི། །དེ་ལ་དུར་ཁྲོད་རྣམ་པ་དུ། །ཉེ་བའི་དུར་ཁྲོད་ཇི་ལྟར་ལགས། །

87-1-161a

དེ་ལ་ལྷ་མོ་རི་གི་ཆེ། །རྣལ་འབྱོར་རྣལ་འབྱོར་ཆེར་གནས་པས། །ཨ་ར་ལི་དང་བདེར་གོ་བར། །ས་བཅུ་རྣམས་ནི་རབ་ཏུ་ཕྱེ། །གནས་ནི་ཤར་གྱི་ལུས་འཕགས་སོ། །དེ་བཞིན་དུ་ནི་བ་གླང་སྤྱོད། །གནས་ནི་བྱང་གི་སྒྲ་
མི་སྙན། །གནས་ནི་དེ་བཞིན་འཛམ་བུ་གླིང་། །གླིང་བཞིར་ལྷ་མོ་བཞི་དང་ནི། །རི་རབ་སྤྱི་བོར་རི་གི་བཞུགས། །ཨ་ར་ལི་དང་མཉམ་སྦྱོར་བས། །གཉིས་ཀྱིས་མཉམ་སྦྱོར་གཉིས་མེད་ལས། །སི་སི་འདོད་པའི་ལྕུག་མ་དང་། །བདེ་
ཆེན་དེ་བཞིན་སྡོམ་པ་མ། །ལྗང་ཁུ་སེར་མོ་བཙོད་མདོག་དང་། །དམར་མོ་རུ་ནི་ཡོངས་སུ་གྲགས། །ཞལ་གཅིག་མ་ནི་ཕྱག་གཉིས་དང་། །གཡས་ན་ཆུ་དྲི་འཛིན་མ་སྟེ། །གཡོན་ན་རྣལ་འབྱོར་ལྷུང་བཟེད་ཉིད། །གཅེར་བུ་མགོ་སྐྱེས་
གྲོལ་བའོ། །ཨ་ར་ལི་ཡི་སྐུ་མདོག་གནག །སྤྱན་གསུམ་ཕྱག་དྲུག་ཨ་ར་ལི། །རི་གི་སྔོན་མོ་སྤྱན་གསུམ་མ། །ཕྱག་གཉིས་ཞགས་པ་ལྕགས་ཀྱུ་འཕྱར། །རྡོ་རྗེ་ར་ལིའི་ཕྱག་གཉིས་ཀྱིས། །རི་གི་དགེ་བའི་བཤེས་གཉེན་
འཁྱུད། །གཡས་ཀྱི་ཕྱག་གཉིས་དག་ཏུ་ནི། །རྡོ་རྗེ་དང་ནི་ཅང་ཏེའུ་བརྟགས། །གཞན་དག་ཏུ་ནི་དགྲ་སྟ་དང་། །ཐོད་པར་མགོ་བོ་འཛིན་པ་ཉིད། །གནས་ནི་སེམས་དང་ཉེ་བའི་གནས། །ས་དང་ཆུ་དང་མེ་དང་རླུང་། །འདིར་
ཡང་ལྷ་མོ་རྣམ་པ་བཞི། །ཁ་དོག་དབྱེ་བ་གོང་མ་བཞིན། །མི་བཟད་རྣོན་པོ་སྒྱུ་མ་ཆེ། །མཐོན་པོ་གསུང་གི་འཁོར་ལོ་ལའོ། །ཤར་སྒོ་དེ་བཞིན་དུ་ནི་ཞིང་། །ཉེ་བའི་ཞིང་ནི་ལྷོ་རུ་འགྱུར། །ཙྪནྡོ་ཧ་ནི་ནུབ་ཀྱི་སྒོ། །ཉེ་བའི་ཙྪནྡོ་
ཧ་ནི་བྱང་། །ཝ་དང་མ་ཧེ་ཉིད་དང་ནི། །རྟ་མགྲིན་གླང་པོའི་རྒྱལ་མཚན་ཉིད། །འདི་རྣམས་སྒོ་དང་སྒོ་རུ་ནི། །ཁ་དོག་དབྱེ་བ་གོང་མ་བཞིན། །གསུང་གི་འཁོར་ལོའི་མཚམས་རྣམས་ནི། །འདུ་བ་ཉེ་བའི་འདུ་བ་ཉིད། །སྐུ་ཡི་
འཁོར་ལོའི་མཚམས་སུ་ནི། །དུར་ཁྲོད་ཉེ་བའི་དུར་ཁྲོད་ཉིད། །སྐུ་གསུང་འཁོར་ལོའི་མཚམས་སུ་ནི། །དམྱལ་བ་དག་ནི་རྟག་ཏུ་བྲི། །སྐུ་ལ་གྲང་བའི་དངོས་པོ་བཞི། །གསུང་ལ་དེ་བཞིན་ཚ་བ་བཞི། །རི་གི་ཨ་ར་ལིའི་སྦྱོར་བ་སྟེ་ལེའུ་

87-1-161b

དང་པོའོ།། །།  ལྷ་མོ་རི་གི་སྙིང་རྗེ་ཆེ། །ཨ་ར་ལི་ནི་ཉིད་ཀྱིས་ཞུས། །ཇི་ལྟར་འཁོར་ལོའི་མཚམས་བརྒྱད་དུ། །དམྱལ་བ་བརྒྱད་ནི་རྣམ་པར་བསྒོམ། །རི་གིས་བཀའ་སྩལ་པ། ཇི་སྙེད་པ་ཡི་སེམས་ཅན་གྱི་བསྡུ་བས་བསྡུས་པ་སྒོ་ང་ལས་སྐྱེས་པ་དང་། 
མངལ་ལས་སྐྱེས་པ་དང་། དྲོད་གཤེར་ལས་སྐྱེས་པ་དང་། བརྫུས་ཏེ་སྐྱེས་པ་དང་། གཟུགས་ཅན་དང་། གཟུགས་མེད་པ་ཅན་ནམ། འདུ་ཤེས་ཅན་དང་། འདུ་ཤེས་མེད་པ་ཅན་དེ་ཐམས་ཅད་ཨ་ར་ལི་དམྱལ་བར་འཚེད་པར་འགྱུར་རོ། །དེ་རྣམས་
གདོན་པའི་བློས་ཨེ་བྃ་རྣམ་པར་བཞུགས་པར་བྱའོ། །སྟོང་པ་ཉིད་ནི་བསྒོམས་ནས་ནི། །ཧཱུྃ་ནི་སྙིང་ཀར་བསྒོམ་པར་བྱ། །ཧཱུྃ་ལས་སྣ་ཚོགས་རིགས་བདག་ཡིན། །རྡོ་རྗེ་ལས་ནི་ཨ་ར་ལི། །འབྱུང་བ་ཉིད་དུ་འགྱུར་བ་ཉིད། །མང་དུ་བརྗོད་པས་ཅི་ཞིག་བྱ། །ཨེ་
བྃ་རྣམ་པ་ཆེས་གསང་བར། །སངས་རྒྱས་རིན་ཆེན་གབ་ཙེར་ནི། །རྫོགས་པའི་དཀྱིལ་འཁོར་དུ་ནི་འགྱུར། །ཨོཾ་ཨ་ར་ལི་རི་གི་ཕེྃ་ཕེྃ་ཕེྃ་བྷྱོ་སྭཱ་ཧཱ། ཆར་དབབ་པའི་ཆོ་ག་བཤད་པར་བྱའོ། །ས་ཡི་བདག་པོ་བླངས་ནས་ནི། །ནོར་རྒྱས་བུ་ནི་མཁས་
པས་བྱ། །ཐོད་པ་སྦྱར་མར་བཞག་ནས་ནི། །བ་ཡི་འོ་མས་དགང་བར་བྱ། །དེ་ཡི་སྦྱོར་བས་བཀང་ནས་ནི། །ངེས་པར་སྲད་བུ་ནག་པོས་དཀྲི། །ཆུ་ཡི་འགྲམ་དུ་རང་སོང་སྟེ། །རི་གི་ཨ་ར་ལི་སྦྱོར་བས། །སྔགས་པས་སྔགས་ནི་ཁྲི་བཟླས་
ན། །ཀླུ་ནི་འཁྲུགས་པས་ཆར་བ་འབེབས། །རྨི་ལམ་གྱི་ལས་བཤད་པར་བྱ་སྟེ། །རྣལ་འབྱོར་བདག་གི་མལ་འོག་ཏུ། །ད་རུ་ར་ཡི་ཁུ་བ་དང་། །དུར་ཁྲོད་སོལ་བ་བསྲེས་པ་དང་། །འུག་པའི་སྒྲོ་རྩའི་སྨྱུ་གུ་ཡིས། །རོ་དཀྲིས་དམར་པོའི་
གོས་ལ་ནི། །བསྒྲུབ་བྱའི་མིང་ནི་རང་གིས་བྲི། །དེ་ལ་རྣལ་འབྱོར་མ་འདུག་ནས། །ཨ་ར་ལི་ནི་ཁྲི་རུ་བཟླས། །ཨོཾ་ཨ་ར་ལི་རི་གི་ཕེྃ། ཨ་མུ་ཀྃ་ཀེ། མ་མེ་དྃ་སྭཔྣྃ་དཪྴ་ཡ་བྷྱོ། སྭཱ་ཧཱ། 
ཁྲག་དགུག་པ་བཤད་པར་བྱ་སྟེ། རྣ་ཚོལ་བརྟག་པར་བྱས་ནས་ནི། །གོང་བུ་མདུན་དུ་དགོད་པར་བྱ། །རི་གི་ཨ་ར་ལིའི་སྦྱོར་བས། །དབུགས་ཀྱི་གོང་བུ་དགུག་པར་བྱ། །ཁབ་ཀྱི་ཕྱག་རྒྱ་

87-1-162a

མཆུ་བྱས་ནས། །དང་པོ་ལྕེ་ཡི་བྱེད་པ་པོས། །ཇི་ལྟར་ཚ་བའི་གོང་བུ་བཞིན། །ཤེས་རབ་ཅན་གྱིས་སྦྲང་ཆེན་དགུག །ཁབ་གྱི་ཕྱག་རྒྱ་གཉིས་པ་ནི། །མགྲིན་སྐྲས་དལ་གྱིས་ཡོངས་སུ་གཟིར། །འཇུག་པའི་ལས་ཡང་དག་པར་རབ་ཏུ་ཤད་
པར་བྱ་སྟེ། ཇི་ལྟར་སྦྱོར་བའི་གཟུགས་བལྟས་ནས། །བདག་ཉིད་རི་གི་ཡི་གཟུགས་སུ། །རི་གི་ཨ་ར་ལིའི་སྦྱོར་བས། །མགོ་ནི་འོག་ཏུ་རྣམ་པར་བསྒོམ། །ཨོཾ་བཛྲ་ཨ་ར་ལི་ཕཊ་ཡ་ཏོ་ཏ་ཡ་ཕེྃ་ཕེྃ་སྭཱ་ཧཱ། རེངས་པར་བྱེད་པ་བཤད་པར་བྱ་
སྟེ། དགྲ་བོ་ཉིད་ཀྱི་ལྕེ་ལ་ནི། །བུ་རམ་གོང་བུ་བསྒོམ་པར་བྱ། །ཨོཾ་རི་གི་གྷུཊྚ་གྷུཊྚ་ཤ་ཧཱུྃ་ཕཊ། དགྲ་བོའི་དྲི་མས་གཟུགས་བརྙན་བྱ། །དེ་ཡི་སྐྲ་ཡིས་དཀྲི་བར་བྱ། །ཚ་བ་གསུམ་གྱིས་ཁ་བཀང་ནས། །གཟུགས་བརྙན་ཁ་རུ་བཞག་པར་
བྱ། །ཨོཾ་ཨ་ར་ལིས་མ་མེ་ཨ་མུ་ཀྃ་ཀྃ་ཀྃ་ས་ར་ཡ་ཕཊ་ཕཊ་ཕཊ་སྭཱ་ཧཱ། དབང་དུ་བྱ་བ་ལ། བདག་གི་གཡོན་པའི་མིག་ཏུ་ནི། །ཨེ་བྃ་རྣམ་པར་བསྒོམ་པར་བྱ། །དེ་ཡི་གཡས་པའི་མིག་ཏུ་ནི། །རྡོ་རྗེ་འཕྲོ་བའི་རྣམ་པ་བསྒོམ། །དེ་དག་འདུས་
པའི་སྦྱོར་བ་ནི། །རི་གི་ཨ་ར་ལིས་སྦྱོར་བས། །མཛེས་མ་དབང་དུ་བྱེད་པར་འགྱུར། །བདག་ཉིད་བསྲུང་བར་བྱ་བ་དང་། །གནས་ནི་སྦྱང་བ་ཉིད་དང་ཡང་། །ཡེ་ཤེས་འཁོར་ལོ་གཞུགས་པ་དང་། །ཐུགས་སོགས་བྱིན་གྱིས་བརླབ་པ་དང་། །ཡན་
ལག་དགོད་པར་བྱ་བ་དང་། །དེ་བཞིན་ལྷ་ཡི་དབང་བསྐུར་དང་། །ལྷ་མོ་རྣམས་ཀྱི་སྔགས་འབྱུང་བ། །ཨ་ར་ལིས་ནི་རྟག་ཏུ་བྱ། །ཨོཾ་དང་ཨཱཿཧཱུྃ་བྱིན་གྱིས་བརླབ། །དེ་ཉིད་གསུམ་ནི་རིགས་གསུམ་འབྱུང་། །བྱིན་བརླབས་ལས་ནི་འགྲུབ་པར་
འགྱུར། །ལས་རྣམས་ཐམས་ཅད་རབ་སྦྱིན་དགེ། །སྙིང་དབུས་རང་གི་ས་བོན་གྱི། །ལྕགས་ཀྱུས་ཨ་ར་ལི་ཕྱུང་ནས། །ཡེ་ཤེས་འཁོར་ལོ་དགུག་པར་བྱ། །བཀུག་ནས་དམ་པོར་བཅིང་བར་བྱ། །དྲི་ཌྷོ་མེ་བྷ་བ། སུ་ཏོ་ཥྱོ་མེ་བྷ་བ། ཨ་ནུ་རཀྟོ་
མེ་བྷ་བ། སརྦཱ་སིདྡྷིམྨེ་པྲ་ཡཙྩ་ཨེ་ཧྱེ་ཧི་བྷ་ག་བན་ཏི་རཾ་སྭཱ་ཧཱ། སྤྱི་བོ་སྙིང་དང་དེ་བཞིན་མགྲིན། །ལྟེ་བ་གསང་བའི་གནས་སུ་ནི། །ཞགས་པའི་ཕྱག་རྒྱའི་སྦྱོར་བ་ཡིས། །དམ་པོ་ལ་སོགས་བཅིང་བར་བྱ། །ཧ་ཧ་ཧི་ཧི་དེ་བཞིན་དུ། །ཧུ་ཧུ་ཧོ་ཧོ་དེ་

87-1-162b

བཞིན་ཏེ། །ལུས་ཀྱི་གནས་ནི་བརྒྱད་རྣམས་སུ། །ཡན་ལག་དགོད་པར་བྱ་བ་ཉིད། །སྤྱི་བོ་མཆན་ཁུང་ལྟེ་བ་དང་། །ཁ་དང་དེ་བཞིན་མིག་གཉིས་དང་། །རྐང་འཐིལ་གསང་བ་ཉིད་དུ་ནི། །ཡན་ལག་དགོད་པར་རབ་ཏུ་གྲགས། །སྔགས་ནི་རིམ་
པ་ཡིས་ནི་མཚོན། །ལག་པ་བ་སྤུའི་ཁུང་པུ་ནས། །རི་གིའི་འོད་ཟེར་སྤྲོ་བར་བྱ། །ལྕགས་ཀྱུའི་ཕྱག་རྒྱ་རབ་སྦྱོར་བའི། །ཡང་ནི་ཕྱིས་ནི་བསྡུ་བར་བྱ། །རི་གི་ཧཱུྃ་སྃ་ཀྃ་མྃ་སྃ་ཉིད། །ཐུགས་ཀྱི་འཁོར་ལོར་རབ་ཏུ་གྲགས། །གྷྃ་ཏཱྃ་མྃ་ཡུྃ་ཞེས་
བྱ་བ། །གསུང་གི་འཁོར་ལོར་གྲགས་པའོ། །ཛྃ་མྃ་ཧཱྃ་ཀྃ་ཨྃ་ཉིད་ནི། །སྐུ་ཡི་འཁོར་ལོར་རབ་ཏུ་གྲགས། །རི་གི་སྔགས་ཀྱི་གདོན་པ་ནི། །རིམ་པ་ཡིས་ནི་མཚོན་པར་བྱ། །རང་གི་སྙིང་ལས་འོད་ཟེར་བྱུང་། །ལྕགས་ཀྱུའི་ཕྱག་
རྒྱར་རབ་སྦྱོར་བས། །ཕྱོགས་བཅུར་རྣམ་པར་བཞུགས་པ་ཡི། །རྫོགས་པའི་སངས་རྒྱས་དེས་བཀུག་ནས། །ཆོ་གས་འདོད་པས་མཆོད་ནས་ནི། །དབང་ནི་བློ་དང་ལྡན་པས་བླང་། །ཨོཾ་སརྦ་ཏ་ཐཱ་ག་ཏ་ཌཱ་ཀི་ནྱཱ་ནུ་ག་ཏ་མ་
ཧཱ་ཨ་བྷི་ཥེ་ཀཱ་ནུ་དྷ་ནུ་ཞེས། བདུད་རྩི་ལྔས་གང་བུམ་པ་ནི། །སངས་རྒྱས་ལྔ་ཡི་རང་བཞིན་གྱི། །དེས་ནི་ལྷ་རྣམས་དབང་བསྐུར་བྱ། །ལྷ་ཡི་དབང་ལས་བདེ་བ་ཉིད། །ཨོཾ་སརྦ་ཏ་ཐཱ་ག་ཏ་ཌཱ་ཀི་ནྱཱ་བྷི་ཥི་ཀ་བཛྲ་སྭ་བྷཱ་བཱཏྨ་ཀོ་
ཧྃ། གྲུ་གསུམ་མེ་ཡི་ས་བོན་གྱིས། །སྣང་བྱེད་རྣམ་པར་བསྒོམ་པར་བྱེད། །སྙིང་གར་ཧཱུྃ་ལས་རིགས་བདག་ཉིད། །དེ་ཉིད་ཀྱི་ནི་དེ་རུ་འགྱུར། །དེ་ནས་རྡོ་རྗེ་ལས་བྱུང་ཀུན། །རྡོ་རྗེ་གུར་དང་ར་བ་ཉིད། །རི་གི་ཨ་ར་ལི་གནས་སུ། །བདག་
ཉིད་རྟག་ཏུ་བསྲུང་བར་བྱ། །དམྱལ་བ་བརྒྱད་ནི་ཐོད་པ་ཡི། །དཀྱིལ་འཁོར་འབར་མ་གསུམ་གནས་པའི། །མཁའ་འགྲོ་མ་ཡི་དྲ་བ་སྡོམས། །འཁོར་ལོ་གཡས་སུ་བསྐོར་བ་ཡིན། །ཞབས་གཡོན་བརྐྱང་པའི་ཨ་ར་ལི། །སེམས་ཀྱིས་
འཇིགས་བྱེད་མནན་ནས་ནི། །རི་གི་ཤིང་ལ་མངོན་ཞོན་པ། །ཞབས་ལ་ཞབས་ཀྱིས་བསྐོར་བ་བྱ། །རྣལ་འབྱོར་མ་ཀུན་ཐོད་པར་གནས། །གར་གྱི་རྐང་པས་ཕྱོགས་སུ་གནས། །ཚ་དང་གྲང་བའི་རབ་དབྱེ་བས། །མཚམས་སུ་ཐོད་པ་

87-1-163a

བརྒྱད་པོ་ཡིན། །ལས་ཐམས་ཅད་རབ་ཏུ་བསྡུས་པ་ཞེས་བྱ་བའི་གླེང་གཞིའི་ལེའུ་སྟེ་གཉིས་པའོ།། །། རི་གི་ཨ་ར་ལིས་ཞུས་པ། །བརྡ་ཡི་རྣམ་པ་དུ་ཞིག་ལགས། །དེ་ལ་ལྷ་མོ་རི་གི་ཆོས། །བརྡ་ནི་ཡང་དག་རབ་ཏུ་ཕྱེ། །བརྡ་
ནི་ཆེན་པོ་ཙྪོ་མ་བཅུ། །བདག་ཉིད་སྔོན་དུ་བྱེད་པ་ཉིད། །གང་གིས་རྣམ་པར་ཤེས་ཙམ་གྱིས། །སྒྲུབ་པོ་དངོས་གྲུབ་ཐོབ་འདོད་ན། །གནས་ནི་དཔྲལ་བའི་རྒྱབ་ཏུ་འདོད། །ངོས་ནི་ཉེ་བའི་གནས་ཉིད་དོ། །པུས་མོ་ཙྪནྡོར་འགྲོ་བར་འགྱུར། །དཔྲལ་
བར་ཉེ་བའི་ཙྪནྡོ་ཉིད། །ལག་པ་གཡས་པ་འདུ་བ་ཉིད། །གཡོན་པ་ཉེ་བའི་འདུ་བ་ཉིད། །རྣ་བ་གཡས་པ་དུར་ཁྲོད་གནས། །གཡོན་པ་ཉེ་བའི་དུར་ཁྲོད་དོ། །སྙིང་ནི་ཞིང་དུ་ཡང་དག་འགྱུར། །ལྷག་མ་ཉེ་བའི་ཞིང་ཉིད་དང་། །ཚོང་རྡལ་ཉམས་
དགའ་ཚོང་འདུས་དང་། །མ་མོའི་ཁྱིམ་དུ་རྟག་ཏུ་བལྟ། །བརྡ་ཡི་རྣམ་པར་ཤེས་པར་བྱ། །རང་གི་མཚན་མ་རང་གིས་སྟོན། །རིལ་བུ་མིག་སྨན་ལ་སོགས་པ། །མཆོག་ནི་རབ་ཏུ་སྨིན་པར་འགྱུར། །ཨ་ར་ལི་ཡིས་ལྷ་མོར་ཞུས། །ཡེ་
ཤེས་དམ་པ་ཇི་ལྟར་ལགས། །གང་གིས་རྣམ་པར་ཤེས་ཙམ་གྱིས། །སྒྲུབ་པོ་དངོས་གྲུབ་ཐོབ་འགྱུར་བ། །འབྲས་ཕྱིར་བྱང་ཆུབ་ཐོབ་འགྱུར་བའི། །ཏིང་འཛིན་ལྷ་མོ་རི་གི་སྟེ། །མཆོག་ཏུ་བདེ་བ་ཆེན་པོ་ཉིད། །སྲུབ་དང་སྲུབ་བྱེད་ལས་བྱུང་བ། །
ཀུན་མཁྱེན་ཡེ་ཤེས་ཡང་ངས་འབྱུང་། །སེམས་པ་ཐམས་ཅད་ཡོངས་སུ་སྤངས། །དབང་པོ་ཐམས་ཅད་བཟློག་པར་བྱ། །དགོན་པ་དབེན་པའི་གནས་སུ་ནི། །གཉིས་གཉིས་ཐམས་ཅད་རྣམ་པར་སྤངས། །མིག་དག་སྟེང་དུ་བཟློག་
ནས་ནི། །སྨིན་མའི་དབུས་སུ་སེམས་བྱས་ན། །མི་ཟད་མུན་པའི་གཟུགས་སུ་ནི། །སྒྲུབ་པོ་དང་པོ་མཐོང་བར་འགྱུར། །ཕྱིས་ནི་རྣ་བ་གཡོན་པར་བཅུག །དལ་གྱིས་དལ་གྱིས་འགུལ་བར་འགྱུར། །ཡན་ལག་ཅན་གྱི་བདེ་བ་གང་། །དེ་
བཞིན་ཕྱག་རྒྱ་ཆེན་པོ་བདེ། །ཕྱི་ཡི་ཕྱག་རྒྱ་ངང་གིས་འཇིག །དེ་ཡིས་ཡེ་ཤེས་ཀྱང་ནི་འཇིག །བདེ་བ་ཆེན་པོ་རྟོགས་པའི་ཕྱིར། །དེ་ཡི་ཡེ་ཤེས་ཕྱག་རྒྱ་པ། །འདི་ཉིད་ཡེ་ཤེས་ཆེན་པོ་ཉིད། །རང་གིས་རིག་པའི་རང་བཞིན་ཅན། །

87-1-163b

གཞོན་ནུའི་དགའ་བ་ཇི་ལྟ་བར། །གཞན་དུ་བརྗོད་པར་མི་ནུས་སོ། །ལྷན་ཅིག་སྐྱེས་པའི་རྣལ་འབྱོར་འདི། །སེམས་ཅན་གསོལ་འདེབས་སེམས་ཀྱིས་ནི། །སེམས་ཅན་ཀུན་ལ་སྙིང་རྗེ་ཡིས། འདི་ནི་རྣལ་འབྱོར་གཙོ་བོ་ཉིད། །འདི་ལ་གོམ་
པའི་རྣལ་འབྱོར་གྱིས། །ནམ་མཁའ་མཉམ་པའི་སེམས་ཀྱིས་ནི། །སྙིང་རྗེ་མཐུ་ཆེན་རྣལ་འབྱོར་པས། །འགྲུབ་འགྱུར་འདི་ལ་ཐེ་ཚོམ་མེད། །དང་པོར་མུན་པ་མཐོང་བར་འགྱུར། །གཉིས་པ་དཀར་དང་དུ་བ་འཐུལ། །གསུམ་པ་མེ་
ཁྱེར་རྣམ་པ་ལྟར། །བཞི་པ་ཡ་བའི་མེ་ཏོག་བཞིན། །ལྔ་པ་སྤྲིན་མེད་ཡེ་ཤེས་ནི། །རང་གཞན་ཡང་དག་རིག་པ་སྤངས། །སྤྲིན་མེད་ནམ་མཁའ་ལྟ་བུ་ནི། །དེ་ཡོད་ཐམས་ཅད་མཁྱེན་པའི་རྒྱུ། །རྟག་ཏུ་གོམས་པའི་རྣལ་འབྱོར་གྱིས། །
རྩེ་གཅིག་སེམས་ཀྱིས་རི་གིར་འགྱུར། །ཡེ་ཤེས་བདུད་རྩི་རྟག་འཐུངས་པས། །བཀྲེས་པས་ཟིལ་གྱིས་མི་ནོན་ཅིང་། །སྐོམ་པ་ཡིས་ཀྱང་ཟིལ་མི་ནོན། །རྒ་དང་ན་བས་གཟིར་མི་འགྱུར། །འདི་ཡི་ཐབས་ཀྱི་རྣལ་འབྱོར་གྱིས། །རི་གི་ཐམས་ཅད་
རིག་པར་འགྱུར། །དེ་ནས་རྣལ་འབྱོར་པ་ཆེན་པོ། །ཨ་ར་ལི་ནི་ཉིད་ཀྱིས་ནི། དམ་དུ་འཁྱུད་པར་འོ་མཛད་པས། །རི་གི་ལ་ནི་གུས་པས་ཞུས། །ཨེ་བྃ་མ་ཡ་ཅི་ཞིག་བཤད། །ཨེ་ཡི་རྣམ་པས་ས་རུ་བཤད། །བྃ་གི་རྣམ་པ་དེ་བཞིན་ཆུ། །མ་ནི་མེ་
ཞེས་བྱ་བར་བརྗོད། །ཡ་ཡི་རྣམ་པ་རླུང་དུ་གསུངས། །རི་གི་སྡོམ་པ་ཅི་ཞིག་བཤད། །རི་གིས་བཀའ་སྩལ་པ། རི་གི་མཁའ་འགྲོ་མར་ནི་གསུང་། །སྡོམ་པ་དམ་པར་གྱུར་པ་འདི། །རི་གི་ཨེ་བྃ་སྡོམ་པ་ནི། །ཨེ་བྃ་རྣམ་པ་རྣ་བར་གནས། །རི་གི་སྣ་
ཡི་རྩེ་མོར་ནི། །རྟག་ཏུ་རི་གི་བཞུགས་པ་ཡི། །ཡེ་ཤེས་དམ་པ་འདི་ཉིད་ནི། །ཀུན་མཁྱེན་ཡེ་ཤེས་དེ་ཡི་བདག །འབྱུང་བ་ཆེན་པོ་བཞི་གཏན་ལ་དབབ་པ་དང་བརྡའི་ལེའུ་སྟེ་གསུམ་པའོ།། །། དེ་ནས་རྣལ་འབྱོར་ཆེན་པོ་ཡིས། །ཨ་
ར་ལི་ནི་ཉིད་ཀྱིས་ནི། །རང་བཞིན་མཛེས་པ་ཉིད་ལ་ཞུས། །དཀོན་མཆོག་གསུམ་ལ་གནོད་བྱེད་པའི། །ཁྲག་ནི་ཇི་ལྟར་དགུག་པར་བགྱི། །བཀའ་པ། ནུས་ལ་སོགས་པས་མདུན་དུ་ནི། །ཡ་བའི་མེ་ཏོག་གཞག་ནས་ནི། །རང་གི་ཁྲག་ནི་དགུག་པར་བྱ། །

87-1-164a

རི་གི་ཉོན་ཅིག་གོམས་པ་ཡི། །ནས་ནི་ཉི་ཤུ་ཁ་སྨད་འབྱུང་། །ཕྱི་ནས་ཁྲག་ནི་དགུག་པར་བྱེད། །ལྷ་ནི་དྲལ་བ་བཤད་པར་བྱ། །སྤྱི་བོར་འབར་བ་བསམ་པར་བྱ། །འབར་བའི་ཕྲེང་བས་ཁྱབ་ནས་ནི། །དེར་ནི་སྔགས་ནི་བཟླས་པར་བྱ། །
ཨོཾ་ཧེ་རུ་ཀ་པ་ཏྃ་ཕི་པ་ཏཱ་ཡ། །རི་གི་ཨ་ར་ལིའི་སྦྱོར་བས། །ལྷ་ལ་ཕྱག་བྱས་འགག་པར་འགྱུར། །ཨཱ་ལི་ཀཱ་ལི་ཡན་ལག་མཉམ། །འདི་དག་གཉིས་དབུས་རང་ས་བོན། །རང་གི་ས་བོན་ཉིད་ཀྱིས་ནི། །རང་གི་ཕྱག་རྒྱ་རྣམས་ཡིན་ཏེ། །ཕྱག་རྒྱ་ལས་
ནི་ལྷ་རྣམས་འབྱུང་ཨ། །ཨོཾ་ཤཱུ་ནྱ་ཏ་ཛྙཱ་ན་བཛྲ་སྭ་བྷཱ་བ་ཨཱཏྨ་ཀོ྅་ཧྃ། ལྕགས་ཀྱུ་ཕྱག་རྒྱ་ལག་གཉིས་ཀྱིས། །མཐེ་ཆུང་ཕན་ཚུན་ལྕགས་ཀྱུའི་ཚུལ། །དབུ་མ་ཡི་ནི་སོར་མོ་གཉིས། །མཐེ་བོང་རྒན་པོས་གཟིར་བར་བྱ། །སྡིགས་མཛུབ་
གཉིས་ཀྱི་ཞགས་པ་ཉིད། །རྡོ་རྗེ་རལ་གྲི་ཞགས་ཆེན་པོ། །ཆོས་ཀྱི་ཡེ་ཤེས་གང་ཞིག་གཞན། །རི་གི་ཉིད་དུ་རབ་ཏུ་གྲགས། །འཕགས་པའི་བདེན་པ་བཞི་ཡིས་ནི། །སི་སི་ལ་སོགས་རབ་ཏུ་གྲགས། །མི་འཇིགས་པ་ནི་བཞི་ཡིན་ཏེ། །མི་བཟར་
ལ་སོགས་རབ་ཏུ་གྲགས། །བསྡུ་བའི་དངོས་པོ་བཞི་ཡིས་ནི། །ཝ་ལ་སོགས་པ་རབ་ཏུ་གྲགས། །ཕྱག་དྲུག་འགྲོ་བ་དྲུག་ཏུ་གསུངས། །སྤྱན་གསུམ་སྲིད་པ་གསུམ་དུ་བརྗོད། །འཇིགས་བྱེད་བདག་གི་སེམས་ཉིད་དེ། །ཞབས་ཀྱི་རྩ་བར་བསྒྱེལ་
བ་ཉིད། །དགའ་བ་ལ་སོགས་ས་བཅུ་ནི། །གནས་སོགས་ཡང་དག་རབ་ཏུ་གྲགས། །ཕ་རོལ་ཕྱིན་དྲུག་ཕྱག་རྒྱ་དྲུག །ཐོད་པ་ནམ་མཁའི་དཀྱིལ་འཁོར་ཉིད། །ཨེ་བྃ་མ་ཡའི་དབུས་གནས་པའོ། །བདག་ཉིད་ཀྱིས་ནི་དེ་ལྟར་བསམ། །འཆོལ་
བ་ཀུན་གྱི་མཚན་ཉིད་ཀྱིས། །ཐམས་ཅད་རྒྱུད་དུ་ཡང་དག་གནས། །གྲི་གུག་མ་རིག་གཅོད་པ་ཉིད། །ཐོད་པ་ཉིད་ནི་སྙིང་རྗེ་ཆེ། །རི་གི་ཨ་ར་ལི་ཡི་སྒྲ། །ཅང་ཏེའུ་ཧཱུྃ་ཧེའི་སྔགས་བཟླས་པས། །དགྲ་སྟ་ཆོས་ཀྱི་འབྱུང་གནས་བརྗོད། །རྡོ་
རྗེ་རྡོ་རྗེར་རབ་ཏུ་གྲགས། །མགོ་བོར་ཉོན་མོངས་པ་ཡི་བདུད། །ཐོད་པ་ནམ་མཁའ་དག་པ་ཉིད། །ལྕགས་ཀྱུ་རི་གི་ཟེ་འབྲུ་སྟེ། །དེ་བཞིན་ཞགས་པ་དག་པ་ཉིད། །ངང་གི་དག་པ་བསྡུས་ནས་ནི། །ལུས་ནི་མཆོད་རྟེན་དག་པ་སྟེ། །སྐྱིལ་དཀྲུང་

87-1-164b

གདན་དུ་ཤེས་པར་བྱ། །འཛམ་བུའི་གླིང་གི་སྙིང་པོར་གསུངས། །གཉེར་མ་གསུམ་བརྟག་ལྟེ་བ་ཉིད། །ལྟོ་བ་ཡང་ནི་གཟུགས་སུ་འགྱུར། །མགྲིན་པ་ཡང་ནི་མགྲིན་པར་བརྗོད། །ཁ་ཁྱེར་མགོ་བོར་ཤེས་པར་བྱ། །སྤྱི་བོ་གདུགས་ཀྱི་ཕྲེང་
བར་བརྗོད། །མིག་གཉིས་ཟླ་བ་ཉི་མ་ཉིད། །འཕན་ནི་མགོ་ལས་སྐྱེས་པ་ཡིན། །རུས་པ་བདེ་བར་གཤེགས་པའི་གདུང་། །དེ་ཕྱིར་རང་བྱིན་རློབ་པར་འགྱུར། །དེ་ཕྱིར་སངས་རྒྱས་གཟུགས་བརྙན་ལུས། །རྣལ་འབྱོར་པ་ཡིས་རྟག་ཏུ་
མཆོད། །རང་གི་ངོ་བོ་སངས་རྒྱས་སུ་བཤད་པའི་ལེའུ་སྟེ་བཞི་པའོ།། །། རྒྱལ་པོ་ཆེན་པོ་ཟས་གཙང་འདི། །ཨ་ར་ལིས་ནི་ཡང་དག་ཕྱེ། །དེ་ལ་རི་གི་སྒྱུ་མ་ཆེ། །འགྲོ་བ་ཐམས་ཅད་ཤེས་རབ་དག །དོན་གྲུབ་རྡོ་རྗེ་སེམས་དཔའ་སྟེ། །ལྷ་
མོ་ས་འཚོ་ཕྱག་རྒྱའོ། །སྒྲ་གཅན་བཟང་པོའི་བདེ་བ་ཆེ། །སྒྱུ་མའི་གཟུགས་ཀྱི་སྤྲོས་པ་ལས། །སྒྱུ་མ་ཆེན་པོ་ས་འཚོ་ཉིད། །རྡོ་རྗེ་སྒྱུ་མའི་རྣམ་འཕྲུལ་བས། །དོན་གྲུབ་ལྷན་ཅིག་སྐྱེས་དགའ་ཉིད། །སྲས་ནི་བཅོམ་ལྡན་རྡོ་རྗེ་རྡོ་
ཅན། །ཡབ་ནི་རྡོ་རྗེ་འཆང་གྲར་བྲགས། །ཡུམ་ནི་སྒྱུ་མ་ཆེན་མོ་ཡིན། །དེ་ཉིད་ཕྱག་རྒྱར་རབ་ཏུ་གྲགས། །མཐེ་བོང་རྒན་པོ་རྡོ་རྗེ་ཡིན། །ལྟེ་བ་ཆོས་ཀྱི་འབྱུང་གནས་གསུངས། །སྒྱུ་མ་ཆེན་པོའི་རྣམ་འཕྲུལ་བས། །དོན་གྲུབ་ཉིད་ནི་གཟི་བརྗིད་
ཅན། །ངོ་བོས་འགྲོ་བ་སངས་རྒྱས་ཉིད། །ལྷ་མོ་རི་གི་ང་ཚིག་ཉོན། །ལས་ལ་སྤྱོད་པ་རབ་བརྟགས་པས། །ལུས་ཅན་རྣམས་ནི་རྟག་ཏུ་གདུངས། །དགའ་བ་ཡང་ནི་ཤི་ཤིར་གསུངས། །མཆོག་ཏུ་དགའ་བ་འདོད་པ་མ། །དགའ་བྲལ་དགའ་
བ་བདེ་ཆེན་མ། །ལྷན་ཅིག་སྐྱེས་དགའ་སྡོམ་པ་མ། །མི་བཟང་མ་ནི་ཡོ་རུ་གསུངས། །རྣོན་མོ་ཡང་ནི་འཁྱུད་མོ་ཉིད། །སྒྱུ་མ་སྐྱེད་ལ་སྒྱུ་མ་ཆེ། །མཐེ་བོ་མཆུ་ནི་འཇིག་པ་ཉིད། །དགའ་བའི་རྩོད་པ་ཝ་ཉིད་དེ། །སྦྲང་རྩི་བཏུང་བས་མ་ཧེ་ཉིད། །
རྟོག་པ་ཡིས་ནི་རྟ་མགྲིན་ཏེ། །འོ་བྱེད་གླང་པོའི་རྒྱལ་མཚན་ནོ། །རྡོ་རྗེ་ར་ལི་འདོད་ཆེན་ཅན། །འདོད་པ་མ་ནི་རི་གིར་བརྗོད། །ཐབས་དང་ཤེས་རབ་རང་བཞིན་གྱིས། །འགྲོ་བ་ཐམས་ཅད་རྣམ་པར་ཁྱབ། །སི་སི་རྣམ་པས་དམྱལ་བ་བཞི། །

87-1-165a

དེ་བཞིན་ཧ་ཡི་རྣམ་པ་བཞི། །འཁོར་བར་ཇི་ལྟར་སྤྱད་པ་ནི། །མྱ་ངན་འདས་པ་མི་འགལ་ལོ། །རྡོ་རྗེ་ཨ་ར་ལི་ཉིད་ནི། །ཁུ་བར་ཡང་ནི་འགྱུར་བ་ཡིན། །རི་གི་བདེ་བ་ཆེན་པོར་གསུངས། །རི་གི་ཨ་ར་ལི་སྦྱོར་བས། །རྡོ་རྗེ་སྒྱུ་མ་ཞེས་
བྱར་བརྗོད། །བུད་མེད་སྒྱུ་མའི་སྤྲོས་པ་ཡིས། །འགྲོ་བ་ཐམས་ཅད་རྣམ་པར་རྨོངས། །བུད་མེད་སྒྱུ་མ་སངས་རྒྱས་ཉིད། །སྒྱུ་མ་ཐམས་ཅད་སྤེལ་བར་བྱེད། །སྙིང་པོའི་སྔགས་ནི། ཨོཾ་ཨ་རཱ་ལཱི་བྷྱོ་བྷྱོ་ཧ་ཧ་ཧ་ཧ། སི་སི་སི་སི་མི་གསལ་བར་
བཟླས་སོ། །གཉིས་ཀྱི་ཉེ་བའི་སྙིང་པོ་ནི། །ཧ་ཧ་ཧ། ལས་རྒྱས་པ་ལ་སྔགས་གང་ནི། །དེ་ཡི་སྔགས་སུ་རབ་ཏུ་བསྔགས། །སྙིང་པོ་ཡི་ནི་སྔགས་ཡིན་ནོ། །ཉེ་བའི་སྔགས་ཀྱིས་བསྐུལ་བ་ཡིན། །བསྒོམ་པ་བདེ་ཆེན་མྱང་བ་སྟེ། །དེ་བཞིན་
དམ་ཚིག་མཆོད་པ་ཉིད། །ཐམས་ཅད་ཀྱི་ནི་དམ་ཚིག་ལ། །མི་ལས་སྐྱེས་པ་རབ་ཏུ་བསྔགས། །ཀླུ་གཟིར་གཉིས་འཐུང་དམ་ཚིག་སྟེ། །རྨི་ལམ་རྟ་ནི་རབ་ཏུ་བསྔགས། །བསད་ལ་མ་ཧེ་དམ་ཚིག་གོ། །དབང་ལ་ཁྱི་ནི་རབ་ཏུ་བསྔགས། །
ཁྲག་དགུག་པ་ལ་དམ་ཚིག་སྟེ། །འཇུག་པ་དེ་བཞིན་རྔ་མོ་ཉིད། །རེངས་པ་ལ་ནི་ནེ་འུའི་ཤ ། ཁ་ན་མ་ཐོ་མེད་རྙེད་པ། །གལ་ཏེ་བསད་པར་བྱས་ན་ནི། །དེ་ཚེ་རྣལ་འབྱོར་པས་ནི་འགྲུབ། །སེམས་ཅན་བསྐྱབ་སེམས་རྣལ་འབྱོར་
པ། །འགྲུབ་འགྱུར་འདི་ལ་ཐེ་ཚོམ་མེད། །དཀྱིལ་འཁོར་ཁྲུ་ནི་བཞི་པ་བྱ། །སྒོ་ཁྱུད་སོར་ནི་གཉིས་སུ་གསུངས། །ལོགས་ལ་ཡང་ནི་སོར་གཉིས་ཡང་། །སྒོ་ཁྱུད་ཀྱི་ནི་ཁ་ཁྱེར་ལ། །སོར་ནི་བཅུ་གཉིས་དག་ཏུ་གསུངས། །ལྷ་ཡི་
སྣམ་བུ་སོར་གཉིས་ཏེ། །རྟ་བབས་སོར་ནི་བཅུ་དྲུག་ཉིད། །སྒོ་ལས་སོར་མོ་གཉིས་ཀྱིས་ནི། །རྡོ་རྗེ་ཕྲེང་བ་དེ་བཞིན་བྱ། །དཀྱིལ་འཁོར་སྙིང་པོ་ཟླུམ་པོ་སྟེ། །ཕྱོགས་བཞི་ཁ་དོག་བཞི་དང་ལྡན། །ཁ་དོག་ལྔ་ཡི་རྡུལ་ཚོན་ཉིད། །སྲད་བུ་ལྔ་ཞེས་
བྱ་བར་བརྗོད། །གསེར་དང་ཡང་ན་དངུལ་ཉིད་དང་། །མུ་ཏིག་དང་ནི་བྱི་རུ་དང་། །མུ་མེན་ཡང་དག་བསྲེས་ནས་ནི། །རིན་ཆེན་ལྔ་ནི་ཤིན་དུ་གཞུག །ལྷ་ཡི་གྲངས་ཀྱི་བུམ་པ་ཉིད། །རྣམ་རྒྱལ་བུམ་པ་ཆེས་ཆེ་བ། །བུམ་པ་དཀྲི་བ་ཉིད་དུ་ནི། །

87-1-165b

སྒྲུབ་པ་པོ་ནི་དམ་པས་བྱ། །དང་པོར་ས་ནི་ཡོངས་དག་བྱ། །གཉིས་པར་ཐིག་སོགས་གདབ་པ་དང་། །ལྔ་པའི་དཀྱིལ་འཁོར་བྲི་བ་དང་། །དེ་བཞིན་ལྔ་པར་སྦྱིན་སྲེག་ཉིད། །འཇིག་རྟེན་སྐྱོང་བ་དབང་པོ་དང་། །ལྷ་མོ་ཁྱོད་ནི་དབང་དུ་འགྱུར། །དཀྱིལ་
འཁོར་འདི་ནི་བཞེངས་པར་བགྱི། །འོད་སྲུངས་མ་ཡིས་བགེགས་མེད་མཛོད། །ཇི་ལྟར་བདག་ཉིད་ནགས་དེ་བཞིན། །རྟག་པ་ཉིད་དུ་གཏོར་མ་སྦྱིན། །མཚན་མོ་ཐུན་གཅིག་གནས་པ་ནི། །མཁས་པས་དཀྱིལ་འཁོར་མཉེས་པར་བྱ། །
གཏོར་མའི་སྔགས་ནི། ཨོཾ་ཤརྒ་ཏི་ཀ་ས་ནེ་ནཱ་ཀཱ་རོ་མུ་ཁྃ་སརྦཱ་དྷརྨཱ་ཎྃ་ཨདྱཱ་ནུཏྤྃན་ཏྭཱཏ། ས་ནི་ཡོངས་སུ་གཟུང་དུས་སུ། །བགེགས་ནི་སྐྲོད་པར་བྱེད་པའི་སྔགས། །ཨོཾ་ཨ་ན་ས་ཏ་ན་ན་ཊ་སྟིཥྛ་ཡ་མ་བཱ་རུ་ན་ཀུ་བེ་ར་ཀ་སྭཱ་ཙཱ་སྠ་ཎེ་
ཥུ་ཏིཥྚ་དྷྃ་རཀྵྃ་ཀུ་རུ་ཏ་མེ་བི་ར་ཏྲྃ། ཆོ་གའི་མཚན་ཉིད་དང་ངེས་པའི་ལེའུ་སྟེ་ལྔ་པའོ། །རི་གི་ཨ་ར་ལིའི་རྒྱུད་ཀྱི་རྒྱལ་པོ་རྫོགས་སྷོ།། །། རྒྱ་གར་གྱི་མཁན་པོ་ཀཱ་ཡསྟཱ་པ་གཱ་ཡ་དྷ་རའི་ཞལ་སྔ་ནས་དང་། བོད་
ཀྱི་ལོ་ཙྪ་བ་དགེ་སློང་ཤཱཀྱ་ཡེ་ཤེས་ཀྱིས་བསྒྱུར་ཅིང་ཞུས་ཏེ་གཏན་ལ་ཕབ་པའོ། །ཡེ་དྷརྨཱ་ཧེ་ཏུ་པྲ་བྷ་བཱ་ཧེ་ཏུནྟེ་ཥཱནྟ་ཐཱ་ག་ཏོ་ཧྱ་བ་དཏ། ཏེ་ཥཱཉྩ་ཡོ་ནི་རོ་དྷ་ཨེ་བྃ་བཱ་དཱི་མ་ཧཱ་ཤྲ་མ་ཎཿ།། ༄༅། །རྒྱ་གར་སྐད་དུ།   ཤྲཱི་ཙ་ཏུ་
ཪྤཱི་ཐ་མ་ཧཱ་ཡོ་གི་ནཱི་ཏན་ཏྲ་རཱ་ཛ་ནཱ་མ།   བོད་སྐད་དུ།   རྣལ་འབྱོར་མའི་རྒྱུད་ཀྱི་རྒྱལ་པོ་ཆེན་པོ་དཔལ་གདན་བཞི་པ་ཞེས་བྱ་བ།  ཐུགས་རྗེ་ཆེན་པོ་འཕགས་པ་སྤྱན་རས་གཟིགས་དབང་ཕྱུག་ལ་ཕྱག་འཚལ་ལོ། །རྣལ་འབྱོར་
མ་ཡི་དྲ་བ་སྡོམ། །ཡེ་ཤེས་སྟོང་པ་ཅན་དབང་ཕྱུག །གནས་གཙང་མ་ན་བཞུགས་ནས་སུ། །ཐམས་ཅད་མཁྱེན་པས་འདི་སྐད་གསུངས། །སྦྱངས་པའི་ཡོན་ཏན་ཅན་དང་། མི་སྡུག་པ་དང་འཕྱང་བ་དང་། མགྲིན་པ་གསུམ་པ་ཅན་དང་། 
རི་རབ་དང་རི་རབ་གཙུག་ཏོར་དང་། པད་མ་ཅན་དང་། པདྨ་ཡངས་པ་ལ་སོགས་པ་རྣལ་འབྱོར་གྱི་དབང་ཕྱུག་བྱེ་བ་ཕྲག་བརྒྱད་བཅུའི་ནང་ནས་ཕྱག་ན་རྡོ་རྗེ་ལ་གཟིགས་ནས་འཛུམ་པ་མཛད་དོ། །འཛུམ་པ་མཛད་མ་ཐག་ཏུ་འདིར་ཕྱག་

87-1-166a

ན་རྡོ་རྗེ་སྟན་ལས་ལངས་ཏེ། བླ་གོས་ཕྲག་པ་གཅིག་ཏུ་གཟར་ནས་པུས་མོ་གཡས་པའི་ལྷ་ང་ས་ལ་བཙུགས་ཏེ། ལག་པ་ཐལ་མོ་སྦྱར་ནས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །གསང་བ་སྦྱོར་བའི་མཚན་ཉིད་རྣམས། །
ཡེ་ཤེས་དབང་ལ་ཉན་པར་འཚལ། །ས་དང་ནམ་མཁའ་ཇི་ལྟར་ལགས། །ཆུ་དང་མེ་ནི་ཇི་ལྟ་བུ། །འབྱུང་དང་འཇུག་པའི་དབུགས་དག་གིས། །བསམ་གཏན་ཇི་ལྟར་གཟུང་བར་བགྱི། །ཡུལ་འཁོར་སྐྱོང་བ་དང་པོའི་ལྷ། །དཀྱིལ་
འཁོར་དག་ནི་ཇི་ལྟར་ལགས། །ཡེ་ཤེས་རྣམས་ཤེས་ལུས་ཀྱི་ནི། །ལས་ལ་སོགས་པ་ཇི་ལྟར་སྦྱོར། །འཁོར་བ་ལས་སྒྲོལ་མཚན་ཉིད་ཀྱི། །དེ་ཉིད་ཇི་བཞིན་རྡོ་རྗེས་ཉོན། །དབུགས་ཀྱི་ལས་ལ་སོགས་ཐམས་ཅད། །ཡེ་ཤེས་ཅན་གྱི་
ལས་སུ་སྦྱར། །ཉི་ཁྲི་དང་ནི་ཆིག་སྟོང་དང་། །དྲུག་བརྒྱ་རུ་ནི་བརྩི་བར་བྱ། །ཆུ་ཚོད་དྲུག་བཅུའི་དབུགས་རྣམས་ཀྱིས། །ཉིན་མཚན་དུ་ནི་གྲགས་པ་ཡིན། །འབྱུང་དང་འཇུག་པའི་དབུགས་རྣམས་ནི། །འབྱུང་བའི་གྲངས་ཀྱིས་
བརྩི་བར་བྱ། །བློ་དང་ལྡན་པས་དབུགས་གཉིས་ནི། །འཇུག་པ་འབྱུང་ལ་ཐིམ་པར་བྱ། །དེ་བཞིན་ས་ནི་བཅུ་གཉིས་ལ། །ཕྱི་རོལ་མཚན་མ་བཞག་བྱ་སྟེ། །ཚེས་གྲངས་མཚན་མ་ཇི་བཞིན་དུ། །རེ་མིག་བཅུ་གཉིས་རྣམས་སུ་
གཞག །གོ་རིམས་བཅུ་གཉིས་རབ་བརྩོན་པས། །ཤར་ནས་དཔྱིད་ཟླ་འབྲིང་སོགས་གཞག །རོ་ཧི་ཏ་དང་མོ་ཧི་ཏ། །དེ་བཞིན་བྷ་དྲཱ་བྲྀ་ཥ་བྷ། །ཀུར་མ་མ་ཀར་རཎྜ་དང་། །མི་ཀིར་དེ་བཞིན་བི་ཏྲི་ཀ །བྱཱ་ཀུ་སྭཔ་ན་ཀཱ་མ་ནཱ། །
ཀ་མ་ས་དང་བཅུ་དང་གཉིས། །འདི་དག་ཤར་སོགས་རེ་མིག་ལ། །གོ་རིམས་བཞིན་དུ་དགོད་པར་བྱ། །རོ་ཧི་ཏ་ལ་བཙས་པའི་བུ། །སྐལ་བ་བཟང་ལ་དེ་བཞིན་ཕྱུག །གདུག་པའི་སེམས་ལ་ནད་བུ་ཅན། །རྟག་ཏུ་མཐའ་
འཁོབ་གཙོ་བོ་སྟེ། །འཁྲིག་པ་ལ་ནི་རྟག་ཏུ་དགའ། །ཐམས་ཅད་དུ་ནི་སྙན་པར་སྨྲ། །རོ་ཧི་ཏ་ལ་ལྷ་མཆོད་ཅིང་། །དེ་བཞིན་ཚེ་ལོ་བདུན་བཅུ་ཐུབ། །རོ་ཧི་ཏ་ལ་ནོར་བཏང་ན། །མཛའ་བོ་ཐམས་ཅད་ལྡོག་པར་འགྱུར། །

87-1-166b

རོ་ཧི་ཏ་ལ་ལུས་རྨས་ན། །དཔལ་དང་ཀུན་ཏུ་ཕྲད་པར་འགྱུར། །རོ་ཧི་ཏ་ལ་གནས་བརྟེན་ན། །གྲོགས་དང་ནོར་གྱིས་རྒྱས་པར་འགྱུར། །རོ་ཧི་ཏ་ལ་མགྲོན་ཞུགས་ན། །བསམ་པ་ཐམས་ཅད་མངོན་པར་འགྲུབ། །བག་མ་བླང་དང་མེ་ཡི་ལས། །
ཞི་བའི་ལས་ནི་སྦྱར་བར་བྱ། །མོ་ཧི་ཏའི་དོན་སྦྱོར་བ། །བགྲང་བ་ཉིད་ཀྱིས་ཤེས་པར་བྱ། །མོ་ཧི་ཏ་ལ་བཙས་པའི་བུ། །ཚེ་ནི་དྲུག་བཅུ་རྩ་ལྔར་གྲགས། །མང་དུ་ཟ་ཞིང་སེམས་ཆུང་ལ། །འཁྲིག་པ་ལ་ནི་རྟག་ཏུ་དགའ། །རྟག་ཏུ་
གདུག་ཅིང་ཅ་ཅོར་ལྡན། །མི་སྙན་པ་དག་སྨྲ་ལ་དགའ། །ཁྲོ་ལ་ང་རྒྱལ་སྙིང་སྟོབས་མེད། །སྡིག་པ་བྱེད་ཅིང་ངང་ཚུལ་ངན། །འཁྱལ་པ་དང་ནི་ཚིག་རྩུབ་སྨྲ། །མཚོན་གྱིས་ངེས་པར་འཆི་བར་འགྱུར། །ཡང་ན་ཚེ་ལོ་བརྒྱད་བཅུ་ནི། །རྩ་
བཞི་དག་ཏུ་རབ་ཏུ་གྲགས། །རུང་བའི་ས་ནི་སྤོང་བྱེད་ཅིང་། །མི་རུང་བ་ལ་བརྩོན་པར་འགྱུར། །ལུས་ཀྱི་ཡན་ལག་རྨས་ན་ནི། །འཆི་བདག་དང་ནི་ཕྲད་པར་འགྱུར། །གལ་ཏེ་ཅུང་ཟད་ནོར་གཏོང་ན། །བཏང་བ་སླར་ནི་མི་ལྡོག་གོ། བྷ་དྲཱ་ལ་ནི་
སྐྱེས་པའི་བུ། །ཁ་ཟས་བཟང་པོ་ཟ་བ་དང་། །བཟང་པོའི་ལས་ནི་བྱེད་འགྱུར་ཞིང་། །ལོ་བརྒྱ་རུ་ནི་འཚོ་བར་འགྱུར། །དབུལ་ལ་ཆོས་ནི་སྤྱོད་པ་དང་། །བདེན་པར་སྨྲ་ཞིང་སྙན་པར་བརྗོད། །ཆུང་མ་གཅིག་གིས་ཚིམ་པའི་ལུས། །
བཟང་པོར་སྨྲ་བའི་གཙོ་བོར་འགྱུར། །བཟོ་རྣམས་ཀུན་དང་དུས་ཚོད་རིག །རྟག་ཏུ་རང་གི་གཉེན་དང་མཛའ། །ཆད་པ་གཅོད་པའི་རིགས་ཅན་ཏེ། །དེ་བཞིན་ལུས་ནི་ཆུ་རུ་འཆི། །བྲི་ཥ་བྷ་ལ་སྐྱེས་པའི་བུ། །བརྩོན་
འགྲུས་ལྡན་ཞིང་དགྲ་ལ་དཔའ། །སྒེག་དང་ནོར་གྱིས་ཕྱུག་པ་སྟེ། །ཆུང་མ་མང་དུ་ལེན་པར་འགྱུར། །རྟག་ཏུ་གཉེན་ནི་མང་བ་སྟེ། །ཕའི་སྲོག་ནི་འཇོམས་པར་བྱེད། །སོ་ནམ་ཚོང་གིས་འཚོ་བྱེད་ཅིང་། །ཚེ་ནི་དྲུག་བཅུར་འཚོ་
བར་འགྱུར། །སྙོམ་ལས་མུ་ཅོར་སྨྲ་བ་དང་། །གདུག་ཅིང་ལས་དང་ངང་ཚུལ་ངམ། །མཚོན་གྱིས་འཆི་བར་འགྱུར་བ་འམ། །ཡང་ན་སྲོག་ཆགས་གདུག་པས་སོ། །ཀུརྨ་ལ་ནི་བཙས་པའི་བུ། །རྟག་ཏུ་སེམས་ཁྲལ་

87-1-167a

ཅན་དུ་གནས། །ཆུང་གིས་ཁྲོ་ཞིང་ཆུང་གིས་མགུ། །མང་དུ་སྨྲ་ཞིང་གཉེན་ལ་བྱམས། །དྲག་དུ་སྨྲ་ཞིང་ལྷག་པར་ཁྲོ། །ཕྱུག་ཅིང་ཐམས་ཅད་གཏོང་ལ་དགའ། །བུ་དང་ཆུང་མ་འཆི་བར་འགྱུར། །རྟག་ཏུ་རང་གི་ཡུལ་
ན་གཙོ། །ཞིང་གི་ལས་ལ་སོགས་པས་འཚོ། །མཛེ་ཡི་ནད་ཀྱིས་འཛིན་པར་འགྱུར། །ཚེ་ལོ་བརྒྱད་བཅུ་ལོན་པ་ན། །དེ་བཞིན་རང་གི་ཡུལ་དུ་འཆི། །མ་ཀ་ར་ལ་བཙས་པའི་བུ། །ཚེ་ནི་དགུ་བཅུ་རྩ་དྲུག་སྟེ། །ཚུལ་ཁྲིམས་
ཕུན་ཚོགས་བསོད་ནམས་ལྡན། །འདུལ་བ་དང་ནི་སྤྱོད་པ་སྲུང་། །ནོར་ལྡན་གཟུགས་བཟང་ཕུན་སུམ་ཚོགས། །སྐལ་པ་བཟང་ཞིང་གྲགས་པས་མཛེས། །བཟོ་དང་སྒྱུ་རྩལ་ཀུན་ལ་མཁས། །ཆུང་མ་གཅིག་ནི་ཤིན་ཏུ་
གསལ། །རྟག་ཏུ་སེམས་ནི་ལྷོད་པ་སྟེ། །དུལ་བ་དང་ནི་བསྲུང་བ་སྟེ། །གཉེན་གྱི་ནང་ན་གཅིག་པུ་གཙོ། །ཀུན་ལ་སྙན་སོགས་སྨྲ་བ་དང་། །དེ་བཞིན་གཡུལ་ངོར་འཆི་བར་འགྱུར། །ཚེ་ལོ་ལྔ་བཅུ་རྩ་ལྔ་དང་། །ཡང་ན་
དྲུག་བཅུ་འམ་སུམ་བཅུའོ། །རཎྜ་ལ་ནི་བཙས་པའི་བུ། །རྟག་དུ་སྡིག་པའི་བློ་ཅན་ཏེ། །སེམས་ཅན་རྣམས་ལ་འཁྱལ་པར་སྨྲ། །རྟག་ཏུ་དབུལ་ཞིང་ཁ་གསག་སྨྲ། །དུས་ཀུན་དུ་ནི་ནད་བུ་ཅན། །རྒྱལ་པོས་ཆད་པ་གཅོད་
པའི་བདག །འཁྲིག་པ་ལ་ནི་རྟག་ཏུ་དགའ། །གཞན་དག་ལ་ནི་ཡིད་མི་རྟོན། །ཟོལ་དང་བཟོ་སོགས་ཀུན་རིག་པ། །བུད་མེད་རྣམས་ལ་སྐལ་པ་བཟང་། །ཚེ་ལོ་ལྔ་བཅུ་རྩ་ལྔ་འམ། །ཡང་ན་དྲུག་བཅུ་འམ་སུམ་བཅུར་ངེས། །
མི་ཀི་རི་ལ་བཙས་པའི་བུ། །ཆོས་ཤེས་རང་གི་རིགས་ཀྱང་མཐོ། །ལུགས་ཀྱི་བསྟན་བཅོས་ཕུན་སུམ་ཚོགས། །བཟོ་དང་རིག་པ་སྣ་ཚོགས་ལྡན། །ཚིག་རྩུབ་སྨྲ་ལ་དྲག་པ་སྟེ། །ཤིན་དུ་ཁྲོ་ཞིང་འཇིགས་སུ་རུང་། །ནོར་ཉུང་
གཟུགས་ནི་བཟང་བ་སྟེ། །བྱ་བ་ཐམས་ཅད་མྱུར་བར་འགྲུབ། །དེ་ཡི་ལུས་ནི་རང་ཉིད་ཀྱིས། །ཆུ་རུ་མཆོངས་ཏེ་འཆི་བར་འགྱུར། །ཚེ་ལོ་བརྒྱད་བཅུ་རྩ་བརྒྱད་ན། །ཡང་ན་རྒྱལ་པོའི་ཁྲིམས་ཀྱིས་གསོད། །བི་ཏྲི་ཀ་

87-1-167b

ལ་བཙས་པའི་བུ། །སྐྱེས་མ་ཐག་དུ་མ་ནི་འཆི། །ཕ་ཡང་ལོ་ནི་བརྒྱད་ན་འཆི། །དེ་བཞིན་རང་གི་ཁྱིམ་ན་གཙོ། །ཁྲོ་ལ་རྫས་ནི་ཉུང་བར་འགྱུར། །སྡིག་པ་ལ་སོགས་བླུན་དང་ལྡན། །ལས་དང་སེམས་ཁྲལ་ཆུང་བ་སྟེ། །དཔུང་རྣམས་ཀྱི་
ནི་གཙོ་བོ་ཉིད། །ཚེ་ལོ་བརྒྱ་དང་རྩ་བརྒྱད་ན། །རང་གི་ཁྱིམ་དུ་འཆི་བར་འགྱུར། །གཉེན་རྣམས་ཀུན་དང་མཛའ་བ་སྟེ། །སྡུག་ཕོངས་རྣམས་ལ་རྩེ་བར་ལྡན། །བྱཱ་ཀུ་ལ་ནི་བཙས་པའི་བུ། །བློ་ཆུང་ངན་པར་སྨྲ་བ་དང་། །ཤེས་
རབ་བཞན་ཅིང་ནད་བུ་ཅན། །རྟག་ཏུ་གྲོགས་པོ་ངན་དང་འགྲོགས། །རང་གི་གཉེན་བྱམས་སྐལ་པ་བཟང་། །སྡུག་ཕོངས་རྣམས་ལ་རྗེས་སུ་བརྩེ། །ནོར་དང་བ་ལང་ཤིན་ཏུ་ཕྱུག །ཁྱིམ་དང་ཆུང་མ་གསུམ་ལ་སོགས། །
སྐད་ཅིག་ཁྲོ་ཞིང་ང་རྒྱལ་ལྡན། །དགྲ་ཡིས་གཟིར་བས་འཇིགས་པར་འགྱུར། །ཕ་དང་མ་ནི་ཚེ་ཡང་རིང་། །དེ་བཞིན་ཚེ་ལོ་བདུན་བཅུ་ཐུབ། །ཚོང་གི་ལས་ཀྱིས་འཚོ་བར་བྱེད། །ལན་གཅིག་ཚོང་གི་རྒྱུ་ཡིས་འཆི། །
སྦྱོར་བ་བརྩམས་པའི་མཚན་མ་ལ། །ཡེ་ཤེས་ཅན་གྱིས་བགྲང་བར་བྱ། །སྭཔ་ན་ལ་ནི་བཙས་པའི་བུ། །དཔའ་རྟུལ་ཕ་རོལ་གནོན་པ་ཡིས། །དགྲ་རྣམས་ཐམས་ཅད་བསྲེག་པར་བྱེད། །མགོན་མེད་རྣམས་ཀྱི་རྩ་ལག་
སྟེ། །དུས་རྣམས་ཀུན་ཏུ་དབུལ་བ་དང་། །སྡིག་པའི་ལས་ལ་ནན་ཏན་བྱེད། །བདག་ཉིད་སེང་གེར་སེམས་པ་དང་། །ཚིག་རྩུབ་སྨྲ་ལ་ཐམས་ཅད་རིག །དུས་ཀུན་དུ་ནི་ནད་མེད་ཅིང་། །རྟག་ཏུ་ལོངས་སྤྱོད་རྙེད་པར་འགྱུར། །
གཞན་ལ་བརྟེན་པས་འཚོ་བ་དང་། །བུད་མེད་ཀུན་ལ་གནོད་ཅིང་སྤྱོད། །ཚེ་ལོ་ལྔ་བཅུ་ཐམ་པ་རུ། །དེ་ནི་ངེས་པར་འཚོ་བར་འགྱུར། །དགྲ་ཡི་མཚོན་གྱིས་བརྒྱབ་ནས་སུ། །འཆི་བར་འགྱུར་བ་གདོན་མི་ཟ། །ཀཱ་མ་ནཱ་ལ་
བཙས་པའི་བུ། །ཚེ་ནི་དྲུག་བཅུ་རྩ་བརྒྱད་འཚོ། །ནོར་དང་འབྲུ་དང་གྲོང་དང་ནི། །ཕྱུགས་དང་རྟ་སོགས་བཞོན་པར་ལྡན། །བདེན་པར་སྨྲ་ཞིང་ཆོས་ཀྱང་ཤེས། །སེམས་ཅན་ཀུན་ལ་ཕན་པར་བྱེད། །རིག་པ་དང་ནི་

87-1-168a

སྙན་པར་སྨྲ། །བསྟན་བཅོས་ཐམས་ཅད་ཤིན་ཏུ་རྒྱས། །སེམས་ཅན་ཀུན་ལ་སྐལ་པ་བཟང་། །རང་གི་ཡུལ་དུ་འཆི་བར་འགྱུར། །སྦྱོར་བའི་མཚན་མ་བསྟན་པ་རྣམས། །ངས་བསྟན་པ་ལ་ཐེ་ཚོམ་མེད། །རོ་
ཧི་ཏ་ནི་ལྷ་ལ་མཆོད། །མོ་ཧི་ཏ་ནི་ནོར་ལ་བརྐམ། །བྷ་དྲཱ་ཁ་ཟས་བཟང་པོ་ཟ། །ཕྲྀ་ཥ་བྷ་ལ་མང་དུ་ཁྲོ། །ཀུརྨ་ལ་ནི་གཞན་དུ་སེམས། །མ་ཀ་ར་ལ་འབྲེལ་པར་སྨྲ། །རཎྜ་ལ་ནི་སྡིག་སེམས་ཅན། །མི་ཀི་ར་ནི་འཁྲིག་
ལ་བརྟེན། །བི་ཏྲི་ཀ་ནི་གཉིད་ལོག་ཅིང་། །བྱཱ་ཀུ་ལི་ནི་བླ་རྡོལ་ལོ། །སྭཔ་ན་ལ་ནི་རང་ཉིད་སེམས། །ཀཱ་མ་གླུ་དང་ཀློག་འདོན་བྱེད། །རོ་ཧི་ཏ་ལ་ཞི་བའི་ལས། །དེ་བཞིན་བྲི་ཥ་རྒྱས་པ་སྟེ། །མ་ཀ་ར་ནི་དབང་དང་འབྱོར། །
བྷ་དྲཱ་ལ་ནི་མངོན་སྤྱོད་བྱ། །མོ་ཧི་ཏ་ཡིས་བསྐྲད་པ་སྟེ། །ཀུར་མ་ལ་ནི་བཅིང་བའི་ལས། །རཎ་ཌས་དབྱེ་བར་ཤེས་པར་བྱ། །བྱཱ་ཀུ་ལ་ནི་སྨན་སྦྱར་བྱ། །ར་ཡི་ཁྱུ་མཆོག་གྲུབ་པ་སྟེ། །བདུད་རྩི་སྦྱོར་བས་སྐྱེ་
མི་འགྱུར། །ཤར་ལ་སོགས་པའི་ཕྱོགས་བཞག་ནས། །སྔ་དྲོ་མཁས་པས་བརྩི་བར་བྱ། །རོ་ཧི་ཏ་ལ་ནོར་བྱིན་ན། །རྫུ་འཕྲུལ་དག་ནི་རྒྱས་པར་འགྱུར། །མོ་ཧི་ཏ་ལ་ནོར་བསྡུས་ན། །གཞན་གྱིས་དགག་པར་མི་ནུས་སོ། །བྷ་
དྲཱ་ལ་ནི་ཁྱིམ་བརྩམས་ན། །དཔལ་དང་ཡང་དག་འཕྲད་པར་འགྱུར། །བྲི་ཥ་ལྷའི་རྣལ་འབྱོར་གྱིས། །སྔགས་ནི་ཀུན་ཏུ་འགྲུབ་པར་འགྱུར། །ཀུཪྨའི་སྦྱོར་བས་བག་མ་བླང་། །ཐམས་ཅད་དུ་ནི་འབྲལ་མི་འགྱུར། །མ་ཀ་ར་ལ་ཞིང་བཏབ་
ན། །གདོན་མི་ཟ་བར་འབྲུ་རྣམས་འཕེལ། །རཎྜ་བུད་མེད་འགྲོད་བྱས་ན། །ཤི་བར་གྱུར་ཀྱང་མི་གཏོང་ངོ་། །མི་ཀི་ར་ལ་ཚོང་བྱས་ན། །གཏམ་པ་དེ་ལྟར་ལེན་པར་སྣང་། །རྟག་ཏུ་བརྟན་པར་གཞག་བྱ་བའི། །ལས་ཚོགས་
བི་ཏྲི་ཀ་ལས་བཟུང་། །བྱཱ་ཀུ་ལི་ལས་འགྲོན་ཞུགས་ན། །འཚེ་བ་མེད་པར་གནས་སུ་ཕྱིན། །སྭཔ་ནས་ཐམས་ཅད་ཀུན་ཏུ་ནི། །ངེས་པར་རྟག་ཏུ་མངོན་པར་འོང་། །ཀཱ་མ་ལ་ནི་ནོར་བཏང་ན། །བཏང་བ་སླར་ལ་ལྡོག་

87-1-168b

མི་འགྱུར། །རོ་ཧི་ཏ་ལ་ནོར་རྒྱས་བུ། །མོ་ཧི་ཏ་ནི་འཇོག་པོ་ཡིན། །སྟོབས་ཀྱིས་རྒྱུ་བ་བྷ་དྲཱའི་གནས། །དེ་བཞིན་པད་མ་བྲྀ་ཥ་བྷ། །ཀུརྨ་པད་མ་ཆེན་པོ་སྟེ། །མ་ཀ་ར་ནི་དུང་སྐྱོང་ངོ་། །རཎྜ་དུང་སྐྱོང་ཆེན་པོ་སྟེ། །མི་ཀི་ར་ནི་རིགས་
ལྡན་ནོ། །བི་ཏྲི་མགོ་བརྒྱ་པ་ཡིན་ཏེ། །བྱཱ་ཀུ་ལ་ནི་འཁྱིལ་ལྟུང་ཡིན། །སྭཔ་ན་འཇིགས་པ་ཞེས་བྱ་སྟེ། །ཀཱ་མ་དུས་ཀྱིས་འཆི་བར་འདོད། །འདི་དག་དུས་སྦྱོར་རིམ་པ་བཞིན། །བྱེ་བྲག་ཏུ་ནི་ཤེས་པར་བྱ། །རྭའི་ཁྱུ་མཆོག་
གྲུབ་པ་སྟེ། །བདུད་རྩིའི་སྦྱོར་བས་སྐྱེ་མི་འགྱུར། །གང་གི་མཆེ་བས་མངོན་ཟིན་ན། །འཆི་བདག་དང་ནི་ཕྲད་འགྱུར་བའོ། །དུག་བསྡུ་བ་ཡི་སྦྱོར་བ་དག །གཞན་ལ་དུག་ནི་སྦྱར་བར་བྱ། །དུས་ཀྱི་མཚན་མ་ཇི་བཞིན་དུ། །
གོ་རིམས་རིམ་པ་བཞིན་དུ་བྱ། །དཔྱིད་ཟླ་འབྲིང་སོགས་རིམས་བཞིན་དུ། །ཉི་མ་བྱང་དུ་འགྲོ་བའི་ཚེ། །ཇི་ལྟའི་དུས་བཞིན་མཚན་མ་ནི། །རིམ་གྱིས་རིམ་གྱིས་སྦྱར་བར་བྱ། །ཉིན་མོའི་ཆུ་ཚོད་སོ་སོར་ནི། །མཁས་
པས་བཅུ་གཉིས་བཞི་བསྒྱུར་བྱ། །མཚན་མོ་དྲུག་དང་བཅུ་གསུམ་བསྒྱུར། །ཆུ་ཚོད་མཁས་པས་བརྩམ་པར་བྱ། །རེ་མིག་དག་ནི་གཉིས་པ་ལ། །དུས་ལ་མཁས་པས་དུས་ཚོད་བྱ། །ཉིན་མོ་དྲུག་དང་བཅུ་གཉིས་
བསྒྱུར། །ཆུ་ཚོད་ཀྱི་ནི་མཚན་མར་བྱ། །བཞི་དང་བཅུ་གསུམ་བསྒྱུར་བ་ནི། །མཚན་མོ་ཆུ་ཚོད་དུ་ནི་བརྟག །བདག་དང་བཅུ་གཉིས་བསྒྱུར་བ་དག །ཉིན་མོ་རུ་ནི་བརྟག་པར་བྱ། །གཉིས་དང་བཅུ་ནི་གསུམ་བསྒྱུར་བ། །
མཚན་མོའི་ཆུ་ཚོད་དུ་ནི་བརྟག །ཆུ་ཚོད་སུམ་བཅུ་ཐམ་པ་ནི། །དབུས་ཀྱི་བི་ཤུ་གཉིས་པར་སྦྱར། །གཉིས་མཐའ་བཅུ་ནི་གསུམ་པོ་དག །ཉིན་མོ་ཆུ་ཚོད་ཤེས་པ་སྟེ། །བརྒྱད་དང་བཅུ་ནི་གཉིས་པོ་དག །དེ་
ཡི་མཚན་མོའི་མཚན་མར་བྱ། །བཞི་དང་བཅུ་གསུམ་མཚན་མ་ནི། །ཉིན་མོ་ཡི་ནི་ཆུ་ཚོད་དེ། །དྲུག་དང་བཅུ་ནི་གཉིས་བསྒྱུར་བ། །མཚན་མོའི་ཆུ་ཚོད་མཚན་མ་བྱ། །དྲུག་དང་བཅུ་ནི་གསུམ་བསྒྱུར་བ། །ཉིན་

87-1-169a

མོ་ཡི་ནི་ཤེས་བྱ་སྟེ། །བཞི་དང་བཅུ་ནི་གཉིས་བསྒྱུར་བ། །མཚན་མོའི་ཆུ་ཚོད་དུ་ནི་གྲགས། །བྱང་དུ་བགྲོད་པ་བཤད་ནས་ནི། །དེ་བཞིན་གཞན་གྱི་དུས་ཤེས་བྱ། །བཞི་དང་གསུམ་བསྒྱུར་ཆུ་ཚོད་ནི། །ཉིན་མོ་ཡིར་
ནི་བཤད་པ་ཡིན། །དྲུག་དང་བཅུ་ནི་གཉིས་བསྒྱུར་བ། །མཚན་མོ་ཡི་ནི་མཚོན་པར་བྱ། །གཉིས་དང་བཅུ་ནི་གསུམ་བསྒྱུར་བ། །དེ་བཞིན་ཉིན་མོའི་ཆུ་ཚོད་ཡིན། །བརྒྱད་དང་བཅུ་ནི་གཉིས་བསྒྱུར་བ། །ཆུ་ཚོད་མཚན་
གྱིར་རབ་ཏུ་གྲགས། །བཅུ་ནི་གསུམ་གྱིས་བསྒྱུར་བ་དག །བི་ཤུ་ཉིན་མོའི་ཆུ་ཚོད་དེ། །དེ་བཞིན་མཚན་གྱི་ཆུ་ཚོད་ཀྱང་། །བཅུ་ནི་གསུམ་དུ་བསྒྱུར་བར་བྱ། །དེ་བཞིན་ཉིད་ཤུ་བར་མ་གཉིས། །བརྒྱད་དང་བཅུ་ནི་
གཉིས་བསྒྱུར་བ། །ཉིན་མོ་ཡི་ནི་བསམ་པར་བྱ། །གཉིས་དང་བཅུ་ནི་གསུམ་བསྒྱུར་བ། །མཚན་མོའི་ཆུ་ཚོད་དུ་ནི་བརྟག །དྲུག་དང་བཅུ་ནི་གཉིས་བསྒྱུར་བ། །ཉིན་མོའི་ཆུ་ཚོད་རིམ་པ་ཡིན། །བཞི་དང་བཅུ་ནི་
གསུམ་བསྒྱུར་བ། །དེ་བཞིན་མཚན་མོའི་ཆུ་ཚོད་དོ། །སུམ་བརྒྱ་ལྔ་བཅུ་རྩ་གཉིས་ཀྱི། །ཆུ་ཚོད་ཀྱིས་ནི་དུས་རྣམས་འདའ། །ཆུ་ཚོད་དྲུག་བཅུའི་གྲངས་ཀྱིས་ནི། །ཉིན་མཚན་ཕྲུགས་གཅིག་དུ་ནི་སྦྱར། །
ཟླ་བའི་གོ་རིམ་ཇི་བཞིན་དུ། །རིམ་པ་དེ་བཞིན་མཚན་མ་བྱ། །ཆུ་ཚོད་དབུགས་སོགས་རྫོགས་པ་དང་། །བི་ཤུ་མ་གཏོགས་རིམ་འཕེལ་བྲི། །ལས་དང་ལས་མིན་བྱེ་བྲག་བཞིན། །དབུགས་ཀྱི་རིམ་
གྱིས་བཟུང་བར་བྱ། །ཁ་དང་ར་སོགས་དུས་ཚིགས་དང་། །བགྲོད་པ་གཉིས་ཀྱིས་མཚོན་པར་བྱ། །གཉིས་པོ་དག་ནི་བཅུས་བསྒྱུར་བ། །དེ་བཞིན་ལོ་ཡི་ཆུ་ཚོད་དོ། །དེ་ཡི་མཚན་མ་ལྡན་པ་ཡིས། །ཉིན་མཚན་
གྱི་ནི་དབུགས་སུ་བརྩི། །ངག་གི་དབང་ཕྱུག་ཀུན་བཟུང་ནས། །དབྱངས་ཀྱི་མཚན་མར་མངོན་པར་གཞག །མ་ནིང་གཉིས་ནི་སྤངས་ནས་སུ། །ས་ཡི་དབང་ཕྱུག་ཀུན་ཏུ་གཞག །ཨ་ཡི་རིམ་པ་ལ་བབ་ན། །

87-1-169b

དཔལ་དང་མངོན་པར་མཉམ་འགྲོགས་ཤིང་། །ནོར་རྙེད་པ་ནི་སྣང་བ་སྟེ། །སྐལ་པ་བཟང་པོར་གདོན་མི་ཟ། །ཨཱ་ཡི་རེ་མིག་ལ་བབ་ན། །རིམས་དང་ནད་ཀྱིས་གཟིར་བ་དང་། །འཇིགས་ཤིང་སྐྲག་པར་སྣང་འགྱུར་བ། །
ཨ་ཞེས་བྱ་བར་ངེས་པ་སྟོན། །ཡི་གེ་ཨི་ལ་བབ་གྱུར་ན། །རྒྱལ་པོའི་དཔལ་ནི་སྟེར་འགྱུར་ཏེ། །ཀུན་ནས་ནོར་ནི་རྙེད་པ་དང་། །གང་ཞིག་བསམ་པ་དེས་འགྲུབ་འགྱུར། །ཡི་གེ་ཨཱི་ལ་བབ་གྱུར་ན། །ཟླ་བ་དྲུག་ན་
འཆི་བ་དང་། །དེ་བཞིན་དགྲས་ནི་གཟིར་བ་དང་། །མེ་ཡིས་འཇིགས་པ་ཤེས་པར་བྱ། །ཡི་གེ་ཨི་ལ་བབ་གྱུར་ན། །དཔལ་དང་གྲོགས་མོ་རྙེད་པ་དང་། །ནོར་དང་འབྲུ་ནི་འཕེལ་བར་འགྱུར། །དཔལ་རྣམས་ཀྱང་ནི་རྙེད་
པར་འགྱུར། །ཨཱུ་ལ་གལ་ཏེ་བབ་གྱུར་ན། །དེ་ནི་དགྲ་ཡིས་འཚེ་བར་འགྱུར། །བྲན་གཟའ་དང་ནི་གཉེན་མཚན་རྣམས། །འཇིགས་ཤིང་སྐྲག་པར་སྣང་བར་འགྱུར། །ཡི་གེ་ཨེ་ལ་བབ་གྱུར་ན། །འཕྲལ་དུ་སྐྱེ་བོ་སྐལ་ཅན་
འགྱུར། །སྐྱེ་བ་བུད་མེད་དག་གི་ནི། །མཆོད་པའི་གནས་ནི་ཐོབ་པར་འགྱུར། །ཨཻ་ཡི་མཚན་མ་ལ་ལྷུང་ན། །དགྲ་དང་རྒྱལ་པོའི་འཇིགས་པ་དང་། །ལུས་ཅན་རྐུན་པོས་གཟིར་འགྱུར་ཞིང་། །ནད་དང་རིམས་ཀྱིས་ཐེབས་པར་འགྱུར། །
ཨོ་ཡི་མཚན་མ་ལ་བབ་ན། །གནས་ཀྱི་དབང་པོ་འགྱུར་བ་དང་། །ནོར་དང་འབྲུ་ནི་རྙེད་འགྱུར་ཞིང་། །ཡིད་འོང་རིག་པ་དེ་བཞིན་ནོ། །ཨཽ་ཡི་མཚན་མ་ལ་བབ་ན། །འཐབ་མོ་དང་ནི་དགྲས་འཚེ་ཞིང་། །གནས་ལས་ཉམས་དང་
བརྡེག་འཚོག་དང་། །བྱས་པ་ཆུད་ནི་ཟོས་པར་འགྱུར། །ཡི་གེ་ཨྃ་ལ་བབ་གྱུར་ན། །བྲན་བཟང་དག་ནི་རྙེད་འགྱུར་ཞིང་། །བུ་དང་རིག་པ་རྙེད་འགྱུར་ཏེ། །དེ་བཞིན་གྲོགས་པོ་རྙེད་པར་འགྱུར། །ཇི་ལྟར་སྔོན་གྱི་ཨ་ཞེས་པ། །
དེ་བཞིན་ཐ་མའང་གཟུང་བར་བྱ། །དྲུག་འགྱུར་དུ་ནི་གཞག་ནས་སུ། །ལྔ་པ་དེ་ནི་སུམ་འགྱུར་བྱ། །སུམ་བརྒྱ་དྲུག་བཅུ་བསྲེས་ནས་ནི། །ས་བཞིན་དུ་ནི་བཅད་ནས་སུ། །ཡི་གེ་ལྷག་མ་བཟུང་བྱས་ཏེ། །དགེ་དང་མི་

87-1-170a

དགེ་མཚོན་པར་བྱ། །ཡང་ན་རི་མོ་ཀྱག་ཀྱོག་བྲི། །དཔངས་ཀྱི་དང་པོ་ལ་སོགས་བགྲང་། །ཡང་ན་མེ་ཏོག་གཏོར་ནས་ནི། །དེ་བཞིན་ས་ནི་མཚོན་པར་བྱ། །སྔ་དྲོ་རོ་ཧི་ཏ་དུས་སུ། །བདེན་པ་ཐམས་ཅད་བལྟ་བར་བྱ། །རྣལ་འབྱོར་
བསྟན་བཅོས་རབ་ཏུ་བསྔགས། །བདག་གི་གདན་གྱི་རབ་ཏུ་བྱེད་པ་ལས་རིམ་པར་ཕྱེ་བ་སྟེ་དང་པོའོ།། །། ཡེ་ཤེས་དེ་ནི་བྱེ་བྲག་དག །བཅོམ་ལྡན་འདས་ལ་ཉན་པར་འཚལ། །ལུས་ཀྱི་མཚན་མ་ཇི་ལྟ་བུ། །དེ་ཉིད་གང་ལ་
བརྟེན་པར་བགྱི། །ལུས་ཀྱི་མཚན་མ་སྟོན་པ་རྣམས། །ཉོན་ཅིག་རྡོ་རྗེ་རྒྱལ་པོ་ཆེ། །ལུས་ཀྱི་མཚན་མ་མངོན་བསྟན་གྱིས། །གང་ཞིག་ཤེས་པ་ཙམ་གྱིས་ནི། །འཆི་བའི་དུས་ལ་བབ་པར་གནས། །དབུགས་ནི་རྣམ་པར་རྒོད་ཙམ་
གྱིས། །ལུས་ཅན་ཟླ་བ་དྲུག་གིས་འཆི། །འཇིགས་པ་ཅུང་ཟད་མཐོང་མིན་པར། །འགྲམ་པའི་མཚམས་ནི་བྱེ་འགྱུར་ན། །དེ་ཚེ་དུས་ལ་བབ་པར་འགྱུར། །དབུགས་ནི་ཆད་ཅིང་ཆད་གྱུར་པ། །སྔ་དྲོ་རོ་ཧི་ཏ་དུས་སུ། །མཚན་མ་དག་
ནི་བརྟག་པར་བྱ། །སྣ་ཡི་བར་ནི་ཆད་གྱུར་ན། །ཉི་མ་བདུན་ན་གདོན་མི་ཟ། །མིག་གི་ཆུ་ནི་ཆད་གྱུར་ན། །དེ་བཞིན་ཉི་མ་ལྔ་ཡིས་འཆི། །འགྲམ་པའི་ལོགས་ཀྱི་མཚན་མ་ཡིས། །ཞག་གཅིག་ལས་ནི་མི་འཚོའོ། །རྣ་བའི་ཆོལ་
བཟངས་ལྟེབས་པ་ཡིས། །ཆུ་ཚོད་ལྔ་ན་གདོན་མི་ཟ། །འདིར་ནི་ལྕེ་ཡི་ཐིག་ནག་གིས། །ལུས་ཅན་ཞག་གཉིས་འཆི་བར་འགྱུར། །སྟེང་འོག་སོ་ནི་འཐམས་པ་ན། །ཞག་གསུམ་འཆི་བདག་ཕྲད་པར་འགྱུར། །མགྲིན་པའི་
ལོགས་ཀྱི་ཕྱི་རོལ་རྩས། །ཟླ་བ་ཕྱེད་ན་གདོན་མི་ཟ། །བྲང་གི་དྲ་བ་ཞོམ་གྱུར་ན། །ཟླ་ཕྱེད་སྨན་པས་གསོར་མི་རུང་། །སེན་མོ་ཁྲག་ནི་མེད་པ་ཡིས། །ལུས་ཅན་ཉི་མ་བརྒྱད་ན་འཆི། །འཆི་བའི་མཚན་མ་བརྒྱད་བཅས་པ། །
འཆི་བའི་དུས་བབ་མཚོན་པར་བྱ། །སྣ་ཡི་བར་ཤ་ཆད་པ་ལ། །ཡེ་ཤེས་ས་བོན་གྱིས་གཟིར་བྱ། །མིག་གི་ཆུ་ནི་ཆད་པ་ལ། །རྡོ་རྗེ་མ་ཡི་ས་བོན་གཟུང་། །མཁུར་ཚོས་ལོགས་ཀྱི་མཚན་མ་ལ། །དྲག་མོའི་ས་བོན་

87-1-170b

གཟིར་བར་བྱ། །རྣ་བའི་ཆོལ་ཟངས་ཞུམ་པ་ལ། །རོ་ལངས་མ་ཡི་ས་བོན་དགོད། །ལྕེ་ཡི་ཐིག་ནག་འདི་ལ་ནི། །གཏུམ་མོའི་ས་བོན་བསམ་པར་བྱ། །སོ་དང་སོ་ནི་འཐམས་པ་ལ། །སེང་གེ་མ་ཡི་ས་བོན་བརྡེག །མགྲིན་པའི་ལོགས་
ཀྱི་ཕྱི་རོལ་རྩ། །སྟག་མོའི་ས་བོན་བརྡེག་པར་བྱ། །བྲང་གི་དྲ་བ་ཞོམ་པ་ལ། །ལྕེ་སྤྱང་ས་བོན་གཟུང་བར་བྱ། །ལག་པའི་སེན་ཁྲག་མེད་པ་ལ། །འུག་པ་མ་ཡི་ས་བོན་གཟུང་། །འཆི་ལྟས་ཡན་ལག་མཚན་མ་ནི། །ས་
བོན་དེ་དག་དགོད་པས་བསྲུང་། །ཕྱི་ནས་ཡེ་ཤེས་འཁོར་ལོ་ནི། །བྲི་བའི་ཆོ་གས་རྣམ་ཤེས་བསྲུང་། །མ་བསྲེགས་ཁམ་ཕོར་གཉིས་བཟུང་ལ། །གུར་གུམ་རོ་ཙ་ན་ཡིས་ནི། །འོག་གི་ཆ་ནི་རེ་མིག་དགུ། །དེ་བཞིན་སྟེང་ལ་
བཅུ་གཉིས་བྱ། །དབུས་སུ་མིང་ནི་བྲིས་ནས་སུ། །ས་བོན་གྱིས་ནི་མངོན་པར་བསྐོར། །ཕྱག་འཚལ་དབྱངས་ཀྱི་དང་པོ་སྟེ། །བསྲུང་བའི་ཚིག་ནི་སྔོན་དུ་བྱ། །སངས་རྒྱས་ལྔ་སོགས་ལྡན་པ་ཡི། །ས་བོན་མཐའ་རུ་གནས་པ་སྟེ། །
བསྲེག་བྱེད་ཡི་གེ་དེ་ཡི་མཐའ། །སྟེང་སོགས་མྱུ་ཁྱུད་དབྱངས་ཡིག་དགོད། །ཁ་བ་གཉིས་འགྱུར་ས་བོན་དང་། །ལྷ་མོ་རྡོ་རྗེ་མ་ཞེས་བྱ། །སངས་རྒྱས་ལྔ་ཡིན་ས་བོན་ལྡན། །ཐམས་ཅད་ཕྱག་འཚལ་སྲེག་བྱེད་མཐའ། །དབྱུག་པ་
འཇིག་རྟེན་དབང་ཕྱུག་མགོན། །གྱ་གྱུ་ཕྱག་ན་རྡོ་རྗེ་ཡིན། །དེ་བཞིན་ལུས་ནི་འཇམ་པའི་མཆོག །མགོ་དང་དཔུང་པ་བྱམས་པ་སྟེ། །སྟེང་དུ་འབར་བ་མ་ཡིག་སྟེ། །འཁོར་བ་ཐམས་ཅད་སྒྲོལ་བྱེད་པའོ། །དེ་ལ་ཤར་གྱི་ཕྱོགས་
གནས་པ། །ལྷ་མོ་རྡོ་རྗེ་མཁའ་འགྲོ་མ། །བྱང་དུ་དྲག་མོ་ཞེས་བྱ་བའི། །ས་བོན་ཉིད་ནི་སྦྱར་བར་བྱ། །ནུབ་ཀྱི་ཕྱོགས་སུ་གནས་པ་ནི། །རོ་ལངས་མ་ཡི་ས་བོན་སྦྱར། །ལྷོ་ཡི་ཕྱོགས་སུ་གང་གནས་པ། །གཏུམ་མོའི་ས་བོན་
རྫོགས་པར་བསྟན། །ས་བོན་མངོན་དུ་བསྟན་པ་བཞིན། །དབང་ལྡན་དུ་ནི་སེང་གེ་མ། །མེ་མཚམས་སྟག་མོ་དགོད་བྱ་སྟེ། །བདེན་བྲལ་དུ་ནི་ལྕེ་སྤྱང་མ། །རླུང་དུ་ཧཱུྃ་བྱེད་འུག་པ་མོ། །མཚམས་ན་གནས་པའི་ས་བོན་ནི། །བཞི་

87-1-171a

པོའི་དྲུག་པོའི་དངོས་སུ་ནི། །ཕྱོགས་དང་ཕྱོགས་མཚམས་ཇི་བཞིན་དུ། །དེ་བཞིན་ས་བོན་དགོད་པར་བྱ། །སྟེང་གི་གནས་ནི་བཅུ་གཉིས་ལ། །དབྱངས་ཀྱི་ས་བོན་གཞག་པར་བྱ། །ཕྱག་འཚལ་བསྲེག་པ་
མཐའ་དང་བཅས། །ཕྱོགས་སུ་མ་ནིང་གཞག་པར་བྱ། །འབར་མ་འཇིབ་མ་ཞེས་བྱ་དང་། །དེ་བཞིན་འཕྲོག་བྱེད་མཁའ་འགྲོ་མ། །ཕྱག་འཚལ་སྲེག་པ་མཐར་གནས་པ། །ཇི་ལྟའི་གནས་བཞིན་གཞག་པར་བྱ། །ཤར་
ཕྱོགས་མཁའ་འགྲོ་མ་ཡི་གནས། །བྱང་དུ་གནས་པ་འབར་མ་སྟེ། །ནུབ་ཏུ་འཇིབ་མར་ཡང་དག་གསུངས། །ལྷོ་རུ་འཕྲོག་བྱེད་དགོད་པར་བྱ། །དབུས་སུ་མིང་ནི་བྲི་བྱ་སྟེ། །འོག་ཏུ་ཇི་བཞིན་སྟེང་དེ་བཞིན། །གཉི་
ག་ཁ་ནི་སྦྱར་ནས་སུ། །སྐུད་པ་དམར་པོས་དཀྲི་བར་བྱ། །ཀུན་ནས་མཉམ་པའི་གནས་སུ་ནི། །ཙན་དན་དམར་པོས་བྱུག་གནས་སུ། །སྣ་ཚོགས་མེ་ཏོག་བདུག་པ་དང་། །དྲིར་བཅས་ཉེར་སྤྱོད་གཏོར་མ་བྱིན། །དབུས་
སུ་འཁྲུལ་འཁོར་གཞག་ནས་ནི། །མཁའ་འགྲོ་མ་ལྔས་བསྐོར་བར་བྱ། །བདག་ཉིད་རྡོ་རྗེ་ཅན་སྦྱོར་བས། །རྡོ་རྗེ་སེམས་དཔའ་བདག་ཅེས་བརྗོད། །རྡོ་རྗེ་ལག་ནི་ལག་རྩེ་རུང་། །རྡོ་རྗེ་བསམས་ནས་རེག་བྱས་ལ། །དབུས་
སུ་བསྟན་པའི་ས་བོན་ནི། །བརྒྱད་བརྒྱ་རུ་ནི་བཟླས་པར་བྱ། །ཚེ་རབས་སྔ་མའི་སྡིག་ལ་སོགས། །ལྷ་ལ་སོགས་ལ་བསྒོ་བར་བྱ། །ཡན་ལག་ཐམས་ཅད་གཟིར་བ་དང་། །འཆི་བའི་དུས་བབ་འབྱུང་མི་འགྱུར། །འཚེ་མེད་ནད་
ནི་ཐམས་ཅད་དང་། །ནད་པ་གློར་གཞག་སྦྱར་ན་ནི། །དུས་རྣམས་ཀུན་ཏུ་ནད་མི་འབྱུང་། །ལུས་ཅན་ཚེ་ནི་ཟད་པ་ཡང་། །ཟླ་བ་དྲུག་ཏུ་གནས་པར་འགྱུར། །གནས་གཞན་དུ་ནི་བཞག་ནས་སུ། །རྟག་ཏུ་མཆོད་
ལ་བརྩོན་བར་བྱ། །རྡོ་རྗེ་རྒྱལ་ལྡན་སྦྱོར་བ་ཡིས། །རྣམ་ཤེས་གང་དུའང་འགྲོ་མི་འགྱུར། །གཞན་ཡང་བདག་གི་དབུགས་དག་ནི། །དེར་ནི་རབ་ཏུ་བརྟག་པར་བྱ། །དབུགས་ཀྱི་གནས་ནི་མཚུངས་པ་ན། །ཐམས་ཅད་

87-1-171b

གྲུབ་པར་གསུངས་པ་ཡིན། །གཡས་ལ་གཡས་སུ་གནས་པ་དང་། །བློ་ལྡན་གཡོན་ལ་གཡོན་དུ་གནས། །དེར་གནས་ན་ནི་སྨྲ་བྱེད་པ། །ཐམས་ཅད་འགྲུབ་པ་ཉིད་དུ་འགྱུར། །དབུགས་དང་འདྲི་བ་མི་མཐུན་པ། །དངོས་གྲུབ་རིང་
བ་མཚོན་པར་བྱ། །སྐད་ཅིག་སྲོག་གི་རབ་སྦྱོར་བ། །སྦྱོར་བ་གཉིས་ནི་ཤེས་བྱ་སྟེ། །སྐད་ཅིག་ལ་ནི་བྱ་བ་ཀུན། །རྒྱས་པར་འགྱུར་བར་རབ་ཏུ་གྲགས། །སྲོག་ལ་བྱ་བ་གང་བྱས་པ། །གྲུབ་པ་རིང་བར་ཐེ་ཚོམ་མེད། །མཆེ་བ་ལ་སོགས་
བསམས་ནས་དུག །དེར་ནི་གསོ་བ་དག་ཏུ་བྱ། །སྦྱོར་སོགས་སྔར་གྱི་མཚན་ཉིད་ཅན། །ཐམས་ཅད་རིག་པས་ཀླུ་ལ་བསྒོ། །སྦྱོར་བ་བཞི་ལ་སོགས་བཏབ་པ། །འཆི་བར་འགྱུར་བ་ཐེ་ཚོམ་མེད། །དུག་བསྡུ་བའི་སྦྱོར་བ་ཡིས། །
གཞན་མ་ཐམས་ཅད་གསོ་བར་བྱ། །སོས་བཏབ་ལུས་ལ་ཀུན་རིག་པས། །ས་བོན་གྱིས་ནི་དགོད་པར་དགོད། །ཡི་གེ་བརྒྱད་ཀྱི་སྔགས་དག་ནི། །ཡན་ལག་བརྒྱད་པོ་རྣམས་སུ་དགོད། །ཁ་དོག་དཀར་པོ་བསམས་པ་ཡི། །
ས་བོན་རྣམས་ཀྱིས་ཡིད་དུག་དབྲོག །དཀྱིལ་འཁོར་དབུས་སུ་གནས་པ་ཡིས། །ཡེ་ཤེས་ཀྱིས་ནི་རྣམ་ཤེས་བཅིང་། །ཡན་ལག་བསྒྱུར་བའི་སྦྱོར་བྱས་ནས། །དེ་འོག་ཕྱི་རོལ་བརྩམ་པར་བྱ། །ཆུ་དང་འོ་མ་བསྲེས་པ་ཡིས། །
ས་སྣོད་ཡོངས་སུ་དགང་བར་བྱ། །ཟླ་བའི་དཀྱིལ་འཁོར་གྱིས་བརྒྱན་པའི། །དབུས་སུ་པདྨ་བསམ་པར་བྱ། །གདུགས་དཀར་པོ་ཡིས་བརྒྱན་པ་ཡི། །རྡོ་རྗེ་མཁའ་འགྲོ་མ་དེ་བསྒོམ། །ཕྱག་གཉིས་སེམས་དཔའི་སྐྱིལ་དཀྲུང་
བཅས། །སྦྲུལ་གྱི་རྒྱན་གྱིས་རྣམ་པར་ཀླུབས། །ཁ་ཊྭཱྃ་ག་དང་ཐོད་པ་དང་། །ཤིན་ཏུ་མཛེས་པའི་ན་བཟའ་ཀླུབས། །ཀླུ་བརྒྱད་ཀྱི་ནི་མགོ་བོ་བསྣམས། །པདྨ་ཡི་ནི་གདན་ལ་མནན། །ཤར་དུ་ནོར་རྒྱས་བུ་བསམ་བྱ། །དེ་བཞིན་
བྱང་དུ་འཇོག་པོའོ། །ནུབ་དུ་སྟོབས་ཀྱིས་རྒྱུ་བ་སྟེ། །ལྷོ་རུ་པདྨ་བལྟ་བར་བྱ། །དབང་ལྡན་དུ་ནི་པད་མ་ཆེ། །མེ་མཚམས་སུ་ནི་དུང་བསྐྱོང་ངོ་། །བདེན་བྲལ་རིགས་ལྡན་ཞེས་བྱ་བ། །རླུང་མཚམས་འཁྱིལ་པ་ལྟུང་བའོ། །ཀླུ་བརྒྱད་

87-1-172a

པོ་ནི་བསམས་ནས་སུ། །མགོ་བོ་རྣམས་ནི་མནན་པར་བསྒོམ། །རྫས་རྣམས་ཀུན་གྱིས་མཆོད་ནས་སུ། །མེ་ཏོག་སྤོས་སོགས་གཏོར་མ་སྦྱིན། །བདག་ཉིད་ལྷ་ཡི་རྣལ་འབྱོར་ནི། །རྡོ་རྗེ་མཁའ་འགྲོ་མ་རུ་བསམ། །རྨ་བྱ་སྒྲོ་
ཡི་ཆུན་པོ་ཡིས། །ཆུ་ཡི་སྦྱོར་བས་དྲང་བར་བྱ། །ཀུན་ནས་རྐང་པར་དྲངས་ནས་སུ། །རྐང་པ་ནས་ནི་ཆུར་ཐིམ་བྱ། །ཨོཾ་ཧྲཱི་ཊཊྚ་ཎྚ་ར་ཧཱུྃ་ཕཊ་སྭཱ་ཧཱ། རྡོ་རྗེ་སེམས་དཔར་མངོན་སྦྱོར་བས། །འབུམ་ཕྲག་ལ་སོགས་བསྙེན་པ་བྱ། །ཨོཾ་བཱ་
སུ་ཀི་རི་ཧྲཱི་ཊཊྚཎྚ་ར་ཧཱུྃ་ཧཱུྃ་ཧཱུྃ་ཕཊ་སྭཱ་ཧཱ། ཨོཾ་ཏཀྵ་ཀ་ཧྲཱི་ཊ་ཊྚཎྚ་ར་སྭཱ་ཧཱ། ཨོཾ་ཀརྐྐོ་ཊ་ཀ་ཧྲཱི་ཊཊྚཎྚ་ར་སྭཱ་ཧཱ། ཨོཾ་པདྨ་ཧྲཱི་ཊ་ཊྚ་ཎྚ་ར་སྭཱ་ཧཱ། ཨོཾ་མ་ཧཱ་པདྨ་ཧྲཱི་ཊཊྚཎྚ་ར་སྭཱ་ཧཱ། ཨོཾ་ཤྃ་ཁ་པཱ་ལ་ཧྲཱི་ཊཊྚཎྚ་ར་སྭཱ་ཧཱ། ཨོཾ་བྷྱོ་ཀུ་ལི་ཀཱ་ཡ་ལྃ་
ཧྲཱི་ཊཊྚཎྚ་ར་སྭཱ་ཧཱ། ཨོཾ་ཧུ་ལུནྡ་ཀེ་ཧྲཱི་ཊཊྚཎྚ་ར་སྭཱ་ཧཱ། ཨོཾ་ཧྲཱི་ཊཊྚཎྚ་ར་ཧཱུྃ་ཧཱུྃ་ཧཱུྃ་ཕཊ་ཕཊ་ཕཊ་ཨ་མུ་ཀ་སྱ་ནིར་བི་ཤྃ་ཀུ་རུ་ཧཱུྃ་ཕཊ་སྭཱ་ཧཱ། ཞེས་བརྗོད་ཅིང་། འོ་མའི་དབུས་སུ་དྲངས་པ་ཡིས། །འཕྲལ་དུ་འོ་མ་
ནག་པོར་འགྱུར། །ཡུངས་ཀར་མེ་ཏོག་དཀར་པོ་དང་། །ཙན་དན་དག་གིས་བསྲེས་པ་ཡིས། །འཆི་བས་ཟིན་པའི་སྙིང་ཀ་རུ། །གསང་སྔགས་ཟློས་ཤིང་བརྡེག་པར་བྱ། །སྙིང་ནི་འཕར་མ་ཐག་ཏུ་ཡང་། །ཡེ་ཤེས་བསྡམས་ཏེ་གཟུང་
བར་བྱ། །རྣམ་ཤེས་བསྡམས་པ་ཙམ་གྱིས་ཀྱང་། །དེ་བཞིན་དབུགས་ནི་གཡོ་བར་འགྱུར། །དབུགས་ནི་རྣམ་པར་གཡོས་པ་ཡིས། །བདག་གི་དབུགས་ཀྱིས་གཟིར་བར་བྱ། །དབུགས་ཀྱིས་གཟིར་མ་ཐག་ཏུ་ཡང་། །རྐང་ལག་
ལ་སོགས་འདར་བར་འགྱུར། །ཡན་ལག་ཐམས་ཅད་འདར་བ་ན། །བདག་ཉིད་དབྱངས་ནི་བླང་བར་བྱ། །ཧཱུྃ་གི་གླུ་ནི་བླངས་ནས་སུ། །སེ་གོལ་གསུམ་གྱིས་བསླང་བར་བྱ། །འཆི་བས་ཟིན་པ་བསླང་ནས་ནི། །དེ་ཡི་ཡན་ལག་
བསྲུང་བར་བྱ། །བསྡུས་ནས་ཀླུའི་གནས་སུ་ནི། །འོ་མ་དེ་ནི་དབོ་བར་བྱ། །ཟླ་བའི་དཀྱིལ་འཁོར་དབུས་གནས་པའི། །རྡོ་རྗེ་སེམས་དཔར་མངོན་སྤྲུལ་ལ། །འབུམ་ཕྲག་གསུམ་ནི་བཟླས་པ་ཡིས། །སྔོན་དུ་བསྙེན་པ་ལ་སོགས་

87-1-172b

བྱ། །དེ་ནས་སྒྲུབ་པོས་དུག་བསྡུས་ན། །འགྲུབ་འགྱུར་འདི་ལ་ཐེ་ཚོམ་མེད། །ཁ་དང་ཐིག་ལེ་གཉིས་དག་དང་། །སྟེང་དང་མགྲིན་པ་སྣ་རྩེ་དང་། །སྙིང་ག་ལྟེ་བ་གསང་བ་དང་། །རྐང་པའི་མཐེ་བོ་དག་ཏུ་ནི། །ཟིན་པ་གསོ་བར་མི་བྱ་སྟེ། །
འཆི་བ་ཉིད་ཀྱི་རྒྱུ་རུ་གསུངས། །ཉོན་ཅིག་རྒྱལ་པོ་རྡོ་རྗེ་ཆེ། །ཆར་པ་དབབ་པའི་ཆོ་ག་མཆོག །ཆུ་འགྲམ་དང་ནི་ཉེ་བ་ཡི། །ས་ཕྱོགས་ཉམས་ནི་དགའ་བ་རུ། །བླ་རེ་དག་ནི་བྲེས་ནས་སུ། །དར་དཔྱངས་སྣ་ཚོགས་དཔྱངས་པ་རུ། །
ཁ་དོག་སྣ་ལྔར་བཙོས་པ་ཡི། །ཚོན་གྱི་ལས་ནི་བརྩ་བར་བྱ། །གྲུ་བཞི་པ་ལ་སྒོ་བཞི་པ། །ཀླུ་བརྒྱད་ཀྱིས་ནི་རྣམ་པར་ཀླུབས། །མགོ་བོ་གཉིས་ནི་བསྒོར་བཅས་ཏེ། །མཇུག་མ་གཉིས་ཀྱིས་གྲྭ་རུ་མདུད། །ཤར་དུ་རྒྱལ་བ་བཟང་
པོ་སྟེ། དཔལ་དང་དགའ་བོ་བྱང་དུའོ། །ནུབ་ཏུ་ཆར་འབེབས་སྡུག་པ་སྟེ། །བརྟན་དང་དྲག་པོ་ལྷོ་རུའོ། །ཀླུ་བརྒྱད་ཀྱི་ནི་ར་བ་སྟེ། །ཕྱོགས་ལ་སོགས་པར་རིགས་བརྒྱད་དགོད། །ནོར་རྒྱས་བུ་ནི་ཤར་དུ་སྟེ། །འཇོག་པོ་བྱང་དུ་དགོད་
པར་བྱ། །ནུབ་ཀྱི་ཕྱོགས་སུ་སྟོབས་ཀྱིས་རྒྱུ། །ལྷོ་ཡི་ཕྱོགས་སུ་པདྨ་སྟེ། །དབང་ལྡན་དུ་ནི་པདྨ་ཆེ། །མེ་མཚམས་དུང་སྐྱོང་དགོད་པར་བྱ། །བདེན་བྲལ་དུ་ནི་རིགས་ལྡན་ཏེ། །རླུང་མཚམས་འཁྱིལ་བ་ལྟུང་བའོ། །སྤྲིན་གྱི་
དབང་ཕྱུག་རྒྱལ་པོ་བརྒྱད། །ཕྱོགས་བརྒྱད་ནས་ནི་དགུག་པར་བྱ། །སྒྲ་སྒྲོགས་རྨུགས་པ་དེ་བཞིན་དུ། །དྲག་པོ་འཁྱིལ་པ་སྡུག་པོ་དང་། །གཏུམ་པོ་ཆར་འབེབས་རབ་གང་བ། །བརྒྱད་པོ་རྒྱལ་པོ་ཞེས་བྱའོ། །ཤར་ལ་སོགས་
པའི་ཕྱོགས་དགོད་པ། །ཇི་བཞིན་ཕྱོགས་ཀྱི་མདོག་ཏུ་བསམ། །དབུས་སུ་རྡོ་རྗེ་མཁའ་འགྲོ་མ། །པདྨའི་གདན་ལ་ཡང་དག་བཞུགས། །ཁ་ཊྭཱྃ་ག་དང་རྣལ་འབྱོར་སྣོད། །སྦྲུལ་གྱི་རྒྱན་གྱིས་རྣམ་པར་ཀླུབས། །སྐུ་མདོག་
དཀར་པོ་ཤིན་ཏུ་འབར། །ཤིན་དུ་མཛེས་པའི་ན་བཟའ་བསྣམས། །པདྨ་སྦྲུལ་གྱིས་སྐོར་ནས་སུ། །སྦྲུལ་ནི་གདན་དུ་སྦྱར་བར་བྱ། །མཆོད་པ་རྒྱ་ཆེན་བཤམས་ནས་ནི། །འོ་མ་ལ་སོགས་སྣོད་བརྒྱད་བཞག །མེ་ཏོག་

87-1-173a

བདུག་སོགས་དྲི་དང་ནི། །མར་མེ་སྣ་ཚོགས་རིག་པས་མཆོད། །ཡེ་ཤེས་མཁའ་འགྲོ་བདག་བསྒོམ་པའི། །ཡེ་ཤེས་ཅན་གྱི་རྣལ་འབྱོར་པའི། །ཨོཾ་བྷུརྦྷུ་བ་སྭཱ་ཧཱ། ཉེ་བར་སྤྱོད་པའི་སྔགས་སོ། །ཨོཾ་བཱ་སུ་ཀི་
ཧཱུྃ་སྭཱ་ཧཱ། ཨོཾ་ཏཀྵ་ཀ་ཧཱུྃ་སྭཱ་ཧཱ། ཨོཾ་ཀརྐོ་ཊ་ཧཱུྃ་སྭཱ་ཧཱ། ཨོཾ་པདྨ་ཧཱུྃ་སྭཱ་ཧཱ། ཨོཾ་མ་ཧཱ་པདྨ་ཧཱུྃ་སྭཱ་ཧཱ། ཨོཾ་ཤྃ་ཁ་པཱ་ལ་ཧཱུྃ་སྭཱ་ཧཱ། ཨོཾ་ཀུ་ལི་ཤ་པཱ་ལ་ཧཱུྃ་སྭཱ་ཧཱ། ཨོཾ་ཧུ་ལུནྡྷ་ཧཱུྃ་སྭཱ་ཧཱ། ཀླུའི་རྒྱལ་པོ་བརྒྱད་
ཀྱི་སྔགས་སོ། །ཨོཾ་གྷི་ལི་གྷི་ལི། བཪྵ་བཪྵ་པ་ཡ། ཧཱུྃ་ཧཱུྃ་ཧཱུྃ། ཧོ་ཧོ་ཧོ། ཋ་ཋ་ཋ་སྭཱ་ཧཱ། སྤྲིན་གྱི་རྒྱལ་པོ་བརྒྱད་ཀྱི་སྔགས་སོ། །ལག་པ་ཀུན་དུ་བསྐོར་ནསུ། །ཕྱོགས་བརྒྱད་དུ་ནི་བསྟན་པར་བྱ། །སྤྲིན་གྱི་རྒྱལ་པོ་བརྒྱད་ཀྱི་ཕྱག་རྒྱའོ། །
གཡོན་པ་ཁུ་ཚུར་བཅངས་ནསུ། །མཐེའུ་ཆུང་དང་མཐེ་བོང་བརྒྱད། །གཡས་པ་སྦྲུལ་མགོ་གདེངས་ནས་སུ། །མཐེ་བོང་སྟེང་དུ་གུང་མོར་སྦྱར། །ཀླུའི་རྒྱལ་པོ་བརྒྱད་ཀྱི་ཕྱག་རྒྱའོ། །ཨོཾ་བཛྲ་ཌཱ་ཀི་ནཱི། བཪྵ་བཪྵ་པ་ཡ་ཧཱུྃ་ཕུ་
སྭཱ་ཧཱ། རྩ་བའི་སྔགས་སོ། །སྔོན་དུ་བསྙེན་པ་འབུམ་ཕྲག་ནི། །གསུམ་དུ་བྱས་ནས་བཟླས་པ་བྱ། །རྣལ་འབྱོར་ཅན་གྱི་ལས་འདི་རྣམས། །ཆར་འབེབས་པ་ཡི་ཆོ་ག་མཆོག །གཞན་ཡང་དགེ་དང་སྡིག་པ་ཡི། །ཕོ་ཉའི་མཚན་
མ་བཤད་པར་བྱ། །མིག་ཡོན་མགོ་དཀར་སྒུར་པོ་དང་། །འཇིགས་པའི་གོས་དང་དབྱུག་པ་ཐོགས། །བུད་མེད་རྣམས་དང་འགྲོགས་ཏེ་འོང་། །ངུ་ཞིང་སྐྲ་ནི་ལྷུག་པ་སོགས། །གཅེར་བུ་ནམ་གྱི་སྨྲ་བ་དང་། །སྦྱོར་བཞིས་འཆི་བ་སྟོན་པ་ཡིན། །
ཕོ་ཉ་ཇི་བཞིན་བདག་ཉིད་ལ། །བརྟགས་ནས་རྣམ་པ་གཉིས་སུ་བྱ། །དེ་ཚེ་སྔགས་པ་འགྲོགས་འདོད་ན། །གྲུབ་པ་ཉམས་པར་ཐེ་ཚོམ་མེད། །བདག་གི་གདན་གྱི་རབ་ཏུ་བྱེད་པ་ཞེས་བྱ་བ་ལས་རིམ་པར་ཕྱེ་བ་གཉིས་པའོ།། །། 
རྣལ་འབྱོར་བརྩོན་པའི་ཁྱད་པར་དག །བཅོམ་ལྡན་འདས་ལ་ཉན་པར་འཚལ། །གང་གིས་སྔགས་རྣམས་འཚལ་བར་བགྱི། །ཡེ་ཤེས་གཟུང་བ་ཇི་ལྟར་ལགས། །ཉོན་ཅིག་རྡོ་རྗེ་དེ་ཁོ་ན། །དེ་བཞིན་ལྷ་ཡི་བདག་ཉིད་དོ། །དང་

87-1-173b

པོར་སྟོང་ཉིད་བསྒོམས་པ་ཡིས། །ལུས་ཅན་དྲི་མ་བཀྲུ་བར་བྱ། །དང་པོ་གཟུགས་ནི་སྟོང་སོགས་བྱ། །ཇི་སྲིད་བཅྭ་བརྒྱད་ཉིད་ཡིན་ཏེ། །གཟུགས་ཁམས་ཞེས་བྱ་སྟོང་པ་སྟེ། །དེ་ཉིད་དུ་ནི་སྒྲ་ཡང་བྱ། །དྲི་ཁམས་ཞེས་བྱ་སྟོང་པ་སྟེ། །དེ་
ཉིད་དུ་ནི་རོ་ཡང་བྱ། །རེག་བྱའི་ཁམས་ནི་སྟོང་པ་སྟེ། །དེ་ཉིད་དུ་ནི་གཟུགས་ཀྱང་བྱ། །མིག་གི་བདག་ཉིད་སྟོང་པ་ལ། །དབུས་ན་རྣམ་ཤེས་ཇི་ལྟར་ཡོད། །ཉན་པའི་བདག་ཉིད་སྟོང་པ་ལ། །དབུས་ན་རྣམ་ཤེས་ཇི་ལྟར་ཡོད། །མནོམ་
པའི་བདག་ཉིད་སྟོང་པ་ལ། །དབུས་ན་རྣམ་ཤེས་ཇི་ལྟར་ཡོད། །ལྕེ་ཡི་བདག་ཉིད་སྟོང་པ་ལ། །དབུས་ན་རྣམ་ཤེས་ཇི་ལྟར་ཡོད། །ལུས་ཀྱི་བདག་ཉིད་སྟོང་པ་ལ། །དབུས་ན་རྣམ་ཤེས་ཇི་ལྟར་ཡོད། །ཡིད་ཀྱི་རང་བཞིན་སྟོང་
པ་ལ། །དབུས་ན་ཇི་ལྟར་བརྟག་པར་བྱ། །ཡིད་ནི་ནམ་མཁའ་ཐིམ་ནས་སུ། །ཐམས་ཅད་སྟོང་པར་བསམ་པར་བྱ། །གླིང་དང་རི་རབ་ལ་སོགས་པ། །སྟེང་དང་འོག་དང་བར་གྱི་ནི། །ཁམས་གསུམ་སྟོང་པར་བསྒོམས་པ་ཡིས། །
ཐམས་ཅད་ཟད་པ་ཉིད་དུ་བྱ། །ཕྱོགས་བཅུའི་འཇིག་རྟེན་ཁམས་ཀུན་གྱི། །གཟུགས་ལ་སོགས་པ་ཟད་པར་བསྒོམ། །བདག་གི་དངོས་པོ་ཟད་བྱ་སྟེ། །དངོས་པོ་འདྲིས་པར་དམིགས་པར་བྱ། །སྦྱོར་བ་མཉམ་པར་ཀུན་
བསམས་ཏེ། །རྣལ་འབྱོར་པ་ནི་མཁས་པ་ཡིས། །མཉམ་ཉིད་སྟོང་པར་བསམས་ནས་སུ། །དེ་ཡི་དབུས་སུ་བལྟས་ནས་ཀྱང་། །དེ་ལ་མཚན་མ་བརྟག་པར་བྱ། །མར་མེའི་འོད་ཀྱིས་ཞི་བ་སྟེ། །སེར་པོ་དངུལ་གྱིས་རྒྱས་
པར་འགྱུར། །ཉི་མའི་དཀྱིལ་འཁོར་སྣང་བ་ནི། །ཆགས་པ་ལ་སོགས་འགྲུབ་པར་འགྱུར། །མཐར་ནི་དུ་བ་གནག་མཐོང་ན། །མངོན་སྤྱོད་དུ་ནི་རབ་ཏུ་གྲགས། །རླུང་གི་མདོག་ལྟར་འཁྲུགས་པ་ཡིས། །དེ་ཡི་མོད་ལ་
བསྐྲད་པར་འགྱུར། །ཟླ་བ་དཀར་པོའི་འོད་ཟེར་ལྟར། །ཐམས་ཅད་དུ་ནི་དཀར་མཐོང་ནས། །རྣལ་འབྱོར་གྲུབ་པར་ཤེས་པར་བྱ། །བློ་ལྡན་འགྲོ་བའི་ཡང་དག་གནས། །དེ་འོག་རྣལ་འབྱོར་ལས་བྱུང་བའི། །མྱུ་གུ་ལ་སོགས་

87-1-174a

མངོན་པར་བསམ། །གང་ཞིག་སྟོང་ཤེས་བསྒོམ་པ་ཡི། །མྱུར་དུ་སེམས་དཔའ་གྲོལ་བར་འགྱུར། །ཡེ་ཤེས་ཀྱིས་ནི་ཤེས་བྱ་བལྟ། །ཤེས་བྱས་འགྲོ་བ་བརྟག་པར་བྱ། །ཕ་དང་མ་ནི་བསད་བྱ་སྟེ། །བྲམ་ཟེ་
གཙང་མ་གཉིས་བཟུང་ནས། །རྒྱལ་པོ་ཡུལ་འཁོར་བཅས་བཅོམ་ན། །མི་དེ་དག་པར་འགྱུར་ཞེས་བྱ། །བདག་གི་གདན་གྱི་རབ་ཏུ་བྱེད་པ་ལས་རིམ་པར་ཕྱེ་བ་གསུམ་པའོ།། །། ཉོན་ཅིག་རྡོ་རྗེ་ཇི་
བཞིན་ལམ། །གཉིས་སྤངས་གཉིས་སུ་མེད་པ་སྟེ། །འཁོར་བའི་རྒྱ་མཚོར་རབ་འཇིགས་པས། །ཆུ་ཡི་དགྲ་ནི་དམ་པས་གང་། །དབུས་སུ་བྱིང་བའི་ལུས་ཅན་རྣམས། །སྒྲོལ་བའི་མཚན་ཉིད་ཅེས་བྱར་བརྗོད། །
མཚོན་བྱས་མཚན་ཉིད་མཚོན་པ་པོ། །རྣམ་ཤེས་ཀྱིས་ནི་ཡེ་ཤེས་ཏེ། །ཡེ་ཤེས་ཀྱིས་ནི་ཤེས་བྱ་བལྟ། །ཤེས་བྱས་འགྲོ་བ་བརྟག་པར་བྱ། །འགྲོ་བ་བརྟགས་པའི་སེམས་ཀྱིས་ནི། །ཇི་ལྟར་འདོད་བཞིན་
མངོན་པར་འགྲོ། །ཞགས་པས་གླང་ཆེན་མྱོས་བཅིངས་ལྟར། །འཁོར་བའི་ཞགས་པས་གནོད་རྨོངས་པས། །རྣལ་འབྱོར་པ་ནི་སྟོང་ཕྲག་གཅིག །ཚེ་རབས་སྔ་མའི་འགྲོ་བར་འགྲོ། །སྔོན་དུ་མཚན་ཉིད་བསྟན་
པ་བཞིན། །མཉམ་ཉིད་སྟོང་པར་བསམས་ནསུ། །སྟོང་པའི་ཞིང་ལ་སོགས་ལུས་ལ། །བློ་དང་ལྡན་པས་ས་བོན་གདབ། །དཔེར་ན་གདོལ་པའི་ཁང་པ་མེར་བསྲེགས་པ། །ལྷའི་བྱིན་གྱིས་བརླབས་པར་རབ་ཏུ་བརྗོད། །
རིགས་ཅན་དགེ་དང་མཁས་པ་ཀུན་དུ་གནས། །དེ་བཞིན་ཏིང་ངེ་འཛིན་གྱིས་ཀུན་བཤིག་ནས། །ས་བོན་དགོད་པས་རབ་ཏུ་དགོད་པར་བྱ། །སྟེང་དུ་མེ་ཡི་ས་བོན་བརྟག །ས་ཡི་ས་བོན་རྣམ་པ་གཉིས། །མིག་གཉིས་
སུ་ནི་སྦྱར་བར་བྱ། །སྟོང་སོགས་རླུང་གི་ས་བོན་ནི། །སྣ་དང་རྣ་བ་དག་ལ་བསམ། །བདུད་རྩིའི་ཆུ་ཡི་ས་བོན་ནི། །ལྕེ་ཡི་དབང་པོ་དབང་ཕྱུག་གཙོ། །གང་གིས་བརྩེགས་པ་རིམ་བཞིན་གཟུང་། །གནས་བཞི་རུ་ནི་

87-1-174b

སྦྱར་བར་བྱ། །མགྲིན་པར་གཏི་མུག་ས་བོན་ཏེ། །དེ་བཞིན་དཔུང་པར་ཉོན་མོངས་སོ། །སྙིང་གའི་ཕྱོགས་སུ་གཡོ་བ་སྟེ། །ལྟེ་བའི་རྩ་བར་ཕྱུགས་ཡིན་ནོ། །ཡན་ལག་བརྒྱད་དུ་ས་བོན་ནི། །བརྒྱད་པོ་བཀོད་པས་བསྲུང་
བར་བྱ། །ཡེ་ཤེས་མཁའ་འགྲོར་བདག་བྱས་ཏེ། །ལུས་ནི་ས་བོན་ལྡན་པར་བྱ། །ཉི་མའི་དཀྱིལ་འཁོར་གྱིས་བརྒྱན་པ། །པདྨ་ཡི་ནི་སྟན་ལ་བཞུགས། །གདུགས་ནི་དཀར་པོས་སྟེང་དུ་གཡོགས། །བཙོ་མའི་
གསེར་ལྟར་འབར་བའི་འོད། །ཞལ་གསུམ་ཕྱག་ནི་དྲུག་པ་སྟེ། །སེམས་དཔའི་སྐྱིལ་དཀྲུང་ཡང་དག་བཞུགས། །སྟེང་དུ་རྡོ་རྗེ་དབུ་རྒྱན་ཅན། །དར་གྱི་ཐོད་ནི་མཛེས་པར་བཅིངས། །སྤྱན་གསུམ་ཁྲོ་ཞིང་
བཞད་པ་སྟེ། །ཤིན་ཏུ་མཛེས་པའི་ན་བཟའ་གསོལ། །རལ་གྲི་དགྲ་སྟ་རྡོ་རྗེ་དང་། །གཡོན་པའི་བསྡིགས་མཛུབ་ཉིད་དང་ནི། །ཤཀྟི་ཁ་ཊྭཱྃ་བསྒྲེང་བ་ནི། །མཚན་མའི་ཕྱག་རྒྱ་མངོན་པར་བསྣམས། །སངས་
རྒྱས་སྤྲིན་ནི་འཕྲོས་པ་ཡིས། །སེམས་ཅན་རྣམས་ཀྱི་དོན་མཛད་བརྩོན། །འོད་ཟེར་སྣ་ཚོགས་འབར་བ་རུ། །དབུགས་མི་གཡོ་བར་བསྒོམ་པར་བྱ། །ཡིད་ཀྱི་ཡེ་ཤེས་རྣམ་ཤེས་དག །ཤེལ་དང་འདྲ་བར་བསམ་པར་བྱ། །
ཨཱ་ལི་ཀཱ་ལི་རབ་སྦྱོར་བས། །དེ་ཡི་ས་བོན་གཟུང་བྱས་ཏེ། །སྨིན་པར་ཐིགས་པའི་གནས་དག་ཏུ། །ཡེ་ཤེས་ཅན་གྱི་ས་བོན་བསྒོམ། །སངས་རྒྱས་ལྔ་ཡིས་བརྒྱན་པ་ཡི། །ཡི་གེའི་ས་བོན་བཟླས་པར་བྱ། །རླུང་དང་མེ་ཡི་
བདུན་དོན་ལ། །རྡོ་རྗེ་མེ་ཡི་ས་བོན་བསྐུལ། །སྒྲ་དང་ཐིག་ལེས་ཡང་དག་མནན། །ཆར་པའི་རྒྱུན་ཞེས་བྱ་བ་བརྗོད། །ཐོག་མར་བླ་མའི་ཡི་གེ་གཞག །བསྲེག་བྱེད་ཡི་གེ་མཐར་བཟླས་བྱ། །ཏིང་ངེ་འཛིན་དང་ལྡན་པ་ཡི། །
བློ་གྲོས་ཅན་གྱིས་སུམ་འབུམ་བཟླ། །བཟླས་དང་ལྡན་པའི་རྣལ་འབྱོར་པ། །དེ་ཡིས་བསམ་པ་ཐམས་ཅད་འགྲུབ། །ལས་བརྒྱད་ལ་སོགས་དངོས་གྲུབ་རྣམས། །སྔོན་དུ་བསྙེན་པ་ལ་སོགས་བྱ། །དེ་འོག་ལས་རྣམས་

87-1-175a

བརྩམ་བྱས་ན། །འགྲུབ་འགྱུར་འདིར་ནི་ཐེ་ཚོམ་མེད། །རྨོངས་པར་བྱ་བའི་བྱེ་བྲག་ནི། །ཉོན་ཅིག་རྡོ་རྗེ་དེ་ཁོ་ན། །བཅིངས་པ་རྣམས་ཀྱི་བྱེ་བྲག་དག །སྔོན་དུ་རྡོ་རྗེའི་ཚིག་བརྗོད་ལ། །སྡེ་ཚན་དང་པོའི་དང་པོ་བཟུང་། །དེ་བཞིན་
སྡེ་ཚན་བཞི་པ་ཡི། །ཡི་གེ་དང་པོ་བཟུང་ནས་ནི། །ཉིས་འགྱུར་རེ་ཕ་སྟེང་དུ་གཞག །དེ་བཞིན་ཨི་དང་རེ་ཕར་སྦྱར། །གང་ཞིག་སྡེ་ཚན་གཉིས་པ་ཡི། །ཡི་གེ་གཉིས་པ་ཐིག་ལེ་ཅན། །ལྕགས་ཀྱུ་ཡིས་ནི་གཟིར་བར་བྱ། །
བཞི་པ་ཡི་ནི་གསུམ་པར་བཅས། །ལན་གཉིས་སུ་ནི་བཟླས་པར་བྱ། །སངས་རྒྱས་ལྔ་ཡིས་བརྒྱན་པ་དང་། །སྔོན་དུ་ཕྱག་འཚལ་ཡི་གེ་སྟེ། །ཡི་གེ་དྲུག་པོ་མཐའ་རུ་སྦྱར། །ས་བོན་འདི་བཟླས་རྣལ་འབྱོར་པས། །དངོས་པོ་
ཐམས་ཅད་བཅིང་བར་འགྱུར། །ལག་གཉིས་སོར་མོ་བསྣོལ་ནས་ནི། །དེ་ཉིད་བཟའ་བ་ལྟ་བུར་སྦྱར། །ཁྲོ་བོ་དང་ནི་དབུ་མ་བརྐྱང་། །གཉིས་ཀ་ཕན་ཚུན་དྲུད་པར་བྱ། །འདི་ནི་ཆེན་པོའི་ཕྱག་རྒྱ་སྟེ། །འོད་ཟེར་འབར་བའི་ཕྲེང་
བ་འཁྲུག དགྲ་ཡི་མགྲིན་པ་ལ་སོགས་པ། །དངོས་པོ་ཐམས་ཅད་ཡིད་ཀྱིས་རོལ། །དེ་ནས་ཆུ་ལ་སོགས་པ་ཀུན། །རབ་ཏུ་བཅིང་བ་བཤད་པར་བྱ། །གང་ཡང་སྡེ་ཚན་ཐ་མ་ནི། །ཡི་གེ་གསུམ་པ་གཟུང་བར་བྱ། །དེ་བཞིན་
སྡེ་ཚན་གསུམ་པ་ཡི། །ཡི་གེ་གསུམ་པ་ཉིད་དང་ནི། །དེ་ཡི་ས་བོན་གསུམ་པ་ལ། །སྟེང་དུ་ཨེ་ཞེས་བྱ་བར་སྦྱར། །སྡེ་ཚན་ལྔ་པའི་དང་པོ་ལ། །ལྕགས་ཀྱུ་ཡིས་ནི་གཟིར་བར་བྱ། །གསུམ་པ་ཆུ་ཡི་ས་བོན་དང་། །ཚེག་དྲག་
ཡི་གེ་དབུས་བྱས་ཏེ། །མཐའ་མ་རྡོ་རྗེ་ཅན་དང་སྦྱར། །རེ་ཕ་གློན་ལྕགས་ཀྱུ་ཅན། །མཐའ་ནི་དྲག་པོའི་ཡི་གེ་དང་། །དང་པོར་ཕྱག་འཚལ་གཞག་པར་བྱ། །བཅིང་བ་ཡི་ནི་སྔགས་སུ་གྲགས། །ལག་གཉིས་ཐལ་མོ་སྦྱར་
ནས་སུ། །སྲིན་ལག་གཉིས་ནི་ཕན་ཚུན་དཀྲི། །ཁྲོ་བོ་གཉིས་ཀྱིས་མནན་པར་བྱ། །མཐེ་བོ་གཉིས་ནི་དབུས་སུ་སྦྱར། །དེ་ཉིད་དུ་ནི་མཐེ་ཆུང་སྦྱར། །རྒོ་མ་ཁ་ཡི་ཕྱག་རྒྱ་འདི། །འོད་ཟེར་འབར་བའི་ཕྲེང་བ་ཅན། །ཕྱོགས་བཅུའི་

87-1-175b

གནས་སུ་འབར་བ་ཡིས། །སྤྲིན་གྱི་ལྷ་ཚོགས་བསྲེག་པར་བྱེད། །ཆར་པ་བཅིང་ལ་སོགས་དུས་སུ། །ཕྱག་རྒྱ་འདི་ནི་སྦྱར་བར་བྱ། །སྒྲུབ་པོས་འབུམ་ཕྲག་གཅིག་བཟླས་པས། །སྔོན་དུ་བསྙེན་པ་ལ་སོགས་བྱ། །བདག་གི་གདན་
ཞེས་བྱ་བའི་རབ་ཏུ་བྱེད་པ་བཞི་པའོ།། །། ལྷ་ཡི་གཟུགས་ནི་ཇི་ལྟ་བུ། །བཅོམ་ལྡན་འདས་ལས་ཉན་པར་འཚལ། །ཞི་བའི་སྦྱིན་སྲེག་ལ་སོགས་དང་། །གཏོར་མ་ལྡན་པ་ཇི་ལྟར་ལགས། །གཟུགས་སོགས་
བསམ་པ་རྩེ་གཅིག་པ། །ཉོན་ཅིག་རྡོ་རྗེ་དེ་ཁོ་ན། །སྔགས་དང་ཕྱག་རྒྱ་སྦྱིན་སྲེག་གི། །བཟླས་དང་བསམ་གཏན་བསྒོམ་པ་རྣམས། །སྔོན་དུ་མེ་ཡི་ལས་སོགས་ལ། །བློ་ལྡན་བཟླས་པ་ཤེས་པར་བྱ། །ས་ནི་སྦྱངས་མ་
ཐག་ཏུ་ཡང་། །སྟེགས་བུའི་མཚན་ཉིད་འབད་དེ་བྱ། །སོར་བརྒྱད་ལྷག་ནི་ཡན་ཆད་དུ། །ཁྲུ་གང་ཙམ་ནས་བརྩམས་ནས་སུ། །ཇི་སྙེད་ཁྲུ་སྟོང་བར་དུ་གཟུང་། །བརྒྱད་པ་དགྲ་ནི་འཇོམས་པ་སྟེ། །དེ་བཞིན་བཅུ་
པས་རྒྱས་པར་འགྱུར། །བཅུ་གཉིས་པས་ནི་དབང་དུ་སྡུད། །བཅུ་བཞིས་དེ་བཞིན་ཞི་བ་ཉིད། །མཐེབ་སོར་བཅུ་དྲུག་ཚད་ཀྱིས་ནི། །རིགས་རྣམས་མངོན་པར་འཕེལ་བར་བྱེད། །མཐེབ་སོར་བཅྭ་བརྒྱད་གནས་ཀྱིས་
ནི། །བ་ལང་རིགས་སོགས་མངོན་པར་འཕེལ། །ཐབ་ཁུང་སོར་ནི་ཉི་ཤུ་པས། །གྲོང་ཁྱེར་དང་ནི་ཡུལ་འཁོར་ཞི། །རྒྱར་ནི་ཆ་གསུམ་བགོས་པ་ལས། །ཆ་གཉིས་སུ་ནི་བརྐོ་བར་བྱ། །བརྐོས་པ་ཡི་ནི་བརྒྱད་ཆ་
ཡིས། །ཁུང་བུ་ཡི་ནི་ཁ་ཁྱེར་བྱ། །ཁ་ཁྱེར་གྱི་ནི་ཕྱེད་པ་ཡིས། །ཕྱི་རོལ་གྱི་ནི་མུ་ཁྱུད་བྱ། །མུ་ཁྱུད་ཆ་བརྒྱད་ལྡན་པ་ལ། །པདྨའི་འདབ་དེ་ཆ་བརྒྱད་བྱ། །པདྨ་ཡི་ནི་ཕྱི་རོལ་དུ། །སོར་གཅིག་པ་ཡི་ར་བ་བྱ། །ཐབ་
ཁུང་ནང་དུ་རྡོ་རྗེ་རྣམས། །པདྨའི་ནང་དུ་གཞག་པར་བྱ། །མངོན་སྤྱོད་ལ་ནི་གྲུ་གསུམ་སྟེ། །ཞི་བ་ལ་ནི་གྲུ་བཞིའོ། །ཀུན་ནས་ཟླུམ་པོ་དབང་དུ་སྡུད། །རྒྱས་པ་ལ་ཡང་དེ་བཞིན་ནོ། །བསྐྲད་ལ་ཟླ་བ་ཕྱེད་པ་སྟེ། །དགུག་

87-1-176a

དང་བཅིང་ལ་ཟུར་བརྒྱད་པའོ། །རིམ་གྱིས་རིམ་གྱིས་སྦྱར་བར་བྱ། །ཞི་དང་རྒྱས་དང་དབང་སོགས་རྣམས། །སངས་རྒྱས་ལྔ་ཡི་མཚན་མ་རྣམས། །ཇི་བཞིན་ཕྱོགས་སུ་དགོད་པར་བྱ། །ཁ་ཁྱེར་གྱི་ནི་
གནས་བཞི་རུ། །སངས་རྒྱས་མཚན་མས་བརྒྱན་པར་བྱ། །ཟླ་ཕྱེད་རྡོ་རྗེས་ཤིན་ཏུ་མཛེས། །གྲྭ་དང་གྲྭ་རུ་རྣམ་པར་གཞག །ཇི་བཞིན་སྟན་གྱི་གནས་སུ་ཡང་། །མཐེབ་སོར་བཅུ་གཉིས་དག་དང་ནི། །དཔངས་
སུ་ཁྲུ་ཕྱེད་ལྡན་པ་ཡི། །ཏི་སེའི་གངས་ནི་མཛེས་པར་བཞག །འདབ་མ་བརྒྱད་ཀྱི་གནས་རྣམས་སུ། །ལྷ་མོ་རྣམས་ནི་རིམ་བཞིན་དགོད། །རྣལ་འབྱོར་པ་ཡིས་དེ་ཡི་ཚད། །ཁྱད་པར་དུ་ནི་སྦྱར་བར་བྱ། །ཨོཾ་ཧི་ལི་
ཧི་ལི་ཀ་ལི་བེ་ཏྭ་ལི་ཧཱུྃ་ཕཊ། ཉེ་བར་སྤྱོད་པའི་སྔགས་སོ། །ཡེ་ཤེས་མཁའ་འགྲོ་བསྒོམ་པ་ཡིས། །རང་གི་ལུས་ནི་བསྲུང་བར་བྱ། །བདག་གི་ཡན་ལག་བརྒྱད་པོ་རུ། །ཐམས་ཅད་བཀོད་པས་བསྲུང་བྱ་སྟེ། །ལྕེ་ལ་
ཆུ་ནི་ཉིད་དང་ནི། །ནམ་མཁའ་རྣ་བ་སྣ་དག་ལ། །ས་ནི་མིག་ཏུ་སྦྱར་བར་བྱ། །དེ་བཞིན་མེ་ནི་ཚངས་པ་ལ། །མགྲིན་པར་རྨོངས་པའི་དད་དཔོན་ཏེ། །གཡོ་བ་སྙིང་ལ་གནས་པའོ། །ཉོན་མོངས་ཐོང་ཀ་ཀུན་ཏུའོ། །ལྟེ་
བའི་རྩ་བར་ཕྱུགས་ཡིན་ནོ། །ཡན་ལག་བརྒྱད་ཀྱིས་བསྲུང་བ་འདི། །ལྷ་རྣམས་སུ་ནི་ཤེས་བྱས་ལ། །བ་དན་གསུམ་གྱི་ཕྱག་རྒྱ་ཡིས། །ཡན་ལག་བརྒྱད་དུ་གཏུགས་ཏེ་བསྲུང་། །ཡེ་ཤེས་མཁའ་འགྲོའི་བདག་ཉིད་དུ། །བདག་
ཉིད་ལུས་ནི་སྤྲུལ་བྱས་ཏེ། །ཀུཎྡ་ཟླ་བ་ལྟར་དཀར་ཞིང་། །རྒྱན་རྣམས་ཀུན་གྱིས་རྣམ་པར་ཀླུབས། །སེམས་དཔའི་སྐྱིལ་དཀྲུང་ཕྱག་གཉིས་པ། །ཤིན་ཏུ་མཛེས་པའི་ན་བཟའ་མནབས། །ཕྱག་ན་ཁ་ཊྭཱྃ་རྡོ་རྗེ་སྟེ། །འབར་བའི་ཕྲེང་བ་
ཀུན་ཏུ་གསལ། །རང་གི་ལུས་ནི་མཉམ་བཞག་པས། །དབུགས་མི་གཡོ་བར་བསྒོམ་པར་བྱ། །དེ་ནས་ས་ནི་སྦྱང་བྱ་སྟེ། །ཨོཾ་ཧ་ན་ཧ་ན་ཀྲོ་དྷ་ཧཱུྃ་ཕཊ། ལག་པ་གཡས་པ་བརྐྱང་བྱས་ཏེ། །རྡོ་རྗེར་བསྒོམས་ནས་ས་ལ་བསྣུན། །

87-1-176b

ས་སྦྱངས་པའི་སྔགས་དང་ཕྱག་རྒྱའོ། །ལག་གཉིས་ཁུ་ཚུར་ཁ་སྦྱར་ཏེ། །གུང་མོ་གཉིས་བརྐྱང་ཀུན་ཏུ་བསྟན། །ཕྱག་རྒྱ་འདི་ནི་དག་བྱེད་པའོ། །ཨོཾ་ཤྲཱི་སྭཱ་ཧཱ། མར་སྦྱང་བའི་སྔགས་སོ། །ཨོཾ་ཨ་སྭཱ་ཧཱ། རྫས་བཀྲུ་བའི་
སྔགས་སོ། །ཨོཾ་ཛྲིཾ་སྭཱ་ཧཱ། འབྲུ་སྦྱང་བའི་སྔགས་སོ། །ཨོཾ་ཀུ་རུ་ཀུ་རུ་སྭཱ་ཧཱ། ཟས་མཆོག་ལ་སོགས་པའི་རྫས་སྦྱང་བའི་སྔགས་སོ། །ཨོཾ་ཨ་སྭཱ་ཧཱ། ཡམ་ཤིང་སྦྱང་བའི་སྔགས་སོ། །མེ་དབུས་པདྨ་བསམས་ནས་སུ། །མེ་
ཡི་ལྷ་ནི་དགུག་པར་བྱ། །གཡོན་པ་ཁུ་ཚུར་བཅིངས་ནས་སུ། །ཁྲོ་བོ་དང་ནི་དབུ་མ་བརྐྱང་། །དབུ་མའི་ཚིགས་ནི་གསུམ་པ་ལ། །ཁྲོ་བོ་བསམས་ཏེ་བཙུགས་པས་དགུག །ཨོཾ་ཨཱ་གཙྪ་ཨཱ་གཙྪ་ཨགྣེ་ཛཿསྭཱ་ཧཱ། 
པདྨའི་གདན་ལ་བཞུགས་པ་རུ། །ཐབ་ཁུང་དབུས་སུ་བསྒོམ་པར་བྱ། །བགྲང་ཕྲེང་སྤྱི་བླུགས་བུ་རམ་མདོག །རལ་པའི་ཐོར་ཚུགས་སེར་སྐྱར་ལྡན། །ཤིན་ཏུ་མཛེས་པའི་ན་བཟའ་ཀླུབས། །འོད་ཟེར་མེ་ལྟར་ཀུན་
ཏུ་འབར། །མེ་ཡི་དབུས་སུ་བསྒོམ་པར་བྱ། །དེར་ནི་ཇི་ལྟར་འབྱོར་བ་དང་། །དངོས་པོ་ལྔ་ཡིས་མཆོད་ནས་སུ། །མེ་དབུས་མེ་ལྷའི་ལྕེ་ལ་ནི། །ཀུན་ནས་སྲེག་བླུགས་གསུམ་གསུམ་བྱ། །ལག་གཉིས་ཐལ་མོ་སྦྱར་
ནས་སུ། །པདྨའི་ཚུལ་དུ་ཅུང་ཟད་དབྱེ། །དབུ་མ་ཀུན་ཏུ་བརྐྱང་བར་བྱ། །ཨོཾ་ཛུ་ཧུ་ཛུ་ཧུ་ཨ་གྷེ་སྭཱ་ཧཱ། མེའི་སྙིང་པོའི་སྔགས་དང་ཕྱག་རྒྱའོ། །དེ་ནས་འབད་པས་སེ་གོལ་གསུམ། །གཏོགས་པས་འབར་བར་
ཐིམ་པར་བསྒོམ། །མེ་ཡི་གནས་སུ་ཀུན་རིག་པས། །དེ་ནས་སྦྱང་བ་བརྩམ་པར་བྱ། །ཨོཾ་ཧཱུཾ་ཊ་ཊི་ཧཱུྃ་ཕཊ། རྡོ་རྗེར་བཅས་པའི་ལག་པ་ཡིས། །མེ་ཏོག་ཡུངས་ཀར་ཆུ་ཡིས་ནི། །ཕྱོགས་ཀུན་དུ་ནི་གཏོར་ནས་
སུ། །མི་ཡི་ནང་དུ་བླུགས་པར་བྱ། །སྦྱང་བའི་སྔགས་དང་ཕྱག་རྒྱའོ། །ཨོཾ་བཛྲ་པྲཱ་ཀཱ་ར་ཧཱུྃ་ཕཊ། ལག་གཡོན་ཐལ་མོ་ཕར་བསྟན་ཏེ། །གཡས་པ་ཚུར་བསྟན་རྒྱབ་སྦྱར་ནས། །དབང་ལྡན་ཕྱོགས་སོགས་བསྐོར་བར་བྱ། །

87-1-177a

ར་བའི་སྔགས་དང་ཕྱག་རྒྱའོ། །ལག་པ་གཉིས་ནི་བརྐྱང་ནས་སུ། །ཕན་ཚུན་རྩེ་མོ་རེག་པར་བྱ། །ཨོཾ་ཛྲུྃ་སྭཱ་ཧཱ། རྡོ་རྗེ་དྲ་བའི་སྔགས་དང་ཕྱག་རྒྱའོ། །གཡོན་པའི་ཁུ་ཚུར་བཅས་ནས་སུ། །མཐེ་བོང་འོག་ཏུ་བརྐྱང་བར་བྱ། །
ཨོཾ་བྲུྃ་སྭཱ་ཧཱ། ཕུར་བུའི་སྔགས་དང་ཕྱག་རྒྱའོ། །ཉི་མའི་དཀྱིལ་འཁོར་གྱིས་བརྒྱན་པའི། །མེ་དབུས་པདྨ་བསམས་ནས་སུ། །གདུགས་དཀར་པོ་ཡིས་གཡོགས་པ་ཡི། །རྡོ་རྗེ་དབུས་སུ་བསྒོམ་པར་བྱ། །རྡོ་རྗེ་རྩེ་མོ་
ལྔ་པ་སྟེ། །ཁ་དོག་དམར་སོགས་བསམ་པར་བྱ། །འོད་ཟེར་སྣ་ཚོགས་འབར་བ་ལས། །ཉི་མའི་དཀྱིལ་འཁོར་དབུས་སུ་ནི། །རྡོ་རྗེའི་གཟུགས་སུ་བསྐྱེད་ནས་སུ། །རང་གི་དབུགས་ལས་བྱུང་བའི། །སྦྱོར་
བའི་གདན་ལ་བྱུང་བ་ཡིས། །ལས་ཀྱི་མདོག་ཏུ་བསྒོམ་པར་བྱ། །ཕྱག་གཉིས་ཁ་ཊྭཱྃ་རྡོ་རྗེ་བསྣམས། །ཐམས་ཅད་རྒྱན་གྱིས་རྣམ་པར་ཀླུབས། །རྡོ་རྗེའི་གཟུགས་ནི་བསྐྱེད་ནས་སུ། །རང་གི་དབུགས་ལས་བྱུང་བ་ཡི། །
བདག་གི་ལུས་ནི་གང་ཡིན་ལ། །ཡེ་ཤེས་མཁའ་འགྲོ་བསྟིམ་པར་བྱ། །མེ་ཡི་དབུས་སུ་ཀུན་རིག་པས། །སྣ་ཚོགས་དངོས་པོ་མཆོད་པར་བྱ། །ཨོཾ་ཋཿཋཿཋཿསྭཱ་ཧཱ། དགང་བླུགས་ཀྱི་སྔགས་སོ། །གཡས་སུ་དབྱུག་
པ་བསམ་པར་བྱ། །དེ་བཞིན་གཡོན་དུ་སྣོད་ནི་སྦྱང་། །ཨོཾ་ཧཱུཾ་སྭཱ་ཧཱ། རྩ་བའི་སྔགས་དང་ཕྱག་རྒྱའོ། །ལག་པ་གཡས་པ་བརྐྱང་བ་དང་། །ཨོཾ་པྲ་ཏཱིཙྪ་སུ་གནྡྷ་ཧཱུྃ་སྭཱ་ཧཱ། ཞེས་བྱ་བ་ནི་དྲིའི་སྔགས་དང་ཕྱག་རྒྱའོ། །
བརྐྱང་བ་དེ་ཉིད་ཀྱི་མཐེ་བོང་དང་ཁྲོ་བོ་སྦྱར་བ་དང་། །ཨོཾ་པུཥྤ་མཱ་ལེ་ཧཱུྃ་སྭཱ་ཧཱ། ཞེས་བྱ་བ་ནི་མེ་ཏོག་གི་སྔགས་དང་ཕྱག་རྒྱའོ། །ཁུ་ཚུར་དེ་ཉིད་ལས་མཐེ་བོང་བརྐྱང་བ་དང་། ཨོཾ་ཏཱིཀྵྞ་དཱི་པེ་ཧཱུྃ་སྭཱ་ཧཱ། ཞེས་བྱ་བ་ནི་མར་
མེའི་སྔགས་དང་ཕྱག་རྒྱའོ། །མེ་ཏོག་གི་ཕྱག་རྒྱ་དེ་ཉིད་ལས་དབུ་མ་བསྒྲེང་བ་དང་། །ཨོཾ་དྷུ་པེ་ཤཱ་རི་ཧཱུྃ་སྭཱ་ཧཱ། ཞེས་བྱ་བ་ནི་བདུག་པའི་སྔགས་དང་ཕྱག་རྒྱའོ། །ལག་པ་གཉིས་ཀ་བརྐྱང་སྟེ་མཐེ་བོང་དང་། གུང་མོ་བསྐྱོད་པ་

87-1-177b

དང་། ཨོཾ་ཀུ་རུ་ཀུ་རུ་མ་ཧཱ་བ་ལི་ཧཱུྃ་སྭཱ་ཧཱ། ཞེས་བྱ་བ་ནི་གཏོར་མའི་སྔགས་དང་ཕྱག་རྒྱའོ། །མེ་ཡི་ཁ་ཡི་ནང་དུ་ནི། །ལན་རེ་བཟླས་ཤིང་ལན་རེ་བཞིན། །དབུས་སུ་གོང་བུ་བསྲེག་པར་བྱ། །བདུན་ལས་ལྷག་མ་ཀུན་བཟུང་ནས། །
དབུས་སུ་གོང་བུ་རན་པར་ནི། །གོང་མའི་ཚུལ་གྱིས་གནས་པ་ནི། །འབད་དེ་རྫོགས་པའི་མཐའ་རུ་ནི། །ལྷག་མ་དག་ནི་བསྲེག་པར་བྱ། །བསྲེག་པ་ཟིན་ནས་ལྷ་རྣམས་ནི། །བདག་གི་ལུས་ལ་ཐིམ་པར་བསྒོམ། །དགང་
བླུགས་ཀུན་ལ་རྫོགས་པ་རུ། །སྔགས་དང་ཕྱག་རྒྱས་རྫོགས་པར་བྱ། །སྣོད་ནི་མར་གྱིས་བཀང་ནས་སུ། །མེ་ཡི་དབུས་སུ་བླུགས་ནས་ཀྱང་། །དྲངས་ནས་དབུགས་ནི་སྟོངས་འགྱུར་ཏེ། །རང་གི་ལུས་ལ་ཐིམ་པར་བྱ། །དེ་ནས་
རང་གི་ལུས་ཉིད་དུ། །མཁས་པ་ཡིས་ནི་བསྒོམ་པར་བྱ། །དབུས་སུ་མེ་ཡི་ལྷ་ཉིད་ནི། །མཁས་པ་ཡིས་ནི་བསམས་ནས་ཀྱང་། །ལྷག་མ་ལན་གསུམ་བསྲེགས་ནས་སུ། །མཆོད་དེ་གཏོར་མ་སྦྱིན་པར་བྱ། །བཀྲ་ཤིས་དབྱངས་
ནི་བླངས་ནས་སུ། །དེར་ནི་ཕྱག་རྒྱ་སྦྱར་བར་བྱ། །སྦྱིན་སྲེག་ལས་ཀྱིས་ཕྱེ་བ་གཞན། །མདོར་བསྡུས་རྒྱས་པ་མིན་པར་བཤད། །སཱ་ལུ་འབྲས་དང་སོ་བ་དང་། །ཏིལ་དཀར་པོ་དང་ཡུངས་ཀར་དང་། །ནས་དང་དུར་
བའི་ས་བོན་བཅས། །མར་དང་འོ་མར་བསྲེས་ནས་སུ། །སྦྲང་རྩི་བསྲེས་པའི་འོ་ཐུག་ནི། །ཁྱད་པར་དུ་ནི་བསྲེག་པར་བྱ། །འོ་མ་ཅན་གྱི་ཤིང་ལྔ་ལས། །སོར་མོ་བཅུ་བཞིར་ལྡན་པའི་ཚད། །ཞི་བའི་དཱུས་ལ་བབ་པ་ན། །
བསྲེག་པའི་ཆོ་གའི་མཆོག་ཡིན་ནོ། །ཏིལ་ནག་པོ་དང་མ་ཤ་དང་། །ས་ལུ་དམར་པོའི་ཟན་དང་ནི། །དྲི་དང་གུར་ཀུམ་འོ་མ་ནི། །མར་དང་སྦྲང་རྩིར་བསྲེས་པ་དང་། །མར་དང་ལྡན་པའི་འོ་ཐུག་དག །ཁྱད་པར་དུ་ནི་བསྲེག་
པར་བྱ། །འོ་མ་ཅན་གྱི་ཤིང་ལྔ་ལས། །ཡམ་ཤིང་སོར་བཅུའི་ཚད་དང་བཅས། །གལ་ཏེ་རྒྱས་པའི་ལས་འདོད་ན། །སྒྲུབ་པོས་ཁྱད་པར་བསྲེག་པར་བྱ། །ཏིལ་ནི་དམར་དང་གནག་པ་དང་། །ནཱ་ག་གེ་སར་པྲི་ཡང་ཀུ། །

87-1-178a

དེ་བཞིན་སྐྱེ་ཚེ་འུ་སུ་དང་། །སྦྲང་རྩི་དང་ནི་མར་སར་སྦྱར། །ཐང་ཤིང་དང་ནི་ནྱ་གྲོ་དང་། །ཀླུ་ཤིང་དང་ནི་བ་ཤ་ཀ ། ཡམ་ཤིང་སོར་མོ་བཅུ་གཉིས་པ། །ཆགས་པའི་ལས་ལ་མཆོག་ཡིན་ནོ། །ཏིལ་ནག་པོ་དང་མ་ཤ་
དང་། །བ་ལ་ཏ་ཀ་ནག་ཆེན་འབྲས། །ཚ་བའི་མར་ནག་ཁྲག་དང་ནི། །བསྲེས་པ་ཡིས་ནི་བྱུགས་པ་དང་། །ལུང་ཏང་ཤིང་དང་སྒུར་པོའི་ཤིང་། །བ་ལོ་ཏ་ཀ་ཀུ་ལིའི་ཤིང་། །ཡམ་ཤིང་སོར་བརྒྱད་པ་ཡི་ཚད། །མངོན་སྤྱོད་ལས་ལ་རབ་
ཏུ་གྲགས། །ཡུངས་ཀར་མོན་སྲན་གྲེའུ་དང་སེའུ། །ལམ་གྱི་རྡུལ་དང་བསྲེས་པ་དག །ཁྲག་དང་ཁྲ་བའི་མར་ནག་གིས། །དེ་ནི་བསྒོ་བར་རབ་ཏུ་གྲགས། །གསེར་ཤིང་དང་ནི་བ་ཤ་ཀའི། །ཡམ་ཤིང་དེར་ནི་བཟུང་ནས་ནི། །
དེ་ཉིད་ལས་ལ་བསྲེག་བྱ་བ། །བསྐྲད་པ་དག་ལ་རབ་ཏུ་གྲགས། །ཉ་དང་ཤ་ལ་སོགས་པའི་རྫས། །བག་ཕྱེ་འབྲུ་རྣམས་ཐམས་ཅད་དག །ཁྲག་དང་སྦྲང་རྩིས་བསྒོས་པ་དང་། །བྱ་རོག་གི་ནི་སྒྲོ་དག་དང་། །བྱ་རོག་ཚང་
གི་ཤིང་ཕུ་དང་། །སོ་ཤིང་འཆོས་ནས་བོར་བ་སྟེ། །འདི་དག་བཅིང་བའི་ལས་རྣམས་ལ། །བརྩོན་དང་ལྡན་པས་སྦྱོར་བ་བྱ། །དེ་ནས་གཞན་ཡང་ཁྱད་པར་དུ། །སྦྱིན་སྲེག་མཚན་ཉིད་བཤད་པར་བྱ། །ཞོ་དང་མར་དང་
སྦྲང་རྩི་ཡིས། །བསྒོས་པ་ཡི་ཤྲི་བ་ལ་ནི། །བྱང་ཆུབ་ཤིང་གི་ཡམ་ཤིང་ལ། །ལྔ་རྒྱ་རུ་ནི་བསྲེག་པར་བྱ། །དེ་ཡི་དབུས་སུ་མཉམ་གཞག་ནས། །སྨོན་ལམ་བཏབ་སྟེ་ཁྲུས་བྱས་ན། །རྒྱལ་སྲིད་ཉམས་པའང་མྱུར་དུ་ནི། །
ས་གསུམ་རྒྱལ་པོ་དབང་དུ་འགྱུར། །མར་དང་འོ་མ་སྦྲང་རྩིར་བཅས། །ལོ་ཏའི་ཡམ་ཤིང་མེ་ལ་ནི། །བརྒྱ་ཕྲག་བརྒྱ་རུ་མངོན་བསྲེགས་ན། །ཤིན་ཏུ་མྱུར་བར་དཔལ་ལྡན་འགྱུར། །བྱ་བ་གང་དང་གང་བསམས་པ། །
དེ་དེ་ཐམས་ཅད་འདིར་འགྲུབ་འགྱུར། །དེ་ནས་ཡོངས་གཟུང་སློབ་མ་ཡི། །མཚན་ཉིད་དག་ནི་བཤད་པར་བྱ། །ཡན་ལག་ཐམས་ཅད་ཡོངས་སུ་རྫོགས། །དུལ་ཞིང་སྦྱོང་བ་ཞི་བ་དང་། །ཆོས་གསུམ་ལ་ནི་མངོན་

87-1-178b

བར་ངང་། །ཐེག་པ་ཆེ་ལ་རྟག་ཏུ་དགའ། །སྔགས་དང་རྒྱུད་ཀྱི་སྦྱོར་བ་ཤེས། །བཟོ་དང་རྒྱུ་རྩལ་ཐམས་ཅད་མཁས། །བསམ་གཏན་སྦྱོར་བ་མངོན་པར་དགའ། །ཐོས་དང་ཀློག་སོགས་གུས་དང་བཅས། །དུས་
རྣམས་ཀུན་ཏུ་བླ་མར་གུས། །སྦྱིན་སོགས་དགེ་བའི་ལས་ལ་བརྩོན། །འདོད་ལ་དགའ་བ་མ་ཡིན་ཞིང་། །ལོངས་སྤྱོད་ལ་ནི་བརྟེན་པ་མིན། །ཁྲོ་དང་ང་རྒྱལ་མེད་པ་དང་། །ངང་ཚུལ་ངན་མིན་ཚིག་རྩུབ་མིན། །སེམས་ཅན་ཀུན་
ལ་སྨོད་པ་དང་། །ལྷ་དང་བླ་མ་དེ་བཞིན་ཏེ། །གདུག་སེམས་ཅན་དང་ངང་ཚུལ་ཅན། །རྟག་ཏུ་སྡིག་པའི་བློ་དང་ལྡན། །འཁྱལ་པ་དང་ནི་ཚིག་རྩུབ་སྨྲ། །འདི་ལྟ་བུ་དག་སྤང་བར་བྱ། །གཞན་གྱི་གདན་གྱི་རབ་ཏུ་བྱེད་པ་ལས་
རིམ་པར་ཕྱེ་བ་དང་པོའོ།། །། ཆུ་ཡི་སྦྱིན་སྲེག་ཇི་ལྟ་བུ། །ལྷ་ལས་གཟིགས་མོ་ཉན་པར་འཚལ། །ཆུ་ཡི་སྦྱིན་སྲེག་ལ་སོགས་པའི། །མཚན་ཉིད་དག་ནི་ཇི་ལྟར་ལགས། །ཆུ་སོགས་ཡང་དག་མཚན་
ཉིད་རྣམས། །ཉོན་ཅིག་རྡོ་རྗེ་དེ་ཁོ་ན། །བླ་རེ་དག་ནི་བྲེས་ནས་སུ། །སྣ་ཚོགས་གོས་རྣམས་རབ་ཏུ་དཔྱངས། །ཤིན་ཏུ་ཡངས་ཤིང་གྲུ་བཞི་པར། །ཀུན་དུ་དྲི་ཡིས་བྱུག་པར་བྱ། །དབུས་སུ་ཆུ་ཡི་སྣོད་སོགས་ལ། །དྲི་ནི་དཀར་
པོས་བྱུགས་ནས་སུ། །ཆུ་དང་འོ་མར་བསྲེས་པ་ཡིས། །སྣོད་ནི་མཛེས་པར་དག་པར་བྱ། །བུམ་པ་དག་ནི་བརྒྱད་པོ་ཡང་། །ཕྱོགས་བརྒྱད་དག་ཏུ་གཞག་པར་བྱ། །དྲི་ཡི་ཆུ་ཡིས་རབ་ཏུ་དགང་། །ཁ་ནི་ཤིང་ལོ་སར་
པས་བརྒྱན། །བདག་ཉིད་ཡེ་ཤེས་མཁའ་འགྲོ་རུ། །སྐད་ཅིག་གིས་ནི་བསྐྱེད་ནས་སུ། །མེ་ཏོག་བདུག་སྤོས་དྲི་སོགས་པའི། །དངོས་པོས་བདག་ཉིད་མཆོད་བྱས་པའི། །དེ་འོག་ཕྱི་རོལ་གཞག་པ་ཡིས། །ཆུ་ཡི་ལས་
རྣམས་སྦྱར་བར་བྱ། །ལག་གཉིས་ཐལ་མོ་སྦྱར་ནས་སུ། །པདྨའི་ཚུལ་དུ་ཅུང་ཟད་དབྱེ། །ཨོཾ་ཀ་མ་ལེ་བྷེ་སྭཱ་ཧཱ། པདྨའི་སྔགས་དང་ཕྱག་རྒྱའོ། །ཟླ་བའི་དཀྱིལ་འཁོར་གྱིས་བརྒྱན་པའི། །པདྨ་ཆུ་ཡི་ནང་བཀོད་ལ། །གདུགས་

87-1-179a

དཀར་པོ་ཡིས་གཡོགས་པ་ཡི། །ས་བོན་དབུས་སུ་བསྒོམ་པར་བྱ། །རང་གི་དབུགས་ལས་བྱུང་བ་ཡི། །ས་བོན་ལས་ནི་གཟུགས་སུ་བསྐྱེད། །སེམས་དཔའི་དཀྱིལ་དཀྲུང་ཕྱག་གཉིས་ལྡན། །རྒྱན་རྣམས་ཀུན་གྱིས་
རྣམ་པར་ཀླུབས། །ཕྱག་གཉིས་རྡོ་རྗེ་དབྱུག་པ་བསྣམས། །ཁ་དོག་དཀར་པོ་ཤིན་ཏུ་མཛེས། །བཞད་ཅིང་ཁྲོ་ལ་སྒེག་དང་བཅས། །ཤིན་ཏུ་མཛེས་པའི་ན་བཟའ་གསོལ། །དམ་ཚིག་ཕྱག་རྒྱར་རབ་ཏུ་གྲགས། །ཨོཾ་
ས་མ་ཡེ་ཏིཥྛ་ཧཱུྃ་ཕཊ། དམ་ཚིག་གི་སྔགས་དང་ཕྱག་རྒྱའོ། །ཤར་གྱི་བུམ་པ་རྡོ་རྗེ་མ། །བྱང་དུ་དྲག་མོ་ཞེས་བྱ་བ། །ནུབ་ཏུ་རོ་ལངས་མ་ཡིན་ཏེ། །ལྷོ་ཕྱོགས་སུ་ནི་གཏུམ་མོ་གནས། །སེང་གེ་ཞེས་བྱ་དབང་ལྡན་དུ། །
དེ་བཞིན་མེ་མཚམས་སྟག་མོ་འོ། །བདེན་བྲལ་ན་ནི་ལྕེ་སྤྱང་མོ། །ཧཱུྃ་བྱེད་འུག་པ་རླུང་གི་ཕྱོགས། །སོ་སོ་སོ་སོར་མཚན་མ་དང་། །དམ་ཚིག་ཕྱག་རྒྱར་བསྟན་པར་བྱ། །རང་གི་གཟུགས་ཀྱི་སྐུ་མདོག་ལྡན། །སྔགས་དང་ཕྱག་རྒྱ་
བསྟན་པའོ། །མེ་ཏོག་བདུག་སྤོས་དྲི་ལ་སོགས། །མཁས་པ་ཡྀས་ནི་མཆོད་པར་བྱ། །རྡོ་རྗེ་ཁུ་ཚུར་གཉིས་བཅིངས་ལ། །གཡོན་པ་སྙིང་གར་གཞག་ནས་སུ། །གཡས་པས་སྟེང་ནས་དབུབ་པར་བྱ། །རྩ་བའི་ཕྱག་
རྒྱར་རབ་ཏུ་གྲགས། །ཨོཾ་ཛྲུྃ་ཧཱུྃ་སྭཱ་ཧཱ། རྩ་བའི་སྔགས་དང་ཕྱག་རྒྱའོ། །ཀུནྡ་ལ་སོགས་མེ་ཏོག་དཀར། །རྩེ་མོར་དཱུར་བ་བཙུགས་ནས་སུ། །ལྷ་མོའི་དབུ་སྟེང་རྡོ་རྗེ་ཡི། །ཅོད་པན་ལ་ནི་གཏོར་བར་བྱ། །གསང་སྔགས་
ལན་རེ་བཟླས་ནས་སུ། །ལན་རེའྀ་སྦྱོར་བས་དབུལ་བར་བྱ། །ལན་གྲངས་ཁྲི་ཡི་ལས་ཀྱིས་ནི། །ཐམས་ཅད་རིག་ཅིང་ཚེ་འཕེལ་འགྱུར། །ཀ་ར་བི་རའི་མེ་ཏོག་དམར། །དཱུར་བ་དང་ནི་ལྡན་པ་ཡི། །ལས་ནི་ཁྲི་ཕྲག་
བྱས་པ་ཡིས། །ཁྱིམ་རྣམས་ཞི་བར་རབ་ཏུ་གྲགས། །ནཱ་ག་པུཥྤའི་ཡམ་ཤིང་གི། འོ་མར་སྦགས་ཏེ་དབུལ་བར་བྱ། །ལས་འདི་ཁྲི་ཕྲག་བྱས་པ་ཡིས། །གྲོང་ནི་ཞི་བར་བྱེད་པར་འགྱུར། །པདྨ་ཡི་ནི་ཡམ་ཤིང་རྣམས། །

87-1-179b

ཁྲི་ཕྲག་དུ་ནི་བཟླས་ནས་སུ། །ལས་རྣམས་ཀུན་ལ་སྦྱར་བྱས་ན། །ཡུལ་ཕྱོགས་ཞི་བར་བྱེད་པར་འགྱུར། །པྲི་ཡྃ་ཀུ་དང་བིལ་བ་དང་། །དེ་བཞིན་ཨུཏྤལ་ཀུ་མུ་ཏ། །རྒྱལ་པོའི་ལས་ལ་སོགས་སྦྱར་ནས། །ཕ་རོལ་ཡུལ་འཁོར་
འཇོམས་པར་འགྱུར། །སྔགས་པས་རྟག་ཏུ་སྐྱོར་ཆུ་གཏོར། །བྱེ་བྲག་ཏུ་ནི་རྒྱས་པར་འགྱུར། །གཞན་གྱི་གདན་གྱི་རབ་ཏུ་བྱེད་པ་ལས་རིམ་པར་ཕྱེ་བ་གཉིས་པའོ།། །། འཁོར་བའི་ཕ་རོལ་སྒྲོལ་མཚན་ཉིད། །
ཉོན་ཅིག་རྡོ་རྗེ་རྒྱལ་ཆེན་པོ། །དངོས་དང་དངོས་མེད་རྣམ་པར་གྲོལ། །དག་དང་མ་དག་རབ་ཏུ་སྤངས། །དངོས་པོ་གཉིས་ནི་རབ་སྤངས་པས། །གཉིས་མེད་ཆོས་ཞེས་བྱ་བ་སྟེ། །གཟུགས་སྟོང་ཐོག་མར་མཐར་
ཐུག་དང་། །དབུ་མ་མཉམ་པར་གནས་པའོ། །དག་དང་མ་དག་དབུ་མ་ནི། །འབའ་ཞིག་གིས་ནི་མཉམ་པར་བལྟ། །བསྟེན་དང་བསྟེན་མེད་དབུ་མ་ཡི། །མཉམ་ཉིད་ཡེ་ཤེས་ལས་བྱུང་བ། །ལུས་ནི་མཉམ་པར་གནས་
པ་སྟེ། །ངག་ཀྱང་མཉམ་པར་གནས་ནས་སུ། །མཉམ་ཉིད་ཡེ་ཤེས་ལས་བྱུང་བས། །མཉམ་པའི་ལྟ་བས་བལྟ་བར་བྱ། །མཉམ་པའི་ལྟ་བ་ཇི་ལྟ་བུ། །བཅོམ་ལྡན་འདས་ལ་ཉན་པར་འཚལ། །གཉིས་མེད་ཆོས་ཞེས་
བགྱི་བ་ཡི། །བདག་ཉིད་ཇི་ལྟར་འཚལ་བར་བགྱི། །གཉིས་མེད་ཡེ་ཤེས་མཚན་ཉིད་ནི། །ཇི་བཞིན་དེ་ཉིད་རྡོ་རྗེས་ཉོན། །དངོས་པོ་གཉིས་ནི་རབ་སྤངས་ལ། །ཡེ་ཤེས་ཅན་གྱིས་གཉིས་མེད་ཆོས། །རྣལ་འབྱོར་ཀུན་
གྱི་ཐོག་མ་རུ། །དག་པ་རྣམ་གསུམ་བརྗོད་པར་བྱ། །ཨོཾ་སྭཱ་བྷཱ་བ་ཤུདྡྷཿསརྦྦ་དྷརྨྨཱཿསྭ་བྷཱ་བ་ཤུདྡྷོ྅ཧྃ། ཨོཾ་བཛྲ་ཤུདྡྷཿསརྦྦ་དྷརྨྨཱ་བཛྲ་ཤུདྡྷོ྅ཧྃ། ཨོཾ་ཡོ་ག་ཤུདྡྷཿསརྦྦ་དྷརྨྨཱ་ཡོ་ག་ཤུདྡྷོ྅ཧྃ། བླ་མེད་ཉིད་དུ་བྱ་བའི་
ཕྱིར། །ཐལ་མོ་སྦྱར་ནས་དེ་དག་བརྗོད། །ཡིད་དུ་འོང་བའི་ས་ཕྱོགས་ཀྱི། །གནས་དག་ཏུ་ནི་བརྟེན་ནས་སུ། །བླ་རེ་དག་ནི་བྲེ་བར་བྱ། །སྣ་ཚོགས་གོས་ནི་དཔྱངས་ནས་སུ། །བ་དན་རྒྱལ་མཚན་བསྒྲེང་བར་བྱ། །

87-1-180a

གཡེར་ཁ་དྲ་བས་མཛེས་བྱས་ལ། །གནས་བཅུ་དག་ནི་ཀུན་ཏུ་ཡང་། །དེ་བཞིན་དྲི་ཡི་དཀྱིལ་འཁོར་བྱ། །སྐད་ཅིག་རྣལ་འབྱོར་ཚུལ་གྱིས་ནི། །རང་གི་ལུས་ནི་བསམ་པར་བྱ། །ཡེ་ཤེས་མཁའ་འགྲོ་
བཟུང་ནས་ནི། །བདག་ཉིད་མཆོད་པས་མཉེས་པར་བྱ། །ལག་པ་གན་རྐྱལ་བཞག་ནས་སུ། །དེར་ནི་རྡོ་རྗེ་བརྟག་པར་བྱ། །གནས་ལྔ་དག་ཏུ་བསྟིམ་པར་བྱ། །ས་འོག་ཏུ་ནི་སྦྱང་བར་བྱ། །ཕྱག་འཚལ་འཇོམས་
པའི་མཐའ་ལྡན་པའི། །ཧཱུྃ་ཞེས་བྱ་བ་སྦྱར་བར་བྱ། །ལྷུན་པོའི་སྟེང་དུ་བསམ་བྱ་བ། །ཁ་དོག་བཞི་སོགས་ལྡན་པ་ཡི། །གསེར་ལས་བྱུང་བའི་གྲོང་ཁྱེར་ནི། །རིན་ཆེན་བདུན་ལ་སོགས་པས་སྤྲས། །གཡེར་ཀའི་
དྲ་བའི་ཕྲེང་བ་ཅན། །མཉམ་ཞིང་ཇི་ལྟར་འདོད་པས་དབྱངས། །ཕྱག་རྒྱ་ཀུན་གྱི་ཐོག་མར་ནི། །དམ་ཚིག་ཕྱག་རྒྱ་བཅིང་བར་བྱ། །རྡོ་རྗེ་ཁུ་ཚུར་གཉིས་བཅིང་ལ། །གཡོན་པ་སྙིང་གར་བཞག་ནས་སུ། །གཡས་པ་
མཆན་ཁུང་གཞུག་པར་བྱ། །དམ་ཚིག་ཕྱག་རྒྱ་ཤེས་པར་བྱ། །ཕྱག་འཚལ་བསྲེག་པའི་མཐའ་ལྡན་པའི། །ཇི་ལྟར་རྡོ་རྗེ་དངོས་ས་བོན། །སྔགས་དང་ཕྱག་རྒྱ་འདི་ཡིས་ནི། །དེ་བཞིན་དམ་ཚིག་བསྟན་པར་
བྱ། །སེང་གེའི་གདན་ནི་རྣམ་པ་ལྔ། །གནས་ལྡན་དག་ཏུ་སྦྱར་བར་བྱ། །ཉི་མའི་གདན་ནི་བསམས་ནས་སུ། །གདུགས་དཀར་པོ་ཡིས་བརྒྱན་པར་བྱ། །རང་གི་དབུགས་ལས་བྱུང་བ་ཡི། །ཡེ་ཤེས་མཁའ་འགྲོ་དབུས་
སུ་བསམ། །ཞལ་གསུམ་ཕྱག་ནི་དྲུག་པ་སྟེ། །སེམས་དཔའ་ཡི་ནི་སྐྱིལ་དཀྲུང་ཅན། །སྐྲ་གྲོལ་བས་ནི་གཡོགས་པ་སྟེ། །སངས་རྒྱས་ལྔ་ཡིས་མཛེས་པར་བྱ། །ཁ་དོག་སྔོན་མོ་དྲག་ཆེན་མོ། །སྦྲུལ་གྱིས་རྒྱན་
གྱིས་རྣམ་པར་ཀླུབས། །བཞད་དང་ཁྲོ་དང་སྒེག་པ་ཡི། །ཞལ་གསུམ་པོ་ནི་སྤྱན་གསུམ་པོ། །ཧ་ཧར་བཞད་ཅིང་གཙིགས་པ་སྟེ། །ན་བཟའ་དམར་པོས་ཤིན་ཏུ་མཛེས། །ཁ་ཊྭཱྃ་གྱེན་དུ་བསྒྲེང་བ་དང་། །གཉིས་པ་ན་ནི་དགྲ་

87-1-180b

སྟ་ཉིད། །གསུམ་པ་ན་ནི་རྡོ་རྗེ་ཐོགས། །གཡོན་པས་དྲིལ་བུ་སྒྲ་སྒྲོགས་ཤིང་། །གཉིས་པ་ན་ནི་སྣོད་ཉིད་དེ། །གསུམ་པས་དེ་བཞིན་རལ་གྲི་འཕྱར། །འོད་ཟེར་སྣ་ཚོགས་འབར་བ་རུ། །དབུས་སུ་མཁས་པས་བསྒོམ་
པར་བྱ། །ཡེ་ཤེས་ཀྱི་ནི་ཤར་ཕྱོགས་སུ། །བདག་གི་ཆུ་ལས་བྱུང་བ་སྟེ། །ཁ་དོག་དཀར་པོ་ཤིན་ཏུ་མཛེས། །སྐྲ་གྲོལ་བ་ནི་རྣམ་པར་ཀླུབས། །ཕྱག་གཉིས་སེམས་དཔའི་དཀྱིལ་དཀྲུང་བཅས། །རྒྱན་རྣམས་ཀུན་
གྱིས་བརྒྱན་པ་སྟེ། །ཕྱག་ན་ཁ་ཊྭཱྃ་རྣལ་འབྱོར་སྣོད། །ཤིན་ཏུ་མཛེས་པའི་ན་བཟས་ཀླུབས། །འོད་ཟེར་སྣ་ཚོགས་འབར་བ་ཡི། །རྡོ་རྗེ་མཁའ་འགྲོ་མ་བསྒོམ་བྱ། །ཡེ་ཤེས་ཀྱི་ནི་བྱང་གི་ཆར། །བདག་གི་མེ་ལས་བྱུང་
བ་ཡི། །ཁ་དོག་སེར་པོ་ཤིན་ཏུ་མཛེས། །སེམས་དཔའ་ཡི་ནི་སྐྱིལ་དཀྲུང་ཅན། །སྐྲ་གྲོལ་བས་ནི་ཤིན་ཏུ་བརྒྱན། །སྦྲུལ་གྱི་རྒྱན་གྱིས་རྣམ་པར་ཀླུབས། །སྐུ་ལ་ན་བཟའ་མཛེས་པ་བསྣམས། །ཕྱག་གཉིས་
ཁ་ཊྭཱྃ་རྣལ་འབྱོར་སྣོད། །མཁའ་འགྲོ་དྲག་མོ་ཞེས་བྱ་བསྒོམ། །ཡེ་ཤེས་ཀྱི་ནི་ནུབ་ཕྱོགས་ཆར། །བདག་གི་རླུང་ལས་བྱུང་བ་ཡི། །ཕྱག་གཉིས་སེམས་དཔའི་སྐྱིལ་དཀྲུང་ཅན། །ཁ་དོག་དམར་པོ་ཀུན་ཏུ་འོང་། །ཁ་
ཊྭཱྃ་རྣལ་འབྱོར་སྣོད་བསྣམས་ཤིང་། །སྐྲ་གྲོལ་བས་ནི་མཛེས་པ་སྟེ། །ལུས་ཀུན་སྦྲུལ་གྱི་རྒྱན་གྱིས་བརྒྱན། །ཤིན་ཏུ་མཛེས་པའི་ན་བཟའ་གསོལ། །འོད་ཟེར་སྣ་ཚོགས་འབར་བ་ཡི། །མཁའ་འགྲོ་རོ་ལངས་མ་བསྒོཾ་
བྱ། །ཡེ་ཤེས་ཀྱི་ནི་ལྷོ་ཡི་ཆར། །ས་ཡི་ཡེ་ཤེས་ལས་བྱུང་བ། །ཕྱག་གཉིས་སེམས་དཔའི་སྐྱིལ་དཀྲུང་ཅན། །ཁ་དོག་སྔོན་པོ་ཤིན་ཏུ་མཛེས། །ཁ་ཊྭཱྃ་རྣལ་འབྱོར་སྣོད་བསྣམས་ཤིང་། །རྒྱན་རྣམས་ཀུན་གྱིས་ཀླུབས་
པ་སྟེ། །སྐྲ་གྲོལ་བས་ནི་ཤིན་ཏུ་མཛེས། །ཧ་ཧར་རྒོད་པས་འཇིགས་པར་མཛད། །འོད་ཟེར་སྣ་ཚོགས་འབར་བ་ཡི། །མཁའ་འགྲོ་གཏུམ་མོ་ཞེས་བྱར་བསྒོམ། །བདག་དངོས་ལྔ་ལས་བྱུང་བ་ཡི། །མཁའ་འགྲོ་མ་

87-1-181a

ནི་ལྔ་ཞེས་བྱ། །ལྔ་པོ་ལྔ་རུ་བསྒོམ་པར་བྱ། །གཟུགས་སོགས་ཤིན་ཏུ་མཛེས་པ་ཡིན། །དབང་ལྡན་གྱི་ནི་ཕྱོགས་ཀྱི་ཆར། །སེང་གེའི་གདོང་ནི་བསམ་པར་བྱ། །ཁ་དོག་དཀར་ཞིང་སེར་བ་སྟེ། །གླང་པོ་ཡི་ནི་
སྟན་ལ་བཞུགས། །རྡོ་རྗེ་ལྕགས་ཀྱུ་བསྡིགས་མཛུབ་ཅན། །ཤིན་ཏུ་མཛེས་པའི་ན་བཟའ་གསོལ། །འོད་ཟེར་སྣ་ཚོགས་འབར་བ་ཡིས། །འབར་བའི་ལུས་ཅན་བསྒོམ་པར་བྱ། །མེ་མཚམས་སྟག་མོ་ཞེས་
བྱ་བ། །རིན་ཆེན་བདུན་གྱི་སྟན་ལ་བཞུགས། །ཕྱག་གཉིས་ཁ་དོག་དཀར་ཞིང་སྔོ། །ཤིན་ཏུ་མཛེས་པའི་ན་བཟའ་གསོལ། །ལག་ན་ལྕགས་ཀྱུས་བརྒྱན་པ་སྟེ། །གཡོན་པ་བསྡིགས་མཛུབ་ཞགས་པ་ཅན། །འོད་
ཟེར་སྣ་ཚོགས་འབར་བ་ཡི། །འབར་བའི་ལུས་ཅན་བསྒོམ་པར་བྱ། །བདེན་བྲལ་ལྷ་མོ་ལྕེ་སྤྱང་མོ། །ཧ་ཧཱ་བཞད་པས་འཇིགས་པར་མཛད། །མ་ཧེ་ཡི་ནི་གདན་ལ་བཞུགས། །མདོག་ནི་དམར་ཞིང་སྔོ་བ་སྟེ། །
སྐུ་ལ་ན་བཟའ་མཛེས་པ་གསོལ། །ཕྱག་གཉིས་ལྕགས་ཀྱུ་ཞགས་པ་དང་། །བསྡིགས་མཛུབ་ཀྱིས་ནི་ཤིན་ཏུ་མཛེས། །སྦྲུལ་གྱི་རྒྱན་གྱིས་རྣམ་པར་ཀླུབས། །འོད་ཟེར་སྣ་ཚོགས་འབར་བ་ཡི། །འབར་བའི་
ལུས་ཅན་བསྒོམ་པར་བྱ། །རླུང་མཚམས་ལྷ་མོ་འུག་པ་མོ། །ཁ་དོག་སེར་ཞིང་དམར་བ་སྟེ། །ཀླུ་ཡི་སྟན་ལ་ཡང་དག་བཞུགས། །རྒྱན་དུའང་དེ་ཉིད་སྦྱར་བར་བྱ། །ཕྱག་གཉིས་སེམས་དཔའི་སྐྱིལ་དཀྲུང་ཅན། །བསྡིགས་མཛུབ་
ལྕགས་ཀྱུ་ཞགས་པ་བསྣམས། །འོད་ཟེར་སྣ་ཚོགས་འབར་བ་ཡི། །འབར་བའི་ལུས་ཅན་བསྒོམ་པར་བྱ། །དབུས་ཀྱི་མཁའ་འགྲོ་མ་བརྒྱད་ཀྱི། །ཕྱི་རོལ་དག་ནི་རྣམ་བཞི་ལ། །ཤར་དུ་མཁའ་འགྲོ་རྒྱལ་དབང་མོ། །
ཕྱག་གཉིས་ཁ་དོག་དཀར་པོ་སྟེ། །ཡི་དགས་ཀྱི་ནི་སྟན་ལ་བཞུགས། །སྦྲུལ་གྱི་རྒྱན་གྱིས་ཀླུབས་པ་སྟེ། །ཤིན་ཏུ་དྲག་ཅིང་སྐྲ་གྲོལ་བས། །འོད་ཟེར་སྣ་ཚོགས་ཡང་དག་འབར། །ལག་གཉིས་ཁ་རུ་བཅུག་ནས་ནི། །

87-1-181b

ཧ་ཧཱར་བཞད་པས་ཤིན་ཏུ་འབར། །བྱང་ན་འབར་མ་རྒྱལ་དབང་མོ། །ཁ་དོག་སེར་མོ་ཤིན་ཏུ་འབར། །སྤྱི་བོའི་སྟེང་དུ་ལག་པ་གཉིས། །ཐལ་སྦྱར་མར་མེ་ལྟ་བུ་འབར། །དྲག་མོའི་གཟུགས་ཅན་ཚིག་པ་སྟེ། །ཤིན་ཏུ་མཛེས་
པའི་ན་བཟས་བརྒྱན། །ཡི་དགས་ཀྱི་ནི་སྟན་ལ་བཞུགས། །འོད་ཟེར་མོ་ལྟར་འབར་བ་བསྒོམ། །ནུབ་ཀྱི་ལྷ་མོ་འཇིབ་བྱེད་མ། །ཁ་དོག་དམར་མོ་འཇིགས་བྱེད་ཅན། །ཡི་དགས་ཀྱི་ནི་སྟན་ལ་བཞུགས། །རབ་ཏུ་མཛེས་
པའི་གོ་བགོས་ཤིང་། །ཡི་དགས་སྟན་ལ་ཀུན་ཏུ་མནན། །ལག་ཏུ་སྐུད་པ་དམར་ཁྱེར་ཞིང་། །ཐལ་མོ་སྦྱར་ཏེ་ཁྲག་འཐུང་མ། །དྲག་མོ་མེ་ལྟར་འབར་བའི་འོད། །ལྷ་མོ་འཇིབ་བྱེད་རབ་ཏུ་གྲགས། །ངག་འཕྲོག་མ་
ནི་ལྷོ་ཕྱོགས་སུ། །ཁ་དོག་ནག་མོ་མཉམ་པའི་འོད། །ཡི་དགས་སྟན་ལ་གནས་པ་ཡི། །སྐྲ་ནི་གྱེན་དུ་འབར་བརྒྱན་པའི། །རབ་ཏུ་མཛེས་པའི་དམར་པོའི་གོས། །སྦྲུལ་གྱི་རྒྱན་གྱིས་བརྒྱན་པ་ཡི། །བསྡིགས་
མཛུབ་གཏུན་ཤིང་ལག་ན་ཐོགས། །རྣམ་པར་རྨོངས་པའི་སེམས་ཅན་སྒྲོལ། །དྲག་མོ་མེ་ལྟར་འབར་བའི་འོད། །ཐམས་ཅད་ཀུན་ནས་མཁས་པས་བསྒོམ། །དེ་དག་གི་ནི་གཟུགས་མདུན་དུ། །དམ་ཚིག་དག་ནི་བསྟན་
པར་བྱ། །རླུང་དང་མེ་ཡི་བདུན་དོན་ལ། །རྡོ་རྗེ་མ་ཡི་ས་བོན་དབྱེ། །སྒྲ་དང་ཐིག་ལེ་ཡང་དག་མནན། །ཆར་པའི་རྒྱུན་ཞེས་བྱ་བར་བརྗོད། །ཕྱག་འཚལ་དང་པོ་སྲེག་བྱེད་མཐའ། །ཡེ་ཤེས་མཁའ་འགྲོའི་ས་བོན་ཡིན། །
དབྱངས་ཐོག་དང་པོའི་ས་བོན་ནི། །ཕྱག་འཚལ་དང་པོ་སྲེག་བྱེད་མཐའ། །ཤར་ཕྱོགས་རྡོ་རྗེ་མཁའ་འགྲོ་མའི། །ས་བོན་དུ་ནི་རབ་ཏུ་གྲགས། །དབྱངས་ཡིག་ཡི་གེ་གཉིས་པ་ནི། །ཕྱག་འཚལ་སྲེག་བྱེད་སྦྱར་
བར་བྱ། །འདི་ནི་བྱང་གི་ཕྱོགས་གནས་པ། །མཁའ་འགྲོ་དྲག་མོའི་ས་བོན་ཡིན། །ས་བོན་དག་ནི་འདི་ཉིད་ལ། །དབྱུག་པ་གློ་རུ་གཞག་པར་བྱ། །ཕྱག་འཚལ་དང་པོ་སྲེག་བྱེད་མཐའ། །ནུབ་ཕྱོགས་རོ་ལངས་མ་

87-1-182a

ཡི་ཡིན། །ས་བོན་དག་ནི་འདི་ཉིད་ལ། །སྟེང་དུ་ཐིག་ལེ་སྦྱིན་པར་བྱ། །ཕྱག་འཚལ་སྲེག་པ་མཐར་སྦྱར་བ། །ལྷོ་ཕྱོགས་གཏུམ་པ་མོ་ཡི་ཡིན། །མ་ནིང་ས་བོན་དང་པོ་ནི། །ཕྱག་འཚལ་སྲེག་བྱེད་མཐའ་དང་སྦྱར། །དབང་
ལྡན་ལྷ་མོ་སེང་གེ་མའི། །ས་བོན་དུ་ནི་རབ་ཏུ་གྲགས། །མ་ནིང་ས་བོན་གཉིས་པ་ནི། །ཕྱག་འཚལ་སྲེག་བྱེད་མཐའ་དང་སྦྱར། །མེ་མཚམས་ལྷ་མོ་སྟག་མོ་ཡི། །དེ་ཁོ་ན་ཉིད་ས་བོན་བཤད། །དེ་བཞིན་མ་ནིང་ས་བོན་གསུཾ། །
ཕྱག་འཚལ་སྲེག་བྱེད་མཐའ་དང་སྤེལ། །བདེན་བྲལ་ལྷ་མོ་ལྕེ་སྤྱང་མ། །ཁྱད་པར་གྱི་ནི་ས་བོན་ཡིན། །མ་ནིང་ཡི་གེ་བཞི་པ་ལ། །ཕྱག་འཚལ་སྲེག་བྱེད་མཐའ་དང་སྦྱར། །རླུང་མཚམས་ཧཱུྃ་བྱེད་འུག་པ་མོའི། །ས་
བོན་དུ་ནི་རབ་ཏུ་སྦྱར། །སྡེ་ཚན་དག་ནི་ལྔ་པ་ཡི། །ཡི་གེ་དག་ནི་གཉིས་པ་བཟུང་། །ས་བོན་རྩ་བར་སྒྲ་དང་སྦྱར། །ཕྱག་འཚལ་ཐོག་མར་སྲེག་བྱེད་མཐའ། །ཤར་གྱི་མཁའ་འགྲོ་རྒྱལ་དབང་མོའི། །ས་བོན་དུ་ནི་ཤེས་
པར་བྱ། །སྡེ་ཚན་དག་ནི་ལྔ་པ་ཡི། །དེ་བཞིན་ཡི་གེ་གཉིས་པ་གཟུང་། །ཨེ་དང་ཐིག་ལེར་སྦྱར་བར་བྱ། །ཕྱག་འཚལ་ཐོག་མ་སྲེག་བྱེད་མཐའ། །བྱང་ཕྱོགས་ལྷ་མོ་འབར་བྱེད་མའི། །ས་བོན་ཡི་གེ་སྦྱར་བར་བྱ། །སྡེ་
ཚན་དག་ནི་ལྔ་པ་ཡི། །ཡི་གེ་གཉིས་པ་བཟུང་བར་བྱ། །ཨོ་དང་རེ་ཕ་ཐིག་ལེར་བྱ། །ཕྱག་འཚལ་ཐོག་མར་སྲེག་བྱེད་མཐར། །ནུབ་ཕྱོགས་ལྷ་མོ་འཇིག་བྱེད་མའི། །ཁྱད་པར་གྱི་ནི་ས་བོན་ཡིན། །སྡེ་ཚན་དག་ནི་ལྔ་པ་ཡི། །
ཡི་གེ་གཉིས་པ་བཟུང་ནས་སུ། །རེ་ཕའི་ཡི་གེ་ལྕགས་ཀྱུ་སྦྱར། །ཕྱག་འཚལ་སྲེག་པའི་མཐའ་སྦྱར་བ། །ལྷོར་གནས་ལྷ་མོ་འཕྲོག་བྱེད་མའི། །ས་བོན་དུ་ནི་རབ་ཏུ་གྲགས། །ཁུ་ཚུར་གཉིས་ནི་བཅིངས་ནས་སུ། །དབུ་མ་
གཉིས་ནི་བརྐྱང་ནས་ཀྱང་། །རྩེ་མོ་ཕན་ཚུན་སྤྲད་ནས་ནི། །ཡེ་ཤེས་ལྷ་མོར་བསྟན་པར་བྱ། །ལག་གཉིས་ཕན་ཚུན་སྦྱར་ནས་སུ། །དབུ་མ་དག་ནི་མཐེ་བོང་སྤྲད། །ཅུང་ཟད་ཅིག་ནི་བསྐྱེད་པར་བྱ། །ཤར་ཕྱོགས་རྡོ་རྗེ་

87-1-182b

མ་ལ་བསྟན། །ཁུ་ཚུར་རྣམ་པར་བཅིང་ནས་སུ། །མཐེ་བོང་གཉིས་ནི་བརྐྱང་བྱས་ལ། །བྱང་གི་ཕྱོགས་ནས་བརྩམས་ནས་སུ། །རྒྱ་འདི་དྲག་མོ་ལ་ཡང་བསྟན། །ཕྱག་རྒྱ་འདི་ནི་བཅིངས་ནས་སུ། །མཐེ་ཆུང་གཉིས་ནི་བརྐྱང་བར་
བྱས། །ལྷོ་ཕྱོགས་སུ་ནི་བཤད་པ་སྟེ། །དེ་ནི་ཕྱག་རྒྱ་བཞི་པའོ། །རྡོ་རྗེ་ཁུ་ཚུར་གཉིས་བཅིངས་ནས། །ཁྲོ་བོ་གཉིས་ནི་བརྐྱང་ནས་སུ། །རྩེ་མོ་སྤྲད་དེ་གནས་པ་ནི། །མཚམས་བཞི་ཡི་ནི་ཕྱག་རྒྱ་ཡིན། །ལག་གཉིས་
ཐལ་མོ་ཁར་བཅུག་ནས། །ཕུ་ཞེས་བྱ་བ་སྦྱར་བར་བྱ། །ཤར་ཕྱོགས་མཁའ་འགྲོའི་ཕྱག་རྒྱ་ཡིན། །ལག་གཉིས་ཐལ་མོ་ཁ་སྦྱར་ནས། །སྤྱི་བོ་རུ་ནི་གཞག་པར་བྱ། །བྱང་དུ་གནས་པའི་འབར་མ་ལ། །ཕྱག་རྒྱ་འདི་
ནི་བསྟན་པར་བྱ། །ཕྱག་འཚལ་ཐལ་མོ་སྦྱར་ནས་སུ། །ཁ་རུ་གཞག་སྟེ་ཧཱུྃ་ཞེས་བྱ། །ནུབ་ཕྱོགས་ལྷ་མོ་འཇིབ་བྱེད་མའི། །ཕྱག་རྒྱ་རུ་ནི་སྦྱར་བར་བྱ། །ལག་གཉིས་ཀུན་ཏུ་བསྐོར་བྱས་ནས། །སོར་མོ་རྣམས་ཀྱི་རྩེ་
མོར་སྦྱར། །གསང་བའི་གནས་སུ་གཞག་ནས་ཀྱང་། །ལྷོ་ཕྱོགས་འཕྲོག་བྱེད་མ་ལ་བསྟན། །ཕྱག་འཚལ་དང་ནི་སྲེག་པ་ཡི། །དབུས་སུ་ཧཱུྃ་ཞེས་བྱ་བ་སྦྱར། །ལག་པ་ཀུན་ཏུ་བརྐྱང་ལ་སོགས། །དྲི་སྔགས་ཕྱག་རྒྱར་
རིག་པར་བྱ། །བདུད་རྩི་རོ་དང་ཐིག་ལེར་བཅས། །ཕྱག་འཚལ་དང་ནི་སྲེག་པ་མཐའ། །དྲི་ཡི་ཕྱག་རྒྱ་བརྐྱང་ནས་སུ། །ཁྲོ་བོ་དང་ནི་མཐེ་བོང་སྦྱར། །སྔགས་དང་ཕྱག་རྒྱ་འདི་ཡིས་ནི། །ཐམས་ཅད་རིག་པས་ཐམས་ཅད་
དབུལ། །སྡེ་ཚན་དང་པོའི་དང་པོ་ནི། །ཕྱག་འཚལ་ཐོག་མ་སྲེག་བྱེད་མཐའ། །ཕྱག་རྒྱ་དེ་ཉིད་སྦྱར་ནས་སུ། །དབུ་མའི་སོར་མོ་བསྒྲེང་བར་བྱ། །བདུག་པའི་སྔགས་དང་ཕྱག་རྒྱ་ཡིས། །ལྷ་རྣམས་ཐམས་ཅད་མཆོད་པར་
བྱ། །དགུ་མཐའ་ཡི་ནི་ས་བོན་གཟུང་། །ཕྱག་འཚལ་དང་ནི་སྲེག་བྱེད་མཐའ། །ཁུ་ཚུར་བཅིངས་ནས་མཐེ་བོང་བསྒྲེང་། །མར་མེའི་སྔགས་དང་ཕྱག་རྒྱའོ། །ལྷ་རྣམས་ཐམས་ཅད་མཆོད་པར་བྱ། །སྡེ་ཚན་དང་པོའི་

87-1-183a

གསུམ་པ་གཟུང་། །སྒྲ་དང་ཐིག་ལེར་སྦྱར་བ་དང་། །ཕྱག་འཚལ་དང་ནི་སྲེག་བྱེད་མཐའ། །གཏོར་མའི་ཕྱག་རྒྱ་དང་ནི་སྦྱར། །ལག་པ་གཉིས་ནི་སྦྱར་ནས་སུ། །མཐེ་བོང་གུང་མོ་སྦྱར་བྱ་བ། །ཐམས་ཅད་དུ་ནི་སྐད་
ཅིག་བསྐྱོད། །གཏོར་མའི་སྔགས་ནི་སྔ་མར་སྦྱར། །གཉིས་མེད་གཏོར་མ་སྔ་མ་བཞིན། །དེ་ཉིད་འདི་ཡི་མཆོད་པར་བྱ། །སྔོན་དུ་རྫས་ནི་རྣམ་པ་ལྔ། །སྣ་ཚོགས་པ་ཡི་ལྕགས་ཀྱུ་དང་། །དྲི་དང་མེ་ཏོག་བདུག་པ་སོགས། །
སྔགས་དང་ཕྱག་རྒྱ་ཕུལ་ནས་ཀྱང་། །ཕྱི་ནས་མཆོད་པ་ཉི་ཤུ་ཡིས། །མཁས་པ་ཡིས་ནི་མཆོད་པར་བྱ། །ཧཱུྃ་ཞེས་པ་ཡི་གླུ་བླངས་ནས། །རྣལ་འབྱོར་མ་ལུས་མཉེས་པར་བྱ། །རྡོ་རྗེ་ཁུ་ཚུར་གཉིས་བཅིངས་ལ། །
རྐེད་པའི་མཚམས་སུ་གཞག་ནས་ནི། །ཡན་ལག་གསུམ་དུ་ཧཱུྃ་གིས་བསྐྱོད། །པི་ཝང་ཚུལ་དུ་བསྒྲེང་བ་དང་། །གླིང་བུའི་ཚུལ་དུ་འབུད་པ་དང་། །ཟངས་དུང་ཚུལ་དུ་འབུད་པ་དང་། །ཅང་ཏེའི་ཚུལ་གྱིས་བརྡུང་བ་དང་། །
དཀྲོལ་བའི་ཚུལ་གྱིས་དཀྲོལ་བ་དང་། །པ་ཊ་ཧ་ལྟར་བརྡུང་བ་དང་། །གར་གྱི་ཚུལ་གྱིས་བསྐྱོད་པ་དང་། །བསིལ་གཡབ་ཚུལ་གྱིས་གཡོབ་པ་དང་། །རྒྱལ་མཚན་ཚུལ་གྱིས་བསྒྲེང་བ་དང་། །བླ་རེའི་ཚུལ་དུ་བྲེས་པ་དང་། །བ་
དན་ཚུལ་དུ་འཕྱར་བ་དང་། །གདུགས་ཀྱི་ཚུལ་དུ་དབུབ་པ་དང་། །རྫ་རྔའི་ཚུལ་དུ་རྡུང་བ་དང་། །རྔ་ཟླུམ་ཚུལ་དུ་བརྡུང་བ་དང་། །འཛུམ་པའི་ཚུལ་དུ་བཞད་པ་དང་། །ཁྲོ་བའི་ཚུལ་དུ་ཁྲོ་བ་དང་། །སྒེག་པའི་ཚུལ་དུ་སྒེག་པ་དང་། །
འགྱིང་བའི་ཚུལ་གྱིས་རོལ་པ་དང་། །མདའ་འདྲེན་ནུ་མར་མཁྱུད་པ་དང་། །རྡོ་རྗེ་གསོར་ཞིང་ཕྱག་འཚལ་པའི། །ཕྱག་འཚལ་ཚུལ་དུ་འདུད་པ་སྟེ། །རྣལ་འབྱོར་མ་བརྒྱད་དེ་ཉིད་ཀྱི། །དངོས་པོ་ཀུན་གྱིས་མཆོད་པར་བྱ། །དེ་ཉིད་
དབྱངས་སུ་བླངས་ནས་སུ། །ཧཱུྃ་ཞེས་བྱ་བ་བདག་གིས་སྤྲུལ། །ཧཱུྃ་གིས་གླུ་ནི་བླང་བར་བྱ། །རྡོ་རྗེ་དགའ་བའི་མཐུ་དང་སྤྱན་གྱིས་གཟིགས། །ཡི་གེའི་དངོས་པོར་རང་བཞིན་སྟོང་པར་རོལ། །དངོས་དང་དངོས་མེད་ལས་གྲོལ་དབུ་

87-1-183b

མ་མཁྱེན། །མི་འགྱུར་དགྲ་བཅོམ་ལྷག་མ་སེམས་པའོ། །གཉིས་སྤྲོད་གཉིས་འཁྱུད་ཆུ་ཡི་བྱ་བ་ཅན། །གཉིས་མེད་ཆོས་སྐྱེས་ཐར་པའང་བརྙེས་པའོ། །བདེ་བས་འཁོར་མནན་ཐར་པའང་བཏང་བའོ། །ཐམས་ཅད་དངོས་
ཀྱིས་རྣལ་འབྱོར་མ་རྣམས་རོལ། །རྣལ་འབྱོར་མ་ལྔ་སངས་རྒྱས་དེ་ཉིད་མཁྱེན། །གཟུགས་མང་སྒྱུ་མས་སེམས་ཅན་སྨིན་མཛད་པ། །རྡོ་རྗེ་ཀུན་རྟོགས་ཆོས་ཀྱི་རྨོངས་པ་གཅོད། །རྣལ་འབྱོར་མ་རྨོངས་སྙིང་ཆོས་
ཚོགས་ལ་འདུད། །རྣལ་འབྱོར་མ་ཡི་ཆོས་གྲོལ་ངེས་པའི་གཙོ་ལ་འདུད། །སེམས་ཅན་གྲོལ་མཛད་རྣལ་འབྱོར་བདག་ལ་བསྟོད་ཕྱག་འཚལ། །ཐམས་ཅད་བདག་སྐྱེས་གཅིག་དངོས་དེ་ལ་བསྟོད་ཕྱག་འཚལ། །
འཁོར་བའི་རྒྱ་མཚོ་རྨོངས་པ་གཅོད་པ་བསྟོད་ཕྱག་འཚལ། །དེ་ཉིད་གཅིག་ལ་རྟག་ཏུ་བདག་འདུད་བསྟོད་ཕྱག་འཚལ། །ཞེས་བྱ་བས་ཁྱད་པར་དུ་བསྟོད་ཅིང་། གླུ་དང་བསྟོད་པས་ཉེ་བར་མཆོད་པར་བྱའོ། །བར་བར་
དུ་ཧཱུྃ་གི་སྒྲ་དང་དྲིལ་བུ་བསྒྲགས་ལ་སྨོན་ལམ་རྣམ་པ་གསུམ་གདབ་པར་བྱའོ། །རྡོ་རྗེ་ཐལ་མོ་དམ་བཅིངས་ནས། །སྙིང་གའི་ཕྱོགས་སུ་བཙིར་བར་བྱ། །ཨོཾ་སྭ་བྷཱ་བ་ཤུདྡྷཱཿསརྦྦ་དྷརྨྨཱཿསྭ་བྷཱ་བ་ཤུདྡྷོ྅ཧྃ། 
ཨོཾ་བཛྲ་ཤུདྡྷཱཿསརྦྦ་དྷརྨྨཱ་བཛྲ་ཤུདྡྷོ྅ཧྃ། ཨོཾ་ཡོ་ག་ཤུདྡྷཱཿསརྦྦ་དྷརྨྨཱ་ཡོ་ག་ཤུདྡྷོ྅ཧྃ། གཡས་པ་པདྨ་བསམས་ནས་སུ། །གཡོན་པ་རྡོ་རྗེ་བསྒྲེངས་ནས་ཀྱང་། །པདྨའི་བསྐོར་བས་བསྐོར་ནས་ནི། །ཕྱག་རྒྱ་ཆེན་པོ་བསྟན་
པར་བྱ། །ཨོཾ་ཧ་ཧོ་ཧྲཱིཿསྭཱ་ཧཱ། ཕྱག་རྒྱ་ཆེན་པོ་བྱིན་གྱིས་བརླབས་པའི་སྔགས་དང་ཕྱག་རྒྱའོ། །རྣལ་འབྱོར་ཅན་གྱིས་མཚུངས་པ་རུ། །ལྷ་རྣམས་ཐམས་ཅད་བསམ་པར་བྱ། །འཇིག་རྟེན་པ་སོགས་ཡེ་ཤེས་ཅན། །ཕྱི་ཡི་དཀྱིལ་
འཁོར་བརྟག་པར་བྱ། །སོ་སོར་དྲི་ཡིས་མཆོད་པ་དང་། །སོ་སོར་མེ་ཏོག་གཏོར་བ་དང་། །སོ་སོར་བདུག་པས་བདུག་པ་སོགས། །སོ་སོར་སྦྱོར་བར་དབུལ་བར་བྱ། །བདུད་རྩི་ལྔ་ནི་བསྲེས་ནས་སུ། །ཉ་ཕྱིས་ལ་སོགས་དབུལ་བར་བྱ། །

87-1-184a

ཧ་ཞེས་བྱ་བས་ཁ་དོག་དབྲོག །ཧོ་ཞེས་བྱ་བས་དྲི་གཞོམ་སྟེ། །ཧྲཱི་ཞེས་བྱ་བས་ནུས་པ་གཞོམ། །གོ་རིམ་དེ་ལྟར་མངོན་པར་བརྗོད། །རྣམ་གསུམ་ལན་གསུམ་བརྗོད་ནས་སུ། །ལྷ་གསུམ་དུ་ནི་བསམ་པར་བྱ། །པདྨའི་དབང་
ཕྱུག་གཟུགས་མཛེས་གསེར་གྱི་མདོག །དྲི་ཆུའི་ངོ་བོ་ཤིན་ཏུ་རྣམ་སྣང་མཛད། །མྱང་བ་རྡོ་རྗེའི་དབང་ཕྱུག་ཕྱག་རྡོ་རྗེ། །ལྷ་གསུམ་དབང་ཕྱུག་ཏུ་ནི་བསྒོམ་པར་བྱ། །གཡོན་པ་ཟླ་བའི་ལག་པ་ཡི། །ཟླ་བའི་དབུས་སུ་
བདུད་རྩི་ཡི། །ཡི་གེ་ཀུན་རིག་གུག་བསྐྱེད་བཅས། །མཐེ་བོང་སོར་མོ་ས་ཉིད་དེ། །སྲིན་ལག་དག་ནི་རི་རབ་བོ། །བསྲུབས་པའི་སྟོབས་ཀྱིས་བདུད་རྩི་ཡི། །ཆུ་ནི་རྣམ་གསུམ་ཤེས་པར་བྱ། །རྣལ་འབྱོར་མ་ནི་ཐམས་ཅད་ལ། །
མཐེ་བོང་ཐོར་འཐུང་སོ་སོར་དབུལ། །དེ་འོག་རང་གི་དངོས་པོ་ཡིས། །བདག་ཉིད་ལ་ནི་བསམ་བྱ་བ། །རྒྱས་པ་ལྔ་ཡི་མཆོད་རྟེན་ནི། །རྣམ་པ་གསུམ་གྱིས་བཀྲུ་བར་བྱ། །ལྕེ་རྩེ་ཐིག་ལེ་སྟེང་དུ་ཡང་། །བློ་དང་ལྡན་པས་གནས་
གསུམ་མཆོད། །ལྟོས་ཤིག་ཤིན་ཏུ་མཛེས་པའི་ཆོས། །འདི་ལ་རྟོག་པ་ཡོང་མིན་ཐོང་། །བྲམ་ཟེ་ཁྱི་དང་རྡོལ་པ་གསུམ། །རང་བཞིན་ཅིག་པས་ལྷན་ཅིག་བཟའ། །རྣལ་འབྱོར་ཕོ་མོའི་འཁོར་ལོ་ལ། །ཚིགས་བཅད་
འདི་ཡིས་སྦྱིན་པར་བྱ། །པདྨའི་བསྐོར་བ་མངོན་འགྲོ་བས། །སེམས་ནི་ཤེལ་ལྟར་བསམས་ནས་སུ། །གཡས་པ་པདྨའི་གདན་ལ་ནི། །རྡོ་རྗེ་རྩེ་གསུམ་བསྒྲེང་བར་བྱ། །འདོད་ཆགས་དྲི་མ་དང་བྲལ་བའི། །རིན་ཐང་མེད་
ལས་ལེགས་འོངས་ཆོས། །གཟུང་དང་འཛིན་པ་རྣམ་སྤངས་པ། །དེ་ཁོ་ན་ཉིད་བདག་ཕྱག་འཚལ། །ཚིགས་བཅད་འདི་ཡིས་བླང་བྱས་ཏེ། །སྦྱོར་བའི་དངོས་གྲུབ་དོན་དུ་ནི། །ཀུན་སྤྱོད་དེ་ཉིད་ཇི་བཞིན་དུ། །རྣལ་འབྱོར་པ་
ཡིས་ཀུན་ཏུ་སྦྱར། །ཇི་ལྟར་བདེ་བས་ཀུན་ཞེས་བརྗོད། །དམར་པོ་ཡི་ནི་རྫས་རྣམས་ཀྱིས། །མཎྜལ་གྲུ་གསུམ་གསུམ་དུ་བྱ། །རྡོ་རྗེ་ཁུ་ཚུར་གཉིས་བཅིངས་ལ། །རྒྱབ་དང་རྒྱབ་ཏུ་སྦྱར་བར་བྱ། །མཐེ་ཆུང་གཉིས་ནི་

87-1-184b

བསྒྲེང་ནས་སུ། །མཛུབ་མོ་གཉིས་ནི་བསྒྲེང་བར་བྱ། །གཡས་པ་ཅུང་ཟད་བསྐུམ་ནས་སུ། །སྦྱར་བས་ཕྱག་རྣམས་སྤྱན་དྲང་ངོ་། །ཨོཾ་ཀུ་རུ་ཀུ་རུ་ས་མ་ཡ་ཨ་དྷི་པ་ཏི་ཧཱུྃ་ཛཿསྭཱ་ཧཱ། སྤྱན་དྲང་བའི་སྔགས་དང་ཕྱག་རྒྱའོ། །མེ་ཏོག་
དམར་པོ་བདུག་པ་དང་། །དྲི་དང་མར་མེ་ལ་སོགས་དབུལ། །རྒྱས་པའི་གཏོར་མའི་སྣོད་ལ་ནི། །ཉེ་བའི་ལོངས་སྤྱོད་གཏོར་མར་ལྡན། །ཤ་རློན་དང་ནི་ཉ་ལ་སོགས། །བཟའ་བའི་རྫས་རྣམས་ཐམས་ཅད་ལ། །བདུད་རྩི་ལྔ་
དང་བཅས་པར་དགོད། །གཡོན་གྱི་ཆ་རུ་སྣོད་གཞག་ལ། །གཡས་སུ་ཁྲོ་བོ་བསྟན་པར་བྱ། །ཨོཾ་ཤིང་གཅིག་དང་ནི་དུར་ཁྲོད་དང་། །རི་བོ་དང་ནི་རི་སུལ་དང་། །གྲོང་དང་བཞི་མདོ་ཞིང་དང་ནི། །ཁྱད་པར་དུ་ནི་ཁང་སྟོང་དང་། །
གདོལ་པ་སྣོད་དང་ཐང་དང་ནི། །ཁྱད་པར་དུ་ནི་ཆུ་ལ་གནས། །ནག་པོ་དྲག་པོ་དྲག་ཆེན་པོ། །ལྷ་སྦྱིན་མཉམ་དུ་བསྟེན་པ་དང་། །ནག་པོ་གཙིགས་དང་མི་སྡུག་དང་། །རྒ་ལས་འདས་དང་ལོག་འདྲེན་རྣམས། །རྒན་བྱེད་མ་དང་
དྲག་མོ་དང་། །མི་སྡུག་མ་དང་ཨཱུ་མ་དང་། །རྒྱལ་མ་རྣམ་པར་རྒྱལ་མ་དང་། །མི་ཐུབ་གཞན་གྱིས་མི་ཐུབ་མ། །ནག་མོ་བཟང་མོ་ནག་ཆེན་མོ། །ནག་སྦོམ་མ་དང་རྣལ་འབྱོར་མ། །དབང་མོ་དང་ནི་ཟླ་བ་མོ། །དྲག་ཏུ་སྡང་དང་འཕྱང་བ་མོ། །
འཕྲོག་བྱེད་མ་དང་མར་མེ་མ། །འཇིབ་བྱེད་གྲོང་གནས་རྣལ་འབྱོར་མ། །དྲག་མོའི་གཟུགས་དང་གཟུགས་ཆེན་མོ། །མཆེ་བ་གཙིགས་དང་ཐོད་ཆེན་མ། །ཐོད་ཕྲེང་ཅན་དང་ཁ་ཊྭཱྃ་མ། །སྦྲུལ་ཆེན་རལ་གྲི་དགྲ་སྟ་ཅན། །རྡོ་
རྗེ་དེ་བཞིན་གཞུ་ཅན་མ། །ལྷ་ཡི་དབང་ཕྱུག་མ་རྣམས་ནི། །དེ་བཞིན་ཆེན་མོ་མཁའ་འགྲོ་ལྔ། །ལས་ཀུན་རྗེས་སུ་སྒྲུབ་བྱེད་མ། །སྦྱོར་བའི་དཀྱིལ་འཁོར་རྒྱལ་ཆེན་མོ། །དེ་བཞིན་རྡོ་རྗེ་དབང་ཕྱུག་གཙོ། །དེ་བཞིན་གཤེགས་
པའི་སྐུ་ཆེན་ཏེ། །རྡུལ་མེད་རྣལ་འབྱོར་འབྱིན་པ་མོ། །རྡོ་རྗེ་དབང་མོའི་བཀའ་འདི་ཡིས། །ཐམས་ཅད་ཀུན་ནས་འདིར་སྤྱོན་ཅིག །ཨོཾ་ཀཀྐ་ཊྡྷན། བབྦནྡྷ་ན། ཁཁྑཱ་ད་ན། སརྦྦ་དུཥྚཾ་ཧ་ན་ཧ་ན་གྷཱ་ཏ་ཡ་གྷཱ་ཏ་ཡ་ཨ་

87-1-185a

མུ་ཀ་སྱ་ཤཱནྟིྃ་ཀུ་རུ་ཧཱུྃ་ཧཱུྃ་ཕཊ་ཛ་སྭཱ་ཧཱ། བདུད་རྩི་ཡིས་ནི་ཁ་བཀང་ནས། །ལས་ཀྱི་གོ་འཕང་མངོན་པར་བསམ། །རྣལ་འབྱོར་རྣལ་འབྱོར་མ་བསྒོམས་ཏེ། །ལས་རྣམས་ཐམས་ཅད་རྗེས་སུ་འགྲུབ། །རྡོ་
རྗེ་ཁུ་ཚུར་གཉིས་བཅིངས་ནས། །རྒྱབ་དང་རྒྱབ་ཏུ་སྦྱར་བར་བྱ། །ཨོཾ་ཏིཥྛ་ཧཱུྃ་བྷཀྵ་བྷཀྵ་ཛཿཕཊ་སྭཱ་ཧཱ། ཇི་བཞིན་ལས་སྦྱོར་སྔགས་སྦྱར་ནས། །གཏོར་མའི་ལས་ལ་སོགས་པ་སྦྱར། །ཞི་རྒྱས་དབང་དང་
དགུག་པ་དང་། །གསད་བསྐྲད་དབྱེ་དང་བཅིང་བ་ལ། །ཕྱི་རོལ་གཏོར་མ་དེ་ཉིད་ཀྱིས། །གཏོར་མའི་ལས་ལ་སོགས་པས་སྒྲུབ། །དེ་ནས་མཆོད་པའི་ཁྱད་པར་ལས། །རུང་དང་མི་རུང་རྣམ་པར་སྤང་། །ལྕགས་ཀྱུ་ལ་སོགས་རྣམ་
པ་ལྔ། །དེ་ཉིད་ལྔ་རུ་བྱ་བ་སྟེ། །ལྕགས་ཀྱུ་ཆེ་ལ་དགོད་པ་ནི། །ཡེ་ཤེས་ལྷར་ནི་འདོད་པ་སྟེ། །རྡོ་རྗེ་ལྕགས་ཀྱུར་མི་བསྐྱོད་པ། །གནས་ཀྱི་ལྕགས་ཀྱུར་རིན་ཆེན་དབང་། །རྒྱལ་པོའི་ལྕགས་ཀྱུར་དོན་ཡོད་གྲུབ། །གཡོ་
བའི་ལྕགས་ཀྱུར་འོད་དཔག་མེད། །ལྕགས་ཀྱུ་ལྔ་ལ་སོགས་པ་ལ། །དེ་ཉིད་ཐམས་ཅད་སྦྱར་བར་བྱ། །གང་ཞིག་འདོད་པས་ལྷ་ཀུན་དང་། །རྣལ་འབྱོར་མ་ཀུན་ཚིམ་པར་བྱ། །འདོད་ལ་དགའ་བ་མ་ཡིན་ཞིང་། །ལོངས་
སྤྱོད་ཕྱིར་ནི་བསྟེན་མི་བྱ། །རང་འདོད་ཐམས་ཅད་དེ་ཉིད་དེ། །མཆོད་པའི་ལས་ལ་སོགས་པ་བྱ། །དེ་ཡི་དབུས་སུ་དཔའ་བོ་རྣམས། །ཨཱ་ལི་ཀཱ་ལི་སྦྱར་བར་བྱ། །ཨཱ་ལི་ཀཱ་ལི་རབ་སྦྱོར་གྱིས། །ལྷ་རྣམས་ཐམས་ཅད་
ཚིམ་པར་བྱ། །དེ་ཡི་དབུས་ནས་བྱུང་བ་ཡི། །བདུད་རྩེའི་རོ་ཀུན་མྱང་བར་བྱ། །རྫས་རྣམས་ཀུན་གྱི་ལྷག་མ་དག །ཕྱི་ཡི་དཀྱིལ་འཁོར་དུ་ནི་བརྟག །ཧཱུྃ་ཞེས་བྱ་བའི་གླུ་ཡིས་ནི། །བཀྲ་ཤིས་སྒྲ་ཡིས་དགང་བར་བྱ། །
ལུས་ཅན་དོན་ཕྱིར་ཤེས་རབ་གསོལ་བཏབ་པ། །ཀུན་མཁྱུད་ལ་སོགས་གཉིས་ཀྱིས་གཉིས་སྤྲོད་ཅིང་། །སྒྱུ་མ་ལྟ་བུར་སྦྱོར་བས་ཤིན་ཏུ་བརྒྱན། །སྲིད་པ་ལས་སྒྲོལ་ཁྱོད་ལ་ཕྱག་འཚལ་ལོ། །རང་འདོད་བཀྲ་ཤིས་

87-1-185b

སྒྲ་དང་ནི། །ཧཱུྃ་ཧཱུྃ་བརྗོད་ཅིང་དྲིལ་བུ་གསིལ། །རྡོ་རྗེ་ཐལ་མོ་བཅིངས་ནས་ནི། །སྙིང་གའི་གནས་སུ་རབ་གཞག་ལ། །མ་ལུས་སེམས་ཅན་ཀུན་གྱི་ཕྱིར། །སྨོན་ལམ་དག་ནི་གདབ་པར་བྱ། །སེམས་ཅན་ཐམས་ཅད་ནད་མེད་ཅིང་། །
སེམས་ཅན་ཐམས་ཅད་བདེ་གྱུར་ཅིག །གང་གི་ལམ་ནས་འགྲོ་བ་ཡིས། །སངས་རྒྱས་ཉིད་དང་འཕྲད་པར་ཤོག །མ་རྒལ་བ་རྣམས་སྒྲལ་བ་དང་། །མ་གྲོལ་བ་རྣམས་བདག་གིས་སྒྲོལ། །ད་ལྟ་ཉིད་དུ་རྗེས་བརྩེ་བས། །རྣལ་འབྱོར་བསྟན་
བཅོས་གནས་ལ་དགོད། །རྡོ་རྗེ་ཁུ་ཚུར་དམ་བཅིངས་ནས། །གཡོན་པའི་སྙིང་གར་བཞག་པར་བྱ། །གཡས་པ་ས་ལ་བརྐྱང་ནས་ནི། །དེ་ཡི་འོག་ཏུ་གཤེགས་སུ་གསོལ། །ཨོཾ་ཨཱཏྨ་ཏིཥྛ་ཧཱུྃ་སྭཱ་ཧཱ། དེ་ནས་
རང་གི་དབུགས་ཀྱིས་ནི། །བདག་གི་ལུས་ལ་བསྟིམ་པར་བྱ། །སྐད་ཅིག་ཚུལ་གྱི་རྣལ་འབྱོར་གྱིས། །བདག་གི་དངོས་པོ་མཆོད་པར་བྱ། །ཨོཾ་སརྦྦ་དུཥྚྃ་གྲིཧྞ་གཙྪ་ཧཱུྃ་ཕཊ། སེ་གོལ་གསུམ་ནི་གཏོགས་པ་ཡིས། །ཕྱི་
རོལ་ལྷ་རྣམས་གཤེགས་སུ་གསོལ། །གཞན་གྱི་གདན་གྱི་རབ་ཏུ་བྱེད་པ་ལས་རིམ་པར་ཕྱེ་བ་གསུམ་པའོ།། །། བདུད་རྩི་ལྔ་ཡི་ཁྱད་པར་དང་། །གང་གིས་ལྕགས་ཀྱུ་ལྔ་པོ་བརླབས། །དངོས་དང་དངོས་མེད་
རྣམ་པར་རྟོག །གཉིས་མེད་གཉིས་སུ་མེད་པའི་ཆོས། །གཉིས་ཀྱི་རྟོག་པ་ཇི་ལྟར་སྤང་། །ཨཱ་ལི་ཀཱ་ལི་ཇི་ལྟར་ལགས། །རྣལ་འབྱོར་བསྟན་བཅོས་ཚུལ་རྣམས་ནི། །ཕྱི་རོལ་ཕྱག་རྒྱའི་སེམས་ནི་ཅི། །བཅོམ་ལྡན་འདས་
ལ་ཉན་པར་འཚལ། །བཅོམ་ལྡན་འདས་ཀྱིས་བཀའ་སྩལ་པ། །དང་པོ་རྡོ་རྗེ་བདུད་རྩིའི་ཆུ། །ལྔ་ཡི་བདག་ཉིད་རབ་ཏུ་འཇུག །རེག་ན་དྲོ་བ་མེད་ཡིན་ཏེ། །དུ་བ་ལྟར་སྣང་རླུང་ཡིན་ནོ། །སླ་བའི་རང་བཞིན་ཆུ་
ཞེས་བྱ། །གཟུགས་སུ་སྣང་བ་ས་ཡིན་ནོ། །ཡེ་ཤེས་བྱིན་བརླབས་རྡོ་རྗེའོ། །ལྷ་ལྔ་རུ་ནི་བསྒོམ་པར་བྱ། །མ་ལུས་ཆུ་ཡི་དབྱིབས་དང་ནི། །ཟད་པར་བྱ་བ་མེ་ཉིད་དང་། །དེ་བཞིན་རྟག་ཏུ་རླུང་དང་ནི། །ངང་པ་མཚུངས་

87-1-186a

དོན་ས་དབང་པོ། །ཡེ་ཤེས་ཀྱི་ནི་ཡི་གེ་ལྔ། །སྒྲ་དང་ཐིག་ལེར་སྦྱར་བར་བྱ། །དེ་ཡི་དབུས་སུ་ཟླ་བ་ཡི། །དབུས་སུ་བདུད་རྩེའི་ཡི་གེའོ། །ལྔ་པོ་ལྔ་རུ་བརྗོད་པར་བྱ། །དངོས་དང་དངོས་མེད་ལས་གྲོལ་བའི། །རྡོ་རྗེ་ཆུ་ནི་སྦྱངས་པ་
ཡིས། །དེས་ནི་གཏི་མུག་བསྲིངས་པ་ཡིན། །ཕྱི་རོལ་བདུད་རྩི་རྫས་བཟང་པོ། །མེ་ཡིས་བཙོས་ནས་སྦྱངས་པ་ལྟར། །ལྷ་སོགས་མེ་ཡིས་བཙོས་ནས་ནི། །ལྷག་མ་བཤང་དང་གཅི་བ་ཡིན། །མེ་ཡིས་བཙོས་ནས་སྦྱང་མེ་ཡི། །དབུས་
སུ་སྦྱིན་སྲེག་རྟག་ཏུ་དབུལ། །རྡོ་རྗེ་ཆུ་ཡི་ས་བོན་ནི། །ས་བོན་བབས་པས་བཟླས་ནས་ཀྱང་། །དེ་ཡི་དབུས་སུ་ཉི་མ་ལ། །དུར་ཁྲོད་ཡི་གེ་བསམས་ནས་སྲེག །དངོས་དང་དངོས་མེད་ལས་གྲོལ་བས། །དེ་ཕྱིར་རྨོངས་ལས་རིང་དུ་འགྱུར། །
པདྨའི་དབང་ཕྱུག་གཟུགས་མཛེས་ཤིན་ཏུ་སྡུག །དྲི་ཆུའི་ངོ་བོ་ཤིན་ཏུ་རྣམ་སྣང་མཛད། །མྱང་བ་རྡོ་རྗེ་དབང་ཕྱུག་ཕྱག་རྡོ་རྗེ། །ལྷ་གསུམ་རྣམ་གསུམ་དུ་ནི་ཤེས་པར་བྱ། །ཧ་ཞེས་པ་ཡིས་ཁ་དོག་དབྲོག །ཧོ་ཞེས་པ་ཡིས་དྲི་
གཞོམ་སྟེ། །ཧྲཱིཿཞེས་བྱ་བས་ནུས་པ་གཞོམ། །གོ་རིམ་དེ་ལྟར་མངོན་པར་བརྗོད། །བདུད་རྩི་ཆུ་ཞེས་བྱ་བ་སྟེ། །ལྷ་ནི་རྣམ་པ་གསུམ་དུ་གྲགས། །དངོས་དང་དངོས་མེད་ལས་གྲོལ་བས། །དེ་ཕྱིར་རྨོངས་པ་རིང་དུ་སྤོང་། །ཨཱ་ལི་བུང་
བ་ཞེས་བརྗོད་དེ། །བུང་བ་རྡོ་རྗེ་འཇིགས་བྱེད་ཡིན། །ཨཱ་ལི་ནམ་མཁའི་མཐས་གཏུགས་པའི། །ཆོས་ཀྱི་དབྱིངས་ནི་རང་བཞིན་ཏེ། །རྒྱུ་དང་མི་རྒྱུ་གསང་བློ་ཅན། །ལུས་ནི་མ་ལུས་བསྐྱེད་པའོ། །བཅུ་དང་བརྒྱད་ཀྱི་རྩ་རྣམས་ནས། །དབང་
པོ་ཀུན་གྱི་བདུད་རྩི་རྣམས། །དེ་ཡི་དབུས་ནས་དྲངས་ནས་སུ། །ཨཱ་ལིའི་དབུས་སུ་ཐིམ་པར་འགྱུར། །འཇིགས་བྱེད་རྡོ་རྗེ་སྒྲ་ཡིས་ཏེ། །སྦྱོར་བའི་རྫས་རྣམས་སྐྱེ་བ་ཡིན། །རླུང་དང་མེ་ཡི་བདུན་དོན་ལ། །རྡོ་རྗེ་མ་ཡི་ས་བོན་སྦྱར། །སྒྲ་དང་
ཐིག་ལེས་ཡང་དག་མནན།། ཆར་བའི་རྒྱུན་ཞེས་བྱ་བར་བརྗོད།། དབྱངས་ཡིག་དང་པོ་མཆོག་ས་བོན།། དེ་ཡི་དབུས་སུ་ཟུང་བར་བྱ། ། དངོས་དད་དངོས་མེད་ལས་གྲོལ་བ། ། དེ་ཕྱིར་རྨོངས་ལས་རིང་དུ་འགྱུར།། ཀཱ་ལི་མེ་ཏོག་ཀུན་དུ་

87-1-186b

པའི་ཞེས་བར་ཡིག་པོ་ས་དེ་དབུས་གཟུང་བྱ། །དང་མེད་གྲོལ་དེ་རིང་ལི་ཏོག་ཏུ་
མནན། །རྡོ་རྗེ་ཅན་གྱི་ལུས་མེ་ཏོག །འཁོར་བ་ཐམས་ཅད་བསྐྱེད་པ་སྟེ། །ས་དང་ཀུན་གྱི་མ་ཞེས་བྱ། །ཡེ་ཤེས་ཆུ་ཡི་རྒྱ་མཚོ་འདིར། །དེ་བཞིན་ཤེས་རབ་ཆུ་སྲིན་ཉ། །གཉིས་མེད་འདམ་གྱི་དབུས་སུ་ནི། །ཐབས་ཀྱི་མྱུ་གུ་དེ་བཞིན་
ཏེ། །བནྡུ་ཀ་ལྟར་ཁ་ཕྱེ་བའི། །སྦྲང་རྩི་བདུད་རྩི་ཡི་གེར་གནས། །ཀཱ་ལི་བདུད་རྩི་དེ་ཉིད་ནི། །མེ་ཏོག་ཆུ་ཡི་དེ་བཞིན་བསྐོར། །ཡི་གེ་གཉིས་འགྱུར་ཐིག་ལེ་དང་། །རྩ་བར་སྒྲ་ནི་ཡང་དག་སྦྱར། །ཡི་གེའི་ས་བོན་དེ་ཉིད་ནི། །ལྷ་རྣམས་
ཀྱི་ནི་རིགས་ཀྱི་ཡུམ། །ཟླ་བའི་དབུས་སུ་བསམ་པར་བྱ། །བདུད་རྩིའི་ས་བོན་བསྒོམས་པ་ཡིས། །དངོས་དང་དངོས་མེད་ལས་གྲོལ་བ། །དེ་ཕྱིར་རྨོངས་པ་ཀུན་ཏུ་སྤོང་། །ཨཱ་ལི་བུང་བ་ཞེས་བྱར་བརྗོད། །ཀཱ་ལི་དེ་བཞིན་གཤེགས་མ་
ཡིན། །ལུས་གཉིས་པོ་ལས་སྐྱེས་པ་དག །བདུད་རྩི་ཡི་ནི་ཆོ་ག་མཆོག །སྡེ་ཚན་གསུམ་པ་གང་ཡིན་པའི། །ཡི་གེ་གསུམ་པ་གཟུང་བྱ་བ། །དབྱུག་པ་ཕྱི་མོ་རྡོ་རྗེ་ཅན། །ལུ་གུ་རྒྱུད་ཀྱིས་དཀྲི་བར་བྱ། །བདུད་རྩི་ལྔ་ཡི་དེ་
ཉིད་ཀྱིས། །ལུས་ཅན་བདག་ཉིད་དཀྲུ་བར་བྱ། །བདུད་རྩི་ལྔ་ཡི་ཁྱད་པར་དང་། །གང་གིས་ཤེས་འགྱུར་འཆི་མི་འགྱུར། །འགྲོ་བའི་སྒོ་ནི་མཐོང་འགྱུར་ཞིང་། །དག་པའི་ལུས་ནི་སྐྱོན་མེད་པར། །བདུད་རྩི་སྦྱོར་བ་ཀུན་
ཤེས་པས། །རང་དགར་བདུད་རྩི་མྱང་བར་བྱ། །བཟའ་བ་ལྔ་ཡི་བྱེ་བྲག་གི། །དེ་ཉིད་ཇི་བཞིན་རྡོ་རྗེར་ཉོན། །གང་ཞིག་ཤེས་ནས་ཟོས་པ་ཡིས། །མྱུར་དུ་འགྲོ་བ་མཐོང་བར་འགྱུར། །བློ་ཆེན་དང་ནི་ངག་དང་ནི། །རིགས་
ལ་འགྲན་དང་རེག་འགྲོ་དང་། །ལྕགས་ཀྱུ་ཆེན་པོ་རྣལ་འབྱོར་པས། །ཤེལ་དང་འདྲ་བས་ལོངས་སྤྱད་བྱ། །རྣམ་ཤེས་ས་བོན་བཟླས་ནས་ནི། །དེ་ཡི་ས་བོན་གཟུང་བར་བྱ། །ཤེལ་གྱི་སེམས་ཀྱིས་ལོངས་སྤྱོད་ན། །
རྣལ་འབྱོར་རྨོངས་པ་གཅོད་པར་འགྱུར། །དག་པའི་སེམས་ཀྱིས་བཟའ་བར་བྱ། །བགེགས་ཀྱི་ལྕགས་ཀྱུ་གཅིག་ཡིན་ཏེ། །དེ་ཡི་ཡན་ལག་ལ་སྦྱར་བ། །ཧཱུྃ་ཞེས་བྱ་བའི་ས་བོན་གྱིས། །ལྕགས་ཀྱུ་རུ་ནི་

87-1-187a

སྦྱར་བར་བྱ། །གནས་ཀྱི་བདག་པོའི་ལྕགས་ཀྱུ་ནི། །གྲི་ཞེས་བྱ་བའི་ས་བོན་ཉིད། །རབ་ཏུ་སྦྱང་ནས་བསམས་ནས་སུ། །རྣམ་པར་རྟོག་པ་རིང་དུ་སྤང་། །རྟ་ཡི་ལྕགས་ཀྱུའི་དབུས་གནས་པ། །ཐམས་ཅད་རིག་པས་དགོད་
བྱ་བ། །རྣལ་འབྱོར་པ་ཡིས་ཛྲིྃ་ཞེས་པ། །དག་པའི་ཤེལ་ལྟར་བསམ་པར་བྱ། །རྡོ་རྗེ་ལྕགས་ཀྱུ་བྱིན་བརླབས་པས། །རྡོ་རྗེའི་ལུས་སུ་བརྗོད་པ་སྟེ། །སྲི་ཞེས་བྱ་བ་བཀོད་དེ་བཟའ། །རྣལ་འབྱོར་པ་རྣམས་སྡིག་འབྱང་ངོ་། །
བཅུ་བཞི་པ་དང་བཅྭ་ལྔ་དང་། །ཁྱད་པར་དུ་ནི་ཚེས་བརྒྱད་ལ། །དངོས་གྲུབ་འདོད་པའི་རྣལ་འབྱོར་པས། །རབ་ཏུ་འབད་དེ་གཏོར་མ་སྦྱིན། །སྒྲུབ་པོས་རྣལ་འབྱོར་བསྟན་བཅོས་ལ། །རྟག་ཏུ་མཆོད་པའི་ལས་བྱས་
ན། །སྤྱོད་དང་གྲོལ་བ་གང་འདོད་དང་། །ལས་རྣམས་ཐམས་ཅད་འགྲུབ་པར་འགྱུར། །རྒྱལ་པོའི་ཕོ་བྲང་འགྲོ་ན་ཡང་། །མྱུར་དུ་དཔལ་དང་ལྡན་པར་འགྱུར། །མཛའ་བོ་སྡུག་ཅིང་ཡིད་འོང་བར། །མཐོང་བ་ཙམ་གྱིས་
འགྲུབ་པར་འགྱུར། །དབུལ་པོ་ནོར་གྱིས་ཕོངས་པ་ཡང་། །ཁྱིམ་ནི་འབྱོར་ཞིང་རྒྱས་པར་འགྱུར། །འཆི་བའི་ཚེ་ན་རྣལ་འབྱོར་པ། །བདེ་བ་ཅན་དུ་སྐྱེ་བར་འགྱུར། །དྲི་ཞིམ་དང་ནི་སྦྱར་བ་ཡི། །རྫས་བཅུ་པོ་དག་ལྡན་
པ་ལ། །ཡི་གེ་བཅུ་ཡི་སྔགས་དག་ནི། །ཕྱག་འཚལ་བསྲེག་པའི་མཐའ་དང་ལྡན། །རྣལ་འབྱོར་པ་ཡིས་འབུམ་བཟླས་ཏེ། །མཁའ་འགྲོ་གཏོར་མའི་བྱིན་བརླབས་ལ། །སྒྲུབ་པོས་འདི་ཡི་དུ་བས་བདུག །འགྲོ་བ་ཐམས་
ཅད་རྨོངས་པར་འགྱུར། །གུར་གུམ་དང་ནི་སྦྱར་བ་ཡི། །རྫས་བཅུད་ཕན་ཚུན་ལྡན་པ་ཡི། །རྣལ་འབྱོར་པ་ཡིས་ཐིག་ལེ་བྱ། །སྐྱེས་བུ་འགྲོ་ལ་སྐལ་བཟངས་འགྱུར། །ཙན་དན་དང་ནི་སྦྱར་བ་ཡི། །རྫས་བཅུད་དག་
ནི་ལྡན་པ་ཡི། །ཡན་ལག་དག་ནི་བྱུགས་ནས་སུ། །རེག་ན་ཤི་ཡང་མི་གཏོང་ངོ་། །དབང་པོ་ལག་དང་སྦྱར་བ་ཡི། །རྫས་བཅུ་དག་དང་ལྡན་པ་རུ། །བཟའ་དང་བཏུང་བར་སྦྱིན་བྱས་ན། །དབང་མེད་དབང་དུ་

87-1-187b

འདུ་བར་འགྱུར། །སྔགས་ནི་ལན་འབུམ་བཟླས་ནས་ཀྱང་། །མཁའ་འགྲོའི་གཏོར་མ་བྱིན་བརླབས་ནས། །དེ་དག་ལས་སུ་སྦྱར་བར་བྱ། །ངས་བསྟན་པ་ལ་ཐེ་ཚོམ་མེད། །གཉིས་མེད་དེད་དཔོན་གནས་སུ་ནི། །
ཐིག་ལེ་བྱས་ན་གོ་ཆར་འགྱུར། །དེ་ཉིད་ཐེག་པའི་སྙིང་པོ་འདིར། །འཁོར་བ་ལས་ནི་རྒྱལ་བར་འགྱུར། །བདུད་རྩི་འོད་དང་སྐལ་བཟངས་མ། །སེམས་ཅན་རྣམས་ལ་སྡུག་པར་ལྟ། །བདེ་སྡུག་དག་ནི་འཕྲོག་
བྱེད་མ། །དེ་བཞིན་སྒེག་པའི་ཉམས་ཀྱིས་མཛེས། །ཐུན་མོང་ང་རྒྱལ་བདག་འཛིན་མ། །མི་བརྩོན་མ་དང་བརྩོན་སེམས་ཅན། །སྐལ་བཟང་ལྷ་ཀུན་རྨོངས་བྱེད་མ། །ཀུན་ནས་འཇོམས་པ་ཉིད་དང་ནི། །
བློ་ངན་སྲིད་པའི་ངོ་བོ་འཇོམས། །ལྷ་མོ་བྱམས་མ་ཉིད་དང་ནི། །ཡིད་འོང་བདུད་རྩི་ལྡན་གྲགས་མ། །ཡོན་ཏན་ལྡན་པའི་ལྷ་མོ་ཉིད། །ལྷ་མོ་འདི་དག་ལས་ཀྱིས་ནི། །སྤྱོད་དང་གྲོལ་བའི་འདོད་པ་སྩོལ། །དེ་
ལྟར་ཡོན་ཏན་ལྡན་ལྷ་མོ། །མཁས་པ་ཡིས་ནི་མཆོད་པར་བྱ། །ཕོ་ཉའི་ལས་ཀྱི་བྱ་བ་ཡིས། །གྲུབ་པའི་རྣལ་འབྱོར་དོན་གྱི་ཕྱིར། །རྣལ་འབྱོར་མ་བཞིའི་སྒྲུབ་ཐབས་ནི། །བཅོམ་ལྡན་འདས་ལས་ཉན་
པར་འཚལ། །ཕོ་ཉའི་ལས་སུ་སྦྱར་བ་ཡིས། །དེ་ཉིད་ཇི་བཞིན་རྡོ་རྗེས་ཉོན། །ལས་རྣམས་ཀུན་གྱི་སྙིང་པོ་བས། །རབ་ཏུ་འབད་དེ་ཕོ་ཉ་བསྒྲུབ། །ཤིང་གཅིག་གི་ནི་དྲུང་དག་ཏུ། །ཆོ་ག་བཞིན་དུ་འབུམ་དུ་
བཟླས། །ཁྲུ་གང་བཞི་ཆར་བཅས་པ་ཡི། །ཐང་ག་ལ་ནི་བྲི་བྱ་སྟེ། །མཐེབ་སོར་བཅུ་གཉིས་ཚད་དུ་ནི། །ཁ་དོག་སེར་པོ་ཤིན་ཏུ་མཛེས། །ཕྱག་གཉིས་མགོ་བོར་ཐལ་སྦྱར་བའི། །འོད་ཟེར་མེ་འབར་ལྷ་མོ་
བྲི། །སྒྲུབ་པོའི་མདུན་དུ་བཀྲམ་ནས་སུ། །འབད་དེ་མཆོད་པའི་ཆོ་ག་བརྩམ། །དྲི་དང་མེ་ཏོག་དམར་པོ་དང་། །ཤ་སྐམ་གྱིས་ནི་བདུག་པར་བྱ། །ཤ་དང་ཉ་ཤ་ཙོང་ལ་སོགས། །ཉེ་བར་སྤྱད་པའི་གཏོར་མ་སྦྱིན། །

87-1-188a

རྫས་ལྔ་དག་ནི་དངོས་པོ་ལྔ། །མཆོད་ནས་དེ་བཞིན་འབུམ་དུ་བཟླས། །དང་པོ་ལ་ནི་སྒྲ་འབྱུང་སྟེ། །གཉིས་པ་ལ་ནི་ཉ་དྲི་བསྣམ། །གསུམ་པར་ཤིང་ནི་འགུལ་འགྱུར་ཏེ། །བཞི་པ་ལ་ནི་མདུན་དུ་གནས། །དེ་ཡི་སྔགས་ནི་
བརྗོད་ནས་ཀྱང་། །དམ་ཚིག་ཕྱག་རྒྱ་བསྟན་པར་བྱ། །ཨོཾ་དཱི་པེ་ཤྭ་རི་ཧཱུྃ་ཕུཿ ལག་གཉིས་ཐལ་མོ་སྦྱར་ནས་སུ། །སྤྱི་བོར་བཞག་སྟེ་བརྗོད་པར་བྱ། །དམ་ཚིག་སྔགས་དང་ཕྱག་རྒྱའོ། །བདུད་རྩི་ལྔ་ཡིས་བཀང་བ་ཡི། །དམ་
ཚིག་ཆུ་ནི་སྦྱིན་པར་བྱ། །འབད་དེ་དམ་ཚིག་བྱིན་ནས་ནི། །ལག་པ་གཡོན་པས་བཟུང་ནས་སུ། །རྣལ་འབྱོར་མ་དང་གཉིས་མེད་པས། །བྱིན་གྱིས་རློབས་ལ་བདག་བསྒྲུབས་ཤིག །དེ་ནས་རང་གི་གཟུགས་བཟུང་ནས། །
བཟའ་དང་བཏུང་སོགས་སྟོན་མོ་དང་། །གསེར་ལ་སོགས་པ་ཅི་ཡང་རུང་། །བཀའ་བཞིན་མྱུར་དུ་སྟེར་བར་འགྱུར། །ཐུན་ཕྱེད་དུ་ནི་ལྷན་ཅིག་སྤྱད། །འཁྲིག་ལ་སྲེད་པའི་རྣལ་འབྱོར་ལ། །གལ་ཏེ་གྲུབ་པར་མ་གྱུར་ན། །དེ་ཚེ་
དྲག་མོའི་ས་བོན་བཟླ། །ས་བོན་གཉིས་ནི་གཟིར་ཙམ་གྱིས། །འབར་ཕྱེད་མ་ཡི་སྤྱི་བོ་འགེམས། །སེམས་ཅན་དོན་འབད་སྒྲུབ་པ་པོས། །འབར་བ་ཆུང་མར་བསྒྲུབ་པར་བྱ། །གྲུབ་པའི་མཁའ་འགྲོ་མ་གཞན་གྱི། །དེ་ཉིད་ཇི་
བཞིན་རྡོ་རྗེས་ཉོན། །ཐང་ག་ཁྲུ་གཉིས་དམན་པ་ལ། །མཆོད་དང་གཏོར་མ་བྱིན་བརླབས་ཏེ། །དེ་འོག་གཟུགས་ནི་བྲི་བར་བྱ། །དཀར་ཞིང་དམར་ལ་ཤིན་ཏུ་མཛེས། །ཕྱག་གཉིས་རོལ་པའི་སྟབས་ཀྱིས་བཞུགས། །
ཤིན་ཏུ་མཛེས་པའི་ན་བཟའ་གསོལ། །ཕྱག་ན་སྡིགས་མཛུབ་ལྕགས་ཀྱུ་བསྣམས། །སྐྲ་གྲོལ་བས་ནི་རྣམ་པར་བརྒྱན། །འོད་ཟེར་མེ་ལྟར་འབར་ཞིང་གསལ། །མིག་གཡོན་ཧ་ཧར་བཞད་པ་བྲི། །དུར་ཁྲོད་ཀྱི་ནི་ས་
ཕྱོགས་སུ། །སྒྲུབ་པ་པོ་ཡིས་བྲིས་སྐུ་དགྲམ། །ཀུན་ཏུ་ཁྲག་གིས་བྱུགས་ནས་ནི། །མེ་ཏོག་དམར་ལ་སོགས་པས་མཆོད། །མེ་ཏོག་དྲི་དང་བདུག་པ་དང་། །ཤ་དང་ཉ་ཤ་ཙོང་ལ་སོགས། །བདུད་རྩི་ལྔ་ཡིས་བགང་བ་

87-1-188b

ཡི། །ཉེ་བར་སྤྱོད་པའི་གཏོར་སྦྱིན་ཅིང་། །རྣལ་འབྱོར་བསྒོམ་པས་བཟླས་ནས་ནི། །འབུམ་གྱིས་དངོས་གྲུབ་སྐྱེ་བར་འགྱུར། །ལག་གཉིས་ཐལ་མོ་བཅིངས་ནས་སུ། །ཁ་རུ་བཅུག་ནས་བརྒད་པར་བྱ། །ཨོཾ་ཌཱ་ཀི་ནཱི་ཧཱུྃ་ཕྲུྃ་ཕུཿ 
སྒྲུབ་པའི་སྔགས་དང་ཕྱག་རྒྱའོ། །དང་པོ་ས་ནི་གཡོ་འགྱུར་ཏེ། །གཉིས་པ་མདུན་དུ་གད་རྒྱངས་སྒྲོགས། །གསུམ་པ་མདུན་དུ་སྣང་གྱུར་ནས། །བཞི་པ་ལ་ནི་བཀའ་ལུང་ནོད། །བདུད་རྩི་ལྔ་ཡི་ཁྱད་པར་གྱི། །དམ་
ཚིག་འབད་དེ་བྱིན་ནས་ནི། །གཡོག་མོ་རུ་ནི་སྒྲུབ་པ་ཡིས། །ཅི་འདོད་བཀའ་ནི་བསྒོ་བར་བྱ། །དགྲ་རྣམས་བསད་ཅིང་གཙེ་བ་དང་། །ཡན་ལག་གཟིར་བ་གང་འདོད་པའི། །ལས་ལ་སོགས་པ་ཐམས་ཅད་ནི། །གཡོག་
མོའི་ལས་ཀྱིས་བསྒྲུབ་པར་བྱ། །གལ་ཏེ་འབུམ་གྱིས་གདོན་ཟ་ན། །རྡོ་རྗེ་མ་ཡི་ས་བོན་གྱིས། །སྔོན་དུ་བསྟན་པའི་ཆོ་ག་བཞིན། །མཁས་པས་གཟིར་བར་བྱས་ཏེ་བཟླ། །ར་དག་གི་ནི་ལྤགས་པ་ལ། །འབད་དེ་ཐང་
ཀ་བརྐྱང་བར་བྱ། །འཇིབ་བྱེད་མ་དེ་བྲི་རུ་གཞུག །ཁ་དོག་དམར་པོ་ཤིན་ཏུ་མཛེས། །ལུས་ལ་རྒྱན་གྱིས་བརྒྱན་པ་དང་། །མཛེས་པའི་གོས་ནི་གྱོན་པ་བྲི། །གཡོན་པ་སྡིགས་མཛུབ་ཞགས་པ་དང་། །གཡས་སུ་དགྲ་སྟ་དགོད་པར་བྱ། །
ལམ་གྱི་བཞི་མདོ་ཡིད་འོང་བར། །མཁས་པ་ཡི་ནི་བསྒྲུབ་བྱ་སྟེ། །ལྕི་བ་ཡིས་ནི་བྱུག་བྱས་ལ། །མེ་ཏོག་སྣ་ཚོགས་དགྲམ་པར་བྱ། །མེ་ཏོག་བདུག་པ་མར་མེ་སོགས། །འབྱུང་པོ་ཀུན་གྱི་གཏོར་མ་སྦྱིན། །ཁྲག་དང་ཉ་དང་ཤ་
དང་ཙོང་། །བཟའ་བ་དག་དང་སྣ་ཚོགས་དང་། །བདུད་རྩི་ལྔ་ཡིས་དགང་བ་སྦྱིན། །འབད་དེ་གནས་པས་འབུམ་གཅིག་བཟླ། །ཨོཾ་ཙུ་ཥཱི་ནི་ཨཱ་ཀཪྵ་ཡ་ཕུཿཕཊ། ལག་གཉིས་མཉམ་པར་བྱས་ནས་ནི། །སྙིམ་པའི་ཚུལ་
གྱིས་བར་བསྐྱོད་བྱ། །སྙིང་པོའི་སྔགས་དང་ཕྱག་རྒྱའོ། །རྣལ་འབྱོར་པ་ཡིས་འབུམ་བཟླས་པས། །འཇིབ་བྱེད་མ་ནི་འགྲུབ་འགྱུར་ཏེ། །དང་པོ་ཁྱི་ནི་ངུར་བའི་སྒྲ། །གཉིས་པ་ལ་ནི་གསལ་བར་དགོད། །གསུམ་པ་ལ་ནི་

87-1-189a

མཚོན་ཐོགས་ནས། །བསྡིགས་པའི་ཕྱིར་ནི་འོང་བར་བྱེད། །བཞི་པར་མདུན་དུ་གནས་ནས་ནི། །བདག་གིས་ཅི་བགྱི་བཀའ་སྩོལ་སྨྲ། །བདུད་རྩི་ལྔ་ཡི་ཁྱད་པར་གྱིས། །དམ་ཚིག་དག་ནི་བྱིན་ནས་སུ། །སེམས་
ཅན་རྣམས་ལ་ཕན་པའི་ཕྱིར། །དབུལ་པོ་བདག་གིས་ཁྱོད་བསྒྲུབས་སོ། །དེ་ནས་ཉི་མ་རེ་རེ་བཞིན། །གསེར་སྲང་ཕྱེད་ཕྱེད་སྟེར་བར་འགྱུར། །གལ་ཏེ་འབུམ་གྱིས་མ་གྲུབ་ན། །རོ་ལངས་སྙིང་པོས་གཟིར་ཏེ་བཟླ། །ས་
བོན་འདི་ཡིས་གཟིར་ཙམ་གྱིས། །འཇིབ་བྱེད་མ་ཡི་མགོ་འགེམས་སོ། །ཆུ་འགྲམ་གྱི་ནི་ས་ཕྱོགས་སུ། །ཀམ་པོ་ཙི་ནི་བསྒྲུབ་པར་བྱ། །བ་ལང་ལ་སོགས་ཀོ་བ་ནི། །བརྐྱང་སྟེ་འཕྲོག་བྱེད་བྲི་རུ་གཞུག །ལུས་ནི་སྦྲུལ་
གྱིས་བརྒྱན་པ་སྟེ། །ཁ་དོག་སྔོན་པོ་འབར་བའི་འོད། །སྐྲ་གྲོལ་བས་ནི་རྣམ་པར་བརྒྱན། །གོས་དམར་བགོས་ཤིང་ཕྱག་གཉིས་མཛེས། །རལ་གྲི་དང་ནི་ཞགས་པ་ཐོགས། །ཧ་ཧར་བཞད་ཅིང་རྣམ་གཙིགས་པ། །
ཁྲག་གིས་མཎ་ཌལ་བྱུགས་ནས་ནི། །དྲི་དང་མེ་ཏོག་བདུག་པས་བདུག །རྒྱས་པའི་གཏོར་མ་སྦྱིན་པར་བྱ། །ཤ་དང་ཉ་དང་ཙོང་ལ་སོགས། །ཉེ་བར་སྤྱོད་པའི་གཏོར་མ་སྦྱིན། །བདུད་རྩི་ལྔ་དང་ལྡན་པ་ཡི། །སྔོན་
བཞིན་ལྷ་ཡི་གཏོར་མ་སྦྱིན། །རྣལ་འབྱོར་པས་ནི་བསྒོམ་ཞིང་བཟླས། །འབུམ་གཅིག་གི་ནི་འགྲུབ་འགྱུར་ཏེ། །དང་པོ་ཆུ་ནི་གཡོ་བར་འགྱུར། །གཉིས་པ་ལ་ནི་ཆར་ཆེན་འབེབས། །མདུན་དུ་རྡོ་རྗེའི་སྒྲ་འབྱིན་ཅིང་། །
གསུམ་པར་ཐོག་ནི་འབབ་འགྱུར་ཏེ། །བཞི་པ་ལ་ནི་མདུན་དུ་གནས། །བདུད་རྩི་ལྔ་ཡི་ཁྱད་པར་གྱི། །དམ་ཚིག་དེ་ནས་འབད་དེ་སྦྱིན། །ཨོཾ་ཀྲྃ་ཀྲུྃ་ཕྲྃ་ཕྲུཿཕཊ། ལག་གཉིས་ཁུ་ཚུར་བཅིངས་ནས་སུ། །དེ་ཡི་
སྔགས་ནི་བརྗོད་པར་བྱ། །སྙིང་པོ་སྔགས་དང་ཕྱག་རྒྱའོ། །མདུན་ན་ཐལ་མོ་སྦྱར་བས་ནི། །ཅི་ཞིག་བགྱི་ཞེས་བརྗོད་པར་འགྱུར། །ཏི་སེ་གངས་ཀྱི་རྩེ་རུ་ནི། །རྩེ་ཕྱིར་ཁྱོད་ཀྱིས་ང་ཁྲིད་ལ། །སླར་ཡང་འདིར་

87-1-189b

ནི་འོང་བ་དང་། །རྒྱལ་པོའི་བུ་མོའམ་གཞན་ཡང་རུང་། །ང་འདོད་པ་དེ་ཁྲིད་དེ་ཤོག །གསེར་དང་དངུལ་དང་ཟངས་ལ་སོགས། །བཟའ་དང་བཏུང་དང་བགོ་བ་ནི། །ཇི་ལྟར་འདོད་བཞིན་ཁྱེར་ཏེ་འོང་། །ལྷ་མིའི་ཆུང་མ་གང་ཡང་
རུང་། །ཏི་སེ་གངས་ཀྱི་རྩེ་རུ་ནི། །ཇི་ལྟར་འདོད་བཞིན་ཁྲིད་པར་བྱེད། །བསྟན་པའི་ལས་ཀྱིས་མ་གྲུབ་ན། །ལས་གཞན་གྱིས་ནི་བསྒྲུབ་པར་བྱ། །བདག་ཉིད་ཡེ་ཤེས་མཁའ་འགྲོ་མ། །མཁས་པ་ཡིས་ནི་བསྒོམས་
ནས་སུ། །དེ་ཡི་རྐང་པ་གཡོན་པ་ཡིས། །མནན་ཏེ་ལྔ་བརྒྱ་བཟླས་ནས་ནི། །གདོན་མི་ཟ་བར་འགྲུབ་པར་འགྱུར། །གལ་ཏེ་དེས་མ་འགྲུབ་ན། །དཔའ་བོའི་དབུསུ་བགུག་ནས་ནི། །དུམ་བུར་དུམ་བུར་གཏུབ་པར་བྱ། །ཀྲི་ཞེས་
བྱ་དང་གསོད་པ་མཐའ། །ཧཱུྃ་གི་ས་བོན་བསྒོམས་པ་ཡིས། །ཐམས་ཅད་དུ་ནི་བཟའ་བར་བསམ། །དེས་ནི་བསྒྲུབ་བྱའི་རྣལ་འབྱོར་མ། །ཐམས་ཅད་ཀྱི་ནི་དབང་ཕྱུག་མའང་། །གལ་ཏེ་མ་འགྲུབ་འཆི་བར་འགྱུར། །བསྟན་པའི་
ལས་ཀྱིས་མ་འགྲུབ་ན། །བྷ་ལ་ཏ་ཀ་ནག་པོའི་ཤིང་། །མེ་འབར་བ་ཡི་དབུས་སུ་ནི། །ཁྲག་དང་བཅས་པའི་ཡུངས་ཀར་ནི། །ཉི་མ་ཕྱེད་ན་ཧཱུྃ་ཞེས་ནི། །བརྗོད་ཅིང་བརྒྱ་རྩ་བརྒྱད་བསྲེགས་ན། །མཁའ་འགྲོ་མ་རྣམས་འཆི་
འགྱུར་བའམ། །ཆོ་ངེས་འདེབས་ཤིང་འོངས་ནས་སུ། །ངེས་པར་ལས་རྣམས་སྒྲུབ་བྱེད་པར། །ངས་བསྟན་པ་ལ་ཐེ་ཚོམ་མེད། །ཁྲོ་བོ་སྔོན་པོ་མཛེས་པ་སྟེ། །ཁྱོད་ནི་དམ་ཚིག་ཡིད་དུ་འོང་། །ནོར་བུ་རིན་ཆེན་གཅེས་བཅིངས་
པའི། །དབྱུག་པ་ཕྱག་ན་བསྣམས་པ་སྟེ། །བདག་ནི་འཁོར་བ་ལས་བསྒྲལ་ཕྱིར། །དཔའ་བོས་གནང་གིས་གཏང་དུ་གསོལ། །རྣལ་འབྱོར་མ་ཡི་ཚོགས་དབུས་སུ། །བཟང་པོ་སྒོ་འདི་ཕྱེ་སྟེ་ཐོང་། །རྣལ་འབྱོར་རྣལ་འབྱོར་
མ་གསང་ཆེ། །གསང་དང་གསང་བས་ཤེས་བྱ་བ། །ངག་གི་ཕྱག་རྒྱའི་མཚན་ཉིད་ནི། །བཅོམ་ལྡན་འདས་ལ་ཉན་པར་འཚལ། །ངག་གི་ཕྱག་རྒྱའི་མཚན་ཉིད་ནི། །དེ་ཉིད་ཇི་བཞིན་རྡོ་རྗེས་ཉོན། །གཡས་ཀྱི་ཆ་རུ་རྣལ་

87-1-190a

འབྱོར་པ། །གཡོན་དུ་རྣལ་འབྱོར་མ་ཉིད་དེ། །སོར་མོ་ཁར་ནི་འཇུག་བྱེད་པ། །མཁའ་འགྲོ་མ་ཡི་མཚན་མའོ། །ཐལ་མོ་སྤྱི་བོར་འཇོག་བྱེད་པ། །གྷོ་གྷུ། འབར་བྱེད་མ་ཡི་མཚན་མ་ཡི། །གུ་གྷུ། མཐེ་བོ་འཚིར་
བར་བྱེད་པ་ཡི། །འཇིབ་བྱེད་མ་ཡི་མཚན་མའོ། །མུ་གྷུ། ལག་པ་རྣ་བར་བརྡེབས་པ་ནི། །བློ་ལྡན་འཕྲོག་བྱེད་རྟགས་ཡིན་ནོ། །ལུ་གྷུ། སྣ་རྩེར་སྐྱོར་མོ་བརྡབས་པ་ནི། །ཐུགས་བདེ་མི་བདེ་འདྲི་བ་ཡིན། །ཌྃཥྚ། ཤ་བའི་
མགོ་ལྟར་སྟོད་བྱེད་པ། །རྣལ་འབྱོར་བྱེད་པའི་མཚན་མའོ། །གནྡྷོ་དེ། གང་ཞིག་སྨིན་མ་དབུས་རེག་པ། །ང་ཡི་སྙིང་སྡུག་གྲོགས་པོའོ། །ཨགྣེ་ད་ཧ། སོ་ཡིས་ལྕེ་ནི་འཚིར་བྱེད་པ། །ལུས་ནང་གཏོར་མ་བཟའ་
ཞེས་པའོ། །བྷཀྵ་སོ། ལག་པ་སྐྲ་ལ་འཇུ་བྱེད་པ། །ཁྱོད་ཀྱི་ཁྱིམ་དུ་ངས་ཕྱིན་པའོ། །དྭེ་ར་ཏི། ལག་པ་སྙིང་གར་དག་བྱེད་ན། །ད་ནི་ང་ཡི་ཡིད་འོང་བའོ། །རུ་ཙ་ཊ་བ་ཏ། སྣ་རྩེར་ཁུ་ཚུར་འཆང་བ་ནི། །མེད་དོ་ཞེས་
ནི་སྟོན་པའོ། །ཤཱུ་ནྱ་ཏཱ། ལག་པ་བརྐྱང་སྟེ་ལྟོར་བརྡེབས་ན། །ཕུན་སུམ་ལྡན་པར་ཡོད་ཞེས་པའོ། །བིཔྡྷ་ཀ་སི་ཌ། ལྟེ་བ་རུ་ནི་ཉེད་བྱེད་ན། །ཁ་ཟས་བཟའ་བར་འདོད་པའོ། །ཙཎྜ་ལིཀ ། མཛུབ་མོ་མདུན་དུ་སྟོན་བྱེད་ན། །
ཞེ་གནག་གཏུམ་ལ་དྲག་པ་ཡིན། །ནཱི་ལ་དཎྜ་པ་ཏ། སྨིན་མ་ལ་ནི་རེག་བྱེད་ན། །འདིར་འདོད་པ་ནི་ང་ལ་སྟོན། །ཨ་ནྃ་གཱ་ཡུདྡྷ། །ལྕེ་ནི་འདྲལ་བར་བྱེད་པ་དག །ད་ལྟར་འཆི་ཞེས་བྱ་བའོ། །དུརྐྐ་ཏི། ཀུན་ཏུ་
བལྟ་བར་བྱེད་པ་ནི། །ཚེས་གྲངས་ཤེས་པར་འདོད་པའོ། །ཏཱ་ར་ག་ཎཿ །ཚེས་གཅིག་ནས་ནི་བརྩམས་ནས་སུ། །མཐེ་བོས་རི་མོ་བྲི་བར་བྱ། །ཉི་ཚོད་ཡི་གེ་ལ་སོགས་པ། །སྔར་བསྟན་བཞིན་དུ་མདུན་དུ་རེག །
གི་རི་ཏེ། སྟེང་དུ་བལྟ་བར་བྱེད་པ་ནི། །ཉིན་ཕྱེད་དགའ་བར་རོལ་པའོ། །ས་མ་ཙྪ་ཡཱ། འཛུམ་དང་བཅས་པས་བལྟ་བྱེད་ཅིང་། །ལག་པ་ལག་པས་བཟུང་ནས་སུ། །རྒྱ་མཚོ་ལྟ་བུར་སྟོན་བྱེད་པ། །ནོར་བཟངས་བྱིན་

87-1-190b

ཞེས་བྱ་བའོ། །ཇཱཾི་ཎྞ་བཏ། ལག་གཉིས་ཁུ་ཚུར་འཆང་བྱེད་ན། །ས་ལྱ་བད། མཐེ་བོང་གིས་ནི་སྲིན་ལག་ལ། །རེག་པ་འཆི་བར་མི་འགྱུར་རོ། །སོ་མ། མཐེ་བོང་ཁྲོ་བོ་བཟའ་ལ་སོགས། །སུརྱ་བད། རྣལ་འབྱོར་ཕ་དང་
རྣམ་འབྱོར་མ་རྣམས་ཀྱི།  དགའ་བ་ལ་རོལ་པའི་ངག་གི་ཕྱག་རྒྱ་དང་བརྡའི་མཚན་ཉིད་དོ། །གཞན་གྱི་གདན་ཞེས་བྱ་བའི་རབ་ཏུ་བྱེད་པ་བཞི་པའོ།། །། མཚོན་ཆའི་མཚན་ཉིད་གཞན་དག་ནི། །བཅོམ་ལྡན་
འདས་ལ་ཉན་པར་འཚལ། །དེ་ཉིད་བཞི་པོ་ཇི་ལྟ་བུ། །ཤེས་ནས་ཇི་ལྟར་སྦྱར་བར་བགྱི། །འཁོར་བ་ལས་སྒྲོལ་མཚན་ཉིད་ནི། །ཡང་དག་ཇི་བཞིན་རྡོ་རྗེས་ཉོན། །དང་པོ་དེ་ཉིད་རྡོ་རྗེ་ནི། །དྲིལ་བུ་ཡང་ནི་གཉིས་པའོ། །
བགྲང་བའི་ཕྲེང་བ་གསུམ་པ་སྟེ། །ཡེ་ཤེས་མཚན་ཉིད་བཞི་པའོ། །དེ་ཉིད་བཞི་ཡི་རྦ་རླབས་ཀྱིས། །ཇི་ལྟར་འདོད་བཞིན་ཕ་རོལ་སྒྲོལ། །དབུས་ཀྱི་ལྷ་ནི་རྣམ་སྣང་མཛད། །ཐམས་ཅད་ཐོག་མར་མི་བསྐྱོད་པ། །
ལྷོ་ཡི་རྩེ་མོར་རིན་ཆེན་འབྱུང་། །ནུབ་ཏུ་སྣང་བ་མཐའ་ཡས་དགོད། །བྱང་གི་ཕྱོགས་སུ་དོན་ཡོད་གྲུབ། །རྩེ་མོ་ལྔ་ནི་ལྷ་རྣམས་སོ། །པདྨ་བྱང་ཆུབ་ཡན་ལག་བརྒྱད། །ཇི་བཞིན་ས་རུ་བཞག་པར་བྱ། །ཕྱག་ན་པདྨ་
བྱམས་པ་དང་། །ནམ་མཁའ་དང་ནི་ཀུན་ཏུ་བཟང་། །གནོད་སྦྱིན་བདག་དང་གཞན་གྱི་དཔལ། །སྒྲིབ་པ་རྣམ་པར་སེལ་བ་དང་། །ལྷ་ནི་བརྒྱད་པོ་འདི་དག་ཉིད། །ཤར་ལ་སོགས་པར་ཇི་བཞིན་བསམ། །དབུས་ཀྱི་
བཅུ་གསུམ་སྒོ་ང་རུ། །ཡེ་ཤེས་ལྷ་ནི་ཐིམ་པར་བྱ། །པདྨ་བརྒྱད་ལ་ལྷ་མོ་བརྒྱད། །ཇི་བཞིན་གནས་སུ་སྦྱར་བར་བྱ། །རྡོ་རྗེ་ལྕགས་ཀྱུ་དེ་བཞིན་དུ། །ཞགས་པ་ལྕགས་སྒྲོག་སྒྲོལ་མ་སྟེ། །དེ་ལྟར་ལྷ་མོ་བཞི་པོ་
དག །དེ་བཞིན་ཕྱོགས་བཞིར་རོལ་པ་ཡིན། །མཚམས་ཀྱི་ཆ་ནི་རྣམ་པ་བཞིར། །མཁས་པ་ཡིས་ནི་བསམ་བྱ་བ། །སྐུལ་བྱེད་རིན་ཆེན་སྒྲོལ་མ་དང་། །རྡོ་རྗེ་ལྕགས་སྒྲོག་མིང་ཅན་དེ། །གཞན་གྱིས་མི་ཐུབ་ཞེས་བྱ་

87-1-191a

སྟེ། །མཚམས་ཀྱི་འབད་མ་ཀུན་ལ་དགོད། །རྩེ་མོ་ལྔ་ནི་མཁའ་འགྲོ་མ། །སྔ་མ་ཇི་བཞིན་བསམ་པར་བྱ། །ཤར་དུ་རྡོ་རྗེ་མཁའ་འགྲོ་མ། །བྱང་དུ་དྲག་མོ་ཞེས་བྱ་སྟེ། །ནུབ་དུ་དེ་བཞིན་རོ་ལངས་མ། །ལྷོ་ཡི་ཕྱོགས་
སུ་གཏུམ་མ་གནས། །དབུས་སུ་ཡེ་ཤེས་མཁའ་འགྲོ་མ། །རྡོ་རྗེ་དེ་ཁོ་ན་ཡི་ལྷ། །མཁས་པ་ཡིས་ནི་ཤེས་པར་བྱ། །ཆ་གསུམ་གསལ་བར་གཟུང་བ་ལ། །སྐ་རགས་ཀྱིས་ནི་ཤིན་ཏུ་བརྒྱན། །ཨུདྤ་ལ་ཀུ་མུ་ད་
ལྟར་མཛེས། །རིན་ཆེན་པདྨ་ཡང་དག་གནས། །ཕྱོགས་ལ་སོགས་པ་བརྒྱད་དང་ནི། །དབུ་མའི་སངས་རྒྱས་ཉིད་དང་དགུ། །རྩེ་མོ་དགུ་ཡི་ལྷ་ཉིད་དེ། །ལྷ་དགུ་ཡིས་ནི་བྱིན་གྱིས་བརླབས། །ཆུ་སྲིན་
ལས་ནི་བྱུང་བ་ནི། །རྩེ་མོ་འོད་ཟེར་ཟླ་བར་གནས། །རྩེ་མོ་དགུ་པ་ཞེས་བྱ་བ། །ཡེ་ཤེས་རྡོ་རྗེ་འགྲོ་བ་སྒྲོལ། །རྡོ་རྗེ་དེ་ཉིད་གང་ཡིན་པས། །བདག་ཉིད་རྡོ་རྗེའི་བདག་ཉིད་བསམ། །རྡོ་རྗེའི་སྙིང་
པོའི་རྣལ་འབྱོར་པ། །རྡོ་རྗེ་ཡི་ནི་སེམས་སུ་བྱ། །རྡོ་རྗེ་དག་པས་བརྟན་བྱས་ནས། །ཆོས་རྣམས་རྡོ་རྗེ་ལས་གཞན་མེད། །ཐམས་ཅད་རྡོ་རྗེ་དེ་ཉིད་ཡིན། །རྡོ་རྗེ་ལས་ཀྱི་སྙིང་པོའོ། །རྡོ་རྗེ་འཕོ་བ་སྦྱོར་བའི་བདག །
རྡོ་རྗེ་འཁོར་བ་སྒྲོལ་བར་བྱེད། །རྡོ་རྗེ་འགུག་པ་སྦྱོར་བའི་བདག །རྡོ་རྗེ་བཅིངས་པའི་སྦྱོར་བར་ལྡན། །བདུན་པ་དེ་བཞིན་ཉོན་མོངས་ལྡན། །རྣམ་ཤེས་བཅས་པའི་སྒྲོན་མ་ནི། །ཡེ་ཤེས་རྡོ་རྗེས་བཅོམ་ནསུ། །
ཕྱོགས་ཀུན་དུ་ནི་སྣང་བར་བྱེད། །རྡོ་རྗེའི་སྒྲུབ་པ་ལ་སོགས་ཀུན། །རྡོ་རྗེའི་བདག་ཉིད་བལྟ་བར་བྱ། །ཆོས་ཀྱི་འཆིང་བ་རྡོ་རྗེ་སྟེ། །ཐར་པ་མཆོག་འབད་རྡོ་རྗེའོ། །རྡོ་རྗེ་པདྨ་བཟུང་ནས་ནི། །དེ་ཉིད་ཐམས་ཅད་བསྒྲུབ་
པར་བྱ། །རྡོ་རྗེ་པད་མོར་ཞུགས་པ་ནི། །མཁས་པ་ཡིས་ནི་བསྒྲུབ་པར་བྱ། །དྲིལ་བུ་ཡི་ནི་མཚན་ཉིད་རྣམས། །ཉོན་ཅིག་རྡོ་རྗེ་འཛིན་རྒྱལ་པོ། །ཤེས་རབ་སྒྲ་ཡི་དེ་ཉིད་ནི། །ཐོས་པས་སྲིད་པ་ལས་སྒྲོལ་བའི། །ནམ་མཁའི་

87-1-191b

ཁམས་ཀྱི་མཐས་གཏུགས་པར། །བྱང་ཆུབ་སྙིང་པོར་རྣམ་པར་གནས། །ཐམས་ཅད་རིག་པས་ཕྱོགས་ཀུན་ཏུ། །གནས་པའི་འཇིག་རྟེན་ཁམས་མཐར་ཐུག །ཕྱོགས་བརྒྱད་ཅེས་ནི་བྱ་བ་རྣམས། །ལྷ་མོ་བརྒྱད་དུ་རབ་ཏུ་
གྲགས། །ཡི་གེ་བརྒྱད་ཀྱི་ས་བོན་ནི། །ཕྱོགས་བརྒྱད་དུ་ནི་དགོད་པར་བྱ། །ཤར་དུ་ལྷ་མོ་སྒྲོལ་མ་སྟེ། །བྱང་གི་ཕྱོགས་སུ་གོས་དཀར་མོ། །ནུབ་ཀྱི་ཕྱོགས་སུ་མཱ་མ་ཀཱི། །ལྷོའི་ཕྱོགས་སུ་སངས་རྒྱས་སྤྱན། །མདོག་བཟང་དབྱངས་སྙན་
མཛེས་པ་དང་། །བཞི་པ་རྡོ་རྗེ་ཕྲེང་བ་མོ། །དབུས་སུ་ནམ་མཁའི་རང་བཞིན་ལ། །གཟུགས་ཀུན་རྫོགས་ཤིང་ཤིན་ཏུ་མཛེས། །པདྨ་རྒྱས་ལ་ཡང་དག་འབྱུང་། །གཟུགས་མེད་གནས་ཀྱི་ཕྱོགས་སུ་ནི། །ཤེས་རབ་བདུད་
རྩི་བུམ་པ་འདྲ། །ཤེས་རབ་བདུད་རྩི་གནས་དག་ལ། །དེ་ཡི་དབུས་ཀྱི་སྟན་དག་ལ། །ཤེས་རབ་ཕ་རོལ་ཕྱིན་ལྷ་མོ། །གཟུགས་མཛེས་ཡོན་ཏན་རྣམས་ཀྱི་གནས། །སྟེང་གི་པདྨ་རྡོ་རྗེ་རྣམས། །སྔ་མ་བཞིན་
དུ་བསམ་པར་བྱ། །དབུས་ཀྱི་ཡེ་ཤེས་དབྱུག་པ་སྟེ། །ཐམས་ཅད་སྤྲོ་དང་སྡུད་པ་པོའོ། །ཨཱ་ལི་ཀཱ་ལིའི་རབ་སྦྱོར་གྱིས། །ཕྱོགས་བརྒྱད་དུ་ནི་བསྐྱོད་པར་བྱ། །ཨཱ་ལི་ཀཱ་ལིའི་རབ་སྦྱོར་བས། །འཁོར་བ་ཐམས་
ཅད་གཅོད་པ་སྟེ། །རྡོ་རྗེ་དྲིལ་བུའི་ཐབས་ཡིན་ཏེ། །ཐབས་ཀྱིས་རྡོ་རྗེའི་དབུས་གནས་སོ། །གཡས་པར་ཉི་མ་བསམས་ནས་སུ། །གཡོན་པ་རུ་ནི་ཟླ་བ་དགོད། །ལག་པ་གཉིས་ནི་བརྐྱང་ནས་སུ། །པདྨའི་རྣམ་
པ་ལག་དུ་བསྐོར། །ལུས་རྣམས་ལ་ནི་ཐབས་དང་སྦྱར། །རང་འདོད་ལྷ་རྣམས་བསམ་པར་བྱ། །རྡོ་རྗེ་གསོར་བས་སྒྲོལ་བ་སྟེ། །འཁོར་བ་སྒྲོལ་བ་ཡང་དག་བྱུང་། །ཧཱུྃ་ཞེས་བྱ་བའི་གླུ་ཡིས་ནི། །སངས་རྒྱས་ཐམས་
ཅད་རྗེས་ཆགས་བྱ། །རྡོ་རྗེ་གསོར་བས་མཛེས་པ་ཡིས། །སེམས་ཅན་ཐམས་ཅད་མཛེས་པར་བྱ། །རྣམ་ཐར་ཆོས་སུ་བྱ་བ་སྟེ། །རྡོ་རྗེ་ཤིན་ཏུ་སྙིང་པོ་མཆོག །ཨོཾ་བཛྲ་གཎྚེ་ཧོ་ཧཱུྃ། 

87-1-192a

ཨོཾ་བཛྲ་དྷརྨྨཱ་ར་ཎི་ཏ་པྲ་ར་ཎི་ཏྃ་སརྦྦ་བུདྡྷ་བྲ་ཙཱ་ལི་ཏ་པྲཛྙཱ་པཱ་ར་མི་ཏཱ་ནཱ་དཱ་སྭ་བྷཱ་བེ་བཛྲ་དྷར་ཧྲི་ད་ཡ་ཨ་བ་སནྟོ་ཥ་ཎི། ཧཱུྃ་ཧཱུྃ་ཧཱུྃ། ཧོ་ཧོ་ཧོ། ཨ་ཨ་ཨ་སྭཱ་ཧཱ། ཤེས་རབ་ཐབས་ཀྱི་གཟུགས་བརྙན་གྱིས། །ཤེས་རབ་ཐབས་ཀྱིས་
དཀྲོལ་བར་བྱ། །ཤེས་རབ་ཐབས་ཀྱི་ཆོས་ཀྱིས་ནི། །འགྲོ་བ་རྣམས་ཀྱིས་རྟགས་བྱ་འམ། །མི་ཤེས་འདམ་དུ་བྱིང་བ་ཡི། །སེམས་ཅན་དོན་ཕྱིར་དཀྲོལ་བར་བྱ། །རྡོ་རྗེ་དེ་ཁོ་ན་ཡིས་བཟུང་། །ཆོས་ཀྱི་དྲིལ་བུ་དཀྲོལ་བར་བྱ། །སེམས་ཅན་དོན་བྱེད་རྣལ་
འབྱོར་པས། །ཤེས་རབ་ཐབས་སུ་ལྟ་བར་བྱ། །དེ་ཉིད་མེད་པའི་རྣལ་འབྱོར་པ། །གླང་ཆེན་དྲིལ་བུའི་སྒྲ་དང་མཚུངས། རྣལ་འབྱོར་དེ་ཉིད་དམན་པ་ཡི། །དངོས་གྲུབ་རིང་བར་ཤེས་པར་བྱ། །དེ་ནས་གསང་དང་ཕྲ་བ་ཡི། །རྡོ་རྗེའི་མཚན་ཉིད་གཟུང་
བ་སྟེ། །ཡང་དག་ཆོ་ག་གང་གིས་ནི། །འདོད་པའི་དངོས་གྲུབ་སྒྲུབ་བྱེད་པ། །དབུ་མའི་ཚིག་ནི་བསྐོར་བ་ལ། །གསང་བའི་རྡོ་རྗེ་ཆ་གསུམ་བྱ། །དེ་ཉིད་ཀྱི་ནི་ཆ་གཅིག་གིས། །ཕྲ་བའི་རྡོ་རྗེ་རབ་ཏུ་བརྟག །སྤྱི་གཙུག་ལག་པ་ལ་སོགས་པ། །རྟག་
ཏུ་དག་བྱེད་ཁུ་ཚུར་བཅང་། །སློབ་དཔོན་རྡོ་རྗེ་བརྟུལ་ཞུགས་འཛིན། །འདོད་དོན་ཐམས་ཅད་སྒྲུབ་པའི་མཆོག །བགྲང་ཕྲེང་ལ་སོགས་གཟུང་བ་ནི། །ཡང་དག་ཇི་བཞིན་རྡོ་རྗེས་ཉོན། །ཡང་དག་ཆོ་ག་གང་གིས་ནི། །འགྲུབ་འགྱུར་འདིར་
ནི་ཐེ་ཚོམ་མེད། །ཤེལ་དང་ཉ་ཕྱིས་མུ་ཏིག་དང་། །གཞན་ཡང་ནོར་བུ་དཀར་པོ་སོགས། །ཞི་སོགས་ལས་ལ་ཁྱབ་པར་གྱི། །བགྲང་ཕྲེང་གི་ནི་ཁྱད་ཉིད་ནི། །གསེར་དང་དངུལ་དང་ཟངས་མ་དང་། །པད་མ་ས་བོན་ཁྱད་པར་དུ། །རྒྱས་པ་ཡི་ནི་
བགྲང་ཕྲེང་སྟེ། །མཁས་པ་རྣམས་ཀྱིས་བགྲང་བར་བྱ། །གུར་གུམ་ལ་སོགས་དྲི་ཞིམ་པའི། །དྲི་རྣམས་ཀུན་གྱི་ཁྱད་པར་ལས། །རིལ་བུར་བྱས་ཏེ་དམར་པོར་བཙོས། །དབང་དུ་སྡུད་པར་རབ་ཏུ་གྲགས། །རུ་དྲཱཀྵ་དང་ལུང་ཏང་དང་། །མི་ཡི་
རུས་པ་དེ་བཞིན་ཏེ། །དྲག་པོའི་ལས་ལ་སྦྱར་བར་བྱ། །མངོན་སྤྱོད་དུ་ནི་རབ་ཏུ་གྲགས། །ཞི་དང་རྒྱས་དང་དབང་དྲག་ལ། །པོ་ཏི་ཙེ་ནི་ལས་ཀུན་བྱེད། །སྔགས་སྒྲུབ་པ་ལ་ལྔ་བཅུ་སྟེ། །དབང་ལ་དེ་ཡི་ཕྱེད་དུ་བྱ། །ཞི་ལ་བརྒྱ་ཕྲག་

87-1-192b

གཅིག་ཡིན་ཏེ། །རྒྱས་པ་ལ་ནི་བརྒྱད་ལྷག་པའོ། །མངོན་སྤྱོད་ལ་ནི་དྲུག་བཅུའོ། །ལས་ཀྱི་བྱེ་བྲག་གིས་ནི་སྦྱར། །ལས་ཀྱི་བྱེ་བྲག་ཇི་བཞིན་དུ། །བགྲང་ཕྲེང་དག་ནི་བརྟག་པར་བྱ། །ཕྱོགས་དང་ཕྱོགས་མཚམས་བརྒྱད་དང་ནི། །དབུ་མ་ཉིད་
དང་སངས་རྒྱས་དགུ། །ལྷ་དགུ་ཡི་ནི་སྐུད་པ་ལ། །ལྷ་དགུས་བྱིན་གྱིས་བརླབ་པར་བྱ། །གཟུགས་རྫོགས་ཤིན་ཏུ་མཛེས་པ་དང་། །གཙང་ཞིང་དད་ལྡན་སྙན་པར་སྨྲ། །དེ་ཡིས་བཀལ་བའི་བགྲང་ཕྲེང་གིས། །གྲོལ་བའི་དངོས་གྲུབ་སྐྱེ་
བར་འགྱུར། །སྐུད་པ་རྣམས་ནི་སངས་རྒྱས་ཚུལ། །རིལ་བུ་རྣམས་ནི་དགྲ་བཅོམ་ཡིན། །འོག་མ་མཆོད་རྟེན་དུ་ནི་བསྟན། །སྟེང་མ་ཆོས་ཀྱི་དབྱིངས་ཡིན་ནོ། །མཆོད་རྟེན་ཆོས་ཀྱི་དབང་པོའོ། །ལག་པར་ཉི་མ་བསམས་ནས་སུ། །དབྱངས་ཀྱི་དང་
པོ་ཡི་གེ་ནི། །ལག་པ་ཡི་ནི་དབུས་དག་ཏུ། །དམར་པོ་ལ་ནི་དམར་པོ་བསྒོམ། །གཡོན་པ་ཟླ་བའི་དབུས་སུ་ནི། །བདུད་རྩིའི་ཡི་གེ་བསམ་བྱ་བ། །འོད་ཟེར་སྣ་ཚོགས་འབར་བ་ཡི། །ཁ་དོག་དཀར་པོ་བསྒོམ་པར་བྱ། །གཡས་པའི་སོར་མོ་རྡོ་རྗེར་
སམ། །གཡོན་པ་པད་མའི་འདབ་མར་བསྒོམ། །རྡོ་རྗེ་པད་མ་སྦྱོར་བ་ཡིས། །ཁ་སྦྱོར་དབུས་སུ་ཕྲེང་བཞག་ལ། །དེ་ཉིད་ཐམས་ཅད་བསྒོམས་པ་ཡིས། །བགྲང་ཕྲེང་བྱིན་གྱིས་བརླབ་པར་བྱ། །སོར་མོ་དག་གི་བྱེ་བྲག་གིས། །དེ་ནས་སྔགས་
པས་བཟླས་པ་བྱ། །རྡོ་རྗེ་མ་དངོས་གཡོན་པ་སྟེ། །གཡས་པ་རྡོ་རྗེའི་ངོ་བོའོ། །དཀར་པོ་དུད་པ་དུང་དང་ནི། །པད་མ་གཡས་ཀྱི་སོར་མོ་སྟེ། །གི་ཝང་དྲི་གསུམ་འཇིགས་པ་དང་། །ས་གདུགས་གཡོན་པར་དགོད་པ་དང་། །ཡེ་ཤེས་རྣམ་ཤེས་
མཐེ་བོང་གཉིས། །ལག་ལ་སོགས་པའི་ལས་ཅན་མ། །ཞི་བ་ལ་ནི་ཁྲོ་བོས་བགྲང་། །རྒྱས་པ་ལ་ནི་གུང་མོ་སྟེ། །སྲིན་ལག་ལ་ནི་དབང་དུ་བསྟན། །ཐ་མས་མངོན་པར་སྤྱོད་པ་སྟེ། །མཐེ་བོང་རྡོ་རྗེ་ལྕགས་ཀྱུ་ནི། །ལྷ་ཉིད་དགུག་པའི་
བསམ་པ་ཡིན། །མཉམ་པར་གཞག་སྟེ་བཟླས་བསྒོམས་ན། །འགྲུབ་འགྱུར་འདི་ལ་ཐེ་ཚོམ་མེད། །དེ་ཉིད་མེད་པའི་རྣལ་འབྱོར་པ། །དེ་ཉིད་མེད་པའི་སྔགས་བཟླས་དང་། །དེ་ཉིད་མེད་པའི་རྡོ་རྗེ་དྲིལ། །ཕྱག་རྒྱ་དེ་ཉིད་མེད་འབྱུང་བ། །

87-1-193a

རྣལ་འབྱོར་པ་ཡིས་གྲུབ་པ་མེད། །རྣལ་འབྱོར་དེ་ཉིད་དམིགས་ན་ནི། །དེ་ཉིད་ཐམས་ཅད་ཀུན་བྱའོ། །ཡི་གེའི་རྒྱུ་ལས་བྱུང་བའི་དངོས། །སྔགས་ཀྱི་སྙིང་པོ་མཛེས་པ་སྟེ། །རང་བཞིན་མེད་པའི་གྲངས་བཟླས་ན། །རྣལ་འབྱོར་མ་
ཡི་སྙིང་པོ་འགྲུབ། །བྲམ་ཟེ་རྒྱལ་རིགས་དམང་རིགས་གཅིག །རྣལ་འབྱོར་མ་ཡི་དྲ་བ་འགྲུབ། །ཨོཾ་པ་དེ་པ་དེ་མ་ཧཱ་པ་དེ་ཛྙཱ་ན་སརྦ་བུདྷ་མ་ཧཱ་བྷཱ་བེ། ཧཱུྃ་ཧཱུྃ་ཧཱུྃ།   ཧོ་ཧོ་ཧོ། ཨཱཿསྭཱ་ཧཱ། སྔགས་འདི་ཡིས་ནི་སྦྱང་བྱས་ན། །བགྲང་ཕྲེང་
གི་ནི་ལྷ་རྣམས་འགྲུབ། །ལས་རྣམས་ཐམས་ཅད་འགྲུབ་འགྱུར་ཏེ། །མི་གསལ་བ་ནི་རིང་བར་འགྱུར། །ཡེ་ཤེས་དེ་དག་བྱེ་བྲག་དག །ཡང་དག་རྡོ་རྗེ་ཆེན་པོས་ཉོན། །ཡེ་ཤེས་བྱེ་བྲག་རིང་དུ་གནས། །ཐུན་མོང་ཡེ་ཤེས་
བརྗོད་པ་སྟེ། །དམན་དང་རབ་དམན་དམན་པ་ཅན། །གནོད་སྦྱིན་ལྷ་མིན་གྲུབ་པ་པོ། །ཀླུ་དང་བྱོལ་སོང་གསང་བ་པ། །ལྟོ་འཕྱེ་དང་ནི་མི་འམ་ཅི། །མི་དང་ཡི་དགས་མཁའ་འགྲོ་མ། །དམྱལ་བར་འཚེད་པའི་སེམས་ཅན་
དང་། །བྱོལ་སོང་གཟུགས་སུ་བརྗོད་པ་སྟེ། །ཕྲ་མོ་སྒོ་ང་གཟུང་མི་ནུས། །ཆུ་དང་མེ་དང་རླུང་དང་ནི། །དེ་བཞིན་དུ་ནི་ས་ཡི་ཁམས། །བརྟན་པ་དེ་ཉིད་ཐམས་ཅད་དང་། །རྩ་དང་འདབ་མ་ཕྲ་བ་དང་། །བོང་བ་རྡོ་དང་བྲག་ལ་སོགས། །
ཐམས་ཅད་ཡེ་ཤེས་བྱིན་གྱིས་བརླབས། །ཡེ་ཤེས་མེད་ན་སྐྱེ་མི་འགྱུར། །ཡེ་ཤེས་ཐམས་ཅད་ཀུན་རིག་པའོ། །ཡེ་ཤེས་ཐར་པར་གང་གིས་ནི། །ཡེ་ཤེས་ཐུན་མོང་བྱིན་བརླབས་པ། །བྱེ་བྲག་གཞན་ནི་ཇི་ལྟ་བུ། །ལྷ་ལས་
རོལ་མོ་ཉན་པར་འཚལ། །བཅོམ་ལྡན་འདས་ཀྱིས་བཀའ་སྩལ་པ། །ཉི་ཤུ་རྩ་གསུམ་ལྷ་ཡི་གནས། །གོང་ནས་གོང་དུ་གཉིས་འགྱུར་ཏེ། །འདོད་པ་ལྔ་ཡི་ཡེ་ཤེས་དག །གོང་མའི་ཡེ་ཤེས་ཡེ་ཤེས་འཕེལ། །
གསང་བའི་ཡེ་ཤེས་རེག་པ་སྟེ། །ལྷ་མིན་ཡེ་ཤེས་ཁྲོ་བོའོ། །ཡི་དགས་ཡེ་ཤེས་ཞེན་པ་སྟེ། །དམྱལ་བའི་ཡེ་ཤེས་འཇིགས་ཤིང་ངུ་། །བྱོལ་སོང་ཡེ་ཤེས་གླེན་པ་སྟེ། །བརྟན་པ་རྣམས་ནི་སེམས་མེད་པའོ། །མི་

87-1-193b

རྣམས་ཡེ་ཤེས་རྣམ་པ་ལྔ། །བྱེ་བྲག་དུ་ནི་ཤེས་པར་བྱ། །གླེན་པས་སྒྲིབས་དང་ལྐུགས་པ་དང་། །བུད་མེད་ཡེ་ཤེས་སླུ་བྲིད་དོ། །བྱིས་པའི་ཤེས་པའི་ཤེས་པ་ཅན། །ཡེ་ཤེས་དེ་ཉིད་བྱེ་བྲག་དག །རྣལ་འབྱོར་བསྟན་བཅོས་
ཀྱིས་སྦྱངས་པ། །སྐྱེ་བ་བྱེ་བ་སྟོང་ཕྲག་དུ། །སངས་རྒྱས་ཡེ་ཤེས་ཀྱིས་བསྐུལ་ཡིན། །རྣལ་འབྱོར་བསྟན་བཅོས་རྗེས་འབྲངས་ནས། །འབད་དེ་དད་པ་བསྐྱེད་པར་བྱ། །སྒྲ་སྒྲོགས་ཕྱི་རོལ་བསྟན་བཅོས་ནི། །གར་གྱི་གནས་
དང་མཚུངས་པ་སྟེ། །བློ་ལྡན་རྣལ་འབྱོར་བསྟན་བཅོས་ཀྱིས། །སྤྱོད་དང་གྲོལ་བའི་འབྲས་བུ་ཐོབ། །སྙིང་པོ་སྙིང་པོ་བསྟན་བཅོས་ཏེ། །རྣལ་འབྱོར་གསང་བའི་རིམ་ཡིན་ནོ། །སྦྱོར་བའི་གདན་གྱི་རབ་ཏུ་བྱེད་པ་ལས་རིམ་
པར་ཕྱེ་བ་དང་པོའོ།། །། འཁོར་ལོས་སྒྲུབ་པའི་ཁྱད་པར་དག །དེ་ཉིད་ཇི་བཞིན་རྡོ་རྗེས་ཉོན། །ཞི་དང་རྒྱས་དང་དབང་རྣམས་དང་། །བསྲུང་དང་མངོན་པར་སྤྱོད་པ་དང་། །རེ་མིག་དགུ་སོགས་
འཁོར་ལོ་ནི། །ཕྱི་རོལ་མུ་ཁྱུད་བསྐོར་བར་བྱ། །འཁོར་ལོ་ལས་ཀྱི་ཁ་དོག་གིས། །མཁས་པ་ཡིས་ནི་བསྒོམ་པར་བྱ། །ཨོཾ་ཏཱ་རེ་ཏུཏྟྭ་རེ་ཏུ་རེ་སྭཱ་ཧཱ། ས་བོན་དེ་དག་ཐམས་ཅད་ནི། །ཕྱག་
འཚལ་ཐ་མ་དབུས་སུ་བྱ། །དབུས་སུ་མིང་དང་བསྲུང་བ་ཡིས། །ཚིག་ཀྱང་དེ་བཞིན་སྦྱར་བར་བྱ། །མཉམ་ཉིད་སྟོང་པའི་རང་བཞིན་ཆུས། །བདག་གི་ལས་ནི་བཀྲུ་བར་བྱ། །མཉམ་
ཉིད་ཐམས་ཅད་རིག་པས་གནས། །བསྲུང་བའི་འཁོར་ལོས་བསྲུང་བར་བྱ། །ཡེ་ཤེས་ཅན་གྱིས་བསྲུང་བསྒོམས་ན། །འཇིགས་པ་ཀུན་ལས་རིང་བར་འགྱུར། །སེམས་ཅན་དངོས་པོ་མེད་པ་རུ། །སྦྱོར་བའི་དངོས་པོས་
འཇིགས་པ་ལ། །ཟླ་བའི་དཀྱིལ་འཁོར་དབུས་གནས་པར། །པད་མའི་གདན་ནི་བསམ་པར་བྱ། །སྒྲོལ་མའི་རྒྱུད་དུ་བསྒོམས་པ་ཡིས། །བདག་གི་ལས་ནི་རྣམ་པར་སྤྲུལ། །ཨོཾ་ཏཱ་རེ་སྭཱ་ཧཱ། མགོ་ལའོ། །ཨོཾ་ཏུཏྟྭ་རེ་སྭཱ་ཧཱ། མིག་ལའོ། །ཨོཾ་ཏུ་རེ་སྭཱ་ཧཱ། སྣ་ལའོ། །

87-1-194a

ཨོཾ་ཏུ་སྭཱ་ཧཱ། རྣ་བ་ལའོ། །ཨོཾ་རེ་སྭཱ་ཧཱ། ལྕེ་ལའོ། །ཨོཾ་ཏཱ་རེ་ནི་སྭཱ་ཧཱ། སྙིང་གར་རོ། །ཡན་ལག་དྲུག་དུ་རྟག་ཏུ་དགོད། །འཕགས་མ་སྒྲོལ་མ་བསམ་བྱ་བ། །ཕྱག་གཉིས་སེམས་དཔའི་དཀྱིལ་དཀྲུང་བཅས། །རྒྱན་རྣམས་
ཐམས་ཅད་ཀྱིས་ནི་ཀླུབས། །ཀུན་ཏུ་མི་འཇིགས་སྦྱིན་པ་དང་། །གཞན་གྱི་རྣ་དྲུང་ཨུཏྤལ་བསྣམས། །ཐམས་ཅད་འོད་ཟེར་རྣམ་བསྒོམས་ནས། །ཁྱད་པར་དུ་ནི་སྔགས་བཟླས་བྱ། །ཐམས་ཅད་ཡོན་ཏན་ཅན་དུ་བསྒོམ། །ཨོཾ་ཏཱ་རེ་ཏུཏྟཱ་རེ་ཏུ་རེ་སྭཱ་ཧཱ། 
བསྲུང་བའི་ལས་ཐམས་ཅད་ཀྱི་སྔགས་སོ། །རྒྱལ་པོའི་བཙོན་ར་དགྲ་ཕྱོགས་དང་། །ཉམ་ངའི་ལམ་དུ་འགྲོ་བ་དང་། །ཡན་ལག་སྣ་ཚོགས་རིམ་དང་ནི། །ཆུ་དང་དུག་གིས་འཆི་ལ་སོགས། །གང་དང་གང་དུ་འཇིགས་པའི་གནས། །དེ་དང་དེར་ནི་བསམ་
པར་བྱ། །ཤེས་རབ་ཞན་དང་ལེ་ལོ་སོགས། །འཁོར་ལོ་བྲིས་ནས་བཅང་བར་བྱ། །བསྲུང་བ་བཟང་པོ་འདི་ཡིས་ནི། །འཇིགས་པ་ཀུན་ལས་གྲོལ་བར་འགྱུར། །བསྲུང་བ་འདི་དག་ཐམས་ཅད་ནི། །དེ་ཉིད་སྦྱོར་བས་བསྒྲུབ་པར་བྱ། །འཁོར་ལོ་
འདབ་མ་བརྒྱད་པ་ལ། །ཕྱི་རོལ་མུ་ཁྱུད་བསྐོར་ནས་སུ། །དབུས་སུ་ཐོག་མ་ཐ་མ་སྟེ། །བཟླས་པ་ཐམས་ཅད་གཞག་པར་བྱ། །མུ་ཁྱུད་དབྱངས་ཀྱི་བསྐོར་ནས་སུ། །འཁོར་ལོ་དཀར་པོ་བསམ་པར་བྱ། །ཡན་ལག་ཐམས་ཅད་ཕྱེ་བ་ཡིས། །
མཉམ་ཉིད་སྟོང་པར་བསམས་ནས་སུ། །སྔོན་གྱི་མཚན་ཉིད་ལྡན་པ་ཡིས། །སྔར་བསྟན་བཞིན་དུ་སྦྱར་བར་བྱ། །འཁོར་ལོ་འདི་ལྟར་བསྒོམ་པ་ཡིས། །ལས་འདིས་ཤེས་རབ་འབར་བར་འགྱུར། །ཨོཾ་པྲཛྙེ་པྲཛྙེ་མ་ཧཱ་པྲཛྙེ་ཧཱུྃ་སྭཱ་ཧཱ། 
འོད་ཟེར་སྣ་ཚོགས་འབར་བས་སུ། །དངོས་པོ་བསྒོམ་པས་བསྒོམ་པར་བྱ། །ཟླ་བའི་དཀྱིལ་འཁོར་དབུས་གནས་པར། །ཤེས་རབ་བདག་ཉིད་བསྒོམས་ནས་སུ། །ཕྱག་གཉིས་སེམས་དཔའི་སྐྱིལ་དཀྲུང་བཅས། །རྒྱན་རྣམས་ཀུན་
གྱིས་རྣམ་པར་ཀླུབས། །ཁ་དོག་དཀར་པོ་ཤིན་ཏུ་འབར། །ཤེས་རབ་དངོས་པོ་བསྒོམས་ནས་སུ། །ས་བོན་འདི་ནི་བཟླས་བྱས་ནས། །ཤེས་རབ་མྱུར་དུ་འཕེལ་བར་འགྱུར། །གླེན་དང་སྙོམས་ལས་བླུན་པོ་ཡང་། །སྦྱོར་བ་འདི་ཡིས་

87-1-194b

ཤེས་རབ་འཕེལ། །སྙིང་པོ་རེའུ་མིག་དགུ་རུ་བྱ། །དེ་བཞིན་བར་མ་བཅུ་གཉིས་ཏེ། །ཕྱི་རོལ་རེའུ་མིག་བཅུ་དྲུག་གོ། །མཐར་ཐུག་མུ་ཁྱུད་དེ་བཞིན་ཏེ། །ཕྱག་འཚལ་སྲེག་པའི་མཐར་སྦྱར་བའི། །དབུས་སུ་བདག་གི་སེམས་གཞག་ལ། །
སྒྲ་དང་ཐིག་ལེ་ལྡན་པ་ཡིས། །ཡི་གེ་བརྒྱད་པོ་སྙིང་པོར་དགོད། །བཅུ་གཉིས་པོ་ལ་དབྱངས་ས་བོན། །མ་ནིང་སྤངས་པ་བྲི་བར་བྱ། །སྡེ་ཚན་གསུམ་གྱི་ཡི་གེ་རྣམས། །ཡི་གེ་ལྷག་མ་གཅིག་དང་བཅས། །སྒྲ་དང་ཐིག་ལེར་ལྡན་པ་དག །བཅུ་
དྲུག་གནས་སུ་བཞག་པར་བྱ། །གསོད་པའི་ཡི་གེ་མུ་ཁྱུད་ལ། །ཐམས་ཅད་རིག་པས་ཀུན་ཏུ་བསྐོར། །དང་པོ་དཀར་པོར་བསམ་བྱ་སྟེ། །གཉིས་པ་སེར་པོར་བསྒོམ་པར་བྱ། །གསུམ་པ་དག་ནི་དམར་པོ་སྟེ། །དེ་བཞིན་བཞི་པ་སྔོན་པོའོ། །སྔོན་
བཞིན་མཚན་ཉིད་ལྡན་པ་ཡིས། །མཉམ་ཉིད་སྟོང་པར་ཡང་དག་གནས། །མཉམ་ཉིད་ལྟ་བ་སྐྱེད་ནས་སུ། །འཁོར་ལོ་འདི་ནི་བསྒོམ་པར་བྱ། །མཉམ་གཞག་དངོས་པོ་བསྒོམས་པ་ཡིས། །འགྲུབ་འགྱུར་འདི་ལ་ཐེ་ཚོམ་མེད། །ཀུན་ནས་
ཐམས་ཅད་འབར་བ་སྟེ། །མེ་ལྟར་འབར་བའི་འོད་ཀྱིས་ནི། །བདུད་རྣམས་ཐམས་ཅད་བསྲེག་པར་བྱེད། །ཡེ་ཤེས་འཁོར་ལོ་བསྒོམས་པ་ཡིས། །ཀུན་ནས་ཉོན་མོངས་གཡོགས་པ་ཡང་། །སངས་རྒྱས་འབྲས་བུ་ཐོབ་པར་འགྱུར། །མཉམ་ཉིད་
ཡེ་ཤེས་བསྐྱེད་ནས་སུ། །བདག་ཉིད་ནམ་མཁའ་བསྒོམ་བྱས་ལ། །འོད་ཟེར་སྣ་ཚོགས་འབར་བ་ཡིས། །ཉི་མའི་དཀྱིལ་འཁོར་བསྒོམ་པར་བྱ། །དེ་ཡི་དབུས་སུ་ས་བོན་ནི། །མཁས་པ་ཡིས་ནི་གཟུང་བྱ་སྟེ། །སྡེ་ཚན་དང་པོ་གང་ཡིན་པའི། །
ཡི་གེ་དང་པོ་བཟུང་ནས་སུ། །ལྕགས་ཀྱུ་ཡིས་ནི་གཟིར་བྱ་བ། །རྩ་བར་རེ་ཕ་སྦྱར་བྱ་བ། །བདུད་རྩིའི་ཐིག་ལེ་སྟེང་དུ་དགོད། །ཉི་མའི་དཀྱིལ་འཁོར་དབུས་གནས་པར། །འོད་ཟེར་སྣ་ཚོགས་འཕྲོ་བ་ནི། །ཤིན་ཏུ་མཉམ་པར་གཞག་པ་
བསྒོམ། །རྒྱལ་པོ་རྒྱལ་པོའི་ཕོ་བྲང་དང་། །ཡིད་ཅན་གྱིས་ནི་བསམ་པར་བྱ། །ཡི་གེ་ཉིས་འགྱུར་ཐིགས་པ་དང་། །རྩ་བར་སྒྲ་ནི་སྦྱར་བར་བྱ། །བདུད་རྩིའི་མཐའ་ཞེས་བྱ་བ་སྟེ། །འབུམ་ཕྲག་གཅིག་གིས་དབང་དུ་སྡུད། །བུ་མོ་རྣམས་

87-1-195a

ཀྱིས་གང་བསམས་པ། །མིང་དང་བཅས་ནས་བསྒྲུབས་ནས་ནི། །བསམ་པ་ཙམ་གྱིས་འགྲུབ་པར་འགྱུར། །ངས་བསྟན་པ་ལ་ཐེ་ཚོམ་མེད། །སྔོན་གྱི་མཚན་ཉིད་ཐམས་ཅད་ནི། །སྔར་བཞིན་དུ་ནི་སྟོང་པ་ཉིད། །ཐམས་ཅད་བདག་
ཉིད་བསམས་ནས་སུ། །ཟླ་བའི་དཀྱིལ་འཁོར་དབུས་གནས་པར། །བདུད་རྩི་ཀུན་རིག་ཕྱི་མོར་བཅས། །འོད་ཟེར་སྣ་ཚོགས་རྣམ་པར་འཕྲོ། །འོད་ཟེར་སེར་པོ་ཤིན་དུ་མཛེས། །གཟུགས་སྡུག་འོད་ཟེར་འཕྲོ་བར་བསམ། །རིན་ཆེན་ལ་སོགས་
གང་འདོད་པ། །ཐམས་ཅད་རང་གི་དབུགས་ཀྱི་དགུག །སྒྲུབ་པ་པོའི་ལུས་ལ་ནི། །དེ་ཡི་དཀྱིལ་འཁོར་དབུས་གནས་པར། །རླུང་གི་ས་བོན་གྱིས་བསྐོར་བའི། །ལྕགས་ཀྱུའི་ཡི་གེ་བསྒོམ་པར་བྱ། །ཁ་དོག་ལ་སོགས་དམར་བསམས་ཞིང་། །
གཟུགས་ཀྱང་ཁ་དོག་དམར་པོར་བསྒོམ། །ཟླ་བའི་དཀྱིལ་འཁོར་དབུས་གནས་པར། །ཡེ་ཤེས་མཁའ་འགྲོ་བསྒོམ་པར་བྱ། །གཟུགས་མཛེས་ཤིན་ཏུ་རྫོགས་པ་སྟེ། །རྒྱན་རྣམས་ཀུན་གྱིས་རྣམ་པར་ཀླུབས། །གཡོན་པ་ལྕགས་ཀྱུའི་
ཚུལ་གྱིས་ནི། །ཡིད་ནི་འགུགས་པ་བསྒོམ་པར་བྱ། །ལྕགས་ཀྱུའི་ཡི་གེ་བསྒོམས་པ་ཡིས། །མཛུབ་མོ་ལྕགས་ཀྱུ་བསྐྱོད་པར་བྱ། །ཡི་གེ་ཉིས་འགྱུར་ཐིགས་པ་དང་། །རྩ་བར་སྒྲ་ནི་སྦྱར་བར་བྱ། །བདུད་རྩིའི་མཐའ་ཞེས་བྱ་བ་སྟེ། །
འབུམ་ཕྲག་གཅིག་གིས་དབང་དུ་འགྲུབ། །དེ་ལྟར་བསྒོམ་ཞིང་བཟླས་ནས་སུ། །སོར་མོ་ཡང་ནི་བསྐྱོད་བྱས་ན། །བསྒྲུབ་བྱའི་ཡིད་ནི་བསྐྱོད་འགྱུར་བར། །འབུམ་ཕྲག་གཅིག་གིས་འགྲུབ་པར་འགྱུར། །འཁོར་ལོ་
འདབ་མ་མེད་པ་ལ། །མུ་ཁྱུད་ཀྱི་ནི་བསྐོར་བར་བྱ། །དབྱངས་ཀྱི་ཡི་གེ་ཐམས་ཅད་ཀྱིས། །མུ་ཁྱུད་མཁས་པས་བསྐོར་བར་བྱ། །སྡེ་ཚན་ལྔ་པ་གང་ཡིན་པ། །ཡི་གེ་གསུམ་པ་བཟུང་ནས་སུ། །ཨི་དང་རེ་ཕ་སྦྱར་
ནས་སུ། །འབད་པས་དབུས་སུ་བཞག་ནས་ཀྱང་། །ཡེ་ཤེས་ཅན་གྱི་ས་བོན་འདི། །སྒྲ་ཡི་བདུན་པ་དང་སྦྱར་ལ། །འདབ་མ་རྣམས་ལའང་དེ་ཉིད་བྱ། །འདབ་མར་འདི་ཉིད་གཞག་པར་བྱ། །རྣལ་འབྱོར་མ་ཡི་གྲུབ་

87-1-195b

འདོད་པས། །འོད་ཟེར་སྣ་ཚོགས་རབ་འབར་བས། །གསེར་གྱི་མདོག་དུ་བསྒོམ་པར་བྱ། །སྔོན་བཞིན་མཚན་ཉིད་ལྡན་པ་རུ། །སྔར་བསྟན་བཞིན་དུ་མཁས་པས་བསྒོམ། །དེ་འོག་ལྷ་མོ་ནོར་རྒྱུན་གྱི། །གཟུགས་སུ་བདག་
ཉིད་བསྐྱེད་པར་བྱ། །གཟུགས་མཛེས་ཤིན་ཏུ་ཡོངས་སུ་རྫོགས། །རྒྱན་རྣམས་ཀུན་གྱི་རྣམ་པར་ཀླུབས། །ཐམས་ཅད་ལག་གཡས་མི་འཇིགས་སྦྱིན། །གཡོན་པ་འབྲས་ཀྱི་སྙེ་མ་བསྣམས། །དབུས་སུ་བསྟན་
པའི་ས་བོན་ནི། །ཕྱག་འཚལ་བསྲེག་པའི་མཐའ་སྦྱར་ཏེ། །དེ་ལྟར་བསྒོམ་ཞིང་བཟླས་པ་ཡིས། །རྒྱས་པའི་སྦྱོར་བ་འགྲུབ་པར་འགྱུར། །ལྷ་མོ་ནོར་ལྡན་རྣལ་འབྱོར་གྱིས། །རྒྱས་པ་རུ་ནི་གྲགས་པ་ཡིན། །
བདག་ཉིད་བྱེ་བྲག་གཞན་དག་ཏུ། །རྣམ་གཞག་ཐམས་ཅད་དེ་བཞིན་ནོ། །བདག་ཉིད་སྔོན་གྱི་མཚན་ཉིད་ཀྱིས། །སྟོང་པའི་དེ་ཉིད་བསྒོམས་ནས་སུ། །ཉི་མའི་དཀྱིལ་འཁོར་དབུས་གནས་པར། །ས་ཡི་དཀྱིལ་
འཁོར་བསྒོམ་པར་བྱ། །ཟླ་བའི་དཀྱིལ་འཁོར་དབུས་གནས་པར། །ཡེ་ཤེས་རྣམ་ཤེས་དངོས་པོ་བསྒོམ། །འདབ་མ་བརྒྱད་པའི་འཁོར་ལོ་ནི། །དབུས་སུ་ས་བོན་བསྒོམས་ནས་སུ། །
ཕྱི་རོལ་འཁོར་ལོའི་མུ་ཁྱུད་ལ། །དབྱངས་ཀྱི་ས་བོན་བསྐོར་བར་བྱ། །ཕྱོགས་ཀྱི་འདབ་མར་བདུད་རྩི་བཞི། །གུག་སྐྱེད་ཀུན་དང་སྦྱར་བར་བྱ། །མཚམས་ཀྱི་འདབ་མ་བཞི་ལ་ཡང་། །སངས་
རྒྱས་ལྔ་ཡིས་མངོན་པར་བརྒྱན། །ཟླ་བའི་དཀྱིལ་འཁོར་རྫོགས་པ་ནི། །འོད་ཟེར་སྣ་ཚོགས་འབར་བ་ཅན། །རིན་ཆེན་བདུན་གྱིས་མཛེས་པ་སྟེ། །རང་གི་
ལུས་ལ་བསྒོམ་པར་བྱ། །གང་འདོད་ཡིད་ནི་རྟོག་བྱའི་ཕྱིར། །དེའི་འོད་ཟེར་སྦྱར་བར་བྱ། །འཇིགས་པ་མེད་ཅིང་འཚེ་མེད་པས། །དངོས་པོས་དངོས་པོ་བསྒོམ་པར་བྱ། །

87-1-196a

རྨུགས་དང་གླེན་དང་སྙོམས་ལས་དང་། །ཤེས་རབ་ཞན་ཅིང་ལྟ་ངན་རྣམས། །རྣལ་འབྱོར་པ་ཡི་སྐད་ཅིག་ལ། །སྙོམ་ལས་ལ་སོགས་རིང་དུ་སྤོང་། །མཉམ་གཞག་ཅུང་ཟད་བལྟས་ནས་སུ། །རྡུལ་ཕྲན་
དཀར་པོ་སྤྲོ་བར་བྱ། །ཕྱོགས་བཅུར་སོང་སྟེ་ཁྱབ་ནས་ནི། །ཐམས་ཅད་རིམ་པས་ཀུན་སྣང་བྱ། །ཡེ་ཤེས་སེམས་ལ་བལྟས་ནས་ནི། །རྣལ་འབྱོར་ཕ་རོལ་སེམས་ཤེས་འགྱུར། །སེམས་ནི་མཉམ་པར་བཅིངས་ནས་སུ། །མཉམ་
གཞག་འཁོར་ལོར་ལྟ་བར་བྱ། །མཉམ་ཉིད་ཡེ་ཤེས་མཐོང་བ་ཡིས། །འཁོར་བའི་ཕ་རོལ་སྒྲོལ་བར་འགྱུར། །ཟླ་བའི་དཀྱིལ་འཁོར་དབུས་གནས་པར། །ཡེ་ཤེས་ས་བོན་གྱིས་སྤྲུལ་ཏེ། །པད་མའི་གདན་ལ་བཞུགས་པ་ཡིས། །
ཁ་དོག་དཀར་པོ་བསྒོམ་པར་བྱ། །ཕྱག་གཉིས་སེམས་དཔའི་དཀྱིལ་དཀྲུང་བཅས། །རྒྱན་རྣམས་ཀུན་གྱིས་ཀླུབས་པ་སྟེ། །ཕྱག་གཉིས་ཕྱག་རྒྱ་ཆེ་བཅིངས་ནས། །སྙིང་གའི་ཕྱོགས་སུ་འཚར་བར་མཛད། །ཁ་དོག་དཀར་པོ་མཛེས་པ་
ཡི། །འཕགས་པ་རྣམ་པར་སྣང་མཛད་གཙོ། །སངས་རྒྱས་སྤྲིན་ནི་རྣམ་པར་སྤྲོ། །སྤྲོ་བ་སྣ་ཚོགས་མི་ཟད་པས། །སེམས་ཅན་ཁམས་ནི་སྒྲོལ་བར་མཛད། །ཤེས་རབ་རྡོ་རྗེས་འགྲོ་སྒྲོལ་བ། །དབྱངས་ཡིག་དང་པོ་མཆོག་ས་བོན། །
མཐའ་རུ་ཚེག་དྲག་སྦྱར་བར་བྱ། །ཕྱག་འཚལ་སྲེག་པའི་མཐའ་དང་ལྡན། །ས་བོན་འདི་ནི་བསྒོམས་ནས་སུ། །མཉམ་གཞག་དངོས་པོར་བཟླས་ནས་ནི། །བྱང་ཆུབ་རིམ་པ་མཐོང་བར་འགྱུར། །སྦྱོར་བའི་གདན་གྱི་རབ་ཏུ་བྱེད་པ་ལས་
རིམ་པར་ཕྱེ་བ་གཉིས་པའོ།། །། བྱིན་བརླབས་སྦྱོར་བའི་ངོ་བོ་དག །གང་གིས་སེམས་ཅན་རྣམས་ལ་བསྟན། །བྱིན་བརླབས་རིམ་པ་ཇི་ལྟ་བུ། །ལྷ་ལས་གཟིགས་མོ་ཉན་པར་འཚལ། །སེམས་ཅན་རྨོངས་པ་གསོ་བའི་ཕྱིར། །བྱིན་གྱིས་
རློབ་པའི་ཆོས་བསྟན་པ། །ཡང་དག་འཁོར་བ་སྒྲོལ་བ་ཡི། །དེ་ཉིད་ཇི་བཞིན་རྡོ་རྗེས་ཉོན། །སྙིང་གར་ཟླ་བ་བསམས་ནས་སུ། །ཧཱུྃ་གི་ས་བོན་དབུས་སུ་བསམ། །འོད་ཟེར་མེ་ལྟར་འབར་ཞིང་གསལ། །ཉི་མའི་དབུས་སུ་གཞག་

87-1-196b

པར་བྱ། །ཕྱོགས་བཅུའི་འཇིག་རྟེན་ཁམས་རྣམས་སུ། །མེ་ཡི་དཀྱིལ་འཁོར་བསམ་པར་བྱ། །གནས་རྣམས་ཐམས་ཅད་འབར་བ་ཡིས། །ཀུན་ནས་ཐམས་ཅད་བསྲེགས་ནས་སུ། །སྔོན་བཞིན་མཚན་ཉིད་བསྟན་པ་ཡི། །དང་
པོ་སྟོང་པ་ཉིད་དུ་བྱ། །མེ་ཡི་དཀྱིལ་འཁོར་དབུས་གནས་པའི། །སངས་རྒྱས་ལྔ་ནི་བསམ་པར་བྱ། །དབྱུག་པ་འཇིག་རྟེན་དབང་ཕྱུག་མགོན། །གྱ་གྱུ་ཕྱག་ན་རྡོ་རྗེ་སྟེ། །ལུས་ནི་འཇམ་པའི་མཆོག་ཡིན་ནོ། །མགོ་དང་བུམ་པ་
བྱམས་པ་སྟེ། །སྟེང་དུ་འབར་བའི་མ་ཡིག་ནི། །འཁོར་བ་ཐམས་ཅད་སྒྲོལ་བ་པོ། །འཇིག་རྟེན་གསུམ་གྱི་གྲུབ་འདོད་ན། །ས་བོན་དེ་ནི་བསྒོམ་པར་བྱ། །པད་མའི་སྟན་ལ་གནས་པ་ཡི། །ཉི་མའི་དཀྱིལ་འཁོར་བསྒོམ་ནས་
སུ། །ཡེ་ཤེས་མཁའ་འགྲོའི་རང་བཞིན་དུ། །བདག་ཉིད་ཡེ་ཤེས་ཀྱིས་བསྲུང་བ། །ཕྱག་གཉིས་སེམས་དཔའི་དཀྱིལ་དཀྲུང་བཅས། །ཁ་དོག་དམར་པོ་ཤིན་ཏུ་མཛེས། །སྟེང་གི་རྡོ་རྗེ་ཅོད་པན་ལ། །སངས་རྒྱས་ལྔ་ཡིས་
རྣམ་པར་བརྒྱན། །ཁ་ཊྭཱྃ་ག་དང་རྣལ་འབྱོར་སྣོད། །རྒྱན་རྣམས་ཀུན་གྱིས་རྣམ་པར་ཀླུབས། །འོད་ཟེར་སྣ་ཚོགས་འབར་བ་རུ། །དབུགས་མི་གཡོ་བར་བསྒོམ་པར་བྱ། །སྡེ་ཚན་གསུམ་པ་གང་ཡིན་པའི། །རྡོ་རྗེ་དབྱུག་པ་
གུག་བསྐྱེད་བཅས། །ལུ་གུ་རྒྱུད་ལ་སོགས་པས་དཀྲི། །ཕྱག་འཚལ་བསྲེག་པའི་མཐའ་དང་ལྡན། །འབུམ་ཕྲག་གསུམ་ནི་བཟླས་ནས་སུ། །གཉིས་མེད་གཏོར་མའི་ལས་ཀྱིས་ནི། །དེ་ཡི་འོག་ཏུ་ལས་རྣམས་བྱ། །བདུད་
རྩི་ལྔ་དང་ལྡན་པ་ལ། །བརྒྱད་བརྒྱ་རུ་ནི་བཟླས་པར་བྱ། །ཆོ་གར་ལྡན་པས་སྦྱིན་པར་བྱ། །དེ་ཡི་མོད་ལ་འབབ་པར་འགྱུར། །འབབས་ནས་རྣལ་འབྱོར་པ་ཡིས་ནི། །རྡོ་རྗེའི་གླུ་ནི་བླང་བར་བྱ། །རོལ་ཅིག་རོལ་ཅིག་རྡོ་རྗེ་ཁྱོད། །
ཞན་དང་དྲག་པོ་སྦྱོར་བ་ཡིས། །ཐམས་ཅད་ཀུན་ནས་ཁྱོད་ཀྱིས་གསོལ། །སྐད་ཅིག་འཁོར་ལས་བདག་མཉམ་བསྒྲལ། །གླུ་འདི་ཡིས་ནི་གར་བྱེད་དེ། །རྡོ་རྗེ་དྲིལ་བུ་དཀྲོལ་བར་བྱ། །ཨོཾ་ཏིཥྛ་ཡོ་གེ་མ་ཧཱ་ཀྲོ་དྷ་ཧཱུྃ་ཧཱུྃ་ཧཱུྃ་སྭཱ་ཧཱ། 

87-1-197a

འདི་ནི་ཚིམ་བྱ་ཐམས་ཅད་བྱ། །རྣལ་འབྱོར་མ་ཀུན་བསྟན་པར་བྱ། །དམན་དང་བར་དང་མཆོག་རྣམས་ལ། །དེ་ཡི་འོག་ཏུ་ཆོས་བསྟན་བྱ། །ཨོཾ་ཡོ་ག་ཨཱ་བེ་ཤ་ཡ། ཤིན་དུ་མཉམ་གཞག་རྣལ་འབྱོར་པས། །
འདི་ཡིས་སྔོན་དུ་བསྙེན་པར་བྱ། །གཉིས་མེད་གཏོར་མ་ལྡན་པ་ཡིས། །རྣལ་འབྱོར་པ་ཡིས་ཡུངས་ཀར་དང་། །ཧཱུྃ་གི་སྒྲ་ནི་འཇིགས་པ་ཡིས། །སྒྲུབ་པ་པོ་ཡིས་འདིས་གདབ་བྱ། །སྔར་གྱི་སྨོས་པའི་སྔགས་ཀྱིས་ནི། །
བདག་ཉིད་ཇི་ལྟར་འདོད་བཞིན་བྱེད། །ཨོཾ་མ་ན་གྷུ་རུ་གྷུ་རུ། དྷྲི་སྟི་ཙི་ལི་ཙི་ལི་ཧཱུྃ་ཧཱུྃ་ཕཊ། རྣལ་འབྱོར་པ་ཡིས་འབུམ་བཟླས་ན། །བལྟས་པས་འབེབས་པ་འགྲུབ་པར་འགྱུར། །མཆོད་ཅིང་གང་ལ་བལྟས་པ་ཡི། །མཐོང་བར་བྱས་ཏེ་གར་
བྱེད་དོ། །ཨོཾ་མ་ལ་མ་ལི་ཧཱུྃ་ཕཊ། འབུམ་ཕྲག་གསུམ་གྱིས་འགྲུབ་འགྱུར་ཏེ། །འགྲོ་བ་ཐམས་ཅད་འབེབས་པར་འགྱུར། །ཨོཾ་མ་ཧཱ་ཙི་ལི་ཙི་ལི་ཧཱུྃ་ཧཱུྃ་ཕྲུྃ་ཕཊ། འབུམ་ཕྲག་གཅིག་ནི་བཟླས་པ་ཡིས། །སྐྱེས་སོགས་རིང་པོ་ནས་ཀྱང་
འབེབས། །ཨོཾ་བ་ཏ་ལི་བ་ཏ་ལི་ཧཱུྃ་ཕཊ། རྣལ་འབྱོར་འབུམ་ཕྲག་གསུམ་དུ་ནི། །བཟླས་པས་སྔོན་དུ་བསྙེན་པ་བྱ། །ཡི་དགས་འབྱུང་པོ་གསང་བ་སོགས། །ལྷ་རྣམས་ཐམས་ཅད་འབེབས་པར་བྱེད། །ཨོཾ་པ་ཏ་ན་པ་ཏ་ནི་ཧཱུྃ་ཕཊ། རྣལ་
འབྱོར་པ་ཡིས་འབུམ་ཕྲག་གཅིག །བཟླས་པས་སྔོན་དུ་བསྙེན་པ་བྱ། །ཆུ་དང་བོང་བ་རྡོ་དང་ནི། །ཤིང་རྣམས་ཀུན་ལ་འབེབས་པར་བྱེད། །དཀྱིལ་འཁོར་སྔོན་དུ་སློབ་དཔོན་གྱིས། །སྔོན་དུ་བསྙེན་པ་བྱས་ནས་ནི། །ཤིན་ཏུ་དུལ་ཞིང་
བརྟགས་པ་ཡིས། །དེ་འོག་དཀྱིལ་འཁོར་དེ་ཉིད་བསམ། །ལྷ་ནི་མཉེས་པར་མ་བྱས་ན། །བདག་ཉིད་ལ་ནི་ཅོ་འདྲི་ཡིན། །ཨོཾ་བེ་ཏ་ལི་རཀྵ་རཀྵ་ཧཱུྃ་ཧཱུྃ་ཧཱུྃ་གྷྲྃ་ཕུཿཕཊ། ཐལ་བར་ལན་བདུན་བར་དུ་ནི། །མངོན་པར་བཟླས་ཏེ་རོ་ལ་གཏོར། །
ཉིན་ཞག་བདུན་དུ་བཞག་ན་ཡང་། །ཅིས་ཀྱང་ཟ་བར་མི་འགྱུར་རོ། །ཨོཾ་ཕུ་རུ་ཕུ་རུ། མཾ་ཏྲེ་ཛཿཧཱུྃ་ཕུཿཕཊ། སྐུད་པ་དམར་ལ་བརྒྱད་བརྒྱ་རུ། །ཡོངས་སུ་བཟླས་དང་ལྡན་པ་ཡི། །གང་གི་མགྲིན་པར་བཅིངས་གྱུར་ན། །ལྕེ་སྤྱང་བཞིན་

87-1-197b

ཤིན་ཏུ་འཁྱམ་པར་འགྱུར། །སྐུད་པ་དང་ནི་བྲལ་གྱུར་ན། །བདག་ཉིད་འདོད་པ་བཞིན་དུ་བྱེད། །བྱིན་བརླབས་རིམ་པའི་རྣལ་འབྱོར་གྱིས། །མཉམ་པར་གཞག་པས་བསྒོམ་ཞིང་བཟླས། །ཟླ་བའི་དཀྱིལ་འཁོར་དབུས་གནས་པར། །རྡོ་རྗེ་མཁའ་འགྲོ་མ་བསམ་བྱ། །
རྒྱན་རྣམས་ཀུན་གྱིས་བརྒྱན་པའི་སྐུ། །འོད་ཟེར་སྣ་ཚོགས་ཤིན་ཏུ་འབར། །རླུང་གི་དཀྱིལ་འཁོར་དབུས་གནས་པར། །མངོན་དུ་བསྒྲུབ་པ་བྱ་བར་བསམ། །རྐང་མཐིལ་གཉིས་སུ་རླུང་གི་ནི། །ས་བོན་སྟན་དུ་བསྒོམ་པར་བྱ། །སྒྲ་དང་ཐིག་ལེར་ལྡན་པ་ནི། །
རླུང་གི་ས་བོན་དབུས་གནས་པར། །རླུང་གིས་བསྐོར་བ་སྙིང་གར་བཞག །ཐམས་ཅད་ཁ་དོག་སྔོན་པོར་བསམ། །རང་གི་དབུགས་ཀྱི་རྩེ་མོ་ཡི། །རླུང་གི་བརྡ་རུ་སྦྱར་བར་བྱ། །ཨོཾ་ཡུྃ་པྲེ་ཏ་བཱ་ཡུ་ཨ་མོ་ཀ་སྱ་ཡུྃ་ཕཊ། རྣལ་འབྱོར་པ་ཡི་གསང་སྔགས་འདི། །
བརྒྱད་བརྒྱར་བཟླས་ན་འགྲུབ་པར་འགྱུར། །འགྲོ་བ་ལ་སོགས་བཟུང་ནས་སུ། །དུག་དང་ཁྲག་གིས་བྲི་བར་བྱ། །རྣལ་འབྱོར་མཆོག་ནི་བཟུང་ནས་སུ། །ཐམས་ཅད་གནས་ནས་བྲི་བར་བྱ། །བརྒྱད་བརྒྱ་རུ་ནི་བཟླས་པ་ཡིས། །སྐུད་པ་དམར་པོས་
དཀྲིས་ནས་ནི། །ཤིང་གི་རྩེ་མོར་གདགས་པར་བྱ། །རླུང་གིས་སྤུར་བར་བསྒོམ་པ་སྟེ། །གང་དུ་རླུང་ནི་གཞོལ་འགྱུར་བ། །དེ་ཡི་ཕྱོགས་སུ་འགྲོ་བར་འགྱུར། །རྣལ་འབྱོར་པ་ཡིས་བསྐྲད་པ་ནི། །འགྲུབ་འགྱུར་འདི་ལ་ཐེ་ཚོམ་མེད། །
ཟླ་བའི་དཀྱིལ་འཁོར་དབུས་གནས་པར། །རྡོ་རྗེ་མཁའ་འགྲོ་མ་བསམས་ཏེ། །བདག་གི་ལུས་ནི་བསྒོམས་ནས་སུ། །བློ་དང་ལྡན་པས་སྔགས་བཟླས་ན། །གཉིས་མེད་གང་བའི་གཏོར་མ་ནི། །དེ་ཡི་དབུས་སུ་སྦྱར་བར་བྱ། །ཨོཾ་བཛྲ་ཌཱ་
ཀི་ནཱི་དེ་ཤ་མཱ་ཀཪྵ་ཡ་ཨོཾ་ཧྲཱིཿཧཱུྃ་ཕེཾ་ཕྲུང་ཕུཿཕཊ། མཎྜལ་དམར་པོར་བྱུགས་ནས་ནི། །སེང་ལྡེང་ཕུར་བུ་བརྒྱད་ཀྱིས་གདབ། །དབུས་སུ་མིང་ནི་བྲིས་ནས་སུ། །གཏོར་མ་ཡོངས་སུ་གང་བར་ལྡན། །སྐུད་པ་དམར་ལ་བཟླས་ནས་ཀྱང་། །ལན་
བདུན་བསྐོར་བས་དྲང་བར་བྱ། །རྡོ་རྗེ་ལྕགས་ཀྱུས་དྲངས་ནས་སུ། །གསང་སྔགས་འདིས་ནི་བཟླས་བྱས་ན། །དཔག་ཚད་བརྒྱ་ཡི་ཕྱི་རོལ་ནས། །ལས་འདིས་བཟློགས་ནས་འགུགས་པར་འགྱུར། །མཎྜལ་གྱི་ནི་དབུས་དག་ཏུ། །ལས་

87-1-198a

འདིས་འགྲུབ་འགྱུར་ཐེ་ཚོམ་མེད། །ཉི་མའི་དཀྱིལ་འཁོར་དབུས་གནས་པར། །མཁའ་འགྲོ་དྲག་མོར་བསམ་བྱ་བ། །རང་གི་ལུས་ནི་རྣལ་འབྱོར་མར། །མཁས་པ་ཡིས་ནི་བསྒོམས་ནས་སུ། །ཉ་མོ་གཅིག་ནི་བཟུང་ནས་སུ། །
མཁའ་འགྲོའི་གཏོར་མ་བྱིན་གྱིས་བརླབ། །སྔགས་དང་བཅས་པའི་མིང་བྲིས་ལ། །ཉ་ཡི་ཁ་རུ་བཅུག་ནས་ནི། །རྐང་པས་མགོ་ནི་རབ་མནན་ལ། །བརྒྱད་བརྒྱ་རུ་ནི་བཟླས་པར་བྱ། །ཨོཾ་ཕྲུྃ་ཕྲུྃ། ཨ་མུ་ཀ་སྱ་མུ་ཁྃ་བན་དྷ་བན་དྷ།   ཧྲཱི་ཧྲཱི་ཧྲཱི། པུྃ་
ཕཊ། དེ་ནི་བཟླས་པ་ཙམ་གྱིས་ནི། །བྱ་བ་ཐམས་ཅད་བཅིང་བར་འགྱུར། །ཐམས་ཅད་ཆུ་ལ་བྱ་བ་སྟེ། །ལས་གཞན་ཆོ་ག་བཤད་པར་བྱ། །སྔགས་འདི་རབ་ཏུ་སྦྱར་ནས་ནི། །བག་ཟན་གྱིས་ནི་དྲིལ་བར་བྱ། །གང་དུ་ཉ་ནི་གནས་པ་ཡི། །ཉ་ཡི་
ཁ་རུ་གཞུག་པར་བྱ། །མཁའ་འགྲོའི་གཏོར་མ་བྱིན་བརླབས་ཏེ། །རིལ་བུ་བརྒྱད་བརྒྱ་བྱས་ནས་ནི། །ལན་རེ་བཟླས་ཏེ་ཟར་བཅུག་ན། །བྱ་བ་ཐམས་ཅད་བཅིངས་པར་འགྱུར། །རླུང་གི་དཀྱིལ་འཁོར་དབུས་གནས་པར། །བདག་ཉིད་ཙཎྜ་ལི་ཡི་
གཟུགས། །གཟུགས་རྣམས་ཐམས་ཅད་ཡོངས་རྫོགས་ཤིང་། །མེ་ལྟར་འབར་བ་བསམས་ནས་སུ། །གཉིས་མེད་གཏོར་མའི་ལས་རྣམས་ནི། །དེ་ཡི་དབུས་སུ་རབ་ཏུ་བྱ། །ལྕི་བས་པདྨའི་གཟུགས་བྱས་པ། །མིང་དང་སྔགས་ཀྱིས་
གཞག་པར་བྱ། །ཨོཾ་སྟམ་བྷ་ཡ་སྟམ་བྷ་ཡ་ཧཱུྃ།   བྷ་གྲྃ་གཱྃ་མུ་ཏྲཱྃ་ཕྲུ་ཕྲུྃ་ཕཊ། གསང་སྔགས་འདི་དང་མིང་དག་ནི། །རྐང་པ་གཡོན་པས་མནན་ནས་སུ། །ལན་གྲངས་བརྒྱད་བརྒྱར་བཟླས་ནས་སུ། །འགྲུབ་འགྱུར་འདི་ལ་ཐེ་ཚོམ་མེད། །ཆུང་མ་
ཤིན་ཏུ་གཡོན་ཅན་རྣམས། །ལས་འདི་ཡིས་ནི་གདུལ་བར་བྱ། །མཐར་ནི་ཆུ་དང་འོ་མ་ཡིས། །བཀྲུས་ན་བཅིངས་པ་ལས་གྲོལ་འགྱུར། །རླུང་གི་དཀྱིལ་འཁོར་དབུས་གནས་པར། །ལྷ་མོ་རྡོ་རྗེ་མ་རུ་བསྒོམ། །ཁ་དོག་སྔོན་པོ་ཤིན་ཏུ་
མཛེས། །འོད་ཟེར་མེ་དང་མཚུངས་པར་འབར། །ཡོངས་སུ་རྫོགས་ཤིང་མཛེས་པར་ལྡན། །རྒྱན་རྣམས་ཀུན་གྱིས་ཀླུབས་པ་སྟེ། །ཡི་དགས་ཀྱི་ནི་གདན་ལ་བཞུགས། །ཧ་ཧར་བཞད་པས་འཇིགས་སུ་རུང་། །གཉིས་མེད་གང་

87-1-198b

བའི་གཏོར་མ་ཡི། །ལས་ནི་དེ་རུ་བྱས་ནས་ཀྱང་། །འབྲས་ཕྱེ་ལ་སོགས་ཁྱད་པར་ལས། །པད་མའི་དབྱིབས་ནི་བྱས་ནས་སུ། །ཁྱི་ཡི་སྤུ་ཡིས་དགང་བར་བྱ། །མིང་དང་སྔགས་སུ་སྦྱར་ནས་སུ། །གཉིས་མེད་གཏོར་མའི་ལས་རྣམས་
ནི། །ལས་དེར་བྱིན་གྱིས་བརླབ་པར་བྱ། །ཨོཾ་ཀྲོ་དྷེ་ཤྭ་རི་ཕུ་ཕྲུྃ་ཕཊ། བརྒྱད་བརྒྱ་རུ་ནི་བཟླས་ནས་སུ། །རྡོ་རྗེ་གསང་བར་གཞུག་པར་བྱ། །ལས་འདི་སྦྱར་ཞིང་གཟིར་བ་ཡིས། །བྷ་ག་དག་ནི་བཟློག་པར་འགྱུར། །ལས་འདིས་ཤིན་ཏུ་འགྲུབ་
པ་སྟེ། །ཕྱུང་ན་དེ་ལས་ཐར་བར་འགྱུར། །ཆུང་མ་ཤིན་ཏུ་གདུལ་དཀའ་ལ། །ལས་ནི་དེ་ལྟར་སྦྱར་བར་བྱ། །ཟླ་བའི་དཀྱིལ་འཁོར་དབུས་གནས་པར། །ལྟེ་བར་བདུད་རྩིའི་ཡི་གེ་བསྒོམ། །རྩ་རྣམས་ཀུན་ལས་དྲངས་ནས་སུ། །བདུད་
རྩིའི་ཆུ་ནི་འཛག་པར་བྱ། བན་དུའི་མེ་ཏོག་རྒྱས་པ་ཡི། །དབུས་སུ་ལྕགས་ཀྱུའི་ཡི་གེ་སྟེ། །ཁ་དོག་དམར་པོ་ཤིན་ཏུ་འབར། །གསང་ཞིང་གསང་པས་བསྒོམ་པར་བྱ། །ཁྲོ་བོའི་སོར་མོ་རྩེ་མོ་རུ། །བདུད་རྩིའི་ཡི་གེ་བསམས་ནས་ནི། །
སོར་མོ་འདི་ཡིས་བསྐྱོད་པར་བྱ། །སྦྱོར་བ་གསུམ་ནི་བསམས་པ་ཡིས། །དེ་ཡི་དབུས་ཀྱི་གནས་རྣམས་སུ། །བདུད་རྩིའི་ཆུ་ནི་འཛག་པར་བྱ། །ཆུང་མ་ཤིན་ཏུ་གདུལ་དཀའ་ལ། །འདི་ཡིས་བྷ་ག་བརྟག་པར་བྱ། །འོད་ཟེར་ཅན་དང་བླ་མར་
བྱ། །སྨྱོ་བྱེད་ཡན་ལག་ལྔ་དང་བཅས། །གུ་གུལ་ཆེན་པོའི་ཆ་དང་བསྲེ། །མར་ནག་ཆེན་པོས་བསྐོར་བར་བྱ། །སྔགས་པས་བདུད་རྩིའི་ཆུ་དང་ནི། །ལྕེ་ཡི་དབང་པོས་མྱང་བར་བྱ། །འདིར་ནི་སྨྱོ་འགྱུར་ཐེ་ཚོམ་མེད། །མར་ཟོས་པས་
ནི་གྲོལ་བར་འགྱུར། །ཡི་དགས་གོས་ནི་མ་ལྷུང་བས། །མར་མེ་ཡི་ནི་སྡུང་བུ་བྱ། །ཀླུ་དབང་གི་ནི་གོང་དུ་གཟུང་། །རྐང་གི་མར་གྱིས་སྦར་བར་བྱ། །གཏོར་མ་ཡི་ནི་གནས་དག་ཏུ། །མཁའ་འགྲོ་མ་ཡི་སྙིང་སྔགས་ཀྱིས། །དུ་བ་
དག་ནི་དབབ་པར་བྱ། །དུར་ཁྲོད་དུ་ནི་གཏོར་བྱིན་ལ། །བརྒྱད་བརྒྱ་རུ་ནི་བཟླས་ནས་སུ། །ལམ་གྱི་བཞི་མདོར་ཤིང་གཅིག་དྲུང་། །གང་ལ་དུ་བ་བྱུགས་པ་དེས། །མཁའ་འགྲོ་མ་ཀུན་མཐོང་བར་འགྱུར། །ལྷག་མའི་སྣོད་ནི་གཉིས་
87-1-199a

གཟུང་ལ། །དུར་ཁྲོད་ཀྱི་ནི་སོལ་བ་ཡིས། །ཚ་བའི་རྫས་ལ་སྦྱར་ནས་ནི། །བྱ་རོག་སྒྲོ་རྩས་བྲི་བར་བྱ། །ཨོཾ་ཀི་རི་ཀི་རི་ཀྲོ་དྷེ་ཨ་མུ་སྐྃ་ཕྲུཿཕྲུྃ་ཕཊ། སྣོད་ནི་གཉིས་ལ་སོ་སོ་རུ། །གཟུགས་གཉིས་མིང་དང་བཅས་
བྲིས་ལ། །གཉིས་མེད་གཏོར་མ་བྱིན་ནས་ནི། །ཁྲོ་བོས་བཀང་སྟེ་དྲུད་པར་བྱ། །ཨོཾ་ཀ་ལི་བར་ཏ་ལི་བར་ཏ་ལི་ཀྲོ་དྷ་མུ་ཁེ་ཨ་མུ་ཀ་སྱ་ཧི་ལི་ཧི་ལི་བཛྲ་ཏིཥྛ་མུ་ཁི་ཕྲུྃ་ཕྲོཾ་ཕྲོཾ་ཕཊ། བརྒྱ་ཕྲག་གཅིག་ཏུ་བཟླས་ནས་ནི། །མྱུར་ཏུ་འཐབ་
རྩོད་འབྱུང་བར་འགྱུར། །གཉིས་མེད་གཏོར་མར་ལྡན་པ་ཡི། །དབང་བསྐུར་ན་ནི་ཞི་བར་འགྱུར། །སྦྱོར་བའི་གདན་གྱི་རབ་ཏུ་དབྱེ་བ་ལས་རིམ་པར་ཕྱེ་བ་གསུམ་པའོ།། །། གཉིས་མེད་སྦྱོར་བའི་སྙིང་པོ་སྟེ། །གཉིས་མེད་
མིང་གིས་བརྗོད་པ་ཡིན། །སྦྱོར་བ་ཇི་ལྟར་བརྩམ་བགྱི་བ། །རོལ་མོ་དག་ནི་ཉན་པར་འཚལ། །གཉིས་མེད་སྦྱོར་བ་དེ་ཉིད་ཀྱི། །རྡོ་རྗེ་དྲིལ་བུའི་ཕྱག་རྒྱ་དག །སོ་སོར་གཟུང་བའི་དེ་ཁོ་ན། །ཡང་དག་ཇི་བཞིན་རྡོ་རྗེས་ཉོན། །
དེ་ཉིད་ཇི་བཞིན་བདག་ཉིད་དང་། །ཆོས་ཀྱི་དྲིལ་བུ་ལྷ་མོའོ། །ཁ་སྦྱོར་སྦྱོར་བ་ཕྱག་རྒྱ་སྟེ། །ཐབས་ནི་དེ་རུ་ཐིམ་པའོ། །དང་པོར་རེ་ཤིག་རྣལ་འབྱོར་པས། །རྡོ་རྗེ་ཐལ་མོ་དམ་བཅིངས་ནས། །སེམས་ཅན་ཀུན་ལ་རྗེས་བརྩེ་
བས། །དག་པ་རྣམ་གསུམ་བརྗོད་པར་བྱ། །ཨོཾ་སྭ་བྷཱ་བ་ཤུད་དྷཿསརྦ་དྷརྨ་སྭ་བྷཱ་བ་ཤུདྡྷོ྅ཧྃ། ཨོཾ་བཛྲ་ཤུད་དྷཿ སརྦ་དྷརྨཱ་བཛྲ་ཤུདྡྷོ྅ཧྃ། ཨོཾ་ཡོ་ག་ཤུད་དྷཱཿསརྦ་དྷརྨཱ་ཡོ་ག་ཤུདྡྷོ྅ཧྃ། གཟུང་དང་འཛིན་པ་ལས་གྲོལ་བས། །སྦྱིན་
པའི་ར་བས་སྦྱིན་པར་བྱ། །རྣལ་འབྱོར་ལྡན་པའི་སེམས་ཀྱིས་ནི། །ཐམས་ཅད་རྩ་བཞིན་བལྟ་བར་བྱ། །སེམས་ཅན་ཀུན་ལ་མི་འཇིགས་སྦྱིན། །འགྲོ་རྣམས་བརྩེ་བར་མི་བྱ་སོགས། །སེམས་ཅན་དོན་ནི་དགག་མི་བྱ། །སྟེང་དུ་ཚུལ་
ཁྲིམས་དྲ་བའོ། །གཞན་ལ་གནོད་པ་འགོག་ལ་སོགས། །བཟོད་མ་འཕུར་བུ་འོག་ཏུ་གདབ། །ཕུར་བུ་ར་བ་དྲ་བ་ཡིས། །སྡང་བའི་བདུད་དང་དགྲ་རྣམས་བསྐྲད། །བདུད་ནི་བདུད་དུ་འཆར་མི་འགྱུར། །རང་གི་སེམས་ཀྱིས་བསྡམས་

87-1-199b

པའོ། །རང་གིས་རང་སེམས་བཏུལ་བ་ན། །བདུད་ཀྱིས་འཚེ་བར་ག་ལ་འགྱུར། །མཉམ་ཉིད་སེམས་ཀྱི་དྲི་ཡིས་ནི། །གྲུ་བཞི་པ་རུ་བྱུག་པར་བྱ། །ལུས་ལ་སྟེ་འཇོག་ཙན་དན་འཇུག །སེམས་ནི་མཉམ་པར་གཞག་པ་སྟེ། །བཟོད་པའི་མེ་ཏོག་
རྣལ་འབྱོར་པས། །འབད་དང་ལྡན་པས་དགྲམ་པར་བྱ། །མཉམ་ཉིད་བསྒོམས་པའི་བདུག་པ་ཡིས། །རང་བཞིན་དག་པས་བདུག་པར་བྱ། །ཤེས་རབ་མར་མེའི་སྣང་བ་སྟེ། །ཁམས་གསུམ་གྱི་ནི་མུན་པ་རྣམས། །མར་མེ་འདི་ཡིས་བཅོམ་
ནས་སུ། །ཇི་ལྟར་འདོད་བཞིན་སྣང་བར་བྱ། །སེམས་ཀྱིས་མི་འཇིགས་སྦྱིན་པ་ཡིས། །དབུགས་མ་ཕྱིན་པ་དབུགས་དབྱུང་བྱ། །མཆོད་པའི་དུས་དང་ཁྱད་པར་དུ། །གཏོར་མའི་དུས་སུ་རབ་ཏུ་སྦྱར། །ཡིད་དུ་འོང་བའི་ས་ཕྱོགས་སུ། །བདེ་
བའི་སྟན་ལ་འདུག་ནས་སུ། །བདག་ཉིད་རྡོ་རྗེར་བསྐྱེད་ནས་ནི། །ཤེས་རབ་དྲིལ་བུ་ཞེས་བྱར་སྤྲུལ། །བར་དུ་ཁྲུ་གང་བཞག་ནས་སུ། །མཉམ་ཉིད་ལྟ་བས་བལྟ་བར་བྱ། །སྙིང་གར་ཧཱུྃ་ནི་བསྒོམ་བྱས་ལ། །ཐམས་ཅད་རིག་པས་ཀུན་སྟོང་
བྱ། །ཁམས་གསུམ་ཟད་པར་བྱས་ནས་ནི། །ཐམས་ཅད་ནམ་མཁའ་ཡང་དག་གནས། །སྔོན་བཞིན་མཚན་ཉིད་ཡང་དག་ལྡན། །མཉམ་ཉིད་སྟོང་པར་བསམས་ནས་སུ། །ཕོ་བྲང་ཡངས་པར་ཅི་འདོད་པ། །རི་རབ་རྩེ་མོར་བསམ་པར་བྱ། །
ལྷ་ནི་ཉི་ཤུ་རྩ་བརྒྱད་ལྡན། །རྡོ་རྗེ་སྔོན་དུ་བསྟན་པ་བཞིན། །འོད་ཟེར་སྣ་ཚོགས་འབར་བ་ཡི། །ཧཱུྃ་གི་ཐིག་ལེ་ལས་བྱུང་བ། །ཟླ་བའི་དཀྱིལ་འཁོར་དབུས་སུ་ནི། །མི་གཡོ་རྡོ་རྗེ་བསྒོམས་ནས་སུ། །རྡོ་རྗེ་སེམས་དཔའི་རང་བཞིན་དུ། །བདག་
གི་ལུས་ནི་སྤྲུལ་པར་བྱ། །ཡི་གེའི་དགོད་པས་བཀོད་ནས་སུ། །མཁས་པས་གོ་ཆ་བྱས་ནས་ཧཱུྃ། །སངས་རྒྱས་ལྔ་ཡིས་བརྒྱན་པ་སྟེ། །གངས་དང་ཀུན་ད་ཟླ་བའི་མདོག །ཕྱག་གཉིས་སེམས་དཔའི་དཀྱིལ་དཀྲུང་བཅས། །རྒྱན་རྣམས་ཀུན་
གྱིས་ཀླུབས་པ་སྟེ། །ཕྱག་རྒྱ་ཆེན་པོ་སྙིང་པོར་བཅས། །གོ་འཕང་མཆོག་ནི་བསྒོམ་པར་བྱ། །འོད་ཟེར་སྣ་ཚོགས་འབར་བ་ལ། །སངས་རྒྱས་སྤྲིན་ནི་རྣམ་པར་འཕྲོ། །དངོས་པོ་བསྒོམ་པ་བསྒོམ་ནས་སུ། །ཧཱུྃ་གི་སྒྲ་ཡིས་དགང་བར་བྱ། །

87-1-200a

རང་ཉིད་ཇི་ལྟར་འདོད་སེམས་ཀྱིས། །ཡེ་ཤེས་ས་བོན་བཟླས་པར་བྱ། །བཙོ་མའི་གསེར་ལྟར་ཤིན་ཏུ་འབར། །སེམས་ཅན་ཀུན་གྱི་དོན་ལ་ཆགས། །དེ་ནས་སྟོང་པའི་མཚན་ཉིད་ནི། །སྔར་གྱི་མཚན་ཉིད་བདག་ཉིད་ཅན། །ཟླ་བའི་དཀྱིལ་འཁོར་
དབུས་གནས་པར། །སྔར་གྱི་མཚན་ཉིད་ཀུན་རིག་པས། །ཉི་ཤུ་རྩ་གསུམ་ལྷ་རྣམས་ཀྱིས། །དྲིལ་བུའི་བདག་ཉིད་བསྒོམ་པར་བྱ། །འོད་ཟེར་སྣ་ཚོགས་འབར་བ་ལས། །སངས་རྒྱས་འོད་ནི་རྣམ་པར་སྤྲོ། །དེ་ལྟར་བསྐྱེད་པའི་ལུས་རྣམས་ནི། །
ཤེས་རབ་ཕ་རོལ་ཕྱིན་མས་བསྐྱེད། །ཕྱག་གཉིས་སེམས་དཔའི་དཀྱིལ་དཀྲུང་བཅས། །རྒྱན་རྣམས་ཀུན་གྱིས་རྣམ་པར་ཀླུབས། །ཁ་དོག་ཅུང་ཟད་འདྲེས་པའི་སྐུ། །སངས་རྒྱས་ལྔ་ཡིས་མངོན་པར་བརྒྱན། །ཡི་གེ་བརྒྱད་ཀྱི་སྔགས་རྣམས་ནི། །
ཡན་ལག་བརྒྱད་དུ་དགོད་པར་བྱ། །ཕྱག་གཉིས་ཕྱག་རྒྱ་ཆེན་པོ་སྟེ། །གོ་འཕང་མཆོག་ནི་བསྒོམ་པར་བྱ། །ཨཱ་ལི་ཀཱ་ལི་ལས་བྱུང་བའི། །དེ་ཡི་ས་བོན་བཟླས་པར་བྱ། །འདོད་ཆགས་སེམས་ཀྱི་སྟོབས་ཀྱིས་ནི། །བཙོ་མ་གསེར་གྱི་འོད་དང་
བཅས། །སེམས་ཅན་བསྒྲལ་ཕྱིར་ཀུན་ཏུ་འཁྱུད། །ནུ་མ་འཁྱུད་ཅིང་ཞལ་གཉིས་འཇིབ། །རྡོ་རྗེ་སོར་མོའི་རྩེ་མོར་ནི། །བདུད་རྩིའི་ཡི་གེ་བསམས་ནས་ནི། །ལྷ་མོའི་གཡོན་གྱི་ཆ་རུ་ནི། །བསྟན་པའི་རྩེ་མོར་གཟུང་བར་བྱ། །བཅུ་དང་
བརྒྱད་ཀྱི་གནས་རྣམས་ནི། །ཀུན་ནས་བདུད་རྩི་གང་གནས་པ། །མཛུབ་མོ་འདི་ཡིས་བསྐྱོད་པ་ཡིས། །བདུད་རྩིའི་ཆུ་ནི་འཛག་པར་འགྱུར། །གཉིས་ཀྱི་ཀུན་སྤྲོད་བཏང་ནས་སུ། །ཤར་གྱི་ཕྱོགས་སུ་བལྟ་ཞིང་བསྐྱོད། །རོལ་པའི་
སྟབས་ཀྱིས་ལྷ་མོ་ནི། །རྡོ་རྗེ་རྐང་པའི་སྟོབས་ཀྱིས་མནན། །དྲིལ་བུ་གཡོན་གྱི་རླུང་གནོན་པ། །ནུ་མ་ལག་པ་གཉིས་ཀྱིས་གཟིར། །སྒེག་ཅིང་བཞད་པའི་བཞིན་ཅན་ཏེ། །འོག་མ་གནོན་པོས་བཙིར་བར་བྱ། །དྲིལ་བུ་ལག་གཉིས་
གསང་བར་སྦྱོར། །དེ་བཞིན་ས་བོན་གཉིས་མེད་བཟླས། །ཤར་ཕྱོགས་སུ་ནི་བསྐྱོད་པ་ཡིས། །སེམས་ཅན་ཕ་རོལ་སྒྲོལ་བ་ཡིས། །ལྷ་མོ་གཡོན་པ་བསྐྱོད་ནས་སུ། །ལྷོ་རུ་ཁ་ནི་བལྟ་བར་བྱ། །རྡོ་རྗེ་ཡང་ནི་བསྐྱོད་ནས་སུ། །རྐང་

87-1-200b

མཐིལ་གཉིས་ནི་དེ་བཞིན་བཙིར། །དྲིལ་བུའི་ལག་པ་གཉིས་ཀྱིས་ནི། །རྐེད་པ་བསྡམས་ཏེ་བཙིར་བར་བྱ། །རྡོ་རྗེ་གཡས་ཀྱི་ནུ་མ་དང་། །དེ་བཞིན་གསང་བར་རྩེ་བར་བྱ། །རྡོ་རྗེ་དྲིལ་བུའི་ལུས་དག་ནི། །ཡང་དང་ཡང་དུ་སྤྲད་པར་བྱ། །ས་བོན་གཉིས་ནི་
བཟླས་པ་ཡིས། །ལྷོ་ཕྱོགས་སེམས་ཅན་སྒྲོལ་བར་འགྱུར། །ནུབ་ཕྱོགས་སྙིང་པོའི་རྐང་སྟབས་ཀྱིས། །ལྷ་མོ་ནུབ་ཏུ་བལྟ་བར་བྱ། །རྡོ་རྗེ་ཡི་ནི་ཕྱོགས་གཅིག་གིས། །གཡས་ཀྱི་བརླ་ནི་མནན་པར་བྱ། །འགྲིན་པའི་རྒྱབ་ནས་གཉིས་འཁྱུད་དེ། །དྲིལ་
བུའི་ལྕེ་ནི་བསྐྱོད་ནས་སུ། །རྡོ་རྗེ་ལྕེ་ལ་རེག་པར་བྱ། །དེ་བཞིན་སྦྱར་ནས་གཉི་ག་བཟླས། །རྡོ་རྗེ་མཉམ་པའི་དབུས་སུ་ནི། །ལག་པ་གཉིས་ཀྱིས་བསྡམ་པའོ། །དྲིལ་བུའི་ལག་པ་གཉིས་ཀྱིས་ཀྱང་། །རྣ་བའི་དྲུང་བར་གཟུགས་པར་བྱ། །གཉིས་
ཀའི་མཆུ་ནི་ཀུན་སྦྱར་ནས། །དེ་ཡི་བདུད་རྩི་བཏུང་བར་བྱ། །རྣལ་འབྱོར་པ་ཡིས་སྔགས་བཟླས་ནས། །རྡོ་རྗེ་དྲིལ་བུ་དཀྲོལ་བར་བྱ། །སེམས་ཅན་ཐམས་ཅད་བདེ་གྱུར་ཅིག །ཀུན་ཀྱང་འཚེ་བ་མེད་པར་ཤོག །གང་གི་ལམ་ནས་འགྲོ་བ་
ཡིས། །སངས་རྒྱས་ཉིད་དུ་འགྲུབ་གྱུར་ཅིག །སྐད་ཅིག་ཚུལ་གྱིས་རྣལ་འབྱོར་དང་། །སྐད་ཅིག་ཚུལ་གྱིས་ཕྱག་རྒྱ་ཅན། །ཀུན་ནས་ཀུན་ཏུ་སྐད་ཅིག་སྟེ། །སྐད་ཅིག་གིས་ནི་གསང་སྔགས་འདོན། །དྲིལ་བུ་ལྷ་རུ་སྦྱོར་བ་ཡིས། །མཁས་
པ་ཡིས་ནི་བསྒོམ་པར་བྱ། །ཡི་གེ་བརྒྱད་ཀྱི་སྔགས་དག་ནི། །གནས་རྣམས་ཀུན་གྱི་ལྷ་ཉིད་དེ། །རང་ཉིད་ལྷ་མོར་བསམ་པར་བྱ། །སླར་ཡང་འདི་ཉིད་རབ་ཏུ་བྱ། །རང་གི་རྗེས་སུ་ཆགས་པའི་སེམས། །དེ་ནས་རྡོ་རྗེ་ཀུན་ཏུ་འཁྱུད། །དེ་ནས་
བདག་ཉིད་རྡོ་རྗེ་རུ། །ཀ་ར་ནར་བཅས་བསམ་པར་བྱ། །རྡོ་རྗེ་ཡི་ནི་ང་རྒྱལ་གྱིས། །རྡོ་རྗེ་སེམས་དཔའ་བདག་ཅེས་བརྗོད། །ཆུ་ལས་བྱུང་བའི་མེ་ཏོག་ནི། །གསང་བའི་ནང་གི་མཚན་ཉིད་ལས། །རྩ་བ་མྱུ་གུ་མེ་ཏོག་སྟེ། །བན་དུ་ཀ་ནི་
རྒྱས་པ་འདྲ། །ཐོང་ཀ་གཉིས་ཀྱི་ས་བོན་རྣམས། །ས་དང་རླུང་དག་ཉིད་ཡིན་ནོ། །འོག་ཏུ་ཆུ་ཡི་རང་བཞིན་ལ། །མྱུ་གུ་མེ་ཡི་ས་བོན་ནོ། །སྡེ་ཚན་གསུམ་པ་གང་ཡིན་པའི། །ཡི་གེ་གསུམ་པ་བཟུང་ནས་སུ། །དབྱུག་པ་

87-1-201a

ཕྱི་མོ་རྡོ་རྗེ་ཅན། །ལྕགས་ཀྱུ་ལ་སོགས་པ་ཡི་དཀྲི། །ལྷ་མོའི་གཟུགས་སུ་བསམས་ནས་སུ། །ས་ཡི་ནང་དུ་ཐིམ་པར་བྱ། །དུས་མེའི་ཡི་དགས་མེར་སྦྱོར་ཅིང་། །ཡི་དགས་མེ་དང་དུས་མེ་སྦྱོར། །ལག་པ་གཉིས་
ཀྱིས་ཁ་སྦྱར་བ། །མཐེབ་ཆུང་མཐེ་བོས་མནན་ནས་སུ། །གསུམ་པོ་དག་ནི་རྩེ་མོར་སྦྱོར། །ཕྱག་རྒྱ་གཉིས་ཀྱིས་མགོར་བཙུགས་ནས། །བདུད་རྩི་བཟའ་བའི་བསམ་པ་ཡིས། །གནོན་པོས་འོག་མ་བཙིར་བར་བྱ། །བཅུ་དང་
བརྒྱད་ཀྱི་ལམ་དག་ནས། །དྲིལ་བུའི་བདུད་རྩི་བསྐུལ་བར་བྱ། །གཡོན་གྱི་ཆ་ན་བན་དུ་ཀ །ཆུ་འཛག་པ་ཡི་ཆ་བྱད་ཅན། །ཆུ་འཛག་བྱ་མཆུའི་དབྱིབས་ལྟ་བུ། །མཁའ་འགྲོ་མ་ཡི་ཚུལ་དག་ལ། །དེར་ནི་ཕྱག་རྒྱས་
བསྐུལ་བར་བྱ། །རྡོ་རྗེ་གཡས་ཀྱི་ཆུ་དག་ནི། །རང་བཞིན་མཉམ་པའི་ཚུལ་དུ་བྱ། །ཐོང་ག་ལ་སོགས་གནས་ཀུན་ཏུ། །དེ་ནས་སོར་མོ་གདབ་པར་བྱ། །དེ་ནས་རྡོ་རྗེའི་རྩེ་མོ་ནི། །ཕྱག་རྒྱ་གློ་རུ་སྦྱར་ནས་བྱ། །གཉིས་ཀ་ཀུན་ཏུ་
སྦྱར་ནས་ནི། །རྡོ་རྗེ་པད་མོ་བསྒུལ་བར་བྱ། །ཧཱུྃ་གི་སྒྲ་ཡིས་བཀང་ནས་སུ། །ལྷ་མོ་ཐམས་ཅད་ཚིམ་པར་བྱ། །དྲིལ་བུ་ཡི་ནི་དངོས་པོ་ཡིས། །ཨཱ་ལི་ས་བོན་ཀུན་ཏུ་སྦྱིན། །ཡེ་ཤེས་ས་བོན་རྡོ་རྗེ་རྩེ། །བདག་གི་ལྷ་ནི་མཉེས་པར་
བྱ། །རྡོ་རྗེ་དྲིལ་བུ་ལུས་ཡིན་ཏེ། །ཕྱག་རྒྱ་ཁ་སྦྱོར་སྦྱར་བར་བྱ། །རྡོ་རྗེ་དྲིལ་བུའི་ཕྱག་རྒྱ་ཡང་། །དེ་ཁོ་ན་ཡིས་སོ་སོར་གཟུང་། །རྡོ་རྗེ་དེ་ཁོ་ནས་བསྐྱོད་ལ། །དྲིལ་བུ་རང་དགར་དཀྲོལ་བར་བྱ། །རྡོ་རྗེ་དྲིལ་བུ་རབ་སྦྱོར་ཏེ། །
ཕྱག་རྒྱའི་དེ་ཉིད་སྦྱོར་བ་ཡིན། །ལུས་ནི་གཉིས་ཀ་མཉེས་པ་ཡིས། །སེམས་ཅན་ཕ་རོལ་སྒྲོལ་བར་འགྱུར། །གཉི་ག་ཡི་ནི་བདག་ཉིད་སེམས། །ཆུ་དེ་བྱིན་གྱིས་བརླབ་པར་བྱ། །སྒེག་ཅིང་བསྒྱོད་པར་གནས་པ་སྟེ། །བདེ་
བའི་སྟན་ལ་འདུག་ནས་ནི། །རྡོ་རྗེ་རོལ་པའི་རྐང་པ་སྟེ། །དྲིལ་བུ་གཡོན་གྱི་བརླ་ཡིས་རོལ། །ལག་གཡོན་འཁྱུད་ཅིང་ནུ་མ་གཟུང་། །གཡས་ཀྱི་རྡོ་རྗེ་གསོར་བར་བྱ། །བཞད་ཅིང་ཁྲོ་དང་སྒེག་པ་ཡིས། །ཡང་དང་ཡང་དུ་སྤྲོ་

87-1-201b

བར་བྱ། །དྲིལ་བུ་བསྐྱོད་པའི་ཚུལ་གྱིས་ནི། །བརླ་ཡི་སྟན་ལ་འདུག་ནས་སུ། །རྐང་པ་གཡས་པས་དཀྲིས་ནས་ནི། །དཀུ་ཡི་གནས་སུ་གཞག་པར་བྱ། །མགྲིན་པར་གཅིག་གིས་འཁྱུད་ནས་ནི། །གཡོན་པས་དྲིལ་བུ་གསིལ་
བར་བྱ། །ངོ་ཚར་བཅས་བཞད་སྒེག་པ་ཡིས། །ཡང་དང་ཡང་དུ་སྤྲད་པར་བྱ། །དེ་ནས་རྡོ་རྗེ་གླུ་བླང་ཞིང་། །སྣ་ཚོགས་ཧཱུྃ་ཞེས་བྱ་བར་འདོད། །བདུད་རྩིའི་ཆུ་ནི་བཟུང་ནས་སུ། །སླར་ཡང་གླུ་ནི་བླང་བར་བྱ། །འཁོར་ལོ་སྟོང་པ་
སྙིང་པོ་མེད་པ་ནི། །སྙིང་པོ་དག་ནི་ཤིན་ཏུ་བསགས་པ་སྟེ། །རྣམ་པར་ཐར་པས་རབ་ཏུ་བསྒྲལ་བ་སྟེ། །དངོས་ལས་རྣམ་པར་གྲོལ་བ་རབ་ཏུ་འགྲུབ། །ཕན་ཚུན་ཀུན་ཏུ་འཁྱུད་པའི་སྦྱོར་བྱས་པ། །དེ་ཡིས་དོན་ནི་ཡང་དག་
བྱེད་པར་འགྱུར། །འཁོར་བའི་སྙིང་པོ་དག་ནི་མེད་པ་ལ། །རྣལ་འབྱོར་མ་ཡི་དབུས་སུ་སྙིང་པོ་བསྒྲུབ། །རྡོ་རྗེ་དྲིལ་བུའི་སྒྲར་བཅས་པས། །དེ་ནས་དེ་ལྟར་གླུ་བླང་བྱ། །མཉམ་བཞག་སྒོམ་ཞིང་བཟླས་པ་ཡིས། །འགྲུབ་
འགྱུར་འདི་ལ་ཐེ་ཚོམ་མེད། །ལས་ནི་གང་ཞིག་བསམས་པ་རྣམས། །དེ་ཡིས་ཐམས་ཅད་འགྲུབ་པར་འགྱུར། །སྨན་ལ་སོགས་པའི་ཁྱད་པར་རྣམས། །བསྐྱོད་པའི་སྦྱོར་བར་ལྡན་པར་བྱ། །གུར་ཀུམ་དང་ནི་གི་ཝང་དང་། །
ཀ་ར་སྦྲང་རྩི་པ་ལ་ཤ །ཡུང་བ་རུ་རྟ་ཆ་མཉམ་པ། །སྦྱོར་བའི་གནས་སུ་གཟུང་བར་བྱ། །རྫས་དེ་དག་ནི་བསྒོམས་ནས་སུ། །རྟག་ཏུ་ཐིག་ལེ་བྱས་གྱུར་ན། །རྒྱལ་པོ་བློན་པོ་ཕོ་བྲང་བཅས། །ཐམས་ཅད་དུ་ནི་དགའ་བར་
འགྱུར། །དབང་པོ་ལག་དང་རུ་རྟ་དང་། །རྨོངས་བྱེད་མ་དང་རེངས་བྱེད་མ། །བདག་གི་ལྔ་དང་ཡན་ལག་ལྔ། །ལྔ་པོ་ཐམས་ཅད་ཆ་མཉམས་ལ། །བཟའ་དང་བཏུང་དང་སོ་རྩི་དང་། །ཞིབ་ཏུ་བཏགས་ཏེ་སྦྱར་ལ་སྦྱིན། །
ཐམས་ཅད་དུ་ནི་དབང་འགྱུར་ཏེ། །འཆི་བ་ན་ཡང་སྟོང་མི་འགྱུར། །ཁྲག་ནི་གཏོར་བའི་སྦྱོར་བ་ཡིས། །དབང་ལ་སོགས་པའི་ལས་རྣམས་འགྲུབ། །སྔགས་ནི་འབུམ་དུ་བཟླས་པ་ཡིས། །འགྲོ་བ་ཐམས་ཅད་རྨོངས་

87-1-202a

པར་འགྱུར། །བདག་གི་ལུས་ལ་གཤེགས་གསོལ་བ། །བདག་ཉིད་ཇི་ལྟར་དགའ་བར་བྱ། །སེམས་ཅན་དོན་ཕྱིར་བློ་ལྡན་པས། །ཐམས་ཅད་དབང་དུ་འདུ་བར་འགྱུར། །བརྟུལ་ཞུགས་བྲམ་ཟེའི་ཉེ་དུ་མོས། །ཞི་བའི་
ལས་ནི་སྐྱེ་བར་འགྱུར། །རྒྱལ་པོ་བླ་མ་གསང་བ་མོས། །རྒྱས་པའི་ལས་ནི་སྦྱར་བར་བྱ། །རྗེ་རིགས་དམངས་མོ་ཐམས་ཅད་ཀྱིས། །དབང་གི་ལས་ནི་བསྒྲུབ་པར་བྱ། །ལྷམ་མཁན་ཤན་པ་ཉ་པ་མོས། །མངོན་སྤྱོད་དུ་ནི་རབ་ཏུ་
གྲགས། །ཀླ་ཀློ་གདོལ་པ་ཚོན་མཁན་མས། །སྦྱོར་བའི་དངོས་གྲུབ་བཤད་པ་ཡིན། །དེ་བས་འབད་པ་ཐམས་ཅད་ཀྱིས། །རྣལ་འབྱོར་བསྟན་བཅོས་གཟུང་བར་བྱ། །གཞན་ཡང་རྐང་སྟབས་བཅིང་བར་བྱ། །སེམས་ཅན་བསྒྲལ་
བའི་གནས་ཡིན་ཏེ། །གཉིས་ནི་ཀུན་ཏུ་འདུས་ནས་བསྐྱོད། །དེ་ཉིད་ཕྱག་རྒྱ་ཞེས་བྱ་བཅིང་། །མཉམ་པའི་རྐང་སྟབས་དང་། དབྱེ་བའི་སྟབས་དང་། ཟླུམ་པོའི་སྟབས་དང་། གསུམ་གནོན་པོའི་སྟབས་དང་། རུས་སྦལ་གྱི་སྟབས་
དང་། གཡས་བརྐྱང་དང་། གཡོན་བརྐྱང་དང་། གནས་གཅིག་པ་དང་། འདུག་པ་དང་། བུང་བའི་ཚོགས་དང་། རྒྱ་མཚོ་རློབ་པ་དང་། རི་བོ་དཔུང་པ་དང་། རྐང་པའི་འཕེན་པ་དང་། མཆོད་སྡོང་གི་ཚུལ་དང་། པུས་མོ་བཙིར་བ་
དང་། བསྡུ་བའི་ཚུལ་དང་། མཉམ་དུ་གནས་པ་དང་། དུས་ཀྱི་མེ་དང་སྙིང་པོ་དང་། དགའ་བས་གནས་པ་དང་། གཅིག་ཏུ་བསྡུ་བའོ། །རྐང་སྟབས་བསྐྱོད་པ་བཅྭ་བརྒྱད་ནི། །མཆོད་པའི་དུས་སུ་སྦྱར་བར་བྱ། །ཡོན་ཏན་ཐམས་ཅད་
འབྱུང་བའི་གནས། །རྣལ་འབྱོར་པ་ཡིས་མཚོན་པར་བྱ། །སྙིང་གར་བཙིར་བ་དང་། རྐང་པ་སྦྱར་བ་དང་། ཕྲེང་བའི་ཚུལ་དང་། ནུ་མའི་ཚུལ་དང་། གཉི་ག་སྦྱར་ཏེ་བཟའ་བ་དང་། ཕྱེད་ཀྱིས་འཁྱུད་པ་དང་། ལག་པ་གཉིས་སྦྱར་
བ་དང་། གསང་བར་རེག་པ་དང་། ལུས་བསྙེ་བ་དང་། ཀོས་ཀོ་ལ་རེག་པའོ། །ལག་པའི་ཐབས་ཉིད་བཅུ་དང་ནི། །ཞལ་ནི་བཞད་ཅིང་སྒེག་པ་དང་། །མཚན་ཉིད་སྣ་ཚོགས་ལྡན་པ་ཡིས། །དེ་ཡིས་ལས་རྣམས་འགྲུབ་པར་བྱ། །རྡོ་རྗེ་

87-1-202b

དྲིལ་བུའི་ཕྱག་རྒྱ་དག །དེ་ཁོ་ན་ཡིས་སོ་སོར་བཟུང་། །གསང་བའི་རྡོ་རྗེ་དང་བྲལ་ན། །དྲིལ་བུས་ཇི་ལྟར་འབྲས་བུ་འགྲུབ། །རྡོ་རྗེའང་དྲིལ་བུ་དང་བྲལ་ན། །རྡོ་རྗེ་སྒྲུབ་པའང་རིང་བར་འགྱུར། །རྡོ་རྗེ་དྲིལ་བུའི་ཕྱག་རྒྱ་དག །དམིགས་
ན་ཕ་རོལ་སྒྲོལ་བར་འགྱུར། །མཚན་མོ་ཟླ་བ་མེད་པ་དང་། །ཉིན་མོ་ཟླ་བས་ཅི་ཞིག་ནུས། །དེ་བས་རྡོ་རྗེ་དྲིལ་བུ་དག །མཉམ་པ་དེ་ཉིད་གསལ་བར་བྱེད། །ཨཱ་ལི་ཀཱ་ལི་མཉམ་བསྒོམས་ནས། །རྣལ་འབྱོར་ཆེན་པོ་བསྒྲུབ་པ་
པོས། །ཨཱ་ལི་རྡོ་རྗེ་ཞེས་བྱར་བརྗོད། །ཀཱ་ལི་དེ་བཞིན་གཤེགས་མ་ཡིན། །ཨཱ་ལི་ཀཱ་ལི་མཉམ་སྦྱོར་བས། །དགོས་པ་ཐམས་ཅད་སྒྲུབ་པར་བྱེད། །སེམས་ཅན་དོན་རྣམས་མ་ལུས་པ། །ལྷ་ཡི་གཟུགས་ཀྱིས་བྲི་བར་བྱ། །ཕྱི་
རོལ་ཤེས་རབ་ཐབས་རྣམས་ཀྱིས། །ཇི་ལྟར་འཁོར་བ་སྒྲོལ་བར་འགྱུར། །རྨོངས་པ་ཕྱི་རོལ་སེམས་ལྡན་པས། །དེ་ཡི་དམ་ཚིག་བསྟན་པ་ཡིན། །གསང་བའི་གསང་བ་གསང་བ་ཆེ། །རྟག་ཏུ་གབ་ཅིང་གསང་བ་ཡིན། །གང་ཞིག་
ལུང་ནི་ཤེས་གྱུར་པ། །དེ་ཡི་རྣལ་འབྱོར་པ་རུ་གྲགས། །ཤེལ་ལྟར་དག་པའི་སེམས་ལ་ནི། །དེ་ཡི་ཆོས་ནི་བསྟན་པར་བྱ། །གལ་ཏེ་སེམས་ནི་ཐེ་ཚོམ་ན། །སྐད་ཅིག་གིས་ནི་དམྱལ་བར་ལྟུང་། །འདོད་ལ་དགའ་བ་མ་ཡིན་ཅིང་།   །
ལོངས་སྤྱོད་ཕྱིར་ནི་བསྟེན་མི་བྱ། །སེམས་ཅན་དོན་བྱའི་ཕྱིར་དུ་ནི། །རབ་ཏུ་འབད་པའི་དེ་ཉིད་དམིགས། །གལ་ཏེ་འདོད་དགའི་རྣལ་འབྱོར་པ། །ཐབས་ཀྱི་མཚན་ཉིད་གཅིག་ཡིན་ཏེ། །རང་དགར་སྐད་ཅིག་ཡང་དག་འབྱུང་། །རྡོ་རྗེ་
དྲིལ་བུ་སྦྱོར་བའོ། །སྐད་ཅིག་ཚུལ་གྱིས་བསྐྱེད་ནས་ནི། །བདག་གི་རྣལ་འབྱོར་བདག་ཅེས་བརྗོད། །གསང་བའི་ནང་གི་དབུས་གནས་པར། །ཨཱ་ལིའི་ས་བོན་གཟུང་བར་བྱ། །བདག་ཉིད་སྐད་ཅིག་རྣལ་འབྱོར་ནི། །ཧཱུྃ་ཞེས་བྱ་བ་
འབད་དེ་བཟླ། །གང་ཡང་ཅུང་ཟད་ལུས་དང་ངག །ལྷ་ཡི་སྦྱོར་བར་ཐིམ་པར་བྱ། །ཐལ་སྦྱོར་ཕྱོགས་ནི་ཐམས་ཅད་དུ། །རྣལ་འབྱོར་རྣལ་འབྱོར་མ་དབང་གསོན། །དགྱེས་ཤིང་ཐུགས་ནི་ཚིམ་པ་ཡིས། །འགྲོ་བ་ཐར་པ་དེ་རིང་

87-1-203a

ཐོབ། །ཨེ་མའོ་ཆོས་ཀྱི་མཆོག་གི་ལམ། །ཨེ་མའོ་འཁོར་བ་གཅོད་པ་པོ། །ཨེ་མའོ་རྣལ་འབྱོར་གྲོལ་བའི་གནས། །ཨེ་མའོ་ངོ་མཚར་རྣལ་འབྱོར་ལམ། །ཚེས་གྲངས་མེད་ཅིང་རྒྱུ་སྐར་མེད། །སྨྱུང་བ་མེད་པར་བསྟན་པ་
སྟེ། །འདི་ནི་བདེ་བའི་སྒྲུབ་པར་བརྗོད། །བདེ་བས་འཁོར་ལོ་གཅོད་པར་བྱེད། །ལས་ཀྱི་འཁོར་ལོར་ཆོ་ག་རྣམས། །སྒྲུབ་པ་པོ་ཡི་སྣ་ཚོགས་འདོད། །ཟླ་བའི་དཀྱིལ་འཁོར་དབུས་གནས་པར། །དྲག་མོའི་གཟུགས་སུ་སྤྲུལ་པར་བྱ། །དེ་ཡི་གཟུགས་
སུ་བསམས་ནས་ནི། །སྔོན་བཞིན་དེ་ཉིད་སྒོམ་པར་བྱ། །སྔགས་པས་སུམ་འབུམ་བཟླས་ནས་སུ། །ཕྱི་ནས་ལས་ནི་བསྒྲུབ་པར་བྱ། །ཡི་གེ་གཉིས་འགྱུར་ཐིག་ལེ་དང་། །རྩ་བའི་སྒྲ་ནི་སྦྱང་བར་བྱ། །ཕྱག་འཚལ་སྲེག་པའི་མཐར་བཞག་པ། །
རྣལ་འབྱོར་པ་ཡིས་སུམ་འབུམ་དུ། །བཟླས་པས་སྔོན་དུ་བསྙེན་ནས་ནི། །དེ་ཉིད་ལས་རྣམས་འབད་དེ་སྒྲུབ། །ཡི་དགས་གོས་ལ་སོགས་བཟུང་ལ། །ལྷ་མོ་སེར་མོ་ཚོན་རྩི་བྲིས། །ཕྱག་གཉིས་རོལ་པའི་རྐང་སྟབས་ཅན། །དཀར་དང་སེར་ལ་
འབར་བའི་ལུས། །ཧ་ཧར་བཞད་ཅིང་གཙིགས་པ་སྟེ། །སྐྲ་ནི་ལྷུག་པས་རྣམ་པར་བརྒྱན། །ཡི་དགས་ཀྱི་ནི་སྟན་ལ་བཞུགས། །སྐྱེས་བུའི་ལྤགས་པའི་ན་བཟའ་མནབས། །དོན་ཡོད་གྲུབ་པའི་དབུ་རྒྱན་ཅན། །སྦྲུལ་གྱི་རྒྱན་གྱིས་རྣམ་པར་
ཀླུབས། །གླང་པོའི་ལྤགས་པའི་ཤམ་ཐབས་ཅན། །ཁ་ཊྭཱྃ་མཆོག་གིས་བརྒྱན་པ་སྟེ། །གཡོན་པ་ཆང་གི་ཐོད་པ་བསྣམས། །ཧཱུྃ་གི་སྒྲ་ཡིས་འཇིགས་པར་མཛད། །འོད་ཟེར་མེ་ལྟར་འབར་ཞིང་གསོལ། །ལྷ་མོ་སེང་གེ་བསྒོམ་པར་
བྱ། །ས་ཡི་དབུས་སོགས་སྦྱོར་བར་བྱ། །མཁས་པ་ཡིས་ནི་བསྒྲུབ་པར་བྱ། །སྔོན་གྱི་མཚན་ཉིད་ལྡན་པ་ཡིས། །གཉིས་མེད་གཏོར་མས་དགང་བར་བྱ། །གལ་ཏེ་འབྱོར་ན་ཡི་དགས་མོ། །ཐ་མལ་མེ་འབར་དབུས་སུ་ནི། །ཡམ་
ཤིང་ཐང་ཤིང་ལས་བྱས་པའམ། །ཞོ་ཅན་ལྔ་ཡི་ཤིང་ལས་བྱ། །མཆོད་པ་སྣ་ཚོགས་རྒྱ་ཆེན་དང་། །ཤ་ཆེན་ལ་སོགས་བསྲེག་པར་བྱ། །སྦྲང་རྩི་ཁྲག་ལ་སྤགས་པ་དག །བརྒྱད་བརྒྱ་རུ་ནི་སྦྱིན་སྲིག་བྱ། །དེ་ལྟར་བསག་པ་

87-1-203b

ཙམ་གྱིས་ནི། །དེས་ནི་མཚན་མ་སྟོན་པར་འགྱུར། །ཨོཾ་སྨྲྃ་ཕྲུྃ་ཕུཿཕཊ། སྦྱིན་སྲེག་གི་རྩ་བའི་སྔགས་སོ། །ཐམས་ཅད་སྔར་བསྟན་བཞིན་དུ་བྱ། །དང་པོ་ས་ནི་འགུལ་འགྱུར་ཏེ། །གཉིས་པ་ལ་ནི་བྲི་གཟུགས་འགུལ། །
གསུམ་པ་ལ་ནི་དྲི་ཆེན་འབྱུང་། །བཞི་པར་སེང་གེ་སྒྲ་སྒྲོགས་ཏེ། །ལྔ་པར་བསྒྲུབ་པའི་གྲོགས་པོར་ནི། །སེང་གེའི་ཚུལ་དུ་བབས་ནས་སུ། །དྲག་པོའི་གཟུགས་ཅན་རྣམ་པར་གཙིགས། །འཇིགས་པའི་སྒྲ་ནི་སྒྲོག་པར་བྱེད། །དམ་
ཚིག་ཕྱག་རྒྱ་སོགས་ཕྱིན་ནས། །གཏོར་མའི་མཆོད་པས་མཉེས་པར་བྱ། །ཇི་ལྟར་འདོད་བཞིན་གནས་རྣམས་དང་། །བསྟན་ནི་བདག་གིས་མཛད་དུ་གསོལ། །དེ་ནས་ལྷ་མོའི་དངོས་བསྟན་ནས། །བདག་གིས་བུ་ཡི་ཅི་ཞིག་བསྒྲུབ། །
འབད་དེ་དམ་ཚིག་བྱིན་ནས་སུ། །དེ་ལ་ཕྱག་རྒྱ་བསྟན་པར་བྱ། །དཔའ་བོས་དེ་ལྟར་བྱིན་ནས་སུ། །ད་ལྟར་བདག་གི་འདི་མཛོད་ཅིག །བདག་ཉིད་ལ་ནི་ལྷ་མོ་འགྲུབ། །ཨོཾ་ཏིཥྛ་མ་མ་ཀུ་རུ་ཧཱུྃ་ཧཱུྃ་ཧཱུྃ་ཛ་ཛ་ཛ་སྭཱ་ཧཱ། སྤྱི་བོར་ལག་པ་
བཞག་ནས་ནི། །གསང་སྔགས་འདིར་ནི་བརྗོད་པར་བྱ། །ཤ་དང་ཁྲག་དང་སྲན་ཆན་བཅས། །གཉིས་མེད་གཏོར་མ་དེ་ལ་སྦྱིན། །ཡི་དགས་བགྲོད་པར་གནས་ནས་སུ། །རྟག་པའི་དུས་སུ་བྱིན་གྱིས་བརླབ། །ལྷ་མིན་ཀླུ་མོ་
གནོད་སྦྱིན་མོ། །དྲི་ཟ་མ་འམ་ཅི་དང་ནི། །ཡི་དགས་མི་མོ་གང་འདོད་པ། །བཀའ་བཞིན་སྐད་ཅིག་གིས་འགུགས་ན། །ཕྲན་ཚེགས་མི་མོ་སྨོས་ཅི་དགོས། །བཀའ་ནི་བསྒོ་བ་ཙམ་གྱིས་སུ། །ལྷ་མིན་ཀླུའི་གནས་ནས་ཀྱང་། །
གང་ཞིག་དོན་དུ་གཉེར་བ་རྣམས། །མྱུར་དུ་ཁྲིད་ནས་འོང་བར་འགྱུར། །གང་ཡང་དགྲ་རྣམས་གསང་བ་དང་། །བཀའ་བཞིན་དུ་ནི་སྐྲོད་པར་འགྱུར། །ལས་རྣམས་ཀུན་བྱེད་ལྷ་མོ་སྟེ། །མཁས་པ་ཡིས་ནི་བསྒྲུབ་པར་བྱ། །སྟག་མོ་
ལྕེ་སྤྱང་འུག་པ་མོ། །ལས་དེ་ཉིད་ཀྱིས་བསྒྲུབ་བྱ་སྟ། །དངོས་གྲུབ་དེ་ལྟར་ཤེས་བྱས་ལ། །མཁས་པ་ཡིས་ནི་བསྒྲུབ་པར་བྱ། །རྡོ་རྗེ་དྲིལ་བུའི་ཕྱག་རྒྱ་ནི། །དེ་བཞིན་ཉིད་ཀྱིས་སོ་སོར་བཟུང་། །རྡོ་རྗེ་དེ་ཉིད་ཀྱིས་སྦྱར་ཞིང་། །

87-1-204a

དྲིལ་བུ་ཆོས་ཀྱི་ལྷ་མོའོ། །ཕྱག་རྒྱ་གཉིས་སུ་ལྡན་པ་ཡིན། །ཀུན་རིག་པས་ནི་ཐམས་ཅད་སྒྲུབ། །སྦྱོར་བའི་གདན་ཞེས་བྱ་བའི་རབ་ཏུ་བྱེད་པ་བཞི་པའོ།། །།  རྣལ་འབྱོར་ཕྱག་རྒྱ་སོགས་མཚན་པའི། །སློབ་དཔོན་དག་ནི་
གཟུང་བྱ་བ། །སྔགས་དང་ཕྱག་རྒྱ་སྦྱོར་སོགས་ལྡན། །འཁོར་བ་ལས་སྒྲོལ་མཉམ་ཉིད་ཀྱི། །ཇི་བཞིན་ལམ་གྱིས་འཁོར་བ་ལས། །སྒྲོལ་བའི་མཚན་ཉིད་རྡོ་རྗེ་ཉོན། །སློབ་དཔོན་ཡོན་ཏན་ཇི་འདྲ་ཞིང་། །བླ་མ་ཞེས་བགྱི་ཇི་ལྟར་
ལགས། །སློབ་དཔོན་ཇི་ལྟར་སྦྱར་བར་བགྱི། །བཅོམ་ལྡན་ཇི་ལྟར་བལྟ་བར་བགྱི། །ཐམས་ཅད་བྱང་ཆུབ་མཚན་ཉིད་ཀྱི། །དེ་ཉིད་ཕྱག་ན་རྡོ་རྗེས་ཉོན། །བྱང་ཆུབ་རྫོགས་པའི་མཚན་ཉིད་དང་། །ལུས་ནི་སངས་རྒྱས་ཐམས་
ཅད་ཀྱི། །ཆ་ཤས་བྱང་ཆུབ་ཡན་ལག་གནས། །དབུ་རྒྱན་རིགས་ནི་ལྔ་ཉིད་དེ། །བ་སྤུ་རྣམས་ནི་དགྲ་བཅོམ་མོ། །འཇིག་རྟེན་པ་ནི་ཞབས་ཀྱི་གདན། །འོད་ཟེར་གནོད་སྦྱིན་གསང་ལ་སོགས། །དེ་ལྟར་ཡོན་ཏན་ལྡན་པའི་
སྐུར། །རྣལ་འབྱོར་ཅན་ནི་རྟག་ཏུ་བལྟ། །ཡེ་ཤེས་ཅན་ནི་ཤེས་བྱ་བ། །མཚན་ཉིད་གང་ཡིན་བསྟན་པར་བྱ། །ཤིན་ཏུ་དུལ་ཞིང་ཞི་བའི་གཟུགས། །སེམས་ཅན་ཀུན་ལ་མི་འཇིགས་སྦྱིན། །སྔགས་དང་རྒྱུད་ཀྱི་སྦྱོར་བ་
མཁས། །རྣལ་འབྱོར་བཟོ་དང་བསྟན་བཅོས་རིག །ཐམས་ཅད་དུ་ནི་སྙན་པར་སྨྲ། །སེམས་ཅན་ཀུན་ལ་བུ་བཞིན་ལྟ། །སྦྱིན་པ་ལ་སོགས་རྟག་ཏུ་དགའ། །རྣལ་འབྱོར་བསམ་གཏན་མངོན་པར་བརྩོན། །སྙིང་རྗེ་ཕན་པའི་
སེམས་ཀྱིས་ནི། །བདེན་པར་སྨྲ་ཞིང་འཚེ་མི་བྱེད། །མཉམ་ཉིད་སེམས་ནི་བསྐྱེད་པས་ན། །སེམས་ཅན་རྣམས་ཀྱི་མགོན་སྐྱོབ་ཡིན། །དེ་ཉིད་བཅུ་ནི་ཡོངས་ཤེས་པ། །འདི་ནི་སློབ་དཔོན་ཞེས་བྱར་བརྗོད། །གཞན་ཡང་སློབ་མས་སྤྱོད་
པ་ཡི། །དེ་ཉིད་མཚན་ཉིད་མཉམ་པར་གྱིས། །རྣལ་འབྱོར་མ་ཡི་སྦྱོར་བ་ལྟ། །དམ་ཚིག་སྤྱོད་པ་དང་ལྟ་ཉིད། །གཏོར་མ་གསང་བ་ལས་སོགས་ལྡན། །སློབ་དཔོན་གསང་བ་སྨད་མི་བྱ། །སྨད་ན་མྱུར་དུ་མནར་མེད་འགྲོ། །ཀུན་ཏུ་དམ་

87-1-204b

ཚིག་མེད་པ་དང་། །སྟན་དང་མལ་དང་ལྷམ་སོགས་དང་། །གདུགས་དང་ན་བཟའ་ཉེར་སྤྱོད་རྣམས། །གྲིབ་མ་འགོམ་ཞིང་བརྫི་མི་བྱ། །བཟློག་དང་གཟིར་བའི་ཚིག་བརྗོད་མིན། །འདས་ན་དེ་ནི་དུས་ཀུན་ཏུ། །གདོན་གྱིས་འཚེ་བར་འགྱུར་བ་
དང་། །ནོར་ཉམས་དཔལ་ལས་རིང་དུ་འགྱུར། །བདུད་དང་སྡང་བས་འཇོམས་པར་བྱེད། །དེ་ཡི་གྲིབ་མ་འགོམ་གྱུར་ན། །མཆོད་རྟེན་བཤིག་པའི་སྡིག་འདྲར་བརྗོད། །སློབ་དཔོན་སྨོད་པར་གང་བྱེད་པ། །རྨི་ལམ་ན་ཡང་དངོས་གྲུབ་མེད། །
སློབ་དཔོན་ཡོན་ཏན་གཟུང་བྱ་ཡི། །སྐྱོན་རྣམས་ནམ་ཡང་གཟུང་བྱ་མིན། །སྔགས་དང་ཕྱག་རྒྱའི་སྦྱོར་ལ་སོགས། །དེ་ཡི་ལམ་གྱིས་འགྲུབ་ཕྱིར་རོ། །བསླབ་པ་སྦྱིན་པ་སྔོན་འགྲོ་བས། །དེ་ནས་མཎྜལ་ལ་སོགས་བྱ། །སྔར་བསྟན་ཡི་གེ་
གཅིག་པ་ཡིས། །སངས་རྒྱས་ལྔ་རུ་བསྟན་པར་བྱ། །དེ་ཡི་རྣལ་འབྱོར་ལྡན་པ་ཡིས། །ལས་རྣམས་འདོད་བཞིན་འགྲུབ་པར་འགྱུར། །སྔགས་ཀྱི་དབང་བསྐུར་ལྡན་པ་ཡིས། །ཡི་གེ་བརྒྱད་པོ་བསྒོམ་བར་བྱ། །གཉིས་མེད་གཏོར་སྦྱིན་དབང་
བསྐུར་བའི། །དེ་ཡིས་ཆོས་ནི་ཤེས་པར་བྱ། །སྦྱོར་བའི་དབང་བསྐུར་ལྡན་པ་ལ། །ཡེ་ཤེས་རྣམ་ཤེས་བསྟན་པར་བྱ། །སློབ་དཔོན་དབང་ནི་བསྐུར་ནས་སུ། །ཐམས་ཅད་གསང་བ་ལ་སོགས་བསྟན། །དང་པོར་སློབ་མས་བྱ་བ་ནི། །བླ་གོས་ཕྲག་པར་
གཟར་ནས་སུ། །པུས་མོ་གཡས་པའི་ལྷ་ང་དག །ས་ལ་ལེགས་པར་བཙུགས་ནས་ནི། །ཐལ་མོ་སྙིང་གར་སྦྱར་བར་བྱ། །བླ་མ་སྟན་ལ་འདུག་ནས་ནི། །རང་གི་ལྷ་རུ་རབ་བསྒོམས་ལ། །ལག་པས་ལག་པ་བཟུང་ནས་ནི། །མཁས་པས་བསླབ་པ་
སྦྱིན་པར་བྱ། །སངས་རྒྱས་ཆོས་དང་དགེ་འདུན་ལ། །རྟག་ཏུ་བདག་ནི་སྐྱབས་སུ་མཆི། །ཐེག་པ་གསུམ་པོ་ཐམས་ཅད་དང་། །རྣལ་འབྱོར་གསང་སོགས་མཁའ་འགྲོ་མ། །དཔའ་བོ་དཔའ་མོ་དབང་ལྷ་མོ། །བྱང་ཆུབ་སེམས་དཔའ་བདག་ཉིད་ཆེ། །ཁྱད་
པར་དུ་ཡང་སློབ་དཔོན་ལ། །རྟག་ཏུ་སྐྱབས་སུ་མཆི་བར་བགྱི། །རྣམ་སྣང་མཛད་དང་མི་བསྐྱོད་པ། །རིན་ཆེན་མཆོག་དང་འཇིག་རྟེན་དབང་། །དོན་ཡོད་གྲུབ་པ་ལ་སོགས་པ། །སངས་རྒྱས་བྱང་ཆུབ་སེམས་དཔའ་ཀུན། །ཐམས་ཅད་བདག་ལ་

87-1-205a

དགོངས་སུ་གསོལ། །བདག་མིང་འདི་ཞེས་བགྱི་བ་ནི། །དུས་ཚོད་འདི་ནས་བཟུང་ནས་སུ། །བྱང་ཆུབ་སྙིང་པོར་མཆིས་བར་དུ། །མ་བསྒྲལ་བ་རྣམས་བསྒྲལ་བགྱི་ཞིང་། །མ་གྲོལ་བ་རྣམས་བདག་གིས་དགྲོལ། །དེ་ལྟར་རྗེས་སུ་བརྩེ་བའི་ཕྱིར། །
བདག་གིས་ཆོས་ཁྲིམས་འདི་བགྱིའོ། །དེ་ལྟར་ལན་གཉིས་ལན་གསུམ་དུ། །མཉམ་ཉིད་བརྟན་པའི་སེམས་ལྡན་བརྗོད། །ཨོཾ་སྭ་བྷཱ་བ་ཤུད་དྷཱཿསརྦ་དྷརྨཱཿསྭ་བྷཱ་བ་ཤུད་དྷོ྅ཧྃ། ཨོཾ་བཛྲ་ཤུད་དྷཱཿསརྦ་དྷརྨཱ་བཛྲ་ཤུད་དྷོ྅ཧྃ། ཨོཾ་ཡོ་ག་ཤུད་དྷཱཿ
སརྦ་དྷརྨཱ་ཡོ་ག་ཤུད་དྷོ྅ཧྃ། །ལུས་ཀྱི་ལས་ནི་རྣམ་གསུམ་དང་། །ངག་གི་ལས་ནི་རྣམ་པ་བཞི། །ཡིད་ཀྱི་རྣམ་པ་གསུམ་དག་ནི། །ལུས་བསྡམས་པས་ནི་དམ་ཚིག་བསྲུང་། །སེམས་ནི་མཉམ་ཉིད་ཤེས་ནས་སུ། །ཇི་སྐད་གསུངས་པའི་ཆོས་
བཤད་བྱ། །དེ་ནས་རས་ཀྱིས་མིག་བཀབ་ནས། །གཏོར་མའི་གནས་སུ་གཞུག་པར་བྱ། །ལག་པས་ལག་པ་བཟུང་ནས་སུ། །སླར་ཡང་བསླབ་པ་བསྟན་པར་བྱ། །སངས་རྒྱས་ཀུན་གྱི་རང་བཞིན་སྐུ། །སློབ་དཔོན་ལ་ནི་སྐྱབས་སུ་མཆི། །
དཔའ་བོ་དཔའ་མོ་འཁོར་ལོ་ཡི། །སྦྱོར་བའི་གདན་ལ་བདག་ཕྱག་འཚལ། །དོན་དམ་རྟོགས་མཆོག་སེང་གེ་སློབ་མ་རྣམས་ཤེས་ནས། །རྣལ་འབྱོར་ལྡན་པས་སྒྲིབས་གཡོགས་རྣམས་སུ་དྲལ་བའི་ཕྱིར། །སྲིད་པའི་ཉེས་དམིགས་བསྐྱེད་
པའི་ཉོན་མོངས་བཅོམ་ནས་སུ། །རྣལ་འབྱོར་དོན་དམ་གྲུབ་བྱེད་དེ་ཉིད་རྒྱལ་པོར་འགྱུར། །ཨཱཿནི་ཡིག་འབྲུ་ཀུན་གྱི་མཆོག །གསུང་གི་རྡོ་རྗེར་བྱིན་གྱིས་བརླབ། །ཧཱུྃ་ནི་ཉོན་མོངས་བསྲེག་པ་སྟེ། །ཐུགས་ཀྱི་རྡོ་རྗེར་བྱིན་གྱིས་བརླབ། །
ཨོཾ་ནི་ཡེ་ཤེས་འགུགས་པ་སྟེ། །སྐུ་ཡི་རྡོ་རྗེར་བྱིན་གྱིས་བརླབ། །དེ་ནས་མིག་ཕྱེ་མཐོང་མ་ཐག །ཀུན་ལ་ཡན་ལག་ལྔས་བཏུད་ནས། །བདག་གི་རང་བཞིན་ལུས་འདི་ཉིད། །སྦྱོར་བའི་གདན་དུ་གདིང་བར་བྱ། །དེ་ནས་མཚན་
ཉིད་ཅི་འདྲ་བར། །ལུས་ནི་ཇི་ལྟར་བསྟན་པ་བཞིན། །མཁས་པ་ཡིས་ནི་སྦྱིན་པར་བྱ། །ཇི་ལྟར་བསྟན་བཞིན་མཚོན་བྱས་ལ། །དེ་ནས་བསླབ་སོགས་ཡང་བྱ་སྟེ། །ཇི་ལྟར་བསྟན་པའི་ཡིད་ཀྱིས་བརྟག །བདུད་རྩི་ལྔ་དང་ལྡན་

87-1-205b

པ་ཡིས། །དམ་ཚིག་ཆུ་ནི་དེ་ནས་སྦྱིན། །ཧ་ཞེས་པ་ཡིས་ཁ་དོག་འཕྲོག །ཧོ་ཡིས་དྲི་ནི་འཇོམས་པར་བྱེད། །ཧྲཱིཿཡིས་ནུས་པ་གཞོམ་བྱ་སྟེ། །ལ་ལར་སྔགས་ནི་བཟླས་པར་བྱ། །བླ་མའི་ཞབས་ཀྱི་དྲུང་དུ་ནི། །མགོ་བོས་བཏུད་དེ་
དབུལ་བར་བྱ། །ཨོཾ་པཉྫ་ཌཱ་ཀི་ནཱི་པཱུ་ཛོ་པསྠཱ་ནཱ་ཡ་ཨཱཏྨཱ་ནྃ་ནིརྱཱ་ཏ་ཡཱ་མི། ཨོཾ་ཨཱ་ཙཱརྱ་པུ་ཛོ་པསྠཱ་ནཱ་ཡ་ཨཱཏྨཱ་ནྃ་ནི་ཏ་ཡཱ་མི། ཨོཾ་སརྦ་སཏྭ་པ་རི་ཏྲཱ་ཎ་ཨརྠཱ་ཡ་ཨཱཏྨཱ་ནྃ་ནིརྱཱ་ཏ་ཡཱ་མི། ང་རྒྱལ་དང་ནི་ཁྲོ་བ་དང་། །བརླང་དང་ཚིག་
རྩུབ་སྤང་བར་བྱ། །སྡིག་པའི་གྲོགས་པོ་སྤང་བྱ་སྟེ། །སྲོག་གཅོད་བརྐུ་བ་དེ་བཞིན་ནོ། །ལོངས་སྤྱོད་ཀུན་ལ་མི་ཆགས་ཤིང་། །བདག་ཉིད་ངེས་པར་ཆོག་ཤེས་བྱ། །གར་གྱི་གནས་དང་ཚུལ་འདྲ་བའི། །ཕྱི་རོལ་བསྟན་བཅོས་
ཞེན་མི་བྱ། །ས་མ་ཡ་སྟྭྃ། ས་མ་ཡ་ཧོཿ ཨ་ཨཱ་ཨྃ་ཨཿཧཱུྃ་ཛ །    རྡོ་རྗེ་ཕྱག་རྒྱ་ལྡན་པ་ཡིས། །ཡན་ལག་དྲུག་གི་ས་བོན་གཟུང་། །གཞན་ཡང་ཆོས་རྣམས་ཐམས་ཅད་ཀྱི། །རྫོགས་པའི་བྱང་ཆུབ་རིམ་པར་བསྟན། །དེ་ནས་
སློབ་མ་འབྱོར་ལྡན་པས། །རྟག་ཏུ་བླ་མ་ཡོན་དབུལ་བྱ། །རང་གི་བུ་དང་ཆུང་མ་དང་། །གཉེན་འདུན་བྲན་ཁོལ་བཅས་པ་དང་། །གླང་ཆེན་རྟ་དང་བ་གླང་ཁྱུ། །རིན་ཆེན་ཁྱིམ་དང་ཞིང་ཡུལ་བཅས། །གསེར་དང་དངུལ་དང་ཟངས་
དང་ནི། །གོས་དང་འབྲུ་ལ་སོགས་པའི་ནོར། །སྟན་དང་མལ་ཆ་ལྷམ་ལ་སོགས། །གདུགས་སོགས་ཉེ་བའི་ལོངས་སྤྱོད་དབུལ། །མཐར་ནི་རང་གི་ལུས་ཉིད་ཀྱང་། །བླ་མའི་ཡོན་དུ་ཕུལ་ནས་སུ། །ཆོས་རྣམས་རང་བཞིན་
དག་པ་ཉིད། །དངོས་པོའི་རང་བཞིན་མེད་པ་རུ། །རྫོགས་པའི་བྱང་ཆུབ་རིམ་པར་བསྟན། །སྔོན་དུ་བཟོད་པའི་ཚུལ་གྱིས་ནི། །སེམས་ཅན་རྣམས་ལ་གཟིར་མི་བྱ། །གཞན་ལ་ཚིག་རྩུབ་སྨྲ་མི་བྱ། །ཐམས་ཅད་མི་དགར་བྱ་བ་
མིན། །ཚུལ་ཁྲིམས་སྡོམ་པ་བསྲུང་བ་དང་། །སྐྱེ་བོ་རྣམས་ལ་གནོད་མི་བྱ། །སྲོག་ཆགས་གསད་པར་མི་བྱ་སྟེ། །དེ་བས་ཤི་བར་འགྱུར་ཀྱང་བླ། །རབ་ཏུ་འབར་མེ་མཚུངས་པས་ན། །གཞན་གྱི་ནོར་ལ་རེག་མི་བྱ། །དངོས་

87-1-206a

ལ་སྲིད་པའི་བླུན་པོ་རྣམས། །བདག་ཉིད་སྲིད་པ་མི་བཟད་ལྟུང་། །རགས་དང་ཕྲ་མོ་ཙམ་ལ་ཡང་། །རྣལ་འབྱོར་པ་ཡིས་བརྫུན་བསྲུང་ངོ་། །རྣལ་འབྱོར་སྤྱོད་པའི་རྣལ་འབྱོར་པའི། །དེ་ལ་བརྫུན་སྨྲ་ཡོད་པ་མིན། །སྤྱོད་པ་
ལེགས་པར་བསྡམས་པ་དང་། །བཟའ་བཅའ་སོགས་ལའང་ལེགས་པར་བསྡམ། །དགའ་དང་རྩེ་ལའང་ལེགས་པར་བསྡམ། །གཏོར་མའི་དུས་སུའང་ལེགས་པར་བསྡམ། །རྣལ་འབྱོར་དངོས་གྲུབ་འདོད་པ་རྣམས། །སེམས་ཅན་དགའ་
བས་འགྲུབ་པར་འགྱུར། །གང་ཞིག་ཀུན་ཤེས་སློབ་མ་ལ། །སེམས་ཅན་སྤྲོ་བ་བསྟན་པར་བྱ། །མཉམ་ཉིད་ཡེ་ཤེས་བསྐྱེད་ནས་ནི། །ཐམས་ཅད་མཉམ་པར་བལྟ་བར་བྱ། །རྟག་ཏུ་མཉམ་པར་སྤྱོད་པར་བྱ། །རྣལ་འབྱོར་བསམ་
གཏན་འབད་པར་བྱ། །སེམས་ཅན་དམན་པ་སྲེད་པའི་གཞིས། །ཚོང་བྱེད་མྱུ་གུ་འཕེལ་འགྱུར་ཏེ། །དེ་ཡི་མྱུ་གུ་ལྗོན་ཤིང་གིས། །འགྲོ་བའི་འབྲས་ལམ་འགོག་པར་བྱེད། །མཐོ་རིས་ལོངས་སྤྱོད་འདོད་པ་ཡིས། །ལུས་ཅན་རྣམས་ནི་
བྱམས་པས་ན། །དགའ་ཞིང་རྩེ་བའི་ཆོས་སྤྱོད་ཀྱིས། །བདག་ཉིད་སྲིད་པར་ལྟུང་བར་འགྱུར། །མཆོད་རྟེན་ལས་ནི་མི་བྱ་ཞིང་། །གླེགས་བམ་བཀླག་པར་མི་བྱའོ། །ལག་པའི་ཕྱག་རྒྱ་མི་བཅིང་ཞིང་། །སྔགས་ཀྱི་ཡི་གེས་བཟླ་མི་བྱ། །
བསྟན་བཅོས་དག་ནི་སྙེད་སླ་སྟེ། །དེ་ཡི་སྦྱོར་བ་སྙེད་པར་དཀའ། །སློབ་དཔོན་དག་གི་ལུང་གིས་ནི། །མཁས་པ་ཡིས་ནི་བལྟ་བར་བྱ། །བདག་གི་ལྷ་དང་གཞན་ལས་ནི། །བདག་གི་ལྷ་ནི་ལྷ་ཡི་མཆོག །བདག་གི་གཟུགས་སུ་མི་ནུས་
པས། །གཟུགས་བརྙན་ལ་སོགས་བྲི་བར་བྱ། །གསང་བའི་གདན་གྱི་རབ་ཏུ་བྱེད་པ་ལས་རིམ་པར་ཕྱེ་བ་དང་པོའོ།། །།  དེར་ནི་སྦྱོར་བ་རྙེད་དཀའ་བ། །ཉོན་ཅིག་རྡོ་རྗེ་རྒྱལ་པོ་གཙོ། །དེ་ཉིད་མེད་པའི་སྔགས་པ་རྣམས། །སྲིད་པ་འཕེལ་
བྱེད་འོག་ཏུ་ལྟུང་། །ལུས་པོ་ངོ་མཚར་སྐྱེས་གྱུར་པས། །དེ་ཉིད་ཆོས་ནི་བསྟན་དུ་གསོལ། །རྣལ་འབྱོར་ཀྱི་ནི་ཚད་མ་ཅི། །སྔགས་དང་ཕྱག་རྒྱ་ཇི་ལྟ་བུ། །ཆུ་དང་མེ་དང་རླུང་རྣམས་ཀྱིས། །ལུས་ཀྱི་ཚད་ནི་ཇི་ལྟར་ལགས། །རྣལ་འབྱོར་པ་

87-1-206b

ཡི་གཏོར་མའི་ལས། །རབ་ཏུ་སྦྱར་བའི་ཚད་མ་གང་། །གང་གིས་འགྲོ་བ་བསྒྲུབ་པ་ཡི། །མཚན་ཉིད་ཚད་མ་ཇི་ལྟར་ལགས། །མཚོན་ཆའི་ལུས་དང་སེམས་ཀྱི་ཚད། །ཇི་བཞིན་དེ་ཉིད་རྡོ་རྗེས་ཉོན། །བདག་གི་ཁམས་ནི་མི་བརྟན་
པས། །གཏོར་མའི་ལས་དང་བཟླས་པ་དང་། །དཀྱིལ་འཁོར་མེ་དང་ཆུ་ཡི་ལས། །ཕྱག་རྒྱ་གདུགས་སོགས་མཆོད་པ་ཡི། །འབྲས་བུ་ཐོབ་པའི་རྣལ་འབྱོར་པའང་། །སྲིད་པའི་རྒྱ་མཚོར་ལྟུང་བར་འགྱུར། །ཕྱག་ན་རྡོ་རྗེས་ཡང་
གསོལ་པ། །སྲིད་པ་སོ་སོར་འབྱུང་བ་རྣམས། །གང་གིས་དེ་ཡི་ཚད་མ་སྟེ། །སེམས་ནི་ཇི་ལྟར་བལྟ་བར་བགྱི། །ཡིད་ནི་ཐེ་ཚོམ་སྐྱེས་པར་གྱུར། །འཁོར་བ་ཁྱོད་ཀྱིས་དྲིས་པ་ཉོན། །སེམས་ནི་ཡིད་ཀྱིས་བཀྲུས་ནས་སུ། །
རང་དགའ་ཡེ་ཤེས་དངོས་མེད་པ། །མཁའ་འགྲོ་རླུང་གིས་བཅིངས་པ་ཡིས། །སེམས་ནི་གཟུགས་དང་གཟུགས་མེད་པར། །བསམ་གཏན་དམིགས་པས་འགྲུབ་པར་འགྱུར། །འདོད་ལྷ་ལ་སོགས་འདོད་ཅན་རྣམས། །རྟག་ཏུ་
འདོད་ཡོན་སྤྱོད་པ་སྟེ། །དེ་ལྟར་འཁོར་བའི་མི་རྣམས་ནི། །རང་འདོད་ས་ལ་སོགས་པ་འགྲུབ། །དེ་ལས་སྒྲོལ་བའི་དངོས་པོ་རྣམས། །དེ་ཡི་དོན་ནི་གང་ཡིན་པ། །ང་ཡིས་ལེགས་པར་བཤད་པར་བྱ། །རྡོ་རྗེ་འཛིན་གྱིས་མདོར་བསྡུས་
ཉོན། །རྣལ་འབྱོར་ཅན་གྱི་རྣམ་ཤེས་དང་། །ལྷན་ཅིག་འགྲོ་བས་འགྲོ་བར་འགྱུར། །རྣམ་ཤེས་རྣམ་པར་ཤེས་པ་ཡིས། །ཕྱོགས་ཀུན་གྱིས་ནི་གསལ་བར་འགྲུབ། །སེམས་ཀྱི་ངོ་བོ་ཐེ་ཚོམ་པས། །བཅོམ་ལྡན་དེ་ཡང་བཤད་དུ་
གསོལ། །ཤེས་རབ་རྣམ་ཤེས་དངོས་རང་བཞིན། །མི་ཤེས་ཡེ་ཤེས་ཇི་ལྟར་ལགས། །རྣམ་ཤེས་ཡེ་ཤེས་མཚན་ཉིད་ཀྱིས། །ཐེ་ཚོམ་གྱུར་པ་ཉན་པར་འཚལ། །ཤེལ་དང་མཚུངས་པ་དག་པའི་སེམས། །སེམས་ལ་སྐྱོན་དང་
ཡོན་ཏན་མེད། །ཡུལ་རྣམས་དང་ནི་སྤྲད་པ་ཡིན། །སྲིད་པའི་སྐྱོན་གྱིས་གོས་པ་ཡིན། །གང་གིས་འདི་ཡི་སྲིད་པའི་དངོས། །ཡུལ་གནས་པ་ཡི་ཞི་གྱུར་ནས། །ཇི་ལྟར་གནས་བཞིན་རབ་སྦྱོར་བ། །བུ་གའི་སྒོ་རུ་གཟིར་བར་བྱ། །དེ་

87-1-207a

ཡི་དབུས་སུ་ཤེས་བྱ་བ། །རྟག་ཏུ་རྣམ་ཤེས་ནམ་མཁའ་འདྲ། །ཁ་དོག་མེད་ཅིང་ཐམས་ཅད་མཚོན། །མི་ལྡན་ལུས་ཅན་ལྡན་པ་སྟེ། །གཟུགས་མེད་པ་ནི་ཀུན་གྱི་གཟུགས། །དེ་བཞིན་ཐུང་ངུ་རིང་པོ་མིན། །སེམས་ཀྱི་དེ་ཁོ་ན་
ཉིད་ཀྱིས། །དངོས་མེད་རྫུ་འཕྲུལ་འགྲུབ་པར་འགྱུར། །མཚན་ཉིད་མེད་པའི་སེམས་ཀྱིས་ནི། །མཚན་ཉིད་ཐམས་ཅད་སྟེར་བའོ། །དངོས་པོ་མེད་པར་བསྒོམ་པ་ཡིས། །བསྒོམ་པ་དག་ནི་མཚོན་པར་བྱ། །གཟུགས་དང་སྟོང་པའི་དབུས་སུ་ནི། །
སེམས་ནི་མཁས་པས་ཤེས་བྱ་སྟེ། །ཐམས་ཅད་ཀུན་ནས་དམིགས་པ་ཡིས། །རྣལ་འབྱོར་ལུས་ནི་སྐྱོན་མེད་པའོ། །གསང་ལས་གསང་བ་གསང་ཆེན་པོ། །རྣམ་ཤེས་ཡེ་ཤེས་གསང་བ་དག །བསྟན་བཅོས་ཀློག་ལ་སོགས་སྦས་ཤིང་། །
ཡུལ་གྱིས་མཚན་ཉིད་ལས་ཀྱང་རིང་། །མཚོན་བྱའི་མཚན་ཉིད་དེ་ཉིད་ནི། །བླ་མའི་ལམ་གྱིས་མཐོང་བར་འགྱུར། །སེམས་དང་ལུས་སུ་བཅས་མཉམ་ཞིང་། །སེམས་ཀྱང་གདུང་བར་མི་བྱའོ། །ལུས་ནི་གདུང་བར་མི་བྱའོ། །ཡིད་
དུ་འོང་བའི་ས་ཕྱོགས་སུ། །མཁས་པ་ཡིས་ནི་བསྒྲུབ་པར་བྱ། །བདེ་བའི་སྟན་ལ་གནས་ནས་ནི། །སེམས་དཔའི་དཀྱིལ་དཀྲུང་བཅས་ནས་ནི། །ལག་གཉིས་གསང་བའི་གནས་སུ་གཞག །མིག་ནི་སྣ་རྩེར་བལྟས་ནས་སུ། །དབུགས་
ནི་ལྟེ་བའི་རྩ་བར་བཟུང་། །ཐོང་ཀ་ཀུན་ཏུ་སྤངས་པ་ནི། །དཀྱིལ་འཁོར་ལྟ་བུར་སྦྱར་བར་བྱ། །འབད་དེ་མཉམ་ཉིད་སེམས་ཀྱིས་ནི། །དེ་ཉིད་རང་བཞིན་དག་བྱས་ལ། །ཡིད་ཀྱི་དྲི་ཡིས་བྱུག་པ་དང་། །ཡིད་ཀྱི་མེ་ཏོག་མཆོད་
པར་བྱ། །རང་བཞིན་དྲི་ཡིས་བྱུགས་ནས་སུ། །ཤེས་རབ་སྒྲོན་མས་སྣང་བར་བྱ། །བདུད་རྩིའི་གཏོར་མས་ཚིམ་པའི་ལུས། །ཀུན་ནས་དྲངས་ཏེ་བཟའ་བར་བྱ། །ཁ་དོག་སེར་པོ་འབར་བའི་འོད། །ཀ་ཤ་གཉིས་འགྱུར་ཡི་གེ་སྟེ། །དྲག་
མོར་ལྡན་པའི་ས་བོན་ཉིད། །ཚངས་པའི་སྒོ་རུ་ཤིན་ཏུ་བསྲུང་། །ཐམས་ཅད་གཟུགས་ཀྱི་འཇིག་བྱེད་པ། །དྲིལ་བུ་ཆུ་ཡི་ཡི་གེ་སྟེ། །སྟོང་པར་ལྡན་པའི་ས་བོན་ནི། །སྣ་དང་རྣ་བ་དག་ལ་དགོད། །བདུད་རྩིའི་ཆུ་ཡི་ས་བོན་ནི། །ལྕེ་དབང་

87-1-207b

རྩེ་མོར་གཟུང་བར་བྱ། །སེང་གེའི་ས་བོན་བརྩེགས་པ་ཡིས། །རྒྱས་པའི་སྒོ་ནི་བསྲུང་བར་བྱ། །སྟག་མོའི་ས་བོན་བརྩེགས་པ་ཡིས། །ཐོང་ཀ་ཀུན་དུ་གཟུང་བར་བྱ། །ལྕེ་སྤྱང་ས་བོན་བརྩེགས་པ་ནི། །སྙིང་གའི་གནས་སུ་གཞག་
པར་བྱ། །ལྟེ་བའི་ཚིགས་ནི་གདན་གྱི་སྒོར། །ཕྱུགས་ཀྱི་ས་བོན་གྱིས་བསྲུང་ངོ་། །ལྷ་མོ་བརྒྱད་དུ་སྦྱར་ནས་ནི། །ས་བོན་བརྒྱད་པོ་གཟུང་བར་བྱ། །དེ་ཡི་མདོག་ནི་དཀར་མོ་སྟེ། །ལུས་ཀུན་དུ་ནི་ཤིན་ཏུ་འབར། །སྟེང་གི་མཆེ་
བ་གཉིས་ལས་ནི། །དངུལ་ཆུའི་རྒྱུན་དང་འདྲ་བར་དབབ། །འོ་མའི་ཆུ་ཞེས་བྱ་བ་ཡིན། །འཇུག་པས་བརླབས་པའི་མདོག་ལྟ་བུ། །སྟེང་གི་མཆེ་བ་གཉིས་ཀྱི་ནི། །ལྕེ་ཡིས་བསྟེན་པའི་བདུད་རྩིའི་ཆུ། །ལྕེ་ཆུང་གསང་བའི་ནང་དུ་
དབབ། །དཔྲལ་བའི་སྡེ་དང་སྣ་དང་ནི། །རྣ་བ་གཉིས་ཀྱི་རྒྱབ་དག་ཏུ། །ཁ་ཟས་ལྟ་བུའི་དངོས་པོ་ནི། །ཀུན་ནས་དྲངས་ཏེ་གཞག་པར་བྱ། །མཆོད་རྟེན་སྒོ་རུ་ས་བོན་ནི། །ཧཱུྃ་ཞེས་བྱ་བ་དབང་ཕྱུག་མཆོག །བདུད་རྩིའི་ཆུ་
ཡིས་བཀྲུས་ནས་སུ། །ལྷག་མ་འོག་ཏུ་ཐིམ་པར་བྱ། །འོག་ཏུ་རླུང་གི་ས་བོན་གྱིས། །འཁྲུལ་འཁོར་ལྟ་བུར་ཀུན་ནས་དྲངས། །ཆུ་ནི་མཛུབ་དོ་རྩིབས་ལོགས་དང་། །དེ་བཞིན་མཚན་ཁུང་གཉིས་དང་ནི། །དུས་དང་ཡི་
དགས་མེ་རྐང་པ། །ཚིགས་རྣམས་ཀུན་དང་སྙིང་ག་ནས། །བདུད་རྩི་བཏུང་བ་གང་ཡིན་པ། །བ་ལང་རྨིག་པར་ཐིམ་ནས་ནི། །སྒོ་གཅིག་ནས་ནི་སྒོ་དགུར་གཞག །ལུས་ཀུན་ལ་ནི་གནས་པ་ཡི། །བདུད་རྩི་གང་གིས་
ཤེས་པ་དག །ལུས་རྣམས་ཐམས་ཅད་སྐྱེ་འགྱུར་བས། །དེ་ཡི་རྣལ་འབྱོར་བརྟགས་པ་ཡིན། །སྙིང་དབུས་ཟླ་བ་བསམ་བྱ་བ། །མདངས་ལྡན་ཤིན་ཏུ་མཛེས་ཤིང་གསལ། །གངས་དང་ཀུན་ད་ཟླ་བ་འདྲ། །ཟླ་བ་དེ་དབུས་འོ་མའི་
རྒྱུན། །བདུད་རྩིའི་ཀུན་རིག་གུག་སྐྱེད་བཅས། །བདུད་རྩིའི་འོད་ནི་ཤིན་ཏུ་བསིལ། །མ་ནིང་རྣམས་ནི་སྤངས་པ་ཡིས། །དབྱངས་ཀྱི་ཡི་གེ་ཐམས་ཅད་ཀྱིས། །ཟླ་བའི་དཀྱིལ་འཁོར་དངོས་རྣམས་ཀྱི། །གནས་རྣམས་ཀུན་ཏུ་བསྐོར་

87-1-208a

བར་བྱ། །བ་ལང་རྨིག་པའི་སྟེང་དུ་ནི། །རྟག་ཏུ་བདུད་རྩི་བཞག་ནས་སུ། །གཟུགས་དང་ཁ་དོག་མཛེས་པ་ཡི། །ཡེ་ཤེས་ལུས་སུ་བསྒོམ་པར་བྱ། །མི་གཡོ་འཚེ་བ་མེད་པ་རུ། །དངོས་པོ་དངོས་པོ་བསྒོམ་བྱས་ལ། །འོ་
མའི་ཟླ་བ་ས་བོན་དག །ཕྱག་འཚལ་བསྲེག་པའི་མཐའ་ལྡན་པ། །མཉམ་བཞག་དངོས་པོས་བཟླས་བྱས་ནས། །འགྲུབ་འགྱུར་འདིར་ནི་ཐེ་ཚོམ་མེད། །དབང་པོ་རྣམས་ཀྱི་སྲེད་པ་དང་། །བཀྲས་སྐོམ་ལ་སོགས་མེད་པར་
འགྱུར། །ལོ་ནི་བརྒྱ་ཕྲག་དུ་མར་འཚོ། །གཟུགས་དང་གཟི་བརྗིད་ན་ཚོད་ལྡན། །རིམས་དང་དུག་ལ་སོགས་པ་དང་། །གྲང་དང་ཚ་སོགས་གནོད་པ་རྣམས། །ཡེ་ཤེས་ཅན་གྱི་ཡེ་ཤེས་ལུས། །ཡན་ལག་ཀུན་ལ་གནས་མི་འགྱུར། །
བདུད་རྩིའི་རྩ་བ་དམིགས་པ་ཡིས། །མྱུ་གུ་སྐྱེ་ཞིང་འབྱུང་བར་འགྱུར། །དེ་དང་དེ་ནི་འཕེལ་འགྱུར་བས། །གཟུགས་དང་ཡེ་ཤེས་བདག་ཉིད་ཆེ། །དེ་ཡི་རྣལ་འབྱོར་གནས་རྣམས་ནི། །སྟོང་པའི་བྲག་ལ་སོགས་པར་བརྟེན། །བདུད་རྩི་གང་གིས་
ཤེས་པ་ཡིས། །བདུད་རྩིའི་འབྲས་བུ་སྟེར་བར་འགྱུར། །ཇི་ལྟར་བདག་ཉིད་ཀྱི་ནི་སེམས། །ཡེ་ཤེས་ཅན་གྱིས་དེ་ཁོ་ནས། །དག་བྱ་འཁོར་བའི་ཕ་རོལ་མཚན། །ཡེ་ཤེས་དབང་ལས་ཉན་པར་འཚལ། །གཉིས་མེད་སྔོན་གྱི་སེམས་ཀྱིས་ནི། །འདོད་
ཆགས་ཉོན་མོངས་རྒྱ་མཚོ་ཡི། །རང་གི་ལུས་ནི་བཀྲུ་བྱ་བ། །ཡེ་ཤེས་སེམས་དཔའ་མཉན་པར་གྱིས། །རྒྱ་མཚོ་ཟབ་མོ་ལྟ་བུ་ཡི། །སྟོང་ཉིད་ཡེ་ཤེས་དེ་ཉིད་ཀྱིས། །ཕྱི་ནང་དྲི་མ་བཀྲུས་པས་ན། །ལུས་ནི་ཤེལ་དང་མཚུངས་པར་འགྱུར། །ཤེལ་དང་
འདྲ་བའི་ལུས་ཀྱི་དངོས། །དྲི་མེད་དུང་དང་ཀུན་ད་འདྲ། །ཡེ་ཤེས་དབང་པོ་སྣ་ཚོགས་ཀྱི། །ཆོས་ཀྱི་ཚོན་གྱིས་བཙོ་བར་བྱ། །རང་བཞིན་གྱིས་ནི་རྣལ་འབྱོར་པ། །ཉེས་བྱས་ལེགས་བྱས་ལས་བྱུང་བ། །གང་གིས་རང་བཞིན་ལས་རྒྱལ་བ། །ཡེ་ཤེས་ཀྱིས་
ནི་སྣང་བར་བྱ། །སྔོན་གྱི་མཚན་ཉིད་སྟོང་པ་ཡིས། །འགྲོ་བའི་དངོས་ཀུན་ཟད་པར་བྱ། །མཉམ་ཉིད་སེམས་ནི་བསྐྱེད་པ་ཡིས། །གཟུགས་སོགས་ཐམས་ཅད་ཟད་པ་ན། །དེ་གཉིས་དབུས་སུ་བསམ་བྱ་བ། །ཟླ་འོད་འོ་མའི་ས་བོན་ཏེ། །ཨཱ་ལི་ཀཱ་

87-1-208b

ལི་རབ་སྦྱོར་བས། །དེ་ཡི་དབུས་སུ་བཏུ་བར་བྱ། །དེ་ཡི་ས་བོན་དེ་ཉིད་ཀྱིས། །འོད་ཟེར་ཕྲེང་བ་བསམ་པར་བྱ། །ས་བོན་དེ་ཉིད་གང་གིས་ནི། །མྱུར་དུ་ཡེ་ཤེས་སྣང་བར་འགྱུར། །གཟུགས་མཛེས་ཡོངས་སུ་མཛེས་པ་ཡིས། །ཡེ་ཤེས་སྐུ་རུ་དེ་ནས་བསྒོམ། །
ཕྱོགས་བཅུའི་འཇིག་རྟེན་ཁམས་སུ་ནི། །སངས་རྒྱས་སྤྲིན་རྣམས་སྤྲོ་བར་བྱ། །ཕྱག་འཚལ་བསྲེག་པའི་མཐའ་ལྡན་པའི། །ས་བོན་གང་ཞིག་བཟླ་བ་ནི། །སྡེ་ཚན་གསུམ་པ་གང་ཡིན་པའི། །ཡི་གེ་གསུམ་པ་གཟུང་བར་བྱ། །དབྱུག་པ་སྤྱི་བོ་རྡོ་རྗེ་
དང་། །སྐུ་བོ་ཆེ་ལ་སོགས་པས་དཀྲི། །སེམས་ནི་མཉམ་ཉིད་བསྒོམས་ནས་སུ། །རྣལ་འབྱོར་ཅན་གྱིས་བཟླས་པར་བྱ། །མི་གཡོ་འཚེ་བ་མེད་པ་རུ། །དངོས་པོས་དངོས་པོ་བསྒོམ་བྱས་ལ། །རྣལ་འབྱོར་བསམ་གཏན་ལ་འབད་པས། །འོག་མིན་
ལ་སོགས་སྣང་བར་བྱ། །འོད་ཟེར་འཕྲོ་བ་སྤྲོས་པ་ཡིས། །ས་འོག་རིམ་པ་བདུན་ཡང་བསམ། །རྣལ་འབྱོར་སྣང་བར་འདོད་པ་ཡིས། །རྟག་ཏུ་སེམས་ཀྱིས་བསྒོམ་པར་བྱ། །སྙིང་གའི་དཀྱིལ་འཁོར་དབུས་གནས་པར། །ཧཱུྃ་ཞེས་བྱ་བ་དབང་ཕྱུག་མཆོག །
སྔོན་གྱི་མཚན་ཉིད་ཀུན་རིག་པས། །ཐམས་ཅད་ཀུན་ནས་ཟད་པར་བྱ། །རླུང་གི་དཀྱིལ་འཁོར་དབུས་གནས་པར། །ཟླ་བའི་དཀྱིལ་འཁོར་བསྒོམ་པར་བྱ། །འོད་ཟེར་སྣ་ཚོགས་འབར་བ་ཡི། །ཡེ་ཤེས་ས་བོན་དེ་དབུས་བསམ། །དེ་ལས་བྱུང་བའི་ཡེ་ཤེས་
ལུས། །ཡེ་ཤེས་མཁའ་འགྲོའི་བདག་ཉིད་དེ། །ཟླ་བའི་དཀྱིལ་འཁོར་དབུས་གནས་པར། །པད་མའི་སྟན་ལ་བཞུགས་པ་སྟེ། །སྔོན་གྱི་མཚན་ཉིད་ཀུན་རིག་པས། །ཡན་ལག་རྫོགས་པའི་སྐུར་བསྒོམས་ལ། །སྙིང་གི་དཀྱིལ་འཁོར་དབུས་
གནས་པར། །ཟླ་བ་འོ་མའི་ས་བོན་བསམ། །ཀུན་ནས་མཉམ་པའི་སེམས་ཀྱིས་ནི། །རྟག་ཏུ་དེ་ཉིད་བསྒོམ་པར་བྱ། །ཁ་དོག་དཀར་པོ་འོད་འབར་ལས། །ཀུན་ཏུ་རྡུལ་ཕྲན་དཀར་པོས་དགང་། །ཕ་རོལ་དངོས་པོ་དམར་པོ་རུ། །ཟླ་བའི་དཀྱིལ་
འཁོར་དབུས་གནས་པར། །པད་མའི་སྟན་ལ་བཞུགས་པ་ཡི། །རྡོ་རྗེ་སེམས་དཔར་བསམས་ནས་སུ། །གང་གི་སྙིང་གི་དབུས་སུ་ནི། །དེ་ཡི་རྣམ་ཤེས་བཟུང་བར་བྱ། །ཧཱུྃ་ཞེས་བྱ་བའི་ཕྱོགས་བརྒྱད་དུ། །ཁ་དོག་དམར་པོ་བསམས་ནས་ནི། །

87-1-209a

རྟག་ཏུ་མཉམ་ཉིད་ལྟ་བ་ཡིས། །བློ་ལྡན་ཕ་རོལ་སེམས་ཤེས་བྱ། །ཀུན་ནས་དཔག་ཚད་ཕྱི་རོལ་དུ། །རྣལ་འབྱོར་པས་ནི་གང་བསམས་ན། །དེ་ཡི་བསམ་པ་ཐམས་ཅད་ནི། །ཡི་གེ་དེ་ཡིས་སྟོན་པར་འགྱུར། །གལ་ཏེ་
ཕ་རོལ་ཆ་ཡིས་ནི། །སེམས་ཀྱི་མཚན་ཉིད་ཤེས་འདོད་པས། །གཞན་གྱི་སེམས་ནི་རིག་པ་ཡིས། །ཀུན་ནས་ཐམས་ཅད་ཤེས་བྱས་ལ། །དཔའ་བོ་སེམས་ཅན་ཀུན་དོན་ཕྱིར། །རྣལ་འབྱོར་འདི་ཡིས་སྦྱར་བར་བྱ། །དེ་ནས་མེ་ཡི་ལས་ཀྱི་བདག །
སྦྱོར་བ་ཇི་ལྟར་འཚལ་བར་བགྱི། །ཡེ་ཤེས་མེ་ཡི་བདག་ཉིད་ལ། །སྦྱིན་སྲེག་མཚན་ཉིད་ཇི་ལྟར་ལགས། །ཐམས་ཅད་སེམས་ཀྱིས་བྱིན་བརླབས་པས། །སྐྱེ་བོའི་ལུས་ཅན་ཡེ་ཤེས་མེ། །ཐམས་ཅད་ཡེ་ཤེས་བྱིན་བརླབས་པ། །མེ་ཡི་དེ་ཉིད་
མཉམ་པར་གྱིས། །བདག་ཉིད་སེམས་ཀྱིས་བསྲེགས་པས་ནི། །རྣལ་འབྱོར་ཅན་གྱིས་སྦྱིན་སྲེག་བྱ། །མདུད་པའི་ལྟེ་བའི་དབུས་ཉིད་ཀྱི། །དངོས་སུ་སོར་ནི་བདུན་པ་སྟེ། །མེ་ཡི་ཐབ་ཀྱི་གནས་ཡིན་ལ། །ཀླུ་དབང་འཁྱིལ་བའི་བསྐོར་བ་ཡིན། །ཡི་
གེ་ཐམས་ཅད་འབར་བར་བྱ། །དེ་དབུས་པད་མ་རིག་པ་ཡིས། །ཉི་མའི་དཀྱིལ་འཁོར་དབུས་གནས་པར། །ཡེ་ཤེས་ལུས་ནི་འབར་བར་གཟུང་། །མདུད་པའི་མེ་ལ་དཀར་པོ་རུ། །རྡོ་རྗེ་མཁའ་འགྲོ་ཐིམ་པར་བྱ། །གཡས་ཀྱི་ཆ་ཡི་ལོགས་སུ་ནི། །
དྲག་པོ་ཐིམ་བྱ་མེ་དང་འདྲ། །ལྟེ་བ་དམར་པོ་འབར་བ་ལ། །ལྷ་མོའི་རྩེ་མོ་རོ་ལངས་མ། །གཡོན་ཕྱོགས་ཆ་ནི་སྔོན་པོ་ལ། །དྲག་ཏུ་འབར་བ་གཏུམ་མོ་སྟེ། །མེ་ལྔ་ཡི་ནི་བདག་ཉིད་རྣམས། །གཟུགས་མཛེས་མཐེ་བོའི་ཚད་དུ་བལྟ། །ཆུ་དང་
མེ་དང་རླུང་དང་ནི། །ས་དང་ཡེ་ཤེས་རྣམས་པ་ལྔ། །ལྷ་མོ་ལྔ་ཡི་བདག་ཉིད་ལ། །སྦྱིན་སྲེག་ཆོ་གའི་མཆོག་ཡིན་ནོ། །བཅུ་དང་བརྒྱད་ཀྱི་རྩ་རྣམས་ནས། །དུས་སུ་བདུད་རྩི་དམིགས་པར་བྱ། །བ་ལང་རྨིག་པའི་དབུས་སུ་ནི། །འཛག་པ་
དེར་ནི་ཐིམ་པར་བྱ། །མེ་ཡི་དབུས་སུ་བསྲེག་པའི་གཞི། །དབྱངས་ཡིག་དང་པོ་སོགས་ས་བོན། །འདི་ལྟར་དེ་ཁོ་ན་བསྒོམས་ནས། །བདག་ཉིད་རྒྱས་ཕྱིར་བསྲེག་པར་བྱ། །ཅུང་ཟད་བཟའ་དང་བཏུང་ལ་སོགས། །རུང་བར་བྱས་ནས་

87-1-209b

བཟའ་བར་བྱ། །འདི་ལྟར་སྤྱོད་པའི་རྣལ་འབྱོར་པ། །བུ་ལོན་དུ་ཡང་མི་འགྱུར་རོ། །གསང་བའི་གདན་གྱི་རབ་ཏུ་བྱེད་པ་ལས་རིམ་པར་ཕྱེ་བ་གཉིས་པའོ།། །། སྤྲེའུ་འདྲ་བར་མི་གནས་པ། །མཉམ་ཉིད་གང་གིས་སྦྱར་བར་བགྱི། །ལུས་
ཀྱི་སྦྱོར་བའི་མཚན་ཉིད་རྣམས། །ལྷ་ལ་རོལ་མོ་ཉན་པར་འཚལ། །འབྱུང་བ་ཡི་ནི་ཁྱད་པར་དང་། །གསང་བ་རྡོ་རྗེ་ཆེན་པོས་ཉོན། །སེམས་ནི་མཉམ་པར་གནས་པ་སྟེ། །ཉེ་བར་ཞི་ནས་ཀ་ལིར་འཇུག །ལུས་ལས་སྤུ་རྣམས་སྐྱེ་བ་ནི། །ཀུན་ཏུ་
ཆུ་ཡི་ཚད་མ་སྟེ། །ཆུ་ལ་ལུས་ནི་མེ་ཡིན་ཏེ། །ལུས་ལ་ཆུ་ཡི་ཚད་མ་ཡིན། །ལུས་ཀུན་ལས་ནི་ཁྱབ་པས་ན། །བློ་ལྡན་ཆུ་ནི་ཚད་མའོ། །ལུས་ནི་རྡོ་རྗེ་ལྷ་མོ་ཡིན། །ལུས་ཀྱི་ཡན་ལག་ཐམས་ཅད་ལ། །མེ་འབར་ལྟ་བུར་དྲོ་བ་སྟེ། །ཁ་ཟས་སྨིན་
པའི་ཚད་མ་ཡིས། །མེ་ནི་ཚད་མར་རབ་ཏུ་གྲགས། །ཡན་ལག་ཐམས་ཅད་ཁྱབ་པ་ཡི། །མེ་ནི་ཀུན་རིག་དམར་ཡིན་པས། །ལུས་ནི་དྲག་མོར་བསྟན་པ་སྟེ། །བདག་ཉིད་ཚད་མར་རབ་ཏུ་གྲགས། །བུ་གར་ཟླ་བ་འདྲ་གནས་པས། །རླུང་
གིས་ལུས་ཀུན་ཁྱབ་པ་སྟེ། །དབུགས་རྒྱུ་བ་ཡི་ཚད་མ་ཡིས། །མཁས་པས་སེམས་ནི་ཚད་མར་གྲགས། །ལུས་ལ་བརྟེན་པའི་སྦྱོར་བ་ཡིས། །དབུགས་ནི་གང་གིས་ཤེས་ནས་སུ། །ཐམས་ཅད་ལྷ་མོ་རོ་ལངས་མར། །མཁས་པ་
ཡིས་ནི་ཤེས་པར་བྱ། །ས་ནི་ཀུན་གྱི་གནས་ཡིན་ཏེ། །གཟུགས་སོགས་དབང་པོ་ཡོན་ཏན་ལྡན། །གཟུགས་ལ་སོགས་པ་སྣང་བ་ན། །ས་ནི་ཚད་མའི་གནས་ཡིན་ནོ། །མཛེས་མ་ཞེས་བྱ་རབ་ཏུ་གྲགས། །དེ་ནི་ལྷ་མོ་གཏུམ་མོ་སྟེ། །
ཀུན་གྱི་གཙོ་མོར་རབ་ཏུ་གྲགས། །ཡིད་ནི་ཐེ་ཚོམ་གཅོད་པ་སྟེ། །བྱེད་པོ་སྡུད་པོ་ཟ་པོའང་ཡིན། །དབང་པོ་ཀུན་གྱི་སེམས་རྣམས་ཀྱི། །མཚན་གཞི་མཚན་ཉིད་ཤེས་པར་བྱ། །དབང་རྒྱལ་ཉེར་སྦྱོར་ལོངས་སྤྱོད་པ། །ཡུལ་ལ་སོགས་
པ་ཉེར་སྤྱོད་ཀྱི། །རྣལ་འབྱོར་ཚད་མ་མཁས་པ་ཡིས། །ལུས་ལ་ཡེ་ཤེས་བསྟེན་པར་བྱ། །སེམས་ལས་ཆུ་ནི་བྱུང་བས་ན། །རྣམ་ཤེས་ཆུ་རུ་གྱུར་པ་སྟེ། །གལ་ཏེ་ཆུ་ནི་གཞན་ཡིན་ན། །ཅི་ཕྱིར་ཞེ་ན་ཆུ་མི་འབྱུང་། །ལུས་ལ་

87-1-210a

ངེས་པར་དྲོད་ཡོད་ན། །ཆུ་ཡི་ནང་དུ་བྱིང་མི་འགྱུར། །ལུས་ལ་ཚད་མ་ལྔ་ཡོད་པས། །ལྔ་པོ་གཅིག་གི་བདག་ཉིད་འགྱུར། །མཚན་ཉིད་གཅིག་ཏུ་ཤེས་བྱས་ནས། །རྣལ་འབྱོར་པ་ཡིས་འགྲོ་བ་བརྟག །དེ་ཡི་མཚན་
ཉིད་ཤེས་བྱའི་ཕྱིར། །དགེ་བའི་བཤེས་གཉེན་བསྟེན་པར་བྱ། །དེ་ཉིད་རྣལ་འབྱོར་གྲོགས་ཀྱིས་ནི། །འཁོར་བའི་ཕ་རོལ་རྒལ་བར་འགྱུར། །ཡུལ་དང་དབང་པོའི་ཡེ་ཤེས་ནི། །གཟིར་དང་བཅས་པས་སྡོམ་པར་འགྱུར། །སྒོང་
སྐྱེས་ཁྱིམ་གྱི་གནས་སུ་ནི། །དབུས་སུ་གནས་པ་བཅིང་བར་བྱ། །འབྱུང་དང་འབྱུང་མིན་སེམས་ཀྱི་ནི། །གཡོ་བའི་དངོས་པོ་བསྐོར་བར་བྱ། །བཅིང་བའི་གནས་དང་སྟན་དག་འདི། །རྣམ་ཤེས་པད་མའི་སྟན་ལའོ། །རྣལ་འབྱོར་
པ་ཡིས་དེ་ཡི་ཕྱིར། །རྣམ་ཤེས་རང་བཞིན་མཚོན་པར་བྱ། །གཟུགས་ཤེས་བྱ་བའི་དངོས་པོ་ཡིས། །རྣལ་འབྱོར་གྲུབ་པར་བྱ་བའི་ཕྱིར། །རང་བཞིན་ཞེས་བྱའི་དངོས་པོར་འགྱུར། །ལྟེ་བར་ཆུ་ཤིང་མེ་ཏོག་ནི། །སྙིང་
གར་ཡང་ནི་འགྲེང་སྟེ་གནས། །རྟག་ཏུ་སྟོང་པའི་སྒོ་ཡིན་ཏེ། །མཁས་པས་རྟག་ཏུ་བཟློག་པར་བྱ། །གེ་སར་དང་ནི་ལྡན་པ་ཡི། །རྟག་ཏུ་འདབ་མ་བརྒྱད་དུ་འགྱུར། །དེ་དབུས་རྟག་ཏུ་གསུངས་པ་ནི། །ཡེ་ཤེས་རྣམ་ཤེས་
སྦྱོར་བ་སྟེ། །སྦྱོར་བ་ཡི་ནི་ཤར་ཕྱོགས་ཆར། །དེ་དང་འཐུན་པའི་སོར་དྲུག་པའོ། །མདུད་པ་ཡི་ནི་ནུབ་ཕྱོགས་ཆར། །འོག་ཏུ་སོར་ནི་ལྔ་པའོ། །ཞིང་དེ་ལ་ནི་ས་བོན་དང་། །འོད་ཟེར་ཚོགས་ཀྱི་མྱུ་གུར་འགྱུར། །ས་བོན་དེ་ཡི་འོད་
ཟེར་གྱིས། །ཆུ་ཤིང་ལྟ་བུར་བསྐོར་བར་བྱ། །རྒྱས་པ་ལྔ་ཡི་ས་བོན་ལ། །ལྟོ་ཡི་འོག་ནས་དགས་བར་བྱ། །པད་མོ་མཛེས་པ་བཀས་པ་ཡིས། །འདབ་མ་བརྒྱད་ཀྱིས་རྣམ་པར་བརྒྱན། །པད་མོ་དེ་ཡི་སྟན་ལ་ནི། །སྒོང་སྐྱེས་
ཡེ་ཤེས་གནས་དག་ལ། །དབུས་སུ་ཤེལ་ལྟར་དག་པ་ཡིས། །ཡེ་ཤེས་རྣམ་ཤེས་དབུ་མ་ཉིད། །མཁའ་འགྲོ་མ་བཞིའི་ས་བོན་རྣམས། །ཕྱོགས་ཀྱི་འདབ་མར་གནས་པ་སྟེ། །དབྱངས་ཡིག་དང་པོ་སོགས་ས་བོན། །

87-1-210b

མཚམས་སུ་སེན་མོ་ལ་སོགས་པའི། །མ་ནིང་ཡི་གེ་སྔར་བསྟན་བཞིན། །སྙིང་གར་དངོས་བོ་དངོས་བོ་ཡིས། །སྙིང་ཀར་ཡི་གེ་བལྟ་བར་བྱ། །བ་ལང་རྨིག་པའི་སྟེང་དུ་ནི། །སྒོ་དགུ་པ་ཡི་བདུད་རྩི་ཡིས། །རྣལ་འབྱོར་ཅན་
གྱིས་རྟག་ཏུ་བཀྲུ། །ཡི་གེ་དཀར་པོ་བརྒྱད་པོ་རྣམས། །བདུད་རྩི་ཡི་གེ་དཀར་པོ་ཡི། །འོད་འབར་བ་སྤུའི་ཁུང་ནས་སྤྲོ། །རྣལ་འབྱོར་ཅན་གྱིས་ཐམས་ཅད་དུ། །འགྲོ་དང་འཆག་དང་འདུག་པ་དང་། །ཉལ་བ་ལ་སོགས་དུས་
ཀུན་ཏུ། །ཡེ་ཤེས་རྣམ་ཤེས་ས་བོན་བཟླས། །ཤིན་ཏུ་མཉམ་གཞག་སེམས་ཀྱིས་ནི། །རྣལ་འབྱོར་ཅན་གྱིས་བསྒོམ་བཟླས་ན། །ཡེ་ཤེས་ལས་བྱུང་རྣལ་འབྱོར་པ། །འཁོར་བའི་ཕ་རོལ་རྒལ་བར་འགྱུར། །གཡོ་བ་མེད་ཅིང་
འཚེ་མེད་པར། །དངོས་པོས་དངོས་པོ་བསྒོམ་པར་བྱ། །གོང་དུ་འཕོ་བའི་སྦྱོར་མཚན་ཉིད། །ཇི་བཞིན་རྡོ་རྗེས་མཉན་པར་གྱིས། །ལམ་བཟང་པོ་ཡི་རྣལ་འབྱོར་པ། །འགྲོ་བ་མཛེས་པ་བལྟ་བར་བྱ། །སྒོ་དགུ་པོ་ནི་ཇི་ལྟ་བུ། །ཡེ་
ཤེས་སྒོ་ཡི་བྱེ་བྲག་གིས། །ཡོན་ཏན་སྐྱོན་རྣམས་ཇི་ལྟ་བུ། །ཡེ་ཤེས་དབང་ལས་ཉན་པར་འཚལ། །འཆི་བའི་དུས་ཀྱི་ཚད་མ་རྣམས། །ཡང་དག་རབ་སྦྱོར་མཉན་པར་གྱིས། །ལམ་བཟང་པོ་ཡིས་མཛེས་པའི་གནས། །ལམ་
ངན་སྲིད་པའི་སྐྱོན་གྱིས་གོས། །ཐིག་ལེ་ལྟེ་བ་སྤྱི་གཙུག་དང་། །མིག་དང་སྣ་དང་རྣ་སྲིད་སྒོ། །ཆུ་དང་ཆུ་མིན་སྒོ་ཡིན་ཏེ། །སྒོ་དགུ་ཡི་ནི་མཚན་ཉིད་ཡིན། །ལྟེ་བ་འདོད་ཅན་མཐོ་རིས་ཏེ། །ཐིག་ལེས་གཟུགས་ཁམས་ཀྱི་ལུས་ཅན། །
སྟེང་ནས་སྟེང་དུ་གནས་དེ་རུ། །མི་གདུང་ལ་སོགས་དེ་རུ་འགྲོ། །སྣ་ནས་གནོད་སྦྱིན་གནས་སུ་སྟེ། །རྣ་བ་དག་གིས་གྲུབ་པའི་ལྷ། །གལ་ཏེ་མིག་ལས་ཡེ་ཤེས་འགྲོ། །མི་རྣམས་ཀྱི་ནི་བདག་པོར་འགྲོ། །སྲིད་པའི་སྒོ་ཡིས་ཡི་དགས་ཏེ། །
དེ་བཞིན་གཅི་བས་དུད་འགྲོའོ། །ཆུ་མིན་རྣམ་ཤེས་མྱུར་བ་རུ། །དམྱལ་བ་བརྒྱད་དུ་ཤེས་པར་བྱའོ། །སྒོ་རྣམས་ཀྱི་ནི་བྱེ་བྲག་གིས། །འཁོར་བའི་བྱེ་བྲག་འབྱུང་བ་ཡིན། །དེ་བས་སྒོ་ཡི་བྱེ་བྲག་ལས། །སྒྲུབ་པོས་ལམ་ནི་བཟང་པོ་སྟེ། །

87-1-211a

འཆི་བའི་མཚན་མ་སྟོན་པ་དང་། །འཆི་བའི་དུས་ལ་འབབ་པ་ན། །རིམས་ལ་སོགས་པས་མ་ཕོག་པར། །གོང་དུ་འཕོ་བ་སྦྱོར་བའི་མཆོག །སྔོན་དུ་བུམ་པ་བརྩམས་པ་ཡིས། །སྒོ་རྣམས་ཐམས་ཅད་བཅིང་བར་བྱ། །རྒྱས་
པ་ལྔ་ཡི་མཆོད་རྟེན་གྱིས། །སྒོ་ནི་དགག་པ་བསྒོམ་བྱ་སྟེ། །དེ་ལ་འོག་གི་སྒོ་རུ་ནི། །ཆུ་ཡི་ས་བོན་དཀར་པོ་བསམ། །ཆུ་དང་ཆུ་མིན་སྒོ་ལ་ནི། །མེ་ཡི་ས་བོན་འབར་བ་སྟེ། །དེ་ལ་ཤིན་ཏུ་མཉམ་གཞག་པས། །དབུགས་ནི་བུམ་
པ་ཅན་དུ་བསྒོམ། །ལུས་ནི་རླུང་གི་མདོག་དུ་སྟེ། །སེམས་ནི་རླུང་གི་དཀྱིལ་འཁོར་ལ། །རྩ་བ་རླུང་གི་ས་བོན་ནོ། །རླུང་གི་མཐའ་ནི་རྩ་བ་ཅན། །ཐིག་ལེ་སྒྲ་དང་ལྡན་པ་ཡི། །རྩ་བའི་ས་བོན་དྲང་བར་བྱ། །རྡོ་རྗེའི་ས་བོན་དྲག་མོ་ཡིས། །ལྕགས་
ཀྱུ་ལ་སོགས་སྦྱར་བར་བྱ། །ཉི་ཤུ་རྩ་གཅིག་དབུགས་རྣམས་ཀྱིས། །གནས་ནས་དྲག་ཏུ་དྲང་བར་བྱ། །གནས་དང་གནས་ནས་སྟེང་དུ་དབྱེ། །ཚིགས་དགུ་ལས་ནི་སྟེང་དུ་བྱ། །སྟེང་དུ་སྨིན་པའི་ས་བོན་དང་། །ཡི་གེ་ཕྱེད་དང་
གཉིས་ཀྱིས་སྦྱང་། །དྲག་མོའི་ང་རོ་བརྗོད་བྱ་སྟེ། །བརྒྱད་ཀྱི་མཐའ་ཡི་ས་བོན་ལ། །སྡེ་ཚན་དང་པོའི་དབང་པོ་ནི། །ཡི་གེ་ཕྱེད་དུ་སྦྱར་བར་བྱ། །འོག་ཏུ་རླུང་གི་དཀྱིལ་འཁོར་གྱིས། །སྒྲ་ཡི་དབྱེ་བས་བསྐུལ་བར་བྱ། །རླུང་གི་ས་བོན་
ལྡན་པ་ཡི། །རླུང་གི་དཀྱིལ་འཁོར་བསམས་ནས་ནི། །ཉི་ཤུ་རྩ་གཅིག་གནས་རྣམས་ནས། །གོང་ནས་དེ་བཞིན་སྟེང་གནས་སུ། །རྣལ་འབྱོར་པ་ཡིས་སྨིན་བྱས་ལ། །སྟེང་གི་རྩ་ལ་བཟླ་བར་བྱ། །ཚིགས་དགུ་ལས་ནི་སྟེང་
གཞན་གྱིས། །མོད་ལ་འཕོ་བར་ཤེས་བྱ་སྟེ། །ཉིན་རེ་བྲམ་ཟེ་གསོད་པ་དང་། །མཚམས་མེད་ལྔ་ནི་བྱེད་པ་དང་། །རྐུ་འཕྲོག་འདོད་ལ་སྤྱོད་པ་དག །ལམ་འདི་ཡིས་ནི་དག་འགྱུར་ཏེ། །སྡིག་པས་གོས་པར་མི་འགྱུར་ཞིང་། །སྲིད་
པའི་སྐྱོན་ལས་རིང་དུ་འགྲོ། །ཇི་ལྟར་འདམ་ནས་སྐྱེས་པ་ཡི། །པད་མ་དྲི་མེད་ཡིད་འོང་བ། །དེ་བཞིན་ལུས་ཀྱི་འདམ་ལས་ནི། །ཡེ་ཤེས་སྐུ་ནི་འདོད་བཞིན་འགྲོ། །དུས་ལ་བབ་ན་འཕོ་བྱ་སྟེ། །དུས་མིན་ལྷ་རྣམས་གསོད་པར་

87-1-211b

འགྱུར། །དེ་བས་ལུས་ལ་མཚན་མ་རྣམས། །མཐོང་ནས་མཁས་པས་སྦྱོར་བ་བརྩམ། །རྣལ་འབྱོར་བསྒྲུབ་པའི་ཁྱད་པར་གྱི། །དེ་ཉིད་ཇི་བཞིན་རྡོ་རྗེས་ཉོན། །སྔར་གྱི་མཚན་ཉིད་ཀུན་རིག་པས། །མཉམ་ཉིད་སེམས་ནི་
བསྒོམ་པར་བྱ། །སྙིང་གའི་དཀྱིལ་འཁོར་དབུས་གནས་པར། །སངས་རྒྱས་ལྔ་ཡི་ས་བོན་བསམ། །དེ་འོད་ཉི་མར་འབར་བ་ཡིས། །གཟུགས་རྣམས་ཟད་པར་བསམས་ནས་ནི། །སྔོན་བཞིན་མཚན་ཉིད་ལྡན་པ་ཡིས། །
སྔར་བསྟན་སྟོང་ཉིད་བསམ་པར་བྱ། །གཟུགས་སོགས་ཐམས་ཅད་བཅོམ་ནས་ནི། །ཧཱུྃ་ཞེས་བྱ་བ་གནས་པར་བསམ། །ས་བོན་གྱིས་ནི་བསྐྱེད་བྱ་བ། །ཟླ་བའི་དཀྱིལ་འཁོར་དབུས་གནས་པ། །པད་མའི་སྟན་ལ་བཞུགས་
པ་ཡི། །ཡེ་ཤེས་མཁའ་འགྲོའི་བདག་ཉིད་ནི། །ཞལ་གསུམ་ཕྱག་ནི་དྲུག་པ་སྟེ། །སྤྱན་གསུམ་ཅོད་པན་གྱིས་བརྒྱན་ཞིང་། །བཞད་དང་ཁྲོ་དང་སྒེག་པ་སྟེ། །རྒྱན་རྣམས་ཀུན་གྱིས་ཀླུབས་པ་ཡི། །ཀུན་ད་ཟླ་བ་ལྟར་
དཀར་ཞིང་། །ཤིན་ཏུ་མཛེས་པའི་ན་བཟའ་མནབས། །སེམས་དཔའི་དཀྱིལ་དཀྲུང་གནས་ནས་ནི། །སངས་རྒྱས་སྤྲིན་རྣམས་སྤྲོ་བ་མཛད། །གཡས་ཀྱི་དང་པོ་མདའ་ཡིན་ཏེ། །གཉིས་པ་ཡིས་ནི་ལྕགས་ཀྱུ་བསྣམས། །གསུམ་
པ་ན་ནི་རྡོ་རྗེ་ཉིད། །གཡོན་པ་ཁྲོ་བོའི་སྡིགས་མཛུབ་སྟེ། །གཉིས་པ་འཇིགས་པའི་ཞགས་པ་ཐོགས། །གོ་ཆའི་གཞུ་ནི་སྟེང་ན་བསྣམས། །འོད་ཟེར་སྣ་ཚོགས་འབར་བ་རུ། །དབུགས་མི་གཡོ་བར་བསྒོམ་པར་བྱ། །
ཡན་ལག་བརྒྱད་དུ་རབ་འབད་ནས། །ས་བོན་བརྒྱད་ཀྱི་ཡི་གེ་དགོད། །ཨཱ་ལི་ཀཱ་ལི་རབ་སྦྱོར་བས། །ས་བོན་ཇི་བཞིན་བཏུ་བར་བྱ། །འོད་ཟེར་ལྡན་པའི་ས་བོན་རྣམས། །ཀུན་ཏུ་ཁ་དོག་དཀར་པོར་བྱ། །ཆུ་ཤིང་མེ་
ཏོག་པད་མོ་ལ། །སྙིང་གར་སྒོང་སྐྱེས་བཞག་པར་བྱ། །དེ་ཡི་དབུས་སུ་རྣམ་ཤེས་དང་། །ཡེ་ཤེས་ལྷན་ཅིག་ལྡན་པར་ནི། །མི་གཡོ་འཚེ་བ་མེད་པ་རུ། །དངོས་པོས་དངོས་པོ་བསྒོམ་པར་བྱ། །དེ་ནས་ཕྱི་རོལ་སྦྱོར་བ་ནི། །

87-1-212a

མཁས་པ་ཡིས་ནི་གཟུང་བར་བྱ། །གནས་གཉིས་དག་ནི་བསམས་པ་ནི། །རླུང་གི་དཀྱིལ་འཁོར་བསྒོམ་པར་བྱ། །དེ་ཡི་དབུས་སུ་མེ་ཡིན་ཏེ། །མེ་ཡི་དབུས་སུ་ཉི་མ་ལ། །ཨཱ་ལི་ཀཱ་ལིར་ལྡན་པ་ཡི། །དེ་ཡི་ས་བོན་
དམར་པོར་དགོད། །རྣལ་འབྱོར་པ་ཡིས་ཁྱད་པར་དུ། །འབྱུང་དང་འཇུག་པས་བཟླས་པར་བྱ། །འབྱུང་བ་ཡེ་ཤེས་ས་བོན་གྱིས། །དབུས་སུ་སྣུན་དང་ལྡན་པར་བྱ། །འཇུག་པས་སྙིང་གི་རྣམ་ཤེས་ལ། །མེ་ཏོག་ལྟ་བུར་བསྣུན་
པར་བྱ། །འབྱུང་བ་འཇུག་མིན་བཟླས་བྱ་ཞིང་། །འཇུག་པ་འཇུག་པ་མིན་ལ་བཟླ། །རྣལ་འབྱོར་པ་ཡིས་འབྱུང་འཇུག་དང་། །བདག་ཉིད་དང་ནི་ཕྱི་རོལ་བྱ། །འབྱུང་བའི་མཚན་ཉིད་མཚོན་པ་དང་། །འཇུག་པ་ཡིས་ནི་
མཚོན་བྱས་ལ། །རྣལ་འབྱོར་པ་ཡི་འབྱུང་འཇུག་དག །དེ་ཁོ་ན་ཉིད་མཉམ་པར་བསྒོམ། །མཉམ་གཞག་དངོས་པོ་བསྒོམས་ནས་ནི། །འགྲུབ་འགྱུར་འདིར་ནི་ཐེ་ཚོམ་མེད། །དེ་ནས་ཕྱི་རོལ་ལུས་ལ་ནི། །སྒྲུབ་པ་པོ་
ཡིས་རྣམ་པར་སྤྲུལ། །ཕ་རོལ་སེམས་དང་རྗེས་འཐུན་པར། །མཁས་པ་ཡིས་ནི་ཤེས་པར་བྱ། །བསྒོམ་དང་བཟླས་པའི་ཁྱད་པར་གྱི། །ཤིན་ཏུ་མཉམ་པར་གཞག་སྟེ་བསམ། །གང་གིས་ལམ་ནས་བསམས་
ནས་ནི། །འགྲུབ་འགྱུར་འདིར་ནི་ཐེ་ཚོམ་མེད། །གསང་བའི་གདན་གྱི་རབ་ཏུ་བྱེད་པ་ལས་རིམ་པར་ཕྱེ་བ་གསུམ་པའོ།། །། གསང་བའི་གདན་གྱི་གསང་བ་ཉིད། །སེམས་དང་ཡེ་ཤེས་འདྲེས་པ་ཡི། །རྫོགས་
པའི་བྱང་ཆུབ་རིམ་ཅི་འདྲ། །ཡེ་ཤེས་དབང་ལས་ཉན་པར་འཚལ། །གསང་བའི་གསང་བ་ཆོས་ཀྱི་དོན། །བྱང་ཆུབ་རིམ་པ་རྡོ་རྗེ་ཉོན། །འདོད་ཆགས་ལ་སོགས་རིམ་སྤངས་ནས། །མཉམ་ཉིད་སེམས་ནི་བསྐྱེད་
པར་བྱ། །ཡིད་དུ་འོང་བའི་ས་ཕྱོགས་སུ། །བདེ་བའི་སྟན་ལ་གནས་ནས་ནི། །ཁམས་དང་སེམས་ནི་བདེ་བ་ཡིས། །སྙིང་རྗེས་ཕན་པ་བསམ་པར་བྱ། །ཡང་དག་བསྟན་བཅོས་དེ་ཉིད་ཐོས། །སློབ་དཔོན་ལུང་གི་རྗེས་འགྲོ་

87-1-212b

ཞིང་། །གསང་ཆེན་དེ་ཉིད་དོན་སྒོམ་པ། །གཅིག་ནས་གཅིག་བརྒྱུད་དེ་ཉིད་ཅན། །ཐམས་ཅད་སྔོན་བཞིན་མཚོན་བྱས་ནས། །ཐམས་ཅད་སྟོང་པ་ཉིད་དུ་བྱ། །དྲི་མ་བཀྲུས་པའི་ལུས་ལ་ནི། །བྱང་ཆུབ་རིམ་པས་བཙོ་བར་བྱ། །ཟླ་
བའི་དཀྱིལ་འཁོར་དབུས་གནས་པར། །ཡེ་ཤེས་མཁའ་འགྲོ་བསམ་བྱས་ཏེ། །ཟླ་བའི་འོད་ཟེར་འཕྲོ་བ་ཡི། །ཀུན་ད་ཟླ་བ་ལྟར་དཀར་མདོག །ཞབས་གཉིས་སེམས་དཔའི་དཀྱིལ་དཀྲུང་བཅས། །པད་མ་ཡི་ནི་སྟན་ལ་
བཞུགས། །རྒྱན་རྣམས་ཀུན་གྱིས་བརྒྱན་པའི་སྐུ། །སངས་རྒྱས་ལྔ་ཡིས་བརྒྱན་པ་སྟེ། །ཕྱག་གཉིས་ཕྱག་རྒྱ་ཆེ་བཅིངས་ནས། །ཉིད་ཀྱི་ཐུགས་ཀར་འཚིར་བར་མཛད། །གཟུགས་མཛེས་ཤིན་ཏུ་རྫོགས་པ་སྟེ། །ཡེ་ཤེས་
སེམས་དཔའ་བདག་ཅེས་བརྗོད། །ཆུ་ཤིང་མེ་ཏོག་ལྟེ་བ་ནས། །སྙིང་གི་བར་དུ་འགྲེང་སྟེ་གནས། །སྔར་གྱི་མཚན་ཉིད་ཀྱིས་བཟློག་ནས། །སྔོན་བཞིན་པད་མ་རྒྱས་པར་བྱ། །གེ་སར་དང་ནི་ལྟེ་བར་བཅས། །འདབ་བརྒྱད་
ཤིན་ཏུ་མཛེས་པ་སྟེ། །དབུས་ཀྱི་སྒོང་སྐྱེས་ལ་གནས་པར། །ཡི་གེའི་དགོད་པ་དགོད་པར་བྱ། །ཁ་དོག་དཀར་པོ་དག་ཅིང་གསལ། །དབུས་སུ་བསྒོམ་བྱ་ཞུ་བའི་གཙོ། །དེ་ཡི་དབུས་སུ་རྣམ་ཤེས་དང་། །ཡེ་ཤེས་དག་
ནི་སྦྱར་བར་བྱ། །ཤར་དུ་བྱམས་པར་ལྡན་པ་ཡིས། །མི་བསྐྱོད་པ་ཡི་ས་བོན་བསམ། །ལྷོ་ཡི་སྒོ་རུ་སྙིང་རྗེ་སྟེ། །རིན་ཆེན་ས་བོན་དེ་ཉིད་དོ། །ནུབ་ཀྱི་སྒོ་ཡི་འདབ་མ་ལ། །འོད་དཔག་མེད་ཀྱི་ས་བོན་དགོད། །བྱང་
གི་ཆ་ཡི་འདབ་མ་ལ། །དོན་ཡོད་གཙོ་བོ་བསམ་པར་བྱ། །དབྱངས་ཡིག་ཐོག་མ་སོགས་ས་བོན། །ཐིག་ལེ་དབྱུགས་པར་ལྡན་རིམ་བཞིན། །འོད་ཟེར་དཀར་པོས་བརྒྱན་པ་སྟེ། །ཡི་གེ་བཞི་ནི་དགོད་པར་བྱ། །ཕྱོགས་
མཚམས་དག་ནི་བཞི་པོ་རུ། །སྔོན་དུ་བསྟན་པའི་མ་ནིང་དགོད། །དེ་ཡི་དབུས་སུ་དེ་ཡི་སེམས། །ཡི་གེ་རུ་ནི་མཚོན་པར་བྱ། །སྟོང་པ་མཚན་ཉིད་མེད་པ་ལས། །ཇི་ལྟར་ཡི་གེ་སྦྱར་བར་བགྱི། །སེམས་ནི་ཡ་

87-1-213a

མཚན་སྐྱེས་པར་འགྱུར། །བཅོམ་ལྡན་བདག་ལ་བཤད་དུ་གསོལ། །བཅོམ་ལྡན་འདས་ཀྱིས་བཀའ་སྩལ་པ། །སྟོང་པའི་མཚན་ཉིད་མཚོན་པ་ལས། །ཆུ་ཤིང་སྙི་མའི་བདུད་རྩི་བཞིན། །སྙིང་པོ་མེད་པའི་སྙིང་པོར་
གྱུར། །དེ་ཉིད་ཇི་བཞིན་རྡོ་རྗེས་ཉོན། །དབུས་ན་གནས་པ་ཡེ་ཤེས་ཏེ། །ཡེ་ཤེས་རང་བཞིན་གཟུགས་མེད་ཅིང་། །མཚན་ཉིད་མེད་པའི་མཚན་ཉིད་ཅན། །དྲི་མ་མེད་པའི་ཡེ་ཤེས་སྐུ། །དངོས་དང་དངོས་མེད་རྣམ་པར་གྲོལ། །ཡི་གེ་གཟུགས་
ནི་ཡི་གེ་མེད། །གཟུགས་དང་སྟོང་པའི་དབུས་སུ་ནི། །རྣལ་འབྱོར་ཅན་གྱིས་དེ་ཉིད་གཟུགས། །གང་གི་མཚན་ཉིད་ཤེས་བྱས་ནས། །མཉམ་ཉིད་ཡེ་ཤེས་ཤེས་པ་དང་། །དེ་ཡིས་རྫོགས་པའི་བྱང་ཆུབ་ལམ། །མྱུར་བ་ཉིད་དུ་མཐོང་བར་འགྱུར། །
བླ་མ་ཉིད་ཀྱི་ལམ་གྱིས་ནི། །ཡེ་ཤེས་རྣམ་ཤེས་རང་བཞིན་ཉིད། །བསྟན་བཅོས་ལ་ནི་མཚན་ཉིད་བསྟན། །དེ་ཁོ་ན་ཉིད་དཔའ་བོས་བཤད། །འོད་ཟེར་དཀར་པོས་རྒྱས་པ་རུ། །འདི་ནི་ཀུན་ཏུ་བསྒོམ་པར་བྱ། །རྒྱས་པ་ལྔ་ཡི་མཆོད་རྟེན་
ཏེ། །བདུད་རྩིའི་ས་བོན་བསམས་ནས་ནི། །འོད་ཟེར་དཀར་པོ་གསལ་བའི་མདངས། །བདུད་རྩིའི་ཆུ་རྒྱུན་འཛག་པས་བཀྲུ། །ཐིགས་པའི་དབུས་སུ་ས་བོན་ནི། །མཐེ་བོ་ཙམ་གྱི་ཟླུམ་པོར་བྱ། །དེ་ཡི་དབུས་ཀྱི་ས་བོན་ནི། །ཨཱ་ལི་ཀཱ་ལི་
དག་ལས་བཏུ། །ཁ་དོག་དཀར་པོ་ཤིན་ཏུ་མཛེས། །ཟླ་བའི་འོད་ཟེར་ཀུན་ཏུ་འཕྲོ། །དེ་ཡི་དབུས་ཀྱི་ས་བོན་ནི། །ཐིག་ལེ་བསམ་པར་རབ་ཏུ་གྲགས། །སྐྲ་ཡི་རྩེ་མོ་བརྒྱ་ཡི་ཆ། །རྡུལ་ཕྲན་གཟུགས་སུ་ཀུན་དུ་བསམ། །རྣམ་པར་ཤེས་
པའི་དངོས་པོ་ཡི། །མཚན་ཉིད་མཚོན་པའི་ཡེ་ཤེས་ཅན། །སེམས་ཀྱི་མཚན་ཉིད་མི་ཤེས་པས། །ཐིག་ལེ་གནས་ཀྱི་གོ་འཕང་ལྟ། །སྙིང་དང་ཚངས་པའི་སྒོ་ང་ནི། །ཐིགས་པའི་ལམ་གྱི་སྒོ་དག་ཏུ། །བླ་མའི་ལུང་ལ་གུས་པ་ཡིས། །རྣམ་
ཤེས་ཡེ་ཤེས་གཟུང་བར་བྱ། །ཕྱི་རོལ་གྱི་ནི་ལམ་དག་དང་། །བསྟན་བཅོས་ལས་ཀྱང་རིང་བ་ཡིན། །བསྟན་བཅོས་དག་ནི་རྙེད་སླ་སྟེ། །དེ་ཡི་སྦྱོར་བ་རྙེད་པར་དཀའ། །བླ་མའི་བསྙེན་བཀུར་ལ་གུས་པའི། །ཐབས་དང་ལྡན་པ་སྒྲུབ་པ་པོ། །

87-1-213b

བླ་མའི་ལུང་གི་ལམ་གྱིས་ནི། །མཁས་པ་ཡིས་ནི་བལྟ་བར་བྱ། །མི་གཡོ་འཚེ་བ་མེད་པ་རུ། །མཉམ་པར་གཞག་པས་དངོས་པོ་བསྒོམ། །ཆོས་ཀྱི་སྔོན་འགྲོ་ཡིད་ཡིན་ཏེ། །ཡིད་ཀྱིས་འཇུག་ཅིང་ཡིད་ཀྱིས་འདུག །དེ་བས་ཐམས་ཅད་
ཡིད་རང་བཞིན། །བློ་ལྡན་ཡིད་ལས་འབྱུང་ཞེས་བྱ། །གལ་ཏེ་བཟླས་འདོད་རྣལ་འབྱོར་པས། །སྙིང་གི་སྡོམ་པ་བསམ་པར་བྱ། །ས་བོན་གྱི་ནི་རྒྱུར་གྱུར་པ། །དེ་ཁོ་ནར་ནི་གཟུགས་མིན་ནོ། །རྒྱུ་དང་འབྲས་བུའི་ས་བོན་ནི། །དེ་ཁོ་ན་ཉིད་
མཐོང་བ་མིན། །གཟུགས་སོགས་སྲིད་པའི་ལོངས་སྤྱོད་ལ། །ས་བོན་དམིགས་ཤིང་བཟླས་པར་བྱ། །ཀུན་ནས་ཀུན་ཏུ་འཇུག་པ་དང་། །འོག་མིན་འོག་མིན་ཡང་དག་གནས། །རྩ་བར་རྟག་ཏུ་གཟེར་བར་བྱ། །ཡེ་ཤེས་རྣམ་ཤེས་ས་བོན་ནི། །
ཐིག་ལེ་སྒྲ་དང་ཡང་དག་ལྡན། །སྲིད་པའི་ལོངས་སྤྱོད་འདོད་པ་ཡིས། །ཕྱི་རོལ་ངག་ནི་སྤངས་ནས་སུ། །ཡིད་ཀྱིས་བཟླས་དང་ལྡན་པར་བྱ། །རྟག་པ་ཆོས་ཀྱི་དབྱིངས་ཉིད་ཀྱིས། །མི་གཡོ་གོ་འཕང་རྒྱུན་ཏུ་གནས། །རྟག་ཏུ་ཕྲ་ཞིང་གོས་མེད་
པས། །ཡེ་ཤེས་ལ་ནི་རྣམ་ཤེས་ཐིམ། །རྣམ་ཤེས་ཡེ་ཤེས་ཉིད་གྱུར་ནས། །བྱང་ཆུབ་རིམ་པ་མཐོང་བར་འགྱུར། །མར་མེ་ལྟ་བུ་ཐམས་ཅད་དུ། །སྣང་འགྱུར་མཚན་མ་དང་པོ་སྟེ། །སྲིན་བུ་མེ་ཁྱེར་ལྟ་བུའི་རྡུལ། །མཐོང་བ་མཚན་མ་
གཉིས་པ་ཡིན། །གསུམ་པ་ལ་ནི་རྣལ་འབྱོར་པས། །ཉོན་མོངས་འཇོམས་པའི་མཚན་མ་སྟེ། །རྡུལ་ཕྲན་དཀར་པོའི་ཚུལ་གྱིས་ནི། །དེ་བཞིན་ཕྱོགས་བཅུར་མཐོང་བར་འགྱུར། །འདོད་པ་ལྷ་ཡིས་ལོངས་སྤྱོད་རྣམས། །སེམས་ཀྱིས་
མཐོང་བ་བཞི་པ་སྟེ། །མཐོ་རིས་གཟུགས་ཀྱི་ལྷ་རྣམས་ནི། །སེམས་ཀྱིས་མཐོང་བ་ལྔ་པ་ཡིན། །གཟུགས་མེད་ལོངས་སྤྱོད་དྲུག་པ་སྟེ། །བདུན་པ་ཆོས་ཀྱི་ས་ལའོ། །སངས་རྒྱས་འབྲས་བུ་བརྒྱད་པ་སྟེ། །རྣལ་འབྱོར་པ་ནི་རང་
དགར་སྤྱོད། །མཆོད་རྟེན་གཟུགས་ཀྱི་ཁྱད་པར་ལས། །དབྱིབས་ཀྱི་གཟུགས་ནི་ཇི་ལྟ་བུ། །ལྷ་ཡི་རྣམ་དག་བསྒོམས་པ་རྣམས། །བཅོམ་ལྡན་འདས་ལ་ཉན་པར་འཚལ། །ལུས་ཅན་རྣམས་ལ་ཡང་དག་བལྟ། །ཡང་དག་དེ་ཉིད་

87-1-214a

ཤེས་ནས་སུ། །དེ་ཉིད་སྦྱོར་བ་བརྩམ་པ་ཡི། །རབ་སྦྱོར་རྡོ་རྗེ་མཉན་པར་གྱིས། །སྙིང་གར་ཟླ་བ་བསམས་ནས་སུ། །དབུས་སུ་ཧཱུྃ་ནི་བསྒོམ་པར་བྱ། །མེ་ལྟར་འབར་བའི་འོད་ཟེར་གསལ། །སྤྱི་གཙུག་དཀར་པོར་ཡང་དག་
ལྡན། །མེ་ལྕེ་འབར་བས་བཅོམ་ནས་ནི། །ཐམས་ཅད་ཀུན་ནས་ཟད་པར་བྱ། །སྔོན་གྱི་མཚན་ཉིད་དེ་ཁོ་ནས། །དེ་ཉིད་སྟོང་པ་ཉིད་དུ་བྱའི། །དེ་ནས་ཟླ་བར་ས་བོན་ནི། །མཁས་པ་ཡིས་ནི་བསམས་ནས་སུ། །མཆོད་རྟེན་ཕོ་བྲང་
གནས་ཉིད་ནི། །དེ་ལ་སེམས་ཀྱིས་བསྐྱེད་པར་བྱ། །གྱ་གྱུ་ས་ཞེས་བརྗོད་པ་སྟེ། །ཕྱོགས་བརྒྱད་དག་ནི་ཁམས་ཡིན་ན། །དྲིལ་བུ་ནམ་མཁའི་དབུས་གནས་པ། །ལྷུན་པོའི་ལྷ་ཡི་གནས་ཉིད་དོ། །འདོད་ན་སྤྱོད་པའི་ལུས་ཅན་
རྣམས། །བྲེ་རུ་ངེས་པར་བརྟག་པར་བྱ། །འོག་དང་སྟེང་དང་དབུས་ཉིད་ཀྱི། །དབུས་སུ་གནས་པ་བདག་མེད་ཆོས། །གཟུགས་ཁམས་ཞེས་བྱའི་མཐོ་རིས་རྣམས། །འཁོར་ལོའི་ཕྲེང་བས་རྣམ་པར་བརྒྱན། །གཟུགས་ཅན་
བཅུ་དང་བརྒྱད་པོ་ནི། །གོ་རིམ་ཇི་བཞིན་རྣམ་པར་གནས། །གཟུགས་མེད་སྲིད་པའི་སེམས་ཅན་ནི། །ཆོས་ཀྱི་སྲོག་ཤིང་ཉིད་དུ་ཐིམ། །ལྷ་རྣམས་ཀུན་གྱི་ཕོ་བྲང་ནི། །གཟུགས་སུ་མཆོད་རྟེན་བསྐྱེད་པར་བྱ། །སྟེང་གི་སྒོང་
སྐྱེས་གནས་སུ་ནི། །བདག་གི་སེམས་ནི་མཉམ་བྱ་སྟེ། །སེམས་དང་ཡེ་ཤེས་འདྲེས་པས་ན། །གཉིས་མེད་མཉམ་པའི་ཁྱད་པར་གྱིས། །གཟུགས་དང་སྟོང་པའི་མཐའ་དང་ནི། །དེ་བཞིན་དངོས་དང་དངོས་མེད་ཉིད། །
གཟུང་དང་འཛིན་པ་ལ་སོགས་གཞན། །ལེགས་བྱས་དང་ནི་བཟློག་པ་རྣམས། །མཚན་གཞི་མཚན་ཉིད་སྟོན་པའོ། །དེ་ཡི་དབུས་སུ་བསྒོམ་པར་བྱ། །སྦྱིན་དང་ཚུལ་ཁྲིམས་བཟོད་སོགས་པའི། །རྫས་འདི་ཡིས་ནི་མཆོད་ནས་
སུ། །མི་གཡོ་འཚེ་བ་མེད་པ་རུ། །དངོས་པོས་དངོས་པོ་བསྒོམ་པར་བྱ། །མཉམ་བཞག་དངོས་པོ་བསྒོམས་ནས་ནི། །འགྲུབ་འགྱུར་འདིར་ནི་ཐེ་ཚོམ་མེད། །ཆོས་ཀྱི་དབྱིངས་ཀྱི་རང་བཞིན་གྱི། །དེ་ཉིད་བསྟན་བཅོས་ལུང་ལ་

87-1-214b

སོགས། །རྣལ་འབྱོར་དམིགས་པ་གོམས་བྱས་པའི། །སློབ་མ་ཆེན་པོའི་ལུས་ཅན་རྣམས། །གདན་བཞི་པ་ཡི་དེ་ཁོ་ན། །བླ་མའི་མན་ངག་ལྡན་པ་ཡིས། །རིམ་གྱིས་རང་དགར་ལོངས་སྤྱོད་དེ། །བདག་མེད་བལྟ་ཞིང་མྱང་བར་བྱ། །
བདུད་རྩི་མྱོང་བའི་རྣལ་འབྱོར་པས། །ཡེ་ཤེས་སྐུ་ནི་མྱུར་ཏུ་འཐོབ། །ཡེ་ཤེས་སྐུ་ཡི་རྣལ་འབྱོར་པས། །བདག་དང་གཞན་དོན་མཆོག་དུ་འགྱུར། །ཤིན་ཏུ་རྣམ་པར་དག་པ་ཡི། །ཆོས་ཀྱི་དབྱིངས་ཀྱི་རྣལ་འབྱོར་རོ། །གསང་ཆེན་
སྦྱོར་བའི་མཚན་ཉིད་ཀྱི། །དེ་ཉིད་དེ་ཉིད་མཆོག་དེ་ཉིད། །གང་གིས་བྱང་ཆུབ་ལམ་གྱུར་པ། །བཅོམ་ལྡན་འདས་ལ་ཉན་པར་འཚལ། །བཅོམ་ལྡན་འདས་ཀྱིས་བཀའ་སྩལ་པ། །དང་པོར་རེ་ཤིག་རྣལ་འབྱོར་པས། །བདག་ཉིད་
རང་དགར་བྱེད་པ་ཡི། །རྟ་རྒོད་ལྟ་བུའི་སེམས་དེ་ཉིད། །མཁས་པ་ཡིས་ནི་བསྡམ་པར་བྱ། །ཇི་ལྟར་བུང་བ་མེ་ཏོག་བསྙུང་བ་ཡི། །ཆང་གིས་མྱོས་ཤིང་སེམས་ནི་བརྟན་འགྱུར་ཏེ། །ལོངས་སྤྱོད་ཞུགས་ཤིང་སྡུག་བསྔལ་རྨོངས་
དང་བྲལ། །དེ་བཞིན་བསྒོམ་པའི་ལམ་གྱིས་ཡིད་བཅིང་བྱ། །ཡིད་བསྡམས་པ་ནི་འགྲུབ་འགྱུར་བས། །དང་པོར་ཡིད་ནི་བསྡམ་པར་བྱ། །ཡིད་ཀྱིས་བསྒྲུབ་པའི་བྱེ་བྲག་གིས། །བྱང་ཆུབ་ཡེ་ཤེས་མཚོན་པར་བྱ། །ཟླ་བའི་དཀྱིལ་
འཁོར་དབུས་གནས་པར། །ཡེ་ཤེས་མཁའ་འགྲོ་སྤྲུལ་བྱ་སྟེ། །ཕྱག་རྒྱ་ཆེན་པོ་སྙིང་གར་བཅིང་། །སྔོན་གྱི་མཚན་ཉིད་ཀུན་རིག་པས། །ཡི་གེ་བརྒྱད་ཀྱི་ས་བོན་རྣམས། །ཡི་གེའི་གནས་སུ་དགོད་པར་བྱ། །རྒྱལ་བ་
ལྔ་ཡི་མཆོད་རྟེན་གྱི། །སྒོ་ནི་དགག་པར་བསམ་བྱ་སྟེ། །བདུད་རྩིའི་སྔགས་ཀྱི་ཡི་གེ་ཡིས། །རྒྱས་པའི་སྒོ་ནི་བསྲུང་བར་བྱ། །མེ་ཡི་ཡི་གེ་འབར་བ་ཡིས། །ཆུ་དང་ཆུ་མིན་དེ་བཞིན་བསྲུང་། །ཆུ་ཤིང་མེ་ཏོག་པད་མ་ནི། །མཛེས་
ཤིང་འཁྱིལ་པ་རྒྱས་པར་དབྱེ། །དེ་ཡི་དབུས་ཀྱི་སྒོང་ངར་ནི། །དུང་དང་ཟླ་བ་ལྟར་དཀར་བ། །ཕྱོགས་ཕྱོགས་གནས་སུ་ས་བོན་དེ། །ཕྱོགས་བཞིར་ཁམས་ནི་བཞི་པོ་ཡི། །ཕྱོགས་མཚམས་ས་བོན་བརྩེགས་པ་བཞི། །

87-1-215a

ཤིན་ཏུ་མཉམ་པར་གཞག་པས་བསྒོམ། །འོད་ཟེར་ཀུན་ནས་དཀར་ཞིང་དག །ལྷ་མོའི་ཡི་གེ་བསྒོམ་པར་བྱ། །ཡེ་ཤེས་རྣམ་ཤེས་ངོ་བོའོ། །དེ་ཉིད་དབུས་སུ་དམིགས་ནས་ནི། །སེམས་ནི་རང་དགར་བསྒོམས་པ་
ཡིས། །ཕྱི་ནས་གཟུགས་ནི་གཞོམ་པར་བྱ། །ཕྱོགས་དང་ཕྱོགས་ཀྱི་མཚམས་དག་ཏུ། །ཕྱོགས་ཕྱོགས་གནས་སུ་བཞག་ནས་སུ། །རང་བཞིན་ཐམས་ཅད་བཅོམ་པ་ཡི། །ལྷག་མ་རྣམ་ཤེས་ཡེ་ཤེས་ཉིད། །ཤར་གྱི་ཕྱོགས་
སུ་ཆུ་ཡིན་ཏེ། །ཁ་དོག་དཀར་པོ་ཀུན་དའི་འོད། །མེ་ནི་སེར་པོ་འོད་འབར་བར། །རྟག་ཏུ་བྱང་དུ་བསམ་པར་བྱ། །རླུང་གི་ས་བོན་དམར་པོ་ནི། །ནུབ་ཀྱི་ཕྱོགས་སུ་བརྟག་པར་བྱ། །ས་ཡི་ས་བོན་ལྗང་ཁུ་ནི། །ལྷོ་ཡི་ཕྱོགས་
སུ་བསམ་པར་བྱ། །ཕྱོགས་མཚམས་འདྲེས་པའི་ཁ་དོག་གིས། །གྲྭ་བཞི་དག་ཏུ་སྦྱར་བར་བྱ། །ལྷག་མ་དབུས་ཀྱི་ཡེ་ཤེས་ཏེ། །སྒོང་སྐྱེས་བཅས་པ་གཞོམ་པར་བྱ། །དེ་ཡི་མཚན་ཉིད་མཚོན་པར་བྱ། །མཚོན་བྱ་
མཚན་ཉིད་དངོས་མེད་པའོ། །སེམས་ཀྱི་དངོས་པོ་སྟོང་བ་བས། །རང་བཞིན་གནས་རྣམས་ཟད་པར་བྱ། །རྣམ་རྟོག་སྟོང་པའི་དབུས་དག་ཏུ། །རྡུལ་ཕྲན་ཙ་ན་ལྟ་བུའི་གཟུགས། །ཨཱ་ལི་ཀཱ་ལི་ས་བོན་ནི། །རྡུལ་ཕྲན་
ཞེས་བྱ་དབུས་སུ་སྟེ། །རྣམ་པ་མེད་ཅིང་བརྗོད་དུ་མེད། །ཐམས་ཅད་རྡུལ་ཞེས་བྱ་བ་ལ། །སྟོང་ཉིད་དུ་འང་མི་དམིགས་ཏེ། །གཟུགས་ལ་སོགས་པར་མི་བལྟའོ། །རྡུལ་ནི་ས་བོན་མ་ཡིན་ལ། །རང་བཞིན་མེད་ཅིང་མཚན་
ཉིད་མེད། །རླུང་དང་ནམ་མཁའ་མ་ཡིན་ཏེ། །མཉམ་ཉིད་དབུ་མར་མཚོན་པར་བྱ། །གཟུགས་དང་སྟོང་པ་དེ་བཞིན་དབུས། །དེ་བཞིན་རྣལ་འབྱོར་ཅན་གྱིས་གཟུང་། །བླ་མའི་ལུང་གིས་རྟོགས་བྱ་སྟེ། །ལུང་གི་དམ་
པ་དག་དང་ནི། །བསྟན་བཅོས་མཚན་ཉིད་དཔྱད་ནས་སུ། །ལུང་དང་བཅས་པས་འགྲུབ་པར་འགྱུར། །མི་གཡོ་འང་འཚེ་བ་མེད་པ་རུ། །དངོས་པོས་དངོས་པོ་བསྒོམ་པར་བྱ། །མཉམ་གཞག་དངོས་པོས་

87-1-215b

དཔྱད་ནས་ནི། །བྱང་ཆུབ་རིམ་པ་འགྲུབ་པར་འགྱུར། །ཡེ་ཤེས་ཐིམ་པའི་རྣལ་འབྱོར་པས། །སེམས་ཅན་དོན་བྱེད་མཆོག་ཏུ་བརྩོན། །ཀུན་རྟོག་ལུས་དང་སེམས་ཀྱི་ནི། །གང་ཚེ་ཡུལ་འཁོར་བསྲུང་འདོད་ན། །ཡེ་ཤེས་དབང་པོའི་
ལོངས་སྤྱོད་ཅན། །རང་འདོད་ལུས་ཀྱི་དངོས་གྲུབ་ཀྱིས། །རྒྱུན་ཏུ་ཞུགས་པའི་འབྲས་འདོད་ཅིང་། །ཁམས་གསུམ་ཡེ་ཤེས་ཀྱིས་བལྟ་དང་། །རང་འདོད་ཡིད་ཀྱི་གནས་དང་ནི། །ནམ་མཁར་རྒྱུ་བའི་ལུས་ཅན་དང་། །སེམས་ཅན་ཀུན་
གྱི་གཞན་དོན་གཉེར། །མཆོག་ནི་མྱུར་དུ་སྟེར་བར་འགྱུར། །ལུས་དང་དབང་པོ་དོན་གཉེར་བས། །བདག་མེད་པ་ཡིས་རང་དགར་བྱ། །ཆོས་ཀྱི་དབྱིངས་ཀྱི་རང་བཞིན་གྱི། །སྦྱོར་བས་འཁོར་བ་སྒྲོལ་བར་འགྱུར། །སངས་རྒྱས་འདྲེན་
པ་རྣམས་ཀྱི་ཡང་། །སྦྱོར་བ་གཞན་ནི་དོན་གཉེར་འགྱུར། །སྒྲུབ་པོ་འདུ་འཛི་མེད་པ་དང་། །སྒྲ་སྒྲོགས་སྐྱེ་བོས་དབེན་པ་ཡི། །ཚལ་དང་རི་སུལ་བྲག་ཕུག་ཏུ། །གནས་ནས་དེ་རུ་བསྒོམ་པར་བྱ། །ན་ག་མུ་ལ་པ་ལ་ཤ །རུ་རྟ་ཆ་ནི་གསུམ་
པོ་དག །མ་ག་དྷ་ནི་སྲང་གཅིག་སྟེ། །ཆ་བསྙམས་ཕྱེ་མར་བྱས་ནས་ནི། །བ་ཡི་འོ་མར་ཡང་དག་བཅས། །ཕྱེ་མ་བཞི་ཆར་བསྲེས་ནས་སུ། །འདི་ནི་ཉིན་རེ་རྣལ་འབྱོར་པ། །མཁས་པ་ཡིས་ནི་བཟའ་བར་བྱ། །རྣལ་འབྱོར་ཅན་གྱི་ལོ་བརྒྱ་
རུ། །བྲག་ཕུག་སྟོང་སོགས་གནས་ནས་ནི། །ངེས་པར་ཤིན་ཏུ་སྨིན་པ་ཡིས། །གྲང་དང་བཀྲེས་སྐོམ་ལ་སོགས་གྲོལ། །སྨན་འདི་དག་ནི་ལྡན་པ་རུ། །བྲག་ཕུག་སྟོང་སོགས་གནས་ནས་ནི། །འདུལ་བ་བསྲུང་བའི་རྣལ་འབྱོར་པ། །ལུས་
ནི་རྟག་ཏུ་བསུངས་པར་འགྱུར། །ཇི་ལྟར་བུད་མེད་བྱིས་གཏམ་རྗེས་ཡི་རང་། །གཉིས་སྤྲོད་གཏམ་དུ་སྨྲ་ཞིང་སྟོན་པ་སྟེ། །དེ་ལྟར་ལམ་བཤད་འཆི་བ་ཡོད་མ་ཡིན། །རྣལ་འབྱོར་ལམ་ངན་དེ་ལྟར་བསྟན་པ་མིན། །རིག་བྱེད་ཆུ་དང་དེ་བཞིན་
དུར་བ་རྣམས། །བྲམ་ཟེས་སྤྱིར་བཞག་སངས་རྒྱས་པས་གཟུང་མིན། །དབང་བསྐུར་སྔགས་སོགས་ཉམས་ཀྱིས་འཇིགས་པས་ན། །གནས་ངན་ལྷ་ཚོགས་རིགས་ལ་ཕྱག་མི་བྱ། །དེ་ནས་རྣལ་འབྱོར་པ་དང་། རྣལ་འབྱོར་མ་

87-1-216a

དང་། མཁའ་འགྲོ་དང་། མཁའ་འགྲོ་མ་དང་། བྱང་ཆུབ་སེམས་དཔའི་དགེ་འདུན་བྱེ་བ་ཕྲག་བརྒྱད་བཅུ་དུ་མའི་འཁོར་རྣམས་སེམས་ཚིམ་ནས། ཐམས་ཅད་ཀྱིས་ཡེ་ཤེས་ཐོབ་པར་གྱུར་ཏེ། ཕྱག་ན་རྡོ་རྗེ་ལ་སོགས་པའི་
བྱང་ཆུབ་སེམས་དཔའ་དང་། སེམས་ཅན་རྣམས་ཀྱིས་ཐལ་མོ་སྦྱར་ཏེ་གླུ་བླངས་པ། རང་དགར་སེམས་ཅན་སྒྲོལ་བ་ཡི། །རྒྱུ་མེད་དངོས་ལ་འདུད་པར་བགྱི། །ཏེ་ན་ཧཱུྃ་ཏེ་ན་ཧཱུྃ་ཏེ་ན་ཏེ་ཏེ་ཧཱུྃ། སྟོན་ཀའི་ཟླ་ལྟར་ཞལ་མཛེས་ཤིང་། །
དུང་ལྟར་དཀར་བའི་སྐུ་འཛིན་པ། །ཏེ་ན་ཧཱུྃ་ཏེ་ན་ཧཱུྃ་ཏེ་ན་ཏེ་ཏེ་ཧཱུྃ། རྡོ་རྗེ་དྲིལ་བུའི་ཕྱག་རྒྱ་ཅན། །གཉིས་སུ་སྦྱར་བ་འཛིན་པ་པོ། །ཏེ་ན་ཧཱུྃ་ཏེ་ན་ཧཱུྃ་ཏེ་ན་ཏེ་ཏེ་ཧཱུྃ། སྒྱུ་མའི་ལུས་སུ་ཐིམ་པ་ཡི། །འགྲོ་བ་མཛེས་པ་རྒྱུ་མེད་དངོས། །ཏེ་ན་
ཧཱུྃ་ཏེ་ན་ཧཱུྃ་ཏེ་ན་ཏེ་ཏེ་ཧཱུྃ། སྲིད་པ་གསུམ་འབར་སྐུ་ནི་རྗེས་ཆགས་འདུལ་བར་ལྡན། །འོད་ཟེར་རྣོན་པོ་སྟོང་ཕྲག་ཉི་མ་སྟོང་འདྲར་ལྡན། །རྣམ་མང་སྐུ་དང་ཆ་བྱད་རྗེས་ཆགས་སེམས་དཔར་ལྡན། །རྡོ་རྗེ་སེམས་དཔའ་དབང་ཕྱུག་མཆོག་
དང་རོལ་གར་མཛད་ཅེས་བྱ་བ་སྟེ། བཀྲ་ཤིས་སྒྲ་ཡིས་བཀང་ནས་སུ། །ཐམས་ཅད་ཀུན་ནས་གླུར་བླངས་སོ། །ཇི་བཞིན་ལམ་ནི་རྡོ་རྗེས་ཉོན། །བསྟན་བཅོས་ཤིན་ཏུ་མཉམ་གཞག་པས། །གང་ཞིག་སུ་ཡང་རུང་བ་ལས། །ཡི་གེ་
འམ་ཚིག་ཙམ་ཉན་བྱེད་ན། །མཐོ་རིས་ལོངས་སྤྱོད་ཐོབ་འགྱུར་ཏེ། །ཡང་ན་འཁོར་ལོས་སྒྱུར་བར་རོ། །འདྲི་འམ་འདྲིར་འཇུག་ཀློག་པ་དང་། །ཤིན་ཏུ་དད་ལྡན་སྔགས་ཟློས་པའི། །རྣལ་འབྱོར་པ་རྣམས་འཕོ་བའི་ཚེ། །སྲིད་པའི་
གཟུགས་ཀུན་བསམས་བཞིན་འགྲུབ། །རྣལ་འབྱོར་བསམ་གཏན་བྱེད་པ་རྣམས། །མྱུར་དུ་བྱང་ཆུབ་རིམ་པ་ཐོབ། །ཅེས་བདག་ཉིད་ཀྱིས་བཀའ་སྩལ་པས་ཕྱོགས་བཅུའི་འཇིག་རྟེན་གྱི་ཁམས་ཀྱི་རྣལ་འབྱོར་པ་དང་། །རྣལ་
འབྱོར་མ་འདུས་པ་དེ་དག་དང་། ཕྱག་ན་རྡོ་རྗེ་ལ་སོགས་པའི་བྱང་ཆུབ་སེམས་དཔའ་སེམས་དཔའ་ཆེན་པོ་ཐམས་ཅད་དང་། ལྷ་དང་། ཀླུ་དང་། གནོད་སྦྱིན་དང་། དྲི་ཟ་དང་། ལྷ་མ་ཡིན་ལ་སོགས་པ་ཐམས་ཅད་དང་ལྡན་

87-1-216b

པའི་འཁོར་གྱིས་དགའ་ཞིང་མགུ་ནས། བཅོམ་ལྡན་འདས་ཀྱིས་གསུངས་པ་ལ་མངོན་པར་བསྟོད་དོ། །དཔལ་གདན་བཞི་པ་ཞེས་བྱ་བའི་རྣལ་འབྱོར་མའི་རྒྱུད་ཀྱི་རྒྱལ་པོ་ཆེན་པོ་བཅོམ་ལྡན་འདས་རྡོ་རྗེ་འཛིན་
པས་འབུམ་ཕྲག་བཅྭ་བརྒྱད་པ་ལས་སྙིང་པོ་ལྟ་བུར་གསུངས་པ་རྫོགས་སྷོ།། །། རྒྱ་གར་གྱི་མཁན་པོ་ཆེན་པོ་གཱ་ཡ་དྷ་ར་དང་། ཞུ་ཆེན་གྱི་ལོ་ཙྪ་བ་འགོས་ཁུག་པ་ལྷས་བཙས་ཀྱིས་བསྒྱུར་ཅིང་ཞུས་ཏེ་
གཏན་ལ་ཕབ་པ། །  ༄༅། །རྒྱ་གར་སྐད་དུ། ཤྲཱི་ཙ་ཏུཿཔཱི་ཋ་ཁྱཱ་ཏ་ཏནྟྲ་རཱ་ཛོ་མནྟྲ་ཨཾ་ས་ནཱ་མ།  བོད་སྐད་དུ། དཔལ་གདན་བཞི་པའི་བཤད་པའི་རྒྱུད་ཀྱི་རྒྱལ་པོ་སྔགས་ཀྱི་ཆ་ཞེས་བྱ་བ། བཅོམ་ལྡན་འདས་དཔལ་
རྣལ་འབྱོར་ནམ་མཁའ་ལ་ཕྱག་འཚལ་ལོ། །བྱང་ཆུབ་སེམས་དཔའ་སེམས་དཔའ་ཆེན་པོ་ཐུགས་རྗེ་ཆེན་པོ་དང་ལྡན་པ་འཕགས་པ་སྤྱན་རས་གཟིགས་དབང་ཕྱུག་ལ་ཕྱག་འཚལ་ལོ། །དམ་ཚིག་ལ་སྤྱོད་པའི་རྡོ་རྗེ་མཁའ་འགྲོ་
དང་། རྡོ་རྗེ་མཁའ་འགྲོ་མ་རྣམས་ལ་གུས་པར་ཕྱག་འཚལ་ལོ། །གདན་བཞི་པ་ཡི་རྒྱུད་ཀྱི་ནི། །གསུམ་པ་ཡི་ནི་དང་པོའོ། །དེ་ཡི་སྦྱོར་བ་རྙེད་ནས་ནི། །སྔགས་ཀྱི་དེ་བཞིན་ཁྱད་པར་ཉིད། །སྙིང་པོ་ཡི་ནི་སྙིང་པོའི་ཆོས། །རབ་
སྦྱོར་གསང་ཞིང་གསུང་བ་ཡི། །དེ་ཉིད་དེ་ཉིད་དེ་ལས་མཆོག །སྙིང་པོའི་དེ་ཉིད་བསྡུས་པའོ། །བླ་མའི་མ་ནིང་གཉིས་བཟུང་ལ། །རྩ་བར་བསྐོར་ཞིང་མནན་པར་བྱ། །སྤྱི་བོར་འོད་དང་ཟླ་བའོ། །ས་བོན་བསྐྱེད་པའི་རིམ་པ་བཞིན། །
ཟླ་བ་དཀར་དང་ཀུན་དའི་མདོག །གཙོ་བོའི་སྔོན་དུ་སྦྱར་བར་བྱ། །སྔགས་ཀྱི་བཟླས་པ་རྫོགས་བྱ་ཞིང་། །དབྱངས་ཡིག་མངོན་པར་མཐོང་བ་ནི། །ལས་རྣམས་གསུམ་གྱི་སྔོན་དུ་ནི། །བླ་མའི་ཡི་གེ་སྔོན་དུའོ། །དཀར་དང་སེར་དང་
དམར་པོའོ། །བཞི་པ་དག་པ་རུ་ནི་བརྗོད། །མྱུ་གུའི་གནས་ནི་གཙོ་བོ་ཉིད། །སྲིད་པ་མཆོག་ཏུ་སྒྲོལ་བའོ། །དབྱངས་ཡིག་དབྱངས་ཀྱི་བསྒོམ་པ་ནི། །རྣལ་འབྱོར་པ་ཡིས་མཚོན་པར་བྱ། །དོན་གྲུབ་འདོད་པས་བཟླས་པ་ཡི། །

87-1-217a

བན་དུ་ཀ་ཡི་མེ་ཏོག་འདྲ། །རྡོ་རྗེ་དབྱུག་པ་ལ་རྟག་ཏུ། །དེ་ཉིད་དུ་ན་རྣམ་པར་ཐིམ། །དཀར་པོ་ཟླ་བས་མནན་པ་ཡི། །གཉིས་ཀ་བསྒོམས་པས་བཀྲུ་བར་བྱ། །པད་མ་རྡོ་རྗེ་ཟླ་བ་དང་། །བདུད་རྩི་ཡིས་ནི་བཀྲུ་བར་ལྡན། །
དང་པོའི་ས་བོན་གཙོ་བོ་ཡིས། །དབྱངས་ཡིག་ཀུན་ལ་ཁྱབ་པའོ། །དཀར་ཞིང་དག་ལ་མཉམ་པའི་འོད། །གསུམ་པའི་ལས་ཀྱི་ས་བོན་ནི། །བཞི་པར་ནམ་ཡང་མ་ཡིན་ནོ། །ཇི་ལྟར་དང་པོ་མཐར་གནས་པའི། །ཁྱད་པར་དབྱངས་
ཡིག་ས་བོན་ཉིད། །མཐའ་ཡི་སྔོན་དུ་ས་བོན་ཉིད། །དེ་བཞིན་སྔོན་དུ་ཉིས་འགྱུར་རོ། །བཞི་པོ་མཉམ་པའི་ཆ་རུ་ནི། །མཉམ་པའི་གནས་སུ་སྦྱར་བར་བྱ། །བཞི་པ་གསུམ་པའི་ས་བོན་ནི། །མགོ་སྨོས་གོ་བའི་ལུས་ཉིད་
དོ། །ཡི་གེ་གསུམ་གྱི་ལུས་ཉིད་ནི། །རང་བཞིན་གྱིས་ནི་དབྱངས་ཡིག་དངོས། །ལུས་དང་ལུས་སོགས་ཡི་གེ་ནི། །ལྕགས་ཀྱུ་ཡིས་ནི་མནན་པར་བྱ། །དམར་དང་གནག་སོགས་ས་བོན་ནི། །རྣལ་འབྱོར་པ་ཡི་ཁྱད་པར་དུ། །ལྔ་
པ་དྲུག་པའི་ས་བོན་ནི། །ཐམས་ཅད་སྒྲ་ཡི་ཡི་གེའོ། །དཀར་དང་སེར་ལ་ལྕི་བར་བཤད། །དམར་དང་སྔོན་པོ་དེ་བཞིན་ཡང་། །ཞི་རྒྱས་དབང་ལ་སོགས་པ་ནི། །ཀུན་ཀྱང་སྒྲ་ཡི་དབྱེ་བའོ། །ཐམས་ཅད་ལས་ལ་སྒྲ་
ཡིས་ནི། །ཁ་དོག་བཞི་རུ་རབ་ཏུ་གྲགས། །བདུན་པ་བརྒྱད་པའི་ས་བོན་གྱིས། །སྐྱེས་བུ་རང་འདོད་པ་ཡི་ལས། །ངེས་པར་ལུས་ནི་སྡོམ་པ་དང་། །གཉིས་པའི་ས་བོན་གྱིས་མནན་པའོ། །ཡང་བས་དམར་དང་གནག་
ལ་སྦྱར། །རྣལ་འབྱོར་པ་ཡི་ཁྱད་པར་དུ། །མཚམས་ནི་བཅད་ཅིང་མནན་པའི་ལས། །གཉིས་པ་ལྕགས་ཀྱུའི་ཡི་གེ་ནི། །རང་བཞིན་ཡི་གེ་མིང་གི་ནི། །དེ་ཉིད་ལས་རྣམས་འགུགས་པ་དང་། །ས་བོན་འདི་ནི་དབྱེ་བའོ། །
ཁ་དོག་དམར་པོ་མཆོག་གི་འོད། །ཐམས་ཅད་འདྲེས་པའི་ས་བོན་ནི། །དབྱངས་ཡིག་བསྐྱེད་པའི་ས་བོན་ནི། །ལས་རྣམས་ཐམས་ཅད་བྱེད་པའོ། །མ་ནིང་གིས་བསྐྱེད་ས་བོན་ནི། །བརྟན་ཞིང་རྟག་པའི་ས་བོན་ནོ། །བུད་

87-1-217b

མེད་དང་ནི་སྐྱེས་པ་འམ། །འདི་ཉིད་ཀུན་ནས་རབ་ཏུ་སྦྱར། །སྡེ་ཚན་བཞི་པའི་བཞི་པ་ནི། །ཐ་མ་བཞི་ནི་རྣམ་སྤངས་པ། །དཀར་དང་ཀུན་ད་ཟླ་བའི་མདོག །ཉི་མའི་ཡི་གེ་རྣམ་པར་ཤེས། །ཐ་མ་བཞི་ནི་ལྔ་པ་དང་། །སྡེ་ཚན་
དྲུག་པ་ཡང་དག་ལྡན། །ཀུན་ནས་མཚན་མོའི་སྟོང་པར་ནི། །ཁྱད་པར་དུ་ནི་ཤེས་པར་བྱ། །བདུད་རྩི་ཆུ་ཡི་ས་བོན་ནི། །དཀར་ཞིང་ཤེལ་ལྟར་མཉམ་པའི་འོད། །དེ་ཉིད་ཀུན་གྱི་དེ་ཉིད་ནི། །ཀུན་ནས་བདུད་རྩི་གྲུབ་པའོ། །ལྷ་མིན་
གྲུབ་པས་འགུགས་པ་དང་། །ལྷ་དང་མི་དང་གནོད་སྦྱིན་དང་། །ཐམས་ཅད་ལས་རྣམས་གྲུབ་པ་ནི། །ས་བོན་འདི་ནི་ཁྱད་པར་ཉིད། །སྦོམ་པོ་མ་ནིང་གཉིས་ཀྱིས་ལ། །ལྕགས་སྒྲོག་བཞིན་དུ་ཁ་སྤྲད་པ། །རྩ་བར་ཡང་བ་ཉིས་
འགྱུར་རོ། །སྤྱི་བོར་བདུད་རྩི་རྣམ་པར་དགོད། །སྟེང་དུ་ཐིག་ལེ་འབར་བའི་མཆོག །སངས་རྒྱས་ལྔ་ཡི་རང་བཞིན་སྐུ། །ས་བོན་ལྔ་ཡི་ངོ་བོ་ཉིད། །རྣམ་བཞིར་ཕྱེ་ཞིང་ཕྱེ་བ་ཡིས། །ལྕེ་རྩ་ལྕེ་རྩར་གསུངས་པ་ནི། །ཁ་དོག་དམར་པོ་
མཉམ་པའི་འོད། །ཞི་དང་ཆུ་ཡི་བྱེ་བྲག་ལ། །ཧཱུྃ་གི་རྣམ་པ་རྐན་ལ་སྦྱར། །རྩ་བར་སྒྲ་དང་འོད་བྲལ་བ། །བར་མ་ཡི་ནི་དབྱངས་སུ་གསུངས། །གལ་ཏེ་འདོད་ན་ལྷ་ཡི་ལུས། །ཁྱད་པར་དུ་ནི་ཞི་བའི་ལས། །སྙིང་ཀའི་རྩ་བར་གསུངས་
པ་ནི། །ཁ་དོག་སེར་པོའི་འོད་མཉམ་པ། །སྦོམ་པོའི་སྒྲ་དང་ཐིག་ལེ་དང་། །རྒྱས་པ་དང་ནི་མེ་ཡི་ལས། །ལྟེ་བར་སྒྲ་དང་འཇོམས་པ་ནི། །ཁ་དོག་དམར་པོ་འོད་མཉམ་པ། །སྦོམ་པོའི་སྒྲ་དང་ལྡན་པའི་འོད། །དབང་གི་ལས་
ལ་རབ་ཏུ་སྦྱར། །རྣ་རྩེར་སྦྲིད་པ་གསུམ་པ་ནི། །ཁ་དོག་སྔོན་པོ་མཉམ་པའི་འོད། །ཡང་བའི་སྒྲ་ཡི་འོད་དུ་ནི། །ལྡན་པར་བློ་དང་ལྡན་པར་བསྐུལ། །བསྐྲད་དང་གསད་དང་བཅིང་བ་དང་། །མནན་དང་གདུག་སོགས་བསྐྲད་
པ་དང་། །གཏོར་མ་ལ་སོགས་ནག་པོའི་ལས། །ཧཱུྃ་གི་རྣམ་པ་སྦྲིད་པར་སྦྱར། །དེ་ཉིད་དེ་ཉིད་བཞི་པར་ནི། །ཧཱུྃ་གི་རྣམ་པ་ཉེ་བར་མཚོན། །ས་བོན་ཐམས་ཅད་འབྱིན་མཛད་པ། །ཧཱུྃ་གི་རྣམ་པ་དབང་ཕྱུག་མཆོག །ཐམས་ཅད་འབྱིན་པའི་

87-1-218a

ངོ་བོ་བས། །ཧཱུྃ་གི་ཡི་གེ་མཆོག་གི་ལྷ། །སྟོང་ཉིད་ཡི་གེའི་ཧཱུྃ་གྱུར་པས། །ཧཱུྃ་གི་རྣམ་པ་ཕྱག་འཚལ་བསྟོད། །སྟོང་པའི་གཟུགས་དང་རབ་ལྡན་པ། །དངོས་དང་དངོས་མེད་འབྱིན་མཛད་པ། །བཙོ་མ་གསེར་དང་འདྲ་བའི་མདོག །
སྒྲ་དང་ཐིག་ལེ་ཡང་དག་ལྡན། །རི་རབ་རྒྱ་མཚོ་རི་ནི་གྲགས། །དང་པོའི་སྡེ་ཚན་བཞི་བ་ལ། །རྩ་བར་རེ་ཕ་སྒྲ་དང་ནི། །སྤྱི་བོའི་སྟེང་དུ་འབར་བའོ། །ཁ་དོག་དམར་པོ་མཉམ་བའི་འོད། །བཞི་པའི་ལས་ནི་རྣམ་སྤངས་པ། །ལས་
རྣམས་ཀུན་གྱི་སྡོམ་དུའོ། །རྨོངས་ཤིང་ལུས་ཀུན་རྨོངས་བྱེད་པས། །རྨོངས་པའི་ས་བོན་དུ་ནི་གྲགས། །སྡེ་ཚན་ལྔ་པའི་གསུམ་པ་དང་། །གཉིས་པའི་ས་བོན་བླངས་བྱས་ནས། །མཐའ་རུ་སྟོང་པ་གཉིས་ཀྱིས་སོ། །ཁ་དོག་དཀར་པོ་
མཉམ་བའི་འོད། །ལྷ་དང་ལྷ་མིན་གསང་བ་སོགས། །རང་གི་འདོད་པའི་གནས་སུ་གཞག །བཞག་པ་ལས་ལ་རྣལ་འབྱོར་པས། །བློ་ལྡན་ཡི་གེ་འདི་ཡིས་བཞག །སྟོང་པའི་སྡེ་ཚན་ལ་སྤྱད་ལ། །དེ་ཡི་བཞི་པ་གཟུང་བར་བྱ།།
རྩ་བར་མ་ནིང་སྦོམ་པོ་དང་། །བརྟན་པ་དང་ནི་གཡོ་བར་ལྔན། །ལྷ་དང་ལྷ་མིན་གྲུབ་པ་དང་། །མི་དང་གནོད་སྦྱིན་རྣལ་འབྱོར་པ། །ལྷ་རྣམས་ཀུན་ནས་གཡོ་བ་ནི། །གསུངས་པའི་ས་བོན་གྱིས་འགུགས་བྱེད། །སྡེ་ཚན་དང་པོའི་ས་བོན་
ནི། །རྩ་བར་རེ་ཕ་མནན་པ་དང་། །ལྕགས་ཀྱུས་མགོར་ནི་རྣམ་པར་དགོད། །སྟེང་དུ་ཟླ་བའི་འོད་དང་བཅས། །ཁ་དོག་དམར་པོ་མཉམ་པའི་འོད། །ལྕགས་ཀྱུ་ཡིས་ནི་སྙིང་པོ་བསྒྲུབ། །ལྕགས་ཀྱུ་ཡི་གེ་ས་བོན་བཞིན། །ལྕགས་ཀྱུ་ཡིས་
ནི་ཀུན་འགུགས་པའོ། །སྟོང་པར་རླུང་གི་ས་བོན་ནི། །སྡེ་ཚན་བརྒྱད་ཀྱི་དང་པོ་ལ། །རྩ་བར་སྒྲ་ཡིས་དཀྲི་བར་བྱ། །སྤྱི་བོར་ཟླ་ཚེས་ཐིག་ལེ་དང་། །རླུང་གི་ཁ་དོག་དྲག་པོ་ཡིས། །ལུས་ཅན་ཀུན་ནི་བསྐུལ་བར་བྱ། །བསྐུལ་བའི་
ལས་ཀྱི་ས་བོན་གྱིས། །ས་བོན་དེ་ཉིད་ཀུན་ཏུ་སྦྱར། །ལྔ་པ་སྡེ་ཚན་གཉིས་པ་ཡི། །གསུམ་པའི་ཡི་གེ་གཟུང་བྱས་ལ། །ཡིག་གེ་གསུམ་པས་མནན་པར་བྱ། །རེ་ཕ་རྩ་བར་སྦྱར་བ་དང་། །སྟེང་དུ་བདུད་རྩིའི་ཐིགས་པའོ། །ཁ་

87-1-218b

དོག་དཀར་པོ་མཉམ་པའི་འོད། །དགྱེས་པ་ལ་སོགས་ས་བོན་གྱིས། །ལྷ་ཚོགས་ཀུན་ནས་མཉེས་པར་བྱེད། །སྡེ་ཚན་དང་པོའི་གསུམ་པ་ནི། །གསང་བའི་སྒྲ་ནི་རྩ་བར་རོ། །སྟེང་དུ་བདུད་རྩིའི་ཐིག་ལེ་དང་། །དཀར་ཞིང་
ཡིད་འོང་ཤིན་དུ་འབར། །མཆོད་པའི་སྔགས་ཀྱི་དུས་དང་ནི། །གཏོར་མ་སྦྱིན་སྲེག་ཕྱག་རྒྱ་སོགས། །རྒྱས་པའི་ལས་ནི་ཐམས་ཅད་ལ། །རྒྱས་པའི་ས་བོན་དུ་ནི་གྲགས། །དང་པོའི་སྡེ་ཚན་བཞི་པ་ལ། །རྩ་བར་རེ་ཕ་སྒྲ་དང་ནི། །
སྤྱི་བོའི་སྟེང་དུ་འབར་བའོ། །ཁ་དོག་དམར་པོ་མཉམ་པའི་འོད། །ཞི་བའི་ལས་ནི་རྣམ་སྤངས་པ། །ལས་རྣམས་ཀུན་གྱི་སྔོན་དུའོ། །རྨོངས་ཤིང་ལུས་ཀུན་རྨོངས་བྱེད་པས། །རྨོངས་པའི་ས་བོན་དུ་ནི་གྲགས། །སྡེ་ཚན་ལྔ་པའི་
གསུམ་པ་དང་། །གཉིས་པའི་ས་བོན་བླང་བྱས་པ། །མཐའ་རུ་སྟོང་པ་གཉིས་ཀྱིས་སོ། །ཁ་དོག་དཀར་པོ་མཉམ་པའི་འོད། །ལྷ་དང་ལྷ་མིན་གསང་བ་སོགས། །རང་གི་འདོད་པའི་གནས་སུ་གཞག །བཞག་པའི་ལས་ལ་
རྣལ་འབྱོར་པས། །བློ་ལྡན་ཡི་གེ་འདི་ཡིས་གཞག །སྟོང་པའི་སྡེ་ཚན་ལ་སྤྱད་ལ། །དེ་ཡི་བཞི་པ་གཟུང་བར་བྱ། །རྩ་བར་མ་ནིང་སྦོམ་པོ་དང་། །སྟེང་དུ་བདུད་རྩིའི་ཐིག་ལེའོ། །འཇིགས་པ་བསྲུང་བའི་ལས་ཉིད་ལ། །
ཁ་དོག་དཀར་པོ་མཉམ་པའི་འོད། །རྣལ་འབྱོར་དེ་ཉིད་འདོད་པ་ཡི། །ས་བོན་འདི་ཉིད་ཀྱིས་བསྲུང་ངོ་། །བསྲེག་པའི་ཡི་གེ་སྔགས་ཉིད་ནི། །དབྱེ་བ་རྣམ་པ་གསུམ་དུ་བཤད། །དཀར་དང་སེར་དང་དམར་སོགས་ཀྱི། །
ལས་གསུམ་གྱི་ནི་མཐའ་རུའོ། །བདུན་པ་ཡི་ནི་མཐའ་བཟུང་ལ། །བརྒྱད་པ་གཉིས་པ་ཡི་ནི་གདན། །བདུད་རྩི་ཡི་ནི་གདན་དུ་ཆུ། །ཁ་དོག་དཀར་པོ་མཉམ་པའི་འོད། །མ་ནིང་སྡེ་ཚན་གྱིས་བསྐྱེད་པའི། །མེ་ལྟར་
དམར་བ་མཉམ་པའི་འོད། །ལོགས་སུ་དབྱངས་ཡིག་དབྱུག་པའོ། །ཞི་བ་ལ་ནི་བསྲེག་པའི་མཐར། །བདུད་རྩིའི་ས་བོན་ཁ་དོག་སེར། །ཆུ་ཡི་ས་བོན་དཀར་བའི་གདན། །ལོགས་སུ་དབྱངས་ཡིག་དབྱུག་པའོ། །བརྒྱད་ཀྱི་

87-1-219a

མཐའ་མ་ཀུན་ནས་འབར། །རྡོ་རྗེ་འོད་བཞིན་འབར་བའི་མེ། །ས་བོན་འོད་བཞིན་འབར་བཅས་པ། །དབྱངས་ཡིག་དབྱུག་པའི་བསྲེག་པའོ། །རྒྱས་པའི་བསྲེག་པའི་མཐའ་མར་རོ། །དེ་ཡི་བདུད་རྩི་འབར་བའི་ནི། །བརྒྱད་
མཐའི་ལོགས་སུ་དབྱུག་པའོ། །ཀུན་ནས་དམར་དང་དམར་བ་ཡི། །མཐར་ནི་དབྱུག་པ་ལྕགས་ཀྱུའོ། །དབུ་མར་དྲང་བའི་སེམས་ཀྱིས་ནི། །དབྱུག་པའི་དབུགས་ཀྱིས་བཟླ་བར་བྱ། །ཆགས་པའི་ལས་ལ་རྣལ་འབྱོར་པས། །བསྲེག་པའི་
ཡིག་གེ་རྣམ་པ་གསུམ། །རྣམ་པ་བཞི་ལས་དོན་གཉེར་བས། །འཇོམས་པའི་ཡིག་གེ་གཉིས་སུ་ཤེས། །བསྐྲད་དང་བསད་དང་དབྱེ་བ་དང་། །མནན་དང་ཉེ་བར་བཟློག་པ་ལ། །སྟོང་པའི་སྡེ་ཚན་གཉིས་པ་ནི། །དབྱུག་པ་གློ་རུ་རྣམ་པར་
སྦྱར། །ཉི་མའི་སྡེ་ཚན་གསུམ་པ་ལས། །དང་པོ་གཉིས་པའི་གློ་རུའོ། །ཁ་དོག་ནག་པོ་འཇིགས་ཆེན་པོ། །འོད་ཟེར་མེ་བཞིན་ཀུན་ནས་ལྡན། །རྡོ་རྗེ་ས་བོན་མཉམ་འབར་ལས། །ལུས་ཀྱི་དབུས་སུ་དབུག་བར་བྱ། །བསད་དང་གདུག་པ་
བསྐྲད་ལ་སོགས། །དྲག་པོའི་ལས་ནི་ཐམས་ཅད་ལ། །དངོས་གྲུབ་འདོད་པ་རྣལ་འབྱོར་པས། །འཇོམས་པའི་ཡི་གེ་མཐའ་མར་རོ། །དེ་ཡི་ས་བོན་ལྡན་པ་ནི། །སྔོན་གྱི་དབྱུག་ཚོགས་རྣམ་པར་སྤངས། །དང་པོ་དབུ་ཡི་སྟེང་རྣམས་སུ། །ཁ་
དོག་སྔོན་པོ་རབ་རྣོ་བས། །གསད་དང་དབྱེ་དང་གདུག་པ་ནི། །ཁྲོ་བོའི་ལྷ་ཡིས་བསྐྲད་པར་བྱ། །འཇོམས་པའི་ཡི་གེའི་མཐའ་མར་ནི། །ས་བོན་འདི་ཡིས་སྦྱར་བར་བྱ། །དཀར་པོའི་སྡེ་དང་སྡེ་ཚན་གྱི། །དང་པོའི་དང་པོ་བླང་བྱས་ལ། །ཀུན་ནས་རྡོ་རྗེའི་
ས་བོན་གྱིས། །ས་བོན་ཡིག་གེ་ཕྱེད་དང་གཉིས། །འཕོ་བར་སྦྱོར་བའི་སྔོན་དུས་སུ། །རྣམ་ཤེས་གོང་དུ་བསྐུལ་བའོ། །ལྟེ་བར་རྩ་བའི་ཕྱོགས་ནས་ནི། །ཡིག་གེ་ཕྱེད་དང་གཉིས་ཀྱིས་དྲང་། །བརྒྱད་པའི་མཐའ་ནི་སྔོན་དུའོ། །མ་ལ་ཏ་ཡི་སྦྱོར་
དུས་སུ། །འཕོ་བར་སྦྱོར་བས་སྔོན་དུའོ། །འཕོ་བའི་དུས་ཀྱི་སྔོན་དུ་ནི། །རྣལ་འབྱོར་པ་ཡིས་རབ་ཏུ་སྤྱད། །ཨུད་པ་ལི་ཏ་ས་བོན། །སྦྱང་བྱའི་ཡི་གེ་ཕྱེད་དང་གཉིས། །དངོས་དང་དངོས་མེད་ས་བོན་ལས། །སྒྲ་དང་ཐིག་ལེ་རྣམ་པར་སྦྱར། །རླུང་གི་

87-1-219b

རྩ་བའི་གནས་སུ་ནི། །སྒྲ་དང་སྒྲ་ཡིས་བསྟན་པའོ། །ཆུ་ཤིང་མེ་ཏོག་ལྟེ་བར་གནས། །ས་བོན་འདི་ཡིས་བསྒྱུར་བར་བྱ། །སྔོན་དུ་སྦྱོར་བའི་བསམ་གཏན་དང་། །མཉམ་པར་གཞག་པའི་སེམས་ཀྱིས་བཅིང་། །བདུན་པའི་མཐའ་ཡི་ས་བོན་ནི། །
བདུད་རྩིའི་ས་བོན་ས་བོན་གྱིས། །བཟློག་བྱས་རྒྱས་པའི་གནས་སུ་ནི། །ཆུ་ཤིང་མེ་ཏོག་ལྟ་བུར་གྱིས། །ཇི་ལྟར་སྡེ་ཚན་གསུམ་པ་ནི། །ཡི་གེ་གསུམ་པ་གཟུང་བྱས་ལ། །དབྱུག་པར་ཕྱི་མའི་ས་བོན་དང་། །འོད་དཔག་གིས་ནི་སྔོན་དཀྲིས་པ། །དེ་
ཉིད་དེ་ཉིད་ཀུན་དང་ནི། །ས་བོན་ས་བོན་མཆོག་གི་གཙོ། །ཐེག་པ་རྣམ་གསུམ་དག་བྱེད་པ། །ཨཱ་ལིའི་ས་བོན་རབ་ཏུ་གྲགས། །སྡེ་ཚན་བརྒྱད་པའི་གཉིས་པ་ལ། །ལྕགས་ཀྱུ་ཡིས་ནི་སྤྱི་བོར་མནན། །སྤྱི་བོར་ཟླ་ཚེས་ཐིག་ལེ་དང་། །ཁ་དོག་
དམར་པོ་མཆོག་གི་འོད། །སེམས་ཅན་ཀུན་ནས་རྨོངས་བྱེད་པ། །ཡིད་དབྱེ་བ་ལ་ཀུན་ནས་སྦྱར། །ཀུན་ཏུ་རྨོངས་ནི་ས་བོན་ནོ། །རྨོངས་པའི་ལས་ལ་རབ་ཏུ་སྦྱར། །བརྒྱད་པའི་མཐའ་ཡི་ས་བོན་ནི། །སྤྱི་བོར་ལྕགས་ཀྱུ་འདྲེན་པ་དང་། །རྩ་བར་རེ་
ཕའི་ས་བོན་ནོ། །ཁ་དོག་སྔོན་པོ་འབར་བ་ཡི། །དྲི་དང་མེ་ཏོག་རོ་སོགས་མིང་། །ལས་ཀྱེས་ཀུན་ནས་འཕྲོག་པར་བྱེད། །འཕྲོག་བྱེད་མིང་གི་ས་བོན་གྱིས། །འཕྲོག་པའི་ལས་ལ་ཀུན་ཏུ་སྦྱར། །བདུན་པ་དཀར་པོའི་ས་བོན་ནི། །དུང་དང་ཀུན་ཏུ་
མཉམ་པའི་འོད། །བདུད་རྩི་ཆུ་ཡི་ས་བོན་ནོ། །ཆུ་ཡི་ཡི་གེ་མིང་ཅན་ནོ། །ཤར་ལྡན་པའི་ས་བོན་ནི། །ཁ་དོག་སེར་པོ་འོད་མཉམ་པ། །མེ་བཞིན་འབར་ཞིང་འབར་བ་ཡི། །མེ་ཡི་ཡི་གེར་རྣམ་པར་གྲགས། །སྡེ་ཚན་བརྒྱད་ཀྱི་དང་པོར་ནི། །དེ་
ཉིད་སྟོང་པའི་དངོས་པོ་དང་། །རླུང་གི་ས་བོན་དམར་པོ་ནི། །རླུང་གི་ས་བོན་དུ་ནི་གྲགས། །བརྒྱད་པའི་མཐའ་ཡི་ས་བོན་ནི། །ཁ་དོག་སྔོན་པོའི་འོད་མཉམ་པ། །སྙིང་གར་ས་ཡི་ས་བོན་ནི། །དེ་ཉིད་པ་ཡི་ས་བོན་ནོ། །འདི་རྣམས་ས་བོན་ས་བོན་
ལ། །ཐིག་ལེའི་ཡི་གེ་རྩ་བར་རོ། །རྩ་བར་ཉིས་འགྱུར་རེ་ཕ་དང་། །རླུང་གི་ས་བོན་གསུམ་པར་རོ། །རྩ་བར་སྒྲ་ནི་བཞི་པའོ། །སྟེང་དུ་ཐིག་ལེ་སྦྱར་བ་དང་། །དེ་ཉིད་བཞི་པའི་ས་བོན་ནི། །བཞི་པའི་ཡི་གེ་དྲུག་པའོ། །རྨོངས་པ་ཆུ་ཡི་ས་བོན་ནི། །

87-1-220a

གཡོ་བའི་རླུང་གི་ས་བོན་དང་། །ས་ནི་ཉོན་མོངས་པར་འགྱུར་རོ། །ཕྱུགས་ནི་མེ་ལ་ཀུན་ཏུ་སྦྱར། །ཡི་གེ་བརྒྱད་པའི་ས་བོན་ནི། །རྣལ་འབྱོར་མ་བརྒྱད་སེམས་དང་བཅས། །བདག་ཉིད་དེ་ཉིད་གཙོ་བོ་ཡི། །འཁོར་བ་ཐམས་ཅད་
གཅོད་མཛད་པ། །ཐམས་ཅད་ཀུན་ནས་སྤྱི་བོ་དང་། །ཡིག་གེ་ཀུན་ནས་གནས་པའོ། །ས་བོན་འདི་ནི་ཀུན་ནས་བཟུང་། །ཡེ་ཤེས་ས་བོན་ཞེས་བྱའི་མིང་། །རྟག་པའི་རྩ་བར་མནན་པ་དང་། །སྒྲ་དང་ཐིག་ལེར་སྦྱར་བར་བྱ། །དཀར་པོ་ཀུན་ད་ཟླ་
བའི་མཆོག །ཡེ་ཤེས་རྣམ་ཤེས་ས་བོན་ཉིད། །རྒྱུ་བའི་གཟུགས་ཀྱི་ས་བོན་ནི། །ས་བོན་ས་བོན་དེ་བས་མཆོག །ཡེ་ཤེས་རྣམ་ཤེས་བྱ་བའི་མིང་། །ལས་ཀུན་ལ་ནི་རབ་སྦྱར་བྱ། །བྱང་ཆུབ་སེམས་དཔའ་ཞི་བ་ནི། །ཞི་བའི་གཟུགས་ཅན་རྫུ་
འཕྲུལ་ཆེ། །མཐར་ནི་སྭཱ་ཧཱ་རིང་པོར་ལྡན། །སྔོན་དུ་བསྙེན་པའི་སྔགས་པ་ཡིས། །གཉི་ག་ལུས་ལ་བསྒོམས་ནས་ནི། །འདི་ཡིས་ལྷ་མོ་སྦྱར་བར་བྱ། །སྔགས་པས་བསྲེག་པའི་སྔགས་ལ་ནི། །སྔོན་དུ་དབྱུག་པ་མེད་པའོ། །ལྷ་མོའམ་
ཡང་ན་ལྷ་མོ་ལ། །ཁྲོ་བོའི་གཟུགས་འཇོམས་ལ་སོགས་པའི། །འཇོམས་པའི་ཡི་གེ་མཐར་བཞག་སྟེ། །བཟླས་ཤིང་བསྙེན་པ་ལ་སོགས་བྱ། །གཟུགས་དང་གཟུགས་ཅན་དངོས་པོ་ཡིས། །ཁྲོ་བོ་ཁྲོ་མོ་ཁྱད་པར་ཉིད། །བསྲེག་
དང་འཇོམས་པའི་ས་བོན་ནི། །ཁྱད་པར་དང་ནི་ཁྱད་པར་ཅན། །དེ་ཉིད་དེ་ཉིད་ཀུན་གྱིས་ནི། །རབ་ཏུ་སྤྱད་ཅིང་བལྟ་བར་བྱ། །དེ་ཉིད་མེད་པའི་སྔགས་པ་ནི། །དངོས་གྲུབ་རིང་དུ་བསྟན་པ་ཡིན། །བསྒྲུབ་པའི་དུས་སུ་ལྷ་ཉིད་ཀྱི། །ས་
བོན་མཐའ་རུ་བཟླས་པ་བྱ། །མཆོག་ཏུ་ཞི་བའི་དེ་ཉིད་ལ། །དང་པོ་དབྱངས་ཡིག་མཐའ་རུའོ། །ཁྲོ་བོ་ཁྲོ་མོའི་ལྷ་ལ་ནི། །རྡོ་རྗེའི་ས་བོན་མཐའ་མར་རོ། །ལྷ་མོ་ཀུན་གྱི་དེ་ཉིད་ལ། །བདུད་རྩིའི་ཡི་གེ་མཐའ་མར་རོ། །དང་པོ་སྔགས་ཀྱི་
ས་བོན་ནི། །ཕྱག་འཚལ་གཅིག་ནི་རྣམ་སྤངས་ནས། །བདག་ཉིད་མིང་གི་ས་བོན་དང་། །གཉི་ག་ཡོངས་སུ་རྫོགས་པའི་རྒྱུ། །སྟོང་དང་སྟོང་པའི་ས་བོན་ནི། །བར་མ་བསྒྲུབ་པའི་ལྷ་ཉིད་དོ། །ཉིན་མོའི་ཡི་གེ་དང་པོ་རུ། །སྒྲུབ་བྱ་བསྒྲུབ་

87-1-220b

པའི་མིང་ཉིད་ནི། །དེ་ཡི་བསྒྲུབ་པའི་ལས་རྣམས་ནི། །རྣལ་འབྱོར་མ་ཡི་རྣམ་པར་མཚོན། །སྔགས་པས་སྔོན་གྱི་དུས་སུ་ནི། །རབ་ཏུ་ལྟ་ཞིང་སྤྱད་པར་བྱའོ། །ཉིན་མོ་སྟོང་པའི་བསྒྲུབ་པ་ནི། །འཆི་བར་ཡང་ནི་ཐེ་ཚོམ་མེད། །ཉིན་མོ་ཉིན་མོ་ཉིན་
མོ་བསྒྲུབ། །སྟོང་པ་སྟོང་པ་བར་མའོ། །གོ་བཟློག་པའི་ས་བོན་ནི། །ལྷག་པའི་ཡི་གེ་བརྩི་བར་བྱེད། །ཉིན་པར་བསྒྲུབ་བྱ་ལྷག་མ་ནི། །བསྒྲུབ་པ་པོ་ལ་བུ་ལོན་ནི། །བསྒྲུབ་བྱ་སྟོང་པ་ལྷག་པ་ནི། །དགྲ་ཉིད་པས་ན་འབྲས་བུ་མེད། །རབ་ཏུ་བལྟ་ཞིང་
སྤྱད་པ་ཡིས། །སྔགས་ཀྱི་བསྒྲུབ་པ་ཤེས་པ་ཡིན། །སྔོན་དུ་མ་ནིང་ས་བོན་དང་། །དེ་བཞིན་བསྒྲུབ་བྱའི་མ་ནིང་ཉིད། །དབུས་སུ་མ་ནིང་ཡི་གེ་ནི། །དངོས་གྲུབ་སྟོང་པར་བཤད་པ་ཡིན། །དེ་ཉིད་འདི་ཡི་ས་བོན་གྱིས། །རང་འདོད་ལྷ་ཉིད་བསྒྲུབ་པར་
བྱ། །ཐོག་མ་ཐ་མ་ཁྱད་པར་དུ། །དབུས་སུ་བསྒྲུབ་བྱའི་མིང་ཉིད་དོ། །མཐོ་དང་དམའ་དང་བར་མ་དང་། །ཁྱད་ཉིད་ཀྱང་ནི་ཁྱད་པར་རོ། །ཞི་དང་རྒྱས་པ་ལ་སོགས་ལ། །ཁྱད་པར་ས་བོན་ལྡན་པ་ཉིད། །སྟོང་པའི་སྡེ་ཚན་གཉིས་པ་ལ། །རྩ་བར་
རེ་ཕ་སྒྲ་ཉིད་དང་། །སྟེང་དུ་ཟླ་ཚེས་ཐིག་ལེ་དང་། །ཁ་དོག་སེར་པོ་ཀུན་འོད་ལ། །ལྷ་མོ་རྣལ་འབྱོར་མ་ཀུན་གྱིས། །སྙིང་པོ་ཡི་ནི་སྙིང་པོ་མཆོག །གོང་དུ་ཕྱག་འཚལ་ཡི་གེ་དང་། །འདོན་བཞིན་མིང་ནི་དབུས་སུའོ། །མཐའ་དང་མཐའ་ནི་བསྲེག་
སོགས་ཉིད། །ཐམས་ཅད་དུ་ནི་ཀུན་ནས་ལྡན། །སྟོང་པའི་སྡེ་ཚན་གཉིས་པ་ལ། །སྤྱི་བོར་ཨེ་ཡི་རྣམ་པས་མཚན། །རྩ་བར་ནཱ་ད་ཐིག་ལེར་བཅས། །ཁ་དོག་དཀར་པོ་མཉམ་པའི་འོད། །དགའ་བྱེད་ལས་ཀྱི་ས་བོན་གྱིས། །རྣལ་འབྱོར་མ་ཀུན་
དགའ་བར་བྱེད། །དེ་ཉིད་ཀུན་གྱི་ས་བོན་ནི། །རྣལ་འབྱོར་མ་ཀུན་གྱིས་རབ་སྤྱད། །དེ་ནས་སྨན་སོགས་རིམ་པ་ནི། །ཁྱད་པར་ཉིད་དུ་སྦྱར་བར་བྱ། །བླ་བྲེ་བླ་བྲེ་ཉིད་དང་ནི། །སྤོས་དང་བདུག་པ་དྲི་ལ་སོགས། །སྔགས་དང་ཕྱག་རྒྱའི་ཆོ་ག་ཡིས། །མཁའ་འགྲོའི་གཏོར་མ་བྱིན་བརླབས་པ། །སྔོན་དུ་གཉིས་མེད་
གཏོར་མར་ལྡན། །དྲི་ཡི་མཎྜལ་གྲུ་བཞི་པ། །དབུས་སུ་རྣལ་འབྱོར་པས་བྲི་བ། །གུར་གུམ་ཤིན་ཏུ་དྲི་ཞིམ་ལྡན། །རེའུ་མིག་ཉི་ཤུ་རྩ་ལྔ་པ། །བློ་དང་ལྡན་པས་གྲུ་བཞི་བྲི། །དབང་པོ་ལ་སོགས་རེའུ་མིག་ནས། །བློ་དང་ལྡན་པས་ཡི་གེ་དགོད། །

87-1-221a

དངོས་དང་དངོས་མེད་ལྡན་པ་ཡིས། །དེ་ཡི་ས་བོན་པམ་དབུས་སོ། །ཉིན་མོའི་ཡིག་གེ་ཐམས་ཅད་ཉིད། །ལྷག་མའི་སྡེ་ཚན་བརྒྱད་པ་ཡི། །ས་བོན་མཉམ་པར་གཞག་པ་དགོད། །སྒྲ་དང་ཐིག་ལེར་ཡང་དག་ལྡན། །ཁ་དོག་དམར་པོ་འོད་
མཉམ་པའོ། །གུ་གུལ་དབང་པོའི་ལག་པ་དང་། །རྨོངས་བྱེད་རེངས་བྱེད་དེ་བཞིན་སྒྲ། །སད་ཏ་སི་ཧཱ་ཙམ་པ་ཀ །ཀུ་ཏུ་རུ་དང་ཀོ་ལི་ཀི། །སོན་རྩི་ཀ་དང་བ་བླ་དང་། །གུ་གུལ་རུ་རྟ་དུར་བ་ཀར། །མེ་དང་དྲི་དང་གུར་གུམ་དང་། །ཙན་དན་གི་ཝང་ཡང་
དག་ལྡན། །ཤ་ཁ་ར་དང་ལི་ཤི་དང་། །པྲི་ཡང་ཀུ་དང་གེ་སར་དང་། །ཆུ་སྲིན་སྡེར་མོ་ནུབ་ཕྱོགས་ཆ། །རེའུ་མིག་ཀུན་དང་གནས་ཀུན་ཏུ། །དབང་པོ་ལ་སོགས་སྨན་རིམ་བཞིན། །རྫས་ནི་རེ་རེ་རེ་རེ་དང་། །ཆ་ལ་ས་བོན་བཟླས་པར་བྱ། །ཕྱག་
འཚལ་དང་པོ་བསྲེག་པ་མཐའ། །བརྒྱད་དང་བརྒྱད་དུ་བཟླས་པ་བྱ། །ཆ་དང་ལྡན་སོགས་ས་བོན་ནི། །སྨན་དང་ལྡན་ན་དེ་བས་མཆོག །བདུད་རྩི་ལྔ་དང་ཡང་དག་ལྡན། །གུ་གུལ་ལ་སོགས་སྦྱར་བྱས་ནས། །རྒྱལ་པོའི་བཙུན་མོ་རྒྱལ་དབང་ལ། །
མཁས་པས་བྱིན་པས་དབང་དུ་བྱེད། །བདག་ཉིད་ལྔ་ཡི་ལྔ་དང་ནི། །ཤ་ད་ཝ་སོགས་སྦྱར་བྱས་ནས། །རེ་ཕའི་རྫས་ལ་བསྒོམས་བྱས་ན། །ཇི་ལྟར་སྔོན་དང་སྔོན་བཞིན་ཉིད། །རྗེ་རིགས་བྲམ་ཟེ་དམངས་རིགས་དང་། །སྐྱེས་པའམ་ཡང་ན་བུད་མེད་
ལ། །བཟའ་བའི་དངོས་པོ་བྱིན་པ་ཡིས། །དབང་དུ་འགྱུར་བར་ཡོངས་སུ་གྲགས། །སྨྱོ་བྱེད་ལ་སོགས་རྣམ་པ་ལྔ། །སོན་རྩི་ཀ་ཡི་ཆ་དང་སྦྱར། །བརྟུལ་ཞུགས་དམན་པའི་རིགས་རྣམས་ནི། །བདག་ཉིད་ཀྱིས་ནི་དབང་དུ་བྱེད། །མེ་ད་ལ་སོགས་
སྨན་རིམས་དང་། །མི་ཡི་མར་ཁུ་ཡང་དག་ལྡན། །མཁས་པས་དཔྱད་ཅིང་བརྟགས་པ་ཡིས། །མཉམ་པའི་ཆ་དང་ཆ་རུ་བྱ། །ཐིག་ལེ་རུ་ནི་སྦྱིན་བྱས་ན། །རྒྱལ་པོའི་རིགས་ལ་འགྲོ་བ་དང་། །ཐ་སྙད་ལས་ནི་རྣམ་པར་རྒྱལ། །འགྲོ་བ་
ཡང་དག་རྨོངས་པར་བྱེད། །དང་པོ་ཤ་ཁ་ར་སོགས་དང་། །ཙན་དན་དང་ནི་རྣམ་པར་སྦྱར། །སྡེ་ཚན་གཅིག་གི་ཆ་དང་ནི། །ཙན་དན་གྱི་ནི་ཆ་ཉིད་དང་། །བྱམས་པའི་གནས་སུ་རྣལ་འབྱོར་པ། །ཡན་ལག་ཉིང་ལག་བྱུག་བྱས་ནས། །དྲི་ནི་སྣ་ལ་

87-1-221b

མནམས་ཙམ་གྱིས། །ངེས་པར་དབང་དུ་བྱེད་པའོ། །འཚམས་དང་འཚམས་ཀྱིས་ཤ་ཁ་ར། །སྦྲང་རྩིའི་ཆ་དང་སྦྱར་ནས་ནི། །མཆོག་ཏུ་བསྒོམས་ཤིང་བདུག་པ་ཡིས། །ཀུན་ནས་ངེས་པར་དབང་དུ་བྱེད། །འཚམས་ཀྱི་ནང་གི་ཀུན་བཟུང་
ནས། །ཤ་ཁ་ར་ཡི་ཆ་དང་བསྲེ། །བདུག་པས་བདུག་ཅིང་བདུག་བྱས་ནས། །མི་ནི་ཀུན་ནས་རྨོངས་པར་བྱེད། །ཟླ་བའི་དཀྱིལ་འཁོར་དབུས་གནས་པར། །ཡེ་ཤེས་མཁའ་འགྲོ་སྤྲུལ་ནས་ནི། །ས་བོན་སོ་སོའི་ས་བོན་ཉིད། །ཀུན་ནས་བརྒྱ་ཕྲག་གཅིག་
ཏུའོ། །དེ་བཞིན་དུ་ནི་དམར་པོའི་ལས། །དེ་ཡི་རྗེས་ནི་ཀུན་བཟུང་ལ། །བདག་ཉིད་ཡེ་ཤེས་ལྷ་རུའོ། །ཉི་མའི་ལག་པའི་རྫས་རྣམས་ནི། །ཁ་དོག་དམར་པོ་མཉམ་པའི་འོད། དེ་ཉིད་ས་བོན་བཟླས་པ་ཡིས། །གཡོ་བ་དང་ནི་ལྟུང་བར་བྱེད། །སྙིང་
གའི་དཀྱིལ་འཁོར་དབུས་གནས་པར། །ཉི་མའི་དཀྱིལ་འཁོར་བསམས་ནས་ནི། །དེ་ཡི་དབུས་སུ་ས་བོན་ནི། །སྐྱེད་པར་རེ་ཕ་ཐིག་ལེ་ཅན། །ཁྲི་ཕྲག་གཅིག་ཏུ་བཟླས་པ་ཡིས། །གཉིས་ཀྱིས་ལྟུང་བའམ་གཡོ་བར་བྱེད། །ཕྱི་ནས་
གཏོར་མའི་ལས་ཀྱིས་ནི། །གཡོ་དང་མི་གཡོ་གྲུབ་པར་བྱེད། །གུ་གུལ་ལ་སོགས་སྲིན་བུ་ལྔས། །རྩ་བ་བརྒྱད་དང་སྦྱར་བྱས་ནས། །ཕྲ་བའི་སྒོ་ང་ཙམ་ཟོས་པས། །མོད་ལ་མྱུར་དུ་འཆི་བར་འགྱུར། །ཤ་ཏ་ཙ་སོགས་སྲིན་བུ་ནི། །འོ་མ་
བདུན་པར་སྦྱར་བྱས་པའི། །ཞག་བདུན་ལས་ལྷག་པར་ཟོས་ན། །འཆི་བ་འདི་ལ་ཐེ་ཚོམ་མེད། །སོན་རྩི་ཀར་སོགས་སྲིན་བུ་ལྔ། །སྦྲང་རྩི་སྨྱོ་བྱེད་ལྔ་པ་ནི། །བཟའ་དང་བཏུང་བ་སྦྱིན་བྱས་ནས། །སྨྱོ་བྱེད་མྱོས་པར་འགྱུར་བའོ། །མེ་ད་ལ་
སོགས་སྲིན་བུ་ལྔ། །སྦྲུལ་གྱི་སྒོ་ངར་བཟླས་བྱས་ནས། །ཐིག་ལེ་ཙམ་ཞིག་ཟོས་པས་ནི། །སྐད་ཅིག་དེ་ལ་མཛེ་ཡིས་འཛིན། །ཁ་རིའི་སྡེ་ཚན་སྲིན་བུ་ནི། །མགོ་ལ་སྒོ་ང་དང་ལྡན་པར། །དེ་ཡི་ཕྱེ་མ་ཟོས་པ་ཡིས། །མི་ནི་
དབྱངས་དང་བྲལ་བར་འགྱུར། །འཚམས་ཀྱི་ཁ་ར་ཀུན་བཟང་ལ། །སྦྲང་རྩི་མར་གྱི་ཆ་དང་སྦྱར། །དེ་ཡི་ཕྱེ་མ་བཟའ་བྱས་ན། །དེ་ཡི་མོད་ལ་གཟིར་བས་འཛིན། །འཚམས་ཀྱི་ནང་གི་ཡང་དག་གཟུང་། །སྦྲང་རྩི་ལྡན་ཅིག་བསྒོ་

87-1-222a

བྱས་པའི། །ཕྲ་རབ་ཙམ་ཞིག་ཟོས་པ་ཡི། །མོད་ལ་རིམས་ཀྱིས་གདུང་བར་བྱེད། །དེ་ཉིད་རབ་སྦྱོར་སྙིང་པོ་ནི། །གསང་ཞིང་གསང་བའི་ལུང་གི་དོན། །ཡེ་ཤེས་ལྡན་ཞིང་བློ་ལྡན་པའི། །ལུས་ཀྱི་རིམ་པ་རྣམ་པར་བལྟ། །དཀོན་
མཆོག་གསུམ་ལ་གནོད་པ་དང་། །སློབ་དཔོན་དང་ནི་གསང་སྨོད་པ། །སྡིག་གིས་གོས་པར་མི་འགྱུར་ཏེ། །རྣལ་འབྱོར་མ་ནི་ཀུན་གྱིས་གསུངས། །ལྔ་པའམ་ལྔ་པའི་རིམ་པ་ཞེས་བྱ་བ་བསྟན་པ་རྫོགས་སྷོ།། །།
དེ་ནས་གཞན་གྱི་རིམ་པ་ནི། །སྨན་རྣམས་ཀྱི་ནི་ཁྱད་པར་ཉིད། །དེ་ཉིད་ཀུན་གྱི་མཆོག་འགྱུར་བ། །མཆོག་གི་སྙིང་པོ་སྙིང་པོ་ཉིད། །སྔོན་གྱི་མཚན་ཉིད་དང་ལྡན་པས། །ཆོ་ག་རིམ་བཞིན་སྨན་དང་སྔགས། །དེ་ཉིད་གཏོར་མའི་
ལས་དང་ནི། །དྲི་ཡི་རེའུ་མིག་དགོད་པར་བྱ། །བཅུ་དགུ་དང་ནི་སུམ་བཅུ་ཡི། །གྲུ་བཞི་པ་ཡི་རེའུ་མིག་དགོད། །ཉིན་མོ་སྟོང་པའི་ས་བོན་དང་། །སྡེ་ཚན་ཐ་མ་དགོད་པར་བྱ། །དབང་པོ་ལ་སོགས་གནས་རྣམས་སུ། །དང་
པོར་དབྱངས་ཡིག་རིམས་ཇི་བཞིན། །རེའུ་མིག་ཀུན་གྱི་ས་བོན་ནི། །སྨན་སོགས་བཞིན་དུ་གཞག་པར་བྱ། །ན་ཀི་བྷ་ལ་བི་ལིང་ག །རུ་རྟ་བུ་རམ་བྷ་ས་ཀ །ཀ་ས་ལ་སོགས་བདུན་པ་ནི། །དབང་ལྡན་ལ་སོགས་གནས་སུ་དགོད། །
དབང་པོའི་ལག་པ་ཤུ་དག་དང་། །རྨོངས་བྱེད་དང་ནི་ཙན་དན་དང་། །ཙན་དན་དང་ནི་གུར་གུམ་ཉིད། །བདུན་པའི་གནས་སུ་གཞག་པར་བྱ། །ཆ་མཉམ་པ་ནི་གཉིས་པའོ། །ག་བུར་ས་ལི་ཤུ་དག་དང་། །གུར་གུམ་རྐུན་
མོ་གིའུ་ཝང་དང་། །སྦྲང་རྩི་བདུན་པ་ཡི་ནི་ཆ། །གསུམ་པའི་རོ་མཆོག་སྡེ་ཚན་ནོ། །ས་རྫར་གུ་གུལ་རུ་རྟ་དང་། །གྷན་དྷི་ཁ་ར་ཀུན་དུ་རུ། །མེ་ཏོག་ཕྲེང་བ་བདུན་པ་ནི། །བཞི་པའི་རེའུ་མིག་གནས་སུའོ། །ཀ་ཀོ་ལ་དང་ཤ་ཏ་
དང་། །གེ་སར་སོ་རྩི་རྒྱ་སྐྱེགས་དང་། །པ་ཏྲ་བདུན་པའི་ཆ་ཉིད་ནི། །ལྔ་པའི་ལས་སུ་ཡོངས་སུ་གྲགས། །དྲི་དང་བཅུད་ལེན་ཀྵ་ར་དང་། །ཡུང་བ་དང་ནི་ཁ་ར་ཏྲ། །ཀྵཽ་དྲ་པ་སི་ལིང་གི་ཆ། །དྲུག་པའི་རེའུ་མིག་མིག་ཡིན་ནོ། །དན་ཏ་དན་

87-1-222b

ཏ་ཀུ་སུ་མ། །རམས་དང་གར་སྨ་བེ་ཏེ་ཀི། །ས་ར་རྣམས་ནི་བདུན་པའི་ཆ། །བདུན་པའི་སྨན་གྱི་རིམ་པའོ། །བརྒྱ་ཕྱེད་གཅིག་གིས་མ་ཚང་བར། །རེའུ་མིག་ཀུན་སོགས་སྨན་ཉིད་དོ། །རེ་རེ་ལ་ཡང་སྔགས་འདི་ནི། །བརྒྱ་ཕྲག་མངོན་
པར་རབ་སྔགས་ཏེ། །དང་པོ་ཆུ་སྲིན་སྡེ་ཚན་སོགས། །བདག་ཉིད་བདུན་གྱི་བདུན་པ་ནི། །མཐར་ནི་ཕྱེ་མ་སྦྱར་བྱས་ཏེ། །ཤིན་ཏུ་ཞིབ་མོར་མཁས་པས་བརྟག །འདུས་པ་རྒྱལ་པོ་རྒྱལ་དབང་གི། བཟའ་དང་བཏུང་དང་ལྡན་པར་
སྦྱིན། །ཐམས་ཅད་བདག་ཉིད་འདོད་པ་བཞིན། །ཀུ་ནས་ཐམས་ཅད་དབང་དུ་འགྱུར། །དང་པོ་ལ་སོགས་སྡེ་ཚན་ནི། །ཕྲ་ཞིང་ཞིབ་པར་རབ་ཏུ་བྱ། །ཕྱེ་མ་ཀུན་ནས་བླངས་ནས་ནི། །བདག་ཉིད་མཆིལ་མས་དེ་བཞིན་བདུན། །བཟའ་དང་
སྟོན་མོར་ཆོ་ག་བཞིན། །རབ་ཏུ་མཉམ་པར་བཞག་པས་བྱ། །སྐྱེས་པ་འམ་ནི་བུད་མེད་དམ། །ཐམས་ཅད་ཀུན་ནས་འོང་འགྱུར་རོ། །དང་པོར་ཤེལ་གྱི་སྡེ་ཚན་ནི། །མཉམ་པོར་ཆ་དེ་ཕྱེད་མར་བྱ། །མི་ཡི་སྣུམ་དང་ཀུན་ཏུ་སྦྱར། །གྲིབ་མ་
དང་ནི་གྲིབ་མར་བསྐམས། །ཆོ་ལོར་འཇུག་ཅིང་དགའ་བ་དང་། །སྔ་དྲོ་ཐིག་ལེ་སྦྱིན་བྱས་ན། །རྒྱལ་པོའི་རིགས་ལ་ཉེར་འགྲོ་བ། །སྐྱེ་བོ་སྐལ་ཅན་མྱུར་དུ་འགྱུར། །སརྫ་སྔོན་སོགས་དབང་པོར་སྦྱར། །ཕྱེ་མ་ཞིབ་ཏུ་བྱས་ནས་ནི། །སྦྲང་
རྩི་ཁ་རའི་ཆ་ཉིད་དང་། །རང་འདོད་སྤོས་ཆུ་རབ་སྦྱར་ནས། །མི་དགའ་བ་ཀུན་དགའ་བ་དང་། །ངག་གི་འདྲེན་པ་ཉིད་དུ་འགྱུར། །དེ་ཡི་བདུག་པས་བདུགས་པའི་ལུས། །འགྲོ་བ་ཀུན་ཏུ་རྨོངས་པར་འགྱུར། །ཀ་ཀོ་ལ་སོགས་དང་ལྡན་པས། །ཕྱེ་
མ་མཉམ་པོར་ཆར་བྱས་ཏེ། །ཙན་དན་དང་པོ་ཐམས་ཅད་ཀུན། །ཆ་གསུམ་དུ་ནི་བྱ་བར་བྱ། །མི་བྱམས་སྨན་ཞིང་བཀུར་བ་ནི། །སྐལ་ལྡན་མཛེས་པར་འདོད་འགྱུར་ན། །དེ་ཡི་ཡན་ལག་ལ་བྱུགས་ལ། །འགྲོ་བ་རྣམ་པར་རྨོངས་བྱེད་ཡིན། །
དྲི་ཡི་སྡེ་ཚན་བདུན་པར་ནི། །ཀ་ཀོ་ལ་སོགས་དང་ལྡན་པར། །མར་དང་འོ་མ་དང་བསྲེས་ནས། །ཀུན་གྱི་ཆ་དང་སྦྱར་བྱས་ནས། །གྲིབ་མའི་གྲིབ་མར་སྐམ་པར་བྱ། །རིགས་དམན་ཀླ་ཀློ་ལ་སོགས་ཀུན། །ཡིད་མི་འོང་བ་བྱམས་པར་འགྱུར། །

87-1-223a

འདི་ཡི་སྦྱོར་བ་སྦྱིན་བྱས་ནས། །རང་གི་འདོད་བཞིན་བྱེད་པའོ། །ཏན་ཏི་མཉམ་པའི་ཆ་ཉིད་དང་། །རྒྱ་སྐྱེགས་ལ་སོགས་ཀུན་གྱི་ཆ། །མེ་ལ་བསྲོ་བར་རབ་ཏུ་སྦྱར། །ཀ་རན་ཛ་ཡི་རྡོག་མ་ཙམ། །ཡིད་དུ་མི་འོང་བ་
ཡི་གནས། །ཁར་བཅུག་ཀུན་ཏུ་དེ་ཡི་ངག །ཚིགས་གསུམ་ཚིག་ཏུ་བརྗོད་པ་ཡིས། །བདག་འདོད་པ་བཞིན་དབང་དུ་བྱེད། །མཚམས་ཀྱི་ཏན་ཏི་ལ་སོགས་པ། །སྨྱོ་བྱེད་ཆུ་ནི་ལྔ་པ་དང་། །བདག་ཉིད་བཅིངས་པར་སྔོན་ལྡན་པས། །
མཆོག་ཏུ་བསྒོམས་ན་འདུག་པར་བྱ། །བདུག་པ་འདི་ཡིས་བདུག་བྱས་ན། །སྒྲུབ་པོས་སྣ་ལ་མནམས་ཙམ་གྱིས། །དེ་ཡི་རང་འདོད་སུ་ལ་ཏི། །དབང་དུ་གྱུར་པར་ཡོངས་སུ་གྲགས། །འཚམས་ཀྱི་ས་ར་ལ་སོགས་བླང་། །ཕྱེ་མ་ཞིབ་
མོར་བྱས་ན་ནི། །བདག་ཉིད་དྲི་མ་ལྔ་དང་ནི། །ཀུན་ནས་ཆ་ནི་མཉམ་བྱས་ལ། །ཕྱེ་མ་ཞིབ་མོ་ཡང་དག་ལྡན། །འདི་ཡི་སྨན་དང་ལྡན་པ་ཡིས། །བསྒྲུབ་བྱའི་ལུས་ལ་རེག་བྱས་ན། །ངེས་པར་དབང་དུ་བྱེད་པའོ། །ཆ་དང་ཆ་ཡི་བྱེ་བྲག་ནི། །
མཁས་ཤིང་བཟོ་བར་སྦྱར་བར་བྱ། །ཁྱད་པར་སྨན་གྱི་ལས་འདི་ནི། །ཆོ་ག་བཞིན་དུ་རྣམ་པར་བལྟ། །རྡོ་རྗེ་སེམས་དཔར་སྦྱོར་བ་ནི། །པད་མའི་གདན་གྱི་གདན་ལ་བཞུགས། །ཀུན་ནས་ཡོངས་སུ་རྫོགས་པ་ཡི། །བཙོ་མ་གསེར་དང་འདྲ་
བའི་འོད། །སྙིང་གར་ཉི་མའི་དཀྱིལ་འཁོར་ལ། །ཨ་ནི་ཐིག་ལེ་ཡང་དག་ལྡན། །འབར་ཞིང་རབ་ཏུ་འབར་བ་ཡིས། །བསྒྲུབ་བྱའི་སེམས་ནི་འགུགས་པར་བྱེད། །མི་འགྱུར་ཡི་གེའི་ཐིག་ལེ་དང་། །རྩ་བར་སྒྲ་ཡིས་རབ་ཏུ་སྦྱར། །མཐར་
ནི་བདུད་རྩིའི་ཡི་གེའི་མིང་། །འབུམ་ཕྲག་གཅིག་གིས་རབ་ཏུ་བསྒྲུབ། །སྨན་གྱི་སྦྱོར་བར་ལྡན་པ་ནི། །ཟླ་བའི་དཀྱིལ་དུ་ཀུན་ནས་བྱ། །གཏོར་མ་དེ་ཉིད་བྱིན་བརླབས་ནས། །འབུམ་དང་འབུམ་དུ་བསྙེན་པ་བྱ། །སྔོན་དུ་དན་ཏིའི་ཡན་
ལག་དང་། །ཐིག་ལེ་བརྒྱ་པར་ཀུན་ནས་ལྡན། །བཟའ་བའི་དངོས་པོས་སྦྱིན་བྱས་ན། །མི་ཡི་སྐད་ཅིག་རྣམ་པར་སྦངས། །དན་དེ་ལ་སོགས་སྲིན་བུ་དང་། །ར་ཡི་འོ་མར་བསྲེས་བྱས་ན། །གང་གིས་ཟོས་པ་ཙམ་གྱིས་ནི། །ཞག་བདུན་ན་

87-1-223b

ནི་ངེས་པར་འཆི། །སྐུ་གསུམ་སྲིན་བུ་བདུན་དང་ནི། །སྨྱོ་བྱེད་ཆུ་ནི་རྣམ་པ་ལྔ། །བཟའ་བར་ཟོས་པ་ཙམ་གྱིས་ནི། །སྨྱོ་ཞིང་སྨྱོ་བར་འགྱུར་བའོ། །རམས་གྱི་ལམ་སོགས་སྡེ་ཚན་དང་། །དཀར་པོར་སྲིན་བུ་སྦྱར་ནས་ནི། །བཟའ་བའི་དངོས་
པོར་སྦྱིན་བྱས་ན། །ཐམས་ཅད་ཀུན་ནས་འཐབ་པར་འགྱུར། །ཀ་མི་སྲིན་བུའི་སྡེ་ཚན་དང་། །མི་ཡི་མར་ཁུ་དང་སྦྱར་ནས། །ཕྱེ་མས་ཡན་ལག་ལ་རེག་ན། །སྐལ་ངན་མི་བྱམས་པ་དག་ནི། །ཙི་ཏེ་སྡེ་ཚན་བདུན་པ་ནི། །ནོར་བུར་
སྒོ་ང་ལྡན་བཟླས་ནས། །ཐིག་ལེ་ཙམ་ཞིག་ཟོས་པ་ཡིས། །མོད་ལ་ཚོར་བ་མི་བཟད་འབྱུང་། །ས་ལ་ལ་སོགས་སྡེ་ཚན་དང་། །ཉི་ཤུར་ར་ཡི་ཆུ་ཡིས་སྦངས། །ཅུང་ཞིག་ཙམ་ཞིག་ཟོས་པ་ཡིས། །ཉི་མ་ཉི་ཤུ་ན་དེ་འཆི། །ཤན་ཏི་འཚམས་
ཀྱི་སྲིན་བུ་དང་། །མར་དང་སྦྲང་རྩི་སྦྱར་ནས་ནི། །བཟའ་དང་བཏུང་བ་ཟོས་ནས་ནི། །མཛེ་ནད་ཀྱི་ནི་ཡན་ལག་གཟིར། །མཚམས་སོགས་ཐང་ཆུའི་སྲིན་བུ་ནི། །བཟའ་དང་བཏུང་བར་རབ་བྱིན་ན། །རྣམ་པར་རྨོངས་ཅིང་དྲན་པ་ཉམས། །
དེ་ཉིད་མེད་ཅིང་མཉམ་གཞག་མེད། །རབ་སྦྱོར་སྙིང་པོ་བསྡུས་པ་ཉིད། །གསང་ཞིང་གསང་བར་བྱས་པ་ཡི། །རྨོངས་ཤིང་བླུན་པའི་སེམས་ཅན་སོགས། །སྦྱོར་བ་འདི་ཡིས་ལོངས་སྤྱོད་ལྡན། །དཀོན་མཆོག་གསུམ་ལ་བརྙས་
པ་དང་། །སློབ་དཔོན་དང་ནི་གསང་སྨོད་དང་། །སྡིག་གིས་གོས་པར་མི་འགྱུར་བ། །རྣལ་འབྱོར་མ་ནི་ཀུན་གྱིས་གསུངས། །ཉོན་མོངས་རྨོངས་སོགས་བག་ཆགས་དང་། །ཤེས་རབ་ཞན་ཅིང་ཡིད་མི་གཞུངས། །སྔགས་
ཀྱི་སྣོད་མིན་སྙིང་རྗེ་མེད། །སྨན་གྱི་བྱ་བ་ལ་འཇུག་པའོ། །གདན་བཞི་པ་ཡི་རྒྱུད་ཀྱིས་ནི། །གསུམ་པ་ཡི་ནི་གསུམ་པའོ། །དེ་ཡི་སྦྱོར་བ་མཐོང་ནས་ནི། །བརྡ་ཡི་སྐད་ཀྱིས་བསྡུས་པའོ། །ལེའུ་བཞི་པ་ཞེས་བྱ་བ་
རྫོགས་སྷོ།། །། དེ་ཡི་རྩ་བའི་སྙིང་པོའི་དོན། །སྔགས་ཀྱི་སྦྱོར་བའི་རིམ་པ་ཡི། །དེ་ཉིད་བསྡུས་པའི་འགྲུབ་པའོ། །དེ་ཉིད་སྨན་པས་ལུས་ཉོན་མོངས། །ཤེས་རབ་ཐབས་ནི་རྒྱུར་གྱུར་པས། །རང་འདོད་ལས་ནི་བསྒྲུབ་

87-1-224a

པར་བྱ། །ཤེས་རབ་ཡེ་ཤེས་སྣང་བའོ། །ཐབས་ནི་རིགས་པའི་ཚུལ་ཉིད་དོ། །རྣལ་འབྱོར་ཤེས་རབ་རྩ་བ་འདི། །ཐབས་ནི་དེ་ཡི་གྲོགས་ཉིད་དོ། །གང་ཞིག་ཐབས་དང་ཤེས་རབ་ལྡན། །ཉོན་མོངས་ལུས་ལས་
རྣམ་པར་རྒྱལ། །སྲིད་པའི་ཉེས་སྐྱོན་དུ་མ་ཡང་། །སྲིད་པ་དང་ནི་རྨོངས་པ་གཞི། །དངོས་པོའི་གནས་ནི་ཡོངས་བརྟག་པས། །དེ་ཕྱིར་ཤེས་རབ་ཡོངས་སུ་སྤངས། །དངོས་མེད་དངོས་པོ་ཡང་མ་ཡིན། །སྐྱེ་བ་དང་ནི་འགག་པ་མེད། །དངོས་
པོ་ཡོངས་སུ་གནས་པ་མེད། །འཇིགས་པ་ཡི་ནི་རྣམ་པ་མེད། །དངོས་དང་དངོས་མེད་ལ་སོགས་མཐའ། །དག་དང་མ་དག་དབུས་སུ་ནི། །དེ་ཡི་མཚན་ཉིད་སྔོན་ཤེས་ནས། །མཉམ་པའི་ལྟ་བ་ལྡན་པར་གཟུང་། །གཟུང་དང་འཛིན་པ་རྣམ་གྲོལ་
བའི། །དངོས་པོའི་འདུ་ཤེས་རྣམ་པར་སྤངས། །སངས་རྒྱས་ཀྱིས་རྟོགས་བསྟན་བཅོས་ལས། །ཡོངས་སུ་བརྟགས་ནས་སྙིང་པོ་བླང་། །དངོས་མེད་དངོས་པོར་གཟུང་བར་བྱ། །དངོས་པོའི་རང་བཞིན་རྣམ་པར་སྤངས། །དངོས་དང་དངོས་
མེད་མཉམ་བྱས་པས། །འོ་མ་བསྲུབས་པ་ལས་ནི་མར། །མཆོག་གི་སྙིང་པོ་ཡང་དག་བླང་། །མཉམ་པར་ལྟ་བ་འབའ་ཞིག་གོ། །བསྟན་བཅོས་བསྟན་ཞིང་ཡོངས་ཤེས་ན། །དེ་ཡི་མཚན་ཉིད་དངོས་པོ་མེད། །ཡང་དག་ལམ་ལ་དམིགས་
པ་ཡིས། །དངོས་པོ་མཆོག་དང་མཆོག་ཏུ་འགྲུབ། །ཇི་བཞིན་གནས་ཀྱི་རིམ་པ་བརྟེན། །ཡེ་ཤེས་མཆོག་ཏུ་གོང་ནས་གོང་། །གཞན་གྱི་གནས་ལས་འཕངས་པ་ཡི། །མདའ་ཡིས་མདའ་ནི་བསྣུན་པར་བྱ། །གོང་ནས་གོང་ལ་སོགས་
པར་བལྟ། །རང་འདོད་དངོས་པོར་ཡང་དག་བླང་། །བདུན་པའི་སྒྲ་ལས་རྣམ་པར་རྒྱལ། །འཁོར་བའི་དགྲ་ཡི་གཡུལ་ཉིད་ནི། །གང་ཞིག་ཐབས་དང་ཤེས་རབ་ལྡན། །དགྲ་ནི་དངོས་པོ་གང་དུ་གནས། །ལེ་ལོ་གཉིད་དང་འདོད་པ་དང་། །ཁྲོ་
དང་རྨོངས་པ་སྲེད་པ་དང་། །ཁྲོ་བ་ཡིས་ནི་ཡན་ལག་གཟིར། །ཐབས་ཀྱིས་བདུད་ནི་རྣམ་པར་སྤངས། །ལེ་ལོ་ཉེས་སྐྱོན་ཀུན་གྱི་གནས། །གཉིད་ཀྱིས་དགེ་བ་རྣམ་པར་འཇོམས། །ཁྲོ་བ་ཡིས་ནི་སྲིད་པ་འདྲེན། །འདོད་པས་དྲན་པ་

87-1-224b

རྣམ་པར་ཉམས། །རྨོངས་པ་ཡིས་ནི་གཉིད་ཀྱིས་ནོན། །སྲེད་པ་ཡིས་ནི་འཁོར་བར་འཇུག །བཀྲེས་པར་སྨན་ཞིང་སྡང་བ་ཡི། །བདུད་བདུན་པོ་ནི་ཡོངས་སུ་སྤངས། །ཀུན་ནས་བདུད་ཀྱིས་འབིགས་པ་ཡི། །ལུས་ནི་ཉོན་མོངས་སྡུག་
བསྔལ་གནས། །རང་འདོད་པ་ཡི་སེམས་ཀྱིས་ནི། །དུལ་བར་བསྲུབས་ཤིང་མནན་པར་བྱ། །གང་དང་གང་གི་ལམ་དུ་ནི། །རང་འདོད་སེམས་ཀྱི་འབད་པ་ཡིས། །ཐམས་ཅད་སྙིང་པོ་བསྡུས་ནས་ནི། །རྣལ་འབྱོར་མཆོག་ནི་བརྩམ་པར་
བྱ། །རྡོ་རྗེ་ཁུ་ཚུར་དམ་བཅིངས་ནས། །སྨོན་ལམ་བླ་མེད་རྒྱུ་ཡི་ནི། །ཨོཾ་སྭ་བྷཱ་བ་ཤུདྡྷཱཿསརྦ་དྷརྨཱ་སྭ་བྷཱ་བ་ཤུདྡྷོ྅ཧྃ། ཡོ་ག་ཤུདྡྷཱཿསརྦ་དྷརྨཱ་ཡོ་ག་ཤུདྡྷོ྅ཧྃ། བཛྲ་ཤུདྡྷཱཿསརྦ་དྷརྨཱ་བཛྲ་ཤུདྡྷོ྅ཧྃ། སྨོན་ལམ་ཀུན་མཆོག་དོན་དུ་ནི། །
ལྷ་ཉིད་དམིགས་པར་བྱ་བ་ཡིས། །རྣམ་ཤེས་རང་འདོད་པར་བྱས་པས། །སྲེད་དང་རྨོངས་པ་རྣམ་པར་སྤངས། །ཟླ་བའི་དཀྱིལ་འཁོར་དབུས་གནས་པར། །བདག་ཉིད་ལུས་ནི་རྣམ་པར་བརྒྱན། །སངས་རྒྱས་ལྔ་ཡི་ཅོད་པན་ཅན། །དུང་
དང་ཀུན་ད་མཉམ་པའི་འོད། །བདག་ཉིད་སེམས་དཔའི་སྐྱིལ་མོ་དཀྲུང་། །ཕྱག་ན་རྡོ་རྗེ་དྲིལ་བུ་དང་། །སྐུ་ལ་རྒྱན་རྣམས་ཀུན་གྱིས་བརྒྱན། །རྡོ་རྗེ་མེ་འོད་རབ་འཕྲོ་བ། །འཇིགས་པ་མེད་ཅིང་འཚེ་མེད་པར། །དངོས་པོ་དངོས་པོར་
བསྒོམ་པར་བྱ། །ཨཱ་ལི་ཀཱ་ལི་རབ་སྦྱོར་བས། །ས་བོན་ས་བོན་བྱུང་བ་ཡི། །ཕྱག་འཚལ་བསྲེག་པ་མཐར་བཞག་པ། །རང་འདོད་པ་ཡི་སེམས་ཀྱིས་བཟླ། །རིམས་བཞིན་འགགས་པའི་ཕྱི་ནས་ནི། །བདག་མེད་ཤིན་ཏུ་མཉམ་པར་
གཞག །གཟུགས་ཀུན་རྣམ་པར་དབུག་ནས་ནི། །ཁམས་གསུམ་དུ་ནི་མི་རྟོག་གོ། །ཟླ་བ་ལ་སོགས་བདག་ཉིད་མེད། །ཀུན་ནས་ཐམས་ཅད་སྟོང་པར་རིག །སྟོང་ཉིད་སྟོང་པ་སྟོང་ཆེན་དང་། །དངོས་མེད་དངོས་པོར་བསྒོམས་པ་ཡིས། །
བསྒོམས་ནས་ལྷག་མའི་མཐའ་རུ་ནི། །རྣམ་ཤེས་སྒྲོན་མ་ལྟ་བུར་འབར། །དེ་ཡི་འོད་ཟེར་སྣང་བ་ཡིས། །ཁམས་གསུམ་མུན་པ་བསལ་ནས་ནི། །འབར་ཞིང་རབ་ཏུ་ཕྲ་བའོ། །རྣམ་ཤེས་ཡེ་ཤེས་སྣང་བ་ཉིད། །དངོས་དང་དངོས་པོ་མེད་

87-1-225a

པའི་དབུས། །གཟུགས་དང་གཟུགས་མེད་དབུས་ཉིད་དང་། །འདུ་ཤེས་འདུ་ཤེས་མེད་པར་ལྡན། །ཡུད་ཙམ་ལྟ་བར་རིག་པའོ། །གཟུགས་དང་སྟོང་པ་ལ་སོགས་དབུས། །འདི་ཡི་མཚན་ཉིད་མཚོན་པ་ཉིད། །འགོག་པའི་སྦྱོར་
བའི་རིམ་པ་ནི། །ཤིན་ཏུ་མཉམ་པར་བཞག་པས་བསྒོམ། །ཡན་ལག་གཟིར་བ་མེད་པ་དང་། །སེམས་ཀྱི་སྐྱོ་བ་མེད་པ་ཡིས། །རིམ་དང་རིམ་པ་ཙམ་བྱས་ནས། །འཁོར་བ་གཅོད་ཅིང་གཅོད་པའོ། །རྟག་ཏུ་ཉིད་ཀྱི་སེམས་ཀྱིས་ནི། །
ཡང་དག་བྱང་ཆུབ་རིམ་པ་བསྟན། །ཤིན་ཏུ་བཅད་ཅིང་བལྟས་ནས་ནི། །རྣལ་འབྱོར་འདི་ནི་བླང་བར་བྱ། །ཨོཾ་བྷ་ཏ་ལི་བྷ་ཏ་ལི་བེ་ཏ་མུ་ཁི་ཧཱུྃ་ཕཊ་སྭཱ་ཧཱ། རྡོ་རྗེ་མཁའ་འགྲོ་རྣལ་འབྱོར་གྱིས། །བརྒྱད་བརྒྱ་རུ་ནི་བཟླས་པར་བྱ། །གཟུགས་ཀུན་
རྫོགས་ཤིང་མཛེས་པ་ཡི། །བཙོ་མའི་གསེར་དང་འདྲ་བའི་འོད། །པད་མའི་གདན་ལ་བཞུགས་ནས་ནི། །རྡོ་རྗེ་འོད་ཟེར་ཀུན་ནས་འཕྲོ། །ཡེ་ཤེས་སྦྱོར་བའི་སེམས་ཀྱིས་ནི། །སྔགས་པས་འབུམ་ཕྲག་གསུམ་བཟླས་ན། །འདོད་དང་གྲོལ་
བ་རྒྱ་ཆེན་པོའི། །ཕྱིས་ནི་ལས་རྣམས་བརྩམ་པར་བྱ། །དུར་ཁྲོད་ཐལ་བ་སོགས་བླངས་ལ། །སྣོད་ལ་དཀྱིལ་འཁོར་བྲི་བར་བྱ། །དེ་ཡི་སོལ་བའི་ཕྱེ་མ་ཡིས། །གང་དུ་དཀྱིལ་འཁོར་སྤྲུལ་པ་ཡིས། །གྲུ་བཞི་པ་ལ་སྒོ་བཞི་པ། །རྟ་བབས་
བཞིས་ནི་རྣམ་པར་བརྒྱན། །དེ་ཡི་དབུས་སུ་པད་མ་བྲི། །ཐོད་པ་བརྒྱད་ཀྱིས་རྣམ་པར་བརྒྱན། །དྲི་དང་བདུག་པ་མར་མེ་དང་། །གཏོར་མའི་དེ་ཉིད་དེ་ཉིད་དང་། །ཀུན་ནས་ཉ་ཕྱིས་དངོས་པོ་ཡི། །སྣ་ཚོགས་མཆོད་པ་རྒྱ་ཆེན་པོ། །ཡེ་
ཤེས་མཁའ་འགྲོ་དགུག་པ་ནི། །ཕོ་ཉ་བཞི་དང་ཀུན་ཏུ་ལྡན། །སེང་གེ་སྟག་མོ་ལྕེ་སྤྱང་དང་། །འུག་པ་མོ་ནི་ཕྱོགས་བཞིར་རོ། །ཐམས་ཅད་ཀུན་ནས་ཀུན་ཏུ་ནི། །མཉམ་པ་ཉིད་ཀྱི་སེམས་ཀྱིས་མཆོད། །དེ་ཡི་ཤར་གྱི་གནས་སུ་ནི། །
མེ་ཡི་ལས་ནི་རབ་ཏུ་བྱ། །དུར་ཁྲོད་ཤིང་གི་ལྷག་མ་དང་། །དེ་ཡི་ཤིང་གི་བ་དན་གསུམ། །དེ་འམ་འོན་ཏེ་རྡོལ་བའི་མེས། །འབད་པས་མེ་ནི་རབ་ཏུ་སྦར། །རྡོ་རྗེ་ལྕགས་ཀྱུ་རྒྱ་ཆེན་པོ། །མར་དང་སྦྲང་རྩི་བསྲེ་བྱས་པས། །

87-1-225b

མཆོག་གི་སྔགས་ནི་བཟླ་བྱ་ཞིང་། །བསྲེགས་པས་ལྷ་མོ་ཚིམ་པར་འགྱུར། །ཐམས་ཅད་གནས་དང་ཕྱོགས་ནས་ནི། །སྣ་ཚོགས་གཟུགས་ནི་འཇིགས་པ་དང་། །མི་བཟད་ཀུ་ཅོ་རབ་སྒྲོགས་ན། །འཇིགས་པར་མི་བྱ་འཇོམས་པར་འགྱུར། །
དཔུང་གི་ཚོགས་ནི་ཡན་ལག་བཞི། །རྒྱལ་པོ་མྱུར་དུ་འོང་འགྱུར་ན། །དེ་ལ་ཚམ་ངམ་སྦྱིན་པར་བྱ། །རི་རབ་རི་ལ་སོགས་པ་དང་། །ས་གཞི་འུར་འུར་འགུལ་བ་དང་། །སྣ་ཚོགས་མི་བཟད་དྲི་དང་ནི། །འདྲེན་པའི་སེམས་ནི་འཇིག་མི་བྱ། །
སེམས་ཅན་ཆེན་པོའི་རྣལ་འབྱོར་པས། །ཁྲི་ཕྲག་གཅིག་ཏུ་བསྲེག་བྱས་ན། །རྡོ་རྗེ་མཁའ་འགྲོ་བདུན་ཉིད་ནི། །འགྲུབ་པར་འདི་ལ་ཐེ་ཚོམ་མེད། །སྔགས་དང་ཕྱག་རྒྱའི་བྱ་བ་དང་། །གཏོར་མའི་ལས་དང་ལས་ཉིད་དང་། །ལུས་ལ་
ལྟོས་པ་མེད་པ་ཡིས། །འགྲུབ་པར་འདི་ལ་ཐེ་ཚོམ་མེད། །ཕྱི་ནས་ཡེ་ཤེས་ལྷ་མོ་ནི། །མེ་ཡི་དབུས་སུ་སྟོན་པར་བྱེད། །བདུད་རྩི་ལྔ་དང་ལྡན་པ་ཡིས། །གཏོར་མ་དང་ནི་ཨརྒྷ་དབུལ། །ཟབ་ཅིང་རྒྱ་ཆེར་སྒྲོགས་པ་ཡི། །དེ་
ལ་ལྷ་མོ་ཚིག་ཏུ་བརྗོད། །སེམས་ཅན་ཆེན་པོ་ཅི་ཞིག་འགྲུབ། །གང་འདོད་དངོས་གྲུབ་རབ་ཏུ་སྨྲོས། །དེ་ལ་སྒྲུབ་པོས་སྨྲས་པ་ནི། །དངོས་གྲུབ་ཆེན་པོ་འགྲུབ་ལྡན་པའི། །གལ་ཏེ་མཆོག་གི་དངོས་གྲུབ་འདོད། །གྲུབ་པ་བརྒྱད་ནི་
གསོལ་བ་གདབ། །བདུན་དང་ཉོན་མོངས་གཟའ་སོགས་ཀྱིས། །གལ་ཏེ་ཡིད་གཉིས་སྐྱེས་ནས་ནི། །ཏིལ་མར་ཆེན་པོ་དང་ལྡན་པའི། །ལྕགས་ཀྱུ་ཆེན་པོ་སྦྱིན་སྲེག་བྱ། །རྡོ་རྗེ་སེམས་དཔས་གསུངས་པ་བཞིན། །འགྲུབ་པར་
འདི་ལ་ཐེ་ཚོམ་མེད། །དངོས་གྲུབ་ཐམས་ཅད་རབ་སྟེར་བའི། །མཆོག་གི་ལྷ་མོ་བསྒྲུབ་པ་ནི། །ལུས་དང་སྲོག་ལ་མི་ལྟོས་པར། །མཁས་པ་ཡིས་ནི་བསྒྲུབ་པར་བྱ། །དེ་ནས་ཡེ་ཤེས་དེ་ཉིད་མཆོག །ཤིན་ཏུ་ཕྲ་ལ་
རབ་ཞི་བ། །གཟུང་དང་འཛིན་པ་རྣམ་པར་སྤངས། །འབྱུང་བ་ཀུན་ལ་འདིས་ཁྱབ་པ། །འདོད་ཀྱི་བདག་ཉིད་གནས་པའི་མི། །མ་རིག་ཉོན་མོངས་གཅོད་བྱེད་པ། །སྲིད་པ་ལ་སོགས་ཉོན་མོངས་རྣམས། །གང་དུ་གནས་

87-1-226a

ཀྱི་རྣམ་པ་འབྱུང་། །ལུས་ལ་སེམས་ཤིང་སེམས་པ་དང་། །བཅུ་གཉིས་དུས་ཀྱི་གནས་སུ་ཡང་། །གཟུགས་མེད་སེམས་ཀྱི་ལོངས་སྤྱོད་པའོ། །རྨོངས་པའི་གནས་དང་གནས་སུ་ནི། །སྲིད་པའི་ངོ་བོ་ཉིད་དུ་མཆོད། །
རྨོངས་པ་གཅོད་སོགས་རྣལ་འབྱོར་པ། །སྲིད་པའི་འདམ་སོགས་རྒལ་དཀའ་བ། །དག་པའི་ཆོས་ཀྱི་སྒྲོན་མ་ཡིས། །སྒྲིབ་པའི་མཚན་མ་འཇོམས་པ་ཡི། །ཆོས་དག་པ་ཡི་ཐབས་ཀྱིས་ནི། །དག་པའི་ལུས་ནི་སྐྱོན་
མེད་པའོ། །དངོས་དང་དངོས་མེད་ལྡན་པ་ཡིས། །ལེགས་བྱས་ཉེས་བྱས་འདུ་ཤེས་ཅན། །འདོད་ཆགས་ལ་སོགས་ཉོན་མོངས་དག །རྒྱ་མཚོ་ལྟ་བུར་གཏིང་དཔག་དཀའ། །བཅུ་གཉིས་ལུས་ཀྱི་བདག་ཉིད་
ཅན། །རྨོངས་པ་ཡེ་ཤེས་རྣམ་པར་གནས། །དག་པའི་ཆོས་ཀྱི་ཆུ་ཡིས་ནི། །ལྷན་ཅིག་གནས་པའི་དྲི་མ་འཁྲུ། །རང་བཞིན་པད་མའི་དབྱེ་བ་ཡིས། །ཉོན་མོངས་ལ་སོགས་གདུང་བ་གཅོད། །རྣམ་རྟོག་འཇིགས་པ་
ཆེན་པོ་ནི། །སྲིད་པའི་རྒྱུ་སྟེ་མེ་བཞིན་ནོ། །དེ་ཕྱིར་རྣམ་རྟོག་རིང་དུ་སྤང་། །རྣལ་འབྱོར་པ་ཡི་འགྲོ་བ་རྟོགས། །མཉམ་ཉིད་སེམས་ནི་བསྐྱེད་བྱས་ནས། །ཀུན་ནས་ཐམས་ཅད་མཉམ་པར་བལྟ། །རབ་ཏུ་མི་
གནས་མིང་ཅན་ལ། །ལས་དང་ལས་ཀྱི་མཚན་ཉིད་མེད། །བདུད་རྩི་ལྔ་ཡི་རང་བཞིན་ཡང་། །བདུད་རྩིས་ལུས་ནི་ཚིམ་པར་བྱ། །རྟག་ཏུ་བདུད་རྩིས་མཆོད་པའོ། །དངོས་སུ་མེད་ན་རྣམ་པར་བརྟག །ལྕགས་
ཀྱུ་རྣམ་པ་ལྔ་དྲངས་ནས། །ཐམས་ཅད་ཀུན་ནས་རིམ་པས་མཆོད། །སྦྱོར་བས་མཁའ་འགྲོ་ལ་སོགས་ནི། །བདག་ཉིད་དབང་དུ་མྱུར་དུ་འགྱུར། །རྟག་ཏུ་དེ་ཉིད་ཀྱིས་བཟའ་ཞིང་། །མེད་ན་གཞན་ལས་རྣམ་པར་
བརྟག །གཤེར་བའི་བདུད་རྩི་ཀུན་ནས་བསམ། །བཟའ་བ་ཡང་ན་ཤ་ཉིད་དུ། །རྟག་ཏུ་དགའ་བའི་ངོ་བོ་ཡིས། །རྟག་དང་རྣམ་རྟོག་རྣམ་པར་སྤངས། །རང་བཞིན་དག་པའི་དཔའ་བོ་ནི། །དག་པའི་ལུས་སུ་གདོན་མི་

87-1-226b

ཟ། །རྟག་ཏུ་རྣལ་འབྱོར་པ་སྤངས་པ། །བགྲོད་དང་བགྲོད་མིན་རྣམ་པར་སྤངས། །ལོ་མའི་དང་ནི་འདབ་མའི་རྒྱུ། །སྣོད་ལ་ཐམས་ཅད་མྱུ་གུའོ། །དེ་ཡི་པད་མ་རྒྱས་བྱེད་པ། །དག་པའི་མཚན་མ་དང་པོའོ། །ཁ་དོག་ངན་
ཞིང་དྲི་མི་ཞིམ། །བཏུང་བ་དྲོ་བ་རྣམ་པར་སྤངས། །དག་པའི་ངོ་བོ་གཅོད་བྱེད་པ། །གཉིས་པའི་མཚན་མར་བསྟན་པའོ། །ཀུན་ལ་དགའ་ཞིང་བྱམས་པ་དང་། །གནོད་པ་ནམ་ཡང་མི་བྱེད་ཅིང་། །སེམས་ཅན་ཀུན་ལ་སྙིང་
བརྩེ་བ། །གསུམ་པའི་མཚན་མ་ཉིད་དུ་བསྟན། །རྟག་ཏུ་སྟོང་པའི་བློ་ལྡན་པས། །ཟབ་ཅིང་རྒྱ་ཆེའི་སེམས་ཀྱིས་ནི། །ཐམས་ཅད་རྩ་བཞིན་དུ་ནི་སྟོང་། །བཞི་པའི་མཚན་མ་ཉིད་དུ་བསྟན། །དག་ཅིང་བརྟན་པའི་ངོ་བོ་ཉིད། །ལུས་
གཅིག་ལ་ནི་རབ་ལྟོས་པ། །རྟག་ཏུ་གསང་སོགས་ཟ་བ་ནི། །ལྔ་པའི་མཚན་མ་རུ་ནི་གསུངས། །བརྩོན་འགྲུས་ཀུན་ནས་ལྡན་པ་དང་། །སྦྱིན་དང་ཚུལ་ཁྲིམས་བཟོད་པ་དང་། །བསམ་གཏན་མཆོག་ཏུ་བརྟན་བྱེད་པ། །
དྲུག་པའི་མཚན་མ་རུ་ནི་བརྟག །བཟོ་དང་རྒྱུ་རྩལ་ཉན་པ་དང་། །རྟག་ཏུ་མཉམ་པའི་སེམས་དང་ནི། །རྟག་ཏུ་སེམས་ཅན་དོན་ལ་བརྩོན། །བདུན་པ་ཡི་ནི་མཚན་མར་བསྟན། །མི་ཤེས་འདམ་དུ་བྱིང་བ་ཡི། །སེམས་ཅན་
ཀུན་གྱི་བློ་རྟོགས་བྱེད། །སྲིད་པ་ཡང་དག་བྱང་ཆུབ་ལམ། །མཚན་མ་བརྒྱད་པ་རུ་ནི་བསྟན། །འགའ་ཡང་ནམ་དུ་མི་སྨོད་ཅིང་། །རྫས་དང་རྫས་མིན་རྣམ་རྟོག་བཅས། །གདུག་པའི་བདུད་དང་བགེགས་སོགས་དང་། །རྣམ་
པར་རྟོག་པས་སྲིད་པར་ལྟུང་། །དཀའ་ཐུབ་སྡུག་བསྔལ་མི་བཟད་པས། །བསྙེན་པ་འགྲུབ་པར་མི་འགྱུར་ཏེ། །ལུས་ནི་དཀའ་བར་སྤྱོད་པ་ཡིས། །འཁོར་ཞིང་སྲིད་པའི་མཐའ་རུའོ། །རྣམ་རྟོག་མེད་པས་མཉམ་པར་བྱ། །དངོས་
པོ་མཚན་མའི་སེམས་དང་བཅས། །སྦྱོར་བ་གྲུབ་པའི་དོན་དུ་ནི། །རྣམ་པར་མི་རྟོག་སེམས་ཀྱིས་བཟའ། །བསྒྲུབས་པ་རང་འདོད་སྙིང་པོ་ནི། །གཡོ་དང་མི་གཡོ་དངོས་གྲུབ་རྒྱུ། །ཆོས་ཀྱི་སྙིང་པོ་སྙིང་པོ་ཉིད། །སེམས་ནི་ཡེ་ཤེས་རང་

87-1-227a

བཞིན་ལྡན། །སྦྱོར་བའི་བསྟན་བཅོས་ཆ་ཉིད་ནི། །དེ་ཉིད་དེ་ཉིད་ཁྱད་པར་རོ། །སྦྱར་དང་བསམ་གཏན་བྱས་པ་ཡིས། །རྟག་ཏུ་སེམས་ནི་སྦྱར་བར་བྱ། །རྣལ་འབྱོར་རྗེས་སུ་རྣལ་འབྱོར་དང་། །རྣལ་འབྱོར་ལས་འདས་
གནས་ཆེན་པོ། །ལས་བཞི་དང་ནི་རབ་ལྡན་པའི། །ཡེ་ཤེས་ཀྱིས་ནི་འཁོར་བ་སྒྲོལ། །དང་པོར་བསྐྱེད་རིམས་སྤྱོད་པ་དང་། །དབུགས་ཀྱི་སྦྱོར་བ་རིམ་སོགས་དང་། །ལས་ལ་སེམས་ཤིང་སེམས་པ་དང་། །དང་པོའི་སྦྱོར་བའི་མཚན་ཉིད་
དོ། །མེ་བཞིན་དུ་ནི་ཟ་བ་དང་། །མཉམ་པའི་ཉི་མ་བཞིན་དུ་བལྟ། །རྣ་དབང་རླུང་གི་རང་བཞིན་དུ། །རྣ་བ་སྒྲ་ཡི་མཆོད་པར་ལྡན། །དངོས་པོ་ཀུན་གྱི་རང་བཞིན་ནི། །གཟུགས་བརྙན་ལ་སོགས་མཆོད་པའོ། །གཏོར་མས་ཇི་སྐད་གསུངས་
པ་བཞིན། །གཉིས་པ་ཤིན་ཏུ་སྦྱོར་བའོ། །དངོས་དང་དངོས་མེད་མཉམ་བྱས་ནས། །སངས་རྒྱས་བྱང་ཆུབ་ཡང་དག་སྦྱར། །ཕྱག་རྒྱ་ཆེན་པོ་ཡི་ནི་ཐབས། །སྦྱོར་བ་ལས་འདས་འདི་ཉིད་དོ། །རང་བཞིན་གྱིས་ནི་ལེགས་སྤྱད་ན། །ཐམས་
ཅད་བདག་མེད་པ་ལས་བྱུང་། །ལུས་སོགས་སྟོང་པར་རྟོགས་པ་ནི། །བཞི་པ་རྣལ་འབྱོར་ཆེན་པོའོ། །འདི་རྣམས་མཚན་ཉིད་ལྡན་པ་ནི། །ཆེན་པོའི་སེམས་ཀྱི་སྡོམ་པའོ། །རྟག་ཏུ་བྱ་བ་དེར་འཇུག་པས། །འབྱུང་ཞིང་འཁོར་བར་སྒྲོལ་
བའོ། །སྤྱན་ནི་པད་མ་ལྟར་ཡངས་ཤིང་། །བཞིན་ནི་མེ་ཏོག་རྒྱས་པ་འདྲ། །འདོད་པ་ལྔ་པོ་ཉེ་བར་བསྟེན། །བདེ་བར་སྤྱོད་ཅིང་བདེ་བར་རེག །འདོད་པ་ཀུན་དང་ཉེར་ལྡན་པ། །བདེ་བའི་སེམས་ཀྱིས་བསྒྲུབ་པར་བྱ། །རྣམ་པར་རྟོག་པའི་
རྣལ་འབྱོར་པས། །སྲིད་པར་འཁོར་ཞིང་འཇུག་པའོ། །ཡིད་དུ་འོང་བའི་ས་ཕྱོགས་སུ། །བདེ་བའི་སྟན་ལ་འདུག་ནས་ནི། །རང་བཞིན་ལྡན་པའི་ལས་ཀྱིས་ནི། །མཁས་པ་ཡིས་ནི་བསྒོམ་པར་བྱ། །ཟླ་བ་ཉི་མ་ཁ་སྦྱར་ནས། །སོར་མོ་
འབྲེལ་བར་བྱས་ནས་ནི། །དྲི་མེད་གསུམ་དང་དུད་པས་སྦྲེལ། །སེམས་མ་རྡོ་རྗེ་རབ་ཏུ་གྲགས། །ཚམ་ངམ་ཕུར་བུ་ར་བ་དང་། །དྲ་བ་ཐམས་ཅད་ལས་ཉིད་དོ། །འབར་བའི་ཕྲེང་བ་མཉམ་པའི་འོད། །འདིའི་ཕྱག་རྒྱར་བསྟན་པར་བྱ། །

87-1-227b

ཁ་གའི་ཕྱོགས་གཞན་ཉིད་དང་ནི། །རྩ་བར་རླུང་དབང་གནོན་པ་དང་། །སྤྱི་བོར་འབར་བའི་རེ་ཕ་དང་། །མཚན་མའི་མངའ་བདག་གིས་བརྒྱན་ཅིང་། །རྟག་ཏུ་ཞི་ཞིང་མཆོག་གི་གནས། །འབར་བའི་ཕྲེང་བ་མཉམ་པའི་འོད། །འདི་
ལྟར་ས་བོན་མདོར་བྱས་པ། །ཐམས་ཅད་ལས་ནི་བསྒྲུབ་པའོ། །ལུས་ལ་སྒྲ་ཡིས་ཀུན་ཏུ་དགང་། །གཟུགས་ལ་སོགས་པ་ཟད་པར་བྱེད། །ས་བོན་ལུས་ཀྱི་བདག་ཉིད་ནི། །ས་བོན་ལྷག་མ་བསམ་པར་བྱ། །གོ་ཆའི་བསྲུང་བ་དང་
བྲལ་ཞིང་། །ཐམས་ཅད་ཡན་ལག་དྲུག་གི་ལས། །སྟོང་པའི་དེ་ཉིད་སྙིང་པོ་ནི། །སྔོན་གྱི་མཚན་ཉིད་ཡང་དག་ལྡན། །དམད་པ་དང་ནི་བསྟོད་པའང་མེད། །ཅི་འབྱོར་དག་པའི་བཟའ་བ་དང་། །དབང་པོ་ཡུལ་དང་ལོངས་སྤྱོད་ནི། །མཉམ་
པ་ཉིད་དུ་སེམས་ཀྱི་བྱ། །སྔོན་དུ་རིག་པས་སྨོན་ལམ་རྣམས། །བསྒྲུབ་བྱ་བསྒྲུབ་པའི་འབྲས་བུ་རྟོགས། །གང་ཞིག་ཡིད་ལ་འདོད་སྤྱོད་པ། །དེ་ཡི་ཐབས་ནི་རྡོ་རྗེའོ། །རྡོ་རྗེ་ཁུ་ཚུར་གཉིས་བཅིངས་ནས། །རྐེད་པའི་ཕྱོགས་
སུ་བཟུང་ནས་ནི། །ཧཱུྃ་གི་དབྱངས་ཀྱིས་ཀུན་བཀང་ཞིང་། །གྲུབ་པའི་གླུ་ཡིས་མཉམ་པར་བྱ། །ཛ་ཛ་ཛ་ཛ། རྡོ་རྗེ་སེམས་དཔའི་དངོས་གྲུབ་བཞུགས་པའི་བདག་པོ་ཁྱོད། །ཧ་ཧ་ཧ་ཧ། ཧཱུྃ་ཡིག་མགོན་པོ་དམ་ཚིག་བདག་པོ་
བདག་ཕྱག་འཚལ། །བ་བ་བ་བ། རྡོ་རྗེ་སྒྲོག་གི་གསང་བ་ལས་བྱུང་སྐུ་འཛིན་པ། །ཨ་ཨ་ཨ་ཨ། ཨ་ཧོ་མགུ་བའི་རྡོ་རྗེ་ཨཱ་ལི་གཅིག་ཏུ་ཐིམ་པར་ཧཱུྃ། །འདི་ལྟར་གསང་བའི་གླུ་ཆེན་པོ། །རྣལ་འབྱོར་མ་ཀུན་ཚིམ་བྱེད་པ། །
རྩེ་གཅིག་རྣལ་འབྱོར་སེམས་བཅས་པས། །ཁུ་བྱུག་སྐད་ལྟར་སྙན་པའི་སྒྲས། །ནམ་མཁའི་ཁམས་ཀྱི་མཐའ་ཀླས་པ། །ཁམས་གསུམ་སྙིང་པོའི་དབུས་སུ་ནི། །རླུང་གི་ནམ་མཁའ་ལྟར་དག་པས། །སེམས་
ཉིད་རླུང་བཞིན་ནམ་མཁར་བརྗོད། །རླུང་གི་དཀྱིལ་འཁོར་དབུས་གནས་པར། །ཟླ་བའི་དཀྱིལ་འཁོར་བསམ་པར་བྱ། །དེ་ཡི་དབུས་སུ་རབ་མཛེས་པའི། །ཨ་ལི་ས་བོན་འོད་དང་བཅས། །ལས་ཀྱིས་

87-1-228a

བོན་མདོག་ཏུ་ནི། །མཉམ་པར་གཞག་པས་སྒོམ་པར་བྱ། །འབྱིན་དང་སྡུད་ཅིང་གཅོད་མཛད་མ། །ཨཱ་ལིའི་ས་བོན་རབ་ཏུ་གྲགས། །ཇི་ལྟར་སྡེ་ཚན་གསུམ་པ་ཡི། །ཡི་གེ་གསུམ་པ་བཟུང་
བྱས་ཏེ། །གློ་རུ་དབྱུག་པ་རྡོ་རྗེ་དང་། །འོག་དཔག་གིས་ནི་དཀྲི་བར་བྱ། །འདི་ལྟར་རྣལ་འབྱོར་མཆོག་བསྒོམ་པ། །འཁོར་བ་ཐམས་ཅད་གཅོད་པར་བྱེད། །ཕྱི་ནས་བདག་ཉིད་ལུས་པོ་ནི། །སེམས་དཔའ་ཆེན་པོ་
རྡོ་རྗེ་འཛིན། །ཀུན་ནས་ཆུ་ཡིས་གང་བར་ནི། །ཕྱོགས་བརྒྱད་དུ་ནི་མཉམ་པར་རོ། །དེ་ཡི་དབུས་སུ་རབ་མཛེས་པའི། །པད་མ་དཀར་པོ་ཡིད་འོང་བའི། །རླུང་གི་དཀྱིལ་འཁོར་དབུས་གནས་པར། །འོ་མ་
ཟླ་བའི་ས་བོན་འཛིན། །ཕྱོགས་བརྒྱང་དུ་ནི་མཉམ་པར་རོ། དེ་ཡི་དབུས་སུ་རབ་མཛེས་པའི། །པད་མ་དཀར་པོ་ཡིད་འོང་བའི། །རླུང་གི་དཀྱིལ་འཁོར་དབུས་གནས་པར། །འོ་མ་ཟླ་བའི་ས་བོན་འཛིན། །གདུགས་དཀར་པོ་ཡིས་མངོན་པར་བཀབ། །འོད་ཟེར་འབར་བ་རྣམ་མང་པོ། །དེ་ཡི་ས་བོན་ལས་སྐྱེས་པ། །
རྡོ་རྗེ་སེམས་དཔའི་བདག་ཉིད་ནི། །ཀུན་ད་དཀར་དང་ཟླ་བའི་མདོག །ཕྱག་གཉིས་པ་ལ་མཛེས་པའི་བྲང་། །དབུ་རྒྱན་སངས་རྒྱས་ལྔ་ཡི་དངོས། །སེམས་དཔའི་སྐྱིལ་མོ་དཀྲུང་གིས་བཞུགས། །རྡོ་རྗེ་སྙིང་གར་མཐའ་འཛིན་ཅིང་། །གཡོན་
པ་དྲིལ་བུ་དཀུ་རུ་བསྟན། །སྒེག་ཅིང་སྤྲོ་བའི་རང་བཞིན་དང་། །རྒྱན་རྣམས་ཀུན་གྱིས་རྣམ་པར་བརྒྱན། །འོད་ཟེར་འབར་བ་རྣམ་མང་པོ། །དངོས་པོའི་ཚོན་གྱིས་བཙོ་བར་བྱ། །སངས་རྒྱས་སྤྲིན་གྱིས་
རབ་རྒྱས་པའི། །རྡོ་རྗེ་རྣོན་པོའི་འོད་འཕྲོ་བ། །འཇིགས་པ་མེད་ཅིང་གནོད་མེད་པར། །དངོས་པོར་དངོས་པོ་བསྒོམ་པར་བྱ། །བཟླས་འདོད་པ་ཡི་རྣལ་འབྱོར་པས། །སྤྲོ་བའི་སེམས་ཀྱིས་
མཉམ་པར་བསྒོམ། །དབུས་སུ་མཆོག་གི་ས་བོན་དང་། །ཕྱག་འཚལ་ཨ་ལིར་མཐར་བཞག་པ། །ཡི་གེ་དྲུག་པའི་སྔགས་ཆེན་པོ། །སངས་རྒྱས་ཀུན་གྱིས་གསུངས་པའོ། །ཟློས་དང་

87-1-228b

བསམ་གཏན་རྣལ་འབྱོར་པས། །རང་འདོད་ལས་ནི་མངོན་པར་འགྲུབ། །འབུམ་ཕྲག་གསུམ་དུ་བསྙེན་པ་ཡིས། །དེ་ནས་དེ་ཡི་མངོན་དུ་འགྲུབ། །དེ་ནས་ཀུན་གྱི་སྙིང་པོ་ནི། །སྐྱེ་དང་འཇིག་དང་
རྣམ་བྲལ་བ། །གཉིས་མེད་ཡེ་ཤེས་རྣལ་འབྱོར་པས། །འདོད་བཞིན་ཡེ་ཤེས་གནས་རྙེད་པའོ། །རྡོ་རྗེ་དྲིལ་བུ་དེ་ཉིད་དང་། །ཡེ་ཤེས་སྐུ་ནི་གཉིས་ཀྱི་གཟུགས། །རྡོ་རྗེ་གཡས་བརྐྱང་གནས་ནས་
ནི། །དྲིལ་བུ་མནན་པའི་རྐང་པས་གནོན། །པད་མ་རྡོ་རྗེ་སྦྱར་བྱས་ནས། །ཕྱག་རྒྱ་འཆིང་བར་མཆོག་ཏུ་བརྩོན། །དྲིལ་བུ་ལག་གཉིས་ཀྱིས་མགྲིན་པར། །རྡོ་རྗེ་གཅིག་གིས་ནུ་མར་རེག །གཡོན་
པས་གཞུང་ཚིགས་མཐའ་རུའོ། །ཚེམས་ཀྱིས་མ་མཆུ་བཙིར་མཛད་ཅིང་། །གཉིས་ཀྱིས་སེམས་ཀྱི་མཆོག་བརྩོན་པར། །དངོས་པོས་དངོས་པོ་བསྒོམ་པར་བྱ། །སྟེང་དང་འོག་དང་དབུས་གཉིས་
དང་། །ནམ་མཁའི་དབྱིངས་ཀྱི་མཐའ་ཀླས་པར། །ཐམས་ཅད་སྟོང་པའི་དེ་ཉིད་ནི། །སེམས་ཀྱིས་རབ་ཏུ་སྤྱད་པར་བྱ། །མཐར་ནི་སྒྲོན་མའི་རྣམ་པའོ། །དབུས་སུ་ཨཱ་ལིའི་ས་བོན་ནི། །འབར་བའི་ཕྲེང་བ་རབ་ཏུ་འཕྲོ། །
ཁམས་གསུམ་ཀུན་གྱི་ཆ་དང་བཅས། །ཕྱིས་ནི་གཟུགས་ཉིད་ཡོངས་རྫོགས་པ། །གཉིས་ཀ་ཡིད་འོང་གཟུགས་མཛེས་པའོ། །དབྱིག་པ་རྡོ་རྗེ་འཇམ་པའི་མགོན། །འོད་དཔག་ཤེས་རབ་ཀྱི་ནི་གཞི། །
རྡོ་རྗེ་དྲིལ་བུ་རབ་སྦྱོར་བས། །མཆོག་གི་གོ་འཕང་བསྒྲུབ་པར་བྱ། །རྡོ་རྗེ་གསང་བས་མཚན་ནས་ནི། །གཉིས་ཀ་མཁྱུད་ནས་བཟླས་པར་བྱ། །ཕྱག་འཚལ་བསྲེག་པ་མཐར་བཞག་ནས། །དབུས་སུ་ཨཱ་ལིའི་
ས་བོན་ནི། །རྟག་པ་མཆོག་ཏུ་ཕྲ་བ་ཉིད། །བདེ་བའི་སེམས་ཀྱིས་བསྒྲུབ་པར་བྱ། །ཡིད་ཀྱི་མཆོད་པའི་ཆོ་ག་ཡིས། །ཀུན་ནས་ཡིད་ཀྱིས་བསྒྲུབ་པར་བྱ། །ཤེས་རབ་རྡོ་རྗེ་ཡང་དག་པར་སྦྱོར་བའི་ལེའུ་རྫོགས་སྷོ།། །།

87-1-229a

དེ་ནས་ཐམས་ཅད་སྙིང་པོ་ནི། །མཆོག་གི་གཙོ་བོ་བསྡུས་པའོ། །སྦྱོར་བའི་རྒྱུད་ཀྱི་རྗེས་འབྲངས་ནས། །གུས་པ་ཡིས་ནི་གཟུང་བར་བྱ། །ཤེལ་གྱི་རྣམ་པའི་སེམས་ཀྱིས་ནི། །དག་པའི་དངོས་པོར་བཟའ་བར་བྱ། །སྔོན་གྱི་
མཚན་ཉིད་དང་ལྡན་པ། །དག་པའི་ངོ་བོར་བསྒོམ་པ་ཉིད། །དེ་ནས་རྟོག་པ་མི་རྟོག་པ། །བཟའ་དང་བཟའ་མིན་མཉམ་པ་ཉིད། །བཏུང་དང་མི་བཏུང་རང་འདོད་དུའོ། །འཁོར་བའི་ཕ་རོལ་རྒལ་འདོད་པས། །སྔོན་དུ་དབང་བསྐུར་དཔའ་བོ་རྣམས། །འབད་པས་
བརྟུལ་ཞུགས་བཟུང་བར་བྱ། །རིམ་པ་བཞིན་དུ་ཟླ་བ་དང་། །ཉི་མ་འམ་ནི་ལོ་དུས་སུ། །བརྟུལ་ཞུགས་མཚན་ཉིད་བཞི་པའོ། །ཡོན་ཏན་དེ་ཡི་ཡོངས་སུ་བཟའ། །བཅྭ་ལྔ་དང་ནི་བཅུ་བཞི་དང་། །ཁྱད་པར་དུ་ནི་ཚེས་བརྒྱད་ལའོ། །བརྟུལ་ཞུགས་རིམ་པ་འདི་
ཉིད་ནི། །ནན་ཏན་གྱིས་ནི་གཏོར་མ་སྦྱིན། །དེ་ཡི་ལས་རྣམས་ཐམས་ཅད་ནི། །ཡེ་ཤེས་དེ་ཉིད་འབྲས་བུ་སོགས། །དེ་ལྟར་བདེན་པའི་སྔགས་ཀུན་གྱིས། །འགྲུབ་པར་འདི་ལ་ཐེ་ཚོམ་མེད། །བཟའ་སོགས་སྟོན་མོའི་རྣལ་འབྱོར་པས། །ཟླ་བ་ཐ་མའི་ཉི་མ་གཟུང་། །
རང་འདོད་ཆོས་ནི་རབ་བརྟགས་ན། །ཐམས་ཅད་སྔགས་ནི་འགྲུབ་པར་འགྱུར། །བརྟུལ་ཞུགས་ལྡན་པ་ཉིན་རེ་འམ། །གལ་ཏེ་མ་འབྱོར་པ་ན་ཡང་། །དབྱར་ཟླ་འབྲིང་པོའི་ཐ་མ་ནི། །ལོ་ཡི་ཉི་མ་གཟུང་བར་བྱ། །མཚན་ཉིད་ཇི་ལྟར་གསུངས་པ་བཞིན། །སྐྱོན་མེད་སྔགས་
ཀྱིས་སྦྱིན་བྱས་ནས། །དེ་ཡིས་དུས་རྣམས་ཐམས་ཅད་དུ། །དཔལ་དང་ཕུན་ཚོགས་མདུན་ན་གནས། །རྣལ་འབྱོར་ཆོས་སོགས་ལ་དགའ་བས། །གཉིས་མེད་གྲོགས་མཆོག་རབ་ལྡན་པས། །དེ་ཡིས་ཆོས་ལ་བརྟེན་ནས་ནི། །མཆོག་གི་གོ་འཕང་བསྒྲུབ་པར་བྱ། །
སྟོང་ཉིད་ཀྱིས་ནི་གཟུགས་འཇིག་ཅིང་། །བླངས་པའི་ཆོས་རྣམས་ཟད་པར་བྱེད། །ཐམས་ཅད་སྡོམ་པ་ནམ་མཁའ་ནི། །ཤིན་དུ་མཉམ་པར་གཞག་པས་བསམ། །ཐམས་ཅད་ནམ་མཁའི་གནས་སུ་ནི། །འོ་མ་ཟླ་བའི་ས་བོན་བསམ། །འོད་ཟེར་འབར་
བ་མང་པོ་ནི། །དཀར་དང་ཀུན་ད་ཟླ་བའི་མདོག །ཨཱ་ལིའི་ས་བོན་མཆོག་གཙོ་བོ། །དབུགས་མི་གཡོ་བས་བསྒོམ་པར་བྱ། །སྐད་ཅིག་རྣམ་པར་སྦྱོར་བ་ཡིས། །ཡེ་ཤེས་མཁའ་འགྲོ་བདག་ཉིད་ནི། །ཞལ་གསུམ་ཕྱག་ནི་དྲུག་པ་ཉིད། །ཁ་དོག་སྔོན་པོ་མཉམ་

87-1-229b

པའི་འོད། །སེམས་དཔའི་དཀྱིལ་མོ་དཀྲུང་གིས་བཞུགས། །ཉི་མའི་དཀྱིལ་འཁོར་གྱིས་བརྒྱན་པ། །སྟེང་དུ་རྡོ་རྗེ་ཅོད་པན་དང་། །སངས་རྒྱས་ལྔ་ཡིས་དབུ་ལ་བརྒྱན། །རྒོད་དང་ཁྲོ་དང་སྒེག་པ་དང་། །སྤྱན་གསུམ་གྱིས་ནི་རྣམ་པར་བརྒྱན། །སྨད་
གཡོགས་གླང་ཆེན་ལྤགས་པ་དང་། །མི་ཡི་ལྤགས་པ་རབ་ཏུ་གསོལ། །མི་ཡི་ཡན་ལག་ལྔ་རུས་པའི། །རྒྱན་ཀུན་གྱིས་ནི་རབ་ཏུ་བརྒྱན། །སྐྲ་ཡི་རྩེ་མོ་རབ་འཇམ་ཞིང་། །མེ་འབར་བ་དང་མཉམ་པའི་འོད། །དང་པོའི་ཕྱག་ན་ཁ་ཊྭཱྃ་ག །གཉིས་པ་ན་ནི་དགྲ་
སྟ་བསྣམས། །གསུམ་པ་ན་ནི་རྡོ་རྗེའོ། །གཡོན་པ་བསྡིགས་མཛུབ་ཞགས་པ་དང་། །གཉིས་པ་ཐོད་པ་ཁྲག་གིས་བཀང་། །རལ་གྲིའི་ཕྱག་ནི་སྟེང་དུའོ། །རྡོ་རྗེ་འོད་ཟེར་དྲི་མ་མེད། །སངས་རྒྱས་སྤྲིན་ལྟར་རབ་འཕྲོ་བ། །ས་ཡི་དབུས་སུ་རྣམ་རོལ་བར། །
དངོས་པོས་དངོས་པོ་བསྒོམ་པར་བྱ། །འུག་པ་ལྕེ་སྤྱང་སེང་གེ་དང་། །སྟག་མོ་ཕྱོགས་སུ་རྣམ་པར་བསྒོམ། །བྱ་རོག་ལྕེ་སྤྱང་བྱ་རྒོད་དང་། །ཙ་ལི་ཀ་ཡི་མཚམས་སུ་དགོད། །འཇིགས་པའི་སྒྲ་སྒྲོགས་མཆེ་བ་གཙིགས། །ཧ་ཧཱུྃ་རྣམ་པར་འཇིགས་པར་བྱེད། །འདི་ལྟར་
མཁའ་འགྲོ་རྒྱལ་དབང་མ། །བདག་ཉིད་སེམས་ཀྱིས་བསྒོམ་པར་བྱ། །རང་གི་དབུགས་ལས་ཕྱུང་ནས་ནི། །གཟུགས་བརྙན་ལ་སོགས་དགོད་པར་བྱ། །རྣལ་འབྱོར་པ་ཡི་བྲིས་སྐུ་སོགས། །དེ་ཡི་གནས་སུ་ཀུན་ཏུ་བསམ། །འདོད་དང་གྲོལ་བའི་གོ་འཕང་
གནས། །གཉིས་མེད་གཏོར་མའི་ལྷ་ཉིད་ཡིན། །སྦྱོར་བའི་སྒོ་ནས་བསྒྲུབ་པ་པོས། །འདི་ཡི་མཆོད་པའི་ཆོ་ག་བཤད། །བཟའ་དང་སྟོན་མོ་དེ་ཉིད་དང་། །གསང་བའི་མཆོད་པས་རབ་ཏུ་མཆོད། །སྙིང་གའི་དཀྱིལ་འཁོར་དབུས་གནས་པར། །སེམས་
ཀྱིས་ཧཱུྃ་གི་ས་བོན་ལས། །དེ་ཡི་གཟུགས་ལ་སོགས་བསྐྱེད་པ། །རྡོ་རྗེ་སེམས་དཔའི་བདག་ཉིད་དགོད། །བཟའ་བ་ལ་སོགས་ཁྱད་པར་ཉིད། །དག་པའི་དངོས་པོར་བསྒོམས་ནས་ནི། །བསྒྲུབ་པ་ཤིན་དུ་མཉམ་གཞག་པས། །ཡུད་ཙམ་གྱིས་ནི་སྦྱོར་བ་
ཡིས། །ཨོཾ་ཧ་ཧོ་ཧྲཱི་སྭཱ་ཧཱ། ཨོཾ་གྱིས་འབར་བར་བསམ་པ་དང་། །ཧ་ཡི་རྣམ་པས་སོ་སོར་རྟོགས། །ས་བོན་ཧོ་ཡིས་སྣང་བར་བྱས། །ཧྲཱི་ཡི་རྣམ་པས་དྲི་མ་སྦྱོང་། །ལུས་ཀྱི་ལྷ་ཉིད་ཚིམ་པའི་ཕྱིར། །ཨའི་རྣམ་པར་རྟོགས་པར་བྱ། །ས་བོན་ལྔ་ཡིས་ལྷ་ཉིད་

87-1-230a

ནི། །སངས་རྒྱས་ལྔ་ཉིད་མངོན་པར་ཐིམ། །ཨོཾ་ཛྃ་གྷྲྃ་ཏྲཱྃ་ཧཱུྃ་ཨ་སྭཱ་ཧཱ། བཟའ་བ་ལ་སོགས་ཁྱད་པར་ཉིད། །སྔགས་འདི་ཡིས་ནི་གཟུང་བར་བྱ། །ཨོཾ་གྱིས་རྣམ་པས་ལུས་དང་ནི། །ཛྃ་གྱིས་རྣམ་པས་གཟུང་བ་དང་། །གྷྲྃ་གྱིས་རྣམ་པར་ལྟོ་བ་
དང་། །ཏྲཱྃ་གིས་རྣམ་པར་དྲི་མེད་ལུས། །ཧཱུྃ་གིས་རྣམ་པས་སྤྱད་པར་བྱ། །སེམས་ཀྱིས་སྙིང་གར་ཡི་གེ་ཨཱ། །དེ་ཉིད་རྟག་ཏུ་མཆོད་བྱས་ན། །རྣལ་འབྱོར་པ་ཡིས་སྡིག་སྦྱང་བྱ། །དྲི་དང་མར་མེ་མེ་ཏོག་དང་། །ལྷ་བཤོས་དང་ནི་གཏོར་མ་ཡིས། །གླུའི་དུས་སུ་དབྱངས་སྙན་
དང་། །པི་ཝང་གླིང་བུ་ལ་སོགས་སྦྱར། །རྟག་ཏུ་དེ་དག་གིས་མཆོད་ཅིང་། །རྡོ་རྗེ་སེམས་དཔའ་བདག་ཉིད་བརྗོད། །འགྲོ་དང་ཉལ་དང་འདུག་པ་དང་། །འཆག་དང་ཐམས་ཅད་དུས་ཉིད་དུ། །རྟག་ཏུ་སེམས་ཤིང་སེམས་པ་ཡིས། །རྡོ་རྗེ་སེམས་དཔའ་བསམ་པར་བྱ། །
ཨོཾ་ཨ་མུ་ཧཱུྃ་སྭཱ་ཧཱ། ཡེ་ཤེས་གཟུགས་བརྙན་སྦྱོར་བ་ཡིས། །ས་བོན་འདི་ནི་བཟླས་བྱས་ན། །སྡིག་པ་ཐམས་ཅད་ཐག་བསྲིངས་ཤིང་། །རང་འདོད་ལས་ནི་འགྲུབ་པར་འགྱུར། །འབྱུང་བ་ལྔ་ལས་གྱུར་པའི་སྡིག །གང་གིས་གསང་བ་དབྱེ་བྱས་པའང་། །རྟག་
ཏུ་བསྒོམ་ཞིང་བཟླས་བྱས་ན། །སྡིག་པ་ཀུན་ལས་གྲོལ་བར་འགྱུར། །ཨོཾ་ཀ་ར་ཀ་ར་པྲཛྙཱ་མ་ཧཱ་ཏཱིཀྵྞ་པཉྩ་ཨོཾ་བུད་དྷེ་ཧ། ཨོཾ་ཀྲོ་དྷ་ཧཱུྃ་ཧཱུྃ་ཧཱུྃ། ཨ་ཨ་ཨ་མུ་མུ་མུ་སྭཱ་ཧཱ། སྔགས་ཆེན་པོ་ཡི་ས་བོན་འདི། །སངས་རྒྱས་སེམས་ནི་མདོར་བསྡུས་པའོ། །སྐྱོན་མེད་སྦྱོར་
བའི་སྒྲུབ་པ་པོས། །ཐམས་ཅད་ལྡན་པའི་ས་བོན་ནི། །མཚན་མོ་ཡི་ནི་མཐའ་ཉིད་དང་། །དང་པོར་རོ་ཧི་ཏ་དུས་ལ། །ཉ་ཕྱིས་སྣོད་དུ་ཆུ་དང་ནི། །མ་གྷ་དྷ་ནི་སྲང་གཉིས་ཉིད། །ཀུན་ནས་ཟླ་བའི་དཀྱིལ་འཁོར་བསམ། །བདུད་རྩིའི་དབུས་སུ་ཡང་དག་ལྡན། །
བདུད་རྩི་བསམ་པའི་ཐབས་ཀྱིས་ནི། །ཤིན་ཏུ་མཉམ་གཞག་རྣལ་འབྱོར་པས། །ལས་ཀུན་མངོན་པར་བསྔགས་བྱས་པའི། །དེ་ཡི་ཆུ་ནི་བཏུང་བྱས་ན། །སྡིག་པ་ཐམས་ཅད་འཇིག་པ་དང་། །ཡེ་ཤེས་བདུད་རྩི་ཡེ་ཤེས་སྐུ། །ཡིད་གཞུངས་ཤེས་རབ་
རྣོ་བ་དང་། །རླུང་དང་གཟི་བརྗིད་དཔལ་འཕེལ་ཞིང་། །ཀུན་ནས་སྐལ་ལྡན་དག་དང་ནི། །ཐོས་དང་ཤེས་རབ་ནོར་དང་ནི། །རླུང་མཁྲིས་དུག་དང་བད་ཀན་དང་། །འདུས་དང་གློ་སོགས་ཀྱི་གཟེར་དང་། །མིག་དང་ཡན་ལག་གཟེར་བ་ནི། །ཆུ་འདི་ཡིས་

87-1-230b

ནི་ནད་ཀུན་འཕྲོག །ཨོཾ་ར་ཏ་ཨ་བར་ཏ་ནི། སརྦ་པཱ་པྃ་ཧ་རན་ཏུ་མྃ་ཧཱུྃ། བི་ཏྲ་ཏི་གྲོ་དྷ་ཧཱུྃ་ཕཊ་སྭཱ་ཧཱ། འདི་ཡི་སྔགས་ནི་སྔགས་ཆེན་པོ། །བསྲུང་བ་ཀུན་གྱི་བླ་ན་མེད། །སྔོན་གྱི་དུས་སུ་གཞག་བྱས་ནས། །རྣལ་འབྱོར་ལུས་ནི་བསྲུང་བའོ། །ལན་བདུན་མངོན་
པར་བསྔགས་བྱས་ལ། །གནས་ལྔ་རུ་ནི་ལན་གསུམ་མོ། །སངས་རྒྱས་ལྔ་ནི་མངོན་བསམ་ནས། །སྤྱི་བོའི་སྟེང་དུ་བསྐུར་བྱས་ནས། །རྒྱལ་པོ་སེང་གེ་དགྲ་སོགས་དང་། །རྐུན་མོ་དང་ནི་མེ་དང་ཆུ། །རླུང་དང་མཁྲིས་པ་ལ་སོགས་ནད། །འཇིགས་བྱེད་འཇིགས་
པ་འཇོམས་པར་བྱེད། །ཨོཾ་བི་མོ་ཧ་ནི་སྃ་མོ་ཧ་ནི། སརྦ་པྲི་ཡེ་ཏི་ཧཱུྃ་ཧཱུྃ་ཧཱུྃ་སྭཱ་ཧཱ། །འདི་ཡི་སྔགས་ནི་སྔགས་ཆེན་པོས། །འགྲོ་ཀུན་རྨོངས་པར་བྱེད་པ་གསུངས། །མི་བྱམས་བྱམས་པ་སྐྱེ་བྱེད་ཅིང་། །ཀུན་ནས་མཛའ་བར་གྱུར་པའོ། །ལག་པ་གཡོན་པ་ཡི་ནི་
ཆུས། །སྔ་དྲོའི་དུས་སུ་ཁ་བཀྲུས་ན། །རྣལ་འབྱོར་པ་ནི་གྲུབ་འདོད་པ། །དགོས་པ་ཐམས་ཅད་འགྲུབ་པར་འགྱུར། །དེ་ནས་སྦྱོར་བ་མཆོག་ཏུ་བཤད། །སྙིང་པོ་ལས་ནི་སྙིང་པོ་མཆོག །རྡོ་རྗེ་ལ་སོགས་བསྒོམ་པར་བྱ། །གཉིས་སུ་མེད་པར་མཉམ་
པར་འདྲེས། །ཡན་ལག་འདི་ཡིས་ཐ་དད་བསྒོམ། །དུག་མེད་པ་ཡང་དུག་གིས་བསྣུན། །ཤིན་ཏུ་མི་བཟད་རྨོངས་པ་ཡིས། །རྨོངས་པ་རྣལ་འབྱོར་བདག་ཉིད་འཇིགས། །འབད་པས་ཆོས་ཀྱི་ཐབས་ཀྱིས་ནི། །དག་པའི་ལུས་ནི་རྣམ་དག་བྱེད། །
དག་པའི་སྒྲོན་མ་བལྟས་པ་ཡིས། །ཉོན་མོངས་ལ་སོགས་མུན་པ་འཇོམས། །ནམ་མཁའ་རྡོ་རྗེ་རྡོ་རྗེ་ལ། །སེམས་དང་སེམས་ནི་རྣམ་པར་ཐིམ། །གཅིག་སོགས་དངོས་པོ་བསྒོམ་པ་ནི། །འདི་ཡི་རྣལ་འབྱོར་མཚན་ཉིད་དོ། །མེ་ཡི་ལྷག་མ་སོགས་ལྷགས་
པ། །དབུས་དང་དབུས་སུ་རྣམ་པར་འཚེར། །དེ་ཡི་འོད་ཀྱིས་ནམ་མཁའི་ཁམས། །ཤིན་ཏུ་མཉམ་པར་གཞག་པས་བལྟ། །ས་བོན་འདི་ཡི་མྱུ་གུ་ལས། །ཨཱ་ལི་ཀཱ་ལི་རྣམ་པར་འབྱུང་། །ས་བོན་ས་བོན་རབ་འཕྲོ་བ། །ནམ་མཁའི་ཁམས་
སུ་ཡང་དག་གནས། །ཉི་མའི་དཀྱིལ་འཁོར་དབུས་གནས་པའི། །རོ་ལངས་མའི་དབུས་སུ་བསམ། །པད་མའི་གདན་ལ་རྣམ་པར་བཞུགས། །གདུགས་དཀར་པོ་ཡིས་མངོན་པར་གཡོགས། །ཕྱག་གཉིས་སེམས་དཔའི་སྐྱིལ་མོ་དཀྲུང་། །ཁ་དོག་

87-1-231a

དམར་པོ་འོད་མཉམ་པ། །ལྕགས་ཀྱུ་ཞགས་པ་བསྡིགས་མཛུབ་དང་། །སྤྱན་གསུམ་གྱིས་ནི་རྣམ་པར་བརྒྱན། །སྒེག་པའི་ཉམས་ཀྱིས་བལྟ་བ་དང་། །ན་བཟའ་དམར་པོ་མངོན་པར་གཡོགས། །མཆོག་གི་སེམས་དང་སེམས་པ་ལ། །
བདུད་རྩིའི་ཡི་གེ་རྣམ་པར་བསམ། །ལྕགས་ཀྱུའི་རྩེ་མོར་ཡི་གེ་ཀྵུྃ། །བཟླས་ཤིང་འདི་ཡིས་དྲང་བར་བྱ། །གཟུགས་བརྙན་གྱིས་ནི་ཡིད་བསྐྱོད་ཅིང་། །རང་གི་དབུགས་ཀྱིས་དགང་བར་བྱ། །ཨོཾ་རཱ་ག་ཏ་རཱ་ག་ཏ་བྷ་ཏི་ཧཱུྃ་ཀྵུྃ་སྭཱ་ཧཱ། ལྕགས་
ཀྱུའི་སྔགས་དང་ཕྱག་རྒྱ་ཡིས། །རྣལ་འབྱོར་པ་ཡིས་འདོད་བཞིན་དྲང་། །རྨོངས་ཆེན་ཤིན་དུ་རྨོངས་པ་ནི། །མཉམ་པར་གཞག་ནས་རབ་ཏུ་བསྒྲུབ། །གདན་བཞི་པའི་རྒྱུད་ཀྱི་ནི། །སྦྱོར་བའི་གདན་གྱི་གསུམ་པ་ལས། །གྲུབ་པའི་སྙིང་པོ་
བསྡུས་པ་ནི། །མདོར་བསྡུས་ནས་ནི་བསྡུས་པའོ། །དེ་ནས་ཡེ་ཤེས་ལུས་ལ་ནི། །ཤིན་ཏུ་མཉམ་གཞག་རྣལ་འབྱོར་པས། །བཟའ་དང་བཟའ་བའི་བསམ་པ་ཡིས། །སྦྱང་དང་རྟོགས་པར་སྤྱད་པར་བྱ། །དངོས་པོར་སྨད་པ་མ་
ཡིན་ཞིང་། །གང་ཡང་བརྟག་པར་མི་བྱའོ། །མཐོ་དང་དམའ་བའི་རིགས་ལ་སོགས། །མཉམ་ཉིད་ལྷ་ནི་ལྔ་པའོ། །གང་ཞིག་སྐྱེ་བ་པོ་སོགས་པ། །སེམས་ཀྱིས་གནོད་པར་མི་བྱའོ། །གལ་ཏེ་གནོད་པ་བྱེད་སེམས་ན། །རྣལ་འབྱོར་སྡོམ་
པ་རིང་བར་འགྱུར། །གང་ཞིག་ཆེ་དང་ཕྲ་བ་ཡི། །གཞན་རྫས་རང་གིར་བྱེད་པ་ཡིས། །རྐུ་བའི་སེམས་ནི་མི་བྱའོ། །རྣལ་འབྱོར་སྡོམ་པ་རིང་བ་ཉིད། །བརྫུན་དང་ཚིག་རྩུབ་ཕྲ་མ་དང་། །འཁྱལ་པའི་ངག་ནི་རིང་དུ་སྤང་། །གཞན་གྱི་སེམས་ལ་
གནོད་བྱས་པས། །རྣལ་འབྱོར་སྡོམ་པ་རིང་བ་ཉིད། །དོན་དང་ལིང་ག་རབ་སྦྱོར་བས། །སྦྱོར་བའི་ཆོས་ཀྱི་སྙིང་པོ་ཉིད། །རྨོངས་པས་ལོག་དཀྲིས་ངག་སོགས་ཀྱིས། །དེ་ཡི་རབ་སྦྱར་སྨད་པ་ཉིད། །ལེགས་པར་བྱས་པའི་ལས་ཀྱིས་ནི། །བདེ་བ་བསྐྱེད་
པའི་ལུས་ཀྱིས་ནི། །སེམས་ཅན་བདེ་བ་ལྷུར་ལེན་པས། །ཐེག་པ་ཆེ་ལ་ལེགས་པར་བསླབས། །གལ་ཏེ་སེམས་ཅན་གནོད་སོགས་པའི། །མི་དགའ་བ་ཡི་ཚིག་མི་སྨྲ། །སྡིག་པའི་ལས་ནི་མི་བྱ་ཞིང་། །རྣལ་འབྱོར་གཙུག་ལག་མི་སྨད་དོ། །

87-1-231b

རྣལ་འབྱོར་འདོད་དགའ་མ་ཡིན་ཞིང་། །རྨོངས་པས་རྒྱགས་པར་མི་བྱའོ། །ཕྱག་རྒྱ་འཆིང་བར་རབ་སྦྱོར་བས། །རང་འདོད་ཀྱིས་ནི་བསྟེན་པར་བྱ། །བསྟེན་ཅིང་བསྟེན་པའི་རབ་སྦྱོར་བས། །ལྷ་ཉིད་ཚིམ་ཞིང་བསྒྲུབ་པར་བྱ། །སེམས་ཅན་དོན་གྱི་ངོ་བོ་ཡིས། །
སེམས་ཅན་བདེ་བས་ཕན་འདོགས་བྱེད། །ཐེག་པ་ཆེན་པོའི་འབྲས་བུ་ཆེ། །འདི་ཡིས་ལམ་གྱིས་བསྟེན་པར་བྱ། །གང་དང་གང་དུ་རབ་སྦྱོར་བས། །དེ་དང་དེར་ནི་ཕན་པས་བདེ། །སེམས་ཅན་སྡོམ་པ་ལ་སོགས་པས། །དེ་ཡི་སེམས་ནི་གནོད་མི་བྱ། །འཁོར་
བར་སྐྱེས་པའི་དུས་ན་ནི། །ཐབས་དང་ཤེས་རབ་ཡང་དག་ལྡན། །དངོས་པོ་དངོས་མེད་བྱེད་པ་དང་། །སེམས་ཅན་དོན་ནི་ཨཱ་ལིར་སྒྱུར། །ཕྱག་རྒྱ་བཞི་དང་ལྡན་པའི་རྒྱ། །གསང་བའི་གསང་བ་བཅིངས་པ་ཡིས། །དེ་ཡི་དབུས་སུ་བདུད་རྩི་ནི། །སྐྱེ་ཞིང་མྱུ་གུ་
འབྱུང་བའོ། །འདབ་མ་གསུམ་དང་ཀུན་ལྡན་པའི། །ཨཱ་ལི་མཆོག་ནི་མཐའ་མེད་དོ། །གཞན་ཡང་བདུད་རྩི་མཆོག་ཉིད་ནི། །ཕྱི་རོལ་ཀུན་གྱི་སྙིང་པོ་ཉིད། །བདུད་རྩི་ཡིད་འོང་སྐལ་ལྡན་ཞིང་། །སེམས་ཅན་ལ་ནི་སྙན་པར་སྟོན། །སངས་རྒྱས་ལྔ་ཡི་ཀུན་
གྱི་ལུས། །བཙོ་མ་གསེར་ལྟར་འབར་བའོ། །ཅོད་པན་བཅིངས་ཤིང་འཕྱར་བ་དང་། །ཕྱག་བཞི་ཡིས་ནི་རྣམ་པར་སྤྲས། །རྒོད་དང་སྒེག་བའི་ཉམས་དང་ནི། །རྒྱན་ཀུན་གྱིས་ནི་རྣམ་པར་བརྒྱན། །སྟེང་དུ་རྡོ་རྗེ་ལྕགས་ཀྱུ་དང་། །གཉིས་པ་རྡོ་རྗེ་ཞགས་པའོ། །
གཡོན་པ་རྡོ་རྗེ་དྲིལ་བུ་དང་། །གསུམ་པ་ལྕགས་སྒྲོག་འཆིང་བ་ཡི། །ཕྱག་བཞི་པོ་ཡི་ཕྱག་རྒྱ་ནི། །གསང་བ་གསང་སོགས་འཆིང་བ་དང་། །ལུས་དང་ཁ་དོག་འབར་བ་རུ། །སྣང་བ་མཐའ་ཡས་མཉམ་པར་གཞག །ཧ་ཡི་རྣམ་པའི་ས་བོན་ནི། །ཡི་གེ་
མཆོག་གི་དགའ་བར་བྱེད། །ཧོ་ཡི་རྣམ་པས་ལུས་དང་ལུས། །རྣམ་སྣང་མངའ་བདག་ལྷ་ཉིད་དོ། །སེམས་དང་སེམས་པ་བསྒོམས་པས་ནི། །ལྷ་ཉིད་དུ་ནི་ཡོངས་སུ་གྲགས། །ཐམས་ཅད་ལུས་དང་ལུས་ཅན་གྱི། །སྲོག་དང་སེམས་ནི་འཕྲོག་པའོ། །
ཧྲི་ཡི་རྣམ་པའི་ས་བོན་ནི། །ཕྱག་ན་རྡོ་རྗེ་སྟོབས་པོ་ཆེ། །ཨོཾ་གྱི་རྣམ་པ་གསལ་བར་འཕྲོ། །ཀུན་ནས་སེམས་ནི་རྟོགས་མཛད་པའོ། །ཨ་ཡི་རྣམ་པ་དེས་ཚིམ་བྱེད། །བློ་དང་ལྡན་པས་ཡོངས་སུ་བསྟེན། །བདུད་རྩི་ཆུ་ཡི་ལྷ་མོ་ནི། །དེ་ཡི་ཤེས་བྱ་

87-1-232a

རྟོགས་པའོ། །བདུད་རྩི་གང་གིས་མྱངས་པ་ཡིས། །བདུད་རྩི་ཡི་ནི་འབྲས་བུ་ཐོབ། །དེ་བཞིན་གཤེགས་དགྱེས་ལྷ་མོ་ནི། །གཟུགས་མཛེས་མཆོག་ཏུ་ཡིད་འོང་བའོ། །སངས་རྒྱས་ཀུན་གྱི་རྣམ་པ་ཡིས། །ཕྱག་རྒྱ་བཞི་པ་བཅིང་བར་
བྱ། །རྣལ་འབྱོར་པ་ནི་བསྒྲུབ་འདོད་ན། །གཉིས་ནི་གཉིས་སུ་མེད་པར་བསྒོམ། །གཉིས་ནི་དངོས་པོ་དངོས་མེད་པས། །ཡེ་ཤེས་ལྡན་པས་ཡོངས་སུ་གསལ། །ང་རྒྱལ་ཆེན་པོས་བཅིངས་པ་ནི། །སྤྲོས་པའི་སེམས་དང་ལྡན་པས་བཅིངས། །སྒེག་དང་ཁྲོ་
བའི་ཚུལ་གྱིས་ནི། །ལྷ་མོའི་སྙིང་པོ་ཉིད་དུ་ཐིམ། །ཉི་མའི་ལག་པའི་གདན་ལ་ནི། །ཟླ་བའི་ལག་པས་རེག་བྱས་ལ། །དེ་ཡིས་འཁྱུད་ཅིང་འཁྱུད་ནས་ནི། །ལྷ་མོའི་ཡེ་ཤེས་ཉིད་དུ་ཐིམ། །ལྟོ་བའི་ཡེ་ཤེས་མེ་ཡི་ལྷ། །དེ་ཡི་གནས་སུ་ཚིམ་པར་བྱ། །
ཤེས་རབ་ཐབས་ལ་ཐིམ་པ་ཡིས། །གཉིས་མེད་སྦྱོར་བས་ཚིམ་པ་ཉིད། །ཨོཾ་ཧ་ཧོ་ཧྲི་ཨ། ས་བོན་ཆེན་པོའི་ས་བོན་ནི། །འདི་ཡིས་ས་བོན་བསམ་པར་བྱ། །རིམ་པ་འདི་ཡིས་མཆོད་པ་ནི། །སྨན་གྱི་རྒྱུར་ནི་མ་ཡིན་ནོ། །ལྷ་མོ་བཀྲེས་དང་སྡུག་བསྔལ་
འཕྲོག །སྒེག་ཅིང་སྙན་པར་སྨྲ་བ་དང་། །ང་རྒྱལ་མེད་པའི་ང་རྒྱལ་བྱེད། །བརྩོན་མེད་པ་ཡི་བརྩོན་འགྲུས་བཅས། །ཀུན་ནས་སྐལ་ལྡན་ལྷ་མོས་ནི། །རྨོངས་བྱེད་འཇིགས་དང་འགུགས་པར་བྱེད། །ཡིད་མི་གཞུངས་དང་ངོ་ཚ་འཇིགས། །ལྷ་མོ་སྙན་
མས་འཇོམས་པར་བྱེད། །དེ་ལྟར་ཡོན་ཏན་ལྷ་མོ་ལྡན། །ཡིད་འོང་བདུད་རྩི་སྙན་པ་མོ། །འདོད་དང་ཐར་པའི་གོ་འཕང་གནས། །གང་ཞིག་ལྷ་མོ་འདི་ཡི་ལམ། །ཆུ་སྐྱར་ནེ་ཙོ་གཏམ་དང་ནི། །སྒེག་དང་གར་ནི་ལྔ་ལྡན་པའོ། །ལྷ་མིན་བརྩོན་འགྲུས་བདུན་
པ་སྟེ། །དྲན་པ་ཉམས་བྱེད་བརྒྱད་པའོ། །ལྷ་མོ་ཕོ་ཉ་བརྒྱད་ཀྱི་ལས། །མྱུར་དུ་སེམས་ནི་འཕྲོག་པའོ། །རྣལ་འབྱོར་པ་ཡི་བདག་ཉིད་སེམས། །འདོད་པའི་སེམས་ཀྱི་རྣམ་པར་བྱེད། །ཇི་ལྟར་གསུངས་པའི་མཚན་ཉིད་ཀྱིས། །འབད་པས་ཐང་ཀ་
སྣ་ཚོགས་དགྲམ། །པད་མའི་གདན་ལ་བཞུགས་པ་ནི། །ཉི་མའི་དཀྱིལ་འཁོར་གྱིས་བརྒྱན་པར། །ཀུན་ནས་ཕོ་ཉ་བརྒྱད་པ་ནི། །བུད་མེད་གཟུགས་སུ་དེ་ཡི་ཚུལ། །ཕྱོགས་ཀྱི་མདོག་དང་མདོག་ཏུའོ། །གཟུགས་མཛེས་ཡོན་ཏན་ལྡན་པ་

87-1-232b

ཡི། །དུང་ཆེན་ལ་སོགས་ལག་པ་ན། །གནས་དང་གནས་ལ་བདུད་རྩིའི་ཆུ། །ཤ་ལྔ་ཡི་ནི་སྣོད་ལ་སོགས། །བཟའ་དང་སྟོན་མོས་ཉེ་བར་མཛེས། །དེ་ཡི་གཟུགས་བརྙན་མདུན་དུ་ནི། །མཁས་པ་ཡིས་ནི་བསྒྲུབ་པར་བྱ། །མེ་ཏོག་སྤོས་དང་
དྲི་ལ་སོགས། །གཉིས་མེད་གཏོར་མར་ཡང་དག་ལྡན། །དང་པོར་རེ་ཞིག་དམ་ཚིག་གི། །ཕྱག་རྒྱ་ལ་སོགས་བཅིང་བར་བྱ། །ཟླ་བའི་ལག་པ་རབ་བརྐྱང་ནས། །རྣམ་ཤེས་བྱེད་པར་ཀུན་ཏུ་ལྡན། །ཨོཾ་ཧི་ལི་ཧི་ལི་ཧཱུྃ་ཕཊ། དམ་ཚིག་སྔགས་དང་
ཕྱག་རྒྱ་ཡིས། །མཆོད་པའི་ལས་ལ་རབ་ཏུ་སྦྱར། །ཨོཾ་ཨ་མྲྀ་ཏ་ཀུཎྜ་ལི་ཧ་ཧོ་ཧྲཱི་ཨ་སྭཱ་ཧཱ། ཉེ་བར་སྤྱོད་པའི་སྔགས་དང་ཕྱག་རྒྱའོ། །ཉི་མའི་ལག་པའི་གདན་ལ་ནི། །ཟླ་བའི་ལག་པ་ཀུན་སྦྱར་ལ། །སྙིང་པོའི་སྙིང་དང་ཕྱག་རྒྱ་ཡིས། །རང་འདོད་
ལས་ནི་རབ་ཏུ་བྱེད། །འབུམ་ཕྲག་གཅིག་ཟློས་རྣལ་འབྱོར་པས། །སྔོན་དུ་བསྙེན་པ་ལ་སོགས་བྱ། །ཕྱིས་ནི་མེ་ལ་སོགས་པའི་ལས། །གཉིས་མེད་གཏོར་མའི་ལས་ཀྱིས་སོ། །མེ་ཐབ་ཁ་རན་གསུམ་པར་ནི། །སྣང་བྱེད་ཤིང་ནི་རབ་སྦར་ལ། །ལྷ་
མིའི་མེ་ཏོག་རྒྱས་པ་ནི། །སྦྲང་རྩིས་བསྐུ་ཞིང་སྦྱར་བྱས་ལ། །བདུད་རྩིའི་ཆུ་དང་ཀུན་ནས་བསྲེ། །གང་གི་མིང་ནས་ཡང་དག་བཟུང་། །བརྒྱད་བརྒྱ་རུ་ནི་བསྲེག་བྱས་ན། །ངེས་པར་དབང་དུ་འགྱུར་བའོ། །མེ་ཡི་ལྷ་སོགས་ཐལ་བ་དང་། །བདག་ཉིད་ཁུ་བ་ལན་ལྔ་རུ། །
བདུད་རྩི་དབུས་སུ་སྦྱིན་བྱས་ན། །བདག་ཉིད་འདོད་བཞིན་དབང་དུ་བྱེད། །སྨྱོ་བྱེད་སྦྲུལ་ནི་ལྔ་པ་དང་། །ཨུ་ཛའི་ཤིང་ནི་ཆ་མཉམ་པ། །བདུད་རྩིར་ལྡན་པར་བྱིན་བྱས་ན། །མྱུར་དུ་སྨྱོ་བར་འགྱུར་བའོ། །ནིམ་པ་ལ་སོགས་རྩེ་མོ་ལ། །མཁས་པ་ཡིས་ནི་
བསྒྲུབ་པར་བྱ། །མེ་ཏོག་བདུག་པ་དྲི་སོགས་དང་། །གཉིས་མེད་གཏོར་མའི་ལས་ཀྱིས་ནི། །ཨརྒ་དཀར་པོའི་རྩ་བ་ལས། །འབད་པས་མེ་ནི་རབ་ཏུ་སྦར། །པད་མོ་ཞིབ་མོ་ཕྱེ་མ་ནི། །འོ་མ་དང་ནི་བདུད་རྩིས་བསྐུ། །བརྒྱད་བརྒྱ་རུ་བསྲེག་བྱས་པ་ཡི། །ལྷག་མ་
མའི་ཐལ་བ་བསྒོས་པའོ། །ཙི་ཏྲ་ཀའི་རྩ་བའི་ཆུས། །ལན་བདུན་བསྒོས་ལ་གྲིབ་མར་བསྐམ། །མཆོད་པའི་དུས་སུ་རྣལ་འབྱོར་པས། །དེ་ཡི་ཐལ་བ་བདུད་རྩི་ཆུས། །མྱུར་བ་ཉིད་དུ་བསྒོས་པ་ནི། །ཁ་བ་ཀུན་ད་འོ་མ་རུ། །ལུས་ནི་རྨོངས་པའི་གཟུགས་དང་

87-1-233a

ནི། །ཤིན་ཏུ་རྨོངས་ཤིང་རྨོངས་པའི་དྲི། །ཕོ་ཉ་བརྒྱད་ཀྱི་ལྷ་མོ་ནི། །སྟོབས་དང་གཟི་བརྗིད་དོན་མེད་པའོ། །རྣམ་རྟོག་རྨོངས་པའི་སེམས་ཅན་ལ། །འདི་ཡིས་ལས་ཀྱིས་རབ་ཏུ་སྦྱར། །རྨོངས་པ་སྤངས་པའི་རྣལ་འབྱོར་པས། །
འགྲོ་བ་མྱུར་དུ་རྟོགས་པར་འགྱུར། །འདི་ཡིས་ཕྱེ་མ་བླངས་བྱས་ལ། །ཛཱ་ཏི་མར་ཁུ་ལན་གསུམ་སྦང་། །བདུད་རྩི་མཆོད་པའི་དུས་སུ་ནི། །ཐལ་བ་ལྷན་ཅིག་བསྲེས་བྱས་ནས། །ཐིག་ལེ་ལྕེ་ཡིས་མྱངས་པ་ཡིས། །ཕོ་ཉ་བརྒྱད་ཀྱིས་འཛིན་པར་
འགྱུར། །ཕོ་ཉའི་མཚན་མ་ཡོངས་རྫོགས་པ། །སྨྱོ་ཞིང་རྒྱགས་ཤིང་རྒྱགས་པའོ། །སྨྱོ་བྱེད་ཤིང་ནི་ཡང་དག་བླང་། །འབད་པས་མེ་ནི་རབ་སྦར་ལ། །མེ་ཏོག་སྦྲང་རྩི་བདུད་རྩིར་ལྡན། །བརྒྱ་བརྒྱ་རུ་ནི་བསྲེག་པར་བྱ། །དེ་ཡི་ཐལ་བ་བླངས་ནས་
ནི། །རབ་ཏུ་སྦྱོར་བ་ལ་སོགས་བྱ། །བདུད་རྩི་བསྐྱེད་པའི་གནས་སུ་ནི། །ཐལ་བ་དེ་ཡིས་བྱུགས་བྱས་ན། །ཆུ་ཡིས་མདོག་ནི་གཞན་དུ་དང་། །དེ་ཡི་རོ་ནི་གཞན་དུ་འགྱུར། །སྦྲང་རྩི་འོ་མར་ལྡན་པ་ཡིས། །དེ་གཟུགས་སྔ་མ་བཞིན་དུ་འགྱུར། །དེ་ཡི་ཐལ་བ་བླངས་བྱས་ལ། །སྐུ་
གསུམ་པ་ཡི་ཆ་དང་བསྲེ། །བདུད་རྩི་ཡི་ནི་ཆ་བདུན་དང་། །མ་རུ་ཙེ་ཡི་ཆ་བརྒྱད་ཉིད། །མཆོད་པའི་དུས་སུ་ཆང་ལ་ནི། །དེ་ཡི་ཐལ་བ་བླུགས་བྱས་ན། །གང་ལ་བྱིན་པ་ཙམ་གྱིས་ནི། །བདུད་རྩི་ཀུན་ནས་རང་འདོད་རིག །གང་དང་གང་གིས་ལམ་
གྱིས་ནི། །དེ་དང་དེ་ཡི་རྨོངས་པ་རྣམས། །སེམས་ཅན་དོན་དུ་རྨོངས་བསལ་ཕྱིར། །རྟག་ཏུ་ལམ་ནི་བསྟན་པར་བྱ། །གཞན་གྱི་དོན་ལ་བརྩོན་པར་བྱ། །རང་གི་འདོད་འདི་བསྡུས་པའོ། །སྨན་དང་སྔགས་ཀྱི་སྦྱོར་བ་ཡང་། །ཤེས་རབ་དམན་ལ་
སོགས་པས་དམན། །གདན་བཞི་པ་ཡི་རྒྱུད་ཀྱི་ནི། །གསུམ་པ་གཏོར་མའི་ལས་ཀྱི་ནི། །དངོས་གྲུབ་སྙིང་པོ་བཏུས་པ་ནི། །དེ་ཡི་དངོས་པོ་བསྡུས་པའོ། །སྔགས་སྒྲུབ་པ་ཡི་དོན་དུ་ནི། །གཟུགས་བརྙན་རབ་ཏུ་སྦྱར་བར་བྱ། །མཆོག་གི་གཟུགས་
བརྙན་རབ་སྦྱར་བས། །བྱིན་གྱིས་བརླབས་ཀྱིས་རིམ་པས་བསྒྲུབ། །ཞི་དང་རྒྱས་དང་དབང་དང་ནི། །གསད་དང་བསྐྲད་དང་དབྱེ་བ་ནི། །གཟུགས་བརྙན་གྱིས་ནི་ཐམས་ཅད་འགྲུབ། །གཟུགས་བརྙན་མཚན་ཉིད་ལྡན་པར་བྱ། །སྔོན་དུ་རས་ཀྱི་མཚན་

87-1-233b

ཉིད་དང་། །གཉིས་པ་ཏ་ལའི་མཚན་ཉིད་དང་། །གསུམ་པ་ཁ་དོག་རིམ་པ་དང་། །བཞི་པ་གཏོར་མ་སྦྱིན་སྲེག་ཉིད། །གླེང་བཞི་རང་འདོད་བསྐྱེད་ནས་ནི། །མ་ཉམས་ཁ་ཚར་ཡང་དག་ལྡན། །སྟེང་འོག་ལ་སོགས་རབ་རྒྱས་པ། །རས་ལ་ཞི་བའི་རི་མོ་
བྲི། །མ་ལྷུང་བ་ཡི་ཡི་དགས་གོས། །མ་ཉམས་ཁ་ཚར་བགོ་བར་བྱ། །ཚོན་གྱིས་མ་ཕོག་ཆ་ལ་ནི། །རྒྱས་པ་ཡི་ནི་མཚན་ཉིད་དོ། །ཡི་དགས་མོ་ཡི་དམར་པོའི་རིས། །མ་ལྷུང་བར་ནི་རབ་ཏུ་སྤྱད། །ཚོན་གྱིས་མ་ཕོག་རབ་སྦྱར་བ། །དབང་ཉིད་དུ་ནི་
ཡོངས་སུ་གྲགས། །ར་ནག་པོ་ཡི་ལྤགས་པ་དང་། །བ་ལང་རྟ་སོགས་གཞན་དག་ལ། །གནག་ཅིང་དྲག་སོགས་པ་ཡི་ལས། །མངོན་སྤྱོད་ལས་ཀྱི་མཚན་ཉིད་དོ། །དེ་ཡི་མནན་པའི་གནས་སུ་ནི། །ཐིག་གི་མཚན་ཉིད་གདབ་པར་བྱ། །ཆ་གསུམ་དུ་ནི་
རབ་ཏུ་བསྒོ། །གཅིག་ནི་འོག་ཏུ་དོར་བར་བྱ། །ཆ་གཉིས་ལྔ་པའི་སྟེང་དུའོ། །གསུམ་པ་གསུངས་པའི་ཐིག་ཉིད་ནི། །ཚངས་པའི་རི་མོ་དབྱུག་པ་ནི། །ཆ་ལྔ་པ་ནི་བདུན་དུའོ། །ལུས་ནི་ཆ་གསུམ་ཉིད་དུ་འདོད། །ཞི་དང་ཡན་ལག་མཉམ་
པའོ། །ཞལ་ནི་བཅུ་གཉིས་ཆ་ཉིད་དོ། །མགྲིན་པ་ལ་ནི་སོར་བཞིའོ། །མགོ་དང་སྐྲ་ལའང་དེ་ཉིད་དོ། །རྣ་བ་ཉིད་ཀྱང་དེ་ཡི་ཚད། །ཞལ་གྱི་ཆ་ནི་གསུམ་པ་ཉིད། །དཔྲལ་བ་ལྐོག་མ་སྣ་ཉིད་དོ། །སྨིན་མའི་མཐའ་ནི་རྣ་བའི་ལྟག །མིག་ནི་སོར་གཉིས་
པ་ཡི་ཚད། །བུག་པ་སོར་མོ་བཞི་པའོ། །དེ་ནི་མིག་གི་མཚན་ཉིད་དོ། །མགྲིན་པའི་མཐའ་ཡི་དབུས་སུ་ནི། །བྲང་གི་ཆ་ནི་གཉིས་ཀྱིས་མནན། །སྙིང་གའི་གནས་དང་ལྟེ་བར་ནི། །མནན་ཅིང་ཀུན་ཏུ་མནན་པའོ། །ནུ་མའི་མཐར་ནི་མནན་
བཅས་པ། །བྲང་དུ་ནུ་མ་གཉིས་མནན་ལ། །ལག་པ་གཉིས་ཀས་མནན་པ་ནི། །ལག་གཉིས་ཀུན་ཏུ་གནོན་པའོ། །སོར་བཞི་པ་དང་ལྡན་པ་ནི། །བརླ་དང་རྗེ་ངར་ཀུན་ཏུ་ལྡན། །པུས་མོ་གཉིས་ལ་སོར་བཞིའོ། །རྐང་པའི་ཚད་ཀྱང་དེ་
བཞིན་ནོ། །བཅུ་གཉིས་ཏ་ལའི་ཚད་ཀྱི་ནི། །ལྷ་ཡི་གཟུགས་ནི་རི་མོར་བྲི། །ལྷག་པའི་སོར་མོ་བཞི་པོ་ནི། །ལྷ་བརྒྱད་ཀྱི་ནི་གདན་དུའོ། །དགུ་པ་ཡི་ནི་གདན་ཉིད་ནི། །སོར་མོ་གཉིས་སུ་བཤད་པའོ། །དབུས་ཀྱི་ཟླ་བའི་དཀྱིལ་འཁོར་ནི། །ཀུན་ནས་

87-1-234a

ན་བཟའི་འོད་ཟེར་སོགས། །རབ་ཟབ་རྡོ་རྗེའི་ལྷ་ཉིད་ནི། །ཏ་ལ་བཅུ་གཉིས་ཀྱི་ནི་ཚད། །འོག་མའི་ཆ་དང་ཆ་སོགས་དང་། །ཉེ་བར་མཛེས་སོགས་རི་མོ་བྲི། །སྟེང་གི་ལྷག་པའི་ཆ་ལ་ནི། །རིགས་ནི་ལྔ་པ་བསྟན་པའོ། །ལས་ཀྱི་
མདོག་སོགས་མདོག་ཏུ་ནི། །འདོད་བཞིན་ལྷ་ཉིད་བསྒྲུབ་པར་བྱ། །གཟུགས་བརྙན་རབ་ཏུ་སྦྱོར་བ་ནི། །བཅུ་གཉིས་ཏ་ལའི་རྣམ་པའོ། །དེ་ཡི་ཏ་ལའི་ཚད་ལ་ནི། །ཕྱག་གཉིས་ཀུན་ནས་བཀུག་པ་ནི། །སོར་མོ་གཉིས་ནི་རབ་དོར་ལ། །ཞི་བའི་ལྷ་
ཡི་རྣམ་པའོ། །དེ་ཡི་ཏ་ལས་ཞལ་བཞིན་བྱ། །གསུས་ཁྱིམ་ཆེ་ཞིང་ཆེ་བ་ཉིད། །ཀུན་ནས་ཚིགས་དང་ཚིགས་ཉིད་ནི། །སོར་མོ་གཉིས་ནི་དོར་བར་བྱ། །ཁྲོ་བོ་ཁྲོ་མོ་དབང་ཕྱུག་མ། །བྲན་ཕོ་བྲན་མོ་མངག་གཞུག་ནི། །དྲག་པོ་འཇིགས་སུ་
རུང་བའི་གཟུགས། །ཏ་ལ་བཅུར་ནི་བྲི་བའོ། །དཀྱིལ་འཁོར་བསྒྲུབ་པར་འདོད་པ་ཡིས། །མཆོད་པའི་ལྷ་མོ་མངོན་པར་ལྡན། །རས་ཀྱི་བརྒྱད་ཀྱི་ཆ་ཉིད་ནི། །ཏ་ལའི་སྟེང་དུ་དོར་བར་བྱ། །དཀྱིལ་འཁོར་ལྷ་མོའི་རིམ་པ་ནི། །རིམ་དང་རིམ་
བཞིན་སྦྱར་བར་བྱ། །དབུས་སུ་མངའ་བདག་རྡོ་རྗེའི་ལྷ། །གཅིག་པའི་མཚན་ཉིད་རྣམ་པར་བྲི། །མགྲིན་པ་ཀོས་ཀོས་ཞབས་ཉིད་ནི། །དེ་གསུམ་རིང་ན་ཉེས་སྐྱོན་ནོ། །སྔགས་པ་ངེས་པར་བདག་ཉིད་ནི། །སྐྲོད་དང་གནས་ནི་བརླག་པའོ། །
ཤངས་དང་སྙན་དང་སོར་མོ་ནི། །དེ་གསུམ་ཐུང་བའི་ཉེས་པ་ནི། །ངེས་པར་དངོས་གྲུབ་བརླག་པ་དང་། །དེ་ཡི་དཔལ་ཡང་རིང་བ་ཉིད། །རྗེ་ངར་ཞབས་དང་ཁུར་ཚོས་ནི། །དེ་གསུམ་སྦོམ་པ་ཉེས་པ་ཆེ། །ངེས་པར་སྒྲུབ་པོའི་བདག་ཉིད་ནི། །
བདུད་དང་བགེགས་དང་དཔལ་རིང་ངོ་། །འགྲམ་པ་བྲང་དང་རྩིབས་ལོགས་ནི། །དེ་གསུམ་དམའ་ན་སྐྱོན་ཆེའོ། །ཡུན་མི་རིང་བ་མྱུར་དུ་ནི། །ནོར་ནི་བརླག་པར་འགྱུར་བའོ། །ནུ་མ་རྣ་བ་དཔྲལ་བ་ནི། །དེ་གསུམ་ཡོ་ན་སྐྱོན་ཆེའོ། །
འཐབ་མོ་དང་ནི་དགྲས་འཚེ་བར། །མྱུར་དུ་སྒྲུབ་པོ་འགྱུར་བའོ། །བྲང་དང་ལུས་དང་བརླ་གཉིས་ནི། །དེ་གསུམ་དམའ་ན་སྐྱོན་ཆེའོ། །དགྲས་ནི་འཇིགས་པར་འགྱུར་བ་དང་། །འཆི་བར་ཡང་ནི་ཐེ་ཚོམ་མེད། །སྣ་ཞོམ་མིག་ནི་ཡོ་

87-1-234b

བ་དང་། །རྣ་བ་མཆུ་དང་དཔྲལ་བ་ནི། །བགེགས་དང་བདུད་དང་མེས་འཇིགས་ཤིང་། །དངོས་གྲུབ་རིང་བར་འགྱུར་བ་ཉིད། །གྱེན་དུ་ལྟ་བའི་དབུ་དང་ནི། །གདན་ནི་ཡོ་ཞིང་ཐ་དད་པ། །བྲང་དང་མགྲིན་པ་ཡན་ལག་ནི། །ཉེས་སྐྱོན་གྲངས་ནི་
མེད་པར་གྲགས། །འོད་ཟེར་ཡོ་ཞིང་ཐ་དད་དང་། །ཕྱག་རྒྱ་ཕྱག་མཚན་ནོར་བས་ནི། །མྱ་ངན་གདུང་བས་སྡུག་བསྔལ་བར། །སྒྲུབ་པོའི་གཟུགས་བརྙན་ཉེས་སྐྱོན་ནོ། །རྒྱབ་ཡོལ་གདུགས་དང་བ་དན་ནི། །རྣམ་གསུམ་དོག་པའི་ཉེས་པ་ནི། །
འཆི་ཞིང་དཔལ་ཉམས་བརླག་པ་དང་། །མི་མཛའ་མཛའ་བ་འཇོམས་པའོ། །དེ་ལྟར་ཉེས་སྐྱོན་སྐྱོན་ཆེན་པོས། །དུལ་ཞིང་དུལ་ལ་བཟོད་པ་དང་། །སེམས་ནི་ཤིན་ཏུ་མཉམ་གཞག་པས། །རྣམ་པར་བརྟག་ཅིང་རབ་ཏུ་དཔྱོད། །མཚན་
ཉིད་ཐམས་ཅད་ཡོངས་རྫོགས་ཤིང་། །མཛེས་པའི་ཚུལ་གྱིས་མཆོད་པར་བསྟན། །སྔགས་གྲུབ་རྒྱུ་ཡི་དོན་དང་ནི། །དབང་དང་དགུག་པ་ཡི་ནི་ལྷ། །ཞི་བ་ལ་ནི་ཞི་བའི་ཚུལ། །དྲག་ལ་དྲག་ཅིང་འཇིགས་སུ་རུང་། །དཔའ་ཞིང་དཔའ་བའི་
ང་རྒྱལ་གྱིས། །རྒོད་ཅིང་ཁྲོ་དང་སྒེག་པ་དང་། །ཁྲོ་བའི་གཟུགས་ཀྱི་ཚུལ་དང་ནི། །བྲན་དང་བྲན་མོའི་རྣམ་པར་སྤྲུལ། །ལས་ཀྱི་གནས་དང་གནས་ཉིད་དུ། །བདག་ཉིད་ཀྱི་ནི་ཁ་དོག་བསྒྱུར། །དེ་ལྟར་མཚན་ཉིད་མཚོན་པ་ཡི། །དངོས་གྲུབ་
མྱུར་དུ་རྫོགས་པ་དང་། །རྣལ་འབྱོར་པ་ཡི་འདོད་པ་ལས། །སྔགས་པས་ཐང་ཀའི་རི་མོ་བྲི། །ན་མཿས་མནྟ་བུདྡྷ་ནཱྃ། སྃ་བྷོ་ཏ་ནི། བི་ཤུདྡྷ། ན་མཿསརྦ་བྷི་ག་ཧ་རེ་ནནྟུ། ཧཱུྃ་ཧཱུྃ་ཧཱུྃ་ཕཊ་ཕཊ་སྭཱ་ཧཱ། སྔགས་པ་ཡིས་ནི་སྔགས་
འདི་ཡིས། །རས་དང་སྐུད་པ་བཀྲུ་བའོ། །ཐམས་ཅད་ལས་ཀྱིས་སྔགས་ཀྱིས་ནི། །སངས་རྒྱས་ལྔ་ཡི་བྱིན་གྱིས་བརླབས། །གཟུགས་བརྙན་སོ་སོར་རབ་སྦྱོར་བས། །སྒྲུབ་པོས་ཐང་ཀ་བསྒྲུབ་པར་བྱ། །གཟུགས་བརྙན་
འགྲུབ་པའི་རྒྱུ་རུ་ནི། །སྦྱིན་སྲེག་ཕྱག་རྒྱ་སྔགས་བྱའོ། །ཡི་དགས་ཀྱིས་ནི་གོས་བླངས་ལ། །གཏོར་མ་ལ་སོགས་ལྡན་པ་ཡི། །ནན་ཏན་གྱིས་ནི་ཐང་ཀ་བརྒྱང་། །ཐིག་སྐུད་ཀྱིས་ནི་རི་མོ་བྱ། །པད་མའི་གདན་

87-1-235a

ལ་བཞུགས་པ་ནི། །ཟླ་བའི་དཀྱིལ་འཁོར་དབུས་གནས་པར། །སེམས་དཔའི་སྐྱིལ་མོ་དཀྲུང་གིས་བཞུགས། །ཕྱག་གཉིས་པ་ལ་ཐང་ཀ་མཛེས། །རྡོ་རྗེ་ཅོད་པན་མཐོན་ཀའི་རྩེ། །སངས་རྒྱས་ལྔ་ཡིས་རྣམ་པར་བརྒྱན། །རྒྱན་རྣམས་ཀུན་གྱིས་
བརྒྱན་པའི་སྐུ། །དར་གྱིས་དཀྲི་ཞིང་རྣམ་པར་འཕྱང་། །རྡོ་རྗེ་ཕྱག་གིས་གསོར་མཛད་ཅིང་། །སྙིང་གར་གནོན་པ་མཆོག་ཏུ་བརྩོན། །གཡོན་པར་དྲིལ་བུ་མངོན་ལྡན་པས། །རྐེད་པའི་མཚམས་སུ་རྣམ་པར་གནོན། །བཙོ་མ་གསེར་གྱི་ཁ་དོག་དང་། །སྒེག་ཅིང་
ཤིན་དུ་བཞད་པའི་ཞལ། །རྡོ་རྗེ་དཀྱིལ་འཁོར་ལ་བསྟེན་པར། །ཁྲོ་བོའི་འོད་ཟེར་རྣམ་པར་སྤྲོ། །དཀར་དང་ཟླ་བ་ཀུན་དའི་མདོག །ལྷ་མོ་གསང་བའི་སྣོད་མཛད་ཅིང་། །རྐང་པས་འཁྱུད་པས་ཐལ་མོ་སྦྱར། །ཕྱག་གཉིས་ཀྱིས་ནི་མགྲིན་པར་འཁྱུད། །
ཚེམས་ཀྱིས་མ་མཆུ་བཙིར་ནས་ནི། །མྱོས་པས་ཁྲོ་བོ་མཆོག་གི་སྟེ། །རྒྱན་རྣམས་ཀྱིས་ནི་བརྒྱན་པའི་སྐུ། །ཆགས་པའི་གོས་དཀར་མནབས་པ་ཉིད། །བ་སྤུ་ནས་ནི་རྡོ་རྗེ་འཕྲོ། །གདུགས་དཀར་པོ་ཡིས་མངོན་གཡོགས་པའི། །འདི་ལྟར་རྡོ་རྗེ་དབང་
ཕྱུག་རྒྱལ། །པད་མའི་ལུས་ཅན་རྡོ་རྗེ་འཛིན། །རྡོ་རྗེ་ཤར་གྱི་ཆ་རུ་ནི། །མོ་གཟུགས་རི་མོར་བྲིས་པ་ནི། །གཟུགས་ཀུན་ལ་སོགས་རབ་རྒྱས་པའོ། །གནོད་སྦྱིན་མོ་ནི་རྒྱལ་དབང་འདི། །རིན་ཆེན་གདན་ལ་བཞུགས་པ་ནི། །རྒྱན་ཀུན་གྱིས་ནི་རྣམ་པར་
བརྒྱན། །ཕྱག་ན་གཏོར་མའི་སྣོད་སོགས་པ། །ཕྱོགས་ཀྱི་མདོག་ཏུ་གཙོ་བར་བྱ། །དངོས་གྲུབ་ཀུན་སྟེར་ལྷ་མོ་ནི། །ལུས་ངན་གྱི་ནི་སྲིང་མོའོ། །ཕྱག་འཚལ་ཚུལ་གྱིས་འདུད་པ་ནི། །ལྷ་མོ་བསྒྲུབ་པའི་མཚན་ཉིད་དོ། །རྡོ་རྗེ་བྱང་གི་ཆ་ལ་ནི། །ལྷ་མོ་
སྙན་པར་སྨྲ་བ་ནི། །དེ་ལྟར་རྡོ་རྗེ་དབང་ཕྱུག་རྒྱལ། །པད་མའི་ལུས་ཅན་ཡེ་ཤེས་འཛིན། །སྙན་པའི་གསེར་བཙོ་མ་ཡི་མདོག །བཟང་པོའི་གདན་ལ་བཞུགས་པ་ནི། །རྒྱན་རྣམས་ཀུན་གྱིས་རྣམ་པར་བརྒྱན། །གཉིས་ཀྱི་ཕྱག་ན་བདུད་རྩིའི་སྣོད། །སྒེག་
པའི་ཉམས་ཀྱི་ལྟ་བ་རུ། །མཁས་པ་ཡིས་ནི་བྲི་བར་བྱ། །ཡེ་ཤེས་ནུབ་ཀྱི་ཆ་ལ་ནི། །ལྷ་མོ་སྙན་པའི་དབང་ཕྱུག་མ། །བཙོ་མ་གསེར་གྱི་མདོག་དང་ནི། །རྒྱན་རྣམས་ཀུན་གྱིས་རྣམ་པར་བརྒྱན། །ཐམས་ཅད་མཚན་ཉིད་ཡོངས་རྫོགས་པའི། །ལྷ་མོ་
87-1-235b

གཞོན་ནུ་གྲུབ་པ་ནི། །ལྕགས་ཀྱུ་ལྔ་སོགས་སྣོད་ཀྱིས་ནི། །གཉིས་པའི་ཕྱག་ནི་རྣམ་པར་བརྒྱན། །རྡོ་རྗེ་ལྷོ་ཡི་ཆ་རུ་ནི། །འབྱུང་མོའི་མིང་ནི་སྐ་རགས་ཅན། །སྐུ་མདོག་སྔོན་མོ་གཟུགས་མཛེས་པའི། །རྒྱན་ཀུན་གྱིས་ནི་རྣམ་པར་བརྒྱན། །བདུད་རྩིའི་བུམ་
པ་ཕྱག་གཉིས་ན། །གཞན་གྱི་སྒེག་པའི་ཡན་ལག་དང་། །གཤིན་རྗེ་ཡི་ནི་སྲིང་མོ་ཉིད། །དངོས་གྲུབ་ཀུན་སྟེར་ལྷ་མོ་ནི། །ཐམས་ཅད་ཀུན་ལ་གཟུགས་མཛེས་པར། །རྣམ་པར་བརྟགས་ཏེ་རི་མོ་བྲི། །རྡོ་རྗེ་དྲིལ་སོགས་རིམ་པར་ཡང་། །དབང་ལྡན་ལ་
སོགས་རིམ་པར་སྦྱར། །ཕྱག་གཉིས་སེམས་དཔའི་སྐྱིལ་མོ་དཀྲུང་། །ཕྱག་ནི་ཕྱག་རྒྱ་མཚན་མ་སོགས། །དེ་ལྟར་རྡོ་རྗེ་དབང་ཕྱུག་རྒྱལ། །རོལ་པའི་འཁོར་ལོ་བསམ་པར་བྱ། །ལྷ་རྣམས་དམིགས་པ་དང་བཅས་པ། །སྔགས་དང་ཕྱག་རྒྱ་གཏོར་མས་མཆོད། །
ཨོཾ་སརྦ་སིདྡྷི་ཀུ་རུ་ཧཱུྃ། ཉེ་བར་སྤྱོད་པའི་སྔགས་སོ། །ཨོཾ་བཛྲ་ཧཱུྃ་ཕཊ། ཉི་མའི་ལག་པ་རབ་བརྐྱང་ནས། །ཡེ་ཤེས་ཀྱི་ནི་པད་མ་མནན། །དམ་ཚིག་སྔགས་དང་ཕྱག་རྒྱའོ། །དེ་ཡི་སྔགས་དང་ཕྱག་རྒྱ་ཡིས། །ཡན་ལག་དྲུག་ཏུ་བསྲུང་བར་བྱ། །ཡེ་ཤེས་
ཁུ་ཚུར་གཉིས་བཅིངས་ནས། །དཀར་པོ་དང་ནི་ས་གདུགས་བསྒྲེང་། །མཁྱིལ་པར་ས་གདུགས་འཁྱུད་བྱས་ལ། །དཀར་པོའི་ལྕགས་ཀྱུས་སྤྱན་དྲང་ངོ་། །ཨོཾ་བཛྲ་ཨ་ཀུ་ཤ་ཛཿ ཕྱག་རྒྱ་དེ་གཉིས་བརྟན་བཅིངས་ལ། །དཀར་པོ་དང་ནི་གི་ཝང་
སྦྲེལ། །ཞགས་པའི་དམ་ཚིག་ཕྱག་རྒྱ་ཡིས། །ཀུན་ནས་ལྷ་མོ་བཞུགས་པར་ལྡན། །ཨོཾ་བཛྲ་པཱ་ཤ་ཧཱུྃ། ཕྱག་རྒྱ་དེ་ཉིད་དམ་བཅིངས་ནས། །རྒྱབ་དང་རྒྱབ་ཏུ་སྦྱར་བར་བྱ། །གསང་ཞིང་གསང་བའི་ལྕགས་སྒྲོག་གིས། །ལྷ་རྣམས་ཀུན་ནས་མཉེས་པར་
བྱ། །ཁུ་ཚུར་དེ་ཉིད་དམ་བཅིངས་ནས། །རྒྱབ་དང་རྒྱབ་ཏུ་ཡང་དག་ལྡན། །ས་གདུགས་པད་མ་སྦྲེལ་བྱས་ལ། །ཀུན་ནས་ལྷ་ཉིད་ཚིམ་བྱེད་པའོ། །སྤོས་ཀྱི་ཕྱག་གཉིས་རབ་ལྡན་པས། །སོར་མོ་གཉིས་ཀ་བསྒྲེང་བྱས་ལ། །ཟླ་བ་ཉི་མར་བཞུགས་བྱས་
ལ། །སྙིང་རྗེ་ཆེན་པོའི་ཕྱག་རྒྱའོ། །ཨོཾ་སུ་ར་ཏ་བཛྲ་ཧཱུྃ་ཛ། ཁུ་ཚུར་གཉིས་ནི་བཅིངས་བྱས་ལ། །ཉི་མའི་སྟེང་དུ་ཁ་སྦྱར་ལ། །ཤར་གྱི་ཕྱོགས་ཀྱི་ལྷ་མོ་ནི། །སྙིང་པོ་སྔགས་དང་ཕྱག་རྒྱའོ། །ཨོཾ་ཤྲི་ཡ་བ་ཏི་ཧཱུྃ་ཕུ་སྭཱ་ཧཱ། ཕྱག་རྒྱ་དེ་ཉིད་དམ་བཅིངས་ཏེ། །ཡེ་ཤེས་དང་

87-1-236a

ནི་རྣམ་ཤེས་བསྒྲེང་། །ཨོཾ་སུ་ཀྲི་ཡེ་ཧཱུྃ་ཕུ་སྭཱ་ཧཱ། བྱང་གི་ཕྱོགས་ཀྱི་ལྷ་མོ་ནི། །སྙིང་པོ་སྔགས་དང་ཕྱག་རྒྱའོ། །ཕྱག་རྒྱ་དེ་ཉིད་དམ་བཅིངས་ནས། །དཀར་པོ་དང་ནི་གི་ཝང་བསྒྲེང་། །ཨོཾ་སུ་རུ་སུ་རུ་མ་དུ་རེ་ཧཱུྃ་ཕུ་སྭཱ་ཧཱ། ནུབ་ཀྱི་
ཕྱོགས་ཀྱི་ལྷ་མོ་ནི། །སྙིང་པོ་སྔགས་དང་ཕྱག་རྒྱའོ། །ཕྱག་རྒྱ་དེ་ཉིད་དམ་བཅིངས་ནས། །ས་གདུགས་པད་མའི་ཁ་སྦྱིན་བྱ། །ཨོཾ་པྲི་ཡྃ་མེ་ཁཱ་ལ་ཧཱུྃ་ཕུ་སྭཱ་ཧཱ། ལྷོ་ཕྱོགས་ལྷ་མོ་རྒྱལ་དབང་གིས། །སྙིང་པོ་སྔགས་དང་ཕྱག་རྒྱའོ། །
གཉིས་མེད་ཆོ་གའི་སྔགས་ཀྱིས་ནི། །མཁས་པ་ཡིས་ནི་མཆོད་པར་བྱ། །བདུག་པ་མེ་ཏོག་སོགས་གླུ་དང་། །མཁས་པས་མཆོད་པ་ཉི་ཤུས་མཆོད། །འདོད་དང་ཐར་པ་དགེ་བའི་གནས། །ལས་རྣམས་ཐམས་ཅད་གྲུབ་བྱེད་པ། །
རྡོ་རྗེ་ཆོས་ཀྱི་བདེ་སྤྲོ་བ། །རྣལ་འབྱོར་སྔགས་ཀྱིས་བསྒྲུབ་པར་བྱེད། །དེ་ནས་ཀུན་གྱི་སྙིང་པོ་ནི། །ཁྲོ་བོ་གནོད་བྱེད་ཁྲོ་མོ་ནི། །དབྱེ་བ་རྣམ་གསུམ་སྐུ་རང་བཞིན། །སངས་རྒྱས་བྱང་ཆུབ་ཡན་ལག་བཞི། །ཁྲོས་པའི་ཁྲོ་བོའི་མཆོག་ཏུ་སྤྲོ། །
འཇིགས་པ་ཐེག་པ་རྣམ་པ་གསུམ། །ལྷ་མོའི་ལྟེ་བས་འཇིགས་པར་བྱེད། །བདུད་དང་འབྱུང་པོ་གཅོད་བྱེད་ཅིང་། །བདུད་དང་གདུག་པ་སྐེམས་པ་དང་། །གནོན་ཅིང་ཡུལ་ནས་སྐྲོད་པ་དང་། །འདོད་དང་ཐར་པའི་གོ་འཕང་བསྒྲུབ། །ཚངས་པ་མནན་
ཅིང་ཉེད་པ་དང་། །ཙ་མུན་ཏི་ནི་དྲག་པོས་འགུགས། །འཇིགས་བྱེད་ཀུན་ནས་བསྒྲུབས་པ་ཡང་། །མཁས་པ་ཡི་ནི་བསྒྲུབ་པར་བྱ། །རེ་ཤིག་དང་པོ་བྲིས་པའི་སྐུ། །མཚན་ཉིད་ཇི་ལྟར་གསུངས་པ་བཞིན། །བྱེ་བ་བཅུ་བཞིའི་ཚོགས་དང་ནི། །
སྣ་ཚོགས་གཟུགས་ཅན་བཞིན་ངན་པ། །ལྷ་མོ་དཀའ་བཟློག་གདན་དུ་ནི། །རྒྱབ་ཏུ་ཀུན་ནས་རྣམ་པར་མནན། །ཉི་མའི་དཀྱིལ་འཁོར་དབུས་སུ་ནི། །རྡོ་རྗེ་མཁའ་འགྲོ་རྣམ་པར་སྤྲུལ། །ཞལ་གསུམ་ཕྱག་ནི་དྲུག་པ་ཉིད། །
འོད་ཟེར་སྔོན་པོ་འབར་བའི་ཞལ། །རོལ་པས་འཕེན་པའི་གདན་ལ་ནི། །ཚངས་པའི་མགོ་ནི་ཞབས་ཀྱིས་མནན། །སྤྱན་གསུམ་ཁྲོ་ལ་ང་རྒྱལ་ཅན། །དམར་ཞིང་དམར་བའི་སྤྱན་དང་ལྡན། །འཁྱིལ་ཞིང་རྣམ་

87-1-236b

པར་གྱེས་པ་ཡི། །དབུ་སྐྲ་དམར་པོས་རྣམ་པར་བརྒྱན། །རུས་པའི་ཐོད་པའི་ཕྲེང་བ་ཡིས། །སངས་རྒྱས་མི་བཟད་ཅོད་པན་ནོ། །བགེགས་ཀྱི་མགོ་བོ་བསམ་པ་ཡིས། །ཀླུ་གཉིས་ཀྱིས་ནི་རྣམ་པར་བརྒྱན། །ཤིན་ཏུ་རྒོད་ཅིང་མཆེ་བ་གཙིགས། །
ཞལ་གསུམ་ཁ་དོག་གསུམ་པའོ། །གླང་ཆེན་ལྤགས་པ་བསྣམས་པའོ། །མི་ཡི་ལྤགས་པ་རབ་ཏུ་གསོལ། །རྒྱན་བརྒྱད་ཀྱི་ནི་གནས་ཉིད་དུ། །དཀར་ཞིང་རབ་འབར་རུས་པའོ། །སངས་རྒྱས་མགོ་བོའི་ཕྲེང་བ་དང་། །མཆེ་བ་རྣོ་ཞིང་
སོར་མོ་འབར། །སྟེང་གི་ཕྱོགས་སུ་མདའ་དང་ནི། །གཉིས་པ་ལ་ནི་ཁ་ཊྭཱྃ་ག །གསུམ་པས་རྡོ་རྗེ་གསོར་བའོ། །གཡས་པ་བསྡིགས་མཛུབ་ཞགས་པ་དང་། །གཉིས་པ་ལ་ནི་ཐོད་པའོ། །གསུམ་པ་གཞུ་དང་ཀུན་ནས་ལྡན། །རྒན་བྱད་
དྲག་མོ་འཇིགས་སུ་རུང་། །ཞགས་པས་བཅིངས་ཤིང་རྣམ་པར་བརྒྱན། །དྲག་མོ་མནན་ཅིང་མཆེ་བ་གཙིགས། །ཁྲག་འཛག་པ་དང་བརྒྱལ་བ་ནི། །སོ་སོར་དབུས་སུ་བརྒྱན་པ་ཡི། །སོ་སོའི་ཕོ་ཉ་རབ་ཏུ་བསྒྲུབ། །ཚོན་བདུན་གྱིས་ནི་གོས་པ་ཡི། །རྒྱུན་མི་འཆད་
པར་རྟག་ཏུ་སྤྲོ། །ཁྲོ་བོ་མཆེ་བ་གཙིགས་པའི་ལུས། །འབར་བའི་འོད་ཟེར་རྡོ་རྗེ་ཅན། །མི་ཡི་ཀེང་རུས་ཀེང་རུས་དང་། །གདུགས་དཀར་པོ་ཡིས་མངོན་པར་གཡོགས། །ཡེ་ཤེས་ཁྲོ་བོ་དབང་ཕྱུག་བདག །དྲག་ཅིང་ཤིན་ཏུ་དྲག་པ་འདུལ། །
བདུད་རྣམས་ཐམས་ཅད་གནོན་མཛད་པ། །ཤིན་ཏུ་གདུག་པའི་སེམས་ཅན་རྣམས། །ཞི་བས་འདུལ་བར་མི་འགྱུར་པས། །ཐབས་དང་ཤེས་རབ་སྦྱོར་བ་ཡིས། །ཁྲོ་བོའི་གཟུགས་ལ་སོགས་པ་བསྟན། །ཁྭཱ་དང་འུག་པ་བྱ་རྒོད་
དང་། །ལྕེ་སྤྱང་སྲིན་པོ་ཁྱི་ལ་སོགས། །འཇིགས་པའི་ཀུ་ཆོ་རབ་སྒྲོགས་དང་། །མི་ཡི་ཀེང་རུས་ཀྱིས་བཀང་བའི། །དེ་ལྟར་གཟུགས་བརྙན་རབ་སྦྱོར་བས། །འདོད་དང་ཐར་པ་དོན་གཉེར་དང་། །ཐམས་ཅད་ཁྲོ་བོ་འཇིགས་མཛད་པའི། །
སྔགས་པས་གཟུགས་བརྙན་བསྒྲུབ་པར་བྱ། །ཨོཾ་ཏ་ཧཱུྃ་མ་ཐ་མ་ཐ་དུཥྚན་གྷཱ་ཏ་ཡ་ཧཱུྃ་ཕཊ་སྭཱ་ཧཱ། བ་དན་གསུམ་སོགས་ཕྱག་རྒྱ་ཡིས། །ལས་རྣམས་ཀུན་ནས་རབ་ཏུ་བྱེད། །སྤོས་དང་བདུག་པ་ལ་སོགས་དྲི། །རྒྱས་པའི་མཆོད་པ་ཀུན་

87-1-237a

ལྡན་པས། །དཔའ་བོ་མཆོད་སོགས་ཡང་དག་ལྡན། །དཀྱིལ་འཁོར་ཆོ་ག་མཐོང་བ་ཡིས། །ཆོ་གའི་ཡན་ལག་སྦྱིན་སྲེག་ལས། །གཏོར་མའི་ལས་ནི་ཁྱད་པར་ཉིད། །མ་བརྟགས་པ་ཡི་ཤ་དང་ནི། །ཁྲག་གིས་
ཀྱང་ནི་དེ་ཉིད་ལས། །གང་གང་དངོས་གྲུབ་འདོད་པ་ཡིས། །དེ་ཡི་རྣམ་པས་ཚིམ་པར་བྱ། །ཨོཾ་བི་ཏྲིང་ཏི་ནཱ་མ་མ་ཧཱ་ཀྲོ་དྷ་ཧཱུྃ་ཕཊ། ཟླ་བ་ཉི་མ་བརྐྱང་ནས་ནི། །རྒྱབ་དང་རྒྱབ་ཏུ་སྦྱར་བར་བྱ། །དཀར་པོ་གི་ཝང་སྦྲེལ་བྱས་ནས། །
ས་ཡི་གདུགས་དང་པད་མ་སྦྲེལ། །དེ་ཉིད་སྙིང་པོ་ཕྱག་རྒྱ་དང་། །སྔགས་དེ་ཉིད་ནི་རྣམ་པར་སྦྱར། །ཕུར་བུ་ར་བ་ཚམ་ངམ་དང་། །དྲ་བ་གོ་ཆ་མཚོན་ཆ་རྣམས། །ལས་ཀྱི་གནས་སུ་དགོད་པ་ནི། །ཕྱག་རྒྱ་འདི་ནི་རབ་ཏུ་གྲགས། །ཕྱག་
རྒྱ་འདི་ཉིད་སྙིང་གར་བཅིང་། །ཡེ་ཤེས་དང་ནི་རྣམ་ཤེས་སྦྱར། །ཨོཾ་ཀྲོ་དྷ་ནི་ཧཱུྃ་ཨ། སྙིང་པོ་མཆོག་གི་ས་བོན་དང་། །ཕྱག་རྒྱ་དེ་ཉིད་རྣམ་པར་བྱ། །ལུས་དང་སྲོག་ལ་ལྟོས་མེད་པར། །ཆེན་པོའི་སེམས་ཀྱིས་བསྒྲུབ་པར་བྱ། །
དྲག་ཅིང་རྣོ་བའི་ལྷ་མོ་ནི། །རྣོ་བའི་སེམས་ཀྱིས་བསྒྲུབ་པར་བྱ། །ཅུང་ཟད་ཞི་བའི་ལྷ་མོ་ནི། །ཐབས་ཅིག་གིས་ནི་མཚན་ཉིད་དོ། །ཆུ་ཡི་འགྲམ་གྱི་ས་ཕྱོགས་སུ། །སྔོན་དུ་བསྙེན་པ་ལ་སོགས་བྱ། །འབུམ་ཕྲག་ལྔ་ནི་བཟླས་པ་
དང་། །ཕྱིས་ནི་འབུམ་ཕྲག་གཅིག་གིས་སོ། །ཞི་བའི་མཆོད་པ་ཕུལ་ནས་ནི། །མེ་ཡི་ལས་ལ་སོགས་པ་བྱ། །ནག་པོ་ར་ཡི་ཤ་དང་ནི། །ཁྲག་དང་རྣམ་པར་བསྲེས་ནས་ནི། །བྲིས་སྐུ་ལ་སོགས་གཟུགས་བརྙན་མདུན། །རྫོགས་
པའི་ཆོ་གས་སྦྱིན་སྲེག་བྱ། །གཏོར་མ་སྦྱིན་སྲེག་གིས་ཚིམ་བྱ། །ཐམས་ཅད་ལས་ནི་འགྲུབ་པར་འགྱུར། །ཞི་དང་རྒྱས་དང་དབང་དྲག་དང་། །མངོན་པར་སྤྱོད་པ་ལ་སོགས་འགྲུབ། །དྲི་ཞིམ་ཆུ་ཡིས་བཀང་བ་ཡིས། །བུམ་པ་
རྒྱ་ཆེར་མཆོད་པ་ཡིས། །ནད་ཀྱི་ཡན་ལག་གཟིར་བ་ལ། །སྔོན་དུ་དབང་བསྐུར་བྱིན་བྱས་ནས། །ནད་ཀུན་དང་ནི་བྲལ་བ་དང་། །དེ་བཞིན་གཟའ་ཡིས་གནོད་པ་ཉིད། །སྐལ་བ་དམན་དང་མི་བྱམས་པས། །ཐམས་ཅད་

87-1-237b

ཞི་བ་ཐོབ་པར་འགྱུར། །སེར་པོའི་ཚོན་དང་སྤྲ་ཚིལ་ལས། །ལོག་འདྲེན་ལྷ་ཡི་གཟུགས་བརྙན་ཉིད། །མཉམ་པའི་གདན་ལ་ཐལ་མོ་སྦྱར། །ཕྱག་བཞི་ཡིས་ནི་རྣམ་པར་སྤྲས། །མཆེ་བ་གཙིགས་པ་ཡན་ལག་རྒྱས། །པད་
མའི་སྣོད་ལ་གནས་པ་ནི། །རྩེ་གསུམ་དང་ནི་བཟའ་བའི་སྣོད། །དགྲ་སྟ་ལ་ཕུག་ཕྱག་ནའོ། །སོར་མོ་བཞི་ཡི་ཚད་དུ་ནི། །རྒྱན་ཀུན་གྱིས་ནི་རྣམ་པར་བརྒྱན། །བྲིས་སྐུའི་གཟུགས་བརྙན་མདུན་དུ་ནི། །འཁྲུལ་འཁོར་འདི་ནི་བྲི་བར་
བྱ། །གྲོ་ག་འམ་ནི་ཤིང་ཤུན་ལ། །གི་ཝང་དང་ནི་གུར་གུམ་གྱིས། །སྒྲུབ་པ་པོའི་གཟུགས་བརྙན་བྲི། །གཟུགས་དང་རྣམ་པ་ཀུན་ལྡན་པ། །སྙིང་གར་མིང་ནི་བྲི་བར་བྱ། །གཡོ་དང་ལྷུང་དང་སྲོག་འདྲེན་པ། །ལྕགས་ཀྱུ་ཀུན་ནས་
ལྡན་པ་དང་། །དཔྲལ་བར་དྲངས་ནས་གཞག་པར་བྱ། །བགེགས་ཀྱི་དབང་པོ་ཡི་ནི་གདན། །སྙིང་གར་མནན་ནས་གཞག་པར་བྱ། །མེ་ཏོག་བདུག་པ་སོགས་པས་མཆོད། །ནན་ཏན་གྱིས་ནི་གཏོར་མའི་ལས། །དོན་འདོད་
འབྲས་བུ་དོན་གཉེར་བའི། །རྣལ་འབྱོར་པས་ནི་སྔགས་ཡིག་བཟླས། །ཨོཾ་ཏྲྃ་ཐ་ཐ་ཐ་ཧཱུྃ་ཛ་སྭཱ་ཧཱ། མེ་ཏོག་དཀར་པོ་ལ་བཟླས་ཤིང་། །རེ་རེ་ཞིང་ནི་བརྡེག་པར་བྱ། །བརྒྱ་རྩ་བརྒྱད་དུ་ཡོངས་རྫོགས་ན། །འགྲུབ་པར་འདི་
ལ་ཐེ་ཚོམ་མེད། །སྔགས་འདི་ཡིས་ནི་སྦྱོར་བ་ཡིས། །བསྒྲུབ་པ་པོ་ཡི་ཡིད་གཡོ་ཞིང་། །མྱུར་དུ་འགུགས་ཤིང་ལོན་པའོ། །རྒྱལ་པོའི་དབང་པོ་དབང་ཕྱུག་སོགས། །རྒྱལ་པོ་དང་ནི་རྒྱལ་ཚབ་དང་། །ཕྱུག་པོའི་བྱིས་པ་ལ་
སོགས་དང་། །ཤིན་ཏུ་མཛེས་པའི་བདག་ཉིད་ལུས། །ཤ་ཙི་དང་ནི་བརྒྱ་བྱིན་སོགས། །གལ་ཏེ་ཀུན་ནས་འདོད་ཙམ་གྱིས། །བསྒྲུབ་པ་པོ་ཡི་དབང་དུ་འགྱུར། །ཇི་སྲིད་ལུས་ནི་འཚོ་བའི་བར། །དུས་རྟག་ཏུ་ནི་རྣམ་པར་
འདུད། །ང་རྒྱལ་ཡན་ལག་གཙོ་བོ་བས། །ང་རྒྱལ་གྱིས་ནི་འགྲུབ་པར་འགྱུར། །ཁྲོ་བོའི་ལུས་ནི་བསྟན་པ་ཡིས། །ལས་དང་ལས་ནི་མྱུར་དུ་འགྲུབ། །ཁྲོ་བོའི་ལུས་རྣམ་པར་བསྟན་པ་ཞེས་བྱ་བ་རྫོགས་སྷོ།། །།

87-1-238a

སྤྱོད་པའི་ཆོས་ཅན་ཀུན་བསྡུས་པ། །བརྟུལ་ཞུགས་མཚན་ཉིད་བསྟན་པའོ། །ཡེ་ཤེས་ལོངས་སྤྱོད་འབྲས་འདོད་པས། །སྤྱོད་པའི་མཚན་ཉིད་ཤེས་པར་བྱ། །མི་བཟད་འཁོར་བ་འཇིགས་པ་ནི། །ཆགས་པས་སྲིད་པར་
ལྟུང་བའོ། །ཆགས་པ་སྤངས་པའི་ལུས་ཀྱི་ནི། །རྒྱུན་ཏུ་བརྟུལ་ཞུགས་ཡང་བཟུང་ངོ་། །དབེན་པར་ཤིན་ཏུ་མཉམ་གཞག་པས། །དངོས་པོ་ཐམས་ཅད་མདོར་བསྡུས་པའོ། །ཆགས་པས་སྲིད་པར་ལྟུང་བ་དང་། །ཞེན་པས་འཁོར་
བར་འཇུག་པར་བྱེད། །རྨོངས་པའི་བདག་ཉིད་རིང་དུ་སྤངས། །སེམས་ཅན་དོན་དུ་ཆོས་བསྟན་ཕྱིར། །སེམས་ཅན་དོན་བྱེད་གྱུར་པས་ཀྱང་། །བརྟུལ་ཞུགས་དཀའ་ཐུབ་མི་བཟད་པས། །དབེན་པར་སྦྱོར་བས་འགྲུབ་པར་འགྱུར། །ཆགས་པའི་
ཉེས་པ་རྒྱ་མཚོར་འཁོར། །བདག་ཉིད་ཉོན་མོངས་ལས་རྒྱལ་ཕྱིར། །སེམས་ཅན་དོན་བློ་འབའ་ཞིག་གོ། །སེམས་ཅན་དོན་འགྱུར་དུས་སུ་ནི། །སྤྱོད་དང་སྡོམ་པའི་སྔོན་བཞིན་ནོ། །འདུ་འཛི་དང་བྲལ་དབེན་པ་ནི། །དགའ་བ་རུ་ནི་ལུས་བསྲུང་ངོ་། །
དང་པོ་རེ་ཤིག་རྣལ་འབྱོར་པས། །བསྟན་བཅོས་ཚིགས་རྣམས་བླངས་བྱས་ནས། །སྡོམ་པ་ཐམས་ཅད་ཡང་དག་ལྡན། །རབ་ཏུ་རྣོ་བས་ཆོས་སྤྱད་དོ། །གནས་དང་གནས་ལའང་མི་གནས་པའི། །ནམ་དུ་ཡང་ནི་མི་གཟུང་ངོ་། །བཟའ་དང་
བཟའ་མིན་བར་རྟོགས་པའི། །དམན་སོགས་ངེས་པར་མི་བྱའོ། །འབད་པས་རྟག་ཏུ་དགའ་བ་ཡིས། །ལྷམ་མཁན་ཉ་པ་ཤན་པ་དང་། །བྲམ་ཟེ་དམངས་རིགས་རྒྱལ་རིགས་རྣམས། །མཉམ་པའི་སེམས་ཀྱི་ལམ་གྱིས་ནི། །རྟག་ཏུ་སློངས་མོ་
བསླང་བར་བྱ། །གལ་ཏེ་གོང་དུ་སྤྱོད་པའི་ཚེ། །གང་ཞིག་བཟའ་སྟོན་ཟོས་པ་དང་། །མལ་ཆ་རས་དང་མཆིལ་ལྷམ་ཡང་། །ལོངས་སྤྱོད་ལོངས་སྤྱོད་ཡིད་འོང་བའི། །བརྟུལ་ཞུགས་ལ་གནས་ཙམ་གྱིས་ནི། །རྣལ་འབྱོར་སྡོམ་པ་རིང་བ་
ཉིད། །སྤྱོད་པ་སྤྱོད་དགུར་རྣལ་འབྱོར་པས། །བསོད་ནམས་ལག་ཏུ་བླངས་བར་བྱ། །ཐམས་ཅད་བསླངས་ཀྱང་ཉེས་མེད་དེ། །དངོས་པོ་ཡང་ནི་མི་གཟུང་ངོ་། །སེམས་ནི་རྣམ་པར་དག་པ་ཡིས། །ཐམས་ཅད་བཟའ་ཞིང་བཟའ་བ་ཉིད། །

87-1-238b

དག་ཅིང་གུས་བཅས་ང་རྒྱལ་གྱིས། །དེ་ཡི་གནས་ནི་ཡོངས་སུ་སྤངས། །དད་པས་དཀྱིལ་འཁོར་འབྲི་བ་དང་། །ཡང་ན་གཏོར་མའི་ལས་ལ་ནི། །བསགས་པའི་རྫས་ཀྱི་དངོས་པོ་ནི། །དེ་ཡི་གནས་སུ་དབུལ་བར་བྱ། །ཆོས་གོས་གསུམ་གྱི་
ལྷག་མ་ནི། །སླར་ཡང་གུས་པ་ཡི་ནི་གཟུང་། །སྤྱི་བོར་ངུར་སྨྲིག་མཚན་མ་དང་། །སངས་རྒྱས་བྱང་ཆུབ་ཡན་ལག་དང་། །རྙིང་པའི་ཚེམ་བེར་ཆོས་གོས་གསུམ། །སྟེང་དུ་རྡོ་རྗེ་དབྱུག་པ་དང་། །ལྷུང་བཟེད་མཆན་ཁུང་ཆུ་ཚགས་བཅས། །
དེ་ལྟར་འཛིན་པའི་ལུས་ལ་ནི། །གླེགས་བམ་ལ་སོགས་གཞན་ཡང་མེད། །གྲོག་མོ་ལ་སོགས་བསལ་བའི་ཕྱིར། །རྔ་མའི་ཆུན་པོ་བསྔགས་པ་ཡིན། །སངས་རྒྱས་བྱང་ཆུབ་ཡན་ལག་དང་། །ཆོས་དོན་རྩ་བ་སྙིང་རྗེ་ཉིད། །དེ་ནས་བསླབ་
པར་བྱ་བ་ནི། །བླ་མའི་ཚིག་གི་སྡོམ་པའོ། །སངས་རྒྱས་ཡེ་ཤེས་རྫུ་འཕྲུལ་ཆེ། །མཆོག་ལ་སྐྱབས་དང་སྐྱབས་སུ་མཆི། །རྡོ་རྗེ་དབང་ཕྱུག་མཆོག་གི་ལུས། །རྡོ་རྗེ་སེམས་དཔའ་བདག་ཕྱག་འཚལ། །ལྷ་མོ་ཤེས་རབ་སྦྱོར་རང་བཞིན། །མཁའ་
འགྲོ་ལྔ་ལ་ཕྱག་འཚལ་ལོ། །ཨོཾ་ཨ་མུ་ཀ་ས་མ་ཡོ་ཧ་མ་ཡ། ཨ་མུ་ཀ་ས་མ་ཡོ། ཨོཾ་ཨ་མུ་ཀ་ས་མ་ཡོ། ཧྃ་ས་མ་ཡ། ཨོཾ་བཛྲ་བཛྲ། མ་ཧཱ་བཛྲ་བཛྲ། ཀ་ཡ་སུ་བ་ར། ཧི་ཧི་ཧི། ཧོ་ཧོ་ཧོ། ཧཱུྃ་ན་ནི་བ་ཏ་དྃ། འདི་ཡིས་སློབ་མ་རབ་ཏུ་གཟུང་། །
བརྟུལ་ཞུགས་རྡོ་རྗེ་རྡོ་རྗེ་ཅན། །གཉིས་པའི་ལས་ཀྱིས་བསྒྲུབ་པར་བྱ། །སྦྱོར་དང་གསང་བའི་སྔགས་རིག་པས། །ཐམས་ཅད་དུས་དང་དུས་ཉིད་དུ། །ཚིགས་བཅད་གཉིས་ནི་བརྗོད་པར་བྱ། །གང་ཞིག་ཕ་དང་གང་ཞིག་མ། །གང་ཞིག་མཛའ་
བ་འང་མི་རྟག་པའོ། །སངས་རྒྱས་ལུས་ནི་སྒྱུ་མ་ཉིད། །རྟག་ཏུ་ཆོས་ཀྱིས་ཡོངས་སུ་སྐྱོབ། །ཀྱེ་མ་སྟོང་པ་ཉིད་ཀྱི་མཐུས། །དངོས་ཀུན་རྣམ་པར་མནན་པའོ། །སངས་རྒྱས་འབྲས་བུ་རབ་སྟེར་བའི། །མཁས་པ་ཡིས་ནི་གཟུང་བར་བྱ། །
རྨོངས་པ་བཅད་པའི་དོན་དུ་ནི། །དུས་གསུམ་དུ་ནི་ཚིགས་བཅད་བརྗོད། །འཆག་དང་ཉལ་དང་འགྲོ་བ་དང་། །འདུག་དང་འགྲོ་བ་ཐམས་ཅད་དུ། །སྔགས་ཀྱི་སྦྱོར་བ་བརྟན་བྱས་ནས། །སེམས་དང་སེམས་ཀྱིས་ཉལ་བར་བྱ། །

87-1-239a

སྐྱེ་དང་སྐྱེ་བར་བརྒྱུད་པ་ཡི། །འབྱུང་བ་ལྔ་ཡི་ལུས་ཀྱི་སྡིག །ཉིན་མཚན་གཉིས་ཀྱི་སྤྱོད་པ་ཡིས། །ལུས་ཀྱི་དྲི་མ་དག་པ་ཉིད། །ཟླ་བ་དྲུག་ཏུ་སྤྱད་བྱས་པས། །རང་འདོད་ལྷ་ནི་འགྲུབ་པའོ། །བརྟུལ་ཞུགས་སྤྱད་པའི་
རྣལ་འབྱོར་པས། །མི་ཤེས་པས་ཀྱང་ཡེ་ཤེས་འཐོབ། །དེ་ལྟར་ཡོན་ཏན་རང་བཞིན་ཞིང་། །བརྟུལ་ཞུགས་སྤྱོད་པ་ཡི་ནི་རྒྱུ། །བརྟུལ་ཞུགས་སྦྱོར་བ་སྦྱོར་བ་ཡིས། །ཐམས་ཅད་རྨོངས་པ་རྣམ་པར་སྤངས། །ཐབས་ཀྱི་མཚན་ཉིད་
མཚོན་པ་ཡིས། །མཉམ་ཉིད་ལྟ་བ་རྫོགས་བྱས་ནས། །རྣམ་དག་ལྟ་བ་འབའ་ཞིག་གོ། །ཀུན་ནས་སྟོང་པ་མཉམ་པའི་རོས། །དངོས་པོ་ཀུན་གྱི་མཚན་ཉིད་མེད། །ཀུན་ནས་སྟོང་པ་ཉིད་ཀྱི་མཐར། །རྣམ་པར་རྟོག་པ་ཇི་ལྟ་བུར། །རྨོངས་
པས་བརྟགས་ཤིང་རྣམ་བརྟགས་པའི། །དག་པའི་སེམས་དང་སེམས་པར་བཅས། །རྨོངས་པ་ཉོན་མོངས་རྒྱ་མཚོའི་ལུས། །འདོད་པ་ཁྲོ་བོའི་གཞི་དེ་ནི། །རྣོ་བའི་སེམས་ཀྱིས་རྨོངས་པ་ནི། །ཡེ་ཤེས་ལྡན་པའི་ལུས་ཀྱི་དབྱེ། །
སྣུམ་པའི་བཟའ་དང་འཇམ་པའི་གོས། །སྣ་ཚོགས་དབང་པོས་རེག་པ་ཡིས། །གཏི་མུག་ཆགས་པས་གོ་བཟློག་པས། །སྲིད་པར་ལྟུང་བའི་ལས་སུ་འགྱུར། །ལས་ནི་བྱ་བའི་དབང་པོར་འགྱུར། །རྨོངས་པ་ཡེ་ཤེས་མི་རྟག་
པའོ། །འདོད་དང་ཁྲོ་དང་ང་རྒྱལ་འཇོམས། །སྲིད་པར་འཆིང་བའི་བཟའ་བའོ། །འབྱུང་པོ་འབྱུང་ལ་བརྩེ་བ་དང་། །ཀུན་ནས་སྡིག་པ་མི་བརྟག་གོ། །མགོན་མེད་སྡུག་བསྔལ་ཕོངས་པ་ལ། །ནོར་པས་མནར་མེད་གྱུར་པ་
བཞིན། །འཇིག་རྟེན་འདིར་ནི་རྨ་འབེབས་དང་། །མཚང་འབྲུ་བ་ནི་མཆོག་ཏུ་གཙོ། །ཐེག་པ་ཆེ་ལ་ལེགས་བསླབས་པས། །ངན་འགྲོའི་དངོས་པོར་ཡང་མ་ཡིན། །ཀུན་ནས་བཟའ་དང་ལེགས་བཟའ་བས། །ཡང་དག་
དགའ་བས་ལུས་བསྲུང་ངོ་། །རྙིངས་པའི་བཟའ་སྟོན་ངན་པ་ཡིས། །ངེས་པར་བདག་ཉིད་དགའ་བར་བྱ། །སྔོན་གྱི་བསླབ་སོགས་བསླབ་པ་དང་། །སྔོན་དུ་ཐམས་ཅད་བསྡམ་པ་ཉིད། །བརྟུལ་ཞུགས་སྤྱོད་པ་མཉམ་གཞག་

87-1-239b

པས། །མནར་མེད་དམིགས་པ་མེད་པའོ། །སྔོན་གྱི་མཚན་ཉིད་མཚོན་པ་ཡིས། །སྔོན་དུ་བསླབ་སོགས་བསླབ་པར་བྱ། །བརྟུལ་ཞུགས་སྤྱོད་པ་མཉམ་གཞག་པས། །བསླབ་པ་གུས་པས་བསླབ་པར་བྱ། །བུད་མེད་འཇིགས་
གཟུགས་དྲག་མ་ཉིད། །སྐྲ་ནི་འཛིངས་ཤིང་ཁྱིལ་པ་དང་། །ངུར་སྨྲིག་དམར་པོ་འཇམ་པ་ཉིད། །ཕྲ་མོའི་རྡུལ་གྱིས་འཇམ་པ་བགོ། །མི་ཡི་རུས་པས་བྱས་པ་ཡང་། །བུད་མེད་རྒྱན་དུ་རྣམ་པར་བརྒྱན། །རྙིངས་པའི་ཚེམ་བེར་
དམར་པོ་ནི། །མི་ཡི་ལྤགས་པས་གཡོག་པར་བྱ། །སྣོད་ཆེན་པོ་ནི་གཉིས་པ་རུ། །བཟུང་ལ་དབང་པོ་ལྔ་ནི་གཟུང་། །སྟེང་དུ་རྡོ་རྗེའི་དབྱུག་པ་ནི། །མི་ཡི་ཡན་ལག་རུས་པས་བརྒྱན། །བ་དན་དྲིལ་བུ་ཕྲེང་བ་ནི། །དབྱུག་པ་
ལག་པ་གཡོན་པས་གཟུང་། །དེ་ལྟར་བསྡུས་པའི་ལུས་ཀྱིས་ནི། །འབད་པས་བརྟུལ་ཞུགས་སྤྱོད་པར་བྱ། །འདི་ལྟར་རྫས་སོགས་དངོས་པོ་ནི། །མེ་བཞིན་འབར་བས་རེག་མི་བྱ། །བཟའ་དང་བཏུང་བ་ལ་སོགས་གཞན། །
དང་པོ་བསྡུ་བར་ཡང་མི་བྱ། །སྙིང་རྗེར་ཕན་པའི་སེམས་ཀྱིས་ནི། །ཀུན་ནས་དགའ་ཞིང་བཟའ་བར་བྱ། །ཐམས་ཅད་གནོད་པ་དོན་མེད་པས། །དངོས་པོ་ཀུན་ནས་ཡོངས་སུ་སྤང་། །ལུས་ནི་བསྲུངས་བ་ཙམ་གྱིས་ནི། །
སློངས་མོའི་བཟའ་བ་བསླང་བར་བྱ། །སྟོང་པའི་ཁྱིམ་དང་དུར་ཁྲོད་དང་། །བས་མཐའ་དང་ནི་དགོན་པར་གནས། །མཚན་མོ་ཀུན་ནས་བགྲོད་པར་ནི། །བཟླས་དང་བསམ་གཏན་མཆོག་ཏུ་བརྩོན། །འཆག་དང་ཉལ་དང་
འདུག་པ་འམ། །ཤེལ་གྱི་རྣམ་པའི་སེམས་དང་ནི། །རང་བཞིན་ཡོངས་སུ་དག་པ་ཉིད། །བཟླས་དང་བསམ་གཏན་འབའ་ཞིག་གོ། །དེ་ཡིས་ཐམས་ཅད་འགྲུབ་འགྱུར་བར། །སངས་རྒྱས་ཀུན་གྱིས་གསུངས་པ་ཉིད། །སྡིག་
སྤངས་རྣམ་པར་སྤྱོད་པ་ཡིས། །འཁོར་བ་རུ་ནི་མི་གནས་པའོ། །ཐམས་ཅད་དངོས་པོ་དངོས་མེད་པར། །རྟག་ཏུ་སེམས་ཀྱིས་བལྟ་བ་ཉིད། །བདག་ཉིད་སངས་རྒྱས་རྒྱུ་རུ་ནི། །དེ་ནས་ཚིགས་བཅད་གཉིས་ནི་བརྗོད། །སྦྱིན་པ་

87-1-240a

ཆོས་ཀྱིས་བསྲུང་བ་ནི། །ཚིགས་བཅད་གཅིག་གིས་གནང་བར་བྱ། །ཨེ་མའོ་རྨོངས་པ་ཡི་ནི་མཐུས། །ལུས་ཅན་ཀུན་ནས་དབང་དུ་བྱས། །འདོད་སོགས་ཆོས་སོགས་མི་བཟད་པས། །མཁས་པ་ཡིས་ནི་
ཡོངས་སུ་སྤངས། །དངོས་མེད་དངོས་པོ་ཡང་མ་ཡིན། །གཟུང་དང་འཛིན་པ་མི་རྟོགས་པས། །སྲིད་པའི་དགོན་པ་ལས་རྒལ་ཞིང་། །དམིགས་པ་མེད་པའི་བདེ་བ་འཐོབ། །གཞན་གྱིས་བརྟགས་པའི་ལོངས་སྤྱོད་སོགས། །
ཉལ་དང་འཆག་པར་དུས་གསུམ་དུ། །རྣལ་འབྱོར་ཚིགས་བཅད་གཅིག་གིས་ནི། །རྣལ་འབྱོར་རྨོངས་པ་གཅོད་བྱེད་པའོ། །སེམས་ཆེན་པོ་ཡི་སེམས་ཀྱི་ནི། །རྙིངས་པའི་རས་ནི་བསགས་པ་ཡིས། །དེ་ཡི་གོས་སུ་རབ་ཏུ་
བགོས། །ཀེང་རུས་ཀྱི་ནི་ཡན་ལག་ཀུན། །ཤིན་ཏུ་མཛེས་པའི་དབྱུག་པ་བཟུང་། །པ་ཏ་ཧ་ཡི་ཆོས་ཀྱིས་བརྡུང་། །རྡོ་རྗེའི་གླུ་ནི་བླང་བ་ཉིད། །སེམས་ཅན་སྒྲོལ་བའི་རྒྱུ་རུ་ནི། །གྲོང་ནས་གྲོང་དུ་ཀུན་ཏུ་རྒྱུ། །དམིགས་པ་
མེད་པའི་རང་བཞིན་གྱིས། །བརྟུལ་ཞུགས་སྤྱོད་པས་མཉམ་པར་གཞག ། དག་པའི་སེམས་ནི་མི་དམིགས་པས། །དགའ་བ་ཡིས་ནི་བསྲུང་བར་བྱ། །སྤྱོད་པ་ཡིས་ནི་རྒྱུར་གྱུར་པས། །རྣལ་འབྱོར་སྤྱོད་པ་དོན་གྱི་རྒྱུ། །
སྡིག་པ་ཐམས་ཅད་རྣམ་བསལ་ཞིང་། །ཉེས་པ་ཀུན་ནས་རྣམ་སྤངས་ལ། །བརྟུལ་ཞུགས་ཟླ་དྲུག་སྤྱད་པ་ཡི། །རང་འདོད་ཡེ་ཤེས་འགྲུབ་པར་འགྱུར། །བརྟུལ་ཞུགས་ཀྱི་སྤྱོད་པ་རྣམ་པར་བསྟན་པའི་ལེའུ་ཞེས་བྱ་བ་རྫོགས་སྷོ།། །། 
སྟོ།། །   །།དེ་ནས་ཐམས་ཅད་སྙིང་པོ་ནི། །དེ་ཉིད་ཀུན་གྱི་དོན་བསྡུས་པ། །འཁོར་བར་བརྟན་དང་གཡོ་བཅས་པའི། །ཀུན་གྱི་སྙིང་པོར་རབ་སྦྱོར་བའོ། །དང་པོར་རེ་ཤིག་རྣལ་འབྱོར་པས། །ཡིད་དུ་འོང་བའི་ས་
ཕྱོགས་སུ། །བདེ་བའི་སྟན་ལ་འདུག་ནས་ནི། །སྔོན་དུ་བསྙེན་པ་ལ་སོགས་བྱ། །རྡོ་རྗེའམ་ཤེས་རབ་རྣལ་འབྱོར་གྱིས། །འབུམ་ཕྲག་གསུམ་དུ་བཟླས་བྱས་ནས། །ཕྱིས་ནི་རང་འདོད་པ་ཡི་ལས། །འགྲུབ་པར་འདི་ལ་ཐེ་

87-1-240b

ཚོམ་མེད། །སྤྲ་ཚིལ་ལས་ནི་གཟུགས་བརྙན་བྱ། །ཚ་བའི་མར་ཁུས་བྱུགས་བྱས་ལ། །སྙིང་གར་མིང་ནི་བཞག་པ་དང་། །ཚིགས་དང་ཚིགས་སུ་ཚེར་མས་དགང་། །སྐྱུར་པོ་ཚྭ་དང་མ་རུ་ཙེར། །གཟུགས་བརྙན་དང་ནི་ཡང་
དག་ལྡན། །སྣོད་དུ་བསྲེས་ལ་ཡང་དག་གཞག །ཡེ་ཤེས་ལུས་ལ་ལུས་ཀྱི་ནི། །རྐང་པ་གཡས་པས་མནན་པར་བྱ། །རྣོ་བའི་སེམས་ཀྱིས་བཟླས་བྱས་པས། །མཚན་མོ་གཅིག་གི་མཐའ་རུ་ནི། །འགྲུབ་པར་འདི་ལ་ཐེ་
ཚོམ་མེད། །སྨིན་པའི་མེ་ལ་གཞག་བྱས་ན། །རྒྱལ་པོ་མྱུར་དུ་གདུང་བར་འགྱུར། །དཀོན་མཆོག་གསུམ་ལ་གནོད་པ་ལ། །ལས་འདི་ཡིས་ནི་སྦྱར་བར་བྱ། །ཧྲཱི་ཨ་མོ་གྷ་སི་སི་གྲ་ད་གྲྀཧྞ་ཧཱུྃ་ཧྲི་ཕཊ། །སྔ་དྲོ་ཉི་མ་ཤར་དུས་ལ། །
མེ་ཏོག་དཀར་པོའི་མཎ་ཌལ་དང་། །སྤོས་དང་མར་མེའི་ཆོ་ག་ཡིས། །ཞི་བའི་ལས་ནི་རྣམ་པར་བྱ། །ཆུ་དང་འོ་མ་བསྲེས་པའི། །དེར་ནི་གཏོར་མ་སྦྱར་ནས་ནི། །སྔགས་ནི་བརྒྱ་རྩ་བརྒྱད་དུ་བཟླས། །རྒྱལ་པོ་ནད་དང་བྲལ་བར་འགྱུར། །
ཨོཾ་ཨ་མྲྀ་ཏ་བྷ་རེ་ཧཱུྃ་ཧཱུྃ་ཧཱུྃ།   ཨ་ཨ་ཨ། ཐམས་ཅད་ལས་ནི་བསྡུས་བྱས་ལ། །ཆུ་བོ་ཆེན་པོའི་རྒྱུན་ལ་བསྐུར། །རིམས་ནད་རབ་ཏུ་ཞི་བར་བྱེད་པ་ཞེས་བྱ་བའི་ལེའུ་རྫོགས་སྷོ།། །།  
དེ་ནས་རབ་སྦྱོར་སྙིང་པོ་འདི། །སྔགས་པས་རབ་ཏུ་རྣམ་པར་སྤྱད། །ཡུངས་ཀར་ལས་ནི་གཟུགས་བརྙན་བྱ། །སྙིང་གར་མིང་ནི་རྣམ་པར་སྦྱར། །རྡོ་དང་ཚེར་མ་ལྟེ་བར་རོ། །རྐང་པས་མནན་ཅིང་བཟླས་པར་བྱ། བུ་ཏིག་
སྣ་ཤུལ་ཧཱུྃ་ཛ་ཕཊ་ཧྲི། མེ་ལ་བསྲོ་ཞིང་གདུང་བ་དང་། །ལྷག་པར་བཟླས་ཤིང་གཞག་པར་བྱ། །འདི་ལྟར་མཚོན་པའི་མཚན་ཉིད་ཀྱིས། །མོད་ལ་གཟེར་བས་ཡང་འཛིན་ཏོ། །ཞི་བའི་མཆོད་པའི་ཆོ་ག་ལས། །འོ་མ་
དང་ནི་སྦྲང་རྩིས་བཀྲུ། །ཆུ་བོའི་རྒྱུན་ལ་བསྐུར་བྱས་ན། །གཟེར་ཞིང་གཟེར་བའི་ནད་དང་བྲལ། །ཨོཾ་སརྦ་ཀ་རི་ཧཱུྃ་ཛ་སྭཱ་ཧཱ། གཟེར་བ་རབ་ཏུ་ཞི་བར་བྱེད་པའི་སྔགས་སོ། །དེ་ནས་ཐམས་ཅད་སྙིང་པོ་ཡིས། །གཞན་གྱི་

87-1-241a

ལས་ཀྱི་མཚན་ཉིད་ནི། །སྔོན་དུ་བསྙེན་སོགས་བསྟེན་བྱས་པས། །ལས་ཀུན་འགྲུབ་པར་འགྱུར་བའོ། །ནག་པོའི་མཐའ་དང་ཐ་མ་ལ། །བ་སྐམ་གྱི་ནི་ལྕི་བ་ལས། །བསྒྲུབ་བྱ་ཡི་ནི་མིང་དང་གཟུགས། །དམར་པོའི་ཙན་
དན་གྱིས་ནི་བསྐུ། །བསྒྲུབ་བྱའི་མིང་ནི་ཀུན་ནས་གཞག །སེང་ལྡེང་ཕུར་པས་མིག་འབྲས་ལ། །གཡོན་པའི་རྐང་པས་མནན་ནས་ནི། །བརྒྱ་རྩ་བརྒྱད་དུ་བཟླས་བྱས་ཤིང་། །མེ་ལ་བདུག་ཅིང་བདུགས་པ་ཡིས། །མིག་ནི་གཟེར་བས་འཛིན་
པར་འགྱུར། །ཨོཾ་ཙཀྵུ་མ་ལི་ནི་ཧཱུྃ་ཕཊ། འདི་ཡི་སྔགས་དང་སྔགས་ཀྱིས་ནི། །འགྲུབ་པར་འདི་ལ་ཐེ་ཚོམ་མེད། །ཞི་བའི་མཆོད་པས་མཆོད་བྱས་ནས། །ཨོཾ་བཛྲ་ཏིཀྵ་ཎ་ཡ་ཧཱུྃ་སྭཱ་ཧཱ། ལན་བདུན་མངོན་པར་སྔགས་བྱས་ནས། །དེ་ཡི་
འོ་རྒྱུན་ལ་བཀྲུས་ནས། །བསྒྲུབ་བྱའི་ནད་དང་གནོད་པ་སེལ། །མིག་འབྲས་རྣོ་ཞིང་གསལ་བར་འགྱུར། །མིག་ནད་རབ་ཏུ་ཞི་བར་བྱེད་པ་ཞེས་བྱ་བའི་ཆོ་གའོ། །ལྷང་ཚེར་ལས་ནི་བསྒྲུབ་པར་བྱ། །མཁས་པས་ཁྲག་གིས་བྲི་བའོ། །དུག་དང་
དུར་ཁྲོད་སོལ་བ་ཡིས། །མིག་གི་འབྲས་བུ་བྱུགས་བྱས་ལ། །རྐང་པ་གཡོན་པས་མནན་ནས་ནི། །བརྒྱ་རྩ་བརྒྱད་དུ་བཟླས་པའོ། །ཨོཾ་ཀྲྀཥྞཱ་པིང་ག་ལི་ཧཱུྃ་ཁྷྲྃ་ཕཊ། འདི་ཡི་སྔགས་དང་སྔགས་ཀྱིས་ནི། །བདག་ཉིད་ལྕི་བས་བྲན་པར་བྱ། །དེ་
ལྟར་མཚན་ཉིད་ཀུན་ལྡན་པས། །བསྒྲུབ་བྱ་མྱུར་དུ་ལོང་བར་འགྱུར། །སྦྲང་རྩི་མར་གྱིས་བསྐུ་བྱས་ནས། །བསྒྲུབ་བྱའི་ནད་དང་གནོད་པ་སེལ། །བརྒྱ་རྩ་བརྒྱད་དུ་མངོན་པར་བཟླས། །ཨོཾ་ཨ་མྲྀ་ཏ་ལོ་ཙ་ནེ་ཨ་སྭཱ་ཧཱ། ལོང་བ་
རབ་ཏུ་ཞི་བར་བྱེད་པའི་སྔགས་སོ། །གཞན་ཡང་བསྒྲུབ་བྱ་སྒྲུབ་པ་པོས། །ལས་ནི་ཤིན་ཏུ་རྣམ་པར་སྤྱད། །དཀོན་མཆོག་གསུམ་ལ་གནོད་བྱེད་པ། །སྡིག་གིས་གོས་པར་མི་འགྱུར་རོ། །བག་ཟན་ལས་ནི་པད་མའི་དབྱིབས། །
བསྒྲུབ་བྱའི་མིང་ནི་དབུས་ཉིད་དོ། །ཁྱིའི་སྤུ་ཡིས་བུག་པ་དགང་། །ཚ་བའི་མར་ཁུས་བསྐུས་བྱས་ལ། །གཡོན་པའི་རྐང་པས་མནན་ནས་ནི། །བརྒྱ་རྩ་བརྒྱད་དུ་བཟླས་པར་བྱ། །ཨོཾ་བཛྲ་བ་ཀེ་ཧཱུྃ་ཕུ་ཕཊ། མེ་ལ་བསྲོ་ཞིང་བསྲོས་པ་

87-1-241b

ཡིས། །བྷ་ག་མྱུར་དུ་བཟློག་པར་བྱ། །ཤིན་ཏུ་གདུག་པའི་ཆུང་མ་ནི། །འདི་ཡི་ལས་ཀྱིས་རབ་ཏུ་སྦྱར། །ལན་བདུན་དུ་ནི་མངོན་སྔགས་ནས། །སྦྲང་རྩི་འོ་མའི་རྒྱུན་གྱིས་བཀྲུ། །ཨོཾ་སུ་ཀོ་བྷ་བི་ཧཱུྃ་ཧེ་སྭཱ་ཧཱ། ཞི་བར་བྱེད་པའི་སྔགས་
སོ། །འཇིམ་པའི་སྣོད་ནི་བླངས་བྱས་ལ། །པད་མའི་དབྱིབས་ཀྱི་རྣམ་པར་བྱ། །རྣོ་བའི་ཏིལ་མར་ཡུངས་ཀར་གྱིས། །བུག་པ་དགང་ཞིང་སྦྱར་བར་བྱ། །རྐང་པ་གཡོན་པས་མནན་ནས་ནི། །སེང་ལྡེང་ཕུར་པས་བརྡུང་བྱ་ཞིང་། །སྔགས་
ནི་བརྒྱད་བརྒྱ་རབ་བཟླས་ན། །བྷ་ག་གཟིར་ཞིང་གཟིར་བར་འགྱུར། །ཧྲི་བི་ལ་ཏ་ཧཱུྃ་ཕཊ། འདི་ཡི་སྔགས་དང་སྔགས་ཀྱིས་ནི། །བྷ་ག་གཟིར་བའི་ལས་ཉིད་དོ། །ཆུ་དང་འོ་མར་བཀྲུ་བྱ་ཞིང་། །སྔགས་ཀྱང་མངོན་དུ་སྦྱར་བར་བྱ། །ཨོཾ་སརྦ་
ཤོ་དྷ་ནི་སྭཱ་ཧཱ། འདི་ཡི་སྔགས་དང་སྔགས་ཀྱིས་ནི། །བྷ་ག་གཟིར་སོགས་ལས་གྲོལ་ལོ། །གཞན་ཡང་ལས་ཀྱི་མཚན་ཉིད་ནི། །ཤིན་ཏུ་རྣལ་འབྱོར་པས་སྤྱད་དོ། །རྒྱལ་པོ་ལམ་གྱི་ས་རྡུལ་བླང་། །ཡང་ན་བཞི་མདོའི་ས་རྡུལ་ལས། །
པད་མའི་མཚན་ཉིད་མཚན་ཉིད་ནི། །བྷ་གའི་སྙིང་པོ་ཁྲག་དང་ནི། །ཡི་དགས་ཕྱག་རྒྱ་ཕྱག་རྒྱ་ཡིས། །བརྒྱ་རྩ་བརྒྱད་དུ་མངོན་པར་བཟླས། །ཧྲི་ཕྲི་ཕཊ། འདི་ཡི་སྔགས་དང་སྔགས་ཀྱིས་ནི། །པད་མ་སྡོམ་པའི་ལས་སུ་འགྱུར། །
ཨོཾ་ཨ་མྲྀ་ཏ་ཝ་ཏི་སྭཱ་ཧཱ། དཀོན་མཆོག་གསུམ་ལ་གནོད་པ་དང་། །བླ་མ་དང་ནི་སློབ་དཔོན་སྨོད། །དམ་ཚིག་སྤྱོད་ལ་འཕྱ་བ་ནི། །སྡིག་གིས་གོས་པར་མི་འགྱུར་རོ། །གལ་ཏེ་རྨོངས་ཤིང་ཁྲོ་བ་ནི། །ལས་ཀྱི་རྟག་ཏུ་བྱས་ནས་ནི། །
འདིས་ནི་ངེས་པར་ལྟུང་བ་རུ། །སངས་རྒྱས་ཀྱིས་གསུངས་ཐེ་ཚོམ་མེད། །ལས་ཀྱི་རབ་ཏུ་དབྱེ་བ་ཞེས་བྱ་བའི་ལེའུ་རྫོགས་སྷོ།། །། གསང་ཞིང་གསང་བའི་དེ་ཉིད་དོན། །སྙིང་པོའི་མཆོག་ནི་མདོར་བསྡུས་
པ། །རོལ་མོ་བསྟན་བཅོས་སོགས་གླུ་ཡི། །དེ་ཉིད་ཐར་པ་གོ་འཕང་གནས། །གཉིས་མེད་དངོས་པོ་ངོ་བོ་ལས། །གཟུང་དང་འཛིན་པ་ཇི་ལྟར་འགྱུར། །གཉིས་ཀྱི་དངོས་པོ་བདག་མིན་པས། །གཉིས་དངོས་དངོས་པོ་མེད་

87-1-242a

པའོ། །དངོས་པོ་དངོས་མིན་དངོས་མེད་ལ། །མཉམ་ཉིད་ལྟ་བའི་སེམས་ཀྱིས་སུ། །རྣམ་པར་བརྟེན་དང་བརྟེན་བྱ་མེད། །རྟོག་ཅིང་རྣམ་རྟོག་འཁྲུལ་བ་དང་། །གཟུགས་དང་གཟུགས་ཅན་ཟད་པར་བྱེད། །
རང་བཞིན་མེད་པའི་རང་བཞིན་ཉིད། །སེམས་ཀྱི་བརྟན་པའི་གནས་སུ་ནི། །བསམ་གཏན་བསམ་བྱ་བསམ་པར་བྱ། །དམིགས་པ་མེད་པའི་རང་བཞིན་ཉིད། །ཐམས་ཅད་དབྱིབས་སུ་འཇིག་པར་བྱེད། །སྟོང་
ཉིད་སྟོང་ལས་སོགས་སྟོང་པའི། །ནམ་མཁའི་ཁམས་ཀྱི་མཐའ་ཅན་ཉིད། །དག་ཅིང་ཕྲ་ལ་ཕྲ་བའི་དོན། །སེམས་དང་སེམས་པ་དང་བཅས་པ། །ཀུན་ཏུ་དངོས་པོ་དངོས་མེད་པས། །ཐམས་ཅད་ནམ་མཁའ་
བསྡམས་པའོ། །རྟག་ཅིང་རྟག་ལ་རྟག་པའི་དོན། ནམ་མཁའི་ཁམས་ལྟར་བརྟན་སེམས་པས། །མེ་སྟག་རྡུལ་ཕྲན་ཡན་ལག་འཕྲོ། །ཆུ་སྐྱར་བཞིན་དུ་བརྟགས་པ་ཡི། །རྣམ་ཤེས་ཡེ་ཤེས་ལྷག་
མ་ནི། །ནམ་མཁའ་འཕྲོ་ཞིང་སྣང་བའོ། །ཉོན་མོངས་དེ་བཞིན་མུན་པ་ནི། །ཡེ་ཤེས་རྡོ་རྗེས་བཅོམ་ནས་སུ། །རྣམ་པར་ཤེས་པ་ལྷན་ཅིག་འབར། །ཡེ་ཤེས་སྣང་བ་སོགས་ཐོབ་འགྱུར། །སེམས་དང་སེམས་བྱུང་
སེམས་པ་ཡིས། །རྣམ་པར་བལྟ་ཞིང་རབ་ཏུ་སྤྱད། །འཇིགས་པ་མེད་ཅིང་འཚེ་མེད་པར། །དངོས་པོས་དངོས་པོ་བསྒོམ་པར་བྱ། །ཐམས་ཅད་ཀུན་ཏུ་སྣང་བྱེད་ཅིང་། །ཐམས་ཅད་འོད་ཟེར་ཀུན་བསྡུས་པ། །
སྙིང་པོའི་ས་བོན་ས་བོན་ནི། །དཀར་དང་ཀུན་ད་ཟླ་བའི་མདོག །ཨཱ་ལི་ཀཱ་ལི་རབ་སྦྱར་བས། །ཕྱུང་བ་ཡི་ནི་ས་བོན་མཆོག །སྦྱོར་བ་འགྲུབ་པའི་རྒྱུ་རུ་ནི། །མཉམ་ཉིད་རྣལ་འབྱོར་པ་ཡིས་བསྒོམ། །ས་བོན་ནམ་མཁར་སྤྲོས་
པ་ཡིས། །འཇིག་རྟེན་གསུམ་པོ་སྣང་བར་བྱས། །མ་ལུས་སྤྲིན་ལྟར་སྤྲོ་བ་ཉིད། །སྐད་ཅིག་གིས་ནི་སྤྲོ་ཞིང་བསྡུ། །ཕྱིས་ནི་རང་འདོད་དམིགས་མེད་ཅིང་། །ཡི་གེ་མེད་པས་ཡང་བསམ་མོ། །གཟུགས་ནི་སྟོང་པར་བརྟགས་

87-1-242b

པ་ཡི། །མཉམ་ཉིད་སེམས་དང་སེམས་ཀྱིས་ནི། །མ་ལུས་རྣམ་པར་བལྟས་པ་ཡིས། །ཁམས་གསུམ་སྣང་བར་བྱེད་པའོ། །དེ་ལྟར་སེམས་ཀྱིས་བསམས་པ་ཡིས། །བྱང་ཆུབ་རིམ་པ་མཐོང་བར་འགྱུར། །སྐད་ཅིག་གཟུགས་དང་
གཟུགས་ཉིད་དང་། །སྐད་ཅིག་ཕུང་པོའི་རྣམ་པ་དང་། །སྐད་ཅིག་ཐམས་ཅད་དབྱིབས་རྣམས་ནི། །དེ་ཕྱིར་མི་རྟག་པ་ཡི་གནས། །ལེགས་བྱས་ཉེས་བྱས་མིང་ཅན་ནི། །ཉེས་པས་སྨད་པར་མི་བྱའོ། །གཟུགས་དང་སྟོང་པ་ལ་
སོགས་དབུས། །སེམས་དང་སེམས་བྱུང་རྣམ་པར་མཚོན། །དངོས་པོའི་ལྷག་མ་དངོས་མེད་པས། །དེ་ཡི་ལྷག་མ་གཟུགས་མེད་པའོ། །ཡེ་ཤེས་རི་མོ་འབར་བ་ཡི། །འོད་ཟེར་མཉམ་པར་གནས་པ་ཉིད། །དེ་ཡི་མཚན་ཉིད་
མཚོན་པ་ཉིད། །རྣལ་འབྱོར་པ་ཡིས་རབ་ཏུ་སྤྱད། །རྟག་ཏུ་ཞི་ཞིང་མཆོག་གི་ལས། །ཡང་དག་བྱང་ཆུབ་རྟག་པའོ། །ཡིད་དུ་འོང་བའི་ས་ཕྱོགས་སུ། །བདེ་བའི་སྟན་ལ་འདུག་ནས་ནི། །སྔོན་དུ་བསྙེན་པ་རབ་བརྩམས་ནས། །ལས་
དང་དོན་ཀུན་རབ་གྲུབ་པའོ། །རི་རབ་རྩེ་མོར་ཀུན་བསམས་པ། །རང་འདོད་རྒྱལ་ཆེན་གཞལ་ཡས་ཁང་། །སྣ་ཚོགས་རིན་ཆེན་རང་བཞིན་མཆོག །དྲིལ་བུ་དྲ་བས་མངོན་པར་བརྒྱན། །གདུགས་དཀར་པོ་དང་བ་དན་དང་། །སྣ་ཚོགས་
མཆོད་པས་མངོན་པར་བརྒྱན། །རྡོ་རྗེ་སེམས་དཔའི་བདག་ཉིད་ནི། །དཀར་དང་ཀུན་ད་ཟླ་བའི་འོད། །དེ་ནི་རྒྱན་ཀུན་གྱིས་བརྒྱན་ཅིང་། །སངས་རྒྱས་ལྔ་ཡིས་མངོན་པར་ཆས། །རབ་ཏུ་མཛེས་པའི་གོས་མནབས་ཤིང་། །ཕྱག་
གཉིས་ན་ནི་རྡོ་རྗེ་དྲིལ། །འོད་ཟེར་འཕྲོ་བ་རྣམ་མང་པོ། །ཀུན་ནས་རྡོ་རྗེའི་འོད་ཟེར་འཕྲོ། །ཁམས་གསུམ་པོ་ཡི་རྣམ་པ་ནི། །སེམས་དང་སེམས་ཀྱིས་བསྒོམ་པའོ། །སྙིང་གར་དཀྱིལ་འཁོར་དབུས་གནས་པར། །དམར་པོའི་
ཧཱུྃ་ནི་རབ་འབར་བ། །སྤྱི་བོར་ཐིག་ལེ་མེ་རིའོ། །བ་སྤུའི་བུ་ག་ནས་འཕྲོ་བའོ། །ཤར་དུ་རྡོ་རྗེ་གཞག་པ་དང་། །ལྷོ་རུ་མདའ་ནི་རྣམ་པར་དགོད། །ནུབ་ཏུ་རལ་གྲི་མཚོན་པ་དང་། །བྱང་དུ་གཞུ་ནི་ཡང་དག་ལྡན། །རྡོ་རྗེའི་ཞགས་

87-1-243a

པ་ལས་སོགས་བཞི། །མཚམས་དང་མཚམས་སུ་གཞག་པར་བྱ། །འདི་ལྟར་མཚན་ཉིད་མངོན་ལྡན་པས། །ཤིན་ཏུ་མཉམ་པར་གཞག་པས་བསྒོམ། །ཨཱ་ལིའི་ས་བོན་གཙོ་མོ་ནི། །དེ་ཉིད་ལྡན་པས་ཡང་སྔགས་
བཟླས། །ཕྱག་འཚལ་བསྲེག་པས་མཐར་བཞག་པ། །འབུམ་ཕྲག་གསུམ་དུ་རབ་བསྙེན་པས། །རྡོ་རྗེའི་ལུས་དང་ལུས་ཉིད་དུ། །རྡོ་རྗེ་སེམས་དཔའ་དང་མཉམ་འགྱུར། །སྦས་པའི་སྙིང་པོ་སྙིང་པོ་དང་། །རྡོ་རྗེ་ཆོས་དང་ཆོས་མཆོག་གོ། །
རྡོ་རྗེ་སེམས་ནི་རྗེས་མཆོད་པའི། །ཧཱུྃ་གི་གླུ་ཡི་རྣམ་པས་བྱ། །བཀྲ་ཤིས་སྒྲ་ནི་སྙན་པ་ཡིས། །མཉམ་པར་གཞག་པས་བླང་བར་བྱ། །ཏྲི་བྷུ་བ་ན་ཛཱ་ལི་ཏ་མཱུརྟི་ཨ་ནུ་ར་ཡ་ན་ཝ་ཏི། རཤྨི་ས་ཧ་སྲ་ཏཱིཀྵ་དྷ་ས་སུ་པ་ར་སྲ་ཝ་ཏི། བ་ཧུ་བི་
ད་རུ་བ་པེ་ཤ་ཨ་ནུ་ར་ཡ་ན་ཏ་ཏ་ཏ་ཝ་ཏི། ན་ཏ་ཨི་བཛྲ་ས་པ་ར་བེ་ས་ར་ལཱི་ལ་ཝ་ཏི།  གདན་བཞིའི་རྒྱུད་ནི་རྒྱ་ཆེན་ལས། །སྟོང་ཕྲག་བཅུ་གཉིས་མདོར་བསྡུས་པ། །དེ་ཡི་དངོས་པོ་མདོར་བསྡུས་ལས། །སྙིང་པོ་མདོར་ནི་བསྡུས་པའོ། །
སྡེབ་སྦྱོར་སྒྲ་དང་རྟོག་སོགས་མེད། །དོན་དང་དོན་ནི་ཡང་དག་བསྡུས། །རྣལ་འབྱོར་སྦྱོར་བའི་དོན་ནི་སྦས་པ་ཉིད། །བརྡ་ཡི་སྐད་ཀྱིས་བཤད་པའོ། །གདན་བཞི་པ་ལས་ཡང་དག་པར་བཏུས་པ་སྔགས་ཀྱི་ཕྱིའི་རྒྱུད་བཤད་པ་
སྦྱོར་བའི་དཀྱིལ་འཁོར་ཞེས་བྱ་བ་རྫོགས་སྷོ།། །།བཤད་པའི་རྒྱུད་མནྟྲ་ཨང་ས་ཤེས་བྱ་བ་ལེའུ་བདུན་པ། རྒྱ་གར་གྱི་མཁན་པོ་གཱ་ཡ་དྷ་ར་དང་། ཞུ་ཆེན་གྱི་ལོ་ཙྪ་བ་འགོས་ཁུག་པ་ལྷས་བཙས་གྱིས་
བསྒྱུར་ཅིང་ཞུས་ཏེ་གཏན་ལ་ཕབ་པའོ། ། ༄༅། །རྒྱ་གར་སྐད་དུ།   ཤྲཱི་ཙ་ཏུརྤཱི་ཋ་བི་ཁྱཱ་ཏ་ཏན་ཏྲ་རཱ་ཛ་ནཱ་མ།   བོད་སྐད་དུ།   དཔལ་གདན་བཞི་པའི་རྣམ་པར་བཤད་པའི་རྒྱུད་ཀྱི་རྒྱལ་པོ་ཞེས་བྱ་བ། 
བཅོམ་ལྡན་འདས་རྣལ་འབྱོར་ནམ་མཁའ་དང་། རྡོ་རྗེ་རྣལ་འབྱོར་དང་། རྡོ་རྗེ་རྣལ་འབྱོར་མའི་ཚོགས་གྃ་གཱ་ཀླུང་གི་བྱེ་མ་སྙེད་ཀྱི་གྲངས་དང་མཉམ་པ་ཐམས་ཅད་ལ་གུས་པས་ཕྱག་འཚལ་ལོ། །བྱང་ཆུབ་སེམས་དཔའ་

87-1-243b

སེམས་དཔའ་ཆེན་པོ་ཐུགས་རྗེ་ཆེན་པོ་དང་ལྡན་པ་འཕགས་པ་སྤྱན་རས་གཟིགས་དབང་ཕྱུག་ལ་གུས་པར་ཕྱག་འཚལ་ལོ། །དཔལ་རྡོ་རྗེ་སེམས་དཔའ་ལ་ཕྱག་འཚལ་ལོ། །རྣལ་འབྱོར་རྣལ་འབྱོར་དབང་ཕྱུག་ཉིད། །དེ་བཞིན་
རྣལ་འབྱོར་མཆོག་ཉིད་དང་། །དྲང་སྲོང་རྣམས་ཀྱི་ཡེ་ཤེས་དབང་། །རྣལ་འབྱོར་མ་ཡི་དྲ་མཆོག་བདེ། །གནས་གཙང་མ་ན་བཞུགས་ནས་སུ། །ཐམས་ཅད་མཁྱེན་པས་འདི་སྐད་གསུངས། །རྣལ་འབྱོར་གྱི་དབང་ཕྱུག་བྱེ་བ་ཕྲག་བརྒྱད་
བཅུའི་དབུས་ནས་ཕྱག་ན་རྡོ་རྗེས་ཐལ་མོ་སྦྱར་ནས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །གསང་བ་སྦྱོར་བའི་ཁྱད་པར་དང་། །བདག་ནི་དེ་ཉིད་ཇི་ལྟར་ལྷ། །ཆུ་དང་མེ་ནི་ཇི་ལྟར་ལགས། །ཇི་ལྟར་རབ་མཛེས་ནམ་མཁའ་
དང་། །ཡེ་ཤེས་ཇི་ལྟར་འཚལ་བགྱི་བ། །ཡེ་ཤེས་དབང་ལ་ཉན་པར་འཚལ། །འཁོར་བ་ལས་བསྒྲལ་མཚན་ཉིད་དག །ཉོན་ཅིག་དཔལ་ལྡན་རྡོ་རྗེ་འཆང་། །དང་པོར་དབང་གི་མཚན་ཉིད་དང་། །གཉིས་པར་ཡི་གེ་གཅིག་དང་
ནི། །གསུམ་པར་ས་བོན་བརྒྱད་པ་དང་། །བཞི་པར་རྩ་ཡི་ལྷ་ཉིད་དོ། །བདག་ཉིད་ལུས་ཀྱི་ཡེ་ཤེས་མེ། །བློ་ལྡན་རྣལ་འབྱོར་པས་ཤེས་བྱ། །ལྟོ་བ་མེ་ཡི་ཐབ་ཁུང་དུ། །དེ་ཡི་མེ་ལ་སྦྱིན་སྲེག་བྱ། །སྟེང་དང་འོག་དང་དབུས་སུ་
ནི། །རྣམ་ཤེས་རྩ་ནི་བསྡམ་པར་བྱ། །ཐོག་མར་བདག་ཉིད་ལྟོ་བ་རུ། །རྩ་ཡི་ལྷ་ནི་རྣམ་པར་བསྒོམ། །ལྟོ་བའི་མེ་ནི་འབར་བ་ལ། །ཁྱད་པར་ཁ་དོག་བསྒོམ་པ་ནི། །ལྟེ་བའི་མེ་ནི་དཀར་པོའོ། །གཡོན་པའི་མེ་ནི་དེ་བཞིན་སེར། །
ལྷོ་ནི་སྔོན་པོའི་མིང་ཅན་ཏེ། །ལྷག་མ་འདི་ནི་དམར་པོར་སྦྱང་། །དེ་དབུས་ཁ་དོག་སྔོ་བསངས་སུ། །མེ་ཡི་དུ་བར་རབ་ཏུ་གྲགས། །མེ་ཡི་དབུས་སུ་པད་མ་ཉིད། །ཉི་མའི་དཀྱིལ་འཁོར་གྱིས་བརྒྱན་པ། །དེ་ཡི་དབུས་སུ་ཡེ་ཤེས་ལྷ། །
འཁོར་བ་ཀུན་ལས་གྲོལ་བར་མཛད། །ཕྱག་གཉིས་སྦྱོར་བའི་གདན་ལ་ནི། །རྡོ་རྗེ་དྲིལ་བུས་རྣམ་པར་བརྒྱན། །གཡས་ཀྱི་ལག་ན་རྡོ་རྗེ་དང་། །རྒྱན་རྣམས་མཐོན་ཀའི་རྩེ་མོ་ཅན། །བཞད་དང་ཁྲོ་བས་ཧཱུྃ་སྒྲོགས་ཤིང་། །

87-1-244a

འདི་ཡི་ཡེ་ཤེས་དབང་ཕྱུག་ལྷ། །དེ་ཡི་དབུས་སུ་རབ་ཏུ་གྲགས། །ཤར་དུ་ལྷ་མོ་སྒྲོལ་མ་དང་། །བྱང་དུ་དེ་བཞིན་གོས་དཀར་མོ། །ནུབ་ཏུ་ལྷ་མོ་མཱ་མ་ཀཱི། །སངས་རྒྱས་སྤྱན་ནི་ལྷོ་རུའོ། །གཟུགས་ནི་མཐེ་བོའི་
ཚད་ཙམ་དུ། །བདག་ཉིད་ལྷ་ཡི་ལྷ་ཉིད་དོ། །ལྕེ་ལ་མཆུ་ནི་སྦྱར་བར་བྱ། །ནམ་མཁའ་རྣ་བ་སྣ་དག་ལའོ། །མིག་ལ་ས་འདི་རྣམ་པར་ཤེས། །དེ་བཞིན་ཚངས་པར་འབར་བའི་མེ། །མགྲིན་པར་རྨོངས་པའི་ས་ཉིད་དང་། །གཡོ་
བ་སྙིང་ལ་གནས་པ་ཉིད། །ཐམས་ཅད་ཉོན་མོངས་བྲང་དང་ནི། །ཕྱུགས་གཉིས་ལྟེ་བའི་རྩ་བར་རོ། །ཡན་ལག་བརྒྱད་དུ་བཀོད་ནས་ནི། །འདི་ཉིད་ལྷ་ནི་ཤེས་པར་བྱ། །རྣམ་ཤེས་རྩ་ནས་དྲངས་པ་ཡི། །དེ་བཞིན་དུ་ནི་བདུད་རྩི་
དགུ། །སྟེང་གི་མཆེ་བ་གཉིས་པའི་རྩ། །ཀུན་ཏུ་ཚྭ་བཞིན་ཞུ་ལྟར་བབས། །ཇི་བཞིན་ཆུ་ནི་འོ་མའི་མིང་། །ལྕེ་ཡི་སྟེང་དུ་བསྟེན་པ་ཡི། །ཉི་མ་ཐིག་ལེ་འབར་བ་ཡིས། །འཁོར་ལོ་ཕྲ་རབ་རྡུལ་བཞིན་ནོ། །སྟེང་གི་ནམ་
མཁའ་ནམ་མཁའ་ནི། །བསྲེག་པའི་བདག་ཉིད་དུ་ནི་ཐིམ། །གཡོན་པའི་དབུགས་ནི་བུད་མེད་ཉིད། །གཡས་པ་དེ་བཞིན་སྐྱེས་བུའོ། །འོག་དང་སྟེང་ནི་འདི་ཡི་རྩ། །འོག་ནི་སྔོན་དུ་རབ་ཏུ་གྲགས། །དབུགས་དང་
དྲི་ནི་མཉམ་དྲངས་ནས། །རྒྱས་པའི་ལྔ་ཡི་སྟེང་དུ་ནི། །རྣམ་ཤེས་གཉིས་ཀྱི་རྩ་ནས་དྲང་། །བདུད་རྩི་དེ་ལ་རྣམ་པར་ཐིམ། །ཡེ་ཤེས་དབང་ཕྱུག་དེའི་སྟེང་དུ། །དེ་ལ་བདུད་རྩིས་བཀྲུ་བར་བྱ། །དེ་ལྟར་ཀུན་ཏུ་བཞིན་རྔུབས་ནས། །
དབུགས་མི་གཡོ་བར་བསྒོམ་པར་བྱ། །ལག་མཐིལ་ཟླ་བ་ཉི་མ་བསྒོམ། །ཡེ་ཤེས་ཡི་གེས་དེ་དབུས་སོ། །རི་དགས་མགོ་བོའི་ཕྱག་རྒྱ་ཡིས། །ཁམས་ལྔའི་བདག་ཉིད་བསྲེག་པའོ། །སྔོན་དུ་ས་བོན་ཧཱུྃ་བྱས་ནས། །གཉིས་
པར་དེ་བཞིན་གསུམ་དང་ནི། །གསུམ་པར་བཟོད་པས་བཟའ་བའོ། །དེ་བཞིན་རླུང་མིན་བཞི་བ་དང་། །ལྔ་པར་ངང་པའི་ས་བོན་གྱིས། །མཁས་པས་ཁམས་ལྔའི་སྦྱིན་སྲེག་བྱ། །བདག་གི་དེ་ཉིད་མེ་ལ་ནི། །བདག་ཉིད་

87-1-244b

སྦྱོར་བས་བསྲེགས་པ་ཉིད། །ཇི་ལྟར་ཡེ་ཤེས་མེ་དེ་ནི། །བསྲེག་པའི་བདག་ཉིད་རབ་ཏུ་གྲགས། །སྦྱིན་སྲེག་བྱས་པའི་སྦྱོར་བའི་ལེའུ་ཞེས་བྱ་བ་དང་པོ་རྫོགས་སྷོ།། །། སྟོང་པའི་བདག་ཉིད་དགེ་བ་ཡིས། །སྐྱེ་བའི་དྲ་བ་རྣམ་འཇིག་
པས། །འཁོར་བ་རུ་ནི་མི་གནས་པ། །བཅོམ་ལྡན་འདས་ལ་མཉན་པར་འཚལ། །སྟོང་པའི་དེ་ཉིད་རང་བཞིན་གྱིས། །ཉོན་ཅིག་རྒྱལ་པོ་རྡོ་རྗེ་འཆང་། །གླིང་གཞན་དེ་བཞིན་རི་རབ་དང་། །ས་ནི་ནམ་མཁར་ཀུན་ཏུ་བསམ། །རྒྱ་མཚོ་ཆུ་ཡི་དབྱིབས་དང་ནི། །
ཡིད་འོང་པད་མ་འབྱུང་བར་ལྡན། །སྟོང་པའི་མཚན་ཉིད་སྔོན་འགྲོ་བས། །མེ་ཡི་བདག་ཉིད་བསྒོམ་པར་བྱ། །ཤར་དུ་ལྷ་མོ་སྒྲོལ་མ་འདི། །དེ་བཞིན་བྱང་དུ་གོས་དཀར་མོ། །མཱ་མ་ཀཱི་ནི་ནུབ་ཕྱོགས་སུ། །ལྷོར་ནི་ལྷ་མོ་སངས་རྒྱས་སྤྱན། །ཆུ་ནི་
སྒྲོལ་མར་ཀུན་ཏུ་ཐིམ། །མེ་ནི་གོས་དཀར་མ་ལ་ཐིམ། །མཱ་མ་ཀཱི་ནི་ནུབ་ནས་ས། །རླུང་ནི་སངས་རྒྱས་སྤྱན་ལ་ཐིམ། །ཆུ་ཤིང་མེ་ཏོག་པད་མ་འདི། །སྒོང་སྐྱེས་ཡེ་ཤེས་ཀྱི་ནི་གདན། །དེ་ཡི་ཡེ་ཤེས་རྒྱལ་དབང་མོ། །སྒོང་སྐྱེས་འོག་ཏུ་འབྱེད་པ་ཅན། །
གཟུགས་མེད་སྲིད་པའི་དབྱིབས་ཅན་ནི། །ཡེ་ཤེས་རྒྱལ་པོ་ཉིད་དུ་ཐིམ། །དེ་ལྟར་བདག་ཉིད་སྟོང་པ་ཉིད། །དེ་ཉིད་དེ་ཉིད་སྟོང་པ་ཉིད། །འཇིགས་པ་མེད་ཅིང་འཚེ་མེད་པར། །དངོས་པོས་དངོས་པོ་བསྒོམ་པར་བྱ། །ཇི་ལྟར་སྟོང་ཉིད་དེ་བསྒོམས་
ལ། །ལུས་ཀྱི་དྲི་མ་རབ་ཏུ་བཀྲུ། །ཕྱིས་ནི་ཆུ་ཡི་གཟུགས་སུ་བསྒོམ། །དམར་པོ་འདབ་མ་བརྒྱད་དང་ནི། །གེ་སར་ལྟེ་བར་བཅས་པ་ཡིས། །དབུས་སུ་པད་མས་རྣམ་པར་བརྒྱན། །འདབ་བརྒྱད་ལ་ནི་ལྷ་མོ་ཡི། །ས་བོན་བརྒྱད་ཀྱིས་རྣམ་
པར་བརྒྱན། །ཤར་དུ་སི་ཀ་ཞེས་བྱ་དང་། །བྱང་དུ་བཟོད་པའི་ས་བོན་བཞིན། །ནུབ་ཏུ་རླུང་གི་ས་བོན་གསུངས། །ལྷོ་རུ་ཧཱུྃ་གི་དབང་ཕྱུག་གོ། །དབང་ལྡན་དུ་ནི་དབང་པོའི་དབྱངས། །མེ་ཕྱོགས་སྒྲ་དང་རྣམ་ཤེས་སོ། །བདེན་བྲལ་དབྱངས་
ཡིག་བརྒྱད་པ་དང་། །རླུང་དུ་དབྱངས་ཡིག་ལྔ་པའོ། །དབུས་སུ་ཡེ་ཤེས་རྒྱལ་པོ་འདི། །སྒོང་སྐྱེས་ཡེ་ཤེས་དབང་ཕྱུག་ནི། །ཉི་མའི་དཀྱིལ་འཁོར་གྱིས་དཀྲིས་པ། །བདུད་རྩི་ས་བོན་འབར་བའོ། །ཁ་དོག་བདུན་པའི་མེ་འདི་ནི། །གོ་འཕང་

87-1-245a

མཆོག་གིས་བསྒོམ་པར་བྱ། །དབུགས་མི་གཡོ་བའི་སེམས་དཔའ་ཡིས། །དངོས་པོས་དངོས་པོ་བསྒོམ་བྱས་ནས། །ཕྱིས་ནི་རྩ་ཉིད་ལྷ་ཡི་གདན། །མིག་ལ་ས་ཡི་ས་བོན་དང་། །ནམ་མཁའ་སྣ་དང་རྣ་བ་ལའོ། །ལྕེ་ལ་བདུད་རྩིའི་
ས་བོན་འདི། །སྙིང་གར་ཧཱུྃ་ཞེས་བྱ་བའི་མིང་། །ཡན་ལག་དྲུག་འཛིན་ས་བོན་གྱིས། །རྣལ་འབྱོར་ལུས་ནི་རྣམ་པར་བསྲུང་། །ཡེ་ཤེས་ལུས་འདི་ཤེས་བྱས་པས། །ཅི་ཡི་ཕྱིར་ན་སྐྱེ་བོའི་མིང་། །གཟུགས་མེད་ཡེ་ཤེས་གཟུགས་ཅན་དང་། །ཁ་དོག་
མེད་ཅིང་མཚོན་ཀུན་དངོས། །གནས་མེད་གནས་ཀྱི་དབྱིབས་ཅན་དང་། །མི་རིགས་དེ་བཞིན་རིགས་པ་ཉིད། །སྟོང་པ་ཉིད་ཀྱི་ལེའུ་ཞེས་བྱ་བ་སྟེ་གཉིས་པ་རྫོགས་སྷོ།། །། བདག་ཉིད་ལྔ་ཡི་བྱེ་བྲག་ཉིད། །བཅོམ་ལྡན་འདས་ལ་མཉན་
པར་འཚལ། །ཉོན་ཅིག་རྒྱལ་པོ་རྡོ་རྗེ་འཆང་། །གཉིས་དང་གཉིས་མེད་ལ་བརྟེན་ནས། །བསྐལ་པ་བཟང་པོ་བརྒྱ་ཡི་སྔོན། །དག་པའི་གནས་ལ་ཀུན་ཏུ་གནས། །རི་རབ་ལྷ་མོ་སངས་རྒྱས་སྤྱན། །མཱ་མ་ཀཱི་ནི་ལྷོ་ཕྱོགས་གནས། །ལྷ་མོ་
སྒྲོལ་མ་ནུབ་ཀྱི་གླིང་། །དེ་བཞིན་བྱང་དུ་གོས་དཀར་མོ། །ཤར་དུ་ལྷ་མོ་སྙན་མ་འདི། །ལྷ་མོ་རྣམ་པ་ལྔ་ཡི་གནས། །དེ་ལྟར་སྙིང་ག་རི་རབ་དང་། །དེ་བཞིན་མགོ་བོ་མཱ་མ་ཀཱི། །སྒྲོལ་མ་ལྷོ་ཡི་གནས་དང་ནི། །གཡོན་པ་དེ་བཞིན་གོས་དཀར་མོ། །
སྙན་པ་མོ་འདི་བདག་གིས་གནས། །ལྷ་མོ་ལྔ་ཡིས་བྱིན་གྱིས་བརླབ། །པད་མའི་དབུས་སུ་རྡོ་རྗེ་དང་། །རྡོ་རྗེའི་དབུས་སུ་པད་མ་ཅན། །རྡོ་རྗེ་བདུད་རྩི་ཀུན་ཐིམ་པ། །ལུས་པོ་ཀུན་ནས་དཀྲིས་པའོ། །ཡན་ལག་བརྒྱད་ཀྱི་རྩ་ཉིད་དུ། །
བདུད་རྩིའི་ཆུ་ནི་རྣམ་པར་ཐིམ། །ལྷ་ཡི་གནས་ནི་ནམ་མཁའ་ཉིད། །རྡོ་རྗེའི་ས་བོན་དུ་རབ་ཤེས། །བདག་ཉིད་ལུས་ལ་བསྒོམས་པ་ནི། །རྡོ་རྗེའི་རྩ་ཞེས་རབ་ཏུ་གྲགས། །དེ་ཡི་ལུས་ཀྱི་ཁྲག་དང་ནི། །ལུས་དང་ལྷན་ཅིག་བཅས་པར་གནས། །
ཁྲག་དང་ཆུ་ནི་ཀུན་སྦྱོར་བས། །བློ་ལྡན་ཡན་ལག་བརྒྱད་ནས་འཛག །ཇི་ལྟར་བདག་གིས་ས་བོན་ལྔ། །དེ་ལྟར་པད་མ་ཡི་ཡང་བསྒོམ། །ཇི་ལྟར་བདག་ཉིད་ལུས་འདི་ནི། །ནམ་མཁའ་རྡོ་རྗེ་འཇིབ་བྱེད་དོ། །རྐང་པས་རྐང་པ་དཀྲི་བྱ་

87-1-245b

ཞིང་། །མཆུ་ཡིས་མཆུ་ནི་བཙིར་བྱས་ལ། །གཉི་གའི་ལག་པ་ཕྱག་རྒྱ་ནི། །རྩེ་མོ་གསུམ་པའི་རྡོ་རྗེ་བརྟག །རང་བཞིན་གྱིས་ནི་སོ་སྲ་དང་། །སྙིང་གའི་རྣམ་ཤེས་བསྒོམ་པ་ཡི། །ཡེ་ཤེས་རྒྱལ་པོའི་ལུས་ཅན་འདི། །སྐྱེས་བུས་ཁྲོས་
པས་ཧཱུྃ་བྱས་ནས། །དེ་ལྟར་རྡོ་རྗེ་པད་མ་འདི། །རྣལ་འབྱོར་བསྡུས་པས་བསྐྱོད་པར་བྱ། །གཉི་ག་དགའ་ཞིང་ཚིམ་པ་ཡིས། །ལྷ་རྣམས་ཐམས་ཅད་མཆོད་པར་བྱ། །ཁྲག་དང་ཁུ་བ་ལས་བྱུང་བའི། །ས་བོན་མྱུ་གུས་འགྲོ་བ་
ལ། །ལྷ་རྣམས་ལུས་ནི་ཡང་དག་འབྱུང་། །འདོད་ལ་དགའ་ཉིད་མ་ཡིན་ཏེ། །ལོངས་སྤྱོད་ཕྱིར་ཡང་གནས་མི་བྱ། །སེམས་ཅན་དོན་ཕྱིར་འདོད་པའི་ཕྱིར། །ཡོངས་སུ་རྫོགས་པའི་ཡིད་འོང་སྐུ། །གཉིས་མེད་སྦྱོར་བ་ལ་
གནས་པར། །གཏོར་མ་སྔོན་དུ་སྦྱིན་པར་བྱ། །སྦྱོར་བའི་ལེའུ་ཞེས་བྱ་བ་གསུམ་པ་རྫོགས་སྷོ།། །། ཉོན་ཅིག་རྒྱལ་པོ་རྡོ་རྗེ་འཆང་། །དེ་ཉིད་བཅུ་ཡི་བྱེ་བྲག་ཉིད། །ཡི་གེ་བཅུ་རུ་སྔོན་སྦྱར་བྱ། །ལྔ་ཡི་བདག་ཉིད་
དུ་རྟོགས་བྱ། །ལྔ་པ་ལྔ་ཡི་བདག་ཉིད་ཀྱི། །ལྔ་ཡིས་ལུས་ནི་ཡོངས་སུ་བསྲུངས། །ཡི་གེ་བཅུ་ནི་ཇི་ལྟར་ལགས། །ཇི་ལྟར་སྦྱང་ཞིང་བསྒོམ་པ་དང་། །ཇི་ལྟར་ས་བོན་མྱུ་གུ་སྟེ། །ཇི་ལྟར་ཐར་པ་ལ་གནས་ཉིད། །ངོ་མཚར་ལྷ་ལ་ཉན་
པར་འཚལ། །གསང་བ་གསང་བ་ཞེས་བྱ་བ། །རྒྱལ་པོ་ཇི་བཞིན་དེ་ཉིད་ཉོན། །ཐོག་མར་སྟོང་པ་དེ་ཁོ་ན། །སྟོང་པར་ཆུ་ནི་བསམ་པར་བྱ། །ཁ་དོག་བདུན་གྱི་པད་མ་ནི། །གེ་སར་དང་བཅས་ཡིད་འོང་བ། །སྟོང་ཕྲག་བརྒྱ་ཡི་ཁྱོན་ཙམ་གྱིས། །
པད་མའི་གཟུགས་ནི་སྙིང་པོར་བཅས། །པད་མ་རྒྱ་ཆེར་རབ་མཛེས་པ། །རིན་ཆེན་བདུན་གྱིས་མངོན་པར་སྤྲས། །དྲིལ་བུ་དྲ་བའི་ཕྲེང་བ་དང་། །དར་དང་ན་བཟའ་མངོན་པར་འཕྱང་། །སེང་གེའི་གདན་ནི་མངོན་པར་བསམ། །དེ་སྟེང་
ཉི་མའི་དཀྱིལ་འཁོར་རོ། །པད་མ་རྡོ་རྗེའི་ངོ་བོ་འདི། །འོད་ཟེར་ཉི་མ་བྱེ་བ་ཡི། །སངས་རྒྱས་ལྔ་ཡི་ས་བོན་གྱིས། །རྡོ་རྗེའི་རྩེ་མོ་རྣམ་པར་བསམ། །དབུས་སུ་རྣམ་པར་སྣང་མཛད་དགྱེས། །ཤར་དུ་དེ་བཞིན་མི་སྐྱོད་པ། །རིན་ཆེན་ས་

87-1-246a

བོན་ལྷོ་ཉིད་དུ། །དེ་བཞིན་ནུབ་ཏུ་འོད་དཔག་མེད། །བྱང་ཕྱོགས་སུ་ནི་དོན་ཡོད་གྲུབ། །ས་བོན་ལྔ་ནི་རྣམ་པར་བསྒོམ། །པད་མ་བྱང་ཆུབ་ཡན་ལག་བརྒྱད། །ཇི་བཞིན་ས་ལ་རབ་ཏུ་བརྟག །དབུས་སུ་སྙིང་པོ་སྒོང་ང་
ལ། །རྣམ་པར་ཤེས་པའི་བདག་ཉིད་ཐིམ། །པད་མ་བརྒྱད་པའི་རྩེ་མོར་ནི། །མངའ་བདག་དེ་བཞིན་རྣམ་སྣང་མཛད། །ཤར་དུ་ལྷ་མོ་སྒྲོལ་མ་འདི། །བྱང་དུ་ལྷ་མོ་སངས་རྒྱས་སྤྱན། །ནུབ་ཏུ་བསམ་པ་གོས་དཀར་མོ། །དེ་བཞིན་
ལྷོ་རུ་མཱ་མ་ཀཱི། །འོད་ཟེར་འབར་བ་རྣམ་མང་པོར། །འཇིགས་པ་མེད་པར་བསྒོམ་པར་བྱ། །རྡོ་རྗེ་ལས་ནི་ལྷ་ཡི་ལུས། །བཞུགས་པ་རུ་ནི་རྣམ་པར་བསམ། །སྤྱན་གསུམ་ཕྱག་ནི་དྲུག་པའོ། །ཁ་དོག་སྔོན་པོ་རབ་ཏུ་མཛེས། །
རྡོ་རྗེ་ཡི་ནི་ཅོད་པན་ཅན། །དར་གྱིས་བཅིངས་ཤིང་རྣམ་པར་འཕྱང་། །རྒོད་ཅིང་ཁྲོ་དང་སྒེག་པ་དང་། །སེམས་དཔའི་སྐྱིལ་མོ་དཀྲུང་གིས་བཞུགས། །སྟེང་དུ་རལ་གྲི་འཕྱར་བ་དང་། །གཉིས་པ་ལ་ནི་དེ་བཞིན་གཞུ། །གསུམ་པར་
རྡོ་རྗེ་གདེངས་པ་གསོར། །གཡོན་པའི་སྟེང་དུ་ཁ་ཊྭཱྃ་དང་། །གཉིས་པས་ལྷ་མོའི་ནུ་མ་འཚིར། །གསུམ་པས་དྲིལ་བུའི་སྒྲ་སྒྲོགས་ཤིང་། །རབ་ཏུ་མཛེས་པའི་ན་བཟའ་མནབས། །སྟག་གི་ལྤགས་པའི་ཤམ་ཐབས་ཅན། །རྒྱན་ཀུན་
ཕུན་སུམ་ཚོགས་པ་དང་། །མེ་ཏོག་ཕྲེང་བས་རབ་ཏུ་བརྒྱན། །གཡོན་དུ་ལྷ་མོ་སྒྲོལ་མ་ནི། །ཕྱག་གཅིག་གིས་ནི་འཁྱུད་པ་དང་། །གཅིག་གི་ཕྱག་ན་ཐོད་པ་ནི། །བདུད་རྩིའི་ཆུ་དང་ཡང་དག་ལྡན། །མཱ་མ་ཀཱི་ཡང་དེ་བཞིན་དུ། །གཅིག་
གི་ཕྱག་གིས་མངོན་པར་འཁྱུད། །གཅིག་གི་ཕྱག་གི་ཐོད་པ་ན། །ཁྲག་དང་ཤ་ཡིས་གང་བའོ། །སྤྱན་མ་རྒྱབ་ཏུ་ཀུན་ནས་བསམ། །ཕྲེང་བས་ཕྱག་ནི་བརྒྱན་པ་དང་། །གཏོར་མ་སྦྱངས་པའི་ཕྱག་གཉིས་པ། །མདུན་དུ་སྣོད་ལ་རྣམ་
པར་བལྟ། །དེ་ལྟར་བདག་ཉིད་ལྔ་ཡི་ལུས། །ལུས་ལ་ཀུན་ནས་ཡང་དག་གནས། །ཤར་དུ་ལྷ་མོ་མེ་ཏོག་མ། །ལྷོ་རུ་སྤོས་དང་ཡང་དག་ལྡན། །ནུབ་ཏུ་མར་མེའི་ལག་པ་མ། །བྱང་དུ་དྲི་ཡི་ལྷ་མོའོ། །དབང་ལྡན་དུ་ནི་སྒེག་མོ་

87-1-246b

ཉིད། །དེ་བཞིན་མེ་ཕྱོགས་ཕྲེང་བ་མ། །བདེན་བྲལ་ཕྱོགས་སུ་དབྱངས་མ་དང་། །རླུང་དུ་གར་མ་བརྒྱད་པའོ། །ཉི་མ་བྱེ་བ་བརྒྱ་སྟོང་གི། འོད་ཟེར་རྣམ་པ་མང་པོའི་མདོག །སངས་རྒྱས་སྤྲིན་ལྟར་འཕྲོ་བ་ནི། །སེམས་ཅན་སྒྲོལ་
ལ་མཆོག་ཏུ་བརྩོན། །བདག་ཉིད་ལྷ་དང་ལྷ་གཞན་ནི། །བདག་ཉིད་ལྷ་ནི་མཆོག་ཡིན་ནོ། །བདག་ཉིད་གཟུགས་སུ་མི་ནུས་པས། །གཟུགས་བརྙན་ལ་སོགས་བསྒོམ་པར་བྱ། །ཕྱིས་ནི་དེ་ཡི་མདུན་ཉིད་དུ། །མཁས་པ་ཡིས་
ནི་མཆོད་པར་བྱ། །དེ་ཉིད་པད་མ་བསམ་པ་དང་། །དེ་ཉིད་གཞལ་ཡས་ཁང་པ་བསམ། །སྔོན་དུ་གསུངས་པའི་གདན་ལ་ནི། །དེར་ནི་ཉི་མས་མངོན་པར་གཡོགས། །སྣ་ཚོགས་རིན་ཆེན་མཆོད་པ་དང་། །སྣ་ཚོགས་དང་ནི་
མངོན་པར་དཔྱངས། །ལག་གཉིས་ཐལ་མོ་སྦྱར་བྱས་ནས། །པད་མའི་ཚུལ་དུ་ཁ་ཕྱེ་ལ། །ཨོཾ་ཀ་མ་ལ་ཨུད་བྷ་བ་ཤྲཱི་སྭཱ་ཧཱ། པད་མའི་སྔགས་དང་ཕྱག་རྒྱའོ། །རང་གི་དབུགས་ལས་ཕྱུང་ནས་ནི། །རྡོ་རྗེ་མདུན་དུ་རྣམ་པར་
བསྒོམ། །ལག་གཉིས་ཁུ་ཚུར་བཅངས་ནས་ནི། །བསྡིགས་མཛུབ་གཡོན་པའི་མཐེའུ་ཆུང་དཀྲི། །ལྕགས་ཀྱུ་ཡི་ནི་རྣམ་པའོ། །ཨོཾ་བཛྲ་ཨྃ་ཀུ་ཤ་ཛཿ རྡོ་རྗེ་ལྕགས་ཀྱུའི་སྔགས་དང་ཕྱག་རྒྱའོ། །ལག་གཉིས་རྡོ་རྗེ་ཁུ་
ཚུར་བྱས། །སྡིགས་མཛུབ་གཉིས་ནི་དཀྲི་བྱས་པ། །ཞགས་པ་ཡི་ནི་རྣམ་པའོ། །ཨོཾ་བཛྲ་པཱ་ཤ་ཧཱུྃ། ཞགས་པའི་སྔགས་དང་ཕྱག་རྒྱའོ། །ཇི་ལྟར་བདག་ཉིད་གཟུགས་བརྙན་བཞིན། །དེ་ལྟར་མདུན་དུའང་རབ་བསམ་
བྱ། །ལྷ་མོ་བརྒྱད་ནི་ཀུན་རྫོགས་པ། །ཁྲོ་བོའི་རྒྱལ་པོ་བཞི་པར་རོ། །ཤར་དུ་གཤིན་རྗེ་མཐར་བྱེད་དངོས། །ལྷོ་རུ་དེ་བཞིན་བགེགས་མཐར་བྱེད། །ནུབ་ཏུ་པད་མ་མཐར་བྱེད་པ། །བྱང་དུ་ཁྲོ་བ་སྐྱོང་བའོ། །ལག་གཉིས་རྡོ་
རྗེ་ཁུ་ཚུར་བཅིངས། །རྒྱབ་དང་རྒྱབ་ཏུ་སྦྱར་བར་བྱ། །ཨོཾ་བཛྲ་སྥོ་ཊ་བྃ། རྡོ་རྗེ་ལྕགས་སྒྲོག་གི་སྔགས་དང་ཕྱག་རྒྱའོ། །ལག་གཉིས་རྡོ་རྗེ་ཁུ་ཚུར་བཅངས། །མཐེའུ་ཆུང་གཉིས་ནི་སྦྱར་བར་བྱ། །ཨོཾ་བཛྲ་གྷཎྜ་ཧོཿ རྡོ་རྗེ་

87-1-247a

དྲིལ་བུའི་སྔགས་དང་ཕྱག་རྒྱའོ། །ལག་པ་ལྕགས་སྒྲོག་ཕྱག་རྒྱ་ལས། །སོར་མོ་དབུས་མ་བརྐྱང་བྱས་ལ། །ན་མོ་རད་ན་ཏྲ་ཡཱ་ཡ། ཨོཾ་བཻ་རོ་ཙ་ན་ས་མཱ་དྷི། བི་ཤ་ཡེ་གྷུ་ཡ་པ་ཛ་བྷི་ཥཻ་སྭཱ་ཧཱ། ཧཱུཾ་ཧཱུྃ་ཧཱུྃ། ཧོ་ཧོ་ཧོ་ཧོ་
ཧོ་ཧོ། ཧྲི་ཧྲི་ཧྲི་ཧྲི་སྭཱ་ཧཱ། བཅོམ་ལྡན་འདས་རྣལ་འབྱོར་ནམ་མཁའི་སྔགས་དང་ཕྱག་རྒྱའོ། །ཨོཾ་ཏཱ་རེ་ཏུཏྟཱ་རེ་ས་ཏ་ཀྵི་ཏ་ཧཱུྃ་སྭཱ་ཧཱ། ལྷ་མོ་སྒྲོལ་མའི་སྔགས་སོ། །ཨོཾ་ཧི་ལི་ཧི་ལི་པ་ལི་སྭཱ་ཧཱ། གོས་དཀར་མོའི་སྔགས་སོ། །
ཨོཾ་ཏ་ར་སརྦ་ཏ་ན་ཧཱུྃ་ཕཊ། མཱ་མ་ཀཱིའི་སྔགས་སོ། །ཨོཾ་བུད་དྷ་བི་བུད་དྷ་ཡ་ཧཱུྃ། སངས་རྒྱས་སྤྱན་གྱི་སྔགས་སོ། །སྡིགས་མཛུབ་གཉིས་དང་གུང་མོ་ནི། །དབུས་དང་དབུས་སུ་སྦྱར་བར་བྱ། །མཐེ་བོང་ངོས་སུ་སྦྱར་བ་ནི། །ལྷ་མོ་
བཞི་ཡི་ཕྱག་རྒྱའོ། །མ་ནིང་ཡི་གེ་བཞི་པ་ནི། །མེ་ཏོག་མ་ལ་སོགས་པ་དང་། །སྒེག་མོ་ཡི་ནི་སྔགས་ཉིད་ཡིན། །གཡས་བརྐྱང་རྐང་པས་ཡང་དག་གནས། །སྡིགས་མཛུབ་སྙིང་གར་སྦྱིན་བྱས་ནས། །དཔུང་པ་མདུན་ནས་
བརྐྱང་བྱས་ནས། །སེ་གོལ་ཧཱུྃ་གི་རྣམ་པ་དང་། །ལྷན་ཅིག་དུ་ནི་སྦྱར་བྱས་པ། །འདི་ནི་ཁྲོ་བོའི་ཕྱག་རྒྱའོ། །ཨོཾ་ཨཱ་ཡུཿཔཱ་ལ་པྲ་ཏི་རཀྵ་དུཀྵ་བན་དྷ་ཡ་ཧཱུྃ་ཕཊ། ཤར་ཕྱོགས་ཀྱི་སྒོར་ཞི་བ་ཡིའོ། །ཨོཾ་ཨཱ་ཀར་ཥ་ཡ་སཏ་དྷ་དུ་ནཱྃ་
ཀྲོཾ་སྭཱ་ཧཱ། བྱང་དུ་རྒྱས་པ་ཡིའོ། །ཨོཾ་མོ་ཧ་ཡ་མོ་ཧ་ཡ། སརྦ་ས་ཏྭཱ་ནཱྃ་ཤྲཱི་སྭཱ་ཧཱ། ནུབ་ཏུ་དབང་གིའོ། །ཨོཾ་ཤཀྵ་སརྦ་དུཥྚ་གཱ་ཏ་ཡ་ཧྲི་ཕཊ། ལྷོ་རུ་མངོན་པར་སྤྱོད་པ་ཡིའོ། །ཨོཾ་སུ་གན་དྷ་ཧཱུྃ་ཧྃ་སྭཱ་ཧཱ། ལག་པ་གཡས་པ་བརྐྱང་
བ་དྲིའི་ཕྱག་རྒྱའོ། །ཨོཾ་སུ་སོ་བིད་པུཥྤེ་བྷྱཿསྭཱ་ཧཱ། སྡིགས་མཛུབ་དང་འཐེབ་མོ་སྦྱར་བ་ནི་མེ་ཏོག་གི་སྔགས་དང་ཕྱག་རྒྱའོ། །ཨོཾ་དྷཱུ་པ་མཱ་ལ་ཀུ་ལེ་སྭཱ་ཧཱ། སོར་མོ་དབུས་མ་བསྒྲེང་བ་ནི། །བདུག་པའི་སྔགས་དང་ཕྱག་རྒྱའོ། །
ཨོཾ་ཏཱིཀྵ་དཱི་པེ་པྲ་ཏི་གྲྀཧྞ་སྭཱ་ཧཱ། ཁུ་ཚུར་བཅངས་ནས་མཐེ་བོ་བསྒྲེང་བ་ནི། མར་མེའི་སྔགས་དང་ཕྱག་རྒྱའོ། །ཨོཾ་ཀུ་རུ་ཀུ་རུ་བེ་ཛ་ཡེ་སྭཱ་ཧཱ། ལག་པ་གཉིས་བརྐྱང་ནས་དབུས་སུ་སྦྱར་བ་ནི། གཏོར་མའི་སྔགས་དང་

87-1-247b

ཕྱག་རྒྱའོ། །ཇི་ལྟར་སྔོན་དུ་སྦྱོར་བ་ཡིས། །མཁས་པ་ཡིས་ནི་མཆོད་པར་བྱ། །ཧཱུྃ་གི་གླུ་ཡི་རྣམ་པ་ཡིས། །སངས་རྒྱས་ཀུན་ནས་མཉེས་པར་བྱ། །ལག་གཉིས་རྡོ་རྗེ་ཁུ་ཚུར་བྱས། །རྐེད་པའི་ཕྱོགས་སུ་བཟུང་བྱས་ལ། །
པི་བང་ཚུལ་གྱིས་བསྒྲེང་བ་དང་། །གླིང་བུའི་ཚུལ་གྱིས་འབུད་པ་དང་། །སིལ་སྙན་ཚུལ་གྱིས་དཀྲོལ་བ་དང་། །བརྡབ་པའི་ཚུལ་གྱིས་རྡེགས་པ་དང་། །གར་གྱི་ཚུལ་གྱིས་བསྐྱོད་པ་དང་། །རླུང་གཡབ་ཚུལ་གྱིས་གཡོབ་
པ་དང་། །རྒྱལ་མཚན་ཚུལ་གྱིས་བསྒྲེང་བ་དང་། །བླ་རེའི་ཚུལ་གྱིས་བྲེ་བ་དང་། །བ་དན་ཚུལ་གྱིས་འཕྱར་བ་དང་། །གདུགས་ཀྱི་ཚུལ་གྱིས་དགབ་པ་དང་། །ཅང་ཏེའུའི་ཚུལ་གྱིས་འཁྲོལ་བ་དང་། །ཁར་རྔའི་ཚུལ་གྱིས་བརྡུང་
བ་དང་། །བཞད་པའི་ཚུལ་གྱིས་འཛུམ་པ་དང་། །ཁྲོ་བོའི་སྟངས་སྟབས་ཡན་ལག་བསྐྱོད། །དེ་ལྟར་དེ་ཉིད་རྣལ་འབྱོར་པས། །གླུ་ཡི་མཆོད་པའི་ཁྱད་པར་ཉིད། །ཧཱུྃ་ཧཱུྃ་ཧཱུྃ།    བདག་མེད་རྣལ་འབྱོར་བསྒོམས་པ་ཡིས། །འབྱིན་པའི་ས་བོན་
གཟུང་བྱས་པ། །སྤྱི་ཡི་རྣལ་འབྱོར་སྟོན་པའོ། །དབང་པོ་མཆོག་གི་མཆོད་པ་ཆེ། །ཐར་བ་ཆེན་པོ་གནས་ཆེན་པོ། །གསང་ཞིང་དེ་ཉིད་གསང་བ་ཡི། །གསང་བའི་བདག་པོ་དགའ་ཆེན་པོ། །རྣམ་སྣང་མཛད་ལ་ཕྱག་འཚལ་འདུད། །
ལུས་ཀྱི་རྩ་ནི་ལྔ་ཉིད་ལས། །ལྷ་དང་ལྷ་མིན་མངོན་པར་སྤྲུལ། །བདེ་བ་བསྒྲུབ་པ་ཞེས་བྱ་བ། །སྦྱོར་བའི་སྐུ་ལ་ཕྱག་འཚལ་འདུད། །གླུ་དང་བསྟོད་པས་ཉེར་མཆོད་ནས། །ཇི་ལྟར་ལས་ལ་མངོན་བདེ་བར། །རང་གི་སྔགས་ཀྱི་ཡི་གེ་ཡིས། །ཕྲེང་
བ་ལ་ནི་བཟླས་པར་བྱ། །ཇི་ལྟར་ནུས་པས་མཆོད་བྱས་ལ། །སླར་ཡང་གཤེགས་སུ་གསོལ་བའོ། །དབུགས་ཀྱིས་བདག་ཉིད་ལུས་བཀང་སྟེ། །ལྷན་ཅིག་ཐིམ་པར་བསམ་པར་བྱ། །ཇི་ལྟར་རྣལ་འབྱོར་ནམ་མཁའ་ཉིད། །དེ་ལྟར་
རྣམ་པར་སྣང་མཛད་བདག །ཇི་ལྟར་རྣམ་པར་སྣང་མཛད་ལྷ། །དེ་བཞིན་རྒྱབ་ཀྱི་རྩ་ཉིད་དོ། །ཇི་ལྟར་སྔོན་གྱི་རྩ་ཉིད་ལས། །དེ་བཞིན་ཡེ་ཤེས་སྐྱེ་བ་འདི། །ཆུ་ནི་སྒྲོལ་མ་ཞེས་སུ་བཤད། །མེ་ལ་གོས་དཀར་ཡང་དག་ལྡན། །རླུང་ལ་ལྷ་མོ་སངས་རྒྱས་འདི། །དེ་བཞིན་རབ་

87-1-248a

མཛེས་མཱ་མ་ཀཱི། །དཀར་པོ་ཆུ་ཡི་རྩ་དང་ནི། །དུད་པ་ཡང་ནི་མེ་ཡི་གནས། །དུང་གི་རྩ་འདི་རླུང་གིའོ། །དེ་བཞིན་དུ་ནི་པད་མ་དང་། །ཡེ་ཤེས་འབྱིན་པ་ཡི་ནི་རྩ། །ལྔ་ཡི་བདག་ཉིད་ཁྱད་པར་ནི། །གདན་བཞི་ཉན་པར་མི་ནུས་པ། །
གཞུང་ཉུང་བ་ནི་བསྟན་པ་ཡིན། །གཟུགས་བརྙན་གྱི་རབ་ཏུ་སྦྱོར་བའི་ལེའུ་ཞེས་བྱ་བ་བཞི་པ་རྫོགས་སྷོ།། །། རྡོ་རྗེའི་ཆུ་ནི་ཇི་ལྟར་ལགས། །བདུད་རྩིའི་ཆུ་ནི་ཇི་ལྟར་སྐྱེ། །གང་གི་དབྱེ་བ་ཇི་ལྟར་མྱང་། །གང་གིས་ཇི་ལྟར་
འཚལ་བར་བགྱི། །འདི་ཡི་རབ་ཏུ་དགོས་པའང་ཅི། །ངོ་མཚར་ལྷ་ལ་མཉན་པར་འཚལ། །ཉོན་ཅིག་རྒྱལ་པོ་རྡོ་རྗེ་འཆང་། །གཉིས་དང་གཉིས་མེད་སྤངས་པ་ཡི། །གསང་ཞིང་གསང་བ་རབ་སྦས་པའི། །འགྲོ་བའི་འབྲས་བུ་དེ་དེ་ཉིད། །
བསྐལ་པ་བྱེ་བ་སྟོང་ཕྲག་ཏུ། །སངས་རྒྱས་ཡེ་ཤེས་ཀྱིས་བསྐུལ་བ། །སངས་རྒྱས་ལམ་ནི་མཐོང་བའོ། །ཡེ་ཤེས་སྣང་བ་དེ་བདུན་ཉིད། །ཇི་ལྟར་མེ་ཡིས་མཉམ་པར་བསྲེགས་པའི་སྤྱོད་པ་དང་། །ཉི་མ་ཇི་ལྟར་མཉམ་པར་ལྟ་བར་སྟོན་པ་
དང་། །ཇི་ལྟར་རླུང་ནི་མཉམ་པ་ཉིད་དུ་ལེན་པ་ལྟར། །རྣམ་རྟོག་རྨོངས་པའི་རྒྱ་མཚོ་བསྲིངས་པའི་རྣལ་འབྱོར་པས། །པད་མའི་དབང་ཕྱུག་སྐུ་ནི་གསེར་གྱི་མདོག །དྲི་ཆུའི་ངོ་བོ་ཤིན་ཏུ་སྣང་མཛད་དང་། །རོ་ནི་རྡོ་རྗེ་དབང་ཕྱུག་རྡོ་རྗེ་ཕྱག །
ལྷ་གསུམ་དག་གི་ཆོ་ག་ཤེས་པར་བྱ། །ཧ་ཞེས་པ་ཡིས་ཁ་དོག་འཕྲོག །ཧོ་ཞེས་པ་ཡིས་དྲི་མེད་ཅིང་། །དཔའ་བོ་ཧྲཱིཿཡིས་བཅོམ་པ་ཡི། །དེ་དག་རིམ་བཞིན་ཤེས་པར་བྱ། །པད་མའི་གདན་ནི་རྟག་ཏུ་མཉམ་པ་ཉིད་དུ་བསྒོམ། །མཐེ་བོ་
རྡོ་རྗེ་སྲིན་ལག་གཉིས་སུ་ཀུན་ལྡན་པས། །སྔགས་གསུམ་ཡི་གེ་གསུམ་གྱིས་ཆོ་ག་བསྲུང་བར་བྱ། །གང་ཞེས་རོ་འདི་མྱང་བ་བློ་ལྡན་རྣལ་འབྱོར་མའོ། །རྡོ་རྗེ་ཆུ་ཡི་ཁྱད་པར་ནི། །ཉོན་ཅིག་དཔལ་ལྡན་རྡོ་རྗེ་འཆང་། །འཛག་པ་ཡི་ནི་
ལུས་ཀྱི་ཆུ། །བདག་ཉིད་ལྔ་ཡིས་བྱིན་གྱིས་བརླབས། །དྲོ་བའི་རང་བཞིན་མེ་རུ་མཐོང་། །ཞི་བ་ཆུ་རུ་རབ་ཏུ་བརྟག །རླུང་དང་རླུང་ནི་དུ་བའོ། །ས་ནི་གཟུགས་སུ་སྣང་བའོ། །གང་ཞིག་དེ་ཉིད་ཀྱིས་མྱངས་ན། །དྲི་མ་ཅན་ལུས་དྲི་མེད་འགྱུར། །

87-1-248b

རིན་ཆེན་བཟང་དགའ་རྣལ་འབྱོར་པ། །སྦྱངས་པའི་རྡོ་རྗེ་འཇིགས་བྱེད་ཀྱི། །གཙང་དང་མི་གཙང་དེ་བཞིན་རྫས། །དང་པོ་རྣལ་འབྱོར་མཚན་ཉིད་དོ། །ཉོན་མོངས་དེ་བཞིན་མུན་པ་དེ། །རྣམ་ཤེས་ལྷན་ཅིག་སྣང་བའོ། །ཡེ་ཤེས་རྡོ་
རྗེས་བཅོམ་ནས་ནི། །རྣལ་འབྱོར་པ་ནི་དེ་ལ་སྣང་། །བདུད་རྩི་བསྟེན་འདོད་ལུས་ཅན་གྱིས། །གཉིས་མེད་ཁ་སྦྱར་སྦྱར་བར་བྱ། །རྣལ་འབྱོར་ཆེན་པོའི་བསྒྲུབ་པ་པོ། །སྔོན་དུ་ཨཱ་ལི་ཀཱ་ལི་བསམ། །ཨཱ་ལི་ཞེས་བྱ་བུང་བར་གསུངས། །ཀཱ་ལི་
དེ་བཞིན་གཤེགས་མ་ཉིད། །སྦྱོར་བའི་ཡེ་ཤེས་སྒྲ་ཡིས་ནི། །གཉི་གས་འཁྱུད་པར་བསམ་པར་བྱ། །ཇི་ལྟར་སྡེ་ཚན་གསུམ་པ་ཡི། །ཡི་གེ་གསུམ་པ་གཟུང་བྱས་ཏེ། །རྡོ་རྗེ་ར་བ་རྩམ་ཞིག་གིས། །འོད་དཔག་མེད་ནི་དཀྲི་བར་བྱ། །
ལྷ་མོ་གསུམ་པ་ཉིད་ཀྱིས་ནི། །དབྱུག་པ་ཙམ་ཞིག་རྡོ་རྗེ་འཛིན། །དབུས་སུ་དམ་ཚིག་བཞགས་པ་ཡིས། །ཀུན་ད་མགོ་ལ་མཆོག་ཏུ་བརྩོན། །དེ་ལྟར་སྔགས་ཟློས་རྣལ་འབྱོར་པ། །པད་མ་རྡོ་རྗེ་ཅན་གྱིས་བསྐྱོད། །རང་བཞིན་
གྱིས་ནི་ས་སྒྲ་དང་། །བདུད་རྩི་ཆུ་དང་འདྲེས་པ་ཡི། །དེ་ཉིད་འདི་ཡིས་མྱང་བྱས་པ། །རྣལ་འབྱོར་ཆོས་ལ་རབ་ཏུ་ཤིས། །བདེན་པའི་ཆོས་ནི་མཆོག་ཏུ་བདེན། །རྣལ་འབྱོར་ཆོས་ནི་རབ་ཏུ་བསྟོད། །དེ་ཉིད་དམན་པའི་རྣམ་རྟོག་ཡིད། །
སྦྱོར་བ་ཇི་ལྟར་འགྲུབ་པར་འགྱུར། །བྱེ་བ་བརྒྱད་བཅུའི་རྣལ་འབྱོར་མ། །གདན་བཞི་པ་ཡི་རྒྱུད་འདི་ཉིད། །མཁས་པ་ཡིས་ནི་རྣམ་བལྟས་ལ། །སྦྱོར་བ་བརྒྱད་བཅུའི་རྣལ་འབྱོར་མ། །སྦྱོར་བའི་ཆོས་ཀྱིས་གཏོར་མ་སྦྱིན། །བདུད་རྩི་ལྔ་
མདོར་བསྡུས་ལེའུ་ཞེས་བྱ་བ་ལྔ་པ་རྫོགས་སྷོ།། །། འབྱུང་བའི་དབུགས་ཀྱི་ཐེ་ཚོམ་ནི། །རྫོགས་པའི་སངས་རྒྱས་མངོན་པར་འདྲི། །འཆི་ལྟས་ཇི་ལྟར་འཚལ་བགྱི་ཞིང་། །གང་གིས་ཤེས་ནས་རབ་ཏུ་སྦྱར། །བཅོམ་ལྡན་འདས་
ཀྱིས་བཀའ་སྩལ་པ། །འགྲོ་བ་ལུས་ཅན་སེམས་ཅན་དོན། །འཆི་བདག་ཀུན་ནས་བསླུ་བ་ནི། །ཉོན་ཅིག་རྒྱལ་པོ་རྡོ་རྗེ་བདག །གང་ཞིག་རྣམ་པར་ཤེས་ཙམ་གྱིས། །འཆི་བདག་ལུས་ནི་གནས་པ་ཉིད། །དང་པོར་སྔ་དྲོའི་དུས་ཉིད་

87-1-249a

ལ། །དབུགས་ནི་རྣམ་པར་དགོད་བཤད་པ། །ལུས་ཅན་ཟླ་དྲུག་ནས་འཆི་བར། །ངས་གསུངས་པ་ལ་ཐེ་ཚོམ་མེད། །གལ་ཏེ་དུས་ལ་བབ་གྱུར་ན། །དབུགས་ནི་ཆད་ཅིང་འཆད་པར་འགྱུར། །དེ་བཞིན་འཇིགས་པ་ཆུང་མཐོང་ན། །
འགྲམ་པའི་ཚིགས་ནི་ཡོ་བར་འགྱུར། །ལུས་ཀྱི་མཚན་མ་ཤེས་བྱས་ལ། །རྣལ་འབྱོར་པ་ཡིས་ཞི་བར་བྱ། །རྣ་བའི་ཨུ་ད་རྣམ་ཆད་ན། །ཆུ་ཚོད་ལྔ་ལས་མི་ཐུབ་བོ། །མིག་གི་ཨམ་པ་ར་ཡི་ཙ། །ཏྲོ་ཏ་དེ་བཞིན་ཉི་མ་ལྔ། །སྣ་ཡི་མ་སི་
ཀ་ཆད་ན། །ཉི་མ་བདུན་གྱིས་གདོན་མི་ཟ། །སྟེང་འོག་སོ་ནི་འཐམས་གྱུར་ན། །ཉི་མ་གསུམ་གྱིས་ཐེ་ཚོམ་མེད། །འདི་ཡི་ལྕེ་ལ་ཐིག་ནག་ན། །ཞག་གཉིས་ཀྱིས་འཆི་ལུས་ཅན་རྣམས། །མགྲིན་པའི་གློ་ཡི་ཕྱི་རོལ་རྩ། །ཟླ་ཕྱེད་ལས་
ནི་མི་ཐུབ་བོ། །བྲང་གི་ལྷེའུ་འོག་ཞོམ་གྱུར་ན། །ཟླ་ཕྱེད་སྨན་པས་གསོ་སྤྱད་ཡོད། །སེན་མོ་ཁྲག་ནི་མེད་པ་ན། །ཆུ་ཚོད་ལྔ་ལས་མི་ཐུབ་བོ། །ཕོ་ཉ་བརྒྱད་ཀྱི་འཆི་ལྟས་ནི། །འཆི་བའི་རྨ་སོགས་རྣམ་པར་སྤངས། །རྣ་བའི་ཨུ་དའི་བདག་
ཉིད་ནི། །རྣལ་འབྱོར་དབྱེ་བས་བསྟེན་པར་བྱ། །མིག་གི་ཨམ་པ་ར་ཆད་ན། །མཁས་པས་དཀར་པོའི་ས་བོན་བཟླ། །སྣ་ཡི་མ་སི་ཀ་ལ་ནི། །དབུགས་བསྡམས་མེ་ཡི་དུད་པའོ། །སོ་དང་སོ་འཐམས་རྩ་ལ་ནི། །དུང་གི་ས་བོན་བཟླས་པས་
འཕྲོག །ལྕེ་ཡི་ཐིག་ནག་འདི་ལ་ནི། །བདག་ཉིད་སྦྱོར་བས་མནན་པར་བྱ། །མགྲིན་པ་གློ་ཡི་ཕྱི་རོལ་རྩ། །པད་མའི་ས་བོན་གྱིས་རྩེ་བྱ། །བྲང་གི་ལྷེའུ་ཞོམ་པ་ལ། །སྒོང་སྐྱེས་ཡེ་ཤེས་བསྒོམ་པའོ། །སེན་མོ་ཁྲག་ནི་མེད་པ་ལ། །ལག་
པ་བསྡུས་ལ་བཟླས་པར་བྱ། །བུག་པ་དགུ་ཡི་སྒོ་རུ་ནི། །ས་བོན་དགུ་ཡིས་རྩེ་བར་བྱ། །རྩ་དགུ་ལ་ནི་ས་བོན་དགུ། །སྒོ་དགུ་ས་བོན་དགུ་ཡིས་བསྡམ། །དེ་ལྟར་བསྡམས་པ་ཙམ་གྱིས་ནི། །རྣམ་པར་ཤེས་པ་མི་འགྲོའོ། །མ་བསྲེགས་
སྣོད་ནི་གཉིས་གཟུང་སྟེ། །གུར་གུམ་དང་ནི་གིའུ་ཝང་གིས། །བཅུ་གཉིས་ཚད་ནི་ཡང་དག་བྲི། །ས་བོན་དབྱངས་ཡིག་བསྐོར་བར་བྱ། །ལྷ་མོ་བརྒྱད་ཀྱི་ས་བོན་འདི། །མཚམས་སུ་མ་ནིང་ས་བོན་དང་། །དབུས་སུ་ཡེ་ཤེས་ས་བོན་

87-1-249b

ནི། །མཁས་པ་ཡིས་ནི་བསྐོར་བར་བྱ། །དེ་བཞིན་མིང་ནི་དབུས་སུ་བྲི། །ཧཱུྃ་གི་དབུས་སུ་གནས་པ་ཉིད། །གཉི་ག་དང་ཡང་སྦྱར་བྱས་ནས། །སྐུད་པ་དམར་པོས་དཀྲི་བར་བྱ། །མཱ་མ་ཀཱི་ནི་འདབ་མར་བསམ། །སྟེང་དུ་དེ་བཞིན་རྡོ་རྗེའི་བདག །གཉིས་
མེད་གཏོར་མར་ལྡན་པ་ཡིས། །ནུས་པ་ཡི་ནི་མངོན་པར་མཆོད། །རྡོ་རྗེ་ཁུ་ཚུར་གཉིས་བཅིངས་ནས། །རྩེ་དང་རྩེ་ནི་སྤྲད་པར་བྱ། །རྣམ་ཤེས་ཡེ་ཤེས་ས་བོན་ནི། །བརྒྱད་བརྒྱ་རུ་ནི་བཟླས་པ་ཡིས། །རྣམ་ཤེས་བསྡམས་པའི་དངོས་པོ་དང་། །རྣལ་འབྱོར་བསྲུང་
བའི་ཁྱད་པར་གྱིས། །ཡི་དགས་སྲིན་པོ་འབྱུང་པོ་དང་། །དུས་མ་ཡིན་པར་འཆི་བ་ཉིད། །རྣལ་འབྱོར་པ་ཡིས་བསྲུངས་ཙམ་གྱིས། །གྲོལ་བར་འདི་ལ་ཐེ་ཚོམ་མེད། །ཚེ་ཟད་པའི་ཡི་ལུས་ཅན་ནི། །ཟླ་བ་དྲུག་ཏུ་གནས་པར་འགྱུར། །འཆི་
བའི་མཚན་མ་ཡོངས་སུ་བརྟག་པའི་ལེའུ་ཞེས་བྱ་བ་དྲུག་པ་རྫོགས་སྷོ།། །། རྣལ་འབྱོར་བསྟན་བཅོས་ཆོ་གའི་རིམ། །དེ་ནས་ཡེ་ཤེས་དབང་གིས་གསུངས། །འཁྲིག་པའི་དངོས་པོ་བསྟེན་པ་ལས། །ཁྲག་དང་ཁུ་
བ་འབྱུང་བར་འགྱུར། །ཡེ་ཤེས་ངོ་བོས་འབྱུང་བ་ཡི། །འབྱིན་པའི་རྩ་ནི་མངོན་པར་སེམས། །བདུན་པར་ཁུ་བར་གྱུར་པ་ཡིས། །དཀར་པོའི་རྩ་ནི་རབ་ཏུ་བསྐྱེད། ཁྲག་གིས་མཚན་མོ་བརྒྱད་ན་ནི། །དུ་བའི་རྩ་ནི་མངོན་དུ་གསོ། །མཚན་
མོ་ཕྱེད་དང་བཞིར་བསྙེན་པས། །དུང་གི་རྩ་ནི་བྱིན་གྱིས་བརླབ། །གོང་དུ་མཚན་མོ་བཅུ་གཉིས་ཀྱིས། །པད་མའི་རྩ་ནི་རབ་ཏུ་སྦྱར། །ཉི་མ་དྲུག་བཅུའི་གྲངས་འདི་ཡིས། །མཁས་པས་གི་ཝང་གི་ནི་རྩ། །མཁྲང་འགྱུར་དགུ་ཞེས་བཤད་
པ་ནི། །དྲི་མེད་གསུམ་གྱི་རྩ་ནི་བསྐྱེད། །མཚན་མོ་བཅུ་དང་དྲུག་གི་རོ། །འབྱེད་པའི་རྩ་ནི་རབ་ཏུ་བསྐྱེད། །ས་གདུགས་ཡེ་ཤེས་རྣམ་ཤེས་ནི། །ཡོངས་སུ་རྫོགས་པའི་ལུས་ཅན་ནོ། །ས་བདུགས་བཅུ་དང་བརྒྱད་ཉིད་ཀྱིས། །མཁས་འ་པ་
ཟླ་དགུར་ཀུན་ཏུ་གནས། །སྐྱེ་བ་སྐྲ་པྲུ་ལ་སོགས་ལྡན། །སེན་མོ་ཁོག་པ་རུས་པ་དང་། །ཞག་དང་སྲིན་བུ་གཅི་བ་དང་། །བཤང་བ་བད་ཀན་མཆི་མ་སོགས། །བརྒྱད་ནི་མངལ་ན་ང་རྒྱལ་བ། །རྩ་ཡི་བརྒྱད་པ་ཞེས་བྱ་ལ། །ལྷག་པར་ལྷ་དགུ་གནས་

87-1-250a

པ་ཉིད། །བདག་ཉིད་ལྷ་དང་ཕ་རོལ་མཆོག །བདག་ཉིད་ལྷ་ནི་མཆོག་ཡིན་ནོ། །དཀར་པོ་ལྷ་མོ་སྒྲོལ་མ་འདི། །དུད་པ་ལ་ནི་གོས་དཀར་གནས། །ལྷ་མོ་སངས་རྒྱས་དུ་ཉིད་ལ། །མཱ་མ་ཀཱི་ནི་པད་མར་གནས། །ལྷ་མོ་
སྙན་མ་གི་ཝང་ལ། །རྡོ་རྗེ་སྒེག་མོ་དྲི་མེད་ལ། །འབྱེད་པར་རིན་ཆེན་ཡིད་འོང་བ། །ས་ཡི་གདུགས་ལ་པད་མའི་རྩ། །འདི་ལྟར་སྤྲོས་པའི་ཡེ་ཤེས་རྩ། །ཐམས་ཅད་འབྱིན་ཅིང་སྡུད་པ་ཡི། །ཇི་ལྟར་རྒྱལ་པོ་རྣམ་སྣང་མཛད། །
དེ་ལྟར་རྒྱབ་ཏུ་རབ་ཏུ་གྲགས། །མཉམ་པའི་ཆ་རུ་དེ་བྱས་པས། །མཉམ་པའི་གཟུགས་ནི་འོད་དང་བཅས། །སྟོང་ཕྲག་དགུ་ཡི་གྲངས་ཉིད་ནི། །རེ་རེ་ལས་ནི་གྱེས་པའོ། །སྟོང་ཕྲག་བདུན་བཅུ་རྩ་གཉིས་ནི། །ལུས་པོ་ཡི་ནི་རྩ་ཉིད་དོ། །
དགུ་པ་ཡིས་ནི་འབྱིན་ཅིང་སྡུད། །དགུ་ཡི་རྩ་ནི་རྟག་པའི་ས། །དགུ་དང་ལྔ་ཡིས་དགའ་བར་བཅས། །ལྔ་པོའི་ལྷ་འདི་འགྲོ་བའོ། །གཅིག་གིས་འབྱིན་ཅིང་སྡུད་པ་དང་། །གཅིག་གིས་ལྷ་ནི་ཡེ་ཤེས་ཅན། །ཆོས་ཀྱི་དབྱིངས་ཀྱི་རང་
བཞིན་ཏེ། །གཅིག་གི་ལུས་དང་ལུས་ཅན་དང་། །གཟུགས་མེད་ཡེ་ཤེས་གཟུགས་ཅན་དང་། །མི་སྟོང་བ་དང་སྟོང་པ་ཉིད། །རིང་མིན་ཐུང་མིན་གཞན་མ་ཡིན། །དངོས་མེད་དངོས་པོ་ཙམ་མ་ཡིན། །ཁ་དོག་མེད་ལ་ཚོན་ཀུན་དངོས། །
ཡེ་ཤེས་ལུས་ཅན་རྣལ་འབྱོར་པས། །ལམ་གཉིས་པ་ནི་སྲིད་པའི་སྐྱོན། །ལམ་གཅིག་པ་ཡི་རྣལ་འབྱོར་པས། །རྣམ་པར་རྟོག་པ་ཀུན་སྤངས་ལ། །གཅིག་གི་ལམ་ཉིད་ཤེས་པར་བྱ། །ཤེལ་ལྟར་དག་པའི་ལུས་ཀྱི་ནི། །དག་པའི་
ལམ་དུ་ཡང་དག་བགྲོད། །རྩ་བསྐྱེད་པའི་ལེའུ་ཞེས་བྱ་བ་བདུན་པ་རྫོགས་སྷོ།། །། སྦྱོར་བའི་མདོ་རུ་བསྡུས་པ་ཉིད། །བཅོམ་ལྡན་འདས་ལ་ཉན་པར་འཚལ། །ཕྱག་ན་རྡོ་རྗེ་ཁྱོད་ཉོན་ཅིག །སྦྱོར་བའི་བསྟན་
བཅོས་བསྒྲུབ་པ་པོས། །གདན་བཞི་པ་ལས་བཏུས་པ་ཡིས། །སྟོང་ཕྲག་བཅུ་གཉིས་ཡང་དག་ལྡན། །དེ་ཡི་དོན་ནི་མདོར་བསྡུས་པའོ། །གཞུང་མངས་པ་ཡིས་འཇིགས་པ་ཡིས། །དེ་ཉིད་མདོར་བསྡུས་པ་ཡི་ཚིག །སྦྱོར་བའི་

87-1-250b

རྣམས་ལ་ཉེ་བར་གསུངས། །རྣལ་འབྱོར་པ་ལ་རབ་དགོས་པའི། །དེ་ནས་ཞི་བ་ཡང་དག་བཤད། །ཐོག་མར་བྱ་བ་སྟོང་པ་ཉིད། །སྟོང་པའི་དབུས་སུ་པད་མ་ནི། །པད་མ་ས་བོན་མྱུ་གུ་ཅན། །ཁ་དོག་བདུན་པ་རྒྱ་ཆེན་པོ། །སྡེ་ཚན་
བཞི་པའི་ཚིག་ལ་ནི། །སྟེང་དུ་མ་ནིང་ཐིག་ལེར་བཅས། །དེ་ཡི་ས་བོན་མཉམ་བསྒོམས་ནས། །དེ་བཞིན་ཁྲོ་གཉེར་ཅན་མ་བསྐྱེད། །ཟླ་བའི་དཀྱིལ་འཁོར་གནས་ལ་ནི། །གདུགས་དཀར་པོ་ཡིས་མངོན་པར་གཡོགས། །
དག་པའི་སྐུ་དང་སྤྱན་གསུམ་པ། །ཕྱག་བཞི་ཡིས་ནི་རྣམ་པར་སྤྲས། །མཆོག་སྦྱིན་དང་ནི་དབྱུག་པ་དང་། །བགྲང་ཕྲེང་རིལ་བ་སྤྱི་བླུགས་བསྣམས། །རྒྱན་རྣམས་ཀུན་གྱིས་བརྒྱན་པའི་སྐུ། །རབ་ཏུ་མཛེས་པའི་ན་བཟའ་
མནབས། །བཟླས་དང་བསྒོམ་པའི་སྦྱོར་བ་ཡིས། །མཁས་པ་མཆོག་གི་ཡི་གེ་གཅིག །ཁྲོ་གཉེར་མཆོག་གི་ཡི་གེ་ནི། །འབུམ་ཕྲག་གཅིག་ཟློས་སྔགས་པ་ཡིས། །རྣལ་འབྱོར་པ་ཡིས་བརྩམས་ཙམ་གྱིས། །ཚེ་ནི་འཕེལ་
བར་རབ་ཏུ་གྲགས། །ལྷ་ཉིད་དམིགས་པར་བྱ་བ་ཡིས། །དེ་ནས་རྒྱས་པའི་ལས་འདི་ཉོན། །ཏི་སེ་གངས་ཀྱི་རྩེ་མོ་དང་། །གསེར་གྱི་རི་བོའི་ངོས་དང་ནི། །རིན་ཆེན་བདུན་རང་བཞིན་གནས་སུ། །གཞལ་ཡས་ཁང་པ་ཉེར་མཛེས་
པའི། །སེང་གེའི་གདན་ལ་གནས་པ་ནི། །ཉི་མའི་དཀྱིལ་འཁོར་ལ་བཞུགས་པ། །གདུགས་དཀར་པོ་དང་བླ་རེ་དང་། །དྲིལ་བུ་དྲ་བས་མངོན་པར་མཛེས། །བདུན་པ་ཡི་ནི་མཐའ་བཟུང་སྟེ། །གསུམ་པ་ཡིས་ནི་སྦྱར་བར་བྱ། །
སྡེ་ཚན་མཐའ་ཡིས་སྟེང་དུའོ། །ཡེ་ཤེས་ཅན་གྱིས་ས་བོན་གཅིག །དབུགས་མི་གཡོ་ཞིང་འོད་ཟེར་བཅས། །སེར་པོའི་མདོག་ཏུ་རྣམ་པར་བསྒོམ། །ཕྱིས་ནི་ནོར་རྒྱུན་ཞེས་བྱ་བའི། །ལྷ་མོའི་གཟུགས་སུ་རྣམ་པར་བསམ། །
ཕྱག་དྲུག་སེམས་དཔའི་སྐྱིལ་མོ་དཀྲུང་། །རྒྱན་ཀུན་གྱིས་ནི་རྣམ་པར་བརྒྱན། །ཁ་དོག་འབར་བར་བསྒོམ་པར་བྱ། །རིན་ཆེན་ཤིང་དང་ཟ་མ་ཏོག །གཉིས་པ་ན་ནི་རབ་ཏུ་འཕེལ། །གསུམ་པས་མཆོད་སྦྱིན་ལག་པ་དང་། །

87-1-251a

སྟེང་དུ་ཤེས་རབ་ཕྱག་དང་ནི། །གཉིས་པ་ལ་ནི་བགྲང་ཕྲེང་དང་། །གསུམ་པ་རིལ་བ་སྤྱི་བླུགས་སོ། །བསྒོམ་དང་བཟླས་པའི་སྦྱོར་བ་ཡིས། །དབུགས་ནི་འདྲེན་པའི་ཁམས་ཉིད་དོ། །རྒྱས་པའི་ལེའུ་ཞེས་བྱ་བ་བརྒྱད་
པ་རྫོགས་སྷོ།། །། དེ་ནས་གཞན་ཡང་བཤད་བྱ་བ། །དམར་པོའི་ལས་ཀྱི་ཁྱད་པར་ནི། །སྔོན་གྱི་མཚན་ཉིད་ཡང་དག་ལྡན། །སྟོང་པའི་མཚན་ཉིད་དམིགས་ནས་ནི། །སྟོང་པར་པད་མ་ཡང་དག་བཤད། །ཉི་མའི་དཀྱིལ་
འཁོར་ལ་བརྟེན་ཅིང་། །གདུགས་དཀར་པོ་ཡིས་མངོན་པར་བརྒྱན། །དབྱངས་ཡིག་དང་པོའི་ཡི་གེ་གཅིག །སྟེང་དུ་སྡེ་ཚན་ཐ་མ་དང་། །མཉམ་པར་བཞག་པས་ས་བོན་དམར། །འོད་ཟེར་དམར་པོ་འབར་བ་འདི། །སེམས་ཅན་
འགུག་པར་བྱེད་པའི་དངོས། །ལྷ་མོའི་གཟུགས་བརྙན་འདི་བསམས་ལ། །བཙོ་མ་གསེར་གྱི་མདོག་ལྟ་བུར། །མཱ་མ་ཀཱི་བསམ་ཡང་དག་འབྱུང་། །ཕྱག་གཉིས་རྒྱན་གྱིས་རྣམ་པར་མཛེས། །གཅིག་གིས་ལྕགས་ཀྱུ་ཡང་དག་འཛིན། །
གཡོན་པས་དྲིལ་བུ་མངོན་སྒྲོགས་པ། །ཐམས་ཅད་རྒྱན་གྱིས་བརྒྱན་པའི་སྐུ། །ཤིན་ཏུ་མཛེས་པའི་ན་བཟའ་གསོལ། །བསྒོམ་ཞིང་བཟླས་པ་ཙམ་གྱིས་ནི། །སེམས་ཅན་དབང་དུ་འོང་བར་འགྱུར། །དེ་ནས་ནག་པོའི་ལས་འདི་ནི། །
རླུང་གི་དཀྱིལ་འཁོར་ལ་བརྟེན་ཅིང་། །རླུང་གི་དབུས་སུ་རླུང་གི་ནི། །རླུང་གི་ས་བོན་བསམ་པར་བྱ། །དུ་བ་དུ་བ་རབ་འབར་བ། །སྒྲ་དང་ཐིག་ལེས་རྣམ་པར་བརྒྱན། །ནག་པོ་དྲག་པོ་ཡི་ནི་གདན། །ཡི་དགས་གདན་ལ་ཀུན་གནས་པ། །བསམ་
པ་རལ་གཅིག་མ་ཡི་གཟུགས། །ཁ་དོག་སྔོན་པོ་མཉམ་པའི་འོད། །དབུ་སྐྲ་གྱེན་བརྫེས་ལྷ་མོ་ཆེ། །དྲག་པར་རྒོད་པས་འཇིགས་པར་མཛད། །སྤྱན་གསུམ་ཞལ་ནི་གཅིག་པ་ལ། །ཕྱག་བཞི་ཡི་ནི་རྣམ་པར་སྤྲས། །གཅིག་ནི་ཕྱག་
ན་རལ་གྲི་དང་། །གཉིས་པ་ན་ནི་རྡོ་རྗེ་གསོར། །གཡས་ན་མདུང་ནི་འཛིན་མཛད་ཅིང་། །གཉིས་པར་དེ་བཞིན་སྡིགས་མཛུབ་བོ། །འཕེན་པའི་རོལ་པས་རྣམ་པར་བཞུགས། །མེ་འབར་བ་དང་མཉམ་པའི་འོད། །ཞགས་པ་འཕེན་

87-1-251b

པས་འཆིང་མཛད་ཅིང་། །ཧཱུྃ་སྒྲའི་རྣམ་པར་འཇིགས་པར་བྱེད། །ས་བོན་དབུས་སུ་མིང་དང་ནི། །ཕཊ་ཀྱི་རྣམ་པ་དེ་བཞིན་མཐར། །དཀོན་མཆོག་གསུམ་ལ་གནོད་པ་དང་། །རྣལ་འབྱོར་བསྟན་པ་འཇིག་བྱེད་པ། །ལྷ་མོ་རལ་པ་གཅིག་མ་འདིས། །
ནུས་པས་བརླག་པར་བྱེད་པར་གསུངས། །སྔགས་དང་རྒྱུད་ནི་མཉམ་བཟུང་ལ། །ལྷ་མོ་འོད་ཟེར་ཅན་ས་བོན། །དུག་དང་ཁྲག་ཏུ་བསྲེས་པ་ཡིས། །རྡོ་རྗེ་ཕག་མོ་ཀུན་ནས་བྲི། །དེ་ཡི་མཆུ་ལ་མིང་དང་ཡང་། །མགོ་ལ་ཡི་གེའི་
ས་བོན་དང་། །སྟེང་དུ་མེ་ཡི་ཡི་གེ་དང་། །ཁ་ལ་རླུང་གཉིས་དེ་བཞིན་ནོ། །འདིས་ནི་སྐྲོད་པར་བྱེད་པར་གསུངས། །ལས་ཀྱི་དཀྱིལ་འཁོར་གྱི་ལེའུ་ཞེས་བྱ་བ་དགུ་པ་རྫོགས་སྷོ།། །། སེམས་ཅན་ཀུན་ལ་ཕན་མཛད་པ། །ཡེ་ཤེས་
དབང་གིས་དེ་ནས་གསུངས། །ཉོན་ཅིག་རྒྱལ་པོ་རྡོ་རྗེ་འཛིན། །འཁོར་བའི་ལམ་ནས་གྲོལ་བ་ཡི། །མཐའ་ཡས་སྦྱོར་བ་མངོན་ཕྱོགས་བས། །མཐའ་ཡས་སྒོ་ཞེས་བྱ་བའི་མིང་། །སྟོང་པ་ཉིད་ཀྱི་བདག་ཉིད་ལུས། །ཇི་ལྟར་སྟོང་པ་དེ་ཉིད་
འདིས། །ཕྱི་དང་ནང་དུ་བཅས་པ་ནི། །དེ་བཞིན་ནམ་མཁའི་ཁམས་སུ་ནི། །རྒྱ་མཚོའི་ཆུ་ཡི་དབྱིབས་དང་ནི། །དེ་ཡི་དབུས་སུ་རབ་གང་བའི། །ཀུན་ནས་ཇི་ལྟར་འདོད་བཞིན་དུ། །གཞལ་ཡས་ཁང་པ་རྣམ་པར་བསམ། །སེང་གེའི་
གདན་ལ་བཞུགས་པ་ནི། །ཉི་མའི་དཀྱིལ་འཁོར་གྱིས་བརྒྱན་ཅིང་། །སྣ་ཚོགས་དར་ནི་རྣམ་པར་འཕྱང་། །ཡི་གེ་གཅིག་གིས་ས་བོན་ནི། །འོད་ཟེར་འབར་བ་ཚོན་གྱི་དངོས། །དང་པོའི་དབྱངས་ཡིག་ཀུན་བཟུང་ལ། །སྟེང་དུ་བདུད་རྩི་
ཐིག་ལེ་ཅན། །ལྷ་མོ་བདག་ཉིད་ལྷན་ཅིག་དང་། །ཕྱི་ནས་གཟུགས་ནི་མཉམ་པར་བསམ། །ཕྱག་གཉིས་སེམས་དཔའི་སྐྱིལ་མོ་དཀྲུང་། །སངས་རྒྱས་ལྔ་ཡིས་མངོན་པར་བརྒྱན། །རྒྱན་ཀུན་གྱིས་ནི་བརྒྱན་པའི་སྐུ། །རབ་ཏུ་མཛེས་
པའི་ན་བཟའ་གསོལ། །གཅིག་གི་ཕྱག་གིས་རྡོ་རྗེ་འཛིན། །གཡོན་པ་དྲིལ་བུ་མངོན་པར་སྒྲོགས། །ཡི་གེ་བརྒྱད་ཀྱི་ངོ་བོ་ཉིད། །སྤྱོད་བཅས་མི་སྤྱོད་གསང་བ་དང་། །ཆུ་དང་མེ་དང་དེ་བཞིན་རླུང་། །ས་ནི་མིག་གི་ཡི་གེའོ། །སྒོ་བཞི་

87-1-252a

དང་ནི་ཕུང་པོ་བཞི། །སྒོང་སྐྱེས་རྫི་ལིར་གནས་པ་ཉིད། །བཞི་པ་ཉོན་མོངས་མ་དང་ནི། །ཡི་གེ་བཞི་པ་དེ་བཞིན་དུ། །རྨོངས་པ་ས་དང་ཉོན་མོངས་དང་། །སྔོན་དུ་ཕྱུགས་ནི་མཉམ་པ་དང་། །ཆུ་ཤིང་མེ་ཏོག་པད་མ་ནི། །
འདི་ཡི་སྒོང་སྐྱེས་སྟན་ཉིད་དོ། །བ་ལང་རྨིག་པའི་སྟེང་དུ་ནི། །བདུད་རྩི་བརྒྱད་ཀྱིས་རྣམ་པར་དབྱེ། །ཤེལ་བཞིན་དུ་ནི་དག་པ་ཡི། །སྙིང་པོ་ཡི་ནི་སྙིང་པོའི་མཆོག །ལྕེ་ལ་ཆུ་ནི་འདི་ཉིད་དང་། །ནམ་མཁའ་རྣ་བ་སྣ་དག་ལའོ། །ས་ནི་
མིག་ལ་སྦྱར་བྱས་ཏེ། །ཚངས་པར་མེ་ནི་དེ་བཞིན་འབར། །རྨོངས་པའི་ས་ནི་འགྲིན་པར་རོ། །གཡོ་བ་སྙིང་ལ་གནས་པ་དང་། །ཉོན་མོངས་སེམས་ཅན་བྲང་དང་ནི། །ཕྱུགས་ནི་ལྟེ་བའི་རྩ་བར་རོ། །ཡན་ལག་བརྒྱད་ལ་དགོད་པ་
ཡིས། །ལྕེ་ལ་ཆུ་ནི་འདི་ཉིད་དང་། །ནམ་མཁའ་རྣ་བ་སྣ་དག་ལའོ། །འདི་ཡིས་ལྷ་ཉིད་ཡང་དག་ཤེས། །ཡི་གེ་བརྒྱད་ཀྱི་སྔགས་འདི་ནི། །ཕྱག་རྒྱ་བརྒྱད་དུ་རབ་ཏུ་གྲགས། །དཀར་དང་སེར་དང་དེ་བཞིན་དམར། །གནག་ཅིང་འབར་བའི་
ལས་འདི་ནི། །ལས་རྣམས་བཞི་ཡི་ལྷ་མོ་ནི། །མཁས་པས་འབུམ་ཕྲག་གསུམ་དུ་བཟླས། །ཡེ་ཤེས་ལས་བྱུང་སྙིང་པོ་ཉིད། །མཆོག་ཏུ་རྟག་ཅིང་ཞི་བ་དང་། །ཕྲ་ཞིང་རགས་པའི་འགྲོ་བ་ཀུན། །ལས་དང་ལས་ཀྱི་ཁྱད་པར་ཉིད། །
ཐམས་ཅད་ཆུ་ཡི་དབྱིབས་དང་ནི། །མཉམ་པར་འཇིགས་བྱེད་མེ་དང་ཡང་། །ཇི་ལྟར་རྟག་པ་རླུང་དག་དང་། །དད་པའི་དོན་དང་ས་དབང་པོ། །ལྷག་མ་བརྩེགས་པ་ལས་བྱུང་བ། །བཞི་པ་ཡི་གེ་དྲུག་པའོ། །འགྲོ་བའི་དོན་ཕྱིར་ཡི་
གེ་བརྒྱད། །ལྷ་བརྒྱད་དུ་ནི་ཡོངས་སུ་གྲགས། །མཉམ་བཞག་བཟླས་ཤིང་བསྒོམས་པ་ཡིས། །འགྲུབ་པར་འདི་ལ་ཐེ་ཚོམ་མེད། །བ་དན་གསུམ་པའི་ཕྱག་རྒྱ་ཡིས། །སྔོན་དུ་རེག་ཅིང་རེག་པ་ཉིད། །འཇིག་རྟེན་འདིར་ནི་བདེ་བ་
དང་། །རྟག་ཏུ་མཆོད་པ་རྙེད་པར་འགྱུར། །འཆི་བའི་དུས་སུ་ཡེ་ཤེས་ནི། །གཟུགས་མེད་སྲིད་པར་རབ་ཏུ་གནས། །བདག་གི་དེ་ཉིད་དམན་པ་ཡིས། །ཇི་ལྟར་སྔགས་ནི་འགྲུབ་པར་འགྱུར། །དེ་ཕྱིར་ནན་ཏན་ཐམས་ཅད་ཀྱིས། །

87-1-252b

སྦྱོར་བའི་བསྟན་བཅོས་རྟོགས་པར་བྱ། །དྲི་ཞིམ་རབ་གྲགས་མེ་ཏོག་ཀུན་ནས་གནས་པ་དང་། །ནག་པོའི་ཨ་ཀ་རུ་དང་གུ་གུལ་མར་མེ་དང་། །གཉིས་མེད་གཏོར་མ་གཅིག་གིས་ཡང་དག་ཡིད་ལྡན་གྱིས། །ལྷ་མོ་མ་མོ་གཞན་རྣམས་
ཀུན་ནས་རབ་ཏུ་མཆོད། །སྟེང་དུ་རྣམ་པར་སྣང་མཛད་བསམ། །མཆུ་ལ་ཕྱག་ན་རྡོ་རྗེའོ། །ཡིད་ཀྱིས་ནམ་མཁའི་སྙིང་པོ་ནི། །རྣ་བ་གཉིས་ལ་རབ་ཏུ་སྦྱར། །ལྕེ་ལ་འཇིག་རྟེན་མགོན་པོ་དང་། །མགྲིན་པར་འཇམ་པའི་དབྱངས་ཀྱི་
སྲས། །བྱང་དུ་བྱམས་པ་ཡང་དག་སྦྱར། །སྙིང་གར་ཀུན་ཏུ་བཟང་པོ་གནས། །ལྟེ་བར་ཁྲོ་བོའི་རྒྱལ་པོ་ནི། །གཤིན་རྗེ་མཐར་བྱེད་རབ་ཏུ་གྲགས། །དེ་ཉིད་རྣམ་པའི་བྱེ་བྲག་ཉིད། །ལྷ་མོའི་གདན་ཉིད་དུ་ནི་བསྒོམ། །སྙིང་གར་སེམས་
དང་ཡེ་ཤེས་ནི། །མཁས་པ་ཡི་ནི་བསམ་པར་བྱ། །འོད་ཟེར་བྱེ་བ་རྣམ་མང་པོ། །སངས་རྒྱས་སྤྲིན་ནི་རབ་ཏུ་འཕྲོ། །མཉམ་པར་བཞག་ཅིང་བསྒོམས་པ་ཡིས། །འགྲུབ་འགྱུར་འདི་ལ་ཐེ་ཚོམ་མེད། །མཐའ་ཡས་པའི་སྒོའི་ལྷ་
མོའི་གཟུངས་ཀྱི་ལེའུ་ཞེས་བྱ་བ་བཅུ་པ་རྫོགས་སྷོ།། །། རྡོ་རྗེ་སེམས་དཔའ་དེ་བཞིན་གཤེགས། །བཅོམ་ལྡན་རྡོ་རྗེ་འཛིན་པས་གསུངས། །སྲིན་མོ་དང་ནི་རོ་ལངས་མོ། །མི་མེད་གནས་སུ་བསྒྲུབ་པ་པོས། །
ཨོཾ་བྷི་ཙམ་བ་ཏ་ཧཱུྃ་ཕཊ་སྭཱ་ཧཱ། ཉེ་བར་སྤྱོད་པའི་སྔགས་སྷོ།། ། །སྡིགས་མཛུབ་སྙིང་གར་སྦྱིན་བྱས་ལ། །གཡས་པ་རྡོ་རྗེ་ཁུ་ཚུར་བྱས། །རྐེད་པའི་ཕྱོགས་སུ་གཟུང་བྱས་པ། །འདི་ནི་ཚམ་ངམ་མཆོག་གི་རྒྱ། །ར་ནག་པོ་
ཡི་ལྤགས་པ་ལ། །དུར་ཁྲོད་རས་ཀྱི་སྐུད་པ་ཡིས། །ཞལ་གསུམ་ཕྱག་ནི་དྲུག་པ་ཉིད། །ཁ་དོག་སྔོན་པོ་སྤྱན་གསུམ་པ། །དམར་པོའི་སྐྲ་ཡིས་རྣམ་པར་འཛིངས། །རྒྱན་རྣམས་ཀུན་གྱིས་བརྒྱན་པ་ཉིད། །རྒོད་ཅིང་
མཆེ་བ་གཙིགས་པ་དང་། །འབར་བའི་མེ་ཡིས་རྣམ་པར་བརྒྱན། །དང་པོར་མདུང་གི་ལག་པ་དང་། །གཉིས་པར་དེ་བཞིན་མི་མགོའོ། །གསུམ་པ་ལ་ནི་རྡོ་རྗེ་གསོར། །གཡོན་པ་སྟེང་དུ་སྡིགས་མཛུབ་དང་། །

87-1-253a

གཉིས་པའི་ལག་ན་ཐོད་པའོ། །གསུམ་པར་དྲིལ་བུའི་སྒྲ་སྒྲོགས་ཤིང་། །ཤམ་ཐབས་སྟག་གི་ལྤགས་པ་དང་། །གླང་ཆེན་ལྤགས་པ་རབ་ཏུ་མནབས། །རོལ་པའི་སྟབས་ཀྱིས་བཞུགས་པ་ནི། །ཡི་དགས་གདན་ལ་རབ་ཏུ་
བཞུགས། །འབར་བ་དམར་པོའི་རང་བཞིན་ལུས། །གདུགས་དཀར་པོ་ནི་རྣམ་པར་འཕྱང་། །རལ་པ་གཅིག་པའི་སྲིན་མོ་ནི། །རྡོ་རྗེ་ཕོ་ཉ་མངོན་པར་བྲི། །སེན་མོས་ཁྲག་ནི་མངོན་པར་བླང་། །ལྷ་མོའི་ལྟེ་བ་བྱ་བར་གསུངས། །དེ་ཡི་ཤ་ཡིས་
སྦྱིན་སྲེག་བྱ། །དེ་བཞིན་དུར་ཁྲོད་ཀྱིས་ནི་བསྐོར། །མགོ་བོར་ཨོཾ། མིག་ཏུ་ཧཱུྃ། སྣ་ལ་ཧ། རྣ་བར་ཧྲི། ལྕེ་ལ་ཧྲ། སྙིང་གར་ཧྲིཿ། རྡོ་རྗེ་ཁུ་ཚུར་མཉམ་བྱས་ཏེ། །དབུ་མ་གཉིས་ནི་རབ་ཏུ་བརྐྱང་། །ཡན་ལག་དྲུག་གི་སྔགས་དང་
ཕྱག་རྒྱའོ། །སྙིང་གར་སྡིགས་མཛུབ་སྦྱིན་བྱས་ལ། །དཔུང་པ་གཡས་པ་རབ་ཏུ་བརྐྱང་། །ཧཱུྃ་གི་རྣམ་པས་སེ་གོལ་དང་། །ལྷན་ཅིག་ཉིད་དུ་སྦྱར་བྱས་ལ། །གཡས་བརྐྱང་བ་ཡི་རྐང་པས་མནན། །ཨོཾ་མ་ཐ་མ་ཐ་དུཥྚ་ཧཱུྃ་ཕཊ། 
འདི་ནི་ལྷ་མོའི་རྩ་བའི་སྔགས་དང་ཕྱག་རྒྱའོ། །ར་ཤ་འོ་མར་བསྲེས་པ་ཡིས། །དུར་ཁྲོད་གནས་པའི་ལྷ་མོ་ལ། །བརྒྱད་བརྒྱ་རུ་ནི་དབུལ་བྱ་ཞིང་། །སྣ་ཚོགས་མཆོད་པས་ཚིམ་བྱས་ལ། །ཕྱིས་ནི་ལས་རྣམས་བརྩམ་པར་བྱ། །ས་ལུའི་
འབྲས་ལ་གཟུགས་བརྙན་བྱ། །མིང་གི་དབུས་སུ་གཞག་བྱས་ལ། །སེང་ལྡེང་ཕུར་བུ་སོར་བརྒྱད་པས། །ལྷན་ཅིག་དངོས་པོས་བརྡུང་བར་བྱ། །རྡོ་རྗེའང་དེ་རུ་གཞག་བྱས་ན། །གཅིན་ནི་མཆོག་ཏུ་སྡོམ་པར་འགྱུར། །བ་ལྕི་ལས་ནི་
གཟུགས་བརྙན་བྱ། །ཁྱི་ཡི་སྤུ་ཡིས་དགང་བྱས་ལ། །མིང་ནི་ཧཱུྃ་གི་རྣམ་པར་སྦྱར། །བརྒྱད་བརྒྱ་རུ་ནི་བཟླས་བྱ་ཞིང་། །རྡོ་རྗེ་པད་མས་བརྡུང་བྱས་ལ། །གདུག་པ་ཇི་བཞིན་འཚེ་བར་འགྱུར། །ལྷ་དགྲ་ལས་ནི་པད་མ་བྱ། །མིང་གི་ས་བོན་
གཞུག་བྱས་ནས། །གང་ཞིག་བསམས་པའི་བུད་མེད་རྣམས། །དེ་བཞིན་ངེས་པར་དབང་དུ་འགྱུར། །རྡོ་རྗེ་སེམས་དཔའ་དེ་བཞིན་གཤེགས། །རྡོ་རྗེ་འཛིན་པས་སླར་ཡང་གསུངས། །གཞན་ཡང་ལས་ཀྱི་ཁྱད་པར་ཉིད། །ཕྱག་ན་རྡོ་རྗེ་

87-1-253b

ཉིད་ཉོན་ཅིག །སྲོག་ཆགས་ཀྱིས་བརྐོས་ས་ལས་ནི། །བློ་དང་ལྡན་པས་གཟུགས་བརྙན་བྱ། །ལྷ་མོའི་ས་བོན་ཡི་གེས་བསྐོར། །སྙིང་གར་མིང་གི་རྣམ་པར་བྱ། །རྐང་པ་གཡོན་པས་མནན་ནས་ནི། །བློ་དང་ལྡན་པས་བརྒྱད་བརྒྱར་བཟླས། །
སྦྲུལ་གྱི་ལྤགས་པས་བཀང་བྱས་ན། །སྦྲུལ་གྱིས་རབ་ཏུ་གང་བར་འགྱུར། །སྦལ་པའི་འདབ་མས་བཀང་བྱས་ན། །སྦལ་པས་རབ་ཏུ་གང་བར་འགྱུར། །ཏིལ་མར་ནག་པོས་བཀང་བྱས་ན། །སྦྲང་བུས་རབ་ཏུ་གང་བར་འགྱུར། །སེན་
མོ་ཡིས་ནི་བཀང་བྱས་ན། །སྲིན་བུས་མངོན་པར་གང་བར་འགྱུར། །ཤ་ཡིས་ཀུན་ནས་བཀང་བྱས་ན། །མོད་ལ་གཟེར་བས་ཡོངས་སུ་འཛིན། །སྦྱོར་བས་འཇིག་པར་བྱེད་པ་དང་། །སློབ་དཔོན་དང་ནི་གསང་དམོད་པའི། །ཤིན་ཏུ་
གདུག་པའི་སེམས་ཅན་རྣམས། །འདི་ཡི་ལམ་གྱིས་སྦྱར་བར་བྱ། །སྡིག་གིས་གོས་པར་མི་འགྱུར་རོ། །ལྷ་མོ་ཕོ་ཉ་རྡོ་རྗེ་འཆང་། །སྦྱོར་བ་བསྲུང་བའི་དོན་དུ་གསུངས། །ལས་འདི་ཡི་ནི་ཁྱད་པར་ཉིད། །ཉོན་ཅིག་རྒྱལ་པོ་རྡོ་རྗེ་འཆང་། །
གདན་བཞི་པ་དང་མཉམ་ལྡན་པས། །ཡིད་མི་གཞུངས་པས་རྟོགས་བྱའི་ཕྱིར། །མདོར་བསྡུས་སྦྱོར་བ་བྱེད་པའོ། །སློབ་མས་ཤེས་པས་དོན་དམ་སྨྲ་བའི་སེང་གེ་ཡིས། །རྣལ་འབྱོར་ཆོ་གས་ཉོན་མོངས་གཡོས་པས་གཅད་པའི་ཕྱིར། །
ཉོན་མོངས་སྲེད་པའི་ཉེས་པ་སྐྱེ་རྩ་འཇོམས་མཛད་པ། །རྣལ་འབྱོར་དོན་དམ་རྒྱལ་པོ་ཉིད་དུ་འགྲུབ་གྱུར་ཅིག །སྦྱོར་བའི་ཚིག་གི་ལེའུ་ཞེས་བྱ་བ་བཅུ་གཅིག་པ་རྫོགས་སྷོ།། །།  
དཔལ་ལྡན་ཤེས་རབ་དབང་པོ་སྦས་པ་ཡིས། །ཉི་མའི་འོད་ཀྱིས་འཇིག་རྟེན་ཁམས་སུ་སྣང་བར་མཛད། །དངོས་པོ་དུ་མའི་ཁྱད་པར་བསགས་པའི་རབ་རིབ་གང་གི་མཐུ་ཡིས་འཇིག་མཛད་པ། །རྟག་ཏུ་ཀུན་ནས་རྔུབས་པའི་ང་
རྒྱལ་མི་མཐུན་དགྲ་ཡི་དུས་དང་དུས་སུ་གཡུལ་འགྱེད་པའི། །ཆགས་པ་མེད་པའི་ཡེ་ཤེས་རི་བོ་མཉམ་ཉིད་མཉམ་པའི་ས་བོན་ཆེན་པོ་གཅིག་གིས་མཛད། །འཁོར་བར་ཐིམ་པར་གསུངས་པ་ཡི། །རྩ་བའི་འཁོར་ལོ་ལ་ཕྱག་འཚལ། །

87-1-254a

གསང་བའི་ངོ་བོ་མཉམ་ཤེས་ཕྱིར། །གསང་བ་བསྒོམ་པའི་རྣལ་འབྱོར་པ། །ཧཱུྃ་གི་རྣམ་པ་འབྱིན་བྱེད་དངོས། །ཧཱུྃ་གི་རྣམ་པ་མཆོག་གི་ལྷ། །ཧཱུྃ་གི་རྣམ་པ་སྟོང་གྱུར་པ། །ཡི་གེ་ཧཱུྃ་ལ་ཕྱག་འཚལ་བསྟོད། །སྔོན་དུ་རྩ་ནི་ཀུན་སྦྱར་ལ། །
ཕྱིས་ནི་ས་བོན་རྣམ་པར་འཕྲུལ། །ལྟེ་བར་ཕྱུགས་ཀྱི་ཞགས་པ་ནི། །ཕྱུགས་ཀྱིས་གྲོལ་ཤིང་ཤིན་ཏུ་གྲོལ། །ཤར་གྱི་ཕྱོགས་སུ་གཞུ་རྒྱལ་ནི། །པད་མ་ཡི་ནི་དཀྱིལ་འཁོར་ཉིད། །གཤེར་བ་ཡང་ནི་ནུབ་ཀྱི་ཕྱོགས། །རྣམ་པར་ཤེས་པའང་ལྷན་
ཅིག་འབྱིན། །ནམ་མཁའི་དབུས་སུ་བདག་ཉིད་བྱ། །བདག་ཉིད་དབུས་སུ་ནམ་མཁའོ། །གཉི་གའི་དབུ་མ་ཤེས་བྱས་ལ། །གྲོལ་བ་ཉིད་དུ་ཐེ་ཚོམ་མེད། །སྟོང་པའི་དབུས་སུ་བདག་གི་ནི། །བདག་ཉིད་རྟགས་ནི་མཚོན་པའོ། །རྟགས་ཀྱི་བདག་
ཉིད་འབྱིན་པ་ནི། །བསྒོམས་པས་ས་ཡི་འབྱིན་པའོ། །གཞུ་ལས་རྒྱལ་ཞིང་གཤེར་བ་ཉིད། །སྐམ་པོ་པད་མ་འབྱིན་པ་ལས། །བདུན་བཅུ་རྩ་གཉིས་མཉམ་འབྱིན་པ། །རྩ་དགུ་ཡི་ནི་མིང་འདི་ཉིད། །རྩ་དགུའི་ས་ནི་རྟག་གྱུར་པ། །གསུམ་པོ་
འབྱིན་ཅིང་ཡང་དག་སྡུད། །གཤེར་དང་སྐམ་པོ་ཞེས་བྱ་བ། །རྩ་བ་གཞུ་ལས་རྒྱལ་བ་ཉིད། །དངོས་པོ་ཡི་ནི་མཚན་ཉིད་པའི། །འདི་ཡིས་འབྱིན་ཅིང་ཡང་དག་སྡུད། །པད་མ་དགུར་ནི་མཉམ་བཤད་པ། །རྣམ་པར་ཤེས་པ་ལྷན་ཅིག་
གནས། །སྟེང་འོག་ཕྱོགས་ཀྱང་སྟོང་པ་ཉིད། །དབུ་མ་སྟོང་པ་ཉིད་དུ་ནི། །རྟག་ཏུ་སྟོང་པ་གསུམ་བསྒོམ་པ། །གང་གིས་དེ་ཤེས་མཁས་པའོ། །གཡོན་གྱི་གློ་རུ་སེར་སྐྱ་དང་། །གཡས་པར་ནག་པོ་ཆེན་པོ་གནས། །རྩ་ལྔ་ལས་ནི་མཉམ་འབྱིན་པ། །
ལྔ་ཉིད་དུ་ནི་སྦྱར་བར་བྱ། །ཆུ་དང་མེ་དང་ནམ་མཁའ་དང་། །ས་ཉིད་བཞི་སྟེ་མཉམ་པའི་གདན། །ཆུ་ཤིང་མེ་ཏོག་ལྟ་བུ་ནི། །ལྟེ་བའི་དབུས་སུ་རྣམ་པར་གནས། །རྟག་ཏུ་ཁ་ནི་རབ་ཟུམ་པ། །མཁས་པ་ཡིས་ནི་རྒྱས་པར་བྱ། །འདབ་མ་བརྒྱད་
པར་རྟག་ཏུ་གྱུར། །གསུངས་པའི་གེ་སར་དང་ལྡན་པར། །དེ་ཡི་དབུས་སུ་བཤད་པ་ནི། །རྣམ་ཤེས་ལྷན་ཅིག་བསྒོམ་པ་ནི། །ཕྲ་རབ་རྡུལ་གྱི་རྣམ་པ་ལྟར། །རྣམ་པར་ཤེས་པ་མཚོན་པར་བྱ། །སྐྲ་ཡི་རྩེ་མོ་བརྒྱ་ཡི་ཆར། །འོད་ཟེར་གཡོ་

87-1-254b

བ་མེད་པར་གནས། །ཀུན་ནས་སྦྱོར་བ་གསུམ་པས་དཀྲི། །དཀྲིས་པའི་མཚན་ཉིད་འཁོར་ལོ་འདྲ། །རྫ་མཁན་འཁོར་ལོ་ལྟ་བུར་འཁོར། །གནས་སུ་བཟློག་པ་ཡེ་ཤེས་སོ། །རང་བཞིན་བརྒྱད་པའི་དབྱེ་བ་ཡིས། །སྐྱེས་བུ་དབུས་སུ་སྦྱར་
བའི་དོན། །དབུས་མས་འབྱིན་ཅིང་ཡང་དག་སྡུད། །ཐམས་ཅད་ལྟ་བ་འཇོམས་པར་བྱེད། །རྩ་བརྒྱད་མངོན་པར་ཀུན་ནས་ལྡན། །དཀར་པོ་དུད་པ་པད་མ་དུང་། །གི་ཝང་དྲི་མེད་འབྱེད་པ་དང་། །ས་གདུགས་བརྒྱད་པའི་དབྱེ་བའོ། །བདག་
མེད་ཆོས་དང་ཡང་དག་སྦྱོར། །བདག་མེད་པས་ནི་རྣམ་པར་དཀྲིས། །ཁམས་གསུམ་སྐྱེས་པ་ཟད་བྱེད་ནས། །ཡེ་ཤེས་ནུས་པ་ཡིས་ནི་འཇོམས། །དང་པོར་དཀར་པོར་ཡང་དག་བསྒོམ། །གཉིས་པར་སེར་པོར་བསྒོམ་པ་དང་། །གསུམ་
པར་ཀུན་ནས་དམར་པོར་བསྒོམ། །བཞི་པ་ལ་ནི་ནག་པོ་ཉིད། །རྩའི་འཁོར་ལོ་བསྒོམ་པ་སྟེ་ལེའུ་དང་པོ་ཞེས་བྱ་བ་རྫོགས་སོ།། །། དེ་ནས་གཞན་ཡང་རབ་བཤད་པ། །དཀྱིལ་འཁོར་ས་བོན་བསྒོམ་པ་ནི། །ས་བོན་ངེས་
པར་དེ་བཞིན་གཤེགས། །དབྱངས་ཀྱི་ཡི་གེའི་མཚན་ཉིད་དོ། །རྣམ་རྟོག་རྨོངས་པ་ཆེན་པོ་སྟེ། །འཁོར་བའི་རྒྱ་མཚོ་ཕ་རོལ་འགྲོ། །དག་པའི་ལུས་ཀྱི་ངོ་བོ་ཡིས། །ཡེ་ཤེས་ལུས་ནི་དག་པའི་དངོས། །དག་ཅིང་དག་པ་དེ་བཞིན་དངོས། །
དང་པོའི་རྣལ་འབྱོར་མཚན་ཉིད་དོ། །དེ་བཞིན་ཉོན་མོངས་མུན་པ་ནི། །རྣམ་ཤེས་ལྷན་ཅིག་སྣང་བའོ། །ཡེ་ཤེས་རྡོ་རྗེས་བཅོམ་ནས་ནི། །སྣང་བ་ལ་སོགས་ཐོབ་པར་འགྱུར། །དག་པའི་ལུས་དང་སེམས་ཀྱིས་ནི། །བློ་ལྡན་དཀྱིལ་འཁོར་མཚོན་
པར་བྱ། །སློབ་དཔོན་དང་བྲལ་འདི་ཡིས་ནི། །རྟག་ཏུ་ས་སྟེངས་དངོས་གྲུབ་མེད། །སློབ་དཔོན་ཡོན་ཏན་གཟུང་བྱ་ཞིང་། །སྐྱོན་ནི་ནམ་ཡང་མ་ཡིན་ནོ། །དཀྱིལ་འཁོར་ཆོ་གའི་མཚན་ཉིད་ནི། །དེ་བཞིན་མཉམ་པར་བརྟགས་ལ་བྱ། །གྲྭ་བཞི་པ་
ལ་སྒོ་བཞི་པ། །རྟ་བབས་བཞི་ཡིས་རྣམ་པར་བརྒྱན། །དེ་དབུས་པད་མ་མཉམ་པར་བྲི། །དབུས་སུ་མཆོག་གི་ཡི་གེ་ནི། །ཡི་གེའི་གཟུགས་དང་དབྱིབས་སུ་ནི། །ཡི་གེ་རུ་ནི་རྣམ་ཤེས་བྱ། །ཤར་དུ་དཀར་པོ་ཀུན་ནས་བསམ། །ནུབ་ཏུ་དུ་

87-1-255a

བའི་ས་བོན་བཞིན། །ལྷོར་ནི་དུང་གི་ས་བོན་དང་། །བྱང་དུ་པད་མའི་ས་བོན་ནོ། །དབང་ལྡན་མཚམས་སུ་རོ་ཙ་ན། །མེ་རུ་དྲི་མེད་གསུམ་འབྱུང་བའོ། །བདེན་བྲལ་དུ་ནི་འབྱེད་པ་ཤེས། །ཐམས་ཅད་ལས་ལ་རླུང་ཉིད་དོ། །འདི་
ལྟར་དཀྱིལ་འཁོར་མཉམ་ཤེས་བྱ། །རྟག་ཏུ་དཀྱིལ་འཁོར་བསམ་པར་བྱ། །དཀྱིལ་འཁོར་བསམས་པ་ཙམ་གྱིས་ནི། །སྡིག་པ་སྤངས་ཤིང་རྣམ་པར་གྲོལ། །རྣལ་འབྱོར་སྦྱོར་བ་ཙམ་གྱིས་ནི། །བཟའ་བ་རྣལ་འབྱོར་བརྟག་པར་བྱ། །དབང་
པོ་ལྔ་ནི་ཚིམ་བྱས་པས། །མི་འཆི་མཛེས་པར་གྱུར་པའོ། །དང་པོར་བདག་ཉིད་སྦྱང་བ་དང་། །གཉིས་པར་རྟག་ཏུ་དཀྱིལ་འཁོར་ཉིད། །གསུམ་པར་བདག་གི་གདན་དང་ནི། །བཞི་པ་ལ་ནི་སྦྱོར་བའི་གདན། །ས་བོན་གྱི་དཀྱིལ་འཁོར་བསྒོམ་
པའི་རབ་ཏུ་བྱེད་པ་ཞེས་བྱ་བ་ལེའུ་གཉིས་པ་རྫོགས་སྷོ།། །། དེ་ནས་གཞན་ཡང་རབ་བཤད་བྱ། །ཡི་གེའི་མཚན་ཉིད་ཅེས་བྱ་བ། །ཡིག་དོན་དབྱངས་ལས་ཡང་དག་འབྱུང་། །ཡི་གེ་རུ་ནི་རྣམ་ཤེས་བྱ། །མགྲིན་པ་མཆུ་
དང་རྐན་དང་ནི། །ཡི་གེ་ལྕེ་ཡིས་ཡོངས་བསྒྱུར་བའོ། །ཀ་ཚན་དུད་པ་ལས་བྱུང་ཉིད། །ཙ་ཚན་དཀར་པི་ཡང་དག་མཚུངས། །ཊ་ཚན་དུང་ལས་ཡང་དག་འབྱུང་། །པད་མ་ཉིད་ལས་ཏ་ཡིས་ཚོགས། །དབྱངས་བཞི་ཡི་ནི་འདུ་ཤེས་
སུ། །སོ་སོར་དབྱངས་ནི་འབྱུང་བའོ། །ཡི་གེ་གཉིས་ལས་ཀུན་འབྱུང་བ། །དབྱངས་ཀྱི་ཡི་གེ་དམན་པ་ཉིད། །ཁ་དོག་མེད་ཅིང་ཁ་དོག་འབྱུང་། །གཟུགས་མེད་གཟུགས་ཀྱི་ངོ་བོ་ཉིད། །རིང་བ་མ་ཡིན་ཐུང་བ་མིན། །རིགས་པ་དང་ནི་
རིགས་མིན་ཉིད། །སྟོང་མིན་སྟོང་པའི་ཡང་དག་དངོས། །གང་གིས་དེ་ཤེས་མཁས་པའོ། །གཟུགས་དང་སྟོང་པ་དེ་བཞིན་དབུས། །བློ་དང་ལྡན་པས་གཟུང་བར་བྱ། །སྲོག་གི་ཡི་གེར་ལྷན་ཅིག་པས། །ཇི་ལྟར་གཟུགས་དོན་
མཛེས་པ་དང་། །ཡིད་འོང་འོད་ཟེར་ཡི་གེ་ནི། །དུས་ལས་འདས་པ་ཕྱག་འཚལ་འདུད། །སྟོང་པ་དང་ནི་པད་མ་རྒྱལ། །པད་མ་དཀར་པོའི་ཡི་གེ་ནི། །དེ་བཞིན་གང་ཤེས་རྣལ་འབྱོར་པ། །སྦྱོར་བའི་གདན་གྱི་མིང་ཉིད་ཡིན། །

87-1-255b

སྟོང་པས་ལུས་ནི་སྦྱང་བྱས་ལ། །སྟོང་པ་ཉིད་དུ་ལྷན་ཅིག་བསྐྲུན། །ས་བོན་བསྐྲུན་པ་ཙམ་གྱིས་ནི། །ཡི་གེའི་མཚན་ཉིད་ལྷན་ཅིག་གོ། །ཡི་གེའི་མཚན་ཉིད་རབ་ཏུ་བྱེད་པ་ཞེས་བྱ་བ་སྟེ་ལེའུ་གསུམ་པ་རྫོགས་སྷོ།། །། 
བརྫུན་གྱི་ཚིག་ནི་མི་སྨྲ་སྟེ། །བརྫུན་དུ་སྨྲ་བར་རབ་གོམས་པས། །བསླབ་པ་ཐམས་ཅད་རྣམ་པར་མནན། །ཉེས་པ་ཐམས་ཅད་ཀུན་གྱི་གནས། །ཆགས་པའི་ཐག་པའི་རང་བཞིན་གྱིས། །འཁོར་བའི་ཕུར་པ་ལ་རབ་བཏགས། །
མི་གཙང་བུམ་པའི་མར་ལྟ་བུ། །ཐམས་ཅད་དུ་ནི་རྟག་ཏུ་སྤང་། །ལུས་ཀྱི་རྣམ་པ་གསུམ་ཉིད་དང་། །ངག་གི་ཡང་ནི་རྣམ་པ་བཞི། །
ཡིད་ཀྱི་རྣམ་པ་གསུམ་ཉིད་ནི། །མཁས་པ་ཡིས་ནི་རྟག་ཏུ་བསྡམ། །ངག་གི་མཆོད་པ་མངོན་རྫོགས་པའོ། །དེ་ཉིད་དམན་པའི་སྒྲུབ་པ་པོས། །བསྒྲུབ་བྱ་འགྲུབ་པར་མི་འགྱུར་བས། །རྣལ་འབྱོར་སྦྱོར་བའི་མཚན་ཉིད་ཀྱིས། །དེ་ཕྱིར་
དེ་ཉིད་ལ་མཉམ་བརྟེན། །བླ་མ་བསྙེན་བཀུར་བསྟེན་ལ་རིག །ཅི་འབྱོར་པ་ཡི་རྫས་ཉིད་དང་། །ཡང་ན་རིག་དང་རིག་པར་བརྗེ། །བཞི་པ་ཉེ་བར་རྙེད་མི་འགྱུར། །བཅུ་བཞི་དང་ནི་བཅྭ་ལྔ་དང་། །ཁྱད་པར་དུ་ནི་ཚེས་བརྒྱད་ལ། །
དངོས་གྲུབ་འདོད་པའི་རྣལ་འབྱོར་པས། །འབད་པས་གཏོར་མ་སྦྱིན་པར་བྱ། །བདུན་གྱི་སྡེ་ཚན་ཙ་མུཎྜི། །ཁྲོ་གཉེར་ཅན་ལ་ཉི་ཤུ་ལྔ། །སྡེ་ཚན་བརྒྱད་པ་མཱ་མ་ཀཱི། །སྒྲོལ་མ་སྡེ་ཚན་ལྔ་པར་བཤད། །མཁའ་འགྲོ་མ་ཡང་
ལྔ་པར་བཤད། །འབྱུང་བ་སྡུད་པ་དྲུག་པའོ། །རི་ཁྲོད་མ་ནི་དགུ་པར་བཤད། །སངས་རྒྱས་སྤྱན་མ་བཅྭ་བརྒྱད་དེ། །རྣལ་འབྱོར་མ་ནི་བརྒྱད་བཅུ་ཉིད། །ཕྱི་ཡི་མཆོད་པས་མཚུངས་པའོ། །དབུས་སུ་བདེ་བ་ཆེན་པོར་བཤད། །
རྣལ་འབྱོར་མ་ནི་བརྒྱད་ཀྱིས་བསྐོར། །ཧ་ཡི་རྣམ་པ་ཁ་དོག་འཕྲོག །ཧོ་ཡི་རྣམ་པ་དྲི་མ་མེད། །དཔའ་བོ་ཧྲཱིཿཡིས་འཇོམས་པ་ནི། །རིམ་པ་འདི་ལྟར་ཤེས་པར་བྱ། །ཁ་ཅིག་དྲི་ཡི་རང་བཞིན་དང་། །ཁ་ཅིག་མེ་ཏོག་གི་རང་

87-1-256a

བཞིན། །ཁ་ཅིག་སྤོས་ཀྱི་རང་བཞིན་དང་། །ཁ་ཅིག་གཏོར་མའི་རང་བཞིན་དུ། །དེ་བཞིན་བྱང་ཆུབ་སེམས་དཔའ་བརྒྱད། །ཕྱི་ཡི་མཆོད་པར་གནས་པ་ཉིད། །དམ་ཚིག་དང་གཏོར་མ་དང་མཆོད་པའི་ལེའུ་སྟེ་བཞི་པ་རྫོགས་སོ།། །། 
དེ་ནས་གཞན་ཡང་རབ་བཤད་པ། །ཡི་གེ་ལས་ཀྱི་མཚན་ཉིད་ནི། །རང་བཞིན་མཉམ་པར་བཤད་པ་ཉིད། །ཁྱད་པར་ཉིད་དུ་སྦྱར་བར་བྱ། །ཨོཾ་ནི་ལྟེ་བར་མངོན་པར་དགང་། །ཨོཾ་ནི་རང་བཞིན་མེད་པ་ཉིད། །ཨོཾ་ནི་གཟུང་འཛིན་དང་བྲལ་བ། །
ཨོཾ་ནི་སྟོང་པ་ཉིད་དུ་བཤད། །ཨ་ནི་ཡི་གེ་བརྒྱད་བཅུའོ། །ཀ་ནི་འགུགས་པའོ། །ཁ་ནི་ཟ་བའོ། །ག་ནི་དྲི་བའོ། །གྷ་ནི་འཇོམས་པའོ། །ང་ནི་སྐྱོང་བའོ། །ཙ་ནི་གཡོ་བའོ། །ཚ་ནི་ཚིག་དོར་རོ། །ཛ་ནི་འགུགས་པའོ། །ཛྷ་ནི་འདར་བའོ། །
ཉ་ནི་ཤེས་པའོ། །ཊ་ནི་དཀར་པོའོ། །ཋ་ནི་འབར་བའོ། །ཌ་ནི་དབུལ་བའོ། །ཌྷ་ནི་རྣམ་པར་གཡེང་བའོ། །ཎ་ནི་སྐྲག་པའོ། །ཏ་ནི་འབར་བའོ། །ཐ་ནི་ཞི་བའོ། །ད་ནི་བསྐྲུན་པའོ། །དྷ་ནི་རྒྱས་པའིའོ། །ན་ནི་སྐྲག་པའོ། །པ་ནི་ཚོད་པའོ། །ཕ་ནི་
སྤྱན་ནོ། །བ་ནི་འབར་བའོ། །བྷ་ནི་འཇིགས་པ་ཡང་དག་པར་བྱེད་པའོ། །མ་ནི་ཟ་བའོ། །ཡ་ནི་འཕྲུལ་འཁོར་འཇིག་པའོ། །ཝ་ནི་རྩོད་པའོ། །ར་ནི་སྐེམ་པའོ། །ལ་ནི་དབང་དུ་བྱེད་པའོ། །ས་ནི་དགྲ་འཇོམས་པའོ། །ཥ་ནི་གནོད་པའོ། །ཤ་ནི་ལྟུང་བའོ། །ཧ་ནི་
དྲག་པོའོ། །ཀྵ་ནི་བསྐྱོད་པའོ། །ཨཱི་ནི་དབང་ཕྱུག་གོ། །སྭཱ་ཧཱའི་རྣམ་པས་རྒྱས་པའོ། །ཕཊ་ཀྱིས་རྣམ་པས་འཇོམས་པ་དང་། །མ་ཌའི་རྣམ་པས་འཇོམས་པར་བྱེད། །ག་ཧ་ཡིས་ནི་དབང་དུ་བྱེད། །བོ་ཥ་ཧྲི་ཡིས་རྒྱས་པར་བྱེད། །རེ་ཊ་ཡིས་ནི་
ཞི་བའོ། །གྷ་ཏ་ཡིས་ནི་གཅོད་པའོ། །སྔགས་ལ་སྔགས་ཀྱི་རྣམ་པར་སྦྱར། །དོན་གཞི་ལས་དང་ལྷན་ཅིག་ཏུ། །དེ་ཡི་མིང་ནི་རབ་ཏུ་སྦྱར། །ལས་ནི་འདི་ལྟར་བཤད་པ་ཡིན། །སྔགས་ཀྱི་ལེའུ་སྟེ་ལྔ་པ་རྫོགས་སྷོ།། །། 
དེ་ནས་གཞན་ཡང་རབ་བཤད་བྱ། །སངས་རྒྱས་ལ་ནི་སྐྱབས་སུ་མཆི། །དམ་པའི་ཆོས་ལ་སྐྱབས་སུ་མཆི། །དགེ་འདུན་ལ་ཡང་སྐྱབས་སོང་བས། །དེ་ནི་ངན་འགྲོར་མ་ཡིན་ནོ། །བསོད་ནམས་ཡི་རང་སྡིག་པ་བཤགས། །ཚུལ་ཁྲིམས་

87-1-256b

ཚད་མེད་ཡན་ལག་དང་། །དེ་བཞིན་བརྟུལ་ཞུགས་ཡན་ལག་ཉིད། །རྣལ་འབྱོར་བསྟན་བཅོས་རྗེས་རིག་པས། །འདི་ལྟ་བུ་ནི་རྟག་ཏུ་སྤང་། །དེ་ལྟར་ལན་གཉིས་ལན་གསུམ་དུ། །བྱང་ཆུབ་སྙིང་པོར་བྱས་ནས་ནི། །སྙིང་རྗེ་མཆོག་དང་ལྡན་
པ་ཡིས། །འགྲོ་དྲུག་འཁོར་ལོ་ཉེ་བར་བཤད། །སྲིད་པའི་ཉེས་པ་ལ་ཞེན་པའི། །དེ་ལྟའི་སེམས་ནི་རྣམ་པར་སྤང་། །དེ་ཡི་སྡིག་པ་ཞི་བ་དང་། །བསོད་ནམས་རབ་ཏུ་འཕེལ་བར་འགྱུར། །ཨོཾ་མ་ཧཱ་དེ་བི། མ་ཧཱ་སུ་ཁེ། མ་ཧཱ་ཏེ་ཛ། མ་ཧཱ་
པོ་ཏ། མ་ཧཱ་བ་ལེ། མ་ཧཱ་ཡ་ཛྙེ། ཨོཾ་སེ་ཏ་བྷི་ཛ་གྲྀཧྞ་ནི། ཨོཾ་སི་ཏི་བྷི་ཛ་ཡ་དྷ་རཱ་ཡ་མི། ཨོཾ་དྷཱུ་མ་བི་ཛ་ཛ། ཨོཾ་དྷཱུ་མ་བི་ཛ་བྷྱོ་བད་ཏ་ན། དེ་རིང་བདག་ལ་དགོངས་སུ་གསོལ། །གསོད་དང་རྐུ་དང་འདོད་ཆགས་དང་། །དེ་བཞིན་བརྫུན་
དང་ཕྲེང་བ་དང་། །དབྱུགས་པ་གར་ལ་སོགས་པ་དང་། །ལྷག་པའི་བཟའ་བ་བསྡམ་པར་བྱ། །ལོངས་སྤྱོད་ལ་དགའ་ཆོས་མི་རྙེད། །སྭཱ་བྷཱ་བ་ཤུདྡྷཱཿསརྦ་དྷརྨཱཿསྭ་བྷཱ་བ་ཤུདྡྷོ྅ཧྃ། བཛྲ་ཤུདྡྷཱཿསརྦ་དྷརྨཱ་བཛྲ་ཤུདྡྷོ྅ཧྃ། ཡོ་ག་
ཤུད་དྷཱཿསརྦ་དྷརྨཱ་ཡོ་ག་ཤུདྡྷོ྅ཧྃ། དེ་རིང་བདག་ལ་དགོངས་སུ་གསོལ། །བདག་ནི་རྣལ་འབྱོར་མཆོག་རབ་སྟེར། །བདག་གིས་རྣམ་ཤེས་རྒྱལ་པོ་བསྐྱེད། །བདག་གིས་རྣམ་ཤེས་འཕྲོ་བ་ཤེས། །དེ་རིང་སློབ་མ་དོན་དམ་དེ་ཉིད་རྒྱལ་པོ་
ཉིད་ཀྱིས་དབང་བསྐུར་གསོལ། །བཀྲ་ཤིས་མངོན་པར་འདོད་ཕྱིར་དམྱལ་བ་ལས་བྱུང་རྟགས་བསྟན་པས། །འགྲོ་བའི་འཁོར་ལོ་ཐམས་ཅད་ལས་ནི་རྣམ་པར་ལྡོག་པ་ཡི། །རྣལ་འབྱོར་དོན་དམ་རྒྱལ་པོ་མཆོག་ཏུ་གྲུབ་གྱུར་ཅིག །
བསླབ་པའི་ལེའུ་སྟེ་དྲུག་པ་རྫོགས་སྷོ།། །། དེ་ནས་གཞན་ཡང་རབ་བཤད་བྱ། །མདོར་ན་ལྕགས་ཀྱུ་རྣམ་པ་གསུམ། །སྦྱིན་པ་སྦྱིན་པར་མི་བྱའོ། །འཁྲིག་པའི་དངོས་པོ་བསྟེན་པ་ལས། །ཁྲག་དང་ཁུ་བ་
ཡང་དག་འབྱུང་། །སྔོན་གྱི་ས་ལ་མ་རིག་པས། །རྟགས་སུ་གཟུགས་ཀྱིས་དཀྲིས་པའོ། །ཞག་བདུན་པ་ན་ཁུ་བ་ཡིས། །རྣམ་ཤེས་ལྔར་ནི་ཡང་དག་བྱུང་། །བཅུ་གཉིས་ཞག་ན་ཤེས་བྱ་བ། །བརྒྱད་པར་རྟག་ཏུ་འཁྲང་འགྱུར་

87-1-257a

ཉིད། །རོ་ནི་ཉིན་ཞག་བཅུ་དྲུག་ན། །ཨར་བུ་ཏར་ནི་ཞག་ལྔར་རོ། །ཕྱོགས་གསུམ་ལ་བརྟག་གཟུགས་བརྙན་ཉིད། །དེ་ཡི་ངོ་གདོང་རྐང་ལག་དང་། །བ་སྤུ་སོར་ནི་འགྱུར་བའོ། །ཟླ་གསུམ་རྐང་པ་རྣ་བའོ། །ཟླ་དྲུག་གཟུགས་
ཕྱེད་བཅས་པར་འགྲོ། །རྣམ་ཤེས་ལྔ་དང་སེམས་པའོ། །གནས་སྐབས་བཅུ་ནི་རྣམ་བཤད་པ། །མངལ་ནས་སྐྱེས་པའི་སྐྱེ་བ་པོ། །རྣལ་འབྱོར་རིག་པའི་སྦྱོར་བ་ཡིས། །མངལ་གྱི་གནས་སྐབས་རྣམ་པར་བཤད། །སྐྲ་དང་སྤུ་དང་སེན་མོ་སོ། །
རྡུལ་དང་དེ་བཞིན་དྲི་མ་ཤ །རུས་པ་མགོ་བོ་ལྟོ་བ་དང་། །གཉེ་མ་བཤང་དང་གཅི་བ་དང་། །མཆིལ་མ་སྣབས་དང་སྐྱུགས་པ་དང་། །རབ་འཛག་མི་གཙང་རྣམ་པ་གང་། །འདུ་བྱེད་ཆོ་གས་སྐྱེ་བའོ། །རྣལ་འབྱོར་པ་ཡིས་ཀུན་ཤེས་ནས། །
སྔོན་གྱི་ལས་ཀྱི་འབྱིན་པའོ། །མ་རིག་པའི་རྐྱེན་གྱིས་འདུ་བྱེད། འདུ་བྱེད་ཀྱི་རྐྱེན་གྱིས་རྣམ་པར་ཤེས་པ། རྣམ་པར་ཤེས་པའི་རྐྱེན་གྱིས་མིང་དང་གཟུགས། །མིང་དང་གཟུགས་ཀྱི་རྐྱེན་གྱིས་སྐྱེ་མཆེད་དྲུག །སྐྱེ་མཆེད་དྲུག་གི་རྐྱེན་གྱིས་རེག་པ། 
རེག་པའི་རྐྱེན་གྱིས་ཚོར་བ། །ཚོར་བའི་རྐྱེན་གྱིས་སྲེད་པ། སྲེད་པའི་རྐྱེན་གྱིས་ལེན་པ། ལེན་པའི་རྐྱེན་གྱིས་སྲིད་པ། སྲིད་པའི་རྐྱེན་གྱིས་སྐྱེ་བ། སྐྱེ་བའི་རྐྱེན་གྱིས་རྒ་ཤི་དང་། མྱ་ངན་དང་། སྨྲེ་སྔགས་འདོན་པ་དང་། སྡུག་བསྔལ་བ་དང་། 
ཡིད་མི་བདེ་བ་དང་། འཁྲུག་པ་རྣམས་སྡུག་བསྔལ་གྱི་ཕུང་པོ་འབའ་ཞིག་ལས་སྐྱེ་ཞིང་འབྱུང་བར་འགྱུར་རོ། །མངལ་ན་གནས་པའི་རབ་ཏུ་བྱེད་པ་ཞེས་བྱ་བའི་ལེའུ་སྟེ་བདུན་པ་རྫོགས་སྷོ།། །། 
དེ་ནས་གཞན་ཡང་རབ་བཤད་པ། །ཡོན་ཏན་ལས་ནི་ཡོན་ཏན་སྐྱེ། །རྣམ་ཤེས་གཟུགས་ཀྱི་ངོ་བོ་ནི། །ཁ་དོག་བདུན་པའི་འོད་ཟེར་ནི། །དབང་པོ་ལྔ་ཡི་འོད་ཟེར་ཉིད། །མིག་དང་རྣ་བ་སྣ་དང་ལྕེ། །རྩ་དགུ་ལས་ནི་རྣམ་པར་འབྱུང་། །གཟུགས་
དང་དབང་པོ་ལྷན་ཅིག་ཚོགས། །འོད་ཟེར་འབྱིན་ཅིང་སྡུད་པའོ། །དེ་ལ་དབུགས་ཀྱང་སྦྱར་བར་བྱ། །མཐེ་བོང་ལྷན་ཅིག་ཙམ་གྱི་ནི། །གཟུགས་ནི་དབུས་སུ་རྣམ་པར་འགྲོ། །ཀླུ་དགུས་རྟག་ཏུ་པད་མ་ལ། །ཉིན་ཞག་གཅིག་ལ་བརྒྱད་

87-1-257b

དུ་ནི། །གཟུགས་དང་ཁ་དོག་ཡོན་ཏན་དུ། །དེ་ཡི་གཟུགས་ནི་རྟག་ཏུ་འགྲོ། །གཉིས་པའི་སྦྱོར་བའི་དབུས་སུ་ནི། །ཞི་བ་ལྷན་ཅིག་བརྩམ་པར་བྱ། །དྲུག་བཅུ་རྩ་བཞིར་སྐྱེ་བ་ནི། །སྦྱོར་བ་རྩེ་མོར་འཛིན་པའོ། །བརྒྱད་པ་དབང་ལ་
མཉམ་གནས་པ། །སྦྱོར་བ་དབུ་མར་མཚུངས་པའོ། །བརྒྱད་ལ་ནག་པོར་ཀུན་ནས་སྦྱོར། །སྦྱོར་བ་སྔོན་དུ་གཟུང་བར་བྱ། །རྩ་དགུ་ཡི་ནི་གདན་ཉིད་ལ། །ཀླུ་ཡི་གདེངས་ཀ་ཀུན་ནས་མནན། །རྩ་ཡིས་གཡོགས་ཤིང་རབ་ཏུ་བསྐོར། །ཐམས་
ཅད་འབྱིན་ཅིང་ངེས་པར་རྒྱལ། །བྱང་དུ་དཀར་པོ་ཞེས་བྱ་བ། །དུད་པ་དེ་བཞིན་དེ་ཡི་ལྷོར། །དབུགས་ནི་མདོར་བསྡུས་བཤད་པའོ། །གཡོན་པའི་དབུགས་ནི་དྲི་མེད་གསུམ། །ཉིན་དང་མཚན་གྱི་དངོས་པོ་ཡིས། །འཕོ་བ་བརྒྱད་དུ་
བཤད་པའོ། །དེ་ཡི་སྦྱོར་བས་འཕོ་བ་ནི། །འཕོ་བའི་སྦྱོར་བས་གཟུང་བར་བྱ། །འབྱིན་པ་པད་མའི་རྣམ་པར་མཉམ། །རྩ་ཡི་འཁོར་ལོ་རྣམ་པར་གནས། །གང་ཞིག་གལ་ཏེ་ཡང་དག་མིས། །ཤི་བར་གྱུར་ཀྱང་མི་གཏང་ངོ་། །འདི་ལྟར་
རླུང་གི་རྒྱུན་ཚོགས་ནི། །དུ་བར་ཀུན་ཏུ་ཡང་དག་གནས། །པད་མའི་རྣམ་པ་ལྟར་མཉམ་པ། །རྩ་ཡི་འཁོར་ལོ་རྣམ་པར་གནས། །དཀར་པོ་དབང་པོ་ལྔ་བཤད་པ། །དེ་བཞིན་དུ་ནི་རུས་པའོ། །འབུ་དང་སྲིན་བུ་པད་མའོ། །རུས་པའི་
མཚམས་སུ་གནས་པ་ནི། །དུ་བ་རུ་ནི་གྱུར་པའོ། །རོ་ཙ་ན་ནི་རླུང་དུ་མཚུངས། །དྲི་མེད་གསུམ་ནི་ལག་པའི་མཐའ། །དབྱེ་བ་རྐན་དང་མགྲིན་པའོ། །ས་གདུགས་རྐེད་པ་རྒྱབ་ལ་ནི། །རང་བཞིན་མེད་པའི་འབྱིན་བྱེད་པའོ། །གང་ཞིག་རྣམ་
པར་ཤེས་ཙམ་གྱིས། །འཆི་བའི་དུས་སུ་གནས་པ་ཉིད། །གལ་ཏེ་དུས་ལ་བབ་ཙམ་གྱིས། །དབུགས་ནི་ཆད་ཅིང་འཆད་པར་འགྱུར། །དེ་བཞིན་འཇིགས་པ་ཆུ་མཐོང་ན། །འགྲམ་པའི་མཚམས་ནི་གཡོ་བར་འགྱུར། །བཅུ་གཉིས་
ཞག་ལ་ཁྲི་ཕྲག་གཅིག །ཆུ་ཚོད་དབུགས་ནི་ཆད་པའོ། །གང་ཞིག་མཚན་མོའི་མཚན་ཉིད་ནི། །ལྷོ་ཕྱོགས་བགྲོད་པར་ཡང་དག་བཤད། །བྱང་དུ་བགྲོད་པར་བཤད་པ་ནི། །ཇི་ལྟར་ཉིན་མོའི་རྣམ་པའི་འོད། །སོར་མོ་དྲུག་པ་ཙམ་

87-1-258a

ཉིད་དུ། །ནང་གི་རྣམ་ཤེས་འཕོ་བའོ། །གསང་ཞིང་གསང་བ་གསང་ཆེན་པོ། །སྦྱོར་བ་གསང་བར་མཚུངས་པའོ། །རྣལ་འབྱོར་ཤེས་པའི་རྣལ་འབྱོར་པས། །དེ་ཕྱིར་གསང་བ་ལ་མཉམ་བསྟེན། །ནང་གི་ལེའུ་ཞེས་
བྱ་བ་སྟེ་བརྒྱད་པ་རྫོགས་སྷོ།། །། དེ་ནས་གཞན་ཡང་རབ་བཤད་པ། །རྡོ་རྗེ་སྦྱོར་བའི་མཚན་ཉིད་ནི། །པད་མའི་གཟུགས་ཉིད་གཟུང་བ་ཉིད། །མཆོག་དང་རྡོ་རྗེ་མཆོག་མཉམ་པའི། །པད་མ་མཉམ་པར་བྱས་ནས་ནི། །
འཁྲིག་པ་བདུད་རྩིའི་སྦྱོར་བའོ། །ཐིག་ལེ་ཡི་ནི་རང་བཞིན་ཉིད། །རྣལ་འབྱོར་པ་ཡི་ཐིག་ལེ་གསང་། །ཀུ་ཤའི་རྩེ་མོ་བདུན་གྱི་ཆས། །རྣལ་འབྱོར་མ་ནི་བརྒྱད་ལ་དབུལ། །བདུད་རྩི་སྲུང་བ་བླང་བྱས་ལ། །གློ་རུ་ཐིག་ལེ་བཞིན་
དུ་དབུལ། །ཉོན་མོངས་རྟག་ཏུ་སྐད་ཅིག་གིས། །ཨརྩ་ཀ་ཡི་དོག་པ་བཞིན། །རྣལ་འབྱོར་བསྟན་བཅོས་བལྟས་ནས་ནི། །འདུལ་བ་འདི་ནི་རྟག་ཟློས་པའི། །སེམས་ཅན་འཇིག་རྟེན་འདས་པ་ཐོབ། །ངན་པར་སྤྱད་པའི་དྲི་མ་
འདམ། །བློ་ལྡན་གང་ཞིག་གིས་བཀྲུས་ནས། །དགེ་བ་འདི་ཡིས་དྲི་མ་འདི། །གང་གི་ལམ་ནས་འགྲོ་བ་ཡི། །དེས་བྱས་བདེ་གཤེགས་ཉིད་དུ་འགྱུར། །རྩའི་འཁོར་ལོ་ཞེས་བྱ་བ་ལེའུ་དགུ་པ་རྫོགས་སྷོ།། །། 
སྟོང་ཉིད་དངོས་པོའི་གཟུགས་ཀྱིས་ནི། །དབུས་སུ་ལྷན་ཅིག་བསྒོམ་པར་བྱ། །སྟོང་པའི་དེ་ཉིད་ཀྱིས་བཀྲུས་ལ། །སྟོང་པ་སྟོང་པའི་ས་བོན་བཞིན། །ཕྱོགས་སྟོང་ཆུར་ནི་བཤད་པ་ཉིད། །དེར་ནི་པད་མ་གཟུགས་བཅས་པའོ། །
པད་མའི་དབུས་སུ་པད་མ་དེ། །ཡིད་འོང་ལྷན་ཅིག་འབྱུང་བའོ། །རྣམ་ཤེས་གདན་དུ་རེ་ཕའོ། །དེ་ཉིད་རེ་ཕ་དང་ལྷན་ཅིག །དེ་བཞིན་སྟེང་དུ་ཐིག་ལེ་བཤད། །དབུས་སུ་རྣམ་ཤེས་ལྷན་ཅིག་བཞིན། །ས་ནི་འོད་ཟེར་གཟུགས་ཅན་
དུ། །ཁྲུ་ཕྱེད་དུ་ནི་བསྒོམ་པར་བྱ། །རྣམ་ཤེས་དཀར་པོར་བསྒོམ་བྱ་བ། །གང་ཞིག་སྦྱོར་བ་ཤེས་ལ་སྣང་། །སྣང་བའི་ལེའུ་ཞེས་བྱ་བ་སྟེ་བཅུ་པ་རྫོགས་སྷོ། །།  དེ་ནས་གཞན་ཡང་རབ་བཤད་བྱ། །གཞན་གྱི་ཡེ་

87-1-258b

ཤེས་མཆོག་འགྲོ་བ། །དཀར་པོ་མདུན་དུ་རབ་ཏུ་བཤད། །དུད་པ་ཕྱི་རོལ་ནུབ་ཏུའོ། །དེ་ཡི་གཡོན་པ་གཟུང་བྱས་ལ། །དབུས་སུ་རྣམ་ཤེས་ལྷན་ཅིག་ཏུ། །རྣམ་པར་ཤེས་པ་སེར་པོར་བསྒོམ། །དེ་ཡི་མིང་ཅན་རོ་ཧི་ཏ། །མིང་ནི་སྟོང་པར་དེ་
བཞིན་བཤད། །དུང་གི་ཕྱི་རོལ་རྣམ་བསྐོར་བས། །དེ་ཡི་སེམས་ཀྱང་བསྒོམ་པར་བྱ། །བློ་ལྡན་ཕ་རོལ་སེམས་ཤེས་པས། །གཞན་སེམས་རྟག་ཏུ་ཡི་གེ་རུ། །མཉམ་པར་བཞག་ཅིང་བསྒོམས་ཙམ་གྱིས། །གཞན་སེམས་ཤེས་
པར་འགྱུར་བའོ། །གཞན་གྱི་སེམས་ཀྱི་ལེའུ་ཞེས་བྱ་བ་སྟེ་བཅུ་གཅིག་པ་རྫོགས་སྷོ།། །། དེ་ནས་གཞན་ཡང་བཤད་བྱ་བ། །རྔུབ་པར་ལྷན་ཅིག་མཚུངས་པ་ཡིས། །རྩ་རྣམས་དགུ་ནི་བསྡམ་པར་བྱ། །རྔུབས་ཤིང་བཀང་
བའི་བདག་ཉིད་ཀྱིས། །རང་ཉིད་སྦྱོར་བས་ཡང་དག་བཀྲུ། །དབུགས་ཀྱི་འབྱིན་བྱེད་གཡོ་བ་ཉིད། །བློ་ལྡན་སྒོ་ནི་སྡོམ་པ་པོས། །གཡོ་བའི་ཡི་གེ་སྦྱར་བར་བྱ། །དབུགས་ཀྱི་མཐར་ནི་སྦྱར་བ་ཡིས། །འབྱུང་བ་སླར་ནི་མི་བཟློག་གོ། །དབུགས་ཀྱི་
མཐར་ནི་འབྱུང་བ་ཡིས། །བློ་དང་ལྡན་པས་དགང་ཞིང་སྟོང་། །གང་བ་ལ་ནི་ལྷ་ཉིད་ཀྱི། །རྩ་ཉིད་དགུ་ཡི་ཡི་གེའོ། །བློ་ལྡན་ལྷན་ཅིག་རྔུབ་པ་ཡིས། །སྡུད་པའི་གཟུགས་ནི་གཅིག་གིས་སོ། །རྔུབ་དང་འབྱིན་དང་བཀང་བ་ཡིས། །འཕོ་བར་སྦྱོར་བ་ལྷན་ཅིག་
གནས། །རིགས་པས་དུས་ལ་བབ་པའི་ཚེ། །འཕོ་བར་ལྷན་ཅིག་སྦྱོར་བ་བརྩམ། །འཕོ་བ་སྦྱང་བའི་ལེའུ་ཞེས་བྱ་བ་སྟེ་བཅུ་གཉིས་པ་རྫོགས་སྷོ།། །། དེ་ནས་གཞན་ཡང་རབ་བཤད་པ། །ཚིགས་དགུ་ལས་ནི་འབྱིན་པའོ། །དེ་བཞིན་
ཚིགས་དགུ་གོང་དུ་བཤད། །ལྷན་ཅིག་འཕོ་བ་བསྟེན་པར་བྱ། །དུད་པའི་ས་བོན་གྱིས་གཡོ་ཞིང་། །དེ་བཞིན་ཐམས་ཅད་མཁྱེན་པར་འགྲོ། །ནག་པོའི་སྦྱོར་བའི་བསྒོམ་པ་ཡིས། །ཚངས་པའི་བུག་ལས་རྣམ་པར་འབྱུང་། །རྣམ་ཤེས་ཡང་དག་སྦྱོར་
ཞེས་བྱ། །གདན་དུ་རླུང་གི་དཀྱིལ་འཁོར་དང་། །རླུང་གི་ས་བོན་མཉམ་པར་བཤད། །དེ་ཡི་ཅོད་པན་བཞིན་དུ་འཕོ། །དེ་བཞིན་ཚིགས་དགུ་ལས་ནི་སྟེང་། །ཚངས་པའི་བུག་པ་དང་མཚུངས་པའོ། །ཚངས་པའི་བུག་པ་ལས་བྱུང་ནི། །མོད་ལ་འཕོ་བའི་

87-1-259a

འབྱུང་ཉིད་ཡིན། །མོད་ལ་འཕོ་བ་ཞེས་བྱ་བའི་ལེའུ་སྟེ་བཅུ་གསུམ་པ་རྫོགས་སྷོ།། །། དེ་ནས་གཞན་ཡང་རབ་བཤད་པ། །དེ་ཉིད་མཚན་ཉིད་ཡང་དག་ལྡན། །དེ་ཉིད་ལྷན་ཅིག་བསྒོམས་པ་ཡིས། །གདན་ནི་དཀར་
པོར་ཡང་དག་གྱུར། །སྟོང་པའི་མིང་ཞེས་བྱ་བར་བཤད། །ཞི་བའི་དུས་སུ་ཀུན་སྦྱར་བས། །ཞི་བར་ལྷན་ཅིག་བརྩམ་པར་བྱ། །ཞི་བའི་ལེའུ་ཞེས་བྱ་བ་སྟེ་བཅུ་བཞི་པ་རྫོགས་སྷོ།། །།  དེ་ནས་གཞན་ཡང་རབ་བཤད་པ། །བདག་
ཉིད་རྟགས་ནི་སྦྱང་བ་བཞིན། །སྦྱང་ཞིང་བདག་ཉིད་ཆེན་པོར་སྦྱང་། །སྟོང་ཉིད་ལྷན་ཅིག་སྦྱང་བར་བྱ། །རླུང་གི་དཀྱིལ་འཁོར་དབུས་སུ་ནི། །མེ་ཡི་དཀྱིལ་འཁོར་མཚུངས་པའོ། །མེ་ཡི་དཀྱིལ་འཁོར་དབུས་སུ་ནི། །ཉི་མའི་དཀྱིལ་འཁོར་
མཚུངས་པའོ། །ཉི་མའི་དཀྱིལ་འཁོར་དབུས་སུ་ནི། །ཟླ་བའི་དཀྱིལ་འཁོར་མཚུངས་པའོ། །དེ་དབུས་དེ་ཉིད་གསུངས་པ་ནི། །ལྷན་ཅིག་མྱུ་གུའི་མཚན་ཉིད་དོ། །གསང་ཞིང་གསང་བའི་གསང་ཆེན་པོ། །སྙིང་པོ་སྙིང་པོ་ཆེན་པོ་ཡིས། །
དེ་ཉིད་མི་ཤེས་ཐམས་ཅད་ཀྱི། །རྣམ་ཤེས་ལྷན་ཅིག་སྦྱང་བར་བྱ། །བཅྭ་ལྔ་པ་བདུན་གྱི་བདུན་པ་ཞེས་བྱ་བ་རྫོགས་སྷོ།། །། དེ་ནས་གཞན་ཡང་རབ་བཤད་བ། །དཀར་པོའི་ས་བོན་བརྒྱད་པ་མཐོང་། །དགུ་མཐའ་དུ་བའི་ས་བོན་
བཞིན། །དུང་གིས་ས་བོན་ཡན་ལག་དྲུག །དང་པོ་སྒྲ་ཡིག་པད་ས་བོན། །འགི་ཝང་དེ་བཞིན་དབྱངས་ཡིག་མཐའ། །དང་པོའི་ཆ་ནི་དྲི་མེད་གསུམ། །དབྱེ་བ་སྡེ་ཚན་ཐ་མའོ། །མཐའ་ཡི་སྒྲ་ཡིག་ས་ཡི་གདུགས། །ཡི་གེའི་ས་བོན་གེར་
ཤེས་བྱ། །སྡུག་པ་ལས་ནི་མྱ་ངན་དང་། །སྡུག་པ་ལས་ནི་འཇིགས་པ་སྐྱེ། །སྡུག་པ་དང་ནི་རྣམ་བྲལ་བས། །མྱ་ངན་མེད་ཅིང་འཇིགས་པ་མེད། །འདོད་པ་ལས་ནི་མྱ་ངན་དང་། །འདོད་པ་ལས་ནི་འཇིགས་པར་འགྱུར། །འདོད་པ་དང་ནི་
རྣམ་བྲལ་བས། །མྱ་ངན་མེད་ཅིང་འཇིགས་པ་མེད། །སྔོན་གྱི་མཚན་ཉིད་ལྡན་བྱས་ཏེ། །དེ་ཉིད་ལྷན་ཅིག་གདན་ལ་ནི། །དེ་ཡི་བདག་ཉིད་ཆེར་ལྡན་པའི། །དེ་ཉིད་འོད་ཟེར་བདུན་པའོ། །རླུང་གི་དཀྱིལ་འཁོར་དབུས་སུ་ནི། །ཟླ་བའི་དཀྱིལ་

87-1-259b

འཁོར་འདྲ་བའོ། །པད་མ་ཉིད་དང་གཞལ་ཡས་ཁང་། །རྣམ་པར་ཤེས་པ་ལྷན་ཅིག་བསྐྱེད། །མདུན་དུ་རེ་ཕ་སེར་པོ་ཡང་། །སྡེ་ཚན་ལྷན་ཅིག་སེམས་བཞིན་ནོ། །ས་ཡི་འཚམས་སུ་བསྒོམ་བྱ་བ། །རང་ལུས་ས་བོན་ལྷན་ཅིག་བཅས། །
སེམས་དཔའི་སྐྱིལ་དཀྲུང་མིང་དང་ནི། །གློར་ནི་གསང་བའི་རི་རབ་གཉིས། །མིག་ནི་སྣ་རྩེར་བལྟ་བྱ་ཞིང་། །དབུགས་ཀྱིས་ལྟེ་བའི་དྲུང་བར་རོ། །མཉམ་བཞག་སྦྱོར་བའི་ངོ་བོ་ཡིས། །གསང་བའི་གདན་ལ་མཉམ་པར་ཞོན། །ཞོན་པས་
སྡིག་ལས་གྲོལ་བར་བྱེད། །གདན་ལ་ཀུན་ཏུ་ཞོན་ཙམ་གྱིས། །རྒྱལ་པོ་དབང་དུ་འགྱུར་བའོ། །ཡང་ན་སྔགས་ཀྱི་བཟླས་པ་ཡིས། །འདི་ནི་དབང་གི་བརྩམ་པར་བྱ། །ཡང་ན་སྨན་དང་ལྡན་པ་ཡིས། །སྔགས་ནི་གཞན་གྱི་གདན་ཉིད་དོ། །
ལེའུ་དང་པོའོ།། །། དེ་ནས་གཞན་ཡང་རབ་བཤད་པ། །ཚིགས་དགུ་ལས་ནི་འབྱིན་པ་པོ། །འབྱིན་པ་སྟོང་པ་མཉམ་པར་བཤད། །ཚིག་ཉིད་རྐེད་པ་ཉིད་དང་ནི། །ཚིགས་དང་ལྟེ་བ་དཀར་པོའོ། །དཀར་པོས་ཁོག་པ་དཀྲིས་པའོ། །
སྙིང་གི་སྟོང་པ་དུ་བ་ཉིད། །ཤི་ཡང་དུ་བར་འགྱུར་བའོ། །སྙིང་ལ་དུང་ཉིད་ཡང་དང་ནི། །དུང་གི་ཚིགས་ལ་གནས་པ་ཉིད། །སྙིང་གི་སྟེང་དུ་པད་མ་ཉིད། །བྲང་ལ་པད་མ་རྣམ་པར་བཤད། །དེ་བཞིན་མགྲིན་པར་འགི་ཝང་དང་། །དབང་པོ་ལྔ་
ལ་འགི་ཝང་བཤད། །དྲི་མེད་གསུམ་ནི་སོ་ཡི་མཚམས། །ས་ཡི་གདུགས་ནི་ཕོ་ཉ་ཙར། །འབྱེད་པ་གནག་དང་གཡོན་པ་ལ། །ས་གདུགས་ཕོ་ཉའི་རྩ་བ་ལ། །འབྱིན་པ་ཚངས་པའི་བུག་པའོ། །འདི་ཡིས་སྒོ་རྣམས་བསྡམས་ན་ནི། །
རྣམ་པར་ཤེས་པ་གང་ཞེས་བརྗོད། །ལེའུ་གཉིས་པའོ།། །། དེ་ནས་གཞན་ཡང་བཤད་བྱ་བ། །ཆོ་ག་འདིས་ནི་བརྩམ་པ་དང་། །ཡི་གེ་འདིས་ནི་སྦྱར་བ་དང་། །འདིས་ནི་བསྒོམས་པ་ཙམ་ཉིད་ཀྱིས། །ཚད་མར་སྦྱོར་བའི་རྣལ་འབྱོར་
གང་། །དེ་བཞིན་ཡི་གེའི་ཚད་མ་གང་། །ལྷ་ཉིད་ལྡན་པའི་ཚད་མ་གང་། །འགྲོ་བ་རྩོམ་པའི་ཚད་མ་གང་། །ལན་ཅིག་བསྒོམས་པ་ཙམ་གྱིས་ནི། །དགྲ་ཡིས་མཐར་ནི་འགྲོ་བའོ། །དེ་བཞིན་དགྲ་ཡི་མིང་བཤད་པ། །ནག་པོ་ལྷན་ཅིག་སྦྱར་

87-1-260a

བར་བྱ། །ལེའུ་གསུམ་པའོ།། །། དེ་ནས་གཞན་ཡང་རབ་བཤད་པ། །སྦྱོར་བ་མཆོག་གི་ཚིག་བྱ་བ། །ལྷ་ཉིད་ལྷན་ཅིག་ངོ་བོ་ཡིས། །དུད་པའི་ས་བོན་གྱིས་སྤྱན་དྲང་། །ཨོཾ་དྷཱུ་མ་དྷཱུ་མ་བི་ཛ་ཡཀྵ་ར་དྷུ་མ་བྷྱོ་མན་ཏྲ་པཱ་ལ་
ཡྃ་སྭཱ་ཧཱ། མཐའ་ཡི་ཡི་གེ་ལྡན་པ་ཡི། །མཆོག་གི་ཡི་གེ་དགྱེས་པར་བྱ། །དམ་ཚིག་སེར་པོ་བསྒོམས་པ་ཡིས། །ཨོཾ་ས་མ་ཡ་ཨཱ་ཀར་ཥ་ཡ་ཨཱ་ཀར་ཥ་ཡ་དྷུ་མ་བཱི་ཛ་སྭཱ་ཧཱ། ལེའུ་བཞི་པའོ།། །། དེ་ནས་གཞན་ཡང་རབ་བཤད་
པ། །སྐྱེ་བ་བཞི་ཡི་ཁྱད་པར་ཉིད། །དུང་ཅན་མ་དང་པད་མ་ཅན། །དེ་བཞིན་རི་མོ་གླང་པོ་ཅན། །པད་མ་ཅན་ནི་པད་དྲི་དང་། །གླང་ཆེན་མྱོས་པའི་འགྲོས་སུ་འགྲོ། །རྟག་ཏུ་སྙན་པར་སྨྲ་བ་དང་། །ཆུང་དང་འབྲིང་གིས་ནུས་པའོ། །ཡན་ལག་ཐམས་
ཅད་སྨད་པ་དང་། །པད་མའི་འདབ་མ་འདྲ་བའི་མིག །ཇི་སྲིད་སྐྲ་ནི་དེ་བཞིན་འཁྱིལ། །བཞིན་དང་སོ་ནི་ཕྲ་བ་དང་། །སོར་མོ་ཕྲ་ཞིང་ཡན་ལག་དམན། །སོར་མོ་དམར་ཞིང་ཆུང་བ་ཉིད། །ཞི་བའི་གཟུགས་ཅན་དབུ་མར་བཤད། པད་མ་ཅན་གྱི་
དཔལ་འགྲུབ་ཅིང་། །ཞི་བའི་ལོངས་སྤྱོད་ལ་རབ་སྦྱར། །ལེའུ་ལྔ་པའོ།། །། དེ་ནས་གཞན་ཡང་བཤད་བྱ་བ། །གླང་ཅན་མ་ནི་ཆང་དྲི་དང་། །དམན་དང་འབྲིང་གི་རྩོལ་དང་བཅས། །མཆུ་འཕྱང་བྱིན་པ་སྦོམ་པ་དང་། །གླང་ཆེན་མྱོས་པའི་འགྲོས་
སུ་འགྲོ། །གཟུགས་རིང་སེན་མོ་རིང་བ་དང་། །ནུ་མ་འཕྱང་ཞིང་སྐྲ་རྩུབ་པའོ། །འདོད་པ་ཆུང་ཞིང་བྱིན་པ་སྦོམ། །དེ་བཞིན་དཔུང་པ་མཐོ་བའོ། །མིག་དང་སེན་མོ་ཕྲ་བ་དང་། །སྦྲང་རྩི་ལ་དགའ་སྙན་པར་སྨྲ། །བཞིན་ནི་རབ་ཏུ་དགོད་པ་དང་། །
དབྱངས་སྙན་འདོད་ལ་སྲེད་པ་ཉིད། །གསང་བའི་ཁ་ཁྱེར་རྒྱས་པ་དང་། །ས་ལ་རྐང་མཐིལ་མཉམ་པར་གནས། །རྟག་ཏུ་ཆང་ལ་དགའ་བ་དང་། །དོན་འདོད་པ་ཡང་གླང་པོ་མ། །རྒྱས་པའི་ལས་ལ་སྦྱར་བར་བྱ། །ལེའུ་དྲུག་པའོ།། །། 
དེ་ནས་གཞན་ཡང་རབ་བཤད་པ། །དུང་ཅན་མ་ནི་དུང་གི་མདོག །ཞིབ་མའི་གདོང་ཅན་བྱིན་པ་རིང་། །བྱ་རོག་སྐད་དང་བྱ་རོག་དྲི། །སོར་སྦོམ་སོར་མོ་རིང་བ་ཅན། །སྐྲ་རྩུབ་ཡན་ལག་འཇམ་པ་དང་། །བོང་ཆེན་རི་དགས་མགྱོགས་འགྲོས་འགྲོ། །མགྲིན་

87-1-260b

པ་རང་ཞིང་སོ་སྒོ་ཅན། །སྣ་མཐོ་མཆན་ཁུང་སྤུ་དང་ནི། །གདུགས་ཀྱི་རྣམ་པ་མཆུ་འདྲ་བའི། །འདི་ལྟའི་མཚན་ཉིད་ལྡན་པ་ནི། །བློ་དང་ལྡན་པས་ལྷན་ཅིག་སྤང་། །དབང་ལ་སྦྱར་བའི་བུད་མེད་དོ། །ལེའུ་བདུན་པའོ།། །། དེ་ནས་གཞན་ཡང་
རབ་བཤད་པ། །རི་མོ་ཅན་ལ་རི་མོ་དགའ། །རི་མོའི་གཟུགས་དང་ཁ་དོག་བཞིན། ནུ་མ་ཆུང་ཞིང་སོར་མོ་ཕྲ། །སྒྲ་ཆུང་ཡན་ལག་ཆུང་བ་དང་། །བྱད་ཆུང་སྐྲ་ཡང་ཆུང་བ་དང་། །བྱ་རོག་རང་བཞིན་བྱ་རོག་སྐད། །ཤ་ལ་དགའ་ཞིང་དྲག་ཏུ་སྨྲ། །འདི་ནི་
མཐའ་ཡི་མཚན་ཉིད་དེ། །བུད་མེད་ནག་མོའི་ལས་ལ་སྦྱར། །མིག་གཡོན་མ་དང་འོག་མིག་མ། །ཙུ་ཏའི་གདོང་པ་བཀྲ་བའི་ལུས། །རྟག་ཏུ་སྐྲ་དང་སོ་སྟོ་བ། །འདོད་པ་དྲག་ཅིང་དྲག་པར་འབབ། །མདོག་སྐྱ་སྒུར་ཞིང་ཐུང་བ་དང་། །ནུ་མ་མཐོ་ཞིང་དཔུང་
པ་མཐོ། །འདི་ཡི་སྨིན་མ་རྗེ་ངར་ཙམ། །འདི་ཡིས་བྲན་ཀུན་ཟ་འཇོམས་ཅིང་། །ཡང་ན་བདག་པོ་གསོད་བྱེད་པས། །འདི་འདྲའི་བུད་མེད་རྣམ་པར་སྤང་། །པད་མ་ཅན་ནི་ལྷ་ཡི་རིགས། །གླང་པོ་ཅན་མ་གནོད་སྦྱིན་རིགས། །དུང་ཅན་མ་ནི་མི་ཡི་རིགས། །
རི་མོ་ཅན་ནི་རི་དགས་ཆ། །ལེའུ་བརྒྱད་པའོ།། །། མིར་སྐྱེས་པ་ནི་ཀུན་སྦྱོར་བས། །སྔོན་དུ་རིགས་ཀྱི་ཆ་ཉིད་ནི། །བ་ཌ་བ་ནི་གླང་པོར་བཤད། །ཡི་དགས་ཅན་མ་རྩ་ཡི་རིགས། །བ་ཌ་པ་ནི་ལྷ་ཡི་རིགས། །གདུགས་ལྟར་དཔུང་པ་མགྲིན་
པ་རིང་། །སོ་སྟོ་མཆུ་ནི་སྣུམ་པ་དང་། །པད་མ་འམ་ནི་དམར་པོའི་རིགས། །དཔྲལ་བ་སྨིན་མ་རྒྱ་ཆེ་ཞིང་། །སྐྲ་ནི་འཇམ་ཞིང་སེར་སྐྱའོ། །གཟུགས་ནི་འཚམ་ཞིང་རྗེ་ངར་རིང་། །སྣ་མཐོ་སྣ་ནི་འཕྲང་བ་དང་། །ཡན་ལག་འཇམ་ཞིང་དཔུང་པ་རིང་། །ངང་
པའི་འགྲོས་དང་ངང་པའི་སྐད། །དྲི་དང་མེ་ཏོག་ལ་དགའ་ཞིང་། །འོ་མ་ལ་དགའ་སྦྱིན་པ་གཏོང་། །བསོད་ནམས་ཆེ་དང་སྒེག་པར་བཅས། །དབང་ཕྱུག་དཔལ་ནི་རབ་སྟེར་ཞིང་། །སེམས་བརྟན་ཁ་ཟས་ཉུང་ངུས་འཚོ། །ལེའུ་དང་པོ་ཞེས་བྱ་བའོ།། །། 
དེ་ནས་གཞན་ཡང་རབ་བཤད་པ། །གླང་པོ་ཅན་མ་ལུས་བོང་ཆེ། །བྱིན་པ་རིང་ཞིང་ངོ་གདོང་ཆེ། །མིག་ཕྲ་རྣ་བ་འཕྱང་བ་དང་། །སྐྲ་རྩུབ་པ་དང་ཕྲུམ་པ་ཅན། །མཆུ་འཕྱངས་ཡན་ལག་རྒྱས་པ་ཉིད། །ཟས་ནི་དྲག་ཏུ་ཟ་བ་དང་། །ཞིབ་མའི་

87-1-261a

གདོང་ཅན་རྣ་བ་འཕྱང་། །འདོད་པ་ཆུང་ཞིང་འདུས་ལ་དགའ། །དཔུང་མགོ་རས་འཕྱང་ཡན་ལག་ཕྲ། །སྐྲ་རིང་སོ་ནི་སྟོ་བ་དང་། །སེན་མོ་ཆུང་ཞིང་རྐང་པ་འཇམ། །སྣ་དང་ལྟོ་བ་རིང་བ་དང་། །ཕུབ་མའི་སྐད་དང་ལུས་པོ་རྩུབ། །འདོད་ལ་དགའ་
ཞིང་གཏི་མུག་དངོས། །ཕྱུག་ཅིང་ཐམས་ཅད་བདག་པོའོ། །ལེའུ་གཉིས་པ་ཞེས་བྱ་བའོ།། །། དེ་ནས་གཞན་ཡང་རབ་བཤད་པ། །རི་དགས་ཅན་མ་རི་དགས་རྐང་། །མིག་དཀྱུས་རིང་ཞིང་ལུས་བོང་ཆེ། །སྐྲ་ཕྲ་སོ་ནི་ཆུང་བ་དང་། །མཆུ་
བསྙུང་ལུས་ནི་མཛེས་པ་དང་། །ཏིལ་གྱི་བཞིན་དང་ལྤགས་པ་སྲབ། །མང་ལ་དགའ་ཞིང་མང་དུ་སྨྲ། །བྱ་རོག་སྐད་དང་རྐང་པ་འགྱུར། །རྟག་ཏུ་དབུལ་ཞིང་མི་བརྟན་པ། །གདུག་སེམས་ལྡན་པའི་བདག་ཉིད་ཅན། །སྡིག་བྱེད་ཚིག་འདོར་སྨྲ་
བའི་ས། །དུད་འགྲོའམ་ཡང་ན་ཡི་དགས་རིགས། །ལེའུ་གསུམ་པ་ཞེས་བྱ་བའོ།། །། དེ་ནས་གཞན་ཡང་རབ་བཤད་པ། །མཁས་ཤིང་བརྩོན་འགྲུས་བརྟན་པ་དང་། །ཤེས་རབ་བརྟུལ་ཞུགས་བརྟན་པ་ཉིད། །སྙིང་སྟོབས་བརྟན་
ཞིང་སྟོང་པ་ཉིད། །མགྲིན་པ་བུམ་པ་འདྲ་བ་དང་། །ལུས་པོ་འཚམ་ཞིང་ཡན་ལག་ཕྲ། །ལྤགས་པ་སྲབ་ཅིང་སེན་མོ་དམར། །སྙན་པར་སྨྲ་ཞིང་སྙིང་རྗེ་ཆེ། །སྦྱིན་པའི་བདག་ཉིད་ལ་རྟག་དགའ། །མེ་ཏོག་དྲི་ལ་དགའ་བ་ཉིད། །སྦྱོར་དང་ཡེ་
ཤེས་ལ་དགའ་བ། །སྙིང་རྗེར་མངོན་དགའི་བདག་ཉིད་སེམས། །བུད་མེད་ལས་ནི་ཁྱད་པར་འཕགས། །ལེའུ་བཞི་པ་ཞེས་བྱ་བའོ།། །། ཆང་ལ་མངོན་དུ་དགའ་བ་དང་། །རྟག་སྲེད་ལ་ནི་དགའ་བ་ཡི། །རྟག་ཏུ་ས་སྟོངས་སྦྱོར་བ་
དམན། །འདི་ལྟ་བུ་ནི་སྤྱད་པར་བྱ། །ལེའུ་ལྔ་པ་ཞེས་བྱ་བའོ།། །།  དེ་ནས་གཞན་ཡང་རབ་བཤད་པ། །ཐབ་ཁུང་ཐབ་ཁུང་མཉམ་ཤེས་བྱ། །ཀུ་རུ་མེ་ནི་ཀུན་ཏུ་བརྟགས། །རྩ་བའི་འཁོར་ལོ་པད་མ་མཉམ། །དུ་བ་མེར་ནི་རབ་
ཏུ་བརྟག །དཀར་བའི་ས་བོན་གྱིས་ནི་ཤིང་། །དུང་གི་ས་བོན་མེ་ཏོག་བཞིན། །གཏོར་མ་སྤོས་ནི་པད་མར་བཤད། །ཁམས་ལྔ་ཉེ་བར་ལོངས་སྤྱད་བྱ། །འགི་ཝང་དྲི་མ་གསུམ་བྱེད་པ། །ས་གདུགས་འབྱིན་བྱེད་ས་བོན་བཞིན། །སྲིན་

87-1-261b

ལག་མཐེ་བོང་གུང་མོ་ནི། །ལྷན་ཅིག་ཕྱག་རྒྱར་སྦྱར་བྱས་ལ། །བདུད་རྩིའི་ཡི་གེའི་ངོ་བོ་ཡིས། །བདག་ཉིད་མཆོད་སྦྱིན་བསྲེག་པར་བྱེད། །བསྲེག་རྫས་འོ་མ་བཏུང་བའོ། །བཅྭ་ལྔ་དང་ནི་བཅུ་བཞི་ལ། །ཁྱད་པར་དུ་ཡང་ཚེས་བརྒྱད་ལ། །མཉམ་
པར་སྦྱོར་བས་ཆ་སྤངས་ལ། །བདག་བཞིན་བླ་མ་སྦྱིན་བསྲེག་བྱ། །དེ་བཞིན་ལྷ་འཇོམས་ཇི་ལྟ་བར། །ཡང་ན་གསང་བ་འཇིག་བྱེད་པ། །ཡང་ན་བླ་མ་བརྙས་པར་ཡང་། །དེ་བཞིན་བླ་མ་སྤངས་པ་དང་། །ཆོ་ག་རྫོགས་པར་བླང་བ་དང་། །བདག་
ཉིད་མེ་ལ་ལྷན་ཅིག་སྦྱར། །རྣལ་འབྱོར་པ་ཡིས་སྡིག་འཇོམས་པར། །འགྱུར་བ་འདི་ལ་ཐེ་ཚོམ་མེད། །ལེའུ་དྲུག་པ་ཞེས་བྱ་བའོ།། །། དེ་ནས་གཞན་ཡང་རབ་བཤད་པ། །ཕྱག་རྒྱ་ཡི་ནི་ཆོ་ག་མཆོག །གཡས་བརྐྱང་རྐང་
པས་མནན་ནས་ནི། །སྡིགས་མཛུབ་སྙིང་ཀར་རྣམ་པར་སྦྱིན། །རྣལ་འབྱོར་པ་ཡིས་སྡིག་འཇོམས་པར། །འགྱུར་བར་འདི་ལ་ཐེ་ཚོམ་མེད། །སེ་གོལ་ཧཱུྃ་གི་རྣམ་པ་དང་། །ལྷན་ཅིག་ཏུ་ནི་སྦྱར་བྱས་པས། །ཀླུ་རྣམས་སྐྲག་པར་བྱེད་པ་
དང་། །ལོག་འདྲེན་འདར་བར་བྱེད་པ་དང་། །སྒོ་འཕར་འབྱེད་པ་དང་། འབྱུང་པོ་གསོད་པ་དང་། ཤ་ཟ་འདུལ་བ་དང་། ཡི་དགས་བསྐྲོད་པ་དང་། འདི་ནི་ཚམ་ངམ་གྱི་ཆོ་གའི་སྔགས་དང་ཕྱག་རྒྱའོ། །གཞན་ཡང་རྡོ་རྗེ་ཚམ་ངམ་གྱི་སྔགས་
དང་ཕྱག་རྒྱས་མི་བརླག་པར་བྱེད་པ་དང་། སྟེང་དུ་འཕེན་པ་དང་། འབྱུང་པོ་འཇོམས་པ་ལ་དུ་བའི་ས་བོན་གྱིས་རབ་ཏུ་སྦྱར་བར་བྱའོ། །འཇིག་རྟེན་ལས་འདས་པའི་བྱང་ཆུབ་སེམས་དཔའ་ནི་རྡོ་རྗེ་ལྕགས་ཀྱུས་ཕྱག་རྒྱས་སྤྱན་དྲང་
བར་བྱའོ། །པད་མའི་གདན་དབུལ། འཇིག་རྟེན་པའི་གནས་ཙམ་ནི། །དུད་པའི་ལྕགས་ཀྱུས་སྤྱན་དྲང་ལ། །རྡོ་རྗེ་ཞགས་པས་བཅིང་བར་བྱ། །རྡོ་རྗེ་ལྕགས་སྒྲོག་གིས་དགྱེས་བྱ། །རྡོ་རྗེ་དྲིལ་བུས་མཆོད་པར་བྱ། །མེ་ཏོག་གི་སོར་མོ་
དང་། དྲིའི་སོར་མོ་དང་། སྤོས་ཀྱི་སོར་མོ་དང་། མར་མེའི་སོར་མོ་དང་། གཏོར་མའི་སོར་མོ་རྣམས་ཀྱིས་མཆོད་པ་ལྔ་མཉམ་པར་བྱས་ཏེ་མཆོད་པར་བྱའོ། །ར་བའི་ཕྱག་རྒྱ་དང་། དྲ་བའི་ཕྱག་རྒྱ་དང་། ཕུར་པའི་ཕྱག་རྒྱ་དང་། ཨུཏྤ་ལའི་

87-1-262a

ཕྱག་རྒྱ་དང་། ཤག་ཏིའི་ཕྱག་རྒྱ་དང་། པད་མའི་ཕྱག་རྒྱས་རྒྱས་པའོ། །ཆུའི་སྦྱིན་སྲེག་གི་ཕྱག་རྒྱ་དང་། མེ་ལ་པད་མའི་ཕྱག་རྒྱ་དང་། རྡོ་རྗེ་གྲི་གུག་གིས་གཅོད་པ་དང་། ལོག་པའི་གྲི་གུག་གིས་གསོད་པ་དང་། 
ཕག་མོའི་ཕྱག་རྒྱས་བསྐྲོད་པ་དང་། སྙིང་གར་བསྡུ་ཞིང་གཤེགས་སུ་གསོལ་བའོ། །ཕྱག་རྒྱའི་ལེའུ་ཞེས་བྱ་བ་སྟེ་ལེའུ་བདུན་པ་ཞེས་བྱའོ།། །། ཀྱེ་མའོ་འདུ་བྱེད་རྣམས་མི་རྟག །སྐྱེ་ཞིང་འཇིག་པའི་ཆོས་
ཅན་ཡིན། །དེས་ན་དེ་བཞིན་འདོད་པ་སྤང་བར་བྱ། །འདོད་པ་རྣམས་ནི་དུག་ལྟར་ཉེས་མཐའ་ཡས། །དམྱལ་བར་ལྟུང་ཞིང་ཡི་དགས་གནས་སུ་སྐྱེ། །སྐད་ཅིག་དབང་དུ་མི་འགྱུར་འདོད་པ་ཡི། །ཡོན་ཏན་འདི་དག་སྨིག་རྒྱུ་ལྟ་
བུ་དང་། །སྙིང་པོ་མེད་ཅིང་ཆུ་བུར་དབུ་བར་མཚུངས། །ཐོག་མ་ལང་ཚོ་མཆོག་གི་གཟུགས་འཛིན་པ། །སྡུག་ཅིང་ཡིད་འོང་འདི་ནི་བྱིས་པའི་དུས། །གཟུགས་མཛེས་གཟུགས་ནི་མི་སྡུག་གཟུགས་སུ་འགྱུར། །མཛའ་
མེད་འཆི་དང་མཚུངས་པར་འགྱུར་བ་ཡི། །འགྲོ་འདི་ནོར་གྱིས་དབུལ་ཞིང་སློང་མོ་པའོ། །དེ་ཕྱིར་འབད་པས་རྣལ་འབྱོར་པས། །ཐམས་ཅད་དུ་ནི་ལུས་བསྡམ་ཞིང་། །བཟའ་བ་བཅའ་བ་བསྡམ་པར་བྱའོ། །སྤྱོད་པའི་
དུས་ལ་འདི་ཡིས་བསྡམ། །ལེའུ་བརྒྱད་པ་སྟེ་བསྟན་བཅོས་བཞི་པ་ཞེས་བྱ་བ་རྫོགས་སྷོ།། །། སོར་བརྒྱད་ལས་ནི་ལྷག་པ་རུ། །ཇི་སྲིད་ཁྲུཿསྟོང་བར་དུ་ནི། །བརྒྱད་པ་དགྲ་ནི་འཇོམས་པ་དང་། །བཅུ་པར་
རྟག་ཏུ་རྒྱས་པའོ། །བཅུ་གཉིས་དབང་དུ་ཡང་དག་ལྡན། །བཅུ་བཞི་དེ་བཞིན་ཞི་བ་ཉིད། །བཅུ་དྲུག་ཏུ་ནི་ཀུན་ཏུ་བརྐོ། །ཁ་ཁྱེར་གསུམ་པར་མངོན་པར་སྤྱོད། །ཞི་བ་ལ་ནི་གྲུ་བཞི་པ། །ཡོངས་སུ་དགོད་པ་དབང་
དུ་ལྡན། །ཡང་ན་རྒྱས་པ་ལ་ཡང་ཡིན། །དང་པོར་ས་ནི་སྦྱང་བར་བྱ། །བཛྲ་སྥོཊ་མ་ཧཱ་ཏེ་ཛ་ཧཱུྃ་ཕཊ། རྡོ་རྗེའི་ཕུར་བུ་ལ་ཧྲཱིཿཧྲ་ཞེས་སོ། །རྡོ་རྗེའི་ར་བ་ལེ་ཧ་ཞེས་དང་། རྡོ་རྗེའི་ཆོ་ག་ལ་ནི་ཧེ་ཧེའོ། །ལྕེ་སྦྱང་བ་ལ་

87-1-262b

ནི་སའོ། །ལག་པ་སྦྱང་བ་ལ་ནི་ཨཱཿཧཱུྃ་ངོ་། །རྡོ་རྗེའི་ཕྱག་རྒྱའི་བདག་ཉིད་ཀྱིས་ནི་དགོད་པའོ། །མེ་ཡི་དབུས་སུ་པད་མ་ཉིད། །དེ་ཡི་དབུས་སུ་མེ་ཡི་ལྷ། །དུ་བའི་ལྕགས་ཀྱུས་གཞུག་བྱས་ལ། །རྡོ་རྗེ་ཞགས་པས་བཅིང་བར་བྱ། །ཞལ་
གསུམ་ཕྱག་ནི་དྲུག་པ་ཉིད། །སྤྱན་གསུམ་དེ་བཞིན་ལྟོ་བ་དང་། །རལ་པ་དམར་སེར་ཡང་དག་ལྡན། །བུ་རམ་མདོག་ཅན་གསུས་པ་འཕྱང་། །སྐྱབས་སྦྱིན་དང་ནི་དབྱུག་པ་དང་། །སྡིགས་མཛུབ་དང་ནི་རྩེ་གསུམ་ཉིད། །ཨོཾ་ས་སྭཱ་ཧཱ་མེའི་
སྙིང་པོའོ། །ཨོཾ་ཧུ་ཏ་ཧཱུྃ་ཏ་བྷ་ཧེ་ས་སྭཱ་ཧཱ། ནོར་གྱི་ཕྱག་རྒྱས་མཆོད་པར་བྱ། །དངོས་པོ་ལྔ་ཡིས་དེ་བཞིན་བསྲེག །ཇི་ལྟར་འབྱོར་པ་གསུམ་གྱིས་མཆོད། །གང་ཕྱིར་དེ་ནི་གཤེགས་སུ་གསོལ། །དེ་བཞིན་པད་མར་བསྒྱུར་བ་ལྔས། །ཨོཾ་ཀ་མ་ལ་
ཨུ་པ་ལོ་ཧྲི་ས། །ལྷ་ཉིད་རྩ་དང་ལྷན་ཅིག་བཞིན། །སྒྲ་ཡིས་ལྷ་ནི་དབྱུང་བྱ་བ། །ཞི་བར་དཀར་པོར་ཡང་དག་ལྡན། །རྒྱས་པར་སེར་པོར་རྣམ་པར་བསྒོམ། །དབང་ལ་དམར་པོར་ཡང་དག་ལྡན། །ནག་པོ་ཉིད་ནི་དྲག་པོའོ། །ལྷ་ཡི་གཟུགས་
ནི་བསྒོམ་པར་བྱ། །སྦྱོར་བའི་གདན་གྱི་རྣལ་འབྱོར་དང་། །ཧཱུྃ་ཧཱུྃ་ས་ཡྃ་ཤིང་སྦྱང་བའོ། །ཧཱུྃ་འབྲུ་སྦྱང་བའོ། །ཨོཾ་འོ་མ་སྦྱང་བའོ། །ཧྲི་དྲི་ཡིའོ། །ཨོཾ་ཤུ་སུ་པི་ཏ་པུཥྤེ་བྷྱོ་སྭཱ་ཧཱ། ཨོཾ་དྷུ་པ་མ་ལ་ཀུ་ལེ་སྭཱ་ཧཱ། ཏཱིཀྵྞ་དཱི་པེ་སྭཱ་ཧཱ། ཨོཾ་ཀུ་རུ་ཀུ་རུ་བི་
ཛ་ཡ་སྭཱ་ཧཱ། ལྷན་ཅིག་ལྷ་དང་དབུས་སུ་ནི། །བཟླས་པ་གཅིག་གིས་བསྡུ་བར་བྱ། །དཔའ་བོ་གཅིག་པའི་བདག་ཉིད་ཆེ། །ཕྱག་གཉིས་སྦྱོར་བའི་གདན་ལ་ནི། །དེ་ཡི་ཞལ་དུ་བསྲེག་བླུགས་ནི། །ཀུན་ནས་ལྷ་ཉིད་ཚིམ་པར་བྱ། །དངོས་
པོ་བརྒྱད་ཀྱི་མཆོད་པ་ནི། །ཧཱུྃ་གི་གླུ་ཡི་རྣམ་པ་ཡིས། །སངས་རྒྱས་ཀུན་ནས་མཉེས་པར་བྱ། །རྡོ་རྗེ་ཁུ་ཚུར་གཉིས་བྱས་ནས། །དཀུ་ཡི་ཕྱོགས་སུ་གཟུང་བར་བྱ། །མེ་ཏོག་ཚུལ་གྱིས་གཏོར་བ་དང་། །གླིང་བུའི་ཚུལ་གྱིས་
འབུད་པ་དང་། །སིལ་སྙན་ཚུལ་གྱིས་དཀྲོལ་བ་དང་། །གར་གྱི་ཚུལ་གྱིས་ཡན་ལག་བསྐྱོད། །འབུད་པའི་ཚུལ་གྱིས་འབུད་པ་དང་། །རྒྱལ་མཚན་ཚུལ་གྱིས་བསྒྲེང་བ་དང་། །བླ་རེའི་ཚུལ་གྱིས་བྲེ་བ་དང་། །

87-1-263a

བ་དན་ཚུལ་གྱིས་འཕྱར་བ་དང་། །རླུང་གཡབ་ཚུལ་གྱིས་གཡབ་པ་དང་། །ལྷ་ཉིད་ལ་མཆོད་ཕྱིར་ནི་མཆོག་ཏུ་འདུད། །ཞི་ཕྱིར་ཕྱག་འཚལ་འདུད་པས་ཞི་བར་བྱེད། །སྤྲོ་ཕྱིར་ཕྱག་འཚལ་འདུད་ལ་ཕྱག་འཚལ་འདུད། །
བདག་མེད་རྣལ་འབྱོར་གྲུབ་ཕྱིར་ཧཱུྃ་འབྱིན་ས་བོན་འཛིན་པར་མཛད། །བདག་མེད་པར་སྦྱོར་རྣམ་པར་སྣང་མཛད་དངོས་ལ་ཕྱག་འཚལ་འདུད། །ཁྱད་པར་གླུ་དང་མཆོད་པས་མེ་ལ་མཆོད་པར་བྱ་སྟེ་སྒྲས་འཇུག་པར་བྱའོ། །དེ་
བཞིན་དུ་ཕྱིས་བསྲེགས་བླུགས་ཕྱེད་དང་བཞིས་མེ་ལྷ་མཆོད་པར་བྱའོ། །ལེའུ་དང་པོ་ཞེས་བྱ་བའོ།། །། དེ་ནས་གཞན་ཡང་བཤད་བྱ་བ། །སླར་ཡང་མེ་ཡི་བརྟག་པ་ནི། །མཐོ་བར་འབར་བས་ཞི་བའོ། །དམའ་བར་འབར་བས་རྒྱས་པ་ཉིད། །འཁོར་བར་འབར་
བས་དབང་དང་ལྡན། །དུ་བར་འབར་བས་བདག་ཉིད་འཇོམས། །དེ་བཞིན་མེ་ཡི་དེ་ཉིད་ནི། །བློ་ལྡན་རྣལ་འབྱོར་པས་ཤེས་བྱ། །དབང་ལྡན་དུ་ནི་ཞི་བ་ཉིད། །ཤར་དུ་དཔལ་དང་མངོན་པར་འགྲོགས། །མེ་ཡི་ཕྱོགས་སུ་རྒྱས་པ་ཉིད། །ལྷོ་ཕྱོགས་སུ་ནི་ནོར་
བརླག་གོ། །བདེན་བྲལ་འཆི་བའི་ཕོ་ཉ་ཉིད། །ནུབ་ཏུ་དབང་ནི་བརྩམ་པར་བྱ། །རླུང་དུ་ནོར་ནི་ཉམས་པ་དང་། །བྱང་དུ་རིགས་ནི་རྣམ་པར་འཕེལ། །ལེའུ་གཉིས་པ་ཞེས་བྱ་བའོ།། །། དེ་ནས་གཞན་ཡང་བཤད་བྱ་བ། །ཡཾ་ཤིང་ནི་མེ་ཡི་བརྟག་པ་ནི། །ཡམ་ཤིང་
གི་ནི་བྱེ་བྲག་ཉིད། །ཞི་བ་ལ་ནི་སོར་མོ་བཅུ། །རྒྱས་པ་ལ་ནི་སྐྱེས་བུ་ཉིད། །མངོན་སྤྱོད་ལ་ནི་བརྒྱད་པ་པོ། །དབང་ལ་བཅུ་གཉིས་པ་ཉིད་དང་། །དབྱེ་བ་དེ་བཞིན་འོ་མའི་ཤིང་། །དེ་བཞིན་པད་མ་པྲི་ཡང་ཀུ། །ཁྱད་པར་དུ་ནི་ཞི་བ་ལ། །ཡམ་ཤིང་འདི་ནི་ཆོ་གའི་
མཆོག །ཐང་ཤིང་དེ་བཞིན་ཤིང་དང་ནི། །འོ་མ་འཛག་པའི་ཤིང་ཇི་བཞིན། །ཡམ་ཤིང་གི་ནི་ཆོ་ག་མཆོག །རྒྱས་པ་ལ་ནི་སྦྱར་བར་བྱ། །བྷ་ལ་ཏ་ཀ་སྒུར་པོའི་ཤིང་། །བྱ་རོག་ཚང་གི་ཤིང་ཇི་བཞིན། །ཡམ་ཤིང་གི་ནི་ཆོ་ག་མཆོག །ཤིང་གི་ནག་པོའི་ལས་ལ་སྦྱར། །
འོ་མར་ལྡན་པའི་བཏུང་བ་དང་། །དེ་བཞིན་འབྲས་དང་འབྲུ་མཉམ་པས། །ཞི་བ་ལ་ནི་སྦྱར་བར་བཤད། །སྦྱིན་སྲེག་གི་ནི་ཆོ་ག་མཆོག །འགི་ཝང་དང་ནི་གུར་ཀུམ་ཉིད། །ཐམས་ཅད་འབྲུ་དང་མཉམ་ལྡན་པ། །དེ་བཞིན་རྒྱས་པའི་སྦྱིན་བསྲེག་གོ། །ཡང་ན་

87-1-263b

གསེར་གྱི་ལྷ་དང་ནི། །པིན་ད་ར་ག་གུར་གུམ་དང་། །ཨ་རུ་ར་ཡི་མེ་ཏོག་བརྒྱ། །དབང་ལ་སྦྱར་བར་ཡང་དག་མཚུངས། །བྷ་ལ་ཏ་ཀ་ལུང་ཏང་དང་། །དུག་དང་དེ་བཞིན་ཁྲག་ཉིད་དང་། །ཚ་བའི་མར་ཁུ་དེ་བཞིན་སྐྲ། །ནག་པོའི་ཕྱོགས་ལ་སྦྱར་བ་ཉིད། །ལེའུ་
གསུམ་པ་ཞེས་བྱ་བའོ།། །། དེ་ནས་གཞན་ཡང་བཤད་བྱ་བ། །འབྱུང་པོ་གནོད་སྦྱིན་དེ་བཞིན་ཀླུ། །ལྷ་དང་ནམ་མཁའ་ལྡིང་དང་ནི། །སྨྱོ་དང་འཁོར་བྱེད་གནོད་སྦྱིན་དང་། །ལྷ་མོ་མ་མོའི་བདག་ཉིད་ནི། །དཀྱིལ་འཁོར་དགུ་ནི་མངོན་བྱས་ནས། །རེའུ་མིག་དགུ་
དང་ཆ་དགུ་དང་། །དབུས་སུ་བདག་གི་ལྷ་ཉིད་དང་། །དབང་ལྡན་དུ་ནི་ལྷ་ཡི་རིས། །ཤར་དུ་ཀླུ་ཡི་ཆ་དང་ནི། །མེ་ཡི་ཕྱོགས་སུ་གནོད་སྦྱིན་ཉིད། །ལྷོ་ཕྱོགས་སུ་ནི་འབྱུང་པོའོ། །དེ་བཞིན་སྨྱོ་བྱེད་བདེན་བྲལ་དུའོ། །ནུབ་ཏུ་ནམ་མཁའ་ལྡིང་ཉིད་དང་། །རླུང་གི་
ཕྱོགས་སུ་གཏོར་མ་མཚུངས། །བྱང་དུ་འཁོར་བྱེད་གནོད་སྦྱིན་ནོ། །བདག་ཉིད་ཆ་ཡིས་མཆོད་པར་བྱ། །ལེའུ་བཞི་པ་ཞེས་བྱ་བའོ།། །། དཀར་པོའི་འོད་མཆོག་མི་བཟད་མངོན་པར་རོལ་བ་གསང་བ་ལ་མཁས་ལྕེའོ། །སྟེང་གི་མཆེ་བ་གཉིས་ལ་
ཆུ་འབྱིན་རོ་ནིའོ་མའི་ཆུ་ཞེས་པ། །འཕྱར་བའི་ཆུ་ཡི་ཁ་དོག་དང་མཚུངས་མཆེ་བ་གཉིས་ནི་རྩ་བཞིན་ནོ། །ལྕེ་ཡི་གདུང་བ་སེལ་བའི་ཆུ་ནི་བདུད་རྩིའི་དཀར་པོའི་བདུད་རྩི་ལྔ། །རྒྱས་པ་ལྔ་ལ་བདུད་རྩིའི་རོ་བཞིན་སྦྱོར་བ་མཁས་པས་མི་ཤེས་སོ། །
ལྕེ་ལ་དེ་བཞིན་དཀར་པོའི་ས་བོན་དེ་ནི་དུད་པའི་ལྕགས་ཀྱུས་དྲངས། །སྣ་ལ་རོ་ཡི་དགོད་པའི་བདུད་རྩི་རླུང་གི་ལྕགས་ཀྱུས་ཡིས་ནི་འདྲེན། །རིག་པས་རིག་པ་མཐོང་བ་དེ་ལྟར་དེ་ཡི་བདུད་རྩི་རྣམ་པར་ཐིམ། །ཇི་སྲིད་རིང་དུ་འཚོ་ཞིང་ཆོས་སྤྱོད་པ། །
དེ་སྲིད་དགེ་བའི་རྒྱུན་ནི་རབ་ཏུ་འཕེལ། །རླུང་གིས་འབྱིན་ཅིང་ཡིད་ནི་མངོན་ང་རྒྱལ། །རླུང་གི་ས་བོན་གྱིས་ནི་རྟག་སྦྱོར་བྱེད། །ཀ་བ་གཅིག་དང་ཚིག་དགུ་དང་། །སྒོ་ལྔ་བུག་པ་གསུམ་པ་ཉིད། །རྩ་ཡི་འཁོར་ལོ་ཕྲ་བ་འདི། །གཡོ་དང་
མི་གཡོ་གསང་བར་བཅས། །གཟུགས་གཅིག་ལ་ནི་སྡུད་པ་ཉིད། །རྩ་ཡི་རང་བཞིན་གྱིས་མི་རྟག །དང་པོའི་གདན་ལ་བཤད་པ་ཡིས། །སྔོན་དུ་བདག་ཉིད་བཤད་པར་བྱ། །ཆུ་ཤིང་མེ་ཏོག་ལྟ་བུ་ནི། །ལྟེ་བའི་དབུས་སུ་རྣམ་པར་

87-1-264a

གནས། །དེ་དབུས་དེ་བཞིན་གསུངས་པ་ནི། །ཡེ་ཤེས་རྣམ་ཤེས་སེམས་པའོ། །བདུད་རྩི་སྦྱོར་བའི་ལེའུ་ཞེས་བྱ་བ་སྟེ་ལྔ་པའོ།། །། དེ་ནས་གཞན་ཡང་རབ་འཆད་བྱེད། །གང་ལ་ལྕེ་བའི་སྐྱེ་བ་ཐོབ། །འཁོར་བ་དེ་ལ་འཁོར་ལོ་ཆེ། །འཁོར་ལོའི་འཁོར་ལོ་ལྡན་
གྱུར་པ། །དམང་རིགས་ཕྱུགས་བཞིན་འགྲོ་བ་ཡི། །སྟོང་ཕྲག་བདུན་བཅུ་རྩ་གཉིས་ནི། །ལུས་པོ་ཡི་ནི་རྩ་ཉིད་དོ། །བཞི་བརྒྱ་དང་ནི་ལྔ་བཅུ་ཡང་། །ཁྲག་དང་རུས་པ་མ་ལུས་པའོ། །ཆུ་ནི་བྲེ་ཕྱེད་དང་བཅས་པ། །དེ་བཞིན་སྲིན་བུ་ཁྲི་ཉིད་དང་། །ཁྲི་ཕྲག་
གསུམ་དང་སྟོང་ཕྲག་གཅིག །སྐྱེས་པ་ཡི་ནི་བ་སྤུ་ཉིད། །ཤ་ཁྲག་དྲུག་བཅུ་ཐམ་པ་ནི། །སྐྱེས་བུ་བར་མར་འགྱུར་བའོ། །སུམ་བརྒྱ་དེ་བཞིན་དྲུག་བཅུ་ཡི། །ཆུ་ཚོད་དབུགས་དང་རྩ་གཞན་ནོ། །མཉམ་པོ་ཆ་རུ་འཕེལ་བ་ཡི། །མཉམ་པའི་གཟུགས་དང་
མཉམ་པའི་འོད། །རྩ་ནི་འཁོར་ལོ་བཞིན་དུ་བསྒྱུར། །འཁོར་ལོ་བརྒྱད་པ་བརྒྱད་པ་བཞིན། །སྲོག་དང་རྩོལ་བ་ལྔ་ཟད་དང་། །བདག་ཉིད་ཡང་དག་མཉེན་པར་མཛད། །དབུས་སུ་མེ་ཡི་ཕུང་པོ་ཉིད། །འབྱིན་པའི་ས་བོན་དེ་དབུས་སུ། །དྲི་མེད་རྟག་ཏུ་མཉམ་
ཞིང་དམའ། །ཕྱི་རོལ་དུ་ནི་བཅུ་གཉིས་འགྱུར། །འཁོར་ཞིང་ས་བོན་མཉམ་པ་དང་། །དབུགས་ནི་མཉམ་པར་འཁོར་བའོ། །མེ་དང་རླུང་གི་བདུན་དོན་ལ། །དུ་བའི་ས་བོན་བསྒོམ་བ་བྱའོ། །སྒྲ་དང་ཐིག་ལེར་ཡང་དག་ལྡན། །ཆར་གྱི་རྒྱུན་ཞེས་བཤད་པ་
ཡིན། །འཁོར་ལོའི་ལེའུ་ཞེས་བྱ་བ་སྟེ་དྲུག་པའོ།། །། དེ་ནས་གཞན་ཡང་བཤད་བྱ་བ། ཨོཾ་ནི་རེ་ཕའི་ཐིག་ལེ་རྫོགས། །བླ་མའི་ཡི་གེར་ཀུན་ཏུ་བརྟག །ཉིན་མོ་དབུགས་ནི་མཉམ་པར་ཆད། །དེ་བཞིན་ལྷོ་ཡི་ཡི་གེའོ། །མཚན་མོ་ཆེན་པོ་ལྔ་
ཆད་ན། །ཆུ་ཤིང་དུས་ནི་མཉམ་པ་བཞིན། །ཟླ་བ་དྲུག་ནི་མཚན་མོ་ཉིད། །ཟླ་དྲུག་ཉིན་མོར་རྣམ་པར་བརྟག །ཆུ་ཚོད་དང་ནི་ཟླ་ཕྱེད་དང་། །ཉིན་ཞག་བཅུ་གཉིས་བདག་ཉིད་ནི། །དྲུག་བཅུ་རྩ་བཞིའི་ཆ་ཉིད་ལ། །དཀར་པོའི་བླ་ན་མེད་དང་ནི། །དེ་
ནི་དཀར་པོའི་ས་རང་བཞིན། །མགོ་དང་རྐང་གི་སྟེང་དང་ནི། །དེ་བཞིན་མིག་དང་སྣ་དང་ནི། །ལྕེ་དང་རྣ་བ་བཅས་པ་དང་། །དཔྲལ་བ་ཚངས་པའི་བུ་ག་དང་། །ཐིག་ལེ་དཀར་པོའི་ས་ཅན་པའོ། །དགུན་གྱི་ཕྱོགས་ནི་སྔ་མ་དང་། 

87-1-264b

མཀྒ་ཡི་ནི་རང་དོན་དང་། །ཁྱུ་མཆོག་བུམ་པ་ཀར་ཀ་ཊ། །མི་དང་ཆུ་སྲིན་སྲང་གིས་ཁྱབ། །དེ་ནི་དུད་པ་ས་ཡི་དངོས། །དགུན་གྱི་དབུས་སུ་སྔ་མ་བཞིན། །ལག་མཐིལ་སེན་མོའི་ཚོགས་དང་ནི། །ངེས་པར་དེ་བཞིན་མཆན་ཁུང་དང་། །མགྲིན་
པ་མཆུ་དང་བྲང་གི་ཚོགས། །ཕུར་བུར་མཉམ་པར་འཕྲོ་བའོ། །འཇིག་རྟེན་སྤྲུལ་དང་དགའ་བའི་རིག །དེ་བཞིན་འཇིག་རྟེན་ཕྱེད་བཅས་སྦྱིན། །ལྷོ་ཕྱོགས་ཀྱི་ནི་འཁོར་ལོ་བསྐོར། །དེ་ནི་དུས་ཀྱི་ས་གཞིའོ། །སོ་ག་དང་པོའི་དབུས་
ཉིད་དང་། །ལག་མཐིལ་སེན་མོའི་ཚོགས་དང་ནི། །དེ་བཞིན་མཆན་ཁུང་ས་དང་ནི། །མགྲིན་པ་ཆུ་དང་བྲང་གི་མཚམས། །དེ་བཞིན་བློ་ལྡན་འགྲོ་བའོ། །ལེའུ་བདུན་པ་ཞེས་བྱ་བའོ།། །། དེ་ནས་གཞན་ཡང་བཤད་བྱ་བ། །
ཚིགས་ཀྱི་དབུས་དང་ནུ་མའི་སྟེང་། །སྙིང་དང་སྙིང་ནི་ཤིན་ཏུ་མཆོག །དེ་ནི་པད་མའི་གནས་རང་བཞིན། །རྣམ་པར་ཤེས་པའི་ཆ་བརྒྱད་ཉིད། །སོ་ག་དང་པོའི་དབུས་ཉིད་དང་། །དགུན་གྱི་ཟླ་བ་བརྒྱད་པ་བཞིན། །གི་ཝང་
ཕྲ་ཞིང་ཡང་བ་ཉིད། །ཆུ་ཡི་མདོག་དང་སྦྱངས་དེ་བཞིན། །བི་དྷི་པ་ལ་མཉམ་པའི་ས། །གཟའ་ནི་བུམ་པས་བསྒྱུར་བ་དང་། །གཞུང་ཚིགས་ངོས་དང་ནུ་མའི་སྟེང་། །སྙིང་དང་སྙིང་ནི་ཤིན་ཏུ་མཆོག །དེ་ནི་འགི་ཝང་
གནས་རང་བཞིན། །རིམ་བཞིན་ཟླ་བ་ཕྱེད་དང་ནི། །རུས་སྦལ་རུས་སྦལ་མཉམ་རུས་སྦལ། །མཚམས་དང་མཚམས་ནི་མཉམ་པ་དང་། །པད་མ་པད་མ་པད་མར་མཉམ། །དྲི་མེད་གསུམ་གྱི་སར་གནས་པའོ། །
སྲིན་བུ་སྐྱེ་བ་མཉམ་པར་བཟའ། །དཀུ་དང་རུས་པའི་མཚམས་སུ་ནི། །རྐེད་པར་པད་མ་པད་མ་ཡང་། །མཉམ་པའི་ཆ་ཡིས་གནས་པ་ཉིད། །དེ་ནི་དྲི་མེད་གསུམ་གྱི་ས། །རྣམ་ཤེས་ལྷན་ཅིག་གནས་པའོ། །
ལེའུ་བརྒྱད་པ་ཞེས་བྱ་བའོ།། །། རེ་ཕ་ཟླུམ་པོ་རེ་ཕར་མཉམ། །མངལ་གྱི་སྟེང་དང་འོག་ཏུ་ཡང་། །ལྷ་དང་ལྷ་མོའི་ཡེ་ཤེས་བཞིན། །བརླ་དང་པུས་མོ་མཉམ་པའི་བརླ། །སྟེང་དང་འོག་ཏུ་རིགས་

87-1-265a

ཉིད་ནི། །སོར་མོའི་མཚམས་དང་ལོགས་སུ་ཡང་། །འབྱེད་པའི་རྩ་ནི་རྣམ་པར་གནས། །དེ་ནི་དབྱེ་བའི་གནས་རང་བཞིན། །བློ་དང་ལྡན་པས་ཤེས་པར་བྱ། །རེ་ཕ་རེ་ཕ་ཟླུམ་པོར་མཉམ། །བཅུ་ཡི་སྟེང་དང་འོག་ཏུ་ཡང་། །
བརླ་དང་པུས་མོའི་སྟེང་དུ་མཉམ། །སྟེང་དང་འོག་ཏུ་རིགས་ཉིད་དུ། །སོར་མོའི་ཚིགས་དང་ལོགས་སུ་ཡང་། །ས་གདུགས་རྩ་ནི་གནས་པ་བཞིན། །དེ་རྣམས་ས་གདུགས་གནས་རང་བཞིན། །གནས་པར་བློ་དང་ལྡན་པས་ཤེས། །
ལེའུ་དགུ་པ་ཞེས་བྱ་བའོ།། །། དེ་ནས་གཞན་ཡང་བཤད་བྱ་བ། །སྟེང་དུ་ཆུ་ཚོད་དབུགས་དང་ནི། །ཡེ་ཤེས་གལ་ཏེ་འབྱུང་གྱུར་ན། །སུམ་བརྒྱ་དེ་བཞིན་སུམ་བཅུ་དང་། །ཇི་སྲིད་བདུན་དུ་འདྲེས་གྱུར་ན། །གཉིས་
གཅིག་བཅུ་ཕྱེད་བཅས་པ་ཡི། །ཆུ་ཚོད་དབུགས་ནི་ཆད་པ་བཞིན། །ཡེ་ཤེས་འགྱུར་བ་རྣམ་ཤེས་བྱ། །བློ་ལྡན་སྤྱི་ཡི་བསྟན་བཅོས་བཞིན། །སྦྱོར་བའི་དུས་ལ་ཕན་པའི་ཕྱིར། །བསྟན་བཅོས་ལས་ནི་བཤད་པའོ། །དྲུག་
བཅུ་རྩ་བཞི་དབུགས་མཉམ་པས། །རྟག་ཏུ་ས་ནི་བསྲུང་བར་བྱ། །ལེའུ་བཅུ་པ་ཞེས་བྱ་བའོ།། །། དེ་ནས་གཞན་ཡང་བཤད་བྱ་བ། །ཡིད་ནི་སྔོན་དུ་འགྲོ་བའི་ཆོས། །ཡིད་དག་ཅིང་ནི་ཡིད་འགྲོ་བས། །དེ་ཕྱིར་ཡིད་མངོན་
ཐམས་ཅད་དུ། །བློ་དང་ལྡན་པས་ཡིད་བསྒྲིམ་བྱ། །ས་བོན་གྱི་ནི་ཁྱད་པར་ཉིད། །སྔགས་ཀྱིས་ཕ་རོལ་གནོན་བྱ་མེད། །ཕྱག་རྒྱ་མངོན་པར་ལྡན་པ་ནི། །དགོད་ཅིང་མངོན་པར་རྩེ་བ་མེད། །དེ་ལ་ཁྲུས་ཀྱི་ཆོ་ག་མིན། །
སྨྱུང་བ་མཆོག་ཏུ་བཟོད་པ་མེད། །མཆོད་རྟེན་ལས་ནི་མི་བྱ་ཞིང་། །གླེགས་བམ་གྱི་ནི་ཚིག་མེད་པའོ། །ལག་པའི་ཕྱག་རྒྱ་མི་བཅིང་ཞིང་། །སྔགས་ཀྱི་ཡི་གེ་མི་བཟླའོ། །སྐད་ཅིག་རྣལ་འབྱོར་བལྟ་
བྱ་ཞིང་། །རྣལ་འབྱོར་སྦྱོར་བས་འགྲོ་བ་བརྩམ། །ཤེལ་བཞིན་དུ་ནི་དག་པ་ཡི། །དག་པ་ཡི་ནི་སྦྱོར་བ་མཆོག །ཡེ་ཤེས་རྣམ་ཤེས་ལྡན་པའོ། །ཡེ་ཤེས་ཀྱིས་ནི་གནས་བརྩམ་མོ། །ལེའུ་གཅིུག་པ་ཞེས་བྱ་བའོ།། །།

87-1-265b

དེ་ནས་གཞན་ཡང་བཤད་བྱ་བ། །ཤེལ་བཞིན་དུ་ནི་དག་པ་ཡི། །དྲི་མེད་ཟླ་བའི་དཀྱིལ་འཁོར་ནི། །གངས་དང་ཁ་བའི་ཆུ་ལྟ་བུར། །རྣམ་པར་ཤེས་པའི་ཁ་དོག་བཞིན། །པད་མ་དཀར་པོའི་གདན་ལ་ནི། །ཟླ་བའི་དཀྱིལ་འཁོར་གྱིས་མནན་པའོ། །
མཆོད་པ་རྣམ་པ་བརྒྱད་དང་ནི། །སྔགས་བརྒྱད་ཀྱི་ནི་ས་བོན་བཞིན། །བདུད་རྩི་དཀར་པོའི་ཟས་དང་ནི། དག་པའི་ཆུ་ནི་བརྩམ་པར་བྱ། །པད་མའི་གདན་དང་གདན་ལ་ནི། །ཟླ་བའི་དཀྱིལ་འཁོར་གྱིས་མནན་པའོ། །འགི་ཝང་བླ་
མར་བཤད་པ་ནི། །རྣམ་པར་སྣང་མཛད་ཡེ་ཤེས་ལྷ། །དཀར་པོ་ཉིད་ནི་མི་བསྐྱོད་པའོ། །དོན་ཡོད་གྲུབ་པ་དུ་བར་བཤད། །སྣང་བ་མཐའ་ཡས་དུང་ཉིད་དང་། །པད་མ་ཉིད་ནི་རིན་ཆེན་ནོ། །འགི་ཝང་ལྷ་མོ་མཱ་མ་ཀཱི། །དྲི་མེད་
གསུམ་ནི་སྒྲོལ་མའོ། །གོས་དཀར་མོ་ནི་འབྱེད་པར་འགྱུར། །ས་ཡི་གདུགས་ནི་སངས་རྒྱས་སྤྱན། །ལེའུ་བཅུ་གཉིས་པ་ཞེས་བྱ་བའོ།། །། ཐམས་ཅད་མཁྱེན་པ་ལ་ཕྱག་འཚལ་ལོ། །ཁམས་བཞི་རྣམ་པར་མཉམ་པ་
ཉིད། །ཁམས་བཞི་རུ་ནི་རྣམ་པར་འགྲོ། །མེ་དང་ཆུ་ནི་འདི་བཤད་པ། །ནམ་མཁའ་ཡང་ནི་སྟོང་པ་ཉིད། །སྲ་བ་ཉིད་ནི་ས་ཡིན་ནོ། །དྲོ་བའི་དངོས་པོ་མེ་དང་ནི། །ཨོཾ་ནི་རྣམ་པར་སྣང་མཛད་དངོས། །སྤྱི་བོར་དཀར་པོ་
ཡི་ས་བོན། །ཤར་དུ་མི་བསྐྱོད་པ་ཉིད་ནི། །ཨ་ཡི་རྣམ་པ་དེ་ཉིད་ལྷ། །ཧཱུྃ་གིས་དོན་ཡོད་རྣམ་པར་གྱུར། །ལྷོ་ཡི་ཕྱོགས་སུ་བརྩམ་པར་བྱ། །ཏྲྃ་གི་རྣམ་པ་མངའ་བདག་ལྷ། །དེ་ཉིད་སྣང་བ་མཐའ་ཡས་ལྷ། །ཅོད་པན་
ནུབ་ཀྱི་ཕྱོགས་སུའོ། །དེ་ཉིད་མཆོད་པ་མཉམ་པ་དང་། །ཏྲྃ་གི་རྣམ་པས་མངའ་བདག་ལྷ། །བྱང་དུ་རིན་ཆེན་འབྱུང་བའོ། །སྤྱི་གཙུག་ལ་སོགས་ལྷ་ལྔ་ནི། །བློ་དང་ཤེས་པས་རྣམ་པར་དགོད། །ཏྲྃ་གི་རྣམ་པས་
མངའ་བདག་ལྷ། །དཔྲལ་བ་ཁྲོ་བོའི་ཕྱག་ཅན་ནོ། །ཀ་ཡི་རྣམ་པ་ཡེ་ཤེས་ལྷ། །མི་གཡོ་ས་ཡི་མགོན་པོ་བཞིན། །ཧྲཱིཿཡི་རྣམ་པས་མངའ་བདག་ལྷ། །དེ་བཞིན་ཟླ་བ་མིག་གཉིས་སུའོ། །ལེའུ་དང་པོ་ཞེས་བྱ་བའོ།   །

87-1-266a

 །དེ་ནས་གཞན་ཡང་བཤད་བྱ་བ། །ཛྃ་ཀྱི་རྣམ་པས་བདག་པོའི་ལྷ། །རྣ་བར་བྱམས་པ་ཉིད་ཡིན་ནོ། །ཀྵྃ་གི་རྣམ་པས་བདག་པོའི་ལྷ། །ཁུར་ཚོས་ཡི་དགས་སྐྱོང་བ་པོ། །ས་ཡི་རྣམ་པས་བདག་པོའི་ལྷ། །ལྕེ་ལ་
ཡང་ནི་མཱ་མ་ཀཱི། །ཧཱུྃ་གི་རྣམ་པས་མངའ་བདག་ལྷ། །མགྲིན་པར་རྟ་མགྲིན་ཁྲོ་བོ་བཞིན། །ཤྲི་ཡི་རྣམ་པས་མངའ་བདག་ལྷ། །ཡེ་ཤེས་ལྷ་ནི་མཆོག་ཏུ་གཙོ། །སྙིང་པོ་ཡི་ནི་ཡེ་ཤེས་མཆོག །སོར་མོ་ལྔ་དང་མཉམ་པའི་
ལྷ། །ལྔ་ནི་སངས་རྒྱས་ཉིད་ཡིན་ནོ། །ཨ་ཡིས་བདུད་རྩི་ལྷ་མོ་ནི། །ལག་མཐིལ་རྡོ་རྗེ་སྒེག་མོ་བཞིན། །ཤྲིཾ་གི་རྣམ་པས་མངའ་བདག་ལྷ། །ལྟེ་བར་རྣམ་པར་སེལ་བ་ཉིད། །ཙུྃ་གི་རྣམ་པས་མངའ་བདག་ལྷ། །དེ་བཞིན་
བདག་ཉིད་ཧེ་རུ་ཀ །ལྃ་གྱི་རྣམ་པས་མངའ་བདག་ལྷ། །དེ་བཞིན་བརླ་གཉིས་ས་སྙིང་པོ། །ཡུཾ་གྱི་རྣམ་པས་མངའ་བདག་ལྷ། །པུས་མོ་ཡི་དགས་ལྷ་མོའོ། །ཏྲིཾ་གི་རྣམ་པས་ཡི་དགས་ལྷ། །འོག་ཏུ་འབྱུང་པོའི་གཙོ་བོའོ། །
ལེའུ་གཉིས་པ་ཞེས་བྱ་བའོ།། །། དེ་ནས་གཞན་ཡང་རབ་བཤད་པ། །ཨོཾ་ཧྲཱི་ཧེ་ཧ་ཧ་ཧ་ཧཱུྃ་ཕཊ། འདི་ནི་ཉེ་བའི་ཆོ་གའི་སྔགས་སོ། །སྐུ་མདོག་སྔོན་པོ་ཁྲོ་གཉེར་ལྡན་པའི་ཞལ་དང་ནི། །སྤྱན་གསུམ་ཞལ་དང་རྐེད་པ་སྤྱི་
བོ་ཅོད་པན་ཅན། །སྦྱོར་བའི་གདན་བདུན་མངོན་པའི་ཕྱག་བརྒྱ་དབང་དང་ནི། །དར་གྱིས་མངོན་པར་གང་བའི་གདེངས་ཀའི་རྣ་ཆ་དང་། །སྦྲུལ་གྱི་མཆོད་ཕྱིར་ཐོགས་ནི་ལྷག་པར་ལྡན། །དམར་པོའི་གོས་དང་སྦྲུལ་གྱི་ལྤགས་པ་བསྣམས། །
གཡོན་གྱི་ཕྱག་ན་སྣོད་ནི་རབ་གང་མཛེས། །གཉིས་པར་དབྱུག་པ་གསུམ་པར་དགྲ་སྟ་དང་། །གྱེན་དུ་བ་དན་དྲིལ་བུ་གཡས་པའོ། །རྡོ་རྗེ་གསོར་དང་ལྕགས་ཀྱུ་དྲིལ་བུའི་ཕྱག །པད་གདན་ཉི་མའི་ཕྱག་ཆེན་མེ་དཀྱིལ་ལ། །ཧེ་རུ་ཀ་དཔལ་
མགོན་པོ་ཤིན་ཏུ་འཇིགས། །ཤར་གྱི་ཆར་ནི་མཱ་མ་ཀཱི། །ཐོད་པ་ཕྱག་ན་བསྣམས་པའོ། །ལྷོ་ཡི་ཆར་ནི་སངས་རྒྱས་སྤྱན། །ཕྱག་གི་འཁྱུད་པའི་ཚུལ་བཞིན་ནོ། །ནུབ་ཏུ་སྒྲོལ་མ་འདིར་བཤད་པ། །དེ་བཞིན་ཕྱག་ན་མེ་ཏོག་ཕྲེང་། །གོས་དཀར་གཏོར་མ་
87-1-266b

ཡང་དག་ལྡན། །བྱང་གི་ཕྱོགས་སུ་དགོད་པར་བྱ། །དབང་ལྡན་རྡོ་རྗེ་སྒེག་མོ་དང་། །མེ་རུ་བིལ་བ་ལག་པ་མ། །བདེན་བྲལ་དུ་ནི་གླུ་མ་དང་། །རླུང་དུ་གར་མ་བསྐྱོད་པ་བཞིན་པའོ། །ལེའུ་གསུམ་པ་ཞེས་བྱ་བའོ།། །། དེ་ནས་གཞན་ཡང་
རབ་བཤད་པ། །ས་ཤྲཱི་སྭཱ་ཧཱ། ཤར་གྱིའོ། །ས་ཧཱུྃ་ཧཱུྃ་ཧཱུྃ་སྭཱ་ཧཱ། ལྷོ་ཡིའོ། །ས་ཀྵུྃ་སྭཱ་ཧཱ། ནུབ་ཀྱིའོ། །ས་ཀྵུྃ་ཀྵུྃ་ཀྵུྃ་སྭཱ་ཧཱ། བྱང་གིའོ། །ཧཱུྃ་དབང་ལྡན་གྱིའོ། །ཧེ་མེ་ཡིའོ། །ཧེ་བདེན་བྲལ་གྱིའོ། །ཧྲི་རླུང་གིའོ། །ཨོཾ་བཛྲ་ཨ་ཀུ་ཤ་ཛཿ ཨོཾ་བཛྲ་པཱ་ཤ་ཧཱུྃ། ཨོཾ་བཛྲ་སྥོ་
ཊ་བྃ། ཨོཾ་བཛྲ་གྷཎ་ཊ་ཧོཿ ཨོཾ་པད་མ་ཨུད་བྷཱ་བ་ཡ་སྭཱ་ཧཱ། གདན་གྱིའོ། །ཨོཾ་པུ་ཥྤེ་བྷྱོ་ས། ཨོཾ་དྷུ་པེ་བྷྱོ་ཤ ། ཨོཾ་དཱི་པྃ་བྷྱོ་ཧྲི། གྷ་ཙྪནྟེ་སྭཱ་ཧཱ། བེ་ན་སུ་ར་ཨ་ག་མ་ནཱ་ཡ་སྭཱ་ཧཱ། ལེའུ་བཞི་པ་ཞེས་བྱ་བའོ།། །། པདྨའི་དབང་ཕྱུག་སྐུ་ནི་གསེར་གྱི་མདོག །
དྲི་ཆུའི་དངོས་པོ་ཤིན་ཏུ་སྣང་མཛད་དང་། །རོ་ནི་བདུད་རྩི་ཆུ་ཡི་ངོ་བོ་ཉིད། །མཐེ་མཛུབ་ཀྱིས་ནི་ས་ཡི་སྟེང་དུ་དོར། །དབུས་མའི་རི་རབ་ཀྱིས་ནི་བདུད་རྩི་བསྲུབ། །ཇི་བཞིན་གནས་བརྒྱད་འཐོར་འཐུང་དབུལ་བར་བྱ། །ཧ་ཡི་རྣམ་པས་ཁ་དོག་
འཕྲོག །ཧོ་ཞེས་བྱ་བས་དྲི་མེད་བྱེད། །དཔའ་བོ་ཧྲིཿཡི་རྣམ་པས་འཇོམས། །རིམ་པ་འདི་ལྟར་ཤེས་པར་བྱ། །ལྷ་རྣམས་ཀུན་ནས་ལྕགས་ཀྱུ་ཡིས། །བདུད་རྩིའི་ཡི་གེས་ཚིམ་པར་བྱ། །ལྕགས་ཀྱུ་ཀུན་ནས་སྐྱོད་བྱེད་ཅིང་། །
རྣལ་འབྱོར་བདག་ཉིད་མཚན་ཉིད་ཡིན། །དཔལ་ལྡན་རྡོ་རྗེ་འཛིན་དེ་ཉིད། །དུད་པའི་ས་བོན་གྱིས་ནི་སྦྱང་། །གཏོར་མ་སྦྱང་བ་བྱས་པ་ཡིན། །དེ་ཡི་ས་བོན་གྱིས་དེ་སྦྱང་། །ལོགས་སུ་ཁ་ཁྱེར་གསུམ་བྱས་ལ། །
ཕོ་ཉ་རྣལ་འབྱོར་མས་སྤྱན་དྲང་། །ཀ་ཌ་ཀ་ཌ་བན་དྷ་བན་དྷ་ཧྲཱི་ཁ་ཁ་ཁ་ཤ་ཏྲུཾ་ཛ་ཛ་ཤ་ཏྲུ་མཱ་ར་ན་བ་ལི་བ་ཏ་ལི་དྷེ་བ་ཏི་ཤེ།  ལེའུ་ལྔ་པ་ཞེས་བྱ་བའོ།། །། དེ་ནས་གཞན་ཡང་རབ་བཤད་པ། །འཇིམ་པ་ལས་
ནི་གཟུགས་བརྙན་བྱ། །ཞལ་གསུམ་སྤྱན་གསུམ་རྐང་པ་གསུམ། །ཕྱག་གསུམ་རབ་ཏུ་བཞད་པ་དང་། །གླང་པོའི་མིག་ཅན་རོ་ལངས་མ། །རྟག་ཏུ་རལ་གྲི་ཞགས་པ་དང་། །གོས་དམར་ལྤགས་པ་

87-1-267a

དམར་པོ་མནབས། །ཞབས་གཉིས་སྐད་ཅིག་ས་ལ་མནན་པ་དང་། །རོ་ལངས་ཕྱག་རྒྱ་སྙིང་ཀར་མངོན་པར་བསྡིགས། །ཧཱུྃ་གི་སྒྲ་ཡི་ས་བོན་བཟླས་པ་ཡིས། །བསྟན་པ་བསྲུང་ཞིང་སྐེམས་པ་ཡིས། །མངོན་དུ་
ཕོ་ཉ་ཆེན་པོ་འོང་། །ཀཱརྱ་ཀཱརྱ་བན་དྷ་བན་དྷ། ནཱ་ད་ནཱ་ད་ཧཱུྃ་ཧཱུྃ་ཕཊ་ཕཊ། འདི་ནི་ཕོ་ཉ་མཆོག་གི་སྔགས། །དབང་དང་མངག་ལ་དེ་བཞིན་མིང་། །དུག་དང་ལྷན་ཅིག་སྦྱར་བྱས་པའི། །ཁྲག་གིས་མངོན་པར་བྲི་བར་བྱ། །རྐང་པས་
མངོན་དུ་མནན་བྱས་ལ། །བློ་དང་ལྡན་པས་རིམ་བཞིན་བཟླས། །ལན་ཅིག་བཟླས་ཤིང་ལན་ཅིག་མིན། །ལན་ཅིག་ཕྱག་རྒྱ་བསྣུན་པར་བྱ། །མིང་ནི་བརྒྱ་ཕྲག་རྒྱ་ཕྲག་གསུམ། །ནག་མོ་སེར་སྐྱ་ཙན་དན་
དང་། །དམར་པོའི་མེ་ཏོག་ས་བོན་གྱིས། །དཀྱིལ་འཁོར་གསུམ་ནི་བྲི་བར་བྱ། །གུ་གུལ་ནག་པོའི་བདུག་པ་དྲི། །དེ་ཡི་གཏོར་མ་ལྡན་དབུལ་བཞིན། །སེར་སྐྱའི་ཕོ་ཉ་མོ་ཞེས་བྱ། །ལེའུ་དྲུག་པ་ཞེས་བྱ་བའོ།། །། 
དེ་ནས་ཡང་དག་བཤད་བྱ་བ། །མི་ཤེས་མུན་པ་ཉིད་དང་འབུ་དང་སྲིན་བུའི་འཁོར་ལོས་ཁྱབ། །མི་རྣམས་སྡིག་པའི་ཁྱད་པར་ཉིན་རེ་བཞིན་དུ་སྤྱོད་པ་ནི། །དགེ་བའི་ལམ་ཆེན་དག་ནས་མི་ནི་དབུ་མའི་
སྐྱེ་བར་སྐྱེ། །ཐོས་ལ་མངོན་པར་དགའ་ཞིང་སྤྲོ་ཞིང་རྣམ་པར་ལྟ་བ་ཡིས། །མི་ཡི་ཡེ་ཤེས་མཆོག་དང་མཆོག་ཏུ་འགྱུར་བ་ཉིད། །རྒྱལ་བའི་ཐར་པ་དོན་དམ་མཆོག་ཏུ་རྣམ་པར་ཤེས། །ཕྲ་ཞིང་ཤིན་ཏུ་ཕྲ་བ་དེ་ཉིད་རབ་ཏུ་ཕྲ། །དངོས་པོ་
མེད་ཅིང་དངོས་པོ་དང་བྲལ་བ། །སྦྱོར་བའི་དངོས་པོ་བདེ་བར་རྟོགས། །ཤེས་པས་བསྒོམས་པ་དག་པ་ཡིས། །མཉམ་པར་དག་པ་དབུ་མའོ། །རྟག་ཏུ་བདག་མེད་རྣམ་པར་དག །འདོད་པས་རྣམ་པར་མི་གོས་པའོ། །ལེའུ་བདུན་པ་ཞེས་བྱ་བའོ།། །། 
སངས་རྒྱས་ལྔ་ཡི་དངོས་པོ་ཡིས། །རྟག་ཏུ་སྤྱི་བོར་བརྒྱན་པའོ། །གཉིས་མེད་ཕྱག་རྒྱའི་གནས་སུ་ནི། །དེ་ལ་རྒྱ་མཚོ་ཆུ་ཉིད་བསྒོམ། །སྤྱི་གཙུག་རྣམ་ཤེས་ཚིམ་པར་བྱ། །གཡོན་གྱི་ཕྱོགས་སུ་མི་བསྐྱོད་པའོ། །དོན་ཡོད་གྲུབ་པ་གཡས་སུ་བཞུགས། །

87-1-267b

རིན་ཆེན་གྱིས་ཀྱང་གཡོན་པར་བརྒྱན། །རྒྱབ་དུ་སྣང་བ་མཐའ་ཡས་དགོད། །སངས་རྒྱས་ལྔ་ནི་བཟུང་བར་བྱ། །གཞན་དུ་ནམ་ཡང་མ་བཤད་པ། །སངས་རྒྱས་བསྟན་བཅོས་ཉིད་དུ་གསུངས། །སྔ་དྲོ་ཕྱི་དྲོ་ཉིན་ཕྱེད་དུས། །དུས་གསུམ་དུ་ནི་རྟག་
ཏུ་བཟུང་། །ས་བོན་འདི་ཡིས་བཀྲུས་པ་ཡིས། །མཐོར་འཐུང་རྣམ་པར་སྦྱངས་པའོ། །ལྔ་པ་ཡང་དག་སྦྱར་བས་དབུལ། །ཚི་ལིང་ག་ཡི་ཐིག་ལེ་སྦྱང་། །གོང་བུ་བསྒོམས་པ་ཙམ་གྱིས་ནི། །རྣམ་ཤེས་ལྷན་ཅིག་དཀར་བའོ། །ལེའུ་བརྒྱད་པ་ཞེས་
བྱ་བའོ།། །། ཨེ་མའོ་ཆོས་ནི་མཆོག་ཏུ་གཙོ། །ཨེ་མའོ་རྣལ་འབྱོར་རྨད་དུ་བྱུང་། །ཨེ་མའོ་ཆོས་ནི་མཆོག་ཐོབ་པས། །དྲང་སྲོང་ལྷན་ཅིག་ངོ་མཚར་སྐྱེས། །ཡེ་ཤེས་མཆོག་གི་ཆོས་འདི་ནི། །བྱང་ཆུབ་སེམས་དཔའ་འདུས་ནས་
གསུངས། །ཡེ་ཤེས་ཡིད་ཀྱི་ཆོས་ཅན་ནི། །ཚིག་གིས་ཁྱོད་ལ་བཤད་པ་ཡིན། །ཡེ་ཤེས་ཕྱག་རྒྱ་མཆོག་ཉིད་ནི། །ཡེ་ཤེས་རྩ་བ་ཡང་དག་འབྱུང་། །ཤེལ་བཞིན་དུ་ནི་དག་པ་ཡི། །དག་པ་གཉིས་སུ་མེད་པའི་རྟགས། །ལྷ་ཡི་ཡན་ལག་
མཆོད་པ་པོས། །གཉིས་མེད་དགོད་པར་ཡང་དག་ལྡན། །གཉིས་མེད་རྣམ་ཤེས་ངོ་བོ་ཡིས། །བློ་ལྡན་བདུད་རྩི་ཤེས་པར་བྱ། །བདུད་རྩི་ཆུ་ནི་དབུལ་བ་ཡིས། །ཕྱི་རོལ་རྣལ་འབྱོར་མ་མཆོད་དོ། །གཉིས་མེད་ཕྱག་རྒྱའི་རྡོ་རྗེ་འདི། །རྩ་གསུམ་
གཉིས་མེད་ཕྱག་རྒྱས་བཞིན། །རྐང་པས་པད་མར་མཉམ་ཞོན་པས། །འཁྲིག་པ་བདུད་རྩིའི་སྦྱོར་བའོ། །རྡོ་རྗེ་པད་མ་མཉམ་པའི་དངོས། །སྐྱེས་བུས་ཧཱུྃ་གི་སྒྲ་བྱས་ནས། །རང་བཞིན་གྱིས་ནི་སྒྲ་འབྱིན་ཅིང་། །གཉི་གའི་
ཡེ་ཤེས་དཀར་པོ་བཞིན། །དེ་ཡི་རང་བཞིན་གྱིས་ནི་རྡུལ། །དུ་བའི་ས་བོན་གྱིས་སྦྱར་བྱ། །དབང་པོ་རུ་རྟ་བིལ་བར་མཉམ། །ཁ་ར་སྦྲང་རྩི་པ་ལ་ཤ ། བདུད་རྩི་ཆུ་དང་ཡང་དག་ལྡན། །རྒྱུ་སྐར་ཟླ་བ་ལྷ་ཉིད་ལ། །བྱིན་ནས་
དོན་ཆེན་དབང་དུ་བྱེད། །ལེའུ་དང་པོ་ཞེས་བྱ་བའོ།། །།   དེ་ནས་གཞན་ཡང་བཤད་བྱ་བ། །སྟོང་ཉིད་ངོ་བོའི་ཚུལ་གྱིས་ནི། །ཕྱི་དང་ནང་དུ་བཅས་པར་རོ། །ཡེ་ཤེས་ཆོས་ཀྱི་སྦྱོར་བ་ལས། །ཡེ་ཤེས་ཀྱི་ནི་སྦྱོར་བ་མཆོག །ཐམས་

87-1-268a

ཅད་ལུས་ལ་གནས་པ་ནི། །རྨོངས་པས་ཀུན་ཏུ་མི་ཤེས་པས། །དེ་ཕྱིར་རྨོངས་པ་ཡོངས་སྤངས་ལ། །ཡེ་ཤེས་ཀྱི་ནི་གནས་བརྩམ་བྱ། །འདུ་འཛི་ལས་ནི་རྨོངས་པའི་ཚུལ། །དེ་ཕྱིན་འདུ་འཛི་ཡོངས་སུ་སྤང་། །གཅིག་བུའི་
སྦྱོར་བླས་གྲུབ་པའི། །གཅིག་པུས་འགྲོ་བ་བརྩམ་པར་བྱ། །བྱིས་པའི་སྐྱེ་བོས་མིཐོང་བའི། །དེ་ཕྱིར་དེ་ཉིད་གཅིག་པུ་ནི། །གནས་མེད་གནས་ནི་ཤེས་བྱས་ལ། །དངོས་པོ་མེད་པའི་ངོ་བོ་ལ། །གཉིས་སུ་མེད་པའི་བདག་ཉིད་ཀྱི། །གཉིས་
ཀྱི་ཤེས་པ་རྣམ་པར་སྤངས། །དེ་ཉིད་རིག་པ་མཆོག་ཏུ་ཕྲ། །སྦྱོར་བའང་མཆོག་ཏུ་ཕྲ་བ་ཉིད། །མགྲིན་པ་རྐན་གྱི་སྟེང་དུ་བཟླ། །སྨིན་མའི་དབུས་དང་མིག་གི་རྩར། །སྒོར་ནི་ཐིག་ལེ་ཕྲར་གྱུར་པ། །འཁོར་ལོ་ཕྲ་རབ་རྡུལ་ལྟ་བུར། །དང་པོ་
མཆོག་དང་ཡང་དག་ལྡན། །བླ་མས་བསྟན་ལས་ཤེས་པར་བྱ། །རྡུལ་ཕྲན་ཡེ་ཤེས་དེ་ཁོ་ན། །དེ་ཕྱིར་བློ་ལྡན་གྱིས་ཤེས་བྱ། །ལེའུ་གཉིས་པ་ཞེས་བྱ་བའོ།། །། དེ་ནས་གཞན་ཡང་བཤད་བྱ་བ། །སྐྱོན་དང་ཡོན་ཏན་དངོས་
པོ་སྤང་། །ཁ་གའི་སྒོ་ནི་ཇི་བཞིན་བསྡམ། །བུག་པ་དགུ་དང་ཁ་ག་ཉིད། །བུ་ག་དགུ་ལས་དུད་པ་འབྱུང་། །སྐྱེས་བུ་གོང་གི་སྒོ་ལ་ནི། །དེར་ནི་པད་མ་དཀར་པོ་བཞིན། །ལུས་ཀུན་ལ་ནི་དགོད་བྱ་ཞིང་། །ལྷ་ཉིད་སོ་སོར་བསྒོམ་པར་བྱ། །ལྷ་
ཡི་ས་བོན་དེ་ཉིད་ཀྱིས། །རྡོ་རྗེའི་ཕྱག་རྒྱ་དགོད་པ་བཞིན། །རླུང་གི་དཀྱིལ་འཁོར་དབུས་སུ་ནི། །ཟླ་བའི་དཀྱིལ་འཁོར་འདྲ་བའོ། །ཡེ་ཤེས་རྣམ་ཤེས་མཆོག་ཏུ་དྲང་། །དངོས་དང་དངོས་པོ་ཕྲ་བའི་དེ་ཁོ་ན། །དངོས་དང་ཤིན་ཏུ་འབྲེལ་
པར་མཚུངས་པའོ། །སྙིང་ཀར་གནས་པའི་སྙིང་པོ་མཆོག་མིང་བརྗོད། །སེམས་ཀྱི་རྩ་ནས་དེ་བཞིན་དུ་ཧི་ཀ ། སྟེང་དང་འོག་དང་དེ་བཞིན་སྟེང་། །ཡི་གེ་ཕྱེད་དང་གཉིས་ཀྱིས་སྦྱང་། །བཟློག་པར་བྱ་བའི་ས་བོན་གྱིས། །ལྷན་ཅིག་བློ་དང་
ལྡན་པར་སྦྱང་། །ལེའུ་གསུམ་པ་ཞེས་བྱ་བའོ།། །། དེ་ནས་གཞན་ཡང་བཤད་བྱ་བ། །ཐམས་ཅད་ལུས་ལ་གནས་པ་ཡི། །ཡེ་ཤེས་ཀྱི་ནི་ཡེ་ཤེས་མཆོག །ས་དང་རི་དང་དེ་བཞིན་ཤིང་། །བོང་བ་ཆུ་དང་དེ་བཞིན་སྲིན། །འབུ་སྲིན་རྣམ་

87-1-268b

པར་སྤངས་ནས་ནི། །ཡེ་ཤེས་ལུས་ལ་སེམས་མེད་པའོ། །འབུ་དང་སྲིན་བུ་ཡེ་ཤེས་བླུན། །ཁྱད་པར་ཉིད་དུ་སྤང་བའོ། །རྣམ་གསུམ་ལྷ་དང་གནོད་སྦྱིན་དང་། །ལྷ་མིན་ཡི་དགས་མཁའ་འགྲོ་མ། །གཟུགས་དང་ཡེ་ཤེས་དེ་བཞིན་ཁྲོ། །ཞི་ཞིང་
ཞི་བའི་ཡེ་ཤེས་བཞིན། །ལུས་ལ་ཐམས་ཅད་གནས་པ་ནི། །བློ་དང་ལྡན་པས་ཁྱད་པར་ཤེས། །ལེའུ་བཞི་པ་ཞེས་བྱ་བའོ།། །། དེ་ནས་གཞན་ཡང་བཤད་པར་བྱ། །དྲང་སྲོང་ངོ་མཚར་སྐྱེ་བ་ནི། །ཀ་བ་གཅིག་དང་སྒོ་དགུ་དང་། །
བུ་ག་གསུམ་དང་ཡེ་ཤེས་ལྔ། །རྣམ་ཤེས་ཡེ་ཤེས་ལུས་ལ་ནི། །ཆོས་ཀྱི་དབྱིངས་ནི་ཇི་ལྟར་གྲགས། །ཐར་པ་ཐོབ་པའི་དུས་སུ་ནི། །མི་ཤེས་ཡེ་ཤེས་ལུས་ཇི་བཞིན། །ཇི་ལྟར་ཆོས་ཀྱི་དབྱིངས་ཉིད་དང་། །ཡེ་ཤེས་དང་
ནི་གཟུགས་ཀྱི་ཆ། །ཡེ་ཤེས་ཇི་ལྟར་མཐོང་བ་དང་། །ཇི་ལྟར་ན་ནི་ཡེ་ཤེས་གཟུགས། །དེ་ཉིད་གཟུགས་ལ་སེམས་མེད་པ། །བདུད་རྩིའི་ཡེ་གེར་རྣམ་པར་བརྟག །ཡེ་ཤེས་ལྷ་དང་མཉམ་པའི་དངོས། །སྔོན་གྱི་མཚན་
ཉིད་ལྟ་བུར་རོ། །ལེའུ་ལྔ་པ་ཞེས་བྱ་བའོ།། །། དེ་ནས་གཞན་ཡང་བཤད་བྱ་བ། །སྔགས་དང་རྒྱུད་ཀྱི་དབྱེ་བ་ཉིད། །ཏི་ལ་ཏི་ལ་ཡི་ནི་མཐའ། །སྟོང་པ་སྒྲ་དང་ཡང་དག་ལྡན། །སྟེང་དུ་བདུད་རྩིའི་ཐིག་ལེ་སྦྱིན། །མཆོག་
གི་ཡི་གེར་ཡང་དག་ཤེས། །སྟོང་ཕྲག་གཅིག་དང་སུམ་བརྒྱ་བརྒྱད། །དེ་ཡི་མཚན་ཉིད་བཟླས་པའོ། །བདག་ཉིད་ལུས་ལ་དགོད་པ་ནི། །དེ་བཞིན་ལྷ་ནི་བསྐྱེད་ཅིང་བསྐྲུན། །ལས་བརྒྱད་དང་ནི་མཉམ་པ་ཡི། །
རེའུ་མིག་བརྒྱད་ཀྱི་དབྱེ་བའོ། །ལས་བཞི་ཡི་ནི་བློ་ཅན་གྱི། །དེ་བཞིན་ས་བོན་སྔོན་དུ་བསྙེན། །ཨོཾ་ཨཱ་ག་ཙྪ་ཏུ་དེ་བ་ས་མ་ཡེ་ཨཱ་ཀར་ཥ་ཡ་ཧཱུྃ་ཕཊ། སྤྱན་དྲང་བའི་སྔགས་སོ། །ལེའུ་དྲུག་པ་ཞེས་བྱ་བའོ།། །། 
དེ་ནས་གཞན་ཡང་བཤད་བྱ་བ། །ཡེ་ཤེས་ཅན་གྱིས་སྤྱན་དྲང་བ། །ཨོཾ་ཨ་ཀྵོ་ནི་ཏྱྃ་མ་ཧཱ་ནཱ་ག་ཏ་ཀྵ་ཀ་ཝ་ས་ཝ་ཏ་ན་ཧཱུྃ་ག་ཧཱུྃ་ག་སྭཱ་ཧཱ། ཀླུའིའོ། །ཨོཾ་དྷ་ནཱ་དྷི་པྃ་ཨཱ་ཛྙཱ་ཡཀྵ་ཎོ། མཱ་གཙྪ་ས་མ་ཡ་བྷཱ་བ་ཀྲུྃ་ཀྲུྃ་ཀྲུྃ་ཧྲཱི་སྭཱ་ཧཱ། 

87-1-269a

གནོད་སྦྱིན་གྱི་སྔགས་སོ། ཨོཾ་བྷཱུ་ཏ་ཀྲོ་དྷེ་ནཱ་བྷ་ཨཱ་གཙྪ་ས་མ་ཡོ་ཏུ་མ་ཧེ་ཕུ་ཕུ་ཕུ་ཛཿ འབྱུང་པོའི་སྔགས་སོ། །ཨོཾ་ཀུ་རུ་ཀུ་རུ་ཨ་ཀར་ཥ་ཡ་ཧཱུྃ་ཧྲི་ཛཿ འབྱུང་པོ་དགུག་པའི་དམ་ཚིག་གི་སྔགས་སོ། །ལེའུ་
བདུན་པ་ཞེས་བྱ་བའོ།། །། དེ་ནས་གཞན་ཡང་བཤད་བྱ་བ། །གང་གིས་མཆོག་གི་ཆོས་ཤེས་ཤིང་། །གང་གིས་རྣམ་པར་མི་རྟོག་ཤེས། །གང་ཞིག་ལྷ་ཉིད་རྣམ་ཤེས་པ། །གང་ཤེས་དེ་ནི་རྣལ་འབྱོར་པའོ། །གང་ཞིག་
གསང་བ་མི་ཤེས་པ། །མཆོག་གི་ཆོས་ནི་མཆོག་ཕྲ་བ། །ཐམས་ཅད་ལུས་ལ་གནས་པའི་མཆོག །རང་ལུས་མཆོད་པས་ཕ་རོལ་མཆོད། །གཞན་དུ་བྱས་ན་ལྷ་ཉིད་བརླག །མཆོད་པའི་བདག་ཉིད་དེ་ཉིད་མཆོད། །
ཐམས་ཅད་ལུས་ལས་ཤེས་འགྱུར་བས། །ཐམས་ཅད་ལྷ་ཉིད་ཚིམ་པའོ། །དེ་ཉིད་ཡེ་ཤེས་ལྷར་གྱུར་པས། །བདག་ཉིད་ལས་ནི་ཐམས་ཅད་པའི། །རྟག་ཏུ་ཉོན་མོངས་རྣམ་སྤངས་ནས། །ཡེ་ཤེས་ཅན་གྱི་སྐུ་
རུ་གྱུར། །དེ་ཡི་མིང་ནི་དེ་བཞིན་དག །རྣལ་འབྱོར་སྦྱོར་བའི་བློ་ལྡན་པས། །ཚེ་རབས་གཞན་དུ་བྱས་པའི་སྡིག །བཀླགས་པ་ཙམ་གྱིས་ཐག་བསྲིངས་པའོ། །བརྒྱད་པ་སྟེ་དེ་རྣམས་ཀྱི་བདེ་བར་གཤེགས་
པས་གསུངས་པ་རབ་ཏུ་བྱེད་པ་བཅྭ་བརྒྱད་ལས་རྩ་བའི་འཁོར་ལོ་ཞེས་བྱ་བ་དྲུག་བཅུ་རྩ་བཞིའི་རྣམ་པར་དབྱེ་བ་རྫོགས་སྷོ།། །།  ༄༅། ། ཐམས་ཅད་མཁྱེན་པ་ལ་ཕྱག་འཚལ་ལོ། །རྣལ་
འབྱོར་རྣལ་འབྱོར་དབང་ཕྱུག་ཉིད། །དེ་བཞིན་སྦྱོར་བའི་བསྟན་བཅོས་དང་། །དྲང་སྲོང་རྣམས་ཀྱི་ཡེ་ཤེས་དབང་། །གནས་གཙང་གནས་ན་བཞུགས་ནས་སུ། །ཐམས་ཅད་མཁྱེན་པས་འདི་སྐད་གསུངས། །
རྩ་ཡི་འཁོར་ལོ་རྣམ་བཤད་པ། །སྟོང་པ་ཉིད་ལ་མཆོག་ཏུ་བརྩོན། །ཡེ་ཤེས་དབང་ཕྱུག་ཡང་དག་ལྡན། །གཉིས་མེད་གཉིས་མེད་ལ་བརྟན་པ། །ཁམས་བཞི་ཡི་ནི་ངོ་བོ་དང་། །རྩ་དགུ་ཡི་ནི་དབྱེ་བ་དང་། །དེ་བཞིན་ལྷ་དགུ་ལྷག་པ་ཉིད། །

87-1-269b

སྔགས་དང་ལས་ནི་གསུམ་ཉིད་ཀྱིས། །རྒྱལ་པོ་དབང་དུ་འགྱུར་བའོ། །ཡུལ་འཁོར་སྐྱེ་མཆེད་ལུས་རྒྱལ་ཉིད། །སྒོ་ལྔ་ནས་ནི་དྲང་བར་བྱ། །ཆུ་དང་མེ་དང་ནམ་མཁའ་རླུང་། །འདི་ནི་ལུས་ལ་གནས་པ་ཉིད། །ཆུ་ནི་དབང་ཕྱུག་རྒྱལ་
ཆེན་པོ། །དེ་བཞིན་བདུད་རྩི་དཀར་པོའི་རྩ། །མེ་ནི་དུ་བར་འབར་བཞིན་དྲག །དེ་བཞིན་མྱ་ངན་འབར་བའོ། །དབང་ཆེན་དུང་གི་རང་བཞིན་རྩ། །མི་རྟག་པས་ནི་ཡང་དག་གནས། །ནམ་མཁའ་ནམ་མཁའི་རྩ་ཉིད་ནི། །པད་མ་དེ་
བཞིན་བརྟན་ཞིང་རྟག །འགི་ཝང་རྣམ་པར་རྨོངས་པའི་རྩ། །ལུས་པོ་བསྐྱེད་ཅིང་སྡུག་བསྔལ་གནས། །དྲི་མེད་གསུམ་ནི་གཡོ་བའི་རྩ། །སྒྲ་ནི་བསྒྲུབ་པར་དཀར་བའོ། །འབྱེད་པ་ཉོན་མོངས་ཉིད་ཀྱི་རྩ། །སྡིག་པའི་རྩ་དང་
སྡིག་པའི་གནས། །མི་ཤེས་པ་དང་ཕྱུགས་ཉིད་ཡིན། །ས་གདུགས་རྩ་ནི་དབང་ཕྱུག་མཆོག །དཀར་པོ་མྱུ་གུ་རབ་དབྱེ་དང་། །དེ་བཞིན་དུད་པས་མི་བཟད་ཕྱིར། །ས་ནི་དུང་དུ་གསུངས་པའོ། །ནམ་མཁའ་གཡོ་ཞིང་འགྲོ་བའོ། །
རྨོངས་པས་སྲེད་ཅིང་འཇིགས་པའི་དངོས། །དེ་བཞིན་ཉོན་མོངས་སྡིག་པའི་གནས། །གཡོ་ཞིང་གཡོ་བའི་བློ་ཉིད་ནི། །མི་ཤེས་ཕྱུགས་ཀྱི་རྩ་ཉིད་ལ། །དགུ་ཡི་ལྷ་ནི་ཅི་ཞེས་བརྗོད། །དབྱེ་བས་རྣམ་པ་བཅྭ་བརྒྱད་ནི། །དེ་བཞིན་
འཕགས་པ་ཡེ་ཤེས་དབང་། །འགྲོ་བའི་བསོད་ནམས་སྡིག་གི་གཞི། །དེ་བཞིན་སེམས་ཅན་སྲིད་པའི་ལས། །དེ་བཞིན་ཉོན་མོངས་དམྱལ་བར་བཤད། །སྲིད་པ་ཕ་དང་མ་ཡི་དངོས། །གཞན་དུ་དུ་མའི་ཤེས་པ་ཉིད། །རྒྱལ་
པོ་ཞེས་པ་ཅི་ཞེས་བརྗོད། །དབང་པོའི་ཡུལ་ནི་རྒྱལ་པོའོ། །ཕན་ཚུན་བསྟེན་ཅིང་བསྟེན་པ་ལས། །ལུས་ཀྱི་འཕྲུལ་འཁོར་རྣམ་པར་སྐྱེ། །ཉོན་མོངས་བ་སྤུ་སོགས་པའི་ལུས། །ལུས་པོ་ཡི་ནི་གཞི་ཉིད་དོ། །འཁོར་
བར་འགྱུར་བའི་ཞགས་པ་ཡིས། །གླང་ཆེན་གནད་དུ་བརྒྱབ་པ་བཞིན། །ཚེ་རབས་སྔ་མར་སྟོབས་ཆུང་བའི། །རྣལ་འབྱོར་པ་ནི་སྟོང་ལ་དགའ། །རབ་ཏུ་བྱེད་པ་ཞེས་བྱ་བའི་ལེའུ་སྟེ་དང་པོའོ།། །། དེ་ནས་གཞན་ཡང་རབ་བཤད་པ། །

87-1-270a

རྩ་ཡི་ལྷ་ནི་དེ་བཞིན་རིམ། །བཅུ་གཉིས་པ་ནི་མངོན་དུ་བྲི། །དཀར་པོ་འབྱུང་བའི་དབྱིབས་ཀྱི་ནི། །ཆ་བཞི་ལག་པའི་རིགས་པ་ཡིས། །སྤྱི་བོར་དཀར་པོའི་གནས་རང་བཞིན། །རྒྱས་པ་ལྔ་ཡི་སྟེང་དུ་ནི། །འབར་
བའི་རྩ་ནི་སྟེང་དུའོ། །སྨིན་དབུས་དེ་བཞིན་ཐིག་ལེ་དང་། །མིག་ནི་བཅིངས་པ་ཉིད་དང་ཡང་། །རྣ་བ་ཉན་པ་ཡི་ནི་རྩ། །གཡོན་པའི་དབུགས་ནི་བུད་མེད་ཉིད། །དེ་བཞིན་སྐྱེས་བུ་གཡས་པ་ཉིད། །དུད་པ་སྔོན་གྱི་དབུགས་དང་
ནི། །ལྕེ་དང་རོ་ཡི་རྩ་ཉིད་དོ། །བདུད་རྩི་རྣམ་པ་དགུར་བཤད་པ། །དཀར་པོའི་རྩར་ནི་ཡོངས་སུ་གྲགས། །སྔོན་དུ་དུ་བའི་མཚན་ཉིད་ནི། །དུད་པ་འབར་བའི་རྩ་ཆེན་པོ། །དཔུང་པའི་ངོས་སུ་ཡང་དག་གནས། །བྲང་དང་རུས་སྦལ་མཚམས་
སུ་ནི། །རྩ་ནི་མཚམས་ཀྱི་དབུས་སུའོ། །ལག་པའི་སོར་མོའི་དབྱིབས་ལྟ་བུ། །སོར་མོ་དང་ནི་སེན་མོའི་རྒྱབ། །དུད་པ་ལྷག་མའི་རྩ་ཉིད་ནི། །བྲང་ཉིད་དུ་ནི་ཡོངས་སུ་གྲགས། །ལོགས་དང་དེ་བཞིན་ཉེ་བ་ཡི། །དེ་བཞིན་
ཇི་ལྟར་ཚིགས་དང་ཚིགས། །ལུད་པ་དྲི་ང་མཆན་ཁུང་མཉམ། །རོ་སྟོད་ལག་པའི་རྩ་བ་དང་། །རྐེད་པའི་རྒྱབ་ཀྱི་རྩ་ཉིད་ནི། །དུང་ཉིད་དུ་ནི་ཡོངས་སུ་གྲགས། །དང་པའི་མཚམས་དང་རྐེད་པ་ཉིད། །བརླ་དང་བརླར་ནི་
ཉེ་བར་མཚོན། །འགྲོ་བ་ཡི་ནི་ལྟོ་བའི་རྩ། །རྐང་པ་དུས་ཀྱི་མེ་དང་ནི། །པད་མ་རྐང་པ་མངའ་བདག་ཉིད། །རྩར་ནི་བློ་དང་ལྡན་པས་ཤེས། །འགི་ཝང་འདོད་པའི་གནས་ཀྱི་གནས། །རྟག་ཏུ་ལྕི་བར་མཚན་པར་
གསུངས། །བླ་མའི་ཕ་རོལ་འགྲོ་བའི་རྩ། །དེ་བཞིན་སྲིན་བུ་འབྱུང་བའོ། །འགི་ཝང་ཀུ་ཡི་གནས་སུ་ནི། །གཙོ་བོའི་དབྱིངས་སུ་གྲགས་པ་ཉིད། །རི་མེད་རྐང་པ་གཡོན་པར་གནས། །རྐེང་པའི་གནད་དང་སྣ་ཡི་རྩེ། །པུས་མོའི་
རྗེས་སུ་སྐྱོད་པའོ། །ཡི་དགས་བརྟུལ་ཞུགས་མེར་བཤད་པའོ། །རྩ་ཉིད་དུ་ནི་ཡོངས་སུ་གྲགས། །གཙོ་བོའི་འབྱེད་པ་གཡོན་པའི་རྩ། །མཆན་ཁུང་དང་ནི་མཆན་ཁུང་མིད། །དྲག་པོའི་ཚོགས་ཀྱི་དེ་བཞིན་རྩ། །དྲ་བར་གནས་པའང་དེ་བཞིན་

87-1-270b

ནོ། །ནུ་མའི་ཁུང་གི་གྲངས་ཀྱིས་ནི། །སྟེང་གི་ཆ་རུ་དེ་བཞིན་བཤད། །དེ་རྣམས་འབྱེད་པའི་རང་བཞིན་རྩས། །ལུས་སུ་ཡོངས་སུ་གྲགས་པ་ཉིད། །ས་གདུགས་དཔུང་པ་གཡོན་པ་དང་། །དེ་བཞིན་བྲང་དུ་ཡང་དག་གནས། །མཚམས་དང་ཚིགས་ཀྱི་
རྩ་ཡི་མཐའ། །དེ་བཞིན་འགྲོ་བའི་ལག་པ་དང་། །སྐྱེ་མཆེད་དྲུག་གི་དབྱེ་བ་ཡིས། །རང་བཞིན་གྱིས་ནི་གྲུ་བཞི་དང་། །རང་བཞིན་གྱིས་ནི་འབབ་པའི་གནས། །རང་དང་སྐྱེས་བུ་ལ་ཡང་སྐྱེ། །དོན་དམ་ཉིད་དུ་དངོས་མེད་ཅིང་། །
འཇིག་རྟེན་ལ་ཕན་སྙིང་བརྩེ་བས། །ཀུན་ཏུ་འབྱུང་བ་སྐྱོན་མེད་པའོ། །འགྲོ་བའི་གནས་ཀྱི་ཡེ་ཤེས་ཆོ་ག་མཆོག །དངོས་མེད་དག་པ་དོན་དམ་དབུ་མ་པ། །མ་རིག་ནས་བརྩམས་བཅུ་གཉིས་ས་དབང་ཕྱུག །བྷེ་ཤ་ལ་སོགས་
རེ་ཕ་ནི། །བདུད་རྩི་སྦྱོར་བ་མི་སྐྱེའོ། །དབུས་སུ་ཡང་དག་སྦྱོར་བ་གནས། །སྲིད་པའི་ཉེས་པ་རྣམ་པར་སྤངས། །བཅུ་གཉིས་སྦྱོར་བའི་གནས་སུ་ནི། །རྣལ་འབྱོར་པ་ནི་མཁས་པས་ཤེས། །རྩའི་འཁོར་ལོ་ཞེས་བྱ་བའི་ལེའུ་
སྟེ་གཉིས་པའོ།། །། དེ་ནས་གཞན་ཡང་བཤད་བྱ་བ། །ཀུན་ནས་སྐྱེ་བའི་དབྱེ་བའི་ཆ། །སྐྱེས་བུ་སོ་སོར་གནས་པ་དང་། །རྩ་དང་དབུགས་ནི་སོ་སོ་ཡི། །གཞན་གྱི་རྐང་པ་ཆད་པ་ན། །རྣམ་པ་མང་དུ་བདག་པོའི་རླུང་། །འབྱུང་
བའི་རླུང་ནི་ཆད་པར་འགྱུར། །བྲང་གི་འོག་དང་རྐེད་པའི་གོང་། །རླུང་གི་དཀྱིལ་འཁོར་གྱིས་བསྐོར་བ། །དངོས་མེད་དངོས་པོ་ཡང་དག་གནས། །ཁ་དོག་མེད་ལ་མཚོན་ཀུན་དངོས། །གཟུགས་མེད་ཡེ་ཤེས་གཟུགས་ཅན་དང་། །
སྟོང་དང་སྟོང་མིན་དོན་གྱི་གནས། །ཡེ་ཤེས་དབང་ཕྱུག་རྒྱལ་པོ་ཆེ། །རླུང་གི་དཀྱིལ་འཁོར་ལ་བརྟེན་ཅིང་། །རྣམ་ཤེས་ལས་ནི་བྱེད་པ་ཉིད། །བཅུ་གཉིས་དངོས་པོ་བསྒྱུར་བའི་བདག །སུམ་བརྒྱ་དེ་བཞིན་དྲུག་བཅུ་
ཡི། །ཆུ་ཚོད་དབུགས་ནི་རྩ་བཞིན་ནོ། །སྔ་དྲོ་དཀར་པོ་རྒྱུ་བ་ནས། །ཉིན་དང་མཚན་དུ་ཤེས་པར་བྱ། །འཕོ་བ་བཅུ་གཉིས་བདག་ཉིད་ནི། །ཉིན་མཚན་དུ་ཡང་དེ་བཞིན་ནོ། །བཅུ་གཉིས་ས་ལ་ཆད་པ་ཡིས། །བྱང་དུ་བགྲོད་པའི་

87-1-271a

མཚན་མོའོ། །ལྷོ་ཕྱོགས་སུ་ཡང་སྔོན་བཞིན་དུ། །ཉིན་མོའི་རླུང་ནི་ཆད་པའོ། །བི་ཤུའི་བར་དུ་ཟས་སྦྱར་བ། །རིམ་བཞིན་རབ་ཏུ་གྲགས་པ་ཉིད། །དབུགས་ཀྱི་སྦྱོར་བའི་རིམ་པ་འདི། །ཡེ་ཤེས་ཅན་གྱིས་ལས་ལ་
སྦྱར། །མཐའ་མའི་ཡུལ་དང་ཡུལ་འཁོར་གྱི། །རིམ་བཞིན་འཁོར་ལོས་སྒྱུར་བའོ། །རོ་ཧི་ཏ་དང་མོ་ཧི་ཏ། །བཟང་པོ་ཁྱུ་མཆོག་བླ་མ་དང་། །ཀུར་མ་མ་ཀ་རན་དྷ་དང་། །དེ་བཞིན་རྨི་ལམ་ལྐུགས་པ་དང་། །ཀུན་རྨོངས་འཇིགས་
དང་འདོད་པ་ཡི། །བཅུ་གཉིས་ས་ནི་སྲིད་པའི་སྐྱོན། །རོ་ཧི་ཏ་ལ་ལྷ་མཆོད་བྱ། །མོ་ཧི་ཏ་ལ་ནོར་རྙེད་ཅིང་། །བཟང་པོ་ལ་ནི་མཛེས་པར་བཟའ། །མང་དུ་ཁྲོ་བ་བྷེ་ཤ་བ། །ཀུར་མ་མཆོག་ཏུ་སེམས་ཁྲལ་ཅན། །མ་ཀ་ར་ལ་གཏམ་
གྱི་གཞི། །བླ་མ་བསྒྲུབ་པའི་དངོས་པོ་ནི། །རན་དྷ་ལ་ནི་སྡིག་པའི་བློ། །བྱཱ་ཀུན་ལི་དང་ཉིད་དང་ནི། །སྭ་པྣ་ལ་རྨི་ལམ་ཚུལ། །རྨོངས་པ་སེམས་ཁྲལ་མཆོག་དང་ནི། །གླུ་དང་རིག་པ་ཀློག་ལ་མཁས། །འདོད་པ་ལ་ནི་
འཁྲིག་པར་བཤད། །བཅུ་གཉིས་སྲིད་པའི་ཉེས་སྐྱོན་ནོ། །ཤེལ་ལྟ་བུར་ནི་གཅིག་གིས་གཙོ། །རྒྱས་པར་ཚོན་རྩེ་བདུན་གྱིས་སོ། །དེ་ཡི་རྣམ་ཤེས་སྲིད་པའི་དངོས། །ཡུལ་ནི་དངོས་པོ་མེད་པར་གནས། །ཡེ་ཤེས་
ཀྱི་ལེའུ་ཞེས་བྱ་སྟེ་གསུམ་པའོ།། །། དེ་ནས་གཞན་ཡང་བཤད་བྱ་བ། །སྐུ་གསུམ་ཇི་ལྟར་སྟོང་པ་ནི། །འདི་ནི་དམིགས་པ་བཅས་པས་གཟུང་། །རང་བཞིན་དང་བྲལ་མ་ཡིན་པ། །དངོས་པོ་ནམ་མཁའ་
བརྟག་པར་བྱ། །དངོས་པོའི་ཉེས་པ་སྤངས་པ་ཡིས། །གཟུགས་སུ་མི་གནས་ཟད་པའོ། །ལམ་ལ་གནས་པའི་རྣལ་འབྱོར་བས། །གཟུགས་ནི་མི་གནས་ཟད་པར་བྱེད། །ཕྱི་སྟོང་འོག་ཀྱང་སྟོང་པ་ཉིད། །སྐྱོན་མེད་
དབུས་ནི་སྟོང་པའོ། །ཐམས་ཅད་སྟོང་པ་ཉིད་དང་ནི། །འགྲོ་བའང་སྟོང་པ་ལྔ་པའོ། །ཡུལ་ལྔ་ཡང་ནི་སྟོང་པ་ཉིད། །དེ་བཞིན་དབང་པོ་ལ་སོགས་པའང་། །སྟོང་པར་མི་བརྟག་ཡང་དག་གནས། །དེ་ཕྱིར་རྡུལ་མེད་སྟོང་པའི་ཚུལ། །

87-1-271b

ཇི་ལྟར་ཞིང་པས་ཞིང་ནི་ཐབས་ཀྱིས་ཡང་སྦྱངས་ནས། །ཐོང་པས་རྨོ་ཞིང་ཐོང་པས་ཀུན་ཏུ་རབ་བསྒྱུར་བས། །ཞིང་ལ་གནོད་པའི་རྩྭ་དང་ལྗོན་ཤིང་རྒྱ་ཆེར་སེལ། །དེས་ན་རྣམ་དག་གཙང་སྦྲ་ཅན་ཞེས་བརྗོད་དེ་བཞིན། །དེ་བས་
མཆོག་ཏུ་སྦྱོར་བའི་བདག །གཉིས་པ་ཡང་ནི་བཞག་པར་བྱ། །དེ་ལྟར་དེ་བཞིན་ཕྱི་ཉིད་བཀྲུ། །དེ་ཕྱིར་མཁས་པས་སྟོང་པ་ཉིད། །གསུམ་གྱི་ཚུལ་གྱིས་དག་པར་བྱ། །དེ་བཞིན་གཟུགས་དང་སྟོང་པ་བཞིན། །དབུས་སུ་རྣམ་ཤེས་ས་
བོན་ནོ། །ས་བོན་ས་བོན་མྱུ་གུ་དང་། །གཟུགས་དང་དབང་པོ་རྩ་ཡི་གཞི། །རང་བཞིན་ཚུལ་གྱིས་ཆ་ཤས་མཚན་ཉིད་ནི། །སྐྱོན་མེད་རྡོ་རྗེའི་རང་བཞིན་ཡང་དག་གནས། །དབང་པོ་དྲུག་དང་ཆོ་ག་དྲུག་ནི་ཡང་དག་འབྱུང་། །
ལྷ་གནས་བཅུ་གཉིས་ས་ནི་སརྦ་དང་། །སྔགས་ཀྱི་ཡི་གེ་མཆོག་ཉིད་ནི། །ཡིད་ཀྱི་འཕྲུལ་པས་བསྒྲུབ་པར་བྱ། །ཨེ་མའོ་སེམས་ཅན་ཉོན་རེ་མོངས། །སྔགས་ནི་ཨུ་གུ་ཨུ་གུ་དང་། །ཉམས་པའི་གཟུགས་བརྙན་མཉམ་
བསྒོམ་པ། །སྙིང་པོ་ཉིད་ཀྱིས་རྣམ་པར་སྤངས། །སྔགས་ཀྱི་ཡི་གེ་དམ་པ་ནི། །དེ་ཕྱིར་ཡིད་ཀྱིས་རྗེས་སུ་འབྲང་། །སེམས་ཅན་ཐམས་ཅད་བསྐྱེད་ཅིང་གཡོ་ཞིང་བསྐྱེད་པ་ཡི། །སྔགས་ནི་བློ་དང་ལྡན་པས་ངེས་པར་ཤེས་
པར་བྱ། །དེ་ཉིད་མེད་པའི་སྔགས་ཀྱིས་འགྲོ་བ་རྨོངས་པར་མཐོང་། །ལོག་པར་སྨྲ་བ་ནི་གཟུགས་བརྙན་སེམས་དང་ནི། །སྔགས་ཀྱི་བདག་ཉིད་དོན་དམ་མཆོག་གི་ཡི་གེ་ཡིས། །ལས་བཞི་ཡི་ནི་ཆོ་ག་ཡོངས་སུ་
གྲགས་པའོ། །སྟོང་པ་ཉིད་ཀྱི་ལེའུ་ཞེས་བྱ་སྟེ་བཞི་པའོ།། །། དེ་ནས་གཞན་ཡང་བཤད་བྱ་བ། །སྐྱོན་དང་ཡོན་ཏན་སྤངས་གྱུར་པའོ། །དབུ་མའི་གནས་ནི་སྐྱོན་མེད་པའོ། །རང་བཞིན་དག་པའི་ཡིད་ལས་འབྱུང་བའི་ལུས། །
བདག་མེད་རྣལ་འབྱོར་གཅིག་གི་ཡིད་ཀྱི་སྦྱར་བར་བྱ། །ཇི་ལྟར་མ་བསྲེགས་སྣོད་ཀྱི་ཆུ་བཞིན་དུ། །ཁྱོད་ཀྱིས་ནང་གི་རྣལ་འབྱོར་མང་དུ་འཇིག་པའོ། །ཇི་ལྟར་རྫ་མཁན་གྱིས་ནི་མེ་ནི་ཀུན་ཏུ་གང་བས་འགེངས། །དུ་མ་དབུས་སུ་ཟད་པར་བྱས་

87-1-272a

པས་རང་གི་གཟུགས་བཞིན་ནོ། །ནང་གི་ཡེ་ཤེས་དབང་ཕྱུག་མེ་ནི་འབར་བ་ཡིས། །དེ་ཡི་གཞིག་པས་འདིར་ནི་གཟུགས་ནི་གྲོལ་བ་བཞིན། །རང་བཞིན་དག་པས་དག་པའི་ཆོས། །དག་པའི་དབྱངས་ཀྱི་ལམ་ཆེན་པོ། །མ་དག་
རྨོངས་པའི་རྒྱ་མཚོ་ནི། །རྣམ་རྟོག་བཅས་པ་རྣམ་པར་སྤང་། །དག་པའི་ཆོས་ནི་མཆོག་ཏུ་ཞི། །དག་པའི་ཆོས་ནི་སྐྱོན་མེད་པའོ། །དག་པས་བྱང་ཆུབ་ཐོབ་པའི་ཕྱིར། །དག་པའི་ཆོས་ནི་རབ་ཏུ་བསྟན། །དང་པོར་གཞུ་ལས་རྒྱལ་བ་
ཉིད། །གཤེར་བ་ནུབ་ཏུ་མཆོག་ཏུ་བརྩོན། །སྐུ་གསུམ་མ་ནི་ལྷན་ཅིག་གནས། །བློ་དང་ལྡན་པས་ས་བོན་བསྐྲུན། །དེ་ཡི་གནས་སུ་སྲོག་གསུངས་པ། །སྔ་དྲོ་སྐྱེས་བུ་གནས་པ་ཉིད། །དབུགས་ནི་ཡང་དག་འཕོ་བའི་ཚེ། །རིམ་
བཞིན་བཅུ་གཉིས་སྦྱར་བར་བྱ། །ལྟེ་བར་ཕྱུགས་ཀྱི་ཞགས་པ་ནི། །དེ་ཡི་ས་བོན་ཕྱུགས་སུ་གསུངས། །ཆུ་ཤིང་མེ་ཏོག་ལྟེ་བར་གནས། །སྙིང་གར་འགྲེང་བར་གནས་པ་ཉིད། །ཁ་ནི་འོག་ཏུ་ཟླུམ་པ་ཉིད། །མཁས་པ་
ཡིས་ནི་རྒྱས་པར་བྱ། །བདུད་རྩིའི་ཡི་གེ་སྒྲ་ཡིས་ནི། །ཡིད་འོང་ལྷན་ཅིག་དགྲམ་པར་བྱ། །དེ་ཡི་དབང་ཕྱུག་ཡེ་ཤེས་རྒྱལ། །སྒོང་སྐྱེས་བཅུ་གསུམ་དབང་ཕྱུག་གོ། །ཁ་དོག་བདུན་པར་རྣམ་མང་པོ། །དེ་བཞིན་
འོད་ཟེར་ཉི་མ་བརྒྱ། །ཡེ་ཤེས་ཀྱིས་ནི་ཤེས་བྱ་བརྟག །ཤེས་བྱས་འགྲོ་བ་བརྟག་པའོ། །ཇི་ལྟར་དར་གྱི་མིག་གི་བར། །བློ་མེད་ཐ་དད་འགྱུར་བའོ། །ཇི་ལྟར་རྨོངས་པའི་མི་ཤེས་པ། །ཡེ་ཤེས་ཀྱིས་ནི་ཉོན་མོངས་
གཅོད། །དེ་དག་མར་མེའི་རྒྱ་མཚོ་ཡིས། །ཡེ་ཤེས་ཅན་གྱིས་རང་འདོད་ལམ། །དེ་ནས་སེམས་ཅན་ཀུན་རང་བཞིན། །ཡན་ལག་རླུང་གིས་གཟིར་བ་དང་། །རང་དབང་ཉིད་དང་རླུང་དང་ནི། །དེ་བཞིན་བ་སྤུའི་བུ་ག་
འདི། །རླུང་དང་མཉམ་པའི་ལུས་མེད་ཅིང་། །རླུང་གི་སེམས་དཔའང་མེད་པའོ། །ལུས་ཀྱི་དབྱིངས་ཉིད་ལ་ཡང་ནི། །སྟོང་པ་ཡན་ལག་ཀུན་ལ་གནས། །ཐམས་ཅད་ཆུ་ཡི་རང་བཞིན་ཉིད། །ལུས་པོ་འང་ནི་སེམས་ཀྱི་ནི། །ཐམས་ཅད་ཤ་ནི་ཆུ་

87-1-272b

རང་བཞིན། །ཆུ་ཡིས་ཐམས་ཅད་ཁྱབ་པའོ། །ས་དང་ཆུ་ཡང་མཚུངས་པར་ནི། །ཕྱི་རོལ་ཁྱབ་པར་བརྟགས་པའོ། །དེ་བཞིན་ལུས་པོ་ཡི་ནི་ཆུ། །ཐམས་ཅད་ཁྱབ་པར་ཡང་དག་གནས། །ལུས་ལ་མེ་ནི་དྲོད་བཅས་པས། །
དབྱིབས་ལ་ཐམས་ཅད་ཀུན་ནས་འབར། །ས་ཡིས་ཐམས་ཅད་ཀུན་ཏུ་ནི། །གཟུགས་ལ་ཡོན་ཏན་དབང་པོས་བརྒྱན། །དེ་ཕྱིར་འབྱུང་བ་བཞི་ཡི་ལུས། །ཁམས་དང་རྩ་ཡིས་ཁྱབ་པའོ། །རྩ་ནི་མཉམ་པའི་ཆ་ཡི་དངོས། །མཉམ་
པའི་དབྱིབས་སུ་རྣལ་འབྱོར་པས། །ལྷ་བསྒོམ་པའི་ལེའུ་ཞེས་བྱ་སྟེ་ལྔ་པའོ།། །། དེ་ནས་གཞན་ཡང་བཤད་བྱ་བ། །ལྷ་རྣམས་ལྔ་ནི་གང་དུ་གནས། །བུག་པ་གསུམ་དང་སྒོ་དགུ་ཡི། །དེ་བཞིན་བདག་ཉིད་ལྷ་ཡི་གནས། །རླུང་
བསྡམས་སྐུ་ཡི་མེར་བཅས་པའི། །སྙིང་གའི་སྒོང་སྐྱེས་ཀྱི་ནི་གནས། །ཕྲ་རབ་རྡུལ་གྱི་རྣམ་པ་ལྟར། །དེ་བཞིན་སྒོ་ནས་མཚོན་པའོ། །སྒོ་དགུ་ཡི་ནི་དབྱིབས་ཉིད་དང་། །འདབ་མ་བརྒྱད་པར་ཡང་དག་གྲགས། །ཕྲ་རབ་རྡུལ་གྱི་རྣམ་པ་
བཞིན། །དེ་ལྟར་ལྷ་ནི་ཕྲ་ཞིང་ཕྲ། །ལྔ་པ་ལྔ་ཡི་ལྔ་བདག་ལྷ། །རང་བཞིན་གྱིས་ཁྱབ་རྣམ་པར་སྤང་། །སོ་ནི་ཀ་ནི་གཅིག་ཉིད་དང་། །དེ་བཞིན་ཆུ་དང་ཆུ་མིན་གཉིས། །དེ་བཞིན་ཇི་ལྟར་བུག་པ་ཉིད། །ཚིགས་དགུ་དང་ནི་སྒོ་
དགུ་དང་། །རྩ་དགུར་ཡང་དག་གྲགས་པ་ཉིད། །དང་པོར་སྟོང་པ་ཉིད་ཀྱི་དངོས། །སྟེང་དང་དབུས་དང་མཉམ་པའི་གནས། །གཟུགས་དང་ཚོར་བ་མཉན་པ་ཡང་དངོས་མེད་སྟོང་པའི་ངོ་བོའོ། །རྒྱ་མཚོ་ཆུ་ཡི་དབྱིབས་དང་ནི། །
དེ་དབུས་གེ་སར་བཅས་པའོ། །དགུ་རུ་ཆུ་ནི་སྦྱར་བར་བྱ། །དེ་བཞིན་པད་མ་ཆུ་ཤིང་གི། །དེ་ཡི་ཡེ་ཤེས་དབང་ཕྱུག་ལྷ། །སྒོང་སྐྱེས་ཁྱིམ་པ་མཉམ་པར་བརྟེན། །འདབ་མ་བརྒྱད་ལ་ས་བོན་ནི། །རིམ་པ་ཇི་བཞིན་རྩ་
ཡི་ལྷ། །དེ་ཡི་རྒྱབ་ཀྱིས་རྩ་ལ་ཡང་། །བདག་ཉིད་སྒོ་ནི་ཕྲ་བ་བཞིན། །ཕྱེ་ནས་བདག་ཉིད་བརྒྱན་པ་ནི། །ཀུན་ནས་ལྷ་ཡི་ལྷག་པར་བརྒྱན། །དེ་ཡི་བདག་ཉིད་ལྷར་སྦྱངས་པ། །སྦྱོར་བའི་ལུས་སོགས་

87-1-273a

ཉིད་ཀྱི་དབྱིབས། །སྦྱོར་མེད་གལ་ཏེ་སྦྱོར་བྱས་པས། །སྔོན་བཞིན་ཕུན་སུམ་ཚོགས་པར་འགྱུར། །རྡོ་རྗེ་སྙིང་པོའི་ལུས་ལ་ནི། །ལྷག་པར་ལྷ་དང་ལྷ་ཡིས་བརྒྱན། །ཇི་ལྟར་གདོལ་པའི་ཁང་པ་མེས་བསྲེགས་
ན། །ལྷ་ལ་སོགས་པའི་གནས་སུ་རབ་བྱེད་པ། །དགེ་དང་རིགས་ཅན་མཁས་པ་མཉམ་པར་བསྟེན། །དེ་བཞིན་རྨོངས་པ་རྒྱ་མཚོ་ལྷ་ཡི་གཞི། །སྒོང་སྐྱེས་ཀྱི་ལེའུ་ཞེས་བྱ་སྟེ་དྲུག་པའོ།། །།    དེ་ནས་གཞན་ཡང་བཤད་བྱ་བ། །
ངེས་པར་རྣལ་འབྱོར་པས་རྔུབ་པ། །ཇི་ལྟར་རྔུབ་པའི་བདག་ཉིད་ནི། །སྒོ་ནི་ས་བོན་གྱིས་བསྡམ་བྱ། །ས་བོན་དགུ་ཡིས་བསྡམས་པ་ཡིས། །རྣལ་འབྱོར་དགུ་ཡི་བདག་ཉིད་དོ། །ཇི་ལྟར་ཚངས་པའི་སྒོ་བསྡམ་ཞིང་། །མཆོད་
རྟེན་གྱི་ཡང་སྒོ་དགུ་ཡང་། །དབུགས་མི་གཡོ་བའི་དངོས་པོ་ཡིས། །བདུད་རྩིའི་ཡི་གེ་བསྡམ་པར་བྱ། །བསྡུས་ནས་གནས་པའི་མཐའ་རུ་ནི། །རང་བཞིན་གྱིས་ནི་གཡོ་བ་ཉིད། །གཞན་ཡང་དྲག་པོའི་མིང་གཉིས་ནི། །དུད་པའི་
ས་བོན་གྱིས་ནི་རྩེ། །དེ་ལྟར་རྔུབ་པ་མཉམ་པ་ཉིད། །ཡི་གེ་ཕྱེད་དང་གཉིས་སྦྱང་བྱ། །ཧཱུྃ་གི་རྣམ་པ་གཡོ་བའི་དབྱིབས། །མཉམ་པར་རྔུབ་པའི་འབར་བ་ཉིད། །འཚེ་མེད་རྣམ་པར་རྩེ་བ་ཡིས། །འཁོར་བ་འཇིགས་པ་བསྟན་པར་བྱ། །
བཅུ་གཉིས་ས་ཡི་དབང་ཕྱུག་མ། །དེ་བཞིན་དབུགས་ནི་རྔུབས་པ་ཡིས། །ཚེ་རབས་སྔོན་གྱི་སྡིག་པ་དང་། །ཡུལ་དང་དབང་པོ་ཉེ་གནས་པ། །བདེ་སྦྱོར་རྔུབ་པའི་རྒྱ་མཚོ་ཡིས། །ཡེ་ཤེས་ཅན་གྱིས་སྡིག་པ་
གཅོད། །ཇི་བཞིན་སྔོན་དུ་མཉམ་དྲངས་ནས། །མཐའ་ཡི་གཅིག་ནི་གཟུང་བྱས་ལ། །ས་བོན་ཡི་གེ་གཅིག་བཟུང་བས། །དེ་ཡིས་སྒོ་བརྒྱད་མཉམ་པའོ། །བཅུ་གཉིས་སྤངས་པའི་བསྒོམ་པ་ཡིས། །སྒོ་བརྒྱད་
རྣམ་པར་རྩེ་བའོ། །ཇི་ལྟར་རྒྱལ་པོ་སྦྱངས་པས་རབ་བསྒྱུར་བ། །དྲོད་དང་བ་ལང་རང་བཞིན་ལུས་ཀྱི་ལས། །ཕྱིས་ནི་རང་འདོད་རྦ་རླབས་རྒྱ་ཆེན་པོ། །དེ་བཞིན་ལུས་ནི་རང་འདོད་མཚོན་གྱི་གཙོ། །འཕོ་བ་སྦྱང་བའི་ལེའུ་ཞེས་བྱ་

87-1-273b

སྟེ་བདུན་པའོ།། །། དེ་ནས་གཞན་ཡང་བཤད་བྱ་བ། །འབྱིན་བྱེད་ཚོགས་ནི་དགུ་པ་ཉིད། །ཕྲ་བའི་རྣམ་པར་བཤད་པ་ཉིད། །རླུང་གི་དཀྱིལ་འཁོར་གྱིས་བསྐོར་བའོ། །བཅུ་གཉིས་དགུ་ཡི་རིམ་པ་ནི། །དགུ་ཡི་སྦྱོར་བ་ལ་རབ་བརྟེན། །
འདི་ཡི་དགུ་ཡི་རླུང་ཇི་བཞིན། །རྣམ་ཤེས་རླུང་གི་དཀྱིལ་འཁོར་ལ། །རླུང་གི་དབུས་སུ་མེ་ཡི་དབྱིབས། །མེ་ཡི་དུ་བའི་ཡིག་དེ་བཞིན། །ཨུ་ནི་རེ་ཕར་ཡང་དག་ལྡན། །སྒྲ་ནི་རྒྱ་མཚོར་བཤད་པའོ། །དེ་བཞིན་ཐིག་ལེ་ཡེ་
ཤེས་གནས། །སྒྲ་དང་སྒྲ་ཡིས་བསྒོམ་པའོ། །བཤང་བའི་སྒོ་ནས་དེ་བཞིན་དུ། །སྲིད་པའི་ཉེས་ལས་ཡང་དག་འཕོ། །སྣ་དང་རྣ་བ་མིག་ལས་མི། །མི་རྣམས་ཀྱི་ནི་རྒྱལ་པོར་འགྱུར། །ལྟེ་བའི་ཐིག་ལེ་དེ་བཞིན་
སྟེང་། །གོང་གི་གནས་ནི་ཤེས་པར་བྱ། །སེམས་ཀྱི་རྩ་དང་འདྲ་བ་ཡི། །སྙིང་ཁར་དེ་བཞིན་སྦྱོང་བའོ། །འཕྱར་བར་རླུང་གི་ས་བོན་ནི། །མཉམ་པའི་གནས་སུ་ཤེས་པར་བྱ། །དེ་ལྟར་ང་ཡིས་མཚན་ཉིད་བཤད། །གཞན་དུ་བླ་མ་
སྟོན་པའོ། །སྟེང་དུ་ཚངས་པའི་སྒོ་འདི་ནི། །མོད་ལ་འཕོ་བའི་མིང་དུ་བཤད། །ཇི་ལྟར་བུང་བ་མེ་ཏོག་བུ་གར་ནི། །རྒྱགས་པས་མྱོས་ནས་སེམས་ནི་ཞུ་བ་ལྟར། །དེ་བཞིན་ཡེ་ཤེས་དབང་ཕྱུག་སྒོར་གནས་པ། །ཨུད་
ཏྲན་ཏ་ཡི་གནན་པས་འཇིག་པའོ། །ཨེ་མའོ་ཆོས་ནི་མཆོག་གི་ལམ། །ཨེ་མའོ་འཁོར་བ་གཅོད་བྱེད་པ། །ཨེ་མའོ་གྲོལ་བའི་གོ་འཕང་གནས། །ཨེ་མའོ་ཡེ་ཤེས་ངོ་མཚར་ཆེ། །འཕོ་བ་སྦྱོར་བའི་ལེའུ་
ཞེས་བྱ་སྟེ་བརྒྱད་པའོ།། །། དེ་ནས་གཞན་ཡང་བཤད་བྱ་བ། །སྔོན་དུ་གསུངས་པའི་མཚན་ཉིད་ལྡན། །དང་པོར་གཟུགས་ནི་སྦྱང་བར་བྱ། །བདག་ཉིད་མདུན་དུ་ཡང་དག་གནས། །བདག་ཉིད་ལྷ་དང་དེ་
བཞིན་གཞན། །ཤེས་པ་གཞན་ལ་རྨོངས་པ་རྣམས། །མིང་གི་ཡི་གེ་མཉམ་པོར་དྲང་། །འདི་ཡི་ཡེ་ཤེས་དབང་ཕྱུག་ལྷ། །སྒོང་སྐྱེས་ཀྱི་ནི་དབུས་སུ་ཐིམ། །ཡེ་ཤེས་ལུས་ལ་བསྒོམ་བྱས་པས། །བློ་ལྡན་ལུས་ནི་རྣམ་པར་འཕོ། །

87-1-274a

སྔོན་དུ་རྔུབ་ཅིང་འབྱིན་པ་ཡིས། །སྔོན་བཞིན་ལྷན་ཅིག་འཕོ་བའོ། །སྡིག་བྲལ་སྤྱོད་པ་མེད་པ་ཉིད། །སྡིག་སྤངས་སྤྱོད་པས་ཡང་དག་གནས། །ཉོན་མོངས་རྒྱ་མཚོའི་སྡིག་པ་སྦྱང་། །སྡིག་སྤོང་དེ་བཞིན་རྨོངས་
པ་དང་། །སྦྱོར་བ་ཡིས་ནི་སྡིག་པ་སྦྱོང་། །སྤྱོད་མེད་སྡིག་པ་སྦྱོང་བའོ། །རྟག་ཏུ་སྡིག་སྦྱོང་ལམ་ལ་གནས། །སྦྱོར་བའི་ལུས་ནི་སྐྱོན་མེད་པའོ། །དབུགས་ཀྱི་མཐར་ནི་གནས་པ་ཡིས། །འདི་ཡིས་སྟེང་དུ་གྲོལ་བར་གནས། །དབུགས་
ནི་ལྟེ་བར་གཏོང་བ་ཡིས། །སེམས་ནི་གཟུགས་མེད་སྲིད་པར་རོ། །སྡིག་པ་ཀུན་ནས་མི་གནས་པའོ། །ཉེས་པ་ཀུན་གྱི་གོས་པ་ནི། །འཕོ་བར་སྦྱོར་བ་སྦྱར་བར་གྲོལ། །ཕ་དང་མ་ནི་གསད་བྱ་ཞིང་། །རྒྱལ་པོ་དང་ནི་གཙང་སྦྲ་
གཉིས། ། ཡུལ་འཁོར་བཅས་པ་བཅོམ་བྱས་ན། ། མི་དེ་དག་པ་ཞེས་སུ་བརྗོད། །དུས་ལ་བབ་ན་འཕོ་བྱ་སྟེ། །དུས་མིན་ལྷ་རྣམས་གསོད་པར་འགྱུར། །ཇི་སྲིད་ཡུན་རིང་འཚོ་ཞིང་ཆོས་སྤྱོད་པ། །དེ་སྲིད་དགེ་བའི་རྒྱུན་ནི་འཕེལ་
བའོ། །ཇི་ལྟར་བུམ་པ་མཁན་ནི་མཁས་པ་ཡིས། །ལོ་ཟླས་གནས་ནི་སྣོད་ནི་དུ་མས་འགེངས། །མིག་དང་དབྱིབས་མེད་འཁོར་ལོ་འཇེས་བའང་མེད། །རྣམ་ཤེས་ཡེ་ཤེས་རྣམ་པ་ཀུན་ཏུ་བརྟག །ལུས་ཡང་དག་
པར་འཕོ་བའི་ལེའུ་ཞེས་བྱ་སྟེ་དགུ་པའོ།། །། དེ་ནས་གཞན་ཡང་བཤད་བྱ་བ། །སྦྱོར་བའི་བསྟན་བཅོས་བསྒྲུབ་པ་པོས། །བརྔུབ་པའི་བདག་ཉིད་དབྱེ་བ་ནི། །སོར་བཞི་ལས་ནི་ནམ་མཁའོ། །ནམ་
མཁའ་ལས་ནི་སྐར་མ་དང་། །གོང་བུ་མེ་ཡི་ཕུང་པོ་ཉིད། །མེ་ཡི་དབུས་སུ་ཡི་གེ་ཨ། །ནམ་མཁའ་དང་ནི་ཟླ་བ་འདི། །དབུས་སུ་བདུད་རྩིའི་ཐིགས་པའོ། །འཁོར་ལོ་ཉི་མའི་དྲ་བ་ཅན། །བདུད་རྩིའི་ཐིགས་པ་
རྣམ་པར་འབྱིན། །ས་བོན་འབར་ཞིང་འབར་བ་ཡིས། །དབུས་སུ་བདུད་རྩིའི་ཡི་གེའོ། །དབུས་སུ་ཨ་ཡིག་སྔོན་པོའོ། །འོད་ཟེར་ལྔ་ནི་དེ་བཞིན་ཕྱོགས། །རི་རབ་དབུས་སུ་འབར་བ་ནི། །ཐིག་ལེའི་སྒོ་རུ་སྣང་བའོ། །ཨ་ཡིག་རྣམ་པའི་བདུད་

87-1-274b

རྩིའི་ཆུ། །ཁ་དོག་གཉིས་པའི་ལྷ་ཉིད་དོ། །ཇི་ལྟར་བུག་པ་སྟོང་པ་ཉིད། །རྟག་ཏུ་སྟོང་པའི་ལྷ་ཉིད་དོ། །སྣ་བུག་ཇི་ལྟར་བཟོད་པ་ཡིས། །ལྕེ་ཡི་ཡང་ནི་བདུད་རྩིའོ། །ཡི་གེ་གསུམ་ནི་སྦྱར་བར་བྱ། །རྨོངས་པ་མགྲིན་པ་སྦྱངས་ཡིག་སྦྱར། །
ཨུ་ནི་རྣམ་པ་རིམ་བཞིན་མཆོག །ཀུན་ནས་ཉོན་མོངས་ལྷག་པར་སེལ། །ཧཱུྃ་གི་ཡི་གེ་དབང་ཕྱུག་མཆོག །སྔོན་དུ་པད་མ་མཉམ་པ་ཉིད། །སྒོང་སྐྱེས་སྔོན་དུ་བཟོད་པའོ། །དེ་ཡི་ལྷ་ནི་ལྷག་པར་རྫོགས། །འོད་ཟེར་བྱ་བ་རྣམ་མང་པོ། །
དེ་ཡི་ཡེ་ཤེས་དབང་ཕྱུག་རྒྱལ། །དབུགས་མི་གཡོ་བར་བསྒོམ་པར་བྱ། །སྟོབས་འཇིགས་པ་ཡི་དབྱུག་པ་ཅན། །ཧཱུྃ་གི་རྣམ་པ་མངའ་བདག་དབང་། །ལྟེ་བར་ཇི་ལྟར་གཙོ་བོ་ཉིད། །ཨེ་ཡི་རྣམ་པ་བརྡ་ཡི་ལུས། །ཀུན་ནས་དགོད་པ་རྣམ་
པར་བཤད། །བདག་ཉིད་ལྷ་དང་ལྷ་གཞན་ནི། །བདག་ཉིད་ལྷ་ནི་མཆོག་ཡིན་ནོ། །བདག་ཉིད་གདན་དུ་གྲགས་པ་ཡིས། །བདག་ཉིད་ལྷ་ནི་མཆོད་པར་བྱ། །བདག་གི་གདན་གྱི་ལེའུ་ཞེས་བྱ་བ་སྟེ་བཅུ་པའོ།། །། དེ་ནས་གཞན་
ཡང་བཤད་བྱ་བ། །འོད་ཟེར་གྱི་ནི་མཚན་ཉིད་དག །རྡོ་རྗེ་ལྕགས་སྒྲོག་གི་ཕྱག་རྒྱས། །ས་ནི་སྦྱང་བར་བྱ་བའོ། །ཧཱུྃ་གི་རྣམ་པས་པད་མ་བསྒྱུར། །ཉི་མའི་དཀྱིལ་འཁོར་གཞི་ལ་ནི། །ཅོད་པན་རབ་ཏུ་དགོད་པར་བྱ། །གལ་ཏེ་
བདག་ཉིད་ལྷར་འདོད་པས། །དབུགས་ལས་ལྷ་ནི་དབྱུང་བར་བྱ། །གཟུགས་རྫོགས་ཡིད་དུ་འོང་བ་ཉིད། །མཆོག་གི་གོ་འཕང་བསྒོམ་པར་བྱ། །གནས་བརྒྱད་སོ་སོ་ལྷ་ལ་ནི། །ཕྱག་རྒྱ་བརྒྱད་ནི་བསྟན་པར་བྱ། །
ལས་དང་ལས་ཀྱི་ཁྱད་པར་ལ། །སྔགས་པས་འདི་ཡི་ས་བོན་བཟླས། །ས་ཡི་རྣམ་པ་ཞི་བ་ཉིད། །དེ་བཞིན་ཀྵ་ཡི་རྣམ་པས་རྒྱས། །དབང་ལ་ཡྃ་གྱི་ཡི་གེ་ཤེས། །ཧ་ཡི་རྣམ་པ་མངོན་པར་སྤྱོད། །མཆོད་པ་
ཆོ་ག་ཀུན་རྫོགས་པ། །གཞན་དུ་བལྟས་ནས་ཤེས་པར་བྱ། །ཕྱིས་ནི་ལས་ལ་རབ་ཏུ་འཇུག །རང་གི་ལུས་ལ་ཐིམ་པར་བྱ། །གཞན་གྱི་གདན་གྱི་ལེའུ་ཞེས་བྱ་བ་སྟེ་བཅུ་གཅིག་པའོ།། །།

87-1-275a

དེ་ནས་གཞན་ཡང་རབ་བཤད་པ། །སྟོང་ཕྲག་བདུན་བཅུ་རྩ་གཉིས་ཉིད། །ལུས་ཀྱི་རྩར་ནི་རབ་ཏུ་ངེས། །སྟོང་ཕྲག་དགུ་ཡི་གྲངས་ལས་ནི། །བྱེ་བ་བརྒྱ་སོགས་དགའ་བར་གནས། །སྟོང་པའི་དབྱིབས་ནི་སྔོན་འགྲོ་བས། །
བློ་དང་ལྡན་པས་ས་བོན་བསྐྲུན། །ཟག་པའི་ལུས་ནི་བཅོམ་ནས་ཀྱང་། །དེ་ཡི་སྙིང་ཀར་པད་མ་ཉིད། །སྒོང་སྐྱེས་སྟོང་པ་ཡི་ནི་གཞི། །དེ་ལྟར་གནས་ལ་མཉམ་སྦྱོར་བས། །དེ་ཡི་གནས་སུ་ཤེས་པར་བྱ། །ཉི་མ་འཆར་བའི་འོད་ཟེར་གྱིས། །
ཕྲ་རབ་རྡུལ་བཞིན་གནས་པ་ཉིད། །པད་མའི་རྩ་ནི་སོ་སོར་བསྡམ། །དེ་བཞིན་འོད་ཟེར་འབར་བ་དང་། །ཀུན་ཏུ་རྫོགས་པའི་ལུས་པོ་འབྱུང་། །ཀུན་ཏུ་རྫོགས་པ་ལྷ་ཡི་སྐུ། །རྣལ་འབྱོར་པ་ཡི་ཀུན་ཏུ་བལྟ། །འདོད་ཁམས་སྲིད་པའི་གཟུགས་
ཅན་སོགས། །རྒྱུན་ཏུ་རྣལ་འབྱོར་ལ་བརྟེན་པས། །རྟེན་གྱི་ཡེ་ཤེས་དེས་མཐོང་ངོ་། །རླུང་གི་དཀྱིལ་འཁོར་དབུས་གནས་པར། །མེ་ཡི་དཀྱིལ་འཁོར་འདྲ་བའོ། །མེ་ཡི་དཀྱིལ་འཁོར་དབུས་གནས་པར། །ཉི་མའི་དཀྱིལ་འཁོར་འདྲ་བའོ། །ཉི་མའི་
དཀྱིལ་འཁོར་དབུས་གནས་པར། །ཟླ་བའི་དཀྱིལ་འཁོར་མཚུངས་པའོ། །དེ་དབུས་ཇི་སྐད་གསུངས་པ་ཡི། །སྦྱོར་བའི་གདན་ཞེས་བྱ་བའི་མིང་། །དངོས་པོ་མི་གཡོ་བར་བསྒོམས་པས། །ཉོན་མོངས་སྲིད་པའི་རྒྱ་མཚོ་ཟད། །ཡེ་ཤེས་ཉོན་མོངས་
ཀྱིས་བསྒྲིབས་པས། །དེ་ཡི་ཡེ་ཤེས་དེ་དབང་ཕྱུག །ཇི་ལྟར་བྱིས་པ་ཕ་མའི་གནས་སུ་རྩེ་བ་ནི། །ཚིག་ཉིད་དང་ནི་ལུས་ནི་འབར་ཞིང་གཡོ་བ་ཡིས། །ཕྱི་ནས་འདི་ཡི་ཡེ་ཤེས་དེ་ནི་ཤིན་ཏུ་བསྒྲིམ། །དེ་ལྟར་རྣལ་འབྱོར་བླ་མས་བསྟན་པ་དེ་
ཡང་། །སྦྱོར་བའི་གདན་གྱི་ལེའུ་ཞེས་བྱ་བ་སྟེ་བཅུ་གཉིས་པའོ།། །། དེ་ནས་གཞན་ཡང་བཤད་བྱ་བ། །སྦྱོར་བ་མཆོག་ནི་མཉམ་བཤད་པ། །རང་བཞིན་མེད་པ་བྱ་བའི་ཚིག །ལྷག་པའི་གནས་སུ་ལུས་བྲལ་བ། །ཕྲ་བའི་དངོས་པོ་གོས་པ་མེད། །རྒྱས་
པའི་སྒོ་ནི་བསྡམ་པར་བྱ། །དེ་བཞིན་མཆོད་རྟེན་དབང་ཕྱུག་གོ། །ཆུ་མིན་ནས་ནི་གྱེན་དུ་དབུགས། །དེ་བཞིན་ལྟོ་བ་རླུང་གིས་གང་། །ཡེ་ཤེས་ཐིག་ལེ་གནས་ནས་གནས། །རྣམ་པར་ཤེས་པ་ངེས་པར་ཐིམ། །འཇིག་པ་མེད་ཅིང་འཚེ་མེད་པར། །མཉམ་པར་བཞག་

87-1-275b

པའི་ངོ་བོས་སྒོམ། །རླུང་གི་དཀྱིལ་འཁོར་རྔུབས་པ་ཡིས། །དབུས་སུ་ཡེ་ཤེས་སྐྱོན་མེད་པའོ། །བླ་མས་བཤད་པའི་ལམ་གྱིས་ནི། །རྟག་ཏུ་ངེས་པར་བལྟ་བའོ། །ཇི་ལྟར་བུ་མོ་གཞོན་ནུ་གཏམ་གྱིས་རྨོངས་ནས་སུ། །གཉི་ག་འཐམ་པ་སྲེད་ནས་
གཏམ་གྱིས་སྨྲས་པ་དང་། །ལམ་ནི་ཇི་ལྟར་བསྟན་ཀྱང་བཟུང་བར་མི་ནུས་པ། །དེ་ལྟར་རྣལ་འབྱོར་པ་ནི་ལམ་ངན་བསྟན་པ་བཞིན། །གསུང་བའི་གདན་གྱི་ལེའུ་ཞེས་བྱ་བ་སྟེ་བཅུ་གསུམ་པའོ།། །། དེ་ནས་གཞན་ཡང་བཤད་བྱ་བ། །མ་
བསྒྲལ་བ་རྣམས་བསྒྲལ་བར་བྱ། །མ་གྲོལ་བ་རྣམས་བདག་གིས་དགྲོལ། །དེ་ལྟར་རྗེས་སུ་བརྩེ་བའི་ཕྱིར། །བདག་གི་སྦྱོར་བའི་བསམ་གཏན་བྱ། །ལུས་ནི་རྣམ་པ་གསུམ་ཉིད་དང་། །ངག་གི་ཡང་ནི་རྣམ་པ་བཞི། །ཡིད་ཀྱི་རྣམ་པ་གསུམ་
ཉིད་ནི། །ལུས་ཀྱིས་བསྲུང་ཞིང་རབ་ཏུ་བསྡམ། །གཉིས་ཀྱི་གནས་ནི་མངོན་པར་སྤང་། །ཡེ་ཤེས་ཅན་གྱིས་ཐར་པ་བསྟེན། །སྐད་ཅིག་ལོངས་སྤྱོད་དེ་བཞིན་སྡུག །གཉིས་མེད་ལྷན་ཅིག་བསྟན་པར་བྱ། །ཚེ་འདི་ཉིད་ལ་སེམས་ཅན་རྣམས། །
སྐད་ཅིག་ཕུན་ཚོགས་སྐད་ཅིག་རྒུད། །དེ་བཞིན་རྨོངས་པའི་ལོངས་སྤྱོད་ནི། །རྣལ་འབྱོར་པ་ཡིས་ལྟོས་མི་བྱ། །དེ་ཕྱིར་ཉེས་པ་ཡི་ནི་གནས། །འགྲོ་བའི་ཉེས་པ་སྲིད་པའི་དངོས། །ལོངས་སྤྱོད་ལྷག་པའི་གནས་གཅིག་གི། །འབྲས་བུ་
འདོད་པ་གོ་བཟློག་པའོ། །སེམས་ཅན་སྦྱིན་ལ་སྲེད་པ་ཡི། །ལོངས་སྤྱོད་ཀྱི་ནི་གནས་སུ་བརྗོད། །དེ་ཕྱིར་གཉིས་པའི་ལམ་སྤངས་ལ། །རྣལ་འབྱོར་པ་ཡིས་དེ་བཞིན་དབུས། །སྦྱོར་བའི་ཆོས་ནི་མཉམ་དམིགས་པས། །སྤྱོད་པའི་ཆོས་
ནི་སྐྱོན་མེད་པའོ། །བདག་མེད་ལུས་ནི་ཡང་དག་གནས། །བདག་མེད་ལ་ནི་མཉམ་པར་བརྟེན། །བསླབ་བྱ་རྟོགས་པའི་ལེའུ་ཞེས་བྱ་བ་སྟེ་བཅུ་བཞི་པའོ།། །། དེ་ནས་གཞན་ཡང་བཤད་བྱ་བ། །སྙིང་གར་ཟླ་བ་གཞག་
བྱས་ལ། །དེ་དབུས་བདུད་རྩི་ཡི་གེ་ནི། །རྣམ་པ་ཀུན་ཏུ་བདུད་རྩི་སྔགས། །འོད་ཟེར་འབར་བ་བསྒོམ་པར་བྱ། །ཞི་བའི་གནས་སུ་སྦྱར་བ་ཡིས། །རྣལ་འབྱོར་པར་ནི་ཡོངས་སུ་གྲགས། །ཇི་ལྟར་དེ་ཡི་ཟླ་བ་ཉིད། །ཙི་ཙེའི་ཡི་གེས་རྣམ་པར་

87-1-276a

བརྒྱན། །གསེར་གྱི་མདོག་ལྟར་ཡིད་འོང་གཟུགས། །འོད་ཟེར་སྣ་ཚོགས་བསྒོམས་པ་ཡིས། །དོན་འདོད་པ་ཡི་རྣལ་འབྱོར་པས། །དེ་ལྟར་སངས་རྒྱས་སྦྱོར་བའོ། །ཧཱུྃ་གི་རྣམ་པ་དབང་གི་དངོས། །ཉི་མའི་དཀྱིལ་འཁོར་ལ་
བརྟེན་པ། །འོད་ཟེར་དུ་མའི་ཆོ་ག་ཉིད། །དབང་ཉིད་དུ་ནི་ཡོངས་སུ་གྲགས། །རླུང་གི་དཀྱིལ་འཁོར་དབུས་སུ་ནི། །རླུང་གི་དཀྱིལ་འཁོར་མཉམ་པའི་གཞི། །ཇི་བཞིན་འོད་ཟེར་སྔོན་པོ་འབར། །མངོན་པར་སྤྱོད་པར་རབ་ཏུ་གྲགས། །ལས་ཀྱི་
ལེའུ་ཞེས་བྱ་སྟེ་བཅྭ་ལྔ་པའོ།། །། དེ་ནས་གཞན་ཡང་བཤད་བྱ་བ། །སྦྱོར་བའི་ཟས་སྨན་ཞེས་བྱ་ཡོད། །འདབ་མ་འོ་མ་འཛག་པ་དང་། །དེ་བཞིན་མེ་ཏོག་ཨ་ཛ་ག །དྲི་ནི་དྲི་ཞིམ་རྣམ་པར་འབྱེད། །མདོག་ནི་ལྗང་དང་སེར་བ་ཉིད། །རྩ་བ་གཅིག་
གི་དབང་ཉིད་དང་། །ཇི་ལྟར་མེ་བཞིན་འཚེར་བའོ། །བདུད་རྩིའི་ཡི་གེ་སྒོམ་པ་ཡིས། །མཆོད་དང་བཟླས་པའི་ཆོ་གར་སྦྱར། །མར་དང་སྦྲང་རྩི་མཉམ་པའི་ཆར། །སྲང་ནི་རེ་རེ་བཟའ་བ་ཉིད། །བརྒྱ་དང་དེ་བཞིན་བརྒྱད་བཅུ་ཉིད། །མཁས་པ་ཡིས་
ནི་བཟའ་བར་བྱ། །རྣལ་འབྱོར་པ་ཡིས་ལོ་བརྒྱ་རུ། །དབེན་པའི་རི་ལ་གནས་ན་ནི། །ཡེ་ཤེས་ཅན་གྱིས་ཡེ་ཤེས་ལུས། །ངེས་པར་ཡོངས་སུ་རྒྱས་པར་འགྱུར། །དབང་པོ་རྣམས་ཀྱི་སྲེད་པ་དང་། །བཀྲེས་པ་ལ་སོགས་མེད་པར་
འགྱུར། །གནས་ནི་ངེས་པ་ཉིད་ཀྱི་མཆོག །རྩ་བ་རྣལ་འབྱོར་སྦྱོར་བར་བཅས། །དེ་ལྟར་ཐོས་པའི་བདག་ཉིད་ཆེ། །སྦྱོར་བའི་བསྟན་བཅོས་སྐྱོན་མེད་པའོ། །ཐ་མལ་འགྲོ་བར་ངེས་པ་ནི། །བདེ་བར་གཤེགས་པའི་གོ་
འཕང་འཛིན། །དེ་ནི་ཡང་སོས་རྣལ་འབྱོར་པ། །ཡེ་ཤེས་ཅན་གྱིས་ཡེ་ཤེས་རྟོག །ལྔ་པའི་ལྔ་པ་ཞེས་བྱ་བའི་ལེའུ་སྟེ་བཅུ་དྲུག་པ་རྫོགས་སྷོ།། །།  ༄༅།  །མཁའ་འགྲོ་མ་ལ་ཕྱག་འཚལ་ལོ། །དཔལ་ལྡན་
ཤེས་རབ་དབང་པོ་སྦས་པ་ཉི་མའི་འོད་ཀྱིས་འཇིག་རྟེན་ཁམས་སུ་སྣང་བར་མཛད། །དངོས་པོ་དུ་མའི་ཁྱད་པར་བསགས་པའི་རབ་རིབ་གང་གི་མཐུ་ཡིས་འཇིག་མཛད་པ། །རྟག་ཏུ་ཀུན་ནས་རྔུབས་པའི་ང་རྒྱལ་མི་མཐུན་དགྲ་ནི་

87-1-276b

དུས་དང་དུས་སུ་གཡུལ་འགྱེད་པའོ། །ཆགས་མེད་ཡེ་ཤེས་རི་བོ་མཉམ་ཉིད་མཉམ་པའི་ས་བོན་ཆེན་པོ་གཅིག་གིས་མཛད། །ཧཱུྃ་གི་རྣམ་པ་འབྱིན་བྱེད་དངོས། །ཧཱུྃ་གི་རྣམ་པ་མཆོག་གི་ལྷ། །ཧཱུྃ་གི་རྣམ་པ་སྟོང་གྱུར་པ། །ཡི་གེ་
ཧཱུྃ་ལ་ཕྱག་འཚལ་བསྟོད། །ཡི་གེ་བརྒྱད་ཀྱིས་ངོ་བོ་ཉིད། །སྤྱོད་བཅས་མི་སྤྱོད་གསང་བ་དང་། །ཆུ་དང་མེ་དང་དེ་བཞིན་རླུང་། །ས་ནི་མིག་གི་ཡི་གེའོ། །སྒོ་བཞི་དང་ནི་ཕུང་པོ་བཞི། །སྒོང་སྐྱེས་ཛ་ལར་གནས་པ་ཉིད། །བཞི་པོ་ཉོན་
མོངས་མིང་དང་ནི། །ཡི་གེ་བཞི་པ་དེ་བཞིན་དུ། །རྨོངས་པས་ས་དང་ཉོན་མོངས་དང་། །སྔོན་དུ་ཕྱུགས་ནི་མཉམ་པ་དང་། །ཆུ་ཤིང་མེ་ཏོག་པད་མ་ནི། །འདི་ཡིས་སྒོང་སྐྱེས་སྟན་ཉིད་དོ། །བ་ལང་རྨིག་པའི་སྟེང་དུ་ནི། །བདུད་རྩི་བརྒྱད་
ཀྱིས་རྣམ་པར་དབྱེ། །ཤེལ་བཞིན་དུ་ནི་དག་པ་ཡི། །སྙིང་པོ་ཡི་ནི་སྙིང་པོའི་མཆོག །ལྕེ་ལ་ཆུ་ནི་འདི་ཉིད་དང་། །ནམ་མཁའ་རྣ་བ་སྣ་དག་ལའོ། །ས་ནི་མིག་ལ་སྦྱར་བྱ་སྟེ། །ཚངས་པར་མེ་ནི་དེ་བཞིན་འབར། །རྨོངས་པ་ཡིས་ནི་
མགྲིན་པར་རོ། །གཡོ་བའི་སྙིང་ལ་གནས་པ་དང་། །ཐམས་ཅད་ཉོན་མོངས་བྲང་དང་ནི། །ཕྱུགས་ནི་ལྟེ་བའི་རྩ་བར་རོ། །ཡན་ལག་བརྒྱད་ལ་དགོད་པ་ཡིས། །འདི་ཡིས་ལྷ་ཉིད་ཡང་དག་ཤེས། །ཡི་གེ་བརྒྱད་ཀྱི་སྔགས་
འདི་ནི། །ཕྱག་རྒྱ་བརྒྱད་དུ་རབ་ཏུ་གྲགས། །དཀར་དང་སེར་དང་དེ་བཞིན་དམར། །གནག་ཅིང་འབར་བའི་ལས་ལ་ནི། །ལས་རྣམས་བཞི་ལ་ལྷ་མོ་ཡིས། །མཁས་པས་འབུམ་ཕྲག་གསུམ་དུ་བཟླས། །ཡེ་ཤེས་དབང་
ཕྱུག་སྙིང་པོ་ཉིད། །མཆོག་ཏུ་རྟག་ཅིང་ཞི་བ་དང་། །ཕྲ་ཞིང་རགས་པའི་འགྲོ་བ་ཀུན། །ལས་དང་ལས་ཀྱི་རྣམ་པར་གྲོལ། །ཐམས་ཅད་ཆུ་ཡི་དབྱིབས་དང་ནི། །མཉམ་པར་འཇིག་བྱེད་མེ་དང་ཡང་། །ཇི་ལྟར་རྟག་པ་རླུང་དག་དང་། །དད་པའི་དོན་དང་ས་དབང་པོ། །
ལྷག་མ་ས་བཞིན་བརྩེགས་པ་ནི། །བཞི་པ་ཡི་གེ་དྲུག་པའོ། །འགྲོ་བའི་དོན་ཕྱིར་ཡི་གེ་བརྒྱད། །ལྷ་བརྒྱད་དུ་ནི་ཡོངས་སུ་གྲགས། །མཉམ་བཞག་བཟླས་པའི་ངོ་བོ་ཡིས། །འགྲུབ་པར་འདི་ལ་ཐེ་ཚོམ་མེད། །བ་དན་གསུམ་པའི་ཕྱག་རྒྱ་ཡིས། །སྔོན་དུ་རེག་ཅིང་

87-1-277a

རེག་པ་ཉིད། །འཇིག་རྟེན་འདིར་ནི་བདེ་བ་དང་། །རྟག་ཏུ་མཆོད་པ་རྙེད་པར་འགྱུར། །འཆི་བའི་དུས་སུ་ཡེ་ཤེས་ནི། །གཟུགས་མེད་སྲིད་པར་རབ་ཏུ་གནས། །བདག་གི་དེ་ཉིད་མནན་པ་ཡིས། །ཇི་ལྟར་སྔགས་འདི་འགྲུབ་པར་འགྱུར། །དེ་
ཕྱིར་ནན་ཏན་ཐམས་ཅད་ཀྱིས། །སྦྱོར་བའི་བསྟན་བཅོས་རྟོགས་པར་བྱ། །དྲི་ཞིམ་རབ་གྲགས་མེ་ཏོག་ཀུན་ནས་གནས་པ་དང་། །ནག་པོའི་ཨ་ཀ་རུ་དང་གུ་གུལ་མར་མེ་དང་། །གཉིས་མེད་གཏོར་མ་གཅིག་གིས་ཡིད་ནི་ལྡན་པ་ཡིས། །ལྷ་མོ་
མ་མོ་རྣམ་པ་ཀུན་ནས་རབ་ཏུ་མཆོད། །ཡི་གེ་བརྒྱད་པའི་ལེའུ་ཞེས་བྱ་སྟེ་དང་པོའོ།། །། དེ་ནས་གསང་བའི་ཡན་ལག་གི། །ཐིག་ལེ་ལ་ནི་བདག་ཕྱག་འཚལ། །ཁམས་གསུམ་སྐྱེས་པ་ཟད་བྱས་ནས། །ཡེ་ཤེས་དངོས་པོ་
གནས་པ་བཞིན། །ལྷ་ཡི་དངོས་པོ་དབྱེར་མེད་པས། །སྟེང་དང་འོག་དང་དབུས་སུ་ནི། །ཐམས་ཅད་ཀུན་ནས་སྟོང་པ་ཉིད། །རི་རབ་གླིང་གཞན་ཟད་བྱས་ནས། །མཉམ་ཉིད་སྦྱོར་བ་ཀུན་ཏུ་བསམ། །ཐམས་ཅད་སྡོམ་པའི་དབྱེ་བ་ཡིས། །
དེ་ཡིས་མེ་ཏོག་ཐིག་ལེ་ཡི། །ཐིག་ལེའི་དབུས་སུ་གསལ་བའོ། །ཡེ་ཤེས་རྡུལ་ནི་རྣམ་པར་ཐིམ། །ཡེ་ཤེས་བློ་དང་ལྡན་པས་ཤེས། །ཁ་དོག་མེད་ཅིང་མཚོན་ཀུན་དངོས། །གཟུགས་མེད་ཡེ་ཤེས་གཟུགས་བཞིན་ནོ། །རིང་
བ་མ་ཡིན་ཐུང་བ་མིན། །མི་ལྡན་པ་དང་ལྡན་པ་ཉིད། །གཟུགས་དང་སྟོང་པའི་དེ་བཞིན་དབུས། །ལྷན་ཅིག་ཡེ་ཤེས་གཟུང་བར་བྱ། །ཉོན་མོངས་དེ་བཞིན་མུན་པ་ནི། །རྣམ་ཤེས་ལྷན་ཅིག་སྣང་བའོ། །ཡེ་ཤེས་རྡོ་རྗེ་བཅོམ་
བྱས་ནས། །སྣང་བའི་དངོས་གྲུབ་ཐོབ་པར་འགྱུར། །རླུང་གི་དཀྱིལ་འཁོར་དབུས་སུ་ནི། །མེ་ཡི་དཀྱིལ་འཁོར་འདྲ་བའོ། །མེ་ཡི་དཀྱིལ་འཁོར་དབུས་སུ་ནི། །ཉི་མའི་དཀྱིལ་འཁོར་འདྲ་བའོ། །ཉི་མའི་དཀྱིལ་འཁོར་
དབུས་སུ་ནི། །ཟླ་བའི་དཀྱིལ་འཁོར་བསྒོམ་པར་བྱ། །དེ་དབུས་ཇི་སྐད་གསུངས་པ་ཡི། །ཡེ་ཤེས་དང་ནི་རྣམ་ཤེས་སེམས། །འཇིག་པ་མེད་ཅིང་འཚེ་མེད་པར། །དངོས་པོས་དངོས་པོ་བསྒོམ་པར་བྱ། །ཡེ་ཤེས་ཀྱི་ཐིག་ལེའི་སྦྱོར་བའི་ལེའུ་བྱ་སྟེ་

87-1-277b

གཉིས་པའོ།། །།   ཀ་བ་གཅིག་དང་སྒོ་གསུམ་གྱིས། །ཡེ་ཤེས་དབུས་སུ་ཐིམ་པ་ཉིད། །བཟློག་པར་བྱ་བའི་ས་བོན་ཉིད། །སྦྱང་བྱའི་ཡི་གེ་ཕྱེད་དང་གཉིས། །བརྒྱད་ཀྱི་མཐའ་ལ་གསུམ་པས་དྲང་། །ས་བོན་འདི་ནི་དྲག་པོའི་མེ། །རླུང་གི་དཀྱིལ་
འཁོར་ལ་བརྟེན་པ། །སྔོན་གསུངས་མཚན་ཉིད་དང་ལྡན་པས། །སྔོན་དུ་ལྷན་ཅིག་བསྒོམས་པ་ཡིས། །དཀར་པོས་ལུས་ནི་བསྡམ་པར་བྱ། །མཉམ་པའི་གནས་སུ་འབར་བ་ཡིས། །ཇི་སྐད་སྔོན་དུ་གསུངས་པའི་རླུང་། །དབུས་སུ་མཆོད་རྟེན་
སྦྱང་བར་བྱ། །རླུང་དང་མེ་ཡི་བདུན་དོན་ལ། །རྡོ་རྗེའི་ས་བོན་བསྒོམ་བྱས་ལ། །སྒྲ་དང་ཐིག་ལེས་རྣམ་པར་བརྒྱན། །ཆར་གྱི་རྒྱུན་ཞེས་བཤད་པ་ཡིན། །རྒྱས་པ་ལྔ་ཡི་སྒོ་ཉིད་ལ། །ཁ་དོག་དཀར་པོ་བསྒོམ་པར་བྱ། །སྒོ་གཉིས་མངོན་པར་བསྟན་
པ་ནི། །དེ་བཞིན་ཆུ་དང་ཆུ་མིན་གཉིས། །ཡི་གེ་ཉིས་འགྱུར་ཐིགས་པ་དང་། །རྩ་བར་སྒྲ་ནི་སྦྱར་བར་བྱ། །འདི་ཡིས་ལུས་ནི་བསྡམ་བྱ་ཞིང་། །མེ་ནི་སྒོ་རུ་བསམ་པར་བྱ། །སེམས་འདི་ཡིས་ནི་དམིགས་པར་བྱ། །སྟེང་དུ་ཚངས་པའི་སྒོ་འདི་ནི། །ཚིགས་
དགུ་ཡི་ནི་མཆོག་གི་གདན། །ལུས་མེད་སེམས་ཀྱི་ངོ་བོ་ཡིས། །དངོས་པོས་དངོས་པོ་བསྒོམ་པར་བྱ། །དུས་ལ་བབ་ན་འཕོ་བྱ་སྟེ། །དུས་མིན་ལྷ་རྣམས་གསོད་པ་ཉིད། །སྡིག་གིས་ཀུན་ནས་མི་གོས་ཏེ། །འཁོར་བའི་ཕ་རོལ་མཆོག་ཏུ་སྒྲོལ། །འཕོ་
བར་སྦྱོར་བའི་ལེའུ་ཞེས་བྱ་བ་སྟེ་གསུམ་པའོ།། །། སྔོན་གསུངས་མཚན་ཉིད་ལྡན་པར་ནི། །སྔོན་དུ་སྟོང་པའི་མཚན་ཉིད་ཀྱིས། །དེ་ཡི་ལུས་ནི་སྦྱང་བར་བྱ། །སྦྱོར་བས་བསྒོམ་པའི་ལུས་ཅན་ནི། །དངོས་པོ་མེད་པར་བསྒོམ་པའི་དངོས། །གང་ཞིག་
དངོས་པོ་རྣམ་རྟོག་པའི། །དངོས་པོར་བསྒོམ་པའི་ས་བོན་གྱིས། །སྟོང་པའི་དབུས་སུ་བསྒོམ་པར་བྱ། །དགོད་བྱའི་ཡི་གེ་རྣམ་བཀོད་པ། །སངས་རྒྱས་ལྔ་ཡིས་མངོན་པར་བརྒྱན། །དབྱག་པ་འཇིག་རྟེན་དབང་ཕྱུག་གིས། །ཞབས་སྐྱེད་ཕྱག་ན་རྡོ་རྗེ་དང་། །ལུས་ནི་དྲིལ་
བུ་འཇམ་པའི་དབྱངས། །དེ་བཞིན་མགོ་ནི་བྱམས་པ་དང་། །མ་ཡི་རྣམ་པ་སྟེང་འབར་བ། །འཁོར་བ་རྣམ་པར་གྲོལ་བར་མཛད། །འོད་ཟེར་འབར་བ་རྣམ་མང་པོར། །ཀུན་ནས་སྟོང་པའི་དབུས་སུ་བསམ། །རྣམ་ཤེས་ཡེ་ཤེས་ས་བོན་གྱིས། །དབུས་དང་དབུས་སུ་རྣམ་

87-1-278a

པར་དཀྲིས། །བཟླས་དང་བསམ་གཏན་མཆོག་བརྩོན་པས། །རླུང་གི་སྟེང་དུ་བསམ་པར་བྱ། །དང་པོ་དཀར་པོ་ཀུན་ནས་བསམ། །གཉིས་པ་དེ་བཞིན་སེར་པོའོ། །གསུམ་པར་གང་ཞིག་དམར་པོ་དང་། །བཞི་པ་ལ་ནི་སྔོན་
པོ་ཉིད། །མཉམ་བཞག་བཟླས་པའི་ངོ་བོ་ཡིས། །འགྲུབ་པར་འདི་ལ་ཐེ་ཚོམ་མེད། །སྦྱོར་བའི་གདན་གྱི་མིང་ཞེས་པ། །གསང་ཞིང་གསང་བ་གསང་ཆེན་པོ། །བདག་གི་གདན་གྱི་ལེའུ་སྟེ་བཞི་པའོ།། །། དེ་ནས་གཞན་ཡང་བཤད་བྱ་
བ། །ཚ་བའི་ས་བོན་བྱེ་བྲག་ནི། །ལྟོ་བའི་ཐབ་ཁུང་འདི་ཡི་མེ། །ལྟོ་བའི་མེ་རུ་ཤེས་པར་བྱ། །ཤར་གྱི་ཆ་ནི་དཀར་པོའོ། །བྱང་གི་དེ་བཞིན་སེར་པོ་ཉིད། །ནུབ་ཀྱི་ཕྱོགས་སུ་དམར་པོ་སྟེ། །ལྷོ་ཕྱོགས་སུ་ནི་ནག་པོར་གྲགས། །དབུས་སུ་མཉམ་
པའི་ཁ་དོག་ཉིད། །མེ་ལྔ་རུ་ནི་བསམ་པར་བྱ། །རྡོ་རྗེ་མཁའ་འགྲོའི་མིང་ཞེས་པ། །ཤར་གྱི་མེར་ནི་རབ་ཏུ་བརྟག །དྲག་མོ་མཁའ་འགྲོ་ཞེས་བྱ་བ། །བྱང་གི་ཕྱོགས་སུ་རྣམ་པར་བརྟག །རོ་ལངས་མ་ཞེས་བཤད་པ་ནི། །ནུབ་ཀྱི་ཕྱོགས་
སུ་རབ་ཏུ་དགོད། །མཁའ་འགྲོ་གཏུམ་མོ་ཞེས་བྱའི་མིང་། །ལྷོ་ཕྱོགས་ཀྱི་ནི་མེ་ཡི་མིང་། །དབུས་སུ་ཡེ་ཤེས་མེ་འདི་ནི། །ཡེ་ཤེས་མཁའ་འགྲོ་ཞེས་བྱའི་མིང་། །པད་མའི་གདན་ལ་བཞུགས་པ་ནི། །ཉི་མའི་དཀྱིལ་འཁོར་
གྱིས་བརྒྱན་ཅིང་། །ལག་ན་རྡོ་རྗེ་ཁ་ཊྭཱྃ་དང་། །མེ་འབར་བ་དང་མཉམ་པའི་འོད། །གཟུགས་ནི་མཐེ་བོའི་རྣམ་པ་ཙམ། །ཁྲོ་བོའི་གཟུགས་སུ་བསྒོམ་པར་བྱ། །ན་ལི་ལས་ནི་བདུད་རྩི་བརྒྱད། །འཕྱང་བ་པོ་ཡི་སྒོར་ནི་ཐིམ། །
མཁས་པས་ཕྱིས་ནི་བདག་ཉིད་ལྔས། །གནས་ལྔ་རུ་ནི་སྦྱིན་སྲེག་བྱ། །སེམས་ཀྱིས་དབུགས་ནི་རབ་བསྡམས་ནས། །དངོས་པོས་དངོས་པོ་བསྒོམ་པར་བྱ། །གང་ཞིག་ཅུང་ཟད་བཟའ་བཏུང་རྣམས། །སྦྱིན་སྲེག་ཏུ་བརྟགས་བཟའ་བར་
བྱ། །དང་པོ་སྒྲ་ཡི་ཡི་གེ་དང་། །དེ་བཞིན་གཉིས་པ་གཉིས་འགྱུར་གཉིས། །གསུམ་པ་གློ་རུ་རེ་ཕ་དང་། །བཞི་པའི་སྟེང་དུ་ཐིག་ལེར་བཅས། །ལྔ་པ་སྟེང་དུ་འབར་བ་ཉིད། །ས་བོན་ལྔ་ལ་བཟླས་ཤིང་བསྲེག །དེ་ལྟར་བསྒོམས་པའི་བདག་ཉིད་

87-1-278b

ཀྱིས། །རྒྱས་པའི་སྦྱོར་བར་གྲགས་པའོ། །སྦྱིན་སྲེག་གི་ལེའུ་སྟེ་དང་པོའོ།། །། དེ་ནས་དག་པ་རྣམ་གསུམ་བྱ། །སྭ་བྷཱ་བ་ཤུད་དྷཱཿསརྦ་དྷརྨཱ་སྭ་བྷཱ་བ་ཤུདྡྷོ྅ཧྃ། བཛྲ་ཤུད་དྷཱཿསརྦ་དྷརྨཱཿབཛྲ་ཤུད་དྷོ྅ཧྃ། ཨོཾ་ཡོ་ག་ཤུདྡྷཱཿསརྦ་དྷརྨཱཿཡོ་ག་ཤུདྡྷོ྅ཧྃ། དེ་ལྟར་སྤྱོད་
པའི་སྦྱོར་བས་ནི། །ཡིད་ནི་དག་པར་བྱེད་པའོ། །ཐམས་ཅད་ཀུན་ནས་སྟོང་ཉིད་ཀྱིས། །དེར་ནི་ཆུ་འདི་བསམ་པར་བྱ། །ཀུན་ནས་ཆུ་ཡི་གཟུགས་དང་ནི། །དེ་ཡི་དབུས་སུ་པད་མ་ནི། །རྒྱ་ཆེན་ཡིད་ལ་འདོད་བཞིན་དུ། །གསེར་གྱི་གྲོང་ཁྱེར་འབྱུང་བ་
ནི། །རིན་ཆེན་བདུན་གྱིས་རྣམ་པར་བརྒྱན། །སེང་གེ་གདན་གྱིས་གདན་གྱི་ནི། །ཉི་མའི་དཀྱིལ་འཁོར་གྱིས་བརྒྱན་པ། །དབུས་སུ་ཡེ་ཤེས་བསམ་པ་ནི། །ཡེ་ཤེས་མཁའ་འགྲོའི་མིང་ཉིད་དེ། །ཁ་ཊྭཱྃ་ག་དང་རྣལ་འབྱོར་སྣོད། །རབ་ཏུ་བཞད་
པས་འཇིགས་པར་བྱེད། །ན་བཟའ་དམར་པོ་གཙིགས་པའོ། །དབུ་སྐྲ་སིལ་བུ་རབ་ཏུ་དྲག །ཡེ་ཤེས་མཁའ་འགྲོ་ཞེས་བྱའི་མིང་། །སེམས་དཔའི་སྐྱིལ་མོ་དཀྲུང་གིས་བཞུགས། །ཇི་སྐད་གསུངས་པའི་ཕྱི་རོལ་དུ། །དེ་ཡི་གཟུགས་ཀྱི་ལོགས་
གཉིས་སུ། །ཇི་ལྟར་ཕྱོགས་ཀྱི་མདོག་ཉིད་ནི། །ཀུན་ནས་དེ་ཡི་ཕྱག་རྒྱ་རིགས། །ལྔ་པའི་བདག་ཉིད་བསྒོམས་ནས་ནི། །རྟག་ཏུ་མཆོད་དང་གཏོར་མ་དབུལ། །ཆུ་ཉ་ཡི་ནི་བདག་ཉིད་རྣམས། །ཆུ་དང་མེ་དང་དེ་བཞིན་གཡོ། །ཇི་ལྟར་རླུང་དུ་
དུ་བ་བཟུང་། །ཡེ་ཤེས་རྡོ་རྗེས་དཀྲིས་པ་ནི། །ལྔ་པའི་ལྷ་ཉིད་འབྱུང་བ་ནི། །ལྔ་པ་ཉིད་དུ་བསྒོམ་པར་བྱ། །འགི་ཝང་གཉིས་ནི་མཱ་མ་ཀཱི། །དེ་ཡི་གཅིག་ནི་བདུད་རྩིའོ། །ཨཱ་ལི་ཀཱ་ལི་རབ་སྦྱོར་བས། །གཉིས་ཀྱི་དེ་ཉིད་རབ་ཏུ་བྱ། །
ཨཱ་ལི་ཞེས་བྱ་བུང་བར་གསུངས། །ཀཱ་ལི་དེ་བཞིན་གཤེགས་མ་ཉིད། །ཇི་ལྟར་སྡེ་ཚན་གསུམ་པ་ཡི། །ཡི་གེ་གསུམ་པ་གཟུང་བྱས་ཏེ། །རྡོ་རྗེ་ཡིས་ནི་དབྱུག་པ་ཉིད། །འོད་དཔག་སོགས་པས་དཀྲི་བར་བྱ། །ས་བོན་ཧེ་ནི་མཆོག་
བསམ་པ། །རྣལ་འབྱོར་པ་ཡིས་སྡིག་པ་གཅོད། །པད་མའི་དབང་ཕྱུག་སྐུ་ནི་གསེར་གྱི་མདོག །དྲི་ཡི་ངོ་བོ་ཤིན་ཏུ་སྣང་མཛད་དང་། །རོ་ནི་རྡོ་རྗེ་དབང་ཕྱུག་རྡོ་རྗེའི་ཕྱག །ལྷ་གསུམ་དག་གི་ཆོ་ག་ཤེས་པར་བྱ། །ཧ་ཞེས་བྱ་བས་

87-1-279a

ཁ་དོག་འཕྲོག །ཧོ་ཞེས་བྱ་བས་དྲི་མེད་ཅིང་། །དཔའ་བོ་ཧྲི་ཡིས་འཇོམས་པ་ནི། །རིམ་པ་འདི་བཞིན་ཤེས་པར་བྱ། །ཐབས་ཤེས་སྦྱོར་བའི་ལེའུ་སྟེ་གཉིས་པའོ།། །། དེ་ནས་གཞན་ཡང་གཞན་གྱི་གདན། །དང་པོར་རེ་ཤིག་
མཚན་ཉིད་ཀྱིས། །བདག་ཉིད་རབ་ཏུ་སྦྱར་བར་བྱ། །ཇི་ལྟར་མེ་ཡིས་ཐམས་ཅད་མཉམ་པར་བསྲེག་པ་དང་། །ཇི་ལྟར་ཉི་མས་ཁྱབ་པར་འཆར་བར་སྟོན་པ་དང་། །ཇི་ལྟར་རླུང་གིས་དྲི་ནི་མཉམ་པར་ལེན་པ་ལྟར། །རྣམ་རྟོག་རིང་དུ་སྤས་
པའི་རྣལ་འབྱོར་པས། །སྔོན་གསུངས་མཚན་ཉིད་ལྡན་པར་ནི། །ཉི་མའི་དབུས་སུ་ཆུ་དཀྱིལ་འཁོར། །ཆུ་ཡི་དབུས་སུ་པད་མ་ནི། །རབ་འདོད་པད་མ་བསམ་པར་བྱ། །གཞལ་ཡས་ཁང་ནི་མཛེས་པའི་དངོས། །རིན་ཆེན་བདུན་
གྱིས་རྣམ་པར་བརྒྱན། །སེང་གེའི་གདན་གྱི་གདན་ལ་ནི། །ཉི་མའི་དཀྱིལ་འཁོར་གྱིས་བརྒྱན་པའོ། །ན་བཟའ་སྣ་ཚོགས་རབ་ཏུ་འཕྱང་། །གདུགས་དཀར་པོ་ཡིས་མངོན་པར་གཡོགས། །དགོད་བྱའི་ཡི་གེ་རྣམ་པར་བཀོད། །
ཉི་མའི་དཀྱིལ་འཁོར་དབུས་སུ་ཡང་། །དབུས་སུ་ཡེ་ཤེས་རྣམ་ཤེས་ནི། །གཟུགས་ལ་ཡོན་ཏན་དབང་པོས་བརྒྱན། །དང་པོའི་སྒྲ་ཡིག་དང་པོ་དང་། །དེ་བཞིན་གཉིས་པར་ཉིས་འགྱུར་ཉིད། །གསུམ་ལ་ལོགས་སུ་
རེ་ཕ་དང་། །བཞི་པའི་སྟེང་དུ་ཐིག་ལེར་བཅས། །ཕྱོགས་ཀྱི་མདོག་ཏུ་དགོད་པ་ནི། །འོད་ཟེར་འབར་བ་རྣམ་མང་པོ། །མཚམས་སུ་ཡི་དགས་གདན་ལ་ནི། །མ་ནིང་ཡི་གེ་བཞི་པ་ཉིད། །དབང་ལྡན་སེང་གེ་ཞེས་བྱ་བ། །
དེ་བཞིན་མེ་རུ་སྟག་མོ་དང་། །བདེན་བྲལ་འུག་པ་ཧཱུྃ་སྒྲོགས་པ། །ལྕེ་སྤྱང་རླུང་དུ་དགོད་པར་བྱ། །དབུགས་ཀྱིས་དངོས་པོ་ཐམས་ཅད་དང་། །དེ་ཡི་ཕྱག་རྒྱའང་བརྟག་པར་བྱ། །དངོས་པོས་དངོས་པོ་བསྒོམ་པ་ཡིས། །མཁའ་འགྲོ་
བརྒྱད་ཀྱིས་རྣམ་པར་བསྐོར། །ལོགས་སུ་ལྔ་པའི་བདག་ཉིད་དང་། །དབུས་སུའང་ཡེ་ཤེས་རྣམ་པར་དགོད། །བདག་ཉིད་ལུས་ཀྱི་ལུས་ཅན་ནི། །གཉིས་མེད་མཆོད་པས་མཆོད་པར་བྱ། །ཡིད་ཀྱི་མེ་ཏོག་དགྲམ་པ་དང་། །ཡིད་ཀྱིས་

87-1-279b

བདུག་པས་བདུག་པ་དང་། །ཡིད་ཀྱི་བྱུག་པས་མངོན་པར་བྱུག །ཡིད་ཀྱི་མར་མེ་སྦར་བར་བྱ། །སྔོན་དུ་རྫས་ནི་ལྔ་པ་ལ། །སངས་རྒྱས་ལྔ་ཡིས་བྱིན་གྱིས་བརླབས། །སྔོན་དུ་གསུངས་པའི་བདུད་རྩི་ནི། །དཔའ་བོའི་ལུས་ལ་གཟུང་བར་
བྱ། །ལྕགས་ཀྱུས་ལྷ་རྣམས་ཐམས་ཅད་ནི། །བདུད་རྩིའི་ཡི་གེ་ཚིམ་པར་བྱ། །ཨཱ་ལི་ཀཱ་ལི་རབ་སྦྱོར་ལས། །དཔའ་བོའི་དབུས་སུ་བྱིན་གྱིས་བརླབས། །ཨཱ་ལིར་ཤེས་པ་མཱ་མ་ཀཱི། །སྐྱེས་བུ་རྡོ་རྗེ་འཇིགས་བྱེད་དོ། །ལྷ་མོ་གཡོན་པ་ལ་
བརྟེན་ཅིང་། །སྐྱེས་བུའི་རྐང་པ་ཧཱུྃ་བྱས་པ། །དེ་ཡི་རྫས་ནི་རབ་བསྟན་པས། །དཔའ་བོས་ཐམས་ཅད་བྱིན་གྱིས་བརླབས། །བདག་ཉིད་ལྔ་ཡི་ལུས་ལ་ནི། །མཁའ་འགྲོ་ལྔ་ནི་རྣམ་པར་ཐིམ། །འདོད་ལ་དགའ་ཉིད་མ་ཡིན་ཞིང་། །ལོངས་
སྤྱོད་ཕྱིར་ཡང་བརྟེན་མི་བྱ། །གཉིས་མེད་གཏོར་མ་ལྡན་པ་ཡིས། །དུས་ཀུན་ཏུ་ནི་མཆོད་པར་བྱ། །གཞན་གྱི་གདན་ཞེས་བྱ་བའི་ལེའུ་སྟེ་གསུམ་པའོ།། །།   དེ་ནས་ཕྱི་ཡི་གཏོར་མ་བཤད། །སྙིང་པོའི་གནས་
སུ་མཁའ་འགྲོ་མ། །དེ་བཞིན་བྱང་དུ་འབར་བྱེད་མ། །འཇིབ་བྱེད་མ་ནི་ནུབ་ཏུ་གསུངས། །ངག་འཕྲོག་ལྷོ་ཕྱོགས་རྣལ་འབྱོར་མ། །རྣལ་འབྱོར་ཕོ་ཉ་བཞི་པོ་ནི། །དྲག་པོའི་གཟུགས་སུ་བསྒོམ་པར་བྱ། །བདུད་རྩི་ལྔ་ནི་སྦྱིན་བྱ་
ཞིང་། །དམ་པའི་སྤྱོད་པས་མཆོད་པར་བྱ། །མཉམ་ཉིད་ལྟ་བའི་ཡེ་ཤེས་ཀྱིས། །མཁས་པས་གཏོར་མ་སྦྱིན་པར་བྱ། །རྡོ་རྗེ་ཁུ་ཚུར་གཉིས་བཅིངས་ནས། །རྒྱབ་དང་རྒྱབ་དུ་སྦྱར་བར་བྱ། །མཐེའུ་ཆུང་གཉིས་ནི་སྦྲེལ་
བྱས་ནས། །སྡིགས་མཛུབ་གཉིས་ནི་བསྒྲེང་བྱས་ནས། །འདི་ལྟར་གསང་བའི་ཕྱག་རྒྱ་སྟེ། །མཁའ་འགྲོ་ལྔ་ནི་ཀུན་གྱིའོ། །བ་དན་གསུམ་པའི་སྙིང་ཀར་སྦྱིན། །སྟེང་དུ་ཁུ་ཚུར་ཐམས་ཅད་བཅས། །འདི་ནི་ཕོ་
ཉའི་ཕྱག་རྒྱའོ། །བརྒྱད་མཐའ་དང་པོའི་ས་བོན་དང་། །དགུ་ཡི་མཐའ་ནི་བྱང་དུ་ཤར། །ཤར་དང་ནུབ་ཀྱི་ས་བོན་དང་། །ལྷོ་ཡི་གསུམ་པར་མངོན་པར་གཟུང་། །ཕོ་ཉ་བཞི་ཡི་ས་བོན་འདི། །སྒྲ་དང་ཐིག་ལེར་སྦྱར་བར་བྱ། །ཤར་དུ་བདུད་

87-1-280a

རྩི་དྲག་པོ་ཡི། །ས་བོན་དབུས་སུ་སྦྱར་བར་བྱ། །ཇི་ལྟར་ལས་ལ་སོགས་སྦྱར་བ། །འབུམ་ཕྲག་གསུམ་གྱིས་མངོན་པར་འགྲུབ། །ཚེས་གྲངས་མེད་ཅིང་རྒྱུ་སྐར་མེད། །བསྨྱུང་བར་གནས་པའང་མེད་པའོ། །ཡིད་དུ་འོང་བའི་ས་
ཕྱོགས་སུ། །རྟག་ཏུ་འབད་པས་མཆོག་ཏུ་བསྒྲུབ། །དམ་ཚིག་ལ་གནས་དཔའ་བོ་ཆེ། །འདོད་ཆགས་ལ་སོགས་ཉོན་མོངས་བཅོད། །དག་པའི་ཆོས་ལ་དམིགས་པ་ཡི། །དག་པའི་དབྱངས་ནི་ལམ་པོ་ཆེ། །ཆོས་ཆེན་པོ་ནི་ལེགས་པར་འོངས། །
རོ་མཆོག་མཆོག་ཏུ་ཞིམ་པའོ། །སྲིད་པའི་མགོན་པོ་རྒྱ་ཆེ་བ། །སངས་རྒྱས་གར་ལ་ཕྱག་འཚལ་ལོ། །ཚིགས་བཅད་འདི་ཡིས་དབུལ་བར་བྱ། །སྦྱོར་བའི་གདན་གྱི་བདག་ཉིད་ལྷ་ལ་ཕྱག་འཚལ་འདུད། །འདི་ཉིད་ཚེ་ལ་འཁོར་བ་གཅོད་
ལ་ཕྱག་འཚལ་ལོ། །ཚིགས་བཅད་འདི་ཡིས་བླང་བྱ་ཞིང་། །ཚིགས་བཅད་འདི་ཡིས་རབ་ཏུ་ཟེད། །པད་མར་བསྒྱུར་བའི་གདན་ལ་ནི། །སྟེང་དུ་རྡོ་རྗེ་བསྟན་པར་བྱ། །དབུས་སུ་བདུད་རྩི་རི་རབ་ཀྱིས་བསྲུབས་ནས། །མཐེ་འཛུབ་གཉིས་ནི་ས་
ཡི་སྟེང་དུ་འཐོར་འཐུང་དབུལ། །རྒྱས་པའི་མཆོད་རྟེན་ལྔ་ལ་རོ་ཡིས་ལན་ལྔ་རུ། །བདུད་རྩི་ཆུ་ཡིས་མཆོད་རྟེན་དབུས་སུ་བསམ་པར་བྱ། །གཞན་གྱི་གདན་གྱིས་བདག་ཉིད་དབྱེ་བའི་ལེའུ་ཞེས་བྱ་བ་སྟེ་བཞི་པའོ།། །། གཞན་ཡང་
གཏོར་མའི་ལས་བཤད་པ། །ལོགས་སུ་གྲུ་གསུམ་བྱ་བ་ནི། །ཁྲག་སོགས་ཀྱིས་ནི་བྱ་བ་འམ། །གཡོན་པ་ཁུ་ཚུར་བཅིངས་བྱས་ལ། །དབུ་མ་ཁྲོ་བོ་བརྐྱང་བར་བྱ། །དབུས་མ་ཡི་ནི་གསུམ་པ་ལ། །སྡིགས་མཛུབ་བཀུག་ལ་སྦྱར་བར་བྱ། །
དུ་བའི་ལྕགས་ཀྱུའི་ཕྱག་རྒྱས་སྤྱན་དྲང་བར་བྱའོ། །ཨོཾ་ཨཱ་ཀར་ཥ་ཡ། ཨཱ་ཀར་ཥ་ཡ། མ་ཧཱ་པུ་ཛཱ་བྷ་ཀྵ་བྷ་ཀྵ། ཧཱུྃ་ཧཱུྃ་ཧཱུྃ་སྭཱ་ཧཱ། སྤྱན་དྲང་བའི་སྔགས་དང་ཕྱག་རྒྱའོ། །ཀུན་ནས་གཏོར་མ་རྫོགས་བྱས་ལ། །ལྔ་པའི་རྫས་ཀྱིས་སྦྱར་བར་བྱ། །ཨོཾ་ཤིང་
གཅིག་དང་ནི་དུར་ཁྲོད་དང་། །རི་དང་བྲག་དང་ཕུག་གི་ས། །ཡུལ་གྱི་མདོ་དང་ལམ་དང་ཞིང་། །ཁྱད་པར་དུ་ནི་ཁྱིམ་སྟོང་ཉིད། །ཤིང་ཆེན་ཤིང་གི་བདག་པོ་དང་། །ཁྱད་པར་དུ་ནི་ཆུ་མིག་ཉིད། །སྣོད་དང་ཐང་དང་ས་སྟོང་དང་། །ཁྱད་པར་ས་སྟེང་གདོལ་ཁྱིམ་གནས། །ནག་པོ་དྲག་པོ་

87-1-280b

དྲག་ཆེན་པོ། །ལྷ་སྦྱིན་མཉམ་དུ་བསྟེན་པ་དང་། །ནག་པོ་གཙིགས་བྱེད་འཇིགས་བྱེད་པ། །དགའ་ལས་འདས་པ་བགེགས་རྒྱལ་པོ། །རྒན་བྱེད་མོ་དང་དྲག་མོ་དང་། །འཇིགས་བྱེད་མ་དང་ཨུ་མས་བསྟོད། །རྒྱལ་མོ་རྣམ་པར་རྒྱལ་
མོ་དང་། །ཐུབ་ཆེན་གཞན་གྱིས་མི་ཐུབ་མ། །ནག་མོ་བཟང་མོ་ནག་ཆེན་མོ། །ནག་མོ་ནག་མོ་རྣལ་འབྱོར་མ། །དབང་བྱེད་མ་དང་ཟླ་བ་མོ། །དྲག་མོ་སྡང་བའི་ལམ་པ་ཀི། །འཕྲོག་བྱེད་མ་དང་མེ་མར་མ། །འཇིབ་བྱེད་ཡུལ་གནས་
རྣལ་འབྱོར་མ། །དྲག་མོའི་གཟུགས་དང་གཟུགས་ཆེན་པོ། །མཆེ་བ་གཙིགས་དང་ཐོད་ཅན་མ། །ཐོད་ཕྲེང་ཐོད་པའི་ཕྲེང་ཅན་མ། །ཁ་ཊྭཱྃ་ག་མ་རྫུ་འཕྲུལ་ཆེ། །རལ་གྲི་དགྲ་སྟའི་ལག་པ་དང་། །རྡོ་རྗེ་དེ་བཞིན་གཞུ་ལག་མ། །མཁའ་འགྲོ་མ་
ལྔའི་དེ་ཉིད་ཆེ། །ལས་ཀུན་རྗེས་སུ་བསྒྲུབ་བྱེད་པའི། །སྦྱོར་བའི་དཀྱིལ་འཁོར་རྒྱལ་ཆེན་པོ། །རྡོ་རྗེ་དབང་ཕྱུག་དེ་བཞིན་གཙོ། །དེ་བཞིན་གཤེགས་པའི་སྐུ་ཆེན་མོ། །གོས་མེད་སྦྱོར་བའི་ལྷ་བྱེད་མ། །རྡོ་རྗེ་དབང་ཕྱུག་མ་ཀ་ཡིས། །ཐམས་
ཅད་ཐམས་ཅད་མགུགས་པའོ། །ཨོཾ་ཨཱ་ཀར་ཥ་ཡ། ཨཱ་ཀར་ཥ་ཡ། སརྦ་དེ་བ་ལོ་ཀི་ནི་ན་ཀ་ཀ་ཀཌ་ནི། ཁ་ཁ་ཁཌ་ནི། བ་བ་བན་དྷ་ནི་ཧཱུྃ་ཧཱུྃ་ཧཱུྃ་ཕཊ་ཕཊ་ཕཊ་སྭཱ་ཧཱ། ཤ་དང་ཉ་ཡིས་སྦྱར་བ་ཡིས། །ཨོཾ་གྱིས་སྤྱན་དྲངས་གཏོར་མ་སྦྱིན། །ཇི་ལྟར་
ལས་ལ་སོགས་བརྩམ་པ། །བཅྭ་ལྔ་དང་ནི་བཅུ་བཞི་དང་། །ཁྱད་པར་དུ་ནི་ཚེས་བརྒྱད་ལའོ། །དངོས་གྲུབ་འདོད་པའི་རྣལ་འབྱོར་པས། །ནན་ཏན་དུ་ནི་གཏོར་མ་སྦྱིན། །ཡེ་ཤེས་ཅན་གྱི་དཔལ་འདོད་པས། །ལྷག་མའི་གཏོར་མ་
སྦྱིན་པར་བྱ། །ཨོཾ་ཧི་ལི་ཧི་ལི་བཛྲཱི། མ་ཐ་མ་ཐ་ཡོ་གི་ནཱི་ཧཱུྃ་ཛཿ།   གཞན་གྱི་གདན་གྱི་ལེའུ་ཞེས་བྱ་བ་སྟེ་ལྔ་པའོ།། །། སྔགས་ཀྱི་ཡི་གེ་ཡི་གེ་ནི། །ཡིད་ཀྱི་སྤྲུལ་པས་བསྒྲུབ་པར་བྱ། །སྙིང་པོའི་སེམས་ནི་རྣམ་
སྤངས་ནས། །ཉམས་པའི་གཟུགས་བརྙན་རྣམ་པར་བསྒོམ། །སྔགས་ནི་དུར་དུར་ཞེས་བརྗོད་པ། །ཨེ་མ་སེམས་ཅན་ཉོན་རེ་མོངས། །དེས་ན་ཡིད་ལ་མངོན་འདོད་པའི། །སྔགས་ཀྱི་ཡི་གེ་མཆོག་ཉིད་ནི། །འགྲོ་བ་རྨོངས་

87-1-281a

པས་དེ་ཉིད་མེད་སྔགས་དང་། །ལོག་པར་སྨྲ་ཞིང་གཟུགས་བརྙན་སེམས་དང་བྲལ། །སྔགས་ཀྱི་བདག་ཉིད་བློ་ལྡན་གྱིས་ཤེས་བྱ། །ལས་བཞི་ནི་རྣམ་པར་ཡོངས་སུ་གྲགས་པ་ཉིད། །སྐྱེས་པ་དུ་མའི་གཟུགས་དང་རྣམ་པ་སྣ་ཚོགས་
པ། །ནུས་མཐུའི་མཚན་ཉིད་ཀུན་ནས་ཐམས་ཅད་ནི། །གཡོ་ཞིང་འཐབ་པ་ཕྲ་ཞིང་གོས་པ་མེད། །སྔགས་དང་རྒྱུད་ཀྱི་བདག་ཉིད་མཆོག་གི་ཡི་གེའོ། །གཟུགས་ལ་སོགས་པ་ཀུན་འཇིག་པས། །ཐམས་ཅད་ནམ་མཁའི་བསྒོམ་
པའོ། །ཁམས་དྲུག་དང་ནི་དབང་པོ་དྲུག །དབུས་མའི་ཁམས་ཉིད་འཇིག་པ་དང་། །སྟོང་པ་བཅྭ་བརྒྱད་བློ་ལྡན་གྱིས་བསྒོམ་པ། །སེམས་ཅན་བསྒོམ་པའི་དངོས་པོ་ཡིས། །སྟོང་པས་ཐམས་ཅད་འཇིག་པའོ། །ཤར་དུ་ཁ་དོག་དཀར་པོ་དང་། །
བྱང་ཕྱོགས་སུ་ནི་སེར་པོའོ། །རིན་ཆེན་ཉི་མའི་འོད་འབར་བ། །ལྷོ་ཕྱོགས་སུ་ནི་སྔོན་པོ་ཉིད། །དབུས་སུ་མཉམ་པའི་གནས་སུ་ཡང་། །མཁས་པ་ཡིས་ནི་བསྒོམ་པར་བྱ། །ཨཱ་ལི་ཀཱ་ལིར་རབ་སྦྱོར་བ། །དེ་ཡི་ས་བོན་དབྱུང་བར་བྱ། །ནམ་མཁའི་
དབུས་ནི་མཆོག་ཉིད་དུ། །གང་ཞིག་དབུས་སུ་ཟླ་བ་དང་། །ཟླ་བའི་དབུས་སུ་ས་བོན་ནི། །འོད་ཟེར་འབར་བ་བསྒོམ་པར་བྱ། །ཚོན་སྣ་བདུན་ནི་སྣ་ཚོགས་པ། །འོད་ཟེར་འབར་བ་མཉམ་པའི་འོད། །གོང་དུ་བླ་མའི་ཡི་གེ་དང་། །
ཐ་མ་བསྲེག་པའི་ཡི་གེ་དང་། །དབུས་སུ་ས་བོན་གཞག་བྱས་པ། །མཉམ་བཞག་བཟླས་སུ་འོང་བ་ཡིས། །འབུམ་ཕྲག་གསུམ་དུ་མཁས་པས་བཟླ། །སྦྱོར་བའི་གདན་ལས་ཤེས་རབ་ཀྱི་ཕ་རོལ་ཏུ་ཕྱིན་པའི་སྦྱོར་བ་ཞེས་བྱ་བ་ལེའུ་
དང་པོའོ།། །། སྔོན་གསུངས་མཚན་ཉིད་དང་ལྡན་པས། །སྔོན་བཤད་སྟོང་པ་ཉིད་ཀྱི་གཞི། །ཡེ་ཤེས་ཅན་གྱིས་མཉམ་བཞག་པས། །གཟུགས་ལ་སོགས་པ་གཞིག་པར་བྱ། །ཀུན་ནས་སྟོང་པའི་དབུས་
སུ་ནི། །མཁས་པ་ཡིས་ནི་བལྟ་བར་བྱ། །འཁོར་ལོ་ཉི་མ་འདྲ་བ་བཞིན། །འོད་ཟེར་ཀུན་ནས་ཡང་དག་གནས། །ཕྱོགས་བཅུ་འཇིག་རྟེན་ཁམས་ཀུན་ཏུ། །དཔག་ཏུ་མེད་པར་བཞག་པར་བྱ། །ཐིག་ལེ་ཐིག་ལེ་ཕྲ་བའི་

87-1-281b

གནས། །འཇིག་རྟེན་འཇིག་རྟེན་ཀུན་མཁྱེན་བཅས། །རླུང་གི་དཀྱིལ་འཁོར་དབུས་སུ་ནི། །མེ་ཡི་དཀྱིལ་འཁོར་འདྲ་བའོ། །མེ་ཡི་དཀྱིལ་འཁོར་དབུས་སུ་ནི། །ཉི་མའི་དཀྱིལ་འཁོར་འདྲ་བའོ། །ཉི་མའི་དཀྱིལ་འཁོར་དབུས་སུ་ནི། །ཟླ་བའི་
དཀྱིལ་འཁོར་བསམ་པར་བྱ། །དེ་དབུས་ཇི་སྐད་གསུངས་པ་ཡི། །རྣམ་ཤེས་ཡེ་ཤེས་སེམས་དཔའོ། །སྤྱི་བོར་ཐམས་ཅད་བསམ་པའོ། །ཡི་གེ་ཡི་གེ་སྟེང་དུ་བཅས། །སྨྲ་བའི་ས་བོན་ཐམས་ཅད་ནི། །དེ་ནི་རྒྱལ་པོ་ཞེས་སུ་བརྗོད། །
ཡེ་ཤེས་དང་ནི་རྣམ་ཤེས་དབྱིབས། །རླུང་གི་དབུས་སུ་བཏུང་བར་བྱ། །ས་བོན་དེ་ཡིས་སྦྱར་བྱ་བ། །སྒྲ་ནི་སྟེང་དང་སྟེང་དུའོ། །དེ་ལྟར་ས་བོན་མཆོག་བསམ་པ། །ཡེ་ཤེས་རྣམ་ཤེས་མིང་ཉིད་དོ། །འོད་ཟེར་འབར་བ་རྣམ་དམར་པོ། །ཟླ་བའི་དབུས་
སུ་བསྒོམ་པར་བྱ། །བདུན་པའི་མཐའ་ནི་ཡང་དག་བླང་། །གང་གིས་བདུད་རྩི་ས་བོན་བཞིན། །གང་ཞིག་བཟླས་པས་དཀྲིས་པ་ནི། །ཁ་དོག་དཀར་པོར་བསམ་པར་བྱ། །སྒྲ་ཡིག་དང་པོ་བླང་བྱས་ལ། །ཉི་མའི་དཀྱིལ་འཁོར་གྱིས་དཀྲིས་པའོ། །
དགུ་མཐའི་ས་བོན་ཡི་གེ་ནི། །ལོགས་སུ་མེ་ཡིས་སྦྱར་བར་བྱ། །གཞན་དུ་རླུང་གི་ས་བོན་དང་། །རླུང་གི་ངོས་སུ་མངོན་པར་བསམ། །ཐམས་ཅད་ཀུན་ནས་བསྒོམ་པ་ནི། །ཡེ་ཤེས་ཐིག་ལེ་ཞེས་བྱའི་མིང་། །སྡིག་བྱེད་བླུན་པོའི་སེམས་
ཅན་རྣམས། །སྦྱོར་བ་འདི་ཡིས་དག་པར་བྱ། །ས་བོན་ལས་ནི་རྡོ་རྗེ་བསྐྱེད། །དེ་བཞིན་རྡོ་རྗེའི་མཚན་ཉིད་ཤེས། །དབུས་སུ་རྣམ་པར་སྣང་མཛད་ལུས། །རབ་ཏུ་མཛེས་པའི་ན་བཟས་བརྒྱན། །འདི་ནི་བསྒོམས་པ་ཙམ་གྱིས་ནི། །ཏིང་
འཛིན་ཀུན་ནས་ཡང་དག་གནས། །དབུས་སུ་འདི་གཟུགས་བསམ་པར་བྱ། །རིན་ཆེན་འབར་བས་འབིགས་པ་ཡི། །མགྲིན་པར་རེ་ཕའི་ཐིག་ལེ་དང་། །བསྒྲུབ་བྱའི་མདུན་དུ་བསྒོམ་བྱ་བ། །ལན་བདུན་པ་ཡིས་འབྱེད་པ་ནི། །
མདའ་ཡི་རྩེ་མོར་ས་བོན་བསམ། །ཁ་དོག་དཀར་པོ་ཀ་ཤ་བཞིན། །མདའ་འདྲེན་པ་ཡིས་དབྱིག་པ་ཡིས། །སྔགས་པས་ས་བོན་བཟླས་པར་བྱ། །ཕྱག་རྒྱའི་རྣམ་པ་བཅིང་བ་དང་། །ས་བོན་སེམས་ཀྱིས་བཟླ་བར་བྱ། །

87-1-282a

འབུམ་ཕྲག་གཅིག་བཟླས་རྣལ་འབྱོར་པས། །དེ་བཞིན་མྱུར་དུ་མངོན་པར་མགུགས། །ཡི་གེ་གཉིས་འགྱུར་ཐིག་ལེ་དང་། །རྩ་བར་ང་རོ་སྦྱར་བར་བྱ། །དེ་ནི་བདུད་རྩི་ཡིད་འོང་མིང་། །འབུམ་ཕྲག་གཅིག་གིས་འགྲུབ་
པར་འགྱུར། །འབྱུང་པོ་བཞིན་དུ་དྲི་ཟ་དང་། །མཁའ་འགྲོ་གནོད་སྦྱིན་མ་བཤད་པ། །གནོད་སྦྱིན་ཡི་དགས་གྲུལ་བུམ་དང་། །རྡོ་རྗེ་ལྷ་མོ་རྣལ་འབྱོར་མ། །གལ་ཏེ་འདོད་ན་ཕྲན་ཚེགས་མི། །སྦྱོར་བས་མྱུར་དུ་མགུགས་པར་བྱེད། །སྦྱོར་
བའི་གདན་ལས་དམར་པོ་ཆེན་པོས་ཀུན་ཏུ་རྨོངས་པ་ཞེས་བྱ་བའི་ཏིང་ངེ་འཛིན་གྱི་ལེའུ་སྟེ་གཉིས་པའོ།། །། གཟུགས་ཀུན་ཟད་པར་བྱས་ནས་ནི། །གཟུགས་ནི་མི་གནས་ཟད་པར་འགྱུར། །སྐར་མའི་རྣམ་པའི་དབྱིབས་སུ་ནི། །
དང་པོར་སྟོང་པ་མངོན་བསམ་བྱ། །མཉམ་ཉིད་བལྟ་བ་བསྐྱེད་བྱས་ནས། །རླུང་གི་དཀྱིལ་འཁོར་དབུས་སུ་ནི། །དབྱུག་པ་འཇིག་རྟེན་དབང་ཕྱུག་མགོན། །གུ་གུལ་ཕྱག་ན་རྡོ་རྗེ་དང་། །ཡན་ལག་འཇམ་དབྱངས་དྲིལ་བུ་མཆོག །
བྱམས་པ་ཟླ་བའི་རི་མོ་ཉིད། །མ་ཞེས་བྱ་བ་སྟེང་འབར་བ། །རྣམ་པར་འཁོར་བ་སྒྲོལ་བར་མཛད། །ས་བོན་འདི་ཡིས་འབྲས་བུ་ནི། །ཉི་མའི་དཀྱིལ་འཁོར་དབུས་སུ་ཡང་། །འོད་ཟེར་འབར་བ་རྣམ་མང་པོར། །ལྷ་ཉིད་ལྔ་ནི་བསྒོམ་
པར་བྱ། །རི་རབ་རྩེ་རུ་གཞལ་ཡས་ཁང་། །རིན་ཆེན་ཀུན་གྱིས་རྣམ་པར་བརྒྱན། །གདན་དུ་མེ་ཏོག་སྔོན་པོ་འདི། །བུང་བའི་ཟས་སུ་ཟ་བ་ཉིད། །མེ་ཏོག་མྱུར་དུ་ཟ་བ་རྣམས། །སྦྲང་རྩི་མཉམ་པའི་གནས་ཉིད་དོ། །སྟེང་
དུ་འཕྲོ་བའི་ཡི་གེ་ནི། །སངས་རྒྱས་ཀུན་ཏུ་འཐོན་པའོ། །ཆུ་དང་ནམ་མཁའ་རླུང་གི་ནི། །ས་བོན་བཞི་ཡིས་ལྷ་ཉིད་དོ། །དབྱིབས་ནི་བྷན་དུ་ཀ་ལྟར་གྱིས། །ཁ་དོག་ལི་ཀྲྀའི་སེམས་ཀྱིས་ནི། །ལྷ་མོ་མཱ་མ་ཀཱིར་སྦྱོར་བས། །
རི་རབ་རྩེ་མོར་བསམ་པར་བྱ། །དཔའ་བོ་རྡོ་རྗེ་དབང་ཕྱུག་མགོན། །ལྷ་རྣམས་ཀུན་གྱི་བདག་ཉིད་དོ། །ཕྱག་རྒྱ་གཉིས་དང་མངོན་ལྡན་པའི། །རྩེ་མོ་གསུམ་གྱིས་ཀུན་འཇིག་པའོ། །ས་ནི་གནས་སུ་གནོན་པ་ནི། །རྐང་པ་གཉིས་

87-1-282b

ཀྱིས་རྣམ་པར་མནན། །ཚེམས་ཀྱི་མ་མཆུ་བཙིར་ནས་ནི། །གཟུགས་དང་གཟུགས་ལ་ལྟ་བ་ཉིད། །ཧཱུྃ་གི་གླུ་ཡི་རྣམ་པ་དང་། །སྒྲ་ཡང་དེ་རུ་སྦྱར་བར་བྱ། །བདུད་རྩི་རེ་ཕ་ཐིག་ལེ་དང་། །ལྕགས་ཀྱུ་ཡིས་ནི་རྩེ་བར་བྱ། །ལྷ་མོ་སྔགས་ཀྱི་
ཀུན་ནས་ཟློས། །རྡོ་རྗེ་ཅན་དང་པད་མའི་གདན། །ཇི་ལྟར་སྡེ་ཚན་གསུམ་པ་ཡི། །ཡི་གེ་གསུམ་པ་བཟུང་བྱས་ལ། །གློ་རུ་རྡོ་རྗེ་དབྱུག་པ་དང་། །གཉིས་པར་འོག་པག་གིས་ནི་དཀྲི། །སྔགས་པ་མཆོག་གི་ས་བོན་འདི། །ཀུན་ནས་བཟླ་
ཞིང་སྔོན་དུ་གཟུང་། །ལྷ་རྣམས་ཀུན་ནས་མཉེས་བྱས་ནས། །འདི་ཡི་རྫས་ནི་བཟའ་བར་བྱ། །རྒྱལ་པོས་སྤྲོ་ཞིང་བརྟེན་པ་ཡིས། །དབང་གི་ལས་ནི་མངོན་དུ་བརྩམ། །རབ་མིན་དམན་པའི་རིགས་ལ་ནི། །མངོན་དུ་ལས་ནི་སྦྱར་བར་
བྱ། །མཉམ་པའི་རིགས་ཀྱི་མེ་ཏོག་ལ། །རྒྱས་པའི་ལས་ནི་བྱ་བར་བྱ། །བྲམ་ཟེ་དང་ནི་རྒྱལ་རིགས་ཀྱིས། །ཞི་བའི་ལས་ནི་དེ་ལས་མཆོག །ལས་བཞི་མངོན་པར་སྦྱོར་བ་ཡིས། །རིགས་ཀྱི་བྱེ་བྲག་བརྩམ་པར་བྱ། །བདུད་
རྩིའི་གསང་བའི་རྣལ་འབྱོར་པས། །རྫས་གཞན་དག་ནི་བསྒོམ་པར་བྱ། །དབང་པོའི་ལག་པ་ཤུ་དག་རུ་རྟ་དང་། །རྨོངས་བྱེད་དང་ནི་དེ་བཞིན་གུར་ཀུམ་དང་། །ཀུ་ཏན་ཙ་རི་ཟླ་བ་དུང་ཉིད་ཀྱིས། །འདི་ཉིད་ཀྱིས་ནི་རབ་ཏུ་སྦྱར་བར་བྱ། །
དཀོན་མཆོག་གསུམ་ལ་གནོད་པ་ལ། །གཉིས་མེད་གཏོར་མ་སྦྱིན་པར་བྱ། །སྡུག་ཕོངས་ལ་ནི་རྗེས་བརྩེ་བས། །སེམས་ཅན་དོན་དུ་ལས་བརྩམ་བྱ། །འདོད་ལ་དགའ་ཉིད་མ་ཡིན་ཏེ། །ལོངས་སྤྱོད་ཕྱི་རུ་བསྟེན་པ་མིན། །
ཁྲོ་མེད་རྨོངས་པ་མེད་པ་ཡིས། །སེམས་ཅན་དོན་དུ་སྦྱང་བར་བྱ། །སྦྱོར་བའི་གདན་ལས་དབང་དུ་བྱེད་པ་ཞེས་བྱ་བ་སྟེ་ལེའུ་གསུམ་པའོ།། །། ལྕེ་ལ་མཆུ་ནི་རྣམ་པར་སྦྱར། །ནམ་མཁའ་རྣ་བ་སྣ་གཉིས་ལ། །ས་ནི་ཆུ་ལ་ཡང་དག་
གསུངས། །མགྲིན་པར་རྨོངས་པའི་ས་དང་ནི། །གཡོ་བ་སྙིང་ལ་གནས་པའོ། །ཉོན་མོངས་ཀུན་ནས་ཐོང་ཀ་དང་། །ཕྱུགས་ནི་ལྟེ་བའི་རྩ་བར་རོ། །ཡན་ལག་བརྒྱད་ལ་དགོད་པ་ནི། །ལྷ་ཉིད་དང་ནི་སྦྱར་བར་བྱ། །ཡེ་ཤེས་མཁའ་འགྲོ་བསམ་བྱ་བ། །

87-1-283a

རྒྱན་ཀུན་གྱིས་ནི་རབ་ཏུ་བརྒྱན། །ལུས་ཀྱི་ས་སོགས་རབ་སྦྱར་བ། །ཁ་དོག་གཅིག་པའི་རྣམ་པར་བྱ། །འཐེབ་མོ་སུམ་བཅུ་རྩ་གཉིས་ཚང་། །རྣམ་པར་ཤེས་པའི་ནང་དུ་འཕོ། །ཕྱི་རོལ་ཉིས་འབྱུར་ས་དག་ལ། །དབུགས་ཀྱི་ལས་ལ་སོགས་
པ་བྱ། །ལྟོ་བར་མེ་ཡི་ལྷ་བསམ་པ། །ཡེ་ཤེས་མཁའ་འགྲོའི་མིང་ཉིད་དོ། །དབུགས་ལ་བདུད་རྩི་ཡང་དག་ཐིམ། །ཀུན་ནས་སྔོན་གྱི་མཚན་ཉིད་ཀྱིས། །ལྷ་རྣམས་ལ་ནི་བསྲེག་བླུགས་དབུལ། །རླུང་གི་དཀྱིལ་འཁོར་དབུས་སུ་ནི། །ཉི་མའི་དཀྱིལ་
འཁོར་རྣམ་པར་བརྒྱན། །མཆོག་གི་དབུས་ནས་ས་བོན་ནི། །ཨཱ་ལི་ཀཱ་ལི་ལས་བྱུང་བ། །ཁ་དོག་དམར་པོ་འོད་འབར་བ། །ས་ལ་སོགས་པའི་ཕྱི་རོལ་དུ། །འབྱུང་དང་འཇུག་པའི་དབུགས་ཀྱིས་ནི། །སྦྱོར་བ་གཉི་གའི་ཕྱི་རོལ་དུ། །ས་བོན་མདའ་
ཡི་རྩེ་མོར་བསམ། །ཁ་དོག་ནག་པོ་འོད་འབར་བ། །སྔོན་གྱི་ཀ་ཤའི་ས་བོན་ནི། །ཨ་དང་རེ་ཕའི་ཐིག་ལེ་ཅན། །མདའ་ལ་གོམས་པས་བརྡེག་པར་བྱ། །ས་བོན་དབུས་སུ་བསམ་བྱས་ནས། །བདུད་རྩིར་དབུགས་ནི་འཕྲོག་པར་བྱ། །བདུད་རྩི་
ཡི་གེར་སྦྱར་བྱས་ལ། །འཇིགས་པ་མེད་ཅིང་འཚེ་མེད་པར། །དངོས་པོས་དངོས་པོ་བསྒོམ་པར་བྱ། །ཕྱི་ནས་བདག་གི་ལས་ལ་ནི། །ཡེ་ཤེས་མཁའ་འགྲོའི་སྦྱོར་བ་བཞིན། །ཨོཾ་ཨཱ་ཀར་ཥ་དྃ་ཧཱུྃ་སྭཱ་ཧཱ། རྒྱུད་ཆེན་པོའི་ས་བོན་བཟླས། །
འཇིག་རྟེན་གསུམ་པོ་འཕྲལ་དུ་བསྒྲུབ། །སྦྱོར་བའི་གདན་ལས་འབྱུང་བ་དང་། །འཇུག་པའི་ལེའུ་ཞེས་བྱ་བ་སྟེ་བཞི་པའོ།། །། ཡོངས་རྫོགས་གཟུགས་ནི་འོད་ཟེར་བཅས། །དཔྲལ་བར་ཟླ་བ་བསམ་པར་བྱ། །དབུས་སུ་ས་བོན་
ཧཱུྃ་རང་བཞིན། །ཁ་དོག་དཀར་པོ་རབ་མཛེས་པ། །རྒྱ་མཚོ་ལྟ་བུར་རབ་ཏུ་འཇིགས། །ཁ་དོག་བདུན་པ་རྒྱ་ཆེན་པོ། །ཕྱོགས་བཅུ་འཇིག་རྟེན་ཁམས་ཀུན་གྱིས། །གཟུགས་རྣམས་ཐམས་ཅད་བཅོམ་ནས་སུ། །བདག་ཉིད་ནམ་མཁའི་ནམ་
མཁའ་ཉིད། །དབྱིབས་དང་གཟུགས་ནི་ཐམས་ཅད་པ། །སྔོན་གྱི་མཚན་ཉིད་ཀུན་གྱིས་སོ། །ཆུ་ཡི་དབུས་སུ་པད་མའོ། །གཞལ་ཡས་ཁང་པ་བསམ་པར་བྱ། །རིན་ཆེན་བདུན་གྱིས་མངོན་པར་མཛེས། །ཟླ་བའི་དཀྱིལ་འཁོར་དབུས་གནས་པར། །ཧཱུྃ་གི་རྣམ་པ་

87-1-283b

མེ་བཞིན་འབར། །སྤྱི་བོའི་སྟེང་དུ་རྫོགས་པར་བྱ། །བྲང་དུ་དྲི་མེད་ཟླ་བ་དང་། །དྲིལ་བུ་སྙིང་གི་ངོས་ཉིད་དུའོ། །ལྟེ་བར་དབྱུག་པ་གསང་བ་འཛིན། །གྱ་གྱུ་རྐང་པའི་གདན་ཉིད་དུ། །པད་མའི་གདན་ལ་རྣམ་པར་སྤྲུལ། །གཟུགས་རྫོགས་པ་ལས་རྡོ་རྗེ་ནི། །
རྡོ་རྗེ་སེམས་དཔའ་བདག་ཅེས་བརྗོད། །དར་གྱིས་བཅིངས་ཤིང་ཅོད་པན་ཅན། །སངས་རྒྱས་ལྔ་ཡིས་མངོན་པར་བརྒྱན། །ཁ་དོག་དཀར་པོ་མཆོག་ཏུ་འབར། །རྒྱན་ཀུན་གྱིས་ནི་རྣམ་པར་བརྒྱན། །ན་བཟའ་སྔོན་པོ་རབ་ཏུ་མཛེས། །རྡོ་རྗེ་དྲིལ་བུ་
ཕྱག་གཉིས་ན། །དེ་ལྟར་བསམས་པ་ཙམ་གྱིས་ནི། །རྡོ་རྗེ་སེམས་དཔའ་བདག་ཅེས་བརྗོད། །བརྒྱད་ཀྱི་མཐའ་ལ་རྩ་བར་རླུང་། །དེ་བཞིན་རྩ་བར་རེ་ཕ་སོགས། །གསུམ་པ་ཡིས་ནི་རྣམ་པར་འདྲེན། །སྟེང་དུ་ཐིག་ལེའི་ས་བོན་གྱིས། །འདི་
ཡི་འཇིག་རྟེན་གསུམ་པོ་སྐྲག །རྡོ་རྗེའི་ས་བོན་རྣལ་འབྱོར་པས། །ཁམས་གསུམ་ཐམས་ཅད་འདྲེན་པ་དང་། །རླུང་གི་བདག་ཉིད་ཐམས་ཅད་པའོ། །ས་བོན་དབུས་སུ་གནོད་སྦྱིན་མིང་། །དེ་བཞིན་ལྷ་ཡི་མིང་ཉིད་དོ། །ས་བོན་དབུས་སུ་མིང་
རྣམས་ནི། །ཐམས་ཅད་མེ་ཡི་དབང་ཕྱུག་ཉིད། །འབུམ་ཕྲག་གསུམ་བཟླས་རྣལ་འབྱོར་པས། །རྒྱས་པར་ཡོངས་སུ་གྲགས་པ་ཉིད། །མཉམ་གཞག་བཟླས་པའི་ངོ་བོ་ཡིས། །འགྲུབ་པར་འདི་ལ་ཐེ་ཚོམ་མེད། །ཕྱག་འཚལ་
བསྲེག་པ་མཐར་བཞག་པ། །སྔོན་དུ་བསྙེན་པའི་རྣམ་པ་བྱ། །གསང་བའི་གདན་ཞེས་བྱ་བ་ལེའུ་སྟེ་དང་པའོ།། །། སོར་བཞི་པར་ནི་ནམ་མཁའོ། །གང་ཕྱིར་ནམ་མཁར་སྐར་མ་ཉིད། །ཀུན་ནས་འབར་བའི་འོད་ཟེར་མེས། །
ཕྱོགས་བཅུའི་འཇིག་རྟེན་ཁམས་ཀུན་དང་། །ཁམས་གསུམ་སྐྱེས་པ་ཟད་བྱས་ནས། །ཐམས་ཅད་ཀུན་ནས་འབར་བ་ཡི། །མེ་ཡི་གཟུགས་ཀྱང་དེ་བཞིན་ཟད། །དེ་ཉིད་ལྔ་ཡི་ཁྱད་པར་ཉིད། །ཤར་དུ་རྡོ་རྗེ་དཀར་པོའོ། །སེར་པོ་རྡོ་རྗེ་བྱང་
དུའོ། །ནུབ་ཏུ་རྡོ་རྗེ་དམར་པོ་ཉིད། །ལྷོ་རུ་སྔོན་པོའི་རྡོ་རྗེ་ཅན། །ཀུན་ནས་རྡོ་རྗེ་འབར་བའི་འོད། །དབུས་སུ་མཉམ་པའི་ཁ་དོག་ཉིད། །ཐམས་ཅད་ཀུན་ནས་སྔོན་པོ་ཡི། །དབང་པོའི་གཟུགས་ནི་རྡོ་རྗེ་འཛིན། །སོར་བཞི་པ་ཡི་ནམ་མཁར་ནི། །སྒྲོལ་མ་ཡི་ནི་

87-1-284a

མཚན་ཉིད་ནི། །ཨཱ་ལི་ཀཱ་ལིར་རབ་སྦྱོར་བའི། །དེ་ཡི་ས་བོན་འབྱུང་བའོ། །དབུས་སུ་སྒྲོལ་མ་གཞག་བྱ་བ། །ཕྱག་རྒྱ་འདི་ཡིས་མཆོད་པར་བྱ། །ཆུ་ཤིང་མེ་ཏོག་ལྟེ་བར་གནས། །སྙིང་ཀར་འགྲེང་བར་གནས་པ་ཉིད། །རྟག་ཏུ་ཁ་ནི་མར་
ཕྱོགས་པ། །མཁས་པ་ཡིས་ནི་རྒྱས་པར་བྱ། །རྟག་ཏུ་འདབ་མ་བརྒྱད་པར་འགྱུར། །གསུངས་པའི་གེ་སར་གྱིས་ནི་བརྒྱན། །དེ་དབུས་ཟླ་བ་དཀར་པོ་ནི། །འོ་མ་ཟླ་བ་དེ་ཡི་དབུས། །འདི་ལྟར་ཤེས་པའི་རྣལ་འབྱོར་པ། །གསང་བའི་གདན་གྱི་མིང་ཉིད་
ཡིན། །གཟུགས་ལ་སོགས་པ་མི་གཟུང་ཞིང་། །སྟོང་པའི་སེམས་ཀྱང་མ་ཡིན་ནོ། །གཟུགས་དང་སྟོང་པ་དེ་བཞིན་དབུས། །ཡེ་ཤེས་ཅན་གྱིས་དེ་བཞིན་གཟུང་། །མཉམ་ཉིད་ཡེ་ཤེས་ཐམས་ཅད་ཀྱིས། །ཀུན་ནས་བལྟ་བ་ཐམས་ཅད་རིག །བླ་
མས་བསྟན་པའི་ལམ་གྱིས་ནི། །རྟག་ཏུ་ངེས་པར་བལྟ་བར་བྱ། །ཇི་ལྟར་བུ་མོ་གཞོན་ནུ་གཏམ་གྱིས་རྨོངས་ནས་སུ། །གཉིས་ཀ་འཐབས་པ་ཕྲད་ཅིང་གཏམ་ནི་སྨྲས་པ་དང་། །ལམ་ནི་ཇི་ལྟར་བསྟན་ཀྱང་གཟུང་བར་མི་ནུས་པ། །དེ་བཞིན་
རྣལ་འབྱོར་པ་ནི་གཞོན་ནུས་བསྟན་པ་བཞིན། །རྣལ་འབྱོར་པ་ཡིས་ཐོས་ཙམ་གྱིས། །ཉོན་མོངས་རིང་དུ་སྤོང་བར་བྱེད། །གང་ཞིག་སྦྱོར་བ་བསྟེན་པ་ཡིས། །སངས་རྒྱས་འབྲས་བུ་མྱུར་དུ་འཐོབ། །གང་གིས་སྣ་ཚོགས་བསྟེན་པ་ཡིས། །
དེ་ཡིས་ལས་ནི་འགྲུབ་པར་འགྱུར། །ཐམས་ཅད་རྒྱུད་དུ་བཤད་པ་ནི། །རྣམ་ཤེས་ལྷན་ཅིག་སྦེད་པར་བྱེད། །ཇི་ལྟར་སེམས་ཀྱིས་ཀུན་ནས་ནི། །ནན་ཏན་གྱིས་ནི་ཡེ་ཤེས་སྦྱར། །གསང་བའི་གདན་གྱི་ལེའུ་གཉིས་པ་ཞེས་བྱ་བའོ།། །། 
ཟླ་བའི་དཀྱིལ་འཁོར་དབུས་གནས་པར། །རྡོ་རྗེ་སེམས་དཔའ་མངོན་པར་སྤྲུལ། །དེ་ཡི་སྙིང་ཀར་ཡི་གེ་ཧཱུྃ། །ཁ་དོག་དཀར་པོ་བསམ་པར་བྱ། །བདུད་རྩི་རེ་ཕ་ཐིག་ལེ་དང་། །དེ་ཡི་ས་བོན་སྦྱར་བར་བྱ། །ཞི་བར་རྒྱལ་ཞིང་མཆོག་ཏུ་བརྩོན། །
ཞི་བའི་དུས་ལ་བབ་ནས་ནི། །བདག་ཉིད་སྦྱིན་སྲེག་རབ་ཏུ་བྱ། །ཞི་བའིའོ། །སྙིང་ཀ་དཀྱིལ་འཁོར་དབུས་སུ་ནི། །ཁ་དོག་ཞི་བར་མཚུངས་པའོ། །བདུད་རྩི་ཀུན་ནས་རིག་པ་ཡི། །ཟླ་བའི་དབུས་སུ་བསྒོམ་པར་བྱ། །དེ་ལྟར་བསྒོམ་པའི་རྣལ་འབྱོར་

87-1-284b

པའི། །རྒྱས་པར་ཡོངས་སུ་གྲགས་པ་ཉིད། །སྙིང་ཀར་ཉི་མའི་དཀྱིལ་འཁོར་ལ། །རྐེད་པར་རེ་ཕ་ཐིག་ལེ་ཅན། །དམར་ཞིང་དམར་བར་བསམས་པ་ཡིས། །དབང་ཉིད་དུ་ནི་ཡོངས་སུ་གྲགས། །སྙིང་ཀའི་དཀྱིལ་འཁོར་དབུས་སུ་ཡང་། །རླུང་
གི་དཀྱིལ་འཁོར་ཀུན་ནས་བསམ། །དངོས་སུ་ཧཱུྃ་གི་ས་བོན་ནི། །དབུས་སུ་དགྲ་ཡི་མིང་ཉིད་ཀྱང་། །ཇི་ལྟར་དུ་བ་དུ་བའི་མདོག །མངོན་སྤྱོད་པར་ནི་རབ་ཏུ་གྲགས། །ཀུན་ནས་ཐམས་ཅད་སྟོང་པ་ཉིད། །སྔོན་གྱི་མཚན་ཉིད་སྦྱར་བར་བྱ། །རླུང་
གི་དཀྱིལ་འཁོར་དབུས་སུ་ནི། །ཉི་མའི་དཀྱིལ་འཁོར་བསྒོམ་པར་བྱ། །དེ་དབུས་ཧཱུྃ་གི་རྣམ་པ་ནི། །འབར་བའི་ཕྲེང་བ་མཉམ་པའི་འོད། །རླུང་གི་ས་བོན་གྱིས་ནི་དཀྲི། །དབུས་སུ་མིང་ཉིད་སྦྱར་བྱས་ལ། །རླུང་གིས་བསྐོར་བའི་ལུས་སུ་
ནི། །སྒྲུབ་པ་པོ་ཡིས་བསམ་པར་བྱ། །གང་བསམས་དེ་ནི་བསྐྲོད་པར་འགྱུར། །རླུང་གི་དཀྱིལ་འཁོར་དབུས་སུ་ནི། །མཁའ་འགྲོ་དྲག་མོ་བསམ་པར་བྱ། །སྔོན་གྱི་མཚན་ཉིད་ཀུན་རིག་པས། །གཟུགས་དང་དབྱིབས་བཞིན་བསྒོམ་
པར་བྱ། །མེ་འབར་བ་དང་མཉམ་པའི་འོད། །མདུན་དུ་ཟློས་ཤིང་ཀུན་དུ་བསམ། །བསྒྲུབ་བྱ་ཡི་ནི་ལུས་ཀྱི་ཁར། །རླུང་གི་ས་བོན་གྱིས་ནི་གཙོ། །མཐར་ནི་འཇོམས་པའི་ཡི་གེ་དང་། །སྔོན་བཞིན་མེ་ཡི་ཡི་གེ་ཉིད། །དབུས་སུ་
བསྒྲུབ་བྱའི་མིང་འདི་ནི། །འབུམ་ཕྲག་གཅིག་ཏུ་བཟླས་པ་ཡིས། །གང་ཕྱིར་སྦྱོར་བ་བསྙེན་པ་ཡིས། །ལུས་ནི་ཀུན་ནས་སྡོམ་པའོ། །རླུང་གི་དཀྱིལ་འཁོར་དབུས་སུ་ཡང་། །གཏུམ་མོའི་རྣལ་འབྱོར་བསྟེན་པར་བྱ། །ཁ་
དོག་སྔོན་པོ་འཇིགས་ཆེན་པོ། །ཤིན་ཏུ་བཞད་པས་འཇིགས་པར་བྱེད། །ལག་ན་ལྷུང་བཟེད་ཁ་ཊྭཱྃ་ག །རྒྱན་ཀུན་གྱིས་ནི་རྣམ་པར་བརྒྱན། །དགྲ་ཡིས་ཀུན་ནས་གདན་དུ་ནི། །བདག་ཉིད་རྐང་པས་མནན་པར་བྱ། །
རྡོ་རྗེའི་ས་བོན་རེ་ཕ་ལ། །ལྕགས་ཀྱུའི་ཡི་གེས་སྦྱར་ནས་ནི། །མཐའ་རུ་འཇོམས་པའི་ཡི་གེ་ནི། །འབུམ་ཕྲག་གཅིག་གིས་འགྲུབ་པར་འགྱུར། །གསང་བའི་གདན་གྱི་ལེའུ་གསུམ་པ་ཞེས་བྱ་བའོ།། །།

87-1-285a

 ཇི་ལྟར་ལུས་ལས་བྱུང་བ་ཡི་ནི་པད་མ་ལ། །བུང་བ་གཉིས་ཀྱིས་བདུད་རྩི་ཟ་བའི་སེམས་དང་ཡང་། །ཡང་དག་སྦྱོར་བས་བྱང་ཆུབ་ཡན་ལག་ལྡན་པ་ཡི། །མཆོག་གི་ཆོས་གསུམ་ཕ་རོལ་ཕྱིན་ལ་ཕྱག་འཚལ་ལོ། །
སྲིན་མོ་དང་ནི་རོ་ལངས་མ། །མི་མེད་དུར་ཁྲོད་གནས་སུ་ནི། །ཡི་དགས་ཚེས་དང་སྐར་མ་ལ། །བརྟན་པའི་སེམས་ཀྱིས་བསྒྲུབ་པར་བྱ། །ར་ནག་པོ་ཡི་ལྤགས་པ་བླང་། །མཚོན་གྱིས་མ་བསྣུན་སྦྱར་བར་བྱ། །རས་ནི་བརྐྱང་ལ་ཐིག་
གིས་གདབ། །རྫས་ལྔ་དང་ནི་ཡང་དག་ལྡན། །གཉིས་མེད་གཏོར་མ་བྱིན་གྱིས་བརླབ། །ལྕགས་ཀྱུ་ལྔ་དང་ལྡན་པ་ཡི། །སྔོན་དུ་གསུངས་བཞིན་དབུལ་བར་བྱ། །མཁའ་འགྲོའི་གཏོར་མ་བྱིན་བརླབས་ནས། །དེ་ཡི་ར་ཡི་ཤ་
ཡིས་ནི། །སྦྱིན་སྲེག་བརྒྱ་རྩ་བརྒྱད་དུ་བྱ། །བྲིས་སྐུ་གནས་སུ་གཟུང་བྱས་ལ། །གཏོར་མས་མཆོད་ལ་བྲི་བར་བྱ། །ཁ་དོག་ནག་པོ་འཇིགས་ཆེན་པོ། །རོལ་པའི་འཕེན་པས་ཡང་དག་གནས། །ཡན་ལག་བརྒྱད་དུ་ཀུན་
གྱིས་བརྒྱན། །སྐྲ་ནི་དགྱེས་པས་རྣམ་པར་བརྒྱན། །སྤྱན་གསུམ་ཁྲོ་བོ་མཆེ་བ་ཅན། །ཕྱག་བཞི་ཡིས་ནི་རྣམ་པར་སྤྲས། །ཁ་ཊྭཱྃ་ག་དང་རྡོ་རྗེའི་ལག །དེ་བཞིན་རལ་གྲི་ཐོད་པ་དང་། །གླང་པོའི་ལྤགས་པས་མངོན་པར་
བསྒོས། །སྟག་གི་ལྤགས་པའི་ཤམ་ཐབས་ཅན། །དེ་ལྟར་སྲིན་མོ་རོ་ལངས་མ། །རྣལ་འབྱོར་མཆོག་ཏུ་བརྩོན་པས་བྲི། །ཀུན་ནས་གཏོར་མ་ཡང་དག་ལྡན། །མི་མེད་དུར་ཁྲོད་གནས་སུ་ནི། །ནག་པོའི་ར་ཡི་ཤ་དང་ནི། །
ཞོ་དང་མར་དུ་མངོན་པར་སྦྱར། །བརྒྱ་རྩ་བརྒྱད་དུ་བསྲེག་བྱས་པས། །ཕོ་ཉ་རོ་ལངས་མ་རབ་འགྲུབ། །མགོ་ལ་ཧཱུྃ། སྤྱི་བོར་ཧ། མིག་ལ་ཧྲཱི། སྣ་ལ་ཧེ། རྣ་བ་ལ་ཧྃ། ལྕེ་ལ་ཧོ། །སྙིང་གར་ཧཱུྃ། ཡན་ལག་དྲུག་ཏུ་
བཀོད་པའི་སྔགས་སོ། །ཨོཾ་ཧྲཱིཿཧ་ན་ཧ་ན། སརྦ་ཤ་ཏྲཱུྃ་མ་ཐ་མ་ཐ། བན་དྷ། བན་དྷ། ཧཱུྃ། ཨ་མུ་ཀ ། སང་གྷ་ཏཱ་ཡ། གྷ་ཏཱ་ཡ། ཧཱུྃ་ཧཱུྃ་ཧཱུྃ། ཕཊ་ཕཊ་ཕཊ། ཕུ་ཕུ། འདི་ནི་བསྒྲུབ་པ་ཐམས་ཅད་ཀྱི་སྔགས་

87-1-285b

སོ། །བ་དན་གསུམ་པའི་ཕྱག་རྒྱས་ནི། །ཡན་ལག་དྲུག་ཏུ་དགོད་པར་བྱ། །བ་དན་གསུམ་པས་སྙིང་ཀར་སྦྱིན། །དཔུང་པ་ཀུན་ནས་བརྐྱང་བྱས་ལ། །སེ་གོལ་གྱི་ནི་སྒྲ་དང་ནི། །ཧཱུྃ་གི་རྣམ་པ་ལྷན་ཅིག་སྦྱར། །
གཡས་བརྐྱང་བ་ཡིས་ཡང་དག་གནས། །འདིར་ནི་མཆོག་གི་ཕྱག་རྒྱའོ། །སློབ་དཔོན་ལ་ནི་དམོད་པ་དང་། །དམ་ཚིག་སྤྱོད་ལ་འཕྱ་བ་དང་། །དཀོན་མཆོག་གསུམ་ལ་གནོད་བྱེད་པ། །སྡིག་གིས་གོས་པར་
མི་འགྱུར་རོ། །སྐྱེ་བ་བྱེ་བ་བརྒྱ་སྟོང་དུ། །སངས་རྒྱས་ཡེ་ཤེས་ཀྱིས་བསྐུལ་ཞིང་། །དགེ་བའི་བཤེས་གཉེན་བསྟེན་པ་ཡིས། །རྣལ་འབྱོར་གཙུག་ལག་ཕྲད་པའོ། །སེམས་ཅན་ཐམས་ཅད་སྐྱོན་མེད་
ཅིང་། །སེམས་ཅན་ཐམས་ཅད་བདེ་གྱུར་ཅིག །གང་གིས་ལམ་ནས་འགྲོ་བ་ཡིས། །སངས་རྒྱས་ཉིད་དུ་གྲུབ་གྱུར་ཅིག །མ་བསྒྲལ་བ་རྣམས་བསྒྲལ་བ་དང་། །མ་གྲོལ་བ་རྣམས་བདག་གིས་དགྲོལ། །
དེ་ལྟར་རྗེས་སུ་བརྩེ་བའི་ཕྱིར། །རྣལ་འབྱོར་བསྟན་བཅོས་འདི་བགྱིས་སོ། །གདན་བཞི་པ་ལས་སྦྱོར་བའི་རབ་ཏུ་བྱེད་པ་གདན་བཞིའི་ལེའུ་ཞེས་བྱ་བ་རྫོགས་སྷོ།། །།ཡང་ཞུས་ཀུན། དཔལ་གསང་བ་
ཐམས་ཅད་ཀྱི་རྒྱུད་ཅེས་བྱ་བ་འདི་ནི། པཎྜི་ཏ་སྨྲྀ་ཏི་ཛྙཱ་ན་ཀཱིརྟྟིས་གསར་དུ་བསྒྱུར་ནས་བཤད་ཅིང་གཏན་ལ་ཕབ་པའོ། །དེ་ལྟར་ན་རྒྱུད་འདིའི་ལེའུ་སིལ་བུ་རྣམས་ཕྱོགས་གཅིག་ཏུ་སྡོམས་ན་ལེའུ་བརྒྱ་དང་བཞི་བཞུགས་སོ། །
སླད་ནས་བུ་སྟོན་ཐམས་ཅད་མཁྱེན་པའི་ཐུགས་དམ་རྒྱུད་འབུམ་དང་དཔེ་དཔང་རྙིང་པ་དག་དང་ཡང་གཏུགས་ཏེ། སྡེབས་ཞུས་དང་བཅས་པ་ཆེས་ཤིན་ཏུ་དག་པར་བགྱིས་སོ། །  ༄༅། །རྒྱ་གར་སྐད་དུ།   ཨེ་ཀ་བཱི་རཱ་ཁྱ་ཤྲཱི་
ཙཎྜ་མ་ཧཱ་རོ་ཥ་ཎ་ཏན་ཏྲ་རཱ་ཛ་ནཱ་མ།   བོད་སྐད་དུ།   དཔལ་གཏུམ་པོ་ཁྲོ་བོ་ཆེན་པོའི་རྒྱུད་ཀྱི་རྒྱལ་པོ་དཔའ་བོ་གཅིག་པ་ཞེས་བྱ་བ།  བཅོམ་ལྡན་འདས་དཔལ་གཏུམ་པོ་ཁྲོ་བོ་ཆེན་པོ་ལ་ཕྱག་འཚལ་ལོ། །འདི་སྐད་བདག་

87-1-286a

གིས་ཐོས་པ་དུས་གཅིག་ན། བཅོམ་ལྡན་འདས་རྡོ་རྗེ་སེམས་དཔའ།  དེ་བཞིན་གཤེགས་པ་ཐམས་ཅད་ཀྱི་སྐུ་དང་། གསུང་དང་། ཐུགས་ཀྱི་སྙིང་པོ་རྡོ་རྗེ་དབྱིངས་ཀྱི་དབང་ཕྱུག་མའི་བྷ་ག་རྣམས་ལ་བཞུགས་སོ། །
དཔག་ཏུ་མེད་པའི་རྡོ་རྗེ་རྣལ་འབྱོར་པ་དང་། རྣལ་འབྱོར་མའི་ཚོགས་རྣམས་ཀྱང་ངོ་། །འདི་ལྟ་སྟེ། མི་གཡོ་བ་དཀར་པོའི་རྡོ་རྗེ་རྣལ་འབྱོར་པ་དང་། མི་གཡོ་བ་སེར་པོའི་རྡོ་རྗེ་རྣལ་འབྱོར་པ་དང་། མི་གཡོ་བ་དམར་པོའི་རྡོ་རྗེ་
རྣལ་འབྱོར་པ་དང་། མི་གཡོ་བ་ལྗང་གུའི་རྡོ་རྗེ་རྣལ་འབྱོར་པ་དང་། གཏི་མུག་རྡོ་རྗེ་མའི་རྡོ་རྗེ་རྣལ་འབྱོར་མ་དང་། ཕྲ་མ་རྡོ་རྗེ་མའི་རྡོ་རྗེ་རྣལ་འབྱོར་མ་དང་། འདོད་ཆགས་རྡོ་རྗེ་མའི་རྡོ་རྗེ་རྣལ་འབྱོར་མ་དང་། ཕྲག་དོག་རྡོ་རྗེ་མའི་
རྡོ་རྗེ་རྣལ་འབྱོར་མ་དང་། དེ་ལྟ་བུ་ལ་སོགས་པའི་རྣལ་འབྱོར་པ་དང་རྣལ་འབྱོར་མ་བྱེ་བ་ཁྲི་བརྒྱ་སྟོང་རྣམས་སོ། །དེ་ནས་བཅོམ་ལྡན་འདས་རྡོ་རྗེ་སེམས་དཔའ་མི་གཡོ་བ་ནག་པོའི་ཏིང་ངེ་འཛིན་ལ་སྙོམས་པར་ཞུགས་ནས་འདི་
ཉེ་བར་གསུངས་སོ། །དངོས་དང་དངོས་མེད་རྣམ་གྲོལ་བའི། །གཅིག་པུ་དེ་ནི་དགའ་བཞིའི་མཆོག །རྣམ་པར་རྟོག་པ་ཀུན་སྤངས་པའི། །སྤྲོས་པ་མེད་པའི་རང་བཞིན་ང་། །རྨོངས་པ་གང་གིས་ང་མི་ཤེས། །ལུས་
དང་ངག་རྣམས་ཀུན་ལ་གནས། །ང་ནི་དེ་རྣམས་ཕན་དོན་ཕྱིར། །རྣམ་པ་ལྔ་ཡིས་ཡང་དག་གནས། །དེ་ནས་བཅོམ་ལྡན་འདས་མ་རྡོ་རྗེ་དབྱིངས་ཀྱི་དབང་ཕྱུག་མ་ཞེ་སྡང་རྡོ་རྗེ་མའི་ཏིང་ངེ་འཛིན་ལ་སྙོམས་པར་ཞུགས་
ནས་འདི་ཉེ་བར་གསུངས་སོ། །སྟོང་དང་སྙིང་རྗེ་དབྱེར་མེད་པའི། །ལྷ་ཡི་འདོད་པས་བདེ་བར་གནས། །བདག་ནི་ཀུན་རྟོག་རྣམ་པར་བྲལ། །སྤྲོས་པ་མེད་ཅིང་གཡོ་བ་མེད། །བུད་མེད་གང་གིས་ང་མི་ཤེས། །
བུད་མེད་ཀུན་གྱི་ལུས་ལ་གནས། །བདག་ནི་དེ་རྣམས་ཕན་དོན་ཕྱིར། །རྣམ་པ་ལྔ་ཡིས་ཡང་དག་གནས། །དེ་ནས་བཅོམ་ལྡན་འདས་མི་གཡོ་བ་ནག་པོ་ལ།  བཅོམ་ལྡན་འདས་མ་ཞེ་སྡང་རྡོ་རྗེ་མས་དམ་དུ་འཁྱུད་

87-1-286b

ནས་ཙུམ་པར་མཛད་དེ།  གསོལ་བ་བཏབ་པ་དང་། ལྷ་མོ་ལྷ་མོ་དགའ་ཆེན་མོ། །གསང་བ་ཤིན་ཏུའང་རྙེད་དཀའ་བ། །སྙིང་པོ་ལས་སྙིང་མཆོག་གི་གཙོ། །སངས་རྒྱས་ཀུན་གྱིས་ལེགས་གསུངས་པ། །རྒྱུད་ཀྱི་
རྒྱལ་པོ་དབང་ཕྱུག་མཆོག །དགའ་མ་རྒྱུད་ཆེན་མཉམ་པར་གྱིས། །དཔའ་བོ་གཅིག་པུ་ཞེས་བྱ་བས། །སེམས་ཅན་དངོས་གྲུབ་མྱུར་དུ་འགྲུབ། །དཀྱིལ་འཁོར་མ་མཐོང་བ་རྣམས་ལ། །རྒྱུད་འདི་རབ་ཏུ་
བསྟན་མི་བྱ། །དཀྱིལ་འཁོར་གཞན་དུ་ཞུགས་པ་ལའང་། །རྒྱུད་འདི་བསྟན་པར་མི་བྱའོ། །གང་ཞིག་གཏུམ་པོ་ཁྲོ་བོ་ཡི། །དཀྱིལ་འཁོར་རབ་ཞུགས་མཉམ་བཞག་ཅིང་། །དད་དང་བརྩོན་འགྲུས་མཆོག་
ལྡན་ལ། །གཏུམ་པོའི་རྒྱུད་འདི་བསྟན་པར་བྱ། །བླ་མ་ལ་གུས་སྙིང་རྗེ་ཅན། །སྔགས་ཀྱི་ཐེག་པར་མཆོག་ཏུ་གཞོལ། །གཏུམ་པོའི་དབང་ཕྱུག་ལ་རྟག་གུས། །དེ་ལ་རྒྱུད་འདི་བསྟན་པར་བྱ། །རྣལ་འབྱོར་
པ་གང་ལ་ལ་ཞིག །འདོད་བརྐམ་སངས་རྒྱས་སླུ་བྱེད་པས། །གཏུམ་པོའི་དཀྱིལ་འཁོར་སྟོན་བྱེད་ཅིང་། །བླ་མེད་རྒྱུད་ནི་སྟོན་བྱེད་ན། །དེ་ནི་ནད་ཆེན་གྱིས་གཟིར་ནས། །བཤང་གཅིའི་དྲི་མས་གོས་པར་བྱེད། །
ཟླ་བ་དྲུག་གི་ནང་དུ་ནི། །དེ་ནི་འཆི་བའི་སྡུག་བསྔལ་འགྱུར། །དེ་ཕྱིར་གཤིན་རྗེའི་ཕོ་ཉས་བཟུང་། །དུས་ཀྱི་ཞགས་པའི་དབང་དུ་འགྱུར། །གང་ཚེ་སྡིག་ཅན་དམྱལ་བར་འཁྲིད། །སངས་རྒྱས་ཀྱིས་ཀྱང་བསྲུང་མི་ནུས། །
ལོ་ནི་འབུམ་དུ་དེ་སྡུག་བསྔལ། །གལ་ཏེ་མྱོང་འགྱུར་ལས་ཟད་ཀྱང་། །གལ་ཏེ་མི་རུ་སྐྱེས་ན་ཡང་། །རྡོ་རྗེའི་གནམ་ལྕགས་ཀྱིས་དེ་འཇིག །སྔགས་རིག་བརྟུལ་ཞུགས་ཅན་གྱིས་ནི། །དེ་ཕྱིར་དཀྱིལ་འཁོར་ལེགས་བྲིས་ནས། །
དེ་ཉིད་སྔོན་དུ་ཡོངས་བརྟགས་པའི། །སློབ་མ་བཟང་པོ་རབ་གཞུག་བྱ། །འཇིག་རྟེན་གསུམ་དུ་རྙེད་དཀའ་བའི། །རྒྱུད་ནི་དེ་ཕྱིར་བསྟན་པར་བྱ། །གང་ཡང་མ་ཐོས་རྒྱུད་འཆད་པ། །དེ་ཡང་འོག་ཏུ་འགྲོ་འགྱུར་ཞིང་། །གལ་ཏེ་སངས་རྒྱས་དང་

87-1-287a

མཚུངས་ཀྱང་། །དེ་ཡི་གདོང་དུ་རྣམ་སྨིན་འགྱུར། །སློབ་མ་དད་པ་དམན་པ་དང་། །ཐེ་ཚོམ་ཟ་བས་ཉན་བྱེད་ན། །མགོ་བོར་རྡོ་རྗེའི་ཐོག་ལྟུང་བ། །ཆར་འབབ་དུས་སུ་ཐེ་ཚོམ་མེད། །མཆོག་གི་ཞལ་མངའ་ལྷ་མོ་ལ། །བདག་
གིས་འདི་ནི་བདེན་པར་བཤད། །དཔའ་བོ་གཅིག་ཉིད་རྒྱུད་འདི་ནི། །གཏུམ་པོ་ཁྲོ་བོ་ཤིན་དུ་གསང་། ཞེས་པ་ནི་དཔའ་བོ་གཅིག་པ་ཉིད་དུ་གསུངས་པའི། དཔལ་ཁྲོ་བོ་གཏུམ་པོ་ཆེན་པོའི་རྒྱུད་ལས།  རྒྱུད་ལ་འཇུག་པའི་རིམ་པར་ཕྱེ་
བ་ཞེས་བྱ་བ་སྟེ་དང་པོའོ།། །། དེ་ནས་བཅོམ་ལྡན་འདས་མ་ཞེ་སྡང་རྡོ་རྗེ་མས། གཏུམ་པོ་ཆེན་པོ་ཁྲོ་བོ་ལ་དམ་དུ་མཁྱུད་ནས་གསོལ་པ། དཀྱིལ་འཁོར་གྱི་ནི་བྱ་བ་ལ། །གང་གི་ཚད་ཀྱིས་བྲི་བར་བྱ། །དེ་བཞིན་དེ་དབུས་བྲི་བྱ་བ། །
གང་ཡིན་གཙོ་བོས་བདག་ལ་གསུངས། །དེ་ནས་བཅོམ་ལྡན་འདས་ཀྱིས་བཀའ་སྩལ་པ། །དཀྱིལ་འཁོར་ཚད་དུ་གང་གྱུར་པ། །ཁྲུ་གང་དང་ནི་ཁྲུ་དོ་དང་། །ཁྲུ་གསུམ་པ་དང་ཁྲུ་བཞི་པ། །ཁྲུ་ལྔའི་ཚད་ལས་ལྷག་མི་བྱ། །གང་
དུ་དེ་ཡི་རྡུལ་ཚོན་ཉིད། །ཁ་དོག་སྣ་ཚོགས་ཀྱིས་བྱས་པ། །གྲུ་བཞི་པ་ལ་སྒོ་བཞི་པ། །རྟ་བབས་བཞི་ཡིས་རྣམ་པར་བརྒྱན། །སྒོ་ནི་བརྒྱད་ཆ་ཉིད་དུ་ནི། །དེ་ཡི་ཚད་དུ་རབ་ཏུ་བརྟག །སྒོ་ཡི་ཚད་ཀྱིས་སྒོ་ཁྱུད་དང་། །དེ་ཡི་
ཕྱེད་ཀྱིས་འགྲམ་དང་ནི། །ལོགས་དང་དེ་བཞིན་སྟེགས་བུ་དང་། །དྲ་བ་དྲ་ཕྱེད་སྣམ་བུ་རྣམས། །རྩ་བའི་ཐིག་གི་ཕྱི་རོལ་དུ། །དེ་ཡི་ཕྱེད་ཀྱི་རྡུལ་ཚོན་ས། །རྡོ་རྗེའི་ཕྲེང་བ་ཉིད་དང་ནི། །ཀ་བ་བརྒྱད་ལྡན་བརྟག་པར་བྱ། །
སྒོ་ཡི་སུམ་འགྱུར་ཉིད་ཀྱིས་ནི། །སྒོ་ཡི་རྟ་བབས་མཆོག་ཏུ་བྱ། །མཆོག་ཏུ་སྣ་ཚོགས་རྡོ་རྗེ་བྲི། །རྡོ་རྗེའི་ར་བ་ཁོར་ཡུག་ལྡན། །དཔག་བསམ་ཤིང་སོགས་དང་ལྡན་པ། །ཁྲོ་བོ་གཏུམ་པོའི་དཀྱིལ་འཁོར་ལ། །དཀྱིལ་འཁོར་འཁོར་
ལོའི་རྣམ་པ་ལ། །འཕར་མ་གཅིག་པ་ཉིད་དུ་བྱ། །དེ་ཡི་ཤར་ཕྱོགས་ཕྱོགས་བརྒྱད་ལ། །སྣ་ཚོགས་པད་མ་ཡང་དག་བྲི། །དབུས་མ་དང་དགུ་དེ་དབུས་སུ། །རལ་གྲི་སྔོན་པོ་རྡོ་རྗེས་མཚན། །རྡོ་རྗེ་གྲི་གུག་ཐོད་བཅས་འོག །

87-1-287b

ཤར་དུ་འཁོར་ལོས་མཚན་པ་ཡི། །རལ་གྲི་ཁ་དོག་དཀར་པོ་བྲི། །ལྷོ་རུ་ཁ་དོག་སེར་པོ་ཡི། །རིན་ཆེན་དང་བཅས་ཡང་དག་བྲི། །ནུབ་ཏུ་ཁ་དོག་དམར་པོ་ཡི། །པད་མ་དམར་པོས་མཚན་པ་དང་། །བྱང་དུ་རལ་གྲི་རྐྱང་པ་ཡི། །ཁ་དོག་
ལྗང་ཁུ་ཡང་དག་བྲི། །འཁོར་ལོ་དཀར་པོས་མཚན་པ་ཡི། །གྲི་གུག་མེ་ཡི་མཚམས་སུ་བྲི། །རིན་ཆེན་སེར་པོས་རབ་མཚན་པ། །བདེན་བྲལ་དུ་ནི་བྲི་བར་བྱ། །པད་མ་དམར་པོས་རབ་མཚན་པ། །རླུང་དུ་དེ་བཞིན་བྲི་བར་བྱ། །དབང་ལྡན་
ཁ་དོག་ལྗང་ཁུ་ཡི། །ཨུད་པལ་སྔོན་པོས་མཚན་པ་བྲི། །ཟླ་བ་ཉི་མའི་སྟེང་གནས་པའི། །མཚན་མ་ཐམས་ཅད་རབ་ཏུ་བརྟག །རྡུལ་ཚོན་དཀྱིལ་འཁོར་སྒྲུབ་ཐབས་འདི། །བདག་གིས་འཇིག་རྟེན་དོན་ཕྱིར་བཤད། །ཡང་
ན་དཀྱིལ་འཁོར་བྲི་བྱ་བ། །རས་རིས་ཚུལ་དུ་བྲི་བར་བྱ། །སྔོན་བཞིན་དཀྱིལ་འཁོར་བྲི་བྱས་ནས། །དབུས་སུ་མི་གཡོ་མཐིང་ནག་བྲི། །ཞེ་སྡང་རྡོ་རྗེ་མས་འཁྱུད་པ། །ཤར་དུ་མི་གཡོ་དཀར་པོ་བྲི། །མི་གཡོ་སེར་པོ་དེ་བཞིན་
ལྷོར། །ནུབ་ཏུ་མི་གཡོ་དམར་པོ་བྲི། །བྱང་དུ་མི་གཡོ་ལྗང་ཁུ་བྲི། །མེ་མཚམས་གཏི་མུག་རྡོ་རྗེ་དཀར། །བདེན་བྲལ་ཕྲ་མ་རྡོ་རྗེ་སེར། །རླུང་དུ་འདོད་ཆགས་རྡོ་རྗེ་མ། །ལྷ་མོ་དམར་མོ་ཡང་དག་བྲི། །དབང་ལྡན་ཕྲག་དོག་རྡོ་རྗེ་
མ། །ལྗང་བྲི་རས་བྲིས་དཀྱིལ་འཁོར་ལ། །དེ་ནས་དཀྱིལ་འཁོར་ལ་སྔགས་ཀྱིས་ལྷག་པར་གནས་པར་བྱ་བ་ནི། ཨོཾ་ཤྲཱི་ཙཎྜ་མ་ཧཱ་རོ་ཥ་ཎ་ས་པ་རི་ཝ་ར་ས་ཧི་ཏ། ཨཱ་གཙྪ་ཨཱ་གཙྪ་ཛཿཧཱུྃ་བྃ་ཧོཿ ཨ་ཏྲ་མཎྜ་ལེ། ཨ་དྷིཥྛཱ་ནྃ་ཀུ་རུ་ཧཱུྃ་
ཕཊ་སྭཱ་ཧཱ། འདིས་ཀུན་ནས་དགུག་པ་དང་། རབ་ཏུ་གཞུག་པ་དང་། བཅིང་བ་དང་། དབང་དུ་བྱས་ཏེ།  མཆོད་པར་བྱའོ། །དེ་ནས་སྔགས་ཀྱི་མཆོད་པར་གྱུར་པ་ནི། ཨོཾ་ཀྲཱིཥྞཱ་ཙ་ལ་པུཥྤྃ་པྲ་ཏཱིཙྪ་ཧཱུྃ་ཕཊ། ཨོཾ་ཤྭེ་ཏཱ་ཙ་ལ་པུཥྤྃ་པྲ་ཏཱིཙྪ་ཧཱུྃ་ཕཊ། 
ཨོཾ་པི་ཏཱ་ཙ་ལ་པུཥྤྃ་པྲ་ཏཱིཙྪ་ཧཱུྃ་ཕཊ། ཨོཾ་རཀྟཱ་ཙ་ལ་པུཥྤྃ་པྲ་ཏཱིཙྪ་ཧཱུྃ་ཕཊ། ཨོཾ་ཤྱཱ་མཱ་ཙ་ལ་པུཥྤྃ་པྲ་ཏཱིཙྪ་ཧཱུྃ་ཕཊ། ཨོཾ་དྭེ་ཥ་བཛྲི་པུཥྤྃ་པྲ་ཏཱིཙྪ་ཧཱུྃ་ཕཊ། ཨོཾ་མོ་ཧ་བཛྲི་པུཥྤྃ་པྲ་ཏཱིཙྪ་ཧཱུྃ་ཕཊ། ཨོཾ་བི་ཤུ་ན་བཛྲི་པུཥྤྃ་པྲ་ཏཱིཙྪ་ཧཱུྃ་ཕཊ། 

87-1-288a

ཨོཾ་རཱ་ག་བཛྲི་པུཥྤྃ་པྲ་ཏཱིཙྪ་ཧཱུྃ་ཕཊ། ཨོཾ་ཨཱིཪྵུ་བཛྲི་པུཥྤྃ་པྲ་ཏཱིཙྪ་ཧཱུྃ་ཕཊ། དེ་བཞིན་དུ། དཱི་པྃ་དང་། དྷཱུ་པྃ། གནྡྷ།  ནཻ་བེ་དྱྃ། དེ་ལྟ་བུའི་ཉེ་བར་སྤྱད་པ་ལྔས་དཀྱིལ་འཁོར་ལ་མཆོད་པར་བྱའོ། །གང་ཚེ་
དབུས་སུ་མི་གཡོ་དཀར། །གཏི་མུག་རྡོ་རྗེ་མ་དང་བཅས། །དེ་ཡི་དཀྱིལ་འཁོར་ཉིད་དུ་ཤེས། །དེ་བཞིན་མི་གཡོ་སེར་ལ་སོགས། །རྣལ་འབྱོར་ལྔ་ཡི་རབ་དབྱེ་བས། །དཀྱིལ་འཁོར་ལྔ་རུ་བརྟག་པར་བྱ། །སེམས་
ཉིད་རྩེ་གཅིག་གྱུར་པ་ཡིས། །སྔོན་དུ་བསྙེན་པ་བརྩམ་པར་བྱ། །དཀྱིལ་འཁོར་རབ་བཞུགས་རྣལ་འབྱོར་མ། །རྣལ་འབྱོར་དང་ནི་ཡང་དག་ལྡན། །ཕན་ཚུན་དུ་ནི་ཕྱག་བྱས་ནས། །བཟའ་བ་ཤ་དང་ཆང་ཡང་བྱ། །
ཞེས་པ་ནི་དཔའ་བོ་གཅིག་པ་ཉིད་དུ་གསུངས་པའི་དཔལ་ཁྲོ་བོ་གཏུམ་པོ་ཆེན་པོའི་རྒྱུད་ལས། དཀྱིལ་འཁོར་གྱི་རིམ་པར་ཕྱེ་བ་སྟེ་གཉིས་པའོ།། །། དེ་ནས་བཅོམ་ལྡན་འདས་མས་གསོལ་པ། །སློབ་
མ་ཇི་ལྟ་བུ་ཉིད་ལ། །རྒྱུད་འདི་རབ་ཏུ་སྦྱར་བར་བྱ། །ཐེ་ཚོམ་མེད་པར་བྱ་བ་ཉིད། །ཁྱབ་བདག་ཆེན་པོ་བསྟན་དུ་གསོལ། །དེ་ནས་བཅོམ་ལྡན་འདས་ཀྱིས་བཀའ་སྩལ་པ། དང་པོར་སྐྱབས་སུ་འགྲོ་བ་གསུམ་
སྦྱིན་པར་བྱའོ། །བསླབ་པ་ལྔ་དང་གསོ་སྦྱོང་དག་ཀྱང་ངོ་། །དེ་ནས་དབང་ལྔ་དང་། གསང་བ་དང་། ཤེས་རབ་ཡེ་ཤེས་ཀྱི་དབང་ངོ་། །དེ་ནས་སྐལ་ལྡན་སློབ་མ་ལ། །རྒྱུད་ཀྱི་དེ་ཉིད་བསྟན་པར་བྱ། །གཞན་དག་རིང་དུ་སྤང་བར་བྱ། །གཞན་
དུ་བར་གཞན་དུ་གུས་བཅས་གྱུར་ཀྱང་སྤང་། །དེ་ལ་སྐྱབས་སུ་འགྲོ་བའི་ཚིགས་སུ་བཅད་པ་འདིའོ། །ཇི་སྲིད་སྙིང་པོ་བྱང་ཆུབ་པར། །སངས་རྒྱས་ལ་ནི་བདག་སྐྱབས་མཆི། །དམ་པའི་ཆོས་ལ་བདག་སྐྱབས་མཆི། །
དགེ་འདུན་ལ་ཡང་མི་ཕྱེད་དང་། །དེ་ལ་བསླབ་པ་ལྔའི་ཚིགས་སུ་བཅད་པ་ནི། སྲོག་གཅོད་མ་བྱིན་ལེན་པ་དང་། །གཞན་གྱི་བུད་མེད་བརྫུན་སྨྲ་རྣམས། །སྤང་བྱ་ཀུན་ལ་འཕགས་བཞིན་བྱ། །ལྔ་པ་ཆང་

87-1-288b

གི་བཏུང་བ་ཉིད། །དེ་ལ་འདིར་གསོ་སྦྱོང་གི་ཚིགས་སུ་བཅད་པ་ནི། བདག་གིས་སེམས་ཅན་བསད་མི་བྱ། །ཕ་རོལ་ནོར་ནི་ཕྲོག་མི་བྱ། །བདག་ནི་ཚངས་པར་སྤྱོད་པ་སྤྱད། །རྫུན་གྱི་ཚིག་ཀྱང་སྤང་བར་བགྱི། །མྱོས་བྱེད་ཆང་གི་
བཏུང་བ་ནི། །བདག་གིས་གང་དུའང་བཏུང་མི་བྱ། །གར་དང་གླུ་དང་རྒྱན་རྣམས་དང་། །རྒོད་བག་རྣམས་ནི་སྤང་བར་བྱ། །ཁྲི་སྟན་མཐོ་དང་ཁྲི་སྟན་ཆེ། །དུས་མིན་ཁ་ཟས་སྤང་བར་བྱ། །དེ་ལྟར་གསོ་སྦྱོང་ཡན་ལག་བརྒྱད། །
དགྲ་བཅོམ་རྗེས་སུ་བདག་གིས་བསླབ། །ཇི་ལྟར་སངས་རྒྱས་ཀྱིས་གསུངས་ལྟར། །རྣམ་དག་བདག་གིས་གཟུང་བར་བགྱི། །དེ་ཡིས་གཡོན་ཅན་བདུད་ལས་རྒྱལ། །བླ་མེད་སངས་རྒྱས་མཆོག་ཐོབ་བྱ། །འདིར་
ནི་སྲིད་པ་ཞི་གྱུར་ནས། །ལུས་ཅན་ཀུན་གྱི་སྐྱབས་གྱུར་ཏེ། །འཁོར་བ་ཇི་སྲིད་དེ་སྲིད་པར། །སྐྱེས་བུ་བདེ་བར་གཤེགས་པར་སྐྱེ། །སྐྱེ་བོ་བཟང་པོ་དང་འགྲོགས་འདིར། །བློ་ལྡན་འཇིག་རྟེན་ལ་ཕན་དགའ། །
དེ་ལ་འདིར་ཆུའི་དབང་ནི། སློབ་མ་དྲི་མ་དང་བྲལ་ཞིང་ཤེལ་དག་པ་བཞིན་དུ་བསམས་ནས། རྣམ་པར་རྒྱལ་བའི་བུམ་པ་ནས་ཆུ་བླངས་ཏེ། ལོ་མ་དང་བཅས་པའི་ལག་པས། ཨོཾ་སརྦ་ཏ་ཐཱ་ག་ཏ་ཨ་བྷི་ཥེ་ཀ་ཏ་ས་མ་ཡ་
ཤྲཱེ་ཡེ་ཧཱུྃ། ཞེས་པ་འདིས་དབང་བསྐུར་བར་བྱའོ། །དེ་ལ་འདིར་དབུ་རྒྱན་གྱི་དབང་བསྐུར་བ་ནི་གོས་ལ་སོགས་པ་ལ་བྱས་པའི་དབུ་རྒྱན་རིན་པོ་ཆེ་ཀུན་ལས་གྲུབ་པར་བསམས་ནས། སློབ་མ་ཡང་འཁོར་ལོས་
སྒྱུར་བ་ལྟར་བསམས་ནས། མགོ་བོར་དབུ་རྒྱན་སྦྱིན་པར་བྱའོ། །སྔོན་བཞིན་དུ་དབང་བསྐུར་བར་བྱ་སྟེ། ཨོཾ་ཙཎྜ་མ་ཧཱ་རོ་ཥ་ཎ་ཨཱ་བི་ཤཱ་ཨཱ་བི་ཤཱ་ཨཱ་སྱཱ་ཧྲི་ད་ཡེ་ཧཱུྃ་ཕཊ། དེ་ལ་རལ་གྲིའི་དབང་བསྐུར་བ་ནི། ལྕགས་ལ་སོགས་
པའི་རང་བཞིན་ལས། །རལ་གྲི་དེའི་ལག་པ་གཡས་སུ་བྱིན་ནས། སྔོན་བཞིན་དུ་དབང་བསྐུར་བར་བྱ་སྟེ། ཨོཾ་ཧ་ན་ཧ་ན། མཱ་ར་ཡ་མཱ་ར་ཡ། སརྦ་ཤ་ཏྲཱུྃ་ཛྙཱ་ན་ཁཌྒ་ཧཱུྃ་ཕཊ། དེ་ལ་འདིར་ཞགས་པའི་དབང་བསྐུར་བ་ནི། 

87-1-289a

ཟངས་མ་ལ་སོགས་པ་ལས་བྱས་པའི་ཞགས་པ་དེའི་སྡིགས་མཛུབ་དང་བཅས་པའི་ལག་པ་གཡོན་པར་བྱིན་ནས། སྔོན་བཞིན་དུ་དབང་བསྐུར་བར་བྱ་སྟེ། ཨོཾ་གྲྀཧྞ་གྲྀཧྞ། ཀ་ཧ་ཀ་ཧ། ཀཌྜྷྱ་ཀནྜྷྱ་སརྦ་དུཥྚྃ་པཱ་ཤེ་ན་བནྡྷ་
བནྡྷ། མ་ཧཱ་ས་ཏྱ་ཏེ་དྷམ་ཏེ་སྭཱ་ཧཱ། དེ་ལ་འདིར་མིང་གི་དབང་ནི། སློབ་མ་ཁྲོ་བོ་གཏུམ་པོ་ཆེན་པོའི་ཕྱག་རྒྱ་རུ་ཉེ་བར་བཀོད་ནས། དེའི་རྣམ་པར་སེམས་ཀྱིས་དམིགས་ཏེ། ཨོཾ་ཧེ་ཤྲཱི་བྷ་ག་བ་ན་ཀྲྀཥྞཱ་ཙ་ལ་སདྡྷིཿཏྭྃ་ཧཱུྃ་ཕཊ། དེ་ནས་
སྔོན་བཞིན་དུ་དབང་བསྐུར་བར་བྱའོ། །དེ་བཞིན་དུ་སྒྲུབ་པ་པོས་ནག་པོ་ལ་སོགས་པའི་དབྱེ་བས། མི་གཡོ་བ་རྣམ་པ་ལྔའི་མིང་གིས་དབང་བསྐུར་བ་སྦྱིན་པར་བྱའོ། །ཞེས་བྱ་བ་ནི་དབང་ལྔའོ། །བུད་མེད་རྣམས་ཀྱི་དབུ་རྒྱན་གྱི་དབང་
བསྐུར་བ་བཞག་ནས། སིན་དྷུ་རའི་དབང་བསྐུར་བ་སྦྱིན་པར་བྱའོ། །རྒྱལ་སྲིད་ཀྱི་ལྷ་མོ་ཆེན་མོའི་ཚུལ་དུ།   སློབ་མ་དམིགས་ཏེ། ཨོཾ་བྷ་ག་ཝ་ཏི་ཨཱ་བི་ཤཱ་ཨཱ་བི་ཤ་ཨཱ་སྱཱ་ཧྲྀ་ད་ཡེ་ཧཱུྃ་ཕཊ། ལྕགས་ལ་སོགས་པའི་གྲི་གུག་
དེའི་ལག་པ་གཡས་སུ་སྦྱིན་པར་བྱའོ། །ཨོཾ་ཀཪྟི་ཏི་ཀེ་སརྦ་མཱ་རཱ་ཎཱྃ་མྃ་སྃ་ཀཪྟ་ཡ་ཀཪྟ་ཡ་ཧཱུྃ་ཕཊ། ལག་པ་གཡོན་དུ་མིའི་ཐོད་པའམ། རྫ་ལས་བྱས་པ་སྦྱིན་པར་བྱའོ། །ཨོཾ་བཛྲ་ཀ་པཱ་ལ་སརྦ་ཤ་ཏྲུྃ་ཎཱྃ་རཀྟྃ་དྷཱ་ར་
ཡ་དྷཱ་ར་ཡ་ཧཱུྃ་ཕཊ། དེ་ནས་བཅོམ་ལྡན་འདས་མའི་ཕྱག་རྒྱ་རུ་རྣམ་པར་བཀོད་ནས། དེའི་རྣམ་པར་དམིགས་ཏེ། ཨོཾ་ཧེ་ཤྲཱི་དྭེ་ཥ་བཛྲ་སིདྡྷི་སྟྭྃ་ཧཱུྃ་ཕཊ། དེ་བཞིན་དུ་བུད་མེད་ནི་ནག་མོ་ལ་སོགས་པའི་ཁ་དོག་གི་དབྱེ་བས་
རྣལ་འབྱོར་མ་ལྔ་པོ་རྣམས་ཀྱི་མིང་གི་དབང་བསྐུར་བར་བྱའོ། །འདིར་ཤེས་རབ་ཀྱི་དབང་བསྐུར་བའི་གནས་སུ་ཐབས་ཀྱི་དབང་བསྐུར་བ་སྦྱིན་པར་བྱའོ་ཞེས་སོ། །དེ་ནས་གསང་བའི་དབང་བསྐུར་བར་གྱུར་པ་ནི་བླ་མ་ལ་
སློབ་མས་གོས་ལ་སོགས་པས་ཡང་དག་པར་མཆོད་ནས། དེ་ལ་རང་ཡིད་དུ་འོང་བའི་གཟུགས་དང་། ལང་ཚོས་བརྒྱན་པའི་ཤེས་རབ་མ་དབུལ་བར་བྱའོ། །ཁྱོད་ལ་འདི་ནི་འབུལ་ལགས་ཀྱིས། །འདོད་

87-1-289b

ཀུན་བདེ་བར་རབ་ཏུ་སྩོལ། །བདག་ནི་འདོད་པའི་བདེ་དོན་ཕྱིར། །མགོན་པོ་ཁྱོད་ཀྱིས་བརྩེ་བས་ཟུང་། །དེ་ནས་བླ་མ་ལ་ཕྱག་འཚལ་ནས་སློབ་མ་ཕྱིར་བྱུང་སྟེ། ཨོཾ་ཙཎྜ་མ་ཧཱ་རོ་ཥ་ཎ་ཧཱུྃ་ཕཊ། ཞེས་པའི་སྔགས་བཟླས་ཤིང་གནས་
པར་བྱའོ། །ཡང་བླ་མས་ཆང་དང་ཤ་ལ་སོགས་པ་རྣམས་ཀྱིས་བདག་ཉིད་མཆོད་ནས། ཤེས་རབ་ཀྱང་ཚིམ་པར་བྱས་ཏེ། ཡང་དག་པར་སྦྱོར་བ་ལས་ཉེ་བར་བྱུང་བའི་དཀར་དམར་ལོ་མའི་སྐྱོང་བུ་ལ་སོགས་པར་བཞག་ནས་
སློབ་མ་བོས་ཏེ། དེའི་ལྕེ་ལ་མཐེ་བོང་དང་མིང་མེད་ཀྱིས་རྫས་བཟུང་ནས། ཧཱུྃ་ཕཊའི་ཡི་གེ་བྲི་བར་བྱའོ། །དེ་ནས། ཨ་ཧོ་སུ་ཁྃ་ཞེས་བརྗོད་པར་བྱའོ། །དེ་ནས་འདི་བརྗོད་པར་བྱ་སྟེ། དེ་རིང་བདག་གིས་སངས་རྒྱས་ཀྱི་
ཡེ་ཤེས་བསྐྱེད་པར་བྱ་ཡིས། གང་གིས་འདས་པ་དང་མ་འོངས་པ་དང་ད་ལྟར་བྱུང་བའི་སངས་རྒྱས་བཅོམ་ལྡན་འདས་རབ་ཏུ་མི་གནས་པའི་མྱ་ངན་ལས་འདས་པ་ཐོབ་པར་འགྱུར་གྱིས། འོན་ཀྱང་ཁྱོད་ཀྱིས་དཀྱིལ་འཁོར་
མ་མཐོང་བ་རྣམས་ཀྱི་མདུན་དུ་འདི་སྨྲ་བར་མི་བྱའོ། །དེ་ནས་སློབ་མའི་སྙིང་ཀར་རལ་གྲི་བཞག་ནས། འདི་སྐད་བརྗོད་པར་བྱ་སྟེ། གལ་ཏེ་སྨྲས་ན་དེའི་ཚེ། །ཤིན་ཏུ་རྣོ་བའི་རལ་གྲི་འདི། །ཁྲོ་བོ་གཏུམ་པོ་ད་
འདི་ཕྱག་ན་གནས། །གང་གིས་དམ་ཚིག་འཇིག་བྱེད་པ། །དེ་ལ་འདི་ཡིས་མཆོག་ཏུ་གཅོད། །སྐྱེ་བ་བྱེ་བ་སྟོང་རྣམས་སུ། །མི་རྣམས་རལ་གྲི་ལག་ཕྱར་བས། །ཡན་ལག་ཀུན་གཅོད་མགོ་བོ་ནི། །འི་
ཡིས་མཆོག་ཏུ་གཅོད་པར་བྱེད། །གལ་ཏེ་དམ་ཚིག་འདི་ཉིད་ཀྱིས། །ཁྱོད་ཀྱིས་འཇིགས་པ་ཐོབ་པར་འགྱུར། །དེ་ནས་སློབ་མས་བརྗོད་པར་བྱ་སྟེ། དེ་ལྟར་ངེས་ཞེས་སོ། །དེ་ནས་གདོང་གཡོགས་
བཅིངས་ནས། དཀྱིལ་འཁོར་དུ་མེ་ཏོག་དབུལ་བར་བྱའོ། །དེ་ནས་གདོང་གཡོགས་བསལ་ནས། དཀྱིལ་འཁོར་རབ་ཏུ་བསྟན་པར་བྱའོ། །གང་དང་གང་གི་མཚན་མ་དེ་ནས་བསྟན་པར་བྱའོ། །དེ་ནས་སློབ་མ་ལ་ཤེས་རབ་མ་དེ་

87-1-290a

སྦྱིན་པར་བྱའོ། །གཟུངས་མ་ཡིད་འོང་འདི་ཁྱོད་ཀྱིས། །བསྟེན་བྱར་སངས་རྒྱས་རྣམས་ཀྱིས་གསུངས། །རྨོངས་པ་གང་ཞིག་འདའ་བྱེད་པ། །དེ་ལ་མཆོག་གི་དངོས་གྲུབ་མེད། །དེ་ནས་དགའ་བ་བཞིའི་རྣམ་པར་
དབྱེ་བ་བླ་མས་རྣ་བར་སྨྲ་བར་བྱའོ། །དེ་ནས་བླ་མ་ཕྱི་རོལ་དུ་བྱུང་ནས། ཤེས་རབ་གཅེར་བུར་ཙོག་པུས་གསང་གནས་མཛུབ་མོས་བསྟན་ནས། ཅི་སྟེ་བུ་ཁྱོད་འདི་སྤྲོ་འམ། །ང་ལས་མི་གཙང་བ་དང་ནི། །བཤང་གཅི་རག་ཏ་
ཟ་བ་དང་། །བྷ་གའི་གནས་ལ་འོ་བྱེད་དམ། །སྒྲུབ་པ་པོས་སྨྲ་བར་བྱ་སྟེ། ཁྱོད་ལས་མི་གཙང་བཟའ་བ་ནི། །ཅི་ཡི་ཕྱིར་ན་བདག་མི་སྤྲོ། །ཇི་སྲིད་བྱང་ཆུབ་སྙིང་པོའི་བར། །བདག་གིས་མི་མོས་ཀུན་གུས་བྱ། །དེས་ཀྱང་
ཨ་ཧོ་བདག་གི་པད་མ་འདི། །བདེ་བ་ཐམས་ཅད་ཡང་དག་ལྡན། །གང་ཞིག་ཆོ་གས་བསྟེན་བྱེད་ན། །བདག་ནི་དངོས་གྲུབ་སྩོལ་མཛད་མ། །བློ་ལྡན་བརྟན་པར་རབ་སྦྱོར་བས། །པད་མར་བྱ་བ་ཇི་བཞིན་གྱིས། །རང་ཉིད་
ཁྲོ་བོ་གཏུམ་པོ་ཆེན་པོར་གནས་པས་བདེ་བ་ཆེན་པོ་སྟེ། དེ་ནས་སྒྲུབ་པ་པོ་བདག་ཉིད་ཁྲོ་བོ་གཏུམ་པོ་ཆེན་པོའི་རྣམ་པར་བསམས་ལ། ཤེས་རབ་ཀྱང་ཞེ་སྡང་རྡོ་རྗེ་མའི་ཚུལ་གྱིས་ཡང་དག་པར་སྦྱོར་བས། དགའ་བ་
བཞི་མཚོན་པར་བྱའོ། །དེ་ནས་ཡོངས་སུ་རྫོགས་པ་དང་། བླ་མ་ལ་སོགས་པ་ལ་ཆང་དང་ཤ་ལ་སོགས་པའི་ཚོགས་ཀྱི་འཁོར་ལོའི་མཆོད་པ་དབུལ་བར་བྱའོ་ཞེས་པ་ནི་ཤེས་རབ་ཀྱི་དབང་ངོ་ཞེས་པ་ནི་དཔའ་བོ་གཅིག་
པ་ཉིད་དུ་གསུངས་པའི་དཔལ་ཁྲོ་བོ་གཏུམ་པོ་ཆེན་པོའི་རྒྱུད་ལས། དབང་བསྐུར་བའི་རིམ་པར་ཕྱེ་བ་སྟེ་གསུམ་པའོ།། །། དེ་ནས་བཅོམ་ལྡན་འདས་མས་གསོལ་པ། ཇི་ལྟར་སྒོམ་པ་པོ་ཡི་ཕྱིར། །
ཁྲོ་ཆེན་གཏུམ་པོ་བསྒོམ་པར་བྱ། །སྔགས་ཀྱི་བཟླས་པ་ཇི་ལྟར་བྱ། །དབང་ཕྱུག་དམ་པ་བཤད་དུ་གསོལ། །དེ་ནས་བཅོམ་ལྡན་འདས་ཀྱིས་བཀའ་སྩལ་པ། ཡིད་དང་མཐུན་པའི་ས་ཕྱོགས་ནི། །བར་དུ་བཅོད་པ་

87-1-290b

ཀུན་བྲལ་བར། །ཇི་ལྟར་རྙེད་པའི་སྟན་ཉིད་ལ། །དེ་ལ་མཉམ་གཞག་བརྟག་པར་བྱ། །དང་པོ་བྱམས་པ་བསྒོམ་པར་བྱ། །གཉིས་པར་སྙིང་རྗེ་བསྒོམ་པར་བྱ། །གསུམ་པ་ལ་ནི་དགའ་བ་བསྒོམ། །ཀུན་གྱི་མཐའ་ལ་
བཏང་སྙོམས་སོ། །དེ་ནས་རང་གི་ཐུགས་ཀའི་ས་བོན་ལས་པད་མ་དང་ཟླ་བ་དང་ཉི་མ་ལ་གནས་པའི་འོད་ཟེར་རྣམས་ཀྱིས་མདུན་དུ་བསམ་གཏན་གྱི་ཁྲོ་བོ་གཏུམ་པོ་བསམས་ནས།  ཡིད་ཀྱིས་མཆོད་པ་བྱ་སྟེ། མཁས་པས་མེ་
ཏོག་ལ་སོགས་པས། །ཡིད་ཀྱིས་དེ་རྣམས་མཆོད་པར་བྱ། །དེ་མདུན་སྡིག་པ་བཤགས་པར་བགྱི། །བསོད་ནམས་ལ་ཡང་རྗེས་ཡི་རང་། །གསུམ་ལ་སྐྱབས་སུ་འགྲོ་བར་བྱ། །བསྐུལ་ཞིང་གསོལ་བ་རབ་ཏུ་འདེབས། །
བདག་ཉིད་ཡོངས་སུ་འབུལ་བ་དང་། །བསོད་ནམས་ཡོངས་སུ་བསྔོ་བར་བྱ། །དེ་ནས་སྨོན་ལམ་བཏབ་ནས་ནི། །བྱང་ཆུབ་སེམས་ནི་བསྐྱེད་པར་བགྱི། །དེ་ནས་ཕྱག་ནི་བཙལ་བྱས་ལ། །འོད་ཟེར་རྣམས་ཀྱིས་སླར་ཡང་བསྡུ། །
མཁས་པས་སྟོང་པར་བསམས་པ་ནི། །སྔགས་འདི་ཉིད་ནི་བརྗོད་པར་བྱ། །ཨོཾ་ཤུ་ནྱ་ཏཱ་ཛྙཱ་ན་བཛྲ་སྭ་བྷཱ་བ་ཨཱཏྨ་ཀོ྅ཧྃ། རབ་ཏུ་འབར་བས་ཧཱུྃ་ཡིག་ནི། འོད་ཟེར་དེ་ཡིས་བསྲེགས་པར་བསམ། །ག་བུར་བསྲེགས་པ་ཇི་བཞིན་
བསམ། །འོད་ཟེར་ལ་ཡང་རྣམ་མི་རྟོག །ཐམས་ཅད་ནམ་མཁའ་ཇི་བཞིན་དུ། །སྐད་ཅིག་གིས་ནི་རྣམ་པར་བསྒོམ། །དྲི་མེད་དག་པའི་ཤེལ་བཞིན་དུ། །རང་ལུས་རྣམ་པར་བསྒོམ་པར་བྱ། །སྔོན་དུ་བསྒོམ་བྱ་ཕྱི་
ནས་ནི། ཡྃ་རྃ་བྃ་ལྃ་བཞི་རྣམས་ལ། །ཡོངས་གྱུར་བསྒོམ་བྱ་རླུང་དང་ནི། །མེ་དང་ཆུ་དང་ས་རྣམས་སོ། །བྷྲུྃ་ཡིག་དེ་ལས་བསྒོམ་བྱ་བ། །གཞལ་ཡས་ཁང་དུ་རབ་ཏུ་བསྒོམ། །གྲུ་བཞི་པ་ལ་སྒོ་བཞི་པ། །
ཀ་བ་བརྒྱད་ཀྱིས་ཉེ་བར་མཛེས། །དེ་ཡི་དབུས་སུ་བསམ་བྱ་བ། །སྣ་ཚོགས་པད་མ་འདབ་བརྒྱད་ལྡན། །པ་ཡིག་ས་བོན་ལས་བྱུང་བ། །ང་ལ་ཨྃ་ཡིག་ལས་བྱུང་ཟླ། །རྃ་ཡིག་ལས་བྱུང་ཉི་མ་སྟེ། །དེ་སྟེང་ཧཱུྃ་ཡིག་ལས་

87-1-291a

ཀྱང་སླར། །དེས་བསྐྱེད་མི་བསྐྱོད་པ་རུ་བསམ། །མཱ་མ་ཀཱི་བཅས་ཡང་དག་སྦྱོར། །དེ་ལ་རིམ་བཞིན་རྣལ་འབྱོར་དབང་། །དེ་ཡི་སྤྱི་བོ་ལ་ཐིམ་ནས། །སྐར་མདའ་ཇི་བཞིན་སྦྱོར་བ་ཡིས། །མཱ་མ་ཀཱི་ཡི་བྷ་གར་བསམ། །
དེ་ལས་ཁུ་བ་རོ་མཉམ་གྱུར། །ལྷུང་གྱུར་དེ་ཡི་བྷ་གའི་ནང་། །གཏུམ་པོའི་གཟུགས་སུ་གྱུར་ནས་ནི། །བྷ་གའི་མཐའ་ལས་ངེས་བྱུང་ནས། །མི་བསྐྱོད་པ་ལ་རལ་གྲི་ཡིས། །བསྣུན་ནས་ཕྱི་ནས་རབ་ཏུ་བཟའ། །མཱ་མ་ཀཱིས་
ཀྱང་དེ་ལས་དེའི། །ཤ་ཟ་བར་ནི་རབ་ཏུ་བསམ། །དེ་ཕྱིར་མཱ་མ་ཀཱིས་བཟུང་ནས། །མ་དང་ཡང་དག་རབ་འདོད་བྱ། །དེས་ཀྱང་འཁྱུད་པར་བསམ་བྱ་བ། །ཞེ་སྡང་རྡོ་རྗེ་མ་ཡི་གཟུགས། །ཕྱག་གཡས་ན་ནི་རལ་གྲི་ཕྱར། །གཡོན་
པ་ཞགས་པ་དང་བཅས་པའི། །སྡིགས་མཛུབ་ཀྱིས་ནི་བསྡིགས་པར་བྱེད། །སོ་ཡིས་མ་མཆུ་ཡང་དག་བསྡམས། །རྐང་གཡས་བསྡེགས་པའི་སྟབས་ཀྱིས་ནི། །བདུད་བཞི་རྣམ་པར་ཉེད་པར་མཛད། །པུས་མོ་གཡོན་པ་ས་
ལ་བཙུགས། །འཇིགས་བྱེད་འཁྱོག་པོར་གཟིགས་པ་ཅན། །ནོར་འཛིན་ལ་ནི་བསྡིགས་མཛུབ་བསྟན། །པུས་མོ་གཡོན་པའི་རྩེ་མོས་གནས། །མི་བསྐྱོད་སྔོན་པོས་དབུ་རྒྱན་མཛད། །རིན་པོ་ཆེ་ཡི་ཅོད་པན་ཅན། །རྒྱན་
རྣམས་ཀུན་གྱིས་བརྒྱན་གྱུར་པའི། །གཞོན་ནུ་ཟུར་ཕུད་ལྔ་དང་ལྡན། །བརྒྱད་གཉིས་ལོ་ཡི་རྣམ་པ་ཅན། །སྤྱན་གཉིས་དམར་པོ་གཙོ་བོ་ཡི། །སེམས་ཉིད་བརྟན་པར་བསྒོམ་པར་བྱ། །བདག་ཉིད་ཁྲོ་བོ་གཏུམ་
གྲུབ་ནས། །དེ་ནས་སྲུབ་པའི་སྦྱོར་བ་ཡིས། །ཤར་དུ་མི་གཡོ་དཀར་པོ་སྤྲོ། །མེ་མཚམས་གཏི་མུག་རྡོ་རྗེ་མ། །སྟོན་ཀའི་ཟླ་འོད་དང་མཚུངས་སྤྲོ། །ལྷོ་རུ་མི་གཡོ་སེར་པོ་སྤྲོ། །ཕྲ་མ་རྡོ་རྗེ་བདེན་བྲལ་སེར། །མི་གཡོ་དམར་
པོ་ནུབ་དུ་སྤྲོ། །རླུང་དུ་འདོད་ཆགས་རྡོ་རྗེ་མ། །མི་གཡོ་ལྗང་ཁུ་བྱང་ཕྱོགས་སུ། །དབང་ལྡན་ཕྲག་དོག་རྡོ་རྗེ་མ། །ཕྱི་ནས་ཤེས་རབ་དང་བཅས་དེས། །རང་གི་མགྲིན་པ་ལས་བྱུང་བའི། །ལྷ་མོ་རྣམས་ཀྱིས་གླུ་ཡིས་བསྐུལ། །པ་ཧུ་མཻ་ཏྲཱི་ཏུ་བིརྦ་རྫྫ་

87-1-291b

ཨ་ཧོ་ཧི་མ་ཤུནྣ་ས་ཧཱ་བ་ཏོཛྫུ་བི་ཡོ་ཨོ་ཕིཊྚ་མིས་བྦེ་ཛ། ག་ཧི་བ་བྷཱ་བ། གཏི་མུག་རྡོ་རྗེ་མས་སོ། །མཱ་ཀ་རུ་ཎཱ་ཙི་ཨ་ཕཊྚ་ཧི་པ་ཧུ་མཱ་ཧོ་ཧི་ཏུ་ཤུནྨཱ་མོ་ཛྫ་དེ་ཧ། སུ་དུཀྑི་ཨ་ཧུ་ཨི་ཛཱི་བ་བི་ཧུནྣ།  ཕྲ་མ་རྡོ་རྗེ་མ་ཡིས་སོ། །ཀཱི་ས་ཏུ་
ཧ་རི་ས་བི་ཏོ་ཧི་ཨེ་ཤུནྷི་ཀ་ར་སི་པ་བེ་ཤ །ཏོཛྫ་ནི་མནྜ་ཎ་ཀ་རི་ཨ་མ་ཎུ་ཨཙྪ་ཨི་ལོ་ཨ་ཤི་ཥ། འདོད་ཆགས་རྡོ་རྗེ་མའི་འོ། །ཛོ་བ་ན་བནྟི་ཨ་པེ་ཁི་ཨ་ནི་ཥྤ་ལ་ཤུནྣཿ ཨ་ཌིཊྚེ། ཤུནྣ་ས་ཧཱ་བ་བི་གོ་ཨི་ཨ་ཀ་ར་ཧི་ཏུ་མོ་ཨེཾ་ས་མ་
གྷིཊྚི། ཕྲག་དོག་རྡོ་རྗེ་མའིའོ། །ཁྱབ་བདག་བྱམས་པ་རྣམ་སྤངས་ནས། །སྟོང་པའི་རང་བཞིན་དུ་མ་མཛད། །ཁྱོད་དང་རྣམ་བྲལ་བདག་འགུམ་པས། །འགྲོ་ཀུན་སྟོང་པར་མ་མཛད་ཅིག །གཏི་མུག་རྡོ་རྗེ་མས་སོ། །སྙིང་རྗེའི་
སེམས་བྲལ་བདག་འགུམ་པས། །ཁྱབ་བདག་སྟོང་པར་མ་མཛད་ཅིག །བདག་གི་ལུས་ནི་སྡུག་བསྔལ་བས། །འཚོ་བ་དང་བྲལ་མ་མཛད་ཅིག །ཕྲ་མ་རྡོ་རྗེ་མས་སོ། །ཅི་སྟེ་མཁས་པ་ཁྱོད་ཉིད་ནི། །དགའ་བ་སྤངས་ནས་སྟོང་
པར་འཇུག །འཇིག་རྟེན་མ་ལུས་པ་རྣམས་དང་། །བདག་གི་ཡིད་ནི་ཁྱོད་ལ་སྡོད། །འདོད་ཆགས་རྡོ་རྗེ་མ་ཡིས་སོ། །ལང་ཚོ་དང་ལྡན་བཏང་སྙོམས་པའི། །མིག་ནི་སྟོང་པ་འབྲལ་མེད་ཅན། །སྟོང་པའི་རང་བཞིན་ཉིད་སྤོངས་ལ། །
བདག་ལ་མཉམ་ཉིད་སྦྱོར་བར་མཛོད། །ཕྲག་དོག་རྡོ་རྗེ་མས་སོ། །འདི་ནི་རྨི་ལམ་ལྟར་ཐོས་ནས། །ཁུ་བ་ལས་འཁྲུངས་སྐད་ཅིག་གིས། །སྔོན་མའི་གཟུགས་བཞིན་བསམ་པར་བྱ། །བདག་ཉིད་ཡང་དག་སྦྱོར་དེ་
ལས། །མི་གཡོ་དཀར་པོ་ལ་བསྣུན་ནས། །གཏི་མུག་རྡོ་རྗེར་རབ་འདོད་བྱ། །མི་གཡོ་དཀར་པོའི་གཟུགས་སུ་བྱ། །མི་གཡོ་སེར་པོ་སླར་བསད་ནས། །འདོད་བྱ་ཕྲ་མ་རྡོ་རྗེ་མར། །བདག་ཉིད་མི་གཡོ་སེར་པོར་བྱ། །
དེ་བཞིན་མི་གཡོ་དམར་པོ་བསད། །འདོད་ཆགས་རྡོ་རྗེ་མར་འདོད་བྱ། །མི་གཡོ་དམར་པོར་བདག་ཉིད་བྱ། །མི་གཡོ་ལྗང་ཁུས་བསད་ནས་ཀྱང་། །ཕྲག་དོག་རྡོ་རྗེ་མར་འདོད་བྱ། །མི་གཡོ་ལྗང་ཁུར་བདག་ཉིད་བྱ། །ལྷ་མོ་བཞི་ལ་རྗེས་

87-1-292a

ཆགས་པས། །དཀྱིལ་འཁོར་ཐམས་ཅད་ཡང་དག་བསྡུ། །བདག་ཉིད་གཅིག་ཏུ་ཡང་དག་སྦྱོར། །འབད་པ་ཡིས་ནི་བསྒོམ་པར་བྱ། །དེ་ལས་ང་རྒྱལ་བྱས་པ་ཡིས། །བདག་ལ་དངོས་གྲུབ་ཐེ་ཚོམ་མེད། །ཁ་དོག་ནག་ཕྱིར་རྣལ་
འབྱོར་པ། །གང་བསྒོམ་དེ་ནི་མི་གཡོ་ནག །ཁ་དོག་དཀར་ཕྱིར་རྣལ་འབྱོར་པ། །གང་བསྒོམ་དེ་ནི་མི་གཡོ་དཀར། །ཁ་དོག་སེར་ཕྱིར་རྣལ་འབྱོར་པ། །གང་བསྒོམ་དེ་ནི་མི་གཡོ་སེར། །ཁ་དོག་དམར་ཕྱིར་རྣལ་འབྱོར་པ། །གང་བསྒོམ་དེ་
ནི་མི་གཡོ་དམར། །ཁ་དོག་ལྗང་ཕྱིར་རྣལ་འབྱོར་པ། །གང་བསྒོམ་དེ་ནི་མི་གཡོ་ལྗང་། །ཁ་དོག་ནག་མོའི་བུད་མེད་དེས། །ཞེ་སྡང་རྡོ་རྗེ་མ་བསྒོམ་བྱ། །ཁ་དོག་དཀར་མོའི་བུད་མེད་དེས། །གཏི་མུག་རྡོ་རྗེ་མ་བསྒོམ་བྱ། །ཁ་དོག་སེར་མོའི་བུད་མེད་
དེས། །ཕྲ་མ་རྡོ་རྗེ་མ་བསྒོམ་བྱ། །ཁ་དོག་དམར་མོའི་བུད་མེད་དེས། །འདོད་ཆགས་རྡོ་རྗེ་མ་བསྒོམ་བྱ། །ཁ་དོག་ལྗང་ཁུའི་བུད་མེད་དེས། །ཕྲག་དོག་རྡོ་རྗེ་མ་བསྒོམ་བྱ། །སྐྱེས་ཀུན་རྡོ་རྗེའི་རྣལ་འབྱོར་པ། །བུད་མེད་རྡོ་རྗེའི་རྣལ་འབྱོར་མ། །ནག་
སོགས་ཁ་དོག་དབྱེ་བ་ཡིས། །འདི་རྣམས་ཀུན་ལ་རབ་ཏུ་བརྟག །ཡང་ན་ལས་ཀྱི་དབྱེ་བ་ཡིས། །དབྱེ་བ་ལྔ་རུ་རབ་ཏུ་བརྟག །གནག་ཕྱིར་གསད་དང་ཞེ་སྡང་ལ། །ཞི་ལ་དཀར་པོ་དག་ཏུ་འདོད། །རེངས་དང་རྒྱས་ལ་སེར་པོ་སྟེ། །དབང་
དང་དགུག་ལ་དམར་པོའོ། །སྐྲོད་པ་ལས་ནི་ལྗང་ཁུར་བཤད། །ཡང་ན་རིགས་ཀྱི་རབ་དབྱེ་བས། །བྲམ་ཟེ་དཀར་པོ་དམངས་རིགས་ནག །གཏུམ་པོ་སེར་པོ་དག་ལ་འདོད། །དམར་པོ་གར་མ་དག་ལ་འདོད། །ལྗང་ཁུ་ཚོས་མ་ཞེས་བྱའོ། །
བུ་མོ་སྔོ་བསངས་མིག་ཡངས་མ། །ནག་པོ་བསྒོམ་པ་པོས་འདོད་བྱ། །བུ་མོ་དཀར་པོ་དཀར་མོ་ཡིས། །བུ་མོ་སེར་པོ་སེར་མོ་ཡིས། །བུ་མོ་དམར་པོ་དམར་མོ་ཡིས། །བུ་མོ་ལྗང་ཁུ་ལྗང་ཁུ་ཡིས། །ཡང་ན་གང་གིས་
དེ་འཛིན་པ། །དེ་དང་དེ་ཡི་བསྒོམ་པ་མཆོག །ཇི་ལྟ་བ་ཡང་མི་ཤེས་པས། །སེམས་ཉིད་བརྟན་པས་འདོད་པར་བྱ། །ཕྱོགས་ཙམ་རབ་ཏུ་སྦྱོར་བ་ལས། །བུ་མོ་དེ་ཡིས་དངོས་གྲུབ་སྟེར། །རྡོ་རྗེའི་ཤུ་ཀྲར་གྱུར་པ་ལ། །ལྕེ་

87-1-292b

ཡིས་ཀུན་ནས་འཇིབ་པར་བྱ། །ཇི་སྲིད་འདོད་པའི་བཤང་གཅི་ཡང་། །དེ་ཡི་ཁ་དང་བྷ་གར་སྦྱིན། །གུ་ད་པད་མ་རབ་འཇིབ་པས། །བོཥྛྃ་ཅི་འདོད་རབ་ཟ་བྱ། །ངོ་ཚ་སྐྱུག་བྲོ་བྱེད་གྱུར་ན། །རྣམ་པ་ཀུན་དུ་དངོས་གྲུབ་ཉམས། །འདི་
ནི་རང་གི་བཟའ་བ་མཆོག །སངས་རྒྱས་ཀུན་གྱིས་རབ་ཏུ་བཟས། །ཞེས་པ་ནི་དཔའ་བོ་གཅིག་པུར་གསུངས་པའི་དཔལ་ཁྲོ་བོ་གཏུམ་པོ་ཆེན་པོའི་རྒྱུད་ལས། ལྷ་ཉིད་ཀྱི་རིམ་པར་ཕྱེ་བ་སྟེ་བཞི་པའོ།། །། 
དེ་ནས་སྔགས་རྣམས་ཀུན་ལས་བཏུས། །བདག་གིས་རབ་ཏུ་བཤད་པར་བགྱི། །དེ་ནས་བཅོམ་ལྡན་འདས་བདུད་ཐམས་ཅད་ཀྱིས་མི་ཐུབ་པ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས། སྔགས་ཀུན་ལས་བཏུས་
པ་འདི་གསུངས་སོ། །ཨོཾ་ཙཎྜ་མ་ཧཱ་རོ་ཥ་ཎ་ཧཱུྃ་ཕཊ། རྩ་བའི་སྔགས་སོ། །ཨོཾ་ཨ་ཙ་ལ་ཧཱུྃ་ཧཱུྃ། རྩ་བའི་སྔགས་གཉིས་པའོ། །ཨོཾ་ཧཱུྃ་ཕཊ་རྩ་བའི་སྔགས་གསུམ་པའོ། །ཧཱུྃ་སྙིང་པོའི་སྔགས་སོ། །ཧཱྃ་སྙིང་པོའི་སྔགས་གཉིས་པའོ། །
ཧྃ་སྙིང་པོའི་སྔགས་གསུམ་པའོ། །ཧཱི་ཙཎྜ་རཱུ་པེ་ཙ་ཊ་ཙ་ཊ། པྲ་ཙ་ཊ་པྲ་ཙ་ཊ། ཀ་ཧ་ཀ་ཧ། པྲ་ཕུ་ར་པྲ་ཕུ་ར། པྲ་ཕཱ་ར་ཡ་པྲ་ཕཱ་ར་ཡ། ཧ་ན་ཧ་ན། གྲ་ས་གྲ་ས། བནྡྷ་བནྡྷ། ཛམྦྷ་ཡ་ཛམྦྷ་ཡ། 
སྟམྦྷ་ཡ་སྟམྦྷ་ཡ། མོ་ཧ་ཡ་མོ་ཧ་ཡ། སརྦ་ཤ་ཏྲཱུཾ་ཎཱྃ།  མུ་ཁ་བནྡྷ་ནྃ། ཀུ་རུ་ཀུ་རུ། སརྦ་ཌཱ་ཀི་ནཱི་ནཱྃ་གྲ་ཧ་བྷཱུ་ཏ་པི་ཤཱ་ཙི་བྱཱ་དྷི་ཡཀྵཱ་ཎཱྃ། ཏྲཱ་ས་ཡ་ཏྲཱ་ས་ཡ། མ་ར་མ་ར། མཱ་ར་ཡ་མཱ་ར་ཡ། 
རུ་རུ་ཙཎྜ།  རུ་ཀ་རཀྵ་རཀྵ།  ལྷ་སྦྱིན་ལ་ཙཎྜ་མ་ཧཱ་སེ་ནཿ སརྦ་མཱ་ཛྙཱ་པ་ཡ་ཏི། ཨོཾ་ཙཎྜ་མ་ཧཱ་རོ་ཥ་ཎ་ཧཱུྃ་ཕཊ། ཕྲེང་བའི་སྔགས་སོ། །ན་མཿ་སརྦཱ་ཤཱ་པ་རི་པཱུ་ར་ཀེ་བྷྱཿ སརྦ་ཏ་ཐཱ་ག་ཏེ་བྷྱཿ སརྦ་ཐཱ་ཨ་ཙ་ལ་
ཀཱ་ཎ། ནཊྚ་ནཊྚ། མོཊྚ་མོཊྚ། སཊྚ་སཊྚ། ཏུཊྚ་ཏུཊྚ། ཏིཥྛ་ཏིཥྛ། ཨཱ་བི་ཤ་ཨཱ་བི་ཤ །ཨཱཿམ་ཧཱ་མཏྟ་བ་ལ་ཀ །དྷུ་ན་དྷུ་ན། ཏི་ཎ་ཏི་ཎ། ཁཱ་ད་ཁཱ་ད། བིགྷྣཱྃ་མ་ར་མ་ར། དུཥྚྃ་རཀྵ་རཀྵ། 

87-1-293a

སརྦཱ་ཀུ་རུ་ཀུ་རུ། ཀི་རི་ཀི་རི། མ་ཧཱ་བི་ཥ་མ་བཛྲ་ཕཊ། ཧཱུྃ་ཧཱུྃ་ཧཱུྃ་ཏྲི་བ་ལི་ཏ་རྃ་གཱ་ན་རྟ་ཀ་ཧྃ་ཧྃ་ཧྃ། །ཨ་ཙ་ལ་ཙེ་ཊ་ཕཊ། སྥཱ་ཊ་ཡ་ཧཱུྃ་ཧཱུྃ།   ས་མནྟི་ཀ་ཏྲཱ་ཊ་མ་ཧཱ་བ་ལ་ས་ཏ་ཡ། ས་མཱ་ན་ཡ། ཏྲཱྃ་མཱྃ་ཧཱྃ། ཤུདྡྷྱ་ཏུ་ལོ་ཀཿཏུ་ཥྱ་ཏུ་བཛྲཱི་ན་མོ་སྟྭ་པྲ་ཏི་ཧ་ཏ་
བ་ལེ་བྷྱཿ ཛྭཱ་ལ་ཡ་ཏྲཱ་ཊ་ཧ་ས་ན་མཿསྭཱ་ཧཱ། ཕྲེང་བའི་སྔགས་གཉིས་པའོ། །ན་མཿ་སརྦཱ་ཤཱ་པ་རི་པཱུ་ར་ཀེ་བྷྱཿ།   སརྦ་ཏ་ཐཱ་ག་ཏེ་བྷྱཿ སརྦ་ཏྲཱཊ། ཨ་མོ་གྷ་ཙཎྜ་མ་ཧཱ་རོ་ཥ་ཎ། སྥཊ་ཡ་ཧཱུྃ། བྷྲ་མ་ཡ་བྷྲ་མ་ཡ། ཧཱུྃ་ཏྲཱ་ཊ་མོ་ཧཱྃ། 
ཕྲེང་བའི་སྔགས་གསུམ་པའོ། །ཞེས་པ་ནི་མི་གཡོ་བ་ལྔ་པོ་རྣམས་ཀྱི་སྤྱིའི་སྔགས་སོ། །ཨོཾ་ཀྲིཥྞཱ་ཙ་ལ་ཧཱུྃ་ཕཊ། ཨོཾ་ཤྭེ་ཏཱ་ཙ་ལ་ཧཱུྃ་ཕཊ། ཨོཾ་བཱི་ཏཱ་ཙ་ལ་ཧཱུྃ་ཕཊ། ཨོཾ་རཀྟཱ་ཙ་ལ་ཧཱུྃ་ཕཊ། ཨོཾ་ཤྱཱ་མཱ་ཙ་ལ་ཧཱུྃ་ཕཊ། ལྷ་མོ་
རྣམས་ཀྱི་ཐུན་མོང་བའི་སྔགས་ནི། ཨོཾ་བཛྲ་ཡོ་གི་ནི་ཧཱུྃ་ཕཊ། རྩ་བའི་སྔགས་སོ། །ཨོཾ་པྲཛྙཱ་པཱ་ར་མི་ཏེ་ཧཱུྃ་ཕཊ། རྩ་བའི་སྔགས་གཉིས་པའོ། །ཨོཾ་བཽ་ཧེ་རེ་ཧཱུྃ་ཕཊ། རྩ་བའི་སྔགས་གསུམ་པའོ། །ཨོཾ་པི་ཙུ་པི་ཙུ་པྲཛྙཱ་
བརྡྷ་ནི། ཛྭ་ལ་ཛྭ་ལ་མེ་དྷཱ་བརྡྷ་ནི། དྷི་རི་དྷི་རི་བུདྡྷི་བརྡྷ་ནི་སྭཱ་ཧཱ། ཕྲེང་བའི་སྔགས་སོ། །བྱེ་བྲག་པའི་སྔགས་ནི། ཨོཾ་དྭེ་ཥ་བཛྲི་ཧཱུྃ་ཕཊ། ཨོཾ་མོ་ཧ་བཛྲི་ཧཱུྃ་ཕཊ། ཨོཾ་པི་ཤུ་ན་བཛྲི་ཧཱུྃ་ཕཊ། ཨོཾ་རཱ་ག་བཛྲི་ཧཱུྃ་
ཕཊ། ཨོཾ་ཨཱིཪྵྱ་བཛྲི་ཧཱུྃ་ཕཊ། གཏོར་མའི་སྤྱི་སྔགས་ནི། ཨོཾ་ན་མོ་བྷ་ག་བ་ཏེ་ཤྲཱི་ཙཎྜ་མ་ཧཱ་རོ་ཥ་ཎཱ་ཡ་དེ་ཝཱ་སུ་ར། མ་ནུ་ཥྱ་ཏྲཱ་ས་ནཱ་ཡ། ས་མསྟ་མ་ར་བ་ལ། བི་ནཱ་ཤ་ན་ཡ། རཏྣ་མུ་ཀུ་ཊ་ཀྲྀ་ཏ་སི་ར་སེ་ཨི་
མྃ། བ་ལིཾ་གྲྀཧྞ་གྲྀཧྞ་མ་མ་སརྦ་བིགྷྣཱྃ། ཧ་ར་ཧ་ར། ཙ་ཏུརྨཱ་རནྣི་བཱ་ར་ཡ་ནི་བཱ་ར་ཡ། ཏྲཱ་ས་ཏྲཱ་ས། བྷྲ་མ་བྷྲ་མ། ཙྪིནྡ་ཙྪིནྡ། བྷིནྡ་བྷིནྡ། ནཱ་ཤ་ནཱ་ཤ །ཏཱ་པ་ཏཱ་པ། ཤོ་ཥ་ཤོ་ཥ། ཙྪེ་ད་ཙྪེ་ད། བྷེ་ད་བྷེ་ད། དུཥྚ་
སཏྭཱྃ། མ་མ་བི་རུ་དྡྷ་ཙིཏྟ་ཀན་བྷསྨཱིཾ་ཀུ་རུ་ཀུ་རུ། ཧཱུྃ་ཧཱུྃ་ཧཱུྃ་ཕཊ་ཕཊ་ཕཊ་སྭཱ་ཧཱ། ཞེས་པ་ནི་དཔའ་བོ་གཅིག་པ་ཉིད་དུ་གསུངས་པའི་དཔལ་ཁྲོ་བོ་གཏུམ་པོ་ཆེན་པོའི་རྒྱུད།  ལས།  སྔགས་ཀྱི་རིམ་པར་ཕྱེ་བ་སྟེ་ལྔ་པའོ།། །། 

87-1-293b

དེ་ནས་བཅོམ་ལྡན་འདས་མ་ཤེས་རབ་ཀྱི་ཕ་རོལ་དུ་ཕྱིན་མ་ལ་བཅོམ་ལྡན་འདས་ཀྱིས་དམ་དུ་འཁྱུད་ནས། པད་མ་དང་རྡོ་རྗེ་རབ་ཏུ་སྦྱོར་བས་གསུངས་པ། རྫོགས་པའི་རིམ་པའི་སྦྱོར་བ་ཡི། །བསྒོམ་པར་བྱ་བ་ཅི་འདྲ་ཞིག་
རྣལ་འབྱོར་རྣམས་ལ་དེས་ཕན་ཕྱིར། །དྲི་བ་མཐའ་དག་བཤད་དུ་གསོལ། །དེ་ནས་བཅོམ་ལྡན་འདས་ཀྱིས་བཀའ་སྩལ་པ། རྫོགས་པའི་རིམ་པའི་སྦྱོར་གནས་པའི། །གཅིག་སྦྱོར་དེ་མཆོག་རྣལ་འབྱོར་པ། །ཉིན་
མཚན་བདག་གི་ཚུལ་གྱིས་ནི། །སེམས་རྩེ་གཅིག་པས་བསྒོམ་པར་བྱ། །རེ་ཤིག་རང་གི་བུད་མེད་ཀྱང་། །ཁྱོད་ཀྱི་གཟུགས་སུ་ངེས་པར་རྟག །དེ་ཉིད་ཤིན་དུ་མངོན་སྦྱོར་བས། །ཇི་ལྟ་བ་བཞིན་
གསལ་པོར་བགྲོད། །མ་དང་བུ་མོ་དེ་ནས་ནི། །སྲིང་མོ་དང་ནི་ཚ་མོ་དང་། །གཞན་ཡང་ཉེ་དུ་ཀུན་དང་ནི། །དེ་བཞིན་ཌོམ་བི་བྲམ་ཟེ་མོ། །གཏུམ་མོ་དང་ནི་གར་མ་དང་། །ཚོས་མ་དང་ནི་
གཟུགས་ཀྱིས་འཚོ། །བརྟུལ་ཞུགས་ཅན་མ་རྣལ་འབྱོར་མ། །དེ་བཞིན་ཐོད་པ་ཅན་མ་ཡང་། །གཞན་ཡང་ཇི་ལྟར་རྙེད་པ་ཡི། །བུད་མེད་གཟུགས་ཀྱིས་ཡང་དག་གནས། །
ཆོ་ག་མཁས་པས་བསྟན་པར་བྱ། །ཇི་ལྟར་འཇིག་པར་མི་འགྱུར་བས། །ཞིག་ན་ཁྲོ་བོ་གཏུམ་པོ་ནི། །ཁྲོས་པས་སྒྲུབ་པ་པོ་འཇོམས་བྱེད། །རལ་གྲི་ཞགས་པས་འཇིགས་བྱེད་ཅན། །མནར་
མེད་པར་ཡང་ལྟུང་བར་བྱེད། །འཇིག་རྟེན་འདིར་ཡང་དངོས་གྲུབ་མེད། །འཇིག་རྟེན་ཕ་རོལ་ཀྱང་དེ་བཞིན། །དེ་ཕྱིར་ཤིན་དུ་གསང་བ་ཡིས། །གཉིས་ཀྱི་སྤྱོད་ཡུལ་མིན་པར་བྱ། །ཁྲོ་བོ་གཏུམ་པོའི་སྒྲུབ་ཐབས་ནི། །མཁའ་འགྲོ་
མ་ཡི་སྔགས་བཞིན་སྨྲ། །ཤིན་དུ་འདོད་ལྡན་དོན་གྱི་ཕྱིར། །སངས་རྒྱས་བདག་ཉིད་ཀྱིས་གསུངས་པ། །བར་དུ་གཅོད་པ་ཀུན་སྤངས་པའི། །ཡིད་དང་འཐུན་པའི་ས་ཕྱོགས་སུ། །རང་སེམས་འདོད་ལྡན་མ་དགའ་མ། །རབ་ཏུ་སྦས་པས་བརྩམ་པར་བྱ། །ཤེས་རབ་ཕ་རོལ་ཕྱིན་དགའ་

87-1-294a

མས། །བདག་ནི་སངས་རྒྱས་མི་གཡོར་འགྲུབ། །རང་གཟུགས་ཤིན་དུ་འབད་པ་ཡིས། །མཁས་པས་སེམས་ཀྱིས་བསྒོམ་པར་བྱ། །སྐྱེ་བོས་དབེན་བྱས་གནས་སུ་ནི། །ཇི་ལྟར་རྙེད་པའི་གོས་ཀྱིས་ནི། །གཉིས་གཉིས་
ཕན་ཚུན་སྦྱོར་བ་ཡིས། །རབ་ཏུ་འབད་དེ་བསྒོམ་པར་བྱ། །མི་མོ་མངོན་སུམ་བྱས་ནས་ནི། །མངོན་དུ་ཕྱོགས་པས་ཉེར་འདུག་སྟེ། །ཕན་ཚུན་གཉིས་པོ་ཆགས་པ་ཡིས། །རབ་དགའ་ཕན་ཚུན་བལྟ་བར་བྱ། །དེ་
ལས་མཐོང་བདེའི་བསམ་གཏན་ནི། །ཡིད་ནི་རྩེ་གཅིག་གནས་པར་བྱ། །དེ་ཡིས་དེ་ལ་དེ་ཉིད་བརྗོད། །བདེ་བའི་གཟི་མདངས་བྱེད་པ་སྨྲ། །དེ་ལ་བུ་ཁྱོད་བདག་གི་བདག །ཁྱོད་ནི་མིང་པོ་མེས་པོ་དང་། །བདག་ནི་ཁྱོད་ཀྱི་ཆུང་
མ་མ། །སྲིང་མོ་དང་ནི་ཚ་མོ་ཡིན། །སྐྱེ་བ་བདུན་རྒྱུད་ཞམ་རིང་བ། །ཁྱོད་ནི་བདག་གི་གཡོག་ཡིན་ཏེ། །བདག་ནི་ཁྱོད་ཀྱིས་རིན་གྱི་ཉོས། །བདག་ནི་ཁྱོད་ཀྱི་རྗེ་དཔོན་མ། །རྐང་པ་དག་གི་དྲུང་བཏུད་ནས། །ཤིན་དུ་ཐལ་མོ་
རབ་སྦྱར་ནས། །དེ་ལ་འདི་བཞིན་བརྗོད་པར་བྱ། །བདེ་བའི་གཟི་མདངས་མཆོག་བྱེད་བརྗོད། །ཁྱོད་ནི་བདག་གི་ཕ་དང་མ། །བདག་གི་ཆུང་མ་ཚ་མོ་ཡིན། །སྲིང་མོ་བུ་ཡི་ཆུང་མ་དང་། །ཁྱོད་ནི་བདག་གི་རྗེ་བོ་ཡིན། །ཁྱོད་ཀྱི་བདག་
ནི་རྣམ་ཀུན་ཏུ། །ཤིན་དུ་གུས་པའི་དཔུང་གཉེན་གཡོག །བདག་ལ་ཡུམ་གྱི་བརྩེ་བས་གཟིགས། །ཡིད་འོང་བལྟ་བས་ངེས་བལྟས་ནས། །དེ་ནས་ཡང་དང་ཡང་དུ་ནི། །སྐྱེས་བུ་ཡིས་ནི་ཙུམ་བྷ་བྱ། །ཡི་གེ་གསུམ་ནི་གྷོ་སོགས་སྦྱིན། །
ཁ་ལས་ཁ་ཡི་བདུད་རྩི་དང་། །ལངས་ནས་པད་མ་བསྟན་པར་བྱ། །མིག་འཕྲུལ་ཁ་ཡིས་འཇིབ་བྱས་ནས། །ཀུ་ཙ་སྙིང་ཀར་བརྩིར་བར་བྱ། །མངོན་ཕྱོགས་དེ་ཡི་གདོང་བལྟས་ནས། །ཙུ་ཏའི་གནས་ལ་སྨྲ་བར་བྱ། །དེ་ལ་བལྟ་བའི་
ཚིག་ལ་ནི། །བདག་གི་རྣམ་པར་སྣང་མཛད་བཟའ། །ཁྱོད་ནི་མི་བསྐྱོད་ཆུ་འཐུངས་ན། །བུ་དང་ཕ་དང་བྲན་ཕོའོ། །ཁྱོད་ཀྱི་རྗེ་དཔོན་མ་ཉིད་ང་། །རྒྱལ་རིགས་མ་ཡི་ཡུམ་ཉིད་ཀྱང་། །བུ་ཁྱོད་རབ་ཏུ་འབད་པ་ཡིས། །བདག་གི་ཞབས་

87-1-294b

ལ་སྐྱབས་སུ་སོང་། །གང་ཕྱིར་བདག་ནི་འཕེལ་བྱེད་མ། །ཁྱོད་ལ་རིན་ཆེན་ཉེ་བར་འོངས། །བུ་ཁྱོད་བྱས་གཟོར་གྱིས་ཤིག་ཀྱེ། །རྡོ་རྗེ་བདེ་སྐྱེད་བདག་ལ་བྱིན། །དབུས་སུ་ཟེ་འབྲུས་བརྒྱན་པ་ཡི། །ཆུ་སྐྱེས་མདབ་མ་གསུམ་པར་གཟིགས། །ཨ་ཧོ་
བདེ་བ་ཅན་གྱི་ཞིང་། །སངས་རྒྱས་སྐུ་མདོག་དམར་པོས་མཛེས། །ཆགས་ཅན་ཞི་བདེ་སྟེར་མཛད་མ། །རྟོག་པ་ཐམས་ཅད་རྣམ་པར་སྤངས། །བདག་ནི་གན་རྐྱལ་ཡང་དག་སྦྱར། །ཆགས་པས་ཡིད་ནི་རྣམ་པར་མྱོས། །ཕྲག་པར་རྐང་པ་
ཟུན་བྱིན་ནས། །བདག་གི་སྟེང་དང་འོག་ཏུ་ལྟོས། །དེ་ནས་རྡོ་རྗེ་རབ་སད་པས། །པད་དབུས་རན་དྲར་རབ་ཏུ་གཞུག །བརྒྱ་སྟོང་འབུམ་དང་བྱེ་བ་ཕྲག །དེ་ནས་བསྐྱོད་པ་ཉིད་དུ་གྱིས། །བདག་པད་མདབ་མ་གསུམ་ལྡན་
པ། །ཤ་ཡིས་རབ་ཏུ་གང་ལྡན་ལ། །རང་གི་རྡོ་རྗེར་དེ་གཞུག་པས། །སེམས་ཉིད་བདེ་བས་རབ་ཏུ་མཆོད། །རླུང་དང་རླུང་གིས་བདག་པད་ལ། །སྙིང་པོ་ལས་ནི་སྙིང་པོ་མཆོད། །རྡོ་རྗེའི་རྩེ་མོར་རབ་ཏུ་རིག །བན་དྷུ་དམར་
པོ་དང་མཚུངས་པ། །འཛག་པའི་བསམ་གཏན་དེ་ལ་ནི། །སླར་ཡང་སེམས་ཉིད་ཚིམ་པར་བྱ། །ཤིན་དུ་མི་གཡོའི་སེམས་ཉིད་ཀྱིས། །བདེ་བ་དེ་སྐྱེས་བསྒོམ་པར་བྱ། །དེ་ལ་ལན་ནི་རབ་ཏུ་སྦྱིན། །དགའ་མ་ཁྱོད་ནི་
སྐད་ཅིག་སྡོད། །ཇི་སྲིད་མ་ལུས་བྷ་གའི་གཟུགས། །སྐད་ཅིག་ཙམ་ཞིག་བསམ་པར་བྱ། །དེ་ལ་ཡུམ་གྱུར་ཅིག་ཉིད་ངེས་པར་འགྲོ་བ་གསུམ་རྣམས་ཞི་དང་བདེ་བའི་མ་མ་དེ། །སྡིག་པའི་ལས་ལ་གནས་
ཉིད་མུ་ཅོར་སྨྲ་བ་ཞེ་སྡང་བ་ལས་འདི་ནི་སྨོད་པར་བྱེད། །དེ་དང་དེ་རྣམས་གཏིང་མཐའ་མེད་པའི་དམྱལ་བར་དེ་ཉིད་མི་བཟད་རྟག་ཏུ་སྡུག་བསྔལ་ཉིད། །ལུས་ནི་ལན་མང་མེ་ཡིས་སྲེག་
ཅིང་ངུ་འབོད་དུ་ནི་བསྐལ་པ་གསུམ་དུ་གནས་པར་བྱེད། །མི་མོའི་ཡོན་ཏན་གང་བརྗོད་ན། །སེམས་ཅན་ཐམས་ཅད་ཡོངས་སུ་འཛིན། །ཇི་སྙིད་བརྩེ་དང་བསྲུང་བ་དང་། །

87-1-295a

མི་མོའི་སེམས་ཉིད་ལ་རབ་གནས། །རང་གཞན་སྐྱེ་བ་དེ་སྙེད་ཀྱང་། །ཀུན་ཀྱང་དེ་ལ་ཡང་ཡང་རྒྱས། །དཔལ་གྱི་རྡོ་རྗེ་རྣལ་འབྱོར་མ། །གལ་ཏེ་དེ་གཟུགས་ལས་གཞན་མིན། །དེ་ཡི་ལྟ་དང་རེག་པ་དང་། །ཉེད་པ་
ཀུན་ནས་རིང་ཞོག་གི། །གང་ཞིག་དྲན་པ་ཙམ་གྱིས་ཀྱང་། །སྐད་ཅིག་དེ་ལ་བདེ་བ་འཐོབ། །ཡུལ་ལྔ་རྣམས་ལ་མི་མོ་ཡི། །གཟུགས་འདི་ཉིད་ནི་མཆོག་ཏུ་གནས། །དེ་ལ་བདེ་བ་འབབ་མཛད་པ། །སྐྱེས་བུ་རྣམས་ཀྱིས་
རོལ་པར་གྱིས། །དེ་ཕྱིར་ཉེས་ལས་ངེས་གྲོལ་བ། །ཡོན་ཏན་དམ་པ་ཀུན་གྱིས་བརྒྱན། །བསོད་ནམས་བསོད་ནམས་བསོད་ནམས་ཆེ། །ཡུམ་གྱིས་བདག་ལ་བཀའ་དྲིན་མཛོད། །དེ་ནས་དེ་ལ་ཤིན་དུ་བལྟས། །མཆུ་ནི་སོ་ཡིས་
བསྡམ་པར་བྱ། །ནུ་མ་འགྲམ་དང་སིཏ་ཡོག་དང་། །དེ་ཡི་གོས་བྲལ་རྣལ་འབྱོར་པས། །བྱེད་བཅིང་གིས་ནི་བདེ་འབྱུང་བྱ། །དོ་ལི་ལ་ཞོན་བཅིང་བ་དང་། །པུས་མོ་བཟུང་ལ་དེ་ཉིད་བཅིང་། །བཅིང་བ་བརླ་ཉེད་པ་ཡང་
ཡིན། །རྐང་པས་གཅོད་བྱེད་བཅིང་པ་ཡང་། །བཅིང་པ་ས་ལ་གནོན་པར་བྱ། །མཁས་པས་མཉམ་བཅིང་དེ་ཉིད་ནི། །བཅིང་བ་རི་མོ་ཅན་ཞེས་བྱ། །བུང་བའི་དྲ་བ་བཅིང་བ་དང་། །འཕྲུལ་འཁོར་དེར་ཞོན་རྐང་པ་ཅན། །དེ་
བཞིན་ཉིད་དུ་རུས་སྦལ་བཅིང་། །ཀུན་ནས་བཟང་པོ་དེ་བཞིན་ཉིད། །དེ་ལ་སྐྱིལ་དཀྲུང་དབུས་སུ་ནི། །མི་མོ་རྩོག་པུ་སྟན་ལ་འདུག །དཔུང་པ་ཟུང་གིས་ཕྲག་པ་ལ། །དེ་ལ་དམ་དུ་སྦྱར་བར་བྱ། །རང་གི་ལག་པ་ཟུང་དག་དེའི། །
རྐེད་པའི་དབུས་སུ་ཉེར་སོན་ཏེ། །པད་མར་རྡོ་རྗེ་རབ་བཅུག་ནས། །བདེ་བ་འབྱུང་བའི་བཅིང་བར་གྲགས། །གཉིས་ཀའི་ལག་ཟུང་རབ་བཅུག་ནས། །ཕན་ཚུན་སྦྱོར་བས་བཅིང་བར་བྱ། །གཉིས་ཀས་ཅུང་ཟད་བསྐྱོད་པར་
བྱ། །དོ་ལིའི་བསྐྱོད་པ་ཞེས་གྲགས་སོ། །དེ་ཡི་པུས་གཉིས་རང་གི་ནི། །སྙིང་ཀ་ཉིད་དུ་ཡང་དག་སྦྱར། །དོ་ལི་བསྐྱོད་པའི་བྱེད་པ་དགོད། །འདི་ནི་པུས་མོ་བཟུངས་ནས་བཅིང་། །དེ་ཡི་རྐང་མཐིལ་རང་ཉིད་ཀྱི། །བརླ་ཡི་ཁར་ཡང་

87-1-295b

སྦྱར་བར་བྱ། །བདེ་བ་འབྱུང་བྱེད་བཀོད་པ་ཡིས། །འདི་ནི་བརླ་ཉེད་བཅིང་བའོ། །དེ་ཡི་ནུ་མ་རྐང་པ་དང་། །ལྟེ་བ་སྙིང་ཀ་ལོགས་གཉིས་བཀབ། །དོ་ལི་གཡོ་བའི་བྱེད་པ་དགོད། །བཅིང་བ་འདི་ནི་རྐང་བས་སྤྱོད། །དེ་ཡི་འཕོངས་གཉིས་
ས་ལ་བཞག །ཕ་རོལ་ལ་ནི་འཁྱུད་པ་པོས། །བདེ་བ་འབྱུང་བྱེད་བཀོད་ནས་ནི། །བཅིང་བ་འདི་ནི་ས་ལ་མནན། །ཙོག་པུས་ཡང་དག་གནས་དེ་ལ། །རྐང་པ་གཉིས་པོ་རབ་བརྐྱང་བྱ། །བཅིང་བ་མཉམ་དུ་ཤེས་བྱས་ལ། །
རེ་རེ་ཞིང་ཡང་བརྐྱང་བར་བྱ། །དེའི་རྐང་ཟུང་འཁོར་ལོར་བྱས། །གཡོན་པར་རབ་ཏུ་སྦྱར་བར་བྱ། །ཀུན་ནས་མངོན་པར་ཕྱོགས་པས་ཀྱང་། །རྒྱབ་ནས་འཕོངས་ལ་རེག་པར་བྱ། །ལག་པས་དང་པོར་མཉེ་བར་བྱ། །བཅིང་འདི་
ཙི་ཏྲ་ཅན་ཞེས་བྱ། །སླར་ཡང་བདེ་བ་འབྱུང་བྱས་ནས། །དེ་ལ་གན་རྐྱལ་བསྒྱེལ་བར་བྱ། །ལག་པ་གཡས་པས་དེ་ཉིད་དུ། །པད་མར་རྡོ་རྗེ་ངེས་གཞུག་བྱ། །དེ་ཡི་པུས་མོའི་འོག་བཟུང་ནས། །གྲུ་ཁུགས་སྟེང་དུ་སྦྱར་
བར་བྱ། །ཕན་ཚུན་ལག་པ་གཉིས་ཀྱིས་ནི། །བུང་བའི་དྲ་བ་ཞེས་སུ་ཤེས། །དེ་ཡི་རྐང་པ་ཟུང་དག་ནི། །ཕྲག་པའི་སྟེང་དུ་ངེས་པར་བྱིན། །བཅིང་བ་འདི་ནི་འཕྲུལ་འཁོར་ཞོན། །འབེབས་ཤིང་འབེབས་པས་རབ་ཏུ་སྦྱོར། །དེ་ཡི་རྐང་
གཡོན་ཕྲག་པ་ལ། །གཡས་གཡོན་བརླ་ཡི་རྩ་བ་ལས། །དེ་ཡི་རྐང་གཡས་གཡོན་པ་ལས། །གཡས་པ་ཡི་ནི་རྩ་བ་རུ། །འདིར་ནི་རྐང་པ་སྟེང་བཅིངས་པས། །ཡང་དག་བདེ་བས་སྡུག་བསྔལ་འཇོམས། །དེ་ཡི་རྐང་པའི་མཐིལ་ལ་
ནི། །བྲང་གི་དབུས་སུ་མཉམ་དུ་སྦྱར། །ལག་པ་གཉིས་ཀྱིས་བརྩིར་བར་བྱ། །པུས་མོ་རུས་སྦལ་བཅིང་བར་གསུངས། །དེ་ཡི་རྐང་པའི་མཐིལ་ལ་ནི། །མིག་དང་རྣ་བ་མགོ་བོ་སྦྱར། །བཅིང་བ་འདི་ནི་ཀུན་དུ་བཟང་། །འདོད་ཀུན་བདེ་
བ་རབ་ཏུ་སྟེར། །ཙི་ཏྲ་ཇི་སྲིད་སྐྱིལ་དཀྲུང་བྱས། །ཀུན་ནས་སྣ་ཚོགས་པ་ཡི་ནི། །ཁྲོ་བོ་གཏུམ་པོ་སྦྱོར་བ་ཡིས། །ཀུན་ནས་རྣམ་པ་སྣ་ཚོགས་པ། །ཇི་སྲིད་འདོད་པས་ཡང་ནས་ཡང་། །དེ་ཡི་ཁ་ལ་འོ་བྱའོ། །མིག་ནི་ཟིམ་བུས་གདོང་དུ་

87-1-296a

བལྟ། །ཇི་ལྟར་འདོད་ཚིག་སྨྲ་བ་ཡི། །གདོང་ལ་ལྕེ་ཡིས་འཇིབ་པར་བྱ། །དེ་ཡི་ཁ་ནས་བྱུང་བའང་བཏུང་། །སོ་ཡི་དྲི་མའང་ཟ་ཞིང་འཇིབ། །བདེ་བར་རྣམ་པར་བསྒོམ་པར་བྱ། །ཆོ་ག་ཤེས་པས་ཅུང་ཟད་དུ། །སོ་ཡིས་
ལྕེ་དང་མཆུ་ནི་བསྡམ། །ལྕེ་ཡིས་སྣ་ཡི་བུ་ག་དང་། །མིག་གི་ཟུར་ཀྱང་སྦྱང་བར་བྱ། །སོ་དང་མཆན་ཁུང་ལས་བྱུང་བའི། །དྲི་མ་ཀུན་ཀྱང་བཟའ་བར་བྱ། །མགོ་དང་མིག་དང་མགྲིན་པ་རྣམ། །ལོགས་དག་རྐེད་པ་ནུ་མ་ལག །འོས་
འཇིབ་སེན་མོ་སྦྱིན་པར་བྱ། །མིག་གཉིས་སྤངས་ལ་བུད་མེད་ལ། །ལག་པས་ནུ་མ་མཉེ་བྱ་ཞིང་། །སོ་ཡང་གདབ་ཅིང་འཇིབ་པར་བྱ། །རང་གིས་གན་རྐྱལ་བྱས་ནས་འཇིབ། །ལྟོ་བ་མཛེས་ལ་འཇིབ་པར་བྱ། །བདག་གིས་སྔོན་ནས་འདི་ཉིད་ནི། །
ཡང་དང་ཡང་ནི་དྲན་པར་བྱ། །པདྨར་ལག་པས་རེག་པར་བྱ། །རླུང་གིས་མཛེས་པ་ཞེས་སྨྲ་བ། །དེ་ལ་འོ་དང་སེན་མོ་སྦྱིན། །བལྟ་ཞིང་ལག་པས་གསལ་བར་བྱ། །མི་མོའི་དྲི་མ་མནམ་བྱ་ཞིང་། །བུ་གའང་རོ་འཛིན་གྱིས་སྦྱང་བྱ། །ཇི་ལྟ་བུར་
ནི་བདག་ཞུགས་ནས། །འདི་ཡིས་ཀྱང་ནི་དཔག་མེད་བསྐྱེད། །དེ་ལ་བལྟ་ཞིང་ཚིག་འདི་བརྗོད། །ལམ་འདི་ཉིད་ནི་དྲང་པོ་སྟེ། །དེ་ཉིད་མི་ཤེས་སྦྱོར་བ་ཡི། །ལམ་འདིས་འགྲོ་བ་དྲུག་ཏུ་འཇུག །སྦྱོར་བ་རབ་ཏུ་ཤེས་པ་ཡིས། །ཁྲོ་བོ་
གཏུམ་པོའི་དངོས་གྲུབ་འགྱུར། །དེ་ཕྱིར་པད་བྱུང་དཀར་དམར་ནི། །ཁ་ཡིས་དགུག་པར་བྱས་ནས་ནི། །ཡང་དང་ཡང་ནི་བལྟ་བྱས་ནས། །དེ་ནི་ཁ་ཡིས་བཟའ་བར་བྱ། །སེན་མོ་ལེགས་བྱས་བརླ་དང་ནི། །བྲན་བཞིན་རྐང་པ་མཉེ་བར་བྱ། །
མགོ་བོར་ཡི་གེ་གསུམ་སྦྱིན་བྱ། །སྙིང་དབུས་ཁུ་ཚུར་ཆུང་ངུས་སྦྱིན། །རྣལ་འབྱོར་པ་ནི་མཉམ་བཞག་པས། །དེ་ཕྱིར་གཞན་དོན་ལྡན་པར་བྱ། །ཡིད་ནི་རྩེ་གཅིག་བདེ་བ་ཡིས། །འདོད་པའི་བྱ་བི་དེ་ལ་སྦྱིན། །ཇི་ལྟར་འདོད་པ་རབ་
འཛག་པས། །འཕོ་མེད་ཡིད་ནི་རྩེ་གཅིག་བདེ། །འཕོས་གྱུར་པད་མ་ལས་འཇིབ་སྟེ། །པུས་བཙུགས་རབ་ཏུ་སྦྱོར་བ་ཡིས། །པད་མར་ཁུ་བ་རྡུལ་གྱུར་པ། །ལྕེ་ཡིས་བླངས་ནས་བཟའ་བར་བྱ། །སྣ་ཡིས་ན་ལི་རབ་སྦྱོར་བས། །

87-1-296b

སྟོབས་ནི་འཕེལ་ཕྱིར་བཏུང་བར་བྱ། །ཁ་ལ་འོ་ནི་བྱས་ནས་ཀྱང་། །ཤེས་རབ་པད་མ་ལྕེ་ཡིས་མྱངས། །འཁྱུད་བྱས་དེ་ཡི་ཕྱི་ནས་ནི། །ཤ་དང་ཉ་ནི་བཟའ་བྱ་ཞིང་། །འོ་མ་ཆང་ནི་ཡང་ཡང་བཏུང་། །འདོད་པས་རབ་ཏུ་འཕེལ་འགྱུར་
ཕྱིར། །ངལ་དང་སྙིངས་གྱུར་དེ་ལས་ནི། །ཕྱི་ནས་འདོད་འགྱུར་བདེ་སོགས་ཀྱིས། །སླར་ཡང་སྔོན་མའི་རིམ་པ་ཡི། །གཉིས་གཉིས་ཕན་ཚུན་རབ་ཏུ་བརྩམ། །གོམས་པའི་སྦྱོར་བ་འདི་ཡིས་ནི། །བདེ་བ་ཆེན་པོ་བསྒྲུབ་པར་
བྱ། །སྐྱེ་བར་འདི་ཉིད་སྦྱོར་རིག་ན། །ཁྲོ་བོ་གཏུམ་པོའི་གོ་འཕང་འཛིན། །ཆགས་ཅན་དངོས་གྲུབ་དོན་གྱི་ཕྱིར། །བདག་གིས་སྦྱོར་བ་རབ་བཤད་བྱ། །གཡོན་པའི་བྱིན་པ་སྟེང་གཞག་ནས། །གཡས་པའི་བྱིན་པ་རོལ་པར་བྱ། །འདི་ནི་
སེམས་དཔའི་དཀྱིལ་དཀྲུང་གྲགས། །འདོད་ཀུན་བདེ་བ་རབ་ཏུ་སྟེར། །བྱིན་པ་གཡས་པ་སྟེང་གཞག་ནས། །བྱིན་པ་གཡོན་པ་རོལ་བར་བྱ། །འདི་ནི་པད་མའི་དཀྱིལ་དཀྲུང་གྲགས། །འདོད་ཀུན་བདེ་བ་རབ་ཏུ་སྟེར། །པད་མའི་
སྐྱིལ་དཀྲུང་བཅིངས་ནས་ནི། །བྱིན་པ་གཡོན་པ་སྟེང་དུ་དགོད། །བྱིན་པ་གཡས་པ་རོལ་པ་སྟེ། །རྡོ་རྗེའི་དཀྱིལ་དཀྲུང་ཞེས་བྱར་ཤེས། །རྐང་པ་ས་ལ་བཞག་ནས་ནི། །མཚུངས་པར་རིང་དུ་གདོང་ཕྱོགས་པ། །འདོད་
ཀུན་རབ་ཏུ་སྦྱིན་ཤེས་བྱ། །འདིར་ནི་ཙོག་པུའི་གདན་ལ་ནི། །རྐང་པ་ས་ལ་དགོད་བྱས་ལ། །སྐྱོག་པོར་འཕྲེད་ལ་རིང་དུ་བྱ། །ཟླ་བ་ཕྱེད་པར་ཤེས་པར་བྱ། །འདིས་ནི་བདེ་བ་རབ་ཏུ་སྟེར། །པུས་བཟུང་འཕྲེད་ལ་ས་ལ་བཞག །
ལོང་བུའི་དབུས་སུ་འཕོངས་ཚོས་བཞག །འདིར་ནི་གཞུ་ཡི་གདན་བྱས་པས། །འདོད་པ་མཆོག་གི་དགའ་བ་སྟེར། །སེམས་དཔའི་སྐྱིལ་དཀྲུང་དེ་བཞིན་དུ། །རྡོ་རྗེའི་དཀྱིལ་དཀྲུང་ཞེས་བྱར་བརྟག །ཙོག་བུ་ཟླ་བ་ཕྱེད་པ་དང་། །
གཞུ་ཡི་གདན་ཡང་འདིར་འདོད་དོ། །ཟླ་བ་ཕྱེད་པའི་གདན་གནས་པ། །རྟག་ཏུ་མི་མོ་བྱས་ནས་ནི། །ལྷུང་ན་པད་མར་ལྕེ་ཡིས་བླང་། །གསང་གནས་ཡི་གེ་གསུམ་མཚོན་བྱ། །སླར་ཡང་གཞུ་ཡི་གདན་བྱས་ནས། །རང་གི་

87-1-297a

མེ་ཡི་བཤང་ནང་དུ། །ཁྲོ་བོ་གཏུམ་པོ་སྦྱོར་བ་ཡིས། །དེས་བསྐྱེད་བདེ་བ་བསྒོམ་པར་བྱ། །རྣམ་པར་རྟོག་པ་ཀུན་སྤངས་ནས། །དེ་ཡི་རྣལ་འབྱོར་ལྡན་པར་བྱ། །ཆགས་བྲལ་སེམས་ནི་སྤང་བྱས་ལ། །མ་ལ་རབ་ཏུ་
འདོད་པར་བྱ། །རྗེས་སུ་ཆགས་ལས་བསོད་ནམས་འཐོབ། །ཆགས་བྲལ་ལས་ནི་སྡིག་པ་འཐོབ། །ཆགས་བྲལ་ལས་ནི་སྡིག་གཞན་མེད། །བདེ་ལས་བསོད་ནམས་གཞན་པ་མེད། །དེ་ཕྱིར་སེམས་ཉིད་མཉམ་བཞག་ནས། །
འདོད་པའི་བདེ་བ་བསྐྱེད་པར་བྱ། །དེ་ནས་བཅོམ་ལྡན་འདས་ལ་ཐུགས་རབ་ཏུ་བགྱེས་ནས་མངོན་པར་དགའ་བས་བཅོམ་ལྡན་འདས་ལ་ཕྱག་འཚལ་ཏེ། འདི་སྐད་དུ་ཡང་གསོལ་པ། ཀྱེེ་བཅོམ་ལྡན་འདས་ཅི་སྟེ་
འདིར་འདི་ཉིད་མི་རྣམས་འབའ་ཞིག་གི་སྒྲུབ་པའི་ཐབས་ཡིན་ནམ། གཞན་རྣམས་ཀྱི་ཡང་ཡིན། བཅོམ་ལྡན་འདས་ཀྱིས་བཀའ་སྩལ་པ། ཕྱོགས་ཀུན་ཏུ་རྣམ་པར་གནས་པས་འདི་ལ་རྗེས་སུ་ཆགས་པར་བྱ་སྟེ། ལྷ་དང་། 
ལྷ་མ་ཡིན་དང་། མི་དང་། ཀླུ་དང་དེ་རྣམས་ཀྱིས་ཀྱང་བསྒྲུབས་པར་འགྲུབ་བོ། །དེ་ཉིད་ཐོས་ནས་དབང་ཕྱུག་ཆེན་པོ་ལ་སོགས་པའི་ལྷ་རྣམས། གཽ་རི་དང་། དཔལ་མོ་དང་། དབང་མོ་དང་། དགའ་མོ་ལ་སོགས་པའི་ལྷ་མོ་རྣམས་བླངས་
ནས་བསྒོམ་པར་རྩོམ་མོ། །དེ་ནས་དེའི་སྐད་ཅིག་ལ་དེ་ཐམས་ཅད་དེའི་སྐད་ཅིག་ཐང་ཅིག་དེ་ཉིད་ལ་ཁྲོ་བོ་གཏུམ་བོའི་གོ་འཕང་ཐོབ་ནས། སའི་སྟེང་དུ་སྤྱོད་པར་གྱུར་ཏོ། །དེ་ལ་དབང་ཕྱུག་ཆེན་པོ་རྡོ་རྗེ་བདེ་བྱེད་ཉིད་དུ་གྲུབ་བོ། །
ནོར་ལྷ་རྡོ་རྗེ་སྲེད་མེད་ཀྱི་བུ་ཉིད་དོ། །ལྷའི་དབང་པོ་ཕྱག་ན་རྡོ་རྗེ་ཉིད་དོ། །འདོད་པའི་ལྷ་ཡན་ལག་མེད་པའི་རྡོ་རྗེ་ཉིད་དོ། །དེ་ལྟ་བུ་ལ་སོགས་པའི་གང་གཱ་ཀླུང་གི་བྱེ་མ་དང་མཉམ་པའི་ལྷའི་བུ་རྣམས་ཀྱིས་གྲུབ་བོ། །སེམས་ཅན་
དོན་ཀུན་སྒྲུབ་པ་པོ། །འདོད་པའི་ཡོན་ཏན་ལྔ་ལྡན་ཉིད། །འབྱུང་པོ་སྣ་ཚོགས་གཟུགས་འཛིན་པ། །སྒྱུ་མ་ཀུན་ལས་རྣམ་པར་རྒྱལ། །ཇི་ལྟར་འདམ་ལས་བྱུང་བ་ཡི། །པད་མ་འདམ་གྱིས་གོས་པ་མེད། །དེ་ལྟར་འདོད་ཆགས་

87-1-297b

ལས་བྱུང་བའི། །ཉེས་པ་རྣམས་ཀྱིས་གོས་པ་མེད། །ཅེས་པ་ནི་དཔའ་བོ་གཅིག་པ་ཉིད་དུ་གསུངས་པའི་དཔལ་ཁྲོ་བོ་གཏུམ་པོའི་རྒྱུད་ལས་རྫོགས་པའི་རིམ་པའི་རྣལ་འབྱོར་རིམ་པར་ཕྱེ་བ་སྟེ་དྲུག་པའོ།། །། 
དེ་ནས་བཅོམ་ལྡན་འདས་མས་གསོལ་པ། སྐྱེ་བོ་ཀུན་གྱི་འཁྲིག་སྤྱོད་པས། །ཡོངས་སུ་ངལ་བ་ཆེན་པོར་གྱུར། །དེ་ཡི་ངལ་སའི་གནས་ཉིད་ནི། །མགོན་པོ་ཁྱོད་ཀྱིས་གསུང་བར་རིགས། །བཅོམ་ལྡན་འདས་ཀྱིས་བཀའ་སྩལ་པ། །བུད་
མེད་བདེ་བ་ལ་དམིགས་ནས། །རང་གིས་མངོན་སུམ་དགག་པར་བྱ། །ཤ་དང་ཉ་ནི་བཟའ་བར་བྱ། །ཆང་ནི་བཏུང་བྱ་མཉམ་བཞག་པས། །གཞན་ཡང་ཇི་ལྟར་རྙེད་པ་བཟའ། །འོ་ཆུ་རག་ཏ་ལ་སོགས་བཟའ། །ཐོག་མར་བུད་མེད་
ལ་བྱིན་ནས། །དེ་ཡི་ལྷག་མ་བཟའ་བར་བྱ། །དེ་ཡི་ལྷག་མའི་སྣོད་ལ་ནི། །ལོངས་ནི་རྟག་ཏུ་སྤྱད་པར་བྱ། །དེ་ཡི་ཁ་བཤལ་ཆུ་དང་ནི། །པད་མ་བཀྲུས་པའང་བཏུང་བར་བྱ། །བཤང་སྒོ་པད་མ་བཀྲུས་བཟུང་ནས། །བརྟུལ་ཞུགས་ཅན་
གྱིས་ཁ་སོགས་བཀྲུ། །དེ་ཡི་སྐྱུགས་པ་བཟའ་བྱ་ཞིང་། །དེ་ཡི་བཞི་མཉམ་བཟའ་བར་བྱ། །སྐྱེ་གནས་ལས་བྱུང་བཏུང་བར་བྱ། །ཁ་ཆུ་ཡང་ནི་བཟའ་བར་བྱ། །ཇི་ལྟར་ཤིང་ལ་ལུད་སོགས་ཀྱིས། །འབྲས་བུ་ལྷག་པར་འགྱུར་བ་
ལྟར། །དེ་བཞིན་མི་གཙང་སོགས་སྤྱོད་པས། །བདེ་བ་དམ་པ་སྐྱེས་བུ་ལ། །ན་དང་རྒས་པ་ཉིད་དང་ནི། །དེ་ཡི་ལུས་ལ་འཆི་བ་མེད། །གང་དེའི་མི་གཙང་སྟེན་བྱེད་པའི། །རྣལ་འབྱོར་པ་ཡིས་དེ་འགྲུབ་བྱེད། །གང་དུ་བཟའ་དང་བཟའ་
མིན་དང་། །འདིར་ནི་རྣམ་རྟོག་མི་བྱའོ། །སྦྱོར་རིག་བྱ་དང་བྱ་མིན་དང་། །བགྲོད་མིན་བགྲོད་པའང་དེ་བཞིན་ནོ། །བསོད་ནམས་མེད་ཅིང་སྡིག་པའང་མེད། །མཐོ་རིས་ཐར་པར་བརྟག་མི་བྱ། །ལྷན་ཅིག་སྐྱེས་པ་གཅིག་པུའི་གཟུགས། །
རྣལ་འབྱོར་པ་ཡིས་མཉམ་བཞག་བྱ། །དེ་ཉིད་སྦྱོར་ལྡན་རྣལ་འབྱོར་པ། །གང་ཚེ་བསྒོམ་པ་མཆོག་གྱུར་པ། །ཁྲོ་བོ་གཏུམ་པོ་གཅིག་སྦྱོར་བས། །དེ་ཡི་ང་རྒྱལ་འཛིན་པ་པོ། །གལ་ཏེ་བྲམ་ཟེ་བརྒྱ་བསད་ཀྱང་། །སྡིག་པ་རྣམས་

87-1-298a

ཀྱིས་གོས་མི་འགྱུར། །དེ་ཕྱིར་མགོན་པོ་ཆོ་ག་ཡིས། །ཁྲོ་བོ་གཏུམ་པོ་དེ་ཉིད་བསྒོམ། །སྐྱེ་བོ་གང་ཞིག་དྲག་པོ་ཡི། །ལས་ཀྱིས་དམྱལ་བར་འགྲོ་བྱེད་ཀྱང་། །དེ་ལ་སྡིག་པས་མི་གོས་ཤིང་། །མཐོ་རིས་འགྲོ་བར་ཐེ་ཚོམ་
མེད། །ཡིད་ནི་སྔོན་དུ་འགྲོ་བ་འདི། །དགེ་དང་སྡིག་པ་ཀུན་ལ་འདོད། །ཡིད་དང་རྣམ་རྟོག་རྣམ་པ་ལ། །གནས་ལ་སོགས་པའི་དབྱེ་བར་བསྟན། །ཇི་ལྟར་སྔགས་དང་བྲལ་བ་ཡི། །དུག་ཟོས་པས་ནི་ཚེ་ཟད་འགྱུར། །སྔགས་དང་
དེ་ཉིད་ཤེས་པ་ཡིས། །བདེ་བ་དང་ནི་ཚེ་འཕེལ་བྱེད། །དེ་ནས་སྐད་ཅིག་དེ་ལ་ལྷ་མོ་མཆོག་གི་ཤེས་རབ་ཀྱི་ཕ་རོལ་དུ་ཕྱིན་མས་གྲི་གུག་དང་། ཐོད་པའི་ཕྱག་གིས་ཁྲོ་བོ་གཏུམ་པོའི་ཕྱག་རྒྱས། རྡོ་རྗེ་གཏུམ་མོ་ཁྲོ་ཆེན་མས། །
དེ་ཉིད་མཆོག་ལ་གཟིགས་ནས་གསུངས། །བདག་གི་གཟུགས་ནི་བསྒོམ་བྱས་ནས། །ང་རྒྱལ་མཆོག་འདི་བྱས་གྱུར་ན། །གལ་ཏེ་ཚངས་འཇོམས་དེ་ཡང་ནི། །སྡིག་པ་ཡིས་ནི་གོས་མི་འགྱུར། །ཁྲོ་ཆེན་སེམས་ཉིད་གཅིག་པུ་
ཡིས། །བདག་གི་གཟུགས་ནི་སྒོམ་བྱེད་ན། །ཉ་དང་བྱ་ནི་བསད་བྱས་ཀྱང་། །བརྩེ་མེད་གཡོ་དང་ཁྲོ་བ་དང་། །གསོད་པའི་དོན་ཕྱིར་སེམས་དཔའ་ཅན། །རྣལ་འབྱོར་སྡིག་པས་གོས་མི་འགྱུར། །དེ་རྣམས་ཀུན་ལ་ཕལ་ཆེར་ནི། །མཐུ་
ཆེ་བར་ནི་རབ་ཏུ་བསྟན། །ཞེས་པ་ནི་དཔའ་བོ་གཅིག་པ་ཉིད་དུ་གསུངས་པའི་ཁྲོ་བོ་གཏུམ་པོ་ཆེན་པོའི་རྒྱུད་ལས།  ལུས་ཀྱི་བདེ་བའི་རིམ་པར་ཕྱེ་བ་སྟེ་བདུན་པའོ།། །། དེ་ནས་བཅོམ་ལྡན་འདས་ཀྱིས་
བཀའ་སྩལ་པ། བཅོམ་ལྡན་འདས་མ་ལ། །དཀྱིལ་འཁོར་ལྔ་ཡིས་ཕྱག་བཙལ་ནས་གསོལ་པ། དགའ་མ་ཁྱོད་གཟུགས་རྣལ་འབྱོར་པས། །ཇི་ལྟ་བུར་ན་ཤེས་པར་བྱ། །བཅོམ་ལྡན་འདས་མར་གུས་བྱ་བ། །རྣལ་འབྱོར་
པ་ཡིས་གང་ལ་བྱ། །དེ་ནས་བཅོམ་ལྡན་འདས་མས་བཀའ་སྩལ་པ། ང་ནི་འཇིག་རྟེན་གསུམ་པོ་ན། །མཐོ་དང་དམའ་བའི་གཟུགས་གྱུར་པ། །བུད་མེད་གཟུགས་དེ་ལ་ནི་འདོད། །ཇི་སྲིད་འཇིག་རྟེན་གྱིས་མི་མཐོང་། །

87-1-298b

ལྷ་མོ་ལྷ་མིན་མོ་དང་ནི། །དེ་བཞིན་གནོད་སྦྱིན་སྲིན་མོ་དང་། །ཀླུ་མོ་འབྱུང་མོ་མི་ཅི་མོ། །དེ་བཞིན་མི་ཡི་བུ་མོ་དང་། །དྲི་ཟ་མོ་དང་དམྱལ་བ་མོ། །དུད་འགྲོའི་བུ་མོ་ཡི་དགས་མོ། །ཚངས་མ་རྒྱལ་རིགས་རྗེ་རིགས་མོ། །དམངས་རིགས་
མོ་སྟེ་ཤིན་དུ་མང་། །ཡིག་མཁན་མ་དང་རྒྱལ་མོ་དང་། །གཙོ་མོ་ཀ་ལ་ཨུཏྟི་ནི། །ཚོད་མོ་སྐྱེད་མོས་ཚལ་མོ་དང་། །སྨད་འཚོང་མ་དང་ཆོས་མཁན་མ། །ཀོ་ལྤགས་སྣོད་མཁན་ཤ་བ་རི། །ཧཱ་ཌི་ཌོམ་བི་ཙཎ་ཌ་ལཱི། །ཁྲུས་མ་ཆང་མ་
ལ་དུ་མཁན། །ལྕགས་མགར་འདྲེག་མཁན་གར་མ་དང་། །མཁར་བ་མོ་དང་གསེར་འགར་མ། །ཉ་པ་མོ་དང་ཤན་པ་མོ། །སྲུབ་མ་མཁན་དང་མེ་ཏོག་མ། །ཐོད་པ་ཅན་མ་དུང་མཁན་མ། །གདུགས་མཁན་མ་དང་ཁང་མཁན་མ། །བ་
ལང་སྐྱོང་དང་མདའ་མཁན་མ། །ཕྲུ་ཀློག་རྡོ་མཁན་མ་དང་ནི། །ཤིང་མཁན་རྒྱན་ཆ་མཁན་མོ་དང་། །རིགས་རྣམས་ཀུན་ལ་རབ་ཏུ་འཇུག །མ་དང་སྲིང་མོ་ཆུང་མ་དང་། །ཨ་ནེ་དང་ནི་ཚ་མོ་དང་། ཁ་ཊྚྲི་ཀ་དང་སྒྱུག་མོ་དང་། །
གཞན་ཡང་གཉེན་འདབ་མ་ཀུན་དང་། །བརྟུལ་ཞུགས་ཅན་དང་རྣལ་འབྱོར་མ། །ཡུགས་ས་མོ་དང་དཀའ་ཐུབ་མ། །ཞེས་སོགས་མང་པོ་ཀུན་ལ་ནི། །ང་ནི་བུད་མེད་གཟུགས་གྱུར་ནས། །སེམས་ཅན་ཀུན་གྱི་དོན་གྱི་གནས། །
རང་རང་ཚུལ་དུ་ངེས་པ་ཡིས། །དེ་རྣམས་ཇི་ལྟར་རྙེད་པ་ཉིད། །འོ་དང་འཁྱུད་པ་ལ་སོགས་ཀྱིས། །རྡོ་རྗེ་པད་མ་མཉམ་སྦྱོར་བ། །རྣལ་འབྱོར་རྣམས་ཀྱིས་བསྟེན་པར་བྱ། །སེམས་ཅན་ཀུན་ལ་ཕན་འདོད་པས། །མི་མོ་
བསྟེན་པས་དངོས་གྲུབ་བོ། །སྐད་ཅིག་ཙམ་གྱིས་སྟེར་བྱེད་པ། །དེ་ཕྱིར་བུད་མེད་བསྟེན་པར་བྱ། །བུད་མེད་མཐོ་རིས་བུད་མེད་ཆོས། །བུད་མེད་དེ་ཉིད་དཀའ་ཐུབ་མཆོག །སངས་རྒྱས་བུད་མེད་དགེ་འདུན་ཉིད། །བུད་མེད་
ཤེས་རབ་ཕར་ཕྱིན་ཉིད། །ཁ་དོག་རྣམ་ལྔའི་རབ་དབྱེ་བས། །སོ་སོར་བརྟག་པར་འདོད་པ་ཡིན། །བུད་མེད་གང་ཞིག་ཁ་དོག་སྔོ། །ཞེ་སྡང་རྡོ་རྗེ་མ་རུ་གྲགས། །བུད་མེད་གང་ཞིག་ཁ་དོག་དཀར། །གཏི་མུག་རྡོ་རྗེ་མར་འདོད་དོ། །

87-1-299a

བུད་མེད་གང་ཞིག་ཁ་དོག་སེར། །ལྷ་མོ་ཕྲ་མ་རྡོ་རྗེ་མ། །བུད་མེད་གང་ཞིག་ཁ་དོག་དམར། །འདོད་ཆགས་རྡོ་རྗེ་མ་རུ་གྲགས། །བུད་མེད་གང་ཞིག་ཁ་དོག་ལྗང་། །ཕྲག་དོག་རྡོ་རྗེ་མ་ཞེས་གྲགས། །བཅོམ་
ལྡན་ཤེས་རབ་ཕར་ཕྱིན་མ། །གཅིག་ཉིད་ལྔ་ཡི་ཚུལ་གྱིས་གནས། །ཆང་དང་བཟའ་བ་མེ་ཏོག་སོགས། །རྣམས་མཆོད་ལུས་ལ་གོས་ཀྱིས་མཛེས། །ཡང་དག་སྨྲ་བར་འདུད་བྱས་ནས། །ཐལ་མོ་ཡང་དག་སྦྱར་བྱས་
ཏེ། །བལྟ་དང་རེག་པ་ཉིད་དང་ནི། །དྲན་པ་ཡིས་ནི་སྨྲ་བར་བྱ། །རྟག་ཏུ་འོ་དང་ལག་པས་འཁྱུད། །རྡོ་རྗེ་རྣལ་འབྱོར་མ་མཆོད་བྱ། །ལུས་ཀྱིས་ནུས་པ་རྣམས་བྱས་ནས། །མི་ནུས་པ་རྣམས་ངག་ཡིད་ཀྱིས། །
མཆོད་པས་བརྙེས་དེས་བདག་ལ་ནི། །དངོས་གྲུབ་ཐམས་ཅད་རྩོལ་བར་བྱེད། །བུད་མེད་ཀུན་གྱི་ལུས་སྤངས་ནས། །བདག་ནི་གཞན་དུ་གྱུར་པ་མེད། །སྣ་ཚོགས་སྤངས་ནས་བུད་མེད་མཆོད། །འདི་ནི་བདག་ལ་
རབ་མཆོད་འགྱུར། །འདི་ཡིས་བདག་ལ་བསྙེན་བཀུར་ནས། །སྒྲུབ་པ་པོ་མཉེས་དངོས་གྲུབ་མཆོག །དེ་ཡིས་མཐོང་བའི་ལམ་ཞུགས་ནས། །རྣམ་ཀུན་རྟག་ཏུ་ཀུན་ནས་སྟེར། །མ་ལུས་གཟུགས་ཀྱིས་བདག་
བསྒོམས་ནས། །རང་གི་བུད་མེད་འདོད་བསྟེན་བྱ། །རྡོ་རྗེ་པད་མོ་མཉམ་སྦྱོར་བས། །བདག་ལ་བྱང་ཆུབ་སྟེར་བ་མོ། །དེ་ཕྱིར་རྣམ་པ་ཀུན་གྱི་ནི། །བདག་ལ་གུས་པས་མཆོག་ཏུ་དེ། །འདི་ཡིས་དེ་
ཉིད་རབ་སྦྱོར་བས། །བརྟུལ་ཞུགས་ཅན་གྱིས་རབ་གུས་བྱ། །དམྱལ་བ་ལ་སོགས་ངན་འགྲོ་ཡི། །སྡིག་པ་ཡིས་ཀྱང་འཇིགས་མི་བྱ། །འཇིག་རྟེན་སྡིག་པས་འཇིགས་གྱུར་ན། །ཇི་སྲིད་ནུས་པ་ཐོབ་མི་འགྱུར། །
སྡིག་པ་ཅུང་ཟད་ཡོད་མིན་ཞིང་། །བསོད་ནམས་ཅུང་ཟད་ཡོད་མིན་ཕྱིར། །སེམས་ཉིད་མི་སྲུང་འཇིག་རྟེན་གང་། །སྡིག་དང་བསོད་ནམས་རྣམ་པར་གནས། །གང་དུ་སེམས་ཉིད་ཙམ་གྱིས་ནི། །ཐམས་ཅད་སྐད་ཅིག་ཙམ་

87-1-299b

དེ་གནས། །དམྱལ་བར་འགྲོ་བ་འདིར་གང་གིས། །གང་གིས་འདིར་ནི་མཐོ་རིས་འགྲོ། །གང་གིས་དུག་བཏགས་མཐུ་ཡིས་འཆི། །ཇི་ལྟ་བ་ལ་དེ་ཉིད་མེད། །དུག་གི་མཐུ་ཡིས་ཡང་དག་བརྒྱལ། །དེ་བཞིན་མཐོ་རིས་ངན་འགྲོར་འགྲོ། །
དེ་ཉིད་ཡོངས་སུ་ཤེས་གྱུར་པའི། །མཁས་པས་མྱ་ངན་འདས་པ་འཐོབ། །མྱང་འདས་སྟོང་པའི་ཚུལ་ཉིད་དུ། །མར་མེ་རླུང་གིས་ཇི་བཞིན་དུ། །ཉེར་ཆད་ལྟུང་བ་དེ་ཡང་ནི། །བྱང་ཆུབ་གོ་འཕང་མ་ཡིན་ནོ། །དེ་ཕྱིར་ཐམས་ཅད་ཡོངས་
སྤངས་ནས། །བདག་ཉིད་གུས་བྱ་བརྟུལ་ཞུགས་ཅན། །སྐད་ཅིག་ཙམ་གྱིས་གཏུམ་པོ་ཡི། །དངོས་གྲུབ་སྟེར་བར་ཐེ་ཚོམ་མེད། །དེ་ནས་བཅོམ་ལྡན་འདས་ཀྱིས། བཅོམ་ལྡན་འདས་མ་ཤེས་རབ་ཀྱི་ཕ་རོལ་དུ་ཕྱིན་མ་ལ་གསོལ་
པ། ཇི་ལྟ་བུ་ཡི་རྣམ་པ་ཡིས། །གཏུམ་མོའི་དངོས་གྲུབ་ཅི་འདྲ་ཞིག །དེ་ནས་བཅོམ་ལྡན་འདས་མས་བཀའ་སྩལ་པ། ཁ་དོག་ལྔ་ཡི་རབ་དབྱེ་བས། །རྣལ་འབྱོར་མ་རུ་རབ་གྲགས་གང་། །དེ་ཡང་རང་རང་བདག་པོ་ཡི། །ཁ་དོག་ལྔ་ཡི་རབ་
དབྱེ་ལས། །གཏུམ་པོ་ཀུན་གྱི་དེ་ཉིད་འདིས། །བདག་ནི་རྣལ་འབྱོར་མ་རུ་ཤར། །ཁ་དོག་སྔོན་པོ་གང་དེ་ཡང་། །བདག་པོ་མི་གཡོ་སྔོན་པོར་ཤེས། །ཁ་དོག་དཀར་པོའི་བདག་པོ་གང་། །མི་གཡོ་དཀར་པོ་ཞེས་བྱའོ། །ཁ་དོག་སེར་པོའི་བདག་
པོ་གང་། །མི་གཡོ་སེར་པོ་ཡང་དག་གྲགས། །ཁ་དོག་དམར་པོའི་བདག་པོ་གང་། །མི་གཡོ་དམར་པོ་ཞེས་གྲགས་སོ། །ཁ་དོག་ལྗང་ཁུའི་བདག་པོ་གང་། །མི་གཡོ་ལྗང་གུ་ཞེས་བྱའོ། །གཏུམ་པོ་དེ་ཉིད་གཅིག་པུ་ཉིད། །རྣམ་པ་ལྔ་ཡི་
ཚུལ་གྱིས་གནས། །འདི་ཡི་དངོས་གྲུབ་བརྟན་པ་ཉིད། །དེ་ནི་གཏུམ་པོར་ཡང་དག་བཤད། །ནམ་མཁའི་མཐར་ཐུག་ཇི་སྙེད་པ། །ལྷ་མོའི་གཟུགས་ཀྱིས་ཡང་དག་གནས། །གཏུམ་པོའི་དངོས་གྲུབ་ཇི་བཞིན་གསུངས། །དེ་བཞིན་དུ་ནི་གཏུམ་
མོ་འགྲུབ། །ཞེས་པ་ནི་དཔའ་བོ་གཅིག་པ་ཉིད་དུ་གསུངས་པའི་དཔལ་ཁྲོ་བོ་གཏུམ་པོའི་རྒྱུད་ལ། ངོ་བོ་ཉིད་ཀྱི་རིམ་པར་ཕྱེ་བ་སྟེ་བརྒྱད་པའོ།། །། དེ་ནས་བཅོམ་ལྡན་འདས་མས་གསོལ་པ། བཅོམ་ལྡན་འདས་ཐབས་

87-1-300a

དང་ཤེས་རབ་དག་གི་ང་རྒྱལ་ཇི་ལྟར་བསྒོམ་པར་བྱ། བཅོམ་ལྡན་འདས་ཀྱིས་བཀའ་སྩལ་པ། །མི་མོ་མངོན་བྱས་རྣལ་འབྱོར་པས། །ཕན་ཚུན་དེ་ཡི་ལྟ་བ་མཆོག །ལུས་ནི་དྲང་པོར་མཉམ་གནས་ནས། །རྩེ་གཅིག་ཡིད་ཀྱིས་
བསམ་གཏན་བྱ། །སྐུ་བཞི་ཡི་ནི་རང་བཞིན་ཕྱིར། །ཐ་དད་མེད་པའི་ཡིད་ཀྱིས་སོ། །སླར་ཡང་བྱང་ཆུབ་དབྱེར་མེད་པས། །ཐབས་དང་ཤེས་རབ་ཉིད་དུ་འདོད། །འཆི་བ་ཉིད་ནི་ཆོས་སུ་བརྗོད། །ལོངས་སྤྱོད་རྫོགས་པ་བར་སྲིད་དང་། །འགྲོ་བ་
དྲུག་གཟུགས་སྤྲུལ་པ་དང་། །འདོད་པའི་ལོངས་སྤྱོད་བདེ་ཆེན་པོ། །སྐུ་བཞི་ཡི་ནི་རང་བཞིན་འདི། །སྐྱེས་བུ་ལ་ནི་ཁམས་གསུམ་པ། །སྐུ་བཞི་ཡི་ནི་རང་བཞིན་ཕྱིར། །བུད་མེད་གཟུགས་ལ་ཁམས་གསུམ་མོ། །སྐུ་བཞི་ཡི་ནི་རང་བཞིན་ལས། །
སྐྱེས་བུ་འདིར་ནི་སངས་རྒྱས་ཡིན། །བུད་མེད་ཤེས་རབ་ཕར་ཕྱིན་མར། །ཕྱོགས་རྣམས་ཀུན་དུ་རྣམ་པར་གནས། །དེ་ཉིད་ང་རྒྱལ་བྱས་པ་ཡིས། །སླར་ཡང་བདག་ལ་དངོས་གྲུབ་བོ། །ཁྲོ་བོ་གཏུམ་པོའི་ཚུལ་ཉིད་དུ། །རང་ཉིད་གཟུགས་ཀྱིས་
ཡང་དག་གནས། །འདོད་ཆགས་གཏུམ་མོའི་གཟུགས་བསྒོམས་ན། །བདག་ལ་དངོས་གྲུབ་རྣམ་ཀུན་དུ། །དེ་ཉིད་གསུམ་རིག་དུས་རིང་དུ། །འདི་ནི་གུས་པ་དང་བཅས་བསྒོམ། །ལས་ཀུན་ཡོངས་སུ་སྤང་བྱས་ནས། །བླ་མ་བསྟེན་པ་དེ་ཉིད་
མཆོག །ཇི་སྲིད་དངོས་གྲུབ་མ་ཐོབ་པར། །བདེ་བའི་སེམས་ཉིད་གཅིག་པུས་གནས། །གང་ཚེ་རྣལ་འབྱོར་དངོས་གྲུབ་ཐོབ། །སྡིག་པ་དང་བྲལ་དྲི་མེད་འགྱུར། །རླུང་དང་སེམས་ཀྱི་འཛུམ་མདངས་ནི། །འཇིག་རྟེན་པ་ཡིས་མཐོང་བ་མེད། །
ཀུན་མཁྱེན་ཀུན་ལ་ཁྱབ་པའོ། །ཉོན་མོངས་ཀུན་ལས་རྣམ་པར་འདས། །དེ་ལ་ནད་དང་རྒས་པ་མེད། །དེ་ལ་འཆི་བ་ཡོད་མིན་ཏེ། །དེ་ལ་དུག་གིས་འདའ་བ་མེད། །ཆུས་མིན་མེས་ཀྱང་འཚིག་པ་མེད། །མཚོན་གྱིས་མ་ཡིན་དགྲ་ཡི་ནི། །
དབང་དུ་ནམ་ཡང་འགྲོ་བ་མིན། །ཡིད་ཀྱིས་བསམས་པ་ཙམ་གྱིས་ནི། །དགོས་འདོད་མ་ལུས་འབྱུང་བར་འགྱུར། །སྐད་ཅིག་དེ་ལ་འབད་མེད་པར། །ཡིད་བཞིན་ནོར་བུ་དང་མཚུངས་འགྱུར། །མ་ལུས་འཇིག་རྟེན་ཁམས་རྣམས་སུ། །གང་

87-1-300b

དང་གང་དུ་དེ་བཞིན་གཤེགས། །དེ་ནི་གཞལ་ཡས་མཁའ་འགྲོ་སྟེ། །དེར་ནི་འདོད་ཀུན་དེ་རྣམས་ཀྱིས། །གཟུགས་དང་ལང་ཚོས་རབ་བརྒྱན་པའི། །ལྷ་ཡི་བུ་མོ་དགའ་མས་དེར། །ཇི་སྙེད་མཐོ་རིས་སྐར་མ་རྣམས། །ཐེ་ཚོམ་མེད་པ་ཉིད་
དུ་འགྱུར། །ཚངས་དང་ཁྱབ་འཇུག་དབང་ཕྱུག་གང་། །བརྒྱ་བྱིན་ཡན་ལག་མེད་སོགས་གང་། །མངག་གཞུག་འགྱུར་ཞིང་འགྲོ་དྲུག་དུ། །གནས་པའི་སྲོག་ཆགས་ཀུན་ཀྱང་ངོ་། །རྣལ་འབྱོར་དངོས་གྲུབ་ཇི་ལྟ་བཞིན། །དེ་བཞིན་རྣལ་
འབྱོར་མས་ཀྱང་ངོ་། །སྐྱེས་བུ་རྡོ་རྗེ་འཛིན་པ་ལྟར། །བུད་མེད་རྡོ་རྗེ་བཙུན་མོའོ། །དེ་ནས་བཅོམ་ལྡན་འདས་མས་གསོལ་པ། བཅོམ་ལྡན་འདས་ལུས་འདི་ལ་ཐབས་དང་ཤེས་རབ་ཀྱི་སྦྱོར་བ་ལས་བདེ་བ་ཆེན་པོ་ཇི་ལྟར་སྐྱེ་བ་
ལགས། བཅོམ་ལྡན་འདས་ཀྱིས་བཀའ་སྩལ་པ། བརྐྱང་མ་ཤེས་རབ་རང་བཞིན་ཏེ། །གཡོན་པའི་རྩ་རུ་རབ་ཏུ་གྲགས། །རོ་མ་ཐབས་ཀྱི་རང་བཞིན་གྱིས། །གཡས་པ་ལ་ནི་ཡང་དག་གནས། །བརྐྱང་མ་རོ་མའི་དབུས་དག་ལ། །
ཀུན་དྷར་མར་ནི་རབ་ཏུ་གསུངས། །གང་ཚེ་ཨ་བ་དྷཱུ་ཏཱིར་རླུང་། །ཁུ་བ་དང་ནི་རོ་གཅིག་གྱུར། །རྡོ་རྗེས་མགོ་བོའི་མཚམས་སུ་འགྲོ། །བུད་མེད་བྷ་གའི་རན་ཏྲ་ལ། །ཐབས་དང་ཤེས་རབ་མཉམ་སྦྱོར་བས། །ལྟེ་བར་གནས་པའི་
ཙཎ་ཌ་ལི། །མར་མེ་ལྟར་འབར་དེ་ཡིས་ནི། །ཞུ་བའི་ཁུ་བ་མཆོག་ལ་ནི། །དེ་ལས་སྐྱེས་པའི་བདེ་བ་ལ། །ཅུང་ཟད་ཅུང་ཟད་རབ་སྦྱོར་ལས། །དེ་ཡང་ཆེན་པོ་ཆེར་སྦྱོར་ལས། །དེ་ཡང་དངོས་པོའི་རང་བཞིན་ལས། །གང་གིས་
དེ་ཡི་བདེ་བ་འཕེལ། །རྟག་ཏུ་གོམས་པའི་སྦྱོར་བ་ལས། །དེ་ནི་སྐྱེ་བ་འདི་ཉིད་ལ། །དཔལ་ལྡན་གཏུམ་པོ་ཉིད་དུ་འགྱུར། །ཞེས་པ་ནི་དཔའ་བོ་གཅིག་པ་ཉིད་དུ་གསུངས་པའི་དཔལ་ཁྲོ་བོ་གཏུམ་པོའི་རྒྱུད་ལ། 
བསམ་གཏན་གྱི་རིམ་པར་ཕྱེ་བ་སྟེ་དགུ་པའོ།། །། དེ་ནས་བཅོམ་ལྡན་འདས་མས་གསོལ་པ། ཅི་སྟེ་བཅོམ་ལྡན་སྒྲུབ་པ་པོས། །ཁྲོ་ཆེན་གཏུམ་པོའི་གོ་འཕང་ནི། །བུད་མེད་དང་བྲལ་བསྒྲུབ་ནུས་སམ། །

87-1-301a

འོན་ཏེ་བསྒྲུབ་པར་ནུས་མ་ཡིན། །བཅོམ་ལྡན་འདས་ཀྱིས་བཀའ་སྩལ་པ། ལྷ་མོ་བསྒྲུབ་པར་ནུས་པ་མ་ཡིན་ནོ། །བཅོམ་ལྡན་འདས་མས་གསོལ་པ། བཅོམ་ལྡན་འདས་ཅིའི་ཕྱིར་ན་བདེ་བ་སྟེར་བ་མེད་པར་མི་
ནུས། བཅོམ་ལྡན་འདས་ཀྱིས་བཀའ་སྩལ་པ། ཨེ་མ་བདེ་བ་སྐྱེས་ཙམ་གྱིས། །བྱང་ཆུབ་མཆོག་ནི་ཐོབ་བྱེད་པའི། །བདེ་བ་ཁྱད་འཕགས་འབྱུང་བ་ལས། །དེ་ཉིད་འཐོབ་ཀྱིས་དེ་གཞན་མིན། །དེ་མེད་དེ་ཡི་བྱ་བ་ཡང་། །
དེ་ཉིད་མེད་པར་སྐྱེ་མ་ཡིན། །བྱེད་པོ་བུད་མེད་དང་སྦྱོར་ལས། །གཞན་དུ་ནམ་ཡང་མ་ཡིན་ནོ། །སྒྱུ་མའི་དེ་ཉིད་ཐམས་ཅད་ལ། །བུད་མེད་སྒྱུ་མའི་དེ་ཉིད་བསྔགས། །དེ་ཡི་དེ་ཉིད་ལས་འདས་གང་། །དེ་ལས་དངོས་གྲུབ་ལྷག་
འབྱུང་མེད། །དེ་ཕྱིར་བུད་མེད་དང་བྲལ་འདི། །ནམ་ཡང་བྱ་བ་མ་ཡིན་ནོ། །དེ་ཉིད་གལ་ཏེ་སྡུག་བསྔལ་གྱུར། །འཆི་དང་འཆིང་བའི་འཇིགས་པ་ཡང་། །དེ་རྣམས་ཐམས་ཅད་བཟོད་བྱ་ཡིས། །འདིར་ནི་བུད་མེད་སྤང་མི་བྱ། །གང་
ཕྱིར་བུད་མེད་བདེ་དེ་ཉིད། །ཀུན་ནས་སངས་རྒྱས་སྟེར་བ་པོ། །གཡོ་དང་སྤོབས་ཅན་འཚོར་ངོ་བྲལ། །རྟག་ཏུ་འདོད་པའི་དཔུང་གཉེན་ནོ། །དངོས་གྲུབ་སྟེར་བ་འདི་ཉིད་ནི། །དངོས་པོ་ཀུན་གྱིས་བསྟེན་པར་བྱ། །བུད་མེད་ཚུལ་
ནི་གཅིག་བརྗོད་པ། །དགའ་བའི་ཕྱིར་ནི་འཆི་བའང་མེད། །བདག་པོ་དང་ནི་བྲལ་གྱུར་ན། །འདོད་པ་མཆོག་ནི་ཅི་ཞིག་སྨྲ། །དེ་ཕྱིར་ཀུན་གྱིས་བུད་མེད་ལྷར། །རྣམ་པ་ཀུན་དུ་རབ་ཏུ་བརྟག །ཤིང་དང་རྡོ་ལ་སོགས་རྣམས་
ཀྱང་། །ཡིད་ཀྱིས་ཡོངས་སུ་བརྟག་པའང་བྱ། །སྐྱེས་པ་བུད་མེད་ལྷ་མོ་དང་། །བུད་མེད་ཀྱི་ནི་སྐྱེས་པ་ལྷ། །རྡོ་རྗེ་པད་མ་རབ་སྦྱོར་བས། །ཕན་ཚུན་དུ་ནི་མཆོད་པར་བྱ། །མཆོད་པར་བྱ་བ་གཞན་དུ་མིན། །རང་ཉིད་བྱིན་
གྱིས་བརླབ་པའང་དེ། །དེ་ཕྱིར་རྣལ་འབྱོར་བརྩེ་ལྡན་པས། །དཀྱིལ་འཁོར་མདུན་དུ་བྱས་ནས་ནི། །དེ་ལ་ཉེ་ཞུགས་བུད་མེད་ནི། །ཤེས་རབ་ཕར་ཕྱིན་རྣམ་པ་ལ། །རྟག་ཏུ་མེ་ཏོག་གིས་མཆོད་ཅིང་། །དེ་བཞིན་སྤོས་

87-1-301b

དང་མར་མེ་སོགས། །དཀྱིལ་འཁོར་ལྔ་ནི་རབ་སྦྱོར་བས། །ཕྱི་ནས་ཕྱག་ནི་བཙལ་བར་བྱ། །དེ་ནས་གཡས་སུ་བསྐོར་བ་བྱ། །གཏུམ་མོ་ལ་ནི་མཆོད་པར་བྱ། །གུས་པ་དང་བཅས་སེམས་ཀྱིས་ནི། །དེ་བཞིན་སྐྱེས་བུས་
བུད་མེད་མཆོད། །དེ་ཉིད་མཆོད་པའི་ཆོ་ག་ནི། །རྒྱལ་བས་ཕན་ཚུན་བྱ་བར་གསུངས། །བུད་མེད་སད་པར་ཡོང་མི་བྱ། །དེ་ཉིད་འདོད་པའང་སྤང་མི་བྱ། །སྙན་པའི་ཚིག་གིས་སྨྲ་བྱ་ཞིང་། །རྗེས་སུ་འཐུན་པར་སྦྱིན་པར་བྱ། །དངོས་པོ་
ཀུན་གྱིས་ཕྱག་བྱས་ཏེ། །ཇི་བཞིན་གདུག་ཅན་ཤེས་མི་བྱ། །གང་དུའང་བུད་མེད་མི་སྤོང་བ། །འདི་ནི་སངས་རྒྱས་གསུང་དུ་ཐོས། །གང་དུ་ཁྱོད་ཀྱིས་གཞན་བྱས་ནས། །དེ་ཡི་སྡིག་པས་དམྱལ་བར་འགྱུར། །བུད་མེད་དང་བྲལ་ཅི་
བྱས་ཀྱང་། །གཞན་དུ་འཆི་འགྱུར་དངོས་གྲུབ་མིན། །ཁྲོ་བོ་གཏུམ་པོའི་བསྒྲུབ་ཐབས་ནི། །དཀའ་ཐུབ་ཀྱིས་ནི་འགྲུབ་མི་འགྱུར། །ཡིད་ནི་དྲི་མེད་མ་བྱས་པར། །འབྲས་མེད་གཏི་མུག་དྲ་བས་བཅིངས། །འདོད་ལྡན་འདོད་པ་སྤོང་བྱེད་
པ། །བརྫུན་གྱིས་འཚོ་བ་སྐྱེ་འགྱུར་ཏེ། །རྫུན་གྱིས་གང་འཚོ་སྡིག་པ་སྟེ། །སྡིག་པས་དམྱལ་བར་འགྲོ་བར་འགྱུར། །འཆི་བའི་དུས་ནི་ཐོབ་པ་ན། །བརྫུན་གྱིས་འཚོ་བར་ཐེ་ཚོམ་མེད། །དེ་ཕྱིར་བསྒྲུབ་བྱ་བསྒྲུབ་པར་བྱ། །རྒྱལ་
བའི་བདག་ཉིད་འདོད་པས་སོ། །འདོད་ཡོན་ལྔ་པོ་དེ་སྤངས་ནས། །བདག་ཉིད་དཀའ་ཐུབ་གདུང་མི་བྱ། །གཟུགས་རྙེད་པ་ནི་ལྟ་བྱ་ཞིང་། །སྒྲ་ཡང་དེ་བཞིན་མཉན་པར་བྱ། །དྲི་ནི་མནམ་པར་བྱ་བ་སྟེ། །རོ་ཡི་མཆོག་ནི་བཟའ་
བར་བྱ། །རེག་བྱ་རེག་པར་བྱ་བ་སྟེ། །འདོད་པ་ལྔ་པོ་བསྟེན་པར་བྱ། །ཁྲོ་བོ་གཏུམ་པོ་དེ་མཆོག་ནི། །མྱུར་དུ་སངས་རྒྱས་མཆོག་འགྱུར་རོ། །གཞན་ལ་སླུ་བ་མེད་གྱུར་ཅིང་། །གཏི་མུག་མཆོག་ཏུ་མེད་པར་བྱ། །མི་ཡི་
ལང་ཚོ་ཐོབ་པ་ལ། །མི་མོའི་བདེ་བ་མི་སྤྱོད་ན། །ཆེན་པོ་མཆོག་ཏུ་ཟད་བྱས་ན། །ལྟ་བའང་འབྲས་བུ་མེད་པར་བྱས། །འདོད་ཅན་མ་རྟག་བསྟེན་བྱས་ན། །འདོད་པ་ཙམ་གྱི་དཔུང་གཉེན་གྱིས། །གཙུན་མོའི་སྐྱེ་གནས་ཡང་དག་

87-1-302a

བསྟེན། །ཁྲོ་བོ་གཏུམ་པོའི་གོ་འཕང་མཐོང་། །གཉིད་ནི་ཇི་ལྟར་སྤང་བར་བྱ། །བཟའ་བ་དང་ནི་དགོད་པ་ཉིད། །འཇིག་རྟེན་མ་དད་སྤང་བའི་ཕྱིར། །ལྷ་མོ་སྒྱུ་འཕྲུལ་སྲས་མཁས་པས། །ཕོ་བྲང་འཁོར་གྱི་བཙུན་མོ་
ནི། །སྟོང་ཕྲག་བརྒྱད་ཁྲི་སྤངས་ནས་སླར། །ནཻ་རཎ་ཛ་ནཱའི་འགྲམ་གཤེགས་ནས། །སངས་རྒྱས་དངོས་གྲུབ་རབ་གསུངས་དང་། །གང་དུ་བདུད་ནི་འདུལ་མཛད་པ། །དེ་ཉིད་གཞན་དོན་ཁོ་ན་ཡིན། །གང་ཕྱིར་བཙུན་མོའི་ནང་སངས་
རྒྱས། །གོ་པ་དང་བཅས་བདེ་ལྡན་གྲུབ། །རྡོ་རྗེ་པད་མ་མཉམ་སྦྱོར་བས། །གང་ཕྱིར་བདེ་བ་ལས་ཐོབ་བོ། །བདེ་བ་ལས་ཐོབ་སངས་རྒྱས་ནི། །བདེ་བ་བུད་མེད་དང་བྲལ་མིན། །གང་དུ་སྦྱོར་བྲལ་བྱ་བ་ནི། །འཇིག་རྟེན་ཉམས་པ་
སྤང་ཕྱིར་རོ། །འཇིག་རྟེན་གང་གིས་འདུལ་བ་ན། །དེ་དང་དེ་ཡི་སངས་རྒྱས་འགྱུར། །རྒྱལ་བའི་སྒྱུ་མའི་གར་ཉིད་ཀྱིས། །དེ་དང་དེ་ཉིད་ཚུལ་གྱིས་སོ། །མདོ་སྡེ་ཆོས་མངོན་ཐམས་ཅད་ནས། །བུད་མེད་རྣམས་ནི་སྨོད་མཛད་པ། །
སྣ་ཚོགས་སློབ་མའི་སྣོད་ཕྱིར་བཤད། །དེ་ཁོ་ན་ཉིད་སྦས་ནས་གསུངས། །ཕུང་པོ་ལྔ་དང་རྣམ་བྲལ་བའི། །མྱ་ངན་འདས་པ་ལྟ་བར་བྱ། །དེ་ནས་བཅོམ་ལྡན་འདས་མ་ཤེས་རབ་ཀྱི་ཕ་རོལ་དུ་ཕྱིན་མས་གསོལ་པ། བཅོམ་ལྡན་འདས་
ལྷ་མོ་སྒྱུ་འཕྲུལ་གྱི་སྲས་གང་ལགས། གོ་པ་ཡང་གང་ལགས། བཅོམ་ལྡན་འདས་ཀྱིས་བཀའ་སྩལ་པ། ལྷ་མོ་སྒྱུ་འཕྲུལ་སྲས་ཉིད་ཀྱང་། །ཁྲོ་བོ་གཏུམ་པོ་བདག་ཉིད་ཡིན། །ས་འཚོ་ཁྱོད་ཉིད་བཅོམ་ལྡན་འདས། །ཤེས་
རབ་ཕར་ཕྱིན་བདག་ཉིད་མ། །ཇི་སྙེད་པ་ཡི་བུད་མེད་ཀུན། །ཁྱོད་ཀྱི་ཚིག་ཉིད་འདིར་འདོད་དོ། །སྐྱེས་བུ་བདག་གི་གཟུགས་དེ་ཉིད། །དེ་བཞིན་ཀུན་དུ་ཡོངས་སུ་གྲགས། །འདི་ནི་རང་བཞིན་གཉིས་ཡིན་ཏེ། །འགྲོ་བ་ཐབས་
ཤེས་བདག་ཉིད་དོ། །དེ་ནས་བཅོམ་ལྡན་འདས་མས་གསོལ་པ། བཅོམ་ལྡན་འདས་ཅིའི་ཕྱིར་ཉན་ཐོས་ལ་སོགས་པ་རྣམས་བུད་མེད་སུན་འབྱིན་པར་བྱེད། བཅོམ་ལྡན་འདས་ཀྱིས་བཀའ་སྩལ་པ། གང་ཞིག་འདོད་པའི་

87-1-302b

ཁམས་གནས་པའི། །ཉན་ཐོས་ལ་སོགས་གྲགས་ཀུན་གྱིས། །བུད་མེད་ལ་ལྟོས་ཀུན་སྟེར་བའི། །ཐར་པའི་ལམ་ནི་མི་ཤེས་སོ། །གང་ན་ཉེ་བར་གནས་གྱུར་པའི། །གུར་གུམ་ལ་སོགས་རྙེད་སླ་ན། །དེ་ལ་རིན་ནི་ཐོབ་
མི་འགྱུར། །གང་དུ་རིང་ནས་རིན་ཆེན་ཉིད། །ཐོག་མེད་མི་ཤེས་སྦྱོར་བ་ཡིས། །དད་པ་དམན་པའི་སྐྱེ་བོ་འདི། །དེ་ཉིད་ལ་ནི་སེམས་མི་འཇུག །བདག་གིའང་འདི་ནི་རབ་ཏུ་སྦས། །རྩོད་པའི་དུས་ལ་དེ་ཉིད་འདི། །
སེམས་ཅན་རེ་རེར་བགྲངས་པ་ཡི། །བྱེ་བའི་ནང་ན་འགའ་ཞིག་ཀྱང་། །དད་དང་བརྩོན་པའི་དཔུང་གཉེན་ཅན། །ཀུན་ནས་དེ་ཕྱིར་གསུངས་པ་ནི། །བྱང་ཆུབ་མྱུར་དུ་རབ་བསྒྲུབ་ཕྱིར། །ཞེས་པ་ནི་དཔའ་བོ་གཅིག་
པ་ཉིད་དུ་གསུངས་པའི་དཔལ་ཁྲོ་བོ་གཏུམ་པོ་ཆེན་པོའི་རྒྱུད་ལ་མི་མོ་རབ་ཏུ་བསྔགས་པའི་རིམ་པར་ཕྱེ་བ་སྟེ་བཅུ་པའོ།། །། དེ་ནས་བཅོམ་ལྡན་འདས་མས་གསོལ་པ། བཅོམ་ལྡན་འདས་ཁྱོད་ཅི་
སྟེ་ཆགས་པ་དང་བཅས་པའམ། ཆགས་པ་དང་བྲལ་བ་ལགས། བཅོམ་ལྡན་འདས་ཀྱིས་བཀའ་སྩལ་པ། བདག་ནི་ཀུན་ཏེ་ཀུན་ལའང་ཁྱབ། །ཀུན་བྱེད་ཀུན་གྱི་འཇིག་པ་པོ། །ཀུན་གྱི་གཟུགས་འཛིན་སངས་རྒྱས་ཏེ། །བྱེད་
པོ་འཇོམས་པོ་ཁྱབ་བདག་བདེ། །གང་དང་གང་གི་གཟུགས་ཀྱིས་ནི། །སེམས་ཅན་འདུལ་བྱར་འདི་ཉིད་འཇུག །དེ་དང་དེ་ཉིད་ཚུལ་གྱིས་ནི། །འཇིག་རྟེན་དོན་རྒྱུར་བདག་གནས་སོ། །འགའ་ཞིག་
སངས་རྒྱས་གྲུབ་ཐོབ་འགའ། །ལ་ལར་ཆོས་དང་དགེ་འདུན་ནོ། །ལ་ལར་ཡི་དགས་ལ་ལར་ཕྱུགས། །ལ་ལར་དམྱལ་བའི་གཟུགས་ཅན་ནོ། །ལ་ལར་ལྷ་དང་ལྷ་མ་ཡིན། །ལ་ལར་མི་ཡི་
གཟུགས་ཅན་ནོ། །ལ་ལར་བརྟན་པའི་གཟུགས་ཅན་པ། །སྣ་ཚོགས་གཟུགས་ཅན་ཐེ་ཚོམ་མེད། །བདག་ནི་སྐྱེས་པ་བུད་མེད་དང་། །མ་ནིང་གཟུགས་སུའང་ལ་ལར་རོ། །ལ་ལར་ཆགས་ཅན་ལ་ལར་སྡང་། །
87-1-303a

ལ་ལར་རྨོངས་ཤིང་ལ་ལར་གཙང་། །ལ་ལར་མི་གཙང་གཟུགས་སུ་ང་། །སེམས་ཀྱི་གཟུགས་ཀྱིས་བདག་གནས་སོ། །བདག་ནི་སེམས་སུ་བལྟ་བར་བྱ། །གཞན་དུ་ཅུང་ཟད་ཡོད་མིན་ཏེ། །དངོས་པོ་
དངོས་མེད་རབ་དབྱེ་ང་། །ང་ནི་བསྐྱེད་བྱ་སྐྱེ་བྱེད་ང་། །བདག་ནི་བགེགས་དང་གྲུབ་པ་ང་། །ཀུན་གྱི་གཟུགས་ཀྱིས་ཡང་དག་གནས། །ང་ནི་སྐྱེ་དང་འཆི་བའང་ང་། །ང་ནི་ནད་དང་རྒས་པའང་ང་། །ང་ནི་བསོད་
ནམས་སྡིག་པའང་ང་། །དེ་ཡི་ལས་ཀྱི་འབྲས་ཉིད་ང་། །འགྲོ་ཀུན་རང་བཞིན་སངས་རྒྱས་ཉིད། །ཀུན་དུ་བདག་གི་གཟུགས་ཉིད་འདི། །རྣལ་འབྱོར་དེ་ཉིད་སེམས་དཔའ་པོས། །རོ་མཉམ་རྣམ་པར་ཤེས་པར་བྱ། །
དེ་ནས་བཅོམ་ལྡན་འདས་མས་གསོལ་པ། བཅོམ་ལྡན་འདས་ཅི་སྟེ་ཁྱོད་ཀྱི་གཟུགས་ཉིད་འདི་ལྟ་བུ་ཡིན་ནམ། བཅོམ་ལྡན་འདས་ཀྱིས་བཀའ་སྩལ་པ། ཇི་ལྟར་ཁྱོད་ཀྱི་གཟུགས་ཉིད་ཀྱང་། །རྣམ་པ་དེ་ལྟར་ཀུན་
ནས་གསུངས། །བརྟན་དང་གཡོ་བའི་འགྲོ་ཀུན་ལ། །འདིར་ནི་ཁྱོད་ཀྱིས་ཁྱབ་པ་པོ། །ཞེས་པ་ནི་དཔའ་བོ་གཅིག་པ་ཉིད་དུ་གསུངས་པའི་དཔལ་ཁྲོ་བོ་གཏུམ་པོ་ཆེན་པོའི་རྒྱུད་ལས་སྣ་ཚོགས་པའི་རིམ་པར་ཕྱེ་བ་
སྟེ།  བཅུ་གཅིག་པའོ།། །། དེ་ནས་བཅོམ་ལྡན་འདས་མས་གསོལ་པ། སྔགས་རྣམས་ཀྱི་ནི་སྒྲུབ་པའི་ཐབས། །ཞི་དང་རྒྱས་པ་དེ་ཉིད་གསུངས། །དབང་དང་དགུག་པའི་རབ་སྦྱོར་དང་། །གསད་དང་
བསྐྲད་པ་ལ་སོགས་དང་། །དུག་སེལ་བ་དང་ནད་ཞི་དང་། །མེ་དང་རལ་གྲི་སོགས་རེངས་དང་། །གཡུལ་དུ་རྣམ་པར་རྒྱལ་བ་དང་། །མཁས་པ་ཡི་ནི་མཆོག་ཉིད་དང་། །གནོད་སྦྱིན་མོ་སྒྲུབ་བྲན་དང་ནི། །ཕོ་ཉ་འབྱུང་
སོགས་སྒྲུབ་ཐབས་དང་། །དཔག་མེད་རྣམ་ཤེས་ནུས་པ་རྣམས། །བདག་ལ་ངེས་པར་གཙོ་བོས་གསུངས། དེ་ནས་བཅོམ་ལྡན་འདས་ཀྱིས་བཀའ་སྩལ་པ། ཀྱཻ་ཁྱོད་ལ་མཆོག་ཅི་ཞིག་སྦྱིན་པར་བྱ། །ཞེས་པ་

87-1-303b

དང་སྒྲུབ་པ་པོས་སྨྲ་བར་བྱ་སྟེ། སངས་རྒྱས་ཉིད་སྩོལ་ཅིག་ཅེས་སོ། །དེ་ནས་བཅོམ་ལྡན་འདས་དེའི་ལུས་ལ་རབ་ཏུ་ཞུགས་སོ། །རབ་ཏུ་ཞུགས་པ་ཙམ་གྱིས། ལོ་བརྒྱད་གཉིས་ཀྱི་རྣམ་པ་ཅན། མངོན་པར་
ཤེས་པ་དྲུག་པ། ས་བཅུ་གསུམ་གྱི་དབང་ཕྱུག །ལྷའི་གཞལ་ཡས་ཁང་ན་སྤྱོད་པ་ཅན་གྱི་ལྷའི་བུ་མོའི་ཚོགས་བརྒྱ་སྟོང་གིས་བརྒྱན་པ། འདོད་པའི་གཟུགས་ཅན་ཐམས་ཅད་མཁྱེན་པ། བཅོམ་ལྡན་
འདས་ཇི་ལྟ་བ་བཞིན་དུ་གྱུར་ཏོ། །ཡང་ན་རལ་གྲི་དང་། མིག་སྨན་དང་། རི་ལུ་དང་། རྐང་མགྱོགས་དང་། རྐང་པའི་བྱུག་པ་དང་། རྒྱལ་སྲིད་དང་། འདོད་པ་ལ་ལོངས་སྤྱོད་པའི་དབང་ཕྱུག་དང་། རིག་པ་དང་། 
ནོར་ཅན་དང་། རིག་པ་ལ་མཁས་པ་དང་། གནོད་སྦྱིན་དང་། གནོད་སྦྱིན་མོ་དང་། བཅུད་ལེན་དང་། རེག་རྡོ་དང་། ཁམས་སྨྲ་བ་ཇི་ལྟར་མངོན་པར་འདོད་པ་བཞིན་ཞུ་བར་བྱ་སྟེ། དེ་ཐམས་ཅད་བཅོམ་ལྡན་
འདས་ཀྱིས་སྟེར་བར་བྱེད་དོ། །ཡང་ན་དཔའ་བོ་གཅིག་པའི་རས་རིས་བྲིས་ལ་སྔོན་མ་བཞིན་དུ་བསྒྲུབ་པར་བྱའོ། །དེ་ལ་དཔའ་བོ་གཅིག་པའི་རི་མོ་ནི་མི་གཡོ་བ་ནག་པོ་ལ་ཞེ་སྡང་རྡོ་རྗེ་མས་འཁྱུད་པའོ། །མི་
གཡོ་བ་དཀར་པོ་ལ་གཏི་མུག་རྡོ་རྗེ་མས་སོ། །མི་གཡོ་བ་སེར་པོ་ལ་ཕྲ་མ་རྡོ་རྗེ་མས་སོ། །མི་གཡོ་བ་དམར་པོ་ལ་འདོད་ཆགས་རྡོ་རྗེ་མས་སོ། །མི་གཡོ་བ་ལྗང་ཁུ་ལ་ཕྲག་དོག་རྡོ་རྗེ་མས་འཁྱུད་པ་བྲི་བར་བྱའོ། །
ཡང་ན་ཤེས་རབ་དང་བྲལ་བའི་བཅོམ་ལྡན་འདས་གཅིག་བུ་བྲི་བར་བྱའོ། །ཡང་ན་རི་མོ་ལ་བཅོམ་ལྡན་འདས་མ་ལྔ་པོ་རྣམས་ཀྱི་དབུས་ན་གཅིག་ཏུ་བྱས་ལ། དེར་བདག་ཉིད་དེའི་བདག་པོའི་གཟུགས་སུ་
བསམས་ནས་སྔོན་བཞིན་དུ་སྒྲུབ་པར་བྱའོ། །ཡང་ན་རང་གི་བུད་མེད་ལ་མོའི་གཟུགས་སུ་བསམས་ནས་བསྒྲུབ་པར་བྱའོ། །གྲུབ་པར་གྱུར་ན། སངས་རྒྱས་ཉིད་ཀྱང་སྟེར་བར་བྱེད་ན་དངོས་གྲུབ་གཞན་

87-1-304a

སྨོས་ཅི་དགོས་ཡང་ན་ཞབས་གཡོན་བརྐྱང་བ་རལ་གྲི་དང་ཞགས་པ་བསྣམས་པས་བསྒྲུབ་པར་བྱའོ། །ཡང་ན་སེམས་དཔའི་དཀྱིལ་དཀྲུང་ཅན་རལ་གྲི་དང་ཞགས་པ་ཕྱག་ན་བསྣམས་པ། རང་
འོད་ཀྱི་ཤེས་རབ་མ་ལ་རོལ་པས་བསྒྲུབ་པར་བྱ་སྟེ། ལྷན་ཅིག་པའི་ཁྲོ་བོ་གཏུམ་པོ་ཆེན་པོ་སྔོན་བཞིན་དུ་འགྲུབ་བོ། །འདི་ཉིད་བཅོམ་ལྡན་འདས་ཀྱི་རི་མོའི་དངོས་གྲུབ་བོ། །ཡང་ན་སྐུ་གཟུགས་ཀྱི་སྒྲུབ་ཐབས་
ཀྱིས་ཀྱང་འདི་ཉིད་བསྒྲུབ་པར་བྱའོ། །དེ་ནས་རལ་གྲིའི་སྒྲུབས་ཐབས་ནི་ཡིད་ཀྱིས་དེའི་ཚེ་མེ་ཏོག་ཛཱ་ཏི་དང་། ལྕགས་ཀྱི་རང་བཞིན་དང་། ཤིང་གི་སྙིང་པོའི་རང་བཞིན་ལས་སམ། ཇི་ལྟར་མངོན་པར་འདོད་པ་བྱས་ནས་
བའི་རྣམ་པ་ལྔ་རབ་ཏུ་བཀྲུས་ཏེ། དྲི་ཐམས་ཅད་ཀྱིས་བྱུགས་ནས་ཡང་དག་པར་བརྩམས་ཏེ། སྔོན་བཞིན་དུ་ལག་པ་གཉིས་ཀྱིས་ཡོངས་སུ་བཟུང་ནས། ཐུན་མཚམས་གསུམ་དང་ཟླ་བ་གཅིག་ཏུ་བཟླས་པར་
བྱའོ། །ཟླ་བའི་མཐར་མཆོད་པ་ཆེན་པོ་བྱས་ནས་མཚན་མོ་རིལ་པོ་བཟླས་པ་བྱའོ། །ཐོ་རངས་རལ་གྲི་འབར་བར་འགྱུར་ཏེ། རལ་གྲིའི་རིག་པ་འཛིན་པར་འགྱུར་ཏེ། ལོ་བརྒྱད་གཉིས་ཀྱི་རྣམ་པ་ཅན་སྐྲ་
འཁྱིལ་པ་འདི་ནི། སྙིང་པོ་འདོད་ཡོན་ལྔས་རྣམ་པར་རོལ་པར་བྱེད་དོ། །དེ་བཞིན་དུ་འཁོར་ལོ་དང་རྩེ་གསུམ་ལ་སོགས་པ་རྣམས་སྒྲུབ་པར་བྱའོ། །དེ་བཞིན་དུ་ཟངས་ལ་སོགས་པའི་རང་བཞིན་གྱི་ཞགས་པ་
བསྒྲུབ་པར་བྱའོ། །དེ་བཞིན་དུ་བུམ་པ་དང་། མཆིལ་ལྷམ་དང་། མཆོད་ཕྱིར་ཐོགས་དང་། གོས་དང་། གདུགས་དང་། ཤེས་རབ་ཀྱི་ཕ་རོལ་དུ་ཕྱིན་མའི་པོ་ཏི་དང་། རྒྱུད་ཀྱི་པོ་ཏི་ལ་སོགས་པ་བསྒྲུབ་
པར་བྱའོ། །དེ་བཞིན་དུ་རྔ་པ་ཊ་ཧ་དང་། རྔ་བོ་ཆེ་དང་། པི་ཝང་ལ་སོགས་པ་བསྒྲུབ་པར་བྱའོ། །དེ་བཞིན་དུ་གསེར་གྱི་རང་བཞིན་ལས། གནོད་སྦྱིན་ཛམ་བྷ་ལ་དང་། ནོར་བུ་བཟང་པོ་དང་། གང་བ་བཟང་པོ་

87-1-304b

དང་། པི་ཙི་ཀུཎ་ཌ་ལི་ལ་སོགས་པ་བསྒྲུབ་པར་བྱའོ། །ཐམས་ཅད་མཁྱེན་པ་སྒྲུབ་པར་བྱེད་དོ། །དེ་བཞིན་དུ་སྨྱུག་མའི་རང་བཞིན་ལས་དྲི་བཟངས་བསྒྲུབ་པར་བྱའོ། །གྲོག་མཁར་གྱི་སའི་རང་བཞིན་ལས་ནམ་མཁའ་ལྡིང་ངོ་། །
ཐང་ཤིང་གི་རང་བཞིན་ལས་ལྷ་རྣམས་ཏེ། ཚངས་པ་དང་། ཁྱབ་འཇུག་དང་། དབང་ཕྱུག་ཆེན་པོ་དང་། དབང་པོ་དང་། འདོད་ལྷ་ལ་སོགས་པ་རྣམས་སོ། །དུར་ཁྲོད་ཀྱི་སོལ་བས་སྲིན་པོ་བྲི་བར་བྱའོ། །ག་ཌའི་ཉ་ཚིག་པས་
ཡི་དགས་བྲི་བར་བྱའོ། །སྤྲ་ཚིལ་གྱིས་མིའོ། །གླང་པོ་ཆེའི་རང་བཞིན་ལས་ཚོགས་བདག་གོ། །ཤཱ་ཁོ་ཊའི་ཤིང་གི་རང་བཞིན་ལས་པི་ལུ་སོགས་པའི་ཤ་ཟའོ། །པྲ་བཱ་ལའི་ཉ་ལས་གཽ་རཱི་ཙཽ་རཱི་ལ་སོགས་པ་བྲི་བར་བྱའོ། །མིའི་
རུས་པའི་རང་བཞིན་ལས་རཱ་མ་དེ་བ་དང་། འདོད་པའི་ལྷ་ལ་སོགས་པའི་རོ་ལངས་སོ། །ནཱ་ག་གེ་ཤར་གྱི་ཤིང་གི་རང་བཞིན་ལས་ནོར་རྒྱས་ལ་སོགས་པའི་ཀླུ་དང་། ཀླུ་མོ་རྣམས་སོ་མྱ་ངན་མེད་པའི་ཤིང་གི་རང་བཞིན་ལས་འཕྲོག་
མ་དང་། ལྷ་མོ་སུན་དྷ་རི་དང་། གར་མ་དང་། དགའ་མ་དང་། ཡིད་འོང་མ་དང་། ཤྱ་མ་ནུ་ཌི་དང་། པད་མ་ཅན་དང་། རྗེས་སུ་ཆགས་མ་དང་། ཟླ་འོད་མ་དང་། ཚངས་པའི་བུ་མོ་དང་། འདོད་པའི་དབང་ཕྱུག་མ་དང་། མིའི་བུ་མོ་དང་། 
རེ་བ་ཏི་དང་། ལྟ་བྱེད་མ་དང་། ན་ར་དྷི་ར་ལ་སོགས་པའི་གནོད་སྦྱིན་མོ་རྣམས་བསྒྲུབ་པར་བྱའོ། །ནྱ་གྲོ་དྷའི་ཤིང་གི་རང་བཞིན་ལས་དཔལ་ལྷ་མོ་དང་། རྒྱལ་པོའོ། །ཐང་ཤིང་གི་རང་བཞིན་ལས། ཏིལ་མཆོག་མ་དང་། ཟླ་བའི་
ལྷ་མོ་དང་། གསེར་ཕྲེང་མ་དང་། ཀུཎ་ཌ་ལ་ཧ་རི་ཎཱི་དང་། རིན་ཆེན་ཕྲེང་བ་མ་དང་། རམ་བྷ་དང་། ཨུར་བཱ་ཤི་དང་། དཔལ་གྱིས་བརྒྱན་མ་དང་། དགའ་མ་དང་། དབང་མོ་ལ་སོགས་པ་སྟེ་ལྷའི་བུ་མོའི་ཚོགས་བསྒྲུབ་པར་བྱའོ། །དེ་བཞིན་དུ་ཉི་
མ་དང་། ཟླ་བ་དང་། བཀྲ་ཤིས་དང་། ལྷག་པ་དང་། ལྷའི་བླ་མ་དང་། པ་བ་སངས་དང་། སྤེན་པ་དང་། སྒྲ་གཅན་དང་། དུ་བ་དང་། གཟའ་དགུའོ། །དེ་བཞིན་དུ་འཇིག་རྟེན་དབང་ཕྱུག་དང་། ཕྱག་ན་རྡོ་རྗེ་དང་། འཇམ་དཔལ་ལ་སོགས་

87-1-305a

པ་བྱང་ཆུབ་སེམས་དཔའ་རྣམས་སོ། །དེ་བཞིན་དུ་རྣམ་པར་གཟིགས་དང་། གཙུག་ཏོར་ཅན་ཏེ་སངས་རྒྱས་རྣམས་བསྒྲུབ་པར་བྱའོ། །དེ་བཞིན་དུ་གཞན་གྱིས་མི་ཐུབ་པ་ལ་སོགས་པའི་འབྱུང་པོ་རྣམས་
སོ། །དེ་བཞིན་དུ་གཤིན་རྗེ་ལ་སོགས་པ་འཕགས་པའི་ཕོ་ཉ་རྣམས་སོ། །དེ་བཞིན་དུ་ཀཾ་ཀ་ལ་སོགས་པའི་བྲན་རྣམས་སོ། །དེ་བཞིན་དུ་སེམས་ཅན་ཐམས་ཅད་ཀྱི་ཕོ་མོ་རྣམས་བསྒྲུབ་པར་བྱའོ། །ཐམས་ཅད་བཀའ་སྒྲུབ་པ་
བྱེད་པ་པོར་འགྱུར་རོ། །གལ་ཏེ་ལན་ཅིག་གིས་གྲུབ་པར་མ་གྱུར་ན། དེ་ལ་ལན་གཉིས་པ་ཡང་བྱའོ། །དེའི་ཚེ་ཡང་མ་གྲུབ་ན་ལན་གསུམ་པ་ཡང་བརྩམ་པར་བྱའོ། །དེ་ལྟར་ན་ཡང་མི་དགེ་བ་ཆེན་པོའི་དབང་གིས་མ་གྲུབ་ན། 
དེའི་ཚེ་སྔོན་བཞིན་དུ་པུས་མོ་གཡོན་པའི་ཁར་རྐང་པ་གཡས་པས་ཀྱང་མནན་ནས། ཇི་སྲིད་མ་གྲུབ་པ་དེ་སྲིད་བཟླས་པ་བྱའོ། །དེ་ནས་ཚངས་པ་འཇོམས་པ་པོས་ཀྱང་འགྲུབ་བོ། །དེ་ལ་འདིར་ཁྲོ་བོ་གཏུམ་པོ་ཆེན་པོའི་
སྒྲུབ་ཐབས་ཀྱི་སྔགས་ཀྱི་ནང་དུ་བྱས་ནས། ཨོཾ་ཙཎྜ་མ་ཧཱ་རོ་ཥ་ཎ་ཨཱ་གཙྪ་ཨཱ་གཙྪ་ཧཱུྃ་ཕཊ། རལ་གྲི་ལ་སོགས་པ་སྒྲུབ་ན་ཆེ་གེ་མོ་སྒྲུབས་ཤིག་ཅེས་སྦྱར་བར་བྱའོ། །གང་གི་ཚེ་མནན་ནས། ཆེ་གེ་མོ་ལ་ཧ་ན་
ཧ་ན་ཞེས་སྦྱར་བར་བྱའོ། །དེ་ལྟར་ལན་ཅིག་བརྗོད་པས་མཚམས་མེད་པ་ལྔ་པོ་བྱེད་པས་ཀྱང་ཐམས་ཅད་སྲེག་པར་བྱེད་དོ། །སརྦ་པཱ་པ་མེ་ནཱ་ཤ་ཡ་ཏི་ཞེས་སྦྱར་བར་བྱའོ། །དེ་བཞིན་དུ་འཇིགས་པ་ཐམས་ཅད་ལ་བརྗོད་པ་
ཙམ་གྱིས་སྲུང་བར་བྱེད་དོ། །རཀྵ་རཀྵ་ཧྃ་ཞེས་བརྗོད་པར་བྱའོ། །དེ་ལྟ་བུས་ཐམས་ཅད་སྲིན་པོ་རྣམས་སྲེག་པར་བྱེད་དོ། །དེ་ནས་རབ་ཏུ་འབར་བཞིན་པའི་ལྕགས་སུ་བསམས་ནས། ཡུངས་ཀར་དང་སྲན་མ་
མུད་ག་དང་། མ་ཥ་ལ་བརྒྱ་རྩ་བརྒྱད་རང་གི་སྔགས་ཀྱིས་མངོན་པར་སྔགས་ནས་མཁའ་འགྲོ་མ་ལ་སོགས་པ་རྣམས་ལ་བྲབ་པར་བྱའོ། །ཐམས་ཅད་འབྲོས་པར་བྱེད་དོ། །བྲབ་པའི་དུས་སུ་ཊཱ་ཀི་ནྱཱ་དི་ཀ་མ་པ་ས་ར་ཡ་

87-1-305b

ཞེས་སྦྱར་བར་བྱའོ། །ཡང་ན་ཐོད་ལོ་ཀོར་གྱིས་ཁམ་ཕོར་སོ་མ་བཏང་བ་གཉིས་ལ། པདྨ་འདབ་མ་བརྒྱད་པའི་ནང་དུ་སྔགས་བྲིས་ནས་ཁ་སྦྱར་ཏེ། ཉ་རྒྱས་དཀྲིས་ནས་སྒོ་ལ་བཅང་བར་བྱའོ། །བྱིས་པ་རྣམས་ཀྱི་
སྲུང་བར་བྱེད་དོ། །རཀྵ་རཀྵ་བྷ་ལ་ཀ་ཞེས་སྦྱར་བར་བྱའོ། །སྤྲ་ཚིལ་ལས་བསྒྲུབ་བྱའི་གཟུགས་བརྙན་སོར་བཞི་པ་བྱས་ཏེ། གྲོ་ག་ལ་སྔགས་མངོན་པར་བྲིས་ནས་དེའི་སྙིང་ཀར་སྐེ་ཚེ་ལ་སོགས་པ་རབ་ཏུ་གཞུག་
པར་བྱའོ། །དེ་ནས་ཚེར་མའི་ཁ་ལ་ཕུར་བུས་གདབ་པར་བྱའོ། །ཕྱིར་རྒོལ་བའི་ཁ་ལ་ཕུར་བུས་གདབ་པར་བྱའོ།    །ཕྱིར་རྒོལ་བའི་ཁ་ལ་ཕུར་བུས་བཏབ་པར་འགྱུར་རོ། །ལྷ་སྦྱིན་གྱི་མུ་ཁཾ་ཀཱི་ལ་ཡ་ཞེས་སྦྱོར་བར་
བྱའོ། །ལམ་གྱི་བཞི་མདོར་བརྐོས་ནས་དེ་བཞིན་དུ་རྐང་པ་ལ་ཕུར་བུས་གདབ་པར་བྱའོ། །འགྲོ་བ་དང་འོང་བ་རེངས་པར་བྱེད་དོ། །ལྷ་སྦྱིན་གྱི་རྐང་པ་ལ་ཀཱི་ལ་ཡ་ཞེས་སྦྱར་བར་བྱའོ། །སྙིང་ལ་ཕུར་བུས་བཏབ་ན་ཁྲོས་
པ་རེངས་པར་འགྱུར་རོ། །ལྷ་སྦྱིན་གྱི་ཧྲྀ་ད་ཡཾ་ཀཱི་ལ་ཡ་ཞེས་སྦྱར་བར་བྱའོ། །མིའི་རུས་པའི་ཕུར་བུའམ་ལྕགས་ཀྱི་ཕུར་བུའམ། མཚོན་སྦལ་གྱི་ཚེར་མས་འགའ་ཞིག་གི་ཡན་ལག་ལ་ཕུར་བུས་བཏབ་ན་དེ་དང་དེའི་ཕུར་བུས་བཏབ་
པ་དེ་ཟུག་རྔུ་ཆེན་པོར་འགྱུར་རོ། །ལྷ་སྦྱིན་གྱི་ཡན་ལག་ཆེ་གེ་མོ་ལ་ཀཱི་ལ་ཡ་ཞེས་སྦྱར་བར་བྱའོ། །གང་གིས་ཁང་པའི་སྒོ་རུ་བརྐོས་ནས་སྦས་ན་དེ་སྐྲོད་པར་བྱེད་དོ། །ལྷ་སྦྱིན་བསྐྲད་པར་གྱིས་ཤིག་ཅེས་སྦྱར་བར་བྱའོ་དུར་ཁྲོད་ཀྱི་ཐལ་བ་ལ་
མངོན་པར་སྔགས་ནས་སྒོ་གླེགས་ལ་གཏོར་ན་སྐྲོད་པར་བྱེད་དོ། །ལྷ་སྦྱིན་ཨུཙྪཱ་ཊ་ཡ་ཞེས་སྦྱར་བར་བྱའོ། །གཟུགས་བརྙན་ལ་ཚེར་མས་བཏབ་ནས་བཟླས་པར་བྱའོ། །ལྷ་སྦྱིན་མཱ་ར་ཡ་ཞེས་སྦྱར་ན་འཆི་བར་བྱེད་དོ་རལ་གྲི་ལ་སོགས་པ་ལ་རང་གི་སྔགས་ཀྱིས་བརྒྱ་
རྩ་བརྒྱད་མངོན་པར་སྔགས་ནས་གཡུལ་དུ་འཇུག་པར་བྱས་ན་རྒྱལ་བར་འགྱུར་རོ། །གང་བྱ་བའི་ཕྱོགས་སུ་གཏོར་མ་བྱིན་པས་དེ་འགྲུབ་བོ་སྡིག་པའི་ནད་ལ་སོགས་པ་ལ།   རྨ་བྱའི་སྒྲོ་ལ་རང་གིས་བརྒྱ་རྩ་བརྒྱད་མངོན་པར་སྔགས་ནས་བྱབ་པར་བྱའོ། །ཆེ་གེ་མོའི་ཆེ་གེ་

87-1-306a

རོ་ག་ནཱ་ཤ་ཡ་ཞེས་སྦྱར་བར་བྱའོ། །ནད་ཐམས་ཅད་ཞི་བར་འགྱུར་རོ། །དེ་བཞིན་དུ་མཆེ་བའི་དུག་ལ་སྦྱར་བར་བྱ་སྟེ། ལག་པའི་མཐིལ་གཉིས་སུའོ། །ལྷ་སྦྱིན་གྱི་བི་ཥ་ནཱ་ཤ་ཡ་ཞེས་སྦྱར་བར་བྱའོ། །དུག་མེད་པར་
འགྱུར་རོ། །དེ་བཞིན་དུ་གང་གི་དབང་དུ་བྱ་བ་ལ་ནི་རང་གི་གནས་ནས་འོངས་ཏེ་གཅེར་བུ་སྐྲ་གྲོལ་བ་མདུན་དུ་བསམས་ཏེ་འགྱེལ་བར་བལྟས་ནས་བཟླས་པས་དབང་དུ་འགྱུར་རོ། །ཆེ་གེ་མོ་བདག་གི་བྲ་ཤ་མ་ན་ཡ་ཞེས་སྦྱར་བར་
བྱའོ། །དེ་བཞིན་དུ་སྔོན་མ་བཞིན་དུ་དགུག་པར་བསམས་ནས་བཟླས་པས་འགུགས་པར་བྱེད་དོ། །ཆེ་གེ་མོ་ཨ་ཀར་ཥ་ཡ་ཞེས་སྦྱར་བར་བྱའོ། །བདག་ཉིད་ཀྱི་ནོར་དང་འབྲུ་དང་གཏེར་ལ་སོགས་པ་ཡོངས་སུ་གང་བར་བསམས་
ནས་བཟླས་པར་བྱའོ། །བདག་ལ་པུཥྚིཾ་ཀུ་རུ་ཞེས་སྦྱར་བར་བྱའོ། །རྒྱས་པར་འགྱུར་རོ། །སྔགས་འདིས་གྲུ་གསུམ་གཉིས་ཁ་སྦྱར་ཏེ། དབུས་སུ་གོ་ལའི་འདབ་མ་ལ་ཚེར་མས་བྲིས་ཏེ། །ཕོ་བ་རིས་ལྔ་དང་བཅས་པའི་གོ་ལ་ཟོས་
ནས། རིམས་ཐམས་ཅད་འཇོམས་པར་བྱེད་དོ། །སརྦ་ཛྭ་རྃ་ནཱ་ཡ་ཞེས་སྦྱར་བར་བྱའོ། །ཟླ་བ་གཟས་བཟུང་བའམ། ཉི་མ་གཟས་གཟུང་བ་ལ། འོ་མའི་ཟན་ནམ་ཞོའི་ཟན་གྱིས་ལྷུང་བཟེད་བཀང་ནས། ཀ་ར་དང་མར་དང་
བཅས་པ། ཨ་ཤྭད་ཐའི་ལོ་མ་བདུན་གྱི་སྟེང་དུ་བཞག་ནས། ལོ་མ་བདུན་གྱིས་སྟེང་ནས་གཡོགས་ཏེ། ལག་པ་གཉིས་ཀྱིས་བརྟེན་ནས། ཇི་སྲིད་མ་གྲོལ་གྱི་བར་དེ་སྲིད་བཟླས་པར་བྱའོ། །དེ་ཟོས་པས་ལོ་ལྔ་བརྒྱ་ཐུབ་བོ། །
རིམ་པ་འདི་ཉིད་ཀྱིས་བ་བླའམ། གི་ཝང་ངམ། ལྡོང་རོས་སམ། སླང་དྲེག་ལ་བསྒྲུབ་པར་བྱའོ། །འབར་བར་གྱུར་ན་ཐིག་ལེ་འམ། །མིག་སྨན་གྱི་རིག་པ་འཛིན་པར་འགྱུར་རོ། །དུ་བ་བྱུང་ན་མི་སྣང་བར་འགྱུར་རོ། །དྲོ་བར་
གྱུར་ན་དབང་དུ་བྱེད་དོ། །ཡང་ན་ནཱ་ག་གེ་སར་གྱི་ཤ་ཛྭའི་ཤིང་གི་རང་བཞིན་ལ་ཀླུའི་རྒྱལ་པོ་མཐའ་ཡས་བྱའོ། །དེ་ཆུའི་ནང་དུ་ཁ་ཐུར་དུ་བསྟན་ནས། གདོང་ནམ་མཁར་བལྟས་ནས་བཟླས་པ་བྱའོ། །ཧ་ན་ཧ་ན་ཨ་ནན་ཏྃ་ཤཱི་གྷྲྃ་བཪྵ་

87-1-306b

པ་ཡ་ཞེས་སྦྱར་བར་བྱའོ། །ལྷ་ཡིས་ཆར་འབེབས་སོ། །དེ་ནས་མཐའ་ཡས་ཆུ་ནས་གཏོན་ཏེ། འོ་མ་ཡིས་ཁྲུས་བྱས་ནས་གཤེགས་སུ་གསོལ་བར་བྱའོ། །དེ་ནས་སྤྲིན་ལ་རྣམ་པར་བལྟས་ནས་བཟླས་པར་བྱའོ། །ཆར་རེངས་
པར་འགྱུར་རོ། །སརྦ་བ་ཏ་བྲིཥྚི་སྟམྦྷ་ཡ་ཞེས་སྦྱར་བར་བྱའོ། །ཞེས་པ་ནི་ཕྱེད་དང་བཅས་པའི་ཡི་གེ་བཅུའི་སྔགས་སོ། །དེ་བཞིན་དུ་གཉིས་པ་དང་གསུམ་པའི་རྩ་བའི་སྔགས་དག་གི་ཆོ་ག་དང་། སྙིང་པོའི་སྔགས་ཀྱི་ཡང་
ཆོ་ག་འདི་ཉིད་དོ། །དང་པོར་ཕྲེང་བའི་སྔགས་ཀེ་ཏ་ཀིའི་ལོ་མ་ལ་ཚེར་མས་བྲིས་ནས། གོས་སྔོན་པོ་དང་སྐུད་པ་དག་གིས་དཀྲིས་ནས་མགོ་བོའམ། དཔུང་པའམ། མགུལ་པའི་རྒྱབ་བམ། གཡོན་པར་བཅིང་བར་བྱའོ། །ཀྲོ་དྷ་ཙྪེ་
ད་ས་ཆེ་གེ་མོ་ཛྭ་རྃ་ནཱ་ཤཱ་ཡ་ཞེས་པ་འདི་བྱས་པས་རིམས་ཐམས་ཅད་འཇོམས་པར་བྱེད་དོ། །འཆིང་བའི་དུས་སུ་ནད་པ་གདོང་ཤར་དུ་ཕྱོགས་པར་བྱས་ནས། ཉ་བསྲེགས་པ་དང་ཟན་དང་ཆང་ལ་སོགས་པས་གང་བའི་ཁམ་ཕོར་
གྱིས་སྦྱངས་ནས། འདི་ཟོ་ལ་རིམས་ལ་སོགས་པ་ཐམས་ཅད་མྱུར་དུ་ཕྱིར་དེངས་ཤིག །བཅོམ་ལྡན་འདས་ཁྲོ་བོ་གཏུམ་པོ་ཆེན་པོའི་བཀའ་འདི་ཉིད་ཀྱིས་སོང་ཤིག །གལ་ཏེ་ན་ཡང་གཞན་དུ་མི་འགྲོ་ན། དེའི་ཚེ་
བཅོམ་ལྡན་འདས་གཏུམ་པོ་ཁྲོས་པའི་རལ་གྲིས་ཏིལ་གྱི་ཚད་ཙམ་དུ་གཏུབ་པར་བྱའོ་ཞེས་བརྗོད་ནས། བདེན་བྲལ་གྱི་འཚམས་སུ་གཏང་བར་བྱའོ། །དེ་ནས་བདེ་བར་འགྱུར་རོ། །དེ་བཞིན་དུ་ནད་དང་མཁའ་འགྲོ་མ་
དང་། བར་དུ་གཅོད་པ་ཐམས་ཅད་ལ་གཏོར་མ་སྦྱིན་པར་བྱའོ། །འཇིགས་པ་ཐམས་ཅད་ལ་བཀླགས་པ་ཙམ་གྱིས་སྲུང་བར་བྱེད་དོ། །གཞན་ཡང་རྩ་བའི་སྔགས་བརྗོད་པས་ཐམས་ཅད་བྱེད་དོ། །ཕྲེང་བའི་སྔགས་གཉིས་
པ་ལ་ཡང་ཆོ་ག་འདི་ཉིད་དོ། །ཕྲེང་བའི་སྔགས་གསུམ་པས་ལྷའི་བུའི་ཕུང་པོ་ལ་མངོན་པར་སྔགས་ནས་སྦྱིན་པར་བྱའོ། །མཆོག་སྟེར་བར་འགྱུར་རོ། །ཟན་གྱི་ཕུང་པོ་ལ་མངོན་པར་སྔགས་ནས། ཕྱི་དྲོའི་དུས་སུ་དབེན་པའི་

87-1-307a

ཕྱོགས་སུ་སྦྱིན་པར་བྱའོ། །བྱ་བ་གང་གི་ཕྱོགས་ལ་དེས་ཐམས་ཅད་འགྲུབ་བོ། །ཆོ་ག་ལྷག་མ་ནི་སྔོན་མ་བཞིན་ནོ། །ཆོ་ག་སྔོན་མ་བཞིན་དུ་དཀར་པོའི་ཚེས་གཅིག་ནས་བརྩམས་ཏེ་ཇི་སྲིད་ཉ་གང་བའི་བར་
སྔོན་བཞིན་དུ་བྱའོ། །ཕྲེང་བའི་སྔགས་རྣམས་ཀྱི་སྟོང་ཕྲག་བཅུས་སྔོན་དུ་བསྙེན་པ་བྱའོ། །ལྷ་རྣམས་ཀྱི་བྱེ་བྲག་གི་སྔགས་རྣམས་རྩ་བའི་སྔགས་ཀྱི་ཆོ་ག་བཞིན་དུའོ། །བཅོམ་ལྡན་འདས་ཀྱི་སྔགས་ཀྱིས་ཆོ་ག་ཇི་ལྟ་བ་བཞིན་ནོ། །
དེ་བཞིན་དུ་ལྷ་མོ་རྣམས་ཀྱིའོ། །ཁྱད་པར་དུ་ཕྲེང་བའི་སྔགས་བཟླས་པས། སྙན་དངགས་མཁན་དང་པཎ་ཌི་ཏ་ཉིད་དུ་མྱུར་དུ་འགྱུར་རོ། །རྩ་བའི་སྔགས་གསུམ་པའི་ཆོ་གའོ། །མལ་གྱི་སྟེང་དུ་ལག་པ་གཡོན་པས་ལིང་ག་
བཟུང་ནས་བརྒྱ་རྩ་བརྒྱད་བཟླས་པར་བྱའོ། །གང་གི་མིང་གང་ཡིན་པ་དེ་འོང་བར་བྱེད་དེ་འདོད་པར་བྱའོ། །སྔགས་ནི། ཨོཾ་བཽ་ཧེ་རི་ཆེ་གེ་མོ་ཨ་ཡཱ་ཏུ་ཧཱུྃ་ཕཊ། གཙག་གིས་བྷ་ག་ལ་ཀུན་ནས་བྱུགས་ནས། ས་ལ་ལག་པ་
གཡོན་པས་བརྟེན་ནས་བརྒྱ་རྩ་བརྒྱད་བཟླས་པར་བྱའོ། །གང་གི་མིང་ཡིན་པ་དེ་འོང་བར་འགྱུར་རོ། །ཡུངས་ཀར་ལ་ལན་བདུན་དུ་མངོན་པར་སྔགས་ནས་སྐྱེས་བུ་ལ་བསྣུན་པར་བྱའོ། །ནད་དང་བྲལ་བར་འགྱུར་རོ། །
ཡིད་ཀྱིས་བརྟག་པར་བྱའོ། །ཆུ་ལ་ཡོངས་སུ་བཟླས་ནས་བསྣུན་ན་ཁྲག་འཛག་པར་འགྱུར་རོ། །གོས་ལ་ཡོངས་སུ་བཟླས་ནས་བསྣུན་ན་སྐྱེ་བོ་ཐམས་ཅད་དགའ་བར་འགྱུར་རོ། །ལན་ཚྭ་ལ་ཡོངས་སུ་བཟླས་ནས་གང་
གི་རྐང་པའི་སེན་མོ་ལ་བྱིན་ན་དེ་དབང་དུ་བྱེད་དོ། །བ་ལང་གི་སྤུའི་ཐག་པ་སྔགས་ཀྱིས་མངོན་པར་སྔགས་ནས་གང་གི་མགུལ་དུ་བཅིངས་པ་དེ་བ་ལང་དུ་འགྱུར་རོ། །ཉི་མ་ལ་མངོན་པར་ཕྱོགས་ནས་གང་གི་མིང་ནས་
མངོན་པར་བཟླས་པ་དེ་འོང་བར་འགྱུར་རོ། །ཞུམ་བུའི་སྤུའི་ཐག་པ་གང་གི་མགུལ་པར་བཅིངས་པ་དེ་ཞུམ་བུར་འགྱུར་རོ། །བྱ་རོག་གི་རྒྱུས་པའི་སྲད་བུས་བྱ་རོག་ཏུ་འགྱུར་རོ། །སྐྱེས་བུའི་སྐྲའི་སྲད་བུས་སྐྱེས་

87-1-307b

བུར་འགྱུར་རོ། །བུད་མེད་ཀྱི་སྐྱའི་སྲད་བུས་བུད་མེད་དུ་འགྱུར་རོ། །དེ་བཞིན་དུ་གང་དང་གང་གི་སྤུ་ལ་སོགས་པའི་སྲད་བུས་བྱས་པས་དེ་དང་དེའི་གཟུགས་ཉིད་དུ་འགྱུར་རོ། །གང་གི་མིང་གིས་བཟླས་ན་དེའི་ཁྲག་
འགུགས་སོ། །མིག་མི་འཛུམ་པར་བལྟ་ཞིང་འདི་བཟླས་པས་དེ་དབང་དུ་འགྱུར་རོ། །ཞེས་པ་ནི་ལྷ་མོའི་སྔགས་ཀྱི་ཆོ་གའོ། །གཏོར་མའི་སྔགས་ཀྱིས་གཏོར་མ་དབུལ་བར་བྱའོ། །ནད་དང་བགེགས་ལ་སོགས་པའི་
བར་དུ་གཅོད་པ་ཐམས་ཅད་ཞི་བར་འགྱུར་རོ། །གཏོར་མ་ཕུལ་ནས་བྱ་བ་གང་ལ་ཞུགས་ན། དེ་འགྲུབ་པར་འགྱུར་རོ། །མེ་ཏོག་དཀར་པོའི་ཁམ་ཕོར་དང་། འོ་མའི་ཁམ་ཕོར་དང་། དྲི་བཟངས་ཀྱི་ཆུའི་ཁམ་ཕོར་དང་། 
ཞོ་ཟན་གྱི་ཁམ་ཕོར་ཏེ། ཁམ་ཕོར་བཞི་པོ་འདི་རྣམས་ཤིང་ཐག་དང་ཉེ་བའི་ཤིང་ཐོག་གིས་རབ་ཏུ་ཞི་བའི་མཚན་མོ། །ཨོཾ་ཙཎྜ་མ་ཧཱ་རོ་ཥ་ཎ་ཨི་མྃ་བཾ་ལི་གྲྀཧྞ་གྲཱིཧྞ་བདག་གི་བྱ་བ་ཆེ་གེ་མོ་སྒྲུབས་ཤིག་ཧཱུྃ་ཕཊ། 
ཅེས་པ་བརྒྱ་རྩ་བརྒྱད་སྔགས་ནས་དབེན་པའི་ཕྱོགས་སུ་བསྒྲུབས་པས་དེའི་མངོན་པར་འདོད་པ་འགྲུབ་བོ། །དེ་ནས་བཅོམ་ལྡན་འདས་ཀྱི་རྩ་བའི་སྔགས་བརྒྱ་རྩ་བརྒྱད་བཟླས་ནས། ཚ་བའི་མར་ནག་གིས་སྦྲུམ་
མའི་བྷ་གའི་ནང་དུ་མཉེ་བར་བྱའོ། །འཐུངས་ན་ཡང་རབ་ཏུ།  བདེ་བ་སྐྱེ་བར་འགྱུར་རོ། །དེ་བཞིན་དུ་འདིས་རྨ་ལ་བྱུགས་ན་ཡང་བདེ་བར་འགྱུར་རོ། །ཟོས་པས་ཀྱང་ཐམས་ཅད་དུའོ། །དང་པོར་ཕྲེང་བའི་སྔགས་ཀྱིས་
གྲོ་ག་ལ་ཆུ་སྐྱེས་འདབ་མ་བཅུ་དྲུག་པའི་དབུས་སུ་བྲི་བར་བྱའོ། །སྲད་བུ་སྔོན་པོས་དཀྲིས་ནས་ལུས་ལ་བཅིངས་ན་ཐམས་ཅད་དུ་བསྲུང་བར་འགྱུར་རོ། །གི་ཝང་ངམ་རྒྱ་སྐྱེགས་ཀྱིས་བྲི་བར་བྱའོ། །འདི་ནི་གཉིས་
པའོ། །དེ་བཞིན་དུ་རྒྱུད་གཞན་དུ་གསུངས་པའི་ཆོ་ག་ཡང་འདི་ཉིད་ཀྱི་སྦྱོར་བས་སྦྱར་བར་བྱའོ། །རྣལ་འབྱོར་པས་བསྒོམས་པའི་མཐུ་ཡིས་དེ་བཞིན་དུ་ཐམས་ཅད་འགྲུབ་པར་འགྱུར་རོ། །ཞེས་པ་ནི་དཔའ་བོ་གཅིག་

87-1-308a

པ་ཉིད་དུ་གསུངས་པའི་དཔལ་ཁྲོ་བོ་གཏུམ་པོ་ཆེན་པོའི་རྒྱུད་ལས། སྔགས་ཀྱི་ཆོ་ག་རིམ་པར་ཕྱེ་བ་སྟེ་བཅུ་གཉིས་པའོ།། །། དེ་ནས་བཅོམ་ལྡན་འདས་མས་གསོལ་པ། རྣལ་འབྱོར་
སྡོམ་པས་གང་གིས་གཞག །སྤྱོད་པའི་ཚུལ་ཡང་ཅི་འདྲ་ཞིག །གང་གིས་དངོས་གྲུབ་ལེགས་པར་འཐོབ། །བྱ་བ་ཁྱབ་བདག་གསུང་བར་མཛོད། །བཅོམ་ལྡན་འདས་ཀྱིས་བཀའ་སྩལ་པ། །སངས་རྒྱས་བསྟན་པ་སུན་
འབྱིན་པའི། །ངེས་པར་གདུག་ཅན་གསད་པར་བྱ། །དེ་རྣམས་ཉིད་ཀྱི་ནོར་བླངས་ནས། །སེམས་ཅན་རྣམས་ལ་ཕན་ཕྱིར་སྤྱད། །ཡུགས་ས་མོ་ཀུན་ངེས་པར་བསྟེན། །གཞན་ཡང་མ་དང་བུ་མོ་དང་ཤ་དང་ཉ་ཤ་བཟའ་བར་བྱ། །
མཉམ་བཞག་ནས་ནི་ཆང་ནི་བཏུང་། །རང་གཞན་ངག་གི་བརྫུན་དང་ནི། །ཉེས་པ་དེ་བཅབ་བསམ་གཏན་མཆོག །བདག་ཉིད་རྣམ་པར་མི་རྟོག་བསླབ། །སྦས་པ་རབ་སྦྱོར་ཉིད་ལས་འགྲུབ། །གང་གང་སྡིག་པ་དེ་ཉིད་ཀྱིས། །སེམས་
ཅན་རྣམས་ནི་འོག་ཏུ་འགྲོ། །དེ་དང་དེ་ཡི་ཐབས་ཀྱིས་ནི། །རྣལ་འབྱོར་མྱུར་དུ་དངོས་གྲུབ་མཆོག །དེ་ནས་བཅོམ་ལྡན་འདས་མ་ཞེ་སྡང་རྡོ་རྗེ་མས་བཅོམ་ལྡན་འདས་ལ་འདི་ཉིད་གསོལ་ཏོ། །བཅོམ་ལྡན་འདས་ཁྱོད་ཀྱིས་ཇི་
ལྟར་སྡོམ་པ་ཕྱིན་ཅི་ལོག་ཏུ་གསུངས། དེ་ནས་བཅོམ་ལྡན་འདས་ཀྱིས་བཀའ་སྩལ་པ། མེས་ཚིག་པ་ལ་མེ་ཡིས་བདུག །འདོད་ཆགས་ཀྱིས་བསྣུན་འདོད་ཆགས་ཀྱིས། །དུག་གིས་བསྣུན་ལ་དུག་ཉིད་ཀྱིས། །ཐབས་ནི་རབ་ཏུ་
སྦྱོར་ལས་སོ། །འགྲོ་བ་རང་བཞིན་མེད་བསྒོམས་ནས། །བདག་གི་དངོས་གྲུབ་ཅེས་བསྒོམ་པ། །ཤིན་དུ་སྦས་པ་ཀུན་ནས་སྤྱད། །སུས་ཀྱང་ཇི་ལྟར་མི་ཤེས་བྱ། །སྡིག་པ་ཐམས་ཅད་ཟད་བྱས་ནས། །ཕྱིན་ཅི་ལོག་གིས་འདི་ཉིད་
འགྲུབ། །རྣལ་འབྱོར་དེ་ཉིད་གཅིག་སྦྱོར་མཆོག །གང་ཞིག་སྤེད་པར་མི་བྱེད་ན། །སྡོམ་པ་ཕྱིན་ཅི་ལོག་འདི་ཡི། །དེ་ཡི་དངོས་གྲུབ་ཡོད་མ་ཡིན། །སྡིག་པ་མེད་ཅིང་བསོད་ནམས་མེད། །རང་བཞིན་མེད་པའི་རང་བཞིན་

87-1-308b

ལས། །འཇིག་རྟེན་འཕྱ་བ་བསལ་བའི་ཕྱིར། །བདག་གིས་གསལ་བོར་མ་བྱས་སོ། །ད་ནི་བདེན་པར་གསུང་མཛད་པ། །གཏུམ་པོའི་ཚུལ་གྱིས་དགའ་མ་ཀྱཻ། །རྣལ་འབྱོར་འཇིག་རྟེན་གཞུག་པའི་ཕྱིར། །སེམས་
ཅན་ཀུན་གྱི་དོན་རྒྱུ་རྣམས། །རབ་གསལ་སྡོམ་པ་བཤད་པ་ཡིས། །ད་ནི་དགའ་མ་ཁྱོད་ཉོན་ཅིག །སྲོགས་ཆགས་གསད་པར་མི་བྱ་ཞིང་། །ཕ་རོལ་ནོར་ནི་འཕྲོག་མི་བྱ། །བརྫུན་གྱི་ཚིག་ཀྱང་སྨྲ་མི་བྱ། །བློ་ལྡན་ཆང་ནི་
བཏུང་མི་བྱ། །འཇིག་རྟེན་སྨོད་པ་སྤང་བར་བྱ། །རབ་གསལ་བསླབ་པའི་གནས་འདི་ནི། །གུས་པ་དང་བཅས་སྤྱད་པར་བྱ། །དེ་ནི་སྡོམ་པའི་ཚུལ་གསུངས་པ། །འདི་ཡི་སྤྱོད་པ་བཤད་པར་བྱ། །མགོ་བོ་ལ་ནི་དབུ་རྒྱན་བྱ། །རྣ་བ་
དག་ལ་རྣ་རྒྱན་ནོ། །དེ་བཞིན་རང་ལུས་ཉིད་ལ་ནི། །སྣ་ཚོགས་རྒྱན་གྱིས་བརྒྱན་པར་བྱ། །རྐང་པ་དག་ལ་རྐང་གདུབ་བོ། །དེ་བཞིན་རྐེད་པ་རྐེད་རྒྱན་ནོ། །དེ་བཞིན་ལག་གཡས་རལ་གྲི་དང་། །གཡོན་དུ་ཞགས་པ་བཟུང་བར་བྱ། །
སངས་རྒྱས་ལྔ་ནི་རབ་སྦྱོར་བས། །མགོ་བོ་དབུ་རྒྱན་ཕྱག་རྒྱ་བྱ། །ཟུར་ཕུད་ལྔ་ཡིས་བརྒྱན་བྱས་ནས། །སྐྲ་དང་ཁ་སྤུ་བྲེག་པར་བྱ། །ལོ་ནི་བཅུ་གཉིས་གསང་སྤྱོད་བྱ། །ཚེ་ཕྱེད་ཀུན་ནས་ཡང་དག་སྤྱད། །སྔོན་གསུངས་རིགས་ཀྱི་
དབྱེ་བ་ཡིས། །གཞོན་ནུ་མ་རྣམས་རབ་ཏུ་བརྟག །བུ་མོ་ལ་འོས་རྒྱན་གྱིས་ནི། །རྟག་ཏུ་ཡང་ནི་བརྒྱན་པར་བྱ། །གཡས་པར་གྲི་གུག་སྦྱིན་བྱ་ཞིང་། །གཡོན་པ་རུ་ཡང་ཀ་པཱ་ལ། །རིགས་ཀྱི་དབྱེ་བས་ངེས་པར་བྱ། །ཁ་དོག་དབྱེ་བས་
ལུས་ལའོ། །རང་རིགས་ཤེས་རབ་གཟུང་བྱས་ནས། །ཡང་ན་གཞན་རིགས་མཉམ་བཞག་ནས། །རང་འདོད་ཡང་དག་བཟུང་ནས་ནི། །སྤྱོད་པ་འདི་ནི་ཡང་དག་བརྩམ། །རིན་ཆེན་ལ་སོགས་མེད་གྱུར་ན། །རྫས་ལ་སོགས་པ་སྤྲུལ་
པས་སོ། །གལ་ཏེ་རབ་འཇུག་མ་རྙེད་ན། །ཡང་ན་སེམས་ཀྱིས་བསྒྲུབ་པར་བྱ། །རིགས་ལྔའི་རབ་ཏུ་དབྱེ་བ་ལས། །དམ་ཚིག་ལྔ་ལ་སྤྱད་པར་བྱ། །དེ་ནི་སྔོན་གསུངས་སྦྱོར་བ་ཡིས། །ཕན་ཚུན་གཉིས་གཉིས་བརྩམ་པར་བྱ། །

87-1-309a

འདིར་ནི་བྱ་བ་གཞན་མི་བརྩམ། །རྣམ་ཀུན་རྣལ་འབྱོར་དངོས་གྲུབ་ཐོབ། །ཐབས་དང་ཤེས་རབ་མཉམ་སྦྱོར་བས། །ཡིག་གསུམ་སེན་མོ་སྦྱིན་པར་བྱ། །འོ་དང་འཁྱུད་པ་ཉིད་དང་ནི། །ཀུན་གྱི་ནོར་ནི་ཁུ་བ་ཉིད། །
སྦྱིན་པའི་ཕ་རོལ་ཕྱིན་རྫོགས་པར། །དེ་ཉིད་ཐེ་ཚོམ་མེད་པར་འགྱུར། །ལུས་ངག་ཡིད་ནི་དེ་མཆོག་ཏུ། །བདེ་བས་ཡང་དག་སྡོམ་པ་ནི། །ཚུལ་ཁྲིམས་ཕ་རོལ་ཕྱིན་ཤེས་བྱ། །སེན་མོ་གདབ་པ་བཟོད་པ་ཡིས། །ཡི་གེ་གསུམ་
གྱིས་བཙིར་བ་ཉིད། །འདི་ནི་བཟོད་པའི་ཕ་རོལ་ཕྱིན། །གུས་པ་དང་བཅས་དུས་རིང་དུ། །ཤིན་དུ་བདེ་བས་མཉམ་གནས་བྱ། །བརྩོན་འགྲུས་ཕ་རོལ་ཕྱིན་ཤེས་བྱ། །སེམས་ཉིད་བདེ་བ་དེ་སྦྱོར་ལས། །དངོས་པོ་ཀུན་
གྱི་གཟུགས་ཀྱིས་ནི། །བསམ་གཏན་ཕ་རོལ་ཕྱིན་པར་འདོད། །བུད་མེད་ཚུལ་གྱིས་བསྒོམ་པ་ཉིད། །ཤེས་རབ་ཕ་རོལ་ཕྱིན་མར་གྲགས། །ཤིན་དུ་དགའ་ཅིག་སྦྱོར་ཙམ་གྱིས། །ཕ་རོལ་ཕྱིན་པ་དྲུག་རྫོགས་འགྱུར། །
ཕ་རོལ་ཕྱིན་ལྔ་བསོད་ནམས་དང་། །ཤེས་རབ་ཡེ་ཤེས་ཞེས་བྱར་གསུངས། །ཤིན་དུ་དགའ་སྦྱོར་མཚུངས་ལྡན་པ། །རྣལ་འབྱོར་པ་ཡི་ཚོགས་གསུམ་འགྱུར། །བསོད་ནམས་ཡེ་ཤེས་དང་ལྡན་ན། །སྐད་ཅིག་
ཙམ་གྱིས་འགྲུབ་པར་འགྱུར། །དཔེར་ན་འཁྲི་ཤིང་ལས་བྱུང་བའི། །མེ་ཏོག་འབྲས་བུ་དང་ལྡན་ལྟར། །སྐད་ཅིག་གཅིག་གིས་རྫོགས་བྱང་ཆུབ། །ཚོགས་གཉིས་ལས་ནི་ཡང་དག་བྱུང་། །ས་ནི་བཅུ་གསུམ་དབང་
ཕྱུག་ཏུ། །དེ་ནི་ཐེ་ཚོམ་མེད་པར་འགྱུར། །ས་ནི་རབ་དགའ་ཞེས་བྱ་དང་། །དྲི་མེད་དེ་བཞིན་འོད་བྱེད་དང་། །འོད་འཕྲོ་བ་དང་སྦྱང་དཀའ་དང་། །མངོན་གྱུར་རིང་གྱུར་མི་གཡོ་བ། །ལེགས་པའི་བློ་གྲོས་ཆོས་ཀྱི་སྤྲིན། །
ཀུན་དུ་འོད་དང་དེ་བཞིན་དུ། །དཔེ་མེད་པ་དང་ཡེ་ཤེས་སྤྱན། །བཅུ་གསུམ་ཞེས་བྱ་འདི་རྣམས་སོ། །ཞེས་པ་ནི་དཔའ་བོ་ཅིག་པ་ཉིད་དུ་གསུངས་པའི་དཔལ་ཁྲོ་བོ་གཏུམ་པོ་ཆེན་པོའི་རྒྱུད་ལས་སྤྱོད་པའི་རིམ་པར་

87-1-309b

ཕྱེ་བ་སྟེ་བཅུ་གསུམ་པའོ།། །། དེ་ནས་འཁོར་དེར་བྱང་ཆུབ་སེམས་དཔའ་ཀུན་དུ་བཟང་པོ་ཞེས་བྱ་བའི་རྡོ་རྗེ་རྣལ་འབྱོར་པས། བཅོམ་ལྡན་འདས་ལ་འདི་སྐད་ཅེས་གསོལ་ཏོ། །ཅི་ཕྱིར་མི་གཡོ་བ་ཞེས་
བྱ། །དཔའ་བོ་ཅིག་ཉིད་ཅེས་བྱ་དང་། །ཁྲོ་ཆེན་གཏུམ་པོ་ཞེས་པ་ཡང་། །མགོན་པོ་ལ་ནི་བདག་ཞུའོ། །དེ་ནས་བཅོམ་ལྡན་འདས་ཀྱིས་བཀའ་སྩལ་པ། ཐབས་དང་ཤེས་རབ་མཉམ་སྦྱོར་བས། །བདེ་བ་མི་གཡོའི་གཟུགས་ཉིད་ནི། །
ཐབས་དང་ཤེས་རབ་བདག་ཉིད་ཅན། །དེ་ཡང་ཆགས་བྲལ་གྱིས་མི་གཡོ། །དེ་ཉིད་ཕྱིར་ན་མི་གཡོར་གྲགས། །རྡོ་རྗེ་སེམས་དཔའི་རང་བཞིན་ཅན། །ཞལ་གཅིག་ཕྱག་གཉིས་ཞི་བ་སྟེ། །སྡིག་པ་དང་བྲལ་དྲི་
མེད་ཡིད། །རལ་གྲི་ཞགས་པའི་ཕྱག་དག་ནི། །ཤེས་རབ་མར་འཁྱུད་དེ་མཆོག་གོ། །སེམས་དཔའི་སྐྱིལ་དཀྲུང་གིས་བཞུགས་པ། །པད་མ་ཟླ་བ་ཉི་གནས་ལ། །ཀུན་ནས་འཁོར་བར་གནས་པ་ཡིན། །ལྷ་ཡི་
བདེ་བས་ཤིན་དུ་གནས། །དེ་ཕྱིར་འདི་ནི་མི་གཡོར་གསུངས། །སངས་རྒྱས་ཀུན་གྱིས་བསྟེན་པ་སྟེ། །མི་གཡོ་བ་ཡི་མཐུ་ཉིད་ཀྱིས། །དུས་གསུམ་རྒྱལ་བ་ཀུན་གྱིས་ནི། སེམས་ཅན་དོན་ནི་མཛད་པའི་
ཕྱིར། །སྒྲུབ་བྱེད་ཉེ་བར་མཚོན་པའོ། །དེ་ནས་ཀུན་ཏུ་བཟང་པོས་གསོལ་པ། ཨ་ཡིག་གིས་ནི་ཅི་ཞིག་བསྟན། །ཙ་ཡིག་གིས་ནི་ཅི་ཞིག་བརྗོད། །ལ་ཡིག་ཀྱང་ནི་ཅི་ལ་བརྗོད། །ཇི་ལྟར་མིང་ནི་ཡང་དག་
བསྡུས། །བཅོམ་ལྡན་འདས་ཀྱིས་བཀའ་སྩལ་པ། །ཨ་ཡིག་ལྷན་ཅིག་སྐྱེས་པའི་ཚུལ། །དངོས་མེད་ངོ་བོ་ཉིད་དུ་གསུངས། །ཙ་ཡིག་དགའ་དང་མཆོག་དགའ་དང་། །ཁྱད་པར་དགའ་བ་ཉིད་དང་ནི། །ལྷན་ཅིག་
སྐྱེས་དགའ་ཞེས་བྱ་བའི། །དགའ་བ་བཞི་ཡི་རང་བཞིན་གསུངས། །ལ་ཡིག་ལ་ན་ན་རུ་རོལ། །ཤིན་དུ་བདེ་བར་གསུངས་པའོ། །ཨ་ཡིག་གིས་ནི་ཤེས་རབ་བརྗོད། །ཙ་ཡིག་གིས་ནི་ཐབས་སུ་བཤད། །ཐབས་དང་

87-1-310a

ཤེས་རབ་གཅིག་སྦྱོར་བས། །ལ་ཡིག་བདེ་བའི་ལ་ཀྵ་ཎྃ། །དེ་ཉིད་དཔའ་བོ་གཅིག་པ་ཉིད། །གཅིག་ཕྱིར་གཅིག་པ་ཉིད་དུ་གསུངས། །ཆགས་བྲལ་འཇོམས་ཕྱིར་དཔའ་བོ་སྟེ། །དཔའ་བོ་གཅིག་
པ་ཞེས་གསུངས་སོ། །གཏུམ་པོ་འདི་ནི་ཤིན་དུ་རྣོ། །དེ་ནི་ཁྲོ་བོ་ཆེན་པོར་གསུངས། །ཁྲོ་བོར་ཤེས་བྱ་རོ་ཥ་ཎ། །བདུད་ཀུན་རྣམ་པར་འཇོམས་པར་བྱེད། །ཆགས་བྲལ་ཙན་ཌ་ཞེས་བྱའོ། །ཤིན་དུ་ཆགས་ཆེན་
བདུད་སོགས་ལས། །དེ་ལ་ཁྲོ་བོ་རོ་ཥ་ཎས། །གདུལ་དཀའ་ཆགས་བྲལ་དགྲ་བོ་ལ། །གཡོན་པའི་ལོང་བུས་མནན་པར་བྱ། །ཆངས་པའི་ཚིག་ལ་མཉམ་གནས་ནས། །ཁྲོ་བོའི་མཆེ་བས་ཆུ་བསྡམ་བྱ། །ཕྱག་རྒྱ་འདི་ཡིས་
རྣལ་འབྱོར་པས། །འབད་པས་ཤེས་རབ་ལ་འཁྱུད་བྱ། །ཆགས་བྲལ་ཀུན་ནས་གཞོམ་བྱས་ནས། །དངོས་གྲུབ་སངས་རྒྱས་ཐོབ་པར་འགྱུར། །ཞེས་པ་ནི་དཔའ་བོ་གཅིག་པ་ཉིད་དུ་གསུངས་པའི་དཔལ་ཁྲོ་བོ་གཏུམ་
པོ་ཆེན་པོའི་རྒྱུད་ལ།   ཨ་ཙ་ལའི་དོན་གྱི་རིམ་པར་ཕྱེ་བ་སྟེ་བཅུ་བཞི་པའོ།། །། དེ་ནས་བཅོམ་ལྡན་འདས་མ་ཞེ་སྡང་རྡོ་རྗེ་མས་གསོལ་པ། དཔའ་བོ་གཅིག་པ་ཇི་ལྟར་འགྲུབ། །དབང་ཕྱུག་མཆོག་གིས་
བཤད་དུ་གསོལ། །བཅོམ་ལྡན་འདས་ཀྱིས་བཤད་དུ་གསོལ། །བཅོམ་ལྡན་འདས་ཀྱིས་བཀའ་སྩལ་པ། །ཨ་ཡིག་ལས་སྦྱོར་སྐད་ཅིག་གིས། །མི་གཡོ་ནག་པོར་བསྒོམ་པར་བྱ། །དེ་ཉིད་བརྟན་པའི་སྟོབས་ཉིད་ལས། །
རྣལ་འབྱོར་སངས་རྒྱས་ཐེ་ཚོམ་མེད། །མི་གཡོ་དཀར་པོ་བསྒོམ་པ་དང་། །ཡང་ན་སེར་པོ་འམ་དམར་པོ་འམ། །ཡང་ན་ལྗང་གུ་བསྒོམ་བྱས་ནས། །ཞེ་སྡང་རྡོ་རྗེ་མ་སོགས་ལྡན། །དབུས་སུ་མི་གཡོ་ལྔ་རྣམས་ཀྱིས། །
བཟུང་ནས་གཅིག་ཏུ་རྣམ་པར་བསྒོམ། །ཤེས་རབ་དེ་ཡི་རིགས་ཅན་མ། །ཡང་ན་གཞན་ཡང་བསྒོམ་པར་བྱ། །དེ་ཡི་སྦྱོར་བས་རྣལ་འབྱོར་པས། །མྱུར་དུ་དངོས་གྲུབ་ཐེ་ཚོམ་མེད། །ཡང་ན་ཤེས་རབ་དང་བྲལ་བའི། །

87-1-310b

ཤིན་ཏུ་མཉམ་བཞག་བསྒོམ་པར་བྱ། །མི་གཡོ་བསྒོམ་པ་ཡོངས་རྫོགས་ན། །བྱང་ཆུབ་རྒྱལ་སྲིད་ཡང་དག་འཐོབ། །དེ་ནས་བཅོམ་ལྡན་འདས་མས་གསོལ་པ། ལྷ་ཡི་རྣམ་པར་དག་པ་གང་། །འདྲེན་པ་བདག་ནི་ཉན་པར་འཚལ། །
སྔོན་དུ་གསུངས་ཉིད་དཀྱིལ་འཁོར་རྣམས། །གཙོ་བོ་བདག་ལ་རྣམ་དག་གསུངས། །དེ་ནས་བཅོམ་ལྡན་འདས་ཀྱིས་བཀའ་སྩལ་པ། དེ་ནས་ཀུན་གྱི་སྦྱོང་བྱེད་པའི། །རྣམ་དག་བདག་གིས་རབ་བཤད་བྱ། །དེ་ལ་གྲུ་
བཞི་པ་ནི་ཚད་མེད་པའི་གནས་བཞིའོ། །སྒོ་བཞི་ནི་བདེན་པ་བཞིའོ། །རྟ་བབས་བཞི་ནི་བསམ་གཏན་བཞིའོ། །ཀ་བ་བརྒྱད་ནི་འཕགས་པའི་ལམ་ཡན་ལག་བརྒྱད་དོ། །འཕར་མ་གཅིག་པ་ནི་སེམས་རྩེ་གཅིག་པ་ཉིད་དོ། །
པད་མ་ནི་སྐྱེ་གནས་སོ། །ཁ་དོག་སྣ་ཚོགས་པ་ནི་སྤྲལ་པ་སྣ་ཚོགས་པའོ། །ལྷ་དགུ་ནི་གསུང་རབ་ཡན་ལག་དགུའོ། །ཕྱོགས་དམར་པོ་ནི་འདོད་ཆགས་ཆེན་པོའོ། །མཚམས་སུ་དཀར་པོ་དང་། སེར་པོ་དང་། ལྗང་ཁུ་དང་། 
ནག་པོ་རྣམས་ནི་བྲམ་ཟེ་དང་། རྗེ་རིགས་དང་། རྒྱལ་རིགས་དང་། དམངས་རིགས་རྣམས་ཉིད་དོ། །ཟླ་བ་དང་ཉི་མ་ནི། ཁུ་བ་དང་། རྔུལ་ལོ། །དབུས་ཀྱི་རལ་གྲི་ནི་མི་གཡོ་བ་ནག་པོའི་མཚན་མའོ། །གྲི་གུག་ནི་ཞེ་སྡང་རྡོ་རྗེ་
མའོ། །ཤར་ལ་སོགས་པའི་ཕྱོགས་རྣམས་ནི་མི་གཡོ་བ་དཀར་པོ་ལ་སོགས་པ་རྣམས་སོ། །མེ་ལ་སོགས་པའི་མཚམས་རྣམས་སུ་གཏི་མུག་རྡོ་རྗེ་ལ་སོགས་པ་རྣམས་ཀྱིའོ། །ཞེས་པ་ནི་དཀྱིལ་འཁོར་གྱི་རྣམ་པར་དག་པའོ། །
བསྒོམ་པའི་རྣམ་པར་དག་པ་བརྗོད་པར་བྱ་སྟེ། དང་པོ་མཆོད་པ་ནི། བསོད་ནམས་ཀྱི་ཚོགས་ཁྱད་པར་འཕགས་པའི་ལས་སོ། །སྟོང་པ་ཉིད་ནི་ཡེ་ཤེས་ཀྱི་ཚོགས་འཆི་བ་ཁྱད་པར་འཕགས་པ་དྲི་མ་མེད་པའི་ལུས་
ཏེ། དྲི་ཟའི་ལུས་སོ། །གཞལ་ཡས་ཁང་གི་མཐར་ཐུག་པ་སངས་རྒྱས་ཀྱི་སའོ། །པད་མ་ནི་སྐྱེ་གནས་སོ། །ཟླ་བ་ཉི་མ་ནི་དཀར་དམར་རོ། །ཧཱུྃ་ཡིག་ནི་མ་དང་ཕའི་དབུས་སུ་དྲི་ཟའི་སེམས་སོ། །མི་བསྐྱོད་པ་ནི་ཕའོ། །

87-1-311a

མཱ་མ་ཀཱི་ནཱི་མའོ། །ཕན་ཚུན་དུ་རྗེས་སུ་ཆགས་པ་མཐོང་ནས་ཕ་ལ་རྣམ་པར་ཞེ་སྡང་ཞིང་། མ་ལ་རྗེས་སུ་ཆགས་ནས་གཏི་མུག་པས་སེམས་ཅན་བཞིན་དུ་འཇུག་གོ། །པད་མར་ཞུགས་པའི་བུ་ཡིས་ཕ་བསད་ནས་
དེའི་གོ་འཕང་འཐོབ་པོ། །མ་བཟུང་ནས་སྐྱེ་བ་མཐའ་མེད་པའི་བག་ཆགས་ཀྱི་བདེ་བ་ཁྱད་པར་འཕགས་པས་དེ་ཡང་བུར་སྐྱེ་བར་བྱེད་དོ། །བུ་མོ་ནི་ཡང་མི་གཡོ་བ་དཀར་པོ་ལ་སོགས་པ་རྣམས་དང་། གཏི་མུག་རྡོ་རྗེ་མ་ལ་
ལ་སོགས་པ་ཡང་ངོ་། །བུ་རྣམས་ཀྱང་ཕ་བསད་ནས་གཞན་ལ་བགྲོད་པར་བྱེད་དེ། །འདི་ཉིད་དགྲ་བོ་ཞེས་དེ་གསོད་པར་བྱེད་དོ། །བུ་མོ་རྣམས་ཀྱང་སྐྱེ་བ་མཐའ་མེད་པའི་བག་ཆགས་ཀྱི་བདེ་བ་ཁྱད་པར་འཕགས་པས་འདོད་
པར་བྱེད་དོ། །རལ་གྲི་ཤེས་རབ་ལ་ཞགས་པ་ནི་ཐབས་སོ། །ཡང་ན་ཞགས་པ་ཤེས་རབ་ལ་རལ་གྲི་ཐབས་སོ། །གཉིས་ཀ་རོ་གཅིག་ཏུ་གྱུར་བ་ནི་བསྡིགས་འཛུབ་པོ། །གཡོན་པ་འོག་ཏུ་བལྟས་པ་ནི་ས་འོག་བདུན་སྐྱོང་
བར་བྱེད་པའོ། །གཡས་པ་སྟེང་དུ་བལྟས་པ་ནི་ཚངས་པའི་སྒོང་ང་བདུན་སྐྱོང་བར་བྱེད་པའོ། །པུས་མོ་གཡོན་པ་ས་ལ་བཙུགས་པ་ནི་ས་སྐྱོང་བར་བྱེད་པའོ། །གཡས་པའི་རྐང་པས་ཡང་དག་པར་བསྣུན་པ་ནི་བདུད་ཐམས་
ཅད་སྐྲག་པར་མཛད་པའོ། །ཕུང་པོའི་བདུད་ཚངས་པ། ཉོན་མོངས་པའི་བདུད་དབང་ཕྱུག་འཆི་བདག་གི་བདུད་ཁྱབ་འཇུག །ལྷའི་བུའི་བདུད་ལྷའི་དབང་པོའོ། །ས་ནི་ས་སྟེང་མཐའ་དག་གི་གཞོན་ནུ་མ་ལ་ལོངས་
སྤྱོད་པའོ། །གཞོན་ནུ་མ་ལ་ཡུན་རིང་དུ་གནས་པའི་ཕྱིར་པད་མའི་གདན་ནོ། །སྐྱེ་གནས་ལ་སྐྱེས་པ་ནི་ཟླ་བ་དང་ཉི་མའི་གདན་ནོ། །ཁུ་བ་དང་རྔུལ་ལས་སྐྱེས་པའི་སྐྱེས་བུ་ནི་དངོས་པོའོ། །བུད་མེད་ནི་དངོས་པོ་མེད་པའོ། །
ནག་པོ་ནི་རྣམ་པར་ཤེས་པའོ། །དཀར་པོ་ནི་གཟུགས་སོ། །སེར་པོ་ནི་ཚོར་བའོ། །དམར་པོ་ནི་འདུ་ཤེས་སོ། །ལྗང་ཁུ་ནི་དོན་ཡོད་གྲུབ་པའོ། །ཡང་ན་མཐིང་ཁ་ནི་ནམ་མཁའོ། །དཀར་པོ་ནི་ཆུའོ། །སེར་པོ་ནི་སའོ། །དམར་པོ་

87-1-311b

ནི་མེའོ། །ལྗང་ཁུ་ནི་རླུང་ངོ་། །བཅོམ་ལྡན་འདས་ཇི་ལྟ་བ་དེ་བཞིན་དུ་བཅོམ་ལྡན་འདས་མའོ། །ཡང་ན་མཐིང་ཁ་ནི་ཆོས་ཀྱི་དབྱིངས་རྣམ་པར་དག་པའི་ཡེ་ཤེས་སོ། །དཀར་པོ་ནི་མེ་ལོང་ལྟ་བུའི་ཡེ་ཤེས་སོ། །
སེར་པོ་ནི་མཉམ་པ་ཉིད་ཀྱི་ཡེ་ཤེས་སོ། །དམར་པོ་ནི་སོ་སོར་རྟོག་པའི་ཡེ་ཤེས་སོ། །ལྗང་ཁུ་ནི་བྱ་བ་གྲུབ་པའི་ཡེ་ཤེས་སོ། །སྟོན་པ་རྒྱལ་བ་གཅིག་པུ་ཉིད། །ལྔ་ཡི་ཚུལ་གྱིས་ཡང་དག་གནས། །ཤེས་རབ་
ཕ་རོལ་ཕྱིན་ཉིད་ཀྱང་། །རྣམ་ལྔའི་ཚུལ་གྱིས་ཡང་དག་གནས། ཞེས་པ་ནི་དཔའ་བོ་གཅིག་པ་ཉིད་དུ་གསུངས་པའི་དཔལ་གཏུམ་པོ་ཁྲོ་བོ་ཆེན་པོའི་རྒྱུད་ལ། རྣམ་པར་དག་པའི་རིམ་པར་ཕྱེ་བ་སྟེ་བཅྭ་ལྔ་པའོ།། །། 
དེ་ནས་བཅོམ་ལྡན་འདས་མས་གསོལ་པ། འཇིག་རྟེན་ཇི་ལྟར་སྐྱེ་བ་དང་། །སླར་ཡང་སྐྱེ་བ་ཇི་ལྟར་མཛད། །དངོས་གྲུབ་ཇི་ལྟར་འགྱུར་བ་ཡང་། །དབང་ཕྱུག་མཆོག་གིས་བཤད་དུ་གསོལ། །དེ་ནས་བཅོམ་ལྡན་འདས་
ཀྱིས་བཀའ་སྩལ་པ། མ་རིག་པའི་རྐྱེན་གྱིས་འདུ་བྱེད་དོ། །འདུ་བྱེད་ཀྱི་རྐྱེན་གྱིས་རྣམ་པར་ཤེས་པ། རྣམ་པར་ཤེས་པའི་རྐྱེན་གྱིས་མིང་དང་གཟུགས། མིང་དང་གཟུགས་ཀྱི་རྐྱེན་གྱིས་སྐྱེ་མཆེད་དྲུག །
སྐྱེ་མཆེད་དྲུག་གི་རྐྱེན་གྱིས་རེག་པ། རེག་པའི་རྐྱེན་གྱིས་ཚོར་བ། ཚོར་བའི་རྐྱེན་གྱིས་སྲེད་པ་སྲེད་པའི་རྐྱེན་གྱིས་ལེན་པ། ལེན་པའི་རྐྱེན་གྱིས་སྲིད་པ། སྲིད་པའི་རྐྱེན་གྱིས་སྐྱེ་བ། སྐྱེ་བའི་རྐྱེན་གྱིས་རྒ་ཤི་དང་། 
མྱ་ངན་དང་། །སྨྲེ་སྔགས་འདོན་པ་དང་། སྡུག་བསྔལ་བ་དང་། ཡིད་མི་བདེ་བ་དང་། འཁྲུག་པ་རྣམས་སོ། །དེ་ལྟ་བུ་ཉིད་ལས་འདིར་སྡུག་བསྔལ་གྱི་ཕུང་པོ་ཆེན་པོ་འབའ་ཞིག་པ་ཀུན་ནས་འབྱུང་བར་འགྱུར་རོ། །དེ་
བཞིན་དུ་མ་རིག་པ་འགགས་པས་འདུ་བྱེད་འགག་གོ། །འདུ་བྱེད་འགགས་པས་རྣམ་པར་ཤེས་པ་འགག་གོ། །རྣམ་པར་ཤེས་པ་འགགས་པས་མིང་དང་གཟུགས་འགག་གོ། །མིང་དང་གཟུགས་འགགས་པས་སྐྱེ་

87-1-312a

མཆེད་དྲུག་འགག་གོ། །སྐྱེ་མཆེད་དྲུག་འགགས་པས་རེག་པ་འགག་གོ། །རེག་པ་འགགས་པས་ཚོར་བ་འགག་གོ། །ཚོར་བ་འགགས་པས་སྲེད་པ་འགག་གོ། །སྲེད་པ་འགགས་པས་ལེན་པ་འགག་གོ། །ལེན་པ་འགགས་པས་སྲིད་
པ་འགག་གོ། །སྲིད་པ་འགགས་པས་སྐྱེ་བ་འགག་གོ། །སྐྱེ་བ་འགགས་པས་རྒ་ཤི་དང་། མྱ་ངན་དང་། སྨྲེ་སྔགས་འདོན་པ་དང་། སྡུག་བསྔལ་བ་དང་། ཡིད་མི་བདེ་བ་དང་། འཁྲུག་པ་རྣམས་འགག་པར་འགྱུར་རོ། །དེ་བཞིན་
དུ་འདིར་སྡུག་བསྔལ་གྱི་ཕུང་པོ་ཆེན་པོ་འབའ་ཞིག་འགག་པར་འགྱུར་རོ། །རྟེན་ཅིང་འབྲེལ་པར་འབྱུང་བས་འཇིག་རྟེན་སྐྱེའོ། །དེ་བཞིན་དུ་རྟེན་ཅིང་འབྲེལ་པར་འབྱུང་བས་འགག་གོ། །ཚུལ་གཉིས་པོ་འདི་རྟོགས་ཤིང་ཡང་
གཉིས་སུ་མེད་པ་བསྒོམས་པས་འགྲུབ་བོ། །དེ་ནས་བཅོམ་ལྡན་འདས་མས་གསོལ་པ། མ་རིག་པ་ལ་སོགས་པའི་རྣམ་པར་དབྱེ་བ་བཤད་དུ་གསོལ། དེ་ནས་བཅོམ་ལྡན་འདས་ཀྱིས་བཀའ་སྩལ་པ། འདས་པ་ལ་སོགས་
རབ་དབྱེ་བས། །འདི་ནི་གསུམ་གྱི་འཁོར་མོར་འཇུག །འདིར་ནི་རྒྱལ་བས་ཆོས་རྣམས་ཀུན། །རྣམ་པ་བཅུ་གཉིས་ཚུལ་གྱིས་གསུངས། །དེ་ལ་མ་རིག་པ་མ་སྤངས་པས་ལེན་པ་དང་འཆི་བའི་ནང་དུ་གཟུགས་ནུབ་པའི་སེམས་
ཀྱི་ལུས་ཅན་ཞེས་པའི་དོན་ནོ། །དེ་ལས་འདུ་བྱེད་དུ་འགྱུར་རོ། །དེ་ཡང་རྣམ་པ་གསུམ་སྟེ། དེ་ལ་ལུས་ཀྱི་འདུ་བྱེད་དབུགས་འབྱུང་བ་དང་རྔུབ་པ་དག་དང་། ངག་གི་འདུ་བྱེད་དག་དང་། རྟོག་པ་དང་དཔྱོད་པ་དག་གོ། །ཡིད་
ཀྱི་འདུ་བྱེད་འདོད་ཆགས་ཞེ་སྡང་གཏི་མུག་རྣམས་སོ། །དེ་རྣམས་དང་ལྡན་པ་ནི་མ་རིག་པ་སྟེ། དབུགས་འབྱུང་བ་དང་། དབུགས་རྔུབ་པ་སྟེ། རྣམ་པར་རྟོག་པ་ནི་རགས་པར་འཛིན་པར་བྱེད་དོ། །རྣམ་པར་དཔྱོད་པ་ནི་ཕྲ་
མོར་འཛིན་པར་བྱེད་དོ། །རྗེས་སུ་ཆགས་པ་དང་ཞེ་སྡང་བ་ཡང་ཡིན་ནོ། །དེ་ལས་རྣམ་པར་ཤེས་པར་གྱུར་པ་རྣམ་པ་དྲུག་སྟེ། མིག་གི་རྣམ་པར་ཤེས་པ་དང་། རྣ་བའི་རྣམ་པར་ཤེས་པ་དང་། སྣའི་རྣམ་པར་ཤེས་པ་དང་། ལྕེའི་

87-1-312b

རྣམ་པར་ཤེས་པ་དང་། ལུས་ཀྱི་རྣམ་པར་ཤེས་པ་དང་། ཡིད་ཀྱི་རྣམ་པར་ཤེས་པ་སྟེ། དེ་རྣམས་དང་ལྡན་པ་ནི་མ་རིག་པས་ལྟ་བར་བྱེད་དོ། །ཉན་པར་བྱེད་དོ། །མནོམ་པར་བྱེད་དོ། །ཟ་བར་བྱེད། རེག་པར་བྱེད། རྣམ་པར་
རྟོག་པར་བྱེད་དོ། །དེ་ལས་མིང་དང་གཟུགས་ཏེ། ཚོར་བ་མིང་གཞི་ལ་སོགས་པ་རྣམས་སོ། །གཟུགས་ལ་གཟུགས་ཀྱི་དེ་ཉིད་ཅེས་གཉིས་སུ་མངོན་པར་བསྡུས་ཤིང་སྡོམས་ནས་མིང་དང་གཟུགས་ཞེས་གསུངས་སོ། །ཉེ་བར་
ལེན་པའི་ཕུང་པོ་ལྔའི་གཟུགས་ཀྱིས་མ་རིག་པ་ཡོངས་སུ་གྱུར་པ་ཞེས་པའི་དོན་ནོ། །དེ་ལ་ཚོར་བ་རྣམ་པ་གསུམ་ནི་བདེ་བ་དང་། སྡུག་བསྔལ་དང་། སྡུག་བསྔལ་ཡང་མ་ཡིན་བདེ་བ་ཡང་མ་ཡིན་པ་ཞེས་བྱའོ། །འདུ་ཤེས་ནི་དངོས་
པོ་རྣམས་ཀྱི་རང་བཞིན་གཟུང་བའི་མཐར་མངོན་པར་བརྗོད་པ་སྟེ། འདུ་བྱེད་ནི་སྤྱིའི་ཁྱད་པར་གྱི་གནས་སྐབས་ལ་འཛིན་པ་ཅན་གྱི་སེམས་དང་སེམས་ལས་བྱུང་བ་རྣམས་སོ། །རྣམ་པར་ཤེས་པ་ནི་སྔོན་དུ་གསུངས་པ་བཞིན་
ནོ། །འབྱུང་བ་ཆེན་པོ་བཞིའི་བདག་ཉིད་ཀྱི་གཟུགས་ནི། ས་ནི་ལྕི་བ་ཉིད་དང་། ཆུ་ནི་གཤེར་བ་ཉིད་དང་། མངོན་པར་འཛག་པ་ཉིད་དོ། །མེ་ནི་དྲོ་བ་ཉིད་དོ། །རླུང་ནི་བསྐུམ་བརྐྱང་བ་དང་། ཡང་བ་དང་གཡོ་བ་ཉིད་དོ། །
དེ་ལས་སྐྱེ་མཆེད་དྲུག་པོ་རྣམས་ནི་མིག་དང་། རྣ་བ་དང་། སྣ་དང་། ལྕེ་དང་། ལུས་དང་། ཡིད་དོ། །དེ་རྣམས་དང་ལྡན་པ་ནི། སྔོན་བཞིན་དུ་ལྟ་བར་བྱེད་པ་ལ་སོགས་པའོ། །དེ་ལས་རེག་པའོ། །གཟུགས་དང་། སྒྲ་དང་། 
དྲི་དང་། རོ་དང་། རེག་བྱ་དང་། ཆོས་ཀྱི་ཁམས་ཡང་དག་པར་ཐོབ་པའོ། །དེ་ལས་སྲེད་པས་བདེ་བ་མངོན་པར་འདོད་པའོ། །དེ་ལས་ལེན་པའོ། །དེ་ལས་ཐོབ་པའི་ལས་སོ། །དེ་ལས་སྲིད་པ་མངལ་དུ་འཇུག་པའོ། །དེ་ལས་
སྐྱེ་བ་རབ་ཏུ་གསལ་བར་བྱེད་པ་མངོན་པར་རྒྱུ་འཐུན་པར་བྱེད་པའོ། །མངལ་གྱི་ཕུང་པོ་ལྔ་འཐོབ་བོ། །དེ་ནས་མངལ་ནས་སྐྱེ་བར་འགྱུར་རོ། །འཆི་བའི་སེམས་དང་སེམས་ལས་བྱུང་བ་འགོག་པས། དེ་ནས་རྒ་ཤིའི་

87-1-313a

སེམས་མྱ་ངན་དང་འཁྲུག་པ་མེད་པར་འགྱུར་རོ། །གྲོལ་ན་བདག་གིས་སྨྲེ་སྔགས་འདོན་པ་ཚོལ་བར་མི་འགྱུར་རོ་ཞེས་སོ། །ནད་ལ་སོགས་པའི་བར་དུ་གཅོད་པས་ཀྱང་སྡུག་བསྔལ་བ་ཅན་དུ་འགྱུར་རོ། །དེ་ཉིད་
ལ་ཡང་དང་ཡང་དུ་ཡིད་སྦྱོར་བས་ཡིད་མི་བདེ་བ་ཅན་ཡིན་ནོ། །ཡིད་མི་བདེ་བ་ཅན་གྱིས་ཀྱང་བར་དུ་གཅོད་པས་འཁྲུག་པ་ཅན་ཡིན་ནོ། །འདིའི་དོན་ནི་མ་རིག་པ་ལ་སོགས་པ་སྐྱེ་མཆེད་དྲུག་གི་མཐར་ཐུག་པས་བར་
དོའི་སེམས་ཅན་གཅིག་ཉིད་དུ་གནས་པས། འཇིག་རྟེན་གསུམ་པོ་ལྟ་ཞིང་ལྟ་བར་བྱེད་དོ། །ཕོ་མོ་རྗེས་སུ་ཆགས་པ་ལ་དེ་ལས་འདས་པའི་སྐྱེ་བའི་ལས་གང་གིས་འཕངས་ནས་གང་ཞིག་ཏུ་སྐྱེ་བ་ལེན་པར་འགྱུར་
རོ། །དེའི་སྐྱེ་བ་ནི་ཕོ་མོ་དག་གི་དགའ་བ་དག་ལ་ལྟ་བར་བྱེད་པས། དེའི་ཤིན་དུ་བདག་གི་རེག་པ་སྐྱེའོ། །དེ་ལ་གལ་ཏེ་སྐྱེས་བུར་འགྱུར་བ་དེའི་ཚེ་བདག་ཉིད་སྐྱེས་བུའི་རྣམ་པར་ལྟ་བར་བྱེད་དོ། །སེམས་མ་ལ་མཆོག་ཏུ་
ཆགས་པར་འགྱུར་རོ། །ཡང་ཕ་ལ་སེམས་ཞེ་སྡང་ཆེན་པོར་འགྱུར་རོ། །འདོད་ཆགས་དང་ཞེ་སྡང་དག་གིས་བདེ་བ་དང་སྡུག་བསྔལ་གྱི་ཚོར་བ་ལ། དེ་ལས་འདི་ཡིས་ལྷན་ཅིག་བྱེད་པ་གང་གིས་དགའ་བར་བྱེད་དོ་
ཞེས་སེམས་པར་བྱེད་པས་སྡུག་བསྔལ་ཡང་མ་ཡིན་བདེ་བ་ཡང་མ་ཡིན་པའི་ཚོར་བའོ། །དེ་ཡིས་གདོང་ཕྱིར་ལྡོག་པའོ། །དེ་ནས་སྔོན་གྱི་ལས་ཀྱི་རླུང་གིས་འཕངས་པའི་སྲེད་པ་ཆེན་པོ་ས་དེ་ལ་བདག་ཉིད་དགའ་
བར་བྱའོ་ཞེས་ཞེན་པའི་ཆ་ཡིས་སོ། །གང་ཞིག་སྐྱེས་བུ་ཡིན་ན་རང་གི་མ་ལ་འདོད་པར་བྱའོ་སྙམ་ནས། སེམས་སྐར་མདའ་བཞིན་དུ་ཕའི་མགོ་བོའི་ལམ་ནས་རབ་ཏུ་ཞུགས་ནས། དེའི་ཁུ་བ་ལ་གནས་ནས་
སེམས་གནས་པའི་ཕྱིར་རྣམ་པར་ཤེས་པ་བདེ་བ་ལ་ཆགས་པས་བདག་ཉིད་ལྟ་བར་བྱེད་དོ། །བདེ་བའི་རྒྱུས་ཉེ་བར་ལེན་པར་བྱེད་དོ། །དེ་ནས་ཁུ་བ་དང་། རོ་གཅིག་ཏུ་གྱུར་བས་ཆགས་པ་ཆེན་པོས་རྗེས་སུ་

87-1-313b

ཆགས་པས། ཨ་བ་དྷཱུ་ཏཱིའི་རྩ་ཕའི་རྡོ་རྗེའི་ལམ་ནས་མའི་པད་མའི་བུ་གའི་གནས་རྡོ་རྗེ་དབྱིངས་ཀྱི་དབང་ཕྱུག་མའི་རྩ་མངལ་གྱི་སྐྱེ་བའི་རྩ་ལ་གནས་ནས་འཛག་པའི་སེམས་བཞིན་དུ། དེ་ལས་སྐྱེ་བ་
ཡིན་ནོ། །དེ་ཡང་རིམ་པ་བཞིན་མེར་མེར་པོ་དང་། ཀླེང་ཀླེང་པོ་དང་། ལྟར་ལྟར་པོ་དང་། མཁྲང་འགྱུར་དང་། ཡན་ལག་དང་ཉིང་ལག་ཏུ་གྱུར་པའི་བུ་ནི་ཟླ་བ་དགུའམ། བཅུ་ནས་ལམ་གང་ཉིད་ནས་རབ་
ཏུ་ཞུགས་པ་དེ་ཉིད་ཀྱི་ལམ་ནས་སྐྱེ་བར་འགྱུར་རོ། །གལ་ཏེ་ཡང་བུད་མེད་དུ་འགྱུར་ན། དེའི་ཚེ་སེམས་ཕ་ལ་རྗེས་སུ་ཆགས་པར་འགྱུར་རོ། །མ་ལ་སེམས་ཞེ་སྡང་བར་འགྱུར་རོ། །དེ་ནས་བདག་ཉིད་
མའི་གཟུགས་ལ་ལྟ་བར་བྱེད་དོ། །རྣམ་པར་ཤེས་པ་མའི་མགོ་བོའི་ལམ་ནས་པད་མར་རབ་ཏུ་ཞུགས་ནས་ཕའི་ཁུ་བ་དང་།  འདྲེས་པར་འགྱུར་ནས་དེའི་སྐྱེ་བའི་རྩ་ལ་གནས་ནས། དེ་ནས་སྔོན་
བཞིན་དུ་འབྱུང་ཞིང་སྐྱེ་བོ། །དེ་བཞིན་ཉིད་དུ་མ་རིག་པ་ལ་སོགས་པ་དང་བཅས་པ་རྣམས་ཀྱིས་འཇིག་རྟེན་དུ་སྐྱེ་སྟེ། འཇིག་རྟེན་རྣམས་ཀྱང་ཕུང་པོ་ལྔ་པོ་རྣམས་དེ་བཞིན་དུ་དེ་རྣམས་ཀྱང་སྡུག་བསྔལ་ལ་འཁོར་
ཞིང་འཇུག་པའི་ཕུང་པོ་ལྔ་པོ་རྣམས་སོ། །ཐར་པ་དོན་དུ་གཉེར་བ་རྣམས་ལ། མ་རིག་པ་ལ་སོགས་པ་ཕུང་པོའི་རང་བཞིན་འགོག་པའི་ཕྱིར། སྡུག་བསྔལ་གྱི་བྱ་བར་གྱུར་པ་ཡང་མེད་དོ། །སྟོང་པ་ཉིད་དང་སྙིང་པོ་
མེད་པ་ཉིད་ཀྱིས་སྡུག་བསྔལ་གྱི་བྱ་བ་ཡང་མེད་ཅིང་ཐར་པའི་དོན་དང་ལྡན་པའོ། །དེའི་ཕྱིར་ཐར་པའི་བསམ་པ་མེད་ཅིང་། མེད་པའི་བསམ་པ་ཡང་མེད་པའོ། །དེའི་ཕྱིར་དངོས་པོ་མེད་པ་དང་བྲལ་བའི་ཐབས་དང་ཤེས་
རབ་ཡང་དག་པར་སྦྱོར་བའི་བདེ་བ་ཆེན་པོའི་གཟུགས་ཅན་ནི། དཔལ་ལྡན་མགོན་པོ་མི་གཡོ་བའི་བདག་ཉིད་ཅན་དགའ་བ་བཞིའི་སྐུ་ཅན། སྲེད་པ་དང་མྱ་ངན་ལས་འདས་པ་ལ་རབ་ཏུ་མི་གནས་པའི་ཐུགས་

87-1-314a

ཅན་ནོ། །ཐར་པ་ནི་འདོད་ཆགས་ལས་སྐྱེས་པ་སྟེ། འཇིག་རྟེན་པའི་འདོད་ཆགས་ཀྱི་འདོད་ཆགས་ཟད་པ་དང་ཟད་པ་མ་ཡིན་པར་གྱུར་པ། མི་གཡོ་བའི་དོན་ཡོངས་སུ་ཤེས་པ་སངས་རྒྱས་ཀྱི་
དངོས་གྲུབ་ཡང་དག་པར་གྲུབ་པར་བྱེད་དོ། །གཡོ་བར་བྱེད་པ་ནི།  ཤེས་རབ་དང་ཡང་དག་པར་སྦྱོར་བའི་བདེ་བའི་རོས་དགའ་བའི་སེམས་གང་ཡིན་པའོ། །ཟླ་བའི་ཁྱད་པར་གྱི་དགའ་བ་མཆོག་གི་སྙིང་
པོ་དེ་མི་གཡོ་བ་ཞེས་གསུངས་སོ། །ཞེས་པ་ནི་དཔའ་བོ་གཅིག་པ་ཉིད་དུ་གསུངས་པའི་དཔལ་གཏུམ་པོ་ཁྲོ་བོ་ཆེན་པོའི་རྒྱུད་ལ། རྟེན་ཅིང་འབྲེལ་པར་འབྱུང་བ་རིམ་པར་ཕྱེ་བ་སྟེ་བཅུ་དྲུག་པའོ།། །། 
དེ་ནས་བཅོམ་ལྡན་འདས་མས་གསོལ་པ། མགོན་པོ་འདིར་ནི་ཁུ་ཁྲག་སྦྱོར། །ལིང་ག་བྷ་ག་ནུ་མ་རྣམས། །རབ་ཏུ་འཕེལ་བར་བྱེད་ནུས་དང་། །ནད་དང་རྒས་པ་འཇོམས་པ་དང་། །བུད་མེད་ཡིད་ནི་དབང་གྱུར་དང་། །
མོ་ཤམ་ཉིད་དུ་བྱ་བ་དང་། །ཁུ་བ་བཅིང་དང་ཁྲག་འབབ་པའི། །སྦྱོར་བ་ཡང་ནི་བཤད་དུ་གསོལ། །དེ་ནས་བཅོམ་ལྡན་འདས་ཀྱིས་བཀའ་སྩལ་པ། ལྷ་མོ་ལེགས་སོ་ལེགས་པར་བྱས། །ཁྱོད་ཀྱི་ང་ལ་གསོལ་
བཏབ་གང་། །རྣམ་པ་སྣ་ཚོགས་དེ་བཤད་བྱ། །འཇིག་རྟེན་དངོས་གྲུབ་དོན་ཕྱིར་ཉོན། །དང་པོར་ལུས་ནི་སྦྱང་བྱས་ནས། །ཕྱི་ནས་ལས་ནི་ཡང་དག་བརྩམ། །དཔེར་ན་གོས་ནི་དཀར་བྱས་ལ། །མཚོན་གྱིས་ཁ་དོག་
མཆོག་འབར་ལྟར། །འབྲས་བུ་གསུམ་གྱི་ཐང་བཟུང་ནས། །ཡ་བཀྵ་ར་བ་ལ་ཥ་ཀྵ། །བཟའ་བྱ་བུ་རམ་དང་བཅས་བཏུང་། །སྲིན་བུ་མ་ཞུ་རབ་སྦྱངས་ནས། །ཀེ་ཏ་ཀྱ་ཁུ་མར་ཁུ་དང་། །ཧི་ལ་མོ་ཙི་སེན་དྷ་བ། །བཏུང་
བྱ་བྱུགས་ནས་ཉི་མས་བདུག །ཤིག་དང་སྲིན་བྲལ་ལུས་སུ་འགྱུར། །ཀེ་ཏ་ཀྱ་ཁུ་ཏིལ་མར་དང་། །ལན་ཚྭ་དང་བཅས་བཏུང་བྱས་ནས། །ཉི་མ་ལ་འཆག་སྦྱོར་བ་ཡིས། །ལན་ཚྭ་རྣམས་ནི་ཉམས་པར་འགྱུར། །

87-1-314b

ཧི་ལ་མོ་ཙ་ཁ་ཅུང་ཟད། །སེན་དྷ་བ་དང་ཡང་དག་ལྡན། །གྲིབ་མ་ལ་ནི་གནས་བཅས་ནས། །མཁྲིས་པ་རྣམས་ནི་སེལ་བར་བྱེད། །ཀེ་ཏ་ཀྱ་ཁུ་ཏེ་ལ་དང་། །ཀུ་ཙ་མཱ་ལ་བ་འོ་མ། །བཏུང་བའི་སྦྱོར་བ་འདི་ཉིད་ནི། །ཚིལ་ནི་
སྦྱོང་བར་ཐེ་ཚོམ་མེད། །ཕ་ཐ་སེ་མྱུག་ཁུ་བ་དང་། །ལན་ཚྭར་བཅས་པ་བཏུང་བྱས་ན། །སྲིན་བུ་ཕྲ་མོ་འཇོམས་པར་བྱེད། །འུ་སུས་བད་ཀན་སྦྲང་སྣས་འཐུང་། །རེ་རེའང་ཉི་མ་གཉིས་སུ་བྱ། །ཉེས་པ་སྦྱངས་ནས་ཕྱི་ནས་
བརྩམ། །དེ་ཡིས་དེ་ཉིད་འབྲས་བུ་སྟེར། །དགའ་མ་གཞན་དུ་དེ་འབྲས་མེད། །མོན་ཙ་ར་ཤུན་ཕྱེ་མ་ཡི། །ཐུག་པ་ཚ་མོ་བཏུང་བར་བྱ། །ལན་བདུན་དུ་ནི་སྔགས་བྱས་ནས། །སྔ་མོ་འམ་ནི་ཟས་དུས་སུ། །ཉིན་རེ་ཇི་བཞིན་
ཇི་སྲིད་འཚོར། །ཤུ་ཀྲ་ཤོ་ནི་འཕེལ་བར་འགྱུར། །ཨོཾ་ཙཎྜ་མ་ཧཱ་རོ་ཥ་ཎ་ཨི་དྃ་དི་བྱ་མྲྀ་དཾ་མེ་ཀུ་རུ་ཧཱུྃ་ཕཊ། ན་ནི་ཀེ་ལའི་ནང་རུལ་དང་། །མ་ཧེ་ཡི་ནི་མར་གསར་དང་། །འབྲས་བུ་ཞག་ལོན་དང་ལྡན་པ། །
ཕག་ལས་བྱུང་བའི་ཚིལ་གྱིས་ནི། །ལིང་ག་རྣ་བ་ནུ་མ་དང་། །བྷ་ག་རྣམས་ཀྱང་རྣམ་པར་མཉེ། །ལུས་ཀུན་ཀྱང་ནི་རྣམ་མཉེས་ན། །རྣམ་པར་འཕེལ་བར་ཐེ་ཚོམ་མེད། །སེན་མོ་དང་ནི་བྲལ་བྱས་ནས། །འཛུབ་མོ་ཡིས་ནི་ཉེད་
པར་བྱ། །ཡོ་ནིའི་དབུས་སུ་རབ་ཏུ་ཉེད། །བྱུགས་ན་རན་དྲ་འཕེལ་བར་གྱུར། །སེ་འབྲུའི་ཤུན་པ་ཕྱེ་མ་ནི། །ཡུངས་ཀར་ཏིལ་མར་ལ་བཙོས་ནས། །ནུ་མ་མཉེས་ན་འཕེལ་བར་འགྱུར། །མུཎ་ཌ་རཱི་ཐང་སྣ་ཡིས་བཏུང་། །
ཡུངས་ཀར་དཀར་པོ་ཤུ་ཐག་དང་། །རྟ་དྲི་དང་ནི་བྲི་ཏ་ཏིའི། །ཕྱེ་མ་ཡིས་ནི་ཉེད་པར་བྱ། །ལིང་ག་ནུ་མ་རྣ་བ་འཕེལ། །གླང་ཆེན་པི་པི་ལིང་དང་ནི། །ཨ་པ་ར་ཛི་དཀར་པོ་ཡིས། །དེ་བཞིན་མ་ཧེའི་མར་གསར་གྱིས། །ལིང་གན་
མཉེས་ན་འཕེལ་བར་བྱེད། །སེ་བ་ལ་དང་ཀ་ཊྱ་དང་། །རོ་ཧི་ཎཱི་དང་མ་ཧེ་ཡི། །མར་གསར་བྱུགས་པས་ལིང་ག་འཕེལ། །དྷུ་ཏུ་ར་ཁུ་རྟ་དྲི་ཡི་རྩ། ། གནུར་ནས་མ་ཧེའི་མར་དང་བསྲེས། །དྷུ་ཏུ་ར་ཡི་འབྲས་ནང་དུ། །ཉིན་མཚན་

87-1-315a

དུ་ནི་གཞག་པར་བྱ། །དེ་ནས་ལིང་ག་མ་ཧེ་ཡི། །མར་གྱིས་ལན་གཅིག་བརྟན་པར་ཉེད། །སྔོན་བཞིན་དུ་ནི་ཞག་གསུམ་དུ། །བྱུགས་ཤིང་མཉེས་པས་འཕེལ་བར་བྱེད། །ཨིན་ཏྲ་གོ་བའི་ཕྱེ་མ་དང་། །མ་ཧེའི་མར་གྱིས་
བསྒྲུབ་པར་བྱ། །ཡོ་ནིའི་ནང་དུ་བྱུགས་གྱུར་ན། །ཡོ་ནིའི་ལྷོད་པ་དམ་པར་འགྱུར། །པད་མའི་ཟེ་འབྲུ་ཨུད་པལ་འབྲུ། །པད་རྩ་ཨུ་ཤི་ར་དང་ནི། །མོན་ལུག་ཏིལ་མར་ནང་དུ་ཙོ། །དེ་ཡིས་བྷ་ག་ལིང་ག་དག །དྲི་ངན་དང་ནི་ལྷོད་པ་དང་། །ནད་
ལ་སོགས་པ་འཇོམས་པར་བྱེད། །ནིམ་པའི་ཤུན་པའི་ཐང་གིས་ནི། །བྷ་ག་ལ་ནི་ཁྲུས་བྱའོ། །ནིམ་པའི་ཤུན་པས་འདུག་བྱས་ན། །འདི་ནི་གཞོན་དང་དྲི་བཟངས་དང་། །སྐལ་བཟང་ཡོན་ཏན་དང་ལྡན་འགྱུར། །བ་བླ་ཡི་ནི་ཆ་
ལྔ་དང་། །ཀིཾ་ཤུལ་ཧྐ་ཀྵཱ་ར་ཆ་གཅིག །ཡ་བཀྵ་ར་ཆ་གཅིག་དང་། །ཆུ་ཤིང་ཀྵ་ར་ཆ་གཅིག་དང་། །ཆུ་ནང་མཉེས་ནས་བྱུགས་ཙམ་གྱིས། །བྷ་ག་མཚན་དང་སྐྱེ་གནས་ཀྱི། །སྤུ་ནི་ལྟུང་བར་བྱེད་པ་ཡིན། །དེ་ནས་ཧ་ལ་ཧ་ལའི་སྦྲུལ། །
མཇུག་མའི་ཕྱེ་མ་དང་བསྲེས་ནས། །ཚ་བའི་ཏིལ་མར་ཞག་བདུན་གཞག །དེ་ཡིས་ལིང་ག་ལ་སོགས་མཉེ། །སླར་ཡང་སྤུ་ནི་འབྱུང་མི་འགྱུར། །མ་ཧེ་ཕག་དང་གླང་ཆེན་དང་། །ཀར་ཀ་ཊ་ཡི་ཞག་དང་ཚིལ། །ནུ་མ་ལ་སོགས་
ཉེད་བྱས་འཕེལ། །སྣ་མའི་མེ་ཏོག་ཏིལ་དང་བཏགས། །བྷ་ག་ལ་ནི་གྲུལ་བྱས་ན། །སྟེང་དུ་མཐོ་བར་བྱེད་པ་ཡིན། །མ་ཧེ་ཡི་ནི་མར་གསར་དང་། །ཤུ་ཐག་རུ་རྟ་བ་ལ་དང་། །ནཱ་ག་བ་ལས་ཉིད་བྱས་ན། །ནུ་མ་འཕེལ་བར་
བྱེད་པ་ཡིན། །ཆུ་དྲོན་གྱིས་ནི་ཁྲུས་བྱས་ན། །ལིང་ག་སྔོན་བཞིན་འཕེལ་བ་ཉམས། །དཎ་ཌ་ཨུད་པལ་རྩ་བ་དང་། །བ་ཡི་མར་དང་བཏུང་བྱས་ན། །དུས་ལྡན་དུས་ལ་སྦྲུམ་པར་འགྱུར། །རྟ་དྲིའི་རྩ་བ་མར་འཐུངས་ན། །སྦྲུམ་མ་
ཉིད་དུ་འགྱུར་བ་ཡིན། །བ་ལ་ཨ་ཏི་བ་ལ་དང་། ཀ་ར་དང་། ཏིལ་དང་། མཱཀྵི་ཀའི་སྦྲང་དང་བཅས་པ་འཐུངས་ན་སྦྲུམ་པར་འགྱུར་རོ། །བབ་ལའི་རྩ་བ་ཆུ་དང་བཏགས་ནས་མཐུངས་ན། ཁྲག་འཛག་པ་ཆད་པར་འགྱུར་རོ། །

87-1-315b

ནས་ཀྱི་ཕྱེ་དང་། བའི་ཆུ་དང་། སྤོས་དཀར་དང་། ཤིང་མངར་དང་། མར་རང་གི་ལུས་ལ་དྲིལ་ཕྱིས་བྱས་ན་བཟང་པོར་འགྱུར་རོ། །བར་ཧ་ཙྐྲན་ཏཱའི་རྩ་བ་དུས་ལྡན་མའི་རྣ་བ་ལ་བཏགས་ན་སྦྲུམ་པར་འགྱུར་རོ། །ཀ་ལམ་བིའི་ལོ་མ་ཟོས་ན་
ཁམས་འཕེལ་ལོ། །སྦྲང་དང་ཞོ་ཟོས་ན་ཁམས་འཕེལ་ལོ། །དཀར་མར་ཟོས་ན་ཁམས་འཕེལ་ལོ། །བུད་མེད་ཀྱི་དྲི་ཆེན་དང་དྲི་ཆུ་མཉེས་ནས་མཐུངས་ན་ཁུ་བ་འཕེལ་ལོ། །སྐྱུ་རུ་རའི་ཕྱེ་མ་ཆུའམ་མར་དང་སྦྲང་དང་སྦྱར་ཏེ་ཕྱི་དྲོ་
ཟོས་ན། མིག་གཞོན་ནུ་དང་ཤེས་རབ་ཀྱང་སྐྱེ་བར་བྱེད་དོ། །སྐྱུ་རུ་རའི་ཕྱེ་མ་ཏིལ་ཕྱེ་མ་དང་མཉམ་པོ་མར་དང་སྦྲང་བཟའ་བར་བྱས་ན་ཡང་འབྲས་བུ་དེ་ཇི་ལྟ་བ་བཞིན་ནོ། །གར་ཁ་ཏན་ཊུ་ལའི་རྩ་བ་དང་། རྟ་དྲི་དང་། 
ཏིལ་དང་། ནས་དང་། བུ་རམ་རོ་མཉམ་པོར་བྱས་ནས་བཟའི་བར་བྱས་ན་གཞོན་ནུར་འགྱུར་རོ། །ཨརྫུ་ནའི་ཤུན་པའི་ཕྱེ་མ་འོ་མ་དང་སྦྱར་ཉིན་རེ་ཞིང་བཟའ་བར་བྱས་ན། ལོ་གཅིག་གི་སྦྱོར་བས་ཚེ་ལོ་སུམ་བརྒྱའོ། །
སྐྱུ་རུ་རའི་ཁུ་བ་སྲང་གཅིག་དང་། བ་ཀུ་སོ་མ་ར་ཛའི་ཕྱེ་མ་ཞོ་གཉིས་ཐོ་རངས་འཐུངས་ནས། ཞུ་བ་དང་འོ་མའི་བཟའ་བཟོས་ན། ཟླ་བ་གཅིག་བྱས་ན་ཚེ་ལོ་ལྔ་བརྒྱ་འཚོའོ། །བཱ་གུ་ཙྀ་ཞོ་གཉིས་དང་དར་བ་དང་། 
ཆུ་དང་ཙམ་མོ་འོ་མ་དང་། གང་ཡང་རུང་བ་དང་སྦྱར་འཐུངས་ན་ཟླ་བ་དྲུག་གི་སྦྱོར་བས་གཞོན་ནུར་འགྱུར་རོ། །མུཎ་ཌ་རིའི་ཕྱེ་མ་མར་དང་ཟོས་ན། ཞག་བདུན་ཕྲག་གསུམ་གྱིས་ལོ་རྒྱད་གཉིས་ལོན་པའི་རྣམ་པར་འགྱུར་རོ། །
ས་ན་བཱཻ་ཛཱའི་ཕྱེ་མ་སྲང་གཅིག་དང་། ར་ཀ་ཤཱ་ལ་སྲང་གཅིག་དང་། བ་ཁ་དོག་གཅིག་པའི་འོ་མ་ཁམ་ཕོར་དོ་བཙོ་བར་བྱའོ། །དང་པོར་འོ་མ་ཁམ་ཕོར་གང་ཟད་པ་དང་བླངས་ནས། ས་ན་ལ་སོགས་པ་དེ་ལ་བྱིན་ནས་བཙོ་བར་བྱའོ། །
དེ་ནས་བཟའ་བར་བྱའོ། །སྨན་ཞུ་ནས་འོ་མ་དང་བཟའ་བར་བྱའོ། །རླུང་དང་ཉི་མ་སྤངས་ཏེ་ཞག་བདུན་ཕྲག་གསུམ་དུ་ཇི་སྲིད་ཇི་ལྟ་བ་དེ་བཞིན་དུ་ཕྱི་ནས་བྱའོ། །དེ་ནས་སྐྲ་ལ་སོགས་པ་ལྟུང་བར་འགྱུར་རོ། །སླར་ཡང་སྐྱེ་བར་འགྱུར་རོ། །

87-1-316a

དེ་ནས་སྐྲ་དཀར་དང་གཉེར་མ་བྲལ་ནས་ལོ་བརྒྱ་འཚོ་བར་འགྱུར་རོ། །ར་ཀཱ་ཨུཙྪ་ཊའི་རྩ་བ་དང་། མར་དང་།  སྦྲང་རྣམས་ཞུམ་བུའི་ལག་པ་ཙམ་བཟའ་བར་བྱའོ། །འདིའི་འབྲས་བུ་ནི་དེ་བཞིན་ཉིད་དོ། །སྐྱུ་རུ་ར་དང་། 
ཨ་རུ་ར་དང་། བྷྲིང་ག་རཱ་ཛ་དང་། པི་པི་ལིང་དང་། ཕོ་བ་རིས་དང་། ལྕགས་ཀྱི་ཕྱེ་མ་རྣམས་སྦྲང་དང་། ཀར་དག་དང་། ཨུ་དུམ་འབའ་རའི་འབྲས་བུའི་ཚད་ཙམ་རི་ལུ་བྱས་ནས། དེ་ནས་རི་ལུ་རེ་རེ་ཉིན་རེ་ཞིང་བཟའ་བར་བྱའོ། །ཟླ་བ་གཅིག་གིས་ལོ་སུམ་བརྒྱ་
འཚོའོ། །གཞོན་ནུ་མ་སྲང་གཅིག་དང་། མར་དང་།   བཅས་པ་བཟའ་བར་བྱའོ། །ཞག་བདུན་གྱིས་ཚེ་ལོ་བརྒྱའོ། །ནས་དང་ཏིལ་དང་། རྟ་དྲི་དང་། ནཱ་ག་བིལ་དང་། བ་ཥཱ་དང་། བུ་རམ་དང་བཟའ་བར་བྱའོ། །སྟོབས་ཆེན་པོར་འགྱུར་རོ། །
བྷ་དྲ་ལའི་ཕྱེ་མ་སུམ་འགྱུར་རོ། །ཨ་རུ་ར་དང་། དེ་བཞིན་དུ་ཆུ་ལ་སོགས་པ་དང་བཟའ་བར་བྱའོ། །སྟོབས་ཆེར་པོར་འགྱུར་རོ། །རྣམ་པ་ཐམས་ཅད་དུ་བདག་ཉིད་ལྷའི་རྣམ་པར་བསྒོམས་ནས་གཏུམ་པོའི་སྔགས་ཀྱིས་སྨན་ཡང་དག་པར་
བྱིན་གྱིས་བརླབ་པར་བྱའོ། །ཞེས་པ་ནི་དཔའ་བོ་གཅིག་པ་ཉིད་དུ་གསུངས་པའི་དཔལ་གཏུམ་པོ་ཆེན་པོའི་རྒྱུད་ལས། ཁམས་ལ་སོགས་པ་འཕེལ་བའི་རིམ་པར་ཕྱེ་བ་སྟེ་བཅུ་བདུན་པའོ།། །། 
དེ་ནས་བཅོམ་ལྡན་འདས་ཀྱིས་བཀའ་སྩལ་པ། ཨེ་རཎ་ཌའི་རྩ་བ་རང་སྐྱུར་ལ་བཏགས་ནས་སྤྱི་བོ་མཉེས་ན་མགོ་བོའི་ཟུག་རྔུ་ཞི་བར་འགྱུར་རོ། །ར་དང་བ་དང་མིའི་ཆུ་བསྲེས་ནས་རྒྱམ་ཚྭ་དང་བཅས་པས་རྣ་བ་བཀང་ན་རྣ་བའི་ནད་
ཞི་བར་འགྱུར་རོ། །སྡོམ་སྐམ་པོ་ཏིལ་མར་དུ་བཅུག་ནས། ཀ་ཏ་ཀྃ་དང་། པི་པི་ལིང་དང་། སྐྱུ་རུ་ར་དང་། ཡུང་བ་དང་། ཟིལ་པའི་ཆུ་ལ་རི་ལུ་བྱས་ནས་དེ་ཡིས་མིག་སྨན་བྱས་ན། མིག་གི་ནད་ཐམས་ཅད་སེལ་བར་བྱེད་དོ། །སྦྲང་དང་
པི་པི་ལིང་གི་མིག་སྨན་གྱིས་ཀྱང་ངོ་། །རྣ་ལྦབས་དང་སྦྲང་གིས་མིག་སྨན་བྱས་ན་སྲོད་ལོང་སེལ་བར་བྱེད་དོ། །གྷོ་ཥ་ཕ་བྃ་གི་དྲི་མ་མནོམ་ཞིང་ཀྃ་ཀཱ་ལྃ་ཀོའི་རྩ་བ་དང་། སྦྲང་གི་ཆུ་དང་། སྣ་ཡིས་བཏུང་བར་བྱས་ན་མཁྲིས་ནད་མིག་

87-1-316b

སེར་སེལ་བར་བྱེད་དོ། །ལེབ་རྒན་རྩིའི་ཁུ་བ་དང་། དཱུར་བའི་ཁུ་བ་དང་། སེ་འབྲུའི་མེ་ཏོག་གི་ཁུ་བ་དང་གཅིག་ཏུ་བྱས་ནས་སྣར་བླུགས་ན་སྣ་ཁྲག་འཛག་པ་འཆད་དོ། །ཀཱཥྠ་ཨུ་དུམ་འབའ་རའི་རྩ་བ་དང་འབྲས་ཀྱི་ཆུས་ཁ་ནས་ཁྲག་འཛག་
པ་འཆད་པར་བྱེད་དོ། །སེ་ཕ་ལི་ཀཱའི་རྩ་བ་ལྡང་ན་མགུལ་འགགས་སེལ་བར་བྱེད་དོ། །ར་ཏའི་རྩ་བས་འཆའ་བ་སེལ་བར་བྱེད་དོ། །བའི་མར་དང་། བའི་འོ་མ་དང་། སྡིག་པའི་རྐང་པ་བཙོས་ནས་རྐང་མཐིལ་ལ་མཉེ་བར་བྱས་ན། སོ་
འཆའ་བ་རྣམ་པར་སིལ་བར་བྱེད་དོ། །ལ་ཕུག་གི་ས་བོན་དང་། པྲི་ཡང་ཀུ་དང་། ཙན་དན་དམར་པོ་དང་། རུ་རྟ་དང་བརྟགས་ནས་དྲིལ་ཕྱིས་བྱས་ན། ཁྱི་རྔོ་ལ་སོགས་པ་འཇོམས་པར་བྱེད་དོ། །ཧ་རི་ཎའི་ཤ་སྐམ་པོ་སྲང་གཅིག་དང་། 
རའི་འོ་མ་དང་བཏུང་བར་བྱས་ན། ཟད་བྱེད་ཀྱི་ནད་སེལ་བར་བྱེད་དོ། །མ་ཧེའི་ཞོ་དང་འབྲས་ཟན་གྱི་བཟའ་བས། བཙན་ཐབས་སུ་འཁྲུ་བ་སེལ་བར་བྱེད་དོ། །འབྲས་ཟན་ཆུ་དང་བཅས་པ་གྲང་མོས་ཀྱང་དེ་བཞིན་དུ་སེལ་བར་བྱེད་དོ། །
རུ་རྟའི་ཤུན་པ་ཆ་གཉིས་དང་། ཕོ་བ་རིས་དང་། བུ་རམ་དང་། སྒོག་སྐྱ་རྣམས་ཆ་རེ་བའི་དར་བ་དང་། འཐུངས་ན་ལྟོ་འགྱིངས་པ་སེལ་ལོ། །སྐྱུ་རུ་ར་དང་། པི་པི་ལིང་དང་། ཙི་ཏྲ་ཀ་དང་། སྒེ་གཤེར་དང་། བུ་རམ་རྙིང་པ་དང་། 
མར་དང་སྦྲང་དང་། ཆ་མཉམ་དུ་དགོངས་ཀ་ཟོས་ན་གློ་དང་དབུགས་མི་བདེ་བ་སེལ་ལོ། །ཨ་རུ་རའི་ཕྱེ་མ་དང་། །སྦྲང་གིས་ཀྱང་དེ་བཞིན་ནོ། །སེང་ལྡེང་གི་ལོ་མ་དང་། ནས་དང་། ནས་ཀྱི་མྱུ་གུ་བཅའ་བར་བྱས་ན། ལྟོ་བའི་
ནད་སེལ་བར་བྱེད་དོ། །སྒེ་བཤེར་དང་། ཟི་ར་དང་། ཞོའི་ཐུག་པ་ལན་ཙྭ་དང་བཅས་པ་འཐུངས་པས་རབ་ཏུ་ཚ་བའི་ཆུ་ནད་རྣམ་པར་སེལ་ལོ། །ཀ་ར་དང་། ཡ་བཀྵ་ར་དང་ཆ་མཉམ་དུ་བཟའ་ཞིང་། ཤོ་བྷ་ཛ་ནའི་རྩ་བའི་
ཆང་འཐུངས་ན། ཆུ་སོའི་རྡེའུ་འབྱིན་པར་བྱེད་དོ། །ཨ་རུ་ར་དང་། ཙི་ཏྲ་ཀ་དང་། སྒེ་བཤེར་དང་། དར་བ་འཐུངས་ན་མཚེར་མ་སྐྲངས་པའི་ནད་སེལ་ལོ། །ཟི་ར་དང་། བུ་རམ་བཟའ་བར་བྱས་ན། ཚ་བ་སེལ་བར་བྱེད་དོ། །

87-1-317a

ཡ་བཀྵ་ར་དང་། ཞོ་འཐུངས་བར་བྱས་ན་བེ་སྣབས་འཁྲུ་བའི་ནད་སེལ་བར་བྱེད་དོ། །ཚ་བ་གསུམ་དང་། བྱི་ཏང་ཀ་དང་། རྒྱམ་ཚྭ་དང་བཅས་པའི་ཐུག་པ་དྲོན་མོ་འཐུངས་ན། མེ་འབར་བ་དང་། སྲིན་བུའི་
ནད་སེལ་བར་བྱེད་དོ། །ཨ་རུ་ར་དང་། བུ་རམ་གྱི་བཟའ་བས་འབྲུམ་ནག་གི་ནད་སེལ་བར་བྱེད་དོ། །ཨ་རུ་ར་དང་། སྒ་སྐྱའི་བཟའ་བས་བེ་སྣབས་འཁྲུ་བའི་ནད་སེལ་ལོ། །དཱུར་བ་དང་ཡུང་བ་བཏགས་ནས་བྱུགས་ན་རྔོ་ཤུ་
སེལ་བར་བྱེད་དོ། །འདི་ཡིས་དེ་བཞིན་དུ་མེ་དབལ་དང་། ཕོལ་མིག་དང་། ཁྱིམ་ལ་སོགས་པའང་སེལ་བར་བྱེད་དོ། །ཀཱ་ཤ་མར་དྲའི་རྩ་བ་རང་སྐྱུར་ལ་བཏགས་ནས་ཀྱང་དེ་བཞིན་ནོ། །བུ་རམ་དང་ཚ་བའི་མར་ཁུ་འཐུངས་ན།  གློ་དང་
དབུགས་གདུག་པ་སེལ་བར་བྱེད་དོ། །ཨརྫུ་ནའི་ཤུན་པ་དང་། མར་ལ་སོགས་པ་ཟོས་ན་སྙིང་གི་ཟུག་རྔུ་སེལ་བར་བྱེད་དོ། །ཀ་ཕེད་བསྲེགས་ལ་བུ་རམ་དང་བཟའ་བར་བྱས་ན། ཁྲག་ཏུ་འཁྲུ་བ་སེལ་བར་བྱེད་དོ། །མ་ཏུ་ལུང་ཀའི་
ཁུ་བ་བུ་རམ་དང་བཏུང་བར་བྱས་ན་ཟུག་རྔུ་སེལ་བར་བྱེད་དོ། །བུ་རམ་དང་བཅྭའ་སྒ་སྣར་བླུགས་ན། ཆམ་པའི་ནད་ཐམས་ཅད་སེལ་བར་བྱེད་དོ། །ཀ་ཏ་ཀམ་དང་། སྦྲང་གིས་མིག་སྨན་བྱས་ན་མིག་ནད་ཐམས་ཅད་སེལ་བར་
བྱེད་དོ། །རང་སྐྱུར་དང་། འབྲུ་མར་དང་། རྒྱམ་ཚྭ་དང་། དཱུར་བའི་རྩ་བ་འཁར་རའི་ནང་དུ་མཉེས་ནས་མིག་སྨན་བྱས་ན་ཟུག་རྔུ་སེལ་བར་བྱེད་དོ། །བུ་རམ་དང་། མར་ཟ་བར་བྱེད་ན། རླུང་དང་། མཁྲིས་པ་དང་། བད་ཀན་དང་། མཛེ་
ལ་སོགས་པ་རྣམ་པར་སེལ་བར་བྱེད་དོ། །འབྲས་བུ་གསུམ་གྱི་ཕྱེ་མ། མར་དང་། སྦྲང་དང་བཟའ་བར་བྱས་ན་ནད་ཐམས་ཅད་སེལ་བར་བྱེད་དོ། །ཨ་རུ་རའི་ཕྱེ་མ་དང་། མར་དང་། སྦྲང་དང་། ཕྱི་དྲོའི་དུས་སུ་ལྡགས་ན། རླུང་དང་། 
བད་ཀན་སེལ་བར་བྱེད་དོ། །བཱ་ཤ་ཀའི་ཡན་ལག་ལྔ་དང་། ཆུ་ཐག་དང་། ཚངས་མ་དང་། པི་པི་ལིང་རྣམས་སྐམས་ནས་ཕྱེ་མར་བྱས་ཏེ། རྒྱམ་ཚྭ་དང་། སྦྲང་དང་། རི་ལུ་བྱས་ཏེ། དེ་ནས་སྒོངས་མོ་ཟོས་ན་བད་ཀན་རྣམས་སེལ་

87-1-317b

ཞིང་ཤིན་དུ་དབྱངས་སྙན་པར་བྱེད་དོ། །ཚངས་མ་དང་། ཆུ་ཐག་དང་། བཅའ་སྒ་དང་། པི་པི་ལིང་དང་། ཨ་རུ་ར་དང་། བ་ཤ་ཀ་དང་། སེང་ལྡེང་རྣམས་སྦྲང་ལ་རི་ལུ་བྱས་ནས་བཟའ་བར་བྱས་ན་དེ་ལྟ་བུའི་འབྲས་བུ་
ཉིད་དོ། །ལ་ལ་ཕུག་དང་། བཅའ་སྒ་དང་། ཨ་རུ་ར་དང་། རྒྱམ་ཚྭ་དང་ཆ་མཉམ་པོར་བཟའ་བར་བྱས་ན། མ་ཞུ་བ་ཐམས་ཅད་སེལ་བར་བྱེད་དོ། །སླེ་ཏྲེས་ཀྱི་ཁུ་བ་དང་། སྦྲང་འཐུང་བར་བྱས་ན་ཆུ་ནད་ཐམས་ཅད་
སེལ་བར་བྱེད་དོ། །འོ་མ་དང་། པི་པི་ལིང་གི་ཕྱེ་མ་མར་དང་། སྦྲང་དང་འཐུངས་བར་བྱས་ན། ཚ་བ་དང་། སྙིང་ནད་དང་། གློ་ལ་སོགས་པ་སེལ་བར་བྱེད་དོ། །ལཛྫ་ལུ་དང་། ཤ་ར་པུང་ཀའི་རྩ་བ་འབྲས་ཁུ་གྲང་མོས་བཏགས་
ནས་བྱུག་པར་བྱའོ། །སླེ་ཏྲེས་ཀྱི་རྩ་བ་བཟའ་བར་བྱས་ན། རྩ་ནང་གི་རྨ་འཚོ་བར་བྱེད་དོ། །བཅའ་སྒ་དང་། ཡ་བཀྴ་ར་བཟའ་བར་བྱས་ན་ལྟོགས་པ་སེལ་བར་བྱེད་དོ། །ཛ་ཡན་ཏའི་ས་བོན་དང་། ཕོ་བ་རིས་ཉི་མ་གསུམ་མཐུང་
བར་བྱས་ན་སྡིག་པའི་ནད་འབྲུམ་ནག་སེལ་བར་བྱེད་དོ། །འབྲས་བུ་གསུམ་དང་། རམས་དང་། ས་ནག་པོ་དང་། བྷྲིཾ་ག་རཱ་ཛའི་ཁུ་བ་དང་། ཨ་མྲའི་ས་བོན་དང་། ལྕགས་ཀྱི་ཕྱེ་མ་རང་སྐྱུར་དང་བསྙལ་ནས་གསིང་བར་བྱའོ། །
དེ་ནས་གུ་གུལ་གྱིས་སྐྲ་ལ་བདུགས་ནས་དེ་ཡིས་མཉེ་བར་བྱའོ། །དེ་ནས་ཞག་བདུན་བཅིངས་ནས་གཞག་པར་བྱའོ། །སྐྲ་ཁ་བསྒྱུར་བའོ། །རྨ་བྱའི་མཁྲིས་པ་དང་། བྷྲིང་ག་རཱ་ཛའི་ཁུ་བ་དག་པའི་མར་ལ་བཙོས་ནས་སྣར་
བླུགས་ན་ཞག་བདུན་གྱིས་སྐྲའི་མདོག་ནག་པོར་འགྱུར་རོ། །ཕུ་ནར་ན་བ་དང་རན་ཌ་དག་གི་ཐང་བཅུ་དྲུག་འགྱུར་གྱི་བར་དུ་ཆ་གཅིག་ལུས་ཀྱི་བར་དུ་བསྐོལ་བར་བྱའོ། །དེ་ནས་གྷུཉྫ་ཛ་དཀར་པོའི་ཕྱེ་མ་བླུགས་ནས་དཀྲུག་
པར་བྱའོ། །དེ་ནས་འབྲུ་མར་ཁམ་ཕོར་གང་དང་བཙོ་བར་བྱའོ། །འདིས་སྐྲ་དང་མཉེས་པས་སྐྲ་ཁ་དོག་ནག་པོར་འགྱུར་རོ། །བྷུ་མི་བི་དཱ་རཱི་དང་། ཚ་བ་གསུམ་དང་། མུ་ཟི་དང་མཉམ་པོ་ཕྱེ་མར་བྱས་ནས་སྡོང་བུའི་ནང་དུ་

87-1-318a

བཅུག་ནས། སྡོང་བུ་ཁ་ཐུར་དུ་བསྟན་ནས་མེ་སྦར་ནས་རིམ་པར་ཚ་བའི་འབྲུ་མར་བླངས་ནས། རྟག་ཏུ་ཐིགས་པ་གཉིས་སྣ་ཡིས་མཐུངས་ན། སྐྲ་དཀར་དང་གཉེར་མ་དང་བྲལ་བར་འགྱུར་རོ། །དེའི་ཁུ་བས་མཛེ་ལ་
བྱུགས་ཤིང་མཉེས་ན་མཛེ་ནད་སེལ་བར་བྱེད་དོ། །མར་གསར་པ་ཡིས་མཉེས་ནས་ལྡོང་རོས་དྲུག་ནམ་གཅིག་དང་བཅས་ཏེ་དངུལ་ཆུ་སྲང་གཅིག་དང་། ཤ་ལིང་རྩ་དང་། ལོ་ཎི་ཨའི་གོང་བུ་དང་། ལུགས་སྐོང་གི་ཁ་བཀབ་ནས། བུམ་
པའི་འཕྲུལ་འཁོར་གྱི་ནང་དུ་བྱེ་མ་དང་བཅས་པ་མེ་ལ་བསྲེག་པར་བྱའོ། །དངུལ་ཆུ་བཅིང་བ་བཟའ་བར་བྱས་ན། ཟད་བྱེད་ལ་སོགས་པའི་ནད་སེལ་བར་བྱེད་དོ། །བའི་བེའུ་སྐྱེས་པའི་དང་པོའི་ལྕི་བ་བླངས་ནས་རི་ལུ་བྱས་ཏེ་པིཎ་ཌ་ཏ་
ག་རའི་རྩ་བ་དང་མཉེས་ནས་བཅིང་བར་བྱའོ། །སོར་གཅིག་ཟོས་ནས་དུག་ཟོས་ན་ཡང་གནོད་པར་མི་འགྱུར་རོ། །འཛམ་བུའི་ས་བོན་དང་། བི་ཛ་པཱུ་ར་ཀའི་ས་བོན་དང་། ཤི་རི་ཥཱ་ས་བོན་དང་བཏགས་ནས་རའི་འོ་མ་ལ་བཙོ་བར་
བྱས་ནས་མར་དང་བཟའ་བར་བྱས་ན། ཟླ་བ་ཕྱེད་དུ་ལྟོགས་པར་མི་འགྱུར་རོ། །སྐྱུ་རུ་ར་དང་། རུ་རྟ་དང་། ཨུད་པ་ལ་དང་། སྤང་སྤོས་དང་། བཱ་ལ་དང་། དེ་རྣམས་ཀྱིས་བྱུགས་ན་སྐྲ་སྲབ་མོ་ཡང་ཚན་མཐུག་པོར་འགྱུར་རོ། །ཁྱིའི་
མཆེ་བ་དུ་བའི་ནང་དུ་བསྲེགས་ནས་འོ་མ་དང་མར་དང་བཅས་པས་མཉེ་བར་བྱས་ན་སྐྲ་མ་སྐྱེས་པ་ཡང་སྐྱེ་བར་འགྱུར་རོ། །ན་རི་ཀེ་ལའི་ཆུ་ལ་སྐྱེས་བུའི་དབང་པོ་ཅུང་ཟད་བར་དུ་གཞག་ནས་སུ་ར་སུ་ན་ཕྱེ་མ་བྱིན་ན་སྐྱེས་བུའི་
དབང་པོའི་ཤུ་བའི་ནད་སེལ་བར་བྱེད་དོ། །རྒྱལ་གྱི་ཟླ་བ་ལ་བྷྲིང་ག་རཱ་ཛའི་རྩ་བ་རང་གི་ཁུ་བ་དང་སྦྱར་ནས་བྱུགས་ན་དེ་བཞིན་ནོ། །ཀ་ར་བི་ར་དཀར་པོའི་འཁྲི་ཤིང་དང་། རྩངས་པའི་ཁྲག་གིས་མཉེ་བར་བྱས་ནས། ཤྨ་ཐཻ་དང་། བྷྲིད་
ག་རཱ་ཛ་མཉེས་ནས་རབ་ཏུ་བྱུགས་ན་ཡང་དེ་བཞིན་དུ་འགྱུར་རོ། །ཞེས་པ་ནི་དཔའ་བོ་གཅིག་པ་ཉིད་དུ་གསུངས་པའི་དཔལ་གཏུམ་པོ་ཁྲོ་བོ་ཆེན་པོའི་རྒྱུད་ལས། ནད་འཕེལ་བ་གཞོམ་པའི་རིམ་པར་ཕྱེ་བ་སྟེ་བཅོ་བརྒྱད་པའོ།། །།

87-1-318b

དེ་ནས་བཅོམ་ལྡན་འདས་ཀྱིས་བཀའ་སྩལ་པ། ཨ་པ་ར་ཛི་ཀ་དཀར་པོའི་རྩ་བ་དང་། ཁུ་བ་རི་ལུ་བྱས་ནས་ཐིག་ལེ་བྱས་ན་བུད་མེད་དབང་དུ་འགྱུར་རོ། །བྲཧྨ་དཎ་ཌི་དང་། ཆུ་ཐག་དང་། རུ་རྟ་དང་། སྦྲང་ལིང་ག་ལ་བྱུགས་
ནས་བུད་མེད་ལ་འདོད་པ་བྱས་ན་དབང་དུ་འགྱུར་རོ། །བོང་བུའི་ཁུ་བ་དང་། ཆུ་སྐྱེས་ཀྱི་གེ་སར་གཏགས་ནས། རྒྱལ་མཚན་ལ་བྱུགས་ཏེ་དཎ་ཌོ་ཨུཏ་པལ་དང་། རུ་རྟ་དང་། གོ་ལ་བྱིན་ན་ཡང་དེ་བཞིན་དུ་འགྱུར་རོ། །
བྲཧྨ་དཎ་ཌཱི་དང་། བྱི་ཏྃ་ག་དང་། རུ་རྟ་དང་། ན་ག་གེ་སར་དང་། གོ་ལ་བྱིན་ན་དབང་དུ་འགྱུར་རོ། །བྱུགས་ནས་འདོད་པ་བྱས་ན་དབང་དུ་འགྱུར་རོ། །བུ་ཆུང་སོ་མ་སྐྱེས་པའི་ལྕེ་བླངས་ཏེ། གྷི་ཧྃ་དང་། བྷྲིང་ག་རཱ་ཛ་དང་། སྐར་
མ་རྒྱལ་ལ་རི་ལུ་བྱས་ནས་ཐིག་ལེ་བྱས་ན་དབང་དུ་འགྱུར་རོ། །གི་ཝང་རང་བྱུང་གི་མེ་ཏོག་ལ་སྦངས་ནས་ཐིག་ལེ་བྱས་ན་དབང་དུ་འགྱུར་རོ། །དུར་ཁྲོད་ཀྱི་དུ་བས་བདུགས་ནས་བུད་མེད་ལ་བསྣུན་ན་དབང་དུ་འགྱུར་རོ། །མ་ཡུ་
ར་ཤི་ཁ་དང་། བྱ་རོག་གི་ལྕེ་དང་། རོའི་མེ་ཏོག་རྙིང་པ་སྐམ་པོའི་ཕྱེ་མ་གང་གི་སྤྱི་བོར་བྱིན་པ་དེ་དབང་དུ་འགྱུར་རོ། །བ་བླ་དང་བྱ་རོག་གི་བྲུན་བཏགས་ནས་བཟའ་བ་དང་བཏུང་བར་བྱིན་ན་དབང་དུ་འགྱུར་རོ། །
བིཥྞུ་ཀྲན་ཏའི་རྩ་བ་ལིང་ག་ལ་བྱུགས་ནས་དགའ་བར་བྱས་ན་དེ་བཞིན་ནོ། །རྒྱུ་སྐར་རྒྱལ་ལ་དྷུ་ཏུ་རའི་རྩ་བ་དང་འབྲས་བུ་བླངས་ནས། རྒྱུ་སྐར་སྐག་ལ་ཤུན་པ་བླངས། ཧ་སྟ་ལ་ལོ་མ་བླངས། ནག་པ་ལ་མེ་ཏོག་བླངས། མུ་
ལ་ལ་རྩ་བ་བླངས་ལ། ཆ་མཉམ་པོར་ཕྱེ་མར་བྱས་ནས། སྦྲང་དང་རི་ལུ་བྱས་ནས། རས་སྦངས་ཏེ་སྐམ་པོར་བྱའོ། །གོ་ལ་བྱིན་ནས་ཕྱེ་མ་ཡིས་དབང་དུ་བྱེད་དོ། །ཁྱི་སྨྱོན་པའི་རྐང་པ་གཡས་པའི་སོར་མོ་སོལ་བའི་མེ་ལ་
བསྲེགས་ནས་གང་གི་མིང་བྲིས་ཏེ་ཆེ་གེ་མོ་ཁུག་ཅིག་ཅེས་པས་དེ་འོང་བར་བྱེད་དོ། །དུ་བ་མེད་པའི་མེ་ལ་བསྲོ་བར་བྱའོ། །མ་ཡུ་ར་ཤི་ཁ་དྲི་མ་ལྔའི་བཟའ་བ་ལ་སོགས་པ་བྱིན་ན་དབང་དུ་འགྱུར་རོ། །ཨ་པ་ར་ཛི་ཏའི་རྩ་བ་སྐར་

87-1-319a

མ་རྒྱལ་ལ་བཏོན་ནས།  རས་ལ་ཡང་དག་པར་བསྒོས་པའི་སྡོང་བུས་མིའི་ཐོད་པ་ལ་མིག་སྨན་དུ་བྱའོ། །དེའི་མིག་སྨན་གྱིས་སྐྱེས་པ་དང་། བུད་མེད་དབང་དུ་འགྱུར་རོ། །དཎ་ཌ་ཨུད་པ་ལའི་རྩ་བ་དང་། དྲི་མ་ལྔ་དང་
བྱིན་ན་དབང་དུ་བྱེད་པར་འགྱུར་རོ། །བི་ཌྃ་ག་དང་། ཏ་ག་ར་དང་། རུ་ཏ་ཆང་དང་བྱིན་ན་མི་འདོད་པ་ཉམས་པར་བྱེད་དོ། །ལྡོང་རོས་དང་། ན་ག་གེ་སར་ཕྱེ་མ་དང་། པྲི་ཡང་གུ་དང་། གྷི་ཧང་རྣམས་ཀྱིས་མིག་སྨན་བྱས་ན་དབང་དུ་
བྱེད་དོ། །གླ་བ་དང་། ལཛྫ་ལུ་དང་། དྷུ་ཏུ་ར་དང་། ས་ཧ་དེ་བ་དང་རྣམས་ཀྱིས་ཐིག་ལེ་བྱས་ན། འཇིག་རྟེན་གསུམ་པོ་དབང་དུ་བྱེད་དོ་ཞེས་ཏེ། ཨོཾ་ཙ་ལ་ཙི་ཏེ། ཙི་ལི་ཙི་ལི་ཙུ་ལུ་ཙུ་ལུ་ཙེ་རེ་ཏི་མུཉྩ་མུཉྩ་སྭཱ་ཧཱ། རང་གི་ལིང་གའི་
སྟེང་དུ་ཀ་ར་བི་ར་དམར་པོའི་མེ་ཏོག་གཞག་ནས་སྟོང་ཕྲག་གཅིག་བཟླས་པར་བྱའོ། །མིང་གི་མཐའ་རྟེན་ནས་སོ། །གང་གི་མདུན་དུ་སྔགས་བཟླས་ནས་ཟངས་མའི་ཁབ་ཀྱིས་ཕུག་ནས་བསྐོར་བས་དེ་དབང་དུ་འགྱུར་རོ། །སྔོན་བསྙེན་
པ་སྟོང་ཕྲག་བཅུ་མིང་དང་།  བྲལ་བར་བྱས་ནས། ན་མཿཙཎྜཱ་ལི་ཆེ་གེ་མོ་བ་ཤཱི་ཀུ་རུ་སྭཱ་ཧཱ། བསྙེན་པ་དང་བཅས་པས། དུར་ཁྲོད་ཀྱི་ཐལ་བ་ནག་པོའི་བཅུ་བཞི་ལ་བརྒྱ་རྩ་བརྒྱད་མངོན་པར་སྔགས་ནས། བུད་མེད་སྤྱི་བོར་
བྱིན་ན་དབང་དུ་འགྱུར་རོ། །རའི་ལིང་ག་བླངས་ནས་རྐེད་པ་ལ་དུར་ཁྲོད་ཀྱི་སྲད་བུས་བཅིང་བར་བྱའོ། །ཡང་ན་རྩངས་པའི་མཇུག་མ་བཅིངས་ན་ཁམས་འཛིན་པར་འགྱུར་རོ། །མཆོག་ཏུ་བདེ་བའི་ཡིད་གཅིག་པུས་མཻ་ཐུ་ན་བྱ་སྟེ་
བརྟན་པའི་སྦྱོར་བས་སོ། །རྟག་ཏུ་སེམས་མེད་པ་བཞིན་དུ་གྱུར་ནས། ཁམས་མཆོག་ཏུ་འཆིང་བར་བྱེད་དོ། །མུ་ལྃ་སི་ཏ་ཀོ་ཀི་ལཀྵ་སྦྱ། ཡང་ན་དྷུ་ཏུ་ར་གོས་དང་བྲལ་ཞིང་འདོམས་དཀྲིས་དང་། བྲལ་སྐྲ་གྲོལ་བས་བཏོན་
ནས་བཅིངས་ན་ཁམས་འཆིང་བར་བྱེད་དོ། །བྱི་ལ་ནག་པོའི་རྐང་པའི་རུས་པ་བཅིངས་ན་ཁམས་འཆིང་བར་བྱེད་དོ། །ཤ་ར་བུང་ཁ་དཀར་པོའི་རྩབས་བཅིངས་ན་ཡང་ཁམས་འཆིང་བར་བྱེད་དོ། །ས་ན་མུ་ལ་དང་། གོ་ལ་ལ་

87-1-319b

གལ་ཏེ།  ན་སུ་ར་སུན་ན་བཀའ་ཟོས་ནས་མེ་ཐུ་ན་སྔོན་བཞིན་བྱས་ན་ཁམས་འཆིང་བའི་མཆོག་གོ། །འཇམ་འབྲས་ཀྱི་ནང་བྲུས་ནས་དངུལ་ཆུས་བཀང་ནས་རྐེད་པ་ལ་བཅིངས་ན་ཁམས་འཛིན་པར་འགྱུར་རོ། །དེ་བཞིན་དུ་ཕག་གི་
ཚིལ་གྱིས་ཨར་ཀའི་བལ་དཀར་པོ་ལ་སྡོང་བུ་བྱས་ནས་མིག་སྨན་བྱས་ན་ཁམས་འཆིང་ངོ་། །སའི་ཁྲི་ཤིང་གི་ཕྱེ་མས་སྡོང་བུ་ལ་ཏིལ་གྱི་འབྲུ་མར་སྲེག་པར་བྱའོ། །ཁམས་འཆིང་བར་བྱེད་དོ། །སའི་འཁྲི་ཤིང་ཕྱེ་མར་བྱས་ནས་
ཏིལ་གྱི་འབྲུ་མར་གུར་གུམ་གྱི་མར་ཁུ་དང་བཙོས་ནས། དེ་ཡིས་རྐང་པ་ལ་མཉེས་ན་ཁམས་འཆིང་ངོ་། །སྦལ་པའི་ཞག་དང་སྡིག་པ་དག་རའི་འོ་མ་དང་སྦྱར་ནས་དེས་རྐང་པ་ལ་བྱུགས་ན་ཁམས་འཆིང་ངོ་། །ཀཱ་ཀ་ཛི་གྷ་
དཀར་པོའི་རྩ་བ་དང་། པདྨ་དཀར་པོ་ཀེ་ཤར་སྦྲང་དང་ལྟེ་བར་བྱུགས་ན་ཁམས་འཛིན་ནོ། །གླང་གི་རྭ་གྱེན་དུ་སྐྱེས་པ་བླངས་ནས་བདར་ཏེ། ལིང་ག་ལ་བྱུགས་ན་ལིང་ག་གྱེན་དུ་བྱེད་དོ། །ཀ་པི་ཀ་ཙྪའི་རྩ་བ་བདར་ནས་རའི་ཆུ་དང་
བཏགས་ནས་ལིང་ག་ལ་བྱུགས་ནས་མཉེས་ན་མཁྲང་པོར་བྱེད་དོ། །ལན་གཉིས་སམ་གསུམ་དུའོ། །ཆུ་དྲོན་མོས་བཀྲུས་ན་ཞི་བར་འགྱུར་རོ། །འགྲོན་བུའི་ནང་དུ་དངུལ་ཆུས་བཀང་ནས་ཁར་བཅུག་ན་ཁམས་འཆིང་ངོ་། །རའི་ཆུ་
དང་། ཨིན་ཌ་བཱ་རུ་ཎཱི་ཉི་མ་བདུན་དུ་སྤང་བར་བྱའོ། །དེས་མཉེས་ན་ལིང་ག་གྱེན་དུ་བྱེད་དོ། །ཌོ་ཥ་ཎིའི་རྩ་བ་དང་། ཀ་མ་ཙིའི་རྩ་བ་དང་། དྷུ་ཏུ་རའི་ས་བོན་དང་། ཀ་སྟུར་དང་མཉེས་ནས་ལིང་ག་ལ་བྱུགས་ནས་བུད་མེད་ལ་འཁྲིག་
པ་བྱའོ། །རྒྱམ་ཚྭ་དང་ཚལ་དང་། ཀསྟུར་དང་། གྷོ་ཥའི་ཕྱེ་མ་སྦྲང་དང་བྱུགས་ན་ཡང་དེ་བཞིན་ནོ། །ཕུག་རོན་གྱི་བྲུན་དང་། སྦྲང་ལིང་ག་ལ་བྱུགས་ནས་འདོད་པ་བྱས་ན་བུད་མེད་འཛག་པར་བྱེད་དོ། །ཀ་མ་ཙིའི་རྩ་བ་དང་། 
གོ་ལ་བུད་མེད་དང་དགའ་བའི་དུས་སུ་ཟོས་ན་དེ་འཛག་པར་བྱེད་དོ། །གསེ་ཡབ་སྨིན་པ་དང་། ལ་སི་ཀྃ་དང་། རྒྱམ་ཚྭ་དང་བསྲེས་ནས་རང་གི་འཛུབ་མོ་ལ་བྱུགས་ནས།  དེའི་བྷ་གའི་རྡོ་རྗེ་དབྱིངས་ཀྱི་དབང་ཕྱུག་མའི་རྩ་ལ་ཇི་སྲིད་

87-1-320a

བསྐྱོད་པས་དེ་འཛག་པར་བྱེད་དོ། །ག་པུར་དང་། ཚྭ་ལ་དང་། དངུལ་ཆུ་དང་། ཧ་སྟི་པི་པི་ལིང་དང་། སྦྲང་གིས་བྱུགས་པས་བུད་མེད་འཛག་པར་བྱེད་དོ། །ར་མ་དུ་ཏིའི་རྩ་བ་དང་། ལོ་མ་དང་བཅས་པ་འདི་
ག་ལ་མཉེས་ནས་མཻ་ཐུན་བྱས་པས་བུད་མེད་འཛག་པར་བྱེད་དོ། །ཛ་ཡན་ཏིའི་རྩ་བ་དང་།  བཏགས་ནས་འབྲས་ཀྱི་ཆུ་དང་བསྲེས་ནས་རྡུལ་དང་ལྡན་པའི་སྐྱེ་གནས་ལ་བྱུགས་ན་མོ་ཤམ་དུ་ཐེ་ཚོམ་མི་ཟའོ། །པ་ལ་ཤའི་
ས་བོན་མཉེས་ནས་བྱུགས་ནས། སྦྲང་དང་།   མར་གསར་པའི་བཏུང་བ་དང་། ཙི་ཏྲ་དམར་པོས་མོ་ཤམ་དུ་ཐེ་ཚོམ་མེད་དོ། །ཆ་ག་དང་། ཕྱེ་མ་ལེབ་ཀྱི་ཕྱེ་མས་སྐྱེ་གནས་ལྷོད་པ་ལ་བྱིན་ན་མཁྲང་པོར་འགྱུར་རོ། །ཞེས་པ་ནི་དཔའ་
བོ་གཅིག་པ་ཉིད་དུ་གསུངས་པའི་གཏུམ་པོ་ཁྲོ་བོ་ཆེན་པོའི་རྒྱུད་ལས། ཁམས་བཅིང་བ་ལ་སོགས་པའི་རིམ་པར་ཕྱེ་བ་སྟེ་བཅུ་དགུ་པའོ།།      །། དེ་ནས་བཅོམ་ལྡན་འདས་མས་བཅོམ་ལྡན་འདས་ལ་འདི་སྐད་ཅེས་
གསོལ་ཏོ། །སྔགས་དང་འཁྲུལ་འཁོར་སོགས་མཁས་པའི། །སྣ་ཚོགས་དབྱེ་བ་གསུངས་པ་དང་། ཁྱབ་བདག་དེ་བཞིན་ངོ་མཚར་དང་། །རླུང་གི་སྦྱོར་བ་མ་ལུས་དང་། །དེ་བཞིན་དུས་ཀྱི་མཚན་ཉིད་དང་། །གཞན་
ཡང་བདག་ནི་ཉན་པར་འཚལ། །རང་གཟུགས་ལུས་ཀྱི་འཁྲུལ་འཁོར་གྱིས། །ད་ལྟ་བཀའ་དྲིན་མཛད་དུ་གསོལ། །དེ་ནས་བཅོམ་ལྡན་འདས་ཀྱིས་བཀའ་སྩལ་པ། ལྷ་མོ་ལེགས་སོ་ལེགས་མཛད་ནས། །གང་
འདིར་ཁྱོད་ཀྱིས་གསོལ་བཏབ་པ། །ཀུན་གྱི་རྣམ་པར་ཤེས་བསྡུས་པ། །དེ་ནས་བདག་གིས་རབ་བཤད་བྱ། །ཨོཾ་ཛྭཱ་ལཱ་ཀ་རཱ་ལ་བ་ད་ནེ། ཧ་ས་ཧ་ས། ཧཱ་ལ་ཧཱ་ལ་བཛྲེ་སུ་བཛྲེ་སྥ་ར་སྥ་ར། སྥཱ་ར་ཡ་སྥཱ་ར་ཡ། སརྦ་མེ་གྷ་
བཱ་ཏ། བྲྀཥྚིཾ་སྟམྦྷ་ཡ། སྟམྦྷ་ཡ།  ཊ་ཡ་སྥོ་ཊ་ཡ། ཡ་ཡ་ཡ་སརྦ་པཱ་ནཱི།  ཡྃ་ཤོ་ཥ་ཡ། ཤོ་ཥ་ཡ་ཧཱུྃ་ཕཊ། སྔགས་འདི་བཟླས་ནས་ནམ་མཁའ་ལ་ཁྲོ་བོའི་ལྟ་བས་བལྟ་བར་བྱའོ། །རླུང་དང་སྤྲིན་ལ་སོགས་པ་འཇིག་པར་

87-1-320b

པར་བྱེད་དོ། །ཨོཾ་ཕཊ་ཀཱ་ར་ཕེྃ་ཕེྃ་ཧ་ཧ་ཧཱ་ཧཱ་ཕཊ། དུར་ཁྲོད་དུ་རོལ་པའི་སྔགས་སོ། །ཨོཾ་སརྦ་བིདྷྱ་དྷི་པ་ཏ་ཡེ། པ་ར་ལནྟྲ་མནྟྲ། ནཱ་ཤ་ནེ་སརྦ་ཌཱ་ཀི་ནཱི་ནཱཾ། ཏྲཱ་ས་ཡ་ཏྲཱ་ས་ཡ། བནྡྷ་ཡ་བནྡྷ་ཡ། མུ་ཁྃ་ཀཱི་ལ་ཡ་ཀཱི་ལ་
ཡ་ཧཱུྃ་ཕཊ། ཞེས་པ་ནི་གྲོང་ཁྱེར་དུ་འཇུག་པའི་སྔགས་སོ། །ཨོཾ་ཧི་ལི་ཧི་ལི་ཕུཿཕུཿ། ཞེས་པ་འདིས་ས་ལ་མངོན་པར་བསྔགས་ནས་རྡུལ་གྱིས་གཏོར་ན་སྦྲུལ་འབྲོས་པར་འགྱུར་རོ། །མམྨཱ་མམྨཱ། ཞེས་བརྗོད་ན་
སྟག་འབྲོས་པར་འགྱུར་རོ། །བེ་དུ་ཨཱ་བེ་དུ་ཨཱ། ཞེས་པ་འདིས་གླང་པོ་ཆེ་འབྲོས་པར་འགྱུར་རོ། །ཏེ་ལླི་ཨཱ་ཏེ་ལླི་ཨཱ། ཞེས་པ་འདིས་བསེ་འབྲོས་པར་འགྱུར་རོ། །ཨོཾ་ཧྲཱི་བ་ཊུ་ཀ་ནཱ་ཐ་ཙཎྜ་མ་ཧཱ་རོ་ཥ་ཎ་
ཧཱུྃ་ཕཊ། ཞེས་པས་ལག་པ་གཡོན་པའི་སྡིགས་འཛུབ་ཀྱིས་བརྡུངས་པས་ཁྱི་འབྲོས་པར་འགྱུར་རོ། །ཨོཾ་ཡ་མཱནྟ་ཀ་ཧྲཱིཿཥྚྲཱི་ཧཱུྃ་ཧཱུྃ་ཕཊ་ཕཊ། ཏྲཱ་ས་ཡ་ཏྲཱ་ས་ཡ། ཙཎྜ་པྲ་ཙཎྜ་ཧཱུྃ་ཕཊ། ཞེས་པ་འདིས་མ་ཧེ་འབྲོས་
པར་འགྱུར་རོ། །ཨོཾ་ཡ་མ་མར་ད་ནེ་མཱར་ད་ཡ་མཱར་ད་ཡ།  ཙཎྜ་མ་ཧཱ་རོ་ཥ་ཎ་ཧཱུྃ་ཕཊ། ཞེས་པ་འདིས་སྡིག་པའི་ནད་འབྲོས་པར་འགྱུར་རོ། །ཨོཾ་ཀྲོ་དྷ་ནེ་སྃ་ཀྲོ་ཥ་བེ་དྷ་ནཱ་ཡ་ཧཱུྃ་ཕཊ། ཆུ་ལ་མངོན་པར་སྔགས་ནས་
བྱིན་ན་ཟུག་རྔུ་འབྱིན་པར་འགྱུར་རོ། །ཨོཾ་ཏྲཱ་ས་ནེ་མོ་ཧ་ནཱ་ཡ་ཧཱུྃ་ཕཊ། ཞེས་པ་འདིས་སྤྱི་བོར་བཅིངས་ན་སྲུང་བར་འགྱུར་རོ། །ཨོཾ་ཨ་ཙ་ལེ་སཾ་ཙ་ལེ་ཆེ་གེ་མོ་མུ་ཁྃ་ཀཱི་ལ་ཡ་ཧཱུྃ་ཕཊ། སྤྲ་ཚིལ་ལས་གཟུགས་
བརྙན་སོར་བཞི་པ་བྱས་ནས། གྲོ་ག་ལ་བླས་བྲིས་ནས་དེའི་ཁར་བཅུག་ན་ཕུར་བུས་འདེབས་པར་འགྱུར་རོ། །ལམ་གྱི་བཞི་མདོར་བརྐོས་ནས་སྦས་ན་ཕྱིར་རྒོལ་གྱི་ཁ་ཕུར་བུས་བཏབ་པར་འགྱུར་རོ། །ཨོཾ་སརྦ་མཱར་བྷཉྫ་
ནེ་ཆེ་གེ་མོ་རྐང་པ་ལ་ཀཱི་ལ་ཡ་ཧཱུྃ་ཕཊ། སྔོན་མ་བཞིན་དུ་སྙིང་ཀར་བཅུག་ན་རྐང་པ་དག་ཕུར་བུས་བཏབ་ནས་འགྲོ་བ་དང་འོང་བ་རེངས་པར་འགྱུར་རོ། །ཨོཾ་བི་ཀྲྀ་ཏཱ་ནན་པ་བ་ལ་བྷཉྫ་ནེ། བྷཉྫ་ཡ་བྷཉྫ་ཡ། སྟམྦྷ་ཡ་

87-1-321a

སྟམྦྷ་ཡ། བཛྲ་པཱ་ཤེ་ན་ཆེ་གེ་མོའི་དམག་གི་སྡེ་བནྡྷ་བནྡྷ། སྟམྦྷ་ཡ་སྟམྦྷ་ཡ་ཧཱུྃ་ཕཊ། ཁཿགཿཧཱ་ཧཱ་ཧཱི་ཧཱི་ཕེཾ་ཕེཾ། ཨོཾ་ཙཎྜ་མ་ཧཱ་རོ་ཥ་ཎ་ཧཱུྃ་ཕཊ། སྔོན་མ་བཞིན་དུ་རབ་ཏུ་བཅུག་ན་དམག་དཔོན་གྱི་ཡན་ལག་
བརྒྱད་ལ་ཕུར་བུས་བཏབ་པར་འགྱུར་རོ། །མེ་ཐབ་ཀྱི་འོག་ཏུ་བསྐོས་ནས་མགོ་ཐུར་དུ་བསྟན་ནས་སྦས་ན་ཕ་རོལ་གྱི་དམག་ཚོགས་འོང་བ་རེངས་པར་འགྱུར་རོ། །ཨོཾ་ད་ཧ་ད་ཧ། པ་ཙ་པ་ཙ། མ་ཐ་མ་ཐ། ཛྭ་ར་ཛྭ་ར། 
ཛྭཱ་ལ་ཡ་ཛྭཱ་ལ་ཡ། ཤོ་ཥ་ཡ་ཤོ་ཥ་ཡ། གྲྀཧྞ་གྲྀཧྞ། ཛྭ་ལ་ཛྭ་ལ། ཨོཾ་ཙཎྜ་མ་ཧཱ་རོ་ཥ་ཎ་ཧཱུྃ་ཕཊ་སྭཱ་ཧཱ། དུར་ཁྲོད་ཀྱི་གོས་ལ་དུག་དང་། སྐེ་ཚེས་གཟུགས་བརྙན་སོར་བརྒྱད་པའི་ཚད་ཀྱི་ལྷ་སྦྱིན་བྲིས་ལ་ཕྲེང་བའི་
སྔགས་ཀྱིས་བསྐོར་ནས། སྤྲ་ཚིལ་གྱི་གཟུགས་བརྙན་གྱི་སྙིང་ཀར་བཅུག་ནས། ཤི་རི་ཁན་ཌའི་ཤིང་གི་རང་བཞིན་གྱི་ནང་དུ་གཞུག་པར་བྱའོ། །དེ་ནས་ཨོཾ་ཙཎྜ་མ་ཧཱ་རོ་ཥ་ཎ་ཆེ་གེ་མོ་ཛོ་རེ་ཎ་གྲིཧྞཱ་བ་ཡ་ཧཱུྃ་ཕཊ། ཞེས་བཟླས་
ནས་དུར་ཁྲོད་ཀྱི་མེ་ལ་བདུག་པར་བྱའོ། །ཡང་ན་སེང་ལྡེང་དང་རག་ཆུང་གི་མེ་ལའོ། །དགྲ་བོ་རིམས་ཀྱིས་ཟིན་པར་འགྱུར་རོ། །ཨོཾ་ཛ་ཡ་ཛ་ཡ་པ་རཱ་ཛ་ཡ་ནི་ར་ཛི་ཏ་ཡནྟེ་ཧཱི་ཧཱི། ཧཱ་ཧཱ། སྥོ་ཊ་ཡ་སྥོ་ཊ་ཡ། ཨུ་ཙྪཱ་ད་
ཡ་ཨུཙྪཱ་ཊ་ཡ་ཤཱི་གྷྲྃ་ཀརྨ་ཀུ་རུ། ཨོཾ་ཙཎྜ་མ་ཧཱ་རོ་ཥ་ཎ་ཧཱུྃ་ཕཊ། དུར་ཁྲོད་ཀྱི་གོས་ལ་བྲིས་ནས་སྐུད་པ་སྔོན་པོས་ལན་བརྒྱད་དཀྲིས་ནས་དཔུང་པའམ་མགུལ་པའམ། མགོའམ། རྐེད་པ་ལ་བཏགས་ན་ཕ་རོལ་གྱི་འཕྲུལ་འཁོར་
གྱི་མཐུ་མེད་པར་འགྱུར་རོ། །ཨོཾ་ཙཎྜ་མ་ཧཱ་སེ་ན་གྲ་ས་གྲ་ས། ཁ་ཁ་ཁཱ་ཧི་ཁཱ་ཧི། ཤོ་ཥ་ཡ་ཤོ་ཥ་ཡ། མ་ར་མ་ར། མཱ་ར་ཡ་མཱ་ར་ཡ། ཆེ་གེ་མོ་ཧཱུྃ་ཕཊ། དུར་ཁྲོད་ཀྱི་རས་ལ་སྔོན་བཞིན་དུ་བྲིས་ནས། གཟུགས་བརྙན་གྱི་ནང་
དུ་བཅུག་ནས། མིའི་རུས་པའི་ཕུར་བུ་སོར་གཅིག་པའི་ཚད་དམ། ཡང་ན་ལྕགས་ཀྱི་ཕུར་བུས་བཏབ་ནས། དུར་ཁྲོད་དུ་ས་བརྐོས་ནས་མགོ་ཐུར་དུ་བསྟན་ནས་སྦས་ན། ཞག་བདུན་གྱིས་འཆི་བར་འགྱུར་རོ། །ཙཎྜ་མ་ཧཱ་

87-1-321b

རོ་ཥ་ཎྱ་ཨུཙྪཱ་ཊ་ཡ་ཧཱུྃ་ཕཊ། ནིམ་པ་དང་། བྱ་རོག་གི་ཚི་ལུ་བླངས་ནས་དུར་ཁྲོད་ཀྱི་མེ་ལ་བསྲེགས་ནས་ཐལ་བ་ལ་མངོན་པར་སྔགས་ནས་སྔོ་ལ་གཏོང་ནས་རྔ་མོའི་སྟེང་དུ་བསྐྱོན་ནས་མགུལ་པ་ཞགས་པས་བཅིངས་
ནས་ལྷོ་ཕྱོགས་སུ་ཁྱེར་བར་བསམ་པར་བྱའོ། །སྐྲོད་པར་བྱེད་དོ། །ཨོཾ་དྭེ་ཥ་ཎ་དྭེ་ཥ་བཛྲ་ཆེ་གེ་མོ་དང་ཆེ་གེ་མོ་རྣམ་པར་ཞེ་སྡང་བར་གྱིས་ཤིག  ། ཨོཾ་ཙཎྜ་མ་ཧཱ་རོ་ཥ་ཎ་ཧཱུྃ་ཕཊ། ཁྱི་གཉིས་འཐབ་པའི་རྡུལ་བླངས་ནས་ལག་པ་གཡས་པས་
གཟུགས་བརྙན་གཉིས་ལ་བསྣུན་ན་ཕན་ཚུན་དུ་ཞེ་སྡང་བར་བྱེད་དོ། །ཨོཾ་ཙཎྜ་མ་ཧཱ་རོ་ཥ་ཎྱ་ཧྲཾ་ཧྲིཾ་ཧྲིཾ་གྷོ་ར་རཱུ་པེ། ཙ་ཊ་ཙ་ཊ། པྲ་ཙ་ཊ་པྲ་ཙ་ཊ། ཧ་ན་ཧ་ན། གྷཱ་ཏ་ཡ་གྷཱ་ཏ་ཡ། ཀ་ཧ་ཀ་ཧ། པྲ་སྥུ་ར་པྲ་སྥུ་ར། པྲ་སྥཱ་ར་ཡ་པྲ་སྥཱ་
ར་ཡ། ཀཱི་ལ་ཡ་ཀཱི་ལ་ཡ། ཛམྦྷ་ཡ་ཛམྦྷ་ཡ། སྟམྦྷ་ཡ་སྟམྦྷ་ཡ། ཆེ་གེ་མོ་ཧཱུྃ་ཕཊ། གྲོ་ག་ལ་རུས་སྦལ་ལེ་བརྒན་རྩིས་ཡང་དག་པར་བྲིས་ནས་སོར་དྲུག་པའི་རྐང་པ་བཞི་པོ་རྣམས་ལ་ཧྲི་ཡིག་དང་། ཁའི་ནང་དུ་པི་གི་ཡི་གེ་དང་ལྟོ་བར་
ཧྲི་གཉིས་བྲིས་ནས་རྒྱབ་ཏུ་དབང་དུ་བྱ་བའོ། །ཕྱི་ནས་ཕྲེང་བའི་སྔགས་ཀྱིས་ཡང་དག་པར་བསྐོར་ནས་མཆོད་པ་དང་། བསྟོད་པ་ཡང་དག་པར་བརྩམ་པར་བྱའོ། །སོ་ཕག་གི་སྟེང་དུ་བཞག་ནས་རུས་སྦལ་གྱི་ཁོག་པས་དགབ་པར་
བྱའོ། །སྲད་དུ་དམར་པོས་དཀྲི་བར་བྱའོ། །རྐང་པ་དག་ཕྱིས་པའི་གོས་གཞུག་པར་བྱའོ། །རྐང་པ་གཡོན་པས་བསྣུན་ཞིང་ཆེ་གེ་མོ་བདག་གི་དབང་དུ་གྱིས་ཤིག་ལན་བདུན་གྱིས་དགྲ་བོ་ཁ་བཅིངས་པར་འགྱུར་རོ། །ཨོཾ་ཙི་ལི་མི་
ལི་ལ་ལི་ཏེ་ཧཱུྃ་ཕཊ། མིག་ཟིམ་བུར་ལྟ་བར་བྱེད་དོ། །ཨོཾ་ཙྪྲཱཾི་ཙྪྲཱཾི་ཙྪྲཱཾི་ཤོ་ཥ་ཡ་ཤོ་ཥ་ཡ་དྷཱ་རྃ་བན་དྷ་བན་དྷ། ཨོཾ་ཙཎྜ་མ་ཧཱ་རོ་ཥ་ཎ་ཧཱུྃ་ཕཊ། ཉའི་རུས་པའི་ཕུར་བུ་སོར་བདུན་གྱི་ཚད་ལ་ལན་བརྒྱ་རྩ་བརྒྱད་མངོན་པར་སྔགས་
ནས་བ་ལང་ལྷས་སུ་བརྐོས་ནས་སྦས་ན་འོ་མ་མེད་པར་འགྱུར་རོ། །ཨོཾ་བཛྲཱི་ཎི་བཛྲཾ་པཱ་ཏ་ཡ་སུ་ར་པ་ཏི་རཱ་ཛྙཱ་པ་ཡ་ཏི། ཛྭཱ་ལ་ཡ་ཛྭཱ་ལ་ཡ། ཨོཾ་ཙཎྜ་མ་ཧཱ་རོ་ཥ་ཎ་ཧཱུྃ་ཕཊ། གྲོག་མཁར་གྱི་སའི་རང་བཞིན་གྱི་རྡོ་རྗེ་ལ་

87-1-322a

བརྒྱ་རྩ་བརྒྱད་མངོན་པར་སྔགས་ནས་ཚོང་འདུས་སུ་སྦས་ན་པ་ཎཾ་ཉམས་པར་འགྱུར་རོ། །ཨོཾ་ཧྲཱིཾ་ཀླཱིཾ་ཏྲྃ་ཡུྃ་ཡ་མ་མ་ཐ་ནེ། ཨཱ་ཀཊྡྷྱ་ཨཱཊྡྷྱ་།   ཀྵོ་བྷ་ཡ་ཀྵོ་བྷ་ཡ། སརྦ་ཀྃ་པྲ་སཱ་དྷ་ནེ་ཧཱུྃ་ཧཱུྃ་ཕཊ་ཕཊ་སྭཱ་ཧཱ། གྲོ་ག་ལ་ལྷ་ཞལ་གཅིག་ཕྱག་
གཉིས་པ་གུར་གུམ་གྱི་མདོག་ལྟ་བུ་ཞགས་པ་དང་ལྕགས་ཀྱུ་ཕྱག་ན་བསྣམས་པ་འདོད་པའི་མདངས་ཅན་འཇིགས་པའི་ཡན་ལག་ལ། ཚིལ་དང་། ཆང་དང་། ལེ་བརྒན་རྩི་དང་། ཁྲག་དང་། བུད་མེད་ཀྱི་རྡུལ་དང་རྣམས་ཀྱིས་བསྟེན་པའི་སྔགས་
ཀྱི་ཡི་གེ་རྣམས་ཏེ། ཨོཾ་ཤི་ར་སི་ཧྲཱི་ཧྲི་དི་ཀྵཱི་ནཱ་བྷོ་ཏྲྃ་མེ་ཌྲེ། དེ་ནས་ཕྲེང་བའི་སྔགས་ཀྱིས་བསྐོར་ནས།   སྲད་བུ་དམར་པོས་ཡང་དག་པར་དཀྲིས་ནས།   བུད་མེད་དང་།  སྐྱེས་པའི་ཐོད་པ་ཁ་སྦྱར་གྱི་ནང་དུ་བཅུག་ནས། མར་དང་སྦྲང་གིས་བཀང་
ནས། སྤྲ་ཚིལ་གྱིས་དྲིལ་ནས་སྲད་བུ་དམར་པོས་དཀྲིས་ནས་ས་ལ་སྦས་ཏེ། མགོ་བོའི་གནས་ལ་རྐང་པ་གཡོན་པས་མནན་ནས་བཟླས་པར་བྱའོ། །སྟོང་ཕྲག་ཉི་ཤུ་རྩ་ལྔས་གྲོང་ཁྱེར་བསྐྱོད་པར་འགྱུར་རོ། །ཨོཾ་ཨཱ་ཀཊྜྷྱ་ཨཱ་ཀཊྜྷྱ། མོ་
ཧཱ་ཡ་མོ་ཧཱ་ཡ། ཆེ་གེ་མོ་མེ་བ་ཤཱི་ཀུ་རུ་སྭཱ་ཧཱ། ལྟོ་བའི་སྲིན་བུ་ཞིབ་མོ་ཕྱེ་མར་བྱས་ནས། ཤུ་ཀྲ་དང་། མིང་མེད་ཀྱི་ཁྲག་དང་། རི་ལུ་བྱས་ནས་མངོན་པར་སྔགས་ནས་བཟའ་བ་དང་བཏུང་བར་བྱིན་ན་དབང་དུ་བྱེད་པར་འགྱུར་རོ། །
འཕུར་བཞིན་པའི་སྦྲང་མའི་གཤོག་པ་དང་། སོའི་རྒྱལ་པོ་གཉིས་དང་། རོའི་མེ་ཏོག་སྙིང་པོའི་ཕྱེ་མའི་ཕྱེ་མས་ཡན་ལག་དང་། རྐང་པ་ལ་བྱུགས་ན་འགྲོ་འཕྲོ་ལ་བརྒྱལ་བར་འགྱུར་རོ། །ཨོཾ་ཤྭེ་ཏ་གྲྀ་དྷི་ཎི་ཁཱ་ཧི་བི་ཥྃ་ཙ་རུ་ཥྃ་ཙ་རུ་ཥི་
ཎི་ཁཿཁཿཁཿཧཿཧཿཧཿ་ཨོཾ་ཙཎྜ་མ་ཧཱ་སེ་ནཱ་ཛྙཱ་པ་ཡ་ཏི་སྭཱ་ཧཱ། ཡང་ན་ཨོཾ་སཾ་ཀཱ་རི་ཎི་དྷྭྃ་ཧ་ཧཱུྃ་ཧཾ་ཧཿ།   དུག་ཐམས་ཅད་སེལ་བར་བྱེད་དོ། །ཨོཾ་ནཱ་གཱ་རི་པཱ་མ་ནེ་ཧ་རཿཕཊ། མངོན་པར་བསྔགས་ནས་ཁང་པའི་སྒོ་གོང་དུ་གོས་ཀྱི་རས་མ་བཅིངས་ན་
སྦྲུལ་ཁང་པར་འཇུག་པར་མི་འགྱུར་རོ། །ཨོཾ་ཨཱ་ནེ་ཀཱ་ནེ་ཆེ་གེ་མོ་བ་ཤཱི་ཀུ་རུ་སྭཱ་ཧཱ། མེ་ཏོག་དཀར་པོའི་དྲི་ཞིམ་པོ་བྱིན་ན་དབང་དུ་བྱེད་དོ། །ན་མོ་པཱི་ཏ་རཱ་གཱ་ཡ། མཻ་ཏྲེ་ཡ་སི་ཧ་ལོ་ཙ་ནེ་སྭཱ་ཧཱ། ཆུ་ལ་མངོན་པར་སྔགས་ནས་མིག་བཀྲུས་ན་རབ་རིབ་སེལ་ལོ། །

87-1-322b

ཨོཾ་ས་ཕ་ར་ཁ་ཙཱུར་ཎྃ་ཁཿཙཱུརྞ་ཁཱ་དཱ་ནཱྃ་ན་པྲ་བྷ་བ་ཏི་ཨཱ་ཏི་ཏྱ་ར་ཐ་བེ་ཁེ་ན་བ་སུ་དེ་པ་བ་ལེན་ཙ་ག་རུ། བཀྵ་པ་ཏ་ན་བྷཱ་མེཾ་བ་ཏ་ཏུ་བི་ཥྃ་སྭཱ་ཧཱ། སྦྲུལ་དང་། བི་ཤྭྃ་ཀ་ཏ་དང་། སྡིག་པ་ལ་སོགས་པའི་དུག་ཐམས་ཅད་སེལ་བར་བྱེད་དོ། །ཨོཾ་ཙ་མུཎྜི་ཨ་ཛི་ཏེ། ཨ་པ་ར་ཛི་
ཏེ་ཕླི་ཕླི་རཀྵ་རཀྵི་སྭཱ་ཧཱ། ལན་བདུན་དུ་པར་གོང་ལ་མངོན་པར་སྔགས་ནས་ཕྱོགས་བཞིར་འཕང་ཞིང་རང་གི་གནས་སུ་གཅིག་གཞག་པར་བྱའོ། །ཨོཾ་ཛམྦྷ་ནཱི་སྟམྦྷ་ནཱི་མོ་ཧ་ནི། སརྦ་དུཥྚ་པྲ་ཤ་མ་ནི་སྭཱ་ཧཱ། ཙཽ་ར་མི་འབྱུང་ངོ་། །ཨོཾ་ཙཎྜ་མ་ཧཱ་ཀྲོ་
དྷ་ཡ་ཧུ་ལུ་ཧུ་ལུ། ཙུ་ལུ་ཙུ་ལུ། ཏིཥྛ་ཏིཥྛ། བན་དྷ་བན་དྷ། མོ་ཧ་མོ་ཧ། ཧ་ན་ཧ་ན། ཨ་མྲི་ཏེ་ཧཱུྃ་ཕཊ། མེ་ཏོག་ལ་སོགས་པ་ལ་ཡོངས་སུ་བཟླས་ནས་བྱིན་ན་དབང་དུ་འགྱུར་རོ། །ན་མོ་རཏྣ་ཏྲ་ཡཱ་ཡ། ཨོཾ་ཏྲཿསུ་བི་སྨྲ་རེ་སྭཱ་ཧཱ། ཀེ་ཏ་ཀིའི་འདབ་མ་གཤགས་པ་ལ་
བྲིས་ནས་བཅངས་ན་ཚ་བ་ཐམས་ཅད་སེལ་བར་བྱེད་དོ། །ཞེས་པ་ནི་དཔའ་བོ་གཅིག་པ་ཉིད་དུ་གསུངས་པའི་དཔལ་གཏུམ་པོ་ཁྲོ་བོ་ཆེན་པོའི་རྒྱུད་ལས། འཁྲུལ་འཁོར་དང་སྔགས་སྣ་ཚོགས་པའི་རབ་ཏུ་དབྱེ་བ་གསུངས་པའི་རིམ་པར་ཕྱེ་བ་སྟེ་ཉི་ཤུ་པའོ།། །། 
དེ་ནས་བཅོམ་ལྡན་འདས་ཀྱིས་བཀའ་སྩལ་པ། ཨོཾ་ཙཎྜ་མ་ཧཱ་རོ་ཥ་ཎ་སརྦ་མཱ་ཡཱ་དར་ཤ་ཀ ། སརྦ་མཱ་ཡཱ་དར་ཤ་ཡ་ནི་རྦི་གེ་གི་ན་ཧཱུྃ་ཕཊ། ཅེས་པ་འདིས་གཏུམ་པོ་ཁྲོ་བོ་ཆེན་པོར་བསམས་ནས་ཐམས་ཅད་བྱའོ། །ཨུ་དུམ་འབའ་རའི་འོ་མ་རས་
ལ་བྱུགས་ནས།   བུག་པ་མེད་པར་བྱས་ཏེ། འབྲུ་མར་དང་།  བཅས་པའི་སྤོས་དཀར་བཏགས་ནས་དེར་བཅུག་ལ་སྡོང་བུ་བྱས་ལ། ཆུའི་ནང་དུ་མར་མེ་འོད་དང་བཅས་པ་འབར་ཞིང་གནས་སོ། །མཚན་མོ་རྡོ་དཀར་པོའི་དུམ་བུ་གཉིས་བཟུང་ནས་
ནི།  གྷྲིཥུ་ཧཱུྃ་ཀ་རེ་ཎ་གློག་གི་འོད་འཕྲོ་བ་སྣང་བར་བྱེད་དོ། །ཛ་ལུ་ཀ་ཤི་བའི་ཕྱེ་མ་དང་བཅས་པ།   རྒྱ་སྐྱེགས་ཀྱིས་ཁ་བསྒྱུར་ནས། སྡོང་བུས་མེ་སྦར་ན་སྟྲི་ཡང་དེ་གཅེར་བུར་མཐོང་བར་བྱེད་དོ། །མར་གྱིས་རྣ་བ་དང་མིག་ལ་བསྒོས་ནས་
བདག་ཉིད་བསྲུང་བ་བྱས་ནས། ཧ་ལ་ཧ་ལའི་མཇུག་མ་གཅད་པར་བྱའོ། །གཅེར་བུ་སྐྲ་གྲོལ་བས་ཇི་སྲིད་འཕར་བ་དེ་སྲིད་གར་བྱེད་པར་འགྱུར་རོ། །དེའི་ཕྱེ་མ་དྲུག་ནམ་བཞི་དང་། དྷ་དུ་རའི་ཡན་ལག་ལྔ་སོ་སོར་དྲུག་ནམ་རེ་རེ་དང་བཅས་པ་རྒྱ་

87-1-323a

སྐྱེགས་ཀྱིས་ཁ་བསྒྱུར་བའི་གོས་ཀྱིས་སྡོང་བུ་བྱས་ན་ཐམས་ཅད་གར་བྱེད་པར་མཐོང་ངོ་། །སྔོན་བཞིན་བདག་ཉིད་ལ་བསྲུང་བར་བྱའོ། །ཤ་ཁ་ཊའི་རྩ་བ་དང་། བ་རུ་རའི་རྩ་བ་གཅིག་ཏུ་བྱས་ནས།  ཁྱིམ་དུ་གཞག་ན་འཐབ་
མོར་འགྱུར་རོ། །དྷ་དུ་རའི་མེ་ཏོག་གི་ནང་གི་ཕྱེ་མ་དང་། སུ་གན་དྷིའི་མེ་ཏོག་གི་ནང་གི་ཕྱེ་མ་དང་། སུ་གན་དྷིའི་ནང་དུ་བཅུག་ནས་མནམས་པ་ཙམ་གྱིས་མགོ་བོ་ཟུག་རྔུར་འགྱུར་རོ། །སྐྱུར་པོ་སྣར་བླུགས་ན་གྲོལ་བར་འགྱུར་རོ། །
ཁྱི་ཀུ་སྐྱེས་པའི་མལ་སྟན་གྱི་དུད་པས་བདུགས་ནས། རྨ་བྱའི་སྒྲོས་གཡས་སུ་བསྐོར་ན་རྩིག་པའི་རི་མོ་མི་སྣང་བར་བྱེད་དོ། །གཡོན་དུ་བསྐོར་བས་སླར་ཡང་སྣང་བར་བྱེད་དོ། །བྱ་རོག་གི་སྙིང་གི་ཁྲག་གིས་ཨ་མྲའི་ལོ་མ་ལ་དེའི་གཤོག་
པའི་སྨྱུ་གུས་སྔགས་བྲིས་ནས། གང་གི་ཟག་པའི་ནང་དུ་བཅུག་ན་དེ་བྱ་རོག་གིས་ཟ་བར་བྱེད་དོ། །ཨོཾ་ཀཱ་ཀ་ཀུ་ཧ་ཧི་ཀ་དད་ཏ་ཀཱ་ཀེ་ན་བྷཀྵ་ཡ་སྭཱ་ཧཱ། བྷ་གའི་རྣམ་པའི་དོང་བྱས་ནས།  བུད་མེད་ཀྱི་བཤང་བ་ལ་ཟའི་ལོ་མ་ཁྲི་ཕྲག་
གཅིག་བཅུག་ནས་སྦ་བར་བྱའོ། །དེའི་ལམ་ཟུག་རྔུར་འགྱུར་རོ། །ཤི་རི་ཁཎ་ཌའི་འོ་མ་ལ་སྦངས་པའི་ཏིལ་གྱི་འབྲུ་མར་སྐྲ་ལ་མཉེས་ན་སྐྲ་དཀར་པོར་འགྱུར་རོ། །སྐྲ་བཞར་ན་སངས་པར་འགྱུར་རོ། །ཞུམ་བུའི་ཕྲུ་གུ་བཙས་པའི་
ལམ་སྟན་དང་། བུད་མེད་ཀྱི་བུ་ཚ་བཙས་པའི་ལམ་སྟན་གྱི་དུད་པས་བདུགས་ན།   རྩིག་ངོས་ཀྱི་རི་མོ་མི་སྣང་བར་འགྱུར་རོ། །མཀྵི་ཀས་བདུགས་ན་གྲོལ་བར་འགྱུར་རོ། །རྔ་མོའི་འགྲམ་པ་རྡུལ་དང་དྲི་ཆུ་བ་བླ་དང་ལན་མང་དུ་སྦངས་
ནས་ལག་པ་ལ་མཉེས་ནས་རེག་ན་རི་མོ་མི་སྣང་བར་འགྱུར་རོ། །ལག་པ་བཀྲུས་ན་གྲོལ་བར་འགྱུར་རོ། །སྟྲི་གརྦྷའི་མལ་སྟན་གྱིས་བདུགས་ན། རི་མོ་ད་ཏི། གུ་གུལ་གྱིས་བདུགས་ན་གྲོལ་བར་འགྱུར་རོ། །བྷ་གའི་ཚིལ་གྱིས་མིག་
སྨན་བྱས་ན་ཁང་པའི་ཕྱམ་རྣམས་སར་པར་མཐོང་བར་འགྱུར་རོ། །མར་མེ་བསྙལ་ནས་གྷན་དྷ་ཀའི་ཕྱེ་མ་བླུགས་ན་སླར་ཡང་འབར་བར་བྱེད་དོ། །མུཎ་ཌ་རཱི་དང་། སེ་བཱ་ལ་དང་། རྫ་ལོ་ཀ་དང་། སྦལ་པའི་ཚིལ་གྱིས་རྐང་པ་དག་མཉེས་ནས། ཆུ་

87-1-323b

ཤིང་གི་ལོ་མ་དཀྲིས་ནས་མེ་འདག་འབར་བའི་སྟེང་དུ་ཕྱིན་ན་ཚིག་པར་མི་འགྱུར་རོ། །ཤི་རི་ཁཎ་ཌ་དང་། བུ་རམ་ཟོས་ན་གཉིད་དུ་འགྱུར་རོ། །ཀ་མ་ཙའི་རྩ་བ་སྤྱི་བོར་བཅིངས་ན་གཉིད་དུ་འགྱུར་རོ། །ནཱ་ག་ད་མ་ན་ཀའི་རྩ་བ་དང་། གྲོ་ན་པུཤྤའི་བལ་
དང་། ཡུང་བ་དང་། འབྲས་དང་བཏགས་ནས་དྲིལ་ཕྱིས་བྱས་ན། ཆུའི་བརྟགས་པ་ལས་རྒྱལ་ལོ། །ཤལ་མ་ལའི་རྩ་བར་བྲུས་ནས། ཤིང་ཀུན་བཅུག་ན་མེ་ཏོག་རྣམས་ལྟུང་བར་འགྱུར་རོ། །ས་སྐྱུར་མོ་དང་། ཆང་བྱིན་ནས་གོ་ལ་བྱིན་ན་འཁྲུ་བར་བྱེད་དོ། །
ཤི་རི་ཁཎ་ཌའི་འོ་མ་དང་། ཨརྐའི་ས་བོན་དང་། སྲིན་བུའི་ཟོས་པའི་ཤིང་ཕྱེ་དང་། བུ་རམ་ཟོས་ན་ཁྲག་ཏུ་འཛག་པར་འགྱུར་རོ། །སྤང་བྱེའི་ཕྱེ་མས་རྟའི་སྣ་ལ་མཉེས་ན་རྩྭ་ཟ་བར་མི་འགྱུར་རོ། །ཙན་དན་གྱིས་བཀྲུས་ན་དག་པར་འགྱུར་རོ། །ཀེ་ཏ་ཀའི་
རྩ་བ་སྤྱི་བོར་བཅིང་བར་བྱའོ། །ཁང་རྫུ་རའི་རྩ་བ་དང་། ཧ་ཏེ་ཏ་ལའི་རྩ་བ་མུ་ཁ་རྒྱལ་གྱི་ཟླ་བ་ལ་བྱང་ཕྱོགས་སུ་གནས་པས། གཅེར་བུ་སྐྲ་གྲོལ་བར་བྱས་ནས་བཏོན་ནས།  གསུམ་པོ་དང་།  ཅུང་ཟད་མཉེས་ནས་མཐུངས་ན་མཚོན་གྱིས་ཕེད་པར་མི་འགྱུར་རོ། །ཤོ་ན་
ཀའི་ས་བོན་གྱིས་ཕྱིན་ལྷམ་གཉིས་རི་དགས་ཀྱི་ལྤགས་པ་ལ་བྱས་ནས། ནང་བཀང་ནས་ཆུ་ལ་ཕྱིན་ན་འབྱིང་བར་མི་འགྱུར་རོ། །ཨོཾ་ཥ་ཎི་ཟོས་ནས་ལྕེ་འོག་ཏུ་གཞག་པར་བྱའོ། །ཐོང་ལྕགས་བསྲེགས་ནས་ལྡགས་ན་ཚིག་པར་མི་འགྱུར་རོ། །དངུལ་ཆུ་དང་ཀྵ་ར་དང་
ལྡན་པའི་ཧསྟི་ཤུན་ཌི་འཐུངས་ན་མངལ་ལྟུང་བར་བྱེད་དོ། །ཤར་པུང་ག་དཀར་པོའི་རྩ་བ་རྒྱུ་སྐར་རྒྱལ་ལ་བསྟོན་ནས་བའི་མར་ལ་སྦངས་ནས།   མགོ་བོ་འམ་དཔུང་པར་གདགས་པར་བྱའོ། །མདའ་དང་ཆོམ་པོའི་འཇིགས་པ་ལས་སྐྱོབ་པར་
བྱེད་དོ། །བྱ་རྒོད་ཀྱི་ཞག་དང་། འུག་པའི་ཞག་ཕྱིས་ལྷམ་ལ་བྱུགས་ནས།  སྟེང་དུ་གནས་ནས་ཤིན་དུ་རིང་པོར་འགྲོ་འོང་ནུས་སོ། །ཡུངས་དཀར་གྱི་འབྲས་བུ་མཚོན་གྱིས་གཅད་པར་བྱ་སྟེ། ཉི་མ་བཟང་པོའི་སྒོངས་མོའི་ཐུན་མཚམས་སུ་
ལྷག་པར་གནས་པ་བྱས་ན་གཅེར་བུ་སྐྲ་གྲོལ་བར་བྱས་ནས་ལག་པ་གཡོན་པས་བཟུངས་ནས་ས་ལ་མ་ལྷུང་བར་བཅོམ་ལྡན་འདས་ཀྱི་སྔགས་ཀྱིས་བསྲུངས་ནས། ཕྲེང་བའི་སྔགས་ཀྱིས་གང་དང་གང་གི་ཁྲག་གིས་སྦངས་ནས། མཚོན་

87-1-324a

ཆ་མང་པོའི་ཁྲག་གིས་གཏོར་ནས།  ཥ་བཀྲུས་པའི་ཆུ་དང་། དེའི་རུས་པའི་ལུད་དང་།   ཞག་དང་། དེའི་ཐལ་བ་སྐྱེད་ནས། དེའི་ཐོད་པའི་ནང་དུ།   ཞག་དང་རྭ་ལ་སོགས་པའི་ཁྲག་ལ་སོགས་པ་བསགས་ནས། བདུག་པ་དང་བྱུག་པ་ལ་སོགས་པ་
འབད་པས་བྱས་ནས། ཡང་དང་ཡང་དུ་བསྲུང་བ་དང་གཏོར་མ་བྱ། ཡོངས་སུ་གྱུར་པའི་འབྲས་བུ་ཁར་བཅུག་ན་བདག་ཉིད་དེ་འདྲ་བར་འགྱུར་རོ། །ལྕགས་གསུམ་གྱིས་བཀྲིས་ན་མི་སྣང་བར་འགྱུར་རོ། །དེ་ལ་འདིར་ལྕགས་གསུམ་ནི་ཕྱེད་དང་
བཅས་པའི་དྲུག་ནམ་བདུན་དང་། ཕྱེད་དང་བཅས་པའི་གཉིས་དང་། བཞི་དང་། དྲུག་ནམ་ལྔ་རྣམས་ཏེ། ཉི་མ་དང་། ཟླ་བ་དང་། མེ་དང་རྣམས་མིའི་ཐོད་པ་ལ་གི་ཝང་དང་།  ལེ་བརྒན་དག་གིས་བསྒྲུབ་བྱའི་མིང་སྔགས་ཀྱིས་བསྟེན་ནས།   བྲིས་ནས་
དྲིའི་ཆུས་བྱུགས་ཏེ། ཐོད་པ་གཉིས་པ་ཡང་དག་པར་སྦྱར་བར་བྱས་ནས། རོའི་སྲད་བུས་དཀྲིས་ནས་སྤྲ་ཚིལ་གྱིས་དྲིལ་བར་བྱའོ། །དུར་ཁྲོད་ཀྱི་མེ་ལ་བདུགས་པས་ཇི་སྲིད་མཚན་མོ་སྤྲ་ཚིལ་མེ་ཞུའི་བར་དུའོ། །ལྷའི་བུ་མོ་འགུགས་པར་
བྱེད་དོ། །ཨོཾ་ཨཱ་ཀཊྜྷྱ་ཨཱ་ཀཊྜྷྱ། མོ་ཧ་ཡ་མོ་ཧ་ཡ། ཆེ་གེ་མོ་ཨ་ཀར་ཥ་ཡ་ཛ་སྭཱ་ཧཱ། ཀ་པིད་ཐའི་འབྲས་བུ་ཕྱེ་མར་བྱས་ནས་མ་ཧེའི་ཞོ་ལ་སྦང་བར་བྱའོ། །ལན་བདུན་དུའོ། །རྫ་གསར་པ་ན་གནས་ནས་དར་བ་ཅུང་ཟད་བླུགས་པར་བྱའོ། །སྐད་ཅིག་ཙམ་
གྱིས་ཞོ་རུ་འགྱུར་རོ། །ཀ་པིད་ཐའི་འབྲས་བུ་བཏགས་ནས་རྫ་གསར་པ་ལ་བྱུག་པར་བྱའོ། །དེ་ལ་འོ་མ་བསྐོལ་ནས་སྲུབ་པ་དང་བྲལ་ན་ཞོ་རུ་འགྱུར་རོ། །རྫ་སོ་མ་བཏང་བའི་བུམ་པར་འོ་མས་བསྒོས་ནས་བཙོ་བར་བྱའོ། །བུམ་པར་བླུགས་ནས་བརྟན་པ་དང་
བུམ་པ་བཅག་པས་ཞོའི་བུམ་པར་འགྱུར་རོ། །ཨརྐའི་འོ་མ་བུམ་པ་གསར་པར་ལན་མང་དུ་བསྒོས་ནས། དེར་ཆུ་བླུགས་ན་དར་བ་བཞིན་དུ་མཐོང་ངོ་། །བུད་མེད་བུ་ཚ་སྐྱེས་ནས་ཞག་བཅུ་ལོན་པའི་མེས་བདུགས་པའི་ཐལ་བ་བླངས་ནས། ཁུ་ཚུར་གཉིས་སྟེང་
འོག་ཏུ་རྣམ་པར་བཀོད་ནས་ཆུས་བཀང་ནས་དེ་ལ་ཐལ་བའི་རི་མོའི་སྟེང་དུ་ཁྲིད་ན། བུམ་པའི་ཆུ་སྐམས་པར་འགྱུར་རོ། །འོག་ཏུ་ཐལ་བས་རི་མོ་བྱས་ན་གང་བར་འགྱུར་རོ། །གཟའ་ཉི་མའི་ཉིན་མོ་ཤ་ལིཉྫའི་རྩ་བ་དང་། ཨ་པ་མཱར་གའི་རྩ་བ་བཏོན་

87-1-324b

ནས་སོ་སོར་དབྱུག་པའི་རྩེ་མོ་ལ་བྱུགས་ནས་རྐེད་པར་བཟུང་ན་དེ་དག་འཐབ་པར་བྱེད་དོ། །བ་ཧཱུ་ཨ་རའི་ས་བོན་གྱི་ཁུ་བས་རས་བཟང་པོ་མཉེས་ནས་ཆུ་བླུགས་ན་ལྟུང་བར་མི་འགྱུར་རོ། །སྤའི་བུམ་པ་ལ་དེ་ཡིས་དེ་བཞིན་དུ་བྱུགས་ནས་ཞོན་ན་ཆུ་ལ་
འབྱིང་བར་མི་འགྱུར་རོ། །བྷུ་ལ་ཏ་དང་སྲིན་བུ་མེ་ཁྱེར་གྱི་ཕྱེ་མས་རྩིག་པ་ལ་བྱུགས་ན་མཚན་མོ་འབར་བར་མཐོང་ངོ་། །ཟངས་ཀྱི་སྣོད་ལ་ཆང་དང་སྐྱུ་རུ་རས་མཉེས་ནས་ལྕགས་ཀྱི་སྣོད་ལ་བྱུགས་ན་ཟངས་མ་བཞིན་དུ་མཐོང་ངོ་། །བ་ལང་གི་རུས་པ་བསྲེགས་ནས་མུ་
ཟིའི་ཕྱེ་མ་བྱིན་ན་མེ་ལྕེ་འབར་བར་འགྱུར་རོ། །དྷེན་ཌུ་ཀའི་ས་བོན་གྱི་སྟེང་དུ་མེ་ཏོག་གཞག་ནས་ཆུ་བྱིན་ན།   མེ་ཏོག་ཡར་ནས་འགྲོའོ། །ཀུན་ཋི་རི་ལས་བྱས་པའི་བྱིའུའི་ནང་དུ། བུང་བ་བཅུག་ན་ནམ་མཁའ་ལ་འགྲོ་བར་བྱེད་དོ། །ཤ་སྐམ་པོ་ལ་བྷལླ་ཏ་
ཀའི་མར་ཁུས་སྦངས་ནས་ཆུའི་སྟེང་དུ་གཞག་ན་འགྲོ་བར་བྱེད་དོ། །ཞེས་པ་ནི་དཔའ་བོ་གཅིག་པ་ཉིད་དུ་གསུངས་པའི་དཔལ་གཏུམ་པོ་ཁྲོ་བོ་ཆེན་པོའི་རྒྱུད་ལས། ངོ་མཚར་སྒྱུ་མའི་རིམ་པར་ཕྱེ་བ་སྟེ་ཉི་ཤུ་རྩ་གཅིག་པའོ།། །། དེ་ནས་བཅོམ་
ལྡན་འདས་ཀྱིས་བཀའ་སྩལ་པ། སྙིང་ཀར་སྲོག་རླུང་ཐུར་སེལ་བཤད། །མཉམ་གནས་ལྟེ་བའི་ཕྱོགས་ན་གནས། །གྱེན་རྒྱུ་མགྲིན་པའི་ཕྱོགས་སུ་གནས། །ལུས་ཀུན་ལ་ནི་ཁྱབ་བྱེད་གནས། །དེ་རྣམས་ནང་ནས་གཙོ་བོ་ཡི། །སྲོག་གི་རླུང་ནི་སྙིང་ཀར་གནས། །
འབྱུང་འཇུག་དབུགས་ཀྱི་དབྱེ་བ་ཡིས། །སྐྱེ་བོ་ཀུན་གྱི་སྲོག་ཏུ་གནས། །འཕོ་བ་བཅུ་དྲུག་སྦྱོར་བ་ཡིས། །སོ་སོར་དབྱུག་གུ་རེ་རེའོ། །དཀྱིལ་འཁོར་བཞི་ནི་འབབ་པ་ཡིས། །ཉི་ཁྲི་ཆིག་སྟོང་དྲུག་བརྒྱ་ལ། །གཡས་ལ་རེག་ནས་འབབ་པ་ནི། །མེ་ཡི་དཀྱིལ་
འཁོར་ཞེས་བརྗོད་དོ། །གཡོན་ནས་རེག་ནས་འབབ་པ་ནི། །རླུང་གི་དཀྱིལ་འཁོར་ཞེས་བརྗོད་དོ། །གཡས་གཡོན་མཚུངས་པར་རེག་པ་ནི། །ས་ཡི་དཀྱིལ་འཁོར་ཞེས་བྱའོ། །དེ་ཉིད་འདིར་ནི་དལ་འབབ་པ། །ཆུ་ཡི་དཀྱིལ་འཁོར་ཞེས་བྱའོ། །ལ་
ལཱ་ན་ནི་གཡོན་གྱིས་དལ། །ར་ས་ནཱ་གཡས་རྣམ་པར་གནས། །ཨ་བ་དྷཱུ་ཏཱི་དབུས་ཕྱོགས་ནས། །ལྷན་ཅིག་སྐྱེས་དགའ་སྐད་ཅིག་འབབ། །འབྱུང་དང་འཇུག་པ་གཉིས་གྱུར་པ། །མི་གཡོའི་ཚུལ་གྱིས་རྣམ་པར་གནས། །ཇི་སྲིད་སྲོག་ནི་རབ་འཇུག་

87-1-325a

པའི། །རླུང་གི་འགྲོ་འོང་ཉམས་པས་སོ། །འཇུག་པ་ཀུམ་བྷ་ཀར་ཤེས་བྱ། །པཱུ་ར་ཀ་ནི་གཟུང་བར་བྱ། །རེ་ཙ་ཀ་ནི་དབྱུང་བར་ཤེས། །མི་གཡོ་བ་ནི་རེངས་པར་འདོད། །གཏུམ་པོ་ཁྲོ་བོའི་ཏིང་འཛིན་གྱིས། །ཤེས་རབ་དང་བཅས་བརྩམ་
པར་བྱ། །རླུང་གི་འཇུག་པ་བགྲང་བྱ་སྟེ། །བརྒྱ་སྟོང་ལ་སོགས་གྲངས་རྣམས་ཀྱིས། །སྐད་ཅིག་ཉིད་ལ་འགྲུབ་འགྱུར་ཏེ། །མགོན་པོ་སངས་རྒྱས་གསུང་ཇི་བཞིན། །འབད་པས་ཤེས་རབ་ལ་འཁྱུད་ནས། །རླུང་གཅིག་པུ་ནི་བགྲང་བར་བྱ། །གཏུམ་པོ་ཁྲོ་བོའི་
གཟུགས་ཀྱིས་ནི། །ཟླ་བ་ཕྱེད་ཙམ་གྱིས་འགྲུབ་བྱེད། །ལྷ་ཡི་ཡེ་ཤེས་ཡང་དག་ལྡན། །མངོན་པར་ཤེས་པ་སྐྱེ་བར་འགྱུར། །གཏུམ་པོ་ཁྲོ་བོའི་ཏིང་འཛིན་གྱིས། །རང་གི་བུད་མེད་ངེས་འཁྱུད་ནས། །སྙིང་ཀ་དང་ནི་སྙིང་ཀ་དང་། །གསང་བ་དང་ནི་གསང་
བ་དང་། །ཞལ་དང་ཞལ་ནི་ཡང་དག་སྦྱར། །སེམས་མེད་བདེ་བའི་མཆོག་དེ་ཉིད། །ཟླ་བ་སྙིང་གི་ནང་དུ་སོན། །དེ་ནི་ཉི་མའི་མཐུ་ཡིས་སོ། །དེ་ཉིད་བརྟན་པའི་སྟོབས་དེ་ལས། །མི་ཡིས་ཀུན་མཁྱེན་ཐོབ་པར་འགྱུར། །བསམས་པ་ཙམ་གྱུར་ཉིད་
ཀྱིས་ནི། །འདས་དང་མ་འོངས་ད་ལྟར་ཡང་། །ཕ་རོལ་སེམས་ནི་ཤེས་འགྱུར་ཏེ། །བདག་གི་འདི་ནི་བདེན་པར་སྨྲས། །དེ་བཞིན་དེ་ཉིད་སྦྱོར་བ་ཡིས། །རྣ་བའི་ནང་དུ་སྒོམ་བྱས་ན། །ཕྱོགས་རྣམས་ཀུན་ན་གནས་པའི་སྒྲ། །དྲུང་ན་མོ་ནི་ཇི་བཞིན་ཐོས། །
དེ་བཞིན་མིག་གི་མཐུ་ཡིས་ནི། །འཇིག་རྟེན་གསུམ་པོ་མཐོང་བར་བྱེད། །དེ་བཞིན་སྣ་ཡིས་མནམས་པས་ཀྱང་། །དྲི་རྣམས་ཐམས་ཅད་ཤེས་པར་འགྱུར། །དེ་བཞིན་ལྕེ་ཡིས་མྱངས་པས་ཀྱང་། །རིང་གནས་རོ་ཡང་རབ་ཏུ་སྐྱེ། །དེ་བཞིན་རང་རྟགས་
རྩེར་བསམས་པས། །རེག་བྱ་མ་ལུས་ཤེས་པར་འགྱུར། །དེ་བཞིན་མགོ་ཡི་དབུས་བསམས་པས། །ཀུན་གྱི་ནུས་མཐུ་འཕེལ་བར་འགྱུར། །གང་དུ་སེམས་ནི་གནས་དེ་ལ། །རླུང་གིས་རོ་ནི་ཡང་དག་མཉམ། །དེ་དང་དེ་ལས་དེ་འགོག་པས། །དེ་ཉིད་
འདིར་ནི་གཟུགས་བརྙན་འགྱུར། །ཞི་དང་རྒྱས་དང་དབང་དང་ནི། །དགུག་དང་དེ་བཞིན་གསད་པ་དང་། །བསྐྲད་དང་ཐམས་ཅད་ཤིན་དུ་བསྒོམ། །དེ་ཉིད་གང་བསྒོམས་རབ་ཏུ་འགྲུབ། །ཀུམ་བྷ་ཀ་སོགས་རབ་སྦྱོར་བས། །ལྟ་སྟངས་བཞི་པོ་དང་སྦྱོར་བྱ། །གཡོན་དུ་

87-1-325b

ལྟ་བའི་ལྟ་སྟངས་ཀྱིས། །བུམ་པ་ཅན་གྱི་དབང་དུ་བྱེད། །པུ་ར་ཀ་ནི་ངེས་སྦྱོར་བས། །གཡས་ཀྱི་དགུག་པར་ཤེས་པར་བྱ། །གང་ཞིག་དཔྲལ་གནས་ལྟ་སྟངས་ཀྱིས། །དེ་ནི་རེ་ཙ་ཀ་ཡིས་གསད། །སྣ་རྩེར་གནས་ཉིད་ལྟ་སྟངས་ཀྱིས། །རེངས་པ་ཉིད་ཀྱིས་རེངས་པ་
ཅན། །ནས་ཀྱི་མེ་ཏོག་ཀུམ་བྷ་ཀ །སྣ་ཧཱི་བྲི་ཀྵ་པཱུ་ར་ཀ །རླན་བཅས་ཤིང་ནི་རེ་ཙ་ཀ ། མིག་དེ་ཡང་ནི་སྟམ་བྷ་ཀ །ཀུན་གྱི་ལྟ་སྟངས་ངེས་སྦྱོར་ལས། །ཟླ་བ་དྲུག་ཏུ་བསམ་པར་བྱ། །ཀུན་གྱི་ནུས་པ་དང་ལྡན་པར། །སེམས་ནི་འགོག་པས་འགྲུབ་པར་འགྱུར། །སེམས་
ནི་འགགས་པས་རླུང་འགག་གོ། །རླུང་འགགས་པས་ཀྱང་སེམས་ཀྱང་འགག །ཕན་ཚུན་འགགས་པར་འགྱུར་བ་ཡི། །གནས་ལ་སེམས་ནི་གནས་པའོ། །རྡོ་རྗེ་པད་མ་མཉམ་སྦྱོར་བས། །ཐབས་དང་ཤེས་རབ་གཅིག་ཏུ་སྦྱོར། །འགོག་པའི་བདེ་ལ་ལོངས་སྤྱོད་པས། །
ཁྱབ་བདག་མི་གཡོ་དེ་འགྲུབ་བོ། །རྡོ་རྗེ་སེམས་སོགས་སངས་རྒྱས་རྣམས། །སྔགས་པ་དེ་ཡི་ལྷན་ཅིག་ན། །བདེ་བྱེད་ལ་སོགས་གྲགས་པ་ཡི། །འཇིག་རྟེན་ལྷ་རྣམས་སྨོས་ཅི་དགོས། །རྒྱུད་རྣམས་ཀུན་དུ་རབ་སྦས་པ། །བདག་གིས་དེ་ཉིད་མི་གཡོ་གཙོ། །གང་
ཞིག་དེ་ཉིད་བརྟེན་བྱས་པས། །ནམ་མཁའ་ལྟ་བུའི་སངས་རྒྱས་གྱུར། །གང་གཱའི་བྱེ་མ་དང་མཚུངས་པའི། །ཆེན་པོ་རྣམས་ནི་འབྱུང་བར་འགྱུར། །ད་ལྟར་གྱི་ཡང་རྣམ་སངས་རྒྱས། །སངས་རྒྱས་ཡེ་ཤེས་དང་ལྡན་ཉིད། །དེ་ཕྱིར་རྟག་ཏུ་རྣལ་འབྱོར་པས། །ཁྱབ་བདག་མི་
གཡོ་བསམ་པར་བྱ། །གང་ཞིག་མི་གཡོ་མི་ཤེས་པ། །དེ་ཡི་སྐྱེ་བ་འབྲས་མེད་ཡིན། །དེ་ཉིད་མེད་ལ་དངོས་གྲུབ་ནི། །ཕྲ་མོ་ཙམ་ཡང་ཐོབ་པ་མེད། །ཞེས་པ་ནི་དཔའ་བོ་གཅིག་པ་ཉིད་དུ་གསུངས་པའི་དཔལ་གཏུམ་པོ་ཁྲོ་བོ་ཆེན་པོའི་རྒྱུད་ལས། །རླུང་གི་རྣལ་
འབྱོར་གྱི་རིམ་པར་ཕྱེ་བ་སྟེ་ཉི་ཤུ་རྩ་གཉིས་པའོ།། །། དེ་ནས་བཅོམ་ལྡན་འདས་ཀྱིས་བཀའ་སྩལ་པ། རྐང་མཐིལ་ལྟེ་བར་འབུགས་བྱེད་ན། །ཞག་གསུམ་ནས་ནི་འཆི་བར་འགྱུར། །རྐང་པའི་མཐིལ་དུ་འབུགས་པ་དང་། །
མིག་ཏུ་ཟུག་རྔུས་ཟླ་གསུམ་ན། །རྐང་པའི་མཐིལ་དུ་འབུགས་པ་དང་། །སྣ་ཡི་ཟུག་རྔུས་ཟླ་གསུམ་ན། །བཤང་བ་འཛག་པའི་དུས་སུ་ནི། །སྦྲིད་པ་མཉམ་བྱུང་ཟླ་བ་ན། །ལྟེ་བ་དང་ལྟོ་བའི་ཟུག་རྔུ་ཡིས་ལོ་ལྔ་ནའོ། །མཛོད་སྤུའི་ཟུག་རྔུ་ཡིས་

87-1-326a

ཉི་མ་གཅིག་ནའོ། །ལྕེའི་རྩེ་མོ་མ་མཐོང་ན་ཟླ་བ་ཕྱེད་ནའོ། །སྣའི་རྩེ་མོའི་ཟུག་རྔུ་ཡིས་ཟླ་བ་བཞི་ནའོ། །འཁྲིག་པའི་དུས་ཀྱི་སྦྲིད་པ་ཡིས་ཟླ་བ་ནའོ། །མཐེའུ་ཆུང་ཐམས་ཅད་མཉམ་དུ་ཟུག་རྔུར་གྱུར་ན་ཟླ་བ་ནའོ། །མཉམ་དུ་སྙིང་
ཀ་དང་།   མགྲིན་པར་ཟུག་རྔུར་གྱུར་ན་ཟླ་ཕྱེད་པ་གསུམ་ནའོ། །མཉམ་དུ་ཏཱ་ལུ་ཀ་གསུམ་ཟུག་རྔུར་གྱུར་ན་ཉི་མ་གསུམ་ནའོ། །སུ་ར་བྷའི་རྣ་བའི་དྲིལ་བུའི་སྒྲ་ཡིས་ཟླ་བ་གསུམ་ནའོ། །རྣ་བའི་རྩ་བ་དང་། སྨིན་མའི་དབུས་དང་། མགོའི་
དང་པོ་རྣམས་སུ་ཟུག་རྔུར་གྱུར་ན་ཉི་མ་གཅིག་ནའོ། །རྐང་པའི་མཐིལ་ནས་བརྩམས་ནས།  ལྟེ་བའི་མཐར་ཐུག་པའི་ཟུག་རྔུས་ཟླ་བ་དྲུག་ནའོ། །སྣ་རྩེའི་ཤ་ཞུམ་ན་ཞག་བདུན་ནའོ། །འགྲམ་པའི་ཤའི་མཚམས་བྱེ་ན་ཟླ་བ་ལྔ་ནའོ། །མིག་
འཛག་པ་མ་མཐོང་ན་ཟླ་བ་ལྔ་ནའོ། །སྣའི་འཁོར་ལོ་ལས་ཞག་བདུན་ནའོ། །སྙིང་ཀ་ཞོམ་ན་ཟླ་བ་ཕྱེ་ནའོ། །ལྕེའི་དཀྱིལ་དུ་རི་མོ་ནག་པོ་བྱུང་ན་ཞག་གཉིས་ནའོ། །སེན་མོ་ལ་ཁྲག་མ་མཐོང་ན་ཟླ་བ་དྲུག་ནའོ། །སོ་སྐམས་ན་ཟླ་བ་དྲུག་ནའོ། །ཨ་
རུ་ཎ་མ་མཐོང་ན་ཟླ་བ་དྲུག་ནའོ། །གྲང་མོ་ལ་སོགས་པའི་དུས་ཕྱིན་ཅི་ལོག་པ་ལས་ཐམས་ཅད་དུ་བུག་པར་མཐོང་ན་ཟླ་བ་ཕྱེད་ནའོ། །ཧ་ཡིག་བརྗོད་པས་གྲང་བ་དང་། ཕུཿཡིག་བརྗོད་པས་དྲོ་བར་གྱུར་ན་ཉི་མ་བཅུ་ནའོ། །མིང་མེད་ཀྱི་
རྩ་བར་རི་མོ་ནག་པོ་མཐོང་ན་ཉི་མ་བཅོ་བརྒྱད་ནའོ། །ལུས་མཉེས་པས་སྒྲ་ཐོས་པ་དང་། ལུས་ཐམས་ཅད་ལས་ཀླུ་ཉིད་ཀྱང་ཉི་མ་བཅུ་ཐམ་པ་ནའོ། །ཁྲུས་བྱས་པ་ཙམ་གྱིས་སྙིང་ཀ་དང་རྐང་པ་སྐམ་ན། རྟ་དྷི་མན་ལུས་ལ་དྲི་ངན་
པ་བྱུང་ན་ཞག་གསུམ་ནའོ། །ལུས་སྟཿཉི་མ་གཅིག་ནའོ། །དྲི་ཆུ་གཡོན་དུ་འཁོར་ན་ཟླ་བ་དྲུག་ནའོ། །ལྟེ་བ་ཕྱིན་ཅི་ལོག་ན་ཉི་མ་ལྔ་ནའོ། །སྣའི་རྩེ་མོ་མ་མཐོང་ན་དེ་ཟླ་བ་ལྔ་ནའོ། །མིག་སོར་མོས་མནན་པས་འོད་མ་མཐོང་ན་ཉི་མ་བརྒྱ་ནའོ། །
རྣ་བའི་དྷ་ནྱ་ཐོས་ན་ལོ་གཅིག་ནའོ། །ཕ་རོལ་གྱི་མིག་ལ་གཟུགས་བརྙན་མ་མཐོང་ན་ཟླ་བ་ཕྱེད་ནའོ། །དེ་ཉིད་ཤེས་ཕྱིར་འཆི་བསླུ་དང་། །འཇིག་རྟེན་ཕ་རོལ་བསམ་པར་བྱ། །ཞེས་པ་ནི་དཔའ་བོ་གཅིག་པ་ཉིད་དུ་གསུངས་པའི་དཔལ་

87-1-326b

གཏུམ་པོ་ཁྲོ་བོ་ཆེན་པོའི་རྒྱུད་ལས་འཆི་ལྟས་ཀྱི་མཚན་ཉིད་རིམ་པར་ཕྱེ་བ་སྟེ་ཉི་ཤུ་རྩ་གསུམ་པའོ།། །། དེ་ནས་བཅོམ་ལྡན་འདས་ཀྱིས་བཀའ་སྩལ་པ། ཕ་དང་མ་ཡི་མཉམ་སྦྱོར་ལས། །འབྱུང་ལྔའི་བདག་ཅན་ཟླ་བ་དང་། འབྱུང་
བ་ལྔ་ཡི་བདག་ཉིད་ཅན། །ཉི་མའི་སྦྱོར་བ་འཛོམ་པ་ལས། །དེ་ལ་སེམས་ཅན་སྐྱེ་བར་འགྱུར། །ཐབས་དང་ཤེས་རབ་བདག་ཉིད་ཅན། །སླར་ཡང་དུས་ཚིགས་ཟླ་བ་ལས། །ཉི་མས་ཤ་ལ་སོགས་པར་འགྱུར། །བདག་ཉིད་སྟོང་པའི་
ལུས་གྱུར་ལ། །སེམས་ཅན་རྣམས་ནི་ལས་ཀྱིས་སྤྲུལ། །སྒྱུ་མ་ལྟ་བུའི་རང་བཞིན་འདི། །དྲི་ཟའི་གྲོང་ཁྱེར་ལྟ་བུ་དང་། །དབང་པོའི་གཞུ་དང་མཚུངས་པ་འདི། །ཆུ་ནང་ཟླ་བ་ལྟ་བུར་འདོད། །ཅེས་པ་ནི་དཔའ་བོ་གཅིག་པ་ཉིད་དུ་གསུངས་
པའི་དཔལ་གཏུམ་པོ་ཁྲོ་བོ་ཆེན་པོའི་རྒྱུད་ལས།  ལུས་ཀྱི་རང་བཞིན་གྱི་རིམ་པར་ཕྱེ་བ་སྟེ་ཉི་ཤུ་རྩ་བཞི་པའོ།། །། དེ་ནས་བཅོམ་ལྡན་འདས་མས་གསོལ་པ། ཤེས་རབ་ཕ་རོལ་ཕྱིན་འབྱུང་བ། །གཞན་
ཡང་བདག་གིས་མཉན་པར་འཚལ། །ཤིན་དུ་རྒྱལ་མིན་མདོར་བསྡུས་པས། །མགོན་པོ་བདག་ལ་བཀའ་དྲིན་མཛོད། །དེ་ནས་བཅོམ་ལྡན་འདས་ཀྱིས་བཀའ་སྩལ་པ། ཤེས་རབ་ཕ་རོལ་ཕྱིན་འབྱུང་བ། །དེ་ནས་ཡང་དག་རབ་བཤད་
བྱ། །བཅུ་དྲུག་ལོ་ཡི་གཟུགས་ཅན་མ། །ལྷ་མོ་སེམས་དཔའི་དཀྱིལ་དཀྲུང་མཛད། །སྐུ་མདོག་སྔོན་མོ་སྐལ་ཆེན་མ། །མི་བསྐྱོད་པ་ཡིས་དབུ་ལ་བརྒྱན། །ཕྱག་གཡས་པད་མ་དམར་པོ་བསྣམས། །གཡོན་པའི་ཕྱག་ནི་རོལ་པའི་སྟབས། །
འདོད་པའི་བསྟན་བཅོས་ཀྱིས་གནས་པ། །པད་མ་ཟླ་བའི་སྟེང་དུ་བཞུགས། །ནུ་མ་རྒྱས་ཤིང་ལྟ་བས་ཚིམ། །སྤྱན་ཡངས་དགའ་མ་ཁྱོད་ལ་སྨྲས། །ལྷན་སྐྱེས་མི་གཡོའི་ཏིང་འཛིན་གནས། །ལྷ་མོ་འདི་ནི་བསྒོམས་པར་གྱིས། །ཧཱུྃ་ཡིག་
ཡེ་ཤེས་བུད་མེད་ཀྱི།   །བདག་པོ་དབང་ཕྱུག་དམ་པར་བཅས། །དེ་ནས་གཞན་ཡང་རབ་བཤད་བྱ། །གཏུམ་པོ་ཁྲོ་བོ་བསྒོམས་པ་ནི། །སྣ་ཚོགས་པད་མའི་སྟེང་དུ་ལྷ། །གཏུམ་པོ་ཁྲོ་བོ་བརྟག་པར་བྱ། །ར་མ་དེ་བ་ཁ་དོག་དམར། །

87-1-327a

མེ་སྟེ་བདེན་བྲལ་མཚམས་སུ་ནི། །འདོད་པའི་ལྷ་དེ་ཁ་དོག་སེར། །མ་ཧཱི་ཎ་ཎ་ཞེས་ཁ་དོག་ལྗང་། །རླུང་སྟེ་ལྷ་མིན་ཀོ་ཀི་ལ། །ཞེས་པ་གྲི་གུག་ཐོད་པའི་ལག །ནག་པོ་དབང་ལྡན་མཚམས་སུ་གནས། །ཐམས་ཅད་གཡས་བརྐྱང་སྟབས་ཀྱིས་སོ། །ལྷ་མོ་པར་ཎ་ཤ་བ་རི། །
བཅོམ་ལྡན་འདས་ཀྱི་ནུབ་ཕྱོགས་གནས། །འདི་ཉིད་བསམ་གཏན་སྦྱོར་བ་ཡིས། །ཉ་སོགས་བསྲེགས་པས་མཆོད་པར་བྱ། །ལྷ་རྣམས་ཀུན་ཀྱང་འཆི་བྱེད་ན། །མི་རྣམས་གཞན་པ་སྨོས་ཅི་དགོས། །དེ་ལ་འདིའི་སྔགས་ནི། ཨོཾ་ཙཎྜ་མ་ཧཱ་རོ་ཥ་བནྡྷ་བནྡྷ་ཆེ་གེ་མོ་ཧཱུྃ་ཕཊ། ཤེས་
རབ་དང་ལྡན་བསྒོམ་པར་བྱ། །གཡོན་པའི་ཕྱག་ན་པད་མ་དཀར། །གཏུམ་པོ་ཁྲོ་བོ་སྔོན་པོ་འམ། །དམར་པོ་ཡང་ན་ནག་པོས་ཀྱང་། །རྣལ་འབྱོར་བསྒོམ་པ་ཡོངས་བསྟན་པས། །སྐད་ཅིག་གིས་ནི་འགྲུབ་པར་འགྱུར། །དེ་ལྟར་མི་གཡོ་དཀར་པོ་སོགས། །འབད་པ་དྲག་པོས་སྒོམ་
བྱེད་ན། །སེམས་ནི་རྩེ་གཅིག་མཉམ་བཞག་པས། །ས་བོན་དང་བྲལ་ཉིད་ཀྱང་བསྒོམ། །ཟ་དང་མཐུང་དང་ཉལ་བ་དང་། །འདུག་དང་འགྲོ་དང་འཆག་པར་ཡང་། །གནས་སྐབས་ཀུན་དུ་རྣལ་འབྱོར་པས། །ལྷ་ཡི་རྣམ་པར་བསྒོམ་པར་བྱ། །ཡང་ན་བདེ་བ་འབའ་ཞིག་ནི། །
ཕན་ཚུན་བདེ་བའི་རྣལ་འབྱོར་མ། །ཇི་སྲིད་རབ་ཏུ་གསལ་གྱུར་པ། །དེ་སྲིད་བར་དུ་འབད་པས་བསྒོམ། །རབ་གསལ་གྱུར་ན་རྣལ་འབྱོར་པའི། །ཕྱག་རྒྱ་ཆེན་པོའྀ་དངོས་གྲུབ་བོ། །ཞེས་པ་ནི་དཔའ་བོ་གཅིག་པ་ཉིད་དུ་གསུངས་པའི་དཔལ་གཏུམ་པོ་ཁྲོ་བོ་ཆེན་པོའི་རྒྱུད་ལས་ལྷ་
མོ་རྣམས་ཀྱི་བསྒྲུབ་ཐབས་ཀྱི་རིམ་པར་ཕྱེ་བ་སྟེ་ཉི་ཤུ་རྩ་ལྔ་པའོ།། །།བཅོམ་ལྡན་འདས་དཔལ་རྡོ་རྗེ་སེམས་དཔས་དེ་སྐད་ཅེས་བཀའ་སྩལ་པ་དང་། རྣལ་འབྱོར་དང་རྣལ་འབྱོར་མའི་ཚོགས་རྣམས་བཅོམ་ལྡན་འདས་ཀྱིས་གསུངས་པ་ལ་མངོན་པར་དགའོ། །དཔལ་
གཏུམ་པོ་ཁྲོ་བོ་ཆེན་པོའི་རྒྱུད་ཀྱི་རྒྱལ་པོ་རྫོགས་སོ།། །།ཐེག་པ་ཆེན་པོ་ཡང་དག་པའི་དགེ་བའི་བཤེས་གཉེན་མཁྱེན་པ་དང་བརྩེ་བ་དང་ཕྲིན་ལས་དཔག་ཏུ་མེད་པ་མངའ་བ་བླ་མ་ཆེན་པོ་རིན་ཆེན་རྒྱལ་མཚན་གྱི་སྐུ་དྲིན་ལ་རྟེན་ནས།  བླ་མ་དུས་འཁོར་བ་ཆེན་པོ་ཤེས་
རབ་སེང་གེས་བསྐུལ་ཞིང་སྦྱིན་བདག་མཛད་པ་ལ་བརྟེན་ནས་དཔལ་ལྡན་ས་སྐྱའི་གཙུག་ལག་ཁང་ཆེན་པོར་པཎྜི་ཏ་རཏྣ་ཤྲཱིའི་ཞལ་སྔ་ནས་ལོ་ཙྪ་བ་གྲགས་པ་རྒྱལ་མཚན་གྱིས་སྦྲུལ་གྱི་ལོ་སྨིན་དྲུག་གི་ཟླ་བའི་དཀར་པོའི་ཚེས་བཅུ་ལ་རྫོགས་པར་བསྒྱུར་རོ།། །།