94-1-1a

༼ད༽ ༄༅། ༈ །གསང་སྔགས་རྒྱུད་འབུམ་གྱི་སྐོར་བཞུགས་སོ། །
(黃)  秘密經第十一部

94-1-1b

༄༅༅། །རྒྱ་གར་སྐད་དུ།  ཨཱརྱ་བཛྲ་པཱ་ཎི་ཨ་བྷི་ཥེ་ཀ་མ་ཧཱ་ཏནྟྲ།  བོད་སྐད་དུ།  འཕགས་པ་ལག་ན་རྡོ་རྗེ་དབང་བསྐུར་
བའི་རྒྱུད་ཆེན་པོ། བམ་པོ་དང་པོ། སངས་རྒྱས་དང་བྱང་ཆུབ་སེམས་དཔའ་ཐམས་ཅད་ལ་ཕྱག་འཚལ་ལོ། །འདི་སྐད་བདག་གིས་
ཐོས་པ་དུས་གཅིག་ན། བཅོམ་ལྡན་འདས་རྒྱལ་པོ་དབང་སྒྱུར་གྱི་ཁང་པ་ཆེན་པོ་རྣམ་པར་སྨིན་པ་བསམ་གྱིས་མི་ཁྱབ་པ་ལས་མངོན་པར་
གྲུབ་པ། དེ་བཞིན་གཤེགས་པ་ཐམས་ཅད་ཀྱི་སྤྱོད་པའི་རྒྱུ་མཐུན་པ། རིན་པོ་ཆེའི་རྒྱལ་པོ་ཆེན་པོས་ཤིན་ཏུ་རྣམ་པར་སྤྲས་པ་ཡོང་བ། 
ཁང་བཟང་ཆེན་པོ་རིན་པོ་ཆེའི་རྒྱལ་པོ། བྱང་ཆུབ་སེམས་དཔའ་སེམས་དཔའ་ཆེན་པོའྀ་ཁང་པ་ན། པད་མའི་སྙིང་པོའྀ་སེང་གེའི་ཁྲི་
ཆེན་པོ། ནོར་བུ་ཆེན་པོ་དབང་གི་རྒྱལ་པོས་ངོས་གཉིས་རྣམ་པར་སྤྲས་པ་ལ་བཞུགས་ནས། ལྷམ་མེ་ལྷན་ནེ་ལྷང་ངེའོ། །འདི་ལྟ་སྟེ་
དཔེར་ན་ཉི་མའི་དཀྱིལ་འཁོར་ནི་ནམ་ཐང་བའི་ནམ་མཁའ་ལ་ལྷམ་མེ་ལྷན་ནེ་ལྷང་ངེའོ། །དེ་བཞིན་དུ་བཅོམ་ལྡན་འདས་ཀྱང་པད་མའི་
སྙིང་པོའི་སེང་གེའི་ཁྲི་ཆེན་པོ་དེ་ལ་ལྷམ་མེ་ལྷན་ནེ་ལྷང་ངེར་བཞུགས་ནས། བྱང་ཆུབ་སེམས་དཔའི་ཚོགས་ཆེན་པོས་ཀུན་ནས་

94-1-2a

བསྐོར་ཏེ་སེམས་ཀྱི་དབང་ཐམས་ཅད་ཀྱི་དམ་པའི་ཕ་རོལ་ཏུ་ཕྱིན་པ་ནི་བརྙེས། སྐུ་དང་གསུང་དང་ཐུགས་ནི་མཉམ་པར་བྱིན་གྱིས་བརླབས། གཡོ་བ་དང་རློམ་སེམས་ཐམས་ཅད་དང་ནི་བྲལ་ཞིང་ལྷུན་གྱིས་གྲུབ་པར་སངས་རྒྱས་ཀྱི་མཛད་པ་
ལ་འཇུག་ཅིང་། འདི་ལྟ་སྟེ། ལུས་མཉམ་པ་ཉིད་ཀྱི་གནས་ཞེས་བྱ་བའི་ཆོས་ཀྱི་རྣམ་གྲངས་དང་། ངག་མཉམ་པ་ཉིད་ཀྱི་གནས་ཤེས་བྱ་བའི་ཆོས་ཀྱི་རྣམ་གྲངས་དང་། དེ་བཞིན་དུ་ཡིད་མཉམ་པ་ཉིད་ཀྱི་གནས་ཤེས་བྱ་བའི་ཆོས་ཀྱི་རྣམ་གྲངས་ཀྱི་ཆོས་སྟོན་ཏོ། །
དེ་ནས་བྱང་ཆུབ་སེམས་དཔའ་དེ་དག་གིས་ཆོས་ཀྱི་རྣམ་གྲངས་འདི་ཐོས་ནས། ལུས་དང་ངག་དང་ཡིད་མཉམ་པ་ཉིད་ཀྱི་བཀོད་པའི་སྙིང་པོ་ཞེས་བྱ་བའི་ཏིང་ངེ་འཛིན་ཐོབ་སྟེ། ཏིང་ངེ་འཛིན་ཐོབ་པ་དང་བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་
དག་པར་རྫོགས་པའི་སངས་རྒྱས་རྣམ་པར་སྣང་མཛད་དེ་ཉིད་ཀྱིས་བྱིན་གྱིས་བརླབས་ཀྱིས་སངས་རྒྱས་ཀྱི་ཞིང་བཅུའི་རྡུལ་ཕྲ་རབ་ཀྱི་རྡུལ་སྙེད་ཀྱི་དེ་བཞིན་གཤེགས་པ། བྱང་ཆུབ་སེམས་དཔའི་ཚོགས་ཀྱིས་ཡོངས་སུ་བསྐོར་ནས། འདི་ལྟ་སྟེ། ལུས་དང་ངག་
དང་ཡིད་མཉམ་པ་ཉིད་ཀྱི་གནས་བཀོད་པ་ཞེས་བྱ་བའི་ཆོས་ཀྱི་རྣམ་གྲངས་ཀྱི་ཆོས་སྟོན་པ་དག་མཐོང་ངོ་། །དེ་ཅིའི་ཕྱིར་ཞེ་ན། བྱང་ཆུབ་སེམས་དཔའ་སེམས་དཔའ་ཆེན་པོ་གང་ལ་ལ་དག །མེ་ཏོག་གི་གཞིའི་སྙིང་པོའྀ་རྒྱན་བཀོད་པ་དང་ལྡན་པ། འཇིག་རྟེན་གྱི་
ཁམས་རབ་འབྱམ་དུ་མ་ངེས་པར་སྟོན་པ་འདི་ནི་བྱང་ཆུབ་ཏུ་སེམས་བསྐྱེད་པ་དང་སྤྱོད་པ་ལ་ནན་ཏན་བྱེད་པ་དང་། ས་བསྒྲུབ་པ་དང་བྱང་ཆུབ་མངོན་པར་རྫོགས་པར་སངས་རྒྱས་པ་དང་། ཆོས་ཀྱི་འཁོར་ལོ་རབ་ཏུ་བསྐོར་བ་དང་ཡོངས་སུ་མྱ་ངན་ལས་འདས་པ་ཆེན་པོ་
སྟོན་པ་དེ་ཐམས་ཅད་ནི་བཅོམ་ལྡན་འདས་རྣམ་པར་སྣང་མཛད་ཀྱིས་བྱིན་གྱིས་བརླབས་ཀྱིས་སོ། །མདོར་ན་སེམས་ཅན་གང་ལ་ལ་དག་དགེ་བ་མངོན་པར་འདུ་བྱ་བ་བྱེད་པ་དེ་དག་ཐམས་ཅད་ཀྱང་བཅོམ་ལྡན་འདས་རྣམ་པར་སྣང་མཛད་ཀྱིས་སྔོན་བྱང་ཆུབ་
སེམས་དཔའི་སྤྱད་པ་སྤྱོད་པ་ན། བསྡུ་བའི་དངོས་པོ་བཞི་པོ་འདི་ལྟ་སྟེ། སྦྱིན་པ་དང་སྙན་པར་སྨྲ་བ་དང་། དོན་སྤྱོད་པ་དང་དོན་འཐུན་པས་བསྡུས་པ་ཤ་སྟག་སྟེ། དེ་དག་ནི་རྒྱུ་དེ་ཉིད་དང་དམིགས་པ་དེ་དག་ཉིད་ཀྱིས་དགེ་བ་མངོན་པར་འདུ་བྱེད་དོ། །

94-1-2b

དེ་ལྟར་ན་བྱང་ཆུབ་སེམས་དཔའ་དེ་དག་བཅོམ་ལྡན་འདས་རྣམ་པར་སྣང་མཛད་ཀྱི་ཡེ་ཤེས་ཆེན་པོ་ཤིན་ཏུ་རྒྱས་པ་དེ་ཐམས་ཅད་མཐོང་ཞིང་འཇུག་སྟེ། རྣམ་པར་བལྟ་ཞིང་ཉེ་བར་སེམས་ཏེ། དགེ་བ་ཅི་ཙམ་མངོན་པར་འདུ་བྱེད་པ་ཡང་རྒྱུ་དེ་ཉིད་དང་དམིགས་པ་དེ་ཉིད་ཀྱིས་སོ། །
དེ་ལྟར་བྱང་ཆུབ་སེམས་དཔའ་དེ་དག་ངོ་མཚར་དུ་གྱུར་ཅིང་། ཡ་མཚན་གྱིས་འདུན་པའི་སྙིང་དུ་གྱུར་ནས། དེ་བཞིན་གཤེགས་པ་ནི་བསམ་གྱིས་མི་ཁྱབ་བོ། །སྙམ་སྟེ་ཅི་དེ་མི་སྨྲ་བར་གྱུར་ནས། བཅོམ་ལྡན་འདས་ཉིད་ལ་རྣམ་པར་བལྟ་ཞིང་ཉེ་བར་སེམས་སོ། །
དེ་ནས་བཅོམ་ལྡན་འདས་ཀྱིས་བྱང་ཆུབ་སེམས་དཔའ་སེམས་དཔའ་ཆེན་པོ་དེ་དག་ཡ་མཚན་གྱིས་སྙིང་འདུན་པ་མཁྱེན་ནས། བྱང་ཆུབ་སེམས་དཔའ་ཐམས་ཅད་ཡང་དག་པར་བསྐུལ་བ་ཞེས་བྱ་བའི་འོད་ཟེར་འཁོར་འོད་ཟེར་སྟོང་ཕྲག་དུ་མ་པ་མགུར་ནས་ཕྱུང་ངོ་། །
དེ་བྱུང་ནས་བཅོམ་ལྡན་འདས་རྣམ་པར་སྣང་མཛད་ཀྱི་སྐུ་ཐམས་ཅད་སྣང་བར་བྱས་ཏེ། ནམ་མཁའི་ཁམས་རབ་འབྱམ་དག་དང་འཇིག་རྟེན་གྱི་ཁམས་རྒྱ་མཚོ་དག་ན་བྱང་ཆུབ་སེམས་དཔའ་གང་དག་དབང་དང་ལྡན་པར་གྱུར་པ་འཁོད་པ་དེ་དག་ལ། ཐམས་ཅད་
མཁྱེན་པ་རྫོགས་སངས་རྒྱས། །བཅོམ་ལྡན་རིམས་ནད་བྲལ་བ་དེ། །དབང་བསྐུར་རྒྱལ་པོའི་ཁང་པ་ནི། །སྐྱོན་ཀུན་རྣམ་པར་སྤངས་པ་ན། །སྙིང་འཐད་ཆེན་པོ་སེང་གེའི་ཁྲི། །དཔག་ཚད་སུམ་བརྒྱ་ཡོད་པ་ལ། །པད་མའི་སྙིང་པོ་དེར་བཞུགས་ནས། །བྱང་ཆུབ་
སེམས་དཔའ་རྣམས་ཀྱིས་བསྐོར། །གནས་དེར་ཐུབ་པ་ཆེན་པོ་ཡིས། །བཀོད་པ་ཆེན་པོར་གང་སྤྲུལ་པ། །དེ་དག་གི་ནི་གྲངས་ཚད་དང་། །དབྱིབས་དང་ཁ་དོག་གང་ཡིན་པ། །དེ་ནི་བསྐལ་པ་གྲངས་མེད་དུ། །བསྟན་པར་ནུས་པ་མ་ཡིན་ནོ། །དེ་རུ་དེང་ལ་དཔའ་བོ་
ཆེ། །རྫོགས་པའི་སངས་རྒྱས་རྐང་གཉིས་མཆོག །ཡིད་གཉིས་སོམ་ཉི་སྤངས་བ་པོ། །དོགས་པ་གཅོད་པ་བལྟ་བར་གྱིས། །ཞེས་བསྐུལ་ཏོ། །དེ་ནས་འོད་ཟེར་དེ་དག་གིས་བྱང་ཆུབ་སེམས་དཔའ་ཐམས་ཅད་ལ་བསྐུལ་ནས་སླར་ལོག་སྟེ། བཅོམ་
ལྡན་འདས་རྣམ་པར་སྣང་མཛད་ཀྱི་མགུར་དུ་རང་གི་གནས་སུ་བཞུགས་སོ། །དེ་ནས་བཅོམ་ལྡན་འདས་ཀྱིས་ཡང་མཛོད་སྤུ་ནས་ཡིད་བཞིན་གྱི་ནོར་བུ་བཀོད་པའི་མཛོད་ཀྱི་སྙིང་པོ་ཞེས་བྱ་བའི་འོད་ཟེར་སངས་རྒྱས་ཐམས་ཅད་ཡང་དག་པར་བསྐུལ་བ་

94-1-3a

འཁོར་འོད་ཟེར་བརྒྱ་སྟོང་དང་ལྡན་པ་ཕྱུང་སྟེ། དེ་ཡང་སངས་རྒྱས་ཀྱི་ཞིང་ཐམས་ཅད་དུ་སངས་རྒྱས་བཅོམ་ལྡན་འདས་དེ་དག་ལ་འདྲེན་པ་བཅོམ་ལྡན་འདས་རྣམ་པར་སྣང་མཛད་ལ། བལྟ་བ་དང་ནི་མཆོད་པ་བགྱི་བ་དང་། །
སེམས་ཅན་ལ་ཕན་པར་བཞེད་པས་ཆོས་བརྗོད་ཕྱིར། །ཁྱེད་ཅག་ཐམས་ཅད་མ་ཤོལ་འདིར་གཤེགས་ཤིག་ཅེས་ཡང་དག་པར་སྟོན་ཏོ། །དེ་ནས་འོད་ཟེར་དེ་དག་ཡང་སླར་ལོག་ནས་བཅོམ་ལྡན་འདས་ཀྱི་མཛོད་སྤུ་ཉིད་དུ་ཞུགས་སོ། །དེ་ནས་བྱང་ཆུབ་སེམས་དཔའ་
སེམས་དཔའ་ཆེན་པོ་དེ་དག་འོད་ཟེར་དེས་བསྐུལ་མ་ཐག་ཏུ། རང་རང་གི་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རྣམས་ལ། བཅོམ་ལྡན་འདས་དག་བཅོམ་ལྡན་འདས་རྣམ་པར་སྣང་མཛད་དེ་བཞིན་གཤེགས་པ་དགྲ་བཅོམ་
པ་ཡང་དག་པར་རྫོགས་པའི་སངས་རྒྱས་དེ་ལ་བལྟ་བ་དང་། ཕྱག་བགྱི་བའི་སླད་དུ་རྒྱལ་པོ་དབང་སྒྱུར་གྱི་ཁང་པ་ཆེན་པོར་མཆི་ན། རྒྱལ་པོ་དབང་སྒྱུར་གྱི་ཁང་པ་ཆེན་པོ་དེ་ནི་འཇིག་རྟེན་གྱི་ཁམས་གང་ཞིག་ན་མཆིས། གང་དུ་བཅོམ་ལྡན་འདས་
རྣམ་པར་སྣང་མཛད་དེ། མངོན་པར་རྫོགས་པར་སངས་རྒྱས་པའི་འཇིག་རྟེན་གྱི་ཁམས་དེའི་མིང་ནི་ཅི་ཞེས་བགྱི། དེའི་བྱང་ཆུབ་ཀྱི་སྙིང་པོ་ནི་ཅི་འདྲ་བ་ཞིག་ལགས་ཞེས་ཞུས་སོ། །དེ་སྐད་ཅེས་གསོལ་བ་དང་། དེ་བཞིན་གཤེགས་པ་དགྲ་བཅོམ་པ་ཡང་དག་པར་
རྫོགས་པའི་སངས་རྒྱས་དེ་དག་གིས། རང་རང་གི་བྱང་ཆུབ་སེམས་དཔའ་དེ་དག་ལ་བཀའ་སྩལ་པ། རིགས་ཀྱི་བུ་དག་འཇིག་རྟེན་གྱི་ཁམས་ཀྱི་རྒྱུད་མེ་ཏོག་གི་གཞིའི་སྙིང་པོའྀ་རྒྱན་བཀོད་པ་དང་ལྡན་པ་ཞེས་བྱ་བ་འཇིག་རྟེན་གྱི་ཁམས་རབ་འབྱམ་དུ་མ་ངེས་
པར་སྟོན་པ་དག་ཡོད་དེ། འཇིག་རྟེན་གྱི་ཁམས་རབ་འབྱམ་རེ་རེ་ངེས་པར་སྟོན་པ་རེ་རེ་ལ་ཡང་། འཇིག་རྟེན་གྱི་ཁམས་ཀྱི་མཚམས་སྦྱོར་བ་ངེས་པར་སྟོན་པའི་བཀོད་པ་རབ་འབྱམ་དུ་མ་ཡོད་པར་ཁོང་དུ་ཆུད་པར་བྱའོ། །རིགས་ཀྱི་བུ་དག་དེ་ལ་མཚམས་
སྦྱོར་བ་བཀོད་པ་རྣམས་ཀྱི་ཚད་ནི། གླིང་བཞི་པའི་འཇིག་རྟེན་གྱི་ཁམས་བྱེ་བ་ཕྲག་བརྒྱ་དང་རིའི་རྒྱལ་པོ་རི་རབ་བྱེ་བ་ཕྲག་བརྒྱ་དང་རྒྱ་མཚོ་ཆེན་པོ་བྱེ་བ་ཕྲག་བརྒྱ་དང་། ཟླ་བ་དང་ཉི་མ་བྱེ་བ་ཕྲག་བརྒྱ་དག་གང་གི་ཁོངས་སུ་འདུས་ཤིང་རྗེས་སུ་ཞུགས་པ་དེ་

94-1-3b

སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་སོ། །སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་བྱེ་བ་ཕྲག་བརྒྱ་གང་གི་ཁོངས་སུ་འདུས་ཤིང་རྗེས་སུ་ཞུགས་པ་དེ། མེ་ཏོག་གི་གཞིའི་སྙིང་པོའི་རྒྱན་བཀོད་པ་དང་ལྡན་པ་རབ་འབྱམ་གྱི་མཚམས་སྦྱོར་བ་རྣམས་
ཀྱི་ཁོངས་སུ་འདུས་ཤིང་རྗེས་སུ་ཞུགས་པ་གཅིག་གོ། མེ་ཏོག་གི་གཞིའི་སྙིང་པོའི་རྒྱན་བཀོད་པ་དང་ལྡན་པ་རབ་འབྱམ་གྱི་མཚམས་སྦྱོར་བ་བྱེ་བ་ཕྲག་བརྒྱ་གང་གི་ཁོངས་སུ་འདུས་ཤིང་རྗེས་སུ་ཞུགས་པ་དེ། མེ་ཏོག་གི་གཞིའི་སྙིང་པོའྀ་རྒྱན་བཀོད་པ་རབ་འབྱམ་གྱི་འཇིག་རྟེན་
གྱི་ཁམས་ཀྱི་རྒྱུད་གཅིག་གོ། མེ་ཏོག་གི་གཞིའི་སྙིང་པོའྀ་རྒྱན་བཀོད་པའི་རྒྱུད་བྱེ་བ་ཕྲག་བརྒྱ་རྣམས་གང་གི་ཁོངས་སུ་འདུས་ཤིང་རྗེས་སུ་ཞུགས་པ་དེ། མེ་ཏོག་གི་གཞིའི་སྙིང་པོའི་རྒྱན་བཀོད་པའི་འཇིག་རྟེན་གྱི་ཁམས་གྱི་རྒྱུད་བར་མ་གཅིག་གོ། འཇིག་རྟེན་གྱི་ཁམས་
རབ་འབྱམ་བར་མའི་བཀོད་པའི་རྒྱུད་བྱེ་བ་ཕྲག་བརྒྱ་གང་གི་ཁོངས་སུ་འདུས་ཤིང་རྗེས་སུ་ཞུགས་པ་དེ། མེ་ཏོག་གི་གཞིའི་སྙིང་པོའི་རྒྱན་བཀོད་པའི་འཇིག་རྟེན་གྱི་ཁམས་བཀོད་པ་གཅིག་སྟེ། དེ་ནི་བཅོམ་ལྡན་འདས་རྣམ་པར་སྣང་མཛད་དེས། སྔོན་བྱང་ཆུབ་སེམས་དཔའི་
སྤྱད་པ་སྤྱོད་པ་ན་ཡོངས་སུ་སྦྱངས་སོ། །རིགས་ཀྱི་བུ་དག་འཇིག་རྟེན་གྱི་ཁམས་དེ་ན་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་གཅིག་པོ་དེ་ཉིད། བཅོམ་ལྡན་འདས་རྣམ་པར་སྣང་མཛད་དེ་ཉིད་ཡིན་ཏེ། སྔོན་གྱི་སྨོན་ལམ་གྱི་དབང་གིས་
བྱང་ཆུབ་སེམས་དཔའི་ཚོགས་ཀྱིས་ནི་ཡོངས་སུ་བསྐོར། ལུས་དང་ངག་དང་ཡིད་ཀྱི་ས་ལས་ནི་ཤིན་ཏུ་འདས་ཤིང་ནམ་མཁའ་ཉིད་བྱང་ཆུབ་ཀྱི་སྙིང་པོར་བྱིན་གྱིས་བརླབས་ནས། འཇིག་རྟེན་གྱི་ཁམས་བར་མ་དེ་ན་རྒྱལ་པོ་དབང་སྒྱུར་གྱི་ཁང་པ་ཆེན་པོ་ན་བཞུགས་སོ། །
རིགས་ཀྱི་བུ་དག་བཅོམ་ལྡན་འདས་རྣམ་པར་སྣང་མཛད་དེ་ནི་དེ་འདྲ་སྟེ། དེའི་ཡོན་ཏན་ནམ་སྤྱོད་པའམ་སྨོན་ལམ་མམ་ཡེ་ཤེས་ཀྱི་མཐའ་ནི་ངེད་ཀྱིས་བསྐལ་པ་གྲངས་མེད་པར་ཡང་རྟོགས་པར་མི་ནུས་སོ། །རིགས་ཀྱི་བུ་དག་ངེད་ཀྱང་བཅོམ་ལྡན་འདས་དེ་སྔོན་
བྱང་ཆུབ་སེམས་དཔར་གྱུར་པ་ན། བླ་ན་མེད་པ་ཡང་དག་པར་རྫོགས་པའི་བྱང་ཆུབ་ལ་བཙུད་དེ། ངེད་ནི་བཅོམ་ལྡན་འདས་དེ་ལ་བྱས་པ་བཟོ་བ་བྱས་པ་ཤེས་པ་ཤ་སྟག་གོ། རིགས་ཀྱི་བུ་དག་བཅོམ་ལྡན་འདས་རྣམ་པར་སྣང་མཛད་དེ་བྱང་ཆུབ་སེམས་དཔའ་

94-1-4a

ཀུན་ཏུ་བཟང་པོ་ལ་སྔོན་གྱི་སྤྱོད་པ་དང་སྨོན་ལམ་དང་ངག་གི་འཁོར་ལོའྀ་དཀྱིལ་འཁོར་རྒྱུན་མི་གཅོད་པ་ནས་བརྩམས་ཏེ། བསྟན་པ་གནས་པར་མཛད་པ་དང་ཐེག་པ་ཆེན་པོ་བླ་ན་མེད་པའི་སྤྱོད་པ་རྒྱུན་མི་འཆད་པར་འགྱུར་བ་དང་། ཅི་ལྟ་བ་བཞིན་དུ་རྣམ་པར་རིག་པར་
བྱ་བ་དང་། ཅི་ཙམ་དུ་བྱང་ཆུབ་སེམས་དཔའ་ཀུན་ཏུ་བཟང་པོ་བྱིན་གྱིས་བརླབས་ནས། རྡོ་རྗེའི་ཡེ་ཤེས་ཀྱི་དཀྱིལ་འཁོར་ཆེན་པོ་ལས་བརྩམས་ཏེ། ངག་སྣ་ཚོགས་ཀྱི་འཁོར་ལོའི་དཀྱིལ་འཁོར་རྒྱ་ཆེན་པོས་འཇིག་རྟེན་གྱི་ཁམས་མཐའ་ཡས་པ་རབ་འབྱམ་གོ་བར་མཛད་པར་
བཞེད་ནས། འོད་ཟེར་གྱི་དྲ་བ་ཆེན་པོ་འདི་ཕྱུང་ངོ་། །དེ་ནས་ཤར་ཕྱོགས་ན་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རིན་ཆེན་ཏོག་གིས་བྱང་ཆུབ་སེམས་དཔའ་རིན་ཆེན་བློ་གྲོས་ལ། རིན་པོ་ཆེ་རྡོ་རྗེ་ཆེན་པོའི་སྙིང་པོ་འདི་བྱིན་ནོ། །ན་མ་ས་མན་ཏ་
མུ་ཁེ་བྷྱཿསརྦ་ཏ་ཐཱ་ག་ཏེ་བྷྱཿསརྦ་ཐཱ་ཛ་ན། རིགས་ཀྱི་བུ་ཁྱོད་རིན་པོ་ཆེ་རྡོ་རྗེ་ཆེན་པོའྀ་སྙིང་པོ་འདིས་འཇིག་རྟེན་གྱི་ཁམས་དེར་གནས་པར་གྱིས་ཤིག ། དེ་ནས་བྱང་ཆུབ་སེམས་དཔའ་རིན་ཆེན་བློ་གྲོས་ཀྱིས་སྙིང་པོ་འདི་བླངས་ཏེ། འཇིག་རྟེན་གྱི་ཁམས་དེ་ནས་མི་སྣང་བར་
གྱུར་ནས། བྱང་ཆུབ་སེམས་དཔའ་བྱེ་བ་ཁྲག་ཁྲིག་བརྒྱ་སྟོང་ཕྲག་དུ་མས་ཡོངས་སུ་བསྐོར་ཏེ། བཅོམ་ལྡན་འདས་རྣམ་པར་སྣང་མཛད་ལ་མཆོད་པའི་ཕྱིར། བྱང་ཆུབ་སེམས་དཔའི་རྣམ་པར་འཕྲུལ་པ་ཆེན་པོ་དང་། རིན་པོ་ཆེ་རྡོ་རྗེ་ཆེན་པོའྀ་སྙིང་པོ་འདིས་
མཆོད་པའི་སྤྲིན་ཆེན་པོ་སྔོན་མ་མཐོང་བ་མངོན་པར་སྤྲུལ་ནས། འཇིག་རྟེན་གྱི་ཁམས་མེ་ཏོག་གི་གཞིའི་སྙིང་པོའི་རྒྱན་བཀོད་པ་ག་ལ་བ་དང་། རྒྱལ་པོ་དབང་སྒྱུར་གྱི་ཁང་པ་ག་ལ་བ་དེར་སོང་སྟེ་ཕྱིན་ནས། ཐམས་ཅད་དང་ལྡན་པའི་འཇིག་རྟེན་
གྱི་ཁམས་དང་རྒྱལ་པོ་དབང་བསྒྱུར་གྱི་ཁང་པ་ཆེན་པོ་ཡང་རིན་པོ་ཆེ་དང་རྡོ་རྗེ་མེ་ཏོག་གི་སྤྲིན་ཆེན་པོས་མངོན་པར་བཀབ་བོ། །དེ་བཞིན་དུ་བདུག་པ་དང་། སྤོས་དང་། ཕྲེང་བ་དང་། བྱུག་པ་དང་། གདུགས་དང་། རྒྱལ་མཚན་དང་། བ་དན་དང་། 
ཕྱེ་མ་དང་། ན་བཟའ་དང་། རྒྱན་དང་། རིན་པོ་ཆེ་དང་། རྡོ་རྗེའི་སྤྲིན་ཆེན་པོ་དག་གིས་བཀབ་བོ། །བཅོམ་ལྡན་འདས་རྣམ་པར་སྣང་མཛད་ག་ལ་བ་དེར་ཡང་སོང་ནས། བྱང་ཆུབ་སེམས་དཔའ་སེམས་དཔའ་ཆེན་པོ་དེ་དག་དང་ལྷན་ཅིག་ཏུ་བཅོམ་

94-1-4b

ལྡན་འདས་ལ་ལན་བརྒྱ་སྟོང་དུ་མར་བསྐོར་བ་བྱས་ནས། ཇི་ལྟར་འོངས་པ་བཞིན་དུ་ཤར་ཕྱོགས་ཉིད་དུ་གནས་ཏེ། རིན་པོ་ཆེ་དང་རྡོ་རྗེའི་ཁང་པ་བརྩེགས་པ་ཆེན་པོ་དང་རིན་པོ་ཆེའི་རྒྱལ་པོ་ཆེན་པོ་དང་རྡོ་རྗེའི་དབྱུག་གུ་དང་པད་མའི་སྙིང་པོའྀ་སེང་གེའི་ཁྲི་ཆེན་
པོ་དག་མངོན་པར་སྤྲུལ་ནས། རིན་པོ་ཆེ་རྡོ་རྗེ་ཆེན་པོའྀ་སྙིང་པོས་བྱིན་གྱིས་བརླབས་ཏེ། རིན་པོ་ཆེ་རྡོ་རྗེ་ཆེན་པོའི་ཡི་གེའི་སྙིང་པོའི་ཡི་གེའི་སྙིང་པོས་ཕྱོགས་བཅུ་རྒྱས་པར་འགེངས་ཤིང་བཞུགས་སོ། །ལྷོ་ཕྱོགས་ནས་བཅོམ་ལྡན་འདས་དེ་བཞིན་
གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་མེ་ཏོག་ཀུན་ཏུ་རྒྱས་པའི་རྒྱལ་པོའི་དབང་པོས། འཇམ་དཔལ་གཞོན་ནུར་གྱུར་པ་ལ། རྡོ་རྗེ་ཆེན་པོའི་སྙིང་པོའྀ་སྙིང་པོས་བྱིན་གྱིས་བརླབས་ནས་བཀའ་སྩལ་པ་རིགས་ཀྱི་བུ་
འཇིག་རྟེན་གྱི་ཁམས་མེ་ཏོག་གི་གཞིའི་སྙིང་པོའི་རྒྱན་བཀོད་པ་དེར། བཅོམ་ལྡན་འདས་རྣམ་པར་སྣང་མཛད་དེ་ལ་ཕྱག་བྱ་བ་དང་བལྟ་བ་དང་། མཆོད་པའི་ཕྱིར་སོང་ཤིག །དེ་ནས་བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་
པར་རྫོགས་པའི་སངས་རྒྱས་མེ་ཏོག་ཀུན་ཏུ་རྒྱས་པའི་རྒྱལ་པོའི་དབང་པོས། རྡོ་རྗེ་ཆེན་པོའི་སྙིང་པོ་འདི་གསུངས་སོ། །ན་མཿས་མནྟ་མུ་ཁེ་བྷྱཿསརྦ་ཏ་ཐཱ་ག་ཏེ་བྷྱཿསརྦ་མ་ཧཱ་བཛྲཱ་གྲཱ་བ་རྃ་ཧཱུྃ། དེ་ནས་འཇམ་དཔལ་གཞོན་ནུར་གྱུར་པས་རྡོ་རྗེ་མཆོག་
གི་སྙིང་པོ་འདི་ཐོབ་ཅིང་། བཅོམ་ལྡན་འདས་དེས་གནང་བས་བྱང་ཆུབ་སེམས་དཔའ་བྱེ་བ་ཁྲག་ཁྲིག་བརྒྱ་སྟོང་ཕྲག་དུ་མས་ཡོངས་སུ་བསྐོར་ཅིང་མདུན་དུ་བདར་ཏེ། འཇིག་རྟེན་གྱི་ཁམས་དེ་ནས་མི་སྣང་བར་གྱུར་ནས་བྱང་ཆུབ་སེམས་དཔའ་
སེམས་དཔའ་ཆེན་པོ་དེ་དག་དང་ལྷན་ཅིག་ཏུ། འཇིག་རྟེན་གྱི་ཁམས་མེ་ཏོག་གི་གཞིའི་སྙིང་པོའྀ་རྒྱན་བཀོད་པ་ག་ལ་བ་དེ་དང་རྒྱལ་པོ་དབང་བསྒྱུར་གྱི་ཁང་པ་ཆེན་པོ་ག་ལ་བ་དང་བཅོམ་ལྡན་འདས་ག་ལ་བ་དེར་སོང་ནས་འཇིག་རྟེན་གྱི་
ཁམས་མེ་ཏོག་གི་གཞིའི་སྙིང་པོའི་རྒྱན་བཀོད་པ་འདི་ཐམས་ཅད་རིན་པོ་ཆེ་རྡོ་རྗེ་མཆོག་གི་སྣང་བ་ཆེན་པོས་སྣང་བར་བྱས་སོ། །རྡོ་རྗེ་ཆེན་པོའི་མཆོག་གི་མེ་ཏོག་དང་བདུག་པ་དང་། སྤོས་དང་ཕྲེང་བ་དང་། བྱུག་པ་དང་ཕྱེ་མ་དང་། 

94-1-5a

ན་བཟའ་དང་གདུགས་དང་། རྒྱལ་མཚན་དང་བ་དན་རྣམས་དང་རྡོ་རྗེ་ཆེན་པོའྀ་མཆོག་དང་། རིན་པོ་ཆེ་མཆོག་གི་འོད་ཟེར་གྱི་སྣང་བས་རྒྱལ་པོ་དབང་སྒྱུར་གྱི་ཁང་པ་ཆེན་པོ་སྣང་བར་བྱས་སོ། །མཆོག་སྦྱིན་པ་ཆེན་པོའི་རྡོ་རྗེ་མཆོག་གི་སྒྲས་
ཕྱོགས་བཅུར་གོ་བར་བྱས་སོ། །གོ་བར་བྱས་ནས་ཀྱང་ཇི་ལྟར་འོངས་པ་བཞིན་དུ་ལྷོ་ཕྱོགས་ཉིད་དུ་གནས་ཏེ། བྱང་ཆུབ་སེམས་དཔའ་སེམས་དཔའ་ཆེན་པོ་དེ་དག་དང་ལྷན་ཅིག་ཏུ་རྡོ་རྗེ་ཆེན་པོའྀ་མཆོག་ལས་བྱུང་བའི་པད་མའི་རྒྱལ་པོ་ཆེན་པོ་རྣམས་ལ་
འདུག་གོ། ནུབ་ཕྱོགས་ན་བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་འོད་དཔག་མེད་ཀྱིས་བྱང་ཆུབ་སེམས་དཔའ་སེམས་དཔའ་ཆེན་པོ་སྤྱན་རས་གཟིགས་དབང་ཕྱུག་ལ། དེ་བཞིན་གཤེགས་པ་ཐམས་
ཅད་ཀྱི་ཐུགས་རྗེ་ཆེན་པོའྀ་དཀྱིལ་འཁོར་གྱི་མཆོག །རྡོ་རྗེ་ཆེན་པོའྀ་པད་མའི་མཆོག་གི་སྙིང་པོ་འདི་སྦྱིན་པར་མཛད་དོ། །དེ་ནས་བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་འོད་དཔག་མེད་ཀྱིས། རྡོ་རྗེ་ཆེན་
པོའྀ་པད་མ་མཆོག་གི་དཀྱིལ་འཁོར་ཐུགས་རྗེའི་སྟོབས་ཀྱི་སྙིང་པོ་འདི་གསུངས་སོ། །ན་མཿས་མནྟ་མུ་ཁེ་བྷྱཿསརྦ་ཏ་ཐཱ་ག་ཏེ་བྷྱཿསརྦ་བཱ་ཀ་རུ་ཎ་བ་ལ་བཛྲ་པདྨཱ་གྲ་ས། དེ་ནས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་
རྒྱས་འོད་དཔག་མེད་ཀྱིས་སྙིང་པོ་འདི་གསུངས་ནས། བྱང་ཆུབ་སེམས་དཔའ་སྤྱན་རས་གཟིགས་ཀྱི་དབང་ཕྱུག་ལ་རིགས་ཀྱི་བུ་དེའི་དུས་ལ་བབ་པར་ཤེས་ནས། འཇིག་རྟེན་གྱི་ཁམས་མེ་ཏོག་གི་གཞིའི་སྙིང་པོའྀ་རྒྱན་བཀོད་པ་དེར་བཅོམ་ལྡན་
འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རྣམ་པར་སྣང་མཛད་དེ་ལ་བལྟ་བ་དང་། ཕྱག་བྱ་བའི་ཕྱིར་སོང་ཤིག་ཅེས་བཏང་ངོ་། །དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་འཕགས་པ་སྤྱན་རས་
གཟིགས་ཀྱི་དབང་ཕྱུག་བྱང་ཆུབ་སེམས་དཔའ་བྱེ་བ་ཁྲག་ཁྲིག་བརྒྱ་སྟོང་ཕྲག་དུ་མས་ཡོངས་སུ་བསྐོར་ཅིང་མདུན་དུ་བདར་ཏེ། འཇིག་རྟེན་གྱི་ཁམས་དེ་ནས་མི་སྣང་བར་གྱུར་ནས། བྱང་ཆུབ་སེམས་དཔའ་སེམས་དཔའ་ཆེན་པོ་དེ་དག་དང་

94-1-5b

ལྷན་ཅིག་ཏུ་འཇིག་རྟེན་གྱི་ཁམས་འདིར་ཕྱིན་ནས། རྒྱལ་པོ་དབང་སྒྱུར་གྱི་ཁང་པ་ཆེན་པོ་ག་ལ་བ་དང་། བཅོམ་ལྡན་འདས་ག་ལ་བ་དེར་སོང་སྟེ་ཕྱིན་ནས། བཅོམ་ལྡན་འདས་ལ་ལན་བརྒྱ་སྟོང་དུ་མར་བསྐོར་བ་བྱས་ཏེ། ཇི་ལྟར་
འོངས་པ་བཞིན་དུ་ནུབ་ཕྱོགས་ཉིད་དུ་གནས་ནས་པད་མ་ཆེན་པོའྀ་རྡོ་རྗེའི་རྒྱལ་པོ་ལ་འདུག་སྟེ། རྒྱལ་པོ་དབང་སྒྱུར་གྱི་ཁང་པ་ཆེན་པོ་འདི་ཐམས་ཅད་དང་། འཇིག་རྟེན་གྱི་ཁམས་མེ་ཏོག་གི་གཞིའི་སྙིང་པོའི་རྒྱན་བཀོད་པ་ཐམས་ཅད་དུ་ཐུགས་རྗེ་
ཆེན་པོའི་རྡོ་རྗེ་མཆོག་གི་སྟོབས་ཀྱིས་རང་གི་ལུས་ཀྱི་རྣམ་པར་རིག་བྱེད་ཀྱི་སྤྲིན་རྣམས་ཀྱིས་ཀུན་ཏུ་བཀང་ནས་སྣང་བར་བྱས་སོ། །བྱང་ཕྱོགས་ན་བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་མི་
འཁྲུགས་པས་བྱང་ཆུབ་སེམས་དཔའ་སའི་སྙིང་པོ་ལ། རྡོ་རྗེ་ཆེན་པོས་རྣམ་པར་གནོན་པ་རྡོ་རྗེ་ཆེན་པོས་རྣམ་པར་རོལ་པ། བྱང་ཆུབ་ཀྱི་སྙིང་པོའྀ་མཆོག་འཛིན་པའི་སྙིང་པོ་འདི་སྦྱིན་པར་མཛད་དོ། །དེ་ནས་བཅོམ་ལྡན་འདས་དེ་བཞིན་
གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་མི་འཁྲུགས་པས། བྱང་ཆུབ་ཀྱི་སྙིང་པོ་ཆེན་པོ་མཆོག་འཛིན་པའི་སྙིང་པོ་འདི་གསུངས་སོ། །ན་མཿ ས་མནྟ་མུ་ཁེ་བྷྱཿ སརྦ་ཏ་ཐཱ་ག་ཏེ་བྷྱཿ སརྦ་ཐཱ་བ་ར་ད་མན་
ར་གྲི་གྲི། འདི་གསུངས་ནས་བྱང་ཆུབ་སེམས་དཔའ་སའི་སྙིང་པོ་ལ་རིགས་ཀྱི་བུ་འཇིག་རྟེན་གྱི་ཁམས་མེ་ཏོག་གི་གཞིའི་སྙིང་པོའྀ་རྒྱན་བཀོད་པ་དེ་དང་། རྒྱལ་པོ་དབང་བསྒྱུར་གྱི་ཁང་པ་ཆེན་པོ་ག་ལ་བ་དེར། བཅོམ་ལྡན་འདས་རྣམ་པར་སྣང་
མཛད་དེ་ལ་བལྟ་བ་དང་ཕྱག་བྱ་བའི་ཕྱིར་སོང་ཤིག་ཅེས་བཏང་ངོ་། །དེ་ནས་བྱང་ཆུབ་སེམས་དཔའ་སའི་སྙིང་པོ་འཇིག་རྟེན་གྱི་ཁམས་དེ་ནས་མི་སྣང་བར་གྱུར་ནས། བྱང་ཆུབ་སེམས་དཔའ་བྱེ་བ་ཁྲག་ཁྲིག་བརྒྱ་སྟོང་ཕྲག་དུ་མས་ཡོངས་སུ་
བསྐོར་ཅིང་བསྐོར་ཅིང་མདུན་དུ་བདར་ཏེ། བྱང་ཆུབ་སེམས་དཔའ་སེམས་དཔའ་ཆེན་པོ་དེ་དག་དང་ལྷན་ཅིག་ཏུ་འཇིག་རྟེན་གྱི་ཁམས་མེ་ཏོག་གི་གཞིའི་སྙིང་པོའྀ་རྒྱན་བཀོད་པ་ག་ལ་བ་དང་། རྒྱལ་པོ་དབང་སྒྱུར་གྱི་ཁང་པ་ཆེན་པོ་ག་ལ་བ་དང་

94-1-6a

བཅོམ་ལྡན་འདས་ག་ལ་བ་དེར་སོང་སྟེ་ཕྱིན་ནས། བཅོམ་ལྡན་འདས་ལ་ལན་བརྒྱ་སྟོང་དུ་མར་བསྐོར་བ་བྱས་ཏེ། ཇི་ལྟར་འོངས་པ་བཞིན་དུ་བྱང་ཕྱོགས་ཉིད་དུ་གནས་ནས་བྱང་ཆུབ་ཀྱི་སྙིང་པོ་ཆེན་པོའྀ་རྒྱན་བཀོད་པར་བྱིན་གྱིས་
བརླབས་ཏེ། བྱང་ཆུབ་ཀྱི་སྙིང་པོའི་མཆོག་གི་ལུས་ཀྱི་སྤྲིན་རྣམས་ཀྱིས་ཕྱོགས་བཅུ་རྒྱས་པར་འགེངས་སོ། །བྱང་ཤར་གྱི་ཕྱོགས་མཚམས་ནས། བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་
པའི་སངས་རྒྱས་རིན་པོ་ཆེ་མཆོག་འཛིན་གྱིས་བྱང་ཆུབ་སེམས་དཔའ་རིན་པོ་ཆེ་ཅོད་པན་ལ། དཀོན་མཆོག་གསུམ་པའི་རྡོ་རྗེ་འབྱུང་གནས་རྡོ་རྗེ་ཆེན་པོའྀ་སྙིང་པོ་འདི་སྦྱིན་པར་མཛད་དོ། །དེ་ནས་བཅོམ་ལྡན་འདས་དེ་བཞིན་གཤེགས་
པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རིན་པོ་ཆེ་མཆོག་འཛིན་གྱིས། དཀོན་མཆོག་གསུམ་པོའྀ་རྡོ་རྗེ་འབྱུང་གནས་ཀྱི་སྙིང་པོ་འདི་གསུངས་སོ། །ན་མཿ    ས་མན་ཏ་མུ་ཁེ་བྷྱཿ སརྦ་ཏ་ཐཱ་ག་ཏེ་བྷྱཿ སརྦ་ཝ་
ཨོཾ་ཨོཾ་ཛྃ་སྃ། འདི་བྱིན་ནས་རིགས་ཀྱི་བུ་འཇིག་རྟེན་གྱི་ཁམས་མེ་ཏོག་གི་གཞིའི་སྙིང་པོའྀ་རྒྱན་བཀོད་པ་དེ་དང་། རྒྱལ་པོ་དབང་སྒྱུར་གྱི་ཁང་པ་ཆེན་པོ་དེར། བཅོམ་ལྡན་འདས་རྣམ་པར་སྣང་མཛད་དེ་ལ་བལྟ་
བ་དང་ཕྱག་བྱ་བའི་ཕྱིར་སོང་ཤིག་ཅེས་བཏང་ངོ་། །དེ་ནས་བྱང་ཆུབ་སེམས་དཔའ་རིན་པོ་ཆེ་ཅོད་པན། བཅོམ་ལྡན་འདས་དེས་གནང་བས་འཇིག་རྟེན་གྱི་ཁམས་དེ་ནས་མི་སྣང་བར་གྱུར་ཏེ། བྱང་ཆུབ་སེམས་དཔའ་
བྱེ་བ་བརྒྱ་སྟོང་དུ་མས་ཡོངས་སུ་བསྐོར་ཅིང་མདུན་དུ་བདར་ནས། བྱང་ཆུབ་སེམས་དཔའ་སེམས་དཔའ་ཆེན་པོ་དེ་དག་དང་ལྷན་ཅིག་ཏུ་འཇིག་རྟེན་གྱི་ཁམས་མེ་ཏོག་གི་གཞིའི་སྙིང་པོའྀ་རྒྱན་བཀོད་པ་ག་ལ་བ་དང་། 
རྒྱལ་པོ་དབང་སྒྱུར་གྱི་ཁང་པ་ཆེན་པོ་ག་ལ་བ་དང་། བཅོམ་ལྡན་འདས་རྣམ་པར་སྣང་མཛད་ག་ལ་བ་དེར་སོང་ནས་ཇི་ལྟར་འོངས་པ་བཞིན་དུ་བྱང་ཤར་གྱི་ཕྱོགས་མཚམས་ཉིད་དུ་གནས་ནས་དཀོན་མཆོག་གསུམ་གྱི་

94-1-6b

རྡོ་རྗེས་བརྒྱན་པའི་པད་མའི་རྒྱལ་པོ་ལ་འདུག་སྟེ། དཀོན་མཆོག་གསུམ་གྱི་སྐུའི་སྤྲིན་རྣམས་ཀྱིས་སངས་རྒྱས་ཀྱི་ཞིང་ཁམས་ཐམས་ཅད་རྒྱས་པར་འགེངས་སོ། །ཤར་ལྷོའྀ་ཕྱོགས་མཚམས་ནས་བཅོམ་ལྡན་འདས་དེ་བཞིན་གཤེགས་
པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་སྤྲིན་གྱི་དཔལ་ཞེས་བྱ་བས། བྱང་ཆུབ་སེམས་དཔའ་སྤྲིན་གྱི་སྙིང་པོ་ལ་སྤྲིན་ཆེན་པོ་རྡོ་རྗེའི་མཆོག་བཀོད་པའི་སྙིང་པོ་ཞེས་བྱ་བའི་སྙིང་པོ་སྦྱིན་པར་མཛད་དེ་དེ་ནས་བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་
པ་ཡང་དག་པར་རྫོགས་པའི་སངས་རྒྱས་སྤྲིན་གྱི་དཔལ་གྱིས་སྤྲིན་ཆེན་པོ་རྡོ་རྗེའི་མཆོག་བཀོད་པའི་སྙིང་པོ་འདྀ་གསུངས་སོ། །ན་མཿ སརྦ་མུ་ཁེ་བྷྱཿ སརྦ་ཏ་ཐཱ་ག་ཏེ་བྷྱཿ སརྦ་ཐ་མ་ཧཱ་བཛྲ་མེ་གྷེ་བི་ཀྲྀ་ཏ་ཏི་བི་ཤྭ་སམ་བྷ་བ་ཧ། འདི་བྱིན་ནས་
རིགས་ཀྱི་བུ་འཇིག་རྟེན་གྱི་ཁམས་མེ་ཏོག་གི་གཞིའི་སྙིང་པོའྀ་རྒྱན་བཀོད་པ་དེ་དང་རྒྱལ་པོ་དབང་སྒྱུར་གྱི་ཁང་པ་ཆེན་པོ་དེར་བཅོམ་ལྡན་འདས་རྣམ་པར་སྣང་མཛད་དེ་ལ་བལྟ་བ་དང་ཕྱག་བྱ་བའི་ཕྱིར་སོང་ཤིག་ཅེས་བཏང་ངོ་། །དེ་ནས་བྱང་ཆུབ་སེམས་
དཔའ་སྤྲིན་གྱི་སྙིང་པོ་འཇིག་རྟེན་གྱི་ཁམས་དེ་ནས་མི་སྣང་བར་གྱུར་ནས། བྱང་ཆུབ་སེམས་དཔའ་བྱེ་བ་ཁྲག་ཁྲིག་བརྒྱ་སྟོང་དུ་མས་ཡོངས་སུ་བསྐོར་ཅིང་མདུན་དུ་བདར་ཏེ། བྱང་ཆུབ་སེམས་དཔའ་སེམས་དཔའ་ཆེན་པོ་དེ་དག་དང་
ལྷན་ཅིག་ཏུ་བཅོམ་ལྡན་འདས་ག་ལ་བ་དེར་སོང་ནས། བཅོམ་ལྡན་འདས་ལ་ལན་བརྒྱ་སྟོང་དུ་མར་བསྐོར་བ་བྱས་ཏེ། ཇི་ལྟར་འོངས་པ་བཞིན་དུ། ཤར་ལྷོའྀ་ཕྱོགས་མཚམས་ཉིད་དུ་གནས་ནས་སྤྲིན་ཆེན་པོ་རྡོ་རྗེ་མཆོག་གི་
ལུས་ཀྱི་རྣམ་པར་རིག་པའི་སྤྲིན་རྣམས་ཀྱིས་པད་མ་ཆེན་པོའྀ་རྒྱལ་པོའྀ་སྤྲིན་བྱིན་གྱིས་བརླབས་ནས། མཆོད་པ་ཆེན་པོ་སྤྲིན་རྣམས་ཀྱིས་འཇིག་རྟེན་གྱི་ཁམས་ཐམས་ཅད་
རྒྱས་པར་འགེངས་ཤིང་འདུག་གོ། ལྷོ་ནུབ་ཀྱི་ཕྱོགས་མཚམས་ནས། བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རྡོ་རྗེ་ཆེན་པོའྀ་ཏོག་བྱང་ཆུབ་སེམས་དཔའ་རྡོ་རྗེ་དཔའ་བོ་ལ་རྡོ་རྗེ་

94-1-7a

ལས་བྱུང་བའི་སྙིང་པོ་སྦྱྀན་པར་མཛད་དོ། །དེ་ནས་བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རྡོ་རྗེའི་ཏོག་གིས། རྡོ་རྗེ་ཆེན་པོ་ལས་བྱུང་བའི་སྙིང་པོ་འདི་
གསུངས་སོ། །ན་མཿ སརྦ་མུ་ཁེ་བྷྱཿ སརྦ་ཏ་ཐཱ་ག་ཏེ་བྷྱཿ སརྦ་བཱ་བཛྲོ་དྦྷ་བེ་སྭཱ་ཧཱ། འདི་བྱིན་ནས་བཏང་ངོ་། །དེ་ནས་བྱང་ཆུབ་སེམས་དཔའ་རྡོ་རྗེ་དཔའ་བོ། འཇིག་རྟེན་གྱི་ཁམས་དེ་ནས་མི་སྣང་བར་གྱུར་ནས། 
བྱང་ཆུབ་སེམས་དཔའ་བྱེ་བ་ཁྲག་ཁྲིག་བརྒྱ་སྟོང་ཕྲག་དུ་མས་ཡོངས་སུ་བསྐོར་ཅིང་མདུན་དུ་བདར་ཏེ། བྱང་ཆུབ་སེམས་དཔའ་སེམས་དཔའ་ཆེན་པོ་དེ་དག་དང་ལྷན་ཅིག་ཏུ་འཇིག་རྟེན་གྱི་ཁམས་མེ་ཏོག་གི་གཞིའི་སྙིང་པོའྀ་རྒྱན་བཀོད་པ་
ག་ལ་བ་དང་རྒྱལ་པོ་དབང་སྒྱུར་གྱི་ཁང་པ་ག་ལ་བ་དང་། བཅོམ་ལྡན་འདས་རྣམ་པར་སྣང་མཛད་ག་ལ་བ་དེར་སོང་ནས། བཅོམ་ལྡན་འདས་ལ་ལན་བརྒྱ་སྟོང་དུ་མར་བསྐོར་བ་བྱས་ཏེ། ཇི་ལྟར་འོངས་པ་བཞིན་དུ་ལྷོ་ནུབ་ཀྱི་
ཕྱོགས་མཚམས་ཉིད་དུ་གནས་ནས། རྡོ་རྗེ་ཆེན་པོ་ལས་བྱུང་བའི་རྡོ་རྗེ་ཆེན་པོའྀ་རྒྱན་རྣམས་ཀྱིས་འཇིག་རྟེན་གྱི་ཁམས་ཐམས་ཅད་རྒྱས་པར་འགེངས་ཤིང་། རྡོ་རྗེའི་གཟུགས་ཀྱིས་བརྒྱན་པའི་རྡོ་རྗེ་ཆེན་པོའྀ་པད་མ་ལ་འདུག་གོ །
ནུབ་བྱང་གི་ཕྱོགས་མཚམས་ནས་བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་སྒྲ་དབྱངས་སྙན་པས་བྱང་ཆུབ་སེམས་དཔའ་འབྲུག་སྒྲའི་རྒྱལ་པོ་ལ་རྡོ་རྗེའི་སྒྲ་དབྱངས་བསྒྲགས་པའི་སྙིང་པོ་སྦྱིན་པར་
མཛད་དོ། །དེ་ནས་བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་སྒྲ་དབྱངས་ཤིན་ཏུ་སྙན་པས། རྡོ་རྗེའི་ཡི་གེའི་སྙིང་པོ་འདི་གསུངས་སོ། །ན་མཿསརྦ་མུ་ཁེ་བྷྱཿསརྦ་ཏ་ཐཱ་ག་ཏེ་བྷྱཿ
སརྦ་བཱ་བཛྲ་རཀྵ་ར་ནི་རྒྷོ་ཥ་བི་ཀྲཱན་ཏ་སྭཱ་ཧཱ། འདི་བྱིན་ནས་བཏང་ངོ་། །དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་འབྲུག་སྒྲའི་རྒྱལ་པོ་བཅོམ་ལྡན་འདས་དེས་གནང་བས། འཇིག་རྟེན་གྱི་ཁམས་དེ་ནས་མི་སྣང་བར་

94-1-7b

གྱུར་ཏེ། བྱང་ཆུབ་སེམས་དཔའ་བྱེ་བ་ཁྲག་ཁྲིག་བརྒྱ་སྟོང་ཕྲག་དུ་མས་ཡོངས་སུ་བསྐོར་ཅིང་མདུན་དུ་བདར་ཏེ། བྱང་ཆུབ་སེམས་དཔའ་སེམས་དཔའ་ཆེན་པོ་དེ་དག་དང་ལྷན་ཅིག་ཏུ་འཇིག་རྟེན་གྱི་ཁམས་མེ་ཏོག་གི་གཞིའི་སྙིང་པོའི་རྒྱན་བཀོད་པ་ག་
ལ་བ་དང་རྒྱལ་པོ་དབང་སྒྱུར་གྱི་ཁང་པ་ཆེན་པོ་ག་ལ་བ་དང་། བཅོམ་ལྡན་འདས་རྣམ་པར་སྣང་མཛད་ག་ལ་བ་དེར་སོང་ནས། ཇི་ལྟར་འོངས་པ་བཞིན་དུ་ནུབ་བྱང་གི་ཕྱོགས་མཚམས་ཉིད་དུ་གནས་ཏེ། དབྱངས་ཀྱི་རིག་བྱེད་མཐའ་ཡས་
པས་སངས་རྒྱས་ཀྱི་ཞིང་འདི་ཐམས་ཅད་གོ་བར་བྱེད་ཅིང་། རང་གི་སྨོན་ལམ་ལས་ངེས་པར་བྱུང་བའི་རིན་པོ་ཆེ་ཆེན་པོའྀ་པད་མ་ལ་འདུག་གོ། འོག་གི་ཕྱོགས་ནས་བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་
པར་རྫོགས་པའི་སངས་རྒྱས་རིན་པོ་ཆེའི་པད་མ་རྣམ་པར་དག་པའི་སྙིང་པོས། བྱང་ཆུབ་སེམས་དཔའ་པད་མའི་ཡན་ལག་ལ་སྤྱོད་པ་ཆེན་པོའྀ་རྒྱལ་པོའྀ་རྡོ་རྗེའི་སྙིང་པོ་འདི་གསུངས་སོ། །ན་མཿ སརྦ་མུ་ཁེ་བྷྱཿ སརྦ་ཏ་ཐཱ་ག་ཏེ་
བྷྱཿ སརྦ་ཐཱ་ཧྃ་ཧེ་སྭཱ་ཧཱ། འདི་བྱིན་ནས་བཏང་ངོ་། །དེ་ནས་བྱང་ཆུབ་སེམས་དཔའ་པད་མའི་ཡན་ལག་བཅོམ་ལྡན་འདས་དེས་གནང་ནས། འཇིག་རྟེན་གྱི་ཁམས་དེ་ནས་མི་སྣང་བར་གྱུར་ནས། བྱང་ཆུབ་སེམས་དཔའ་
བྱེ་བ་ཁྲག་ཁྲིག་བརྒྱ་སྟོང་ཕྲག་དུ་མས་ཡོངས་སུ་བསྐོར་ཅིང་མདུན་དུ་བདར་ཏེ། བྱང་ཆུབ་སེམས་དཔའ་སེམས་དཔའ་ཆེན་པོ་དེ་དག་དང་ལྷན་ཅིག་ཏུ། འཇིག་རྟེན་གྱི་ཁམས་མེ་ཏོག་གི་གཞིའི་སྙིང་པོའྀ་རྒྱན་བཀོད་པ་ག་ལ་
བ་དེར་། རྒྱལ་པོ་དབང་སྒྱུར་གྱི་ཁང་པ་ཆེན་པོ་ག་ལ་བ་དང་། བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རྣམ་པར་སྣང་མཛད་ག་ལ་བ་དེར་སོང་ནས། བཅོམ་ལྡན་འདས་ལ་ལན་
བརྒྱ་སྟོང་དུ་མས་བསྐོར་བ་བྱས་ཏེ། ཇི་ལྟར་འོངས་པ་བཞིན་དུ་འོག་གི་ཕྱོགས་ཉིད་དུ་གནས་ནས། པད་མའི་རྒྱལ་པོ་ཆེན་པོའྀ་ཁང་པ་བརྩེགས་པ་སྣ་ཚོགས་པ་དག་གིས་ཐམས་ཅད་དང་ལྡན་པའི་འཇིག་རྟེན་གྱི་ཁམས་

94-1-8a

རྒྱས་པར་འགེངས་ཤིང་། པད་མའི་རྒྱལ་པོ་ཆེན་པོ་རྡུལ་དང་བྲལ་བའི་དཀྱིལ་འཁོར་གྱི་སྙིང་པོ་ལ་འདུག་གོ། སྟེང་གི་ཕྱོགས་ནས་བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་
རྒྱས་རྒྱལ་བའི་འབྱུང་གནས་ཀྱིས། བྱང་ཆུབ་སེམས་དཔའ་གཡུལ་ལས་ཤིན་ཏུ་རྣམ་པར་རྒྱལ་བ་ལ་བྱང་ཆུབ་ཀྱི་སྟོབས་ཀྱི་སྙིང་པོ་སྦྱིན་པ་མཛད་དོ། །དེ་ནས་དེ་བཞིན་གཤེགས་པ་རྒྱལ་བའི་འབྱུང་གནས་ཀྱིས་བྱང་ཆུབ་ཀྱི་སྟོབས་ཀྱི་སྙིང་པོ་འདི་གསུངས་སོ། །ན་མཿ སརྦ་མུ་ཁེ་བྷྱཿ སརྦ་ཏ་ཐཱ་ག་ཏེ་བྷྱཿ སརྦ་ཐཱ་བོ་དྷྱཾ་ཀ་ར་དྷརྨྨ་སྭཱ་ཧཱ། འདི་བྱིན་
ནས་བཏང་ངོ་། །དེ་ནས་བྱང་ཆུབ་སེམས་དཔའ་གཡུལ་ལས་རྣམ་པར་རྒྱལ་བ་བཅོམ་ལྡན་འདས་དེས་གནང་བས་འཇིག་རྟེན་གྱི་ཁམས་དེ་ནས་མི་སྣང་བར་གྱུར་ནས། བྱང་ཆུབ་སེམས་དཔའ་བྱེ་བ་ཁྲག་ཁྲིག་བརྒྱ་སྟོང་ཕྲག་དུ་མས་ཡོངས་སུ་
བསྐོར་ཅིང་མདུན་དུ་བདར་ཏེ། བྱང་ཆུབ་སེམས་དཔའ་སེམས་དཔའ་ཆེན་པོ་དེ་དག་དང་ལྷན་ཅིག་ཏུ། འཇིག་རྟེན་གྱི་ཁམས་མེ་ཏོག་གི་གཞིའི་སྙིང་པོའྀ་རྒྱན་བཀོད་པ་ག་ལ་བ་དང་། རྒྱལ་པོ་དབང་སྒྱུར་གྱི་ཁང་པ་ཆེན་པོ་ག་ལ་བ་དང་། 
བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རྣམ་པར་སྣང་མཛད་ག་ལ་བ་དེར་སོང་ནས། བཅོམ་ལྡན་འདས་ལ་ལན་བརྒྱ་སྟོང་དུ་མར་བསྐོར་བ་བྱས་ཏེ་ཇི་ལྟར་འོངས་པ་བཞིན་དུ་སྟེང་གི་ཕྱོགས་
ཉིད་དུ་གནས་ནས། ཆོས་ཀྱི་དབྱིངས་རྒྱས་པར་འགེངས་པ་མཐའ་ཡས་པ་གོ་བར་བྱེད་པའི་སྒོ་ནས་འཇིག་རྟེན་གྱི་ཁམས་ཐམས་ཅད་རྒྱས་པར་འགེངས་ཤིང་། ཆོས་ཉིད་ལས་བྱུང་བའི་པད་མ་ཆེན་པོ་ལ་འདུག་གོ། དེ་ནས་བྱང་ཆུབ་སེམས་
དཔའ་ཕྱོགས་བཅུའི་འཇིག་རྟེན་གྱི་ཁམས་ནས་འདུས་ཤིང་། འཁོད་པ་དེ་དག་གིས་བཅོམ་ལྡན་འདས་རྣམ་པར་སྣང་མཛད་ཀྱི་ཞིང་འདི་དག་ཏུ། སངས་རྒྱས་ཀྱི་ཞིང་གི་ཡོན་ཏན་བཀོད་པ་སྔོན་མ་མཐོང་བ་མཐོང་ངོ་། །བཅོམ་ལྡན་འདས་
རྣམ་པར་སྣང་མཛད་ཤིན་ཏུ་ལྷམ་མེ་ལྷན་ནེ་ལྷང་ངེ་བ་དང་། རྟོག་པ་དང་རྣམ་པར་རྟོག་པ་ཐམས་ཅད་དང་བྲལ་ཞིང་། ནམ་མཁའ་ལྟར་གདོད་མ་ནས་ཞི་བ་དང་ཡིད་བཞིན་གྱི་ནོར་བུ་རིན་པོ་ཆེའི་རྒྱལ་པོ་ཆེན་པོ་ལྟར་བསམ་པ་ཐམས་ཅད་

94-1-8b

ཡོངས་སུ་རྫོགས་པར་མཛད་པ་ཡང་མཐོང་ནས་ངོ་མཚར་དུ་གྱུར་ཏེ། སྒྲ་སྐད་གཅིག་ཏུ་ཚིགས་སུ་བཅད་པ་འདི་དག་སྨྲས་སོ། །རྟོག་པ་ཐམས་ཅད་སྤངས་པའོ། །གཟོད་ནས་ཞི་ཞིང་མ་སྐྱེས་པ། །མགོན་པོ་རྨད་བྱུང་དམ་པ་འདི། །ཅི་ལྟར་
ས་ལ་སྣང་ཞིག་གུ། །སྐུ་ཡིས་འཕྲིན་ལས་མི་མཛད་ལ། །གསུང་དང་ཐུགས་ཀྱིས་མི་མཛད་ཅིང་། །སུམ་ཅུ་རྩ་གཉིས་མཚན་དང་ལྡན། །ཤིན་ཏུ་དག་པའི་ཤེལ་དང་འདྲ། །སྐུ་ཡིས་སེམས་ཅན་ཐམས་ཅད་ལ། །སངས་རྒྱས་
མཛད་པ་རྣམས་མཛད་ཀྱང་། །སྐུ་ལ་འགྱུར་བ་མི་མངའ་སྟེ། །ཐུབ་པ་དེ་ནི་འགྱུར་མི་མངའ། །གསུང་ནི་བྲག་ཆ་འདྲ་བ་སྟེ། །བསྟན་དུ་མེད་ཅིང་གཟུགས་མེད་ཀྱང་། །ལྷ་ཡི་རྔ་ཆེན་ཅི་བཞིན་དུ། །འགྲོ་བ་ཐམས་ཅད་ཚིམ་
པར་མཛད། །ཐུགས་ནི་རློམ་སེམས་བྲལ་བ་སྟེ། །དེ་ལ་ཡུལ་ནི་མངའ་མ་ལགས། །ཡུལ་རྣམས་དང་ནི་དེ་བྲལ་ཡང་། །སེམས་ཅན་རྣམས་ནི་ཡུལ་དུ་གྱུར། །གསུང་ནི་དེ་བཞིན་སེམས་ཅན་དེ། །དེ་བཞིན་སྐུ་
དང་དེ་བཞིན་ཐུགས། །མཚན་ཉིད་གཅིག་དང་རབ་ལྡན་ཞིང་། །སྨྲ་བའི་ནང་ན་མཆོག་ཏུ་སྣང་། །སྐྱེ་བ་མེད་ལས་གྲོལ་བ་ཡི། །དེ་བཞིན་གཤེགས་པ་ཡོད་མིན་པས། །གང་དག་སྐྱེ་བ་མེད་ཤེས་པ། །དེ་དག་འདྲེན་པ་
རྣམ་པར་ཤེས། །མགོན་པོ་རྟག་ཏུ་མཉམ་བཞག་ཅིང་། །ལུས་དང་ངག་དང་ཡིད་བྲལ་ཡང་། །རྟག་པར་ལུས་ངག་སྤྱོད་ཡུལ་དུ། །ཐུབ་པ་རྒྱུན་དུ་རབ་ཏུ་སྣང་། །བྱང་ཆུབ་སེམས་དཔའ་ཆེ་བ་ཉིད། །ཤིན་ཏུ་དཀའ་
བ་བྱེད་པ་དག །སངས་རྒྱས་ཡེ་ཤེས་ཆེ་འབར་བ། །འདི་འདྲ་ཡོངས་སུ་ཚོལ་བར་བྱེད། །དེ་བཞིན་མིག་ནི་མི་སྣང་ཞིང་། །རྣ་བ་དང་ནི་སྣ་ཡང་མིན། །ལྕེ་དང་ལུས་དང་ཡིད་ཀྱང་ནི། །དེ་ཕྱིར་དེ་ཡི་ཡུལ་མ་ཡིན། །
གཟུགས་མིན་སྒྲ་ཡང་མ་ཡིན་ཏེ། །དྲི་དང་རོ་དང་རེག་མ་ཡིན། །དབང་པོ་མ་ཡིན་རྣམ་ཤེས་མིན། །ཐམས་ཅད་དུ་ནི་རྟག་ཏུ་ཞི། །ཡུལ་ཅན་དང་ནི་ཡུལ་དེ་དག །རྣམ་པར་བརྟགས་པས་ཡོད་མ་ཡིན། །ཡུལ་ཅན་

94-1-9a

ཡོད་པ་མ་ཡིན་པས། །ཡུལ་རྣམས་སྲིད་པ་མ་ཡིན་ནོ། །རྣམ་པར་མ་བརྟགས་ཚུལ་དུའོ། །དེ་ནི་ཀུན་ཏུ་ཐམས་ཅད་ལ། །བསམ་པ་ཇི་བཞིན་རྫོགས་མཛད་པ། །སྟོན་པ་ཡིད་བཞིན་ནོར་བུ་ལྟར། །ཀུན་གྱི་མདུན་ན་བཞུགས་པ་ཡིན། །བྱིས་པས་ཇི་ལྟར་བརྟགས་པ་བཞིན། །དེ་ལྟར་གང་
ཚེ་ཡོད་མིན་པ། །དེ་ཚེ་མགོན་པོ་ཡོད་འགྱུར་ཏེ། །གཟུགས་བརྙན་འབྱུང་བའི་ཚུལ་གྱིས་སུ། །ཏིང་འཛིན་དབང་སྒྱུར་རྣམས་ལ་ནི། །ལྟ་སྨྲ་འབེལ་གཏམ་ཐམས་ཅད་ཀྱིས། །ཀུན་གྱི་ལོངས་སྤྱོད་འོས་སུ་འགྱུར། །རྣམ་པར་སྣང་མཛད་མགོན་
མཐོང་ནས། །དེ་ཚེ་ཀུན་གྱིས་ཏིང་འཛིན་དང་། །གཟུངས་དང་རིག་དང་རྣམ་པར་ཐར། །བསམ་གྱིས་མི་ཁྱབ་ཐམས་ཅད་ཐོབ། །གཟུངས་ལ་དབང་ནི་ཐོབ་གྱུར་ཅིང་། །སངས་རྒྱས་ཡེ་ཤེས་ཚོལ་བྱེད་པ། །བདག་ཅག་རྣམས་ནི་ཐམས་ཅད་
ཀྱང་། །ཕྱོགས་བཅུ་དག་ནས་ལྷགས་པ་ཡིན། །ཡང་དག་རྫོགས་པའི་སངས་རྒྱས་གཟུངས། །དེ་ན་གཟུངས་ཀྱི་མཆོག་ཡིན་ཏེ། །ཡང་དག་རྫོགས་སངས་ཡང་དག་པར། །དེ་ནི་བདག་ཅག་ཐོབ་པར་ཤོག །དེ་ནས་བྱང་ཆུབ་
སེམས་དཔའ་དེ་དག་གིས་ཚིགས་སུ་བཅད་པ་དེ་དག་སྨྲས་ནས། འདི་ལྟ་སྟེ། ལུས་ཀྱི་སྔོན་གྱི་མཐའ་དང་ཕྱི་མའི་མཐའ་མེད་པ་དང་། དེ་བཞིན་དུ་ངག་དང་ཡིད་ཀྱི་སྔོན་གྱི་མཐའ་དང་ཕྱི་མའི་མཐའ་མེད་པས། བཅོམ་ལྡན་འདས་
རྣམ་པར་སྣང་མཛད་ཀྱི་སྐུ་དང་གསུང་དང་ཐུགས་ཀྱིས་གང་ཡིན་པ་ལ་འཇུག་གོ། དེ་ཅིའི་ཕྱིར་ཞེ་ན། ངོ་བོ་ཉིད་ཡོངས་སུ་ཤེས་པས་ལུས་ཀྱི་སྔོན་གྱི་མཐའ་དང་ཕྱི་མའི་མཐའ་མི་དམིགས་སོ། །དེ་བཞིན་དུ་ངོ་བོ་ཉིད་
ཡོངས་སུ་ཤེས་པས་ངག་དང་ཡིད་ཀྱི་སྔོན་གྱི་མཐའ་དང་ཕྱི་མའི་མཐའ་མི་དམིགས་སོ། །ལག་ན་རྡོ་རྗེ་དབང་བསྐུར་བའི་དཀྱིལ་འཁོར་ལས། །གླེང་གཞིའི་ལེའུ་སྟེ།  དང་པོའོ།།   
དེ་ནས་བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རྣམ་པར་སྣང་མཛད་ཀྱིས། བྱང་ཆུབ་སེམས་དཔའ་ཕྱོགས་བཅུའི་འཇིག་རྟེན་གྱི་ཁམས་ནས་འདུས་པ་དེ་དག་ཀྱང་མཁྱེན། 

94-1-9b

རྒྱལ་པོ་དབང་སྒྱུར་གྱི་ཁང་པ་ཆེན་པོ་ན་གནས་པའི་བྱང་ཆུབ་སེམས་དཔའ་འཁོད་པ་དག་ཀྱང་མཁྱེན་ནས། ཏིང་ངེ་འཛིན་གང་གི་མཐུས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་འཇིག་རྟེན་གྱི་ཁམས་
ཐམས་ཅད་ན། སངས་རྒྱས་ཀྱི་འཁོར་གྱི་དཀྱིལ་འཁོར་ཐམས་ཅད་དུ། སྐད་ཅིག་ཐང་ཅིག་ཡུད་ཙམ་ཅིག་ལ་སེམས་དང་པོ་བསྐྱེད་པ་ནས་བཟུང་སྟེ། ཡོངས་སུ་མྱ་ངན་ལས་འདས་པའི་མཐའི་བར་དུ། སངས་རྒྱས་ཀྱི་མཛད་པ་
བྱིན་གྱིས་རློབ་པའི་ཏིང་ངེ་འཛིན། རྣམ་པར་སྣང་བ་བཀོད་པའི་རྒྱན་གྱི་སྙིང་པོ་ཞེས་བྱ་བ་ལ་སྙོམས་པར་ཞུགས་སོ། །བཅོམ་ལྡན་འདས་སྙོམས་པར་ཞུགས་མ་ཐག་ཏུ། དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་
དེ་དག་གིས་འཇིག་རྟེན་གྱི་ཁམས་འདི་དང་། འཇིག་རྟེན་གྱི་ཁམས་རབ་འབྱམ་ཐམས་ཅད་དང་འཇིག་རྟེན་གྱི་མཚམས་སྦྱོར་བའི་བཀོད་པ་ཐམས་ཅད་དང་། འཇིག་རྟེན་གྱི་ཁམས་གཞན་ཐམས་ཅད་དང་། འཇིག་རྟེན་གྱི་ཁམས་
གླིང་བཞི་པ་ཐམས་ཅད་དང་། སྟོང་ཐམས་ཅད་དང་། སྟོང་གཉིས་པ་ཐམས་ཅད་དང་། སྟོང་གསུམ་གྱི་སྟོང་ཆེན་པོ་ཐམས་ཅད་དང་། འཇིག་རྟེན་གྱི་ཁམས་རྒྱ་མཚོ་ཐམས་ཅད་དང་། འཇིག་རྟེན་གྱི་ཁམས་གཏན་ལ་ཕབ་
པ་ཐམས་ཅད་དང་། མེ་ཏོག་གི་གཞིའི་སྙིང་པོའྀ་རྒྱན་བཀོད་པའི་འཇིག་རྟེན་གྱི་ཁམས་འདི་ན། བཅོམ་ལྡན་འདས་རྣམ་པར་སྣང་མཛད་བསམ་པ་སྣ་ཚོགས་དང་། རེ་བ་སྣ་ཚོགས་དང་འདོད་པ་སྣ་ཚོགས་དང་། ཐེག་པ་སྣ་
ཚོགས་ཀྱི་ཚུལ་རྣམ་པར་གནས་པ་དང་། འགྲོ་བ་སྣ་ཚོགས་དང་སྐྱེ་གནས་སྣ་ཚོགས་དང་། ལྗོངས་སྣ་ཚོགས་དང་ཁ་དོག་སྣ་ཚོགས་དང་དབྱིབས་སྣ་ཚོགས་དང་སེམས་ཅན་སྣ་ཚོགས་དག་ལ་སྒྲ་དང་ཚིག་བརྗོད་པ་རྣམ་པར་གཞག་པ་
སྣ་ཚོགས་རྣམས་ཀྱིས་སེམས་དང་པོ་བསྐྱེད་པ་ནས་བཟུང་སྟེ། ཡོངས་སུ་མྱ་ངན་ལས་འདས་པ་ཆེན་པོའྀ་མཐའི་བར་དུ། སངས་རྒྱས་ཀྱི་མཛད་པ་ཡང་དག་པར་སྟོན་ཅིང་། རང་གི་གསུང་གི་འཁོར་ལོའྀ་དཀྱིལ་འཁོར་ལས་བྱུང་བ། 

94-1-10a

སངས་རྒྱས་ཀྱི་དབྱངས་བཀོད་པའི་རྒྱན་གྱིས་བྱིན་གྱིས་བརླབས་པའི་སངས་རྒྱས་ཀྱི་གཟུགས་ཀྱི། བྱང་ཆུབ་སེམས་དཔའ་སེམས་དཔའ་ཆེན་པོ་ཀུན་ཏུ་བཟང་པོ་ཡང་དག་པར་བྱིན་གྱིས་བརླབས་ནས། རྡོ་རྗེ་དཀྱིལ་འཁོར་
ཆེན་པོ་དོན་ཡོད་པ་དང་། བསྟན་པ་གནས་པར་བྱ་བ་དང་། སངས་རྒྱས་ཀྱི་མཛད་པ་གཅིག་ནས་གཅིག་ཏུ་རྒྱུད་པ་རྒྱུན་མི་འཆད་པའི་ཕྱིར་དུས་ཀྱི་དབང་གིས་སྐྱེ་བ་རིམ་གྱིས་ཡོངས་སུ་གཟུང་བར་བྱིན་གྱིས་བརླབས་ཏེ། རྡོ་རྗེ་ཡེ་ཤེས་ཀྱི་
དབང་བསྐུར་བ་ཆེན་པོ་དང་། རྡོ་རྗེ་ཆེན་པོའྀ་སྙིང་པོ་དང་། རྡོ་རྗེ་ཆེན་པོའྀ་འོད་འཕྲོ་བ་རྒྱས་པར་འགེངས་པའི་སྣང་བ་དང་། ཐེག་པ་ཆེན་པོའི་སྤྱོད་པ་དང་། གསང་སྔགས་རྣམ་པར་དག་པའི་སྒོས་རྡོ་རྗེའི་འཁོར་ཡུག་ཆེན་པོའྀ་དཀྱིལ་
འཁོར་དུ་ལག་ན་རྡོ་རྗེ་དབང་ཆེན་པོ་བསྐུར་བ་མཛད་པ་མཐོང་ངོ་། །དེ་ལྟར་བཅོམ་ལྡན་འདས་རྣམ་པར་སྣང་མཛད་སྤྲོས་པ་ཐམས་ཅད་དང་བྲལ་བའི་ཕྱིར་ཐམས་ཅད་དུ་སྤྲོས་པ་མེད་པའོ། །རྟོག་པ་ཐམས་ཅད་དང་བྲལ་བའི་ཕྱིར་རྣམ་པར་མི་རྟོག་
པའོ། །ངོ་བོ་ཉྀད་དང་བྲལ་བའི་ཕྱིར་སྟོང་པའོ། །གདོད་མ་ནས་དག་པའི་ཕྱིར་རྣམ་པར་དག་པའོ། །སྐྱེ་བ་དང་བྲལ་བའི་ཕྱིར་མ་སྐྱེས་པའོ། །བསམ་པའི་ས་ལས་ཤིན་ཏུ་འདས་པའི་ཕྱིར་བསམ་གྱིས་མི་ཁྱབ་པའོ། །ཡུལ་དང་བྲལ་
བའི་ཕྱིར་ཡུལ་མེད་པའོ། །ཚིག་གི་ལམ་ལས་ཤིན་ཏུ་འདས་པའི་ཕྱིར་བརྗོད་པར་བྱ་བ་མ་ཡིན་པ་སྟེ། རྣམ་པ་ཐམས་ཅད་དུ་སེམས་ཅན་ཐམས་ཅད་ཡང་དག་པར་འདུ་བའི་ས་ལ་བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་
ཡིད་བཞིན་གྱི་ནོར་བུ་རིན་པོ་ཆེ་དང་འདྲ་བར་བསམ་པ་ཐམས་ཅད་ཡོངས་སུ་རྫོགས་པར་མཛད་པ་ཐམས་ཅད་རྗེས་སུ་མཐུན་པ། འཇིག་རྟེན་གྱི་ཁམས་ཐམས་ཅད་ན་གཟུགས་བརྙན་གྱི་རྣམ་པར་སེམས་ཅན་ཐམས་ཅད་ཀྱི་
མདུན་ན་འདུག་པ། ནོར་བུ་རིན་པོ་ཆེ་ཆེན་པོ་རིན་ཐང་ཆེན་པོ་གོས་དྲི་མ་ཅན་གྱིས་དཀྲིས་པ་ལྟ་བུ་འདི་སུའི་ཡིན་འདི་ཅི་ཞིག་ཅེས་སེམས་ཅན་རྣམས་ཀྱིས་མི་ཤེས་ཏེ་ཡ་མཚན་ཅི་ཞིག་ཏུ་གྱུར་ཏོ། །གང་དག་བློ་གྲོས་རྣམ་པར་དག་པ་ཡིད་

94-1-10b

གཉིས་དང་ཐེ་ཙོམ་དང་བྲལ་བ། སྔོན་གྱི་རྒྱལ་བ་ལ་བྱ་བ་བྱས་པ། དགེ་བའི་རྩ་བ་བསྐྱེད་པ། ཐེག་པ་ཆེན་པོའྀ་གསང་སྔགས་དང་སྤྱོད་པའི་ཚུལ་ལ་བྱང་ཆུབ་ཀྱི་སེམས་བསྐྱེད་པ་དང་པོ། རྡོ་རྗེ་འཆང་ཐམས་ཅད་ཀྱིས་བྱིན་གྱིས་
བརླབས་པ། བཅོམ་ལྡན་འདས་རྣམ་པར་སྣང་མཛད་ཀྱིས་རྣམ་པར་སྣང་མཛད་ཆེན་པོའྀ་རྒྱན་གྱི་སྙིང་པོའྀ་འོད་ཟེར་ཆེན་པོས་སྣང་བར་བྱས་པ་དེ་དག་ནི། དེ་བཞིན་གཤེགས་པའི་སྙིང་པོ་ལ་ཞུགས་པ་དག་སྟེ། དེ་དག་ནི་གསང་སྔགས་
ཀྱི་སྤྱོད་པའི་ཚུལ་འདི་མཉན་པ་དང་བསླབ་པ་དང་། རྡོ་རྗེའི་དཀྱིལ་འཁོར་ཆེན་པོ་བྲྀ་བ་དང་། དངོས་གྲུབ་བསྒྲུབ་པར་བྱ་བའི་སྐལ་བ་ཡོད་དོ། །དེ་ནས་འཇིག་རྟེན་གྱི་ཁམས་མི་མཇེད་འདིར། བཅོམ་ལྡན་འདས་ཤཱཀྱ་ཐུབ་པའི་མཚན་
གྱིས་གླིང་བཞི་པ་བར་མའི་འཇིག་རྟེན་གྱི་ཁམས་ཀྱི་འཛམ་བུའི་གླིང་དུ་བདུད་ཕམ་པར་མཛད་ནས། བྱང་ཆུབ་མངོན་པར་རྫོགས་པར་སངས་རྒྱས་ཏེ། དགའ་ལྡན་གྱི་གནས་ན་གནས་པ་ནས་བཟུང་སྟེ། མཐར་གྱིས་
སྤྱད་པ་སྤྱོད་ཅིང་ཡོངས་སུ་མྱ་ངན་ལས་འདས་པ་ཆེན་པོའྀ་མཐའི་བར་དུ་བྱིན་གྱིས་བརླབས་ནས་ཆོས་བསྟན་ཏོ། །བཅོམ་ལྡན་འདས་ཤཱཀྱ་ཐུབ་པ་དེ་ཡང་བསྟན་པ་རྒྱུན་མི་འཆད་པའི་ཕྱིར། བྱང་ཆུབ་སེམས་དཔའ་ཀུན་ཏུ་བཟང་པོ་དང་
བྱམས་པ་དང་། འཇམ་དཔལ་དང་། སྤྱན་རས་གཟིགས་ཀྱི་དབང་ཕྱུག་དང་། སྒྲིབ་པ་ཐམས་ཅད་རྣམ་པར་སེལ་བ་དང་། ནམ་མཁའི་སྙིང་པོ་དང་། སའི་སྙིང་པོ་དང་། བྱང་ཆུབ་སེམས་དཔའ་ངན་སོང་ཐམས་ཅད་སྤོང་བ་ལ་
སོགས་པ་བྱང་ཆུབ་སེམས་དཔའ་རྣམས་བསྡུས་ནས། ལྷ་དང་ཀླུ་དང་གནོད་སྦྱིན་དང་དྲི་ཟ་དང་ལྷ་མ་ཡིན་དང་ནམ་མཁའ་ལྡིང་དང་མི་འམ་ཅི་དང་། ལྟོ་འཕྱེ་ཆེན་པོ་ལ་སོགས་པ་ཐམས་ཅད་ཀྱི་མདུན་དུ། རྡོ་རྗེའི་དཀྱིལ་འཁོར་ཆེན་པོ་
བྲིས་ནས་ལག་ན་རྡོ་རྗེ་དབང་ཆེན་པོ་བསྐུར་བས་བྱང་ཆུབ་སེམས་དཔའ་ཀུན་ཏུ་བཟང་པོ་དབང་བསྐུར་ནས་དེ་ཉིད་ལ་བསྟན་པ་གཏད་དོ། །ལག་ན་རྡོ་རྗེ་དབང་བསྐུར་བའི་དཀྱིལ་འཁོར་ཆེན་པོ་ལས། སྔོན་གྱི་སྤྱོད་པ་ཡང་དག་པར་བསྒྲུབ་པའི་གཏམ་

94-1-11a

གྱི་ཚུལ་འབྱུང་བའི་ཞེས་བྱ་བའི་ལེའུ་སྟེ། གཉིས་པའོ།། །། འཕགས་པ་ལག་ན་རྡོ་རྗེ་དབང་བསྐུར་བའི་རྒྱུད་ཆེན་པོ། བམ་པོ་གཉིས་པ། འདི་སྐད་བདག་གིས་ཐོས་པའི་དུས་གཅིག་ན། བཅོམ་ལྡན་
འདས་གྲོང་ཁྱེར་ཆེན་པོ་དཔལ་ཡོན་ཏན་གྱི་འབྱུང་གནས་ན། ཤིང་ས་ལ་སྣ་ཚོགས་ཀྱི་ནགས་ཚལ་སྟུག་པོ་དེ་བཞིན་གཤེགས་པ་ཐམས་ཅད་ཀྱི་སྔོན་གྱི་སྤྱོད་པས་རྣམ་པར་རོལ་པའི་རྒྱུ་མཐུན་པས་བྱིན་གྱིས་བརླབས་པའི་ནགས་ཚལ་ཆེན་
པོ་མཆོག་ན། དགེ་སློང་ཁྲི་ཉིས་སྟོང་ལྔ་བརྒྱའི་དགེ་སློང་གི་དགེ་འདུན་ཆེན་པོ་དང་ཐབས་ཅིག་ཏུ་བཞུགས་ཏེ། ཐམས་ཅད་ཀྱང་ཟག་པ་ཟད་པ། ཉོན་མོངས་པ་མེད་པ་སེམས་ཀྱི་དབང་ཐམས་ཅད་ཀྱི་དམ་པའི་ཕ་རོལ་ཏུ་སོན་པ་ཤ་སྟག་
ལ་འདི་ལྟ་སྟེ། ཚེ་དང་ལྡན་པ་རབ་འབྱོར་དང་ཚེ་དང་ལྡན་པ་བ་ལང་བདག་དང་། ཚེ་དང་ལྡན་པ་དབང་ཆེན་དང་། ཚེ་དང་ལྡན་པ་ཉིན་གུང་དང་། ཚེ་དང་ལྡན་པ་འོད་སྲུང་ཆེན་པོ་དང་། ཚེ་དང་ལྡན་པ་མཽད་གལ་གྱི་བུ་ཆེན་པོ་དང་། ཚེ་དང་ལྡན་པ་
དགའ་བོ་དང་། ཚེ་དང་ལྡན་པ་ཉེ་དགའ་བོ་དང་ཚེ་དང་ལྡན་པ་བཟང་པོ་དང་། ཚེ་དང་ལྡན་པ་སྒྲ་གཅན་འཛིན་དང་ཚེ་དང་ལྡན་པ་མ་འགགས་པ་དང་། ཚེ་དང་ལྡན་པ་ཀ་པི་ན་ཆེན་པོ་དང་། ཚེ་དང་ལྡན་པ་ཡུལ་འཁོར་སྐྱོང་དང་། ཚེ་དང་
ལྡན་པ་ག་ཡ་འོད་སྲུང་དང་། ཚེ་དང་ལྡན་པ་ལྟེང་རྒྱས་འོད་སྲུང་དང་། ཚེ་དང་ལྡན་པ་ཚེམས་ཆེན་དང་། ཚེ་དང་ལྡན་པ་གསུས་པོ་ཆེ་དང་། ཚེ་དང་ལྡན་པ་མཛེས་དགའ་དང་། ཚེ་དང་ལྡན་པ་གྱད་བུ་ནོར་དང་། ཚེ་དང་ལྡན་པ་སེང་ལྡེང་
ནགས་པ་དང་། ཚེ་དང་ལྡན་པ་བསོད་སྙོམས་ལེན་པ་བ་ར་དྭ་ཛ་དང་། ཚེ་དང་ལྡན་པ་འོད་སྲུང་སྤྱོད་དབང་པོའི་བུ་དང་། ཚེ་དང་ལྡན་པ་ཉེ་སྦྱོར་དང་། ཚེ་དང་ལྡན་པ་གཞོན་ནུ་འོད་སྲུང་དང་། ཚེ་དང་ལྡན་པ་ལམ་ཕྲན་བསྟན་དང་། 
ཚེ་དང་ལྡན་པ་ཤཱ་རིའི་བུ་དང་། དེ་དག་ལ་སོགས་པ་དགེ་སློང་ཁྲི་ཉིས་སྟོང་ལྔ་བརྒྱ་དང་ཐབས་ཅིག་གོ། བྱང་ཆུབ་སེམས་དཔའི་ཚོགས་ཆེན་པོ་ཤ་སྟག་ལ་འདི་ལྟ་སྟེ། འཇམ་དཔལ་གཞོན་ནུར་གྱུར་པ་དང་། དྲ་བ་ཅན་གྱི་འོད་

94-1-11b

གཞོན་ནུར་གྱུར་པ་དང་བྱང་ཆུབ་སེམས་དཔའ་དཀོན་མཆོག་འབྱུང་གནས་དང་། བྱང་ཆུབ་སེམས་དཔའ་རིན་པོ་ཆེའི་བློ་གྲོས་དང་། བྱང་ཆུབ་སེམས་དཔའ་ལག་ན་རིན་པོ་ཆེ་དང་། བྱང་ཆུབ་སེམས་དཔའ་ལག་ན་ཕྱག་རྒྱ་རིན་པོ་ཆེ་དང་། བྱང་ཆུབ་
སེམས་དཔའ་རྟག་ཏུ་བརྩོན་པར་ཆོས་ལ་གནས་པ་དང་། བྱང་ཆུབ་སེམས་དཔའ་ཆོས་ཐམས་ཅད་ཀྱི་ཚིག་རབ་ཏུ་འབྱེད་པ་དང་། བྱང་ཆུབ་སེམས་དཔའ་གདུང་བ་ཐམས་ཅད་རབ་ཏུ་ཞི་ལྡན་དང་། བྱང་ཆུབ་སེམས་དཔའ་བློ་གྲོས་རབ་ཏུ་བརྟན་
པ་དང་། བྱང་ཆུབ་སེམས་དཔའ་ལྷག་པའི་བསམ་པས་ཕན་བྱེད་དང་། བྱང་ཆུབ་སེམས་དཔའ་སྙིང་རྗེ་ཅན་དང་། བྱང་ཆུབ་སེམས་དཔའ་སྤྱན་རས་གཟིགས་དབང་ཕྱུག་དང་། བྱང་ཆུབ་སེམས་དཔའ་མཐུ་ཆེན་ཐོབ་དང་། བྱང་ཆུབ་
སེམས་དཔའ་སྤོས་ཀྱི་གླང་པོ་ཆེ་དང་། བྱང་ཆུབ་སེམས་དཔའ་ནམ་མཁའ་མཛོད་དང་། བྱང་ཆུབ་སེམས་དཔའ་སའི་སྙིང་པོ་དང་། བྱང་ཆུབ་སེམས་དཔའ་ནམ་མཁའི་སྙིང་པོ་དང་། བྱང་ཆུབ་སེམས་དཔའ་འབྲུག་སྒྲའི་རྒྱལ་པོ་དང་། 
བྱང་ཆུབ་སེམས་དཔའ་སང་སང་པོའི་དབྱངས་དང་། བྱང་ཆུབ་སེམས་དཔའ་བློ་གྲོས་དྲི་མ་མེད་པ་དང་། བྱང་ཆུབ་སེམས་དཔའ་བློ་གྲོས་མི་ཟད་པ་དང་། བྱང་ཆུབ་སེམས་དཔའ་སྤྱོད་པའི་བློ་གྲོས་དང་། བྱང་ཆུབ་སེམས་དཔའ་བླ་མའི་
བློ་གྲོས་དང་། བྱང་ཆུབ་སེམས་དཔའ་སྒྲིབ་པ་ཐམས་ཅད་རྣམ་པར་སེལ་བ་དང་། བྱང་ཆུབ་སེམས་དཔའ་བྱམས་པ་དང་། བྱང་ཆུབ་སེམས་དཔའ་སེམས་དཔའ་ཆེན་པོ་ཀུན་ཏུ་བཟང་པོ་དང་། དེ་དག་ལ་སོགས་པ་
བྱང་ཆུབ་སེམས་དཔའ་སེམས་དཔའ་ཆེན་པོ་སངས་རྒྱས་ཀྱི་ཞིང་བཅུའི་རྡུལ་ཕྲ་རབ་ཀྱི་རྡུལ་སྙེད་དང་། བཟང་སྐྱོང་ལ་སོགས་པ་སྐྱེས་བུ་དམ་པ་བཅུ་དྲུག་དང་། ཐབས་ཅིག་སྟེ་དེ་དག་ཐམས་ཅད་ཀྱང་ས་དང་ཕ་རོལ་དུ་ཕྱིན་པ་
དང་། གཟུངས་དང་། སྟོབས་དང་། བྱང་ཆུབ་ཀྱི་ཡན་ལག་དང་། འཕགས་པའི་ལམ་དང་། དབང་ཐོབ་པ་དང་སེམས་ཀྱི་དབང་ཐམས་ཅད་ཀྱི་དམ་པའི་ཕ་རོལ་ཏུ་སོན་པ་བསམ་པ་ཅི་ལྟ་བ་བཞིན་དུ་སེམས་ཅན་ཐམས་ཅད་ཚིམ་པར་

94-1-12a

བྱེད་པ། སྔོན་གྱི་སྨོན་ལམ་ཅི་ལྟ་བ་བཞིན་དུ་ངེས་པར་བྱུང་བ། དེ་བཞིན་གཤེགས་པ་ཐམས་ཅད་ལ་མཆོད་པ་དང་རིམ་གྲོ་བྱ་བ་ལ་མཁས་པ་རྟག་ཏུ་རྒྱུན་མི་འཆད་པར་དམ་པའི་ཆོས་ཡོངས་སུ་ཚོལ་བ་ལ་མཁས་པ་
ཤ་སྟག་སྟེ། བྱང་ཆུབ་སེམས་དཔའ་སེམས་དཔའ་ཆེན་པོ་དེ་ལྟ་བུ་དག་གིས་ཡོངས་སུ་བསྐོར་ཅིང་མདུན་གྱིས་བལྟས་ན། བཅོམ་ལྡན་འདས་པད་མའི་སྙིང་པོ་སེང་གེའི་ཁྲི་ཆེན་པོ་ལ་བཞུགས་ཏེ། ལྷ་དང་བཅས་པའི་འཇིག་རྟེན་ཟིལ་
གྱིས་མནན་ནས། ཤིན་དུ་ལྷམ་མེ་ལྷན་ནེ་ལྷང་ངེའོ། །གནས་གཙང་མའི་ལྷའི་བུ་རྣམས་ཀྱང་དེ་ཉིད་དུ་འདུས་ཏེ་འཁོད་དོ། །མི་མཇེད་ཀྱི་བདག་པོ་ཚངས་པ་ཡང་ཚངས་རིས་ཀྱི་ལྷའི་བུས་ཀུན་ནས་བསྐོར་ཅིང་དེ་ཉིད་དུ་འདུས་ཏེ་འདུག་པར་
གྱུར་ཏོ། །ལྷའི་དབང་པོ་བརྒྱ་བྱིན་ཡང་ལྷའི་བུ་བརྒྱ་སྟོང་ཕྲག་དུ་མས་ཡོངས་སུ་བསྐོར་ཅིང་མདུན་གྱིས་བལྟས་ཏེ་དེ་ཉིད་ཏུ་འདུས་ནས་འདུག་པར་གྱུར་ཏོ། །ལྷ་མ་ཡིན་གྱི་དབང་པོ་རབ་སིམ་དང་། ཐག་བཟང་རིས་དང་ཞིང་མཆོག་དང་
བ་ཏི་དང་། རྔ་ཆེན་དང་དུས་ཀྱི་འཁོར་ལོ་ཅན་དང་དྲི་མ་མེད་པ་དང་། ཏོག་དང་ཟླ་གདོང་དང་རྣམ་པར་འཇོམས་དང་ཟབ་མོ་དང་སྟོབས་ཅན་དང་སྒྲ་གཅན་དང་། ཏོག་དྲེགས་དང་རྣམ་པར་སྣང་བ་དང་ལྷ་མ་ཡིན་གྱི་དབང་པོ་སྣ་ཚོགས་
ཕྲེང་བ་ཅན་དང་དེ་དག་ལ་སོགས་པ་དང་། ལྷ་མ་ཡིན་གྱི་དབང་པོ་གཞན་སྟོང་དང་ལྷ་མ་ཡིན་གྱི་དབང་པོ་དེ་དག་ཐམས་ཅད་རང་རང་གི་གནས་ནས་བྱུང་སྟེ། ལྷ་མ་ཡིན་གྱི་མཐུ་ཆེན་པོ་དང་། ལྷ་མ་ཡིན་གྱི་རྫུ་འཕྲུལ་ཆེན་པོས་
མེ་ཏོག་དང་སྤོས་དང་ཕྲེང་བ་དང་བདུག་པ་དང་། བྱུག་པ་དང་ཕྱེ་མ་དང་ན་བཟའ་དང་གདུགས་དང་། རྒྱལ་མཚན་དང་བ་དན་དང་རྒྱན་དང་སིལ་སྙན་དང་ཕེག་རྡོབ་རྣམས་མངོན་པར་སྤྲུལ་ནས་ཤིང་ས་ལ་སྣ་ཚོགས་ཀྱི་རྒྱལ་མཚན་
བཀོད་པའི་ནགས་ཚལ་སྟུག་པོ་ག་ལ་བ་དང་། བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཤཱཀྱ་ཐུབ་པ་ག་ལ་བ་དེར་དོང་སྟེ་ལྷགས་ནས། ཅི་ལྟར་སྤྲུལ་པའི་མེ་ཏོག་དང་། 

94-1-12b

བདུག་པ་དང་སྤོས་དང་ཕྲེང་བ་དང་བྱུག་པ་དང་ཕྱེ་མ་དང་ན་བཟའ་དང་། གདུགས་དང་རྒྱལ་མཚན་དང་བ་དན་དང་རྒྱན་དང་སིལ་སྙན་དང་ཕེག་རྡོབ་རྣམས་བཅོམ་ལྡན་འདས་ག་ལ་བ་དེར་གཏོར་ཏོ། །གཏོར་ནས་ཀྱང་བཅོམ་ལྡན་འདས་ལ་ཕྱག་འཚལ་
ཏེ་ཕྱོགས་གཅིག་ཏུ་འཁོད་དོ། །ཀླུའི་རྒྱལ་པོ་རྒྱ་མཚོ་དང་། ཀླུའི་རྒྱལ་པོ་མ་དྲོས་པ་དང་། ཀླུའི་རྒྱལ་པོ་འོད་ཟེར་བརྒྱ་པ་དང་ཀླུའི་རྒྱལ་པོ་གློག་ལྕེ་དང་། ཀླུའི་རྒྱལ་པོ་རིན་པོ་ཆེའི་ཅོད་པན་ཅན་དང་ཀླུའི་རྒྱལ་པོ་འཇོག་པོ་དང་། ཀླུའི་
རྒྱལ་པོ་སོག་མ་མེད་དང་ཀླུའི་རྒྱལ་པོ་ནོར་རྒྱས་དང་། ཀླུའི་རྒྱལ་པོ་སྟོབས་ཀྱིས་རྒྱུ་དང་ཀླུའི་རྒྱལ་པོ་རྣ་རྡུམ་དང་། ཀླུའི་རྒྱལ་པོ་པད་མ་ཅན་དང་ཀླུའི་རྒྱལ་པོ་དུང་སྐྱོང་དང་། ཀླུའི་རྒྱལ་པོ་པད་མ་ཆེན་པོ་དང་ཀླུའི་རྒྱལ་པོ་དུས་ཅན་དང་། 
ཀླུའི་རྒྱལ་པོ་རིགས་ཅན་དང་ཀླུའི་རྒྱལ་པོ་མགོ་གཅིག་པ་དང་། ཀླུའི་རྒྱལ་པོ་བརྫུན་པོ་དང་ཀླུའི་རྒྱལ་པོ་དབང་པོའི་སྒྲ་དང་། ཀླུའི་རྒྱལ་པོ་སྟོབས་ལྡན་དང་དེ་དག་ལ་སོགས་པ་ཀླུའི་རྒྱལ་པོ་ཁྲི་རང་རང་གི་གནས་ནས་བྱུང་སྟེ་
ཀླུའི་མཐུ་ཆེན་པོ་དང་ཀླུའི་རྫུ་འཕྲུལ་ཆེན་པོས་ཙན་དན་གོར་ཤི་ཤའི་ཆུའི་སྤྲིན་མངོན་པར་སྤྲུལ་ནས། ཤིང་ས་ལ་སྣ་ཚོགས་ཀྱི་རྒྱལ་མཚན་བཀོད་པའི་ནགས་ཚལ་སྟུག་པོ་ག་ལ་བ་དང་། བཅོམ་ལྡན་འདས་ག་ལ་བ་དེར་སོང་སྟེ། 
ལྷགས་ནས་ཅི་ལྟར་སྤྲུལ་པའི་སྤོས་ཆུའི་སྤྲིན་རྣམས་ཀྱིས་ཤིང་ས་ལ་སྣ་ཚོགས་ཀྱི་རྒྱལ་མཚན་བཀོད་པའི་ནགས་ཚལ་སྟུག་པོར་ཆར་དུ་མངོན་པར་ཕབ་བོ། །ཕབ་ནས་ཀྱང་བཅོམ་ལྡན་འདས་ལ་ཕྱག་འཚལ་ནས་ཕྱོགས་གཅིག་ཏུ་
འཁོད་དོ། །གནོད་སྦྱིན་གྱི་སྡེ་དཔོན་ཆེན་པོ་རྣམ་ཐོས་ཀྱི་བུ་དང་གནོད་སྦྱིན་གྱི་སྡེ་དཔོན་ཆེན་པོ་འབྲོག་གནས་དང་། གནོད་སྦྱིན་གྱི་སྡེ་དཔོན་ཆེན་པོ་ཡུལ་འཁོར་བསྲུང་དང་། གནོད་སྦྱིན་གྱི་སྡེ་དཔོན་ཆེན་པོ་འཕགས་སྐྱེས་པོ་
དང་། གནོད་སྦྱིན་གྱི་སྡེ་དཔོན་ཆེན་པོ་མིག་མི་བཟང་དང་། གནོད་སྦྱིན་གྱི་སྡེ་དཔོན་ཆེན་པོ་གང་བ་བཟང་པོ་དང་། གནོད་སྦྱིན་གྱི་སྡེ་དཔོན་ཆེན་པོ་ནོར་བུ་བཟང་པོ་དང་། གནོད་སྦྱིན་གྱི་སྡེ་དཔོན་ཆེན་པོ་རྨོངས་བྱེད་འཛིན་ཆུའི་

94-1-13a

དབང་པོ་དང་གནོད་སྦྱིན་གྱི་སྡེ་དཔོན་ཆེན་པོ་ལག་པ་བརྒྱ་པ་དང་གནོད་སྦྱིན་གྱི་སྡེ་དཔོན་ཆེན་པོ་ལྔས་རྩེན་དང་དེ་དག་ལ་སོགས་པ་གནོད་སྦྱིན་གྱི་སྡེ་དཔོན་ཆེན་པོ་ཁྲི་རང་རང་གི་གནས་ནས་བྱུང་སྟེ། མེ་ཏོག་དང་བདུག་པ་དང་སྤོས་
དང་ཕྲེང་བ་དང་བྱུག་པ་དང་ཕྱེ་མ་དང་ན་བཟའ་དང་གདུགས་དང་རྒྱལ་མཚན་དང་བ་དན་དང་སིལ་སྙན་རྣམས་ཐོགས་ནས། ཤིང་ས་ལ་སྣ་ཚོགས་ཀྱི་རྒྱལ་མཚན་བཀོད་པའི་ནགས་ཚལ་སྟུག་པོ་ག་ལ་བ་དང་བཅོམ་ལྡན་འདས་ག་ལ་བ་དེར་སོང་
སྟེ་ལྷགས་ནས། ཅི་ལྟར་ཐོགས་པའི་མེ་ཏོག་དང་བདུག་པ་དང་སྤོས་དང་ཕྲེང་བ་དང་བྱུག་པ་དང་ཕྱེ་མ་དང་ན་བཟའ་དང་གདུགས་དང་རྒྱལ་མཚན་དང་བ་དན་རྣམས་བཅོམ་ལྡན་འདས་ལ་གཏོར་ཏོ། །གཏོར་ནས་ཀྱང་བཅོམ་ལྡན་འདས་ལ་ཕྱག་
འཚལ་ཏེ་ཕྱོགས་གཅིག་ཏུ་འཁོད་དོ། །མི་འམ་ཅིའི་རྒྱལ་པོ་ལྗོན་པ་འཁོར་མི་འམ་ཅིའི་མེ་ཏོག་དང་བདུག་པ་དང་སྤོས་དང་ཕྲེང་བ་དང་བྱུག་པ་དང་ཕྱེ་མ་དང་ན་བཟའ་དང་གདུགས་དང་རྒྱལ་མཚན་དང་བ་དན་དང་སིལ་སྙན་དང་ཕེག་རྡོབ་པ་རྣམ་
པ་དུ་མ་ཐོགས་པ་བརྒྱ་སྟོང་དུ་མ་རང་རང་གི་གནས་ནས་བྱུང་སྟེ། ཤིང་ས་ལ་སྣ་ཚོགས་ཀྱི་རྒྱལ་མཚན་བཀོད་པའི་ནགས་ཚལ་སྟུག་པོ་ག་ལ་བ་དང་། བཅོམ་ལྡན་འདས་ག་ལ་བ་དེར་སོང་སྟེ་ཕྱིན་ནས་ཅི་ལྟར་ཐོགས་པའི་མེ་ཏོག་དང་
བདུག་པ་དང་སྤོས་དང་ཕྲེང་བ་དང་བྱུག་པ་དང་ཕྱེ་མ་དང་ན་བཟའ་དང་གདུགས་དང་རྒྱལ་མཚན་དང་བ་དན་དང་སིལ་སྙན་དང་ཕེག་རྡོབ་རྣམས་བཅོམ་ལྡན་འདས་ལ་གཏོར་ཏོ། །གཏོར་ནས་བཅོམ་ལྡན་འདས་ལ་ཕྱག་འཚལ་ཏེ་ཕྱོགས་གཅིག་
ཏུ་འདུག་གོ། ནམ་མཁའ་ལྡིང་གི་དབང་པོ་རྣམ་པར་འདུད་བྱེད་ཀྱི་བུ་དང་ནམ་མཁའ་ལྡིང་གི་དབང་པོ་འཇིགས་འགྲོ་དང་ནམ་མཁའ་ལྡིང་གི་དབང་པོ་འདབ་བརྒྱད་དང་། ནམ་མཁའ་ལྡིང་གི་དབང་པོ་གཙུག་ཕུད་ཅན་འཁོར་
ནམ་མཁའ་ལྡིང་བརྒྱ་སྟོང་དུ་མ་དང་ལྡན་པ་ཡང་། བཅོམ་ལྡན་འདས་ག་ལ་བ་དེར་སོང་སྟེ་ལྷགས་ནས། བཅོམ་ལྡན་འདས་ལ་ཕྱག་འཚལ་ཏེ་ཕྱོགས་གཅིག་ཏུ་འཁོད་དོ། །སྲིན་མོའི་བདག་པོ་ཁྲོས་བཞིན་དང་སྲིན་མོའི་བདག་པོ་

94-1-13b

མཆེ་བ་བཟང་དང་། སྲིན་མོའྀ་བདག་པོ་དྲག་པོ་དང་རབ་གཏུམ་པ་དང་འཇིགས་འཇིགས་ལྟ་དང་། སྐྲག་བྱེད་དང་འཇིགས་བྱེད་ཆེན་པོ་དང་གདོང་བཅུ་དང་གཤིན་རྗེ་དང་གཤིན་རྗེའི་དྲིལ་བུ་དང་རྣམ་པར་འཇིགས་འཇིགས་ལྟ་དང་། ཟླ་བའི་
སྡེ་འཁོར་སྲིན་པོ་དུ་མ་དང་ལྡན་པ་དག་ཀྱང་ཤིང་ས་ལ་སྣ་ཚོགས་ཀྱི་རྒྱལ་མཚན་བཀོད་པའི་ནགས་ཚལ་སྟུག་པོ་ག་ལ་བ་དང་བཅོམ་ལྡན་འདས་ག་ལ་བ་དེར་སོང་སྟེ། བཅོམ་ལྡན་འདས་ཀྱི་ཞབས་ལ་མགོ་བོས་ཕྱག་འཚལ་ཏེ་
ཕྱོགས་གཅིག་ཏུ་འཁོད་དོ། །དྲང་སྲོང་ཆེན་པོ་མེ་འཁོར་དྲང་སྲོང་དུ་མ་དང་ལྡན་པ་ཡང་ཤིང་ས་ལ་སྣ་ཚོགས་ཀྱི་རྒྱལ་མཚན་བཀོད་པའི་ནགས་ཚལ་སྟུག་པོ་ག་ལ་བ་དང་། བཅོམ་ལྡན་འདས་ག་ལ་བ་དེར་སོང་སྟེ་ཕྱིན་ནས། བཅོམ་
ལྡན་འདས་ཀྱི་ཞབས་ལ་མགོ་བོས་ཕྱག་འཚལ་ཏེ་ཕྱོགས་གཅིག་ཏུ་འཁོད་དོ། །རླུང་སྤྲིན་གྱི་ཕྲེང་བ་ཅན་དང་། རླུང་འཇིག་བྱེད་དང་། རླུང་ཆགས་བྱེད་དང་། རླུང་ཀུན་ཏུ་འཇོག་བྱེད་དང་། རླུང་རྣམ་པར་འཐོར་དང་། རླུང་དུས་
ལྡན་དང་རླུང་རྣམ་པར་འཐོར་རླུང་དང་རླུང་རླུང་དམར་དང་རླུང་འཇིག་རྟེན་འཛིན་དག་ཀྱང་། བཅོམ་ལྡན་འདས་ག་ལ་བ་དེར་དོང་སྟེ་ལྷག་ནས་བཅོམ་ལྡན་འདས་ལ་ཕྱག་འཚལ་ཏེ་ཕྱོགས་གཅིག་ཏུ་འཁོད་དོ། །སྐར་མའི་
རྒྱལ་པོ་ཟླ་བ་འཁོར་སྐར་མ་བརྒྱ་སྟོང་དུ་མ་དང་ལྡན་པ་ཡང་ཤིང་ས་ལ་ཆེན་པོ་སྣ་ཚོགས་ཀྱི་རྒྱལ་མཚན་བཀོད་པའི་ནགས་ཚལ་སྟུག་པོ་ག་ལ་བ་དང་། བཅོམ་ལྡན་འདས་ག་ལ་བ་དེར་སོང་སྟེ་ཕྱིན་ནས་བཅོམ་ལྡན་
འདས་ཀྱི་ཞབས་ལ་མགོ་བོས་ཕྱག་འཚལ་ཏེ་ཕྱོགས་གཅིག་ཏུ་འདུག་གོ། ཉི་མ་འོད་ཟེར་གྱི་ཕྲེང་བ་ཅན་དང་། ཚ་བར་བྱེད་པ་དང་སྐམས་བྱེད་དང་དུ་བ་འབྱིན་དང་རབ་འབར་དང་། ཉི་མ་སྲེད་བྱེད་འཁོར་ལྷའི་བུ་
གཟི་བརྗིད་འཕངས་པ་བརྒྱ་སྟོང་དུ་མ་དང་ལྡན་པ་དག་ཀྱང་ཤིང་ས་ལ་སྣ་ཚོགས་ཀྱི་རྒྱལ་མཚན་བཀོད་པའི་ནགས་ཚལ་སྟུག་པོ་ག་ལ་བ་དང་། བཅོམ་ལྡན་འདས་ག་ལ་བ་དེར་སོང་སྟེ་ཕྱིན་ནས། བཅོམ་ལྡན་འདས་ཀྱི་ཞབས་ལ་

94-1-14a

མགོ་བོས་ཕྱག་འཚལ་ཏེ།  ཕྱོགས་གཅིག་ཏུ་འཁོད་དོ། །ཀླུའི་རྒྱལ་པོ་ཆུ་ལྷ་འཁོར་ཀླུའི་རྒྱལ་པོ་དུ་མ་དང་ལྡན་པ་ཡང་ཤིང་ས་ལ་སྣ་ཚོགས་ཀྱི་རྒྱལ་མཚན་བཀོད་པའི་ནགས་ཚལ་སྟུག་པོ་ག་ལ་བ་དང་། 
བཅོམ་ལྡན་འདས་ག་ལ་བ་དེར་སོང་སྟེ་ཕྱིན་ནས་བཅོམ་ལྡན་འདས་ཀྱི་ཞབས་ལ་མགོ་བོས་ཕྱག་འཚལ་ཏེ་ཕྱོགས་གཅིག་ཏུ་འདུག་གོ། ཁྱབ་འཇུག་འཁོར་དང་བཅས་པ་ཡང་ཤིང་ས་ལ་སྣ་ཚོགས་ཀྱི་རྒྱལ་མཚན་བཀོད་
པའི་ནགས་ཚལ་སྟུག་པོ་ག་ལ་བ་དང་བཅོམ་ལྡན་འདས་ག་ལ་བ་དེར་སོང་སྟེ་ཕྱིན་ནས་བཅོམ་ལྡན་འདས་ཀྱི་ཞབས་ལ་མགོ་བོས་ཕྱག་འཚལ་ཏེ་ཕྱོགས་གཅིག་ཏུ་འདུག་གོ། དྲག་པོ་ཡི་དགས་ཀྱི་འཁོར་དང་ལྡན་པ་ཡང་། བཅོམ་ལྡན་
འདས་ག་ལ་བ་དེར་སོང་སྟེ་ཕྱིན་ནས་བཅོམ་ལྡན་འདས་ལ་ཕྱག་འཚལ་ནས་ཕྱོགས་གཅིག་ཏུ་འཁོད་དོ། །འབྱུང་པོའྀ་བདག་པོ་དབང་ལྡན་འཁོར་འབྱུང་པོ་བརྒྱ་སྟོང་དུ་མ་དང་ལྡན་པ་ཡང་ཤིང་ས་ལ་སྣ་ཚོགས་ཀྱི་རྒྱལ་མཚན་བཀོད་པའི་
ནགས་ཚལ་སྟུག་པོ་ག་ལ་བ་དང་བཅོམ་ལྡན་འདས་ག་ལ་བ་དེར་སོང་སྟེ་ཕྱིན་ནས། བཅོམ་ལྡན་འདས་ཀྱི་ཞབས་ལ་མགོ་བོས་ཕྱག་འཚལ་ཏེ། ཕྱོགས་གཅིག་ཏུ་འདུག་གོ། གཟའི་རྒྱལ་པོ་ཆེན་པོ་སྨིན་དྲུག་གི་བུ་འཁོར་གཟའ་
བརྒྱ་སྟོང་དུ་མ་དང་ལྡན་པ་ཡང་ཤིང་ས་ལ་སྣ་ཚོགས་ཀྱི་རྒྱལ་མཚན་བཀོད་པའི་ནགས་ཚལ་སྟུག་པོ་ག་ལ་བ་དང་བཅོམ་ལྡན་འདས་ག་ལ་བ་དེར་སོང་སྟེ་ཕྱིན་ནས་བཅོམ་ལྡན་འདས་ཀྱི་ཞབས་ལ་མགོ་བོས་ཕྱག་འཚལ་ཏེ་ཕྱོགས་
གཅིག་ཏུ་འདུག་གོ། སྤྲིན་ལྷའི་བུ་སྐྱ་བོ་ཞེས་བྱ་བ་དང་སྤྲིན་ལྷའི་བུ་གློག་ཕྲེང་ཞེས་བྱ་བ་དང་སྤྲིན་ལྷའི་བུ་དྲ་བ་སྟུག་པོ་འཇོམས་བྱེད་ཅེས་བྱ་བ་དང་སྤྲིན་ལྷའི་བུ་ཆར་འབེབས་ཞེས་བྱ་བ་འཁོར་ལྷའི་བུ་བརྒྱ་སྟོང་དུ་མ་དང་ལྡན་པ་དག་
ཀྱང་ཤིང་ས་ལ་སྣ་ཚོགས་ཀྱི་རྒྱལ་མཚན་བཀོད་པའི་ནགས་ཚལ་སྟུག་པོ་ག་ལ་བ་དང་བཅོམ་ལྡན་འདས་ག་ལ་བ་དེར་སོང་སྟེ་ཕྱིན་ནས་བཅོམ་ལྡན་འདས་ཀྱི་ཞབས་ལ་མགོ་བོས་ཕྱག་འཚལ་ཏེ་ཕྱོགས་གཅིག་ཏུ་འཁོད་དོ། །

94-1-14b

གློག་སྟུག་བྱེད་ཅེས་བྱ་བ་དང་གློག་གཟི་བརྗིད་ཅན་ཞེས་བྱ་བ་དང་། གློག་སྟུག་འོད་ཅེས་བྱ་བ་དང་གློག་འོད་ཅེས་བྱ་བ་དང་གློག་མཛེས་ཕྲེང་ཅན་ཞེས་བྱ་བ་འཁོར་གློག་བརྒྱ་སྟོང་དུ་མ་དང་ལྡན་པ་དག་ཀྱང་ཤིང་ས་ལ་སྣ་ཚོགས་ཀྱི་རྒྱལ་མཚན་བཀོད་པའི་ནག་ཚལ་
སྟུག་པོ་ག་ལ་བ་དང་། བཅོམ་ལྡན་འདས་ག་ལ་བ་དེར་སོང་སྟེ་ཕྱིན་ནས། བཅོམ་ལྡན་འདས་ཀྱི་ཞབས་ལ་མགོ་བོས་ཕྱག་འཚལ་ཏེ་ཕྱོགས་གཅིག་ཏུ་འཁོད་དོ། །རིའི་རྒྱལ་པོ་རི་རབ་དང་རིའི་རྒྱལ་པོ་སྤོས་ཀྱི་ངད་ལྡང་དང་རིའི་རྒྱལ་པོ་གངས་
རི་དང་རིའི་རྒྱལ་པོ་འབིགས་བྱེད་དང་། རིའི་རྒྱལ་པོ་མ་ལ་ཡ་དང་རིའི་རྒྱལ་པོ་དབང་ཆེན་དང་རིའི་རྒྱལ་པོ་མི་མཇེད་ཅན་དང་རིའི་རྒྱལ་པོ་རྩེ་མོ་བརྒྱ་པ་དང་རིའི་རྒྱལ་པོ་སྣ་ཚོགས་བརྩེགས་དང་རིའི་རྒྱལ་པོ་རིག་སྔགས་འཆང་དང་། རིའི་
རྒྱལ་པོ་གཞན་དག་ཀྱང་ཤིང་ས་ལ་སྣ་ཚོགས་ཀྱི་རྒྱལ་མཚན་བཀོད་པའི་ནགས་ཚལ་སྟུག་པོ་ག་ལ་བ་དང་བཅོམ་ལྡན་འདས་ག་ལ་བ་དེར་སོང་སྟེ་ལྷགས་ནས་བཅོམ་ལྡན་འདས་ཀྱི་ཞབས་ལ་མགོ་བོས་ཕྱག་འཚལ་ནས་
ཕྱོགས་གཅིག་ཏུ་འཁོད་དོ། །གཤིན་རྗེ་དང་མཚན་མོ་ནག་མོ་དང་བེ་ཅོན་ནག་མོ་ཅན་དང་སྐྱེས་བུ་ནག་པོ་དང་འཆི་བདག་དང་དཔལ་བྱིན་མ་དང་རྣ་ནག་མ་ཡང་ཤིང་ས་ལ་སྣ་ཚོགས་ཀྱི་རྒྱལ་མཚན་བཀོད་པའི་ནགས་ཚལ་སྟུག་པོ་
ག་ལ་བ་དང་། བཅོམ་ལྡན་འདས་ག་ལ་བ་དེར་སོང་སྟེ་ལྷགས་ནས་བཅོམ་ལྡན་འདས་ཀྱི་ཞབས་ལ་མགོ་བོས་ཕྱག་འཚལ་ཏེ་ཕྱོགས་གཅིག་ཏུ་འཁོད་དོ། །དཀའ་ཐུབ་ཟློག་མ་དང་ཙ་མུཎ་ཌ་དང་དྲག་པོའི་ཆུང་མ་དང་ཚངས་པའི་
ཆུང་མ་དང་ཁྱབ་འཇུག་གི་ཆུང་མ་དང་གཞོན་ནུའི་ཆུང་མ་དང་ལུས་ངན་གྱི་ཆུང་མ་དང་ཕག་གི་ཆུང་མ་དང་འཇིགས་བྱེད་ཆེན་པོའྀ་ཆུང་མ་དང་ཤིང་ས་ལ་སྣ་ཚོགས་ཀྱི་རྒྱལ་མཚན་བཀོད་པའི་ནགས་ཚལ་སྟུག་པོ་ག་ལ་བ་དང་
བཅོམ་ལྡན་འདས་ག་ལ་བ་དེར་སོང་སྟེ་ལྷགས་ནས་བཅོམ་ལྡན་འདས་ཀྱི་ཞབས་ལ་མགོ་བོས་ཕྱག་འཚལ་ཏེ་ཕྱོགས་གཅིག་ཏུ་འཁོད་དོ། །ཆུ་ཀླུང་ཆེན་པོ་གང་གཱ་དང་ཆུ་ཀླུང་ཆེན་པོ་སི་ཏ་དང་ཆུ་ཀླུང་ཆེན་པོ་དབྱངས་ཅན་

94-1-15a

དང་ཆུ་ཀླུང་ཆེན་པོ་བི་སྟ་དང་། ཆུ་ཀླུང་ཆེན་པོ་ཟླ་བའི་ཆ་ཅན་དང་ཆུ་ཀླུང་ཆེན་པོ་ཡ་མུན་ན་དང་ཆུ་ཀླུང་ཆེན་པོ་ཀུན་གྱི་བཤེས་གཉེན་དང་ཆུ་ཀླུང་ཆེན་པོ་མགྱོགས་ལྡན་དང་། ཆུ་ཀླུང་ཆེན་པོ་མཚོ་སྟེན་དང་ཆུ་ཀླུང་ཆེན་
པོ་བ་གླང་སྦྱིན་མཆོག་ལྡན་དང་ཆུ་ཀླུང་ཆེན་པོ་བརྩེ་བ་སྦྱིན་ཡང་ཤིང་སཱ་ལ་སྣ་ཚོགས་ཀྱི་རྒྱལ་མཚན་བཀོད་པའི་ནགས་ཚལ་སྟུག་པོ་ག་ལ་བ་དང་། བཅོམ་ལྡན་འདས་ག་ལ་བ་དེར་སོང་སྟེ་ལྷགས་ནས་བཅོམ་ལྡན་འདས་ཀྱི་
ཞབས་ལ་མགོ་བོས་ཕྱག་འཚལ་ཏེ་ཕྱོགས་གཅིག་དུ་འཁོད་དོ། །དྲི་ཟའི་རྒྱལ་པོ་སྣ་ཚོགས་ཕྲེང་བ་ཅན་དང་དྲི་ཟའི་རྒྱལ་པོ་འཕྲོག་པོ་དང་དྲི་ཟའི་རྒྱལ་པོ་ཤུགས་ཆེན་དང་། དྲི་ཟའི་རྒྱལ་པོ་རྣམ་པར་གནོན་པ་དང་དྲི་ཟའི་རྒྱལ་པོ་
ཆུ་སྐྱེས་དང་། དྲི་ཟའི་རྒྱལ་པོ་ཨུཏྤ་ལ་ལྟ་བུའི་མིག་དང་དྲི་ཟའི་རྒྱལ་པོ་ཙན་དན་བརྩེགས་ཀྱང་ཤིང་ས་ལ་སྣ་ཚོགས་ཀྱི་རྒྱལ་མཚན་བཀོད་པའི་ནགས་སྟུག་པོ་ག་ལ་བ་དང་བཅོམ་ལྡན་འདས་ག་ལ་བ་དེར་སོང་སྟེ་ལྷགས་ནས་བཅོམ་ལྡན་
འདས་ཀྱི་ཞབས་ལ་མགོ་བོས་ཕྱག་འཚལ་ཏེ་ཕྱོགས་གཅིག་ཏུ་འཁོད་དོ། །རིག་སྔགས་འཆང་གི་རྒྱལ་པོ་ཏོག་དང་། རིག་སྔགས་འཆང་གི་རྒྱལ་པོ་ཉེ་བའི་ཏོག་དང་། རིག་སྔགས་འཆང་གི་རྒྱལ་པོ་རབ་གཏུམ་དང་རིག་སྔགས་འཆང་
གི་རྒྱལ་པོ་བསྙེམས་ལྡན་དང་རིག་སྔགས་འཆང་གི་རྒྱལ་པོ་ཤུགས་འཆང་དང་། རིག་སྔགས་འཆང་གི་རྒྱལ་པོ་སྣ་ཚོགས་སྡེ་དང་རིག་སྔགས་འཆང་གི་རྒྱལ་པོ་དེ་དག་དང་གཞན་ཡང་འཁོར་རིག་སྔགས་འཆང་གི་རྒྱལ་པོ་བརྒྱ་
སྟོང་དུ་མ་དང་ལྡན་པ་དག་ཀྱང་ཤིང་ས་ལ་སྣ་ཚོགས་ཀྱི་རྒྱལ་མཚན་བཀོད་པའི་ནགས་ཚལ་སྟུག་པོ་ག་ལ་བ་དང་། བཅོམ་ལྡན་འདས་ག་ལ་བ་དེར་སོང་སྟེ་ལྷགས་ནས་བཅོམ་ལྡན་འདས་ཀྱི་ཞབས་ལ་མགོ་བོས་ཕྱག་འཚལ་ཏེ་ཕྱོགས་
གཅིག་ཏུ་འཁོད་དོ། །སྲིན་མོ་སོ་ཅན་ཞེས་བྱ་བ་དང་སྲིན་མོ་གཡེངས་བྱེད་ཅེས་བྱ་བ་དང་སྲིན་མོ་མཚན་མོ་རྒྱུ་ཞེས་བྱ་བ་དང་། སྲིན་མོ་འཆལ་མ་ཞེས་བྱ་བ་དང་སྲིན་མོ་རྨོངས་བྱེད་ཅེས་བྱ་བ་དང་། སྲིན་མོ་རྒོད་མ་ཞེས་བྱ་བ་དང་། 

94-1-15b

སྲིན་མོ་རྡོ་རྗེ་ལྟ་བུའི་ལྟོ་ཞེས་བྱ་བ་དང་སྲིན་མོ་བུམ་ལྟོ་མ་ཞེས་བྱ་བ་དང་། སྲིན་མོ་ཟངས་འདབ་ཅན་ཞེས་བྱ་བ་དང་། སྲིན་མོ་གློག་ལྕེ་མ་ཞེས་བྱ་བ་དང་། སྲིན་མོ་པུན་ཙ་ལེ་ཞེས་བྱ་བ་དང་སྲིན་མོ་བོང་མོ་ཞེས་བྱ་བ་དང་སྲིན་མོ་
འཇིགས་སུ་རུང་མ་ཞེས་བྱ་བ་དང་སྲིན་མོ་ཞིབ་མ་ལྟ་བུའི་སེན་མོ་ཅན་ཞེས་བྱ་བ་དང་། སྲིན་མོ་ཆེན་མོ་དེ་དག་དང་གཞན་ཡང་སྲིན་མོ་འཁོར་དུ་མ་དང་ལྡན་པ་དག་ཀྱང་ཤིང་སཱ་ལ་སྣ་ཚོགས་ཀྱི་རྒྱལ་མཚན་བཀོད་པའི་ནགས་ཚལ་
སྟུག་པོ་ག་ལ་བ་དང་བཅོམ་ལྡན་འདས་ག་ལ་བ་དེར་སོང་སྟེ་ལྷགས་ནས་བཅོམ་ལྡན་འདས་ཀྱི་ཞབས་ལ་མགོ་བོས་ཕྱག་འཚལ་ཏེ་ཕྱོགས་གཅིག་ཏུ་འཁོད་དོ། །འབྱུང་པོའི་རྒྱལ་པོ་མདུང་ཅན་དང་འབྱུང་པོའྀ་རྒྱལ་པོ་གཤོལ་
ཅན་དང་འབྱུང་པོའྀ་རྒྱལ་པོ་གཏུན་ཤིང་ཅན་དང་འབྱུང་པོའི་རྒྱལ་པོ་གཤོལ་འཛིན་དང་འབྱུང་པོའྀ་རྒྱལ་པོ་འགུགས་བྱེད་དང་། འབྱུང་པོའྀ་རྒྱལ་པོ་ཡང་དག་འགུགས་བྱེད་དང་། འབྱུང་པོའི་རྒྱལ་པོ་གཉའ་དྲག་འཁོར་འབྱུང་
པོ་བརྒྱ་སྟོང་དུ་མ་དང་ལྡན་པ་ཡང་ཤིང་སཱ་ལ་སྣ་ཚོགས་ཀྱི་རྒྱལ་མཚན་བཀོད་པའི་ནགས་ཚལ་སྟུག་པོ་ག་ལ་བ་དང་བཅོམ་ལྡན་འདས་ག་ལ་བ་དེར་དོང་སྟེ་ལྷགས་ནས་བཅོམ་ལྡན་འདས་ཀྱི་ཞབས་ལ་མགོ་བོས་ཕྱག་འཚལ་
ཏེ་ཕྱོགས་གཅིག་ཏུ་འཁོད་དོ། །ཤ་ཟ་ཐམས་ཅད་དང་། མདངས་འཕྲོག་པ་ཐམས་ཅད་དང་། གནོན་པོ་ཐམས་ཅད་དང་། གྲིབ་གནོན་ཐམས་ཅད་དང་། ཡི་དགས་ཐམས་ཅད་དང་བདུད་ཐམས་ཅད་དང་བདུད་ཀྱི་རིས་
ཀྱི་ལྷ་ཐམས་ཅད་དང་། སྟོབས་པོ་ཆེའི་ཚོགས་ཀྱི་བདག་པོ་དང་། དེ་དག་ཐམས་ཅད་ཤིང་སཱ་ལ་སྣ་ཚོགས་ཀྱི་རྒྱལ་མཚན་བཀོད་པའི་ནགས་ཚལ་སྟུག་པོ་ག་ལ་བ་དང་། བཅོམ་ལྡན་འདས་ག་ལ་བ་དེར་སོང་སྟེ་ལྷགས་ནས་
བཅོམ་ལྡན་འདས་ཀྱི་ཞབས་ལ་མགོ་བོས་ཕྱག་འཚལ་ཏེ་ཕྱོགས་གཅིག་ཏུ་འཁོད་དོ། །སྲིན་མོ་བཞི་གང་ཡིན་པ་དེ་དག་ཀྱང་ཕྱོགས་བཞི་ནས་ལྷགས་ཏེ་གཅིག་ཏུ་འདུས་ནས་བཅོམ་ལྡན་འདས་ག་ལ་བ་དེར་སོང་སྟེ་ལྷགས་ནས་བཅོམ་

94-1-16a

ལྡན་འདས་ཀྱི་ཞབས་ལ་མགོ་བོས་ཕྱག་འཚལ་ཏེ་ཕྱོགས་གཅིག་ཏུ་འཁོད་དོ། །དེའི་ཚེ་ཤིང་སཱ་ལ་སྣ་ཚོགས་ཀྱི་རྒྱལ་མཚན་བཀོད་པའི་ནགས་ཚལ་སྟུག་པོ་ཤིན་ཏུ་ཡངས་ཤིང་ཐ་གྲུ་ཆེ་ལ་ཀ་ཙ་ལིན་ད་ཀ་
ལྟར་རེག་ན་བདེ་བར་གྱུར་ཅིང་། ས་གཞི་རྡོ་རྗེ་དང་བཻ་དཱུརྱ་དང་སྤུག་གི་ཁ་ཁྱེར་གྱིས་རྣམ་པར་ཕྱེ་བ། ངོས་གཉིས་ཀའི་སྒོ་ཁང་དང་རྟ་བབས་དང་སྐར་ཁུང་གིས་བརྒྱན་ཏེ་མཛེས་པར་བྱས་པ་སྟེང་དུ་རིན་པོ་ཆེ་ཆེན་པོའྀ་དྲིལ་བུ་
གཡེར་ཀའི་དྲ་བ་བྲེས་པ། མུ་ཏིག་གི་དོ་ཤལ་མང་པོ་སྤྱངས་པ་དར་གྱི་ལྡ་ལྡིང་མང་པོ་བྲེས་པ་སིལ་སྙེན་དང་ཕེག་རྡོབ་པ་སྙན་ཅིང་ཡིད་དུ་འོང་བའི་སྒྲ་འབྱིན་པ། ལྷའི་མེ་ཏོག་ཨུཏྤ་ལ་དང་ཀུ་མུ་ད་དང་པད་མ་དཀར་པོ་དང་དྲི་མཆོག་གིས་ས་ཕྱོགས་
དེ་བཀྲམ་པར་གྱུར་ཏེ། འདི་ལྟར་སངས་རྒྱས་ཀྱི་བྱིན་གྱིས་བརླབས་དང་། སངས་རྒྱས་ཀྱི་རྫུ་འཕྲུལ་གྱིས་ཤིང་སཱ་ལ་སྣ་ཚོགས་ཀྱི་རྒྱལ་མཚན་བཀོད་པའི་ནགས་ཚལ་སྟུག་པོ་ཐམས་ཅད་རྡོ་རྗེ་ཆེན་པོའྀ་འཁོར་ཡུག་གི་རིས་
བསྐོར་བ་རྡོ་རྗེའི་དཀྱིལ་འཁོར་གྱི་འཁྱམས་སུ་གྱུར་པ་ཆུ་ཞེང་དཔག་ཚད་འབུམ་ཕྲག་བཅུ་པ་དུས་ཐམས་ཅད་པའི་མེ་ཏོག་གིས་ལེགས་པར་བརྒྱན་པ། ལྷའི་ཆུ་ཡན་ལག་བརྒྱད་དང་ལྡན་པས་ཕྱོགས་ཆ་ཡོངས་སུ་གང་
བ་བྱང་ཆུབ་སེམས་དཔའི་ལས་ཀྱིས་བྱུང་བ་སྟེ་དཔེར་ན་གཞན་འཕྲུལ་དབང་བྱེད་ཀྱི་རྒྱལ་པོའི་གནས་དག་པའི་ལས་ཀྱིས་བྱུང་བ་ལྷན་ནེ་ལྷང་ངེ་གནས་པ་དེ་བཞིན་དུ་ཤིང་སཱ་ལ་སྣ་ཚོགས་ཀྱི་རྒྱལ་མཚན་བཀོད་པའི་ནགས་
ཚལ་སྟུག་པོ་ཡང་། བཅོམ་ལྡན་འདས་ཀྱི་མཐུས་ལྷན་ནེར་རྣམ་པར་མཛེས་སོ། །དེ་ནས་བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཤཱཀྱ་ཐུབ་པ་རྡོ་རྗེའི་འབྱུང་གནས་ཤེས་
བྱ་བའི་ཏིང་ངེ་འཛིན་ལ་སྙོམས་པར་ཞུགས་སོ། །བཅོམ་ལྡན་འདས་ཀྱིས་མཉམ་པར་གཞག་མ་ཐག་ཏུ་དེ་བཞིན་གཤེགས་པ་ཐམས་ཅད་ཀྱིས་ལེགས་སོ་ཞེས་བྱ་བའི་གསུང་ཕྱུང་སྟེ། རྡོ་རྗེ་འབྱུང་གནས་ཞེས་བྱ་བའི་སྙིང་པོ་འདི་

94-1-16b

གསུངས་སོ། །དཔའ་བོ་ཆེན་པོ་ལེགས་སོ་ལེགས། །རྡོ་རྗེ་འབྱུང་གནས་སྟོབས་པོ་ཆེ། །ཤཱཀྱ་སེང་གེ་སྐྱོབ་པ་ཡི། །འཁོར་གྱི་དཀྱིལ་འཁོར་འདི་ལ་ནི། །རྡོ་རྗེ་སྟོབས་ཆེན་བསྲུང་བར་གྱིས། །ན་མཿསརྦ་ཏ་ཐཱ་ག་ཏེ་བྷྱཿསརྦ་མུ་ཁེ་བྷྱཿ
སྭཱ་ཧཱ། རྡོ་རྗེ་འབྱུང་གནས་ཀྱི་སྙིང་པོའྀ་མཆོག་འདི་གསུངས་མ་ཐག་ཏུ་འཁོར་གྱི་དཀྱིལ་འཁོར་ཐམས་ཅད་དང་། འཇིག་རྟེན་གྱི་ཁམས་རབ་འབྱམ་ཐམས་ཅད་དུ་རྡོ་རྗེའི་འབྱུང་གནས་ཀྱི་སྙིང་པོ་སྒྲ་གཅིག་ནས་གཅིག་ཏུ་འུར་ཞེས་གྲགས་
པར་གྱུར་ཏེ། རྡོ་རྗེ་འབྱུང་གནས་དཔའ་བོ་ཆེ། །སེམས་ཅན་ཀུན་ལ་ཕན་མཛད་པ། །འཁོར་གྱི་དཀྱིལ་འཁོར་འདི་ལ་ནི། །ཐུབ་པ་ཆེན་པོས་བྱིན་གྱིས་རློབས། །རྟག་ཏུ་སྲོག་ཆགས་ཐམས་ཅད་ཀྱང་། །སྙིང་པོ་འདི་ནི་འཛིན་གྱུར་ཅིག །
དེས་ན་འདིར་ནི་དེ་དག་ཀུན། །ཚུལ་ཆེན་དངོས་གྲུབ་ཐོབ་པར་ཤོག །ཅེས་གྲགས་སོ། །དེ་ནས་བཅོམ་ལྡན་འདས་ཤཱཀྱ་ཐུབ་པས་ཐམས་ཅད་དང་ལྡན་པའི་འཁོར་ལ་གཟིགས་ནས། ཀུན་ཏུ་བཟང་པོ་དང་བྱམས་པ་དང་། འཇམ་དཔལ་
ལ་སོགས་པ་བྱང་ཆུབ་སེམས་དཔའ་རྣམས་ལ་བཀའ་སྩལ་པ། རིགས་ཀྱི་བུ་དག་བཅོམ་ལྡན་འདས་རྣམ་པར་སྣང་མཛད་ཀྱི་སྔོན་གྱི་བྱང་ཆུབ་སེམས་དཔའི་སྤྱོད་པ་གང་རྣམ་པར་དག་པའི་སྒོ་ལ་འཇུག་པའི་མཛོད་ཀྱི་སྙིང་པོ་ཞེས་བྱ་བའི་གསང་
སྔགས་ལ་འཇུག་པ་གསང་སྔགས་ཀྱི་སྒོ་བྱང་ཆུབ་སེམས་དཔའི་སྤྱོད་པའི་རྗེས་སུ་འབྲང་བ། བྱང་ཆུབ་སེམས་དཔའ་རྣམས་ཀྱི་ཐེག་པ་ཆེན་པོའི་གནས་རྡོ་རྗེ་ཡེ་ཤེས་ཀྱི་དབང་བསྐུར་བ་གསང་བའི་དཀྱིལ་འཁོར་ཐམས་ཅད་མཁྱེན་པའི་
ཡེ་ཤེས་ཡང་དག་པར་སྟོན་པ་ཡིད་བཞིན་གྱི་ནོར་བུའི་རྒྱལ་པོ་ལྟ་བུ་འཕྲལ་དུ་འབྲས་བུ་མང་བ་བྱང་ཆུབ་སེམས་དཔའི་གསང་ཆེན་བྱང་ཆུབ་སེམས་དཔས་ལེགས་པར་བརྗོད་པ་བྱང་ཆུབ་སེམས་དཔའི་མིག་འཕྲུལ་བྱང་ཆུབ་སེམས་དཔའི་སྒྱུ་མས་
རྣམ་པར་རོལ་པ་དེ་བཞིན་གཤེགས་པ་ཐམས་ཅད་ཀྱི་དམ་ཚིག་ཉན་ཐོས་དང་རང་སངས་རྒྱས་ཐམས་ཅད་ཀྱིས་ཀྱང་ཡོངས་སུ་མི་ཤེས་ན་སེམས་ཅན་གཞན་དག་གིས་ཤེས་པར་འགྱུར་བ་ལྟ་ཅི་སྨོས་ཏེ། གཞན་དུ་ན་བྱང་ཆུབ་སེམས་དཔའ་སེམས་དཔའ་

94-1-17a

ཆེན་པོ་གཞན་གྱི་དྲིང་མི་འཇོག་པ་དང་དེ་བཞིན་གཤེགས་པའི་རིགས་སུ་འབྱུང་བ་དང་། དེ་བཞིན་གཤེགས་པ་ཐམས་ཅད་ཀྱིས་བྱིན་གྱིས་བརླབས་པ་དག་ནི་མ་གཏོགས་ཏེ་རྡོ་རྗེ་ཆེན་པོའི་ཡེ་ཤེས་དབང་བསྐུར་བའི་དཀྱིལ་འཁོར་
ལག་ན་རྡོ་རྗེ་དབང་ཆེན་པོ་བསྐུར་བ་ཞེས་བྱ་བ་གསང་བའི་མཆོག་ཡོད་དོ། །དེ་ནས་བྱང་ཆུབ་སེམས་དཔའ་ཀུན་ཏུ་བཟང་པོ་ལ་སོགས་པ་དང་ཐམས་ཅད་དང་ལྡན་པའི་འཁོར་དེས་མགྲིན་གཅིག་ཏུ་ཚིག་སྨྲས་པ། བཅོམ་ལྡན་འདི་ནི་དུས་ལགས་སོ། །
བདེ་བར་གཤེགས་པ་འདི་ནི་ཚོད་ལགས་སོ། །དེ་ནས་བཅོམ་ལྡན་འདས་སྔོན་གྱི་སྤྱོད་པ་ཡང་དག་པར་སྟོན་པ་བསྒྲུབ་པའི་སྙིང་པོ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས་སྔོན་གྱི་སྤྱོད་པ་རྣམ་པར་དག་པའི་སྒོ་རྡོ་རྗེ་ཆེན་པོའྀ་འབྱུང་
གནས་གསང་སྔགས་ཀྱི་རྒྱལ་པོ་འདི་གསུངས་སོ། །ན་མཿསརྦ་མུ་ཁེ་བྷྱཿསརྦ་ཏ་ཐཱ་ག་ཏེ་བྷྱཿསརྦ་ཐཱ་ཁྃ། གསང་སྔགས་ཀྱི་རྒྱལ་པོ་གསུངས་མ་ཐག་ཏུ་དེ་ནས་ཐམས་ཅད་དང་ལྡན་པའི་འཁོར་དེ་ངོ་མཚར་དུ་གྱུར་པའི་སྙིང་གིས་མགྲིན་གཅིག་ཏུ་
ཚིག་སྨྲས་པ། ཀྱེ་མ་ཡེ་ཤེས་སྐྱིད་པ་ཆེ། །བསམ་གཏན་བདེ་བ་མཆོག་ཐོབ་པ། །ཀུན་ཀྱང་དེའི་དབང་དུ་བྱས། །དེ་ནས་བཅོམ་ལྡན་འདས་ཀྱིས་ཐམས་ཅད་དང་ལྡན་པའི་འཁོར་དེ་ངོ་མཚར་རྩེ་གཅིག་ཏུ་གྱུར་པར་མཁྱེན་ནས། དཔལ་བེའུ་
ལས་བྱང་ཆུབ་སེམས་དཔའ་ཐམས་ཅད་བསྐུལ་བ་ཞེས་བྱ་བའི་འོད་ཟེར་ཕྱུང་ངོ་། །དེ་བྱུང་ནས་བྱང་ཆུབ་སེམས་དཔའི་གནས་ཐམས་ཅད་སྣང་བར་བྱས་ཏེ། ཡང་བཅོམ་ལྡན་འདས་ཀྱི་དཔལ་བེའུ་ཉིད་དུ་ཞུགས་སོ། །དེའི་ཚེ་བྱང་ཆུབ་
སེམས་དཔའ་སེམས་དཔའ་ཆེན་པོ་ཀུན་དུ་བཟང་པོ་ཞེས་བྱ་བའི་འཇིག་རྟེན་གྱི་ཁམས་མེ་ཏོག་གི་གཞིའི་སྙིང་པོའི་རྒྱན་བཀོད་པ་འདི་ཐམས་ཅད་དུ་བཅོམ་ལྡན་འདས་རྣམ་པར་སྣང་མཛད་ཀྱི་སྔོན་གྱི་སྤྱོད་པ་སྟོན་པར་སྨོན་ལམ་བཏབ་ནས་གནོད་སྦྱིན་
འདུལ་བའི་དབང་ཉེ་བར་བཟུང་སྟེ་དབུས་ཀྱི་འཛམ་བུའི་གླིང་མི་མཇེད་འདིར་ལྕང་ལོ་ཅན་དུ་གནོད་སྦྱིན་གྱི་སྡེ་དཔོན་ཆེན་པོ་འབྲོག་གནས་ཀྱི་གནས་ན་གནས་པ་དེའི་འོད་ཟེར་གྱི་སྣང་བ་དེས་སྣང་བར་གྱུར་ནས། མིག་དང་བཞིན་རྒྱས་པར་གྱུར་

94-1-17b

ནས་ཆེད་དུ་བརྗོད་པ་འདི་ཆེད་དུ་བརྗོད་དེ་དེ་བཞིན་གཤེགས་པའི་བསམ་གྱིས་མི་ཁྱབ་པ་ཉིད་ཡིད་ལ་བྱེད་ཅིང་ཅང་མི་ཟེར་བར་འདུག་པར་གྱུར་ཏོ། །དེ་ནས་བཅོམ་ལྡན་འདས་ཀྱིས་དེའི་ཚེ་བྱང་ཆུབ་སེམས་དཔའ་ཀུན་ཏུ་བཟང་པོ་འོང་བར་འགྱུར་
བའི་བརྡ་མཛད་དེ་ཚིགས་སུ་བཅད་པ་ཡང་འདི་གསུངས་སོ། །སེམས་ཅན་དག་པ་ཟླ་བཞིན་ཚུར་གཤེགས་ཤིག །དེ་བཞིན་གཤེགས་པས་བྱིན་བརླབས་བྱང་ཆུབ་གཞོལ། །བསམ་ཡས་མཉམ་ཉིད་ལེགས་རྟོགས་ཁོང་ཆུད་ཁྱོད། །
རྟག་ཏུ་སངས་རྒྱས་བྱས་གཟོ་ཚུར་ཤོག་ཅིག །དུས་གསུམ་མཉམ་པ་ཉིད་ལ་རྟག་གནས་པ། །རྡོ་རྗེ་སེམས་དཔའ་རྡོ་རྗེ་མཆོག་ཚུར་ཤོག །ཕྱོགས་བཅུ་དག་ན་སངས་རྒྱས་ཅི་སྙེད་ཅིག །སེམས་ཅན་དོན་མཛོད་བསམ་ཡས་གཟུགས་
མངའ་བ། །དེ་དག་མ་ལུས་དོན་གྱི་མདུན་འགྲོ་ཁྱོད། །གསང་བའི་བདག་པོ་སེམས་ཅན་མཆོག་ཚུར་ཤོག །གསང་བའི་དམ་པ་སེམས་ཅན་སྙིང་པོ་ཚུར། །གདུལ་དཀའ་རྟག་འདུལ་དབང་ཐོབ་ཚུར་ཤོག་ཅིག །བརྟན་ཏེ་བྱུང་ལས་སྐྱེས་
པའོ། །དུས་དང་ཚོད་ཤེས་ཚུར་ཤོག་ཅིག །དམ་པ་ཐོབ་པ་ཚུར་ཤོག་ཅིག །དམ་པ་སྦྱིན་བྱེད་ཚུར་ཤོག་ཅིག །དཔལ་བྱེད་དཔལ་སྡུད་དཔལ་ལྡན་པ། །བདེ་བར་གཤེགས་པའི་སྲས་ཚུར་ཤོག །སེམས་ཅན་བཟང་པོ་སྟོབས་པོ་ཆེ། །
རྡོ་རྗེ་ལྟ་བུར་ཚུར་ཤོག་ཅིག །སངས་རྒྱས་སྲས་པོ་འཇིགས་མེད་པ། །སྟོབས་ཅན་རྣམས་ཀྱི་མཆོག་ཚུར་ཤོག །རྟག་ཏུ་སྲིད་པ་གསུམ་དེ་ཡི། །སྙིང་དགའ་བྱེད་པ་ཚུར་ཤོག་ཅིག །ཡང་དག་ལམ་ནི་སྟོན་བྱེད་པ། །སྟོབས་བཅུར་
གནས་པ་ཚུར་ཤོག་ཅིག །སེམས་ཅན་དག་པ་རྫུ་འཕྲུལ་ཆེ། །ཀུན་དུ་བཟང་པོ་ཚུར་ཤོག་ཅིག །ཀུན་དུ་མཛེས་པ་ཚུར་ཤོག་ཅིག །སྲིད་གསུམ་དབང་ཕྱུག་ཚུར་ཤོག་ཅིག །ཁྱོད་ནི་གཟུགས་བཟང་ཤིན་ཏུ་བརྒྱན། །
གླང་པོ་རྣ་བ་ཁྱོད་ཚུར་ཤོག །སྣ་ཚོགས་གཟུགས་ཅན་འཁྲུལ་མེད་ཁྱོད། །མཐོང་ན་དགའ་བ་ཚུར་ཤོག་ཅིག །འགྲོ་ལྡིང་བ་ཡི་གཟུགས་ཅན་ཚུར། །ཚུར་ཤོག་ནཱ་ད་ཀུ་ར་བ། །རྟག་ཏུ་སྣ་ཚོགས་གྲོས་ཕྲེང་འཆང་། །ཅོད་པན་

94-1-18a

མགུལ་པ་ཚུར་ཤོག་ཅིག །མི་འཇིགས་ཐོབ་པ་ཚུར་ཤོག་ཅིག །འཇིགས་པ་འཇིགས་པ་ཚུར་ཤོག་ཅིག །སངས་རྒྱས་སྲས་པོ་རྫུ་འཕྲུལ་ཆེ། །ཕྱི་ཤོལ་མ་བྱེད་ཚུར་ཤོག་ཅིག །དེ་ནས་བཅོམ་ལྡན་འདས་
ཀྱིས་ཚིགས་སུ་བཅད་པ་འདི་དག་གསུངས་ནས་འོངས་པ་ལ་འཇིགས་པ་མེད་པའི་སྒོའྀ་རིག་སྔགས་ཀྱི་རྒྱལ་མོ་གསུངས་པ། ན་མཿ སརྦ་མུ་ཁེ་བྷྱཿ སརྦ་ཏ་ཐཱ་ག་ཏེ་བྷྱཿ སརྦ་ཐཱ་ཨ་བིསྨ་ཡེ་བེ་ཤ་ར་རྱ་མྱ་ཁེ་བྷ་ག་བ་ཏི་བཛྲ་ཨ་མ་ལི་ནྀ་མ་པི་
ལྃ་པ་སྭཱ་ཧཱ། བཅོམ་ལྡན་འདས་ཀྱིས་མི་འཇིགས་པའི་སྒོའྀ་རིག་སྔགས་ཀྱི་རྒྱལ་མོ་འདི་བཀའ་སྩལ་ནས་ཅང་མི་གསུང་བར་བཞུགས་པར་གྱུར་ཏོ། །དེ་ནས་བཅོམ་ལྡན་འདས་ཀྱིས་རིག་སྔགས་ཀྱི་རྒྱལ་མོ་འདིས་བསྐུལ་བས། 
བྱང་ཆུབ་སེམས་དཔའ་ཀུན་དུ་བཟང་པོས་གནོད་སྦྱིན་གྱི་ཚོགས་ཐམས་ཅད་ལ་སྨྲས་པ། གྲོགས་པོ་དག་ཚུར་གཤེགས། བཅོམ་ལྡན་འདས་དེ་ལ་བལྟ་བ་དང་ཕྱག་བྱ་བ་དང་བསྙེན་བཀུར་བྱ་བའི་ཕྱིར་བྱང་ཆུབ་སེམས་དཔའ་དུ་མའི་
ཚོགས་ཀྱིས་ནི་བསྐོར། ཉན་ཐོས་བརྒྱ་སྟོང་དུ་མས་ནི་བསྐོར། ལྷ་དང་ཀླུ་དང་གནོད་སྦྱིན་དང་དྲི་ཟ་དང་ལྷ་མ་ཡིན་དང་ནམ་མཁའ་ལྡིང་དང་མི་འམ་ཅི་དང་ལྟོ་འཕྱེ་ཆེན་པོ་དང་མི་དང་མི་མ་ཡིན་པ་བྱེ་བ་སྟོང་ཕྲག་དུ་མས་ཡོངས་སུ་བསྐོར་
ཅིང་མདུན་དུ་བདར་ཏེ་ཤིང་སཱ་ལ་སྣ་ཚོགས་ཀྱི་རྒྱལ་མཚན་བཀོད་པའི་ནགས་ཚལ་སྟུག་པོ་ག་ལ་བ་དང་། བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཤཱཀྱ་ཐུབ་པ་བཞུགས་
པ་ག་ལ་བ་དེར་འདོང་ངོ་། །དེ་ནས་གནོད་སྦྱིན་གྱི་ཚོགས་དེ་དག་དང་གནོད་སྦྱིན་གཞོན་ནུ་རྣམས་ཀྱིས་མགྲིན་གཅིག་ཏུ་ཚིག་སྨྲས་པ། སེམས་ཅན་ཆེན་པོ་བཀའ་སྩལ་པ་བཞིན་དུ་བཅོམ་ལྡན་འདས་ཤཱཀྱ་ཐུབ་པ་དེ་ལ་
བལྟ་བ་དང་ཕྱག་བགྱི་བ་དང་བསྙེན་བཀུར་བགྱི་བ་དང་ཐམས་ཅད་དང་ལྡན་པའི་འཁོར་དེ་ལ་ཡང་བལྟ་བ་དང་ཕྱག་བགྱི་བ་དང་བསྙེན་བཀུར་བགྱི་བའི་སླད་དུ། ཤིང་ས་ལ་སྣ་ཚོགས་ཀྱི་རྒྱལ་མཚན་བཀོད་པའི་ནགས་ཚལ་

94-1-18b

སྟུག་པོ་ག་ལ་བ་དེར་བཞུད་དོ། །དེ་ནས་བྱང་ཆུབ་སེམས་དཔའ་ཀུན་དུ་བཟང་པོ་དེའི་ཚེ་རྒྱན་སྣ་ཚོགས་ཤེས་བྱ་བའི་ཏིང་ངེ་འཛིན་སྤྱོད་པ་ཐམས་ཅད་ཀྱི་རྒྱུ་མཐུན་པ་སྟོན་པ་ལ་སྙོམས་པར་ཞུགས་སོ། །བྱང་ཆུབ་སེམས་དཔའ་
ཀུན་དུ་བཟང་པོས་ཏིང་ངེ་འཛིན་དེ་ལ་སྙོམས་པར་ཞུགས་མ་ཐག་ཏུ་དེ་ནས་དེའི་མོད་ལ་རྣམ་པར་སྣང་མཛད་ཀྱི་རྒྱན་བཀོད་པའི་ཁང་པ་བརྩེགས་པ་སྟོང་གསུམ་གྱི་སྟོང་ཆེན་པོའྀ་འཇིག་རྟེན་གྱི་ཁམས་ཙམ་དུ་ཡངས་ཤིང་
རྒྱ་ཆེ་བ་ནོར་བུ་ཆེན་པོའི་ཀ་བ་བྱེ་བ་ཁྲག་ཁྲིག་བརྒྱ་སྟོང་དུ་མ་ཟུག་པ། སྒོ་ཁང་དང་རྟ་བབས་དང་སྟེགས་བུ་དུ་མས་བརྒྱན་པ་འཛམ་བུ་ཆུ་བོའི་གསེར་ལས་ཤིང་སཱ་ལ་གཅིག་པ་ལྟ་བུར་བྱས་པས་རྣམ་པར་
སྤྲས་པ་མཐའ་མཐར་ཕུག་རོན་ལྟ་བུའི་ཕྲེང་གིས་མཛེས་པར་བྱས་པ་མུ་ཏིག་སྣ་གཉིས་ཀའི་དྲ་བས་བྲེས་པ་རིན་པོ་ཆེའི་དྲིལ་བུ་གཡེར་ཀའི་དྲ་བས་སྟེང་གི་བར་སྣང་ཡོངས་སུ་བསྐོར་བ་ལྷའི་རས་བཅོས་མ་དང་
དར་གྱི་ལྡ་ལྡི་མང་པོ་བྲེས་པས་མཛེས་པར་བྱས་པ། ལྷའི་སིལ་སྙན་དང་ཕེབ་རྡོབ་པ་སྙན་ཅིང་ཡིད་དུ་འོང་བའི་སྒྲ་འབྱིན་པ། ལྷའི་བུ་མོ་བྱེ་བ་ཁྲག་ཁྲིག་བརྒྱ་སྟོང་གླུ་ལེན་གར་བྱེད་རོལ་མོ་བྱེད་ཅིང་སྙན་པར་སྨྲ་
ལ་གདུ་བུ་དང་རྣ་ཆ་གདུབ་འཁོར་གྱིས་བརྒྱན་ཅིང་ལྷའི་ལུས་དང་ལྡན་པ་རྣམས་ཀྱིས་གང་བ་རིན་པོ་ཆེ་ཆེན་པོའྀ་བླ་རེ་ཀུན་དུ་བྲེས་པ་ས་ཕྱོགས་བཻ་དཱུརྱ་ཆེན་པོས་ལེགས་པར་སྤྲས་པ། ཀ་ཙ་ལི་དི་ཀ་ལྟར་རེག་ན་བདེ་
བ་དུས་ཐམས་ཅད་པའི་མེ་ཏོག་གི་ཤིང་ལྗོན་པས་ལེགས་པར་བརྒྱན་པ་ལྷའི་རིན་པོ་ཆེའི་ཐེམ་སྐས་ཀྱི་ཕྲེང་གིས་རྣམ་པར་སྤྲས་པ། ངང་པ་དང་བཞད་དང་ངུར་པ་དང་ཤང་ཤང་ཏེའུ་དང་། ནེ་ཚོ་དང་རི་སྐེག་དང་རྨ་བྱ་དང་ཁྲུང་ཁྲུང་དང་
བྱའི་ཚོགས་དུ་མ་སྒྲ་འབྱིན་པ་དང་ལྷའི་མེ་ཏོག་ཨུཏྤ་ལ་དང་ཀུ་མུ་ཏ་དང་པད་མ་དཀར་པོ་དང་དྲི་མཆོག་དང་པད་མ་དང་ཀ་ལ་ར་ཀ་དང་ཡན་ལག་བརྒྱད་དང་ལྡན་པའི་ཆུས་གང་བའི་རྫིང་བྱང་ཆུབ་སེམས་དཔས་ཡོངས་སུ་སྤྱད་པར་བྱ་བ་ལྷའི་ཙན་དན་

94-1-19a

སྦྲུལ་གྱི་སྙིང་པོའྀ་རྫབ་ཀྱི་རྙོག་པ་ཅན་དག་གིས་ཀུན་ནས་མཛེས་པར་བྱས་པ་རྟག་ཏུ་རྒྱུན་མི་འཆད་པར་ཁང་པ་བརྩེགས་པ་དེར་ལྷའི་མེ་ཏོག་མན་དཱ་ར་བ་དང་པ་རུ་ཤ་ཀ་དང་པ་རུ་ཤ་ཀ་ཆེན་པོ་དང་ས་བརྡོལ་དང་ས་བརྡོལ་ཆེན་པོའི་
མེ་ཏོག་གི་ཆར་མངོན་པར་འབབ་པ། ཨ་ག་རུ་ནག་པོའི་བདུག་པའི་སྤྲིན་མང་པོས་ཁེབས་པར་རྣམ་པར་མཛེས་པར་བྱུང་བར་གྱུར་ཏེ། ཁང་པ་བརྩེགས་པ་དེའི་ནང་དུ་བྱང་ཆུབ་སེམས་དཔའ་ཐམས་ཅད་ཀྱི་སོ་སོའྀ་གནས་བསམ་པ་ཅི་ལྟ་བ་
བཞིན་དུ་ལས་ཀྱིས་བསྐྱེད་པ་དེ་དག་མངོན་པར་སྤྲུལ་ཏོ།  ཁང་པ་བརྩེགས་པ་དེ་དག་རེ་རེར་ཡང་རིན་པོ་ཆེའི་དབང་གི་རྒྱལ་པོ་ལ་སོགས་པ་ཡིད་བཞིན་གྱི་ནོར་བུ་བཅུ་དྲུག །རིན་པོ་ཆེའི་རྒྱལ་པོ་ལ་སོགས་པ་ཅི་ལྟར་འདོད་པ་བཞིན་དུ་ཡོངས་སུ་
སྤྱད་པར་བྱ་བ་སེམས་ཅན་ཐམས་ཅད་ཀྱི་བསམ་པ་ཡོངས་སུ་རྫོགས་པར་བྱེད་པའི་ནོར་བུ་རིན་པོ་ཆེ་ཆེན་པོ་དག་བཀོད་དོ། །རྣམ་པར་སྣང་མཛད་ཀྱི་རྒྱན་བཀོད་པའི་ཁང་པ་བརྩེགས་པ་ཐམས་ཅད་གདུགས་དང་རྒྱལ་མཚན་དང་བ་དན་བསྒྲེང་
བས་མཛེས་པར་བྱས་སོ། །ཁང་པ་བརྩེགས་པ་དེ་དག་ཏུ་ཡང་པད་མའི་སྙིང་པོའི་སེང་གེའི་ཁྲི་རྣམས་སྤྲུལ་ཏོ། །ཁང་པ་བརྩེགས་པ་ཐམས་ཅད་ཀྱང་བཻ་དཱུརྱ་ཆེན་པོ་གསལ་བའི་རང་བཞིན་ཅན་ཏེ། འདི་ལྟ་སྟེ་དཔེར་ན་ཤིན་ཏུ་ཕྱིས་པའི་མེ་
ལོང་ཅི་ལྟ་བ་བཞིན་དུ་རྣམ་པར་སྣང་མཛད་ཀྱི་རྒྱན་བཀོད་པའི་ཁང་པ་བརྩེགས་པ་ཡང་རང་བཞིན་གྱིས་རྣམ་པར་དག་ཅིང་གསལ་བ་སྟེ་བཻ་དཱུརྱ་གསལ་བའི་ཕྱིར་དེར་སྟོང་གསུམ་གྱི་སྟོང་ཆེན་པོའྀ་འཇིག་རྟེན་གྱི་ཁམས་ཐམས་ཅད་གཟུགས་
བརྙན་གྱི་ཚུལ་དུ་སྣང་ངོ་། །དབུས་སུ་ནི་བཅོམ་ལྡན་འདས་ཀྱི་སེང་གེའི་ཁྲི་འགྲོ་བ་ཐམས་ཅད་ཀྱི་བཀོད་པའི་སྙིང་པོ་རིན་པོ་ཆེའི་རྒྱལ་པོ་ལས་བྱས་པ་མངོན་པར་སྤྲུལ་ཏོ། །སེམས་ཅན་ཐམས་ཅད་ཉེ་བར་འཚོ་བའི་ཡོ་བྱད་ཀྱི་སྤྲིན་དག་
ཁང་པ་བརྩེགས་པ་དེར་ཀུན་ནས་རྟག་ཏུ་བབ་པར་མངོན་པར་སྤྲུལ་ཏེ་འདི་ལྟར་བྱང་ཆུབ་སེམས་དཔའ་ཀུན་དུ་བཟང་པོས་བཅོམ་ལྡན་འདས་རྣམ་པར་སྣང་མཛད་ཀྱི་སྔོན་གྱི་སྤྱོད་པ་རྒྱ་མཚོ་སྤྱད་པའི་ཕྱིར་རོ། །དེ་ལྟར་བཅོམ་ལྡན་འདས་

94-1-19b

ལ་མཆོད་པའི་ཕྱིར་མངོན་པར་སྤྲུལ་པ་ནས། བཅོམ་ལྡན་འདས་ལ་བལྟ་བ་དང་ཕྱག་བྱ་བ་དང་བསྙེན་བཀུར་བྱ་བ་དང་ཆོས་མཉན་པའི་ཕྱིར་གནོད་སྦྱིན་གྱི་ཚོགས་ཆེན་པོ་དང་ལྷན་ཅིག་ཏུ་གནོད་སྦྱིན་གཞོན་ནུ་བྱེ་བ་ཁྲག་ཁྲིག་བརྒྱ་སྟོང་མང་པོས་ཡོངས་སུ་
བསྐོར་ཅིང་མདུན་དུ་བདར་ནས་བྱང་ཆུབ་སེམས་དཔའི་རྫུ་འཕྲུལ་ཆེན་པོ་དང་བྱང་ཆུབ་སེམས་དཔའི་མཐུ་ཆེན་པོས་ཁང་པ་བརྩེགས་པ་དེ་ལག་པ་གཉིས་ཀས་བླངས་ཏེ་སྟེང་གི་བར་སྣང་ལས་བབས་ཏེ་ཤིང་སཱ་ལ་སྣ་ཚོགས་ཀྱི་རྒྱལ་མཚན་
བཀོད་པའི་ནགས་ཚལ་སྟུག་པོ་ག་ལ་བ་དང་། བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཤཱཀྱ་ཐུབ་པ་ག་ལ་བ་དེར་སོང་ངོ་། །ཁང་པ་བརྩེགས་པ་དེའི་འོད་ཀྱིས་ཤིང་སཱ་ལ་སྣ་ཚོགས་ཀྱི་རྒྱལ་
མཚན་བཀོད་པའི་ནགས་ཚལ་སྟུག་པོ་འདི་ཐམས་ཅད་སྣང་བ་ཆེན་པོས་ཁྱབ་པར་སྣང་བར་གྱུར་ནས་གང་དག་འཁོར་དེར་འདུས་ཤིང་འཁོད་པའི་ལྷ་དང་ཀླུ་དང་གནོད་སྦྱིན་དང་དྲི་ཟ་དང་མི་འམ་ཅི་དང་ལྟོ་འཕྱེ་ཆེན་པོ་དང་མི་དང་མི་མ་ཡིན་པ་དེ་དག་སྣང་བ་
དེས་སྣང་བར་བྱས་པས་ཕྱོགས་བཞིར་རྣམ་པར་བལྟས་པ་དང་སྟེང་གི་བར་སྣང་ལ་དཔག་ཚད་འབུམ་ཕྲག་དྲུག་ཅུ་རྩ་བརྒྱད་ན་མེའི་ཕུང་པོ་ཆེན་པོ་ལྟར་འབར་བའི་ཉི་མ་སྟོང་ལྟར་ལྷམ་མེར་རྣམ་པར་མཛེས་པར་མཐོང་ངོ་། །མཐོང་ནས་ཀྱང་
ཡ་མཚན་དུ་གྱུར་པའི་སྙིང་གིས་ཕན་ཚུན་རྣམ་པར་བལྟས་ནས་ཅང་མི་སྨྲ་བར་འཁོད་པར་གྱུར་ཏོ། །བྱང་ཆུབ་སེམས་དཔའ་སེམས་དཔའ་ཆེན་པོ་གང་དག་གཟུངས་ཐོབ་པ་དང་བཟོད་པ་ཐོབ་པ་དང་སྟོབས་ཐོབ་པ་དེ་དག་གིས་ཀྱང་རྣམ་པར་
བལྟས་ན་མེའི་ཕུང་པོ་ཆེན་པོ་ལྟར་འབར་བ་ཉི་མ་སྟོང་ལྟར་ལྷམ་མེར་རྣམ་པར་མཛེས་པར་མཐོང་ནས་དེ་དག་ཀྱང་ཡ་མཚན་དུ་གྱུར་པའི་སྙིང་གིས་བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་
ཤཱཀྱ་ཐུབ་པ་ལ་ཞུས་པ། བཅོམ་ལྡན་འདས་འདི་ནས་དཔག་ཚད་འབུམ་ཕྲག་དྲུག་བཅུ་རྩ་བརྒྱད་ཀྱི་སྟེང་གི་བར་སྣང་ལ་ལྷམ་མེ་ལྷན་ནེ་ལྷང་ངེར་གདའ་ཞིང་བཅོམ་ལྡན་འདས་རྟོགས་པར་དཀའ་བ་བརྗོད་པར་དཀའ་བ་འདི་ནི་ཅི་ལགས་དེ་

94-1-20a

སྐད་ཅེས་གསོལ་བ་དང་། བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཤཱཀྱ་ཐུབ་པས། བྱང་ཆུབ་སེམས་དཔའ་དེ་དག་དང་ལྷའི་འཁོར་ཆེན་པོ་དེ་དག་ལ་བཀའ་
སྩལ་པ། རིགས་ཀྱི་བུ་དག་འདི་ནི་བྱང་ཆུབ་སེམས་དཔའ་སེམས་དཔའ་ཆེན་པོ་ཀུན་ཏུ་བཟང་པོ་ཞེས་བྱ་བ་དེ་ང་ལ་བལྟ་བ་དང་ཕྱག་བྱ་བ་དང་། བ་བསྙེན་བཀུར་བྱ་བ་དང་། ཆོས་མཉན་པའི་ཕྱིར་འོངས་ཏེ། ང་ལ་མཆོད་པའི་ཕྱིར་རྣམ་པར་སྣང་
མཛད་ཀྱི་རྒྱན་བཀོད་པ་ཞེས་བྱ་བའི་ཁང་པ་བརྩེགས་པ་མངོན་པར་སྤྲུལ་པ་དེ་བཞིན་གཤེགས་པ་ཐམས་ཅད་ཀྱི་སྤྱོད་པ་བསྟན་པའི་ཆོ་འཕྲུལ་སྔོན་གྱི་སྤྱོད་པ་བསྒྲུབ་པའི་རྒྱུ་མཐུན་པ་སྟེ་འདི་ནི་ཆོས་གང་གི་ཡོན་ཏན་བསྐལ་པ་བརྒྱར་
ཡང་མཐའ་རྟོགས་པར་མི་ནུས་པ་དེའི་འོད་ལྷམ་མེ་ལྷན་ནེ་ལྷང་ངེར་འདུག་པའོ། །བྱང་ཆུབ་སེམས་དཔའ་སེམས་དཔའ་ཆེན་པོ་ཀུན་དུ་བཟང་པོ་དེ་ཡང་ཐེག་པ་ཆེན་པོ་ལ་འཇུག་པའི་སྒོ་རྣམ་པར་དག་པའི་གནས་ཞེས་བྱ་བའི་ཆོས་
ཀྱི་རྣམ་གྲངས་ཀུན་དུ་འདྲིའོ། །བཅོམ་ལྡན་འདས་ཀྱིས་ཚིག་གི་ལན་འདི་བཀའ་སྩལ་མ་ཐག་ཏུ་བྱང་ཆུབ་སེམས་དཔའ་སེམས་དཔའ་ཆེན་པོ་ཀུན་དུ་བཟང་པོ་ཤིང་ཏ་ལ་བདུན་སྲིད་ཙམ་གྱི་སྟེང་གི་བར་སྣང་ལ་འདུག་ནས་ཤིང་
ས་ལ་སྣ་ཚོགས་ཀྱི་རྒྱལ་མཚན་བཀོད་པའི་ནགས་ཚལ་སྟུག་པོ་ཐམས་ཅད་དུ་ལྷའི་མེ་ཏོག་དང་བདུག་པ་དང་སྤོས་དང་ཕྲེང་བ་དང་བྱུག་པ་དང་ཕྱེ་མ་དང་གོས་དང་གདུགས་དང་རྒྱལ་མཚན་དང་བ་དན་དང་ཕེག་རྡོབ་པའི་སྤྲིན་མངོན་པར་
སྤྲུལ་ཏེ་ཆར་དུ་ཕབ་ནས་སྟེང་གི་ནམ་མཁའ་ལས་བབས་ཏེ་ཁང་པ་བརྩེགས་པ་དེ་བཅོམ་ལྡན་འདས་ལ་ཕུལ་ལོ། །ཕུལ་ནས་ཀྱང་བཅོམ་ལྡན་འདས་ལ་མངོན་པར་བསྟོད་པ། སྐུ་དང་གསུང་དང་ཐུགས་མཁྱེན་པས། །
རྣམ་དག་བརྟུལ་ཞུགས་བཟང་པོ་པ། །རྟོག་པ་ཀུན་གྱིས་རྣམ་དག་པ། །ཕྱག་འཚལ་སེམས་ཅན་དག་ཁྱོད་ལ། །མིག་དང་དེ་བཞིན་རྣ་བ་དང་། །སྣ་དང་དེ་བཞིན་ལྕེ་དང་ནི། །ལུས་དང་དེ་བཞིན་ཡིད་ཀྱིས་ནི། །སྨྲ་བའི་མཆོག་ལ་བདག་

94-1-20b

ཕྱག་འཚལ། །གཟུགས་དང་སྒྲ་དང་དྲི་དང་རོ། །རེག་བྱ་ཡུལ་ཅན་འཚལ་བ་ཡི། །དངོས་པོ་ཀུན་ལས་རྣམ་གྲོལ་བ། །རྒྱལ་བ་མཆོག་ལ་ཕྱག་འཚལ་ལོ། །གདོད་ནས་ཞི་ཞིང་མ་སྐྱེས་པ། །སྐུ་གསུང་ཐུགས་ལ་སོགས་པ་ཡིས། །
གཟུགས་བརྙན་ལྟ་བུར་འཇིག་རྟེན་དུ། །མངའ་བདག་ཁྱོད་ནི་རྟག་ཏུ་དགའ། །ཁྱོད་ནི་སེམས་ཅན་སྲོག་མ་ལགས། །གང་ཟག་ཀུན་གཞི་ཁྱོད་མ་ལགས། །དུས་དང་རང་བཞིན་ལས་མ་བྱུང་། །ཅི་ལྟར་མ་ལགས་ཅི་མ་ལགས། །
ཁྱོད་ནི་བརྟེན་ནས་བྱུང་བ་ཙམ། །སྒྱུ་མ་ལྟ་བུར་དངོས་པོར་སྤངས། །ཆོས་རྣམས་སྒྱུ་མ་ལྟ་བུར་ནི། །ཐུགས་སུ་ཁྱོད་ཆུད་རྐང་གཉིས་མཆོག །ཁྱོད་ནི་ངོ་བོ་ཉིད་ཀྱིས་སྟོང་། །སྟོང་པ་ཉིད་ཀྱང་མཆིས་མ་ལགས། །སྟོང་དང་མི་སྟོང་རྣམ་པར་
གྲོལ། །ནམ་མཁའ་འདྲ་ལ་ཕྱག་འཚལ་ལོ། །དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་ཀུན་དུ་བཟང་པོས་བཅོམ་ལྡན་འདས་ལ་མངོན་པར་བསྟོད་ནས། གཡོག་འཁོར་དང་ལྷན་ཅིག་ཏུ་བཅོམ་ལྡན་འདས་ལ་ལན་བརྒྱ་སྟོང་
དུ་མར་བསྐོར་བ་བྱས་ཏེ། བཅོམ་ལྡན་འདས་ཀྱི་ཞབས་ལ་མགོ་བོས་ཕྱག་འཚལ་ནས་བཅོམ་ལྡན་འདས་ལ་བལྟ་ཞིང་ཕྱོགས་གཅིག་ཏུ་འདུག་གོ། དེ་ནས་ཁང་པ་བརྩེགས་པ་དེ་དང་བཀོད་པ་དེ་དག་དང་སིལ་སྙན་དང་ཕེག་རྡོབ་པ་དེ་དག་ལས་
ཐེག་པ་ཆེན་པོའྀ་ཐོག་མའི་སྤྱོད་པའི་སྒྲ་གཅིག་ནས་གཅིག་ཏུ་འུར་ཞེས་གྲག་སྟེ། བཟོད་ནས་ཞི་ཞིང་མཚན་ཉིད་མེད། །ཆོས་ཉིད་གཅིག་ཏུ་དག་པ་སྟེ། །ཁྱེད་ཅག་ཐེ་ཙོམ་དོགས་སྤོངས་ལ། །ཀྱེ་མའོ་འདི་ལ་བརྩོན་པར་གྱིས། །
ཐེག་པ་ཆེན་པོའྀ་གནས་འདི་ནི། །སྔོན་གྱི་སྤྱོད་པ་བླ་ན་མེད། །སྤྱོད་པའི་རྒྱལ་པོ་སྐྱིད་ཆེ་བ། །ཀུན་གྱིས་ཤིན་ཏུ་ཐོབ་པར་གྱིས། །སྔོན་གྱི་སྤྱོད་པ་རྒྱ་མཚོ་རྣམས། །ཡོངས་སུ་དག་པའི་རྒྱུ་ཡིས་ནི། །རྒྱལ་བ་རྣམ་པར་སྣང་མཛད་ནི། །
རྟག་ཏུ་འདི་ན་མཛེས་ལ་ལྟོས། །སྟོན་པ་གང་དུ་འང་མི་གནས་ལ། །གང་དུ་འང་སྤྱོད་པར་མི་གནས་ཀྱང་། །གང་དག་སྤྱོད་པ་རྣམས་སྦྱངས་པ། །དེ་དག་ཀུན་ལ་གནས་པར་འགྱུར། །འགྲོ་བའི་མངའ་བདག་མིག་དང་ནི། །རྣ་བ་དེ་བཞིན་

94-1-21a

སྣ་དང་ནི། །ལྕེ་དང་དེ་བཞིན་ལུས་དང་ཡང་། །ཡིད་དུ་སྣང་བ་མ་ལགས་སོ། །དང་པོ་འབྱུང་བའི་སྤྱོད་པ་ནི། །གང་གི་ཚེ་ན་སྦྱངས་གྱུར་པ། །དེ་ཚེ་བཅོམ་ལྡན་རྣམ་སྣང་མཛད། །རྣལ་འབྱོར་ཅན་གྱིས་རྟག་ཏུ་མཐོང་། །
རིང་བ་མ་ལགས་ཉེ་མ་ལགས། །ནང་དང་ཕྱི་ནི་མ་ལགས་ཏེ། །རྟག་ཏུ་ནམ་མཁའ་འདྲར་གནས་པ། །རྣལ་འབྱོར་པ་ནི་ཆེན་པོ་སྣང་། །བྱང་ཆུབ་སེམས་དཔའ་སེམས་དཔའ་ཆེན་པོ་ཀུན་ཏུ་བཟང་པོས་དེ་ལྟར་ཚིགས་སུ་བཅད་པ་དེ་དག་ཐོས་མ་ཐག་ཏུ་
སྟན་ལས་ལངས་ཏེ་བླ་གོས་ཕྲག་པ་གཅིག་ཏུ་གཟར་ནས་པུས་མོ་གཡས་པའི་ལྷ་ང་ས་ལ་བཙུགས་ཏེ་བཅོམ་ལྡན་འདས་ག་ལ་བ་དེར་ལོགས་སུ་ཐལ་མོ་སྦྱར་བ་བཏུད་ནས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །གལ་ཏེ་ཞུས་ནས་
ཞུ་བ་ལུང་བསྟན་པའི་སླད་དུ་བཅོམ་ལྡན་འདས་ཀྱིས་བདག་ལ་སྐབས་ཕྱེ་ན་བདག་བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ལ་ཕྱོགས་འགའ་ཞིག་ཞུའོ། །དེ་སྐད་ཅེས་གསོལ་པ་དང་
བཅོམ་ལྡན་འདས་ཀྱིས་བྱང་ཆུབ་སེམས་དཔའ་ཀུན་དུ་བཟང་པོ་ལ་འདི་སྐད་ཅེས་བཀའ་སྩལ་ཏོ། །རིགས་ཀྱི་བུ་ཁྱོད་ཅི་དང་ཅི་འདོད་པ་དྲིས་ཤིག་དང་ངས་དྲིས་པ་དེ་དང་དེའི་ལུང་བསྟན་པས་ཁྱོད་ཀྱི་སེམས་རངས་པར་བྱའོ། །དེ་སྐད་ཅེས་བཀའ་
སྩལ་པ་དང་། བྱང་ཆུབ་སེམས་དཔའ་སེམས་དཔའ་ཆེན་པོ་ཀུན་དུ་བཟང་པོས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས་འདི་ལྟ་སྟེ། ཐེག་པ་ཆེན་པོ་ལ་འཇུག་པ་ཐེག་པ་ཆེན་པོ་ལ་འཇུག་པ་ཞེས་བགྱི་
བ་འདི་ནི་ཆོས་གང་གི་ཚིག་བླ་དགས་ལགས། ཐེག་པ་ཆེན་པོ་ལ་འཇུག་པ་དེའི་སྤྱོད་པ་ནི་ཅི་ལྟ་བུ་ཞིག་ལགས་སྤྱོད་པ་དེ་རྟོག་པར་ཁོང་དུ་ཆུད་པ་ནི་སུ་ཞིག་ལགས། དེ་སྐད་ཅེས་གསོལ་པ་དང་། བཅོམ་ལྡན་འདས་ཀྱིས་བྱང་ཆུབ་
སེམས་དཔའ་ཀུན་དུ་བཟང་པོ་ལ་ལེགས་སོ་ཞེས་བྱ་བ་བྱིན་ཏེ་སེམས་ཅན་ཆེན་པོ་ལེགས་སོ་ལེགས་སོ། །སེམས་ཅན་ཆེན་པོ་ཁྱོད་དེ་བཞིན་གཤེགས་པ་ལ་དོན་འདི་འདྲི་བ་ནི་ཡང་ལེགས་སོ། །དེའི་ཕྱིར་ལེགས་པར་རབ་ཏུ་ཉོན་

94-1-21b

ལ་ཡིད་ལ་ཟུང་ཤིག་དང་ངས་ཐེག་པ་ཆེན་པོ་ལ་འཇུག་པ་དང་ཐེག་པ་ཆེན་པོ་ལ་འཇུག་པའི་གནས་བཤད་པར་བྱའོ། །རིགས་ཀྱི་བུ་དེ་ལ་ཐེག་པ་ཆེན་པོ་ཞེས་བྱ་བ་འདི་ནི་བསམ་གྱིས་མི་ཁྱབ་པའི་ཆོས་ཉིད་ཀྱི་ཚིག་བླ་དགས་སོ། །
དེའི་འཇུག་པ་ནི་བྱང་ཆུབ་བོ། །རིགས་ཀྱི་བུ་གནས་ཤེས་བྱ་བ་འདི་ནི་གཞིའོ། །དེ་ཡང་སྙིང་རྗེ་ཆེན་པོ་སྔོན་དུ་འགྲོ་བའི་སྤྱོད་པ་སྟེ་སེམས་ཅན་ཐམས་ཅད་འདུལ་བའི་དབང་ཉེ་བར་བཟུང་ནས་ཡུལ་དང་དུས་ཀྱི་དབང་གིས་དེའི་རྣམ་པ་སྟོན་པའོ། །
རིགས་ཀྱི་བུ་གཞན་ཡང་ཐེག་པ་ཆེན་པོ་ནི་རྣམ་པ་གཉིས་ཏེ་འདུས་བྱས་ཀྱིས་རབ་ཏུ་ཕྱེ་བ་དང་འདུས་མ་བྱས་ཀྱིས་རབ་ཏུ་ཕྱེ་བའོ། །དེ་ལ་འདུས་བྱས་ཀྱིས་རབ་ཏུ་ཕྱེ་བ་ནི་སྤྱོད་པའི་ངོ་བོའོ། །འདུས་མ་བྱས་ཀྱིས་རབ་ཏུ་ཕྱེ་བའི་ཐེག་པ་ཆེན་པོ་ཉིད་ནི་ཐེག་པ་
ཆེན་པོའོ། །རིགས་ཀྱི་བུ་གཞན་ཡང་འདུས་བྱས་ནི་རྐྱེན་གྱིས་བསྐྱེད་པ་སྟེ་རྟེན་ཅིང་འབྲེལ་པར་འབྱུང་བའི་མཚན་ཉིད་དོ། །རིགས་ཀྱི་བུ་འདུས་མ་བྱས་ནི་མི་སྐྱེ་བའི་ཆོས་ཉིད་དང་སྟོང་པ་ཉིད་རང་གི་ངོ་བོའོ། །རིགས་ཀྱི་བུ་གཞན་ཡང་སྤྱོད་པའི་
ངོ་བོའི་ཐེག་པ་ཆེན་པོ་གང་ཞེ་ན་སྟོང་པ་ཉིད་མངོན་དུ་བྱས་ནས་དེ་བཞིན་གཤེགས་པ་དགྲ་བཅོམ་པ། ཡང་དག་པར། རྫོགས་པའི་སངས་རྒྱས་རྣམས་ཀྱི་ཡུལ་དང་དུས་ཀྱི་དབང་གིས་སེམས་ཅན་འདུལ་བའི་དབང་ཉེ་བར་
བཟུང་སྟེ་བྱ་བ་དང་ལས་ཀྱིས་ཀུན་དུ་བསླང་བའི་ཚུལ་གྱིས་འདོགས་པ་སྟེ་རིགས་ཀྱི་བུ་འདི་ནི་སྤྱོད་པའི་ངོ་བོའི་ཐེག་པ་ཆེན་པོའོ། །རིགས་ཀྱི་བུ་དེ་ལ་འདུས་མ་བྱས་ཀྱི་ཐེག་པ་ཆེན་པོ་ཉིད་གང་ཞེ་ན་འདི་ལྟ་སྟེ། ཅི་ལྟར་གནས་པའི་ཆོས་
ཉིད་ཀྱི་ཚིག་བླ་དགས་སོ། །རིགས་ཀྱི་བུ་ཅི་ལྟར་གནས་པའི་ཆོས་ཉིད་ཅེས་བྱ་བ་འདི་ནི་བསམ་གྱིས་མི་ཁྱབ་པ་ཉིད་ཀྱི་ཚིག་བླ་དགས་སོ། །བསམ་གྱིས་མི་ཁྱབ་པའི་ཆོས་ཉིད་གང་ཡིན་པ་དེ་ནི་འདུས་མ་བྱས་པའོ། །འདུས་མ་བྱས་
པ་གང་ཡིན་པ་དེ་ནི་མཐའ་གཉིས་ལ་མི་ལྟོས་པ་དེ་ལ་གདགས་པའི་ངོ་བོ་མེད་ཅིང་མི་གདགས་པའི་ངོ་བོ་ཉིད་ཡང་མེད་དོ། །གང་ལ་གདགས་པའི་ངོ་བོ་ཉིད་མེད་ཅིང་མི་གདགས་པའི་ངོ་བོ་ཡང་མེད་པ་དེ་ལ་སྤྱོད་པ་མེད་དོ། །གང་ལ་སྤྱོད་པ་མེད་པ་དེ་

94-1-22a

བརྗོད་པར་བྱ་བ་མ་ཡིན་ནོ། །གང་བརྗོད་པར་བྱ་བ་མ་ཡིན་པ་དངོས་པོ་ཐམས་ཅད་དང་བྲལ་བའོ། །གང་དངོས་པོ་ཐམས་ཅད་དང་བྲལ་བ་དེ་མི་འཁྲུགས་པའོ། །གང་མི་འཁྲུགས་པ་དེ་ཆོས་སོ། །ཆོས་གང་ཡིན་པ་དེ་དེ་བཞིན་
གཤེགས་པ་མངོན་པར་རྫོགས་པར་སངས་རྒྱས་པའོ། །གང་དེ་བཞིན་གཤེགས་པ་མངོན་པར་རྫོགས་པར་སངས་རྒྱས་པ་དེ་བདེན་པའོ། །རིགས་ཀྱི་བུ་བདེན་པ་གང་ཡིན་པ་དེ་ཡོད་པའོ། །ཡོད་པ་གང་ཡིན་པ་དེ་བརྫུན་མ་ཡིན་པའོ། །
གང་བརྫུན་པ་མ་ཡིན་པ་དེ་ཡང་དག་པའོ། །ཡང་དག་པ་གང་ཡིན་པ་དེ་ནི་ཆོས་ཉིད་དོ། །ཆོས་ཉིད་གང་ཡིན་པ་དེ་མི་རྟོག་རྣམ་པར་མི་རྟོག་གོ། གང་མི་རྟོག་རྣམ་པར་མི་རྟོག་པ་དེ་ཡེ་ཤེས་སོ། །ཡེ་ཤེས་གང་ཡིན་པ་དེ་རྣམ་པར་ཤེས་པའོ། །
རྣམ་པར་ཤེས་པ་གང་ཡིན་པ་དེ་དེ་བཞིན་ཉིད་དོ། །དེ་བཞིན་ཉིད་གང་ཡིན་པ་དེ་བཏགས་པའོ། །བཏགས་པ་གང་ཡིན་པ་དེ་རྟོག་པའོ། །རྟོག་པ་གང་ཡིན་པ་དེ་ཀུན་རྫོབ་ཅེས་བསྟན་ཏེ། ཀུན་རྫོབ་ཡོད་པས་སྤྱོད་པ་བཏགས་སོ། །བཏགས་པ་ཡོད་
པས། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་འཇིག་རྟེན་དུ་འབྱུང་བ་སྟོན་ཏོ། །སངས་རྒྱས་ཀྱི་མཛད་པ་བདུད་བཞི་ཕམ་པར་བྱེད་པ་དང་། ཆོས་ཀྱི་འཁོར་ལོ་རབ་ཏུ་བསྐོར་བ་དང་། ཡོངས་སུ་མྱ་ངན་ལས་
འདས་པ་ཆེན་པོ་ལ་ཐུག་པའི་བར་དང་། གནས་པ་དང་། འབྱུང་བ་དང་། འཇིག་པ་དང་། སྐྱེ་བ་དང་། རྒ་བ་དང་ན་བ་དང་འབྱོར་པ་དང་རྒུད་པ་འཇིག་རྟེན་དུ་ཀུན་དུ་སྟོན་ཏོ། །རིགས་ཀྱི་བུ་དེ་ལ་སོགས་པ་དུས་དང་ཡུལ་གྱི་དབང་ཉེ་བར་
བཟུང་ནས་སྤྱོད་པའི་དཀྱིལ་འཁོར་བཅས་ཏེ། ཐབས་སྣ་ཚོགས་ཀྱི་ཚུལ་རྣམས་ཀྱིས་སེམས་ཅན་རྣམས་ལ་ཆོས་སྟོན་ཏོ། །ཆོས་བསྟན་པ་དེ་ནི་ཡང་དག་པའི་ཕུལ་ཡིན་ཏེ་ཐེག་པ་གཅིག་ཏུ་ཡང་དག་པར་འདུ་བ་ཡུལ་གཅིག་ཡང་
དག་པར་ཐོབ་པར་བྱེད་པའོ། །དེ་ཅིའི་ཕྱིར་ཞེ་ན་དེ་བཞིན་གཤེགས་པ་ནི་རྟོག་པ་ཐམས་ཅད་དང་བྲལ་བའི་ཕྱིར་རོ། །རིགས་ཀྱི་བུ་ཆོས་ཉིད་གང་ཡིན་པ་དེ་ལ་ནི་གདགས་པའམ་རྣམ་པར་རིག་པ་མེད་ཅིང་མི་དམིགས་ཏེ། ཡེ་ཤེས་

94-1-22b

རྣམ་པར་མི་རྟོག་པའི་ཕྱིར་རོ། །དེ་ལ་ནི་སྤྱོད་པ་ཡང་མེད་མི་སྤྱོད་པ་ཡང་མེད་བསླབ་པ་ཡང་མེད་བསླབ་པ་མ་ཡིན་པ་ཡང་མེད་དོ། །འདུལ་བ་ཡང་མེད་འདུལ་བ་མ་ཡིན་པ་ཡང་མེད་དོ། །དེ་ལ་ནི་ལུས་སམ་ངག་གམ་ཡིད་ཀྱི་
འཇུག་པ་འམ། ལྡོག་པ་མི་དམིགས་སོ། །དེ་ལ་ནི་དེ་བཞིན་གཤེགས་པ་ཞེས་བྱ་བ་འམ། སངས་རྒྱས་ཤེས་བྱ་བ་འམ་བྱང་ཆུབ་སེམས་དཔའ་ཞེས་བྱ་བ་འམ་ཉན་ཐོས་ཞེས་བྱ་བ་འམ་རང་སངས་རྒྱས་ཞེས་བྱ་བ་འམ་ཆོས་ཤེས་བྱ་བ་འམ་
དགེ་འདུན་ཞེས་བྱ་བ་འམ་ལྷ་ཞེས་བྱ་བ་འམ་ཀླུ་ཞེས་བྱ་བ་འམ་གནོད་སྦྱིན་ཞེས་བྱ་བ་འམ་དྲི་ཟ་དང་ལྷ་མ་ཡིན་དང་ནམ་མཁའ་ལྡིང་དང་མི་འམ་ཅི་དང་། ལྟོ་འཕྱེ་ཆེན་པོ་དང་། མི་དང་མི་མ་ཡིན་པ་ཞེས་བྱ་བའི་བར་རམ། ཡོད་ཅེས་བྱ་བ་
འམ་མེད་ཅེས་བྱ་བ་འམ་བསོད་ནམས་ཞེས་བྱ་བའམ་བསོད་ནམས་མ་ཡིན་ཞེས་བྱ་བ་འམ།  འཁོར་བ་ཞེས་བྱ་བ་འམ།  མྱ་ངན་ལས་འདས་པ་ཞེས་བྱ་བ་འམ། འཆིང་བ་ཞེས་བྱ་བ་འམ། ཐར་པ་ཞེས་བྱ་བ་མེད་དོ། །རིགས་ཀྱི་བུ་དེ་
ལ་ནི་དུས་ཤེས་བྱ་བ་འམ་ཚོད་ཅེས་བྱ་བ་འམ་སྐད་ཅིག་ཅེས་བྱ་བ་འམ་ཡུད་ཙམ་ཞེས་བྱ་བ་འམ་ཐང་ཅིག་ཅེས་བྱ་བ་མེད་དོ། །དེ་ལ་ནི་ཟླ་བ་ཞེས་བྱ་བ་འམ་སྐར་མ་ཞེས་བྱ་བ་འམ། ཉི་མ་ཞེས་བྱ་བ་འམ་མེ་ཞེས་བྱ་བ་འམ་རླུང་ཞེས་བྱ་བ་འམ། 
ཆུ་ཞེས་བྱ་བ་འམ། ས་ཞེས་བྱ་བ་འམ། མཚན་མོ་ཞེས་བྱ་བ་འམ། ཉིན་མོ་ཞེས་བྱ་བ་འམ། དུས་ཚིགས་ཞེས་བྱ་བ་འམ། ལོ་ཁྱུད་འཁོར་ཞེས་བྱ་བ་འམ། ཟླ་བ་ཞེས་བྱ་བ་མེད་དོ། །རིགས་ཀྱི་བུ་དེ་ལྟར་ན་རྟོག་པས་བཏགས་པའི་
སྒོ་འཇིག་རྟེན་གྱི་ཐ་སྙད་ཀྱི་མཐར་ལྟུང་བ་ཇི་སྙེད་པ་དང་། འཇིག་རྟེན་ལས་འདས་པའི་བཏགས་པའི་སྒོ་ཅི་སྙེད་པ་དེ་དག་ཐམས་ཅད་ནི་དེ་ལ་མི་འབྱུང་ཞིང་མེད་དེ་དེ་མི་དམིགས་སོ། །དེ་ཅིའི་ཕྱིར་ཞེ་ན། ཆོས་ཉིད་དེ་གཉིས་སུ་མེད་པའི་
མཚན་ཉིད་ཡིན་པའི་ཕྱིར་ཏེ་དེ་ལ་གཉིས་སུ་མི་འབྱུང་ངོ་། །རིགས་ཀྱི་བུ་འདི་ལྟ་སྟེ་དཔེར་ན། ནམ་མཁའ་གཉིས་པ་མ་སྐྱེས་པའི་ཕྱིར་ནམ་མཁའི་ཁམས་ནི་གཉིས་སུ་མེད་པའོ། །རིགས་ཀྱི་བུ་དེ་བཞིན་དུ་ཆོས་ཉིད་ཀྱང་གཉིས་སུ་མེད་པའོ། །རིགས་ཀྱི་བུ་

94-1-23a

དེ་བཞིན་དུ་ཆོས་ཉིད་ཀྱང་གཉིས་སུ་མེད་པའོ། །རིགས་ཀྱི་བུ་དེ་ལྟར་ན་གང་ཆོས་ཉིད་འདི་ལྟ་བུ་ལ་སྤྱོད་པ་དེ་ནི། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རྣམས་ཀྱི་སྤྱད་པ་སྤྱོད་པའི་བྱང་ཆུབ་སེམས་དཔའ་
སེམས་དཔའ་ཆེན་པོ་རྣམས་སུ་བསྟན་ཏོ། །དེ་ཅིའི་ཕྱིར་ཞེ་ན། སྤྱོད་པ་མ་ཡིན་པ་ནི་བྱང་ཆུབ་སེམས་དཔའི་སྤྱོད་པའོ། །བསླབ་པ་མ་ཡིན་པ་ནི་བྱང་ཆུབ་སེམས་དཔའི་བསླབ་པའོ། །ཐོབ་པ་མེད་པ་ནི་བྱང་ཆུབ་སེམས་དཔའ་རྣམས་ཀྱི་ཐོབ་པའོ། །རྩོམ་པ་མེད་པ་
ནི་བྱང་ཆུབ་སེམས་དཔའ་རྣམས་ཀྱི་རྩོམ་པའོ། །འདུལ་བ་མ་ཡིན་པ་དེ་ནི་འདུལ་བའོ། །གདགས་སུ་མེད་པ་ནི་འདོགས་པའོ། །མཐོང་བ་མེད་པ་ནི་སངས་རྒྱས་མཐོང་བའོ། །བསྙེན་བཀུར་མི་བྱེད་པ་ནི་དགེ་འདུན་ལ་བསྙེན་བཀུར་བྱེད་པའོ། །མི་ཉན་པ་ནི་ཆོས་
ཉན་པའོ། །ཁོང་དུ་ཆུད་པ་མེད་པ་ནི་ཁོང་དུ་ཆུད་པའོ། །འགྲོ་བ་མེད་པ་ནི་འགྲོ་བའོ། །གནས་པ་མེད་པ་ནི་གནས་སོ། །སྟོང་པ་ཉིད་མ་ཡིན་པ་ནི་སྟོང་པ་ཉིད་དོ། །བྱང་ཆུབ་སེམས་དཔའ་རྣམས་ནི་ཤེས་པ་མེད་པ་ཐོབ་པ་མེད་པ་མངོན་པར་རྟོགས་པ་མེད་པ་མངོན་སུམ་
དུ་བྱེད་པ་མེད་པའོ། །རིགས་ཀྱི་བུ་རྣམ་གྲངས་འདིས་ཀྱང་འདི་ལྟར་རིག་པར་བྱ་སྟེ། བྱང་ཆུབ་སེམས་དཔའ་སེམས་དཔའ་ཆེན་པོ་ནི་སྤྱོད་པ་སྤྱད་པའོ། །གང་དུ་ཡང་མི་ཆགས་པའོ། །གང་དུ་ཡང་རྗེས་སུ་ཆགས་པ་མེད་དོ། །གང་དུ་ཡང་ཁོང་ཁྲོ་བ་མེད་
པའོ་གང་དུ་ཡང་ཞེ་སྡང་བ་མེད་དོ། །དེ་མི་སྣང་མ་རྨོངས་ཕྱིན་ཅི་མ་ལོག་པས་རྟག་ཏུ་མཉམ་པར་གཞག་པ་སྟེ། རྣམ་པར་མི་རྟོག་པ་ཞི་བ་ལེགས་པར་གནས་པ་ཟླ་མེད་པ་མི་གཡོ་བ་རབ་ཏུ་མི་གཡོ་བ་སངས་རྒྱས་དང་ཆོས་དང་དགེ་འདུན་དང་སེམས་
ཅན་གྱི་དོན་བྱ་བ་ལ་ཡོངས་སུ་མི་སྐྱོ་བ་དུས་གསུམ་དུ་ཡང་སྒྱིད་ལུག་པ་མེད་དོ། །རིགས་ཀྱི་བུ་འདི་ལྟ་སྟེ་དཔེར་ན། ནམ་མཁའི་ཁམས་ནི་རྡུལ་ལམ་དུ་བ་འམ་སྤྲིན་གྱིས་ཀུན་ནས་ཉོན་མོངས་པར་མི་འགྱུར་སྒྱིད་ལུག་པར་མི་འགྱུར་རོ། །དེ་ཅིའི་ཕྱིར་ཞེ་ན། ནམ་
མཁའི་ཁམས་རྣམ་པར་མི་རྟོག་པའི་ཕྱིར་རོ། །རིགས་ཀྱི་བུ་དེ་བཞིན་དུ་བྱང་ཆུབ་སེམས་དཔའ་སྤྱོད་པ་འདི་ལྟ་བུ་སྤྱད་པ་ཡང་སྒྱིད་ལུག་པར་མི་འགྱུར་ཀུན་ནས་ཉོན་མོངས་པར་མི་འགྱུར་རོ། །རིགས་ཀྱི་བུ་དེ་ལ་སྤྱོད་པ་འདི་ལྟ་བུ་ལ་གནས་པའི་བྱང་ཆུབ་

94-1-23b

སེམས་དཔས་རྡོ་རྗེ་ཆེན་པོའྀ་དཀྱིལ་འཁོར་བཀོད་པའི་རྒྱན་རྡོ་རྗེ་ཆེན་པོའི་ཏོག་གི་སྤྱོད་པ་རྡོ་རྗེ་ཆེན་པོ་ལས་བྱུང་བའི་དེ་བཞིན་གཤེགས་པའི་སྤྱོད་པས་བསོད་ནམས་ལ་སོགས་པའི་ཆོས་ཀྱི་རྣམ་གྲངས་གཟུང་བར་བྱ་བཀླག་པར་བྱ་གཞན་དག་ལ་ཡང་རྒྱ་ཆེར་ཡང་དག་པར་བཤད་པར་བྱའོ། །
དེ་སྐད་ཅེས་བཀའ་སྩལ་པ་དང་། བྱང་ཆུབ་སེམས་དཔའ་སེམས་དཔའ་ཆེན་པོ་ཀུན་དུ་བཟང་པོས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས་ངོ་མཚར་ཏོ། །བདེ་བར་གཤེགས་པ་ངོ་མཚར་ཏོ། །ཆོས་ཀྱི་རྣམ་གྲངས་འདི་དག་གང་གི་
རྣ་ལམ་དུ་གྲག་པར་འགྱུར་བའི་བྱང་ཆུབ་སེམས་དཔའ་དེ་དག་རྙེད་པ་ལེགས་པ་རྙེད་པ་ལགས་ན། གང་དག་ཉན་པ་དང་འཛིན་པ་དང་ཀློག་པ་དང་ཡིད་ལ་བགྱིད་པ་དག་ལྟ་སྨོས་ཀྱང་ཅི་འཚལ་ཏེ། བཅོམ་ལྡན་འདས་དེ་དག་ནི་ཐེག་པ་ཆེན་པོ་བླ་ན་མེད་
པ་ཡང་དག་པར་རྫོགས་པའི་བྱང་ཆུབ་ཏུ་ངེས་པ་ལགས་སོ། །བཅོམ་ལྡན་འདས་དེ་དག་ནི་ཐེག་པ་ཆེན་པོ་བླ་ན་མེད་པ་དེ་བཞིན་གཤེགས་པ་མངོན་པར་རྫོགས་པར་བྱང་ཆུབ་པ་རྣམ་པར་འཕྲུལ་པའི་གནས་བསམ་གྱིས་མི་ཁྱབ་པའི་ཚུལ་ལ་
སྐལ་བ་མཆིས་པ་ལགས་སོ། །བདག་ལ་ཐུགས་བརྩེ་བར་དགོངས་ཏེ་བཅོམ་ལྡན་འདས་ཀྱིས་ཐེག་པ་ཆེན་པོ་བླ་ན་མེད་པ་འཕྲལ་དུ་འབྲས་བུ་མང་བ་བཤད་དུ་གསོལ། དེ་སྐད་ཅེས་གསོལ་པ་དང་བཅོམ་ལྡན་འདས་ཅང་མི་གསུང་བར་བཞུགས་ཏེ་
རྡོ་རྗེ་ཆེན་པོ་འབྱུང་གནས་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་སོ། །བཅོམ་ལྡན་འདས་ཀྱིས་མཉམ་པར་གཞག་མ་ཐག་ཏུ་དེ་ནས་དེའི་མོད་ལ་ཕྱོགས་ཐམས་ཅད་ཀྱི་འཇིག་རྟེན་གྱི་ཁམས་རབ་འབྱམ་ཐམས་ཅད་དུ་
དེ་བཞིན་གཤེགས་པ་ཐམས་ཅད་རྡོ་རྗེ་ཆེན་པོའྀ་སྒྲ་སྒྲོགས་ཏེ་གསུང་གཅིག་ཏུ་རྡོ་རྗེ་ཆེན་པོ་འབར་བའི་འོད་འཕྲོ་བའི་སྙིང་པོ་ཞེས་བྱ་བའི། རྡོ་རྗེའི་འབྱུང་གནས་རྡོ་རྗེ་སེམས་དཔའི་ཡི་གེ་བརྗོད་ཅིང་ཤིང་སཱ་ལ་སྣ་ཚོགས་ཀྱི་རྒྱལ་
མཚན་བཀོད་པའི་ནགས་ཚལ་སྟུག་པོ་ག་ལ་བ་དང་། བཅོམ་ལྡན་འདས་ཤཱཀྱ་ཐུབ་པ་ག་ལ་བ་དེར་གཤེགས་ཏེ་བྱོན་ནས་རྡོ་རྗེ་ཆེན་པོ་པད་མའི་གདན་ལ་སྐྱིལ་མོ་དཀྲུང་བཅས་ཏེ་བཞུགས་སོ། །དེ་ནས་དེ་བཞིན་གཤེགས་པ་དེ་

94-1-24a

དག་གིས་བཅོམ་ལྡན་འདས་ཤཱཀྱ་ཐུབ་པ་ལ་གནོད་པ་ཆུང་ངམ་ཞེས་སྙུན་གསོལ་ཏེ། ཉམ་ང་བ་ཉུང་ངམ་སྐྱོད་པ་ཡང་ངམ་སྟོབས་དང་ལྡན་ནམ་འཚོ་འམ་བདེ་བ་ལ་རེག་པར་གནས་སམ་ཞེས་སྙུན་གསོལ་ཏོ། །དེ་ནས་
བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཤཱཀྱ་ཐུབ་པ་དང་དེ་བཞིན་གཤེགས་པ་དེ་དག་ཐམས་ཅད་སློད་ནས་རྡོ་རྗེའི་དཀྱིལ་འཁོར་བྱིན་གྱིས་རློབ་པའི་རྡོ་རྗེ་གསང་སྔགས་ཀྱི་རྒྱལ་པོ་
འདི་གསུངས་སོ། །ན་མཿསརྦ་མུ་ཁེ་བྷྱཿསརྦ་ཏ་ཐཱ་ཐཱ་ག་ཏེ་བྷྱཿསརྦ་ཐ་ༀ་བཛྲ་ཀ་ར་ཁྃ་སྭཱ་ཧཱ། དེ་ནས་དེ་བཞིན་གཤེགས་པ་དེ་དག་གིས་རྡོ་རྗེའི་དཀྱིལ་འཁོར་བྱིན་གྱིས་རློབ་པའི་གསང་སྔགས་གསུངས་ནས་སངས་རྒྱས་ཀྱིས་བྱིན་གྱིས་
བརླབས་ཀྱི་རྣམ་པར་འཕྲུལ་པ་ཞེས་བྱ་བའི་ཏིང་ངེ་འཛིན་ལ་སྙོམས་པར་བཞུགས་སོ། །དེ་ནས་ཐམས་ཅད་དང་ལྡན་པའི་འཁོར་ཆེན་པོ་དེ་ཡ་མཚན་ཆེའོ་སྙམ་དུ་སྙིང་འདུན་པར་གྱུར་ཏེ་འཇམ་དཔལ་གཞོན་ནུར་གྱུར་པ་ལ་བལྟ་ཞིང་འཁོད་དོ། །
དེ་ནས་འཇམ་དཔལ་གཞོན་ནུར་གྱུར་པས་འཁོར་དེ་ཡ་མཚན་ཆེ་སྙམ་དུ་རྩེ་གཅིག་ཏུ་གྱུར་པར་རིག་ནས། བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཤཱཀྱ་ཐུབ་པ་དང་ཕྱོགས་བཅུའི་
འཇིག་རྟེན་གྱི་ཁམས་ནས་འདུས་པའི་དེ་བཞིན་གཤེགས་པ་དེ་དག་ལ་ཞུས་པ། གསང་སྔགས་རྒྱལ་པོ་བཀའ་སྩལ་ནས། །རྣམ་པར་འདྲེན་རྣམས་མི་གསུང་ལས། །བདེ་གཤེགས་སྲས་ལ་རྡོ་རྗེ་ཡིས། །དབང་བསྐུར་དུ་ནི་ངེས་པར་གདའ། །
གསང་སྔགས་སྤྱོད་པ་ཡེ་ཤེས་ཆེ། །ཐེག་པ་ཆེན་པོའི་གོ་འཕང་མཆོག །དེར་ནི་ཐམས་ཅད་མཁྱེན་ཉིད་དང་། །དོན་ཀུན་གྲུབ་པའི་སྤྱོད་པ་འཐོབ། །གསང་སྔགས་སྤྱོད་ལས་བྱུང་བ་ཡི། །ཐེག་པ་ཆེན་པོ་ཐམས་ཅད་མཁྱེན། །སྔོན་གྱི་རྫོགས་
སངས་རྒྱས་རྣམས་ཀྱིས། །ནགས་ཚལ་མཆོག་འདིར་རྟག་ཏུ་བཤད། །སཱ་ལའི་རྒྱལ་མཚན་ཉམས་དགའ་ཆེ། །སྤྱོད་པ་ཡང་དག་བསྟན་པའི་གནས། །སྔོན་གྱི་སྤྱོད་ལས་བྱུང་གྱུར་པ། །གསང་སྔགས་ཤེས་ལས་བྱུང་བར་བཤད། །

94-1-24b

གང་དག་འདས་པའི་རྫོགས་སངས་རྒྱས། །དེ་བཞིན་གང་དག་མ་བྱོན་དང་། །མགོན་པོ་གང་དག་ད་ལྟར་བྱུང་། །རྣམ་པར་འདྲེན་པ་བཞུགས་པ་རྣམས། །དེ་དག་ཐམས་ཅད་འདིར་གཤེགས་ནས། །གསང་སྔགས་སྤྱོད་ལས་བྱུང་བ་ཡི། །ཐེག་པ་
ཆེན་པོས་དབང་བསྐུར་འདི། །བདེ་གཤེགས་སྲས་ལ་རབ་ཏུ་སྩོལ། །སངས་རྒྱས་དྲང་སྲོང་ཆེན་པོ་པ། །ཀུན་གྱི་དབང་ནི་བདག་ལགས་སོ། །འཇིག་རྟེན་ཕན་པར་འཚལ་བས་ན། །རྫོགས་སངས་རྒྱས་ལ་གསོལ་བ་འཚལ། །བསྟན་པ་
ཀུན་ལ་བསྲུང་བ་དང་། །དམ་ཆོས་རྟག་གནས་བགྱི་སླད་དུ། །བདག་ཉིད་ཆེ་བའི་སྤྱི་གཙུག་ཏུ། །རྫོགས་སངས་རྒྱས་ཀྱིས་དབང་བསྐུར་སྩལ། །གསང་སྔགས་སྤྱོད་ལས་བྱུང་བ་ཡི། །ཐེག་ཆེན་རྟོགས་པར་ཁོང་དུ་ཆུད། །སྔོན་གྱི་སྨོན་ལམ་
ངེས་བྱུང་བ། །སངས་རྒྱས་སྲས་པོ་གྲགས་ཆེན་ལགས། །ཐོག་མའི་སྤྱོད་ལྡན་ངེས་པ་འདི། །སངས་རྒྱས་འདྲ་ཙམ་ཅི་ཞིག་སྟེ། །བདེ་གཤེགས་སྲས་པོ་ཆགས་མེད་པ། །བྱང་ཆུབ་མཐར་ཐུག་དབང་ཐོབ་ལགས། །གསང་སྔགས་མགོན་པོས་རྣམ་
ཀུན་དུ། །འཁོར་འདི་བྱིན་གྱིས་བརླབས་ལགས་ན། །གསང་སྔགས་རྒྱལ་པོ་བཀའ་སྩལ་ནས། །ཅི་སླད་མི་གསུང་གྱུར་ཅིང་བཞུགས། །ཐམས་ཅད་ངོ་མཚར་འཛིན་འགྱུར་ཏེ། །བདེ་བར་རྟོག་ལ་བརྩོན་པར་གནས། །དཔའ་བོ་ཆེ་རྣམས་ཐེ་ཙོམ་དང་། །དེ་བཞིན་
ཡིད་གཉིས་བསལ་དུ་གསོལ། །ད་ནི་དུས་ལ་བབ་ལགས་ན། །ཕྱི་ཤོལ་མ་མཛད་བཤད་དུ་གསོལ། །དེ་ནས་དེ་བཞིན་གཤེགས་པ་དེ་དག་གིས་འཇམ་དཔལ་གཞོན་ནུར་གྱུར་པས་གསོལ་བ་བཏབ་པར་མཁྱེན་ནས། བཅོམ་ལྡན་འདས་དེ་
བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཤཱཀྱ་ཐུབ་པ་ལ་གསུངས་པ། འདྲེན་པ་རྣམས་ཀྱིས་གང་སངས་རྒྱས། །ཆོས་ཉིད་འདི་ནི་གཅིག་ཏུ་མཆོག །རྟག་ཏུ་མཉམ་པར་གཞག་རྣམས་ཀྱིས། །རབ་ཏུ་བསྒྲིམས་
ཏེ་དེ་རྟོགས་བྱ། །དེ་ནས་དེ་བཞིན་གཤེགས་པ་ཤཱཀྱ་ཐུབ་པ་ལ་སོགས་པས་ཤིང་སཱ་ལ་སྣ་ཚོགས་ཀྱི་རྒྱལ་མཚན་བཀོད་པའི་ནགས་ཚལ་སྟུག་པོ་ཀུན་དུ་རྡོ་རྗེའི་དཀྱིལ་འཁོར་གྱི་ཁྱམས་བཀོད་པའི་གྲུ་བཞི་ལྷམ་པ་སྒོ་བཞི་གཏོད་པ་རིན་པོ་ཆེ་སྣ་བདུན་གྱི་ཕྱི་རས་

94-1-25a

བསྐོར་བ་སྒོ་གང་དང་རྟ་བབས་དང་སྟེགས་བུས་བརྒྱན་པ། སྟེང་དུ་རིན་པོ་ཆེའི་བླ་རེས་བྲེས་པ། རིན་པོ་ཆེའི་དྲིལ་བུ་དཔྱངས་པ་རིན་པོ་ཆེ་སྣ་ལྔའི་སྲད་བུ་བྲེས་པ་བྱིན་གྱིས་བརླབས་ཏེ། དབུས་སུ་རྡོ་རྗེ་པདྨའི་ཁྲི་དང་
ཕྱོགས་ཆ་བརྒྱད་དུ་རྡོ་རྗེ་ཆེན་པོའི་ཕྲེང་བས་བསྐོར་བ་དང་རྡོ་རྗེའི་ཕྱི་རས་ཀུན་དུ་བསྐོར་བ་དང་རྡོ་རྗེའི་ཕྱི་རྒྱབ་དུ་ནི་རྡོ་རྗེའི་ཕྲེང་བ་དང་རྡོ་རྗེའི་སྲད་བུས་བྲེས་པ་དང་རྡོ་རྗེ་བཅིང་བས་བཅིངས་པ་དང་རྡོ་རྗེའི་ཕུར་བུ་དག་གདབ་པ་དང་ཐམས་ཅད་རྡོ་རྗེའི་རང་
བཞིན་དུ་བྱིན་གྱིས་བརླབས་ནས་སྟེང་གི་གཙུག་ཏོར་ཐམས་ཅད་དུ་ཐོགས་པ་མེད་པའི་སྟོབས་ཞེས་བྱ་བའི་འོད་ཟེར་ཕྱུང་ངོ་། །འོད་ཟེར་དེ་དག་ཕྱུང་ནས་ཐམས་ཅད་དང་ལྡན་པའི་འཁོར་གྱི་དཀྱིལ་འཁོར་ལ་སྣང་བར་བྱས་ཏེ་བྱང་ཆུབ་སེམས་
དཔའ་སེམས་དཔའ་ཆེན་པོ་ཀུན་དུ་བཟང་པོའི་སྤྱི་གཙུག་དུ་ཞུགས་སོ། །དེ་བཞིན་གཤེགས་པའི་འོད་ཟེར་དེ་དག་ཞུགས་མ་ཐག་ཏུ་བྱང་ཆུབ་སེམས་དཔའ་སེམས་དཔའ་ཆེན་པོ་ཀུན་དུ་བཟང་པོ་དགའ་ཞིང་མགུ་ནས་རབ་ཏུ་དགའ་སྟེ་ཐོགས་པ་
མེད་པའི་སྟོབས་ཞེས་བྱ་བའི་སྙིང་པོ་སྨྲས་པ། ན་མཿ སརྦ་ཏ་ཐཱ་ག་ཏེ་བྷྱོཿ བི་ཤྭ་མུ་ཁེ་བྷྱཿ སརྦ་ཐཱ་ཨ་པྲ་ཏི་ཧ་ཏ་བ་ལ། མ་ཧཱ་བཛྲ་ཨཱ་ཛྙཱ་ཀ་ར་ཎ། ན་མོ་སྟུ་ཏེ་སྭཱ་ཧཱ། དེ་ནས་ཐོགས་པ་མེད་པའི་སྟོབས་རྡོ་རྗེའི་སྙིང་པོ་སྨྲས་མ་ཐག་ཏུ་དེ་བཞིན་
གཤེགས་པ་དེ་དག་གིས་ཏིང་ངེ་འཛིན་དང་གཟུངས་དང་སྟོབས་དང་བྱང་ཆུབ་ཀྱི་ཡན་ལག་དང་ལམ་དང་འཕགས་པའི་བདེན་པ་དང་སྟོང་པ་ཉིད་དང་སངས་རྒྱས་ཀྱི་ཆོས་མ་འདྲེས་པ་དང་སྟོང་པ་ཉིད་ཆེན་པོའི་མཐའ་ལས་བྱས་པ་སྦྱིན་པ་དང་དུལ་བ་དང་
ཡང་དག་པར་སྡོམ་པ་དང་། དེས་པ་ལ་སོགས་པ་ཕ་རོལ་ཏུ་ཕྱིན་པ་དྲུག་གིས་རྣམ་པར་བསྐྱེད་པའི་གཟུགས་ཅན་གྱི་རྡོ་རྗེ་བྱིན་གྱིས་བརླབས་ཏེ་བྱང་ཆུབ་སེམས་དཔའ་ཀུན་དུ་བཟང་པོའི་ལག་ཏུ་བྱིན་ནོ། །དེ་བཞིན་གཤེགས་པ་དེ་དག་
གིས་ཀུན་དུ་བཟང་པོའི་ལག་ཏུ་རྡོ་རྗེ་བྱིན་མ་ཐག་ཏུ། དེ་ནས་ཕྱོགས་བཅུའི་འཇིག་རྟེན་གྱི་ཁམས་རབ་འབྱམ་རྣམས་དང་སངས་རྒྱས་ཀྱི་འཁོར་གྱི་དཀྱིལ་འཁོར་ཐམས་ཅད་དུ་དེ་བཞིན་གཤེགས་པ་ཐམས་ཅད་དང་བྱང་ཆུབ་སེམས་

94-1-25b

དཔའ་ཐམས་ཅད་དང་ཉན་ཐོས་ཐམས་ཅད་དང་རང་སངས་རྒྱས་ཐམས་ཅད་དང་ལྷ་དང་ཀླུ་དང་གནོད་སྦྱིན་དང་དྲི་ཟ་དང་ལྷ་མ་ཡིན་དང་ནམ་མཁའ་ལྡིང་དང་མི་འམ་ཅི་དང་ལྟོ་འཕྱེ་ཆེན་པོ་དང་མི་དང་མི་མ་ཡིན་པ་ཐམས་ཅད་གྱིས་མགྲིན་གཅིག་ཏུ། ཀྱེ་མ་
བྱང་ཆུབ་སེམས་དཔའ་སེམས་དཔའ་ཆེན་པོ་འདི་ནི་ལག་ན་རྡོ་རྗེའོ་ལག་ན་རྡོ་རྗེའོ་ཞེས་བརྗོད་དོ།། །། འཕགས་པ་ལག་ན་རྡོ་རྗེ་དབང་བསྐུར་བ། བམ་པོ་གསུམ་པ། དེ་བཞིན་གཤེགས་པ་དེ་དག་གིས་དམ་ཚིག་འདི་བྱིན་གྱིས་བརླབས་
ནས་ཡང་གསང་བའི་རྡོ་རྗེ་ཞེས་བྱ་བའི་སྙིང་པོ་གསུངས་པ། ན་མཿ སརྦ་ཏ་ཐཱ་ག་ཏེ་བྷྱཿ སརྦ་མུ་ཁེ་བྷྱཿ སརྦ་ཐཱ་གུ་ཧྱ་བཛྲ་དྷ་ར་སྭཱ་ཧཱ། དེ་ནས་གསང་བའི་རྡོ་རྗེའི་སྙིང་པོ་གསུངས་མ་ཐག་ཏུ་འཇིག་རྟེན་གྱི་ཁམས་རབ་འབྱམ་ཐམས་ཅད་དང་སངས་རྒྱས་
ཀྱི་འཁོར་ཐམས་ཅད་དུ་གསང་བའི་བདག་པོ་གསང་བའི་བདག་པོ་ཞེས་སྒྲ་གཅིག་ནས་གཅིག་ཏུ་འུར་ཞེས་གྲགས་ནས་འདི་ལྟ་སྟེ། སྙིང་པོ་འདིའི་མཐུ་དང་དེ་བཞིན་གཤེགས་པ་ཐམས་ཅད་ཀྱི་བྱིན་གྱིས་བརླབས་ཀྱི་སྟོབས་ཀྱིས་བྱང་ཆུབ་སེམས་
དཔའ་ལག་ན་རྡོ་རྗེ་ལ་དེ་བཞིན་གཤེགས་པ་ཐམས་ཅད་ཀྱི་ཐུགས་དང་ཡེ་ཤེས་ཕུན་སུམ་ཚོགས་པ་དག་མངོན་སུམ་དུ་ཞུགས་སོ། །ཡང་དེ་བཞིན་གཤེགས་པ་དེ་དག་གིས་བསྟན་པ་ཀུན་དུ་བསྲུང་བ་དང་འགྲོ་བ་ཡོངས་སུ་སྐྱོབ་པའི་སྙིང་པོ་རྡོ་རྗེ་
ཆེན་པོ་རྒྱ་ཆེ་བའི་གཟུངས་ཞེས་བྱ་བའི་སྙིང་པོ་གསུངས་པ། ན་མཿ སརྦ་ཏ་ཐཱ་ག་ཏེ་བྷྱཿ སརྦ་མུ་ཁེ་བྷྱཿ སརྦ་ཐཱ་བཛྲ་དྷ་ར་བི་ར་བི་ར་བི་ཀི་ར་སྭཱ་ཧཱ། རྡོ་རྗེ་ཆེན་པོ་རྒྱ་ཆེ་བའི་སྙིང་པོ་གསུངས་མ་ཐག་ཏུ་འཇིག་རྟེན་གྱི་ཁམས་རབ་འབྱམ་ཐམས་ཅད་དང་། 
སངས་རྒྱས་ཀྱི་འཁོར་གྱི་དཀྱིལ་འཁོར་ཐམས་ཅད་དུ་རྡོ་རྗེ་ཆེན་པོ་རྒྱ་ཆེ་བ་ལས་བྱུང་བའི་ལག་ན་རྡོ་རྗེ་སངས་རྒྱས་ཀྱི་ཞིང་ཐམས་ཅད་དང་འཇིག་རྟེན་གྱི་ཁམས་རབ་འབྱམ་ཐམས་ཅད་དང་། དེ་བཞིན་གཤེགས་པ་ཐམས་ཅད་ཀྱི་ཞབས་ཀྱི་དྲུང་
རྣམས་དང་བྱང་ཆུབ་སེམས་དཔའ་ཐམས་ཅད་དང་ཉན་ཐོས་དང་རང་སངས་རྒྱས་ཐམས་ཅད་དང་སེམས་དང་པོ་བསྐྱེད་པ་རྣམས་དང་ལས་དང་པོ་པ་རྣམས་དང་སེམས་ཅན་རྣམས་ཀྱི་རྒྱབ་དང་མདུན་དང་མ་ཉལ་པ་འམ་གཉིད་ཀྱིས་ལོག་པའམ་

94-1-26a

ཆོས་སྟོན་པ་འམ་བྱང་ཆུབ་མངོན་པར་རྫོགས་པར་འཚང་རྒྱ་བ་འམ་སེམས་ཅན་གྱི་དོན་བྱེད་པ་འམ་སྤྲུལ་པ་རབ་ཏུ་བྱེད་པའི་བར་དུ་ཐམས་ཅད་ཀྱི་དྲུང་ན་གཟུགས་ཐམས་ཅད་ཡང་དག་པར་སྟོན་པའི་ཆོ་ག་ཤེས་པ་ལག་ན་རྡོ་རྗེ་ཅོད་
པན་ཅན་ཀུན་དུ་སྣང་ངོ་། །ཡང་དེ་བཞིན་གཤེགས་པ་དེ་དག་གིས་ཕྱོགས་རྡོ་རྗེས་བཅིངས་པ་ཞེས་བྱ་བའི་རྡོ་རྗེའི་སྙིང་པོ་མཆོག་གསུངས་པ། ན་མཿ སརྦ་ཏ་ཐཱ་ག་ཏེ་བྷྱཿ སརྦ་མུ་ཁེ་བྷྱཿ སརྦ་ཐཱ་དིག་བཛྲ་ཊ་ཊ་ཊ་ཊ་ཊྃ་སྭཱ་ཧཱ། ཕྱོགས་རྡོ་རྗེས་
བཅིང་བའི་སྙིང་པོ་འདི་གསུངས་མ་ཐག་ཏུ་ཕྱོགས་བཅུ་ན་སེམས་ཅན་མ་རུངས་པ་ཐམས་ཅད་རྡོ་རྗེའི་བཅིང་བས་བཅིང་པར་སྣང་ངོ་། །དེ་ནས་ཡང་དེ་བཞིན་གཤེགས་པ་དེ་དག་གིས་སའི་རྡོ་རྗེའི་ཕུར་བུ་ཞེས་བྱ་བའི་རྡོ་རྗེའི་སྙིང་པོ་གསུངས་པ། 
ན་མཿ སརྦ་ཏ་ཐཱ་ག་ཏེ་བྷྱཿ སརྦ་མུ་ཁེ་བྷྱཿ སརྦ་ཐཱ་ཋ་ཋ་ཋ་ཋ་ཋྃ་སྭཱ་ཧཱ། ས་རྟོན་གྱི་རྡོ་རྗེའི་སྙིང་པོ་འདི་གསུངས་མ་ཐག་ཏུ། ཀྱེ་མ་བྱང་ཆུབ་སེམས་དཔའ་སེམས་དཔའ་ཆེན་པོ་ལག་ན་རྡོ་རྗེ་འདི་རྡོ་རྗེའི་ས་རྟོན་ཏོ་ཞེས་བྱ་བའི་སྒྲ་གཅིག་ནས་
གཅིག་ཏུ་འུར་ཞེས་གྲགས་སོ། །ཡང་དེ་བཞིན་གཤེགས་པ་དེ་དག་གིས་སའི་འོག་གི་རྡོ་རྗེ་ཞེས་བྱ་བའི་སྙིང་པོ་མཆོག་གསུངས་པ། ན་མཿ སརྦ་ཏ་ཐཱ་ག་ཏེ་བྷྱཿ སརྦ་མུ་ཁེ་བྷྱཿ སརྦ་ཐཱ་ཡ་ཊ་ཡ་ཊྃ་སྭཱ་ཧཱ། ས་འོག་གི་རྡོ་རྗེའི་སྙིང་པོ་འདི་
གསུངས་མ་ཐག་ཏུ་འཇིག་རྟེན་གྱི་ཁམས་རབ་འབྱམ་ཐམས་ཅད་དང་སའི་འོག་གི་ཕྲག་ཐམས་ཅད་དུ། ཀྱེ་མ་བྱང་ཆུབ་སེམས་དཔའ་སེམས་དཔའ་ཆེན་པོ་ལག་ན་རྡོ་རྗེ་འདི་ནི་སའི་འོག་གི་རྡོ་རྗེ་ཞེས་སྒྲ་གཅིག་ནས་གཅིག་ཏུ་འུར་ཞེས་གྲགས་སོ། །
ཡང་དེ་བཞིན་གཤེགས་པ་དེ་དག་གིས་རིག་སྔགས་འཆང་ཐམས་ཅད་ཀྱི་འགྲོ་བ་གཅོད་པ་ཞེས་བྱ་བའི་སྙིང་པོ་གསུངས་པ། ན་མཿ སརྦ་ཏ་ཐཱ་ག་ཏེ་བྷྱཿ སརྦ་མུ་ཁེ་བྷྱཿ སརྦ་ཐཱ་ཙྪིནྡ། སརྦ་བཱིརྱཱནྟུ་རགྡི་མ་པྲ་བར་མ་ལ་བ་དྷ་བི་ཛ་ཡ་
སྭཱ་ཧཱ། རིག་སྔགས་འཆང་གི་འགྲོ་བ་གཅོད་པའི་སྙིང་པོ་མཆོག་འདི་གསུངས་མ་ཐག་ཏུ་འཇིག་རྟེན་གྱི་ཁམས་རབ་འབྱམ་ཐམས་ཅད་དང་། རིག་སྔགས་འཆང་གི་གནས་ཐམས་ཅད་དུ། ཀྱེ་མ་བྱང་ཆུབ་སེམས་དཔའ་སེམས་

94-1-26b

དཔའ་ཆེན་པོ་ལག་ན་རྡོ་རྗེ་འདི་ནི་རིག་སྔགས་འཆང་གི་འགྲོ་བ་གཅོད་པའོ་ཞེས་སྒྲ་གཅིག་ནས་གཅིག་ཏུ་འུར་ཞེས་གྲགས་སོ། །ཡང་དེ་བཞིན་གཤེགས་པ་དེ་དག་གིས་གནོད་སྦྱིན་ཚར་གཅོད་པའི་རྡོ་རྗེ་ཆེན་པོའི་སྙིང་པོ་གསུངས་པ། 
ན་མཿ སརྦ་ཏ་ཐཱ་ག་ཏེ་བྷྱཿ སརྦ་མུ་ཁེ་བྷྱཿ སརྦ་ཐཱ་བཛྲ་ཡཀྵ་ཎི་གྲི་ཧ་ད་ཏ་སྭཱ་ཧཱ། གནོད་སྦྱིན་གྱི་རྡོ་རྗེའི་སྙིང་པོ་གསུངས་མ་ཐག་ཏུ་འཇིག་རྟེན་གྱི་ཁམས་རབ་འབྱམ་ཐམས་ཅད་དང་གནོད་སྦྱིན་གྱི་གནས་ཐམས་ཅད་དུ། ཀྱེ་མ་བྱང་ཆུབ་
སེམས་དཔའ་སེམས་དཔའ་ཆེན་པོ་ལག་ན་རྡོ་རྗེ་འདི་ནི་ཀླུའི་རྡོ་རྗེའོ་ཞེས་སྒྲ་གཅིག་ནས་གཅིག་ཏུ་འུར་ཞེས་གྲགས་སོ། །ཡང་དེ་བཞིན་གཤེགས་པ་དེ་དག་གིས་ཀླུའི་རྡོ་རྗེ་བསྒྲགས་པའི་ཏོག་རྒྱལ་མཚན་ཞེས་བྱ་བའི་སྙིང་པོ་
གསུངས་པ། ན་མཿ སརྦ་ཏ་ཐཱ་ག་ཏེ་བྷྱཿ སརྦ་མུ་ཁེ་བྷྱཿ སརྦ་ཐཱ་ཧ་ར་ཧ་ར་ནཱ་ག་བཛྲ་སྭཱ་ཧཱ། དེ་ནས་ཀླུའི་རྡོ་རྗེའི་སྙིང་པོ་འདི་གསུངས་མ་ཐག་ཏུ། འཇིག་རྟེན་གྱི་ཁམས་རབ་འབྱམ་ཐམས་ཅད་དང་ཀླུའི་གནས་ཐམས་ཅད་དུ། ཀྱེ་མ་བྱང་ཆུབ་སེམས་
དཔའ་སེམས་དཔའ་ཆེན་པོ་ལག་ན་རྡོ་རྗེ་འདི་ནི་ཀླུའི་རྡོ་རྗེ་ཞེས་སྒྲ་གཅིག་ནས་གཅིག་ཏུ་འུར་ཞེས་གྲགས་སོ། །ཡང་དེ་བཞིན་གཤེགས་པ་དེ་དག་གིས་རྡོ་རྗེ་ཆེན་པོ་དྲི་ཟའི་སྙིང་པོ་གསུངས་པ། ན་མཿ སརྦ་ཏ་ཐཱ་ག་ཏེ་བྷྱཿ སརྦ་མུ་ཁེ་བྷྱཿ སརྦ་ཐཱ་མ་ཐ་མ་ཐ་བཛྲ་
གནྡྷརྦ་ཧྲི་ད་ཡ་སྭཱ་ཧཱ། རྡོ་རྗེ་ཆེན་པོ་དྲི་ཟའི་སྙིང་པོ་གསུངས་མ་ཐག་ཏུ་དེ་ནས་དེའི་མོད་ལ་འཇིག་རྟེན་གྱི་ཁམས་རབ་འབྱམ་ཐམས་ཅད་དང་། དྲི་ཟའི་གནས་ཐམས་ཅད་དུ། ཀྱེ་མ་བྱང་ཆུབ་སེམས་དཔའ་སེམས་དཔའ་ཆེན་པོ་ལག་ན་རྡོ་རྗེ་འདི་ནི་དྲི་ཟའི་རྡོ་རྗེའོ་
ཞེས་སྒྲ་གཅིག་ནས་གཅིག་ཏུ་འུར་ཞེས་གྲགས་སོ། །ཡང་དེ་བཞིན་གཤེགས་པ་དེ་དག་གིས་རྡོ་རྗེ་ཆེན་པོ་ནམ་མཁའ་ལྡིང་གི་དབང་པོའི་སྙིང་པོ་གསུངས་པ། ན་མཿ སརྦ་ཏ་ཐཱ་ག་ཏེ་བྷྱཿ སརྦ་མུ་ཁེ་བྷྱཿ སརྦ་ཐཱ་བཛྲ་པི་ཏ་ཏ་དྷ་ར་ཀ་ར་ཧྃ་ཧ་སྭཱ་ཧཱ། 
དེ་ནས་རྡོ་རྗེ་ཆེན་པོ་ནམ་མཁའ་ལྡིང་གི་དབང་པོའི་སྙིང་པོ་འདི་གསུངས་མ་ཐག་ཏུ་འཇིག་རྟེན་གྱི་ཁམས་རབ་འབྱམ་ཐམས་ཅད་དང་ནམ་མཁའ་ལྡིང་གི་གནས་ཐམས་ཅད་དུ། ཀྱེ་མ་བྱང་ཆུབ་སེམས་དཔའ་སེམས་དཔའ་ཆེན་པོ་ལག་ན་རྡོ་རྗེ་

94-1-27a

ཆེན་པོ་འདི་ནི་ནམ་མཁའ་ལྡིང་གི་དབང་པོའི་རྡོ་རྗེ་ཞེས་སྒྲ་གཅིག་ནས་གཅིག་ཏུ་འུར་ཞེས་གྲགས་སོ། །ཡང་དེ་བཞིན་གཤེགས་པ་དེ་དག་གིས་རྡོ་རྗེ་ཆེན་པོ་མི་འམ་ཅིའི་སྙིང་པོ་གསུངས་པ། ན་མཿ སརྦ་ཏ་ཐཱ་ག་ཏེ་བྷྱཿ སརྦ་མུ་ཁེ་བྷྱཿ སརྦ་ཐཱ་བཛྲ་
ཀིནྣ་ར་དནྡ་བི་ཛ་ཡ་ཤཔྟ་སྭཱ་ཧཱ། དེ་ནས་མི་འམ་ཅིའི་སྙིང་པོ་མཆོག་འདི་གསུངས་མ་ཐག་ཏུ་འཇིག་རྟེན་གྱི་ཁམས་རབ་འབྱམ་ཐམས་ཅད་དང་མི་འམ་ཅིའི་གནས་ཐམས་ཅད་དུ། ཀྱེ་མ་བྱང་ཆུབ་སེམས་དཔའ་སེམས་དཔའ་ཆེན་པོ་ལག་ན་རྡོ་རྗེ་འདི་ནི་མི་
འམ་ཅིའི་རྡོ་རྗེའོ་ཞེས་སྒྲ་གཅིག་ནས་གཅིག་ཏུ་འུར་ཞེས་གྲགས་སོ། །ཡང་དེ་བཞིན་གཤེགས་པ་དེ་དག་གིས་རྡོ་རྗེ་ལྟོ་འཕྱེ་ཆེན་པོའི་སྙིང་པོ་གསུངས་པ། ན་མཿ སརྦ་ཏ་ཐཱ་ག་ཏེ་བྷྱཿ སརྦ་མུ་ཁེ་བྷྱཿ སརྦ་ཐཱ་མ་ཧོ་ར་ག་བཛྲ་ཛྭཱ་ལཱ་ཡ་སྭཱ་ཧཱ། དེ་ནས་རྡོ་རྗེ་ལྟོ་
འཕྱེ་ཆེན་པོའི་སྙིང་པོ་འདི་གསུངས་མ་ཐག་ཏུ་འཇིག་རྟེན་གྱི་ཁམས་རབ་འབྱམ་ཐམས་ཅད་དང་ལྟོ་འཕྱེ་ཆེན་པོའི་གནས་ཐམས་ཅད་དུ། ཀྱེ་མ་བྱང་ཆུབ་སེམས་དཔའ་སེམས་དཔའ་ཆེན་པོ་ལག་ན་རྡོ་རྗེ་འདི་ནི་ལྟོ་འཕྱེ་ཆེན་པོའི་རྡོ་རྗེའོ་ཞེས་སྒྲ་གཅིག་ནས་
གཅིག་ཏུ་འུར་ཞེས་གྲགས་སོ། །ཡང་དེ་བཞིན་གཤེགས་པ་དེ་དག་གིས་རྡོ་རྗེ་ཆེན་པོ་སྲིན་པོའི་སྙིང་པོ་གསུངས་པ། ན་མཿ སརྦ་ཏ་ཐཱ་ག་ཏེ་བྷྱཿ སརྦ་མུ་ཁེ་བྷྱཿ སརྦ་ཐཱ་བཛྲ་རཱཀྵ་ས་ཀྲུྰ་ར་ད་ཧ་པ་ཙ་ཊུྃ་ཊུྃ་སྭཱ་ཧཱ། དེ་ནས་རྡོ་རྗེ་ཆེན་པོ་སྲིན་པོའི་སྙིང་པོ་
འདི་གསུངས་མ་ཐག་ཏུ་འཇིག་རྟེན་གྱི་ཁམས་རབ་འབྱམ་ཐམས་ཅད་དང་སྲིན་པོའི་གནས་ཐམས་ཅད་དུ། ཀྱེ་མ་བྱང་ཆུབ་སེམས་དཔའ་སེམས་དཔའ་ཆེན་པོ་ལག་ན་རྡོ་རྗེ་འདི་ནི་སྲིན་པོའི་རྡོ་རྗེ་ཞེས་སྒྲ་གཅིག་ནས་གཅིག་ཏུ་འུར་ཞེས་གྲགས་སོ། །
ཡང་དེ་བཞིན་གཤེགས་པ་དེ་དག་གིས་རྡོ་རྗེ་ཆེན་པོ་མཁའ་འགྲོ་མ་ཞེས་བྱ་བའི་སྙིང་པོ་གསུངས་པ། ན་མཿ སརྦ་ཏ་ཐཱ་ག་ཏེ་བྷྱཿ སརྦ་མུ་ཁེ་བྷྱཿ སརྦ་ཐཱ་བཛྲ་ཧྲི་ད་ཧེ་ཧ་སྭཱ་ཧཱ། དེ་ནས་རྡོ་རྗེ་ཆེན་པོ་མཁའ་འགྲོ་མའི་སྙིང་པོ་འདི་གསུངས་མ་
ཐག་ཏུ་འཇིག་རྟེན་གྱི་ཁམས་རབ་འབྱམ་ཐམས་ཅད་དང་མཁའ་འགྲོ་མའི་གནས་ཐམས་ཅད་དུ། ཀྱེ་མ་བྱང་ཆུབ་སེམས་དཔའ་སེམས་དཔའ་ཆེན་པོ་ལག་ན་རྡོ་རྗེ་འདི་ནི་རྡོ་རྗེ་མཁའ་འགྲོ་མའི་རྡོ་རྗེའོ་ཞེས་སྒྲ་གཅིག་ནས་གཅིག་ཏུ་འུར་ཞེས་

94-1-27b

གྲགས་སོ། །ཡང་དེ་བཞིན་གཤེགས་པ་དེ་དག་གིས་རྡོ་རྗེ་ཆེན་པོ་འབྱུང་པོའི་སྙིང་པོ་གསུངས་པ། ན་མཿ སརྦ་ཏ་ཐཱ་ག་ཏེ་བྷྱཿ སརྦ་མུ་ཁེ་བྷྱཿ སརྦ་ཐཱ་ཧ་ལེ་ཧཱུ་ལེ་བཛྲ་མ་ཧཱ་བྷུ་ཏེ་ཤྭ་ར་སྭཱ་ཧཱ། རྡོ་རྗེ་ཆེན་པོ་འབྱུང་པོའི་སྙིང་པོ་འདི་གསུངས་མ་ཐག་ཏུ་འཇིག་
རྟེན་གྱི་ཁམས་རབ་འབྱམ་ཐམས་ཅད་དང་འབྱུང་པོའི་གནས་ཐམས་ཅད་དུ། ཀྱེ་མ་བྱང་ཆུབ་སེམས་དཔའ་སེམས་དཔའ་ཆེན་པོ་ལག་ན་རྡོ་རྗེ་འདི་ནི་འབྱུང་པོའི་རྡོ་རྗེ་ཆེན་པོ་ཞེས་སྒྲ་གཅིག་ནས་གཅིག་ཏུ་འུར་ཞེས་གྲགས་སོ། །ཡང་དེ་བཞིན་
གཤེགས་པ་དེ་དག་གིས་རྡོ་རྗེ་ཆེན་པོ་ཤ་ཟའི་སྙིང་པོ་གསུངས་པ། ན་མཿ སརྦ་ཏ་ཐཱ་ག་ཏེ་བྷྱཿ སརྦ་མུ་ཁེ་བྷྱཿ སརྦ་ཐཱ་མ་ཧཱ་བཛྲ་པི་ཤཱ་ཙེ་ཤྭ་ར་བི་ཤྭ་ཧྲི་ད་ཡ་གྃ་མི་ཙི་མི་ཙི་མ་ཊ་མ་ཊ་བཛྲ་སྭཱ་ཧཱ། རྡོ་རྗེ་ཆེན་པོ་ཤ་ཟའི་སྙིང་པོ་འདི་དག་གསུངས་མ་ཐག་ཏུ་
འཇིག་རྟེན་གྱི་ཁམས་རབ་འབྱམ་ཐམས་ཅད་དང་ཤ་ཟའི་གནས་ཐམས་ཅད་དུ། ཀྱེ་མ་བྱང་ཆུབ་སེམས་དཔའ་སེམས་དཔའ་ཆེན་པོ་ལག་ན་རྡོ་རྗེ་འདི་ནི་ཤ་ཟའི་རྡོ་རྗེའོ་ཞེས་སྒྲ་གཅིག་ནས་གཅིག་ཏུ་འུར་ཞེས་གྲགས་སོ། །ཡང་དེ་བཞིན་
གཤེགས་པ་དེ་དག་གིས་རྡོ་རྗེ་ཆེན་པོ་ཤ་ཟ་མོའི་སྙིང་པོ་གསུངས་པ། ན་མཿ སརྦ་ཏ་ཐཱ་ག་ཏེ་བྷྱཿ སརྦ་མུ་ཁེ་བྷྱཿ སརྦ་ཐཱ་བཛྲ་དཱུ་ཏི་པི་ཤཱ་ཙི་ཀི་རི་མི་རི་ལེ་སྭཱ་ཧཱ། རྡོ་རྗེ་ཆེན་པོ་ཤ་ཟ་མོའི་སྙིང་པོ་འདི་གསུངས་མ་ཐག་ཏུ་འཇིག་རྟེན་གྱི་ཁམས་
རབ་འབྱམ་ཐམས་ཅད་དང་ཤ་ཟ་མོའི་གནས་ཐམས་ཅད་དུ། ཀྱེ་མ་བྱང་ཆུབ་སེམས་དཔའ་སེམས་དཔའ་ཆེན་པོ་ལག་ན་རྡོ་རྗེ་འདི་ནི་ཤ་ཟ་མོའི་རྡོ་རྗེའོ་ཞེས་སྒྲ་གཅིག་ནས་གཅིག་ཏུ་འུར་ཞེས་གྲགས་སོ། །ཡང་དེ་བཞིན་གཤེགས་
པ་དེ་དག་གིས་རྡོ་རྗེ་སྲིན་མོའི་སྙིང་པོ་གསུངས་པ། ན་མཿ སརྦ་ཏ་ཐཱ་ག་ཏེ་བྷྱཿ སརྦ་མུ་ཁེ་བྷྱཿ སརྦ་ཐཱ་བཛྲ་ཀ་ར་ལི་རཱཀྵ་སི་ཧཱ་རི་མི་རི་སྭཱ་ཧཱ། རྡོ་རྗེ་སྲིན་མོའི་སྙིང་པོ་འདི་གསུངས་མ་ཐག་ཏུ་འཇིག་རྟེན་གྱི་ཁམས་རབ་འབྱམ་ཐམས་ཅད་
དང་སྲིན་མོའི་གནས་ཐམས་ཅད་དུ། ཀྱེ་མ་བྱང་ཆུབ་སེམས་དཔའ་སེམས་དཔའ་ཆེན་པོ་ལག་ན་རྡོ་རྗེ་འདི་ནི་སྲིན་མོའི་རྡོ་རྗེའོ་ཞེས་སྒྲ་གཅིག་ནས་གཅིག་ཏུ་འུར་ཞེས་གྲགས་སོ། །ཡང་དེ་བཞིན་གཤེགས་པ་དེ་དག་གིས་རྡོ་རྗེ་ཆེན་

94-1-28a

པོ་གནོན་པོའི་སྙིང་པོ་གསུངས་པ། ན་མཿ སརྦ་ཏ་ཐཱ་ག་ཏེ་བྷྱཿ སརྦ་མུ་ཁེ་བྷྱཿ སརྦ་ཐཱ་ཨོ་སྟཱ་ར་ཀ་བཛྲ་ཧི་སི་སྭཱ་ཧཱ། གནོན་པོའི་སྙིང་པོ་འདི་གསུངས་མ་ཐག་ཏུ་འཇིག་རྟེན་གྱི་ཁམས་རབ་འབྱམ་ཐམས་ཅད་དང་གནོན་པོའི་
གནས་ཐམས་ཅད་དུ། ཀྱེ་མ་བྱང་ཆུབ་སེམས་དཔའ་སེམས་དཔའ་ཆེན་པོ་ལག་ན་རྡོ་རྗེ་འདི་ནི་གནོན་པོའི་རྡོ་རྗེའོ་ཞེས་སྒྲ་གཅིག་ནས་གཅིག་ཏུ་འུར་ཞེས་གྲགས་སོ། །ཡང་དེ་བཞིན་གཤེགས་པ་དེ་དག་གིས་གྲིབ་གནོན་རབ་ཏུ་འཇིག་པའི་
རྡོ་རྗེའི་སྙིང་པོ་གསུངས་པ། ན་མཿ སརྦ་ཏ་ཐཱ་ག་ཏེ་བྷྱཿ སརྦ་མུ་ཁེ་བྷྱཿ སརྦ་ཀི་ལི་ཀི་ལི་བཛྲ་བི་དྷ་ཧི་ནི་སྭཱ་ཧཱ། གྲིབ་གནོན་རབ་ཏུ་འཇིག་པའི་སྙིང་པོ་འདི་གསུངས་མ་ཐག་ཏུ་འཇིག་རྟེན་གྱི་ཁམས་རབ་འབྱམ་ཐམས་ཅད་དང་། གྲིབ་
གནོན་གྱི་གནས་ཐམས་ཅད་དུ། ཀྱེ་མ་བྱང་ཆུབ་སེམས་དཔའ་སེམས་དཔའ་ཆེན་པོ་ལག་ན་རྡོ་རྗེ་འདི་ནི་གྲིབ་གནོན་གྱི་རྡོ་རྗེའོ་ཞེས་སྒྲ་གཅིག་ནས་གཅིག་ཏུ་འུར་ཞེས་གྲགས་སོ། །ཡང་དེ་བཞིན་གཤེགས་པ་དེ་དག་གིས་བརྗེད་
བྱེད་ཀྱི་གདོན་འགོག་པའི་རྡོ་རྗེའི་སྙིང་པོ་གསུངས་པ། ན་མཿ སརྦ་ཏ་ཐཱ་ག་ཏེ་བྷྱཿ སརྦ་མུ་ཁེ་བྷྱཿ སརྦ་ཐཱ་གྲྃ་གྲྃ་སྥ་ར་ཎ་བཛྲ་སྭཱ་ཧཱ། བརྗེད་བྱེད་ཀྱི་གདོན་འགོག་པའི་རྡོ་རྗེའི་སྙིང་པོ་འདི་གསུངས་མ་ཐག་ཏུ་འཇིག་རྟེན་གྱི་ཁམས་རབ་
འབྱམ་ཐམས་ཅད་དང་བརྗེད་བྱེད་ཀྱི་གནས་ཐམས་ཅད་དུ། ཀྱེ་མ་བྱང་ཆུབ་སེམས་དཔའ་སེམས་དཔའ་ཆེན་པོ་ལག་ན་རྡོ་རྗེ་འདི་ནི་བརྗེད་བྱེད་ཀྱི་རྡོ་རྗེའོ་ཞེས་སྒྲ་གཅིག་ནས་གཅིག་ཏུ་འུར་ཞེས་གྲགས་སོ། །དེ་ནས་དེ་བཞིན་གཤེགས་
པ་དེ་དག་གིས་ཡང་གདོན་ཐམས་ཅད་བཟློག་པའི་རྡོ་རྗེའི་སྙིང་པོ་འདི་གསུངས་པ། ན་མཿ སརྦ་ཏ་ཐཱ་ག་ཏེ་བྷྱཿ སརྦ་མུ་ཁེ་བྷྱཿ སརྦ་ཐཱ་བི་ར་བཛྲཿ སརྦ་གྲ་ཧ་ནི་ཀྲིན་ཏ་ན་ཛཱ་ཏི་བ་ལྃ་པོ་ད་ར་ར་ཊ་ར་ཊ་སྭཱ་ཧཱ། གདོན་ཐམས་ཅད་བཟློག་པའི་
རྡོ་རྗེའི་སྙིང་པོ་གསུངས་མ་ཐག་ཏུ་འཇིག་རྟེན་གྱི་ཁམས་རབ་འབྱམ་ཐམས་ཅད་དང་། གདོན་ཐམས་ཅད་ཀྱི་གནས་ཐམས་ཅད་དུ། ཀྱེ་མ་བྱང་ཆུབ་སེམས་དཔའ་སེམས་དཔའ་ཆེན་པོ་ལག་ན་རྡོ་རྗེ་འདི་ནི་གདོན་ཐམས་ཅད་བཟློག་

94-1-28b

པའི་རྡོ་རྗེའོ་ཞེས་སྒྲ་གཅིག་ནས་གཅིག་དུ་འུར་ཞེས་གྲགས་སོ། །ཡང་དེ་བཞིན་གཤེགས་པ་དེ་དག་གིས་ལྷ་ལ་སོགས་པ་ཐམས་ཅད་ཀྱི་རྡོ་རྗེའི་སྙིང་པོ་གསུངས་པ། ན་མཿ སརྦ་ཏ་ཐཱ་ག་ཏེ་བྷྱཿ སརྦ་མུ་ཁེ་བྷྱཿ སརྦ་བཛྲྃ་བཛྲྃ་སྃ་སྃ་སྭཱ་ཧཱ། ལྷ་ལ་
སོགས་པའི་རྡོ་རྗེའི་སྙིང་པོ་འདི་གསུངས་མ་ཐག་ཏུ་འཇིག་རྟེན་གྱི་ཁམས་རབ་འབྱམ་ཐམས་ཅད་དང་ལྷ་ལ་སོགས་པ་ཐམས་ཅད་ཀྱི་གནས་རྣམས་སུ། ཀྱེ་མ་བྱང་ཆུབ་སེམས་དཔའ་སེམས་དཔའ་ཆེན་པོ་ལག་ན་རྡོ་རྗེ་འདི་ནི་ལྷ་ལ་སོགས་པའི་
སྙིང་པོ་རྡོ་རྗེའོ་ཞེས་སྒྲ་གཅིག་ནས་གཅིག་ཏུ་འུར་ཞེས་གྲགས་སོ། །ཡང་དེ་བཞིན་གཤེགས་པ་དེ་དག་གིས་ནད་ཀྱི་གདོན་ཚར་གཅོད་པའི་རྡོ་རྗེའི་སྙིང་པོ་གསུངས་པ། ན་མཿ སརྦ་ཏ་ཐཱ་ག་ཏེ་བྷྱཿ སརྦ་མུ་ཁེ་བྷྱཿ སརྦ་ཐཱ་བྷཻ་ཤ་ཛྱ་བཛྲ་ཨ་མྲྀ་
ཏ་བྷ་བ་སྭཱ་ཧཱ། རྩི་སྨན་ཆེན་པོའི་རྡོ་རྗེ་ཆེན་པོའི་སྙིང་པོ་འདི་གསུངས་མ་ཐག་ཏུ་འཇིག་རྟེན་གྱི་ཁམས་རབ་འབྱམ་ཐམས་ཅད་དང་རྩི་སྨན་ཆེན་པོའི་གནས་རྣམས་སུ། ཀྱེ་མ་བྱང་ཆུབ་སེམས་དཔའ་སེམས་དཔའ་ཆེན་པོ་ལག་ན་རྡོ་རྗེ་འདི་ནི་
རྩི་སྨན་གྱི་རྡོ་རྗེའོ་ཞེས་སྒྲ་གཅིག་ནས་གཅིག་ཏུ་འུར་ཞེས་གྲགས་སོ། །ཡང་དེ་བཞིན་གཤེགས་པ་དེ་དག་གིས་ནད་ཀྱི་གདོན་བསལ་བའི་རྡོ་རྗེའི་སྙིང་པོ་གསུངས་པ། ན་མཿ སརྦ་ཏ་ཐཱ་ག་ཏེ་བྷྱཿ སརྦ་མུ་ཁེ་བྷྱཿ སརྦ་ཐཱ་ཏ྄་ཊ་ཏྲ་ཊ་བཛྲ་སྭཱ་ཧཱ། 
ནད་བསལ་བའི་རྡོ་རྗེའི་སྙིང་པོ་འདི་གསུངས་མ་ཐག་ཏུ་འཇིག་རྟེན་གྱི་ཁམས་རབ་འབྱམ་ཐམས་ཅད་དུ། ཀྱེ་མ་བྱང་ཆུབ་སེམས་དཔའ་སེམས་དཔའ་ཆེན་པོ་ལག་ན་རྡོ་རྗེ་འདི་ནི་ནད་རབ་ཏུ་ཞི་བར་བྱེད་པའི་རྡོ་རྗེ་ཞེས་སྒྲ་གཅིག་ནས་གཅིག་ཏུ་
འུར་ཞེས་གྲགས་སོ། །ཡང་དེ་བཞིན་གཤེགས་པ་དེ་དག་གིས་རྒ་བའི་གདོན་འགོག་པའི་རྡོ་རྗེའི་སྙིང་པོ་གསུངས་པ། ན་མཿ སརྦ་ཏ་ཐཱ་ག་ཏེ་བྷྱཿ སརྦ་མུ་ཁེ་བྷྱཿ སརྦ་ཐཱ་ཨ་མྲྀ་ཏོད་བྷ་བ་བཛྲ་ལ་ལ་ལ་ལ་སྭཱ་ཧཱ། རྒ་བ་འགོག་པའི་སྙིང་པོ་འདི་
གསུངས་མ་ཐག་ཏུ་འཇིག་རྟེན་གྱི་ཁམས་རབ་འབྱམ་ཐམས་ཅད་དུ། ཀྱེ་མ་བྱང་ཆུབ་སེམས་དཔའ་སེམས་དཔའ་ཆེན་པོ་ལག་ན་རྡོ་རྗེ་འདི་ནི་རྒ་བ་འགོག་པའི་རྡོ་རྗེའོ་ཞེས་བྱ་བ་གཅིག་ནས་གཅིག་ཏུ་འུར་ཞེས་གྲགས། ཡང་དེ་བཞིན་

94-1-29a

གཤེགས་པ་དེ་དག་གིས་འཆི་བ་རབ་ཏུ་ཞི་བར་བྱེད་པའི་རྡོ་རྗེའི་སྙིང་པོ་གསུངས་པ། ན་མཿ སརྦ་ཏ་ཐཱ་ག་ཏེ་བྷྱཿ སརྦ་མུ་ཁེ་བྷྱཿ སརྦ་ཐཱ་ཀ་ཏི་བཛྲ་ཛ་ཡ་ཧ་ཧ་སྭཱ་ཧཱ། འཆི་བ་རབ་ཏུ་ཞི་བར་བྱེད་པའི་རྡོ་རྗེའི་སྙིང་པོ་འདི་གསུངས་མ་
ཐག་ཏུ་འཇིག་རྟེན་གྱི་ཁམས་རབ་འབྱམ་ཐམས་ཅད་དུ། ཀྱེ་མ་བྱང་ཆུབ་སེམས་དཔའ་སེམས་དཔའ་ཆེན་པོ་ལག་ན་རྡོ་རྗེ་འདི་ནི་འཆི་བ་ལས་རྒྱལ་བའི་རྡོ་རྗེའོ་ཞེས་སྒྲ་གཅིག་ནས་གཅིག་ཏུ་འུར་ཞེས་གྲགས་སོ། །ཡང་དེ་བཞིན་
གཤེགས་པ་དེ་དག་གིས་རྒུད་པའི་གདོན་བཟློག་པའི་རྡོ་རྗེའི་སྙིང་པོ་འདི་གསུངས་པ། ན་མཿ སརྦ་ཏ་ཐཱ་ག་ཏེ་བྷྱཿ སརྦ་མུ་ཁེ་བྷྱཿ སརྦ་ཐཱ་པ་ར་མ་བཛྲ་སརྦ་ཤྲི་ཡྃ་ཨ་བྷུ་ད་ཡནྡ་ད་མ་ཧཱ་ཀ་རུ་ཎི་ཀ་དྷ་ཀ་དྷ་ཀ་སྭཱ་ཧཱ། རྒུད་པ་ཐམས་ཅད་འགོག་
པའི་རྡོ་རྗེའི་སྙིང་པོ་འདི་གསུངས་མ་ཐག་ཏུ་འཇིག་རྟེན་གྱི་ཁམས་རབ་འབྱམ་ཐམས་ཅད་དུ། ཀྱེ་མ་བྱང་ཆུབ་སེམས་དཔའ་སེམས་དཔའ་ཆེན་པོ་ལག་ན་རྡོ་རྗེ་འདི་ནི་རྒུད་པ་ཐམས་ཅད་འགོག་པའི་རྡོ་རྗེའོ་ཞེས་སྒྲ་གཅིག་ནས་གཅིག་ཏུ་
འུར་ཞེས་གྲགས་སོ། །དེ་ནས་ཡང་དེ་བཞིན་གཤེགས་པ་དེ་དག་གིས་འཁོར་ལོས་སྒྱུར་བ་ཆེན་པོའི་སྟོབས་ཐོགས་པ་མེད་པའི་རྡོ་རྗེའི་སྙིང་པོ་གསུངས་པ། ན་མཿ སརྦ་ཏ་ཐཱ་ག་ཏེ་བྷྱཿ སརྦ་མུ་ཁེ་བྷྱཿ སརྦ་ཐཱ་ཨོཾ་བཛྲ་ཙཀྲ་བརྟི་
ཧཱུྃ་སྭཱ་ཧཱ། དེ་ནས་འཁོར་ལོས་སྒྱུར་བ་ཆེན་པོའི་གསང་སྔགས་ཀྱི་རྒྱལ་པོ་འདི་གསུངས་མ་ཐག་ཏུ་འཇིག་རྟེན་གྱི་ཁམས་རབ་འབྱམ་ཐམས་ཅད་དང་སངས་རྒྱས་ཀྱི་འཁོར་གྱི་དཀྱིལ་འཁོར་ཐམས་ཅད་དང་། བྱང་ཆུབ་སེམས་དཔའི་
གནས་ཐམས་ཅད་དང་ལྷ་དང་ཀླུ་དང་གནོད་སྦྱིན་དང་དྲི་ཟ་དང་ལྷ་མ་ཡིན་དང་ནམ་མཁའ་ལྡིང་དང་མི་འམ་ཅི་དང་ལྟོ་འཕྱེ་ཆེན་པོ་དང་སྲིན་པོ་དང་འབྱུང་པོ་དང་ཤ་ཟ་ལ་སོགས་པའི་གནས་ཐམས་ཅད་དུ་རྡོ་རྗེ་ཆེན་པོའི་འཁོར་ལོས་སྒྱུར་བ་
ཞེས་བྱ་བའི་སྒྲ་གཅིག་ནས་གཅིག་ཏུ་འུར་ཞེས་གྲགས་སོ། །ཡང་དེ་བཞིན་གཤེགས་པ་དེ་དག་གིས་རྡོ་རྗེ་ཆེན་པོའི་འཁོར་ལོས་སྒྱུར་བའི་སྙིང་པོ་གསུངས་པ། ན་མཿ སརྦ་ཏ་ཐཱ་ག་ཏེ་བྷྱཿ སརྦ་མུ་ཁེ་བྷྱཿ སརྦ་ཐཱ་ཛྲཱི་ཤྲཱི་ཧཱུྃ་སྭཱ་ཧཱ། 

94-1-29b

དེ་ནས་དེ་བཞིན་གཤེགས་པ་དེ་དག་གིས་ཡང་འཁོར་ལོས་སྒྱུར་བ་ཆེན་པོ་ལ་སོགས་པ་རྡོ་རྗེ་ཆེན་པོའི་སྙིང་པོ་རྣམས་བྱང་ཆུབ་སེམས་དཔའ་སེམས་དཔའ་ཆེན་པོ་ལག་ན་རྡོ་རྗེ་ལ་བྱིན་ཏེ། བྱིན་ནས་ཀྱང་འོད་ཟེར་གྱི་དྲ་བ་ཆེན་པོའི་
དཀྱིལ་འཁོར་གྱི་སྤྲིན་སྟུག་པོའི་དྲ་བ་ཆེན་པོའི་ཆེན་པོས་ཐམས་ཅད་དང་ལྡན་པའི་འཇིག་རྟེན་གྱི་ཁམས་དང་ཤིང་སཱ་ལ་སྣ་ཚོགས་ཀྱི་རྒྱལ་མཚན་བཀོད་པའི་ནགས་ཚལ་སྟུག་པོ་དང་། ཐམས་ཅད་དང་ལྡན་པའི་འཁོར་གྱི་དཀྱིལ་འཁོར་
སྣང་བར་བྱས་ནས་ཆོས་གསུམ་གྱི་བྱིན་གྱིས་བརླབས་ཀྱི་སྟོབས་ཀྱིས་བྱང་ཆུབ་སེམས་དཔའ་ལག་ན་རྡོ་རྗེ་བྱིན་གྱིས་བརླབས་ནས་ཆོས་ཀྱི་དབྱིངས་ཀྱི་དཀྱིལ་འཁོར་དུ་བདག་ཉིད་ཆོས་ཀྱི་དབྱིངས་ཀྱི་རང་བཞིན་དུ་བསྒྱུར་ནས་མི་སྣང་
བར་གྱུར་ཏོ། །བཅོམ་ལྡན་འདས་ཤཱཀྱ་ཐུབ་པས་ཀྱང་དེའི་ཚེ་བྱང་ཆུབ་སེམས་དཔའ་ལག་ན་རྡོ་རྗེ་ལ་བཀའ་སྩལ་པ། རིགས་ཀྱི་བུ་དེ་བཞིན་གཤེགས་པ་ཐམས་ཅད་ཀྱིས་དཀྱིལ་འཁོར་འཁོར་ལོས་སྒྱུར་བ་ཆེན་པོའི་རྡོ་རྗེའི་དཀྱིལ་
འཁོར་ཆེན་པོར་ལག་ཏུ་རྡོ་རྗེས་དབང་བསྐུར་བས་ཁྱོད་དབང་བསྐུར་ཏོ། །ཏིང་ངེ་འཛིན་བྱེ་བ་ཁྲག་ཁྲིག་བརྒྱ་སྟོང་དུ་མ་ལས་བྱས་པའི་རྡོ་རྗེ་ཁྱོད་ལ་བྱིན་ནོ། །འཁོར་ལོས་སྒྱུར་བའི་རྒྱལ་པོ་ཆེན་པོའི་རྡོ་རྗེས་ཁྱོད་བྱིན་གྱིས་
བརླབས་སོ། །རྡོ་རྗེ་སྙིང་པོ་ཐམས་ཅད་ཁྱོད་ལ་བསྟན་ཏོ། །དེ་བཞིན་གཤེགས་པ་ཐམས་ཅད་ཀྱིས་ཁྱོད་ལ་བསྟན་པ་ཐམས་ཅད་ཀྱི་དོན་བྱ་བ་དང་བསྲུང་བར་གནང་ངོ་། །ཁྱོད་ཀྱི་སྔོན་གྱི་སྨོན་ལམ་ཆེན་པོ་ཡོངས་སུ་རྫོགས་སོ། །རིགས་
ཀྱི་བུ་ད་རང་གི་རྫུ་འཕྲུལ་གྱི་ཆོ་འཕྲུལ་ངེས་པར་སྟོན་ཅིག་རིགས་ཀྱི་བུ་ལག་ན་རྡོ་རྗེས་དབང་བསྐུར་བའི་དཀྱིལ་འཁོར་ཆེན་པོ་ཤོད་ཅིག །དེ་སྐད་ཅེས་བཀའ་སྩལ་པ་དང་ལག་ན་རྡོ་རྗེས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །ཆོས་ཀྱི་རྗེས་
ཅི་སྐད་བཀའ་སྩལ་པ་བཞིན་དུ་འཚལ་ལོ། །བཅོམ་ལྡན་འདས་བདག་མཆོག་ཏུ་ངོ་མཚར་ཐོབ་པ་དང་བདག་རྣམ་པར་རྒྱལ་བའི་ཆོས་དམ་པ་ཐོབ་པ་ནི་བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་

94-1-30a

སངས་རྒྱས་ཀྱིས་བདག་ལ་ཐུགས་བརྩེ་བར་མཛད་དོ། །དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་ལག་ན་རྡོ་རྗེ་དེའི་ཚེ་རྡོ་རྗེ་བརྩེགས་པ་ཆེན་པོ་རྣམ་པར་བསྒྲགས་པའི་སྙིང་པོ་ཞེས་བྱ་བའི་ཏིང་ངེ་འཛིན་ལ་སྙོམས་
པར་ཞུགས་སོ། །དེ་ནས་ལག་ན་རྡོ་རྗེ་རྡོ་རྗེ་རྩེགས་པ་ཆེན་པོ་རྣམ་པར་བསྒྲགས་པའི་སྙིང་པོ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་མ་ཐག་ཏུ་དེ་ནས་དེའི་ཚེ་འཇིག་རྟེན་གྱི་ཁམས་ཐམས་ཅད་དང་ཞིང་ཐམས་ཅད་རྣམ་པ་དྲུག་ཏུ་
གཡོས་ཀུན་དུ་རབ་ཏུ་གཡོས་སོ། །སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་འདི་ཐམས་ཅད་ཀྱང་རྣམ་པ་དྲུག་ཏུ་གཡོས་རབ་ཏུ་གཡོས་ཀུན་དུ་རབ་ཏུ་གཡོས་སོ། །ཆེམ་ཆེམ་རབ་ཏུ་ཆེམ་ཆེམ་ཀུན་དུ་རབ་ཏུ་ཆེམ་མོ། །
འགུལ་རབ་ཏུ་འགུལ་ཀུན་དུ་རབ་ཏུ་འགུལ་ལོ། །ལྡེག་རབ་ཏུ་ལྡེག་ཀུན་དུ་རབ་ཏུ་ལྡེག་གོ། ཤར་ཕྱོགས་མཐོ་ན་ནུབ་ཕྱོགས་དམའོ། །ནུབ་ཕྱོགས་མཐོ་ན་ཤར་ཕྱོགས་དམའོ། །ལྷོ་ཕྱོགས་མཐོ་ན་བྱང་ཕྱོགས་དམའོ། །བྱང་
ཕྱོགས་མཐོ་ན་ལྷོ་ཕྱོགས་དམའོ། །དབུས་མཐོ་ན་མཐའ་དམའོ། །མཐའ་མཐོ་ན་དབུས་དམའོ། །སྣང་བ་ཆེན་པོ་ཡང་འཇིག་རྟེན་དུ་བྱུང་བར་གྱུར་ཏོ། །གང་དག་འཇིག་རྟེན་གྱི་བར་མུན་པ་མུན་ནག་སྨག་ཏུ་གྱུར་པ་ན་འཁོད་པ་དེ་དག་
ཀྱང་འོད་དེས་སྣང་བར་བྱས་ནས་སེམས་ཅན་གང་དག་དེར་སྐྱེས་པ་དེ་དག་ཕན་ཚུན་བལྟ་ཞིང་གཅིག་གིས་གཅིག་མཐོང་ནས་སེམས་ཅན་གཞན་དག་གཅིག་འདིར་སྐྱེས་པ་བལྟ་སེམས་ཅན་གཞན་དག་གཅིག་འདིར་སྐྱེས་པ་བལྟའོ་སྙམ་
མོ། །དེ་དག་གིས་བལྟས་པ་དང་བྱང་ཆུབ་སེམས་དཔའ་སེམས་དཔའ་ཆེན་པོ་ལག་ན་རྡོ་རྗེ་རྡོ་རྗེའི་ཡི་གེའི་སྙིང་པོའི་གཟུངས་ཀྱིས་ཆོས་སྟོན་ཏོ། །དེ་དག་གིས་ཆོས་དེ་ཐོས་ནས་དད་པ་རྙེད་དེ་ཤི་འཕོས་ནས་ལྷའི་ནང་དུ་སྐྱེས་ཏེ་ཤིང་སཱ་ལ་སྣ་ཚོགས་ཀྱི་
རྒྱལ་མཚན་བཀོད་པའི་ནགས་ཚལ་སྟུག་པོ་ག་ལ་བ་དེར་ལག་ན་རྡོ་རྗེ་དབང་བསྐུར་བ་ཆེན་པོས་དབང་བསྐུར་བའི་བྱང་ཆུབ་སེམས་དཔའ་སེམས་དཔའ་ཆེན་པོ་ལག་ན་རྡོ་རྗེ་ལ་བལྟ་བ་དང་ཕྱག་བྱ་བ་དང་མཆོད་པ་བྱ་བའི་ཕྱིར་དོང་ངོ་། །ཚ་བའི་

94-1-30b

སེམས་ཅན་དམྱལ་བ་གང་ཡིན་པ་དེ་དག་ཀྱང་སྐད་ཅིག་དེ་དང་ཡུད་ཙམ་དེ་དང་ཐང་ཅིག་དེ་ལ་ཆད་པར་གྱུར་ཏོ། །དེའི་ཚེ་དུད་འགྲོའི་སྐྱེ་གནས་ཀྱི་མིང་ཡང་མི་གྲག་པར་གྱུར་ཏོ། །ཡི་དགས་ཀྱི་གནས་ཐམས་ཅད་ཀྱང་རིན་པོ་ཆེ་སྣ་བདུན་གྱི་ར་
བས་ཀུན་དུ་བསྐོར་བ་དང་། ལྷའི་ཟས་དང་། སྐོམ་དང་། ཡོ་བྱད་ཡོངས་སུ་རྫོགས་པ་དང་ལྷའི་ལུས་དང་ལྡན་པར་གྱུར་ཏོ། །ཤིང་སཱ་ལ་སྣ་ཚོགས་ཀྱི་རྒྱལ་མཚན་བཀོད་པའི་ནག་ཚལ་སྟུག་པོ་འདི་ཐམས་ཅད་ཀྱང་སྣང་བ་ཆེན་པོས་སྣང་བར་
གྱུར་ཏོ། །ལྷའི་བུ་ཉི་མ་དང་ཟླ་བ་རྫུ་འཕྲུལ་ཆེ་བ་མཐུ་ཆེ་བ་གཉིས་ཀྱང་ལྷམ་མེ་མ་ཡིན་ལྷན་ནེ་མ་ཡིན་ལྷང་ངེ་མ་ཡིན་ཏེ་དེ་བཞིན་གཤེགས་པའི་འོད་དང་ས་བཅུ་ཐོབ་པའི་བྱང་ཆུབ་སེམས་དཔའི་འོད་མ་གཏོགས་པར་འོད་གཞན་ཐམས་ཅད་
མོག་མོག་པོར་གྱུར་ཏོ། །བྱང་ཆུབ་སེམས་དཔའ་ལག་ན་རྡོ་རྗེ་ཏིང་ངེ་འཛིན་འདི་ཉིད་ལ་སྙོམས་པར་གཞག་མ་ཐག་ཏུ་དེའི་ཚེ་སྤུའི་བུ་ག་ཐམས་ཅད་ནས་ཁྲོ་བོའི་རྒྱལ་པོ་དག་བྱུང་ནས་ཧཱུྃ་ཞེས་བྱ་བའི་སྒྲ་ཆེན་པོ་ནི་བསྒྲགས་ལག་ན་རྡོ་རྗེ་ནི་ཐོགས་
གདོང་གི་དཔྲལ་བའི་ཁྲོ་གཉེར་ནི་བསྙེར་སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་འདི་དབྱངས་གཅིག་གིས་གོ་བར་བྱེད་ཅིང་། ཀྱེ་མ་རུངས་པ་ཡི་སྲིན་པོ་དང་། །ཕ་ཡི་མཚུན་དང་ཤ་ཟ་དང་། །མ་མོའི་གདོན་དང་འབྱུང་པོ་དང་། །བརྗེད་བྱེད་གྲུབ་
པ་སྦྲུལ་འཛིན་བཅས། །གནོན་པོ་བགེགས་དང་ལོག་འདྲེན་སོགས། །གདོན་གྱི་ཚོགས་རྣམས་ཐམས་ཅད་ནི། །སེར་སྣ་ཡོངས་སུ་བཏང་བྱོས་ལ། །དུལ་བའི་སེམས་ཀྱིས་མཉམ་གཞག་སྟེ། །སངས་རྒྱས་ཆོས་དང་དགེ་འདུན་ལ། །མཁས་པ་དག་ནི་
སྐྱབས་སུ་དོང་། །རྡོ་རྗེ་འཛིན་པ་དཔལ་ལྡན་འདི། །རྡོ་རྗེ་རབ་ཏུ་འབར་འཛིན་པ། །ནགས་ཚལ་དམ་པ་ཉམས་དགའ་བར། །ཡིད་འོང་ཁང་པ་བརྩེགས་ན་བཞུགས། །དོང་ལ་མགོན་པོ་དེ་ལས་ནི། །དམ་ཚིག་ཡོངས་སུ་སྩལ་བྱོས་ལ། །ང་རྒྱལ་ང་ཡི་མེད་
བྱོས་ཏེ། །ས་རྣམས་ཀུན་དུ་རྒྱུ་བར་བྱོས། །གཞན་དུ་ཁྱེད་ཅག་དེ་རིང་ཉིད། །རྡོ་རྗེ་འབར་བ་རབ་འཁྲུགས་པ། །འབར་བ་འཇིགས་ཆེན་དེ་དག་གིས། །མགོ་ནི་ཤིན་ཏུ་འགེམས་པར་འགྱུར། །དེ་ལྟར་ཁྲོ་བོའི་རྒྱལ་པོ་དག །འཇིག་རྟེན་

94-1-31a

ཁམས་འདི་ཐམས་ཅད་དུ། །རྩལ་མེད་ཚིག་གིས་གོ་བྱས་ནས། །རྡོ་རྗེ་འཛིན་གྱི་གན་དེང་ཤིག །ཅེས་ཆེད་དུ་བརྗོད་པ་འདི་ཆེད་དུ་བརྗོད་དོ། །དེའི་ཚེ་འབྱུང་པོའི་ཚོགས་ཐམས་ཅད་བྱང་ཆུབ་སེམས་དཔའ་ལག་ན་རྡོ་རྗེའི་བསྟན་པ་འདི་
ཚོལ་ཞིང་སངས་རྒྱས་ལ་སྐྱབས་སུ་དོང་ངོ་། །ཆོས་ལ་སྐྱབས་སུ་དོང་ངོ་། །དགེ་འདུན་ལ་སྐྱབས་སུ་དོང་ངོ་། །བྱང་ཆུབ་སེམས་དཔའ་སེམས་དཔའ་ཆེན་པོ་ལག་ན་རྡོ་རྗེ་ལ་ཡང་ཕྱག་འཚལ་ལོ། །དེ་ནས་བྱང་ཆུབ་སེམས་དཔའ་སེམས་དཔའ་
ཆེན་པོ་ལག་ན་རྡོ་རྗེས་དེའི་ཚེ་རང་གི་སྙིང་པོ་སྨྲས་པ། ན་མཿ སརྦ་ཏ་ཐཱ་ག་ཏེ་བྷྱཿ སརྦ་མུ་ཁེ་བྷྱཿ སརྦ་ཐཱ་ཙཎྚ་མ་ཧཱ་རོ་ཥ་ཎ་བཛྲ་པཱ་ཎི་ཧཱུྃ་ཕཊ། བྱང་ཆུབ་སེམས་དཔའ་ལག་ན་རྡོ་རྗེས་རང་གི་སྙིང་པོ་སྨྲས་མ་ཐག་ཏུ་དེ་ནས་འཇིག་རྟེན་གྱི་ཁམས་
རབ་འབྱམ་ཐམས་ཅད་དང་སངས་རྒྱས་ཀྱི་འཁོར་གྱི་དཀྱིལ་འཁོར་ཐམས་ཅད་དང་ལྷ་དང་ཀླུ་དང་གནོད་སྦྱིན་དང་དྲི་ཟ་དང་ལྷ་མ་ཡིན་དང་ནམ་མཁའ་ལྡིང་དང་མི་འམ་ཅི་དང་ལྟོ་འཕྱེ་ཆེན་པོ་དང་མི་དང་མི་མ་ཡིན་པ་ཐམས་ཅད་ཀྱི་གནས་རྣམས་སུ། 
ཀྱེ་མ་བྱང་ཆུབ་སེམས་དཔའ་སེམས་དཔའ་ཆེན་པོ་ལག་ན་རྡོ་རྗེ་འདི་ནི་ལག་ན་རྡོ་རྗེ་དྲག་པོའོ། །ལག་ན་རྡོ་རྗེ་དྲག་པོའོ་ཞེས་སྒྲ་གཅིག་ནས་གཅིག་ཏུ་འུར་ཅེས་གྲགས་སོ། །དེ་ཐོས་ནས་བྱང་ཆུབ་སེམས་དཔའ་རྣམས་ཀྱི་ཚུལ་ཆེན་པོ་ལ་
སྨོན་ལམ་ཤིན་ཏུ་བཏབ་པར་གྱུར་ཏོ། །དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་ལག་ན་རྡོ་རྗེས་རྡོ་རྗེ་དྲག་པོའི་སྙིང་པོ་འདི་སྨྲས་ནས། དེ་ནས་དེ་བཞིན་གཤེགས་པ་ཐམས་ཅད་ཀྱིས་གནང་བས་ཐམས་ཅད་དང་ལྡན་པའི་
འཁོར་གྱི་དཀྱིལ་འཁོར་ཐམས་ཅད་ལ་བལྟས་ཏེ་དཀྱིལ་འཁོར་ཆེན་པོ་སྨྲས་སོ། །དེ་ལ་སློབ་དཔོན་གསང་སྔགས་ཀྱི། །དེ་ཉིད་དོན་མཁས་ཚུལ་ཁྲིམས་ལྡན། །སྒྱུ་རྩལ་རྣམས་ལ་མཁས་པ་དང་། །སྙིང་རྗེའི་རང་བཞིན་བཟོད་དང་
ལྡན། །སངས་རྒྱས་ཆོས་དང་དགེ་འདུན་སེམས། །ངེས་པ་དང་ནི་དུས་ཤེས་པ། །གཡེར་བ་སྲོ་ཤི་མ་ཡིན་པ། །མདངས་ཆེ་ཟབ་མོའི་ཆོས་ལ་མོས། །བཟླས་བརྗོད་ལ་བརྩོན་རྟག་ཏུ་ནི། །བསམ་གཏན་བྱེད་པ་ལ་དགའ་ཞིང་། །

94-1-31b

ལག་ན་རྡོ་རྗེའི་མིང་ཐོས་པའི། །སྔགས་པ་དེ་ཡིས་རྟག་པར་ནི། །མཆི་མ་འབྱུང་ཞིང་སྤུ་ཟིང་བྱེད། །རྨི་ཡང་ལག་ན་རྡོ་རྗེ་ལ། །ཡིད་གཉིས་ཐེ་ཙོམ་མེད་པ་དང་། །དུས་ཤེས་དེ་བཞིན་ཚོད་ཤེས་ཤིང་། །བྱས་གཟོ་དེ་བཞིན་བདེན་སྨྲ་བ། །
སློབ་དཔོན་དེ་ལྟ་བུས་རིང་བསྲེལ་དང་བཅས་པའི་མཆོད་རྟེན་ནམ་སྐུ་གཟུགས་ཀྱི་སྤྱན་སྔ་འམ་རྒྱ་མཚོར་འབབ་པའི་ཆུ་ཀླུང་དུ་ཞུགས་ཏེ་གོང་དུ་སྨོས་པའི་སྙིང་པོ་དེ་དག་རེ་རེ་ཞིང་ཡང་འབུམ་འབུམ་བཟླས་བརྗོད་བྱའོ། །དེའི་འོག་ཏུ་
ལག་ན་རྡོ་རྗེ་དྲག་པོའི་སྙིང་པོས་ཡུངས་ཀར་དང་མངར་གསུམ་བསྲེས་པ་དག་ལན་ཁྲིར་སྦྱིན་བསྲེག་བྱའོ། །དེའི་འོག་ཏུ་འཁོར་ལོས་སྒྱུར་བའི་དཀྱིལ་འཁོར་ཆེན་པོའི་དབུས་སུ་འདུག་སྟེ་བཅོམ་ལྡན་འདས་འཁོར་ལོས་སྒྱུར་བ་ཆེན་
པོ་བཟླས་བརྗོད་བྱའོ། །དྲག་པོའི་སྙིང་པོ་ཆེན་པོས་སློབ་མ་དག་པར་བྱ་བ་དང་བསྲུང་བའི་ཆོ་ག་བྱའོ། །དེའི་འོག་ཏུ་ས་བརྟག་པར་བྱ་སྟེ་རྡོ་དང་གསེག་མ་དང་གྱོ་མོ་མེད་པ་སྐྱེ་བ་པོ་གྲོག་སྤུར་ལ་སོགས་པའི་སྐྱོན་དང་བྲལ་བའི་
ས་ནི་ཐམས་ཅད་དུ་ཡང་ཤིས་པའོ། །དེར་གཟའ་གཏུམ་པོ་ལ་མ་བབ་པ་ཚེས་གྲངས་ངན་པ་མ་ཡིན་པ་མི་འཐུན་པར་འཇུག་པ་དང་ཕྲད་པ་སྤངས་པ་དང་ཉི་མ་དང་བྱེད་པ་དང་ཡུད་ཙམ་དང་རྒྱུ་སྐར་དང་གཟའ་བཟང་པོར་མངོན་པ་ལ་
ལས་བརྩམས་ན་ཤིས་པར་འགྱུར་རོ། །དམར་དང་སེར་དང་དཀར་དང་ནག །འདྲེན་མ་པ་ནི་ལྔ་པ་ཡིན། །གང་ཡང་རུང་བའི་ས་དེར་ནི། །མཁས་པས་ཁྲུ་གང་ཙམ་བརྐོས་ནས། །སྔགས་པ་ཡིས་ནི་བརྐོས་པ་དེ། །
ས་དེ་ཉིད་ཀྱིས་དགང་བར་བྱ། །ལྷག་ན་རྣམ་པ་ཀུན་དུ་མཆོག །ཁ་ད་ཆད་ནི་འབྲིང་དུ་བརྗོད། །གང་བར་མ་གྱུར་ས་དེ་སྤང་། །མཁས་པས་དེར་ནི་བརྩམ་མི་བྱ། །དཀར་པོ་དག་ནི་ཞི་བར་བསྟན། །དམར་པོ་དབང་གི་དོན་དུ་
འདོད། །སེར་པོ་རྒྱས་པར་ཤེས་པར་བྱ། །ནག་པོ་དྲག་ཤུལ་སྤྱོད་པར་ཤེས། །དེར་ནི་མཆོད་ཡོན་གཏོར་མ་དང་། །མར་མེ་སྤོས་དང་བདུག་པ་དང་། །བསྒྲིམས་ཏེ་བྱིན་ནས་བསྲུང་བྱ་སྟེ། །མཉམ་པར་གཞག་ནས་ས་ལ་
94-1-32a

བརྗོད། །དེ་ཡི་ནུབ་མོ་ས་དེར་ནི། །ཀུ་ཤ་བཏིང་བའི་སྟེང་དུ་ཉལ། །གལ་ཏེ་ས་དེ་རུང་གྱུར་ན། །དེར་ནི་བསྒྲིམས་ཏེ་བྲི་བར་བྱ། །སྔོན་གྱི་སངས་རྒྱས་མི་མཆོག་གིས། །དེ་ནི་བགེགས་མེད་ཡིན་ཞེས་བརྗོད། །གཞན་དུ་ན་ནི་དེར་
མི་བྲི། །བགེགས་དང་བཅས་པས་ཕུང་བར་འགྱུར། །དེ་ནས་སྔགས་པ་ལངས་ནས་ནི། །དེ་ཡི་ཉིན་མོ་མཁས་པ་ཡིས། །ས་ནི་ཤིན་ཏུ་ཡོངས་བཟུང་ཕྱིར། །སྦྱིན་བསྲེག་བྱ་བ་འདི་བྱས་ཏེ། །སྦྲང་རྩི་དང་ནི་འོ་མ་དང་། །མར་བསྲེས་
སྦྱིན་བསྲེག་མཆོག་ཏུ་འགྱུར། །ཞི་བའི་སེམས་ཀྱིས་སྦྱིན་བླུགས་ནི། །ཉི་ཤུ་རྩ་གཅིག་སྦྱིན་བསྲེག་བྱ། །དེ་ནས་སྔགས་པས་ས་བརྐོས་ལ། །ས་དེ་ཉིད་ཀྱིས་སླར་དགང་ངོ་། །ཡང་ན་དཀྱིལ་འཁོར་ལས་ཀྱི་ཚེ། །སྔགས་
པས་སྤོས་ཀྱིས་ས་དགང་ངོ་། །ལེགས་པར་བརྡུང་ཞིང་མཉམ་འཇམ་བྱ། །ཕྱོགས་ཆ་དག་དང་སྒོའི་རྣམས། །ཀུན་ཀྱང་རྣམ་པ་ཐམས་ཅད་དུ། །རིན་ཆེན་སྣ་ལྔས་རབ་མཛེས་བྱ། །བྱེ་བྲག་ཏུ་ནི་ས་དབུས་སུ། །རིན་
ཆེན་སྣ་ལྔ་གཞག་པར་བྱ། །དེ་ནས་ཡོན་ཏན་ལྡན་པ་ཡི། །སློབ་མ་དག་ནི་གདམས་ཏེ་གཟུང་། །བཟླས་བརྗོད་སྦྱིན་བསྲེག་རྣམས་ཀུན་གྱིས། །བསྒྲིམས་ཏེ་དེ་དག་བསྲུང་བར་བྱ། །མཆོག་སྦྱིན་རྡོ་རྗེ་བློ་ལྡན་གྱི། །གསང་
སྔགས་འདི་ནི་ཟློས་པ་ནི། །སྐྱོན་དང་ཡོན་ཏན་རྣམ་དཔྱད་པས། །དེ་དག་ཐོག་མར་བརྟག་པར་བྱ། །ཡོན་ཏན་འདི་དག་ལྡན་པ་ནི། །ཤིན་ཏུ་བརྟགས་ནས་གཟུང་བར་བྱ། །རིག་དང་བཟོ་ནི་ཕུན་སུམ་ཚོགས། །གསལ་ཞིང་
དུལ་ལ་བརྩོན་པ་དང་། །ཤེས་རབ་ལྡན་བརྟན་བྱས་གཟོ་དང་། །དཀོན་མཆོག་གསུམ་ལ་གཞོལ་བ་དང་། །གཟུགས་མཛེས་ཡན་ལག་ཡོངས་རྫོགས་དང་། །གང་དག་ཐེག་ཆེན་དགའ་བ་དང་། །བྱང་ཆུབ་སེམས་
དཔའ་ཀུན་ལ་ཡང་། །ཡང་དག་རྟག་ཏུ་གུས་གནས་དང་། །ཕ་ལ་གུས་དང་མ་ལ་གུས། །བླ་མ་མཆོད་ལ་རབ་བརྩོན་དང་། །གང་དག་ཕ་རོལ་དོན་སྤྱོད་ལ། །སྙིང་ནས་རྟག་ཏུ་འཇུག་པ་དང་། །གང་དག་དྲང་ཞིང་

94-1-32b

དེས་པ་དང་། །གཡོ་མེད་ཅིང་ནི་ཆོས་བརྩོན་དང་། །ལུས་དང་ངག་དང་ཡིད་དག་པ། །དེ་དག་ཉེ་བར་བརྟགས་གཟུང་བྱ། །གང་དག་སྙིང་ནས་འཇིག་རྟེན་འདི། །འཇིག་རྟེན་ཕ་རོལ་ཡིད་ཆེས་དང་། །བྲམ་ཟེ་རྒྱལ་རིགས་རྗེའུ་རིགས་
དང་། །དམངས་རིགས་གང་དག་ཆོས་བརྩོན་ཞིང་། །སྔགས་ཀྱི་ཐེག་པ་རྟོགས་འདོད་པ། །དེ་དག་བསྒྲིམས་ཏེ་གཟུང་བར་བྱ། །ཉན་ཐོས་ཐེག་པ་ཅན་རྣམས་མིན། །རང་སངས་རྒྱས་ཀྱི་ཐེག་ཅན་མིན། །ཞར་བ་ལག་ཞ་ཟ་
མ་དང་། །སྒུར་པོ་འོན་པ་མི་ཐུང་དང་། །གང་དག་སྣ་ལེབ་གྱུར་པ་དང་། །དེ་བཞིན་མིག་ཡོན་གནོང་བག་ཅན། །འཇུངས་དང་བྱས་པ་མི་གཟོ་དང་། །མཁས་སྙེམས་སེམས་དང་གཡོན་ཅན་དང་། །སྔགས་ཀྱི་ཐེག་པ་སྐྱེད་ཆེན་གྱི། །
ཐེག་པ་ལ་ནི་མ་མོས་པ། །དེ་དག་ནམ་ཡང་གཟུང་མི་བྱ། །དེ་དག་བསྟན་འདིར་སྐལ་བ་མེད། །བསྟན་བཅོས་མི་ཤེས་མི་གཟུང་སྟེ། །ཐོར་བུ་ཐོར་བུ་འཛིན་པ་དང་། །དེ་བཞིན་བླ་མ་མི་གུས་དང་། །སྨད་པ་དེ་དག་རིང་དུ་སྤང་། །གང་དག་ཡན་ལག་མ་ཚང་
དང་། །རྐང་ཞ་དག་དང་ཐེང་པོ་དང་། །ཡན་ལག་ལྷག་པར་གྱུར་པ་རྣམས། །མཁས་པས་བསྒྲིམས་ཏེ་ཡོངས་སུ་སྤང་། །ཅི་སྐད་སྨོས་པའི་སློབ་མ་རྣམས། །དེའི་ཚེ་ཆོ་ག་བཞིན་བརྟགས་ཏེ། །གཅིག་པུ་ཡོད་ན་འང་དེ་
གཟུང་ངོ་། །ཡང་ན་སློབ་མ་བཞི་ཞིག་གཟུང་། །དེ་ནས་སྨྱུང་བ་བྱེད་བཅུག་ལ། །སྤོས་དང་མེ་ཏོག་རྣམས་ཀྱིས་མཆོད། །དཀྱིལ་འཁོར་ནང་གི་ས་ལ་ནི། །ཀུ་ཤ་གདིང་བ་བཏིང་བ་ལ། །དེས་པས་སློབ་མ་ལྷན་ཅིག་ཏུ། །
དེར་ནི་རྟག་ཏུ་ཉལ་བར་བྱ། །སློབ་དཔོན་ཡུད་ཙམ་ཡུད་ཙམ་ཞིང་། །དེ་ཚེ་སློབ་མ་རྣམས་ལ་ནི། །ཐེག་ཆེན་ཟབ་མོ་རྒྱ་ཆེན་འདི། །ཆོས་ཀྱང་རབ་ཏུ་བཤད་པར་བྱ། །གསང་སྔགས་བརྗོད་ལས་འབྱུང་བ་ཡི། །
ཡོན་ཏན་ཀུན་དུ་བརྗོད་ན་ཕན། །བྱང་ཆུབ་སེམས་དཔའ་རྣམས་ཀྱིས་ནི། །རྫུ་འཕྲུལ་ལ་སོགས་ཡོངས་སུ་བརྗོད། །ཕ་རོལ་རྒྱུན་ལ་སྙིང་རྗེ་བ། །དེ་དག་ཡུད་ཙམ་ཡུད་ཙམ་བརྗོད། །ནམ་གྱི་བཞི་ཆ་ལུས་པའི་

94-1-33a

ཚེ། །གལ་ཏེ་རྨི་ལམ་བཟང་རྨིས་ན། །དཀོན་མཆོག་གསུམ་ལ་གཞོལ་རྣམས་ཀྱིས། །ནམ་ལངས་པ་དང་ལེགས་རབ་ཏུ། །སངས་རྒྱས་སྤྱན་སྔར་འདུག་ནས་ནི། །ཁྱོད་ཀྱིས་དེ་དག་བརྗོད་པར་གྱིས། །པདྨའི་
སྟེང་ན་འདུག་ན་མཆོག །གཟུང་དང་མཐོང་བ་འང་དེ་བཞིན་ཏེ། །རྒྱ་མཚོ་མཐོང་བ་རྨིས་པ་དང་། །རྐྱལ་དང་འཐུང་ལ་འང་དེ་བཞིན་ནོ། །སངས་རྒྱས་མཐོང་ན་སྙིང་དགའ་སྟེ། །བྱང་ཆུབ་སེམས་དཔའ་སྐྱོབ་རྣམས་དང་། །
འཇིག་རྟེན་རང་སངས་རྒྱས་རྣམས་དང་། །ཉན་ཐོས་རྣམས་དང་གང་མཁས་པ། །དེ་དག་མཐོང་ན་སྙིང་དགའ་བོ། །མེ་ཡི་ཕུང་པོ་གྲགས་པ་དང་། །བ་ལངས་ཁྱུ་མཆོག་གླང་ཆེན་དྲེགས། །རྟ་ནི་དཀར་པོར་གང་འགྱུར་
བ། །དེ་དག་མཐོང་དང་ཞོན་པ་དང་། །བ་ལང་ཁྱུ་ཡང་ཤིས་པ་ཡིན། །བྲམ་ཟེ་དང་ནི་རྒྱལ་རིགས་དང་། །རྒྱལ་པོ་དགེ་བར་གྲགས་པ་དང་། །སྟུག་པའི་གཉེན་དང་གྲུབ་པ་དང་། །ཉི་མ་དང་ནི་ཟླ་བ་དང་། །དེ་དག་མཐོང་ན་ཤིས་པར་འགྱུར། །
རྨི་ལམ་སྨྲ་ཞིང་གཏམ་ཟེར་དང་། །རང་གི་མགོ་བོ་གཅོད་པ་དང་། །ཤ་ཆེན་ཟ་བར་བྱེད་པ་དང་། །ཁྲག་གིས་འཁྲུ་བར་བྱེད་པ་དང་། །དེ་བཞིན་མི་གཙང་ནུབ་པ་ཟ། །ཞོ་དང་འབྲས་ཆན་ཟ་བ་དང་། །ཆང་ཡང་འཐུང་བར་
བྱེད་པ་དང་། །སྐྲ་འབྲེག་པ་ནི་མཆོག་ཡིན་ནོ། །སོ་ཡང་ལྷུང་བར་གྱུར་པ་དང་། །ཐང་ཤིང་དང་ནི་ནྱ་གྲོ་དྷ། །དེ་ལ་འཛེགས་པ་ཤིས་པར་འགྱུར། །ལེགས་སོ་བུ་ཞེ་འམ་བློ་ལྡན་ཞེས། །སྒྲ་ནི་དེ་སྐད་ཐོས་པ་དང་། །ཡིད་དུ་འོང་
བའི་བུད་མེད་ལ། །ཉིན་མོ་ཉལ་པོ་བྱེད་པ་དང་། །ཚངས་པ་དྲག་པོའི་ཉི་མ་དང་། །ཁྱབ་འཇུག་དང་ནི་ཟླ་བ་དང་། །ལུས་ངན་པོ་དང་ནོར་སྦྱིན་དང་། །བརྒྱ་བྱིན་དང་ནི་ཆུ་ལྷ་དང་། །དེ་དག་མཐོང་ངམ་སྨྲ་བ་དང་། །འབེལ་གཏམ་
བྱེད་ན་ངེས་པར་འགྲུབ། །གཞན་ཡང་དེ་ལྟའི་རྨི་ལམ་དག །དངོས་གྲུབ་འདོད་པ་རྣམས་ཀྱིས་གཟུང་། །རྨི་ལམ་དེ་ལས་བཟློག་པ་དག །འཇིགས་མེད་རྣམས་ཀྱིས་གཟུང་མི་བྱ། །ས་ལ་རྒྱུག་དང་མཆོང་བ་དང་། །

94-1-33b

གར་བྱེད་པ་དང་གླུ་ལེན་དང་། །རྡོད་དང་བོང་བུ་རྔ་མོ་ལ། །ཞོན་པ་ཤིན་དུ་ངན་པ་ཡིན། །འབྲུ་མར་གྱིས་ནི་ལུས་བསྐུས་དང་། །གཅེར་བུ་དག་དང་སྨྲ་བ་དང་། །ཞར་བ་འཐེང་པོ་སྒུར་པོ་དང་། །མི་སྡུག་རྣམས་དང་ཕྲད་པ་དང་། །ཕག་རྣམས་
དང་ནི་ཁྱི་རྣམས་དང་། །བོང་བུ་རྣམས་ཀྱང་དེ་བཞིན་ཏེ། །མ་ཧེ་རྔ་མོ་ལྕེ་སྤྱང་དག །རྨི་ལམ་མཐོང་ན་རྟག་ཏུ་སྨད། །རྩེ་གསུམ་རྩེ་གསུམ་གདེངས་ཐོགས་དང་། །མིག་དམར་ཤིན་ཏུ་འཇིགས་པ་དང་། །གཅེར་བུ་དག་དང་སྣ་ལེབ་
དང་། །སྡིགས་མོ་བྱེད་པའི་འཇིགས་བྱེད་དང་། །མདོག་གནག་མི་བཟད་ཆེན་པོ་དང་། །གོས་སྔོན་གཟུགས་བྱད་མི་སྡུག་པ། །སུ་ཡིས་རྨི་ལམ་རྨིས་པ་ནི། །དེ་ལ་དངོས་གྲུབ་ཡོད་མི་འགྱུར། །ཟུང་ཤིག་རྒྱོབ་ཤིག་ཆོམས་ཤིག་
ཅེ་འམ། །ཟོ་ཤིག་ཅེས་པའི་མི་བཟད་སྒྲ། །དྲག་པོ་འཇིགས་བྱེད་ཁྲོ་ཐོས་དང་། །ཕུང་དང་མ་རྙེད་ཐོས་པ་དང་། །བྱ་རྒོད་བཞད་དང་བྱ་དཀར་དང་། །འུག་པ་བྱ་རོག་བྱི་ལ་དང་། །བྱི་བ་སྡིག་པ་སྲེ་མོ་སྦྲུལ། །གང་དག་གཞན་ཡང་
སྐྱེ་བོ་གདུག །དེ་དག་རྨི་ལམ་མཐོང་གྱུར་ཏམ། །རེག་པར་གྱུར་ན་འང་མི་དགེའོ། །དེ་ནས་ཕྱི་དེ་ཉིན་པར་སློབ་དཔོན་གྱིས་རྡོ་རྗེའི་སྙིང་པོས་བའི་རྣམ་ལྔ་ལ་སྔགས་ཀྱིས་བཏབ་སྟེ་སློབ་མ་བོས་ལ་རྡོ་རྗེ་དྲག་པོའི་སྙིང་པོས་བསང་
གཏོར་བྱས་ཏེ། ཤིང་ཨ་ཤྭཏྠའི་ལོ་མ་ཀོང་བུ་འམ་སྙིམ་པའི་ནང་དུ་སྣོད་དུ་བྱ་བ་སྦྱིན་ཞིང་ཁྱེད་དེ་རིང་ཟས་ཀྱི་ཚོད་ཤེས་པར་གྱིས་ཤིག་ཅེས་བསྒོ་བར་བྱའོ། །ཉི་མ་ནུབ་ན་རིག་པའི་རྒྱལ་མོ་འཇིགས་མེད་ཀྱིས། སྲེག་བླུགས་
དང་ཡམ་བསྲེགས་ཤིང་ཉི་ཤུ་རྩ་གཅིག་སྦྱིན་སྲེག་བྱའོ། །དེ་ནས་ཨ་ཤྭཏྠའི་ཤིང་འམ་ཡང་ན་ཨུ་དུམ་བ་ར་སོར་བརྒྱད་ཙམ་གྱི་སོ་ཤིང་བྱ། །ཐོག་མ་གཅིག་ནི་མེ་ཏོག་བརྒྱན། །རྡོ་རྗེ་དྲག་པོའི་སྔགས་བཏབ་ལ། །དེ་དག་
ལ་ནི་བཅའ་ཕྱིར་སྦྱིན། །ཤར་གྱི་ཕྱོགས་སུ་མདུན་བསྟན་ནམ། །ཡང་ན་བྱང་ཕྱོགས་བསྟན་ཏེ་གཞག །གསང་སྔགས་མགོན་པོ་དྲན་བྱས་ལ། །གར་ལྟས་དེ་བཞིན་གཤེགས་པར་བྱ། །དེ་ནས་ཕྱི་ཉིན་སློབ་མ་རྣམས། །

94-1-34a

སྨྱུང་བ་བྱེད་དུ་བཅུག་ནས་སུ། །རྡོ་རྗེ་མི་ཕམ་མེ་ཞེས་བྱ། །སྲིད་པ་གསུམ་པོ་རྨོངས་བྱེད་པ། །རྟག་དྲན་བྱ་ཕྱིར་དེ་དག་ལ། །དྲི་མ་མེད་པའི་གཟུངས་སྦྱིན་བྱ། །སྙིང་དུ་སྡུག་པ་དམ་ཚིག་བརྗོད། །ཉམས་པ་ལ་ཡང་
ལྷག་པར་བརྗོད། །སྡིག་པ་རབ་ཏུ་ཞི་བར་བྱེད། །མཆོག་ཏུ་བཀྲ་ཤིས་བྱེད་པར་འགྱུར། །བྱང་ཆུབ་སེམས་དཔའ་བློ་ལྡན་པ། །ཐམས་ཅད་ཀྱི་ནི་མ་ཡིན་ཏེ། །སྡིག་པ་ཐམས་ཅད་བྱང་བྱེད་པ། །དེ་ནི་ཀུན་དུ་རྟག་དྲན་
བྱ། །སློབ་དཔོན་གྱིས་ནི་ཐམས་ཅད་དུ། །རྟག་ཏུ་མཉམ་པར་གཞག་སེམས་ཀྱིས། །སྣ་ལྔ་ཚོན་ལས་བྱས་པ་ཡི། །ཐིག་སྐུད་རབ་ཏུ་བཟུང་བླངས་ལ། །སྒྲིམས་ཏེ་ས་འདི་ཐམས་ཅད་ལ། །ཐིག་ནི་ལེགས་པར་གདབ་
པར་བྱ། །དཀྱིལ་འཁོར་དཀྱིལ་དུ་འདུག་ནས་སུ། །སྔགས་པས་དེ་བཞིན་གཤེགས་རྣམས་དང་། །དེ་བཞིན་རྡོ་རྗེ་འཆང་བ་དང་། །འཁོར་ལོས་སྒྱུར་བ་དྲན་བྱས་ལ། །བདག་ཉིད་དེར་བསྒོམས་བྱས་ནས་སུ། །དེའི་སྔགས་ཡིད་ཀྱིས་
དྲན་བྱས་ལ། །དེ་ནས་ཤར་ཕྱོགས་ཁ་བལྟས་ཏེ། །ཤར་ཕྱོགས་ཉིད་དུ་ཐིག་གདབ་བོ། །དེ་ནས་ཡང་ནི་བསྒྱུར་བྱས་ལ། །ནུབ་ཕྱོགས་ཁ་བལྟས་འདུག་ནས་སུ། །ནུབ་ཕྱོགས་ཉིད་དུ་ཐིག་གདབ་བོ། །དེ་ནས་བསྒྱུར་ཏེ་མཁས་
པ་ཡིས། །བྱང་གི་ཕྱོགས་སུ་ཁ་བལྟས་ལ། །བྱང་ཕྱོགས་ཉིད་དུ་ཐིག་གདབ་བོ། །དེ་ནས་ཡང་ནི་བསྒྱུར་བྱས་ལ། །ལྷོ་ཕྱོགས་སུ་ནི་ཁ་བལྟས་ཏེ། །རྣམ་པར་དབྱེ་བ་ཤེས་པ་ཡིས། །ལྷོ་ཕྱོགས་སུ་ནི་ཐིག་གདབ་བོ། །
དེ་ལྟར་ནང་ཕྱོགས་དཀྱིལ་འཁོར་ནི། །ཆ་བརྒྱད་ཡོད་པ་རབ་ཏུ་བྱ། །དེ་ནས་དེ་ལྟའི་ཚུལ་གྱིས་ནི། །ཕྱོགས་བཞི་ཡོངས་སུ་བསྐོར་བྱས་ལ། །ཀུན་དུ་གྲུབ་བཞི་ལྷམ་པར་ནི། །རབ་ཏུ་བསྒྲིམས་ཏེ་གདབ་པར་བྱ། །དབུས་ཀྱི་
གནས་ནས་བྱུང་ནས་སུ། །མི་ཡི་ཕྱོགས་ཀྱི་ཕྱོགས་འདུག་ལ། །སྔགས་པས་སྔགས་ཀྱི་ཆོ་ག་བཞིན། །ཤར་ཕྱོགས་ངོས་ཀྱི་ཐིག་གདབ་བོ། །དེ་ནས་ཆོ་ག་ཤེས་པ་ཡིས། །གུས་པས་དབང་ལྡན་ཕྱོགས་སོང་ལ། །

94-1-34b

ནུབ་ཕྱོགས་སུ་ནི་ཁ་བལྟས་ཏེ། །བྱང་ཕྱོགས་ངོས་ཀྱི་ཐིག་གདབ་བོ། །དབང་ལྡན་ཕྱོགས་ནས་སོང་ནས་སུ། །རླུང་གི་ཕྱོགས་ཀྱི་ཕྱོགས་འདུག་ལ། །དེར་ནི་ལྷོ་ཕྱོགས་ཁ་བལྟས་ལ། །ནུབ་ཕྱོགས་ངོས་ཀྱི་ཐིག་གདབ་བོ། །གནས་དེ་ནས་
ནི་དེ་བྱུང་ལ། །བདེན་བྲལ་ཕྱོགས་སུ་སོང་ནས་སུ། །མེ་ཡི་ཕྱོགས་ཀྱི་བར་དུ་ནི། །ཐིག་སྐུད་ལེགས་པར་གདབ་པར་བྱ། །ཀུན་དུ་གྲུ་བཞི་ལྷམ་པར་ནི། །དེ་ལྟར་གནས་དེ་བྱས་ནས་སུ། །དེ་ནས་ཕྱི་རོལ་དེ་བཞིན་དུ། །ཆོ་ག་བཞིན་དུ་ཆ་བརྒྱད་བྱ། །
ཚད་ནི་བཅུ་དྲུག་ཁྲུ་ཡིན་ཏེ། །སློབ་དཔོན་ཉིད་ཀྱི་ཁྲུ་ཡིས་སོ། །དེ་ནས་བྱུང་ལ་བློ་ལྡན་གྱིས། །ཆ་གཞན་དག་ནི་བྱ་བར་བྱ། །ཕྱི་རོལ་ས་དང་བཅས་པར་ནི། །ཁྲུ་གྲངས་ཉི་ཤུ་རྩ་ལྔའོ། །དེར་ཡང་སྔ་མ་ཅི་བཞིན་དུ། །ཆ་བརྒྱད་ཉིད་དུ་བཅད་
པར་བྱ། །བརྒྱད་པ་ནས་ནི་བཟུང་ནས་སུ། །སྔགས་པ་ཡིས་ནི་ཐམས་ཅད་དུ། །འཁོར་སའི་ཐིག་ནི་གདབ་པར་བྱ། །གནས་གསུམ་དག་ཏུ་ངེས་པར་ཡང་། །ཆ་བརྒྱད་གང་དག་འཚམ་པ་ཡི། །ཐོག་མའི་སྒོ་ནི་གདོད་པར་བྱ། །
དཀྱིལ་འཁོར་རིམ་པ་བར་མ་ནི། །སྔ་མ་ཉིས་འགྱུར་སྒོར་ཤེས་ནས། །རིམ་པ་གསུམ་པར་སུམ་འགྱུར་དང་། །སྒོ་གང་དག་ཀྱང་མཁས་པས་བྱ། །རྟ་བབས་དག་གི་ཚད་རྣམས་ནི། །དབུས་ཀྱི་ཆ་དང་མཉམ་པར་བྱ། །ལྷ་ཡི་
གཙོ་བོ་རྣམས་ལ་ཡང་། །སྒོ་གང་དག་ནི་བྱ་བར་བྱ། །རིམ་པ་གསུམ་དུ་རྣམ་དབྱེ་བས། །དེ་ལྟར་དཀྱིལ་འཁོར་ལེགས་ཕྱེ་ལ། །སྔགས་མགོན་དག་ལ་གནས་ནས་སུ། །མཁས་པས་དཀྱིལ་འཁོར་བྲི་བར་བྱ། །ཚོན་རྩི་
འདིར་ནི་བྱེ་བྲག་ཏུ། །རིན་ཆེན་སྣ་ལྔ་ཡིན་པར་འདོད། །སཱ་ལུ་བཏགས་པའི་ཕྱེ་ཡང་རུང་། །ཅི་ལྟར་འབྱོར་པས་བྱར་ཡང་རུང་། །གོས་དཀར་བགོས་ཤིང་གཙང་བྱས་ལ། །དུལ་ཞིང་ཟེའུ་ཁ་བཅིངས་ནས་སུ། །བསྒྲིམས་
ཏེ་བྱང་ཤར་ཕྱོགས་མཚམས་ནས། །ཚོན་རྩི་དག་ནི་དབྱེ་བར་བྱ། །རྡོ་རྗེ་ཁུ་ཚུར་ཚུལ་གྱིས་སམ། །ཡང་ན་ལྕགས་ཀྱུའི་ཕྱག་རྒྱས་སམ། །སྣོད་ཀྱི་ཕྱག་རྒྱའི་ཚུལ་གྱིས་སམ། །རིག་བྱེད་འདོན་པའི་ལག་པས་སོ། །

94-1-35a

ཐོག་མར་དཀར་པོ་དགྱེ་བར་བྱ། །དེ་ཡི་འོག་ཏུ་དམར་པོ་དགྱེ། །དེ་ཡི་འོག་ཏུ་སེར་པོ་དགྱེ། །དེ་ཡི་འོག་ཏུ་ལྗང་ཁུ་དགྱེ། །ཐམས་ཅད་དག་གི་ནང་རོལ་དུ། །སྔགས་པས་ཚོན་ནི་ནག་པོ་དགྱེ། །ཆ་བརྒྱད་དག་ཏུ་གང་བསྟན་
པ། །དབུས་ཀྱི་ཆ་ཡི་ཆ་རྣམས་ནི། །རྫོགས་པའི་སངས་རྒྱས་རྣམས་ཀྱི་སྟེ། །དེ་དག་རྡོ་རྗེ་བཅིང་ཚུལ་འདོད། །གདན་ནི་པད་མར་བསྟན་པ་སྟེ། །མཆོག་ཏུ་དཀར་ཞིང་མཛེས་པ་ཡིན། །དེ་ཡི་སྟེང་དུ་རྡོ་རྗེ་གཞག །དེ་བཞིན་རྡོ་རྗེ་གཙུག་
ཏོར་ཏེ། །མེ་ལྕེ་འབར་བའི་སྙིང་པོ་བྱ། །མདོར་ན་ས་བོན་ལྡན་པར་བྱ། །དེ་ལ་ཤར་ཕྱོགས་སུ་ནི་དེ་བཞིན་གཤེགས་པ་རིན་ཆེན་མེ་ཏོག་གཞག་པར་བྱའོ། །ལྷོ་ཕྱོགས་སུ་ནི་དེ་བཞིན་གཤེགས་པ་མེ་ཏོག་ཤིན་ཏུ་རྒྱས་པའི་རྒྱལ་པོའི་དབང་པོའོ། །
ནུབ་ཕྱོགས་སུ་ནི་དེ་བཞིན་གཤེགས་པ་འོད་དཔག་མེད་དོ། །བྱང་ཕྱོགས་སུ་ནི་དེ་བཞིན་གཤེགས་པ་མི་འཁྲུགས་པའོ། །བྱང་ཤར་ཕྱོགས་མཚམས་སུ་ནི་དེ་བཞིན་གཤེགས་པ་གཙུག་ཏོར་ཅན་ནོ། །ཤར་ལྷོའི་ཕྱོགས་མཚམས་སུ་
ནི་དེ་བཞིན་གཤེགས་པ་རྣམ་པར་གཟིགས་སོ། །ལྷོ་ནུབ་ཀྱི་ཕྱོགས་མཚམས་སུ་ནི་དེ་བཞིན་གཤེགས་པ་ཐམས་ཅད་སྐྱོབ་བོ། །ནུབ་བྱང་གི་ཕྱོགས་མཚམས་སུ་ནི་དེ་བཞིན་གཤེགས་པ་འཁོར་བ་འཇིག་གོ། མདོར་ན་དབུས་ཀྱི་པད་མ་ནི། །
འདབ་མ་བརྒྱད་པར་བརྗོད་པ་སྟེ། །འདབ་མ་དཀར་པོ་ཤར་ཕྱོགས་སུ། །ནུབ་ཕྱོགས་སུ་ནི་དམར་པོ་ཉིད། །བྱང་ཕྱོགས་སུ་ནི་སེར་པོ་སྟེ། །ལྷོ་ཕྱོགས་སུ་ནི་ནག་པོ་ཉིད། །འདབ་མ་ལྷག་མ་རྣམས་ཀུན་དུ། །རྒྱལ་བ་རྣམས་ཀྱིས་འདྲེན་མར་
གསུངས། །དེ་ཡི་སྙིང་པོའི་དབུས་སུ་ནི། །བུམ་པ་ཟླ་བའི་འོད་འདྲ་བྲི། །དེ་ཡི་སྟེང་དུ་རླུང་ཆེན་ཏེ། །འབར་ཞིང་ཏོག་དང་ལྡན་པར་བྲི། །ཟླ་གམ་འདྲ་ཞིང་དྲག་པོ་སྟེ། །འོད་ནི་དབྱར་གྱི་སྤྲིན་མདོག་འདྲ། །རླུང་གི་སྟེང་དུ་མེ་བྲི་སྟེ། །
དབྱིབས་ནི་གྲུ་གསུམ་གནས་པ་ཡིན། །རྟགས་ནི་འབྲས་བུ་ཟུར་གསུམ་པ། །འཇིག་པའི་དུས་ཀྱི་མེ་དང་མཚུངས། །དེ་ཡི་དབུས་སུ་པད་མ་བྲི། །འོད་ནི་དུས་མཐའི་མེ་དང་མཚུངས། །དེ་ཡི་སྙིང་པོའི་དབུས་སུ་ནི། །འཁོར་ལོས་

94-1-35b

སྒྱུར་བ་བྲི་བར་བྱ། །དེ་ལ་བཅོམ་ལྡན་འདས་དེ་ནི་གཟུགས་སམ་ཕྱག་རྒྱ་འམ་ཡི་གེ་ཅི་རིགས་སུ་གཞག་པར་བྱའོ། །ཕྱག་རྒྱ་གཞག་ན་རྡོ་རྗེ་སྟེ། །བསྒྲིམས་ནས་ས་བོན་ལྡན་པར་བྱ། །དེ་ཡི་ཕྱི་རོལ་ཆ་རྣམས་ནི། །བརྒྱད་པོ་དག་ཏུ་འང་སྔ་མ་བཞིན། །
སྔགས་པས་ཆོ་ག་ཅི་བཞིན་དུ། །ལྷ་རྣམས་རྣམ་པར་དགོད་པར་བྱ། །དེ་ལ་ཤར་ཕྱོགས་སུ་ནི་འཁོར་ལོའི་དཀྱིལ་འཁོར་དུ་མེའི་དཀྱིལ་འཁོར་གྱི་དབུས་ན་བཞུགས་པ་དམ་པ་སྦྱིན་པའི་རྡོ་རྗེའི་འཁོར་དང་བཅས་པ་རྡོ་རྗེ་ཨུཏྤ་ལའི་ཕྱག་རྒྱ་དང་བཅས་
པར་བྲིའོ། །ཤར་ལྷོའི་མཚམས་སུ་ནི་རྡོ་རྗེའི་དཀྱིལ་འཁོར་དུ་ཀུན་དུ་བཟང་པོ་ལ་སོགས་པ་བྱང་ཆུབ་སེམས་དཔའ་རྣམས་འཁོར་དང་བཅས་པ་ཡིད་བཞིན་གྱི་ནོར་བུའི་ཕྱག་རྒྱ་དང་བཅས་པ་བྲིའོ། །ལྷོ་ཕྱོགས་སུ་ནི་རྡོ་རྗེའི་འཁོར་ལོའི་དཀྱིལ་
འཁོར་དུ་ལག་ན་རྡོ་རྗེ་འཁོར་དང་བཅས་ཤིང་རྡོ་རྗེ་འཆང་ཐམས་ཅད་དང་ལྷན་ཅིག་ཏུ་རྡོ་རྗེའི་ཕྱག་རྒྱ་དང་བཅས་པ་བྲིའོ། །ལྷོ་ནུབ་ཀྱི་ཕྱོགས་མཚམས་སུ་ནི་རྡོ་རྗེ་འཁོར་ལོའི་དཀྱིལ་འཁོར་དུ་བྱང་ཆུབ་སེམས་དཔའ་སྒྲིབ་པ་ཐམས་ཅད་
རྣམ་པར་སེལ་བ་འཁོར་དང་བཅས་པ་ཡིད་བཞིན་གྱི་ནོར་བུའི་ཕྱག་རྒྱ་དང་བཅས་པ་བྲིའོ། །ནུབ་ཕྱོགས་སུ་ནི་རྡོ་རྗེའི་འཁོར་ལོའི་དཀྱིལ་འཁོར་དུ་བྱང་ཆུབ་སེམས་དཔའ་ནམ་མཁའི་སྙིང་པོ་འཁོར་དང་བཅས་པ་རལ་གྲིའི་ཕྱག་
རྒྱ་དང་བཅས་པ་དགོད་པར་བྱའོ། །ནུབ་བྱང་གི་ཕྱོགས་མཚམས་སུ་ནི་པད་མ་རྡོ་རྗེའི་དཀྱིལ་འཁོར་དུ་བྱང་ཆུབ་སེམས་དཔའ་བྱམས་པ་འཁོར་དང་བཅས་པ་རིལ་བ་སྤྱི་བླུགས་ཀྱི་ཕྱག་རྒྱ་དང་བཅས་པ་བྲིའོ། །བྱང་ཕྱོགས་
སུ་ནི་པད་མ་རྡོ་རྗེའི་འཁོར་ལོའི་དཀྱིལ་འཁོར་ཆེན་པོར་བྱང་ཆུབ་སེམས་དཔའ་སྤྱན་རས་གཟིགས་ཀྱི་དབང་ཕྱུག་འཁོར་དང་བཅས་པ་པད་མའི་ཕྱག་རྒྱ་དང་བཅས་པ་དགོད་པར་བྱའོ། །བྱང་ཤར་གྱི་ཕྱོགས་མཚམས་སུ་ནི་རྡོ་རྗེའི་
དཀྱིལ་འཁོར་ཆེན་པོར་བྱང་ཆུབ་སེམས་དཔའ་སའི་སྙིང་པོ་འཁོར་དང་བཅས་པ་རིན་པོ་ཆེ་ཆེན་པོའི་ཕྱག་རྒྱ་དང་བཅས་པ་དགོད་པར་བྱའོ། །ཕྱོགས་བཞིར་ནི་འཇིག་རྟེན་སྐྱོང་བ་བཞི་འཁོར་དང་བཅས་པར་རྡོ་རྗེའི་དཀྱིལ་འཁོར་ཆེན་

94-1-36a

པོའི་ནང་དུ་ཆུད་པར་བྲིའོ། །དེ་ལ་རྣམ་ཐོས་ཀྱི་བུའི་ཕྱག་རྒྱ་ནི་དབྱུག་ཏོ་ཡིན་ནོ། །འཕགས་སྐྱེས་པོའི་ཕྱག་རྒྱ་ནི་བེ་ཅོན་ནོ། །མིག་མི་བཟང་གི་ཕྱག་རྒྱ་ནི་རྡོ་རྗེའོ། །ལུས་ངན་གྱི་ཕྱག་རྒྱ་ནི་ཞགས་པའོ། །ཕྱི་རོལ་ཁོར་
ཡུག་ཆེན་པོའི་དཀྱིལ་འཁོར་ནི་གྲུ་བཞི་ལྷམ་པ་སྒོ་བཞི་གཏོད་པ་སྒོ་ཁང་དང་རྟ་བབས་དང་མུ་རན་ཤིན་ཏུ་རྣམ་པར་ཕྱེ་བ་ཁོར་ཡུག་ཆེན་པོས་ཡོངས་སུ་བསྐོར་བའོ། །དེའི་ནང་རོལ་དུ་ནི་འཇིག་རྟེན་པའི་ལྷ་རྣམས་འཁོར་དང་བཅས་པ་བྲིའོ། །
དེ་ལ་ཤར་ཕྱོགས་སུ་ནི་ལྷའི་དབང་པོ་བརྒྱ་བྱིན་འཁོར་དང་བཅས་པ་རྡོ་རྗེའི་ཕྱག་རྒྱ་དང་བཅས་པ་བྲིའོ། །དེའི་བྱང་ཕྱོགས་སུ་ནི་ཚངས་པ་འཁོར་དང་བཅས་པ་པད་མའི་ཕྱག་རྒྱ་དང་བཅས་པ་བྲིའོ། །ཚངས་པའི་བྱང་ཕྱོགས་སུ་ནི་དབྱངས་
ཅན་འཁོར་དང་བཅས་པ་པི་བང་གི་ཕྱག་རྒྱ་དང་བཅས་པ་བྲིའོ། །དེ་དང་ཉེ་བར་སའི་ལྷ་མོ་འཁོར་དང་བཅས་པ་བུམ་པའི་ཕྱག་རྒྱ་དང་བཅས་པ་བྲིའོ། །དེའི་བྱང་ཕྱོགས་སུ་ནི་དཔལ་ཆེན་མོ་འཁོར་དང་བཅས་པ་པད་མའི་ཕྱག་རྒྱ་འམ་
ཡིད་བཞིན་གྱི་ནོར་བུའི་ཕྱག་རྒྱ་དང་བཅས་པ་བྲིའོ། །དབང་ལྡན་གྱི་ཕྱོགས་སུ་ནི་འབྱུང་པོའི་བདག་པོ་དབང་ལྡན་འཁོར་དང་བཅས་པ་མདུང་རྩེ་གསུམ་པའི་ཕྱག་རྒྱ་དང་བཅས་པ་བྲིའོ། །བརྒྱ་བྱིན་གྱི་ལྷོ་ཕྱོགས་སུ་ནི་ཉི་མ་
འཁོར་དང་བཅས་པ་ཤིང་རྟའི་ཕྱག་རྒྱ་དང་བཅས་པ་བྲིའོ། །མེའི་ཕྱོགས་སུ་ནི་དྲང་སྲོང་མེ་ལྷ་འཁོར་དང་བཅས་པ་མི་འཇིགས་པ་སྦྱིན་པའི་ཕྱག་རྒྱ་དང་བཅས་པ་བྲིའོ། །ལྷོ་ཕྱོགས་སུ་ནི་གཤིན་རྗེ་འཁོར་དང་བཅས་པ་
གཤིན་རྗེ་བེ་ཅོན་གྱི་ཕྱག་རྒྱ་དང་བཅས་པ་བྲིའོ། །དེའི་ཤར་ཕྱོགས་སུ་ནི་འཆི་བདག་འཆི་བདག་ནི་དྲིལ་བུ་བྲིའོ། །མཚན་མོ་ནག་མོའི་ནི་ཏོག་གོ། ནག་མོའི་ནི་ཞགས་པའོ། །དྲག་པོའི་ཆུང་མའི་ནི་མདུང་རྩེ་གསུམ་པའོ། །
ཚངས་པའི་ཆུང་མའི་ནི་པད་མའོ། །ཁྱབ་འཇུག་གི་ཆུང་མའི་ནི་འཁོར་ལོའོ། །གཞོན་ནུའི་ཆུང་མའི་ནི་མདུང་ཐུང་ངོ་། །ཕག་གི་ཆུང་མའི་ནི་ཐོ་བའོ། །ཙ་མུཎྜི་ནི་མི་ཐོད་དོ། །དབང་པོའི་ཆུང་མའི་ནི་རྡོ་རྗེའོ། །ལུས་ངན་གྱི་

94-1-36b

ཆུང་མའི་ནི་དབྱུག་ཏོའོ། །གཤིན་རྗེའི་ནུབ་ཕྱོགས་ནི་ཡི་དགས་རྣམས་འཁོར་དང་བཅས་པ་ཁའི་ཕྱག་རྒྱ་དང་བཅས་པ་བྲིའོ། །ཤ་ཟ་རྣམས་ཀྱི་དྲ་བ་རྡོ་རྗེ་ཅན་གྱི་ཕྱག་རྒྱ་དང་བཅས་པ་བྲིའོ། །གནོན་པོ་རྣམས་ནི་ལྕགས་ཀྱུ་
རྡོ་རྗེ་ཅན་གྱི་ཕྱག་རྒྱ་དང་བཅས་པ་བྲིའོ། །གྲིབ་གནོན་རྣམས་ནི་གདུགས་རྡོ་རྗེ་ཅན་གྱི་ཕྱག་རྒྱ་དང་བཅས་པ་བྲིའོ། །བརྗེད་བྱེད་རྣམས་ནི་ལག་པ་བྲང་ལ་བཅར་བའི་ཕྱག་རྒྱ་དང་བཅས་པ་བྲིའོ། །མཁའ་འགྲོ་མ་རྣམས་ནི་ལག་པ་བཀན་
པའི་ཕྱག་རྒྱ་དང་བཅས་པ་བྲིའོ། །སྲིན་མོ་རྣམས་ནི་མཆེ་བ་རྡོ་རྗེ་ཅན་གྱི་ཕྱག་རྒྱ་འམ་ལྕེ་རྡོ་རྗེ་ཅན་གྱི་ཕྱག་རྒྱ་དང་བཅས་པ་བྲིའོ། །ཤ་ཟ་མོ་རྣམས་ནི་རྡོ་རྗེ་བབ་ཅོལ་གྱི་ལག་པའི་ཕྱག་རྒྱ་དང་བཅས་པ་བྲིའོ། །བདེན་བྲལ་གྱི་ཕྱོགས་སུ་ནི་
བདེན་བྲལ་འཁོར་དང་བཅས་པ་རལ་གྲིའི་ཕྱག་རྒྱ་དང་བཅས་པ་བྲིའོ། །ནུབ་ཕྱོགས་ཀྱི་སྒོའི་ལྷོ་ཕྱོགས་སུ་ནི་ཆུ་ལྷ་འཁོར་དང་བཅས་པ་དང་། ཀླུའི་རྒྱལ་པོ་རྒྱ་མཚོ་ལ་སོགས་པ་ཀླུའི་རྒྱལ་པོ་རྣམས་འཁོར་དང་བཅས་པ་ཞགས་པའི་ཕྱག་
རྒྱ་དང་བཅས་པ་བྲིའོ། །དེ་ནས་སྒོ་དང་ཉེ་བར་དབང་ཕྱུག་ཆེན་པོ་མདུང་རྩེ་གསུམ་པའི་ཕྱག་རྒྱ་དང་བཅས་པ་བྲིའོ། །དེ་དང་ཉེ་བར་དཀའ་ཐུབ་བཟློག་པ་རྩེ་གསུམ་གདེངས་པའི་ཕྱག་རྒྱ་དང་བཅས་པ་བྲིའོ། །སྒོའི་བྱང་ཕྱོགས་ཀྱི་ངོས་སུ་ཚོགས་ཀྱི་བདག་
པོ་འཁོར་དང་བཅས་པ་དགྲ་སྟའི་ཕྱག་རྒྱ་དང་བཅས་པ་བྲིའོ། །དེའི་བྱང་ཕྱོགས་སུ་ཐགས་བཟངས་རིས་ལ་སོགས་པ་ལྷ་མ་ཡིན་གྱི་རྒྱལ་པོ་རྣམས་འཁོར་དང་བཅས་པ་དབྱུག་ཏོ་རྡོ་རྗེའི་ཕྱག་རྒྱ་དང་བཅས་པ་བྲིའོ། །རླུང་གི་ཕྱོགས་སུ་རླུང་ལྷ་འཁོར་དང་
བཅས་པ་བ་དན་གྱི་ཕྱག་རྒྱ་དང་བཅས་པ་བྲིའོ། །བྱང་ཕྱོགས་སུ་རྣམ་ཐོས་ཀྱི་བུ་ལ་སོགས་པ་གནོད་སྦྱིན་གྱི་རྒྱལ་པོ་རྣམས་འཁོར་དང་བཅས་པ་དབྱུག་ཏོ་རྡོ་རྗེ་ཅན་གྱི་ཕྱག་རྒྱ་དང་བཅས་པ་བྲིའོ། །དེ་དག་གི་ཤར་ཕྱོགས་སུ་ཁྱབ་འཇུག་འཁོར་
དང་བཅས་པ་འཁོར་ལོའི་ཕྱག་རྒྱ་དང་བཅས་པ་བྲིའོ། །དེའི་འོག་ཏུ་ནམ་མཁའ་ལྡིང་འཁོར་དང་བཅས་པ་འདབ་མའི་ཕྱག་རྒྱ་དང་བཅས་པ་བྲིའོ། །དེའི་ཤར་ཕྱོགས་སུ་སྣ་ཚོགས་ཕྲེང་བ་ཅན་ལ་སོགས་པ་དྲི་ཟའི་རྒྱལ་པོ་རྣམས་དང་ལྗོན་པ་ལ་སོགས་

94-1-37a

པ་མི་འམ་ཅིའི་རྒྱལ་པོ་རྣམས་འཁོར་དང་བཅས་པ་རང་རང་གི་ཕྱག་རྒྱ་དང་བཅས་པ་བྲིའོ། །བྱ་དེ་ལ་དྲི་ཟ་རྣམས་ཀྱི་ཕྱག་རྒྱ་རྣམས་ནི་རྔ་ཕེའུ་དང་ཕེག་རྣམས་སོ། །མི་འམ་ཅིའི་ཕྱག་རྒྱ་དག་ནི་སྐུ་བའི་པི་བང་ལ་སོགས་པ་བརྡུང་བསྒྲེང་བ་རྣམས་སོ། །
དེ་ནས་ལྟོ་འཕྱེ་ཆེན་པོ་རྣམས་དང་འབབ་ཆུ་ཆེན་པོ་རྣམས་རང་གི་ཟེར་ཆུའི་ཕྱག་རྒྱ་དང་བཅས་པ་བྲིའོ། །དེ་ནས་སྐྱེ་དགུའི་བདག་པོ་རིག་བྱེད་འདོན་པའི་ལག་པའི་ཕྱག་རྒྱ་དང་བཅས་པ་བྲིའོ། །དེ་དག་གི་ཤར་ཕྱོགས་སུ་ཟླ་བ་འཁོར་དང་བཅས་པ་པད་མ་དཀར་པོ་དང་བུམ་
པའི་ཕྱག་རྒྱ་དང་བཅས་པ་བྲིའོ། །ནུབ་སྒོར་ནི་ཀི་ལི་ཀི་ལི་ལ་རང་གི་ཕྱག་རྒྱ་བྲི་སྟེ་དྲག་པོ་རྡོ་རྗེའི་ཕྱག་རྒྱ་དང་བཅས་པ་བྲིའོ། །བྱང་སྒོར་ནི་སྒོ་བསྲུང་གཉིས་བྲི་བར་བྱ་སྟེ། དེ་ལ་གནོད་སྦྱིན་གྱི་རྒྱལ་པོ་རྣམ་ཐོས་ཀྱི་བུ་ནི་དབྱུག་ཏོའི་ཕྱག་རྒྱ་དང་བཅས་པ་བྲིའོ། །
ཀླུའི་རྒྱལ་པོ་ནོར་རྒྱས་ཀྱི་བུ་ནི་ཞགས་པའི་ཕྱག་རྒྱ་དང་བཅས་པ་བྲིའོ། །ཤར་སྒོར་ནི་ཁྲོ་བོའི་རྒྱལ་པོ་གཉིས་བྲི་བར་བྱ་སྟེ་དེ་ལ་འཇིག་རྟེན་གསུམ་རྣམ་པར་རྒྱལ་བ་ནི་རྡོ་རྗེའི་ཕྱག་རྒྱ་དང་བཅས་པ་བྲིའོ། །བེ་ཅོན་སྔོན་པོ་ཅན་ནི་བེ་ཅོན་གྱི་ཕྱག་རྒྱ་དང་བཅས་
པ་བྲིའོ། །ལྷོ་སྒོར་ནི་ཐུབ་པར་དཀའ་ཐོ་བའི་ཕྱག་རྒྱ་དང་བཅས་པ་བྲིའོ། །མངོན་ཕྱོགས་སུ་ནི་རྡོ་རྗེའི་ཕྱག་རྒྱ་དང་བཅས་པ་བྲིའོ། །འོག་ལོགས་སུ་ནི་རྒྱ་མཚོ་དང་རྒྱ་མཚོའི་འགྲམ་ན་སྲིང་མོ་བཞི་རང་གི་ཕྱག་རྒྱ་དང་བཅས་པ་བྲི་བར་བྱ་སྟེ། དེ་ལ་ཏུམ་
བུ་རུའི་ཕྱག་རྒྱ་ནི་དབྱུག་ཏོའོ། །རྒྱལ་མའི་ཕྱག་རྒྱ་ནི་མདུང་ཐུང་རྩེ་གསུམ་པའོ། །རྣམ་པར་རྒྱལ་མའི་ཕྱག་རྒྱ་ནི་པད་མའོ། །མི་ཕམ་མའི་ཕྱག་རྒྱ་ནི་འཁོར་ལོའོ། །གཞན་གྱིས་མི་ཐུབ་མའི་ཕྱག་རྒྱ་ནི་རྡོ་རྗེའོ། །སྲིང་མོ་བཞིའི་ལྷོ་ཕྱོགས་སུ་
ནི་སྨིན་དྲུག་གི་བུ་འཁོར་དང་བཅས་པ་མདུང་ཐུང་གི་ཕྱག་རྒྱ་དང་བཅས་པ་བྲིའོ། །བྱང་ཕྱོགས་སུ་ནི་རིག་སྔགས་འཆང་གི་རྒྱལ་པོ་རྣམས་རལ་གྲི་དང་རས་ལ་སོགས་པའི་ཕྱག་རྒྱ་དང་བཅས་པ་བྲིའོ། །འཁོར་ཐམས་ཅད་ཀྱི་གནས་ནི་ཐིག་ལེར་
བྲིའོ། །དེ་དང་དེ་དག་དེ་ལྟར་ལྷག་མར་བརྗོད་པ་ཐམས་ཅད་ནི་ཐིག་ལེར་བྱས་ཏེ། ཐམས་ཅད་ཀྱང་རྡོ་རྗེ་དྲག་པོས་བྱིན་གྱིས་བརླབས་ཏེ་བྱའོ། །དཀྱིལ་འཁོར་གྱི་ལས་ཅི་བྱ་བ་དེ་དག་དག་ནི་རྡོ་རྗེ་དྲག་པོའི་སྙིང་པོས་བྱིན་གྱིས་བརླབས་ཏེ་བྱའོ། །

94-1-37b

ལག་ན་རྡོ་རྗེ་དབང་བསྐུར་བ་ལས་དཀྱིལ་འཁོར་རྣམ་པར་བཀོད་པའི་ཆོ་གའོ།། །།ཆོ་ག་ཤེས་པས་དེ་ལྟ་བུར། །རྡོ་རྗེའི་དཀྱིལ་འཁོར་མཆོག་བྲིས་ཏེ། །བྱིན་གྱིས་བརླབས་པ་བྱས་ནས་སུ། །རབ་ཏུ་སྒྲིམས་ཏེ་མཆོད་པར་བྱ། །དེ་ནས་
བུམ་པ་ཞབས་མི་གནས། །ཁ་ཡི་ཆ་ག་ཤེལ་ཁ་ཅན། །མགྲིན་པ་རིང་ཞིང་ལྟོ་ཆེ་བ། །ཉི་ཤུ་རྩ་ལྔ་བླང་བར་བྱ། །ས་བོན་རིན་ཆེན་སྣ་ལྔས་བཀང་། །སྤོས་ཀྱི་ཆུས་ཀྱང་རབ་ཏུ་བཀང་། །ཁ་རྒྱན་ཡལ་གས་ཁེབས་བྱས་ཤིང་། །
དེ་བཞིན་འབྲས་བུས་ཁ་བཀང་ལ། །མགུལ་བཅིངས་ཀྱིས་ཀྱང་བཅིངས་བྱས་ལ། །ཁ་དོག་ཅི་རིགས་རྣམ་པར་དགོད། །སྒོ་བཞི་པོ་ནི་ཐམས་ཅད་དུ། །བུམ་པ་སྔ་མ་ཅི་བཞིན་དུ། །བརྒྱད་ཉིད་དུ་ནི་གསུངས་པ་སྟེ། །དགུ་པ་དེ་ནི་བསང་
གཏོར་བ། །རྡོ་རྗེ་དྲག་པོས་རྣམ་ཀུན་ཏུ། །བསྒྲིམས་ཏེ་དེ་ནི་སྔགས་ཀྱིས་གདབ། །བཅུ་པ་དབུས་སུ་ཤེས་པར་བྱ། །དེ་ནི་འཁོར་ལོས་སྒྱུར་ལ་དབུལ། །རྟ་བབས་རྣམས་ནི་མཛེས་པ་སྟེ། །རིན་ཆེན་རྣམ་པ་བཞི་ལས་བྱ། །ཡང་ན་ཡིད་
འོང་ཤིང་ལས་བྱ། །ཙན་དན་ཡང་ན་གཞན་ཡང་རུང་། །དུམ་བུ་མ་ཡིན་མ་གྲུགས་པ། །གས་པ་མེད་ཅིང་འཛེར་པ་མེད། །བ་རུ་ན་དང་ཤ་མྱ་དང་། །ས་ལ་བཱི་ཀང་ཀ་ཏ་འང་རུང་། །རིན་ཆེན་དྲིལ་བུ་རབ་དཔྱངས་ཤིང་། །དར་དང་རས་ལ་
སོགས་པས་བརྒྱན། །ཁྲུ་ནི་བརྒྱད་དམ་བདུན་ནམ་དྲུག །མེ་ཏོག་ཕྲེང་དང་ལྡན་པར་འདོད། །སྟེང་དུ་རིན་ཆེན་བླ་རེ་བྲེ། །མུ་ཏིག་རྒྱན་ཕྲེང་རྣམ་པར་དཔྱང་། །དར་དང་རས་ཀྱང་དཔྱང་བར་བྱ། །དཀྱིལ་འཁོར་ལས་ནི་ཆེ་
བར་བྱ། །ཁ་དོག་སྣ་ཚོགས་བ་དན་རྣམས། །ཕྱོགས་བཞི་དག་ཏུ་དཔྱང་བར་བྱ། །སྲད་བུ་ལ་ནི་བརྒྱུ་བར་བྱ། །དྲིལ་བུ་སྒྲ་དབྱངས་ལྡན་པར་བྱ། །ཁ་དོག་སྣ་ཚོགས་གདུགས་ཀྱི་རྣམས། །ཅི་རིགས་པར་ནི་བྲི་
བར་བྱ། །རིན་ཆེན་བཞི་ལས་བྱས་པ་འམ། །དེ་མེད་ཟངས་ལས་བྱས་པ་འང་རུང་། །མཆོད་པའི་ཡོན་གྱི་སྣོད་བཞི་ཞིག །བློ་དང་ལྡན་པས་གཞག་པར་བྱ། །སྣ་ཚོགས་སྤོས་སུ་གསུངས་པ་ནི། །གུར་ཀུམ་

94-1-38a

དང་ནི་ཙན་དན་དང་། །སྤྲི་ཀ་ལ་སོགས་ཅི་ཡང་རུང་། །སྲོག་ཆགས་ཡན་ལག་ཀུན་མི་རུང་། །སྣ་ཚོགས་བདུག་པ་དབུལ་བྱས་ཏེ། །ཨ་ཀ་རུ་དང་སྒྲོན་ཤིང་དང་། །ག་བུར་ཤི་རི་བ་ས་ཀ །ཅེ་པོག་དང་ནི་རུ་རྟ་དང་། །སཱ་ལའི་ཤིང་
གི་ཐང་ཆུ་དང་། །ཡང་ན་ཐང་ཤིང་ཐང་ཆུ་དབུལ། །རྡོ་རྗེ་འབྱུང་བའི་རིག་པ་འམ། །རྡོ་རྗེ་དྲག་པོ་བཟླས་བརྗོད་བྱ། །ཨུཏྤ་ལ་དང་པད་མ་མཆོག །ཙམ་པ་ཀ་དང་ཀླུ་ཤིང་དང་། །གེ་ས་ར་དང་མ་ལི་ཀ །མྱ་ངན་ཚང་དང་སྐྱ་སྣར་དང་། །
ཏ་ཀ་ར་དང་པུ་ན་ག །དོང་ཀའི་མེ་ཏོག་མཛེས་པ་ཡིན། །ཀ་ར་བཱི་ར་ཀུ་མུ་ཏ། །སྣ་མ་ད་ནུ་ཀ་ར་ཡི། །མེ་ཏོག་ཅི་རིགས་དབུལ་བར་བྱ། །དེ་བཞིན་ལྷ་བཤོས་སྣ་ཚོགས་ཏེ། །འོ་ཐུག་ཞོ་དང་འབྲས་ཆན་དང་། །མར་དང་སྦྲང་རྩི་རབ་ཏུ་བཟང་། །
བག་ཆོས་དང་ནི་ལ་དུ་དང་། །སྦྲང་རྩི་གཞག་པའི་ཅུང་པེང་དང་། །ཨ་ཤོ་བརྟི་བེ་ན་ཀ །སྤྱན་གཟིགས་ཁནྡྷ་གྲགས་པ་དང་། །ཤི་རེ་བྷེ་དྷ་ཀ་མོ་ཏ། །གརྦྷོད་ཀ་ར་ཀ་དང་ནི། །བེ་རེག་དང་ནི་དྭེ་ཚེ་དང་། །ཤ་ཀུ་ལ་དང་པར་པ་ཏ། །འབྲུ་ཡི་ལ་
ཐུ་འབྲེང་བུ་དང་། །ཤུན་ཐ་པ་ལི་ཀ་དག་དང་། །གྷ་རི་ཀ་དང་སྭཱ་སྟི་ཀ །མོན་སྲན་གྲེའུ་ཞུ་ཏེའུ་དང་། །རྩ་བ་དང་ནི་དྲུངས་པ་དང་། །འབྲས་བུ་སྣ་ཚོགས་དབུལ་བར་བྱ། །སྲན་ཚོད་ཁ་དོག་ལྡན་པ་དང་། །སྒེའུ་གཤེར་ངེས་པར་དབུལ་བར་བྱ། །
སྲན་ཚོད་རིལ་བུ་ཆེ་ཆུང་དང་། །བྷེ་ག་ན་དང་ས་བྷ་རྟི། །བུ་རམ་བསྲེས་ཏེ་ཁུ་སྨན་དང་། །རབ་ཏུ་སྒྲིམས་ཏེ་བྱས་པ་དང་། །བུ་རམ་སྣ་ཚོགས་བཙོས་པ་དག །ཀུན་དུ་རྣམ་པ་ཐམས་ཅད་དབུལ། །རྣམ་པ་སྣ་ཚོགས་ཞོ་དག་དང་། །
ཞོ་བསྲུབས་བུ་རམ་བཏགས་དེས་དབུལ། །འོ་མ་ལེགས་པར་བཙགས་པ་དང་། །དེ་བཞིན་བཏུང་བ་རྣམས་ཀྱང་དབུལ། །ཁ་རིའི་དབུ་བ་ཁ་ར་དང་། །མར་དང་བུ་རམ་འབྲུ་མར་དང་། །སྦྲང་རྩི་དང་ནི་ལན་ཚྭ་དང་། །དགེ་བར་གྲགས་
པ་དབུལ་བར་བྱ། །བཏུང་བ་བསྒོས་པ་བྱས་པ་དང་། །ཏམ་བུ་ལ་དང་མལ་ཆ་དང་། །སྣོད་སྤྱད་བཟང་ཞིང་མཛེས་པ་དང་། །རྣམ་པ་སྣ་ཚོགས་རྩི་སྨན་དང་། །རབ་ཏུ་སྒྲིམས་ཏེ་ཆོ་ག་བཞིན། །བྱང་ཆུབ་སེམས་དཔའ་སྐྱོབ་ལ་

94-1-38b

དབུལ། །དེ་ནས་སོ་སོ་རེ་རེ་ལ་ཡང་། །ན་བཟའ་རས་ཟུང་རེ་རེ་དབུལ། །མེ་ལོང་མིག་སྨན་ཡིད་འོང་དང་། །དུང་དང་དེ་བཞིན་གི་ཝང་རྣམས། །བྱང་ཆུབ་ཚོགས་ནི་བསྐང་བའི་ཕྱིར། །མགོན་པོ་ཀུན་ལ་དབུལ་བར་བྱ། །སྐྱོབ་པ་རྣམ་པ་
ཐམས་ཅད་དུ། །དེ་ལྟར་ལེགས་པར་མཆོད་བྱས་ནས། །དེ་ནས་སྔགས་པས་སྦྱིན་སྲེག་བྱ། །སྙིང་པོ་ཆོ་ག་བཞིན་དུ་བྱ། །སྲེག་བླུགས་ཉི་ཤུ་རྩ་གཅིག་ནི། །ཆོ་ག་བཞིན་དུ་སྦྱིན་སྲེག་བྱ། །ཐམས་ཅད་འགྲུབ་བྱེད་ཡིད་
འོང་བ། །ཞོ་དང་འོ་མ་སྦྲང་རྩིའོ། །ཡི་གེ་ཀློག་པ་བཞི་ཞིག་ཀྱང་། །ཕྱོགས་བཞི་དག་ཏུ་གཞག་པར་བྱ། །དེ་ལ་ཤར་ཕྱོགས་བཞག་པ་ནི། །འཕགས་པ་ཤེས་རབ་ཕ་རོལ་ཕྱིན། །བྱང་ཕྱོགས་སུ་ནི་མདོ་བཞག་པ། །
གསེར་འོད་དམ་པར་དམ་པས་བཞེད། །ནུབ་ཕྱོགས་སུ་ནི་གཞག་བྱ་བ། །དེ་བཞིན་གཤེགས་པའི་གསང་བ་ཡིན། །སྡོང་པོ་བཀོད་པའི་ཚུལ་ཆེན་ནི། །ལྷོ་ཕྱོགས་ལོགས་སུ་ཤེས་པར་བྱ། །དཀྱིལ་འཁོར་ལྷ་རྣམས་ཅི་ལྟ་བར། །
དེ་དག་ལ་ཡང་གུས་པར་མཆོད། །དམ་པའི་ཆོས་ནི་བཀླག་པ་འདི། །བསྲུང་བ་རྣམས་ཀྱི་དམ་པ་ཡིན། །དེ་ནས་ལྷ་རྣམས་ཐམས་ཅད་ཀྱང་། །དེ་ཡི་ཚེ་ན་དགྱེས་པར་འགྱུར། །གང་དག་འཇིག་རྟེན་མི་སྲུན་པ། །དེ་དག་ཕྱོགས་
ཕྱོགས་འགྲོ་བར་འགྱུར། །དེ་ལྟ་བས་ན་རྣམ་ཀུན་དུ། །དེ་ཚེ་དམ་ཆོས་བཀླག་པར་བྱ། །སློབ་མ་ཐམས་ཅད་བོས་ནས་སུ། །དེ་དག་ལ་ནི་སྐྱབས་གསུམ་སྦྱིན། །སྡིག་པ་མི་བྱ་བརྗོད་པར་བྱ། །སྡོམ་པ་དག་ཀྱང་འཛིན་དུ་གཞུག །
མཁས་པས་ཆོ་ག་འདི་བཞིན་དུ། །བྱང་ཆུབ་སེམས་ཀྱང་བསྐྱེད་དུ་གཞུག །རྡོ་རྗེ་དྲག་པོའི་སྔགས་ཆུ་ཡིས། །དེ་ནས་ཀུན་དུ་བསང་གཏོར་བྱ། །དམ་ཚིག་ཡོངས་སུ་བརྗོད་བྱས་ལ། །མཁས་པ་ནང་དུ་ཞུགས་ནས་སུ། །
གོས་རྣམས་ཡོངས་སུ་བརྗེ་བྱ་སྟེ། །སྔགས་ཀྱིས་མངོན་དུ་གདབ་པར་བྱ། །དེ་ཚེ་སྙིང་རྗེ་ལྡན་པ་ཡིས། །སློབ་མ་དེ་དག་གདོང་བཀབ་ལ། །འཁོར་ལོས་སྒྱུར་བའི་དམ་ཚིག་གི། །ཕྱག་རྒྱ་སྔགས་པས་འཆིང་བཅུག་སྟེ། །

94-1-39a

ལག་ཏུ་མེ་ཏོག་བྱིན་བྱས་ནས། །དེ་ཚེ་སྙིང་གར་ཡི་གེ་བསམ། །སྐྱོབ་པ་ཀུན་གྱི་སྤྱན་སྔར་ནི། །མེ་ཏོག་དེ་དག་དོར་དུ་གཞུག །བློ་དང་ལྡན་པས་སློབ་མ་ཡི། །རྣ་གཡས་རྡོ་རྗེ་དྲིལ་བུ་བཞག །རྡོ་རྗེ་རྔ་ཞེས་བྱ་བ་ཡི། །
ལྷ་མོ་ཆེན་མོ་གཡོན་པར་རོ། །མེ་ཏོག་རྣམས་ནི་གར་བབ་པ། །ལྷ་དེ་དེ་ཡི་ཡིན་པར་འདོད། །དེ་ལྟར་སློབ་མ་བཅུག་བྱས་ནས། །དེ་ཚེ་དམ་ཚིག་བསྟན་པར་བྱ། །མཁས་པས་ཞི་བར་བྱ་བའི་ཕྱིར། །འདི་ལྟར་སྦྱིན་སྲེག་རབ་ཏུ་བྱ། །
དེ་ནས་འཇམ་དཔལ་གཞོན་ནུར་གྱུར་པས་བྱང་ཆུབ་སེམས་དཔའ་ལག་ན་རྡོ་རྗེ་ལ་འདི་སྐད་ཅེས་སྨྲས་སོ། །ཞི་བ་དང་ནི་རྒྱས་པ་དང་། །དབང་དང་དེ་བཞིན་དྲག་ཤུལ་སྤྱོད། །སྦྱིན་སྲེག་ལས་ནི་མདོར་བསྡུས་པ། །སེམས་དཔའ་ཆེན་པོས་བརྗོད་
པར་མཛོད། །ཆོ་ག་ཐམས་ཅད་རྒྱས་པ་དང་། །དེ་བཞིན་ཐ་དད་ལས་ཀྱང་གསུངས། །སེམས་དཔའ་ཆེན་པོའི་གནས་གང་དུ། །མེ་ཡི་ཐབ་ཀྱི་ཁུང་བུ་བགྱི། །ཡམ་སྲེག་ཤིང་ནི་ཇི་ལྟ་བུར། །ལས་ནི་ཅི་ཞིག་བརྩམ་པར་བགྱི། །ཁྱབ་བདག་ཐབ་
ཁུང་བཀའ་སྩོལ་ལ། །བདག་གི་ཐེ་ཚོམ་བསལ་དུ་གསོལ། །དེ་སྐད་ཅེས་སྨྲས་པ་དང་། བྱང་ཆུབ་སེམས་དཔའ་སེམས་དཔའ་ཆེན་པོ་ལག་ན་རྡོ་རྗེས་འཇམ་དཔལ་གཞོན་ནུར་གྱུར་པ་ལ་འདི་སྐད་ཅེས་སྨྲས་སོ། །སེམས་དཔའ་ཆེན་པོ་ལེགས་སོ་ལེགས། །
ཁྱོད་ཀྱིས་དྲི་བ་གང་བྱས་པ། །དེ་དག་ཐམས་ཅད་བརྗོད་པར་བྱ། །གཡེང་བ་མེད་པའི་ཡིད་ཀྱིས་ཉོན། །དཀྱིལ་འཁོར་གཉིས་པའི་དབུས་སུ་ནི། །སྦྱིན་སྲེག་མེ་ཐབ་ཁུང་བུ་བྱ། །དེ་ཚད་གཏན་ལ་དབབ་པ་ནི། །ཁྲུ་གང་ཙམ་ནི་བརྗོད་པ་སྟེ། །མཐོ་གང་
ཙམ་ཞིག་བརྐོས་ནས་སུ། །དབུས་སུ་རྡོ་རྗེ་གཞག་པར་བྱ། །ཁ་ཁྱེར་ཡང་ནི་དེར་བྱས་ཏེ། །མཁས་པས་མཛེས་པའི་གཟུགས་སུ་བྱ། །རྩ་བས་རྩེ་མོ་དཀྲིས་པ་ཡི། །ཀུ་ཤ་དག་ནི་དེར་དགྲམ་མོ། །དེ་ལྟར་ཀུན་དུ་ལེགས་པར་ཡང་། །སྔགས་པས་ཤིན་
ཏུ་དགྲམ་པར་བྱ། །ཧ་ཅང་མི་ཉེ་མི་རིང་བར། །སྦྱིན་སྲེག་མེ་ཡི་ཐབ་བྱས་ཏེ། །ཚུལ་བཞིན་དུ་ནི་བྱས་ནས་སུ། །དེར་ནི་སྦྱིན་སྲེག་བརྩམ་པར་བྱ། །ཀུ་ཤ་སྤམ་སྟེང་བདག་འདུག་སྟེ། །དེ་བཞིན་གཤེགས་རྣམས་དྲན་བྱས་ནས། །དེ་ནས་མེ་

94-1-39b

ནི་འབར་བྱས་ལ། །དེ་ལ་བསང་གཏོར་བྱ་བ་ཙམ། །དེ་ཡི་འོག་ཏུ་མེ་དེར་ནི། །མེ་ཏོག་གཅིག་གཅིག་གཞག་པར་བྱ། །དེ་ནས་ཕྱག་རྒྱ་བཅིང་བར་བྱ། །རང་གི་ཕྱག་རྒྱས་དགུག་པར་འགྱུར། །དེ་ལ་མེ་ཡི་ཕྱག་རྒྱ་ནི། །ལག་པ་གཡས་པ་དྲང་བརྐྱང་སྟེ། །
མཐེ་བོ་མཐེ་ཆུང་དྲུང་དུ་གཟུགས། །སྔགས་འདིས་དགུག་པར་བྱ་བའོ། །ན་མཿསརྦ་མུ་ཁེ་བྷྱཿ སརྦ་ཏ་ཐཱ་ག་ཏེ་བྷྱཿ སརྦ་ཐཱ་ཨགྣ་ཡེ་ཧཱ་བྱ་ཀཱ་བྱ་བཱ་ཧ་ན་ཡ་སྭཱ་ཧཱ། བློ་དང་ལྡན་པས་རིག་སྔགས་ཀྱིས། །དེ་ནས་དགང་བླུགས་སྦྱིན་བསྲེག་བྱ། །
དེ་ལ་དགང་བླུགས་བྱིན་ནས་ནི། །སློབ་མ་གཡོན་དུ་གཞག་པར་བྱ། །དེ་དག་རེ་རེའི་ཕྱིར་ཡང་ནི། །དགང་བླུགས་ཉི་ཤུ་ལྔ་ལྔ་བསྲེག །རྣམ་པ་སྣ་ཚོགས་ལས་ཀྱི་རྣམས། །འདི་ལྟ་བུ་དག་རབ་བྱས་ཏེ། །ཞི་བ་དང་ནི་རྒྱས་པ་དང་། །དབང་དང་དྲག་
ཤུལ་སྤྱོད་པའོ། །ཞི་བའི་སྦྱིན་སྲེག་འོ་མར་བཅས། །མར་དང་འོ་མ་སྦྲང་རྩིའོ། །རྒྱས་ལ་ཞོ་དང་འབྲས་ཆེན་དང་། །གང་དག་གཞན་ནས་གསུངས་པའོ། །དྲག་ཤུལ་སྤྱོད་པ་ཚེར་མར་གསུངས། །དབང་བྱར་སྔ་མ་ཅི་བཞིན་དུ། །ལས་འདོད་
འཇིགས་པ་མེད་རྣམས་ཀྱིས། །ཅི་རིགས་པར་ནི་སྦྱིན་སྲེག་བྱ། །ཅི་ལྟར་རིགས་པ་སོ་སོ་ལས། །དེ་དག་ལ་ནི་ཡོན་དགུག་གོ། ཡང་ན་ཡིད་ལ་གང་འདོད་པ། །དེ་ནི་ཅི་བདེར་སྦྱིན་པར་གྱིས། །དེ་ཡི་ཚེ་ན་སློབ་དཔོན་ལ། །སློབ་མ་རྣམས་ཀྱིས་
ཡོན་དབུལ་ལོ། །མ་བྱིན་ན་ནི་དམ་ཚིག་ཉམས། །དངོས་གྲུབ་ཐོབ་པར་མི་འགྱུར་རོ། །དཔེར་ན་ཉི་མ་ཟླ་བ་གཉིས། །འཇིག་རྟེན་མིག་ཏུ་མཁས་པས་འདོད། །དེ་བཞིན་སྐྱེ་བོ་འདི་ལ་ཡང་། །སློབ་དཔོན་དེ་ནི་མིག་འདྲར་འདོད། །དཔེར་ན་
མེ་ཡི་ཁམས་དེས་ནི། །བུད་ཤིང་ཐམས་ཅད་སྲེག་པར་བྱེད། །དེ་བཞིན་སློབ་དཔོན་ཤེས་པར་བྱ། །མི་ཤེས་བུད་ཤིང་སྲེག་པར་བྱེད། །དཔེར་ན་ཆུ་ཡི་ཁམས་དེ་ནི། །འཇིག་རྟེན་གདུང་བ་ཐམས་ཅད་གཅོད། །དེ་བཞིན་དུ་ནི་སློབ་དཔོན་
ཡང་། །གདུང་བ་ཀུན་གཅོད་ཤེས་པར་བྱ། །དཔེར་ན་རླུང་གི་ཁམས་དེ་ནི། །འཇིག་རྟེན་ཐམས་ཅད་རྟག་ཏུ་བསྒྲུབ། །དེ་བཞིན་སློབ་དཔོན་སློབ་མ་ལ། །དགེ་བ་རྣམ་པར་སྒྲུབ་པར་བྱེད། །དཔེར་ན་ལུས་ཅན་ཐམས་ཅད་ལ། །ས་ནི་རྟེན་དུ་

94-1-40a

གྲགས་པ་ཡིན། །དེ་བཞིན་དུ་ནི་སློབ་དཔོན་ཡང་། །ཆོས་ཀྱི་རྟེན་དུ་འདོད་པ་ཡིན། །དཔེར་ན་བཅོམ་ལྡན་རྣམ་སྣང་མཛད། །ཆོས་ཀུན་རྟོགས་པར་ཁོང་དུ་ཆུད། །དེ་བཞིན་སློབ་དཔོན་ཤེས་པར་བྱ། །ཆོས་ཀུན་རྟོགས་པར་
ཁོང་དུ་ཆུད། །དཔེར་ན་དཔལ་ལྡན་རྡོ་རྗེ་འཆང་། །གསང་བ་ཐམས་ཅད་མཐུན་པར་འཛིན། །དེ་བཞིན་དུ་ནི་སློབ་དཔོན་ཡང་། །འདིར་ནི་སྔགས་ཀྱི་གསང་བ་འཛིན། །དཀོན་མཆོག་གསུམ་གྱི་སྔགས་པ་རྣམས། །དེ་ནི་རྟག་ཏུ་བརྗོད་པར་
བྱེད། །བྱང་ཆུབ་སེམས་དཔའ་ཐམས་ཅད་ཀྱི། །བསྔགས་པ་ཆེན་པོའང་བརྗོད་པར་བྱེད། །དཔེར་ན་སངས་རྒྱས་མིག་འདྲ་སྟེ། །ཡང་དག་ལམ་ནི་སྟོན་མཛད་པ། །དེ་བཞིན་སྔགས་པ་འཇིགས་མེད་ཀྱང་། །ཐེག་ཆེན་གནས་འདི་
སྟོན་པ་ཡིན། །བདག་ལྟར་སྔགས་པ་དེ་བཞིན་ཏེ། །སློབ་དཔོན་ཅི་བཞིན་རྒྱལ་དེ་བཞིན། །སློབ་དཔོན་གྱི་ནི་ཡོན་ཏན་བཟུང་། །སྐྱོན་རྣམས་ནམ་ཡང་གཟུང་མི་བྱ། །ཡོན་ཏན་འཛིན་ན་གྲུབ་པར་འགྱུར། །ཉེས་པ་
རྣམས་ནི་དངོས་གྲུབ་ཉམས། །སློབ་དཔོན་ལ་ནི་སྨད་བྱས་ན། །འཇིག་རྟེན་དག་ན་ཚེ་ཐུང་ཞིང་། །དེ་བཞིན་ངན་སོང་འགྲོ་བར་འགྱུར། །ཉ་པ་ལ་སོགས་རིགས་སུ་སྐྱེ། །འདི་ནི་ཉེས་ཀུན་འབྱུང་གནས་ཏེ། །མཁས་པས་བླ་མ་
སྐུར་མི་གདབ། །ཆོས་འདོད་རྣམས་ཀྱིས་སློབ་དཔོན་ལ། །རྟག་ཏུ་རྒྱུན་དུ་མཉེས་པར་བྱ། །གང་ན་རྒྱལ་བའི་སྲས་གནས་པ། །ས་དེ་མཆོད་རྟེན་འདྲ་བ་ཡིན། །དེར་ནི་རྒྱལ་སྲས་ཐམས་ཅད་དང་། །བདག་ཀྱང་སྙིང་ལས་ཆུང་
བ་ཡིན། །སྦྱིན་སྲེག་ལས་ཀྱི་དམ་པ་འདི། །དཔའ་བོ་ཁྱོད་ལ་བརྗོད་པ་ནི། །སེམས་ཅན་རྣམས་ལ་ཕན་བཞེད་པས། །མགོན་པོ་རྣམས་ཀྱིས་སྔོན་ཆད་བཤད། །སྦྱིན་སྲེག་བྱ་བའི་ལས་རྣམས་ལ། །གང་གིས་འདི་ལྟར་རྣམ་
ཤེས་པ། །དེ་ནི་སངས་རྒྱས་གསུངས་པ་བཞིན། །དངོས་གྲུབ་མྱུར་དུ་ཐོབ་པར་འགྱུར། །ལག་ན་རྡོ་རྗེ་དབང་བསྐུར་བ་ལས་མེའི་ཚིག་ལེའུར་བྱས་པའི་རྣམ་པར་ཕྱེ་བའོ།། །། འཕགས་པ་ལག་ན་རྡོ་རྗེ་དབང་བསྐུར་བ། 

94-1-40b

བམ་པོ་བཞི་པ། དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་ལག་ན་རྡོ་རྗེས་འཇམ་དཔལ་གཞོན་ནུར་གྱུར་པ་ལ་འདི་སྐད་ཅེས་སྨྲས་སོ། །སངས་རྒྱས་སྔ་མས་བསྔགས་པ་ཡི། །དབང་བསྐུར་དཀྱིལ་འཁོར་བརྗོད་པར་བྱ། །
ཁྲུ་གསུམ་ཚད་གཅིག་གཞག་ནས་སུ། །ཕྱི་རོལ་དཀྱིལ་འཁོར་བྲི་བར་བྱ། །དེ་ཡི་ཚད་ནི་ཁྲུ་བཞི་སྟེ། །དཀྱིལ་འཁོར་ལོགས་སུ་མངོན་ཕྱོགས་བྱ། །དེར་ཡང་སྔགས་པས་ཆ་མཉམས་ཤིང་། །ཀུན་དུ་གྲུ་བཞི་ལྷམ་པར་བྱ། །སྔགས་པ་སྔགས་
ཀྱི་ཚུལ་གནས་ཏེ། །མེ་ཡི་ཕྱོགས་སུ་འདུག་བྱས་ལ། །དེ་ཚེ་བྱང་དུ་མངོན་ཕྱོགས་ཏེ། །ཆོ་ག་བཞིན་དུ་ཐིག་སྐུད་བྲི། །སྔ་མ་ནས་ནི་སྤངས་ནས་ནི། །དབང་ལྡན་ཕྱོགས་སུ་འདུག་བྱས་ཏེ། །རླུང་ཕྱོགས་སྤྱོད་ཡུལ་བར་དུ་ནི། །བྱང་ཕྱོགས་ངོས་ཀྱི་
ཐིག་གདབ་པོ། །རླུང་གི་ཕྱོགས་སུ་འདུག་ནས་སུ། །ལྷོ་ཕྱོགས་ལོགས་སུ་མངོན་བལྟས་ཏེ། །བདེན་བྲལ་ཕྱོགས་ཀྱི་བར་དུ་ནི། །ནུབ་ཕྱོགས་ངོས་ཀྱི་ཐིག་གདབ་བོ། །དེ་བཞིན་རླུང་གི་ཕྱོགས་སྤངས་ཏེ། །བདེན་བྲལ་ཕྱོགས་སུ་འདུག་བྱས་ནས། །
དེ་ནས་ཤར་ཕྱོགས་མངོན་བལྟས་ཏེ། །སྔགས་པས་གསང་སྔགས་རྗེས་དྲན་ཞིང་། །མེ་ཡི་ཕྱོགས་ཀྱི་བར་དུ་ནི། །ལྷོ་ཕྱོགས་ངོས་ཀྱི་ཐིག་གདབ་བོ། །ཆོ་ག་འདི་བཞིན་ཐམས་ཅད་ཀྱང་། །གྲུ་བཞི་ལྷམ་པར་རབ་ཏུ་བྱ། །མཁས་པས་
ཐོག་མ་ཉིད་དུ་ནི། །ནང་རིམ་ཆ་བརྒྱད་བྱས་ནས་སུ། །འཁོར་ལོའི་དཀྱིལ་འཁོར་ཚུལ་བཞིན་དུ། །མཁས་པས་རིམ་པ་གཉིས་པ་བྱ། །དབུས་ཀྱི་པད་མ་མདོར་བརྗོད་ན། །འདབ་བརྒྱད་ཟེ་བར་བཅས་པ་སྟེ། །འདབ་མའི་བར་བར་
ཐམས་ཅད་དུ། །རྡོ་རྗེ་དག་ནི་བྲི་བར་བྱ། །དེ་དག་ལ་ཡང་སྙིང་པོ་བྲི། །རང་གི་སྙིང་པོས་བསྐུལ་ནས་བྲི། །ཕྱོགས་སྐྱོང་བརྒྱད་པོ་དེ་དག་ཀྱང་། །ཅི་བཞིན་གནས་སུ་རྣམ་པར་དགོད། །དེ་ལ་ནང་རོལ་གྲྭ་རྣམས་སུ། །འཇིག་རྟེན་སྐྱོང་བ་རྣམ་
པར་དགོད། །བགེགས་ཀུན་ཞི་བར་བྱ་བའི་ཕྱིར། །སྒོར་ནི་བདུད་རྩི་ཐབ་སྦྱོར་གཞག །དཀྱིལ་འཁོར་ལྷ་ལ་ཅི་ལྟ་བར། །དེར་ཡང་མཆོད་པ་རབ་ཏུ་བྱ། །རས་དང་བླ་རེ་དྲིལ་བུ་དང་། །གདུགས་དང་མེ་ཏོག་རྣམས་ཀྱང་དབུལ། །མུ་ཏིག་

94-1-41a

ཕྲེང་སོགས་མེ་ཏོག་ཕྲེང་། །ཅི་ནུས་ཅི་འབྱོར་དབུལ་བར་བྱ། །དེ་ལ་དབུས་སུ་ནི་ཕྱོགས་བཅུ་རྒྱས་པར་འགེངས་པའི་རྡོ་རྗེའི་གཟུགས་བརྙན་བྲིའོ། །རིན་པོ་ཆེ་སྣ་བཞིའི་བུམ་པ་རིན་པོ་ཆེ་དང་སྨན་ཐམས་ཅད་ཀྱིས་བཀང་བ། རིན་པོ་ཆེ་
ཏོག་དང་མེ་ཏོག་ཀུན་དུ་རྒྱས་པ་དང་འོད་དཔག་མེད་དང་མི་འཁྲུགས་པ་དང་ཀུན་དུ་བཟང་པོ་དང་། སྒྲིབ་པ་ཐམས་ཅད་རྣམ་པར་སེལ་བ་དང་བྱམས་པ་དང་སའི་སྙིང་པོས་བྱིན་གྱིས་བརླབས་པ་དག་གིས་སྤྱི་བོར་དབང་བསྐུར་རོ། །སྔགས་པ་པད་མ་
དམ་པ་དེར། །རབ་ཏུ་བཞག་ནས་བདག་ཉིད་ཀྱིས། །མེ་ཏོག་སྤོས་ཀྱིས་མཆོད་བྱས་ལ། །མར་མེ་མཆོད་ཡོན་དབུལ་བར་བྱ། །གདུགས་དང་རྒྱལ་མཚན་བ་དན་དང་། །སིལ་སྙན་སྒྲ་རྣམས་ཕྱུང་བ་དང་། །རོལ་མོའི་སྒྲ་སིལ་སྙན་མང་གིས། །
ཡང་དག་མངོན་དུ་དགའ་བྱས་ལ། །སྐྱོབ་པ་ཀུན་གྱི་མངོན་སུམ་དུ། །བསྒྲིམས་ཏེ་དེ་ནི་དབང་བསྐུར་རོ། །ཇི་ལྟར་གླིང་བཞིའི་དབང་ཕྱུག་གོ། འཁོར་ལོས་སྒྱུར་རྒྱལ་དབང་བསྐུར་བ། །དེ་བཞིན་སྔགས་པས་ངོ་མཚར་དང་། །བཀྲ་ཤིས་ཀུན་གྱིས་
དབང་བསྐུར་རོ། །མེ་ཏོག་རྣམས་དང་བདུག་པ་དང་། །སྤོས་མཆོག་རྣམས་ཀྱིས་ཡང་མཆོད་ལ། །ལག་པ་གཡས་སུ་རྡོ་རྗེ་དང་། །གཡོན་དུ་འཁོར་ལོ་བཞག་ནས་སུ། །སློབ་མ་དེ་ལ་འདི་སྐད་དུ། །རྡོ་རྗེ་སློབ་དཔོན་ཁྱོད་འགྱུར་ཏེ། །དེ་ནས་
རྡོ་རྗེ་ལྡན་པ་ཁྱོད། །རྡོ་རྗེའི་ཆོས་ནི་རབ་བརྗོད་པ། །སངས་རྒྱས་ཀུན་གྱིས་ཁྱོད་ལག་ཏུ། །ཏིང་འཛིན་འབྱུང་བའི་རྡོ་རྗེ་བྱིན། །དེང་ནས་འཇིག་རྟེན་ཐམས་ཅད་ཀྱི། །ལག་ན་རྡོ་རྗེ་རྫུ་འཕྲུལ་ཆེ། །སྡང་བ་རྣམས་ནི་ཚར་བཅད་དང་། །
བསྟན་པ་ལ་ནི་གནོད་བྱེད་པ། །དེ་དག་གདུལ་བར་བྱ་བའི་ཕྱིར། །འདྲེན་པ་རྣམས་ཀྱིས་རྡོ་རྗེ་བྱིན། །ཅི་ལྟར་འཁོར་ལོས་སྒྱུར་བའི་རྒྱལ། །བདག་པོར་བྱ་ཕྱིར་དབང་བསྐུར་བ། །དེ་བཞིན་ཆོས་རྒྱལ་དབང་བསྐུར་ཕྱིར། །རྡོ་རྗེ་བློ་ལྡན་
དབང་བསྐུར་བརྗོད། །རྡོ་རྗེ་འཁོར་ལོའི་ཕྱག་རྒྱ་ཡིས། །དེ་ལ་བསྲུང་བ་བྱ་བར་བྱ། །སློབ་མ་རྡོ་རྗེ་ཆོས་བརྗོད་ལ། །ལག་པས་བླང་བ་བྱས་ནས་སུ། །དཀྱིལ་འཁོར་ཆེན་པོ་དེར་ཁྲིད་ལ། །དམ་ཚིག་དག་ནི་རྣམ་བསྒྲགས་ཏེ། །བྱང་ཆུབ་

94-1-41b

སེམས་ནི་བཏང་མི་བྱ། །ཁྱོད་ཀྱིས་བྱམས་དང་སྙིང་རྗེ་དང་། །ལག་ན་འཁོར་ལོ་གཞར་མི་བཏང་། །བློ་དང་ལྡན་པས་ཐབས་རྣམས་དང་། །རྡོ་རྗེ་བཞག་པ་ཁྱོད་ཀྱིས་ནི། །ནམ་ཡང་ཡོངས་སུ་བཏང་མི་བྱ། །བློ་ལྡན་བྱང་ཆུབ་སེམས་དཔའ་དང་། །སངས་རྒྱས་
དམ་ཚིག་འདི་ཡིན་ཏེ། །ཅི་ལྟར་རང་གི་ལུས་བསྲུང་པ། །དེ་ལྟར་ཁྱོད་ཀྱིས་འདི་བསྲུངས་ཤིག །དེ་བྱས་སངས་རྒྱས་བྱས་གཟོ་བ། །སངས་རྒྱས་སྲས་ཞེས་བརྗོད་པ་ཡིན། །གཞན་དུ་ན་ནི་དམ་ཚིག་ཉམས། །རྡོ་རྗེ་ཅན་དུ་ཁྱོད་མི་འགྱུར། །རྡོ་རྗེ་འཆང་བ་ཐམས་ཅད་ཀྱི། །
རིགས་ནི་བྱང་ཆུབ་སེམས་ཡིན་ཏེ། །རྟགས་ནི་སྙིང་རྗེ་ཡིན་ཞེས་བརྗོད། །ཐབས་ནི་དབང་དུ་བསྟན་པ་སྟེ། །རྡོ་རྗེ་བཞག་པ་གོ་ཆ་བགོས། །རྡོ་རྗེ་མཚོན་ཆ་ཐོགས་པ་ཡིན། །ཁྱོད་ལ་ལྷ་རྣམས་ཕྱག་ཀྱང་འཚལ། །ཁྱོད་ནི་བསྲུང་བ་ཀུན་དུ་བྱེད། །སངས་རྒྱས་
བྱང་ཆུབ་སེམས་དཔའ་ཡང་། །རྣམ་པ་ཀུན་དུ་བསྲུང་བ་མཛད། །ལག་ན་རྡོ་རྗེ་དབང་བསྐུར་བ་ལས་དབང་བསྐུར་བའི་རིམ་པར་ཕྱེ་བ་རྫོགས་སྷོ།། །། དེ་ནས་འཇམ་རབ་དཔལ་ལྡན་པ། །ཡ་མཚན་གྱིས་ནི་མིག་རྒྱས་པས། །རྡོ་རྗེ་འཛིན་ལ་འདི་
སྐད་སྨྲས། །དཔའ་བོ་གཟི་བརྗིད་ཆེན་པོ་ལེགས། །ཁྱོད་ཀྱིས་དཀྱིལ་འཁོར་གང་བཤད་པ། །རྡོ་རྗེ་དཀྱིལ་འཁོར་དམ་པ་མཆོག །གང་གིས་དངོས་གྲུབ་ཐོབ་འགྱུར་བ། །གསང་ཆེན་བཅས་པ་ཡང་གསུངས་ཤིག །ལྷ་རྣམས་ཐམས་ཅད་སོ་
སོ་དང་། །བྱང་ཆུབ་སེམས་དཔའ་བློ་ལྡན་གྱི། །ཕྱག་རྒྱ་དང་ནི་སྔགས་བཅས་པའི། །སྦྱོར་བ་རྣམས་ཀྱིས་རབ་སྦྱོར་དང་། །བསམ་གཏན་བསྟན་བཅའ་མན་ངག་དང་། །རིག་པའི་ཆོས་ནི་ཡང་ཤོད་ཅིག །བརྟུལ་ཞུགས་དང་ནི་སྤྱོད་དང་
རྟགས། །ཡུལ་དང་དུས་ཀྱི་རྣམ་ཀུན་དང་། །ཞི་བ་དང་ནི་རྒྱས་པ་དང་། །དེ་བཞིན་དྲག་ཤུལ་སྤྱོད་པ་དང་། །འབྱུང་པོ་དག་ནི་དགུག་པ་དང་། །ནོར་ཡང་རབ་ཏུ་དགུག་པ་དང་། །གསང་སྔགས་སྤྱི་ཡི་མཚན་ཉིད་དང་། །བྱེ་བྲག་རྣམས་ཀྱང་
བཤད་པར་མཛོད། །འཇིག་རྟེན་འདིར་ནི་འདོར་བ་སུ། །གཞན་དུ་འགྲོ་བ་སུ་ཞིག་གསུངས། །འདི་དང་གཞན་འབྲས་འཇིག་རྟེན་ན། །རྙེད་དཀའ་རྒྱལ་བས་རྣམ་གསུངས་དང་། །ལས་ནི་གཞན་གྱིས་བྱས་འགྱུར་ལ། །འབྲས་བུ་

94-1-42a

གཞན་སྤྱོད་འགྱུར་བ་དང་། །དཀྱིལ་འཁོར་འདི་དང་སྔགས་རྣམས་ཀྱི། །འབྲས་བུ་བདག་ལ་བཤད་པར་མཛོད། །སངས་རྒྱས་འབྱུང་བ་རྙེད་པར་དཀའ། །མི་ཡི་ལུས་ཀྱང་རྙེད་པར་དཀའ། །གསང་སྔགས་འབྱུང་བ་རྙེད་པར་
དཀའ། །དད་པ་ཕུན་སུམ་ཚོགས་པར་དཀའ། །སངས་རྒྱས་ཀུན་གྱིས་དེ་རིང་ཁྱོད། །ལག་ན་རྡོ་རྗེ་རྫུ་འཕྲུལ་ཆེ། །བསྟན་པ་འདི་ཡི་བྱ་བ་ལ། །གསང་ཆེན་འཛིན་པར་དགོངས་པ་སྟེ། །དཀྱིལ་འཁོར་འདི་ཡི་བར་དག་གི། །ཆོ་ག་རྒྱས་
པར་བཤད་པར་མཛོད། །དེ་སྐད་ཅེས་སྨྲས་པ་དང་། བྱང་ཆུབ་སེམས་དཔའ་སེམས་དཔའ་ཆེན་པོ་ལག་ན་རྡོ་རྗེས་འཇམ་དཔལ་གཞོན་ནུར་གྱུར་པ་ལ་འདི་སྐད་ཅེས་སྨྲས་སོ། །འཇམ་དཔལ་ལེགས་སོ་ལེགས་སོ། །ཁྱོད་ཀྱིས་
གང་དྲིས་པའི་ཚིག་འདི་ནི་ལེགས་པར་སྨྲ་བ་སྟེ། དེའི་ཕྱིར་འཇམ་དཔལ་རབ་ཏུ་ཉོན་ལ་ཡིད་ལ་ཟུང་ཤིག །འཇམ་དཔལ་དེ་ལ་དཀྱིལ་འཁོར་གྱི་གསང་ཆེན་ནི་ལྷ་གང་ཡིན་པ་དེ་ཁོ་བོ་ཡིན་ནོ། །ཁོ་བོ་གང་ཡིན་པ་དེ་དཀྱིལ་འཁོར་
ཡིན་ནོ། །ལྷའི་གནས་གང་ཡིན་པ་དེ་ཁོ་བོའི་གནས་སོ། །ཁོ་བོའི་གནས་གང་ཡིན་པ་དེ་དཀྱིལ་འཁོར་རོ། །དཀྱིལ་འཁོར་ལ་གནས་པ་ནི་གསང་སྔགས་ཏེ་དཀྱིལ་འཁོར་མེད་པར་གསང་སྔགས་མེད་དེ། འཇམ་
དཔལ་གཞན་ཡང་དཀྱིལ་འཁོར་གྱི་གཟུགས་ཡོད་པ་དང་གཟུགས་མེད་པའོ། །དེ་ལ་གཟུགས་ཡོད་པ་ནི་རི་མོར་བྲི་བའོ། །གཟུགས་མེད་པ་ནི་བྲི་བ་མ་ཡིན་པའོ། །གཞན་ཡང་བྲི་བར་བྱ་བ་ནི་བྲིར་རུང་བའོ། །
མི་བྲི་བ་ནི་བྲིར་མི་རུང་བའོ། །གཞོན་ནུ་དེ་ལ་བྲི་བ་མ་ཡིན་པ་ནི་ལས་ཐམས་ཅད་བྱའོ། །བྲི་བ་ནི་བྱ་བ་དང་ལས་ཀྱི་རྒྱུ་ཙམ་དུ་ཟད་དེ། དེ་ནི་ཕ་རོལ་དད་པ་བསྐྱེད་པ་ཡིན་ལ། གཅིག་གིས་ནི་ལྷའི་གནས་སུ་བྱིན་གྱིས་བརླབས་
པར་བྱ་བ་སྟེ་དོན་གཉིས་བསྒྲུབ་པ་དང་བྱ་བ་དང་རྣལ་འབྱོར་ཐ་དད་པ་མ་ཡིན་པའི་དཀྱིལ་འཁོར་དང་ལྡན་པའི་དཀྱིལ་འཁོར་རོ། །སློབ་དཔོན་ལས་དང་བྱ་བ་དང་དུས་དང་བྱེད་པ་དང་ནུས་པ་དང་འཛིན་པ་དང་བསམ་གཏན་དུ་བྱ་བ་དང་མན་ངག་དང་

94-1-42b

རྣལ་འབྱོར་ཐམས་ཅད་དང་ལྡན་པ་བདག་ལ་དབང་ཐོབ་པས་དཀྱིལ་འཁོར་བྲི་བར་བྱའོ། །གཞོན་ནུ་དེ་ལ་མན་ངག་གང་ཞེ་ན་འདི་ལྟ་སྟེ། སློབ་དཔོན་དང་སློབ་མའོ། །སློབ་དཔོན་ནི་སློབ་དཔོན་གྱི་ཡོན་ཏན་དང་ལྡན་པའོ། །དེ་ནི་དེའི་སྤྱོད་པའི་རྗེས་སུ་འཇུག་ཅིང་ཚིག་
བཞིན་དུ་བྱེད་ལ་མི་བསླུ་བའོ། །ཚད་མ་དེ་ནི་མན་ངག་གོ། འཇམ་དཔལ་གཞོན་ནུར་གྱུར་པ་གཞན་ཡང་ཚད་མ་གང་ཞེ་ན། གང་མདོ་སྡེ་དང་གསང་སྔགས་ཀྱི་དོན་མི་སླུ་བ་དང་པོ་ཤེས་ནས་དེའི་རོ་མྱོང་བ་དང་དོན་དེ་ཤིན་ཏུ་ཆུད་པས་
དེ་ལས་མི་ཉམས་པ་དང་བརྟན་པར་འགྱུར་བ་དེ་ནི་ཆོས་ཉིད་དོ་ཞེས་ཐ་སྙད་འདོགས་པ་དེ་ནི་མན་ངག་བཤད་པའོ། །དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ནི་གང་གསུངས་པ་དེ་དེ་བཞིན་ཏེ་གཞན་དུ་མི་
འགྱུར་བས་ལྷ་དང་བཅས་པའི་འཇིག་རྟེན་གྱི་ཚད་མ་སྟེ་དེ་ནི་མི་བསླུ་འོ། །དེ་མངོན་པར་རྟོགས་པ་དང་མངོན་སུམ་དུ་བྱས་པ་དང་འབྲས་བུ་ཐོབ་པ་གང་ཡིན་པ་དེ་ནི་ཆོས་ཉིད་དོ། །གཞན་ཡང་ཆོས་ཉིད་དེ་ཐོབ་པར་བྱེད་པའི་རྣལ་འབྱོར་
ལ་སྦྱོར་བ་ཉིད་གང་ཡིན་པ་དེ་ནི་རིགས་པའོ། །འཇམ་དཔལ་གཞན་ཡང་ཡོན་ཏན་འདི་ལྟ་བུ་དང་ལྡན་པའི་སྔགས་པ་ནི་རྒྱལ་བ་རྣམས་ཀྱིས་དཀྱིལ་འཁོར་གྱི་སློབ་དཔོན་དུ་བཞེད་དོ། །དཀྱིལ་འཁོར་གྱི་ནི་གསང་ཆེན་འདི། །
རྒྱལ་བ་རྣམས་ཀྱིས་སྔོན་བཤད་དེ། །གཞན་དུ་བྲི་བ་འབའ་ཞིག་ནི། །རྒྱུ་དང་འབྲས་བུ་བྲལ་བ་ཡིན། །འཇམ་དཔལ་གཞན་ཡང་ལྷ་ནི་རྣམ་པ་གཉིས་ཏེ། འབྲས་བུའི་ངོ་བོ་དང་རྣམ་པར་སྨིན་པའི་ངོ་བོའོ། །དེ་ལ་འབྲས་བུའི་
ངོ་བོ་ནི་ཆོས་ཉིད་རྟོགས་པའོ། །ཆོས་ཉིད་དེ་མངོན་སུམ་དུ་ཐོབ་པ་གང་ཡིན་པ་ནི་འབྲས་བུའོ། །འབྲས་བུ་གང་ཡིན་པ་དེ་རྣམ་པར་སྨིན་པའོ། །རྣམ་པར་སྨིན་པ་གང་ཡིན་པ་དེ་ངོ་བོའོ། །ངོ་བོ་གང་ཡིན་པ་དེ་ཐ་སྙད་དུ་ལྷུང་བའོ། །ཐ་སྙད་དུ་ལྷུང་
བ་གང་ཡིན་པ་དང་ཐ་སྙད་ཀྱི་ངོ་བོ་གང་ཡིན་པ་དེ་ནི་བཏགས་པའོ། །དེ་ནི་བྱ་བའོ། །བྱ་བ་གང་ཡིན་པ་དེ་ལས་སོ། །ཆོས་ཉིད་གང་ཡིན་པ་དེ་ལ་ནི་འབྲས་བུ་མེད་མངོན་པར་རྟོགས་པ་མེད་མངོན་སུམ་དུ་བྱ་བ་མེད་རྣམ་པར་བྱང་བ་མེད་ཀྱང་

94-1-43a

ལས་དང་རྣམ་པར་སྨིན་པའི་ས་ལ་གནས་པའི་སངས་རྒྱས་བཅོམ་ལྡན་འདས་རྣམས་དང་བྱང་ཆུབ་སེམས་དཔའ་རྣམས་འབྲས་བུ་དང་ཐོབ་པ་དང་མངོན་པར་རྟོགས་པ་དང་རྣམ་པར་བྱང་བ་སྟོན་ཏོ། །གསུང་ངོ་བརྗོད་དོ་འདོགས་སོ་
རབ་ཏུ་འཇོག་གོ་རྣམ་པར་འགྲེལ་ཏོ་འཆད་དོ་ཚུལ་བསྟན་པ་སྣ་ཚོགས་ཀྱིས་ཐ་སྙད་འདོགས་སོ། །འཇམ་དཔལ་གཞན་ཡང་ལས་དང་རྣམ་པར་སྨིན་པ་མེད་པའི་ས་ལ་གནས་པའི་སངས་རྒྱས་བཅོམ་ལྡན་འདས་རྣམས་དང་། བྱང་ཆུབ་
སེམས་དཔའ་རྣམས་ནི་འཇིག་རྟེན་འདི་ཞེས་བྱ་བ་དང་འཇིག་རྟེན་ཕ་རོལ་ཞེས་བྱ་བ་དང་སྐྱེ་བ་ཞེས་བྱ་བ་དང་རྒ་བ་ཞེས་བྱ་བ་དང་འཆི་བ་ཅེས་བྱ་བ་དང་ནད་ཅེས་བྱ་བ་དང་རྒུད་པ་ཞེས་བྱ་བ་དང་ཕུན་སུམ་ཚོགས་པ་ཞེས་བྱ་བ་དང་འདུས་བྱས། 
ཞེས་བྱ་བ་དང་འདུས་མ་བྱས་ཞེས་བྱ་བ་དང་འགྲོ་བ་ཞེས་བྱ་བ་དང་འོང་བ་ཅེས་བྱ་བ་དང་རིག་པ་ཞེས་བྱ་བ་དང་མ་རིག་པ་ཞེས་བྱ་བ་དང་ཤེས་རབ་ཅན་ཞེས་བྱ་བ་དང་རྟོགས་པ་ཞེས་བྱ་བ་དང་འདོད་ཆགས་པ་ཞེས་བྱ་བ་དང་ཞེ་སྡང་ཞེས་
བྱ་བ་དང་གཏི་མུག་ཅེས་བྱ་བ་དང་འཆིང་བ་ཅེས་བྱ་བ་དང་ཐར་པ་ཞེས་བྱ་བ་དང་བདག་ཅེས་བྱ་བ་དང་བདག་མེད་ཅེས་བྱ་བ་དང་། སྲེད་པ་ཞེས་བྱ་བ་དང་དེ་ཁོ་ན་ཞེས་བྱ་བ་དང་ཡང་དག་པ་ཞེས་བྱ་བ་དང་མི་བསླུ་བ་ཞེས་བྱ་བ་དང་
མིག་ཅེས་བྱ་བ་དང་རྣ་བ་ཞེས་བྱ་བ་དང་སྣ་ཞེས་བྱ་བ་དང་ལྕེ་ཞེས་བྱ་བ་དང་ལུས་ཞེས་བྱ་བ་དང་ཡིད་ཅེས་བྱ་བ་དང་གཟུགས་ཞེས་བྱ་བ་དང་སྒྲ་ཞེས་བྱ་བ་དང་དྲི་ཞེས་བྱ་བ་དང་རོ་ཞེས་བྱ་བ་དང་རེག་ཅེས་བྱ་བ་དང་སངས་རྒྱས་ཞེས་
བྱ་བ་དང་ཆོས་ཞེས་བྱ་བ་དང་དགེ་འདུན་ཞེས་བྱ་བ་དང་ཉན་ཐོས་ཞེས་བྱ་བ་དང་རང་སངས་རྒྱས་ཞེས་བྱ་བ་དང་རྒྱུན་དུ་ཞུགས་པ་ཞེས་བྱ་བ་དང་ལན་ཅིག་ཕྱིར་འོང་བ་ཞེས་བྱ་བ་དང་ཕྱིར་མི་འོང་བ་ཞེས་བྱ་བ་དང་རྒྱུན་དུ་ཞུགས་
པའི་འབྲས་བུ་མངོན་སུམ་དུ་བྱ་བའི་ཕྱིར་ཞུགས་པ་ཞེས་བྱ་བ་དང་ལན་ཅིག་ཕྱིར་འོང་བ་ཞེས་བྱ་བ་དང་ལན་ཅིག་ཕྱིར་འོང་བའི་འབྲས་བུ་མངོན་སུམ་དུ་བྱ་བའི་ཕྱིར་ཞུགས་པ་ཞེས་བྱ་བ་དང་ཕྱིར་མི་འོང་བ་ཞེས་བྱ་བ་དང་། 

94-1-43b

ཕྱིར་མི་འོང་བའི་འབྲས་བུ་མངོན་སུམ་དུ་བྱ་བའི་ཕྱིར་ཞུགས་པ་ཞེས་བྱ་བ་དང་དགྲ་བཅོམ་པ་ཞེས་བྱ་བ་དང་འདོད་ཆགས་དང་བྲལ་བ་ཞེས་བྱ་བ་དང་བདེན་པ་མཐོང་བ་ཞེས་བྱ་བ་དང་འཇམ་དཔལ་གཞན་ཡང་ལྷ་ཞེས་བྱ་བ་དང་ཀླུ་ཞེས་བྱ་བ་དང་གནོད་
སྦྱིན་ཞེས་བྱ་བ་དང་དྲི་ཟ་ཞེས་བྱ་བ་དང་ལྷ་མ་ཡིན་ཞེས་བྱ་བ་དང་ནམ་མཁའ་ལྡིང་ཞེས་བྱ་བ་དང་མི་འམ་ཅི་ཞེས་བྱ་བ་དང་ལྟོ་འཕྱེ་ཆེན་པོ་ཞེས་བྱ་བ་དང་མི་ཞེས་བྱ་བ་དང་མི་མ་ཡིན་པ་ཅེས་བྱ་བ་དང་སྐྱེས་པ་ཞེས་བྱ་བ་དང་བུད་མེད་ཅེས་བྱ་བ་དང་མ་ནིང་
ཞེས་བྱ་བར་འདོགས་སོ། །འཇམ་དཔལ་དེ་ལྟར་ན་ལས་དང་རྣམ་པར་སྨིན་པ་མེད་པ་ལ་གནས་པའི་སངས་རྒྱས་བཅོམ་ལྡན་འདས་རྣམས་དང་། བྱང་ཆུབ་སེམས་དཔའ་རྣམས་སེམས་ཅན་གྱི་བསམ་པ་ཐ་དད་པའི་སྒོ་ནས་འདོགས་པ་མཛད་དོ། །
འཇམ་དཔལ་གྱིས་སྨྲས་པ། གང་ནམ་མཁའ་ལྟ་བུའི་ཆོས་དེ་ལ་ཅི་ལྟར་གདགས་པ་འམ་རྣམ་པར་རིག་པར་མཛད། ལག་ན་རྡོ་རྗེས་སྨྲས་པ། འཇམ་དཔལ་ལས་དང་རྣམ་པར་སྨིན་པ་མེད་པའི་ས་ཉིད་ལ་གདགས་པ་འམ་རྣམ་པར་རིག་པར་མཛད་
དེ། འཇམ་དཔལ་ལས་དང་རྣམ་པར་སྨིན་པ་མེད་པ་སྟོང་པ་ཉིད་ཡིན་ལ་སྟོང་པ་ཉིད་དེ་ལ་ཡང་གཅིག་ཅེས་བྱ་བ་འམ་གཉིས་ཞེས་བྱ་བ་འདོགས་ཏེ། དེ་ལྟར་གྲངས་བསྟན་པ་རྣམས་དང་མིང་གི་བརྡར་བྱས་པ་རྣམས་ཀྱིས་འདོགས་པ་མཛད་པ་ལ་ལྟོས་
འཇམ་དཔལ་གཞན་ཡང་ནམ་མཁའི་ཁམས་ལས་དང་རྣམ་པར་སྨིན་པ་མེད་པ་ཡིན་ན་ནམ་མཁའ་ལ་ཡང་སྔོན་པོ་ཞེས་བྱ་བ་དང་སེར་པོ་ཞེས་བྱ་བ་དང་དམར་པོ་ཞེས་བྱ་བ་དང་དོག་ཅེས་བྱ་བ་དང་ཡངས་ཞེས་བྱ་བ་དང་དག་ཅེས་བྱ་བ་དང་མ་
དག་ཅེས་བྱ་བར་འདོགས་སོ། །འཇམ་དཔལ་དེ་བཞིན་དུ་ལས་དང་རྣམ་པར་སྨིན་པ་མེད་པའི་ས་ལ་གནས་པའི་སངས་རྒྱས་བཅོམ་ལྡན་འདས་རྣམས་དང་བྱང་ཆུབ་སེམས་དཔའ་རྣམས་འདོགས་པ་མཛད་དེ་འདོགས་པ་དེ་ཡང་ལས་དང་རྣམ་
པར་སྨིན་པ་མེད་པས་བྱས་པ་ཡིན་ན། བྱིས་པ་སོ་སོའི་སྐྱེ་བོ་ཕྱིན་ཅི་ལོག་ཏུ་གྱུར་པ་རྣམས་ཀྱིས་ཁོང་དུ་མ་ཆུད་པར་ཟད་དེ་དེ་དག་ཡང་དག་པ་ཇི་ལྟ་བ་བཞིན་དུ་མཐོང་བ་ལ་གཞུག་པའི་སྒོ་དཀྱིལ་འཁོར་འདི་རྒྱལ་བ་རྣམས་ཀྱིས་གསུངས་

94-1-44a

སོ། །གསུམ་ནི་འདུས་པར་གྱུར་པ་ལས། །སྔགས་འབྱུང་བར་ནི་འདིར་བསྟན་ཏོ། །ཕྱག་རྒྱ་འང་དེ་བཞིན་འབྱུང་བ་སྟེ། །གཟུགས་ཅན་མ་ཡིན་བསྟན་དུ་མེད། །རྟག་ཏུ་འཇིག་རྟེན་གསུམ་རྣམས་སུ། །ཐོགས་པ་མེད་ཅིང་ཆོད་པ་མེད། །དཔེར་ན་གཙུབས་
སྟན་བརྟེན་ནས་སུ། །གཙུབས་ཤིང་གཙུབ་པ་བྱས་གྱུར་ན། །མེ་ཡིས་རྩོལ་བ་བྱས་རྒྱུ་ལས། །སྟོབས་དང་ལྡན་པའི་མེ་འབྱུང་ངོ་། །དེ་བཞིན་གསུམ་ནི་འདུས་པ་ལས། །གསང་སྔགས་དང་ནི་ཕྱག་རྒྱ་ལྔ། །ཆེན་པོ་དག་ནི་འབྱུང་འགྱུར་ཏེ། །བྱུང་ནས་ཡིད་ལ་
བསམས་པ་ཡི། །ལས་རྣམས་བྱེད་པར་འགྱུར་བ་ཡིན། །འཇམ་དཔལ་དཔེར་ན། །རིག་སྔགས་འཆང་རྣམས་ཀྱིས་བསམས་མ་ཐག་ཏུ་ལྷའི་ཟས་དང་སྐོམ་དང་རྒྱན་དང་རྟ་དང་གླང་པོ་ཆེ་དང་ཤིང་རྟ་དང་བུད་མེད་དང་ཁང་ཁྱིམ་དང་གཞལ་མེད་ཁང་ལ་
སོགས་པ་ཐམས་ཅད་འབྱུང་ངོ་། །འཇམ་དཔལ་དེ་བཞིན་དུ་གསང་སྔགས་དང་ཕྱག་རྒྱ་དང་ལྷ་འདུས་པ་ལས་ཐམས་ཅད་འབྱུང་ངོ་། །འཇམ་དཔལ་འདི་ལྟ་སྟེ་དཔེར་ན་ཡིད་བཞིན་གྱི་ནོར་བུ་རིན་པོ་ཆེ་སྐྱོན་ཐམས་ཅད་དང་བྲལ་བ་དེ་མེད་པར་མ་གྱུར་ན་དེའི་ཚེ་གང་
བསམས་པ་དེ་འབྱུང་ངོ་། །འཇམ་དཔལ་དེ་བཞིན་དུ་སྔགས་ཀྱི་ཚུལ་ཡང་ཁོང་དུ་ཆུད་པར་བྱའོ། །འཇམ་དཔལ་གང་གི་ཚེ་རང་གི་གཟུགས་ཡོངས་སུ་སྤྱངས་ཏེ། ལྷའི་ང་རྒྱལ་ལ་ཐེ་ཙོམ་མེད་པ་ཐོབ་པ་དེའི་ཚེ་གསང་སྔགས་ཀྱི་ཆོས་ཉིད་དེས་ཆོས་ཉིད་སྟོན་ཏེ་དེའི་
ཚེ་དེས་ཚིག་གིས་དེའི་རྣམ་པ་སྟོན་པ་ན་བྱ་བ་ནུས་པར་འགྱུར་རོ། །འཇམ་དཔལ་བརྟེན་པའི་ཆོས་ཉིད་ཅི་ལྟར་བྱེད་ནུས་པར་གྱུར་པ་ལ་ལྟོས། འཇམ་དཔལ་འདི་ལྟ་སྟེ་དཔེར་ན་རྒྱ་ལ་བརྟེན་ནས་རྒྱའི་འབུར་འབྱུང་བར་འགྱུར་ཏེ་རྫས་མེད་ན་ཡང་རྒྱའི། 
འབུར་མི་འབྱུང་ལ་ཡོད་ཀྱང་བྱ་བ་དང་ལས་དང་བྲལ་ན་རྒྱའི་འབུར་མི་འབྱུང་སྟེ་འཇམ་དཔལ་གཉིས་ཀ་ཡང་ཕན་ཚུན་དུ་ལྟོས་པ་དང་བཅས་པའི་ཕྱིར་རོ། །མིས་རྩོལ་བ་བྱས་པ་དེ་ལས་ཅི་འདིར་རྫས་འབྱུང་བའམ་འོན་ཏེ་ལས་ཀྱི་བྱ་བ་དེ་འབྱུང་
ངམ་གང་ཡིན་ཏེ། སྔ་ཕྱི་འགལ་བའི་ཕྱིར་བརྟེན་ནས་གསང་སྔགས་སམ་ཕྱག་རྒྱ་འབྱུང་བ་ཙམ་ལ་མ་གཏོགས་པར་འབྱུང་བ་མེད་དོ། །འཇམ་དཔལ་སེམས་ཅན་རྣམས་ཀྱི་ཉོན་མོངས་པ་ཅི་སྙེད་པར་བྱང་ཆུབ་སེམས་དཔའ་གཞན་

94-1-44b

གྱིས་མི་ཐུབ་པའི་སྦྱོར་བ་ཡང་དེ་སྙེད་དུ་བལྟའོ། །འདི་ལ་རྒྱལ་བར་བྱེད་ནུས་པ་སུ་ཡིན་ཞེ་ན། ཕྱག་རྒྱ་དང་གསང་སྔགས་དང་ལྡན་པའི་ཆོས་ཀྱི་དབྱིངས་ཀྱིས་རྒྱལ་བར་བྱེད་དོ། །འཇམ་དཔལ་ཆོས་ཀྱི་དབྱིངས་ཉིད་ལ་རྣམ་པ་མང་པོར་
བརྟགས་པའི་ཕྱིར་ཏེ། དེ་བཞིན་གཤེགས་པ་རྣམས་དང་། བྱང་ཆུབ་སེམས་དཔའ་རྣམས་འདི་ནི་གསང་སྔགས་སོ། །འདི་ནི་ཕྱག་རྒྱའོ། །འདི་ནི་ལྷའོ་ཞེས་རྣམ་པར་གཞག་པར་མཛད་དོ། །ཆོས་ཀྱི་དབྱིངས་དེ་ནི་གཟུགས་
ཅན་མ་ཡིན་པ་བསྟན་དུ་མེད་པ་གཟུང་བ་མ་ཡིན་པ་དཀྲུག་པ་མ་ཡིན་པ་སྟེ། དེ་བཞིན་གཤེགས་པས་རྟེན་ཅིང་འབྲེལ་བར་འབྱུང་བར་རྣམ་པར་གཞག་པས་རྣམ་པར་གཞག་གོ། རྟེན་ཅིང་འབྲེལ་བར་འབྱུང་བའི་ཕྱིར་བྱ་བ་
ཐམས་ཅད་བྱེད་དོ། །འཇམ་དཔལ་གཞན་ཡང་ཅི་ལྟར་གཞན་གྱིས་ལས་བྱས་པ་ལ་ཅི་ལྟར་གཞན་སྤྱོད་ཅེས་གང་སྨྲ་བ་དེ་ནི། འཇམ་དཔལ་འདི་ལྟ་སྟེ་དཔེར་ན་ལྷའི་བུ་དབང་ཕྱུག་རང་གི་སེམས་ལ་དབང་ཐོབ་པ་དེ་འདོད་པ་བཞིན་
དུ་ལོངས་སྤྱོད་སྣ་ཚོགས་ལ་ཡོངས་སུ་སྤྱོད་པར་བྱེད་དེ་འདི་ལྟ་སྟེ། ལྷའི་ཁང་ཁྱིམ་དང་གཞལ་མེད་ཁང་ལ་སོགས་པ་དང་རྟ་དང་གླང་པོ་ཆེ་དང་ཤིང་རྟ་དང་བུད་མེད་དང་བཟའ་བ་དང་བཅའ་བ་ལ་སོགས་པ་མངོན་པར་སྤྲུལ་ནས་བདག་
ཀྱང་ཡོངས་སུ་སྤྱོད་ཅིང་གཞན་དག་ལ་ཡང་སྦྱིན་པར་བྱེད་དེ། དེ་ཅིའི་ཕྱིར་ཞེ་ན། དེ་ཉིད་ཀྱིས་སྔགས་དེ་བསྒྲུབས་པའི་ཕྱིར་རོ། །འཇམ་དཔལ་དེ་བཞིན་དུ་གཞན་གྱིས་བྱས་པ་ལ་གཞན་ཡོངས་སུ་སྤྱོད་དོ། །འཇམ་དཔལ་
གཅིག་བྱེད་པ་ལ་མང་པོ་ཡོངས་སུ་སྤྱོད་པའི་རྣམ་གྲངས་ཡོད་དེ་དཔེར་ན་འཁོར་ལོས་སྒྱུར་བའི་རྒྱལ་པོ་འམ་ཞིང་པ་བཞིན་ནོ། །འཇམ་དཔལ་གཞན་ཡང་འཇིག་རྟེན་འདི་འདོར་བ་ནི་སུ་གཞན་དུ་འགྲོ་བ་ནི་སུ་ཞེས་གང་སྨྲ་བ་ནི་
འཇམ་དཔལ་གང་གི་ཚེ་སེམས་དང་སེམས་ལས་བྱུང་བའི་ཚོགས་འདུས་བྱས་ཀྱི་ཁམས་ལ་གནས་པ་དེའི་ཚེ་དེ་འཇིག་རྟེན་འདི་ཡིན་ནོ། །གང་གི་ཚེ་སེམས་དང་སེམས་ལས་བྱུང་བའི་ཚོགས་དེ་ཉིད་འདུས་མ་བྱས་ཀྱི་

94-1-45a

ཁམས་ལ་གནས་པར་འགྱུར་བ་དེའི་ཚེ་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རྣམས་འཇིག་རྟེན་འདི་འདོར་ཞིང་འཇིག་རྟེན་ཕ་རོལ་དུ་འགྲོའོ་ཞེས་འདོགས་ཏེ་འདི་ནི་ཆོས་ཉིད་རྟོགས་
པའི་གང་ཟག་གི་ཚིག་བླ་དགས་སོ། །དེ་ཅིའི་ཕྱིར་ཞེ་ན། ཆོས་ཉིད་ནི་འདུས་མ་བྱས་ཀྱི་ཁམས་སུ་རྣམ་པར་གནས་ཏེ་དེ་ནི་ནམ་ཡང་འདུས་བྱས་ཀྱི་དྲི་མས་མི་གོས་སོ། །འདི་ལྟ་སྟེ་དཔེར་ན་རྡོ་རྗེ་ནི་འདམ་རྫབ་ཀྱི་རྙོག་པའི་དྲི་མའི་སྐྱོན་ཐམྶ་
ཅད་ཀྱིས་མི་གོས་སོ། །དེ་བཞིན་དུ་ཆོས་ཉིད་དེ་ཡང་འདུས་བྱས་ཀྱི་སྐྱོན་ཐམས་ཅད་ཀྱིས་མི་གོས་སོ། །འཇམ་དཔལ་བྱིས་པ་སོ་སོའི་སྐྱེ་བོའི་འདུས་བྱས་ཀྱི་ཁམས་སུ་གཏོགས་པ་དག་ནི་ཉོན་མོངས་པ་ཅན་གྱི་རྒྱུད་དུ་ལྷུང་བ་
ངར་འཛིན་པ་དང་ང་ཡིར་འཛིན་པ་ལས་བྱུང་བའི་སེམས་པས་སྲིད་པར་སྐྱེ་བ་རྣམས་ཉོན་མོངས་པ་ཅན་རྣམ་པར་སྒྲུབ་པོ། །དེ་དག་འཆི་བའི་དུས་ཉེ་བར་གནས་ཏེ་འདུ་བྱེད་ཀྱི་ཚོགས་འདི་འགགས་པའི་ཚེ་ལྷའོ་སྙམ་མམ་མིའོ་
སྙམ་པའི་ང་རྒྱལ་ཉིད་རྒྱུད་དེའི་རྗེས་སུ་འབྲེལ་ཏོ། །འདི་ལྟ་སྟེ་དཔེར་ན་རབ་ཏུ་ཕྱིས་པའི་མེ་ལོང་གི་དཀྱིལ་འཁོར་ལ་བལྟ་བའི་མི་ནི་བདག་གི་བཞིན་ཡོན་ཏན་ཁྱད་པར་ཅན་འདི་ལྟ་བུས་བཟང་ངོ་ཞེས་སམ་མི་བཟང་ངོ་ཞེས་རྟོག་པར་བྱེད་ཀྱི་
དེ་དང་ཐ་དད་པ་ཡང་མ་ཡིན་ཐ་དད་པ་མ་ཡིན་པ་འང་མ་ཡིན་མོད་ཀྱི་འོན་ཀྱང་འཁྲུལ་པའི་ཕྱིར་སེམས་ལ་ངར་འཛིན་པ་སྐྱེད་དོ། །འཇམ་དཔལ་མཐོང་བའི་འབྲས་བུ་གང་ཞེ་ན་འདི་ལྟ་སྟེ། གསང་སྔགས་རྣམས་ཀྱིས་དུག་དང་
རིམས་ལ་སོགས་པ་སེལ་བའོ། །ཚེ་འདི་མ་ཡིན་པའི་འབྲས་བུ་གང་ཞེ་ན། མངོན་སུམ་དང་རྟོག་པའི་དྲ་བ་དང་བྲལ་བ་བསམ་གཏན་རྟོགས་པའི་འབྲས་བུ་ཐོབ་པ་སྟེ། རྗེས་སུ་དཔག་པ་དང་དཔག་པར་བྱ་བའི་རྟོགས་གེའི་
ཡུལ་ལས་ཡང་དག་པར་འདས་པ་ཡིད་ཆེས་པའི་ལུང་གི་གྲུབ་པ་དང་རྣལ་འབྱོར་དང་རིགས་པ་དང་ལྡན་པ་དང་རང་གིས་མྱོང་བའི་རྣམ་པ་ནི་འབྲས་བུ་བསྟན་ཏེ་འདི་ནི་ཚེ་འདི་མ་ཡིན་པའི་འབྲས་བུའོ། །འཇམ་དཔལ་གཞན་ཡང་

94-1-45b

དྲག་ཤུལ་སྤྱོད་པའི་ལས་སྨྲོས་ཤིག་ཅེས་གང་སྨྲས་པ་ནི་བྱ་དགོས་པར་འགྱུར་བས་ན་ཁྲོ་བོ་ཉིད་བསྟན་པར་བྱ་སྟེ། ཞི་བའི་སེམས་དང་སྙིང་རྗེ་དང་བྱམས་པའི་རང་བཞིན་དང་རང་གི་ལས་ཀྱི་འབྲས་བུ་ལ་བལྟ་བས་ལྷའི་གཟུགྶ་
དང་རང་གི་ཁྲོ་བོའི་གཟུགས་ཐ་མི་དད་པར་སྦྱོར་བ་དང་ལྡན་པར་བྱས་པས། མེའི་ཡང་ཁྲོ་བོ་གཟུགས་ལ་གཅིག་ཤོས་ཀྱང་ཁྲོ་བོའི་གཟུགས་སོ། །རང་དབང་སྒྱུར་བའི་སྔགས་ཀྱི་ངོ་བོས་བཀུག་ལ་མྱུར་དུ་
བྲང་ངམ་སྙིང་གའམ་མགོའམ་ལྟོའམ་རྐད་པའམ་བྱིན་པའམ་རྐང་པའམ་རྒྱབ་བམ་རྐང་པ་གཡོན་པས་མནན་ལ་སྲོག་ཆགས་ཐམས་ཅད་རྒོད་ཀྱང་རུང་ཆགས་ཀྱང་རུང་རྩེ་ཡང་རུང་སྡོད་ཀྱང་རུང་ལམ་དུ་འགྲོ་ཡང་རུང་ཉལ་ཡང་རུང་
འདུག་ཀྱང་རུང་འགྲེང་ཡང་རུང་ཆུ་ཀླུང་གི་ཕ་རོལ་དཔག་ཚད་བརྒྱ་ན་འདུག་ཀྱང་རུང་ལྷ་ལ་སོགས་པས་བསྲུངས་ཀྱང་རུང་བདག་ལ་མེ་སྦར་བས་སྲེག་བླུགས་ཉི་ཤུ་རྩ་གཅིག་སྦྱིན་སྲེག་བྱའོ། །ཞི་བ་ལ་ནི་ཞི་བ་མ་ཞི་བ་ལ་མ་ཞི་བར་
གསུངས་སོ། །དེ་ནས་ལག་ན་རྡོ་རྗེས་ཐོགས་པ་མེད་པའི་ངག་གི་འཁོར་ལོའི་དཀྱིལ་འཁོར་བསྒྲུབ་པ་དང་བསྟན་པ་དོན་ཡོད་པར་ཡང་དག་པར་བསྒྲུབ་པར་བྱ་བའི་ཕྱིར་ཡང་སངས་རྒྱས་ཀྱི་གསུང་བཀོད་པའི་སྙིང་པོ་ཞེས་
བྱ་བའི་ཏིང་ངེ་འཛིན་ལ་སྙོམས་པར་ཞུགས་སོ། །བྱང་ཆུབ་སེམས་དཔའ་ལག་ན་རྡོ་རྗེ་ཏིང་ངེ་འཛིན་དེ་ལ་སྙོམས་པར་ཞུགས་མ་ཐག་ཏུ། དེ་ནས་དེའི་ཚེ་སྟོབས་མཚུངས་པ་མེད་པས་ཆོས་ཀྱི་དབྱིངས་ལ་འཇུག་
པ་དམ་ཚིག་ཆེན་པོའི་གསང་སྔགས་སྨྲས་པ། ན་མཿ སརྦ་ཏ་ཐཱ་ག་ཏེ་བྷྱཿ སརྦ་མུ་ཁེ་བྷྱཿ སརྦ་ཐཱ་བཛྲ་ས་མ་ཡ་དྷི་ཀེ། དམ་ཚིག་གི་རྡོ་རྗེའི་གསང་སྔགས་སྨྲས་མ་ཐག་ཏུ་དེ་ནས་སངས་རྒྱས་ཀྱི་འཁོར་གྱི་དཀྱིལ་
འཁོར་ཐམས་ཅད་དང་འཇིག་རྟེན་གྱི་ཁམས་རབ་འབྱམ་ཐམས་ཅད་དུ་དམ་ཚིག་ལ་འཇུག་པའི་རྡོ་རྗེའི་སྒྲ་འུར་ཞེས་གྲགས་སོ། །འདི་ཐོས་བྱང་ཆུབ་སེམས་དཔའ་རྣམས། དེ་དག་སྐད་ཅིག་དེ་ཉིད་ལ། །སངས་རྒྱས་

94-1-46a

ཀུན་གྱི་སྤྱན་སྔ་རུ། །རྡོ་རྗེ་མཆོག་སྟོབས་གཟུངས་ཐོབ་བོ། །ཡང་བདུད་བཞི་ཕམ་པར་བྱེད་པའི་རྣམ་པར་བསྒྱིངས་པའི་བྱིན་གྱིས་བརླབས་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ཏེ། བསྲུང་བ་
ཆེན་པོ་སྟོབས་པོ་ཆེ་སྟོབས་བཅུའི་གཟི་བརྗིད་ལས་བྱུང་བའི་གསང་སྔགས་འདི་སྨྲས་སོ། །ན་མཿ སརྦ་ཏ་ཐཱ་ག་ཏེ་བྷྱཿ སརྦ་མུ་ཁེ་བྷྱཿ སརྦ་ཐཱ་བཛྲ་གི་ནི། བཛྲ་ཤུ་ཨུ་ལ་ནི། བཛྲ་མུ་ཏ་རེ། བ་ལི་ན་མ་ཨ་གྲ་མ་ཧཱ་བ་
ལེ། ཧི་ལི་ཧི་ལི། མི་ལི་མི་ལི། ཤི་ལོ་ཤི་ལོ། ཊི་ལོ་ཊི་ལོ། ཊ་ཊ་ལེ། མ་ཧཱ་ཙནྜི། ཀུ་རུྃ་གོ་ན། ཤྭི་ཏ། པད་མ་མཱ་ལི་ནི། ཧི་ཧི་ཧེ་ཧེ། རཀྵ་རཀྵ། མ་ཧཱ་ས་མ་ཡ། ཨ་ནུ་ག་ཏེ། སྭཱ་ཧཱ། དེ་ནས་ཐམས་ཅད་དང་ལྡན་པའི་འཁོར་
དེས་མགྲིན་གཅིག་ཏུ་ཚིག་སྨྲས་པ། ཀྱེ་མ་བསྲུང་བ་དམ་པ་འདི། །གསང་སྔགས་རྗེས་སུ་སྤྱོད་པ་ཡི། །སེམས་ཅན་ཀུན་གྱི་དོན་གྱི་ཕྱིར། །ལག་ན་རྡོ་རྗེས་རབ་ཏུ་བརྗོད། །དེ་ནས་ཡང་ལག་ན་རྡོ་རྗེས་དཀྱིལ་འཁོར་གྱི་ཐབས་
ཐམས་ཅད་ཀྱི་གསང་སྔགས་ཀྱི་མཛོད་སྨྲས་པ། ན་མཿ སརྦ་ཏ་ཐཱ་ག་ཏེ་བྷྱཿ སརྦ་མུ་ཁེ་བྷྱཿ སརྦ་ཐཱ་བཛྲ་ཨ་གྲ་དྷ་ར། ཨ་ན་མོ་བི་ཤྭ་སྃ་བྷ་བ་སྭཱ་ཧཱ། རྡོ་རྗེ་ཆེན་པོ་མེ་ལྕེ་ཆེན་པོ་འབར་བའི་སྔགས་སོ། །ན་མཿ སརྦ་ཏ་ཐཱ་ག་ཏེ་བྷྱཿ སརྦ་མུ་ཁེ་བྷྱཿ
ཤྩཎྜི་བཛྲ་ཨརྩི་སྥ་ར་ཎ་སྭཱ་ཧཱ། རྡོ་རྗེ་འོད་འཕྲོ་ཆེན་པོའི་སྔགས་སོ། །ན་མཿ སརྦ་ཏ་ཐཱ་ག་ཏེ་བྷྱཿ སརྦ་མུ་ཁེ་བྷྱཿ མ་ཧཱ་ཙཎྜ་བཛྲ་ཀ་བ་ཙ་བི་སྥུ་ར་བཛྲྃ་ག་སྭཱ་ཧཱ། རྡོ་རྗེ་གོ་ཆའི་སྔགས་སོ། །ན་མཿ སརྦ་ཏ་ཐཱ་ག་ཏེ་བྷྱཿ སརྦ་མུ་ཁེ་བྷྱཿ
མ་ཧཱ་བཛྲ་ཨ་གྲ་དྷ་རི་ཏེ་ཛོ་ཏ་ག་ཏེ་སྭཱ་ཧཱ། རྡོ་རྗེ་མཆོག་གི་སྤྱི་གཙུག་གི་སྔགས་སོ། །ན་མཿ སརྦ་ཏ་ཐཱ་ག་ཏེ་བྷྱཿ སརྦ་མུ་ཁེ་བྷྱཿ བཛྲ་ཨ་ནནྟ་ག་ཏི་ཧི་སྭཱ་ཧཱ། རྡོ་རྗེ་གཙུག་ཏོར་ཆེན་པོའི་སྔགས་སོ། །ན་མཿ སརྦ་ཏ་ཐཱ་ག་ཏེ་བྷྱཿ སརྦ་མུ་
ཁེ་བྷྱཿ ཏ་ཐཱ་ག་ཏེ། ཨཱ་ཤ་པ་རི་པཱུ་ར་ཙནྟཱ་མ་ཎི་རཱ་ཛ་བཛྲ་ཧཱུྃ་སྭཱ་ཧཱ། རྡོ་རྗེ་མཛོད་སྤུའི་སྔགས་སོ། །ན་མཿ སརྦ་ཏ་ཐཱ་ག་ཏེ་བྷྱཿ སརྦ་མུ་ཁེ་བྷྱཿ ཏ་ཐཱ་ག་ཏེ་ལོ་ཙ་ན་ཛྙ་ན་བཛྲ་སྭཱ་ཧཱ། རྡོ་རྗེ་སྤྱན་གྱི་སྔགས་སོ། །ན་མཿ སརྦ་ཏ་ཐཱ་ག་ཏེ་བྷྱཿ སརྦ་མུ་ཁེ་བྷྱཿ། 

94-1-46b

ཨོཾ་བཛྲ་ཨ་ནྃ་སྭཱ་ཧཱ། རྡོ་རྗེ་ཞལ་གྱི་སྔགས་སོ། །ན་མཿ སརྦ་ཏ་ཐཱ་ག་ཏེ་བྷྱཿ སརྦ་མུ་ཁེ་བྷྱཿ སརྦ་ཏ་ཐཱ་ག་ཏེ་ས་ཏྱ་དྷརྨ་པྲ་ཏིཥྠི་ཏེ་བཛྲ་ག་པུ་རུ་ས་ར་སྭ་སྟི་བུ་ཧ་ཨ་ལྃ་ཀཱ་ར་གརྦྷ་བཛྲ་ཛི་ཧྭཱ་ཧཱུྃ་བྷ་ག་བ་ཏི་སརྦ་སཏྭ་སནྟོ་ཥ་ཎ་ཀ་རི་སྭཱ་ཧཱ། རྡོ་རྗེ་ལྗགས་ཀྱི་སྔགས་སོ། །
ན་མཿ སརྦ་ཏ་ཐཱ་ག་ཏེ་བྷྱཿ སརྦ་མུ་ཁེ་བྷྱཿ བཛྲ་ཨ་གྲ་ས་མེ་བྷྱོ་བི་ཤྭ་རཱུ་བ་དྷ་ར་སྭཱ་ཧཱ། རྡོ་རྗེ་སྐུའི་སྔགས་སོ། །ན་མཿ སརྦ་ཏ་ཐཱ་ག་ཏེ་བྷྱཿ སརྦ་མུ་ཁེ་བྷྱཿ ཨརྒྷ་བཛྲ་སྭཱ་ཧཱ། མཆོད་ཡོན་གྱི་སྔགས་སོ། །ན་མཿ སརྦ་ཏ་ཐཱ་ག་ཏེ་བྷྱཿ སརྦ་མུ་ཁེ་
བྷྱཿ གན་དྷ་ཨ་བ་བྷཱ་ས་ན་སྭཱ་ཧཱ། དྲིའི་སྔགས་སོ། །ན་མཿ སརྦ་ཏ་ཐཱ་ག་ཏེ་བྷྱཿ སརྦ་མུ་ཁེ་བྷྱཿ་བཛྱོ་པུཥྤ་ཨ་གྲ་དྷ་ར་ཀ་སྭཱ་ཧཱ། མེ་ཏོག་གི་སྔགས་སོ། །ན་མཿ སརྦ་ཏ་ཐཱ་ག་ཏེ་བྷྱཿ སརྦ་མུ་ཁེ་བྷྱཿ ཛྙཱ་ན་བཛྲ་སྭཱ་ཧཱ། བདུག་པའི་
སྔགས་སོ། །ན་མཿ སརྦ་ཏ་ཐཱ་ག་ཏེ་བྷྱཿ སརྦ་མུ་ཁེ་བྷྱཿ ཨཀྵ་ཡ་དྷརྨྨ་དྷཱ་ཏུ་སྥ་ར་ཎ་བཛྲ་སྭཱ་ཧཱ། ལྷ་བཤོས་ཀྱི་སྔགས་སོ། །ན་མཿ སརྦ་ཏ་ཐཱ་ག་ཏེ་བྷྱཿ སརྦ་མུ་ཁེ་བྷྱཿ ཏ་ཐཱ་ག་ཏེ་ཙཀྵུ་བཛྲ་སྭཱ་ཧཱ། མར་མེའི་སྔགས་སོ། །
དཀྱིལ་འཁོར་གྱི་ཐབས་ཀྱི་སྔགས་ཀྱི་མཛོད་དོ། །བྱང་ཆུབ་སེམས་དཔའ་སེམས་དཔའ་ཆེན་པོ་ལག་ན་རྡོ་རྗེས་ཡང་དེ་བཞིན་གཤེགས་པ་ཐམས་ཅད་ལ་ཕྱག་འཚལ་ནས། ཏིང་ངེ་འཛིན་དེ་ལས་ལངས་ཏེ་རྡོ་རྗེ་ཆེན་པོ་གསང་
བ་མཐོ་བའི་ཏོག་རྡོ་རྗེ་མཐོན་པོ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་སོ། །བྱང་ཆུབ་སེམས་དཔའ་སེམས་དཔའ་ཆེན་པོ་ལག་ན་རྡོ་རྗེས་མཉམ་པར་གཞག་མ་ཐག་ཏུ་དེ་ནས་དེ་བཞིན་གཤེགས་པ་ཐམས་ཅད་ཀྱིས་
རྡོ་རྗེ་ལྷངས་ཤེས་བྱ་བའི་ཚིག་དང་ལྡན་པའི་རྡོ་རྗེའི་ཡི་གེའི་སྙིང་པོ་དེ་བཞིན་གཤེགས་པ་ཐམས་ཅད་ཀྱི་གཟི་བརྗིད་ཀྱི་སྟོབས་ཞེས་བྱ་བ་བྱིན་ནོ། །ན་མཿ སརྦ་ཏ་ཐཱ་ག་ཏེ་བྷྱཿ སརྦ་མུ་ཁེ་བྷྱཿ ཏ་ཊ་ཏ་ཊ། སྥོ་ཊ་ཡ་བཛྲ་སྃ་ཀྲྀ་ཏ་བིདྱ་ཛི་
ཧྭཱ་དུཌྵནྟ་ད་མ་ཀཿད་ཧ་སི་ཏ། ལྃ་བོ་ད་ར་ཀ་ཧ་ཀ་ཧ། ཙུ་ལུ་ཙུ་ལུ། མུཉྩ་ཨཊྚ་ཧ་ས་ན། ད་ར་བི་ད་ར། བཛྲ་བཀྟྲ། བཛྲ་ཨྃ་ག །བཛྲ་ནཻ་ཏྲ། བཛྲ་ཤྲོ་ཏྲ། བཛྲ་གྷཱ་ཎ། བཛྲ་དྃཥྚ་ཨ་ནུ་ཙ་ར། ཀཱིཉྩི་རཱ་ཡ་སི། པྲ་བི་ཤ་བཛྲ་པཱ་ཎི་ཧྲི་ད་ཡྃ། 

94-1-47a

ཨཱ་བི་ཤ་ཨཱ་བི་ཤ་གྷུརྣ་གྷུརྣ་གྷཱུརྞཱ་པ་ཡ་གྷཱུརྞཱ་པ་ཡ། སརྦ་ཏ་ཐཱ་ག་ཏ་ཨཱ་ཛྙཱ་ཀ་ར་པྲ་བ་ར། དྷརྨྨ་ལ་བྷ་བཛྲཱ་ཡ་ཧཱུྃ་ཀྲྀ་ཏ་སྭཱ་ཧཱ། དེ་བཞིན་གཤེགས་པ་ཐམས་ཅད་ཀྱིས་ལྷངས་ཤེས་བྱ་བའི་རྡོ་རྗེའི་སྙིང་པོ་གསུངས་མ་ཐག་ཏུ། 
བྱང་ཆུབ་སེམས་དཔའ་ལག་ན་རྡོ་རྗེ་ཚིམ་ཞིང་མགུ་སྟེ་རབ་ཏུ་དགའ་ཞིང་ཡི་རངས་ནས་དེའི་ཚེ་རྡོ་རྗེ་མེ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་སོ། །བྱང་ཆུབ་སེམས་དཔའ་ལག་ན་རྡོ་རྗེས་ཏིང་ངེ་འཛིན་འདི་ལ་མཉམ་
པར་གཞག་མ་ཐག་ཏུ་དེ་ནས་དེའི་ཚེ་འཇིག་རྟེན་གྱི་ཁམས་ཐམས་ཅད་གཡོས་རབ་ཏུ་གཡོས་ཀུན་དུ་རབ་ཏུ་གཡོས་སོ། །འགུལ་རབ་ཏུ་འགུལ་ཀུན་དུ་རབ་ཏུ་འགུལ་ཏོ། །རྒྱ་མཚོ་ཆེན་པོ་ཐམས་ཅད་ཀྱང་འཁྲུགས་རབ་ཏུ་
འཁྲུགས་ཀུན་དུ་རབ་ཏུ་འཁྲུགས་སོ། །རིའི་རྒྱལ་པོ་རི་རབ་ཐམས་ཅད་ཀྱང་འགུལ་རབ་ཏུ་འགུལ་ཀུན་དུ་རབ་ཏུ་འགུལ་ཏོ། །ཆེམ་ཆེམ་རབ་ཏུ་ཆེམ་ཆེམ་ཀུན་ཏུ་རབ་ཏུ་ཆེམ་ཆེམ་མོ། །འཇིག་རྟེན་གྱི་ཁམས་ཐམས་ཅད་ཀྱང་
འབར་རབ་ཏུ་འབར་ཀུན་དུ་རབ་ཏུ་འབར་ཏེ་མེ་ལྕེ་གཅིག་ཏུ་གྱུར་པར་སྣང་ངོ་། །བྱང་ཆུབ་སེམས་དཔའ་ལག་ན་རྡོ་རྗེ་ཡང་འབར་རབ་ཏུ་འབར་ཀུན་དུ་རབ་ཏུ་འབར་ཏེ་འཇིགས་འཇིགས་ལྟ་ཆེན་པོའི་གཟུགས་འཛིན་ལ་རྡོ་རྗེའི་
མིག་ལས་མེ་ལྕེ་འབར་བའི་འོད་ཟེར་གྱིས་ཕྱོགས་བཅུར་སྣང་བར་བྱེད་ཅིང་རྡོ་རྗེ་འཇིགས་འཇིགས་ལྟ་ཆེན་པོ་ཞེས་བྱ་བའི་ཁྲོ་བོ་འབར་བ་རབ་ཏུ་འབར་བ་ཀུན་དུ་རབ་ཏུ་མཆེད་ཅིང་འབར་ཏེ་མེ་ལྕེ་གཅིག་ཏུ་གྱུར་པ་མིག་གསུམ་པ་
མཆེ་བ་བཞི་པ་གད་མོ་རྟ་སྐད་འབྱིན་པ་ལུས་ལ་གླང་པོ་ཆེན་པོའི་ལྤགས་པ་ཁྲག་ཅན་གྱོན་པ་ལག་ན་རྡོ་རྗེ་ཐོགས་པ་ཕྱུང་ངོ་། །ཡང་བ་སྤུའི་བུ་ག་ཐམས་ཅད་དང་ཡན་ལག་གི་ཚིགས་ཐམས་ཅད་ནས་རྡོ་རྗེ་ཁྲོ་བོ་ཐམས་ཅད་མི་
སྡུག་ཅིང་འཇིགས་སུ་རུང་བའི་གཟུགས་ཅན་ལག་ན་རྡོ་རྗེ་ཐོགས་པ་དང་ཁ་དོག་ཐ་དད་པ་དང་འཇིག་རྟེན་གྱི་ཁམས་ཐམས་ཅད་དུ་སྒྲས་གོ་བར་བྱེད་པ་དང་ལག་ན་མདུང་རྩེ་གསུམ་པ་ཐོགས་པ་དང་སྡང་བ་ཐམས་ཅད་སྐྲག་པར་བྱེད་

94-1-47b

པ་དང་བདུད་ཀྱི་གནས་ཐམས་ཅད་རྣམ་པར་འཇིག་པར་བྱེད་པ་དང་འཆའ་བ་དང་རྒོད་པ་དང་འབུས་འབུག་པོའི་སྒྲ་འབྱིན་པ་དང་རྨུག་རྨུག་པོའི་སྒྲ་འབྱིན་པ་དང་ལག་ན་རྩེ་གསུམ་གདེངས་པ་དང་གཏུན་རྐེད་ཉག་ཐོགས་པ་དང་ལག་ན་བེ་ཅོན་
དང་ལག་ན་རལ་གྲི་ཐོགས་པ་དང་ལག་ན་ཐོ་བ་ཐོགས་པ་དང་ལག་ན་དགྲ་སྟ་ཐོགས་པ་དང་ལག་ན་མཚོན་རྩེ་གཅིག་པ་དང་ཀ་ན་ཡ་དང་མདའ་བོ་ཆེ་དང་འཁོར་ལོ་དང་ལྕགས་མདའ་དང་ཞགས་པ་དང་དབྱུག་ཏོ་དང་ལྕགས་ཐག་དང་
ཁབ་འདྲ་བ་དང་གཤོལ་དང་རྔ་དང་འཁར་རྔ་དང་དྲིལ་བུ་དང་རྔ་བོ་ཆེ་ཐོགས་པ་དང་གཟི་བརྗིད་ཅན་ཐམས་ཅད་ཀྱི་གཟི་བརྗིད་མི་སྣང་བར་བྱེད་ཅིང་དེ་བཞིན་གཤེགས་པའི་དམ་ཚིག་ལ་ལྟ་བ་ལྷུར་ལེན་པར་བསྟན་ནས། ཡང་གཙུག་ཏོར་
ནས་ཁྲོ་བོའི་རྒྱལ་པོ་འཇིག་རྟེན་ལས་རྣམ་པར་རྒྱལ་བ་ཞེས་བྱ་བ་དེ་བཞིན་གཤེགས་པ་ཐམས་ཅད་ཀྱི་ཡུལ་ལས་བྱུང་བ་མེ་ལྕེ་འབར་བས་ལང་ལོང་དུ་གྱུར་པ་ཐོར་ཚུགས་ཅན་གསུས་འཕྱང་པོ་སྟོང་གསུམ་གྱི་འཇིག་རྟེན་གྱི་ཁམས་བཅུའི་
ཚད་ཙམ་གྱི་ལུས་དང་ལྡན་པ་རབ་ཏུ་འཇིག་པའི་དུས་ཀྱི་མེ་དང་འདྲ་བ་དཔྲལ་བ་ཁྲོ་གཉེར་གྱི་རིམ་པ་ཅན་རི་དགས་ཀྱི་རྒྱལ་པོའི་ལྤགས་པ་ཁྲག་ཅན་སྨད་གཡོགས་གྱོན་པ་བཀའ་ནོད་ཅིང་འདུག་པ་བསྟན་ཏོ། །ཡང་དཔྲལ་པའི་
དཀྱིལ་ན་ཁྲོ་བོའི་རྒྱལ་པོ་ཆེན་པོ་གཞན་ཁྲོ་བོ་ཟླ་བའི་ཐིག་ལེ་ཞེས་བྱ་བ་ལག་པ་བརྒྱ་སྟོང་དུ་མ་ཡོད་པ་མིག་གསུམ་པ་མཆེ་བ་བཞི་པ་གད་མོ་རྟ་སྐད་ཀྱི་སྒྲ་འབྱིན་པ་གཤིན་རྗེའི་གཟུགས་འདྲ་བ་ཁྲོ་བོའི་གཡོག་འཁོར་
བརྒྱ་སྟོང་དུ་མ་དང་ལྡན་པ་ལག་ན་མཚོན་ཆ་སྣ་ཚོགས་ཐོགས་པ་སྟག་ལྤགས་ཀྱི་ཤམ་ཐབས་གྱོན་པ་སེམས་ཅན་ཐམས་ཅད་དབང་དུ་བྱེད་པ་ཀུན་དུ་བསྟན་ཏོ། །ཡང་ལག་ན་རྡོ་རྗེའི་ཏིང་ངེ་འཛིན་དེ་ལས་ལངས་ནས་ཁྲོ་བོ་རྡོ་རྗེ་བེ་
ཅོན་ཆེན་པོ་ཅན་ལྟོ་བ་སྤྱང་ཀིའི་ལྟོ་བ་འདྲ་བ་མིག་དམར་བ་ཁྲོས་པ་དང་བཅས་པ་ཨན་ད་རྙིལ་ལྟར་སྔོ་བ་ལག་ན་བེ་ཅོན་ཐོགས་པ་སྐྲག་པར་བྱེད་པ་དྲག་པ་སྡིག་པའི་ལྤགས་པའི་ཤམ་ཐབས་ཅན་སྡིགས་མོ་བྱེད་པ་བསྟན་ཏོ། །

94-1-48a

ཡང་སྟོབས་མཆོག་ཅེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ཏེ། སྙོམས་པར་ཞུགས་ནས་ཁྲོ་བོའི་རྒྱལ་པོ་ཆེན་པོ་སྟོབས་པོ་ཆེ་ཞེས་བྱ་བ་ལག་པ་བཞི་པ་སྐྲ་གྱེན་དུ་འགྲེང་བ་མིག་སེར་བ་མཆེ་བ་བཞི་པ་དབྱར་གྱི་སྤྲིན་འདྲ་བ་ལག་ན་
བེ་ཅོན་ཐོགས་པ་ལག་ན་དགྲ་སྟ་ཐོགས་པ་གསུས་འཕྱང་པོ་མིག་གསུམ་པ་སྟག་ལྤགས་ཀྱི་ཤམ་ཐབས་ཅན་རང་གི་ལུས་མེ་ལྕེ་འབར་བའི་ནང་ན་འདུག་པ་བསྟན་ཏོ། །ཡང་ལག་ན་རྡོ་རྗེ་དེ་བཞིན་གཤེགས་པའི་གོམ་པས་རྣམ་པར་གནོན་པའི་
ཏིང་ངེ་འཛིན་ལ་སྙོམས་པར་ཞུགས་ཏེ། གོམ་པ་འདོར་བའི་རྡོ་རྗེ་ཆེན་པོ་ཞེས་བྱ་བའི་ཁྲོ་བོ་སྐྲ་བཤོར་ཞིང་གྱེན་དུ་འགྲེང་བ་གཤིན་རྗེའི་གཟུགས་འདྲ་བ་གདོང་གི་དཔྲལ་བ་ཁྲོ་གཉེར་གྱི་རིམ་པ་ཅན་མིག་དམར་བ་གད་མོ་ཆེར་རྒོད་པ་ཁ་གདངས་པ་
ལག་པ་བཞི་པ་ལག་ན་མདུང་རྩེ་གསུམ་པ་དང་རྡོ་རྗེ་དང་འཁོར་ལོ་དང་རལ་གྲི་ཐོགས་པ་ཕྱོགས་བཅུར་བལྟ་བ་བསྟན་ཏོ། །ཡང་ལག་ན་རྡོ་རྗེ་རྡོ་རྗེ་དྲག་པོ་འབྱུང་བ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ཏེ། རིག་པའི་རྒྱལ་མོ་
ཆེན་མོ་རྡོ་རྗེ་ལུ་གུ་རྒྱུད་དོན་ཡོད་ཅིང་ཐོགས་པ་མེད་པ་འཇིག་རྟེན་གསུམ་ཀུན་དུ་རྨོངས་པར་བྱེད་པ་སེམས་ཅན་ཐམས་ཅད་ལ་མི་འཇིགས་པ་བསྐྱེད་པ་དེ་བཞིན་གཤེགས་པ་ཐམས་ཅད་ལས་བྱུང་བ་མདོག་པྲི་ཡང་ཀུ་ལྟར་སྔོ་བསངས་
མ་རྡོ་རྗེའི་རྟགས་ཅན་མ་མེ་ལྕེའི་ཕྲེང་བས་ལང་ལོང་དུ་གྱུར་པ་བཞིན་ཡིད་ཁྲོས་པ་འདྲ་བ་ལག་ན་རྡོ་རྗེའི་ལྕགས་ཐག་ཐོགས་པ་བཀའ་ཉན་པ་ལྷུར་ལེན་པ་འཁོར་ཕོ་ཉ་མོ་ཁྲི་དང་ལྡན་པ་འདི་བསྟན་ཏོ། །ཡང་རྡོ་རྗེ་རྩེ་མོ་ཆོས་ཐམས་
ཅད་ངེས་པར་རྟོགས་པ་སྟོབས་ཐོགས་པ་མེད་པ་སེམས་ཅན་སྡང་བ་ཐམས་ཅད་འདུལ་བ་སྟོབས་ཆེ་བ་རྡོ་རྗེའི་རྩེ་མོ་ལག་ན་ཐོགས་པ་གདོང་ཁྲོ་གཉེར་གྱི་རིམ་པ་ཅན་བུད་མེད་འབྲིང་མོའི་ཚོད་ཙམ་པ་ལག་པ་དྲུག་པ་ལ་ལག་ན་ཞགས་
པ་དང་གཏུན་ཤིང་དང་ཐོ་བ་དང་གཏུན་ཤིང་རྐེད་ཉག་དང་ཁ་བ་ཐོགས་པ་འཁོར་ཕོ་ཉ་མོ་ཁྲི་དང་ལྡན་པ་བསྟན་ཏོ། །ཡང་རིག་པའི་རྒྱལ་མོ་རྡོ་རྗེའི་ཁུ་ཚུར་དེ་བཞིན་གཤེགས་པ་ཐམས་ཅད་ཀྱི་ཆོས་ཀྱི་ཁུ་ཚུར་ལས་བྱུང་བ། རྡོ་རྗེའི་རྟགས་ཅན་རབ་ཏུ་འབར་

94-1-48b

བ་འོད་སྟོན་ཀའི་ཟླ་བའི་འོད་ཟེར་འདྲ་བ་མིག་གསུམ་པ་ལྷ་མོ་ཐོར་ཚུགས་ཅན་རས་དཀར་པོའི་ཤམ་ཐབས་ཅན་ལྷ་དང་ལྷ་མ་ཡིན་གཞོམ་པར་དཀའ་བ་ཐམས་ཅད་རྣམ་པར་འཇོམས་པ་བསྟན་ཏོ། །ཁྲོ་བོ་དེ་དག་གི་སྙིང་པོ་ནི་འདི་དག་ཡིན་ནོ། །ན་མཿ
སརྦ་ཏ་ཐཱ་ག་ཏེ་བྷྱཿ སརྦ་མུ་ཁེ་བྷྱཿ སརྦ་ཐཱ་བཛྲ་ཛྭཱ་ལ། ཨ་ན་ལ་སམ་བྷ་བ་ཏྲ་ཊ་ཏྲ་ཊ། སྥོ་ཊ་ཡ་སྤོ་ཊ་ཡ་ཧཱུྃ་ཀྲོ་དྷ་སྭཱ་ཧཱ། རྡོ་རྗེ་འཇིགས་འཇིགས་ལྟའི་སྔགས་སོ། །ན་མཿ སརྦ་ཏ་ཐཱ་ག་ཏེ་བྷྱཿ སརྦ་མུ་ཁེ་བྷྱཿ སརྦ་ཐཱ་ཧེ། ཏྲཻ་ལོ་ཀྱ་བི་ཛ་ཡ་ཧ་ཏ་སྭཱ་ཧཱ། 
འཇིག་རྟེན་གསུམ་ལས་རྣམ་པར་རྒྱལ་བའི་སྔགས་སོ། །ན་མཿ སརྦ་ཏ་ཐཱ་ག་ཏེ་བྷྱཿ སརྦ་མུ་ཁེ་བྷྱཿ སརྦ་ཐཱ་ཀ་ཊ་ཀ་ཊ་མ་ཊ་མ་ཊ། མ་ཐ་མ་ཐ། ཀྲོ་དྷེན་དུ་ཏི་ལ་ཀ་སྭཱ་ཧཱ། ཁྲོ་བོ་ཟླ་བའི་ཐིག་ལེའི་སྔགས་སོ། །ན་མཿ སརྦ་ཏ་ཐཱ་ག་ཏེ་བྷྱཿ 
སརྦ་མུ་ཁེ་བྷྱཿ སརྦ་ཐཱ་ཏེ་ནཱི་ལ་བཛྲ་དཎྜ་ཀིཉྩི་རཱ་ཡ་སི་ཧ་ན་ད་ཧ་བྷཉྫ། ཏ་ཐཱ་ག་ཏ་ས་མ་ཡ་མ་ནུ་སྨ་ར་ཎ་སྭཱ་ཧཱ། རྡོ་རྗེ་བེ་ཅོན་སྔོན་པོ་ཅན་གྱི་སྔགས་སོ། །ན་མཿ སརྦ་ཏ་ཐཱ་ག་ཏེ་བྷྱཿ སརྦ་མུ་ཁེ་བྷྱཿ སརྦ་ཐཱ་མ་ཧཱ་བ་ལ་རཀྵ་ཨ་བ་ལོ་ཀི་ཏ་
བཛྲ་ཨ་དྷི་ཀ་ཧ་ན་བི་དྷཱ་ན་ས་ཡ་ཧཱུྃ་ཧཱུྃ་སྭཱ་ཧཱ། སྟོབས་པོ་ཆེའི་སྔགས་སོ། །ན་མཿ སརྦ་ཏ་ཐཱ་ག་ཏེ་བྷྱཿ སརྦ་མུ་ཁེ་བྷྱཿ སརྦ་ཐཱ་ག་ཏ་ག་ཏ་ནོ་དཱ་རྱ་ཨ་ན་ཨ་བ་ལོ་ཀི་ཏེ་བཛྲ་མ་ར་དྷ་བཛྲོ་ཥྞི་ཥ། ཧཱུྃ་ཧཱུྃ་པྲ་ཛྭཱ་ལི་ཏ་མུ་རི་དྷ་སྭཱ་ཧཱ། 
རྡོ་རྗེ་གཙུག་ཏོར་གྱི་སྔགས་སོ། །ན་མཿ སརྦ་ཏ་ཐཱ་ག་ཏེ་བྷྱཿ སརྦ་མུ་ཁེ་བྷྱཿ སརྦ་ཐཱ་བྷ་ག་བ་ཏེ་བཛྲ་ཤྲི་ཁ་ལེ་བན་དྷ་བན་དྷ། མོ་ཊ་ཊ་མོ་ཊ་ཊ། སྃ་ཀོ་ཙ་ཡ་སྃ་ཀོ་ཙ་ཡ་སརྦ་སནྡི་ཧྲི་བ་ར་དེ་སྭཱ་ཧཱ། རྡོ་རྗེ་ལུ་གུ་རྒྱུད་ཀྱི་སྔགས་སོ། །ན་མཿ
སརྦ་ཏ་ཐཱ་ག་ཏེ་བྷྱཿ སརྦ་མུ་ཁེ་བྷྱཿ སརྦ་ཐཱ་བྷིནྡ་བྷིནྡ། སརྦ་དུཥྚ་ན་མཿ སརྦ་ཏྭ་ཨ་པྲ་ཏི་ཧ་ཏེ་བྷ་ག་བ་ཏི་བཛྲ་ཨ་ཙི་བ་ར་ཧེ་ཧེ་ལི་ནི་སྭཱ་ཧཱ། རྡོ་རྗེ་རྩེ་མོའི་སྔགས་སོ། །ན་མཿ སརྦ་ཏ་ཐཱ་ག་ཏེ་བྷྱཿ སརྦ་མུ་ཁེ་བྷྱཿ སརྦ་ཐཱ་ག་ཏོད་ཏོ་
བྷ་བེ་ཛ་ཏི་ནི་ཏྲི་ལོ་ཙ་ནེ། སརྦ་དྷརྨ་ནྡྷིར་དྷ་ནི་ཀི་ཏི་སྃ་ཀ་ར་ནི་སྭཱ་ཧཱ། རྡོ་རྗེ་ཁུ་ཚུར་གྱི་སྔགས་སོ། །ན་མཿ སརྦ་ཏ་ཐཱ་ག་ཏེ་བྷྱཿ སརྦ་མུ་ཁེ་བྷྱཿ སརྦ་ཐཱ་བཛྲ་པ་ཏཱ་ཀེ་བཛྲ་མ་ན་སེ་སྭཱ་ཧཱ། རྡོ་རྗེ་བ་དན་གྱི་སྔགས་སོ། །ན་མཿ སརྦ་ཏ་ཐཱ་

94-1-49a

ག་ཏེ་བྷྱཿ སརྦ་མུ་ཁེ་བྷྱཿ སརྦ་ཐཱ་ཧེ་བཛྲ་མཱ་ལ་ནི་བཛྲ་པཱ་ཎ་ཡེ་བ་ཧུ་རཱ་ཙ་མ་རི་སྭཱ་ཧཱ། རྡོ་རྗེ་ཕྲེང་བའི་སྔགས་སོ། །ན་མཿ སརྦ་ཏ་ཐཱ་ག་ཏེ་བྷྱཿ སརྦ་མུ་ཁེ་བྷྱཿ སརྦ་ཐཱ་བཛྲ་ཀུ་ལ་སུན་དྷ་རི་བཛྲྃ་གི་ཙི་ཏ་རི་ཎི། པུ་ར་རི་སྭཱ་ཧཱ། རྡོ་རྗེ་རིགས་མཛེས་མའི་སྔགས་སོ། །
ན་མཿ སརྦ་ཏ་ཐཱ་ག་ཏེ་བྷྱཿ སརྦ་མུ་ཁེ་བྷྱཿ སརྦ་ཐཱ་ཨ་ཛཱ་ཛཱ་ལི་ནི་བཛྲ་ཏྲི་ཤཱུ་ལི་ནི་ཧི་ཧི་ཧེ་ཧེ་སྭཱ་ཧཱ། རྡོ་རྗེ་མདུང་རྩེ་གསུམ་པ་ཅན་གྱི་སྔགས་སོ། །ན་མཿ སརྦ་ཏ་ཐཱ་ག་ཏེ་བྷྱཿ སརྦ་མུ་ཁེ་བྷྱཿ སརྦ་ཐཱ་ཨཱ་ཀཪྵ་ཡ་སརྦ་མ་བྷ་ག་བ་ཏེ་བཛྲཱྃ་ཀུ་ཤི་ཀི་རི་མི་རི་མི་རི་ཧེ་ཧ་ལེ་
སྭཱ་ཧཱ། རྡོ་རྗེ་ལྕགས་ཀྱུ་མའི་སྔགས་སོ། །ན་མཿ སརྦ་ཏ་ཐཱ་ག་ཏེ་བྷྱཿ སརྦ་མུ་ཁེ་བྷྱཿ སརྦ་ཐཱ་ཏ་ཐཱ་ག་ཏེ་བ་ཀ་ཏྲ་སམ་བྷ་བེ་བཛྲ་དྃཥྚཱོ་ཁཱ་ད་ཡ་སརྦ་ཀུ་རུ་ཏ་ཐཱ་ག་ཏ། ཨཱ་ཉར་རི་ཏི་ནི་སྭཱ་ཧཱ། རྡོ་རྗེ་མཆེ་བའི་སྔགས་སོ། །ན་མཿ སརྦ་ཏ་ཐཱ་ག་ཏེ་བྷྱཿ སརྦ་མུ་ཁེ་བྷྱཿ 
སརྦ་ཐཱ་དྷརྨ་པྲ་བེ་ད་ན་ཀ་ར་བཛྲ་མུད་ག་ར་ཧི་ལི་ཧི་ཋ་སྭཱ་ཧཱ། རྡོ་རྗེ་ཐོ་བའི་སྔགས་སོ། །ན་མཿ སརྦ་ཏ་ཐཱ་ག་ཏེ་བྷྱཿ སརྦ་མུ་ཁེ་བྷྱཿ སརྦ་ཐཱ་བཛྲ་པྲཱ་ཀ་ར་ཏ་ཐཱ་ག་ཏེ་བྷཉྫ་ན་ག་ཀུ་རུ་ཀུ་རུ་ཙ་ཀྲ་ན་སྭཱ་ཧཱ། རྡོ་རྗེ་ར་བའི་སྔགས་སོ། །ན་མཿ སརྦ་ཏ་ཐཱ་ག་ཏེ་བྷྱཿ  སརྦ་མུ་ཁེ་བྷྱཿ 
སརྦ་ཐཱ་ཏ་ཐཱ་ག་ཏེ་བི་སྐམ་བྷ་བཛྲ་ཀཱི་ལ་ཀཱི་ལ་ཀ་ར་སྭཱ་ཧཱ། རྡོ་རྗེ་ཕུར་བུའི་སྔགས་སོ། །ན་མཿ སརྦ་ཏ་ཐཱ་ག་ཏེ་བྷྱཿ སརྦ་མུ་ཁེ་བྷྱཿ སརྦ་ཐཱ་བཛྲ་པཉྫ་ར་ནི་ཀ་ཀྵི་པ་ག་ག་ན་ཁྃ་སྭཱ་ཧཱ། རྡོ་རྗེ་དྲ་བའི་སྔགས་སོ། །ན་མཿ སརྦ་ཏ་ཐཱ་ག་ཏེ་བྷྱཿ སརྦ་མུ་ཁེ་བྷྱཿ སརྦ་ཐཱ་ཧཱ་ས་བཛྲ་
ཛ་ལ་ཛ་ལ་ཛ་ལ་སྭཱ་ཧཱ། རྡོ་རྗེ་བཞད་མའི་སྔགས་སོ། །ན་མཿ སརྦ་ཏ་ཐཱ་ག་ཏེ་བྷྱཿ སརྦ་མུ་ཁེ་བྷྱཿ སརྦ་ཐཱ་བཛྲ་བི་ལཱ་ས་ལ་ལི་ཏ་ཨ་ནནྟ་སྭཱ་ཧཱ། རྡོ་རྗེ་འཇོ་ཚུལ་གྱི་སྔགས་སོ། །ན་མཿ སརྦ་ཏ་ཐཱ་ག་ཏེ་བྷྱཿ སརྦ་མུ་ཁེ་བྷྱཿ སརྦ་ཐཱ་ཏ་ཐཱ་ག་
ཏ་ནིཪྒྷོ་ཥ། བཛྲ་དུནྡུ་བྷི་ཧཱ་ས་སྭཱ་ཧཱ། རྡོ་རྗེ་རྔ་བོ་ཆེའི་སྔགས་སོ། །ན་མཿ སརྦ་ཏ་ཐཱ་ག་ཏེ་བྷྱཿ སརྦ་མུ་ཁེ་བྷྱཿ སརྦ་ཐཱ་བཛྲ་གྷཎྚེ་བྷ་ག་བ་ཏི་ཛྙཱ་ན་ར་སྨི་སམ་བྷཱུ་ཏེ། ཧ་རི་སྭཱ་ཧཱ། རྡོ་རྗེ་དྲིལ་བུའི་སྔགས་སོ། །ན་མཿ སརྦ་ཏ་ཐཱ་ག་ཏེ་བྷྱཿ སརྦ་མུ་ཁེ་བྷྱཿ སརྦ་ཐཱ་བཛྲ་རོ་
མ་མ་ནི་ནི་རི་ཏི་ནི་སྭཱ་ཧཱ། རྡོ་རྗེ་སྤུའི་སྔགས་སོ། །ན་མཿ སརྦ་ཏ་ཐཱ་ག་ཏེ་བྷྱཿ སརྦ་མུ་ཁེ་བྷྱཿ སརྦ་ཐཱ་བཛྲ་བུ་ལ་ན་ཁི་ཤི་ཁི་ནི་སྭཱ་ཧཱ། རྡོ་རྗེ་སེན་མོ་ཅན་གྱི་སྔགས་སོ། །ན་མཿ སརྦ་ཏ་ཐཱ་ག་ཏེ་བྷྱཿ སརྦ་མུ་ཁེ་བྷྱཿ སརྦ་ཐཱ་བཛྲ་དྷ་ར་དཱུ་ཏི་

94-1-49b

ཙི་པི་ཏ་མུ་ཁ་གཙྪ་གཙྪ་ཀུ་རུ་ཏ་ཐཱ་ག་ཏ་ཨཱ་ཛྙཱ་སྭཱ་ཧཱ། རྡོ་རྗེ་ཕོ་ཉ་མོའི་སྔགས་སོ། །ན་མཿ སརྦ་ཏ་ཐཱ་ག་ཏེ་བྷྱཿ སརྦ་མུ་ཁེ་བྷྱཿ སརྦ་ཐཱ་བཛྲོད་བྷ་བེ་བཛྲ་བཛྲ་ཤི་ཁ་བི་ཙི་ཏྲི་ཤྭ་རི་སྭཱ་ཧཱ། རྡོ་རྗེ་སྤྱི་གཙུག་གི་སྔགས་སོ། །ན་མཿ སརྦ་ཏ་ཐཱ་ག་ཏེ་བྷྱཿ སརྦ་མུ་ཁེ་
བྷྱཿ སརྦ་ཐཱ་བྷ་ག་བ་ཏི་བཛྲ་ཀ་རཱ་ལི་བཛྲ་པི་ཤཱ་ཙ་ཛི་ཛི་རི་སྭཱ་ཧཱ། རྡོ་རྗེ་ཤ་ཟ་མོའི་སྔགས་སོ། །ན་མཿ སརྦ་ཏ་ཐཱ་ག་ཏེ་བྷྱཿ སརྦ་མུ་ཁེ་བྷྱཿ སརྦ་ཐཱ་བསྟ་ཀ་རཱ་ལ་བཛྲ་ཨཱ་ན་ན་བཛྲ་པི་ཤཱ་ཙ་རྃ་ཀུ་རུ་སྭཱ་ཧཱ། རྡོ་རྗེ་ཤ་ཟའི་སྔགས་སོ། །ན་མཿ སརྦ་ཏ་ཐཱ་ག་
ཏེ་བྷྱཿ སརྦ་མུ་ཁེ་བྷྱཿ སརྦ་ཐཱ་བཛྲ་རཀྵ་སི་ཁཱ་ད་ཡ་སརྦ་ཏ་ཐཱ་ག་ཏ་སྃ་བྷ་བེ་ཤ་མ་ཀ་ཏི། བཛྲ་ཙ་ན་སྭཱ་ཧཱ། རྡོ་རྗེ་སྲིན་པོའི་སྔགས་སོ། །ན་མཿ སརྦ་ཏ་ཐཱ་ག་ཏེ་བྷྱཿ སརྦ་མུ་ཁེ་བྷྱཿ སརྦ་ཐཱ་ཨ། མ་ཧཱ་བཛྲ་ཁཌྒ་ཙྪིནྡ་སརྦ་ག་ཙིཾ་སརྦ་ས་ཏྭཱ་ནཱན་ཏ་ཐཱ་ག་ཏ་སྃ་
ག་སྃ་བྷ་ན་སྭཱ་ཧཱ། རྡོ་རྗེ་རལ་གྲིའི་སྔགས་སོ། །ན་མཿ སརྦ་ཏ་ཐཱ་ག་ཏེ་བྷྱཿ སརྦ་མུ་ཁེ་བྷྱཿ སརྦ་ཐཱ་ཏ་ཐཱ་ག་ཏ་ཀོ་ཥ་སྃ་བྷ་བ་བྷཱུ་ཏ་བ་ཤི་པྲཱ་པྟ་སྭཱ་ཧཱ། རྡོ་རྗེ་འབྱུང་བའི་སྔགས་སོ། །ན་མཿ སརྦ་ཏ་ཐཱ་ག་ཏེ་བྷྱཿ སརྦ་མུ་ཁེ་བྷྱཿ སརྦ་ཐཱ་བཛྲ་ཨཱ་ན་ལ་བིནྡུ་
ཛི་ཧྭཱ་བཛྲ་རཱཀྵ་སི་སྭཱ་ཧཱ། རྡོ་རྗེ་སྲིན་མོའི་སྔགས་སོ། །ན་མཿ སརྦ་ཏ་ཐཱ་ག་ཏེ་བྷྱཿ སརྦ་མུ་ཁེ་བྷྱཿ སརྦ་ཐཱ་ཚ་ཡ་ག་ཏ་སརྦ་ག་ཏི་ཏ་ཐཱ་ག་ཏེ་བ་ཚ་ཡ་སྃ་བྷ་བ་རཀྵ་བཛྲ་སྭཱ་ཧཱ། རྡོ་རྗེ་གྲིབ་གནོན་གྱི་སྔགས་སོ། །ན་མཿ སརྦ་ཏ་ཐཱ་ག་ཏེ་བྷྱཿ སརྦ་མུ་ཁེ་བྷྱཿ 
སརྦ་ཐཱ་ཨནྟ་ཏྟ་ཡ་བི་ནཱ་ཤ་ན། བི་ཀྲྀ་ཏ་རཽ་དྲཏྴ་བཛྲ་སཏྭ་སྭཱ་ཧཱ། རྡོ་རྗེ་གནོན་པོའི་སྔགས་སོ། །ན་མཿ སརྦ་ཏ་ཐཱ་ག་ཏེ་བྷྱཿ སརྦ་མུ་ཁེ་བྷྱཿ སརྦ་ཐཱ་ཧ་ར་ཧ་ར་བཛྲ། བཛྲ་ཏི་ལ་པིཾ་ག་ལ་ལོ་ཙ་ན་ཀཱ་ལ་ཀཱ་ལ་སྭཱ་ཧཱ། རྡོ་རྗེ་བརྗེད་བྱེད་ཀྱི་སྔགས་སོ། །
ན་མཿ སརྦ་ཏ་ཐཱ་ག་ཏེ་བྷྱཿ སརྦ་མུ་ཁེ་བྷྱཿ སརྦ་ཐཱ་དེ་བྃ་ག་བུ་ག་ཏ། ཏ་ཐཱ་ག་ཏ་ཨཱ་ཛྙ་ཀ་ར་པི་བ་ཐ་སེ་པི་ཐཱ་བཛྲ་སཏྭཱ་སྭཱ་ཧཱ། རྡོ་རྗེ་ལྷའི་སྔགས་སོ། །ན་མཿ སརྦ་ཏ་ཐཱ་ག་ཏེ་བྷྱཿ སརྦ་མུ་ཁེ་བྷྱཿ སརྦ་ཐཱ་བཛྲ་ནཱ་ག་མུ་ཁི་གོ་རི་ནཱི་ལི་ཏ་ཏི་ནི་སྭཱ་ཧཱ། 
རྡོ་རྗེ་ཀླུའི་སྔགས་སོ། །ན་མཿ སརྦ་ཏ་ཐཱ་ག་ཏེ་བྷྱཿ སརྦ་མུ་ཁེ་བྷྱཿ སརྦ་ཐཱ་དྷ་ར་དྷ་ར་བཛྲ་དྷ་ར་ཡཀྵ་ཀུ་ལ་སུནྡྷ་ར་སྭཱ་ཧཱ། རྡོ་རྗེ་གནོད་སྦྱིན་གྱི་སྔགས་སོ། །ན་མཿ སརྦ་ཏ་ཐཱ་ག་ཏེ་བྷྱཿ སརྦ་མུ་ཁེ་བྷྱཿ སརྦ་ཐཱ་བི་ཀ་ར་བཛྲ་ཤི་ཁ་ར་ག་ག་

94-1-50a

ན་ཙི་ར་ཎི་སྭཱ་ཧཱ། རྡོ་རྗེ་དྲི་ཟའི་སྔགས་སོ། །ན་མཿ སརྦ་ཏ་ཐཱ་ག་ཏེ་བྷྱཿ སརྦ་མུ་ཁེ་བྷྱཿ སརྦ་ཐཱ་ཏ་ན་སྃ་བྷ་བ་བཛྲ་མ་ཐ་ན་ཊེ་མ་བྷི་ཙི་སྭཱ་ཧཱ། རྡོ་རྗེ་ལྷ་མ་ཡིན་གྱི་སྔགས་སོ། །ན་མཿ སརྦ་ཏ་ཐཱ་ག་ཏེ་བྷྱཿ སརྦ་མུ་ཁེ་བྷྱཿ སརྦ་ཐཱ་ཁ་ན་
ཛ་རི་ཏི་རེ་རེ་ཊི་རི་བཛྲ་མུ་ཁ་སྭཱ་ཧཱ། རྡོ་རྗེ་ནམ་མཁའ་ལྡིང་གི་སྔགས་སོ། །ན་མཿ སརྦ་ཏ་ཐཱ་ག་ཏེ་བྷྱཿ སརྦ་མུ་ཁེ་བྷྱཿ སརྦ་ཐཱ་བཛྲ་གཽ་རི་ཊི་ཀི་ཊི་ནི་སྭཱ་ཧཱ། རྡོ་རྗེ་ལྟོ་འཕྱེ་ཆེན་པོའི་སྔགས་སོ། །ན་མཿ སརྦ་ཏ་ཐཱ་ག་ཏེ་བྷྱཿ སརྦ་མུ་ཁེ་བྷྱཿ སརྦ་
ཐཱ་རཱ་ག་ཡཱ་ན་ན་ཛ་ལི་བ་བཛྲ་རཀྵ་མཱ་ལྱྃ་བ་ར་དྷ་ར་བཛྲ་པཱ་ཎི་པྲི་ཡ་སྭཱ་ཧཱ། རྡོ་རྗེ་ལུས་དམར་གྱི་སྔགས་སོ། །ན་མཿ སརྦ་ཏ་ཐཱ་ག་ཏེ་བྷྱཿ སརྦ་མུ་ཁེ་བྷྱཿ སརྦ་ཐཱ་ཀི་ལི་ཀི་ལི་ཀ་ལོ་ཀ་རཱ་ལ་བ་གྲ། ས་ར་ས་ར་གྲིཧྞ་གྲིཧྞ་སྭཱ་ཧཱ། རྡོ་རྗེ་ཀཱི་ལི་ཀི་ལིའི་
སྔགས་སོ། །ན་མཿ སརྦ་ཏ་ཐཱ་ག་ཏེ་བྷྱཿ སརྦ་མུ་ཁེ་བྷྱཿ སརྦ་ཐཱ་བཛྲ་བི་དཱ་ར་པཱུ་ར་ཡ་པཱུ་ར་ཡ། བ་ཧ་བ་ཧ་སྭཱ་ཧཱ། རྡོ་རྗེ་རྣམ་པར་འཇོམས་པའི་སྔགས་སོ། །ན་མཿ སརྦ་ཏ་ཐཱ་ག་ཏེ་བྷྱཿ སརྦ་མུ་ཁེ་བྷྱཿ སརྦ་ཐཱ་ཧེ་ལྃ་གི་ལི་
གུརྣ་ནི་ཧ་ཧེ་ཀི་ཧི་སྭཱ་ཧཱ། རྡོ་རྗེ་འགྲོ་ལྡིང་བའི་སྔགས་སོ། །ན་མཿ སརྦ་ཏ་ཐཱ་ག་ཏེ་བྷྱཿ སརྦ་མུ་ཁེ་བྷྱཿ སརྦ་ཐཱ་ཧ་ལ་ཧུ་ན་ར་ཀུ་པ་ར་བ་དྷ་ར། དྷ་ར་བི་དྷ་ར། བི་དྷ་ར་ཀ་དྷ། ཀ་དྷ་ཀ་ཐཱ། བཛྲ་པཱ་ཎི། བཛྲ་པྲི་ཡ་
ཀ་ཧ་ཀ་ཧ་ཧ་ཧ་ཧེ་ཧེ། ཀིཉྩི་རཱ་ཡ་སི་ས་ཧ་སྲ་བྷུ་ཛ་ས་ཧ་སྲ། ཨཱ་ན་ན་བནྡྷ་དྃཥྚ། དུར་དཱནྟ་ད་མ་ཀ་པྲ་ཛྭ་ལི་ཏ་ཀེ་ཤ་ན་ཁ་རོ། མ་ད་ཤ་ན་ད་ལི། བིནྡུ་སྤུ་རི་ཏ་ཛི་ཧྭ། ཙནྡྲ་ཨཱ་ཏི་ཏྱ། མུ་ཀུ་ཊ། གོ་ཏི་བི་ར་ཙི་ཏ་ཤི་ཁ་ར། བཛྲ་
ག་ད་ཀེ་ཡཱུ་ར་ཀུཎྚ་ལྃ། ཨ་ལྃ་ཀྲྀ་ཏ་ཤ་རཱི་ར། བཛྲ་ན་ཁ་བཛྲ་ཨྃ་གུ་ལི། བཛྲ་ཧསྟ། བཛྲ་ཙ་ར་ན། བཛྲ་གཱ་ཏྲ། བཛྲ་ནེ་ཏྲ། ནཱི་ལ་བཛྲ་བཛྲ་ག་ཏ། བ་ཌ་བ་མུ་ཁ་ག་ནི་གམྦྷཱི་ར་ཧཱུྃ་ཀཱ་ར། ར་ཏི་ཏ་ས་ཏ་ཧ་སི་ཏ་
ལམ་བོ་ད་ར་གྲ་ས་གྲ་ས་པྲ་བི་ཤ་ཨཱ་བི་ཤ །གྷཱུརྞ་གྷཱུརྞ། གྷཱུརྞཱ་པ་ཡ་གྷཱུརྞཱ་པ་ཡ། སརྦ་སཏྭ། བྷཱུ་མ་བྷཱུ་མ། བྷཱུ་མ་ཡ་བྷཱུ་མ་ཡ། སརྦ་དུཥྚ་པ་ཙ་པ་ཙ། ད་ཧ་ད་ཧ། མ་ཐ་མ་ཐ་ཧཱུྃ་ཧཱུྃ། བཛྲ་པཱ་ཎི་ཨཱ་ཛྙཱ་པ་ཡ་ཏི་

94-1-50b

སྭཱ་ཧཱ། རྡོ་རྗེ་ན་དཀུ་བེ་རའི་སྔགས་སོ། །ན་མཿ སརྦ་ཏ་ཐཱ་ག་ཏེ་བྷྱཿ སརྦ་མུ་ཁེ་བྷྱཿ སརྦ་ཐཱ་པྲ་ཙ་ལ་མོ་བུ་ལེ་བི་དྷ་ར། བཛྲ་ཀྲྀ་ཏ་ན་ཁ། བཛྲ་སཏྭ་སྭཱ་ཧཱ། རྡོ་རྗེ་རིག་སྔགས་འཆང་གི་སྔགས་སོ། །ན་མཿ སརྦ་ཏ་ཐཱ་ག་ཏེ་བྷྱཿ སརྦ་
མུ་ཁེ་བྷྱཿ སརྦ་ཐཱ་ཤུད་དྷ་བཛྲ་པྲཱ་ཀྲི་ཏི་ཤུད་དྷ། ཤོ་དྷ་ཡ་སརྦ་སྭཱ་ཧཱ། རྡོ་རྗེ་རྫས་ཐམས་ཅད་དག་པར་བྱེད་པའི་སྔགས་སོ། །ན་མཿ སརྦ་ཏ་ཐཱ་ག་ཏེ་བྷྱཿ སརྦ་མུ་ཁེ་བྷྱཿ སརྦ་ཐཱ་བཛྲ་ཨགྣི་བཛྲ་སྭཱ་ཧཱ། རྡོ་རྗེ་མེའི་སྔགས་
སོ། །ན་མཿ སརྦ་ཏ་ཐཱ་ག་ཏེ་བྷྱཿ སརྦ་མུ་ཁེ་བྷྱཿ སརྦ་ཐཱ་བཛྲ་ཨ་ན་ལ། པྲ་ཙ་ལ་མཽ་ལི་ཐིདྲྱ་ད་ར་སྭཱ་ཧཱ། རྡོ་རྗེ་རླུང་ཚིག་གི་སྔགས་སོ། །ན་མཿ སརྦ་ཏ་ཐཱ་ག་ཏེ་བྷྱཿ སརྦ་མུ་ཁེ་བྷྱཿ སརྦ་ཐཱ་བཛྲྃ་འག་བཛྲ་དྷ་ར་ཛི་ན་ཨཱ་དྷ་ར་
སྭཱ་ཧཱ། རྡོ་རྗེ་སའི་སྔགས་སོ། །ན་མཿ སརྦ་ཏ་ཐཱ་ག་ཏེ་བྷྱཿ སརྦ་མུ་ཁེ་བྷྱཿ སརྦ་ཐཱ་བི་དཱ་ར་བཛྲ་བཛྲ་སྭཱ་ཧཱ། རྡོ་རྗེ་རྡུལ་དང་བྲལ་བའི་སྔགས་སོ། །ན་མཿ སརྦ་ཏ་ཐཱ་ག་ཏེ་བྷྱཿ སརྦ་མུ་ཁེ་བྷྱཿ སརྦ་ཐཱ་སྨྲི་ཏི་ན་ད་ད་བཛྲ་སཏྭ་སྭཱ་ཧཱ། 
རྡོ་རྗེ་དྲན་པའི་སྔགས་སོ། །ན་མཿ སརྦ་ཏ་ཐཱ་ག་ཏེ་བྷྱཿ སརྦ་མུ་ཁེ་བྷྱཿ སརྦ་ཐཱ་པདྨ་བཛྲ་སྭཱ་ཧཱ། རྡོ་རྗེ་པད་མའི་སྔགས་སོ། །ན་མཿ སརྦ་ཏ་ཐཱ་ག་ཏེ་བྷྱཿ སརྦ་མུ་ཁེ་བྷྱཿ སརྦ་ཐཱ་བཛྲོཏྟ་མ་ཀ་རུ་ཎ་ཨ་ག་དྷ་རི་ཀཱ་རུ་ཎ་མཎྜ་ལ་སྭཱ་ཧཱ། 
རྡོ་རྗེ་སྙིང་རྗེའི་སྔགས་སོ། །ན་མཿ སརྦ་ཏ་ཐཱ་ག་ཏེ་བྷྱཿ སརྦ་མུ་ཁེ་བྷྱཿ སརྦ་ཐཱ་མེ་ཏྱུད་ག་ཏ། སརྦ་ས་ཏྭ་ཧི་ཏྃ་ཀ་ཏ་སྭཱ་ཧཱ། རྡོ་རྗེ་བྱམས་པའི་སྔགས་སོ། །ན་མཿ སརྦ་ཏ་ཐཱ་ག་ཏེ་བྷྱཿ སརྦ་མུ་ཁེ་བྷྱཿ སརྦ་
ཐཱ་པཱ་ར་མི་ཏཱ། གརྦྷ་སརྦ་ཏྲ་ཨ་པྲ་ཏི་ཧ་ཏ་བཛྲ་ཙིནྟ་སྭཱ་ཧཱ། རྡོ་རྗེ་ཕ་རོལ་ཏུ་ཕྱིན་པའི་སྔགས་སོ། །ན་མཿ སརྦ་ཏ་ཐཱ་ག་ཏེ་བྷྱཿ སརྦ་མུ་ཁེ་བྷྱཿ སརྦ་ཐཱ་སརྦ་ཤཱུ་ནྱ་ཏ་བཛྲ་ནི་ཏ་བི་ཤུདྡྷ་ས་ཏྭ། ཨ་བེརྱ་བཛྲ་ཧྲྀ་ད་ཡ་སྭཱ་ཧཱ། 
རྡོ་རྗེ་སྟོང་པ་ཉིད་ཀྱི་སྔགས་སོ། །ན་མཿ སརྦ་ཏ་ཐཱ་ག་ཏེ་བྷྱཿ སརྦ་མུ་ཁེ་བྷྱཿ སརྦ་ཐཱ་བཛྲ་དྷ་ར་ཎཱི་ཤྭ་ར་དྷ་ར་བཛྲ་སྭཱ་ཧཱ། རྡོ་རྗེ་གཟུངས་ཀྱི་སྔགས་སོ། །ན་མཿ སརྦ་ཏ་ཐཱ་ག་ཏེ་བྷྱཿ སརྦ་མུ་ཁེ་བྷྱཿ སརྦ་ཐཱ་བཛྲ་
94-1-51a

དྷྱྃ་ག །དྲི་ཌྷ་ཨཱ་ཤཱ་ཡ་སརྦ་བུད་དྷ་སྭཱ་ཧཱ། རྡོ་རྗེ་བྱང་ཆུབ་ཀྱི་ཡན་ལག་གི་སྔགས་སོ། །ན་མཿ སརྦ་ཏ་ཐཱ་ག་ཏེ་བྷྱཿ སརྦ་མུ་ཁེ་བྷྱཿ སརྦ་ཐཱ་མཱརྒ་བི་ཥ་དྷ་ཀ་དྷ་ཀ་ཙ་ར་ཙ་ར་སྭཱ་ཧཱ། རྡོ་རྗེ་ལམ་གྱི་སྔགས་སོ། །ན་མཿ སརྦ་
ཏ་ཐཱ་ག་ཏེ་བྷྱཿ སརྦ་མུ་ཁེ་བྷྱཿ སརྦ་ཐཱ་སཏྱ་བཛྲ་ས་མུངྒ།  བུདྡྷ་རཱུ་པ་དྷ་ར་སྭཱ་ཧཱ། རྡོ་རྗེ་བདེན་པའི་སྔགས་སོ། །ན་མཿ སརྦ་ཏ་ཐཱ་ག་ཏེ་བྷྱཿ སརྦ་མུ་ཁེ་བྷྱཿ སརྦ་ཐཱ་ཨ་བེ་ནི་ཀ་བཛྲ་སྃ་བྷ་བ་བུདྡྷ་པུ་ཏྲ་སྭཱ་ཧཱ། རྡོ་རྗེ་མ་འདྲེས་པའི་སྔགས་
སོ། །ན་མཿ སརྦ་ཏ་ཐཱ་ག་ཏེ་བྷྱཿ སརྦ་མུ་ཁེ་བྷྱཿ སརྦ་ཐཱ་བྷཱི་ཥ་ར་དྭ་བཛྲ་མཱརྒ་ནི་ད་རི་ཥ་ཀ་སྭཱ་ཧཱ། རྡོ་རྗེ་མི་འཇིགས་པའི་སྔགས་སོ། །ན་མཿ སརྦ་ཏ་ཐཱ་ག་ཏེ་བྷྱཿ སརྦ་མུ་ཁེ་བྷྱཿ སརྦ་ཐཱ་ཏྲི་རཏྣ་སརྦ་པ་ཀ །བུད་དྷ་རུ་པ་ནི་དི་རི་སྭཱ་ཧཱ། རྡོ་རྗེ་
དཀོན་མཆོག་གསུམ་གྱི་སྔགས་སོ། །ན་མཿ སརྦ་ཏ་ཐཱ་ག་ཏེ་བྷྱཿ སརྦ་མུ་ཁེ་བྷྱཿ སརྦ་ཐཱ་དྲྀ་ཊྷ་མཱུ་ལ་བཛྲ་བྲྀཀྵ་བོ་དྷ་ནི་ད་ད་སྭཱ་ཧཱ། རྡོ་རྗེ་བྱང་ཆུབ་ཀྱི་ཤིང་གི་སྔགས་སོ། །ན་མཿ སརྦ་ཏ་ཐཱ་ག་ཏེ་བྷྱཿ སརྦ་མུ་ཁེ་བྷྱཿ སརྦ་ཐཱ་ཨ་པ་རཱ་ཛི་
ཏ་བཛྲ་ཛི་ཏ་རི་ལ་བྷ་དྲཱ་ནུ་ཛྙཱ་ན་སྭཱ་ཧཱ། རྡོ་རྗེ་གཞན་གྱིས་མི་ཐུབ་པའི་སྔགས་སོ། །ན་མཿ སརྦ་ཏ་ཐཱ་ག་ཏེ་བྷྱཿ སརྦ་མུ་ཁེ་བྷྱཿ སརྦ་ཐཱ་བཛྲ་རཏྣ་ཀཱ་རི་སྭཱ་ཧཱ། རྡོ་རྗེ་རིན་ཆེན་འབྱུང་གནས་ཀྱི་སྔགས་སོ། །ན་མཿ སརྦ་ཏ་ཐཱ་ག་ཏེ་བྷྱཿ སརྦ་
མུ་ཁེ་བྷྱཿ སརྦ་མ་པྲ་ལ་ཡ་བཛྲ་ཛྭ་ཛྭ་ལ་དྷ་ཀ་སྭཱ་ཧཱ། རྡོ་རྗེས་དམེག་མེད་པའི་སྔགས་སོ། །ན་མཿ སརྦ་ཏ་ཐཱ་ག་ཏེ་བྷྱཿ སརྦ་མུ་ཁེ་བྷྱཿ སརྦ་ཐཱ་བཛྲ་བི་བ་དྷ་ཡ་སརྦ་ཧཱུྃ་ཧཱུྃ་སྭཱ་ཧཱ། རྡོ་རྗེ་འཆགས་པའི་སྔགས་སོ། །ན་མཿ སརྦ་ཏ་ཐཱ་ག་ཏེ་བྷྱཿ
སརྦ་མུ་ཁེ་བྷྱཿ སརྦ་ཐཱ་སྃ་བྷྱ་སརྦ་བཛྲ་བཛྲོཏྟ་མ་ཀ་རུ་ཎ་མ་ཡ་སྭཱ་ཧཱ། རྡོ་རྗེས་འཇིགས་པའི་སྔགས་སོ། །ན་མཿ སརྦ་ཏ་ཐཱ་ག་ཏེ་བྷྱཿ སརྦ་མུ་ཁེ་བྷྱཿ སརྦ་ཐཱ་སམ་བཏྟི་བཛྲ་ས་མ་ཡ་སྭཱ་ཧཱ། རྡོ་རྗེ་ཕུན་སུམ་ཚོགས་
པའི་སྔགས་སོ། །ན་མཿ སརྦ་ཏ་ཐཱ་ག་ཏེ་བྷྱཿ སརྦ་མུ་ཁེ་བྷྱཿ སརྦ་ཐཱ་བཛྲ་ཀུ་མཱ་ར་བཛྲ་ཧསྟ་སྭཱ་ཧཱ། རྡོ་རྗེ་གཞོན་ནུའི་སྔགས་སོ། །ན་མཿ སརྦ་ཏ་ཐཱ་ག་ཏེ་བྷྱཿ སརྦ་མུ་ཁེ་བྷྱཿ སརྦ་ཐཱ་ཀཱ་མ་བཛྲ་བི་ལ་སི་ནི་ཏ། 

94-1-51b

ཀི་ཏི་སྭཱ་ཧཱ། འདོད་པའི་རྡོ་རྗེ་སྒེག་མོའི་སྔགས་སོ། །ན་མཿ སརྦ་ཏ་ཐཱ་ག་ཏེ་བྷྱཿ སརྦ་མུ་ཁེ་བྷྱཿ སརྦ་ཐཱ་ཀཱ་མ་བཛྲ་བིདྱཱ་དྷ་རི་ཀུ་མུ་ཏེ་སྭཱ་ཧཱ། འདོད་པའི་རྡོ་རྗེ་རིག་སྔགས་འཆང་བའི་སྔགས་སོ། །ན་མཿ སརྦ་ཏ་ཐཱ་ག་ཏེ་བྷྱཿ སརྦ་མུ་ཁེ་
བྷྱཿ སརྦ་ཐཱ་རཀྵ་བཛྲ་ནི་ཀ་མནྡ་དེ་ཀཱ་མ་ཡཀྵ་ན་སྭཱ་ཧཱ། རྡོ་རྗེ་གནོད་སྦྱིན་མོའི་སྔགས་སོ། །ན་མཿ སརྦ་ཏ་ཐཱ་ག་ཏེ་བྷྱཿ སརྦ་མུ་ཁེ་བྷྱཿ སརྦ་ཐཱ་བཛྲ་མ་ཏྃ་གི་ཁི་རི་ཁི་ག་ཁ་རི་ཀ་སྭཱ་ཧཱ། རྡོ་རྗེ་གདོལ་མའི་སྔགས་སོ། །ན་མཿ སརྦ་ཏ་ཐཱ་ག་
ཏེ་བྷྱཿ སརྦ་མུ་ཁེ་བྷྱཿ སརྦ་ཐཱ་རུ་ཏི་ར་པྲི་ཡ། རུ་དྷི་ར་བེ་ཏཱ་ལི། ལི་ཧི་ལ་ཧ། ལི་ལི་གི་ནི་བཛྲ་མ་ཐི་ནི་ར་ཧི། རྡོ་རྗེ་ཁྲག་གི་རོ་ལངས་མའི་སྔགས་སོ། །ན་མཿ སརྦ་ཏ་ཐཱ་ག་ཏེ་བྷྱཿ སརྦ་མུ་ཁེ་བྷྱཿ སརྦ་ཐཱ་བཛྲ་བེ་ཏཱ་ལི་ཀ་ལི་མ་ལི་ན་བ་མ་
ལི་ལུ་ཤུདྷ། སྭ་རི་ཧེ་སྭཱ་ཧཱ། རྡོ་རྗེ་རོ་ལངས་མོའི་སྔགས་སོ། །ན་མཿ སརྦ་ཏ་ཐཱ་ག་ཏེ་བྷྱཿ སརྦ་མུ་ཁེ་བྷྱཿ སརྦ་ཐཱ་བཛྲ་དུནྟེ། བཛྲ་ཤི་ཏི་ཀེ། ཨུད་པཱ་ད་ནི་པཱ་ད་མ་བི་ལམྦ་བཛྲ་པཱ་ཎི་ཨཱ་ཛྙཱ་པ་ཡ་ཏི་སྭཱ་ཧཱ། རྡོ་རྗེ་ཁྲོ་བོ་ཡི་སྔགས་སོ། །ན་མཿ
སརྦ་ཏ་ཐཱ་ག་ཏེ་བྷྱཿ སརྦ་མུ་ཁེ་བྷྱཿ སརྦ་ཐཱ་ཀུ་ན་ཁི་ཀུ་ན་ཁི། བཛྲ་པཱ་ཎི་པྲི་ཡེ་ཧི་ཏི་ཧི་དེ་སྭཱ་ཧཱ། རྡོ་རྗེ་སེན་ངན་མོའི་སྔགས་སོ། །ན་མཿ སརྦ་ཏ་ཐཱ་ག་ཏེ་བྷྱཿ སརྦ་མུ་ཁེ་བྷྱཿ སརྦ་ཐཱ་བཛྲཱྃ་གི་ཀུ་རུྃ་ག་ནི་བཛྲ་ཏུནྡེ་ཀེ་སྭཱ་ཧཱ། རྡོ་རྗེ་སྒྲོས་མའི་སྔགས་སོ། །
ན་མཿ སརྦ་ཏ་ཐཱ་ག་ཏེ་བྷྱཿ སརྦ་མུ་ཁེ་བྷྱཿ སརྦ་ཐཱ་བཛྲ་དྷ་བ་ལི། དྷ་ལི་ཏྃ་གི་བཛྲ་བྷྲ་མ་རི་ཀེ་སྭཱ་ཧཱ། རྡོ་རྗེ་བུང་བ་མོའི་སྔགས་སོ། །ན་མཿ སརྦ་ཏ་ཐཱ་ག་ཏེ་བྷྱཿ སརྦ་མུ་ཁེ་བྷྱཿ སརྦ་ཐཱ་བཛྲ་ཤ་བ་རི། ཤ་བ་རི་རཱུ་པ་དྷ་ར་ཎི་
གྷི་ནི་གྷི་ནེ་ཎ་ཀེ་སྭཱ་ཧཱ། རྡོ་རྗེ་ཤ་བ་རིའི་སྔགས་སོ། །ན་མཿ སརྦ་ཏ་ཐཱ་ག་ཏེ་བྷྱཿ སརྦ་མུ་ཁེ་བྷྱཿ སརྦ་ཐཱ་བཛྲ་བ་ས་ན་ཏྀ་ཀེ་བཛྲ་ཀུ་སུམ་ཏསྟ། བཛྲ་ཀུ་སུ་མ་སམ་བྷ་བེ་སྭཱ་ཧཱ། ཕོ་ཉ་མོ་རྡོ་རྗེ་མེ་ཏོག་གི་སྔགས་སོ། །ན་མཿ
སརྦ་ཏ་ཐཱ་ག་ཏེ་བྷྱཿ སརྦ་མུ་ཁེ་བྷྱཿ སརྦ་ཐཱ་ཧཱ་ས་ཧཱ་ས་བཛྲ་ཧ་སནྟུ་ནྲྀ་ཏྱ་ནྲྀ་ཏྱ་སྭཱ་ཧཱ། ཕོ་ཉ་མོ་རྡོ་རྗེ་བཞད་མའི་སྔགས་སོ། །ན་མཿ སརྦ་ཏ་ཐཱ་ག་ཏེ་བྷྱཿ སརྦ་མུ་ཁེ་བྷྱཿ སརྦ་ཐཱ་ཧི་མ་ཏ་བ་ལི་གེ། བཛྲ་མ་ད་བ་བཛྲ་པཱ་

94-1-52a

ཎི་མ་ནུ་སྨ་ར་སྭཱ་ཧཱ། ཕོ་ཉ་མོ་རྡོ་རྗེར་རོ་མའི་སྔགས་སོ། །ན་མཿ སརྦ་ཏ་ཐཱ་ག་ཏེ་བྷྱཿ སརྦ་མུ་ཁེ་བྷྱཿ སརྦ་ཐཱ་བཛྲ་བཛྲ་ཀུ་ཀུ། རི་མ་ས་མུ་ཁི་བཛྲོད་བྷ་བེ་ཨཽ་ཀྃ་དནྡེ་དེ་བི་བཛྲ་པ་ཏ་ཀི་སྭཱ་ཧཱ། རྡོ་རྗེ་ཁྱི་མོའི་སྔགས་སོ། །
ན་མཿ སརྦ་ཏ་ཐཱ་ག་ཏེ་བྷྱཿ སརྦ་མུ་ཁེ་བྷྱཿ སརྦ་ཐཱ་བཛྲོ་དྦ། ལི་ཀེ་ཧེ་ན་དནྡི་བི་ནི་བི་ཀུ་ནི་སྭཱ་ཧཱ། རྡོ་རྗེ་ཨུཏྤ་ལ་མོའི་སྔགས་སོ། །ན་མཿ སརྦ་ཏ་ཐཱ་ག་ཏེ་བྷྱཿ སརྦ་མུ་ཁེ་བྷྱཿ སརྦ་ཐཱ་བཛྲ་མཱ་ལི་ནི་ཁཻ་ལ་ན་ཏི་ཀེ་ཙ་ལ་ཙ་ལ། བི་ཙ་ལ་བི་ཙ་
ལ། རུ་ཊྚུ་ལ་ལུ་རུ་སྭཱ་ཧཱ། ཕོ་ཉ་མོ་རྩེན་མོའི་སྔགས་སོ། །ན་མཿ སརྦ་ཏ་ཐཱ་ག་ཏེ་བྷྱཿ སརྦ་མུ་ཁེ་བྷྱཿ སརྦ་ཐཱ་བཛྲ་ཧ་ར་ཎ་ཁཱ་ད་ཡ་སརྦ་དུ་ར་ནི་བ་རི་ཎི་ཧ་རེ་སྭཱ་ཧཱ། རྡོ་རྗེ་ཤ་བཀྲ་མོའི་སྔགས་སོ། །ན་མཿ སརྦ་ཏ་ཐཱ་ག་ཏེ་བྷྱཿ སརྦ་
མུ་ཁེ་བྷྱཿ སརྦ་ཐཱ་བཛྲ་མྃ་ཀ་ཏི་རཀྟ་མུ་ཁི་རཀྟ་ཨཀྵི་བཛྲོཏྟི་ཀདྡ་ཀདྡ་མ་བི་ལམྦ། བཛྲ་པཱ་ཎི་ཨཱ་ཛྙཱ་པ་ཡ་དེ་སྭཱ་ཧཱ། ཕོ་ཉ་མོ་རྡོ་རྗེ་སྤྲ་མོའི་སྔགས་སོ། །ན་མཿ སརྦ་ཏ་ཐཱ་ག་ཏེ་བྷྱཿ སརྦ་མུ་ཁེ་བྷྱཿ སརྦ་ཐཱ་བཛྲ་དྷ་ར་ནི་དྷ་ར་དྷ་ར། སྃ་ར་
དྷ་ར་སྭཱ་ཧཱ། ཕོ་ཉ་མོ་རྡོ་རྗེ་འཆང་མའི་སྔགས་སོ། །ན་མཿ སརྦ་ཏ་ཐཱ་ག་ཏེ་བྷྱཿ སརྦ་མུ་ཁེ་བྷྱཿ སརྦ་ཐཱ་བཛྲ་ཀཱ་ལི་ཀེ་དྲ་མི་ཏི་ཀོ། །རནྡི་ཀ་ཧ་ཊ་ཧུ་ཊེ་སྭཱ་ཧཱ། ཕོ་ཉ་མོ་རྡོ་རྗེ་ནག་མོའི་སྔགས་སོ། །ན་མཿ སརྦ་ཏ་ཐཱ་ག་ཏེ་བྷྱཿ སརྦ་
མུ་ཁེ་བྷྱཿ སརྦ་ཐཱ་ཐ་ལྃ་བ་བི་ག་ལི་ཏ། མ་ཧཱ་མ་ཎི་ཀུ་ཊྦྃ་ས་སྭཱ་ཧཱ། ཕོ་ཉ་སྙེམས་པར་འདུག་གི་སྔགས་སོ། །ན་མཿ སརྦ་ཏ་ཐཱ་ག་ཏེ་བྷྱཿ སརྦ་མུ་ཁེ་བྷྱཿ སརྦ་ཐཱ་པྲ་ཙཎྜ་བཛྲ་དྷ་ར་ཀ །ནིཪྡ་ཡྃ་ད་ཧ་ད་ཧ། བྷཉྫ་བྷཉྫ། ས་མ་ཡ་མ་ནུ་སྨ་ར་
སྭཱ་ཧཱ། ཕོ་ཉ་རབ་གཏུམ་གྱི་སྔགས་སོ། །ན་མཿ སརྦ་ཏ་ཐཱ་ག་ཏེ་བྷྱཿ སརྦ་མུ་ཁེ་བྷྱཿ སརྦ་ཐཱ་བཛྲ་ལ་ལི་ཏ་བཛྲ་པཱ་ཎི་པྲི་ཡ་སརྦ་སཏྭཱ་པ་ཤྃ་ཀ་རི་སྭཱ་ཧཱ། ཕོ་ཉ་རྡོ་རྗེ་རོལ་པའི་སྔགས་སོ། །ན་མཿ སརྦ་ཏ་ཐཱ་ག་ཏེ་བྷྱཿ སརྦ་
མུ་ཁེ་བྷྱཿ སརྦ་ཐཱ་ཙནྜ་མུ་ཁེ་ཁ་ཁ་ཁཱ་ཧི་ཁཱ་ཧི་སྨ་ར་བྲ་ཏི་ཛྙཱ་སྭཱ་ཧཱ། ཕོ་ཉ་རྡོ་རྗེ་ཟླ་གདོང་གི་སྔགས་སོ། །ན་མཿ སརྦ་ཏ་ཐཱ་ག་ཏེ་བྷྱཿ སརྦ་མུ་ཁེ་བྷྱཿ སརྦ་ཐཱ་བཛྲ་གོ་ན་དུཪྡ་ན་ད་མ་ཀ་བི་མ་ལ་མུ་ཁ་ཛ་ཧི་ཛ་ཧི་སྭཱ་ཧཱ། 

94-1-52b

ཕོ་ཉ་རྡོ་རྗེ་དྲི་མ་མེད་པའི་སྔགས་སོ། །ན་མཿ སརྦ་ཏ་ཐཱ་ག་ཏེ་བྷྱཿ སརྦ་མུ་ཁེ་བྷྱཿ སརྦ་ཐཱ་བཛྲ་བ་ལ་དྷ་རི་སི་སི་མི་སྭཱ་ཧཱ། ཕོ་ཉ་རྡོ་རྗེ་སྟོབས་འཆང་གི་སྔགས་སོ། །ན་མཿ སརྦ་ཏ་ཐཱ་ག་ཏེ་བྷྱཿ སརྦ་མུ་ཁེ་བྷྱཿ སརྦ་ཐཱ་ཁི་ཙ་ར། 
བཛྲ་ག་མ་ན། ཧེ་ཧ་ཧ་སྭཱ་ཧཱ། ཕོ་ཉ་རྡོ་རྗེ་མཁའ་རྒྱུའི་སྔགས་སོ། །ན་མཿ སརྦ་ཏ་ཐཱ་ག་ཏེ་བྷྱཿ སརྦ་མུ་ཁེ་བྷྱཿ སརྦ་ཐཱ་བཛྲྃ་ག་ཏོ་ཏ་ར་ཏ་ར་དུ་བ་ར་བ་ར། ཙ་ར་ཙ་ར། ཀ་མ་ཀ་མ་སྭཱ་ཧཱ། ཕོ་ཉ་རྡོ་རྗེ་འཕགས་ཀྱི་སྔགས་སོ། །
ན་མཿ སརྦ་ཏ་ཐཱ་ག་ཏེ་བྷྱཿ སརྦ་མུ་ཁེ་བྷྱཿ སརྦ་ཐཱ་བཛྲོཏྟ་མ་སྭཱ་ཧཱ། ཕོ་ཉ་རྡོ་རྗེ་མཆོག་གི་སྔགས་སོ། །ན་མཿ སརྦ་ཏ་ཐཱ་ག་ཏེ་བྷྱཿ སརྦ་མུ་ཁེ་བྷྱཿ སརྦ་ཐཱ་བཛྲ་བཱཀྟྲ་དུ་ཧ་དུ་ཧ་སྭཱ་ཧཱ། ཕོ་ཉ་རྡོ་རྗེ་གདོང་གི་སྔགས་སོ། །
ན་མཿ སརྦ་ཏ་ཐཱ་ག་ཏེ་བྷྱཿ སརྦ་མུ་ཁེ་བྷྱཿ སརྦ་ཐཱ་བཛྲ་དནྡུ་ར་ཙ་པི་ཊ་བཛྲ་ར་ན། སི་ལ་ཧ་ཧ་རི་ལམྦོ་ད་ར་དྷ་ར། དྷུ་བ་ར་སྭཱ་ཧཱ། ཕོ་ཉ་རྡོ་རྗེ་སོ་སོའི་སྔགས་སོ། །ན་མཿ སརྦ་ཏ་ཐཱ་ག་ཏེ་བྷྱཿ སརྦ་མུ་ཁེ་བྷྱཿ སརྦ་ཐཱ་
རྃ་ཛ་ཡ་ཛ་ཡ། བཛྲ་རུ་ཏྲ་ཛ་ཡ་ཛ་ཡ་ཙཎྚ་རོ་ཥ་ཎ་སྭཱ་ཧཱ། ཕོ་ཉ་རྡོ་རྗེ་ཁྲོ་བོའི་སྔགས་སོ། །ན་མཿ སརྦ་ཏ་ཐཱ་ག་ཏེ་བྷྱཿ སརྦ་མུ་ཁེ་བྷྱཿ སརྦ་ཐཱ་ཏྲཻ་ལོཀྱ་གྲ་ས་ན་བཛྲ་དུ་ཧ་བཛྲ་པཱ་ཤ་ཧསྟ། ཨཱ་ན་ཡ་ཨཱ་ན་ཡ། ཀིཉྩི་རཱ་ཡ་སི། ཏ་ཐཱ་ག་ཏ་
ས་མ་ཡ་མ་ནུ་སྨ་ར་སྭཱ་ཧཱ། ཕོ་ཉ་རྡོ་རྗེ་འཇིག་རྟེན་གསུམ་གྱི་སྔགས་སོ། །ན་མཿ སརྦ་ཏ་ཐཱ་ག་ཏེ་བྷྱཿ སརྦ་མུ་ཁེ་བྷྱཿ སརྦ་ཐཱ་ཙཎྜ་ལ། བཛྲ་ཀི་ཀ་ར་ཀུ་རུ་སརྦྃ། ཀིཉྩི་རཱ་ཡ་སི་བི་ཙི་ཏྲ་པ་ཏིང་པ་རི་ཏེ་སྭཱ་ཧཱ། ཕྱག་བརྙན་རྡོ་རྗེ་
གཏུམ་པོའི་སྔགས་སོ། །ན་མཿ སརྦ་ཏ་ཐཱ་ག་ཏེ་བྷྱཿ སརྦ་མུ་ཁེ་བྷྱཿ སརྦ་ཐཱ་བཛྲ་པིང་ག་ལ། ལ་ལི་ཏ་ཀེ་ཤ །པྲ་ཛྭ་ལི་ཏ་ཤ་རཱི་ར་ཧ་ཀ་དྷ་ཀ །ཀུ་རུ་ཀུ་རུ་སྭཱ་ཧཱ། ཕྱག་བརྙན་རྡོ་རྗེ་སེར་སྐྱའི་སྔགས་སོ། །ན་མཿ
སརྦ་ཏ་ཐཱ་ག་ཏེ་བྷྱཿ སརྦ་མུ་ཁེ་བྷྱཿ སརྦ་ཐཱ་བཛྲ་ཀེ་ཏུ་ཀིངྐ་ར་དྷ་ར་དྷ་ར། ཐ་ར་ཐ་ར། ཀ་ར་ཀ་ར་སྭཱ་ཧཱ། ཕྱག་བརྙན་རྡོ་རྗེ་ཏོག་གི་སྔགས་སོ། །ན་མཿ སརྦ་ཏ་ཐཱ་ག་ཏེ་བྷྱཿ སརྦ་མུ་ཁེ་བྷྱཿ སརྦ་ཐཱ་ཏེ་ག་དྷི་ལ་ཀ་ཀིཉྩ་ར་

94-1-53a

ཡ། ལ་ལི་ཏ་བེ་ཥ་དྷ་རི་དྷ་ར་ཎི་དྷ་ར་ཎི། པྲ་ཏི་ཛྙཱ་མུ་ཧུ་མུ་ཧུ། མུཉྩ་ད་ཧ་སྃ་སྭཱ་ཧཱ། ཕྱག་བརྙན་རྡོ་རྗེ་དུས་པོ་ཆེའི་སྔགས་སོ། །ན་མཿ སརྦ་ཏ་ཐཱ་ག་ཏེ་བྷྱཿ སརྦ་མུ་ཁེ་བྷྱཿ སརྦ་ཐཱ་བཛྲ་ཀུ་ལ་ཨ་ཛྙཱ་ཀ་ར། ར་ཏ་ར་ཏ་རི་
བི་སྭཱ་ཧཱ། ཕྱག་བརྙན་རྡོ་རྗེ་བཀའ་བཞིན་བྱེད་ཀྱི་སྔགས་སོ། །ན་མཿ སརྦ་ཏ་ཐཱ་ག་ཏེ་བྷྱཿ སརྦ་མུ་ཁེ་བྷྱཿ སརྦ་ཐཱ་ཧ་ཀྲི་ཏཱནྟ། ཤ་མ་ན་བྷཉྫ་ཀ་ལ་ཧ་པྲྀ་ཡ་ཧི་ལི་ཧི་ལི་ལ་ལི་ཏ་དུསྟ་སརྦ་ཧྲྀ་ད་ཡ་སྭཱ་ཧཱ། ཕྱག་བརྙན་རྡོ་རྗེ་འཐབ་སྲེད་ཀྱི་སྔགས་སོ། །
ན་མཿ སརྦ་ཏ་ཐཱ་ག་ཏེ་བྷྱཿ སརྦ་མུ་ཁེ་བྷྱཿ སརྦ་ཐཱ་བཛྲ་ཤི་ཁ་ར། མུ་ལུ་མུ་ལུ། ཧེ་ལུ་ཧེ་ལུ་སྭཱ་ཧཱ། ཕྱག་བརྙན་རྡོ་རྗེ་རྩེ་མོའི་སྔགས་སོ། །ན་མཿ སརྦ་ཏ་ཐཱ་ག་ཏེ་བྷྱཿ སརྦ་མུ་ཁེ་བྷྱཿ སརྦ་ཐཱ་ཀ་ཏ་ཀ་ཊ། མ་ཐ་མ་ཊ། ཧཱུྃ་ཧཱུྃ་བཛྲ་ཀུ་ལ་སུན་དྷ་ར་
དྷ་ར་ཧ་ར་ཧ་ར་སྭཱ་ཧཱ། ཕྱག་བརྙན་རྡོ་རྗེ་རིགས་མཛེས་ཀྱི་སྔགས་སོ། །ན་མཿ སརྦ་ཏ་ཐ་ག་ཏེ་བྷྱཿ སརྦ་མུ་ཁེ་བྷྱཿ སརྦ་ཐཱ་ཧ་ལ་ཧ་ལ། ཊ་ར་ཊ་ར་ལུནྟ་ན་བཛྲ་ཀིངྐ་ར་སྭཱ་ཧཱ། ཕྱག་བརྙན་རྡོ་རྗེ་ཕུང་བྱེད་ཀྱི་སྔགས་སོ། །ན་མཿ སརྦ་ཏ་ཐཱ་ག་ཏེ་བྷྱཿ 
སརྦ་མུ་ཁེ་བྷྱཿ སརྦ་ཐཱ་བཛྲ་དྷ་ཏཉྫ་ཡ་ཛྃ་ཀ་ར་བུ་ཏནྟ་ར་ཧྭ་སྭཱ་ཧཱ། ཕྱག་བརྙན་རྡོ་རྗེ་རླུང་ལས་རྒྱལ་གྱི་སྔགས་སོ། །ན་མཿ སརྦ་ཏ་ཐཱ་ག་ཏེ་བྷྱཿ སརྦ་མུ་ཁེ་བྷྱཿ སརྦ་ཐཱ་ཀོ་ཏི་ན་ཛ་ཡ། ཀིཉྩ་རཱ་ཡ་སི་གྲྀཧྞ་གྲྀཧྞ་ཀོ་ཏི་ཏིངྒ་ཏི་ག་ཏ་སྭཱ་ཧཱ། ཕྱག་བརྙན་རྡོ་རྗེ་
མཐའ་ལས་རྒྱལ་གྱི་སྔགས་སོ། །ན་མཿ སརྦ་ཏ་ཐཱ་ག་ཏེ་བྷྱཿ སརྦ་མུ་ཁེ་བྷྱཿ སརྦ་ཐཱ་ཙ་པ་ལི་ཀེ་ཙ་པ་ལ་བཛྲཱི་ཎི་སྭཱ་ཧཱ། བྲན་མོ་རྡོ་རྗེ་ཕྱར་མོའི་སྔགས་སོ། །ན་མཿ སརྦ་ཏ་ཐཱ་ག་ཏེ་བྷྱཿ སརྦ་མུ་ཁེ་བྷྱཿ སརྦ་ཐཱ་སུ་བཛྲཱི་ཎི་བཛྲ་དུ་ཏི་ཀེ་སྭཱ་ཧཱ། 
བྲན་མོ་རྡོ་རྗེ་ལེགས་ཀྱི་སྔགས་སོ། །ན་མཿ སརྦ་ཏ་ཐཱ་ག་ཏེ་བྷྱཿ སརྦ་མུ་ཁེ་བྷྱཿ སརྦ་ཐཱ་བཛྲ་པཉྫ་རི་ཀེ་བཛྲི་ནི་སྭཱ་ཧཱ། བྲན་མོ་རྡོ་རྗེ་དྲ་བ་མོའི་སྔགས་སོ། །ན་མཿ སརྦ་ཏ་ཐཱ་ག་ཏེ་བྷྱཿ སརྦ་མུ་ཁེ་བྷྱཿ སརྦ་ཐཱ་རཏ་ན་མ་ལི་ཀེ་བཛྲ་པཱ་ཎི་པྲི་ཡེ་སྭཱ་ཧཱ། བྲན་
མོ་རྡོ་རྗེ་རིན་ཆེན་ཕྲེང་མའི་སྔགས་སོ། །ན་མཿ སརྦ་ཏ་ཐཱ་ག་ཏེ་བྷྱཿ སརྦ་མུ་ཁེ་བྷྱཿ སརྦ་ཐཱ་བཛྲ་མཱ་ལི་ནི་ད་བ་ལ་མུ་ཁི་བཛྲཱི་ཎི་སྭཱ་ཧཱ། བྲན་མོ་རྡོ་རྗེ་དཀར་མོའི་སྔགས་སོ། །ན་མཿ སརྦ་ཏ་ཐཱ་ག་ཏེ་བྷྱཿ སརྦ་མུ་ཁེ་བྷྱཿ སརྦ་ཐཱ་བཛྲ་ལམ་བི་ཀེ་སྭཱ་ཧཱ། 

94-1-53b

བྲན་མོ་རྡོ་རྗེ་འཕྱང་མའི་སྔགས་སོ། །ན་མཿ སརྦ་ཏ་ཐཱ་ག་ཏེ་བྷྱཿ སརྦ་མུ་ཁེ་བྷྱཿ སརྦ་ཐཱ་བཛྲ་སུ་ག་ན་ཏི་གེ་བཛྲ་ད་ཡི་ཏ་ཀེ་སྭཱ་ཧཱ། བྲན་མོ་རྡོ་རྗེ་སྙིང་རྩེ་མོའི་སྔགས་སོ། །ན་མཿ སརྦ་ཏ་ཐཱ་ག་ཏེ་བྷྱཿ སརྦ་མུ་ཁེ་བྷྱཿ སརྦ་ཐཱ་སུ་ཏིཥྛ་བཛྲ་ཎི་བཛྲ་པཱ་ཎི་ཧྲི་ད་ཡ་
ག་མེ་སྭཱ་ཧཱ། བྲན་མོ་རྡོ་རྗེ་ལེགས་གནས་མོའི་སྔགས་སོ། །ན་མཿ སརྦ་ཏ་ཐཱ་ག་ཏེ་བྷྱཿ སརྦ་མུ་ཁེ་བྷྱཿ སརྦ་ཐཱ་བཛྲ་དུ་ཀུ་ལ་བྷཀྵེ་ཤུ་ཧ་ར་ནི་སྭཱ་ཧཱ། བྲན་མོ་རྡོ་རྗེ་དུག་ཀུ་ལེའི་རས་ཅན་གྱི་སྔགས་སོ། །ན་མཿ སརྦ་ཏ་ཐཱ་ག་ཏེ་བྷྱཿ སརྦ་མུ་ཁེ་བྷྱཿ 
སརྦ་ཐཱ་བཛྲ་ཀ་ར་ལི་ཀེ་བརྟི་ཀེ་སྭཱ་ཧཱ། བྲན་མོ་རྡོ་རྗེ་མཉམ་པ་མོའི་སྔགས་སོ། །ན་མཿ སརྦ་ཏ་ཐཱ་ག་ཏེ་བྷྱཿ སརྦ་མུ་ཁེ་བྷྱཿ སརྦ་ཐཱ་བཛྲ་ཛ་ཡ་ཀ་རི་བཛྲ་ཤ་རཱི་ར་ཎི་སྭཱ་ཧཱ། བྲན་མོ་རྡོ་རྗེ་རྒྱལ་བྱེད་མའི་སྔགས་སོ། །ན་མཿ སརྦ་ཏ་ཐཱ་ག་ཏེ་བྷྱཿ 
སརྦ་མུ་ཁེ་བྷྱཿ སརྦ་ཐཱ་བཛྲ་ཀ་ར་བྷི་བཛྲ་ཨ་ཏི་ཤ་ནི་ཀེ་སྭཱ་ཧཱ། བྲན་མོ་རྡོ་རྗེ་བསྡིགས་མའི་སྔགས་སོ། །ན་མཿ སརྦ་ཏ་ཐཱ་ག་ཏེ་བྷྱཿ སརྦ་མུ་ཁེ་བྷྱཿ སརྦ་ཐཱ་བཛྲ་བཛྲཱི་ཎི་བཛྲ་བ་ཏི་ཀེ་སྭཱ་ཧཱ། བྲན་མོ་རྡོ་རྗེ་གསོད་བྱེད་ཀྱི་སྔགས་སོ། །ན་མཿ སརྦ་
ཏ་ཐཱ་ག་ཏེ་བྷྱཿ སརྦ་མུ་ཁེ་བྷྱཿ སརྦ་ཐཱ་བ་མེ་ཁ་ལ་ལ་ལི་ཏ་ཀེ་ཤ་བ་རི་བཛྲ་གན་དྷ་རི་སྭཱ་ཧཱ། བྲན་མོ་རྡོ་རྗེ་ཚིག་འཛིན་གྱི་སྔགས་སོ། །ན་མཿ སརྦ་ཏ་ཐཱ་ག་ཏེ་བྷྱཿ སརྦ་མུ་ཁེ་བྷྱཿ སརྦ་ཐཱ་སུ་སིད་དྷི་ཀ་ར་བཛྲ་ས་དྷ་ཀ་ཡྃ་སརྦ་བཛྲ་པཱ་ཎི་ར་
ཛྙཱ་ཀུ་རུ་སྭཱ་ཧཱ། རིག་པའི་རྒྱལ་པོ་ལེགས་པར་གྲུབ་བྱེད་ཀྱི་སྔགས་སོ། །ན་མཿ སརྦ་ཏ་ཐཱ་ག་ཏེ་བྷྱཿ སརྦ་མུ་ཁེ་བྷྱཿ སརྦ་ཐཱ་རཏྣ་མཱ་ལི་བཛྲ་དྷ་ར་སྭཱ་ཧཱ། རིག་པའི་རྒྱལ་པོ་རིན་ཆེན་དབུ་རྒྱན་རྩེ་གསུམ་གྱི་སྔགས་སོ། །ན་མཿ སརྦ་ཏ་ཐཱ་ག་ཏེ་བྷྱཿ 
སརྦ་མུ་ཁེ་བྷྱཿ སརྦ་ཐཱ་བི་དྱོཏ་མ་ཙིནྟ་བཛྲ་ཧཱུྃ། རིག་པའི་རྒྱལ་པོ་རིག་པ་མཆོག་གི་སྔགས་སོ། །ན་མཿ སརྦ་ཏ་ཐཱ་ག་ཏེ་བྷྱཿ སརྦ་མུ་ཁེ་བྷྱཿ སརྦ་ཐཱ་བ་ལ་ཀི་ལི་ཀི་ལ་བཛྲ་མ་ཀུ་ཊ་དྷ་ར་སྭཱ་ཧཱ། རིག་པའི་རྒྱལ་པོ་བ་ལ་ཀི་ལི་ཀི་ལ་ལི་སྔགས་སོ། །
ན་མཿ སརྦ་ཏ་ཐཱ་ག་ཏེ་བྷྱཿ སརྦ་མུ་ཁེ་བྷྱཿ སརྦ་ཐཱ་རཏྣ་ཀེ་ལི་ཀི་ལ། རཏྣ་མ་ཀུ་ཊ་དྷ་ར་སྭཱ་ཧཱ། རིག་པའི་རྒྱལ་པོ་རིན་ཆེན་ཀི་ལི་ཀི་ལའི་སྔགས་སོ། །ན་མཿ སརྦ་ཏ་ཐཱ་ག་ཏེ་བྷྱཿ སརྦ་མུ་ཁེ་བྷྱཿ སརྦ་ཐཱ་སུ་རཱུ་པ་མ་ལ་བཛྲ་བཛྲ་ཧི་ཏྃ་

94-1-54a

ཀ་ར་སྭཱ་ཧཱ། རིག་པའི་རྒྱལ་པོ་གཟུགས་ལེགས་ཀྱི་སྔགས་སོ། །ན་མཿ སརྦ་ཏ་ཐཱ་ག་ཏེ་བྷྱཿ སརྦ་མུ་ཁེ་བྷྱཿ སརྦ་ཐཱ་བཛྲ་བི་ནྃ་དུ་ག་ཏ་བཛྲ་དྷ་ར་སྭཱ་ཧཱ། རིག་པའི་རྒྱལ་པོ་རྡོ་རྗེ་ཐོགས་པའི་སྔགས་སོ། །ན་མཿ སརྦ་ཏ་ཐཱ་ག་
ཏེ་བྷྱཿ སརྦ་མུ་ཁེ་བྷྱཿ སརྦ་ཐཱ་ལ་ལི་ཏ་བཛྲ་པུ་རུ་ཥ་མ་ཧཱ་ཡཀྵ་རཱུ་པ་དྷ་ར་ས་ར་ས་ར་སྭཱ་ཧཱ། རིག་པའི་རྒྱལ་པོ་རྡོ་རྗེ་རོལ་པའི་སྔགས་སོ། །ན་མཿ སརྦ་ཏ་ཐཱ་ག་ཏེ་བྷྱཿ སརྦ་མུ་ཁེ་བྷྱཿ སརྦ་ཐཱ་ག་ཛ་ཀརྞ་བཛྲ་ལོ་ཙ་ན་ཙྃ་ན་ཙ་ལ་ཀཱ་
སྭཱ་ཧཱ། རིག་པའི་རྒྱལ་པོ་གླང་པོ་རྣ་བའི་སྔགས་སོ། །ན་མཿ སརྦ་ཏ་ཐཱ་ག་ཏེ་བྷྱཿ སརྦ་མུ་ཁེ་བྷྱཿ སརྦ་ཐཱ་ཏྲ་ཊ་བཛྲ་ཀཉྫ་ཧཱུྃ་སྭཱ་ཧཱ། རིག་པའི་རྒྱལ་པོ་གནོད་མཛེས་ཀྱི་སྔགས་སོ། །ན་མཿ སརྦ་ཏ་ཐཱ་ག་ཏེ་བྷྱཿ སརྦ་མུ་ཁེ་བྷྱཿ 
སརྦ་ཐཱ་བྷཱི་ཥ་ཎ་བཛྲ་བྷཱི་མ། བཛྲ་པཱ་ཎིར་ཨ་ཛྙཱ་པ་ཡ་ཏི་སྭཱ་ཧཱ། རིག་པའི་རྒྱལ་པོ་བསྡིགས་སུ་རུང་གི་སྔགས་སོ། །ན་མཿ སརྦ་ཏ་ཐཱ་ག་ཏེ་བྷྱཿ སརྦ་མུ་ཁེ་བྷྱཿ སརྦ་ཐཱ་ཧ་རི་ཏི། སརྦ་ཏྲ་མེ་པྲ་ཏི་ཧ་ཏ། ཏ་ར་ཏ་ར་སྭཱ་ཧཱ། རིག་པའི་
རྒྱལ་པོ་རྡོ་རྗེ་འཕྲོག་བྱེད་ཀྱི་སྔགས་སོ། །ན་མཿ སརྦ་ཏ་ཐཱ་ག་ཏེ་བྷྱཿ སརྦ་མུ་ཁེ་བྷྱཿ སརྦ་ཐཱ་ཧཱ་ས་བཛྲ་དྷ་ར་སུ་ཏ་ནུ། སརྦ་ཨརྟ་སརྟ་ཀ །ཧི་ཧི་རི་སྭཱ་ཧཱ། རིག་པའི་རྒྱལ་པོ་རྡོ་རྗེ་བཞད་པའི་སྔགས་སོ།། །།
ཕྱག་ན་རྡོ་རྗེ་དབང་བསྐུར་བའི་རྒྱུད་ལས། བམ་པོ་ལྔ་པ། དེ་ནས་ཡང་ལག་ན་རྡོ་རྗེ་ཡན་ལག་ཐམས་ཅད་འབྱུང་བ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་པ་དང་། ཏིང་ངེ་འཛིན་དེའི་མཐུས་བུ་སྙིང་ལས་སྐྱེས་པ་ཁ་ནས་བྱུང་
བ་དག་ཡིད་དང་ཡན་ལག་ཐམས་ཅད་ལས་བྱུང་ངོ་། །དེ་ལ་ལག་པ་གཉིས་ལས་ནི་གཞོན་ནུ་ལག་བཟང་ངོ་། །ཁ་ནས་ནི་གཞོན་ནུ་རྡོ་རྗེའི་སྡེའོ། །རྡོ་རྗེ་ཅོད་པན་ལས་ནི་གཞོན་ནུ་རྡོ་རྗེ་ཅོད་པན་ནོ། །སྤྱི་གཙུག་ལས་ནི་གཞོན་ནུ་
གཙུག་གོ། རྡོ་རྗེ་མེ་ཏོག་རྣམས་ལས་ནི་རྡོ་རྗེ་གཞོན་ནུ་མེ་ཏོག་གོ། རྡོ་རྗེ་མེ་ཏོག་ཐོད་ལས་ནི་གཞོན་ནུ་རྡོ་རྗེ་མེ་ཏོག་ཐོད་དོ། །རྡོ་རྗེའི་བྲང་ལས་ནི་གཞོན་ནུ་རྡོ་རྗེའི་བྲང་ངོ་། །རྡོ་རྗེའི་སྙིང་ལས་ནི་གཞོན་ནུ་རྡོ་རྗེ་སྡུག་གོ། རྡོ་རྗེ་དཔྲལ་བ་

94-1-54b

ལས་ནི་གཞོན་ནུ་རྡོ་རྗེ་ཟླ་བའོ། །རྡོ་རྗེ་སྨིན་མ་ལས་ནི་གཞོན་ནུ་རྡོ་རྗེའི་སྨིན་མའོ། །རྡོ་རྗེ་རྣ་བ་ལས་ནི་གཞོན་ནུ་རྡོ་རྗེ་འཆང་ངོ་། །རྡོ་རྗེ་མིག་ལས་ནི་གཞོན་ནུ་རྡོ་རྗེ་འཇིག་རྟེན་མིག་གཅིག་པའོ། །རྡོ་རྗེ་སྣ་ལས་ནི་གཞོན་ནུ་རྡོ་རྗེ་ཤུགས་འཆང་
ངོ་། །རྡོ་རྗེ་ཁུར་ཚོས་ལས་ནི་གཞོན་ནུ་རྡོ་རྗེའི་རྟེན་ནོ། །རྡོ་རྗེ་ཀོས་ཀོ་ལས་ནི་གཞོན་ནུ་རྡོ་རྗེ་གཅེས་པ་འཛིན་ཏོ། །རྡོ་རྗེའི་སོ་རྣམས་ལས་ནི་གཞོན་ནུ་རྡོ་རྗེའི་མཆེ་བའོ། །རྡོ་རྗེ་མགུལ་པ་ལས་ནི་གཞོན་ནུ་རྡོ་རྗེའི་གླུའོ། །རྡོ་རྗེ་མཆན་
ཁུང་ལས་ནི་གཞོན་ནུ་རྡོ་རྗེའི་མེ་འབར་བའི་གཟི་བརྗིད་དོ། །རྒྱབ་ནས་ནི་གཞོན་ནུ་རྡོ་རྗེ་གཉའ་ཤིང་འཛིན་ཏོ། །དེ་ལྟར་དེ་དག་ལ་སོགས་པ་བཅོམ་ལྡན་འདས་ལག་ན་རྡོ་རྗེའི་བུ་གཞོན་ནུ་ཁྲོ་བོ་དེ་དག་ལག་ན་རྡོ་རྗེ་ཐོགས་པ་སེམས་ཅན་
གྱི་དོན་ལ་བརྩོན་པའི་ཡིད་དང་ལྡན་པ་སྙིང་རྗེའི་དཀྱིལ་འཁོར་ལས་ཡང་དག་པར་བྱུང་བ་ལག་ན་རྡོ་རྗེའི་སྨོན་ལམ་གྱིས་སྙིང་དྲངས་པ་འཇིག་རྟེན་གྱི་ཁམས་ཐ་དད་པ་རྣམས་སུ་བྱང་ཆུབ་མཆོག་དམ་པ་མངོན་པར་རྫོགས་པར་སངས་
རྒྱས་པ། ཏིང་ངེ་འཛིན་དང་གཟུངས་དང་རྣམ་པར་ཐར་པ་དང་ས་དང་ཕ་རོལ་ཏུ་ཕྱིན་པ་དང་སྟོབས་དང་བྱང་ཆུབ་ཀྱི་ཡན་ལག་དང་འཕགས་པའི་ལམ་དང་སྟོང་པ་ཉིད་ཆེན་པོས་ལུས་རྣམ་པར་བསྐྱེད་པ་སེམས་ཅན་ཐམས་
ཅད་ཀྱི་བསམ་པ་ཡོངས་སུ་རྫོགས་པར་བྱེད་པ་ལག་ན་རྡོ་རྗེའི་སྙིང་དུ་འཐད་པ་ཤ་སྟག་གོ། དེ་ནས་གསང་བ་པའི་བདག་པོ་ལག་ན་རྡོ་རྗེ་ཏིང་ངེ་འཛིན་དེ་ལས་ལངས་ཏེ་གསང་སྔགས་སྨྲས་པ། ན་མཿ སརྦ་ཏ་ཐཱ་ག་ཏེ་བྷྱཿ 
སརྦ་མུ་ཁེ་བྷྱཿ སརྦ་ཐཱ་བཛྲ་ས་ནོདྦྷ་བ་བཛྲ་པཱ་ཎི་པྲི་ཡ་སྭཱ་ཧཱ། རྡོ་རྗེ་སྡེའི་སྔགས་སོ། །ན་མཿ སརྦ་ཏ་ཐཱ་ག་ཏེ་བྷྱཿ སརྦ་མུ་ཁེ་བྷྱཿ སརྦ་ཐཱ་བཛྲ་བ་ཧཱུ་དྦྷ་བ་བཛྲ་བ་ཧུ་ཤུ་རྃ་ག་མ་སྭཱ་ཧཱ། རྡོ་རྗེ་ལག་བཟང་གི་སྔགས་
སོ། །ན་མཿ སརྦ་ཏ་ཐཱ་ག་ཏེ་བྷྱཿ སརྦ་མུ་ཁེ་བྷྱཿ སརྦ་ཐཱ་བི་ཙི་དྷྲ་བཛྲ་ཤེ་ཁ་ར། བཛྲ་ཤི་ཁ་རཱ་པི་ལམྦི་ཏ་ཧ་ར་སྭཱ་ཧཱ། རྡོ་རྗེ་མེ་ཏོག་ཐོད་ཀྱི་སྔགས་སོ། །ན་མཿ སརྦ་ཏ་ཐཱ་ག་ཏེ་བྷྱཿ སརྦ་མུ་ཁེ་བྷྱཿ སརྦ་ཐཱ་ཀི་རི་དི་

94-1-55a

བཛྲ་དྷ་རི། བི་ཤུད་དྷ་ཨྃ་ག་ར་སྭཱ་ཧཱ། རྡོ་རྗེ་ཅོད་པན་གྱི་སྔགས་སོ། །ན་མཿ སརྦ་ཏ་ཐཱ་ག་ཏེ་བྷྱཿ སརྦ་མུ་ཁེ་བྷྱཿ སརྦ་ཐཱ་བཛྲ་མཱུཪྡྷ་ཨ་གི་ཏ། ཧཱུྃ་ཧཱུྃ་ཧཱུྃ་སྭཱ་ཧཱ། རྡོ་རྗེ་གཙུག་ནས་བྱུང་བའི་སྔགས་སོ། །
ན་མཿ སརྦ་ཏ་ཐཱ་ག་ཏེ་བྷྱཿ སརྦ་མུ་ཁེ་བྷྱཿ སརྦ་ཐཱ་ཀུ་སུ་མ། ཨ་རྩི་དྲ་ཏ་བཛྲ་མུརྟི་བཛྲ་སྭ་བྷཱ་བ་སྭཱ་ཧཱ། རྡོ་རྗེ་མེ་ཏོག་གི་སྔགས་སོ། །ན་མཿ སརྦ་ཏ་ཐཱ་ག་ཏེ་བྷྱཿ སརྦ་མུ་ཁེ་བྷྱཿ སརྦ་ཐཱ་བཛྲ་བ་ར་དྷ་ར། ཨུ་ར་
བཛྲོད་ཏ་མ་སྭཱ་ཧཱ། རྡོ་རྗེ་བྲང་གི་སྔགས་སོ། །ན་མཿ སརྦ་ཏ་ཐཱ་ག་ཏེ་བྷྱཿ སརྦ་མུ་ཁེ་བྷྱཿ སརྦ་ཐཱ་བཛྲ་ཧྲི་ད་ཡ་བཛྲ་པཱ་ཎི་པྲི་ཡ་ས་ཏྭ་ཧི་ཏྃ་ཀ་ར་སྭཱ་ཧཱ། གཞོན་ནུ་རྡོ་རྗེ་སྡུག་གི་སྔགས་སོ། །ན་མཿ སརྦ་ཏ་ཐཱ་ག་ཏེ་བྷྱཿ སརྦ་མུ་ཁེ་
བྷྱཿ སརྦ་ཐཱ་ཙནྟྲ་བཛྲ་ཨྃ་ག་སུན་བྷ་ར་སྭཱ་ཧཱ། གཞོན་ནུ་རྡོ་རྗེ་ཟླ་བའི་སྔགས་སོ། །ན་མཿ སརྦ་ཏ་ཐཱ་ག་ཏེ་བྷྱཿ སརྦ་མུ་ཁེ་བྷྱཿ སརྦ་ཐཱ་བཛྲ་ཙཀྲ་མཎྜ་ལ་སྃ་བུ་ཏ་བཛྲ་བྷུ་བ་སྭཱ་ཧཱ། གཞོན་ནུ་རྡོ་རྗེ་སྨིན་མའི་སྔགས་སོ། །ན་མཿ སརྦ་ཏ་
ཐཱ་ག་ཏེ་བྷྱཿ སརྦ་མུ་ཁེ་བྷྱཿ སརྦ་ཐཱ་བཛྲ་ཨྃ་ཀུ་དྷ་ར་ཤྲུ་ཏཱ་དྷ་ར་དྷ་ར་ནི་དྡ་ད་སྭཱ་ཧཱ། རྡོ་རྗེ་རྣ་མཆོག་འཆང་གི་སྔགས་སོ། །ན་མཿ སརྦ་ཏ་ཐཱ་ག་ཏེ་བྷྱཿ སརྦ་མུ་ཁེ་བྷྱཿ སརྦ་ཐཱ་བཛྲ་ལོ་ཙ་ན་ཛྙཱ་ན་ཙཀྵུ་རྡ་ད་སྭཱ་ཧཱ། རྡོ་རྗེ་མིག་གི་སྔགས་སོ། །
ན་མཿ སརྦ་ཏ་ཐཱ་ག་ཏེ་བྷྱཿ སརྦ་མུ་ཁེ་བྷྱཿ སརྦ་ཐཱ་བཛྲ་བེ་ག་དྷ་རི། མ་ནོ་ཛ་བེ་དྷ་ར་དྷ་ར་སྭཱ་ཧཱ། རྡོ་རྗེ་ཤུགས་འཆང་གི་སྔགས་སོ། །ན་མཿ སརྦ་ཏ་ཐཱ་ག་ཏེ་བྷྱཿ སརྦ་མུ་ཁེ་བྷྱཿ སརྦ་ཐཱ་ཨུདྡྷ་ར་བཛྲ་ས་མ་ཡ་མ་ནུ་པཱ་ལ་ཡ་སྭཱ་ཧཱ། རྡོ་རྗེ་
རྟེན་གྱི་སྔགས་སོ། །ན་མཿ སརྦ་ཏ་ཐཱ་ག་ཏེ་བྷྱཿ སརྦ་མུ་ཁེ་བྷྱཿ སརྦ་ཐཱ་བཛྲ་དྷ་ར་དྷ་ར་ཛྭ་ལི་ཏ་མུརྟི་སྭཱ་ཧཱ། རྡོ་རྗེ་གཅེས་པ་འཛིན་གྱི་སྔགས་སོ། །ན་མཿ སརྦ་ཏ་ཐཱ་ག་ཏེ་བྷྱཿ སརྦ་མུ་ཁེ་བྷྱཿ སརྦ་ཐཱ་བཛྲ་ཨྃ་ཀུ་ར་བཛྲ་ཀེ་ཏུ་
ས་ར་ས་ར་སྭཱ་ཧཱ། རྡོ་རྗེ་མཆེ་བའི་སྔགས་སོ། །ན་མཿ སརྦ་ཏ་ཐཱ་ག་ཏེ་བྷྱཿ སརྦ་མུ་ཁེ་བྷྱཿ སརྦ་ཐཱ་སྃ་བྷོ་དྷི་བཛྲ་དྷ་ར་པྲི་ཡ་བཛྲ་གཱི་ཏི་སྭཱ་ཧཱ། རྡོ་རྗེ་གླུའི་སྔགས་སོ། །ན་མཿ སརྦ་ཏ་ཐཱ་ག་ཏེ་བྷྱཿ སརྦ་མུ་ཁེ་བྷྱཿ སརྦ་ཐཱ་

94-1-55b

བཛྲ་ཛྭ་ལི་ཏི་བཛྲ་མཱུརྟི་བཛྲ་དྷ་ར་སྭཱ་ཧཱ། གཞོན་ནུ་རྡོ་རྗེ་འབར་བའི་སྔགས་སོ། །ན་མཿ སརྦ་ཏ་ཐཱ་ག་ཏེ་བྷྱཿ སརྦ་མུ་ཁེ་བྷྱཿ སརྦ་ཐཱ་ཏེ་ཛ་ཨ་བ་ལམྟི་བི་ཏ་མཱུརྟི་དྷ་ཀ་དྷ་ཀ་སྭཱ་ཧཱ། གཞོན་ནུ་རྡོ་རྗེ་གཉའ་ཤིང་འཛིན་གྱི་སྔགས་སོ། །དེ་ནས་དེ་བཞིན་
གཤེགས་པ་ཐམས་ཅད་ཀྱི་བཀའ་བཞིན་བྱེད་པ་ལག་ན་རྡོ་རྗེས་རྡོ་རྗེ་ལས་ཡང་དག་པར་བྱུང་བ་སངས་རྒྱས་དང་བྱང་ཆུབ་སེམས་དཔའ་ཐམས་ཅད་ཀྱི་ཡུམ་སྒྱུ་མའི་ཏིང་ངེ་འཛིན་ལ་དབང་སྒྱུར་ཅིང་། གནོད་པ་ཐམས་ཅད་འགོག་པ་ལུས་
ལ་བསྲུང་བ་ཆེན་པོའི་སྲད་བུ་ཐོགས་པ་རྟག་ཏུ་མ་བྱེད་ཟེར་བར་བདག་གི་ཞེས་བརྗོད་པའི་སྒྲ་ཕྱུང་ངོ་། །ན་མཿ སརྦ་ཏ་ཐཱ་ག་ཏེ་བྷྱཿ སརྦ་མུ་ཁེ་བྷྱཿ སརྦ་ཐཱ་ཧེ་བཛྲ་ཤཱུ་ལི་ནི་བཛྲ་མ་ཏྃ་གི་ཨ་ནནྟ་མུ་ཁ་བཛྲ་ཧི་ལི་ཛ་ཡན་ཏིྃ། རུ་ཏི་མུ་ཁ་ཏི་སི་སྥུ་རན་ཏི་སྭཱ་ཧཱ། 
མཱ་མ་ཀཱིའི་སྔགས་སོ། །ན་མཿ སརྦ་ཏ་ཐཱ་ག་ཏེ་བྷྱཿ སརྦ་མུ་ཁེ་བྷྱཿ སརྦ་ཐཱ་བུ་བི་མོ་བཛྲ་མཱ་ལཱི་ནི། བཛྲ་ཨ་ད་བྷུ་ཏེ། སཉྩ་ཡ་ས་མནྟ་ཤཱི་ཏི་ཤ་མ་བཛྲ་རན་དྷ་ནེ་ན། གྷུ་དྷུ་གྷུ་དྷུ། ཛ་ཧི་ཛ་ཧི་མཱ་བི་ལམྦ། བྷ་ག་བ་ཏེ་བཱ་རཱ་ཧཱི། སྨ་ར་སྨ་ར་བཛྲ་སྃ་གཱི་ཏི་སྭཱ་ཧཱ། རྡོ་རྗེ་
མཚམས་ཀྱི་སྔགས་སོ། །ན་མཿ སརྦ་ཏ་ཐཱ་ག་ཏེ་བྷྱཿ སརྦ་མུ་ཁེ་བྷྱཿ སརྦ་ཐཱ་བཛྲ་མ་ཧཱ་མནྡ་དཪྴ་ཡ་བཛྲི་བི་ཀྲ་མ་སྭཱ་ཧཱ། རྡོ་རྗེ་སྙིང་པོ་འཛིན་གྱི་སྔགས་སོ། །ན་མཿ སརྦ་ཏ་ཐཱ་ག་ཏེ་བྷྱཿ སརྦ་མུ་ཁེ་བྷྱཿ སརྦ་ཐཱ་བཛྲ་སི་ཏཱ་ཏ་པ་
ཏྲེ་ཛྭ་ཀྲྀ་ཏ་སྭཱ་ཧཱ། རྡོ་རྗེ་གདུགས་དཀར་པོའི་སྔགས་སོ། །ན་མཿ སརྦ་ཏ་ཐཱ་ག་ཏེ་བྷྱཿ སརྦ་མུ་ཁེ་བྷྱཿ སརྦ་ཐཱ་བི་ཏ་ཏ་མ་ཧཱ་བཛྲ་བི་ད་ན་རྃ་ག་རྃ་གཱ་ས་ཡ་སྭཱ་ཧཱ། རྡོ་རྗེ་རིན་ཆེན་བ་དན་ཆེན་པོའི་སྔགས་སོ། །ན་མཿ སརྦ་ཏ་ཐཱ་ག་
ཏེ་བྷྱཿ སརྦ་མུ་ཁེ་བྷྱཿ སརྦ་ཐཱ་རཏྣ་ཀཱུ་ཊ། ཛྭ་ལི་ཏ་བཛྲོད་བྷ་བ་སྭཱ་ཧཱ། རྡོ་རྗེ་ཁང་པ་བརྩེགས་པའི་སྔགས་སོ། །ན་མཿ སརྦ་ཏ་ཐཱ་ག་ཏེ་བྷྱཿ སརྦ་མུ་ཁེ་བྷྱཿ སརྦ་ཐཱ་བཛྲ་པདྨོ་དྦྷ་བ། བཛྲ་ཨཱ་ས་ན་བཛྲ་ན་ད་ད་སྭཱ་ཧཱ། རྡོ་རྗེ་པད་པདྨ་
མའི་གདན་གྱི་སྔགས་སོ། །ན་མཿ སརྦ་ཏ་ཐཱ་ག་ཏེ་བྷྱཿ སརྦ་མུ་ཁེ་བྷྱཿ སརྦ་ཐཱ་སྨྲི་ཏི། བཛྲ་དྷ་ར་ཀ་སྭཱ་ཧཱ། རྡོ་རྗེ་དྲན་པའི་སྔགས་སོ། །ན་མཿ སརྦ་ཏ་ཐཱ་ག་ཏེ་བྷྱཿ སརྦ་མུ་ཁེ་བྷྱཿ སརྦ་ཐཱ་བོ་དྷི་བི་བྷོ་དྷ་ན་བཛྲ་བ་མ་བ་

94-1-56a

མ་སྭཱ་ཧཱ། རྡོ་རྗེ་བྱང་ཆུབ་ཀྱི་སྔགས་སོ། །ན་མཿ སརྦ་ཏ་ཐཱ་ག་ཏེ་བྷྱཿ སརྦ་མུ་ཁེ་བྷྱཿ སརྦ་ཐཱ་བཱི་མ་ཏི་ཧ་ར་ཀ །བཛྲ་རཏྣ་དྷ་མ་དྷ་མ་སྭཱ་ཧཱ། རྡོ་རྗེ་ཡིད་གཉིས་རྣམ་པར་གཅོད་པར་བྱེད་པ་ཞེས་བྱ་བའི་སྔགས་སོ། །ན་མཿ
སརྦ་ཏ་ཐཱ་ག་ཏེ་བྷྱཿ སརྦ་མུ་ཁེ་བྷྱཿ སརྦ་ཐཱ་ཛྙཱ་ན་བཛྲ་སྭཱ་ཧཱ། རྡོ་རྗེ་ཤེས་སྦྱིན་གྱི་སྔགས་སོ། །ན་མཿ སརྦ་ཏ་ཐཱ་ག་ཏེ་བྷྱཿ སརྦ་མུ་ཁེ་བྷྱཿ སརྦ་ཐཱ་ཨ་མྲྀ་ཏ་བཛྲ་པ་སྭཱ་ཧཱ། རྡོ་རྗེ་བདུད་རྩིའི་སྔགས་སོ། །ན་མཿ སརྦ་ཏ་ཐཱ་ག་ཏེ་བྷྱཿ 
སརྦ་མུ་ཁེ་བྷྱཿ སརྦ་ཐཱ་པྲ་བརྟ་ཡ་བཛྲ་ཛྙཱ་ན་སཱ་ག་རྃ་ར་སྭཱ་ཧཱ། རྡོ་རྗེ་ཆོས་བརྗོད་ཀྱི་སྔགས་སོ། །ན་མཿ སརྦ་ཏ་ཐཱ་ག་ཏེ་བྷྱཿ སརྦ་མུ་ཁེ་བྷྱཿ སརྦ་ཐཱ་བཛྲ་ཐཱ་སྃ་ས་ཐཱ་པྲི་ཡ། བི་རཱ་ག་ཀོ་ཊི་སྭཱ་ཧཱ། རྡོ་རྗེ་ཆགས་བྲལ་གྱི་སྔགས་སོ། །ན་མཿ སརྦ་
ཏ་ཐཱ་ག་ཏེ་བྷྱཿ སརྦ་མུ་ཁེ་བྷྱཿ སརྦ་ཐཱ་ཤཱུ་ནྱ་ཏཱ་ཀོ་ཊི་བཛྲ་སྃ་དྷ་ར་ཀ་སྭཱ་ཧཱ། རྡོ་རྗེ་སྟོང་པ་ཉིད་ཀྱི་སྔགས་སོ། །ན་མཿ སརྦ་ཏ་ཐཱ་ག་ཏེ་བྷྱཿ སརྦ་མུ་ཁེ་བྷྱཿ སརྦ་ཐཱ་སརྦ་དྷརྨྨཱ་ས་མ་ཏཱ་པྲ་བ་ཀ་བཛྲ་སཏྭ་སྭཱ་ཧཱ། རྡོ་རྗེ་མཉམ་པ་ཉིད་ཀྱི་སྔགས་སོ། །
ན་མཿ སརྦ་ཏ་ཐཱ་ག་ཏེ་བྷྱཿ སརྦ་མུ་ཁེ་བྷྱཿ སརྦ་ཐཱ་ག་ག་ན་གཉྫ་ནི་ཏ་ར་ཤི་ཤ་ཡ་མ་ཁམ་བཛྲ་སྭཱ་ཧཱ། རྡོ་རྗེ་ནམ་མཁའ་མཛོད་ཀྱི་སྔགས་སོ། །ན་མཿ སརྦ་ཏ་ཐཱ་ག་ཏེ་བྷྱཿ སརྦ་མུ་ཁེ་བྷྱཿ སརྦ་ཐཱ་བཛྲ་ཡཀྵ་ཎི་བཛྲ་ད་དེ་ཨཏྩི་པ་ར་ཎི་མ་ན་སི་བཛྲ་མཱ་ལི་ནི་
སྭཱ་ཧཱ། རྡོ་རྗེ་གནོད་སྦྱིན་མོའི་སྔགས་སོ། །དེ་ནས་ལག་ན་རྡོ་རྗེ་ཏིང་ངེ་འཛིན་དེ་ལས་ལངས་ཏེ་ཡང་ཉན་ཐོས་དང་། རང་སངས་རྒྱས་ཐམས་ཅད་དང་ལྷ་དང་ཀླུ་དང་གནོད་སྦྱིན་དང་དྲི་ཟ་དང་ལྷ་མ་ཡིན་དང་ནམ་མཁའ་ལྡིང་དང་མི་འམ་ཅི་
དང་ལྟོ་འཕྱེ་ཆེན་པོ་དང་མི་དང་མི་མ་ཡིན་པ་ལ་སོགས་པ་སེམས་ཅན་ཐམས་ཅད་ཀྱི་སྲོག་ལ་དབབ་པའི་ཚོགས་ཀྱིས་བྱེ་བ་བསྲེག་པ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས་འཇིག་པའི་དུས་ཆེན་པོའི་ཚེ་འབྱུང་བའི་ཉི་མ་བདུན་
ལྟར་འབར་བ་རྒྱ་མཚོའི་གླིང་ཆེན་པོའི་མེའི་སྒྲོ་ལྟར་སེམས་ཅན་ཐམས་ཅད་ཀྱི་སེམས་དང་སེམས་ལས་བྱུང་བའི་ཚོགས་ཟ་བ་འཇིག་པའི་མེ་ཆེན་པོ་ཞེས་བྱ་བ་རྡོ་རྗེ་སྙིང་པོ་མཆོག་འདི་སྨྲས་སོ། །ན་མཿ སརྦ་ཏ་ཐཱ་ག་ཏེ་བྷྱཿ སརྦ་མུ་ཁེ་བྷྱཿ

94-1-56b

སརྦ་ཐཱ་ཕཊ་ཧཱུྃ། འཇིག་པའི་མེ་ཆེན་པོའི་སྙིང་པོ་སྨྲས་མ་ཐག་ཏུ། དེ་ནས་ཐམས་ཅད་དང་ལྡན་པའི་འཁོར་དེ་ཆུ་ཤིང་གི་ཚལ་རྩ་བ་བཅད་པ་ལྟ་བུ་དང་རླུང་དྲག་པོ་ཆེན་པོས་བསྐྱོད་པ་བཞིན་དུ་འགུལ་ནས་སྟན་ཐམས་ཅད་ལས་ཁ་བུབ་ཏུ་
འཁོར་ལོ་ཆེན་པོའི་རྡོ་རྗེའི་དཀྱིལ་འཁོར་གྱི་སྟེང་དུ་སྒྱེལ་ཏོ། །བྱང་ཆུབ་སེམས་དཔའ་སེམས་དཔའ་ཆེན་པོ་ས་བཅུ་ལ་གནས་པ་རྣམས་ནི་མ་གཏོགས་སོ། །ལག་ན་རྡོ་རྗེའི་མཐུས་ཐམས་ཅད་དང་ལྡན་པའི་འཁོར་དེས་སངས་རྒྱས་ཀྱི་ཞིང་འདི་ཐམས་
ཅད་དང་རི་རབ་དང་རི་རབ་ཆེན་པོ་དང་ཁོར་ཡུག་དང་ཁོར་ཡུག་ཆེན་པོ་འབར་ཞིང་མེ་ལྕེ་གཅིག་ཏུ་གྱུར་པ་དང་རྒྱ་མཚོ་དང་རྒྱ་མཚོ་ཆེན་པོ་ཐམས་ཅད་སྐམས་ནས་རྣམ་པར་ཚིག་སྟེ་ཐལ་བར་གྱུར་པ་མཐོང་ངོ་། །ལག་ན་རྡོ་རྗེའི་སྙིང་ག་ནས་
ཀྱང་ཁྲོ་བོའི་རྒྱལ་པོ་འཇིག་པའི་མེ་ལྕེ་ཆེན་པོ་ཞེས་བྱ་བ་བྱུང་ནས། གད་མོ་རྟ་སྐད་ཆེན་པོ་རྒྱས་པར་འབྱིན་ཅིང་ཐམས་ཅད་དང་ལྡན་པའི་འཁོར་གྱི་སྙིང་རྣམས་ཡོངས་སུ་བསྡུས་ནས་ནམ་མཁའ་དང་མཚུངས་པ་ཉིད་དུ་གྱུར་ཏེ་
ལག་ན་རྡོ་རྗེའི་སྙིང་གི་དཀྱིལ་འཁོར་དུ་ཞུགས་སོ། །ལག་ན་རྡོ་རྗེ་ཡང་སྙིང་རྗེ་ཆེན་པོའི་དཀྱིལ་འཁོར་ལ་གནས་ནས་དེའི་ཚེ་དེ་བཞིན་གཤེགས་པ་ཐམས་ཅད་དང་མཉམ་པ་ཉིད་ཀྱི་གནས་པས་གནས་སོ། །དེ་ནས་དེ་བཞིན་
གཤེགས་པ་དེ་དག་གིས་ལག་ན་རྡོ་རྗེ་ལ་ལེགས་སོ་ཞེས་བྱ་བ་བརྗོད་དེ་བཀའ་སྩལ་པ། སྔགས་ཀྱི་སྤྱོད་པ་རྒྱ་མཚོ་ཡི། །སྙིང་པོ་སྟོབས་ཆེན་ལྡན་པ་འདི། །བསྟན་པ་འདི་ནི་སྲུང་བྱེད་ཅིང་། །ཐེག་པ་ཆེན་པོའི་གནས་འདི་ལ། །
གདུལ་དཀའ་རྟག་ཏུ་འདུལ་བ་སྟེ། །དཔའ་བོ་ཆེན་པོ་ཁྱོད་ཀྱིས་བཤད། །དེ་ནས་འཇམ་དཔལ་གཞོན་ནུར་གྱུར་པས་ཐམས་ཅད་དང་ལྡན་པའི་འཁོར་དེ་འཁོར་ལོ་ཆེན་པོ་རྡོ་རྗེའི་དཀྱིལ་འཁོར་དུ་འགྱེལ་བར་རིག་ནས་ཆེར་སྙིང་རྗེ་སྐྱེས་
ཏེ་མིག་གཉིས་ཀྱིས་རིང་དུ་བལྟས་ནས་རྡོ་རྗེ་མཆོག་གི་སྙིང་པོ་དམ་པ་སྦྱིན་པ་ཆེན་པོ་འདིས་བྱིན་གྱིས་བརླབས་ཏེ་སྤྱོད་པ་ཆེན་པོ་མཆོག་གི་དཀྱིལ་འཁོར་གྱི་ཕྱིར་རྡོ་རྗེའི་དཀྱིལ་འཁོར་ཆེན་པོ་ལ་བལྟ་ཞིང་། དེ་བཞིན་གཤེགས་པ་

94-1-57a

ཐམས་ཅད་ཀྱི་ཆོས་རབ་དམ་པ་ལ་རྣམ་པར་རྒྱལ་བ་ཐོབ་པ་བྱང་ཆུབ་སེམས་དཔའ་ལག་ན་རྡོ་རྗེ་ལ་འདི་སྐད་ཅེས་སྨྲས་སོ། །རིགས་ཀྱི་བུ་འཁོར་འདི་ལ་དམ་ཚིག་ལ་འཇུག་པའི་སྒོ་ཅུང་ཟད་ཅིག་སྩོལ་ཅིག་དང་། 
དེས་བསྟན་པ་འདི་ལ་སྲོག་གི་རེག་པ་ཐོབ་ཅིང་དད་པ་ཐོབ་ནས་རང་རང་གི་གསང་སྔགས་ཀྱི་སྙིང་པོ་འབུལ་བར་གྱུར་ཏོ། །དེ་སྐད་ཅེས་སྨྲས་པ་དང་བྱང་ཆུབ་སེམས་དཔའ་སེམས་དཔའ་ཆེན་པོ་ལག་ན་རྡོ་རྗེས་འཇམ་དཔལ་གཞོན་ནུར་གྱུར་པ་ལ་
སྨྲས་པ། ཏིང་ངེ་འཛིན་ལ་དབང་ཐོབ་ཅིང་། །ནམ་མཁའ་ལྟ་བུར་ཆགས་མེད་ལ། །ཀུན་དུ་སངས་རྒྱས་ཐམས་ཅད་ཀྱི། །སྨོན་ལམ་རྟག་ཏུ་རྫོགས་བྱེད་པ། །གསང་སྔགས་ཀུན་གྱི་སྤྱོད་པ་དང་། །དེ་བཞིན་གསང་
སྔགས་བསྒྲུབ་པ་དང་། །བརྟུལ་ཞུགས་དང་ནི་རྟགས་དང་གཟུགས། །དུས་དང་ཡུལ་དང་ཆོ་ག་ཤོད། །དེའི་ཚེ་རྡོ་རྗེ་དེ་རྡོ་རྗེ་མཆོག་གི་སྟོབས་ཀྱི་གཟུངས་དང་ལྷན་ཅིག་ཏུ་འཇམ་དཔལ་གཞོན་ནུར་གྱུར་པ་ལ་བྱིན་ནོ། །ན་མཿ སརྦ་ཏ་ཐཱ་
ག་ཏེ་བྷྱཿ སརྦ་མུ་ཁེ་བྷྱཿ སརྦ་ཐཱ་ཨེ་ཧི་མ་ཧཱ་བཛྲ་ཀོ་ཊི་ཀུ་ཊི་ལ་བཱ་བ་ཀ་ཨྃ་ཀུ་ལ་ཤི་ཁེ་ཀ་པི་ལ་ཀེ་ཤཱི་ཏ་ཊི་ཏ་ཊི། ཀོ་ཊི་ཀོ་ཊི། ཀརྐྐ་ཊི་མུ་ཊི་མ་ཧཱ་ཐིནྡུ་ཏོ་ལ་ལོ། དུ་ཀ་དུ་ཀ་ས་མ་ས་མ། ས་ར་ས་ར། བི་ས་ར་བི་ས་ར། སྥུ་ར་སྥུ་ར། ཨུདྡྷོ་ཏི་ཏེ། ཧ་རི་ཕིྃ་ག་ལེ། 
ཙ་ཊི་བ་ཅ་ཊི། ཛྭཱ་ལེ་བི་ཛྭཱ་ལེ། བཛྲ་གྷོ་ཎ། བཛྲ་ས་ར་དྲིཥྚ་པྲ་ཧ་ར་ཎེ། མ་ཏི་བྷཱུ་ཏེ། རཏྣ་ཏྲ་ཡ། ཨ་ཏི་ཏ་ལེ། བཛྲ་དྷ་ར་བི་ཤཱ་ས་མ། ཨ་པྲ་ཏི་ཧ་ཏ་པྲ་མ་དྷ་ནི་སྭཱ་ཧཱ། དེ་ནས་འཇམ་དཔལ་གཞོན་ནུར་གྱུར་པས་འཁོར་དེ་དག་ལ་སྨྲས་པ། 
རིགས་ཀྱི་བུ་དག་རིག་པའི་རྒྱལ་མོ་རྡོ་རྗེ་མི་ཕམ་པ་མེས་རབ་ཏུ་རྨོངས་བྱེད་འདི་དྲན་པར་གྱིས་ཤིག་དང་འདིས་ཁྱེད་ལ་ཕན་པ་དང་བདེ་བ་དང་སྲོག་ཐོབ་པར་བྱེད་པར་འགྱུར་རོ། །ལག་ན་རྡོ་རྗེས་རིག་པ་ཆེན་མོ་འདི་སྨྲས་མ་ཐག་ཏུ་དེ་ནས་
དམ་པ་སྦྱིན་པའི་རྡོ་རྗེས་འཁོར་དེ་བྱིན་གྱིས་བརླབས་ནས་མགྲིན་གཅིག་ཏུ་ཚིག་སྨྲས་པ་ཕྱག་འཚལ་ལོ། །བཅོམ་ལྡན་འདས་རྡོ་རྗེ་མི་ཕམ་པ་མེས་རབ་ཏུ་རྨོངས་བྱེད་དེ་ལ་ཕྱག་འཚལ་ལོ་ཞེས་སྨྲས་ཏེ་སྐད་ཅིག་དེ་ཉིད་ལ་

94-1-57b

འཁོར་དེ་ལངས་ནས། ཀུན་དུ་བཟང་པོ་ལ་སོགས་པ་བྱང་ཆུབ་སེམས་དཔའ་རྣམས་དང་བྱང་ཆུབ་སེམས་དཔའ་ཕྱག་ན་རྡོ་རྗེ་དང་འཇམ་དཔལ་གཞོན་ནུར་གྱུར་པ་ལ་བལྟ་ཞིང་ཚིག་འདི་སྐད་ཅེས་སྨྲས་སོ། །ཀྱེ་མ་ཡེ་ཤེས་ཀྱེ་མ་སྐྱིད། །
ཀྱེ་མ་སྔགས་ཤེས་བསམ་མི་ཁྱབ། །དེས་ནི་བདག་ཅག་ཐམས་ཅད་ཀྱང་། །མགོན་དང་བསམ་གཏན་དགའ་དང་ལྡན། །སེམས་ཞི་ཚེགས་ནི་མ་མཆིས་པར། །སངས་རྒྱས་བསྟན་པ་ལྷུར་ལེན་གྱུར། །སངས་རྒྱས་རྣམས་ཀྱི་
སྤྱན་སྔར་ནི། །བདག་ཅག་ཐམས་ཅད་མཆིས་ནས་སུ། །ཆོ་གའི་རྒྱལ་པོ་ཚུལ་ཆེན་འདིར། །སྙིང་པོ་དག་ནི་ད་དབུལ་ལོ། །དེ་ནས་བཅོམ་ལྡན་འདས་ལ་ཚངས་པས་འདི་སྐད་ཅེས་གསོལ་ཏོ། །བཅོམ་ལྡན་འདས་བདག་ཀྱང་ལག་
ན་རྡོ་རྗེ་དབང་བསྐུར་བའི་དཀྱིལ་འཁོར་རིམ་པར་ཕྱེ་བ་མང་པོ་འདིར་རང་གི་སྙིང་པོ་དབུལ་ལོ། །ན་མཿ སརྦ་ཏ་ཐཱ་ག་ཏེ་བྷྱཿ སརྦ་མུ་ཁེ་བྷྱཿ སརྦ་ཐཱ་ཨོཾ། བཅོམ་ལྡན་འདས་འདི་ནི་བདག་གི་སྙིང་པོའི་མཆོག་ལགས་ཏེ་རིག་
བྱེད་བཞི་རབ་ཏུ་བརྗོད་པ་རིག་བཞི་ཀུན་དུ་གཞོག་པ་དབྱངས་དང་ལྡན་པའི་བཀོད་པ་ཆེན་པོ་འགོད་པའོ། །བཅོམ་ལྡན་འདས་འདི་ལས་རིག་བྱེད་རྣམས་འབྱུང་སྔགས་རྣམས་དང་མཆོད་སྦྱིན་ལ་སོགས་པའི་ལས་རྣམས་
འབྱུང་སྟེ་རྒྱ་མཚོ་ཆེན་པོ་བཞིན་དུ་ཆོས་ཐམས་ཅད་ཀྱི་གཞིར་གྱུར་པའོ། །ལག་ན་རྡོ་རྗེས་སྨྲས་པ། རྡོ་རྗེ་སེམས་དཔའ་རྡོ་རྗེ་ཆེ། །རྡོ་རྗེ་ཨོཾ་ཞེས་བྱ་བ་སྟེ། །བྱམས་དང་ཏིང་ངེ་འཛིན་ལས་སྐྱེས། །ང་རྒྱལ་རྣམ་པར་
སྤངས་པ་ལེགས། །དེ་ནས་ལྷ་རྣམས་ཀྱི་དབང་པོ་བརྒྱ་བྱིན་གྱིས་བྱང་ཆུབ་སེམས་དཔའ་ལག་ན་རྡོ་རྗེ་ལ་འདི་སྐད་ཅེས་སྨྲས་སོ། །བཅོམ་ལྡན་འདས་བདག་གི་སྙིང་པོ་རྒྱལ་སྲིད་ཐམས་ཅད་ལ་དབང་སྦྱིན་པར་བགྱིད་པ་འདི་བཞེས་སུ་
གསོལ། ན་མཿ སརྦ་ཏ་ཐཱ་ག་ཏེ་བྷྱཿ སརྦ་མུ་ཁེ་བྷྱཿ སརྦ་ཐཱ་བི་ད་ར་ཡ། མཽ་ལི་མཽ་ལི་བི་ཧུ་བི་ཧུ་སྭཱ་ཧཱ། བཅོམ་ལྡན་འདས་སྙིང་པོ་འདིས་བདག་ལྷ་རྣམས་ཀྱི་བདག་པོ་བགྱིད་དོ། །བཅོམ་ལྡན་འདས་གང་ལ་ལ་ཞིག་རྡོ་རྗེའི་འཁོར་ལོའི་

94-1-58a

དཀྱིལ་འཁོར་ཆེན་པོ་འདིར་ཞུགས་པར་གྱུར་པ་དེ་བདག་གི་སྙིང་པོ་འདི་བསྒྲུབ་པར་འཚལ་ན་དེས་དང་པོ་ལག་ན་རྡོ་རྗེའི་མདུན་དུ་ལན་སུམ་འབུམ་བཟླས་བརྗོད་བགྱིའོ། །ཐ་མར་ཐང་ཤིང་གི་ཡམ་བསྲེག་ཤིང་མར་
དང་སྦྲང་རྩི་དང་ལྷན་ཅིག་ཏུ་ལན་ཁྲི་སྦྱིན་སྲེག་བགྱིའོ། །བཅོམ་ལྡན་འདས་བདག་གིས་དེ་ཐམས་ཅད་བསྒྲུབ་པར་བགྱིའོ། །ཤི་འཕོས་ནས་ཀྱང་མཐོ་རིས་སུ་སྐྱེ་བར་འགྱུར་རོ། །རྟག་ཏུ་བཟླས་བརྗོད་བགྱིས་ན་རྒྱས་པར་
འགྱུར་རོ། །ལག་ན་རྡོ་རྗེ་ལ་བལྟ་ཞིང་ཟས་མི་འཚལ་བར་ལན་འབུམ་བཟླས་བརྗོད་བགྱིས་ན་རྒྱལ་སྲིད་འཐོབ་སྟེ་དམ་ཚིག་ཉམས་པ་ནི་མ་གཏོགས་ཏེ་མི་འགྲུབ་བོ། །དེ་ནས་ཀླུའི་རྒྱལ་པོ་དེ་དག་ཐམས་ཅད་ཀྱིས་བྱང་ཆུབ་སེམས་དཔའ་
ལག་ན་རྡོ་རྗེ་ལ་འདི་སྐད་ཅེས་སྨྲས་སོ། །བཅོམ་ལྡན་འདས་ཀླུའི་སྙིང་པོ་མཆིས་ཏེ་དེ་ནས་བདག་ཅག་ཐམས་ཅད་དབང་དུ་མཆིའོ། །དངོས་གྲུབ་སྩལ་བར་བགྱིའོ། །དུག་བསལ་བར་བགྱིའོ། །བསྲུང་བར་བགྱིའོ། །ན་མཿ སརྦ་ཏ་ཐཱ་ག་ཏེ་བྷྱཿ སརྦ་
མུ་ཁེ་བྷྱཿ སརྦ་ཐཱ་རེ་རེ་རཱ་ཏིྃ་ནཱ་ག་ལེ་ལི་རི། ཕུད་ཏ་རི་ཛི་ཧེ་སྭཱ་ཧཱ། སྙིང་པོ་འདི་བསྒྲུབ་པ་ལགས་ཏེ་རྒྱ་མཚོར་འབབ་པའི་ཆུ་ཀླུང་ངམ་མཚོ་ཆེན་པོར་ཞུགས་ཏེ་ལན་ཁྲི་བཟླས་བརྗོད་བགྱིའོ། །དེ་ནས་ཀླུ་གང་ཡང་རུང་བ་མངོན་དུ་ཕྱོགས་
ཏེ་མཆི་བར་མཐོང་ངམ་མཚོ་འཁྲུགས་ཏེ་དེ་ལ་མི་འཇིགས་པར་བགྱིས་ན་གྲུབ་པར་འགྱུར་རོ། །ཐ་མར་སེང་ལྡེང་གི་ཡམ་སྲེག་ཤིང་ཡུངས་ཀར་གྱི་འབྲུ་མར་ལ་སྨྱུགས་པས་ལན་ཁྲི་བཟླས་བརྗོད་བགྱིས་ཏེ་དེ་ལྟ་ན་ཡང་འགྲུབ་བོ། །
དེ་འགྲོ་བ་འམ་མི་འགྲོ་བའི་དུག་རྣམས་ཀྱང་བསམས་པ་ཙམ་གྱིས་སེལ་བར་འགྱུར། བསྒྲུབ་པ་པོའི་ལས་རྣམ་པ་སྣ་ཚོགས་གཞན་ཡང་བསམས་པ་ཙམ་གྱིས་བགྱིད་པར་འགྱུར་རོ། །དེ་ནས་གནོད་སྦྱིན་གྱི་སྡེ་དཔོན་ཆེན་པོ་རྣམ་ཐོས་ཀྱི་
བུས་བྱང་ཆུབ་སེམས་དཔའ་ལག་ན་རྡོ་རྗེ་ལ་འདི་སྐད་ཅེས་སྨྲས་སོ། །བཅོམ་ལྡན་འདས་བདག་ཀྱང་དཀྱིལ་འཁོར་ཆེན་པོ་རིམ་པར་ཕྱེ་བ་མང་པོ་འདིར་སྒྲུབ་པ་པོ་རྣམས་ཀྱི་ཕུན་སུམ་ཚོགས་པ་ཐམས་ཅད་སྩོལ་བར་བགྱིད་པའི་

94-1-58b

རང་གི་སྙིང་པོ་འདི་འབུལ་ལོ། །ན་མཿ སརྦ་ཏ་ཐཱ་ག་ཏེ་བྷྱཿ སརྦ་མུ་ཁེ་བྷྱཿ སརྦ་ཐཱ་ཡཀྴ་ཤ་ར། ཀིཉྩི་རཱ་ཡ་སི་ས་མ་ཡ་མ་ནུ་སྨ་ར། དེ་བྷཱི་མེ། བཻ་ཤྲ་བ་ན་པྲི་ཡ་སྭཱ་ཧཱ། བཅོམ་ལྡན་འདས་གང་ལ་ལ་ཞིག་གི་སྙིང་པོ་འདི་བསྒྲུབ་པ་དེས་རིང་
བསྲེལ་དང་བཅས་པའི་མཆོད་རྟེན་གྱི་དྲུང་དུ་གཅིག་པུ་མཆིས་ཏེ། སྙིང་པོ་འདི་ལན་ལྔ་འབུམ་བཟླས་བརྗོད་བགྱིའོ། །ཐ་མར་ཅི་འབྱོར་པས་མཆོད་པར་བགྱིས་ལ་མཚན་ཐོག་ཐག་ཏུ་ཏིལ་ནག་པོ་ཞོ་དང་སྦྲང་རྩི་དང་མར་དང་བསྲེས་པས་
ལན་སུམ་ཁྲི་སྦྱིན་སྲེག་བགྱིས་ན་གང་འཚལ་བ་དེ་སྩོལ་བར་འགྱུར་རོ། །ཟས་མི་འཚལ་བར་ལྐོག་ཏུ་དབེན་པར་གནོད་སྦྱིན་མོ་ཡིད་ལ་བགྱིས་ཏེ་ཉིན་ཞག་བདུན་དུ་ལན་ཁྲི་བཟླས་བརྗོད་བགྱིས་ན་གནོད་སྦྱིན་མོ་སྩོལ་བར་འགྱུར་རོ། །
ལོ་གཅིག་གི་བར་དུ་ཉིན་རེ་ཞིང་དྲན་པར་བགྱིས་ན་གཏེར་ཅིག་སྩོལ་བར་བགྱིད་དོ། །དེ་ནས་གནོད་སྦྱིན་གྱི་སྡེ་དཔོན་ཆེན་པོ་འབྲོག་གནས་ཀྱིས་བྱང་ཆུབ་སེམས་དཔའ་ལག་ན་རྡོ་རྗེ་ལ་འདི་སྐད་ཅེས་སྨྲས་སོ། །བདག་ཀྱང་དཀྱིལ་འཁོར་རིམ་
པར་ཕྱེ་བ་མང་པོ་འདིར་རང་གི་སྙིང་པོ་འབུལ་ལོ། །ན་མཿ སརྦ་ཏ་ཐཱ་ག་ཏེ་བྷྱཿ སརྦ་མུ་ཁེ་བྷྱཿ སརྦ་ཐཱ་ཁི་མི་སི་རི་སྨ་ཤྲི། པ་རི་པཱུ་ར་ཡ་ན་པྲ་ཏི་ཛྙཱ་མན་ཏ་ཀེ་སྭཱ་ཧཱ། བཅོམ་ལྡན་འདས་གང་ལ་ལ་ཞིག་བདག་གི་སྙིང་པོ་འདི་རྟག་ཏུ་དྲན་པར་
བགྱིད་ན་དེའི་སླད་བཞིན་དུ་བདག་རྟག་ཏུ་འབྲང་བར་བགྱིའོ། །ཅི་སྟེ་བསྒྲུབ་པར་འཚལ་ན་དེས་རིའི་རྩེ་མོར་མཆིས་ལ་ལན་སུམ་འབུམ་བཟླས་བརྗོད་བགྱི་ཞིང་ཡུངས་ཀར་དང་ཞོ་དང་སྦྲང་རྩི་དང་མར་བསྲེས་ལ་ལན་འབུམ་
སྦྱིན་སྲེག་བགྱིས་ན་གང་འཚལ་བ་དེ་སྩོལ་ཏོ། །དེ་ནས་གནོད་སྦྱིན་གྱི་སྡེ་དཔོན་ཆེན་པོ་ཡུལ་འཁོར་སྲུང་གིས། བྱང་ཆུབ་སེམས་དཔའ་ལག་ན་རྡོ་རྗེ་ལ་འདི་སྐད་ཅེས་སྨྲས་སོ། །བཅོམ་ལྡན་འདས་བདག་ཀྱང་དཀྱིལ་འཁོར་
ཆེན་པོ་འདིར་རང་གི་སྙིང་པོ་འདི་འབུལ་ལོ། །ན་མཿ སརྦ་ཏ་ཐཱ་ག་ཏེ་བྷྱཿ སརྦ་མུ་ཁེ་བྷྱཿ སརྦ་ཐཱ་བི་ད་དྷ་རི། གན་དྷ་རི་རི་སི་སྭཱ་ཧཱ། བཅོམ་ལྡན་འདས་གང་ལ་ལ་ཞིག་སྙིང་པོ་འདི་དྲན་པར་བགྱིད་པ་དེ་ལ་དུས་མ་ལགས་

94-1-59a

པར་འགུམ་པར་མི་འབྱུང་ངོ་། །རྟག་ཏུ་དཔལ་གྱིས་འཁོར་བར་འགྱུར་རོ། །ཅི་སྟེ་བསྒྲུབ་པར་འཚལ་བ་དེས་ཟླ་བ་ཚེས་ནས་བཟུང་སྟེ་ཉའི་བར་དུ་ཉིན་གཅིག་བཞིན་མེ་ཏོག་གི་སྲེག་བླུགས་ལན་ཁྲི་སྦྱིན་སྲེག་བགྱིའོ། །
དེ་ནས་ཉའི་གདུགས་ལ་ཅི་འབྱོར་པས་མཆོད་པ་བགྱིས་ལ་མཚན་ཐོག་ཐག་འབྲས་ཀྱི་འོ་ཐུག་སྦྱིན་སྲེག་བགྱིས་ན་གྲུབ་པར་འགྱུར་ཏེ་གང་འཚལ་བ་དེ་སྩོལ་ཏོ། །དེ་ནས་གནོད་སྦྱིན་གྱི་སྡེ་དཔོན་མིག་མི་བཟང་གིས་བྱང་ཆུབ་སེམས་
དཔའ་ལག་ན་རྡོ་རྗེ་ལ་འདི་སྐད་ཅེས་སྨྲས་སོ། །བཅོམ་ལྡན་འདས་བདག་ཀྱང་བསམ་པ་ཐམས་ཅད་ཡོངས་སུ་བཀང་བའི་སླད་དུ་དཀྱིལ་འཁོར་ཆེན་པོ་འདིར་རང་གི་སྙིང་པོ་འབུལ་ལོ། །ན་མཿ སརྦ་ཏ་ཐཱ་ག་ཏེ་བྷྱཿ སརྦ་མུ་ཁེ་བྷྱཿ སརྦ་ཐཱ་ཤྲི་
དྷི་དྷ་ར་ཡ་བི་རུ་པཱཀྵ་སྭཱ་ཧཱ། བཅོམ་ལྡན་འདས་རིགས་ཀྱི་བུ་འམ་རིགས་ཀྱི་བུ་མོ་གང་ལ་ལ་བདག་གི་སྙིང་པོ་འདི་རྟག་ཏུ་དྲན་པར་བགྱིད་པ་དེའི་སླད་བཞིན་བདག་རྟག་ཏུ་འབྲང་བར་བགྱིའོ། །བསམ་པ་ཐམས་ཅད་ཡོངས་སུ་རྫོགས་པར་བགྱིའོ། །
ཅི་སྟེ་བསྒྲུབ་པར་འཚལ་ན་དེས་རིའྀ་རྩེ་མོར་མཆིས་ལ་ལན་སུམ་འབུམ་བཟླས་བརྗོད་བགྱིའོ། །དེ་ནས་ཉའི་གདུགས་ལ་ཅི་འབྱོར་པས་མཆོད་པ་བགྱིས་ལ་མཚན་ཐོག་ཐག་ཏུ་གུ་གུལ་ཤིང་གི་ཡམ་སྲེག་སྦྲང་རྩི་དང་མར་ལ་སྨྱུགས་ལ་ལན་ཁྲི་
སྦྱིན་སྲེག་བགྱིས་ན་འགྲུབ་པར་འགྱུར་ཏེ་གང་འཚལ་བ་དེ་སྩོལ་ཏོ། །མ་གྲུབ་ན་ཡང་ཡུལ་གྲུ་བཟང་པོ་ལྔ་སྩོལ་ཏོ། །དེ་ནས་ཆུ་དབང་རྨུགས་བྱེད་འཛིན་གྱིས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས་བདག་
ཀྱང་དཀྱིལ་འཁོར་ཆེན་པོ་འདིར་བསྒྲུབ་པ་པོ་རྣམས་ཀྱི་དོན་ཐམས་ཅད་གྲུབ་པ་མཆོག་འབུལ་ལོ། །ན་མཿ སརྦ་ཏ་ཐཱ་ག་ཏེ་བྷྱཿ སརྦ་མུ་ཁེ་བྷྱཿ སརྦ་ཐཱ་ཀུ་རུ་ཙུ་རུ་མུ་རུ་ཛྃ་བྷ་ཛ་ལོད་བྷ་བ་སྭཱ་ཧཱ། བཅོམ་ལྡན་འདས་གང་ལ་ལ་ཞིག་བདག་
གི་སྙིང་པོ་འདི་རྟག་ཏུ་བཟླས་བརྗོད་བགྱིད་པ་དེ་ལ་ཅི་འཚལ་བ་དེ་བསྒྲུབ་པར་བགྱིའོ། །ཅི་སྟེ་བསྒྲུབ་པར་འཚལ་ན་ཉི་མ་འགྱུར་བའི་ཚེ་རིའི་རྩེ་མོར་མཆིས་ལ་ལན་ཅིག་ས་ཡ་བཟླས་བརྗོད་བགྱིས་ན་རྒྱལ་སྲིད་དམ་གཏེར་ཆེན་པོ་སྩོལ་ཏོ། །

94-1-59b

གི་ཝང་ལ་ལན་ཅིག་བསྔགས་ཏེ་མིག་བསྐུས་ན་གང་ལ་བལྟས་པ་དེ་དབང་དུ་འགྱུར་རོ། །མཚན་མོ་གདོང་ལ་བསྔགས་ཏེ་བསམས་ནས་ཉལ་ན་ཅི་བསམས་པ་དེ་རྨི་ལམ་དུ་མཐོང་ངོ་། །གོས་འདོད་ན་མེ་ཏོག་ཁ་དོག་ཅི་འདྲ་བ་ཆུར་བོར་བ་
ཁ་དོག་དེ་འདྲ་བའི་གོས་དེ་དག་རྙེད་པར་འགྱུར་རོ། །ཕྱུགས་ཆུང་འདོད་ན་ཞག་བདུན་གསུམ་དུ་ཉི་མའི་གཟུགས་བརྙན་ལ་སྔགས་ལན་ཅིག་བཏབ་པའི་མེ་ཏོག་ཕོར་པར་བོར་ན་རྙེད་པར་འགྱུར་རོ། །རྟག་ཏུ་བཟླས་བརྗོད་བྱས་ན་དཔལ་
ཆེ་བར་འགྱུར་རོ། །དེ་ནས་ལག་བརྒྱད་པས་བྱང་ཆུབ་སེམས་དཔའ་ལག་ན་རྡོ་རྗེ་ལ་འདི་སྐད་ཅེས་སྨྲས་སོ། །བཅོམ་ལྡན་འདས་འདི་ལྟ་སྟེ། འདོད་པ་ཐམས་ཅད་ཡོངས་སུ་བཀང་བའི་སླད་དུ་བདག་ཀྱང་དཀྱིལ་འཁོར་ཆེན་པོ་མང་པོ་
འདིར་རང་གི་སྙིང་པོ་དབུལ་བར་བགྱིའོ། །ན་མཿ སརྦ་ཏ་ཐཱ་ག་ཏེ་བྷྱཿ སརྦ་མུ་ཁེ་བྷྱཿ སརྦ་ཐཱ་ཙ་ཀྲ་དྭ་དྭ་པཱ་ཧུ་རཱ་ཛ་སྭཱ་ཧཱ། བཅོམ་ལྡན་འདས་གང་ལ་ལ་ཞིག་བདག་གི་སྙིང་པོ་འདི་བསྒྲུབ་པར་བགྱིད་པ་དེས་བསྲུང་བར་བགྱིས་ལ་བསྐྱེད་མོས་
ཚལ་གྱི་ཕྱོགས་གཙང་མར་ཤིང་མྱ་ངན་འཚང་གི་འོག་ཏུ་ལན་སུམ་འབུམ་བཟླས་བརྗོད་བགྱིའོ། །ཐ་མར་གཞོན་ནུ་ལ་ཅི་འབྱོར་པས་མཆོད་དེ་མཚན་ཐོག་ཐག་ཨ་ཀ་རུའི་བདུག་པ་བསྲེགས་ལ་བཟླས་བརྗོད་བགྱིས་ན་ནམ་ཕྱེད་དམ་
ནང་པར་དེ་ལ་བདག་བསྟན་པར་བགྱིའོ། །དམ་པ་གང་འཚལ་བ་སྩོལ་ཏེ། ཟས་མི་ཟ་བར་ལན་འབུམ་བཟླས་བརྗོད་བགྱིས་ན་དེ་ཉིད་དུ་གནོད་སྦྱིན་མོ་མཆིའོ། །གང་འཚལ་བ་དེ་སྩོལ་ཏོ། །ཅི་སྟེ་མི་མཆི་ན་འགུམ་པར་འགྱུར་
རོ། །དེ་ནས་གནོད་སྦྱིན་གྱི་སྡེ་དཔོན་ཆེན་པོ་ལྔས་རྩེན་གྱིས་བཏུད་ནས། བྱང་ཆུབ་སེམས་དཔའ་ལག་ན་རྡོ་རྗེ་ལ་འདི་སྐད་ཅེས་སྨྲས་སོ། །བཅོམ་ལྡན་འདས་བདག་ཀྱང་བསྒྲུབ་པ་པོ་གསང་སྔགས་བསྒྲུབ་པ་ལ་བརྩོན་པ་རྣམས་ལ་
བསྲུང་བ་དང་། བསྐྱབ་པ་དང་སྦ་བའི་སླད་དུ་དཀྱིལ་འཁོར་ཆེན་པོ་འདིར་རང་གི་སྙིང་པོ་དབུལ་ལོ། །ན་མཿ སརྦ་ཏ་ཐཱ་ག་ཏེ་བྷྱཿ སརྦ་མུ་ཁེ་བྷྱཿ སརྦ་ཐཱ་པཉྩ་ལ་པཉྩ་མུ་ཁ་པཉྩི་ཁ་ཧྭཱི་ཧྭཱིཿརཀྵ་རཀྵ་སྭཱ་ཧཱ། བཅོམ་ལྡན་འདས་

94-1-60a

རིགས་ཀྱི་བུ་འམ་རིགས་ཀྱི་བུ་མོ་གང་ལ་ལ་ཞིག་གིས་དཀྱིལ་འཁོར་ཆེན་པོ་འདིར་དམ་ཚིག་ཐོབ་སྟེ་གསང་སྔགས་བསྒྲུབ་པར་འཚལ་ན་དེ་ཐོག་མ་ཁོ་ནར་བདག་གི་སྙིང་པོ་འདི་ལན་ཅིག་བརྗོད་པར་བགྱིའོ། །དེ་ལ་བསྲུང་
བ་དང་བསྐྱབ་པ་དང་སྦ་བའི་སླད་དུ་བུ་ལྔ་བརྒྱའི་འཁོར་ཅན་བདག་དེའི་དྲུང་དུ་མཆི་བར་བགྱིའོ། །བདག་མཆི་བའི་སྔ་ལྟས་ནི་བསྒྲུབ་པ་པོ་དེའི་ལུས་ལ་ལྷའི་སྤོས་དྲི་ཞིམ་པོའི་ངད་འབབ་པར་འགྱུར། སྤྲོ་བའི་སྟོབས་ཕུན་སུམ་
འཚོགས་པར་འགྱུར་བགེགས་ཐམས་ཅད་མ་མཆིས་པར་ཚེགས་ཆུང་ངུས་དེས་དངོས་གྲུབ་ཐོབ་པར་འགྱུར་རོ། །ཅི་སྟེ་བདག་གི་སྙིང་པོ་འདི་བསྒྲུབ་པར་འཚལ་ན་དེས་སངས་རྒྱས་ཀྱི་སྤྱན་སྔར་ལན་སུམ་འབུམ་བཟླས་བརྗོད་བགྱིའོ། །ཐ་མར་
བ་དམར་སེར་གྱི་མར་ཟངས་ཀྱི་སྣོད་གྱི་ནང་དུ་བཞག་སྟེ་དུ་བ་འཐུལ་བ་འམ་འབར་གྱི་བར་དུ་བཟླས་བརྗོད་བགྱིས་ལ་དེ་མཐུངས་ན་གྱེན་དུ་འཕགས་པར་འགྱུར་རོ། །དུ་བ་འཐུལ་ན་ཐོས་པ་འཛིན་པར་འགྱུར་རོ། །ཅི་སྟེ་མ་གྲུབ་ན་ཡང་སྐྱེ་བོ་ཐམས་
ཅད་དགའ་བར་འགྱུར་རོ། །རྟག་ཏུ་བཟླས་བརྗོད་བགྱིས་ན་ནོར་འདུ་བར་འགྱུར་རོ། །བ་ལང་གི་ལྕི་བ་ས་ལ་མ་ལྷུང་བས་དཀྱིལ་འཁོར་བགྱིས་ལ་བཅོམ་ལྡན་འདས་ཀྱི་སྤྱན་སྔར་བསམས་ནས་ལན་བརྒྱ་སྟོང་བཟླས་བརྗོད་བགྱིས་ན་འགྲུབ་
པར་འགྱུར་ཏེ་གཞན་དུ་མི་འགྱུར་རོ། །དེ་ནས་ཐག་ཟངས་རིས་ལ་སོགས་པ་ལྷ་མ་ཡིན་གྱི་རྒྱལ་པོ་རྣམས་ཀྱིས་བྱང་ཆུབ་སེམས་དཔའ་ལག་ན་རྡོ་རྗེ་ལ་འདི་སྐད་ཅེས་སྨྲས་སོ། །བཅོམ་ལྡན་འདས་བདག་ཅག་ཀྱང་དཀྱིལ་འཁོར་ཆེན་པོ་
མང་པོ་འདིར་རང་གི་སྙིང་པོ་འབུལ་ལོ། །ན་མཿ སརྦ་ཏ་ཐཱ་ག་ཏེ་བྷྱཿ སརྦ་མུ་ཁེ་བྷྱཿ སརྦ་ཐཱ་ཏྲྃ་གི་ནི་བོ་དེ་དེ་མ་ལི་ནི་ཛ་ཏི་མི་ཧཱུྃ་སྭཱ་ཧཱ། བཅོམ་ལྡན་འདས་གང་ལ་ལ་བདག་གི་སྙིང་པོ་མཆོག་ཏུ་གསང་ཆེན་དྲག་པོ་དམ་པ་འདི་བསྒྲུབ་
པར་བགྱིད་པ་དེས་དཔལ་གྱི་སྒོ་མོའི་སྒོར་མཆིས་ལ་སྙིང་པོ་འདི་ལན་དྲུག་འབུམ་བཟླས་བརྗོད་བགྱིའོ། །ཐ་མར་དུག་དང་ཁྲག་དང་སྐེ་ཚེའི་འབྲུ་བསྲེས་པ་ལན་འབུམ་སྦྱིན་སྲེག་བགྱིས་ན་ལྷ་མ་ཡིན་གྱི་གནས་ཐམས་ཅད་གཏན་པ་

94-1-60b

མ་མཆིས་ཤིང་འཁྲུལ་འཁོར་མ་མཆིས་པར་འགྱུར་རོ། །དེ་ནས་བདག་ཅག་གིས་རིམ་གྲོ་ཆེར་བགྱིས་ཏེ་རིགས་ཀྱི་བུ་དེ་བཞུག་པར་བགྱིའོ། །ཡོ་བྱད་ཐམས་ཅད་ཀྱང་སྩོལ་བར་བགྱིའོ། །དངུལ་ཆུ་དང་སྨན་བཅུད་ཀྱིས་ལེན་ཐམས་
ཅད་ཀྱང་སྩལ་བར་བགྱིའོ། །དེ་ནས་སྣ་ཚོགས་ཕྲེང་བ་ཅན་ལ་སོགས་པ་དྲི་ཟའི་རྒྱལ་པོ་རྣམས་ཀྱིས་བྱང་ཆུབ་སེམས་དཔའ་ལག་ན་རྡོ་རྗེ་ལ་འདི་སྐད་ཅེས་སྨྲས་སོ། །བཅོམ་ལྡན་འདས་བདག་ཅག་ཀྱང་དཀྱིལ་འཁོར་ཆེན་པོ་འདིར་
རང་གི་སྙིང་པོ་འདི་འབུལ་ལོ། །ན་མཿ སརྦ་ཏ་ཐཱ་ག་ཏེ་བྷྱཿ སརྦ་མུ་ཁེ་བྷྱཿ སརྦ་ཐཱ་མ་དྷ་མ་ཏྃ་གི་སྭཱ་ཧཱ། འདི་ནི་བདག་ཅག་གི་སྙིང་པོ་ལགས་ཏེ་འདིས་དངོས་གྲུབ་སྩལ་བར་བགྱིའོ། །འདིས་བདག་ཅག་དྲི་ཟའི་རྒྱལ་པོ་ཞེས་བགྱིའོ། །
ལྷའི་བདེ་བ་སྣ་ཚོགས་མྱོང་ངོ་། །མདོར་ན་བགྱི་བ་བགྱིད་པ་ཐམས་ཅད་མུས་སོ། །མི་དང་མི་མ་ཡིན་པའི་གནས་ཐམས་ཅད་ན་མཆིས་སོ། །ཅི་སྟེ་གང་ལ་ལ་ཞིག་བསྒྲུབ་པར་འཚལ་ན་དེས་ཐོག་མར་རི་ཕུག་ཏུ་ཅི་འབྱོར་པས་
མཆོད་པ་བགྱིས་ལ་སྙིང་པོ་འདི་འབུམ་བཟླས་བརྗོད་བགྱིས་ན་དེ་ནས་འགྲུབ་པར་འགྱུར་རོ། །ཐ་མར་དུ་རུས་ཀའི་འབྲུ་མར་གྱི་མེ་བུས་ལ་ཨ་ག་རུའི་ཡམས་བསྲེག་ཤིང་ཁྲི་སྦྱིན་བསྲེག་བགྱིས་ན་དེ་ནས་དེའི་བསམ་པ་ཡོངས་སུ་
རྫོགས་པར་བགྱིའོ། །གི་ཝང་ལ་སྔགས་ཀྱིས་བཏབ་སྟེ་དཔྲལ་བར་ཐིག་ལེ་བགྱིས་ན་སྐྱེ་བོ་ཐམས་ཅད་དགའ་བར་འགྱུར་རོ། །ལག་མཐིལ་ལ་སྔགས་ཀྱིས་བཏབ་སྟེ་གདོང་ལ་བྱབས་ན་སྐྱེ་བོ་ཐམས་ཅད་དགའ་བར་འགྱུར་རོ། །
དེ་ནས་མི་འམ་ཅིའི་རྒྱལ་པོ་ལྗོན་པ་ལ་སོགས་པ་མི་འམ་ཅིའི་རྒྱལ་པོ་རྣམས་ཀྱིས་བྱང་ཆུབ་སེམས་དཔའ་ལག་ན་རྡོ་རྗེ་ལ་འདི་སྐད་ཅེས་སྨྲས་སོ། །བཅོམ་ལྡན་འདས་བདག་ཅག་ཀྱང་དཀྱིལ་འཁོར་ཆེན་པོ་འདིར་རང་གི་སྙིང་
པོ་འདི་འབུལ་ལོ། །ན་མཿ སརྦ་ཏ་ཐཱ་ག་ཏེ་བྷྱཿ སརྦ་མུ་ཁེ་བྷྱཿ སརྦ་ཐཱ་ཏི་ཏི་ལི་ཕུ་སྭཱ་ཧཱ། བཅོམ་ལྡན་འདས་འདི་ནི་བདག་ཅག་གི་སྙིང་པོ་ལགས་ཏེ་འདིས་བདག་ཅག་མི་འམ་ཅིའི་རྒྱལ་པོ་ཞེས་བགྱིའོ། །སིལ་སྙན་

94-1-61a

དང་ཕེག་རྡོབ་པ་དང་རོལ་མོའི་སྒྲ་འབྱིན་ཅིང་ཐམས་ཅད་དུ་འཇིག་རྟེན་གྱི་ཁམས་ཀུན་དུ་དེ་བཞིན་གཤེགས་པ་ཐམས་ཅད་ཀྱི་དྲུང་དུ་མཆིའོ། །ལྷ་དང་ཀླུའི་གནས་ཐམས་ཅད་དུ་ཀུན་གྱིས་ཀྱང་བཀུར་ཏོ། །སྙིང་
པོ་འདིས་ཅི་ལ་ཡང་མི་བརྗེད་དོ། །ཅི་སྟེ་གང་ལ་ལ་ཞིག་བསྒྲུབ་པར་འཚལ་ན་དེས་གཅིག་པུ་དགོན་པར་སློངས་མོའི་ཟས་འཚལ་ཞིང་སྙིང་པོ་འདི་ལན་ཉིས་འབུམ་བཟླས་བརྗོད་བགྱིའོ། །ཐ་མར་བ་ལང་གི་ལྕི་བ་ས་ལ་
མ་ལྷུང་བའི་སྣ་ལྔ་དང་བསྲེས་པས་དཀྱིལ་འཁོར་བསྐུས་ལ་ཅི་འབྱོར་པས་མཆོད་དེ་གུར་ཀུམ་གྱི་སྲེག་བླུགས་ལན་ཁྲི་སྦྱིན་སྲེག་བགྱིས་ན་དེ་ནས་འགྲུབ་པར་འགྱུར་ཏེ་མི་འམ་ཅིའི་གནས་ཐམས་ཅད་དུ་ཀུན་གྱིས་བཀུར་ཅིང་
གང་འདོད་པ་དེ་བགྱིད་དོ། །དེ་ནས་རྣམ་པར་བདུད་ཀྱི་བུ་ལ་སོགས་པ་ནམ་མཁའ་ལྡིང་གི་རྒྱལ་པོ་ཐམས་ཅད་ཀྱིས་བྱང་ཆུབ་སེམས་དཔའ་ལག་ན་རྡོ་རྗེ་ལ་འདི་སྐད་ཅེས་སྨྲས་སོ། །བཅོམ་ལྡན་འདས་བདག་ཅག་ཀྱང་དཀྱིལ་འཁོར་ཆེན་པོ་འདིར་
རང་གི་སྙིང་པོ་འབུལ་ལོ། །ན་མཿ སརྦ་ཏ་ཐཱ་ག་ཏེ་བྷྱཿ སརྦ་མུ་ཁེ་བྷྱཿ སརྦ་ཐཱ་རངྐཱ་རི་བི་ཥེ་རི་བི་ཥེ་ཥ་ཎི་ཀྲྀནྟ་ནི་ཀུ་མཱ་རི་ཀེ་ཧ་སྭཱ་ཧཱ། ཕུ་ཕུ་སྭཱ་ཧཱ། བདག་ཅག་གི་སྙིང་པོ་འདིས་ཀླུ་ཐམས་ཅད་རང་གི་དམ་ཚིག་ལ་དགོད་པར་བགྱིའོ། །
སྙིང་པོ་འདིའི་མིང་ཐོས་པ་ཙམ་གྱིས་ཀླུ་ཐམས་ཅད་བདག་ཅག་གི་ཕྱག་བརྙན་དུ་འགྱུར་ཏེ་འཇིགས་ཤིང་ཞུམ་པ་དང་འདར་བ་དང་རེ་བ་ཆད་པར་འགྱུར་དུག་མ་མཆིས་ཤིང་ཕྱོགས་ཕྱོགས་སུ་འབྲོས་པར་འགྱུར་རོ། །བཅོམ་ལྡན་འདས་ཇི་སྟེ་
རིགས་ཀྱི་བུ་འམ་རིགས་ཀྱི་བུ་མོ་ལ་ལ་ཞིག་སྙིང་པོ་འདི་བསྒྲུབ་པར་འཚལ་ན་དེས་མཚོ་ཆེན་པོར་ཞུགས་ལ་མིད་པ་ཙམ་ནུབ་པར་འགྲེང་སྟེ་སྙིང་པོ་འདི་ལན་འབུམ་བཟླས་བརྗོད་བགྱིས་ན་དེ་ནས་མཚོ་དེ་ཉིད་ཉིན་གཅིག་བཞིན་སྐམ་མོ། །ཀླུའི་གནས་
ཐམས་ཅད་ཀྱང་འབར་བར་འགྱུར་རོ། །རང་གི་གཟུགས་ཀྱང་སྟོན་ཏོ། །བགེགས་གཞན་བརྒྱད་དག་ཀྱང་བགྱིད་དེ་དེ་ལ་འཇིགས་པར་མི་བགྱིའོ། །དེ་ནས་མཚན་མ་དེ་དག་བྱུང་ནས་ཐ་མར་བ་ལང་གི་ལྕི་བ་ས་ལ་མ་ལྷུང་བ་དེ་ཉིད་ཀྱིས་

94-1-61b

རྒྱ་མཚོའི་ངོགས་སུ་དཀྱིལ་འཁོར་བསྐུས་ལ་བཅོམ་ལྡན་འདས་ལག་ན་རྡོ་རྗེ་ལ་ཅི་འབྱོར་པས་མཆོད་དེ་དུག་དང་ཉེ་བའི་དུག་ཐམས་ཅད་ལས་ཀླུའི་རྒྱལ་པོ་བརྒྱད་བགྱིས་ལ་དེ་ནས་སྐེ་ཚེའི་འབྲུ་རེ་རེ་ནས་ཁྲག་གིས་བསྐུས་ཏེ་སྦྱིན་བསྲེག་
བགྱིའོ། །དེ་ནས་ཀླུ་ཐམས་ཅད་ལྷགས་ནས་དམ་པ་ལོང་ཤིག་ཅེས་མཆིས་ན་སྐྲག་པར་མི་བགྱིའོ། །འདི་སྐད་དུ་ཕྱག་བརྙན་དག་ཏུ་གྱུར་ཅིག་ཅེས་བརྗོད་པར་བགྱིའོ། །དེ་བཞིན་དུ་གྱུར་ཅིག་ཅེས་སྨྲས་ནས་མི་སྨྲ་བར་འགྱུར་ཏེ་དེ་སླན་ཆད་ཅི་
འཚལ་བ་དེ་བགྱིད་དོ། །དེ་ནས་འཇིགས་སུ་རུང་བ་ལ་སོགས་པ་སྲིན་པོའི་རྒྱལ་པོ་ཐམས་ཅད་ཀྱིས་བྱང་ཆུབ་སེམས་དཔའ་ལག་ན་རྡོ་རྗེ་ལ་འདི་སྐད་ཅེས་སྨྲས་སོ། །བཅོམ་ལྡན་འདས་བདག་ཅག་ཀྱང་དཀྱིལ་འཁོར་ཆེན་པོ་འདིར་རང་གི་
སྙིང་པོ་དབུལ་ལོ། །ན་མཿ སརྦ་ཏ་ཐཱ་ག་ཏེ་བྷྱཿ སརྦ་མུ་ཁེ་བྷྱཿ སརྦ་ཐཱ་ཀཱྃ་ཀཱ་རི་ཎི་ལུཎྜ་ནི་སྭཱ་ཧཱ། བདག་ཅག་གི་སྙིང་པོ་འདིས་མི་ཐམས་ཅད་ཀྱི་གཟི་བརྗིད་དང་སྟོབས་འཕྲོག་པར་བགྱིའོ། །སེམས་ཅན་ཐམས་ཅད་
གདུལ་བར་བགྱིའོ། །བཅོམ་ལྡན་འདས་མདོར་ན་རྒྱུ་བ་དང་མི་རྒྱུ་བ་དང་བཅས་པའི་འཇིག་རྟེན་གསུམ་པོ་དག་ན་ཅི་ཡང་དཀོན་པ་མ་མཆིས་སོ། །བཅོམ་ལྡན་འདས་གང་ལ་ལ་ཞིག་བསྒྲུབ་པར་འཚལ་ན་དེས་དུར་ཁྲོད་དུ་དུ་བ་འཐུལ་
བར་ཟས་སུ་ཤ་འཚལ་ཞིང་གོས་སྔོན་པོ་བགོས་ལ་ལག་ཏུ་རལ་གྲི་ཐོགས་ལ་སྙིང་པོ་འདི་ལན་འབུམ་བཟླས་བརྗོད་བགྱིའོ། །ཐ་མར་འབྱུང་པོ་ཐམས་ཅད་པའི་གཏོར་མ་བགྱིའོ། །ཅི་འབྱོར་པས་མཆོད་པར་བགྱིས་ལ་ནམ་ཕྱེད་
ཀྱི་བར་དུ་བཟླས་བརྗོད་བགྱིའོ། །དེ་ནས་སྲིན་པོའི་བདག་པོ་གང་ཡང་རུང་བ་ཞིག་མཆི་བར་འགྱུར་ཏེ་དེ་ལ་འཇིགས་པར་མི་བགྱི་བར་མཆོད་ཡོན་སྩལ་ན། བདག་ལ་འདོད་པའི་གཟུགས་ཅན་གྱི་དངོས་གྲུབ་བྱིན་ཅིག་ཅེས་བརྗོད་
པར་བགྱིའོ། །དེས་རལ་གྲི་དེ་བླངས་ནས་སྩོལ་པར་འགྱུར་ཏེ། དེ་ནས་ལྷའི་འགྲོ་བ་ཅན་དུ་འགྱུར་ངོ་མཚར་གྱི་ལས་རྣམ་པ་སྣ་ཚོགས་བགྱིད་པར་འགྱུར་རོ། །དེ་ནས་དྲང་སྲོང་ཆེན་པོ་མེས་བྱང་ཆུབ་སེམས་དཔའ་ལག་ན་རྡོ་རྗེ་

94-1-62a

ལ་འདི་སྐད་ཅེས་སྨྲས་སོ། །བཅོམ་ལྡན་འདས་བདག་ཅག་ཀྱང་བསྒྲུབ་པ་པོ་རྣམས་ལ་སྨན་པའི་སླད་དུ་དཀྱིལ་འཁོར་ཆེན་པོ་འདིར་རང་གི་སྙིང་པོ་འདི་དབུལ་ལོ། །ན་མཿ སརྦ་ཏ་ཐཱ་ག་ཏེ་བྷྱཿ སརྦ་མུ་ཁེ་བྷྱཿ སརྦ་ཐཱ་ཀ་པཱི་ལ་
ཛྱོ་ཏི་ནི་ར་ན་ད་པིངྒ་ལ་ལོ་ཙ་ན་སྭཱ་ཧཱ། བདག་གི་སྙིང་པོ་འདི་རེ་བ་ཐམས་ཅད་ཡོངས་སུ་རྫོགས་པར་བགྱིད་པ་ལགས་ཏེ་འདིས་བདག་ཀྱང་བཀུག་སྟེ་དབང་དུ་མཆིའོ། །དཔལ་བསྐྱེད་པར་བགྱིའོ། །ནོར་སྩལ་བར་བགྱིའོ། །རྟག་ཏུ་
བཟླས་བརྗོད་བགྱིས་ན་ནོར་འདུ་བར་འགྱུར་རོ། །སྙིང་པོ་འདིས་རྟག་ཏུ་བཟའ་བའི་སྦྱིན་སྲེག་བགྱིས་ན་བཟའ་བ་འབྱུང་བར་འགྱུར་རོ། །མདོར་ན་རྫས་གང་གིས་སྦྱིན་སྲེག་བགྱིས་པའི་རྫས་དེ་འབྱུང་བར་འགྱུར་རོ། །ཅི་སྟེ་བསྒྲུབ་
པར་འཚལ་ན་རིའི་རྩེ་མོར་མཆིས་ལ་སློངས་མོའི་ཟས་འཚལ་ཞིང་སྙིང་པོ་འདི་ལན་སུམ་འབུམ་བཟླས་བརྗོད་བགྱིའོ། །ཐ་མར་ཅི་འབྱོར་པས་མཆོད་དེ་མེ་ཐབ་བགྱིས་ལ་རྒྱ་ཤུག་གི་ཡམ་བསྲེག་ཤིང་ཞོ་དང་སྦྲང་རྩི་དང་མར་
སྨྱུགས་ལ་ལན་ཁྲི་སྦྱིན་བསྲེག་བགྱིའོ། །དེ་ནས་གྲུབ་པར་འགྱུར་ཏེ་དགའ་མགུར་ལས་རྣམས་བགྱིད་དོ། །དེ་ནས་སྤྲིན་གྱི་ཕྲེང་བ་ཅན་ལ་སོགས་པ་རླུང་རྣམས་ཀྱིས་བྱང་ཆུབ་སེམས་དཔའ་ལག་ན་རྡོ་རྗེ་ག་ལ་བ་དེ་ལོགས་
སུ་ཐལ་མོ་སྦྱར་བ་བཏུད་དེ་འདི་སྐད་ཅེས་སྨྲས་སོ། །བཅོམ་ལྡན་འདས་བདག་ཅག་ཀྱང་དཀྱིལ་འཁོར་ཆེན་པོ་འདིར་རང་གི་སྙིང་པོ་འབུལ་ལོ། །སྒྲུབ་པ་པོ་དངོས་གྲུབ་སྒྲུབ་པར་འཚལ་བ་རྣམས་ཀྱི་བསམ་པ་ཐམས་ཅད་
ཡོངས་སུ་རྫོགས་པར་བགྱིའོ། །ན་མཿ སརྦ་ཏ་ཐཱ་ག་ཏེ་བྷྱཿ སརྦ་མུ་ཁེ་བྷྱཿ སརྦ་ཐཱ་བྷྲ་མ་ར་བྷྲ་མ་རེ། ཙ་པ་ལི་ཙ་པ་ལི་ཀེ། ཧེ་རམ་བི་ནི་སྭཱ་ཧཱ། འདི་ནི་བདག་ཅག་གི་སྙིང་པོ་མཆོག་ལགས་ཏེ་འདིས་བདག་ཅག་དེ་
བཞིན་གཤེགས་པའི་བཀའ་བཞིན་བགྱིད་དོ། །བྱང་ཆུབ་སེམས་དཔའི་སྤྱད་པ་གསང་སྔགས་ཀྱི་སྒོ་སྤྱོད་པའི་བྱང་ཆུབ་སེམས་དཔའ་རྣམས་ཀྱི་ལུང་དང་མི་འགལ་བར་བགྱིའོ། །ཕན་པ་དང་བདེ་བ་བསྒྲུབ་པར་བགྱིའོ། །

94-1-62b

བྱང་ཆུབ་སེམས་དཔའི་སྤྱད་པ་གསང་སྔགས་ཀྱི་སྒོ་སྤྱོད་པ་དེས་ཐོག་མར་སྙིང་པོ་འདི་ལན་སུམ་འབུམ་བཟླས་བརྗོད་བགྱིས་ན་དེ་ནས་བདག་ཅག་གིས་དེའི་བགྱི་བ་ཐམས་ཅད་གནང་བར་བགྱིའོ། །ཅི་སྟེ་གང་ལ་ལ་ཞིག་བསྒྲུབ་པར་
འཚལ་ན་དེས་ཟས་མི་བཟའ་བར་ལན་ཁྲི་བཟླས་བརྗོད་བགྱིའོ། །ཐ་མར་ཅི་འབྱོར་པས་མཆོད་དེ་བ་ལང་གི་ལྕི་བ་ས་ལ་མ་ལྷུང་བས་དཀྱིལ་འཁོར་ལྔ་བགྱིའོ། །ཁ་དོག་སྣ་ཚོགས་ཀྱི་བ་དན་བདུན་བཞག་གོ། དེ་ནས་བ་དན་
འགུལ་གྱི་བར་དུ་བཟླས་བརྗོད་བགྱིས་ན་དེ་ནས་འགྲུབ་པར་འགྱུར་ཏེ་བསྐྱེད་པ་དང་དགག་པ་ལ་སོགས་པ་ལས་རྣམས་དགའ་མགུར་བགྱིད་དོ། །དེ་ནས་སྐར་མའི་རྒྱལ་པོ་ཟླ་བས་བྱང་ཆུབ་སེམས་དཔའ་ལག་ན་རྡོ་རྗེ་ལ་འདི་
སྐད་ཅེས་སྨྲས་སོ། །བཅོམ་ལྡན་འདས་བདག་ཀྱང་དཀྱིལ་འཁོར་ཆེན་པོ་འདིར་རང་གི་སྙིང་པོ་གདུང་བ་ཐམས་ཅད་རབ་ཏུ་ཞི་བར་བགྱིད་པ། དཔལ་ཡང་དག་པར་འཇོག་པར་བགྱིད་པ་དབུལ་ལོ། །ན་མཿ སརྦ་ཏ་ཐཱ་ག་ཏེ་
བྷྱཿ སརྦ་མུ་ཁེ་བྷྱཿ སརྦ་ཐཱ་ཙནྡྲ་ཀཱ་ན་ཏི་བི་ཤུད་དྷ་ཧྃ་ག་སྭཱ་ཧཱ། བཅོམ་ལྡན་འདས་བདག་གི་སྙིང་པོ་འདི་ནི་བྱང་ཆུབ་སེམས་དཔའི་སྤྱད་པ་སྔགས་ཀྱི་སྒོ་སྤྱོད་པ་རྣམས་ཀྱི་གདུང་བ་ཐམས་ཅད་རབ་ཏུ་ཞི་བར་བགྱིད་པ་ལགས་སོ། །
རྟག་ཏུ་བཟླས་བརྗོད་བགྱིས་ན་བཀྲ་མི་ཤིས་པ་རྣམས་སེལ་ཏོ། །དཔལ་སྐྱེད་དོ། །སྐལ་བ་བཟང་པོ་སྩོལ་ཏོ། །ཅི་སྟེ་བསྒྲུབ་པར་འཚལ་ན་དེས་ཟས་སུ་འོ་མ་འཐུང་ཞིང་པད་མའི་རྫིང་དུ་ཞུགས་ལ་སྙིང་པོ་འདི་ལན་འབུམ་བཟླས་བརྗོད་
བགྱིའོ། །ཐ་མར་ཟླ་བ་ཉ་ལ་ཤེལ་ལམ་མར་སར་ལས་ཟླ་བ་བགྱིས་ལ་པད་མའི་འདབ་མའི་ཕྲག་ཏུ་སྩལ་ཏེ་མཚན་ཐོག་ཐག་བཟླས་བརྗོད་བགྱིས་ན་ནམ་ཕྱེད་དམ་ཉི་མ་འཆར་བའི་ཚེ་འོད་ཟེར་འབྱུང་སྟེ་བྱུང་ནས་ཀྱང་བསྒྲུབ་པ་པོའི་ཁར་
འཇུག་གོ། དེ་ནས་འཁོར་ལོ་བཞིན་དུ་འཁོར་འཁོར་ནས་ཀུན་ནས་འཁོད་པར་གྱུར་ཏེ་འདུག་གོ། དེ་ནས་གྲུབ་པར་འགྱུར་ཏེ་གདུང་བ་མ་མཆིས་པ་དང་ནམ་མཁའ་ལ་མཆི་བར་འགྱུར་ཏེ། བདག་གི་གཞལ་མེད་ཁང་དུ་བསྐལ་པར་གནས་ཤིང་ལྷའི་

94-1-63a

བདེ་བ་དང་ལྡན་པར་གནས་པར་འགྱུར་རོ། །དཔལ་ཡང་མཆིས་པར་འགྱུར་ཏེ་རྒྱལ་སྲིད་ལ་སོགས་པ་གང་འདོད་པ་སྩོལ་ཏོ། །དེ་ནས་ཉི་མ་ལ་སོགས་པ་གཟའ་ཐམས་ཅད་ཀྱིས་བྱང་ཆུབ་སེམས་དཔའ་ལག་ན་རྡོ་རྗེ་ལ་
འདི་སྐད་ཅེས་སྨྲས་སོ། །བཅོམ་ལྡན་འདས་བདག་ཅག་གི་སྙིང་པོ་གཟི་བརྗིད་དང་སྟོབས་ཐམས་ཅད་པ་ཞེས་བགྱི་བ་མཆིས་ཏེ་བསྒྲུབ་པ་པོ་རྣམས་ལ་ཕན་པ་དང་བདེ་བ་དང་ཚེ་རིང་བ་དང་ནད་མེད་པར་བགྱི་བའི་སླད་དུ་དེ་དཀྱིལ་
འཁོར་ཆེན་པོ་འདིར་འབུལ་ལོ། །ན་མཿ སརྦ་ཏ་ཐཱ་ག་ཏེ་བྷྱཿ སརྦ་མུ་ཁེ་བྷྱཿ སརྦ་ཐཱ་སིདྡྷ་བི་ཏྱོ་ད་ན་སྭཱ་ཧཱ། བཅོམ་ལྡན་འདས་བསྒྲུབ་པ་པོ་གང་ལ་ལས་སྙིང་པོ་འདི་བཟླས་བརྗོད་བགྱིས་ན་དེ་ལ་ནད་ཐམས་ཅད་མི་འབྱུང་ངོ་། །
རྟག་ཏུ་བཟླས་བརྗོད་བགྱིས་ན་གཟི་བརྗིད་ཅན་དུ་འགྱུར་རོ། །ཅི་སྟེ་བསྒྲུབ་པར་འཚལ་ན་དེས་འབབ་ཆུའི་འགྲམ་གྱི་བྱེ་མར་མེ་ཁ་ལྔ་བུས་ལ་སྙིང་པོ་འདི་ལན་འབུམ་བཟླས་བརྗོད་བགྱིའོ། །དེ་ནས་མེར་སྦྱིན་སྲེག་བགྱིས་ལ་ཉི་མ་ནུབ་
ཀྱི་བར་དུ་བཟླས་བརྗོད་བགྱིའོ། །དེ་ནས་ཉི་མ་གང་ཡང་རུང་བ་ཞིག་མཆི་བར་འགྱུར་ཏེ་དེ་ལ་མཆོད་ཡོན་ལ་སོགས་པ་འཚལ་ལ་གང་འདོད་པ་དེ་བླངས་ལ་དེ་བཞིན་དུ་གྱུར་ཅིག་ཅེས་སྨྲས་ནས་མཆི་བར་འགྱུར་ཏེ་གང་འདོད་པ་དེ་བགྱིད་དོ། །
གཞལ་མེད་ཁང་གང་ཡང་རུང་བར་མཆིས་སོ། །དེ་ནས་ཀླུའི་རྒྱལ་པོ་ཆུ་ལྷ་ཀླུའི་རྒྱལ་པོ་དུ་མ་དང་ལྷན་ཅིག་ཏུ་བྱང་ཆུབ་སེམས་དཔའ་ལག་ན་རྡོ་རྗེ་ལ་འདི་སྐད་ཅེས་སྨྲས་སོ། །བཅོམ་ལྡན་འདས་བདག་ཅག་ཀྱང་དཀྱིལ་འཁོར་འདིར་
རང་གི་སྙིང་པོ་འབུལ་ལོ། །ན་མཿ སརྦ་ཏ་ཐཱ་ག་ཏེ་བྷྱཿ སརྦ་མུ་ཁེ་བྷྱཿ སརྦ་ཐཱ་ཨ་པ་མ་པ་ཏི་བི་ར་ཛ་སྭཱ་ཧཱ། གང་ལ་ལ་ཞིག་བྱང་ཆུབ་སེམས་དཔའི་སྤྱད་པ་གསང་སྔགས་ཀྱི་སྒོ་སྤྱོད་པ་དེས་སྙིང་པོ་འདི་བཟླས་བརྗོད་བགྱིས་ན་དེ་རང་
བཞིན་གྱིས་ཡོངས་སུ་དག་པར་འགྱུར་རོ། །སྤྱོད་པ་གཙང་མ་ཐམས་ཅད་ལ་བློ་མངོན་སུམ་དུ་འགྱུར་རོ། །ཅི་སྟེ་བསྒྲུབ་པར་འཚལ་ན་རྒྱ་མཚོ་ཆེན་པོར་མིད་པ་ནུབ་ཙམ་དུ་ཞུགས་ལ་སྙིང་པོ་འདི་ལན་འབུམ་ཕྲག་བཅུ་གཉིས་

94-1-63b

བཟླས་བརྗོད་བགྱིའོ། །དེ་ནས་ཐ་མར་རིན་པོ་ཆེ་སྣ་བཞི་ལས་ཀླུ་བགྱིས་ལ་ཅི་འབྱོར་པས་མཆོད་དེ་ཀླུའི་རྒྱལ་པོ་གང་ཡང་རུང་བ་ཞིག་གནས་ཀྱི་བར་དུ་བཟླས་བརྗོད་བགྱིས་ལ་མཆོད་ཡོན་སྩལ་ཏེ་ཅི་ལྟར་འདོད་པ་བཞིན་དུ་བྱིན་
ཅིག་ཅེས་བརྗོད་པར་བགྱིའོ། །དེ་ཕན་ཆད་གང་བསྒོ་བ་དེ་བགྱིད་དོ། །དེ་ཉིད་དུ་ཞུགས་ནས་ལོ་མང་པོར་གནས་སོ། །དེ་ནས་ཁྱབ་འཇུག་གིས་བྱང་ཆུབ་སེམས་དཔའ་ལག་ན་རྡོ་རྗེ་ག་ལ་བ་དེ་ལོགས་སུ་ཐལ་མོ་སྦྱར་བ་བཏུད་དེ་འདི་སྐད་ཅེས་
སྨྲས་སོ། །བཅོམ་ལྡན་འདས་བདག་ཅག་ཀྱང་དཀྱིལ་འཁོར་ཆེན་པོ་འདིར་རང་གི་སྙིང་པོ་འདི་འབུལ་ལོ། །ན་མཿ སརྦ་ཏ་ཐཱ་ག་ཏེ་བྷྱཿ སརྦ་མུ་ཁེ་བྷྱཿ སརྦ་ཐཱ་ཨེ་ཀ་ཨེ་ཀ །བ་ར་བ་ར། ཛྭཱ་ལ་ཛྭཱ་ལ། བིཥྞ་བེ་སྭཱ་ཧཱ། བཅོམ་ལྡན་འདས་བདག་
གི་སྙིང་པོ་ནི་འདི་ལགས་ཏེ་འདིས་སྡང་བ་ཐམས་ཅད་བཟློག་པར་བགྱིའོ། །ཕུང་བར་བགྱིའོ། །ཡམས་ཀྱི་ནད་དང་གནོད་པ་ཐམས་ཅད་མ་མཆིས་པར་བགྱིའོ། །གང་ལ་ལ་ཞིག་རྟག་ཏུ་དྲན་པར་བགྱིད་ན་དེའི་བློ་ཉམས་པར་མི་འགྱུར་རོ། །ཅི་སྟེ་
སྙིང་པོ་འདི་བསྒྲུབ་པར་འཚལ་ན་རིའི་རྩེ་མོར་མཆིས་ལ་ལན་ལྔ་འབུམ་བཟླས་བརྗོད་བགྱིའོ། །ཐ་མར་གྲོག་མཁར་གྱི་རྩེ་མོའི་ས་དང་བའི་རྣམ་ལྔ་བསྲེས་པས་ཁྱབ་འཇུག་གི་གཟུགས་ལག་པ་བཞི་པ་བགྱིས་ཏེ་ལག་པ་གཡོན་པ་གཅིག་ན་འཁོར་ལོ། །
གཡས་པ་གཅིག་ན་དབྱུག་ཏོ། །གཡོན་པ་གཅིག་ན་དུང་། གཡས་པ་གཅིག་ན་དམ་པ་སྦྱིན་པར་བགྱིས་ལ་བ་ལང་གི་ལྕི་བ་ས་ལ་མ་ལྷུང་བས་དཀྱིལ་འཁོར་བགྱིས་ཏེ་ཅི་འབྱོར་པས་མཆོད་ལ་ཁ་ནུབ་ཕྱོགས་སུ་བལྟས་ཏེ་མཆིས་ལ་ཁྱབ་
འཇུག་གི་གཟུགས་འགུལ་བ་འམ་དུང་སྒྲ་འབྱུང་གི་བར་དུ་བཟླས་བརྗོད་བགྱིས་ན་འགྲུབ་པར་འགྱུར་ཏེ་དགོས་པ་གང་བསམས་པ་དེ་ཐམས་ཅད་བགྱིད་དོ། །དེ་ནས་ཡི་དགས་ཀྱི་རྒྱལ་པོ་དྲག་པོས་བྱང་ཆུབ་སེམས་དཔའ་ལག་ན་རྡོ་རྗེ་
ལ་འདི་སྐད་ཅེས་སྨྲས་སོ། །བཅོམ་ལྡན་འདས་བདག་ལ་མཆོག་ཏུ་གསང་བའི་སྙིང་པོ་མཆིས་ཏེ་དེས་ན་བདག་ལས་དྲག་པོ་བགྱིད་པའི་སླད་དུ་སེམས་ཅན་ཐམས་ཅད་ཀྱིས་དྲག་པོ་ཞེས་བགྱི་བར་འཚལ་ལོ། །བཅོམ་ལྡན་

94-1-64a

འདས་སྙིང་པོ་འདིས་བདག་རྒྱུ་བ་དང་མི་རྒྱུ་བ་དང་བཅས་པའི་འཇིག་རྟེན་གསུམ་མ་རུང་བར་བགྱིད་དོ། །དབང་དུ་བགྱིད་དོ། །བཅོམ་ལྡན་འདས་བདག་གི་སྙིང་པོ་འདི་དཀྱིལ་འཁོར་ཆེན་པོ་འདིར་འབུལ་ལོ། །ན་མཿ སརྦ་ཏ་ཐཱ་ག་
ཏེ་བྷྱཿ སརྦ་མུ་ཁེ་བྷྱཿ སརྦ་ཐཱ་ཧཱུྃ་ཕཊ། བཅོམ་ལྡན་འདས་བདག་གི་སྙིང་པོ་འདི་ནི་ཐམས་ཅད་པའི་ནོར་ལགས་སོ། །བྱང་ཆུབ་སེམས་དཔའི་སྤྱད་པ་གསང་སྔགས་ཀྱི་སྒོ་སྤྱོད་པ་གང་ལ་ལ་དྲན་པར་བགྱིད་ན་བདག་རྟག་ཏུ་དེའི་སླད་བཞིན་
དུ་འབྲང་བར་བགྱིའོ། །ཡི་དགས་ཀྱི་ཚོགས་ཐམས་ཅད་དང་ལྷན་ཅིག་བཀའ་བཞིན་དུ་བགྱིད་དོ། །འཇིག་རྟེན་གསུམ་ཡང་དབང་དུ་འགྱུར་རོ། །ཅི་སྟེ་བསྒྲུབ་པར་འཚལ་ན་དེས་དུར་ཁྲོད་དུ་ལུས་ཐལ་བས་བྱུགས་ལ་མི་མགོའི་ཐོད་པའི་ཕྲེང་བའི་
རྒྱན་ཐོགས་ཤིང་ལག་ན་མདུང་རྩེ་གསུམ་པ་ཐོགས་ཏེ་ཁྲིའི་ཟུར་ཤིང་ཁྱེར་ལ་སྟག་ལྤགས་ཀྱི་ཤམ་ཐབས་འཚལ་ཞིང་སློངས་མོའི་ཟས་བབ་བབ་དུ་འཚལ་ལ་སྙིང་པོ་འདི་ལན་བཞི་འབུམ་བཟླས་བརྗོད་བགྱིའོ། །དེ་ནས་དུ་བ་འཐུལ་བའི་
དུར་ཁྲོད་དུ་བ་ལང་གི་ལྕི་བ་ས་ལ་མ་ལྷུང་བས་དཀྱིལ་འཁོར་བགྱིས་ཏེ་མདུང་རྩེ་གསུམ་པ་དང་ཁྲིའི་ཟུར་ཤིང་བཞག་ལ་ཅི་འབྱོར་པའི་མཆོད་པ་བགྱིས་ནས་མི་ཤའི་བདུག་པ་བསྲེག་ཅིང་མཚན་ཐོག་ཐག་བརྗོད་པར་བགྱིས་ན་དྲག་
པོ་ཉིད་ཡི་དགས་མང་པོས་བསྐོར་ནས་འཇིགས་འཇིགས་ལྟ་ཆེན་པོའི་གཟུགས་ཅན་དུ་མཆི་བར་འགྱུར་ཏེ་དེ་ལ་མི་འཇིགས་པར་བགྱི་ཞིང་མཆོད་ཡོན་སྩོལ་ཏོ། །དེ་ནས་འགྲུབ་པར་འགྱུར་རོ། །དགོས་པ་ཐམས་ཅད་བགྱིད་དོ། །
དེའི་སླད་དུ་འབྲང་ཞིང་བཀའ་སྡོད་པ་ལྷུར་ལེན་ཏོ། །དེ་ནས་འབྱུང་པོའི་བདག་པོ་དབང་ལྡན་གྱིས་བྱང་ཆུབ་སེམས་དཔའ་ལག་ན་རྡོ་རྗེ་ལ་ཕྱག་འཚལ་ནས་འདི་སྐད་ཅེས་སྨྲས་སོ། །བཅོམ་ལྡན་འདས་བདག་ཀྱང་དཀྱིལ་འཁོར་ཆེན་པོ་འདིར་
སྙིང་པོ་འབུལ་ལོ། །ན་མཿ སརྦ་ཏ་ཐཱ་ག་ཏེ་བྷྱཿ སརྦ་མུ་ཁེ་བྷྱཿ སརྦ་ཐཱ་པོནྣེ་ཏེ་དརྟ་བྷཱུ་ཏ་ཨ་དྷི་པ་ཏི་སྭཱ་ཧཱ། བཅོམ་ལྡན་འདས་བདག་གི་སྙིང་པོ་འདི་ནི་ཕུན་སུམ་ཚོགས་པ་ཐམས་ཅད་སྩོལ་བར་བགྱིད་པ་སྟེ་རིགས་ཀྱི་བུའམ་

94-1-64b

རིགས་ཀྱི་བུ་མོ་གང་ལ་ལ་ཞིག་སྙིང་པོ་འདི་རྟག་ཏུ་དྲན་པར་བགྱིད་ན་བདག་རྟག་ཏུ་དེའི་སླད་བཞིན་དུ་འབྲང་བར་བགྱིའོ། །བསྲུང་བར་བགྱི་དཔལ་བསྐྱེད་པར་བགྱིའོ། །ཅི་སྟེ་བསྒྲུབ་པར་འཚལ་ན་དེས་སྐྱེད་མོས་ཚལ་དབེན་པའི་གནས་
སུ་ཟས་ནུབ་མོ་འཚལ་ཞིང་སྙིང་པོ་འདི་ལན་འབུམ་བཟླས་བརྗོད་བགྱིའོ། །ཐ་མར་ཅི་འབྱོར་པས་མཆོད་པ་བགྱིས་ཏེ་ཙན་དན་གྱི་བདུག་པ་བསྲེག་ཅིང་གཏོར་མ་རྒྱ་ཆེན་པོ་ཡང་ཕུལ། མར་གྱི་མར་མེ་བརྒྱད་ཀྱང་ཕུལ་ལ་ཉི་
མ་ནུབ་པ་ནས་བརྩམས་ཏེ་ནམ་ཕྱེད་ཀྱི་བར་དུ་བརྗོད་པར་བགྱིའོ། །དེ་ནས་གྲུབ་པར་འགྱུར་རོ། །དགོས་པ་ཐམས་ཅད་ཀྱང་བསྒྲུབ་པར་འགྱུར་རོ། །སྨན་བཅུད་ཀྱིས་ལེན་ཀྱང་སྩོལ་ཏོ། །དེ་ནས་ལྷ་མོ་དཀའ་ཟློག་གིས་
བྱང་ཆུབ་སེམས་དཔའ་ལག་ན་རྡོ་རྗེ་ལ་ཕྱག་འཚལ་ནས་འདི་སྐད་ཅེས་སྨྲས་སོ། །བཅོམ་ལྡན་འདས་བདག་ཅག་ཀྱང་དཀྱིལ་འཁོར་ཆེན་པོ་འདིར་རང་གི་སྙིང་པོ་འབུལ་ལོ། །ན་མཿ སརྦ་ཏ་ཐཱ་ག་ཏེ་བྷྱཿ སརྦ་མུ་ཁེ་བྷྱཿ སརྦ་ཐཱ་
ཨུ་མ་ཡེ་སྭཱ་ཧཱ། བཅོམ་ལྡན་འདས་བདག་གི་སྙིང་པོ་འདི་ནི་སྐལ་བ་བཟང་པོ་ཐམས་ཅད་བགྱིད་པ་སྟེ། མེ་ཏོག་གམ་སྤོས་སམ་ལིག་བུ་མིག་གམ་གི་ཝང་ལ་སྔགས་ལན་གཅིག་བཏབ་སྟེ་བཟླས་བརྗོད་བགྱིའོ། །
རྟག་ཏུ་བཟླས་བརྗོད་བགྱིས་ན་སྐལ་བ་བཟང་པོར་འགྱུར་རོ། །ཅི་སྟེ་སྒྲུབ་པར་འཚལ་ན་དེས་བཟང་ལྡན་གྱི་སྙིང་པོ་ལས་ཆོ་ག་རྒྱས་པར་ཉིས་འགྱུར་དུ་སྦྱར་ཏེ་བསྒྲུབ་པར་བགྱིའོ། །དེ་ནས་གཟའ་ཆེན་པོ་སྨིན་དྲུག་གི་བུས་
བྱང་ཆུབ་སེམས་དཔའ་ལག་ན་རྡོ་རྗེ་ལ་འདི་སྐད་ཅེས་སྨྲས་སོ། །བཅོམ་ལྡན་འདས་བདག་ཀྱང་དཀྱིལ་འཁོར་ཆེན་པོ་འདིར་ཡིད་རབ་ཏུ་དགའ་ཞིང་རང་གི་སྙིང་པོ་འབུལ་ལོ། །ན་མཿ སརྦ་ཏ་ཐཱ་ག་ཏེ་བྷྱཿ སརྦ་མུ་ཁེ་བྷྱཿ 
སརྦ་ཐཱ་ཧེ་ཀུ་མཱ་ར་ཛྭ་ལི་ཏ་མཱུརྟི་ཙ་རུ་ཙི་དྲ་མ་བ་ར་ཧཱུྃ། བདག་གི་སྙིང་པོ་འདི་ནི་ཐམས་ཅད་ཀུན་དུ་སྐྲག་པར་བགྱིད་པ་སྟེ་གང་ལ་ལ་ཞིག་རྟག་ཏུ་དྲན་པར་བགྱིད་ན་དེ་ལ་འཇིགས་པ་ཐམས་ཅད་མི་འབྱུང་ངོ་། །གླགས་

94-1-65a

ཚོལ་བའི་གདོན་ཐམས་ཅད་ཀྱིས་གླགས་མི་ཐོད་དོ། །རྨ་བྱའི་མཇུག་མ་ལ་སྔགས་ཀྱིས་བཏབ་སྟེ་གདོན་གྱིས་བཏབ་པ་ལ་བྱབ་པ་བགྱི་ཞིང་དེའི་བདུག་པ་ཡང་བསྲེགས་ན་སོས་པར་འགྱུར་རོ། །ཅི་སྟེ་བསྒྲུབ་པར་
འཚལ་ན་དེས་ཐོག་མར་བྱིས་པ་ཁྱེའུ་བརྒྱད་བཀུར་སྟི་ཆེར་བགྱིས་ཏེ་འཚལ་མ་སྩལ་ལ་དེ་དག་ཟས་གང་ལ་སྲེད་པ་དེ་སྩོལ་ཏོ། །དེ་ནས་མ་མོའི་ཁྱིམ་དུ་ལག་ན་མདུང་ཐུང་ཐོགས་ལ་གཞོན་ནུའི་གཟུགས་ཅན་གྱིས་སྙིང་པོ་འདི་ལན་
འབུམ་བཟླས་བརྗོད་བགྱིའོ། །ཐ་མར་མ་མོའི་དཀྱིལ་འཁོར་དེ་ཉིད་དུ་མཆོད་པ་ཅི་འབྱོར་པས་མཆོད་པ་བགྱིས་ཏེ་འབབ་ཆུའི་འགྲམ་གཉིས་ཀྱི་འཇིམ་པ་ལས་གཟུགས་བརྙན་བགྱིས་ལ། སྙིང་ཀར་མདུང་ཐུང་བཙུགས་ཏེ་ཇི་སྲིད་ཤིའོ་
ཞེ་འམ་རྒྱབ་ཆག་གོ་ཞེས་སྒྲ་གྲག་གི་བར་དུ་བཟླས་བརྗོད་བགྱིས་ན་གྲུབ་པར་འགྱུར་རོ། །དེ་སླན་ཆད་ཅི་འཚལ་བ་དེ་བགྱིད་དོ། །དེ་ནས་ལྷའི་བུ་སྤྲིན་དཀར་སྤྲིན་གྱི་ལྷའི་བུ་ཐམས་ཅད་དང་ལྷན་ཅིག་ཏུ་བྱང་ཆུབ་སེམས་དཔའ་ལག་ན་
རྡོ་རྗེ་ག་ལ་བ་དེ་ལོགས་སུ་ཐལ་མོ་སྦྱར་བ་བཏུད་དེ་འདི་སྐད་ཅེས་སྨྲས་སོ། །བཅོམ་ལྡན་འདས་བདག་ཅག་ཀྱང་དཀྱིལ་འཁོར་ཆེན་པོ་འདིར་རང་གི་སྙིང་པོ་འདི་འབུལ་ལོ། །ན་མཿ སརྦ་ཏ་ཐཱ་ག་ཏེ་བྷྱཿ སརྦ་མུ་ཁེ་བྷྱཿ སརྦ་
ཐཱ་གུ་ལུ་གུ་ལུ། གརྫ་གརྫ། མ་ཧཱ་སྤུད་བྷ་བ། བ་ར་བིནྡུ་ཏུཏྨ་ལ། ད་ར་ད་ར། པུ་ར་པུ་ར། ཀ་ས་ཀ་ས་སྭཱ་ཧཱ། བདག་ཅག་གི་སྙིང་པོ་འདི་ནི་འགྲོ་བ་ཐམས་ཅད་ལ་སྨན་པར་བགྱིད་པ་སྟེ། འདིས་ནི་བདག་ཅག་རྒྱ་ཆེ་ཞིང་སྟུག་
པའི་སྤྲིན་གྱི་དྲ་བས་ནམ་མཁའི་དཀྱིལ་ཁེབས་པར་བྱིན་གྱིས་བརླབས་ནས་ལོ་ཏོག་ཐམས་ཅད་བསྒྲུབ་པར་བགྱིད་དོ། །ས་ཆེན་པོ་འདི་ཡང་ཆར་པའི་རྒྱུན་ཆེན་པོས་ཚིམ་པར་བགྱིད་དོ། །བཅོམ་ལྡན་འདས་བྱང་ཆུབ་
སེམས་དཔའི་སྤྱད་པ་གསང་སྔགས་ཀྱི་སྒོ་སྤྱོད་པའི་བྱང་ཆུབ་སེམས་དཔའ་གང་ལ་ལ་ཞིག་རྟག་ཏུ་དྲན་པར་བགྱིད་ན་དེ་ལ་ཆུས་འཕོངས་པའི་འཇིགས་པ་མི་འབྱུང་ངོ་། །ལུས་ལ་ནད་ཐམས་ཅད་མི་འབྱུང་ངོ་། །དེའི་བསམ་

94-1-65b

པ་ཐམས་ཅད་ཀྱང་ཡོངས་སུ་རྫོགས་པར་མཆིའོ། །ཅི་སྟེ་བསྒྲུབ་པར་འཚལ་ན་དེས་བྱམས་པ་དང་ལྡན་པས་ཟླ་བ་དྲུག་ཏུ་ཟླ་བ་ཤར་བ་ནས་བརྩམས་ཏེ་ཟླ་བ་ཤར་བའི་བར་དུ་བཟླས་བརྗོད་བགྱིའོ། །ཟླ་བ་དྲུག་ཚང་ནས་ཅི་
འབྱོར་པས་མཆོད་པ་བགྱིས་ཏེ་རྒྱ་མཚོ་ཆེན་པོ་བཞི་ལས་ཆུ་བླངས་ལ། བུམ་པ་ཞབས་ནག་པོ་མེད་པ་བཀང་སྟེ་སྤོས་དང་མེ་ཏོག་དང་བདུག་པས་མཆོད་ལ། ནམ་ཆུ་ལས་དབུ་བ་འབྱུང་ཞིང་གྱེན་དུ་འཐོར་བ་དང་
སྒྲ་འབུག་འབུག་པོ་འམ་འབྲུག་གི་སྒྲ་གྲག་གི་བར་དུ་བཟླས་བརྗོད་བགྱིས་ན། ལྷའི་བུ་ཆར་སྤྲིན་གང་ཡང་རུང་བ་ཞིག་མཆིས་ནས་ཆུ་བར་སྣང་ལ་འཐོར་རོ། །དེ་ནས་གྲུབ་པར་འགྱུར་ཏེ་འདོད་པ་བཞིན་དགོས་པ་ཐམས་ཅད་
བགྱིད་དོ། །དེ་ནས་གློག་སྤྲིན་འཇོགས་དང་གློག་གཟི་བརྗིད་དང་གློག་འོད་སྣང་དང་གློག་ཕྲེང་བཟང་ཞེས་བྱ་བ་རྣམས་ཀྱིས། བྱང་ཆུབ་སེམས་དཔའ་ལག་ན་རྡོ་རྗེ་ག་ལ་བ་དེ་ལོགས་སུ་ཐལ་མོ་སྦྱར་བ་བཏུད་དེ་འདི་སྐད་ཅེས་
སྨྲས་སོ། །བཅོམ་ལྡན་འདས་གནོད་པ་ཐམས་ཅད་ཞི་བར་བགྱི་བའི་སླད་དུ་བདག་ཅག་ཀྱང་དཀྱིལ་འཁོར་ཆེན་པོ་འདིར་རང་གི་སྙིང་པོ་འབུལ་ལོ། །ན་མཿ སརྦ་ཏ་ཐཱ་ག་ཏེ་བྷྱཿ སརྦ་མུ་ཁེ་བྷྱཿ སརྦ་ཐཱ་དྷ་
ར་ཡ་དྷ་ར་ཡ། སྤུ་ར་སརྦ་མ་ཧཱ་པྲི་ཏི་ཀ་ར་སྭཱ་ཧཱ། བཅོམ་ལྡན་འདས་གང་ལ་ལ་ཞིག་སྙིང་པོ་འདི་དྲན་པར་བགྱིད་ན་དེ་ལ་བདག་ཅག་གིས་བསྲུང་བར་བགྱི་ཡོངས་སུ་བསྐྱབ་པ་དང་སྦ་བར་བགྱིའོ། །ཅི་སྟེ་སྒྲུབ་
པར་འཚལ་ན་དེས་ཕྱོགས་བཞིར་སྒྲོན་མ་བུས་ཤིང་ཕྱོགས་བཞིར་བདུག་པས་བདུགས་ལ་ཅི་འབྱོར་པའི་མཆོད་པ་བགྱིས་ཏེ། ཕྱོགས་བཞིར་ཁ་དོག་ཅི་ལྟ་བ་བཞིན་དུ་བུམ་པ་བཞི་བཞག་པ་ལ་མཚན་ཐོག་ཐག་བཟླས་
བརྗོད་བགྱིའོ། །དེ་ནས་ཕྱོགས་བཞིར་གློག་འབྱུང་བ་ལ་འཇིགས་པར་མི་བགྱི་པར་ཐམས་ཅད་ལ་མཆོད་ཡོན་སྩལ་ན་འགྲུབ་པར་འགྱུར་ཏེ། རང་གི་གནས་སུ་ཁྲིད་ནས་བསྲུང་བར་བགྱིད་ཡིད་ཀྱིས་བསམས་པ་རྣམས་སྒྲུབ་པར་བགྱིད་དོ། །

94-1-66a

གང་འདོད་པའི་དམ་པ་དེ་སྩོལ་ཏོ། །དེ་ནས་རིའི་རྒྱལ་པོ་རི་རབ་ལ་སོགས་པ་རིའི་རྒྱལ་པོ་ཆེན་པོ་རྣམས་ཀྱིས་བྱང་ཆུབ་སེམས་དཔའ་ལག་ན་རྡོ་རྗེ་ག་ལ་བ་དེ་ལོགས་སུ་ཐལ་མོ་སྦྱར་བ་བཏུད་དེ་འདི་སྐད་ཅེས་སྨྲས་སོ། །བཅོམ་ལྡན་
འདས་བདག་ཅག་ཀྱང་བྱང་ཆུབ་སེམས་དཔའི་སྤྱད་པ་གསང་སྔགས་ཀྱི་སྒོ་སྤྱོད་པའི་བྱང་ཆུབ་སེམས་དཔའ་རྣམས་ཀྱི་དོན་གྱི་སླད་དུ་དཀྱིལ་འཁོར་ཆེན་པོ་འདིར་རང་གི་སྙིང་པོ་དབུལ་ལོ། །ན་མཿ སརྦ་ཏ་ཐཱ་ག་ཏེ་བྷྱཿ སརྦ་མུ་ཁེ་བྷྱཿ སརྦ་ཐཱ་ཙ་ལ་ཙ་
ལ། མ་ཧཱི་དྷ་ར་རཏྣ་དྷ་ར་སྭཱ་ཧཱ། བཅོམ་ལྡན་འདས་བདག་ཅག་གི་སྙིང་པོ་འདི་གང་ཞིག་རྟག་ཏུ་དྲན་པར་བགྱིད་ན་དེ་དགོན་པར་མཆིས་པའི་ཚེ། བདག་ཅག་གིས་བསྲུང་བ་དང་། བསྐྱབ་པ་དང་སྦ་བར་བགྱིའོ། །བདེ་བའི་ཡོ་བྱད་ཐམས་ཅད་ཀྱང་བགྱིའོ། །
ཅི་སྟེ་སྒྲུབ་པར་འཚལ་ན་དེས་རིའི་རྩེ་མོར་འཛེགས་ལ་སྙིང་པོ་འདི་ལན་འབུམ་བཟླས་བརྗོད་བགྱིའོ། །དེ་ནས་ཅི་འབྱོར་པའི་མཆོད་པ་བགྱིས་ཏེ་འོ་མ་དང་ཞོ་དང་སྦྲང་རྩི་དང་མར་དང་བསྲེས་པའི་སྲེག་བླུགས་ལན་ཁྲི་སྦྱིན་སྲེག་བགྱིའོ། །དེ་ནས་
བདག་ཅག་རིའི་རྒྱལ་པོ་གང་ཡང་རུང་བ་ཞིག་མཆིས་ཏེ་འདི་སྐད་ཅེས་སྨྲའོ། །བུ་ཚུར་ཤེག་ངེད་ཀྱི་གནས་སུ་འདོང་ཅི་འདོད་པ་དེ་སྦྱིན་ནོ་ཞེས་སྨྲའོ། དེས་ཀྱང་ནམ་བདག་དགོས་ཏེ་དྲན་པའི་ཚེ་ཚུར་ཤོག་ཅིག་ཅེས་སྨྲས་ནས་དེ་བཞིན་དུ་གྱུར་
ཅིག །ཐམས་ཅད་བགྱི་ཡིས་ཁྱོད་སུ་ལ་ཡང་མ་སློང་ཅིག་ཅེས་སྨྲའོ། །དེ་ནས་གཤིན་རྗེ་དང་མཚན་མོ་ནག་མོ་དང་བེ་ཅོན་ནག་པོ་ཅན་དང་སྐྱེས་བུ་ནག་པོ་དང་རྣ་ནག་མོ་དང་དཔལ་སྦྱིན་མ་རྣམས་ཀྱིས་བྱང་ཆུབ་སེམས་དཔའ་ལག་ན་རྡོ་རྗེ་ལ་
ཕྱག་འཚལ་ནས་འདི་སྐད་ཅེས་སྨྲས་སོ། །བཅོམ་ལྡན་འདས་བདག་ཅག་ཀྱང་དཀྱིལ་འཁོར་ཆེན་པོ་འདིར་རང་རང་གི་སྙིང་པོ་འབུལ་ལོ། ན་མཿ སརྦ་ཏ་ཐཱ་ག་ཏེ་བྷྱཿ སརྦ་མུ་ཁེ་བྷྱཿ སརྦ་ཐཱ་བཻ་བྷཱ་ས་ཏྭཱ་ཡ་སྭཱ་ཧཱ། བཅོམ་ལྡན་
འདས་བདག་ཅག་གི་སྙིང་པོ་འདི་གང་ལ་ལ་ཞིག་རྟག་ཏུ་དྲན་པར་བགྱིད་ན། བདག་གིས་དེ་བསད་དགུག་གི་སླད་དུ་རང་གི་གཡོག་འཁོར་མི་དགྱེ་བར་བགྱིའོ། །ཅི་སྟེ་བསྒྲུབ་པར་འཚལ་ན་དེས་ཟླ་བ་མར་གྱི་ངོའི་ཞག་བཅུ་བཞི་པ་འམ་

94-1-66b

ཞག་བརྒྱད་ལ་སྨྱུང་བ་བགྱིས་ཏེ་འབྲས་སཱ་ལུ་བཏགས་པའི་ཕྱེ་ལས་གཤིན་རྗེ་སོར་བརྒྱད་དམ་སོར་དྲུག་པ་འཁོར་དང་བཅས་པ་བགྱིས་ལ་མ་ཧེ་དང་བེ་ཅོན་ཡང་ངོས་གཉིས་སུ་བཞག་སྟེ། དེ་ནས་ཅི་འབྱོར་པའི་མཆོད་པ་བགྱིས་ནས་མཚན་
ཐོག་ཐག་བཟླས་བརྗོད་བགྱིས་ན། ནམ་ཕྱེད་དམ་ཉི་མ་ཤར་ཀ་ན་མ་ཧེ་སྒྲ་འབྱིན་ཏམ་བེ་ཅོན་འགུལ་ཏེ་མཆོད་ཡོན་ལ་སོགས་པ་སྩལ་ལ་བྲི་བར་བགྱིའོ། །དེ་ནས་འགྲུབ་པར་འགྱུར་རོ། །འདོད་པའི་ལས་རྣམས་བགྱིད་དོ། །དེ་ནས་མཚན་
མོ་བཟང་མོས་རང་གི་སྙིང་པོ་སྨྲས་པ། ན་མཿ སརྦ་ཏ་ཐཱ་ག་ཏེ་བྷྱཿ སརྦ་མུ་ཁེ་བྷྱཿ སརྦ་ཐཱ་བི་ཀ་ར་ལེ་ར་ཏྲི་མ་ཏེ་སྭཱ་ཧཱ། གང་ལ་ལ་རྟག་ཏུ་དྲན་པར་བགྱིད་ན་དེ་བདག་གིས་བསྲུང་བར་བགྱིའོ། །ཅི་སྟེ་སྒྲུབ་པར་འཚལ་ན་སྔ་མ་བཞིན་ནོ། །
བེ་ཅོན་ནག་པོས་ཀྱང་རང་གི་སྙིང་པོ་སྨྲས་པ། ན་མཿ སརྦ་ཏ་ཐཱ་ག་ཏེ་བྷྱཿ སརྦ་མུ་ཁེ་བྷྱཿ སརྦ་ཐཱ་ཏ་མོ་ད་བྷ་བཱ་ཀ་ལ་པ་ཤ་ག་སྭཱ་ཧཱ། བཅོམ་ལྡན་འདས་གང་ལ་ལ་ཞིག་རྟག་ཏུ་དྲན་པར་བགྱིད་ན་བདག་དེའི་དྲུང་དུ་མི་མཆིའོ། །ཕན་གདགས་
པ་འང་བསྒྲུབ་པར་བགྱིའོ། །ཅི་སྟེ་སྒྲུབ་པར་འཚལ་ན་དེས་སྔ་མ་བཞིན་དུ་བསྒྲུབ་པར་བགྱི་སྟེ། བདག་གིས་དེའི་བསམ་པ་ཐམས་ཅད་ཡོངས་སུ་རྫོགས་པར་བགྱིའོ། །དེ་ནས་སྐྱེས་བུ་ནག་པོས་རང་གི་སྙིང་པོ་སྨྲས་པ། ན་མཿ སརྦ་ཏ་
ཐཱ་ག་ཏེ་བྷྱཿ སརྦ་མུ་ཁེ་བྷྱཿ སརྦ་ཐཱ་ཨུཏྟ་མ་བུ་རུ་ཥ་སྭཱ་ཧཱ། བཅོམ་ལྡན་འདས་བདག་གི་སྙིང་པོ་འདི་གང་ལ་ལ་ཞིག་རྟག་ཏུ་དྲན་པར་བགྱིད་ན་བཅོམ་ལྡན་འདས་བདག་དེའི་དྲུང་དུ་མི་མཆི་བར་ཕན་གདགས་པར་བགྱིའོ། །
ཅི་སྟེ་སྒྲུབ་པར་འཚལ་ན་སྔ་མ་བཞིན་དུ་བསྒྲུབ་པར་བགྱིའོ། །ཁྱད་པར་ཅུང་ཟད་ནི་འདི་ལྟ་སྟེ། སྐྲའི་ཞགས་པ་ནི་གཉིས་བཞག་པར་བགྱིའོ། །བསམ་པ་ཐམས་ཅད་ཡོངས་སུ་རྫོགས་པར་འགྱུར་རོ། །དེ་ནས་འཆི་བདག་
གིས་རང་གི་སྙིང་པོ་སྨྲས་པ། ན་མཿ སརྦ་ཏ་ཐཱ་ག་ཏེ་བྷྱཿ སརྦ་མུ་ཁེ་བྷྱཿ སརྦ་ཐཱ་ཨ་པྲ་ཏི་ཧ་ཏ་ཀེ་དེ་ཀརྨྨ་བ་ཤ་ཨ་བུ་ཀེ་དེ་བེ་བ་ར་དེ་སྭཱ་ཧཱ། བཅོམ་ལྡན་འདས་བདག་གི་སྙིང་པོ་འདི་གང་ལ་ལ་ཞིག་རྟག་ཏུ་དྲན་པར་བགྱིད་

94-1-67a

ན་བདག་དེའི་དྲུང་དུ་མི་མཆི་སྟེ་སྔོན་གྱི་ལས་ནི་མ་གཏོགས་སོ། །ཅི་སྟེ་བསྒྲུབ་པར་འཚལ་ན་དེས་སྔ་མ་བཞིན་དུ་བསྒྲུབ་པར་བགྱི་སྟེ་དྲིལ་བུ་གཞག་གོ། དེ་ནས་དཔལ་བྱེད་ཀྱིས་རང་གི་སྙིང་པོ་སྨྲས་པ། ན་མཿ སརྦ་ཏ་ཐཱ་ག་ཏེ་བྷྱཿ 
སརྦ་མུ་ཁེ་བྷྱཿ སརྦ་ཐཱ་བཱ་ཀྲྀ་ཏ་མ་ཧཱ་ཏྲཻ་ཏྱེ་བྷ་ག་བ་ཏི་མུ་ཏི་མུ་ཁི་སྭཱ་ཧཱ། གང་ལ་ལ་ཞིག་རྟག་ཏུ་དྲན་པར་བགྱིད་ན་བདག་དེའི་དྲུང་དུ་མི་མཆི་སྟེ། འཕགས་པ་ལ་སྐུར་པ་འདེབས་པ་དང་དམ་པའི་ཆོས་སྤོང་བ་དང་བླ་མ་ལ་སྨོད་པ་ནི་མ་གཏོགས་སོ། །ཅི་སྟེ་
བསྒྲུབ་པར་འཚལ་ན་དེས་སྔ་མ་བཞིན་དུ་བསྒྲུབ་པར་བགྱིའོ། །འབྲས་ཀྱི་འོ་ཐུག་ལན་ཚྭ་ཅན་གཞག་པར་བགྱི་སྟེ་ཕུན་སུམ་ཚོགས་པ་ཐམས་ཅད་སྩོལ་ཏོ། །དེ་ནས་རྣ་ནག་མས་རང་གི་སྙིང་པོ་སྨྲས་པ། ན་མཿ སརྦ་ཏ་ཐཱ་ག་ཏེ་བྷྱཿ སརྦ་མུ་ཁེ་བྷྱཿ 
སརྦ་ཐཱ་ཀཱ་ལ་ཙཀྲ་ནི་སྭཱ་ཧཱ། གང་ལ་ལ་ཞིག་རྟག་ཏུ་དྲན་པར་བགྱིད་ན་བདག་དེའི་དྲུང་དུ་མི་མཆི་སྟེ་ཕ་དང་མ་མི་དགའ་བར་བགྱིས་པ་ནི་མ་གཏོགས་སོ། །ཅི་སྟེ་སྒྲུབ་པར་འཚལ་ན་དེས་སྔ་མ་བཞིན་དུ་བསྒྲུབ་པར་བགྱིའོ། །བྱེ་བྲག་ཏུ་ནི་ཕུབ་མའི་མེ་
དང་བཅས་པའི་མེ་སྣོད་བཞག་པར་བགྱིའོ། །སུ་ཞིག་དེ་ལྟར་བགྱིད་ན་བདག་རྟག་ཏུ་དེའི་སླད་བཞིན་འབྲང་བར་བགྱིའོ། །དེ་ནས་མ་མོ་ཐམས་ཅད་ཀྱིས་བྱང་ཆུབ་སེམས་དཔའ་ལག་ན་རྡོ་རྗེ་ག་ལ་བ་དེ་ལོགས་སུ་ཐལ་མོ་སྦྱར་བ་བཏུད་དེ་འདི་སྐད་ཅེས་སྨྲས་སོ། །
བཅོམ་ལྡན་འདས་མ་མོ་དྲག་མོ་བདག་ཅག་ཀྱང་འཇིག་རྟེན་ལ་ཕན་གདགས་པའི་སླད་དུ། གྲོང་དང་ལྗོངས་ཐམས་ཅད་དུ་གནས་པར་བགྱིའོ། །དཀྱིལ་འཁོར་ཆེན་པོ་འདིར་བདག་ཅག་སོ་སོའི་སྙིང་པོ་འབུལ་བར་བགྱིའོ། །དེ་ནས་ཚངས་པའི་
ཆུང་མས་རང་གི་སྙིང་པོ་སྨྲས་པ། ན་མཿ སརྦ་ཏ་ཐཱ་ག་ཏེ་བྷྱཿ སརྦ་མུ་ཁེ་བྷྱཿ སརྦ་ཐཱ་ཨོཾ་བྲཧྨ་པ་ཏི་ནི་སྭཱ་ཧཱ། བཅོམ་ལྡན་འདས་གང་ལ་ལ་ཞིག་སྙིང་པོ་འདི་རྟག་ཏུ་དྲན་པར་བགྱིད་ན་བདག་རྟག་ཏུ་དེའི་སླད་བཞིན་དུ་འབྲང་བར་བགྱིའོ། །
མ་མོ་ཐམས་ཅད་ཀྱང་ཡི་རངས་ནས་རྟག་ཏུ་བསྲུང་བར་བགྱིད་དོ། །ཅི་སྟེ་བསྒྲུབ་པར་འཚལ་ན་དེས་ཨོཾ་ཞེས་བགྱི་བ་སྙིང་ཀར་བསམས་ལ་ལན་འབུམ་བཟླས་བརྗོད་བགྱིའོ། །དེ་ནས་མ་མོའི་དཀྱིལ་འཁོར་བགྱིས་ལ་ཅི་འབྱོར་པས་

94-1-67b

མཆོད་དེ་མཚན་ཐོག་ཐག་ཏུ་སྔགས་བགྲང་ནོར་བུ་དང་རིལ་བ་སྤྱི་བླུགས་ལག་ན་ཐོགས་ལ་ཨོཾ་ཞེས་བགྱི་བའི་སྒྲ་གྲག་གི་བར་དུ་བཟླས་བརྗོད་བགྱིའོ། །དེ་ནས་གྲུབ་པར་འགྱུར་ཏེ་གང་འཚལ་བའི་ལས་དེ་བགྱིད་དོ། །གང་འཚལ་བ་དེ་སྩོལ་
ཏོ། །དེ་ནས་དྲག་པོའི་ཆུང་མས་རང་གི་སྙིང་པོ་སྨྲས་པ། ན་མཿ སརྦ་ཏ་ཐཱ་ག་ཏེ་བྷྱཿ སརྦ་མུ་ཁེ་བྷྱཿ སརྦ་ཐཱ་ཧྲཱིཿཕཊ་སྭཱ་ཧཱ། བཅོམ་ལྡན་འདས་གང་ལ་ལ་ཞིག་བདག་གི་སྙིང་པོ་འདི་རྒྱུན་དུ་དྲན་པར་བགྱིད་ན་བདག་རྟག་ཏུ་དེའི་སླད་བཞིན་
དུ་འབྲང་ཞིང་བསྒོ་བ་བཞིན་བགྱིའོ། །གང་བསམས་པ་དེ་སྩོལ་ཏོ། །ཅི་སྟེ་བསྒྲུབ་པར་འཚལ་ན་སློང་མོའི་ཟས་བཟའ་ཞིང་དུར་ཁྲོད་ན་མཚན་གཅིག་མཆིས་པར་ལྷ་ཆེན་པོའི་གློ་གཡས་པར་ལན་ཉིས་འབུམ་བཟླས་བརྗོད་བགྱིའོ། །
ཐ་མར་ཅི་འབྱོར་པས་མཆོད་དེ་ད་ཏུ་ཀེ་ར་ཀའི་མེ་ཏོག་ཞོ་དང་སྦྲང་རྩི་དང་མར་ལ་སྨྱུགས་པ་བཞི་ཁྲི་དུར་ཁྲོད་ཀྱི་མེར་སྦྱིན་སྲེག་བགྱིའོ། །ནམ་ཕྱེད་ན་ཁྱུ་མཆོག་གི་སྒྲ་འམ་ཨོཾ་ཞེས་བགྱི་བའི་སྒྲ་གྲག་པར་འགྱུར་ཏེ་དེ་ནས་མ་མོ་ཐམས་ཅད་གྲུབ་པར་
གྱུར་ཏོ། །དེ་ནས་ཁྱབ་འཇུག་གི་ཆུང་མས་རང་གི་སྙིང་པོ་སྨྲས་པ། ན་མཿ སརྦ་ཏ་ཐཱ་ག་ཏེ་བྷྱཿ སརྦ་མུ་ཁེ་བྷྱཿ སརྦ་ཐཱ་ནཱ་ར་ཡ་ནི་ཛ་ག་དརྠི་ཧ་རི། བ་ལ་བ་དི་ཛ་ཡེ་སྭཱ་ཧཱ། བཅོམ་ལྡན་འདས་གང་ལ་ལ་ཞིག་སྙིང་པོ་འདི་རྟག་ཏུ་དྲན་
པར་བགྱིད་ན་བསྲུང་བ་དང་སྦ་བ་དང་བསྐྱབ་པའི་སླད་དུ་བདག་རྟག་ཏུ་དེའི་སླད་བཞིན་དུ་འབྲང་བར་བགྱིའོ། །ཅི་སྟེ་སྙིང་པོ་འདི་སྒྲུབ་པར་འཚལ་ན་དེས་བསོད་ནམས་འབབ་པར་ལན་ལྔ་ཁྲི་བཟླས་བརྗོད་བགྱིའོ། །ཐ་མར་སྟོན་ཟླ་ཐ་
ཆུངས་ཚེས་བཅུ་གཉིས་ལ་ཅི་འབྱོར་པས་མཆོད་དེ། མན་དཱ་ར་བའི་མེ་ཏོག་མར་ལ་སྨྱུགས་པ་ལ་ལན་ཁྲི་སྦྱིན་སྲེག་བགྱིས་ན་འགྲུབ་པར་འགྱུར་ཏེ་གང་འཚལ་བ་དེ་སྩོལ་ཏོ། །མ་མོ་ཐམས་ཅད་ཀྱི་དམ་ཚིག་འཚལ་བར་འགྱུར་རོ། །
དེ་ནས་གཞོན་ནུའི་ཆུང་མས་རང་གི་སྙིང་པོ་སྨྲས་པ། ན་མཿ སརྦ་ཏ་ཐཱ་ག་ཏེ་བྷྱཿ སརྦ་མུ་ཁེ་བྷྱཿ སརྦ་ཐཱ་ཀུ་མཱ་རི་མ་ཡཱུ་ར། ཙི་དྲི་ཀེ་ཏ་ག་དྲེ་ཤག་དི་དྷཱ་རི་ཎི་བིཏྩི་སྭཱ་ཧཱ། ཕུ་སྭཱ་ཧཱ། བཅོམ་ལྡན་འདས་གང་ལ་ལ་ཞིག་

94-1-68a

སྙིང་པོ་འདི་དྲན་པར་བགྱིད་ན་བདག་དེའི་སླད་བཞིན་འབྲང་ཞིང་དགོས་པ་ཐམས་ཅད་བགྱིའོ། །ཅི་སྟེ་སྙིང་པོ་འདི་སྒྲུབ་པར་འཚལ་ན་དེས་ཁ་ལྷོ་ཕྱོགས་སུ་བལྟས་ཏེ་ལག་པ་གཡོན་པར་མདུང་ཐུང་ཐོགས་
ཤིང་ལན་བཞི་འབུམ་བཟླས་བརྗོད་བགྱིའོ། །དེ་ནས་དེ་བཞིན་དུ་ཅི་འབྱོར་པས་མཆོད་ལ་འབྲུའི་ལ་ཐུ་རྒྱ་ཤུག་ཙམ་གྱིས་མཚན་ཐོག་ཐག་སྦྱིན་སྲེག་བགྱིའོ། །ནམ་ཕྱེད་དམ་ནང་པར་གཞོན་ནུ་མ་མཆིས་ནས་མདུན་དུ་འགྲེང་
སྟེ་དེ་ལ་མཆོད་ཡོན་སྩོལ་ཏོ། །དེ་ཕྱིན་ཅད་གྲུབ་པར་འགྱུར་ཏེ་གང་འཚལ་བ་དེ་བགྱིད་དོ། །དེ་ནས་ཙ་མུཎྜས་རང་གི་སྙིང་པོ་སྨྲས་པ། ན་མཿ སརྦ་ཏ་ཐཱ་ག་ཏེ་བྷྱཿ སརྦ་མུ་ཁེ་བྷྱཿ སརྦ་ཐཱ་རུ་ཏི་ར་བེ་ཏཱ་ཌི། ཨ་ཀཪྵ་ཎི་མ་ཧཱ་ཀྲྀཏྟེ་ཙྪིནྡ་
ཙྪིནྡ། བྷིནྡ་བྷིནྡ་ཙ་མུཎྜི་བིཏྩ་སྭཱ་ཧཱ། བཅོམ་ལྡན་འདས་གང་ལ་ལ་ཞིག་བདག་གི་སྙིང་པོ་འདི་དྲན་པར་བགྱིད་ན། བདག་རྟག་ཏུ་དེའི་སླད་བཞིན་འབྲང་ཞིང་ཡིད་ལ་བསམས་པའི་དགོས་པ་ཐམས་ཅད་བགྱིའོ། །ཅི་སྟེ་སྙིང་པོ་འདི་
བསྒྲུབ་པར་འཚལ་ན་དེས་གོས་སྔོན་པོ་བགོས་ཏེ་ལག་ན་མི་ཐོད་ཐོགས་ཏེ། ཟླ་བ་གཅིག་ཟས་སུ་ཤ་བཟའ་ཞིང་དུར་ཁྲོད་དམ་མ་མོའི་དཀྱིལ་འཁོར་དུ་བཟླས་བརྗོད་བགྱིའོ། །ཐ་མར་དེ་ཉིད་དུ་ཅི་འབྱོར་པས་མཆོད་དེ་མི་ཤའི་སྲེག་བླུགས་
ཡུངས་ཀར་གྱི་མར་ལ་སྨྱུགས་པ་ལན་ཁྲི་སྦྱིན་སྲེག་བགྱིའོ། །དེ་ནས་ཧ་ཧ་ཞེས་བགྱི་བའི་སྒྲ་འབྱིན་ཏེ་ལྕེ་ཉུག་ཉུག་བགྱིད་ལ་ལག་ན་མི་ཐོད་ཐོགས་ཤིང་མཆི་བར་འགྱུར་ཏེ་མི་ཐོད་ཁྲག་གིས་གང་བའི་མཆོད་ཡོན་སྩོལ་ཏོ། །
དེ་ནས་ལེགས་སོ་ཞེས་མཆི་སྟེ་བསྒྲུབ་པ་པོ་ལ་བསྐོར་བ་བགྱིས་ནས་མི་སྣང་བར་འགྱུར་རོ། །དེ་སླན་ཅད་རྟག་ཏུ་སླད་བཞིན་འབྲང་ཞིང་ཅི་འདོད་པ་དེ་བགྱིད་དོ། །དེ་ནས་ཕག་གི་ཆུང་མས་རང་གི་སྙིང་པོ་སྨྲས་པ། ན་མཿ སརྦ་
ཏ་ཐཱ་ག་ཏེ་བྷྱཿ སརྦ་མུ་ཁེ་བྷྱཿ སརྦ་ཐཱ་བཛྲ་གོ་ཎི་ནི་བིད་བཛྲོ་ཏི་ར་བི་ར་ལི་ཧཱུྃ་ཀ་རི་སྭཱ་ཧཱ། བཅོམ་ལྡན་འདས་གང་ལ་ལ་ཞིག་སྙིང་པོ་འདི་དྲན་པར་བགྱིད་ན་བདག་རྟག་ཏུ་དེའི་སླད་བཞིན་འབྲང་ཞིང་དགོས་པ་ཐམས་ཅད་

94-1-68b

བགྱིའོ། །བཅོམ་ལྡན་འདས་སྙིང་པོ་འདི་བསྒྲུབ་པར་འཚལ་ན་དེས་ལན་འབུམ་བཟླས་བརྗོད་བགྱིའོ། །ཐ་མར་སྐེ་ཚེའི་འབྲུ་དང་ཆང་བསྲེས་པའི་སྲེག་བླུགས་ལན་འབུམ་མ་མོའི་དཀྱིལ་འཁོར་དུ་སྦྱིན་སྲེག་བགྱིའོ། །དེ་ནས་ནམ་ཕྱེད་
ན་ཕག་གི་ཆུང་མ་ཉིད་བྱི་ལ་མོའི་གཟུགས་ཀྱིས་མཆི་བར་འགྱུར་རོ། །ཡང་ན་ལྷའི་སྤོས་ཀྱི་ངད་འབྱུང་ངོ་། །དེ་ནས་གྲུབ་པར་རིག་པར་བགྱི་སྟེ་དེ་ཕྱིན་ཅད་ཅི་འདོད་པ་བཞིན་དུ་ལས་ཐམས་ཅད་བགྱིད་དོ།། །།
འཕགས་པ་ལག་ན་རྡོ་རྗེ་དབང་བསྐུར་བ་བམ་པོ་དྲུག་པ། དེ་ནས་ལུས་ངན་གྱི་ཆུང་མས་རང་གི་སྙིང་པོ་སྨྲས་པ། ན་མཿསརྦ་ཏ་ཐཱ་ག་ཏེ་བྷྱཿ སརྦ་མུ་ཁེ་བྷྱཿ སརྦ་ཐཱ་ཙི་ད་རི་ཎི་ཀུ་ར་བིནྡེ་དཱནྡྲ་པཱ་ཎི་སྭཱ་ཧཱ། བཅོམ་ལྡན་
འདས་གང་ལ་ལ་ཞིག་སྙིང་པོ་འདི་དྲན་པར་བགྱིད་ན་དེ་ལ་རྒྱལ་པོའི་ཆད་པས་འཇིགས་པ་ཐམས་ཅད་མི་འབྱུང་ངོ་། །ཉིན་གཅིག་བཞིན་དུ་ནོར་ཐམས་ཅད་རྣམ་པར་འཕེལ་ལོ། །བདག་གི་ཕྱག་བརྙན་བཞི་རྟག་ཏུ་གཡོག་
འཁོར་དུ་གནས་པར་འགྱུར་རོ། །ཡིད་ལ་བསམས་པའི་དགོས་པ་ཐམས་ཅད་ཀྱང་བསྒྲུབ་པར་འགྱུར་རོ། །ཅི་སྟེ་བསྒྲུབ་པར་འཚལ་ན་དེས་སློངས་མོའི་ཟས་བཟའ་ཞིང་ལག་ན་བེ་ཅོན་ཐོགས་ལ། ཤིང་དྲུང་གཅིག་
ན་མཆིས་པར་སྙིང་པོ་འདི་ལན་སུམ་ཁྲི་བཟླས་བརྗོད་བགྱིའོ། །ཐ་མར་དེ་ཉིད་དུ་ཅི་འབྱོར་པས་མཆོད་ལ་འབྲས་ཡོས་ཀྱི་སྲེག་བླུགས་ཞོ་དང་སྦྲང་རྩི་དང་མར་དང་བསྲེས་ལ་ལན་འབུམ་སྦྱིན་སྲེག་བགྱིས་ན་འགྲུབ་པར་འགྱུར་
ཏེ་དེ་སླན་ཅད་གང་འཚལ་བ་དེ་བགྱིད་དོ། །དེ་ནས་འཇིགས་འཇིགས་ལྟ་ཆེན་པོའི་ཆུང་མས་བྱང་ཆུབ་སེམས་དཔའ་ལག་ན་རྡོ་རྗེ་ལ་ཕྱག་འཚལ་ནས་འདི་སྐད་ཅེས་སྨྲས་སོ། །བཅོམ་ལྡན་འདས་བདག་ཀྱང་དཀྱིལ་
འཁོར་ཆེན་པོ་འདིར་རང་གི་སྙིང་པོ་འབུལ་ལོ། །ན་མཿསརྦ་ཏ་ཐཱ་ག་ཏེ་བྷྱཿ སརྦ་མུ་ཁེ་བྷྱཿ སརྦ་ཐཱ་ཧེ་ཀུན་ཁི་མ་ཧཱ་ན་ཁི་ཤ་ཀུ་ནི། ཨུ་ལཱུ་ཀ་མུ་ཁི་ཡ་མ་དཱུ་ཏཱི་བི་ཏ་ཙེ་སྭཱ་ཧཱ། བཅོམ་ལྡན་འདས་གང་

94-1-69a

ལ་ལ་ཞིག་སྙིང་པོ་འདི་རྟག་ཏུ་དྲན་པར་བགྱིད་ན་དེའི་བསམ་པ་ཐམས་ཅད་ཡོངས་སུ་རྫོགས་པར་འགྱུར་རོ། །ཅི་སྟེ་སྒྲུབ་པར་འཚལ་ན་དེས་སློངས་མོའི་ཟས་བཟའ་ཞིང་ལམ་གྱི་གཞི་མདོ་འམ། ཤིང་དྲུང་གཅིག་
པར་མཆིས་ལ་སྙིང་པོ་འདི་ལན་འབུམ་བཟླས་བརྗོད་བགྱིའོ། །དེ་ནས་ཅི་འབྱོར་པས་མཆོད་དེ་བུ་བཙས་པའི་ཐལ་བའི་སྲེག་བླུགས་ལན་འབུམ་སྦྱིན་སྲེག་བགྱིའོ། །དེ་ནས་འཇིགས་འཇིགས་ལྟ་ཆེན་པོའི་ཆུང་མས་སྲུལ་
པོའི་གཟུགས་འཛིན་ཅིང་མཆི་བར་འགྱུར་ཏེ་དེ་ལ་འུག་པའི་འདབ་མའི་བདུག་པ་སྩོལ་ཏོ། །དེ་ནས་གྲུབ་པར་འགྱུར་ཏེ་གང་འཚལ་བ་དེ་བགྱིད་དོ། །དེ་ནས་ཆུ་ཀླུང་ཆེན་པོ་གྃ་གཱ་ལ་སོགས་པ་ཆུ་ཀླུང་ཆེན་པོ་ཐམས་ཅད་
ཀྱིས་བྱང་ཆུབ་སེམས་དཔའ་ལག་ན་རྡོ་རྗེ་ལ་ཕྱག་འཚལ་ཏེ་འདི་སྐད་ཅེས་སྨྲས་སོ། །བཅོམ་ལྡན་འདས་བདག་ཅག་ཀྱང་དཀྱིལ་འཁོར་ཆེན་པོ་འདིར་རང་གི་སྙིང་པོ་འབུལ་ལོ། །ན་མཿསརྦ་ཏ་ཐཱ་ག་
ཏེ་བྷྱཿ སརྦ་མུ་ཁེ་བྷྱཿ སརྦ་ཐཱ་མ་ན་སི་མ་ནོ་ནུ་གེ་ག་ལི་ཕི་མ་ལེ་སྭཱ་ཧཱ། བཅོམ་ལྡན་འདས་གང་ལ་ལ་ཞིག་སྙིང་པོ་འདི་རྟག་ཏུ་དྲན་པར་བགྱིད་ན་དེ་ལ་ཆུའི་འཇིགས་པ་ཐམས་ཅད་མི་འབྱུང་ངོ་། །
ཅི་སྟེ་བསྒྲུབ་པར་འཚལ་ན་ལྐོག་མ་ནུབ་ཙམ་གྱི་ཆུར་ཞུགས་ལ་སྙིང་པོ་འདི་ལན་འབུམ་བཟླས་བརྗོད་བགྱིའོ། །དེ་ནས་ཅི་འབྱོར་པས་མཆོད་དེ་འབྲས་སཱ་ལུའི་ཕྱེ་མ་ཞོ་དང་སྦྲང་རྩིས་སྦྲུས་པ་ལས་སོར་དྲུག་ཚད་ཙམ་གྱི་གཟུགས་
བགྱིས་ལ་བརྒྱད་སྟོང་སྦྱིན་སྲེག་བགྱིས་ན་གྲུབ་པར་འགྱུར་ཏེ། དེ་སླན་ཆད་ཆུ་ཀླུང་རྣམས་སུ་ཞུགས་ཀྱང་འཇིགས་པ་མི་འབྱུང་ངོ་། །དེ་དག་ཉིད་དང་ཅི་སྲིད་འདོད་ཀྱི་བར་དུ་གནས་ཤིང་བུ་བཞིན་དུ་རྗེས་སུ་སྤྱོད་ལ་གང་
འཚལ་བ་དེ་སྩོལ་ཏོ། །དེ་ནས་སྣ་ཚོགས་ཕྲེང་བ་ཅན་ལ་སོགས་པ་དྲི་ཟའི་རྒྱལ་པོ་ཐམས་ཅད་ཀྱིས་ཕྱག་ན་རྡོ་རྗེ་ག་ལ་བ་དེ་ལོགས་སུ་ཐལ་མོ་སྦྱར་བ་བཏུད་དེ་འདི་སྐད་ཅེས་སྨྲས་སོ། །བཅོམ་ལྡན་འདས་བདག་ཅག་ཀྱང་

94-1-69b

དཀྱིལ་འཁོར་ཆེན་པོ་འདིར་རང་གི་སྙིང་པོ་འདི་འབུལ་ལོ། །ན་མཿསརྦ་ཏ་ཐཱ་ག་ཏེ་བྷྱཿ སརྦ་མུ་ཁེ་བྷྱཿ སརྦ་ཐཱ་བྷ་ག་བ་ཏེ་གན་དྷ་རྦ་རཱ་ཛ་པྲ་ཡེ་སྭཱ་ཧཱ། གང་ལ་ལ་ཞིག་བདག་ཅག་གི་སྙིང་པོ་འདི་དྲན་པར་བགྱིད་ན་བདག་ཅག་
རྟག་ཏུ་དེའི་སླད་བཞིན་འབྲང་བར་བགྱིད་དོ། །དགོས་པ་ཐམས་ཅད་ལ་རབ་ཏུ་དགའ་བའི་ཡིད་ཀྱིས་གནང་བ་སྩལ་བར་བགྱིད་དོ། །བསྐོར་ནས་གནས་པར་བགྱིད་དོ། །འཆི་བའི་དུས་ཀྱི་ཚེ་ན་ཡང་སིལ་སྙན་དང་ཕེག་
རྡོབ་པ་བགྱིད་ཅིང་སྟེང་དུ་བླ་རེས་བཟུང་ལ་སངས་རྒྱས་དང་ཆོས་དང་དགེ་འདུན་རྗེས་སུ་དྲན་པ་སྩལ་བར་བགྱིའོ། །དེ་སྟེ་བསྒྲུབ་པར་འཚལ་ན་དེས་ཐོག་མར་དགོན་པ་ཆེན་པོར་ཞུགས་ལ་ཟས་སུ་འབྲས་བུ་བཟའ་ཞིང་སྙིང་པོ་འདི་ཉིས་འབུམ་
བཟླས་བརྗོད་བགྱིའོ། །དེ་ནས་ཅི་འབྱོར་པས་མཆོད་དེ་དུ་རུ་ཀའི་བདུག་པ་བསྲེག་ཅིང་མཚན་ཐོག་ཐག་བཟླས་བརྗོད་བགྱིས་ནས། དྲི་ཟའི་རྒྱལ་པོ་གང་ཡང་རུང་བ་ཞིག་མཆིས་ནས་མགོ་ལ་མེ་ཏོག་གི་ཕྲེང་བ་སྩོལ་གྱི་བར་དུ་བཟླས་བརྗོད་
བགྱིའོ། །དེ་ནས་དྲི་ཟའི་ནང་དུ་ཀུན་གྱིས་བཀུར་བར་འགྱུར་ཏེ་དྲི་ཟའི་གནས་ཐམས་ཅད་དུ་ཞུགས་ནས་ཀྱང་ནམ་ཡང་ཡོངས་སུ་ཉམས་པར་མི་འགྱུར་རོ། །མདོར་ན་གང་འཚལ་བ་དེ་སྩོལ་ཏོ། །དེ་ནས་རིག་སྔགས་འཆང་གི་རྒྱལ་
པོ་ཏོག་ལ་སོགས་པ་རིག་སྔགས་འཆང་གི་རྒྱལ་པོ་རྣམས་ཀྱིས་བྱང་ཆུབ་སེམས་དཔའ་ལག་ན་རྡོ་རྗེ་ག་ལ་བ་དེ་ལོགས་སུ་ཐལ་མོ་སྦྱར་བ་བཏུད་ནས་འདི་སྐད་ཅེས་སྨྲས་སོ། །བཅོམ་ལྡན་འདས་བདག་ཅག་ཀྱང་དཀྱིལ་འཁོར་
ཆེན་པོ་འདིར་རང་གི་སྙིང་པོ་འབུལ་ལོ། །ན་མཿསརྦ་ཏ་ཐཱ་ག་ཏེ་བྷྱཿ སརྦ་མུ་ཁེ་བྷྱཿ སརྦ་ཐཱ་ག་ག་ན་སྂ་བྷ་བེ་ག་ག་ན་གཽ་རི། ཨུཏྤ་ཏྟི་ཀེ་ཧི་རི་ཁི་རི་ཁི་རི་ས་ན་ས་ར་བ་ཧྂ་ག་མེ་སྭཱ་ཧཱ། བཅོམ་ལྡན་འདས་འདི་ནི་རིག་
སྔགས་འཆང་ཐམས་ཅད་ཀྱི་སྙིང་པོ་ལགས་ཏེ། འདིས་བདག་ཅག་རིག་སྔགས་འཆང་གི་རྒྱལ་པོ་ཞེས་བགྱིའོ། །དེ་བཞིན་གཤེགས་པ་ཐམས་ཅད་ལ་མཆོད་པ་དང་རིམ་གྲོ་བགྱིད་པ་ཞེས་བགྱིའོ། །མདོར་ན་འདོད་པ་

94-1-70a

ཙམ་གྱིས་དགོས་པ་ཐམས་ཅད་བགྱིད་དོ། །བཅོམ་ལྡན་འདས་བྱང་ཆུབ་སེམས་དཔའི་སྤྱད་པ་གསང་སྔགས་ཀྱི་སྒོ་སྤྱོད་པ་གང་ལ་ལ་ཞིག་སྙིང་པོ་འདི་རྟག་ཏུ་དྲན་པར་བགྱིད་ན། བདག་ཅག་དེ་ལ་དངོས་གྲུབ་
དང་མཐུ་དང་སྟོབས་བརྟན་པ་ཉེ་བར་བསྒྲུབ་པར་བགྱིའོ། །ཅི་སྟེ་སྙིང་པོ་འདི་ཉེ་བར་བསྒྲུབ་པར་བགྱིད་ན། དེས་རིའི་རྩེ་མོར་མཆིས་ལ་ཆོ་ག་སྔ་མ་བཞིན་དུ་ལན་ས་ཡ་བཟླས་བརྗོད་བགྱིའོ། །དེ་ནས་ཅི་འབྱོར་པས་མཆོད་ལ་
བ་ལང་གི་ལྕི་བས་དཀྱིལ་འཁོར་བསྐུས་ཏེ་མར་གྱི་སྲེག་བླུགས་ལན་འབུམ་སྦྱིན་སྲེག་བགྱིས་ན་གྲུབ་པར་འགྱུར་རོ། །ཐོགས་པ་མེད་པར་འདོད་དགུར་འགྲོ་བར་འགྱུར་རོ། །དེ་ནས་སོ་ཅན་ལ་སོགས་པ་སྲིན་མོ་ཆེན་མོ་ཐམས་ཅད་
ཀྱིས་བྱང་ཆུབ་སེམས་དཔའ་ཆེན་པོ་ལག་ན་རྡོ་རྗེ་ག་ལ་བ་དེ་ལོགས་སུ་ཐལ་མོ་སྦྱར་བ་བཏུད་དེ་འདི་སྐད་ཅེས་སྨྲས་སོ། །བཅོམ་ལྡན་འདས་བདག་ཅག་ཀྱང་དཀྱིལ་འཁོར་ཆེན་པོ་འདིར་རང་གི་སྙིང་པོ་འབུལ་ལོ། །ན་མཿསརྦ་ཏ་
ཐཱ་ག་ཏེ་བྷྱཿ སརྦ་མུ་ཁེ་བྷྱཿ སརྦ་ཐཱ་ཀྲེ་ཀ་རི་ཀོ་ཏ་རེ་པི་ཏི་ཀེ་སྭཱ་ཧཱ། བཅོམ་ལྡན་འདས་གང་ལ་ལ་ཞིག་སྙིང་པོ་འདི་རྟག་ཏུ་དྲན་པར་བགྱིད་ན། དེ་དགོན་པ་ཆེན་པོ་ན་མཆིས་ཀྱང་རུང་དུར་ཁྲོད་ན་མཆིས་ཀྱང་རུང་
ཆུའི་ནང་ན་མཆིས་ཀྱང་རུང་མེའི་ནང་ན་མཆིས་ཀྱང་རུང་རྒྱ་མཚོའི་ནང་ན་མཆིས་ཀྱང་རུང་སྲིན་མོའི་ནང་ན་མཆིས་ཀྱང་རུང་སྟེ་བསྲུང་བར་བགྱིའོ། །ཞི་བ་དང་བདེ་ལེགས་སུ་འགྱུར་བར་བགྱིའོ། །ཆད་པ་ལ་
སོགས་པ་ཡང་ཡོངས་སུ་སྤང་བར་བགྱིའོ། །ཅི་སྟེ་བསྒྲུབ་པར་འཚལ་ན་དེས་ཁང་སྟོང་ངམ་དུར་ཁྲོད་ཆེན་པོར་གཅིག་པུ་བོང་བུ་ཞོན་ཞིང་། སླངས་པ་མ་ལགས་པའི་ཁ་ཟས་འཚལ་ལ། ལག་ན་གྲི་ཐོགས་ཤིང་ཅེ་
སྤྱང་གི་ལྤགས་པ་འམ་བྱི་ལའི་ལྤགས་པའི་ཤམ་ཐབས་བགོས་ལ་སྙིང་པོ་ལན་འབུམ་བཟླས་བརྗོད་བགྱིའོ། །ཐ་མར་ཉ་ཤ་ལ་སོགས་པ་ཅི་འབྱོར་པས་མཆོད་ལ་བ་ལང་གི་ལྕི་བའི་བདུག་པ་བསྲེག་ཅིང་མཚན་ཐོག་ཐག་

94-1-70b

བཟླས་བརྗོད་བགྱི་སྟེ། ཕྱོགས་ཕྱོགས་སུ་བྱ་བའི་མུ་ཎ་ཊི་ཀ་ཕྱོགས་བཞིར་སྒྲ་འབྱིན་པའམ་བོང་བུའི་ཁ་ནས་མེ་ལྕེ་འབར་བ་འབྱུང་གི་བར་དུ་བཟླས་བརྗོད་བགྱི་ཞིང་། འཇིགས་པ་མི་བགྱི་བར་ལེགས་པར་འོངས་སོ་ཞེས་བརྗོད་ལ་
མཆོད་ཡོན་སྩལ་ཏོ། །ལེགས་སོ་ཞེས་བརྗོད་ནས་མི་སྣང་བར་འགྱུར་རོ། །དེ་ནས་གྲུབ་པར་འགྱུར་ཏེ་གང་འཚལ་བ་དེ་བགྱིད་དོ། །བོང་བུ་ལ་ཞོན་ཞིང་གང་དགའ་བར་འགྲོ་བར་འགྱུར་རོ། །དེ་ནས་འབྱུང་པོའི་རྒྱལ་པོ་བརྩེགས་པ་ལ་
སོགས་པ་ཐམས་ཅད་ཀྱིས་བྱང་ཆུབ་སེམས་དཔའ་ལག་ན་རྡོ་རྗེ་ག་ལ་བ་དེ་ལོགས་སུ་ཐལ་མོ་སྦྱར་བ་བཏུད་དེ་འདི་སྐད་ཅེས་སྨྲས་སོ། །བཅོམ་ལྡན་འདས་བདག་ཅག་ཀྱང་བྱང་ཆུབ་སེམས་དཔའི་སྤྱོད་པ་གསང་སྔགས་ཀྱི་སྒོ་སྤྱོད་པའི་བྱང་ཆུབ་
སེམས་དཔའ་རྣམས་ཀྱི་དོན་དང་ཕན་པའི་སླད་དུ་དཀྱིལ་འཁོར་ཆེན་པོ་འདིར་རང་གི་སྙིང་པོ་འབུལ་ལོ། །ན་མཿསརྦ་ཏ་ཐཱ་ག་ཏེ་བྷྱཿ སརྦ་མུ་ཁེ་བྷྱཿ སརྦ་ཐཱ་ཧི་སི་ཧི་སི། མི་སི་མི་སི། གི་ལི་གི་ལི། བྷཱུ་ཏེ་ཤྭ་རེ་སྭཱ་ཧཱ། 
བཅོམ་ལྡན་འདས་གང་ལ་ལ་ཞིག་སྙིང་པོ་འདི་རྟག་ཏུ་དྲན་པར་བགྱིད་ན་བདག་ཅག་དེས་བསྒོ་བ་བཞིན་དུ་བགྱིའོ། །བྱེ་བྲག་ཏུ་ནི་ཟས་ཀྱི་ཕུད་སྩལ་ལ་དོན་ཐམས་ཅད་བསྒྲུབ་པར་བགྱིའོ། །ཅི་སྟེ་བསྒྲུབ་པར་འཚལ་ན་དེས་ཤིང་
བ་ཏའི་དྲུང་དུ་འབྱུང་པོ་ཐམས་ཅད་པའི་གཏོར་མ་བགྱིའོ། །ཙན་དན་གྱི་བདུག་པ་བསྲེག་ཅིང་ཁ་ཟས་མི་བཟའ་བར་འབྱུང་པོའི་རྒྱལ་པོ་ཐམས་ཅད་ལྷགས་ནས་གསེར་དང་ནོར་བུ་དང་མུ་ཏིག་ལ་སོགས་པ་སྩལ་གྱི་བར་དུ་བཟླས་
བརྗོད་བགྱིའོ། །ཡང་ན་རང་གི་ཁྱིམ་དུ་ཁྲིད་ནས་དངོས་པོ་ཐམས་ཅད་ཀྱིས་འགྲོན་བགྱིད་དོ། །གང་འཚལ་བ་དེ་སྩལ་ཏོ། །ལས་རྣམ་པ་སྣ་ཚོགས་གཞན་དག་ཀྱང་བགྱིད་དོ། །དེ་ནས་བ་ལང་སྐྱོང་བ་ལ་སོགས་པ་
ཤ་ཟ་ཐམས་ཅད་ཀྱིས་བྱང་ཆུབ་སེམས་དཔའ་ལག་ན་རྡོ་རྗེ་ལ་ཕྱག་འཚལ་ནས་འདི་སྐད་ཅེས་སྨྲས་སོ། །བཅོམ་ལྡན་འདས་བདག་ཅག་ཀྱང་དཀྱིལ་འཁོར་ཆེན་པོ་འདིར་རང་གི་སྙིང་པོ་འབུལ་ལོ། །ན་མཿསརྦ་ཏ་ཐཱ་ག་ཏེ་

94-1-71a

བྷྱཿ སརྦ་མུ་ཁེ་བྷྱཿ སརྦ་ཐཱ་མི་ཙི་མི་ཙི། ཁི་སི་ཁི་སི། སྭཱ་ཧཱ། བཅོམ་ལྡན་འདས་གང་ལ་ལ་ཞིག་སྙིང་པོ་འདི་དྲན་པར་བགྱིད་ན་བདག་ཅག་རྟག་ཏུ་དེའི་སླད་བཞིན་འབྲང་བར་བགྱིའོ། །དགོས་པ་ཐམས་ཅད་ལ་
གནང་བ་སྩལ་བར་བགྱིའོ། །ཅི་སྟེ་བསྒྲུབ་པར་འཚལ་ན་དེས་ཁང་སྟོང་དུ་སྙིང་པོ་འདི་ལན་སུམ་འབུམ་བཟླས་བརྗོད་བགྱིའོ། །ཐ་མར་ཅི་འབྱོར་པས་མཆོད་དེ། གཟེགས་མའི་སྲེག་བླུགས་སམ་རྒྱ་སྐྱེགས་ཀྱི་སྲེག་བླུགས་ལན་ཁྲི་
སྦྱིན་སྲེག་བགྱིས་ན་ཤ་ཟ་གང་ཡང་རུང་བ་ཞིག་མཆིས་ནས་དམ་པས་འགྲོན་བགྱིད་དོ། །གང་འཚལ་བ་དེ་བསླང་བར་བགྱི་སྟེ་གྲུབ་པར་འགྱུར་རོ། །གང་འཚལ་བ་དེ་བགྱིད་དོ། །དེ་ནས་གནོན་པོ་འགུལ་པོ་ལ་སོགས་པ་
གནོན་པོ་ཐམས་ཅད་ཀྱིས་བྱང་ཆུབ་སེམས་དཔའ་ལག་ན་རྡོ་རྗེ་ལ་འདི་སྐད་ཅེས་སྨྲས་སོ། །བཅོམ་ལྡན་འདས་བདག་ཅག་ཀྱང་དཀྱིལ་འཁོར་ཆེན་པོ་འདིར་རང་གི་སྙིང་པོ་འབུལ་ལོ། །ན་མཿསརྦ་ཏ་ཐཱ་ག་ཏེ་བྷྱཿ སརྦ་མུ་ཁེ་
བྷྱཿ སརྦ་ཐཱ་གུ་རུ་གུ་རུ་སྭཱ་ཧཱ། བཅོམ་ལྡན་འདས་གང་ལ་ལ་ཞིག་སྙིང་པོ་འདི་རྟག་ཏུ་དྲན་པར་བགྱིད་ན་དེ་ལ། འབྱུང་པོའི་འཇིགས་པ་ཐམས་ཅད་མི་འབྱུང་ངོ་། །དེ་ནས་རྣམ་པར་འཁྱམ་པ་ལ་སོགས་པ་གྲིབ་གནོན་
རྣམས་ཀྱིས་བྱང་ཆུབ་སེམས་དཔའ་ལག་ན་རྡོ་རྗེ་ལ་འདི་སྐད་ཅེས་སྨྲས་སོ། །བཅོམ་ལྡན་འདས་བདག་ཅག་ཀྱང་དཀྱིལ་འཁོར་ཆེན་པོ་འདིར་རང་གི་སྙིང་པོ་འབུལ་ལོ། །ན་མཿསརྦ་ཏ་ཐཱ་ག་ཏེ་བྷྱཿ སརྦ་མུ་ཁེ་བྷྱཿ སརྦ་ཐཱ་
གི་ནི་ཛ་མིཉྫི་སྭཱ་ཧཱ། བཅོམ་ལྡན་འདས་གང་ལ་ལ་ཞིག་སྙིང་པོ་འདི་དྲན་པར་བགྱིད་ན་དེ་ལ་གྲིབ་གནོན་གྱི་འཇིགས་པ་མི་འབྱུང་ངོ་། །དེ་ནས་ཉི་མིད་ལ་སོགས་པ་མདངས་འཕྲོག་པ་ཐམས་ཅད་ཀྱིས་བྱང་ཆུབ་སེམས་
དཔའ་ལག་ན་རྡོ་རྗེ་ལ་ཕྱག་འཚལ་ནས་འདི་སྐད་ཅེས་སྨྲས་སོ། །བཅོམ་ལྡན་འདས་བདག་ཅག་ཀྱང་དཀྱིལ་འཁོར་ཆེན་པོ་འདིར་རང་གི་སྙིང་པོ་འབུལ་ལོ། །ན་མཿསརྦ་ཏ་ཐཱ་ག་ཏེ་བྷྱཿ སརྦ་མུ་ཁེ་བྷྱཿ སརྦ་ཐཱ་གི་ལི་

94-1-71b

གི་ལི་སྭཱ་ཧཱ། བཅོམ་ལྡན་འདས་གང་ལ་ལ་ཞིག་སྙིང་པོ་འདི་དྲན་པར་བགྱིད་ན་བདག་ཅག་དེའི་མདངས་འཕྲོག་པར་མི་བགྱིད་དོ། །དེ་ནས་བཞིན་ངན་ལ་སོགས་པ་ཡི་དགས་ཀྱི་ཚོགས་ཐམས་ཅད་ཀྱིས་བྱང་ཆུབ་སེམས་དཔའ་ལག་ན་
རྡོ་རྗེ་ལ་འདི་སྐད་ཅེས་སྨྲས་སོ། །བཅོམ་ལྡན་འདས་བདག་ཅག་ཀྱང་དཀྱིལ་འཁོར་ཆེན་པོ་འདིར་རང་གི་སྙིང་པོ་འབུལ་ལོ། །ན་མཿསརྦ་ཏ་ཐཱ་ག་ཏེ་བྷྱཿ སརྦ་མུ་ཁེ་བྷྱཿ སརྦ་ཐཱ་བྷི་མི་རི་བྷི་མི་རི། དུརླ་བྷེ་སྭཱ་ཧཱ། བཅོམ་ལྡན་
འདས་གང་ལ་ལ་ཞིག་སྙིང་པོ་འདི་དྲན་པར་བགྱིད་ན། བདག་ཅག་དེའི་དགོས་པ་ཐམས་ཅད་བསྒོ་བ་བཞིན་བགྱིད་དོ། །དེ་ནས་ལེགས་རྒྱལ་ལ་སོགས་པ་བདུད་ཀྱི་རིས་ཀྱི་ལྷའི་བུ་ཐམས་ཅད་ཀྱིས་བྱང་ཆུབ་སེམས་དཔའ་ལག་ན་རྡོ་རྗེ་ལ་
འདི་སྐད་ཅེས་སྨྲས་སོ། །བཅོམ་ལྡན་འདས་བདག་ཅག་ཀྱང་དཀྱིལ་འཁོར་ཆེན་པོ་འདིར་བདུད་ཀྱི་སྟོབས་ཐམས་ཅད་པ་ཞེས་བགྱི་བའི་སྙིང་པོ་འབུལ་ལོ། །ན་མཿསརྦ་ཏ་ཐཱ་ག་ཏེ་བྷྱཿ སརྦ་མུ་ཁེ་བྷྱཿ སརྦ་ཐཱ་ཏྃ་གི་ར་སྭཱ་ཧཱ། བཅོམ་ལྡན་འདས་
གང་ལ་ལ་ཞིག་སྙིང་པོ་འདི་རྟག་ཏུ་དྲན་པར་བགྱིད་ན་བདག་ཅག་དེའི་མདུན་དུ་མི་མཆི་བར་བསྲུང་བར་བགྱིའོ། །ཅི་སྟེ་བསྒྲུབ་པར་འཚལ་ན་དེས་ཐོག་མ་ཁོ་ནར་གཙང་མར་བགྱིས་ཤིང་། གོས་གཙང་མ་བགོས་ལ་སྐྱེད་མོས་ཚལ་ལམ་ལྷ་ཆེན་པོའི་
གནས་སུ་གླུ་ལེན་ཅིང་གར་བགྱིད་ཅིང་རོལ་མོའི་སྒྲ་དབྱངས་འབྱིན་པ་དག་གིས། ཡིད་དགའ་བར་སྙིང་པོ་འདི་ལན་བཞི་འབུམ་བཟླས་བརྗོད་བགྱིའོ། །དེ་ནས་དེ་ཉིད་དུ་ཡོ་བྱད་ཐམས་ཅད་ཀྱིས་རྒྱ་ཆེར་མཆོད་ལ། སྤོས་ཐམས་ཅད་
ལས་འདོད་པའི་ལྷའི་གཟུགས་བགྱིས་ཏེ་མར་གྱི་མར་མེ་བརྒྱད་བུས་ལ། གླུ་དྲུག་ལྡན་ནམ་འདབ་བརྒྱ་མའི་དབྱངས་ཀྱིས་མཚན་ཐོག་ཐག་བཟླས་བརྗོད་བགྱིས་ན་ནམ་ཕྱེད་ན་དགའ་མ་དང་སྡུག་མ་དང་ལྷན་ཅིག་ཏུ་མཆིས་ཤིང་། 
དེའི་ཚེ་རིག་སྔགས་འཆང་ཉིད་དམ་མི་སྣང་བར་འགྱུར་བའམ་རྗེས་སུ་རྒྱུ་བ་ཉིད་ཀྱང་རུང་སྟེ་དམ་པ་སྩོལ་ཏོ། །ཅི་སྟེ་མ་གྲུབ་ན་གྲོང་དམ་པ་བརྒྱད་སྩོལ་ཏོ། །སྐལ་བ་བཟང་པོའི་མཆོག་དང་ལྡན་ཞིང་འདོད་པའི་ལྷ་གཉིས་པ་དང་འདྲ་བར་ས་

94-1-72a

ལ་རྒྱུ་བར་འགྱུར་རོ། །དེ་ནས་རྒྱལ་མ་ལ་སོགས་པ་སྲིང་མོ་ཆེན་པོ་བཞི་ཕྱོགས་བཞི་ནས་འོངས་ཏེ་འདུག་ནས་དེ་དག་གིས་བྱང་ཆུབ་སེམས་དཔའ་ལག་ན་རྡོ་རྗེ་ལ་འདི་སྐད་ཅེས་སྨྲས་སོ། །བཅོམ་ལྡན་འདས་བདག་ཅག་
ཀྱང་དཀྱིལ་འཁོར་ཆེན་པོར་རང་གི་སྙིང་པོ་འབུལ་ལོ། །དེ་ནས་རྒྱལ་མས་རང་གི་སྙིང་པོ་སྨྲས་པ། ན་མཿསརྦ་ཏ་ཐཱ་ག་ཏེ་བྷྱཿ སརྦ་མུ་ཁེ་བྷྱཿ སརྦ་ཐཱ་ཙ་ཡེ་ཅ་ཡོཏྦྷ་བེ་སྭཱ་ཧཱ། བཅོམ་ལྡན་འདས་གང་ལ་ལ་ཞིག་བདག་གི་སྙིང་
པོ་འདི་དྲན་པར་བགྱིད་ན་བདག་རྟག་ཏུ་དེའི་སླད་བཞིན་འབྲང་བར་བགྱིའོ། །བསྲུང་བར་བགྱིའོ། །དཔལ་བསྐྱེད་པར་བགྱིའོ། །བུ་མང་པོར་བགྱིའོ། །སྐལ་བ་བཟང་པོ་སྩལ་བར་བགྱིའོ། །ཅི་སྟེ་བསྒྲུབ་པར་འཚལ་ན་དེས་རྒྱ་མཚོར་
འབབ་པའི་ཆུ་ཀླུང་དུ་ཞུགས་ཀྱང་རུང་། རིའི་རྩེ་མོར་མཆིས་ཀྱང་རུང་སྙིང་པོ་འདི་ལན་འབུམ་བཟླས་བརྗོད་བགྱིའོ། །ཐ་མར་གཅིག་པུས་ས་ཕྱོགས་གཙང་མ་དབེན་པར་བ་ལང་གི་ལྕི་བ་ས་ལ་མ་ལྷུང་བས་དཀྱིལ་འཁོར་བྱུགས་ལ་བ་སེར་མོའི་མར་གྱི་
མར་མེ་བུས་ཏེ། ནམ་གྱི་གུང་ལ་ཡུངས་ཀར་གྱིས་སྦྱིན་སྲེག་བགྱིས་ན་དེ་ནས་འགྲུབ་པར་འགྱུར་རོ། །སྐྱེ་བོ་ཐམས་ཅད་ཀྱི་སྙིང་དུ་སྡུག་པ་དང་འདོད་དགུར་འགྲོ་བ་དང་འདོད་པའི་གཟུགས་འཛིན་པ་དང་དཔལ་དང་ལྡན་པར་འགྱུར་རོ། །དེ་ནས་རྣམ་པར་
རྒྱལ་མས་རང་གི་སྙིང་པོ་སྨྲས་པ། ན་མཿསརྦ་ཏ་ཐཱ་ག་ཏེ་བྷྱཿ སརྦ་མུ་ཁེ་བྷྱཿ སརྦ་ཐཱ་ཛ་ཡོཏྟ་རེ་ཛ་ཡ་བི་ཛ་ཡ་ནི་ནནྡ་ནི་སྭཱ་ཧཱ། བཅོམ་ལྡན་འདས་གང་ལ་ལ་ཞིག་བདག་གི་སྙིང་པོ་འདི་དྲན་པར་བགྱིད་ན་བདག་རྟག་ཏུ་དེའི་སླད་
བཞིན་དུ་འབྲང་བར་བགྱིའོ། །ཚེ་རིང་བ་དང་ནད་མེད་པ་ཕུན་སུམ་ཚོགས་པ་སྩལ་བར་བགྱིའོ། །བསྲུང་བར་བགྱིའོ། །ཅི་སྟེ་བསྒྲུབ་པར་འཚལ་ན་དེས་ཡང་སྔ་མ་བཞིན་དུ་ལན་ཉིས་འབུམ་བཟླས་བརྗོད་བགྱིའོ། །ཐ་མར་སྔ་
མ་བཞིན་དུ་བསྒྲུབ་པར་བགྱིའོ། །མ་གྲུབ་ན་ཡང་སྐྱེ་བོ་ཐམས་ཅད་ཀྱི་སྙིང་དུ་སྡུག་པར་འགྱུར་རོ། །ནོར་ཆེན་པོ་དང་ལྡན་པ་དང་ལན་ཐེབས་པར་འགྱུར་རོ། །དེ་ནས་མི་འཕམ་མས་རང་གི་སྙིང་པོ་སྨྲས་པ། ན་མཿསརྦ་ཏ་ཐཱ་ག་ཏེ་བྷྱཿ

94-1-72b

སརྦ་མུ་ཁེ་བྷྱཿ སརྦ་ཐཱ་ཨནྟ་ཨ་ཛི་ཏེ་སྭཱ་ཧཱ། བཅོམ་ལྡན་འདས་གང་ལ་ལ་ཞིག་བདག་གི་སྙིང་པོ་འདི་རྟག་ཏུ་དྲན་པར་བགྱིད་ན་བདག་དེའི་བསམ་པ་ཐམས་ཅད་ཡོངས་སུ་རྫོགས་པར་བགྱི་བའི་སླད་དུ་རྟག་ཏུ་སླད་བཞིན་དུ་འབྲང་
བར་བགྱིའོ། །ཅི་སྟེ་བསྒྲུབ་པར་འཚལ་ན་དེས་སྔ་མ་བཞིན་དུ་སྙིང་པོ་འདི་ལན་སུམ་འབུམ་བཟླས་བརྗོད་བགྱིའོ། །ཐ་མར་ཅི་འབྱོར་པས་མཆོད་ཏེ་མཚན་ཐོག་ཐག་གུ་གུལ་གྱི་བདུག་པ་བསྲེག་ཅིང་། ཏིལ་ནག་པོས་
ནམ་གྱི་གུང་ལ་སྦྱིན་སྲེག་བགྱིས་ན་དེ་ནས་འགྲུབ་པར་འགྱུར་ཏེ་གང་འཚལ་བ་དེ་བགྱིད་དོ། །དེ་ནས་གཞན་གྱིས་མི་ཐུབ་མས་རང་གི་སྙིང་པོ་སྨྲས་པ། ན་མཿསརྦ་ཏ་ཐཱ་ག་ཏེ་བྷྱཿ སརྦ་མུ་ཁེ་བྷྱཿ སརྦ་
ཐཱ་ཨནྣ་རྫ་བེ་ཨ་ཀུ་ཏི་ལེ་ཨ་པ་ར་ཛི་ཏེ་སྭཱ་ཧཱ། བཅོམ་ལྡན་འདས་གང་ལ་ལ་ཞིག་བདག་གི་སྙིང་པོ་འདི་དྲན་པར་བགྱིད་ན། བདག་དེ་བསྲུང་བའི་སླད་དུ་རྟག་ཏུ་དེའི་སླད་བཞིན་དུ་འབྲང་བར་བགྱིའོ། །སྙིང་པོ་འདི་བཟླས་
བརྗོད་བགྱིས་ན་སྐྱེ་བོ་ཐམས་ཅད་ཀྱི་སྙིང་དུ་སྡུག་པར་འགྱུར་རོ། །གཟུང་བའི་ཚིག་དང་སྐལ་བ་བཟང་པོར་འགྱུར་རོ། །ཅི་སྟེ་སྒྲུབ་པར་འཚལ་ན་དེས་སྔ་མ་བཞིན་དུ་སྙིང་པོ་འདི་ལན་བཞི་འབུམ་བཟླས་བརྗོད་
བགྱིའོ། །ཐ་མར་ཅི་འབྱོར་པས་མཆོད་ལ་ཀླུ་ཤིང་གི་མེ་ཏོག་མར་དང་བསྲེས་པས་ལན་འབུམ་སྦྱིན་སྲེག་བགྱིས་ན་དེས་ན་འགྲུབ་པར་འགྱུར་ཏེ། ཚིག་ཙམ་གྱིས་ལས་བགྱིད་དེ་གཞན་དུ་མི་འགྱུར་རོ། །
དེ་ནས་ཏམ་བུ་རས་བྱང་ཆུབ་སེམས་དཔའ་ལག་ན་རྡོ་རྗེ་ལ་ཕྱག་འཚལ་ཏེ་འདི་སྐད་ཅེས་སྨྲས་སོ། །བཅོམ་ལྡན་འདས་བདག་ཅག་ཀྱང་བྱང་ཆུབ་སེམས་དཔའི་སྤྱད་པ་གསང་སྔགས་ཀྱི་སྒོ་སྤྱོད་པའི་བྱང་ཆུབ་སེམས་
དཔའ་རྣམས་ཀྱི་དོན་གྱི་སླད་དུ། དཀྱིལ་འཁོར་ཆེན་པོ་འདིར་རང་གི་སྙིང་པོ་འབུལ་ལོ། །ན་མཿསརྦ་ཏ་ཐཱ་ག་ཏེ་བྷྱཿ སརྦ་མུ་ཁེ་བྷྱཿ སརྦ་ཐཱ། ཨོཾ་ཧེ་ཛྃ་བེ། ཨོཾ་ཧེ་མོ་ཧེ་སྭཱ་ཧཱ། 

94-1-73a

བཅོམ་ལྡན་འདས་བདག་གི་སྙིང་པོ་འདི་ནི་གདོང་བཞི་པ་ཕྱོགས་བཞི་ནས་བྱུང་བ་སྐྱེ་དགུ་གནས་པ་འབྱོར་པ་འབྱིན་པ་སྡུད་པར་བགྱིད་པ་སྟེ། འབྲུ་དང་བསངས་དང་བཀྲ་ཤིས་དང་། །དཔལ་དང་རྣམ་པར་འབྱོར་པ་འཕེལ། །ངོ་མཚར་མང་
པོ་རྣམས་དང་ལྡན། །འདི་ནི་བཅུད་ཀྱིས་ལེན་གྱིས་མཆོག །བཅོམ་ལྡན་འདས་གང་ལ་ལ་ཞིག་སྙིང་པོ་འདི་དུས་ཐམས་ཅད་དུ་ཡིད་ལ་བགྱིད་ན། བདག་འཁོར་དང་བཅས་ཏེ་དེའི་སླད་བཞིན་འབྲང་བར་བགྱིའོ། །ཅི་སྟེ་བསྒྲུབ་པར་འཚལ་ན་དེས་འགྲེང་ཡང་
རུང་འདུག་ཀྱང་རུང་ཉལ་ཡང་རུང་ལམ་དུ་འགྲོ་ཡང་རུང་སྟེ། བདག་ལ་རྣམ་པར་དགོད་པར་བགྱིས་པ་བཞིན་དུ་སྐྱེས་བུ་བཅིང་བར་བགྱིའོ། །གདོང་བཞི་པ་རྣམ་པར་བཀོད་ལ་ཕྱག་རྒྱ་བཅིང་བར་བགྱིའོ། །དེས་ཚེས་ནས་བརྩམས་ནས་ཟླ་བ་ཉའི་བར་དུ་
བགྱིའོ། །དེ་ནས་ཅི་འབྱོར་པས་མཆོད་དེ་འབྲས་སཱ་ལུའི་ཕྱེ་ལས་པད་མ་འདབ་མ་བརྒྱད་པ་ཟེ་བ་དང་བཅས་པར་བགྱིས་ལ་སྙིང་པོ་ཨོཾ་ཞེས་བགྱི་བ་དང་ཛ་ཞེས་བགྱི་བ་ཤར་ཕྱོགས་སུ་དགོད་དོ། །བཱ་ཞེས་བགྱི་བ་ནུབ་ཕྱོགས་སུ་དགོད་དོ། །མ་ཞེས་
བགྱི་བ་བྱང་ཕྱོགས་སུ་གཞག་གོ། ཧ་ཞེས་བགྱི་བ་ལྷོ་ཕྱོགས་སུ་གཞག་ལ་དངོས་གྲུབ་འཚལ་བས་རྩྭ་ཀུ་ཤ་སྦམས་པའི་སྟེང་དུ་མཆིས་ཏེ། ནུབ་གཅིག་ལན་ཚའི་བསྲེག་བླུགས་ལན་ཁྲི་སྦྱིན་བསྲེག་བགྱིས་ན། ནང་པར་དངོས་གྲུབ་ཅི་འཚལ་
བའི་འབྲས་བུ་སྩོལ་ཏོ། །བཟླས་བརྗོད་བགྱིས་ན་ཡི་གེ་གོ་རིམ་བཞིན་དུ་རིག་པར་བགྱིའོ། །དེ་ནས་ལག་ན་རྡོ་རྗེ་དེའི་ཚེ་ཐམས་ཅད་དང་ལྡན་པའི་འཁོར་དེ་ལ་བལྟས་ནས་ལེགས་སོ་ཞེས་བྱ་བ་བྱིན་ཏེ། གྲོགས་པོ་དག་འདི་ལྟར་ཁྱེད་ཀྱིས་
དཀྱིལ་འཁོར་ཆེན་པོ་འདིར་རང་གི་སྙིང་པོ་རྣམས་སྨྲས་ཤིང་ཕུལ་བ་དང་རྗེས་སུ་ཡི་རང་བ་ནི་གྲོགས་པོ་དག་ལེགས་སོ་ལེགས་སོ། །སྙིང་པོ་འདི་དག་ནི་སྙིང་པོ་མཆོག་གིས་དྲངས་པ་སྟེ། དེས་ན་འདི་དག་སྙིང་པོ་མཆོག་གིས་ཟིན་པས་
དངོས་གྲུབ་སྦྱིན་པར་འགྱུར་རོ། །གང་ལ་ལ་ཞིག་བསྟན་པ་འདི་ལས་འདས་ན་སྙིང་པོ་མཆོག་གིས་འབར་བ་ཀུན་དུ་མཆེད་ཅིང་འབར་བས། དེའི་མགོ་བོ་འགེམས་པར་འགྱུར་ཏེ་གཞན་དུ་མ་ཡིན་ནོ། །དེ་ནས་ཐམས་ཅད་དང་ལྡན་པའི་འཁོར་

94-1-73b

དེས་མགྲིན་གཅིག་ཏུ་ཚིག་སྨྲས་པ། བྱང་ཆུབ་སེམས་དཔའ་ཆེན་པོས་བཀའ་སྩལ་པ་དེ་བཞིན་དུ་གྱུར་ཅིག །དེ་ནས་འཇམ་དཔལ་གཞོན་ནུར་གྱུར་པས་དེའི་ཚེ་རྡོ་རྗེ་ཡེ་ཤེས་ཆེན་པོའི་འོད་ཟེར་འཕྲོ་བ་ལས་འབྱུང་བ་ཞེས་བྱ་བའི་ཏིང་ངེ་འཛིན་
ལ་སྙོམས་པར་ཞུགས་ནས་ལག་པས་ལག་ན་རྡོ་རྗེ་ལས་རྡོ་རྗེ་བླངས་ཏེ། ཡེ་ཤེས་ལས་བྱུང་བའི་ཨུཏྤ་ལ་དྲི་མ་མེད་པར་བྱས་ནས་ཡེ་ཤེས་ཆེན་པོ་ལས་བྱུང་བའི་ཨུཏྤ་ལ་དེ་ལ་རྡོ་རྗེ་གཞག་གོ། རྡོ་རྗེ་ཆེན་པོ་དེ་གཞག་མ་ཐག་ཏུ་དེ་ནས་འཇིག་རྟེན་
གྱི་ཁམས་རབ་འབྱམ་ཐམས་ཅད་དང་། སངས་རྒྱས་ཀྱི་འཁོར་གྱི་དཀྱིལ་འཁོར་ཐམས་ཅད་དུ་ཀྱེ་མ་འཇམ་དཔལ་གཞོན་ནུར་གྱུར་པ་འདི་ནི་དམ་པ་སྦྱིན་པའི་རྡོ་རྗེའོ་ཞེས་སྒྲ་གཅིག་ནས་གཅིག་ཏུ་འུར་ཞེས་གྲགས་སོ། །དེའི་ཚེ་འཇམ་
དཔལ་གཞོན་ནུར་གྱུར་པའི་སྙིང་ག་ནས་མཆོག་ཏུ་གསང་བའི་སྙིང་པོ་བྱུང་ངོ་། །ན་མཿསརྦ་ཏ་ཐཱ་ག་ཏེ་བྷྱཿ། སརྦ་མུ་ཁེ་བྷྱཿ། སརྦ་ཐཱ་མཉྫུྰ་བཛྲ་ཛ་ཡ་ར་ཏི་ཏ་པི་ལས་ཧཱུྃ་ཀྲྀ་ད་ན་ཀུ་མཱ་ར་སྭཱ་ཧཱ། རྡོ་རྗེའི་སྙིང་པོ་ཧཱུྃ་ཞེས་བྱ་བ་མཆོག་དང་ལྡན་པ་
བྱུང་མ་ཐག་ཏུ་དེ་ནས་ཕྱོགས་བཅུའི་འཇིག་རྟེན་གྱི་ཁམས་ན་བཞུགས་པའི་སངས་རྒྱས་བཅོམ་ལྡན་འདས་རྣམས་དེ་ན་བཞུགས་བཞིན་དུ་ཕྱག་གཡས་པ་བརྐྱང་སྟེ། འཇམ་དཔལ་གཞོན་ནུར་གྱུར་པའི་མགོ་ལ་བྱུགས་ནས་བཀའ་སྩལ་པ། 
རྡོ་རྗེ་ཆེན་པོ་ལེགས་སོ་ལེགས། །སྟོབས་ཆེན་རྡོ་རྗེ་དམ་པ་སྦྱིན། །ལག་ན་རྡོ་རྗེ་དབང་བསྐུར་བར། །དངོས་གྲུབ་བསྒྲུབ་པ་རྒྱ་ཆེར་ནི། །བསྟན་པ་འདི་ལ་བཤད་པར་གྱིས། །དེ་སྐད་གསུངས་ནས་རྫུ་འཕྲུལ་ཆེ། །སངས་རྒྱས་དེ་
དག་དེར་བཞུགས་བཞིན། །འཇམ་དཔལ་གཞོན་ནུའི་སྤྱི་བོ་ནས། །ཕྱག་རྣམས་དེ་དག་སླར་བཀུག་གོ། དེ་ནས་དེ་བཞིན་གཤེགས་པ་དེ་དག་གིས་གནང་བས། འཇམ་དཔལ་གཞོན་ནུར་གྱུར་པས་དེའི་ཚེ་དངོས་གྲུབ་བསྒྲུབ་པའི་རིམ་
པར་ཕྱེ་བ་སྨྲས་པ་ཐོག་མ་ཉིད་དུ་རིང་བསྲེལ་དང་བཅས་པའི་མཆོད་རྟེན་ནམ་སྐུ་གཟུགས་སམ་དམ་པའི་ཆོས་ཀྱི་གླེགས་བམ་གྱི་མདུན་དུ་སྙིང་པོ་གང་རུང་བ་རྒྱ་ཆེར་བརྗོད་དེ། སློབ་དཔོན་མགུ་བར་བྱས་ལ་གསོལ་བ་བཏབ་སྟེ། སློབ་དཔོན་

94-1-74a

ཐམས་ཅད་མཁྱེན་པའི་ཡེ་ཤེས་ཐོབ་པར་བྱ་བའི་ཕྱིར་བདག་ལ་གསང་སྔགས་སྩལ་དུ་གསོལ་ཞེས་བརྗོད་པར་བྱའོ། །སློབ་དཔོན་ལ་དེ་སྐད་ཅེས་གསོལ་བ་བཏབ་ནས། ཐལ་མོ་སྦྱར་ཏེ་པུས་མོའི་ལྷ་ང་ས་ལ་བཙུགས་
ལ་ལག་པ་སྟོང་པ་མ་ཡིན་པས་སྔགས་གང་འདོད་པ་བླང་བར་བྱ་སྟེ། བྱང་ཆུབ་ཀྱི་སྙིང་པོ་ལ་གནས་ཀྱི་བར་དུའོ་ཞེས་ཚིག་ཏུ་བརྗོད་པར་བྱའོ། །གཞན་དུ་སྔགས་བདག་གིས་བླངས་ན་ནི་གྲུབ་པར་མི་འགྱུར་རོ། །དེ་ནས་སངས་རྒྱས་ཀྱིས་
གསུངས་པའི་སྙིང་པོ་འདི་དག་གི་སྤྱིའི་དངོས་གྲུབ་བསྒྲུབ་པ་ནི་འདི་ཡིན་ཏེ། རིའམ་ནགས་ཚལ་ལམ་ཁང་སྟོང་ངམ་ཕུག་གམ་དུར་ཁྲོད་དམ་ཆུ་ཀླུང་ངམ་དབེན་པ་གང་ཡང་རུང་བ་དེར་གནས་ལ། སློངས་མོའི་ཟས་ཟ་ཡང་རུང་སླངས་པ་མ་
ཡིན་པའི་ཟས་ཟ་ཡང་རུང་གཙང་མར་བྱས་ཤིང་གོས་གཙང་མ་བགོས་ལ། དུས་གསུམ་དུ་ཁྲུས་བྱས་ཤིང་གོས་ལན་གསུམ་བརྗེས་ཏེ་སྙིང་པོ་གང་ཡང་རུང་བ་ཞིག་ལན་སུམ་འབུམ་བཟླས་བརྗོད་བྱའོ། །དེ་ནས་ལྡོང་རོས་སམ་ལིག་བུ་མིག་
གམ་གི་ཝང་བའི་རྣམ་ལྔས་བཀྲུས་ཀྱང་རུང་བ་ལང་གི་ལྕི་བའི་ཕུང་པོའི་སྟེང་དུ་གཞག་ཀྱང་རུང་སྟེ་ཟླ་བ་ཡར་གྱི་ངོ་ཚེས་ནས་བཟུང་སྟེ་ཉའི་བར་དུ་གཞག་གོ། བདག་གི་ལྷ་དང་བདག་གི་གཟུགས་ཐ་མི་དད་པར་བྱས་ལ་མཚན་མ་བྱུང་གི་བར་དུ་
བཟླས་བརྗོད་བྱའོ། །དེ་ལ་མཚན་མ་ནི་འདི་དག་ཡིན་ཏེ་སྔོན་མ་བྱུང་བའི་ཆོས་ཐོས་པར་འགྱུར་བ་དང་སྣང་བ་ཐོབ་པར་འགྱུར་བ་དང་ཡིད་དུ་འོང་བའི་སྒྲ་ཐོས་པར་འགྱུར་བ་དང་དེ་བཞིན་གཤེགས་པའི་ཕུན་སུམ་ཚོགས་པ་མྱོང་བ་སྙམ་དུ་ཤེས་པ་དང་བདག་
ཉིད་ལ་ཡིད་ཆེས་པར་འགྱུར་བ་ལ་སོགས་པའི་མཚན་མ་འབྱུང་བར་འགྱུར་རོ། །དེ་ནས་ཟླ་བ་ཉ་ལ་ཅི་འབྱོར་པས་མཆོད་དེ་རྫས་དེ་ལག་པའི་སྙིམ་པར་བཅུག་ལ་མཚན་ཐོག་ཐག་བཟླས་བརྗོད་བྱས་ན་ནམ་ཕྱེད་དམ་ཉི་མ་འཆར་ཀར་རྫས་དེ་འབར་བ་
འམ་དུ་བ་འཐུལ་བ་འམ་དྲོ་བར་འགྱུར་རོ། །འབར་ན་ནི་ལུས་ལ་བསྐུས་ན་རིག་སྔགས་འཆང་དུ་འགྱུར་ཏེ་ཉི་མ་ཤར་བ་ལྟ་བུའི་མདོག་ཅན་དང་བསྐལ་པར་གནས་པ་དང་ཐོགས་པ་མེད་པར་འགྲོ་བ་དང་འཇིག་རྟེན་གྱི་ཁམས་གཞན་ཐམས་ཅད་དུ་

94-1-74b

རྒྱུ་བ་དང་འདོད་ན་མཆི་བར་འགྱུར་རོ། །དུ་བ་འཐུལ་ན་སུམ་རིས་བྱས་ན་མི་སྣང་བར་འགྱུར་རོ། །དྲོ་བར་གྱུར་ན་འགྲོ་བ་ཐམས་ཅད་ལ་དབང་བྱེད་པར་འགྱུར་རོ། །མ་གྲུབ་ན་ལས་སུ་རུང་བ་དང་བློན་པོ་ཆེན་པོའི་སྲིད་ཐོབ་པར་
འགྱུར་རོ། །ཟླ་བ་གཅིག་སངས་རྒྱས་རྗེས་སུ་དྲན་པར་བགྱིད་ཅིང་སྙིང་པོ་གང་ཡང་རུང་བ་ཞེས་བཅོམ་ལྡན་འདས་ཀྱི་སྤྱན་སྔར་ཅི་འབྱོར་པས་མཆོད་ལ། སངས་རྒྱས་ཀྱི་གཟུགས་ལ་བལྟ་ཞིང་མཚན་ཐོག་ཐག་བཟླས་བརྗོད་བྱས་
ན་དེའི་གཟུགས་དེ་གྲུབ་པར་འགྱུར་རོ། །དེ་བཞིན་དུ་བྱང་ཆུབ་སེམས་དཔའ་གང་ཡང་རུང་བའི་མདུན་དུ་བསྒྲུབས་ན་ཡང་དེ་བཞིན་དུ་འགྲུབ་སྟེ་གང་འདོད་པ་དེ་བྱེད་དོ། །སྔར་སྤྱད་པ་མ་བྱས་ཀྱང་གདོན་མི་ཟ་བར་འགྲུབ་པར་འགྱུར་རོ། །
དེ་ལ་དབུས་ཀྱི་ཡུལ་དུ་ནི་འཁོར་ལོས་སྒྱུར་བ་བཅོམ་ལྡན་འདས་དྲག་པོ་ཆེན་པོ་འགྲུབ་བོ། །ལྷོ་ཕྱོགས་ཀྱི་རྒྱུད་དུ་ནི་ལག་ན་རྡོ་རྗེ་དྲག་པོ་འགྲུབ་བོ། །འགྲོ་ལྡིང་བའི་ཡུལ་དུ་ནི་རིག་སྔགས་ཀྱི་རྒྱལ་པོ་འགྲོ་ལྡིང་འགྲུབ་བོ། །
བྱང་ཕྱོགས་ཀྱི་རྒྱུད་དུ་ནི་བྱང་ཆུབ་སེམས་དཔའ་ལག་ན་པད་མ་འགྲུབ་བོ། །ཤར་ཕྱོགས་གྱི་ཡུལ་དུ་ནི་དམ་པ་སྦྱིན་པའི་རྡོ་རྗེ་འགྲུབ་བོ། །སྐྱེད་མོས་ཚལ་ཆེན་པོར་ནི་གནོད་སྦྱིན་གྱི་ཚོགས་དང་། གནོད་སྦྱིན་མོ་རྣམས་འགྲུབ་བོ། །
ཁང་སྟོང་དུ་ནི་ཤ་ཟ་དང་ཤ་ཟ་མོ་རྣམས་འགྲུབ་བོ། །དུར་ཁྲོད་དུ་ནི་མ་མོ་རྣམས་དང་མཁའ་འགྲོ་མ་དང་སྲིན་པོ་དང་སྲིན་མོ་ལ་སོགས་པ་འགྲུབ་བོ། །རི་རྣམས་སུ་ནི་རིག་སྔགས་འཆང་རྣམས་དང་མི་འམ་ཅི་རྣམས་འགྲུབ་བོ། །དགོན་
པ་ཆེན་པོ་རྣམས་སུ་ནི་དྲི་ཟ་རྣམས་འགྲུབ་བོ། །འབབ་ཆུ་རྣམས་སུ་ནི་ཀླུ་རྣམས་འགྲུབ་བོ། །ཁང་པ་ཆེན་པོ་དང་ཤིང་པ་ཏའི་དྲུང་དག་ཏུ་ནི་འབྱུང་པོ་རྣམས་འགྲུབ་བོ། །བྱང་ཕྱོགས་ཀྱི་རྒྱུད་དུ་ནི་གནོད་སྦྱིན་ཆེན་པོ་དང་ན་ད་ཀུ་བེ་ར་འགྲུབ་བོ། །
རྒྱ་མཚོ་ཆེན་པོར་ནི་སྲིང་མོ་བཞི་དག་འགྲུབ་བོ། །རིགས་ཀྱི་བུ་དག་གཞན་ཡང་གྲོང་ཁྱེར་ཆེན་པོ་རྣམས་སུ་ནི་རིག་སྔགས་ཀྱི་སྒྲོལ་མ་དང་ཁྲོ་གཉེར་ཅན་འགྲུབ་བོ། །ཆུ་འདུས་སུ་ནི་ཚངས་པ་འགྲུབ་བོ། །དུར་ཁྲོད་དུ་བ་དང་བཅས་པར་ནི་དྲག་པོ་

94-1-75a

འགྲུབ་བོ། །སྐྱེས་བུ་ཆེན་པོའི་གནས་སུ་ནི་ཁྱབ་འཇུག་འགྲུབ་བོ། །བྱང་ཕྱོགས་ཀྱི་རྒྱུད་དུ་ནི་ཉི་མ་འགྲུབ་བོ། །གངས་རི་ལ་ནི་ཟླ་བ་འགྲུབ་བོ། །ལྷོ་ཕྱོགས་ཀྱི་རྒྱུད་དུ་ནི་སྨིན་དྲུག་གི་བུ་འགྲུབ་བོ། །
རི་སུལ་དག་ཏུ་ནི་ལྷ་མ་ཡིན་རྣམས་འགྲུབ་བོ། །རིགས་ཀྱི་བུ་དག་རྒྱ་མཚོ་ཆེན་པོ་རྣམས་སུ་ནི་ལྟོ་འཕྱེ་ཆེན་པོ་རྣམས་འགྲུབ་བོ། །ཡུལ་མཱ་ག་དྷར་ནི་དྲང་སྲོང་ཆེན་པོ་རྣམས་འགྲུབ་བོ། །མྱ་ངམ་དག་ཏུ་ནི་ཡི་དགས་རྣམས་འགྲུབ་བོ། །
རིགས་ཀྱི་བུ་དག་གཞན་ཡང་རི་རྣམས་སུ་ནི་རིན་པོ་ཆེ་དག་འགྲུབ་བོ། །འབབ་ཆུ་རྣམས་སུ་ནི་འབབ་ཆུ་ཆེན་པོ་དག་འགྲུབ་བོ། །ཡུལ་ཀ་ལིང་གར་ནི་འབྱུང་པོའི་རྒྱལ་པོ་དབང་ལྡན་འགྲུབ་བོ། །གཏོར་ཁུང་རྣམས་སུ་ནི་གནོན་པོ་དག་འགྲུབ་བོ། །
ཁྱིམ་གྱི་བར་རྣམས་སུ་ནི་གྲིབ་གནོན་རྣམས་འགྲུབ་བོ། །རྟེན་དང་གནས་རྣམས་སུ་ནི་བརྗེད་བྱེད་ཀྱི་གདོན་རྣམས་འགྲུབ་བོ། །རིགས་ཀྱི་བུ་དག་གཞན་ཡང་ཡུལ་ལང་ཀ་དང་། རི་མ་ལ་ཡའི་སྟེང་དུ་ནི་གཤིན་རྗེ་འཁོར་དང་བཅས་པ་
འགྲུབ་བོ། །གཞན་ཡང་སྲིན་པོ་ཆེན་པོ་རྣམས་ནི་ཡུལ་ལང་ཀ་དང་རི་མ་ལ་ཡར་འགྲུབ་བོ། །གཞན་ཡང་ནམ་མཁའ་ལྡིང་གི་དབང་པོ་ཐམས་ཅད་ནི་རྒྱ་མཚོ་ཆེན་པོར་འགྲུབ་བོ། །གངས་ཁྲོད་དུ་ནི་དབྱར་སྤྲིན་གྱི་ལྷའི་བུ་རྣམས་
འགྲུབ་བོ། །གཞན་ཡང་རི་རྩེ་བརྒྱད་པའི་རྩེ་མོར་ནི་རླུང་བདུན་འགྲུབ་བོ། །རིགས་ཀྱི་བུ་དག་དེ་ལྟར་ན་སེམས་ཅན་གྱི་བསམ་པ་ཐ་དད་པས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རྣམས་ཀྱིས་
ཡུལ་གྱི་དབང་ཉེ་བར་བཟུང་སྟེ། དུས་ཀྱི་དབང་གིས་གསང་སྔགས་འགྲུབ་པ་གདགས་པར་མཛད་ཅིང་རྣམ་པར་གཞག་པར་མཛད་དོ། །དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་ཞི་བའི་བློ་གྲོས་ཀྱིས་འཇམ་དཔལ་གཞོན་ནུར་གྱུར་པ་ལ་
འདི་སྐད་ཅེས་སྨྲས་སོ། །འཇམ་དཔལ་དུས་ཞེས་བྱ་བ་འདི་ནི་ཆོས་གང་གི་ཚིག་བླ་དགས་ཡིན། དེ་སྐད་ཅེས་སྨྲས་པ་དང་། འཇམ་དཔལ་གྱིས་བྱང་ཆུབ་སེམས་དཔའ་སེམས་དཔའ་ཆེན་པོ་ཞི་བའི་བློ་གྲོས་ལ་འདི་སྐད་ཅེས་སྨྲས་སོ། །རིགས་
94-1-75b

ཀྱི་བུ་དུས་ཞེས་བྱ་བ་འདི་ནི་སངས་རྒྱས་འབྱུང་བའི་ཚིག་བླ་དགས་སོ། །དེ་ཅིའི་ཕྱིར་ཞེ་ན། ཅི་སྲིད་དུ་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་བཞུགས་ཤིང་འཚོ་ལ་གཞེས་པ་དེ་སྲིད་དུ་གསང་སྔགས་འགྲུབ་པར་ཁོང་དུ་
ཆུད་པར་བྱའོ། །ཞི་བའི་བློ་གྲོས་འདི་ལྟ་སྟེ་དཔེར་ན། རྒྱ་མཚོ་ཆེན་པོ་ན་འགྲོ་བ་ཐམས་ཅད་ཀྱི་བཀོད་པའི་སྙིང་པོ་ཞེས་བྱ་བའི་ནོར་བུ་རིན་པོ་ཆེ་ཆེན་པོ་ཡོད་དེ། ནོར་བུ་རིན་པོ་ཆེ་ཆེན་པོའི་རྒྱལ་པོ་ཆེན་པོ་ཅི་སྲིད་དུ་རྒྱ་མཚོ་ཆེན་པོ་ན་གནས་པ་དེ་སྲིད་དུ་
ཆུ་སྐམ་པར་མི་འགྱུར་ཏེ་ནོར་བུ་རིན་པོ་ཆེ་ཆེན་པོ་མང་པོ་དག་འབྱུང་བར་འགྱུར་རོ། །རྒྱ་མཚོ་ཆེན་པོ་དེ་ཡང་སྐམ་ལ་གནས་པ་དང་། ཆུ་ན་གནས་པའི་མི་དང་མི་མ་ཡིན་པ་རྣམས་ཀྱི་འཚོ་བར་འགྱུར་ཏེ། ཁ་ཅིག་ཏུ་ནི་བཏུང་བས་ཁ་ཅིག་ཏུ་ནི་
གནས་ཀྱིས་ཁ་ཅིག་ཏུ་ནི་རིན་པོ་ཆེ་རྣམ་པར་འགེང་པ་ནས་རྣམ་པ་ཐམས་ཅད་ཀྱི་བར་གྱིས་འཚོ་བར་འགྱུར་ཞིང་། ནམ་ཡང་ཉེ་བར་མི་འཚོ་བར་མི་འགྱུར་རོ། །ནོར་བུ་རིན་པོ་ཆེ་ཆེན་པོའི་རྒྱལ་པོ་དེ་མེད་པར་གྱུར་ན་ཆུ་མེད་པ་དང་། དངོས་པོ་ཐམས་
ཅད་མེད་པའི་ཕྱིར་རྒྱ་མཚོ་ཆེན་པོ་ཡང་སྲོག་ཆགས་ཐམས་ཅད་ཀྱི་འཚོ་བར་མི་འགྱུར་རོ། །ཞི་བའི་བློ་གྲོས་དེ་བཞིན་དུ་ཇི་སྲིད་དུ་དེ་བཞིན་གཤེགས་པ་བཞུགས་པ་དེ་སྲིད་དུ་གསང་སྔགས་འགྲུབ་པར་འགྱུར་ཏེ། དེ་བཞིན་གཤེགས་པ་དེ་སེམས་
ཅན་ཐམས་ཅད་ཀྱི་བསམ་པ་ཐ་དད་པའི་དབང་ཉེ་བར་བཟུང་ནས་དངོས་གྲུབ་སྦྱིན་པར་མཛད་དོ། །དེ་བཞིན་གཤེགས་པ་དེ་ཡོངས་སུ་མྱ་ངན་ལས་འདས་ན་དངོས་གྲུབ་དེ་ཡང་ཉེ་བར་འཚོ་བར་མི་འགྱུར་རོ། །ཞི་བའི་བློ་གྲོས་ལྟོས་ཅི་ཙམ་དུ་ཤིང་
ཡོད་པ་དེ་ཙམ་དུ་མེ་འབར་ཏེ་ཤིང་མེད་ན་མེ་མི་འབར་རོ། །ཞི་བའི་བློ་གྲོས་དེ་བཞིན་དུ་ཇི་སྲིད་དུ་དེ་བཞིན་གཤེགས་པ་བཞུགས་པ་དེ་སྲིད་དུ་གསང་སྔགས་འགྲུབ་པར་ཁོང་དུ་ཆུད་པར་བྱ་སྟེ། ཞི་བའི་བློ་གྲོས་འདི་ནི་དུས་ཡིན་ནོ། །ཞི་བའི་
བློ་གྲོས་གཞན་ཡང་བྱང་ཆུབ་སེམས་དཔའི་སྤྱད་པ་གསང་སྔགས་ཀྱི་སྒོ་སྤྱོད་པའི་བྱང་ཆུབ་སེམས་དཔའ་རྟག་ཏུ་རྒྱུན་མི་འཆད་པར་སངས་རྒྱས་འབྱུང་བར་བརྩོན་པར་བྱའོ། །ཞི་བའི་བློ་གྲོས་དེ་ལ་བྱང་ཆུབ་སེམས་དཔའི་གསང་སྔགས་ཀྱི་སྒོ་སྤྱོད་པའི་

94-1-76a

བྱང་ཆུབ་སེམས་དཔའ་གསང་སྔགས་སྔར་སྤྱད་པ་ལ་མཁས་པར་བྱའོ། །རིགས་ཀྱི་བུ་དེ་གསང་སྔགས་སྤྱད་པ་གང་ཞེ་ན་འདི་ལྟ་སྟེ། ཡིད་ཡོངས་སུ་མི་སྐྱོ་བ་དང་སྤྲོ་བ་དང་ཡི་དམ་ལ་བརྟེན་པར་གསང་སྔགས་
ཀྱི་གཞི་རེ་རེ་ནས་སྤྱད་པར་བྱའོ། །ཇི་ཙམ་དུ་འགྲོ་ཡང་རུང་འདུག་ཀྱང་རུང་ཉལ་ཡང་རུང་སྟེ་དེ་སེམས་རྩེ་གཅིག་ཁོ་ནས་འཇུག་སྟེ་གཉིས་སུ་ནི་མ་ཡིན་ནོ། །གཅིག་པུ་གཉིས་སུ་མེད་པར་དབེན་པ་ཉམས་དགའ་བ་འདུ་འཛི་མེད་པར་རང་གི་
ཡུལ་ལ་གནས་ཤིང་སྔར་བསྙེན་པ་བྱའོ། །དེ་ནས་ཟླ་བ་ཚེས་ནས་བརྩམས་ཏེ་ཉའི་བར་དུ་བྱའོ། །དེ་ནས་རལ་གྲིའམ་འཁོར་ལོའམ་ལིག་བུ་མིག་གམ་གི་ཝང་ལ་སོགས་པ་གང་ཡང་རུང་བ་ཞིག་བླངས་ལ། བའི་ལྕི་བ་ས་ལ་
མ་ལྷུང་བ་དང་བའི་གཅིན་བསྲེས་པས་དཀྱིལ་འཁོར་བྱུགས་ལ་བསྒྲུབ་པའི་དཀྱིལ་འཁོར་བྲི་བར་བྱའོ། །འཁོར་ལོ་བསྒྲུབ་ན་འཁོར་ལོའོ་རྡོ་རྗེའི་དཀྱིལ་འཁོར་བྲི་བར་བྱའོ། །ཅི་སྟེ་རལ་གྲི་བསྒྲུབ་ན་དེས་རྡོ་རྗེའི་དཀྱིལ་འཁོར་བྲི་བར་བྱའོ། །
ཅི་སྟེ་ལིག་བུ་མིག་དང་གི་ཝང་ལ་སོགས་པ་བསྒྲུབ་ན་མདུང་རྩེ་གསུམ་པའི་རྡོ་རྗེའི་དཀྱིལ་འཁོར་བྲི་བར་བྱའོ། །ཅི་འབྱོར་པས་མཆོད་ལ་ཉི་མ་ནུབ་ཀར་དམར་པོར་གྱུར་པ་ནས་བཟུང་སྟེ་ཉི་མ་ཤར་གྱི་བར་དུའོ། །དེ་བཞིན་གཤེགས་
པ་ཐམས་ཅད་ལ་ཕྱག་བྱས་ཏེ། བྱང་ཆུབ་ཀྱི་སེམས་སྔོན་དུ་བྱས་ལ་བསྲུང་བ་བྱས་པ་དང་བྱམས་པའི་སེམས་ཀྱིས་རྫས་བླངས་ཏེ། མཚན་ཐོག་ཐག་བཟླས་བརྗོད་བྱས་ན་ནམ་ཕྱེད་དམ་ཉི་མ་འཆར་ཀར་རྫས་དེ་ངེས་
པར་འབར་བར་འགྱུར་རོ། །འབར་ན་ཡན་ལག་བཀྲ་ལ་སོགས་པ་རིག་སྔགས་འཆང་ཐམས་ཅད་འོང་ཞིང་དེ་དག་གིས་བསོད་ནམས་ཅི་ལྟ་བ་བཞིན་དུ་དབང་བསྐུར་ནས་རིག་སྔགས་འཆང་གི་རྒྱལ་པོར་འགྱུར་ཏེ་འདོད་ན་མཆིའོ། །
དེ་བཞིན་གཤེགས་པ་ཐམས་ཅད་ལ་མཆོད་པ་བྱེད་པ་དང་འཇིག་རྟེན་གྱི་ཁམས་གཞན་དུ་མར་རྒྱུ་བ་དང་སེམས་ཅན་ཐམས་ཅད་ཡོངས་སུ་སྨིན་པར་བྱ་བ་ལ་བརྩོན་པའི་ཡིད་དུ་འགྱུར་རོ། །གི་ཝང་ལ་སོགས་པ་ཡང་དེ་བཞིན་དུ་

94-1-76b

བསྒྲུབ་པར་བྱའོ། །འབར་ན་ནམ་མཁའ་ལ་འགྲོ་བ་དང་གླིང་བཞིའི་འཇིག་རྟེན་གྱི་ཁམས་སུ་སྤྱད་པ་སྤྱོད་པ་དང་བསྐལ་པར་གནས་ཤིང་རྒྱུ་བ་དང་འདོད་དགུར་ཐགས་ཐོགས་མེད་པར་འགྲོ་བར་འགྱུར་ཏེ། ཤི་འཕོས་ནས་
ཀྱང་རྣམ་པར་དག་པའི་སངས་རྒྱས་ཀྱི་ཞིང་དུ་སྐྱེ་བར་འགྱུར་རོ། །དུ་བ་འཐུལ་ན་མི་སྣང་བ་དང་འདོད་པའི་གཟུགས་ཅན་དང་འདོད་པ་བཞིན་དུ་འཛམ་བུའི་གླིང་དུ་རྒྱུ་བ་དང་ལོངས་སྤྱོད་ཀྱི་དྲུག་ཆ་འཕྲོག་པར་འགྱུར་ཏེ། ཤི་
འཕོས་ནས་ཀྱང་དགའ་ལྡན་གྱི་ལྷའི་ནང་དུ་སྐྱེ་བར་འགྱུར་རོ། །དྲོ་བར་གྱུར་ན་འགྲོ་བ་ཐམས་ཅད་ལ་དབང་བྱེད་པ་དང་ཐོས་པ་འཛིན་པ་དང་། སྒྱུ་རྩལ་ཐམས་ཅད་ཤེས་པར་འགྱུར་ཏེ། ཤི་འཕོས་ནས་ཀྱང་འཛམ་
བུའི་གླིང་འདི་ཉིད་དུ་གནོད་སྦྱིན་གྱི་ཕོ་བྲང་ལྕང་ལོ་ཅན་དུ་སྐྱེ་བར་འགྱུར་ཏེ་གནོད་སྦྱིན་གཞོན་ནུའི་ལུས་ཐོབ་བོ། །ཅི་སྟེ་མ་གྲུབ་ན་ཡང་ངེས་པར་ཡུལ་ཐོབ་པར་འགྱུར་རོ། །འཇམ་དཔལ་གཞོན་ནུར་གྱུར་པས་བྱང་
ཆུབ་སེམས་དཔའ་ཞི་བའི་བློ་གྲོས་ལ་ཡང་འདི་སྐད་ཅེས་སྨྲས་སོ། །རིགས་ཀྱི་བུ་བཅོམ་ལྡན་འདས་འཁོར་ལོས་སྒྱུར་བ་ཆེན་པོ་འཇིག་རྟེན་པ་དང་འཇིག་རྟེན་ལས་འདས་པའི་གསང་སྔགས་ཐམས་ཅད་ཀྱི་གོང་ནས་
གོང་དུ་གྱུར་པ་སྟོབས་དང་ཕ་རོལ་གནོན་པ་དཔག་ཏུ་མེད་པ་གསང་སྔགས་ཀྱི་མགོན་པོའི་སྒྲུབ་པ་ཉོན་ཅིག །ཞི་བའི་བློ་གྲོས་ཐོག་མ་ཉིད་དུ་སྔར་སྤྱད་པ་བྱས་པ་དཀྱིལ་འཁོར་མཐོང་བ། དམ་ཚིག་ཐོབ་པ་
གནང་བ་རྡོ་རྗེ་འཁོར་ལོས་སྒྱུར་བ་ཆེན་པོའི་དཀྱིལ་འཁོར་དུ་དབང་བསྐུར་བ་དེས། བཅོམ་ལྡན་འདས་ཀྱི་དཀྱིལ་འཁོར་བྲིས་ལ་རིན་པོ་ཆེ་དང་སྤོས་དང་སྨན་ཐམས་ཅད་ཀྱིས་བཀང་བའི་བྱ་མ་བུམ་བཅུ་དྲུག་འཁོར་ལོས་
སྒྱུར་བ་ཆེན་པོའི་སྔགས་བརྒྱ་རྩ་བརྒྱད་བཟླས་བརྗོད་བྱས་པ་དག་གིས་སྤྱི་བོར་དབང་བསྐུར་བར་བྱའོ། །དུས་ཐམས་ཅད་དུ་ལྷའི་གཟུགས་མཐོང་བར་བྱའོ། །དེ་ནས་རིའི་རྩེ་མོར་སོང་ལ་སློངས་མོའི་ཟས་བཟའ་ཞིང་

94-1-77a

དུས་གསུམ་དུ་ཁྲུས་བྱ། དུས་གསུམ་དུ་གོས་རྗེས་ལ་ཤིང་ལྟར་མི་སྨྲ་བར་བྱ་ཞིང་གཙང་སྦྲ་དང་། གཙང་སྦྲ་སྤྱོད་པ་ཕུན་སུམ་ཚོགས་པར་བྱས་ལ་བཅོམ་ལྡན་འདས་འཁོར་ལོས་སྒྱུར་བ་ཆེན་
པོ་ས་ཡ་ཕྲག་འབུམ་བཟླས་བརྗོད་བྱའོ། །དེ་ནས་རྡོ་རྗེ་དྲག་པོའི་སྙིང་པོ་ལན་བཞི་འབུམ་བཟླས་བརྗོད་བྱའོ། །དེ་ནས་གསེར་མགར་གསོ་སྦྱོང་བཟུང་བས་གསེར་གྱི་འཁོར་ལོ་རྩིབས་བརྒྱད་པ་འམ་དྲུག་པ་ནོར་བུ་
མེ་ཤེལ་གྱི་ལྟེ་བ་ཅན་དང་། འོད་ཟེར་འབར་བས་བསྐོར་བ་བརྡུང་དུ་བཞུག་གོ། དེ་ནས་སྤོས་ཆུས་བཀྲུས་ཏེ་མཆོག་སྦྱིན་པའི་རྡོ་རྗེའི་སྔགས་ཀྱིས་གཟི་བརྗིད་བསྐྱེད་པར་བྱའོ། །དེ་ནས་རྡོ་རྗེ་དྲག་པོའི་སྙིང་པོས་
བསྐུལ་བར་བྱས་ཏེ། བསྐུལ་ནས་འཁོར་ལོས་བསྒྱུར་བའི་སྔགས་ཀྱིས་དཀྱིལ་འཁོར་གྱི་དབུས་ན་ཙན་དན་གྱི་སྒྲོམ་བུ་ཡོད་པའི་ནང་དུ་བཅུག་ལ་གཞག་གོ། དེ་ནས་བདེ་བར་གཤེགས་པའི་སྐུ་མཐོ་གང་ཚད་ཀྱི་མཆོད་རྟེན་
ཁྲི་བྱའོ། །དེ་ནས་ཟླ་བ་ཚེས་ནས་བརྩམས་ཏེ་ཨ་ག་རུའི་བདུག་པ་བསྲེག་ཅིང་ཟླ་བ་ཉའི་བར་དུ་བྱའོ། །བཟླས་བརྗོད་དཔག་ཏུ་མེད་པ་བྱེད་ཅིང་བླངས་པ་མ་ཡིན་པའི་ཟས་ཟ་བས་ཅི་འབྱོར་པས་མཆོད་པ་བྱས་ལ་བའི་ལྕི་བས་
ལ་མ་ལྷུང་བས་དཀྱིལ་འཁོར་བསྐུས་ཏེ། རྡོ་རྗེའི་དཀྱིལ་འཁོར་གྱི་དབུས་སུ་འཁོར་ལོས་སྒྱུར་བའི་དཀྱིལ་འཁོར་བྲི་བར་བྱའོ། །དེ་ན་འདུག་པའི་འཁོར་ལོ་ལག་པས་བླངས་ལ་འཁོར་ལོ་ལས་འོད་ཟེར་རྣམས་བྱུང་གི་
བར་དུ་མཚན་ཐོག་ཐག་བཟླས་བརྗོད་བྱའོ། །དེ་དག་གིས་བསྒྲུབ་པ་པོ་སྣང་བར་བྱས་ནས་ལུས་འགྱུར་རོ། །ནམ་ཕྱེད་དམ་ཉི་མ་འཆར་ཀར་ས་གཡོ་བར་འགྱུར་རོ། །ལྷའི་རོལ་མོའི་སྒྲ་འབྱུང་ངོ་། །ལྷའི་སྤོས་
ཆུ་དང་འདྲེས་པའི་མེ་ཏོག་གི་ཆར་བར་སྣང་ལས་འབབ་པར་འགྱུར་རོ། །འཇིག་རྟེན་དང་འཇིག་རྟེན་ལས་འདས་པའི་རིག་སྔགས་འཆང་ཐམས་ཅད་འདུས་ཏེ་དེ་དག་གིས་དབང་བསྐུར་ནས་ལྷའི་རིན་པོ་ཆེ་གཞལ་མེད་ཁང་ཆེན་པོ་འབྱུང་

94-1-77b

བར་འགྱུར་རོ། །གང་དག་མཐོང་བ་དང་གང་དག་གིས་མཐོང་བ་དེ་དག་དང་ལྷན་ཅིག་ཏུ་གྱེན་དུ་འཕགས་སོ། །ཉི་མ་སྟོང་བས་ལྷག་པའི་གཟི་བརྗིད་དང་ལྡན་ཞིང་ཡིད་མགྱོགས་པའི་ཤུགས་འཆང་ལ། དེ་བཞིན་གཤེགས་པ་ཐམས་
ཅད་ལ་མཆོད་པ་བྱེད་པ་འཁོར་ལོས་སྒྱུར་བ་ཆེན་པོའི་སྐལ་བ་དང་ལྡན་པ་དང་། ལྷ་དང་ཀླུ་དང་གནོད་སྦྱིན་དང་དྲི་ཟ་དང་ལྷ་མ་ཡིན་དང་ནམ་མཁའ་ལྡིང་དང་མི་འམ་ཅི་དང་ལྟོ་འཕྱེ་ཆེན་པོ་དང་ཉན་ཐོས་དང་རང་སངས་རྒྱས་ཐམས་ཅད་ཀྱི་གོང་ནས་
གོང་དུ་འགྱུར་བའི་རིག་སྔགས་འཆང་དང་ལྷའི་བུ་མོ་བྱེ་བ་ཁྲག་ཁྲིག་བརྒྱ་སྟོང་དུ་མའི་གཡོག་འཁོར་ཅན། ལྷའི་སིལ་སྙེན་དང་ཕེག་རྡོབ་པ་སྙན་ཅིང་ཡིད་དུ་འོང་བའི་སྒྲ་འབྱིན་པ་དག་གིས་མངོན་པར་བསྟོད་པར་གྱུར་ནས་འདི་ལྟ་སྟེ། དེ་
བཞིན་གཤེགས་པ་ལ་མཆོད་པ་ཆེན་པོ་བྱ་བ་བླ་ན་མེད་པ་ཐོབ་པར་བྱ་བའི་ཕྱིར་དེ་ལ་ཞོན་ཏེ་འགྲོ་ཞིང་། སངས་རྒྱས་ཐམས་ཅད་ཀྱི་འཁོར་གྱི་དཀྱིལ་འཁོར་རྣམས་སུ་མཆོད་པའི་དོན་དུ་སྐད་ཅིག་རེ་རེ་ལ་ཡང་མེ་ཏོག་ཐམས་ཅད་དང་
སྤོས་ཐམས་ཅད་དང་ཕྲེང་བ་ཐམས་ཅད་དང་བདུག་པ་ཐམས་ཅད་དང་རས་ཐམས་ཅད་དང་གོས་ཐམས་ཅད་དང་ཕྱེ་མ་ཐམས་ཅད་དང་རྟ་དང་གླང་པོ་ཆེ་དང་ཤིང་རྟ་དང་གཞལ་མེད་ཁང་ཐམས་ཅད་དང་། རོལ་མོའི་སྒྲ་ཡིད་དུ་འོང་བ་ཐམས་ཅད་
དང་བཟའ་བ་དང་བཅའ་བ་དང་ཟས་དང་སྐོམ་ཐམས་ཅད་དང་ལྷའི་བུ་མོའི་རྣམས་དང་ལྷའི་དཔག་བསམ་གྱི་ཤིང་ལྗོན་པ་རྣམས་དང་ལྷའི་སྨན་གྱི་ཤིང་ལྗོན་པ་རྣམས་དང་གསེར་དང་ནོར་བུ་དང་མུ་ཏིག་གི་ཕྲེང་བ་ཐམས་ཅད་དང་དུས་ཐམས་
ཅད་དུ་ལྷའི་ཁང་བུ་བརྩེགས་པ་རྣམས་འབུལ་ལོ། །ཡི་དགས་རྣམས་ཀྱི་ནང་དུ་ནི་བཟའ་བ་དང་གོས་དང་རྒྱན་དག་གི་སྤྲིན་མངོན་པར་སྤྲུལ་པ་བྱེད་དོ། །འདོད་ན་མཆིའོ། །རྒྱལ་བའི་སྲས་མོས་པས་སྤྱོད་པ་གཞལ་དུ་
མེད་པའི་ས་ཐོབ་པ་ཡིན་ནོ། །གྲགས་པ་ཆེན་པོ་དང་ལྡན་ནོ། །དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་བྱང་ཆུབ་སེམས་དཔའ་སེམས་དཔའ་ཆེན་པོ་སྟོབས་བསྐྱེད་པ་ཐོབ་པ་རྣམས་མ་

94-1-78a

གཏོགས་པར་གཟི་བརྗིད་དམ་སྟོབས་སམ་ཡེ་ཤེས་སམ་བཀོད་པའམ་རྫུ་འཕྲུལ་ལམ་འཕྲུལ་པའམ་གཟུགས་སམ་དཔལ་ལམ་སྤོབས་པ་དེ་དང་མཉམ་པ་འམ་ལྷག་པ་གང་ཡང་མེད་དོ། །ཞི་བའི་བློ་གྲོས་
ཀྱིས་སྨྲས་པ། འཇམ་དཔལ་འཁོར་ལོས་སྒྱུར་བ་ཆེན་པོ་འདི་ཅི་ལྟར་བཀོད་པ་དང་རྫུ་འཕྲུལ་མངོན་པར་གྲུབ་པ་དང་བསམ་གཏན་དང་བསམ་པ་ཟད་མི་ཤེས་པས་རེ་བ་ཐམས་ཅད་ཡོངས་སུ་རྫོགས་པར་མཛད། བཅོམ་
ལྡན་འདས་གསང་སྔགས་ཀྱི་འཁོར་ལོས་སྒྱུར་བ་ཆེན་པོ་འདི་ཅི་ཙམ་དུ་མི་མཉམ་པ་དང་མཉམ་པ་ནི་ངོ་མཚར་ཏོ། །འཇམ་དཔལ་གང་དག་རྫུ་འཕྲུལ་ཆེན་པོ་རྟག་ཏུ་རྗེས་སུ་དྲན་པ་དེ་དག་ཀྱང་ཡོན་ཏན་གྱི་ཚོགས་དཔག་ཏུ་མེད་
པ་དང་ལྡན་པར་འགྱུར་རོ། །དེ་སྐད་ཅེས་སྨྲས་པ་དང་འཇམ་དཔལ་གཞོན་ནུར་གྱུར་པས་བྱང་ཆུབ་སེམས་དཔའ་སེམས་དཔའ་ཆེན་པོ་ཞི་བའི་བློ་གྲོས་ལ་འདི་སྐད་ཅེས་སྨྲས་སོ། །ཞི་བའི་བློ་གྲོས་དེ་དེ་བཞིན་ནོ། །
དེ་དེ་བཞིན་ཏེ། ཅི་སྐད་སྨྲས་པ་དེ་བཞིན་ནོ། །བཅོམ་ལྡན་འདས་འཁོར་ལོས་སྒྱུར་བ་ཆེན་པོ་ནི་ཡོན་ཏན་གྱི་ཚོགས་དཔག་ཏུ་མེད་པ་དང་ལྡན་ནོ། །ཞི་བའི་བློ་གྲོས་འདི་ལྟ་སྟེ་དཔེར་ན། ས་ཆེན་པོ་འདི་ནི་
སེམས་ཅན་ཐམས་ཅད་ཉེ་བར་འཚོ་ཡང་ས་ཆེན་པོ་འདི་ནི་མི་རྟོག་རྣམ་པར་མི་རྟོག་གོ། དེ་བཞིན་དུ་བཅོམ་ལྡན་འདས་འཁོར་ལོས་སྒྱུར་བ་ཆེན་པོ་ཡང་མི་རྟོག་རྣམ་པར་མི་རྟོག་གོ། དེ་ཅིའི་ཕྱིར་ཞེ་ན། ས་ཆེན་
པོ་ནི་རྣམ་པར་མི་རྟོག་པའི་ཕྱིར་རོ། །ཞི་བའི་བློ་གྲོས་འདི་ལྟ་སྟེ་དཔེར་ན། ས་ཆེན་པོ་འདི་ནི་ལོ་ཏོག་ཐམས་ཅད་སྐྱེད་དོ། །སེམས་ཅན་ཐམས་ཅད་ཀྱི་རེ་བ་ཐམས་ཅད་ཡོངས་སུ་རྫོགས་པར་བྱེད་དོ། །
ཞི་བའི་བློ་གྲོས་དེ་བཞིན་དུ་བཅོམ་ལྡན་འདས་འཁོར་ལོས་སྒྱུར་བ་ཆེན་པོ་ཡང་ཐོས་པ་དང་བསམས་པ་དང་བསམ་གཏན་དང་བཟླས་བརྗོད་བྱེད་པ་དང་བསྒྲུབས་པས་ཀྱང་རྣམ་པ་ཐམས་ཅད་དུ་བྱང་ཆུབ་སེམས་དཔའི་སྤྱད་པ་གསང་སྔགས་

94-1-78b

ཀྱི་སྒོ་སྤྱོད་པ་རྣམས་ཀྱི་བསམ་པ་ཐམས་ཅད་ཡོངས་སུ་རྫོགས་པར་མཛད་དོ། །ཞི་བའི་བློ་གྲོས་འདི་ལྟ་སྟེ། དེ་བཞིན་གཤེགས་པ་བསམ་གྱིས་མི་ཁྱབ་པ་ཉིད་དོ། །ཀླུ་བསམ་གྱིས་མི་ཁྱབ་པ་ཉིད་དོ། །བསམ་གཏན་
བསམ་གྱིས་མི་ཁྱབ་པ་ཉིད་དོ། །བདུད་བསམ་གྱིས་མི་ཁྱབ་པ་ཉིད་དོ། །ལས་བསམ་གྱིས་མི་ཁྱབ་པ་ཉིད་དོ་ཞེས་ཡང་དག་པར་སྨྲ་བས་སྨྲས་པ་དེ་དག་ནི་འཁོར་ལོས་སྒྱུར་བ་ཆེན་པོ་འདི་ཉིད་ལ་ཡང་དག་པར་སྨྲ་བས་སྨྲས་པ་ཡིན་ནོ། །
དེ་ཅིའི་ཕྱིར་ཞེ་ན། བསམ་གྱིས་མི་ཁྱབ་པ་ཉིད་དེ་དག་ཐམས་ཅད་ནི་འདི་ལས་འབྱུང་བའི་ཕྱིར་རོ། །ཞི་བའི་བློ་གྲོས་འཇིག་རྟེན་པ་འམ་འཇིག་རྟེན་ལས་འདས་པའི་བསམ་གཏན་ཁ་ཅིག །བསམ་གཏན་བསྒྲུབ་
པའམ་བདུད་དམ་འདོད་པའི་ཁམས་ཀྱི་དབང་ཕྱུག་གམ་ཀླུ་འམ་སངས་རྒྱས་བཅོམ་ལྡན་འདས་བསམ་གྱིས་མི་ཁྱབ་པའི་ཆོས་དང་ལྡན་པར་གྱུར་པ་རྣམས་ཀྱང་། བཅོམ་ལྡན་འདས་འཁོར་ལོས་སྒྱུར་བ་ཆེན་པོ་འདི་ཉིད་ཀྱིས་བྱིན་
གྱིས་བརླབས་པ་ཡིན་ནོ། །རྫུ་འཕྲུལ་རྣམ་པར་འཕྲུལ་པ་སྣ་ཚོགས་ཀྱང་སྟོན་ཏོ། །ཞི་བའི་བློ་གྲོས་ཁྱོད་ཀྱིས་རྣམ་གྲངས་འདིས་ཀྱང་འདི་ལྟར་བཅོམ་ལྡན་འདས་འཁོར་ལོས་སྒྱུར་བ་ཆེན་པོ་འདི། ཇི་ལྟར་གསང་སྔགས་
ཐམས་ཅད་ཀྱི་བདག་པོ་དང་གཙོ་བོ་དང་མངའ་མཛད་པ་དང་འདི་ལས་གཞན་པའི་གོ་འཕང་མཆོག་གཞན་ལ་མེད་པར་རིག་པར་བྱའོ། །འཁོར་ལོ་ཇི་ལྟ་བ་བཞིན་དུ་རལ་གྲི་དང་མདུང་རྩེ་གསུམ་པ་དང་རྩེ་གསུམ་གདེངས་པོ་
དང་མདུང་ཐུང་དང་ལྕགས་ཀྱུ་དང་དགྲ་སྟ་དང་མཚོན་རྩེ་གཅིག་དང་ཐོང་གཤོལ་དང་ཞགས་པ་དང་ཀ་ན་ཡ་དང་ལྕགས་མདའ་དང་ལྕགས་ཐག་དང་གཞུ་དང་བེ་ཅོན་དང་མདུང་དང་གཏུན་ཤིང་རྐེད་ཉག་དང་དབྱུག་ཏོ་རྣམ་པ་སྣ་
ཚོགས་བསྒྲུབ་པར་བྱའོ། །ལིག་བུ་མིག་དང་གི་ཝང་དང་ལྡོང་རོས་ལ་སོགས་པ་རྣམ་པ་སྣ་ཚོགས་ཀྱང་བསྒྲུབ་པར་བྱ་སྟེ་དེ་དག་གི་དངོས་གྲུབ་ཀྱང་དེ་བཞིན་དུ་རྣམ་པ་གསུམ་མོ། །ཇི་སྟེ་རིལ་བུ་བསྒྲུབ་པར་འདོད་

94-1-79a

ན་བཅོམ་ལྡན་འདས་འཁོར་ལོས་སྒྱུར་བའི་རྒྱལ་པོའི་སྔགས་ལན་སུམ་འབུམ་བཟླས་བརྗོད་བྱའོ། །དེ་ནས་ལྡོང་རོས་དང་ལིག་བུ་མིག་དང་ཨད་མ་གུཔྟ་རྩ་བ་དང་ཨནྡྷ་པུཥྤི་ཀའི་རྩ་བ་རྣམས་ཆ་མཉམ་
ཏེ།   གཅིག་ཏུ་བསྲེས་ལ་རིལ་བུ་རྒྱ་ཤུག་གི་ཚིག་གུའི་ཚད་ཙམ་དུ་བྱས་ཏེ་ལྕགས་རྣམ་པ་གསུམ་གྱིས་བསྐོར་ལ། འཁོར་ལོ་ལག་ན་ཐོགས་སམ་རལ་གྲི་ལག་ན་ཐོགས་ཤིང་རིང་བསྲེལ་དང་བཅས་པའི་མཆོད་
རྟེན་ནམ་སྐུ་གཟུགས་ཀྱི་མདུན་དུ་ཟས་མི་བཟའ་བར་དེ་ཁར་བཅུག་ལ་ནུབ་ཀ་དམར་ཐག་ཆད་ནས་བཟུང་སྟེ་འཁོར་ལོ་དང་རལ་གྲི་ལས་སྔོན་པོ་འམ། སེར་པོར་སྣང་བའི་འོད་ཟེར་བྱུང་བའི་བར་དུ་བཟླས་བརྗོད་བྱས་ན་
བསྒྲུབ་པ་པོ་སྣང་བར་བྱེད་ཅིང་བསྒྲུབ་པར་འགྱུར་ཏེ། ཉི་མ་ཤར་བའི་མདོག་ཅན་དང་རླུང་ལྟར་འགྲོ་བ་དང་བསྐལ་པར་གནས་པ་དང་མི་སྣང་བར་འགྱུར་བ་དང་འདོད་པའི་གཟུགས་ཅན་དུ་གྱུར་པ་དེ། ཤི་འཕོས་ནས་
ཀྱང་རྒྱལ་པོ་དབང་སྒྱུར་གྱི་གནས་སུ་སྐྱེ་བར་འགྱུར་རོ། །རི་མོའི་སྐུ་གཟུགས་དང་སྐུ་གཟུགས་མེད་པར་བགྱི་ན་བསྒྲུབས་ཀྱང་དངོས་གྲུབ་སྦྱིན་པར་མཛད་དོ། །ཅི་སྟེ་རི་མོའི་སྐུ་གཟུགས་བསྒྲུབ་པར་འདོད་ན་བྲམ་
ཟེ་འམ་རྒྱལ་རིགས་ཀྱི་བུ་མོ་གཟུགས་བཟང་བ་ཡན་ལག་ཐམས་ཅད་ཡོངས་སུ་རྫོགས་པ་གསོ་སྦྱོང་གཟུང་བ་ཞིག་ལ་རིན་ལ་མ་བརྩེགས་པར་ཉོས་པའི་ཤིང་བལ་འཁལ་དུ་བཅུག་ལ། ཚེས་གྲངས་དང་བྱེད་པ་དང་ཡུད་ཙམ་
བཟང་པོ་ལ་ཡན་ལག་ཐམས་ཅད་ཡོངས་སུ་རྫོགས་པའི་ཐ་ག་པ་འཐག་ཏུ་བཅུག་སྟེ། བའི་ལྕི་བ་ས་ལ་མ་ལྷུང་བས་དཀྱིལ་འཁོར་བསྐུས་ལ་སྤོས་དང་མེ་ཏོག་དང་བདུག་པ་ལ་སོགས་པས་མཆོད་དོ། །སྐྲ་མེད་པ་དང་མཉམ་པ་དང་
འཇམ་པར་བྱའོ། །འཐག་པའི་ཐགས་ཆ་རྣམས་ཀྱང་བའི་སྣ་ལྔ་དང་སྤོས་ཆུས་བཀྲུའོ། །ཞི་བའི་བློ་གྲོས་ཐམས་ཅད་ཀྱང་རྡོ་རྗེ་དྲག་པོའི་སྙིང་པོས་ལུས་བསྲུང་བར་བྱའོ། །རི་མོ་མཁན་གསོ་སྦྱོང་གཟུང་བ་དང་མཁས་པ་དང་དད་པ་

94-1-79b

པ་དང་སྙིང་རྗེ་དང་ལྡན་པ། སེར་སྣ་མེད་པ་ཡན་ལག་ཐམས་ཅད་ཡོངས་སུ་རྫོགས་པ་ཞིག །ས་ཕྱོགས་དབེན་ཞིང་ལུགས་མེད་པ་གཙང་མ་མེ་ཏོག་བཀྲམ་པར་ཨ་ག་རུའི་བདུག་པ་བསྲེག་ཅིང་། མཚོན་རྩི་སར་པ་
སྦྱིན་དང་མ་འདྲེས་པའི་ཚོན་གྱིས་འདྲིར་གཞུག་གོ། ཞི་བའི་བློ་གྲོས་ཡང་ན་བསྒྲུབ་པ་པོ་བདག་ཉིད་ཀྱིས་བྲི་བར་བྱའོ། །གདུགས་དང་རྒྱལ་མཚན་དང་བ་དན་བསྒྲེང་ཞིང་སིལ་སྙན་དང་དགའ་བར་འགྱུར་བའི་སྒྲ་མང་པོ་དང་ཤིས་པ་
རྒྱ་ཆེན་པོ་དང་བཀྲ་ཤིས་པ་བརྗོད་པ་རྣམས་ཀྱིས་མཆོད་པར་བྱའོ། །ཞི་བའི་བློ་གྲོས་བསྒྲུབ་པ་པོ་བྱམས་པའི་སེམས་དང་ལྡན་པ་ཐོད་ཟེའུ་ཀ་བཅིངས་པ་སྔགས་བགྲང་ནོར་བུ་འཕྱང་བ་དང་བཅས་པར་རི་མོ་མཁན་གྱི་རྒྱབ་ན་འདུག་ཅིང་། 
བཅོམ་ལྡན་འདས་འཁོར་ལོས་སྒྱུར་བ་ཆེན་པོའི་གཟུགས་དང་ཁ་དོག་བསམ་པར་བྱའོ། །ཕྱག་རྒྱ་དང་ཡི་གེ་རྣམས་ཀྱང་བསམ་ཞིང་བཅོམ་ལྡན་འདས་འཁོར་ལོས་སྒྱུར་བ་ཆེན་པོ་བྲི་བར་བྱ་སྟེ། པད་མ་དཀར་པོ་ལ་བཞུགས་པ་གསེར་གྱི་
ཁ་དོག་གི་མདོག་ཅན་མེ་ལྕེ་འབར་བ་ལང་ལོང་དུ་གྱུར་པ། ཐོར་ཚུགས་ཅན་དར་རམ་རས་ཀྱི་ཤམ་ཐབས་མནབས་པ་ན་བཟའ་བླ་གོས་དར་ལ་མནབས་པ་ཏིང་ངེ་འཛིན་དུ་སྙོམ་པར་ཞུགས་པ་ཞལ་ཡིད་ཙམ་འཛུམ་པ། མཚན་ཐམས་ཅད་དང་
ལྡན་པ་བྲིའོ། །དེའི་གཡས་རོལ་དུ་དམ་པ་སྦྱིན་པའི་རྡོ་རྗེ་གུར་གུམ་གྱི་མདོག་ཅན་ཕུད་པུ་ལྔ་པ། རྡོ་རྗེ་དང་བཅས་པའི་ཨུཏྤལ་སྔོན་པོ་ལག་པ་གཡོན་པ་ན་ཐོགས་པ། རྒྱན་ཐམས་ཅད་ཀྱིས་རྣམ་པར་བརྒྱན་པ། དར་རམ་རས་
ཀྱི་སྨད་གཡོགས་བགོས་པ། བླ་གོས་དར་ལ་གྱོན་པ་མེ་ལྕེ་འབར་བ་དང་བཅས་པ་པད་མ་དཀར་པོ་ལ་འདུག་པ་བཞིན་འཛུམ་པ་བྲིའོ། །བཅོམ་ལྡན་འདས་འཁོར་ལོས་སྒྱུར་བ་ཆེན་པོའི་གཡོན་རོལ་དུ་ཧ་ཅང་ཡང་མི་རིང་བར་
དེའི་ཞལ་དུ་བལྟ་བར་བརྩོན་པ་བྱང་ཆུབ་སེམས་དཔའ་ལག་ན་རྡོ་རྗེ་རྒྱན་ཐམས་ཅད་ཀྱིས་བརྒྱན་པ་ཅོད་པན་ཐོགས་ཤིང་ཅོད་པན་འགུལ་བ། གོས་ཚེ་གུ་གྱོན་པ་པུས་མོ་བཙུགས་པ། རྡོ་རྗེ་དང་བཅས་པའི་ཐལ་མོ་སྦྱོར་བ་བཀའ་

94-1-80a

ནོད་པ་བྲིའོ། །དེའི་མདུན་དུ་སྔ་མ་བཞིན་དུ་ལན་ས་ཡ་བཟླས་བརྗོད་བྱའོ། །ཐ་མར་ཅི་འབྱོར་པས་མཆོད་དེ་ལག་ན་རལ་གྲི་འམ་ལག་ན་འཁོར་ལོ་ཐོགས་ཤིང་མཚན་ཐོག་ཐག་ཨ་ག་རུའི་ཡམ་སྲེག་
ཤིང་ཞོ་དང་སྦྲང་རྩི་དང་མར་ལ་སྨྱུགས་པས་སྦྱིན་སྲེག་བྱས་ན་ནམ་ཕྱེད་དམ་ཉི་མ་ཤར་ཀར་ངེས་པར་རི་མོའི་གཟུགས་ལས་འོད་ཟེར་དག་བྱུང་སྟེ། འོད་ཟེར་འོད་ཟེར་སྣང་བར་བྱས་ནས་གྲུབ་པར་འགྱུར་ཏེ་སྔ་མ་བཞིན་དུ་གར་དགའ་བ་དེར་འགྲོ་
འོ། །རི་མོའི་གཟུགས་དེ་མཐོང་བ་ཙམ་གྱིས་ཀྱང་སྡིག་པ་ཐམས་ཅད་ལས་རྣམ་པར་གྲོལ་བར་འགྱུར་རོ། །རི་མོ་མཐོང་བའི་མཐུ་ཡིས་ནི་མཚམས་མེད་ལྔ་ལ་སོགས་པའི་ལས། །སྡིག་པ་སྔོན་ཆད་གང་བྱས་པ། །དེ་
དག་ཐམས་ཅད་བྱང་བར་འགྱུར། །འཁོར་ལོས་སྒྱུར་བ་གཟི་བོ་ཆེ། །མགོན་པོ་དྲན་པར་འདོད་པ་བཞིན། །འཇིག་རྟེན་ཀུན་གྱི་དོན་བསྒྲུབ་པའི། །འཕྲིན་ལས་མཛད་པ་སྨོས་ཅི་དགོས། །སྔགས་པས་རི་མོ་
གཟུགས་མདུན་དུ། །པད་མའི་སྦྱིན་སྲེག་འབུམ་བྱས་ན། །འདོད་བཞིན་དངོས་གྲུབ་མཆོག་སྦྱིན་པ། །དཔལ་ནི་མངོན་སུམ་མཐོང་བར་འགྱུར། །སྔགས་པས་གང་ཡང་རུང་བར་ནི། །ཟད་མི་ཤེས་པའི་གཏེར་
མཐོང་ཞིང་། །ནམ་མཁའ་ལ་ཡང་འགྲོ་བར་འགྱུར། །བསམ་པ་བཞིན་དུ་འདོད་པ་རྙེད། །གི་ཝང་དང་ནི་ལྡོང་རོས་དང་། །ལིག་བུ་མིག་ཀྱང་དེ་བཞིན་ནོ། །ཁ་ཟས་མི་བཟའ་གཙང་བྱས་ལ། །མཁས་པས་
ལན་འབུམ་བཟླས་བརྗོད་བྱ། །སྔར་བསྙེན་བྱ་བ་མེད་པར་ཡང་། །སྔགས་པས་འགྲུབ་འགྱུར་ཐེ་ཙོམ་མེད། །འཇིག་རྟེན་གསུམ་ན་མི་སྣང་ཞིང་། །སྐྱེ་བོ་ཀུན་གྱིས་ཐུབ་མི་འགྱུར། །རི་དང་ནགས་ཚལ་
བཅས་པ་ཡིས། །ས་རྣམས་ཀུན་དུ་རྣམ་པར་རྒྱུ། །བསྐལ་པར་གནས་ཤིང་གཟི་བརྗིད་ཆེ། །རྒ་དང་འཆི་བ་རྣམ་པར་སྤངས། །ཞི་བའི་བློ་གྲོས་གཞན་ཡང་དྲག་པོ་ཆེན་པོ་ལག་ན་རྡོ་རྗེའི་སྒྲུབ་པ་ནི་འདི་ཡིན་ཏེ། རང་གི་

94-1-80b

ཡུལ་ན་གནས་ཤིང་གཙང་བར་བྱས་ལ་བྱང་ཆུབ་ཀྱི་སེམས་དང་ལྡན་པའི་ཡིད་དུ་བྱས་ཏེ། རིའི་རྩེ་མོར་སོང་ལ་སློངས་མོའི་ཟས་བཟའ་ཞིང་གོས་ལན་གསུམ་བརྗེས་ལ་དུས་གསུམ་དུ་ཁྲུས་བྱ་ཞིང་བྱང་ཆུབ་སེམས་དཔའི་སྡོམ་
པས་བསྡམས་ཏེ། གུས་ཤིང་དེ་དང་མཐུན་པའི་ཆ་བྱད་དུ་བྱས་ལ་མི་སྨྲ་བར་ས་ཡ་གཅིག་འབུམ་བཟླས་བརྗོད་བྱའོ། །དེའི་འོག་ཏུ་རལ་གྲི་འམ་འཁོར་ལོ་འམ་བེ་ཅོན་ནམ་ཞགས་པའམ། དགྲ་སྟའམ། གཏུན་ཤིང་རྐེད་ཉག་གམ་
ཐོ་བའམ། མདུང་ཐུང་བླངས་ལ། བའི་རྣམ་ལྔས་བཀྲུས་ཤིང་སྤོས་ཆུས་ཀྱང་བཀྲུས་ལ་ཤུབས་དང་བཅས་པར་ལག་ན་ཐོགས་ཏེ། འགྲེང་ངམ་འདུག་ཀྱང་རུང་འགྲོ་ཡང་རུང་ཟླ་བ་གཅིག་བཟླས་བརྗོད་བྱའོ། །ཉལ་
ན་ཡང་འཁོར་ལོས་སྒྱུར་བ་ཆེན་པོས་བསྲུང་བར་བྱའོ། །དེ་ནས་ཟླ་བ་ཕྱི་མ་ལ་ཚེས་ནས་བརྩམས་ཏེ་ཉའི་བར་དུ་བདོག་པ་ཐམས་ཅད་ཡོངས་སུ་གཏང་བར་བྱའོ། །དེ་ནས་ཟླ་བ་ཉ་ལ་ཅི་འབྱོར་པས་མཆོད་དེ། བ་ལང་
གི་ལྕི་བ་ས་ལ་མ་ལྷུང་བས་དཀྱིལ་འཁོར་བསྐུས་ལ་རིའི་རྩེ་མོ་དེ་ཉིད་དུ་རིང་བསྲེལ་དང་བཅས་པའི་མཆོད་རྟེན་གྱི་དྲུང་དུ། བདེ་བར་གཤེགས་པའི་མཐོ་གང་གི་ཚད་ཀྱི་སྐུ་གཟུགས་གཞག་ལ་མཆོད་པ་བྱས་ཏེ་ཕྱོགས་
གཅིག་ཏུ་བསྒྲུབ་པའི་དཀྱིལ་འཁོར་བྲིའོ། །དེ་ལ་ཤར་ཕྱོགས་སུ་ནི་རིག་སྔགས་འཆང་གི་རྒྱལ་པོ་ཡན་ལག་བཀྲས་བྱིན་གཞག་གོ། ལྷོ་ཕྱོགས་སུ་ནི་རིག་སྔགས་འཆང་གི་རྒྱལ་པོ་སྣ་ཚོགས་སྡེ་གཞག་གོ །
ནུབ་ཕྱོགས་སུ་ནི་རིག་སྔགས་འཆང་གི་རྒྱལ་པོ་ཏོག་ལྡན་གཞག་གོ། བྱང་ཕྱོགས་སུ་ནི་རིག་སྔགས་འཆང་གི་རྒྱལ་པོ་ཀཱི་ལི་ཀི་ལ་གཞག་གོ། གྲྭ་བཞིར་ནི་ཚོན་སྣ་བཞི་པའི་རྡོ་རྗེ་རྩེ་གསུམ་པ་མེ་ལྕེ་འབར་བ་
དང་བཅས་པ་གཞག་གོ། དབུས་སུ་ནི་པད་མ་འདབ་བརྒྱད་པ་ཟེ་བ་དང་བཅས་པ་བྲིས་ལ་སྙིང་པོ་སྟེང་དུ་གང་བསྒྲུབ་པ་དེ་བྲིའོ། །དེའི་སྟེང་དུ་རྫས་གང་བསྒྲུབ་པར་བྱ་བ་གང་ཡིན་པ་དེ་ཤིང་ཨ་ཤྭད་ཐའི་ལོ་མའི་སྟེང་དུ་

94-1-81a

གཞག་གོ། པད་མ་ནས་ཁྲུ་གང་ཙམ་གྱི་ས་གཞི་བོར་ལ། རྡོ་རྗེ་རྒྱ་གྲམ་བྲིས་ཏེ་དེར་འདུག་ལ་བསྲུང་བར་བྱ་སྟེ་འབར་བའི་བར་དུ་བཟླས་བརྗོད་བྱའོ། །འབར་ནས་གཡོ་བར་འགྱུར་རོ། །ཡང་ན་རྔ་བོ་
ཆེའི་སྒྲ་སྒྲོགས་པར་འགྱུར་རོ། །ཡང་ན་མེ་ཏོག་གི་ཆར་འབབ་བོ། །ཞི་བའི་བློ་གྲོས་ཡང་ན་སྣང་བ་ཆེན་པོས་བསྒྲུབ་པ་པོ་སྣང་བར་འགྱུར་རོ། །ཡང་ན་མེ་ཏོག་གི་ཕྲེང་བ་འགུལ་བར་འགྱུར་ཏེ། མཆོད་ཡོན་བྱིན་ལ་བླངས་
ན་འགྲུབ་པར་འགྱུར་རོ། །ཉི་མ་ཤར་བ་ལྟ་བུའི་མདོག་ཅན་དང་ཡིད་ལྟར་མགྱོགས་པ་དང་ཁམས་གཞན་དུ་མར་རྒྱུ་བ་དང་མཆོད་པ་བྱེད་པ་དང་དེ་བཞིན་གཤེགས་པ་ཐམས་ཅད་ལ་མཆོད་ཅིང་རིམ་གྲོར་བྱས་པ་ལ་མཁས་པ་དང་དབང་ཕྱུག་
ཐམས་ཅད་ཀྱི་གནས་ཐོབ་པ་དང་འདོད་ན་མཆི་བར་འགྱུར་རོ། །རྟག་ཏུ་རྗེས་སུ་དྲན་པར་བྱེད་ན་མི་མ་ཡིན་པའྀ་འཇིགས་པ་མི་འབྱུང་ངོ་། །བདག་འཆི་བ་ཤེས་པར་འགྱུར་རོ། །ལག་ན་རྡོ་རྗེ་བདག་ཉིད་སྟོན་པར་བྱེད་དོ། །
ཤི་འཕོས་ནས་ཀྱང་ལྕང་ལོ་ཅན་དུ་ལག་ན་རྡོ་རྗེའི་ཁྱིམ་དུ་གཞོན་ནུའི་ལུས་འཐོབ་པར་འགྱུར་རོ། །ཉིན་གཅིག་བཞིན་དུ་སྙིང་པོ་འདི་ལན་བརྒྱ་རྩ་བརྒྱད་བཟླས་བརྗོད་བྱས་པའི་ཆུ་འཐུངས་ན་ནད་ཐམས་ཅད་མེད་པར་འགྱུར་རོ། །
གི་ཝང་ལ་ལན་ཅིག་བསྔགས་ཏེ་མིག་ལ་བསྐུས་ན་གང་མཐོང་བ་དེ་དབང་དུ་འགྱུར་རོ། །སོ་ཤིང་ལ་སྔགས་ལན་ཅིག་བཏབ་སྟེ་འཆོས་ན་འདོད་པའི་ཟས་རྙེད་དོ། །ཆུའི་ནང་དུ་མེ་ཏོག་ཁ་དོག་ཅི་འདྲ་བ་བོར་བ་དེ་འདྲ་བའི་གོས་རྙེད་
པར་འགྱུར་རོ། །ཁ་ལ་སྔགས་ཀྱིས་བཏབ་ན་གང་དང་སྨྲ་བ་དེ་དབང་དུ་འགྱུར་རོ། །ལྕགས་ཀྱུའི་ཕྱག་རྒྱ་བཅིངས་ལ་ཧཱུྃ་ཞེས་བྱ་བས་དུག་སེལ་ཏོ། །ཁྲོས་པ་དང་བཅས་པའི་མཛུབ་མོས་བསྡིགས་ན་བགལ་གུམས་པར་འགྱུར་
རོ། །གདོན་གྱིས་ཟིན་པ་ལ་རྡོ་རྗེའི་ཕྱག་རྒྱ་བཅིངས་ལ་ཧཱུྃ་ཞེས་བྱ་བས་བསྡིགས་ཤིང་རྃ་ཞེས་བྱ་བས་འབར་བར་བྱས་པ་ཙམ་གྱིས་འབྲིས་ཏེ་ཐེ་ཙོམ་མེད་དོ། །གདོན་གྱིས་ཟིན་པ་ལ་ལག་མཐིལ་ལ་ཧ་ཞེས་བྱ་བ་བསམས་

94-1-81b

ལ་བྱབས་ན་སོས་པར་འགྱུར་རོ། །མེ་ཏོག་གམ་སྤོས་སམ་བདུག་པ་ལ་སྔགས་ཀྱིས་བཏབ་སྟེ་སུ་ལ་བྱིན་པ་དེ་དབང་དུ་འགྱུར་རོ། །གདོན་དྲག་པོ་ཐམས་ཅད་ཀྱང་ཆོ་ག་འདི་ཉིད་ཀྱིས་འབྲོས་པར་འགྱུར་རོ། །སྔགས་པ་དུལ་
བའི་སེམས་དང་ལྡན་པ་སློངས་མོའི་ཟས་བཟའ་ཞིང་བསྲུང་བ་བྱས་ལ། ཀླུའི་རྒྱ་མཚོར་ལན་སུམ་འབུམ་བཟླས་བརྗོད་བྱས་ན། ཀླུ་འབྱུང་སྟེ་གང་སླངས་པ་དེ་སྦྱིན་པར་བྱེད་དོ། །སྐུད་པ་སྔོན་པོ་ལ་སྔགས་ཀྱིས་བཏབ་ཏེ་རིམས་
ཀྱིས་བཏབ་པའི་མགུལ་པར་བཅིངས་ན་དེའི་མོད་ལ་ལ་ཐར་བར་འགྱུར་རོ། །མིག་ན་བ་ལ་ཤིང་ཀ་ར་བཱི་རའི་ལྕུག་མ་བླངས་ལ་ལན་གཅིག་སྔགས་ཀྱིས་བཏབ་སྟེ། ཟངས་ཀྱི་སྣོད་ལ་བྲུད་དེ་མིག་ལ་བསྐུས་ན་དེའི་མོད་ལ་སོས་པར་འགྱུར་
རོ། །ཀླད་ནད་ཐམས་ཅད་ལ་ནི་གུ་གུལ་ལ་སྔགས་ཀྱིས་བཏབ་སྟེ་ལུས་ཐམས་ཅད་གཡོས་ལ་མགོར་བདུགས་ན་ཀླད་ནད་མེད་པར་འགྱུར་རོ། །ཟས་མ་ཞུ་བར་གྱུར་ན་ཆུ་ལ་སྔགས་ཀྱིས་བཏབ་པའྀ་ཁྱོར་ཆུ་ལན་བདུན་འཐུངས་
ན་སོས་པར་འགྱུར་རོ། །ལྟོ་ན་བ་ལ་ནི་སྐུད་པ་དམར་པོ་ལྡུམ་བུ་རཏྣ་སུ་ཙིའི་རྩ་བ་དང་བཅས་པ་ལ་སྔགས་ཀྱིས་བཏབ་སྟེ་རྐེད་པར་བཅིངས་ན་ལྟོ་བའི་ནད་སོས་པར་འགྱུར་རོ། །ཞི་བའི་བློ་གྲོས་ནད་ཐམས་ཅད་ཞི་བར་བྱེད་པ་གདོན་
ཐམས་ཅད་སེལ་བའི་བདུག་པའི་རྒྱལ་པོ་འདི་བརྗོད་པར་བྱའོ། །ཞི་བའི་བློ་གྲོས་ཀྱིས་སྨྲས་པ། འཇམ་དཔལ་ཅི་ལས་འདི་དག་གྲུབ་པ་ཡིན་པར་བསྟན་ནམ། འོན་ཏེ་མ་གྲུབ་པ་ཡང་ཡིན་ནམ། འཇམ་དཔལ་གྱིས་སྨྲས་པ་
ཞི་བའི་བློ་གྲོས་རིག་པའི་རྒྱལ་པོ་འདི་ནི་རྟག་ཏུ་གྲུབ་པ་ཡིན་ཏེ། ཞི་བའི་བློ་གྲོས་བྱང་ཆུབ་ཀྱི་སེམས་དང་བྲལ་བ་མ་གཏོགས་པར་སྔར་སྤྱད་པ་བྱ་མི་དགོས། སྔར་བསྙེན་པར་བྱ་མི་དགོས་པར་ཚེ་འདི་ལ་བདེ་བར་གནས་པར་བྱ་བའི་
ཕྱིར། བྱང་ཆུབ་སེམས་དཔའ་རང་གི་ལྷའི་རྣལ་འབྱོར་ལ་བརྩོན་པ་བྱང་ཆུབ་སེམས་དཔའི་སྤྱད་པ་གསང་སྔགས་ཀྱི་སྒོ་སྤྱོད་པ་ལ་བྱེ་བྲག་ཏུ་བརྗོད་པའི་བསྒྲུབ་པ་རྣམས་བསྟན་ཏོ། །ཤིང་ཨརྒ་དཀར་པོའི་རྩ་བ་དང་ཀི་རི་ཀ་ར་ནི་ཀ་དཀར་

94-1-82a

པོའི་རྩ་བ་དང་ཀ་ར་བཱི་ར་དཀར་པོའི་རྩ་བ་དང་ཨུ་ཤི་ར་དང་པ་ལ་ཀ་དང་ཙན་དན་དང་ན་ལེ་ཤམ་དང་ནི་རྒུན་ཏི་དང་གུ་གུལ་དང་མར་དུ་བསྲེས་པའི་བདུག་པས་ནི་གདོན་ཐམས་ཅད་ཕུང་བར་བྱེད་དོ། །ནད་ཐམས་ཅད་རབ་ཏུ་
ཞི་བར་བྱེད་པའོ། །དཔལ་དང་ལྡན་པ་དང་ཚེ་དང་སྐལ་བ་བཟང་པོར་བྱེད་པའོ། །ཞི་བའི་བློ་གྲོས་སྔོན་བྱུང་བ་འདས་པའི་དུས་ན་ཡང་དག་པར་རྫོགས་པའི་སངས་རྒྱས་རྣམ་པར་གཟིགས་ཀྱི་གསུང་རབ་ལས་བྲམ་ཟེ་བློ་གྲོས་ལྡན་
ཞེས་བྱ་བ་རིག་བྱེད་རྣམས་ལ་རིག་བྱེད་ཀྱི་དོན་ལ་མཁས་པ་བཟོ་དང་སྒྱུ་རྩལ་ཐམས་ཅད་མངོན་པར་ཤེས་པ། གསང་སྔགས་ཀྱི་དོན་ལ་མཁས་པ་ཞིག་བྱུང་སྟེ། དེ་རི་ཞིག་གི་རྩེ་མོ་ལ་བརྩོན་འགྲུས་བརྩམས་ནས་རིག་པའི་
རྒྱལ་པོ་རྡོ་རྗེ་དྲག་པོ་ཆེན་པོ་འདི་བསྒྲུབ་བསྒྲུབ་པ་ལས། བགེགས་དང་ལོག་འདྲེན་མ་རུངས་པ་དག་གིས་གཙེས་པ་དང་། དེ་བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རྣམ་
པར་གཟིགས་ག་ལ་བ་དེར་སོང་སྟེ་ཕྱྀན་ནས། བཅོམ་ལྡན་འདས་ཀྱི་ཞབས་ལ་མགོ་བོས་ཕྱག་འཚལ་ནས་ཕྱོགས་གཅིག་ཏུ་འདུག་གོ། ཕྱོགས་གཅིག་ཏུ་འདུག་ནས་བྲམ་ཟེ་བློ་གྲོས་ལྡན་གྱིས། བཅོམ་ལྡན་འདས་
ག་ལ་བ་དེ་ལོགས་སུ་ཐལ་མོ་སྦྱར་བ་བཏུད་ནས་དེའི་ཚུལ་སྨོས་ཏེ་གསོལ་པ། བཅོམ་ལྡན་འདས་བདག་འདི་ནི་རི་ཆེ་གེ་མོ་ཞེས་བགྱི་བའི་རྩེ་མོ་ལ་བརྩོན་འགྲུས་བརྩམས་ནས་རིག་པའི་རྒྱལ་པོ་རྡོ་རྗེ་དྲག་པོ་དེ་བསྒྲུབ་
བསྒྲུབ་ན། ཡང་བཅོམ་ལྡན་འདས་བདག་གིས་དེའི་དངོས་གྲུབ་མ་རྙེད་མ་ཐོབ་མ་དམིགས་ན་རྫས་སུ་ཅུང་ཟད་ཅིག་བསྒྲུབས་ན། དེ་ཐམས་ཅད་ཀྱང་བགེགས་རྣམས་ཀྱིས་ཕྲོགས་ན། དེ་བདག་གིས་ཅི་ལྟར་བསྒྲུབ་
པར་བགྱི། དེ་སྐད་ཅེས་གསོལ་པ་དང་། བཅོམ་ལྡན་འདས་ཡང་དག་པར་རྫོགས་པའི་སངས་རྒྱས་རྣམ་པར་གཟིགས་ཀྱིས། བྲམ་ཟེ་བློ་གྲོས་ལྡན་ལ་བདུག་སྤོས་འདི་བཀའ་སྩལ་ཅིང་གསང་སྔགས་ཀྱི་ཚིགས་

94-1-82b

འདི་དག་ཀྱང་གསུངས་སོ། །སྱཱདྱ་ཐེ་དྃ། རུ་རུ་ལེ་ལ། བུདྡྷ་མ་ཏྃ་གི། པུཀྐ་སི་ཤ་བ་རི་ཀ །གྲྀཧྞ་ཁཱ་ད་ཡ་སྭཱ་ཧཱ། ཞི་བའི་བློ་གྲོས་དེའི་ཚེ་དེའི་དུས་ན་རིག་པའི་རྒྱལ་པོ་འདི་བསྒྲུབ་པ། བྲམ་ཟེ་བློ་གྲོས་ལྡན་ཞེས་བྱ་བ་བྱུང་བ་དེ་
གཞན་ཞིག་ཡིན་སྙམ་དུ་ཁྱོད་དོགས་པས་ཡིད་གཉིས་ཟ་ན་ཁྱོད་ཀྱིས་དེ་ལྟར་མི་བལྟའོ། །དེ་ཅིའི་ཕྱིར་ཞེ་ན། ཞི་བའི་བློ་གྲོས་རྡོ་རྗེ་འཆང་སྤྲོས་པ་མེད་པར་གནས་པ་ཞེས་བྱ་བ་འཁོར་གྱི་དཀྱིལ་འཁོར་གྱི་ཁྱམས་འདི་
ཉིད་དུ་འདུས་པ་ཡིན་ཏེ། སྤྲོས་པ་རབ་འབྱམ་རྒྱ་ཆེན་པོ་མཐའ་ཡས་པ་ལ་མཁས་པ་དེས་གསང་སྔགས་འདི་དང་བདུག་པ་ཡང་ད་རྙེད་དེ་བསྒྲུབས་སོ། །ཅི་སྟེ་རི་མོའི་སྐུ་གཟུགས་བསྒྲུབ་པར་འདོད་ན་སྔ་མ་བཞིན་དུ་
རི་མོ་མཁན་གསོ་སྦྱོང་བཟུང་བས། ཚོན་རྩི་སྤྱིན་དང་མ་འདྲེས་པ་དག་གིས་རས་ལ་ལག་ན་རྡོ་རྗེ་ཨུཏྤ་ལའི་འདབ་མའི་མདོག་ལྟ་བུ་འམ་པྲི་ཡང་ཀུའི་ཁ་དོག་ལྟ་བུའི་སྔོ་བསངས་སམ། མ་རྒད་ཀྱི་ཁ་དོག་ལྟ་བུའི་སྔོ་བསངས་སུ་བྲི་
བར་བྱ་སྟེ། བཟུར་ཏེ་ཕྱེད་སྣང་བ་རྒྱན་ཐམས་ཅད་ཀྱིས་བརྒྱན་པ་བཞིན་ཅུང་ཟད་ཁྲོས་པ་དང་བཅས་པ་གོས་ཙེ་གུ་གྱོན་པ། རིན་པོ་ཆེའི་བྲག་ལ་རིན་པོ་ཆེའི་ཕུག་ན་ཚུལ་བཞིན་དུ་ཤིས་ཤིང་སྐྱིལ་མོ་དཀྲུང་ཕྱེད་བཅས་ཏེ་
འདུག་པ་བསྒྱིངས་པ་དང་བཅས་པ་བསྙེམས་པ་དང་བཅས་པ། མེ་ལྕེ་འབར་བའི་ཕྲེང་བ་ཅན། ལག་པ་གཡས་པ་ན་རྡོ་རྗེ་འབར་བ་དང་བཅས་པ་གསོར་བ་བྲི་བར་བྱའོ། །དེའི་མགོ་བོའི་གཡས་རོལ་གྱི་སྟེང་དུ་ཧ་ཅང་ཡང་
མི་རིང་བར། དེ་བཞིན་གཤེགས་པ་དྲི་ཞིམ་སྣང་དཔལ་པད་མ་དཀར་པོ་ལ་སྐྱིལ་མོ་དཀྲུང་དུ་བཞུགས་པ། མཚན་ཐམས་ཅད་དང་ལྡན་པ་རིག་པའི་རྒྱལ་པོ་དབུགས་འབྱིན་པར་མཛད་པར་བྲིའོ། །གཡོན་རོལ་དུ་དེ་བཞིན་
གཤེགས་པ་རྡོ་རྗེ་སྲ་བས་རབ་ཏུ་འཇོམས་པ་དབུགས་འབྱིན་པ་སྔ་མ་བཞིན་ནོ། །ལག་ན་རྡོ་རྗེའི་འོག་ལ་གཡས་རོལ་དུ་ཕྱག་བསྙན་སོག་མའི་དུ་བའི་མདོག་ལྟ་བུའི་གོས་དྲི་མ་ཅན་གྱོན་པ། སྐྲ་ཁམ་པ་གྱེན་དུ་འགྲེང་བ་མིག་

94-1-83a

དམར་བ་དཔྲལ་བ་ཁྲོ་གཉེར་གྱི་རིམ་པ་དང་བཅས་པ། ལག་ན་ཞགས་པ་དང་རལ་གྲི་ཐོགས་པ་བཀའ་ནོད་པ་ལྷུར་ལེན་པ་པུས་མོ་གཉིས་བཙུགས་པ་བྲིའོ། །གཡོན་རོལ་དུ་ཕྱག་བརྙན་མ་པུས་མོ་བཙུགས་པ་མདོག་
སྔོ་བསངས་རལ་གྲི་སོ་གཅིག་པ་ཡུ་བ་ཅན། ཞགས་པ་ལག་ན་ཐོགས་པ་སྔ་མ་བཞིན་དུ་བྲི་བར་བྱའོ། །དབེན་པ་ལྷུགས་མེད་པ་དེའི་མདུན་དུ་ཟས་དཀར་གསུམ་བཟའ་ཞིང་གོས་དུས་གསུམ་དུ་བརྗེས་ལ་ལན་སུམ་འབུམ་བཟླས་བརྗོད་
བྱའོ། །ཐ་མར་ཅི་འབྱོར་པས་མཆོད་དེ་ཨ་ག་རུའི་ཡམ་བསྲེག་ཤིང་ཞོ་དང་སྦྲང་རྩི་སྨྱུགས་པས་མཚན་ཐོག་ཐག་སྦྱིན་སྲེག་བྱས་ན། ནམ་ཕྱེད་དམ་ཉི་མ་ཤར་ཀར་རི་མོའི་གཟུགས་ལས་འོད་ཟེར་དག་འབྱུང་ངོ་། །ཡང་ན་རི་མོའི་གཟུགས་
འགུལ་ལོ། །ཡང་ན་མེ་ཏོག་གི་ཕྲེང་བ་འགུལ་ལོ། །སྔ་མ་བཞིན་དུ་གྲུབ་པར་འགྱུར་ཏེ། ལས་ཐམས་ཅད་ཀྱང་བྱེད་དོ། །རྟག་ཏུ་རི་མོའི་གཟུགས་ཀྱི་མདུན་དུ་ལན་བརྒྱ་རྩ་བརྒྱད་བཟླས་བརྗོད་བྱས་ན་སྐལ་བ་བཟང་པོ་མདོག་
དང་ལྡན་ཞིང་ནད་ཐམས་ཅད་ལས་ཐར་བ་དང་འཇིགས་པ་ཐམས་ཅད་རྣམ་པར་སྤངས་པར་འགྱུར་རོ། །ཞི་བའི་བློ་གྲོས་གཞན་ཡང་འཇིག་པའི་མེའི་སྙིང་པོ་ཆེན་པོ་སྟོབས་དང་ཕ་རོལ་གནོན་པ་དཔག་ཏུ་མེད་པ་ལྷ་དང་ཀླུ་དང་གནོད་
སྦྱིན་དང་དྲི་ཟ་དང་ལྷ་མ་ཡིན་དང་ནམ་མཁའ་ལྡིང་དང་མི་འམ་ཅི་དང་ལྟོ་འཕྱེ་ཆེན་པོ་དང་ལྷ་དང་ལྷ་མ་ཡིན་པས་མཆོད་པ་དེ་བཞིན་གཤེགས་པ་ཐམས་ཅད་ཀྱིས་བྱིན་གྱིས་བརླབས་པའི་བསྒྲུབ་པ་ནི་འདི་ཡིན་ཏེ། ཚེས་གྲངས་དང་སྐར་
མ་འདམ་མི་དགོས་སྨྱུང་བ་ཡང་མི་དགོས་པར་རིའི་རྩེ་མོར་སོང་ལ་ལན་སུམ་འབུམ་བཟླས་བརྗོད་བྱའོ། །ཐ་མར་ཅི་འབྱོར་པས་མཆོད་དེ་སྐེ་ཚེའི་འབྲུའི་སྲེག་བླུགས་དུག་དང་ཁྲག་དང་ལན་ཚྭ་དང་བསྲེས་པ་ལན་འབུམ་སྦྱིན་སྲེག་
བྱས་ན། མཚན་མོ་ཧཱུྃ་ཞེས་བྱ་བའི་སྒྲ་ཆེན་པོ་གྲག་ཅིང་སྔ་མ་བཞིན་དུ་འགྲུབ་པར་འགྱུར་ཏེ། གྲུབ་ནས་ཀྱང་འཇིག་རྟེན་གྱི་ཁམས་དུ་མར་རྒྱུ་བ་དང་ཡིད་ལྟར་མགྱོགས་པ་དང་གཟི་བརྗིད་མཚུངས་པ་མེད་པར་འགྱུར་ཏེ། སངས་རྒྱས་

94-1-83b

དང་བྱང་ཆུབ་སེམས་དཔའ་རྣམས་མ་གཏོགས་པར་དེ་ལས་ལྷག་པར་སུ་ཡང་མེད་དོ། །རྟག་ཏུ་བཟླས་བརྗོད་བྱས་ན། འབྱུང་པོ་ཐམས་ཅད་ཀྱིས་མི་ཐུབ་པར་འགྱུར་རོ། །ལྷ་མ་ཡིན་གྱི་ཁུང་གྱི་སྒོར་སོང་ནས་ཁྲོས་ཏེ་ལན་ཁྲི་བཟླས་
བརྗོད་བྱས་ཤིང་སྦྱིན་སྲེག་ཡང་སྔ་མ་བཞིན་དུ་བྱས་ན། ལྷ་མ་ཡིན་གྱི་གནས་ཐམས་ཅད་གཏན་མེད་པར་འགྱུར་ཏེ། ཅི་འདོད་པ་བཞིན་དུ་ཡོངས་སུ་སྤྱོད་ཅིང་འདོད་པ་བཞིན་དུ་རང་འབྱུང་བར་འགྱུར་རོ། །ལས་ཐམས་ཅད་བྱེད་དོ། །
ཅི་སྟེ་གཏེར་ཆེན་པོ་འབྱུང་བར་འདོད་ན་ཟས་མི་བཟའ་བར་སྙིང་པོ་འདི་ལན་ཁྲི་བཟླས་བརྗོད་བྱས་ལ་ཐ་མར་ཤིང་ཀ་ར་བཱི་རའི་ལྕུག་མས་ལན་གསུམ་བསྣུན་ན་རང་འབྱུང་ངོ་། །རྟག་ཏུ་རྗེས་སུ་དྲན་པར་བྱེད་ན་སྐྱེ་བོ་ཐམས་ཅད་དགའ་བར་བྱེད་དོ། །
ཁྲོས་པའི་མདུན་དུ་ཕྱག་རྒྱ་བཅིངས་ལ་ལན་ཉི་ཤུ་རྩ་གཅིག་བརྗོད་ན་དང་བར་འགྱུར་རོ། །བྱིས་པ་གདོན་གྱིས་ཟིན་པ་ཐམས་ཅད་ཀྱིས་མཐོང་བ་ཙམ་གྱིས་ཐར་བར་འགྱུར་རོ། །གདོན་ཆེན་པོ་ཐམས་ཅད་ལ་ནི་གཟུགས་བྱས་ལ་
རྐང་པ་གཡོན་པས་མནན་ཏེ། ལན་བརྒྱད་རྩ་བརྒྱད་བཟླས་བརྗོད་བྱས་ན་གདོན་དེ་ཚིག་ཅིང་སྒྲ་འབྱིན་ཅིང་འབྲོས་པར་འགྱུར་རོ། །དྲིས་པ་མྱུར་དུ་སྨྲ་བར་འགྱུར་རོ། །ཅི་སྟེ་ཕ་རོལ་ལ་གནོད་པ་བྱེད་པར་འདོད་ན་བ་རུ་རའི་ཤིང་བུ་
སོར་དྲུག་པ་དག་གཅིག་ལ་མིང་ནས་བརྗོད་ཅིང་སྔགས་ལན་བརྒྱ་རྩ་བརྒྱད་བསྔགས་ལ། ནམ་ཕྱེད་ན་ཁང་སྟོང་ངམ་སྒོའི་ནང་དུ་བཙུགས་ན་ཁྱིམ་དུ་གནོད་པ་ཆེན་པོ་འབྱུང་ངོ་། །ཡམས་ཀྱི་ནད་ཆེན་པོ་ཡང་འབྱུང་ངོ་། །ཡིད་ཀྱིས་
ནི་ཞི་བར་བྱེད་དོ། །ཅི་སྟེ་རི་མོའི་སྐུ་གཟུགས་བསྒྲུབ་ན་རས་ལ་བཅོམ་ལྡན་འདས་ལག་ན་རྡོ་རྗེ་འོད་ཀྱི་ཁ་དོག་དབྱར་གྱི་སྤྲིན་འདྲ་བ་རྒྱན་མེད་པ་མིག་དམར་བ་ཁྲོས་པ་མ་མཆུ་སོས་མནན་པ་དཔྲལ་བ་ཁྲོ་གཉེར་གྱི་རིམ་པ་
འཆས་པ་རྐང་པ་གཡོན་པས་མནན་ཏེ་འདུག་པ་རྐང་པ་གཡས་པའི་རྡོག་པས་བསྣུན་པ་ལྟར་འདུག་པ་ལྟར། ལག་པ་གཡོན་པའི་མཛུབ་མོས་བསྡིགས་པ་ལྟར་བྱེད་པ། ལག་པ་གཡས་པ་ཁྲོ་བོའི་རྡོ་རྗེ་མི་བཟད་པ་འཕེན་པ་

94-1-84a

ལྟར་འདུག་པ་བྲི་བར་བྱ་སྟེ་བསྲུང་བ་བྱས་པ་རྡོ་རྗེ་གཙུག་ཏོར་གྱི་གཟུགས་སུ་བསྒྱུར་བ་རྟག་ཏུ་མཉམ་པར་གཞག་པ་སྙིང་རྗེ་དང་ལྡན་པ་བྱང་ཆུབ་ཀྱི་སེམས་དང་ལྡན་པའི་ཡིད་དུ་གྱུར་པས་ས་ཕྱོགས་དབེན་པ་
ལྷུགས་མེད་པར་མཆོད་པ་རྒྱ་ཆེར་བྱས་ལ་རི་མོ་མཁན་གསོ་སྦྱོང་བཟུང་བ་བྲིར་བཞུག་གོ། རྡོ་རྗེའི་དཀྱིལ་འཁོར་ཆེན་པོར་དབང་བསྐུར་བ་དམ་ཚིག་ཐོབ་པ་སྤྲོ་བ་དང་བཅས་པ་བྲིར་བཞུག་གོ། །གཞན་ནི་གང་གིས་ཀྱང་མ་ཡིན་ནོ། །
ཞི་བའི་བློ་གྲོས་དམ་ཚིག་མི་ཤེས་པ་དཀྱིལ་འཁོར་མ་མཐོང་བ་གང་ལ་ལ་ཞིག་གིས་རི་མོའྀ་གཟུགས་མཐོང་ན་མོད་དེ་ནད་རྣམ་པ་གཉིས་ཀྱིས་བཏབ་པར་འགྱུར་རོ། །གཉིས་གང་ཞེ་ན་འདི་ལྟ་སྟེ། རིམས་དྲག་པོ་དང་གཅོང་ཆེན་པོར་འགྱུར་རོ། །
ཞི་བའི་བློ་གྲོས་གྱིས་སྨྲས་པ། འཇམ་དཔལ་གྱིས་ཀྱེ་མ་གང་གིས་ཡོན་ཏན་གྱི་ཁྱད་པར་འདི་ལྟ་བུ་བསྟན་པའི་སྙིང་པོ་མཆོག་དོན་ཆེན་པོ་དང་ལྡན་པ་མཐུ་ཆེན་པོ་འདི་ངོ་མཚར་ཏོ། །འཇམ་དཔལ་གྱི་སྙིང་པོ་མཆོག་འདི་
ནི་གང་ཞིག་འདིའི་མིང་ཅི་ཞེས་བྱ། འཇམ་དཔལ་གྱིས་སྨྲས་པ། ཞི་བའི་བློ་གྲོས་དེ་བཞིན་གཤེགས་པ་ཐམས་ཅད་ཀྱི་སྙིང་པོ་སྲ་བའི་ཡོན་ཏན་རྣམས་དང་མཐུ་ལ་ནི་མཐའ་མེད་དོ། །ཞི་བའི་བློ་གྲོས་ལག་ན་རྡོ་རྗེ་དེ་བཞིན་
གཤེགས་པ་ཐམས་ཅད་ཀྱི་འཇིགས་པའི་མེ་ལས་བྱུང་བའི་རྡོ་རྗེ་ཞེས་བྱ་སྟེ། མ་དུལ་བ་ཐམས་ཅད་འདུལ་བ་དེ་བཞིན་གཤེགས་པ་ཐམས་ཅད་དང་། བྱང་ཆུབ་སེམས་དཔའ་ཐམས་ཅད་ཀྱི་སྨོན་ལམ་ཡོངས་སུ་རྫོགས་པར་
བྱེད་པ། བསྟན་པ་མཆོག་ཏུ་ཀུན་དུ་བསྲུང་བར་སྨོན་ལམ་བཏབ་པ། སེམས་ཅན་ཐམས་ཅད་ཀྱི་བསམ་པ་ཇི་ལྟ་བ་བཞིན་དུ་ཡོངས་སུ་རྫོགས་པར་བྱེད་པ། འཇིག་རྟེན་གྱི་ཁམས་མཐའ་ཡས་རྒྱ་མཚོ་རབ་འབྱམ་རྣམས་སུ་
དེ་བཞིན་གཤེགས་པ་ཐམས་ཅད་ཀྱི་སྨོན་ལམ་སྒྲོགས་པའི་སྒོ་ལ་འཇུག་པ་ཐམས་ཅད་དུ་སྔོན་དུ་རྒྱུག་པའོ། །དེའི་མདུན་དུ་ཅི་འབྱོར་པས་མཆོད་དེ་གུ་གུལ་གྱི་རིལ་བུ་རྒྱ་ཤུག་གི་ཚིག་གུ་ཙམ་འབུམ་སྦྱིན་སྲེག་བྱས་ན་འགྲུབ་པར་

94-1-84b

འགྱུར་ཏེ། གང་འདོད་པ་དེ་བྱེད་དོ། །རིའི་རྩེ་མོ་འམ་རྒྱ་མཚོའི་ངོགས་སུ་སོང་སྟེ། རི་མོའི་གཟུགས་བྲིས་ལ་སློང་མོའི་ཟས་སམ་བླངས་པ་མ་ཡིན་པའི་ཟས་བཟའ་ཞིང་། མིད་པ་ནུབ་པ་ཙམ་དུ་ཆུར་ཞུགས་ལ་ལན་སུམ་འབུམ་བཟླས་བརྗོད་
བྱའོ། །ཐ་མར་ཅི་འབྱོར་པས་མཆོད་ལ་རལ་གྲི་འམ་འཁོར་ལོ་ལག་ན་ཐོགས་ཤིང་། དུག་དང་ཁྲག་དང་ཡུངས་དཀར་བསྲེས་པས་ལན་སུམ་ཁྲི་སྦྱིན་སྲེག་བྱས་ན་འགྲུབ་པར་འགྱུར་རོ། །རྒྱ་མཚོ་ལས་སྒྲ་འབྱུང་ཞིང་སྐམས་པར་འགྱུར་རོ། །
རི་འང་འགུལ་བ་འམ་འགྲུམ་པར་འགྱུར་རོ། །ལས་ཐམས་ཅད་ནུས་པར་འགྱུར་རོ། །རྫི་ཆར་རམ་ལྕེ་འབབ་པ་ལ་ཡང་ལན་ཅིག་བསྡིགས་པ་ཙམ་གྱིས་མེད་པར་འགྱུར་རོ། །འཆིང་བ་ཐམས་ཅད་དང་ནད་འགོ་བ་ཐམས་ཅད་དང་། 
གནོད་པ་འབྱུང་བ་ཐམས་ཅད་ལ། ལམ་གྱི་བཞི་མདོ་འམ་ཤིང་དྲུང་གཅིག་ཡོད་པའམ་འབབ་ཆུའི་ངོས་སམ་མཚན་མ་གཅིག་ཡོད་པའམ་གྲོང་ཁྱེར་གྱི་སུམ་མདོར་རི་མོའི་གཟུགས་བྲིས་ལ། རྒྱ་ཆེར་མཆོད་ལ་སྤོས་དང་མེ་ཏོག་གིས་
མཆོད་པའི་བུམ་པ་ཡུངས་དཀར་གྱིས་བཀང་ལ། ཁོར་ལོས་སྒྱུར་བའི་སྔགས་བཟླས་བརྗོད་བྱས་ཏེ་སྙིང་པོ་སྙིང་གར་གཞག་ལ་རི་མོའི་གཟུགས་དེ་ལ་ཤིས་པ་སྙན་པ་རྒྱ་ཆེན་པོ་བརྗོད་པས་མངོན་སུམ་དུ་དགའ་བར་བྱ་སྟེ་དབང་བསྐུར་
བར་བྱའོ། །ཡུངས་དཀར་དེ་དག་གིས་ནི་གནོད་པ་ཐམས་ཅད་དང་ནད་འགོ་བ་ཐམས་ཅད་དང་འཆི་བ་ཐམས་ཅད་སེལ་ཏོ། །སེམས་ཅན་དཔག་ཚད་ཙམ་ན་འདུག་པ་ཐམས་ཅད་ཀྱིས་རི་མོའི་གཟུགས་དེ་མཐོང་ན་ཡང་དེའི་མོད་ལ་ཞི་བར་
འགྱུར་རོ།། །། འཕགས་པ་ལག་ན་རྡོ་རྗེ་དབང་བསྐུར་བ་བམ་པོ་བདུན་པ། དེ་ནས་འཇམ་དཔལ་གཞོན་ནུར་གྱུར་པས་བྱང་ཆུབ་སེམས་དཔའ་ཞི་བའི་བློ་གྲོས་ལ་འདི་སྐད་ཅེས་སྨྲས་སོ། །ཞི་བའི་བློ་གྲོས་རིག་པའི་རྒྱལ་པོ་
འདི་དག་གི་སྤྱིའི་བསྒྲུབ་པའི་རིམ་པར་ཕྱེ་བ་ཉོན་ཅིག །ཞི་བའི་བློ་གྲོས་དེ་ལ་བསྒྲུབ་པ་པོ་རིག་པའི་རྒྱལ་པོ་གང་ཡང་རུང་བ་བསྒྲུབ་པར་འདོད་པས་རིག་སྔགས་ནོད་པར་བྱ་སྟེ། ཚེས་གྲངས་དང་བྱེད་པ་དང་ཡུད་ཙམ་བཟང་པོ་

94-1-85a

ལ་སྨྱུང་བ་བྱས་ལ། མར་གྱི་མར་མེ་བུས་ཏེ་ཅི་འབྱོར་པས་མཆོད་པ་བྱས་ལ། རིང་བསྲེལ་དང་བཅས་པའི་མཆོད་རྟེན་ནམ་སྐུ་གཟུགས་ཀྱི་མདུན་དུ་རིག་པའི་རྒྱལ་པོ་འཇིགས་མེད་མཚན་ཐོག་ཐག་བཟླས་བརྗོད་བྱའོ། །
ནང་པར་ཁྲུས་བྱས་ལ་དྲི་ཞིམ་པོས་བསྐུས་ཏེ་གོས་གཙང་མ་བགོས་ལ་ཟས་དཀར་གསུམ་ཟོས་ལ་དབང་པོ་གསལ་བ་དང་ཉམས་ཐ་མལ་བར་གནས་པ་དང་བྱང་ཆུབ་ཀྱི་སེམས་དང་ལྡན་པའི་ཡིད་དང་སྙིང་རྗེ་དང་ལྡན་པའི་སློབ་དཔོན་བླ་ན་
མེད་པའི་སྦྱིན་གནས་ལ་ཐལ་མོ་སྦྱོར་ཏེ་པུས་མོ་བཙུགས་ལ་གསོལ་བ་བཏབ་སྟེ། སློབ་དཔོན་བླ་ན་མེད་པའི་ཡེ་ཤེས་ཐོབ་པར་བགྱི་བའི་སླད་དུ་རིག་པའི་རྒྱལ་པོ་བདག་ལ་སྩལ་དུ་གསོལ། བྱང་ཆུབ་ཀྱི་སྙིང་པོ་ལ་གནས་ཀྱི་བར་དུ་
བགྱིའོ་ཞེས་བརྗོད་པར་བྱའོ། །སློབ་དཔོན་གྱིས་ཀྱང་ཐམས་ཅད་དུ་སྙིང་རྗེ་བ་དང་སེར་སྣ་མེད་པར་བྱས་ལ་སློབ་མ་དེ་ལ་སྦྱིན་པར་བྱའོ། །དེ་ལྟར་རིག་སྔགས་དང་དམ་ཚིག་མནོས་ནས་ཅི་སྐད་བསྟན་པ་ལྟ་བུའི་ས་ཕྱོགས་རྣམས་སུ་དེ་དང་
མཐུན་པའི་ཆ་བྱད་དུ་བསྒྱུར་ལ། རིའི་རྩེ་མོ་འམ་འབབ་ཆུའི་ངོགས་སམ་ནགས་ཁྲོད་དམ་ཆུ་མིག་གི་ངོགསྃ། ཡིད་དུ་འོང་བ་དབེན་པ་དེར། ཟས་དཀར་གསུམ་བཟའ་བ་འམ་འོ་མ་བཏུང་ཞིང་ལན་ས་ཡ་བཟླས་བརྗོད་བྱས་ན་སྔར་
སྤྱད་པ་བྱས་པར་འགྱུར་རོ། །དེ་ནས་རལ་གྲིའམ་རྡོ་རྗེ་འམ་མདུང་ཐུང་ངམ་བེ་ཅོན་ནམ་མདུང་རྩེ་གསུམ་པ་འམ་ལྕགས་སྣ་གསུམ་གྱི་འཁོར་ལོ་བླངས་ལ། བའི་རྣམ་ལྔས་བསྐུས་ཏེ་བ་ལང་གི་ལྕི་བའི་ཕུང་པོའི་སྟེང་དུ་བཞག་
ལ་རྡོ་རྗེ་དྲག་པོ་ཆེན་པོའི་སྙིང་པོས་བསྲུང་བར་བྱའོ། །དེ་ནས་ཟླ་བ་ཚེས་ནས་བཟུང་སྟེ་ཉའི་བར་དུ་བཟླས་བརྗོད་བྱའོ། །དེ་ནས་གང་ཡང་རུང་བ་ཞིག་བླངས་ལ་སྤོས་ཆུས་བཀྲུས་ཏེ་བ་ལང་གི་ལྕི་བ་ས་ལ་མ་ལྷུང་བས་དཀྱིལ་
འཁོར་བསྐུས་ལ། སྔ་མ་བཞིན་དུ་དཀྱིལ་འཁོར་བྲིས་ཏེ་ཅི་འབྱོར་པས་མཆོད་ལ་ཤིང་ཨ་ཤྭད་ཟའི་ལོ་མའི་སྟེང་དུ་གཞག་སྟེ་མཚན་ཐོག་ཐག་བཟླས་བརྗོད་བྱས་ན། ནམ་ཕྱེད་དམ་ཉི་མ་ཤར་ཀར་ངེས་པར་འབར་ཞིང་རིག་

94-1-85b

སྔགས་འཆང་ཐམས་ཅད་འདུས་ཏེ་དེ་དག་གི་བསོད་ནམས་ཇི་ལྟ་བ་བཞིན་དུ་དབང་བསྐུར་ནས་རིག་སྔགས་འཆང་དུ་འགྱུར་ཏེ། འདོད་པའི་གཟུགས་འཆང་བ་དང་འཇིག་རྟེན་གྱི་ཁམས་དུ་མར་རྒྱུ་བ་དང་། དེ་བཞིན་གཤེགས་པ་
ཐམས་ཅད་ལ་མཆོད་པ་བྱེད་པར་འགྱུར་རོ། །ཅི་སྟེ་མ་གྲུབ་ལ་བརྟུལ་ཞུགས་མ་ཉམས་ན་དེ་བཞིན་དུ་ལན་གསུམ་དུ་བསྒྲུབ་པ་བྱས་ན་མཚམས་མེད་པ་ལྔ་བྱས་པས་ཀྱང་ངེས་པར་འགྲུབ་བོ། །རྟག་ཏུ་བཟླས་བརྗོད་བྱས་
ན་ཚེ་རིང་བར་འགྱུར་རོ། །སྨན་ལ་བཟླས་བརྗོད་བྱས་ལ་འཐུངས་ན་ནད་མེད་པར་འགྱུར་རོ། །མར་ལ་སྔགས་ཀྱིས་བཏབ་སྟེ་ཟན་ཟ་ཀར་སྔར་འཐུངས་ན་ལོ་ཁྱུད་འཁོར་དུ་ལུས་བརྟན་པར་འགྱུར་རོ། །བཅོམ་ལྡན་
འདས་ཀྱི་སྐུ་གཟུགས་ཀྱི་མདུན་དུ་མིག་བཙུམས་ཏེ་ལན་སྟོང་རྩ་བརྒྱད་བཟླས་བརྗོད་བྱས་ན་དེ་བཞིན་གཤེགས་པའི་སྐུ་གཟུགས་ཀྱིས་དགེ་བ་དང་མི་དགེ་བ་བརྗོད་དོ། །དེ་བཞིན་དུ་རྣ་བ་བཀབ་སྟེ་བཟླས་བརྗོད་བྱས་ན་
ཡུང་ཐམས་ཅད་ཐོས་པར་འགྱུར་རོ། །ཉལ་ཀར་མལ་དུ་ཞུགས་ལ་མིག་ལ་ལན་བརྒྱ་རྩ་བརྒྱད་བསྔགས་ཏེ་ཉལ་ན་སྣང་བ་དང་ཐམས་ཅད་མཐོང་བར་འགྱུར་རོ། །ཉིན་ཇི་ལྟ་བར་མཚན་མོ་ཡང་དེ་བཞིན་ནོ། །སོ་ཤིང་
ལ་ལན་གཅིག་བསྔགས་ཏེ་འཆོས་ན་མ་བླངས་པར་ཟས་རྙེད་དོ། །ལིག་བུ་མིག་དང་གི་ཝང་ལ་སྔགས་ལན་ཅིག་སྔགས་ཏེ་མིག་ལ་བསྐུས་ན་སྐྱེ་བོ་ཐམས་ཅད་དགའ་བར་འགྱུར་རོ། །སྤོས་ལ་བཟླས་བརྗོད་བྱས་ཏེ་བསྐུས་ན་
གང་དག་གིས་དྲི་ཚོར་བ་དེ་དག་དབང་དུ་འགྱུར་རོ། །དགྲ་མཐོང་ན་ཕྱག་རྒྱས་བཅིངས་ལ་ལན་ཅིག་བརྗོད་ན་དགྲ་དང་བྲལ་བར་འགྱུར་རོ། །སྤོས་དང་མེ་ཏོག་ལ་སོགས་པ་སྔགས་ཀྱིས་ལན་ཅིག་བཏབ་སྟེ་གང་ལ་
བྱིན་པ་དེ་དབང་དུ་འགྱུར་རོ། །ཅི་སྟེ་གཡུལ་ངོར་འཇུག་པར་འདོད་ན་སྐྱེས་བུ་བཅིང་བར་བྱས་ལ་གཡུལ་ངོར་ཞུགས་ན་གཡུལ་རྒྱལ་བར་འགྱུར་རོ། །ཅི་སྟེ་དམག་རེངས་པར་བྱ་བར་འདོད་ན་བེ་ཀང་ཀ་ཏའི་ཤིང་གི་

94-1-86a

མེ་བུས་ལ་གྲུ་ཚལ་གྱི་ཡམ་བསྲེག་གི་ཤིང་གིས་ལན་ཁྲིར་སྦྱིན་སྲེག་བྱས་ན་དམག་རེངས་པར་བྱས་པར་འགྱུར་རོ། །གནོད་པ་ཐམས་ཅད་ལ་མངར་གསུམ་གྱི་སྲེག་བླུགས་ལན་སུམ་ཁྲི་སྦྱིན་
སྲེག་བྱས་ན་ཞི་བར་འགྱུར་རོ། །ཐལ་བས་ནི་རྫི་ཆར་གཅོད་དོ། །ཤིང་བུ་འམ་ཚོན་གྱིས་ནི་ལྕེ་འབབ་པ་བཟློག་གོ། སྐུད་པ་སྔོན་པོས་ནི་འབྱུང་པོའི་གདོན་ཞི་བར་བྱེད་དོ། །གཟུགས་བྱས་པ་ཐལ་བ་འམ་ཤིང་
ཀ་ར་བཱི་རའི་ལྕུག་མས་བསྣུན་ན་གཏོང་བར་འགྱུར་རོ། །གདོན་ཆེན་པོ་ལ་ཡང་དེ་བཞིན་དུ་བྱའོ། །བྱིས་པ་གདོན་གྱིས་ཟིན་ན་འབྲས་སཱ་ལུ་བཏགས་པ་ལས་གཟུགས་བྱས་ལ་སྐེ་ཚེའི་འབྲུ་དང་ལན་ཚྭ་དང་བསྲེས་ཏེ་
ཕུབ་མའི་མེ་བུས་པའི་ནང་དུ་སྦྱིན་སྲེག་བྱས་ན་དུས་ཐམས་ཅད་དུ་མིང་ཙམ་གྱིས་གདོན་ཐམས་ཅད་འབྲོས་པར་འགྱུར་རོ། །རིམས་ཀྱིས་བཏབ་པ་ལ་ལག་པ་གཡོན་པ་ལ་སྔགས་ཀྱིས་བཏབ་སྟེ། མགོ་ལ་གཞག་
ན་རིམས་ནད་སེལ་ཏོ། །ནད་ཐམས་ཅད་བསལ་བར་འདོད་ན་སྨན་ཐམས་ཅད་བསོགས་ལ་བ་རུ་རའི་ཤིང་གིས་མེ་བུས་ཏེ། ལན་ཉི་ཤུ་རྩ་གཅིག་སྲེག་བླུགས་སྦྱིན་སྲེག་བྱས་ན། དེ་ཕྱིན་ཅད་ཐམས་ཅད་སེལ་བར་བྱེད་
དོ། །ཅི་སྟེ་རི་མོའི་གཟུགས་བསྒྲུབ་པར་འདོད་ན་རས་སྐྲ་མེད་པ་མ་དྲས་པ་ལ་སྔ་མ་བཞིན་དུ་རི་མོ་མཁན་གསོ་སྦྱོང་བཟུང་ལ་སྤྱིན་དང་མ་འདྲེས་པའི་ཚོན་རྣམས་ཀྱིས་རིག་པའི་རྒྱལ་པོ་འདིར་གཞུག་གོ། །
རྒྱན་ཐམས་ཅད་ཀྱིས་རྣམ་པར་བརྒྱན་པ་ཅོད་པན་འགུལ་བ་ཐོགས་པ། པད་མ་དཀར་པོ་ཐོགས་ན་འདུས་པ། རྒྱལ་པོ་ཆེན་པོའི་ཆ་བྱད་འཛིན་པ། མེ་ལྕེ་འབར་བའི་ཕྲེང་བ་ཀུན་ནས་ལང་ལོང་དུ་གྱུར་པ། 
ལག་པ་གཡོན་པ་ན་རྡོ་རྗེ་ཐོགས་པ། གཡས་པ་དམ་པ་སྦྱིན་པ་སྐྱིལ་མོ་དཀྲུང་དུ་བཞུགས་པ་ཞལ་ཅུང་ཟད་འཛུམ་པ་བསྒྲུབ་པ་པོ་ལ་ལྟ་བར་བྲིའོ། །དེའི་འོག་རོལ་དུ་བསྒྲུབ་པ་པོ་ལག་ན་པོག་ཕོར་ཐོགས་ཤིང་

94-1-86b

དེའི་གདོང་དུ་བལྟ་བ་ལ་བརྩོན་པ་ཚུལ་དང་མཐུན་པའི་ཆ་བྱད་ཅན་པུས་མོ་བཙུགས་པ་བྲིའོ། །དེའི་མདུན་དུ་ལན་ས་ཡ་བཟླས་བརྗོད་བྱས་ན་སྔ་མ་བཞིན་དུ་འགྲུབ་པར་འགྱུར་རོ། །རིག་པའི་རྒྱལ་པོ་སྤྱིར་བསྒྲུབ་
པའོ། །ཞི་བའི་བློ་གྲོས་གཞན་ཡང་ལག་ན་རྡོ་རྗེའི་བུ་མོ་སྨོན་ལམ་ཆེན་པོ་ལ་དབང་ཐོབ་པ། དེ་བཞིན་གཤེགས་པ་ཐམས་ཅད་དང་མཉམ་པ་ཉིད་དུ་གནས་པ་རྣམས་ཀྱི་སྤྱིའི་བསྒྲུབ་པ་འདི་ཡིན་ཏེ། སྔ་མ་
བཞིན་དུ་འཁོར་ལོས་སྒྱུར་བ་ཆེན་པོའི་ཆོ་གས་གསང་སྔགས་གང་ཡང་རུང་བ་མནོས་ལ་ཅི་སྐད་བརྗོད་པའི་གནས་ཀྱི་ནང་ནས་རྒྱ་མཚོར་འབབ་པའི་ཆུ་ངོས་སུ་སོང་ལ་ལན་ས་ཡ་བཟླས་བརྗོད་བྱས་ན་སྔར་སྤྱད་པ་བྱས་པར་འགྱུར་རོ། །
དེ་ནས་ཟླ་བ་ཚེས་ནས་བཟུང་སྟེ་རྫས་གང་བསྒྲུབ་པ་དེ་བླངས་ལ་ཟླ་བ་ཉའི་བར་དུ་བཟླས་བརྗོད་བྱའོ། །དེ་ནས་ཅི་འབྱོར་པས་མཆོད་དེ་བ་ལང་གི་ལྕི་བ་ས་ལ་མ་ལྷུང་བས་དཀྱིལ་འཁོར་བསྐུས་ལ་བསྲུང་བར་བྱ་སྟེ། 
གུ་གུལ་གྱི་ཡམ་སྲེག་ཤིང་ཞོ་དང་སྦྲང་རྩི་དང་མར་ལ་སྨྱུགས་པས་མཚན་ཐོག་ཐག་སྦྱིན་སྲེག་བྱས་ན་ནམ་ཕྱེད་དམ་ཉི་མ་ཤར་གར་ངེས་པར་འགྲུབ་པར་འགྱུར་ཏེ་རྫས་དེ་འབར་བར་འགྱུར་རོ། །དེ་བླངས་ན་རྡོ་རྗེ་རིགས་སུ་
རྡོ་རྗེ་གཞོན་ནུའི་ལུས་ཐོབ་བོ། །གཟུངས་ཆེན་པོ་འཐོབ་བོ། །འདོད་ན་མཆིའོ། །ཅི་སྟེ་མ་གྲུབ་ན་ཡང་ལས་ཐམས་ཅད་ནུས་པར་འགྱུར་རོ། །ཤི་འཕོས་ན་ཡང་ལྕང་ལོ་ཅན་ནམ་ལོངས་སྤྱོད་ཆེན་པོའི་ཁྱིམ་དུ་སྐྱེ་བར་
འགྱུར་རོ། །རྟག་ཏུ་བཟླས་བརྗོད་བྱས་ན་སྐྱེ་བོ་ཐམས་ཅད་དགའ་བར་འགྱུར་རོ། །ལག་ན་རྡོ་རྗེ་ལ་བལྟ་ཞིང་བཟླས་བརྗོད་བྱས་ན་སྡིག་པ་ཐམས་ཅད་བྱང་བར་འགྱུར་རོ། །ལུས་ཐམས་ཅད་ལ་བྱབ་པ་བྱས་ཏེ་ཉལ་
ན། རྨི་ལམ་ན་སངས་རྒྱས་བཅོམ་ལྡན་འདས་རྣམས་མཐོང་ཞིང་དེ་ཉིད་དུ་གཟུངས་ཀྱང་འཐོབ་བོ། །ཟླ་བ་སྤྱང་ཀིས་ཟིན་པའི་ཚེ་བ་སེར་མོ་མ་སྨད་སྤུ་འཐུན་གྱི་མར་བླངས་ལ་ཟངས་ཀྱི་སྣོད་དུ་བཅུག་སྟེ། ཙན་དན་གྱི་

94-1-87a

དཀྱིལ་འཁོར་བྱས་ལ་དེར་གཞག་སྟེ། ཟླ་བ་ལ་མི་ལྟ་བར་དངོས་གྲུབ་རྣམ་གསུམ་གྱི་བར་དུ་བཟླས་བརྗོད་བྱས་ལ་དེ་འཐུངས་ན་ཐོས་པ་འཛིན་པར་འགྱུར་རོ། །འབར་ན་ནམ་མཁའ་ལ་འགྲོ་བར་འགྱུར་རོ། །
དུ་བ་འཐུལ་ན་མི་སྣང་བར་འགྱུར་རོ། །དྲོ་བར་གྱུར་ན་འགྲོ་བ་ཐམས་ཅད་དབང་དུ་འགྱུར་རོ། །ཅི་སྟེ་རི་མོའི་གཟུགས་བསྒྲུབ་པར་འདོད་ན་ཆོ་ག་སྔ་མ་བཞིན་དུ་རི་མོ་མཁན་བྱང་ཆུབ་ཏུ་སེམས་བསྐྱེད་པས་སྦྱིན་དང་མ་འདྲེས་པའི་
ཚོན་རྣམས་ཀྱིས་སྐྲ་མེད་པའི་རས་ལ་གཞོན་ནུ་གང་ཡང་རུང་བ་ཞིག་འདྲིར་བཞུག་སྟེ། རྒྱན་ཐམས་ཅད་ཀྱིས་བརྒྱན་པ། ཕུང་བུ་གསུམ་གྱིས་མགོ་བརྒྱན་པ། པད་མ་དཀར་པོ་ལ་འདུག་པ་རལ་གྲི་འོད་འབར་བའི་དབུས་
ན་འདུག་པ། ལག་པ་གཡོན་པ་ན་རྡོ་རྗེ་ཐོགས་པ་བཞིན་འཛུམ་པ་ལག་པ་གཡས་པས་བསྒྲུབ་པ་པོ་ལ་དབུགས་འབྱིན་པ་གསེར་གྱི་ཁ་དོག་ལྟ་བུའམ་པྲི་ཡང་ཀུའི་ཁ་དོག་ལྟ་བུའི་སྔོ་བསངས་པ་བྲིའོ། །དེའི་མདུན་དུ་མཆོད་
པ་ཆེན་པོ་བྱས་ཏེ་བསྒྲུབ་པ་བརྩམས་ན་སྔ་མ་བཞིན་དུ་འགྲུབ་པར་འགྱུར་རོ། །ཞི་བའི་བློ་གྲོས་གཞན་ཡང་གནོད་སྦྱིན་གྱི་དབང་པོའི་བུ་ན་ད་ཀུ་བེ་ར་ལག་ན་རྡོ་རྗེ་དགའ་བའི་བསྒྲུབ་པ་ནི་འདི་ཡིན་ཏེ། ཚེས་གྲངས་དང་སྐར་མ་
འདམ་མི་དགོས་སྨྱུང་བ་བྱ་མི་དགོས་པར་ལག་ན་བེ་ཅོན་ཐོགས་ཤིང་དགོན་པ་ཆེན་པོར་ཞུགས་ལ། ལམ་མི་བཟུར་མི་སྨྲ་བར་ལུས་ལ་གླང་པོ་ཆེའི་ལྤགས་པ་བགོས་ལ། དེ་དང་མཐུན་པའི་ཆ་བྱད་དུ་བསྒྱུར་ཏེ་ལག་ན་རྡོ་རྗེ་དྲག་
པོའི་སྙིང་པོ་འམ་འཁོར་ལོས་སྒྱུར་བ་ཆེན་པོས་བསྲུང་བ་བྱས་ལ། སློངས་མོའི་ཟས་བཟའ་བ་འམ་ཟས་མི་བཟའ་བར་ལན་སུམ་འབུམ་བཟླས་བརྗོད་བྱས་ན། ན་ད་ཀུ་བེ་ར་ཉིད་འོང་ཞིང་དམ་པ་སྟོབས་དམ་པ་གང་འདོད་པ་དེ་སྦྱིན་
པར་བྱེད་དོ། །ཀླུའི་མཚོར་ཞུགས་ལ་ལན་ཁྲི་བཟླས་བརྗོད་བྱས་ན་ཀླུ་འབྱུང་སྟེ་གང་འདོད་པ་དེ་སྦྱིན་པར་བྱེད་དོ། །ལྷ་མ་ཡིན་གྱི་ཁུང་སྒོར་ལན་འབུམ་བཟླས་བརྗོད་བྱས་ན། ལྷ་མ་ཡིན་གྱི་བུ་མོ་ཉིད་བྱུང་ནས་འཇུག་པར་བྱེད་དེ། 

94-1-87b

སྨན་བཅུད་ཀྱིས་ལེན་ལ་སོགས་པ་གང་འདོད་པ་དེ་སྦྱིན་པར་བྱེད་དོ། །ཅི་སྟེ་མི་འདོད་ན་དེ་ཉིད་དུ་དེ་དག་དང་ལྷན་ཅིག་ཏུ་འདུག་ཅིང་དབང་ཕྱུག་ཐམས་ཅད་ཀྱི་བདེ་བ་ཐོབ་པ་དང་བསྐལ་པར་གནས་པར་འགྱུར་ཏེ། ལུས་དེ་ཉིད་ཀྱིས་ཡང་དག་
པར་རྫོགས་པའི་སངས་རྒྱས་བྱམས་པ་མཐོང་བ་དང་ཆོས་ཀྱང་ཐོས་པར་འགྱུར་རོ། །ཤི་འཕོས་ནས་ཀྱང་སངས་རྒྱས་ཀྱི་ཞིང་རྣམ་པར་དག་པར་སྐྱེ་བར་འགྱུར་རོ། །རྟག་ཏུ་བཟླས་བརྗོད་བྱས་ན་མཐོང་བ་ཙམ་གྱིས་སྲིན་པོ་དང་ཡི་དགས་དང་
ཤ་ཟའི་གདོན་ལ་སོགས་པ་ཐམས་ཅད་རིང་བ་བས་ཀྱང་ཆེས་རིང་བར་འབྲོས་པར་འགྱུར་རོ། །ཞི་བའི་བློ་གྲོས་མདོར་ན་ཅི་ལྟར་བསྒྲུབས་ཀྱང་རུང་། ཆོ་ག་ཞིབ་མོ་གཞན་ནས་འབྱུང་བས་བསྒྲུབས་ཀྱང་རུང་སྟེ་ངེས་པར་འགྲུབ་པར་
འགྱུར་རོ། །དེ་ནས་འཇིག་རྟེན་གསུམ་ལས་རྣམ་པར་རྒྱལ་བའི་བསྒྲུབ་པ་ཡིན་ཏེ། མཚན་གཅིག་ཡོད་པ་འམ་དུར་ཁྲོད་དུ་ཐལ་བས་ལུས་བསྐུས་ཏེ། ལག་ན་མདུང་རྩེ་གསུམ་པ་འམ། རྡོ་རྗེ་ཐོགས་ལ་སློང་མོའི་ཟས་བཟའ་
ཞིང་ཡུལ་རྒྱུ་བ་དང་། གནས་མེད་པར་རྒྱུ་བ་དང་གཙང་བ་དང་བཟོད་པ་དང་ནང་གཙང་བར་མངོན་པར་དགའ་བ་དང་སེར་སྣ་མེད་པ་དང་ལུས་དང་སྲོག་ལ་མི་བལྟ་བར་བྱས་ལ། རི་དགས་ཀྱི་དབང་པོའི་ལྤགས་པའི་ཤམ་ཐབས་བགོས་
ཏེ། སྙིང་པོ་འདི་ལན་སུམ་འབུམ་བཟླས་བརྗོད་བྱའོ། །དེ་ནས་མཚན་གཅིག་ཡོད་པའམ་དུར་ཁྲོད་དམ་ཡང་ན་ཤིང་དྲུང་གཅིག་ཡོད་པར་སྔགས་པས་བསྒྲུབ་པའི་ཕྱིར་སོང་ལ། ཟླ་བ་ཉ་ལ་སྔ་མ་བཞིན། །ཁང་པའི་ནང་གི་རྣམ་
དག་པར། །མཚན་གཅིག་ཐོག་ཐག་བཟླས་བརྗོད་བྱ། །ནམ་ཕྱེད་དམ་ནི་ཉི་ཤར་ཁར། །རྫས་དེས་གཞོན་ནུ་ཡོངས་འགྱུར་ཞིང་། །འོད་ནི་མེ་ལྕེ་འབར་ཕྲེང་འདྲ། །གྲུབ་ན་ནམ་མཁའ་སྤྱོད་ཡུལ་འགྱུར། །རྣལ་འབྱོར་ཆེ་ལ་སྐལ་
བར་གནས། འཇིག་རྟེན་ཀུན་དུ་རྣམ་པར་རྒྱུ། །མཆོད་པ་ཆེན་པོ་བྱེད་པར་འགྱུར། །ཞི་བའི་བློ་གྲོས་གསང་སྔགས་གྲུབ་པ་དང་འདྲ་བ་ནི་འཇིག་རྟེན་གསུམ་པོ་དག་ན་སུ་ཡང་མེད་དོ། །མ་བསྒྲུབས་ཀྱང་ལས་རྣམས་སུ་འགྱུར་ཏེ། 

94-1-88a

ཕྱག་རྒྱ་བཅིངས་ཏེ་གདོན་ཐམས་ཅད་ལ་བལྟས་ན་དེའི་མོད་ལ་གདོན་གྱིས་གཏོང་ངོ་། །རིམས་ཀྱིས་བཏབ་པ་ལ་བལྟས་ན་རིམས་ལས་སོས་པར་འགྱུར་རོ། །དགོས་པ་ཐམས་ཅད་དུ་རང་གི་ཆོ་ག་ཞིབ་མོ་ཆོ་གའམ་གཞན་གྱི་
ཆོ་ག་ཞིབ་མོའི་ཆོ་ག་འམ་གང་ཡང་རུང་བས་བྱས་ཀྱང་འགྲུབ་པར་འགྱུར་རོ། །ཞི་བའི་བློ་གྲོས་གཞན་ཡང་ལག་ན་རྡོ་རྗེ་དགའ་བ་ཁྲོ་བོ་ཟླ་བའི་ཐིག་ལེའི་བསྒྲུབ་པ་འདི་ཡིན་ཏེ། རིའི་རྩེ་མོ་འམ་རྒྱ་མཚོ་ཆེན་པོར་མིད་པ་ནུབ་ཙམ་དུ་ཆུར་ཞུགས་
ལ། བླངས་པ་མ་ཡིན་པའི་ཁ་ཟས་བཟའ་ཞིང་ཤིང་ལྟར་མི་སྨྲ་བར་བྱས་ལ། སྟག་ལྤགས་ཀྱི་ཤམ་ཐབས་བགོས་ལ་ལམ་མི་བཟུར་བར་འཁོར་ལོ་འམ་རལ་གྲིའམ་མདུང་རྩེ་གསུམ་པ་འམ་རྩེ་གསུམ་གདེངས་པ་ལག་ན་ཐོགས་ལ། ཡི་གེ་འབྲུ་གྲངས་
བཞིན་དུ་ལན་འབུམ་བཟླས་བརྗོད་བྱའོ། །ཐ་མར་ཅི་འབྱོར་པས་མཆོད་དེ་ཟླ་བ་ཉ་ལ་ཐོད་ཟེའུ་ཀ་བཅིངས་ཤིང་བསྲུང་བ་བྱས་ཏེ། མཚན་ཐོག་ཐག་བཟླས་བརྗོད་བྱས་ན་ནམ་ཕྱེད་དམ་ཉི་མ་ཤར་ཀར་ངེས་པར་འགྲུབ་སྟེ། ནམ་མཁའ་ལ་འགྲོ་
བར་འགྱུར་རོ། །གཟི་བརྗིད་མཚུངས་པ་མེད་པར་འགྱུར། གྲུབ་པ་ཐམས་ཅད་ཀྱང་དེ་ལས་རིང་དུ་འབྱོར་པར་འགྱུར། གནོད་སྦྱིན་དང་སྲིན་པོ་དང་ཤ་ཟ་ལ་སོགས་པས་ཀྱང་དེ་ལ་ཟིལ་གྱིས་གནོན་པར་མི་འགྱུར་རོ། །མཁའ་འགྲོ་
མས་རྒྱས་བཏབ་ན་རྒྱའི་གཟུགས་ཁམ་ཕོར་ཁ་སྦྱོར་གྱི་ནང་དུ་བྲིས་ཏེ་སྔགས་ཀྱིས་བཏབ་སྟེ་ནད་པ་ལ་བསྟན་ན་རྒྱ་བཤིག་པ་བྱས་པར་འགྱུར་རོ། །ཚངས་པའི་སྲིན་པོའི་གདོན་གྱིས་ཟིན་ན་དུར་ཁྲོད་ཀྱི་སོལ་བས་གཟུགས་
སམ་མིང་བྲིས་ལ་ཤིང་ཤ་ལ་ཏ་ཀའི་ལྕུག་མས་གཞུའོ། །ཡང་ན་བ་ལང་གི་རྔ་མའི་སྲད་བུ་ཧཱུྃ་ཞེས་བྱ་བ་དང་བཅས་པས་བསྡིགས་ན་དེའི་མོད་ལ་སྒྲ་ཆེར་ངུས་ཏེ་འབྲོས་སོ། །གང་དྲིས་པ་དེ་སྨྲའོ། །གང་ཡང་རུང་བའི་ཆོ་
གས་སྦྱོར་བ་བྱས་ཀྱང་དེ་ལྟ་བུར་གྲུབ་པར་གྱུར་ཏེ། གཞན་གྱི་ཆོ་ག་ཞིབ་མོའི་ཚོགས་བྱས་ཀྱང་གདོན་མི་ཟ་བར་འགྲུབ་བོ། །ལན་ཅིག་བཟླས་བརྗོད་བྱས་ཀྱང་རུང་བཟླས་བརྗོད་མ་བྱས་ཀྱང་རུང་སྟེ་རྗེས་སུ་དྲན་པ་ཉིད་ཀྱིས་

94-1-88b

འགྲུབ་བོ། །ཞི་བའི་བློ་གྲོས་གཞན་ཡང་དེ་བཞིན་གཤེགས་པ་ཐམས་ཅད་ཀྱི་སྟོབས་ལས་བྱུང་བ། སྟོབས་དང་ཕ་རོལ་གནོན་པ་དཔག་ཏུ་མེད་པ། ལག་ན་རྡོ་རྗེའི་རིགས་སུ་སྐྱེས་པ་སྟོབས་པོ་ཆེའི་བསྒྲུབ་པ་ནི་འདི་ཡིན་ཏེ་ཚེས་གྲངས་དང་སྐར་
མ་འདམ་མི་དགོས་སོ། །སྨྱུང་བ་བྱ་མི་དགོས་ལ་སྦགས་ཀྱང་རུང་སྦགས་པ་མ་ཡིན་པ་ཡང་རུང་ཁྲུས་བྱས་ཀྱང་རུང་ཁྲུས་མ་བྱས་ཀྱང་རུང་མི་ཐོད་ཀྱི་ཕྲེང་བ་ཐོགས་ཤིང་། ཁྲིའི་ཟུར་ཤིང་ཐོགས་པ་དུར་ཁྲོད་ན་གནས་པ་ཐལ་བས་
ལུས་བསྐུས་ལ་གང་དུ་ཡང་རུང་བར་སྙིང་པོ་འདི་ལན་སུམ་འབུམ་བཟླས་བརྗོད་བྱའོ། །ཐ་མར་དེ་ཉིད་དུ་བ་ལང་གི་ལྕི་བས་དཀྱིལ་འཁོར་བསྐུས་ལ་བསྲུང་བ་བྱས་ཏེ། རྫས་གང་ཡང་རུང་བ་ཞིག་བླངས་ལ་མཚན་ཐོག་ཐག་བཟླས་བརྗོད་བྱས་
ན་ནམ་ཕྱེད་དམ་ཉི་མ་ཤར་ཀར་འབར་བར་འགྱུར་རོ། །དེ་ཐོགས་ན་ཐོགས་པ་མེད་པར་འགྲོ་བའི་རིག་སྔགས་འཆང་དུ་འགྱུར་ཏེ་རིག་སྔགས་འཆང་ཐམས་ཅད་ཀྱིས་འདིའི་སྟོབས་ལ་ཟིལ་གྱིས་གནོན་པར་མ་ནུས་སོ། །བྱང་ཆུབ་
སེམས་དཔའ་ས་བཅུ་ལ་གནས་པ་རྣམས་དང་སྤྱོད་པ་ཐོབ་པའི་རིག་སྔགས་འཆང་གྲུབ་པ་རྣམས་མ་གཏོགས་པར་འདི་དང་མཚུངས་པ་སུ་ཡང་མེད་དོ། །རྟག་ཏུ་རྗེས་སུ་དྲན་པར་བྱེད་ན་སྟོབས་དང་ལྡན་པར་འགྱུར་རོ། །གདོན་ཐམས་
ཅད་དང་གནོད་པ་ཐམས་ཅད་དང་འཇིགས་པ་ཐམས་ཅད་དུ་ཡང་དྲན་པ་ཉིད་ཀྱིས་ཐམས་ཅད་ཞི་བར་བྱེད་དོ། །ལྷ་མ་ཡིན་གྱི་ཁུང་དུ་འཇུག་པར་འདོད་པས་ཤིང་ཤ་མེའི་བེ་ཅོན་ཐོགས་ལ། ལྷ་མ་ཡིན་གྱི་ཁུང་སྒོར་ལན་སུམ་
འབུམ་བཟླས་བརྗོད་བྱའོ། །ཐ་མར་ཅི་འབྱོར་པས་མཆོད་ལ་དུག་དང་ཁྲག་དང་སྐེ་ཚེའི་འབྲུ་བསྲེས་ལ། ལན་ཁྲི་སྦྱིན་སྲེག་བྱས་ན་ལྷ་མ་ཡིན་གྱི་གནས་ཐམས་ཅད་དུ་བསྐལ་པའི་མེ་ལྟར་འབར་བར་འགྱུར་རོ། །བེ་ཅོན་དེ་ལ་
ལན་བདུན་སྔགས་ཀྱིས་བཏབ་སྟེ། སྒོ་དེ་ལ་བསྣུན་ན་ལྷ་མ་ཡིན་གྱི་བུ་མོ་ཐམས་ཅད་འབྱུང་སྟེ། དེ་དག་གིས་བསྒྲུབ་པ་པོ་དེ་རང་གི་ཁྱིམ་དག་ཏུ་འཇུག་པར་བྱེད་དོ། །སྨན་བཅུད་ལན་ལ་སོགས་པ་ཐམས་ཅད་ཀྱང་སྦྱིན་པར་

94-1-89a

བྱེད་དོ། །གང་འདོད་པ་དེ་བྱེད་དེ་གཞན་གྱི་ཆོ་ག་ཞིབ་མོའི་ཆོ་གས་ཀྱང་འགྲུབ་བོ། །ཁྲོ་བོའི་རྒྱལ་པོ་འདི་ནི་རང་བཞིན་གྱིས་གྲུབ་པ་སྟེ། བཟླས་བརྗོད་བྱས་པ་ཙམ་གྱིས་ཐམས་ཅད་བྱེད་དོ། །ཞི་བའི་བློ་གྲོས་གཞན་ཡང་
ཕྱག་བརྙན་ཐམས་ཅད་སྤྱིའི་བསྒྲུབ་པ་འདི་ཡིན་ཏེ། མཚན་མོ་ཟས་ཟ་བ་གོས་དྲི་མ་ཅན་གྱོན་པ། ང་རྒྱལ་བཅག་པ། བརྙས་པར་གྱུར་པ། སྨྱོན་པའི་ཆ་བྱད་འཛིན་པ། བརྒད་བ་དང་། གར་བྱ་བ་དང་། སིལ་སྙན་རྣམས་ལ་མཁས་པས་ཁང་སྟོང་
ངམ་ཤིང་དྲུང་གཅིག་ཡོད་པར་འགྲོ་ཡང་རུང་འགྲེང་ཡང་རུང་འདུག་ཀྱང་རུང་ཉལ་ཡང་རུང་གླུ་ལེན་ཡང་རུང་གར་བྱེད་ཀྱང་རུང་སྙིང་པོ་འདི་དག་ལན་སུམ་འབུམ་བཟླས་བརྗོད་བྱའོ། །ཐ་མར་བ་ལང་གི་ལྕི་བ་ས་ལ་མ་ལྷུང་བས་དཀྱིལ་འཁོར་བསྐུས་
ལ་མེ་ཏོག་བཀྲམ་སྟེ་ཅི་འབྱོར་པས་མཆོད་དོ། །ལྕགས་ཨུར་མོ་ལ་རལ་གྲི་བྱ་རོག་སོ་བྱས་པ་དང་། མིའི་སྐྲའི་ཞགས་པ་ཁྲུ་བཅུ་གཉིས་པ་འམ་ཁྲུ་གསུམ་པ་འམ་ཁྲུ་གང་བ་ཐོགས་ལ་མཚན་ཐོག་ཐག་བཟླས་བརྗོད་བྱས་ན་ནམ་ཕྱེད་དམ་ཉི་མ་ཤར་
ཀར་ངེས་པར་འབར་བར་འགྱུར་རོ། །དེ་ཐོགས་ན་རིག་སྔགས་འཆང་དུ་འགྱུར་དེ་བཞིན་གཤེགས་པ་ཐམས་ཅད་ཀྱི་བཀའ་བཞིན་བྱེད་པར་འགྱུར་འདོད་པའི་གཟུགས་འཆང་བར་འགྱུར་ཏེ་འཇིག་རྟེན་གསུམ་པོ་ཡང་བཅིངས་ནས་ཁྲིད་དེ་འོང་
ན་སེམས་ཅན་ཕལ་པ་རྣམས་ལྟ་ཅི་སྨོས། རྟག་ཏུ་རྗེས་སུ་དྲན་པར་བྱེད་ན་རྟག་ཏུ་ཕྱི་བཞིན་འབྲང་བར་འགྱུར་བསྒོ་བ་བཞིན་བྱེད་པར་འགྱུར། ཤི་འཕོས་ནས་ཀྱང་ལྷའི་ནང་དུ་སྐྱེ་བར་འགྱུར་རོ། །ངེས་པར་བྱང་ཆུབ་ལ་གཞོལ་བར་འགྱུར་
རོ། །ཞི་བའི་བློ་གྲོས་གཞན་ཡང་ཕྱག་བརྙན་མ་ལག་ན་རྡོ་རྗེའི་རིགས་སུ་སྐྱེས་པ་རྣམས་ཀྱི་སྤྱིའི་བསྒྲུབ་པ་ནི་འདི་ཡིན་ཏེ། གཅིག་པུ་གཉིས་སུ་མེད་པར་ཁང་སྟོང་ངམ་གནས་ཁང་ངམ་ཕུག་དབེན་པ་འམ་ལྷུགས་མེད་པར་ཕྱག་བརྙན་མ་གང་
ཡང་རུང་བ་ཞིག་ལན་སུམ་འབུམ་བཟླས་བརྗོད་བྱའོ། །ཐ་མར་ཅི་འབྱོར་པས་མཆོད་དེ། གྲི་བྱ་རོག་གི་སོ་ལྟ་བུ་ཡུ་བ་ཅན་དང་ཞགས་པ་ལག་ན་ཐོགས་ལ་མཚན་ཐོག་ཐག་བཟླས་བརྗོད་བྱས་ན་ནམ་ཕྱེད་དམ་ཉི་མ་ཤར་ན་འགྲུབ་པར་འགྱུར་ཏེ་

94-1-89b

རིག་སྔགས་འཆང་སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་སུ་རྒྱུ་བ་དང་། འདོད་པའི་གཟུགས་འཆང་བར་འགྱུར་རོ། །ལན་ཚྭ་ལ་གཟུགས་བྱས་ལ་སྤོས་དང་མེ་ཏོག་དང་བདུག་པས་མཆོད་དེ། གནས་དབེན་པ་ལྷུགས་མ་མེད་པར་གཞག་
ལ་གཅིག་པུ་མཚན་ཐོག་ཐག་ལག་པས་བྲང་དུ་བསྣུན་ཅིང་བཟླས་བརྗོད་བྱས་ན་དེ་བཞིན་དུ་ངེས་པར་འགྲུབ་སྟེ་གང་འདོད་པའི་དམ་པ་དེ་སྦྱིན་པར་བྱེད་དོ། །ཚེར་མ་ཨ་པ་མར་གའི་སོ་ཤིང་ལ་ལན་གཅིག་སྔགས་ཀྱིས་བཏབ་སྟེ། འཆོས་ན་མ་
བླངས་པར་ཟས་རྙེད་པར་འགྱུར་རོ། །མདོར་ན་ཆོ་ག་གང་དང་གང་གིས་བསྒྲུབ་པ་དེ་དང་དེ་ཉིད་ཀྱིས་འགྲུབ་པར་འགྱུར་རོ། །འདི་དག་ནི་རང་བཞིན་གྱིས་གྲུབ་པ་སྟེ་འདོད་པ་ཙམ་གྱིས་ཡོངས་སུ་རྫོགས་པར་བྱེད་པའོ། །ཞི་བའི་བློ་གྲོས་གཞན་
ཡང་ཕོ་ཉ་ཐམས་ཅད་ཀྱི་སྤྱིའི་བསྒྲུབ་པ་ནི་འདི་ཡིན་ཏེ། སློང་མོའི་ཟས་བཟའ་ཞིང་རྒྱ་མཚོར་འབབ་པའི་ཆུ་ཀླུང་དུ་ཞུགས་ལ། ལན་སུམ་འབུམ་བཟླས་བརྗོད་བྱའོ། །ཐ་མར་ཅི་འབྱོར་པས་མཆོད་ལ་དེ་བཞིན་དུ་ཤིང་ཀ་ར་བཱི་ར་
འི་མེ་ཏོག་མར་ལ་སྨྱུགས་པ་ལན་ཁྲི་སྦྱིན་སྲེག་བྱས་ན་གྲུབ་པར་འགྱུར་ཏེ་གང་འདོད་པ་དེ་བྱེད་དོ། །གཞན་ཡང་བསྒྲུབ་པ་ནི་འདི་ཡིན་ཏེ་མར་སར་ལས་གཟུགས་བྱས་ལ་སྤོས་དང་མེ་ཏོག་གིས་མཆོད་དེ། ཟླ་བ་ཉ་ལ་ཙན་དན་གྱིས་དཀྱིལ་
འཁོར་བསྐུས་ཏེ། ཟླ་བ་ལ་མི་བལྟ་བར་འབར་གྱི་བར་དུ་བཟླས་བརྗོད་བྱས་ལ་དེ་བླངས་ན་རིག་སྔགས་འཆང་དུ་འགྱུར་རོ། །ཅི་སྟེ་དུ་བ་འཐུལ་བ་འཐུངས་ན་མི་སྣང་བར་འགྱུར་རོ། །སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་
སུ་རྒྱུ་བ་དང་འདོད་པའི་གཟུགས་འཛིན་པར་འགྱུར་རོ། །དྲོ་བར་གྱུར་ཏེ་འཐུངས་ན་ཐོས་པ་འཛིན་པར་འགྱུར་ཏེ་ཐོས་པ་ཐམས་ཅད་འཛིན་པའི་གཟུངས་ཐོབ་པར་འགྱུར་རོ། །ནད་ཐམས་ཅད་ལས་ཐར་བར་འགྱུར་རོ། །མཆོག་ཏུ་སྐལ་
བ་བཟང་པོ་དང་ལྡན་པར་འགྱུར་རོ། །འདོད་པའི་གཟུགས་ཅན་དུ་འགྱུར་རོ། །ཤི་འཕོས་ནས་ཀྱང་ལྷའི་ནང་ངམ་ལྕང་ལོ་ཅན་དུ་སྐྱེ་བར་འགྱུར་རོ། །ཞི་བའི་བློ་གྲོས་རང་བཞིན་གྱིས་གྲུབ་པ་དག་སྟེ། འདོད་པ་ཕུན་སུམ་ཚོགས་པར་བྱེད་པ་བཀླགས་

94-1-90a

པས་འགྲུབ་བོ། །ཞི་བའི་བློ་གྲོས་གཞན་ཡང་ཕོ་ཉ་མོ་འགྲོ་བ་མཐའ་དག་གི་དོན་བྱེད་པ་རྣམས་ཀྱི་སྤྱིའི་བསྒྲུབ་པ་འདི་ཡིན་ཏེ། གྲོག་མཁར་གྱི་ས་འམ་ངོགས་གཉིས་ཀའི་ས་ལས་གཟུགས་བྱས་ལ། སྐྱེད་མོས་ཚལ་དབེན་
པ་ལྷུགས་མེད་པ་ཅི་འབྱོར་པས་མཆོད་དེ་རིག་པ། ལན་སུམ་འབུམ་བཟླས་བརྗོད་བྱའོ། །ཐ་མར་ཟླ་བ་ཉ་ལ་གཏོར་མ་རྒྱ་ཆེར་བྱས་ལ་ལིག་བུ་མིག་གམ་གི་ཝང་ངམ་ལྡོང་རོས་སྤོས་ཆུས་བསྐུས་ཏེ། དེའི་ལག་ཏུ་གཞག་ལ་འབར་གྱི་བར་དུ་
བཟླས་བརྗོད་བྱའོ། །འབར་ན་རིག་སྔགས་འཆང་དུ་འགྱུར་རོ། །དུ་བ་འཐུལ་ན་མི་སྣང་བར་འགྱུར་རོ། །དྲོ་བར་གྱུར་ན་དབང་དུ་འགྱུར་རོ། །སྟོང་གི་འཇིག་རྟེན་གྱི་ཁམས་སུ་རྣམ་པར་རྒྱུ་བ་དང་། ཉི་མ་ཤར་བ་ལྟ་བུའི་མདོག་ཅན། 
རླུང་ལྟར་རྒྱུ་བ་དང་སེམས་ཅན་གྱི་དོན་བྱེད་པ་དང་དམ་པའི་ཆོས་འཛིན་པར་འགྱུར་རོ། །མ་བསྒྲུབས་པར་ཡང་ལས་སུ་འགྱུར་ཏེ་གི་ཝང་ལ་ལན་ཅིག་སྔགས་ཀྱིས་བཏབ་སྟེ། གདོང་ལ་བྱུགས་ན་སྐལ་བ་བཟང་པོར་འགྱུར་རོ། །
ལིག་བུ་མིག་ལ་སྔགས་ཀྱིས་བཏབ་ནས་མིག་ལ་བསྐུས་ན་གང་ལ་བལྟས་པ་དེ་དབང་དུ་འགྱུར་རོ། །ཁ་ལ་སྔགས་ཀྱིས་བཏབ་ན་གང་དང་སྨྲ་བ་དེ་དབང་དུ་འགྱུར་རོ། །མེ་ཏོག་དང་སྤོས་ལ་སོགས་པ་ལ་སྔགས་ཀྱིས་བཏབ་
ལ་སུ་ལ་བྱིན་པ་དེ་དབང་དུ་འགྱུར་རོ། །དབེན་པར་ལམ་དུ་འདུག་སྟེ་གང་དབང་དུ་བྱ་བའི་མིང་ནས་བརྗོད་དེ་ལག་པ་སྙིང་གར་བཅར་ལ་རིག་པ་ལན་བརྒྱ་རྩ་བརྒྱད་བཟླས་བརྗོད་བྱས་ན་ཞག་བདུན་ན་དབང་དུ་འགྱུར་རོ། །ཆུ་ལ་
སྔགས་ཀྱིས་བཏབ་སྟེ་གདོང་བཀྲུས་ན་སྐལ་བ་བཟང་པོར་འགྱུར་རོ། །ལན་ཚའི་སྲེག་བླུགས་ལན་བརྒྱ་སྟོང་སྦྱིན་སྲེག་བྱས་ན། སྐལ་བ་བཟང་པོ་མཆོག་ཏུ་འགྱུར་རོ། །ཕྱུགས་ཆུང་འདོད་ན་ཀ་ར་བཱི་རའི་མེ་ཏོག་ཨ་ག་རུས་བདུགས་
པ་ལ་སྔགས་ལན་རེ་བཏབ་ནས་ཞག་བདུན་དུ་རྒྱ་མཚོར་འབབ་པའི་ཆུར་བོར་ན་ངེས་པར་རྙེད་པར་འགྱུར་རོ། །རའི་འོ་མ་ལ་སྔགས་ཀྱིས་བཏབ་སྟེ་འཐུངས་ན་ཡང་དེ་བཞིན་དུ་རྙེད་པར་འགྱུར་རོ། །བུ་འདོད་ན་ཐང་ཤིང་གི་ཡམ་སྲེག་ཤིང་

94-1-90b

བ་སེར་མོའི་མར་ལ་སྨྱུགས་པས་ཞག་བདུན་སྦྱིན་སྲེག་བྱས་ན་བུ་ཡོད་པར་འགྱུར་རོ། །ཞི་བའི་བློ་གྲོས་དེ་ལྟར་ན་རྣམ་གྲངས་འདིས་ལས་སྟོང་བྱེད་དེ་དངོས་གྲུབ་ཀྱང་སྦྱིན་པར་བྱེད་དེ་དཔལ་ཡང་སྐྱེད་པར་བྱེད་དོ། །རྡོ་རྗེ་ཕོ་ཉ་མོ་ཆེན་པོ་འདི་
དག་བཀླགས་པས་འགྲུབ་བོ། །ཞི་བའི་བློ་གྲོས་གཞན་ཡང་རྡོ་རྗེའི་རིགས་ལས་བྱུང་བའི་བྲན་རྣམས་ཀྱི་བསྒྲུབ་པ་ཉོན་ཙག་གཙུག་ལག་ཁང་ངམ་དགོན་པ་འམ་གྲོང་ངམ་གྲོང་ཁྱེར་གང་བབ་བབ་ཏུ་ཉལ་བ། སུས་བཅོས་ཀྱང་
ང་རྒྱལ་བཅག་པ། བྲན་གྱི་གཟུགས་འཛིན་པ། གོས་དྲི་མ་ཅན་གྱོན་པ། སྒྲ་ཤིག་ཤིག་པོར་འདུག་པ། ཁྲུས་མི་བྱེད་པར་དྲི་མ་ཅན་གྱི་མདོག་ཅན་གྱི་སྙིང་པོ་གང་ཡང་རུང་བ་ཞིག་གྲོང་ཁྱེར་ཆེན་པོའི་སུམ་མདོ་འམ་མ་མོའི་ཁྱིམ་དུ་ལན་
འབུམ་བཟླས་བརྗོད་བྱའོ། །ཐ་མར་དེ་ཉིད་དུ་བ་ལང་གི་ལྕི་བས་དཀྱིལ་འཁོར་བསྐུས་ལ་ཅི་འབྱོར་པས་མཆོད་དེ། ལྕགས་སྣ་གསུམ་གྱི་མཆིལ་ལྷམ་མམ་ལྕེ་འབབ་པས་བཅག་པའི་ཤིང་གི་མཆིལ་ལྷམ་བླངས་ལ་མཚན་ཐོག་
ཐག་བཟླས་བརྗོད་བྱས་ན་ནམ་ཕྱེད་དམ་ཉི་མ་ཤར་ཀར་ངེས་པར་འབར་ཞིང་འགྲུབ་པར་འགྱུར་ཏེ། ཤིང་གི་མཆིལ་ལྷམ་གྱོན་ན་གང་འདོད་པ་དེ་ཉིད་དུ་འགྲོའོ། །འདོད་པའི་གཟུགས་འཛིན་ཅིང་རླུང་ལྟར་འགྲོ་བར་འགྱུར་རོ། །མ་གྲུབ་ཀྱང་
ལས་སུ་འགྱུར་ཏེ་རྟག་ཏུ་བཟླས་བརྗོད་བྱས་ན་རྟག་ཏུ་ཕྱི་བཞིན་འབྲང་བར་འགྱུར་རོ། །རིམས་ཀྱིས་བཏབ་པ་ལ་སྐུད་པ་ནག་པོས་བཅིངས་ན་རིམས་ལས་སོས་པར་འགྱུར་རོ། །ནད་ཐམས་ཅད་དང་གནོད་པ་ཐམས་ཅད་ལ་ཡུངས་
དཀར་རམ་སྤོས་ཆུས་བྱབ་པ་བྱས་ན་སོས་པར་འགྱུར་རོ། །ལག་ན་རྡོ་རྗེའི་མདུན་དུ་ཏིལ་ནག་པོ་ཞོ་དང་སྦྲང་རྩི་དང་མར་དང་བསྲེས་པ་ལན་སུམ་ཁྲི་སྦྱིན་སྲེག་བྱས་ན་སྡིག་པ་བྱེད་པ་ཡང་ལས་ཐམས་ཅད་ནུས་པར་འགྱུར་རོ། །ཅིའི་ཕྱིར་ཞེ་ན་
རང་བཞིན་གྱིས་གྲུབ་པའི་ཕྱིར་རོ། །ཞི་བའི་བློ་གྲོས་བྲན་རྣམས་ནི་གང་མི་བྱེད་པ་ཅི་ཡང་མེད་དེ། དམ་ཚིག་རྗེས་སུ་བསྲུང་བར་བྱེད། བསྟན་པའི་དོན་བྱེད་བསྒྲུབ་པ་ན་དངོས་གྲུབ་རྣམ་པ་སྣ་ཚོགས་ཀྱི་སྒོ་སྟོན་པར་བྱེད་དོ། །གཞན་གྱི་ཆོ་

94-1-91a

ག་ཞིབ་མོའི་ཆོ་ག་འམ་ཅི་ལྟར་འབྱོར་པ་བྱས་ཀྱང་ངེས་པར་འགྲུབ་པར་འགྱུར་རོ། །འཇམ་དཔལ་གཞོན་ནུར་གྱུར་པས་ཡང་བྱང་ཆུབ་སེམས་དཔའ་ཞི་བའི་བློ་གྲོས་ལ་འདི་སྐད་ཅེས་སྨྲས་སོ། །ཞི་བའི་བློ་གྲོས་ལག་ན་རྡོ་རྗེ་
དགའ་བའི་སྙིང་པོར་གྱུར་པ། གསང་བ་དང་བཅས་པའི་བྲན་མོ་རང་བཞིན་གྱིས་གྲུབ་པ། བསམ་པ་ཐམས་ཅད་ཡོངས་སུ་རྫོགས་པར་བྱེད་པ་ལས་སྣ་ཚོགས་བྱེད་པ། ལས་གང་དག་དྲན་པ་ཙམ་གྱིས་འཇིགས་པ་ཐམས་ཅད་མི་
འབྱུང་བ། ཡོད་དེ་དག་གིས་བསྒྲུབ་པ་འདི་ཡིན་ཏེ་ཚེས་གྲངས་དང་སྐར་མ་འདམ་མི་དགོས། སྨྱུང་བ་བྱ་མི་དགོས་པར་མཚན་མོ་ཟས་ཟ་བ་བླངས་པ་མ་ཡིན་པ་ཟ་བ་དེ་དང་མཐུན་པའི་ཆ་བྱད་འཛིན་པས་རལ་གྲི་སོ་གཅིག་པ་ཡུ་བ་
དང་བཅས་པ་ལག་ན་ཐོགས་པ། རྒྱ་མཚོར་འབབ་པའི་ཆུར་རྐེད་པ་ནུབ་ཙམ་དུ་ཞུགས་ཏེ་ལན་སུམ་འབུམ་བཟླས་བརྗོད་བྱའོ། །ཐ་མར་དེ་ཉིད་དུ་ཅི་འབྱོར་པས་མཆོད་དེ་ཡུངས་དཀར་དང་གུར་གུམ་བསྲེས་པས་མཚན་ཐོག་ཐག་
ལན་སུམ་འབུམ་སྦྱིན་སྲེག་བྱས་ན་ནམ་ཕྱེད་དམ་ཉི་མ་ཤར་ཀར་ངེས་པར་འགྲུབ་པར་འགྱུར་ཏེ། དེ་ཐོགས་པས་ཡིད་ལྟར་མགྱོགས་པ་དང་། འཇིག་རྟེན་གྱི་ཁམས་དུ་མར་སངས་རྒྱས་ཐམས་ཅད་ཀྱི་འཁོར་གྱི་དཀྱིལ་འཁོར་དུ་མཆོད་པ་
ཆེན་པོ་བྱེད་པ་དང་ཐོགས་པ་མེད་པར་འགྲོ་བ་དང་སེམས་ཅན་ཐམས་ཅད་ལ་ཕན་པར་བྱེད་པ་དང་བསམ་པ་ཐམས་ཅད་ཡོངས་སུ་རྫོགས་པར་བྱེད་པར་འགྱུར་རོ། །བསྒྲུབ་པ་གཞན་ཡང་ཡོད་དེ་རིའི་རྩེ་མོར་སོང་ལ་དེ་བཞིན་དུ་ལན་སུམ་
འབུམ་བཟླས་བརྗོད་བྱའོ། །ཐ་མར་ཅི་འབྱོར་པས་མཆོད་དེ་འོ་མའི་སྲེག་བླུགས་ལན་སུམ་འབུམ་སྦྱིན་སྲེག་བྱས་ན་སྡིག་པ་བྱེད་པ་ཡང་ངེས་པར་འགྲུབ་པར་འགྱུར་རོ། །རི་མོའི་གཟུགས་དང་སྐུ་གཟུགས་མེད་པར་ཡང་བྱང་ཆུབ་ཏུ་
སེམས་བསྐྱེད་པ་དང་། རྡོ་རྗེ་ཆེན་པོའི་དཀྱིལ་འཁོར་མཐོང་བ་བླ་མས་གནང་བ་སེར་སྣ་མེད་པ་དད་པ་དང་ལྡན་པ། དཀོན་མཆོག་གསུམ་ལ་གཞོལ་བ། སྤྲོ་བ་དང་ལྡན་པ། ཡི་དམ་ལ་བརྟན་པ། རྟག་ཏུ་མཉམ་པར་གཞག་པ། 

94-1-91b

གསང་སྔགས་ཀྱི་དེ་ཁོ་ནའི་དོན་ལ་མཁས་པ། བླ་མ་ལ་གུས་པ་ལ་གྲུབ་པར་འགྱུར་རོ། །གཞན་དུ་ན་ནི་བརྒྱ་བྱིན་བདག་ཉིད་ཆེན་པོས་བསྒྲུབས་ཀྱང་། གསང་སྔགས་ཀྱི་དངོས་གྲུབ་སྦྱིན་པར་མི་བྱེད་དེ་ཡོན་ཏན་ཅི་སྐད་བརྗོད་པ་དང་ལྡན་པ་
ལ་ངེས་པར་འགྲུབ་བོ། །དེ་ནས་འཇམ་དཔལ་གཞོན་ནུར་གྱུར་པས་བྱང་ཆུབ་སེམས་དཔའ་ཞི་བའི་བློ་གྲོས་ལ་འདི་སྐད་ཅེས་སྨྲས་སོ། །ཞི་བའི་བློ་གྲོས་བྲན་ཕོ་དང་བྲན་མོ་དང་ཕྱག་བརྙན་དང་ཕྱག་བརྙན་མོ་དང་ཕོ་ཉ་དང་ཕོ་ཉ་མོ་ལ་སོགས་པ་
འདི་དག་གི་མི་སྣང་བར་འགྱུར་བའི་ཡོན་ཏན་འདི་སྐད་དུ་བརྗོད་པ་གཞན་ཡོད་ཀྱིས། ལེགས་པར་རབ་ཏུ་ཟུང་ཤིང་དང་ཁོ་བོས་ཁྱོད་ལ་བཤད་དོ། །དེ་སྐད་ཅེས་སྨྲས་པ་དང་། བྱང་ཆུབ་སེམས་དཔའ་ཞི་བའི་བློ་གྲོས་ཀྱིས་འཇམ་དཔལ་གཞོན་ནུར་གྱུར་
པ་ལ་འདི་སྐད་ཅེས་སྨྲས་སོ། །འཇམ་དཔལ་འདི་ནི་དུས་ཡིན་འདི་ནི་ཚོད་ཡིན་ཏེ་འཇམ་དཔལ་དེའི་དུས་ལ་བབ་པར་ཤེས་ན་ཤོད་ཅིག །ཞི་བའི་བློ་གྲོས་དེ་ལ་ཆོ་ག་སྔ་མ་བཞིན་དུ་སྔར་སྤྱད་པ་བྱས་པའི་རིག་པའི་བརྟུལ་ཞུགས་སྤྱད་པས་
སྤང་མ་འམ་བ་བླའམ་ལྡོང་རོས་གང་ཡང་རུང་བ་ཞིག་བླངས་ལ། ཟངས་ཀྱི་ག་འུར་བཅུག་སྟེ་ངད་མ་ཤོར་བར་བྱས་ལ། ཟླ་བ་མར་གྱི་ངོ་ལ་ཞག་གསུམ་སྨྱུང་བ་བྱས་ལ་ལྷ་ཆེན་པོའི་གནས་སུ་ལྷ་ཆེན་པོའི་གཡས་རོལ་གྱི་ལུས་
ལ་མཚན་ཐོག་ཐག་བཟླས་བརྗོད་བྱས་ཏེ་དུ་བ་འཐུལ་གྱི་བར་དུ་བྱའོ། །དེས་ལུས་ལ་བསྐུས་ན་མི་སྣང་བར་འགྱུར་རོ། །བུ་བཙས་པའི་ཁྱིམ་ནས་ཐལ་བ་བླངས་ལ་སྙིམ་པར་བཅུག་སྟེ། དེ་བཞིན་དུ་ཟླ་བ་མར་གྱི་ངོ་ལ་ལྷ་ཆེན་པོའི་གློ་གཡས་
རོལ་གྱི་ལུས་ལ་བཟླས་བརྗོད་བྱ་སྟེ་དུ་བ་འཐུལ་གྱི་བར་དུའོ། །དེས་སུམ་རིས་བྱས་ན་མི་སྣང་བར་འགྱུར་རོ། །ཟླ་བ་མར་གྱི་ངོ་ཞག་བརྒྱད་དམ་བཅུ་བཞི་ལ་སྐར་མ་རྒྱལ་དང་གཟའ་ཟླ་བ་ལ་བབ་པའི་ཚེ་སྐྱེས་པ་ཤི་བ་དུར་ཁྲོད་དུ་བསྲེག་པའི་མེའི་
ནང་དུ་བ་རུ་རའི་ཤིང་བཅུག་ལ་ཚིག་པ་དང་། རང་གི་ཁྲག་གིས་བསད་དེ། དེའི་སོལ་བ་ཐོགས་ལ་ཁང་སྟོང་དབེན་ཞིང་ལྷུགས་མེད་པར་བ་ལང་གི་མཁྲིས་པས་ཐིག་ལེར་བྱས་ལ་མཚན་ཐོག་ཐག་བཟླས་བརྗོད་བྱས་ན་མི་སྣང་བར་འགྱུར་རོ། །

94-1-92a

ལིག་བུ་མིག་བླངས་ཏེ་ཆོ་ག་སྔ་མ་བཞིན་དུ་ལན་སུམ་འབུམ་བཟླས་བརྗོད་བྱའོ། །ཐ་མར་ཅི་འབྱོར་པས་མཆོད་དེ་བ་སེར་མོའི་མར་གྱིས་ལན་བརྒྱ་སྟོང་སྦྱིན་སྲེག་བྱ་སྟེ། དེ་ནས་ཟླ་བ་ཉ་ལ་གྲུབ་ཀྱི་བར་དུ་བཟླས་བརྗོད་བྱས་
ལ་དེས་མིག་བསྐུས་ན་སྐྱེ་བོ་ཐམས་ཅད་ཀྱིས་ལུས་མི་མཐོང་བར་འགྱུར་རོ། །ཞི་བའི་བློ་གྲོས་ཡང་ལྡུམ་བུ་ཨད་མ་གུཔྟའི་རྩ་བ་ཆོ་ག་སྔ་མ་བཞིན་དུ་བླངས་ཏེ་ལན་སུམ་འབུམ་བཟླས་བརྗོད་བྱས་ལ། ཟླ་བ་མར་གྱི་ངོ་ལ་ལྷ་རྟེན་དུ་
མཚན་ཐོག་ཐག་བཟླས་བརྗོད་བྱས་ཏེ་ཁར་བཅུག་ན་མི་སྣང་བར་འགྱུར་རོ། །ཤུ་དག་དཀར་པོའི་རྩ་བ་དང་རྒྱ་སྤོས་ཀྱི་རྩ་བ་ལ་སྔ་མ་བཞིན་དུ་མི་སྣང་བར་འགྱུར་གྱི་བར་དུ་བཟླས་བརྗོད་བྱའོ། །སྐར་མ་རྒྱལ་གྱི་ཚེ་ཨུཏ་པལ་སྔོན་པོ་
བླངས་ལ་རའི་འོ་མ་དང་བཏགས་ཏེ། ཟླ་བ་སྤྱང་ཀིས་ཟིན་པའི་ཚེ་ཟངས་ཀྱི་སྣོད་དམ་ཤིང་ཨ་ཤྭཏྠའི་ལོ་མ་ཁ་སྦྱོར་བའི་ནང་དུ་བཅུག་སྟེ་ཟླ་བ་བཏང་གི་བར་དུ་བཟླས་བརྗོད་བྱས་ལ་དེ་འཐུངས་ན་མི་སྣང་བར་འགྱུར་རོ། །ཞི་བའི་བློ་
གྲོས་གཞན་ཡང་གུར་གུམ་དང་དུ་རུ་སྐ་དང་པད་མའི་ཟེ་བ་བ་སེར་མོ་མ་སྨད་སྤུ་མཐུན་པའི་མར་དང་། བཏགས་པ་སྔ་མ་བཞིན་དུ་ཟླ་བ་སྤྱང་ཀིས་ཟིན་པའི་ཚེ་ཟླ་བ་བཏང་གི་བར་དུ་བཟླས་བརྗོད་བྱས་ལ་དེ་འཐུངས་ན་མི་སྣང་བར་འགྱུར་
རོ། །ཞི་བའི་བློ་གྲོས་ཤིང་ཨ་ས་ནའི་མེ་ཏོག་དང་ཤིང་དེ་བའི་མེ་ཏོག་རི་དགས་ནག་པོའི་ཁྲག་དང་བཏགས་ལ། ཟླ་བ་སྤྱང་ཀིས་ཟིན་པའི་ཚེ་ཟླ་བ་བཏང་གི་བར་དུ་བཟླས་བརྗོད་བྱས་ལ་དེ་འཐུངས་ཤིང་ལུས་ལ་ཡང་བསྐུས་ན་མི་སྣང་
བར་འགྱུར་རོ། །ཞི་བའི་བློ་གྲོས་གཞན་ཡང་ཨ་ག་རུ་ནག་པོ་བླངས་ལ་སྦྲུལ་ནག་པོའི་མིག་དང་། སྔ་མ་བཞིན་དུ་ལྷ་ཆེན་པོའི་གློ་གཡས་རོལ་དུ་བཟླས་བརྗོད་བྱས་ཏེ་དེ་དུ་བ་འཐུལ་གྱི་བར་དུའོ། །དེས་ཐིག་ལེར་བྱས་ན་མི་སྣང་
བར་འགྱུར་རོ། །ཞི་བའི་བློ་གྲོས་གཞན་ཡང་ཀླུའི་རྒྱལ་པོ་ཁ་གཉིས་པས་གཟུང་བ་ལ་ཏིལ་ནག་པོ་དང་ལྷན་ཅིག་བཏགས་ཏེ། ཟླ་བ་མར་གྱི་ངོ་ཞག་བརྒྱད་དམ་ཞག་བཅུ་བཞི་ལ་ཉིན་ཞག་གཅིག་སྨྱུང་བ་བྱས་ཏེ་འབྲུ་མར་དེས་དུ་བ་

94-1-92b

ཆགས་པར་བྱས་ལ་དེ་ལ་སྔགས་ཀྱིས་བཏབ་སྟེ་མིག་བསྐུས་ན་མི་སྣང་བར་འགྱུར་རོ། །ཞི་བའི་བློ་གྲོས་གཞན་ཡང་ཨ་རུ་རའི་རུས་པའི་རྐང་ཕྱུང་སྟེ། སྦྲང་རྩི་དང་ནི་ལྷན་ཅིག་བཏགས། །ཨ་ཤྭད་ལོ་མ་འབར་བཅུག་ལ། །མཁས་པས་ཆུ་འདུས་
ག་ལ་བར། །ཁོང་པ་ནང་གི་རྣམ་དག་པར། །མཚན་གཅིག་ཐོག་ཐག་བརྗོད་བྱས་ན། །ནམ་ཕྱེད་དུས་ན་འགྲུབ་འགྱུར་ཏེ། །དེ་ལ་ཐེ་ཚོམ་ཡོང་མེད་དོ། །ཡིད་གཞུངས་པས་ནི་ཐིག་ལེ་བྱས། །དེ་ཚེ་ལུས་ནི་མི་སྣང་འགྱུར། །ལིག་བུ་དང་ནི་
སྤངས་མ་དག །རིན་ལ་མི་བརྩེག་ཉོས་ནས་སུ། །ཟངས་སྣོད་ཁ་སྦྱོར་ནང་བཅུག་ལ། །ཆོ་ག་བཞིན་དུ་སྔགས་བརྗོད་ན། །ནམ་ཕྱེད་དུས་སུ་འགྲུབ་འགྱུར་ཏེ། །འདི་ལ་ཐེ་ཙོམ་ཡོད་མེད་དོ། །ལུས་ལ་བསྐུས་པ་བྱས་ན་ཡང་། །ནམ་
མཁའ་ལ་ནི་འགྲོ་བར་འགྱུར། །འཇིག་རྟེན་དྲུག་ཆ་ཕྲོགས་ནས་སུ། །དེ་ཚེ་བསོད་ནམས་ལས་སུ་འགྱུར། །རིལ་བུ་བསྒྲུབ་པ་བཤད་པར་བྱ། །ཞི་བའི་བློ་གྲོས་དེ་ཉོན་ཅིག །མཚལ་དང་དེ་བཞིན་སྤངས་མ་དང་། །ཨད་མ་གུ་
པྟའི་རྩ་བ་དང་། །ཀུརྱ་ཚང་མའི་མཇུག་མ་དག །མཁས་པས་གཅིག་ཏུ་བསྲེས་ནས་སུ། །རྒྱ་ཤུག་ཚེ་གུ་ཙམ་བྱས་པའི། །རིལ་བུ་བླངས་ལ་བསྒྲིམས་ནས་སུ། །སྔགས་པ་སྔགས་ཀྱི་ཚུལ་གནས་ཏེ། །སྣ་གསུམ་ལྕགས་ཀྱིས་
དཀྲི་བར་བྱ། །དུར་ཁྲོད་དུ་རིང་བསྲེལ་དང་བཅས་པའི་མཆོད་རྟེན་ནམ་སྐུ་གཟུགས་ཀྱི་མདུན་དུ་ཅི་འབྱོར་པས་མཆོད་པ་བྱས་ལ་མཚན་ཐོག་ཐག་བཟླས་བརྗོད་བྱས་ན། ནམ་ཕྱེད་དུས་སམ་ཡང་ན་ནི། །ཉི་མ་ཤར་ཀའི་དུས་ཀྱི་ཚེ། །
རྫས་དེ་གཞན་དུ་ཡོངས་གྱུར་ཏེ། །མེ་ལྕེ་འབར་ཕྲེང་ལང་ལོང་འགྱུར། །སྔགས་པས་དེ་ཡི་ཁར་བཅུག་ན། །ནམ་མཁའ་ལ་ནི་འགྲོ་བར་འགྱུར། །ཉི་མ་འཆར་འདྲའི་མདོག་ཅན་དང་། །འདོད་པའི་གཟུགས་ཅན་འཇིགས་མེད་པ། །
འབྱུང་པོ་ཀུན་གྱིས་མི་ཚུགས་ཤིང་། །བསྐལ་པར་གནས་ལ་གཟི་ཆེན་འགྱུར། །བསྟན་པའི་དོན་བྱེད་དཔལ་ལྡན་ཞིང་། །རྒ་དང་འཆི་བ་རྣམ་པར་སྤངས། །ཞི་བའི་བློ་གྲོས་རིལ་བུ་གཞན་ཡང་ཡོད་དེ། བཀྐུ་ལ་ཡི་སྙིང་བླངས་ལ། །བློ་ལྡན་དོང་

94-1-93a

ཀའི་མེ་ཏོག་དང་། །ལིག་བུ་མིག་དང་སྤངས་མ་དང་། །ཆ་ཤས་མཉམ་པར་བྱས་ནས་སུ། །སྣ་གསུམ་ལྕགས་ཀྱིས་དཀྲིས་བྱས་ལ། །མཚན་གཅིག་ཡོད་པ་འང་དུར་ཁྲོད་དམ། །ཤིང་དྲུང་གཅིག་པ་ཕུག་རྣམས་སུ། །དབྱར་
སླུངས་འཇུག་ཚེ་བསྒྲུབ་པར་བྱ། །ཞི་བའི་བློ་གྲོས་དེ་ལ་བྱང་ཆུབ་སེམས་དཔའི་སྤྱད་པའི་གསང་སྔགས་ཀྱི་སྒོ་སྤྱོད་པའི་བྱང་ཆུབ་སེམས་དཔས་བ་ལང་གི་ལྕི་བ་ས་ལ་མ་ལྷུང་བས་དཀྱིལ་འཁོར་བསྐུས་ལ། ཅི་འབྱོར་པས་མཆོད་དེ་དབུས་སུ་
རྡོ་རྗེ་གཞག་ལ། དེའི་སྟེང་དུ་ཤིང་ཨ་ཤྭདྠའི་ལོ་མའི་སྟེང་དུ་རིལ་བུ་གཞག་སྟེ། རྡོ་རྗེ་དྲག་པོ་ཆེན་པོའི་སྙིང་པོ་འམ་རྡོ་རྗེ་གཙུག་ཏོར་གྱིས་བདག་དང་རྫས་བསྲུང་བར་བྱས་ལ། བ་དམར་སེར་གྱི་མར་དང་སྦྲང་རྩི་བསྲེས་པ་ལ་ལན་སྟོང་
རྒྱུན་མི་འཆད་པར་སྦྱིན་སྲེག་བྱས་ལ་མཚན་ཐོག་ཐག་བཟླས་བརྗོད་བྱས་ན། དེ་ནས་དེས་ནམ་ཕྱེད་དམ་ཉི་མ་ཤར་ཀར་རྫས་དེ་གྱུར་ཏེ། ཁར་བཅུག་ན་ཉི་མ་ཤར་བ་ལྟ་བུའི་མདོག་ཅན་དང་། བསྐལ་པར་གནས་པ་དང་རྒ་བ་དང་འཆི་བ་
རྣམ་པར་སྤངས་པ་དང་འཇིག་རྟེན་གྱི་ཁམས་གཞན་དུ་མར་རྣམ་པར་རྒྱུ་བ་དང་སེམས་ཅན་ཐམས་ཅད་ཀྱི་དོན་བྱེད་པར་འགྱུར་རོ། །ཕྱུང་ན་མི་སྣང་བར་འགྱུར་ཞིང་ཡིད་ལྟར་མགྱོགས་པ་དང་། ཤི་འཕོས་ནས་ཀྱང་འཇིག་རྟེན་གྱི་ཁམས་བདེ་
བ་ཅན་དུ་སྐྱེ་བར་འགྱུར་རོ། །རིལ་བུ་གཞན་ཡང་ཡོད་དེ། བ་ལ་ཨ་ཏི་བ་ལི་རྩ། །དེ་བཞིན་གསེར་དང་དངུལ་དང་ནི། །ལིག་བུ་མིག་དང་ཤུ་དག་དང་། །དེ་བཞིན་དུ་ནི་མཐིང་ཤུན་དང་། །དེ་དག་ཆ་ཤས་མཉམས་ནས་སུ། །ཕྱེ་མ་སྐམ་པོར་བྱས་པ་
དག །ཆར་པའི་ཆུ་ཡིས་སྦྲུས་ནས་སུ། །རིལ་བུ་གསུམ་ཞིག་བྱས་པ་ལ། །ཟངས་ཀྱི་ལེབ་མས་དཀྲིས་ནས་སུ། །སྔགས་པས་སྔ་མ་བཞིན་དུ་གཞག །ཟླ་བ་སྤྱང་ཀིས་ཟིན་པའི་ཚེ། །ཞག་གཅིག་སྨྱུང་བ་བྱས་ནས་སུ། །གྲུབ་པ་དེ་ནི་ཁར་
གཅུག་ལ། །རྟག་ཏུ་མི་སྣང་གྱུར་པ་ཡིན། །རིལ་བུ་གཞན་ཡང་ཡོད་དེ། ཤིང་ཏིལ་ལ་ཀའི་མེ་ཏོག་དང་། བྱི་ལ་ནག་པོའི་སྙིང་དང་། ཕ་བང་གི་སྙིང་སྐམ་པོ་བཏགས་ལ། ཆར་པས་སྦྲུས་པའི་རི་ལུ་ཡང་སྔ་མ་བཞིན་ཏེ་མི་སྣང་བར་འགྱུར་རོ། །

94-1-93b

རིལ་བུ་གཞན་ཡང་ཡོད་དེ་ཤིང་པ་ན་སའི་ས་བོན་དང་རྫི་བན་ཏའི་ས་བོན་དང་ཤིང་ཨ་ག་སྟའི་མེ་ཏོག་དང་བྱི་རུ་དང་སྟང་སིལ་དང་ཤིང་ཀཉྩ་ནའི་མེ་ཏོག་རྣམས་ཆ་མཉམས་པ་ཡང་སྔ་མ་བཞིན་ཏེ་མི་སྣང་བར་འགྱུར་རོ། །ཤེལ་དང་ལྷང་ཚེར་དང་ཤིང་བ་
རུ་ཎའི་ས་བོན་དང་དྲི་སན་ཏའི་ས་བོན་རྣམས་ཆ་མཉམས་པ་ཡང་སྔ་མ་བཞིན་ཏེ་མི་སྣང་བར་འགྱུར་རོ། །རིལ་བུ་གཞན་ཡང་ཡོད་དེ། དུང་གི་ལྟེ་བ་དང་ཨ་ག་ནི་ཛ་ལ་དང་ལྡོང་རོས་རྣམས་ཆ་མཉམས་པ་ཡང་སྔ་མ་བཞིན་ཏེ་མི་སྣང་བར་
འགྱུར་རོ། །རིལ་བུ་གཞན་ཡང་ཡོད་དེ། དུག་དང་བོང་བ་དང་ལངྐ་ལི་དང་དུ་རུ་སྐའི་རྩ་བ་དང་དེ་དག་ཆ་མཉམས་པ་ཡང་སྔ་མ་བཞིན་དུ་གྲུབ་པར་འགྱུར་རོ། །རིལ་བུ་གཞན་ཡང་ཡོད་དེ། ཤིང་མ་དུ་ཀའི་སྙིང་པོ་དང་ཤིང་སཱ་ལ་སེར་པོ་
འི་སྙིང་པོ་དང་ཁབ་ལོང་རྣམས་ཆ་མཉམས་པ་ཡང་སྔ་མ་བཞིན་ཏེ་མི་སྣང་བར་འགྱུར་རོ། །ཞི་བའི་བློ་གྲོས་འདི་དག་ནི་སྔོན་གྱི་དེ་བཞིན་གཤེགས་པ་རྣམས་ཀྱིས་སེམས་ཅན་ཐམས་ཅད་ཀྱི་དོན་དང་ཕན་པ་དང་བདེ་བའི་ཕྱིར་གསུངས་
ཤིང་བྱིན་གྱིས་བརླབས་པའོ། །ཞི་བའི་བློ་གྲོས་བྱང་ཆུབ་སེམས་དཔའི་སྤྱོད་པ་གསང་སྔགས་ཀྱི་སྒོ་སྤྱོད་པའི་བྱང་ཆུབ་སེམས་དཔའ་སེམས་དཔའ་ཆེན་པོ་གང་ལ་ལ་ཞིག་རིལ་བུ་འདི་དག་བསྒྲུབ་པའི་ཕྱིར་རྟག་ཏུ་མངོན་པར་བརྩོན་པར་བྱེད་པ་དེའི་
ཚེ་འདི་ལ་ཆོས་གཉིས་རེ་བར་བྱ་སྟེ། གཉིས་གང་ཞེ་ན་འདི་ལྟ་སྟེ། སྐྱེ་བོ་ཐམས་ཅད་དགའ་བར་འགྱུར་བ་དང་ཡོངས་སུ་མི་ཉམས་པའི་ཆོས་ཉིད་དུ། དེ་བཞིན་གཤེགས་པ་ཐམས་ཅད་ཀྱིས་བྱིན་གྱིས་བརླབས་པར་འགྱུར་རོ། །གཞན་ཡང་ཆོས་
གཉིས་ཏེ་ཚེ་འདི་ལ་དངོས་གྲུབ་ལ་ངེས་པར་གཞོལ་བར་གྱུར་པ་དང་། ཤི་འཕོས་ནས་ཀྱང་རྡོ་རྗེའི་རིགས་སུ་གཞོན་ནུའི་ལུས་ཐོབ་པར་འགྱུར་རོ། །ཡང་གཉིས་ཏེ་འདི་ལྟ་སྟེ། ནད་ཐམས་ཅད་ལས་ཐར་བར་འགྱུར་བ་དང་སྡིག་པ་དང་བྲལ་
བར་འགྱུར་རོ། །ཞི་བའི་བློ་གྲོས་གཞན་ཡང་བྱང་ཆུབ་སེམས་དཔའི་སྤྱད་པ་གསང་སྔགས་ཀྱི་སྒོ་སྤྱོད་པའི་བྱང་ཆུབ་སེམས་དཔས་དེ་བཞིན་གཤེགས་པའི་སྐུ་དང་། གསུང་དང་ཐུགས་ཀྱི་སྤྱོད་ཡུལ་ལ་བརྩོན་པ་དང་ཡིད་གཉིས་དང་ཐེ་ཙོམ་

94-1-94a

དང་བྲལ་བ་དང་ཡང་དག་པའི་ལྟ་བ་ཅན་དང་བྱམས་པ་དང་ལྡན་པ་དང་སྙིང་རྗེ་ཅན་དང་བྱང་ཆུབ་ཀྱི་སེམས་དང་ལྡན་པའི་ཡིད་དུ་བྱའོ། །དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་ཞི་བའི་བློ་གྲོས་ཀྱིས། འཇམ་
དཔལ་གཞོན་ནུར་གྱུར་པ་ལ་འདི་སྐད་ཅེས་སྨྲས་སོ། །འཇམ་དཔལ་བྱང་ཆུབ་སེམས་དཔའི་སྤྱད་པ་གསང་སྔགས་ཀྱི་སྒོ་སྤྱོད་པའི་བྱང་ཆུབ་སེམས་དཔའ་ཇི་ལྟར་ཚུལ་ཁྲིམས་དང་ལྡན་པ་ཡིན། ཇི་ལྟར་བརྟུལ་ཞུགས་ལ་གནས་
པ་ཡིན། ཇི་ལྟར་སྤྱད་པ་སྤྱོད་པ་ཡིན། འཇམ་དཔལ་བྱང་ཆུབ་སེམས་དཔའི་སྤྱད་པ་གསང་སྔགས་ཀྱི་སྒོ་སྤྱོད་པའི་བྱང་ཆུབ་སེམས་དཔའ་གང་དུ་གནས་པ་དེ་ཡོངས་སུ་མི་ཉམས་པའི་ཆོས་ཅན་དུ་འགྱུར་བ་དང་། གསང་སྔགས་རྣམས་
ལ་དངོས་གྲུབ་ཐོབ་པ་དང་། ཐེག་པ་ཆེན་པོ་ལས་ཡོངས་སུ་མི་ཉམས་པར་འགྱུར། དེ་སྐད་ཅེས་སྨྲས་པ་དང་། འཇམ་དཔལ་གཞོན་ནུར་གྱུར་པས་བྱང་ཆུབ་སེམས་དཔའ་ཞི་བའི་བློ་གྲོས་ལ་འདི་སྐད་ཅེས་སྨྲས་སོ། །ཞི་བའི་
བློ་གྲོས་ལེགས་སོ་ལེགས་སོ་ཡང་ལེགས་སོ། །ཞི་བའི་བློ་གྲོས་ཁྱོད་དེའི་ཕྱིར་ལེགས་པར་ཉོན་ལ་ཡིད་ལ་ཟུང་ཤིག་དང་། ཁོ་བོས་ཁྱོད་ལ་བཤད་དོ། །ཞི་བའི་བློ་གྲོས་གང་གི་ཚེ་བྱང་ཆུབ་སེམས་དཔའི་གསང་སྔགས་
ཀྱི་སྒོ་སྤྱོད་ལ་བདག་ཉིད་རང་གི་ལྷའི་གཟུགས་སུ་བྱས་ལ་ཐེ་ཚོམ་མེད་པའི་ཡིད་ཀྱིས། ང་རྒྱལ་བསྐྱེད་ཅིང་འགྲོ་ཡང་རུང་འགྲེང་ཡང་རུང་འདུག་ཀྱང་རུང་ཉལ་ཡང་རུང་རྟག་ཏུ་དུས་ཐམས་ཅད་དུ་བསྐྱོད་ཀྱང་མི་ཡོ་བ་དེའི་ཚེ། ཞི་
བའི་བློ་གྲོས་བྱང་ཆུབ་སེམས་དཔའི་སྤྱད་པ་གསང་སྔགས་ཀྱི་སྒོ་སྤྱོད་པའི་བྱང་ཆུབ་སེམས་དཔའ་སེམས་དཔའ་ཆེན་པོའི་ཚུལ་ཁྲིམས་དང་ལྡན་པ་ཡིན་ནོ། །གང་གི་ཚེ་དེས་ལྟས་བསྟན་པ་དེའི་ཚུལ་དང་མཐུན་པར་བྱ་བ་བྱེད་པ་དང་། 
དེའི་རྣམ་པ་སྟེན་པ་དང་རྣལ་འབྱོར་ལ་བརྩོན་པ་དེའི་ཚེ་བརྟུལ་ཤུགས་ལ་གནས་པ་ཡིན་ནོ། །གང་གི་ཚེ་བརྟུལ་ཤུགས་དེ་ལ་བཟླས་བརྗོད་དང་། སྦྱིན་སྲེག་ལ་སོགས་པའི་ལས་སྤྱོད་པ་དེའི་ཚེ་སྤྱད་པ་སྤྱོད་པ་ཡིན་ནོ། །ལྷའི་གཟུགས་དེ་དང་

94-1-94b

ཐ་མི་དད་པའི་རྣལ་འབྱོར་ལ་བརྩོན་ཞིང་གང་གི་ཚེ་བསླབ་པའི་གཞི་རྣམས་ཀྱང་ཡོངས་སུ་བཟུང་སྟེ། ཐེག་པ་ཆེན་པོ་ལ་སྤྱོད་པ་དེའི་ཚེ་གསང་སྔགས་རྣམས་ལ་དངོས་གྲུབ་འཐོབ་བོ། །ཞི་བའི་བློ་གྲོས་གཞན་ཡང་བྱང་ཆུབ་སེམས་དཔའི་སྤྱད་པ་
གསང་སྔགས་ཀྱི་སྒོ་སྤྱོད་པའི་བྱང་ཆུབ་སེམས་དཔའ་སེམས་དཔའ་ཆེན་པོ་རྟག་ཏུ་མཚན་མ་མེད་པ་ལ་གནས་པར་བྱའོ། །ཞི་བའི་བློ་གྲོས་བྱང་ཆུབ་སེམས་དཔའི་སྤྱད་པ་གསང་སྔགས་ཀྱི་སྒོ་སྤྱོད་པ་ལ་ཅི་ལྟར་མཚན་མ་མེད་པ་ལ་གནས་པ་ཡིན་ཞེ་ན། 
ཞི་བའི་བློ་གྲོས་བྱང་ཆུབ་ཀྱི་སེམས་བསྒོམས་ན་མཚན་མ་མེད་པ་ལ་གནས་པ་ཡིན་ཏེ། ཞི་བའི་བློ་གྲོས་གང་ལ་མཚན་མ་རྣམས་མི་འབྱུང་ཞིང་ཐམས་ཅད་ཀྱི་ཐམས་ཅད་དུ་མེད་ཅིང་མི་དམིགས་སོ། །ཞི་བའི་བློ་གྲོས་སེམས་མི་དམིགས་པའི་ཕྱིར་
སེམས་ཀྱི་སྔོན་གྱི་མཐའ་དང་ཕྱི་མའི་མཐའི་ངོ་བོ་ཉིད་དམིགས་སུ་མེད་དོ། །དེ་ལྟ་བས་ན་བྱང་ཆུབ་སེམས་དཔའི་སྤྱད་པ་གསང་སྔགས་ཀྱི་སྒོ་སྤྱོད་པའི་བྱང་ཆུབ་སེམས་དཔས་རྟག་ཏུ་རྒྱུན་མི་འཆད་པས་བྱང་ཆུབ་ཀྱི་སེམས་ཡོངས་སུ་དག་པར་བྱ་
བའི་ཕྱིར་བརྩོན་པར་བྱའོ། །སེམས་ཅན་རྣམས་ལ་ཕན་བཞེད་པས། །རྫོགས་སངས་རྒྱས་ཀྱིས་བཅས་པ་ཡི། །བརྟུལ་ཞུགས་དང་ནི་ཚུལ་ཁྲིམས་དང་། །སྤྱོད་དང་བསླབས་པའི་གཞི་རྣམས་ལ། །གང་ཚེ་གནས་ན་དེ་ཡི་ཚེ། །སྔགས་པས་འདི་ལྟར་
སྔགས་གྲུབ་བོ། །རྟོག་དང་བྲལ་བའི་ཡེ་ཤེས་ནི། །སྔོན་གྱི་རྒྱལ་བས་མངོན་སངས་རྒྱས། །རྟོག་དང་བྲལ་བ་དེ་ལ་ནི། །གསང་སྔགས་འགྲུབ་པར་བསྟན་པ་ཡིན། །དེ་ཡི་འབྲས་བུ་རྣམ་དག་པ། །རང་བཞིན་གྱིས་ནི་འོད་གསལ་འགྱུར། །གང་ཞིག་
རྟོག་ལ་གནས་བྱེད་པ། །དེ་ལ་དངོས་གྲུབ་མི་འབྱུང་ངོ་། །དེ་ལྟ་བས་ན་རྟོག་སྤངས་ལ། །སྔགས་ཀྱི་གཟུགས་ནི་བསམ་པར་བྱ། །དེ་ནས་འཇམ་དཔལ་གཞོན་ནུར་གྱུར་པས། བྱང་ཆུབ་སེམས་དཔའི་སྤྱད་པ་གསང་སྔགས་ཀྱི་སྒོ་སྤྱོད་པའི་བྱང་
ཆུབ་སེམས་དཔའ་རྣམས་ཀྱི་དོན་དང་ཕན་པ་དང་བདེ་བའི་ཕྱིར་བྱིས་པ་རྩེ་བའི་སྤྱོད་པའི་གར་རྣམ་པར་དག་པའི་མཛོད་ཅེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་སོ། །འཇམ་དཔལ་གཞོན་ནུར་གྱུར་པས་ཏིང་ངེ་འཛིན་དེ་ལ་སྙོམས་པར་ཞུགས་མ་

94-1-95a

ཐག་ཏུ། དེ་ནས་ཐམས་ཅད་དང་ལྡན་པའི་འཁོར་དེས་མགྲིན་གཅིག་ཏུ་ཚིག་སྨྲས་པ། ཕྱག་འཚལ་མཆོག་སྦྱིན་རྡོ་རྗེ་མཆོག །འཇམ་པའི་དབྱངས་ཅན་སྟོབས་པོ་ཆེ། །དཔའ་བོ་ཆེན་པོ་ཆེར་གྲགས་པ། །མ་དུལ་རྟག་ཏུ་འདུལ་མཛད་
པ། །སྔགས་དང་གསང་སྔགས་སྤྱོད་པ་དང་། །རྣམ་པ་ཀུན་དུ་བྱིས་རྩེན་དང་། །ཏིང་ངེ་འཛིན་དང་གཟུངས་རྣམས་དང་། །བསམ་གཏན་བསམ་གཏན་བྱེད་རྣམས་ཀུན། །བདག་ཅག་རྣམས་ལ་ཐུགས་བརྩེའི་ཕྱིར། །ལག་ན་རྡོ་རྗེ་དབང་བསྐུར་བ། །
གསང་སྔགས་ཤེས་པ་ཆེ་འབྱུང་བ། །དཀྱིལ་འཁོར་ཆེན་པོ་གཙོར་གྱུར་པ། །སྤྱོད་པ་ཀུན་དུ་བསྟན་པའི་གཞི། །དཀྱིལ་འཁོར་འདི་ནི་བཤད་དུ་གསོལ། །དེ་ནས་འཇམ་དཔལ་གཞོན་ནུར་གྱུར་པས། གཟོད་མ་ནས་སྐྱེ་བ་མེད་པ་ཞེས་བྱ་བའི་
ཏིང་ངེ་འཛིན་ལ་སྙོམས་པར་ཞུགས་ཏེ། རང་གི་སྙིང་པོ་རྡོ་རྗེ་ཆེན་པོའི་ཡི་གེ་སྨྲས་པ། ན་མཿ སརྦ་ཏ་ཐཱ་ག་ཏེ་བྷྱཿ སརྦ་མུ་ཁེ་བྷྱཿ སརྦ་ཐཱ་བ་ར་ད་བཛྲ་མྃ། དེ་ནས་དམ་པ་སྦྱིན་པའི་རྡོ་རྗེའི་སྙིང་པོ་ཆེན་པོ་འདི་སྨྲས་མ་ཐག་ཏུ་ཐམས་ཅད་དང་ལྡན་པའི་
འཁོར་དེ་ངོ་མཚར་དུ་གྱུར་ནས། མགྲིན་གཅིག་ཏུ་ཀྱེ་མ་དམ་པ་སྦྱིན་པའི་རྡོ་རྗེ་འདི་ནི་སྔོན་གྱི་སྤྱོད་པ་ལས་བྱུང་བའོ་ཞེས་སྨྲས་སོ། །ཡང་འཇམ་དཔལ་གྱིས་རང་གི་དམ་བཅས་པའི་རྡོ་རྗེའི་ཡི་གེ་སྨྲས་པ། ན་མཿ སརྦ་ཏ་ཐཱ་ག་ཏེ་བྷྱཿ སརྦ་མུ་ཁེ་བྷྱཿ 
སརྦ་ཐཱ་ཧེ་ཧེ་ཀུ་མཱ་ར་ཀ །བཛྲ་བཛྲ་སྨ་ར་སྨ་ར་པྲ་ཏི་ཛྙཱ་སྭཱ་ཧཱ། འཇམ་དཔལ་གྱིས་ཡང་རང་གི་ངག་ཡང་དག་པར་གྲུབ་པའི་གཞིའི་གསང་སྔགས་སྨྲས་པ། ན་མཿ སརྦ་ཏ་ཐཱ་ག་ཏེ་བྷྱཿ སརྦ་མུ་ཁེ་བྷྱཿ སརྦ་ཐཱ་བཱ་ཀྱེ་ད་ཏཱ་རེ་ཀུ་མཱ་ར་རཱུ་པ་དྷ་ར་
སྭཱ་ཧཱ། ཡང་འཇམ་དཔལ་གྱིས་རང་གི་ངག་ཡང་དག་པར་གྲུབ་པའི་སྒོའི་གསང་སྔགས་སྨྲས་པ། ན་མཿ སརྦ་ཏ་ཐཱ་ག་ཏེ་བྷྱཿ སརྦ་མུ་ཁེ་བྷྱཿ སརྦ་ཐཱ་བཱ་ཀྱེ་ད་བཛྲ་ཧེ་སྭཱ་ཧཱ། ཡང་འཇམ་དཔལ་གཞོན་ནུར་གྱུར་པས་རང་གི་ངག་གི་དོན་སྒྲུབ་
པར་བྱེད་པའི་གསང་སྔགས་སྨྲས་པ། ན་མཿ སརྦ་ཏ་ཐཱ་ག་ཏེ་བྷྱཿ སརྦ་མུ་ཁེ་བྷྱཿ སརྦ་ཐཱ་བཱ་ཀྱེ་ད་བཛྲ་ཀོ་བི་ད་སྭཱ་ཧཱ། ཡང་འཇམ་དཔལ་གཞོན་ནུར་གྱུར་པས་ཁྲོ་བོའི་རྒྱལ་པོ་ཆེན་པོ་རྡོ་རྗེ་མཐའ་དང་བྲལ་བ་སྨྲས་པ། ན་མཿ སརྦ་ཏ་ཐཱ་ག་ཏེ་

94-1-95b

བྷྱཿ སརྦ་མུ་ཁེ་བྷྱཿ སརྦ་ཐཱ་ཏྃ་བཛྲ་ཧཱི་སྭཱ་ཧཱ། ཡང་འཇམ་དཔལ་གཞོན་ནུར་གྱུར་པས་རང་གི་ཕོ་ཉ་མོའི་ཚོགས་ཀྱི་སྙིང་པོ་སྨྲས་པ། ན་མཿ སརྦ་ཏ་ཐཱ་ག་ཏེ་བྷྱཿ སརྦ་མུ་ཁེ་བྷྱཿ སརྦ་ཐཱ་བཛྲོ་བ་ཀི་ཤི་ནི་སྭཱ་ཧཱ། ན་མཿ སརྦ་ཏ་ཐཱ་ག་ཏེ་
བྷྱཿ སརྦ་མུ་ཁེ་བྷྱཿ སརྦ་ཐཱ་བཛྲོད་ཀྲ་ཀེ་ཤི་ནི་སྭཱ་ཧཱ། ན་མཿ སརྦ་ཏ་ཐཱ་ག་ཏེ་བྷྱཿ སརྦ་མུ་ཁེ་བྷྱཿ སརྦ་ཐཱ་སུ་མ་ཏི་བཛྲི་ཎི་སྭཱ་ཧཱ། ན་མཿ སརྦ་ཏ་ཐཱ་ག་ཏེ་བྷྱཿ སརྦ་མུ་ཁེ་བྷྱཿ སརྦ་ཐཱ་ཙི་ད་ཏྲ་ཀྵི་བཛྲི་ཎི་སྭཱ་ཧཱ། ན་མཿ སརྦ་ཏ་ཐཱ་ག་ཏེ་བྷྱཿ སརྦ་
མུ་ཁེ་བྷྱཿ སརྦ་ཐཱ་ཨ་ཀཪྵ་ཎི་བཛྲོད་གི་སྭཱ་ཧཱ། དེ་ནས་ཡང་འཇམ་དཔལ་གཞོན་ནུར་གྱུར་པས་རང་གི་རྡོ་རྗེ་མཆོག་གི་དཀྱིལ་འཁོར་སྨྲས་པ། རྡོ་རྗེའི་དཀྱིལ་འཁོར་ཆེན་པོ་ནི། །ཀུན་དུ་གྲུ་བཞི་ལྷམ་པ་ལ། །རྡོ་རྗེ་མཚན་རྟག་མཚན་མ་ཅན། །
དེ་ཡི་དབུས་སུ་བྱ་བ་ནི། །གྲུ་གསུམ་རྣམ་པར་གནས་པ་སྟེ། །གྲུ་གསུམ་ལྟ་བུར་གཞག་པར་བྱ། །མེ་ལས་བྱུང་བའི་དཀྱིལ་འཁོར་བྲི། །ཚོན་ནི་ཀུན་དུ་དམར་པོ་སྟེ། །རྡོ་རྗེ་འབར་བཅས་མཚན་མ་ཅན། །དེ་ཡི་ཆ་གསུམ་གཞག་ནས་སུ། །ཨུཏྤལ་
ཡི་གཟུགས་བྲིས་ཏེ། །དེ་ཡི་སྟེང་དུ་རྡོ་རྗེ་བྲི། །འབར་དང་བཅས་ཤིང་ཐིག་ལེར་མཛེས། །ཐ་མ་ཐོག་ཐག་བྱ་བ་ནི། །ཨུཏྤལ་གཟུགས་ནི་ཕྲེང་བའོ། །སྔགས་པས་དེ་ཡི་དབུས་སུ་ནི། །གཞོན་ནུ་བྱིས་པའི་གཟུགས་ལྡན་པ། །མགོ་ལ་ཕུད་པུ་ལྔ་
བཞག་པ། །ཤ་མདོག་གུར་གུམ་འདྲ་བ་བཞག །ལག་པ་གཡོན་པ་ན་ཨུད་དཔལ་རྡོ་རྗེ་དང་བཅས་པ་ཐོགས་ཤིང་གཡས་པས་དམ་པ་སྦྱིན་པའོ། །ཡང་ན་ཕྱག་རྒྱའི་གཟུགས་སོ། །ཡང་ན་ཡི་གེའོ། །དེ་ཡི་ཕྱག་རྒྱ་བྲི་བ་ནི། །ཨུ་དཔལ་རབ་ཏུ་
བཟང་པོ་སྟེ། །དེ་ཡི་སྟེང་དུ་རྡོ་རྗེ་བྲི། །འབར་དང་བཅས་ཤིང་ཐིག་ལེས་མཚན། །དེའི་གཡས་རོལ་དུ་སྙིང་པོ་རྣམས་གཞག་གོ། གཡོན་རོལ་དུ་ཕོ་ཉ་མོ་རྣམས་གཞག་གོ། འོག་རོལ་དུ་ཁྲོ་བོའི་རྒྱལ་པོ་རྡོ་རྗེ་མཐའ་དང་བྲལ་བའོ། །ལྷོ་ཕྱོགས་
སུ་ནི་བྱང་ཆུབ་སེམས་དཔའ་སྒྲིབ་པ་ཐམས་ཅད་རྣམ་པར་སེལ་བའོ། །ནུབ་ཕྱོགས་སུ་ནི་ནམ་མཁའི་སྙིང་པོའོ། །བྱང་ཕྱོགས་སུ་ནི་བྱང་ཆུབ་སེམས་དཔའ་སའི་སྙིང་པོ་འཁོར་དང་བཅས་པ་སྟེ། ཆ་བྱད་ཇི་ལྟ་བ་བཞིན་དུ་གཞག་པའོ། །

94-1-96a

ཡང་ན་ཕྱག་རྒྱ་རྣམས་སོ། །ཡང་ན་ཡི་གེའོ། །དེ་ནས་འཇམ་དཔལ་གཞོན་ནུར་གྱུར་པས་སྙིང་པོ་མཆོག་འདིའི་བསྒྲུབ་པ་སྨྲས་པ། དེ་ལ་བྱང་ཆུབ་ཏུ་སེམས་བསྐྱེད་པ། དབང་བསྐུར་བ་དཀྱིལ་འཁོར་དུ་ཞུགས་པ་
སྡོམ་པ་བླངས་པ། རིག་པའི་བརྟུལ་ཤུགས་སྤྱོད་པས་གནས་ཁང་ངམ་ཕུག་དབེན་པ་འམ། ལྷུགས་མེད་པར་སྙིང་པོ་འདི་ལན་སུམ་འབུམ་བཟླས་བརྗོད་བྱའོ། །དེ་ནས་ཨུར་མོའམ་ལྕགས་སྣ་གསུམ་འམ། ཙན་དན་ལས་བྱས་
པའི་རལ་གྲིའམ་འཁོར་ལོའམ་ལྕགས་ཀྱུའམ་བེ་ཅོན་ནམ་དགྲ་སྟའམ་མདུང་ཐུང་ངམ་ཞགས་པའམ་མདའ་བོ་ཆེ་གང་ཡང་རུང་བ་ཞིག་བའི་རྣམ་ལྔས་བཀྲུས་ལ་ཡང་སྤོས་ཆུས་བཀྲུས་ཏེ། བ་ལང་གི་ལྕི་བའི་ཕུང་པོའི་སྟེང་དུ་
གཞག་ལ་འཁོར་ལོས་སྒྱུར་བ་ཆེན་པོས་བསྲུང་བར་བྱའོ། །ཐ་མར་དེ་ཉིད་དུ་མཆོད་པ་རྒྱ་ཆེར་བྱས་ལ། བ་ལང་གི་ལྕི་བ་ས་ལ་མ་ལྷུང་བས་དཀྱིལ་འཁོར་ལ་བསྐུས་ལ། དམ་པ་སྦྱིན་པའི་རྡོ་རྗེའི་དཀྱིལ་འཁོར་ལ་གནས་པས་
ཨ་ག་རུའི་ཡམ་སྲེག་ཤིང་ཞོ་དང་སྦྲང་རྩི་ལས་སྨྱུགས་པས་མཚན་ཐོག་ཐག་སྦྱིན་སྲེག་བྱས་ན་ནམ་ཕྱེད་དམ་ཉི་མ་ཤ་ཀར་མཚན་མ་ཆེན་པོ་དག་འབྱུང་ཞིང་རྫས་ཀྱང་འགྱུར་ཏེ་འགྲུབ་པར་འགྱུར་རོ། །དེ་ཐོགས་ནས་རིག་སྔགས་
འཆང་དུ་གྱུར་ཏེ། ཡིད་ལྟར་མགྱོགས་པ་དང་འཇིག་རྟེན་གྱི་ཁམས་གཞན་དུ་མར་རྣམ་པར་རྒྱུ་བ་དང་། དེ་བཞིན་གཤེགས་པ་ཐམས་ཅད་ལ་མཆོད་པ་བྱེད་པ་དང་བྱང་ཆུབ་ཀྱི་ཡན་ལག་གི་གཟུངས་ཐོབ་པ་དང་། ཉི་མ་ཤར་
བ་ལྟ་བུའི་མདོག་ཅན་དང་རྐ་བ་དང་འཆི་བ་རྣམ་པར་སྤངས་པ་དང་། སེམས་ཅན་ཐམས་ཅད་ཀྱི་དོན་བྱེད་པར་འགྱུར་རོ། །སྨོན་ལམ་གྱི་དབང་མ་གཏོགས་པར་ལུས་དེ་ཉིད་ཀྱིས་བྱང་ཆུབ་ཀྱི་སྙིང་པོ་ལ་གནས་ཀྱི་བར་དུ་ས་
གནོན་ནོ། །རིག་སྔགས་འཆང་གཞོན་ནུའི་གཟུགས་དང་ལྡན་པ། དམ་པ་སྦྱིན་པའི་རྡོ་རྗེའི་མཚན་མ་ཅན་ལྷ་ལ་སོགས་པ་ཐམས་ཅད་ཀྱིས་ཕྱག་བྱས་པའམ་མ་དུལ་བ་འདུལ་བ་སྣ་ཚོགས་གཟུགས་ཅན་གྱི་ནོར་བུ་དང་འདྲ་

94-1-96b

བ། རིག་སྔགས་འཆང་བྱེ་བ་ཁྲག་ཁྲིག་བརྒྱ་སྟོང་དུ་མའི་གཡོག་འཁོར་དང་བཅས་པར་ཡིད་ལས་བྱུང་བའི་ཁང་པ་ཆེན་པོ་ན་གནས་པ། དེ་མཐོང་བས་རིག་སྔགས་འཆང་རྣམས་མི་དབུལ་པོ་དང་འདྲ་བར་སེམས་ཤིང་བདག་
ཅག་ཀྱང་དེ་བཞིན་དུ་གྱུར་ཅིག་ཅེས་སྨོན་ལམ་འདེབས་པར་འགྱུར་རོ། །མ་བསྒྲུབས་ཀྱང་ལས་སུ་འགྱུར་ཏེ། ཉིན་གཅིག་བཞིན་དུ་རྗེས་སུ་དྲན་པར་བྱེད་ན། མཚམས་མེད་པ་ལྔ་ལ་སོགས་པའི་ལས་རྣམས་ཀྱང་བྱང་བར་འགྱུར་རོ། །ཉིན་
གཅིག་བཞིན་དུ་ཉི་མ་ཤར་གར་ཕྱག་རྒྱ་བཅིངས་ཏེ། ལན་བརྒྱ་རྩ་བརྒྱད་བཟླས་བརྗོད་བྱས་ན་ཟླ་བ་དྲུག་ན་ཡུལ་གྲུ་སྦྱིན་པར་བྱེད་དོ། །ཤིང་ཀ་ར་བཱི་ར་ཀའི་མེ་ཏོག་དག་ལ་སྔགས་ལན་བཏབ་སྟེ། ཉི་མའི་གཟུགས་ལ་བསྣུན་ན་ཟླ་བ་
གཅིག་ན་གྲོང་དམ་པ་བརྒྱད་སྦྱིན་པར་བྱེད་དོ། །པད་མའི་རྫིང་བུར་སོང་སྟེ་པད་མ་དག་ལ་ལན་འབུམ། སྔགས་ཀྱིས་བཏབ་ནས། བཅོམ་ལྡན་འདས་དམ་པ་སྦྱིན་པའི་རྡོ་རྗེ་ལ་ཕུལ་ལ་སྙིང་པོ་མཆོག་དེ་ཉིད་ཀྱིས་འབྲས་ཀྱི་
འོ་ཐུག་གིས་ལན་འབུམ་སྦྱིན་སྲེག་བགྱིས་ན་རྒྱལ་སྲིད་སྦྱིན་པར་བྱེད་དོ། །གདོང་ལ་སྔགས་ཀྱིས་བཏབ་ནས་གང་ལ་བལྟས་པ་དེ་དབང་དུ་འགྱུར་རོ། །ཁྲོས་པ་ལ་ཕྱག་རྒྱ་བཅིངས། ཏེ་སྙིང་པོ་དྲན་པར་བྱས་ན་དང་བར་འགྱུར་རོ། །ཆུ་ཀླུང་ཆུ་
སྲིན་འཛིན་འཁྲིས་གང་བ་མཐོང་ན་བོང་བ་ལ་སྔགས་ཀྱིས་བཏབ་སྟེ་འཕོངས་ན་ཆུ་ན་རྒྱུ་བ་ཐམས་ཅད་རེངས་པར་འགྱུར་རོ། །གོས་ཀྱི་མཐའ་མར་མདུད་པ་བོར་ཏེ་གོས་བཀོས་ན་ཁ་བཅིངས་པ་བྱས་པར་འགྱུར་རོ། །དེ་བཞིན་དུ་འབྲོག་དགོན་པ་འམ་ཆོམ་
རྐུན་གྱི་འཇིགས་པ་ཡོད་པར་ཡང་དེ་ལྟར་མདུད་པ་བོར་ན་རེངས་པ་བྱས་པར་འགྱུར་རོ། །གདུག་པས་ཟིན་པ་ལ་མགོ་འམ་མགུལ་པར་བགོད་ན་དུག་མེད་པར་འགྱུར་རོ། །སྙིང་པོ་དམ་པ་ཐིག་ལེ་དང་བཅས་པར་རྐང་མཐིལ་ཡན་ཅད་དུ་བསམས་ན་དུག་
མེད་པར་འགྱུར་རོ། །མཁའ་འགྲོ་མས་རྒྱས་བཏབ་པ་ལ་རང་གི་སྙིང་གར་བསམས་ལ་ནད་པའི་མགོ་ལ་རང་གི་གཟུགས་སུ་བསམས་ན། དེའི་མོད་ལ་སོས་པར་འགྱུར་རོ། །གདོན་ཐམས་ཅད་དང་། འབྱུང་པོ་ཐམས་ཅད་ལ་ཡང་དེ་བཞིན་དུ་ཕྱག་རྒྱ་

94-1-97a

བཅིངས་ལ་ཐལ་བ་འམ་ཡུངས་ཀར་ལ་སྔགས་ལན་བདུན་བཏབ་སྟེ་མགོ་བོར་བསྣུན་ན་ཐམས་ཅད་འབྲོས་སོ། །རླུང་ཆེན་པོ་ལྡང་བ་མཐོང་ན་ཆུ་ལ་སྔགས་ཀྱིས་བཏབ་སྟེ་གཏོར་ན་དེའི་མོད་ལ་ཞི་བར་འགྱུར་རོ། །ལྕེ་འབབ་པ་མཐོང་ན་
ལག་པ་གཡོན་པའི་མཛུབ་མོ་ལ་སྔགས་ཀྱིས་བཏབ་སྟེ་བསྡིགས་ན་ཟློག་པར་འགྱུར་ཏེ་ཐེ་ཙོམ་མེད་དོ། །ཅི་སྟེ་འཆི་བྱེད་ལ་ཕུར་བུས་བཏབ་པར་འདོད་ན་སེང་ལྡེང་གི་ཕུར་བུ་འམ་ལྕགས་ཀྱི་ཕུར་བུ་ལ་རབ་ཏུ་དྲག་པོའི་སྙིང་པོ་དམ་པས་ལན་བརྒྱད་བརྒྱས་
སྔགས་ཀྱིས་བཏབ་ལ་ངོགས་གཉིས་ནས་ས་བླངས་ཏེ། གཟུགས་སོར་བརྒྱད་པའི་ཚད་དུ་བྱས་ལ་མི་རོ་བཞག་པའི་ཁྲི་ལས་སྲད་བུ་བཀོད་དེ། དེའི་ཡན་ལག་དང་ཉིང་ལག་རྣམས་བཅིངས་ལ་སྙིང་གར་ཕུར་བུ་དེས་བཏབ་ན་ཕུར་བུས་བཏབ་པར་འགྱུར་
ཏེ་ཅི་ཡང་མི་བྱེད་དོ། །དགྲོལ་ན་ཕུར་བུ་ཕྱུང་ལ་མར་དང་སྦྲང་རྩིས་བཀང་ན་ཕུར་བུ་བྱུང་བར་འགྱུར་རོ། །རཱ་ཛཱ་ནམ་བ་ཤི་ཀརྟུ་ག་མོ་ལ་བ་ཎ་མ་ཡིྃ་པྲ་ཀྲྀཏྟྭ་ཏྲི་ར་ར་ཧཱ་ས་བ་བི་གི་ཏ་བརྦ་ཏ་ཨཱ་ཀྲེ་བ་ཏ་ཀྵི་ཎ་ཙ་ར་ན་ད་ཨ་བརྦྷྱཿ ཡ་ཐཱ་བི་བོ་ཐཱ་པཱུ་ཛ། ཀྲཱིཏྟྭ་
ཚིཏྟྭ་ཛུ་ཧུྰ་ཡཏྟྲྀ་ཏྶ་བད་ཧ་རཱ་ཛ་ས་པ་རི་རོ་བ་ཤྃ་ཨ་གཛྫ་ཏི། སྐལ་བ་བཟང་པོར་བྱ་བར་འདོད་ན་ཉི་མ་ཉི་ཤུ་རྩ་གཅིག་གི་བར་དུ་ཉིན་གཅིག་བཞིན་ལན་ཚྭའི་སྲེག་བླུགས་སྦྱིན་སྲེག་བྱས་ན། རྐང་གཉིས་པ་དང་རྐང་བཞི་པ་ཐམས་ཅད་ཀྱི་
ནང་ན་སྐལ་བ་བཟང་པོ་མཆོག་ཏུ་བཟང་པོར་འགྱུར་རོ། །ཟས་ཀྱི་སྦྱིན་སྲེག་བྱས་ན་ཁ་ཟས་འབྱུང་ངོ་། །དམ་པ་སྦྱིན་པའི་རྡོ་རྗེ་ལ་བལྟ་ཞིང་ཟས་མི་བཟའ་བར་བཟླས་བརྗོད་ལན་འབུམ་བྱས་ན་གང་འདོད་པའི་དམ་པ་དེ་སྦྱིན་པར་བྱེད་དོ། །
ཤིང་ནྱ་གྲོ་དྷའི་དྲུང་དུ་དཀྱིལ་འཁོར་བྱས་ལ་མེ་ཏོག་བཀྲམ་པ་བསྲུང་བ་བྱས་ལ། ཨ་ག་རུའི་བདུག་པས་བསྲེག་ཅིང་ཟས་མི་ཟ་བར་གནོད་སྦྱིན་མོ་ཡིད་ལ་བྱས་ཏེ་ལན་འབུམ་བཟླས་བརྗོད་བྱས་ན་གནོད་སྦྱིན་མོ་ཡང་འོང་བར་འགྱུར་རོ། །
གང་བླངས་པ་དེ་སྦྱིན་པར་བྱེད་དོ། །ཉིན་གཅིག་བཞིན་དུ་མཆོད་པ་བྱས་ཤིང་ནོར་བུ་བཟང་གི་ལག་ནས་བཟུང་སྟེ། ལན་བརྒྱ་རྩ་བརྒྱད་བཟླས་བརྗོད་བྱས་ན་ཟླ་བ་དྲུག་གིས་ཏི་ན་ར་བརྒྱ་སྦྱིན་པར་བྱེད་དོ། །སངས་རྒྱས་བཅོམ་ལྡན་འདས་

94-1-97b

ཀྱི་ཞབས་ཀྱི་མཐེ་བོ་བཟུང་ལ་ཉི་མ་ཤར་ཀ་ནས་ནུབ་ཀྱི་བར་དུ་མིག་ཕྱེ་སྟེ། བཟླས་བརྗོད་བྱས་ན་ཐོག་མ་མེད་པའི་དུས་ཀྱི་སྔོན་གྱི་ལས་རྣམས་འབྱང་བར་འགྱུར་རོ། །དམ་པ་སྦྱིན་པའི་རྡོ་རྗེ་ལ་བལྟ་ཞིང་མིག་མི་འཛུམས་པར་བཟླས་བརྗོད་བྱས་ན་
ཚེ་རིང་བར་འགྱུར་རོ། །འཕགས་པ་སྤྱན་རས་གཟིགས་ཀྱི་དབང་ཕྱུག་ལ་བལྟ་ཞིང་ཉིན་གཅིག་བཞིན་དུ་དུས་གསུམ་དུ་རྟག་ཏུ་དྲན་པར་བྱེད་ན་དམ་པ་སྦྱིན་པར་བྱེད་དོ། །ལག་ན་རྡོ་རྗེ་ལག་ན་ཡོད་པའི་རྡོ་རྗེ་ལ་འཇུས་ཏེ་ཁ་ཟས་མི་བཟའ་བར་ལན་
སུམ་འབུམ་བཟླས་བརྗོད་བྱས་ན་རང་གི་གནས་སུ་ཁྲིད་པར་འགྱུར་རོ། །རྡོ་རྗེའི་རིགས་གཞོན་ནུའི་ལུས་ཐོབ་པར་འགྱུར་རོ། །དེ་བཞིན་དུ་ཀུན་དུ་བཟང་པོ་དང་། བྱམས་པ་ལ་སོགས་པ་བྱང་ཆུབ་སེམས་དཔའ་རྣམས་ལ་བལྟས་ཏེ། ཟས་
མི་བཟའ་བར་ལན་སུམ་འབུམ་བཟླས་བརྗོད་བྱས་ན་རང་རང་གི་གནས་སུ་ཁྲིད་པར་འགྱུར་རོ། །ཆར་མི་འབབ་ན་གླ་བའི་ཡམ་སྲེག་ཤིང་འོ་མ་ལ་སྨྱུགས་པ་བརྒྱད་སྟོང་སྦྱིན་སྲེག་བྱས་ན་ཆར་པ་འབབ་པར་འགྱུར་རོ། །བདག་གི་དབུགས་བཀག་
ལ་ཆུའི་ནང་དུ་ལན་བརྒྱ་རྩ་བརྒྱད་བཟླས་བརྗོད་བྱས་ན་ཟླ་བ་དྲུག་གིས་གཟུངས་ཐོབ་པར་འགྱུར་རོ། །ཉི་མའི་ཕྱི་བཞིན་ཕྱོགས་ཤིང་ལན་སུམ་འབུམ་བཟླས་བརྗོད་བྱས་ན། བློན་པོ་ཆེན་པོའི་ཐབས་སམ་གཏེར་ཆེན་པོ་འཐོབ་པར་འགྱུར་རོ། །
ལག་ན་མདུང་རྩེ་གསུམ་པ་ཐོགས་ལ་སློང་མོའི་ཟས་བཟའ་ཞིང་མ་མོའི་ཁྱིམ་དུ་ཅི་འབྱོར་པས་མཆོད་པ་བྱས་ཏེ། ལན་སུམ་འབུམ་བཟླས་བརྗོད་བྱས་ན་མ་མོ་ཐམས་ཅད་འགྲུབ་པར་འགྱུར་ཏེ་གང་འདོད་པ་དེ་བྱེད་དོ། །གུ་གུལ་གྱི་
བདུག་པས་གདོན་ཐམས་ཅད་སེལ་ཏོ། །འབྲུ་མར་ལ་ལན་བརྒྱ་རྩ་བརྒྱད་བཏབ་པས་ལྟོ་ན་བ་སེལ་ཏོ། །རབ་ཏུ་འཁྲུ་བ་ལ་སྲད་བུ་སྔོན་པོ་ལ་སྔགས་ཀྱིས་བཏབ་སྟེ་རྐེད་པར་བཅིངས་ན་རབ་ཏུ་འཁྲུ་བ་སོས་པར་འགྱུར་རོ། །ཀླད་
པ་ན་བ་ལ་བིལ་བའི་འབྲས་བུ་བཏགས་ཏེ། ལན་ཉི་ཤུ་རྩ་གཅིག་སྔགས་ལ་བསྐུས་ན་སོས་པར་འགྱུར་རོ། །མིག་ན་བ་ལ་གྲོ་བའི་མེ་ཏོག་གི་ཁུ་བ་ལ་ལན་གཅིག་སྔགས་ཏེ་སྣར་བླུགས་ན་སོས་པར་འགྱུར་རོ། །ཙན་

94-1-98a

དན་གྱི་འདེ་གུ་ལ་ལན་བརྒྱ་རྩ་བརྒྱད་སྔགས་ན་ཚ་བའི་རིམ་ནད་སེལ་ལོ། །ཨ་ག་རུའི་བདུག་པའམ་གུ་གུལ་གྱི་བདུག་པས་ཞག་བཞི་པ་སེལ་ཏོ། །བན་དུ་ཀའི་ཤིང་གིས་འབྲས་ཀྱི་འོ་ཐུག་བཙོས་ཏེ་སྐྱེས་པ་འམ་བུད་མེད་
བུ་མེད་པའི་ཆོས་ཅན་ལ་བླུད་ན་སྐྱེས་པ་དང་མ་ཚོགས་ན་ཡང་བུ་འབྱུང་ངོ་། །ཁ་དོག་སྣ་བཞི་པའི་གཏོར་མ་བྱས་ལ་ཁ་དོག་སྣ་བཞི་པའི་བུམ་པ་བཞི་ལ་སྔགས་ལན་བརྒྱས་བཏབ་སྟེ། ལམ་གྱི་བཞི་མདོར་རམ་ཤིང་དྲུང་གཅིག་པའི་དྲུང་དུ་
མ་ནིང་ངམ་མོ་ཤམ་བཀྲུས་ན་བུ་འབྱུང་ངོ་། །ཅི་སྟེ་དམག་གཞོམ་པར་འདོད་ན་སྐྲ་ཅན་མ་དང་། སྙིང་པོ་མཆོག་བསྲེས་ཏེ་ལན་སྟོང་རྩ་བརྒྱད་བཟླས་བརྗོད་བྱས་ལ་སྲོག་ཤིང་གི་ཕྱག་རྒྱ་བཅིངས་ཏེ། མཛུབ་མོས་བསྡིགས་ན་རེངས་
པར་བྱས་པར་འགྱུར་རོ། །ཅི་སྟེ་ཕྱིར་འབབ་པར་བྱེད་འདོད་ན་བྱམས་པའི་སེམས་ཀྱིས་དམ་པ་སྦྱིན་པའི་རྡོ་རྗེ་ཕྱག་རྒྱ་མགོ་བོར་བཅིངས་ལ་བསམས་ན་དགྲ་ལ་ཕྱིར་བཟློག་པ་འབབ་པར་བྱས་པར་འགྱུར་རོ། །ཅི་སྟེ་དགྲ་ཕུང་བར་
འདོད་ན་བསྲུབ་པ་བྱས་ཏེ་ནམ་ཕྱེད་ན་སྐྲ་བཤིག་ཅིང་རྐང་པ་གཡོན་པས་གཡས་པ་མནན་ཏེ་ཙོག་ཙོག་པུར་འདུག་ལ། དེ་ལོགས་སུ་བལྟས་ཏེ་དུག་དང་ཁྲག་དང་ལན་ཚྭ་དང་སྐེ་ཚེའི་འབྲུ་བསྲེས་པའི་སྲེག་བླུགས་རྡོ་རྗེ་ཆེན་པོ་མཐའ་དང་
བྲལ་བས་ལན་ཉི་ཤུ་རྩ་གཅིག་བིལ་བའི་ཤིང་གི་མེ་བུས་པའི་ནང་དུ་སྦྱིན་སྲེག་བྱས་ན་ཕུང་བར་འགྱུར་ཏེ་འདི་ལ་ཐེ་ཚོམ་མེད་དོ། །ལྷ་འམ་ཀླུ་འམ་མི་ཡང་རུང་། །མི་མཇེད་བདག་པོ་ཚངས་པ་འང་རུང་། །གནོད་སྦྱིན་བདག་
པོ་བརྒྱ་བྱིན་འང་རུང་། །འཆི་འགྱུར་འདི་ལ་ཐེ་ཚོམ་མེད། །ཞི་བའི་བློ་གྲོས་མདོར་ན་ཆོ་ག་གང་དག་གིས་བསྒྲུབས་པ་ཆོ་ག་དེ་དང་དེ་ཉིད་ཀྱིས་དངོས་གྲུབ་སྦྱིན་པར་བྱེད་དོ། །ཞི་བའི་བློ་གྲོས་ཁོ་བོས་བསྐལ་པ་ཉི་ཤུ་རྩ་
གཅིག་པ་ལ། བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་མེ་ཏོག་ཆེ་རྒྱས་རྒྱལ་བའི་དབང་པོ་མཉེས་པར་བྱས་ནས། ཞི་བའི་བློ་གྲོས་དེས་ཁོ་བོ་ཤིན་ཏུ་དཀའ་བ་བྱེད་པར་

94-1-98b

གཟིགས་ནས་ཆེར་ཐུགས་རྗེའི་སྟོབས་ཀྱིས་བྱིན་གྱིས་བརླབས་ནས་སྙིང་པོ་དམ་པ་འདི་བྱིན་ནོ། །ཞི་བའི་བློ་གྲོས་སྙིང་པོ་དམ་པ་འདི་ཐོབ་མ་ཐག་ཏུ་ཁོ་བོ་སངས་རྒྱས་ཀྱི་ཞིང་བཅུའི་རྡུལ་ཕྲ་རབ་སྙེད་ཀྱི་ཏིང་ངེ་འཛིན་དང་། གཟུངས་ཆེན་པོ་
འབུམ་ཕྲག་བཅུ་དང་མངོན་པར་ཤེས་པ་ཆེན་པོ་འབུམ་ཕྲག་བྱེ་བ་ཕྲག་བཅུ་ཐོབ་བོ། །སངས་རྒྱས་ཀྱི་ཞིང་བཅུའི་རྡུལ་ཕྲ་རབ་སྙེད་ཀྱི་དེ་བཞིན་གཤེགས་པ་དག་མངོན་དུ་སྣང་བར་གཤེགས་ཏེ་དེ་བཞིན་གཤེགས་པ་དེ་དག་གིས་ཁོ་བོ་
ལ་དུས་གསུམ་ལས་ཡང་དག་པར་འདས་པ་ཞེས་བྱ་བའི་ཆོས་ཀྱི་རྣམ་གྲངས་འདི་བཤད་དོ། །ཁོ་བོས་ཆོས་ཀྱི་རྣམ་གྲངས་དེ་འདི་ལྟ་སྟེ། སྙིང་པོ་མཆོག་འདི་ཉིད་ཀྱི་བྱིན་གྱིས་བརླབས་ཀྱི་སྟོབས་ཀྱིས་སྐད་ཅིག་ཐང་ཅིག་
ཡུད་ཙམ་ལ་བཟུང་ངོ་། །བླངས་སོ། །དེ་ཅིའི་ཕྱིར་ཞེ་ན། ཞི་བའི་བློ་གྲོས་གང་གི་ཚེ་ཁོ་བོས་སྙིང་པོ་དམ་པ་འདི་ཐོབ་པའི་སྐད་ཅིག་དེ་ལ། ཞི་བའི་བློ་གྲོས་སངས་རྒྱས་ཀྱི་དབྱངས་ཀྱིས་དབྱངས་བཀོད་པའི་རྒྱན་ལ་སོགས་
པ་གཟུངས་ཀྱི་སྒོ་འབུམ་ཕྲག་གྲངས་མེད་པ་ཐོབ་བོ། །ཞི་བའི་བློ་གྲོས་ཁྱོད་ཀྱིས་རྣམ་གྲངས་འདིས་ཀྱང་འདི་ལྟར་རིག་པར་བྱ་སྟེ། ཕྱོགས་བཅུའི་འཇིག་རྟེན་གྱི་ཁམས་རབ་འབྱམ་དག་ན་བྱང་ཆུབ་སེམས་དཔའ་སེམས་
དཔའ་ཆེན་པོ་གང་དག་ལ་གནས་ཏེ། གསང་སྔགས་ཡང་དག་པར་སྟོན་པ་དང་ཏིང་ངེ་འཛིན་དང་གཟུངས་ཀྱི་སྒོ་རྣམས་སྒྲུབ་ཅིང་རྒ་བ་དང་ན་བ་དང་འཆི་བ་ལས་གྲོལ་བ་དེ་དག་ཐམས་ཅད་ཀྱང་སྙིང་པོ་འདི་ཉིད་ཀྱིས་བྱིན་གྱིས་
བརླབས་ནས་ཐམས་ཅད་ཁ་དོག་སྣ་ཚོགས་སུ་འགྱུར་ཏེ། གཞོན་ནུའི་གཟུགས་འཛིན་ཅིང་རྫུ་འཕྲུལ་གྱི་ཆོ་འཕྲུལ་རྣམ་པ་སྣ་ཚོགས་བྱེད་དོ། །ཞི་བའི་བློ་གྲོས་བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་
པ་ཡང་དག་པར་རྫོགས་པའི་སངས་རྒྱས་མེ་ཏོག་ཆེར་རྒྱས་རྒྱལ་བའི་དབང་པོ་འདི་ཡང་། གཞོན་ནུའི་ཆོ་ག་མེད་པ་དང་ཡོ་བྱད་མེད་པ་དང་རི་མོའི་གཟུགས་མེད་པར་བདག་ཉིད་རང་བཞིན་གྱིས་འགྲུབ་བོ། །ཅི་སྟེ་རི་མོའི་

94-1-99a

གཟུགས་འགྲུབ་པར་འདོད་ན་ཚེས་གྲངས་དང་བྱེད་པ་དང་། ཡུད་ཙམ་བཟང་པོར་རྟོགས་པ་ལ་རིན་མི་བརྩེགས་པར་རྒྱུ་སྐུད་ཉོས་ལ། རྡོ་རྗེ་དྲག་པོ་ཆེན་པོའི་སྙིང་པོས་བསྲུང་བའི་ཆོ་ག་བྱས་པས་བ་ལང་གི་ལྕི་བས་དཀྱིལ་འཁོར་
བྱས་ལ། མེ་ཏོག་བཀྲམ་པར་ཐ་ག་པ་ཡན་ལག་ཡོངས་སུ་ཚང་བ་དགེ་བའི་མིང་ཅན་གསོ་སྦྱོང་བཟུང་བ། ཟས་དཀར་གསུམ་ཟ་བ། དབང་པོ་དུལ་བ་ཆོས་དང་ལྡན་པ། རྟག་ཏུ་ཆོས་ལ་དགའ་བ་ཞིག་ཐགས་འཆའ་བ་བའི་རྣམ་ལྔས་བསྐུས་
པ་དག་གིས། སྐྲ་མ་ཤོར་བ་རས་ཁྲུ་ལྔ་འམ་དྲུག་པ་ཞིག་འཐག་ཏུ་བཞུག་གོ། ཁྲུས་བྱས་ཤིང་བྱུག་པས་བྱུགས་ལ་ཐོད་ཟེའུ་ཀ་བཅིངས་ཤིང་དྲི་ཞིམ་པོ་དང་། དྲི་དང་ལྡན་པར་བྱས་པས་མཆོད་པ་རྒྱ་ཆེར་བྱས་ལ་ཨ་ག་རུའི་བདུག་པ་བསྲེགས་
ཤིང་འཐག་པ་ལ་ཡོན་བཟང་དུ་བྱིན་ལ་དགྲོལ་བར་བྱའོ། །དཀྲོལ་ནས་ཀྱང་འཁོར་ལོས་སྒྱུར་བ་ཆེན་པོའི་སྔགས་ཀྱིས་བྱིན་གྱིས་བརླབས་ལ་ས་ཕྱོགས་གཙང་མ་མེ་ཏོག་སིལ་མ་བཀྲམ་པ། སྤོས་དང་བདུག་པས་བདུགས་པར་སྤོས་ཀྱི་
ཆུའི་ནང་དུ་བཅུག་སྟེ་ཞག་བདུན་བཞག་གོ། དེ་ནས་ཕྱུང་ལ་ཉི་མ་ལ་སྐམ་མོ། །དེ་ནས་ག་བུར་དང་གུར་གུམ་དང་བསྲེས་པའི་ཕྱེ་མ་འཇམ་པོས་རས་ལ་ལན་མང་དུ་བསྒོ་བར་བྱའོ། །ཀླུ་ཤིང་དང་ཙམ་པ་ཀ་དང་ཀྱ་སྣར་ལ་སོགས་པའི་མེ་
ཏོག་གིས་ཀྱང་བསྒོ་བར་བྱའོ། །བསྲུང་བ་བྱས་པས་ཚེས་གྲངས་ངན་པ་དང་མི་མཐུན་པར་འཇུག་པའི་ཉེས་པ་དང་བྲལ་ཞིང་། ཚེས་གྲངས་དང་བྱེད་པ་དང་ཡུད་ཙམ་བཟང་པོ་ལ་རོལ་མོའི་སྒྲ་སྣ་ཚོགས་མང་པོ་འབྱིན་པ། ཤིས་པ་བརྗོད་
པ་ཡོད་པ་མེ་ཏོག་བཀྲམ་པའི་དཀྱིལ་འཁོར་དུ་མཆོད་པ་རྒྱ་ཆེར་བྱས་ལ་དེ་བཞིན་གཤེགས་པ་ཐམས་ཅད་ལ་ཕྱག་བྱས་ནས་གསོལ་བ་བཏབ་སྟེ། སྔ་མ་བཞིན་དུ་རི་མོ་མཁན་རྡོ་རྗེ་ཆེན་པོའི་དཀྱིལ་འཁོར་དུ་ཞུགས་པ། བྱང་ཆུབ་ཏུ་
སེམས་བསྐྱེད་པ་སྙིང་རྗེ་དང་ལྡན་པ། མཁས་པ་སྙོམ་ལས་མེད་པ། དད་པ་དང་ལྡན་པ་གོས་གཙང་མ་བགོས་པ། ཁ་ཟས་རན་པར་ཟ་བ། བསྲུང་བ་བྱས་པ་ཞིག་ཚོན་པིར་སར་བས་སྤྱིན་དང་མ་འདྲེས་པའི་ཚོན་རྣམས་ཀྱིས་

94-1-99b

བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་མེ་ཏོག་ཆེར་རྒྱས་རྒྱལ་བའི་དབང་པོ་འདྲིར་བཞུག་སྟེ། པད་མ་དཀར་པོའི་གདན་ལ་བཞུགས་པ། གསེར་གྱི་མདོག་ཅན་མཚན་ཐམས་ཅད་དང་ལྡན་
པ། ཏིང་ངེ་འཛིན་ལ་སྙོམས་པར་ཞུགས་པ། ཁ་དོག་དུ་མའི་འོད་ཟེར་རྣམས་ཀྱིས་ཀུན་ནས་ཡོངས་སུ་བསྐོར་བ། གཙུག་ཏོར་ནས་འོད་ཟེར་ཆེན་པོ་འབྱུང་བ་ཞལ་ཡིད་ཙམ་འཛུམ་པར་བྱའོ། །དེའི་འོག་རོལ་དུ་དམ་པ་སྦྱིན་པའི་རྡོ་རྗེ་གུར། 
གུམ་གྱི་མདོག་ཅན་དར་རམ་རས་ཀྱི་སྨད་གཡོགས་གྱོན་པ། དར་ལའི་བླ་གོས་བགོས་པ། མགོ་ལ་ཕུང་པུ་ལྔ་དང་བཅས་པ་པུས་མོ་བཙུགས་པ་པད་མ་དཀར་པོའི་གདན་ལ་འདུག་པ། རྒྱན་ཐམས་ཅད་ཀྱིས་རྣམ་པར་བརྒྱན་པ། ལག་
པ་གཡས་པས་བཅོམ་ལྡན་འདས་ལ་ཕྱག་འཚལ་བ་གཡོན་པ་ན་རྡོ་རྗེ་དང་བཅས་པའི་ཨུཏྤ་ལ་འཛིན་པ། གཞོན་ནུའི་གཟུགས་ཅན་དེ་བཞིན་གཤེགས་པའི་འོད་ཟེར་དེའི་མགོ་ལ་འབབ་ཅིང་དེ་དག་གི་ལུས་སྣང་བར་བྱས་ལ་རང་གི་འོད་ཀྱི་དྲ་བའི་
དབུས་ན་འདུག་པ། བཅོམ་ལྡན་འདས་ལ་བལྟ་བ་ནི་རིན་པོ་ཆེའི་རི་ཆེན་པོ་ལ་རིན་པོ་ཆེའི་ཕུག་ན་འདུག་པ་བྲིའོ། །རིན་པོ་ཆེའི་རི་དེ་ཡང་དུས་ཐམས་ཅད་པའི་མེ་ཏོག་གི་ཤིང་ལྗོན་པས་བརྒྱན་པ་བྲིའོ། །འོག་ཏུ་ནི་རྒྱ་མཚོ་ཆེན་པོ་
བྲིའོ། །རས་གཅིག་ལ་དམ་པ་སྦྱིན་པའི་རྡོ་རྗེ་རིན་པོ་ཆེའི་རི་ཆེན་པོ་ལ་རིན་པོ་ཆེའི་ཕུག་ན་སྐྱིལ་མོ་དཀྲུང་དུ་འདུག་པ། ཏིང་ངེ་འཛིན་ལ་སྙོམས་པར་ཞུགས་པ། གཞོན་ནུའི་གཟུགས་ཅན་དར་རམ་རས་ཀྱི་ཤམ་ཐབས་གྱོན་པ་
དར་ལའི་སྟོད་གཡོགས་བགོས་པ། ལག་པ་གཡོན་པ་ན་རྡོ་རྗེ་འབར་བ་དང་བཅས་པའི་ཨུཏྤ་ལ་ཐོགས་པ་རང་གི་འོད་ཀྱི་དྲ་བའི་ནང་ན་འདུག་པ། རྒྱན་ཐམས་ཅད་ཀྱིས་རྣམ་པར་བརྒྱན་པ་བྲིའོ། །དེའི་སྙིང་གར་སྙིང་པོ་ཞི་
བའི་ཆ་བྱད་འཛིན་པ། མེ་ལྕེ་འབར་བ་ལང་ལོང་དུ་གྱུར་པ། འོད་སྟོན་ཟླ་བའི་འོད་ཟེར་དང་འདྲ་བ། ལག་པ་གཡས་པ་དམ་པ་སྦྱིན་པ། གཡོན་པ་ན་རྡོ་རྗེ་ཐོགས་པ། གོས་དཀར་པོ་གྱོན་པ། ལག་པ་གཡས་པའི་

94-1-100a

སོར་མོ་ལས་ཆུའི་རྒྱུན་འཛག་པར་བྲིའོ། །དེའི་འོག་རོལ་དུ་བསྒྲུབ་པ་པོ་ཆ་བྱད་ཅི་ལྟར་འཛིན་པ་བཞིན་དུ་བྲིའོ། །ལག་ན་པོག་ཕོར་ཐོགས་ཤིང་པུས་མོ་བཙུགས་པར་བྲིའོ། །དབེན་པར་དེའི་མདུན་དུ་ཅི་འབྱོར་པས་མཆོད་པ་རྒྱ་
ཆེན་པོར་བྱས་ཏེ། ལན་སུམ་འབུམ་བཟླས་བརྗོད་བྱས་ན་སྔར་སྤྱད་པ་བྱས་པར་འགྱུར་རོ། །རི་མོའི་གཟུགས་འདི་མཐོང་བ་ཙམ་གྱིས། སྡིག་པ་ཀུན་ལས་རྣམ་པར་གྲོལ། །བསྒྲུབ་པའི་རྫས་གང་ཅི་ཡིན་པ། །དེ་དག་ཐམས་ཅད་
ངེས་པར་འགྲུབ། །གང་ཞིག་སྡིག་པའི་ལས་རྣམས་ཀྱིས། །གདོལ་པའི་སྐྱེ་གནས་སྐྱེས་གྱུར་ཀྱང་། །སྔོན་གྱི་སྡིག་པའི་ལས་རྣམས་ལས། །དེ་ཡི་མོད་ལ་སྐྱེ་བོ་གྲོལ། །རི་མོའི་གཟུགས་འདིའི་མདུན་དུ་ནི། །ལས་རྣམས་
ཐམས་ཅད་གྲུབ་འགྱུར་རོ། །འཇིག་རྟེན་འདི་དང་ཕ་རོལ་དུ། །དེ་ལ་མི་ཡང་དཀོན་པ་མེད། །རི་མོ་མཐོང་ན་རྟག་ཏུ་ཡང་། །ཚེ་དང་དེ་བཞིན་དཔལ་དང་ནི། །ནོར་དང་གྲགས་པ་ལྡན་པར་འགྱུར། །སྐལ་བ་བཟང་ཞིང་མཁས་པར་
འོང་། །ཞི་བའི་བློ་གྲོས་ཀྱིས་སྨྲས་པ། དམ་པ་སྦྱིན་པའི་རྡོ་རྗེ་གང་དག་རི་མོའི་གཟུགས་འདི་ལ་དད་པར་བྱེད་པའི་སེམས་ཅན་དག་ནི་ཤིན་ཏུ་དཀོན་ནོ། །དམ་པ་སྦྱིན་པའི་རྡོ་རྗེ་གང་དག་དཀྱིལ་འཁོར་ཆེན་པོ་ལ་འཇུག་པའི་སྒོའི་ཆོས་
ཀྱི་རྣམ་གྲངས་ཀྱི་ཚུལ་འདི་ཉིད་ཉན་པ་དང་། འཇུག་པ་དེ་དག་སངས་རྒྱས་མང་པོ་ལ་བསྙེན་བཀུར་བྱས་པར་འགྱུར་ན། གང་དག་ལག་ན་རྡོ་རྗེ་དབང་ཆེན་པོ་བསྐུར་བ། རྡོ་རྗེའི་དཀྱིལ་འཁོར་ཆེན་པོ་འདིར་ཞུགས་པ་དེ་དག་ལྟ་ཅི་
སྨོས་ཏེ། བླ་ན་མེད་པ་ཡང་དག་པར་རྫོགས་པའི་བྱང་ཆུབ་ལ་ངེས་པར་འགྱུར་རོ། །འཇམ་དཔལ་གྱིས་སྨྲས་པ། ཞི་བའི་བློ་གྲོས་དེ་དེ་བཞིན་ཏེ། ཇི་སྐད་སྨྲས་པ་དེ་བཞིན་ནོ། །གང་དག་ཚུལ་འདི་ཉན་པ་དག་ནི་རྡོ་རྗེ་
སེམས་དཔའ་ཡིན་ནོ། །ཞི་བའི་བློ་གྲོས་དགེ་བའི་རྩ་བ་མ་བསྐྱེད་པ་རྣམས་ནི། དཀྱིལ་འཁོར་ཆེན་པོ་འཁོར་ལོའི་དཀྱིལ་འཁོར་མངོན་པར་རྟོགས་པ་ཆེན་པོ་མཐོང་བ་འམ་རྣ་ལམ་དུ་ཐོས་པར་ཡང་མི་འགྱུར་རོ། །ཞི་བའི་བློ་

94-1-100b

གྲོས་འདི་ལྟ་སྟེ་དཔེར་ན། བསམ་པ་ཐམས་ཅད་ཡོངས་སུ་རྫོགས་པར་བྱེད་པའི་ཡིད་བཞིན་གྱི་ནོར་བུ་རིན་པོ་ཆེ་ཆེན་པོ་ནི། དགེ་བའི་རྩ་བ་ངན་ངོན་དང་ལྡན་པ་རྣམས་ལ་བསམ་པ་ཐམས་ཅད་ཡོངས་སུ་རྫོགས་པར་བྱ་བའི་ཕྱིར་མཐོང་
བའི་ལམ་དུ་མི་འགྱུར་གྱི། ཞི་བའི་བློ་གྲོས་རིན་པོ་ཆེའི་རྒྱལ་པོའི་ནོར་བུ་རིན་པོ་ཆེ་དེ་ནི་སེམས་ཅན་དགེ་བའི་རྩ་བ་དུ་མ་དང་ལྡན་པ་དེ་དག་ལ་མཐོང་བ་དང་། རེག་པས་ཀྱང་ཅི་ལྟར་བསམས་པ་བཞིན་དུ་ཡོངས་སུ་རྫོགས་པར་བྱེད་པའི་སྐལ་བ་ཅན་དུ་
འགྱུར་རོ། །ཞི་བའི་བློ་གྲོས་ཆོས་ཀྱི་རྣམ་གྲངས་འདི་ཡང་དེ་བཞིན་དུ་བལྟ་བར་བྱའོ།། །། འཕགས་པ་ལག་ན་རྡོ་རྗེ་དབང་བསྐུར་བ་བམ་པོ་བརྒྱད་པ། དེ་ནས་འཇམ་དཔལ་གཞོན་ནུར་གྱུར་པས།  ཡང་བྱང་ཆུབ་སེམས་དཔའ་
ཞི་བའི་བློ་གྲོས་ལ་འདི་སྐད་ཅེས་སྨྲས་སོ། །ཞི་བའི་བློ་གྲོས་གཞན་ཡང་རང་གི་དམ་བཅས་པའི་གསང་སྔགས་ཀྱི་རྒྱལ་པོ་བསྒྲུབ་པ་ནི་འདི་ཡིན་ཏེ། ཆོ་ག་སྔ་མ་བཞིན་དུ་རིའི་རྩེ་མོར་སོང་ལ་རང་གི་གནས་ན་གནས་པ། མི་སྨྲ་བར་དུས་
གསུམ་དུ་ཁྲུས་བྱེད་པ་གོས་ལན་གསུམ་བརྗེས་པས་ཡི་གེ་ལན་སུམ་འབུམ་བཟླས་བརྗོད་བྱའོ། །ཐ་མར་ཟླ་བ་ཉ་ལ་ཅི་འབྱོར་པས་མཆོད་དེ། རྫས་གང་ཡང་རུང་བ་ཞིག་བླངས་ལ་མཚན་ཐོག་ཐག་བཟླས་བརྗོད་བྱས་ན་ངེས་པར་
འགྲུབ་པར་འགྱུར་ཏེ། སྔ་མ་བཞིན་དུ་རིག་སྔགས་འཆང་བྱེ་བ་ཁྲག་ཁྲིག་བརྒྱ་སྟོང་དུ་མས་ཡོངས་སུ་བསྐོར་ཅིང་། ལྷའི་བུ་མོ་བྱེ་བ་ཕྲག་སྟོང་སིལ་སྙན་དང་ཕེག་རྡོབས་ལ་མངོན་དུ་སྟོན་ཅིང་། འཇིག་རྟེན་གྱི་ཁམས་དུ་མར་རྒྱུ་བ་
དང་དེ་བཞིན་གཤེགས་པ་ཐམས་ཅད་ལ་མཆོད་པ་བྱེད་པ། སྤྲུལ་པ་དུ་མ་བྱེད་པ། སེམས་ཅན་ཐམས་ཅད་ཀྱི་དོན་བྱེད་པ། ཡིད་བཞིན་གྱི་ནོར་བུ་དང་འདྲ་བ། འདོད་ན་མཆི་བ་སྨོན་ལམ་ལས་ངེས་པར་སྐྱེས་པ། སྒྲ་མཐའ་ཡས་པ་
སྒྲོགས་པའི་དབྱངས་ཀྱི་གཟུངས་ཐོབ་པ་དང་། མངོན་པར་ཤེས་པ་ལྔ་རྟོགས་པར་ཁོང་དུ་ཆུད་པ། ཉི་མ་ཤར་བ་ལྟ་བུའི་མདོག་ཅན་ཡིད་ལྟར་མགྱོགས་པར་འགྱུར་ཏེ་སྔ་མའི་ཚུལ་བཞིན་དུ་གང་འདོད་པ་དེ་ངེས་པར་འགྲུབ་བོ། །

94-1-101a

ཅི་སྟེ་རི་མོའི་གཟུགས་འགྲུབ་པར་འདོད་ན་ཆོ་ག་སྔ་མ་བཞིན་དུ་བཅོམ་ལྡན་འདས་འཇིག་རྟེན་གྱི་ཁམས་མེ་ཏོག་ལྡན་ན་བཞུགས་པ། བྱང་ཆུབ་ཀྱི་སྙིང་པོ་མཆོག་ལ་ཞུགས་པ། སྐྱིལ་མོ་དཀྲུང་དུ་བཞུགས་ཤིང་ཆོས་འཆད་
པ། གསེར་གྱི་མདོག་ཅན་མཚན་ཐམས་ཅད་དང་ལྡན་པ། གཙུག་ཏོར་ནས་བྱུང་བའི་འོད་ཟེར་རྣམས་ཀྱིས་ཀུན་དུ་སྣང་བར་བྲི་བར་བྱའོ། །བྱང་ཆུབ་ཀྱི་ཤིང་དྲུང་ན་གོར་ཤིར་ཤའི་ཙན་དན་གྱི་བྱང་ཆུབ་ཀྱི་ཤིང་ཐམས་ཅད་དཔག་བསམ་
གྱི་ཤིང་ཆེན་པོ་ལྟར་ལེགས་པར་བརྒྱན་པར་བྱའོ། །བཀོད་པ་སྣ་ཚོགས་ཀྱིས་ལེགས་པར་བརྒྱན་པའི་འཇིག་རྟེན་གྱི་ཁམས་བྲི་བར་བྱའོ། །དེའི་གཡས་རོལ་དུ་བྱང་ཆུབ་སེམས་དཔའ་གསེར་གྱི་མེ་ཏོག་བརྩེགས་ཤེས་བྱ་བ་གསེར་གྱི་
མདོག་ཅན་རྒྱན་ཐམས་ཅད་ཀྱིས་བརྒྱན་པ་བཟུང་བ། ལག་ན་རྔ་ཡབ་ཐོགས་པ། གོས་རྩི་གུ་གྱོན་པར་བྲིའོ། །གཡོན་རོལ་དུ་བྱང་ཆུབ་སེམས་དཔའ་ཙན་དན་བརྩེགས་ཤེས་བྱ་བ་པྲི་ཡང་ཀུའི་མེ་ཏོག་ལྟ་བུའི་སྔོ་བསངས་པའི་གོས་
ཙིག་གུ་གྱོན་པ། རྒྱན་ཐམས་ཅད་ཀྱིས་རྣམ་པར་བརྒྱན་པ། ལག་ན་རྔ་ཡབ་ཐོགས་པ་བྲི་བར་བྱའོ། །འོག་རོལ་དུ་ཉན་ཐོས་ཆེན་པོ་བརྒྱད་བྲི་བར་བྱ་སྟེ། བརྟན་པས་བྱིན་པ་དང་ཡངས་པས་བྱིན་པ་དང་སྙིང་པོས་བྱིན་པ་
དང་རྒྱལ་བའི་བློ་གྲོས་དང་དྲི་མ་མེད་པར་བྱིན་པ་དང་སངས་རྒྱས་སྲུངས་དང་། ཚོགས་ཀྱིས་བྱིན་དང་བློ་གྲོས་བཟང་པོ་རྣམས་སོ། །གཡས་གཡོན་དུ་བྱང་ཆུབ་སེམས་དཔའ་རྒྱན་ཐམས་ཅད་ཀྱིས་རྣམ་པར་བརྒྱན་པ་དབྱིབས་ཐ་དད་
པ་ཆ་བྱད་ཐ་དད་པ་ཁ་དོག་ཐ་དད་པ་བརྒྱད་བྲི་བར་བྱའོ། །སྟེང་དུ་རིག་སྔགས་འཆང་ལུས་སྤྲིན་གྱི་ནང་དུ་ཆུད་ཅིང་མེ་ཏོག་གི་ཆར་འབེབས་པ་དག་བྲི་བར་བྱའོ། །བཅོམ་ལྡན་འདས་ཀྱི་འོག་ཏུ་རིག་སྔགས་འཆང་གཞོན་ནུ་གཟུགས་འཛིན་
ལ་མཁྲེགས་པ་རྒྱན་ཐམས་ཅད་ཀྱིས་བརྒྱན་པ། ལག་ན་ཨུད་བལ་ལ་ཐོགས་པ་པུས་མོ་བཙུགས་པ། ཕུད་བུ་ལྔ་བཅས་པ་བཀའ་ནོད་པ་འབར་བ་དང་བཅས་པ་བཞིན་ཡིད་ཙམ་འཛུམ་པ། དེ་བཞིན་གཤེགས་པའི་ངོ་བོ་འོད་

94-1-101b

ཟེར་གྱིས་ཡོངས་སུ་བསྐོར་བར་བྲི་བར་བྱའོ། །དེའི་མདུན་དུ་ལན་ས་ཡ་བཟླས་བརྗོད་བྱ་སྟེ། སྔ་མ་བཞིན་དུ་སྙིང་པོ་དམ་པའི་ཆོ་ག་དང་སྦྱར་བར་བྱའོ། །དེ་བཞིན་དུ་ལས་ཐམས་ཅད་བྱེད་དོ། །རྟག་ཏུ་བཟླས་བརྗོད་བྱས་ན་ཉམས་
པར་མི་འགྱུར་ཏེ་གཞན་དུ་མ་ཡིན་ནོ། །ཞི་བའི་བློ་གྲོས་ཅི་སྟེ་བྱང་ཆུབ་སེམས་དཔའི་སྤྱད་པ་གསང་སྔགས་ཀྱི་སྒོ་སྤྱོད་པའི་བྱང་ཆུབ་སེམས་དཔའི་འབྱོར་པ་འདོད་ཅིང་སྙིང་པོ་གང་ཡང་རུང་བ་ཞིག་སྒྲུབ་པར་འདོད་ན། དཀྱིལ་འཁོར་མཐོང་
བ་དེས་གང་ཡང་རུང་བ་ཞིག་ཆོ་ག་སྔ་མ་བཞིན་དུ་བླངས་ལ། དུས་གསུམ་དུ་ཁྲུས་བྱ་ཞིང་གོས་ལན་གསུམ་བརྗེས་ལ་བཀྲུས་ཏེ་བརྗེས་ལ་བྱུགས་ནས་རབ་ཏུ་དགའ་བའི་ཡིད་ཀྱིས་ལན་དྲུག་འབུམ་བཟླས་བརྗོད་བྱའོ། །དེ་ནས་ཐ་མར་
ཅི་འབྱོར་པས་མཆོད་དེ་ཤུ་ཏི་ཞོ་དང་སྦྲང་རྩི་དང་མར་ལ་སྨྱུགས་པ་དག་གིས་མཚན་ཐོག་ཐག་སྦྱིན་སྲེག་བྱས་ན་བློན་པོ་ཆེན་པོའི་ཐབས་ཐོབ་པར་འགྱུར་རོ། །མ་གྲུབ་ན་ལས་རྣམས་སུ་འགྱུར་ཏེ་ཡུལ་གྲུ་སྦྱིན་པར་བྱེད་དོ། །རྒྱ་མཚོར་འབབ་
པའི་ཆུར་མིད་པ་ནུབ་ཙམ་དུ་ཞུགས་ལ་སྙིང་པོ་དམ་པ་དང་ལྷན་ཅིག་ཏུ་ལན་སུམ་འབུམ་བཟླས་བརྗོད་བྱས་ན་གཏེར་མཐོང་བར་འགྱུར་རོ། །གུ་གུལ་གྱི་ཡམ་སྲེག་ཤིང་མར་ལ་སྨྱུགས་པ་བརྒྱད་སྟོང་སྦྱིན་སྲེག་བྱས་ན། གྲོང་དམ་པ་བརྒྱད་
སྦྱིན་པར་བྱེད་དོ། །ལྷ་མ་ཡིན་གྱི་ཁུང་སྒོར་ཟས་མི་ཟ་བར་སྐེ་ཚེའི་འབྲུ་དང་ལན་ཚྭ་སྲེག་བླུགས་རྡོ་རྗེ་མཐའ་དང་བྲལ་བའི་སྙིང་པོ་དང་ལྷན་ཅིག་ཏུ་ལན་འབུམ་སྦྱིན་སྲེག་བྱས་ན། ལྷ་མ་ཡིན་གྱི་བུ་མོ་རྣམས་བྱུང་ནས་འཇུག་པར་བྱེད་
དེ་གང་འདོད་པ་སྦྱིན་པར་བྱེད་དོ། །ཅི་སྟེ་བ་འབྱུང་བར་འདོད་ན་གྲོག་མཁར་རམ་ཆུ་འདུས་སུ་ཉིན་གཅིག་བཞིན་དུ་བའི་རྣམ་ལྔ་ཟ་ཞིང་རྡོ་རྗེའི་ཕྱག་རྒྱ་བཅིངས་ལ་སྙིང་པོ་འདི་ལན་སུམ་ཁྲི་བཟླས་བརྗོད་བྱའོ། །དེ་ནས་ཅི་འབྱོར་པས་
མཆོད་དེ་འབྲས་སཱ་ལུའི་ཕྱེ་ལས་སོར་བཞི་ཚད་ཀྱི་བ་མ་སྨད་བྱས་ལ་བ་རུ་ནའི་ཤིང་གི་མེ་བུས་ཏེ། ལན་ལྔ་ཁྲི་སྦྱིན་སྲེག་བྱས་ནས་ནམ་ཕྱེད་དམ་ཉི་མ་ཤར་ཀར་དེ་ཉིད་དུ་བདག་ལ་རྩེ་ཞིང་བྱུང་སྟེ། རྡོ་རྗེ་དྲག་པོའི་སྙིང་པོས་སྔགས་བཏབ་

94-1-102a

པའི་ཆུས་གཏོར་ན་མི་འགུལ་བར་འགྱུར་རོ། །རིན་ལ་མི་བརྩེག་པར་དྲི་ཞིམ་ཞེས་མིང་བཏགས་པའི་བ་ཉོས་ལ་ཉིན་གཅིག་བཞིན་བྱབ་པར་བྱའོ། །ཟླ་བ་རེ་རེ་ཞིང་ཐང་ཤིང་བདར་བ་དང་བསྲེས་པའི་ཆུས་བུམ་པ་བཀང་ལ་བ་ལ་
སྤོས་དང་མེ་ཏོག་གིས་མཆོད་པས་མཆོད་ན་བ་བརྒྱད་སྟོང་དུ་འཕེལ་བར་འགྱུར་ཏེ་ཐེ་ཙོམ་མེད་དོ། །དེ་བཞིན་དུ་རྟ་དང་གླང་པོ་ཆེ་དང་རྔ་མོ་དང་ལུག་དང་མ་ཧེ་འབྱུང་བར་འདོད་ན་ཉིན་གཅིག་བཞིན་དུ་གླ་བའི་ཤིང་གི་མེ་བུས་ལ། ནས་དང་འོ་མ་
ལ་སོགས་པའི་སྦྱིན་སྲེག་བྱས་ན་འབྱུང་བར་འགྱུར་རོ། །ཟས་ཀྱི་སྦྱིན་སྲེག་བྱས་ན་ཟས་འབྱུང་བར་འགྱུར་རོ། །འབྲས་དང་མར་བསྲེས་པའི་སྦྱིན་སྲེག་བྱས་ན་ཟས་མི་ཟད་པ་འབྱུང་བར་འགྱུར་རོ། །དེ་བཞིན་དུ་འབྲུ་ཐམས་ཅད་སྦྱིན་
སྲེག་བྱས་ན་འབྲུ་ཐམས་ཅད་འབྱུང་བར་འགྱུར་ཏེ། གང་སྦྱིན་སྲེག་བྱས་པ་དེ་འབྱུང་བར་འགྱུར་རོ། །ཁ་བཞིན་ལ་སྔགས་ཀྱིས་བཏབ་ན་རྟག་ཏུ་ལན་ཐེབས་པར་འགྱུར་རོ། །ཟླ་བ་སྤྱང་ཀིས་ཟིན་པའི་ཚེ་མཆོད་པ་བྱས་ལ་ཤུ་དག་དཀར་པོ་
བླངས་ཏེ་ཁར་བཅུག་ལ་ཟླ་བ་ལ་ལྟ་ཟེར་མི་བལྟ་བར། ཟླ་བ་བཏང་གི་བར་དུ་བཟླས་བརྗོད་བྱས་ལ་དེ་ཟོས་ན་ཐོས་པ་འཛིན་པར་འགྱུར་རོ། །ཟླ་བ་སྤྱང་ཀིས་ཟིན་པའི་ཚེ་བ་སེར་མོ་མ་སྨད་སྤུ་མཐུན་པའི་འོ་མ་བླངས་ལ་བ་ལང་གི་ཅི་བས་དཀྱིལ་
འཁོར་བསྐུས་ཏེ། ཅི་འབྱོར་པས་མཆོད་ལ་ཟླ་བ་ལ་མི་བལྟ་བར་མར་འབྱུང་གི་བར་དུ་བསྲུབས་ཏེ་དེ་འཐུངས་ན་ཐོས་པ་འཛིན་པར་འགྱུར་རོ། །བསྟན་བཅོས་ཐམས་ཅད་ལ་བག་ཚ་བ་མེད་པར་འགྱུར་རོ། །རའི་འོ་མ་དང་སྦྲང་
རྩི་བསྲེས་པ་ལ་ལན་བརྒྱད་བརྒྱ་སྔགས་ཀྱིས་བཏབ་སྟེ་འཐུངས་ན་གཅོང་ཆེན་པོ་འཚོ་བར་འགྱུར་རོ། །མར་ལ་ལན་བརྒྱད་བརྒྱ་སྔགས་ཀྱིས་བཏབ་སྟེ་འཐུངས་ན་ནད་ཐམས་ཅད་ལས་ཐར་བར་འགྱུར་རོ། །སྨན་གང་ཡང་
རུང་བ་ལ་ལན་གཅིག་སྔགས་ཀྱིས་བཏབ་སྟེ་ཟོས་ན་ནད་མེད་པར་འགྱུར་རོ། །ཉིན་གཅིག་བཞིན་བཟླས་བརྗོད་བྱེད་ན་སྐལ་བ་བཟང་པོར་འགྱུར་རོ། །ཨ་པ་མརྒའི་སྲེག་བླུགས་ཉིན་གཅིག་བཞིན་བརྒྱ་རྩ་བརྒྱད་སྦྱིན་སྲེག་

94-1-102b

བྱས་ན་སྐྱེ་བོ་ཐམས་ཅད་དགའ་བར་འགྱུར་རོ། །སྤོས་སམ་མེ་ཏོག་ལ་སྔགས་ཀྱིས་བཏབ་སྟེ། སུ་ལ་བྱིན་པ་དེ་དབང་དུ་འགྱུར་རོ། །ཨཱ་ཐཱ་རཱ་ཛ་ནི་མ་བ་ཤྭ་ཀརྟུ་ཀ་མོ་གཽ་ས་རི་ཤ་པ་ཀུ་ཀུ་མ་སྃ་མི་ཤི་ར་ནི་ར་ཧཱ་རོ་ལཀྐྷྃ་ཛུ་ཧཱུ་
ཡད། རཱ་ཛ་བ་ཤི་བ་བ་ཏི། བུད་མེད་དབང་དུ་བྱ་བར་འདོད་ན་མིང་སྨོས་ལ་སྐྱོར་ཆུ་ལ་ལན་ཅིག་སྔགས་ཀྱིས་བཏབ་སྟེ་འཐུངས་ན་དབང་དུ་འགྱུར་རོ། །ཕྱུགས་ཆུང་འདོད་ན་ཤུ་ཏི་སྦྱིན་སྲེག་ཉིན་གཅིག་བཞིན་དུ་དུས་གསུམ་དུ་བརྒྱ་
རྩ་བརྒྱད་སྦྱིན་སྲེག་བྱས་ན་ཕྱུགས་ཆུང་རྙེད་པར་འགྱུར་རོ། །ཆུ་རྒལ་བར་འདོད་ན་སྐྱེས་བུ་བཅིངས་པ་བྱས་ལ་རྒལ་ན་ཆུ་ལ་རྒྱུ་བ་ཐམས་ཅད་རེངས་པར་འགྱུར་རོ། །ཅི་སྟེ་དམག་རེངས་པར་བྱེད་འདོད་ན་ལོ་མ་བདུན་པའི་ཤིང་
ལས་བེ་ཅོན་སོར་བཅུ་དྲུག་པའི་ཚད་བྱས་ལ་སྤོས་དང་མེ་ཏོག་གིས་མཆོད་པའི་མིང་ནས་སྨོས་ཤིང་པུས་མོ་ནུབ་ཙམ་དུ་ས་ལ་བཙུགས་ལ། དེའི་སྟེང་དུ་ཞག་བདུན་དུ་དུ་རུ་སྐའི་འབྲས་བུ་དང་ཡུངས་ཀར་བསྲེས་པ་ལན་འབུམ་སྦྱིན་
སྲེག་བྱས་ན་དམག་རེངས་པ་བྱས་པར་འགྱུར་རོ། །ཞི་བའི་བློ་གྲོས་མ་བསྒྲུབས་ཀྱང་དེ་ལ་སོགས་པའི་ལས་རྣམས་སུ་འགྱུར་རོ། །ཞི་བའི་བློ་གྲོས་གཞན་ཡང་རྡོ་རྗེ་མཐའ་དང་བྲལ་བའི་བསྒྲུབ་པ་ནི་འདི་ཡིན་ཏེ། ཚེས་
གྲངས་དང་སྐར་མ་འདམ་མི་དགོས་སྨྱུང་བ་བྱ་མི་དགོས་པར་དགོན་པ་ཆེན་པོ་འམ། དུར་ཁྲོད་ཆེན་པོར་སོང་སྟེ། གོས་སྔོན་པོ་བགོ་ལམ་མི་བཟུར་སློངས་མོའི་ཟས་བཟའ་ཞིང་ང་རྒྱལ་མེད་པར་བྱས་ལ་སྔར་སྙིང་པོ་དམ་པ་
འབུམ་བཟླས་བརྗོད་བྱའོ། །དེས་ན་ཁྲོའོ་ཆེན་པོ་འདིའི་སྔར་བསྙེན་པ་བྱེ་བ་བྱས་པར་འགྱུར་རོ། །དེ་ནས་རིའི་རྩེ་མོར་སོང་ལ་ལན་འབུམ་བཟླས་བརྗོད་བྱའོ། །དེ་ནས་ཟླ་བ་ཉ་ལ་མཆོད་པ་རྒྱ་ཆེར་བྱས་ལ་མཚན་
ཐོག་ཐག་བཟླས་བརྗོད་བྱས་ན་ཉི་མ་ཤར་ཀར་ཁྲོ་བོའི་རྒྱལ་པོ་ཉིད་འོང་བར་འགྱུར་རོ། །འོང་བའི་མཚན་མ་ནི་བསྒྲུབ་པ་པོའི་ལུས་ལས་འོད་ཟེར་འབྱུང་བ་དང་། མིག་གཉིས་གཡོ་བ་དང་རྐང་ལག་འགུལ་བ་འདི་དག་འབྱུང་

94-1-103a

སྟེ་མེ་ཏོག་དང་བདུག་པས་མཆོད་པར་བྱའོ། །དེ་ནས་བྱང་ཕྱོགས་སུ་རྔ་སྒྲ་ཆེན་པོ་འབྱུང་ངོ་། །རྔ་སྒྲ་བྱུང་ནས་མཆེ་བ་འཇིགས་སུ་རུང་བར་གཙིགས་ལ་སྐྲ་གྱེན་དུ་འགྲེང་བ་བསྒྲུབ་པ་པོ་ལ་བསྡིགས་པ་ལྟ་
བུར་ཁྲོ་བོའི་རྒྱལ་པོ་ཉིད་འོང་བར་འགྱུར་ཏེ་བསྒྲུབ་པ་པོས་འཇིགས་པར་མི་བྱའོ། །ཁྲོ་བོ་དེ་མཐོང་བ་ཙམ་གྱིས་རིག་སྔགས་འཆང་དུ་འགྱུར་ཏེ། རིག་སྔགས་འཆང་བྱེ་བ་ཕྲག་དུ་མས་བསྐོར་བ་དང་། ལྷའི་བུ་མོ་བྱེ་བ་ཕྲག་དུ་
མས་བསྐོར་བར་འགྱུར་རོ། །རྔ་བརྡུངས་བ་དག་དང་སངས་རྒྱས་རྣམས་ལ་བསྙེན་བཀུར་བྱེད་དུ་འོང་བར་འགྱུར་རོ། །གལ་ཏེ་མ་གྲུབ་ན་དམ་པ་ལྔ་སྦྱིན་པར་བྱེད་དོ། །རྒྱལ་སྲིད་དང་མི་སྣང་བ་དང་འདོད་འཇོའི་བ་དང་བུམ་
པ་བཟང་པོ་དང་ཡིད་བཞིན་གྱི་ནོར་བུའོ། །རི་ལ་སོང་སྟེ་ལན་བརྒྱ་སྟོང་བཟླས་བརྗོད་བྱས་ན་གང་འདོད་པ་དེ་སྦྱིན་པར་བྱེད་དོ། །རཱ་ཛཱ་ན་མ་བ་ཤི་ཀ་དུ་རྒེ་མོ་ས་ལཀྵ་མེ་ཀན་ད་རཱ་ཛ་བ་ཤོ་བ་བ་ཏི་ཨཱ་ད་མ་བྷིད་ཏྱ་ཨི་པ་ཨཱ་ཛྙཱ་ཀ་རོ་ཏི། 
སྣོད་དུ་དབབ་པར་འདོད་ན་ལན་བརྒྱ་སྟོང་དུ་བཟླས་བརྗོད་བྱས་ན་སྣོད་དུ་འབབ་བོ། །གཏེར་རྙེད་པར་འདོད་ན་ལན་སུམ་འབུམ་བཟླས་བརྗོད་བྱས་ན་གཏེར་འབྱིན་ནོ། །ཅི་སྟེ་རིལ་བུ་བསྒྲུབ་ན་རྒྱ་སྐྱེགས་དང་ལྡོང་རོས་དང་། 
འུ་སུའི་བྲུ་མར་དང་བཏགས་ལ་རིལ་བུ་བྱས་ཏེ་དེ་ནས་ཟངས་ཀྱིས་དཀྲིའོ། །དཀྲིས་ནས་ཀྱང་ཞག་བདུན་བཞག་ལ་རིལ་བུ་གཉིས་སམ་གསུམ་སངས་རྒྱས་བཅོམ་ལྡན་འདས་ལ་དབུལ་ལོ། །གཅིག་
ལག་ན་བཟུང་ན་མི་སྣང་བར་འགྱུར་རོ། །ཁྲོ་བོའི་རྒྱལ་པོ་འདི་ནི་མ་དུལ་བ་འདུལ་བ་བརྩོན་འགྲུས་དང་ཕ་རོལ་གནོན་པ་ཆེ་བ་ཡོན་ཏན་དཔག་ཏུ་མེད་པའི་དཔལ་དང་ལྡན་པའོ། །འདིའི་སྔགས་བཟླས་བརྗོད་བྱས་
ལ་རྩ་བ་བཞིའི་ལྟུང་བ་ཡང་བྱང་བར་འགྱུར་ཞིང་། མཚམས་མེད་པ་ལྔ་པོ་དག་ཀྱང་མ་ལུས་པར་འབྱང་བར་འགྱུར་རོ། །ཅི་སྐད་བཤད་པ་དེ་བཞིན་དུ་བྱེད་པ་དག་ལྟ་སྨོས་ཀྱང་ཅི་དགོས་གང་དག་འདིའི་སྔགས་འཛིན་པ་དག་
94-1-103b

ཀྱང་སངས་རྒྱས་བྱེ་བ་ཁྲག་ཁྲིག་བརྒྱ་སྟོང་ཕྲག་དུ་མ་ལ་དགེ་བའི་རྩ་བ་བསྐྱེད་པར་འགྱུར་ན། བཟླས་བརྗོད་བྱེད་པ་དང་བསྒྲུབ་པ་ཡིད་ལ་བསམས་པ་ཐམས་ཅད་ཡོངས་སུ་རྫོགས་པར་འགྱུར་བ་ལྟ་ཅི་སྨོས། ཚེས་བཅུ་བཞི་འམ་བཅྭ་
ལྔ་ལ་གང་གིས་སྨྱུང་བ་བྱས་ཏེ་བཟླས་བརྗོད་བྱས་པ་དེ་བསྐལ་པ་བཞིར་འཁོར་བར་ཕྱིར་སྙིལ་བར་འགྱུར་རོ། །རིགས་ཀྱི་བུ་ཁྲོ་བོའི་རྒྱལ་པོ་སངས་རྒྱས་འབུམ་ཕྲག་བྱེ་བས་མཆོད་པ་འདིའི་མིང་ཡང་དོན་ཡོད་པ་ཡིན་ཏེ། འདིའི་མིང་བཟུང་བས་
སེམས་ཅན་ཐམས་ཅད་ཕྱིར་མི་ལྡོག་པར་འགྱུར་རོ། །ཁྲོ་བོའི་རྒྱལ་པོ་འདི་ནི་བརྗོད་པས་འགྲུབ་པའོ། །འདིས་སངས་རྒྱས་ཐམས་ཅད་བསྒྲལ་ཏོ། །སྐྱེས་པའི་རོ་བླངས་ལ་ནམ་ཕྱེད་ན་ཆུ་ངོགས་སུ་སོང་ལ་ཆུས་བཀྲུས་ལ་མེ་ཏོག་ལ་སོགས་པས་
བརྒྱན་ཏེ་མགོ་ཤར་ཕྱོགས་སུ་བསྟན་ལ་བསྒྲུབ་པ་པོ་གྲོགས་བཟང་པོ་དང་། རྩྭ་ཀུ་ཤ་སྦམས་པའི་སྟེང་དུ་འདུག་སྟེ། ཤུ་དག་དཀར་པོ་ལ་ལན་བདུན་སྔགས་ལ་ཁར་བཅུག་སྟེ་རོ་ཁ་དང་ཞེས་བྱེད་ཀྱི་བར་དུ་རིག་པའི་རྒྱལ་པོ་བཟླས་བརྗོད་བྱའོ། །དེ་ནས་
བསྒྲུབ་པ་པོས་འཇིགས་པ་མེད་པར་བྱས་ལ་རྐང་པ་གཡོན་པས་བྲང་དུ་མནན་ཀྱང་སྒྲ་དྲག་པོ་འབྱུང་སྟེ། དེ་ལ་ཡང་འཇིགས་པར་མི་བྱ་བར་རིག་སྔགས་འཆང་གིས་དུ་བ་བྱུང་གི་བར་དུ་རིག་པ་བཟླས་བརྗོད་བྱའོ། །དེ་ནས་ལན་བདུན་བཟླས་བརྗོད་
བྱས་པའི་ཡུངས་ཀར་གྱིས་མགོ་ལ་བསྣུན་པར་བྱས་ཏེ། བསྣུན་མ་ཐག་ཏུ་མི་རོའི་ཁ་ནས་སྦྲུལ་སྣང་སྟེ་དེ་ལ་ཡང་འཇིགས་པར་མི་བྱ་བར་རིག་པ་དྲན་པར་བྱ་སྟེ་རེག་པར་བྱའོ། །རེག་མ་ཐག་ཏུ་རལ་གྲིར་གྱུར་ཏེ་སྙིང་པོ་དྲན་པར་བྱས་ལ་བླང་བར་
བྱའོ། །བླངས་མ་ཐག་ཏུ་སྐྲ་ལྕང་ལོར་འཁྱིལ་པར་འགྱུར་རོ། །ལོ་བཅུ་དྲུག་ལོན་པ་ལྟ་བུར་འགྱུར་རོ། །རིག་སྔགས་འཆང་ཐམས་ཅད་ཀྱི་བདག་པོར་འགྱུར་རོ། །ཐོག་པ་མེད་པར་འགྲོ་བར་འགྱུར་རོ། །ལོ་དྲུག་ཁྲི་ཐུབ་པར་འགྱུར་རོ། །འདུག་
ཅིང་མདུང་ཡང་མི་ཐོང་ཅིག་གི་སྟེང་དུ་མདུང་ཐུང་བསྒྲུབ་པ་ནི། བསྒྲུབ་པ་པོ་ཟས་སུ་འོ་སྐྱོ་བཏུང་ཞིང་རིའི་རྩེ་མོར་སོང་ལ་རིག་པ་ལན་སུམ་འབུམ་བཟླས་བརྗོད་བྱའོ། །དེ་ནས་རིག་སྔགས་འཆང་གིས་དུར་ཁྲོད་ཀྱི་ཐལ་བ་དང་གྲོག་མཁར་གྱིས་འོ་མས་

94-1-104a

སྦྲུས་ལ་མདུང་ཐུང་བདེ་བར་གཤེགས་པའི་མཐོ་གང་གི་ཚད་དུ་བྱའོ། །སྤྱིན་དང་མ་འབགས་པའི་ཚོན་གྱིས་རི་མོ་བྲིའོ། །དེ་ནས་དུར་ཁྲོད་དུ་སོང་ལ་བའི་ལྕི་བས་དཀྱིལ་འཁོར་ལ་བསྐུས་ཏེ། སྤོས་དང་མེ་ཏོག་དང་བདུག་པ་ལ་སོགས་པས་མཆོད་
པ་འབྱུང་པོའི་གཏོར་མ་ཐམས་ཅད་བྱའོ། །གཙང་མར་བྱས་ཤིང་གོས་གཙང་མ་བགོས་ལ་མི་ཐོད་ཀྱི་སྟེང་དུ་བཞག་ལ་མདུང་ཐུང་འབར་གྱི་བར་དུ་རིག་པ་བཟླས་བརྗོད་བྱའོ། །དེ་ནས་སྔགས་པ་གཞན་གྱིས་མི་ཐུབ་པའི་མེ་ཏོག་རྣམས་ཀྱིས་མཆོད་ཡོན་
དབུལ་ལོ། །ཡང་ན་རིག་པ་ལན་བརྒྱ་རྩ་བརྒྱད་བཟླས་བརྗོད་བྱས་ན་ཕྱོགས་རྣམས་ནས་སེམས་ཅན་དག་འོང་བར་འགྱུར་ཏེ། འཇིགས་པ་མི་བྱ་བར་ཁྲོ་བོའི་རྒྱལ་པོའི་སྙིང་པོ་དྲན་པར་བྱས་ལ་མདུང་ཐུང་ལ་རེག་པར་བྱའོ། །རེག་མ་ཐག་ཏུ་དེ་བུད་མེད་
དུ་གྱུར་ནས་བུ་ཅི་བྱ་ཞེས་སྨྲ་བར་འགྱུར་རོ། །དེ་ལ་བདག་ཁྱོད་ལ་སྐྱབས་སུ་སོང་ཞེས་བརྗོད་པར་བྱའོ། །དེ་ནས་དེ་སྔགས་པའི་ལག་མཐིལ་དུ་མི་སྣང་བར་འགྱུར་རོ། །དེའི་མོད་ལ་སྐྲ་ལྕང་ལོར་འཁྱིལ་བར་འགྱུར་རོ། །ལོ་བཅུ་དྲུག་ལོན་པ་ལྟ་བུར་
འགྱུར་རོ། །མདུང་ཐུང་ལག་ན་ཐོགས་ན་རིག་སྔགས་འཆང་དུ་འགྱུར་ཏེ། འཁོར་ལོས་སྒྱུར་བ་མ་གཏོགས་པར་རིག་སྔགས་འཆང་རྣམས་དེའི་དབང་དུ་འགྱུར་རོ། །གང་ལ་བལྟས་པ་དེ་དག་ཐམས་ཅད་དེའི་རྐང་པ་ལ་མགོ་བོས་གཏུགས་པར་
འགྱུར་རོ། །ཅི་སྟེ་ནོར་བསྒྲུབ་ན་ཤིང་བིལ་བའི་ཡམ་སྲེག་ཤིང་བརྒྱད་སྟོང་སྦྱིན་སྲེག་བྱས་ན་ཏི་ན་ར་བརྒྱ་རྙེད་དོ། །གུ་གུལ་གྱི་རིལ་བུ་རྒྱ་ཤུག་ཙམ་འབུམ་སྦྱིན་སྲེག་བྱས་ན་གཟུགས་རྟགས་ཅན་སྟོང་རྙེད་དེ་ཨ་ག་རུའི་ཤིང་གི་མེ་བུས་ལ་ཤིང་
པ་ཏའི་འབྲས་བུ་ཞོ་དང་སྦྲང་རྩི་དང་མར་ལས་སྨྱུགས་ཏེ། སྟོང་སྦྱིན་སྲེག་བྱས་ན་ཉིན་གཅིག་བཞིན་དུ་མ་བླངས་པར་ཏི་ན་ར་རྙེད་དོ། །བུད་མེད་དབང་དུ་བྱ་ན་ཕུབ་མའི་སྲེག་བླུགས་ལན་བརྒྱད་སྦྱིན་སྲེག་བྱས་ན་དབང་དུ་འགྱུར་རོ། །རཱ་ཛཱ་མ་
ཏྱ་བ་ཤི་ཀ་ར་ནེ་བ་ལ་ན་ཧུྰ་ཏི་ནན། ཨཥྚ་ས་ཧ་སྲན་ཛུ་ཧུྰ་ཡངྦ་ཤོ་བྷ་བ་ཏི། རྒྱ་མཚོར་འབབ་པའི་ཆུར་ཞུགས་ལ་མེ་ཏོག་ཁ་དོག་སྣ་ཚོགས་འབུམ་གཏོར་ན་མ་བླངས་པར་ཉིན་གཅིག་བཞིན་དུ་རས་ཟུང་རེ་རྙེད་དོ། །དུར་ཁྲོད་དུ་སོང་ལ་དཀྱིལ་འཁོར་བྱས་ཏེ་

94-1-104b

ཞག་བདུན་མི་ཤས་སྦྱིན་སྲེག་བྱས་ན་ཤ་ཟས་ཟིན་པ་ལ་བལྟས་པས་གཏོང་བར་འགྱུར་རོ། །ནེའུ་ལེའི་སྤུ་ལས་ལན་དྲུག་སྟོང་སྦྱིན་སྲེག་བྱས་ན་ཤ་ཟ་ཐམས་ཅད་དབང་དུ་འགྱུར་ཏེ། །འབྱུང་པོ་ཐམས་ཅད་ཀྱང་དབང་དུ་འགྱུར་རོ། །ལུག་
ནག་པོའི་བལ་མར་ལ་སྨྱུགས་པས་ལན་འབུམ་སྦྱིན་སྲེག་བྱས་ན་བུད་མེད་དབང་དུ་འགྱུར་རོ། །ཤ་ཟ་མཐོང་བར་འདོད་ན་དུར་ཁྲོད་དུ་བ་ལང་གི་ཀོ་བ་ཙམ་གྱི་དཀྱིལ་འཁོར་བྱས་ལ་ཉ་ལ་སོགས་པའི་གཏོར་མ་བྱས་ཏེ། ཁ་ཤར་ཕྱོགས་
སུ་བལྟས་ལ་མིའི་སྐྲ་ཁྲག་ལ་སྨྱུགས་པས་ལན་བརྒྱ་སྟོང་སྦྱིན་སྲེག་བྱས་ན་ཤ་ཟ་ཐམས་ཅད་འོང་བར་འགྱུར། འཇིགས་པར་མི་བྱ་བསྲུང་བར་མི་བྱའོ། །འདི་སྐད་དུ་ཁྱེད་ངའི་དབང་དུ་འགྱུར་རོ་ཞེས་བརྗོད་པར་བྱ་སྟེ། དེ་བཞིན་དུ་གྱུར་ཅིག་ཅེས་སྨྲས་ནས་
མི་སྣང་བར་འགྱུར་རོ། །ཉིན་གཅིག་བཞིན་དུ་དེ་ཧི་ན་ར་ལྔ་ལྔ་སྦྱིན་པར་བྱེད་དེ། དེ་དག་ཀྱང་འགོད་པར་བྱའོ། །མཛུབ་མོ་ལ་ལན་བདུན་བསྔགས་པས་སྤྲིན་ཟློག་གོ། ཐལ་བ་ལ་ལན་བདུན་བསྔགས་པས་སྨྲ་བ་རེངས་པར་འགྱུར་རོ། །ཡུངས་
ཀར་ལ་ལན་བདུན་བསྔགས་པས་རི་འགུལ་བར་འགྱུར་རོ། །མ་ལ་ཏའི་མེ་ཏོག་གམ། ཀུ་ཏི་འཛིའི་མེ་ཏོག་ལ་ལན་བདུན་བསྔགས་པས་བུད་མེད་གང་གིས་བསྣམས་སམ་གང་ལ་བྱིན་ནམ་གང་གི་མགོ་བོར་བས་དེ་དབང་དུ་འགྱུར་རོ། །གནོད་སྦྱིན་མོ་དབང་
དུ་འགྱུར་བར་འདོད་ན་དུར་ཁྲོད་དུ་སློངས་མོའྀ་ཟས་བཟའ་ཞིང་སྔགས་བཟླས་བརྗོད་བྱའོ། །དེར་སྐམ་སར་བ་ལང་གི་ཀོ་བ་ཙམ་གྱི་དཀྱིལ་འཁོར་བྱས་ལ་གཏོར་མ་རྒྱ་ཆེར་བྱའོ། །དེ་ནས་རིག་སྔགས་འཆང་གིས་ཤིང་ཨར་ཀའི་ཡམ་སྲེག་ཤིང་ཁྲག་
ལ་སྨྱུགས་པ་ལ་ལན་བདུན་སྟོང་སྦྱིན་སྲེག་བྱས་ན་གནོད་སྦྱིན་མོའི་གཟུགས་མི་སྡུག་པ་འོང་བར་འགྱུར་ཏེ། དེ་ལ་འཇིགས་པར་མི་བྱ་བར་རིག་པ་དྲན་པར་བྱས་ལ་འདུག་ཅིག་འདུག་ཅིག་ཅེས་བརྗོད་པར་བྱའོ། །དེ་དམ་པ་རྣམ་པ་གསུམ་
ལས་གཅིག་སྦྱིན་པར་བྱེད་དོ། །མ་འམ་སྲིང་མོ་འམ་ཆུང་མར་འགྱུར་རོ། །མར་གྱུར་ན་ནི་བུ་བཞིན་དུ་དགོས་པ་ཐམས་ཅད་བྱེད་དེ། སྲིང་མོར་གྱུར་ན་ནི་ཉིན་གཅིག་བཞིན་དུ་ཏི་ནར་རེ་རེ་སྦྱིན་པར་བྱེད་དོ། །

94-1-105a

ཆུང་མར་གྱུར་ན་ནི་དེ་དང་ལྷན་ཅིག་རྩེའོ། །ལོ་ལྔ་བརྒྱ་ཐུབ་པར་འགྱུར་རོ། །དེ་ནས་རིག་སྔགས་འཆང་གིས་འཁོར་ལོ་དེ་བསྒྲུབ་པ་ཡིན་ཏེ། སྔར་སྤྱད་པ་བྱས་པས་མགར་བ་གཙང་མ་གསོ་སྦྱོང་བཟུང་བ། ཡན་ལག་
མ་ཚང་བ་མེད་པ་ལ་ཨུར་མོའི་འཁོར་ལོ་བྱེད་དུ་བཅུག་ལ་སོར་བརྒྱད་པ་མེ་ལྕེ་འབར་བས་བསྐོར་བར་བྱའོ། །དེ་ནས་རིག་སྔགས་འཆང་གིས་འཁོར་ལོ་དེ་བའི་སྣ་ལྔའི་ནང་དུ་བཅུག་སྟེ་ཞག་གཅིག་གཞག་གོ། དེ་ནས་ཕྱུང་ལ་བཀྲུས་
ཏེ་བསྐུས་ལ། རས་གཙང་མས་དཀྲིས་ཏེ་དེའི་འོག་ཏུ་མདུན་དུ་གཞག་ལ་མཆོད་པ་དང་གཏོར་མ་བྱས་ཏེ་མཆོད་ཡོན་གྱི་སྣོད་བླངས་ལ་རྩ་བའི་སྔགས་ཀྱིས་ལྷ་ཐམས་ཅད་སྤྱན་དྲང་ངོ་། །དེ་དག་ལ་ཡང་མཆོད་ཡོན་ཕུལ་ལ་ཡང་རྩ་
བའི་སྔགས་ཀྱིས་སླར་གཤེགས་པར་བྱའོ། །ཐལ་བ་ལ་ལན་བདུན་བསྔགས་བཏབ་པས་ཐལ་བའི་ར་བར་འགྱུར་རོ། །རྩྭའི་མེ་ལ་ལན་བདུན་བསྔགས་པས་མེའི་ར་བར་འགྱུར་རོ། །དེ་ནས་ཆོ་ག་བཞིན་བསྲུ་
ཡུངས་ཀར་ལ་ལན་བདུན་བསྔགས་པས་ས་བཅིང་ངོ་། །ཆུ་ལ་ལན་བདུན་བསྔགས་པས་ནམ་མཁའ་བཅིང་ངོ་། །དེ་ནས་སྔགས་པས་མཆོད་ཡོན་གྱི་སྣོད་སྤོས་ཆུས་བཀང་སྟེ་མེ་ཏོག་དཀར་པོ་བཅུག་པས་རྩ་བའི་སྔགས་ཀྱིས་
རང་གི་ལྷ་སྤྱན་དྲངས་ལ་མཆོད་ཡོན་ཕུལ་ཏེ་སྟན་ལ་གཞག་ལ་ཡོངས་སུ་རྒྱས་པར་བྱས་ཏེ་མར་དང་སྦྲང་རྩི་དང་འོ་མའི་སྲེག་བླུགས་ཐོག་མར་ལན་བདུན་སྦྱིན་སྲེག་བྱའོ། །དེ་ནས་སྔགས་པས་འཁོར་ལོ་ལག་པ་གཉིས་ཀས་བླངས་
ལ་འབར་གྱི་བར་དུ་བཟླས་བརྗོད་བྱའོ། །དེ་ནས་རྔ་སྒྲ་གྲག་པར་འགྱུར་རོ། །འབྲུག་ནི་དི་རི་རི་ཟེར་རོ། །མར་མེ་མེ་ལྕེ་རིང་པོར་འགྱུར་རོ། །འཁོར་ལོ་ཡང་འགུལ་ལོ། །ནམ་མཁའ་ལས་ཀྱང་རིགས་ཀྱི་བུ་ལེགས་སོ་
ལེགས་སོ། །ཁྱོད་འཁོར་ལོ་འདི་གྲུབ་པ་དང་ཁྱོད་བྱང་ཆུབ་ཀྱི་ལམ་དུ་ཞུགས་པ་དང་ཁྱོད་སྲིད་པའི་རྒྱ་མཚོ་ལས་རྒལ་བ་ལེགས་སོ་ཞེས་སྒྲ་གྲག་པར་འགྱུར་རོ། །དེ་ནས་སྔགས་པས་ལ་གོར་ལ་གོར་དུ་ལག་ན་རྡོ་རྗེ་འོང་གི་

94-1-105b

བར་དུ་བཟླས་བརྗོད་བྱའོ། །ལག་ན་རྡོ་རྗེ་འོངས་ནས་སྒྲུབ་པ་པོ་ལ་བུ་ཁྱོད་བདུད་ཀྱི་དཔུང་ལས་རྒྱལ་བ་དང་ཁྱོད་བྱང་ཆུབ་ཀྱི་ལམ་དུ་ཞུགས་པ་དེ་ལེགས་སོ་ཞེས་སྨྲ་བར་འགྱུར་རོ། །དེ་ནས་ལག་ན་རྡོ་རྗེའི་ལག་པ་གཡས་པས་
བསྒྲུབ་པ་པོའི་སྤྱི་བོ་ལ་ཉུག་གོ། བྱུགས་པ་དེའི་མོད་ལ་རིགས་ཀྱི་བུ་དེའི་མདུན་དུ་གཞལ་མེད་ཁང་རྒྱར་དཔག་ཚད་སྟོང་ཡོད་པ་དྲིལ་བུ་གཡེར་ཀའི་དྲ་བ་སྤྱངས་པ། གསེར་སྐུད་བྲེས་པ་མུ་ཏིག་གི་ཕྲེང་བ་བྲེས་པ་ཨན་
དྷ་རྙིལ་དང་མཐོན་ཀ་ཆེན་པོ་དང་པད་མ་རཱ་ག་དང་མར་གད་ཆེན་པོ་དང་དྲི་མཆོག་དང་རིན་པོ་ཆེའི་ཁྱད་པར་གཞན་དག་གིས་ཀྱང་མཛེས་པར་བྱས་པ། རྡོ་རྗེ་སྣ་ཚོགས་བཀོད་པས་རྣམ་པར་བཀྲམ་པ་ལྷའི་བུ་མོའི་ཚོགས་དང་། རིག་སྔགས་
འཆང་ལ་སོགས་པས་མཛེས་པར་བྱས་པ་ལ་སོགས་པ་དེ་དག་ཀྱང་། གླུ་ལེན་ཅིང་སྒྲ་སྙན་པའི་པི་བང་དང་རྔ་དང་གླིང་བུ་དང་ཕེག་རྡོབ་པ་བྱེད་པ་དང་ལྡན་པར་འགྱུར་རོ། །དེ་ནས་རིག་པའི་རྒྱལ་པོའི་མཐུས་འཕགས་པ་ལག་ན་རྡོ་རྗེ་ཉིད་
ཀྱི་ལག་པ་གཡས་པས་བསྒྲུབ་པ་པོ་བཟུང་སྟེ། གཞལ་མེད་ཁང་དུ་འཇུག་ཅིང་རིགས་ཀྱི་བུ་སངས་རྒྱས་ཀྱི་ཞིང་མཐའ་ཡས་པ་ལྟར་སོང་ཤིག་ཅེས་སྨྲ་བར་འགྱུར་རོ། །དེ་ནས་རིག་སྔགས་འཆང་གི་འཁོར་ལོས་སྒྱུར་བ་འགྲོ་བ་
ཐོགས་པ་མེད་པར་གྱུར་ནས། ཁྲོ་བོའི་རྒྱལ་པོ་ཆེན་པོ་དེའི་མཐུས་རིག་སྔགས་འཆང་གི་འཁོར་ལོས་སྒྱུར་བ་ཐམས་ཅད་ཀྱི་བདག་པོར་འགྱུར་རོ། །དེ་ནས་ལག་ན་རྡོ་རྗེས་རིག་སྔགས་འཆང་དེ་གཞལ་མེད་ཁང་དུ་གཞག་ནས་
མི་སྣང་བར་འགྱུར་རོ། །དེ་ནས་རིག་སྔགས་འཆང་གི་རྒྱལ་པོ་འཁོར་རིག་སྔགས་འཆང་བྱེ་བ་ཕྲག་དུ་མས་ཡོངས་སུ་བསྐོར་ནས། རིག་སྔགས་འཆང་གི་རྒྱལ་པོ་དུ་མ་ལ་ཕྱག་འཚལ་ཞིང་རི་མོར་བྱེད་ལ་མཆོད་པ་བྱེད་ཅིང་
མདུན་ན་རིག་སྔགས་འཆང་གི་འཁོར་ལོས་སྒྱུར་བས་ཐམས་ཅད་ལ་བསྒོ་ཞིང་འགྲོའོ། །ཁྲོ་བོ་འདི་ནི་དམ་པ་དཔལ་དང་ལྡན་པ། རྟག་ཏུ་སངས་རྒྱས་ཐམས་ཅད་ཀྱི་རྗེས་སུ་འབྲང་བ། ལས་ཐམས་ཅད་བྱེད་པ་སྟེ་

94-1-106a

བཟླས་བརྗོད་བྱས་པ་ཙམ་གྱིས་ལས་ཐམས་ཅད་བྱེད་དོ། །འབྱུང་པོ་ཐམས་ཅད་སྐྲག་པར་བྱེད་དོ། །དགུག་གོ་དབང་དུ་བྱེད་དོ། །སྐམ་པར་བྱེད་དོ། །གནོད་པར་བྱེད་དོ། །རིག་སྔགས་འཆང་ཐམས་ཅད་ཅི་འདོད་པ་དེ་
ཐམས་ཅད་བསྒྲུབ་བོ། །ཅི་སྟེ་བཞོན་པ་བསྒྲུབ་པར་འདོད་ན་དེ་ནས་ངང་པ་འམ་གླང་ཁྱུ་པ་འམ་རྨ་བྱའམ་ནམ་མཁའ་ལྡིང་ངམ་གླང་པོ་ཆེའམ་རྟ་འམ་གང་ཡང་རུང་བ་ཞིག་བྱས་ལ། རི་མོ་མཁན་གསོ་སྦྱོང་བཟུང་བ་རི་མོ་འདྲིར་
བཞུག་སྟེ། རི་མོའི་གཟུགས་ནུབ་ཕྱོགས་སུ་བསྟན་ལ་གཞག་སྟེ། མཆོད་ཡོན་རྒྱ་ཆེར་བྱས་ལ་མར་མེ་ཡང་འབུལ་ཞིང་བསྲུང་བའི་ཆོ་ག་ཡང་བྱས་ལ་ཨུ་དུམ་བ་རའི་ཡམ་ཤིང་བསྲེག་ཅིང་སྟོང་ཡང་སྦྱིན་སྲེག་བྱའོ། །
སྤོས་ཆུས་ལྷ་སྤྱན་དྲངས་ལ་སླར་གཤེགས་སུ་གསོལ་ནས་མཆོད་ཡོན་དབུལ་ལོ། །མཆོད་ཡོན་ཕུལ་ནས་བཞོན་པ་གང་ཡང་རུང་བ་ཞིག་ལག་པས་མནན་ལ་འབར་གྱི་བར་དུ་བཟླས་བརྗོད་བྱའོ། །དེ་ནས་སྔགས་པས་ལ་གོར་ལ་
གོར་དུ་བཟླས་བརྗོད་བྱའོ། །གལ་ཏེ་ངང་པར་གྱུར་ན་དེའི་དངོས་གྲུབ་ཀྱི་མཚན་མ་ནི་ངང་པ་སྒྲ་འབྱིན་ཏོ། །ཁྱུ་པ་ནི་ངར་རོ། །རྨ་བྱ་ནི་ལྷུང་ལྷུང་ཟེར་རོ། །ནམ་མཁའ་ལྡིང་ནི་འཕུར་རོ། །གླང་པོ་ཆེ་ནི་སྒྲ་ངུར་ངུར་ཞེས་ཟེར་རོ། །རྟ་
ནི་སྐད་ཙེ་རེ་རེ་ཟེར་རོ། །འདི་དག་གི་མཚན་མ་ནི་འདི་དག་ཡིན་ནོ། །ངང་པ་ལ་ཞོན་ན་མི་མཇེད་ཀྱི་བདག་པོ་ཚངས་པ་གཉིས་པར་འགྱུར་ཏེ། ཚེ་བསྐལ་པ་མཆོག་པས་ཀྱང་མཆོག་ཐུབ་པར་འགྱུར་རོ། །ཁྱུ་པ་ལ་ཞོན་ན་
ལྷ་ཆེན་པོ་གཉིས་པར་འགྱུར་རོ། །རྨ་བྱ་ལ་ཞོན་ན་སྨིན་དྲུག་གི་བུ་གཉིས་པར་འགྱུར་ཏེ། དཔའ་ཞིང་ཕ་རོལ་གནོན་པ་ཆེན་པོ་དང་ལྡན་པ་ཚེ་བསྐལ་པ་ཆེན་པོ་ཐུབ་པར་འགྱུར་རོ། །གང་གི་ཚེ་ཤི་འཕོས་ན་དེའི་ཚེ་
བྲམ་ཟེའི་རིགས་སུ་སྐྱེ་བར་འགྱུར་རོ། །ཚེ་རབས་དྲན་པར་འགྱུར་རོ། །ཅི་སྟེ་ནམ་མཁའ་ལྡིང་བསྒྲུབས་ལ་དེ་ལ་ཞོན་ན་ཁྱབ་འཇུག་གཉིས་པར་འགྱུར་རོ། །ཚེ་བསྐལ་པ་ཐུབ་པར་འགྱུར་རོ། །གང་གི་ཚེ་

94-1-106b

ཤི་འཕོས་པ་དེའི་ཚེ་ཤིང་སཱ་ལ་ཆེན་པོ་ལྟ་བུའི་རིགས་སུ་སྐྱེས་པར་འགྱུར་ཏེ་ཚེ་རབས་དྲན་པར་འགྱུར་རོ། །ཅི་སྟེ་གླང་པོ་ཆེ་གྲུབ་ཅིང་དེ་ལ་ཞོན་ན་བརྒྱ་བྱིན་གྱི་བརྩོན་འགྲུས་དང་ལྡན་པར་འགྱུར་ཞིང་། ལྷའི་རྒྱལ་པོ་བྱེད་ལ་ནད་མེད་
པ་དང་མཛེས་པ་དང་ལྷ་མོ་རྣམས་དང་རྩེ་བར་འགྱུར་རོ། །གང་གི་ཚེ་ཤི་འཕོས་པ་དེའི་ཚེ་ཤིང་སཱ་ལ་ཆེན་པོ་ལྟ་བུའི་རིགས་སུ་སྐྱེ་བར་འགྱུར་ཏེ། ཚེ་རབས་དྲན་པར་འགྱུར་རོ། །ཅི་སྟེ་རྟ་བསྒྲུབ་ཅིང་དེ་ལ་ཞོན་ན་ཉི་མ་གཉིས་པར་
འགྱུར་ཏེ། མཐུ་ཆེ་ཞིང་ཚེ་བར་གྱི་བསྐལ་པ་ཐུབ་པར་འགྱུར་རོ། །གང་གི་ཚེ་ཤི་བ་དེའི་ཚེ་ཤིང་སཱ་ལ་ཆེན་པོ་ལྟ་བུའི་རིགས་སུ་སྐྱེ་བར་འགྱུར་རོ། །ཚེ་རབས་དྲན་པར་འགྱུར་རོ། །ཅི་སྟེ་རྡོ་རྗེ་བསྒྲུབ་པར་འདོད་ན་ཟངས་སམ་ཨ་ག་རུ་འམ་
ཙན་དན་ནམ་ཙན་དན་དམར་པོའམ་ཐང་ཤིང་ངམ་སེང་ལྡེང་ངམ་ཤིང་བནྡ་འམ། ཤིང་ནིམ་པ་འམ་ཤེལ་ལམ་སྒྲོན་ཤིང་ལས་རྡོ་རྗེ་རྩེ་གཅིག་པ་སོར་བརྒྱད་པའམ་སོར་བཅུ་དྲུག་པ་མགར་བའམ་ཤིང་མཁན་གསོ་སྦྱོང་བཟུང་བ་བྱེད་
དུ་བཅུག་ལ་བ་སེར་མོའི་སྣ་ལྔས་བཀྲུས་ཏེ། ཟླ་བ་ཡར་གྱི་ངོ་ཚེས་བཅྭ་ལྔ་ལ་བཅོམ་ལྡན་འདས་ཀྱི་མདུན་དུ་མཆོད་པ་རྒྱ་ཆེར་བྱས་ལ་གཏོར་མ་ཡང་བྱིན་ཏེ། རྡོ་རྗེ་སྤོས་ཆུས་བཀྲུས་ལ་བྱང་ཆུབ་སེམས་དཔའ་ཐམས་
ཅད་ལ་བདག་ཕུལ་ཏེ། སྨོན་ལམ་བཏབ་ལ་ཁྲོ་བོའི་སྙིང་པོ་བརྗོད་དེ་མཆོད་ཡོན་གྱིས་ལྷ་སྤྱན་དྲངས་ལ་མཆོད་ཡོན་དང་སྟན་ཕུལ་ཏེ། མར་དང་སྦྲང་རྩིའི་སྲེག་བླུགས་ལན་བདུན་སྦྱིན་སྲེག་བྱའོ། །དེ་ནས་
སྔགས་པས་ལག་པ་གཡས་པས་རྡོ་རྗེ་བླངས་ལ་འབར་ཞིང་སྒྲ་ཙག་ཙག་མི་ཟེར་གྱི་བར་དུ་བཟླས་བརྗོད་བྱའོ། །དེ་ནས་སྔགས་པས་ལ་གོར་ལ་གོར་དུ་བཟླས་བརྗོད་བྱ་སྟེ། ཤར་ཕྱོགས་ནས་ཁྲོ་བོའི་རྒྱལ་པོ་རྡོ་རྗེ་
མཐའ་དང་བྲལ་བ་ཕ་རོལ་ཏུ་ཕྱིན་པ་ཐམས་ཅད་ཀྱིས་ཡོངས་སུ་བསྐོར་ལ། རིག་པ་བྱེ་བ་ཕྲག་དགུས་ཡོངས་སུ་བསྐོར་ཞིང་འོང་གི་བར་དུ་བྱའོ། །རིག་པ་དེ་རེ་རེ་ལ་ཡང་འཁོར་བྱེ་བ་ཕྲག་ལྔ་བརྒྱས་ཡོངས་སུ་བསྐོར་བའོ། །

94-1-107a

རིག་པའི་རྒྱལ་པོ་དེ་ལག་པ་གཡོན་པར་རྡོ་རྗེ་བཟུང་སྟེ། ལག་པ་གཡས་པས་བསྒྲུབ་པ་པོ་ལ་སྙན་ཅིང་ཟབ་པའི་སྒྲས་དབུགས་འབྱིན་ཅིང་གཟི་བརྗིད་ཉི་མ་ལྟར་འབར་ལ་ལྷ་ཐམས་ཅད་ཀྱིས་ནི་མཆོད་མེ་ཏོག་གི་
ཆར་ནི་འབེབས་ཤིང་འོང་ངོ་། །དེ་ནས་བསྒྲུབ་པ་པོས་འོངས་པ་ལ་མཆོད་ཡོན་དབུལ་ལོ། །སྟན་ཡང་དབུལ་ལོ། །སྨོན་ལམ་བཏབ་ལ་བཅོམ་ལྡན་འདས་ཐུགས་བརྩེ་བར་མཛད་དུ་གསོལ། བདག་ལ་དངོས་གྲུབ་སྩལ་དུ་གསོལ་
ཞེས་གསོལ་བ་གདབ་བོ། །དེ་ནས་བྱང་ཆུབ་སེམས་དཔའ་ཆེན་པོ་ལག་པ་གཡས་པས་བསྒྲུབ་པ་པོའི་མགོ་ལ་རེག་པར་བྱེད་ཅིང་འདི་སྐད་དུ་བུ་ཅི་བྱ་ཞེས་སྨྲའོ། །དེ་ནས་བསྒྲུབ་པ་པོས་མཆོད་ཡོན་ཕུལ་ལ་པུས་མོ་གཉིས་
བཙུགས་ཏེ་བདག་ལ་རྡོ་རྗེའི་དངོས་གྲུབ་སྩལ་དུ་གསོལ། དེས་བདག་ཁྱོད་ཀྱི་བཀའ་དྲིན་གྱིས་བརྩོན་འགྲུས་ཆེན་པོ་དང་། སྟོབས་ཆེན་པོ་དང་ལྡན་ཞིང་རིག་སྔགས་འཆང་གི་རྒྱལ་པོར་གྱུར་ཏེ། རིག་སྔགས་འཆང་ཐམས་
ཅད་ཀྱི་བདག་པོར་འགྱུར་བར་ཤེས་པར་བྱའོ། །དེ་ནས་བཅོམ་ལྡན་འདས་ཀྱིས་བསྒྲུབ་པ་པོ་ལ་བུ་ཁྱོད་ཀྱིས་རྡོ་རྗེ་འདི་གྲུབ་སྟེ། བརྩོན་འགྲུས་དང་ཕ་རོལ་གནོན་པ་དང་ལྡན་ཞིང་རིག་སྔགས་འཆང་གི་རྒྱལ་པོ་ཐམས་ཅད་
ཀྱི་རྒྱལ་པོ་ཆེན་པོར་འགྱུར་ཞེས་བརྗོད་པར་འགྱུར་རོ། །རྡོ་རྗེ་ཅི་ལྟ་བར་མདུང་ཐུང་ལ་སོགས་པ་བསྒྲུབ་པ་འང་དེ་བཞིན་ནོ། །བཅོམ་ལྡན་འདས་རྡོ་རྗེ་མཐའ་དང་བྲལ་བའི་ཆོ་ག་ཞིབ་མོ་ཐོགས་པ་མེད་པ་རྫོགས་
སྷོ།། །། དེ་ནས་བྱང་ཆུབ་སེམས་དཔའ་ལག་ན་རྡོ་རྗེས། བྱང་ཆུབ་སེམས་དཔའ་ཞི་བའི་བློ་གྲོས་ལ་འདི་སྐད་ཅེས་སྨྲས་སོ། །ཀྱེ་སེམས་དཔའ་ཆེན་པོ་རྡོ་རྗེས་དབང་བསྐུར་བ་ཞེས་བྱ་བའི་དཀྱིལ་འཁོར་ཡོད་དེ། བཅོམ་
ལྡན་འདས་ཀྱིས་ཁོ་བོ་གཅིག་པུ་ལ་བཤད་དོ། །ཡོངས་སུ་མྱ་ངན་ལས་འདས་པ་ཆེན་པོའི་ཚེ། བསྟན་པ་དང་གསང་བའི་ཡང་ཆེས་གསང་བ། གསང་ཆེན་དམ་པ། ཉན་ཐོས་དང་རང་སངས་རྒྱས་ཐམས་ཅད་ཀྱིས་ཀྱང་རྣམ་པར་མི་

94-1-107b

རིག་ན། གཞན་འཇིག་རྟེན་པ་རྣམས་ཀྱིས་ལྟ་སྨོས་ཀྱང་ཅི་དགོས་པ་གསང་བ་དམ་པ་འདི་ཡང་ཁོ་བོ་ལ་གཏད་དེ། ཞི་བའི་བློ་གྲོས་མཆོག་ཏུ་གསང་བ་ཆེན་པོའི་དཀྱིལ་འཁོར་གང་ཞེ་ན་འདི་ལྟ་སྟེ། རྡོ་རྗེས་དབང་བསྐུར་བ་ཞེས་བྱའོ། །
འདིས་རྒྱུ་བ་དང་མི་རྒྱུ་བ་དང་བཅས་པ་མ་ལུས་པ་འདི་མཐའ་དག་ཁྱབ་སྟེ། ཞི་བའི་བློ་གྲོས་འདིས་སངས་རྒྱས་ཀྱི་ཞིང་ཡང་མ་ཁྱབ་པ་མེད་དོ། །དེ་སྐད་ཅེས་སྨྲས་པ་དང་། བྱང་ཆུབ་སེམས་དཔའ་ཞི་བའི་བློ་གྲོས་ཀྱིས་བྱང་ཆུབ་
སེམས་དཔའ་ལག་ན་རྡོ་རྗེ་ལ་འདི་སྐད་ཅེས་སྨྲས་སོ། །ཀྱེ་སེམས་དཔའ་ཆེན་པོ་གང་གིས་བྱང་ཆུབ་སེམས་དཔའ་སེམས་དཔའ་ཆེན་པོ་དག་མཆོག་ཏུ་གསང་བའི་དཀྱིལ་འཁོར་འདི་ལྟ་བུ་ཐོས་ནས། སེམས་ཅན་རྣམས་
ཀྱི་དོན་བྱེད་པར་འགྱུར་བ་དང་། མ་འོངས་པའི་སྐྱེ་བོ་རྣམས་ལ་བལྟས་ནས་བསྟན་པ་གནས་པར་འགྱུར་བའི་དོན་མཆོག་ཏུ་གསང་བའི་དཀྱིལ་འཁོར་དེ་བཤད་དུ་གསོལ། དེ་སྐད་ཅེས་སྨྲས་པ་དང་ལག་ན་རྡོ་རྗེས་བྱང་ཆུབ་སེམས་
དཔའ་ཞི་བའི་བློ་གྲོས་ལ་འདི་སྐད་ཅེས་སྨྲས་སོ། །ཞི་བའི་བློ་གྲོས་བྱང་ཆུབ་སེམས་དཔའི་སྤྱད་པ་གསང་སྔགས་ཀྱི་སྒོ་སྤྱོད་པའི་བྱང་ཆུབ་སེམས་དཔའ་རྣམས་ཐབས་སླ་བ་གང་གིས་དོན་ཆེན་པོ་བྱེད་པར་འགྱུར་བ་མཆོག་ཏུ་གསང་
བའི་དཀྱིལ་འཁོར་དེ་ཉོན་ཅིག །ཞི་བའི་བློ་གྲོས་ཐོག་མ་ཉིད་དུ་སློབ་དཔོན་གྱིས་ས་གང་ཡང་རུང་བ་ཞིག་ཡོངས་སུ་བཟུང་ལ་དཀྱིལ་འཁོར་བྲི་བར་བྱའོ། །ས་དེ་བྱང་ཆུབ་ཀྱི་སེམས་ཀྱིས་སྦྱང་བར་བྱའོ། །དམིགས་པའི་ཚུལ་ལ་
གནས་ནས་སུ། །སྔགས་པས་གང་ཞིག་གཞན་དུ་བྱེད། །དེ་ལ་དངོས་གྲུབ་མྱུར་མི་འགྱུར། །དངོས་གྲུབ་ཉིད་ཀྱང་མི་འཐོབ་བོ། །ཞི་བའི་བློ་གྲོས་ཉོན་ཅིག །དཀྱིལ་འཁོར་དམ་པ་མཐོང་ནས་ནི། །གང་གིས་དངོས་གྲུབ་
ཐོབ་གྱུར་པ། །དཀྱིལ་འཁོར་རྒྱལ་པོ་དགོད་པ་ནི། །བརྟུལ་ཞུགས་བཟང་པོ་ཁྱོད་ལ་བཤད། །དམ་ཚིག་དོན་དུ་ལུས་ཅན་ལ། །སྔོན་གྱི་སངས་རྒྱས་རྣམས་ཀྱིས་བཤད། །དེ་བྲི་ཆོ་ག་བཤད་པར་བྱ། །ངེས་པར་བསྒྲིམས་ཏེ་

94-1-108a

མཉན་པར་གྱིས། །ཁྲུ་ལྔ་ཁོ་ར་ཁོར་ཡུག་ལ། །སྟེགས་བུར་བཅས་པའི་སྒོ་བཞི་གཏོད། །དེ་ནས་སྔགས་པས་བྱ་བ་ནི། །དཀྱིལ་འཁོར་རིམ་པ་གཉིས་སུ་དབྱེ། །ནུབ་ཕྱོགས་སྒོ་ནས་བཞུག་པར་བྱ། །ཡང་
ན་བྱང་ཕྱོགས་སྒོ་ནས་བཞུག །སྙིང་རྗེར་ལྡན་པའི་ཡིད་ཀྱིས་སུ། །ཁོ་ར་ཁོར་ཡུག་དེ་བཞིན་བྱ། །ནང་དུ་ཞུགས་ནས་སྔགས་པ་ཡིས། །དེ་བཞིན་གཤེགས་པ་དྲན་བྱས་ལ། །སེམས་ཅན་རྣམས་ལ་ཕན་འདོགས་པས། །དཀྱིལ་
འཁོར་རྒྱལ་པོ་བྲི་བར་བྱ། །ཞི་བའི་བློ་གྲོས་ཉོན་ཅིག །དཀྱིལ་འཁོར་རྒྱལ་པོ་དགོད་པ་ནི། །ཅི་ལྟར་སངས་རྒྱས་གསུངས་པ་བཞིན། །ཁྱོད་ལ་ཐམས་ཅད་བརྗོད་པར་བྱ། །གཡེང་མེད་ཡིད་ཀྱིས་མཉན་པར་གྱིས། །བློ་དང་ལྡན་པས་དེ་དབུས་
སུ། །ཕྱག་རྒྱ་མཆོག་ཏུ་མཛེས་པར་བྲི། །པད་མ་ཆེན་པོ་འདབ་བརྒྱད་པ། །སྣ་ཚོགས་མཛེས་པ་ཉིད་དུ་འདོད། །ཤར་ཕྱོགས་འདབ་མ་དཀར་པོ་སྟེ། །ནུབ་ཕྱོགས་སུ་ནི་ལྗང་ཁུའོ། །བྱང་ཕྱོགས་སུ་ནི་དམར་པོ་བྲི། །ལྷོ་ཕྱོགས་
སུ་ནི་ནག་པོའོ། །འདབ་མ་ལྷག་མར་བརྗོད་པ་ནི། །འདྲེན་མར་རྒྱལ་བ་རྣམས་ཀྱིས་གསུངས། །དེ་ཡི་སྙིང་པོ་དབུས་སུ་ནི། །བུམ་པ་བསྒྲེང་བ་བྲི་བར་བྱ། །དེ་ཡི་སྟེང་དུ་པད་མ་ཆེ། །པད་མའི་སྟེང་དུ་རྡོ་རྗེ་བསྒྲེང་། །དེ་ཡི་ཐ་
མར་འོད་ཟེར་གྱི། །དཀྱིལ་འཁོར་ཤིན་ཏུ་མཛེས་པ་བྲི། །དཀྱིལ་འཁོར་གང་དང་གང་ཡིན་པ། །ས་བོན་དང་ནི་ལྡན་པར་བྱ། །བློ་དང་ལྡན་པས་དེ་སྟེང་དུ། །ཆོས་ཀྱི་འཁོར་ལོ་མཛེས་པ་སྟེ། །པད་མ་དཀར་པོ་སྟེང་གཞག་ལ། །རྡོ་རྗེ་
རྣམས་ཀྱིས་འཁོར་བ་བསྐོར། །མཁས་པས་དབང་ལྡན་ཕྱོགས་སུ་ནི། །ཕྱག་རྒྱ་མཆོག་ཏུ་བཟང་བྲི་སྟེ། །ཟླ་བའི་དཀྱིལ་འཁོར་འདྲ་བ་ལ། །དཀྱིལ་འཁོར་ཡིད་བཞིན་རིན་ཆེན་གཞག །དེ་ཡི་སྟེང་དུ་བྲི་བ་ནི། །པད་མ་དཀར་
པོ་མཆོག་ཏུ་མཛེས། །ཞི་ཞིང་མེ་ལྕེ་ཕྲེང་བས་འཁོར། །རྟག་ཏུ་སངས་རྒྱས་བསྔགས་པ་བྲི། །བྱང་ཕྱོགས་སུ་ནི་དུང་བྲི་སྟེ། །དཀར་ལ་མཆོག་ཏུ་འཚེར་བར་བྱ། །འཇིག་རྟེན་དབང་པོ་འདྲ་བ་སྟེ། །གཟུགས་བཟང་ཕྱག་

94-1-108b

རྒྱ་འདི་བྲིའོ། །དུང་གི་སྟེང་དུ་རྡོ་རྗེ་བྲི། །རྡོ་རྗེའི་སྟེང་དུ་པད་མའོ། །ལྷོ་ཕྱོགས་སུ་ནི་སོང་ནས་སུ། །རླུང་གི་དཀྱིལ་འཁོར་འདྲ་བ་ཡི། །ཕྱག་རྒྱ་བསྒྲིམས་ཏེ་བྲི་བར་བྱ། །དེ་ཡི་སྟེང་དུ་རླུང་གཞག་གོ། དེ་ཡི་སྟེང་དུ་པད་མ་སྟེ། །དུས་མཐའི་
མེ་འདྲ་འོད་ཅན་བྲི། །དེ་ཡི་སྟེང་དུ་བློ་ལྡན་པ། །ལག་ན་རྡོ་རྗེའི་རྡོ་རྗེ་བྲི། །ནུབ་ཕྱོགས་སུ་ནི་སོང་ནས་སུ། །ཨུཏྤ་ལ་ཞེས་བྱ་བ་ཡི། །ཕྱག་རྒྱ་ཤིན་ཏུ་མཛེས་བྲི་སྟེ། །པད་མའི་སྟེང་དུ་གཞག་པར་བྱ། །བྱང་ཆུབ་སེམས་དཔའ་མཐུ་བོ་
ཆེ། །འཇམ་པའི་དབྱངས་ཤེས་བྱ་བ་ཡི། །བདེན་བྲལ་ཕྱོགས་སུ་སོང་ནས་སུ། །རལ་གྲི་གཅིག་ནི་བྲི་བྱ་སྟེ། །པད་མ་དཀར་པོའི་སྟེང་དུ་གཞག །འོད་ཟེར་གྱིས་ནི་འཁོར་བར་བྱ། །སྒོ་ཡི་གཡས་གཡོན་ངོས་གཉིས་སུ། །ཁྲོ་བོའི་
རྒྱལ་པོ་གཉིས་བྲི་སྟེ། །འཇིག་རྟེན་གསུམ་རྒྱལ་མགོན་པོ་དང་། །ཁྲོ་བོ་ཟླ་བའི་ཐིག་ལེའོ། །ཁྲོ་ཟླ་ཐིག་ལེའི་ཐོ་བ་སྟེ། །འཇིག་རྟེན་གསུམ་རྒྱལ་རྡོ་རྗེའོ། །དེ་ནས་སྔགས་པས་མཉམ་གཞག་སྟེ། །ཕྱི་རིམ་ངོས་སུ་བྲི་བ་
ནི། །དེ་ལ་ཤར་ཕྱོགས་སུ་ནི་འབྱུང་པོའི་བདག་པོ་དབང་ལྡན་འཁོར་དང་བཅས་པ་བྲིའོ། །བྱང་ཕྱོགས་སུ་ནི་ལྷའི་དབང་པོ་བརྒྱ་བྱིན་འཁོར་དང་བཅས་པ་བྲིའོ། །ལྷོ་ཕྱོགས་སུ་ནི་གཤིན་རྗེ་འཁོར་དང་བཅས་པ་བྲིའོ། །ནུབ་ཕྱོགས་
སུ་ནི་རྒྱལ་པོ་ཆེན་པོ་བཞི་འཁོར་དང་བཅས་པ་བྲིའོ། །སྒོའི་གཡས་གཡོན་དུ་ནི་ཐུབ་དཀའ་དང་། མངོན་དུ་གྱུར་པ་གཉིས་བྲིའོ། །ཕྱོགས་བཞིར་ནི་བསྲུང་བ་ཆེན་མོ་བཞི་གཞག་པར་བྱ་སྟེ་འདི་ལྟ་སྟེ། ཤར་ཕྱོགས་སུ་ནི་
མི་འཇིགས་པ་སྦྱིན་མའོ། །བྱང་ཕྱོགས་སུ་གཞན་གྱིས་མི་ཐུབ་མའོ། །ལྷོ་ཕྱོགས་སུ་ནི་འོད་ཟེར་ཅན་ཞགས་པའི་ཕྱག་རྒྱ་དང་བཅས་པར་བྲིའོ། །ནུབ་ཕྱོགས་སུ་ནི་འཇིགས་པ་འཇིགས་བྱེད་དབྱུག་ཏོའི་ཕྱག་རྒྱ་དང་
བཅས་པ་བྲིའོ། །དེ་ནས་ཕྱོགས་བཞིར་བུམ་པ་མགུལ་ཆིངས་དང་བཅས་པ་བཞི་གཞག་གོ། དབུས་སུ་བུམ་པ་གཅིག་གཞག་གོ། དེ་ནས་སློབ་དཔོན་གྱིས་ཆོ་ག་སྔ་མའི་ཚུལ་དུ། །རབ་ཏུ་བསྒྲིམས་ཏེ་སློབ་མ་བཟུང་། 

94-1-109a

དཀྱིལ་འཁོར་སྔ་མའི་སྐབས་བཞིན་དུ། །སྤོས་དང་མེ་ཏོག་སྦྱིན་པར་བྱ། །དེ་ནས་བྱང་ཆུབ་སེམས་དཔའ་ཞི་བའི་བློ་གྲོས་ངོ་མཚར་གྱིས་འདུན་པར་གྱུར་པའི་སྙིང་གིས་བྱང་ཆུབ་སེམས་དཔའ་ལག་ན་རྡོ་རྗེ་ལ་རྣམ་པར་བལྟ་ཞིང་འདུག་
ནས་ཚིག་སྨྲས་པ། ཀྱེ་མའོ་སེམས་དཔའ་ཆེན་པོ་དགེ། སངས་རྒྱས་ཞིང་དུ་ཐམས་ཅད་དུ། །བསྒྲགས་པ་ཆེན་པོ་བསྟན་པ་ནི། །ཁྱོད་ཀྱིས་སྤྱོད་པ་ཅི་འདྲ་ཞིང་། །དཀྱིལ་འཁོར་འདི་འདྲ་མཐོང་ནས་སུ། །གང་གིས་དངོས་གྲུབ་འགྲུབ་འགྱུར་ལ། །
རྡོ་རྗེ་དབང་བསྐུར་དམ་པ་མཆོག །ཤིན་ཏུ་རྨད་དུ་བྱུང་འདི་བསྟན། །དེ་སྐད་ཅེས་སྨྲས་པ་དང་། བྱང་ཆུབ་སེམས་དཔའ་ལག་ན་རྡོ་རྗེས་བྱང་ཆུབ་སེམས་དཔའ་ཞི་བའི་བློ་གྲོས་ལ་འདི་སྐད་ཅེས་སྨྲས་སོ། །ཞི་བའི་བློ་གྲོས་ལེགས་སོ་ལེགས་སོ། །ཚིག་
བརྗོད་པ་འདི་བཟང་ངོ་། །ཞི་བའི་བློ་གྲོས་དེ་བཞིན་གཤེགས་པས་ཀྱང་འདི་སྐད་དུ་ལག་ན་རྡོ་རྗེ། རྡོ་རྗེས་དབང་བསྐུར་བའི་དཀྱིལ་འཁོར་འདི་ནི་མཆོག་ཏུ་ཆེས་གསང་བའོ་ཞེས་གསུངས་སོ། །དེ་སྐད་ཅེས་སྨྲས་པ་དང་། ཞི་བའི་བློ་གྲོས་
ཀྱིས་བྱང་ཆུབ་སེམས་དཔའ་ལག་ན་རྡོ་རྗེ་ལ་འདི་སྐད་ཅེས་སྨྲས་སོ། །ཀྱེ་མ་སེམས་དཔའ་ཆེན་པོ་རྡོ་རྗེས་དབང་བསྐུར་བ་ཞེས་བྱ་བ་ཇི་སྐད་དུ་བསྟན་པ་ཡིན་དེ་སྐད་ཅེས་སྨྲས་པ་དང་། ལག་ན་རྡོ་རྗེས་བྱང་ཆུབ་སེམས་དཔའ་ཞི་བའི་བློ་གྲོས་
ལ་འདི་སྐད་ཅེས་སྨྲས་སོ། །ཞི་བའི་བློ་གྲོས་གང་ཁྱོད་ཀྱིས་དྲིས་པ་དེ་ལེགས་སོ་ལེགས་སོ། །ཞི་བའི་བློ་གྲོས་རྡོ་རྗེས་དབང་བསྐུར་བའི་མཐུ་བསྒྱིངས་པ་ཉོན་ཅིག །ཞི་བའི་བློ་གྲོས་དཀྱིལ་འཁོར་འདི་ལྟ་ཞོག་གི། །དེ་བཞིན་གཤེགས་པ་
ཐམས་ཅད་ཀྱིས་ཏིང་ངེ་འཛིན་དུ་མ་ལས་ངེས་པར་བྱུང་བ་གཟུངས་དུ་མའི་འཁོར་དང་ལྡན་པའི་རྡོ་རྗེ་ཡང་ཁོ་བོ་ལ་བྱིན་ཏེ། དེ་བཞིན་གཤེགས་པ་ཐམས་ཅད་ཀྱི་ཡེ་ཤེས་འདི་ནི་སངས་རྒྱས་རྣམས་པས་ཆེས་སྔ་
བའོ། །ཞི་བའི་བློ་གྲོས་ཡེ་ཤེས་ཀྱི་རྡོ་རྗེ་འདི་ནི། སྔགས་པས་རིགས་ཀྱི་བུ་འམ་རིགས་ཀྱི་བུ་མོ་གང་ལ་ལ་མགུ་བའི་མགོ་བོར་བསམས་ལ་སྦྱིན་པར་བྱ་སྟེ་འདི་ཉིད་དེའི་དམ་ཚིག་ཡིན་ནོ། །དེས་ན་རྡོ་རྗེས་དབང་

94-1-109b

བསྐུར་བ་ཞེས་བྱའོ། །དེ་ཅིའི་ཕྱིར་ཞེ་ན། བདག་པོའི་རྡོ་རྗེ་འདི་ནི་མཆོག་ཏུ་བསྲུང་བར་བྱེད་པ་དང་། བསྟན་པ་ཀུན་དུ་བསྲུང་བ་དང་། དེ་ཉིད་དེ་བཞིན་གཤེགས་པ་ཡིན་པ་དང་། བགེགས་ཐམས་ཅད་ཕུང་བར་བྱེད་པའི་ཕྱིར་རོ། །དེ་བས་ན་
སངས་རྒྱས་ཐམས་ཅད་ཀྱིས་བསྔགས་པའི་རྡོ་རྗེ་སྔགས་པས་ནམ་ཡང་རྣམ་པ་ཐམས་ཅད་དུ་ཡོངས་སུ་བཏང་བར་མི་བྱའོ། །དེ་སྐད་ཅེས་སྨྲས་པ་དང་། ཞི་བའི་བློ་གྲོས་ཀྱིས་བྱང་ཆུབ་སེམས་དཔའ་ལག་ན་རྡོ་རྗེ་ལ་འདི་སྐད་ཅེས་སྨྲས་སོ། །
ལག་ན་རྡོ་རྗེ་སེམས་ཅན་རྣམས་ལ་ཕན་པར་འདོད་པས་གང་ཁྱོད་ཀྱིས་མཆོག་ཏུ་གསང་ཆེན་གྱི་དཀྱིལ་འཁོར་བཤད་པ་ལེགས་སོ་ལེགས་སོ། །ཡེ་ཤེས་རྡོ་རྗེ་བླ་ན་མེད། །བདག་ཉིད་དེ་བཞིན་གཤེགས་པ་ཡི། །ཡེ་ཤེས་གཟུགས་
སུ་གནས་པ་འདི། །བླུན་པོ་རྣམས་ཀྱིས་མི་ཤེས་སོ། །དེ་སྐད་ཅེས་སྨྲས་པ་དང་། བྱང་ཆུབ་སེམས་དཔའ་ལག་ན་རྡོ་རྗེས་བྱང་ཆུབ་སེམས་དཔའ་ཞི་བའི་བློ་གྲོས་ལ་འདི་སྐད་ཅེས་སྨྲས་སོ། །ཞི་བའི་བློ་གྲོས་ཁྱོད་ལ་གསང་ཆེན་
བཤད་ཀྱིས། ཞི་བའི་བློ་གྲོས་ཁྱོད་ཀྱིས་མ་དད་པ་སུ་ལ་ཡང་དཀྱིལ་འཁོར་གྱི་རྒྱལ་པོ་འདི་མ་བསྟན་ཅིག །དམ་ཚིག་འདི་ཡང་ཡོངས་སུ་དག་པ་མ་གཏོགས་པ་སུ་ལ་ཡང་མ་སྦྱིན་ཅིག །ལག་ན་རྡོ་རྗེ་དབང་བསྐུར་བ་ལས་རྡོ་རྗེས་
དབང་བསྐུར་བའི་རིམ་པར་ཕྱེ་བའོ།། །། དེ་ནས་བྱང་ཆུབ་སེམས་དཔའ་ལག་ན་རྡོ་རྗེ་དེའི་ཚེ། ཐམས་ཅད་དང་ལྡན་པའི་འཁོར་གྱི་དཀྱིལ་འཁོར་ལ་རྣམ་པར་བལྟས་ནས་འཇམ་དཔལ་གཞོན་ནུར་གྱུར་པ་ལ་སྨྲས་པ། འཇམ་
དཔལ་བྱང་ཆུབ་སེམས་དཔའི་སྤྱད་པ་གསང་སྔགས་ཀྱི་སྒོ་སྤྱོད་པའི་བྱང་ཆུབ་སེམས་དཔའ་རྡོ་རྗེའི་དཀྱིལ་འཁོར་དུ་དོན་ཡོད་པ་ཡང་དག་པར་བསྟན་པ་ལས། དོན་ངེས་པར་འབྱུང་བ་རྣམས་ཀྱི་རྟགས་སུ་གྱུར་པ། རྡོ་རྗེ་མཆོག་
ལས་ཡང་དག་པར་བྱུང་བའི་ཕྱག་རྒྱ་རབ་འབྱམ་དབྱིབས་རྣམ་པ་སྣ་ཚོགས་མངོན་པར་གྲུབ་པ། སེམས་ཅན་གྱི་ཁམས་བསམ་པ་ཐ་དད་པ་རྣམས་ཅི་ལྟ་བ་བཞིན་དུ་ཡང་དག་པར་ཚིམ་པར་བྱེད་པ། འགྲོ་བ་ཐ་དད་པ་རྣམས་དང་རིགས་དང་སྐྱེ་

94-1-110a

གནས་དང་ཁ་དོག་དང་དབྱིབས་ཐ་དད་པ་རྣམས་དང་སྤྱོད་པ་ཐ་དད་པ་རྣམས་དང་། བསམ་པ་ཐ་དད་པ་རྣམས་དང་ཚུལ་དང་ངེས་པའི་ཚིག་བརྗོད་པ་ཐ་དད་པ་རྣམས་དང་། ཚིག་གི་ལམ་ཐ་དད་པ་རྣམས་སུ་སྣ་ཚོགས་ཀྱིས་སྤྲས་
པའི་ལུས་ཀྱི་དབྱིབས་དག་མངོན་པར་སྤྲུལ་ནས། འཇིག་རྟེན་གྱི་ཁམས་རབ་འབྱམ་མཐའ་ཡས་པ་ངེས་པར་བསྟན་པ་རྣམས་སུ་ལུས་དང་ངག་དང་ཡིད་ཀྱིས་མཉམ་པ་ཉིད་ལ་ངེས་པར་སྦྱོར་བར་བྱེད་པ། ཆོས་ཀྱི་དབྱིངས་ཀྱིས་རྣམ་པར་བསྐྱེད་
པའི་ལུས་དང་ལྡན་པ། བྱང་ཆུབ་སེམས་དཔའི་མིག་འཕྲུལ་ལས་ཡང་དག་པར་འབྱུང་བའི་ཕྱག་རྒྱ་རབ་འབྱམ་དག་ཡོད་དེ། བྱང་ཆུབ་སེམས་དཔའི་སྤྱད་པ་གསང་སྔགས་ཀྱི་སྒོ་སྤྱོད་པའི་བྱང་ཆུབ་སེམས་དཔའ་རྣམས་ཀྱི་དོན་དུ་དེ་དག་ཁོ་བོས་ཁྱོད་
ལ་བཤད་ཀྱིས་ཉོན་ཅིག །དེ་ནས་འཇམ་དཔལ་གཞོན་ནུར་གྱུར་པས་བྱང་ཆུབ་སེམས་དཔའ་སེམས་དཔའ་ཆེན་པོ་ལག་ན་རྡོ་རྗེ་ལ་སྨྲས་པ། རིགས་ཀྱི་བུ་དེའི་དུས་ཡིན་དེའི་ཚོད་ཡིན་གྱིས། རིགས་ཀྱི་བུ་དེ་བཞིན་གཤེགས་པ་ཐམས་
ཅད་ཀྱི་སྙིང་པོའི་རྒྱན་གྱི་སྒོའི་ཕྱག་རྒྱ་རབ་འབྱམ་བཤད་དུ་གསོལ། དེ་ནས་ཐམས་ཅད་དང་ལྡན་པའི་འཁོར་དེས་མགྲིན་གཅིག་ཏུ་ཚིག་སྨྲས་པ། བྱང་ཆུབ་སེམས་དཔའ་དེའི་དུས་ལ་བབ་པར་མཁྱེན་ན་དེའི་དུས་ལགས་དེའི་ཚོད་ལགས་སྷོ། །
དེ་ནས་བྱང་ཆུབ་སེམས་དཔའ་ལག་ན་རྡོ་རྗེས་དེའི་ཚེ་དེ་བཞིན་གཤེགས་པ་ཐམས་ཅད་ཀྱི་རྒྱན་གྱི་སྙིང་པོ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་སོ། །སྙོམས་པར་ཞུགས་མ་ཐག་ཏུ་བྱང་ཆུབ་སེམས་དཔའ་ལག་ན་རྡོ་རྗེས་དེའི་ཚེ། དེ་
བཞིན་གཤེགས་པ་ཐམས་ཅད་ཀྱི་ཡེ་ཤེས་ཀྱི་རྒྱུ་མཐུན་པ་ལས་བྱུང་བ། དེ་བཞིན་གཤེགས་པ་ཐམས་ཅད་ཀྱི་རྒྱན་དུ་གྱུར་པའི་ཕྱག་རྒྱ་རབ་འབྱམ་སྨྲས་པ། ཐོག་མར་ལག་པ་གཉིས་སྙིམ་པ་སྦྱར་ལ་སྲིན་ལག་གཉིས་ནང་དུ་བཞུག་
གུང་མོ་གཉིས་གཤིབས་ཏེ་གྱེན་དུ་བསྒྲེང་ལ། མཛུབ་མོ་གཉིས་ཚིགས་གསུམ་པའི་ཐད་ཀ་ནས་གང་ཙམ་གྱིས་མ་རེག་ཙམ་དུ་གཞག །མཐེའུ་ཆུང་གཉིས་དང་མཐེ་བོ་གཉིས་ཀྱང་དེ་ལ་ཕྱོགས་པར་གྱེན་དུ་བསྒྲེང་ངོ་། །འདི་ནི་དམ་ཚིག་

94-1-110b

ཐམས་ཅད་ཀྱི་རྡོ་རྗེའི་ཕྱག་རྒྱ་སྟེ་སྔགས་ལ། ན་མཿ སརྦ་ཏ་ཐཱ་ག་ཏེ་ས་མ་ཡ་བཛྲ་ཧཱུྃ། དེ་ནས་དེ་བཞིན་གཤེགས་པ་ཐམས་ཅད་དང་། བྱང་ཆུབ་སེམས་དཔའ་ཐམས་ཅད་ཡ་མཚན་གྱིས་སྤྱན་རྒྱས་པར་གྱུར་ནས། དྲང་སྲོང་ཆེན་པོ་
སངས་རྒྱས་དང་བྱང་ཆུབ་སེམས་དཔའ་ཀུན་གྱི་དམ་ཚིག་འདི་ནི་ངོ་མཚར་ཏོ། །དེ་བཞིན་རྒྱལ་བའི་ཉན་ཐོས་དང་། །རང་རྒྱལ་གང་དག་འཇིག་རྟེན་ན། །གཉིས་མེད་བསེ་རུ་ལྟ་བུ་དང་། །ཚངས་པ་ལ་སོགས་འཕྲུལ་པོ་ཆེ། །འཇིག་རྟེན་
ལྷ་རྣམས་གང་ཡིན་དང་། །གང་གཞན་གནོད་སྦྱིན་དྲི་ཟ་དང་། །མཁའ་ལྡིང་མི་འམ་ཅི་ལ་སོགས། །སྲིན་པོ་ཡི་དགས་གནོན་པོ་དང་། །གྲིབ་གནོན་བརྗེད་བྱེད་གྲགས་པ་རྣམས། །དེ་དག་ཀུན་གྱིས་ཚིག་སྨྲས་པ། །དམ་ཚིག་དམ་པ་
ངོ་མཚར་ཏོ། །སངས་རྒྱས་སྐྱོབ་པ་ཐམས་ཅད་ཀྱི། །དམ་ཚིག་འདི་ལས་སུ་འདའ་བ། །སྡང་སེམས་ལྡན་པ་དེ་དག་གི། མགོ་ནི་དཔལ་ལྡན་རྡོ་རྗེ་འཆང་། །སེམས་ཅན་ཀུན་ལ་ཕན་བྱེད་པ། །མེ་ལྕེ་ཕྲེང་འཁྲུགས་མི་བཟད་པའི། །
རྡོ་རྗེ་རྣམས་ཀྱིས་རྟག་ཏུ་འགེམས། །དམ་ཚིག་འདས་པ་ངེས་པར་ནི། །ངན་སོང་འགྲོ་ལ་སོགས་པར་འགྱུར། །སྐྱོབ་པ་བྱང་ཆུབ་སེམས་དཔའ་དང་། །རྫོགས་སངས་རྒྱས་རྣམས་མི་མཉེས་བྱས། །དེ་དག་དངོས་གྲུབ་ཚེ་འདི་དང་། །
ཚེ་གཞན་འབྲས་བུར་གྱུར་འདིར་མེད། །གལ་ཏེ་འབྲས་བུ་མཆོག་འདོད་ན། །དེ་ལྟ་བས་ན་རྣམ་ཀུན་དུ། །བློ་དང་ལྡན་པས་བསྒྲིམས་བྱས་ལ། །དམ་ཚིག་འདི་ནི་བསྲུང་བར་བྱ། །ཕྱག་རྒྱ་འདི་ཉིད་ལས་མཛུབ་མོ་གཉིས་དེ་ཉིད་དུ་སྦྱར་
བ་ནི་རྡོ་རྗེ་འཆང་ཐམས་ཅད་ཀྱི་ཕྱག་རྒྱའོ། །མཛུབ་མོ་གཉིས་མྱུར་དུ་སླར་བཀྱེད་པ་ནི་རྡོ་རྗེ་ཛྷི་ག་རའི་ཕྱག་རྒྱའོ། །མཛུབ་མོ་གཉིས་བསེགས་སུ་བཀྱེད་པ་ནི་ཀུན་དུ་བརྗོད་པའི་མེའི་ཕྱག་རྒྱའོ། །ཕྱག་རྒྱ་འདི་ཉིད་ལས་མཐེ་བོ་
གཉིས་ནང་དུ་བཞུག་པ་ནི་རྡོ་རྗེ་ར་བའི་ཕྱག་རྒྱའོ། །ཕྱག་རྒྱ་དེ་ཉིད་ལས་མཛུབ་མོ་གཉིས་བཀུག་པ་སྟེ། ཐུར་དུ་བསྟན་ལ་མཐེ་བོ་དང་ལྷན་ཅིག་གཞག་པ་ནི་ཕུར་བུའི་ཕྱག་རྒྱའོ། །ཕྱག་རྒྱ་འདི་ཉིད་ལས་མཐེའུ་ཆུང་གཉིས་བསྐྱེད་

94-1-111a

ལ་ལྷག་མ་དེ་བཞིན་གཞག་པ་ནི་རྡོ་རྗེ་དྲ་བའི་ཕྱག་རྒྱའོ། །ཕྱག་རྒྱ་དེ་ཉིད་ལས་སོར་མོ་ཐམས་ཅད་གཅིག་ཏུ་ཁ་བྱེ་བ་ལ་ཐུག་པའི་ཚུལ་དུ་བྱས་པ་ནི་རྡོ་རྗེ་ཨུཏྤ་ལའི་ཕྱག་རྒྱའོ། །རྡོ་རྗེ་ཨུཏྤ་ལའི་ཕྱག་རྒྱ་ལས་མཛུབ་མོ་གཉིས་ཀྱིས་སོར་མོ་ཐམས་
ཅད་འཁྱུད་ལ། མཐེ་བོ་གཉིས་མཛུབ་མོའི་དྲུང་དུ་བཞར་བ་ནི་རྡོ་རྗེ་གདུ་བུའི་ཕྱག་རྒྱའོ། །རྡོ་རྗེ་གདུ་བུའི་ཕྱག་རྒྱ་ལས་མཐེ་བོ་གཉིས་མཛུབ་མོའི་ངོས་ལ་བཞར་བ་ནི་ཁྲོ་བོ་རྡོ་རྗེ་ཁའི་ཕྱག་རྒྱའོ། །རྡོ་རྗེ་ཁའི་ཕྱག་རྒྱ་དེ་ཉིད་ལས་མཛུབ་མོ་གཉིས་ནང་ལོགས་
སུ་བཅུག་ལ་སྟོད་དེ་གཞག་པ་ནི་རྡོ་རྗེ་མཆེ་བའི་ཕྱག་རྒྱའོ། །ཕྱག་རྒྱ་དེ་ཉིད་ལས་མཐེ་བོ་གཉིས་མཛུབ་མོ་ལོགས་སུ་ཡིད་ཙམ་དགུག་པ་ནི་དེ་བཞིན་གཤེགས་པ་ཐམས་ཅད་ཀྱི་སྙིང་པོའི་ཕྱག་རྒྱའོ། །མཐེའུ་ཆུང་གཉིས་ནང་དུ་བཀུག་
ལ་སྲིན་ལག་གཉིས་གཤིབས་ཏེ་གྱེན་དུ་བསྒྲེང་བ་ནི་བྱང་ཆུབ་སེམས་དཔའ་ཐམས་ཅད་ཀྱི་ཕྱག་རྒྱའོ། །ཕྱག་རྒྱ་དེ་ཉིད་ལས་མཐེའུ་ཆུང་གཉིས་ཀྱིས་སྲིན་ལག་གཉིས་བསྣོལ་མར་འཁྱུད་ལ་ལྷག་མ་དེ་བཞིན་དུ་གཞག་པ་
ནི་འགྲོ་བ་ཐམས་ཅད་ཡོངས་སུ་སྐྱོབ་པའི་རྡོ་རྗེའི་ཕྱག་རྒྱའོ། །ཕྱག་རྒྱ་འདི་ཉིད་ལས་གུང་མོ་གཉིས་ཀྱིས་སྲིན་ལག་གཉིས་འཁྱུད་ལ་ལྷག་མ་དེ་བཞིན་དུ་གཞག་པ་ནི་བཅོམ་ལྡན་འདས་མ་མཱ་མ་ཀཱིའི་ཕྱག་རྒྱའོ། །ཕྱག་
རྒྱ་དེ་ཉིད་ལས་མཐེ་བོ་གཉིས་སྲིན་ལག་གི་དྲུང་དུ་བཞར་བ་ནི་རྡོ་རྗེ་སྒེག་པའི་ཕྱག་རྒྱའོ། །རྡོ་རྗེ་བསྒེག་པའི་ཕྱག་རྒྱ་འདི་ཉིད་ལས་མཛུབ་མོ་གཉིས་བསྐྱེད་པ་ནི་རྡོ་རྗེ་མེ་ཏོག་གི་ཕྱག་རྒྱའོ། །ལག་པ་གཉིས་ཁུ་ཚུར་བཅངས་
ལ་མཛུབ་མོ་གཉིས་རྡོ་རྗེའི་ཚུལ་དུ་བཀུག་པ་སྟེ། གུང་མོ་གཉིས་གཤིབས་པ་ནི་རྡོ་རྗེ་མདུང་རྩེ་གསུམ་པའི་ཕྱག་རྒྱའོ། །དེ་བཞིན་དུ་ལག་པ་གཉིས་ཀའི་སོར་མོ་རྣམས་ལན་བུ་ཐབས་སུ་བྱས་པ་བཟློག་སྟེ། མཛུབ་མོ་གཉིས་
གཤིབས་པ་ནི་རྡོ་རྗེ་རྩེ་མོའི་ཕྱག་རྒྱའོ། །ཕྱག་རྒྱ་འདི་ཉིད་ལས་མཐེ་བོ་གཡོན་གྱིས་གཡས་པ་མནན་ལ་ལྷག་མ་སྔ་མ་བཞིན་གཞག་པ་ནི་རྡོ་རྗེ་ལྕགས་སྒྲོག་གི་ཕྱག་རྒྱའོ། །ཕྱག་རྒྱ་འདི་ཉིད་ལས་གུང་མོ་གཉིས་གཤིབས་

94-1-111b

ཏེ་བསྐྱེད་ལ་མཐེ་བོ་གཉིས་དེ་ལོགས་སུ་ཕྱོགས་པར་གཞག་པ་ནི་རྡོ་རྗེ་འབྱུང་གནས་ཀྱི་ཕྱག་རྒྱའོ། །ཕྱག་རྒྱ་འདི་ཉིད་ལས་སྲིན་ལག་གཉིས་བརྐྱང་བ་ནི་རྡོ་རྗེ་སེན་མོ་ཅན་གྱི་ཕྱག་རྒྱའོ། །ཕྱག་རྒྱ་འདི་ཉིད་ལས་མཐེའུ་ཆུང་གཉིས་བརྐྱང་ལ་
མཐེ་བོ་གཉིས་སྦས་པ་ནི་རྡོ་རྗེ་རིགས་མཛེས་མའི་ཕྱག་རྒྱའོ། །ལག་པ་གཉིས་སྙིང་གར་གཤིབས་ཏེ་མཐེ་བོ་གཉིས་ནང་དུ་བཅུག་ལ་ལྷག་མ་ཐམས་ཅད་བརྐྱང་བ་ནི་རྡོ་རྗེ་བླ་རེའི་ཕྱག་རྒྱའོ། །ཕྱག་རྒྱ་འདི་ཉིད་ལས་སྲིན་ལག་
གཉིས་དང་མཐེའུ་ཆུང་གཉིས་ཀྱང་ནང་དུ་བཀུག་པ་ནི་རྡོ་རྗེ་ཏོག་གི་ཕྱག་རྒྱའོ། །ཕྱག་རྒྱ་དེ་ཉིད་ལས་མཛུབ་མོ་གཉིས་མཐེ་བོ་གཉིས་ཀྱི་རྩེ་མོར་བཞག་ལ་སྔ་མ་བཞིན་གཞག་པ་ནི་རྡོ་རྗེ་ལག་པའི་ཕྱག་རྒྱའོ། །དེ་བཞིན་དུ་ལག་པ་
གཉིས་ཀའི་སྙིམ་པ་སྦྱར་ཏེ། སོར་མོ་ཐམས་ཅད་དྲིལ་བུའི་ཚུལ་དུ་བྱས་ལ་སྲིན་ལག་གཉིས་ནང་དུ་བཅུག་སྟེ་བསྐྱོད་པ་ནི་རྡོ་རྗེ་དྲིལ་བུའི་ཕྱག་རྒྱའོ། །དེ་བཞིན་དུ་ལག་པ་གཉིས་ཁུ་ཚུར་བཅངས་ལ་མཐེའུ་ཆུང་གཉིས་གཤིབས་ཏེ་བསྒྲེང་བ་
ནི་རྡོ་རྗེ་རྔ་བོ་ཆེའི་ཕྱག་རྒྱའོ། །ཕྱག་རྒྱ་དེ་ཉིད་ལས་མཐེ་བོ་གཉིས་སྒྲེང་ལ་མཐེའུ་ཆུང་གཉིས་ནང་དུ་བཅུག་པ་ནི་རྡོ་རྗེ་ཐོ་བའི་ཕྱག་རྒྱའོ། །དེ་ཉིད་ལས་གུང་མོ་གཉིས་གཤིབས་ཏེ་བསྒྲེང་བ་ནི་འཁྱུད་པའི་ཚུལ་དུ་བྱ་ཞིང་མཐེ་བོ་གཉིས་
ཡིད་ཙམ་བཀུག་པ་ནི་རྡོ་རྗེ་བེ་ཅོན་གྱི་ཕྱག་རྒྱའོ། །འདི་ཉིད་ལས་མཐེ་བོ་གཉིས་ནང་དུ་བཅུག་པ་ནི་བེ་ཅོན་སྔོན་པོའི་ཕྱག་རྒྱའོ། །དེ་ཉིད་ལས་མཛུབ་མོ་གཉིས་གུང་མོའི་ངོས་ཀྱིས་དྲུང་དུ་བཀུག་སྟེ་གཞར་བ་ནི་རྡོ་རྗེ་ལུས་དམར་གྱི་
ཕྱག་རྒྱའོ། །དེ་བཞིན་དུ་ལག་པ་གཉིས་ཁུ་ཚུར་བཅངས་ལ་བསྐོར་བའི་ཚུལ་གྱིས་གཟིར་ཅིང་མཐེ་བོ་བསྒྲེང་བ་ནི་རྡོ་རྗེ་ཀཱི་ལི་ཀཱི་ལིའི་ཕྱག་རྒྱའོ། །ཕྱག་རྒྱ་དེ་ཉིད་ལས་མཐེ་བོ་གཉིས་ནང་དུ་བཀུག་ལ་སྲིན་ལག་བསྒྲེང་སྟེ་ཚིགས་
གསུམ་པ་བཀུག་པ་དགུག་པ་ནི་གཞོན་ནུ་ལག་བཟང་གི་ཕྱག་རྒྱའོ། །ཕྱག་རྒྱ་དེ་ཉིད་ལས་མཛུབ་མོ་གཉིས་གཤིབས་ལ་ཚིགས་གསུམ་པ་བཀུག་པ་ནི་གཞོན་ནུ་རྡོ་རྗེ་སྡེའི་ཕྱག་རྒྱའོ། །ཕྱག་རྒྱ་འདི་ཉིད་ལས་གུང་མོ་གཉིས་

94-1-112a

གཤིབས་ཏེ་བསྒྲེང་ལ་ལྷག་མ་སྔ་མ་བཞིན་དུ་གཞག་པ་ནི་གཞོན་ནུ་རྡོ་རྗེ་སྤྱི་གཙུག་གི་ཕྱག་རྒྱའོ། །ཕྱག་རྒྱ་འདི་ཉིད་ལས་མཛུབ་མོ་གཡོན་པ་ནང་དུ་བཀུག་པ་ནི་གཞོན་ནུ་རྡོ་རྗེ་དབུ་རྒྱན་རྩེ་བྲན་གྱི་ཕྱག་རྒྱའོ། །དེ་
བཞིན་དུ་ལག་པ་གཉིས་ཐལ་མོ་བཀན་ལ་སྲིན་ལག་གཉིས་བསྒྲེང་གུང་མོ་གཉིས་དབུས་སུ་རྩེ་མོ་དགུག་པ་ནི་ན་ད་ཀུ་བེ་རའི་ཕྱག་རྒྱའོ། །ཕྱག་རྒྱ་དེ་ཉིད་ལས་མཐེའུ་ཆུང་གཉིས་ནང་དུ་བཅུག་ལ་སྲིན་ལག་གཉིས་ཐད་ཀར་བརྐྱང་
བ་ནི་ཁྲོ་བོ་ཟླ་བའི་ཐིག་ལེའི་ཕྱག་རྒྱའོ། །ལག་པ་གཡས་པ་ཁུ་ཚུར་བཅངས་ལ་སྨིན་མཚམས་སུ་བཞག་སྟེ། མཛུབ་མོ་དང་གུང་མོ་མིག་གི་ཚུལ་དུ་དཔྲལ་བར་སྦྱར་བ་ནི་རྡོ་རྗེ་འཇིགས་འཇིགས་ལྟའི་ཕྱག་རྒྱའོ། །དེ་བཞིན་དུ་ལག་པ་
གཉིས་སྙིམ་པ་སྦྱར་ལ་མཛུབ་མོ་གཉིས་ཀྱིས་གུང་མོ་གཉིས་གཤིབས་པ་ལ་འཁྱུད་པ་ནི་ཀུན་དུ་བཟང་པོ་ལ་སོགས་པ་ཡིད་བཞིན་གྱི་ནོར་བུའི་ཕྱག་རྒྱའོ། །ལག་པ་གཉིས་གདུ་བུའི་ཚུལ་དུ་ཁུ་ཚུར་བཅངས་ལ་མཛུབ་མོ་གཉིས་བརྐྱང་སྟེ་
ཡིད་ཙམ་བཀུག་པ་ནི་སྟོབས་པོ་ཆེ་བེ་ཅོན་གྱི་ཕྱག་རྒྱའོ། །དེ་ཉིད་ལས་མཛུབ་མོ་གཉིས་རྩེ་སྤྲད་དེ་ཟླུམ་པོར་བྱས་པ་ནི་རྡོ་རྗེ་ཞགས་པའི་ཕྱག་རྒྱའོ། །མཛུབ་མོ་དེ་ཉིད་བསྣོལ་ཏེ་སྦྱར་བ་ནི་རྡོ་རྗེ་གདུ་བུའི་ཕྱག་རྒྱའོ། །དེ་ཉིད་ལས་མཛུབ་མོ་
གཡོན་པ་ཡིད་ཙམ་དགུག་པ་ནི་རྡོ་རྗེ་ཡུ་བའི་ཕྱག་རྒྱའོ། །དེ་བཞིན་དུ་ལག་པ་གཉིས་སྙིམ་པར་སྦྱར་ཏེ་མཛུབ་མོ་གཉིས་ལག་མཐིལ་དུ་བཀུག་ལ་གུང་མོ་གཉིས་ཚིགས་གསུམ་པ་བཀུག་སྟེ་ཐུར་དུ་བསྟན་པ་ནི་རྡོ་རྗེ་ཧཱུྃ་ཞེས་བྱ་བའི་
ཕྱག་རྒྱའོ། །དེ་བཞིན་དུ་ལག་པ་གཉིས་སྙིམ་པ་སྦྱར་བ་ལ་སྲིན་ལག་གཉིས་དང་མཐེའུ་ཆུང་གཉིས་ནང་དུ་བཀུག་སྟེ། མཛུབ་མོ་གཉིས་མཐེ་བོ་གཉིས་ལ་འཁྱུད་པ་ནི་རྡོ་རྗེ་གཙུག་ཏོར་གྱི་ཕྱག་རྒྱའོ། །ལག་པ་གཡས་
པའི་སོར་མོ་ཐམས་ཅད་བསྡུས་ལ་གུང་མོ་ཡིད་ཙམ་བརྐྱང་བ་ནི་རྡོ་རྗེ་གཙུག་ཏོར་ཐམས་ཅད་ཀྱི་ཕྱག་རྒྱའོ། །ཕྱག་རྒྱ་འདི་ཉིད་ལས་མཛུབ་མོ་གཉིས་བརྐྱང་བ་ནི་རྡོ་རྗེ་མཚམས་ཀྱི་ཕྱག་རྒྱའོ། །ཕྱག་རྒྱ་འདི་ཉིད་ལས་གུང་མོ་དང་

94-1-112b

མཛུབ་མོ་གཉིས་གཤིབས་ཏེ་བསྒྲེང་བ་ནི་རྡོ་རྗེ་རལ་གྲིའི་ཕྱག་རྒྱའོ། །ཕྱག་རྒྱ་འདི་ཉིད་ལས་མཐེ་བོ་གཉིས་ཀྱི་དྲུང་དུ་བཅར་ལ་ལྷག་མ་སྔ་མ་བཞིན་གཞག་པ་ནི་རྡོ་རྗེ་ཕོ་ཉ་མོ་རྣམས་ཀྱི་ཕྱག་རྒྱའོ། །དེ་བཞིན་དུ་ལག་པ་གཉིས་ཁུ་ཚུར་བཅངས་ལ་
ཁུ་ཚུར་གཡོན་པ་བརྡེག་པར་གཟས་པ་ལྟར་བྱ་ཞིང་། ཁུ་ཚུར་གཡས་པ་བྲང་ལ་བཅར་ཏེ་མཛུབ་མོས་བསྡིགས་པ་ནི་མངོན་དུ་གྱུར་པའི་ཕྱག་རྒྱའོ། །ལག་པ་གཉིས་ཀ་བསྐོར་བའི་ཚུལ་དུ་ཁུ་ཚུར་བཅངས་ལ་རྐང་པ་བརྐྱང་ལ་ཁུ་ཚུར་བསྣུན་ཐབས་སུ་གྱེན་དུ་
བསྟོད་པ་ནི་ཐུབ་དཀའི་ཕྱག་རྒྱའོ། །དེ་བཞིན་དུ་ལག་པ་གཉིས་སྙིམ་པར་སྦྱར་ལ། མཐེའུ་ཆུང་གཉིས་དང་མཐེ་བོ་གཉིས་ནང་དུ་བཀུག་པ་ནི་རྣམ་ཐོས་བུའི་དབྱུག་ཐོའི་ཕྱག་རྒྱའོ། །ཕྱག་རྒྱ་དེ་ཉིད་ལས་མཛུབ་མོ་གཉིས་ཞགས་མིག་གི་ཚུལ་དུ་བྱས་པ་ནི་ཞགས་
པ་སྟེ་ནོར་རྒྱས་ཀྱི་བུའི་ཕྱག་རྒྱའོ། །དེ་བཞིན་དུ་ལག་པ་གཉིས་སྙིམ་པར་སྦྱར་ཏེ་མཛུབ་མོ་གཉིས་ཀྱིས་སོར་མོ་ཐམས་ཅད་འཁྱུད་པ་ནི་སའི་སྙིང་པོའི་ཡིད་བཞིན་གྱི་ནོར་བུའི་ཕྱག་རྒྱའོ། །ཕྱག་རྒྱ་འདི་ཉིད་ལས་མཛུབ་མོ་གཉིས་རལ་གྲིའི་ཚུལ་དུ་སྦྱར་བ་ནི་ནམ་མཁའི་
སྙིང་པོའི་རལ་གྲིའི་ཕྱག་རྒྱའོ། །རལ་གྲིའི་ཕྱག་རྒྱ་ལས་སྲིན་ལག་གཉིས་ནང་དུ་བཀུག་པ་ནི་སྒྲིབ་པ་ཐམས་ཅད་རྣམ་པར་སེལ་བའི་ཕྱག་རྒྱའོ། །རལ་གྲིའི་ཕྱག་རྒྱ་དེ་ལས་མཐེ་བོ་གཉིས་ནང་དུ་བཀུག་པ་ནི་ཞི་བའི་བློ་གྲོས་ཀྱི་རྒྱལ་བའི་ཕྱག་
རྒྱའོ། །དེ་བཞིན་དུ་ལག་པ་གཉིས་ཐལ་མོ་བཀན་ཏེ་སྲིན་ལག་གཉིས་བསྒྲེང་བ་ནི་མེ་ཏོག་གི་ཕྱག་རྒྱའོ། །ཕྱག་རྒྱ་འདི་ཉིད་ལས་གུང་མོ་གཉིས་མཐིལ་དུ་བཅར་བ་ནི་བྱུག་སྤོས་ཀྱི་ཕྱག་རྒྱའོ། །ཕྱག་རྒྱ་དེ་ཉིད་ལས་མཐེ་བོ་གཉིས་གུང་
མོ་གཉིས་ལ་བཅར་བ་ནི་བདུག་པའི་ཕྱག་རྒྱའོ། །ཕྱག་རྒྱ་འདི་ཉིད་ལས་མཐེ་བོ་གཉིས་མཐེའུ་ཆུང་གཉིས་འཁྱུད་པ་ནི་མཆོད་ཡོན་གྱི་ཕྱག་རྒྱའོ། །མཐེ་བོ་སྦས་ཏེ་མཛུབ་མོ་བསྐུམ་པ་ནི་གཏོར་མ་སྦྱིན་པའི་ཕྱག་རྒྱའོ། །དེ་བཞིན་
དུ་ལག་པ་གཉིས་ཀ་གཅིག་ཏུ་སྦྱར་ལ་མཐེ་བོ་དང་མཛུབ་མོ་གཅིག་ཏུ་སྦྱར་ཏེ་སྲིན་ལག་གཉིས་བརྐྱང་བ་ནི་རྡོ་རྗེ་དབྱངས་ཅན་གྱི་ཕྱག་རྒྱའོ། །རྡོ་རྗེ་དབྱངས་ཅན་གྱི་ཕྱག་རྒྱ་ལས་མཛུབ་མོ་གཉིས་ནང་དུ་བཀུག་ལ་མཐེའུ་ཆུང་གཉིས་མཐེ་བོ་ལ་

94-1-113a

ཕྱོགས་པར་བྱ་བ་ནི་རྡོ་རྗེ་བཞད་པའི་ཕྱག་རྒྱའོ། །རྡོ་རྗེ་བཞད་པའི་ཕྱག་རྒྱ་ལས་མཐེའུ་ཆུང་གཉིས་བསྒྲེང་བ་ནི་རྡོ་རྗེ་སྨིན་མའི་ཕྱག་རྒྱའོ། །རྡོ་རྗེ་སྨིན་མའི་ཕྱག་རྒྱ་ལས་མཛུབ་མོ་གཉིས་མིག་གི་ཚུལ་དུ་བཀུག་སྟེ། གུང་
མོ་ངོས་ལ་བཞར་བ་ནི་རྡོ་རྗེ་མིག་གི་ཕྱག་རྒྱའོ། །རྡོ་རྗེ་མིག་གི་ཕྱག་རྒྱ་ལས་གུང་མོ་གཉིས་བརྐྱང་བ་ནི་རྡོ་རྗེ་རྣ་བའི་ཕྱག་རྒྱའོ། །རྡོ་རྗེ་རྣ་བའི་ཕྱག་རྒྱ་ལས་གུང་མོ་གཡོན་པ་བཀུག་པ་ནི་རྡོ་རྗེ་ལྟེ་བའི་ཕྱག་རྒྱའོ། །རྡོ་རྗེ་ལྟེ་བའི་ཕྱག་
རྒྱ་ལས་གུང་མོ་གཡས་པ་བཀུག་སྟེ་གཡོན་པ་བརྐྱང་བ་ནི་རྡོ་རྗེ་མཁུར་བའི་ཕྱག་རྒྱའོ། །རྡོ་རྗེ་མཁུར་བའི་ཕྱག་རྒྱ་ལས་མཛུབ་མོ་གཉིས་བརྐྱང་སྟེ་རྩེ་མོ་བཀུག་ལ་སྦྱར་བ་ནི་རྡོ་རྗེ་རྟ་བབས་ཀྱི་ཕྱག་རྒྱའོ། །རྡོ་རྗེ་རྟ་བབས་ཀྱི་ཕྱག་
རྒྱ་ལས་མཐེ་བོ་གཡོན་པ་བསྒྲེང་ལ་གཡས་པ་བཀུག་པ་ནི་རྡོ་རྗེ་རྐེད་པའི་ཕྱག་རྒྱའོ། །རྡོ་རྗེ་རྐེད་པའི་ཕྱག་རྒྱ་ལས་སྲིན་ལག་གཉིས་ཕྱེ་སྟེ་ཕྱིར་བསྐྱེད་པ་ནི་རྡོ་རྗེ་མཚན་གྱི་ཕྱག་རྒྱའོ། །རྡོ་རྗེ་མཚན་གྱི་ཕྱག་རྒྱ་ལས་སྲིན་ལག་
གཉིས་ཡིད་ཙམ་བཀུག་ལ་ཐུར་དུ་བསྟན་པ་ནི་རྡོ་རྗེ་བརླའི་ཕྱག་རྒྱའོ། །རྡོ་རྗེ་བརླའི་ཕྱག་རྒྱ་ལས་སྲིན་ལག་གཡོན་པ་ཡིད་ཙམ་བརྐྱང་བ་ནི་རྡོ་རྗེ་བྱིན་པའི་ཕྱག་རྒྱའོ། །རྡོ་རྗེ་བྱིན་པའི་ཕྱག་རྒྱ་ལས་སྲིན་ལག་གཡས་པ་བརྐྱང་སྟེ་
གཡོན་པ་ནང་དུ་བཀུག་པ་ནི་རྡོ་རྗེ་རྐང་པའི་ཕྱག་རྒྱའོ། །ལག་པ་གཉིས་བསྣོལ་ཏེ་རྡོ་རྗེ་བཅིང་བའི་ཚུལ་དུ་བཅིངས་ལ་མཛུབ་མོ་གཉིས་བསྡིགས་པའི་ཚུལ་དུ་གཞག་པ་ནི་རྡོ་རྗེ་ལག་པའི་ཕྱག་རྒྱའོ། །རྡོ་རྗེ་ལག་པའི་ཕྱག་རྒྱ་
ལས་མཛུབ་མོ་གཡོན་པ་བཀུག་པ་ནི་བྲན་པོ་ཐམས་ཅད་ཀྱི་ཕྱག་རྒྱའོ། །ཕྱག་རྒྱ་འདི་ཉིད་ལས་མཛུབ་མོ་གཡས་པ་བཀུག་པ་ནི་བྲན་མོ་ཐམས་ཅད་ཀྱི་ཕྱག་རྒྱའོ། །ཕྱག་རྒྱ་དེ་ཉིད་ལས་གུང་མོ་གཡས་པ་ཕྱེ་སྟེ་བརྐྱང་བ་ནི་ཕོ་ཉ་ཐམས་
ཅད་ཀྱི་ཕྱག་རྒྱའོ། །ཕྱག་རྒྱ་འདི་ཉིད་ལས་གུང་མོ་གཡོན་པ་ཕྱེ་སྟེ་བརྐྱང་བ་ནི་ཕོ་ཉ་མོ་ཐམས་ཅད་ཀྱི་ཕྱག་རྒྱའོ། །སྔ་མ་བཞིན་དུ་ལག་པ་གཉིས་རྡོ་རྗེ་བཅིངས་པའི་ཚུལ་དུ་བྱས་ལ་མཐེ་བོ་གཡོན་པ་བསྒྲེང་བ་ནི་ཕྱག་བརྙན་ཐམས་ཅད་

94-1-113b

ཀྱི་ཕྱག་རྒྱའོ། །ཕྱག་རྒྱ་འདི་ཉིད་ལས་མཐེ་བོ་གཡས་པ་བརྐྱང་བ་ནི་ཕྱག་བརྙན་མ་ཐམས་ཅད་ཀྱི་ཕྱག་རྒྱའོ། །དེ་བཞིན་དུ་ལག་པ་གཉིས་ཁ་ཕྱེ་ལ་ཐུག་པའི་ཚུལ་དུ་ཐལ་མོ་སྦྱར་ཏེ། སྤྱི་བོར་གཞག་པ་ནི་གཞོན་ནུ་གཙུག་ནས་བྱུང་
བའི་ཕྱག་རྒྱའོ། །དེ་བཞིན་དུ་ལག་པ་གཉིས་སྙིམ་པ་ལ་སྦྱར་ལ་མཐེ་བོ་གཡས་པ་བརྐྱང་བ་ནི་རྡོ་རྗེ་ལྷ་ཐམས་ཅད་ཀྱི་ཕྱག་རྒྱའོ། །ཕྱག་རྒྱ་འདི་ཉིད་ལས་མཐེ་བོ་གཡས་ཟེད་གཡོན་པ་བརྐྱང་བ་ནི་རྡོ་རྗེ་གླུའི་ཕྱག་རྒྱའོ། །སྔ་མ་བཞིན་དུ་སྙིམ་པར་
སྦྱར་མཛུབ་མོ་གཡས་པ་བཀུག་པ་ནི་རྡོ་རྗེ་གནོད་སྦྱིན་གྱི་ཕྱག་རྒྱའོ། །རྡོ་རྗེ་གནོད་སྦྱིན་གྱི་ཕྱག་རྒྱ་ལས་གུང་མོ་གཉིས་བཀུག་ལ་མཛུབ་མོ་གཉིས་བརྐྱང་བ་ནི་རྡོ་རྗེ་གནོད་སྦྱིན་མོ་ཐམས་ཅད་ཀྱི་ཕྱག་རྒྱའོ། །དེ་ཉིད་ལས་གུང་མོ་གཉིས་
བརྐྱང་བ་ནི་རྡོ་རྗེ་དྲི་ཟའི་ཕྱག་རྒྱའོ། །རྡོ་རྗེ་དྲི་ཟའི་ཕྱག་རྒྱ་ལས་སྲིན་ལག་གཡས་པ་བཀུག་པ་ནི་རྡོ་རྗེ་ལྷ་མ་ཡིན་གྱི་ཕྱག་རྒྱའོ། །དེ་ཉིད་ལས་སྲིན་ལག་གཡས་པ་བརྐྱང་བ་ནི་རྡོ་རྗེ་ནམ་མཁའ་ལྡིང་གི་ཕྱག་རྒྱའོ། །ཕྱག་རྒྱ་འདི་ཉིད་
ལས་མཐེའུ་ཆུང་གཉིས་ཀ་བཀུག་པ་ནི་རྡོ་རྗེ་མི་འམ་ཅིའི་ཕྱག་རྒྱའོ། །ཕྱག་རྒྱ་དེ་ཉིད་ལས་མཛུབ་མོ་གཡོན་པ་བཀུག་པ་ནི་རྡོ་རྗེ་ལྟོ་འཕྱེ་ཆེན་པོའི་ཕྱག་རྒྱའོ། །དེ་ཉིད་ལས་བརྐྱང་བ་ནི་རྡོ་རྗེ་མེའི་ཕྱག་རྒྱའོ། །ཕྱག་རྒྱ་དེ་ཉིད་ལས་
གུང་མོ་གཉིས་བཀུག་པ་ནི་རྡོ་རྗེ་སྲིན་པོའི་ཕྱག་རྒྱའོ། །དེ་ཉིད་ལས་བརྐྱང་བ་ནི་རྡོ་རྗེ་སྲིན་མོའི་ཕྱག་རྒྱའོ། །ཕྱག་རྒྱ་འདི་ཉིད་ལས་སྲིན་ལག་གཉིས་བཀུག་པ་ནི་རྡོ་རྗེ་མཁའ་འགྲོ་མའི་ཕྱག་རྒྱའོ། །དེ་ཉིད་ལས་བརྐྱང་བ་ནི་རྡོ་རྗེ་
གནོན་པོའི་ཕྱག་རྒྱའོ། །ཕྱག་རྒྱ་དེ་ཉིད་ལས་མཐེའུ་ཆུང་གཉིས་བཀུག་པ་ནི་རྡོ་རྗེ་གྲིབ་གནོན་གྱི་ཕྱག་རྒྱའོ། །དེ་ཉིད་བརྐྱང་བ་ནི་རྡོ་རྗེ་བརྗེད་བྱེད་ཀྱི་ཕྱག་རྒྱའོ། །ལག་པ་གཉིས་སྙིམ་པའི་ཚུལ་དུ་རྒྱབ་སྦྱར་ཏེ། སོར་མོ་
ཐམས་ཅད་བླངས་ལ་མཐེ་བོ་གཉིས་སོ་སོའི་ལག་མཐིལ་དུ་བཞར་བ་ནི་རྡོ་རྗེ་དྲག་པོ་ཆེན་པོའི་ཕྱག་རྒྱའོ། །ཕྱག་རྒྱ་དེ་ཉིད་ལས་མཐེ་བོ་གཡས་པ་རང་གི་གནས་སུ་གཞག་པ་ནི་སྐྱེ་བ་འགོག་པ་རྡོ་རྗེའི་ཕྱག་རྒྱའོ། །དེ་བཞིན་དུ་

94-1-114a

མཐེ་བོ་གཡོན་པ་རང་གི་གནས་སུ་གཞག་པ་ནི་རྒ་བ་འགོག་པ་རྡོ་རྗེའི་ཕྱག་རྒྱའོ། །དེ་བཞིན་དུ་མཐེ་བོ་གཉིས་བསྒྲེང་བ་ནི་ན་བ་འགོག་པ་རྡོ་རྗེའི་ཕྱག་རྒྱའོ། །ཕྱག་རྒྱ་དེ་ཉིད་ལས་མཛུབ་མོ་གཉིས་ཀྱི་དྲུང་དུ་མཐེ་བོ་གཉིས་གཞག་པ་
ནི་དབུལ་བ་འགོག་པ་རྡོ་རྗེའི་ཕྱག་རྒྱའོ། །ཕྱག་རྒྱ་འདི་ཉིད་ལས་མཛུབ་མོ་གཉིས་ཕྱེ་སྟེ་མཐེ་བོ་གཉིས་དང་སྦྱར་བ་ནི་རྒུད་པ་འགོག་པ་རྡོ་རྗེའི་ཕྱག་རྒྱའོ། །ཕྱག་རྒྱ་དེ་ཉིད་ལས་མཛུབ་མོ་གཡོན་པ་ལ་མཐེ་བོ་གཡས་པས་འཁྱུད་ཅིང་། དེ་བཞིན་
དུ་མཛུབ་མོ་གཡས་པ་ལ་མཐེ་བོ་གཡོན་པས་འཁྱུད་པ་ནི་འཆི་བ་འགོག་པ་རྡོ་རྗེའི་ཕྱག་རྒྱའོ། །ལག་པ་གཉིས་སྙིམ་པ་སྦྱར་ལ་གུང་མོ་གཉིས་གཤིབས་ཏེ་བསྒྲེང་ལ་སྲིན་ལག་དང་མཐེའུ་ཆུང་མཛུབ་མོས་འཁྱུད་དེ་མཐེ་བོ་གཉིས་དེ་དག་གི་དྲུང་དུ་
གཞག་པ་ནི་རྫོགས་པའི་སངས་རྒྱས་རྣམས་ཀྱི་གཙུག་ཏོར་གྱི་ཕྱག་རྒྱའོ། །དེ་བཞིན་དུ་ལག་པ་གཉིས་སྙིམ་པ་སྦྱར་ལ་སྲིན་ལག་གཉིས་དང་། མཐེའུ་ཆུང་གཉིས་ནང་དུ་བཀུག་སྟེ་གུང་མོ་གཤིབས་ལ་མཛུབ་མོ་གཉིས་བཀུག་སྟེ། ངོས་
ལ་སྦྱར་ཅིང་མཐེ་བོ་གཉིས་དེའི་དྲུང་དུ་གཞག་པ་ནི་སངས་རྒྱས་ཐམས་ཅད་ཀྱི་གཙུག་ཏོར་གྱི་ཕྱག་རྒྱའོ། །གཙུག་ཏོར་གྱི་ཕྱག་རྒྱ་འདི་ཉིད་ལས་མཛུབ་མོ་གཉིས་བརྐྱང་བ་ནི་རིག་པ་མཆོག་གི་རྡོ་རྗེའི་ཕྱག་རྒྱའོ། །ཕྱག་རྒྱ་འདི་ཉིད་ལས་སྲིན་
ལག་གཉིས་བསྒྲེང་བ་ནི་རིག་པའི་རྒྱལ་པོ་གནོད་མཛེས་ཀྱི་ཕྱག་རྒྱའོ། །དེ་ཉིད་ལས་མཛུབ་མོ་གཉིས་བཀུག་སྟེ་གུང་མོ་ལ་ནས་གང་ཙམ་གྱིས་མ་རེག་པར་གཞག་པ་ནི་ལེགས་པར་གྲུབ་བྱེད་ཀྱི་ཕྱག་རྒྱའོ། །དེ་བཞིན་དུ་ལག་པ་གཉིས་
གཅིག་ཏུ་སྦྱར་ལ་དྲིལ་བུའི་ཚུལ་དུ་སོར་མོ་ཐམས་ཅད་བསྐྱེད་པ་ནི་སྤྱན་རས་གཟིགས་དབང་ཕྱུག་གི་པད་མའི་ཕྱག་རྒྱའོ། །ལག་པ་གཉིས་པད་མ་ཁ་ཕྱེ་ལ་ཐུག་པའི་ཚུལ་དུ་བྱས་པ་ནི་གོས་དཀར་མོའི་ཕྱག་རྒྱའོ། །དེ་ཉིད་ཅུང་ཟད་ཁ་
ཕྱེ་བའི་ཚུལ་དུ་བྱས་པ་ནི་མཐུ་ཆེན་ཐོབ་ཀྱི་ཕྱག་རྒྱའོ། །སྔ་མ་བཞིན་དུ་ལག་པ་གཉིས་གཅིག་ཏུ་སྦྱར་བ་གུང་མོ་དང་སྲིན་ལག་དང་མཐེའུ་ཆུང་རྣམས་ནང་དུ་བཀུག་སྟེ་མཛུབ་མོ་གཉིས་གཤིབས་ཏེ་མཐེ་བོ་གཉིས་དེའི་དྲུང་དུ་སྦྱར་བ་ནི་འཕགས་མ་

94-1-114b

སྒྲོལ་མའི་ཕྱག་རྒྱའོ། །དེ་བཞིན་དུ་ལག་པ་གཉིས་རྒྱབ་སྦྱར་ཏེ། ཕན་ཚུན་དུ་འཁྱུད་ལ་སོར་མོ་རྣམས་བླས་པ་ལྟར་བྱས་ཏེ་ལྕགས་སྒྲོག་གི་ཚུལ་དུ་བསྡམས་པ་ནི་རྡོ་རྗེ་ལྕགས་སྒྲོག་གི་ཕྱག་རྒྱའོ།། །། འཕགས་པ་ལག་ན་རྡོ་རྗེ་དབང་
བསྐུར་བ་བམ་པོ་དགུ་པ། དེ་ནས་ལྷ་དང་ཀླུ་དང་གནོད་སྦྱིན་དང་དྲི་ཟ་དང་ལྷ་མ་ཡིན་དང་ནམ་མཁའ་ལྡིང་དང་མི་འམ་ཅི་དང་ལྟོ་འཕྱེ་ཆེན་པོ་ལ་སོགས་པ་དེ་དག་ཐམས་ཅད་ཀྱིས་བྱང་ཆུབ་སེམས་དཔའ་ལག་ན་རྡོ་རྗེ་ལ་ཕྱག་འཚལ་ཏེ་འདི་སྐད་ཅེས་
སྨྲས་སོ། །བཅོམ་ལྡན་འདས་བདག་ཅག་ཀྱང་བྱང་ཆུབ་སེམས་དཔའི་སྤྱོད་པའི་གསང་སྔགས་ཀྱི་སྒོ་སྤྱོད་པའི་བྱང་ཆུབ་སེམས་དཔའ་དངོས་གྲུབ་བསྒྲུབ་པ་ལ་བརྩོན་པ་རྣམས་ཀྱི་དོན་དུ་དཀྱིལ་འཁོར་ཆེན་པོ་འདིར་རང་རང་གི་ཕྱག་རྒྱ་
རྟགས་སུ་གྱུར་པ་སྩལ་བར་བགྱི་སྟེ། དེས་རིགས་ཀྱི་བུ་དང་རིགས་ཀྱི་བུ་མོ་དེ་དག་མྱུར་བ་ཉིད་དུ་དངོས་གྲུབ་ཐོབ་པར་འགྱུར་རོ། །དེ་སྐད་ཅེས་སྨྲས་པ་དང་། བྱང་ཆུབ་སེམས་དཔའ་སེམས་དཔའ་ཆེན་པོ་ལག་ན་རྡོ་རྗེས་ཐམས་
ཅད་དང་ལྡན་པའི་འཁོར་དེ་ལ་འདི་སྐད་ཅེས་སྨྲས་སོ། །རིགས་ཀྱི་བུ་དག་ཁྱོད་སྐྱེ་བོ་མང་པོ་ལ་ཕན་པའི་ཕྱིར་ཞུས་པ་ཁྱོད་ལེགས་སོ་ལེགས་སོ། །རིགས་ཀྱི་བུ་དག་དེའི་ཕྱིར་རང་རང་གི་ཕྱག་རྒྱ་རབ་འབྱམ་དག་སྨྲོས་ཤིག །
དེ་ནས་མི་མཇེད་ཀྱི་བདག་པོ་ཚངས་པས་རང་གི་ཕྱག་རྒྱ་སྨྲས་པ། ལག་པ་གཡས་པ་ཁུ་ཚུར་བཅས་པ་སོར་མོ་གསུམ་བརྐྱང་ལ་མཛུབ་མོ་དང་མཐེ་བོ་གཉིས་གཅིག་ཏུ་སྦྱར་བར་བགྱི་སྟེ། བཅོམ་ལྡན་འདས་འདི་ནི་
བདག་གི་ཚངས་པའི་བེ་ཅོན་གྱི་ཕྱག་རྒྱའོ། །དེ་ནས་ལྷའི་དབང་པོ་བརྒྱ་བྱིན་གྱིས་རང་གི་ཕྱག་རྒྱ་སྨྲས་པ། ལག་པ་གཉིས་སྙིམ་པར་སྦྱར་ལ་སྲིན་ལག་དང་མཐེའུ་ཆུང་རྣམས་ནང་དུ་བཅུག་སྟེ། གུང་མོ་གཉིས་
གཤིབས་ལ་བསྒྲེང་ཞིང་མཛུབ་མོ་དང་མཐེ་བོ་གཉིས་དེའི་དྲུང་དུ་གཞག་པར་བགྱིའོ། །འདི་ནི་བདག་གི་རྡོ་རྗེའི་ཕྱག་རྒྱ་ལགས་ཏེ་ལས་ཐམས་ཅད་ཀྱི་དོན་བསྒྲུབ་པར་གྱིད་པའོ། །དེ་ནས་རྒྱལ་པོ་ཆེན་པོ་བཞིས་རང་རང་གི་ཕྱག་

94-1-115a

རྒྱ་སྨྲས་པ། ལག་པ་གཉིས་ཁུ་ཚུར་བཅངས་ལ་མཐེ་བོ་གཉིས་བསྒྲེང་བར་བགྱི་སྟེ་རྣམ་ཐོས་ཀྱི་བུ་བདག་ཉིད་ཆེན་པོ་ཅན་གྱི་དབྱུག་ཐོའི་ཕྱག་རྒྱའོ། །ཕྱག་རྒྱ་འདི་ཉིད་ལས་མཐེ་བོ་གཉིས་ཀྱི་སྟེང་དུ་མཛུབ་མོ་གཉིས་
གཞག་པ་ནི། འཕགས་སྐྱེས་པོའི་བེ་ཅོན་གྱི་ཕྱག་རྒྱའོ། །བེ་ཅོན་གྱི་ཕྱག་རྒྱ་ལས་མཐེའུ་ཆུང་གཉིས་ཞགས་པའི་ཚུལ་དུ་བགྱིས་པ་ནི་ཡུལ་འཁོར་སྲུང་གི་ཞགས་པའི་ཕྱག་རྒྱའོ། །ཞགས་པའི་ཕྱག་རྒྱ་ལས་མཐེ་བོ་གཉིས་
ནང་དུ་བཀུག་ལ་མཛུབ་མོ་གཉིས་གཤིབས་ཏེ་བསྒྲེང་བ་ནི་མིག་མི་བཟང་གི་རྡོ་རྗེའི་ཕྱག་རྒྱའོ། །དེ་ནས་ལྔ་རྩེན་གྱིས་འདི་སྐད་ཅེས་སྨྲས་སོ། །ལག་པ་གཉིས་ཁུ་ཚུར་བཅངས་པ་ལ་གུང་མོ་གཉིས་གཤིབས་ཏེ་བསྒྲེང་བ་ནི་ལྔ་
རྩན་གྱི་མདུང་གི་ཕྱག་རྒྱའོ། །ཕྱག་རྒྱ་འདི་ཉིད་ལས་མཐེ་བོ་གཉིས་དང་མཐེའུ་ཆུང་གཉིས་ཀྱང་མདུང་གི་ཚུལ་དུ་བསྒྲེང་བ་ནི་འབྲོག་གནས་ཀྱི་མདུང་རྩེ་གསུམ་གྱི་ཕྱག་རྒྱའོ། །སྔ་མ་བཞིན་དུ་ཁུ་ཚུར་བཅངས་ལ་མཐེ་བོ་
གཉིས་བསྒྲེང་བ་ནི་ལག་པ་བརྒྱད་པའི་ཐོ་བའི་ཕྱག་རྒྱའོ། །དེ་བཞིན་དུ་ལག་པ་གཉིས་སྙིམ་པར་སྦྱར་ལ་གུང་མོ་གཉིས་རྒྱབ་སྦྱར་ཞིང་མཛུབ་མོ་གཉིས་བཀུག་སྟེ་དེ་ཉིད་ཀྱི་ཚིགས་གསུམ་པ་ལ་སྦྱར་ལ་མཐེ་བོ་གཉིས་དེ་གཉིས་ཀྱི་
ངོས་སྦྱར་ཞིང་སོར་མོ་ལྷག་མ་གཤིབས་ཏེ་གཞག་པ་ནི་རྨུགས་བྱད་འཛིན་ཆུ་དབང་གི་ཕྱག་རྒྱའོ། །ཕྱག་རྒྱ་འདི་ཉིད་ལས་མཐེ་བོ་གཉིས་ནང་དུ་བཀུག་པ་ནི་གནོད་སྦྱིན་ཐམས་ཅད་ཀྱི་ཕྱག་རྒྱའོ། །མཐེ་བོ་དེ་ཉིད་བསྒྲེང་བ་
ནི་གནོད་སྦྱིན་མོ་ཐམས་ཅད་ཀྱི་ཕྱག་རྒྱའོ། །ཕྱག་རྒྱ་དེ་ཉིད་ལས་མཛུབ་མོ་གཉིས་མཐེ་བོའི་སྟེང་དུ་གཞག་པ་ནི་ལྷ་ཐམས་ཅད་ཀྱི་ཕྱག་རྒྱའོ། །ཕྱག་རྒྱ་དེ་ཉིད་ལས་གུང་མོ་གཉིས་ཕྱེ་སྟེ་ནང་ལོགས་སུ་སྦྱར་བ་ནི་
དྲི་ཟ་ཐམས་ཅད་ཀྱི་ཕྱག་རྒྱའོ། །དེ་ཉིད་ནང་དུ་བཀུག་པ་ནི་རིག་སྔགས་འཆང་ཐམས་ཅད་ཀྱི་ཕྱག་རྒྱའོ། །དེ་ཉིད་བསྒྲེང་ཞིང་མེ་ལྕེ་ཚུལ་དུ་ཕྲལ་ལ་མཐེའུ་ཆུང་གཉིས་ནང་དུ་བཀུག་པ་ནི་ལྷ་མ་ཡིན་ཐམས་ཅད་ཀྱི་ཕྱག་རྒྱའོ། །

94-1-115b

ཕྱག་རྒྱ་འདི་ཉིད་ལས་སྲིན་ལག་གཉིས་ཀྱང་བྲག་ལ་ལྷག་མ་སྔ་མ་བཞིན་གཞག་པ་ནི་སྲིན་པོ་ཐམས་ཅད་ཀྱི་ཕྱག་རྒྱའོ། །ལག་པ་གཡོན་པས་གདོང་བཀབ་ལ་ལག་མཐིལ་དུ་ལྕེས་བལྡགས་པ་ནི་མཁའ་འགྲོ་མ་ཐམས་ཅད་ཀྱི་
ཕྱག་རྒྱའོ། །དེ་བཞིན་དུ་ལག་པ་གཉིས་གཅིག་ཏུ་སྦྱར་བ་ལ་སོར་མོ་ཐམས་ཅད་བསྣོལ་ཏེ་བསྒྲེང་བ་ནི་ལྷ་མ་ཡིན་ཐམས་ཅད་ཀྱི་ཕྱག་རྒྱའོ། །ལག་པ་གཉིས་ཐལ་མོ་བཀན་ཏེ་དབྱིབས་སྒུ་བོར་བགྱིས་པ་ནི་ཀླུ་ཐམས་ཅད་ཀྱི་
ཕྱག་རྒྱའོ། །དེ་བཞིན་དུ་ལག་པ་གཉིས་རྒྱབ་སྦྱར་ལ་མཐེ་བོ་གཉིས་གཅིག་གིས་གཅིག་འཁྱུད་པ་ནི་ཁྱབ་འཇུག་གི་འཁོར་ལོའི་ཕྱག་རྒྱའོ། །ལག་པ་གཉིས་ཁུ་ཚུར་བཅངས་ལ་གུང་མོ་གཉིས་གཤིབས་ཏེ་བསྒྲེང་བ་ནི་བདེ་བྱེད་ཀྱི་
མདུང་རྩེའི་ཕྱག་རྒྱའོ། །མདུང་གི་ཕྱག་རྒྱ་ལས་མཛུབ་མོ་གཉིས་དང་སྲིན་ལག་གཉིས་ནང་དུ་བཅུག་ལ་ལྷག་མ་བསྒྲེང་བ་ནི་དཀའ་ཐུབ་ཟློག་གི་རྩེ་གསུམ་གདེངས་པའི་ཕྱག་རྒྱའོ། །སྔ་མ་བཞིན་དུ་ཁུ་ཚུར་བཅངས་ལ་གུང་མོ་
གཤིབས་ཏེ་ཚིགས་གསུམ་བཀུག་པ་ནི་སྨིན་དྲུག་གི་བུའི་མདུང་ཐུང་གི་ཕྱག་རྒྱའོ། །ལག་པ་གཡས་པ་ཁུ་ཚུར་བཅངས་ལ་མཐེ་བོ་ཐ་མལ་བར་བསྒྲེང་བ་ནི་གཤིན་རྗེའི་བེ་ཅོན་གྱི་ཕྱག་རྒྱའོ། །དེ་བཞིན་དུ་ཁུ་ཚུར་བཅངས་ལ་
མཛུབ་མོ་བརྐྱང་བ་ནི་དྲག་པོའི་ཆུང་མའི་མདུང་ཐུང་གི་ཕྱག་རྒྱའོ། །ལག་པ་དེ་ཉིད་པད་མ་བཟུང་བའི་ཚུལ་དུ་བགྱིས་ལ་མཐེ་བོའི་རྩེ་མོར་གཞག་པ་ནི། ཚངས་པའི་ཆུང་མའི་པད་མའི་ཕྱག་རྒྱའོ། །མཐེ་བོ་དང་མཐེའུ་ཆུང་སྤྲད་
ལ་ལྷག་མ་གསུམ་བ་དན་གྱི་ཚུལ་དུ་བྱས་པ་ནི་དབང་པོའི་ཆུང་མའི་རྡོ་རྗེའི་ཕྱག་རྒྱའོ། །ལག་པ་དེ་ཉིད་ལས་དྲིལ་བུའི་ཚུལ་དུ་ཁ་སྦུབ་པ་ནི་མཚན་མོ་ནག་མོའི་དྲིལ་བུའི་ཕྱག་རྒྱའོ། །དེ་བཞིན་དུ་ཁུ་ཚུར་བཅངས་ལ་མཛུབ་མོ་
གཉིས་བསྒྲེང་བ་ནི་འཆི་བདག་ཏོག་གི་ཕྱག་རྒྱའོ། །ལག་པ་དེ་ཉིད་ཁུ་ཚུར་བཅངས་ལ་མཐེ་བོ་ཡིད་ཙམ་སྒུ་པོར་བསྒྲེང་བ་ནི་ཕག་གི་ཆུང་མའི་ཕྱག་རྒྱའོ། །ལག་པ་དེ་ཉིད་ཤུགས་ཀྱི་ཚུལ་དུ་བསྒྲེང་བ་ནི་ཙ་མུཎྚིའི་མི་ཐོད་ཀྱི་ཕྱག་རྒྱའོ། །

94-1-116a

དེ་བཞིན་དུ་ལག་པ་གཡས་པ་ཁུ་ཚུར་བཅངས་ལ་སྲིན་ལག་དང་མཐེ་བོ་གཤིབས་པ་ནི་གྲིབ་གནོན་གྱི་གདོན་རྣམས་ཀྱི་ཕྱག་རྒྱའོ། །ཕྱག་རྒྱ་འདི་ཉིད་ལས་མཐེའུ་ཆུང་ཡང་སྦྱར་བ་ནི་བརྗེད་བྱེད་ཀྱི་གདོན་གྱི་ཕྱག་རྒྱའོ། །
ཡང་དེར་མཛུབ་མོ་ཡང་སྦྱར་བ་ནི་གནོན་པོའི་གདོན་རྣམས་ཀྱི་ཕྱག་རྒྱའོ། །ཕྱག་རྒྱ་དེ་ཉིད་ལས་མཐེའུ་ཆུང་ཕྱུང་བ་ནི་བྱད་ཀྱི་གདོན་གྱི་ཕྱག་རྒྱའོ། །ལག་པ་གཡོན་པ་ཁུ་ཚུར་བཅངས་ལ་མཐེ་བོ་ཐ་མལ་པར་བསྒྲེང་བ་ནི་ཏུམ་བུ་རའི་
དབྱུག་ཐོའི་ཕྱག་རྒྱའོ་ཞེས་རྒྱལ་བ་རྣམས་ཀྱིས་གསུངས་སོ། །དེ་བཞིན་དུ་ཁུ་ཚུར་བཅངས་པ་ལ་མཐེ་བོ་ནང་དུ་བཅུག་སྟེ་མཛུབ་མོ་བརྐྱང་བ་ནི་རྒྱལ་མའི་མདུང་གི་ཕྱག་རྒྱའོ། །དེ་བཞིན་དུ་ཁུ་ཚུར་བཅངས་ལ་གུང་མོ་བསྒྲེང་བ་
ནི་རྣམ་པར་རྒྱལ་མའི་རལ་གྲིའི་ཕྱག་རྒྱའོ། །དེ་བཞིན་དུ་ཁུ་ཚུར་བཅངས་ལ་སྲིན་ལག་བསྒྲེང་བ་ནི་མི་ཕམ་རྡོ་རྗེའི་ཕྱག་རྒྱའོ། །དེ་བཞིན་དུ་ཁུ་ཚུར་བཅངས་ལ་མཐེའུ་ཆུང་བསྒྲེང་བ་ནི་གཞན་གྱིས་མི་ཐུབ་མའི་འཁོར་ལོའི་ཕྱག་
རྒྱའོ། །དེ་བཞིན་དུ་ལག་པ་གཉིས་སྙིམ་པར་སྦྱར་ཏེ། སོར་མོ་ཐམས་ཅད་འདབ་མའི་ཚུལ་དུ་བརྐྱང་ལ་མཐེ་བོ་གཉིས་དབུས་སུ་བསྒྲེང་སྟེ་མི་འགུལ་བར་གཞག་པ་ནི་ནམ་མཁའ་ལྡིང་རྣམ་པར་འདུད་ཀྱི་འདབ་མའི་ཕྱག་རྒྱའོ། །
ཕྱག་རྒྱ་འདི་ཉིད་ལས་མཛུབ་མོ་གཡས་པ་བསྒྲེང་བ་ནི་ཀླུའི་རྒྱལ་པོ་ནོར་རྒྱས་ཀྱི་བུའི་ཕྱག་རྒྱའོ། །དེ་བཞིན་དུ་རྨུ་ཐམས་ཅད་ཀྱི་ཕྱག་རྒྱ་ཅི་རིགས་པར་གོ་རིམ་བཞིན་དུ་སྦྱར་བར་བགྱི་སྟེ། ཀླུ་ཐམས་ཅད་ཀྱི་ཕྱག་རྒྱ་རྣམས་སོ། །
ལག་པ་གཉིས་ཀའི་ངོས་ཚུར་བསྟན་པ་ལ་གློག་རྣམ་པར་གཏོར་བའི་ཚུལ་གྱིས་སོར་མོ་རྣམས་རྩེ་མོ་སྤྲད་དེ་ཕྱོགས་བཞིར་རྣམ་པར་གཏོར་བ་ནི་གློག་ཐམས་ཅད་ཀྱི་ཕྱག་རྒྱའོ། །དེ་བཞིན་དུ་ལག་པ་གཉིས་ཀ་གཅིག་ཏུ་
སྦྱར་ལ་ཕྲེང་བའི་ཚུལ་དུ་གཞག་པ་ནི་དབྱར་གྱི་སྤྲིན་ཐམས་ཅད་ཀྱི་ཕྱག་རྒྱའོ། །དེ་བཞིན་དུ་ལག་པ་གཉིས་སྙིམ་པར་སྦྱར་ལ་གུང་མོ་གཉིས་རྩེ་མོ་སྤྲད་པ་ནི་ཆུ་ལྷའི་ཞགས་པའི་ཕྱག་རྒྱའོ། །ཕྱག་རྒྱ་དེ་ཉིད་ལས་མཐེ་བོ་གཉིས་

94-1-116b

ནང་དུ་བཅུག་པ་ནི་ཟླ་བའི་ཕྱག་རྒྱའོ། །ཕྱག་རྒྱ་འདི་ཉིད་ལས་གུང་མོ་གཉིས་བསྐྱེད་པ་ནི་ཉི་མའི་ཕྱག་རྒྱའོ། །མཐེའུ་ཆུང་གཉིས་ནང་དུ་བཅུག་པ་དབྱངས་ཅན་གྱི་ཕྱག་རྒྱའོ། །ཕྱག་རྒྱ་འདི་ཉིད་ལས་སྲིན་ལག་གཉིས་ནང་དུ་བཅུག་ལ་མཐེའུ་ཆུང་
གཉིས་བསྒྲེང་བ་ནི་ཆུ་ཀླུང་ཆེན་པོ་ཐམས་ཅད་ཀྱི་ཕྱག་རྒྱའོ། །དེ་བཞིན་དུ་ལག་པ་གཉིས་སྙིམ་པར་སྦྱར་ལ་ཕྲལ་ཏེ་ལག་པ་གཡོན་པ་རིལ་བ་སྤྱི་བླུགས་འཛིན་པའི་ཚུལ་དུ་འདུག་ཅིང་གཡས་པ་མི་འཇིགས་པ་སྦྱིན་པའི་ཚུལ་དུ་གཞག་པ་ནི་མེའི་ཕྱག་
རྒྱའོ། །ལག་པ་གཡས་པ་ནི་ཨོཾ་ཞེས་བྱ་བ་སྔོན་དུ་བཏང་བ་ལ་བསྟན་པ་ནི། དྲང་སྲོང་ཐམས་ཅད་ཀྱི་ཕྱག་རྒྱའོ། །ལག་པ་གཉིས་ཀ་བསྟོད་དེ་མཛུབ་མོ་དང་མཐེའུ་ཆུང་ཡིད་ཙམ་བཀུག་པ་ནི་རི་ཐམས་ཅད་ཀྱི་ཕྱག་རྒྱའོ། །དེ་བཞིན་དུ་ལག་པ་
གཉིས་ཀ་སྦྱར་ལ་མཐེ་བོ་གཉིས་བསྣོལ་ཏེ་མཛུབ་མོ་གཉིས་ཀྱང་བསྣོལ་བ་ནི་ཁོར་ཡུག་ཆེན་པོའི་ཕྱག་རྒྱའོ། །རྣལ་འབྱོར་གྱི་སྟན་ལ་འདུག་ནས་བློ་དང་ལྡན་པས་ལག་པ་གཉིས་ལྷུང་བཟེད་འཛིན་པའི་ཚུལ་དུ་ལྟེ་བའི་ཐད་ཀར་གཞག་པ་ནི་ལྷུང་
བཟེད་ཀྱི་ཕྱག་རྒྱའོ། །དེ་བཞིན་དུ་ལག་པ་གཡས་པ་བསྟོད་དེ་མི་འཇིགས་པ་སྦྱིན་པའི་ཚུལ་དུ་བྱས་པ་ནི་མི་འཇིགས་པ་སྦྱིན་པའི་ཕྱག་རྒྱའོ། །དེ་བཞིན་དུ་ལག་པ་གཡས་པ་བཀན་ཏེ་དམ་པ་སྦྱིན་པའི་ཚུལ་དུ་གཞག་པ་ནི་དམ་པ་སྦྱིན་པའི་ཕྱག་
རྒྱའོ། །ལག་པ་གཡས་པ་ཁུ་ཚུར་བཅངས་ལ་མཛུབ་མོ་བརྐྱང་སྟེ་དཔྲལ་བར་ཁྲོ་གཉེར་བཅངས་ལ་གཞག་པའི་ཕྱག་རྒྱ་འདི་ནི་བདུད་སྐྲག་པའི་ཕྱག་རྒྱའོ། །དེ་བཞིན་དུ་ལག་པ་གཡས་པ་ཁུ་ཚུར་བཅངས་ལ་གུང་མོ་དང་སྲིན་ལག་བསྒྲེང་སྟེ་
མཐེ་བོ་དེའི་དྲུང་དུ་གཞག་པ་ནི་སྤྱན་གྱི་ཕྱག་རྒྱའོ། །དེ་བཞིན་དུ་ལག་པ་གཉིས་སྦྱར་ཏེ་ཕན་ཚུན་བསྣོལ་ལ་སོར་མོ་རྣམས་ཁུ་ཚུར་བཅངས་ཏེ་མཛུབ་མོ་གཉིས་བསྒྲེང་ལ་བཀུག་སྟེ་དཀྱིལ་འཁོར་གྱི་ཚུལ་དུ་སྦྱར་བ་འདི་ནི་ཞགས་པའི་ཕྱག་རྒྱའོ། །
དེ་བཞིན་དུ་ལག་པ་གཉིས་སྦྱར་ལ་ཁུ་ཚུར་བཅངས་ཏེ་མཛུབ་མོ་བསྒྲེང་ལ་ཚིགས་དང་པོ་བཀུག་སྟེ་ལྷག་མ་རྣམས་བསྣོལ་བའི་ཚུལ་དུ་གཞག་པ་ནི་ལྕགས་ཀྱུའི་ཕྱག་རྒྱའོ། །ལྕགས་ཀྱུའི་ཕྱག་རྒྱ་དེ་ལས་གུང་མོ་གཉིས་བཀུག་སྟེ་དེ་ཉིད་ལ་

94-1-117a

བཅང་བ་ནི་དེ་བཞིན་གཤེགས་པའི་སྙིང་པོའི་ཕྱག་རྒྱའོ། །ཕྱག་རྒྱ་དེ་ཉིད་ལས་སྲིན་ལག་བརྐྱང་ལ་ལྷག་མ་དེ་བཞིན་དུ་གཞག་པ་ནི་དེ་བཞིན་གཤེགས་པའི་ལྟེ་བའི་ཕྱག་རྒྱའོ། །ཕྱག་རྒྱ་དེ་ཉིད་ལས་མཐེའུ་ཆུང་བརྐྱང་སྟེ་ལྷག་མ་དེ་
བཞིན་བཞག་པ་ནི་རྐེད་པའི་ཕྱག་རྒྱའོ། །དེ་བཞིན་དུ་ལག་པ་གཉིས་སྙིམ་པར་སྦྱར་ལ་མཛུབ་མོ་གཉིས་བཀུག་སྟེ་ནང་དུ་བཅུག་ལ་སྲིན་ལག་གཉིས་དང་མཐེའུ་ཆུང་གཉིས་དང་མཐེ་བོ་གཉིས་ཡིད་ཙམ་བཀུག་སྟེ་གུང་མོ་གཉིས་གཤིབས་པ་འདི་ནི་སྦུབས་
གྱི་ཕྱག་རྒྱའོ། །ཕྱག་རྒྱ་འདི་ཉིད་ལས་སྲིན་ལག་གཉིས་གྱེན་དུ་བསྒྲེང་བ་ནི་རྡོ་རྗེ་མཚམས་ཆེན་པོ་བཅད་པའི་ཕྱག་རྒྱའོ། །དེ་ཉིད་ལས་གུང་མོ་གཉིས་བཀུག་ལ་མཐེ་བོ་བརྐྱང་བ་ནི་བསྲུང་བ་ཆེན་པོའི་ཕྱག་རྒྱའོ། །དེ་བཞིན་དུ་མཛུབ་མོ་གཉིས་བརྐྱང་སྟེ་
མཐེ་བོ་གཉིས་ནང་དུ་བཅུག་པ་ནི་རྡོ་རྗེ་ཀུན་དུ་འབར་བའི་ཕྱག་རྒྱའོ། །དེ་བཞིན་དུ་ལག་པ་གཉིས་ཁུ་ཚུར་བཅངས་ལ་སོར་མོ་ཐམས་ཅད་བརྐྱང་སྟེ་མཛུབ་མོ་གཉིས་ངོས་ནས་འཁྱུད་པ་ནི་རྡོ་རྗེ་གོ་ཆའི་ཕྱག་རྒྱའོ། །ཕྱག་རྒྱ་དེ་ཉིད་ལས་སྲིན་ལག་གཉིས་དང་མཐེ་
བོ་གཉིས་སྦྱར་བ་ནི་རྡོ་རྗེ་ལྕེའི་ཕྱག་རྒྱའོ། །ཕྱག་རྒྱ་དེ་ཉིད་ལས་མཛུབ་མོ་གཉིས་དང་སྲིན་ལག་གཉིས་བཀུག་སྟེ་ནང་དུ་སྦྱར་ལ་མཐེ་བོ་གཉིས་བསྟོད་དེ་ཡིད་ཙམ་བཀུག་ལ་གུང་མོ་ལོགས་སུ་ཕྱོགས་པར་གཞག་སྟེ། སྲིན་ལག་གཉིས་སྔ་མ་བཞིན་དུ་
གཞག་པ་ནི་རྡོ་རྗེ་ཞལ་གྱི་ཕྱག་རྒྱའོ། །ཕྱག་རྒྱ་དེ་ཉིད་ལས་མཛུབ་མོ་གཉིས་ནང་དུ་བཅུག་ལ་བཀུག་སྟེ་བསྟོད་དེ་གཞག་པ་ནི་རྡོ་རྗེ་མཆེ་བའི་ཕྱག་རྒྱའོ། །ཕྱག་རྒྱ་དེ་ཉིད་ལས་མཛུབ་མོ་གཉིས་བསྐྱེད་དེ་ཚིགས་དང་པོ་བཀུག་པ་ནི་རྡོ་རྗེ་སོ་སོ་ཡང་དག་པར་
རིག་པའི་ཕྱག་རྒྱའོ། །དེ་བཞིན་དུ་ལག་པ་གཉིས་སྙིམ་པའི་ཚུལ་དུ་སྦྱར་ལ་མཐེ་བོ་གཉིས་དང་མཐེའུ་ཆུང་གཉིས་ནང་དུ་བཅུག་སྟེ་སྦྱར་བ་ནི་སྟོབས་བཅུ་འཛིན་པའི་རྡོ་རྗེའི་ཕྱག་རྒྱའོ། །དེ་ཉིད་ལས་མཐེ་བོ་གཉིས་རྩེ་མོ་བཀུག་སྟེ་སྦྱར་བ་ནི་དྲན་པ་ཉེ་བར་
གཞག་པ་རྡོ་རྗེའི་ཕྱག་རྒྱའོ། །ཕྱག་རྒྱ་དེ་ཉིད་ལས་མཐེ་བོ་གཉིས་ཀྱི་སྟེང་དུ་སྲིན་ལག་གཉིས་གཞག་པ་ནི་རྡོ་རྗེ་ཡེ་ཤེས་ཐམས་ཅད་རྟོགས་པར་བྱེད་པའི་ཕྱག་རྒྱའོ། །ཕྱག་རྒྱ་དེ་ཉིད་ལས་མཛུབ་མོ་གཉིས་ཀྱི་དྲུང་དུ་བཀུག་སྟེ་གཞག་པ་ནི་བྱམས་པའི་

94-1-117b

ཕྱག་རྒྱའོ། །དེ་བཞིན་དུ་ལག་པ་སྙིམ་པ་སྦྱར་ལ་གུང་མོ་གཉིས་ཀྱིས་སྲིན་ལག་གཉིས་ལ་འཁྱུད་ལ་མཐེ་བོ་གཉིས་ཀྱི་སྟེང་དུ་མཛུབ་མོ་གཉིས་གཞག་སྟེ་ལྷག་མ་སྔ་མ་བཞིན་གཞག་པ་ནི་དམ་པ་སྦྱིན་པའི་རྡོ་རྗེའི་ཕྱག་རྒྱའོ། །ལག་པ་གཡོན་པ་ཁུ་
ཚུར་བཅངས་ལ་མཛུབ་མོ་བཀུག་སྟེ་སྲིན་ལག་དེའི་དྲུང་དུ་བཅར་བ་ནི་ཕྱག་བརྙན་མ་ཐམས་ཅད་ཀྱི་རྡོ་རྗེ་ལྕགས་ཀྱུའི་ཕྱག་རྒྱའོ། །ཕྱག་རྒྱ་དེ་ཉིད་ལས་སོར་མོ་ཐམས་ཅད་ཡིད་ཙམ་བཀུག་ལ་གུང་མོ་བསྒྲེང་བ་ནི་ཨུཏྤ་ལའི་རྡོ་རྗེའི་ཕྱག་རྒྱའོ། །དེ་
བཞིན་དུ་ལག་པ་གཡས་པ་ཁུ་ཚུར་བཅངས་ལ་མཛུབ་མོ་དང་གུང་མོ་བསྒྲེང་སྟེ་ཡིད་ཙམ་སྒུ་བོར་བྱས་པ་ནི་རྡོ་རྗེ་རལ་གྲི་སོ་གཅིག་པ་ཡུ་བ་ཅན་གྱི་ཕྱག་རྒྱའོ། །དེ་བཞིན་དུ་ལག་པ་གཉིས་སྙིམ་པ་སྦྱར་ལ་མཛུབ་མོ་གཉིས་ཚིགས་དང་པོ་
བཀུག་པ་ནི་ནམ་མཁའ་ལྟར་དྲི་མ་མེད་པའི་ཕྱག་རྒྱའོ། །ཕྱག་རྒྱ་འདི་ཉིད་ལས་མཐེ་བོ་གཉིས་བསྣོལ་བ་ནི་དེ་བཞིན་གཤེགས་པའི་ཞབས་ལས་བྱུང་བའི་ཕྱག་རྒྱའོ། །དེ་ཉིད་ནང་དུ་བཅུག་པ་ནི་གོས་དཀྲ་གྱོན་པའི་ཕྱག་རྒྱའོ། །དེ་བཞིན་དུ་མཛུབ་
མོ་གཉིས་ནང་དུ་བཅུག་པ་ནི་ཆོས་ཐམས་ཅད་མཉམ་པ་ཉིད་ལ་འཇུག་ཅིང་གནས་པའི་ཕྱག་རྒྱའོ། །ཕྱག་རྒྱ་འདི་ཉིད་ལས་གུང་མོ་གཉིས་བསྣོལ་བའི་ཚུལ་དུ་གཞག་པ་ནི་སྤྲོས་པ་མེད་པར་གནས་པའི་ཕྱག་རྒྱའོ། །དེ་བཞིན་དུ་ལག་པ་
གཉིས་སྦྱར་ལ་མཐེ་བོ་གཉིས་དང་མཐེའུ་ཆུང་གཉིས་སྦྱར་བ་ནི་དེ་བཞིན་གཤེགས་པའི་གོ་ཆ་ལས་བྱུང་བའི་ཕྱག་རྒྱའོ། །ཕྱག་རྒྱ་འདི་ཉིད་ལས་གུང་མོ་དང་སྲིན་ལག་བསྐྱེད་པ་ནི་སྒྲ་ཆེར་སྒྲོགས་ཀྱི་ཕྱག་རྒྱའོ། །དེ་བཞིན་དུ་ལག་པ་གཉིས་
སྦྱར་ལ་སོར་མོ་རྣམས་བསྣོལ་ཞིང་ཟླ་བའི་ཚུལ་དུ་བྱས་ལ་བསྡམས་ཏེ་མཐེ་བོ་གཉིས་ངོས་ལ་བཞར་བ་ནི་ནམ་མཁའ་ལྟར་དྲི་མ་མེད་པའི་ཕྱག་རྒྱའོ། །ཕྱག་རྒྱ་འདི་ཉིད་ལས་མཐེའུ་ཆུང་གཉིས་ཕྱུང་སྟེ་མཐེ་བོ་གཉིས་དང་རྩེ་སྤྲད་པ་
ནི་སྟོབས་བཅུ་ལས་ངེས་པར་འབྱུང་བའི་ཕྱག་རྒྱའོ། །ཕྱག་རྒྱ་འདི་ཉིད་ལས་སྲིན་ལག་གཉིས་ཕྱུང་སྟེ་མཐེའུ་ཆུང་གཉིས་སྔ་མ་བཞིན་གཞག་པ་ནི་ནམ་མཁའ་མཐའ་ཡས་པ་རྣམ་པར་གནོན་པའི་ཕྱག་རྒྱའོ། །དམ་པ་སྦྱིན་པའི་རྡོ་རྗེའི་

94-1-118a

ཕྱག་རྒྱ་ལས་མཐེ་བོ་གཉིས་ལག་མཐིལ་དུ་གཞག་པ་ནི་ལྟད་མོ་ཅན་གྱི་ཕྱག་རྒྱའོ། །མཐེ་བོ་ཕྱུང་སྟེ་མཛུབ་མོ་དྲུང་དུ་བཅར་བ་ནི་སྤྱོད་པའི་བློ་གྲོས་ཀྱི་ཕྱག་རྒྱའོ། །ཕྱག་རྒྱ་འདི་ཉིད་ལས་གུང་མོ་དང་མཐེ་བོ་སྦྱར་བ་ནི་བློ་བརྟན་གྱི་རིན་
པོ་ཆེའི་ཕྱག་རྒྱའོ། །ཕྱག་རྒྱ་འདི་ཉིད་ལས་མཛུབ་མོ་གཉིས་བརྐྱང་བ་ནི་དཀོན་མཆོག་འབྱུང་གནས་ཀྱི་ཕྱག་རྒྱའོ། །ཕྱག་རྒྱ་འདི་ཉིད་ལས་མཐེ་བོ་དང་སྲིན་ལག་རྩེ་མོ་སྤྲད་ལ་གུང་མོ་བརྐྱང་བ་ནི་ལག་ན་ཕྱག་རྒྱ་རིན་པོ་ཆེའི་ཕྱག་རྒྱའོ། །ཕྱག་
རྒྱ་འདི་ཉིད་ལས་མཐེ་བོ་དང་མཐེའུ་ཆུང་སྦྱར་ལ་མཛུབ་མོ་བཀུག་པ་ནི་རྟག་ཏུ་བརྩོན་པར་གནས་ཀྱི་ཕྱག་རྒྱའོ། །དེ་བཞིན་དུ་ལག་པ་གཉིས་སྦྱར་ཏེ་སྲིན་ལག་གཉིས་ནང་དུ་བཅུག་ལ་མཛུབ་མོ་གཉིས་ཀྱིས་གུང་མོ་གཉིས་ཀྱི་རྩེ་མོ་མནན་ཏེ་
མཐེ་བོ་གཉིས་ངོས་ལ་སྦྱར་བ་ནི་བཅོམ་ལྡན་འདས་འཁོར་ལོས་སྒྱུར་བའི་རྒྱལ་པོ་ཆེན་པོའི་འཁོར་ལོའི་ཕྱག་རྒྱའོ། །ཕྱག་རྒྱ་འདི་ཉིད་ལས་མཐེ་བོ་གཉིས་ནང་དུ་བཅུག་པ་ནི་ཆེར་བཞད་ཀྱི་ཕྱག་རྒྱའོ། །ཕྱག་རྒྱ་འདི་ཉིད་ལས་མཛུབ་
མོ་བརྐྱང་བ་ནི་བཅོམ་ལྡན་འདས་འདི་ཉིད་ཀྱི་འོད་ཟེར་འབར་བ་ཆེན་པོའི་ཕྱག་རྒྱའོ། །མཛུབ་མོ་གཉིས་ཀྱིས་གུང་མོ་གཉིས་ལ་གོ་ཆའི་ཚུལ་དུ་འཁྱུད་པ་ནི་བཅོམ་ལྡན་འདས་ཀྱི་གོ་ཆའི་ཕྱག་རྒྱའོ། །མཛུབ་མོ་གཡས་པ་བཀུག་
པ་ནི་བཅོམ་ལྡན་འདས་འདི་ཉིད་ཀྱི་སྙན་གྱི་ཕྱག་རྒྱའོ། །མཛུབ་མོ་གཡས་པ་བཀུག་ལ་གཡོན་པ་བརྐྱང་བ་ནི་འདི་ཉིད་ཀྱི་སྨིན་མའི་ཕྱག་རྒྱའོ། །མཛུབ་མོ་གཉིས་བཀུག་པ་ནི་འདི་ཉིད་ཀྱི་ཤངས་ཀྱི་ཕྱག་རྒྱའོ། །དེ་བཞིན་དུ་མཛུབ་
མོ་གཉིས་ཀྱིས་གུང་མོ་གཉིས་དང་སྲིན་ལག་གཉིས་ལ་གོ་ཆའི་ཚུལ་དུ་འཁྱུད་ལ་ཡིད་ཙམ་བཀུག་སྟེ་མཐེ་བོ་གཉིས་དེའི་དྲུང་དུ་བཅར་བ་ནི་བཅོམ་ལྡན་འདས་འཁོར་ལོས་སྒྱུར་བའི་རྒྱལ་པོ་ཆེན་པོ་གཙུག་ཏོར་གྱི་ཕྱག་རྒྱའོ། །དེ་ཉིད་ལས་ཁ་
སྦུབས་ཏེ་སྨིན་མཚམས་སུ་གཞག་པ་ནི་བཅོམ་ལྡན་འདས་ཀྱི་མཛོད་སྤུའི་ཕྱག་རྒྱའོ། །དེ་བཞིན་དུ་མཛུབ་མོ་བརྐྱང་ལ་མཐེ་བོ་བསྟོད་དེ་བཀུག་པ་ནི་བཅོམ་ལྡན་འདས་ཀྱི་ཞལ་གྱི་ཕྱག་རྒྱའོ། །ཕྱག་རྒྱ་འདི་ཉིད་ལས་མཐེ་བོ་གཉིས་ནང་དུ་བཅུག་

94-1-118b

ལ་སླར་བསྒྲེང་བ་ནི་མཆེ་བའི་ཕྱག་རྒྱའོ། །ཕྱག་རྒྱ་དེ་ཉིད་ལས་སྲིན་ལག་གཉིས་ནང་དུ་བཅུག་སྟེ་ཕྱིར་བསྒྲེང་བ་ནི་ལྗགས་ཀྱི་ཕྱག་རྒྱའོ། །འདི་ཉིད་ལས་མཛུབ་མོ་གཉིས་གདུབ་ཀོར་གྱི་ཚུལ་དུ་ངོས་ལ་སྦྱར་བ་ནི་མཁུར་བའི་ཕྱག་རྒྱའོ། །འདི་ཉིད་
ལས་མཛུབ་མོ་གཉིས་ནང་དུ་བཅུག་སྟེ་གུང་མོ་གཉིས་ཀྱི་དྲུང་དུ་སྦྱར་བ་ནི་ཀོས་ཀོའི་ཕྱག་རྒྱའོ། །གཙུག་ཏོར་གྱི་ཕྱག་རྒྱ་ལས་མཐེའུ་ཆུང་གཉིས་བསྐྱེད་དེ་སྙིང་གར་གཞག་པ་ནི་དཔལ་བེའུའི་ཕྱག་རྒྱའོ། །དེ་བཞིན་དུ་ལག་པ་གཉིས་སྙིམ་པ་
སྦྱར་བའི་ཚུལ་དུ་སྦྱར་ཏེ་མཛུབ་མོ་གཉིས་གདུབ་ཀོར་གྱི་ཚུལ་དུ་གུང་མོ་གཉིས་ཀྱི་ངོས་ལ་སྦྱར་བ་ནི་བཅོམ་ལྡན་འདས་ཀྱི་སྤྱན་གྱི་ཕྱག་རྒྱའོ། །ཕྱག་རྒྱ་འདི་ཉིད་ལས་གུང་མོ་གཉིས་ནང་དུ་བཅུག་པ་ནི་ལྟེ་བའི་ཕྱག་རྒྱའོ། །སྲིན་ལག་གཉིས་
ཀྱང་ནང་དུ་བཅུག་པ་ནི་བཅོམ་ལྡན་འདས་ཀྱི་གསུང་གི་ཕྱག་རྒྱ་ཆེན་པོའོ། །དེ་བཞིན་དུ་ལག་པ་གཉིས་སྙིམ་པར་སྦྱར་ཏེ་མཐེའུ་ཆུང་གཉིས་དང་མཛུབ་མོ་གཉིས་ཀ་བཀུག་ལ་རྡོ་རྗེའི་ཚུལ་དུ་གཞག་པ་ནི་བཅོམ་ལྡན་འདས་ཀྱི་རྡོ་རྗེ་
ལས་བྱུང་བའི་ཕྱག་རྒྱའོ། །ཕྱག་རྒྱ་དེ་ཉིད་ལས་མཐེའུ་ཆུང་གཉིས་སྔ་མ་བཞིན་དུ་གཞག་པ་ལ་མཛུབ་མོ་གཉིས་རྡོ་རྗེའི་ཚུལ་དུ་ངོས་ལ་གཞག་པ་ནི་རྡོ་རྗེ་ཡན་ལག་ལས་བྱུང་བའི་ཕྱག་རྒྱའོ། །རྡོ་རྗེ་ཡན་ལག་ལས་བྱུང་བའི་
ཕྱག་རྒྱ་འདི་ཉིད་ལས་མཐེ་བོ་གཉིས་གུང་མོ་གཉིས་ཀྱི་དྲུང་དུ་བཅར་ལ་ལྷག་མ་སྔ་མ་བཞིན་དུ་གཞག་པ་ནི་རྡོ་རྗེ་ལྟར་མཁྲེགས་པའི་ཕྱག་རྒྱའོ། །དེ་བཞིན་དུ་ལག་པ་གཉིས་བསྣོལ་བའི་ཚུལ་གྱིས་གཡོན་པ་ཁ་སྦུབས་ལ་གཡས་པ་
བཀན་ཏེ། མཐེ་བོ་དང་མཐེ་བོ་ཆུང་གཉིས་རྩེ་མོ་སྤྲད་ལ་སོར་མོ་ལྷག་མ་རྣམས་མདུང་རྩེ་གསུམ་པའི་ཚུལ་དུ་གཞག་པ་ནི་གཉིས་ཀའི་རྡོ་རྗེའི་ཕྱག་རྒྱའོ། །ཕྱག་རྒྱ་འདི་ཉིད་ལས་མཐེའུ་ཆུང་དང་མཐེ་བོ་རྡོ་རྗེ་བཅིངས་པའི་
ཚུལ་དུ་བཅིང་བ་ནི་རྡོ་རྗེ་གདུ་བུའི་ཕྱག་རྒྱ་སྟེ་མཚམས་བཅད་པའོ། །ཕྱག་རྒྱ་འདི་ཉིད་ལས་མཛུབ་མོ་གཡས་གཡོན་གཉིས་ཀ་བསྐུམ་པ་ནི་ས་བཅིང་བའི་རྡོ་རྗེའི་ཕྱག་རྒྱའོ། །ཕྱག་རྒྱ་འདི་ཉིད་ལས་མཛུབ་མོ་སྔ་མ་བཞིན་

94-1-119a

དུ་བརྐྱང་བ་ལ་ལག་པ་གཡས་གཡོན་གཉིས་ཀའི་གུང་མོ་བཀུག་པ་ནི་རྡོ་རྗེ་ཕྲེང་བའི་ཕྱག་རྒྱའོ། །རྡོ་རྗེ་ཕྲེང་བའི་ཕྱག་རྒྱ་ལས་གུང་མོ་བརྐྱང་ལ་སྲིན་ལག་གཡས་པ་བཀུག་པ་ནི་ལུས་ཀུན་དུ་འཛིན་པའི་རྡོ་རྗེའི་ཕྱག་རྒྱའོ། །
ལུས་ཀུན་དུ་འཛིན་པའི་རྡོ་རྗེའི་ཕྱག་རྒྱ་དེ་ལས་སྲིན་ལག་བརྐྱང་སྟེ་མཛུབ་མོ་ཚིགས་དང་པོ་བཀུག་པ་ནི་ནམ་མཁའ་རྣམ་པར་འཇོམས་པའི་རྡོ་རྗེའི་ཕྱག་རྒྱའོ། །དེ་བཞིན་དུ་ལག་པ་གཡོན་པའི་མཛུབ་མོ་ཡང་ལག་མཐིལ་དུ་ཕུར་བུའི་ཚུལ་
དུ་གཞག་པ་ནི་ཕུར་བུ་རྡོ་རྗེའི་ཕྱག་རྒྱའོ། །ཕུར་བུ་རྡོ་རྗེའི་ཕྱག་རྒྱ་ལས་སོར་མོ་ཐམས་ཅད་བསྐུམ་པ་ནི་རྡོ་རྗེ་བཀྲ་ཤིས་ཀྱི་ཕྱག་རྒྱའོ། །རྡོ་རྗེ་བཀྲ་ཤིས་ཀྱི་ཕྱག་རྒྱ་ལས་སོར་མོ་ཐམས་ཅད་བསྒྲེང་སྟེ་གཞག་པ་ནི་རྡོ་རྗེ་བླ་རེའི་ཕྱག་རྒྱའོ། །
དེ་ཉིད་ལས་སོར་མོའི་བར་ཕྲལ་ཏེ་གཞག་པ་ནི་རྡོ་རྗེ་མདུང་རྩེ་གསུམ་པའི་ཕྱག་རྒྱའོ། །དེ་ཉིད་ལས་གཏུན་ཤིང་གི་ཚུལ་དུ་གཅིག་ཏུ་བསྡུས་པ་ནི་རྡོ་རྗེ་གཏུན་ཤིང་གི་ཕྱག་རྒྱའོ། །རྡོ་རྗེ་གཏུན་བུའི་ཕྱག་རྒྱ་ལས་ལག་པ་གཡས་པའི་གུང་
མོ་དང་སྲིན་ལག་གཉིས་བཀུག་ལ་མཛུབ་མོ་བེ་ཅོན་ཚུལ་དུ་བསྒྲེང་བ་ནི་རྡོ་རྗེ་བེ་ཅོན་གྱི་ཕྱག་རྒྱའོ། །གུང་མོ་ཡང་དེ་ཉིད་ལ་སྦྱར་ཏེ་བརྐྱང་བ་ནྀ་རྡོ་རྗེ་རལ་གྲིའི་ཕྱག་རྒྱའོ། །རྡོ་རྗེ་རལ་གྲིའི་ཕྱག་རྒྱ་ལས་ཚིགས་དང་པོ་བཀུག་པ་ནི་འཁོར་ལོ་
རྡོ་རྗེའི་ཕྱག་རྒྱའོ། །འཁོར་ལོ་རྡོ་རྗེའི་ཕྱག་རྒྱ་ལས་གུང་མོའི་རྒྱབ་ཏུ་མཛུབ་མོ་གཉིས་བཀུག་སྟེ་སྦྱར་བ་ནི་རྡོ་རྗེ་ལྕགས་མདའི་ཕྱག་རྒྱའོ། །རྡོ་རྗེ་ལྕགས་མདའི་ཕྱག་རྒྱ་ལས་སྲིན་ལག་ཡང་དེ་ཉིད་ལ་སྦྱར་བ་ནི་རྡོ་རྗེ་རྩེ་གཅིག་པའི་ཕྱག་
རྒྱའོ། །རྡོ་རྗེ་རྩེ་གཅིག་པའི་ཕྱག་རྒྱ་ལས་གུང་མོ་བསྒྲེང་སྟེ་བརྐྱང་ལ་དེ་དག་ལས་གཅིག་ཞགས་པའི་ཚུལ་དུ་བཀུག་པ་ནི་རྡོ་རྗེ་ཞགས་པའི་ཕྱག་རྒྱའོ། །དེ་བཞིན་དུ་ལག་པ་གཡོན་པའི་སོར་མོ་གསུམ་གཅིག་ཏུ་
བསྡུས་པ་ནི་རྡོ་རྗེ་རུས་སྦལ་གྱི་ཕྱག་རྒྱའོ། །རྡོ་རྗེ་རུས་སྦལ་གྱི་ཕྱག་རྒྱ་ལས་མཛུབ་མོ་བསྒྲེང་བ་ནི་ལྷ་མ་ཡིན་གྱི་འཁྲུལ་འཁོར་ཐམས་ཅད་འཇོམས་པར་བྱེད་པའི་ཕྱག་རྒྱའོ། །ཕྱག་རྒྱ་འདི་ཉིད་ལས་སོར་མོ་

94-1-119b

གཉིས་བརྐྱང་སྟེ་མཛུབ་མོ་བསྐུམ་པ་ནི་སྟངས་སྟབས་འགུག་པ་རྡོ་རྗེའི་ཕྱག་རྒྱའོ། །དེ་བཞིན་དུ་ལག་པ་གཉིས་སྙིམ་པར་སྦྱར་ཏེ་གུང་མོ་གཉིས་སྲིན་ལག་གཉིས་ལ་འཁྱུད་དེ་མཐེ་བོ་གཉིས་དང་མཛུབ་མོ་གཉིས་ངོས་
ལ་སྦྱར་བ་ནི་རྡོ་རྗེ་གནས་ཀྱི་ཕྱག་རྒྱའོ། །ཕྱག་རྒྱ་དེ་ཉིད་ལས་མཐེའུ་ཆུང་གཉིས་ཀ་བརྐྱང་ནས་སུ། །མཐེ་བོ་གཉིས་ནི་བསྒྲེང་བྱས་ལ། །འདི་ནི་གཏུན་ཤིང་རྐེད་ཉག་སྟེ། །ཀུན་དུ་ཐོགས་པ་མེད་
པར་འདོད། །ཕྱག་རྒྱ་འདི་ཉིད་ལས་མཛུབ་མོ་གཉིས་དེའི་དྲུང་དུ་བཀུག་པ་ནི་རྡོ་རྗེ་ཡན་ལག་བརྒྱན་པའི་ཕྱག་རྒྱའོ། །དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་ལག་ན་རྡོ་རྗེ་ཡང་རྡོ་རྗེ་དོན་ཡོད་པའི་
དཀྱིལ་འཁོར་ཡང་དག་པར་བསྒྲུབ་པར་བྱ་བའི་ཕྱིར། བྱང་ཆུབ་སེམས་དཔའ་བྱང་ཆུབ་སེམས་དཔའི་སྤྱོད་པ་གསང་སྔགས་ཀྱི་སྒོ་སྤྱོད་པ་རྡོ་རྗེས་བྱིན་གྱིས་བརླབས་པ་རྣམས་ཀྱི་དངོས་གྲུབ་བསྒྲུབ་
པའི་ཐབས་སླ་བ། སངས་རྒྱས་ཐམས་ཅད་ཀྱི་སྤྱོད་པ་ཤེས་པ། མངོན་པར་རྫོགས་པར་བྱང་ཆུབ་པ་རྣམ་པར་རྟོག་པར་བྱེད་པའི་ཕྱག་རྒྱ་གསང་ཆེན་ཡན་ལག་དང་ཡན་ལག་ལས་བྱུང་བ། 
རྡོ་རྗེ་སེམས་དཔས་བྱིན་གྱིས་བརླབས་པ་རྣམས་དང་སྔོན་གྱི་རྒྱལ་བ་ལ་བྱ་བ་བྱས་པ་རྣམས་དང་ཐེག་པ་ཆེན་པོ་རྟོགས་པར་ཁོང་དུ་ཆུད་པ་རྣམས་དང་རྡོ་རྗེ་འཆང་གིས་བྱིན་གྱིས་བརླབས་པ་རྣམས་ཀྱིས་
མཉན་པ་འམ། བཟུང་བ་མ་རྟོགས་པར་ཉན་ཐོས་དང་རང་སངས་རྒྱས་ཐམས་ཅད་ཀྱིས་ཀྱང་ཤེས་པར་མི་ནུས་ན། གཞན་འཇིག་རྟེན་པ་མུ་སྟེགས་བྱེད་རྣམས་ཀྱིས་ཤེས་པའམ་རྣམ་པར་ཤེས་པ་ལྟ་ཅི་
སྨོས་པ་བཤད་པར་བརྩམས་སོ། །དེ་ནས་རྡོ་རྗེ་འཆང་གིས་ཐམས་ཅད་དང་ལྡན་པའི་འཁོར་གྱི་དཀྱིལ་འཁོར་ལ་བྱམས་པ་ཆེན་པོ་དང་། སྙིང་རྗེ་ཆེན་པོའི་མིག་གཉིས་ཀྱིས་རྣམ་པར་བལྟས་ཏེ་རྡོ་རྗེ་དོན་ཡོད་པའི་དཀྱིལ་འཁོར་གྱི་

94-1-120a

བྱིན་གྱིས་བརླབས་ཀྱིས་བརླབས་ནས་སྨྲས་པ། རིགས་ཀྱི་བུ་དག་དེ་བཞིན་གཤེགས་པའི་ཟུར་ཙམ་གྱི་གོ་བའི་ཡེ་ཤེས་ལས་བྱུང་བའི་ཕྱག་རྒྱའི་དཀྱིལ་འཁོར་རབ་འབྱམ་ཞེས་བྱས་པའི་ཆོས་ཀྱི་སྒོ་སེམས་ཅན་གྱི་
ཁམས་མཐའ་ཡས་པ་སྒྲོལ་བར་བྱེད་པ་ཡོད་དོ་ཞེས་སྨྲས་ནས། དེའི་ཚེ་སྨིན་མཚམས་ཀྱི་བར་ནས་འགྲོ་བ་ཐམས་ཅད་ཡོངས་སུ་སྐྱོབ་པ་ཞེས་བྱ་བའི་འོད་ཟེར་འཁོར་བརྒྱ་ཕྲག་དུ་མ་དང་ལྡན་པར་བྱུང་ངོ་། །དེ་བྱུང་ནས་ནམ་
མཁའི་ཁམས་ཀྱིས་ཀླས་པའི་འཇིག་རྟེན་གྱི་ཁམས་རྒྱ་མཚོ་ཐམས་ཅད་དུ་སེམས་ཅན་ཐམས་ཅད་ཀྱི་བསམ་པ་འདུན་པར་བྱས་ནས། དཀོན་མཆོག་གསུམ་གྱི་རྡོ་རྗེའི་བྱིན་གྱི་བརླབས་ཀྱིས་སེམས་ཅན་གྱི་ཁམས་བྱིན་གྱིས་བརླབས་
ཏེ། སླར་ཡང་བྱང་ཆུབ་སེམས་དཔའ་ལག་ན་རྡོ་རྗེ་ལ་བསྐོར་བ་བྱས་ནས་མཛོད་སྤུ་ཉིད་དུ་ཞུགས་སོ། །དེ་ནས་ཐམས་ཅད་དང་ལྡན་པའི་འཁོར་དེས་མགྲིན་གཅིག་ཏུ་ཚིག་སྨྲས་པ། སེམས་དཔའ་ཆེན་པོ་འདི་ནི་དུས་སོ། །འདི་ནི་ཚོད་
དོ། །དེས་ན་བདག་ཅག་གིས་བྱང་ཆུབ་སེམས་དཔའི་སྤྱད་པ་གསང་སྔགས་ཀྱི་སྒོ་སྤྱོད་པའི་བྱང་ཆུབ་སེམས་དཔའ་རྣམས་ལ་དངོས་གྲུབ་སྩལ་བར་བགྱིའོ། །བསྲུང་བ་དང་གཟི་བརྗིད་ཕུན་སུམ་ཚོགས་པ་ལ་སོགས་པ་སྩལ་བར་
བགྱིའོ། །དེ་ནས་རྡོ་རྗེ་འཆང་གིས་གསང་ཆེན་དང་བཅས་པའི་ཡན་ལག་གི་ཕྱག་རྒྱ་སྨྲས་པ། མཁས་པས་དམ་ཚིག་ཅེས་བྱ་བའི། །ཕྱག་རྒྱ་ཐོག་མར་བཅིངས་ནས་སུ། །སངས་རྒྱས་སྙིང་པོ་དྲན་བྱས་ལ། །ལག་
པ་གཡས་པ་བསྒུབ་པར་བྱ། །ཨོཾ་རྫོགས་པའི་སངས་རྒྱས་རྣམས་ཀྱི་ཡེ་ཤེས་ཀྱི་ཕྱག་རྒྱ་ནི་མི་ཤེས་པའི་གྲོང་ཁྱེར་འཇིག་པར་བྱེད་པ་སྟེ། རྡོ་རྗེ་ཡེ་ཤེས་རྣམ་པར་དགོད་པའི་ཕྱག་རྒྱ་ཞེས་བྱའོ། །ལག་པ་གཡས་པ་བརྐྱང་
ནས་སུ། །སྟེང་གི་ཕྱོགས་སུ་ཡོངས་བསྐྱོད་ན། །སྡང་བ་རྣམས་ནི་བསྐྲད་པར་འགྱུར། །སྐྱོད་བྱེད་རྣམས་ཀྱང་གཡོ་བར་འགྱུར། །བཙུམས་ཀྱི་ཚུལ་དུ་བྱས་ནས་སུ། །ལག་པ་གཡས་པ་བཏེག་བྱས་ལ། །རྣལ་འབྱོར་

94-1-120b

པས་ནི་མཚོགས་མར་གཞག །ཁ་ཞེས་བྱ་བ་འབར་ཕྲེང་ཅན། །ཐིག་ལེ་དང་ནི་བཅས་པར་ཡང་། །སྤྱི་བོ་སྟེང་དུ་གནས་པར་བྱ། །མེ་ལྕེ་ཕྲེང་ལྡན་ཀུན་དུ་འབར། །ཕྱོགས་བཅུ་ཀུན་དུ་ལྷམ་མེ་བ། །གཙུག་ཏོར་ཕྱག་རྒྱ་
ཕྱག་རྒྱ་ཆེ། །གཙུག་ཏོར་སྟེང་ན་གནས་པ་ཡིན། །སྔགས་ལ། བཛྲ་ཧོ་ཁྃ་སྭཱ་ཧཱ། ལག་པ་དེ་ཉིད་མཛུབ་སྒྲེང་སྟེ། །བཏེག་པ་སྨིན་མ་གཉིས་ཀར་ཡང་། །སྔགས་པས་ཧ་ཞེས་བྱ་བ་ནི། །སྐྱེད་གཉིས་དང་ནི་ལྡན་པར་གཞག །སྔགས་ལ། 
བཛྲ་ཧོ་ཏུྃ་སྭཱ་ཧཱ། རྡོ་རྗེ་སྨིན་མའི་ཕྱག་རྒྱའོ། །གུང་མོ་བསྒྲེང་བའི་ཚུལ་གྱིས་སུ། །ལག་པ་དེ་ཉིད་བཏེག་ནས་སུ། །ཧ་ཞེས་བྱ་བ་མིག་གཉིས་སུ། །སྐྱེད་གཉིས་དང་ནི་ལྡན་པར་གཞག །སྔགས་ལ། བཛྲ་ཧོ་ཧྲཱིཿསྭཱ་ཧཱ། རྡོ་རྗེ་མིག་གི་ཕྱག་
རྒྱའོ། །ལག་པ་དེ་ཉིད་བཏེག་ནས་སུ། །ཧ་ཞེས་བྱ་བ་སྟོབས་ལྡན་པར། །མཐེའུ་ཆུང་བསྒྲེང་བའི་ཚུལ་གྱིས་སུ། །རྡོ་རྗེ་སྣ་ལ་གཞག་པར་བྱ། །སྔགས་ལ། བཛྲ་ཧོ་ཧ་སྭཱ་ཧཱ། རྡོ་རྗེ་སྣའི་ཕྱག་རྒྱའོ། །མཐེའུ་ཆུང་བསྒྲེང་བའི་ཚུལ་
གྱིས་སུ། །ལག་པ་དེ་ཉིད་བཏེག་ནས་སུ། །སྔགས་པས་རྣ་བ་གཉིས་གར་ཡང་། །ཧེ་ཞེས་བྱ་བ་གཞག་པར་བྱ། །སྔགས་ལ། བཛྲ་ཧ་ཧོ་སྭཱ་ཧཱ། རྡོ་རྗེ་རྣ་བའི་ཕྱག་རྒྱའོ། །མཐེ་བོ་བསྒྲེང་སྟེ་ལག་དེ་ཉིད། །བཏེག་ནས་མཁུར་
ཚོས་གཉིས་ཀར་ཡང་། །ཧ་ཞེས་བྱ་བ་སྐྱེད་གཉིས་ཅན། །བརྟུལ་ཞུགས་ཅན་གྱིས་གཞག་པར་བྱ། །སྔགས་ལ། བཛྲ་ཧོ་ཧོ་སྭཱ་ཧཱ། རྡོ་རྗེ་མཁུར་བའི་ཕྱག་རྒྱའོ། །སྔགས་པས་གུང་མོ་མཐེབ་སྦྱར་ཏེ། །
ལག་པ་དེ་ཉིད་བཏེག་ནས་སུ། །ཧ་ཞེས་བྱ་བ་སྐྱེད་གཉིས་ཅན། །མཆུ་གཉིས་སུ་ནི་གཞག་པར་བྱ། །སྔགས་ལ། བཛྲ་ཧོ་ཧཱུྃ་སྭཱ་ཧཱ། རྡོ་རྗེ་མཆུའི་ཕྱག་རྒྱའོ། །སྔགས་ཤེས་པས་ནི་མཐེབ་བསྒྲེང་སྟེ། །
ལག་པ་དེ་ཉིད་བཏེག་ནས་སུ། །ཧ་ཞེས་བྱ་བ་ཐིག་ལེ་ཅན། །ལྕེ་ཡི་གནས་སུ་གཞག་པར་བྱ། །སྔགས་ལ། བཛྲ་ཧོ་ཧྃ་སྭཱ་ཧཱ། རྡོ་རྗེ་ལྕེའི་ཕྱག་རྒྱའོ། །ལག་པ་གཡོན་པ་བཏེག་ནས་སུ། །སྔགས་པས་ནུ་མཇིང་གཉིས་ཀར་ཡང་། །ར་ཞེས་

94-1-121a

བྱ་བ་གཞག་བྱ་སྟེ། །སྐྱེད་གཉིས་དང་ནི་ལྡན་པའོ། །བཛྲ་ཧ་ཧོ་ར་སྭཱ་ཧཱ། རྡོ་རྗེ་ནུ་མཇིང་གི་ཕྱག་རྒྱའོ། །ལག་པ་གཡོན་པ་དེ་ཉིད་ནི། །མགུལ་པའི་གནས་སུ་གཞག་པར་བྱ། །ར་ཞེས་བྱ་བ་སྐྱེད་གཉིས་ཅན། །མཛུབ་མོ་རྩེ་མོས་གཞག་
པར་བྱ། །བཛྲ་ཧོ་ཧྲི་སྭཱ་ཧཱ། དཔལ་བེའུ་རྡོ་རྗེའི་ཕྱག་རྒྱའོ། །ལག་པ་དེ་ཉིད་བཏེག་ནས་སུ། །མཁས་པས་མཆན་ཁུང་ཕྱོགས་སུ་གཞག །ར་ཞེས་བྱ་བའི་ཐིག་ལེ་ཅན། །དེར་ནི་ལེགས་པར་གཞག་པར་བྱ། །བཛྲ་ཧོ་ར་མ་སྭཱ་ཧཱ། རྡོ་རྗེ་མཆན་
ཁུང་ཕྱག་རྒྱའོ། །ལག་པ་དེ་ཉིད་བཏེག་ནས་སུ། །སོར་མོ་སྲིན་ལག་ཚུལ་གྱིས་ནི། །ར་གཉིས་ཚིག་དང་བཅས་པར་ཡང་། །ལག་པ་གཉིས་ག་གཞག་པར་བྱ། །བཛྲ་ཧོ་རཱ་རཱ་སྭཱ་ཧཱ། རྡོ་རྗེ་དགེ་བའི་ཕྱག་རྒྱའོ། །ལག་པ་དེ་ཉིད་བཏེག་ནས་སུ། །སྔགས་
པས་སྙིང་གི་སྟེང་དུ་ནི། །ར་ཞེས་བྱ་བ་རྣ་རུ་ཅན། །ཇི་ལྟ་བཞིན་དུ་གཞག་པར་བྱ། །བཛྲ་ཧོ་རོ་སྭཱ་ཧཱ། རྡོ་རྗེ་སྙིང་གི་ཕྱག་རྒྱའོ། །ལག་གཡས་དམ་པ་སྦྱིན་བྱས་ལ། །མཁས་པས་སོར་མོ་མཛུབ་མོ་ཡིས། །སྙིང་ག་ནས་ནི་སོར་གཉིས་སུ། །སྐྱེད་གཉིས་
ལྡན་པའི་བ་གཞག་གོ། བཛྲ་ཧོ་བྷ་སྭཱ་ཧཱ། རྡོ་རྗེ་ཡན་ལག་གི་ཕྱག་རྒྱའོ། །ལག་པ་དེ་ཉིད་སྨད་ནས་སུ། །གུང་མོ་བ་ཞེས་བྱ་བ་གཉིས། །སྐྱེད་གཉིས་དང་ནི་ལྡན་པར་ཡང་། །རྩིབས་ལོགས་གཡོན་པར་གཞག་པར་བྱ། །བཛྲ་ཧོ་བྷི་བི་སྭཱ་ཧཱ། རྡོ་རྗེ་རྩིབས་
ལོགས་ཀྱི་ཕྱག་རྒྱའོ། །ལག་པ་དེ་ཉིད་བཏེག་ནས་སུ། །མཁས་པས་རྩིབས་ལོགས་གཡས་པར་ནི། །བ་ཞེས་བྱ་བའི་ཐིག་ལེ་ཅན། །མཐེའུ་ཆུང་སོར་མོ་གཞག་པར་བྱ། །སྔགས་ལ། བཛྲ་ཧོ་བྃ་སྭཱ་ཧཱ། རྩིབས་ལོགས་གཡས་པའི་རྡོ་རྗེའི་ཕྱག་རྒྱའོ། །
ལག་པ་དེ་ཉིད་བཏེག་ནས་སུ། །མཐེ་བོ་དང་ནི་གུང་མོ་གཉིས། །བ་ཞེས་བྱ་བའི་ཐིག་ལེར་བཅས། །རྣ་རུ་རྟགས་ཅན་ལྟེ་བར་གཞག །སྔགས་ལ། བཛྲ་ཧོ་བཾ་སྭཱ་ཧཱ། རྡོ་རྗེ་ལྕེའི་ཕྱག་རྒྱའོ། །ལག་པ་དེ་ཉིད་བཏེག་ནས་སུ། །ལྟེ་བའི་འོག་གི་སོར་
གཉིས་སུ། །བ་ཞེས་བྱ་བའི་ཐིག་ལེ་ཅན། །གཉིས་ཤིག་མཛུབ་མོའི་རྩེ་མོར་གཞག །སྔགས་ལ། བཛྲ་ཧོ་བྃ་བྃ་སྭཱ་ཧཱ། རྡོ་རྗེ་ཟླ་བ་སྡུག་གི་ཕྱག་རྒྱའོ། །ལག་པ་དེ་ཉིད་བཏེག་ནས་སུ། །རྐེད་པའི་ཕྱོགས་སུ་བློ་ལྡན་གྱིས། །

94-1-121b

སོར་མོ་གུང་མོ་ཚུལ་གྱིས་སུ། །སྐྱེད་གཉིས་ལྡན་པའི་བ་གཞག་གོ། སྔགས་ལ། བཛྲ་ཧོ་བྷཽ་སྭཱ་ཧཱ། རྡོ་རྗེ་རྐེད་པའི་ཕྱག་རྒྱའོ། །ལག་པ་གཡོན་པ་ཁ་སྦུབ་ལ། །གཡས་པ་དེའི་སྟེང་དུ་བཀན་ཏེ། །ལག་པ་གཉིས་བསྣོལ་མར་སྦྱར་
ལ། །མཐེ་བོ་མཐེ་ཆུང་ཕན་ཚུན་དུ། །རྡོ་རྗེ་བཅིངས་པའི་ཚུལ་བྱས་ཏེ། །མཛུབ་མོ་བསྒྲེང་ལ་གཡོན་རོལ་ནས་སོར་མོ་ཐམས་ཅད་ཀྱིས་གོ་བགོ་བའི་ཚུལ་དུ་བསྐོར་རོ། །རྡོ་རྗེ་གོ་བགོ་བའི་ཕྱག་རྒྱ་སྟེ། སྔགས་ལ། བཛྲ་ཧྃ་ཧ་སྭཱ་ཧཱ། མཐེ་བོ་
གཉིས་ནི་ཕྱེ་ནས་སུ། །གཡས་ལོགས་སུ་ནི་ཡོངས་སུ་འཕང་། །ཚངས་ལ་སོགས་པའི་ལྷ་སྐྲོད་ན། །སྡང་སེམས་རྣམས་ལྟ་སྨོས་ཅི་དགོས། །རྡོ་རྗེ་འཁོར་ལོའི་ཕྱག་རྒྱ་ཞེས། །རྒྱལ་བ་དམ་པ་རྣམས་ཀྱིས་གསུངས། །འདི་གཞག་བྱ་
བའི་ཚུལ་གྱིས་སུ། །རྒྱལ་བ་དམ་པར་འགྱུར་བ་ཡིན། །སྔགས་ལ། བཛྲ་ཧོ་བྃ་བ་སྭཱ་ཧཱ། མཛུབ་མོ་ནང་དུ་བཀུག་ནས་སུ། །ལྷག་མ་སྔ་མ་བཞིན་དུ་གཞག །གུང་མོ་གྱེན་དུ་བསྒྲེང་བྱས་ལ། །འོག་གི་ས་ལ་གཞག་པར་བྱ། །
སྔགས་ལ། བཛྲ་ཧོ་ཧྃ་སྭཱ་ཧཱ། རྡོ་རྗེ་ཡན་ལག་གི་ཕྱག་རྒྱའོ། །འདི་དག་ཐམས་ཅད་ཤེས་ནས་སུ། །རྡོ་རྗེ་ལུས་སུ་སྲ་བར་འགྱུར། །བལྟས་པས་བགེགས་ཀྱང་ཞིར་འགྱུར་ན། །ཕ་རོལ་གནོད་པ་སྨོས་ཅི་དགོས། །བལྟས་པས་ནད་
རྣམས་ཐམས་ཅད་དང་། །སྡང་བ་ཐམས་ཅད་འཇིགས་པར་བྱེད། །ཕྱག་རྒྱར་བཅས་ཏེ་སྔགས་བརྗོད་ན། །ལྷ་ལ་སོགས་པ་དབང་དུ་འགྱུར། །དེ་ནས་སློབ་མ་བརྟག་བྱ་སྟེ། །ཆོ་ག་མཐོང་བའི་ལས་ཀྱིས་ནི། །ཡན་ལག་
ཐམས་ཅད་མཚན་ལྡན་ཞིང་། །ཡན་ལག་རྫོགས་ལ་མཐུན་པ་བདམ། །མཐོང་བ་ཉམས་དང་ཟུར་ལྟ་དང་། །མ་རུངས་པ་དང་མིའུ་ཐུང་སྤང་། །བྱེ་བྲག་ཏུ་ནི་ལྟ་བ་བརྟག །ལྟ་བ་དོན་ཀུན་སྒྲུབ་པར་བྱེད། །དྲག་དང་
འཇམ་དང་བར་མ་དང་། །ལྟ་བ་རྣམ་པ་གསུམ་དུ་གསུངས། །བསྐྲད་དང་བསད་དང་དེ་བཞིན་དུ། །བསྐམ་དང་ཕུང་བར་བྱ་བ་དང་། །མ་རུངས་པ་དག་དབང་བྱེད་དང་། །ཚར་གཅོད་པ་ནི་དྲག་པོར་བསྟན། །འཇམ་པོར་ལྟ་བ་འཇམ་པོར་

94-1-122a

བྱེད། །སེམས་ཅན་ཐམས་ཅད་དབང་དུ་བྱེད། །བསྒྲུབ་པ་རྒྱ་ཆེར་སེམས་ལྡན་ཞིང་། །འཇམ་པོར་ལྟ་བ་སྙན་པར་སྨྲ། །སྙིང་རྗེ་དང་ནི་ཐབས་ལྡན་ཞིང་། །བྱང་ཆུབ་སེམས་དང་འཇིགས་མེད་པ། །བདུད་ཀྱི་དཔུང་ནི་སྟོབས་
པོ་ཆེ། །མ་ཐུལ་ཐམས་ཅད་འདུལ་བྱེད་ན། །བགེགས་དང་ལོག་འདྲེན་ཐམས་ཅད་དང་། །སྡང་བ་ཀུན་ལྟ་སྨོས་ཅི་དགོས། །དེ་ལྟ་བས་ན་རྣམ་ཀུན་དུ། །འཇམ་པོར་བལྟ་བ་བརྟག་པར་བྱ། །མཛའ་དང་དགྲ་ལ་སེམས་སྙོམས་ཤིང་། །
ལས་སུ་བྱ་བ་རྣམ་སྤངས་ལ། །སྔགས་པས་བར་མར་གནས་པ་ནི། །གལ་ཏེ་ཐབས་ལ་མཁས་ཤིག་ན། །ཡིད་ལ་བསམས་པར་གྱུར་པ་ཡིས། །དགོས་པ་ཐམས་ཅད་བྱེད་པར་འགྱུར། །དེ་ལྟ་བས་ན་རྣམ་ཀུན་དུ། །ལྟ་བ་
འདི་ནི་རྣམ་པར་སྦྱར། །གང་ཞིག་ལྟ་བ་ཡོངས་དག་ཅིང་། །དེ་བཞིན་ཡིད་ཀྱང་རྣམ་དག་པ། །དེ་ལ་རྡོ་རྗེ་ཡེ་ཤེས་ཕྱིར། །བརྟུལ་ཞུགས་ཅན་གྱིས་མཆོག་ཏུ་བསྟན། །དེ་ནས་འཇམ་དཔལ་གཞོན་ནུར་གྱུར་པས་བྱང་ཆུབ་
སེམས་དཔའ་ལག་ན་རྡོ་རྗེ་ལ་འདི་སྐད་ཅེས་སྨྲས་སོ། །རིགས་ཀྱི་བུ་ཇི་ལྟར་ཁྱོད་ཀྱིས་བཤད་པའི་དོན་བདག་གིས་ཤེས་པ་ལྟར་ན། བདག་འདི་སྙམ་དུ་བྱང་ཆུབ་སེམས་དཔའ་ཡིད་རྣམ་པར་སྦྱང་བར་བྱའོ་སྙམ་བྱེད་དོ། །དེ་སྐད་ཅེས་སྨྲས་
པ་དང་། ལག་ན་རྡོ་རྗེས་འཇམ་དཔལ་གཞོན་ནུར་གྱུར་པ་ལ་འདི་སྐད་ཅེས་སྨྲས་སོ། །འཇམ་དཔལ་ལེགས་སོ་ལེགས་སོ། །ཡིད་རྣམ་པར་དག་པར་བྱ་བའི་ཕྱིར་ཚིག་འདི་ཁྱོད་ཀྱིས་ལེགས་པར་སྨྲས་སོ། །འཇམ་དཔལ་དེའི་
ཕྱིར་ཉོན་ཅིག་དང་གང་དང་ལྡན་ན་བྱང་ཆུབ་སེམས་དཔའི་སྤྱད་པ་གསང་སྔགས་ཀྱི་སྒོ་སྤྱོད་པའི་བྱང་ཆུབ་སེམས་དཔའ་རྣམས་གསང་སྔགས་རྣམས་ལ་གསང་བའི་དངོས་གྲུབ་ཐོབ་པར་གྱུར་པའི་ཡིད་རྣམ་པར་དག་པ་ཞེས་བྱ་བ་ཆོས་ཀྱི་སྒོ་ཁོ་
བོས་ཁྱོད་ལ་བཤད་པར་བྱའོ། །འཇམ་དཔལ་དེ་ལ་རིགས་ཀྱི་བུ་འམ་རིགས་ཀྱི་བུ་མོ་དཀྱིལ་འཁོར་མཐོང་བ། བྱང་ཆུབ་ཏུ་སེམས་བསྐྱེད་པ་ཡིད་སྙིང་རྗེ་དང་ལྡན་པ་ཐབས་ལ་མཁས་པ་གསང་སྔགས་ཀྱི་སྒོ་ཡི་གེའི་ཚུལ་

94-1-122b

བསྟན་པ་ལ་མཁས་པས་འདི་སྙམ་དུ་ངག་མ་གཏོགས་པར་ཡིད་མེད་ཡིད་མ་གཏོགས་པར་ངག་མེད་ཡིད་མ་གཏོགས་པར་ལྷའི་གཟུགས་མེད་དེ། ཡིད་ཉིད་ངག་ཡིན་ལ་ངག་ཉིད་ཡིད་ཡིན་ཞིང་ལྷའི་གཟུགས་ཉིད་ཀྱང་ཡིད་ཡིན་ལ་ངག་ཉིད་ཀྱང་ལྷའི་
གཟུགས་ཡིན་ནོ་སྙམ་དུ་བསམ་པར་བྱའོ། །དེ་ལྟར་ཐ་དད་དུ་བྱ་བ་མེད་པར་མོས་ན། སྔགས་པས་ཡིད་རྣམ་པར་དག་པ་ཐོབ་བོ། །ཡིད་རྣམ་པར་དག་པ་དང་ལྡན་པ་དེ་གང་གི་ཚེ། རྣམ་པ་ཐམས་ཅད་དུ་རྟག་པར་བདག་གི་
ལུས་དང་ལྷའི་གཟུགས་སུ་བདག་གི་ངག་དང་ལྷའི་ངག་ཏུ། བདག་གི་ཡིད་དང་ལྷའི་ཡིད་དུ་མཚུངས་པར་མཐོང་བ་དེའི་ཚེ་མཉམ་པར་གཞག་པ་ཡིན་ནོ། །གང་ཚེ་ཀུན་དུ་ཐམས་ཅད་དུ། །སྔགས་པ་མཉམ་པར་གཞག་གྱུར་ན། །དེའི་
ཚེ་ལུས་ལ་སོགས་པ་ཡི། །མཉམ་ཉིད་གནས་ལ་ཞུགས་པར་འགྱུར། །མཉམ་ཉིད་གནས་ལ་གནས་པ་ཡི། །ཡན་ལག་བསྐྱོད་པ་ཇི་སྙེད་དང་། །ཚིག་ཏུ་བརྗོད་པ་ཇི་སྙེད་པ། །དེ་སྙེད་གསང་སྔགས་ཕྱག་རྒྱ་ཡིན། །སྔགས་
པ་ཀུན་དུ་དགྲ་མེད་ཅིང་། །རྟག་ཏུ་མི་གཡོ་བདེ་བར་གནས། །དབང་ཕྱུག་ཀུན་གྱི་གོ་འཕང་ཐོབ། །འདོད་པ་འབྱོར་བའི་གནས་ལ་གནས། །དེ་བསིལ་ཡོངས་སུ་གདུང་བ་མེད། །བཟོད་དང་ལྡན་པའི་ཚུལ་ཁྲིམས་
བསྡམས། །དེ་ནས་བྱང་ཆུབ་སེམས་དཔའ་ཞི་བའི་བློ་གྲོས་ཀྱིས། བྱང་ཆུབ་སེམས་དཔའ་ལག་ན་རྡོ་རྗེ་ལ་འདི་སྐད་ཅེས་སྨྲས་སོ། །རིགས་ཀྱི་བུ་ཇི་ཙམ་དུ་ཡིད་རྣམ་པར་དག་པའི་སྒོའི་ཆོས་ཀྱི་རྣམ་གྲངས་འདི་བྱང་ཆུབ་
སེམས་དཔའི་སྤྱད་པ་གསང་སྔགས་ཀྱི་སྒོ་སྤྱོད་པའི་བྱང་ཆུབ་སེམས་དཔའ་རྣམས་ལ་ཕན་པར་གྱུར་པ་ནི་ངོ་མཚར་ཏོ། །རིགས་ཀྱི་བུ་འདི་ལྟ་སྟེ་དཔེར་ན་ས་ཆེན་པོ་ནི་རྐང་གཉིས་པ་དང་། རྐང་བཞི་པ་རྣམས་ལ་ཕན་པར་གྱུར་པ་ཡིན་
ནོ། །རིགས་ཀྱི་བུ་དེ་བཞིན་དུ་ཆོས་ཀྱི་སྒོ་འདི་ཡང་། བྱང་ཆུབ་སེམས་དཔའི་སྤྱད་པ་གསང་སྔགས་ཀྱི་སྒོ་སྤྱོད་པའི་བྱང་ཆུབ་སེམས་དཔའ་རྣམས་ལ་ཕན་པར་གྱུར་པ་ཡིན་ནོ། །རིགས་ཀྱི་བུ་གང་དག་ཆོས་ཀྱི་སྒོ་འདི་ལ་མངོན་

94-1-123a

པར་བརྩོན་པའི་བྱང་ཆུབ་སེམས་དཔའ་དེ་དག་ནི་གསང་སྔགས་ཀྱི་དངོས་གྲུབ་བསྒྲུབ་པའི་གནས་ལ་སྐལ་བ་ཡོད་པ་ཡིན་ནོ། །ལག་ན་རྡོ་རྗེས་སྨྲས་པ། ཞི་བའི་བློ་གྲོས་དེ་དེ་བཞིན་ཏེ། ཇི་སྐད་སྨྲས་པ་དེ་བཞིན་ནོ། །
དེ་དག་ནི་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་ངེས་པ་སྟེ། དེ་དག་ནི་རྡོ་རྗེ་དཀྱིལ་འཁོར་ཆེན་པོ་ལ་འཇུག་པ་དང་མཉན་པ་དང་ཡང་དག་པར་འཛིན་པའི་སྐལ་བ་ཡོད་པ་དག་གོ། དེ་ནས་ཐམས་ཅད་དང་ལྡན་པའི་འཁོར་དེས་བྱང་
ཆུབ་སེམས་དཔའ་ལག་ན་རྡོ་རྗེ་ལ་འདི་སྐད་ཅེས་སྨྲས་སོ། །བཅོམ་ལྡན་འདས་རིགས་ཀྱི་བུ་གང་དག་ཡིད་རྣམ་པར་དག་པའི་སྒོའི་ཆོས་ཀྱི་རྣམ་གྲངས་འདི་ལ་མངོན་པར་བརྩོན་པ་དེ་དག་ནི་ཕྱག་བགྱི་བ་ལགས་ཏེ། བདག་ཅག་ཐམས་
ཅད་གཡོག་དང་བཅས་འཁོར་དང་བཅས་པར་འདུས་ནས། གོས་དང་ཟས་རྣམས་ཀྱིས་དེ་དག་ལ་བསྟི་སྟང་དུ་བགྱི་བླ་མར་བགྱི་རི་མོར་བགྱི་མཆོད་པར་བགྱིའོ། །གྲོང་ན་གནས་ཀྱང་རུང་དགོན་པར་གནས་ཀྱང་རུང་སྟེ་གནོད་པ་ཐམས་
ཅད་ཀྱང་བཟློག་པར་བགྱིའོ། །ཕན་པ་རྣམས་ཉེ་བར་བསྒྲུབ་པར་བགྱིའོ། །རིགས་ཀྱི་བུ་འམ་རིགས་ཀྱི་བུ་མོ་རྟག་ཏུ་རྒྱུན་མི་འཆད་པར་མངོན་པར་བརྩོན་པ་དེ་དག་གི་རེ་བ་ཐམས་ཅད་ཇི་ཙམ་དུ་ཡོངས་སུ་རྫོགས་པར་མ་བགྱིས་པ་དེ་སྲིད་དུ་
བདག་ཅག་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་མངོན་པར་རྫོགས་པར་སངས་རྒྱས་པར་མི་བགྱིའོ། །དེ་ནས་བྱང་ཆུབ་སེམས་དཔའ་ལག་ན་རྡོ་རྗེས་ཐམས་ཅད་དང་ལྡན་པའི་འཁོར་དེ་ལ་འདི་སྐད་ཅེས་སྨྲས་སོ། །ལེགས་སོ་
ལེགས་སོ། །གྲོགས་པོ་དག་འདི་ལྟ་སྟེ། གང་གི་ལག་ན་ཡིད་རྣམ་པར་དག་པའི་སྒོ་གནས་པ་དེ་དེ་བཞིན་གཤེགས་པ་རྣམས་ཀྱི་བྱང་ཆུབ་བོ། །འདི་ལྟ་སྟེ་གསང་སྔགས་ཀྱི་སྒོ་སྤྱོད་པ་མངོན་པར་རྫོགས་པར་བྱང་ཆུབ་པ་
འཛིན་པ་ལ་བསྟི་སྟང་དུ་བྱ་རི་མོར་བྱ་སྟེ་འདི་ཉིད་བྱ་བའོ། །དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་ལག་ན་རྡོ་རྗེས་དེའི་ཚེ། བྱང་ཆུབ་སེམས་དཔའི་སྤྱད་པ་གསང་སྔགས་ཀྱི་སྒོ་སྤྱོད་པ་རྣམས་བསྲུང་བའི་ཕྱིར། རྣམ་

94-1-123b

པར་དག་པ་མཐའ་ཡས་པའི་གནས་ཀྱི་གསང་སྔགས་ཀྱི་ཚིག་རྣམས་སྨྲས་པ། ན་མཿ སརྦ་ཏ་ཐཱ་ག་ཏེ་བྷྱཿ སརྦ་མུ་ཁེ་བྷྱཿ སརྦ་བྷ་ཡ་བྷི་ཁ་ཏེ་བྷྱཿ སརྦ་ཐཱ་ཧཱུྃ་ཙ་པ་ལི་ནི་ཀ་ཀེ་ཀ་རཀྵ་རཀྵ་དཱ་ཀ་བྷྱ་དརྨ། ཥ་ཏྃ་གི་ཙཎྜོ་ལི་ཥ་པ་དོ་ལི་ཏི་རཏྣ་ཧ་
མ་ཡི་མ་ནི་ས་མ་མ་ཧཱ་ཡྃ་སི་སྭཱ་ཧཱ། ཆོས་སྨྲ་བ་གང་ལ་ལ་ཞིག་གིས་ཉིན་ལན་གསུམ་མཚན་ལན་གསུམ་དྲན་པར་བྱས་ན། དེ་ལ་འཇིགས་པ་དང་གནོད་པ་ཐམས་ཅད་མི་འབྱུང་ངོ་། །དེ་བཞིན་དུ་ལག་པ་གཉིས་སྦྱར་ཏེ་གུང་མོ་གཉིས་བཀུག་ལ་
ནང་དུ་བཅུག་པ་ནི་བྱང་ཆུབ་ཀྱི་སྙིང་པོ་གནོན་པའི་རྡོ་རྗེའི་ཕྱག་རྒྱའོ། །ཕྱག་རྒྱ་འདི་ཉིད་ལས་སྲིན་ལག་གཉིས་ཀྱི་ཚིགས་དང་པོ་བཀུག་པ་ནི་བདུད་ཡང་དག་པར་བསྐུལ་བའི་རྡོ་རྗེའི་ཕྱག་རྒྱའོ། །ཕྱག་རྒྱ་འདི་ཉིད་ལས་གུང་མོ་གཉིས་སླར་ཕྱུང་སྟེ། སྔ་
མ་བཞིན་དུ་གཞག་པ་ནི་བདུད་ཀྱི་དཔུང་སྐྲག་པར་བྱེད་པའི་ཕྱག་རྒྱའོ། །ཕྱག་རྒྱ་དེ་ཉིད་ལས་སྲིན་ལག་གཉིས་གཤིབས་ཏེ་མཐེ་བོ་གཉིས་བཀུག་ལ་ནང་དུ་བཅུག་པ་ནི་བདུད་ཀྱི་སྡེ་རྣམ་པར་འཇོམས་པའི་ཕྱག་རྒྱའོ། །ཕྱག་རྒྱ་དེ་ཉིད་ལས་མཐེ་བོ་གཉིས་ཕྱུང་
ལ་མཛུབ་མོ་གཉིས་བཀུག་ལ་ནང་དུ་བཅུག་པ་ནི་བདུད་འདུལ་བའི་ཕྱག་རྒྱའོ། །སྔགས་ལ། ན་མཿ སརྦ་ཏ་ཐཱ་ག་ཏེ་བྷྱཿ སརྦ་མུ་ཁེ་བྷྱཿ སརྦ་ཐཱ་ཧ་ཧེ་སྭཱ་ཧཱ། ཕྱག་རྒྱ་འདི་ཉིད་ལས་མཐེ་བོ་གཡོན་པས་མཐེ་བོ་གཡས་པ་
མནན་པ་ནི་གདོན་ཐམས་ཅད་ཚར་གཅོད་པའི་ཕྱག་རྒྱའོ། །སྔགས་ལ། ན་མཿ སརྦ་ཏ་ཐཱ་ག་ཏེ་བྷྱཿ སརྦ་མུ་ཁེ་བྷྱཿ སརྦ་ཐཱ་ཏི་སྭཱ་ཧཱཿ ཕྱག་རྒྱ་འདི་ཉིད་ལས་མཛུབ་མོ་གཡས་པས་མཐེ་བོ་གཡོན་པ་མནན་པ་ནི་སྲིན་པོ་ཐམས་
ཅད་ཚར་གཅོད་པའི་ཕྱག་རྒྱའོ། །སྔགས་ལ། ན་མཿ སརྦ་ཏ་ཐཱ་ག་ཏེ་བྷྱཿ སརྦ་མུ་ཁེ་བྷྱཿ སརྦ་ཐཱ་ཏེ་ཧེ་རེ་ཊེ་སྭཱ་ཧཱ། ཕྱག་རྒྱ་འདི་ཉིད་ལས་ལག་པ་གཡོན་པ་སྲིན་ལག་གིས་ལག་པ་གཡས་པའི་མཐིལ་དུ་བྲུད་པ་ནི་
མཁའ་འགྲོ་མ་ཐམས་ཅད་ཀྱི་སྙིང་རྣམ་པར་འཇོམས་པའི་ཕྱག་རྒྱའོ། །སྔགས་ལ། ན་མཿ སརྦ་ཏ་ཐཱ་ག་ཏེ་བྷྱཿ སརྦ་མུ་ཁེ་བྷྱཿ སརྦ་ཐཱ་ཧེ་རངྒི་ཎི་ཧེ་ཧ་སྭཱ་ཧཱ། ཕྱག་རྒྱ་འདི་ཉིད་ལས་སྙིམ་པའི་ཚུལ་དུ་བྱས་པ་ནི་མཛུབ་
94-1-124a

མོ་གཉིས་དང་མཐེ་བོ་གཉིས་དུང་གི་ཚུལ་དུ་བྱས་པ་ནི་རྡོ་རྗེ་དུང་གི་ཕྱག་རྒྱ་སྟེ་ཀླུ་ཐམས་ཅད་ཀྱི་སྙིང་རྣམ་པར་འཇོམས་པའོ། །སྔགས་ལ། ན་མཿ སརྦ་ཏ་ཐཱ་ག་ཏེ་བྷྱཿ སརྦ་མུ་ཁེ་བྷྱཿ སརྦ་ཐཱ་ཛྃ་གི་རི་ཕུཏྟ་རེ་རེ་སྭཱ་ཧཱ། དེ་
བཞིན་དུ་ལག་པ་གཉིས་སྦྱར་ལ་གུང་མོ་གཉིས་བསྣོལ་བ་ནི། གནོད་སྦྱིན་ཐམས་ཅད་ཚར་གཅོད་པའི་ཕྱག་རྒྱའོ། །སྔགས་ལ། ན་མཿ སརྦ་ཏ་ཐཱ་ག་ཏེ་བྷྱཿ སརྦ་མུ་ཁེ་བྷྱཿ སརྦ་ཐཱ་ཛི་གི་རི་ཎི་ཧུ་ན་དེ་ཀེ་སྭཱ་ཧཱ། ཕྱག་རྒྱ་འདི་ཉིད་
ལས་མཐེའུ་ཆུང་གཉིས་ནང་དུ་བཅུག་ལ་གུང་མོ་གཉིས་སྔ་མ་བཞིན་དུ་གཞག་པ་ནི་དྲི་ཟ་ཚར་གཅོད་པའི་ཕྱག་རྒྱའོ། །སྔགས་ལ། ན་མཿ སརྦ་ཏ་ཐཱ་ག་ཏེ་བྷྱཿ སརྦ་མུ་ཁེ་བྷྱཿ སརྦ་ཐཱ་ཧེ་རི་གེ་བྷྱཿསྭཱ་ཧཱ། ཕྱག་རྒྱ་འདི་ཉིད་ལས་མཛུབ་
མོ་གཉིས་འཁྱུད་པའི་ཚུལ་དུ་བྱས་པ་ནི་ལྷ་མ་ཡིན་ངེས་པར་འཇོམས་པའི་ཕྱག་རྒྱའོ། །སྔགས་ལ། ན་མཿ སརྦ་ཏ་ཐཱ་ག་ཏེ་བྷྱཿ སརྦ་མུ་ཁེ་བྷྱཿ སརྦ་ཐཱ་ཧཱུྃ་ཧཱུྃ་ཕཊ་ཕཊ། ཕྱག་རྒྱ་འདི་ཉིད་ལས་མཐེ་བོ་གཉིས་འཁྱུད་ལ་བསྒྲེང་སྟེ། 
སོར་མོ་ལྷག་མ་རྣམས་བརྐྱང་བ་ནི་ནམ་མཁའ་ལྡིང་ཐམས་ཅད་བྲན་བཞིན་ལས་ཅི་ཡང་བྱེད་པའི་ཕྱག་རྒྱའོ། །སྔགས་ལ། ན་མཿ སརྦ་ཏ་ཐཱ་ག་ཏེ་བྷྱཿ སརྦ་མུ་ཁེ་བྷྱཿ སརྦ་ཐཱ་ཧ་རི་པིངྒོ་ལི་མུ་ཁི་སྭཱ་ཧཱ། དེ་བཞིན་དུ་ལག་པ་གཉིས་སྦྱར་
ལ་ལག་པ་གཡོན་པ་བཀན་ཏེ་གཡས་པ་ཁ་སྦུབས་ལ་སྲིན་ལག་གིས་ལག་པ་གཡོན་པ་མཐིལ་དུ་རེག་པར་བྱས་པ་ནི་མི་འམ་ཅི་ཚར་གཅོད་པའི་ཕྱག་རྒྱའོ། །སྔགས་ལ། ན་མཿ སརྦ་ཏ་ཐཱ་ག་ཏེ་བྷྱཿ སརྦ་མུ་ཁེ་བྷྱཿ སརྦ་ཐཱ་ཛ་ཡ་ཛ་
ཡ་ནི་སྭཱ་ཧཱ། ཕྱག་རྒྱ་འདི་ཉིད་ལས་མཛུབ་མོས་ལག་པ་དེ་ཉིད་ཀྱི་མཐིལ་དུ་རེག་པར་བྱས་པ་ནི་ལྟོ་འཕྱེ་ཆེན་པོ་ཚར་གཅོད་པའི་ཕྱག་རྒྱའོ། །སྔགས་ལ། ན་མཿ སརྦ་ཏ་ཐཱ་ག་ཏེ་བྷྱཿ སརྦ་མུ་ཁེ་བྷྱཿ སརྦ་ཐཱ་ག་ར་ལི་ནི་ཧཱུྃ་ཀ་རི་
ཎྀ་སྭཱ་ཧཱ། དེ་བཞིན་དུ་ལག་པ་གཉིས་སྦྱར་ལ་ལག་པ་གཉིས་བསྣོལ་བ་ནི་སྡང་བ་ཐམས་ཅད་དགག་པའི་ཕྱག་རྒྱའོ། །སྔགས་ལ། ན་མཿ སརྦ་ཏ་ཐཱ་ག་ཏེ་བྷྱཿ སརྦ་མུ་ཁེ་བྷྱཿ སརྦ་ཐཱ་ཧེ་ཙཎྜི་ཧེ་རི་བི་ཀེ་སྭཱ་ཧཱ། ལག་པ་དེ་ཉིད་

94-1-124b

སོར་མོ་རྣམས་གཅིག་གིས་གཅིག་འཁྱུད་ལ་ལག་པ་གཉིས་སྔ་མ་བཞིན་དུ་གཞག་པ་ནི་སྲིན་པོ་ཐམས་ཅད་ཀྱི་སྙིང་ཚིག་པར་བྱེད་པའི་ཕྱག་རྒྱའོ། །སྔགས་ལ། ན་མཿ སརྦ་ཏ་ཐཱ་ག་ཏེ་བྷྱཿ སརྦ་མུ་ཁེ་བྷྱཿ སརྦ་ཐཱ་ཀེང་ཀ་རི་ཎི་ཀ་རི་ནི་ཀེ་
སྭཱ་ཧཱ། ཕྱག་རྒྱ་འདི་ཉིད་ལས་མཐེ་བོ་གཉིས་ཡིད་ཙམ་བཀུག་པ་འདི་ནི་སྲིན་པོ་ཐམས་ཅད་ཀྱི་སྙིང་རྨོངས་པར་བྱེད་པའི་ཕྱག་རྒྱའོ། །སྔགས་ལ། ན་མཿ སརྦ་ཏ་ཐཱ་ག་ཏེ་བྷྱཿ སརྦ་མུ་ཁེ་བྷྱཿ སརྦ་ཐཱ་ཀ་ར་ན་ཛི་ཏེ་བི་ཁ་ལ་མུ་ཀི་
སྭཱ་ཧཱ། ཕྱག་རྒྱ་འདི་ཉིད་ལས་མཛུབ་མོ་གཉིས་ཕྱེ་སྟེ་མཐེ་བོ་སྔ་མ་བཞིན་གཞག་པ་ནི་ཤ་ཟ་འདུལ་བའི་ཕྱག་རྒྱ་སྟེ་རྒྱལ་བ་མཆོག་རྣམས་ཀྱིས་རྟག་ཏུ་གསུངས་སོ། །སྔགས་ལ། ན་མཿ སརྦ་ཏ་ཐཱ་ག་ཏེ་བྷྱཿ སརྦ་མུ་ཁེ་བྷྱཿ སརྦ་
ཐཱ་མི་ཙི་མི་ཙི་སྭཱ་ཧཱ། ཕྱག་རྒྱ་འདི་ཉིད་ལས་གུང་མོ་གཉིས་ཕྱེ་ལ་མཛུབ་མོ་གཉིས་སྔ་མ་བཞིན་གཞག་པ་ནི་ཤ་ཟ་མོ་ཐམས་ཅད་ཀྱི་སྙིང་རྨོངས་པར་བྱེད་པའི་ཕྱག་རྒྱའོ། །སྔགས་ལ། ན་མཿ སརྦ་ཏ་ཐཱ་ག་ཏེ་བྷྱཿ སརྦ་མུ་ཁེ་བྷྱཿ སརྦ་ཐཱ་པི་
ཤཱ་ཙི་ནི་སྭཱ་ཧཱ། ཕྱག་རྒྱ་འདི་ཉིད་ལས་སྲིན་ལག་གཉིས་ཀྱང་ཕྱེ་སྟེ། གུང་མོ་གཉིས་སྔ་མ་བཞིན་བཞག་པ་ནི་འབྱུང་པོ་ཐམས་ཅད་དབང་དུ་བྱ་བའི་ཕྱག་རྒྱའོ། །སྔགས་ལ། ན་མཿ སརྦ་ཏ་ཐཱ་ག་ཏེ་བྷྱཿ སརྦ་མུ་ཁེ་བྷྱཿ སརྦ་ཐཱ་གུྃ་གུྃ་སྭཱ་ཧཱ། 
ཕྱག་རྒྱ་འདི་ཉིད་ལས་མཐེའུ་ཆུང་གཉིས་ཀྱང་ཕྱེ་ལ་སྲིན་ལག་གཉིས་སྔ་མ་བཞིན་གཞག་པ་ནི་འབྱུང་པོ་ཐམས་ཅད་དགུག་པའི་ཕྱག་རྒྱའོ། །སྔགས་ལ། ན་མཿ སརྦ་ཏ་ཐཱ་ག་ཏེ་བྷྱཿ སརྦ་མུ་ཁེ་བྷྱཿ སརྦ་ཐཱ་གུ་མི་གུ་མི་ཧི་ལི་གེ་
སྭཱ་ཧཱ། ཕྱག་རྒྱ་འདི་ཉིད་ལས་མཐེ་བོ་གཡོན་པ་བརྐྱང་ལ་ལྷག་མ་སྔ་མ་བཞིན་གཞག་པ་ནི་གྲིབ་གནོན་ཐམས་ཅད་སྐྲག་པར་བྱེད་པའི་ཕྱག་རྒྱའོ། །སྔགས་ལ། ན་མཿ སརྦ་ཏ་ཐཱ་ག་ཏེ་བྷྱཿ སརྦ་མུ་ཁེ་བྷྱཿ སརྦ་ཐཱ་ཚཱ་ཡཱ་ལི་སྭཱ་ཧཱ། 
དེ་བཞིན་དུ་མཐེ་བོ་གཡོན་པ་བརྐྱང་ལ། གཡས་པ་སྔ་མ་བཞིན་དུ་གཞག་པ་ནི་གྲིབ་གནོན་ཐམས་ཅད་འཇིགས་པར་བྱེད་པའི་ཕྱག་རྒྱའོ། །སྔགས་ལ། ན་མཿ སརྦ་ཏ་ཐཱ་ག་ཏེ་བྷྱཿ སརྦ་མུ་ཁེ་བྷྱཿ སརྦ་ཐཱ་ཛོ་ལཾ་ནི་ཛ་ཏི་ཀེ་སྭཱ་ཧཱ། 

94-1-125a

ཕྱག་རྒྱ་འདི་ཉིད་ལས་མཛུབ་མོ་གཉིས་ཕྱེ་སྟེ་བསྣོལ་བའི་ཚུལ་དུ་བཀུག་ལ་མཐེ་བོ་གཉིས་ཀྱི་སྟེང་དུ་གཞག་པ་ནི་བརྗེད་བྱེད་ཐམས་ཅད་གཞིག་པའི་ཕྱག་རྒྱའོ། །སྔགས་ལ། ན་མཿ སརྦ་ཏ་ཐཱ་ག་ཏེ་བྷྱཿ སརྦ་མུ་ཁེ་བྷྱཿ སརྦ་ཐཱ་
ལྃ་པོ་ད་ར་ཎི་བྷྲི་བྷྲི་ཤི་ནི་སྭཱ་ཧཱ། ཕྱག་རྒྱ་འདི་ཉིད་ལས་སོར་མོ་ཐམས་ཅད་བསྒྲེང་བ་ནི་བརྗེད་བྱེད་མ་ཐམས་ཅད་སྐྲག་པར་བྱེད་པའི་ཕྱག་རྒྱའོ། །སྔགས་ལ། ན་མཿ སརྦ་ཏ་ཐཱ་ག་ཏེ་བྷྱཿ སརྦ་མུ་ཁེ་བྷྱཿ སརྦ་ཐཱ་བེ་རཏྣི་ཨུལྐ་མུ་གི་ཙི་ཕུ་རི་
རེ་སྭཱ་ཧཱ། དེ་བཞིན་དུ་སོར་མོ་ཐམས་ཅད་བཀུག་སྟེ་ནང་དུ་བཅུག་ལ་མཐེ་བོ་གཉིས་བསྒྲེང་སྟེ་དེ་ལྟར་བྱས་པ་འདི་ནི་བྱད་རྣམས་ཀྱི་སྙིང་སྐམ་པའི་ཕྱག་རྒྱའོ། །སྔགས་ལ། ན་མཿ སརྦ་ཏ་ཐཱ་ག་ཏེ་བྷྱཿ སརྦ་མུ་ཁེ་བྷྱཿ སརྦ་
ཐཱ་ཁི་ལི་རི་ཧྲི་ད་ཡ་བི་ད་ར་ཎི་སྭཱ་ཧཱ། ཕྱག་རྒྱ་འདི་ཉིད་ལས་མཐེ་བོ་གཉིས་བཀུག་སྟེ་ནང་དུ་བཅུག་ལ་མཛུབ་མོ་གཉིས་བསྒྲེང་བ་འདི་ནི་བྱད་ཐམས་ཅད་ཀྱི་སྙིང་ཀུན་དུ་སྦྱང་བའི་ཕྱག་རྒྱའོ། །སྔགས་ལ། ན་མཿ སརྦ་ཏ་ཐཱ་ག་ཏེ་བྷྱཿ སརྦ་མུ་ཁེ་
བྷྱཿ སརྦ་ཐཱ་བི་ས་རི་ཎི་སྭཱ་ཧཱ། དེ་ནས་ཡང་ལག་ན་རྡོ་རྗེ་བྱང་ཆུབ་སེམས་དཔའི་སྤྱད་པ་གསང་སྔགས་ཀྱི་སྒོ་སྤྱོད་པའི་བྱང་ཆུབ་སེམས་དཔའི་སྟོབས་བཅུའི་སྟོབས་དང་ལྡན་པ། རྡོ་རྗེ་ཡེ་ཤེས་ལས་མངོན་པར་འབྱུང་བ་རྣམས་ཀྱི་དོན་དུ། དེ་བཞིན་
གཤེགས་པ་ཐམས་ཅད་ཀྱི་སྙིང་པོ་ལས་བྱུང་བའི་ཕྱག་རྒྱ་གསང་བ་རབ་འབྱམ་བསྟན་པའི་སྒོ་སྨྲས་པ། ཐོག་མར་སངས་རྒྱས་ཐམས་ཅད་ལ་ཕྱག་བྱ་སྟེ། བྱང་ཆུབ་ཀྱི་སེམས་མངོན་དུ་བྱས་ལ། བྱམས་པ་ཆེན་པོ་དང་སྙིང་རྗེ་ཆེན་པོའི་མིག་
གིས་སེམས་ཅན་གྱི་ཁམས་ཁྱབ་པར་བྱས་ཏེ། སྤོས་ཀྱིས་ལག་པ་བསྐུས་ལ་ཁ་ཤར་ཕྱོགས་སམ་བྱང་ཕྱོགས་སུ་བལྟས་ཏེ་ཕྱག་རྒྱ་ལེགས་པར་བཅིང་བར་བྱའོ། །ལག་པ་གཉིས་སྙིམ་པར་སྦྱར་ལ་བསྟོད་དེ་གཞག་པ་ནི་དེ་བཞིན་
གཤེགས་པ་རིན་པོ་ཆེ་ཏོག་གི་ཕྱག་རྒྱའོ། །སྔགས་ལ། ན་མཿ སརྦ་ཏ་ཐཱ་ག་ཏེ་བྷྱཿ སརྦ་མུ་ཁེ་བྷྱཿ སརྦ་ཐཱ་ཏྲི་རཏྣ་ནི་རྫཱ་ཏ་ཧཱུྃ་ཧཱུྃ་སྭཱ་ཧཱ། ཕྱག་རྒྱ་འདི་ཉིད་ལས་མཐེ་བོང་གཉིས་བཀུག་སྟེ་ངོས་ལ་བཅར་བ་ནི་དེ་བཞིན་གཤེགས་པ་མེ་ཏོག་

94-1-125b

ཀུན་དུ་རྒྱས་པའི་དབང་པོའི་རྒྱལ་པོའི་ཕྱག་རྒྱའོ། །སྔགས་ལ། ན་མཿ སརྦ་ཏ་ཐཱ་ག་ཏེ་བྷྱཿ སརྦ་མུ་ཁེ་བྷྱཿ སརྦ་ཐཱ་ཛྙཱ་ན་སམྦྷ་བ་སྭཱ་ཧཱ། ཕྱག་རྒྱ་འདི་ཉིད་ལས་མཛུབ་མོ་གཉིས་རྡོ་རྗེའི་ཚུལ་དུ་བཀུག་སྟེ་གུང་མོའི་ངོས་ཀྱི་ཐད་ཀར་གཞག་
པ་ནི་བཅོམ་ལྡན་འདས་འོད་དཔག་མེད་ཀྱི་ཕྱག་རྒྱའོ། །སྔགས་ལ། ན་མཿ སརྦ་ཏ་ཐཱ་ག་ཏེ་བྷྱཿ སརྦ་མུ་ཁེ་བྷྱཿ སརྦ་ཐཱ་ཨ་མི་ཏོདྦྷ་བེ། ཛྙཱ་ན་པ་རི་ཎི་སྭཱ་ཧཱ། ཕྱག་རྒྱ་འདི་ཉིད་ལས་མཛུབ་མོ་གཉིས་བཀུག་སྟེ་འདི་ཉིད་ཀྱི་རྩེ་མོ་གུང་མོ་ལ་
རེག་པར་བྱས་པ་ནི་མི་འཁྲུག་པའི་ཕྱག་རྒྱའོ། །སྔགས་ལ། ན་མཿ སརྦ་ཏ་ཐཱ་ག་ཏེ་བྷྱཿ སརྦ་མུ་ཁེ་བྷྱཿ སརྦ་ཐཱ་བྷི་ག་ད་ཛྭཱ་ཛྙཱ་ན་སྃ་བྷ་བ་སྭཱ་ཧཱ། ལག་པ་གཉིས་ཁུ་ཚུར་བཅངས་ལ་མཛུབ་མོ་གཉིས་མཐེ་བོ་གཉིས་ལ་འཁྱུད་པ་ནི་བཅོམ་
ལྡན་འདས་རྣམ་པར་གཟིགས་ཀྱི་ཕྱག་རྒྱའོ། །སྔགས་ལ། ན་མཿ སརྦ་ཏ་ཐཱ་ག་ཏེ་བྷྱཿ སརྦ་མུ་ཁེ་བྷྱཿ སརྦ་ཐཱ་ཀ་ན་བི་ཙུ་ཏི་ཏ་ཛྙཱ་ནོ་ད་ཡ་སྭཱ་ཧཱ། ཕྱག་རྒྱ་འདི་ཉིད་ལས་གུང་མོ་གཉིས་གཤིབས་ཏེ་བསྒྲེང་བ་ནི་བཅོམ་ལྡན་འདས་དེ་བཞིན་
གཤེགས་པ་གཙུག་ཏོར་ཅན་གྱི་ཕྱག་རྒྱའོ། །སྔགས་ལ། ན་མཿ སརྦ་ཏ་ཐཱ་ག་ཏེ་བྷྱཿ སརྦ་མུ་ཁེ་བྷྱཿ སརྦ་ཐཱ་ཛྙཱ་ན་ཤི་ཁི་སྃ་བྷ་བ་སྭཱ་ཧཱ། དེ་བཞིན་དུ་སྔ་མ་ལྟར་ཁུ་ཚུར་བཅངས་ལ་སྲིན་ལག་གཉིས་གཤིབས་ཏེ་བསྒྲེང་བ་ནི་བཅོམ་
ལྡན་འདས་ཐམས་ཅད་སྐྱོབ་ཀྱི་ཕྱག་རྒྱའོ། །སྔགས་ལ། ན་མཿ སརྦ་ཏ་ཐཱ་ག་ཏེ་བྷྱཿ སརྦ་མུ་ཁེ་བྷྱཿ སརྦ་བི་ཤུད་ག་ད་ཛྙ་ན་བི་དེ་སྭཱ་ཧཱ། སྔ་མ་བཞིན་དུ་དེ་ལྟར་ཁུ་ཚུར་བཅངས་ལ་མཐེའུ་ཆུང་གཉིས་གཤིབས་ཏེ་བསྒྲེང་བ་ནི།  
བཅོམ་ལྡན་འདས་ལོག་པར་དད་སེལ་གྱི་ཕྱག་རྒྱའོ། །སྔགས་ལ། ན་མཿ སརྦ་ཏ་ཐཱ་ག་ཏེ་བྷྱཿ སརྦ་མུ་ཁེ་བྷྱཿ སརྦ་ཐཱ་ཛི་སྭཱ་ཧཱ། དེ་བཞིན་དུ་ཁུ་ཚུར་བཅངས་ལ་མཐེ་བོ་གཉིས་དང་མཛུབ་མོ་གཉིས་ནང་དུ་བཀུག་པ་ནི་
བཅོམ་ལྡན་འདས་འཁོར་ལོས་སྒྱུར་བ་ཆེན་པོའི་དབུའི་ཕྱག་རྒྱའོ། །སྔགས་ལ། ན་མཿ སརྦ་ཏ་ཐཱ་ག་ཏེ་བྷྱཿ སརྦ་མུ་ཁེ་བྷྱཿ སརྦ་ཐཱ་ཁ་ཧྲིྃ་སྭཱ་ཧཱ། ཕྱག་རྒྱ་འདི་ཉིད་ལས་གུང་མོ་གཉིས་ཕྱུང་སྟེ་གཤིབས་ལ་བསྒྲེང་བ་ནི། 

94-1-126a

བཅོམ་ལྡན་འདས་འཁོར་ལོས་སྒྱུར་བ་ཆེན་པོའི་གཙུག་ཏོར་གྱི་ཕྱག་རྒྱའོ། །སྔགས་ལ། ན་མཿ སརྦ་ཏ་ཐཱ་ག་ཏེ་བྷྱཿ སརྦ་མུ་ཁེ་བྷྱཿ སརྦ་ཐཱ་ཛྲྂ། ཕྱག་རྒྱ་འདི་ཉིད་ལས་མཛུབ་མོ་གཉིས་ཕྱུང་སྟེ། ཚིགས་དང་པོ་
བཀུག་པ་དེ་ཉིད་ལ་སྦྱར་བ་ནི་སྤྱན་གྱི་ཕྱག་རྒྱའོ། །སྔགས་ལ། ན་མཿ སརྦ་ཏ་ཐཱ་ག་ཏེ་བྷྱཿ སརྦ་མུ་ཁེ་བྷྱཿ སརྦ་ཐཱ་དྲི། ཕྱག་རྒྱ་འདི་ཉིད་ལས་མཐེ་བོ་གཉིས་ཡིད་ཙམ་བཀུག་ལ་མཛུབ་མོ་གཉིས་ལ་ཕྱོགས་པར་བྱ་ལྷག་
མ་སྔ་མ་བཞིན་བཞག་པ་ནི་བཅོམ་ལྡན་འདས་འཁོར་ལོའི་ཕྱག་རྒྱའོ། །སྔགས་ལ། ན་མཿ སརྦ་ཏ་ཐཱ་ག་ཏེ་བྷྱཿ སརྦ་མུ་ཁེ་བྷྱཿ སརྦ་ཐཱ་ཨོཾ། སྔ་མ་བཞིན་དུ་ལག་པ་གཉིས་ཁུ་ཚུར་བཅངས་ལ་མཛུབ་མོ་གཉིས་ཕྱིར་བཀྱེད་
དེ་བརྐྱང་ལ་ཚིགས་དང་པོ་བཀུག་ཅིང་མཐེ་བོ་གཉིས་བརྐྱང་བ་ནི་བཅོམ་ལྡན་འདས་དཔལ་བེའུའི་ཕྱག་རྒྱའོ། །སྔགས་ལ། ན་མཿ སརྦ་ཏ་ཐཱ་ག་ཏེ་བྷྱཿ སརྦ་མུ་ཁེ་བྷྱཿ སརྦ་ཐཱ་ཤྲཱིྃ། ཕྱག་རྒྱ་འདི་ཉིད་ལས་གུང་མོ་གཉིས་བཀྱེད་
དེ་བརྐྱང་ལ་མཐེ་བོ་གཉིས་ནང་དུ་བཅུག་པ་ནི་བཅོམ་ལྡན་འདས་ཀྱི་ལྟེ་བའི་ཕྱག་རྒྱའོ། །སྔགས་ལ། ན་མཿ སརྦ་ཏ་ཐཱ་ག་ཏེ་བྷྱཿ སརྦ་མུ་ཁེ་བྷྱཿ སརྦ་ཐཱ་ཧྲིཾ། སྔ་མ་བཞིན་དུ་ལག་པ་གཉིས་ག་ཁུ་ཚུར་བཅངས་ལ་མཐེའུ་ཆུང་གཉིས་
ཕྱུང་སྟེ་བཀྱེད་པ་འདི་ནི་བཅོམ་ལྡན་འདས་ཀྱི་ཞབས་ཀྱི་ཕྱག་རྒྱའོ། །སྔགས་ལ། ན་མཿ སརྦ་ཏ་ཐཱ་ག་ཏེ་བྷྱཿ སརྦ་མུ་ཁེ་བྷྱཿ སརྦ་ཐཱ་ཧྲྃ། འདི་དག་ནི་བཅོམ་ལྡན་འདས་འཁོར་ལོས་སྒྱུར་བ་ཆེན་པོའི་ཕྱག་རྒྱ་སྟེ་དགོས་པའི་དོན་
ཐམས་ཅད་བསྒྲུབ་པོ། །གང་ཞིག་ནང་གི་དག་པ་ཡིས། །ཕྱག་རྒྱ་འདི་དག་འཛིན་བྱེད་པ། །སྔགས་པ་འདི་ནི་སྡིག་བྲལ་བར། །འགྱུར་ཏེ་འདི་ལ་ཐེ་ཙོམ་མེད། །རྡོ་རྗེ་འཆང་རྣམས་ཐམས་ཅད་དང་། །བྱང་ཆུབ་
སེམས་དཔའ་རྣམས་དང་ནི། །རྫུ་འཕྲུལ་ཆེ་བའི་ལྷ་ཀུན་ཡང་། །བློ་དང་ལྡན་པ་དེ་ལ་བསྲུང་། །དེ་ལྟ་བས་ན་རྣམ་ཀུན་དུ། །བདག་ཉིད་ཆེ་ལ་གུས་པར་བྱ། །རིག་སྔགས་རྟག་ཏུ་བཟླས་བྱས་ན། །དེ་ལ་དངོས་གྲུབ་མི་དཀའ་འོ། །

94-1-126b

རྒྱལ་བ་རྣམས་ཀྱིས་གསུངས་པའི་སྔགས། །ཚེ་འདི་ལ་ནི་གྲུབ་པར་འགྱུར། །འཇིག་རྟེན་སྔགས་རྣམས་གང་ཡིན་པ། །དེ་དག་དེ་ཡི་དབང་འགྱུར་ཏེ། །བསྒོ་བ་ཅི་ཞིག་གྱིས་ཤིག་ཅེས། །དེ་ཡི་གཡས་གཡོན་འཁོར་བར་འགྱུར། །མི་
མིན་ལྷ་ཡི་སྨན་རྣམས་ཀྱང་། །དེ་ཡི་དབང་དུ་གྱུར་ཅིང་འཁོད། །སྔགས་པས་སྔགས་ཀྱི་ཚུལ་གནས་ནས། །གང་ཚེ་ལུས་ནི་འདོར་འགྱུར་ན། །དབང་ཕྱུག་གི་ནི་གནས་མཆོག་ཏུ། །དེ་ཚེ་དེ་ནི་སྐྱེ་བར་འགྱུར། །གང་ན་དབང་ལྡན་བཅོམ་ལྡན་
འདས། །རྣམ་པར་སྣང་མཛད་ཆེ་བཞུགས་པར། །རྒྱལ་བའི་སྲས་པོ་འདོད་པ་བཞིན། །སྐྱེ་བ་དག་ནི་འཛིན་པར་འགྱུར། །ཇི་སྲིད་བྱང་ཆུབ་གྱུར་གྱི་བར། །དེ་ཡི་སྤྱོད་པ་ཉམས་མི་འགྱུར། །རྡོ་རྗེ་འཆང་རྣམས་ཐམས་ཅད་ཀྱིས། །ཐམས་
ཅད་དུ་ནི་བྱིན་གྱིས་བརླབས། །དེ་བཞིན་དུ་ལག་པ་གཉི་ག་སྦྱར་ལ་སྲིན་ལག་གཉིས་ནང་དུ་བཅུག་སྟེ་མཛུབ་མོ་གཉིས་ཚིགས་དང་པོ་བཀུག་ལ་གུང་མོ་གཉིས་གཤིབས་པ་ལ་ནས་གང་གིས་མ་རེག་པ་ཙམ་དུ་བཞག་ཅིང་མཐེ་བོ་གཉིས་དེའི་དྲུང་དུ་
བཞག་པ་ནི་རྡོ་རྗེ་དྲག་པོ་ཆེན་པོའི་ཕྱག་རྒྱའོ། །སྔགས་ལ། ན་མཿ སརྦ་ཏ་ཐཱ་ག་ཏེ་བྷྱཿ སརྦ་མུ་ཁེ་བྷྱཿ སརྦ་ཐཱ་ཙཎྜ་མ་ཧཱ་རོ་ཥ་ཎ་ཧཱུྃ། ཕྱག་རྒྱ་དེ་ཉིད་ལས་མཛུབ་མོ་གཡས་པས་གུང་མོ་བསྒྲེང་བ་ལ་འཁྱུད་པ་འདི་ནི་རྡོ་རྗེ་དྲག་པོ་ཆེན་པོའི་མགོའི་
ཕྱག་རྒྱའོ། །སྔགས་ལ། ན་མཿ སརྦ་ཏ་ཐཱ་ག་ཏེ་བྷྱཿ སརྦ་མུ་ཁེ་བྷྱཿ སརྦ་ཐཱ་མྃ། མཛུབ་མོ་གཡོན་པས་གུང་མོ་བསྒྲེང་བ་ལ་འཁྱུད་པ་ལ་མཛུབ་མོ་གཡས་པ་ཕྱེ་སྟེ། སྔ་མ་བཞིན་དུ་ཚིགས་དང་པོ་བཀུག་སྟེ་བཞག་པ་ནི་རྡོ་རྗེ་དྲག་
པོ་ཆེན་པོའི་གཙུག་ཏོར་གྱི་ཕྱག་རྒྱའོ། །སྔགས་ལ། ན་མཿ སརྦ་ཏ་ཐཱ་ག་ཏེ་བྷྱཿ སརྦ་མུ་ཁེ་བྷྱཿ སརྦ་ཐཱ་ཛཱི། དེ་བཞིན་དུ་མཛུབ་མོ་གཉིས་ཀྱིས་གུང་མོ་བསྒྲེང་བ་ལ་འཁྱུད་པ་ནི་རྡོ་རྗེ་དྲག་པོ་ཆེན་པོའི་གོ་ཆའི་ཕྱག་རྒྱའོ། །སྔགས་ལ། 
ན་མཿ སརྦ་ཏ་ཐཱ་ག་ཏེ་བྷྱཿ སརྦ་མུ་ཁེ་བྷྱཿ སརྦ་ཐཱ་ཨཱ། དེ་བཞིན་དུ་མཛུབ་མོ་གཉིས་ཕྱེ་ལ་གློག་འགྱུ་བའི་ཐབས་སུ་བརྐྱང་བ་ནི། རྡོ་རྗེ་དྲག་པོའི་རྡོ་རྗེ་མེ་ལྕེ་འབར་བ་ཆེན་པོའི་ཕྱག་རྒྱའོ། །སྔགས་ལ། ན་མཿ སརྦ་ཏ་

94-1-127a

ཐཱ་ག་ཏེ་བྷྱཿ སརྦ་མུ་ཁེ་བྷྱཿ སརྦ་ཐཱ་ཀྴཾ། ཕྱག་རྒྱ་འདི་ཉིད་ལས་མཛུབ་མོ་གཡས་པ་བཀུག་སྟེ་མཐེ་བོའི་དྲུང་དུ་གཞག་པ་ནི་རྡོ་རྗེ་དྲག་པོ་ཆེན་པོའི་དཔྲལ་བའི་ཕྱག་རྒྱའོ། །སྔགས་ལ། ན་མཿ སརྦ་ཏ་ཐཱ་ག་ཏེ་བྷྱཿ སརྦ་མུ་ཁེ་བྷྱཿ 
སརྦ་ཐཱ་ནི་ལྃ་བ་ཏི་ཀི་ཏི་སྭཱ་ཧཱ། དེ་བཞིན་དུ་མཛུབ་མོ་གཡོན་པའི་མཐེ་བོའི་དྲུང་དུ་བཞག་ལ་གུང་མོ་བསྒྲོང་བའི་ཚིགས་དང་པོ་བཀུག་སྟེ་ཡིད་ཙམ་སྨད་པ་ནི་རྡོ་རྗེ་དྲག་པོ་ཆེན་པོའི་ནུ་འཇིང་གི་ཕྱག་རྒྱའོ། །སྔགས་ལ། ན་མཿ སརྦ་ཏ་ཐཱ་ག་ཏེ་བྷྱཿ 
སརྦ་མུ་ཁེ་བྷྱཿ སརྦ་ཐཱ་ཧ་ས་ཧ་ས། དྷ་ཀ་དྷ་ཀ་ཙ་ར་ཙ་ར་ཧྃ་པྲ་ཙཎྜ་བཛྲ་སྭཱ་ཧཱ། དེ་བཞིན་དུ་ནུ་མཇིང་གི་ཕྱག་རྒྱ་ལས་མཛུབ་མོ་གཉིས་བཀུག་སྟེ་བཀྱེད་ལ་བརྐྱང་ཞིང་མཐེའུ་ཆུང་གཉིས་ནང་དུ་བཅུག་པ་ནི་རྡོ་རྗེ་དྲག་པོ་ཆེན་པོའི་དཔལ་བེའུའི་
ཕྱག་རྒྱའོ། །སྔགས་ལ། ན་མཿ སརྦ་ཏ་ཐཱ་ག་ཏེ་བྷྱཿ སརྦ་མུ་ཁེ་བྷྱཿ སརྦ་བི་ཕུ་ལ་བཛྲ་ཙཎྜ་སྭཱ་ཧཱ། ཕྱག་རྒྱ་འདི་ཉིད་ལས་མཐེའུ་ཆུང་ཕྱུང་སྟེ་སྔ་མ་བཞིན་དུ་བཞག་པ་ནི་རྡོ་རྗེ་དྲག་པོ་ཆེན་པོའི་རྐང་པའི་ཕྱག་རྒྱའོ། །སྔགས་ལ། 
ན་མཿ སརྦ་ཏ་ཐཱ་ག་ཏེ་བྷྱཿ སརྦ་མུ་ཁེ་བྷྱཿ སརྦ་ཐཱ་བི་ཙི་ཏྲ་ག་ཏི་སྭཱ་ཧཱ། དེ་ལྟར་ཕྱག་རྒྱ་རབ་འབྱམ་འདི་དག་ནི་དེ་བཞིན་གཤེགས་པ་ཐམས་ཅད་ཀྱིས་བྱིན་གྱིས་བརླབས་པ་རྣམ་པ་སྣ་ཚོགས་སུ་གནས་པ་འཇིག་རྟེན་གྱི་ཁམས་དུ་མར་སེམས་ཅན་གྱི་
ཁམས་དུ་མ་རྣམ་པར་སྦྱོར་བར་བྱེད་པ། དུས་གསུམ་ལ་ནི་སྟོབས་ཐོགས་པ་མེད་པ་ཆོས་ཀྱི་དབྱིངས་རྟོགས་པ་ལས་བྱུང་བ། དེ་བཞིན་གཤེགས་པ་ཐམས་ཅད་ཀྱིས་བྱིན་གྱིས་བརླབས་པ་ལྷ་དང་ཀླུ་དང་གནོད་སྦྱིན་དང་དྲི་ཟ་དང་ལྷ་མ་ཡིན་དང་
ནམ་མཁའ་ལྡིང་དང་མི་འམ་ཅི་དང་ལྟོ་འཕྱེ་ཆེན་པོ་དང་མི་དང་མི་མ་ཡིན་པའི་འགྲོ་བ་གཅོད་པར་བྱེད་པ། དེ་བཞིན་གཤེགས་པའི་རྟོགས་པ་ཐོབ་པར་བྱེད་པ། དེ་བཞིན་གཤེགས་པའི་སྐུ་དང་གསུང་དང་ཐུགས་ཀྱི་བཀོད་པ་བསྟན་པ་རྣམ་
པར་གནས་པར་བྱེད་པ། བསམ་པ་ཇི་ལྟ་བ་བཞིན་དུ་ཡོངས་སུ་རྫོགས་པར་བྱེད་པ། རྡོ་རྗེ་དོན་ཡོད་པའི་དཀྱིལ་འཁོར་བཀོད་པ་སྒྲུབ་པར་བྱེད་པ། བྱང་ཆུབ་སེམས་དཔའི་སྤྱོད་པ་གསང་སྔགས་ཀྱི་སྒོ་སྤྱོད་པའི་བྱང་ཆུབ་སེམས་དཔའ་རྣམས་

94-1-127b

དང་། ལྷ་དང་མི་དང་ལྷ་མ་ཡིན་དུ་བཅས་པའི་འཇིག་རྟེན་གྱི་མིག་ཏུ་གྱུར་པ་ཤ་སྟག་གོ། ལག་ན་རྡོ་རྗེ་དབང་བསྐུར་བའི་དཀྱིལ་འཁོར་ཆེན་པོ་བཀོད་པ་དེ་བཞིན་གཤེགས་པའི་སྔོན་གྱི་སྤྱོད་པའི་རྒྱུ་མཐུན་པ་བསྟན་པ་དང་ཆོ་འཕྲུལ་རྣམ་པར་འཕྲུལ་པའི་
གནས་ཕྱག་རྒྱ་རབ་འབྱམ་ཇི་སྙེད་པའོ།། །། འཕགས་པ་ལག་ན་རྡོ་རྗེ་དབང་བསྐུར་བ་བམ་པོ་བཅུ་པ། དེ་ནས་ཡང་ལག་ན་རྡོ་རྗེས་བདུད་ཐམས་ཅད་ཕམ་པར་བྱེད་པ། བཀོད་པ་རྣམ་པར་སྤྲུལ་པ་ཞེས་བྱ་བའི་ཏིང་ངེ་འཛིན་
ལ་སྙོམས་པར་ཞུགས་སོ། །བྱང་ཆུབ་སེམས་དཔའ་ལག་ན་རྡོ་རྗེ་སྙོམས་པར་ཞུགས་མ་ཐག་ཏུ། དེ་ནས་ཕྱོགས་བཅུའི་དེ་བཞིན་གཤེགས་པ་ཐམས་ཅད་ཀྱིས་ཕྱག་གཡས་པ་བརྐྱང་སྟེ། ལག་ན་རྡོ་རྗེའི་མགོ་ལ་བྱུགས་ནས་
ལེགས་སོ་ཞེས་བྱ་བ་བྱིན་ཏེ། སེམས་ཅན་ཀུན་ལ་ཕན་བྱེད་པ། །དཔའ་བོ་ཆེན་པོ་ལེགས་སོ་ལེགས། །གསང་སྔགས་སྤྱོད་ལས་བྱུང་བ་ཡི། །རྡོ་རྗེ་སྟངས་སྟབས་ཆེད་ཀྱི་ཕྱིར། །སྡང་བའི་སེམས་ཅན་འཇིགས་བྱེད་པ། །
ཏིང་འཛིན་འདི་ལ་སྙོམས་པར་ཞུགས། །རྡོ་རྗེ་སྟངས་སྟབས་ཆོ་གའི་རིམ། །སེམས་ཅན་ཆེན་པོ་ཁྱོད་ཀྱིས་སྟོན། །རྡོ་རྗེ་འབྱུང་བའི་རྐང་སྟབས་ནི། །སྔགས་རྒྱལ་རྣམས་ཀྱི་སྤྱི་ཡིན་ཏེ། །འདུག་པ་དང་ནི་འགྲོ་བ་དང་། །
ལྡང་དང་རྣམ་པར་གཏོར་བ་དང་། །དགུག་པ་དང་ནི་བརྐྱང་བ་དང་། །རྐང་པས་བཅིང་དང་བསྐུམ་པ་དང་། །སྤོ་བ་དང་ནི་བཞག་པ་དང་། །ཁུ་ཚུར་བཅངས་པས་བཟུང་བ་དང་། །གཟིར་དང་རྡོ་རྗེས་གཞོམ་པ་དང་། །རྡོ་རྗེའི་
ཕྱག་རྒྱས་ཕུར་བཏབ་དང་། །སེང་གེ་ལྟ་ཕུར་མཆོང་བ་དང་། །ཧཱུྃ་ཞེས་བྱ་བས་བསྡིགས་པ་དང་། །སྟན་ལས་ལངས་ནས་མཆུ་གནོན་དང་། །ཁྲོ་གཉེར་དཔྲལ་བར་བལྟ་བ་དང་། །སྨིན་མ་བསྐྱོད་པར་བྱ་བ་དང་། །དེ་
བཞིན་མིག་གཉིས་བསྒྲད་པ་དང་། །རྐང་སྟབས་རྣམ་པར་དབྱེ་བ་དང་། །ལག་གཉིས་སྦྱར་བར་བྱ་བ་དང་། །དེ་བཞིན་ལག་པ་བསྐྱོད་པ་དང་། །རྐང་པ་གཉིས་ཀྱིས་མཆོང་བ་དང་། །ལུས་ནི་བསྙེམས་དང་བཅས་པར་ཡང་། །

94-1-128a

བྱེ་བྲག་ཏུ་ནི་སྟོན་པ་དང་། །བཅད་དང་གཏུབ་དང་རྒད་པ་དང་། །བཟའ་དང་རྣམ་པར་རྒད་པ་དང་། །ཀུན་དུ་སྒྲ་དང་རྣམ་སྒྲ་དང་། །དྲག་ཏུ་བྱེད་དང་བཅིང་བ་དང་། །སྡང་བ་ཐམས་ཅད་ཚར་བཅད་དང་། །རེངས་པར་བྱ་དང་རྨོངས་
བྱ་དང་། །གྱེན་དུ་མཆོང་དང་བསྣུན་པ་དང་། །མཛེས་པའི་སྟབས་དང་གཙུབ་པ་དང་། །བསྒྲུབ་པའི་དང་པོར་སྔར་སྤྱད་དང་། །དེ་བཞིན་ལྷ་ལ་བསྙེན་བྱ་དང་། །སྔགས་པ་ཡིས་ནི་དཀྱིལ་འཁོར་དང་། །དངོས་གྲུབ་ཅི་འདྲ་ཡིན་པ་
དང་། །སེམས་ཅན་ཁམས་ལ་རྣམ་ཀུན་དུ། །བསྲུང་དང་སྦ་བ་བྱ་བ་དང་། །དཔའ་བོ་འདི་དག་ཐམས་ཅད་དང་། །གཞན་ཡང་ཡིད་ལ་ཅི་འདོད་དང་། །སྡང་སེམས་ལྡན་པ་དེ་དག་ལ། །དེ་བཞིན་ཕྱིར་གསོ་བྱ་བ་དང་། །འདི་
དག་ཐམས་ཅད་རྒྱ་ཆེར་ནི། །སེམས་ཅན་ཐར་བར་འདོད་པས་སྨྲོས། །དེ་ནས་དེ་བཞིན་གཤེགས་པ་དེ་དག་གིས་རྐང་སྟབས་ཀྱི་ཐབས་ཀྱིས་རྣམ་པར་རྒྱལ་བར་བྱ་བའི་ཕྱིར་གསང་སྔགས་འདི་གསུངས་སོ། །ན་མཿསརྦ་ཏ་
ཐཱ་ག་ཏེ་བྷྱཿ སརྦ་མུ་ཁེ་བྷྱཿ སརྦ་ཐཱ་ཧཱུྃ་ཧཱུྃ་ཧཱུྃ། ཕཊ་ཕཊ་ཕཊ། ཙཎྜ་བཛྲ་པྲ་ཛྭ་ལི་ཏ་མུྰརྟི་སྭཱ་ཧཱ། དེ་ནས་ལག་ན་རྡོ་རྗེས་གསང་སྔགས་འདི་ཐོས་ནས་དགའ་ཞིང་མགུ་ལ། རབ་ཏུ་དགའ་བའི་ཡིད་ཀྱིས་ཐམས་ཅད་དང་ལྡན་པའི་འཁོར་
ལ་རྣམ་པར་བལྟས་ནས་སྨྲས་པ། ཀྱེ་གྲོགས་པོ་དག་ཉོན་ཅིག །སེམས་ཅན་གང་ལ་ལ་དག་སངས་རྒྱས་དང་ཆོས་དང་དགེ་འདུན་ལ་སྐྱབས་སུ་དོང་བ་རྣམས་དང་། བྱང་ཆུབ་སེམས་དཔའ་གང་དག་གསང་སྔགས་ཀྱི་སྤྱད་པ་སྤྱོད་ཅིང་། 
གསང་སྔགས་ཀྱི་ཚུལ་ལ་བརྩོན་པ་དེ་དག་ལ་ཅི་ནས་སྟོན་པའི་བསྟན་པ་ཡུན་རིང་དུ་གནས་པར་བྱ་བའི་ཕྱིར། དེང་ཕྱིན་ཅད་བསྲུང་བར་གྱིས་ཤིག །བསྟི་སྟང་དུ་གྱིས་ཤིག །རི་མོར་གྱིས་ཤིག །མཆོད་པ་གྱིས་ཤིག །
དེ་ནས་ཐམས་ཅད་དང་ལྡན་པའི་འཁོར་དེས་མགྲིན་གཅིག་ཏུ་ཚིག་སྨྲས་པ། ཆོས་ཀྱི་རྗེས་བཀའ་སྩལ་པ་བཞིན་འཚལ་ལོ་ཞེས་བརྗོད་ནས་ཅང་མི་སྨྲ་བར་འཁོད་དོ། །དེ་ནས་ལག་ན་རྡོ་རྗེས་ཡང་ཐམས་ཅད་དང་ལྡན་པའི་འཁོར་གྱི་

94-1-128b

དཀྱིལ་འཁོར་ལ་སྨྲས་པ། རིགས་ཀྱི་བུ་དག་གང་ལ་ལ་ཞིག་མ་འོངས་པའི་དུས་ན་དེ་བཞིན་གཤེགས་པའི་སྔོན་གྱི་སྤྱོད་པའི་དཀྱིལ་འཁོར་ལ་བསྲུང་བ་སྒྲུབ་པར་བརྩོན་པ། བྱང་ཆུབ་སེམས་དཔའི་སྤྱོད་པ་གསང་སྔགས་ཀྱི་སྒོ་སྤྱོད་པའི་
བྱང་ཆུབ་སེམས་དཔའ་རྣམས་ཀྱི་དམ་ཚིག་ལས་འགལ་བར་བྱེད་ན། རིག་པའི་རྒྱལ་པོ་དྲག་པོས་རྡོ་རྗེ་འབར་བ་རབ་ཏུ་འབར་བ་ཀུན་དུ་མཆེད་ཅིང་རབ་ཏུ་འབར་བས་དེའི་མགོ་ཚལ་པ་བདུན་དུ་འགེམས་སོ། །དེ་ནས་བྱང་ཆུབ་སེམས་དཔའ་
སེམས་དཔའ་ཆེན་པོ་ལག་ན་རྡོ་རྗེས། བྱང་ཆུབ་སེམས་དཔའ་ཞི་བའི་བློ་གྲོས་ལ་འདི་སྐད་ཅེས་སྨྲས་སོ། །ཞི་བའི་བློ་གྲོས་སྟངས་སྟབས་ཀྱི་མཚན་ཉིད་སྔོན་གྱི་སངས་རྒྱས་རྣམས་ཀྱིས་གསུངས་པ་བཤད་ཀྱིས་ཉོན་ཅིག །
མཐུན་པའི་རྐང་སྟབས་བྱས་ནས་སུ། །དེ་བཞིན་གཤེགས་ལ་ཕྱག་བྱས་ནས། །སྔགས་པས་ཤར་ཕྱོགས་ཁ་བལྟས་ཏེ། །འགྲེང་ལ་ཐལ་མོ་མཚོགས་མར་གཞག །སྔངས་སྔངས་ལྟ་བུར་འཇོ་མཆོག་གིས། །
རྡོ་རྗེ་སྟངས་ཚུལ་གར་བྱེད་ཅིང་། །མཚོགས་ནས་ཐལ་མོ་ཕབ་ནས་སུ། །སྙིང་གར་གཞག་པའི་ཚུལ་གྱིས་ནི། །ཕྱོགས་རྣམས་ཀུན་དུ་བསྐོར་བར་བྱ། །རྡོ་རྗེ་ཁུ་ཚུར་བཅངས་ནས་སུ། །ལག་པ་གཡས་པ་བཏེག་
བྱས་ལ། །གཡོན་པ་རྐེད་པའི་རྒྱབ་ཏུ་གཞག །རྐང་པ་གཡས་པ་བཏེག་ནས་སུ། །གཡས་པ་བསྐུམ་པར་ལེགས་པར་སྦྱར། །གཡོན་པ་མཚོག་མར་སྟོད་ནས་སུ། །སྡང་བ་ཀུན་ལ་བསྡིགས་པར་བྱ། །རྐང་པ་
གཡས་པ་བརྐྱང་བྱ་ཞིང་། །གཉིས་ག་རྡོ་རྗེ་ཁུ་ཚུར་བཅང་། །ཁྲོས་བཅས་ཧཱུྃ་ཞེས་བྱ་བས་བསྒྱིངས། །རྡོ་རྗེ་བསྣུན་པས་བསྣུན་པར་བྱ། །རྡོ་རྗེ་གར་གྱིས་བསྒྱུར་ནས་སུ། །རྐང་པ་གཡོན་པ་བསྐུམ་བྱས་ལ། །
དེ་ལྟར་ཕྱོགས་བཞི་རྣམས་སུ་ཡང་། །རྡོ་རྗེའི་གནོན་འགྲོས་གནོན་པར་བྱ། །རྡོ་རྗེ་ཐལ་མོ་སྦྱར་ནས་སུ། །རྐེད་པའི་གནས་སུ་གཞག་པར་བྱ། །རྟིང་སྤྲད་གནས་ལ་གནས་ནས་སུ། །མིག་ནི་ཐུར་དུ་བལྟ་བར་བྱ། །

94-1-129a

རྡོ་རྗེ་ཕུར་བུས་བཏབ་ནས་ནི། །ས་འོག་རྣམ་བདུན་གཡོ་བར་འགྱུར། །འབྲུག་སྒྲ་དང་འདྲ་ཧཱུྃ་ལྡན་ཞིང་། །རབ་འབར་རྡོ་རྗེ་འཆང་འདྲ་བར། །རྡོ་རྗེ་གྱེན་དུ་འགྱེད་པར་བྱ། །རྒྱབ་ཏུ་ཐལ་མོ་སྦྱར་བར་བྱ། །དེ་ནས་རྡོ་རྗེ་གར་
བྱ་ཞིང་། །ལྟེ་བའི་གནས་སུ་བཞག་པར་བྱ། །འདི་འདྲའི་གནས་ལ་གནས་ནས་སུ། །མྱུར་འགྲོལ་ཤིན་ཏུ་བསླབས་པས་བཞག །སངས་རྒྱས་བྱང་ཆུབ་སེམས་དཔའ་དང་། །ཁྲོ་བོ་ཕྱག་བརྙན་བྲན་མོ་ཡི། །མཚོན་
ཆའི་ཕྱག་རྒྱ་ཇི་སྙེད་པ། །རྡོ་རྗེ་བེ་ཅོན་དབྱུག་ཐོ་དང་། །མདུང་ཐུང་མདའ་ཆེན་འཁོར་ལོ་དང་། །རྡོ་རྗེ་རྩེ་གཅིག་གཏུན་ཤིང་སོགས། །ཕོ་ཉ་ཕོ་སྨོས་གང་ཡིན་དང་། །བགེགས་ལ་སོགས་པ་རྣམ་པར་ཟློག །ཕྱག་རྒྱའི་ཚོགས་གཞན་
གང་གསུངས་པ། །བགེགས་རྣམས་བཤིག་པར་བྱ་བའི་ཕྱིར། །དཀྱིལ་འཁོར་འདི་ནི་བསྟན་རྣམས་ཀྱིས། །སྤྱི་ཡི་ཆོ་ག་རྒྱས་པར་ནི། །བསླབས་པའི་སྔགས་པས་ལྷར་བཅས་དང་། །ལྷ་མིན་གསང་བ་ཀུན་དུ་གཞོམ། །
དཀྱིལ་འཁོར་ལ་ནི་བགེགས་བྱའི་ཕྱིར། །ཚངས་པའི་སྡོང་བུར་ཐུག་པ་ནས། །ས་སྟེང་གནས་པའི་ལྷ་ཡི་བར། །གཅིག་ཏུ་འདུས་ནས་ལྷགས་གྱུར་ཀྱང་། །གཏོར་བྱའི་ཆོ་ག་ཤེས་པ་ཡི། །སྔགས་པས་ཧཱུྃ་ཞེས་བྱ་བ་ཡིས། 
།ཐམས་ཅད་རྣམ་པར་གཏོར་འགྱུར་ཏེ། །ཤིང་བལ་འདབ་མ་རླུང་གཏོར་བཞིན། །རྡོ་རྗེ་འབར་བའི་མེར་གྱུར་ནས། །བསྐལ་པའི་མེ་འདྲར་ལངས་ནས་སུ། །རྡོ་རྗེ་རྐང་པ་ལྡན་པར་ནི། །རྡོ་རྗེ་ཕྱག་རྒྱས་ཀུན་དུ་གཞོམ། །
རྡོ་རྗེས་གནོན་དང་ལྡན་པར་ནི། །རྡོ་རྗེའི་ཕྱག་རྒྱས་བཅོམ་ནས་སུ། །སྔགས་པས་ས་གསུམ་ཕུང་བྱེད་ན། །བགེགས་དང་ལོག་འདྲེན་སྨོས་ཅི་དགོས། །ཆེན་པོའི་རྡོ་རྗེ་ཕྱག་རྒྱ་ཡི། །སྟངས་སྟབས་འདི་ནི་སྤྱི་ཡིན་ཏེ། །
བསྒྲུབ་མིན་དོན་ཀྱང་སྒྲུབ་བྱེད་ན། །ཆོ་ག་ཞིབ་ལས་བྱུང་ཅི་སྨོས། །རྡོ་རྗེ་འབྱུང་བ་དམ་པ་ནི། །ཐོག་མར་བཅིང་བ་བྱས་ནས་སུ། །དེ་ནས་རྡོ་རྗེ་མཆོག་རིག་ལས། །བྱུང་བ་གཞན་ཡང་བཅིང་བར་བྱ། །འདི་ལས་གསང་སྔགས་རྣམས་

94-1-129b

དང་ནི། །སྟངས་སྟབས་རྣམ་པ་ཐམས་ཅད་འབྱུང་། །དེ་ལྟ་བས་ན་རྣམ་ཀུན་དུ། །སྔགས་པས་བསྒྲིམས་ཏེ་བསླབ་པར་བྱ། །དམ་ཚིག་ཆེན་པོ་རྡོ་རྗེ་འབྱུང་བའི་རྩ་བའི་སྟངས་སྟབས་སོ། །རྡོ་རྗེ་འབྱུང་བར་འདུག་ནས་སུ། །སེང་གེ་བཞིན་དུ་ཕ་རོལ་
གནོན། །རྡོ་རྗེ་ཕྱག་རྒྱས་ཀུན་དུ་གཞོམ། །རྡོ་རྗེ་རྐང་པ་བརྐྱང་བར་བྱ། །ཧཱུྃ་ཞེས་བྱ་བའི་སྒྲ་སྒྲོགས་ཤིང་། །རྡོ་རྗེའི་ཕྱག་རྒྱས་བཅོམ་ནས་སུ། །ས་རྣམས་ཀུན་ཀྱང་གཡོ་འགྱུར་ན། །གསང་དང་ཀླུ་རྣམས་སྨོས་ཅི་དགོས། །སེང་གེའི་ཚུལ་
དུ་མཆོངས་ནས་ནི། །བགེགས་གང་སེང་གེའི་གཟུགས་འདྲ་དང་། །གླང་ཆེན་ཤིང་རྟ་སྤྲེའུ་དང་རྟ། །གཞན་ཡང་གང་དག་རྐང་བཞི་པ། །དེ་ནས་རྣམ་པར་འབྲོས་པ་འམ། །འཆི་བར་འགྱུར་ཏེ་ཐེ་ཙོམ་མེད། །ཚངས་པས་བྱས་པའི་བགེགས་
རྣམས་ཀྱང་། །སྐད་ཅིག་དེ་ལ་མྱུར་དུ་འཇིག །སེང་གེ་ལྟར་ཕ་རོལ་གནོན་པའི་སྟངས་སྟབས་སོ། །རྡོ་རྗེ་འབྱུང་བར་ཡང་འདུག་སྟེ། །རྐང་པ་བསྣོལ་བའི་ཚུལ་གྱིས་སུ། །རྡོ་རྗེ་ཁུ་ཚུར་གཉིས་ག་ནི། །རྐེད་པའི་གནས་སུ་གཞག་པར་བྱ། །
ཧཱུྃ་བརྗོད་མགུལ་པ་བསལ་བའི་སྒྲས། །རྡོ་རྗེ་གར་གྱིས་གར་བྱ་ཞིང་། །རྐང་པ་གཡོན་པ་བཏེག་ནས་ནི། །དེ་ཡི་རྩེ་མོ་སར་བཙུགས་ལ། །རྐང་པ་གཡོན་པ་བཏེག་ནས་ནི། །ལག་པ་རྡོ་རྗེ་གསོར་བཅས་པར། །ལག་གཡོན་སྙིང་གར་གཞག་
ནས་ནི། །སྔགས་པས་འཁོར་ལོ་བཞིན་དུ་བསྐོར། །རྡོ་རྗེ་འབར་བའི་མེར་བསྒྱུར་ནས། །རྡོ་རྗེའི་ཉི་མའི་མིག་ལྡན་པར། །རྡོ་རྗེ་མགུལ་པ་བསལ་བའི་སྒྲས། །ཕྱོགས་ཀུན་ཡོངས་སུ་རྫོགས་པར་བྱ། །བགེགས་ཀྱི་གནས་སུ་
དམིགས་ནས་ནི། །མྱུར་དུ་རྡོ་རྗེ་གོམ་སྟབས་ཀྱིས། །རྐང་གཡས་བརྐྱང་བའི་གནས་ན་ནི། །རྡོ་རྗེ་ཕྱག་རྒྱས་ཀུན་དུ་གཞོམ། །དེ་བཞིན་ཕྱོགས་དང་མཚམས་རྣམས་ཀྱང་། །ཀུན་དུ་ཡང་དག་གཞོམ་པར་བྱ། །བདུད་
སྡེ་མི་བཟད་ཆེན་པོ་དང་། །ཕྱོགས་རྣམས་ཀུན་ནས་བྱུང་བ་ཀུན། །གཡས་བརྐྱང་གོམ་པའི་སྟབས་སྦྱར་ཏེ། །རྡོ་རྗེ་ཕྱག་རྒྱས་ཀུན་དུ་གཞོམ། །ས་གསུམ་ཐམས་ཅད་གཡོ་འགྱུར་ན། །བགེགས་དང་ལོག་འདྲེན་སྨོས་ཅི་དགོས། །

94-1-130a

རྡོ་རྗེ་ཕྱག་རྒྱ་བལྟས་ནས་ནི། །བགེགས་དང་ལོག་འདྲེན་ཐམས་ཅད་དང་། །མི་བཟད་གཟུགས་ཅན་སྲིན་པོ་རྣམས། །ཕྱོགས་རྣམས་ཀུན་དུ་འབྲོས་པར་འགྱུར། །རྡོ་རྗེ་གཡས་པ་བརྐྱང་བའོ། །རྡོ་རྗེ་འབྱུང་བར་འདུག་
ནས་སུ། །མཚོགས་མར་རྡོ་རྗེ་ཐལ་སྦྱར་ཏེ། །རྡོ་རྗེར་བཅས་པའི་ལག་བསྐོར་ཞིང་། །སྤྲིན་ལྟར་ཡོངས་སུ་ཁྱབ་པར་བྱ། །རྡོ་རྗེ་གར་གྱིས་གར་བྱ་ཞིང་། །མཆུ་ནི་སོ་ཡིས་གནོན་པར་བྱ། །ཁུ་ཚུར་གཡོན་པ་བཏེག་པར་བྱ། །
གཡས་པ་སྙིང་གར་བཞག་པར་བྱ། །རྐང་པ་གཡོན་པ་བཏེག་ནས་སུ། །གཡས་རོལ་དུ་ནི་གཅུ་བར་བྱ། །འབྲུག་སྒྲ་དལ་འདྲའི་ཧཱུྃ་བརྗོད་པ། །གཡོན་པ་བརྐྱང་བའི་རྐང་གནོན་ཏེ། །རྡོ་རྗེ་རྐང་པས་བསྣུན་པར་བྱ། །གཡས་པ་ས་ལ་གཟུག་
པར་བྱ། །རྡོ་རྗེ་རྐང་པ་ས་འོག་ཏུ། །བསྣུན་ན་ཐམས་ཅད་གཡོ་བར་བྱེད། །ས་ཡི་འོག་ན་གནས་པའི་ཀླུ། །གསང་དང་ལྷ་མིན་སྲིན་པོར་བཅས། །ཐམས་ཅད་གཡོས་པ་འདི་ཅི་ཞེས། །ཡ་མཚན་འཛིན་པའི་སེམས་གྱུར་ནས། །ཡ་
མཚན་འཛིན་པའི་སྙིང་གིས་སུ། །འདི་དག་ཐམས་ཅད་ཅིར་འགྱུར་ཀྱེ། །སྐལ་པ་ཟད་པར་མ་གྱུར་གྲང་། །དེ་སྐད་ཕན་ཚུན་འདྲི་བར་བྱེད། །གནས་དེ་ནས་ནི་ཡང་བསྐྱོད་ནས། །རྡོ་རྗེ་འབར་བའི་མིག་ལྡན་པར། །རྡོ་རྗེ་ཕྱག་རྒྱས་
ཧཱུྃ་བརྗོད་དེ། །རྡོ་རྗེ་རྐང་པས་བསྣུན་པར་བྱ། །ཀླུ་དང་གསང་བ་ཐམས་ཅད་དང་། །གཞན་ཡང་གང་དག་སར་གནས་པ། །གང་ན་སྔགས་འཆང་འདུག་པ་ཡི། །གནས་དེར་ཐམས་ཅད་ལྷགས་ནས་སུ། །ལུང་ནི་ཡོངས་སུ་ནོད་བྱེད་ཅིང་། །
རྡོ་རྗེ་འབར་བས་རབ་ཉེན་པས། །ཇོ་བོ་ཅི་ཞིག་ཚོལ་གཅིག་པ། །བཀའ་ལུང་མྱུར་དུ་བདག་ཅག་སྩོལ། །བཅུད་ཀྱིས་ལེན་ཏམ་དངུལ་ཆུ་འམ། །འོན་ཏེ་མིག་སྐུའི་སྨན་རྫས་སམ། །གནོད་སྦྱིན་ཕོ་སྨོས་འབངས་སུ་འམ། །
འོན་ཏེ་རྒྱལ་སྲིད་བཞེད་གྱུར་ཏམ། །འོན་ཏེ་དཔལ་གྱི་སྒོ་བཞེད་དམ། །འོན་ཏེ་ཡུལ་ས་གཞན་བཞེད་ན། །རྡོ་རྗེ་འབར་བས་གཟིར་གྱུར་པས། །བཞེད་པ་ཐམས་ཅད་བརྐང་བར་བགྱི། །སྔགས་པས་འགའ་ཞིག་བླངས་ནས་སུ། །

94-1-130b

དེ་དག་ལ་ནི་བྱམས་པར་བྱ། །རྡོ་རྗེ་གར་ནི་ལེགས་བྱ་ཞིང་། །ཕྱག་རྒྱ་དེ་ནི་བསྡུ་བར་བྱ། །ཆོ་ག་མཐོང་བའི་ལས་ཀྱིས་སུ། །རྡོ་རྗེ་གནས་སུ་གཞག་པར་བྱ། །གཞན་དུ་ན་ནི་བསང་བ་དང་། །སྲིན་པོ་ཐམས་ཅད་གནོད་བྱེད་དེ། །
གླགས་ལྟ་ཀླན་ཀ་ཚོལ་བྱེད་པ། །གཟིར་བ་དེ་དག་གནོད་པར་བྱེད། །གླགས་སུ་གྱུར་པ་རྟོགས་ནས་སུ། །སྔགས་པ་ལ་ནི་གནོད་པར་བྱེད། །དེ་ལྟ་བས་ན་རྣམ་ཀུན་དུ། །བློ་དང་ལྡན་པའི་སྒྲུབ་པ་པོས། །རྡོ་རྗེའི་གནས་ནི་རིག་
བྱས་ལ། །སྟངས་སྟབས་བྱ་བ་སྦྱར་བར་བྱ། །གཡོན་པ་བརྐྱང་བའི་རྐང་པའི་སྟངས་སྟབས་སོ། །རྡོ་རྗེ་འབྱུང་བར་འདུག་ནས་སུ། །དཔྲལ་བར་ཐལ་མོ་སྦྱར་བར་བྱ། །རྡོ་རྗེ་གར་ནི་བྱས་ནས་སུ། །ཐལ་མོ་སྙིང་གར་གཞག་
པར་བྱ། །ཚངས་པའི་རྐང་སྟབས་བྱས་ནས་སུ། །པད་མའི་ཐལ་མོ་རྒྱས་པར་བྱ། །གཉིས་ག་ཁུ་ཚུར་བཅངས་ནས་སུ། །གཡས་པ་གྱེན་དུ་བརྐྱང་བར་བྱ། །གཡོན་པ་སྙིང་གར་བཞག་ནས་སུ། །ཧཱུྃ་དང་ཕཊ་བཅས་ཁྲོས་
བསྒྱིངས་ཤིང་། །སོས་ནི་མཆུ་ཡང་མནན་བྱས་ནས། །རྡོ་རྗེ་ཉི་མའི་མིག་ལྡན་ཞིང་། །བཞིན་ནི་ཁྲོ་གཉེར་རིམ་འཆས་པས། །གར་བྱེད་པ་ཡི་ཚུལ་གྱིས་ནི། །རྐང་པ་གཡས་པ་དགུག་པར་བྱ། །གཡོན་པ་ཡང་ནི་དེ་བཞིན་དགུག །
རྡོ་རྗེ་གསོར་བའི་ཕྱག་རྒྱ་ཡིས། །ལག་པ་གྱེན་དུ་བསྒྲེང་བར་བྱ། །གྱེན་དུ་བལྟས་ན་དྲག་ཏུ་ནི། །རྡོ་རྗེ་ཕྱག་རྒྱས་བསྣུན་པར་བྱ། །རྡོ་རྗེ་ཕྱག་རྒྱས་བསྣུན་པས་ནི། །ཚངས་པ་བཅས་དང་བརྒྱ་བྱིན་བཅས། །གནས་དང་བཅས་པ་
ཐམས་ཅད་འགུལ། །ཕན་ཚུན་གཅིག་ལ་གཅིག་ལྟ་ཞིང་། །གྲོགས་དག་བསྐལ་པ་འཁྲུགས་གྱུར་ཏམ། །འོན་ཏེ་སེམས་ཅན་ཆེ་བྱུང་ངམ། །འོན་ཏེ་སངས་རྒྱས་བྱུང་གྱུར་ཏམ། །ཅི་ཞེས་ཐམས་ཅད་ཕན་ཚུན་སྨྲ། །
མྱོས་ཆེས་གྱུར་ནས་ཕན་ཚུན་དང་། །ཕྱོགས་བཅུ་དག་ཏུ་ལྟ་བར་བྱེད། །རྡོ་རྗེ་འབར་བས་གཟིར་བས་ན། །གནས་དེ་ནས་ནི་དོང་ནས་སུ། །རྡོ་རྗེའི་ལྡན་པ་ཅི་བཞེད་པ། །གསུངས་ཤེས་ལུང་ནི་ནོད་པར་བྱེད། །བདག་ཅག་ནོངས་པ་

94-1-131a

མ་མཆིས་ཤིང་། །བཀའ་དང་འགལ་བར་བགྱིད་མ་ལགས། །རྡོ་རྗེ་འབར་བས་གཟིར་གྱུར་ནས། །བཀའ་ལུང་མྱུར་དུ་བདག་ལ་སྩོལ། །རྡོ་རྗེ་ཅན་གྱིས་རྡོ་རྗེ་ལ། །མིག་མི་འཛུམས་པར་རྟག་ཏུ་བལྟ། །ལྷ་ཕལ་
གཞན་རྣམས་དེ་དག་ཀྱང་། །རྡོ་རྗེ་འབར་བས་བརྒྱལ་གྱུར་ནས། །རྡོ་རྗེའི་དམ་པ་ལྡན་པ་ལ། །ཐུགས་ལ་ཅི་དགོངས་བླང་མཛོད་དང་། །གལ་ཏེ་རྒྱལ་སྲིད་བཞེད་གྱུར་ཏམ། །དེ་བཞིན་མི་དང་ལྷ་བཞེད་དམ། །ལྷ་ཡི་བུ་མོ་བསྙེམས་
པ་དང་། །ལྷ་ཡི་བདེ་བ་ཡིད་མཐུན་བཞེད། །ཐུགས་ལ་གང་བཞེད་དེ་དག་རྣམས། །དེ་དག་དབུལ་བར་བགྱིད་པར་འགྱུར། །དེ་ནས་ལྷ་མང་རྫུ་འཕྲུལ་ཆེ། །དེ་དག་ཡིད་ནི་རབ་དགའ་ནས། །རྡོ་རྗེ་འབར་བས་གཟིར་བ་དག །
སྒྲུབ་པ་པོ་ལ་མྱུར་དུ་དབུལ། །དེ་ནས་བྱམས་པའི་སེམས་ཀྱིས་ནི། །སྔགས་པས་བལྟས་ནས་བཏང་བར་བྱ། །གཞན་དུ་ན་ནི་གཟིར་དེ་དག །གླགས་རྙེད་གནོད་པ་བྱེད་པར་འགྱུར། །རྡོ་རྗེ་འབྱུང་བར་ཡང་འདུག་
སྟེ། །རྡོ་རྗེ་གར་ནི་རབ་ཏུ་བྱ། །མཚོགས་མར་ཐལ་མོ་སྦྱར་ནས་སུ། །ཕྱོགས་རྣམས་ཀུན་དུ་རྒྱས་པར་བྱ། །རྐང་པ་སྤོ་བའི་ཚུལ་གྱིས་སུ། །གཡས་པ་བཏེག་ཅིང་དེ་བཞིན་གཡོན། །རྡོ་རྗེ་ཁུ་ཚུར་ཚུལ་
གྱིས་ནི། །གཡས་པ་གྱེན་དུ་བགྲང་བར་བྱ། །གཡོན་པ་སྙིང་གར་བཞག་ནས་སུ། །སྨིན་མ་དགུག་ཅིང་བསྒུལ་བསྐྱོད་དེ། །མིག་གིས་བགེགས་ལ་བལྟས་བྱས་ན། །ཧཱུྃ་དང་བཅས་པས་རང་བསྐུལ་ན། །གལ་ཏེ་
ཚངས་པ་ཉིད་གྱུར་ཏམ། །གལ་ཏེ་ཁྱབ་འཇུག་ཉིད་གྱུར་ཏམ། །དྲག་པོ་བརྒྱ་བྱིན་ཉིད་གྱུར་ཡང་། །བལྟས་པས་མྱུར་དུ་འཇིགས་པར་འགྱུར། །ཅི་སྟེ་ཁྱབ་འཇུག་དྲག་པོ་རྣམས། །བདག་གི་དབང་དུ་གྱུར་འདོད་པས། །
ཀུན་དུ་བསྐྱོད་པའི་ཚུལ་གྱིས་སུ། །རྡོ་རྗེ་ཉི་མའི་མིག་ཅན་གྱིས། །རྐང་པ་ཐབས་སྦྱར་ཚུལ་གྱིས་སུ། །རྡོ་རྗེ་ཕྱག་རྒྱས་བསྣུན་པར་བྱ། །རྡོ་རྗེ་ཕྱག་རྒྱས་བསྣུན་པས་ན། །ས་རྣམས་ཐམས་ཅད་རབ་ཏུ་གཡོ། །དེ་ནས་བརྒྱ་བྱིན་

94-1-131b

ལྷ་རྣམས་དང་། །ལྷ་མིན་སྲིན་པོ་གསང་བ་པ། །སྟན་ལས་ཉམས་པར་བདག་ཉིད་ཀྱིས། །མ་ཤེས་ཤིག་ནི་བརྒྱལ་བར་འགྱུར། །དེ་ནས་ཁྱབ་འཇུག་དྲག་པོའི་རྣམས། །ཡིད་ནི་གློང་ཞེས་གྱུར་ནས་སུ། །རྡོ་རྗེ་རྣལ་འབྱོར་ཆེར་ལྡན་
པ། །ག་ལ་བ་དེར་ཐལ་སྦྱར་དོང་། །བདག་ཅག་ནོངས་པ་མ་མཆིས་པར། །སྔགས་ཀྱིས་བདག་ཅག་ཤིན་ཏུ་གཟིར། །གཟིར་བའི་ལྷ་རྣམས་དེ་དག་ཀུན། །བསྟན་ལས་སེམས་ནི་ཉམས་པར་འགྱུར། །ཅི་ལྟར་ཅི་བགྱི་བཀའ་
སྩོལ་ཅེས། །ལུང་ལ་གུས་པས་ལྟ་ཞིང་འཁོད། །ཀུན་ལ་བྱམས་པ་བྱས་ནས་སུ། །སྙིང་ལ་བསམ་པ་གཅིག་བླངས་ན། །དེ་ཡི་མོད་ལ་དེ་དག་རྣམས། །དགའ་ཞིང་མགུ་ནས་སྦྱིན་པར་བྱེད། །སྔགས་པ་མཉམ་པར་བཞག་ནས་སུ། །
དེ་དག་ཕྱག་རྒྱའི་རྒྱལ་པོ་བཏང་། །རྐང་པ་སྤོ་བའི་ཚུལ་གྱིས་སུ། །རྡོ་རྗེའི་གནས་སུ་བཞག་པར་བྱ། །རྡོ་རྗེ་འཛིན་པ་ཐམས་ཅད་ཀྱི། །རྡོ་རྗེའི་གནས་ནི་རྐེད་ནས་གཅོད། །རྡོ་རྗེ་འབྱུང་བར་འདུག་ནས་སུ། །དབང་པོ་ཆེན་པོ་གནས་
སུ་བརྟེན། །མཚོགས་མར་ཐལ་མོ་སྦྱར་བྱས་ལ། །ཕྱོགས་རྣམས་ཀུན་དུ་རྒྱས་པར་བྱ། །རྐང་པ་སྤོ་བའི་ཚུལ་གྱིས་སུ། །རྡོ་རྗེ་ཁུ་ཚུར་བཅངས་བྱས་ལ། །གར་བྱེད་པ་ཡི་ལག་པ་ཡིས། །བགེགས་ཀྱི་གཟུགས་རྣམས་
བསྡིགས་པར་བྱ། །དེ་བཞིན་གཡས་དང་གཡོན་གྱིས་ཀྱང་། །གནས་ནས་སོང་གི་བར་དུ་བྱ། །ཅི་སྟེ་བགེགས་ཆེན་རབ་སྡང་བ། །བསྡིགས་ནས་འགྲོ་བར་མི་བྱེད་ན། །རྡོ་རྗེ་གོམ་པ་མྱུར་བོར་ལ། །གྱེན་དུ་ལག་པ་ཀུན་དུ་བསྐྱོད། །
ལག་གཉིས་ས་ལ་བརྡབས་ནས་སུ། །འབྲུག་སྒྲ་དལ་འདྲའི་ཧཱུྃ་བརྗོད་ལ། །གསང་སྔགས་བློ་ལྡན་རྐང་བསྐུམས་ཏེ། །རྣམ་པ་ཀུན་དུ་ལུས་བསྐོར་རོ། །དེ་ནས་སྡང་བའི་ཚུལ་གྱིས་སུ། །རྡོ་རྗེ་ལག་པ་གཉིས་བརྐྱང་ལ། །རྡོ་རྗེ་ལྕགས་
ཀྱུའི་ཕྱག་རྒྱ་ཡིས། །བགེགས་རྣམས་ཐམས་ཅད་དགུག་པར་བྱ། །གཡས་དང་གཡོན་གྱི་ཚུལ་གྱིས་ནི། །རེ་རེ་ཚངས་པའི་བྱེད་བྱས་ལ། །འབྲུག་སྒྲ་དལ་འདྲའི་ཧཱུྃ་རྣམས་དང་། །ཕཊ་རྣམས་ཀྱིས་ནི་རབ་བསྐུལ་ཏེ། །རྡོ་རྗེ་གཟིར་བའི་ཕྱག་

94-1-132a

རྒྱ་ཡིས། །བགེགས་རྣམས་ཐམས་ཅད་གཟིར་བར་བྱ། །བདེ་གཤེགས་གོ་འཕང་མ་གཏོགས་པར། །རྡོ་རྗེ་ཅན་དང་འཁོར་ལོ་ཅན། །སངས་རྒྱས་སྲས་པོ་གང་གཞན་གྱི། །དེ་ཡི་ལུས་ལ་མི་སེམས་ན། །ལྷ་དང་དྲི་ཟ་གསང་
བ་དང་། །གཞན་ཡང་གང་དག་གླུ་རྣམས་དང་། །ཤིང་བལ་འདབ་མ་རླུང་གཏོར་བཞིན། །ཧཱུྃ་བརྗོད་འཇིགས་འགྱུར་སྨོས་ཅི་དགོས། །ལྷ་མིན་སྲིན་པོ་མ་རུངས་པ། །ཡི་དགས་གྲུལ་བུམ་མངག་གཞུག་དང་། །བདུད་དང་བདུད་ཀྱི་ཕོ་ཉ་
རྣམས། །འདི་ལྟར་གྱུར་པ་ཅི་ཞིག་སྨོས། །བྱམས་པའི་སེམས་ལ་མཉམ་བཞག་ཅིང་། །སྙིང་རྗེ་ལ་ཡང་མཉམ་བཞག་ནས། །བྱང་ཆུབ་སེམས་དྲན་སྔགས་པ་ཡིས། །ཕྱག་རྒྱ་བསྡུ་བ་བསམ་པར་བྱ། །ཉེས་པ་ཅུང་ཟད་ཙམ་གྱི་
ཕྱིར། །བགེགས་རྣམས་ལ་ནི་གནོད་མི་བྱ། །ཤིན་ཏུ་སྡང་བར་རིག་ནས་སུ། །གལ་ཏེ་བགེགས་ལ་གནོད་བྱ་ན། །ཤིན་ཏུ་སྡང་བ་དྲགས་རྣམས་ལ། །འཇམ་དེས་ཉིད་དུ་མི་བྱའོ། །གལ་ཏེ་འཇམ་དེས་ཉིད་བྱས་ན། །དེ་ཡི་མོད་ལ་
གནོད་པ་བྱེད། །ཐོག་མར་འཇམ་པོར་སྦྱར་བར་བྱ། །ལན་གཉིས་ཚེ་ན་དབྱེ་བར་བརྩོན། །གསུམ་ཚེ་མཆོད་ཡོན་ཐོགས་ནས་སུ། །མེ་ཏོག་སྙིམ་པར་གནས་བྱས་ལ། །དེ་ནས་བགེགས་ལ་མཆོད་པར་བྱ། །འབྱུང་པོ་ཀུན་ཕན་གཏོར་
བྱིན་ན། །འདི་སྐད་ཀྱི་ནི་ཚིག་བརྗོད་དེ། །བདག་གིས་དེ་རིང་ཁྱོད་མཆོད་ཀྱིས། །སོང་ཤིག་བགེགས་ཆེན་འགྲོ་བར་གྱིས། །ཕྱིན་ཆད་དེ་ལྟར་མ་བྱེད་ཅིག །ཁྱོད་ཀྱི་སྟོབས་དང་རྩལ་མཐོང་སྟེ། །ཁྱོད་ནི་བགེགས་ཀྱང་བྱེད་པར་
ནུས། །ཁྱོད་ནི་ལྷ་ཡི་སྤྲུལ་པ་སྟེ། །ཁྱོད་ནི་བགེགས་བྱེད་མི་ནུས་མིན། །སྔོན་ཅད་མཆོད་པ་མ་ཐོབ་པ། །དེ་རིང་བདག་གིས་མཆོད་བྱས་ན། །ཁྱོད་ཀྱིས་ད་ནི་མཆོད་ཁྱེར་ལ། །བགེགས་ཀྱི་དབང་པོ་སོང་ཞེས་བརྗོད། །གལ་
ཏེ་འདུག་ཀྱང་བགེགས་མིན་ན། །དེ་ནི་སྤྱོད་པ་བཟང་པོ་ཡིན། །སྔགས་པས་མཆོད་བྱས་འོས་ཀྱང་ནི། །ཅི་སྟེ་བགེགས་ནི་ཡང་བྱེད་ན། །ཕྱོགས་བཅུ་སངས་རྒྱས་དབང་གྱུར་པས། །མི་མཆོག་རྣམས་ཀྱིས་མཁྱེན་པར་

94-1-132b

གསོལ། །བགེགས་ལ་ཆད་པས་བཅད་སླད་དུ། །སྦྱོར་བ་བགྱིས་ཀྱང་ནོངས་མ་མཆིས། །སངས་རྒྱས་རྣམས་དང་སངས་རྒྱས་སྲས། །བྱང་ཆུབ་སེམས་དཔའ་པ་རྣམས་ཀྱིས། །བཀའ་དང་བདག་འགལ་མི་བགྱིད་བརྗོད། །ལྷ་
དང་ལྷ་མིན་གསང་རྣམས་དང་། །ཕྱོགས་བཅུ་ཀུན་གྱི་དྲི་ཟ་དང་། །གཟའ་དང་མི་འམ་ཅི་གང་དག །མགོན་པོ་མགོན་པོ་ཆེ་རྣམས་ལ། །བགེགས་ཀྱིས་གཙེས་པ་བསྒྲག་པར་བྱ། །གལ་ཏེ་ཆུང་ཞིག་བསྐྱབ་ཅེ་ན། །མྱུར་དུ་ཡོངས་
སུ་སྐྱོབས་ཤིག་ཅེས། །བསྒྲགས་པ་གལ་ཏེ་མཉན་བྱས་ནས། །བགེགས་བྱེད་ཞི་བར་གྱུར་ན་ནི། །དེ་ནས་ཕྱོགས་རྣམས་ཐམས་ཅད་ཀྱི། །ལྷ་རྣམས་ལ་ནི་མཆོད་པར་བྱ། །གལ་ཏེ་དེ་ལྟར་མི་འདུག་ན། །མེ་ཏོག་ཐལ་མོ་མཆོད་
ཡོན་གྱིས། །སངས་རྒྱས་ལ་སོགས་རབ་བསྐུལ་ལ། །དེ་ལ་ཆད་པས་བཅད་པར་བྱ། །དྲག་པོ་ཤིན་ཏུ་སྡང་སེམས་ཅན། །བཀའ་ལུང་ལས་ནི་འགལ་བྱེད་ཅིང་། །སྲོག་ཀྱང་ཤིན་ཏུ་འཕྲོག་བྱེད་ལ། །སངས་རྒྱས་རྣམས་ཀྱང་མི་
གཡེལ་བ། །དེ་ལ་ཕན་པར་ཤེས་ནས་སུ། །བསྐལ་པ་བྱེ་བ་དུ་མར་ནི། །སེམས་དམྱལ་རྣམས་སུ་སྐྱེ་བ་ཡི། །སྡུག་བསྔལ་མང་པོ་འདིར་འགྱུར་ཞེས། །ཇི་ལྟར་སྨན་པས་སེམས་ཅན་གྱི། །ནད་རྣམས་གསོ་བར་བྱེད་པ་བཞིན། །
གཟིར་བས་བདག་ལ་ཉེས་པ་མེད། །མཁས་པས་རྣམ་པར་སྤངས་མ་ཡིན། །དེ་ལྟར་སེམས་ནི་མཉམ་བཞག་ཅིང་། །སྙིང་རྗེ་ཡིད་དང་ལྡན་པ་ཡིས། །བྱང་ཆུབ་སེམས་ནི་བརྟན་བྱས་ཏེ། །དེ་ལ་ཆད་པས་བཅད་པ་བརྩམ། །ཇི་ལྟར་སྨན་
པ་མཁས་པ་ཡིས། །ཉེས་ཏེ་ཡལ་བར་མི་འདོར་ཞིང་། །ཐབས་དང་ཤེས་རབ་མཁས་པ་ཡང་། །མི་བྱེད་མཁས་ན་འང་ཉེས་དང་བཅས། །ཇི་ལྟར་སྨན་པ་མི་མཁས་པ། །ཐབས་དང་ཤེས་རབ་བྲལ་བ་ཡིས། །ནད་པ་ཡལ་བར་འདོར་བྱེད་
ཅིང་། །གསོ་བའི་ཆོ་ག་མི་བྱེད་པ། །དེ་བཞིན་ཤེས་དང་བྲལ་བ་ཡིས། །གལ་ཏེ་གསོ་བར་བརྩོན་ན་ཡང་། །ཐབས་དང་ཤེས་རབ་བྲལ་བ་ལ། །སངས་རྒྱས་རྣམས་ནི་བསྔགས་མི་མཛད། །ནད་པ་ནད་པ་རྣམས་ལ་ནི། །

94-1-133a

སྨན་པ་ཇི་ལྟར་སྨན་བྱིན་ན། །ཚ་དང་ཁ་དང་བསྐ་བ་ཡང་། །འཇིག་རྟེན་སྨོད་པར་མི་བྱེད་པ། །དེ་བཞིན་འདུལ་བའི་བྱེ་བྲག་གིས། །ཅི་རིགས་པ་ནི་གསོ་བར་བྱ། །སྡང་བའི་སེམས་ཅན་རྣམས་ལ་ནི། །ཕྱས་ཏེ་སངས་རྒྱས་རྣམས་
མི་སྨོད། །འདས་པའི་དུས་ན་སྔོན་བྱུང་བ། །ཤིན་ཏུ་རྨད་བྱུང་རྒྱལ་བ་བྱུང་། །དེ་བཞིན་གཤེགས་པའི་གསུང་རབ་ལས། །འགྲོ་བའི་ཆོས་ནི་འདི་འདྲ་སྟེ། །ཤིན་ཏུ་སྡང་སེམས་དྲག་པོ་ཡི། །སེམས་ཅན་ཐམས་ཅད་དེ་ཚེ་བྱུང་། །ཤིན་ཏུ་དྲག་པོ་མཐོང་
ནས་ནི། །འཇམ་པོ་ཉིད་དུ་མི་སྦྱོར་རོ། །ཤེས་རབ་ཐབས་ཀྱི་སྙིང་སྟོབས་ཅན། །རྡོ་རྗེ་སེམས་དཔའ་དེ་བཞིན་གཤེགས། །སྙིང་རྗེའི་སྙིང་སྟོབས་ཁྲོས་གྱུར་པ། །སེམས་ཅན་རྣམས་ལ་ཕན་བྱེད་པས། །དེ་ནས་ཕ་རོལ་གནོན་པ་ཡིས། །སེམས་
ཅན་ཁམས་ནི་དུ་མ་གནོན། །སྡིག་མེད་ནན་གྱི་སྟོབས་ཀྱིས་སུ། །ཐམས་ཅད་དབང་དུ་དགོད་པར་བྱ། །ཕ་རོལ་གནོན་པའི་རིགས་ཚུལ་གྱིས། །ཇི་ལྟར་བྱང་ཆུབ་འདོད་བྱས་ནས། །སེམས་ཅན་ཁམས་ནི་དུ་མ་དག །ཐམས་ཅད་དབང་དུ་དགོད་
པར་བྱས། །རྡོ་རྗེ་སློབ་དཔོན་ཆེན་པོ་ཡིས། །ལོག་འདྲེན་བགེགས་རྣམས་དེ་ལྟར་དགོད། །བྱང་ཆུབ་སེམས་དྲན་བསྒོམ་བྱས་ན། །སྐྱོན་གྱིས་གོས་པར་མི་འགྱུར་རོ། །དེ་ཕྱིར་སྔགས་པ་ཆེ་ཁྲོས་ལ། །བསྐལ་པའི་མེ་ཡི་མཐུ་ལྟ་བུས། །རྡོ་རྗེ་རལ་
གྲི་ཕྱག་རྒྱ་ཡིས། །བགེགས་རྣམས་ཐམས་ཅད་བཅད་པར་བྱ། །རྐང་པའི་ཚུལ་ནི་དེ་ཉིད་ཀྱིས། །རྡོ་རྗེ་གར་གྱིས་གར་བྱས་ལ། །རྐང་པ་གཡོན་པ་བརྐྱང་ཞེས་འདོར། །རྐང་གཡས་བརྐྱང་བའི་གནས་བརྟེན་ཏེ། །བསྣུན་བྱ་རྐེད་པའི་གནས་སུ་ནི། །
རལ་གྲི་ཤུབས་སུ་ཞུགས་པར་བྱ། །མནན་པ་མེད་པའི་ཚུལ་གྱིས་ནི། །ཤུགས་ཀྱིས་ལག་པ་སར་བསྡམས་ལ། །རྐང་པ་སྤོ་བའི་ཚུལ་གྱིས་སུ། །རལ་གྲི་ཕྱུང་བ་འདྲ་བར་བཟུང་། །རལ་གྲི་ཚུལ་དུ་གཞུག་པ་ནི། །འཛུབ་མོ་གུང་མོ་གཤིབ་པར་
བྱ། །དེ་ནས་ལག་པ་གཡོན་པ་ཡིས། །རལ་གྲི་ཤུབས་སུ་བྱ་བ་ནི། །མཐེའུ་ཆུང་དང་ནི་སྲིན་ལག་དང་། །མཐེ་བོས་རལ་གྲི་ཤུབས་སུ་བྱ། །དེ་ནས་རྐང་པ་གཡས་པ་ཡིས། །ས་ལ་བགེགས་ཀྱི་གཟུགས་བྲིས་ཏེ། །སོ་ཡིས་མཆུ་མནན་ཁྲོས་བྱས་ལ། །རང་གི་

94-1-133b

རྡོ་རྗེ་ཉི་འབར་བས། །རྐང་པས་མགོ་ནི་མནན་བྱས་ལ། །ལག་པས་རལ་གྲི་ཕྱུང་ནས་སུ། །དེ་ནི་རྡོ་རྗེ་གོམ་སྟབས་ཀྱིས། །གར་གྱི་ཚུལ་དུ་ཀུན་བསྐྱོད་ཅིང་། །རྡོ་རྗེ་རལ་གྲི་ཕྱག་རྒྱ་ཡིས། །བགེགས་རྣམས་ཐམས་ཅད་གཅད་པར་བྱ། །རྡོ་རྗེ་
ལྡན་དེས་གང་བཅོམ་པ། །དེ་ཡི་སྲོག་ལ་མི་སེམས་སོ། །དེ་ནས་དེ་དག་ཞི་བར་འགྱུར། །ཡང་ན་འཆིར་འགྱུར་ཐེ་ཙོམ་མེད། །བརྒྱ་བྱིན་མཚུངས་པའི་བགེགས་ཤིག་ན། །དེ་ཡི་མོད་ལ་བརླག་པར་འགྱུར། །དེ་ནས་རྡོ་རྗེ་སློབ་དཔོན་ཆེ། །སྙིང་རྗེ་
སྙིང་བརྩེ་སེམས་ལྡན་པས། །ཇི་ལྟར་དེ་ཡང་སྐྱེ་བར་འགྱུར། །དེ་ལྟར་དེ་ལ་སྙིང་བརྩེར་བྱ། །རྡོ་རྗེ་རལ་གྲི་སྟངས་སྟབས་སོ། །དེ་ནས་རྡོ་རྗེ་སློབ་དཔོན་ཆེས། །རྡོ་རྗེ་གཏུབ་པར་བྱ་བ་བྱས། །རྡོ་རྗེ་འཁོར་ལོའི་ཕྱག་རྒྱ་ཡིས། །གནོད་པར་སེམས་
པ་ཐམས་ཅད་གཏུབ། །རྡོ་རྗེ་འབྱུང་བར་འདུག་ནས་སུ། །རྡོ་རྗེ་མཐུ་རྩལ་བརྩམ་བྱས་ལ། །རྐང་པ་བཏེག་ཅིང་བཞག་ཚུལ་གྱིས། །རྡོ་རྗེ་གར་ནི་རབ་ཏུ་བྱ། །འཁོར་ལོ་རྒྱས་པར་བྱ་རིམས་ཀྱིས། །པད་མ་ཐལ་མོ་སྦྱར་བྱས་ལ། །རྐང་པ་
རྣམ་པར་བཞག་བྱས་ནས། །ས་ལ་འཁོར་ལོ་འཕང་བར་བྱ། །རྟིང་སྤྲད་གནས་སུ་འདུག་བྱས་ནས། །འབྲུག་སྒྲ་དལ་འདྲའི་ཧཱུྃ་བརྗོད་དེ། །ཐལ་མོ་བརྡབ་པའི་ཚུལ་གྱིས་སུ། །ས་ལ་འཁོར་ལོས་བསྣུན་པར་བྱ། །བཟློག་སྟེ་ལན་བུར་
བྱས་ནས་སུ། །ལག་པ་སྦྱོར་བའི་ཚུལ་གྱིས་ནི། །འཁོར་ལོ་ལྟ་བུར་བྱས་ནས་སུ། །གྱེན་དུ་འཕངས་ལ་གཞིག་པར་བྱ། །བཀུག་སྟེ་རྐང་པས་མགོ་མནན་ནས། །བགེགས་རྣམས་ལ་ནི་བསྣུན་པར་བྱ། །འོན་ཏམ་རབ་ཏུ་ཞི་བར་
འགྱུར། །ཡང་ན་ཤི་འགྱུར་ཐེ་ཙོམ་མེད། །དེ་ལྟར་རིམ་པའི་ཚུལ་འདི་ཡིས། །བགེགས་རྣམས་ལ་ནི་གནོད་པར་བྱ། །སྡིག་པའི་གནོད་པ་མེད་པར་ནི། །བསྐུལ་ཡང་བདེ་བར་མི་འགྱུར་རོ། །གལ་ཏེ་རྡོ་རྗེ་སེམས་དཔའ་ཆེ། །སྙིང་རྗེ་
སེམས་དང་ལྡན་འགྱུར་བས། །བགེགས་ལ་ཞི་བར་བྱ་འདོད་ན། །ཆོ་ག་འདི་ཡི་ཚུལ་དུ་བྱ། །བ་ལང་གི་ནི་ལྕི་བ་ལས། །དེ་འདྲ་བ་ཡི་གཟུགས་བྱས་ལ། །སྔགས་པས་ཞི་བའི་སེམས་ཀྱིས་ནི། །སྔགས་པས་འོ་མས་བཀྲུས་ནས་སུ། །

94-1-134a

མོད་ལ་སྔ་མཁོ་བཞིན་དུ་འགྱུར། །དེ་ལྟར་ཀུན་དུ་བགེགས་རྣམས་ནི། །ཀུན་ལ་ཆོ་ག་བཞིན་དུ་བྱ། །རིམ་པ་འདི་ཡི་ཚུལ་གྱིས་ནི། །གསང་སྔགས་རྣམས་ལ་འང་སྦྱར་བྱ་སྟེ། །བཅད་དང་གནོན་པ་བྱས་པ་དང་། །བཀག་པ་དང་ནི་
བཅིངས་པ་འང་རུང་། །གལ་ཏེ་བསྒྲུབ་པར་འདོད་ན་ནི། །དེ་ནས་སྔ་མཁོ་བཞིན་དུ་འགྱུར། །འོན་ཏམ་གསང་སྔགས་རྣམས་ལ་ནི། །བྱེ་བྲག་ཏུ་ནི་སྤོས་ཀྱིས་བྱ། །བ་ནི་སེར་མོའི་འོ་མ་འམ། ཡང་ན་མར་གྱི་སྦྱིན་བསྲེག་བྱ། །ཡང་ན་བརྒྱ་
ནི་རྩ་བརྒྱད་ཀྱིས། །སྦྱིན་སྲེག་གིས་ནི་ཀུན་ཞིར་འགྱུར། །ཞི་བའི་སེམས་ཀྱིས་ཞི་བ་སྟེ། །དགའ་བའི་སེམས་ཀྱིས་རྒྱས་པར་རོ། །དྲག་ཤུལ་སྤྱོད་ལས་གང་ཡིན་པ། །དེ་ནི་ཁྲོས་པ་བརྩམ་པར་བྱ། །ཇི་ལྟར་ལས་ནི་ཅི་རིགས་པར། །
གསང་སྔགས་རྣམས་ལ་སྔགས་པས་བྱ། །གཞན་དུ་ན་ནི་མི་བྱ་སྟེ། །ལས་ཀྱི་འབྲས་བུ་མེད་པར་འགྱུར། །རྡོ་རྗེ་འཁོར་ལོ་སྟངས་སྟབས་སོ། །རྡོ་རྗེ་ཚུལ་གྱིས་དེ་ནས་ཀྱང་། །རྡོ་རྗེ་འབྱུང་བར་བྱས་ནས་སུ། །མཚོགས་མར་ཐལ་མོ་
སྦྱར་ནས་དེ། །རྡོ་རྗེ་གར་ནི་རབ་ཏུ་བྱ། །རྟིང་སྤྲད་གནས་ཀྱི་ཚུལ་གྱིས་སོ། །སྨིན་བསྒྱུར་རྐེད་པར་རེག་པར་བྱ། །ལག་པ་གཉིས་ག་ས་ལ་བྱུག །དེ་བཞིན་ཕྱོགས་བཞི་རྣམས་སུ་ཡང་། །ཡིད་ཀྱིས་བསྐོར་བའི་ཚུལ་གྱིས་སོ། །
རྐང་པ་འཁོར་ལོ་བཞིན་དུ་བསྐོར། །ལག་གཉིས་རྐེད་པའི་གནས་བཞག་ལ། །རྡོ་རྗེ་བརྒད་པ་རབ་བྱེད་ཅིང་། །ལག་པ་གཡས་པ་བསྒྲེང་བར་བྱ། །རྡོ་རྗེ་འཛུབ་མོས་རབ་ཏུ་བསྡིགས། །ཧཱུྃ་བརྗོད་བསྒྱིངས་དང་བཅས་
པར་བྱ། །རྡོ་རྗེ་ཉི་མའི་མིག་ལྡན་པས། །རྡོ་རྗེའི་མཛུབ་མོས་བསྡིགས་ནས་ནི། །བདུད་ཀྱི་དབང་ཕྱུག་བདག་ཉིད་ཀྱང་། །བལྟས་པས་དེ་ནི་མོད་ལ་འབྲོས། །བྱ་རོག་བོང་རྡོ་འཕེན་མཐོང་བཞིན། །རྡོ་རྗེ་བརྒད་པའོ། །དེ་ནས་
རྡོ་རྗེ་སྔགས་པ་ཆེས། །རྡོ་རྗེ་འབྱུང་བྱ་བྱས་ནས་སུ། །མི་མཐུན་རྐང་བསྟབས་བྱས་ནས་སུ། །ལག་པ་བསྣོལ་ཏེ་ཁུ་ཚུར་བཅང་། །མཐེ་བོ་གྱེན་དུ་བསྒྲེང་བྱས་ལ། །གུང་མོ་གཤིབས་ཏེ་བསྒྲེང་བར་བྱ། །འཛུབ་

94-1-134b

མོ་དེ་གཉིས་ཟླ་བ་བསྒྲེང་། །རྡོ་རྗེ་ཁ་ཞེས་བརྗོད་པ་ཡིན། །རྐང་པ་གཡས་པ་བཏེག་པར་བྱ། །གཡོན་པ་གཟུགས་ཤིང་དེ་བཞིན་བྱ། །རྡོ་རྗེ་ལྕེ་ནི་མེ་ལྟར་འབར། །རྒོད་མའི་ཁ་ལྟར་མངོན་སུམ་བྱ། །འབྲུག་སྒྲ་དལ་འདྲའི་ཧཱུྃ་བརྗོད་དེ། །
ཁ་ཡི་ཐད་ཀར་བཞག་པར་བྱ། །ཕྱོགས་བཞི་དག་ནི་ཐམས་ཅད་ཀྱི། །རྒྱ་མཚོ་བཞི་ཡི་ཆུ་འཐུང་ན། །མིག་སྔར་སྣང་བར་འགྱུར་པ་ཡིན། །སྡང་བ་ཀུན་ལྟ་སྨོས་ཅི་དགོས། །དེ་ལྟར་བྱས་ན་ཕྱོགས་བཞི་པོ། །ཀུན་ནས་འབྱུང་བ་ཐམས་
ཅད་སྐེམས། །ཚུབ་མ་ཀུན་དང་ལྕེ་འབབ་དང་། །སྤྲིན་རྣམས་ཀུན་ནས་འདུ་བ་ཡང་། །རྡོ་རྗེ་ཁ་ནི་གླལ་བ་དང་། །གཏོར་བས་རབ་ཏུ་འཐོར་བར་འགྱུར། །འཇིག་རྟེན་དུ་ནི་ལྟས་བྱུང་བ། །ཀུན་ནས་གནས་གྲུབ་གང་ཡིན་པ། །སྔགས་
པས་རྡོ་རྗེ་མེ་ལྕེ་ཡི། །མེ་ལྕེ་ལྟར་བསྒྱུར་དེ་ཀུན་ཞི། །རྡོ་རྗེ་ཁ་ཡི་ཕྱག་རྒྱ་ཡིས། །བགེགས་རྣམས་ཐམས་ཅད་བཟའ་བར་བྱ། །རྡོ་རྗེ་འབར་བའི་ཕྱག་རྒྱ་ཡིས། །བགེགས་རྣམས་ཐམས་ཅད་བཅའ་བར་བྱ། །རྡོ་རྗེ་ཁ་གླལ་
བའི་སྟངས་སྟབས་སོ། །དེ་ནས་རྡོ་རྗེ་རྣལ་འབྱོར་ཆེ། །རྡོ་རྗེ་ཡེ་ཤེས་བསྒྱུར་ནས་སུ། །བགེགས་ལ་གསོ་བ་བྱས་ནས་ནི། །ཉེས་པ་ཡོད་པ་མ་ཡིན་ནོ། །རྒྱལ་བའི་ཡེ་ཤེས་ལས་བྱུང་བའི། །རྡོ་རྗེ་སློབ་དཔོན་གསོ་བྱེད་པས། །
བདག་འདྲ་བསྔགས་པ་དེ་འདྲ་སྟེ། །སྔགས་པ་ཅི་འདྲ་རྒྱལ་དེ་བཞིན། །སེམས་ཅན་ཀུན་ལ་སྙིང་རྗེ་དང་། །བྱང་ཆུབ་སེམས་ནི་བརྟན་བྱ་སྟེ། །ཐབས་ཀྱིས་དམ་པ་ཐོབ་འགྱུར་བས། །རྣམ་པར་འཕྲུལ་བ་ཐམས་ཅད་ལ། །གཞན་དུ་
ན་ནི་ཕྱོགས་རྣམས་ན། །བཞུགས་པའི་སངས་རྒྱས་བསྔགས་མི་འགྱུར། །བྱང་ཆུབ་སེམས་དང་བྲལ་བ་ནི། །ལྷ་ཡི་མཆོད་འོས་མ་ཡིན་ནོ། །ཐབས་དང་ཤེས་རབ་བྲལ་འགྱུར་བ། །རྒྱལ་བའི་སྲས་པོ་ཉན་ཐོས་དང་། །གང་ཡང་རང་སངས་
རྒྱས་རྣམས་ནི། །དཀའ་ཐུབ་གནས་ལ་གནས་པ་སྟེ། །བདག་དོན་ཕན་པའི་སེམས་ལྡན་པས། །དེ་དག་ལ་ནི་བྱ་བ་མེད། །ཐབས་དང་ཡེ་ཤེས་ལས་བྱུང་བའི། །བྱང་ཆུབ་སེམས་ནི་སྙིང་རྗེ་ཅན། །བྱང་ཆུབ་སེམས་ཀྱི་ཤིང་རྟ་དང་། །བྱམས་

94-1-135a

དང་སྙིང་རྗེའི་ཁ་སྒྱུར་དང་། །ས་དང་ཕ་རོལ་ཕྱིན་པ་དང་། །བསྡུ་བ་བཞི་ཡི་རྡོ་རྗེ་དང་། །ཐམས་ཅད་མཁྱེན་པ་ཉིད་ས་དང་། །བྱང་ཆུབ་ཕྱོགས་ཀྱི་རྩ་ལག་ལ། །བརྟེན་ནས་སངས་རྒྱས་སྲས་པོ་རྣམས། །སེམས་ཅན་དོན་དགའ་རྩེ་བས་རྩེ། །
དེ་ལྟར་སློབ་དཔོན་རྡོ་རྗེ་འཆང་། །ཐབས་དང་ཡེ་ཤེས་མཁས་པ་ཡིས། །སྡང་བ་རྣམས་ནི་ཐམས་ཅད་ཀྱི། །སེམས་ནི་རབ་ཏུ་གསོ་བར་བྱ། །རྡོ་རྗེའི་ཚུལ་གྱིས་དེ་ནས་ཡང་། །རྡོ་རྗེ་འབྱུང་བར་བྱས་ནས་ནི། །རྐང་པ་མཐུན་པའི་གནས་བཞག་སྟེ། །རྡོ་རྗེ་
ཐལ་མོ་གཞུམ་བྱས་ལ། །རྡོ་རྗེ་གར་ནི་བྱས་ནས་སུ། །ལག་པ་གཡས་པ་གྱེན་དུ་བསྒྲེང་། །གཡོན་པ་ཀོས་ཀོར་བརྟེན་ནས་སུ། །གུང་མོ་དང་ནི་འཛུབ་མོ་གཤིབ། །མཐེའུ་ཆུང་མཐེ་བོ་སྤྲད་པར་བྱ། །གཡས་པ་ལྷ་ཡི་བ་དན་གསུམ། །གཡས་བརྐྱང་རྐང་པར་མནན་
ནས་སུ། །རྡོ་རྗེ་བརྒད་པའི་ཚུལ་གྱིས་ནི། །ཀྱེ་མའོ་བདག་ཉིད་རྡོ་རྗེ་ཅན། །བདག་ཉིད་དུ་ནི་བདག་གནས་སོ། །ཧཱུྃ་བརྗོད་བསྙེམས་དང་ཁྲོས་པ་ཡིས། །རྡོ་རྗེ་གར་གྱིས་གཏང་བར་བྱ། །ཕྱག་རྒྱ་འདི་ནི་རྡོ་རྗེས་བསྡིགས། །རྡོ་རྗེ་བརྒད་པས་བསྡིགས་པས་ན། །ལྷ་དང་
ལྷ་མིན་གསང་བར་བཅས། །དཀྱིལ་འཁོར་ཚེ་འམ་བསྒྲུབ་པའི་ཚེ། །བགེགས་བྱེད་ཕྱིར་ནི་འགྲོ་མི་འགྱུར། །རྡོ་རྗེ་འཛིན་གྱིས་ཐོག་མར་བཅིང་། །གཅུག་ནས་བྱུང་བ་ཉིད་ཀྱང་ནི། །བགེགས་བྱེད་ཕྱིར་ནི་འགྲོ་མི་འགྱུར། །རྡོ་རྗེ་འཛིན་པ་མངོན་སུམ་ཤེས། །
བགེགས་རྣམས་ཕན་ཚུན་སྨྲ་བྱེད་ཅིང་། །བསྲུང་བའི་ཕྱིར་ནི་དེ་དག་ཀུན། །ལྷན་ཅིག་དཀྱིལ་འཁོར་དྲུང་དུ་དོང་། །རྡོ་རྗེ་སྟངས་ཀྱིས་བསྐུལ་བས་ན། །རྡོ་རྗེ་སློབ་དཔོན་སྐལ་བ་ཆེ། །བསོད་ནམས་ཚོགས་ནི་བསགས་པ་ལ། །གཞན་རྣམས་ཐམས་ཅད་ཕྱག་
འཚལ་ལོ། །རྡོ་རྗེའི་ཚུལ་གྱིས་དེ་ན་ཡང་། །རྡོ་རྗེ་གར་ནི་རབ་བྱས་ལ། །པད་མ་ཐལ་མོ་སྦྱར་ནས་སུ། །ཕྱོགས་རྣམས་ཀུན་དུ་རྒྱས་པར་བྱ། །གཡས་པ་བརྐྱང་བའི་སྟབས་བྱས་ཏེ། །བསྐལ་པའི་མེ་ཡི་འོད་འདྲ་བས། །ཐལ་མོ་བརྡབ་པའི་ཚུལ་གྱིས་སུ། །
ཁྲོས་པས་ལག་པ་བརྡབ་པར་བྱ། །ལག་གཉིས་རྡོ་རྗེ་ཚུལ་གྱིས་སུ། །མཐེའུ་ཆུང་མཐེ་བོ་སྤྲད་བྱས་ལ། །གཡོན་པ་ཀོས་ཀོར་བརྟེན་ནས་སུ། །གཡས་པ་གྱེན་དུ་བསྒྲེང་བྱས་ལ། །ཨཱཿཧཱུྃ་ཧཱུྃ་ཧཱུྃ་བརྗོད་དེ་བསྐུལ་བ་ཡིས། །སྔགས་པས་ཀུན་དུ་སྒྲ་ཡང་

94-1-135b

བརྗོད། །རྡོ་རྗེ་སྒྲ་ནི་བྱུང་བ་ན། །སྡང་བ་ཐམས་ཅད་ཕུང་བར་འགྱུར། །བརྒྱ་བྱིན་ཚངས་དང་ཟླ་བ་སོགས། །རྫུ་འཕྲུལ་ཆེ་བའི་གཟའ་ཆེན་ཡང་། །ཐོས་པ་ཙམ་གྱིས་ཀུན་གཡོས་ཏེ། །ཀུན་དུ་སྒྲ་ཡི་སེམས་ཀྱང་ཉམས། །དེ་ཚེ་ཐལ་མོ་སྦྱར་ཏེ་འདུད། །
རྡོ་རྗེ་སྒྲ་ཆེན་གང་ན་བར། །ཐམས་ཅད་ལྷན་ཅིག་ལྷགས་ནས་སུ། །རྡོ་རྗེ་སྒྲ་ཡིས་གཟིར་འགྱུར་ཞིང་། །སྟན་ལས་སེམས་ནི་ཉམས་པས་ན། །མངའ་བདག་སུག་ལས་ཅི་འཚལ་བ། །བདག་ཅག་མྱུར་དུ་བཀའ་སྩོལ་ཅེས། །སྔགས་པ་
ལ་ནི་ལུང་ཡང་ནོད། །སྔགས་པས་བསམས་ཏེ་གར་བྱས་ན། །ལྷ་རྣམས་མྱུར་དུ་གྲོལ་བར་འགྱུར། །དེ་ནས་བྱམས་པའི་སེམས་བསྐྱེད་ལ། །བརྟུལ་ཞུགས་ཅན་གྱིས་ཕྱག་རྒྱ་དགྲོལ། །རྡོ་རྗེ་ཀུན་དུ་སྒྲའོ། །རྡོ་རྗེ་འབྱུང་བར་འདུག་ནས་སུ། །རྡོ་རྗེ་
གར་ནི་འབར་བྱས་ལ། །རྡོ་རྗེ་ཐལ་མོ་སྦྱར་ནས་སུ། །ཕྱོགས་རྣམས་ཀུན་དུ་རྒྱས་བྱས་ཏེ། །མི་མཐུན་རྐང་སྟབས་བྱས་ནས་སུ། །བསྣོལ་ཏེ་ཁུ་ཚུར་བཅངས་བྱས་ལ། །མཐེ་བོ་གཉིས་ནི་གཤིབས་ཏེ་བསྒྲེང་། །གུང་མོ་གཉིས་ནི་གཤིབས་བྱས་
ལ། །འཛུབ་མོ་དབུ་མའི་ཚིགས་བཀུག་སྟེ། །གུང་མོ་གཉིས་ལ་སྦྱར་བར་བྱ། །རྡོ་རྗེ་ཁ་ན་བྱས་པས་ན། །སྡང་བ་ཐམས་ཅད་ཞི་བར་འགྱུར། །ཁ་ཡི་ཐད་ཀར་བཞག་ན་ནི། །རྡོ་རྗེ་སྒྲ་ཡང་འབྱུང་བར་འགྱུར། །བདག་ནི་རྡོ་རྗེ་ཆེན་པོ་ཅན། །རྡོ་རྗེ་
ཡེ་ཤེས་སྟོབས་དང་ལྡན། །ཧྲི་ཧ་ཧཱུྃ་ཧཱུྃ་ཧཱུྃ་ཕཊ་ཕཊ་ཕཊ། །རྡོ་རྗེ་གོམ་སྟབས་ཚུལ་གྱིས་ནི། །རྡོ་རྗེ་གནོན་པོའི་གོམ་པ་ཡིས། །བཞད་དང་འདེགས་པས་འགྲོ་བྱེད་ཅིང་། །ཕྱོགས་རྣམས་བཞི་པོར་བརྗོད་པར་བྱ། །རྡོ་རྗེ་སྒྲ་འབྱུང་བསྐུལ་
བས་ན། །བགེགས་ཆེན་རྣམས་དང་གྲགས་རྣམས་དང་། །རྫུ་འཕྲུལ་ཆེན་པོ་ལྷ་རྣམས་ཀྱང་། །དེ་ཡི་མདུན་དུ་འགྲོ་བར་བྱེད། །རྡོ་རྗེ་སྒྲ་ཡིས་བདག་ཅག་ཚིག །རྡོ་རྗེ་སྒྲ་ཡིས་བསྐུལ་བ་ནས། །བདག་ཅག་རང་གི་གནས་ནས་
གཡོས། །རྡོ་རྗེ་དབང་པོ་བཀའ་མྱུར་སྩོལ། །གལ་ཏེ་དཔལ་གྱི་སྒོ་བཞེད་དམ། །རྒྱལ་སྲིད་དངུལ་ཆུ་མིག་བསྐུས་དང་། །ཀུན་ནས་གཏེར་རྣམས་གཟིགས་བཞེད་དམ། །བཀའ་སྩོལ་ཅིག་ཅེས་དེ་སྐད་སྨྲ། །དགའ་བས་བྱིན་ནས་སྒྲུབ་

94-1-136a

པོ་ལ། །ཕྱག་འཚལ་མཆོད་པ་བྱས་ནས་དོང་། །རྡོ་རྗེ་ཚུལ་གྱིས་དེ་ནས་ཡང་། །རྡོ་རྗེ་སློབ་དཔོན་མཐུ་ཆེན་གྱིས། །རྡོ་རྗེ་གར་ནི་རབ་བྱས་ལ། །རྡོ་རྗེ་ཅན་གྱིས་ཕྱག་རྒྱ་བཅིང་། །རྐང་པ་པུས་མོར་བཙུགས་ནས་སུ། །ལག་པ་
གཉིས་ནི་ཁུ་ཚུར་བཅང་། །གུང་མོ་གཉིས་ནི་བསྒྲེང་ནས་སུ། །འཛུབ་མོ་གཉིས་ནི་ངོས་ལ་སྦྱར། །གཡས་བརྐྱང་གོམ་སྟབས་བྱས་ནས་སུ། །མྱུར་དུ་རྡོ་རྗེའི་གོམ་སྟབས་ཀྱིས། །འཁྲུལ་འཁོར་ཀུན་ལས་བསྣུན་བྱས་ལ། །སྒོ་རྣམས་
ཐམས་ཅད་དབྱེ་བར་བྱ། །ལྷ་མིན་གནོད་སྦྱིན་རྒྱལ་པོ་དང་། །སྲིན་པོ་རྫུ་འཕྲུལ་ཆེ་རྣམས་ཀྱང་། །ཐམས་ཅད་རང་གི་གནས་ནས་གཡོས། །བསྐལ་པ་ཟད་དམ་ཇི་སྙམ་སེམས། །རྡོ་རྗེ་ཕྱག་རྒྱས་བསྣུན་པས་ན། །སེམས་ནི་གློང་ཞེས་གྱུར་
ནས་སུ། །རྡོ་རྗེ་ཡེ་ཤེས་ཆེར་ལྡན་པ། །ག་ལ་བ་དེར་ཉེ་བར་དོང་། །རྡོ་རྗེ་འབར་བས་བདག་ཅག་ཚིག །སྔགས་པས་དཔལ་གྱི་སྒོ་བཞེད་དམ། །འོན་ཏེ་དངུལ་ཆུ་བཅུད་ལེན་བཞེད། །རྡོ་རྗེ་དབང་པོས་བཀའ་མྱུར་སྩོལ། །སྨྲས་ནས་ཀུན་
གྱིས་དེ་མོད་ལ། །ཡིད་ལ་འདོད་པ་སྦྱིན་པར་བྱེད། །གལ་ཏེ་ལྷ་དང་ལྷ་མིན་དང་། །གསང་བ་བཀོལ་བར་འདོད་ན་ཡང་། །འདོད་པས་དེ་དག་ལྷགས་ནས་སུ། །འདོད་པ་བཞིན་དུ་ལས་བྱེད་དོ། །ལུང་དང་འགལ་བར་བྱེད་པ་དག །ཅི་སྟེ་དམ་བཅས་
མི་འོང་ན། །སློབ་དཔོན་རྡོ་རྗེ་འཆང་བ་པོ། །རྡོ་རྗེའི་ཕྱག་རྒྱ་ཡོངས་ལྡན་པ། །སོས་ནི་མཆུ་མནན་ཁྲོས་པ་དང་། །མེ་འབར་ལྟ་བུར་འཇིགས་རུང་བས། །མྱུར་དུ་རྡོ་རྗེའི་གོམ་སྟབས་ཀྱིས། །ས་རྣམས་ཀུན་ལ་བསྣུན་པར་བྱ། །གཡས་བརྐྱང་
གོམ་སྟབས་བྱས་ནས་སུ། །རྡོ་རྗེ་ཕྱག་རྒྱས་བསྣུན་པར་བྱ། །རྡོ་རྗེ་ཕྱག་རྒྱས་བསྣུན་པས་ན། །ཨ་ལ་ལ་ཞེས་དེ་སྐད་སྨྲ། །སྟན་ལས་ལུས་ཀྱང་རབ་ཏུ་ཉམས། །ལུས་ནི་མེ་ཡིས་རབ་ཏུ་འབར། །རྡོ་རྗེ་རྣལ་འབྱོར་ཆེན་པོ་པ། །
ག་ལ་བ་དེར་ཉེ་བར་དོང་། །སྐལ་བ་ཆེན་པོས་ཡོངས་སུ་སྐྱོབས། །བཀའ་ལུང་མྱུར་དུ་བདག་ཅག་སྩོལ། །ཀླུ་དང་གསང་བ་ལྷ་མིན་རྣམས། །འཕྲལ་དུ་བསྒོ་བའི་ལུང་བཞིན་བྱེད། །བསྒོ་བའི་ལུང་ནི་བསྒྲུབས་ནས་སུ། །རང་

94-1-136b

རང་གི་ནི་གནས་སུ་དོང་། །དེ་ལྟ་ན་ནི་ལྷ་དབང་སོང་། །དེ་ལྟ་མ་ཡིན་མི་བཏང་ངོ་། །དེ་ནས་བསྒོ་ལུང་བཞིན་བྱས་ནས། །དེ་དག་མྱུར་དུ་གནས་སུ་དོང་། །སློབ་དཔོན་རྡོ་རྗེ་འཆང་བ་པོ། །དེ་ནས་ཕྱག་རྒྱ་བཏང་བྱས་ཏེ། །རྡོ་རྗེ་གར་གྱི་ཚུལ་གྱིས་
སུ། །རྐེད་པའི་གནས་སུ་བཞག་པར་བྱ། །རྡོ་རྗེའི་ཚུལ་གྱིས་དེ་ནས་ཡང་། །རྡོ་རྗེའི་གར་ནི་རབ་བྱས་ལ། །རྡོ་རྗེ་ཞགས་པའི་ཕྱག་རྒྱ་ཡིས། །སྡང་བ་ཐམས་ཅད་བཅིང་བར་བྱ། །དུས་བཞི་རབ་ཏུ་བསྐུལ་བྱས་ལ། །གལ་ཏེ་བསྒོ་ལུང་
འགལ་བྱེད་ན། །རྡོ་རྗེ་ལྕགས་ཀྱུས་དགུག་བྱ་ཞིང་། །རྡོ་རྗེའི་ཞགས་པས་བཅིང་བར་བྱ། །རྡོ་རྗེ་རྣམ་པའི་སྒྲའོ། །རྡོ་རྗེ་ཐལ་མོ་བཙུམ་ནས་སུ། །མཐུན་པའི་སྟབས་སུ་གནས་བྱས་ཏེ། །ལག་པས་རྒྱབ་ཏུ་བསྣུན་བྱས་ལ། །རྡོ་རྗེ་གྱེན་དུ་
འཕང་བར་བྱ། །དེ་ནས་རྡོ་རྗེ་བལྟ་བྱས་ལ། །འབྲུག་སྒྲ་དལ་འདྲའི་ཧཱུྃ་བརྗོད་དེ། །རྐང་པ་སྤོ་བའི་ཚུལ་གྱིས་སུ། །གཡས་དང་དེ་བཞིན་གཡོན་པ་སྤོ། །ལག་པ་གཡོན་པའི་འཛུབ་མོ་དང་། །མཐེ་བོ་སྤྲད་དེ་ཞགས་པར་བྱ། །ལག་
པ་གཡས་པའི་འཛུབ་མོ་ཡིས། །རྩེ་བཀུག་ལྕགས་ཀྱུས་བརྟན་པོར་བྱ། །རྡོ་རྗེ་རྒྱས་པའི་མིག་ལྡན་པ། །སོ་ཡིས་མཆུ་མནན་ཁྲོས་པ་ཡིས། །གང་ལ་བགེགས་ནི་ཡོད་པ་དེར། །རྡོ་རྗེ་སྟབས་ཀྱིས་མྱུར་སོང་ལ། །རྐང་པ་གཡས་
བརྐྱང་སྟངས་བྱས་ལ། །རྡོ་རྗེ་ལྕགས་ཀྱུའི་ཕྱག་རྒྱ་ཡིས། །བགེགས་རྣམས་ཐམས་ཅད་དགུག་བྱ་ཞིང་། །རྡོ་རྗེ་ཞགས་པས་བཅིང་བར་བྱ། །གལ་ཏེ་འཁོར་ལོ་ཅན་དང་ནི། །དབང་བཅས་དྲག་པོ་ཚངས་བཅས་པ། །གལ་ཏེ་
རྡོ་རྗེ་འཆང་སྲུང་ཡང་། །སྔགས་པས་གཞི་ནས་དྲངས་ཏེ་དགུག །བཀུག་ནས་རྡོ་རྗེས་བཅིངས་པ་ཡིས། །རྡོ་རྗེའི་གཟེབ་ཏུ་གཞུག་པར་བྱ། །ཇི་སྲིད་འདོད་པ་རྫོགས་འགྱུར་བ། །དེ་སྲིད་བར་དུ་བཞག་པར་བྱ། །བསྒོ་བའི་ལུང་ནི་མི་ཉན་ཏེ། །
གལ་ཏེ་འདོད་པ་མ་རྫོགས་ན། །བདག་གི་འདོད་པ་འབྱོར་འདོད་པས། །དེ་ལ་ཆད་པས་བཅད་པར་བྱ། །དེ་ཡི་གཟུགས་ནི་བྱས་ནས་སུ། །རྡོ་རྗེ་རྐང་པས་གཟིར་བྱས་ན། །ཨ་ལ་ལ་ཞེས་སྒྲ་འབྱིན་ཅིང་། །ལྷ་ཡི་དབང་པོ་འང་འོང་

94-1-137a

བར་འགྱུར། །དེ་ལ་བསྒོ་བའི་ལུང་ཡང་དབོག །རྡོ་རྗེ་གར་གྱིས་དེ་ནས་ཡང་། །ཐལ་མོ་ཤིན་ཏུ་སྦྱར་བྱས་ལ། །དབང་ཆེན་སྟབས་ཀྱིས་འདུག་ནས་སུ། །ཕྱོགས་རྣམས་ཀུན་དུ་རྒྱས་པར་བྱ། །རྐང་པ་སྤོ་བའི་ཚུལ་
གྱིས་སུ། །གཡས་དང་དེ་བཞིན་གཡོན་པ་སྤོ། །ལག་པ་གཉིས་ནི་སྦྱར་ནས་སུ། །ཕན་ཚུན་བསྣོལ་ཏེ་ཁུ་ཚུར་བཅང་། །གུང་མོ་གཉིས་ནི་གཤིབས་ནས་སུ། །འཛུབ་མོ་དེ་ལ་གཟུགས་པར་བྱ། །ང་ཡི་རྡོ་རྗེ་ཕྱག་རྒྱ་དེ། །
བགེགས་རྣམས་ཀུན་གྱི་དམ་ཚིག་ཡིན། །སྔ་མ་བཞིན་གྱི་སྟངས་ཚུལ་གྱིས། །ཕྱག་རྒྱས་བགེགས་རྣམས་བཀུག་ནས་སུ། །ཁྲོ་བོ་ཡི་ནི་རྡོ་རྗེ་འདི། །དེ་ལ་དམ་ཚིག་སྦྱིན་པར་བྱ། །རྡོ་རྗེ་སྟངས་ཀྱི་ཕྱག་རྒྱ་བཅིང་། །ཧཱུྃ་
ཞེས་བྱ་བའི་སྒྲ་ཕྱུང་ལ། །བདག་ཉིད་རྡོ་རྗེར་བསྒྱུར་ནས་སུ། །བགེགས་རྣམས་ཐམས་ཅད་དགུག་པར་བྱ། །ལན་ནི་སྨྲ་བར་མི་བྱེད་ན། །དེ་ནི་བཏང་བར་མི་བྱའོ། །གལ་ཏེ་ཅུང་ཟད་མི་སྨྲ་ན། །དེ་ལ་ཆད་པས་བཅད་བྱ་སྟེ། །
ཤིང་གི་དུག་དང་སྟར་བུ་དང་། །ཡུངས་ཀར་དག་ནི་བསྲེས་པ་ལས། །དེ་ཡི་གཟུགས་ནི་བྱས་ནས་སུ། །མེ་ཡི་ནང་དུ་བོར་བྱས་ན། །གལ་ཏེ་ཚངས་པས་བསྲུངས་ན་ཡང་། །བགེགས་དེ་དེ་ཡི་མོད་ལ་འགྲོ། །སྔགས་པས་དེ་ལ་
བསྒོ་བར་བྱ། །དེ་ནས་དེ་ལ་རྒྱས་པར་བྱ། །བྱམས་པའི་སེམས་ནི་བསྐྱེད་ནས་སུ། །ཕྱག་རྒྱ་བཏང་བར་བསམ་བྱས་ན། །གཟིར་དང་བཅིང་དང་དགུག་པ་རྣམས། །ཐར་ནས་བདེ་བར་གནས་པར་འགྱུར། །དེ་ནས་སློབ་དཔོན་རྡོ་རྗེ་
འཆང་། །ཡེ་ཤེས་ཆེ་ལ་རབ་གཞོལ་ཞིང་། །སེམས་ཅན་དོན་ལ་སྙིང་རྗེ་བས། །རྡོ་རྗེ་ཉིད་དུ་ཡང་བསྒྱུར་ཏེ། །མཐུན་པའི་རྐང་སྟབས་བྱས་ནས་སུ། །རྡོ་རྗེ་གར་ནི་རབ་བྱས་ལ། །རྡོ་རྗེ་ཐལ་མོ་ལེགས་སྦྱར་ཏེ། །ཕྱོགས་རྣམས་
ཀུན་དུ་རྒྱས་པར་བྱ། །གོམ་པ་སྤོ་བའི་ཚུལ་གྱིས་སུ། །གཡས་དང་དེ་བཞིན་གཡོན་པ་སྤོ། །ལག་པ་གར་བྱེད་ཚུལ་གྱིས་ནི། །དེ་ནས་ཐལ་མོ་རབ་སྦྱར་རོ། །གོམ་པ་བསྐྱོད་པའི་ཚུལ་གྱིས་སུ། །མཁས་པས་ཕྱོགས་

94-1-137b

བཞི་རྣམས་སུ་བསྐོར། །རྡོ་རྗེས་རེངས་བྱེད་ཕྱག་རྒྱ་ཡིས། །བགེགས་རྣམས་ཐམས་ཅད་རེངས་པར་བྱ། །མྱུར་དུ་རྡོ་རྗེ་གོམ་པ་ཡིས། །ཕྱོགས་རྣམས་རྡོ་རྗེ་རེངས་པར་བྱ། །རྩེ་མོ་བརྒྱད་པའི་ལྷུན་པོ་ཆེ། །རྡོ་རྗེ་མཚན་ཅན་བསམ་
པར་བྱ། །འོག་ཏུ་ལག་པ་རྡོ་རྗེ་ཅན། །སྟེང་དུ་གཡས་པ་འང་རྡོ་རྗེ་ཅན། །རྡོ་རྗེས་རེངས་བྱེད་རབ་བྱེད་ཅིང་། །ཕྱོགས་རྣམས་ཀུན་དུ་བསྐོར་བྱས་ན། །གང་དག་སྡང་བའི་སེམས་ལྡན་པའི། །བགེགས་རྣམས་ཐམས་ཅད་རེངས་པར་
འགྱུར། །རྡོ་རྗེ་རེངས་བྱེད་བྱས་པས་ན། །བགེགས་བྱེད་ཕྱིར་ནི་འཚེ་མི་བྱེད། །དེ་ཡི་སྤྱི་བོར་རྡོ་རྗེ་ནི། །ལེགས་པར་འདུག་པར་བསམས་བྱས་ན། །ཚངས་པའི་གནས་ལ་ཐུག་པ་ནས། །ས་འོག་བདུན་ལ་ཐུག་པའི་བར། །རྡོ་རྗེས་
རེངས་པས་རེངས་འགྱུར་ཏེ། །རྨོངས་ཤིང་སེམས་ཀྱང་མེད་པར་འགྱུར། །སྔགས་པ་མཁས་པས་འདོད་བར་དུ། །དེ་སྲིད་དུ་ནི་རེངས་པར་བྱ། །རྡོ་རྗེ་ཚུལ་གྱིས་དེ་ནས་ཀྱང་། །རྡོ་རྗེའི་གར་ནི་རབ་བྱས་ལ། །མཚོགས་མར་ཐལ་མོ་སྦྱར་
བྱས་ཏེ། །ཕྱོགས་རྣམས་ཀུན་དུ་རྒྱས་བྱས་ན། །ཀུན་ནས་བྱུང་བའི་ཆུ་རྣམས་ཀྱང་། །སྔགས་པས་བསྐམ་པར་བྱེད་པར་ནུས། །མཐུན་པའི་རྐང་སྟབས་བྱས་ནས་སུ། །རྡོ་རྗེའི་ཐལ་མོ་གཞུམ་བྱས་ལ། །ལག་པ་གཡས་པ་
གྱེན་དུ་ནི། །ཞགས་པ་བཅས་པས་བརྐྱང་བར་བྱ། །དེ་བཞིན་རྐང་པ་གཡོན་པ་ནི། །གཡོན་དང་ལྷན་ཅིག་གདེག་པར་བྱ། །དེ་བཞིན་ཕྱོགས་བཞི་རྣམས་སུ་ཡང་། །གོམ་པ་འདོར་བའི་ཚུལ་གྱིས་ནི། །མངོན་དུ་བསྐལ་པའི་མེ་ལྟ་
བུ། །སོ་ཡིས་མཆུ་མནན་ཁྲོས་པ་ཡིས། །འོག་ལོགས་སུ་ནི་མིག་བལྟས་ཏེ། །རྡོ་རྗེའི་གོམ་པས་མྱུར་སོང་ལ། །རྐང་པ་གཡོན་པ་བསྐུམ་བྱས་ཏེ། །ལྷུན་པོ་རྩེ་མོར་བཞག་པར་བྱ། །འོག་མ་མཛོད་ནས་འབྱིན་པའི་ལག །
གཡས་པ་སྟེང་ནས་དེ་བཞིན་ཏེ། །མཆོད་པའི་རྐང་སྟབས་སྦྱར་བ་ཡིས། །ཁ་ཡི་ཚུལ་དུ་འདུག་པར་བྱ། །རྒོད་མ་རྟ་ཡི་ཁ་ཚུལ་གྱིས། །རྒྱ་མཚོ་ཆུ་རྣམས་བཏུང་བར་བྱ། །རྡོ་རྗེ་ལྡན་པས་བཤད་པ་ཡི། །བསམ་གཏན་

94-1-138a

སྔགས་པ་ལྡན་གྱུར་ན། །ཆུ་ནི་ཨ་ལ་ལ་ཞེས་སུ། །སྒྲ་འབྱིན་ཀུན་ནས་འདུ་འགྱུར་ན། །འབབ་ཆུ་དང་ནི་ཆུ་ཀླུང་དང་། །སྤྲིན་ལས་བྱུང་བ་སྨོས་ཅི་དགོས། །བསྐྱོད་ན་གལ་ཏེ་འོ་མ་ཡི། །ཆུ་ལས་བྱུང་བ་འང་སྐམ་པར་འགྱུར། །
རྡོ་རྗེའི་ཚུལ་གྱིས་དེ་ནས་ཡང་། །རྡོ་རྗེའི་ཐལ་མོ་མཚོགས་མར་སྦྱར། །ཕྱོགས་རྣམས་ཀུན་དུ་རྒྱས་བྱས་ཏེ། །སྤྲིན་བཞིན་ཡོངས་སུ་རྒྱས་པར་བྱ། །དབང་ཆེན་གོམ་སྟབས་བྱས་ནས་སུ། །རྐང་པ་སྤོ་བའི་ཚུལ་གྱིས་ནི། །རྐང་པ་
གཡོན་པ་བཏེག་བྱ་སྟེ། །དེ་ནས་ས་ལ་བཞག་པར་བྱ། །རྐང་པ་གཡས་པ་བཏེག་ནས་སུ། །གཡས་ཕྱོགས་སུ་ནི་བསྐོར་བར་བྱ། །ལག་གཉིས་ཁུ་ཚུར་ཚུལ་གྱིས་སུ། །རྡོ་རྗེ་ལྡན་པ་གཡས་པ་བསྒྲེང་། །གཡོན་པ་མཁུར་བར་བརྟེན་
ནས་སུ། །འཁོར་ལོ་བཞིན་དུ་ཡོངས་སུ་བསྐོར། །དེ་བཞིན་གཡས་པ་བཞག་ནས་སུ། །ལག་པ་གཡོན་པས་ཡོངས་སུ་བསྐོར། །གཡས་པ་མཁུར་བར་བརྟེན་ནས་སུ། །རྡོ་རྗེ་ལྡན་པའི་གཡོན་པ་བསྒྲེང་། །རྡོ་རྗེ་གོམ་པས་མྱུར་
སོང་ལ། །གཡས་པ་བརྐྱང་བའི་གོམ་སྟབས་ཀྱིས། །ཏི་སེ་རྩེ་མོར་རྐང་བཞག་སྟེ། །རྐང་སྟབས་སྦྱར་བའི་ཚུལ་གྱིས་ནི། །ལུས་ནི་འདུད་པ་བྱས་ནས་སུ། །རེངས་བྱེད་རྩེ་བར་སྦྱོར་ལྡན་པས། །སོ་ཡིས་མཆུ་མནན་ཁྲོས་གྱུར་
ཅིང་། །བདག་ཉིད་མ་དང་འདྲར་གྱུར་པ། །སྟོབས་ཆེན་སྒྲ་ཡང་ཆེར་ལྡན་པ། །གཏུམ་པོ་ཆེན་པོ་ཕ་རོལ་གནོན། །རྡོ་རྗེ་ཚུལ་གྱིས་སྟེང་བསྐོར་ལ། །ངེས་པར་གནོན་པ་བླང་བར་བྱ། །སྔགས་པ་སྔགས་ལ་འཇིགས་མེད་པ། །དེ་ནི་གང་
དུ་ཁྲོས་པ་འདོར། །རྡོ་རྗེ་དེས་གནས་ཚུལ་གྱིས་ནི། །རྐང་པ་གཡོན་པ་བཙུགས་ནས་སུ། །རྡོ་རྗེ་གནོན་པས་བསྣུན་བྱས་ན། །དབང་པོ་ཆེན་པོ་འང་ཕྱེ་མར་རློག །རྡོ་རྗེ་གནོན་པས་བསྣུན་བྱས་ན། །ས་རྣམས་ཐམས་ཅད་རབ་ཏུ་
གཡོ། །ལྷུན་པོ་མ་དཱར་ཏི་སེ་དང་། །འཁོར་རི་རྣམས་ནི་གཡོ་འགྱུར་ན། །ལྷ་མིན་སྒོ་ལྟ་སྨོས་ཅི་དགོས། །རྡོ་རྗེ་ལྡན་པས་བཤད་ནའོ། །བསྣུན་པས་རྣམ་པ་བརྒྱར་འགྱུར་ཏེ། །ཕུབ་མ་སྦར་གང་རླུང་གཏོར་བཞིན། །སློབ་

94-1-138b

དཔོན་རྡོ་རྗེ་འཆང་བ་པོས། །ས་སྦྱང་བརྩམ་པར་བྱ་བ་ནི། །རྡོ་རྗེའི་ཐལ་མོ་སྦྱར་ནས་སུ། །སྙིང་གར་བཞག་སྟེ་རྒྱས་པར་བྱ། །རྐང་པ་རྟིང་པ་སྤྲད་ནས་སུ། །ལག་པ་གར་བྱེད་སྦྱོར་བ་དང་། །རྐང་པ་བཞག་པའི་ཚུལ་གྱིས་སུ། །
གཡས་དང་གཡོན་པ་བཞག་པར་བྱ། །རྐང་པ་བསྐྱོད་པ་བྱས་ནས་སུ། །དེ་ནས་རྟིང་པ་ཡང་སྤྲད་དེ། །གར་གྱི་ཚུལ་ནི་དེ་ཉིད་ཀྱིས། །ཕྱོགས་བཞིར་ཡོངས་སུ་བསྐོར་བར་བྱ། །ཁྲོས་པས་དབུས་ཀྱི་གནས་སུ་ནི། །རྡོ་རྗེ་གོམ་པས་མྱུར་
སོང་ལ། །རྡོ་རྗེ་ཐལ་མོ་སྦྱར་ནས་སུ། །གུང་མོས་སྲིན་ལག་འཁྱུད་བྱས་ལ། །གཉི་ག་ཁུ་ཚུར་བཅངས་བྱས་ལ། །རྟིང་པ་སྤྲད་པའི་རྐང་སྟབས་ཀྱིས། །ས་ལ་བཞག་དང་བཏེག་བྱ་སྟེ། །གཡས་སུ་ཡོངས་སུ་རྒྱས་བྱས་ལ། །བ་
བར་བུར་ཐམས་ཅད་བསལ་བར་བྱ། །མེ་མེ་ཞེས་ནི་བརྗོད་བྱས་ལ། །ནང་ན་གང་དག་ཅི་ཡོད་པ། །སྔགས་པས་ཐམས་ཅད་བསལ་བར་བྱ། །ཧཱུྃ་དང་བཅས་ཤིང་ཕཊ་བཅས་པའི། །གསང་སྔགས་མཁས་པས་བརྗོད་པར་བྱ། །འོག་ད་
དང་ས་ཡི་སྟེང་ན་ནི། །བར་བུར་ཐམས་ཅད་ཞིར་འགྱུར་ཏེ། །ཀུན་དུ་བགེགས་ནི་མེད་གྱུར་ན། །སྔགས་པས་མཉམ་གཞག་ལས་རྣམས་བྱ། །དེ་ནས་སློབ་དཔོན་རྡོ་རྗེ་འཆང་། །རྡོ་རྗེ་བཞག་པ་ལེགས་བསླབས་པས། །རྡོ་རྗེ་གར་
ནི་རབ་བྱས་ལ། །ཚངས་པའི་རྐང་སྟབས་བྱས་ནས་སུ། །པད་མའི་ཐལ་མོ་སྦྱར་བྱས་ཏེ། །སྙིང་གའི་ཐད་ཀར་བསྐོར་བར་བྱ། །གར་བྱེད་ཚུལ་གྱིས་ལག་པ་གཉིས། །རྡོ་རྗེ་ཁུ་ཚུར་བཅང་པར་བྱ། །གཡོན་པ་གཡོན་དུ་བརྐྱང་
བར་བྱ། །གཡས་པ་གཡས་སུ་བརྐྱང་བར་བྱ། །མཐུན་པའི་རྐང་སྟབས་བྱས་ནས་སུ། །ཧཱུྃ་ཞེས་བྱ་བའི་སྒྲ་བརྗོད་ལ། །སྔགས་པས་འཁོར་ལོ་བཞིན་དུ་བསྐོར། །རྡོ་རྗེ་གོམ་པས་མྱུར་སོང་ལ། །གཡས་བརྐྱང་
གོམ་པའི་ཚུལ་གྱིས་ནི། །རྐང་པ་བཞག་པའི་ཚུལ་གྱིས་སུ། །དེ་ཉིད་ཀྱིས་ནི་ཡང་བསྐོར་རོ། །ཧཱུྃ་ཞེས་བྱ་བའི་སྒྲ་ཕྱུང་ལ། །དེ་བཞིན་ཕྱོགས་བཞི་རྣམས་སུ་ཡང་། །རྡོ་རྗེ་ཁུ་ཚུར་བསྐོར་བས་ན། །བགེགས་རྣམས་

94-1-139a

ཐམས་ཅད་འདར་བར་འགྱུར། །རྡོ་རྗེ་བློ་དང་ལྡན་པ་ཡིས། །ས་བསྡུས་འདོར་བར་འདོད་ན་ནི། །གོམ་པ་བཞག་པའི་འགྲོས་ཀྱིས་སུ། །མྱུར་དུ་གཡས་པ་བརྐྱང་བྱས་ལ། །གཅིག་ནི་རི་རབ་རྩེ་ལ་བཞག །གཅིག་
ཤོས་ཏི་སེའི་རྩེ་མོར་བཞག །དེ་ལྟར་རྐང་སྟབས་བཞག་པ་ནི། །ཀུན་དུ་འདོར་བར་རབ་བྱེད་ཅིང་། །ས་འོག་ན་ནི་ལག་པ་གཡོན། །གཡས་པ་ས་ཡི་སྟེང་ན་སྟེ། །ཨ་ལ་ལ་ཞེས་སྒྲ་འབྱིན་ཅིང་། །འཇིག་རྟེན་ཁམས་ཀུན་
འཕེན་བྱེད་ན། །བགེགས་རྣམས་གཞན་ལྟ་ཅི་ཞིག་སྨོས། །ལོག་འདྲེན་སྡང་བ་དྲག་པོ་རྣམས། །མི་ཡི་འཇིག་རྟེན་འདི་ནས་ནི། །གཞན་དུ་འཕེན་པ་ཅི་ཞིག་སྨོས། །ཅི་སྟེ་འཇིག་རྟེན་ཁམས་རྣམས་ཀྱང་། །ཀུན་ནས་
ཚིག་པར་བྱེད་འདོད་ན། །རྐང་སྟབས་ཚུལ་ནི་དེ་ཉིད་ཀྱིས། །ཕྱོགས་བཞི་དག་ཏུ་འཇུག་པར་འགྱུར། །རྡོ་རྗེ་གོམ་པས་མྱུར་སོང་ལ། །གཡས་པ་བརྐྱང་བའི་སྟངས་ཚུལ་གྱིས། །ཉི་མ་བཅུ་གཉིས་ལྟ་བུར་ནི། །མེ་ལྕེ་ཕྲེང་
ལྡན་བཟོད་དཀའ་བ། །རྐང་པ་གཡོན་པ་བརྟན་བྱས་ལ། །རྡོ་རྗེ་འཛིན་དེ་ལག་པ་བསྒྲེང་། །ལུས་ནི་བཏུད་པར་བྱས་ནས་སུ། །རྐང་པ་གཡས་པ་བཏེག་བྱས་ལ། །སྔགས་པས་འཁོར་ལོ་བཞིན་དུ་བསྐོར། །རླུང་རྣམས་
ཀུན་ཡང་སྡུད་བྱེད་ཅིང་། །ནམ་མཁའ་མེ་འདྲར་བསྒྱུར་ནས་སུ། །བསྲེག་པའི་བསྐལ་པ་ལྟ་བུར་འཇུག །ལག་ན་འཛིན་པའི་རྡོ་རྗེ་ནི། །ཀུན་དུ་རི་རབ་འདྲར་བསམས་ལ། །ཧཱུྃ་ཞེས་བྱ་བའི་སྒྲས་གནོན་ཞིང་། །རྡོ་རྗེ་འོག་
ཏུ་འཕངས་བྱས་ན། །རི་དང་ནགས་སུ་བཅས་པ་ཡི། །ས་རྣམས་ཐམས་ཅད་འཁྲུག་པར་འགྱུར། །དེ་ནས་ཐལ་བ་ཉིད་གྱུར་ཏེ། །མེར་ནི་ཤིང་བལ་བཅུག་པ་བཞིན། །སློབ་དཔོན་རྡོ་རྗེ་འཆང་བ་པོས། །དེ་ནས་བསྡུ་
བ་བརྩམ་བྱས་ཏེ། །རྐང་སྟབས་ཚུལ་ནི་དེ་ཉིད་དེ། །བྱེ་བྲག་ཏུ་ནི་ལག་པ་བསྒྲེང་། །རྡོ་རྗེ་གོམ་པས་མྱུར་སོང་ལ། །མཆོངས་པ་བསྐོར་བ་བྱས་ནས་སུ། །ཕྱག་རྒྱ་ཡི་ནི་སྟངས་སྟབས་བྱ། །རྒྱབ་ནས་སྟངས་སྟབས་

94-1-139b

ཚུལ་གྱིས་ནི། །དབུས་ཀྱི་གནས་སུ་ཕྱིན་པར་བྱ། །དེ་བཞིན་ཕྱོགས་བཞི་རྣམས་སུ་ཡང་། །རྡོ་རྗེ་བསྣུན་པས་བརྡེག་པར་བྱ། །སྟངས་སྟབས་ཚུལ་ནི་དེ་ཉིད་དང་། །སྔགས་པ་བློ་ལྡན་ལག་ཚུལ་གྱིས། །ས་རྣམས་
ཐམས་ཅད་བླང་བྱས་ལ། །དེ་ཉིད་དུ་ནི་བཞག་པར་བྱ། །ཀུན་ནས་བསྡུ་བར་བྱེད་ཅིང་ནི། །མཁས་པས་གསང་སྔགས་བརྗོད་བྱས་ལ། །རྡོ་རྗེ་ཅན་གྱིས་བཤད་པ་བཞིན། །ས་རྣམས་ཀུན་དུ་བཞག་པར་བྱ། །རིམ་པ་ཡི་
ནི་འདི་ཉིད་ཀྱིས། །མཁས་པ་ཐམས་ཅད་ཀུན་དུ་བཞག །དེ་ནས་སློབ་དཔོན་རྡོ་རྗེ་འཆང་། །རྡོ་རྗེ་ཞགས་པ་ལེགས་བསླབས་པས། །སྡང་བ་ལྷ་དང་ལྷ་མིན་དང་། །མི་རྣམས་བཞག་བྱ་གདུལ་བར་བྱ། །བསམ་
དབང་བཞིན་དུ་འབྱུང་བ་ཡི། །རྡོ་རྗེ་ཡེ་ཤེས་ལེགས་བསླབས་པས། །འདུལ་བའི་ཚོགས་ནི་ཐ་དད་པ། །ཐམས་ཅད་རྣམ་པར་གདུལ་བར་བྱ། །གདུང་བས་འདུལ་བའི་འཇིག་རྟེན་ནི། །གདུང་བ་ཉིད་ཀྱིས་འགྲུབ་པར་འགྱུར། །
གཡས་དང་གཡོན་གྱི་ཚུལ་གྱིས་སུ། །དཔའ་བོ་ལྔ་པོ་ཀུན་དུ་བྱ། །མཐུན་པའི་རྐང་སྟབས་བྱས་ནས་སུ། །གཡས་བརྐྱང་སྟབས་ཀྱིས་གནོན་པར་བྱ། །རྐང་སྟབས་བཞག་པའི་ཚུལ་གྱིས་ནི། །འབེན་ལ་ལྟ་ཞིང་ལག་
པས་གཏང་། །སྲིན་ལག་མཐེའུ་ཆུང་སྤྲད་བྱས་ལ། །ལག་གཉིས་ལུ་གུ་རྒྱུད་དུ་བྱ། །གཡོན་པའི་གུང་མོ་མཐེབ་མཚུངས་སྦྱར། །གཡས་པ་ཡི་ནི་འཛུབ་མོ་དེ། །བརྐྱང་བའི་ཚུལ་དུ་བྱས་པ་ནི། །གཞུ་དང་མདའ་ཞེས་
བརྗོད་པ་ཡིན། །གུང་མོ་ཡི་ནི་རྒྱབ་ལོགས་སུ། །འཛུབ་མོ་མདའ་ཡི་ཚུལ་དུ་བཞག །གཡས་བརྐྱང་སྟངས་སྟབས་ཚུལ་གྱིས་སུ། །ཧཱུྃ་བཅས་བརྗོད་དེ་ཕོག་པར་བསྣུན། །གལ་ཏེ་ས་ཡི་འོག་གནས་སམ། །ཚངས་
པའི་གནས་ན་གནས་གྱུར་ཏམ། །དྲག་པོས་བསྲུངས་པར་གྱུར་ཀྱང་རུང་། །རྡོ་རྗེ་འཕང་བར་སྦྱར་ནས་སུ། །རྡོ་རྗེ་མདའ་ཡིས་ཕོག་གྱུར་ན། །དེ་ནི་གསོན་པར་མི་བསམ་མོ། །འཕང་བའི་སྟངས་སྟབས་སོ། །དེ་ནས་སློབ་དཔོན་རྡོ་རྗེ་འཆང་། །

94-1-140a

ཐབས་ཤེས་པ་ལ་མཁས་གྱུར་ཅིང་། །འཕང་པའི་ཚུལ་དུ་ལེགས་བསླབས་པ། །སྡང་བའི་སེམས་ཅན་གདུལ་བར་བྱ། །དེ་ནས་སློབ་དཔོན་རྡོ་རྗེ་འཆང་། །རྡོ་རྗེ་བཞགས་པ་ལེགས་བསླབས་པས། །སྲིད་པ་གསུམ་ལ་ཁྱབ་
ལུས་ཀྱིས། །བགེགས་རྣམས་ཐམས་ཅད་འདར་བར་བྱ། །འཐུན་པའི་རྐང་བསྟབས་བྱས་ནས་སུ། །རྐང་པ་བཞག་པའི་ཚུལ་གྱིས་ནི། །ལག་པ་གཡས་དང་གཡོན་པ་ཡིས། །ཐལ་མོ་ཁོང་སྟོང་སྦྱར་བར་བྱ། །དེ་ཡི་ཕྱག་རྒྱ་བཅིངས་
ནས་སུ། །ཕྱོགས་རྣམས་ཀུན་དུ་བསྐོར་བྱས་ན། །སྲིད་པ་གསུམ་ཡང་འགུགས་འགྱུར་ན། །ལོག་འདྲེན་བགེགས་རྣམས་སྨོས་ཅི་དགོས། །དགུག་པའི་རྡོ་རྗེའི་ཕྱག་རྒྱའོ། །དེ་ནས་སློབ་དཔོན་རྡོ་རྗེ་འཆང་། །འཐུན་པའི་རྐང་སྟབས་
བྱས་ནས་སུ། །པད་མའི་ཐལ་མོ་སྦྱར་བྱས་ལ། །ཕྱོགས་རྣམས་ཀུན་དུ་རྒྱས་པར་བྱ། །རྐང་སྟབས་བཞག་པའི་ཚུལ་གྱིས་སུ། །གནས་ནི་མྱུར་དུ་གཟུང་བྱས་ལ། །རྡོ་རྗེ་ཁུ་ཚུར་སྙིང་གར་བཞག །ཁྲོས་པས་ཧཱུྃ་གི་སྒྲ་བརྗོད་དེ། །རྒྱ་
མཚོ་བཞི་པོའི་ཀླུ་རྣམས་ལ། །རྡོ་རྗེ་ལག་པས་བསྣུན་པར་བྱ། །ཀླུ་སྐྲག་ཐལ་མོ་སྦྱར་བ་དག །རྒྱ་མཚོ་ནས་ནི་ཐོན་པར་གྱུར། །གང་དག་ས་ཡི་འོག་གནས་པ། །ལྷ་མིན་སྲིན་པོ་གསང་བ་རྣམས། །བསྒོ་བའི་ལུང་ལ་བརྩེན་ཡིད་ཀྱིས། །
ཅི་ཚོལ་ཅིག་ཅེས་འཁོད་པར་བྱེད། །རྡོ་རྗེ་འབར་བས་བདག་ཉིད་གཟིར། །གནོད་སྦྱིན་མོ་འམ་སྲིན་མོ་འམ། །ལྷ་མིན་མོ་འམ་ཀླུ་མོ་འམ། །བཅུད་ཀྱིས་ལེན་ནམ་དངུལ་ཆུ་འམ། །རིན་ཆེན་རྣམས་དང་ནོར་བུ་རྒྱལ། །དཔལ་དང་ཕུན་སུམ་འདོད་
ལྡན་ནམ། །ཐུགས་ལ་ཅི་དང་ཅི་བཞེད་པ། །བདག་ཅག་རྣམས་ལ་བཀའ་མྱུར་སྩོལ། །སྔགས་པས་གང་ཡང་རུང་བླངས་ལ། །གསང་བ་ཀུན་དུ་བཏང་བར་བྱ། །བསྒོ་བའི་ལུང་དང་འགལ་བར་བྱེད། །ཅི་སྟེ་བསྒོ་ཡང་མི་འོང་ན། །རྐང་སྟབས་
ཚུལ་ནི་དེ་ཉིད་ཀྱིས། །གཡོན་བརྐྱང་སྟབས་ཀྱིས་གནོན་པར་བྱ། །ལྷུན་པོ་ལ་ནི་རྐང་བཞག་སྟེ། །ལག་པས་དབྱུག་པའི་སྦྱོར་བ་ཡིས། །སྒྲ་སྒྲོག་ཅིང་ནི་ཐམས་ཅད་གནས། །ས་འོག་ཐམས་ཅད་གནོན་པར་བྱ། །ཧ་ཧ་ཞེས་

94-1-140b

ནི་སྒྲ་འདོན་ཅིང་། །བསྒོ་བའི་ལུང་དང་འགལ་བྱེད་པ། །ཐམས་ཅད་ཀྱིས་ནི་གཟུང་ནས་སུ། །ཤིན་ཏུ་མྱུར་དུ་དབུག་པར་བྱེད། །སྔགས་པས་དེ་གཅིག་ཚར་བཅད་དེ། །ལྷག་མ་ཐམས་ཅད་བཏང་བར་བྱ། །བསྒོ་བའི་ལུང་ལ་དེ་བཞག་ལ། །
མཁས་པས་ལེགས་པར་བསླབ་པར་བྱ། །གསང་བ་སྲིན་པོ་ཐམས་ཅད་ལ། །དགྱེས་པའི་སེམས་ནི་ཡང་བསྐྱེད་དེ། །དེ་དག་དམ་ཚིག་བྱིན་ནས་ནི། །དེ་རྣམས་ཀུན་དུ་བཏང་བར་བྱ།། །།འཕགས་པ་ལག་ན་རྡོ་རྗེ་དབང་བསྐུར་བ་
བམ་པོ་བཅུ་གཅིག་པ། དེ་ནས་སློབ་དཔོན་རྡོ་རྗེ་འཆང་། །སྙིང་བརྩེ་སྙིང་རྗེ་སེམས་ལྡན་པས། །མི་དང་མི་མིན་ལ་སོགས་པ། །ཤིན་དུ་གནོད་བྱེད་ལྷ་རྣམས་དང་། །ལྷ་མིན་གསང་བར་བཅས་རྣམས་དང་། །གཞན་ཡང་སྡང་
བའི་གདོན་ལ་སོགས། །ནད་སྦྲུལ་དུག་ལ་སོགས་རྣམས་ཀྱིས། །སེམས་ཅན་རྣམས་ལ་གནོད་བྱེད་ཅིང་། །དམ་ཚིག་ལ་ནི་མི་གནས་ཏེ། །རྒྱགས་པའི་ཡིད་དང་ལྡན་པ་དག །ནད་དང་མུ་གེ་ལ་སོགས་པས། །སེམས་ཅན་རྣམས་
ལ་གནོད་བྱེད་དེ། །ཕ་རོལ་གནོད་བྱེད་མངོན་དགའ་བ། །དེ་དག་སྙིང་རྗེ་མེད་པ་དང་། །བསྟན་པ་ལ་ནི་འགལ་བྱེད་ཅིང་། །ཤིན་ཏུ་རྒྱགས་པའི་ཤས་ཆེ་བ། །མཐོང་ནས་དེ་དག་ཚར་བཅད་ཕྱིར། །སྔགས་ལ་མཁས་པས་སྦྱར་བར་
བྱ། །བདག་ལ་སྡིག་པར་འགྱུར་སྙམ་དུ། །བདག་ཉིད་ལ་ནི་མི་སེམས་ཤིང་། །བདག་ཉིད་ལམ་མིན་ཞུགས་གྱུར་ལ། །གཞན་དང་གཞན་ཡང་ཕུང་བྱེད་པ། །གཞན་ལ་གནོད་པ་དེ་དག་ལ། །སྔགས་པས་བཟོད་པ་མི་བྱ་སྟེ། །སྐྲག་པར་
བྱ་ཞིང་བཅིང་བར་བྱ། །གཏུབ་པར་བྱ་ཞིང་བསད་པར་བྱ། །དེ་ནས་སློབ་དཔོན་རྡོ་རྗེ་འཆང་། །རྡོ་རྗེ་ཞགས་པ་ལེགས་བསླབས་པས། །ནམ་མཁའ་གོ་སྐབས་མེད་བྱས་ཏེ། །རྡོ་རྗེ་དབྱིབས་སུ་བསྒྱུར་ནས་སུ། །གུས་པས་
བསྒྲིམས་བཅས་འཇོ་ཚུལ་དང་། །བཞིན་འཛུམ་རྒྱས་དང་ལྡན་པ་ཡིས། །རྡོ་རྗེ་གར་ནི་རབ་བྱས་ལ། །ལག་པ་བསྐྱོད་པའི་སྦྱོར་བ་ཡིས། །ཕྱོགས་རྣམས་ཀུན་དུ་གར་བྱ་ཞིང་། །དངོས་དང་མཐུན་པར་བཟུང་བྱས་ལ། །བསྒོམ་

94-1-141a

པ་ལ་ནི་སེམས་བཞག་ཅིང་། །རྡོ་རྗེ་རང་བཞིན་ལུས་སྲ་བས། །མི་མཐུན་རྐང་སྟབས་ཚུལ་གྱིས་ནི། །རྡོ་རྗེ་འཆང་བས་ལག་བསྒྲེང་སྟེ། །རྡོ་རྗེ་མིག་གིས་ཀུན་བལྟས་ལ། །སྲིད་པ་གསུམ་པོ་ཐམས་ཅད་
གནོན། །དཔའ་བོའི་གནས་སུ་གནས་ནས་སུ། །རྐང་པ་གདེངས་པའི་ཚུལ་གྱིས་སུ། །ཧཱུྃ་བརྗོད་འཇིགས་པ་འཇིགས་སུ་རུང་། །མིག་གཉིས་ཉི་མ་ཟླ་བ་སྟེ། །ཁ་ནི་རྒོད་མ་རྟ་ཡི་ཁ། །ལྟེ་བ་དགའ་བོ་ཉེ་དགའ་བོ། །ལྟོ་
བ་རྒྱ་མཚོར་བསམ་པར་བྱ། །ལྷུན་པོ་དེ་ཡི་མགོ་བོར་བྱ། །དེ་བཞིན་ལག་པ་འཁོར་ཡུག་རི། །ས་ནི་རྐང་པ་གཉིས་ཡིན་ཏེ། །ནོར་རྒྱས་བུ་སྤྲུལ་གསང་བསྲེལ་ཡིན། །རླུང་ནི་དེ་ཡི་རྣ་བ་གཉིས། །དེ་ཡི་སྐྲ་རྣམས་མེ་ཡིན་ཏེ། །
ལྕེ་ནི་འཇིགས་པ་ཆེན་པོ་གློག །ཨ་ལ་ལ་ཞེས་སྒྲ་ཆེན་ལྡན། །འབྲུག་སྒྲ་ཧཱུྃ་ཞེས་སྒྲ་ཕྱུང་བས། །ཕྱོགས་རྣམས་ཀུན་དུ་ཡོངས་སུ་བསྐོར། །རབ་ཏུ་བསྐུལ་བས་དེ་ནས་ནི། །རྡོ་རྗེ་སྒྲ་ཡིས་བསྒྱེལ་གྱུར་ནས། །ཀླུ་དང་དྲི་
ཟ་སྲིན་པོ་དང་། །ལྷ་དང་ལྷ་མིན་སོགས་ཀུན་དོང་། །ཧཱུྃ་བརྗོད་པས་ནི་འཇིགས་གྱུར་ཞིང་། །འཆི་བར་འགྱུར་ཏེ་ཐེ་ཚོམ་མེད། །རྡོ་རྗེ་སྒྲ་ཡིས་ཚིག་འགྱུར་ཞིང་། །བློང་བར་གྱུར་ཅིང་དམན་པར་བལྟ། །རྡོ་རྗེ་རྣལ་འབྱོར་ཆེར་
ལྡན་པ། །ག་ལ་བ་དེར་ཉེ་བར་དོང་། །རྡོ་རྗེ་ཆེན་པོས་བཀའ་སྩལ་ལ། །སླན་ཅད་དེ་ལྟར་མ་མཛད་ཅིག །དེ་ནས་དམ་ཚིག་བཞག་བྱས་ལ། །ལྷ་རྣམས་ཐམས་ཅད་བཏང་བར་བྱ། །རྡོ་རྗེ་འཇིགས་པ་གཏུམ་ཆེ་བ། །
འཇིགས་པ་ཆེན་པོ་འཇིགས་བྱེད་པ། །འཇིགས་པར་བྱ་རྣམས་འཇིགས་བསྐྱེད་པ། །ཆེན་པོས་མཆོད་འོས་རྨད་བྱུང་བས། །མི་དང་མི་མ་ཡིན་རྣམས་ལ། །འཇིགས་ཆེན་ལྟས་འབྱུང་ཆེ་འབྱུང་དང་། །ལྷ་དང་
ཀླུ་དང་ཤ་ཟ་དང་། །གཟའ་དང་མ་མོ་བརྩེ་མེད་རྣམས། །ནད་དང་མུ་གེ་ལ་སོགས་དང་། །ཡུལ་འཁྲུགས་པ་དང་འཆི་བྱེད་དང་། །བདུད་རྣམས་དང་ནི་ལོག་འདྲེན་དང་། །སྲུལ་པོ་སྲིན་པོ་ལ་སོགས་པའང་། །བདག་

94-1-141b

ཡུལ་གཞན་ཡུལ་ལས་བྱུང་བའི། །གནོད་པ་གཞན་ཡང་དུ་མ་རྣམས། །དེ་དག་རྣམ་པར་གཞིག་པའི་ཕྱིར། །རྡོ་རྗེ་འཇིགས་བྱེད་སྦྱར་བར་བྱ། །རྐང་པ་རྒྱས་པར་བྱ་ཚུལ་གྱིས། །ཧཱུྃ་ཞེས་བྱ་བའི་སྒྲ་བརྗོད་ན། །རྡོ་རྗེ་
འཇིགས་པས་རབ་བསྐུལ་བས། །ཐམས་ཅད་མྱུར་དུ་འཇིགས་པར་འགྱུར། །འདི་ནི་དོན་ཡོད་ཐོགས་པ་མེད། །རྡོ་རྗེ་འཇིགས་པ་མི་བཟད་པ། །སྔགས་པས་ཀུན་དུ་སྦྱོར་བྱས་ནས། །སྲིད་པ་གསུམ་ཡང་དབང་འགྱུར་ན། །མི་
ཡི་འཇིག་རྟེན་མངག་གཞུག་པ། །བྱེད་པར་གྱུར་པ་སྨོས་ཅི་དགོས། །ཚིག་གིས་ཅུང་ཟད་བསྐུལ་བས་ན། །གང་དག་ཤིན་ཏུ་དྲེགས་ལྡན་པས། །སྲིན་པོ་ལྷ་མིན་གསང་བ་པ། །དེ་དག་ཐམས་ཅད་དབང་དུ་འགྱུར། །རྡོ་རྗེ་
ཡེ་ཤེས་ལེགས་བསླབས་པས། །དབང་ཕྱུག་ཀུན་དང་ཡོན་ཏན་ཐོབ། །ལྷ་རྣམས་ཀུན་གྱི་རྒྱལ་པོར་འགྱུར། །མཁས་པས་དབང་ལ་འགོད་པར་བྱེད། །ཀླུ་ཡི་གནས་སུ་ཀླུ་རྣམས་དང་། །གནོད་སྦྱིན་རྒྱལ་དང་གནོད་སྦྱིན་
དང་། །དྲི་ཟ་རྣམས་ཀྱི་བདག་པོར་འགྱུར། །ལྷ་མིན་གནས་སུ་ལྷ་མིན་དང་། །མཁའ་ལྡིང་གནས་སུ་མཁའ་ལྡིང་དང་། །མི་ཅི་རྣམས་ཀྱི་བདག་པོར་འགྱུར། །ལྷ་དང་ལྷ་མིན་མིར་བཅས་པ། །བསྒོ་བའི་ལུང་བཞིན་གུས་
སེམས་ཀྱིས། །རྡོ་རྗེ་འཇིགས་སྒྲ་ཆེར་ལྡན་པ། །དེ་ཡི་དབང་དུ་ཐམས་ཅད་འགྱུར། །རྡོ་རྗེ་འཇིགས་སུ་རུང་བ་ཡི། །སྒྲ་ཆེན་པོ་ཡི་ཕྱག་རྒྱའོ། །ཀུན་ལ་རྡོ་རྗེ་རབ་འཕྲུལ་བ། །དེ་ཡི་འོག་ཏུ་བརྗོད་པར་བྱ། །དཔལ་ལྡན་
མཆོད་པ་བྱེད་པ་པོས། །ཕྱོགས་བཅུ་དག་ན་བཞུགས་རྣམས་ཀྱི། །སངས་རྒྱས་རྣམ་པ་ཀུན་དུ་མཆོད། །སྲིད་པར་བདག་ཉིད་ཆེ་རྣམས་ཀྱི། །བསམ་ཡས་མཆོད་མིན་གང་ཡང་མེད། །འཛུམ་དང་བཅས་ཤིང་མིག་རྒྱས་
པས། །གཡས་པ་དང་ནི་གཡོན་ཚུལ་གྱིས། །རྡོ་རྗེ་ཐལ་མོ་བཙུམ་བྱས་ལ། །ཕྱོགས་བཅུ་རྣམ་པ་ཀུན་དུ་འདུད། །དཔྲལ་བར་ཐལ་མོ་སྦྱར་བྱས་ལ། །ཕྱོགས་རྣམས་ཀུན་དུ་ཡོངས་བསྐོར་ཞིང་། །དུས་གསུམ་རྣམ་པར་བཞུགས་པ་ཡི། །

94-1-142a

སངས་རྒྱས་ཀུན་ལ་ཕྱག་བྱའོ། །བདེ་གཤེགས་ཀུན་ལ་ཕྱག་བྱ་མཆོད། །སེམས་ཅན་འདུལ་བའི་མཆོད་པ་ནི། །བསམ་པ་ཇི་བཞིན་འཇུག་པ་སྟེ། །བསམ་པ་ཐ་དད་སེམས་ཅན་ཁམས། །བསམ་པ་སྣ་ཚོགས་
རྣམ་པར་འཕེལ། །བསམ་པ་སྣ་ཚོགས་རྣམ་རྟོག་པ། །བསམ་པ་ཆགས་མེད་དེ་དང་དེས། །སྔགས་པས་རྣམ་པ་ཐམས་ཅད་དུ། །སེམས་ཅན་ཁམས་མང་གདུལ་བར་བྱ། །དེ་ནས་སློབ་དཔོན་རྡོ་རྗེ་འཆང་། །ཀུན་ལ་ཤེས་པའི་ཆེར་
བྱུང་བའི། །སྒེག་དང་དཔའ་དང་སྙིང་རྗེ་དང་། །རྒོད་དང་ཁྲོ་དང་འཇིགས་བྱེད་དང་། །འཇིགས་རུང་རྨད་བྱུང་ཞི་བ་རྣམས། །བསམ་པ་ཆགས་པས་རྣམ་དགུར་དགོངས། །དེ་ནས་སློབ་དཔོན་རྡོ་རྗེ་འཆང་། །ཀུན་ལ་ཡེ་ཤེས་འབྱུང་བྱེད་
པའི། །རྐང་པ་གཡས་དང་གཡོན་པ་ནི། །གོམ་པས་མཛེས་དང་ལྡན་པ་ཡིས། །ལག་པ་གཡས་དང་གཡོན་པ་ནི། །གར་བྱེད་པ་ཡི་ཚུལ་གྱིས་སུ། །འཛུབ་མོ་མཐེ་བོ་རྩེ་སྤྲད་ལ། །གཡོན་ཕྱོགས་སུ་ནི་བལྟ་བར་བྱ། །
གཡས་དང་གཡོན་པ་སྦྱར་ཚུལ་གྱིས། །འཛུམ་བཅས་རྒྱས་པ་གུས་བསྒྲིམས་ཤིང་། །ལག་ན་རྡོ་རྗེ་གསོར་ལྡན་པས། །རྗེས་སུ་ཆགས་པས་གར་བྱའོ། །ལྷ་རྣམས་ཀུན་དང་གསང་བ་དང་། །ལྷ་མ་ཡིན་དང་མི་རྣམས་དང་། །
འདོད་ཁམས་དབང་ཕྱུག་དབང་པོ་དང་། །ས་གསུམ་གནས་རྣམས་ཆགས་བྱེད་ཅིང་། །མིག་ཟུར་བརྒད་དང་ལྟ་བ་ཡིས། །དེ་དག་ཐམས་ཅད་དབང་དུ་འགྱུར། །ས་གསུམ་ཐམས་ཅད་འགུགས་བྱེད་ན། །ས་སྟེང་མི་
རྣམས་སྨོས་ཅི་དགོས། །ལྷ་ཡི་རྒྱལ་པོ་སོགས་བཀུག་ནས། །སྡོམ་པ་ཅན་གྱི་དབང་འཇོག་སྟེ། །ཐམས་ཅད་བསྒོ་བ་བཞིན་བྱེད་ཅིང་། །མངག་གཞུག་པར་ནི་རབ་ཏུ་དགོད། །རྡོ་རྗེ་ཆེར་ལྡན་ཀུན་ཤེས་ནས། །རྡོ་རྗེ་གླུ་
ནི་བླང་བར་བྱ། །རྡོ་རྗེ་གླུ་ཡིས་བསྐུལ་བས་ན། །རྗེས་སུ་ཆགས་དང་ཆགས་ཆེན་འགྱུར། །རྡོ་རྗེ་སེམས་དཔར་མོས་པ་ཡིས། །གླུ་དང་གར་ནི་རབ་ཏུ་བྱ། །བསམ་པ་ཆགས་པས་རྒྱལ་གྱུར་ནས། །སེམས་ཅན་ཁམས་

94-1-142b

ནི་རྗེས་ཆགས་བྱ། །རྡོ་རྗེ་གླུ་ནི་འདི་ཡིན་ནོ། །ས་གསུམ་དག་ན་འབར་བའི་སྐུ་མངའ་རྗེས་སུ་ཆགས་མཛད་འདུལ་ལྡན་པས། །ཉི་མ་སྟོང་ཕྲག་བཅུ་བས་རྣོ་བའི་འོད་ཟེར་སྟོང་དང་ལྡན་པ་པོས། །རྣམ་མང་ཆ་བྱད་གཟུགས་ཀྱིས་
སེམས་ཅན་འགྲོ་བ་རྗེས་སུ་ཆགས་མཛད་པ། །རྡོ་རྗེ་སེམས་དཔའ་དབང་ཕྱུག་དམ་པ་མཛེས་པའི་སྟོབས་ལྡན་གར་མཛད་གསོལ། ཥ་ཊ་བ་ལ་སོགས་པའི་གླུ། །རྡོ་རྗེ་གར་གྱིས་བྱ་བ་ན། །ས་གསུམ་ཐམས་ཅད་འགུགས་
བྱེད་ན། །ས་སྟེང་མི་རྣམས་སྨོས་ཅི་དགོས། །རྡོ་རྗེ་གར་གྱི་ཕྱག་རྒྱའོ། །དེ་ནས་སློབ་དཔོན་རྡོ་རྗེ་འཆང་། །རྡོ་རྗེ་ཉིད་དུ་ཡང་སྒྱུར་ཞིང་། །རྡོ་རྗེ་གར་གྱི་སྦྱོར་བ་ཡིས། །ཐམས་ཅད་ལ་ནི་གར་མཁན་བྱ། །གོམ་སྟབས་ཐམས་ཅད་
མཛེས་ལྡན་པར། །གཡས་པ་དགུག་པའི་ཕྱག་རྒྱ་དང་། །གཡོན་པས་བཏང་བའི་ཕྱག་རྒྱ་བྱ། །མིག་ཟུར་བརྒད་དང་ལྟ་བ་ཡིས། །ལག་པ་གཡས་དང་གཡོན་པ་ཡིས། །འཁྱུད་པར་བྱེད་པའི་སྦྱོར་ལྡན་པས། །ཚངས་པ་ལ་སོགས་ལྷ་རྣམས་
ནི། །རྣམ་པ་ཀུན་དུ་དབང་བསྒྱུར་ཏེ། །མངག་གཞུག་པ་ནི་རབ་བྱེད་ཅིང་། །རྡོ་རྗེ་ཅན་གྱི་ལུང་ལ་བརྩོན། །རྡོ་རྗེ་ཆགས་པས་ཆགས་བྱས་པས། །ཤིན་ཏུ་ཆགས་པས་དྲེགས་མྱོས་པའི། །ལྷ་དང་མི་དང་གསང་བ་པ། །བསྒྲུབ་བྱ་རྣམས་ཀྱང་
སྔགས་པས་བསྒྲུབ། །རྡོ་རྗེའི་ལུས་ལ་ཡོངས་ཆགས་པས། །འདོད་ཆགས་ཐམས་ཅད་ཡོངས་སུ་འདོར། །རྡོ་རྗེ་གླུ་སྙན་ལྡན་པ་ཡིས། །སེམས་ཅན་ཁམས་རྣམས་ཆགས་པར་བྱ། །རྗེས་སུ་ཆགས་པས་ཆགས་པའི་ཕྱིར། །
ལྷ་རྣམས་ཐམས་ཅད་དབང་དུ་འགྱུར། །རྡོ་རྗེ་གླུ་ཡི་སྙན་པའི་སྒྲ་རྣམས་ཐམས་ཅད་དང་། །བཟོད་ནས་རང་བཞིན་དག་པས་རྡོ་རྗེ་སེམས་དཔའ་བསྐུལ། །སྒྱུ་མའི་དངོས་པོ་རྣམ་མང་དང་། །སྙན་པའི་སྒྲ་ནི་དེ་ཉིད་དང་། །སངས་རྒྱས་
རྣམ་འཕྲུལ་ཐམས་ཅད་ཀྱིས། །དབང་བསྒྱུར་དེ་ནས་སངས་རྒྱས་སྣང་། །འཇིག་རྟེན་ཐམས་ཅད་ཡོངས་སུ་འདྲེན། །བདུད་རྣམས་ཐམས་ཅད་ཡོངས་སུ་འདུལ། །ཤེས་པ་ཐམས་ཅད་ཡོངས་སུ་སྦྱོང་། །སེམས་ཅན་ཐམས་ཅད་ཡོངས་

94-1-143a

སྨིན་བྱེད། །གླུ་འདི་རབ་ཏུ་ལེན་བྱེད་ཅིང་། །རྡོ་རྗེ་གར་ནི་རབ་བྱས་ན། །ལྷ་དང་གང་དག་གནོད་སྦྱིན་དང་། །ལྷ་མིན་ཀླུར་བཅས་ཐམས་ཅད་འགྲུབ། །རྡོ་རྗེ་གླུ་ཡིས་འདྲེན་པའོ། །དེ་ནས་སློབ་དཔོན་རྡོ་རྗེ་འཆང་། །རྡོ་རྗེ་སེམས་
དཔར་ཡང་བསྒྱུར་ཏེ། །དཔའ་ཆེན་བསམ་པར་ཀུན་ཆགས་པས། །དཔའ་བོ་ལྔ་པོ་བསྟེན་པར་བྱ། །འཐུན་པའི་རྐང་སྟབས་བྱས་ནས་སུ། །གཡས་པ་བརྐྱང་བས་ཕ་རོལ་གནོན། །གཡོན་པ་བརྐྱང་བའི་ཚུལ་གྱིས་ནི། །སེང་གེ་བཞིན་དུ་
བསྒྱིངས་པར་བྱ། །ཚངས་པའི་གནས་ལ་ཡང་གནས་ཏེ། །རྡོ་རྗེ་སེ་གོལ་སྦྱོར་བ་དང་། །རྡོ་རྗེ་བསྣུན་སྟབས་ཚུལ་གྱིས་ནི། །ཚངས་པ་ལ་སོགས་བསྡུ་བར་བྱ། །རྡོ་རྗེ་གླུ་ནི་ལེན་བྱེད་ཅིང་། །ས་གསུམ་འབར་བའི་སྐུ་ལྡན་པ། །ཉི་མ་བྱེ་བ་
འབར་མཚུངས་པ། །ནམ་མཁའ་མཚུངས་ཤིང་མཉམ་མེད་པ། །ཆོས་དང་རྒྱལ་མཆོག་རྣམས་ཀྱི་གཙོ། །སངས་རྒྱས་སྐུ་མཆོག་དེ་ལ་འདུད། །སོ་ཡིས་མཆུ་ནི་རབ་གནོན་ཅིང་། །ཀུན་ནས་མིག་ཅན་ཁྲོ་གཉེར་བཞིན། །རྐེད་པར་
རྡོ་རྗེ་བརྟེན་ནས་སུ། །ཕྱོགས་བཅུ་ཀུན་དུ་བལྟ་བར་བྱ། །གཡས་པ་རྡོ་རྗེ་ཚུལ་གྱིས་ནི། །ཕྱོགས་རྣམས་ཀུན་དུ་རབ་བསྒྲགས་པས། །ལྟ་འཇིགས་འོད་ཟེར་འབར་ལྡན་ཞིང་། །བསྲེག་པའི་བསྐལ་པ་གཞན་ལྟ་བུ། །གྲུབ་འགྱུར་
རྡོ་རྗེ་མེ་འབར་བ། །འཇིགས་པ་ཆེ་ལྟར་བཟོད་དཀའ་བས། །བགེགས་རྣམས་ལ་ནི་སྦྱོར་བར་བྱ། །འཇིག་རྟེན་གསུམ་པོ་ཐལ་བར་རློག །ཉེས་པ་ཆེན་པོ་མ་ཡིན་ལ། །ཕྱག་རྒྱ་འདི་ནི་སྦྱར་མི་བྱ། །ཐུན་མོང་མ་ཡིན་དགོས་པ་ནི། །
ཐ་མའི་ཚེ་ན་སྦྱར་བར་བྱ། །རྡོ་རྗེ་འཆང་བས་བསྲུངས་གྱུར་ཀྱང་། །ཧཱུྃ་བརྗོད་པས་ནི་ཐལ་བར་རློག །འཇིག་པའི་མེ་ལྟར་བཟོད་དཀའ་བ། །རྡོ་རྗེ་ཆེན་པོ་ཕྱག་རྒྱའོ། །དེ་ནས་སློབ་དཔོན་རྡོ་རྗེ་འཆང་། །རྡོ་རྗེའི་ཡེ་ཤེས་ལེགས་
བསླབས་པས། །སྙིང་གར་རྡོ་རྗེ་ཁུ་ཚུར་གཉིས། །བཞག་ནས་འདི་སྙམ་བསམ་པ་སྟེ། །སེམས་དམྱལ་ཡི་དགས་དུད་འགྲོ་དང་། །གང་གཞན་སྡུག་བསྔལ་སྡུག་བསྔལ་རྣམས། །ལག་པས་དྲང་བའི་སྦྱོར་བ་ཡིས། །བདེ་

94-1-143b

བ་ཀུན་གྱིས་བསྟབ་པར་བྱ། །གཟའ་བཏུང་ལ་སོགས་ཆར་པ་དང་། །གོས་དང་རིན་ཆེན་རྒྱན་གྱི་ཆར། །དེ་དག་རྣམས་ལ་ཀུན་དུ་དབབ། །ཅི་བདེར་ཡང་དག་བསྟབས་པས་ན། །སྙིང་རྗེ་སྤྱན་རས་གཟིགས་དབང་བཞིན། །ཀུན་དུ་ཡོངས་སུ་
རྒྱས་པར་བྱ། །སེམས་ཅན་ཀུན་གྱི་བླ་མེད་བདེ། །ཐོབ་པར་ཤོག་ཅེས་བསམ་པར་བྱ། །སྙིང་རྗེའི་ཕྱག་རྒྱའོ། །དེ་ནས་སློབ་དཔོན་རྡོ་རྗེ་ཅན། །རྡོ་རྗེ་ཡེ་ཤེས་ལེགས་བསླབས་པས། །རྡོ་རྗེའི་ཕྱག་རྒྱ་བཅིང་བྱ་ཞིང་། །མཚོགས་
མར་ཐལ་མོ་སྦྱར་བར་བྱ། །བརྒད་དང་སྒེག་པའི་སྦྱོར་བ་ཡིས། །དེ་ནས་མྱུར་དུ་མད་པར་བྱ། །རྡོ་རྗེ་བརྒད་ཆེན་ཕྱག་རྒྱ་འདི། །རྡོ་རྗེ་འཆང་ཉིད་བཞིན་དུ་རྒོད། །བརྒད་པ་ཆེན་པོའི་ཕྱག་རྒྱའོ། །དེ་ནས་ལག་པ་གཡས་བཏེག་སྟེ། །
གཡོན་པ་རྐེད་པའི་ཕྱོགས་སུ་བཞག །གཡོན་བརྐྱང་རྐང་སྟབས་བྱས་ནས་སུ། །དེ་ནས་ཐལ་མོ་ཡང་སྦྱར་ཏེ། །འཇིགས་རུང་སྒྲས་ནི་རྒྱས་བྱེད་ཅིང་། །ཐལ་མོ་སྦྱར་བ་བཏུད་པར་བྱ། །འཇིགས་སུ་རུང་བ་ཆེན་པོའི་སྒྲའི་ཕྱག་རྒྱའོ། །
གཡས་བརྐྱང་རྐང་པའི་སྟབས་བྱས་ཏེ། །ལག་པ་གཉིས་ཀྱིས་རྒྱལ་རོལ་དུ། །ཁུ་ཚུར་གཉིས་ནི་བཅང་བར་བྱ། །བགེགས་ཀུན་འདར་བར་བྱ་བའི་ཕྱིར། །མགུལ་པ་ངེས་པར་སྨད་བྱ་ཞིང་། །སྒྲ་ཆེན་རབ་ཏུ་བརྗོད་བྱས་ན། །ཕྱག་རྒྱ་འདི་
ཡི་སྦྱོར་བ་ཡིས། །བགེགས་རྣམས་ཐམས་ཅད་འདར་བར་འགྱུར། །མཐུན་པའི་རྐང་སྟབས་བྱས་ནས་སུ། །མཚོགས་མར་ཐལ་མོ་སྦྱར་བྱས་ལ། །ལག་པ་གཉིས་ག་ལྟོ་བར་གཞག །གཡས་བརྐྱང་རྐང་སྟབས་
སྦྱོར་བ་ཡིས། །སྔགས་པས་འཁོར་ལོ་བཞིན་དུ་བསྐོར། །ཧ་ཧ་ཞེས་པས་རབ་བརྒྱན་པ། །ཕྱག་རྒྱ་འདི་ནི་རྒྱ་ཆེན་ཏེ། །རི་རྣམས་ཕྱེ་མར་རློག་བྱེད་ན། །སྡང་བའི་སེམས་ཅན་ཅི་སྨོས་ཏེ། །སྔགས་པའི་
འདོད་པ་བཞིན་དུ་འགྱུར། །འཐུན་པའི་རྐང་སྟབས་བྱས་ནས་སུ། །ལག་པ་གྱེན་དུ་བསྒྲེང་བྱས་ལ། །གདུ་བུའི་ཕྱག་རྒྱ་བཅིང་བར་བྱ། །དེ་བཞིན་སོ་ཡིས་མ་མཆུ་མནན། །གཡོན་པ་བརྐྱང་བ་ལགས་སྦྱར་བས། །བགེགས་

94-1-144a

རྣམས་ཀུན་ལ་བསྣུན་པར་བྱ། །ཕྱག་རྒྱ་འདི་ནི་རྒྱ་ཆེན་ཏེ། །བགེགས་རྣམས་ཐམས་ཅད་བཟློག་པ་ཡིན། །ཕྱག་རྒྱ་འདི་ནི་ལེགས་སྦྱར་བས། །ཐམས་ཅད་བཟློག་པར་གྱུར་པ་ཡིན། །མཐུན་པའི་རྐང་སྟབས་བྱས་ནས་
སུ། །ལག་གཉིས་བྲང་ལ་སྦྱར་བ་ལས། །ལག་པ་གཡས་པ་བསྒྲེང་བྱས་ཏེ། །ལག་པ་གཡོན་བརྐྱང་ལེགས་སྦྱར་བས། །ཐོ་བ་ཡི་ནི་ཕྱག་རྒྱ་ཡིས། །རྡོ་རྗེ་འཆང་ཉིད་ཡིན་པ་འང་བསྣུན། །དེ་ཡི་མོད་ལ་ཕྱེ་མར་འགྱུར། །ཐོ་
བའི་སྟངས་ཐབས་སོ། །གཡས་དང་གཡོན་པའི་སྦྱོར་བ་ཡང་། །ལག་པ་མཆན་ཁུང་གཞུག་པར་བྱ། །ཉི་མ་འབར་འདྲའི་ལྟ་འདྲ་བས། །ཧཱུྃ་བརྗོད་བསྙེམས་པས་མཐུར་དུ་བལྟ། །ལག་ན་རྡོ་རྗེ་ཉིད་བསྒྱུར་ཏེ། །འཇིགས་སུ་རུང་
བའི་སྒྲ་ཕྱུང་ལ། །རྒྱ་མཚོ་མ་དཱར་བཅས་པ་ཡིས། །ས་རྣམས་ཐམས་ཅད་གཡོ་བར་བྱ། །སོ་ཡིས་མཆུ་ནི་མནན་བྱ་ཞིང་། །རྡོ་རྗེ་རྐང་པས་བསྣུན་པར་བྱ། །ཕྱག་རྒྱ་འདི་ནི་ལེགས་སྦྱར་བས། །དེ་དག་ཐམས་ཅད་འདར་བར་
འགྱུར། །གཡས་བརྐྱང་རྐང་སྟབས་བྱས་ནས་སུ། །ལག་གཉིས་ཁུ་ཚུར་བཅང་ཚུལ་གྱིས། །གཡོན་པ་བྲང་ལ་སྦྱར་བར་བྱ། །གཡས་པ་གྱེན་དུ་བསྒྲེང་བྱས་ལ། །འཛུབ་མོ་མྱུར་དུ་བསྒྲེང་བྱས་ཤིང་། །རྡོ་རྗེ་སྒྲ་ནི་དབྱུང་བྱས་ན། །
གལ་ཏེ་སངས་རྒྱས་ཉིད་བསྒྱུར་ཀྱང་། །བགེགས་རྣམས་ཐམས་ཅད་བསྒྱེལ་བར་བྱ། །རྡོ་རྗེ་ཅན་གྱིས་བཤད་ཡིན་ནོ། །སྡང་བའི་སེམས་ཅན་སྨོས་ཅི་དགོས། །ཕྱག་རྒྱ་འདི་ནི་བསྐྱོད་པས་ན། །དེ་དག་ཐམས་ཅད་དུལ་
བར་འགྱུར། །མཐུན་པའི་རྐང་སྟབས་བྱས་ནས་སུ། །གཡས་པ་གྱེན་དུ་བསྒྲེང་བྱས་ལ། །ལག་པ་ཐལ་མོ་བརྐྱང་བར་བྱ། །གཡོན་པ་བྲང་དུ་སྦྱར་བར་བྱ། །ལག་པས་མྱུར་དུ་བསྣུན་སྟབས་ཀྱིས། །ཧཱུྃ་དང་བཅས་
པས་ས་ལ་བསྣུན། །ནམ་མཁའ་མེ་འབར་འདྲ་བ་ཡི། །རལ་གྲི་ཕྱག་རྒྱ་བཅིང་བྱས་ལ། །བགེགས་རྣམས་ཐམས་ཅད་གཏུབ་པར་བྱ། །རྡོ་རྗེ་ཅན་གྱིས་བཤད་ཡིན་ནོ། །འཐུན་པའི་རྐང་སྟབས་བྱས་ནས་སུ། །ལག་པ་འོག་

94-1-144b

ཏུ་བཅུག་ནས་ནི། །རྐང་པའི་དབུས་ནས་བཟུང་བྱས་ལ། །དེ་ནི་གྱེན་དུ་བཏེག་པར་བྱ། །ཧཱུྃ་ཞེས་རྡོ་རྗེ་སྒྲ་དང་ནི། །ཁྲོས་ཤིང་ཁྲོ་གཉེར་བཅས་པ་ཡིས། །རྐང་པ་དེ་ཡིས་ཡང་བསྣུན་ལ། །དེར་ནི་བགེགས་ནི་བསམ་པར་བྱ། །རྡོ་རྗེ་
རྐང་པས་བསྣུན་བྱས་ན། །རི་རབ་རྣམས་ཀྱང་ཕྱེ་མར་རློག །རྡོ་རྗེ་རྐང་པའི་སྟངས་སྟབས་སོ། །གཡས་བརྐྱང་རྐང་སྟབས་སྦྱོར་བ་ཡིས། །ལག་གཉིས་འཁོར་ལོའི་ཚུལ་དུ་བརྐྱང་། །སོ་ཡིས་མཆུ་མནན་ཁྲོས་པ་ཡིས། །
ཀུན་དུ་འཁོར་ལོ་འཕང་བར་བྱ། །ཕྱོགས་རྣམས་ཀུན་ནས་གནས་པ་ཡི། །སངས་རྒྱས་ཞིང་རྣམས་ཞིག་པར་འགྱུར། །ཞིག་པར་འགྱུར་བའི་ཞིང་རྣམས་ནས། །རྒྱལ་བ་དམ་པ་རྣམས་ཀྱང་འབྱོན། །བྱང་ཆུབ་སེམས་དཔའ་རྫུ་
འཕྲུལ་ཆེ། །གང་གཞན་དབང་ནི་ཐོབ་འགྱུར་རྣམས། །གློང་ཞེས་གྱུར་ནས་བློ་ལྡན་པ། །ལག་ན་རྡོ་རྗེའི་གན་དུ་དོང་། །སྲོག་ཟད་ན་ནི་མི་རུང་གིས། །བུ་གཅིག་ངེད་ཀྱིས་ཅི་ཞིག་བྱ། །ཁྱོད་ནི་ཇི་ལྟར་འདོད་པ་བཞིན། །ངེད་ཀྱིས་
མྱུར་དུ་བསྒྲུབ་བོ་ཞེས། །རྡོ་རྗེ་སེམས་དཔའ་བློ་ལྡན་ལ། །ལུང་ནི་ཡོངས་སུ་ནོད་པར་མཛད། །བསྐལ་པ་མེ་ལྟར་གྱུར་པ་ཡིས། །གཡས་བརྐྱང་སྟངས་སྟབས་བྱས་ནས་སུ། །འབར་བའི་ཕྱག་རྒྱ་ལེགས་སྦྱར་བས། །
ས་གསུམ་ཐམས་ཅད་འབར་བར་བྱ། །ས་གསུམ་འབར་བར་མཐོང་གྱུར་ནས། །སྔགས་པ་རྣམས་ལ་རྟག་འཚེ་བ། །བགེགས་བྱེད་མ་རུངས་ཆེན་པོ་པ། །སྲིན་པོ་སྡང་བ་རྣམས་སྐྲག་གོ། ཕྱག་རྒྱ་འདི་
འདྲ་མཐོང་གྱུར་ནས། །དེ་ནས་དེ་དག་ཞི་བར་འགྱུར། །མཐུན་པའི་རྐང་སྟབས་བྱས་ནས་སུ། །དེ་ཚེ་ངེས་པར་བསྣུན་བླངས་ལ། །ས་བས་གྱེན་དུ་འཕང་བར་བྱ། །དེ་ཚེ་སོས་ནི་མཆུ་མནན་ལ། །མྱུར་དུ་གཡོ་བ་གཅིག་བོར་ཏེ། །ངེས་པར་
བསྣུན་པ་བསྣུན་དེ་ཚེ། །སྲིན་པོ་སྡང་བ་བགེགས་བྱེད་པ། །དེ་དག་ཐམས་ཅད་ཕྱེ་མར་འགྱུར། །རྡོ་རྗེ་ངེས་བསྣུན་ཕྱག་རྒྱ་ཡིས། །དེ་དག་ཐམས་ཅད་བཟློག་པར་བྱ། །དབང་ཆེན་གནས་ལ་གནས་ནས་སུ། །ལག་པ་གཉིས་ནི་བསྒྲེང་བྱས་ལ། །ལྷུན་པོ་

94-1-145a

རྒྱལ་པོ་བླངས་ནས་སུ། །ལག་པ་གཉིས་སུ་དེ་བཞག་ནས། །སྔགས་པ་ལ་ནི་བགེགས་བྱེད་པ། །སྡང་བའི་སེམས་ཅན་རྣམས་ལ་བསྣུན། །བསྣུན་པས་རྣམ་པར་ཕུང་འགྱུར་ཅིང་། །འཆི་བར་འགྱུར་ཏེ་ཐེ་ཚོམ་མེད། །རྣལ་འབྱོར་གཞོལ་བའི་
སྔགས་པ་ལ། །གལ་ཏེ་བསྲེས་ཤིང་བགེགས་བྱེད་ན། །དེ་ཚེ་སྔགས་པ་སྟོབས་ཆེན་གྱིས། །ཕྱག་རྒྱ་འདི་ལ་སྦྱར་བར་བྱ། །ཕྱག་རྒྱ་འདི་ལ་རབ་སྦྱར་བ། །མཐོང་ནས་དེ་དག་འདར་བར་འགྱུར། །དེ་ནས་སློབ་དཔོན་རྡོ་རྗེ་འཆང་། །རྡོ་རྗེ་ཡེ་ཤེས་ལེགས་
བསླབས་པས། །རྒྱལ་བ་ཀུན་ལ་ཕྱག་བྱས་ནས། །ཅོད་པན་སྟངས་ཀྱི་སྟབས་བཤད་དོ། །སྔགས་པས་ཤར་ཕྱོགས་ཁ་བལྟས་ལ། །ལག་པ་གཡས་པ་མཚོགས་མར་བཞག །གཡོན་པ་རྐེད་པའི་ཕྱོགས་སུ་བཞག །ཧཱུྃ་ཞེས་བྱ་བའི་སྒྲ་ཕྱུང་ལ། །
འབྲུག་སྒྲ་དལ་འདྲའི་ཕྱག་རྒྱ་ཡིས། །ཕྱོགས་རྣམས་ཀུན་དུ་བསྐོར་བར་བྱ། །གཡས་བརྐྱང་བ་ཡི་ཚུལ་གྱིས་ཀྱང་། །ངང་པའི་རྩལ་གྱི་སྦྱོར་བ་ཡིས། །ལག་པ་གཡས་པ་གདེངས་བྱས་ན། །རྒྱ་མཚོ་རྣམས་ཀྱང་བཏེག་པར་འགྱུར། །ངང་པའི་རྩལ་
གྱི་ཕྱག་རྒྱའོ། །རྐང་པ་གཡས་པ་བཏེག་ནས་སུ། །ལག་པ་གཉིས་ནི་སར་བཙུགས་ལ། །ཨ་ལ་ལ་ཞེས་རྣམ་བརྒྱན་པས། །ས་གསུམ་ཐམས་ཅད་བཏེག་བྱས་ན། །རྒྱ་མཚོར་བཅས་པའི་རི་རབ་ཀྱང་། །ཐམས་ཅད་ཤིན་ཏུ་བཏེག་པར་འགྱུར། །
མན་དཱ་ར་དང་ཏི་སེ་དང་། །གཞན་ཡང་གང་དག་རི་རྣམས་ཀྱང་། །ཧ་ལ་ཧ་ལའི་ཕྱག་རྒྱ་ཡིས། །བསྣུན་པ་དེ་དག་སླར་མི་འཆགས། །གཡས་དང་གཡོན་པའི་སྦྱོར་བ་ཡང་། །ལག་པ་གཉིས་ནི་ལྟོ་བར་བཞག །ཧཱུྃ་བརྗོད་སྙེམས་པས་མར་བལྟས་
ཏེ། །སོ་ཡིས་མཆུ་ནི་མནན་བྱས་ལ། །རྡོ་རྗེ་ཅོད་པན་ཕྱག་རྒྱ་ཡིས། །བགེགས་རྣམས་ཐམས་ཅད་བཟའ་བར་བྱ། །གཡོན་པ་བརྐྱང་བའི་སྦྱོར་བ་ཡིས། །དེ་ཡི་ཚེ་ན་གཡོན་བཏེག་སྟེ། །ཁྲོས་དང་བཅས་པས་རྐང་བཞག་པས། །ས་
གསུམ་ཐམས་ཅད་དྲང་བར་བྱ། །དྲང་བའི་ཅོད་པན་གྱི་ཕྱག་རྒྱའོ། །མཐུན་པའི་རྐང་སྟབས་བྱས་ནས་སུ། །ལག་པ་གཉིས་ནི་བཏེག་བྱས་ལ། །བགེགས་རྣམས་ཐམས་ཅད་འཆིང་བྱེད་ཅིང་། །འཁོར་ལོ་བཞིན་དུ་ཕྱོགས་སུ་བསྐོར། །

94-1-145b

ཕྱག་རྒྱ་འདི་ལ་ལེགས་སྦྱར་བས། །དེ་དག་བཅིངས་དང་གཟིར་བར་འགྱུར། །བགེགས་རྣམས་ཐམས་ཅད་སེལ་བར་བྱེད། །རྡོ་རྗེ་ཅན་གྱིས་ཉིད་ཀྱིས་བཤད། །བགེགས་སྐྲག་པར་བྱེད་པའི་ཕྱག་རྒྱའོ། །རྣལ་འབྱོར་སྟན་ལ་འདུག་ནས་སུ། །
རྐང་པ་གཡས་པ་བཏེག་ནས་ནི། །ལག་གཉིས་འཁོར་ལོའི་ཚུལ་དུ་བྱ། །རྐང་པ་གཅིག་ནི་ཡོངས་སུ་བསྐོར། །འཁོར་ལོ་ཅོད་པན་ཕྱག་རྒྱ་ཡིས། །བགེགས་རྣམས་ཐམས་ཅད་བསྒྱེལ་བར་བྱ། །འཐུན་པའི་རྐང་སྟབས་བྱས་ནས་སུ། །
མེ་ཏོག་ཐལ་མོ་སྦྱར་ཚུལ་གྱིས། །དེ་ཡི་ཚེ་ན་ས་ལ་བཞག །དེ་ནས་མྱུར་དུ་ཡང་བཏེག་གོ། འདིས་མཆོད་པས་ན་སྔགས་པ་ལ། །ཐམས་ཅད་བགེགས་བྱེད་མི་འགྱུར་རོ། །མཆོད་པའི་ཅོད་པན་གྱི་ཕྱག་རྒྱའོ། །དེ་ནས་བཅོམ་
ལྡན་འདས་རྣམ་པར་སྣང་མཛད་ཀྱིས། བྱང་ཆུབ་སེམས་དཔའ་ལག་ན་རྡོ་རྗེ་ལ་བཀའ་སྩལ་པ། གསང་བ་པའི་བདག་པོ་སྐྲག་པར་བྱེད་པ་ཞེས་བྱ་བའི་སྟངས་སྟབས་ཡོད་དེ། ང་བྱང་ཆུབ་སེམས་དཔར་གྱུར་པ་ན། བསྐལ་པ་དཔག་
ཏུ་མེད་པར་གྱུར་པ་དེའི་ཚེ་དེའི་དུས་ན། བཅོམ་ལྡན་འདས་དེ་བཞིན་གཤེགས་པ་སངས་རྒྱས་རྒྱན་གྱི་དབྱངས་ལས་ངས་ཐོས་ཀྱིས། དེ་ལེགས་པར་རབ་ཏུ་ཉོན་ལ་ཡིད་ལ་ཟུང་ཤིག་དང་ངས་ཁྱོད་ལ་བཤད་དོ། །དེ་ཡིས་སྐྲག་པར་
བྱས་ནས་བགེགས། །ལོག་འདྲེན་ཐམས་ཅད་གདུངས་པར་འགྱུར། །ཕྱོགས་རྣམས་ཀུན་དུ་འབྲོས་བྱེད་ཅིང་། །འཆི་བར་གྱུར་ཏེ་ཐེ་ཚོམ་མེད། །ལག་གཉིས་ཕན་ཚུན་བསྣོལ་ནས་སུ། །གཡོན་པ་བརྐྱང་བར་རབ་སྦྱར་ཏེ། །ཕྱོགས་
རྣམས་ཀུན་དུ་བསྐོར་བར་བྱ། །དེ་ནས་རྐང་པས་ཡང་མནན་ནོ། །སྐྲག་བྱེད་འདི་ནི་སྐྲག་པ་ཆེ། །བགེགས་རྣམས་ཐམས་ཅད་བཟློག་པ་སྟེ། །སྐྲག་པས་རྣམ་པར་ཕུང་འགྱུར་ཞིང་། །འཆི་བར་གྱུར་ཏེ་ཐེ་ཚོམ་མེད། །དེ་ནས་རྐང་
པའི་ཚུལ་གྱིས་ཀྱང་། །མིག་ནི་མཐུར་དུ་ལྟ་བྱས་ལ། །ལག་པ་གཡས་པ་བསྒྲེང་ནས་ནི། །གཡོན་པ་བྲང་ལ་བཅར་བྱས་ཏེ། །ལག་པ་ས་ལ་བརྡབས་ནས་ནི། །རྡོ་རྗེ་ཐལ་མོས་བསྣུན་པར་བྱ། །རྡོ་རྗེ་ཐལ་མོའི་སྟངས་སྟབས་སོ། །རྣལ་འབྱོར་

94-1-146a

སྟན་ལ་ཡང་འདུག་སྟེ། །མཚོགས་མར་ཐལ་མོ་སྦྱར་བྱས་ལ། །རྐང་པ་གཡས་པ་བཏེག་ནས་སུ། །འཁོར་ལོ་བཞིན་དུ་ཡོངས་སུ་བསྐོར། །འདི་ནི་རླུང་འཆིང་ཆེན་པོ་སྟེ། །སྔོན་གྱི་རྒྱལ་བ་རྣམས་ཀྱིས་གསུངས། །
གལ་ཏེ་རྣམ་འཐོར་རླུང་བྱུང་ཡང་། །དེ་ཡང་མི་གཡོ་འདུག་པར་འགྱུར། །རླུང་འཆིང་བ་ཡི་སྟངས་སྟབས་སོ། །གར་གྱི་ཚུལ་གྱིས་ལེགས་བསླབས་པས། །རྐང་པ་སྤོ་བར་བྱས་པས་ཡང་། །ལག་པ་ཐུར་དུ་སྨད་བྱས་ལ། །ལག་གཉིས་
མཐེ་བོ་སྲིན་ལག་སྤྲད། །གཡོན་པ་བརྐྱང་བ་ལེགས་སྦྱར་ཏེ། །ལག་པ་གཡས་པས་གར་བྱའོ། །གར་གྱིས་བགེགས་རྣམས་ཐམས་ཅད་ནི། །ཤིན་ཏུ་དགའ་བ་སྐྱེ་བར་འགྱུར། །དགའ་བས་བསྔགས་པ་དེ་ལ་ནི། །དེ་དག་ཕྱིན་
ཅད་བགེགས་མི་བྱེད། །མཐུན་པའི་རྐང་སྟབས་བྱས་ནས་སུ། །ལག་པ་གཡས་པ་བསྒྲེང་བྱ་སྟེ། །གཡོན་པ་རལ་གྲིའི་ཚུལ་བྱས་ལ། །གཉིས་ག་གཅིག་ཏུ་སྦྱར་བར་བྱ། །གལ་ཏེ་རྡོ་རྗེ་འཆང་གྱུར་ཀྱང་། །བགེགས་རྣམས་ཐམས་ཅད་དྲང་
བར་བྱ། །ཀུན་ནས་ཤིན་ཏུ་དྲངས་ནས་ཀྱང་། །དེ་ནས་ཕྱག་རྒྱ་བཏང་བར་བྱ། །རྡོ་རྗེ་ཞགས་པས་བཅིང་བྱས་ན། །གནོད་པར་གྱུར་པས་ཀུན་དུ་ཡང་། །ཨ་ལ་ལ་ཞེས་སྒྲ་འབྱིན་ཅིང་། །སེམས་ནི་གློང་ཞེས་གྱུར་པ་ཡིས། །བློ་ལྡན་ལག་ན་རྡོ་རྗེ་ལ། །
ལུང་ནི་ཡོངས་སུ་མནོད་པར་བྱེད། །ཕྱིན་ཅད་བགེགས་ནི་མ་བྱེད་ཅེས། །ལག་ན་རྡོ་རྗེས་ལུང་བསྒོའོ། །རྡོ་རྗེ་གཟིར་བའི་ཕྱག་རྒྱའོ། །སྔགས་པ་ཅི་ལྟར་འདོད་པ་བཞིན། །དེ་ནས་སྙིང་རྗེ་ཡང་བསྐྱེད་དེ། །སྔགས་པས་མཉམ་བཞག་ས་ལ་ནི། །མེ་ཏོག་
ཐལ་མོ་སྦྱར་ནས་སུ། །དེ་ཡི་ཚེ་ན་དེ་དག་ལ། །གང་ཚེ་སྔགས་པ་མཉམ་བཞག་སྟེ། །ཁྱེད་ཅག་བགེགས་ནི་མ་བྱེད་པར། །གནས་སུ་དེང་ཞེས་བརྗོད་པར་བྱ། །གཡས་བརྐྱང་སྟངས་སྟབས་བྱས་ནས་སུ། །ལག་པ་གྱེན་དུ་བསྒྲེང་བར་བྱ། །
གཡས་དང་གཡོན་པའི་ཚུལ་གྱིས་ཀྱང་། །ཁུ་ཚུར་མཆན་ཁུང་གཉིས་སུ་གཞག །ཧཱུྃ་ཞེས་བྱ་བའི་སྒྲ་ལྡན་པ། །སྔགས་པ་དྲག་པོའི་ལས་བྱེད་པས། །ཕྱོགས་རྣམས་ཐམས་ཅད་ཀུན་ནས་ཀྱང་། །རྡོ་རྗེ་གཟིར་བས་གཟིར་བར་བྱ། །གཞན་ཡང་

94-1-146b

གང་དག་ལོག་འདྲེན་བགེགས། །སྲིན་པོ་གང་དག་གྲགས་པ་དང་། །རྒོད་མ་རྟ་ཡི་ཁ་གདངས་པར། །དེ་དག་ཐམས་ཅད་གཟིར་གྱུར་ཅིག །རྡོ་རྗེ་གཟིར་བའི་ཕྱག་རྒྱ་ཡིས། །གཟིར་ནས་དེ་དག་ལྷགས་གྱུར་ཏེ། །ཤིན་ཏུ་མི་བཟད་འདར་བྱེད་ཅིང་། །སྲོག་
ཟད་གྱུར་ན་མི་རུང་གིས། །ཅི་ཚོལ་བཀའ་ནི་མྱུར་གསོལ་ཅེས། །བསྒོ་བའི་ལུང་ནི་གནོད་པར་བྱེད། །སྔགས་པས་ཅི་འདོད་ལུང་བཞིན་དུ། །གལ་ཏེ་ལུང་ནི་ནོད་བྱེད་ན། །དེ་ལྟ་ན་ནི་ཐར་བར་འགྱུར། །གཞན་དུ་ན་ནི་ནམ་ཡང་མིན། །ཤིན་ཏུ་མི་བཟད་གཟིར་བས་ན། །ཁྱོད་ནི་ཅི་བཞེད་དེ་
བཞིན་དུ། །བགྱིད་ཀྱིས་བཀའ་ལུང་སྩོལ་ཅིག་ཅེས། །དེ་ཚེ་དེ་དག་དེ་སྐད་སྨྲ། །མཚོགས་མར་རྡོ་རྗེ་ཐལ་བཞག་ནས། །དེ་ནས་དེ་དག་དམ་ཚིག་སྦྱིན། །ས་ལ་བགེགས་ཀྱི་གཟུགས་བྲིས་ལ། །གཡས་པ་བརྐྱང་བས་མནན་ནས་སུ། །རྡོ་རྗེ་རལ་གྲི་ཕྱག་
རྒྱ་ཡིས། །བགེགས་རྣམས་ཐམས་ཅད་གཏུབ་པར་བྱ། །གཏུབ་པར་བྱས་པས་དེ་དག་ཀུན། །དེ་ལ་སྐྱབས་སུ་འགྲོ་བར་བྱེད། །སྙིང་རྗེར་ལྡན་པའི་སེམས་ཀྱིས་སུ། །དེ་ནས་ཕྱག་རྒྱ་བཏང་བར་བྱ། །སྙིང་རྗེ་སེམས་ཀྱིས་དེ་དག་ལ། །མ་འཇིགས་ཤིག་
ཅེས་སྨྲ་བར་བྱ། །སྔགས་པས་དེ་ཡི་འདོད་པ་བཞིན། །དེ་ནས་དེ་དག་རང་གནས་འདོད། །དེ་ནས་བཅོམ་ལྡན་འདས་རྣམ་པར་སྣང་མཛད་ཀྱིས་ཐམས་ཅད་དང་ལྡན་པའི་འཁོར་ལ་བཀའ་སྩལ་པ། རིགས་ཀྱི་བུ་དག་ཕྱག་རྒྱ་གསུམ་ཡོད་དེ། གང་ངས་
བསྐལ་པ་དགུ་བཅུ་རྩ་གཅིག་ཏུ་བྱང་ཆུབ་སེམས་དཔའི་སྤྱད་པ་སྤྱོད་པ་དེའི་ཚེ། བཅོམ་ལྡན་འདས་དེ་བཞིན་གཤེགས་པ་སྤྱོད་པའི་རྒྱན་གྱི་སྙིང་པོ་ལ་ཕྱག་རྒྱ་གསུམ་ཐོབ་སྟེ། བསྐལ་པ་དུ་མར་དེ་བསྟན་པ་ཙམ་གྱིས་བགེགས་རྣམས་ཀྱིས་ང་ལ་མ་གཙེས་ཀྱིས་
སེམས་རྩེ་གཅིག་ཏུ་སྒྲིམས་ལ་དེ་ཉོན་ཅིག །གཡས་བརྐྱང་རྐང་སྟབས་བྱས་ནས་སུ། །ལག་པ་གཡོན་པ་སྙིང་ཀར་བཞག །གཡས་པ་གར་དང་བཅས་པ་ཡིས། །མཚོགས་མར་ལེགས་པར་བཞག་པར་བྱ། །བགེགས་རྣམས་རྟག་ཏུ་གཞིག་པ་ཡི། །
དམ་ཚིག་འདི་ནི་བརྗོད་པ་ཡིན། །འདི་ནི་བསྟན་པ་ཙམ་གྱིས་ཀྱང་། །འབྲོས་པར་འགྱུར་ཏེ་ཐེ་ཙོམ་མེད། །ཕྱིར་ཟློག་པ་ནི་ཡང་བྱས་ལ། །ས་ལ་ལག་པ་བརྡབ་པར་བྱ། །ལག་པ་གཉིས་ནི་བཏེག་ནས་སུ། །དེ་ཚེ་མཁུར་བ་བུད་པར་བྱ། །རྡོ་རྗེ་

94-1-147a

ཕྱག་རྒྱ་བཅིང་བས་ན། །དེ་ཚེ་བགེགས་རྣམས་བཅོམ་པར་འགྱུར། །རྡོ་རྗེ་ཅན་ནི་ཉྀད་གྱུར་ཀྱང་། །རྡོ་རྗེ་ཕྱག་རྒྱས་བཅོམ་འགྱུར་ན། །མཐོང་བ་ཙམ་གྱིས་བགེགས་རྣམས་ཀུན། །ཕུང་བར་གྱུར་པ་སྨོས་ཅི་དགོས། །སྔགས་པ་ཤར་ཕྱོགས་
བལྟས་འདུག་ལ། །ལག་པ་གཡས་པ་དཀུར་བརྟེན་ཏེ། །གཡོན་པ་བརྐྱང་བ་ལེགས་བྱས་ལ། །གཡོན་པས་ཐམས་ཅད་དགུག་པར་བྱ། །ཐམས་ཅད་ནས་ནི་བཀུག་ནས་སུ། །རྡོ་རྗེ་ཕྱག་རྒྱས་བསྣུན་པར་བྱ། །རྡོ་རྗེ་ཕྱག་རྒྱས་བསྣུན་པས་
ན། །དེ་ཡི་མོད་ལ་ཕྱེ་མར་འགྱུར། །དེ་ནས་བཅོམ་ལྡན་འདས་རྣམ་པར་སྣང་མཛད་ཀྱིས། བྱང་ཆུབ་སེམས་དཔའ་ལག་ན་རྡོ་རྗེ་ལ་བཀའ་སྩལ་པ། ལག་ན་རྡོ་རྗེ་ངའི་སློབ་མ་རྣམས་མ་གཏོགས་པར་ཁྱོད་ཀྱིས་སུ་ལ་སྙད་པར་མི་བྱའོ། །དེ་ཅིའི་
ཕྱིར་ཞེ་ན། སེམས་ཅན་མ་དད་པ་དེ་དག་ནི་ཚུལ་འདི་ལ་ཡིད་མི་ཆེས་ཤིང་དེ་དག་འདི་སྐད་དུ། འདི་ནི་སངས་རྒྱས་ཀྱིས་གསུངས་པ་མ་ཡིན་ནོ་ཞེས་སྨྲ་བར་འགྱུར་བས། དེ་དག་གི་རྣ་ལམ་དུ་ཡང་བསྒྲག་པར་མི་བྱ་ན་ཕྱག་རྒྱ་ལྟ་ཅི་སྨོས། 
གསང་བ་པའི་བདག་པོ་དེ་ལ་སློབ་དཔོན་གྱིས་སློབ་མ་རྣམས་ཀྱི་མཚན་ཉིད་ཤེས་ནས་སྦྱིན་པར་བྱའི་གཞན་དུ་ནི་མ་ཡིན་ནོ། །དེ་ནས་ལག་ན་རྡོ་རྗེས་བཅོམ་ལྡན་འདས་ཀྱི་ཞབས་ལ་གཏུགས་ནས། བཅོམ་ལྡན་འདས་ལ་འདི་སྐད་ཅེས་གསོལ་
ཏོ། །བཅོམ་ལྡན་འདས་གང་དག་སློབ་དཔོན་ལ་བརྙས་པར་བགྱིད་པ་དེ་དག་གི་རྣམ་པར་སྨིན་པ་ཇི་ལྟ་བུ་ལགས། བཅོམ་ལྡན་འདས་ཀྱིས་བཀའ་སྩལ་པ། ལག་ན་རྡོ་རྗེ་ལྷ་དང་བཅས་པའི་འཇིག་རྟེན་སྐྲག་པར་འགྱུར་གྱིས་དེ་སྐད་
མ་སྨྲ་ཤིག །གསང་བ་པའི་བདག་པོ་འོན་ཀྱང་ཅུང་ཞིག་བརྗོད་པར་བྱའི། དཔའ་བོ་བསྒྲིམས་ཏེ་དེ་ཉོན་ཅིག །མཚམས་མེད་ལ་སོགས་མི་བཟད་པ། །དམྱལ་བ་གང་དག་ངས་བཤད་པ། །དེ་རྣམས་ཀྱི་ནྀ་གནས་སུ་བརྗོད། །དེར་
ནི་བསྐལ་པ་མཐའ་ཡས་སོ། །དེ་ལྟ་བས་ན་རྣམ་ཀུན་དུ། །དེ་ལ་ནམ་ཡང་བརྙས་མི་བྱ། །གསང་བ་པའི་བདག་པོ་སློབ་དཔོན་ལ་སློབ་མས་ཇི་ལྟར་བལྟ་བར་བྱ་ཞེ་ན། སངས་རྒྱས་བཅོམ་ལྡན་འདས་ལ་ཇི་ལྟ་བ་བཞིན་དུའོ། །

94-1-147b

དེ་ཡི་སེམས་ནི་དེ་ལྟ་ན། །རྟག་ཏུ་དགའ་བ་སྐྱེ་བར་འགྱུར། །དེ་ནི་འཇིག་རྟེན་ཐམས་ཅད་ལ། །ཕན་པར་བྱེད་པའི་སངས་རྒྱས་འགྱུར། །ལག་ན་རྡོ་རྗེ་དབང་བསྐུར་བའི་མདོ་སྡེའི་དབང་པོའི་རྒྱལ་པོ་ལས། སྟངས་སྟབས་ཀྱི་རིམ་པར་
ཕྱེ་བ་རྫོགས་སྷོ།། །། དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་ལག་ན་རྡོ་རྗེ། དེ་བཞིན་གཤེགས་པ་ཐམས་ཅད་ཀྱི་ཡེ་ཤེས་ཤིན་ཏུ་རྒྱས་པ་ཆེན་པོས་བདག་ཉིད་རྒྱས་པ་དེ་དག་གི་ཚིག་གི་འཁོར་ལོའི་དཀྱིལ་
འཁོར་དུ་འཇུག་པར་བྱ་བའི་ཕྱིར་ཆོས་ཀྱི་དབྱིངས་ཡངས་པ་ལ་དམིགས་ནས་འདུག་ཅིང་། བཅོམ་ལྡན་འདས་རྣམ་པར་སྣང་མཛད་དུ་བདག་ཉིད་བྱིན་གྱིས་བརླབས་ནས། སངས་རྒྱས་འབྱུང་བ་མངོན་དུ་བྱེད་ཅིང་སངས་རྒྱས་ཀྱི་གསུང་དབྱངས་བཀོད་པའི་
རྒྱན་གྱི་སྙིང་པོ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་སོ། །བཅོམ་ལྡན་འདས་སྙོམས་པར་ཞུགས་མ་ཐག་ཏུ། དེ་ནས་དེའི་མོད་ལ་དེ་བཞིན་གཤེགས་པ་སངས་རྒྱས་གྱི་ཞིང་བཅུའི་རྡུལ་ཕྲ་རབ་ཀྱི་རྡུལ་སྙེད་དག་
གིས། ཡེ་ཤེས་ཤིན་ཏུ་རྒྱས་པ་དཔག་ཏུ་མེད་པ་བསྒྲུབ་པའི་དོན་དུ་ཐུགས་སུ་ཆུད་ནས་དེ་དག་ཉིད་ན་བཞུགས་བཞིན་དུ་ཕྱག་བརྐྱང་སྟེ་ལག་ན་རྡོ་རྗེའི་སྤྱི་བོར་བཞག་གོ། བཞག་ནས་ལག་ན་རྡོ་རྗེ་ལ་འདི་སྐད་ཅེས་བཀའ་སྩལ་
ཏོ། །སེམས་དཔའ་ཆེན་པོ་ལེགས་སོ་ལེགས། །རྡོ་རྗེ་ཡེ་ཤེས་རྫོགས་བྱེད་པ། །ཁྱེད་ནི་སངས་རྒྱས་བྱས་པ་གཟོ། །སངས་རྒྱས་སྲས་པོ་རྫུ་འཕྲུལ་ཆེ། །ཐམས་ཅད་མཁྱེན་པའི་ཡེ་ཤེས་མཆོག །དམ་པ་གསང་
བ་ཁྱོད་ཀྱིས་ཤོད། །གཟུང་སྔགས་ཚུལ་དུ་དགོད་བྱོས་ལ། །གང་དུ་ཞུགས་མ་ཐག་ཏུ་ནི། །སྡིག་པ་ཐམས་ཅད་མེད་གྱུར་པ། །དཀྱིལ་འཁོར་འདིར་ནི་བཤད་པར་གྱིས། །དེ་ནས་དེ་བཞིན་གཤེགས་པ་སངས་རྒྱས་
ཀྱི་ཞིང་བཅུའི་རྡུལ་ཕྲ་རབ་ཀྱི་རྡུལ་སྙེད་དེ་དག་ཐམས་ཅད་ཕྱག་སླར་བསྐུམས་སོ། །དེ་ནས་ལག་ན་རྡོ་རྗེ་ཏིང་ངེ་འཛིན་དེ་ལས་ལངས་ཏེ། དེ་བཞིན་གཤེགས་པ་ཐམས་ཅད་སྐྱེད་མ། སྡིག་པ་ཐམས་ཅད་བྱང་བར་བྱེད་མ། ནད་ཐམས་

94-1-148a

ཅད་རབ་ཏུ་ཞི་བར་བྱེད་མ། བགེགས་ཐམས་ཅད་རྣམ་པར་འཇིག་པར་བྱེད་མ། ཕུན་སུམ་ཚོགས་པ་ཐམས་ཅད་སྐྱེད་མ། གཟུངས་སྔགས་ཆེན་མོའི་མཆོག་འདི་སྨྲས་སོ། །ན་མཿསརྦ་ཏ་ཐཱ་ག་ཏེ་བྷྱཿ སརྦ་མུ་
ཁེ་བྷྱཿ སརྦ་ཐཱ་ཧེ་བུད་དྷ་མ་ཏི་རི། སརྦ་པཱ་པ་ནི་ཥ་ནི་གརྫ་གརྫ། བྷཉྫ་བྷཉྫ། མརྡ་མརྡ་གམྦྷཱི་རི་གམྦྷཱི་ར། ཧ་ས་ཧ་ས། ད་མ་ད་མ། མ་ཐ་མ་ཐ། བིདྷྭ་ན་ས་ཡ་བིདྷྭ་ན་ས་ཡ། སརྦ་ཤ་ཏྲུན་ཏ་ར་མ་ཏི། བི་མ་ལེ། པུ་ར་
ཡ་པུ་ར་ཡ། པྲ་ཏི་ཛྙཱ་ན། སརྦ་བྷཱུ་ཏ་པ་རུྰ་པ་སི་ཏེ། བྷ་ག་བ་ཏི། ག་ན་ག་ན། ཛ་ཧི་ཛ་ཧི། བི་མ་ལ་ས་ནི། ཀྲ་མ་ཎི་ཧ་ད་བ་ནི། ར་མ་ཎ། མ་ཏྃ་གི་ཀེ་སྭཱ་ཧཱ། ལག་ན་རྡོ་རྗེས་གཟུངས་སྔགས་གསང་བ་འདི་སྨྲས་མ་ཐག་ཏུ་དེ་
ནས་དེའི་མོད་ལ་ས་ཆེན་པོ་འདི་འགུལ་ལོ། །འུར་འུར་རབ་ཏུ་འུར་འུར་རོ། །ལྡེག་རབ་ཏུ་ལྡེག་གོ། ལྷོ་ཕྱོགས་མཐོ་ན། ནུབ་ཕྱོགས་དམའོ། །བྱང་མཐོ་ན། ཤར་ཕྱོགས་དམའོ། །ཉི་མ་དང་ཟླ་བ་ཡང་ས་ལ་ལྷུང་ངོ་། །
རིག་སྔགས་འཆང་རྣམས་ཀྱང་ལྷུང་ངོ་། །བྱང་ཆུབ་སེམས་དཔའ་གང་དག་གཟུངས་ཐམས་ཅད་ལ་དབང་ཐོབ་པ་དེ་དག་ཀྱང་མྱོས་མྱོས་པོར་གྱུར་ཏོ། །ཐམས་ཅད་དང་ལྡན་པའི་འཁོར་དེ་ཡང་གློང་གློང་པོར་གྱུར་ཏེ། འཇམ་དཔལ་
གཞོན་ནུར་གྱུར་པ་ལ་ཡིད་ཀྱིས་ཕྱག་འཚལ་ཞིང་གནས་པར་གྱུར་ཏོ། །དེ་ནས་འཇམ་དཔལ་གཞོན་ནུར་གྱུར་པས་འཁོར་དེ་གློང་གློང་པོར་གྱུར་པ་མཐོང་ནས་དེ་དག་ལ་འདི་སྐད་ཅེས་སྨྲས་སོ། །ཀྱེ་གྲོགས་པོ་དག་ཁྱོད་ཀྱིས་ཡེ་ཤེས་
ཆེན་པོར་དབང་བསྐུར་བའི་གཟུངས་སྔགས་ཆེན་མོ་དྲན་པར་གྱིས་ཤིག །དེ་ནས་འཇམ་དཔལ་གཞོན་ནུར་གྱུར་པས་བྱང་ཆུབ་སེམས་དཔའ་ལག་ན་རྡོ་རྗེ་ལ་འདི་སྐད་ཅེས་སྨྲས་སོ། །ལག་ན་རྡོ་རྗེ་གཟུངས་འདི་ནི་མཐུ་ཆེན་
པོ་ནི་ཡིན་ན། སྒྲུབ་པ་པོ་གང་ལ་ལ་ཞིག་འདི་འཛིན་པ་དང་ཡིད་ལ་བྱེད་པ་དང་མཆོད་པ་བྱེད་པའི་མཐུ་ཅི་ལྟ་བུར་རིག་པར་བྱ་དེ་སྐད་ཅེས་སྨྲས་པ་དང་། བྱང་ཆུབ་སེམས་དཔའ་ལག་ན་རྡོ་རྗེས་འཇམ་དཔལ་གཞོན་ནུར་

94-1-148b

གྱུར་པ་ལ་འདི་སྐད་ཅེས་སྨྲས་སོ། །འཇམ་དཔལ་གཟུངས་སྔགས་འདིའི་མཐུ་འམ་ནུས་མཐུ་འམ་མཐུ་བསྒྱིངས་པ་ཅི་འདྲའོ། །འཇམ་དཔལ་ཤར་ཕྱོགས་ལོགས་ན་འཇིག་རྟེན་གྱི་ཁམས་འོད་ཟེར་དྲི་མ་མེད་པ་ཞེས་བྱ་བ་ཡོད་དེ། 
འཇིག་རྟེན་གྱི་ཁམས་དེར་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་འོད་ཟེར་དྲི་མ་མེད་པ་ཞེས་བྱ་བ་འཇིག་རྟེན་དུ་བྱུང་ནས། བཅོམ་ལྡན་འདས་དེས་ཐམས་ཅད་འབྱུང་བ་ཞེས་བྱ་བའི་གཟུངས་
སྔགས་འདི་བྱང་ཆུབ་སེམས་དཔའ་སེམས་དཔའ་ཆེན་པོ་རྡོ་རྗེ་ཏོག་ལ་འཛིན་དུ་གཞུག་པའི་ཕྱིར་བྱིན་ནོ། །བྱང་ཆུབ་སེམས་དཔའ་དེ་ལ་བྱིན་མ་ཐག་ཏུ་དེའི་མོད་ལ་གཟུངས་སྔགས་འདིའྀ་མཐུས་དེའི་སྤུའི་ཁུང་བུ་ཐམས་ཅད་ནས་
སངས་རྒྱས་ཀྱི་གཟུགས་རྣམས་བྱུང་ཞིང་ཞུགས་ཏེ། མཐའ་རྟོགས་པར་ནི་མི་ནུས་སོ། །སངས་རྒྱས་ཀྱིས་བྱིན་གྱིས་བརླབས་མ་གཏོགས་པར། བྱང་ཆུབ་སེམས་དཔའ་སེམས་དཔའ་ཆེན་པོ་གང་དག་གཟུངས་ཐམས་
ཅད་ལ་དབང་ཐོབ་པ་དེ་དག་གིས་ཀྱང་འདི་ཅི་འདྲ་བ་ཡིན་ཞེས་བསྟན་པར་མི་ནུས་སོ། །དེ་བཞིན་གཤེགས་པའི་གཟུགས་དེ་དག་གིས་ནམ་མཁའི་དཀྱིལ་འཁོར་ཏིལ་གྱི་གང་བུ་བཞིན་དུ་གང་བར་གྱུར་ནས་གནས་ཏེ། དེ་བཞིན་
གཤེགས་པའི་གཟུགས་དེ་དག་གིས་བྱང་ཆུབ་སེམས་དཔའ་སེམས་དཔའ་ཆེན་པོ་དེ་ལ་འོད་ཟེར་གྱིས་དབང་བསྐུར་ནས་སྐུ་དེ་ཉིད་དུ་ཞུགས་སོ། །དེ་ཅིའི་ཕྱིར་ཞེ་ན། གཟུངས་སྔགས་ཆེན་པོ་འདི་ཉིད་ཀྱི་མཐུས་སོ། 
།དེ་སྐད་ཅེས་སྨྲས་པ་དང་། འཇམ་དཔལ་གཞོན་ནུར་གྱུར་པས་བྱང་ཆུབ་སེམས་དཔའ་ལག་ན་རྡོ་རྗེ་ལ་འདི་སྐད་ཅེས་སྨྲས་སོ། །བྱང་ཆུབ་སེམས་དཔའ་ཆེན་པོ་ཁྱོད་དེ་བཞིན་གཤེགས་པ་ཐམས་ཅད་ཀྱིས་ཆོས་ཐམས་ཅད་
ཀྱི་བདག་པོར་དབང་བསྐུར་བ་ཡིན་ན། ཁྱོད་ཀྱིས་ཀྱང་གཟུངས་སྔགས་ཆེན་པོའི་དཀྱིལ་འཁོར་བསྟན་པའི་ཕྱིར་གཟུངས་སྔགས་ཆེན་པོའི་དཀྱིལ་འཁོར་ཤོད་ཅིག །དེ་སྐད་ཅེས་སྨྲས་པ་དང་། བྱང་ཆུབ་སེམས་དཔའ་སེམས་ཆེན་པོ་

94-1-149a

ལག་ན་རྡོ་རྗེས་འཇམ་དཔལ་གཞོན་ནུར་གྱུར་པ་ལ་འདི་སྐད་ཅེས་སྨྲས་སོ། །འཇམ་དཔལ་ལས་དོན་ཡོད་པར་གྲུབ་པར་བྱ་བའི་ཕྱིར་དེ་བཞིན་གཤེགས་པ་ཐམས་ཅད་ཀྱིས་ཡེ་ཤེས་གང་དག་གཟུངས་སྔགས་ཀྱི་ཚུལ་དུ་
གནས་ཤིང་། དེ་བཞིན་གཤེགས་པ་ཐམས་ཅད་ཀྱིས་བྱིན་གྱིས་བརླབས་པ་དག་ཉོན་ཅིག་དེ་དག་གང་ཞེ་ན། ན་མཿསརྦ་ཏ་ཐཱ་ག་ཏེ་བྷྱཿ སརྦ་མུ་ཁེ་བྷྱཿ སརྦ་ཐཱ། ཨ་མ་རི། ཨ་མ་རི། ཊ་ཏ། བཉྫ་ཛྷ་ཛྷ། མི་ཙི་མི་ཙི། སྤོ་ཊ་སྤོ་ཊ། མ་ཏ་མ་ཏ། 
དུ་ར་དནྟ་ད་མ་ཀ་སྭཱ་ཧཱ། ན་མཿསརྦ་ཏ་ཐཱ་ག་ཏེ་བྷྱཿ སརྦ་མུ་ཁེ་བྷྱཿ སརྦ་ཐཱ་ཧེ་ཧེ་ཀ་ནི་ཊི་ཀ་ནི་ཏི། སརྦ་ཏ་ཐཱ་ག་ཏ་བ་ན་ཀེ་བོ་དནྡི་དེ། ཏྲ་ཊ་ཊ་ཏྲ་ཊ་ཊ། ཧཱུྃ་ཕཊ་ཧཱུྃ་ཕཊ། གརྫ་གརྫ། བ་ར་མ་ཏི། བི་ཧཱུྂ་རི་ཀ་སྭཱ་ཧཱ། ན་མཿསརྦ་ཏ་ཐཱ་ག་ཏེ་
བྷྱཿ སརྦ་མུ་ཁེ་བྷྱཿ སརྦ་ཐཱ་བྷ་ག་བ་ཏེ། པྲཛྙཱ་པ་ར་མི་ཏཱ་ཨཱ། སརྦ་པཱ་པཀྵ་ཡྃ་ཀ་རི། ཛྙཱ་ན་ཨ་པ་ས་སྤ་ར་ཎི། བྷཉྫ་བྷཉྫ། མ་ཐ་མ་ཐ། ད་མ་ད་མ། ཨཱ་ན་ཡ། ཨཱ་ན་ཡ། ས་ར་ས་ར། མཱ་ར་ཡ་མཱ་ར་ཡ། སརྦ་བྷཱུ་ཏེ་ཛ་ན་ཏྲི་ཡེ་སྭཱ་ཧཱ། ན་མཿ
སརྦ་ཏ་ཐཱ་ག་ཏེ་བྷྱཿ སརྦ་མུ་ཁེ་བྷྱཿ སརྦ་ཐཱ། གརྫ་གརྫ། མ་ཐ་མ་ཐ། ཧཱ་མ་ཧཱ་མ། བྷཉྫ་བྷཉྫ། དུནྡུ་བྷི་སྭ་ར་ནི་ར་གྷོ་ཥེ། ཧ་ན་ཧ་ན། བི་དྷཱ་ན་ས་ཡ་བི་དྷྭན་ས་ཡ། མོ་ཊ་ཡ་མོ་ཊ་ཡ། ད་ཧ་ད་ཧ། བི་པུ་ལ་ནིརྨཱ་ལ་ནི་ར་ཛཱ་ཏེ། ཨཱ་ཧ་ར་ཨཱ་ཧ་ར་ཨཱ་
གཙྪ་ཨཱ་གཙྪ། སརྦ་བུད་དྷ་ས་རུ་པ་པི་ཏེ་མཱ་བི་བྃ་བ་སྭཱ་ཧཱ། འཇམ་དཔལ་གཟུངས་སྔགས་ཆེན་པོ་འདི་ནི་དེ་བཞིན་གཤེགས་པ་ཐམས་ཅད་ཀྱི་དབྱིངས་ཕྱུག་མ་ཞེས་བྱ་བ། དེ་བཞིན་གཤེགས་པ་ཐམས་ཅད་སྐྱེད་མ། བྱང་ཆུབ་ཀྱི་སྙིང་པོ་
སྟོན་པར་བྱེད་མ། དེ་བཞིན་གཤེགས་པ་ཐམས་ཅད་ཀྱི་གསུང་མ་ནོར་བའོ། །དེ་ནས་འཇམ་དཔལ་གཞོན་ནུར་གྱུར་པས་མིག་མི་འཛུམས་པར་བྱང་ཆུབ་སེམས་དཔའ་ལག་ན་རྡོ་རྗེ་ལ་བལྟས་ཏེ་འདི་སྐད་ཅེས་སྨྲས་སོ། །རིགས་ཀྱི་
བུ་ཁྱོད་ཀྱང་དེ་བཞིན་གཤེགས་པ་ཉིད་དུ་བལྟ་བར་བྱའོ། །དེ་ཅིའི་ཕྱིར་ཞེ་ན། ཁྱོད་ནི་དེ་བཞིན་གཤེགས་པ་ཐམས་ཅད་ཀྱི་ཡེ་ཤེས་ཆེན་པོ་སྔོན་མ་མཐོང་བ་རྣམས་དང་དམ་ཚིག་ལ་སོགས་པ་སངས་རྒྱས་ཀྱི་མཛད་པ་གཅིག་ནས་

94-1-149b

གཅིག་ཏུ་རྒྱུན་མི་འཆད་པར་བྱ་བའི་ཕྱིར། ཡེ་ཤེས་ཆེན་པོར་དབང་བསྐུར་བ་དང་ལྡན་པའི་གཟུངས་སྔགས་འདི་ཡིད་ལ་བྱེད་པའི་ཕྱིར་རོ། །དེ་ནས་དེའི་མོད་ལ་འཇམ་དཔལ་གཞོན་ནུར་གྱུར་པས་དབང་ཆེན་པོ་བསྐུར་བའི་གཟུངས་སྔགས་
ལ་སོགས་པ་ཡེ་ཤེས་བྱེ་བ་ཕྲག་དགུ་བཅུ་རྩ་དགུ་ལས་ངེས་པར་བྱུང་བའི་ཡེ་ཤེས་ཆེན་པོའི་རྡོ་རྗེ་རྟོགས་པར་གྱུར་ཏོ། །ཡེ་ཤེས་ཆེན་པོའི་རྡོ་རྗེ་རྟོགས་མ་ཐག་ཏུ་དེ་བཞིན་གཤེགས་པ་ཐམས་ཅད་ཀྱི་འཁོར་གྱི་དཀྱིལ་འཁོར་དུ་མཆོད་པའི་
སྤྲིན་ཆེན་པོ་དག་བྱུང་བར་གྱུར་ཏོ། །ཀྱེ་མའོ་ཡེ་ཤེས་ཆེན་པོར་དབང་བསྐུར་བས། །འཇམ་དཔལ་འདི་ལ་དབང་བསྐུར་ཏོ་ཞེས་སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་ཐམས་ཅད་དུ་སྒྲ་འུར་ཅེས་གྲགས་སོ། །དེའི་མཐུས་འཇམ་
དཔལ་གཞོན་ནུར་གྱུར་པས་དེ་བཞིན་གཤེགས་པའི་གཟུགས་སངས་རྒྱས་ཀྱི་ཞིང་བཅུའི་རྡུལ་ཕྲ་རབ་ཀྱི་རྡུལ་སྙེད་དག་ཨུཏ་པ་ལ་ཆེན་པོའི་ནང་དུ་ཞུགས་པར་མཐོང་ངོ་། །དེ་བཞིན་གཤེགས་པའི་གཟུགས་རྣམས་ཞུགས་མ་
ཐག་ཏུ། དེ་ནས་ཆོས་ཀྱི་སྐུ་རྟོགས་པའི་མཐུས་དེའི་མོད་ལ་འཇམ་དཔལ་གཞོན་ནུར་གྱུར་པའི་སྤུའི་ཁུང་བུའི་མཚན་རྣམས་དང་ཅོད་པན་དང་རྒྱན་དང་ཡན་ལག་དང་ཉིང་ལག་ཐམས་ཅད་ནས་དེ་བཞིན་གཤེགས་པའི་གཟུགས་
རྣམས་བྱུང་ཞིང་ཞུགས་ཏེ། བྱང་ཆུབ་སེམས་དཔའ་སེམས་དཔའ་ཆེན་པོ་ས་བཅུ་ལ་གནས་པ། སེམས་ཀྱི་དབང་ཐམས་ཅད་ཐོབ་པ་དེ་དག་གིས་ཀྱང་སྤུའི་ཁུང་བུ་གཅིག་གི་ཚད་ཀྱང་རྟོགས་པར་མ་ནུས་ན་ཉན་ཐོས་དང་རང་སངས་
རྒྱས་རྣམས་དང་གཞན་འཇིག་རྟེན་པ་རྣམས་ཀྱིས་ལྟ་ཅི་སྨོས། དེ་ནས་འཇམ་དཔལ་གཞོན་ནུར་གྱུར་པས་ཡིད་ལ་བྱེད་པ་དེ་བཏང་སྟེ། ཡང་བྱང་ཆུབ་སེམས་དཔའ་ལག་ན་རྡོ་རྗེ་ལ་མིག་མི་འཛུམས་པར་རིང་དུ་བལྟས་
ནས། ཞིང་རྣམས་འདི་དག་ཡོངས་སུ་སྦྱང་བར་བྱ། །རྒྱལ་སྲས་ཀུན་གྱི་སྨོན་ལམ་མཐུ་རྫོགས་བྱ། །སེམས་ཅན་ཕན་དང་སྙིང་བརྩེ་ནད་མེད་ཅིང་། །ཞི་བ་བདུད་རྩི་རྙེད་དཀའ་ཡེ་ཤེས་བསྟན། །ཡེ་ཤེས་

94-1-150a

དམ་པ་གཅེས་པ་འདི་ཐོབ་ནས། །སངས་རྒྱས་ཞིང་ནས་སེམས་ཅན་ཁྲག་ཁྲིག་ཕྲག །གྲངས་མེད་ཁྱོད་ཀྱིས་བརྗོད་པ་དགྲོལ་བར་བྱ། །ཁྱོད་ཀྱིས་ཏིང་འཛིན་བསྟན་པ་མཆོག་ཏུ་བྱ། །ཞེས་ཆེད་དུ་བརྗོད་པ་འདི་
ཆེད་དུ་བརྗོད་དོ། །དེ་ནས་བྱང་ཆུབ་སེམས་དཔའ་ལག་ན་རྡོ་རྗེས། འཇམ་དཔལ་གཞོན་ནུར་གྱུར་པ་ལ་འདི་སྐད་ཅེས་སྨྲས་སོ། །འཇམ་དཔལ་ལེགས་སོ་ལེགས་སོ། །འཇམ་དཔལ་ཁྱོད་ཀྱིས་ཚིག་འདི་སྨྲས་པ་ནི་ཤིན་ཏུ་གཙིགས་ཏེ་ཁྱོད་ཡང་
ལེགས་སོ། །འཇམ་དཔལ་ཁྱོད་འདི་ལྟ་བུའི་གཟུངས་སྔགས་ཆེན་པོའི་གསང་སྔགས་ཀྱི་གཞི་རྣམས་ཡིད་ལ་བྱེད་པ་ནི་ཤིན་ཏུ་དཀའ་བ་བྱེད་པའོ། །འཇམ་དཔལ་ཡང་བྱང་ཆུབ་སེམས་དཔའ་ཆེན་པོ་གང་དག་ཡེ་ཤེས་ཆེན་པོ་འདི་ལྟ་བུ་དག་
ཡིད་ལ་བྱེད་པ་དང་འཛིན་པ་དང་བསྒྲུབ་པ་དང་གླེགས་བམ་དུ་བྱས་ནས་ཉིན་གཅིག་བཞིན་དུ་ཕྱག་འཚལ་བ་དེ་དག་ནི་ཤིན་ཏུ་དཀའ་བ་བྱེད་པ་སྟེ། དེ་དག་ནི་ངེས་པར་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་འགྱུར་རོ། །དེ་དག་
འཆི་བའི་དུས་ཀྱི་ཚེ་ཉེ་བར་གནས་པ་ན་ཡང་དེ་བཞིན་གཤེགས་པ་སངས་རྒྱས་ཀྱི་ཞིང་བཅུའི་རྡུལ་ཕྲ་རབ་ཀྱི་རྡུལ་སྙེད་དག་མཐོང་བ་སྦྱིན་པར་འགྱུར་ཏེ། རྟག་ཏུ་དེ་བཞིན་གཤེགས་པ་རྣམས་ཀྱིས་བྱིན་གྱིས་བརླབས་པར་འགྱུར་
རོ། །དེ་ནས་འཇམ་དཔལ་གཞོན་ནུར་གྱུར་པས་བྱང་ཆུབ་སེམས་དཔའ་ལག་ན་རྡོ་རྗེ་ལ་འདི་སྐད་ཅེས་སྨྲས་སོ། །གང་གི་ཚེ་འདི་ཉིད་ལ་བྱང་ཆུབ་སེམས་དཔའ་རྣམས་ཀྱི་ཆོས་ཀྱི་ཚུལ་འདི་རྟོགས་ནས། ཐམས་ཅད་མཁྱེན་པ་ཉིད་
ཀྱི་གོ་འཕང་ཐོབ་པར་བྱ་བའི་ཕྱིར་མངོན་པར་བརྩོན་པར་བྱེད་པ་དག་གོ་འཕང་དེ་ཐོབ་པར་གྱུར་པ་ཡེ་ཤེས་ཆེན་པོར་དབང་བསྐུར་བའི་གཟུངས་སྔགས་ཀྱི་དཀྱིལ་འཁོར་ཆོས་ཀྱི་འཁོར་ལོ་བསྐོར་བ་སྔོན་མ་བྱུང་བ་དེ་སེམས་ཅན་
ཆེན་པོ་ཤོད་ཅིག །དེ་སྐད་ཅེས་སྨྲས་པ་དང་། བྱང་ཆུབ་སེམས་དཔའ་ལག་ན་རྡོ་རྗེས། འཇམ་དཔལ་གཞོན་ནུར་གྱུར་པ་ལ་འདི་སྐད་ཅེས་སྨྲས་སོ། །འཇམ་དཔལ་གང་དུ་ཞུགས་པ་ཙམ་གྱིས་མཚམས་མེད་པ་ལྔ་བདག་

94-1-150b

ཡོངས་སུ་བྱང་བར་འགྱུར་བ་དང་དོན་ཐམས་ཅད་ཀྱང་འབྱོར་པར་འགྱུར་བ་དང་། དཔལ་ཐམས་ཅད་སྐྱེད་པར་འགྱུར་བ་དང་སྡིག་པ་ཐམས་ཅད་ལས་རབ་ཏུ་གྲོལ་བར་འགྱུར་བ་ཡེ་ཤེས་ཆེན་པོས་དབང་བསྐུར་བའི་གཟུངས་
སྔགས་ཀྱི་དཀྱིལ་འཁོར་གྱི་རྣམ་པར་དགོད་པ་དེ་ཉོན་ཅིག །འཇམ་དཔལ་དཀྱིལ་འཁོར་བརྗོད་པར་བྱའོ། །འཇམ་དཔལ་དེ་ལ་ལུས་ཅན་ཐམས་ཅད་ལ་གསང་ཆེན་དང་བཅས་པ་སློབ་དཔོན་རྣམས་ཀྱི་གསང་ཆེན་མཆོག །
གསང་བ་བས་ཀྱང་ཆེས་གསང་བ་དེ་བཞིན་གཤེགས་པ་ཐམས་ཅད་གཟུངས་སྔགས་འདི་དག་གི་མིང་དུ་གྱུར་པའི་དཀྱིལ་འཁོར་བརྗོད་པར་བྱའོ། །འཇམ་དཔལ་དེ་ལ་དཀྱིལ་འཁོར་གྱི་ཚད་ལ། ཚད་ནི་ཁྲུ་བརྒྱ་ཐམ་པ་སྟེ། །
སློབ་དཔོན་ཉིད་ཀྱི་ཁྲུ་ཡིས་བྱ། །ཡེ་ཤེས་འབྱུང་བའི་དཀྱིལ་འཁོར་དེར། །ཆ་ནི་རྣམ་པ་གསུམ་དུ་བྱ། །བློ་དང་ལྡན་པས་ཆ་གསུམ་དུ། །དེར་ནི་སྒོ་ཁྱུད་རྣམས་བྱས་ཏེ། །དེར་ནི་སྒོ་ཡང་བཞི་གདོད་དོ། །གྲུ་བཞི་ལྷམ་པ་ཁ་
ཁྱེར་བཅས། །སྔོན་གྱི་བཞིན་དུ་ཆ་གསུམ་ལ། །ཆ་ནི་རྣམ་པ་བརྒྱད་བརྒྱད་བྱ། །མཁས་པས་ཆ་བརྒྱད་བྱས་ནས་སུ། །དབུས་ཀྱི་ཆར་ནི་འཇུག་པར་བྱ། །ཆོས་རྣམས་ཐམས་ཅད་མ་སྐྱེས་པར། །ཐང་ཅིག་ཐང་ཅིག་བསམ་
བྱས་ལ། །ཕུན་སུམ་ཚོགས་པ་ཀུན་བྱེད་པ། །དཀྱིལ་འཁོར་རྒྱལ་པོ་བྲི་བར་བྱ། །སྔགས་པས་དེ་ཡི་དབུས་སུ་ནི། །པད་མ་མཆོག་ཏུ་མཛེས་པ་བྲི། །ཀུན་ཀྱང་མ་རྒད་འདྲ་བ་སྟེ། །འདབ་མ་བརྒྱད་པ་བརྗོད་པ་ཡིན། །དེ་ཡི་
སྟེང་དུ་བུམ་པ་སྟེ། །བུམ་པའི་སྟེང་དུ་ཨུཏ་པ་ལ། །ཨུཏ་པལ་སྟེང་དུ་དུང་བྲི་སྟེ། །མེ་ལྕེ་ཕྲེང་བས་འཁྲིགས་པས་མཛེས། །ཤེས་རབ་ཕ་རོལ་ཕྱིན་དེ་ནི། །ཡེ་ཤེས་ཆེན་པོར་དབང་བསྐུར་ལྡན། །ཆ་བརྒྱད་གང་དག་བརྗོད་པ་ཡང་། །དབུས་
ཀྱི་ཆ་ལས་བྱུང་བ་སྟེ། །གཟུངས་ཀྱི་ཚུལ་དུ་བྲི་བ་ཡང་། །ཆོ་ག་རིམ་བཞིན་འཐུན་པར་བྱ། །དེ་ལ་ཤར་ཕྱོགས་སུ་ནི་བཅོམ་ལྡན་འདས་མ་སོ་སོར་འབྲང་བ་ཆེན་མོ་དབང་པོ་ཆེན་པོའི་དཀྱིལ་འཁོར་ན་གནས་པ་ཨུཏྤ་ལའི་ཕྱག་རྒྱར་བྲི་བར་བྱ་

94-1-151a

སྟེ། མཐའ་རྣམས་སུ་ཨུཏྤ་ལ་བཀྲམ་ཞིང་མེ་ལྕེ་འབར་བའི་དཀྱིལ་འཁོར་གྱི་དབུས་སུ་གནས་པར་བྱའོ། །བཅོམ་ལྡན་འདས་མ་སོ་སོར་འབྲང་བ་ཆེན་མོའི་གཟུངས་སྔགས་ནི་འདི་ཡིན་ཏེ། ན་མཿསརྦ་ཏ་ཐཱ་ག་ཏེ་བྷྱཿ སརྦ་མུ་
ཁེ་བྷྱཿ སརྦ་ཐཱ་རཱ་ཨོཾ་བྷ་ག་བ་ཏི། སརྦ་ཏ་ཐཱ་ག་ཏི་ཛ་ནི་གེ། །སུ་ར་ཡ་པྲ་ཏི་ཛྙཱ་ན། ཏ་ཏ་ཊ་ཊ། མརྡ་མརྡ། ཨཱ་ཧ་ར་ཨཱ་ཧ་ར། ཧཱུྃ་ཧཱུྃ་ཛ་ཧི་ཛ་ཧི་སྭཱ་ཧཱ། དབང་ལྡན་གྱི་ཕྱོགས་སུ་བཅོམ་ལྡན་འདས་མ་རྡོ་རྗེ་མི་ཕམ་མ་ཞེས་བྱ་བའི་གཟུངས་བྲི་བར་བྱ་སྟེ། 
ཆུའི་དཀྱིལ་འཁོར་དབུས་སུ་ནི། །པད་མ་ཤིན་ཏུ་མཛེས་པ་བྲི། །དེ་ཡི་སྟེང་དུ་འཁོར་ལོ་སྟེ། །མེ་ལྕེ་ཕྲེང་བས་འཁྲིགས་པ་མཛེས། །དེ་ལ་གཟུངས་སྔགས་ནི་འདི་ཡིན་ཏེ། ན་མཿསརྦ་ཏ་ཐཱ་ག་ཏེ་བྷྱཿ སརྦ་མུ་ཁེ་བྷྱཿ སརྦ་ཐཱ་ཧཱུྃ་ཧྲཱིཿ སརྦ་
པདྨ། ཏ་ཧྲཱིཿ བྷཉྫ་བྷཉྫ། མ་ཐ་མ་ཐ། ད་མ་མ་ནི་ད་མ་མ་ནི། གརྒྒ་རི་གརྒྒ་རི་ཧྲཱིཿསྭཱ་ཧཱ། མེའི་ཕྱོགས་སུ་བརྟེན་ནས། བཅོམ་ལྡན་འདས་མ་སྡིག་པ་ཐམས་ཅད་སྤོང་བ་ཞེས་བྱ་བའི་གཟུངས་བྲི་བར་བྱ་སྟེ། ཆུ་དང་དབང་ཆེན་ལྡན་པ་ཡི། །
ཕྱག་རྒྱ་གཟུགས་རྣམས་བྲི་བར་བྱ། །པད་མའི་སྟེང་དུ་རྡོ་རྗེ་སྟེ། །མེ་ལྕེ་ནང་དུ་ཤིན་ཏུ་མཛེས། །དེ་ལ་གཟུངས་སྔགས་འདི་ཡིན་ཏེ། །ན་མཿསརྦ་ཏ་ཐཱ་ག་ཏེ་བྷྱཿ སརྦ་མུ་ཁེ་བྷྱཿ སརྦ་ཐཱ་ཏྲ་ཊ་ཏྲ་ཊ། མུ་ཧཱུ་མུ་ཧཱུ། སརྦ་པཱ་པྃ་ཤོ་དྷ་ནེ་སྭཱ་ཧཱ། ལྷོ་ཕྱོགས་
སུ་ནི་གདུལ་དཀའ་བ་ཞེས་བྱ་བའི་གཟུངས་བྲི་བར་བྱ་སྟེ། མེ་དང་རླུང་དང་ལྡན་པ་ཡི། །ཨུཏྤ་ལ་ནི་དེར་བྲིའོ། །དེ་ཡི་སྟེང་དུ་རིན་པོ་ཆེ། །བསམ་པ་ཐམས་ཅད་ཡོངས་སྐོང་སྟེ། །མེ་ལྕེ་ཕྲེང་བ་འཁྲིགས་ཞི་བ། །པད་མ་རྣམས་
ཀྱིས་ཡོངས་སུ་བསྐོར། །དེ་ལ་གཟུངས་སྔགས་ནི་འདི་ཡིན་ཏེ། ན་མཿསརྦ་ཏ་ཐཱ་ག་ཏེ་བྷྱཿ སརྦ་མུ་ཁེ་བྷྱཿསརྦ་ཐཱ་དྷ་ཀ་དྷ་ཀ །མོ་ཊ་མོ་ཊ། ད་ཧ་ད་ཧ། སརྦ་ཏ་ཐཱ་ག་ཏ་ཛྙཱ་ན་ནི་ཪྫཱ་ཏེ་སྭཱ་ཧཱ། བདེན་བྲལ་ཕྱོགས་སུ་ནི་བདུད་
ཐམས་ཅད་རྣམ་པར་འཇོམས་པ་ཞེས་བྱ་བའི་གཟུངས་བྲི་བར་བྱ་སྟེ། དེ་ཡི་མེ་ཡི་དཀྱིལ་འཁོར་ཏེ། །པད་མའི་དབུས་སུ་གནས་པ་ཡིན། །དེ་ཡི་སྟེང་དུ་བསྔགས་པ་ཡིས། །ལྕགས་ཀྱུ་ཤིན་ཏུ་མཛེས་པ་བྲི། །ཕན་ཚུན་

94-1-151b

འབྲེལ་པའི་རྡོ་རྗེ་དག །བློ་དང་ལྡན་པས་དེར་དགོད་དོ། །དེ་ལ་གཟུངས་སྔགས་འདི་ཡིན་ཏེ། ན་མཿསརྦ་ཏ་ཐཱ་ག་ཏེ་བྷྱཿ སརྦ་མུ་ཁེ་བྷྱཿ སརྦ་ཐཱ་ཧ་ཧ། མི་ཧུ་མི་ཧུ། ད་མ་ད་མ། ཁཱ་ཧི་ཁཱ་ཧི། དྷུ་ན་དྷུ་ན། མི་ཙི་མི་ཙི། དུར་
དཱནྟ་ད་མ་ནི་སྭཱ་ཧཱ། བྱང་ཕྱོགས་སུ་ནི་བཅོམ་ལྡན་འདས་མ་སྒོ་མཐའ་ཡས་པ་བསྒྲུབ་པ་ཞེས་བྱ་བའི་གཟུངས་བྲི་བར་བྱ་སྟེ། དེ་ཡི་དཀྱིལ་འཁོར་བྲི་བ་ནི། །ཟླ་བའི་དཀྱིལ་འཁོར་འདྲ་བ་ཡིན། །དེ་ཡི་སྟེང་དུ་པད་མ་སྟེ། །
འོད་ནི་དུས་མཐའི་མེ་ལྟ་བུ། །དེ་ཡི་སྟེང་དུ་རལ་གྲི་སྟེ། །འོད་ཟེར་རྣམས་ཀྱིས་རབ་ཏུ་བསྐོར། །མེ་ལྕེ་ཕྲེང་བ་འཁྲིགས་ལྡན་པའི། །ཨུཏྤལ་རྣམས་ཀྱིས་ཀུན་ཁྱབ་བྱ། །དེ་ལ་གཟུངས་སྔགས་འདི་ཡིན་ཏེ། །ན་མཿསརྦ་
ཏ་ཐཱ་ག་ཏེ་བྷྱཿ སརྦ་མུ་ཁེ་བྷྱཿ སརྦ་ཐཱ་མི་ཙི་མི་ཙི། གརྫ་གརྫ། སྥོ་ཊ་ཡ་སྥོ་ཊ་ཡ། མ་ཐ་མ་ཐ། ད་མ་ད་མ། སྭཱ་ཧཱ། རླུང་གི་ཕྱོགས་སུ་ནི་དཀོན་མཆོག་འབྱུང་གནས་ཞེས་བྱ་བའི་གཟུངས་བྲི་བར་བྱ་སྟེ། དེ་ཡི་རླུང་གི་དཀྱིལ་
འཁོར་ཏེ། །ཆ་གསུམ་ལ་ནི་གཙུག་ཏོར་གནས། །ལྕགས་ཀྱུས་ཐམས་ཅད་དགབ་པར་བྱ། །མེ་ལྕེ་འབར་བའི་ཕྲེང་བར་ལྡན། །ནུབ་ཕྱོགས་སུ་ནི་བཅོམ་ལྡན་འདས་མ་སྐུལ་བྱེད་མ་བྲི་བར་བྱ་སྟེ། དེ་ཡི་དབང་ལྡན་
དཀྱིལ་འཁོར་ཏེ། །དེ་ལ་རྡོ་རྗེ་ལེགས་པར་གནས། །དེ་ཡི་སྟེང་དུ་པད་མ་ཆེ། །དེ་ཡི་སྟེང་དུ་བགྲང་ནོར་ཕྲེང་། །དེ་དག་མེ་ལྕེ་ཕྲེང་གིས་དཀྲིས། །སྟེང་དུ་པད་མ་རྣམས་ཀྱིས་གདབ། །དེ་ནས་ཆ་གསུམ་པ་ལ་ནི། །བྱང་ཆུབ་
སེམས་དཔའ་རྫུ་འཕྲུལ་ཆེ། །སྔགས་པས་ཅི་རིགས་བྲི་བར་བྱ། །བརྒྱད་རྣམས་སུ་ཡང་སྔ་མ་བཞིན། །དེ་ལ་ཤར་དུ་རྣལ་འབྱོར་པས། །འཇིག་རྟེན་དབང་པོའི་འོད་ཆེན་བྲི། །པད་མ་ཤིན་ཏུ་མཛེས་པ་ནི། །དེ་ཡི་ཕྱག་རྒྱ་
བརྗོད་པ་ཡིན། །མེའི་ཕྱོགས་སུ་ནི་བྱང་ཆུབ་སེམས་དཔའ་སེམས་དཔའ་ཀུན་ཏུ་བཟང་པོའི་ཕྱག་རྒྱ་ཡིད་བཞིན་གྱི་ནོར་བུ་བྲི་བར་བྱའོ། །དབང་བདག་ཕྱོགས་སུ་ནི་འཇམ་དཔལ་གཞོན་ནུར་གྱུར་པའི་ཕྱག་རྒྱ་ཨུཏ་པ་ལ་བྲི་བར་བྱའོ། །

94-1-152a

ལྷོ་ཕྱོགས་སུ་ནི་ལག་ན་རྡོ་རྗེའི་ཕྱག་རྒྱ་རྡོ་རྗེ་བྲི་བར་བྱའོ། །བྱང་ཕྱོགས་སུ་ནི་བྱམས་པའི་ཕྱག་རྒྱ་རིལ་བ་སྤྱི་བླུགས་བྲི་བར་བྱའོ། །རླུང་གི་ཕྱོགས་སུ་ནི་སྒྲིབ་པ་ཐམས་ཅད་རྣམ་པར་སེལ་བའི་ཕྱག་རྒྱ་པད་མ་བྲི་བར་
བྱའོ། །བདེན་བྲལ་གྱི་ཕྱོགས་སུ་ནི་ནམ་མཁའི་སྙིང་པོའི་ཕྱག་རྒྱ་རལ་གྲི་བྲི་བར་བྱའོ། །ནུབ་ཕྱོགས་སུ་ནི་སའི་སྙིང་པོའི་ཕྱག་རྒྱ་པད་མ་བྲི་བར་བྱའོ། །དེ་ནས་འཇམ་དཔལ་གཞོན་ནུར་གྱུར་པས་བྱང་ཆུབ་སེམས་དཔའ་ལག་
ན་རྡོ་རྗེ་ལ་འདི་སྐད་ཅེས་སྨྲས་སོ། །ལག་ན་རྡོ་རྗེ་ལེགས་སོ་ལེགས་སོ། །ལག་ན་རྡོ་རྗེ་ཁྱོད་ཀྱིས་སེམས་ཅན་ཐམས་ཅད་ལ་ཕན་པ་དང་བདེ་བའི་ཕྱིར་ཡེ་ཤེས་ཆེན་པོས་དབང་བསྐུར་བའི་གཟུངས་སྔགས་ཆེན་པོའི་དཀྱིལ་
འཁོར་བརྗོད་པ་ཁྱོད་ཡང་ལེགས་སོ། །དེ་སྐད་ཅེས་སྨྲས་པ་དང་། ལག་ན་རྡོ་རྗེས་འཇམ་དཔལ་གཞོན་ནུར་གྱུར་པ་ལ་འདི་སྐད་ཅེས་སྨྲས་སོ། །འཇམ་དཔལ་ཡེ་ཤེས་ཆེན་པོར་དབང་སྐུར་བའི་དཀྱིལ་འཁོར་ཆེན་པོ་འདི་སུའི་
ལག་ན་གནས་པ་དེ་ཉོན་མོངས་པ་དང་བྲལ་བར་འགྱུར་རོ། །འཇིགས་པ་དང་དགྲ་དང་བྲལ་བར་འགྱུར་རོ། །གལ་ཏེ་ཆོམ་རྐུན་གྱི་ནང་ན་འདུག་གམ། སྲིན་པོའི་ནང་ན་འདུག་གམ། དགྲའི་ནང་ན་འདུག་གམ། འཐབ་པའི་ནང་
ན་འདུག་ཀྱང་རུང་སྟེ། དེའི་ལུས་ལ་མཚོན་གྱིས་མི་ཚུགས་པར་འགྱུར་རོ། །ཆོམ་རྐུན་གྱིས་འཇོམས་པར་མི་འགྱུར། སྲིན་པོ་ལ་སོགས་པས་གཙེ་བར་མི་འགྱུར་རོ། །དེ་ལ་དུས་མ་ཡིན་པར་འཆི་བའི་འཇིགས་པ་མི་འབྱུང་། 
རྟག་ཏུ་དཔལ་དང་ལྡན་པར་འགྱུར། སྡིག་པ་ཐམས་ཅད་ཡོངས་སུ་བྱང་བར་འགྱུར། སངས་རྒྱས་བྱེ་བ་ཁྲག་ཁྲིག་བརྒྱ་སྟོང་ལ་དགེ་བའི་རྩ་བ་བསགས་པ་ཡང་དེ་ལ་ཉིན་གཅིག་བཞིན་མངོན་དུ་འགྱུར། འཆི་བའི་ཚེ་ན་
ཡང་སངས་རྒྱས་དང་བྱང་ཆུབ་སེམས་དཔའ་རྣམས་ཀྱིས་ཡོངས་སུ་གཟིགས་པར་འགྱུར། ཤི་ནས་ཀྱང་བདེ་བ་ཅན་དུ་སྐྱེ་བར་འགྱུར་ན། གང་དུ་འཛིན་པ་དང་ཀློག་པ་དང་ཡིད་ལ་བྱེད་པ་དང་མིང་ཙམ་ཡང་འཛིན་པ་ལྟ་ཅི་སྨོས་ཏེ་

94-1-152b

དེའི་སྒྲིབ་པ་ཐམས་ཅད་འབྱང་བར་འགྱུར་རོ། །དེས་ངན་སོང་གི་སྒོ་རྣམས་གཅད་པར་འགྱུར། དེས་ངན་སོང་དང་ངན་འགྲོ་རྣམས་རྒྱང་རིང་དུ་འགྱུར་རོ། །གང་ཞིག་ནང་པར་ལངས་ནས་སུ། །ལན་ཅིག་ཀློག་པར་བྱེད་པའི་མི། །སྲིད་པའི་
ཉམ་ངར་བྱས་པ་ཡི། །སྡིག་ལས་གྲོལ་བར་དེ་འགྱུར་རོ།། །།འཕགས་པ་ལག་ན་རྡོ་རྗེ་དབང་བསྐུར་བ་བམ་པོ་བཅུ་གཉིས་པ་སྟེ་ཐ་མ། དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་འཇམ་དཔལ་གཞོན་ནུར་གྱུར་པས་
བྱང་ཆུབ་སེམས་དཔའ་ལག་ན་རྡོ་རྗེ་ལ་འདི་སྐད་ཅེས་སྨྲས་སོ། །གསང་བ་པའི་བདག་པོ་སུ་དཀྱིལ་འཁོར་གྱི་རྒྱལ་པོ་འདི་བྲིས་ནས་དེར་ཞུགས་པར་གྱུར་ན་དེའི་བསོད་ནམས་ཀྱི་ཕུང་པོ་ཇི་ཙམ་དུ་འགྱུར། ལག་ན་རྡོ་རྗེས་སྨྲས་པ། འཇམ་དཔལ་
ཁོ་བོས་ནི་དེའི་བསོད་ནམས་ཀྱི་ཕུང་པོའི་ཚད་བསྟན་པར་མི་ནུས་མོད་ཀྱི། འོན་ཀྱང་འཇམ་དཔལ་རིགས་ཀྱི་བུ་འམ་རིགས་ཀྱི་བུ་མོ་དེའི་བསོད་ནམས་ཀྱི་ཕུང་པོ་ནི་སའི་རྡུལ་པ་དེ་དུ་རིག་པར་བྱའོ། །འཇམ་དཔལ་མ་འོངས་པའི་དུས་ན་སེམས་
ཅན་སྡིག་ཅན་གང་ཚུལ་འདི་ལ་ཡིད་མི་ཆེས་པ་དག་ཡོད་དེ། འཇམ་དཔལ་ཐེ་ཚོམ་མང་བ་དང་རྣམ་པར་རྟོག་པ་སྣ་ཚོགས་ཀྱི་རང་བཞིན་ཅན་དང་མི་དགེ་བའི་བཤེས་གཉེན་གྱིས་ཡོངས་སུ་ཟིན་པ་དང་ཕ་ལ་མ་གུས་པ་དང་མ་ལ་
མ་གུས་པ་དང་སློབ་དཔོན་དང་བླ་མ་ལ་སྨོད་པ་དང་བླ་མའི་སྐྱོན་འབྲུ་བའི་སེམས་ཅན་དེ་དག་ལ་ནི་ཡེ་ཤེས་ཆེན་པོར་དབང་བསྐུར་བའི་གཟུངས་སྔགས་ཀྱི་དཀྱིལ་འཁོར་འདི་ལག་ཏུ་འཆང་དུ་མི་བཞུག་གོ། རྣ་ལམ་དུ་ཡང་གྲག་
པར་མི་བྱའོ། །འཇམ་དཔལ་དེ་དག་གི་མདུན་དུ་ནི་གཏམ་ཡང་མི་བྱའོ། །གླེགས་བམ་དུ་བྲིས་པ་ཡང་དེ་དག་གི་མདུན་དུ་དབྱེ་བར་མི་བྱ་སྟེ། སེམས་ཅན་སྡིག་ཅན་དེ་དག་གིས་སྤོང་བ་ཅུང་ཟད་བྱས་པས་ཀྱང་ངན་སོང་སེམས་ཅན་
དམྱལ་བར་འགྲོ་བར་མྱུར་དུ་འོང་ངོ་། །འདི་སྐད་དུ་འདི་ནི་སངས་རྒྱས་ཀྱིས་གསུངས་པ་མ་ཡིན་ནོ་ཞེས་ཟེར་ཏེ། དེ་དག་ནི་བདག་ཀྱང་ཕུང་ལ་གཞན་དག་ཀྱང་ཕུང་བར་བྱེད་དོ། །དེ་ལྟར་བྱེད་པའི་སེམས་ཅན་དེ་དག་ལ་ནི་གསང་སྔགས་

94-1-153a

ཀྱི་དངོས་གྲུབ་མེད་དོ་ཞེས་ཁོ་བོ་སྨྲའོ། །སངས་རྒྱས་དང་བྱང་ཆུབ་སེམས་དཔའ་རྣམས་ཀྱང་རྟག་ཏུ་རྒྱབ་ཀྱིས་ཕྱོགས་པར་འགྱུར་ཏེ། དེ་དག་རྒྱབ་ཀྱིས་ཕྱོགས་པར་གྱུར་ནས་ངེས་པར་འབྱིན་པ་དང་གསང་སྔགས་ཀྱི་དངོས་གྲུབ་གཏན་
མེད་དོ། །དེ་སྐད་ཅེས་སྨྲས་པ་དང་། འཇམ་དཔལ་གཞོན་ནུར་གྱུར་པས་བྱང་ཆུབ་སེམས་དཔའ་ལག་ན་རྡོ་རྗེ་ལ་འདི་སྐད་ཅེས་སྨྲས་སོ། །གསང་སྔགས་ཀྱི་ཚུལ་འདི་ལ་དད་པ་གང་ཡིན་པའི་བྱང་ཆུབ་སེམས་དཔའ་སེམས་དཔའ་ཆེན་པོ་
དེ་དག་ནི་ཤིན་ཏུ་དཀའ་བ་བྱེད་པ་ཡིན་ནོ། །འཇམ་དཔལ་ཇི་སྐད་སྨྲས་པ་བཞིན་ཏེ། དེ་དག་ནི་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་ངེས་པ་ཡིན་ཏེ། དེ་དག་ལ་ནི་དེ་བཞིན་གཤེགས་པ་རྣམས་བྱིན་གྱིས་རློབ་པར་འགྱུར་རོ། །དེ་ནས་
འཇམ་དཔལ་གཞོན་ནུར་གྱུར་པས་བྱང་ཆུབ་སེམས་དཔའ་ལག་ན་རྡོ་རྗེ་ལ་འདི་སྐད་ཅེས་སྨྲས་སོ། །བྱང་ཆུབ་སེམས་དཔའ་ཆེན་པོ་གང་ཡེ་ཤེས་ཆེན་པོར་དབང་བསྐུར་བའི་གཟུངས་སྔགས་ཆེན་པོ་འདི་ཡི་གེར་འདྲི་བ་དང་ཀློག་པ་པ་དེའི་བསོད་
ནམས་ཀྱི་ཕུང་པོ་ཇི་ཙམ་ཡོད་པར་རིག་པར་བྱ། ལག་ན་རྡོ་རྗེས་སྨྲས་པ། འཇམ་དཔལ་སངས་རྒྱས་ཀྱི་ཞིང་བཅུའི་རྡུལ་ཕྲ་རབ་ཀྱི་རྡུལ་ཇི་སྙེད་པ་དེ་སྙེད་ཀྱི་དེ་བཞིན་གཤེགས་པ་རྣམས་ཀྱི་བསོད་ནམས་ཀྱི་ཕུང་པོ་ཇི་ཙམ་པ་དེའི་
བསོད་ནམས་ཀྱི་ཕུང་པོ་ཡང་དེ་ཙམ་དུ་རིག་པར་བྱའོ། །དེ་ཅིའི་ཕྱིར་ཞེ་ན། དེ་བཞིན་གཤེགས་པ་ཉིད་གཟུངས་སྔགས་འདིའི་རང་བཞིན་དུ་བཞུགས་ཏེ། ཚུལ་འདི་མ་རྟོགས་པ་བླུན་པོ་དེ་དག་གིས་ནི་མི་ཤེས་སོ། །འཇམ་དཔལ་
གཞན་ཡང་བྱང་ཆུབ་སེམས་དཔའ་གཟུངས་ཐོབ་པ་དང་སེམས་ཅན་ཐམས་ཅད་ལ་དབང་ཐོབ་པ་ཇི་སྙེད་པ་རྣམས་རྫུ་འཕྲུལ་དང་ཆོ་འཕྲུལ་སྣ་ཚོགས་བྱེད་པ་དང་དེ་བཞིན་གཤེགས་པ་ཐམས་ཅད་ཀྱི་འཁོར་གྱི་དཀྱིལ་འཁོར་
མཆོད་པའི་སྤྲིན་རྣམ་པ་སྣ་ཚོགས་སྟོན་པ་དེ་དག་ཐམས་ཅད་ཀྱང་གཟུངས་སྔགས་འདི་དག་གི་མཐུ་ཡིན་ནོ། །བྱང་ཆུབ་སེམས་དཔའ་ཆེན་པོ་གང་དག་བདུད་ཕམ་པར་བྱེད་པ་དང་། བྱང་ཆུབ་མངོན་པར་རྫོགས་པར་རྟོགས་པ་དང་། 

94-1-153b

ཆོས་ཀྱི་འཁོར་ལོ་བསྐོར་བ་དེ་དག་ཀྱང་གཟུངས་སྔགས་འདི་དག་གི་མཐུ་ཡིན་ནོ། །འཇམ་དཔལ་སུ་གསང་བའི་ཡེ་ཤེས་ཆེན་པོར་དབང་བསྐུར་བའི་དཀྱིལ་འཁོར་འདིར་དབང་བསྐུར་བ་དེ་ནི་དམ་ཚིག་ཐམས་ཅད་ལ་ཞུགས་པ་ཡིན་ནོ། །དེ་ཅིའི་
ཕྱིར་ཞེ་ན། དེ་བཞིན་གཤེགས་པ་ཉིད་དེ་ལྟ་བུའི་རང་བཞིན་ནམ་གཟུངས་སྔགས་ཀྱི་རང་བཞིན་ནམ་དཀྱིལ་འཁོར་གྱི་རང་བཞིན་དུ་གནས་པའི་ཕྱིར་ཏེ། དེ་བས་ན་གཟུངས་སྔགས་ཀྱི་དཀྱིལ་འཁོར་འདི་མ་གཏོགས་པ་དེ་ལས་གཞན་མེད་དོ། །
དེ་ཅིའི་ཕྱིར་ཞེ་ན། དཀྱིལ་འཁོར་འདི་ནི་དེ་བཞིན་གཤེགས་པའི་རང་བཞིན་ཡིན་པའི་ཕྱིར་རོ། །དེ་བས་ན་སུ་འདིར་དབང་བསྐུར་བ་དེ་ནི་དཀྱིལ་འཁོར་ཐམས་ཅད་ཀྱི་དབང་བསྐུར་བ་ཡིན་ནོ། །འཇམ་དཔལ་ཕྱོགས་གང་དུ་ཡེ་ཤེས་ཆེན་པོར་
དབང་བསྐུར་བའི་གཟུངས་སྔགས་ཀྱི་དཀྱིལ་འཁོར་འདི་བྱེད་པ་འམ་གང་གི་ལག་ན་འཆང་བ་འམ་གང་གི་ཕྱིར་འདྲི་བ་འམ། གང་ཞིག་ཉིན་གཅིག་བཞིན་དུ་ནང་པར་ལངས་ནས་ལན་རེ་ཀློག་པ་དེ་ལ་འཇིགས་པ་རྣམས་མི་འབྱུང་ངོ་། །
དེ་བཞིན་གཤེགས་པ་ཐམས་ཅད་ཀྱང་དེ་ལ་ཉིན་གཅིག་བཞིན་དུ་གཟིགས་པར་འགྱུར་རོ། །འཆི་ཀར་ཡང་དེ་ལ་དེ་བཞིན་གཤེགས་པ་ཐམས་ཅད་སྐུ་སྟོན་པར་མཛད་དོ། །འཇམ་དཔལ་ལྟོས་དང་ས་ལ་གནས་པའི་ཤིང་དང་
ནགས་ཚལ་ཐམས་ཅད་ནི་ས་མེད་ན་དེ་དག་ཀྱང་མེད་དོ། །འཇམ་དཔལ་དེ་བཞིན་དུ་དེ་བཞིན་གཤེགས་པ་ཐམས་ཅད་དང་བྱང་ཆུབ་སེམས་དཔའ་ཆེན་པོ་སེམས་ལ་དབང་ཐོབ་པ་རྣམས་ཀྱང་གཟུངས་སྔགས་འདི་དག་ལ་གནས་
ཏེ། འདི་དག་གིས་བྱིན་གྱིས་བརླབས་པས་ཐམས་ཅད་མཁྱེན་པ་ཉིད་ཀྱི་གོ་འཕང་རྙེད་དོ། །བདུད་ལས་རྣམ་པར་རྒྱལ་བར་བྱེད་དོ། །ཆོས་ཀྱི་འཁོར་ལོ་སྐོར་བར་བྱེད་དོ། །བྱང་ཆུབ་ཏུ་མངོན་པར་རྫོགས་པར་འཚང་རྒྱའོ། །དེ་ནས་སེམས་ཅན་
གྱི་དོན་རྣམ་པ་སྣ་ཚོགས་ཀྱང་བྱེད་དེ། འདི་དག་ཐམས་ཅད་གཟུངས་འདི་དག་གི་མཐུ་ཡིན་ནོ། །འཇམ་དཔལ་དེ་ལྟ་བས་ན་ཁྱོད་ཀྱིས་ཀྱང་ཆོངས་ཤིག །ལྷོགས་ཤིག །ཡིད་ལ་བྱོས་ཤིག །གཞན་དག་ལ་རྒྱ་ཆེར་ཡང་དག་པར་སྟོན་ཅིག་དང་། དེས་

94-1-154a

སེམས་ཅན་ཐམས་ཅད་ལ་ཕན་པ་དང་བདེ་བར་འགྱུར་རོ། །འཇམ་དཔལ་ས་ཕྱོགས་གང་ན་ཡེ་ཤེས་ཆེན་པོར་དབང་བསྐུར་བའི་གཟུངས་ཆེན་པོའི་དཀྱིལ་འཁོར་འདི་བྱེད་པའི་ས་ཕྱོགས་དེ་མཆོད་རྟེན་ལྟ་བུར་འགྱུར་རོ། །གང་
གི་ལག་ན་འཆང་བའི་སྔགས་པ་དེ་ལ་ཡང་སྟོན་པའི་འདུ་ཤེས་བསྐྱེད་པར་བྱའོ། །འཇམ་དཔལ་སྔགས་པ་དེ་ལ་ནི་དེ་བཞིན་གཤེགས་པ་ཐམས་ཅད་རྟག་ཏུ་བྱིན་གྱིས་རློབ་པར་འགྱུར་རོ། །སྔགས་པ་དེས་ཀྱང་གཟུངས་སྔགས་ཆེན་པོའི་དཀྱིལ་
འཁོར་འདི་རིན་པོ་ཆེའི་ཟ་མ་ཏོག་བཞིན་དུ་རྟག་ཏུ་བསྲུང་བར་བགྱིའོ། །དེ་ཅིའི་ཕྱིར་ཞེ་ན། འཇམ་དཔལ་སེམས་ཅན་གང་སངས་རྒྱས་དང་བྱང་ཆུབ་སེམས་དཔའ་རྣམས་ལ་གུས་པ་མེད་པའི་རང་བཞིན་ཅན་དང་སློབ་དཔོན་གྱི་སྐྱོན་འབྲུ་བ་དག་
ཡོད་པའི་ཕྱིར་ཏེ། འཇམ་དཔལ་དེ་དག་ལ་ནི་ཆུང་ངུ་ན་གཏམ་དུ་ཡང་བཟླས་པར་མི་བྱ། གླེགས་བམ་ཡང་བསྟན་པར་མི་བྱ། ནན་གྱིས་དཀྱིལ་འཁོར་དུ་ཡང་དབང་བསྐུར་བ་དང་ཀློག་ཏུ་བཞུག་པ་ད་བལྟར་གཞུག་པ་ལྟ་ཅི་སྨོས། འཇམ་
དཔལ་འདི་ལྟ་བུ་དག་ལྟར་བཞུག་པ་དང་ཚིག་ཏུ་འབྱུང་བ་ནི་བྱང་ཆུབ་སེམས་དཔའ་དེའི་འཁྲུལ་པ་ཡིན་ཏེ། འཇམ་དཔལ་བྱང་ཆུབ་སེམས་དཔའི་བག་མེད་པ་ཆེན་པོར་རིག་པར་བྱའོ། །དེ་ནི་འཁྲུལ་པ་ཆེན་པོ་དང་ཤིན་ཏུ་ཁ་ན་མ་ཐོ་བ་
ཆེན་པོ་ཡིན་ནོ། །འཇམ་དཔལ་སངས་རྒྱས་དང་བྱང་ཆུབ་སེམས་དཔའ་ལ་བསླུ་བ་ནི་སླའི། གཟུངས་སྔགས་ཀྱི་ཚིག་འདི་དག་སྤོང་བ་ནི་དེ་ལྟ་མ་ཡིན་ནོ། །འཇམ་དཔལ་སངས་རྒྱས་རྣམས་འབྱུང་བ་ནི་དཀོན་ཏེ། དཔེར་ན་ཨུ་དུམ་བ་
རའི་མེ་ཏོག་བཞིན་ནོ། །དེ་བས་ཀྱང་གཟུངས་འདི་འདྲ་བ་དག་སྟོན་པ་ནི་དཀོན་ནོ། །དེ་བས་ཀྱང་ནན་ཏན་གྱིས་སྒྲུབ་པ་དཀོན་ནོ། །དེ་བས་ཀྱང་འདི་གང་དག་གི་ལག་ན་འཆང་བ་དང་གང་དག་འདི་ཉན་པ་དང་ཀློག་པ་དང་འཛིན་པ་
དང་ཡང་ན་དཀྱིལ་འཁོར་འདྲི་བའི་སེམས་ཅན་དེ་དག་ནི་ཤིན་ཏུ་དཀོན། སེམས་ཅན་འདི་དག་གི་བསོད་ནམས་ཀྱི་ཕུང་པོའི་མཐའ་ཡང་རྟོགས་པར་མི་ནུས་ན། གང་ནང་པར་ལངས་ནས་ལན་ཅིག་ཀློག་པ་ལྟ་སྨོས་ཀྱང་ཅི་དགོས་ཏེ། དེའི་

94-1-154b

མཚམས་མེད་པ་ལྔ་ལ་སོགས་པ་རྣམས་ཡོངས་སུ་བྱང་བར་འགྱུར་རོ། །དེ་ལ་འཇིགས་པ་ཐམས་ཅད་འབྱུང་བར་མི་འགྱུར་རོ། །དུས་མ་ཡིན་པར་འཆི་བ་ཐམས་ཅད་དང་ཕྱིར་རྒོལ་བའི་འཇིགས་པ་ཐམས་ཅད་ཀྱང་འབྱུང་བར་མི་འགྱུར་རོ། 
།དེའི་ལུས་ལ་ནད་ཐམས་ཅད་འབྱུང་བར་མི་འགྱུར་རོ། །གང་ལ་ལས་དབེན་པའི་ཕྱོགས་སུ་བ་ལང་གི་ལྕི་བས་དཀྱིལ་འཁོར་བྱུགས་ལ་མེ་ཏོག་ཕུལ་ནས་ཚེས་གྲངས་དང་ཞག་ཕྱེད་པ་དང་ཡུད་ཙམ་དང་དུས་བཟང་པོ་ལ་གྲོ་ག་ལ་བྲིས་སམ། ཡང་
ན་ཡར་ངོའི་ཚེས་བརྒྱད་དམ་ཚེས་བཅྭ་ལྔ་ལ་སྤོས་དང་མེ་ཏོག་དང་བདུག་པ་དང་ལྷ་བཤོས་ཕུལ་ལ། མར་གྱི་མར་མེ་བརྒྱད་དང་གསེར་གྱི་བུམ་པ་ལྔ་བཞག་ནས་གྲོ་ག་ལ་བྲིས་ཏེ་མགུལ་པ་འམ་དཔུང་བ་འམ་ལག་ངར་རམ་རྐེད་པ་
ལ་བཏགས་ལ། ཐབ་མོ་འགྱེད་པའི་ནང་དུ་འགྲོ་འམ་ལམ་དུ་འགྲོ་འམ་རྒྱལ་པོའི་ཕོ་བྲང་དུ་འགྲོ་ན་ཡང་དེ་ལ་འཇིགས་པ་དེ་དག་ཐམས་ཅད་འབྱུང་བར་མི་འགྱུར་རོ། །འཇམ་དཔལ་འདི་ནི་སེམས་ཅན་ལ་བསྲུང་བའི་མཆོག་
ཡིན་ཏེ། ཁྱིམ་མམ་གཙུག་ལག་ཁང་ངམ་གནས་ཁང་གང་ན་གཟུངས་སྔགས་འདི་དག་འདུག་པའི་གནས་དེར་བསྲུང་བའི་མཆོག་ཏུ་འགྱུར་རོ། །འཇམ་དཔལ་གང་གིས་གཟུངས་སྔགས་འདི་དག་ལས་གང་ཡང་རུང་བས་བསྲུང་
བ་བྱས་པ་ལ་འགལ་བར་བྱེད་པ་ནི་ལྷ་དང་བཅས་པ་དང་། བདུད་དང་བཅས་པའི་འཇིག་རྟེན་ན་ངས་མ་མཐོང་སྟེ། དེའི་མགོ་ལག་ན་རྡོ་རྗེ་ངས་རྡོ་རྗེ་ཀུན་དུ་འབར་ཞིང་མེ་ལྕེ་གཅིག་ཏུ་གྱུར་པས་དགམ་མོ། །འཇམ་དཔལ་ཆར་
མི་འབབ་ན་ཡང་གཟུངས་འདི་དག་བཀླག་པར་བྱའོ། །ཕ་རོལ་གྱི་དམག་ཚོགས་འོང་ན་ཡང་བཀླག་པར་བྱའོ། །མི་ནད་ཀྱི་གནོད་པ་བྱུང་བ་ལ་ཡང་བཀླགས་ན་འཇིགས་པ་ཐམས་ཅད་རབ་ཏུ་ཞི་བར་འགྱུར་ཏེ་དེའི་མོད་ལ་ཞི་བར་
འགྱུར་རོ། །དེ་ནས་འཇམ་དཔལ་གཞོན་ནུར་གྱུར་པས་བྱང་ཆུབ་སེམས་དཔའ་ལག་ན་རྡོ་རྗེ་ལ་འདི་སྐད་ཅེས་སྨྲས་སོ། །བྱང་ཆུབ་སེམས་དཔའ་ཆེན་པོ་གཟུངས་སྔགས་ཆེན་པོའི་དཀྱིལ་འཁོར་ཤིན་ཏུ་རྒྱ་ཆེ་བ་འདི་དང་ཤིན་ཏུ་ཟབ་

94-1-155a

པ་འདི་དང་གཏིང་དཔག་དཀའ་བ་དང་གསང་བ་བས་ཀྱང་ཆེས་གསང་བ་སེམས་ཅན་སྡིག་ཅན་རྣམས་ལ་བསྟན་དུ་མི་རུང་བ་འདི་ནི་ལག་ན་རྡོ་རྗེ་ཁྱོད་ཀྱིས་ཤིན་ཏུ་དཀོན་པ་ཞིག་སྨྲས་ཏེ། འདི་ནི་སྔོན་མ་ཐོས་ན་འདི་
སེམས་ཅན་ཇི་ལྟ་བུ་དག་ལ་བཤད་པར་བྱ། ལག་ན་རྡོ་རྗེས་སྨྲས་པ། འཇམ་དཔལ་གང་དག་བྱང་ཆུབ་ཀྱི་སེམས་སྒོམ་པ་ལ་ཞུགས་པ་དང་གང་གི་ཚེ་དེ་དག་གི་བྱང་ཆུབ་ཀྱི་སེམས་གྲུབ་པར་གྱུར་པ་དེའི་ཚེ། འཇམ་དཔལ་བྱང་ཆུབ་སེམས་
དཔའི་སྤྱད་པ་གསང་སྔགས་ཀྱི་སྒོ་སྤྱོད་པའི་བྱང་ཆུབ་སེམས་དཔའ་དེ་དག་ཡེ་ཤེས་ཆེན་པོར་དབང་བསྐུར་བའི་གཟུངས་སྔགས་ཀྱི་དཀྱིལ་འཁོར་དུ་བཞུག་པར་བྱའི། གང་དག་གི་བྱང་ཆུབ་ཀྱི་སེམས་རྫོགས་པར་མ་གྱུར་པ་དེ་དག་ནི་ཞུགས་
པར་མི་བྱ་སྟེ། དེ་དག་ནི་དཀྱིལ་འཁོར་ཡང་ལྟར་མི་བཞུག་གོ། དེ་དག་ལ་ནི་ཕྱག་རྒྱ་དང་གསང་སྔགས་ཀྱང་བསྟན་པར་མི་བྱའོ། །འཇམ་དཔལ་གཟུངས་སྔགས་ཆེན་པོའི་དཀྱིལ་འཁོར་འདི་བྱིན་གྱིས་བརླབ་པར་བྱ་བའི་ཕྱིར་ཕྱག་
རྒྱ་ཆེན་པོ་གང་བཅིངས་པ་ཙམ་གྱིས་ཐམས་ཅད་བྱིན་གྱིས་བརླབས་པར་འགྱུར་བ་བཤད་ཀྱིས་ཉོན་ཅིག །ལག་པ་གཉིས་སྦྱར་ལ་གཡས་པའི་གུང་མོ་བཀུག་པ་ནི་གཟུངས་སྔགས་ཐམས་ཅད་འདྲེན་པའི་ཕྱག་རྒྱ་སྟེ། གསང་སྔགས་ལ། 
ན་མཿསརྦ་ཏ་ཐཱ་ག་ཏེ་བྷྱཿ སརྦ་མུ་ཁེ་བྷྱཿ སརྦ་ཨཱ་གཙྪ་བུ་ནིཏྟི། པ་རི་པཱུ་ར་ཎི། ས་མི་ས་མི། མྃ་ག་ལི་མྃ་ག་ལི་ཧཱུྃ་ཕཊ། དེ་ཉིད་ཀྱི་གུང་མོ་སྔ་མ་བཞིན་དུ་བཞག་ན་དཀྱིལ་འཁོར་དུ་གཟུངས་སྔགས་བྱིན་གྱིས་རློབས་པར་འགྱུར་རོ། །
བྱང་ཆུབ་སེམས་དཔའ་རྣམས་ཀྱི་ཕྱག་རྒྱ་ནི། ལག་པ་གཉིས་ཁུ་ཚུར་བཅངས་ལ་འཛུབ་མོ་གཉིས་བཀུག་ན་ཐམས་ཅད་དྲངས་པར་འགྱུར་རོ། །དེའི་གསང་སྔགས་ལ། ན་མཿསརྦ་ཏ་ཐཱ་ག་ཏེ་བྷྱཿ སརྦ་མུ་ཁེ་བྷྱཿ སརྦ་ཐཱ་ཏ་ཐཱ་ག་
ཏ། བོ་དྷི་ས་ཏྭ་མ་དྷ་རི། ཨཱ་གཙྪ་ཨཱ་གཙྪ་ས་ད་དྷཾ་ཀུ་རུ་ཀུ་རུ་ཧཱུྃ་ཧཱུྃ་ཕཊ་ཕཊ། དེ་ནས་མཆོད་པ་མཆོག་འབྱུང་བའི་ཕྱག་རྒྱ་བཅིང་བར་བྱ་སྟེ། ལག་པ་གཉིས་སྦྱར་ནས་འཛུབ་མོ་གཉིས་བཀྱེད་པ་ནི་མཆོད་པ་འབྱུང་བའི་ཕྱག་རྒྱ་སྟེ། 

94-1-155b

འདི་མཆོད་པའི་མཆོག་བྱིན་གྱིས་བརླབ་པར་བྱའོ། །གསང་སྔགས་ལ། ན་མཿསརྦ་ཏ་ཐཱ་ག་ཏེ་བྷྱཿ སརྦ་མུ་ཁེ་བྷྱཿ སརྦ་ཐཱ། མ་ཧཱ་པཱུ་ཛ་པྲ་བརྟ་ནི་ཧཱུྃ་ཕཊ། པྲ་བརྟ་ཡ་པྲ་བརྟ་ཡ། སརྦ་ཏ་ཐཱ་ག་ཏ་ས་མ་ཡེ་སྭཱ་ཧཱ། འཇམ་དཔལ་
དེ་ནས་སློབ་དཔོན་གྱིས་ཆོ་ག་སྔ་མ་བཞིན་དུ་སློབ་མ་ཡོངས་སུ་གཟུང་བར་བྱ་སྟེ་བྱང་ཆུབ་ཀྱི་སེམས་བསྒོམ་པ་གྲུབ་པ་ལ་དཀྱིལ་འཁོར་འདི་དང་ཕྱག་རྒྱ་བསྟན་པར་བྱའོ། །དེ་མ་ཡིན་པ་ལ་ནི་གླེགས་བམ་ཡང་བལྟར་བཞུག་པར་
མི་བྱའོ། །འཇམ་དཔལ་གལ་ཏེ་བྱང་ཆུབ་སེམས་དཔའི་སྤྱད་པ་གསང་སྔགས་ཀྱི་སྒོ་སྤྱོད་པའི་བྱང་ཆུབ་སེམས་དཔའ་དམ་ཚིག་མི་ཤེས་པའི་སེམས་ཅན་ལ་དཀྱིལ་འཁོར་བསྟན་ཏམ་ཕྱག་རྒྱ་བསྟན་ན། དེས་སངས་རྒྱས་དང་བྱང་
ཆུབ་སེམས་དཔའ་རྣམས་བསླུས་པར་འགྱུར་རོ། །མཚམས་མེད་པ་ལྔ་ཡང་བྱེད་པར་འགྱུར་རོ། །འཇམ་དཔལ་བྱང་ཆུབ་སེམས་དཔས་མཚམས་མེད་པ་ལྔ་བྱས་པ་ནི་སླའི། དམ་ཚིག་མི་ཤེས་པ་དང་ལུས་ཡོངས་སུ་མ་སྦྱངས་
པ་དང་། བྱང་ཆུབ་ཀྱི་སེམས་བསྒོམ་པ་མ་གྲུབ་པ་ལ་སྟོན་པ་ནི་དེ་ལྟ་མ་ཡིན་ཏེ། འཇམ་དཔལ་སེམས་ཅན་དེ་དག་གི་མདུན་དུ་ནི་ནམ་ཡང་ཚིག་ཏུ་བརྗོད་པར་མི་བྱའོ། །དེ་ཅིའི་ཕྱིར་ཞེ་ན། སེམས་ཅན་སྡིག་ཅན་དེ་དག་ནི་སངས་
རྒྱས་དང་བྱང་ཆུབ་སེམས་དཔའ་རྣམས་ལ་དྲིན་དུ་མི་གཟོ་བ་དང་། དད་པ་མེད་པ་ཡིན་པའི་ཕྱིར་རོ། །དེ་ནས་འཇམ་དཔལ་གཞོན་ནུར་གྱུར་པ་སེམས་དེ་ལ་ཡ་མཚན་དུ་འཛིན་པར་གྱུར་ཏེ། སངས་རྒྱས་ཀྱི་ཡུལ་འདི་ནི་
བསམ་གྱིས་མི་ཁྱབ་བོ་སྙམ་ནས། ཅང་མི་ཟེར་བར་གྱུར་ཏོ། །དེ་ནས་འཇམ་དཔལ་གཞོན་ནུར་གྱུར་པས་བྱང་ཆུབ་སེམས་དཔའ་ལག་ན་རྡོ་རྗེ་ལ་འདི་སྐད་ཅེས་སྨྲས་སོ། །བྱང་ཆུབ་སེམས་དཔའ་སེམས་དཔའ་ཆེན་པོ་གཟུངས་སྔགས་
འདི་དག་ཉན་པ་དང་དཀྱིལ་འཁོར་དུ་འཇུག་པ་དང་ཀློག་པ་དང་དྲན་པར་བྱེད་པ་དང་། ཆུང་ངུ་ན་རྣ་ལམ་དུ་གྲག་པ་ཙམ་དུ་གྱུར་པ་དེ་ཡང་ཤིན་ཏུ་དཀའ་བ་ཡིན་ནོ། །ལག་ན་རྡོ་རྗེས་སྨྲས་པ། འཇམ་དཔལ་དེ་དེ་བཞིན་ནོ། །

94-1-156a

ཇི་སྐད་སྨྲས་པ་བཞིན་ཏེ། འཇམ་དཔལ་གང་དག་གཟུངས་སྔགས་འདི་ལ་མཆོད་པ་བྱེད་པ་དང་ཡི་གེར་འདྲི་བའི་སེམས་ཅན་དེ་དག་ནི་ཤིན་ཏུ་དཀོན་པར་རིག་པར་བྱའོ། །སུ་གྲོ་ག་འམ་གཞན་ལ་བྲིས་ནས་ཡན་
ལག་དང་ཉིང་ལག་གང་ཡང་རུང་བ་ལ་འཆང་ན་དེ་ལ་འཇིགས་པ་ཐམས་ཅད་མི་འབྱུང་ཞིང་སྡིག་པ་ཐམས་ཅད་ལས་གྲོལ་བར་འགྱུར་ཏེ། དེའི་དགེ་བའི་རྩ་བ་ཉིན་གཅིག་བཞིན་དུ་སངས་རྒྱས་སྟོང་ལས་བསགས་པར་
འགྱུར་རོ། །འཇམ་དཔལ་ཕྱོགས་གང་ན་གཟུངས་སྔགས་ཆེན་པོའི་དཀྱིལ་འཁོར་བསྟན་པ་འདི་གནས་པ་འམ། གང་གི་ལག་ན་ཡོད་པའི་ས་ཕྱོགས་དེ་ནི་མཆོད་རྟེན་ལྟ་བུར་འགྱུར་རོ། །དེ་ནས་འཇམ་དཔལ་གཞོན་
ནུར་གྱུར་པས་བྱང་ཆུབ་སེམས་དཔའ་ལག་ན་རྡོ་རྗེ་ལ་འདི་སྐད་ཅེས་སྨྲས་སོ། །བྱང་ཆུབ་སེམས་དཔའ་ཆེན་པོ་གཟུངས་སྔགས་འདི་དག་འཆང་བ་དང་ཀློག་པ་དང་ཁ་ཏོན་བྱེད་པ་གང་ཡིན་པ་དེ་ལ་ནི། ཁོ་བོས་མཆོད་པ་དང་བསྙེན་
བཀུར་བྱའོ། །དེའི་ཕྱི་བཞིན་དུ་ཡང་རྟག་ཏུ་འབྲང་བར་བྱའོ། །གང་གི་ཚེ་འཆི་བའི་དུས་བྱེད་པ་དེའི་ཚེ་ཡང་ཁོ་བོས་དེའི་དགེ་བའི་བཤེས་གཉེན་བྱ་སྟེ་རྟག་ཏུ་བྱང་ཆུབ་ཀྱི་ལམ་ཉེ་བར་སྟོན་པར་བྱའོ། །འཇམ་དཔལ་ལེགས་
སོ་ལེགས་སོ། །ཚིག་འདི་ལེགས་པར་སྨྲས་སོ། །འཇམ་དཔལ་ཁོ་བོས་ཀྱང་དེ་ལ་མཆོད་པ་བྱའོ། །རྟག་ཏུ་དེའི་ཕྱི་བཞིན་དུ་ཡང་འབྲང་བར་བྱའོ། །རྟག་ཏུ་བསྲུང་བར་ཡང་བྱའོ། །འཆི་བའི་ཚེ་ན་ཡང་དེ་ལ་ལུང་བསྟན་
པར་བྱའོ། །དེ་ནས་འཇམ་དཔལ་གཞོན་ནུར་གྱུར་པས་བྱང་ཆུབ་སེམས་དཔའ་ལག་ན་རྡོ་རྗེ་ལ་འདི་སྐད་ཅེས་སྨྲས་སོ། །བྱང་ཆུབ་སེམས་དཔའ་ཆེན་པོ་གང་བསྒྲུབས་པས་བྱང་ཆུབ་སེམས་དཔའི་སྤྱད་པ་གསང་སྔགས་ཀྱི་
སྒོ་སྤྱོད་པའི་བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་དེ་བཞིན་གཤེགས་པའི་རིགས་སུ་སྐྱེ་བར་འགྱུར་བ་དང་། གཟུངས་སྔགས་གང་བསྒྲུབས་ན་སྔགས་པས་ཚེ་འདི་ཉིད་ལ་ཡིད་ལ་ཅི་འདོད་པའི་དངོས་གྲུབ་ཐོབ་པར་

94-1-156b

འགྱུར་བའི་གཟུངས་སྔགས་དེ་དག་གི་དངོས་གྲུབ་བསྒྲུབ་པའི་རིམ་པར་ཕྱེ་བ་རྒྱས་པར་ཤོད་ཅིག །དེ་སྐད་ཅེས་སྨྲས་པ་དང་བྱང་ཆུབ་སེམས་དཔའ་ལག་ན་རྡོ་རྗེས་འཇམ་དཔལ་གཞོན་ནུར་གྱུར་པ་ལ་འདི་སྐད་ཅེས་སྨྲས་སོ། །འཇམ་
དཔལ་གཟུངས་སྔགས་འདི་དག་གི་བསྒྲུབ་པ་སངས་རྒྱས་རྣམས་ཀྱིས་ཇི་སྐད་གསུངས་པ་བཤད་ཀྱིས་ཉོན་ཅིག །ཚེས་གྲངས་དང་རྒྱུ་སྐར་དང་ཡང་སྦྱར་མི་དགོས། སྨྱུང་བ་ཡང་བྱ་མི་དགོས། བགེགས་ཀྱང་འབྱུང་བར་མི་འགྱུར་ཏེ། གཟུངས་
སྔགས་བསྒྲུབ་པའི་ཚེ་ཡང་རྟག་ཏུ་སངས་རྒྱས་རྫུ་འཕྲུལ་ཆེན་པོ་ཐམས་ཅད་ཀྱིས་བྱིན་གྱིས་བརླབས་པར་འགྱུར་རོ། །འཇམ་དཔལ་ཐོག་མར་རེ་ཤིག་གཟུངས་སྔགས་འདི་དག་གི་རི་མོའི་སྐུ་གཟུགས་ཀྱི་ཆོ་ག་འབྱུང་སྟེ། ཁ་ཐབས་བཞིན་
དུ་རས་ཉོས་ལ་སྐྲ་ལ་སོགས་མེད་པར་བྱའོ། །དེ་ནས་བ་ལས་འབྱུང་བའི་སྣ་ལྔས་བཀྲུས་ལ་སྤོས་ཆུས་བསྐུའོ། །དེ་ནས་ཚེས་གྲངས་དང་ཞག་ཕྱེད་པ་དང་ཡུད་ཙམ་བཟང་པོ་ལ་རི་མོ་བྲི་སྟེ་རི་མོ་མཁན་གསོ་སྦྱོང་དང་ལྡན་པ་འདྲིར་བཞུག་
གོ། རི་མོ་མཁན་དེ་ཡང་འཁོར་ལོས་སྒྱུར་བས་བསྲུང་བར་བྱའོ། །ཉིན་གཅིག་བཞིན་དུ་ལྷ་བཤོས་དང་མཆོད་པ་ཡང་དབུལ་བར་བྱའོ། །དེ་ནས་རི་མོ་མཁན་གྱིས་དབུས་སུ་བཅོམ་ལྡན་འདས་མ་ཤེས་རབ་ཀྱི་ཕ་རོལ་ཏུ་ཕྱིན་མ་བྲི་བར་
བྱ་སྟེ། སྐྱིལ་མོ་ཀྲུང་དུ་འདུག་ལ་ཐོར་ཚུགས་ཅན་ཏིང་ངེ་འཛིན་ལ་སྙོམས་པར་ཞུགས་པར་བྱ། བཅོམ་ལྡན་འདས་མའི་གཡོན་རོལ་དུ་སོ་སོར་འབྲང་བ་ཆེན་མོ་བྲི་བར་བྱ་སྟེ། ཨུཏྤ་ལའི་རྒྱལ་པོ་ཆེན་པོ་ལ་འདུག་ཅིང་ཏིང་ངེ་འཛིན་
ལ་སྙོམས་པར་ཞུགས་ལ་ལྕང་ལོ་ཅན་འཕྱང་བར་བྱ། གཡས་ལོགས་སུ་རྡོ་རྗེ་མི་ཕམ་པའི་མེ་པད་མ་དཀར་པོ་ལ་འདུག་ཅིང་རྒྱན་རྣམ་པ་སྣ་ཚོགས་ཀྱིས་ལུས་བརྒྱན་ལ། ལག་པ་གཡོན་པ་ན་འཁོར་ལོ་ཐོགས་པ། གཡས་པ་
བཅོམ་ལྡན་འདས་མ་ལ་ཕྱག་འཚལ་བར་བྱ། སྟེང་གི་ཕྱོགས་སུ་ཡང་རིག་སྔགས་འཆང་གཉིས་མེ་ཏོག་གི་ཆར་འབེབས་པ་བྲི། འོག་ལོགས་སུ་བསྒྲུབ་པ་པོ་འམ་ལག་ན་པོག་ཕོར་ཐོགས་པ། བཅོམ་ལྡན་འདས་མ་ལ་བལྟ་ཞིང་

94-1-157a

ཡལ་ག་མེ་ཏོག་ཅན་ཐོགས་པ་སྐྱིལ་མོ་དཀྲུང་གིས་འདུག་པར་བྱའོ། །དེ་ནས་བྱང་ཆུབ་སེམས་དཔའི་སྤྱོད་པ་གསང་སྔགས་ཀྱི་སྒོ་སྤྱོད་པའི་བྱང་ཆུབ་སེམས་དཔའ་ཕྱོགས་གཙང་མའམ་དབེན་པའམ་རི་འམ་ནགས་
ཚལ་ལམ་གཙུག་ལག་ཁང་ངམ་གང་ཡིད་དང་འཐད་པ་དེར་འདུག་ལ། སློང་མོའི་ཟས་ཟ་ཞིང་ནང་གི་གཙང་སྦྲ་སྤྱོད་པས་རི་མོའི་སྐུ་གཟུགས་དེའི་མདུན་དུ་གཟུངས་སྔགས་གང་ཡང་རུང་བ་གཅིག་གཟུང་སྟེ། བཞི་འབུམ་བཟླས་
བརྗོད་བྱས་ལ། ཐ་མར་ཟླ་བ་ཉ་ལ་ཅི་འབྱོར་པས་མཆོད་པ་བྱས་ཏེ། མཚན་རངས་བཟླས་བརྗོད་བྱས་ན་ནང་བར་རམ་ཉི་མ་འཆར་ཀར་མཚན་མ་འབྱུང་སྟེ། སྔགས་པའི་ལུས་ལ་འོད་ཟེར་སྣང་བ་འབྱུང་ཞིང་སྐུ་གཟུགས་ལ་མེ་ཏོག་གི་ཆར་འབབ་
པར་འགྱུར། རིག་སྔགས་འཆང་རྣམས་ཅ་ཅོའི་སྒྲ་འདོན་པར་འགྱུར། འབྲུག་སྒྲ་སྒྲགས་པར་འགྱུར། བཅོམ་ལྡན་འདས་མ་ཡང་བུ་ང་གྲུབ་ཟིན་གྱིས་ལོངས་ཤེས་ཚིག་བརྗོད་པར་འགྱུར་རོ། །དེ་ནས་རིག་སྔགས་འཆང་གིས་མཆོད་ཡོན་
ཕུལ་ནས། བཅོམ་ལྡན་འདས་མ་ལ་འདི་སྐད་དུ་བདག་གི་བསམ་པ་རྫོགས་པར་མཛོད་ཅིག་ཅེས་སྨྲོས་ཤིག །འོན་ཀྱང་བཅོམ་ལྡན་འདས་མས་རིག་སྔགས་འཆང་གི་ལག་པ་ནས་བཟུང་ནས། དེ་བཞིན་གཤེགས་པ་ཐམས་ཅད་ཀྱི་
འཁོར་གྱི་དཀྱིལ་འཁོར་དུ་འཇོག་སྟེ། བཅོམ་ལྡན་འདས་མའི་མཐུས་སྐད་ཅིག་ཐང་ཅིག་ཡུད་ཙམ་ཅིག་དེ་ལ་དེ་བཞིན་གཤེགས་པ་ཐམས་ཅད་ཀྱི་མཆོད་པ་བསྒྲུབ་པར་བྱེད་ཅིང་། སེམས་ཅན་གྱི་ཁམས་ཐམས་ཅད་སྐད་ཅིག་རེ་རེ་ལ་དགའ་བར་བྱེད་
དོ། །རིག་སྔགས་འཆང་གི་འཁོར་དུ་མ་དང་དེ་བཞིན་གཤེགས་པ་ཐམས་ཅད་ཀྱི་འཁོར་གྱི་དཀྱིལ་འཁོར་དུ་གནས་པར་འགྱུར་རོ། །འཇམ་དཔལ་བཅོམ་ལྡན་འདས་མའི་རི་མོའི་སྐུ་གཟུགས་ཀྱི་ཆོ་ག་རྒྱས་པའི་མདོ་འདི་ནི་དོན་ཐམས་
ཅད་སྒྲུབ་པ། སྡིག་པ་ཐམས་ཅད་རབ་ཏུ་སེལ་བ། འཇིགས་པ་ཐམས་ཅད་རབ་ཏུ་སྦྱོང་བ། དུས་མ་ཡིན་པར་འཆི་བ་ཐམས་ཅད་རབ་ཏུ་ཞི་བར་བྱེད་པ་ཡིན་ནོ། །འཇམ་དཔལ་གང་རི་མོའི་སྐུ་གཟུགས་འདི་མཐོང་བ་དང་མཆོད་པ་བྱེད་པ་དང་

94-1-157b

སུའི་ལག་ན་འདུག་པ་དང་སུ་ཡི་གེར་འདྲི་བ་དེ་ལ་ནི་བྱང་ཆུབ་སེམས་དཔའ་རྣམས་བྱང་ཆུབ་ཀྱི་ལམ་སྟོན་པར་འགྱུར་ཞིང་སྡིག་པ་ཐམས་ཅད་དང་བྲལ་བར་འགྱུར། དེ་བཞིན་གཤེགས་པ་ཐམས་ཅད་ཀྱི་བསོད་ནམས་ལས་སྐྱེས་པར་འགྱུར། 
འཇིགས་པ་ཐམས་ཅད་དང་བྲལ་བར་འགྱུར། བདུད་སྡིག་ཅན་རྣམས་ཀྱིས་གཙེ་བར་མི་འགྱུར་འཆི་བའི་ཚེ་སངས་རྒྱས་མཐོང་བར་འགྱུར་རོ། །ལག་ན་རྡོ་རྗེ་དེ་དེ་བཞིན་ནོ། །ཇི་སྐད་སྨྲས་པ་དེ་བཞིན་ཏེ། བྱང་ཆུབ་སེམས་དཔའ་ཆེན་པོ་
རིགས་ཀྱི་བུ་འམ། རིགས་ཀྱི་བུ་མོ་གང་རི་མོའི་སྐུ་གཟུགས་འདི་མཐོང་བ་དང་རི་མོར་འབྲི་བ་དང་། གང་གི་ལག་ཏུ་འདུག་པ་དེ་ནི་ཡོན་ཏན་དཔག་ཏུ་མེད་པ་དང་ལྡན་པར་འགྱུར། བླ་ན་མེད་པ་ཡང་དག་པར་རྫོགས་པའི་བྱང་ཆུབ་
ཏུ་ངེས་པར་འགྱུར་ཞིང་ངན་སོང་ངན་འགྲོར་ཡང་འགྲོ་བར་མི་འགྱུར། དེ་བཞིན་གཤེགས་པའི་རིགས་སུ་ཡང་རྟག་ཏུ་སྐྱེ་བར་འགྱུར་ཏེ་སྨོན་ལམ་ཐམས་ཅད་ཡོངས་སུ་རྫོགས་པར་འགྱུར་རོ། །དེ་ནས་འཇམ་དཔལ་གཞོན་ནུར་གྱུར་པས་
བྱང་ཆུབ་སེམས་དཔའ་ཕྱག་ན་རྡོ་རྗེ་ལ་གསོལ་བ་བཏབ་པ། བྱང་ཆུབ་སེམས་དཔའ་ཆེན་པོ་གཟུངས་སྔགས་འདི་དག་གི་སྤྱིའྀ་དངོས་གྲུབ་བསྒྲུབ་པའི་རིམ་པར་དབྱེ་བ་གང་གིས་བྱང་ཆུབ་ཀྱི་སྤྱད་པ་གསང་སྔགས་ཀྱི་སྒོ་སྤྱོད་པ་རྣམས་
ཀྱིས་ཚེགས་ཆུང་ངུས། སངས་རྒྱས་དང་བྱང་ཆུབ་སེམས་དཔའ་རྣམས་མཉེས་པར་བྱ་བར་འགྱུར་བ་དང་རྫུ་འཕྲུལ་གྱི་ཆོ་འཕྲུལ་རྣམ་པ་སྣ་ཚོགས་བྱེད་པར་འགྱུར་བ་དང་དེ་བཞིན་གཤེགས་པ་ཐམས་ཅད་ཀྱི་འཁོར་གྱི་དཀྱིལ་འཁོར་
དུ་སེམས་ཅན་ཐམས་ཅད་སྡུག་བསྔལ་ཐམས་ཅད་ལས་ཐར་བར་བྱེད་པར་འགྱུར་བ་ཁྱོད་ཀྱིས་ཤོད་ཅིག །དེ་སྐད་ཅེས་སྨྲས་པ་དང་། བྱང་ཆུབ་སེམས་དཔའ་ལག་ན་རྡོ་རྗེས་འཇམ་དཔལ་གཞོན་ནུར་གྱུར་པ་ལ་འདི་སྐད་ཅེས་སྨྲས་སོ། །
འཇམ་དཔལ་སེམས་ཅན་རྣམས་ལ་ཕན་གདགས་པའི་ཕྱིར་གཟུངས་སྔགས་འདི་དག་གི་སྤྱིའི་བསྒྲུབ་པའི་རྣམ་པར་ཕྱེ་བ་བཤད་ཀྱིས་ཉོན་ཅིག །འཇམ་དཔལ་དེ་ལ་བྱང་ཆུབ་ཀྱི་སྤྱོད་པ་གསང་སྔགས་ཀྱི་སྒོ་སྤྱོད་པའི་བྱང་ཆུབ་སེམས་
94-1-158a

དཔའ་གང་ཡང་རུང་སྟེ། རི་མོའི་སྐུ་གཟུགས་བཞག་ལ། བཅོམ་ལྡན་འདས་མ་གཟུགས་སམ་ཁ་དོག་གམ་དབྱིབས་སམ་ཡི་གེར་ཡིད་ལ་བསམས་ཏེ། ཟླ་བ་དྲུག་གི་བར་དུ་བསྒོམས་ན་ལས་ཐམས་ཅད་ནུས་པར་འགྱུར་ཏེ། དུག་ནི་
མཐོང་བ་ཙམ་གྱིས་འབྲོས་པར་འགྱུར་རོ། །གདོན་གྱིས་ཟིན་པ་ནི་བསྡིགས་པ་ཙམ་གྱིས་འབྲོས་པར་འགྱུར་རོ། །གཞན་ཅི་ཡང་རུང་བས་ཟིན་པ་ཡང་མཐོང་བ་ཙམ་གྱིས་གཏོང་བར་འགྱུར་རོ། །དཔག་ཚད་བརྒྱའི་ཕ་རོལ་ན་གནས་པ་ཡང་
ལས་ཐམས་ཅད་བྱེད་དོ། །འཇིགས་པ་ཐམས་ཅད་ལ་ནི་ལན་བརྒྱ་རྩ་བརྒྱད་བཟླས་བརྗོད་བྱས་པའི་སྐུད་པས་བསྲུང་བ་བྱས་པར་འགྱུར་རོ། །བགེགས་ཐམས་ཅད་ལ་ནི་ཆུས་བསྲུང་བར་བྱེད་དོ། །བསྒྲུབ་པོ་རྣམས་སམ་རོ་
ལངས་བསྒྲུབ་པ་རྣམས་ལ་གསང་སྔགས་འདི་དག་ལས་གང་ཡང་རུང་བ་གཅིག་གིས་བདག་བསྲུང་བ་དང་གཞན་བསྲུང་བ་དང་ཕྱོགས་བཅིང་བ་དང་དཀྱིལ་འཁོར་གྱི་མཚམས་བཅད་པར་བྱའོ། །དེ་ནས་ལུས་མི་སྣང་བར་
བྱེད་འདོད་ན་སྐར་མ་རྒྱལ་ལ། ལྡོང་རོས་ཁ་ཐབས་བཞིན་དུ་ཉོས་ཏེ་རང་གི་ཁྲག་གིས་བསྒོས་ལ། དེ་ནས་ཕྱུང་སྟེ་རི་མོའི་སྐུ་གཟུགས་ཀྱི་མདུན་དུ་གཞག་གོ། དེ་ནས་ཟས་སུ་འོ་མ་དང་ཕྱེའི་བདག་གུ་ཟ་ཞིང་ཞག་བདུན་གྱི་བར་
དུ་དུས་གསུམ་དུ་སྟོང་རྩ་བརྒྱད་བཟླས་བརྗོད་བྱའོ། །དེ་ནས་མར་གྱི་ངོ་ཞག་བརྒྱད་ལ་ཁ་ཟས་མི་ཟ་བར་ལག་པ་གཡོན་པར་བཞག་སྟེ། བཅོམ་ལྡན་འདས་མ་བཟླས་བརྗོད་བྱས་ན་འགྲུབ་པར་འགྱུར་ཏེ། ཐིག་ལེ་བྱས་པས་ལུས་མི་སྣང་
བར་འགྱུར་ཞིང་འདོད་དགུར་སྒྱུར་བའི་གཟུགས་ཅན་ལོ་ལྔ་སྟོང་ཐུབ་པར་འགྱུར་རོ། །བཅོམ་ལྡན་འདས་མ་མཐོང་བར་འདོད་ན་ཟླ་བ་གཅིག་གི་བར་དུ་སློངས་མོའི་ཟས་ཟ་ཞིང་རིའི་རྩེ་མོར་སོང་སྟེ་བཅོམ་ལྡན་འདས་མ་བཟླས་
བརྗོད་བྱའོ། །དེ་ནས་ཞག་གསུམ་སྨྱུང་བ་བྱས་ཏེ། ཟླ་བ་ཉ་ལ་བྱང་ཆུབ་ཀྱི་ཤིང་དྲུང་དུ་ཅི་འབྱོར་པས་ལྷ་བཤོས་དབུལ་ཞིང་མཆོད་པ་བྱས་ཏེ་བཅོམ་ལྡན་འདས་མ་ལ་བཟླས་བརྗོད་བྱའོ། །དེ་ནས་ནམ་ཕྱེད་ན་བཅོམ་ལྡན་

94-1-158b

འདས་མ་ཉིད་འོང་བར་འགྱུར་ཏེ། དེ་ལ་མེ་ཏོག་དཀར་པོ་དག་གིས་མཆོད་ཡོན་དབུལ་ལོ། །དེ་ནས་བཅོམ་ལྡན་འདས་མ་བསྒྲུབ་པ་པོའི་སྤྱི་བོར་བྱུགས་ནས་བུ་ལེགས་སོ། །ཁྱོད་ལ་མཆོག་ཅི་ཞིག་སྦྱིན་པར་བྱ་ཞེས་དེ་ཉིད་
ཟེར་བ་དང་ཅི་འདོད་པ་དེ་བླང་བར་བྱ་སྟེ། འདོད་ན་ཞོ་འམ། རིག་སྔགས་འཆང་ཉིད་དམ་ལུས་མི་སྣང་བ་འམ་སའི་འོག་ཏུ་འགྲོ་བ་འམ་གཞན་ཡང་ཡིད་ལ་གང་འདོད་པ་ཅི་ཡང་རུང་བ་དེ་ཐམས་ཅད་བླང་བར་བྱའོ། །ཅི་སྟེ་ངང་
པ་བསྒྲུབ་པར་འདོད་ན་ལི་ཁྲི་ལས་ངང་པའི་གཟུགས་བྱས་ཏེ། རི་མོའི་སྐུ་གཟུགས་ཀྱི་མདུན་དུ་བཞག་ལ་ཀུན་དའི་མེ་ཏོག་གིས་མཆོད་པ་རྒྱས་པར་བྱས་ནས་མཚན་རངས་བཅོམ་ལྡན་འདས་མ་བཟླས་བརྗོད་བྱས་ན་ནང་པར་རམ་
ཉི་མ་འཆར་ཀར་གྲུབ་པར་འགྱུར་ཏེ། དེ་ལ་ཞོན་ན་ནམ་མཁའ་ལ་འཕགས་པ་དང་ཚངས་པ་གཉིས་པར་འགྱུར་རོ། །ཅི་སྟེ་རྨ་བྱ་སྒྲུབ་པར་འདོད་ན་འཇིམ་པ་ལ་རྨ་བྱའི་གཟུགས་བྱས་ཏེ། རི་མོའི་སྐུ་གཟུགས་ཀྱི་མདུན་དུ་བཞག་
ལ་ཟླ་བ་དྲུག་ཏུ་བཅོམ་ལྡན་འདས་མ་བཟླས་བརྗོད་བྱས་པའི་མཇུག་ཏུ་ཟླ་བ་ཉ་ལ་ཅི་འབྱོར་པས་མཆོད་པ་བྱས་ཏེ། མཚན་རངས་བཟླས་བརྗོད་བྱས་ན་ཉི་མ་འཆར་ཀར་རྨ་བྱའི་སྐད་འབྱིན་པར་འགྱུར་ཏེ་སྐད་ཕྱུང་མ་ཐག་ཏུ་སྔགས་
པས་བླང་བར་བྱའོ། །དེ་བླངས་པ་ཙམ་གྱིས་སྔགས་པ་སྨིན་དྲུག་གི་བུ་དང་འདྲ་བར་འགྱུར་རོ། །ཆོ་ག་དེ་བཞིན་དུ་ས་སྲུངས་ཀྱི་བུ་བསྒྲུབས་ན་བརྒྱ་བྱིན་དང་འདྲ་བར་འགྱུར་རོ། །ལུས་མི་སྣང་བ་བསྒྲུབ་པར་འདོད་ན། མིའི་ཐོད་
པ་བླངས་ལ་ཤིང་མངར་དང་ལྷན་ཅིག་ཏུ་ཞིབ་མོར་བཏགས་ཏེ། ཐ་མར་ཡར་གྱི་ངོའི་ཚེས་བརྒྱད་ལ་ཨརྒའི་ཤིང་གི་མེ་བུས་ལ་རི་མོའི་སྐུ་གཟུགས་ལ་མཆོད་པ་རྒྱས་པར་ཕུལ་ནས་མཚན་རངས་སྦྱིན་སྲེག་བྱས་ཏེ། ནང་པར་དེའི་
ཐལ་བས་སོར་མོའི་སུམ་རིས་བྱས་ན་ལུས་མི་སྣང་བར་འགྱུར་ཏེ་ལུས་མི་སྣང་བ་ཐམས་ཅད་ཀྱི་རྒྱལ་པོར་འགྱུར་རོ། །སྦྱོར་བ་གཞན་ཡང་འབྱུང་སྟེ། ལི་ཁྲི་མར་དང་ལྷན་ཅིག་ཏུ་བསྲེགས་ལ། དེ་ནས་ཟངས་ཀྱི་སྣོད་དུ་

94-1-159a

བཞག་སྟེ། རི་མོའི་སྐུ་གཟུགས་ལ་མཆོད་པ་བྱས་ན་ཤེལ་བཞིན་དུ་འབར་བར་གྱུར་གྱི་བར་དུ་མཚན་རངས་བརྗོད་པར་བྱའོ། །དེ་ནས་གྲུབ་པར་འགྱུར་ཏེ་དེས་ཐིག་ལེ་བྱས་ན་ལུས་མི་སྣང་བར་འགྱུར་ཏེ། ལོ་ལྔ་
སྟོང་ཐུབ་པར་འགྱུར་རོ། །ཅི་སྟེ་མིག་སྨན་བསྒྲུབ་པར་འདོད་ན་སྣ་མའི་མེ་ཏོག་དང་ལིག་བུ་མིག་བླངས་ཏེ། ཞིབ་མོར་བྱས་ལ། དེ་ནས་སྔ་མ་བཞིན་དུ་ཟངས་ཀྱི་སྣོད་དུ་བཞག་སྟེ། མཆོད་པ་བྱས་ནས་ཟླ་བ་གཅིག་གི་བར་དུ་བཟླས་
བརྗོད་བྱའོ། །དེ་ནས་དེ་སྔོན་དུ་གྱུར་ནས་དེས་མིག་བསྐུས་ན་ཕྱོགས་གང་དུ་བལྟས་པ་དེ་ཐམས་ཅད་དབང་དུ་འགྱུར་རོ། །ཅི་སྟེ་དེས་མིག་བསྐུས་ན་རྒྱལ་པོ་དང་བློན་པོ་དང་རྒྱལ་པོའི་བཙུན་མོ་དམ་པ་དང་རྒྱལ་པོའི་བུ་མོ་དང་
གཞན་ཡང་གང་སུ་ལ་བསྟན་པ་དེ་ཐམས་ཅད་དེའི་དབང་དུ་འགྱུར་རོ། །དེ་ནས་མིག་སྨན་གྱི་མཆོག་བསྒྲུབ་པར་འདོད་ན། མར་གྱི་ངོ་ཞག་བརྒྱད་ལ་མི་རོ་རྨ་མེད་པ་བླངས་ཏེ། ཙན་དན་དམར་པོ་དང་ལྡན་པའི་ལྷ་བཤོས་ཕུལ་ལ། དེ་ནས་མི་
རོའི་ལག་ཏུ་མིག་སྨན་བཞག་ལ་བཟླས་བརྗོད་བྱས་པ་དང་མི་རོའི་ལག་ན་མིག་སྨན་འདུག་པ་དེ་འགུལ་བར་འགྱུར་རོ། །དེ་ནས་འགྲུབ་པར་འགྱུར་ཏེ། དེས་མིག་བསྐུས་ན་གང་ལ་བལྟས་པ་དེ་དབང་དུ་འགྱུར་རོ། །སྣ་མའི་མེ་
ཏོག་བརྒྱད་སྟོང་གིས་སྦྱིན་སྲེག་བྱས་ན། ལས་ཐམས་ཅད་བདེ་བླག་ཏུ་འགྲུབ་པར་འགྱུར་རོ། །རྒྱ་མཚོར་འབབ་པའི་ཆུ་ཀླུང་གི་ནང་དུ་ཞུགས་ཏེ། མར་གྱི་ངོ་ཞག་བརྒྱད་ལ་བརྩམས་ནས། བསོད་སྙོམས་ཀྱི་ཟས་ཟ་ཞིང་
ལན་འབུམ་བཟླས་བརྗོད་བྱས་ན་ཡང་ཡུལ་སྦྱིན་པར་འགྱུར་རོ། །ཡར་གྱི་ངོ་ཚེས་བརྒྱད་ལ་བསོད་སྙོམས་ཀྱི་ཟས་ཟ་ཞིང་རི་མོའི་སྐུ་གཟུགས་ཀྱི་མདུན་དུ་ལན་སྟོང་རྩ་བརྒྱད་བཟླས་བརྗོད་བྱས་ན་ཕ་རོལ་གྱི་དམག་ཚོགས་
རབ་ཏུ་ཞི་བར་འགྱུར་རོ། །དེ་ནས་ཟས་འོ་མ་འཐུང་ཞིང་ལན་འབུམ་བཟླས་བརྗོད་བྱས་ན་ཕ་རོལ་གྱི་དམག་དབྱེ་བར་འགྱུར་རོ། །མར་གྱི་ངོ་ཞག་བརྒྱད་ལ་ཞག་གཅིག་སྨྱུང་བ་བྱས་ཏེ། རི་མོའི་སྐུ་གཟུགས་ཀྱི་མདུན་དུ་མཆོད་

94-1-159b

པ་རྒྱས་པ་བྱས་ལ་མཚན་རངས་བཟླས་བརྗོད་བྱས་ན། དེ་ནས་རི་མོའི་སྐུ་གཟུགས་ལས་འོད་ཟེར་འབྱུང་བར་འགྱུར་རོ། །དེ་ནས་འགྲུབ་པར་འགྱུར་ཏེ་ར་ཛྱྃ་ད་དཱ་ཏི་ལོ་ལྔ་བརྒྱ་ཐུབ་པར་འགྱུར་རོ། །རྒྱ་མཚོར་འབབ་པའི་ཆུ་ཀླུང་
གི་ནང་དུ་ཞུགས་ལ་ལན་འབུམ་བཟླས་བརྗོད་བྱས་ཏེ་ཟས་སུ་ཆུ་འཐུངས་ན། དེ་ནས་ནམ་མཁའ་ལ་རལ་གྲི་ཐོགས་པར་འགྱུར་ཏེ། དེས་མཆོད་ཡོན་ཕུལ་ལ་བླང་བར་བྱའོ། །དེས་བླངས་པ་ཙམ་གྱིས་སྐྲ་ལྕང་ལོར་འཁྱིལ་
ཞིང་ལོ་བཅུ་དྲུག་ལོན་པའི་ཤ་ཚུགས་དང་འདྲ་བར་འགྱུར་ལ། རིག་སྔགས་འཆང་དུ་མས་བསྐོར་ཅིང་སིལ་སྙན་དང་ཕེག་རྡོབ་པ་མང་པོས་རོལ་མོ་བྱེད་ཅིང་འགྲོ་བར་འགྱུར་རོ། །ཉིན་གཅིག་བཞིན་དུ་སངས་རྒྱས་ཀྱི་ཞིང་དུ་མ་མཐོང་བར་
འགྱུར་རོ། །ཐམས་ཅད་དུ་ཡང་མཆོད་པ་རྣམ་པ་སྣ་ཚོགས་ཀྱི་སྤྲིན་དག་གྲུབ་པར་བྱེད་དོ། །གང་གི་ཚེ་ཤི་བར་གྱུར་པ་དེའི་ཚེ་ཡང་སངས་རྒྱས་ཀྱི་ཞིང་རྣམ་པར་དག་པ་རྣམས་སུ་སྐྱེ་བར་འགྱུར་ཞིང་། དེ་བཞིན་གཤེགས་པ་ཐམས་
ཅད་ཀྱི་རིགས་སུ་སྐྱེ་བར་འགྱུར་རོ། །ཅི་སྟེ་རལ་གྲི་སྒྲུབ་པར་འདོད་ན་དགོན་པར་སོང་ལ་ཆུ་འཐུང་ཞིང་ཟླ་བ་གཅིག་བཟླས་བརྗོད་བྱས་ལ་དེའི་འོག་ཏུ་ཟླ་བ་ཉ་ལ་ཅི་འབྱོར་པས་རི་མོའི་སྐུ་གཟུགས་ཀྱི་མདུན་དུ་མཆོད་པ་རྒྱ་ཆེར་
བྱས་ཏེ། མཚན་རངས་བཟླས་བརྗོད་བྱས་ན་དེ་ནས་རལ་གྲི་འབར་བར་འགྱུར་ཏེ། དེ་བླངས་པ་ཙམ་གྱིས་རིག་སྔགས་འཆང་དུ་འགྱུར་ཏེ་རིག་སྔགས་འཆང་ཐམས་ཅད་ཀྱི་རྒྱལ་པོ་འགྱུར་རོ། །ལོ་དྲུག་ཁྲིར་འཚོ་བར་འགྱུར་
རོ། །དེ་ཡང་མཆོད་པ་བྱེད་པར་འགྱུར་རོ། །འདོད་པ་བཞིན་དུ་དགོས་པ་ཐམས་ཅད་བྱེད་དོ། །གང་གི་ཚེ་ཤི་བར་གྱུར་པ་དེའི་ཚེ་ས་དང་པོ་ལ་དབང་བར་འགྱུར་རོ། །ཅི་སྟེ་ཟས་མི་ཟད་པར་འབྱུང་བར་འདོད་ན་སྤོ་མའི་རྩ་བ་
བླངས་ལ། སླེ་དྲེས་དང་ལྷན་ཅིག་སྦྱིན་བསྲེག་བྱས་ན་ཁ་ཟས་མི་ཟད་པར་འགྱུར་རོ། །མིག་ན་རྒྱམ་ཚྭ་བཏགས་པ་ལ་ལན་བདུན་བསྔགས་ཏེ་མིག་བཀབ་ན་མིག་ནད་སོས་པར་འགྱུར་རོ། །ཀ་ལ་པིང་ཀའི་རྩ་བ་སྲོག་ཆགས་

94-1-160a

མེད་པའི་ཆུ་དང་བཏགས་ལ་ལྟེ་བའི་ཕྱོགས་སུ་བསྐུས་ན་བུད་མེད་བདེ་བར་བུ་བཙའ་བར་འགྱུར་རོ། །ཟླ་བ་སྤྱང་ཀིས་ཟིན་པའི་ཚེ་བ་སེར་སྐྱའི་མར་ཟངས་ཀྱི་སྣོད་དུ་བཅུག་སྟེ་ཙི་རི་རི་ཟེར་གྱི་བར་དུ་བཟླས་བརྗོད་བྱས་ལ་
དེ་འཐུངས་ན་ཐོས་པ་འཛིན་པར་འགྱུར་རོ། །ཉེ་བའི་གསོ་སྦྱོང་བྱས་པས་ཚེས་བཅུ་དྲུག་ནས་བརྩམས་ཏེ། ཏིལ་དང་སྦྲང་རྩི་བསྲེས་པ་སྦྱིན་བསྲེག་བྱས་ན་རཱ་ཛྱྃ་པྲ་ཏི་ལ་བྷྱ་ཏི་ལ་རི་མོའི་གཟུགས་ཀྱི་དྲུང་དུ་བྱེ་བ་ཕྲག་གཅིག་བཟླས་བརྗོད་
བྱས་ན་བཅོམ་ལྡན་འདས་མ་ཤེས་རབ་ཀྱི་ཕ་རོལ་ཏུ་ཕྱིན་མ་མཐོང་བར་འགྱུར་ཏེ་ཆོས་སྟོན་པར་ཡང་བྱེད་དོ། །དེ་ཐོས་པས་ཕྱིར་མི་ལྡོག་པར་ཡང་འགྱུར་རོ། །ཙན་དན་དམར་པོ་ལས་རྡོ་རྗེ་བྱས་ལ་དེ་གློར་བཞག་སྟེ་འབར་བའི་བར་
དུ་བཟླས་བརྗོད་བྱས་ན་དེ་ལ་རེག་པ་ཙམ་གྱིས་གླིང་བཞིའི་རྒྱལ་པོར་འགྱུར་རོ། །ཤིང་པ་ཏའི་འབྲས་བུ་སྦྱིན་སྲེག་བྱས་ན་གང་གི་མིང་ནས་བརྗོད་པ་དེ་དབང་དུ་འགྱུར་རོ། །རྒྱ་ཤུག་གི་འབྲས་བུ་རྣམས་ཀྱང་དེ་བཞིན་ཏེ་གང་གི་མིང་ནས་
བརྗོད་ཅིང་སྦྱིན་བསྲེག་བྱས་པ་དེ་དབང་དུ་འགྱུར་རོ། །ཡང་ན་ནིམ་པའི་འབྲས་བུ་སྦྱིན་སྲེག་བྱས་ན་གང་གི་མིང་ནས་བརྗོད་པ་དེ་དབང་དུ་འགྱུར་རོ། །བ་རུ་རའི་མེ་ཏོག་གི་སྦྱིན་བསྲེག་བྱས་ན་ཡུལ་ཆེན་པོ་རྙེད་པར་འགྱུར་རོ། །མ་ལི་
ཀའི་མེ་ཏོག་གི་སྦྱིན་སྲེག་བྱས་ན་ཟས་ཟད་མི་ཤེས་པར་འགྱུར་རོ། །ཀ་ར་བཱི་རའི་མེ་ཏོག་འབྲུམ་བུ་འབུམ་ཕྲག་གཅིག་སྦྱིན་བསྲེག་བྱས་ན་ཏི་ན་ར་འབུམ་རྙེད་པར་འགྱུར་རོ། །སྣ་མའི་མེ་ཏོག་གི་སྦྱིན་བསྲེག་བྱས་ན་མདུན་ན་འདོན་
མཆོག་ཏུ་འགྱུར་རོ། །བྲ་མའི་ཁུ་བ་དང་སྦྲང་རྩི་ལྷན་ཅིག་ཟངས་ཀྱི་སྣོད་ཀྱི་ནང་དུ་བཞག་སྟེ་ཏི་ན་ར་རྙེད་ཀྱི་བར་དུ་བཟླས་བརྗོད་བྱའོ། །གུ་གུལ་གྱི་སྦྱིན་སྲེག་གིས་ནི་རྒྱལ་ཕྲན་ཐོབ་པར་འགྱུར་རོ། །ཤིང་བིལ་བའི་མེའི་མེ་བུས་ལ་མ་
ལི་ཀའི་མེ་ཏོག་འབུམ་ཕྲག་གཅིག་སྦྱིན་བསྲེག་བྱས་ན་ཀླུ་ཐམས་ཅད་དབང་དུ་འགྱུར་རོ། །བ་རུ་རའི་ཤིང་གི་མེ་བུས་ལ་ཨ་ག་རུའི་ཡམ་སྲེག་ཤིང་ཁྲི་སྦྱིན་སྲེག་བྱས་ན་གནོད་སྦྱིན་ཐམས་ཅད་དབང་དུ་འགྱུར་རོ། །ལྷ་ཆེན་པོའི་

94-1-160b

གནས་སུ་སོང་སྟེ་བའི་ལྕི་བ་ས་ལ་མ་ལྷུང་བས་དཀྱིལ་འཁོར་བྱས་ལ་ཨརྒའི་མེ་ཏོག་སྟོང་རྩ་བརྒྱད་ཕུལ་ན། ལྷ་ཆེན་པོ་མཐོང་བར་འགྱུར་ཏེ་དངོས་གྲུབ་གང་འདོད་པ་སྦྱིན་པར་བྱེད་དོ། །ལྷ་ཆེན་པོའི་གནས་སུ་རི་མོའི་སྐུ་གཟུགས་བྲིས་ལ་
འབུམ་ཕྲག་གཅིག་བཟླས་བརྗོད་བྱས་ན། དཀའ་ཐུབ་ཟློག་གི་ཁྱོ་མཐོང་བར་འགྱུར་ཏེ་དངོས་གྲུབ་གང་འདོད་པ་སྦྱིན་པར་བྱེད་དོ། །དུར་ཁྲོད་ཆེན་པོར་རི་མོའི་སྐུ་གཟུགས་བྲིས་ཏེ་ལན་བརྒྱ་རྩ་བརྒྱད་བཟླས་བརྗོད་བྱས་ན་རོ་ལངས་ཆེན་པོ་
མཐོང་བར་འགྱུར་ཏེ། མཆེ་བ་མི་སྡུག་པ་གཙིགས་ལ་མེ་ཕུང་ཆེན་པོ་ལྟར་བྱུང་ན་ཡང་དེ་ལ་འཇིགས་པར་མི་བྱ་བར་ཕྱག་རྒྱ་བཅིངས་ལ་བསྣུན་ན་དེས་འགྱེལ་བར་འགྱུར་ཏེ། དེ་ལ་དམ་པ་བླངས་ན་རྒྱལ་སྲིད་དམ་གཏེར་རམ་མི་སྣང་
བ་འམ་ཡུལ་ལམ་རྐང་པས་རྒྱུ་བ་ཡང་རུང་སྟེ་དམ་པ་ལྔ་པོ་དག་ལས་གང་ཡང་རུང་བ་ཞིག་སྦྱིན་པར་བྱེད་དོ། །ལན་ཚྭའི་སྦྱིན་བསྲེག་གིས་ནི་ལྷའི་བུད་མེད་འགུགས་པར་བྱེད་དོ། །སྣ་མའི་མེ་ཏོག་ཁ་མ་བྱེ་བ་སྟོང་རྩ་བརྒྱད་སྦྱིན་བསྲེག་བྱས་
ན་ཉིན་གཅིག་བཞིན་ཏི་ན་ར་རེ་རེ་རྙེད་པར་བྱེད་དོ། །ཅི་སྟེ་དགྲ་སྲོག་དང་བྲལ་བར་འདོད་ན་ལན་ཚྭའི་སྲེག་བླུགས་ལན་འབུམ་སྦྱིན་བསྲེག་བྱས་ན་སྲོག་དང་བྲལ་བར་འགྱུར་རོ། །ཅི་སྟེ་ནམ་མཁའ་ལྡིང་བསྒྲུབ་པར་འདོད་ན་གྲོག་མཁར་
གྱི་ས་ལ་ནམ་མཁའ་ལྡིང་གི་གཟུགས་བྱས་ཏེ། བ་ལས་བྱུང་བའི་སྣ་ལྔས་བསྐུས་ལ་དེ་ནས་ནམ་མཁའ་ལྡིང་གི་གཟུགས་དེ་རི་མོའི་གཟུགས་ཀྱི་མདུན་དུ་བཞག་ལ་འབུམ་ཕྲག་གཅིག་བཟླས་བརྗོད་བྱས་ན་དེ་ནས་གྲུབ་པར་འགྱུར་
ཏེ་དེ་ལ་ཞོན་ནས་གང་དུ་འདོད་པ་དེར་འགྲོའོ། །དེ་ལ་ཡོ་བྱད་ཐམས་ཅད་ཀྱང་སྒྲུབ་པར་བྱེད་དོ། །འཇིགས་པ་ཐམས་ཅད་དང་བྲལ་བར་འགྱུར་རོ། །ཀླུ་ཐམས་ཅད་དེའི་དབང་དུ་འགྱུར་རོ། །ཇི་སྟེ་འཁོར་ལོས་བསྒྲུབ་པར་འདོད་ན། 
ལྕགས་ཨུར་མོའི་འཁོར་ལོ་བྱས་ལ་སྤོས་ཆུས་བཀྲུས་ཏེ་གུར་གུམ་གྱིས་བྱུགས་ལ་དེ་ནས་ཨ་ཤྭཏ་ཐའི་ལོ་མའི་སྟེང་དུ་བཞག་སྟེ། རི་མོའི་སྐུ་གཟུགས་ཀྱི་མདུན་དུ་མངོན་པར་བཞག་ལ་སུམ་འབུམ་བཟླས་བརྗོད་བྱས་ན་

94-1-161a

དེས་གྲུབ་པར་འགྱུར་ཏེ། དེ་བཟུང་བ་ཙམ་གྱིས་རིག་སྔགས་འཆང་འཁོར་ལོས་སྒྱུར་བར་འགྱུར་ཏེ། རིག་སྔགས་འཆང་ཐམས་ཅད་ཀྱི་རྒྱལ་པོར་འགྱུར་རོ། །རིག་སྔགས་འཆང་བྱེ་བ་ཕྲག་དུ་མས་ཡོངས་སུ་བསྐོར་ཅིང་། 
ལྷའི་བུ་མོ་བྱེ་བ་ཕྲག་དུ་མས་ཡོངས་སུ་བསྐོར་ནས་ལྷའི་གཞལ་མེད་ཁང་གི་ནང་ནས་ནམ་མཁའ་ལ་འགྲོ་ཞིང་རྟག་ཏུ་མཆོད་པ་བྱེད་པར་འགྱུར་རོ། །ཅི་སྟེ་བཅོམ་ལྡན་འདས་མ་བསྒྲུབ་པར་འདོད་ན། རི་མོའི་སྐུ་གཟུགས་ཀྱི་མདུན་དུ་བཟླས་
བརྗོད་དྲུག་འབུམ་བྱས་ན་བཅོམ་ལྡན་འདས་མ་མངོན་སུམ་དུ་མཐོང་བར་འགྱུར་ཏེ་མཐོང་བ་ཙམ་གྱིས་དེ་བཞིན་གཤེགས་པའི་རྗེས་སུ་སྤྱོད་པར་འགྱུར་རོ། །ཏིང་ངེ་འཛིན་ཀྱང་ཐོབ་པར་འགྱུར་རོ། །བྱང་ཆུབ་སེམས་དཔའ་རྣམས་དང་འགྲོགས་
པ་ཡང་འཐོབ་བོ། །ཅི་སྟེ་ཞི་བར་བྱེད་པར་འདོད་ན་པད་མ་ཁ་མ་བྱེ་བ་སྟོང་རྩ་བརྒྱད་ཕུལ་ན་སུའི་ཆེད་དུ་ཕུལ་བ་དེ་ཞི་བར་འགྱུར་རོ། །སྣ་མའི་མེ་ཏོག་སྟོང་རྩ་བརྒྱད་སྦྱིན་བསྲེག་བྱས་ན་དེའི་ནད་ཐམས་ཅད་མེད་པར་འགྱུར་རོ། །བ་རུ་རའི་
མེ་ཏོག་སྟོང་རྩ་བརྒྱད་སྦྱིན་བསྲེག་བྱས་ན་དུས་མ་ཡིན་པར་འཆི་བ་མེད་པར་འགྱུར་རོ། །དཔལ་གྱིས་ཟིན་པར་འགྱུར་རོ། །ཨ་ཏི་མུཀྟ་ཀ་ཁ་མ་བྱེ་བ་ཁྲི་སྦྱིན་བསྲེག་བྱས་ན་གང་གི་ཆེད་དུ་བྱས་པ་དེ་གདོན་གང་གིས་ཟིན་པར་གྱུར་པ་དེ་ལ་བལྟས་
པ་ཙམ་གྱིས་གཏོང་བར་འགྱུར་རོ། །ཟླ་བ་སྤྱང་ཀིས་ཟིན་པའི་ཚེ་མར་ཟངས་ཀྱི་སྣོད་དུ་བཞག་སྟེ་དུ་བ་འཐུལ་གྱི་བར་དུ་བཟླས་བརྗོད་བྱས་ནས་དེ་འཐུངས་ན་ཐོས་པ་འཛིན་པར་འགྱུར་རོ། །ཅི་སྟེ་རྨ་བྱ་བསྒྲུབ་པར་འདོད་ན། ཆུ་ངོགས་
གཉིས་ག་ནས་ས་བླངས་ཏེ་ཙན་དན་དང་བསྲེས་ལ་རྨ་བྱའི་གཟུགས་བྱས་ཏེ། དེ་ནས་རྨ་བྱ་དེ་རི་མོའི་གཟུགས་ཀྱི་མདུན་དུ་བཞག་ལ། རྨ་བྱའི་སྒྲ་འབྱིན་གྱི་བར་དུ་བཟླས་བརྗོད་བྱས་ན་དེ་ནས་དངོས་གྲུབ་ཏུ་འགྱུར་རོ། །ཅི་སྟེ་རྫས་བསྒྲུབ་
པར་འདོད་ན་ཀ་ར་བཱི་རའི་མེ་ཏོག་འབུམ་ཕུལ་ན་ཉིན་གཅིག་བཞིན་ཏི་ན་ར་ལྔ་ལྔ་རྙེད་པར་འགྱུར་རོ། །མིད་པ་ནུབ་ཙམ་གྱི་ཆུར་ཞུགས་ལ་འབུམ་བཟླས་བརྗོད་བྱས་ན་གཏེར་རྙེད་པར་འགྱུར་རོ། །སྣ་མའི་མེ་ཏོག་ཁ་མ་བྱེ་བ་འབུམ་སྦྱིན་སྲེག་བྱས་

94-1-161b

ན་བུད་མེད་གང་འདོད་པ་དེ་རྙེད་པར་འགྱུར་རོ། །ཨ་ཏི་མུཀྟ་ཀའི་མེ་ཏོག་ཁྲི་ཕུལ་ན་ལུས་ལ་ནད་ཅི་ཡོད་པ་ཐམས་ཅད་བྱབས་པས་མེད་པར་འགྱུར་ཞིང་ཕྱིས་མི་ལྡང་ངོ་། །ཚེ་རིང་བར་ཡང་འགྱུར་རོ། །ལུས་ལ་སྐལ་བ་བཟང་པོ་འབྱུང་བར་འགྱུར་རོ། །
ལོ་བརྒྱ་འཚོ་བར་འགྱུར་རོ། །ཅི་སྟེ་ཕ་རོལ་གྱི་དམག་གཞིག་པར་འདོད་ན་འཛུབ་མོ་ལ་ལན་བདུན་སྔགས་ཏེ་བསྡིགས་ན་དམག་འབྲོས་པར་བྱེད་དོ། །འཐབ་པར་འདོད་ན། འུག་པའི་སྒྲོས་སྦྱིན་བསྲེག་བྱས་ན་ཆེར་འཐབ་པར་འགྱུར་རོ། །དགྲ་ཕུང་
བར་བྱེད་པར་འདོད་ན་སྐེ་ཚེ་འབུམ་སྦྱིན་སྲེག་བྱས་ན་དགྲ་སྲོག་དང་བྲལ་བར་འགྱུར་རོ། །རྒྱ་ཤུག་གི་འབྲས་བུ་ཚ་བ་གསུམ་གྱི་མར་དུ་སྨྱུགས་པ་ཁྲི་སྦྱིན་སྲེག་བྱས་ན་བགེགས་ཐམས་ཅད་ཀྱིས་མི་གཙེ་བར་འགྱུར་རོ། །བ་རུ་རའི་འབྲས་བུ་ཡུངས་
ཀར་གྱི་མར་དུ་སྨྱུགས་པ་སྟོང་རྩ་བརྒྱད་སྦྱིན་སྲེག་བྱས་ན་ཉི་མ་ལྔས་དགྲ་ཕུང་བར་འགྱུར་རོ། །དབང་དུ་བྱ་ན་འབྲས་སཱ་ལུའི་ཕྱེ་ལས་གཟུགས་བྱས་ལ་བཏུབ་ཅིང་སྦྱིན་སྲེག་བྱས་ན་ཞག་བདུན་གྱིས་བརྒྱ་བྱིན་ཡང་དབང་དུ་འགྱུར་
རོ། །ཀ་ར་བཱི་རའི་མེ་ཏོག་ཁ་མ་བྱེ་བ་སྦྱིན་སྲེག་བྱས་ན་གནོད་སྦྱིན་མོ་དབང་དུ་འགྱུར་རོ། །སྣ་མའི་ལོ་མ་སྦྱིན་སྲེག་བྱས་ན་གང་འདོད་པ་དེ་སྨྱོ་བར་བྱེད་དོ། །ཛི་ཏི་ཀ་ལི་ཀ་ན་ན་ལ་ཀྵྃ་ཛུ་ཧུ་ཡ་ད་རཱ་ཛཱ་
ནྃ་བ་ཤི་ཀ་རོ་ཏི་ཨ་དྷི་མུཀྟ་གའི་མེ་ཏོག་སྟོང་རྩ་བརྒྱད་སྦྱིན་བསྲེག་བྱས་ན་ཡུལ་དབང་དུ་འགྱུར་རོ། །མར་གྱི་སྦྱིན་བསྲེག་གིས་ཞག་བཞི་པ་མེད་པར་འགྱུར་རོ། །སྣ་མའི་མེ་ཏོག་
སྦྲང་རྩི་དང་བསྲེས་པ་སྦྱིན་སྲེག་བྱས་ན་ཉིན་གཅིག་བཞིན་དུ་ཏི་ན་ར་རེ་རེ་རྙེད་པར་འགྱུར་རོ། །དེ་ནས་ཀླུ་བསྒྲུབ་པར་འདོད་པས་མ་ལི་གའི་མེ་ཏོག་
ཁ་མ་བྱེ་བ་འབུམ་སྦྱིན་སྲེག་བྱས་ན་ཀླུ་ཐམས་ཅད་འགྲུབ་པར་འགྱུར་ཏེ་དེ་དག་ཡོད་པ་ཐམས་ཅད་ཀྱིས་ཅི་འདོད་པ་བཞིན་སྒྲུབ་བོ། །

94-1-162a

མྱ་ངན་འཚང་གི་མེ་ཏོག་ཁ་མ་བྱེ་བ་ཁྲི་སྦྱིན་བསྲེག་བྱས་ན་གནོད་སྦྱིན་མོ་ཐམས་ཅད་འགྲུབ་པར་འགྱུར་ཏེ་ཉིན་གཅིག་བཞིན་གཡོག་ལྔ་བརྒྱའི་གོས་ཟས་འབུལ་ལོ། །ཅི་སྟེ་གནོད་སྦྱིན་མོ་དབང་དུ་བྱ་བར་འདོད་ན། 
ཨ་ག་རུའི་ཡམ་སྲེག་ཤིང་འབུམ་སྦྱིན་སྲེག་བྱས་ན་གནོད་སྦྱིན་མོ་ཐམས་ཅད་དབང་དུ་འགྱུར་ཏེ་དེ་དག་ཅི་འདོད་པ་བཞིན་སྒྲུབ་བོ། ཅི་སྟེ་ལག་ན་རྡོ་རྗེ་བསྒྲུབ་པར་འདོད་ན་རི་མོའི་སྐུ་གཟུགས་ཀྱི་མདུན་དུ་བཞི་འབུམ་བཟླས་བརྗོད་བྱས་ལ། ཐ་
མར་ཟླ་བ་ཉ་ལ་ཨུཏྤ་ལའི་མེ་ཏོག་ཅི་འབྱོར་པས་མཆོད་པ་བྱས་ཏེ་མཚན་རངས་བཟླས་བརྗོད་བྱས་ན་ནང་པར་རམ་ཉི་མ་ཤར་ན་ལག་ན་རྡོ་རྗེ་འོངས་ཏེ། འོངས་ནས་རིག་སྔགས་འཆང་གི་མགོ་ལ་རེག་པར་བྱེད་དེ་རེག་པ་ཙམ་གྱིས་མངོན་པར་
ཤེས་པ་ལྔ་དང་ལྡན་པར་འགྱུར་རོ། །རིག་སྔགས་འཆང་ཉིད་དམ་གཞན་ཅི་ཡང་རུང་བ་ཞིག་ཀྱང་རྙེད་པར་འགྱུར་རོ། །དེས་ཅི་འདོད་པ་ཐམས་ཅད་རྙེད་པར་འགྱུར་རོ། །ཕྱག་ན་རྡོ་རྗེའི་གཟུགས་ཀྱི་མདུན་དུ་ཤིང་ཀིང་ཤུ་ཀའི་མེ་ཏོག་འབུམ་
ཕུལ་ན་ཏི་ན་ར་སྟོང་རྙེད་པར་འགྱུར་རོ། །ཕྱག་ན་རྡོ་རྗེའི་གཟུགས་ཀྱི་ལག་པ་ནས་བཟུང་སྟེ་ཟླ་བ་གཅིག་བཟླས་བརྗོད་བྱས་ན་ཉིན་གཅིག་བཞིན་ཏི་ན་ར་རེ་རེ་སྦྱིན་པར་བྱེད་དོ། །ཕྱག་ན་རྡོ་རྗེའི་གཟུགས་པད་མའི་འདབ་མའི་སྟེང་
དུ་བཞག་སྟེ། སྣ་མའི་མེ་ཏོག་ཁྲི་ཕུལ་ན་ཉིན་གཅིག་བཞིན་ཀར་ཤ་པ་ཎི་རེ་རེ་སྦྱིན་པར་བྱེད་དོ། །ཟླ་བ་གཅིག་ཏུ་ནམ་ཕྱེད་ན་ལངས་ཏེ་ཉིན་གཅིག་བཞིན་གི་ཝང་གིས་དཀྱིལ་འཁོར་བྱས་ལ་བཅོམ་ལྡན་འདས་
མ་བཟླས་བརྗོད་བྱས་ན་ལས་ཐམས་ཅད་ནུས་པར་འགྱུར་རོ། །བགེགས་རྣམས་ཀྱང་མི་འཚེ་བར་འགྱུར་རོ། །ཟླ་བ་གཅིག་ཏུ་ཙན་དན་དམར་པོས་དཀྱིལ་འཁོར་བསྐུས་ལ་བཅོམ་ལྡན་འདས་མ་བཟླས་བརྗོད་བྱས་
ན་ཤ་ཟ་ཐམས་ཅད་དབང་དུ་འགྱུར་ཏེ་ཅི་འདོད་པ་དེ་བྱེད་དོ། །རང་གི་ཁྲག་གིས་དཀྱིལ་འཁོར་བསྐུས་ཏེ། ཟླ་བ་གཅིག་ཏུ་བཟླས་བརྗོད་བྱས་ན་མཁའ་འགྲོ་མ་ཐམས་ཅད་དབང་དུ་འགྱུར་ཏེ་ཅི་འདོད་པ་བྱེད་དོ། །ཤུ་དག་དཀར་

94-1-162b

པོ་འབུམ་སྦྱིན་སྲེག་བྱས་ན་མ་མོ་ཐམས་ཅད་འགྲུབ་པར་འགྱུར་ཏེ། དེ་དག་ཅི་འདོད་པ་དེ་ཐམས་ཅད་བསྒྲུབ་བོ། །ལི་ག་དུར་འབྲུ་སྟོང་སྦྱིན་སྲེག་བྱས་ན་ཉིན་གཅིག་བཞིན་སྣོད་གང་བ་རྙེད་པར་འགྱུར་རོ། །སྒེའུ་གཤེར་གྱི་རྩ་བ་སྦྱིན་སྲེག་བྱས་
ན་ཉིན་གཅིག་བཞིན་ཀར་ཤ་པ་ཎི་བཞི་བཞི་རྙེད་པར་འགྱུར་རོ། །ཨ་པ་མརྒའི་སྙིང་པོ་ཁྲི་སྦྱིན་བསྲེག་བྱས་ན་ལོངས་སྤྱོད་ཟད་ཡི་ཤེས་པ་འབྱུང་བར་འགྱུར་རོ། །ན་ལེ་ཤམ་གྱི་འབྲུ་སྟོང་རྩ་བརྒྱད་སྦྱིན་སྲེག་བྱས་ནས་ཐལ་བ་
བླངས་ཏེ་ཐི་ལེ་བྱས་ལ། མོན་སྲན་སྡེའུ་ལ་སོགས་པའི་ཕུང་པོའི་ནང་དུ་གཏོར་ན་དེ་མི་ཟད་པར་འགྱུར་རོ། །ཅི་སྟེ་འཇམ་དཔལ་བསྒྲུབ་པར་འདོད་ན་ཨ་ག་རུ་དང་བསྲེས་པའི་གི་ཝང་གིས་དཀྱིལ་འཁོར་བསྐུས་ལ། དེར་
གཟུགས་བཞག་སྟེ་ཟླ་བ་གཅིག་གི་བར་དུ་བཟླས་བརྗོད་བྱས་ན་བདག་ཉིད་འཇམ་དཔལ་མཐོང་བར་འགྱུར་ཏེ་དེས་ཆོས་སྟོན་ཏོ། །དེ་མཐོང་ན་ཐོས་པ་འཛིན་པར་འགྱུར་རོ། །རིག་སྔགས་འཆང་ཉིད་ཀྱང་ཐོབ་པར་
འགྱུར་རོ། །དེ་ཇི་སྲིད་འདོད་ཀྱི་བར་དུ་ཡོངས་སུ་རྫོགས་པར་བྱེད་དོ། །པད་མ་དཀར་པོ་སྟོང་རྩ་བརྒྱད་ཕུལ་ན་དེ་ལ་འཇམ་དཔལ་གྲུབ་པར་འགྱུར་ཏེ་རྒྱལ་སྲིད་དམ་པ་འམ་ས་འོག་ཏུ་འཇུག་པའམ་མི་སྣང་བར་
བྱ་བ་འམ་ཐོས་པ་འཛིན་པ་འམ་སྨན་བཅུད་ཀྱིས་ལེན་ཡང་རུང་སྟེ། དམ་པ་ལྔ་ལས་གང་ཡང་རུང་བ་ཞིག་སྦྱིན་པར་བྱེད་དོ། །སྐྱུ་རུ་རའི་ཡམ་ཤིང་སྟོང་རྩ་བརྒྱད་སྦྱིན་བསྲེག་བྱས་ན། གནོད་སྦྱིན་
མོ་ཇི་སྙེད་ཡོད་པ་དེ་དག་ཐམས་ཅད་དབང་དུ་འགྱུར་ཏེ་དེ་དག་ཅི་འདོད་པ་སྒྲུབ་པར་བྱེད་དོ། །བིལ་བའི་འབྲས་བུ་འབུམ་སྦྱིན་སྲེག་བྱས་ན་དཔལ་ཇི་སྙེད་ཡོད་པ་དེ་དག་ཐམས་ཅད་གྲུབ་པར་འགྱུར་ཏེ། 
ཅི་འདོད་པ་བཞིན་དུ་སྒྲུབ་བོ། །ན་ཛྱ་དི་མ་པྲ་ཡད་ཙནྟི། བ་རུ་རའི་འབྲུ་འབུམ་སྦྱིན་བསྲེག་བྱས་ན། དབྱངས་ཅན་ཐམས་ཅད་གྲུབ་པར་འགྱུར་ཏེ་དེ་དག་གྲུབ་

94-1-163a

པས་ཚིག་ཐོགས་པ་མེད་པར་འགྱུར་རོ། །པྲི་ཡང་ཀུའི་མེ་ཏོག་ཁ་མ་བྱེ་བ་ཁྲི་སྦྱིན་བསྲེག་བྱས་ན། ཉིན་གཅིག་བཞིན་ཀར་ཤ་པ་ཎི་ལྔ་ལྔ་རྙེད་པར་འགྱུར་རོ། །ཅི་སྟེ་ཐམས་ཅད་གཉིད་ཀྱིས་ལོག་པར་བྱེད་འདོད་ན་གྲོང་ཁྱེར་
གྱི་བདག་པོའི་ལྷའི་གཟུགས་རི་མོར་བྲིས་པ་བྲིས་ལ། སྐེ་ཚེའི་སྦྱིན་སྲེག་བྱས་ལ་དེའི་ཐལ་བ་ཐོགས་ལ་གྲོ་ཁྱེར་དུ་སོང་སྟེ་གཏོར་ན་དེ་དག་ཐམས་ཅད་གཉིད་ཀྱིས་ལོག་ཅིང་འདུག་པར་འགྱུར་ཏེ་ཅི་འདོད་པ་བྱེད་དོ། །གྲོང་ཁྱེར་ལ་ཇི་
ལྟ་བ་བཞིན་དུ་ཡུལ་ལ་ཡང་དེ་བཞིན་དུ་བྱའོ། །མཚེའུ་སྐམས་པར་འདོད་པས་སྐེ་ཚེའི་སྲེག་བླུགས་རང་གི་ཁྲག་དང་སྦགས་པ་ཁྲི་སྦྱིན་སྲེག་བྱས་ལ་དེའི་ཐལ་བ་བླངས་ཏེ། མཚེའུ་དེར་གཏོར་ན་མཚེའུ་སྐམས་པར་འགྱུར་ཏེ། དེ་ན་གནས་པའི་ཀླུ་རྣམས་ཀྱིས་ཅི་འདོད་པ་བཞིན་དུ་རིན་
པོ་ཆེ་རྣམས་འབུལ་ལོ། །ཨ་བ་མར་གའི་ཡམ་སྲེག་ཤིང་འབུམ་སྦྱིན་སྲེག་བྱས་ན་ལྷ་མོ་དཔལ་མཐོང་བར་འགྱུར་ཏེ། ས་ཙ་རཱ་ཛྱ་མ་པྲ་ཡཙྪ་ཏི། བིལ་བའི་འབྲས་བུ་སྟོང་རྩ་བརྒྱད་སྦྱིན་སྲེག་བྱས་ན་རྒྱལ་པོ་ཆེན་པོའི་མདུན་ན་འདོན་དུ་
འགྱུར་རོ། །མྱ་ངན་འཚང་གི་ཡམ་སྲེག་ཤིང་འབུམ་སྦྱིན་སྲེག་བྱས་ན་རྐང་བཞི་པ་ཐམས་ཅད་དབང་དུ་འགྱུར་རོ། །སྣ་མའི་མེ་ཏོག་འབུམ་སྦྱིན་སྲེག་བྱས་ན་རྒྱལ་པོའི་ཕོ་བྲང་འཁོར་དུ་ཚིག་གཟུང་འོས་པར་འགྱུར་རོ། །སྣ་མའི་མེ་
ཏོག་འབུམ་སྦྱིན་སྲེག་བྱས་ན་བུད་མེད་ཐམས་ཅད་དབང་དུ་འགྱུར་རོ། །སྐེ་རྩེའི་སྡོང་བུའི་ཡམ་སྲེག་ཤིང་སྦྲང་རྩི་ལ་སྨྱུགས་པ་བརྒྱ་སྦྱིན་སྲེག་བྱས་ན་གདོན་ཐམས་ཅད་དེ་ལ་ཞི་བར་བྱེད་པར་འགྱུར་རོ། །འབྲས་ཀྱི་འོ་ཐུག་དང་སྦྲང་རྩི་
འབབ་ཆུའི་ནང་དུ་གཏོར་ན་ཀླུ་མོ་ཐམས་ཅད་དེའི་དབང་དུ་འགྱུར་ཏེ་རང་རང་གི་གནས་སུ་ཡང་ཁྲིད་པར་བྱེད་དོ། །ལོག་འདྲེན་བསྒྲུབ་པར་འདོད་ན་ཨ་ཏི་མུཀྟ་ཀའི་མེ་ཏོག་འབུམ་གཏོར་ན་ལོག་འདྲེན་ཐམས་ཅད་དངོས་གྲུབ་སྦྱིན་
པར་བྱེད་དོ། །ཨ་ཤྭཏྠའི་ལོ་མ་སྦྲང་རྩི་ལ་སྨྱུགས་པ་སྟོང་རྩ་བརྒྱད་སྦྱིན་སྲེག་བྱས་ན་གནོད་སྦྱིན་མོ་ཐམས་ཅད་རིག་སྔགས་འཆང་དེ་ལ་ཉིན་གཅིག་བཞིན་སྣོད་གང་བ་ཅི་འདོད་པ་འབུལ་ལོ། །རྨ་བྱའི་སྒྲོ་སྟོང་རྩ་བརྒྱད་

94-1-163b

སྦྱིན་སྲེག་བྱས་ན་བདུད་ཀྱི་གནོད་པ་ཐམས་ཅད་བསལ་བར་འགྱུར་རོ། །ཨ་ག་རུ་ས་མི་རྡ་ནྃ་ཨ་སྟ་ཧ་ས་སྲ་ན་ཛུ་ཧུ་ཡ་ད་ར་ཛ་བ་ཤོ་བ་བ་ཏི། པྲི་ཡང་ཀུའི་ཡམ་སྲེག་ཤིང་གིས་ནི། མ་ཧཱ་རཱ་ཛ་གྲ་མ་ཧི་ཤི་བ་ཤོ་བ་བ་ནི། ཨ་ག་རུའི་ཡམ་སྲེག་ཤིང་
མེ་བུས་ལ་ཏིལ་འབྲུ་ཁྲི་སྦྱིན་སྲེག་བྱས་ན་ཡུལ་དབང་དུ་འགྱུར་རོ། །ཤིང་འོ་མ་ཅན་གྱི་མེ་བུས་ལ་ཏིལ་འབྲུ་འབུམ་སྦྱིན་སྲེག་བྱས་ན་ཤ་ཟ་ཐམས་ཅད་དབང་དུ་འགྱུར་ཏེ་ཅི་འདོད་པ་བྱེད་དོ། །ཤིང་མ་ད་ཀས་མེ་བུས་ལ་ན་ལེ་ཤམ་གྱི་འབྲུ་
སྟོང་རྩ་བརྒྱད་སྦྱིན་སྲེག་བྱས་ན་འབྱུང་པོ་ཐམས་ཅད་དབང་དུ་འགྱུར་ཏེ། འབྱུང་པོའི་བདག་པོ་རེ་རེ་ཡང་ཉིན་གཅིག་བཞིན་དུ་གཡོག་བརྒྱའི་གོས་ཟས་སྦྱིན་པར་བྱེད་དོ། །གར་འགྲོ་འདོད་པ་དེར་ཕྲག་པ་ལ་ཞོན་ཏེ་འགྲོའོ། །མོན་སྲན་
གྲེའུ་འབྲུ་འབུམ་སྦྱིན་སྲེག་བྱས་ན་འབྱུང་པོ་ཐམས་ཅད་དབང་དུ་འགྱུར་ཏེ་དེ་དག་རིག་སྔགས་འཆང་དེའི་ཡོ་བྱད་ཐམས་ཅད་སྒྲུབ་བོ། །འཇམ་དཔལ་འདི་དག་ལ་སོགས་པ་གཟུངས་སྔགས་འདི་རྣམས་ཀྱི་བསྒྲུབ་པ་དག་གི་ནང་དུ་སྦྱོར་བ་དེའི་དངོས་
གྲུབ་སྦྱིན་པར་བྱེད་དེ། འདོད་པ་དང་སྦྱོར་བ་ཐ་དད་པ་དང་སྦྱོར་བ་མང་ཡང་རུང་ཉུང་ཡང་རུང་བས་སྒྲུབ་པར་བྱེད་དོ། །འཇམ་དཔལ་གཞན་ཡང་གསང་སྔགས་འདི་དག་འཛིན་པ་དང་སྒྲུབ་པ་རྣམས་ལ་ནི་བགེགས་རྣམས་ཀྱིས་སྐབས་མེད་དོ། །
ཕྱག་ན་རྡོ་རྗེ་དབང་བསྐུར་བ་ལས། དེ་བཞིན་གཤེགས་པ་ཐམས་ཅད་ཀྱི་ཡུམ་རྣམས་ཀྱི་དངོས་གྲུབ་བསྒྲུབ་པའི་ཆོ་ག་རྫོགས་སྷོ།། །།པ་ན་རྗེ་བསྐུར་རྒྱུད་པོའི་པོ་རྒྱ་གར་གྱི་མཁན་པོ་ཤཱི་ལེནྡྲ་བོ་དྷི་དང་། ཞུ་ཆེན་གྱི་ལོ་ཙྪ་བ་བནྡེ་ཡེ་ཤེས་
སྡེས་བསྒྱུར་ཅིང་ཞུས་ཏེ་གཏན་ལ་ཕབ་པ། །༄༅། ། རྒྱ་གར་སྐད་དུ།  བཛྲ་བྷཱུ་མི་ཏྲི་ཙ་ར་ཎི་རཱ་ཛ་ཀལྤ་ནཱ་མ།  བོད་སྐད་དུ།  རྡོ་རྗེ་ས་གསུམ་དུ་རྒྱུ་བ་ཞེས་བྱ་བའི་རྟོག་པའི་རྒྱལ་པོ། 
དཔལ་རྡོ་རྗེ་མཁའ་འགྲོ་ལ་ཕྱག་འཚལ་ལོ། །དེ་ནས་གསང་བའི་དབང་ཕྱུག་པོ། །ཤཱཀ་ཐུབ་ཀྱིས་ནི་རིགས་ཁྲོ་བོ། །ཕྱིས་ཀྱི་རྟོག་པ་ལས་རྒྱལ་བྱེད། །རྟོག་པའི་བླ་མ་འདི་མཆོག་བཤད། །ལྷ་དང་སྔགས་དང་

94-1-164a

སྦྱོར་བ་ཡིས། །རྟོག་པས་རྟོག་པ་འཇོམས་པའི་ལམ། །རྟོག་པ་མེད་པའི་རིག་པ་ཡིས། །ཁྲོ་བོའི་དབང་ཕྱུག་ཞི་བ་བརྙེས། །དང་པོ་ཕྱག་འཚལ་དེ་འོག་ཏུ། །བཞི་པ་ཡི་ནི་ལྔ་པ་ལན། །དབྱངས་ཡིག་
གསུམ་པས་མཛེས་པར་བྱས། །དྲུག་པའི་གསུམ་པ་བླང་བྱས་ལ། །འོག་ཏུ་དབྱངས་ཀྱི་གཉིས་པས་བརྒྱན། །དེ་ལ་ཟླ་ཕྱེད་དང་ཐིག་ལེ། །ལྔ་པའི་བཞི་པ་ཉིད་དང་ནི། །དྲུག་པའི་གཉིས་པར་ཉིད་དང་
ཡང་། །བཞི་པའི་བཞི་པ་ཡང་དེ་བཞིན། །ཡང་ནི་མེ་ཡི་ས་བོན་དང་། །ལྔ་པ་ཡི་ནི་གསུམ་པ་དང་། །གཉིས་པ་ཡི་ནི་གསུམ་པ་ཡི། །འོག་ཏུ་མེ་ཡི་ས་བོན་ནོ། །ལྔ་པའི་དང་པོ་ཉིད་དང་ཡང་། །གསུམ་
པའི་སྡེ་པ་ལྔ་པ་ལ། །དབྱངས་ཡིག་གསུམ་པས་བརྒྱན་པ་དང་། །དེ་ནས་རྡོ་རྗེ་སེམས་དཔའ་འདོད། །ལག་ན་རྡོ་རྗེའི་སྙིང་པོའོ། །ལྔ་པ་ཡི་ནི་གཉིས་པ་ལ། །གསུམ་པའི་དང་པོ་མཐར་བཞག་པ། །འདི་
རྣམས་རིག་སྔགས་དབང་བྱེད་པ། །གང་གཱ་ཀླུང་བཅུའི་བྱེ་སྙེད་ཀྱི། །སངས་རྒྱས་ཁྲོ་བོ་བྱང་ཆུབ་སེམས། །འབྱུང་པོར་བཅས་པ་འགུགས་མཛད་དོ། །རིག་སྔགས་རྣམས་ནི་ལྷ་ཉིད་དེ། །སྟོང་དང་སྙིང་
རྗེ་འདྲེས་པ་ཡི། །ལྷ་འདི་སྙིང་གའི་སྦྱོར་བ་རུ། །ལེགས་པར་བཞག་པ་བསམ་པར་བྱ། །ལུགས་སུ་བྱུང་དང་བཟློག་པ་ཡི། །སྔགས་འདི་བཟླས་དང་བྲི་བར་བྱ། །ཕཊ་ཧཱུྃ་ཎི་བཱཛྲ་བ་ར་དྷ་ར་བ་ལཱྃ་ནཱི་ཨོཾ། 
རིག་སྔགས་འབུམ་ཕྲག་བཟླས་པ་དང་། །ཡི་གེ་རེ་ལ་འབུམ་ཕྲག་དང་། །དེ་ལས་ལྷག་པའི་སྦྱོར་བ་ཡིས། །སྒྲུབ་པ་པོ་ཡི་བསམ་པ་ནི། །ཞི་དང་རྒྱས་དང་དབང་དགུག་དང་། །བསྐྲད་དང་དབྱེ་རིངས་
བསད་པ་དང་། །ལས་ནི་གང་གང་འདོད་པ་དེས། །སྙིང་གར་སྦྱོར་བ་རིམ་བཞིན་བསྒྲུབ། །ལུས་གཙང་སྙིང་རྗེར་ལྡན་པ་ཡིས། །རང་ལུས་ལྷ་དང་བླ་མ་ལ། །ཕྱག་སོགས་བྱ་བ་སྔོན་འགྲོ་བས། །རིག་པའི་

94-1-164b

ཁྲོ་བོ་བསྒོམ་པར་བྱ། །དང་པོར་སྟོང་ཉིད་རྣམ་བསམས་ལ། །ལུས་ཅན་རྣམས་ཀྱི་དྲི་མ་བཀྲུ། །རང་གི་སྙིང་གར་དབྱངས་ཡིག་ནི། །དང་པོ་ལས་བྱུང་ཟླ་བ་ལ། །ཧཱུྃ་ཡིག་སྔོན་པོ་རྣམ་པར་བསྒོམ། །རང་གི་འདུས་
འདྲའི་འོད་འཕྲོས་ནས། །སེམས་ཅན་དྲི་མ་རྣམ་བསལ་ཏེ། །སྐུར་གྱུར་སྙིང་པོ་བསྡུ་བར་བྱ། །ཧཱུྃ་ཡང་རྡོ་རྗེ་སྔོན་པོར་གྱུར། །སྔོན་བཞིན་སྤྲོ་དང་བསྡུ་བྱས་ལ། །སྐུ་མདོག་སྔོན་པོ་ཆེར་འབར་བ། །རབ་ཏུ་དྲེགས་པས་ཁྲོས་
པའོ། །རི་བོང་འཛིན་པའི་སྟེང་དུ་ནི། །བདེ་བར་གཡོན་བརྐྱང་གར་གྱིས་བཞུགས། །བརྒྱད་གཉིས་ལོན་པའི་ཉམས་ཚུལ་ཅན། །དྲག་ཅིང་ཁྲོས་པའི་རོ་དང་ལྡན། །བྲང་འགྲོ་བརྒྱད་པོས་སྐུ་ལ་བརྒྱན། །ཞལ་གཅིག་པ་
ལ་ཕྱག་གཉིས་པ། །རང་གིས་རྡོ་རྗེ་བསྣམས་པ་ནི། །བསྣུན་པའི་ཚུལ་དུ་འཛིན་པ་དང་། །གཡོན་པ་བསྡིགས་པའི་མཛུབ་མོ་ཅན། །ན་བཟའ་སྔོན་པོའི་ཤམ་ཐབས་འཛིན། །སྤྱན་མིག་དམར་ཞིང་མཆེ་བ་གཙིགས། །དབུ་སྐྲ་ཉི་
མའི་འོད་འདྲ་བ། །སྟེང་དུ་བཅིངས་དབུས་ཅོད་པན་ལྡན། །ཞལ་ནས་ཧཱ་ཧཱའི་གད་རྒྱངས་ལྡན། །ཁྲོ་བོའི་བདག་པོ་འཇིགས་པར་བྱེད། །ལོག་འདྲེན་ལ་སོགས་འཇོམས་མཛད་པ། །དེ་འདྲར་བདག་ཉིད་རབ་བསྒོམས་ལ། །
དེ་ནས་བདག་ཉིད་སྙོམས་འཇུག་པ། །དེ་ཡི་སྙིང་གར་ཉི་མ་ལ། །རང་གི་ཆོས་ཀྱི་ཡི་གེ་ལས། །ཁྲོས་པས་ཡང་ཡང་སྤྲོས་མཛད་ཅིང་། །དེ་དང་ལྷན་ཅིག་བསྒོམ་པར་བྱ། །སྔགས་དང་ཕྱག་རྒྱ་བཅས་པ་ཡིས། །དེ་བཞིན་
དུ་ཡང་དབང་བླང་ཞིང་། །རྡོ་རྗེ་ཧཱུྃ་མཛད་ཏིང་འཛིན་གནས། །གདུག་པའི་སེམས་ཅན་འཛིན་བྱེད་ཅིང་། །འོད་ཟེར་འབྱུང་བ་སྣ་ཚོགས་ཀྱིས། །རིམས་དང་གདོན་དང་དུག་སོགས་བཟའ། །རྡོ་རྗེ་ས་འོག་ཏུ་རྒྱུ་བ་ལས་
རྟོག་པ་དང་པོའོ།། །། དེ་ནས་སྤྱན་སོགས་སྐྱེ་མཆེད་ལ། །ཧཱུྃ་བྱུང་ཁྲོ་བོ་བསྒོམ་པར་བྱ། །སྐུ་སོགས་གསུམ་ལ་རྡོ་རྗེ་གསུམ། །བསྒོམ་པ་འདི་ནི་དབང་བྱེད་པའོ། །དང་པོ་ཞི་བས་ཞི་བར་བྱ། །ཀླུ་ལ་སོགས་

94-1-165a

པའི་གཟུགས་བྱས་ལ། །རང་སྙིང་འོད་ཀྱིས་བཀུག་ལ་བསྟིམ། །མཆོད་སྦྱིན་བྱ་བ་སྙིང་རྗེས་སྦྱིན། །འཇོག་པོ་དང་ནི་རིགས་ལྡན་དང་། །མཐའ་ཡས་ནོར་རྒྱས་པད་མ་དང་། །པད་ཆེན་དུང་སྐྱོང་སྟོབས་ཀྱི་རྒྱུ། །
དུག་རྣམས་སྙིང་རྗེའི་སྦྱོར་བས་སྦྱང་། །ནག་པོ་དཀར་པོ་སྔོན་པོ་དང་། །རང་གི་གནས་སུ་སྦྱར་བར་བྱ། །ཡང་ན་ཞི་བའི་ཐབ་ཁུང་དུ། །ཀླུ་ཡི་སྡིག་པ་ཞི་བར་བྱ། །ཤིན་ཏུ་གནག་པའི་རིགས་དེ་ལ། །མངར་གསུམ་
ཆུ་ཡིས་གསོ་བར་བྱ། །གང་ཞིག་སྡིག་ཅན་ཞི་མི་འདུལ། །གཉིས་ཀྱི་སྦྱོར་བས་རྒྱུན་གཅོད་བྱ། །ཁྲག་དང་དུག་སོགས་རྫས་དག་ལ། །རིག་པ་བཟློག་པས་བསྒྲུབས་ནས་ནི། །ཤིན་ཏུ་ཁྲོས་པའི་ཁྲོ་བོ་ཡིས། །དགུག་དང་
བཞུག་དང་མྱོས་བསད་དང་། །ཆོ་ག་གདུག་པ་དབང་བྱས་ལ། །བསྲེག་པ་ལ་སོགས་ལས་བྱའོ། །བརྒྱད་དང་བཅུ་བཞིའི་དུས་ཀྱི་ཚེ། །སྐྱ་རེངས་ཤར་དང་དམར་རེངས་ཆ། །ཉིན་མཚན་ཟད་པའི་དུས་ཀྱི་ཚེ། །སྐྲ་བཀྲོལ་བཅུད་འཛག་
གཅེར་བུ་ནི། །བྱོལ་སོང་གནས་སུ་ཁྲག་སྐྱུག་གོ། ལུས་དབུས་མེ་འབར་བསྒྲུབ་བྱ་དེ། །ཁྲོ་བོའི་བ་སྤུའི་བུ་ག་ལས། །སྤྲོས་པའི་ཁྲོ་བོ་ཁྲོས་པ་དང་། །མངག་བཞུག་རྣམས་ཀྱིས་དྲངས་བྱས་ནས། །རྟོག་པས་རྟོག་
པ་བཟའ་བར་བྱ། །སྔར་ནི་རྡོ་རྗེ་ས་འོག་ལས། །གདུག་པ་འདིར་ནི་བཟའ་བར་བྱ། །མང་དུ་སྨྲས་པས་ཅི་ཞིག་དགོས། །མ་བཅོས་པ་ཡི་སེམས་ཅན་ལ། །སྙིང་རྗེའི་ཡིད་ཅན་རྡོ་རྗེ་སེམས། །ཏིལ་སོགས་རྫས་དང་སྔགས་སྦྱོར་གྱིས། །
སྡིག་པ་ཞི་བྱེད་སྦྱིན་སྲེག་བྱ། །རིག་པའི་བློ་ཅན་ཀུན་བཟང་གིས། །ཞོ་ལ་བསྲེག་བྱ་རྒྱས་པའོ། །མི་རྟག་གྱུར་པའི་གདུལ་བྱ་ལ། །འདོད་ཆགས་ཡིད་ཅན་བདེ་ཆེན་གྱིས། །བདག་ཉིད་དགོས་པ་བརྟན་བྱའི་ཕྱིར། །ཨུཏྤལ་
དམར་སོགས་ཀྱིས་བསྒྲུབ་པའོ། །འདིར་ནི་མ་རུངས་སྡིག་པ་བྱེད། །གཙོར་ནི་སྦྱང་ཕྱིར་ཁྲོ་སེམས་ཀྱིས། །མངོན་སྤྱོད་ལས་ནི་རྒྱུད་ཀུན་ལས། །བཤད་པ་ཐམས་ཅད་འདིར་བྱའོ། །རིག་སྔགས་སྙིང་རྗེའི་ཤུགས་ཀྱིས་འགྲོ། །

94-1-165b

ལས་ངན་རྒྱུ་གཅོད་བཅོས་མ་ཡིན། །ལས་ངན་དག་པའི་རང་བཞིན་དུ། །ཁྲོས་པས་དམིགས་པར་མི་འགྱུར་ཏེ། །སྦྱོར་བ་རྣམས་ནི་བཅོས་མར་འགྱུར། །བྱང་ཆུབ་བཅོས་མེད་འབད་སྤངས་པའོ། །རྡོ་རྗེ་ས་འོག་ཏུ་རྒྱུ་བ་ལས་
རྟོག་པ་གཉིས་པའོ།། །། དེ་ནས་ཁམས་གསུམ་རྣམ་རྒྱལ་པོ། །སྔར་ནི་སྤྲུལ་པ་བཅུ་དྲུག་པོས། །རྟོག་པ་བཅུ་ཕྲག་དང་བཞི་ཡང་། །གཉིས་ཀྱིས་རིག་པ་འཇོམས་བྱེད་འདིར། །སྤྲུལ་པ་བརྒྱད་དུ་བསྡུས་པ་དང་། །
བདག་ཉིད་གཅིག་པུ་བསྒོམ་པ་འང་གསུངས། །ནམ་མཁའི་ཁམས་སུ་འབྱུང་བཞི་བསམ། །རི་རབ་ལྷུན་པོ་ཧྲཱི་ཡིག་ལས། །པད་མ་འདབ་གྲངས་ལྟེ་བ་ལ། །ཟླ་བའི་དཀྱིལ་འཁོར་རྫོགས་པའོ། །ཧཱུྃ་ལས་
བྱུང་བའི་ཁྲོ་བོ་ནི། །ཞལ་གཅིག་ཕྱག་བཞི་ན་བཟའ་སྔོ། །རྡོ་རྗེ་དྲིལ་བུ་མདའ་གཞུ་འགེངས། །སྦྲུལ་དང་མི་སྡུག་མགོས་བརྒྱན་ཅིང་། །སྟག་ལྤགས་སྨད་དཀྲིས་འཇིགས་སེལ་བ། །ཁྲོ་བོ་རྣམ་རྒྱལ་བསྒོམ་
པར་བྱ། །ཐུགས་ཀའི་ཧཱུྃ་གི་སྦྱོར་བ་ཡིས། །ཤར་ལ་སོགས་པའི་ཕྱོགས་མཚམས་སུ། །འཇིག་རྟེན་གསུམ་འདུལ་རིན་ཆེན་དང་། །འཇིག་རྟེན་གསུམ་འཆིང་པད་མ་དང་། །འཇིག་རྟེན་
གསུམ་འཇིག་ལས་ཉིད་དག །གཡས་རྣམས་རང་མིང་མཚན་མ་ལ། །གཡོན་རྣམས་གདུག་པ་བསྡིགས་པའོ། །བདུད་རྩི་འཁྱིལ་དང་དབྱུག་སྔོན་དང་། །མི་གཡོ་བ་དང་རྟ་མགྲིན་ཁྲོ། །རྡོ་རྗེ་དང་
ནི་དབྱུག་པ་དང་། །རལ་གྲི་པད་མ་གཡས་རྣམས་སོ། །གཡོན་པ་གདུག་པ་བསྡིགས་པའོ། །བརྒྱད་ཀྱི་དབུས་ན་ཁྲོ་བོ་བདག །འཇིག་རྟེན་གསུམ་གྱི་འཁྲུལ་པ་སྦྱོང་། །དབྱུག་པ་ནག་སོགས་ཕོ་ཉ་བཞི། །
སྐུ་མདོག་མཚན་མས་བརྒྱན་པ་ཁྲོས། །ལྕགས་ཀྱུ་ལ་སོགས་སྒོར་གནས་པ། །ཁྲོ་བོའི་འཁོར་ལོ་འཇིགས་སེལ་བསྒོམ། །གཙོ་བཅས་རིག་པའི་ཁྲོ་བོ་ཀུན། །རྒྱུ་མའི་ཕྲེང་བས་དོ་ཤལ་བྱས། །གོས་སྔོན་ཅན་ལ་སྟག་ལྤགས་དཀྲིས། །

94-1-166a

གདུག་པ་སེལ་བའི་ལམ་དུ་བསྒོམ། །དེ་ནས་ཁམས་གསུམ་རྣམ་རྒྱལ་གཙོ། །ཁྲོ་བོའི་མཚན་ཉིད་བསྔགས་བཅས་བཤད། །དཀོན་མཆོག་གསུམ་ལ་ཕྱག་འཚལ་ལོ། །གནོད་སྦྱིན་གྱི་སྡེ་དཔོན་ཆེན་པོ་ལག་ན་རྡོ་རྗེ་
གོས་སྔོན་པོ་ཅན་སངས་རྒྱས་གང་གཱའི་ཀླུང་གི་བྱེ་མ་སྙེད་ཀྱིས་རྗེས་སུ་གནང་བ། མཆེ་བ་གཙིགས་པ་དང་འཚམ་པ་མིག་མེ་མདག་གི་ཕུང་པོ་འདྲ་བ། དབུགས་མེ་ལྕེ་ལྟར་འབར་བ། འཇིགས་པའི་ང་རོ་ཅན་ལག་པ་དང་རྐང་པ་ཀླུ་ནོར་རྒྱས་ཀྱི་
བུས་བརྒྱན་པ། ཀླུ་ནག་པོ་སེ་རལ་ཁར་ཐོགས་པ་ཀླུ་དགའ་བོ་དང་ཉེ་དགའ་བོ་འབར་བས་རྣ་ཆ་བྱས་པ། སྦྲུལ་འབར་བ་རིན་པོ་ཆེའི་ཅོད་པན་ཐོགས་པ། སྦྲུལ་གདུག་པ་འབར་བ་ཟ་བ། བཞིན་རྒྱས་པ་སྨིན་མ་དང་ཁྲོ་གཉེར་དཔྲལ་བར་
བསྡུས་པ། ཡ་སོས་མ་མཆུ་མནན་པ། གཤིན་རྗེའི་ཆ་བྱད་ཅན་ལྕེ་གློག་ལྟར་འགྱུ་བ། གསུས་པོ་ཆེ་སྦྲུལ་ཟ་བ། ལག་པ་བརྡབས་པའི་སྒྲས་འཇིགས་པར་བྱེད་པ། ཀླུའི་རྒྱལ་པོ་འདབ་བཟངས་སྐ་རགས་སུ་བཅིངས་པ། ཨ་ལ་ལ་ཞེས་
སྒྲོགས་པར་བྱེད་པ། རྒྱ་མཚོའི་ཟབས་སུ་དཔག་ཚད་བརྒྱད་ཁྲི་བཞི་སྟོང་ཡོད་པ་རྐང་པའི་པུས་མོར་ཕྱིན་པ་དབང་པོ་དང་ཉི་མ་ཕྲག་པ་ལ་ཁུར་བ་ཀླུ་ཐམས་ཅད་བརླག་པར་བྱེད་པ། གད་རྒྱངས་ཆེན་པོ་རྒོད་པས་ཀུན་ཏུ་འཁྲུག་
པར་བྱེད་པ། གཤིན་རྗེའི་གཟུགས་ཅན་ཁམས་གསུམ་པ་འཇིགས་པར་བྱེད་པ། ཀླུ་ཐམས་ཅད་བརླག་པར་བྱེད་པ་ལ་ཕྱག་འཚལ་ལོ། །དེ་ནས་སངས་རྒྱས་བཅོམ་ལྡན་འདས་གང་གཱའི་ཀླུང་གི་བྱེ་མ་སྙེད་ཀྱིས་གསུངས་པའི་རིག་
སྔགས་འདི་བརྗོད་པར་བྱའོ། །ཏདྱ་ཐཱ་བྷོ་བྷོ་བནྣཱ་གཱ་དྷི་པ་ཏ་ཡེ། ཨི་དནྣཱི་ལཱམ་བ་ར་དྷ་ར་ཤ་རཱི་རྃ། བཛྲ་པཱ་ཎི་ཧྲྀ་ད་ཡྃ་ཡཿས་མ་ཏི་ཀྲ་མ་ཐ་མ་ཀུ་ལོ་ད་སཱ་ད་ན། བྷ་བི་ཥུ་ཏི་ཏདྱ་ཐཱ། བུདྡྷ་བུདྡྷ། བི་བུདྡྷ་བི་བུདྡྷ་མ་ཧཱི་སརྦ་ཧ་ཧ་ར་ཧ་ར་ནཱ་གཱ་ནཱྃ་
ཚིནྡ་ཚིནྡ་ནཱ་ག་ཧྲྀ་ད་ཡཱ་ནི་བིནྡྷ་བིནྡྷ་ནཱ་ག་མརྨཱ་ཎི། བི་ཤི་རྱནྟུ་ནཱ་ག་ཤ་རཱི་རཱ་ཎི་བི་སྥོ་ཊ་ཡ། ནཱ་ག་ན་ཡ་ནཱ་ནི་ཧཱུྃ་ཧཱུྃ་ཕཊ། ཏདྱ་ཐཱ་ནཱ་ག་བི་དཱ་ར་ཎཱ་ཡ་ཧཱུྃ་ཕཊ། ནཱ་གོདྶཱ་ད་ནཱ་ཡ་ཧཱུྃ་ཕཊ། ནཱི་ལྃ་བ་ས་ནཱ་ཡ་ཧཱུྃ་ཕཊ། ཨ་པྲ་ཏི་ཧ་ཏ་བ་ལ་པ་ར་ཀྲ་མཱ་ཡ་ཧཱུྃ་

94-1-166b

ཕཊ། ཀྲྀ་ཏནྟཱ་ཡ་ཧཱུྃ་ཕཊ། ཀྲྀ་ཏཱནྟ་རུ་པཱ་ཡ་ཧཱུྃ་ཕཊ། ར་ཥ་ཎཱ་ཡ་ཧཱུྃ་ཕཊ། ཏྲཱ་ས་ནཱ་ཡ་ཧཱུྃ་ཕཊ། ཀུྃ་བྷཱཎྜོཏྶཱ་ད་ནཱ་ཡ་ཧཱུྃ་ཕཊ། པྲེ་ཏ་པི་ཤཱ་ཙ་བི་ནཱ་ཤ་ཀ་རཱ་ཡ་ཧཱུྃ་ཕཊ། ཡཀྵཱ་པ་སྨཱ་ར་བི་ནཱ་ཤ་ཀ་རཱ་ཡ་ཧཱུྃ་ཕཊ། ཧ་ས་ཧ་ས། དྷ་ར་དྷ་ར། མཱ་ར་ཡ་མཱ་ར་ཡ། 
ནཱ་ཤ་ཡ་ནཱ་ཤ་ཡ། སརྦ་བི་གྷཱ་ནྭི་ནཱ་ཤ་ཀ་རཱ་ཡ་ཧཱུྃ་ཕཊ། སརྦ་ཤ་ཏྲུྃ་སྃ་གྷ་བི་ནཱ་ཤ་ཀ་རཱ་ཡ་ཧཱུྃ་ཕཊ། ༀ་ནཱི་ལཱྃ་བ་ར་དྷ་ར་བཛྲ་པཱ་ཎི་རཱ་ཛྙཱ་པ་ཡ་ཏི་སྭཱ་ཧཱ། དེའི་ཆོ་ག་ལ་གནོད་སྦྱིན་གྱིས་ཟིན་པ་ལ་ཆུ་ལ་སྔགས་ཀྱིས་བཏབ་སྟེ་གཏོར་ན་བཏང་བར་
འགྱུར་རོ། །ཀླུ་ཟློག་པར་འདོད་ན་སྨྱུག་ཤད་ཀྱི་ལྕུག་མ་འམ་བལ་པོ་སེའུའི་ལྕུག་མས་བྱའོ། །ཡི་དགས་དང་བརྗེད་བྱེད་རྣམས་ལ་ནི་སྐུད་པ་སྔོན་པོས་བྱའོ། །རིམས་ནད་མེད་པར་བྱ་བ་དང་། ཡི་ག་འཆུས་པ་ལ་ནི་སྐུད་པ་སྔོན་པོས་བྱའོ། །ནོར་
འདོད་ན་ཞག་གཅིག་སྨྱུང་བར་གནས་ཏེ་པོག་གིས་བདུགས་ན་རྨི་ལམ་དུ་དགེ་བ་དང་མི་དགེ་བའི་དོན་ཐམས་ཅད་སྟོན་པར་འགྱུར་ལ་གསེར་གྱི་དོང་ཚེ་བདུན་སྟོང་སྟེར་བར་འགྱུར་རོ། །རྒྱས་བཏབ་པ་དགྲོལ་བར་འདོད་ན་ཐལ་བས་
བྱའོ། །སྒོ་ལྕགས་དབྱེ་བར་འདོད་ན་ཡུངས་ཀར་གྱིས་བྱའོ། །འཇིགས་པ་ཐམས་ཅད་བསྲུང་བ་ལ་ནི་མར་རྙིང་པ་འམ་ཐལ་བ་འམ་ཡུངས་ཀར་གྱིས་བྱའོ། །ནད་ཀྱིས་འཇིགས་པ་ཐམས་ཅད་ལ་ནི་སྐུད་པ་སྔོན་པོ་ལ་བསྲུང་བའི་མདུད་པ་བྱས་ཏེ་
མགུལ་དུ་བཏགས་ན་བསྲུང་བའི་མཆོག་ཏུ་འགྱུར་རོ། །བྱིས་པ་གདོན་གྱིས་ཉེན་པ་ལ་ནི་ཚོན་སྣ་ལྔའི་སྐུད་པ་མགུལ་དུ་བཏགས་ན་བསྲུང་བའི་མཆོག་ཏུ་འགྱུར་རོ། །ཆོམ་རྐུན་བཟློག་པར་འདོད་ན་སས་བྱའོ། །དུག་ལ་ནི་
རྩྭ་ཀུ་ཤས་བྱབ་པར་བྱའོ། །བདག་བསྲུང་བ་ལ་ནི་ཡིད་ཀྱིས་སམ་ཆུས་བྱའོ། །གཞན་བསྲུང་བ་ལ་ནི་སྐུད་པ་སྔོན་པོས་བྱའོ། །ལས་དེ་དག་ཐམས་ཅད་ལ་སྔགས་བརྗོད་པ་ནི་ལན་གསུམ་མམ་བདུན་ནམ་བཅུ་བཞི་འམ་
ཉི་ཤུ་རྩ་གཅིག་གམ་བརྒྱ་རྩ་བརྒྱད་བརྗོད་པར་བྱའོ། །དེ་ལྟར་བྱས་ན་འགྲུབ་པར་འགྱུར་རོ། །རྡོ་རྗེ་ས་འོག་ཏུ་རྒྱུ་བ་ལས་རྟོག་པ་གསུམ་པའོ།། །། རྟོག་པ་འདི་དག་དབང་བྱེད་པ། །ལག་ན་རྡོ་རྗེ་ཁྲོས་པ་

94-1-167a

ལས། །བདུད་རྩི་འཁྱིལ་པའི་རྣལ་འབྱོར་གྱིས། །བྲན་གཡོག་རྣམས་ནི་བསྐུལ་བར་བྱ། །ཨོཾ་ཨ་མྲྀ་ཏ་ཀུཎྜ་ལི་ཧ་ན་ཧ་ན་ཧཱུྃ་ཕཊ། འདི་ནི་བཀའ་ཙམ་ངེས་བསྒྲག་ཅིང་། །བཻ་ཡིག་སུམ་ཅུ་རྩ་གཉིས་བརྗོད། །སྙིང་
གའི་འོད་ཀྱིས་དབང་བྱ་ཞིང་། །གུ་གུལ་དུད་པས་བྲོད་བྱས་ལ། །གསེར་སྣ་ཆེན་པོ་སེང་གེ་ལ་ཞོན་པ་དང་། རྨུགས་འཛིན་དང་། གང་བ་བཟང་དང་། ནོར་བུ་བཟང་དང་། ཀུན་བེ་ར་དང་། ཡང་དག་ཤེས་དང་། འབྲོག་གནས་དང་། ལྔས་རྩེན་
དང་། བི་ཙི་ཀུཎྜ་ལི་རྣམས་ལ་མཁོ་བ་སྦྱིན་པར་བྱའོ། །འདི་རྣམས་རྟ་ལ་བཅིབས་པ་ལ། །འོད་དང་ལྡན་ཞིང་མེ་ལོང་ཅན། །རས་དཀར་གཙང་མས་གསལ་བྱས་ལ། །གསལ་སྣང་ཀུན་ནི་བྲི་བར་བྱ། །ཡང་ན་ཀུན་ཀྱང་སྦྲུལ་ནག་
བཅིབས། །འཇིགས་པའི་མཚོན་ཆ་ཕྱག་ན་བསྣམས། །བསྐུལ་བ་དག་པར་དབང་བྱས་ན། །མངོན་སྤྱོད་ལས་ཀུན་བྱེད་པར་འགྱུར། །དྲག་པོ་དགུ་དང་ཉི་ཤུ་བརྒྱད། །ས་གསུམ་ཁྱབ་པ་སྤྲོས་ནས་ནི། །སྔགས་གྲུབ་སྟོབས་
ཀྱིས་བདག་བྲན་བྱེད། །དུས་ཚོད་དུས་ལ་མཆོད་པར་བྱེད། །དེ་ནས་དབུལ་བས་འཇིགས་པ་ལ། །རྨུགས་འཛིན་བསྒྲུབ་པ་ཡིད་འོང་བཤད། །ཀུན་ཀྱང་གཏེར་རྣམས་མནན་པ་ལ། །རིན་ཆེན་འབར་བས་ཁྱིམ་འགེངས་པ། །
སྐྱོར་གང་རྡོ་རྗེ་ཆུས་འགྲུབ་འགྱུར། །པད་མ་ཟླ་དང་གཏེར་ཆེན་ལ། །ཛྃ་ལས་བྱུང་བའི་གནོད་སྦྱིན་དགུ། །བཀུག་ལ་རང་རང་གསང་སྔགས་ཀྱིས། །ཆུ་དང་བཅས་པའི་མཆོད་སྦྱིན་དབུལ། །འདི་ནི་སྔགས་ཀྱི་རྐང་པ་
རྣམས་སོ། །ཨོཾ་བཻ་ཤྲ་པ་ཎཱ་ཡ་སྭཱ་ཧཱ། ཨོཾ་ཛྃ་བྷ་ལཱ་ཡེ་སྭཱ་ཧཱ། ཨོཾ་པཱུརྞྞ་བྷ་དྲཱ་ཡ་སྭཱ་ཧཱ། ཨོཾ་མ་ཎི་བྷ་དྲཱ་ཡ་སྭཱ་ཧཱ། ཨོཾ་ཀུ་བེ་རཱ་ཡ་སྭཱ་ཧཱ། ཨོཾ་སཾ་པྲ་ཛྙ་ནཱ་ཡ་སྭཱ་ཧཱ། ཨོཾ་གྷུ་ཏ་སྠ་ནཱ་ཡ་སྭཱ་ཧཱ། ཨོཾ་པཱཉྩི་ཀཱ་ཡ་སྭཱ་ཧཱ། ཨོཾ་པི་ཙི་ཀུཎྜ་
ལི་ནེ་སྭཱ་ཧཱ། དེ་ནས་ཡང་དག་སྤྱོད་པའི་མཆོག །ལྷ་ཡི་བརྟུལ་ཞུགས་དག་པ་བཤད། །དུས་རྣམས་ཀུན་དུ་དར་རས་གཙང་མའི་གོས་སྔོན་བྱིན་གྱིས་བརླབ་བྱ་ཞིང་། །བྲམ་ཟེའི་རིགས་ལྟར་དྲི་ཅན་ཟས་དང་འགྲོ་མགྱོགས་ཤ་ལས་རིང་དུ་འདུག །

94-1-167b

སྨྱུང་བར་གནས་ཤིང་ཆུས་དཀྲུས་དཀར་གསུམ་དག་དང་གཙང་བའི་ཟས་ཟ་ཞིང་། །ངག་གི་རླུང་བསྡམས་དད་དང་སྙིང་རྗེས་ཡིད་བརླན་རྟག་ཏུ་བརྩོན་པར་འཇུག །བསམ་གཏན་ཁང་པ་མདོག་ནི་སྔོ་བསྒྱུར་བ་ལྕི་དྲི་ཞིམ་ཆུ་ཡིས་བྱུགས། །དཀར་དང་སྔོ་བའི་
མེ་ཏོག་བཀྲམ་ལ་སྐུ་གདུང་བླ་མ་མདུན་བཞག་ལ། །ཆོ་རིས་བཙུན་པའི་སྒྲུབ་པོས་གོས་དཀར་བགོས་ལ་ཀུ་ཤའི་སྟན་ལ་འདུག །སྙིང་རྗེས་ཁྲོས་པའི་རིག་སྔགས་དམ་པ་དག་ཅིང་མཛེས་པར་བཟླས་པར་བྱ། །རུ་དྲཱ་ཀྵ་ཡི་བགྲང་ཕྲེང་བརྒྱ་
ཕྱེད་བྱིན་གྱིས་བརླབས་ལ་ལག་གཡས་གཟུང་། །ཕྲེང་བའི་རི་ལུ་རེ་དང་ལྷ་རེ་སྔགས་རེ་བཅས་ནས་སྙིང་གར་གཟུང་། །རྣལ་འབྱོར་འདི་རྣམས་རྣམ་པར་དཔྱད་ཅིང་འགྲོ་ལ་འཇུངས་པའི་སེམས་ལྡན་པས། །བདག་དང་གཞན་ལ་ཕན་པའི་ཕྱིར་དུ་རྟོག་པ་
བཤད་པ་བྱས་པ་ཡིན། །རྡོ་རྗེ་ས་འོག་ཏུ་རྒྱུ་བ་ལས་རྟོག་པ་བཞི་པའོ།། །། དབྱར་ཁ་སྐྱེས་པའི་རྩྭ་དང་ནགས་ཚལ་ལས་བྱུང་མེ་མཆེད་ལྟར། །རླུང་གིས་གྲོགས་བྱས་བསྲེགས་ནས་ཐལ་བའི་ལྷག་མ་འང་མ་ལུས་བཞིན། །བསྐལ་
པ་དཔག་མེད་སྐྱེས་པའི་རྟོག་པའི་དྲི་མའི་རྨ་རྣམས་ལ། །བསྲུང་བ་དད་དང་བརྩོན་འགྲུས་སྔགས་བཟླས་སེམས་དག་མེ་ཡིས་བསྲེག །ཉི་མའི་སྙིང་པོ་འཛམ་བུའི་གླིང་གི་དབུས་སུ་རིགས་བཟུང་སྟེ། །སྐྱེས་པ་དང་ནི་བུད་
མེད་དབང་པོ་སྐྱོན་མེད་ཚུལ་ཁྲིམས་ཅན། །སྐྱེ་བ་སྔ་མའི་ལྃ་ཤུགས་དག་དང་བླ་མའི་ལུང་ཐོབ་པ། །དད་དང་སྙིང་རྗེའི་སེམས་ཅན་གཏོང་བའི་བློ་དང་ལྡན་པ་དེས། །རིག་པའི་ཁྲོ་བོ་བསྒོམ་དང་དེ་རྗེས་དེ་ནི་བཟླས་འབད་ན། །
བསྟོད་དང་མཆོད་མཉེས་བྲན་གཡོག་ལྷ་མིན་གསང་བ་བརྙས་མེད་ཅིང་། །ཆུ་ཡི་མཆོད་སྦྱིན་འཁོར་ལོ་དག་དང་གཏོར་མ་ལ་བརྩོན་ཞིང་། །སྦྱིན་སྲེག་རྣམས་ཀྱིས་ལྷ་དང་བྲན་གཡོག་མཉེས་བྱས་ནས། །
རིང་པོར་མི་ཐོགས་བསྒྲུབ་པ་པོ་དེས། །རྟགས་དང་ཕྱག་རྒྱ་འབྱིན་པར་འགྱུར། །འདིར་ནི་མང་དུ་སྨྲ་མི་དགོས། །སྔར་ནི་རྡོ་རྗེ་ས་འོག་ཏུ། །བཤད་པའི་མཚན་མ་སྟེར་བར་འགྱུར། །ཟངས་ལྕགས་

94-1-168a

བླ་མའི་གནང་བྱའོ། །ལུས་སོགས་རིག་པའི་དབང་བསྐུར་ནས། །མེ་དང་རླུང་སོགས་འབྱུང་བ་དང་། །ནད་དང་གདོན་དང་བྱད་རྣམས་དང་། །བདུད་ཀྱིས་གླགས་ནི་རྙེད་མི་འགྱུར། །མེ་ལྕེ་ཕྲེང་བའི་རྟོག་པ་ལས། །བཤད་པའི་འཆི་
བའི་སྦྱོར་བྱུང་ན། །སེར་སྣ་འདི་ནི་ཕ་རོལ་འཕང་། །སྨོན་ལམ་ལམ་སྣ་ལ་བརྟེན་ནས། །འདི་འོག་བྱང་ཆུབ་སེམས་དཔའ་ནི། །འགྲོ་བ་སྨིན་པའི་བླ་མར་འགྱུར། །ཡང་ན་སྲིད་པ་བར་མ་དོར། །སྔགས་ཀྱིས་རྣམ་ཤེས་གཟི་བསྐྱེད་ནས། །
འགྲོ་ཕན་རིག་པ་འཛིན་གྱུར་ནས། །དེ་ཡི་འོག་ཏུ་སེམས་དཔའ་འོ། །ཐ་མ་འང་ལམ་ལ་བརྟེན་ནས་ནི། །རང་འདོད་པ་ཡི་ལུས་རྙེད་ནས། །སྔ་མ་ལམ་སེལ་དེ་འོག་ཏུ། །དངོས་གྲུབ་ལ་ནི་རྣམ་པར་གནས། །ལྷ་དང་སྔགས་སོགས་རྟོགས་
པ་དེས། །རྟོག་པ་དམན་པ་མནན་པ་ཡིན། །ནམ་མཁའ་ལྟ་བུར་རྟོག་མེད་ལ། །འཇིག་རྟེན་ངོར་ནི་རྟོག་པས་སྤྲུལ། །གདུལ་བྱ་སྡང་སོགས་སེམས་འཁྲུགས་ལ། །ང་ནི་སྙིང་རྗེས་སྡང་བར་མཛད། །ཁྲོ་སོགས་བསལ་དུ་མེད་གྱུར་ན། །
ཁྲོ་བོར་ད་ནི་ཅི་ཕྱིར་འགྱུར། །དང་པོ་རྣལ་འབྱོར་འཚེ་བ་བཅོམ། །དེ་ཕྱིར་རིག་སྔགས་སྦྱོར་བ་རྣམས། །རྒྱུད་ཀུན་དུ་ནི་གསུངས་པ་ཡིན། །འཚེ་བ་བཅོམ་ནས་དག་པ་ནི། །སེམས་དག་པ་ནི་བདེ་བ་ཡིན། །གདུག་པའི་སྦྱོར་བ་ཕྲོགས་
པས་ན། །བདེ་བར་བྱང་ཆུབ་ལམ་བརྟེན་ལ། །རྡོ་རྗེ་སྐུ་ཉིད་འགྱུར་མེད་ལ། །བདག་གིས་རིག་པའི་ཡེ་ཤེས་དེ། །ལུས་ཅན་དེ་ཡི་འབྲས་བུའོ། །ཇི་ལྟར་ཤེལ་ནི་འཛམ་བུ་ཀའི། །མེ་ཏོག་གིས་ནི་གཞན་དུ་སྣང་། །དེ་བཞིན་རྟོག་
མེད་རིག་པ་ཡང་། །ཁྲོ་བོའི་དབང་ཕྱུག་འདིར་སྣང་ནས། །ཇི་ལྟར་འདུལ་འགྱུར་སྤྲུལ་པ་ཡིས། །རྒྱུན་མི་འཆད་པར་ཁྲོ་བོར་སྣང་། །སྙིང་རྗེ་མེད་ན་འབྲས་བུ་ཉམས། །འགྲོ་ལ་ཕན་བཏགས་གནོད་བསལ་ན། །རང་སེམས་
དག་པས་འབྲས་བུ་འགྲུབ། །རྒྱུ་དང་འབྲས་བུའི་སྒྲིབ་པ་རྣམས། །བྱང་ཆུབ་སེམས་ཀྱིས་རིང་དུ་སྤང་། །འདི་ནི་འཁོར་བ་འཇིག་པར་ངེས། །བརྟན་དང་གཡོ་བའི་སྒྲིབ་པ་རྣམས། །བློ་མཉམ་དུས་ན་གཉེན་པོ་དང་། །

94-1-168b

མི་མཐུན་ནམ་མཁའ་ལྟར་ཡངས་པ། །ལྷུན་གྱིས་གྲུབ་འབྲས་ཕྱི་མ་ཡིན། །ཇི་སྲིད་རྟོག་པའི་དྲི་མ་ཡོད། །དེ་སྲིད་འབད་དེ་རིག་པ་བསྒོམ། །སེམས་སྦྱོང་སྔ་མ་རིག་པ་ཡིས། །རྒྱུད་ཉིད་དུ་ནི་འདོད་པ་ཡིན། །གང་ལ་
སེམས་ནི་དྲི་མེད་པ། །རྟོག་པའི་དྲི་མས་ནག་པོར་བྱས། །དེ་ལ་སྤང་བའི་བློ་མེད་པའོ། །རྟོག་པའི་བློ་ཅན་འཁོར་བ་ཡིན། །དེ་ཕྱིར་ཤཱཀྱའི་རིགས་ཅན་རྣམས། །ས་འོག་ཏུ་རྒྱུ་བའི་ཀླུའི་རྟོག་པ་ལ་སོགས་པ་ཚར་གཅད་པའི་ཕྱིར་སྦྱོར་
བ་རྣམས་ལ་གུས་པར་བྱའོ། །རྡོ་རྗེ་ས་གསུམ་དུ་རྒྱུ་བ་ལས་རྟོག་པ་ལྔ་པ་རྫོགས་སྷོ།། །།དབང་ཕྱུག་དམ་པའི་མངའ་བདག་ཁྲི་སྲོང་ལྡེ་བཙན་གྱི་བཀའ་ཁྲིམས་སུ། དཔལ་དཔེ་མེད་ལྷུན་
གྱིས་གྲུབ་པའི་གཙུག་ལག་ཁང་དུ་རྒྱ་གར་གྱི་མཁན་པོ་ཀུ་མཱ་ར་བཛྲ་དང་། ར་བྱིད་ལོ་ཙྪ་བས་བསྒྱུར་བའོ། ། ༄༅། །རྒྱ་གར་སྐད་དུ།  ཨཱརྱ་ནཱི་ལཱྃ་བ་ར་དྷ་ར་བཛྲ་པཱ་ཎི་ཀལྤ་ནཱ་མ་དྷཱ་ར་ཎཱི།  
བོད་སྐད་དུ།  འཕགས་པ་ལག་ན་རྡོ་རྗེ་གོས་སྔོན་པོ་ཅན་གྱི་ཆོ་ག་ཞེས་བྱ་བའི་གཟུངས། དཀོན་མཆོག་གསུམ་ལ་ཕྱག་འཚལ་ལོ། །གནོད་སྦྱིན་སྡེ་དཔོན་ཆེན་པོ་ལག་ན་རྡོ་རྗེ་གོས་སྔོན་པོ་
ཅན་སངས་རྒྱས་གང་གཱའི་ཀླུང་གི་བྱེ་མ་སྙེད་ཀྱིས་རྗེས་སུ་གནང་བ། མཆེ་བ་གཙིགས་པ་དང་འཚམ་པ། མིག་མེ་མདག་གི་ཕུང་པོ་འདྲ་བ། དབུགས་མེ་ལྕེ་ལྟར་འབར་བ། 
འཇིགས་པའི་ང་རོ་ཅན། ལག་པ་དང་རྐང་པ་ཀླུ་ནོར་རྒྱས་ཀྱི་བུས་བརྒྱན་པ་ཀླུ་ནག་པོ་སེ་རལ་ཁར་ཐོགས་པ། ཀླུ་དགའ་བོ་དང་ཉེ་དགའ་བོ་འབར་བས་རྣ་ཆ་བྱས་པ། སྦྲུལ་འབར་
བ་རིན་པོ་ཆེའི་ཅོད་པན་ཐོགས་པ། སྦྲུལ་གདུག་པ་འབར་བ་ཟ་བ། བཞིན་རྒྱས་པ། སྨིན་མ་དང་དཔྲལ་བ་བསྡུས་པ་ཡ་སོས་མ་མཆུ་མནན་པ། གཤིན་རྗེའི་ཆ་བྱད་ཅན། 

94-1-169a

ལྕེ་གློག་ལྟར་འགྱུ་བ་གསུས་པོ་ཆེ་སྦྲུལ་ཟ་བ། ལག་པ་བརྡབས་པའི་སྒྲས་འཇིགས་པར་བྱེད་པ། ཀླུའི་རྒྱལ་པོ་འདབ་བཟངས་སྐ་རགས་སུ་བཅིངས་པ། ཨ་ལ་ལ་ཞེས་སྒྲོགས་པར་བྱེད་པ། 
རྒྱ་མཚོའི་ཟབས་སུ་དཔག་ཚད་བརྒྱད་ཁྲི་ཡོད་པས་རྐང་པའི་པུས་མོར་ཕྱིན་པ་དབང་པོ་དང་ཉི་མ་ཕྲག་པ་ལ་ཁུར་བ། ཀླུ་ཐམས་ཅད་བརླག་པར་བྱེད་པ་གད་རྒྱངས་ཆེན་པོ་རྒོད་པས་ཀུན་ཏུ་འཁྲུགས་པར་བྱེད་པ། གཤིན་
རྗེའི་གཟུགས་ཅན་ཁམས་གསུམ་པ་འཇིགས་པར་བྱེད་པ་ཀླུ་རྣམས་འཆིང་བར་བྱེད་པ་ལ་ཕྱག་འཚལ་ལོ། །དེ་ནས་སངས་རྒྱས་བཅོམ་ལྡན་འདས་གང་གཱའི་ཀླུང་གི་བྱེ་མ་སྙེད་ཀྱིས་གསུངས་པའི་རིག་སྔགས་འདི་བརྗོད་པར་
བྱའོ། །ཏདྱ་ཐཱ། བྷོ་བྷོ་བནྣཱ་གཱ་དྷི་པ་ཏ་ཡེ། ཨི་དྃ་ནཱི་ལཱྃ་བ་ར་དྷ་ར་ཤ་རཱི་རྃ། བཛྲ་པཱ་ཎི་ཧྲི་ད་ཡྃ་ཡཿ ས་མཱ་ཏི་ཀྲ་མ་ཐ། ཨུཏྶཱ་ད་ནྃ་བྷ་བི་ཥྱ་ཏི། ཏདྱ་ཐཱ། བུདྡྷ་བུདྡྷ། བི་བུདྡྷ་བི་བུདྡྷ། མ་ཧི་པྲཱབྟ། ཧ་
ར་ཧ་ར་ནཱ་གཱ་ནཱྃ། པྲ་ཧ་ར་པྲ་ཧ་ར་ནཱ་གཱ་ནཱྃ། ཙྪིནྡ་ཙྪིནྡ་ནཱ་ག་ཧྲི་ད་ཡ་ནི། བྷིནྡ་བྷིནྡ་ནཱ་ག་མརྨཱ་ཎི། བི་སཱིརྱནྟུ་ནཱ་ག་ཤ་རཱི་རྃ་བི་སྥོ་ཊ་ཡ། ནཱ་ག་ན་ཡ་ནཱ་ནི། ཏདྱ་ཐཱ་ཧཱུྃ་ཕཊ། ནཱ་ག་བི་དཱ་ར་ཎཱ་ཡ་ཕཊ། ནཱ་ག་གོད་སཱ་
ད་ནཱ་ཡ་ཕཊ། ནཱི་ལཱྃ་བ་ས་ནཱ་ཡ་ཕཊ། ཨ་པྲ་ཏི་ཧ་ཏ་བ་ལ་པ་རཱ་ཀྲ་མཱ་ཡ་ཕཊ། ཀྲི་ཏཱནྟཱ་ཡ་ཕཊ། ཀྲི་ཏཱནྟ་རཱུ་པཱ་ཡ་ཕཊ། རོ་ཥ་ཎ་ཡ་ཕཊ། ཏྲཱ་ས་ནཱ་ཡ་ཕཊ། ཀུསྨ་ཎྡོདྶཱ་ད་ནཱ་ཡ་ཕཊ། 
པྲེ་ཏ་པི་ཤཱ་ཙི་བི་ནཱ་ཤ་ཀ་རཱ་ཡ་ཕཊ། ཡཀྵཱ་པསྨཱ་ར་བི་ནཱ་ཤ་ཀ་རཱ་ཡ་ཕཊ། ཧ་ས་ཧ་ས་དཱ་ར་དཱ་ར་མཱ་ར་ཡ་མཱ་ར་ཡ། ནཱ་ཤ་ཡ་ནཱ་ཤ་ཡ། སརྦ་བིགྷཱ་བི་ནཱ་ཤ་ཀ་རཱ་ཡ་ཕཊ། སརྦ་ཤ་ཏྲཱུྃ་སྃ་གྷ་བི་ནཱ་
ཤ་ཀ་རཱ་ཡ་ཕཊ། ནཱི་ལྃ་བ་ར་དྷ་ར་བཛྲ་པཱ་ཎི་རཱ་ཛྙཱ་པ་ཡ་ཏི་སྭཱ་ཧཱ། དེའི་ཆོ་ག་ལ་གནོད་སྦྱིན་གྱིས་ཟིན་པ་ལ་ཆུ་ལ་སྔགས་ཀྱིས་བཏབ་སྟེ་གཏོར་ན་བཏང་བར་འགྱུར་རོ། །ཀླུ་བཟློག་པར་འདོད་ན་སྨྱག་

94-1-169b

ཤད་ཀྱི་ལྕུག་མ་འམ་བལ་པོའི་སེའུའི་ལྕུག་མས་བྱའོ། །ཡི་དགས་དང་བརྗེད་བྱེད་རྣམས་ལ་སྐུད་པས་བྱའོ། །རིམས་ནད་མེད་པར་བྱ་བ་དང་། གཞོགས་ཕྱེད་ན་བ་དང་ཡི་ག་འཆུས་པ་ལ་ནི་སྐུད་པ་སྔོན་པོས་
བྱའོ། །ནོར་འདོད་ན་ཞག་གཅིག་སྨྱུང་བར་འདུག་སྟེ་སྤོས་ཕོར་གྱིས་བདུགས་ན་རྨི་ལམ་དུ་དགེ་བ་དང་མི་དགེ་བའི་དོན་ཐམས་ཅད་སྟོན་ལ་གསེར་གྱི་དོང་ཚེ་བདུན་སྟོང་སྦྱིན་པར་བྱེད་དོ། །རྒྱས་བཏབ་པ་དགྲོལ་བར་
འདོད་ན་ཐལ་བས་བྱའོ། །སྒོ་ལྕགས་དབྱེ་བར་འདོད་ན་ཡུངས་ཀར་གྱིས་བྱའོ། །འཇིགས་པ་ཐམས་ཅད་བསྲུང་བ་ལ་ནི་མར་རྙིང་པ་འམ་ཐལ་བ་འམ། ཡུངས་ཀར་གྱིས་བྱའོ། །ནད་ཀྱི་འཇིགས་པ་ཐམས་
ཅད་ལ་ནི་སྐུད་པ་སྔོན་པོ་ལ་བསྲུང་བའི་མདུད་པ་བྱས་ཏེ་མགུལ་དུ་བཏགས་ན་བསྲུང་བའི་མཆོག་ཏུ་འགྱུར་རོ། །བྱིས་པ་གདོན་གྱིས་ཉེན་པ་ལ་ནི་ཚོན་སྣ་ལྔའི་སྐུད་པ་ལ་བསྲུང་བའི་མདུད་པ་བྱས་ཏེ་མགུལ་དུ་བཏགས་ན་བསྲུང་
བའི་མཆོག་ཏུ་འགྱུར་རོ། །ཆོམ་རྐུན་བཟློག་པར་འདོད་ན་སས་བྱའོ། །དུག་ལ་ནི་རྩྭ་ཀུ་ཤས་བྱབ་པར་བྱའོ། །བདག་བསྲུང་བ་ལ་ནི་ཡིད་ཀྱིས་སམ་ཆུས་བྱའོ། །གཞན་བསྲུང་བ་ལ་ནི་སྐུད་པ་སྔོན་པོས་བྱའོ། །
ལས་དེ་དག་ཐམས་ཅད་ལ་སྔགས་བརྗོད་པ་ནི་ལན་གསུམ་མམ། བདུན་ནམ་བཅུ་བཞིའམ་ཉི་ཤུ་རྩ་གཅིག་གམ། བརྒྱ་རྩ་བརྒྱད་བརྗོད་པར་བྱའོ། །དེ་ལྟར་བྱས་ན་འགྲུབ་པར་འགྱུར་རོ། །མཆོད་རྟེན་སྐུ་གདུང་
དང་ལྡན་པའི་དྲུང་དུ་མེ་ཏོག་སྔོན་པོས་མཆོད་དེ། སྔགས་སྟོང་བཟླས་བརྗོད་བྱས་ན་འགྲུབ་པར་འགྱུར་རོ། །འཕགས་པ་ལག་ན་རྡོ་རྗེ་གོས་སྔོན་པོ་ཅན་གྱི་ཆོ་ག་ཞེས་བྱ་བའི་གཟུངས་རྫོགས་སྷོ།། །།རྒྱ་གར་གྱི་
མཁན་པོ་དཱི་པམ་ཀ་ར་ཤྲཱི་ཛྙཱ་ན་དང་། བོད་ཀྱི་ལོ་ཙྪ་བ་རྒྱ་བརྩོན་འགྲུས་སེང་གེས་དཔལ་ནཱ་ལེན་དཱའི་སྒོ་འགྲམ་དུ་བསྒྱུར། །སྟག་ལུང་རྒྱུད་འབུམ་ལ་གཏུགས་ཞུས་སོ། །

94-1-170a

༄༅། །རྒྱ་གར་སྐད་དུ།  ཨཱརྱ་བཛྲ་པཱ་ཎི་ནཱི་ལཱྃ་བ་ར་དྷ་ར་ཏྲི་ལོ་ཀ་བི་ན་ཡ་ནཱ་མ་ཏནྟྲ།  བོད་སྐད་དུ།  འཕགས་པ་ལག་ན་རྡོ་རྗེ་གོས་སྔོན་པོ་ཅན་ཞེས་བྱ་བ་འཇིག་རྟེན་གསུམ་འདུལ་བའི་རྒྱུད། 
དཀོན་མཆོག་གསུམ་ལ་ཕྱག་འཚལ་ལོ། །འདི་སྐད་བདག་གིས་ཐོས་པ་དུས་གཅིག་ན་བཅོམ་ལྡན་འདས་རི་རབ་ཀྱི་བྱང་ཕྱོགས་ལྕང་ལོ་ཅན་གྱི་ཕོ་བྲང་ན་བཞུགས་ཏེ། བརྗོད་ཀྱིས་མི་ལང་བའི་ལྷ་དང་མི་དང་ལྷ་མ་
ཡིན་ལ་སོགས་པའི་འཇིག་རྟེན་པ་དང་། བྱང་ཆུབ་སེམས་དཔའ་ལག་ན་རྡོ་རྗེ་ལ་སོགས་པ་ལ་བཀའ་སྩལ་པ། རིགས་ཀྱི་བུ་རྣམས་མ་འཇིགས་ཤིག །མ་སྐྲག་ཤིག །མ་དངང་ཞིག་ཅེས་གསུངས་སོ། །
དེ་ནས་བཅོམ་ལྡན་འདས་འཇིག་རྟེན་གསུམ་འདུལ་བ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས། ཐུགས་ཀའི་དཔལ་གྱི་བེའུ་ལ་འོད་ཟེར་ཁ་དོག་གསུམ་ལས་གྲུབ་པ་འོད་ཟེར་ཁ་དོག་གསུམ་པའི་འོད་ཟེར་བྱེ་བ་
ཁྲག་ཁྲིག་བརྒྱ་སྟོང་དུ་མ་འཇིག་རྟེན་གསུམ་དུ་བཀྱེ་སྟེ། ཐམས་ཅད་བཀུག་ནས་སླར་ཡང་འོད་ཀྱིས་སྣང་བར་བྱས་ནས། ཨོཾ་བཛྲ་ཙཎྜ་པ་ཙ་དུ་ཤྚཱནྟ་ཀ་ཧ་ན་ད་ཧ་པ་ཙ་ཧཱུྃ་ཕཊ། ནཱ་ག་བི་དཱ་ར་ཎཱ་ཡ་ཕཊ། ཏིརྱ་
གྦི་དཱ་ར་ཎཱ་ཡ་ཕཊ། པྲེ་ཏ་བི་དཱ་ར་ཎཱ་ཡ་ཕཊ། ན་ར་བི་དཱ་ར་ཎཱ་ཡ་ཕཊ། ན་ར་ཀ་ནཱ་བི་དཱ་ར་ཎཱ་ཡ་ཕཊ། དེ་བ་བི་དཱ་ར་ཎཱ་ཡ་ཕཊ་ཅེས་གསུངས་པས། འཇིག་རྟེན་གསུམ་པོ་ཐམས་ཅད་ཀྱི་ལུས་གས་ནས་སེམས་ཤེལ་
སྒོང་ལྟ་བུར་གནས་པར་གྱུར་ཏོ། །སེམས་ཡི་གེ་གསུམ་ལྟ་བུར་གནས་ཏེ་ཨོཾ་ནི་ཞལ་གསུམ་ཕྱག་དྲུག་སྟེ། །ཨཱཿནི་ཞལ་གཅིག་ཕྱག་གཉིས་ཏེ། །ཧཱུྃ་ནི་རྒྱན་དང་བྲལ་གྱུར་པ། །རིགས་ནི་
གསུམ་དུ་གྱུར་པ་ཡིན་ཞེས་གསུངས་སོ། །དེ་ནས་རིགས་གསུམ་དུ་གྱུར་པས་ཆེད་དུ་བརྗོད་པ་འདི་ཆེད་དུ་བརྗོད་དོ། །ཨེ་མའོ་ཤིན་ཏུ་རྙེད་དཀའ་བ། །ཞེ་སྡང་ཆེན་པོའི་བདག་ཉིད་ཅན། །ཕྱག་ན་རྡོ་རྗེ་རྙེད་དཀའ་བ། །

94-1-170b

བདག་ཅག་གིས་ནི་ཐོབ་པར་འགྱུར། །དེ་ནས་རྡོ་རྗེ་འཛིན་པའི་རྒྱལ་པོས་འཁོར་གྱི་གཙོ་བོ་རྡོ་རྗེ་འཛིན་པ་ཐུགས་བསྐུལ་བའི་སྔགས་འདི་གསུངས་སོ། །བཛྲ་པཱ་ཎི་ཧྲི་ད་ཡམ་ད། དེ་ནས་བྱང་ཆུབ་སེམས་དཔའ་
ཕྱག་ན་རྡོ་རྗེས་བཅོམ་ལྡན་འདས་ལ་བསྟོད་པ། ཏདྱ་ཐཱ། བྷོ་བྷོ་བཱནྣཱ་ག་ཨ་དྷི་པ་ཏ་ཡེ། ཨི་དྃ་ནཱི་ལཱྃ་བ་ར་དྷ་ར་ཤ་རཱི་རྃ། བཛྲ་པཱ་ཎི་ཧྲི་ད་ཡྃ། ཡཿ ས་མཱ་ཏི་ཀྲ་མ་ཐ་ཨུཏྶཱ་ད་ནྃ་བྷ་བི་ཥྱ་ཏི། བསྟོད་པ་འདིས་
བསྟོད་པས་འགྱུར་བ་བཅུ་གཉིས་དང་། ལྟས་བཅྭ་བརྒྱད་འབྱུང་བས་འཇིག་རྟེན་གྱི་ཁམས་གཞན་ནས་འབྱུང་བའི་ལྷ་དང་མི་ལ་སོགས་པ་ཐམས་ཅད་སྐྲག་ནས་དཀོན་མཆོག་གསུམ་ལ་སྐྱབས་སུ་མཆིའོ་ཞེས་བརྗོད་དོ། །འཇིག་
རྟེན་གྱི་ཁམས་གཞན་ན་གནས་པའི་བཅོམ་ལྡན་འདས་ཀྱིས་རང་རང་གི་གདུལ་བྱ་རྣམས་མ་འཇིགས་ཤིག །མི་མཇེད་ཀྱི་འཇིག་རྟེན་གྱི་ཁམས་ན་བྱང་ཆུབ་སེམས་དཔའ་ཕྱག་ན་རྡོ་རྗེ་བཞུགས་པས་འཇིག་རྟེན་མཁྱེན་པ་ལ་བསྟོད་
པའི་ལྟས་ཡིན་གྱིས་ཞེས་གསུངས་སོ། །རང་རང་གི་འཁོར་དད་པ་དང་ལྡན་པ་རྣམས་ཀྱིས་རང་རང་གི་འཇིག་རྟེན་མཁྱེན་པ་ལ་གསོལ་པ། འཇིག་རྟེན་མཁྱེན་པ། བྱང་ཆུབ་སེམས་དཔའ་དེ་ལྟ་བར་འཚལ་ན་གནང་བར་
མཛད་དུ་གསོལ། དེ་ནས་རང་རང་གི་འཁོར་རྣམས་རང་རང་གི་སྟོན་པའི་འོད་ལ་འཇུས་ནས་རི་རབ་ཀྱི་སྟེང་ན་ལྕང་ལོ་ཅན་གྱི་ཕོ་བྲང་གི་ནང་དུ་རང་རང་གི་འཁོར་དང་བཅས་པ་བྱོན་ནོ། །དེ་ནས་བྱང་ཆུབ་སེམས་དཔའ་ཕྱག་ན་རྡོ་རྗེ་ལ་
མཆོད་པ་ཐམས་ཅད་ཀྱིས་མཆོད་དེ་བསྟོད་པ་བྱས་ནས། བྱང་ཆུབ་སེམས་དཔའ་བསྟོད་པ་ཡི། །ངོ་མཚར་ལྟས་ཀྱིས་འདིར་མཆིས་པས། །འཇིག་རྟེན་དུ་འབྱུང་དཀའ་བ་ཡིས། །ཚར་གཅད་རྗེས་བཟུང་
བཤད་དུ་གསོལ། །དེ་ནས་བཅོམ་ལྡན་འདས་དམ་ཚིག་རྡོ་རྗེ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས་དབང་བསྐུར་བ་མཛད་དོ། །ཨ་བྷི་ཥིཉྩ་ཞེས་གསུངས་པས་སྣོད་དང་ལྡན་པར་བྱས་སོ། །འཇིག་

94-1-171a

རྟེན་གསུམ་འདུལ་བ་ཞེས་བྱ་བའི་རྒྱུད་ལས་གླེང་གཞིའི་ལེའུ་སྟེ་དང་པོའོ།། །། དེ་ནས་བཅོམ་ལྡན་འདས་རྡོ་རྗེ་འཛིན་པ་ལ་བྱང་ཆུབ་སེམས་དཔའ་ཕྱག་ན་རྡོ་རྗེས་མཆོད་པ་ཐམས་ཅད་ཀྱིས་མཆོད་དེ། 
ལན་གསུམ་དུ་བསྐོར་བ་བྱས་ནས་ཡང་དང་ཡང་དུ་ཕྱག་བྱས་ནས་གསོལ་བ་བཏབ་པ་དང་། སེམས་ཅན་ཀུན་ལ་ཕན་པའི་ཕྱིར། །བསྲུང་བ་རྣམས་ཀྱི་མཆོག་གྱུར་པ། །ཕྱག་ན་རྡོ་རྗེ་བསྲུང་བའི་རྒྱུད། །ཞེ་སྡང་གཙོ་བོས་
བཤད་དུ་གསོལ། །དེ་ནས་སྟོན་པ་རྡོ་རྗེ་འཛིན། །ཞེ་སྡང་ཀུན་གྱི་རྒྱ་མཚོ་གཙོ། །འབར་བ་དྲག་པོ་སྤྱན་ཡངས་པས། །གསུང་ནི་འདི་སྐད་བཀའ་སྩལ་ཏོ། །ཟླ་བའི་དཀྱིལ་འཁོར་ལ་གནས་པའི། །དབུས་
སུ་ཕྱག་ན་རྡོ་རྗེ་བྲི། །དེ་མཐའ་མཚན་མ་ཉི་ཤུ་བཞི། །རང་དབུས་སརྦ་དུཥྚྃ་དང་། །སྡེ་ཚན་དང་པོ་བཅྭ་བརྒྱད་དགོད། །དབུས་མཚན་ལྟེ་བར་མིང་བྲིས་ལ། །དེ་རྣམས་ཕྱག་ན་རྡོ་རྗེའི་དབུས། །དབུས་མའི་
ཕྱག་ན་རྡོ་རྗེ་ལ། །བསྟོད་པའི་སྔགས་ཀྱིས་བསྐོར་བར་བྱ། །རྡོ་རྗེ་ཉི་ཤུ་རྩ་བཞི་ལ། །ཀླུ་འདུལ་སྔགས་ཀྱིས་བསྐོར་བར་བྱ། །དེ་ནས་བཅོམ་ལྡན་འདས་རྡོ་རྗེ་འཛིན་པས་ཀླུ་འདུལ་བར་བྱེད་པ་ཞེས་བྱ་བའི་ཏིང་ངེ་འཛིན་
ལ་སྙོམས་པར་ཞུགས་ནས་སངས་རྒྱས་གང་གཱ་ཀླུང་གིས་གསུངས་པའི་རིག་སྔགས་འདི་བཀའ་སྩལ་ཏོ། །ཏདྱ་ཐཱ། བུདྡྷ་བུདྡྷ་བི་བུདྡྷ། མ་ཧི་པྲཱབྟ། ཧ་ར་ཧ་ར་ནཱ་གཱ་ནཱྃ། པྲ་ཧ་ར་པྲ་ཧ་ར་ནཱ་གཱ་
ནཱྃ། ཙྪིནྡ་ཙྪིནྡ་ནཱ་ག་ཧྲི་ད་ཡཱ་ནི། བྷིནྡ་བྷིནྡ་ནཱ་ག་ད་མ་ནི། བི་ས་མ་དྷ་ནཱ་ག་ཤ་རཱི་རྃ་བི་སྥོ་ཊ་ཡ། སྔགས་དེས་ཀླུ་རྣམས་སྐྲག་སྟེ། རང་རང་གི་གནས་སུ་འབྲོས་པར་ཆས་པ་ལས་ནཱ་ག་ཡ་ནཱ་ནི་ཞེས་གསུངས་
པས་ལུས་མི་གཡོ་བར་འགྱུར་རོ། །དེ་ནས་དཀོན་མཆོག་གསུམ་ལ་སྐྱབས་སུ་མཆི་སྟེ། རང་རང་གི་གནས་སུ་དོང་ངོ་། །ཕྱི་ཡི་ཕྱག་ན་རྡོ་རྗེ་ལ། །ལྷ་སྲིན་སྔགས་ཀྱིས་བསྐོར་བར་བྱ། །གཉིས་ལ་

94-1-171b

རིགས་ཀྱི་ནག་པོས་བརྒྱན། །རྒྱན་དང་ཆ་ལུགས་ཚང་བ་ལ། །དབུས་ནས་རིམ་པ་ཅི་བཞིན་དུ། །ཨོཾ་དང་ཧཱུྃ་མཐའ་པཱ་ཎིའི་སྔགས། །ཕྲེང་བ་བསྣམས་པ་བྲི་བར་བྱ། །ཨོཾ་གྱིས་རྡོ་རྗེ་ལྟེ་བར་མཚན། །
ཧཱུྃ་གིས་ཤེས་རབ་ལྕེ་ལ་མཚན། །ཕྱིའི་ལྕགས་རི་དག་ལ་ནི། །ཐབས་དང་ཤེས་རབ་དག་ཀྱང་བྲི། །བསྒྲུབ་བྱ་རྡོ་རྗེ་ལྟེ་བར་བཅའ། །གུར་ཀུམ་གྱིས་ནི་བྲི་བར་བྱ། །ཡར་ངོའི་ཚེས་བརྒྱད་ནས་བཟུང་སྟེ། །བྲིས་
ནས་དེ་ནུབ་ནས་བཟུང་བ། །བཅུ་བཞི་བར་དུ་བསྙེན་པར་བྱ། །བཅྭ་ལྔའི་ནུབ་མོ་བསྒྲུབ་པ་སྟེ། །དཀྱིལ་འཁོར་ཆ་ལུགས་ལྡན་པ་ལ། །ལྷ་སྣམ་སྟེང་དུ་པུས་བཙུགས་ལ། །ཆོ་ག་བཞིན་དུ་བསྐྱེད་པར་
བྱ། །འཁོར་ལོ་དག་ལ་གསང་བྱས་ལ། །འཁོར་ལོ་སྟོང་པ་ཉིད་དུ་བསྒོམ། །སྟོང་པ་ཉིད་ལས་ཧཱུྃ་བྱུང་སྟེ། །དེ་ཞུ་བ་ལས་རྡོ་རྗེ་ནི། །བཛྲ་པཱ་ཎིས་ལྟེ་བར་མཚན། །དེ་ལས་འཕྲོ་དང་འདུས་པ་
ལས། །ཕྱག་ན་རྡོ་རྗེའི་སྐུར་བསྐྱེད་ལ། །དེ་སྙིང་ཟླ་བ་རྡོ་རྗེས་མཚན། །རྡོ་རྗེ་ལྟེ་བར་ཧཱུྃ་མཚན་ལས། །འོད་ཟེར་སྤྲོས་ཏེ་གོས་སྔོན་བསྡུ། །དེ་ལ་མཆོད་པ་སྣ་ཚོགས་མཆོད། །བསྟོད་དང་བདུན་པོ་
བྱས་ནས་ཀྱང་། །འོད་ཟེར་དག་གིས་བཀུག་བྱས་ལ། །རང་སྙིང་རྡོ་རྗེ་ཧཱུྃ་ལ་ཐིམ། །དེ་ལ་མཆོད་བསྟོད་སྣ་ཚོགས་བྱ། །རྡོ་རྗེ་དག་ལས་ཡེ་ཤེས་ཀྱི། །མེ་བྱུང་རྡོ་རྗེ་ཞུ་གྱུར་ནས། །འཁོར་ལོའི་རྣམ་པར་
གྱུར་པར་བསམ། །སྐུ་ནི་སྐུའི་རྣམ་པ་སྟེ། །མཚན་མ་མཚན་མའི་རྣམ་པར་རོ། །ས་དེ་བསྡུས་པ་ཀིར་ཏི་དང་། །བསྲེགས་པའི་ནང་དུ་འཁོར་ལོ་གཞུག །དེ་ནས་བྱང་ཆུབ་སེམས་དཔའ་ཕྱག་ན་རྡོ་རྗེས་
བསྟོད་པ། སེམས་ཅན་རྣམས་ལ་ཕན་གདགས་ཕྱིར། །སྟོན་པ་ཁྱབ་བདག་རྡོ་རྗེ་འཛིན། །གདུལ་དཀའ་ཐམས་ཅད་འདུལ་བ་ཡི། །བསྲུང་བའི་འཁོར་ལོ་ངོ་མཚར་ཆེ། །འཇིག་རྟེན་གསུམ་འདུལ་བའི་

94-1-172a

རྒྱུད་ལས་ས་འོག་འདུལ་བ་སྟེ་ལེའུ་གཉིས་པའོ།། །། དེ་ནས་མི་མཇེད་ཀྱི་འཇིག་རྟེན་གྱི་ཁམས་ཀྱི་ཕྱག་ན་རྡོ་རྗེ་རྣམས་ཀྱིས་བཅོམ་ལྡན་འདས་རྡོ་རྗེ་འཛིན་པ་ལ་མཆོད་པ་ཐམས་ཅད་ཀྱིས་
མཆོད་ནས་ཕྱག་འཚལ་ཏེ་གསོལ་བ་བཏབ་པ། །དེ་ནས་སྔགས་སྙིང་ཀུན་འདུས་པ། །སེམས་ཅན་ཀུན་ལ་ཕན་པའི་ཕྱིར། །སྟོན་པ་དཔལ་ལྡན་རྡོ་རྗེ་འཛིན། །རིག་སྔགས་གཅོད་བྱེད་བཤད་དུ་གསོལ། །
དེ་ནས་སྟོན་པ་རིག་སྔགས་གཅོད། །གསུང་ནི་འདི་སྐད་བཀའ་སྩལ་ཏོ། །དང་པོ་བསྙེན་པ་བྱ་བ་སྟེ། །མཆོད་རྟེན་སྔོན་པོ་བརྩིགས་པ་དང་། །རས་རིས་ལ་སོགས་བྲི་བྱ་སྟེ། །ལྕེ་ཡི་སྒྲིབ་པ་སྦྱང་བའི་
ཕྱིར། །ཡི་གེ་བརྒྱ་པས་བཤགས་པར་བྱ། །དེ་ནས་ཚངས་པའི་གནས་བཞི་བསྒོམ། །སྟོང་པ་ཉིད་ལས་འདི་གསུམ་མཐའ། །ཡོངས་སུ་གྱུར་པས་རྡོ་རྗེ་སྟེ། །དེ་ལ་བཛྲ་པཱ་ཎིས་མཚན། །ལྟེ་དབུས་སྔགས་
ལ་ལྷ་སྤྲོ་བསྡུ། །བྱས་པས་ཕྱག་ན་རྡོ་རྗེར་གྱུར། །ལྷ་ཡི་སྐུ་མདོག་རྒྱན་ལ་སོགས། །རྩ་བའི་རྒྱུད་ལས་ཤེས་པར་བྱ། །བདག་ཉིད་ཐུགས་ཀའི་དཔལ་བེའུ་ལས། །འོད་ཟེར་འཕྲོས་པས་བཅོམ་ལྡན་བསྡུ། །
འོད་ཟེར་གཉིས་པའི་རྩེ་མོ་ལས། །མཆོད་པ་རྣམ་པ་བཅུ་སྤྲོས་ཏེ། །བཅོམ་ལྡན་ཚོགས་ལ་མཆོད་པ་བྱ། །དེ་ནས་ཡང་དག་བསྟོད་བྱས་ལ། །འོད་ཟེར་གསུམ་པས་སྙིང་གར་གཞུག །སྙིང་གའི་མཚན་
མ་ཟླ་དཀྱིལ་ཐིམ། །བཛྲ་ཉི་ཤུ་གཅིག་དབུས་གནས། །དེ་ལ་སྔགས་རྒྱལ་བསྐོར་བར་བྱ། །སྔགས་ནི་རྣམ་པ་བཞི་རུ་བཤད། །མིང་དང་དོན་དང་སྤེལ་བ་དང་། །བཟླས་པ་དག་དང་རྣམ་པ་བཞི། །
བཟླས་པ་རྣམ་པ་བཅུ་དྲུག་ཏུ། །རྒྱུད་འདི་ལས་ནི་རབ་ཏུ་གྲགས། །རྡོ་རྗེ་ཡི་ནི་བཟླས་པ་དང་། །རིན་ཆེན་པད་མའི་བཟླས་པ་དང་། །ལས་ཀྱི་བཟླས་པ་བཞི་པོ་དག །ལས་བཞི་པོ་ནི་རང་བཞིན་

94-1-172b

ཅན། །རང་བཞིན་རྡོ་རྗེའི་བཟླས་པ་དང་། །དྲག་པོའི་ལས་དང་ཟོ་ཆུན་རྒྱུད། །མགལ་མེའི་འཁོར་ལོའི་བཟླས་པ་དང་། །མདའ་དང་སྦྲུལ་གྱི་བཟླས་པ་དང་། །འགོག་པ་ཡི་ནི་བཟླས་པ་དང་། །
སྐུ་བསྲུངས་བཀའ་ཉན་བཟླས་པའོ། །ཁྱབ་འཇུག་མདུང་དང་ཚངས་པའི་གཞུ། །མར་མེ་ལྟ་བུའི་བཟླས་པའོ། །བཟླས་པའི་མཚན་མའི་རང་བཞིན་ཏེ། །རྟག་ཏུ་ལྷ་རྣམས་བུམ་པ་ཡིས། །དབང་
བསྐུར་བྱེད་པ་བྱུང་བ་འམ། །ཡང་ན་ལོ་བརྒྱད་ལོན་པ་འབྱུང་། །ཡང་ན་མེ་ཏོག་སྔོན་པོ་སྟེ། །མ་བྱུང་ན་ཡང་དུས་བསྙེན་བྱ། །དེ་ནས་བསྒྲུབ་པ་བརྩམ་པར་བྱ། །དཀྱིལ་འཁོར་རྣམ་པ་བཞི་རུ་བཤད། །
ཞི་རྒྱས་བསྡུས་དང་དྲག་པོ་སྟེ། །འདིར་ནི་དྲག་པོའི་གཙོ་བོའོ། །དཀྱིལ་འཁོར་ཉམས་སུ་བླང་བའོ། །བླ་མ་ལྔ་རུ་ཤེས་པར་བྱ། །བདག་ཉིད་རྒྱན་དང་ལྡན་པ་ལ། །ཤར་གྱི་ཕྱོགས་སུ་བལྟ་བར་བྱ། །
ཆོ་ག་གསུམ་གྱིས་དབྱུང་བའོ། །དཔལ་བེའུ་ཞུ་བ་རྡོ་རྗེར་གྱུར། །དཀྱིལ་འཁོར་དབུས་ཀྱི་ལྟེ་བ་ལ། །བཅོམ་ལྡན་ཆོ་ག་བཞིན་དུ་བསྐྱེད། །ཡེ་ཤེས་སེམས་དཔའ་སྤྱན་དྲངས་ལ། །དཔལ་བེའུ་ཞུ་བས་ཡེ་
ཤེས་སོ། །མཐའ་མ་སྐར་མ་ལྟ་བུ་ཡི། །རང་བཞིན་དཔལ་བེའུ་ཧཱུྃ་དང་ནི། །ཡེ་ཤེས་སེམས་དཔའི་ཐུགས་དཀྱིལ་ལས། །སྔགས་ཀྱི་འཁོར་ལོ་བསྐོར་བར་བྱ། །དེ་ཡི་དབུས་སུ་བསྒྲུབ་བྱ་གཞག །ཧཱུྃ་ལས་
བསྐྱེད་པའི་ཕུར་བུ་ནི། །དེའི་ལྕེ་ལས་བརྟེན་པར་བྱ། །གུ་གུལ་ནག་པོའི་སྤོས་ཀྱིས་ནི། །དེའི་སྣ་ནས་བདུག་པར་བྱ། །སྔགས་རྒྱལ་ནཱ་ག་བོར་ནས་ནི། །མཱ་ར་ཛི་ཧ་གཞུག་པར་བྱ། །དེ་ནི་རིགས་ངན་ཐོད་པར་
གཞུག །མཆོད་རྟེན་འོག་ཏུ་མནན་པར་བྱ། །དེ་སྟེངས་དུག་གསུམ་མགོ་བོ་ནི། །ཨོཾ་ཨཱཿཧཱུྃ་དར་དཀར་གཅིག་གིས་ཕུར་བྱས་ལ། །རིམ་པ་དང་པོར་གཞུག་པར་བྱ། །དེ་སྟེང་རིམ་པ་ལྔ་པ་ལ། །ཤ་ཆེན་ལ་

94-1-173a

སོགས་ལྔ་པོ་དག །ཧཱུྃ་ཏྲྃ་ཧྲིཿཨཱ་ཨ། ར་རོག་ཁ་རུ་གཞུག་པར་བྱ། །རིམ་པ་བཞི་པ་དག་ལ་ནི། །འཁོར་ལོ་གཞུག་པར་བྱ་བ་དེ། །ཡྃ་ལས་རླུང་དང་རམ་ལས་མེ། །དེ་སྟེང་འཁོར་
ལོ་རྩིབས་བརྒྱད་བྲི། །དེ་སྟེང་ཉི་མ་ཟླ་བ་སྟེ། །འཁོར་ལོ་དབུས་ཀྱི་ལྟེ་བ་ལ། །དགྲ་བོའི་མགོ་བོ་ཐུར་བསྟན་བྲི། །དེ་ཡི་སྙིང་གར་མིང་བྲིའོ། །འཁོར་ལོ་ཡི་ནི་རྩིབས་བརྒྱད་ཏེ། །རྩིབས་ལ་སྔགས་ཀྱིས་
བསྐོར་བར་བྱ། །མིང་ལས་བསྒྲུབ་བྱ་ཧཱུྃ་ལས་སྟོན། །འོག་གི་ལས་ནི་གཉིས་ཀྱང་བྲི། །ཁྲ་དང་སྤྱང་ཀི་ལ་སོགས་པའི། །ཐོད་པར་གཟུགས་བརྙན་བཅུག་ནས་ནི། །ཡུངས་ཀར་དག་གིས་བྲབ་བྱས་ལ། །རང་
གི་འོག་ཏུ་གནན་པར་བྱ། །གུ་གུལ་ནག་པོའི་སྤོས་དག་གིས། །དེ་ཡི་སྣ་ནས་བདུག་པར་བྱ། །སེང་ལྡེང་ཕུར་བུ་སོར་བཞི་པ། །གདབ་པའི་སྔགས་ཀྱིས་ལྕེ་ལ་གདབ། །རྡོ་རྗེ་རྒྱ་གྲམ་དག་གིས་ནི། །དེ་ཡི་བུག་པ་
དགབ་པར་བྱ། །ཉ་དང་འབྱུང་པོའི་ཉི་མ་ལ། །ཕུར་བུ་བསྐུལ་ཞིང་ཡུངས་ཀར་བརྡེག །དེ་ནས་རིག་སྔགས་འཆང་དེ་རྣམས་ཀྱིས་ཆེད་དུ་བརྗོད་པ་འདི་ཆེད་དུ་བརྗོད་དོ། །ཨེ་མའོ་སྟོན་པ་ཁྱད་པར་འཕགས། །
ཨེ་མའོ་ཐབས་ཀྱང་ཁྱད་པར་འཕགས། །ཨེ་མའོ་འཁོར་ཡང་ཁྱད་པར་འཕགས། །ཁྱད་པར་འཕགས་པ་ངོ་མཚར་ཆེ། །འཇིག་རྟེན་གསུམ་འདུལ་བའི་རྒྱུད་ལས་ས་བླ་འདུལ་བའི་ལེའུ་སྟེ་གསུམ་པའོ།།   
དེ་ནས་འཇིག་རྟེན་གྱི་ཁམས་གཞན་ནས་བྱོན་པའི་བཅོམ་ལྡན་འདས་འཁོར་དང་བཅས་པས་མཆོད་ཅིང་ཕྱག་འཚལ་ནས་གསོལ་བ་བཏབ་པ། བསད་པ་ལས་ཀྱི་འཁོར་ལོ་འདི། །ས་སྟེང་འདུལ་བར་བྱ་བའི་
ཕྱིར། །རྡོ་རྗེ་ཆེན་པོས་བཤད་དུ་གསོལ། །དེ་ནས་སྟོན་པ་རྡོ་རྗེ་འཛིན། །གསུང་ནི་འདི་སྐད་བཀའ་སྩལ་ཏོ། །རྡོ་རྗེ་སློབ་དཔོན་སྨོད་པ་དང་། །ཐེག་པ་ཆེན་པོ་སྤོང་བ་ནི། །བསྡུ་བའི་དངོས་པོར་བསྡུ་བར་

94-1-173b

བྱ། །དེ་ཡང་དབང་དུ་མ་གྱུར་ན། །ཁམས་གསུམ་སེམས་ཅན་ཐམས་ཅད་ནི། །སངས་རྒྱས་སྐུར་ནི་བསམས་ནས་སུ། །དེ་ཡིས་གསད་བསྒོམ་ཉེས་པ་བསྒྲག །ཞལ་གསུམ་ཕྱག་དྲུག་རྡོ་རྗེ་འཛིན། །
སྙིང་ག་ནས་ནི་སྤྲོས་བྱས་ལ། །དེ་ཡིས་བསྲུང་དང་འཇིག་རྟེན་ལྷ། །ཞགས་པ་དག་གིས་དྲངས་ནས་ནི། །ཨོཾ་བཛྲ་ཙཎྜ་སརྦ་དུཥྚྃ་བེ་ཤ་ཛཿ །མཚོན་ཆ་དག་གིས་བཅད་ལ་སོགས། །ཨོཾ་བཛྲ་ཙཎྚ་སརྦ་དུཥྚྃ་ཏ་ཀ་ཧ་ན་ད་
ཧ་པ་ཙ་ཧཱུྃ་ཕཊ་ཀླུའི་ཡི་བཟླས་པ་འབུམ་བྱས་ཏེ། །ཉ་དང་འབྱུང་པོའི་ཉི་མ་ལ། །བདག་ཉིད་རྒྱན་དང་ལྡན་བྱས་ལ། །རྫས་དང་སྔགས་ཀྱིས་བསྲུང་བར་བྱ། །བཞི་མདོ་ལྷ་ཁང་དུས་ནམ་ཕྱེད། །སྔགས་ཀྱི་རྒྱལ་པོ་བཟླས་བྱས་
ཏེ། །དེ་ནས་འཁོར་ལོ་བྲི་བར་བྱ། །སྟེང་འཁོར་འོག་འཁོར་དུག་ཤིང་གིས། །དགའ་དང་ལེགས་པའི་སེམས་ཀྱིས་བྲི། །རས་མ་ཉམས་ལ་གུར་གུམ་མཆོག །དབུས་སུ་ཕྱག་ན་རྡོ་རྗེ་ལ། །དཔྲལ་བ་སྙིང་ག་ལྐོག་
མ་རུ། །ཡི་གེ་གསུམ་བཀོད་སྐུ་གསུམ་སྟེ། །རྒྱན་དང་ཆ་ལུགས་ཚང་བར་བྲི། །འཁོར་ཡུག་ཐམས་ཅད་དུཥྚྃ་བྲི། །ཞབས་དང་སྤྱི་བོ་གཡས་དང་གཡོན། །ཟླ་བ་ཉི་མ་དབུས་སུ་ནི། །རྒྱལ་པོ་བཞི་ཡི་
མཚན་མ་བྲི། །མཚམས་བཞིར་རྡོ་རྗེའི་གདན་ལ་ཧཱུྃ། །འཁོར་ཡུག་ལ་ནི་ཤེས་རབ་ཐབས། །ཧཱུྃ་ལས་དམ་ཚིག་སེམས་དཔའ་ལ། །ཡེ་ཤེས་སྤྱན་དྲང་མཆོད་དེ་ཞུ། །འོག་འཁོར་སྦལ་ནག་ཡན་ལག་
ལྔ། །སྙིང་དང་དྲུག་ཏུ་མིང་རུས་གཞུག །ཕྱོགས་བཞིར་རྩིབས་ལ་མཚམས་བཞིར་ཐོད། །རྩིབས་དང་ཐོད་པར་མིང་རུས་ཏེ། །ཁོར་ཡུག་གཉིས་ལ་བསྟོད་པས་བསྐོར། །སྦལ་ཁར་ཧྲི་ལས་འོད་བྱུང་བས། །
ས་བདག་ཀླུ་ཆེན་བཀུག་སྟེ་མཆོད། །མཆོད་པའི་རྫས་ནི་འོ་མ་སོགས། །དེ་ནས་བསྒྲལ་བྱ་དགུག་བྱ་སྟེ། །སྐུ་གསུང་ཐུགས་ལ་ལེགས་གནས་པ། །མིང་དང་རུས་ལ་བསྟིམ་ཏེ་བཞག །ཐོད་པ་ལས་སྲིན་ཧཱུྃ་

94-1-174a

ལས་བསྐྱེད། །དེ་ལ་སྦྱོར་བ་ལེགས་པར་བྱ། །ཀླུ་ལ་དམ་བདར་མཆོད་པ་བྱ། །ཕུར་པས་ཕྱོགས་མཚམས་བཅད་པར་བྱ། །འོག་མས་ཕྱོགས་སུ་དྲངས་ན་འགྲུབ། །དེ་ནས་གསོལ་བ་
འདེབས་པ་རྣམས། །ངོ་མཚར་ནས་ཆེད་དུ་བརྗོད་པ། །རྨད་བྱུང་ཆེན་པོ་ཆོས་རྣམས་ལ། །རྣམ་པར་མི་རྟོག་ངོ་བོ་ཉིད། །ཆོས་རྣམས་རང་བཞིན་དག་པ་ལ། །ཀུན་རྫོབ་ཏུ་ཡང་བཤད་པ་མཚར། །དེ་ནས་ཐོག་
མར་གྱུར་པའི་འཁོར་རྣམས་འཇིག་རྟེན་གཞན་ནས་བྱོན་པའི་སྟོན་པ་འཁོར་དང་བཅས་པ་ལ། མཐོ་འཚམས་ནས་བཅོམ་ལྡན་འདས་རྡོ་རྗེ་འཛིན་པས་གནོད་བྱེད་ཐམས་ཅད་ཟློག་པ་ཞེས་བྱ་བའི་ཏིང་ངེ་འཛིན་ལ་སྙོམས་པར་
ཞུགས་ནས། ཨོཾ་བཛྲ་པཱ་ཎི་ཧྲི་ད་ཡ་གསུངས་པས་གཞན་ནས་བྱོན་པའི་སྟོན་པ་འཁོར་དང་བཅས་པའི་ཐུགས་བསྐུལ་ནས། ཏདྱ་ཐཱ། ཧཱུྃ་ཕཊ། ནཱ་ག་བི་དཱ་ར་ཎཱ་ཡ་ཕཊ། ནཱ་གོ་ཏྶཱ་ད་ནཱ་ཡ་ཕཊ། ནཱི་ལཱྃ་བ་ས་ནཱ་ཡ་ཕཊ། ཨ་པྲ་ཏི་ཧ་ཏ་པ་ལ་
པ་རཱཀྲ་མཱ་ཡ་ཕཊ། ཀྲྀ་ཏཱནྟཱ་ཡ་ཕཊ། ཀྲྀ་ཏཱནྟ་རཱུ་པ་ཡ་ཕཊ། རོ་ཥ་ཎཱ་ཡ་ཕཊ། ཏྲཱ་ས་ནཱ་ཡ་ཕཊ་ཀུྃ་བྷཎྚ་ཨུཏྶཱ་ད་ནཱ་ཡ་ཕཊ་པྲེ་ཏ་པི་ཤཱ་ཙ་བི་ནཱ་ཤ་ཀ་རཱ་ཡ་ཕཊ། ཡཀྵ་ཨ་པ་སྨཱ་ར་བི་ནཱ་ཤ་ཀ་རཱ་ཡ་ཕཊ། ཧ་ས་ཧ་ས། དཱ་ར་དཱ་ར་མཱ་ར་
ཡ་མཱ་ར་ཡ་ནཱ་ཤ་ཡ་ནཱ་ཤ་ཡ་སརྦ་བི་གྷྣ་ན་བི་ནཱ་ཤ་ཀ་རཱ་ཡ་ཕཊ་སརྦ་ཤ་ཏྲཱུྃ་སྃ་གྷ་བི་ནཱ་ཤ་ཀ་རཱ་ཡ་ཕཊ་ནཱི་ལཱྃ་བ་ར་དྷ་ར་བཛྲ་པཱ་ཎི་རཱ་ཛྙཱ་པ་ཡ་ཏི་སྭཱ་ཧཱ། གསུངས་པ་ཙམ་གྱིས་དང་པོའི་འཁོར་རྣམས་སྐྲག་པར་གྱུར་ཏེ་ཆེད་དུ་བརྗོད་པ། 
ཨེ་མའོ་སྟོན་པ་བྱིན་བརླབས་ཆེ། །ཨེ་མ་སྔགས་ཀྱི་ནུས་པ་ཆེ། །ཨེ་མ་ཆེ་བའི་ཉོན་མོངས་ཆེ། །འཁོར་རྣམས་མཉམ་པ་ཉིད་དུ་གནས། །འཇིག་རྟེན་གསུམ་འདུལ་བའི་རྒྱུད་ལས་ས་སྟེང་འདུལ་བའི་ལེའུ་སྟེ་
བཞི་པའོ།། །། དེ་ནས་མི་མཇེད་ཀྱི་འཇིག་རྟེན་གསུམ་དང་། འཇིག་རྟེན་གྱི་ཁམས་གཞན་ནས་བྱོན་པའི་འཇིག་རྟེན་གསུམ་པོ་རྣམས་བཅོམ་ལྡན་འདས་རྡོ་རྗེ་འཛིན་པ་ལ་མཆོད་པ་དང་བསྟོད་པ་

94-1-174b

བྱས་ཏེ་རང་རང་གི་གནས་སུ་དོང་ངོ་། །དེ་ནས་རྡོ་རྗེ་འཛིན་པས་བྱང་ཆུབ་སེམས་དཔའ་ཕྱག་ན་རྡོ་རྗེ་ལ་རྒྱུད་འདི་འདས་པའི་སངས་རྒྱས་ཐམས་ཅད་ཀྱིས་གསུངས་པ་འདི་ཆོངས་ཤིག་ལྷོགས་ཤིག་ཅེས་གསུངས་སོ། །
ཡོངས་སུ་གཏད་པའི་ལེའུ་སྟེ་ལྔ་པའོ། །འཇིག་རྟེན་གསུམ་འདུལ་བའི་རྒྱུད་རྫོགས་སྷོ།། །།རྒྱ་གར་གྱི་མཁན་པོ་དཱི་པྃ་ཀ་ར་དང་། ཞུ་ཆེན་གྱི་ལོ་ཙྪ་བ་དགེ་སློང་རིན་ཆེན་བཟང་པོས་བསྒྱུར་བའོ། ། 
༄༅༅། །རྒྱ་གར་སྐད་དུ།  ཏྲི་ས་མ་ཡ་བྱཱུ་ཧཱ་རཱ་ཛཱ་ནཱ་མ་ཏནྟྲཱ།  བོད་སྐད་དུ།  དམ་ཚིག་གསུམ་བཀོད་པའི་རྒྱལ་པོ་ཞེས་བྱ་བའི་རྒྱུད། འཇམ་དཔལ་གཞོན་ནུར་གྱུར་པ་ལ་
ཕྱག་འཚལ་ལོ། །ཕྱོགས་བཅུའི་འཇིག་རྟེན་གྱི་ཁམས་མཐའ་ཡས་པ་ན་རྣམ་པར་གནས་པའི་སངས་རྒྱས་དང་བྱང་ཆུབ་སེམས་དཔའ་དང་འཕགས་པའི་དགེ་འདུན་ཐམས་ཅད་ལ་ཕྱག་འཚལ་ལོ། །དབུས་དང་
མཐའ་མེད་ཡོན་ཏན་རི་བོ་དཔག་མེད་དང་། །མཆོད་རྟེན་མཐའ་མེད་མཆོད་པ་ཆེན་པོའི་མཆོག་ཏུ་འཁྲུངས། །མཆོད་ཆེན་འཕགས་པའི་འཕགས་པ་ཆེན་པོའི་བདག །དུས་གསུམ་འཁྲུངས་པའི་བདེར་གཤེགས་
ཚོགས་ལ་ཕྱག་འཚལ་ལོ། །བཅོམ་ལྡན་འདས་དེ་བཞིན་གཤེགས་པས་བྱིན་གྱིས་བརླབས་པའི་ཆོས་ཀྱི་དབྱིངས་ཀྱི་ཕོ་བྲང་རྡོ་རྗེ་ཆེན་པོའི་ཉེ་འཁོར། རྡོ་རྗེ་འཆང་ཆེན་པོ་ཉེ་བར་འདུ་བ། དེ་བཞིན་གཤེགས་
པ་ལྷག་པར་དགྱེས་པས་རྣམ་པར་རོལ་པ། དབུས་དང་མཐའ་མེད་པའི་རྡོ་རྗེ་ཆེན་པོའི་རྩེ་མོ་མཐོན་པོ་རིན་པོ་ཆེའི་རྒྱལ་པོ་རྣམ་པ་སྣ་ཚོགས་ཀྱི་རྒྱུ་ལས་གྱུར་པ། རིན་པོ་ཆེའི་རྒྱལ་པོའི་ཕོ་བྲང་ཆེན་པོའི་མཆོག་
ན་བྱང་ཆུབ་སེམས་དཔའ་ཆེན་པོའི་ཚོགས་ཀྱིས་བསྐོར་བའི་སེང་གེའི་ཁྲི་ལ་བཞུགས་སོ། །དེ་ནས་ཡང་བཅོམ་ལྡན་འདས་ཀྱིས་དེ་བཞིན་གཤེགས་པ་ཐམས་ཅད་ཀྱི་ཡུལ་རྫུ་འཕྲུལ་ཆེན་པོའི་བྱིན་གྱིས་བརླབས་

94-1-175a

ཀྱིས་རྒྱ་ཆེན་པོར་མཛད་པ། དེ་བཞིན་གཤེགས་པ་སྙིང་པོ་ཐོགས་པ་མེད་པ་དོན་ཡོད་པར་གྲུབ་པ་གསུངས་ཏེ། ན་མ་སྟྲཻ་ཡ་དྷྭི་ཀཱ་ནཱྃ། ཏ་ཐཱ་ག་ཏཱ་ནཱྃ། སརྦ་ཏྲཱ་པྲ་ཏི་ཧ་ཏ་བཱ་བྟི། དྷརྨ་ཏཱ་བ་
ལི་ནཱྃ། ཨྃ་ཨ། ས་མ་ས་མ་ས་མནྟ་ཏོ། །ཨ་ནནྟཱ་བཱ་བྟི། ཤཱ་ས་ནི་ཧ་ར་ཧ་ར། སྨ་ར་སྨ་ར་ཎི་བི་ག་ག་ཏ་རཱ་ག་བུདྡྷ་དྷརྨ་ཏེ། ས་ར་ས་ར། ས་མེ་བཱ་ལཱ། ཧ་ས་ཧ་ས། ཏྲ་ཡ་ཏྲ་ཡ། ག་ག་ན་མ་ཧཱ་བ་རཱ་ཎ་ལ་ཀཱ་ཎེ། 
ཛྭ་ལ་ཛྭ་ལ་ན། སཱ་ག་རེ་སྭཱ་ཧཱ། དེ་ལ་རིགས་ཀྱི་བུ་དེ་བཞིན་གཤེགས་པའི་སྙིང་པོ་འདི་ནི་སངས་རྒྱས་ཐམས་ཅད་ཀྱིས་བྱིན་གྱིས་བརླབས་པ་ཡིན་ཏེ། བྱང་ཆུབ་སེམས་དཔའ་ཐབས་དང་ཤེས་རབ་དང་ལྡན་པ་སྔགས་ཀྱི་
སྒོར་བྱང་ཆུབ་སེམས་དཔའི་སྤྱད་པ་སྤྱོད་པ་འདིས་ལས་གང་ཞིག་བྱེད་པར་འགྱུར་བ་དེ་ནི་བསྐལ་པ་བརྒྱར་ཡང་དེ་བཞིན་གཤེགས་པས་བསྟན་པར་མི་སྤྱོད་ཀྱི། གཞན་དུ་མདོར་བསྡུས་ནས་གསུངས་པ་ཡིན་ནོ། །འདིས་སྐྱེས་
བུ་དམ་པ་དེ་ནི་སྒོ་མཐའ་ཡས་པས་སེམས་ཅན་ཐམས་ཅད་ཀྱི་རྗེས་སུ་འགྲོ་ཞིང་དེ་བཞིན་གཤེགས་པ་ཐམས་ཅད་ལ་དམིགས་པའི་རྣམ་པར་ཐར་པའི་སྒོ་ལ་སོགས་པ་རྣམ་པར་ཐར་པའི་སྒོ་སྣ་ཚོགས་པའི་རྗེས་སུ་ཞུགས་པ། 
སེམས་ཅན་འདུལ་བའི་སྦྱོར་བ་རྣམ་པ་སྣ་ཚོགས་པས་གནས་པའི་ཏིང་ངེ་འཛིན་གྱིས་རྣམ་པར་རྩེ་བ། ལས་ཐམས་ཅད་རྗེས་སུ་དྲན་པའི་ཆོ་ག་ཡང་དག་པར་སྦྱོར་བའི་གཟུངས་ཐོབ་པར་འགྱུར་ཞིང་སེམས་ཅན་གྱི་ཁམས་དང་མོས་
པ་དང་རྗེས་སུ་མཐུན་པའི་གཟུགས་སྣ་ཚོགས་པ་མངོན་པར་སྒྲུབ་པར་འགྱུར་རོ། །སངས་རྒྱས་དང་བྱང་ཆུབ་སེམས་དཔའ་ཐམས་ཅད་ཀྱི་བྱིན་གྱིས་བརླབས་ཀྱི་སྟོབས་དང་སྟོབས་སྣ་ཚོགས་མངོན་པར་སྒྲུབ་པར་བྱེད་པའི་སྒོ་སངས་
རྒྱས་རྗེས་སུ་དྲན་པའི་མོས་པས་སྙིང་པོ་འདི་བཟླས་ན་གཟུགས་སྣ་ཚོགས་མཐོང་བར་འགྱུར་རོ། །མདོར་བསྡུས་ན་སངས་རྒྱས་འབྱུང་བའི་འཇིག་རྟེན་གྱི་ཁམས་སྣ་ཚོགས་པ་ཡང་མཐོང་བར་འགྱུར་རོ། །དེ་བཞིན་གཤེགས་

94-1-175b

པའི་གསུང་གི་འཁོར་ལོའི་དཀྱིལ་འཁོར་ཡང་སྒྲ་འབྱིན་པར་འགྱུར་རོ། །གསེར་དང་ནོར་བུ་དང་མུ་ཏིག་ལ་སོགས་པའི་ཆར་ཡང་མངོན་པར་འབབ་པར་འགྱུར་རོ། །སེམས་ཅན་གྱི་ཁམས་ཐམས་ཅད་དུ་ཡི་དགས་རྣམས་
ལ་བཟའ་བ་དང་བཅའ་བ་དང་བཏུང་བ་ཡང་མངོན་པར་རབ་ཏུ་འབབ་པར་འགྱུར་རོ། །དམྱལ་བ་རྣམས་ཀྱི་གྲང་བ་ལ་དྲོ་བ་ཡང་ཡང་དག་པར་སྐྱེད་པར་བྱེད་དོ། །དུད་འགྲོ་རྣམས་ཀྱི་གཅིག་ལ་གཅིག་ཟ་བའི་སྡུག་བསྔལ་
ཡང་རབ་ཏུ་ཞི་བར་བྱེད་དོ། །སེམས་ཅན་མོས་པའི་སྒོ་སྣ་ཚོགས་པའི་ཡུལ་ཅན་གྱི་སེམས་ཅན་གྱི་ཁམས་རྣམ་པར་སྦྱོང་བར་བྱེད་དོ། །བྱིན་གྱིས་རློབ་པར་བྱེད་ཡོངས་སུ་འགེངས་པར་བྱེད་ཡོངས་སུ་སྨིན་པར་བྱེད་
རྣམ་པར་འདུལ་བར་བྱེད་ངེས་པར་སྦྱོང་བར་བྱེད་ཀུན་དུ་སྦྱོར་བར་བྱེད་རྣམ་པར་འབེལ་བར་བྱེད་དགའ་བར་བྱེད་སོ་སོར་འགོད་པར་བྱེད་རྣམ་པར་གྲོལ་བར་བྱེད་བྱང་ཆུབ་ཀྱི་ཐེག་པ་ལ་ལྷག་པར་འཛེག་པར་བྱེད་མྱུར་དུ་ལྷག་པར་འཛེག་
པའི་ས་དང་ཕ་རོལ་ཏུ་ཕྱིན་པའི་མན་ངག་ཀྱང་སྟོན་པར་བྱེད་མདོར་ན་མཐར་གྱིས་བྱང་ཆུབ་ལ་གཞོལ་ཞིང་སོ་སོར་འགོད་པར་བྱེད་དགེ་བ་སྒྲུབ་པ་ལ་གནས་པ་སྐྱེད་པར་བྱེད་སྡུག་བསྔལ་དང་ཉོན་མོངས་པ་ཟད་པར་བྱེད་རྣམ་པར་
འཇོམས་པར་བྱེད་རྣམ་པར་སེལ་བར་བྱེད་འདྲེན་པར་བྱེད་འཇོམས་པར་བྱེད་མདོར་ན་རང་གི་སྨོན་ལམ་གྱི་སྟོབས་དང་བསོད་ནམས་དང་ཡེ་ཤེས་ཀྱི་སྟོབས་དང་དེ་བཞིན་གཤེགས་པའི་བྱིན་གྱིས་བརླབས་ཀྱི་སྟོབས་ཀྱིས་སེམས་
ཅན་གྱི་ཁམས་ཐམས་ཅད་དུ་དེ་བཞིན་གཤེགས་པའི་མཛད་པ་ཡང་བྱེད་པར་འགྱུར་རོ། །འདིར་ཡང་སེམས་ཅན་སྡུག་བསྔལ་བ་རྣམས་ཀྱི་དོན་ཡོངས་སུ་མི་ཉམས་པར་བྱ་བའི་ཆོ་ག་བཤད་པར་བྱ་སྟེ། སྔགས་འཛིན་
པས་དང་པོར་རེ་ཤིག་བྱང་ཆུབ་ཏུ་སེམས་བསྐྱེད་པའི་རིགས་ཀྱི་བུ་འམ་རིགས་ཀྱི་བུ་མོ་བྱིས་པ་སོ་སོའི་སྐྱེ་བོའི་ས་ལས་འདས་པ་དང་དེ་བཞིན་གཤེགས་པའི་བྱིན་གྱི་བརླབས་རྙེད་པ་ཉིད་ལ་བདག་ཉིད་དད་པར་བྱའོ། །སྒྲུབ་

94-1-176a

པ་པོའི་རིགས་ཀྱི་བུ་འམ་རིགས་ཀྱི་བུ་མོས་སྔ་དྲོ་དང་པོ་ལ་སངས་རྒྱས་དང་བྱང་ཆུབ་སེམས་དཔའ་འཁོར་དང་བཅས་པ་ཐམས་ཅད་ལ་བདག་ཉིད་དབུལ་བར་བྱ་སྟེ། བདག་མིང་ཆེ་གེ་མོ་ཞེས་བགྱི་བ་
ཆོས་ཀྱི་དབྱིངས་སུ་གཏོགས་པའི་སངས་རྒྱས་དང་བྱང་ཆུབ་སེམས་དཔའ་འཁོར་དང་བཅས་པ་ཐམས་ཅད་ལ་བདག་དབུལ་བར་བགྱིའོ། །ཐུགས་རྗེ་ཆེན་པོ་དང་ལྡན་པ་དེ་རྣམས་ཀྱིས་ཀྱང་བདག་ལ་རྣམ་པ་ཐམས་ཅད་དང་
དུས་ཐམས་ཅད་དུ་བྱིན་གྱིས་བརླབ་པ་དང་ཡོངས་སུ་བསྲུང་བར་གྱུར་ཅིག །བདག་ལ་གྲུབ་པ་དང་མཆོག་སྩོལ་ཅིག །དེ་ནས་སྡིག་པ་སོ་སོར་བཤགས་པར་བྱ་སྟེ། འདོད་ཆགས་དང་ཞེ་སྡང་དང་གཏི་མུག་ལས་སྐྱེས་པའི་
སྡིག་པ་ཐམས་ཅད་སོ་སོར་བཤགས་པར་བགྱིའོ། །སངས་རྒྱས་དང་བྱང་ཆུབ་སེམས་དཔའ་རྣམས་ཀྱིས་ཐུགས་བསྐྱེད་པ་གང་གིས་བཤགས་པ་མཛད་པའི་སེམས་བསྐྱེད་པ་དེས་བཤགས་པར་བྱ་སྟེ། ཇི་ལྟར་སངས་
རྒྱས་བཅོམ་ལྡན་འདས་ཀྱིས་མཁྱེན་པ་ལྟར་དེས་ཀྱང་ཇི་ཙམ་དུ་བཤགས་པར་ནུས་པ་དེ་ཙམ་དུ་བཤགས་པར་བྱའོ། །དེ་ནས་བསོད་ནམས་ལ་རྗེས་སུ་ཡི་རང་བར་བྱ་སྟེ། གང་དུས་གསུམ་དུ་གཤེགས་པའི་སངས་
རྒྱས་དང་བྱང་ཆུབ་སེམས་དཔའ་དང་ཉན་ཐོས་དང་རང་སངས་རྒྱས་དང་སེམས་ཅན་ཐམས་ཅད་ཀྱི་བསོད་ནམས་ཀྱི་ཚོགས་སེམས་ཅན་གྱི་ཁམས་རྣམ་པར་སྦྱོར་བར་བྱེད་པ། སེམས་ཅན་གྱི་ཁམས་ཡོངས་སུ་སྲུང་བར་
བྱེད་པ། འཇིག་རྟེན་དང་འཇིག་རྟེན་ལས་འདས་པ་དེ་དག་ཐམས་ཅད་ལ་རྗེས་སུ་ཡི་རང་བ་བླ་ན་མེད་པས་རྗེས་སུ་ཡི་རང་བར་བྱ་སྟེ། ཇི་ལྟར་སངས་རྒྱས་དང་བྱང་ཆུབ་སེམས་དཔས་མཁྱེན་པ་ལྟར། དེས་ཀྱང་ཇི་ལྟར་
རྗེས་སུ་ཡི་རང་བར་ནུས་པ་དེ་ལྟར་རྗེས་སུ་ཡི་རང་བར་བྱའོ། །དེ་ནས་མཆོད་པའི་བྱ་བ་བྱ་སྟེ། སེམས་ཅན་གྱི་ཁམས་ན་གང་ང་ཡིར་མེད་ཅིང་ཡོངས་སུ་གཟུང་བ་མེད་པའི་མཆོད་པའི་ཆོ་ག་དེ་ཐམས་ཅད་སངས་

94-1-176b

རྒྱས་དང་བྱང་ཆུབ་སེམས་དཔའ་རྣམས་ཀྱི་མཆོད་པའི་ཕྲིན་ལས་ཀྱིས་དབུལ་བར་བྱའོ། །དེ་ནས་སངས་རྒྱས་དང་བྱང་ཆུབ་སེམས་དཔའ་ཐམས་ཅད་ཀྱི་བྱིན་གྱིས་བརླབས་ཀྱི་སྟོབས་དང་བདག་གི་བསོད་
ནམས་ཀྱི་སྟོབས་དང་རིག་པའི་གསང་སྔགས་ཀྱི་སྟོབས་ཀྱིས་སངས་རྒྱས་དང་བྱང་ཆུབ་སེམས་དཔའ་ཐམས་ཅད་ཀྱི་འཁོར་གྱི་དཀྱིལ་འཁོར་དུ་མཆོག་ཏུ་རྒྱ་ཆེ་བའི་བྱང་ཆུབ་སེམས་དཔའ་ཀུན་དུ་བཟང་པོའི་སྤྱོད་
པ་མཆོག་རྒྱ་ཆེན་པོའི་གོང་མ་ལས་བླ་མར་མངོན་པར་བསྒྲུབས་པའི་མཆོད་པའི་སྤྲིན་རབ་ཏུ་འབབ་པ་བསམ་པ་འམ་བརྗོད་པ། མཆོད་པ་ཆེན་པོར་མངོན་པར་བསྒྲུབ་པར་བྱེད་པའི་རིག་པའི་རྒྱལ་མོ་ཆེན་མོ་
འདི་ལན་བརྒྱད་བརྗོད་པར་བྱའོ། །ན་མཿ སརྦ་བུདྡྷ་བོ་དྷི་ས་ཏྭཱ་ནཱྃ་སརྦ་ཐཱ། ཨུངྒ་ཏེ་སྥ་ར་ཎ་ཧི་མྃ་ག་ག་ན་ཁྃ་སྭཱ་ཧཱ། དེ་ནས་སངས་རྒྱས་དང་བྱང་ཆུབ་སེམས་དཔའ་ཐམས་ཅད་ལ་ཇི་ལྟར་མངོན་པར་བསྔོས་པ་ལྟར་དེ་
བཞིན་དུ་ངེས་པར་འབྱུང་ངོ་། །མཆོད་པ་དེ་དག་ཀྱང་སངས་རྒྱས་དང་བྱང་ཆུབ་སེམས་དཔའ་རྣམས་ཀྱིས་མཁྱེན་ཏོ། །དེ་ནས་སངས་རྒྱས་དང་བྱང་ཆུབ་སེམས་དཔའ་འཁོར་དང་བཅས་པ་ཐམས་ཅད་ལ་ཡོན་ཏན་དུ་
བསྔགས་པ་དང་། གྲགས་པ་སྣ་ཚོགས་ཀྱི་གླུ་སྤྲིན་རྒྱ་མཚོ་རབ་འབྱམ་ཚིག་ཏུ་བརྗོད་པ་འམ་བསམས་ལ། འདི་ལྟ་བུའི་བསྟོད་པ་དཔེ་མེད་པ་ངེས་པར་སྒྲུབ་པར་བྱེད་པའི་རིག་པའི་རྒྱལ་མོ་འདི་ལན་བརྒྱད་བརྗོད་པར་
བྱའོ། །ན་མཿ སརྦ་བུདྡྷ་བོ་དྷི་སཏྭཱ་ནཱྃ། སརྦ་ཏྲ་སྃ་ཀུ་སུ་མི་ཏ་ཨ་བྷི་ཛྙཱ་རཱ་ཤི་ན་མོ་སྟུ་ཏེ་སྭཱ་ཧཱ། དེ་ནས་དེ་བཞིན་དུ་སངས་རྒྱས་དང་བྱང་ཆུབ་སེམས་དཔའ་རྣམས་ལ་ཡོན་ཏན་བསྔགས་པ་བརྗོད་པའི་སྤྲིན་གྱི་རྒྱ་མཚོ་
རབ་ཏུ་འབྱུང་བར་འགྱུར་བ་དེ་ལྟ་བུར་ཡང་དད་པར་བྱའོ། །དེའི་འོག་ཏུ་སངས་རྒྱས་དང་བྱང་ཆུབ་སེམས་དཔའ་ཐམས་ཅད་ཀྱི་ལུས་ཀྱི་སྤྲུལ་པའི་སྤྲིན་སེམས་ཅན་ཐམས་ཅད་ལ་དམིགས་པ་ལས་བྱུང་བ་སེམས་ཅན་

94-1-177a

གྱི་ཁམས་ཐམས་ཅད་ཀྱི་སྡུག་བསྔལ་ཐམས་ཅད་ཞི་བར་འགྱུར་བ་དང་། བདེ་བ་ཐམས་ཅད་མྱུར་དུ་སྩོལ་ཅིག་པ་འམ། ཡང་ན་སེམས་ཅན་ཐམས་ཅད་ཀྱི་ཟག་པ་མེད་པའི་དགེ་བ་འབྱུང་བའི་སྦྱོར་བ་
ཡང་དག་པར་འབྱུང་བ་དང་དེ་བཞིན་གཤེགས་པ་རྣམས་ཀྱི་གྲུབ་པའི་མཆོག་དེ་དག་གིས་ཐོབ་པར་གྱུར་ཅིག་ཅེས་དེ་ལྟ་བུ་ལ་སོགས་པ་སེམས་ཅན་ཐམས་ཅད་ལ་ཕན་པའི་བསམ་པ་ཡིད་ལ་བྱེད་པ་འམ་ངག་ཏུ་བརྗོད་དེ། སངས་
རྒྱས་ཐམས་ཅད་ཀྱི་སྤྲུལ་པའི་སྤྲིན་མངོན་པར་བསྒྲུབ་པའི་རྒྱུ་དང་སེམས་ཅན་གྱི་ཁམས་ཐམས་ཅད་རྣམ་པར་སྦྱོང་བར་བྱེད་པ་དང་སེམས་ཅན་ཐམས་ཅད་ཀྱི་སྡུག་བསྔལ་རབ་ཏུ་ཞི་བར་བྱེད་པའི་རིག་པའི་རྒྱལ་པོ་ཆེན་པོ་འདི་ལན་བརྒྱད་
བརྗོད་པར་བྱའོ། །ན་མཿ སརྦ་བུདྡྷ་བོ་དྷི་སཏྭཱ་ནཱྃ། ན་མོ་སྟུ་ཏེ་མ་ཧཱ་བཛྲ་སརྦ་ས་ཏྭཱ་ཧི་ཏྃ་ཀ་ར། ཏིཥྛ་སརྦ་ཏྲ། སརྦྦེ་ཥཱྃ་དྷརྨྨཱ་ཎཱྃ་ཨ་དྷིཥྛཱ་ཡ་སྭཱ་ཧཱ། རིག་པའི་རྒྱལ་པོ་འདི་བརྗོད་པ་ཙམ་གྱིས་སངས་རྒྱས་དང་བྱང་ཆུབ་སེམས་
དཔའ་ཐམས་ཅད་ཀྱིས་བྱིན་གྱིས་བརླབས་ཀྱི་སྟོབས་ཀྱིས་དེ་དག་གི་སྤྲུལ་པའི་སྤྲིན་རྒྱ་ཆེན་པོ་མོས་པས་མངོན་པར་བསྒྲུབས་ནས། མདོར་ན་སེམས་ཅན་གྱི་ཁམས་སུ་སངས་རྒྱས་དང་བྱང་ཆུབ་སེམས་དཔའ་ཐམས་ཅད་ཀྱི་མཛད་
པ་ཡང་བྱེད་པར་འགྱུར་རོ། །བྱང་ཆུབ་སེམས་དཔའི་ཐེག་པ་ཅན་གྱིས་དེ་དག་ལ་ཡང་དག་པར་དད་པར་བྱའོ། །དེ་དག་ཀྱང་སངས་རྒྱས་དང་བྱང་ཆུབ་སེམས་དཔའ་ཁོ་ནས་མཁྱེན་ཏོ། །དེ་ནས་དེ་དག་ཐམས་ཅད་བླ་ན་མེད་པའི་བསོད་
ནམས་དང་ཡེ་ཤེས་ཀྱི་ཚོགས་དང་། རྗེསུ་ཡི་རང་བ་ལ་སོགས་པ་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་ཡོངས་སུ་བསྔོ་བར་བྱའོ། །དེའི་འོག་ཏུ་བདག་སྡུག་བསྔལ་བར་གྱུར་པ་ལ། སངས་རྒྱས་དང་བྱང་ཆུབ་
སེམས་དཔའ་ཐམས་ཅད་ཀྱིས་རྣམ་པ་ཐམས་ཅད་དུ་བྱིན་གྱིས་བརླབ་པ་དང་བདག་ལ་གྲུབ་པའི་མཆོག་སྩོལ་ཅིག་ཅེས་བརྗོད་པར་བྱའོ། །དེ་ནས་སངས་རྒྱས་དང་བྱང་ཆུབ་སེམས་དཔའ་ཐམས་ཅད་ལ་ཕྱག་འཚལ་བ་དང་། 

94-1-177b

དམིགས་པ་དང་བཟླས་པ་དང་ནན་ཏན་དུ་བགྱིས་པ་དང་སངས་རྒྱས་དང་བྱང་ཆུབ་སེམས་དཔའ་ཐམས་ཅད་ཀྱི་བླ་ན་མེད་པའི་བྱང་ཆུབ་ཀྱི་དངོས་གྲུབ་ལ་སོགས་པ་གྲུབ་པ་ཐམས་ཅད་ལ་རྗེས་སུ་ཡི་རང་བ་དང་། དམིགས་པ་དག་
ལ་གོམས་པའི་སེམས་ཀྱིས་བླ་ན་མེད་པའི་སྙིང་པོ་འདི་ཇི་སྲིད་སྐྱོ་བར་མ་གྱུར་པ་དེ་སྲིད་བཟླས་པ་བཟླ་བར་བྱའོ། །དེའི་འོག་ཏུ་དེ་བཞིན་གཤེགས་པ་ཐམས་ཅད་ཀྱི་སངས་རྒྱས་ཀྱི་བྱང་ཆུབ་དང་བླ་ན་མེད་པའི་སེང་གེའི་སྒྲ་སྒྲོགས་
པས་ཆོས་ཀྱི་འཁོར་ལོ་བསྐོར་བ་དང་སེམས་ཅན་གྱི་དོན་བླ་ན་མེད་པ་བྱེད་པ་དང་དེ་བཞིན་གཤེགས་པ་ཀུན་དུ་བཟང་པོའི་སྐུ་ཡོངས་སུ་སྒྲུབ་པར་འདོད་པས་སངས་རྒྱས་དང་བྱང་ཆུབ་སེམས་དཔའ་ཐམས་ཅད་ལ་ཕྱག་བྱས་ནས་ལྡང་
བར་བྱའོ། །དེ་ནས་བྱང་ཆུབ་སེམས་དཔའི་སྤྱོད་པ་ལ་འཇུག་པ་འཕགས་པ་སྡོང་པོ་བཀོད་པ་ལ་སོགས་པ་རིག་པ་རྒྱ་ཆེན་པོའི་ཚུལ་གྱི་མདོ་སྡེ་རྣམས་མངོན་པར་མཆོད་ཅིང་ཀློག་པ་འམ་ཐ་ན་ཕྱག་བྱས་ནས་ཟས་བཟའ་
བར་བྱ་སྟེ། དང་པོ་ཟས་ལ་སྔགས་འདིས་ལན་བརྒྱད་མངོན་པར་བསྔགས་པ་བྱས་ནས་ཁམ་གྱི་དང་པོ་ལྷ་ཉིད་ལ་དབུལ་ཞིང་དེའི་འོག་ཏུ་ཟས་བཟའ་བར་བྱའོ། །དེ་ལ་སྔགས་ནི་འདི་ཡིན་ཏེ། ན་མཿ སརྦ་བུད་དྷ་བོ་
དྷི་ས་ཏྭཱ་ནཱྃ། ཨོཾ་བ་ལིྃ་ཏེ། ཏེ་ཛོ་མཱ་ལཱི་ནི་སྭཱ་ཧཱ། ཁ་ཟས་ཀྱིས་དུབ་པ་སྤངས་ནས་ཀྱང་སྔ་དྲོའི་བྱ་བ་གང་ཡིན་པ་དེ་དག་ཐམས་ཅད་ཕྱི་དྲོའི་ཡང་བྱ་བ་ཡིན་ནོ། །ཉལ་ན་ཡང་ཡན་ལག་ཐམས་ཅད་ཀྱིས་དང་པོར་སངས་རྒྱས་
དང་བྱང་ཆུབ་སེམས་དཔའ་ཐམས་ཅད་ལ་ཕྱག་བྱས་ནས་བསྟོད་དེ་མལ་སྟན་ལ་འདུག་ཅིང་སངས་རྒྱས་དང་བྱང་ཆུབ་སེམས་དཔའ་ཐམས་ཅད་ཀྱིས་བདག་ལ་བྱིན་གྱིས་བརླབ་པ་དང་བླ་ན་མེད་པའི་དངོས་གྲུབ་ཀྱི་མཆོག་
བདག་ལ་སྩོལ་ཅིག །རྣམ་པར་འཚེ་བ་ཐམས་ཅད་རབ་ཏུ་ཞི་བར་མཛད་དུ་གསོལ་ཞེས་གསོལ་བ་ཡང་གདབ་པར་བྱའོ། །མཚན་གྱི་དང་པོ་དང་ཐ་མ་ལ་མི་ཉལ་བའི་སྦྱོར་བས་དམ་པའི་ཆོས་འདོན་པ་ལ་

94-1-178a

སོགས་པ་བྱའོ། །སྒྲུབ་པ་པོའི་རིགས་ཀྱི་བུ་འམ་རིགས་ཀྱི་བུ་མོ་དེས་དེ་བཞིན་དུ་ཉི་མ་རེ་རེ་ཞིང་སངས་རྒྱས་དང་བྱང་ཆུབ་སེམས་དཔའ་ཐམས་ཅད་ལ་དང་པོར་ཕྱག་བྱ་བ་དང་ཉིན་རེ་ཞིང་
བདག་དབུལ་བ་དང་དེ་བཞིན་དུ་སྡིག་པ་སོ་སོར་བཤགས་པ་དང་འདས་པ་དང་མ་བྱོན་པ་དང་ད་ལྟར་བཞུགས་པའི་སངས་རྒྱས་དང་བྱང་ཆུབ་སེམས་དཔའ་ཐམས་ཅད་ཀྱི་བསོད་ནམས་དང་ཡེ་ཤེས་ཀྱི་ཚོགས་ལ་རྗེས་སུ་
ཡི་རང་བ་དང་སེམས་ཅན་ཐམས་ཅད་ལ་རང་གི་བསོད་ནམས་བསྟབ་པ་དང་དམ་པའི་ཆོས་ཀྱི་གླེགས་བམ་ལ་ཕྱག་བྱས་ནས་བཅང་བ་དང་ཀློག་པ་འམ་སྒོམ་པ་དང་། ཐ་ན་མཆོད་པ་བྱས་ནས་དད་པས་སྙིང་པོ་འདི་བཟླ་
བར་བྱ་བ་ཡིན་ཏེ། རི་འམ་ལྷ་ཁང་ངམ་ཁྱིམ་མམ་བྲང་ཁང་ལ་སོགས་པའི་གནས་སུ། སངས་རྒྱས་དང་བྱང་ཆུབ་སེམས་དཔའ་ཐམས་ཅད་ལ་ལྷག་པར་དམིགས་ཤིང་བཟླས་པས་སེམས་ཅན་ཡོངས་སུ་
བསྲུང་བ་དང་ལྡན་པའི་སེམས་ཀྱིས་སྟོབས་བཅུ་མཁྱེན་པའི་ས་དོན་དུ་གཉེར་ཞིང་མངོན་པར་འདོད་པས་འབུམ་བཟླ་བར་བྱའོ། །དེ་ནས་དེ་བཞིན་གཤེགས་པ་དང་བྱང་ཆུབ་སེམས་དཔའ་མཐོང་བར་འགྱུར་
ཞིང་དེས་ཏིང་ངེ་འཛིན་དང་གཟུངས་ལ་སོགས་པའམ་ཕྱིར་མི་ལྡོག་པའི་ས་ལ་ཞུགས་པའི་བར་དུ་འཐོབ་པར་འགྱུར་རོ། །འདི་ནི་བྱང་ཆུབ་སེམས་དཔའི་ཐེག་པ་པ་ཐབས་དང་ཤེས་རབ་ལ་མཁས་པ་དེ་དག་
གི་བཟླས་པའི་ཆོ་ག་ཡིན་ནོ། །གལ་ཏེ་རིག་པ་འཛིན་པར་གྱུར་ཅིག་ཅེས་ཡིད་ལ་བྱེད་ལ་བཟླས་པ་འབུམ་ཡོངས་སུ་རྫོགས་པར་བྱས་ནས། བཅྭ་ལྔ་འམ་བཅུ་གསུམ་མམ་བཅུ་བཞིའི་ཉིན་མཚན་
ལ་གསོ་སྦྱོང་བྱས་ལ། ཅི་འབྱོར་པའི་མཆོད་པ་བྱས་ནས་མེ་ཏོག་གི་གཅལ་བཀྲམ་པའི་དཀྱིལ་འཁོར་ལ། མཆོད་རྟེན་ནམ་ལུགས་སྐུ་འམ་དམ་པའི་ཆོས་ཀྱི་གླེགས་བམ་མདུན་དུ་བཞག་ལ། 

94-1-178b

ཀུ་ཤའི་ཁྲེས་པོ་འམ་གཅལ་དུ་བཀྲམ་པ་ལ་འདུག་པ་འམ་ལོ་མ་ལ་ཉེ་བར་འདུག་སྟེ། སངས་རྒྱས་དང་བྱང་ཆུབ་སེམས་དཔའ་ཐམས་ཅད་ལ་མཆོག་སློང་བས་སངས་རྒྱས་དང་བྱང་ཆུབ་སེམས་དཔའ་ཐམས་ཅད་ལ་
ཕྱག་བྱ་བ་དང་དམིགས་པ་དང་བཟླས་པས་ལྕགས་ཀྱི་འཁོར་ལོ་ལག་པ་ལ་ཐོགས་ལ་ཇི་སྲིད་དུ་འབར་བར་མ་གྱུར་པ་དེ་སྲིད་དུ་བཟླས་པ་བྱས་ན་འབར་བར་འགྱུར་ཞིང་། ས་ཆེན་པོ་འགུལ་བར་འགྱུར་ཏེ་རིག་པ་འཛིན་
པ་ཐམས་ཅད་འདུས་ཤིང་དེ་དག་གིས་དབང་བསྐུར་བར་འགྱུར་རོ། །བྱང་ཆུབ་སེམས་དཔའི་རིག་པ་འཛིན་པའི་རིགས་སུ་བསོད་ནམས་ཇི་ལྟ་བ་དང་རང་གི་སྐལ་བ་ཇི་ལྟ་བའི་གནས་རྙེད་པར་འགྱུར་རོ། །དེ་ཉིད་
དུ་ཕྱིར་མི་ལྡོག་པའི་བྱང་ཆུབ་སེམས་དཔའི་སྤྱོད་པ་བསྒྲུབ་པའི་ས་ཐོབ་པར་འགྱུར་ཏེ་དེ་ལ་ལུས་ཉམས་པར་ཡང་མི་འགྱུར་རོ། །ཐབས་མཁས་པ་ཉིད་ཀྱིས་འདོད་པའི་ཡོན་ཏན་ལྔ་ལ་ལོངས་སྤྱད་ཀྱང་
གཟི་བརྗིད་མཚུངས་པ་མེད་པ་ཉིད་དུ་འགྱུར་རོ། །འཁོར་ལོའི་རིམ་པ་ཇི་ལྟ་བ་དེ་བཞིན་དུ་རྡོ་རྗེ་དང་མདུང་དང་རལ་གྲི་དང་རྩེ་གཅིག་པ་དང་གཏུན་ཤིང་དང་དབྱུག་པ་དང་སྟ་རེ་དང་ཁ་ཊྭཱྃ་ག་དང་གྲི་གུག་དང་ཆུ་གྲི་དང་
ལྕགས་ཀྱུ་ལ་ཡང་བསྒྲུབ་པར་བྱའོ། །ཐབས་མཁས་པ་དང་ལྡན་ཞིང་སེམས་ཅན་ཡོངས་སུ་བསྲུང་བའི་བློ་ཅན་ལུས་དང་སྲོག་ལ་ལྟོས་པ་མེད་པ། ཐམས་ཅད་དུ་རྗེས་སུ་འགྲོ་བའི་ཡིད་ལ་བྱེད་པས་ལྕགས་དང་། 
གསེར་དངུལ་དང་ལྕགས་གསུམ་དང་ཙན་དན་དང་རྡོ་དང་ཐ་ན་ཤིང་དང་ས་ལས་བྱས་པ་འམ། ཏ་ལའི་ལོ་མའི་རང་བཞིན་ལས་བྱས་པ་ལ་སྔར་སྨོས་པའི་ཆོ་གས་གཅིག་པུ་དབེན་པར་འདུག་སྟེ་འབུམ་བཟླས་པས་
བསྒྲུབས་ན་གོང་མ་བཞིན་རིག་པ་འཛིན་པར་འགྱུར་རོ། །ལྡོང་རོས་སམ། མིག་སྨན་ནམ་བ་བླ་འམ་གི་ཝྃ་ལ་སོགས་པ་ལོ་མའི་བར་རམ། གོས་ཀྱི་བར་རམ་ལྕགས་ཀྱི་སྣོད་ཁ་སྦྱར་དུ་བཅུག་ལ་བསྒྲུབ་

94-1-179a

པར་བྱ་བ་འམ། གོས་སམ་རྒྱལ་མཚན་ནམ་ནོར་བུ་འམ་མུ་ཏིག་ཕྲེང་བ་ལ་སོགས་པ་རྒྱན་རྣམས་སམ། པད་མ་འམ་ཨུཏྤ་ལ་ལ་སོགས་པ་མེ་ཏོག་གི་ཁྱད་པར་རམ། སྐ་
རགས་སམ་ལྷུང་བཟེད་དམ་ཆོས་གོས་སམ་འཁར་བསིལ་ལ་སོགས་པའི་ཡོ་བྱད་ལག་པར་ཆུད་པ་འམ་ལོ་མ་འམ་གོས་སམ་ཞགས་པ་ལ་བསྒྲུབས་ན་འབར་བར་འགྱུར་ཞིང་རིག་པ་འཛིན་པར་འགྱུར་རོ། །ཅི་
སྙེད་ཀྱི་གྲོགས་འདོད་པ་དེ་སྙེད་ཀྱི་གྲོགས་དང་ལྷན་ཅིག་འཕུར་ཞིང་འགྲོ་བར་འགྱུར་རོ། །ཐོགས་པ་མེད་པ་དོན་ཡོད་པར་གྲུབ་པའི་སྙིང་པོ་འདི་ཡང་བསོད་ནམས་དང་ལྡན་པའམ་བསོད་ནམས་དང་མི་ལྡན་པ་ཡང་
རུང་འགྲུབ་པར་འགྱུར་རོ། །ཚུལ་ཁྲིམས་དང་ལྡན་པ་ཡང་རུང་ཚུལ་ཁྲིམས་དང་མི་ལྡན་པ་ཡང་འགྲུབ་པར་འགྱུར་རོ། །ཐབས་དང་ལྡན་པ་འམ་ཐབས་དང་མི་ལྡན་པ་ཡང་འགྲུབ་པར་འགྱུར་རོ། །
མཁས་ཀྱང་རུང་མི་མཁས་ཀྱང་རུང་ངེས་པར་དོན་ཡོད་པར་འགྱུར་རོ། །གཞན་དུ་དད་པ་མེད་པ་དང་བྱང་ཆུབ་ཏུ་སེམས་མ་བསྐྱེད་པ་རྣམས་ཀྱིས་མ་ཡིན་ནོ། །བྲིས་སྐུ་མེད་ཀྱང་རུང་མཆོད་པ་མེད་ཀྱང་
རུང་ཁྲུས་ལ་སོགས་པ་མེད་ཀྱང་རུང་ཕྱིའི་སྤྱོད་པ་གཙང་སྦྲ་ལ་སོགས་པ་མེད་ཀྱང་རུང་ཉ་ཤ་དང་ཤ་དག་ལ་སོགས་པ་ཡོངས་སུ་མ་སྤངས་ཀྱང་རུང་འགྲུབ་པར་འགྱུར་རོ། །སངས་རྒྱས་དང་བྱང་ཆུབ་
སེམས་དཔའ་ཐམས་ཅད་ལ་དམིགས་པ་བསྒོམ་པའི་སེམས་ཀྱིས་འགྲུབ་བོ། །གལ་ཏེ་བྲིས་སྐུ་ལ་སྒྲུབ་པར་འདོད་པས་ཐང་ཀ་ལ་བཅོམ་ལྡན་འདས་རིན་པོ་ཆེའི་རི་བོ་ལ་རིན་པོ་ཆེའི་པད་མའི་སྟེང་
ན་བཞུགས་པ་བྲི་བར་བྱའོ། །བཅོམ་ལྡན་འདས་ཀྱི་གཡོན་ལོགས་སུ་འཕགས་པ་རྡོ་རྗེ་འཛིན་པུས་མོ་བཙུགས་ནས་པད་མ་ལ་བཞུགས་པ་རྡོ་རྗེ་དང་བཅས་པར་ཐལ་མོ་སྦྱར་བ་ཨུཏྤ་ལའི་ལོ་མའི་
94-1-179b

མདོག་གམ་པྲི་ཡང་ཀུ་ལྟ་བུར་སྔོ་བསངས་སམ་གསེར་གྱི་མདོག་ཅན་བྲི་བར་བྱའོ། །བཅོམ་ལྡན་འདས་ཀྱི་གཡས་ལོགས་སུ་རྡོ་རྗེ་འཛིན་པ་ཆེན་པོ་ཞེས་བྱ་བ་རྡོ་རྗེ་འཛིན་གསེར་གྱི་མདོག་ཅན་རལ་པ་དང་
ཅོད་པན་ཅན་གོས་སེར་པོ་གྱོན་པ་ལག་པ་གཡོན་གྱིས་ལྕགས་ཀྱུ་ཡོངས་སུ་འཛིན་པ་བྲི་བར་བྱའོ། །དེའི་འོག་ཏུ་མིང་ངམ་མཐའ་མེད་ཅེས་བྱ་བའི་འཁོར་འབར་བའི་སྙིང་པོ་ཅན་ཁྲོས་ཤིང་འཁྲུགས་པར་གྱུར་
པ་ནོར་བུའི་ཟུར་ཕུད་ཀྱིས་བརྒྱན་པ་ཨ་ཤོ་ཀ་དམར་པོའི་མདོག་ཅན་ལག་པ་ན་གྲི་གུག་དང་ཞགས་པ་ཐོགས་པ་བྲི་བར་བྱའོ། །རྡོ་རྗེ་འཛིན་པའི་འོག་ཏུ་གཞོན་ནུ་མ་གཡོན་ན་ཟུར་ཕུད་གཅིག་པ་ནག་པོ་སྔོ་བསངས་
རོལ་པར་གྱུར་པས་འཁོར་ལ་དགའ་བ་དང་བཅས་པས་བལྟ་བ། གོས་སྔོན་པོ་གྱོན་པ་ལག་ན་མེ་ཏོག་གི་ཕྲེང་བ་ཐོགས་པ་མཐའ་མེད་མ་ཞེས་བྱ་བ་ཕོ་ཉ་མོ་བྲི་བར་བྱའོ། །འདིར་ཡང་བྲིས་སྐུ་ལ་གཞན་དུ་ཡང་
ལས་དེ་དག་ཉིད་དང་སྒྲུབ་པ་དེ་དག་ཉིད་བྱ་བ་འམ་རྟོག་པ་ཐམས་ཅད་ཀྱི་ཆོ་གའི་སྦྱོར་བ་འམ་ཡིད་ལ་འདོད་པའི་ཆོ་ག་སྦྱར་བར་བྱའོ། །དུར་ཁྲོད་དུ་འབུམ་བཟླས་ན་རྡོ་རྗེ་འཛིན་འོངས་ནས་ལག་པ་ནས་བཟུང་སྟེ་ལྕང་ལོ་ཅན་
དུ་འདྲེན་པར་བྱེད་དོ། །དེས་རྡོ་རྗེའི་རིགས་ཀྱི་གཞོན་ནུར་གྱུར་པ་ཐོབ་པར་འགྱུར་རོ། །རིག་པ་འཛིན་པའི་ས་དངོས་པོ་རལ་གྲི་ལ་སོགས་པ་ལ་བསྙེན་པ་བྱས་པ་དེས་རིག་པ་འཛིན་པར་འགྱུར་རོ། །རྒྱ་མཚོར་
ཞུགས་ནས་འབུམ་བཟླས་ནས་ཀླུའི་རྒྱལ་པོ་རྒྱ་མཚོའི་གནས་སུ་ཕྱིན་པར་འགྱུར་ཞིང་ཀླུའི་རྒྱལ་པོ་རྒྱ་མཚོ་མཐོང་བར་འགྱུར་རོ། །ཕྱིར་མི་ལྡོག་པའི་བྱང་ཆུབ་སེམས་དཔའི་ལུས་རབ་ཏུ་ཐོབ་པར་འགྱུར་
རོ། །ཡིད་བཞིན་གྱི་ནོར་བུ་འམ་རྡོ་རྗེ་འམ་རལ་གྲི་འམ་འཁོར་ལོ་འམ་རིན་པོ་ཆེ་ལ་སོགས་པ་དེ་རྣམས་ཀྱི་རིག་པ་འཛིན་པར་འགྱུར་ཞིང་། སངས་རྒྱས་ཀྱི་ཞིང་མང་པོར་འགྲོ་བ་དང་འོང་ནུས་པར་འགྱུར་རོ། །

94-1-180a

ཀླུའི་རིགས་ཐམས་ཅད་བློ་མཐུན་པར་འགྱུར་རོ། །ཆར་ཆེན་པོ་རྣམ་པ་སྣ་ཚོགས་པ་མངོན་པར་འབབ་པར་འགྱུར་རོ། །ཀླུའི་མཚེའུ་གང་དུ་འབུམ་བཟླས་ན་ཀླུའི་གནས་དེར་རབ་ཏུ་འཇུག་
པར་འགྱུར་ཞིང་། དེར་གང་འདོད་པ་དེ་རྙེད་པར་འགྱུར་རོ། །གྃ་གཱར་ཞུགས་ཤིང་འབུམ་བཟླས་ལ་འབུམ་ཡོངས་སུ་རྫོགས་ནས་དེ་ཉིད་དུ་མཆོད་རྟེན་བརྩིགས་ལ་སྦྲང་རྩི་དང་འོ་མ་དང་ཡུངས་ཀར་དང་བཅས་པས་སྦྱིན་
སྲེག་བྱས་ན། ཀླུ་ཐམས་ཅད་སྐྲག་པས་ལྷགས་པར་འགྱུར་ཞིང་གང་སྨྲས་པ་དེ་བྱེད་པར་འགྱུར་རོ། །དུར་ཁྲོད་དུ་ཡུངས་ཀར་གྱིས་སྦྱིན་སྲེག་བྱས་ན་གནོད་སྦྱིན་གོང་མ་བཞིན་བྱེད་པར་འགྱུར་རོ། །རིའི་ལྷ་
ལ་འབྲུ་མར་དང་ཙན་དན་གྱི་སྦྱིན་སྲེག་གིས་སམ་ནགས་ཀྱི་གནས་སུ་རིག་པ་འཛིན་པ་ལ་སྦྲང་རྩི་དང་པི་པི་ལིང་གི་སྦྱིན་སྲེག་བྱས་ན་ཐམས་ཅད་འདུས་པར་འགྱུར་ཞིང་དུས་ཐམས་ཅད་དུ་རྗེས་སུ་དྲན་པ་ཙམ་གྱིས་རང་
གི་བཀའ་ལུང་སྒྲུབ་པར་བྱེད་དོ། །ཤིང་གི་གྲིབ་མས་ཤིང་གཞན་ལ་མ་ཕོག་པ་ནི་ཤིང་གཅིག་གོ། ཤིང་གཅིག་གི་དྲུང་དུ་རྗེས་སུ་དྲན་པས་མཆོད་རྟེན་བྱས་ཤིང་འབུམ་བཟླས་ལ་མདུན་དུ་ཨ་ཤྭཏྠ་ལས་
བྱས་པའི་རྩེ་གསུམ་པ་བྱས་ལ་ཉིན་མཚན་སྨྱུང་བར་འདུག་སྟེ། ཉ་ལ་དྲིས་བཀྲུས་ཤིང་ཅི་འབྱོར་པའི་མཆོད་པ་བྱས་ནས་ཇི་སྲིད་འབར་བར་གྱུར་གྱི་བར་དུ་མཚན་རངས་པ་བསྒྲུབ་པ་བྱས་ན་གདུལ་དཀའ་
བ་འདུལ་བར་བྱེད་པ་བྱང་ཆུབ་སེམས་དཔའི་སྤྱད་པ་སྤྱོད་པ་དེ་གླིང་བཞི་པའི་ལྷའི་ཕུན་སུམ་ཚོགས་པའི་བདག་པོར་འགྱུར་རོ། །སྐུ་གདུང་དང་བཅས་པའི་མཆོད་རྟེན་ལ་བཟླས་པ་འབུམ་བྱས་ལ་ཉ་ལ་འཁོར་
ལོའི་ཕྱག་མཚན་ནམ་རྡོ་རྗེའི་ཕྱག་མཚན་ནམ་རྒྱལ་མཚན་བླངས་ནས་ཇི་སྲིད་འཕུར་བ་དེ་སྲིད་བཟླས་ན་དེས་ཀུན་དུ་འགྲོ་བའི་རིག་པ་འཛིན་པར་འགྱུར་རོ། །ཆུ་བོར་ཞུགས་ཏེ་བཟླས་པ་འབུམ་བྱས་ནས་

94-1-180b

ས་ལས་བྱས་པའི་མཆོད་རྟེན་གྱི་རྩར་ཉ་ལ་སོགས་པའི་ཉིན་ཞག་ལ་ཇི་སྐད་དུ་བཤད་པའི་གནས་སུ་ཆོ་ག་སྔ་མ་བཞིན་ལག་པས་ནོར་བུ་བླངས་ཏེ་ཇི་སྲིད་འབར་བར་གྱུར་པ་དེ་སྲིད་བཟླས་ན་ཡིད་བཞིན་གྱི་ནོར་བུ་
འཆང་བའི་རིག་པ་འཛིན་པར་འགྱུར་རོ། །ཡང་དེ་ཉིད་ལག་པས་བླངས་ཏེ་བཟླས་པས་ཡིད་བཞིན་གྱི་ནོར་བུར་འགྱུར་རོ། །ཟངས་མའི་བུམ་པ་ལ་ཆོ་ག་འདི་ཉིད་ཀྱིས་བསྒྲུབ་པ་བྱས་ན་བུམ་པ་གང་བར་འགྱུར་
རོ། །སློངས་མོས་འཚོ་ཞིང་ལྕགས་ཀྱི་རྡོ་རྗེ་ལག་པར་བླངས་ཏེ། ཇི་སྲིད་འདས་པ་དང་མ་འོངས་པ་དང་ད་ལྟར་གྱི་སྨྲ་བར་བྱ་བ་སྟོན་པར་བྱེད་པ་དེ་སྲིད་བཟླས་པས་ཆོས་གང་ཉན་པར་འདོད་པ་དེ་མངོན་
པར་སྟོན་པར་འགྱུར་རོ། །དེའི་སྟེང་དུ་བསྒྲུབས་ན་འབར་བར་འགྱུར་རོ། །འབར་བར་གྱུར་པས་ལག་ན་རྡོ་རྗེ་རྡོ་རྗེའི་རིགས་སུ་འཇུག་པར་འགྱུར་རོ། །རྡོ་རྗེ་ཇི་ལྟ་བ་བཞིན་དུ་རལ་གྲི་དང་འཁོར་ལོ་དང་
ལྕགས་ཀྱུ་དང་གླེགས་བམ་ལག་པས་བླངས་ཏེ་བསྒྲུབས་པས་རྡོ་རྗེའི་རིགས་སུ་འཇུག་པར་འགྱུར་ཞིང་ཐམས་ཅད་དུ་ཐོགས་པ་མེད་པའི་རིག་པ་འཛིན་པར་འགྱུར་རོ། །གཞོན་ནུ་འམ་གཞོན་ནུ་མ་ལེགས་
པར་ཁྲུས་བྱས་ཏེ་རྒྱན་གྱིས་བརྒྱན་པ་ལ་སྔོན་དུ་བསྙེན་པ་བྱས་ལ་ཅི་འབྱོར་པའི་མཆོད་པ་བྱས་ཏེ་ཉིན་མཚན་སྨྱུང་བས་མཆོད་རྟེན་ནམ་ལུགས་སྐུ་འམ་གླེགས་བམ་མམ་བྲིས་སྐུ་འམ་གཞན་དག་གིས་མདུན་
དུ་ཀུ་ཤའི་གཅལ་བཀྲམ་པ་ལ་འདུག་ནས། སངས་རྒྱས་དང་བྱང་ཆུབ་སེམས་དཔའ་རྣམས་ལ་ཐལ་མོ་སྦྱར་བ་བྱས་ནས་གསོལ་བ་བཏབ་ལ། དེ་ནས་ཙན་དན་ནམ་ག་བུར་རམ་གུ་གུལ་ལམ་དུ་
རུ་སྐས་དུ་བ་མེད་པའི་མེ་མདག་ལ་སྦྱིན་སྲེག་བྱའོ། །དེ་དག་མེད་ན་སྐྱིལ་མོ་དཀྲུང་གིས་འདུག་སྟེ་ལག་པས་དེ་དག་བཟུང་ལ་ཇི་སྲིད་གཞོན་ནུ་དང་གཞོན་ནུ་མ་འབར་བར་གྱུར་པ་དེ་སྲིད་དུ་བཟླས་པས་

94-1-181a

རབ་ཏུ་འབར་ཞིང་འཕུར་བར་འགྱུར་རོ། །ལག་པས་བླངས་ན་དེ་དག་དང་བཅས་པར་རིག་པ་འཛིན་པར་འགྱུར་རོ། །བུད་མེད་ལེགས་པར་ཁྲུས་བྱས་ཤིང་རྒྱན་གྱིས་
བརྒྱན་པ་ལ་ཇི་སྲིད་སྐྱེས་པར་གྱུར་པ་དེ་སྲིད་དུ་བཟླས་པར་བྱའོ། །དུར་ཁྲོད་དུ་བྲིས་པ་འམ་ཤིང་ངམ་ས་ལས་བྱས་པའི་སེང་གེ་ལ་ཇི་སྲིད་འགྲོ་བར་གྱུར་པ་དེ་སྲིད་བཟླས་པས་དེ་ལ་ཞོན་ཞིང་གང་དུ་འདོད་པ་དེར་
འགྲོ་བར་འགྱུར་རོ། །གལ་ཏེ་ཉིན་རེ་རྟག་ཏུ་བཟླས་ན་གང་དུ་འགྲོ་བའི་ས་ཕྱོགས་དེ་བསྲུང་བ་བྱས་པར་འགྱུར་རོ། །གལ་ཏེ་ཉིན་མཚན་དུ་སྒྲུབ་པ་བྱེད་ན་ཇི་སྲིད་ཞག་ལྔ་འམ་དྲུག་གམ་བརྒྱད་དམ་ལྷག་
མའི་ཟླ་བ་ཕྱེད་ཀྱི་ནང་དུ་ཡར་འཕགས་པར་འགྱུར་ཞིང་ལྷ་རྣམས་ལས་ཀྱང་རྒྱལ་བར་འགྱུར་རོ། །དེ་ལ་ཞོན་ན་གང་དུ་འདོད་པ་དེར་འགྲོ་བ་དང་འོང་བར་འགྱུར་རོ། །དེ་བཞིན་དུ་རྟ་འམ་གླང་པོ་ཆེ་འམ་ཁྱུ་
མཆོག་གམ་མ་ཧེ་འམ་ར་སྐྱེས་སམ་ལུག་གམ་རི་དགས་ལ་བཟླས་ན་དེ་དག་ཐམས་ཅད་ཉིད་གང་དུ་ཇི་སྲིད་འདོད་པ་དེ་སྲིད་དག་ཏུ་འགྲོ་བ་དང་འོང་བར་འགྱུར་རོ། །མེ་ཏོག་གིས་རབ་ཏུ་གཏོར་བའི་དཀྱིལ་འཁོར་
ལ་དུར་ཁྲོད་ཀྱི་ཤིང་ལ་མེ་སྦར་ལ་མར་དང་ཡུངས་ཀར་གྱིས་སྦྱིན་སྲེག་བྱས་ན་ཟླ་བ་ཕྱེད་ཀྱི་ནང་དུ་ངེས་པར་མཁའ་ལ་འཕུར་བར་འགྱུར་རོ། །དུར་ཁྲོད་ཇི་ལྟ་བ་དེ་བཞིན་དུ་རི་བོ་ལ་སོགས་པ་ལ་ཡང་གཅིག་པུ་
དབེན་པར་འདུག་སྟེ་བསྒྲུབ་པ་འམ་ངང་པ་ལ་སོགས་པ་བྱ་ལ་བསྒྲུབ་པ་འམ་ཆོ་ག་འདི་ཉིད་ཀྱིས་ཤིང་ཁྲི་འམ་མཆིལ་ལྷམ་ལ་སོགས་པ་ལ་ཡང་ཡིད་ལ་འདོད་པས་ཆོ་ག་བཞིན་དུ་བསྒྲུབ་པར་བྱའོ། །ཤིང་
མྱ་ངན་མེད་ཀྱི་ཡལ་ག་ལ་འཇུས་ནས་ཇི་སྲིད་ནམ་མཁའ་ལ་འགྲོ་བ་དང་མི་སྣང་བར་འགྱུར་བ་དེ་སྲིད་དུ་བཟླས་པར་བྱའོ། །དེ་བཞིན་དུ་ཤིང་ཨ་ཤྭཏྠ་དང་ནྱ་གྲོ་དྷ་དང་ནཱ་ག་པུཥྤའི་ཤིང་དང་ཤིང་ཏི་ལ་ཀ་དང་ཨ་

94-1-181b

མྲ་དང་དུར་ཁྲོད་ཀྱི་ཤིང་ལ་འཛེགས་ཏེ་ཇི་སྲིད་མི་སྣང་བར་འགྲོ་བ་དེ་སྲིད་དུ་བཟླས་པ་བྱའོ། །དེ་ལྟར་མི་སྣང་བར་གྱུར་པས་ལོ་སྟོང་ཕྲག་བརྒྱར་འཚོ་བར་ཡང་འགྱུར་ཞིང་ཁྲུ་གང་ཙམ་གྱིས་ས་ལ་མ་རེག་པར་འགྲོ་
བར་འགྱུར་རོ། །བསོད་སྙོམས་ཀྱི་འཚོ་བས་དུར་ཁྲོད་དུ་ཇི་སྲིད་དུ་མི་སྣང་བར་གྱུར་པ་དེ་སྲིད་དུ་བཟླས་པ་བྱའོ། །དུར་ཁྲོད་དུ་ཞག་ལྔ་འདུག་སྟེ་བཟླས་པ་བྱས་ནས་ཕྱིས་དེ་ཉིད་དུ་སའི་རང་བཞིན་གྱི་མཆོད་རྟེན་བྱས་
ནས་དེར་མེ་ཏོག་གི་དཀྱིལ་འཁོར་བྱས་ཏེ། ཐལ་བ་ལག་པའི་ཁ་སྦྱར་དུ་བཅུག་སྟེ་ཇི་སྲིད་དུ་བ་འཐུལ་བ་དེ་སྲིད་དུ་བཟླས་པ་བྱས་ནས་དེས་མཛུབ་རིས་གསུམ་བྱས་པས་མི་སྣང་བར་འགྱུར་རོ། །ཤ་མ་ཏ་ལའི་
རྩ་བ་སྐམ་པོ་ཕྱེ་མར་བྱས་ཏེ་དུར་ཁྲོད་དུ་མེ་ཏོག་གིས་མངོན་པར་གཏོར་བའི་དཀྱིལ་འཁོར་བྱས་ལ། ལག་པའི་ཁ་སྦྱོར་རམ་ཁམ་ཕོར་ཁ་སྦྱོར་དུ་བཅུག་སྟེ་ཇི་སྲིད་དུ་བ་འཐུལ་བ་དེ་སྲིད་དུ་བཟླས་པ་བྱས་ལ་
དེས་མིག་ལ་བསྐུས་ན་མི་མཐོང་བར་འགྱུར་རོ། །དེ་བཞིན་དུ་འགྲོ་ན་པུཥྤ་དང་ཨ་ཏི་པ་ལཱ་དང་། ཨིནྡྲ་བ་རུ་ནི་རྣམས་ཀྱི་རྩ་བའམ་ཤུ་དག་གམ་ཨ་པ་རཱ་ཙི་ཏ་འམ་ཨ་པ་ར་ཏི་ནི་འམ་པད་མའི་སྡོང་བུའི་རྩ་བ་འམ་
དཎྜོཏྤ་ལ་འམ་ཨུཏྤ་ལའི་མེ་ཏོག་གམ་མིའི་སྤུ་འམ་རྨ་བྱའི་ཤ་འམ་ཚ་བ་གསུམ་མམ་ར་ཛ་པ་ཏ་འམ་སྤོས་དཀར་པོ་འམ་གཞན་དག་ཕྱེ་མར་བྱས་ཏེ། ཁམ་ཕོར་ཁ་སྦྱར་རམ་ལག་པ་ཁ་སྦྱོར་དུ་བཅུག་སྟེ། 
ཇི་སྲིད་དུ་བ་འཐུལ་བ་དེ་སྲིད་དུ་བཟླས་པ་དེས་མིག་ལ་བསྐུས་ན་མི་སྣང་བར་འགྱུར་རོ། །དུར་ཁྲོད་དུ་སྦྲང་རྩི་ལ་ལན་སྟོང་མངོན་པར་བསྔགས་ཏེ་མིག་ལ་བསྐུས་ན་མ་མཐོང་བ་ཐམས་ཅད་མཐོང་བར་འགྱུར་རོ། །
དགོན་པར་མཆོད་རྟེན་གྱི་ལོགས་ལ་ཤིང་རྟ་བྲིས་ལ་ཇི་སྲིད་ཟླ་བ་ཕྱེད་ཀྱི་ནང་དུ་འགུལ་བར་འགྱུར་བ་དེ་སྲིད་ཉིན་མཚན་བཟླས་ལ་དེ་ལ་ཞོན་ན་ཀུན་དུ་འགྲོ་བར་འགྱུར་རོ། །བབ་བླ་བླངས་ཏེ་དབེན་པའི་མཆོད་རྟེན་ནམ་

94-1-182a

དགོན་པ་འམ་རི་ལ་སོགས་པ་ལ་ཇི་སྲིད་དངོས་གྲུབ་གསུམ་གྲུབ་པར་གྱུར་པ་དེ་སྲིད་དུ་བཟླས་པར་བྱའོ། །དེ་བཞིན་དུ་གི་ཝང་དང་མིག་སྨན་ལ་སོགས་པ་ལ་བསྒྲུབ་པར་བྱའོ། །དགེ་སློང་
གིས་རྟག་ཏུ་ལྷུང་བཟེད་དང་ཆོས་གོས་དང་འཁར་བསིལ་ལ་སོགས་པ་བླངས་ལ་བཟླས་པ་བྱ་ཞིང་། འཇོག་པ་ན་བསྲུང་བ་བྱས་ཏེ་བཞག་པར་བྱའོ། །དེ་ལྟ་བུ་ལ་སོགས་པའི་ལས་སུ་བྱ་བ་བྱེད་པ་ན་ཡིད་ལ་
འདོད་པའི་ཆོ་གས་བསྒྲུབ་པ་འམ་དེ་བཞིན་གཤེགས་པ་ཐམས་ཅད་ཀྱི་རྟོག་པའི་ཆོ་གས་བསྒྲུབས་ན། སངས་རྒྱས་བཅོམ་ལྡན་འདས་ཀྱི་སྙིང་པོ་འདི་འདོད་པ་ཕུན་སུམ་ཚོགས་པར་བྱེད་པར་འགྱུར་རོ། །ཐོགས་
པ་མེད་པ་དོན་ཡོད་པའི་ཡིད་ལ་འདོད་པའི་ཆོ་གས་ཇི་ལྟར་འདོད་པ་བཞིན་བསྒྲུབ་པར་བྱའོ། །བྱང་ཆུབ་སེམས་དཔའ་དང་བཅས་པའི་དེ་བཞིན་གཤེགས་པ་ཐམས་ཅད་འདི་ལྟར་བདག་པོར་ཁས་བླངས་ནས་ཕྱག་
འཚལ་བ་དང་། དམིགས་པ་དང་། བཟླས་པས་སངས་རྒྱས་དང་བྱང་ཆུབ་སེམས་དཔར་བཅས་པ་རྗེས་སུ་དྲན་ཞིང་བཟླས་པ་གོམས་པར་བྱའོ། །གལ་ཏེ་སྐྱིལ་དཀྲུང་མ་བཤིག་པར་མཚན་མོ་གཅིག་པུ་རི་ལ་
སོགས་པ་དྲི་ཞིམ་པ་དབེན་པ་ན་དབེན་པར་འདུག་སྟེ། བཟླས་པ་བྱེད་ན་ཉི་མ་ཤར་བའི་དུས་ཀྱི་ཚེ་བསྙེན་པ་མ་བྱས་པར་ཡང་རིག་པ་འཛིན་པ་ངེས་པར་མཚན་གཅིག་གིས་འགྲུབ་བོ། །ཙོག་པུར་འདུག་ནས་བྱས་
ན་གདོན་མི་ཟ་བར་ཟླ་བ་ཕྱེད་ཀྱི་ནང་དུ་ལུས་ཡོངས་སུ་འགྱུར་བར་བྱེད་དོ། །དཀྱིལ་འཁོར་མེ་ཏོག་ལ་སོགས་པས་མངོན་པར་གཏོར་བར་བྱས་ལ། མཆོད་རྟེན་ལ་མངོན་པར་ཕྱོགས་པ་འམ་ལུགས་སྐུ་ལ་མངོན་
དུ་ཕྱོགས་པས་སངས་རྒྱས་དང་བྱང་ཆུབ་སེམས་དཔའ་ཐམས་ཅད་ལ་བདག་འབུལ་ཞིང་སྟོང་ཕྲག་བརྒྱད་བཟླས་ན་དམ་པའི་ཆོས་སྤོང་བ་དང་འཁོར་བ་ཐོག་མ་མེད་པའི་ལས་ཀྱི་སྒྲིབ་པ་རྣམས་སྤོང་བར་བྱེད་

94-1-182b

དོ། །ཆུ་བོའི་ངོགས་སུ་མཆོད་རྟེན་བྱས་ལ་ཆུ་བོ་དེ་ཉིད་དུ་སྐེ་བ་ནུབ་ཙམ་དུ་ཞུགས་ཏེ་བཟླས་ན་ལས་ཀྱི་སྒྲིབ་པ་ཟད་པར་འགྱུར་རོ། །དེ་བཞིན་དུ་མཆོད་རྟེན་ལ་སྐོར་བ་བྱེད་ཅིང་སྟོང་ཕྲག་བརྒྱད་བཟླས་ན་སྡིག་པ་ལས་
གྲོལ་བར་འགྱུར་རོ། །དབེན་པར་མིག་བཙུམས་ཏེ་སངས་རྒྱས་དང་བྱང་ཆུབ་སེམས་དཔའ་ཐམས་ཅད་ལ་དམིགས་ནས། ཇི་སྲིད་དམིག་བཙུམ་པ་ཁོ་ནས་དེ་བཞིན་གཤེགས་པ་ཡིད་ཀྱིས་མཐོང་བར་འགྱུར་
བ་དེ་སྲིད་དུ་བཟླས་པ་བྱས་ན། སྡིག་པའི་ལས་ཀྱི་སྒྲིབ་པ་ལས་རྣམ་པར་གྲོལ་བར་འགྱུར་རོ། །མི་སྨྲ་བར་སྟོང་ཕྲག་བརྒྱད་བཟླས་པ་བྱས་ན་དཀྱིལ་འཁོར་ཐམས་ཅད་དུ་རབ་ཏུ་ཞུགས་པར་འགྱུར་རོ། །འདིས་དམ་
ཚིག་ཐམས་ཅད་ཀྱང་ཤེས་པར་འགྱུར་རོ། །རྣམ་པར་འཚེ་བ་ལ་མར་དང་ཡུངས་ཀར་གྱི་སྦྱིན་སྲེག་བྱའོ། །ནད་པ་རྣམས་ཀྱི་དོན་དུ་ནི་མར་དང་སྦྲང་རྩིས་སྦྱིན་སྲེག་བྱའོ། །ཁྲོས་པ་རྣམས་ཀྱི་དོན་དུ་སྦྲང་རྩིའོ། །
རྒྱལ་པོ་འདྲེན་པར་བྱེད་པ་ལ་ནི་ཡུངས་ཀར་ཏིལ་མར་ལ་སྦགས་ནས་སྦྱིན་སྲེག་བྱའོ། །གཡུལ་འགྱེད་པ་ལ་ནི་འོད་མའི་ཚེར་མ་འམ་འཆི་བ་ལ་མ་ད་ནའི་ཚེར་མ་འམ་ཨཪྒའི་མེ་ཏོག་གམ་དུ་དུ་ར་ཀའི་མེ་ཏོག་ཡུངས་
ཀར་གྱི་མར་ལ་སྦགས་པས་སྦྱིན་སྲེག་བྱས་ན་འཆི་བ་རབ་ཏུ་ཞི་བར་བྱེད་དོ། །མུ་ཙུ་ཀུནྡྷའི་ཕུར་བུ་མ་མོའི་དཀྱིལ་འཁོར་དུ་སྦས་ན་མཁའ་འགྲོ་མ་ཐམས་ཅད་ཀྱི་ཕྱག་རྒྱ་དང་སྔགས་ཕུར་བུས་བཏབ་པར་འགྱུར་རོ། །
རིག་པ་འཛིན་པའི་རྒྱལ་པོ་ཐམས་ཅད་བྲིས་ཏེ་ལྕགས་ཀྱི་ཕུར་བུས་བཏབ་ན་རིག་པ་འཛིན་པ་ཐམས་ཅད་དང་མ་དད་པ་དང་གནོད་པ་བྱེད་པ་ཕུར་བུས་བཏབ་པར་འགྱུར་རོ། །ཨ་ཤོ་ཀའི་ཕུར་བུས་ལམ་པོ་ཆེའི་
བཞི་མདོར་བརྐོས་ན་གདོན་ཆེན་པོ་རེངས་པར་བྱེད་པར་འགྱུར་རོ། །ཉིན་གཅིག་པ་ལ་སོགས་པའི་རིམས་ཐམས་ཅད་ལ་སྐུད་པ་འམ་བདུག་སྤོས་དྲི་ཞིམ་པོ་རྣམས་ཀྱིས་མགོ་བཏུམས་ལ་རང་ལ་བདུགས་ན་

94-1-183a

སེལ་བར་བྱེད་ཅིང་ལྷས་བསྟན་ནས་སྨྲ་བར་བྱེད་དོ། །དེ་བཞིན་དུ་སྦྱིན་སྲེག་གང་ཡིན་པ་དེས་ཀྱང་ཀླུ་དང་གནོད་སྦྱིན་ལ་སོགས་པ་མེད་པར་བྱེད་དོ། །ཟླ་བ་གཟས་ཟིན་པ་ན་ཟངས་མ་འམ་ལྕགས་
སམ་གསེར་རམ་དངུལ་གྱི་སྣོད་དུ་བཅུག་པའི་མར་ལ་ཇི་སྲིད་དངོས་གྲུབ་གསུམ་ཐོབ་པར་གྱུར་པ་དེ་སྲིད་དུ་བཟླས་ལ། དེ་འཐུངས་ན་ཐོས་པ་འཛིན་པ་འམ་རིག་པ་འཛིན་པར་འགྱུར་རོ། །ཉི་མ་གཟས་ཟིན་
པ་ན་བབ་བླ་ཤིང་མྱ་ངན་མེད་ཀྱི་ལོ་མ་ལ་བཞག་སྟེ། དགོན་པའི་མཆོད་རྟེན་ནམ་རི་བོའི་མཆོད་རྟེན་གྱི་རྩར་དཀྱིལ་འཁོར་ལ་མེ་ཏོག་གཏོར་བ་བྱས་ཤིང་ཇི་སྲིད་བསྒྲུབ་པ་གསུམ་ཐོབ་པར་གྱུར་པ་དེ་སྲིད་དུ་
བཟླས་ན་འབར་བར་གྱུར་ནས་རིག་པ་འཛིན་པར་འགྱུར་རོ། །བབ་བླ་ལ་ཇི་ལྟ་བ་དེ་བཞིན་དུ་ལིག་བུ་མིག་དང་ལྡོང་རོས་ལ་སོགས་པ་ལ་ཟླ་བ་གཟས་ཟིན་པ་འམ་ཉི་མ་གཟས་ཟིན་པ་ན་བསྒྲུབ་པར་བྱའོ། །
གང་ཞིག་སངས་རྒྱས་དང་བྱང་ཆུབ་སེམས་དཔའ་སྤྱོད་ཡུལ་ལ་འཇུག་པར་འགྱུར་བ་འམ་རྟེན་འཕོ་བར་འདོད་པ་འམ་རྒལ་བར་འདོད་པ་འམ་སེམས་ཅན་རྣམས་དང་སྐྱེ་བོ་སྡུག་བསྔལ་བ་རྣམས་འཁོར་བ་
ལས་ཡོངས་སུ་སྲུང་བར་བྱེད་འདོད་པ་འམ་བདག་ཉིད་མཐོང་བའི་ཆོས་ཉིད་ལ་སངས་རྒྱས་ཀྱི་མཛད་པ་ལ་ངེས་པར་སྦྱོར་བར་འདོད་པ་འམ་གསལ་པོར་སྣང་བ་ལ་གཞན་དག་ཡང་དག་པར་སྦྱོར་བར་འདོད་པ་
འམ་སངས་རྒྱས་བཅོམ་ལྡན་འདས་རྣམས་ལས་ལེགས་སོ་ཞེས་བྱ་བའི་རྣམ་པ་རབ་ཏུ་བསྒྲགས་པ་མྱུར་དུ་རྙེད་པར་འདོད་པ་འམ་ཕྱིར་མི་ལྡོག་པའི་ས་ལ་སྐྱེ་བ་རྙེད་པར་འདོད་པས་སྔགས་ཀྱི་སྤྱོད་པའི་སྒོ་
བྱང་ཆུབ་སེམས་དཔའི་སྤྱོད་པ་འདི་ལ་བསླབ་པར་བྱའོ། །ཐབས་ལ་མཁས་པ་འདིས་ཀྱང་ཡོངས་སུ་ཟིན་པར་བྱ་སྟེ། སྨོན་ལམ་རྒྱ་ཆེན་པོ་བྱ་བ་དང་སྡིག་པ་རྣམས་སོ་སོར་བཤགས་པ་དང་དུས་གསུམ་དུ་

94-1-183b

འབྱུང་བའི་བསོད་ནམས་དང་ཡེ་ཤེས་ཀྱི་ཚོགས་འཇིག་རྟེན་དང་འཇིག་རྟེན་ལས་འདས་པ་ལ་རྗེས་སུ་ཡི་རང་བ་དང་རྗེས་སུ་ཡི་རང་བ་ཡང་སེམས་ཅན་གྱི་ཁམས་ཐམས་ཅད་ཀྱི་སངས་རྒྱས་ཀྱི་རྒྱུ་ཉིད་དུ་རབ་ཏུ་སྦྱོར་བར་
གྱུར་ཅིག་ཅེས་དེ་ལྟར་བསྔོའོ། །སངས་རྒྱས་དང་བྱང་ཆུབ་སེམས་དཔའ་ཐམས་ཅད་ལ་དམིགས་ཤིང་སེམས་ཅན་གྱི་དོན་འབྱུང་བར་གྱུར་ཅིག་ཅེས་དང་པོ་ཚིག་ཏུ་བརྗོད་པ་འམ་རྗེས་སུ་བསམས་པ་འམ་དམིགས་
ནས་བདག་གི་བསོད་ནམས་ཀྱི་སྟོབས་དང་སྨོན་ལམ་གྱི་སྟོབས་ཀྱིས་སངས་རྒྱས་དང་བྱང་ཆུབ་སེམས་དཔའ་ཐམས་ཅད་ཀྱིས་བདག་ལ་བྱིན་གྱིས་བརླབ་ཅིང་སེམས་ཅན་གྱི་དོན་འདི་འབྱུང་བར་གྱུར་ཅིག་ཅེས་དང་པོ་ཚིག་
ཏུ་བརྗོད་པ་འམ་རྣམ་པར་བསམས་ཏེ་བཟླས་པ་བྱའོ། །དབེན་པའི་ས་ཕྱོགས་སུ་འཕགས་པ་སྡོང་པོ་བཀོད་པ་ལ་སོགས་པ་ཤིན་ཏུ་རྒྱ་ཆེན་པོའི་མདོ་དང་བྱང་ཆུབ་སེམས་དཔའི་སྤྱོད་པའི་རྒྱུ་ལ་རབ་ཏུ་འཇུག་པ་ཀློག་པ་ཉིད་དང་
སེམས་པ་ཉིད་དང་མཆོད་པ་ཉིད་ཚེས་གཅིག་ནས་བརྩམས་ཏེ་ཟླ་བ་གཅིག་གི་བར་དུ་བྱའོ། །དེ་ནས་ཉ་ལ་མཆོད་པ་བྱས་ཏེ་མཚན་ཐོག་ཐག་ཏུ་བཟླས་པ་བྱས་ན་དེ་བཞིན་གཤེགས་པ་བྱོན་ཞིང་མགོ་བོ་ལ་ཕྱག་གིས་བྱུགས་ཏེ་
འདི་སྐད་དུ་སྐྱེས་བུ་དམ་པ་ལེགས་སོ་ལེགས་སོ་ཞེས་གསུང་བར་འགྱུར་ཏེ། དེ་ལ་སོགས་པ་མི་བརྗེད་པའི་གཟུངས་རྙེད་པར་འགྱུར་ཞིང་བྱང་ཆུབ་སེམས་དཔའི་སྤྱོད་པ་ལ་རྗེས་སུ་ཞུགས་ནས་མངོན་པར་ཤེས་པ་ལྔ་ཐོབ་པར་འགྱུར་
རོ། །ཇི་ལྟར་སེམས་ཅན་རྣམས་འཚང་རྒྱ་བའི་རྒྱུར་གྱུར་ཅིག་ཅེས་རྣམ་པར་བསམས་ལ་བཟླས་པར་བྱའོ། །དེ་བཞིན་དུ་སེམས་ཅན་ཐམས་ཅད་ཀྱི་ནད་རྣམས་རབ་ཏུ་ཞི་བར་བྱ་བ་དང་སྡུག་བསྔལ་གྱིས་ཉོན་མོངས་པ་
ཐམས་ཅད་རབ་ཏུ་ཞི་བར་གྱུར་ཅིག་ཅེས་དེ་ལྟར་བཟླས་པར་བྱའོ། །གྲང་བའི་དམྱལ་བ་རྣམས་ལ་དྲོ་བ་འབྱུང་བར་འགྱུར་བ་དང་ཚ་བའི་དམྱལ་བ་རྣམས་ལ་གྲང་བ་ཉིད་འབྱུང་བར་གྱུར་ཅིག་ཅེས་བཟླས་པར་བྱའོ། །དུད་འགྲོ་

94-1-184a

རྣམས་གཅིག་ལ་གཅིག་ཟ་བ་རྣམས་མེད་པར་གྱུར་ཅིག་ཅེས་བཟླས་པར་བྱའོ། །སེམས་ཅན་གྱི་ཁམས་ཐམས་ཅད་དུ་སྡུག་བསྔལ་བ་དང་ཡིད་མི་བདེ་བ་ཐམས་ཅད་མེད་པར་གྱུར་ཅིག །
བདེ་བ་དང་ཡིད་བདེ་བ་ཐམས་ཅད་འབྱུང་བར་གྱུར་ཅིག་ཡི་དགས་རྣམས་ལ་བཟའ་བ་དང་བཏུང་བ་འབྱུང་བར་གྱུར་ཅིག་ཅེས་དེ་ལྟར་ཟང་ཟིང་མེད་པའི་སེམས་ཅན་ཐམས་ཅད་ལ་ལོངས་སྤྱོད་པ་འབྱུང་བར་གྱུར་ཅིག །སེམས་
ཅན་ཐམས་ཅད་ཀྱི་དགེ་བ་རབ་ཏུ་འཕེལ་བའི་ཤུགས་འབྱུང་བར་གྱུར་ཅིག །བདེ་བ་དང་ཡིད་བདེ་བ་དེ་དག་རྣམས་ལ་འབྱུང་བར་གྱུར་ཅིག །དད་པ་དང་དགའ་བ་དང་རབ་ཏུ་དགའ་བ་ལ་སོགས་པ་དང་རྗེས་སུ་ཡི་རང་བ་
ལ་སོགས་པའི་དགེ་བའི་ཤུགས་འབྱུང་བར་གྱུར་ཅིག །བསོད་ནམས་དང་ཡེ་ཤེས་ཀྱི་ཚོགས་ཐམས་ཅད་ཡོངས་སུ་རྫོགས་པར་གྱུར་ཅིག །སྟོབས་བཅུ་མཁྱེན་པའི་ས་ལ་སེམས་ཅན་སོ་སོར་གནས་པར་གྱུར་ཅིག་
ཅེས་བྱ་བ་ལ་སོགས་པ་དང་གཞན་ཡང་སེམས་ཅན་ལ་ཕན་པའི་རྒྱུར་དམིགས་ཏེ་སྔགས་བཟླ་བར་བྱའོ། །མདོར་ན་འཁོར་བར་གྱུར་པའི་ཉོན་མོངས་པ་དང་སྡུག་བསྔལ་བ་ལ་སོགས་པ་རབ་ཏུ་སྤང་བ་དང་བྱང་ཆུབ་
སེམས་དཔའི་ཚོགས་ཡོངས་སུ་རྫོགས་པར་གྱུར་ཅིག་ཅེས་སྔགས་བཟླས་པར་བྱའོ། །དེ་བཞིན་དུ་བཟླས་པས་ཀྱང་དེ་བཞིན་གཤེགས་པའི་བྱིན་གྱིས་བརླབས་དང་སྨོན་ལམ་གྱི་སྟོབས་དང་བསོད་ནམས་དང་ཡེ་ཤེས་
ཀྱི་སྟོབས་ཀྱིས་གོ་རིམ་ཇི་ལྟ་བཞིན་དུ་སེམས་ཅན་གྱི་ཁམས་སུ་སེམས་ཅན་གྱི་དོན་གྱི་ཁྱད་པར་ཆུང་ངུ་དང་འབྲིང་དང་ཆེན་པོ་རྣམས་འབྱུང་བར་འགྱུར་རོ། །དེ་དག་ཀྱང་དེ་བཞིན་གཤེགས་པས་མཁྱེན་པར་འགྱུར་ཏེ་
མོས་པ་རྒྱ་ཆེ་བ་དང་དད་པས་བྱང་ཆུབ་མངོན་པར་འདོད་པའི་རིགས་ཀྱི་བུ་དེ་ལ་ཡང་དད་པར་བྱའོ། །དེ་ལ་འདིའི་དཔེ་བསྟན་པ་ནི་འདི་ལྟ་སྟེ། ཡང་འདོད་པའི་ཁམས་ཀྱི་དབང་ཕྱུག་ཅེས་བྱ་བ་ཡོད་དེ། འདོད་པ་སྐྱེད་

94-1-184b

པར་བྱེད་པ་ཞེས་བྱ་བའི་རིག་པས་འདོད་པ་ན་སྤྱོད་པའི་ལྷའི་བུ་འདོད་པས་རྒྱལ་བར་བྱེད་ཅིང་འདོད་པའི་ལོངས་སྤྱོད་ཡོངས་སུ་ལོངས་སྤྱོད་པ་ཡང་། ཡང་དག་པར་སྟོན་པར་བྱེད་དོ། །མེ་ཏོག་རྣམ་པ་སྣ་ཚོགས་པ་མང་པོ་དང་
རིན་པོ་ཆེ་དང་ནོར་བུ་ཡོད་པའི་ས་ཕྱོགས་དང་ཡོ་བྱད་དང་ལོངས་སྤྱོད་ཉེ་བར་སྟོབས་པར་བྱེད་དོ། །འདི་ལྟ་སྟེ་ཡང་ལྷའི་བུ་དབང་ཕྱུག་ཅེས་བྱ་བ་ཡོད་དེ་དེས་ཡིད་ལྟར་མགྱོགས་པ་ཞེས་བྱ་བའི་རིག་པས་སྟོང་གསུམ་གྱི་སྟོང་
ཆེན་པོའི་འཇིག་རྟེན་གྱི་ཁམས་ཀྱི་ལས་སུ་བྱ་བ་བྱེད་ཅིང་ཡོ་བྱད་དང་ལོངས་སྤྱོད་མངོན་པར་སྤྲུལ་ནས་གནས་གཙང་མའི་རིགས་ཀྱི་ལྷའི་བུ་རྣམས་ལ་ཡང་ཉེ་བར་སྟོབས་པར་བྱེད་དོ། །འདི་ལྟ་སྟེ་ཡང་རིག་པ་འཛིན་པ་
ཞེས་བྱ་བའི་སྔགས་ཀྱིས་གོས་དང་བཟའ་བ་དང་བཏུང་བ་དང་གཞལ་ཡས་ཁང་དང་བསྐྱེད་མོས་ཚལ་དང་དྲི་དང་མེ་ཏོག་དང་ཕྱེ་མ་དང་ཕྲེང་བ་ལ་སོགས་པ་མངོན་པར་སྤྲུལ་ནས་ཡོངས་སུ་ལོངས་སྤྱོད་པར་བྱེད་ཅིང་གཞན་
དག་ལ་སྟེར་བར་བྱེད་དོ། །འདི་ལྟ་སྟེ་ཡང་མིག་འཕྲུལ་རྣམ་པ་སྣ་ཚོགས་པའི་མིག་འཕྲུལ་མཁན་ཞེས་བྱ་བས་རྣམ་པ་སྣ་ཚོགས་པའི་མིག་འཕྲུལ་སྟོན་པར་བྱེད་དོ། །འདི་ལྟ་སྟེ་ཡང་ལྷ་མ་ཡིན་རྣམས་
སྔགས་ཀྱི་སྒྱུ་མ་བྱེད་པར་འགྱུར་རོ། །འདི་ལྟ་སྟེ་ཡང་སྨན་པས་སྔགས་ཀྱིས་སེམས་ཅན་མང་པོ་རྣམས་ཀྱི་རིམས་སེལ་བར་བྱེད་ཅིང་། ཡི་དགས་དང་དུག་དང་ནད་རྣམས་སེལ་བར་བྱེད་དོ། །འདི་ལྟ་སྟེ་ཡང་
སྔགས་ཀྱིས་མེའི་དྲོ་བ་མེད་པར་བྱེད་ཅིང་གྲང་བ་ཡང་དྲོ་བར་འགྱུར་རོ། །འདི་ལྟ་སྟེ་ཡང་མངོན་པར་གནོད་པར་བྱེད་པས་རིམས་ཀྱིས་འཛིན་པར་བྱེད་དོ། །འདི་ལྟ་སྟེ་ཡང་མ་མོའི་རྟོག་པས་སེམས་ཅན་མང་པོ་རྣམས་
ལ་གསོད་པ་དང་རྣམ་པར་འཚེ་བར་བྱེད་དོ། །གཞན་ཡང་སྡིག་པ་རྣམས་ལ་སྡིག་པའི་སྔགས་ཀྱིས་སྡིག་པ་ལ་སྦྱོར་བར་བྱེད་དོ། །གཞན་ཡང་གནོད་སྦྱིན་གྱིས་སེམས་རྣམ་པར་གཡོ་བར་བྱེད་པའི་སྔགས་

94-1-185a

ཀྱིས་སེམས་དགའ་བ་དང་ཡིད་བདེ་བ་ལ་སོགས་པ་དང་གཞན་དག་ཀྱང་བྱེད་པར་འགྱུར་རོ། །དེ་ལྟ་བུ་ལ་སོགས་པའི་ངེས་པར་སྟོན་པ་ནི་སྔགས་ཀྱི་སྟོབས་ཡིན་པར་བལྟ་བར་བྱའོ། །གསང་
སྔགས་དེའི་སྟོབས་ནི་གསང་སྔགས་ཉིད་ལས་འབྱུང་བ་ཡང་མ་ཡིན། སེམས་ཅན་ལས་འཇུག་པ་ཡང་མ་ཡིན་སྦྱོར་བ་བྱས་པ་ཡང་མི་དམིགས་མོད་ཀྱི་སྔོན་གྱི་བསྙེན་པའི་ཆོ་ག་ལས་གསང་སྔགས་ཀྱི་སྟོབས་ཀྱི་
སྟོབས་རབ་ཏུ་ཤེས་པར་བྱའོ། །བྱིན་གྱིས་བརླབས་ཀྱི་ཆོས་ཉིད་ལས་བྱུང་བ་ལས་འདས་པ་ཡང་མ་ཡིན། ཆོས་ཐམས་ཅད་ཀྱི་ཆོས་ཉིད་འདི་ཡང་འགྲོ་བ་དང་འོང་བ་ཡང་མ་ཡིན། དམིགས་པ་ཡང་མ་ཡིན། འགྲོ་བར་
བྱེད་པ་ཡང་མ་ཡིན་བྱེད་པ་པོ་ཡང་མ་ཡིན། བྱེད་པ་ཡང་མ་ཡིན་བདེན་པར་གྱུར་པ་མི་བསླུ་བ་ཡིན་པ་དེ་བས་ན་དད་པས་སྔགས་འདིས་སེམས་ཅན་ཐམས་ཅད་ཀྱི་དོན་བྱའོ། །ཚེ་འདི་ཉིད་ལ་མཐོང་བའི་ཆོས་ཉིད་ཀྱི་ཡོན་
ཏན་འདོད་པ་རང་བྱང་ཆུབ་སེམས་དཔའི་སྤྱོད་པ་ལ་འཇུག་པར་འདོད་པ་དང་བསོད་ནམས་དང་ཡེ་ཤེས་ཀྱི་ཚོགས་ཡོངས་སུ་རྫོགས་པར་བྱེད་འདོད་པ་དང་ཡོན་ཏན་རིན་པོ་ཆེ་སོ་སོར་ཐོབ་པར་འདོད་པས་བསྒྲུབ་པར་བྱའོ། །
སེམས་ཅན་གྱི་དོན་གྱི་ཕྱིར་མངོན་པར་བརྗོད་པའི་སྦྱོར་བ་འདིས་བསྒྲུབས་ན་མྱུར་བ་ཁོ་ནར་ཇི་ལྟར་འདོད་པའི་རིག་པ་འཛིན་པ་ལ་སོགས་པ་འགྲུབ་པར་འགྱུར་རོ། །གཞན་ཡང་སེམས་ཅན་རྣམས་ལ་ཕན་པའི་རྒྱུར་གྱུར་
པ་ཇི་སྐད་དུ་བཤད་པའི་དངོས་གྲུབ་ཀྱི་གོ་འཕང་གང་ཡིན་པ་རྣམ་པར་བསམས་ལ་བཟླས་པ་འབུམ་བྱས་ན་ངེས་པར་དེ་བཞིན་གཤེགས་པའི་ཞལ་མཐོང་ཞིང་མགོ་ལ་བྱུགས་ཏེ་ཇི་ལྟར་འདོད་པའི་དངོས་གྲུབ་ཀྱང་མྱུར་
དུ་སྩོལ་བར་མཛད་པར་འགྱུར་རོ། །ཡིད་ཀྱི་ལས་སུ་བྱ་བ་ཅི་འདོད་པ་ལ་སྦྱོར་བ་འང་རུང་རྟོག་པའི་ཆོ་ག་གཞན་ནམ་སྔགས་འདི་ལ་རྟོག་པ་ཐམས་ཅད་ཀྱི་ཆོ་གས་སྦྱར་བར་བྱའོ། །དམ་ཚིག་གསུམ་གྱི་རྒྱལ་པོ་

94-1-185b

ལས་གསུངས་པའི་ཆོ་ག་ལས། དེ་བཞིན་གཤེགས་པའི་སྙིང་པོའི་ལེའུ་རྫོགས་སྷོ།། །། ཡང་དེའི་ཚེ་བཅོམ་ལྡན་འདས་ཐམས་ཅད་ཀྱི་མཆོག་ཏིང་ངེ་འཛིན་གྱི་རྒྱལ་པོ་ཞེས་བྱ་བ་ལ་སྙོམས་པར་ཞུགས་སོ། །
སྙོམས་པར་ཞུགས་མ་ཐག་ཏུ་སྐུའི་ཡན་ལག་ཐམས་ཅད་ལས་དེ་བཞིན་གཤེགས་པའི་སྤྱོད་ཡུལ་ཐམས་ཅད་ཀྱི་མཆོག་ཅེས་བྱ་བའི་རིག་པའི་རྒྱལ་པོ་བྱུང་བར་གྱུར་ཏོ། །ན་མཿ སརྦ་བུདྡྷ་བོ་དྷི་སཏྭཱ་ནཱྃ། ཨོཾ་ཨ་མ་ལ་
བི་ཀྲཱྃ་ཏ་ཏེ་ཛཱི་ནི་ཨ་ར་ཛེ་སྭཱ་ཧཱ། ལག་ན་རྡོ་རྗེ་འདི་ནི་ཆོས་ཀྱི་སྤྱོད་ཡུལ་མཐའ་དང་དབུས་མེད་པའི་དེ་བཞིན་གཤེགས་པ་རྣམས་ཀྱི་རིག་པ་མཆོག་ཐོགས་པ་མེད་པ་དོན་ཡོད་པར་གྲུབ་པའི་རིག་སྔགས་ཆེན་པོ་རྟོག་པའི་སྦྱོར་
བ་རབ་འབྱམ་ཡངས་པ་མཐའ་མེད་པ་སྔགས་ཀྱི་སྒོར་ཞུགས་པའི་བྱང་ཆུབ་སེམས་དཔའི་སྤྱད་པ་སྤྱོད་པའི་བྱང་ཆུབ་སེམས་དཔའ་འདིས་ལས་རྣམས་གང་བག་མེད་པའི་སེམས་དང་པོ་བསྐྱེད་པའི་བྱང་ཆུབ་སེམས་དཔའ་
ནི་དེ་བཞིན་གཤེགས་པས་བྱིན་གྱིས་བརླབས་པ་མ་གཏོགས་པར་སྨྱོ་བར་འགྱུར་རོ། །མདོར་བསྟན་ན་བཟླས་པ་ཙམ་གྱིས་སངས་རྒྱས་ཀྱི་མཛད་པ་བྱེད་པར་འགྱུར་རོ། །གསང་སྔགས་ཀྱི་སྤྱོད་པ་རྗེས་སུ་ཐོབ་ནས་རྣམ་
པ་སྣ་ཚོགས་པའི་དེ་བཞིན་གཤེགས་པའི་སྐུ་དང་། བྱང་ཆུབ་སེམས་དཔའི་སྐུ་སེམས་ཅན་གྱི་ཁམས་ཐམས་ཅད་ལ་ཡང་དག་པར་སྟོན་པར་འགྱུར་རོ། །མོས་པ་སྣ་ཚོགས་པ་རྣམས་ལ་འཚམ་པར་འཁོར་བ་ལ་ཟློག་པའི་
ཕྱིར་སྒྱུ་མ་མཁན་བཞིན་དུ་ཐམས་ཅད་དུ་སོང་བ་ཐམས་ཅད་ལ་ཐོགས་པ་མེད་པའི་གསང་སྔགས་ཆེན་པོ་འདིས་སངས་རྒྱས་དང་། བྱང་ཆུབ་སེམས་དཔའ་ཐམས་ཅད་ཀྱི་བསོད་ནམས་དང་ཡེ་ཤེས་ཀྱི་ཚོགས་ལས་བྱུང་བ། 
མཐའ་དང་དབུས་མེད་པའི་དེ་བཞིན་གཤེགས་པས་བྱིན་གྱིས་བརླབས་པའི་སྟོབས་དང་། དགེ་བས་རྒྱས་པར་བྱས་པའི་སེམས་ཀྱི་འཇུག་པས་བྱིན་གྱིས་བརླབས་པས་དེ་བཞིན་གཤེགས་པ་རྣམས་ཀྱི་གསུང་གི་འཁོར་ལོ་དང་

94-1-186a

གཞན་དག་ཀྱང་སེམས་ཅན་གྱི་ཁམས་རྣམས་ལས་འབྱུང་ཞིང་ཐོས་པར་གྱུར་ཅིག་ཅེས་སེམས་ཅན་ཐམས་ཅད་བསྐྱབ་པར་དམིགས་ནས་སྔགས་བཟླས་ནས་དེ་བཞིན་གཤེགས་པ་རྣམས་ཀྱི་བྱིན་གྱིས་བརླབས་
ཀྱི་སྟོབས་ཀྱི་ཤུགས་ལ་དད་པར་བྱའོ། །དེ་ལྟ་བས་ན་བྱང་ཆུབ་སེམས་དཔའི་ཐེག་པ་པས་ཐ་ན་གཟུང་བ་ཙམ་ལ་ཡང་སྦྱར་བར་བྱའོ། །རྟོག་པ་འདིར་སངས་རྒྱས་བཅོམ་ལྡན་འདས་ཀྱི་དོན་ཡོད་པ་ཐོགས་པ་མེད་པ་སྨོན་ལམ་གྱི་
སྟོབས་དང་། བྱིན་གྱིས་བརླབས་ཀྱི་སྟོབས་ཀྱིས་དངོས་གྲུབ་བྱིན་གྱིས་བརླབས་པ་ཡིན་ནོ། །དེ་ལས་འདིར་རིག་པ་འཛིན་པ་འཐོབ་པའི་ཐབས་ཕྱོགས་ཙམ་བརྗོད་པར་བྱའོ། །འདིར་དད་པ་དང་ལྡན་པའི་བྱང་ཆུབ་སེམས་དཔའི་
ཐེག་པ་པས་རེ་ཤིག་སངས་རྒྱས་དང་བྱང་ཆུབ་སེམས་དཔའ་ཐམས་ཅད་ལ་སྔ་མ་བཞིན་དུ་བདག་གི་ལུས་དབུལ་བར་བྱའོ། །དེ་ནས་དུས་ཐམས་ཅད་པའི་སྡིག་པ་བཤགས་ཏེ། ལུས་དང་ངག་དང་། ཡིད་ཀྱི་ཀུན་ནས་ཉོན་མོངས་པ་
དང་། ཉེ་བའི་ཉོན་མོངས་པ་ལས་བྱུང་བ་རྣམས་ནུས་པ་ཇི་ལྟ་བ་བཞིན་དུ་བཤགས་པར་བྱའོ། །དེ་ནས་འདས་པ་དང་། མ་བྱོན་པ་དང་། ད་ལྟར་བྱུང་བའི་སངས་རྒྱས་དང་། བྱང་ཆུབ་སེམས་དཔའ་ཐམས་ཅད་ཀྱི་བསོད་ནམས་དང་། 
ཡེ་ཤེས་ཀྱི་ཚོགས་ཐམས་ཅད་ལ་རྗེས་སུ་ཡི་རང་བར་བྱ་སྟེ། སེམས་ཅན་ཐམས་ཅད་སྐྱོབ་ཅིང་ཕན་པར་མཛད་པ་ལ་རྗེས་སུ་ཡི་རང་ངོ་། །དཔག་ཏུ་མེད་པའི་དེ་བཞིན་གཤེགས་པ་སེམས་ཅན་གྱི་དོན་མཛད་པ་དང་། བྱང་ཆུབ་
སེམས་དཔའ་རྣམས་སེམས་ཅན་རྣམས་ཀྱི་དོན་མཛད་པ་ཉིད་ལ་ཡང་རྗེས་སུ་ཡི་རང་ངོ་། །དེ་ནས་འདི་ལྟར་ཡང་བསམ་པར་བྱའོ། །དེ་བཞིན་གཤེགས་པ་གཅིག་གཅིག་གི་བསོད་ནམས་དང་ཡེ་ཤེས་ཀྱི་ཚོགས་ཀྱང་ཚད་མེད་དོ་
ཞེས་རྗེས་སུ་ཡི་རང་ནས་སེམས་ཅན་ཐམས་ཅད་ཀྱི་ཕྱིར་ཡོངས་སུ་བསྔོ་ན་མཐའ་དང་དབུས་མེད་པའི་འབྲས་བུ་རྣམ་པར་སྨིན་པ་རྒྱ་ཆེན་པོ་འབྱུང་བར་འགྱུར་ན་གང་ཡང་སངས་རྒྱས་དང་། བྱང་ཆུབ་སེམས་དཔའ་མཐའ་ཡས་
94-1-186b

པ་མཐའ་མི་མཐོང་བ་ཚད་མེད་པ་ཁོང་དུ་ཆུད་པར་བྱས་ནས་རྗེས་སུ་ཡིད་རང་བ་ལྟ་ཅི་སྨོས། ཡང་ན་སངས་རྒྱས་བཅོམ་ལྡན་འདས་རྣམས་ཀྱིས་ཅི་ལྟར་མཁྱེན་པ་གང་ཡིན་པ་དེས་རྗེས་སུ་ཡི་རང་ངོ་ཞེས་བརྗོད་དོ། །དེ་ནས་འཇིག་
རྟེན་གྱི་ཁམས་ཐམས་ཅད་དུ་ཡང་དག་པར་བྱུང་བ། བདག་གི་མེད་པ་རྗེས་སུ་མ་བཟུང་བ། ཐང་ལས་སྐྱེས་པ་རིན་པོ་ཆེའི་རི་ལ་སོགས་པ་དང་། སངས་རྒྱས་དང་བྱང་ཆུབ་སེམས་དཔའ་ཐམས་ཅད་ལ་མཆོད་པའི་དོན་དུ་བསྔོ་
བར་བྱའོ། །དེ་ནས་བདག་གི་བསོད་ནམས་ཀྱི་སྟོབས་ཀྱིས་དེ་བཞིན་གཤེགས་པ་ཐམས་ཅད་ཀྱི་འཁོར་གྱི་དཀྱིལ་འཁོར་དུ་ཆོས་ཀྱི་དབྱིངས་ལས་སྤྲོས་པའི་དམ་པ་རྒྱ་ཆེན་པོའི་མཆོད་པའི་སྤྲིན་སྣ་ཚོགས་པ་དེ་བཞིན་གཤེགས་
པ་རྣམས་ཀྱི་བྱིན་གྱིས་བརླབས་དང་། བདག་གི་སྨོན་ལམ་གྱི་སྟོབས་ཀྱིས་འབྱུང་བར་གྱུར་ཅིག་ཅེས་ངེས་པར་བསམས་ལ། འདི་སྐད་ལན་བརྒྱད་ཀྱི་བར་དུ་བརྗོད་པར་བྱའོ། །ན་མཿ སརྦ་བུདྡྷ་བོ་དྷི་སཏྭཱ་ནཱྃ། སརྦ་ཐཱ་ཨུངྒ་ཏེ་སྥ་ར་
ཎ་ཧཱི་མཱྃ་ག་ག་ན་ཀྃ་ས་མཱནྟཱ་ཏ་སྭཱ་ཧཱ། དེའི་རྗེས་ལ་གཞན་མ་ཡིན་པར་དེ་བཞིན་དུ་མཆོད་པ་རྣམས་དེ་བཞིན་གཤེགས་པས་ཅི་ལྟར་མཁྱེན་པ་བཞིན་དུ་འབྱུང་བར་འགྱུར་རོ། །དེ་ནས་དེ་བཞིན་གཤེགས་པ་ཐམས་ཅད་དང་། བྱང་
ཆུབ་སེམས་དཔའ་ཐམས་ཅད་ལ་ཡོན་ཏན་བསྔགས་པ་མཐའ་ཡས་པ་རབ་འབྱམ་རྒྱ་མཚོ་རྣམས་བདག་གི་སྨོན་ལམ་གྱི་སྟོབས་དང་། བསོད་ནམས་ཀྱི་སྟོབས་དང་། དེ་བཞིན་གཤེགས་པ་རྣམས་ཀྱི་བྱིན་གྱིས་བརླབས་ཀྱིས་
འབྱུང་བར་གྱུར་ཅིག་ཅེས་བསམས་ལ་སྔགས་འདི་ལན་བརྒྱད་ཀྱི་བར་དུ་བརྗོད་པར་བྱའོ། །ན་མཿ སརྦ་བུདྡྷ་བོ་དྷི་སཏྭཱ་ནཱྃ། སརྦ་ཏྲཱྃ་སྃ་ཀུ་སུ་མི་ཏཱ་ཨ་བྷི་ཛྙཱ་ན་རཱ་ཤི་ནཱི་ན་མོ་སྟུ་ཏེ་སྭཱ་ཧཱ། དེ་ནས་བསྟོད་པ་ཡང་དག་པར་བརྗོད་པའི་
རྒྱ་མཚོ་རྣམས་དེ་བཞིན་གཤེགས་པ་རྣམས་ཀྱིས་ཅི་ལྟར་མཁྱེན་པ་བཞིན་དུ་འབྱུང་བར་འགྱུར་རོ། །དེ་ནས་སངས་རྒྱས་དང་བྱང་ཆུབ་སེམས་དཔའ་ཐམས་ཅད་ཀྱིས་ཐམས་ཅད་ཏུ་སྡུག་བསྔལ་བར་གྱུར་པ་བདག་ལ་བྱིན་གྱིས་
94-1-187a

བརླབ་ཏུ་གསོལ། བདག་ལ་དངོས་གྲུབ་དང་མཆོག་སྩལ་དུ་གསོལ་ཞེས་ཚིག་ཏུ་བརྗོད་པར་བྱའོ། །དེ་ནས་སེམས་ཅན་ཐམས་ཅད་ཀྱིས་དགེ་བའི་རྩ་བའི་ཚོགས་ཟག་པ་མེད་པ་རྣལ་འབྱོར་ལས་ཡང་དག་
པར་བྱུང་བ་རབ་ཏུ་ཐོབ་པར་གྱུར་ཅིག་ཅེས་ཀྱང་བརྗོད་དོ། །དེ་བཞིན་དུ་མཐའ་དང་དབུས་མེད་པའི་སེམས་ཅན་ཐམས་ཅད་ལ་ཕན་པ་དང་བདེ་བ་སྦྱིན་པར་ཡིད་ལ་བྱས་ནས་དེ་ལྟ་བུའི་སྤྲུལ་པའི་སྤྲིན་མངོན་པར་སྒྲུབ་པར་བྱེད་པའི་སྦྱོར་
བས་བསྟན་པའི་དེ་བཞིན་གཤེགས་པའི་སྙིང་པོའི་སྔགས་ལན་བརྒྱད་ཀྱི་བར་དུ་བརྗོད་པར་བྱའོ། །དེ་ནས་སངས་རྒྱས་དང་བྱང་ཆུབ་སེམས་དཔའ་ཐམས་ཅད་ལ་ཕྱག་འཚལ་ཞིང་དམིགས་ལ་བཟླས་པ་གོམས་པར་བྱས་ནས། 
སངས་རྒྱས་དང་བྱང་ཆུབ་སེམས་དཔའ་རྣམས་ཀྱིས་བླ་ན་མེད་པ་ཡང་དག་པར་རྫོགས་པའི་བྱང་ཆུབ་སྒྲུབ་པར་གྱུར་པ་དང་། སངས་རྒྱས་ཀྱི་ཆོས་ཐམས་ཅད་གྲུབ་པར་གྱུར་པ་དེ་དག་ལ་རྗེས་སུ་ཡི་རང་བ་ལ་དམིགས་པའི་སེམས་
ཀྱིས་གོམས་པར་བྱས་ཤིང་བཟླས་པར་བྱ་སྟེ། ཅི་སྲིད་སྐྱོ་བར་མ་གྱུར་གྱི་བར་དུའོ། །དེ་ནས་དེ་བཞིན་གཤེགས་པ་རྣམས་ཆོས་ཀྱི་འཁོར་ལོ་བསྐོར་བས་བླ་ན་མེད་པའི་སེང་གེའི་སྒྲ་སྒྲོགས་པ་དང་། བླ་ན་མེད་པའི་སེམས་ཅན་གྱི་དོན་
མཛད་ཅིང་། དེ་བཞིན་གཤེགས་པའི་ཀུན་ཏུ་བཟང་པོ་ཡེ་ཤེས་ཀྱི་སྐུ་ཡོངས་སུ་རྫོགས་པ་ལ་མངོན་པར་མོས་པས་སངས་རྒྱས་དང་བྱང་ཆུབ་སེམས་དཔའ་ཐམས་ཅད་ལ་ཕྱག་འཚལ་ནས་ལངས་ཏེ་འཕགས་པ་སྡོང་པོ་བཀོད་པ་
ལ་སོགས་པ་ཡངས་ཤིང་རྒྱ་ཆེ་བའི་མདོ་སྡེ་བཀླག་པ་འམ་གཞན་ཡང་རུང་ཅི་ལྟར་བསམས་པ་བཞིན་དུ་སྔ་དྲོའི་དུས་ཀྱི་བར་དུ་གནས་པར་བྱའོ། །དེ་ནས་གླེགས་བམ་ལ་སོགས་པ་མཆོད་པ་འམ། ཐ་ན་མཆོད་རྟེན་ལ་ཕྱག་
བྱས་ནས་ཟས་བཟའ་བར་བྱའོ། །ཟ་བའི་ཚེ་ཁ་ཟས་ལ་སྔགས་འདིས་ལན་བརྒྱད་མངོན་པར་བསྔགས་ལ་དང་པོའི་ཆང་བུ་ལྷ་བཤོས་སུ་ཕུལ་ལ་བཟའ་བར་བྱའོ། །དེ་ལ་སྔགས་ནི་འདི་ཡིན་ཏེ། ན་མཿ སརྦ་བུདྡྷ་བོ་དྷི་སཏྭཱ་ནཱྃ། 

94-1-187b

ཨོཾ་བི་ལྃ་ཏ་ཏེ། ཏེ་ཛོ་མཱ་ལི་ནི་སྭཱ་ཧཱ། ཟས་ཀྱིས་དུབ་པ་ཅུང་ཞིག་ངལ་སོས་ལ་ཕྱི་དྲོའི་དུས་སུ་ཡང་ཆོ་ག་འདི་བཞིན་དུ་བྱའོ། །ཉལ་བའི་ཚེ་དང་པོར་སངས་རྒྱས་དང་བྱང་ཆུབ་སེམས་དཔའ་ཐམས་ཅད་ལ་ཡན་ལག་ཐམས་ཅད་
ཀྱིས་ཕྱག་འཚལ་ནས་བདག་ཉིད་ཕུལ་ལ་ཕྱི་ནས་མལ་དུ་ཅི་ལྟར་འདོད་པར་གཉིད་ལོག་ལ་ནམ་གྱི་ཆ་སྟོད་དང་ཆ་སྨད་ལ་མི་ཉལ་བར་བྱའོ། །དེ་ལ་ཆོ་ག་ནི་འདི་ཡིན་ནོ། །ཚེས་གཅིག་ནས་བརྩམས་ནས་ཉིན་རེ་ཉིན་རེ་ཞིང་ཟླ་བ་
གཅིག་རྫོགས་ཀྱི་བར་དུ་འདི་བཞིན་དུ་བྱ་བ་ཡིན་ནོ། །གལ་ཏེ་ཆོ་ག་འགའ་ཞིག་མ་བྱས་སམ། བྱ་བ་གཞན་གྱིས་བྲེལ་བས་ཉི་མ་གཅིག་གམ། གཉིས་སམ། གསུམ་ལ་སོགས་པར་ལས་ལས་ཉམས་ན་ཡང་དེས་བརྩོན་
འགྲུས་དོར་བར་མི་བྱ་སྟེ། ཟླ་བ་དེ་ཉིད་ཀྱི་ཉ་ལ་ཉིན་མཚན་གཅིག་ཏུ་བཅོམ་ལྡན་འདས་ཀྱི་མདུན་དུ་འམ། མཆོད་རྟེན་དང་། སྐུ་གཟུགས་དང་། དམ་པའི་ཆོས་གླེགས་བམ་མམ། གཞན་གྱི་མདུན་དུ་ཡང་རུང་། མཆོད་པ་ཅི་
འབྱོར་པ་བྱས་ནས་ཀུ་ཤ་བཀྲམ་པ་ལ་འདུག་སྟེ་བསྲུང་བའི་ཆོ་ག་བྱས་ནས་འཁོར་ལོ་དང་། རྡོ་རྗེ་དང་། རྩེ་གསུམ་དང་། མདུང་དང་། ཁ་ཊྭཱྃ་ག་ཡང་རུང་ལྕགས་ལས་བྱས་པ་འམ་ས་ལས་བྱས་པ་ཡང་རུང་དེ་བཞིན་གཤེགས་
པའི་སྙིང་པོའི་ལེའུ་ནས་གསུངས་པའི་མཚོན་ཆ་རྣམས་ལས་གང་འདོད་པ་ཞིག་ལག་ཏུ་བླངས་ནས་སྒྲུབ་པ་བྱས་ན་དེས་ནམ་ཕྱེད་དམ། ཉི་མ་འཆར་ཀར་ངེས་པར་འབར་བར་འགྱུར་རོ། །དེ་ཉིད་རིག་པ་འཛིན་པར་འགྱུར་ཏེ། སྐད་
ཅིག་དེ་ལ་རིག་འཛིན་གྱི་རིགས་ཀུན་ཉེ་བར་འདུས་ནས་དེ་ལ་དབང་བསྐུར་བར་འགྱུར་རོ། །དེ་ནས་བཟུང་ནས་འཇིག་རྟེན་གྱི་ཁམས་ཐམས་ཅད་དུ་ནམ་མཁའ་ལ་རྒྱུ་ཞིང་དེ་བཞིན་གཤེགས་པ་ཐམས་ཅད་ཀྱི་འཁོར་གྱི་དཀྱིལ་འཁོར་དུ་རྗེས་
སུ་འཇུག་ཅིང་མཆོད་པ་ཆེན་པོ་བྱེད་པའི་བྱང་ཆུབ་སེམས་དཔའི་སྤྱོད་པ་ལ་ཞུགས་ནས་བདེ་བ་དང་ལྡན་བཞིན་དུ་ལྷ་དང་། ཀླུ་དང་། གནོད་སྦྱིན་ཐམས་ཅད་ཀྱིས་མཆོད་ཅིང་རིག་པ་འཛིན་པ་ཐམས་ཅད་མངོན་པར་དགའ་བར་བྱེད་པའི་རིག་སྔགས་

94-1-188a

འཛིན་པའི་རྒྱལ་པོ་ཆེན་པོར་འགྱུར་རོ། །མཐའ་ཡས་པའི་བུད་མེད་ཀྱི་འཁོར་ལ་སོགས་པ་ལ་ཡོངས་སུ་ལོངས་སྤྱོད་ཀྱང་ཉམས་པར་མི་འགྱུར་ཞིང་ལུས་དེ་ཉིད་མི་འདོར་བར་བདེ་བར་རྗེས་སུ་འཇུག་པར་འགྱུར་རོ། །
ཐབས་འདི་ཉིད་ཀྱིས་མཐར་གྱི་སངས་རྒྱས་དང་བྱང་ཆུབ་སེམས་དཔའ་རྣམས་ཀྱི་ཡེ་ཤེས་ཀྱི་སྐུའི་བར་དུ་ཡང་འཐོབ་པར་འགྱུར་རོ། །འཁོར་ལོ་ལ་སོགས་པ་མཚོན་ཆ་རྣམས་ལ་ཅི་ལྟ་བ་བཞིན་དུ་ལྡོང་རོས་དང་། མིག་སྨན་དང་། བབ་བླ་དང་
གི་ཝང་དང་། གོས་དང་། ཀུ་ཤ་དང་། ནོར་བུ་དང་། རྨ་བྱའི་སྒྲོ་དང་། སྣོད་དང་། མཆིལ་ལྷམ་དང་། གདུགས་དང་། རྔ་ཡབ་དང་། རྒྱལ་མཚན་དང་འཕན་དང་། པད་མ་དང་། ཨུཏྤ་ལ་འམ། ཏ་ལའི་ལོ་མ་ལས་རལ་གྲི་དང་། ཆུ་གྲི་དང་། གྲི་དང་། ཁ་ཊྭཱྃ་ག་
ལ་སོགས་པའི་རྫས་སུ་བྱས་པ་འམ། ལྷག་མས་ཀྱང་བསྒྲུབ་པར་བྱའོ། །ཡིད་ལ་གང་འདོད་པ་འམ། རིག་སྔགས་དང་། གསང་སྔགས་དང་། རྟོག་པའི་ཆོ་ག་གཞན་ལ་ཡང་སྦྱར་བ་འམ། དེ་བཞིན་གཤེགས་པའི་སྙིང་པོ་ནས་གསུངས་པའི་
རྫས་རྣམས་སམ། དེ་བཞིན་གཤེགས་པའི་སྙིང་པོ་ནས་གསུངས་པའི་ཆོ་ག་འམ། ཡིད་ལ་གང་འདོད་པའི་ཆོ་གས་ཀྱང་སྒྲུབ་པ་བྱས་ན་དེ་ཉིད་ཀྱིས་རིག་པ་འཛིན་པར་འགྱུར་རོ། །སངས་རྒྱས་དང་བྱང་ཆུབ་སེམས་དཔའ་ཐམས་ཅད་ཀྱི་ཐད་
ནས་དངོས་གྲུབ་བླང་བའི་ཆོ་གའོ། །ཇི་སྐད་བསྟན་པའི་ཕྱོགས་གཅིག་ཏུ་མཆོད་རྟེན་དང་། སྐུ་གཟུགས་དང་། དམ་པའི་ཆོས་ཀྱི་གླེགས་བམ་འམ། གང་ཡང་རུང་བའི་མདུན་དུ་མེ་ཏོག་སིལ་མ་བཀྲམ་པའི་དཀྱིལ་འཁོར་བྱས་ལ་
ཅི་འབྱོར་པའི་དྲི་དང་། མེ་ཏོག་དང་། ཕྲེང་བ་ལ་སོགས་པའི་མཆོད་པ་བྱས་ཀྱང་རུང་མ་བྱས་ཀྱང་རུང་། ཀུ་ཤའི་ཆང་བུ་ལ་ཉེ་བར་འདུག་ནས་ལག་པ་འམ་གཞན་དུ་ཡང་རུང་། ལྡོང་རོས་ལ་སོགས་པའི་རྫས་བཟུང་ནས། ལོ་མའི་བར་རམ། གོས་ཀྱི་བར་
དུ་འམ། ལྕགས་དང་། དངུལ་དང་། གསེར་གྱི་སྣོད་དུ་བཞག་ལ་ཇི་སྲིད་འབར་བར་འགྱུར་གྱི་བར་དུ་བཟླས་པ་བྱས་ན། དེ་བཞིན་དུ་བསོད་ནམས་ཇི་ལྟ་བ་བཞིན་རིག་པ་འཛིན་པར་འགྱུར་རོ། །གཞན་གྱིས་མི་འཕྲོགས་པ་ཞེས་བྱ་བ་སྟེ། 

94-1-188b

འདི་ནི་ཐབས་ལ་མཁས་པའི་བྱང་ཆུབ་སེམས་དཔའི་ཐེག་པ་པའི་ཆོ་ག་ཡིན་ནོ། །ཆོ་ག་འདི་ཉིད་ཀྱིས་དབེན་ཞིང་སྟོང་པའི་རི་དང་། ཆུ་ཀླུང་དང་། མཚེ་འུ་དང་། ཚལ་ཉམས་དགའ་བ་འམ། ཤིང་གཅིག་གམ། གཙུག་ལག་གི་གནས་
སམ། སྐུ་གདུང་དང་བཅས་པའི་མཆོད་རྟེན་གྱི་རྩ་འམ། སྐུ་གཟུགས་བཞུགས་པ་འམ། གཞན་ཡང་གཙུག་ལག་ཁང་གི་བྲང་ཁང་ལ་སོགས་པ་དབེན་པར་བསྒྲུབ་པར་བྱ་སྟེ། འདུ་འཛི་དང་བྲལ་བ་འམ། སངས་རྒྱས་རྗེས་སུ་
དྲན་པ་ལ་གོམས་པར་བྱས་ལ། སེམས་ཅན་ཐམས་ཅད་ལ་ཕན་པའི་སེམས་དང་ལྡན་པ། བརྩོན་འགྲུས་དང་ལྡན་པ། དད་པ་དང་ལྡན་པ་སེར་སྣ་མེད་པས་སོམ་ཉི་དང་བྲལ་བའི་སེམས་ཀྱིས་ལུས་དང་སྲོག་ལ་ཡང་ལྟོས་པ་མེད་པར་བྱ་
འོ། །གཞན་ཡང་ཐམས་ཅད་ཀྱི་ཐུན་མོང་གི་ཆོ་ག་ནི་རི་དང་ཆུ་འགྲམ་དང་། འབབ་ཆུའི་ངོས་ལ་སོགས་པའི་གནས་དབེན་ཞིང་སྟོང་པ་རྣམས་སུ་དམ་པའི་ཆོས་ཀྱི་གླེགས་བམ་དང་གཉིས་སུ་གནས་ལ་དུས་གསུམ་དུ་སྡིག་པ་བཤགས་པ་
དང་། བསོད་ནམས་དང་ཡེ་ཤེས་ཀྱི་ཚོགས་ལ་རྗེས་སུ་ཡི་རང་བ་བྱས་ནས། སངས་རྒྱས་དང་བྱང་ཆུབ་སེམས་དཔའ་རྣམས་ཀྱི་སྤྱན་སྔར་གསོལ་བ་འདེབས་པས་ཅི་སྲིད་མཚན་མ་བྱུང་བར་གྱུར་གྱི་བར་དུ་བཟླས་པ་བྱའོ། །ཡར་ངོའི་
ཉ་ལ་ཆོ་ག་སྔ་མ་བཞིན་དུ་ཉིན་ཞག་གཅིག་སྨྱུང་བར་གནས་ནས་ཇི་སྐད་བསྟན་པའི་རྫས་རྣམས་ལས་གང་ཡང་རུང་བ་བླངས་ལ་ཅི་སྲིད་འབར་བར་གྱུར་གྱི་བར་དུ་བཟླས་ན་དེ་ཉིད་ཀྱིས་རིག་པ་འཛིན་པར་འགྱུར་རོ། །རིག་པ་
མཆོག་དོན་ཡོད་པ་འདི་ནི་རང་བཞིན་གྱིས་གྲུབ་པ། ཐོགས་པ་མེད་པ་ཡིད་ལ་རེ་བའི་ཕུན་སུམ་ཚོགས་པ་སྒྲུབ་པར་བྱེད་པ་སྟེ། ཅི་ལྟ་ཅི་ལྟར་རབ་ཏུ་སྦྱོར་བ་དེ་ལྟ་དེ་ལྟར་འགྲུབ་པར་འགྱུར་རོ། །རང་བཞིན་གྱིས་གྲུབ་པ་ཀླགས་
པས་འགྲུབ་པ་ཡིན་པས་བཟླས་པ་ཙམ་གྱིས་འདོད་པ་ཐམས་ཅད་བྱེད་པ་ཡིན་ནོ། །དོན་ཡོད་པའི་རྟོག་པའི་ཆོ་ག་བཞིན་དུ་སྦྱར་བ་འམ། ཅི་ལྟར་འདོད་པ་བཞིན་དུ་བསྒྲུབ་པར་བྱའོ། །ཡང་ན་རས་རིས་བསྒྲུབ་པར་འདོད་ན་བཅོམ་ལྡན་འདས་

94-1-189a

པད་མའི་གདན་ལ་སྐྱིལ་མོ་དཀྲུང་གིས་བཞུགས་པར་བྱའོ། །བཅོམ་ལྡན་འདས་ཀྱི་གཡས་ཕྱོགས་སུ་འཕགས་པ་ཕྱག་ན་རྡོ་རྗེ་ཀུན་ནས་འབར་བས་བསྐོར་བ། བཅོམ་ལྡན་འདས་ཅོད་པན་ལས་བྱུང་བའི་འོད་ཟེར་གྱིས་
མངོན་པར་དབང་བསྐུར་བ་བྲི་བར་བྱའོ། །བཅོམ་ལྡན་འདས་ཀྱི་གཡོན་ཕྱོགས་སུ་རིག་པའི་མཆོག་ཅེས་བྱ་བའི་རྒྱལ་མོ་གསེར་གྱི་མདོག་ཅན་རལ་པ་དང་བཅས་པ། གོས་གཙང་མ་བགོས་པ་པད་མའི་གདན་ལ་བཞུགས་པ། 
བཅོམ་ལྡན་འདས་ལ་ཐལ་མོ་སྦྱར་བ། འོད་ཀྱི་ཕྲེང་བས་བརྒྱན་པའོ། །བཅོམ་ལྡན་འདས་མའི་འོག་ཏུ་མཐའ་མེད་ཅེས་བྱ་བའི་འཁོར་རལ་གྲི་དང་། ཞགས་པ་ལག་ན་ཐོགས་པ། མདོག་སྔོ་བསངས་ཁྲོས་ཤིང་འཁྲུགས་པ། 
གོས་དམར་སེར་ཟུང་བགོས་པ། ཁྲོ་གཉེར་བསྡུས་པ་བགེགས་ཐམས་ཅད་ཚར་གཅོད་པ། མངག་གཞུག་པ་རིན་པོ་ཆེའི་བྲག་ལ་འདུག་པ་བྲི་བར་བྱའོ། །འཕགས་པ་ཕྱག་ན་རྡོ་རྗེའི་འོག་ཏུ་ནི་སྒྲུབ་པ་པོ་ཐལ་མོ་སྦྱར་བ་རིན་པོ་ཆེའི་
བྲག་གི་པད་མའི་སྡོང་བུ་ལ་བཞུགས་པ་མེ་ཏོག་གི་འཁྲི་ཤིང་གིས་ཀུན་ནས་བསྐོར་བ་བྲི་བར་བྱའོ། །དེ་ལྟ་བུའི་རས་རིས་ཀྱི་མདུན་དུ་ཆོ་ག་འདིས་ཅི་ལྟར་འདོད་པར་རམ། རྟོག་པ་གཞན་གྱི་ཆོ་ག་དང་ཡང་སྦྱར་བར་བྱའོ། །རིག་པ་མཆོག་གི་
རས་རིས་གཞན་ཡང་ཏིང་ངེ་འཛིན་ལ་སྙོམས་པར་ཞུགས་པ་པད་མ་དམར་པོ་ལ་རབ་ཏུ་བཞུགས་པ་བྲི་བར་བྱའོ། །དེའི་འོག་ཏུ་མངག་གཞུག་པ་མཐའ་མེད་ལག་པ་ན་རལ་གྲི་དང་། ཞགས་པ་ཐོགས་པ་དེ་དང་འདྲ་བ་བྲི་བར་བྱའོ། །རས་རིས་
འདིར་ཡང་ལས་དེ་དག་ཀུན་བྱའོ། །ཆོ་ག་གཞན་ཡང་རི་ལ་སོགས་པ་དབེན་ཞིང་དབེན་པའི་ཕྱོགས་གཅིག་ཏུ་སྐྱིལ་མོ་དཀྲུང་བཅས་ནས་བྱང་ཆུབ་སེམས་དཔའ་དང་བཅས་པའི་དེ་བཞིན་གཤེགས་པ་དམིགས་ནས་མཚན་ཐོག་ཐག་སྐྱིལ་མོ་
དཀྲུང་མ་བཤིག་པར་བཟླས་པ་བྱས་ན་སྔོན་དུ་བསྙེན་པ་མ་བྱས་ཀྱང་ཐོ་རངས་སམ་ནམ་ཕྱེད་ན་རིག་པ་འཛིན་པར་འགྱུར་རོ། །མཐུ་མཚུངས་པ་མེད་པ་དང་ལྡན་པས་ཕྱིར་མི་ལྡོག་པའི་རིག་པ་འཛིན་པས་མཆོད་པར་འགྱུར། སེམས་

94-1-189b

ཅན་ཐམས་ཅད་ཀྱིས་མཆོད་པར་འགྱུར་རོ། །རིག་པའི་མཆོག་འདི་གང་གི་ལག་ཏུ་ཐོབ་པ་དེ་ནི་སངས་རྒྱས་ཐམས་ཅད་ཀྱིས་བྱིན་གྱིས་བརླབས་པར་འགྱུར་རོ། །རྡོ་རྗེའི་རིགས་ཐམས་ཅད་ཀྱིས་ཡང་དག་པར་བསྲུངས་
པར་འགྱུར་རོ། །སྦྱིན་སྲེག་ལ་སོགས་པའི་སྦྱོར་བས་ལྷ་དང་ཀླུ་ལ་སོགས་པ་དགུག་པ་དང་། གཞན་ཡང་ཡིད་ལ་གང་འདོད་པ་རྟོག་པ་གཞན་གྱི་ཆོ་ག་བཞིན་དུ་བསྒྲུབ་པར་བྱའོ། །དེ་བཞིན་གཤེགས་པའི་སྙིང་པོའི་ཆོ་
ག་གང་ཡིན་པའི་དམ་པ་ཉིས་འགྱུར་དུ་སྦྱར་བར་བྱའོ། །དེ་བཞིན་གཤེགས་པ་ཡང་དག་པར་འབྱུང་བ་ཞེས་བྱ་བ་རིག་པའི་མཆོག་རྫོགས་སྷོ།། །།དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་འཁོར་ལོ་རྡོ་རྗེ་ཞེས་བྱ་བ་
སངས་རྒྱས་ཐམས་ཅད་ཀྱི་ཡུལ་ལ་རྣམ་པར་ལྟ་བ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་སོ། །དེ་ནས་དེ་བཞིན་གཤེགས་པ་ཐམས་ཅད་ཀྱི་བྱིན་གྱིས་བརླབས་ཀྱིས་རྡོ་རྗེ་ཤུགས་ཀྱི་ཡི་གེ་ཞེས་བྱ་བ་བྱུང་བར་གྱུར་
ཏོ། །དེ་ལས་ནི་རིག་པའི་མཆོག་གི་རྡོ་རྗེའི་ཚིག་འདི་བྱུང་བར་གྱུར་ཏོ། །ན་མཿ སརྦ་བུདྡྷ་བོ་དྷི་སཏྭཱ་ནྃ། ཨོཾ་བི་ར་ཛི་བི་ར་ཛཱི་མ་ཧཱ་བི་ར་ཛཱི་སཏྭ་སཏྭ། སཱ་ར་ཏེ་སཱ་ར་ཏེ། ཏྲཱ་ཡི་ཏྲཱ་ཡི་བི་དྷ་མ་ཧཱ་ཏཱི་ས་བྷཉྫ་ནི། ཏཪྨ་ཏི་སིདྡྷ་ཨ་གྲེ་ཏྲྃ་
སྭཱ་ཧཱ། འཁོར་ལོ་རྡོ་རྗེ་ཞེས་བྱ་བའི་རིག་པའི་མཆོག་འདི་ལ་ཡང་རིག་པའི་མཆོག་དང་པོ་མི་མཉམ་པ་དང་མཉམ་པའི་རྟོག་པའི་ཆོ་གར་དང་པོར་དེ་བཞིན་གཤེགས་པའི་སྙིང་པོའི་རྟོག་པའི་ཆོ་ག་ཉིས་འགྱུར་དུ་སྦྱོར་བ་གང་
ཡིན་པ་ཡང་ཉིས་འགྱུར་དུ་འཇུག་གོ། འདིའི་རས་རིས་ཀྱི་ཁྱད་པར་ནི་རིན་པོ་ཆེའི་བྲག་ལས་སྐྱེས་པའི་རིན་པོ་ཆེའི་པད་མ་ཆེན་པོ་ལ་སྐྱིལ་མོ་དཀྲུང་གིས་བཞུགས་པ་ཕྱག་གིས་མཆོག་སྩོལ་བའོ། །བཅོམ་ལྡན་འདས་
ཀྱི་གཡོན་ལོགས་སུ་རིག་པའི་མཆོག་ཕྱག་ན་འཁོར་ལོ་བསྣམས་པ། རྒྱན་ཐམས་ཅད་ཀྱིས་བརྒྱན་པ་རིན་པོ་ཆེའི་བྲག་ལ་བཞུགས་པ་བྲི་བར་བྱའོ། །བཅོམ་ལྡན་འདས་ཀྱི་གཡས་ལོགས་སུ་འཁོར་ལོ་རྡོ་རྗེ་ཞེས་

94-1-190a

བྱ་བའི་རྡོ་རྗེ་འཛིན་ཕྱག་ན་འཁོར་ལོ་བསྣམས་པ་ཅུང་ཟད་སྔོ་བསངས་རིན་པོ་ཆེའི་བྲག་ལ་བཞུགས་པ་དེ་བཞིན་གཤེགས་པའི་འོད་ཟེར་གྱིས་ཀུན་ནས་བསྐོར་བའོ། །དེའི་འོག་ལོགས་སུ་སྒྲུབ་པ་པོ་ཕྱག་
འཚལ་བ་བྲིའོ། །ལྷ་མོའི་འོག་ཏུ་ནི་མཐའ་མེད་ཅེས་བྱ་བ་འཁོར་དེ་ཉིད་བགེགས་ཚར་གཅོད་པ་རལ་གྲི་དང་ཞགས་པ་ལག་ན་ཐོགས་པ་བྲི་བར་བྱའོ། །རས་རིས་གཉིས་པ་ནི་ལྷ་མོ་གཅིག་པུ་གནས་པ་ཕྱག་ན་འཁོར་ལོ་བསྣམས་
པའོ། །དེའི་འོག་ཏུ་ནི་དེ་བཞིན་དུ་མཐའ་མེད་ལག་ན་རལ་གྲི་དང་ཞགས་པ་ཐོགས་པ་ཁྲོ་བོ་གཞོན་ནུའི་གཟུགས་ཅན་ཁྲོ་གཉེར་གཡོ་བ་དང་བཅས་པའོ། །འདིར་ཡང་ཆོ་ག་ནི་སྔ་མ་ཉིད་ཀྱིས་བྱའོ། །ཅི་ལྟར་ཡིད་ལ་འདོད་པས་སམ་རྟོག་
པ་གཞན་གྱི་ཆོ་གས་ཀྱང་བྱའོ། །འདིར་ཁྱད་པར་ནི་འདི་ཡིན་ནོ། །བཀླགས་པ་ཙམ་གྱིས་དམ་ཚིག་ཐམས་ཅད་ཤེས་པར་འགྱུར། དཀྱིལ་འཁོར་ཐམས་ཅད་དུ་ཞུགས་པར་འགྱུར་རོ། །འཁོར་ལོ་རྡོ་རྗེ་ཞེས་བྱ་བའི་རིག་པའི་མཆོག་རྫོགས་
སྷོ།། །།དེ་ནས་བདུད་རྩི་རྡོ་རྗེ་ཞེས་བྱ་བའི་རྡོ་རྗེ་འཆང་སངས་རྒྱས་དང་བྱང་ཆུབ་སེམས་དཔའ་ཐམས་ཅད་ཀྱིས་བྱིན་གྱིས་བརླབས་ཀྱི་སྟོབས་ཀྱིས་དམ་ཚིག་གི་རྒྱལ་པོ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་སོ། །དེ་ལས་རོལ་པའི་ཡུལ་
མཐའ་ཡས་པ་ཞེས་བྱ་བའི་བདེན་པའི་ཚིག་གི་འཁོར་ལོ་རྡོ་རྗེའི་སྒྲ་མངོན་པར་བྱུང་བར་གྱུར་ཏོ། །དེ་ལས་བདུད་རྩིའི་རྡོ་རྗེ་ཞེས་བྱ་བའི་རིག་པ་མཆོག་འདི་ཐོས་པར་གྱུར་ཏོ། །ན་མཿ སརྦ་བུདྡྷ་བོ་དྷི་སཏྭཱ་ནཱྃ། ཨ་མྲྀ་ཏ་ཨ་མྲྀ་ཏ། ཤི་ཁི་ཤི་ཁི། 
བི་མ་ལི་བི་མ་ལ། བཱི་རཱ་ཛཱི་ནཱི་བཱི་རཱ་ཛཱི་ནཱི། ཧ་ར་ཧ་ར་བི་དཱྃ་མ་ཧཱ་ས་མ་ཡ། བཛྲ་ཨཱ་གྲེ་སྭཱ་ཧཱ། བདུད་རྩི་རྡོ་རྗེ་འདིའི་ཆོ་ག་ཡང་སྔར་བསྟན་པའི་རིག་པའི་མཆོག་གསུམ་པོ་དེ་ཉིད་ཀྱི་ཡིན་ནོ། །འདིར་འདིའི་རས་རིས་ཀྱི་ཁྱད་པར་ནི་བཅོམ་ལྡན་
འདས་རིན་པོ་ཆེའི་རིའི་སྟེང་ན་རིན་པོ་ཆེའི་པད་མ་ཆེན་པོ་ལ་ཉེ་བར་བཞུགས་པ་ཕྱག་གིས་མཆོག་སྩོལ་བ་དེ་བཞིན་དུ་བྲི་བར་བྱའོ། །བཅོམ་ལྡན་འདས་ཀྱི་གཡོན་ལོགས་སུ་ལྷ་མོ་པྲི་ཡང་ཀུ་ལྟར་སྔོ་བསངས་རྒྱན་ཐམས་ཅད་ཀྱིས་བརྒྱན་པ་

94-1-190b

ཕྱག་ན་ཡིད་བཞིན་གྱི་ནོར་བུའི་རྒྱལ་མཚན་བསྣམས་པ་བྲི་བར་བྱའོ། །བཅོམ་ལྡན་འདས་ཀྱི་གཡས་ལོགས་སུ་བདུད་རྩི་རྡོ་རྗེ་ཞེས་བྱ་བའི་རྡོ་རྗེ་འཆང་ཏིང་ངེ་འཛིན་ལ་སྙོམས་པར་ཞུགས་པ་རིན་པོ་ཆེའི་པད་མ་ལ་ཉེ་བར་བཞུགས་པ་ཕྱོགས་
གཉིས་སུ་རིན་པོ་ཆེའི་བ་དན་གཉིས་ཕྱར་བ། དེ་བཞིན་གཤེགས་པའི་འོད་ཟེར་གྱིས་ཀུན་ནས་བསྐོར་བ་བྲི་བར་བྱའོ། །དེའི་འོག་ཏུ་སྒྲུབ་པ་པོ་སྔ་མ་བཞིན་དུ་བྲིའོ། །ལྷ་མོའི་འོག་ཏུ་མངག་གཞུག་པ་མཐའ་ཡས་རལ་གྲི་དང་ཞགས་པ་ལག་ན་ཐོགས་པ་གཞོན་ནུའི་
ཆ་བྱད་ཅན་ལོག་འདྲེན་ཚར་གཅོད་པ་བྲི་བར་བྱའོ། །རས་རིས་གཉིས་པའི་ནི་ལྷ་མོ་ཡིད་བཞིན་གྱི་ནོར་བུ་ཕྱག་ན་བསྣམས་པ་དེ་བཞིན་དུ་བྲིས་ལ་འཁོར་མཐའ་ཡས་ཀྱང་སྔ་མ་ལྟ་བུའོ། །དེ་བཞིན་དུ་ཐེ་ཚོམ་དང་བྲལ་བས་རྟོག་པ་འདི་ལ་སྦྱར་བར་བྱའོ། །དེ་བཞིན་གཤེགས་
པའི་སྙིང་པོའི་རྟོག་པའི་ཆོ་ག་ཡང་འདིར་ཉིས་འགྱུར་དུ་སྦྱར་བར་བྱའོ། །བདུད་རྩི་རྡོ་རྗེ་ཞེས་བྱ་བའི་རིག་པའི་མཆོག་རྫོགས་སྷོ།། །།དེ་ནས་བྱང་ཆུབ་སེམས་དཔའ་དཔའ་བོའི་རྒྱལ་པོ་ཞེས་བྱ་བ་གསུམ་མཉམ་པའི་སྟོབས་ཞེས་བྱ་བའི་ཏིང་ངེ་འཛིན་ལ་སྙོམས་
པར་ཞུགས་སོ། །དེ་ནས་དེ་དུས་གསུམ་གྱི་དེ་བཞིན་གཤེགས་པ་ཐམས་ཅད་ཀྱིས་གསུངས་པའི་རྡོ་རྗེ་གསུམ་གྱི་སྟོབས་ཞེས་བྱ་བའི་རིག་པའི་མཆོག་འདི་གསུངས་སོ། །ན་མཿ སརྦ་བུདྡྷ་བོ་དྷི་སཏྭཱ་ནཱྃ། ཨ་ཧ་ཧ་ཧ། བཱིྃ་བཱིྃ་བཱིྃ། བྷྲཱ་མ་ཎི། ཏྲི་པ་ལི་ནི་སྭཱ་ཧཱ། རྡོ་རྗེ་
གསུམ་གྱི་སྟོབས་ཞེས་བྱ་བའི་རིག་པའི་མཆོག་གི་སྙིང་པོ་འདིས་ནི་གང་དེ་དག་ཏུ་མངོན་པར་མ་བསྒྲུབས་པ་འགྲུབ་པར་འགྱུར་ཏེ། འདིའི་ཆོ་ག་ནི་དེ་དག་ཉིད་ཡིན་ནོ། །རས་རིས་ཀྱི་ཁྱད་པར་ནི་རིག་པའི་མཆོག་གི་གནས་སུ་གཞོན་ནུ་མ་བྲི་བར་བྱ་སྟེ། རྒྱན་ཐམས་ཅད་
ཀྱིས་བརྒྱན་པ་ལྕང་ལོ་ཅན་པད་མའི་སྟན་ལ་བཞུགས་པ། བཅོམ་ལྡན་འདས་ལ་ཐལ་མོ་སྦྱར་བར་བྱས་པའོ། །བཅོམ་ལྡན་འདས་ཀྱི་གཡས་ལོགས་སུ་རྡོ་རྗེ་འཛིན་གྱི་གནས་སུ་དེ་བཞིན་དུ་དཔའ་བོའི་རྒྱལ་པོ་ཞེས་བྱ་བའི་བྱང་ཆུབ་སེམས་དཔའ་གསེར་གྱི་
མདོག་ཅན་སྐྱིལ་མོ་དཀྲུང་གིས་པད་མའི་སྟེང་དུ་ཏིང་ངེ་འཛིན་ལ་མཉམ་པར་གཞག་པས་བཞུགས་པ་དེ་བཞིན་དུ་འོད་ཀྱི་ཕྲེང་བས་བསྐོར་བ་བྲི་བར་བྱའོ། །དེའི་འོག་ཏུ་སྒྲུབ་པ་པོའོ། །ལྷ་མོའི་འོག་ཏུ་ནི་དེ་བཞིན་དུ་མཐའ་མེད་དོ། །རས་རིས་གཉིས་པ་ནི་དེ་བཞིན་དུ་རིན་པོ་ཆེའི་པད་མ་ལ་

94-1-191a

བཞུགས་པའི་ལྷ་མོ་ལྕང་ལོ་ཅན་གཡོག་དང་བཅས་པ་བྲི་བར་བྱའོ། །རས་རིས་འདི་ལ་ཡང་དེ་བཞིན་གཤེགས་པའི་སྙིང་པོའི་རྟོག་པ་དང་སྦྱར་ནས་དེ་བཞིན་དུ་ལས་ཐམས་ཅད་ཉིས་འགྱུར་དུ་བྱའོ། །རྡོ་རྗེ་གསུམ་གྱི་སྟོབས་ཞེས་བྱ་བའི་མཆོག་
རྫོགས་སྷོ།། །།དེ་ནས་བྱང་ཆུབ་སེམས་དཔའ་མཉམ་པ་ཉིད་ལ་གནས་པ་རྡོ་རྗེ་ཞེས་བྱ་བ་སྟོབས་ཆེན་པོའི་སྤྱོད་ཡུལ་གྱི་མཆོག་རྡོ་རྗེ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་སོ། །སྙོམས་པར་ཞུགས་ནས་རིག་པ་
མཆོག་ཅེས་བྱ་བའི་ཡི་གེ་བརྒྱད་པོ་དོན་ཡོད་པ་མི་འཕྲོགས་པ་ཆོས་ཐམས་ཅད་དུ་དེ་བཞིན་གཤེགས་པའི་བྱིན་གྱིས་བརླབས་ལ་ལྟོས་པ་མེད་པ་འདི་གསུངས་སོ། །ན་མཿ སརྦ་བུདྡྷ་བོ་དྷི་སཏྭཱ་ནཱྃ། ཨ་ས་ཧཱ་ནཱ་མཱ་ས་མ་ཧཱུྃ། འདི་ནི་
རིག་པ་ཆེན་མོའི་མཆོག་རྒྱལ་པོའི་རྩེ་མོ་བླ་ན་མེད་པ་སྟེ། འདིས་དངོས་གྲུབ་གང་ཅི་ཡང་རུང་བ་མི་སྒྲུབ་པ་མེད་དེ་ཁ་ན་མ་ཐོ་བ་དང་བཅས་པ་ནི་མ་ཡིན་ནོ། །སྔར་བསྟན་པའི་རྟོག་པའི་ཆོ་ག་རྣམས་ཀྱིས་ཀྱང་དེ་བཞིན་དུ་སྦྱར་བར་བྱ་སྟེ། 
བར་སྟེ། དེ་བཞིན་གཤེགས་པའི་སྙིང་པོའི་སུམ་འགྱུར་དུ་བྱ་བ་ཉིད་དོ། །རས་རིས་ནི་པད་མ་ལ་བཞུགས་པའི་དེ་བཞིན་གཤེགས་པ་བྲི་བར་བྱའོ། །བཅོམ་ལྡན་འདས་ཀྱི་གཡས་ལོགས་སུ་བྱང་ཆུབ་སེམས་དཔའ་མཉམ་པ་ཉིད་ལ་
གནས་པའི་ཏིང་ངེ་འཛིན་ལ་མཉམ་པར་གཞག་པ་པད་མའི་སྟེང་ན་བཞུགས་པ་བྲི་བར་བྱའོ། །བཅོམ་ལྡན་འདས་ཀྱི་གཡོན་ལོགས་སུ་གཞོན་ནུ་མ་ལྕང་ལོ་ཅན་རྒྱན་ཐམས་ཅད་ཀྱིས་བརྒྱན་པ་པད་མའི་སྟེང་ན་སྐྱིལ་
མོ་དཀྲུང་གིས་བཞུགས་པ་འབར་བའི་ཕྲེང་བས་བསྐོར་བ་མཉམ་པར་གཞག་པ་བྲི་བར་བྱའོ། །རིག་པ་མཆོག་གི་འོག་ཏུ་མཐའ་མེད་ཅེས་བྱ་བ་ལག་ན་རྡོ་རྗེ་ཐོགས་པ་སྔོ་བསངས་ཁྲོས་པ། འབར་བའི་
ཕྲེང་བས་བསྐོར་བ། ཁྲོ་གཉེར་བསྡུས་པ་མངག་གཞུག་པ་བགེགས་ཚར་གཅོད་པ་བྲི་བར་བྱའོ། །བྱང་ཆུབ་སེམས་དཔའི་འོག་ཏུ་སྒྲུབ་པ་པོའོ། །རས་རིས་གཉིས་པ་ནི་གཞོན་ནུ་མ་དེ་ལྟ་བུ་ཉིད་འོག་ཏུ་མཐའ་

94-1-191b

མེད་དང་བཅས་པའོ། །འདིར་ཡང་ཡིད་ལ་གང་འདོད་པའི་ཆོ་ག་འམ། རྟོག་པ་གཞན་གྱི་ཆོ་གས་སྔ་མ་བཞིན་དུ་ལས་རྣམས་ལ་སྦྱར་བར་བྱའོ། །མི་བརྗེད་པ་རྡོ་རྗེ་ཞེས་བྱ་བའི་རིག་པ་མཆོག་རྫོགས་སྷོ།། །།དེ་ནས་
དམ་ཚིག་རྡོ་རྗེ་བརྩེགས་པ་ཞེས་བྱ་བའི་རྡོ་རྗེ་འཆང་གི་སྔགས་གསུངས་པ། ན་མཿ སརྦ་བུདྡྷ་བོ་དྷི་སཏྭཱ་ནཱྃ། ཧཱྃ་ཧཱྃ་ཨ་ས་མ་ཙིནྟ་མ་ཧཱ་བཛྲ་བི་ཤྭ་དྷ་ར་ཨ་ནནྟ་བི་ཀྲཱནྟ་ཛཱ་སཱྃ་ཧཱུྃ་ཕཊ། འདིའི་ཆོ་ག་ནི་འདི་ཡིན་ཏེ། སྔར་
བསྟན་པའི་རྟོག་པའི་ཆོ་ག་རྣམས་སྦྱར་བར་བྱའོ། །དམ་ཚིག་མཆོག་ཅེས་བྱ་བའི་རིག་པའི་མཆོག་རྫོགས་སྷོ།། །།རྡོ་རྗེ་ཀཱི་ལི་ཀཱི་ལ་ཞེས་བྱ་བའི་རྡོ་རྗེ་འཛིན་དེ་བཞིན་ཏུ་ཏིང་ངེ་འཛིན་ལ་སྙོམས་པར་ཞུགས་ནས་
རྡོ་རྗེའི་རིགས་གཞོན་ནུ་མ་མཛེས་མ་ཞེས་བྱ་བའི་རིག་པའི་མཆོག་འདི་གསུངས་སོ། །ན་མཿ སརྦ་བུདྡྷ་བོ་དྷི་སཏྭཱ་ནཱྃ། ཨ་ཙ་ལ་སམྦ་ར། བི་ཥ་ཡེ་ཧཱུྃ་མ་ཧཱ་བཛྲེ་ག་ཏེ་ཛེ། ཧཱི་ཧཱི་ཨ་ས་མ་མ་ཧཱ་བི་དྷོ། ཨུདྡྷ་མེ། ཧ་ཧ་སིདྡྷི་
སིདྡྷི། བ་ར་ཨྃ་ག་དེ་བ་རཱ་ག །ཧེ་སྥ་ར། ཛྭ་ལ་ནཱ་མ་སྭཱ་ཧཱ། རྡོ་རྗེ་རིགས་མཛེས་མ་ཞེས་བྱ་བའི་རིག་པའི་མཆོག་ཡིན་ནོ། །བྱང་ཆུབ་སེམས་དཔའ་ཀུན་ནས་རྡོ་རྗེ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས་རིག་
པའི་མཆོག་འདི་གསུངས་སོ། །ན་མཿ སརྦ་བུདྡྷ་བོ་དྷི་སཏྭཱ་ནཱྃ། ཨ་བཛྲ་མ་ཧཱ་བཛྲ། མ་ཧཱ་བ་ལ་ས་ར་བཱི་རཱ་ཛཱ་ཏེ། ས་མ་ས་མ། ཁུ་རུ་ཁུ་རུ་བི་ཥ་མོ་དྷ་རི་དྷ་རི། སཱི་རི་སཱི་རི། བ་རེ་སྭཱ་ཧཱ། དཔའ་བོ་མཆོག་ཅེས་བྱ་
བའི་རིག་པའི་མཆོག་ཡིན་ནོ། །བྱང་ཆུབ་སེམས་དཔའི་མི་གཡོ་བ་རྡོ་རྗེ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས་རིག་པའི་མཆོག་འདི་གསུངས་སོ། །ན་མཿ སརྦ་བུདྡྷ་བོ་དྷི་སཏྭཱ་ནཱྃ། ཨ་ས་མནྟ་བ་
ཏྲི། ཨ་ཙ་ལ་བ་ར་ཨྃ། བི་ལ་སི་ནཱི། ཁེ་ལེ་བ་ར། ཨུཏ་མ། ཧཱ་སི་ནི་ཧ་རཱ་ཏེ། གྷ་ན་མ་ཎ་དེ་ནི་ཧྃ། མི་གཡོ་བ་མཆོག་གི་ལུས་ཞེས་བྱ་བའི་རིག་པའི་མཆོག་ཡིན་ནོ། །བྱང་ཆུབ་སེམས་དཔའ་སྙིང་རྗེ་རྡོ་རྗེ་ཞེས་བྱ་བའི་ཏིང་ངེ་

94-1-192a

འཛིན་ལ་སྙོམས་པར་ཞུགས་ནས་སྔགས་འདི་གསུངས་སོ། །ན་མཿ སརྦ་བུདྡྷ་བོ་དྷི་སཏྭཱ་ནཱྃ། ཨ་མྲྀ་ཏེ་ཨ་མྲྀ་ཏེ། ཤི་ཁི་ནེ་ཤི་ཁི་ནེ། ས་མ་ཏེ་ས་མ་ཏེ། ཨ་ས་མེ་ཨ་ས་མེ། ག་ག་ནེ། ག་ག་ནེ། ཏིཥྛ་ཏིཥྛ། ཨ་ས་ཧེ། 
ཧཱུྃ་ཛྭཱ་ལ་ཛྭཱ་ལ།  སྭཱ་ཧཱ། བདུད་རྩི་རྩེ་མོ་ཞེས་བྱ་བའི་རིག་པའི་མཆོག་ཡིན་ནོ།། །།ཤིན་ཏུ་རོལ་པ་རྡོ་རྗེ་ཞེས་བྱ་བའི་གཞོན་ནུ་ཏིང་ངེ་འཛིན་ལ་སྙོམས་པར་ཞུགས་ནས་མཛེས་པ་མི་མཉམ་པ་ཞེས་བྱ་བའི་རིག་པའི་མཆོག་འདི་གསུངས་སོ། །
ན་མཿ སརྦ་བུདྡྷ་བོ་དྷི་སཏྭཱ་ནཱྃ། ཨཱ་ཏི་ཨཱ་ཏི། བ་ར་བ་ར། བི་རི་བི་རི། ས་མ་ལི་ཥྚི་ཎི། ཏི་རི་ཏི་རི། ཧཱ་ས་ཧཱ་ས། ཨཱ་རཱི་ཎི་བནྡྷ་ཡ། མ་ཧཱ་བྷོ་གི་ནི། ཏ་ཧཱ་ཏ་མ་ཧཱ་བཛྲ་གུ་ཎོངྒ་ཏེ་བཛྲ་ལེ་སྭཱ་ཧཱ། ཀུན་ཏུ་འཇུག་པ་ཞེས་བྱ་བའི་རིག་པའི་མཆོག་
ཡིན་ནོ།། །།བྱང་ཆུབ་སེམས་དཔའ་དེ་བཞིན་གཤེགས་པའི་འོད་ཟེར་རྡོ་རྗེ་ཞེས་བྱ་བ་ལ་དེ་བཞིན་གཤེགས་པའི་སྟོབས་ཞེས་བྱ་བའི་རིག་པའི་མཆོག་ཡི་གེ་བརྒྱད་པ་འདི་གསུངས་སོ། །ན་མཿ སརྦ་བུདྡྷ་བོ་དྷི་སཏྭཱ་ནཱྃ། ཨ་ནནྟ་སཏྭཱ་མྃ་ག་
ཧཱུྃ། བྱང་ཆུབ་སེམས་དཔའ་འཁོར་ལོ་སྟོབས་ཞེས་བྱ་བ་སྟོབས་ཐམས་ཅད་ཀྱི་རྒྱལ་པོའི་རྩེ་མོའི་སྟོབས་ཀྱི་སྒོ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས་དེ་བཞིན་གཤེགས་པ་ཐམས་ཅད་ཀྱི་སྤྱོད་ཡུལ་བྱིན་གྱིས་རློབ་པ་
ཞེས་བྱ་བའི་རིག་པའི་མཆོག་འདི་གསུངས་སོ། །ན་མཿ སརྦ་བུདྡྷ་བོ་དྷི་སཏྭཱ་ནཱྃ། ཨ་ས་མ་མ་ཧཱ་བ་ར་ད་ཡ་གི་ཏི་ཏི་ཏི་ཏི། ཨ་མཱུ་ཨ་མཱུ། ཁྃ་ཁྃ་ཎཱ་ཨ་ས་མ་གུ་ཎཱ། ཨ་ཀཱ་ར་ཏི་ཏི་ཏི་ཏི། ཨ་གྲ་ལོ་ཨ་དྷ་ཡེ་ཏྃ་སྭཱ་ཧཱ། བྱང་ཆུབ་
སེམས་དཔའ་འཁོར་ལོ་ཀུན་ནས་རྡོ་རྗེ་ཞེས་བྱ་བ་མཆོག་གི་ཡུལ་ལ་རྣམ་པར་གཟིགས་པ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས་རིག་པའི་མཆོག་འདི་གསུངས་སོ། །ན་མཿ སརྦ་བུདྡྷ་བོ་དྷི་སཏྭཱ་ནཱྃ། ཨ་ཏི་ཨ་ཏི། 
ས་མ་ས་མ། ཀཱི་ལི་ཀི་ལ། བ་ར་བ་ར། ས་མ་ཡེ་ཧ་ས་ཧ་ས། ཨ་ས་ཏེ། ཏྲ་ཡི་ཏྲ་ཡི། ག་ག་ནེ། ཀུ་རུ་ཀུ་རུ། ཨ་ཛི་ཏེ་སྭཱ་ཧཱ། རབ་མཆོག་རྡོ་རྗེ་ཞེས་བྱ་བའི་རིག་པའི་མཆོག་ཡིན་ནོ། །དེ་ནས་བྱང་ཆུབ་སེམས་དཔའ་

94-1-192b

བྱིན་གྱིས་བརླབས་ཀྱི་རྡོ་རྗེ་ཞེས་བྱ་བ་ཡེ་ཤེས་ཀྱི་སྒོ་ཕྱོགས་བཅུར་སྤྲོ་བར་བྱེད་པ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་སོ། །སྙོམས་པར་ཞུགས་མ་ཐག་ཏུ་འཇིག་རྟེན་གྱི་ཁམས་རབ་འབྱམ་རྒྱ་མཚོ་རྣམས་སུ་ངོ་མཚར་ཆེན་པོ་དམ་
པ་རྒྱ་ཆེ་བ་དུ་མ་སྣ་ཚོགས་ཀྱི་ལྟས་རབ་ཏུ་བྱུང་བར་གྱུར་ཏོ། །དེ་ནས་ཕྱོགས་བཅུ་ནས་དེ་བཞིན་གཤེགས་པ་ཐམས་ཅད་ཀྱིས་གསུངས་པའི་ཡི་གེ་བཅུ་པ་འདི་བྱུང་ཞིང་ཐོས་པར་གྱུར་ཏོ། །ན་མཿ སརྦ་བུདྡྷ་བོ་དྷི་སཏྭཱ་ནཱྃ། མ་ཧཱ་བཛྲ་
བི་ཀྲཱནྟ་ཨ་གྲ་ས་ཧཱུྃ། ཕྱོགས་བཅུའི་འོད་ཅེས་བྱ་བའི་མཆོག་ཡིན་ནོ། །བྱང་ཆུབ་སེམས་དཔའ་དེ་བཞིན་གཤེགས་པའི་འོད་ཟེར་རྡོ་རྗེ་ཞེས་བྱ་བས་རིག་པའི་མཆོག་གསུངས་པ། ན་མཿ སརྦ་བུདྡྷ་བོ་དྷི་སཏྭཱ་ནཱྃ། 
ཨཱརྱ་ཨ་གྲ་ཏེ་ཛྭཱ་ལ་ཛྭ་ལ་སྭཱ་ཧཱ། སྤྱན་གསུམ་ཞེས་བྱ་བའི་རིག་པའི་མཆོག་རྩེ་མོ་བླ་ན་མེད་པའི་ཡུལ་ཅན་ནོ། །དེ་ནས་བཅོམ་ལྡན་འདས་ཀྱིས་ཀུན་ནས་བསྒྲགས་པ་ཞེས་བྱ་བའི་ཡི་གེ་ལྔ་པའི་རིག་པའི་མཆོག་ཕྱུང་ངོ་། །
ན་མཿ སརྦ་བུདྡྷ་བོ་དྷི་སཏྭཱ་ནཱྃ། མ་ཧཱ་བ་ལ་ཧཱུྃ། དེ་ནས་རྡོ་རྗེ་འཆང་ཉིད་ཀྱི་རྡོ་རྗེ་སངས་རྒྱས་ཐམས་ཅད་ཀྱིས་བྱིན་གྱིས་བརླབས་ནས། ཉིད་ཀྱི་རིག་པའི་མཆོག་གསུངས་པ། ན་མཿ སརྦ་བུདྡྷ་བོ་དྷི་སཏྭཱ་ནཱྃ། ཨོཾ་བཛྲ་ནེ་ཏྲ། 
ཛྭཱ་ལ་ཛྭཱ་ལ། ཀུ་རུ་བ་ར་ཀུ་རུ་བ་ར། བི་ར་བི་ར། མ་ཧཱ་བ་ལ། ཨ་ཧི་ཧོ། མ་ཧཱ་ས་མ་ཡ་ཏེ་ཛ་ལ་ན་ཧཱུྃ། དེ་ནས་ལག་ན་རྡོ་རྗེས་ཡང་རྡོ་རྗེ་དེ་ཉིད་བྱིན་གྱིས་བརླབས་པ། ན་མཿ སརྦ་བུདྡྷ་བོ་དྷི་སཏྭཱ་ནཱྃ། མ་ཧཱ་ཙནྡྲ་ཧཱུྃ། 
གསང་བའི་མཆོག་ཅེས་བྱ་བའི་རིག་པའི་མཆོག་གོ། འཕགས་པ་རྡོ་རྗེ་སྡེས་རང་གི་རིག་པའི་མཆོག་སྨྲས་པ། ན་མཿ སརྦ་བུདྡྷ་བོ་དྷི་སཏྭཱ་ནཱྃ། ཨ་བཛྲ་ཧཱུྃ། ཡི་གེ་བཞི་པ་རིག་པའི་མཆོག་
ཞལ་བཞི་པ་ཞེས་བྱ་བའོ། །ཁྲོ་བོ་རྡོ་རྗེ་ཞེས་བྱ་བའི་རྡོ་རྗེ་འཆང་གཟི་བརྗིད་སྟོབས་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས་རིག་པའི་མཆོག་གསུངས་པ། ན་མཿ

94-1-193a

སརྦ་བུདྡྷ་བོ་དྷི་ས་ཏྭཱ་ནཱྃ། ཨ་གྲ་ཏེ་ཛོ་བ་ལ་ཧཱུྃ་རཀྵ་རཀྵ། ད་མ་ད་མ། ཛྭ་ལ་ན་མ་ཧཱ། ཧ་ར་ཧ་ར། བི་ཥ་ཎ། ཏ་ར་ཏ་ར། ན་ར་ན་ར་ཀ་ར་ཀ་ར། ཧྃ་ཧྃ། ཨ་མོ་གྷ། ཨ་པྲ་ཏི་ཧ་ཏ། ཨ་མྲྀ་ཏ་བ་ལ། ཛྭ་ལ་ཛྭ་ལ་སྭཱ་ཧཱ། གཟི་བརྗིད་ཀྱི་སྟོབས་ཞེས་བྱ་བའི་རིག་པའི་མཆོག་ཡིན་ཏེ། གཏུམ་པོ་སྲུང་བ་
པོ་འཆང་བ་པོ་གསོད་པར་བྱེད་པ། སྒྲུབ་པར་བྱེད་པ། ཐོགས་པ་མེད་པ། དོན་ཡོད་པ་སྟེ། ལས་མཐའ་ཡས་པ་སྔར་བསྟན་པའི་ཆོ་ག་འདིས་སྒྲུབ་པར་བྱེད་དོ། །དེ་བཞིན་གཤེགས་པའི་སྙིང་པོའི་ཆོ་ག་སུམ་འགྱུར་དུ་སྦྱར་བར་བྱའོ། །རིག་པ་མཆོག་འདི་དག་ནི་སངས་རྒྱས་ཐམས་
ཅད་ཀྱི་ཡུལ་ལས་བྱུང་བ་བསམ་གྱིས་མི་ཁྱབ་པ། མཐའ་ཡས་པ། མཐའ་མེད་པ། སེམས་ཅན་གྱི་ཁམས་རྣམ་པར་སྦྱོང་བར་བྱེད་པ། སྔར་བསྟན་པའི་ཆོ་གའི་རིམ་པ་འདི་ལ་སྦྱར་བར་བྱའོ། །སྐྱེ་བ་འདི་ཉིད་ལ་ཚེ་དཔག་ཏུ་མེད་པ་ཐོབ་པར་འདོད་པ་དང་། དཔག་ཏུ་མེད་པའི་བདེ་བ་ལ་
ལོངས་སྤྱོད་པར་འདོད་པ་དང་། འཕགས་པ་ཕྱིར་མི་ལྡོག་པའི་ས་ལ་འཇུག་པར་འདོད་པ་དང་། སངས་རྒྱས་དང་བྱང་ཆུབ་སེམས་དཔའ་རྣམས་ལ་མཆོད་པར་འདོད་པ་དང་། མཐོང་བར་འདོད་པས་སོམ་ཉི་སྤངས་ནས་དད་ཅིང་རྟོག་པ་དང་ལྡན་པས་འཕྲོགས་པ་མེད་པ་
དོན་ཡོད་པ་འདིས་འགྲུབ་པར་འགྱུར་རོ། །འདི་ནི་རས་རིས་མེད་ཀྱང་རུང་། མ་བསྒྲུབས་ཀྱང་རུང་། མཆོད་པ་མེད་པས་ཀྱང་རུང་། ཁྲུས་ལ་སོགས་པ་གཙང་སྦྲ་ཀུན་སྤྱོད་མེད་ཀྱང་རུང་། ཤ་དང་ཉ་ཤ་མ་སྤངས་ཀྱང་རུང་། བསོད་ནམས་དང་ལྡན་ཡང་རུང་བསོད་ནམས་
དང་མི་ལྡན་ཡང་རུང་འདིས་འགྲུབ་པར་འགྱུར་རོ། །ཚུལ་ཁྲིམས་དང་ལྡན་ཡང་རུང་། ཚུལ་ཁྲིམས་དང་མི་ལྡན་ཡང་རུང་། དམན་པ་འམ་དམན་པ་མ་ཡིན་པ་ཡང་རུང་། མཁས་པའམ་མཁས་པ་མ་ཡིན་པ་ཡང་རུང་། ཐབས་དང་ལྡན་ཡང་རུང་། ཐབས་དང་མི་
ལྡན་ཡང་རུང་ངེས་པར་འགྲུབ་པར་འགྱུར་རོ། །དད་པ་མེད་པ་དང་། བྱང་ཆུབ་ཏུ་སེམས་མ་བསྐྱེད་པ་ནི་མ་གཏོགས་སོ། །དེ་ནས་རིག་པ་མཆོག་འདིའི་ཆོ་ག་ཡང་སྔར་བསྟན་པའི་རྟོག་པ་རྣམས་ཀྱི་ཆོ་ག་དང་ཐུན་མོང་ཡིན་ནོ། །ཁྱད་པར་གྱི་ཆོ་ག་
ཕྱོགས་ཙམ་ཞིག་བསྡུས་ནས་བརྗོད་པར་བྱའོ། །རིག་པའི་མཆོག་རིག་པ་ཆེན་པོའི་རྒྱལ་པོ་རྩེ་མོ་འདི་ནི་རང་བཞིན་གྱིས་གྲུབ་པ། བཀླགས་པས་འགྲུབ་པ། བཟླས་པ་ཙམ་གྱིས་འདོད་པའི་དོན་ཕུན་སུམ་ཚོགས་པ་འགྲུབ་པར་བྱེད་པ་འདི་

94-1-193b

སེམས་ཅན་གྱི་ཁམས་རྣམས་རྣམ་པར་སྦྱང་བར་བྱ་བ་དམིགས་པ་སྔོན་དུ་འགྲོ་བས་བཟླས་པ་བྱས་ན་བསྲུང་བ་དང་། དཀྱིལ་འཁོར་དང་། བཅིང་བ་དང་། བརྡེག་པ་དང་། དབབ་པ་དང་། རེངས་པར་བྱ་བ་དང་། བསྐྲད་པར་བྱ་བ་དང་། དགུག་པ་དང་། གདུག་པ་ཚར་
གཅད་པ་དང་། བསྲེག་པ་དང་། བཙོ་བ་དང་། མཐུ་བསྟན་པ་དང་། ལྷ་དང་ཀླུ་ལ་སོགས་པ་དགུག་པ་དང་། དབང་དུ་བྱ་བ་དང་། དོན་བསྒྲུབ་པར་བྱ་བ་དང་། རྒྱལ་པོ་དང་རྒྱལ་པོའི་བུ་མོ་དགུག་ཅིང་བསྒྲུབ་པ་དང་། བསྙེན་པ་འཕེལ་བར་བྱ་བ་དང་། ནད་རྣམ་
པར་བསལ་བར་བྱ་བ་དང་། ཀླུ་དང་གནོད་སྦྱིན་ལ་སོགས་པ་དབང་དུ་བྱེད་པ་ལ་སོགས་པ་ལས་རབ་འབྱམ་བསྒྲུབ་པའི་ཁྱད་པར་གྱིས་མངོན་སུམ་དུ་སྦྱར་བར་བྱའོ། །ལས་གང་དང་གང་དང་། སྦྱིན་སྲེག་གང་དང་གང་གིས་དེ་དང་དེ་འགྲུབ་པའི་
ཐབས་གང་ཡིན་པ་དེ་ཐབས་དེ་དེ་བཞིན་དུ་ལས་ཀྱི་ཆོ་གས་བྱའོ། །ཇི་ལྟར་ནུས་པའི་བརྩོན་འགྲུས་བསྐྱེད་ལ་མིའི་ལུས་ནི་གདུལ་དཀའ་བ་ཡིན་ཞེས་སྨད་ནས་རིའི་གསེབ་ཏུ་ཞུགས་ཏེ། སྡིག་པ་དུས་གསུམ་དུ་བཤགས་པ་དང་། བསོད་ནམས་ལ་རྗེས་
སུ་ཡི་རང་ཡོངས་སུ་བསྔོ་བ་བྱས་ནས་ནུས་པ་དང་མཐུན་པར་ཅི་སྲིད་མཚན་མ་བྱུང་གི་བར་དུ་བཟླས་པ་བྱའོ། །དེ་ནས་ཟླ་བ་ཉ་བ་ལ་འཁོར་ལོ་དང་། རལ་གྲི་དང་། གསེར་དང་། དངུལ་དང་། ཟངས་ལས་བྱས་པ་འམ། ལྕགས་རིན་པོ་ཆེ་ལས་
བྱས་པ་འམ། ཏ་ལའི་ལོ་མ་ལས་བྱས་པ་ཡང་རུང་། ཅི་འབྱོར་པའི་མཆོད་པ་བྱས་པ་འམ། སྔགས་གང་ཡང་རུང་བས་བསྲུང་བ་བྱས་ཏེ། ཇི་སྲིད་འབར་བར་གྱུར་པའི་བར་དུ་བཟླས་པ་བྱའོ། །དེ་ནས་གང་ལ་མཚོན་གྱིས་བརྒྱབ་པ་དེ་ཡང་འཁོར་དང་བཅས་
པར་རིག་པ་འཛིན་པར་འགྱུར་རོ། །དེ་ལྟར་འཁོར་ལོ་ལ་སོགས་པ། ཇི་ལྟ་བ་དེ་བཞིན་དུ་མཚོན་ཆ་ཐམས་ཅད་ལ་ཡང་ངོ་། །ཐུན་མོང་གི་ཚོགས་བབ་བླ་འམ། ལྡོང་རོས་སམ། ལིག་བུ་མིག་ལ་སོགས་པ་རྫས་ཐམས་ཅད་ལ་བསྒྲུབ་པར་
བྱའོ། །འདིར་སྦྱོར་བ་ནི་རྣམ་པ་གཉིས་ཏེ། ཐབས་དང་བཅས་པ་དང་ཐབས་དང་བྲལ་བའོ། །དེ་ལ་ཆོ་ག་གང་ཡང་རུང་བས་ནུས་པ་ཅི་ལྟ་བ་བཞིན་དུ་གང་ཡང་རུང་བ་ཞིག་སེམས་ཅན་གྱི་ཁམས་རྣམས་ལ་ཕན་པ་དང་། བདེ་བ་འབྱུང་བའི་རྒྱུར་གྱུར་ཅིག་ཅེས་

94-1-194a

ཡིད་ལ་བྱས་ནས་བཟླས་པ་བྱས་ན་མྱུར་དུ་དངོས་གྲུབ་ཐོབ་པར་འགྱུར་རོ། །དེ་བཞིན་དུ་སེམས་ཅན་ཐམས་ཅད་ཀྱི་དངོས་གྲུབ་ཀྱི་རྒྱུར་གྱུར་ཅིག་ཅེས་ཡང་དག་པར་བསམས་ལ་བཟླས་པ་བྱའོ། །དེ་བཞིན་དུ་སེམས་ཅན་གྱི་
ཁམས་དགེ་བ་ལ་འཇུག་པར་གྱུར་ཅིག་ཅེས་བྱ་བ་ལ་སོགས་པ་སེམས་ཅན་རྣམས་ལ་ཕན་པའི་སྦྱོར་བ་བྱས་ལ་མོས་པར་བྱས་ནས་བསྒྲུབ་པར་བྱ་སྟེ། སངས་རྒྱས་དང་བྱང་ཆུབ་སེམས་དཔའ་ཐམས་ཅད་ལ་དམིགས་ཤིང་ཕྱག་འཚལ་
ནས་བཟླས་པ་བྱའོ། །སངས་རྒྱས་དང་བྱང་ཆུབ་སེམས་དཔའ་ཐམས་ཅད་ཀྱི་ས་རྣམས་དོན་དུ་གཉེར་བ་ལ་འབད་པས་དམིགས་ཤིང་བཟླས་པ་བྱས་ཤིང་སྡིག་པ་རྣམས་བཤགས་པ་དང་། བསོད་ནམས་དང་ཡེ་ཤེས་ཀྱི་ཚོགས་
ཐམས་ཅད་ཡོངས་སུ་རྫོགས་པར་བྱ་བའི་དོན་དུ་གཉེར་བའི་ཕྱིར་བཟླ་བ་དང་། བྱང་ཆུབ་སེམས་དཔའ་ཀུན་དུ་བཟང་པོའི་སྤྱོད་པའི་སྨོན་ལམ་གྱི་དཀྱིལ་འཁོར་རྫོགས་པ་དོན་དུ་གཉེར་བར་དམིགས་ནས་བཟླ་བ་དང་། སྟོབས་བཅུ་པའི་ཡེ་
ཤེས་ཀྱི་ས་ནོན་པར་བྱ་བ་དོན་དུ་གཉེར་བར་དམིགས་ནས་བཟླ་བ་དང་། དེ་དག་ལ་རྗེས་སུ་ཡི་རང་བར་བྱས་ནས་གང་ཡང་རུང་བའི་རིག་པ་མཆོག་གིས་བསྒྲུབས་ན་མྱུར་དུ་དངོས་གྲུབ་ཐོབ་པར་འགྱུར་རོ། །རི་བོའི་གསེབ་ཏུ་འབུམ་བཟླས་པ་བྱས་ན་འཕགས་པ་
ཕྱག་ན་རྡོ་རྗེ་ལ་སོགས་པ་གང་ཡང་རུང་བའི་བྱང་ཆུབ་སེམས་དཔའ་མཐོང་བར་འགྱུར་རོ། །གཉིས་ཀྱིས་ནི་སངས་རྒྱས་བཅོམ་ལྡན་འདས་རྣམས་སོ། །གསུམ་གྱིས་ནི་བྱང་ཆུབ་སེམས་དཔའ་རྣམས་དང་སྨྲ་བར་འགྱུར་རོ། །བཞིས་ནི་
དེ་བཞིན་གཤེགས་པ་རྣམས་ཀྱི་གསུང་ཐོས་པར་འགྱུར་རོ། །ལྔས་ནི་གཟུངས་རྣམས་ཐོབ་པར་འགྱུར་རོ། །དྲུག་གིས་ནམ་མཁའ་ལ་འགྲོ་བར་འགྱུར་རོ། །བདུན་གྱིས་མངོན་པར་ཤེས་པ་ལྔ་རབ་ཏུ་ཐོབ་པར་འགྱུར་རོ། །བརྒྱད་ཀྱིས་
སངས་རྒྱས་ཐམས་ཅད་ལ་མངོན་པར་མཆོད་པར་འགྱུར་རོ། །དགུས་ནི་མྱ་ངན་ལས་འདས་པ་མངོན་པར་སྒྲུབ་པར་བྱེད་དོ། །བཅུས་ནི་འཇིག་རྟེན་གྱི་ཁམས་རྣམས་སུ་རྒྱུ་བར་འགྱུར་རོ། །འདི་དག་ནི་ཐབས་ལ་མཁས་པའི་བཟླས་

94-1-194b

པའི་ཆོ་ག་སྟེ། མཐའ་ཡས་པའི་འབྲས་བུ་ཐོབ་པའི་རྒྱུར་འགྱུར་བའོ། །ཐབས་ལ་མི་མཁས་པ་རྣམས་ཀྱིས་ཀྱང་བརྩོན་འགྲུས་རབ་དང་འབྲིང་དང་ཐ་མས་ཅི་ལྟར་བསྙེན་པ་དེ་ལྟར་རབ་ཏུ་སྦྱར་ན་ནུབ་གཅིག་གིས་རིག་པ་འཛིན་པར་འགྱུར་ཏེ་སྔ་
མ་བཞིན་ནོ། །རི་འམ་ཕུག་གམ་ཁང་པའི་ཕུག་ལ་སོགས་པ་དབེན་ཞིང་སྟོང་པར་མེ་ཏོག་དྲི་ཞིམ་པོ་སིལ་མ་བཀྲམ་པ། དྲི་ཞིམ་པོའི་སྤོས་ཀྱིས་བདུགས་པའི་ས་ཕྱོགས་འགའ་ཞིག་ཏུ་ཉི་མ་ནུབ་པའི་དུས་ན་སྐྱིལ་མོ་དཀྲུང་བཅས་ནས་
སངས་རྒྱས་དང་བྱང་ཆུབ་སེམས་དཔའ་ཐམས་ཅད་ལ་དམིགས་པས་སྐྱིལ་མོ་དཀྲུང་མ་བཤིག་པར་གང་ཡང་རུང་བའི་རིག་པའི་མཆོག་ནམ་ཕྱེད་དམ། ཉི་མ་ཤར་གྱི་བར་དུ་བཟླས་པ་བྱས་ན་ལུས་འབར་བར་གྱུར་ནས་གསེར་གྱི་མདོག་
ཏུ་འགྱུར། ནམ་མཁའ་ལ་འགྲོ་བ་དང་། ཐམས་ཅད་དུ་འགྲོ་བའི་རིག་པ་འཛིན་པར་འགྱུར་རོ། །གལ་ཏེ་མ་གྲུབ་ན་བར་དུ་ནུབ་གཅིག་ངལ་བསོས་ལ་ནུབ་གསུམ་པ་ལ་ཡང་དེ་བཞིན་དུ་བྱའོ། །ཡང་ནུབ་གཅིག་གིས་བར་དུ་ཆོད་པའི་ནུབ་ལྔ་པ་ལ་
ནི། དམ་པའི་ཆོས་སྤོང་བ་ཡང་ངེས་པར་འགྲུབ་པར་འགྱུར་རོ། །བསྲུང་བའི་ཆོ་ག་བྱས་ནས་འབུམ་བཟླས་ཏེ་རྫས་གང་ལ་བསྒྲུབས་པ་དེ་འགྲུབ་པར་འགྱུར་རོ། །ལྕགས་ལས་བྱས་པའི་འཁོར་ལོ་འམ། རྡོ་རྗེ་དང་རལ་གྲི་ལ་སོགས་པ་
ལག་ཏུ་ཐོགས་ནས་ཇི་སྲིད་འབར་བར་གྱུར་གྱི་བར་དུ་བཟླས་པ་བྱས་ཏེ། དེ་ཉིད་ཀྱིས་རིག་པ་འཛིན་པར་འགྱུར་རོ། །གལ་ཏེ་འབར་བར་མ་གྱུར་ན་བ་ལང་གི་ལྕི་བའི་ནང་དུ་དེ་བཅུག་ལ་གང་ཡང་རུང་བའི་རིག་པའི་མཆོག་གིས་བསྲུང་བ་བྱས་ཏེ་
གཞག་གོ། དུར་ཁྲོད་དུ་འདུག་ནས་ཅི་སྲིད་གནོད་སྦྱིན་དུ་གྱུར་གྱི་བར་དུ་བཟླས་པ་བྱས་ལ་མྱ་ངན་མེད་ཀྱི་ཤིང་གི་རྩ་བར་འདུག་སྟེ་ཇི་སྲིད་གནོད་སྦྱིན་མོ་འོང་བར་གྱུར་གྱི་བར་དུ་བཟླས་པར་བྱའོ། །འོངས་ནས་ཅི་ཞིག་བགྱི་ཞེས་ཟེར་ན། 
གང་འདོད་པ་སྨྲས་ན་ཐམས་ཅད་བྱེད་པར་འགྱུར་ཞིང་འཁྱུད་ནས་རང་གི་ཁྱིམ་དུ་འཇུག་པར་འགྱུར་རོ། །པླཀྵའི་ཤིང་གི་རྩ་བར་མེ་ཏོག་སིལ་མ་བཀྲམ་པའི་དཀྱིལ་འཁོར་ལ་ལྷའི་བཞོན་པ་བྲིས་ལ། ཇི་སྲིད་འབར་བར་གྱུར་གྱི་བར་

94-1-195a

དུ་བཟླས་ན་རིག་པ་འཛིན་པར་འགྱུར་རོ། །རིའི་གསེབ་ཏུ་སེང་གེ་འམ། རྟ་བྲིས་ནས་དེ་ཉིད་དུ་འདུག་སྟེ། ཇི་སྲིད་འབར་བར་གྱུར་གྱི་བར་དུ་བཟླས་པ་བྱའོ། །དེ་བཞིན་དུ་གླང་པོ་ཆེ་དང་། མ་ཧེ་དང་། ལུག་དང་ར་དང་། ངང་པ་དང་། 
རྨ་བྱ་ལ་སོགས་པ་བྲིས་ནས་མེ་ཏོག་སིལ་མས་བརྒྱན་པའི་དཀྱིལ་འཁོར་བྱས་ནས་མཚན་མོ་རངས་པ་བཟླས་པར་བྱའོ། །གལ་ཏེ་མཚན་མོ་དེ་ལ་མ་གྲུབ་ན་ཡང་བསྒྲུབ་པར་བྱ་སྟེ། སངས་རྒྱས་རྗེས་སུ་དྲན་བཞིན་དུ་ལྷ་ཆེན་པོའི་ཁང་
པར་ཞུགས་ནས་ཅི་སྲིད་ལྷ་ཆེན་པོ་རང་གི་གཟུགས་ཀྱིས་འོང་བར་གྱུར་གྱི་བར་དུ་བཟླས་པ་བྱའོ། །དེ་ནས་དེ་ཉིད་དུ་ཉལ་ན་འོངས་ནས་གང་སྨྲས་པ་དེ་བྱེད་པར་འགྱུར་རོ། །སྲེད་མེད་ཀྱི་བུའི་གཟུགས་བརྙན་ལག་ཏུ་ཐོགས་ནས་ཇི་སྲིད་སྲེད་
མེད་ཀྱི་བུ་འོང་གི་བར་དུ་བཟླས་པ་བྱས་ན་འོངས་ནས་གང་སྨྲས་པ་དེ་བྱེད་པར་འགྱུར་རོ། །ལྷ་གང་གི་ཁང་པར་བཟླས་པའི་ལྷ་དེ་ཟླ་བ་ཕྱེད་ཀྱི་ནང་དུ་ངེས་པར་འོང་བར་འགྱུར་བ་འམ། ཡང་ན་བསྐམས་པར་འགྱུར་རོ། །ཡར་ངོའི་བརྒྱད་དམ་
བཅུ་བཞི་ལ་བབ་བླ་བླངས་ནས་ལྷ་ཆེན་པོའི་བྱང་ཕྱོགས་སུ་ཀུ་ཤའི་ཆངས་བུ་ལ་ཉེ་བར་འདུག་ནས་ཅི་སྲིད་འབར་བར་གྱུར་གྱི་བར་དུ་བཟླས་པ་བྱས་ན་དེ་ནས་རིག་པ་འཛིན་པར་འགྱུར་བ་འམ། མི་སྣང་བར་འགྱུར་རོ། །རྣམ་ཐོས་ཀྱི་བུ་བྲིས་
ནས་ཇི་སྲིད་མདུན་དུ་འོངས་ནས་མཆོག་སྩོལ་བར་གྱུར་གྱི་བར་དུ་བཟླས་པ་བྱའོ། །ཀླུའི་གནས་མཚེ་འུར་ཇི་སྲིད་ཀླུ་རྣམས་གྱེན་དུ་འཕགས་ཀྱི་བར་དུ་བཟླས་པ་བྱའོ། །གལ་ཏེ་ལྡང་བར་མ་གྱུར་ན་ཕུབ་མའི་མེ་ལ་ལྕགས་
ཀྱི་སྣོད་དམ་ཟངས་ཀྱི་སྣོད་ཏིལ་མར་གྱིས་བཀང་ནས། ཇི་སྲིད་ཁོལ་བར་གྱུར་གྱི་བར་དུ་བཟླས་པ་བྱས་ནས། དེར་ཀླུའི་ལྕུག་མ་ཚྭ་དང་རང་སྐྱུར་གྱིས་བསྐུས་ནས་བསྲེགས་ན་ངེས་པར་ལྡང་བར་འགྱུར་བ་འམ། དྲི་མ་ཅན་
དུ་འགྱུར་རོ། །འཕགས་པ་ཕྱག་ན་རྡོ་རྗེའི་སྐུ་གཟུགས་ལ་བལྟས་ནས་ཇི་སྲིད་སྨྲ་བ་དང་། འགུལ་བ་དང་། འབར་བར་གྱུར་གྱི་བར་དུ་བཟླས་པ་བྱས་ན་དེ་ནས་མཆོག་སྩོལ་བར་འགྱུར་རོ། །རས་རིས་ཀྱི་མདུན་དུ་མེ་ཏོག་

94-1-195b

གིས་མངོན་པར་བརྒྱན་པའི་དཀྱིལ་འཁོར་བྱས་ནས་ཇི་སྲིད་དུ་འཕགས་པ་ཕྱག་ན་རྡོ་རྗེ་བྱོན་གྱི་བར་དུ་བཟླས་ན་བྱོན་ནས་མགོ་ལ་རེག་པར་འགྱུར་རོ། །རེག་པ་ཙམ་གྱིས་ལྕང་ལོ་ཅན་དུ་གནས་ནས་གནོད་སྦྱིན་གྱི་གཟུགས་སུ་
འགྱུར་རོ། །འཕགས་པ་ཕྱག་ན་རྡོ་རྗེའི་རྡོ་རྗེ་བླངས་ལ་ཇི་སྲིད་མི་སྣང་བར་གྱུར་གྱི་བར་དུ་བཟླས་པ་བྱའོ། །འབུམ་བཟླས་པས་ལས་ཐམས་ཅད་བྱེད་པར་འགྱུར་རོ། །འཕགས་པ་སྤྱན་རས་གཟིགས་དབང་ཕྱུག་གི་སྐུ་
གཟུགས་ཀྱི་ཞབས་ཀྱི་མཐེབ་མོ་ལ་བཟུང་ནས་ཇི་སྲིད་འབར་བ་དང་། འཕྲོ་བ་དང་། ཁྲོ་བ་སྟོན་གྱི་བར་དུ་བཟླས་པ་བྱས་ན། དེ་ནས་བྱ་བ་ཐམས་ཅད་བྱེད་པར་འགྱུར་ཞིང་གསུང་བར་ཡང་འགྱུར་རོ། །འཕགས་པ་
འཇམ་དཔལ་ལ་བལྟ་ཞིང་ཇི་སྲིད་འབར་བར་གྱུར་གྱི་བར་དུ་བཟླས་པ་བྱས་ན་མི་སྣང་བར་འགྱུར་བ་འམ། རིག་པ་འཛིན་པར་འགྱུར་རོ། །འཕགས་པ་ཀུན་དུ་བཟང་པོ་ལ་བལྟ་ཞིང་ཇི་སྲིད་དགེ་བ་ལ་ངོམས་མི་ཤེས་པ་དང་། འབེབས་
པ་དང་། མངོན་པར་འཕར་གྱི་བར་དུ་བཟླས་པ་བྱའོ། །རྒྱུད་འདིར་སྔགས་ཀྱི་སྤྱོད་པ་ལ་ཞུགས་པས་ཟླ་བ་གཟས་ཟིན་པའི་ཚེ་ཟངས་ཀྱི་སྣོད་དུ་མར་བཞག་ནས་དྲི་ཞིམ་པོའི་མེ་ཏོག་གིས་དཀྱིལ་འཁོར་བྱས་ཏེ། བདུག་སྤོས་
དྲི་ཞིམ་པོས་བདུགས་ལ་ཇི་སྲིད་འབར་བར་གྱུར་གྱི་བར་དུ་བཟླས་པ་བྱས་ནས་དེ་འཐུངས་ན་ཐོས་པ་འཛིན་པར་འགྱུར་རོ། །ཟླ་བ་དང་ཉི་མ་གཟས་བཟུང་བ་ན་ལྷ་ཆེན་པོའི་ཁང་པར་ཞུགས་ནས་ལྡོང་རོས་སམ། མིག་
སྨན་ནམ། བབ་བླ་བླངས་ནས་ཨ་ཤྭཏྠའི་འདབ་མའི་བར་དུ་བཅུག་ནས་ཇི་སྲིད་འབར་བར་གྱུར་གྱི་བར་དུ་བཟླས་ན་དེས་རིག་པ་འཛིན་པར་འགྱུར་བ་འམ། མི་སྣང་བར་འགྱུར་རོ། །ལྷ་ཆེན་པོའི་སྟེང་དུ་ལག་པ་བཞག་
ནས་ཇི་སྲིད་མི་སྣང་བར་གྱུར་གྱི་བར་དུ་བཟླས་པ་བྱའོ། །དུར་ཁྲོད་དུ་གནས་ནས་ཇི་སྲིད་མི་སྣང་བར་གྱུར་གྱི་བར་དུ་བཟླས་པ་བྱའོ། །དུར་ཁྲོད་དུ་དཀྱིལ་འཁོར་བྱས་ནས་ཁམ་ཕོར་མ་བསྲེགས་པ་ཁ་སྦྱར་ཐལ་བས་བཀང་

94-1-196a

ནས་དུ་བ་བྱུང་གི་བར་དུ་བཟླས་པ་བྱས་ལ་དེ་ཆུ་གསུམ་བྱས་ནས་མི་སྣང་བར་འགྱུར་རོ། །བྱང་ཆུབ་སེམས་དཔའ་དགུག་པ་དང་། ལྷ་དང་ཀླུ་དགུག་པ་ནི་ནུབ་གཅིག་གིས་འགྲུབ་པར་འགྱུར་རོ། །མདོར་བསྡུས་ན་རིག་པ་
མཆོག་འདི་དག་གིས་ནི་འདོད་པ་ཕུན་སུམ་ཚོགས་པ་བྱེད་པ་ཡིན་ནོ། །ཡིད་ལ་གང་འདོད་པའི་ཆོ་གས་ཇི་ལྟར་བསྒྲུབས་པ་དེ་དེ་ལྟར་འགྲུབ་པར་འགྱུར་རོ་ཞེས་མཁས་པས་བརྟགས་ལ། འདི་ལ་བྱང་ཆུབ་སེམས་དཔའི་ཐེག་པ་པས་
སོམ་ཉི་མི་བྱའོ། །དེ་ནས་འདིའི་ཐུན་མོང་གི་རས་རིས་བསྟན་པར་བྱ་སྟེ། བཅོམ་ལྡན་འདས་རིན་པོ་ཆེའི་པད་མ་ལ་བཞུགས་པའོ། །གཡས་སུ་ནི་འཕགས་པ་ཕྱག་ན་རྡོ་རྗེའོ། །ལྷ་མོ་རྒྱན་ཐམས་ཅད་ཀྱིས་བརྒྱན་
པ་རལ་པ་དང་བཅས་པ་གསེར་གྱི་མདོག་ཅན་ཐམས་ཅད་རིག་པའི་མཆོག་ཅེས་བྱ་བ་འམ། དྲི་མ་མེད་པ་རྣམ་པར་གནོན་པའི་གཟི་བརྗིད་ཅེས་བྱ་བ་ཡང་རུང་འདི་ལྟ་བུའི་བཅོམ་ལྡན་འདས་མ་འོད་ཀྱི་ཕྲེང་བ་དང་བཅས་པ་བྲི་བར་བྱ་
སྟེ། བྲག་ལ་གནས་པའི་པད་མའི་སྡོང་བུ་ལ་བཞུགས་པའོ། །ལྷ་མོའི་འོག་ཏུ་ནི་དེ་བཞིན་དུ་བགེགས་ཐམས་ཅད་ཚར་གཅོད་པའི་གཡོག་མོ་མཐའ་ཡས་ཞེས་བྱ་བ་བྲིའོ། །ཕྱག་ན་རྡོ་རྗེའི་འོག་ཏུ་ནི་སྒྲུབ་པ་པོ་ཕྱག་འཚལ་
བ་བྲི་བར་བྱའོ། །ཡང་ན་རས་རིས་ནི་ཇི་ལྟར་འདོད་པ་དེ་ལྟ་བུ་བྲི་བར་བྱ་སྟེ། སངས་རྒྱས་བཅོམ་ལྡན་འདས་རྣམས་དང་། བྱང་ཆུབ་སེམས་དཔའ་རྣམས་ཀྱི་གཟུགས་ཀྱི་སྐུ་ནི་མཐའ་ཡས་པ་ཡིན་པའི་ཕྱིར་རོ། །རྟོག་པ་དང་
ལྡན་ཞིང་ཐབས་ལ་མཁས་པ་རྣམས་ཀྱིས་ནི་རས་རིས་ཀྱི་ཆོ་ག་མེད་པ་འམ། མཆོད་པ་མེད་པར་ཡང་འགྲུབ་བོ། །གསང་སྔགས་ཀྱི་སྒོར་སྤྱོད་པའི་བྱང་ཆུབ་སེམས་དཔའི་སྤྱོད་པའི་རིག་པ་མཆོག་གི་རྒྱལ་པོ་བསྡུས་པའི་ལེའུ་རབ་འབྱམ་
རྫོགས་སྷོ།། །། དེ་ནས་གསང་བ་པའི་བདག་པོ་ལག་ན་རྡོ་རྗེ་བསྟན་པ་དོན་ཡོད་པའི་དངོས་གྲུབ་རབ་ཏུ་འབྱུང་བར་བྱ་བའི་ཕྱིར། བཅོམ་ལྡན་འདས་ཀྱི་སྤྱན་སྔར་དེ་བཞིན་གཤེགས་པ་ཐམས་ཅད་ཀྱི་སྤྱོད་ཡུལ་རྒྱ་མཚོ་ནམ་

94-1-196b

མཁའི་སྤྱན་ཞེས་བྱ་བའི་རིག་པའི་རྒྱལ་མོ་རྩེ་མོ་གསོལ་བ་བཏབ་བོ། །དེ་ནས་བཅོམ་ལྡན་འདས་དེ་བཞིན་གཤེགས་པ་ཐམས་ཅད་གཅིག་ཏུ་རྗེས་སུ་འགྲོ་བ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས། ནམ་མཁའི་སྤྱན་
ཞེས་བྱ་བའི་རིག་པའི་རྒྱལ་མོ་རྩེ་མོ་མཆོག་འདི་སྐུ་ཐམས་ཅད་ལས་གསུངས་སོ།། །།ན་མཿ་སྟྲཻ་ཡ་དྷྭི་ཀཱ་ནཱྃ། སརྦ་ཏ་ཐཱ་ག་ཏཱ་ནྃ། ཨོཾ་ག་ག་ན་ལོ་ཙ་ནེ། ག་ག་ན་ས་མ། སརྦ་ཐཱ་ཨོཾ་ག་ཏཱ་ཏི་ས་ར་སྃ་བྷ་བཛྲ་ལཱ་ན་མོ་ཨ་མོ་གྷཱ་ནཱྃ་སྭཱ་ཧཱ། 
ལག་ན་རྡོ་རྗེ་རིག་པའི་རྒྱལ་མོ་རྩེ་མོ་ཆེན་མོ་འདི་ནི་དེ་བཞིན་གཤེགས་པ་ཐམས་ཅད་ཀྱི་སྤྱོད་ཡུལ་ལས་ཡང་དག་པར་བྱུང་བ། བྱང་ཆུབ་སེམས་དཔའ་ཐམས་ཅད་སྐྱེད་པའི་ཡུམ། མཐའ་ཡས་པ་ཐོགས་པ་མེད་པར་དོན་ཡོད་པར་གྲུབ་
པ། སྔགས་ཀྱི་སྤྱོད་པའི་བྱང་ཆུབ་སེམས་དཔའ་རྣམས་ལ་སངས་རྒྱས་ཀྱི་མཛད་པ་ལ་རབ་ཏུ་སྦྱོར་བར་གནས་པའོ། །འདི་འཛིན་པར་བྱེད་པའི་རིགས་ཀྱི་བུ་ནི་ཕྱིར་མི་ལྡོག་པར་འགྱུར་རོ། །དེ་བཞིན་གཤེགས་པ་ཐམས་ཅད་ཀྱིས་
བྱིན་གྱིས་བརླབས་པར་འགྱུར་རོ། །བཟླས་པ་ཉིད་ཀྱི་ཡོན་ཏན་མཐའ་ཡས་པ་མཉམ་པ་མེད་པ་ཐོབ་པར་འགྱུར་རོ། །བསྒྲུབ་པ་བྱས་ན་དེ་བཞིན་གཤེགས་པ་ཐམས་ཅད་ཀྱིས་བྱིན་གྱིས་བརླབས་པར་འགྱུར་རོ། །བྱང་ཆུབ་
སེམས་དཔའི་སྤྱོད་པའི་ས་ལ་འཇུག་པ་ཐོབ་པར་འགྱུར་རོ། །རིག་པ་འཛིན་པ་ལ་སོགས་པའི་དངོས་གྲུབ་རྣམས་ཇི་ལྟར་འདོད་པ་བཞིན་མི་འཕྲོགས་པ་དོན་ཡོད་པ་འདིས་ཚེགས་ཆུང་ངུས་ཐོབ་པར་འགྱུར་རོ། །དེ་ནས་དེ་ནི་རིག་
པ་འཛིན་པ་ཐོབ་པའི་རྒྱུར་གྱུར་པའི་རྟོག་པའི་ཆོ་ག་ཕྱོགས་ཙམ་ཞིག་འབྱུང་བར་འགྱུར་རོ། །སེམས་བསྐྱེད་པའི་རིགས་ཀྱི་བུ་བྱང་ཆུབ་སེམས་དཔས་ཚེས་གཅིག་ནས་བརྩམས་ནས། དང་པོ་རེ་ཤིག་སངས་རྒྱས་དང་
བྱང་ཆུབ་སེམས་དཔའ་ཐམས་ཅད་ལ་བདག་ཉིད་དབུལ་བར་བྱའོ། །དབུལ་བའི་ཚིག་འདི་བརྗོད་པར་བྱ་སྟེ། བདག་ཆེ་གེ་མོ་ཞེས་བགྱི་བ་སངས་རྒྱས་དང་བྱང་ཆུབ་སེམས་དཔའ་འཁོར་དང་བཅས་པ་ཐམས་ཅད་ལ་བདག་

94-1-197a

དབུལ་བར་བགྱིའོ། །ཐུགས་རྗེ་ཆེན་པོ་དང་ལྡན་པ་དེ་དག་ཐམས་ཅད་ཀྱིས་དུས་ཐམས་ཅད་དུ་སྡུག་བསྔལ་བ་བདག་ལ་བྱིན་གྱིས་བརླབ་ཏུ་གསོལ། ཡོངས་སུ་གཟུང་དུ་གསོལ། ཡོངས་སུ་བསྐྱབ་ཏུ་གསོལ་ཞེས་
བརྗོད་དོ། །དེ་ནས་སྡིག་པ་བཤགས་པར་བྱ་སྟེ། སངས་རྒྱས་དང་བྱང་ཆུབ་སེམས་དཔའ་རྣམས་ཀྱིས་ཐུགས་བསྐྱེད་པ་གང་གིས་བཤགས་པའི་སེམས་བསྐྱེད་པ་དེས་དུས་ཐམས་ཅད་པའི་སྡིག་པ་ཐམས་ཅད་བདག་གིས་ཀྱང་སངས་རྒྱས་
བཅོམ་ལྡན་འདས་རྣམས་ཀྱིས་ཇི་ལྟར་མཁྱེན་པ་དེ་བཞིན་དུ་བཤགས་པར་བགྱིའོ་ཞེས་བྱ་བ་འམ། ནུས་པ་ཇི་ལྟ་བ་བཞིན་དུ་བཤགས་པར་བྱའོ། །སེམས་ཅན་ཐམས་ཅད་ལ་ཕན་པ་དང་བདེ་བའི་རྒྱུར་གྱུར་པ་སེམས་ཅན་ཐམས་ཅད་ཀྱི་ཁམས་རྣམ་
པར་སྦྱོང་བར་བྱེད་པའི་དུས་གསུམ་དུ་གཤེགས་པའི་སངས་རྒྱས་དང་བྱང་ཆུབ་སེམས་དཔའ་རྣམས་ཀྱི་བསོད་ནམས་དང་ཡེ་ཤེས་ཀྱི་ཚོགས་རྣམས་ལ་རྗེས་སུ་ཡི་རང་སྟེ། ཅི་ལྟར་སངས་རྒྱས་བཅོམ་ལྡན་འདས་རྣམས་ཀྱིས་མཁྱེན་པ་དེ་བཞིན་དུ་རྗེས་སུ་
ཡི་རང་ཞེས་བྱ་བ་འམ། ནུས་པ་ཅི་ལྟ་བ་བཞིན་དུ་རྗེས་སུ་ཡི་རང་བར་བྱའོ། །དེ་ནས་འཇིག་རྟེན་གྱི་ཁམས་ཐམས་ཅད་དུ་གཏོགས་པ་ན་བདག་གི་མེད་པ་ཡོངས་སུ་འཛིན་པ་མེད་པ་ཐང་དང་ཆུ་ལས་སྐྱེས་པའི་རིན་པོ་ཆེའི་རི་དང་། རྒྱ་མཚོའི་རིན་པོ་ཆེ་ལ་སོགས་
པས་མཆོད་པའི་ཐབས་ལ་གོམས་པར་བྱས་ལ། སངས་རྒྱས་དང་བྱང་ཆུབ་སེམས་དཔའ་འཁོར་དང་བཅས་པ་ཐམས་ཅད་ལ་དབུལ་ཞིང་ཡོངས་སུ་བསྔོ་བར་བྱའོ། །དེ་ནས་སངས་རྒྱས་དང་བྱང་ཆུབ་སེམས་དཔའ་འཁོར་གྱི་དཀྱིལ་འཁོར་
ཐམས་ཅད་དུ་རྒྱ་ཆེ་ཞིང་གྱ་ནོམ་པ་མཆོད་པའི་སྤྲིན་རབ་འབྱམ་རྣམས་བདག་གི་སྨོན་ལམ་དང་། བསོད་ནམས་ཀྱི་སྟོབས་དང་། སངས་རྒྱས་དང་བྱང་ཆུབ་སེམས་དཔའ་ཐམས་ཅད་ཀྱི་བྱིན་གྱིས་བརླབས་ཀྱིས་སོ་སོར་འབྱུང་བར་གྱུར་ཅིག་ཅེས་
བརྗོད་ལ། དེ་ལྟ་བུའི་མཆོད་པ་ཆེན་པོ་མངོན་པར་སྒྲུབ་པར་བྱེད་པའི་རིག་པའི་རྒྱལ་མོ་ཆེན་མོ་འདི་ཡང་ལན་བརྒྱད་ཀྱི་བར་དུ་བརྗོད་པར་བྱའོ། །ན་མཿ སརྦ་བུདྡྷ་བོ་དྷྀ་ས་ཏྭཱ་ནཱྃ། སརྦ་ཐཱ་ཨུངྒ་ཏེ་སྥ་ར་ཎ་ཧི་མྃ། ག་ག་ན་ཁྃ་ས་

94-1-197b

མནྟ་ཏ་སྭཱ་ཧཱ། དེ་ནས་གཞན་མ་ཡིན་པར་མཆོད་པ་རྣམས་དེ་བཞིན་དུ་ཡང་དག་པར་འབྱུང་བར་འགྱུར་རོ། །དེ་ནས་སངས་རྒྱས་དང་བྱང་ཆུབ་སེམས་དཔའ་ཐམས་ཅད་ལ་ཡོན་ཏན་བསྔགས་པ་རྒྱ་མཚོ་སྒྲོགས་པའི་དབྱངས་རབ་འབྱམ་
རྣམས་ཀྱིས་སེམས་ཅན་གྱི་ཁམས་ཐམས་ཅད་དང་། ཆོས་ཀྱི་དབྱིངས་སུ་གྲགས་པ་འཇུག་པར་གྱུར་ཅིག །དེ་བཞིན་གཤེགས་པ་ཐམས་ཅད་ཀྱི་ཆོས་ཀྱི་འཁོར་ལོ་རྗེས་སུ་འཇུག་པར་གྱུར་ཅིག །མདོ་སྡེའི་ཚུལ་རབ་ཏུ་སྒྲོགས་པར་གྱུར་
ཅིག་ཅེས་བསམས་ལ། བསྟོད་པ་དང་བསྔགས་པ་སྒྲུབ་པར་བྱེད་པ། ཆོས་ཐམས་ཅད་ཀྱི་སྤྲིན་གྱི་ཆར་འབེབས་པར་བྱེད་པའི་རིག་པ་ཆེན་མོའི་རྒྱལ་མོ་འདི་ཡང་ལན་བརྒྱད་ཀྱི་བར་དུ་བརྗོད་པར་བྱའོ། །ན་མཿ སརྦ་བུདྡྷ་བོ་
དྷི་ས་ཏྭཱ་ནཱྃ། སརྦ་ཏྲཱ་སྃ་ཀུ་སུ་མི་ཏཱ། ཨ་བྷི་ཛྙཱ་རཱ་ཤི་ནཱི་ན་མོ་སྟུ་སྟེ་སྭཱ་ཧཱ། །དེ་ནས་དེ་བཞིན་དུ་གཞན་མ་ཡིན་པར་བསྟོད་པ་བརྗོད་པ་དང་། ཆོས་བརྗོད་པའི་དབྱངས་རྣམས་སངས་རྒྱས་དང་བྱང་ཆུབ་སེམས་དཔའ་རྣམས་ཀྱིས་ཇི་ལྟར་
མཁྱེན་པ་བཞིན་དུ་ངེས་པར་གནས་པར་འགྱུར་རོ། །འགྲོ་བ་ཐམས་ཅད་ཀྱི་སྡུག་བསྔལ་ཐམས་ཅད་ཞི་བར་བྱེད་པ། སེམས་ཅན་ཐམས་ཅད་ལ་ཕན་པ་དང་། བདེ་བའི་བསམ་གཏན་ལ་ཆེད་དུ་བྱེད་པའི་དམིགས་པ་ཐམས་ཅད་ཀྱིས་
ཏིང་ངེ་འཛིན་སྣ་ཚོགས་ཀྱི་མཚན་མས་བརྟགས་པའི་སྤྱོད་ལམ་སྟོན་ཅིང་། རྣམ་པ་སྣ་ཚོགས་པའི་སྤྲུལ་པའི་སྤྲིན་འབྱུང་བ་ཆོས་ཀྱི་དབྱིངས་སུ་སྤྲོས་པས་སེམས་ཅན་ཐམས་ཅད་ལ་མངོན་དུ་ཕྱོགས་པས་གནས་པ་དང་། 
སྟོབས་བཅུའི་ཡེ་ཤེས་ཀྱི་ས་ལ་སེམས་ཅན་རྣམས་རབ་ཏུ་དགོད་པའི་བར་དུ་གྱུར་ཅིག་ཅེས་ཚིག་ཏུ་བརྗོད་པ་འམ། བསམས་ལ་དེ་ལྟ་བུའི་སྤྲུལ་པ་ཆེན་པོ་མངོན་པར་བསྒྲུབ་པར་བྱེད་པའི་རིག་པའི་རྒྱལ་མོ་ཆེན་མོ་འདི་ལན་བརྒྱད་ཀྱི་བར་དུ་བརྗོད་པར་
བྱའོ། །ན་མཿ སརྦ་བུདྡྷ་བོ་དྷི་སཏྭཱ་ནཱྃ། ན་མོ་སྟུ་ཏེ། མ་ཧཱ་བཛྲ་སརྦ་སཱ་དྷ་ཧི་ཏྃ་ཀ་ར། ཏིཥྛ་སརྦཱ་ཏྲ་སརྦེ་ཥཱྃ་དྷརྨཱ་ཎཱྃ་ཨ་དྷིཥྛཱ་ཡ་སྭཱ་ཧཱ། དེ་ནས་ཅི་ལྟར་མངོན་པར་བསྒྲུབས་པ་དེ་དག་ཇི་ལྟ་བ་བཞིན་དུ་གནས་པར་འགྱུར་རོ། །རིག་པ་

94-1-198a

འདི་ཀུན་ཡང་གོང་དུ་ཅི་ཙམ་འདོད་པའི་བཟླས་པ་བྱས་ན་གསང་སྔགས་ཀྱི་སྤྱོད་པ་ཡང་དག་པར་གྲུབ་པ་རྣམས་ལ་སངས་རྒྱས་དང་བྱང་ཆུབ་སེམས་དཔའ་རྣམས་ཀྱིས་ཇི་ལྟ་བ་བཞིན་དུ་གཟིགས་པར་འགྱུར་རོ། །དེས་དེ་ལྟར་
སེམས་ཅན་གྱི་དོན་དང་དགོས་པ་བྱས་ནས་སངས་རྒྱས་དང་བྱང་ཆུབ་སེམས་དཔའ་རྣམས་བྱང་ཆུབ་ཏུ་ཐུགས་བསྐྱེད་པ་ནས་བཟུང་སྟེ། བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཀྱི་བར་གྱི་སེམས་ཅན་ཐམས་ཅད་ཀྱི་དོན་བསྒྲུབས་
པ་ལ་རྗེས་སུ་ཡི་རང་ཞིང་དམིགས་པ་ལ་གོམས་པར་བྱས་ནས་དེ་བཞིན་གཤེགས་པ་ཐམས་ཅད་ལ་ཕྱག་འཚལ་བ་འམ། དམིགས་པ་ལ་གོམས་པར་བྱས་ཏེ། འདིར་ཡང་ནམ་མཁའི་སྤྱན་བཟླས་པ་བྱའོ། །ཡང་ན་སེམས་
ཅན་རྣམས་ལ་དེ་བཞིན་གཤེགས་པ་རྣམས་ཀྱི་བྱིན་གྱི་རླབས་ཀྱི་སྟོབས་དང་། བདག་གི་བསོད་ནམས་ཀྱི་སྟོབས་ཀྱིས་དེ་བཞིན་གཤེགས་པ་རྣམས་ཀྱི་སྤྱན་རྣམས་ཅི་ལྟར་རིགས་པ་བཞིན་དུ་དེ་བཞིན་གཤེགས་པས་བྱིན་གྱིས་
རློབ་ཅིང་འབྱུང་བར་གྱུར་ཅིག་ཅེས་དང་པོར་ཡིད་ལ་བྱས་ལ་བཟླས་པ་བྱའོ། །ཡང་ན་དེ་བཞིན་གཤེགས་པས་བསྔགས་པའི་སེམས་ཅན་ཐམས་ཅད་ཀྱི་དོན་དུ་འབྱུང་བའི་དངོས་གྲུབ་ཐོབ་པར་གྱུར་ཅིག་ཅེས་བྱའོ། །ཡང་ན་སེམས་
ཅན་རྣམས་ལ་དེ་བཞིན་གཤེགས་པའི་ཡེ་ཤེས་ཀྱི་མིག་དང་ལྡན་པར་གྱུར་ཅིག་ཅེས་བྱའོ། །ཡང་ན་དགེ་བ་ལ་འབད་པ་འབྱུང་བར་གྱུར་ཅིག་ཅེས་བྱའོ། །ཡང་ན་དེ་བཞིན་གཤེགས་པའི་ཡེ་ཤེས་ཀྱི་རྒྱུ་འབྱུང་བར་གྱུར་ཅིག་ཅེས་བྱའོ། །
ཡང་ན་སྟོབས་བཅུ་ཡོངས་སུ་རྫོགས་པས་བསོད་ནམས་དང་ཡེ་ཤེས་ཀྱི་ཚོགས་ཡོངས་སུ་རྫོགས་པ་འམ། དེ་བཞིན་གཤེགས་པའི་ཡེ་ཤེས་ཀྱི་སྐུ་ཡོངས་སུ་རྫོགས་པ་འམ། མཚན་དང་དཔེ་བྱད་དང་ལྡན་པའི་སྐུ་ཡོངས་སུ་རྫོགས་
པ་འམ། ཆོས་ཀྱི་འཁོར་ལོ་ཆེན་པོ་སྐོར་བའི་སྐུ་ཡོངས་སུ་རྫོགས་པ་སེམས་ཅན་ཐམས་ཅད་ཀྱིས་སོ་སོར་ཐོབ་པར་གྱུར་ཅིག་ཅེས་བྱ་བ་འམ། ཡང་ན་སངས་རྒྱས་དང་བྱང་ཆུབ་སེམས་དཔའ་ཐམས་ཅད་དང་ཡང་དག་པར་

94-1-198b

འགྲོགས་ཤིང་། སངས་རྒྱས་དང་བྱང་ཆུབ་སེམས་དཔའ་ཐམས་ཅད་ཀྱི་སྤྱོད་པ་ཡང་དག་པར་སྒྲུབ་པ་འམ། བྱང་ཆུབ་སེམས་དཔའ་ཐམས་ཅད་ཀྱི་ཕ་རོལ་ཏུ་ཕྱིན་པ་ཡོངས་སུ་རྫོགས་པར་བྱ་བའི་ཕྱིར་དང་། སངས་རྒྱས་དང་
བྱང་ཆུབ་སེམས་དཔའ་ཐམས་ཅད་ཀྱི་ས་རྣམས་རིམ་གྱིས་གནོན་པའི་ཕྱིར་རམ། བྱང་ཆུབ་སེམས་དཔའ་ཀུན་དུ་བཟང་པོའི་སྤྱོད་པའི་དཀྱིལ་འཁོར་ཐམས་ཅད་དུ་འཇུག་པ་འམ། གཟུངས་དང་། ཏིང་ངེ་འཛིན་དང་། རྣམ་པར་
ཐར་པ་ཐམས་ཅད་དུ་སོ་སོར་འཐོབ་པ་འམ། མཆོད་པ་ཆེན་པོའི་སྤྲིན་མངོན་པར་བསྒྲུབ་པ་སྤྲུལ་པ་འམ། དེ་བཞིན་གཤེགས་པ་ཐམས་ཅད་ཀྱི་སྤྲིན་ལས་ཆོས་ཀྱི་ཆར་གྱི་རྒྱུན་འབབ་པ་རབ་ཏུ་གནས་པར་བྱ་བ་འམ། དཀོན་མཆོག་གསུམ་
གྱི་གདུང་རྒྱུན་མི་བཅད་པ་འམ། རིག་པ་འཛིན་པའི་དཔལ་ཐོབ་པར་བྱ་བ་འམ། རྡོ་རྗེ་འཛིན་པ་ཉིད་རབ་ཏུ་འཐོབ་པ་ཡང་སེམས་ཅན་ཐམས་ཅད་ལ་འབྱུང་བར་གྱུར་ཅིག་ཅེས་བརྗོད་དོ། །ཡང་ན་བསམ་པ་ཅི་ལྟ་བ་དང་མོས་པ་ཅི་ལྟ་
བ་བཞིན་དུ་འམ། སེམས་ཅན་གྱི་ཁམས་ཐམས་ཅད་ལ་ཕན་པ་དང་། བདེ་བ་འབྱུང་བའི་བསམ་པ་དང་། ལྷག་པའི་བསམ་པས་བཟླས་པ་བྱའོ། །ཡང་ན་བླ་ན་མེད་པའི་དངོས་གྲུབ་ཐམས་ཅད་བདག་གི་སྨོན་ལམ་གྱི་སྟོབས་
དང་། དེ་བཞིན་གཤེགས་པ་རྣམས་ཀྱིས་བྱིན་གྱིས་བརླབས་ཀྱིས་སེམས་ཅན་ཐམས་ཅད་ལ་འབྱུང་བར་གྱུར་ཅིག་ཅེས་སམ། ཅི་ལྟར་རིགས་པར་སེམས་ཀྱིས་བསམས་ལ་བཟླས་པ་བྱའོ། །དེ་ལྟར་གོམས་པར་བཟླས་པ་བྱས་ན་
དངོས་གྲུབ་ཐོབ་པར་འགྱུར་རོ། །སྨོན་ལམ་དང་རྗེས་སུ་མཐུན་པ་དང་། བརྩོན་འགྲུས་དང་རྗེས་སུ་མཐུན་པར་བྱང་ཆུབ་སེམས་དཔའི་སྤྱོད་པ་ལ་མངོན་པར་ཕྱོགས་ཤིང་འཇུག་ན་ངེས་པར་འགྲུབ་པར་འགྱུར་རོ། །འདི་དག་ནི་རྟག་ཏུ་
བྱ་བའི་ཆོ་ག་ཡིན་ནོ། །ཡང་ན་སོམ་ཉི་མེད་པའི་དད་པས་ཅི་ལྟར་ནུས་པའི་ཆོ་གས་བྱའོ། །དེ་ནས་འཕགས་པ་སྡོང་པོ་བཀོད་པ་ལ་སོགས་པའི་ཆོས་ཀྱི་གླེགས་བམ་མམ། བྱང་ཆུབ་སེམས་དཔའི་སྤྱོད་པ་རྒྱ་ཆེ་བའི་ལུགས་

94-1-199a

རྒྱས་པར་བྱེད་པའི་མདོ་སྡེ་གདོན་པར་བྱ། མཆོད་པར་བྱ་བ་འམ། ཐ་ན་ཕྱག་བྱས་ནས་སོ། །ཀུན་ནས་ངལ་བར་གྱུར་ནས་ཟས་ཟ་ན། སྔགས་འདིས་ཟས་ལ་ལན་བརྒྱད་མངོན་པར་བཟླས་པ་བྱའོ། །
ན་མཿ སརྦ་བུདྡྷ་བོ་དྷི་སཏྭཱ་ནཱྃ། ཨོཾ་བ་ལྃ་ད་དེ། ཏེ་ཛོ་མཱ་ལི་ནི་སྭཱ་ཧཱ། དེ་ནས་ཟས་ཀྱིས་དུབ་པ་བསལ་ལ་ཕྱི་དྲོའི་དུས་སུ་ཡང་སྔ་དྲོའི་ཆོ་ག་འདི་ཉིད་ཀྱིས་བྱའོ། །སྐྱོ་བར་གྱུར་ན་སྔགས་བཟླས་པར་བྱ་སྟེ། ཅི་སྲིད་མི་
སྐྱོ་བའི་བར་དུའོ། །དེ་ནས་སྨོན་ལམ་བཏབ་ནས་ལྡང་བར་བྱའོ། །ལངས་ནས་ཟབ་ཅིང་རྒྱ་ཆེ་བའི་མདོ་སྡེ་ཀློག་པ་ལ་སོགས་པ་གཞན་བྱའོ། །ཉལ་བའི་ཚེ་ཡང་ལུས་ཐམས་ཅད་བཏུད་པས་སངས་རྒྱས་དང་བྱང་ཆུབ་
སེམས་དཔའ་ཐམས་ཅད་ལ་བསམ་པ་ཐག་པས་ཕྱག་བྱས་ལ་ཕྱི་ནས་ཇི་ལྟར་འདོད་པར་གཉིད་ལོག་པར་བྱ་ཞིང་། སངས་རྒྱས་དང་བྱང་ཆུབ་སེམས་དཔའ་ཐམས་ཅད་ཀྱིས་བདག་ལ་བྱིན་གྱིས་བརླབ་ཏུ་གསོལ། 
བདག་ལ་དངོས་གྲུབ་དང་མཆོག་སྩལ་དུ་གསོལ། གནོད་པ་ཐམས་ཅད་རབ་ཏུ་ཞི་བར་མཛད་དུ་གསོལ། ཞེས་མཁས་པས་རྟག་ཏུ་བྱའོ། །ཉིན་རེ་ཉིན་རེ་འདི་ལྟ་བུའི་ལས་ཟླ་བ་གཅིག་གི་བར་དུ་བྱའོ། །དེ་ནས་
ཟླ་བ་ཉ་ལ་ཉིན་ཞག་གཅིག་སྨྱུང་བར་འདུག་ནས་ཅི་འབྱོར་པས་མཆོད་པ་བྱས་ཏེ། མཆོད་རྟེན་ནམ། སྐུ་གཟུགས་སམ། རས་རིས་ལ་དབེན་ཞིང་སྟོང་པའི་ས་ཕྱོགས་སུ་མེ་ཏོག་སིལ་མ་བཀྲམ་པའི་དཀྱིལ་
འཁོར་བྱས་པ་ལ་དམ་པའི་ཆོས་ཀྱི་གླེགས་བམ་མདུན་དུ་བཞག་སྟེ། སྤོས་དྲི་ཞིམ་པོས་བདུགས་ནས་སྐྱིལ་མོ་དཀྲུང་བཅས་ཏེ། ལྕགས་ཀྱི་འཁོར་ལོ་འམ། རྡོ་རྗེ་འམ། རལ་གྲི་བླངས་ལ་ཀུ་ཤ་བཀྲམ་པ་ལ་
འདུག་ནས་ཇི་སྲིད་འབར་བར་གྱུར་གྱི་བར་དུ་བཟླས་པ་བྱ་སྟེ། ནམ་ཕྱེད་དམ་ཉི་མ་ཤར་བའི་དུས་སུ་འབར་བར་འགྱུར་རོ། །འབར་བ་ན་ལྟས་ཆེན་པོ་འབྱུང་བར་འགྱུར་ཏེ། ས་གཡོ་བ་དང་། གཞན་ཡང་སངས་རྒྱས་

94-1-199b

འབྱུང་བ་དང་འདྲ་བའི་ལྟས་ཆེན་པོ་འབྱུང་བར་འགྱུར་རོ། །སྐད་ཅིག་དེ་ལ་སངས་རྒྱས་དང་བྱང་ཆུབ་སེམས་དཔའ་ཐམས་ཅད་ཀྱི་བྱིན་གྱིས་བརླབས་ཀྱིས་འཆིང་བ་ཞེས་བྱ་བའི་འོད་ཟེར་རབ་ཏུ་འབྱུང་བར་འགྱུར་རོ། །དེ་ནས་
རིག་པ་འཛིན་པ་ཐམས་ཅད་འཁོར་དང་བཅས་པ་དང་། རིག་པ་འཛིན་པའི་བུ་མོ་གྲོགས་དང་བཅས་པ་དང་། རིག་པ་འཛིན་པའི་རྒྱལ་པོ་ཆེན་པོ་འཁོར་དང་བཅས་པས་དེ་དབང་བསྐུར་བས་ཐམས་ཅད་དུ་ཐོགས་པ་མེད་པ་དང་། 
ལྷ་ཐམས་ཅད་ཀྱིས་མཆོད་པ་དང་། བསོད་ནམས་ཇི་ལྟར་ཉེ་བར་བསགས་པ་བཞིན་དུ་སངས་རྒྱས་ཀྱི་ཞིང་རྣམས་སུ་འགྲོ་ཞིང་། སངས་རྒྱས་དང་བྱང་ཆུབ་སེམས་དཔའ་རྣམས་ལ་མཆོད་པ་དང་། སེམས་ཅན་ཡོངས་
སུ་སྨིན་པར་བྱེད་པའི་ནུས་པ་ཡང་རབ་ཏུ་འཐོབ་བོ། །ལུས་དེ་ཉིད་མ་དོར་བར་བྱང་ཆུབ་སེམས་དཔའི་སྤྱོད་པ་ལ་རྗེས་སུ་འཇུག་པ་རབ་ཏུ་འཐོབ་བོ། །སྟོབས་ཅི་ལྟ་བ་དང་། སྣོད་ཇི་ལྟ་བ་བཞིན་དུ་གོ་རིམས་ཀྱིས་བྱང་
ཆུབ་སེམས་དཔའི་ས་རྣམས་ནོན་པར་འགྱུར། ཡང་དག་པར་རྫོགས་པའི་སངས་རྒྱས་ཀྱི་བར་དུ་དེ་ཉིད་ཀྱིས་ཐོབ་པར་འགྱུར་རོ། །འདི་དག་ནི་ཐབས་ལ་མཁས་པའི་བྱང་ཆུབ་སེམས་དཔའི་ཐེག་པ་པའི་གསང་
སྔགས་ཀྱི་སྒོར་སྤྱོད་པ་ལ་ཞུགས་པ་གཙོར་བྱེད་པའི་ཐབས་ལ་མཁས་པའི་ཆོ་ག་ཡིན་ནོ། །རི་འམ་འབབ་ཆུའི་འགྲམ་མམ། མཚོའི་གླིང་ངམ། ཤིང་གཅིག་གི་དྲུང་ངམ། ཀུན་དགའ་ར་བ་འམ། 
དགོན་པ་འམ། གཙུག་ལག་ཁང་གི་གནས་སམ། སྐུ་གདུང་དང་བཅས་པའི་མཆོད་རྟེན་ནམ། སྐུ་གཟུགས་ཀྱི་མདུན་དུ་འམ། ཐ་ན་གཙུག་ལག་ཁང་ངམ། ཁང་པ་འམ། ཉེ་བར་སྤྱོད་པའི་ས་
འང་རུང་། སྟོང་ཞིང་དབེན་པར་རས་རིས་ཀྱི་མདུན་དུ་བསྒྲུབ་པར་བྱའོ། །གལ་ཏེ་ནུས་པ་ཡོད་ན་རི་ལ་སོགས་པ་སྟོང་ཞིང་དབེན་པའི་གནས་རྣམས་སུ་འདུ་འཛི་རྣམ་པར་སྤངས་ནས། ཐ་ན་ཁྱིམ་འམ། 

94-1-200a

བྲང་ཁང་ངམ། ཉེ་བར་སྤྱད་ས་འམ། མཛོད་ཕུགས་སུ་ཡང་རུང་། ཅི་སྲིད་མ་བྱུང་གི་བར་དུ་བཟླས་པ་བྱའོ། །དེ་ནས་སྔ་མ་བཞིན་དུ་འཁོར་ལོ་འམ། རྡོ་རྗེ་ལ་སོགས་པ་ཅི་ལྟར་འདོད་པ་བཞིན་དུ་བསྒྲུབ་པར་བྱའོ། །
འབུམ་བཟླས་པ་བྱས་ནས་ལྡོང་རོས་སམ། མིག་སྨན་ལ་སོགས་པའི་རིག་འཛིན་ཐོབ་པར་བྱེད་པའི་རྫས་ཐམས་ཅད་བསྒྲུབ་པར་བྱའོ། །དབང་དུ་བྱ་བ་ལ་སོགས་པའི་ལས་ཐམས་ཅད་བཀླགས་པས་འགྲུབ་པ་འདྀ་རིའི་གསེབ་
ཏུ་ཞུགས་ལ་འབུམ་ཕྲག་གསུམ་བཟླས་ན་དེ་བཞིན་གཤེགས་པ་མཐོང་བར་འགྱུར་རོ། །མཐོང་ནས་གཟུངས་ལ་སོགས་པ་རབ་ཏུ་ཐོབ་པར་འགྱུར་རོ། །དབེན་ཞིང་སྟོང་པའི་རི་ལ་སོགས་པར་སྐྱིལ་མོ་དཀྲུང་གིས་འདུག་ལ། 
སྐྱིལ་མོ་དཀྲུང་མ་བཤིག་པར་མཚན་ཐོག་ཐག་དེ་བཞིན་གཤེགས་པ་ལ་དམིགས་ནས་བཟླས་ན། ནམ་ཕྱེད་དམ་ཉི་མ་འཆར་བའི་དུས་སུ་ལུས་རབ་ཏུ་འབར་བར་འགྱུར་རོ། །འབར་བར་གྱུར་ནས་ལུས་བརྗེས་ནས་རིག་པ་འཛིན་
པར་འགྱུར་རོ། །ལྷའི་བཞོན་པ་བྲིས་ནས་དེའི་སྟེང་དུ་འདུག་སྟེ་མཚན་རངས་པ་བཟླས་ན་ལྷའི་བཞོན་པ་རིན་པོ་ཆེ་ལས་གྲུབ་པར་གྱུར་ནས་ནམ་མཁའ་ལ་གང་འདོད་པ་དེར་འགྲོ་བར་འགྱུར་རོ། །རིག་པ་འདི་ནི་རང་བཞིན་གྱིས་
གྲུབ་པ་ཡིན་པས་སྔོན་དུ་བསྙེན་པ་མ་བྱས་པས་ཀྱང་ཆོ་ག་བཞིན་དུ་བྱའོ། །ཅི་སྐད་གསུངས་པའི་རིག་པ་མཆོག་གི་ཕྱོགས་ཀྱང་བྱ་བ་འམ། ཐབས་དང་མི་ལྡན་པས་ནི་ཇི་ལྟར་འདོད་པ་འམ། མོས་པ་ཅི་ལྟ་བ་བཞིན་ལས་
ཀྱིས་བསྒྲུབ་པར་བྱའོ། །རྟོག་པ་འདི་ཆོ་གས་ཡིད་ལ་གང་འདོད་པ་ཅི་རིགས་པར་སྦྱར་བར་བྱའོ། །ཡང་ན་རས་རིས་བསྒྲུབ་པར་འདོད་ན་རས་རིས་དེ་བཞིན་གཤེགས་པའི་སྐུ་གཟུགས་པད་མའི་གདན་ལ་བཞུགས་པ་བྲི་བར་
བྱའོ། །གཡས་སུ་འཕགས་པ་ཕྱག་ན་རྡོ་རྗེ་པད་མའི་གདན་ལ་བཞུགས་པ་ཐལ་མོ་སྦྱར་བ་འོད་ཀྱིས་བསྐོར་བ་བྲི་བར་བྱའོ། །བཅོམ་ལྡན་འདས་ཀྱི་གཡོན་དུ་ནམ་མཁའི་སྤྱན་གསེར་གྱི་མདོག་ཅན་རྒྱན་ཐམས་ཅད་

94-1-200b

ཀྱིས་བརྒྱན་པ། རལ་པ་དང་བཅས་པ། ཐལ་མོ་སྦྱར་བ་བྱས་པ། པད་མའི་གདན་ལ་བཞུགས་པ་འོད་ཀྱི་ཕྲེང་བ་ཅན་བྲི་བར་བྱའོ། །དེའི་འོག་ཏུ་ཁྲོས་པ་གནག་ཅིང་ལྗང་བ། རལ་པ་གཅིག་ཡོད་པ། འཇིགས་པ་ཆེན་མོ་ཞེས་བྱ་
བ་གཞོན་ནུ་མ་ལག་པ་གཡས་ཀྱིས་རྡོ་རྗེ་འཛིན་ཅིང་འཕྱར་བ། རིན་པོ་ཆེའི་ཕྲེང་བ་ཅན་བྲག་ལ་བཞུགས་པ། འབར་བའི་ཕྲེང་བ་ཅན་ངུར་སྨྲིག་བགོས་པ། མིག་ཅུང་ཟད་དམར་བ། བགེགས་ཚར་གཅོད་པ་བྲི་བར་བྱའོ། །
འཕགས་པ་ཕྱག་ན་རྡོ་རྗེའི་འོག་ཏུ་ནི་སྒྲུབ་པ་པོ་ཕྱག་འཚལ་བ་བྲི་བར་བྱའོ། །རས་རིས་འདི་ལ་རྟོག་པ་འདིའི་ཆོ་ག་རྣམས་བྱ་བ་འམ་ཅི་ལྟར་འདོད་པས་བྱའོ། །རས་རིས་གཉིས་པ་ནི་ལྷ་མོ་འཇིགས་པར་བྱེད་པའི་གྲོགས་དང་བཅས་པ། 
རལ་པ་ཐུར་ལ་འཕྱང་བ། ལུས་འོད་ཀྱི་ཕྲེང་བ་ཅན་ནོ། །དེ་ལྟ་བུ་ལ་ཡང་འདིར་སྔར་གྱི་ཆོ་ག་རྣམས་སྦྱར་བར་བྱའོ། །ཐབས་དང་ལྡན་ནམ་ཐབས་དང་མི་ལྡན་ཡང་རུང་། ནམ་མཁའི་སྤྱན་འདི་ནི་དོན་ཡོད་པ་ཡིན་ཏེ། བསོད་
ནམས་དང་ལྡན་ནམ། བསོད་ནམས་དང་མི་ལྡན་ཡང་རུང་ཞེས་རྒྱ་ཆེར་སྦྱར་ཞིང་གང་གིས་ཀྱང་ངེས་པར་འགྲུབ་པར་འགྱུར་ཏེ། འདོད་པའི་དོན་ཕུན་སུམ་ཚོགས་པར་བྱེད་པ་ཡིན་ནོ་ཞེས་མཁས་པས་རིག་པར་བྱའོ། །བྱང་ཆུབ་
སེམས་དཔའ་རྣམས་ཀྱི་ཡུམ་ནམ་མཁའི་སྤྱན་ཞེས་བྱ་བའི་རྟོག་པ་རྫོགས་སྷོ།། །། དེ་ནས་ཡང་བཅོམ་ལྡན་འདས་སངས་རྒྱས་དང་བྱང་ཆུབ་སེམས་དཔའ་རྣམས་ཀྱི་སྤྱོད་ཡུལ་མངོན་པར་སྤྲོ་བར་བྱེད་པ་དེ་ལྟ་བུའི་ཏིང་
ངེ་འཛིན་ལ་སྙོམས་པར་ཞུགས་ནས། སྡུག་བསྔལ་བར་གྱུར་པའི་སེམས་ཅན་རྣམས་བསྐྱབ་པའི་ཕྱིར་སྔགས་འདི་གསུངས་སོ། །ན་མཿ སརྦ་བུདྡྷ་བོ་དྷི་སཏྭཱ་ནཱྃ། ཨཱརྱ་ཨཱ་གཱ་ཛེ་ཨ་ནནྟཱ་བི་ཤཱ་ཡ་ནཱི། ཨ་
ར་ཛེ་བི་ར་ཛེ། ཧཱུྃ་ཏྲཱ་ཀ་ར་སྭཱ་ཧཱ། སངས་རྒྱས་མ་ལུས་ཐམས་ཅད་ཀྱིས། །གསང་སྔགས་འདི་ནི་གསུངས་པ་ན། །ཤིན་ཏུ་རྒྱ་ཆེ་རྣམ་པར་རོལ། །ནམ་མཁའ་ལ་ནི་བྱུང་བར་གྱུར། །བྱང་ཆུབ་སེམས་དཔའ་གསང་

94-1-201a

སྔགས་ཀྱི་སྒོར་སྤྱད་པ་སྤྱོད་པ་རྣམས་ཀྱི་མདུན་དུ་འདིའི་ལས་ཀྱི་ཆེ་བའི་བདག་ཉིད་གསུངས་པ་ཆོ་ག་རབ་འབྱམ་མཐའ་ཡས་པའི་རྒྱལ་པོ་སྐད་ཅིག་དེ་ལ་སེམས་ཅན་གྱི་ཁམས་རྣམ་པར་སྦྱོང་བར་བྱེད་པ་ཞེས་བྱ་བའོ། །ཆོ་ག་དེ་དག་
ཐམས་ཅད་ཀྱང་འདི་ལ་སྦྱར་བར་བྱ་བ་འམ། ཡང་ན་ཇི་ལྟར་འདོད་པའི་ཆོ་གས་བྱའོ། །སྙིང་པོ་རྟོག་པའི་ཆོ་གས་ཉིས་འགྱུར་དུ་སྦྱར་བ་འམ་མཉམ་པས་ཀྱང་རུང་ངོ་། །དེ་ནས་བྱང་ཆུབ་སེམས་དཔའ་རྡོ་རྗེའི་ལུས་ཞེས་བྱ་བ་ཆགས་པ་མེད་པའི་
སྒོའི་གཞི་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས་རིག་པའི་རྒྱལ་མོ་ཆེན་མོའི་རྩེ་མོ་འདི་གསུངས་སོ། །ན་མཿ སརྦ་བུདྡྷ་བོ་དྷི་སཏྭཱ་ནཱྃ། ཏྲཱི་ཏྲཱི་ཏྲཱི ཨ་ཧ་ཧ་བྷི་སྨ་ཡེ། ན་མཿ སརྦ་ཏ་ཐཱ་ག་ཏཱ་ནཱྃ། ཨ་ས་དྲི་ཤེ་ས་
སྭཱ་ཧཱ། ཕུན་སུམ་ཚོགས་པ་མཐའ་ཡས་པ་ཞེས་བྱ་བའི་རིག་པའི་རྒྱལ་མོ་ཆེན་མོའི་རྩེ་མོ་འདི་ནི་ཆོ་ག་དེ་དག་ཉིད་ཀྱིས་སྦྱར་བར་བྱའོ་ཞེས་བྱ་བར་རྒྱལ་བ་རྣམས་ཀྱིས་མཁྱེན་པ་ཡིན་ནོ། །དེ་ནས་བྱང་ཆུབ་སེམས་དཔའ་
ནམ་མཁའ་དང་མཉམ་པ་ཞེས་བྱ་བ་ཀུན་ནས་ནམ་མཁའ་དང་མཉམ་པའི་ཏིང་ངེ་འཛིན་ལ་སྙོམས་པར་ཞུགས་ནས་རིག་པའི་རྒྱལ་མོའི་རྩེ་མོ་འདི་གསུངས་སོ། །ན་མཿ སརྦ་བུདྡྷ་བོ་དྷི་སཏྭཱ་ནཱྃ། ཨ་ཧ་ཧ་ཧ། མ་ཧཱ་མུ་ནི་བྷི་
སྨ་ཡེ། ཧ་ར་ཧ་ར། ཏྲ་ཡ་ཏྲ་ཡ། བི་ཤོ་དྷ་ཀེ་ན་མ་སརྦ་ཏ་ཐཱ་ག་ཏེ་བྷྱཿ སྭཱ་ཧཱ། དོན་ཡོད་པའི་དོན་ཡོད་པ་ཞེས་བྱ་བ་ངག་གི་དབང་ཕྱུག་མ་ཞེས་བྱ་བའི་རིག་པའི་རྒྱལ་མོའི་རྩེ་མོ་ཡངས་ཤིང་རྒྱ་ཆེ་བའི་རྣམ་པར་རོལ་
པའི་སྤྱོད་ཡུལ་ཡིན་ཏེ། འདིའི་ཆོ་ག་ཡང་དེ་དག་ཉིད་ཀྱིས་བྱ་བ་འམ། ཡིད་ལ་གང་འདོད་པས་བྱའོ། །དེ་ནས་དེ་བཞིན་གཤེགས་པ་ཀུན་དུ་ཤིན་ཏུ་མཉམ་པར་རྫོགས་པར་གྲུབ་པ་ཞེས་བྱ་བའི་དངོས་གྲུབ་
ཀྱི་རྒྱལ་པོའི་རྩེ་མོ་ལ་སྙོམས་པར་ཞུགས་པ་ཞེས་བྱ་བའི་ཏིང་ངེ་འཛིན་གྱི་རྒྱལ་པོ་ལ་སྙོམས་པར་ཞུགས་སོ། །སྙོམས་པར་ཞུགས་ནས་དེ་བཞིན་གཤེགས་པ་ཐམས་ཅད་ཀྱི་རྩེ་མོ་ཞེས་བྱ་བའི་རིག་པ་ཆེན་མོའི་རྒྱལ་མོ་འདི་གསུངས་

94-1-201b

སོ། །ན་མ། སརྦ་བུདྡྷ་བོ་དྷི་ས་ཏྭཱ་ནཱྃ། ཨ་མ་ལ་བ་ལེ་ཧ་ཧ། ཨ་ས་མ་ས་མནྟ། ག་ག་ན་ག་ག་ན། ས་མ་ས་མ། ཀུ་རུ་ཀུ་རུ། ན་མཿ སརྦ་བུདྡྷ་བོ་དྷི་ས་ཏྭེ་བྷྱཿསྭཱ་ཧཱ། སངས་རྒྱས་སྲས་དང་བཅས་རྣམས་ཀྱིས། །ལྷན་
ཅིག་འདིར་ནི་གསུངས་པ་ན། །ཆོས་དབྱིངས་ངོ་མཚར་ཆེན་པོ་འདི། །ཐམས་ཅད་ཀུན་དུ་རྨད་དུ་གྱུར། །འདིའི་ཆོ་ག་ཡང་དེ་དག་ཡིན། །འཇིག་རྟེན་ཐམས་ཅད་ཀུན་དུ་ཡང་། །འདི་དང་འདྲ་བ་དེ་ཡོད་མིན། །རས་རིས་ཀྱི་ཁྱད་པར་ནི་ནམ་
མཁའི་སྤྱན་གྱི་གནས་སུ་ལྷ་མོ་ཀུ་མུ་ཏའི་མདོག་ཅན། རལ་པ་དང་བཅས་པ། རྒྱན་དང་བྲལ་བ། ཏིང་ངེ་འཛིན་ལ་སྙོམས་པར་ཞུགས་པ་བྲི་བར་བྱའོ། །སངས་རྒྱས་བཅོམ་ལྡན་འདས་ནི་དེ་ལྟ་བུ་ཉིད་ཡིན་ནོ། །ལག་ན་རྡོ་རྗེ་ནི་གཏུམ་
པའོ། །གཡོན་དུ་ནི་རལ་པ་གཅིག་ཡོད་པ། གནག་པ། མིག་དམར་བ། བགེགས་མཐར་བྱེད་པ། ཁྲོས་པ་ངུར་སྨྲིག་བགོས་པ། གཞོན་ནུ་ལག་ན་རལ་གྲི་ཐོགས་པ་བྲི་བར་བྱ་སྟེ། འབར་བའི་ཕྲེང་བས་བསྐོར་བ་རིན་པོ་ཆེའི་བྲག་
ལ་གནས་པའོ། །ལྷག་མ་ནི་སྔ་མ་བཞིན་ནོ། །རིན་པོ་ཆེའི་བྲག་ལ་གནས་པའི་པད་མའི་སྡོང་བུ་ལ་གནས་པ་བྲི་བར་བྱའོ། །རིག་པའི་རྒྱལ་མོའི་རྩེ་མོ་འདི་རས་རིས་ལ་རྟོག་པའི་ཆོ་ག་ཐམས་ཅད་སྦྱར་བར་བྱའོ། །དེ་ནས་བྱང་
ཆུབ་སེམས་དཔའ་དོན་ཐམས་ཅད་སྒྲུབ་པར་བྱེད་པ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས་རིག་པའི་རྒྱལ་མོའི་རྩེ་མོ་དོན་ཡོད་པ་ཞེས་བྱ་བ་འདི་གསུངས་སོ། །ན་མཿ སརྦ་བུདྡྷ་བོ་དྷི་སཏྭཱ་ནཱྃ། ཨརྠཱ་སིདྡྷ་བིདྱཱ་ཨུཏྟ་
མ་ཨཱ་གྲེ་སྭཱ་ཧཱ། །བྱང་ཆུབ་སེམས་དཔའ་ལོངས་སྤྱོད་མཐའ་ཡས་པ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས་རིག་པའི་རྒྱལ་མོའི་རྩེ་མོ་འདི་གསུངས་སོ། །ན་མཿ སརྦ་བུདྡྷ་བོ་དྷི་ས་ཏྭཱ་ནཱྃ། ཨ་ར་ཛེ་ས་མ་ཡ། སཱ་དྷ་ཡི་
ཀུ་རུ་ཀུ་རུ། སིདྡྷི། ཨ་མོ་གྷ། ཨ་པྲ་ཏི་ཧ་ཏ་སྟེ་སིདྡྷི། ས་ཏ་ཀེ་ཏ། ཨུ་ཐཱ་ཨ་ག་ག་ནཱྃ་སྭཱ་ཧཱ། གཏུམ་པོ་མཉམ་པ་མཉམ་པ་མེད་པ་ཞེས་བྱ་བ་རིག་པའི་རྒྱལ་མོའི་རྩེ་མོ་ཡིན་ནོ། །ན་མཿ སརྦ་བུདྡྷ་བོ་དྷི་སཏྭཱ་ནཱྃ། ས་མ་

94-1-202a

ས་མ། ཨ་གྲེ་ཨ་གྲེ། དྷ་ར་དྷ་ར། དྷི་རི་དྷི་རི། ཏ་ཡི་ཏ་ཡི། ག་ག་ནཱྃ་སཱ་དྷ་ཡ། སརྦྃ་ན་མོ་སྟུ་ཨ་པྲ་ཏི་ཧ་ཏ་ཨཱ་གྲཱ་ནཱྃ། ཛྭཱ་ལ་ཛྭཱ་ལ། ཧཱ་ས་ནེ་སྭཱ་ཧཱ། དེ་བཞིན་གཤེགས་པའི་དམ་ཚིག་ཅེས་བྱ་བའི་
ཐོགས་པ་མེད་པ་དོན་ཡོད་པར་གྲུབ་པ་རིག་པའི་རྒྱལ་མོའི་རྩེ་མོ་ཡིན་ནོ། །ན་མཿ སརྦ་བུདྡྷ་བོ་དྷི་སཏྭཱ་ནཱྃ། ཧྲྀ་ད་ཡྃ། ས་མ་ཡྃ་ས་མ་ཡྃ། ན་དྷི་བིདྱ་ཏི་སྦྱ་ས་དྷོ། ཥ་མ་ཡྃ། ཏ་ཊི་དནྟ་ན་མོ་ཨ་གྲ། གུ་ཎ་ཨ་ནནྟ། མ་ཡྃ་གུ་
རུ་ཏེ། སཉྩ་སརྦཱ། མི་དྷྃ་མ་པི་ཏེ། སྟོབས་གསུམ་པ་ཞེས་བྱ་བ་རིག་པའི་རྒྱལ་མོ་རྩེ་མོ་ཐམས་ཅད་དུ་མི་མཉམ་པ་ཐོགས་པ་མེད་པ་དོན་ཡོད་པར་གྲུབ་པ་ཡིན་ནོ། །ན་མཿ སརྦ་བུདྡྷ་བོ་དྷི་སཏྭཱ་ནཱྃ། ཨ་མོ་གྷ། ཨ་ཙི། 
པྲ་བི་ཤ་བ་ར་དེ། ཨ་མ་ལ། ཨ་མ་ལ། ཛྭ་ལ་ན་ཙ་ལོདྦྷ་ཏེ། སྥ་ར་ཎ་སྭཱ་ཧཱ། འཇིགས་པ་མེད་པ་དོན་ཡོད་པའི་འོད་ཟེར་ཞེས་བྱ་བའི་རིག་པའི་རྒྱལ་མོའི་རྩེ་མོ་ཡིན་ནོ། །ན་མཿ སརྦ་བུདྡྷ་བོ་དྷི་སཏྭཱ་ནཱྃ། ཨ་ས་མ་
དྷ་ར་དྷ་ར། ས་མ་ས་མ། སྃ་ག་ཏ་སྃ་ག་ཏ། ཏཱི་ཊཱི་ཏཱི་ཊཱི། ཧ་ས་ཧ་ས། ཏཱི་ཏཱི་མ་ཧཱ་མ་ཧཱ། བི་ཤོ་དྷཱ་གྲ་ཨ་གྲ། ཧཱུྃ་སྥཱ་ར་སྥཱ་ར། བི་མ་ལེ་ཀུ་རུ། ཨ་མོ་གྷ་ཨ་པྲ་ཏི་ཧ་ཏ། ཨསྠ་སིདྡྷི། ཡྃ་ཨ་དུཿ ཁ་ག་ར་
སྭཱ་ཧཱ། མཉམ་པ་མེད་པའི་མཆོག་གི་སྟོབས་ཀྱི་རྩེ་མོ་ཞེས་བྱ་བ་རིག་པའི་རྒྱལ་མོའི་རྩེ་མོ་ཡིན་ནོ། །དེ་ནས་མཉམ་པ་མེད་པ་ཐོགས་པ་མེད་པ་དོན་ཡོད་པར་གྲུབ་པ་ཐུན་མོང་མ་ཡིན་པའི་རས་རིས་འབྱུང་བར་འགྱུར་ཏེ། 
བཅོམ་ལྡན་འདས་ནི་པད་མའི་གདན་ལ་བཞུགས་པ་འོད་ཟེར་རབ་ཏུ་འཕྲོ་བ་བྲི་བར་བྱའོ། །གཡས་སུ་འཕགས་པ་ཕྱག་ན་རྡོ་རྗེ་བཅོམ་ལྡན་འདས་ལ་ཐལ་མོ་སྦྱར་བའོ། །བཅོམ་ལྡན་འདས་ཀྱི་གཡོན་དུ་ནི་གསེར་གྱི་
མདོག་ཅན་རལ་པ་དང་བཅས་པའི་ཅོད་པན་འཛིན་པ། ང་རྒྱལ་དང་བྲལ་བ་བཅོམ་ལྡན་འདས་ལ་ཐལ་མོ་སྦྱར་བའི་ལྷ་མོའོ། །ལྷ་མོའི་འོག་ཏུ་དྲག་གཏུམ་ཞེས་བྱ་བའི་གཡོག་པོ་གཞོན་ནུ་རལ་པ་ཅན་གནག་ཅིང་སྔོ་བ། 

94-1-202b

གོས་སྔོན་པོ་བགོས་པ། ཁྲོས་པ། མིག་དམར་བ། ལག་ན་རྡོ་རྗེ་ཐོགས་པ། འབར་བས་བསྐོར་བ། བགེགས་ཚར་གཅོད་པ་བྲི་བར་བྱའོ། །རྡོ་རྗེ་འཛིན་གྱི་འོག་ཏུ་ནི་སྒྲུབ་པ་པོ་ཕྱག་འཚལ་བ་བྲི་བར་བྱའོ། །འདི་ལ་ཡང་
ལས་དེ་དག་ཐམས་ཅད་སྦྱར་བར་བྱ་བ་འམ། དེ་བཞིན་གཤེགས་པའི་ཆོ་གས་སམ། རིག་པ་མཆོག་གི་ཆོ་གས་སྦྱར་བ་འམ། ཇི་ལྟར་མངོན་པར་འདོད་པས་སམ། རྟོག་པ་གཞན་གྱི་ཆོ་གས་ཀྱང་བསྒྲུབ་པར་བྱ་སྟེ། ཐེ་ཚོམ་དང་
བྲལ་བའི་དད་པས་བྱའོ། །ཐོགས་པ་མེད་པ་དོན་ཡོད་པར་གྲུབ་པ་རིག་པའི་རྒྱལ་མོ་ཆེན་མོའི་རྩེ་མོ་འདིས་ཁ་ཅིག་ལ་ནི་མཚན་གཅིག་གིས་དངོས་གྲུབ་འབྱུང་བར་འགྱུར་རོ། །ཁ་ཅིག་ལ་ནི་ནུབ་གཉིས་ནའོ། །ཁ་ཅིག་ལ་ནི་ནུབ་
གསུམ་ནའོ། །ཁ་ཅིག་ལ་ནི་ཟླ་བ་ཙམ་གྱིས་ངེས་པར་དངོས་གྲུབ་འབྱུང་བར་འགྱུར་རོ། །འདིར་ཡང་སྔ་མ་བཞིན་དུ་ཕན་ཡོན་ཡོད་པར་ཤེས་པར་བྱའོ། །འདི་ལ་ནི་ཚུལ་ཁྲིམས་དང་ལྡན་ཡང་རུང་། ཚུལ་ཁྲིམས་དང་མི་
ལྡན་པ་ཡང་རུང་། བསོད་ནམས་དང་ལྡན་ཡང་རུང་། བསོད་ནམས་དང་མི་ལྡན་ཡང་རུང་འགྲུབ་པར་འགྱུར་ཏེ། གཞན་དུ་ན་དད་པ་མེད་པ་དང་། བྱང་ཆུབ་ཏུ་སེམས་མ་བསྐྱེད་པ་ནི་མ་གཏོགས་སོ། །ཐོགས་པ་མེད་པ་དོན་
ཡོད་པར་གྲུབ་པ་རིག་པའི་རྒྱལ་མོ་རབ་འབྱམ་རིམ་པར་ཕྱེ་བའོ། ། དེ་ནས་བཅོམ་ལྡན་འདས་འབར་བའི་རྩེ་མོ་ཀུན་དུ་མཐའ་ཡས་པ་ཞེས་བྱ་བའི་གད་མོ་སྤྱི་གཙུག་ནས་གྲགས་པས་མཐར་ཐུག་པ་མེད་པའི་ཆོས་ཀྱི་དབྱིངས་
མཐའ་ཡས་པའི་རྣམ་པར་རོལ་པའི་སྤྱོད་ཡུལ་ཅན། གཙུག་ཏོར་གྱི་ཡང་གཙུག་ཏོར་དཀྱིལ་འཁོར་གྱི་བདག་པོ་རིག་པ་བྱུང་བར་གྱུར་ཏོ། །ན་མཿ སརྦ་བུདྡྷ་བོ་དྷི་སཏྭཱ་ནཱྃ། ཨ་གྲ་ཨ་གྲཱ་བི་ཥ་ཡེ། ས་མ་ས་མ། 
བ་ར་བ་ར། དེ་ང་ཡྃ་ཀུ་རུ། ཨརྠ་སིདྡྷི། ཛྭཱ་ལ་ན་མཿ ཨ་པྲ་ཏི་ཧ་ཏོ། ཥྞཱི་ཥཱ་ཎཱྃ། ཨ་ཏི་ཨ་ཏི་སྭཱ་ཧཱ། སངས་རྒྱས་ཐམས་ཅད་ཀྱི་གཙུག་ཏོར་དང་གཞན་དག་ལས་ཀྱང་ཐོགས་པ་མེད་པར་གཙུག་ཏོར་གྱི་རྩེ་

94-1-203a

མོ་ཞེས་བྱ་བ་གསུངས་པ་ན་མཐའ་ཡས་ཤིང་ཡངས་པའི་ངོ་མཚར་བྱུང་བས་ཐམས་ཅད་གཡོས་པར་གྱུར་ཏོ། །དེ་ནས་ཤར་ཕྱོགས་ལོགས་ནས་དེ་བཞིན་གཤེགས་པ་མཐའ་ཡས་པ་དྲི་མ་མེད་པ་ཞེས་བྱ་བས་དེ་བཞིན་
དུ་འོད་ཀྱི་སྣང་བར་བྱེད་པ་ཞེས་བྱ་བའི་རིག་སྔགས་འདི་གསུངས་ཤིང་ཐོས་པར་གྱུར་ཏོ། །ན་མཿ སརྦ་བུདྡྷ་བོ་དྷི་སཏྭཱ་ནཱྃ། ཨ་གྲ་བི་མ་ལེ། ན་མཿ ཨ་གྲ་བི་མནྜ་ལེ་ན་མཿ ཨ་གྲི་ཡ་ཨ་གྲ་སྭཱ་དེ་ནཱ་མཿ སིདྷྱ་ཨ་གྲ་ཡེ་ཀེ་ན་མཿ 
ཨ་ཙ་ལ་མ་ཧཱ་བ་ལ་ཨ་གྲ་ན་མཿ ཛྭཱ་ལ་ཛྭཱ་ལ། དྷུ་ན་དྷུ་ན། དོ་ཥ་ཎ་ཛ་ག་ཏ། གྷ་ཏ་གྷ་ཏ། བི་ཥ་ཡྃ་ན་མཿ སྠཱྃ་ཨ་པྲ་ཏི་ཧ་ཏེ་བྷྱཿ སྭཱ་ཧཱ། གཙུག་ཏོར་དྲི་མ་མེད་པའི་གཙུག་གི་རྩེ་མོ་ཞེས་བྱ་བའོ། །སྟེང་གི་ཕྱོགས་
ལོགས་ནས་དེ་བཞིན་གཤེགས་པ་བདུད་རྩིའྀ་སྙིང་རྗེས་བརྒྱན་པ་ཞེས་བྱ་བས་ཀུན་དུ་བཞད་པའི་རྩེ་མོ་ཞེས་བྱ་བའི་བཞད་པའི་མཆོག་མཛད་ནས་རྩེ་མོ་འདི་གསུངས་ཤིང་ཐོས་པར་གྱུར་ཏོ། །ན་མཿ སརྦ་བུདྡྷ་བོ་དྷི་སཏྭཱ་ནཱྃ། ཨ་ཧོ་མ་ཧཱ་བི་
སྨ་ཡ་ཨ་གྲི། སད་ཨ་གྲཱ་ཎཱྃ། ཨ་ཧོ་ཀཱ་རུ་ཎ། ཨ་མྲྀ་ཏ་ཨ་གྲེ་བ་ར་ཏི་ནི། སཱ་དྷ་ཡ་ཨ་མྲྀ་ཏ་དྷརྨཱ་ཎཱྃ། ཏདྱ་ཐཱ། ཀཱ་རུ་ཎྀ་ཀཱ་རུ་ཎི། དྷི་རི་དྷི་རི། ཤཱི་ཁཱི་ཤཱི་ཁཱི། དྷ་རི་དྷ་རི། ཨ་གྲི་ཏ་ར་ཨ་གྲི་ཏ་ར། ན་མོ་ཨ་གྲེ་བྷྱཿ ཏ་ཐཱ་ག་ཏེ་
བྷྱཿ བོ་དྷི་ས་ཏྭེ་བྷྱཿ། སྥ་ར་ཎ་ག་ག་ན་བ་རེ་སྭཱ་ཧཱ། སྙིང་རྗེ་བདུད་རྩི་རྩེ་མོའི་དམ་ཚིག་ཅེས་བྱ་བའི་གཙུག་ཏོར་རོ། །ཡང་གཙུག་ཏོར་གསུམ་པ་ཞེས་བྱ་བའི་རྡོ་རྗེ་འཛིན་སངས་རྒྱས་དང་བྱང་ཆུབ་སེམས་དཔའ་ཐམས་ཅད་གསོལ་
བ་འདེབས་པ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་སོ། །སྙོམས་པར་ཞུགས་ནས་རིག་པའི་རྩེ་མོའི་རྩེ་མོ་འདི་རབ་ཏུ་ཐོབ་བོ། །རབ་ཏུ་ཐོབ་ནས་གསུངས་པ། ན་མཿ སརྦ་བུདྡྷ་བོ་དྷི་སཏྭཱ་ནཱྃ།  ཏྲི་ཤཱི་ཁཱ། 
ཨ་གྲ་ན་མོ་སྟུ་ཏེ། ས་མནྟ་ཤ་མནྟ། ཨ་གྲི་གུ་ཎ་ཨ་ཙ་ལ་ཨ་གྲ་དྷརྨ་ཏེ། བི་དྷུ་ན་ཧཱི་ཀླེ་ཤཱ་ནཱ། དུཿཁ་ཛྭ་ལྃ་ག་ཛ་ཏ། སརྦ་སུ་ཁཾ་ད་ད་ཧི་ཙྃ། ཤཱནྟ་དྃ་ཏྲི་ས་མ་ཡེ་ཀུ་རུ་སྭཱ་ཧཱ། རྩེ་མོའི་རྩེ་མོ་ཆོས་རྩེ་མོ། 

94-1-203b

སེམས་ཅན་ཀུན་གྱི་དོན་བྱེད་ནི། །ཀུན་ནས་ཡོན་ཏན་མཐའ་ཡས་པ། །སྲས་དང་བཅས་པས་གསུངས་པར་གྱུར། །དེ་ནས་བླ་ན་མེད་པ་ཐོགས་པ་མེད་པ་དོན་ཡོད་པའི་ཆོས་རྣམས་དང་། སངས་རྒྱས་དང་བྱང་ཆུབ་སེམས་
དཔའ་ཐམས་ཅད་ཀྱི་སྟོབས་ཀྱི་སྟོབས་ཅན་རྣམས་ཀྱིས་ཐུན་མོང་གི་ཆོ་ག་ལ་འཇུག་པ་བཤད་པར་བྱའོ། །ཐབས་ལ་མཁས་པ་རྣམས་ཀྱིས་སྔ་མ་བཞིན་དུ་སངས་རྒྱས་ཐམས་ཅད་ཀྱི་མཛད་པ་རབ་ཏུ་བྱེད་པར་འདོད་
པས་ཚེས་གཅིག་ནས་བརྩམས་ནས། སངས་རྒྱས་དང་བྱང་ཆུབ་སེམས་དཔའ་ཐམས་ཅད་ལ་བདག་ཉིད་ཀྱི་དངོས་པོ་དབུལ་བར་བྱ་བ་དང་། སྔ་མ་བཞིན་དུ་སྡིག་པ་བཤགས་པར་བྱའོ། །ནུས་པ་ཅི་ལྟ་བ་བཞིན་དུ་
དུས་གསུམ་དུ་གཤེགས་པའི་སངས་རྒྱས་དང་བྱང་ཆུབ་སེམས་དཔའ་ཐམས་ཅད་ཀྱི་བསོད་ནམས་དང་ཡེ་ཤེས་ཀྱི་ཚོགས་སེམས་ཅན་ཐམས་ཅད་ཡོངས་སུ་སྨིན་པར་མཛད་པ་ལ་རྗེས་སུ་ཡི་རང་བས་རྗེས་སུ་ཡིད་
རང་ངོ་། །དེ་བཞིན་དུ་བདག་གི་བསོད་ནམས་ཀྱིས་དེ་བཞིན་གཤེགས་པ་འཁོར་དང་བཅས་པས་སེམས་ཅན་ཐམས་ཅད་ཡོངས་སུ་སྐྱོབ་པར་མཛད་པ་འབྱུང་བར་འགྱུར་བ་འགྲུབ་པར་གྱུར་ཅིག་ཅེས་ཡོངས་སུ་
བསྔོ་བར་བྱ་ཞིང་། བྱིན་གྱིས་བརླབ་ཏུ་གསོལ་ཞེས་བརྗོད་ལ། དབེན་ཞིང་སྟོང་པའི་གནས་རྣམས་རྣམས་སུ་སྔགས་འདི་བཟླས་པ་བྱས་ལ་གོམས་པར་བྱའོ། །ཡིད་སྐྱོ་བར་གྱུར་ན་དམ་པའི་ཆོས་བཀླག་པར་བྱའོ། །
འདུ་འཛི་སྤངས་ནས་སངས་རྒྱས་དང་བྱང་ཆུབ་སེམས་དཔའ་ཐམས་ཅད་ལ་དམིགས་ཤིང་ཕྱག་འཚལ་ནས་བཟླས་པ་ལ་གོམས་པས་བཟླས་པ་བྱ་བ་འམ། ནུས་པ་ཇི་ལྟ་བ་བཞིན་དུ་ཚེས་གཅིག་ནས་བརྩམས་
ནས་ཟླ་བའི་བར་དུ་བཟླས་ལ་དེ་ནས་ཟླ་བ་ཉ་ལ་མེ་ཏོག་དྲི་ཞིམ་པོ་བཀྲམ་པའི་དཀྱིལ་འཁོར་བྱས་ནས་མཚན་ཐོག་ཐག་བཟླས་པ་བྱས་ན། དེ་བཞིན་གཤེགས་པ་བྱོན་ནས་མགོ་ལ་ཕྱག་གིས་རེག་ནས་འདོད་པའི་

94-1-204a

དོན་གསུང་བར་འགྱུར་རོ། །རེག་པ་ཙམ་གྱིས་མངོན་པར་ཤེས་པ་ལྔ་འབྱུང་བར་འགྱུར་རོ། །སྔགས་ཀྱི་སྤྱོད་པ་ལ་འཇུག་པ་ཡང་རབ་ཏུ་ཐོབ་པར་འགྱུར་རོ། །གལ་ཏེ་དེ་བཞིན་གཤེགས་པའི་
གཟུགས་བརྙན་མཐོང་ན་སླར་ཡང་ཟླ་བ་གཅིག་ན་མངོན་པར་ཤེས་པ་ལྔ་འཐོབ་པར་འགྱུར་རོ། །དེ་བཞིན་དུ་དེ་བཞིན་གཤེགས་པའི་སྙིང་པོའི་ལེའུ་ཡི་ཆོ་ག་འམ། རིག་པ་མཆོག་གི་འམ། རྟོག་པ་གཞན་གྱི་ཆོ་ག་འམ། ཡིད་
ལ་གང་འདོད་པའི་སྒྲུབ་པའི་ཆོ་གས་བསྒྲུབ་པར་བྱའོ། །དེ་བཞིན་གཤེགས་པ་རྣམས་ཀྱིས་བྱིན་གྱིས་རླབས་ཀྱི་སྟོབས་དང་། ཐོགས་པ་མེད་པ་དོན་ཡོད་པར་གྲུབ་པའི་ཆོས་ཉིད་ཀྱིས་བྱིན་གྱིས་བརླབས་ཀྱིས་འདིར་སེམས་
ཅན་རྣམས་ལ་ཕན་པའི་རྒྱུར་གྱུར་ཅིག་ཅེས་བསམས་ནས་བཟླས་ན། དེ་ནས་གཞན་མ་ཡིན་པར་དེ་བཞིན་གཤེགས་པ་རྣམས་ཀྱི་བྱིན་གྱིས་བརླབས་ཀྱི་སྟོབས་ཀྱིས་ཡང་དག་པར་གནས་པར་འགྱུར་ཞིང་དེ་དག་ལ་ཕན་
པ་ཡང་འབྱུང་བར་འགྱུར་རོ་ཞེས་དད་པར་ཡང་བྱའོ། །དོན་ཡོད་པ་འདིར་ཡང་ཆུང་ངུ་དང་། འབྲིང་དང་། ཆེན་པོའི་དངོས་གྲུབ་ངེས་པར་འབྱུང་བར་འགྱུར་རོ། །དེ་དག་ཀྱང་དེ་བཞིན་གཤེགས་པ་རྣམས་ཀྱིས་ཡང་དག་པར་
མཁྱེན་པར་འགྱུར་རོ། །བསོད་ནམས་ཇི་ལྟ་བ་བཞིན་དུ་གང་གིས་རིག་པ་འཛིན་པར་འགྱུར་ཞིང་། ཡོན་ཏན་མཐའ་ཡས་པའི་བདུད་རྩི་དེ་ཁོ་ན་ཉིད་རབ་ཏུ་འཐོབ་ཅིང་ཡོངས་སུ་སྤྱད་པ་ཐམས་ཅད་ལ་འཕྲོགས་པ་
མེད་པའི་གྲོགས་དང་བཅས་པས་འགྲོ་བས་སམ། ཅི་ལྟར་མངོན་པར་འདོད་པའི་ཆོ་གས་བསྒྲུབ་པར་བྱའོ། །མདོར་ན་མཚན་གཅིག་གིས་ཀྱང་རིག་པ་འཛིན་པར་འགྱུར་ཏེ། སྐྱིལ་མོ་དཀྲུང་མ་བཤིག་པར་དེ་བཞིན་
གཤེགས་པ་རྗེས་སུ་དྲན་པས་མེ་ཏོག་དྲི་ཞིམ་པོ་བཀྲམ་པའི་དཀྱིལ་འཁོར་ལ་ཞུགས་པའི་དམ་པའི་ཆོས་ཀྱི་གླེགས་བམ་གྱི་མདུན་དུ་མཚན་ཐོག་ཐག་བཟླས་ན་དེས་ངེས་པར་ཉི་མ་ཤར་བའི་ཚེ་རིག་པ་འཛིན་པར་

94-1-204b

འགྱུར་རོ། །ལས་གཞན་ཡང་འབྱུང་བར་འགྱུར་ཏེ། ལྷ་དགུག་པ་ནི་ཡུངས་ཀར་དང་མར་གྱིས་སོ། །ཀླུ་དགུག་པ་ནི་མར་དང་སྦྲང་རྩི་བསྲེས་པ་དང་ཕོ་བ་རིས་ཀྱིས་སོ། །གནོད་སྦྱིན་དགུག་པ་ནི་སྦྲང་རྩི་ཅན་གྱི་མེ་ཏོག་མར་གྱིས་
བསྒོས་པ་དང་ཏིལ་མར་གྱིས་བསྒོས་པའི་སྔགས་མདུད་ཀྱིས་སོ། །རིག་པ་འཛིན་པ་ལ་ནི་ཏིལ་མར་གྱིས་བསྒོས་པའི་ཡུངས་ཀར་གྱིས་སོ། །རྒྱལ་པོ་དགུག་པ་ལ་ནི་མར་གྱིས་གང་བའི་སྦྱིན་སྲེག་གིས་ཏེ། མེ་ཏོག་དང་བཅས་
པ་བསྲེག་པར་བྱའོ། །སྐྱེས་པ་དབང་དུ་བྱ་བ་ལ་ནི་མར་གྱི་དཀྱིལ་འཁོར་གྱིས་སོ། །བུད་མེད་དབང་དུ་བྱ་བ་ལ་ནི་པྲི་ཡང་ཀུའི་མེ་ཏོག་སྦྲང་རྩིས་བསྒོས་པ་བསྲེག་པར་བྱའོ། །ཐེ་ཚོམ་དང་བྲལ་བས་ཅི་ལྟར་འདོད་པར་ངེས་པར་
བསྒྲུབ་པར་བྱ་སྟེ། ཐུན་མོང་གི་སྦྱོར་བ་ཡིན་ནོ། །འདིའི་རས་རིས་ཀྱི་ཆོ་ག་ནི་བཅོམ་ལྡན་འདས་གསེར་གྱི་མདོག་ཅན་སྐྱིལ་མོ་དཀྲུང་གིས་བཞུགས་པ། སྤྱི་གཙུག་ནས་བྱུང་བའི་འོད་ཟེར་གྱི་སྟེང་དུ་འོད་ཟེར་གྱི་ཕྲེང་བའི་དཀྱིལ་འཁོར་
ཅན་བྲི་བར་བྱའོ། །གཡས་སུ་འཕགས་པ་ཕྱག་ན་རྡོ་རྗེ་བཅོམ་ལྡན་འདས་ལ་ཐལ་མོ་སྦྱར་བ་པད་མ་ལ་བཞུགས་པ་འོད་ཀྱི་ཕྲེང་བ་ཅན་ནོ། །བཅོམ་ལྡན་འདས་ཀྱི་གཡོན་དུ་ནི་ཀུ་མུ་ཏའི་མདོག་ཅན་སྒྲོས་དམར་བ། ལག་པ་དང་
རྐང་པ་དམར་བ། རལ་པ་དང་བཅས་པ། རྒྱན་དང་བྲལ་བ། ཐལ་མོ་སྦྱར་བ་བྱས་པ། པད་མ་དམར་པོའི་གདན་ལ་བཞུགས་པའི་ལྷ་མོའོ། །དེའི་འོག་ཏུ་གཏུམ་པོ་ཆེན་པོ་འདུལ་བ་ཞེས་བྱ་བ་གཞོན་ནུ་མ་ཁྲོས་པ། 
སྦྲུལ་གྱི་རྒྱན་གྱིས་བརྒྱན་པ། གནག་ཅིང་ལྗང་བ། རལ་པ་གཅིག་ཡོད་པ། མིག་ཅུང་ཞིག་དམར་བ་བྲི་བར་བྱའོ། །འཕགས་པ་ཕྱག་ན་རྡོ་རྗེའི་འོག་ཏུ་ནི་སྒྲུབ་པ་པོ་ཕྱག་འཚལ་བ་བྲི་བར་བྱའོ། །འདིར་ཡང་ཆོ་
ག་ནི་དེ་དག་ཉིད་ཡིན་ནོ། །ཡིད་ལ་གང་འདོད་པས་ཀྱང་རུང་ངོ་། །རས་རིས་གཉིས་པ་ནི་ལྷ་མོ་པད་མ་ལ་གནས་པ་རལ་པ་ཐུར་དུ་བཤལ་བའོ། །མངག་གཞུག་པ་གཏུམ་ཆེན་ནི་གཞོན་ནུ་སྐྲ་འགྲེང་བར་བྲི་བར་བྱའོ། །

94-1-205a

གཙུག་ཏོར་རབ་འབྱམ་གྱི་རིམ་པར་ཕྱེ་བའོ། ། བཅོམ་ལྡན་འདས་ཀྱི་དབུའི་སྤྱི་གཙུག་ནས་ཀུན་ནས་རོལ་པ་ཡངས་ཤིང་རྒྱ་ཆེ་བའི་འོད་ཟེར་གྱིས་བརྒྱན་པའི་སྔགས་འདི་ལྟ་བུ་བྱུང་བར་གྱུར་ཏོ། །ན་མཿ སརྦ་བུདྡྷ་བོ་དྷི་
སཏྭཱ་ནཱྃ། ཨོཾ་ཤཱི་ཁཱ་ཨནྟ། ཨ་གྲ་ཨ་གྲ་སྭཱ་ཧཱ། ན་མཿ སརྦ་བུདྡྷ་བོ་དྷི་སཏྭཱ་ནཱྃ། ཨ་མ་ལ་ཨ་གྲ་མ་ཡེ་ན་མོསྟ་ཨ་གྲ་ཙྃ་ཨུ་བི་ཥ་ཡེ་ཤི་ཁི་ནཱི་སྭཱ་ཧཱ། ན་མཿ སརྦ་བུདྡྷ་བོ་དྷི་སཏྭཱ་ནཱྃ། ཨ་མྲྀ་ཏ་ཨཱ་དྷ་ར་བི་ཥ་ཡེ། ཨ་གྲ་དྷརྨ་ཏེ། 
ན་མ་སྟུ་ཏྟི། སྟཱི་ཏྟི་མ་ཧཱ་བཱི་རེ་སྭཱ་ཧཱ། ན་མཿ སརྦ་བུདྡྷ་བོ་དྷི་སཏྭཱ་ནཱྃ། ཏྲི་ས་མ་ཡ། བི་ཥ་ཡེ། ཏྲི་ཤཱ་ཁཱ་ཨ་གྲ་ཏཱ་བོ་གི་ནཱི་ཨ་ནུཏྟ་ར་ཨ་གྲ་ཨུཏྟ་རི་མ་ཧཱ་ཤི་ཁེ་སྭཱ་ཧཱ། ན་མཿ སརྦ་བུདྡྷ་བོ་དྷི་སཏྭཱ་ནཱྃ། ཨ་གྲ་ཨུཏྟ་ར་ཨ་གྲི་བི་ཥ་
ཡེ་ན་མཿ སྭཱ་ཧཱ། སྤྱི་གཙུག་འདི་དག་ཐམས་ཅད་ནི་དེ་བཞིན་གཤེགས་པ་དང་ཀུན་དུ་མཉམ་པ། སངས་རྒྱས་ཀྱི་ཡོན་ཏན་ཐམས་ཅད་ཀྱི་ཞིང་དུ་གྱུར་པ། སེམས་ཅན་གྱི་ཁམས་རྣམས་རྣམ་པར་སྦྱོང་བར་བྱེད་པ་བསྒྲུབ་པར་བྱའོ། །
སྔགས་ཆེན་པོའི་བླ་ན་མེད་པའི་ཡོན་ཏན་ལ་ཡང་དད་པར་བྱས་ནས་བསྒྲུབས་ན་ལས་ཐམས་ཅད་དེ་བཞིན་དུ་བྱེད་པར་འགྱུར་རོ། །རས་རིས་ཀྱི་ཁྱད་པར་ནི་ལྷ་མོ་གསེར་གྱི་མདོག་ཅན་རྒྱན་དང་བྲལ་བ་རལ་པའི་ཅོད་པན་
འཛིན་པ་བྲི་བར་བྱའོ། །འོག་ཏུ་སྤྱི་གཙུག་གི་འོད་ཟེར་ཞེས་བྱ་བའི་གཞོན་ནུ་མ་ལག་པ་གཡོན་པ་ན་ཞགས་པ། གཡས་ཀྱིས་རྡོ་རྗེ་འཕྱར་བ། ཁྲོས་པ། རལ་པ་གཅིག་ཡོད་པ། གནག་ཅིང་ལྗང་བ། མིག་དམར་བ། 
དེ་བཞིན་དུ་རིན་པོ་ཆེའི་བྲག་ལ་གནས་པ་བགེགས་ཚར་གཅོད་པ་བྲི་བར་བྱའོ། །སྤྱི་གཙུག་རབ་འབྱམ་གྱི་རིམ་པར་ཕྱེ་བའོ།། །། དེ་ནས་ཡང་དེའི་ཚེ་བྱང་ཆུབ་སེམས་དཔའ་འོད་ཟེར་གྱི་སྤྲུལ་པ་ཞེས་བྱ་བ་ཀུན་ནས་མ་
ལུས་པའི་འོད་ཟེར་གྱི་མཛོད་ཅེས་བྱ་བའི་ཏིང་ངེ་འཛིན་རབ་འབྱམ་ལ་བལྟ་ཞིང་སྔགས་འདི་སྨྲས་སོ། །ན་མཿ སརྦ་བུདྡྷ་བོ་དྷི་སཏྭཱ་ནཱྃ། ཨ་ཏེ་ཛེ་ས་མ་ས་མ། ཏེ་ཛེ་ནི། ཛྭཱ་ལ་ཡ་ཛྭཱ་ལ་ཡ་ཛྭཱ་ལ་ཡ། མ་ཧཱ་བེ་ག །

94-1-205b

ཨ་ས་གྲེ་ཧེ། དྷ་མ་དྷ་མ། བི་དྷ་མ་བི་དྷ་མ། མུྃ་ཙཱ་ཧི་སརྦ་ཐཱ་ཕྲ་བྲྃ་སྭཱ་ཧཱ། རིག་པའི་རྒྱལ་མོའི་རྩེ་མོ་གཟི་བརྗིད་མཐའ་ཡས་པའི་སྤྱོད་ཡུལ་ཅན་ཞེས་བྱ་བ་ཡིན་ནོ། །ན་མཿ སརྦ་བུདྡྷ་བོ་དྷི་སཏྭཱ་ནཱྃ། ཏཱི་ཧཱི་ཏཱི་ཧཱི། ཤི་རི་ཤི་རི། དྷ་
མ་དྷ་མ། བི་མ་ལེ། དྷུ་ན་དྷུ་ན། ས་མ་ཏེ་ད་ཏུ་ཏ། ནཱ་མཱ་སྟཱྃ་ཙནྟྱ་ནཱྃ་སྥ་ར་སྥ་ར་ཛྭཱ་ལ་ནཱ་ཨ་མ་ལེ་སྭཱ་ཧཱ། རིག་པ་མཆོག་དྲི་མ་མེད་པ་འབར་བ་ཞེས་བྱ་བ་ཡིན་ནོ། །ན་མཿ སརྦ་བུདྡྷ་བོ་དྷི་སཏྭཱ་ནཱྃ། ཨ་ཏི་ཤ་ཡ། ཤྲཱི་ཏེ་ཛོ་མཱ་ལ་
ཨ་གྲ་ས་མ་ཡ། ཨ་གྲི་ནཱི་ལ་ཨུ་ལ་ཨ། བེ་ཤཱི་ནཱི་བེ་ཤཱི་ནཱི། ཏི་ར་ཏི་ར་ཨ་ས་ཧེ་ཨ་ས་ཧེ། ས་མ་ས་མ། བཱ་ར་ཏེ་སྭཱ་ཧཱ། རིག་པ་མཆོག་གཟི་བརྗིད་རྩེ་མོ་རྨད་དུ་བྱུང་བ་ཞེས་བྱ་བ་ཡིན་ནོ། །ན་མཿ སརྦ་བུདྡྷ་བོ་དྷི་སཏྭཱ་ནཱྃ་
ཏཱི་ཏཱི་ཏཱི་ཏཱི། ཤ་ནི་ཤ་ནི། ཏེ་ཛེ་ཏེ་ཛེ། ཏ་ར་ཏ་ར། ཨ་གྲེ་ཛྭ་ལ་ཡ་ནཱ་མཿ སརྦ་དྷ། ཨ་མ་ལེ་ཤྭ་སྭཱ་ཧཱ། འཇིག་རྟེན་གསུམ་འབར་བར་བྱེད་པ་ཞེས་བྱ་བའོ། །ན་མཿ སརྦ་བུདྡྷ་བོ་དྷི་སཏྭཱ་ནཱྃ། ཨནྟེ་ས་མནྟ་ཏོ། དྷུ་ན་དྷུ་ན། ལོ་ཀྃ་ཨ་
མ་ལ། ཛྭ་ལ་ས་མནྟཱ་ཤྃ་གི། །དྷ་ར་དྷ་ར། ནཱ་མ་སྭཱ་ཧཱ། བསམ་གྱིས་མི་ཁྱབ་པའི་འབར་བའི་ཀུན་དུ་མ་ཆགས་པ་ཞེས་བྱ་བའོ། །ད་ནི་བསམ་གྱིས་མི་ཁྱབ་པའི་རྒྱལ་པོའི་རྩེ་མོའི་སྒྲུབ་པའི་ཐབས་ཀྱི་ལས་འབྱུང་བར་འགྱུར་
ཏེ། ཅི་སྲིད་དུ་ཉི་མའི་དཀྱིལ་འཁོར་ལྟ་བུའི་འོད་ཟེར་འོངས་ནས་སྤྱི་བོར་བབས་ནས་ཡིད་ལ་གང་འདོད་པས་སམ། དེས་ངེས་པར་གསེར་གྱི་མདོག་ཅན་གསེར་གྱི་འོད་ཟེར་གྱི་དཀྱིལ་འཁོར་གྱིས་བརྒྱན་པའི་རིག་པ་འཛིན་པར་འགྱུར་རོ། །
ཐམས་ཅད་དུ་ཐོགས་པ་མེད་པར་འགྲོ་བ་འདིས་ལས་ཐམས་ཅད་ལ་སྔ་མ་བཞིན་དུ། དེ་བཞིན་དུ་དེ་བཞིན་གཤེགས་པའི་སྙིང་པོའི་ལེའུ་ཡི་ཆོ་ག་འམ། ཡིད་ལ་གང་འདོད་པས་སམ། རིག་པ་མཆོག་གི་ཆོ་གས་སམ། རྟོག་པ་
གཞན་གྱི་ཆོ་གས་ཀྱང་བསྒྲུབ་པར་བྱའོ། །དོན་ཡོད་པ་མི་ཟད་པ་རྨད་དུ་བྱུང་བ་འདོད་པར་བྱ་བའི་དངོས་གྲུབ་བརྒྱད་ཡངས་ཤིང་མི་ཟད་པ་འཁྲུལ་པ་མེད་པའོ། །གཟི་བརྗིད་རབ་འབྱམ་རིམ་པར་ཕྱེ་བའོ།། །། དེ་ནས་བྱང་ཆུབ་སེམས་

94-1-206a

དཔའ་རྡོ་རྗེའི་ཐིག་ལེ་ཞེས་བྱ་བ་ཀུན་དུ་ནམ་མཁའི་སྤྱོད་ཡུལ་གྱི་སྟོབས་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས་སྔགས་འདི་སྨྲས་སོ། །ན་མཿ སརྦ་བུདྡྷ་བོ་དྷི་སཏྭཱ་ནཱྃ། ག་ག་ནོ་པ་མེ། ན་མ་
ཡ་ཨ་གྲ་ནཱི་སྭཱ་ཧཱ། ན་མཿ སརྦ་བུདྡྷ་བོ་དྷི་སཏྭཱ་ནཱྃ། ཨ་མ་ལེ་ཨ་ནནྟ་མ་དྷེ་ཏྲ་ཧྲཱིཿ སརྦ་ས་ཏྭྃ་དུཿཁ་ཏྭྃ་ད་མ། ས་མནྟཱ་ནཱྃ། ཨ་ནཱ་ཡ། ཨ་ནནྟ། ཨ་ཙ་ལ་གུ་ཎཱ་སྭཱ་ཧཱ། ན་མཿ སརྦ་བུདྡྷ་བོ་དྷི་སཏྭཱ་ནཱྃ། ཨུ་ཏི་ཨུ་ད་ར། ཨ་
གྲ་དྷརྨ་ཏྭཱྃ། བཛྲ་བི་སི་རཱ་ཎཱྃ་སུ་ཁི་ས་ད་ཨ་ས་ཡེ་ཡྃ་བྷ་བྃ་ཧེ་ཧི་མི་སི་དྷི་ཨ་གྲི་གམ་དེ་མ་ནི་མནྟ་པ་ད་ར་ཛ་ཨ་གྲི་བྷ་བནྟ། ས་མ་ས་མ། ཨ་ས་ཧ་ཨ་ས་ཧ། ཏྲཱ་ཡ་ཏྲཱ་ཡ། དྷུ་ན་དྷུ་ན། ཨ་ས་མནྟ། སརྦ་བི་ཥ་ཡེ། ཨ་ཧ་ན་ཨ་ཧ་
ན། ཏྲྱྃ་ཤི་ནི་ཏྃ། ས་མ་ཡ་མོ་སྟ་གནྡུ་ནཱྃ་སྭཱ་ཧཱ། སྙིང་པོའི་དཀྱིལ་འཁོར་གསུམ་དང་ལྡན་པ་ཞེས་བྱ་བའི་རིག་པའི་རྒྱལ་མོའི་རྩེ་མོ་ཡིན་ནོ། །ན་མཿ སརྦ་བུདྡྷ་བོ་དྷི་སཏྭཱ་ནཱྃ། ཨ་ས་མེ་ཨ་ས་མེ། ཨ་ས་ཧེ་ཨ་ས་ཧེ། ཛྭཱ་ལ་ནི་བི་ཤོ་དྷ་
ཡ། ཨ་གྲི་ཏྲི་ལོ་ཀཾ། ས་མནྟ་ཏོ། ན་མཿ ས་མནྟ། ཨ་དྷིཥྛཱ་ན་ཨ་གྲ་དྷརྨ་ཏེ་སྭཱ་ཧཱ། ན་མཿ སརྦ་བུདྡྷ་བོ་དྷི་སཏྭཱ་ནཱྃ། ཨ་ཏི་དྷ་ར་ཨ་གྲ་དྷརྨ་ཏེ། ཧ་ཧ་ཧ་མ་ཧཱ་གུ་ཎོ་ཏ་ར། ཨ་ནནྟ་ས་མནྟ་ཡ་ཙ་ར་ཙ་ར། མ་ཧཱ་བ་ལེ་སྭཱ་ཧཱ། སྔགས་ཀྱི་
སྤྱོད་པས་བསྒོས་པ་ཡི། །རྩེ་མོ་དམ་པ་མཆོག་འདི་ནི། །གསུངས་པ་གཙོ་བོ་ཐམས་ཅད་ཀྱིས། །མ་ལུས་པར་ནི་བྱིན་གྱིས་རློབ། །སྔར་གྱི་ཆོ་ག་རྣམས་ཀྱིས་འདི་ལ་སྦྱར་བར་བྱའོ། །ཡིད་ལ་གང་འདོད་པའི་ཆོ་གས་སམ། 
རྟོག་པ་གཞན་གྱི་ཆོ་གས་ཀྱང་སྦྱར་བར་བྱའོ། །འདིར་ཁྱད་པར་ནི་རི་ལ་སོགས་པ་དབེན་ཞིང་སྟོང་པར་སློངས་མོའི་ཁ་ཟས་དང་། དུས་གསུམ་དུ་ཁྲུས་དང་གཙང་སྦྲ་བྱེད་ཅིང་དབེན་པར་ལུས་ཡང་བས་བཟླས་པ་ལ་གོམས་
པར་བྱ་སྟེ། ཅི་སྲིད་དུ་རྫུ་འཕྲུལ་གྱི་རྐང་པ་ཐོབ་པ་དང་། མངོན་པར་ཤེས་པ་ལྔ་དང་ལྡན་པར་གྱུར་གྱི་བར་དུའོ། །རྒྱ་མཚོའི་ནང་དུ་ཞུགས་ནས་ཅི་སྲིད་མངོན་པར་ཤེས་པ་ལྔ་ཐོབ་ཀྱི་བར་དུ་བཟླས་པ་བྱའོ། །ཀུན་དུ་

94-1-206b

རབ་འབྱམ་གྱི་རིམ་པར་ཕྱེ་བའོ།། །། དེ་ནས་ལག་ན་རྡོ་རྗེ་དེ་བཞིན་གཤེགས་པའི་བྱིན་གྱི་བརླབས་ཀྱིས་དཀྱིལ་འཁོར་ཆེན་པོའི་བཀོད་པའི་བྱིན་གྱིས་བརླབས་ཞེས་བྱ་བ་སངས་རྒྱས་རྣམས་ཀྱི་ཏིང་ངེ་འཛིན་རབ་འབྱམ་གྱི་སྤྱོད་ཡུལ་ལ་
རྣམ་པར་ལྟ་ཞིང་དཀྱིལ་འཁོར་ཆེན་པོའི་བཀོད་པ་དང་ལྡན་པ་འདི་སྨྲས་སོ། །དེ་ལ་དམ་ཚིག་གསུམ་ཞེས་བྱ་བའི་དཀྱིལ་འཁོར་ཆེན་པོ་འདི་འདི་ལྟར་འབྱུང་སྟེ། མ་ངེས་པའི་སེམས་ཅན་གྱི་ཁམས་ཡོངས་སུ་སྐྱོབ་པའི་ཕྱག་རྒྱ་
བཅིངས་ལ་ཤིན་ཏུ་རྒྱ་ཆེ་ཞིང་རྨད་དུ་བྱུང་བ་འདྲ་བ་མེད་པ། བླ་ན་མེད་པ་འཕགས་པའི་སྤྱོད་ཡུལ་དེའི་དཀྱིལ་འཁོར་གྱི་ཆོ་ག་ནི་འདི་ཡིན་ནོ། །དེ་ལ་རེ་ཤིག་དང་པོར་གཞན་དག་མོས་པ་བསྐྱེད་པར་བྱ་ཞིང་། བྱང་ཆུབ་སེམས་
དཔའི་ལས་ཀྱི་ཕྱིར་གསོལ་བ་གདབ་པ་འམ། བདག་ཉིད་ངེས་པར་སྦྱོར་བར་འདོད་པས་བར་ཆད་ཉེ་བར་ཞི་བར་བྱ་བའི་ཕྱིར་དང་པོར་སྔགས་འདི་ལན་ཉི་ཤུ་རྩ་གཅིག་བཟླས་པ་བྱ་ཞིང་སེང་ལྡེང་གི་ཕུར་བུས་བརྐོས་ལ་དཀྱིལ་འཁོར་
གྱི་ཉེ་བར་མཁོ་བ་རྣམས་གསོག་པར་བྱའོ། །ན་མཿ སརྦ་བུདྡྷ་བོ་དྷི་སཏྭཱ་ནཱྃ། ས་མནྟ་བཛྲ་ཎཱྃ་ཧཱུྃ་ཨ་ཀྲོ་ཏ་ཡ། ས་ཧེ་མ་ཧཱ་ཙཎྜ་ལཱི་ཧཱུྃ་ཕཊ་ཕཊ་ཕཊ། སརྦ་ཏྲ་རཀྵ་ཎ་ཏྲཱ་ཏྲ་ཊ་ཏྲ་ཊ། མྲཱ་ཊཱ་མྲཱ་ཊཱ་ཕཊ། དེ་ནས་ཚེས་བཅྭ་ལྔ་འམ། བཅུ་
གསུམ་ལ་དབེན་པའི་ས་ཕྱོགས་སུ་དཀྱིལ་འཁོར་བྲི་བར་བྱ་སྟེ། ཚོན་རྩི་ལྔའི་ཕྱེ་མས་སམ། དྲི་ཡིས་བསྒོས་པའི་པིར་གྱིས་ཀྱང་རུང་། ཚོན་གཞན་ཡང་རུང་། ཐ་ན་ཐལ་བས་ཀྱང་བྲི་བར་བྱའོ། །གྲུ་བཞི་པ་སྒོ་བཞི་དང་
ལྡན་པའི་ལྷ་རྫས་ཀྱི་དཀྱིལ་འཁོར་ཁྲུ་ལྔ་པ་ནས་ཇི་ཙམ་འདོད་པའི་བར་སྔགས་འདི་ཟློས་ཤིང་བྲི་བར་བྱའོ། །ན་མཿ སརྦ་བུདྡྷ་བོ་དྷི་སཏྭཱ་ནཱྃ། ཨ་མ་ལ་ཨ་མ་ལ། ཧ་ར་གྷ་ཨ་ནནྟ། ཤཱ་ཤཱ་ཏ་སརྦ་ཛཱི་ནཱ་ཨ་ཤི་
མཱ་ཎཱྀ་ཥྼཱ་བ་ར་ད་མ་མ་དྃ་དུ། ཨ་ཏི་ཨ་ཏ་རྃ་བ་ར་ཨ་གྷྱྃ་ས་མ་སརྦ་ཏཱ་ཨ་ནྃ། ཏཏྟྲེ་མེ་བཛྲ་པ་དཱ་ཨ་ར་ར། ཨ་ས་མ་ས་མ། ས་མནྟ། ཨ་ནནྟ། དྷརྨ་ཏེ་ཁ་ཎ་ཁ་ཎ། མ་ཧཱ་བཱི་རྃ། ཨ་ཙ་ལེ་ས་མ་ས་མ། ཨ་ས་ཧ་མཱ་

94-1-207a

བ་ལེ། ཀ་ཎ་ཀ་ཎ། མ་ཧཱ་ར་ཨ་ར་གྲེ་ཀེ་ཧ་ཧ་ཧ་ཧ། བཛྲ་བཛྲ་ཨྃ་ཀ་མེ། དྷ་ར་དྷ་ར། ཧཱུྃ་ཧཱུྃ་སྃ་ད་ལྃ། ས་མ་བཱ་ལ། ཨ་གྲ་བི་ཀྲ་མེ། ཀུ་རུ་ཀུ་རུ། ཏུ་རུ་སརྦ་ཐཱ། སརྦ་ཧི་ཛྭཱ་ལ་ཛྭཱ་ལ། ཨ་གྲེ་ཨ་གྲི་ནི་ཧཱུྃ་ཕཊ་ཕཊ་སྭཱ་ཧཱ། 
རིག་པའི་རྒྱལ་མོའི་རྩེ་མོ་འདི་ནི་རྩ་བའི་རིག་པ་ཡིན་ནོ། །འདི་བཟུང་བ་ཙམ་འམ། བཟླས་པ་ཙམ་གྱིས་རྟོག་པ་ཐམས་ཅད་ཀྱི་དངོས་གྲུབ་འབྱུང་བར་འགྱུར་རོ། །རིག་སྔགས་དང་གསང་སྔགས་ཐམས་ཅད་ཀྱི་སྙིང་པོ་འདི་དེ་བཞིན་
གཤེགས་པའི་མདུན་དུ་སྟོང་བཟླས་ན་གསང་སྔགས་ཐམས་ཅད་བཟླས་པ་འབུམ་བྱས་པར་འགྱུར་རོ། །ལས་གཞན་ཐམས་ཅད་ཀྱང་དོན་ཡོད་པ་ཐོགས་པ་མེད་པ་འདིས་བྱེད་པར་འགྱུར་རོ། །སྔགས་འདི་བརྗོད་ཅིང་དཀྱིལ་
འཁོར་གྱི་ནུབ་ཀྱི་སྒོ་བྲི་བར་བྱའོ། །དེ་ནས་དཀྱིལ་འཁོར་ལས་ཁྲུ་དོ་ཙམ་གྱི་ཕྱི་རོལ་བྱང་གི་སྒོ་གཉིས་པ་ཕྱིའི་དཀྱིལ་འཁོར་བྲི་བར་བྱའོ། །དེའི་ནང་གི་དཀྱིལ་འཁོར་ལ་ཕྱག་རྒྱ་འབྱུང་བར་འགྱུར་ཏེ། སངས་རྒྱས་ཐམས་ཅད་
ཀྱི་གོང་ཤར་ཕྱོགས་སུ་གྲུ་གསུམ་གྱི་གཟུགས་དང་། གྲུ་བཞི་པའི་ཕྱག་རྒྱ་པད་མའི་སྟེང་ན་གནས་པ་བྲི་བར་བྱའོ། །ཟླ་བ་དང་ཉི་མ་ནི་དཀྱིལ་དུའོ། །དེ་ལ་སངས་རྒྱས་ཐམས་ཅད་ཀྱི་སྔགས་ནི་འདི་ཡིན་ཏེ། ན་མཿ སརྦ་
བུདྡྷ་བོ་དྷི་སཏྭཱ་ནཱྃ། ཨ་སརྦ་ཐཱ་སརྦ་ཏྲ་ཎཱ་ཀེ་སྭཱ་ཧཱ། ཟླ་བ་དང་ཉི་མའི་སྔགས་སོ། །ན་མཿ ས་མནྟཱ་བཛྲཱ་ཎཱྃ། ས་མ་ས་མ་མ་ཧཱུྃ། ན་མཿ ས་མནྟ་བཛྲཱ་ཎཱྃ། ཨ་ས་ཧ་ཧྃ་མྃ། བཅོམ་ལྡན་འདས་ཀྱི་གཡས་སུ་བྱང་ཆུབ་
སེམས་དཔའི་ཕྱག་རྒྱ་བྲི་བར་བྱ་སྟེ། ཡིད་བཞིན་གྱི་ནོར་བུའི་རྒྱལ་མཚན་གྱི་ཕྱག་རྒྱ་དཀྱིལ་འཁོར་ཆུང་ངུ་ལ་གནས་པའོ། །དེ་ནས་བྱང་ཆུབ་སེམས་དཔའི་སྔགས་ནི་འདི་ཡིན་ཏེ། ན་མཿ སརྦ་བུདྡྷ་བོ་དྷི་སཏྭཱ་ནཱྃ། མ་ཧཱ་
ཀཱ་རུ་ཎ་ཨ་ཏྱེ་མཎྚ་ལེ་སྭཱ་ཧཱ། ཡིད་བཞིན་གྱི་ནོར་བུའི་ཕྱག་རྒྱ་དང་སྔགས་སོ། །ན་མཿ སརྦ་བུདྡྷ་བོ་དྷི་སཏྭཱ་ནཱྃ། མ་ཧཱ་ས་མནྟ་ཨ་མྲྀ་ཏེ་ཛྭཱ་ལ་ཛྭཱ་ལ་སྭཱ་ཧཱ། དེའི་རྗེས་ཐོགས་སུ་འཕགས་པ་ཀུན་ཏུ་བཟང་པོའི་

94-1-207b

དཀྱིལ་འཁོར་རལ་གྲིའི་ཕྱག་རྒྱ་དཀྱིལ་འཁོར་ཆུང་ངུ་ལ་གནས་པའོ། །དེའི་རིག་པ་ནི་འདི་ཡིན་ནོ། །ན་མཿ སརྦ་བུདྡྷ་བོ་དྷི་སཏྭཱ་ནཱྃ། བཛྲ་རཱ་ཛ་ཨ་མ་ལ་སྭཱ་ཧཱ། རལ་གྲིའི་ཕྱག་རྒྱ་དང་སྔགས་སོ། །ན་མཿ སརྦ་བུདྡྷ་བོ་དྷི་སཏྭཱ་ནཱྃ་མ་ཧཱ་བཛྲོ་དྷ་རེ་དཱ་རཱ་ཡ་ཏཱ་ཌཱ། 
དེ་ནས་དེའི་རྗེས་ཐོགས་ལ་དམ་ཚིག་རྡོ་རྗེའི་མདུང་དཀྱིལ་འཁོར་ཆུང་ངུ་ལ་གནས་པའོ། །དེའི་རིག་པ་ནི་འདི་ཡིན་ནོ། །ན་མཿ སརྦ་བུདྡྷ་བོ་དྷི་སཏྭཱ་ནཱྃ། མ་ཧཱ་བི་རཱ་ཨ་ཙ་ལ། སྨ་ར་ཛྭཱ་ལ་ནཱ་ཧཱུྃ། མདུང་གི་ཕྱག་རྒྱ་དང་སྔགས་སོ། །ན་མཿ ས་མནྟ་བཛྲཱ་ཎཱྃ། དྷ་མ་དྷ་མ་
བཛྲོ་དྦྷ་བེ་ཏྲཱྃ། བྱང་ཤར་འཚམས་སུ་རྡོ་རྗེའི་ཕྲེང་བ་དང་། རྡོ་རྗེའི་ཕྲེང་བ་དཀྱིལ་འཁོར་ཆུང་ངུ་ལ་གནས་པའོ། །དེའི་རིག་པ་ནི་འདི་ཡིན་ནོ། །ན་མཿ སརྦ་བུདྡྷ་བོ་དྷི་སཏྭཱ་ནཱྃ། བཛྲ་མཱ་ལཱ་ནཱ་ལཱ། ཨ་ཙེ་ལ། བནྡྷ་བནྡྷ། ན་མ་ཛྭ་སྟྭྃ་སྥཱ་ཊ། ན་མཿ ས་མནྟ་བཛྲཱ་ཎཱྃ་
ཏྲི་གུ་ནི་བ་ར་བ་ར་སྭཱ་ཧཱ། སངས་རྒྱས་ཐམས་ཅད་ཀྱི་ཕྱག་རྒྱའི་གཡོན་ཕྱོགས་སུ་དམ་པའི་ཆོས་ཀྱི་འཁོར་ལོའི་ཕྱག་རྒྱ་དཀྱིལ་འཁོར་ཆུང་ངུ་ལ་གནས་པའོ། །དེའི་སྔགས་ནི་འདི་ཡིན་ནོ། །ན་མཿ སརྦ་བུདྡྷ་བོདྷི་སཏྭཱ་ནཱྃ། ས་མནྟ་མཱ་དྷྱ་ཨ་མཱྃ་ལྃ་
གུ་ཎ་ཨ་ཙ་ལ་བི་ཤོ་དྷ་ཀ་ན་མསྟུ་ཏེ། ཏཱ་རཱ་ཏཱ་རཱ། ཀུ་རུ་ཀུ་རུ། དྷ་མ་དྷ་མ། དྷུ་ན་དྷུ་ན། ག་ག་ག །ཧ་ཧ་ཧ། ཏྲ་ཡ་ཏྲ་ཡ། ཛྭཱ་ལ་ཛྭཱ་ལ་སྭཱ་ཧཱ། ན་མཿ ས་མནྟ་བཛྲཱ་ཎཱྃ། མ་ཧཱ་བ་ལེ་ཛྭཱ་ལ་སྭཱ་ཧཱ། དེའི་རྗེས་ཐོགས་ལ་རྡོ་རྗེ་འཛིན་ཐམས་ཅད་ཀྱི་རྡོ་རྗེའི་དཀྱིལ་འཁོར་
ཆུང་ངུ་ལ་གནས་པ་མི་གཡོ་བ་ཞེས་བྱ་བའོ། །དེ་ལ་སྔགས་ནི་འདི་ཡིན་ནོ། །ན་མཿ ས་མནྟ་བཛྲཱ་ཎཱྃ། མ་ཧཱ་བཛྲ་ཨ་ནནྟ། བ་ལ་ས་མ་ཡེ། ཛྭཱ་ལ་ཛྭཱ་ལ་ཧཱུྃ་ཕཊ། རྡོ་རྗེའི་ཕྱག་རྒྱ་དང་སྔགས་སོ། །ན་མཿ ས་མནྟ་བཛྲཱ་ཎཱྃ། མ་ཧཱ་བཛྲ་ཨ་ནནྟ་ཏེ་ཛ་སཱ་དྷཱ་ཡ་ཧཱུྃ། 
དེའི་རྗེས་ཐོགས་ལ་རྡོ་རྗེའི་རིགས་ཐམས་ཅད་ཅེས་བྱ་བའི་ལྕགས་ཀྱུའི་ཕྱག་རྒྱའི་དཀྱིལ་འཁོར་ཆུང་ངུ་ལ་གནས་པའོ། །དེ་ལ་སྔགས་ནི་འདི་ཡིན་ནོ། །ན་མཿ ས་མནྟ་བཛྲཱ་ཎཱྃ། མ་ཧཱ་བཛྲ་ཨ་ནནྟ་ཏེ་ཛ་སཱ་དྷ་ཡ་ཧཱུྃ། ཀ་ལ་ཀ་ལ། ས་མནྟ་ཨ་ནནྟ། བི་ཥ་
ཡ་ཨངྦྷུ་ཏ། དྷརྨ་ཏེ་ཛྭ་ལ་ནཱ་མ་སྭ་སྠི་དྷ་ནེ་དྷ་ནེ། ཧ་ན་ཧ་ན། མ་ཧཱ་བི་ཀ་མེ་སྭཱ་ཧཱ། ལྕགས་ཀྱུའི་ཕྱག་རྒྱ་དང་སྔགས་སོ། །ན་མཿ ས་མནྟ་བཛྲཱ་ཎཱྃ། མ་ཧཱ་བེ་ག་ཨ་ར་ཏཱི་མེ། ཨ་ན་ཡ་ཨ་ཏྱྃ་གྲྀཧྞ་སྭཱ་ཧཱ། ལྷོ་ཤར་མཚམས་སུ་རྡོ་རྗེའི་རྡོ་རྗེ་ལྟ་

94-1-208a

བུའོ། །དེའི་སྔགས་ནི་འདི་ཡིན་ནོ། །ན་མཿ ས་མནྟ་བཛྲཱ་ཎཱྃ། མ་ཧཱ་ཨ་ཙ་ལ་ཨ་ཙ་ལ། ཀུ་རུ་ཀུ་རུ། བནྡྷ་བནྡྷ། བི་དྷ་ཡ་བི་དྷ་ཡ། ཏི་ལེ་ཀྃ་ཧཱུྃ་མ་ན་སྭཱ་ཧཱ། རྡོ་རྗེ་ལྟ་བུའི་ཕྱག་རྒྱ་དང་སྔགས་སོ། །ན་མཿ ས་མནྟ་བཛྲཱ་ཎཱྃ། བཛྲ་
བ་ལ་ཡཻཿ ཨ་ནནྟི་ནེ། ཏ་ཏཱི་ཏ་ཏཱི་ཧ་ཕཊ། ལྷོ་ཕྱོགས་སུ་དབུས་སུ་བཅོམ་ལྡན་འདས་ཤཱཀྱ་ཐུབ་པའི་ཕྱག་རྒྱ་གྲུ་བཞི་པ་པད་མ་ལ་གནས་པ། ལྷུང་བཟེད་དང་། ཆོས་གོས་ཀྱི་དབུས་ན་གནས་པའོ། །དེ་ལ་འདི་ནི་བཅོམ་ལྡན་འདས་ཀྱི་
སྔགས་སོ། །ན་མཿ སརྦ་བུདྡྷ་བོ་དྷི་སཏྭཱ་ནཱྃ། ཨ་མ་ལ་ཨ་མ་ལ། བི་མ་ལ་ཨ་ནནྟ་གོ་ཙ་རཱ་ཡ་ན་མོ་སྟུ་ཏེ། མ་ཧཱ་བཻ་རོ་ཙ་ནཱ་ཡ། ཧ་ར་ཧ་ར། དྷ་ར་དྷ་ར། ཨ་ནནྟ་ཏོ། ཨ་ས་མ་ན་ཨ་ས་མ་ན། ཨ་ར་ར་མ་ཧཱ་བི་ཀྲཱནྟཱ། མ་ཧཱ་བི་ར་ཏུ་རུ་ཏུ་རུ་སྭཱ་ཧཱ། 
ཆོས་གོས་ཀྱི་ཕྱག་རྒྱ་དང་སྔགས་སོ། །ན་མཿ ས་མནྟཱ་བཛྲཱ་ཎཱྃ། བཻ་རོ་ཙ་ན་མཱ་ལཱ་སྭཱ་ཧཱ། ལྷུང་བཟེད་ཀྱི་ཕྱག་རྒྱའོ། ན་མཿ ས་མནྟ་བཛྲཱ་ཎཱྃ། པི་ཐཱ་པི་ཐཱ། དྷཱ་ར་ཡ་དྷཱ་ར་ཡ། པ་ཏྭཱྃ་མ་ཧཱ་བ་ལེ་སྭཱ་ཧཱ། ན་མཿ ས་མནྟ་བཛྲཱ་ཎཱྃ། དྷཱ་ར་ཡ་དྷཱ་ར་
ཡ། བྃ་དྷ་བྃ་དྷ་སྭཱ་ཧཱ། བཅོམ་ལྡན་འདས་ཀྱི་གཡས་ཕྱོགས་སུ་ལོངས་སྤྱོད་རྡོ་རྗེའི་བྲང་འགྲོའི་ཕྱག་རྒྱ་དཀྱིལ་འཁོར་ཆུང་ངུ་ལ་གནས་པའོ། །དེའི་སྔགས་ནི་འདི་ཡིན་ནོ། །ན་མཿ ས་མནྟ་བཛྲཱ་ཎཱྃ། ཙ་ཕེ་ཎཱ་ཨ་གྲ་ས་ཕཊ། 
ན་མཿ ས་མནྟ་བཛྲཱ་ཎཱྃ། ཏྲི་ནནྟ་ལ་བ་ཏྭ་མ་ཧཱ་བྷོ་ག །ཏི་ཊི་ཏི་ཊི། ཧཱུྃ་ཧྃ་སྭཱ་ཧཱ། དེའི་རྗེས་ཐོགས་ལ་རྡོ་རྗེ་གཏུམ་པོའི་གྲི་གུག་གི་ཕྱག་རྒྱ་དཀྱིལ་འཁོར་ཆུང་ངུ་ལ་གནས་པའོ། །དེ་ལ་སྔགས་ནི་འདི་ཡིན་ཏེ། ན་མཿ ས་
མནྟ་བཛྲཱ་ཎཱྃ། མ་ཧཱ་ཙཎྚ་ལ་བཛྲ་ཧཱུྃ། བི་ད་རཱ་ཡ་ཕཊ། རྡོ་རྗེ་གྲི་གུག་གི་ཕྱག་རྒྱ་དང་སྔགས་སོ། །ན་མཿ ས་མནྟ་བཛྲཱ་ཎཱྃ། མ་ཧཱ་བཛྲཱ་ཀ་ཏཱ་རཱ་ཀཱ་ཎཱྃ་ར་ཎཱྃ། ཚིནྡ་ཚིནྡ། བིནྡ་བིནྡ། ཨ་པྲ་ཏི་ཧ་ཏ་ཏ་མ་ཡ་ཏྲ་ཀ་ར་
ཕཊ། དེའི་རྗེས་ཐོགས་ལ་རྡོ་རྗེ་དགའ་བའི་སོ་ཤིང་དཀྱིལ་འཁོར་ཆུང་ངུ་ལ་གནས་པའོ། །དེ་ལ་སྔགས་ནི་འདི་ཡིན་ཏེ། ན་མཿ ས་མནྟ་བཛྲཱ་ཎཱྃ། ཏྲཱ་ཧི་ཏྲཱ་ཧི། མ་ཧཱ་བ་ལཱ། ཏྭ་ཨ་ཏཱ་ཨུ་སུ། ཏཱ་ར་སུ་ཏཱ་ར་སུ་

94-1-208b

ཏ་རུ་ན་མ་སིདྡྷི་ར་སྟུ་སྭཱ་ཧཱ། ན་མཿ ས་མནྟ་བཛྲཱ་ཎཱྃ། ཏི་ཏི་ཡྃ་ཨ་ཀོ་ནེ་ཧཱུྃ། བཅོམ་ལྡན་འདས་ཀྱི་གཡོན་དུ་སྟ་རེ་དང་། མཆོད་སྦྱིན་རྡོ་རྗེ་ཨུཏྤ་ལའི་སྟེང་དུ་རྡོ་རྗེའི་ཕྱག་རྒྱ་གདན་དཀྱིལ་འཁོར་ཆུང་ངུ་ལ་གནས་པའོ། །དེའི་
རིག་པ་ནི་འདི་ཡིན་ནོ། །ན་མཿ ས་མནྟ་བཛྲཱ་ཎཱྃ། བཛྲ་ཨ་ཊ་ཧ་ས་ཧཱུྃ་ན་མཿ སྭཱ་ཧཱ། ཕྱག་རྒྱའོ། །ན་མཿ ས་མནྟ་བཛྲཱ་ཎཱྃ། བ་ར་ད་ཏེ་ཧ་ཧིཏྟྱ་མ་བི་ཀེ་སྭཱ་ཧཱ། དེའི་རྗེས་སུ་འཕགས་པ་སྤྱན་རས་གཟིགས་དབང་ཕྱུག་གི་པད་
མ་སིལ་མའི་ཕྱག་རྒྱ་དཀྱིལ་འཁོར་ཆུང་ངུ་ལ་གནས་པའོ། །དེའི་སྔགས་ནི་འདི་ཡིན་ནོ། །ན་མཿ ས་མནྟ་བཛྲཱ་ཎཱྃ། བཻ་རོ་ཙ་ན་མ་ཧཱ་རོ་ཙ། ཏཱ་རཱ་ཏཱ་རཱ། མ་ཧཱ་ཏཱ་ར། ཧོ་ཧོ། ད་མ་ད་མ། ཧཱུྃ་ཛྭཱ་ལ་ན་ཕཊ། ན་མཿ ས་མནྟ་
བཛྲཱ་ཎཱྃ། ཨཱ་ར་ཨཱ་ར། ཏི་ཏྟི་ར་རྃ་ས་མ་ཡྃ་སྭཱ་ཧཱ། དེའི་རྗེས་ཐོགས་ལ་གཏུམ་པོ་རྡོ་རྗེའི་དར་དཔྱངས་གཉིས་དང་བཅས་པའི་ཕྱག་རྒྱ་གདན་དཀྱིལ་འཁོར་ཆུང་ངུ་ལ་གནས་པའོ། །ན་མཿ ས་མནྟ་བཛྲཱ་ཎཱྃ། ན་མ་ཤྩཎྚ་
ཨནྟ་ཀ་ཧཱུྃ་བཛྲཱ་ན་ལ་ཧཱུྃ་ཕཊ། ཕྱག་རྒྱའོ། །ན་མཿ ས་མནྟ་བཛྲཱ་ཎཱྃ། གྷ་ཊཱ་ན་ཧྃ་ཊ་ཀ་ཕཊ། ལྷོ་ནུབ་ཀྱི་མཚམས་སུ་རོལ་པ་རྡོ་རྗེའི་རྡོ་རྗེ་ཞགས་པའི་ཕྱག་རྒྱ་གདན་དཀྱིལ་འཁོར་ལ་གནས་པའོ། །དེའི་རིག་པ་ནི་
འདི་ཡིན་ཏེ། ན་མཿ ས་མནྟ་བཛྲཱ་ཎཱྃ། ཁེ་ལ་ཁེ་ལ། ལ་ལཱི་ཏྲཱྃ། ཀཱ་རཱ་པྲ་བེ་ཤ་ཡ། པྲ་བེ་ཤ་ཡ། བནྡྷ་ཡ་བནྡྷ་ཡ། ཧཱུྃ་ཧཱུྃ་ཏཱ་ཊཱ་ཏཱ་ཊཱ། ཕྱག་རྒྱའོ། །ན་མཿ ས་མནྟ་བཛྲཱ་ཎཱྃ། ཏྲི་གུ་ཎ་མ་ཧཱ་བཛྲཱ་ས་མ་ཧྃ་བནྡྷ་ཧཱུྃ་ཕཊ། 
ནུབ་ཕྱོགས་ཀྱི་སྒོའི་ཕྱི་རོལ་གྱི་དཀྱིལ་འཁོར་ལ་གནས་པར་རྡོ་རྗེ་འཁྱིལ་པའི་མཚན་མའོ། །སྒོའི་གཡས་སུ་རྡོ་རྗེ་རྒྱ་ཆེན་གྱི་འཁོར་ལོ་དང་བཅས་པའི་དཀྱིལ་འཁོར་ཆུང་ངུའོ། །དེའི་སྔགས་ནི་འདི་ཡིན་ནོ། །ན་མཿ ས་མནྟ་བཛྲཱ་
ཎཱྃ། མ་ཧོ་ད་ར་བཛྲཱ་ཎཱྃ། ཧོ་བཛྲ་ཛྭཱ་ལ་ཡ་མ་ལ་ཧཱུྃ་ཧཱུྃ་ཧཱུྃ། སུ་རུ་སུ་རུ། ཏྲི་བ་ལ་ད་ཀུ་རུ་ཀུ་རུ། ན་མཿ སྭ་སྟྱ་སྟྱ་སྭཱ་ཧཱ། འཁོར་ལོའི་འོ། །ན་མཿ ས་མནྟ་བཛྲཱ་ཎཱྃ། ཏྲྃ་ཏྲྃ་ག་ག་ཏྲ་ཀ་ར་ཧཱུྃ། དེའི་རྗེས་ཐོགས་སུ་རྡོ་རྗེ་དཔའ་བོ་རྡོ་རྗེ་

94-1-209a

དར་དཔྱངས་དང་བཅས་པའི་གདན་དཀྱིལ་འཁོར་ཆུང་ངུའོ། །དེའི་སྔགས་ནི་འདི་ཡིན་ནོ། །ན་མཿ ས་མནྟ་བཛྲཱ་ཎཱྃ། མ་ཧཱ་ཀྲུཏྟཱ་ཨནྟ་ཀ་ཛྭཱ་ལ་ཧཱུྃ་ཕཊ་ཏྲི། བ་ལ་ཨ་ཤེ་ཥ་ས་མྃ་སྭཱ་ཧཱ། རྡོ་རྗེ་དར་དཔྱངས་ཀྱིའོ། །ན་མཿ
ས་མནྟ་བཛྲཱ་ཎཱྃ། ཏྲི་པ་ཏ་ཀེ་ཏྲི་པ་ཏ་ཀེ་ཧཱ་ཤ་ཧཱ་ཤ །བཛྲ་བ་ལ་ཨ་གྲེ་མཎྚ་ལཱ་ཡ། ཧ་ར་ཧ་ར། དྷ་ར་དྷ་ར། ཧཱུྃ་ཧཱུྃ་དྷ་ནི་དྷ་ནི། ས་མ་ཡེ་སྭཱ་ཧཱ། དེའི་རྗེས་ལ་རྡོ་རྗེ་རྣམ་པར་རྒྱལ་བའི་རྡོ་རྗེ་དཀྱིལ་འཁོར་ཞེས་བྱ་བའི་ཕྱག་རྒྱ་དཀྱིལ་འཁོར་ཆུང་ངུ་ལ་
གནས་པ་བྲི་བར་བྱའོ། །དེའི་སྔགས་ནི་འདི་ཡིན་ཏེ། ན་མཿ ས་མནྟ་བཛྲཱ་ཎཱྃ། མ་ཧཱ་མ་ཧེནྡྲ་ག་ཎ་ག་ཎ། བཱི་ར་བཱི་ར། ཧཱུྃ་ཛྭཱ་ལ་ནཱ་མ་སྭཱ་ཧཱ། ཕྱག་རྒྱའི་སྔགས་སོ། །ན་མཿ ས་མནྟ་བཛྲཱ་ཎཱྃ། བ་ར་བ་ལི་ནི་བ་ལི་ནི། ནི་ཐི་ནི་ཐི་སྭཱ་ཧཱ། དེའི་རྗེས་
ལ་སྒོའི་གཡོན་དུ་རྡོ་རྗེ་ཡན་ལག་གི་རྩེ་མོ་གསུམ་གྱི་ཕྱག་རྒྱ་དཀྱིལ་འཁོར་ཆུང་ངུ་ལ་གནས་པའོ། །དེའི་སྔགས་ནི་འདི་ཡིན་ནོ། །ན་མཿ ས་མནྟ་བཛྲཱ་ཎཱྃ། ཨ་ཚ་ཊཱ་ནཱ། མ་ཧཱ་ཤཱུ་ལ་ཨ་གྲ་པཱ་ཎི། ཧཱུྃ་དྷ་མ་དྷ་མ། ད་ར་ད་ར། མ་ཧཱ་བཛྲ་ཨྃ་གྷ་
དྷ་ན་ཧཱུྃ་ཕཊ། རྩེ་གསུམ་གྱིའོ། །ན་མཿ ས་མནྟ་བཛྲཱ་ཎཱྃ། ཨེ་ཧི་མ་ཧཱ་ཏྲི་ཤཱུ་ལ་ཕཊ། བྷིནྡ་མ་ཧཱ་ཙཎྚ་ཨ་སྭཱ་ད་ཀ་ཏི་ཊ་ཏི་ཊ། ཧཱུྃ་ཏྲ་ཕཊ། རྡོ་རྗེ་ཡན་ལག་གི་ཕྱག་རྒྱ་དང་སྔགས་སོ། །དེའི་རྗེས་ལ་སྟ་རེའི་ཕྱག་རྒྱ་དང་བཅས་པའི་གདན་དཀྱིལ་
འཁོར་ཆུང་ངུའོ། །དེའི་སྔགས་ནི་འདི་ཡིན་ནོ། །ན་མཿ ས་མནྟ་བཛྲཱ་ཎཱྃ། མ་ཧཱ་བེ་གཱ། ཨ་མ་མཱ་ལ་ཨངྒ། ད་ཡ་ད་ཡ། ཧཱུྃ་ས་ཛཱ་ཡ་ཛཱ་ཡ་ན་མ་སྭཱ་ཧཱ། ཕྱག་རྒྱའི་སྔགས་སོ། །ན་མཿ ས་མནྟ་བཛྲཱ་ཎཱྃ། ཨཱ་ནནྟ་བ་ལཱ་བི་ཀྲ་མེ། ཏཱི་རི་ཏཱི་རི། 
གྷོ་རྃ་སྥུ་ཊ་ཡ་ཧཱུྃ་ཕཊ། དེའི་རྗེས་ལ་རྡོ་རྗེ་ཞལ་གྱི་རྡོ་རྗེ་མཆེ་བའི་ཕྱག་རྒྱ་གདན་དཀྱིལ་འཁོར་ཆུང་ངུ་དང་བཅས་པ་བྲི་བར་བྱའོ། །དེའི་སྔགས་ནི་འདི་ཡིན་ཏེ། ན་མཿ ས་མནྟ་བཛྲཱ་ཎཱྃ། མ་ཧཱ་ཙཎྜ། ཨ་ཙ་ལ་ཨ་ཙ་ལ་ཧཱུྃ། བིདྱཱ་ཨུཏྟ་མ། 
བིདྱཱ་ཨུཏྟ་མ། ཨུ་ད་ར་ཨུ་ད་ར། ཛྭཱ་ལ་ཛྭཱ་ལ། བྷཉྫ་བྷཉྫ། མརྡ་མརྡ། ཨཱ་བི་ཤ་ཨཱ་བི་ཤ །ཁཱ་ད་ཁཱ་ད་ཧཱུྃ་ཕཊ། ན་མཿ ས་མནྟ་བཛྲཱ་ཎཱྃ། ཧཱུྃ་བཛྲཱ་ཨུཙྪ་ཊ་ནི། ཏི་ཤི་ཁི་ནི། ཏཱ་ཊཱ་ཏཱ་ཊཱ། ཕཱི་ཊ་ཕཱི་ཊ་ཕཊ། ཕྱག་རྒྱའི་སྔགས་སོ། །

94-1-209b

བྱང་ཕྱོགས་ཀྱི་ཆར་བཅོམ་ལྡན་འདས་དེ་བཞིན་གཤེགས་པ་དོན་ཡོད་པ་གྲུབ་པའི་ཕྱག་རྒྱ་འོད་ཟེར་འགྱེད་པའི་རྣམ་པ་པད་མ་ལ་གནས་པ་དབུས་སུ་བྲི་བར་བྱའོ། །དེ་ལ་བཅོམ་ལྡན་འདས་ཀྱི་སྔགས་ནི། ན་མཿ སརྦ་བུདྡྷ་བོ་དྷི་སཏྭཱ་ནཱྃ། 
ཏིཥྛ་ཏིཥྛ། ཨ་པྲ་ཏི་ཧ་ཏ་སྟུ་སིདྡྷི་ཛྭཱ་ལ་ཛྭཱ་ལ། ཏྲི་ཤི་ཁི་ས་མ་ས་མ། ཨ་ས་མེ་ཏ་མ་ཏ་མ། ཨ་ས་ཧེ་དྷ་མ་དྷ་མ། ན་མཿ སཱ་ཨ་མ་ལེ་བྷྱ་སྟཱ་ར་སྭཱ་ཧཱ། འོད་ཀྱི་ཕྱག་རྒྱའི་སྔགས་སོ། །ན་མཿ ས་མནྟ་བཛྲཱ་ཎཱྃ། ཏྲ་ཡ་ཏྲ་ཡ། ཨ་མ་ལ་ཨ་
ཧཱུ་ཏེ། སརྦ་ཐཱ་སརྦ་ཐཱ། སརྦ་མ་ཧཱ་ཏེ་ཛ་མཱ་ལེ། ཏྲི་ཤི་ཁཱི་ནི། ཛྭཱ་ལ་ཛྭཱ་ལ། ཨ་ཨཱ་ཨ་ཨཱ། ས་མེ་དྷུ་ན་སྭཱ་ཧཱ། བཅོམ་ལྡན་འདས་ཀྱི་གཡས་སུ་རྡོ་རྗེ་ཤུགས་ཀྱི་དབང་ཕྱུག་གི་སྟ་རེ་གདན་དཀྱིལ་འཁོར་ཆུང་ངུ་ལ་གནས་པའོ། །
དེའི་སྔགས་ནི་འདི་ཡིན་ནོ། །ན་མཿ ས་མནྟ་བཛྲཱ་ཎཱྃ། ཧཱུྃ་ག་ག་ནཱ་ག་ག་ནཱ། པཱ་བཱ་མ་ཧཱ་བེ་གཱ་ཀྲ་མ་ཀྲ་མ། ཧུ་ལུ་ཧུ་ལུ། ཧཱུྃ་ཕཊ་སྭ་རེ། ན་མཿ ས་མནྟ་བཛྲཱ་ཎཱྃ། ས་མ་ས་མ། བེ་གཱ་ཏྲཱ་དྷི་མ་ཧཱ་བ་ལ་ཧཱུྃ། དེའི་རྗེས་ལ་རྡོ་རྗེ་ཤུགས་
ཆེན་པོའི་རྡོ་རྗེ་མཆེ་བ་གདན་གྱི་དཀྱིལ་འཁོར་ཆུང་ངུ་ལ་གནས་པའོ། །དེའི་སྔགས་ནི་འདི་ཡིན་ནོ། །ན་མཿ ས་མནྟ་བཛྲཱ་ཎཱྃ། ཧཱུྃ་ཧཱུྃ་ཧཱུྃ་ཀ་པཱ་ལ་མཱ་ལཱ། ཧཱུྃ་ཛྭཱ་ལ་ནཱ་མཱ་ཡ་ཕཊ། རྡོ་རྗེ་མཆེ་བའི་ཕྱག་རྒྱའོ། །ན་མཿ ས་མནྟ་བཛྲཱ་ཎཱྃ། 
ཏིཥྛ་ཧེ་ཏྲ་ཊ་ཏྲ་ཊ། མ་ཊ་མ་ཊ། ཛྭ་ལ་ན་ཤི་ཁ་རེ། གདན་དཀྱིལ་འཁོར་ཆུང་ངུ་དང་ལྡན་པའི་ཆུ་གྲིའི་ཕྱག་རྒྱ་བྲི་བར་བྱའོ། །དེའི་རིག་པ་ནི་འདི་ཡིན་ནོ། །ན་མཿ ས་མནྟ་བཛྲཱ་ཎཱྃ། ཀ་ཊཱ་ཀ་ཊཱ། མཱ་རཱ་བ་ར་ཏ་ཀ་མྃ། ཏཱི་ཊ་ཏཱི་ཊ། ཨཱ་ལོ་
ཀྃ་ཧཱུྃ་ཕཊ། ནུབ་བྱང་མཚམས་སུ་རྡོ་རྗེ་རོལ་པའི་དག་བྱེད་དང་བཅས་པའི་རྡོ་རྗེའི་གདན་དཀྱིལ་འཁོར་དང་བཅས་པའོ། །དེའི་སྔགས་ནི་འདི་ཡིན་ནོ། །ན་མཿ ས་མནྟ་བཛྲཱ་ཎཱྃ། ཨ་ཙ་ལ་ཨ་ཙ་ལ། ན་ཊཱ་ན་ཊཱ། ཨ་མ་
བི་ལ་ཤ །སྤུ་ར་སྤུ་ར། ཧཱུྃ་ཊཱ་ཏཱ་སྭཱ་ཧཱ། དག་བྱེད་ཀྱི་ཕྱག་རྒྱའོ། །ན་མཿ ས་མནྟ་བཛྲཱ་ཎཱྃ། ཏྲི་ཏ་ཀ་བཛྲཱ་ཧཱུྃ་དྷ་ར་དྷ་ར། ས་མ་ཡྃ་ཧཱུཾ། བཅོམ་ལྡན་འདས་ཀྱི་གཡོན་དུ་རྡོ་རྗེ་ཆེན་པོའི་རྡོ་རྗེ་གདན་དཀྱིལ་འཁོར་ཆུང་

94-1-210a

ངུ་ལ་གནས་པ་གཞག་པར་བྱའོ། །དེའི་སྔགས་ནི་འདི་ཡིན་ནོ། །ན་མཿ ས་མནྟ་བཛྲཱ་ཎཱྃ། ཨ་ས་ཧོ་ད་ཡ། མ་ཧཱ་མ་ཧཱ། བཛྲ་ཏ་ར་ཏ་ར། བྷིནྡ་བྷིནྡ། མཱྃ་ནཱ་མ་སྭཱ་ཧཱ། རྡོ་རྗེའི་ཕྱག་རྒྱའོ། །ན་མཿ ས་མནྟ་བཛྲཱ་ཎཱྃ། ཨ་
བྷྱ་དྷྱ། ཀ་ར་ཀ་ར། ཨ་པྲ་ཏི་ཧ་ཏ། མ་ཏཱ་མ་ཏཱ། ཨ་མོ་གྷ་ཏ་དྷ་ཀ་དྷ་ཀ །མཱྃ་མཱྃ་ཛཱ། དུས་མཐའི་འབར་བ་འདྲ་བའི་གདན་དཀྱིལ་འཁོར་ཆུང་ངུ་ལ་གནས་པའི་གཏུན་ཤིང་གི་ཕྱག་རྒྱ་དགོད་པར་བྱའོ། །དེའི་སྔགས་ནི་འདི་ཡིན་ནོ། །ན་མཿ
ས་མནྟ་བཛྲཱ་ཎཱྃ། ཨ་ཏཱི་ཨ་ཏཱི་སྭཱ་ཧཱ། སྃ་བ་ར་ཏཱ། ཨནྟ་ཀ་ཧཱུྃ་ཧཱུྃ། ཨཱ་ས་ཧཱ་ཛཱ་ལ་ཏཱ་ཊཱ། མཱ་རཱ་མཱ་ར། ཕཊ་ཕཊ། གཏུན་ཤིང་གི་ཕྱག་རྒྱའོ། །ན་མཿ ས་མནྟ་བཛྲཱ་ཎཱྃ། ཏཱ་ཊཱ་ཏཱ་ཊཱ། ཀུ་ཊཱ་ཀུ་ཊཱ། མ་ཧཱ་བ་རི་བི་གྲ་མ་ཨ་ས་དྲི་
ཤ་ཏྲི་ཊཱ་ཏྲི་ཊཱ། དེ་ནས་དེའི་རྗེས་ལ་དྲི་མ་མེད་པའི་རྡོ་རྗེའི་རྡོ་རྗེ་མྱུ་གུའི་ཕྱག་རྒྱ་གདན་དཀྱིལ་འཁོར་ཆུང་ངུ་དང་བཅས་པའོ། །དེའི་སྔགས་ནི་འདི་ཡིན་ནོ། །ན་མཿ ས་མནྟ་བཛྲཱ་ཎཱྃ། ག་ག་ནཱྃ་ག་ག་ནཱྃ། ཀུ་རུ་ཀུ་རུ། ཏི་རི་ཏི་རི། 
ས་མ་ས་མ། བ་ར་དྷ་ན་མ། རྡོ་རྗེ་དབྱུག་གུའི་ཕྱག་རྒྱའོ། །ན་མཿ ས་མནྟ་བཛྲཱ་ཎཱྃ། ཏཱ་ཊཱ་ཏཱ་ཊཱ། ཧཱུྃ་ཀ་ན་ཀ་ན། རྃ་རྃ་བཱི་ཛཱ་ཡ། ཏི་ས་ཏི་ས། བ་ལ་བ་ལ། ཁ་ཎཱ་ཁ་ཎཱ། ཧཱུྃ་མྃ། དཀྱིལ་འཁོར་གྱི་དབུས་སུ་ནི་འབར་བས་ཀུན་ནས་
བསྐོར་བའི་དཀྱིལ་དུ་བྲི་བར་བྱའོ། །དེའི་སྔགས་ནི་འདི་ཡིན་ཏེ། གང་ཡང་སྟེང་ནས་རྡོ་རྗེའི་རིགས་རྣམས་ཀྱིས་མགྲིན་གཅིག་ཏུ་གསུངས་སོ། །ན་མཿ སརྦ་བུདྡྷ་བོ་དྷི་སཏྭཱ་ནཱྃ། སརྦ་བཛྲ་གུ་ལཱ་ཎཱྃ། ཨ་ས་མ་ས་མ། 
ཨ་དྷིཥྛ་ན། ཨ་ནནྟ། ས་མནྟ་ས་མནྟ། བ་ལཱ་མ་ཧཱ་བཛྲ་རཱ་ཛ། སརྦ་ཏྲ་ས་མཱ་བ་ཏྲཱ། བེ་གི་ན་ཛྭ་ལ་ཛྭ་ལ། ཛྭ་ལཱ་པ་ཡ་ཨ་ནནྟ་བི་ཀྲཱ་མ་ཏྲ་ག་ཏྲ་ག་མཱྃ། ཨ་ས་ཧཱ་མ་ཧཱ་ས་མ་ཡོ་ཧཱུྃ་ཏ་ར་ཏ་ར། དྷ་ར་དྷ་ར། ཧཱུྃ་མ་ཧཱ་མ་ཧཱ་
སུ་ཙཎྜ་སུ་ཙཎྜ། མཱ་ར་ཡ་མཱ་ར་ཡ། སྤོ་ཊ་ཡཱ་སྤོ་ཊ་ཡཱ། ཧཱུྃ་ཧཱུྃ་ཧཱུྃ་བཛྲ་དྷ་ར་ཨེ་གྲ་ཧཱུྃ་ཧཱུྃ། བི་དྷཱ་ར་ཡ་བི་དྷཱ་ར་ཡ། ཧཱུྃ་ཙཎྚ་ར་ཨནྟ་ཀ་པཱ་ཏ་ཡ་སྭཱ་ཧཱ། དམ་ཚིག་རྩེ་མོའི་རྡོ་རྗེའི་གཟི་བརྗིད་ཀྱི་དམ་ཚིག་ཅེས་བྱ་བའི་རྡོ་རྗེའོ། །

94-1-210b

ཨང་གའི་སྔགས་ནི་འདི་ཡིན་ནོ། །ན་མཿ ས་མནྟ་བཛྲཱ་ཎཱྃ། ཏྲི་ལོ་ཙ་ན། ཨེ་ཧི་བ་ར་བ་ལ་ཨ་གྲ། ཨེ་ཧི་སརྦ་བུདྡྷ་བོ་དྷི་སཏྭཱ་ནཱྃ། ཨ་དྷིཥྛཱ་ན། ཨ་ཧོ་ཤ་ས་ཀ་ཤ་ས་ཀ །མ་ཧཱ་བ་ར་བཛྲཱ་ཧྲཱི་མ་ཧཱ་མ་ཧཱ། ས་མཱ་ས་མཱ། ཏྭ་ར་སྟུ་ར། ན་མོ་སྟུ་
ཏེ་སྭཱ་ཧཱ། རྡོ་རྗེའི་མཚན་མ་ནི་ཕྱི་རོལ་གྱི་དཀྱིལ་འཁོར་གྱི་བྱང་ཕྱོགས་ཀྱི་སྒོར་བྲིའོ། །རྡོ་རྗེ་ཀླུའི་སྦྲུལ་གྱི་ཕྱག་རྒྱ་དང་། འདུལ་བྱེད་ཀྱི་སོག་ལེ་ལྟ་བུའི་ཕྱག་རྒྱ་དག་ནི་འགྲམ་གཉིས་སུ་དགོད་པར་བྱའོ། །དེ་དག་གི་སྔགས་ནི་འདི་
དག་གོ། ན་མཿ ས་མནྟ་བཛྲཱ་ཎཱྃ། ན་མོ་སྟུ་ཏེ་ག་ག་ན་ས་མ་ཨ་བཪྟི་དྷ་ར་དྷ་ར་བ་ལ་ད། ཨཱ་ཏཱི་ཨཱ་ཏཱི། བེ་གྲ་པ་ཏི་གྃ། །བྃ་བྃ་མ་ཧཱ་ན། གྃ་ཧཱུྃ་སཱུ་ར་ཨ་གྲ་ཕཊ། རྡོ་རྗེའི་ཀླུ་བྲང་འགྲོའི་ཕྱག་རྒྱའོ། །ན་མཿ ས་མནྟ་བཛྲཱ་ཎཱྃ། ཨ་ཏི་བིཥྚ་ཨ་ཏི་བིཥྚ། ཏི་
ལི་ཏི་ལི། བ་ལ་བ་ལ། བ་ར་བ་ར། ཏ་ཊི་ཏ་ཊི། ཏཱ་ཊཱ་ཏཱ་ཊཱ། ད་ཧ་ད་ཧ། བྷིནྡ་བྷིནྡ། ཙཎྚ་ཙཎྚ། བནྡྷ་བནྡྷ་ཕཊ། འདུལ་བ་པོའི་འོ། །ན་མཿ ས་མནྟ་བཛྲཱ་ཎཱྃ། ཙཎྚ་ཨ་གྲ་ཨ་ནནྟ་ཀ་ཧཱུྃ་ད་མ་ཡ་ཕཊ། སོག་ལེ་ལྟ་བུའོ། །ན་མཿ ས་མནྟ་བཛྲཱ་ཎཱྃ། ཏྲ་གི་ནི་མཎྚི་ནི་ཨ་ས་ཧ་
བ་ལཱ་ཨ་གེ་ཏཱྃ་ཏཱྃ། བྱང་ཤར་མཚམས་སུ་རྡོ་རྗེ་རྣལ་འབྱོར་གྱི་དཀྱིལ་འཁོར་ཆུང་ངུ་ལ་གནས་པའི་པི་ཝང་གི་ཕྱག་རྒྱ་བྲི་བར་བྱའོ། །དེའི་སྔགས་ནི་འདི་ཡིན་ནོ། །ན་མཿ ས་མནྟ་བཛྲཱ་ཎཱྃ། མ་ཧཱ་ཡོ་གེནྡྲ་བ་རུ་ཎི། ས་མ་ས་མ། ཛྭཱ་ལ་ཛྭཱ་ལ་སྭཱ་ཧཱ། པི་ཝང་
གི་ཕྱག་རྒྱའོ། །ན་མཿ ས་མནྟ་བཛྲཱ་ཎཱྃ། ཏི་ནི་ཏི་ནི། ཏ་ནུ་ཏ་ནུ། སུ་གྷོ་ཥཱ་བེ་གེ། ཧ་རྃ་ཧ་རྃ། ཨེ་ཏི་ཧ་ན་ཧ་ན་སྭཱ་ཧཱ། ལྷོ་ཤར་མཚམས་སུ་རྡོ་རྗེ་མདངས་ཀྱི་ལྕུག་མ་གདན་དཀྱིལ་འཁོར་ཆུང་ངུ་ལ་གནས་པ་དགོད་པར་བྱའོ། །དེའི་རིག་པ་
ནི་འདི་ཡིན་ནོ། །ན་མཿ ས་མནྟ་བཛྲཱ་ཎཱྃ། མ་ཧཱ་ཙཎྜ་ཏ་ར་ལེ་ན་མ་ཤོ་བྷི་ནི་ཏེ་ཛེ་ནི་ཛྭཱ་ལ་ཛྭཱ་ལ། སིདྡྷི་ཧ་ར་ཧ་ར། བཱི་རེ་སྭཱ་ཧཱ། རྡོ་རྗེ་ལྕུག་མའི་འོ། །ན་མཿ ས་མནྟ་བཛྲཱ་ཎཱྃ། ཏི་ལི་ཏི་ལི། བི་ལི་བི་ལི། བེ་ཀེ་དྷ་རི་ཎི། བཛྲ་དྷ་ར་དྷ་ར། ཏཱྃ་ཏཱ། 
བོ་དྷི་དི་ནི་ཨྃ། ལྷོ་ནུབ་མཚམས་སུ་རྡོ་རྗེ་རྒྱལ་མཚན་གྱི་དྲིལ་བུའི་ཕྱག་རྒྱ་དཀྱིལ་འཁོར་ཆུང་ངུ་ལ་གནས་པ་དགོད་པར་བྱའོ། །དེའི་སྔགས་ནི་འདི་ཡིན་ནོ། །ན་མཿ ས་མནྟ་བཛྲཱ་ཎཱྃ། ཏྲི་རཱུ་ཙེ། ས་མ་ཡ་བ་ལི་བ་ར་བ་ར། བྷི་རེ་བྷི་རེ། 

94-1-211a

ར་ཎ་ར་ཎ། ར་བེ་མེ། ཙི་ནི་སྭཱ་ཧཱ། དྲིལ་བུའི་ཕྱག་རྒྱའོ། །ན་མཿ ས་མནྟ་བཛྲ་ཎཱྃ། ར་ཎ་ཛ་ར་ཎ་ཛ། ཏི་ར་ཎེ་ཏི་ར་ཎེ། རྃ་རྃ་དཱནྟ་སྭཱ་ཧཱ། ནུབ་བྱང་མཚམས་སུ་སྟོབས་མཆོག་གི་ཤུགས་ཀྱི་ཕྲེང་བའི་ཕྱག་རྒྱ་གདན་དཀྱིལ་འཁོར་ཆུང་ངུ་
དང་བཅས་པའོ། །དེའི་རིག་པ་ནི་འདི་ཡིན་ནོ། །ན་མཿ ས་མནྟ་བཛྲཱ་ཎཱྃ། ཏི་ཤི་ཡེ་ཏི་ཤི་ཡེ། བཛྲ་ཏི་ཤི་ཧེ་ཏི་ཤི་ཧེ། ཙི་རི་ཙི་རི། བི་རི་བི་རི། ཏྲི་པ་ཏ་ཀྲེ་སྭཱ་ཧཱ། ཕྲེང་བའི་ཕྱག་རྒྱའོ། །ན་མཿ ས་མནྟ་བཛྲཱ་ཎཱྃ། ཏྲི་བ་ལི་ནི། བ་རཱ་མཱ་ལེ་མཱ་ལེ་ནི་བནྡྷ་
ཡ། བ་རི་ཎཱི་སུ་ར་བྷི་ཎཱི། བ་ར་ཨ་གྲེ་ས་མ་ས་མ། བནྡྷེ། བནྡྷེ་ཡ་དྷེ་ནི་སྭཱ་ཧཱ། ལྷག་མ་བསྟན་པའི་སྣམ་བུ་གཅིག་ལ་ནི་སེམས་དཔའ་ཆེན་པོ་ཐམས་ཅད་དགོད་པར་བྱའོ། །ཕྱོགས་བཞིའི་ཕྱི་རོལ་གྱི་དཀྱིལ་འཁོར་གྱི་གྲྭ་བཞིར་ནི་བུམ་པ་
གང་བ་སྟེ། ནང་དྲི་ཞིམ་པོའི་ཆུས་བཀང་བ་བཞི་བཞག་པར་བྱའོ། །འདིར་ཡང་སྔར་གསུངས་པའི་རྡོ་རྗེ་རྒྱལ་མོ་ལས་རབ་འབྱམ་མཐའ་ཡས་པ་སྒྲུབ་པར་བྱེད་པ་ལ་ལན་ཉི་ཤུ་རྩ་གཅིག་གི་བར་དུ་ཡོངས་སུ་བཟླས་པར་བྱའོ། །
ན་མཿ སརྦ་བུདྡྷ་བོ་དྷི་སཏྭཱ་ནཱྃ། མ་ཧཱ་ས་མནྟ་བཛྲཱ་ཎཱྃ། ཨ་ས་མ་ས་མ་ས་མནྟ། ཨ་ནནྟ་བི་ཀྲ་མ། མ་ཧཱ་བཛྲ་རཱ་ཛྙ། ཨ་གྲ་ཨ་གྲ་ཡོ་ཧེ་ས་མ་ཡ། མ་ཧཱ་བ་ལཱ་བེ་ག་ཏཱ། མ་ཧཱ་ཛྭ་ལ་ན་ཛྭ་ལ་ཛྭ་ལ། མཱ་མཱ་མཱ། སརྦ་ཐཱ་བཱ་རཱུ་བཱ་རཱུ། ས་མཱ་
ས་མཱ། ཏྲ་ཏྲ་ཏྲ་ཏྲ། བ་ར་བ་ར། བི་དྱཱ་ཨུཏྟ་མ་ཨ་གྲ་ཨ་གྲ། ཧཱུྃ་ཧཱུྃ། ཛྭ་ལ་ཡ་སརྦ་མ་ཧཱ་མ་ཧཱ། སིདྡྷི་སིདྡྷི། ཨ་གྲ་ཨ་གྲ་དྷ་ན་ཧཱུྃ་ཧཱུྃ། མྃ་ཕཊ་ཕཊ། སརྦ་ཐཱ་ཨུ་ས་མེ་སྭཱ་ཧཱ། དེ་ནས་ནང་གི་དཀྱིལ་འཁོར་ལ་དེ་བཞིན་གཤེགས་
པའི་སྙིང་པོ་ལན་བདུན་གྱི་བར་དུ་བརྗོད་ལ་ཐལ་མོ་བརྡབ་པར་བྱའོ། །ཕྱི་རོལ་གྱི་དཀྱིལ་འཁོར་ལ་བྱང་ཆུབ་སེམས་དཔའ་རྣམས་ཀྱི་སྙིང་པོ་ལན་བདུན་གྱི་བར་དུ་བརྗོད་ལ་སྔ་མ་བཞིན་དུ་ཐལ་མོ་ཡང་བརྡབ་པར་བྱའོ། །
དེ་ལ་སྙིང་པོ་ནི་འདི་ཡིན་ནོ། །ན་མ་སྟྲཻ་ཡ་དྷྭི་ཀཱ་ནཱྃ། ཏ་ཐཱ་ག་ཏཱ་ནཱྃ། སརྦ་ཏྲ་ཨ་པྲ་ཏི་ཧ་ཏཱ་བཱ་བྟི། དྷརྨ་ཏཱ་བཱ་ལི་ནཱྃ། ཨྃ་ཨ་ས་མ་ས་མ། ས་མནྟོ། ཨ་ནནྟ་བཱབྟི། ཤཱ་ས་ནི་ཧ་ར་ཧ་ར། སྨ་ར་སྨ་ར་ཎ། བི་ག་ཏ་རཱ་ག །

94-1-211b

བུདྡྷ་དྷརྨ་ཏེ། ས་ར་ས་ར། ས་མ་བ་ལཱ། ཧ་ས་ཧ་ས། ཏྲ་ཡ་ཏྲ་ཡ། ག་ག་ན་མ་ཧཱ་བ་ར་ལཀྵ་ཎེ། ཛྭ་ལ་ཛྭ་ལ་ན་སཱ་ག་རེ་སྭཱ་ཧཱ། འདི་ནི་དེ་བཞིན་གཤེགས་པའི་སྙིང་པོའོ། །ན་མཿ སརྦ་བུདྡྷ་བོ་དྷི་སཏྭཱ་ནཱྃ། བ་ར་བ་ར། སཪྦྃ་སཪྦྃ། ས་མ་
ས་མ། ཀཱ་རུ་ཎྃ་ཀཱ་རུ་ཎྃ། ཏཱ་རཱ་ཏཱ་རཱ། སཱ་ར་སཱ་ར། ཨ་ཏཱི་ཨ་ཏི། ཨ་མི་ཏྃ། ཨ་མཱི་ཏྃ། ཨ་ཏཱི་ཨ་ཏཱི། བྷི་རྃ་བྷི་རྃ། ཨ་ཏཱི་ཨ་ཏཱི། ཤཱུ་རྃ་ཤཱུ་ར། ཧ་ཧ་ཧ་ཧ། མ་ཧཱ་ས་མ་ཡ། ན་མོ་སྟྭ་ཨ་མ་ལ་སིདྡྷ་ད་ཡ་ཀེ་བྷྱཿ སརྦ་བུདྡྷ་བོ་དྷི་ས་ཏྭེ་བྷྱཿ 
སརྦ་ཨ་ན་ནནྟ་མ་དྷྱེ་བྷྱཿ མ་ཧཱ་ཀཱ་རུ་ཎ། མཱ་ལཱི་ནཱི། ཏྲི་ས་མ་ཡེ་ཛྭ་ལ་སྭཱ་ཧཱ། བྱང་ཆུབ་སེམས་དཔའི་སྙིང་པོ་སྟེ། །འདི་དང་འདྲ་བ་གཞན་མེད་དོ། །དེ་ནས་རྡོ་རྗེ་དཀྱིལ་འཁོར་གྱི་དབུས་སུ་པུས་མོ་གཡས་པའི་ལྷ་ང་ས་ལ་བཙུགས་ནས་
ལག་པར་མེ་ཏོག་བླངས་ནས་དེ་བཞིན་གཤེགས་པའི་ལྕགས་ཀྱུ་ལན་ཉི་ཤུ་རྩ་གཅིག་གི་བར་དུ་བརྗོད་པར་བྱའོ། །དེ་བརྗོད་པ་ཙམ་གྱིས་རྡོ་རྗེའི་རིགས་ཐམས་ཅད་ཉེ་བར་ལྷགས་ནས་དགའ་བ་ལ་སོགས་པའི་ལྟས་སམ། གསལ་བ་
འམ། སྒྲ་ཐོས་པ་འམ། དྲི་ཞིམ་པོ་འམ། འོད་དམ། སེར་བུའི་བསིལ་བ་འམ། བཞོན་པ་འམ། གཞན་ཡང་རུང་ལྟས་ཅུང་ཟད་ཞིག་འབྱུང་བར་འགྱུར་རོ། །དེ་ལ་ཀུན་ཏུ་ཐོགས་པ་མེད་པར་གྲུབ་པ་རིག་པའི་རྒྱལ་མོ་
ཆེན་མོ་དེ་བཞིན་གཤེགས་པ་རྣམས་ཀྱི་ལྕགས་ཀྱུ་ཞེས་བྱ་བ་འདི་ཡིན་ཏེ། སངས་རྒྱས་དང་བྱང་ཆུབ་སེམས་དཔའ་རྣམས་ཀྱིས་བྱིན་གྱིས་བརླབས་པ་སྟོབས་ཀྱི་སྙིང་པོའོ། །ན་མཿ སརྦ་བུདྡྷ་བོ་དྷི་སཏྭཱ་ནཱྃ། ས་མནྟ་
ཨ་མོ་གྷ་ཨ་པྲ་ཏི་ཧ་ཏཱ་བཛྲཱ་ཎཱྃ། ཨ་གྲ་ཨ་གྲ། ཨཱ་ཀྵར་ཎི་ཧཱུྃ། བེ་གཱི་བེ་གཱི་མ་ཧཱ་བེ་གཱི་ནི། སརྦྃ་བཛྲཱ་ཀུ་ལཱ་ནཱྃ། ཨཱ་ཀཪྴ་ཡ་ཧཱུྃ། སརྦ་མུ་དྲཱ་ག་ན་ནཱྃ། ཏཱིཀྟྭེ་ཏཱིཀྟྭེ། ཏི་ཏི་ཏི་ཏི། ཏ་ཐ་ཏ་ཐ། ཨ་ཨ་ནཱ་བྲྀ་ཏེ། ཨ་པྲ་ཏི་ཧ་
ཏ། ཨ་མོ་གྷ་བི་ཀྲ་མེ། ས་མ་ས་མ། ཨ་མཱ་ལ་མ་ཧཱ་མེ། ཨ་ཏི་ཨ་ཏི། བྷེ་གྷ་པ་ཏཱ་གེ། །ས་མ་ཡ་མྃ་དྃ་ཀ་རུ་ཤྲཱི་ཏྲཱི་ན་ཡ་ཏ་ཏྲཱ་ཨངྒི་ནི། ཨ་ན་ཡ་ཤཱི་གྷྲྃ་ཏ་ཐཱ་ག་ཏཱྃ་ཀུ་ཤི་སྭཱ་ཧཱ། དེ་ནས་ཅི་འབྱོར་པའི་མཆོད་པ་

94-1-212a

བྱས་ནས་སྔགས་འདི་ལན་བརྒྱད་བརྗོད་པར་བྱའོ། །ན་མཿ སརྦ་ཏ་ཐཱ་ག་ཏཱ་ནཱྃ། སརྦ་ཨུཊྒ་ཏེ་སྥ་ར་ཎ་ཧི་མྃ་ག་ག་ན་ཁྃ་ས་མནྟྭ་སྭཱ་ཧཱ། དེ་ནས་སྔགས་འདིས་གཏོར་མ་བྱིན་གྱིས་བརླབས་ལ་དཀྱིལ་འཁོར་གྱི་ཕྱི་རོལ་དུ་
སྦྱིན་པར་བྱའོ། །ན་མཿ སརྦ་ཏ་ཐཱ་ག་ཏཱ་ནཱྃ། བ་ལ་བ་ཏི་བ་ལིྃ་དེ་སྭཱ་ཧཱ། དེ་ནས་སྔ་མ་བཞིན་དུ་བྱང་ཆུབ་ཏུ་སེམས་བསྐྱེད་པས་སངས་རྒྱས་དང་བྱང་ཆུབ་སེམས་དཔའ་རྣམས་ལ་ཕྱག་བྱས་ལ་གཙང་སྦྲ་བྱས་ནས་གཡས་སུ་
མེ་ཏོག་ཐོགས་ཏེ། གདོང་གཡོགས་པ་གཞུག་པར་བྱའོ། །མེ་ཏོག་དང་བཅས་པའི་ཐལ་མོ་སྦྱར་ནས་གཅིག་གཉིས་གསུམ་བཞི་འམ་ལྔ་ཡང་གཞུག་པར་བྱ་ཞིང་སྡོམ་པ་འདི་ལྟར་གཟུང་བར་བྱའོ། །དེ་ལ་དམ་ཚིག་དང་
སྡོམ་པ་བླང་བ་ནི་སངས་རྒྱས་དང་བྱང་ཆུབ་སེམས་དཔའ་ཐམས་ཅད་བདག་ལ་དགོངས་སུ་གསོལ། བདག་ཆེ་གེ་མོ་ཞེས་བགྱི་བ་སངས་རྒྱས་དང་བྱང་ཆུབ་སེམས་དཔའ་ཐམས་ཅད་ལ་བདག་འབུལ་གྱིས་ཐམས་
ཅད་ཀྱིས་དུས་ཐམས་ཅད་དུ་བདག་ལ་རབ་ཏུ་གཟུང་དུ་གསོལ། སངས་རྒྱས་དང་བྱང་ཆུབ་སེམས་དཔའ་རྣམས་ཀྱིས་བདག་བྱིན་གྱིས་བརླབ་ཏུ་གསོལ། ཐུགས་རྗེ་ཆེན་པོ་དང་ལྡན་པ་སེམས་ཅན་གྱི་ཁམས་ཐམས་ཅད་
ཡོངས་སུ་སྐྱོབ་པར་མཛད་པ་རྣམས་ཀྱིས་བདག་ཡོངས་སུ་བསྐྱབ་ཏུ་གསོལ། ལས་ཐམས་ཅད་གྲུབ་པར་བྱ་བའི་ཕྱིར་དམ་ཚིག་ཆེན་པོ་བདག་ལ་སྩལ་དུ་གསོལ་ཞེས་དེ་ལྟར་ལན་གསུམ་གྱི་བར་དུ་བརྗོད་པར་བྱའོ། །
དེ་ནས་ལན་རེ་རེ་རྣ་བར་འདི་བརྗོད་པར་བྱའོ། །ནམ་མཁའ་མཐའ་ཡས་དང་མཉམ་རྒྱལ་དབང་པོ། །སྲས་བཅས་མ་ལུས་ཀུན་གྱི་དམ་ཚིག་སྩོལ། །འཆི་བ་མེད་ཅིང་གསད་མེད་སེམས་ཅན་བསྐྱབ་པ་མེད། །ཤིན་ཏུ་བརྟན་
པས་འདི་ལྟར་བྱ་བ་ཉིད། །དེ་ནས་མེ་ཏོག་འཕང་བར་བྱའོ། །མེ་ཏོག་གང་ལ་བབ་པ་དེ་ནི་དེའི་རིགས་ཀྱི་ལྷ་ཡིན་ནོ། །དེ་ནས་གདོང་གཡོགས་བཀྲོལ་ལ་དེ་བཞིན་གཤེགས་པ་ལ་སོགས་པ་རྣམས་ཀྱི་ཕྱག་རྒྱ་བསྟན་

94-1-212b

པར་བྱའོ། །སྤྱི་བོར་མཐེ་བོང་བཞག་ལ་གཙུག་ཏོར་གྱི་ཕྱག་རྒྱ་བྱ་ཞིང་སྔགས་འདི་བརྗོད་དོ། །ན་མཿ སརྦ་བུདྡྷ་བོ་དྷི་སཏྭཱ་ནཱྃ། ཏྲི་ཤི་ཁཱ་ཨ་གྲི་ན་ན་མ་སྟུ་ཏེ། ས་མནྟ། ཨ་ད་ས་མནྟ་ཨ་གྲི་ཀུ་ཎ་ཨ་ཙ་ལ་ཨ་གྲི་དྷི་ར་མེ། བཱི་
དུ་ནཱ་ཧི་ཀླེ་ཤ་དུཿ ཁ་ཛྭ་ལ་ན་ཛ་ག་ཏ། སརྦ་སུ་ཁྃ་ད་དྷ་ཧཱི་ཙ་ཤུ་ཏཱ་ཏྲེ་ཏྲི་ས་མ་ཡེ་ཀུ་རུ་སྭཱ་ཧཱ། ཕྱག་རྒྱ་འདི་འཆང་བར་བྱེད་པ་དེ་ལ་གཙུག་ཏོར་གྱི་མཚན་མ་འབྱུང་བར་འགྱུར་ཞིང་བར་དུ་ཉམས་པར་ཡང་མི་འགྱུར་ལ་ཡོན་ཏན་མཐའ་ཡས་པའི་སྒོར་
འཇུག་པ་ཡང་རབ་ཏུ་ཐོབ་པར་འགྱུར་རོ། །ངེས་པར་རྒལ་ནས་སོ་སོར་སྤྱོད་པའི་དམ་ཚིག་འདི་རྣམ་པར་བསྟན་པར་བྱའོ། །ཡང་ཡང་འཆི་བར་མི་འགྱུར་ཞིང་། །ངན་འགྲོར་མི་འགྲོ་འཆི་འཕོ་མེད། །ཁྱོད་ཀྱིས་བྱང་ཆུབ་སེམས་
དཔའ་ཡི། །ཐེག་པ་འདི་ལ་དམ་ཚིག་བསྲུངས། །དམ་པའི་ཆོས་ཀྱང་སྤང་མི་བྱ། །སངས་རྒྱས་བྱང་ཆུབ་སེམས་དཔའ་ལ། །མི་གུས་མི་བྱ་སྤང་མི་བྱ། །སྲོག་ཆགས་གསད་པར་མི་བྱ་ཞིང་། །བླ་མ་ལ་ཡང་བརྙས་མི་བྱ། །སྔགས་དང་ཕྱག་
རྒྱ་སྨད་མི་བྱ། །ཉམས་པར་མི་བྱ་བདག་གིས་མིན། །རྡོ་རྗེ་འདྲ་བ་འགོམ་མི་བྱ། །བཟའ་བར་མི་བྱ་སེར་སྣ་མིན། །འདི་སྤྱོད་པ་ཡི་རྒྱལ་པོ་ཡི། །གསང་སྔགས་སྒོ་ཡི་སྤྱད་པ་སྤྱོད། །བྱང་ཆུབ་སེམས་དཔས་ཚུལ་ཁྲིམས་དང་། །ལྡན་ལ་
མངོན་སྤྱོད་མི་བྱའོ། །གནོད་བྱེད་ལ་ཡང་མི་བྱའོ། །སྡིག་པའི་ལས་ཀྱང་མི་བྱ་ཞིང་། །བྱིས་པའི་ཆོས་ཀྱང་མི་བྱའོ། །བླ་མ་ལ་ནི་ལྷ་བཞིན་བྱ། །མདོར་ན་བདག་དང་གཞན་དག་ལ། །གནོད་པར་འགྱུར་བ་དེ་མི་བྱ། །སྲིད་པའི་
སྡུག་བསྔལ་རྒྱ་མཚོ་ལས། །འདིས་ནི་ངེས་པར་འདའ་བར་བྱེད། །སྟོན་པའི་བསྟན་པ་བདུད་རྩི་ཉིད། །ཐུགས་རྗེ་ཆེན་པོའི་བསྟན་པ་ལས། །སླར་ཡང་ཉམས་པར་མི་འགྱུར་ཞིང་། །སྡུག་བསྔལ་མི་འགྱུར་ངན་འགྲོར་མིན། །
མྱུར་དུ་ཞི་བར་འགྱུར་བ་མིན། །འདི་ལྟར་གསང་སྔགས་སྤྱོད་པ་ཡི། །དམ་ཚིག་འདི་ནི་སངས་རྒྱས་རྣམས། །སྲས་དང་བཅས་པས་ཁྱོད་ལ་གསུངས། །གང་ཞིག་རྣམ་པ་འདི་ལྟ་བུས། །ལུས་དང་མཐུན་པའི་ཡོན་ཏན་འབྱུང་། །

94-1-213a

དད་མེད་ངན་འགྲོ་བ་མི་བྱ། །སངས་རྒྱས་སྲས་བཅས་ཡངས་རྣམས་ཀྱིས། །སྨོན་ལམ་ལ་ཡང་སྤྱད་པར་བྱ། །ཀུན་རྫོབ་ཏུ་ནི་མི་ལྡོག་པར། །རྒྱལ་བའི་བདག་ཉིད་སྐྱེས་པས་མཐོང་། །རིང་དུ་མི་བྱེད་ཆེས་དྲག་པས། །
སེམས་ཅན་དོན་དུ་སྨོན་པར་བྱེད་ཅེས་བརྗོད་ལ། སངས་རྒྱས་དང་བྱང་ཆུབ་སེམས་དཔའ་ཐམས་ཅད་ལ་ཐལ་མོ་སྦྱར་བས་ཕྱག་འཚལ་བ་དེ་ནི་དམ་ཚིག་གི་ཐལ་མོ་ཞེས་བྱ་བ་སྟེ་རྩ་བའི་ཕྱག་རྒྱ་ཡིན་ནོ། །ན་མཿ སརྦ་བུདྡྷ་
བོ་དྷི་སཏྭཱ་ནཱྃ། སུ་སིདྡྷི་སཱ་དྷ་ནི་ཨ་གྲ་ཀཱ་རུ་ཎ། བཱ་རེ་དྷེ། ཏྲཱ་ཡི་ཏྲཱ་ཡི། ཨཱ་ཏཱི་བ་ལེ་ན་མོ་སྟུ། བ་རཱ་དྷ་ཡི། གྷེ་བྷྱོ་མ་ཧཱ་ཀྲྀ་པེ་བྷྱཿསྭཱ་ཧཱ། འདི་ནི་རྩ་བའི་ཕྱག་རྒྱའི་སྔགས་ཡིན་ནོ། །ཕྱག་རྒྱ་གང་ཡང་རུང་བ་བཅིངས་ལ་བྱ་བ་འམ། 
དེ་བཞིན་དུ་གང་ཡང་རུང་བའི་སྔགས་དང་ཕྱག་རྒྱ་ལ་བསླབ་པར་བྱའོ། །སེར་སྣ་དང་བྲལ་བས་འདིར་གང་ལས་དངོས་གྲུབ་འབྱུང་བའི་དམ་ཚིག་ལ་གོམས་པར་བྱས་ནས་མདངས་དང་ལྡན་པས་འདིར་དངོས་གྲུབ་ཀྱི་དམ་ཚིག་ལ་ཞུགས་ན་མྱུར་དུ་
དེ་བཞིན་གཤེགས་པས་བསྔགས་པའི་དངོས་གྲུབ་འབྱུང་བར་འགྱུར་རོ། །སེམས་ཅན་ཐམས་ཅད་ལ་འབྱུང་བར་གྱུར་ཅིག་ཅེས་བསམས་ནས་ཕྱག་རྒྱ་བཅིངས་ནས་སྔགས་བཟླས་ན་དངོས་གྲུབ་བརྒྱད་འབྱུང་བར་འགྱུར་རོ། །སངས་རྒྱས་
དང་བྱང་ཆུབ་སེམས་དཔའ་ཐམས་ཅད་ལ་དམིགས་ནས་ཕྱག་བྱས་ལ་བཟླས་པ་བྱའི། འདིར་གཉིས་ལ་བསླབ་པར་མི་བྱ་སྟེ། དེ་བཞིན་གཤེགས་པ་གཅིག་ལ་ཕྱག་མི་བྱ་བ་དང་། སེམས་ཅན་གཅིག་གི་དོན་བསྒྲུབ་པར་མི་བྱའོ། །གཞན་
དུ་ན་མ་ལུས་པ་ལ་སྤྲོས་པའི་སེམས་བསྐྱེད་པའི་ཆེ་བ་ལ་གོམས་པར་བྱའོ། །ཐམས་ཅད་དུ་གཉིས་པོ་འདི་དག་སྤང་བར་བྱ་སྟེ། འགྱོད་པ་དང་ཞུམ་པའི་སེམས་སོ། །གཞན་ཡང་གཉིས་པོ་འདི་དག་ནི་བྱ་བ་སྟེ། སྡིག་པ་
ཐམས་ཅད་བཤགས་པ་དང་། བསོད་ནམས་དང་ཡེ་ཤེས་ཀྱི་ཚོགས་ལ་རྗེས་སུ་ཡི་རང་བ་རྒྱུན་མི་བཅད་པའོ། །འདིར་གཉིས་པོ་འདི་སྤང་བར་བྱ་སྟེ། བསླབ་པ་ལ་མི་སྦྱོར་བ་དང་སྒྲུབ་པ་མི་བྱེད་པའོ། །འགྲུབ་པར་མི་

94-1-213b

འགྱུར་བ་ནི་གཉིས་ཏེ། དད་པ་མེད་པ་དང་། བྱང་ཆུབ་ཏུ་སེམས་མ་བསྐྱེད་པའོ། །བསྲུང་བར་བྱ་བའི་དམ་ཚིག་ནི་གཉིས་ཏེ། དུས་མ་ཡིན་པར་བྱ་བ་བྱེད་པ་དང་། བརྟག་པ་མེད་པའོ། །སྔགས་ཀྱི་སྤྱོད་པ་ལ་རྗེས་སུ་ཞུགས་པའི་
ཆོས་ནི་གཉིས་ཏེ། སངས་རྒྱས་རྗེས་སུ་དྲན་པ་བསྐྱེད་པ་དང་། ཐམས་ཅད་དུ་དངོས་གྲུབ་ཕུན་སུམ་ཚོགས་པ་ལ་གཞོལ་བའོ། །དེ་ནས་འདི་ལྟར་རྡོ་རྗེ་འཛིན་ཐམས་ཅད་ཀྱི་སྙིང་པོ་རྣམས་དང་། དཀྱིལ་འཁོར་པ་ཐམས་ཅད་ཀྱི་
ཕྱག་རྒྱ་དང་། སྔགས་རྣམས་ཀྱི་རྟོག་པ་འབྱུང་བར་འགྱུར་རོ། །མར་དང་བཅས་པའི་གུ་གུལ་གྱི་བདུག་སྤོས་ཀྱིས་ནི་རིམས་དང་། གདོན་དང་། འབྱུང་པོ་དང་། ཤ་ཟ་རྣམས་ལ་མི་ན་བ་དང་། ན་བས་ཀྱང་རུང་རས་རིས་དང་། རི་མོ་དང་། 
སྐུ་གཟུགས་དང་། ཤིང་དང་། ལོ་མ་དང་། རལ་གྲི་དང་། མེ་ལོང་ལ་སོགས་པ་ལ་འབེབས་པར་བྱེད་དོ། །གང་ཡང་རུང་བའི་བསྲུང་བའི་དཀྱིལ་འཁོར་གྱིས་ནི་བཅིང་བ་དང་། བཙིར་བ་དང་། བརྡབ་པ་དང་། བསྣུན་པ་དང་། གསད་པ་དང་། 
གཅད་པ་དང་། དབབ་པ་དང་། རྣམ་པར་སྦྱང་བ་དང་། སྒྲུབ་པ་དང་། དགུག་པ་དང་། དབང་དུ་བྱ་བ་ལ་སོགས་པའི་ལས་ཐམས་ཅད་བསྒྲུབ་པར་བྱ་བ་ནི་ཀླགས་པས་འགྲུབ་པ་འདི་ཉིད་ཀྱིས་བྱེད་པར་འགྱུར་རོ། །མཆོག་སྒྲུབ་པ་ལ་
སོགས་པ་ལས་ཐམས་ཅད་ནི་དེ་བཞིན་དུ་དེ་བཞིན་གཤེགས་པའི་སྙིང་པོའི་རིམ་པར་ཕྱེ་བ་རབ་འབྱམ་གྱི་ཆོ་ག་འམ། རིག་པ་མཆོག་ལ་སོགས་པའི་ཆོ་གས་སྦྱར་བར་བྱ་བ་དེ་དག་ཀྱང་ཐོགས་པ་མེད་པ་དོན་ཡོད་པར་གྲུབ་པ་འདིས་
ཀྱང་བྱའོ། །འདི་དག་གི་ཐུན་མོང་གི་རས་རིས་འབྱུང་བར་འགྱུར་རོ། །སངས་རྒྱས་བཅོམ་ལྡན་འདས་ནི་བྲག་གི་ཕུག་ན་པད་མའི་གདན་ལ་བཞུགས་པ་གསེར་གྱི་མདོག་ཅན་འོད་ཀྱི་ཕྲེང་བས་བསྐོར་བར་བྲི་བར་བྱའོ། །
གཡས་སུ་རྡོ་རྗེ་འཛིན་གང་ཡང་རུང་བ་ཞིག་རང་གི་མཚན་མས་ཕྱག་བྲེལ་བ་འོད་ཀྱིས་བསྐོར་བའི་པད་མའི་གདན་ལ་བཞུགས་པ་བྲི་བར་བྱའོ། །གསང་བ་པའི་བདག་པོ་རྡོ་རྗེ་འཛིན་ནི་བཅོམ་ལྡན་འདས་ཀྱི་གཡོན་དུ་པད་མའི་

94-1-214a

གདན་ལ་བཞུགས་པ་བྲི་བར་བྱའོ། །བགེགས་རྣམས་གསོད་པའི་གཡོག་པོ་མཐའ་ཡས་གང་ཡང་རུང་བ་གནག་ཅིང་ལྗང་བ། གཞོན་ནུ་རལ་པ་ཅན། མིག་ཅུང་ཞིག་དམར་བ། ཁྲོས་པ། རིན་
པོ་ཆེའི་བྲག་ལ་བཞུགས་པ་བྲི་བར་བྱའོ། །འོག་ཏུ་ནི་སྒྲུབ་པ་པོའོ། །འདིར་ཡང་རྡོ་རྗེ་འཛིན་གང་ཡང་རུང་བའི་སྙིང་པོ་དང་བསྒྲུབ་པར་བྱའོ། །དེ་བཞིན་དུ་སྔར་བསྟན་པའི་ཆོ་ག་འམ། དེ་བཞིན་གཤེགས་པ་རྣམས་
ཀྱི་སྔགས་སམ། དེ་བཞིན་གཤེགས་པའི་སྙིང་པོའི་ཆོ་ག་བཞིན་དུ་རྡོ་རྗེ་འཛིན་ལ་ཡང་དེ་བཞིན་གཤེགས་པའི་ཆོ་གས་བསྒྲུབ་པར་བྱའོ། །གྲུབ་པར་གྱུར་ན་རྡོ་རྗེ་འཛིན་དུ་འགྱུར་རོ། །བྱང་ཆུབ་སེམས་དཔའ་
རྣམས་ཀྱི་སྙིང་པོའི་སྔགས་བླ་ན་མེད་པའི་ནོར་བུའི་རྒྱ་མཚོ་ཐོགས་པ་མེད་པ་དོན་ཡོད་པར་གྲུབ་པར་བྱེད་པ་ལ་ཡང་དེ་བཞིན་དུ་སྦྱར་བར་བྱའོ། །རྟོག་པ་ཐམས་ཅད་ཀྱི་ཆོ་གས་སམ། ཡིད་ལ་གང་འདོད་པའི་ཆོ་གས་
སྦྱར་རོ། །དེ་བཞིན་གཤེགས་པའི་ལྕགས་ཀྱུ་དཔེ་མེད་པ་དེ་བཞིན་གཤེགས་པའི་ཡོན་ཏན་གྱི་མཛོད་ལས་ཡང་དག་པར་བྱུང་བ་སྙིང་པོའི་མཐུས་ཀྱང་དེ་བཞིན་དུ་བསྒྲུབ་པར་བྱའོ། །འདིར་ནི་བར་ཆད་མི་འབྱུང་ཞིང་། །རྨོངས་པར་
མི་འགྱུར་ཆགས་མི་འགྱུར། །འདིར་ནི་སངས་རྒྱས་ཀུན་གྱི་ནོར། །རྟག་ཏུ་བྱིན་གྱིས་བརླབས་ནས་གནས། །ཐུན་མོང་གི་ཕྱག་རྒྱ་སྒྲུབ་པ་འབྱུང་བར་འགྱུར་རོ། །འདི་ལ་ཕྱག་རྒྱ་གང་ཡང་རུང་བ་རྩིག་ངོས་སམ། རས་སམ། 
སྤང་ལེབ་བམ། ལོ་མ་འམ། གཙང་མའི་ས་ཕྱོགས་སུ་ཚོན་རྩི་འམ། དྲིས་བསྒོས་པའི་པིར་རམ། ཐ་ན་ཐལ་བས་ཀྱང་རུང་བྲིས་ལ་དྲི་དང་མེ་ཏོག་གིས་མཆོད་པ་བྱས་ཏེ། བདག་གི་དོན་འདི་མཛད་དུ་གསོལ། །བདག་
ལ་མཆོག་འདི་སྩལ་དུ་གསོལ། །བདག་གི་འདི་ནི་བསྒྲུབ་ཏུ་གསོལ། །བདག་གི་དགོས་པ་འདི་དག་གཞན་དུ་མ་གྱུར་པ་དེ་བཞིན་དུ་གྱུར་ཅིག་ཅེས་ཡང་དག་པར་བསམས་ནས་ཕྱག་རྒྱའི་སྔགས་བཟླས་པ་བྱས་ན་དགོས་པ་འགྲུབ་པར་འགྱུར་

94-1-214b

བ་འམ། ལྷ་ལ་སོགས་པ་འམ་མི་ལ་སོགས་པ་ངས་འོང་བར་བྱས་སོ་ཞེས་བྱ་བ་ལ་སོགས་པ་དེ་དང་དེ་སྨྲ་བར་འགྱུར་རོ། །དེ་ལྟ་བུའི་དགོས་པ་ཡང་སྨྲ་བར་བྱེད། སྟོན་ཅིག་ཅེ་འམ། རྒྱོབ་ཅིག་ཅེ་འམ། ཆོད་ཅིག །སོད་ཅིག །རྒྱས་ཐོབ་ཅིག །
ཚིར་ཅིག །ཕུག་ཅིག །སྨོད་ཅིག་ཅེས་སམ། སྡིག་པ་ཅན། གདུག་པ་ཅན། གནོད་པ་བྱེད་པའི་ལྷ་དང་། ཀླུ་ལ་སོགས་པ་གཞོམ་པ་འམ། གང་ཡང་རུང་བ་བསམས་ལ་རང་གི་ཁྲག་གིས་བྲིས་ཏེ། ཁྲོས་པས་འདུག་ལ་བཟླས་པ་བྱས་ན་གང་
གི་དོན་དུ་བྱས་པའི་ལྷ་འམ། ཀླུ་འམ། རིག་པ་འཛིན་པ་འང་རུང་སྟེ། ངེས་པར་འཆི་བར་འགྱུར་རོ། །གང་གི་ཚེ་མཆོག་བསྒྲུབ་པར་འདོད་ན་དེས་ལྕགས་ལས་ཕྱག་མཚན་བྱས་ལ་ལག་པར་བཟུང་སྟེ། གང་ཡང་རུང་བས་དབེན་པར་ཅི་སྲིད་
འབར་བར་གྱུར་གྱི་བར་དུ་བསྒྲུབས་ན་དེ་ཟླ་བ་གཅིག་གི་ནང་ངམ། ཟླ་བ་གསུམ་གྱི་ནང་དུ་རིག་པ་འཛིན་པར་འགྱུར་རོ། །གང་གི་ཚེ་ཟས་ཟ་བ་ན་ཡང་དེ་ལག་པ་ནས་མ་བོར་བར་བཟའོ། །སློང་དུ་འགྲོ་ན་ཡང་དེ་བཞིན་དུ་ལག་ཏུ་ཐོགས་ལ་སློང་དུ་
འགྲོ་བར་བྱའོ། །ཉལ་བའི་ཚེ་ཡང་བསྲུང་བ་བྱས་ནས་སྔས་སུ་གཞག་པར་བྱའོ། །མི་སྣང་བ་ལ་སོགས་པ་ལས་ཐམས་ཅད་ཀྱང་ཕྱག་རྒྱ་འདིས་བསྒྲུབ་པར་བྱའོ། །བྱང་ཆུབ་སེམས་དཔས་ཕྱག་རྒྱ་འདིས་སྙིགས་མ་དང་ལྡན་པའི་འཇིག་
རྟེན་གྱི་ཁམས་རྣམ་པར་སྦྱང་བའི་བར་དུ་ཡང་བྱའོ། །ཐུགས་ཀྱི་བདག་ཉིད་སྡིག་པ་རྣམ་པར་འཇིག་པར་བྱེད་པའོ། །སངས་རྒྱས་ཀུན་གྱི་ཕྱག་རྒྱ་འདི། །ཀུན་དུ་མཆོག་རྣམས་སྲས་བཅས་པས། །དཔག་
མེད་ཅེས་བྱའི་སེམས་ཅན་ཁམས། །རྣམ་པར་སྦྱང་ཕྱིར་བྱིན་གྱིས་བརླབས། །ཕྱག་རྒྱ་སྤྱོད་པའི་རྒྱལ་ས་རུ། །གཙོ་བོ་གང་ཞིག་ཞུགས་གྱུར་པ། །འབད་པ་ཆུང་ངུས་སེམས་ཅན་དོན། །དེ་ཡིས་
མ་བསམས་པར་ཡང་བྱེད། །དམ་ཚིག་གསུམ་གྱི་ཕྱག་རྒྱ་ཆེན་པོའི་རྒྱལ་མོ་འདི་དག་ན་ས་ཡ་གྲངས་མེད་པ་བཅུའི་ནང་ན་རྩེ་མོར་གྱུར་པ་དོན་སྣ་ཚོགས་སྒྲུབ་པ་ཡིན་ནོ། །ན་མཿ ས་མནྟ་བཛྲཱ་ཎཱྃ། ཧཱུྃ་ཏི་ས་མ་ཡྃ་ཀུ་རུ་ཀུ་རུ། ཏྃ་ཏྃ་ས་མ་

94-1-215a

ས་མ། ཨ་མ་ལེ། ཏ་ར་ཏ་ར་ཨ་གྲེ་ཎ་སྭཱ་ཧཱ། རྩེ་མོ་ཞེས་བྱ་བ་ཕྱག་རྒྱའི་རྒྱལ་མོ་ཡིན་ནོ། །ན་མཿ ས་མནྟ་བཛྲཱ་ཎཱྃ། ཏྲི་བ་ལེ་ཨ་མ་ལེ་ཨ་ས་མནྟ་ས་ཏི་ནི་བཛྲེ་བཛྲེ། ཏི་མི་ཏི་མི། སིདྡྷི་སིདྡྷི། ཀུ་རུ་ཀུ་རུ། ས་མ་ས་མ། 
ལ་བ་ཏེ་ལ་བ་ཏེ། ཨ་ཡཎྟི་ནི། ཛྭཱ་ལ་ན་མ་སརྦ་ཨུཏྟཱ་མ་ནང་སྭཱ་ཧཱ། སྟོབས་མི་མཉམ་པ་ཞེས་བྱ་བ་ཕྱག་རྒྱའི་རྒྱལ་མོ་ཡིན་ནོ། །ན་མཿ ས་མནྟ་བཛྲཱ་ཎཱྃ། ཧཱུྃ་སཱ་དྷ་ཡ་ས་མ་ཡྃ་བཛྲ་ས་མ་ཡྃ། བཛྲ་ས་མ་ཡེ། ཏི་ཊི་ཏི་ཊི། སརྦྃ་ཏྲི་ཤི་ཁ། 
རཀྵ་རཀྵ་མཱྃ་བ་རེ་བྷྱཿ ས་ཀ་ལ་ཏི་སྭ་ཏི་ཀི། །ཛྭ་ལ་ཛྭ་ལ། ཏི་པ་ཏ་ཡི། བི་ར་ཛ་སྭཱ་ཧཱ། ཁ་དོག་མེད་པ་ཞེས་བྱ་བའི་ཕྱག་རྒྱའོ། །ན་མཿ ས་མནྟ་བཛྲཱ་ཎཱྃ། ཏྲཱྃ་གི་ནི་ཏྲཱྃ་གི་ནི། ཨ་ཏཱི་ས་ཡི་ནི་ཨ་ཏཱྃ་ས་ཡི་ནི། ཏཱི་བ་རཱི་ཎཱི་ཏཱི་བ་རཱི་ཎཱི། 
ཏྲི་བ་ར་ཏྲི་བ་ར། ཨ་མ་ལེ་ཧཱུྃ་སིདྡྷྱནྟུ་སརྦ་ཨུཏྟ་ར་ཏྭ་ཏྲེ་དྷྱྃ་དྷྱྃ་བི་ཀྲེ་སྭཱ་ཧཱ། གསུམ་ལྡན་ཞེས་བྱ་བའི་ཕྱག་རྒྱའོ། །ན་མཿ ས་མནྟ་བཛྲཱ་ཎཱྃ། ཨ་ཏི་བ་ར་བཛྲ་ས་མནྟི་ནི་ཧཱུྃ་ཏྲི་པྲྀ་ཏི། ཀུ་རུ་ཀུ་རུ། ཏ་ར་ཏ་ར། ཏཱ་རེ་ཏཱ་རེ། ཨ་ས་མ་མ་ཧཱ་བ་ལི་
ས་མ་ཡེ། དྷུ་ན་དྷུ་ན། ཧ་ར་ཧ་ར། ཨ་མྲྀ་ཏེ་སྭཱ་ཧཱ། ཡན་ལག་གི་སྟོབས་ཞེས་བྱ་བའི་ཕྱག་རྒྱའི་རྒྱལ་མོ་ཡིན་ནོ། །ན་མཿ ས་མནྟ་བཛྲཱ་ཎཱྃ། ཏྲཱྃ་ཏྲཱྃ་ཏྲཱྃ་ཏྲཱྃ། གི་ནི་ཙྪིནྡྷ་མ་ཧཱ་ཨཱཏྨེ་ཏ་ར་ཏ་ར་ཤོ་དྷ་ནི། སརྦ་པ་རི་ཏྲཱྃ། ཀུ་རུ་ཀུ་རུ། ཨ་ས་ཧ་བ་ལ་
ཨ་པྲ་ཏི་ཧ་ཏ་བེ་ག །ཏྲཱྃ་ཏྲཱྃ་ཧཱུྃ་ཧཱུྃ། གི་ནི་ཏྲཱྃ་ཏྲཱྃ། ཡན་ལག་མཐའ་ཡས་པ་ཞེས་བྱ་བ་རལ་གྲིའི་ཕྱག་རྒྱའོ། །ན་མཿ ས་མནྟ་བཛྲཱ་ཎཱྃ། ཨ་མ་ལེ་ཨ་མ་ལེ། ས་མ་ཡེ་ས་མ་ཡེ། ཨ་གྲེ་ཨ་གྲེ། མོ་ཙ་ནི་མོ་ཙ་ནི། ཨ་ས་ཧེ་ཨ་ས་ཧེ། 
ཏེ་ཛེ་ནི་བཛྲཱི། ཨ་ཏི་ཨ་ཏི། ཨ་གྲཱ་མཱ་ཏཱི། ཨ་གྲཱ་མཱ་ཏཱི། མུ་ཡ་མུ་ཡ། ཏྲི་ས་མ་ཡེ་ཏྲི་ས་མ་ཡེ། ཧཱུྃ་ཛྭཱ་ལ། ཨ་ནྃ་སྭཱ་ཧཱ། ན་མཿ ས་མནྟ་བཛྲཱ་ཎཱྃ། ཏ་ར་མ་ཏི་ཏ་ར་མ་ཏི། ས་རེ་ས་རེ། དྷི་ནི་དྷི་ནི། དྷི་རི་དྷི་རི། ཏི་རི་མེ་ཏི་རི་མེ། ཧཱུྃ་བི་ཤོ་དྷ་ཡ་བི་ཤོ་
དྷ་ཡ། ཤོ་དྷ་ཡ་ཤོ་དྷ་ཡ། ཏྲི་བ་ལི་ནི་ཏ་ར་ཨངྒ་ནི་ཨ་ནོ་པ་མེ་སྭཱ་ཧཱ། ཁ་དོག་གི་སྟོབས་ཞེས་བྱ་བའི་ཕྱག་རྒྱ་ཡིན་ནོ། །ན་མཿ་ས་མནྟ་བཛྲཱ་ཎཱྃ། ཨ་ཧེ་ཨ་ཧེ། ཨ་ཏཱི་ཨ་ཏཱ། ཏ་ར་མཱ་ཏ་ར་མཱ། ཏཱ་ཡ་ཏཱ་ཡ། ས་མ་ཡེ་ཏྲ་ཏ་རི། ཨ་མ་ལེ་ན་མོ་སྟུ་ཏེ་ཨ་

94-1-215b

ས་ཏྲི་ཤེ་བྷྱཿ སྭཱ་ཧཱ། ཤིན་ཏུ་ངོ་མཚར་དུ་གྱུར་པ་ཞེས་བྱ་བའི་ཕྱག་རྒྱའོ། །ན་མཿ ས་མནྟ་བཛྲཱ་ཎཱྃ། ཧཱུྃ་བ་ར་བ་ར། བ་ར་དེ་བ་ར་དེ། ཏྲི་ཏ་ཡི་ཏྲི་ཏ་ཡི། སརྦ་སརྦ། ཏ་བི་ན་ཡྃ་ཀ་རོ་ཏི། མ་ཧཱ་བ་ལེ་བྷྱཿ སྭཱ་ཧཱ། ལོག་འདྲེན་གྱི་མཆོག་ཅེས་བྱ་བའི་ཕྱག་རྒྱའི་རྒྱལ་མོ་
འི་རྩེ་མོའོ། །བཅུ་པོ་འདི་དག་ནི་ཕྱག་རྒྱའི་རྒྱལ་མོའི་རྩེ་མོ་མཉམ་པ་མེད་པ་སྟེ། ཐམས་ཅད་དུ་ཐོགས་པ་མེད་པ། སངས་རྒྱས་དང་བྱང་ཆུབ་སེམས་དཔའ་ཐམས་ཅད་ཀྱིས་བྱིན་གྱིས་བརླབས་པ། བྱང་ཆུབ་སེམས་དཔའ་རྣམས་སྐྱེད་པར་
མཛད་པ་ཞེས་བྱའོ། །ཕྱག་རྒྱའི་སྔགས་ཀྱི་སྒྲུབ་པ་པོས་འདི་ལ་དད་པས་སྤྱད་པར་བྱའོ། །ཕྱག་རྒྱའི་རྒྱལ་མོ་བརྩོན་འགྲུས་ཆེན་མོ་མཉམ་པ་མེད་པ། ཐམས་ཅད་དུ་དྲི་མ་མེད་པ་བྱིན་གྱིས་བརླབས་པ་མེད་པ། འདོད་པ་ཐམས་ཅད་ལ་རེར་
གཏད་པ། དེ་ངེས་པར་བསྒྲུབ་པར་བྱ་སྟེ། དོན་ཡོད་པར་རབ་ཏུ་གྲུབ་པར་འགྱུར་རོ། །དམ་ཚིག་གསུམ་ལས་དེ་བཞིན་གཤེགས་པའི་གསང་བའི་དཀྱིལ་འཁོར་ཆེན་པོ་ཐོགས་པ་མེད་པ་དོན་ཡོད་པ་གྲུབ་པ་ལས་གསང་སྔགས་ཀྱི་སྒོར་སྤྱོད་
པའི་དངོས་གྲུབ་ཀྱི་རྒྱལ་པོའི་རྟོག་པའི་རིམ་པར་ཕྱེ་བའི་རབ་འབྱམ་རྫོགས་སྷོ།། །། ན་མཿ ས་མནྟ་བཛྲ་ཎཱྃ། ཨ་ས་མེ་ཡེ། ཏྲི་ས་མེ་ཡེ། ས་མ་ཡེ་སྭཱ་ཧཱ། དེ་ནས་བཅོམ་ལྡན་འདས་སངས་རྒྱས་ཐམས་ཅད་སྟོབས་ཀྱི་ཤུགས་
གཅིག་པ་ཞེས་བྱ་བའི་ཏིང་ངེ་འཛིན་ལ་སངས་རྒྱས་ཐམས་ཅད་དང་ལྷན་ཅིག་སྙོམས་པར་ཞུགས་སོ། །སྙོམས་པར་ཞུགས་ནས་སངས་རྒྱས་ཀྱི་ཞིང་ཐམས་ཅད་ཀྱི་དེ་བཞིན་གཤེགས་པ་རྣམས་ཀྱི་ཏིང་ངེ་འཛིན་དང་། 
རྣམ་པར་གྲོལ་བ་དང་། རྣམ་པར་ཐར་པ་རྨད་དུ་བྱུང་བ། རྒྱས་པ་སྔ་ན་མེད་པ། གཞན་གྱི་བྱིན་གྱི་བརླབས་ཀྱིས་སངས་རྒྱས་དང་བྱང་ཆུབ་སེམས་དཔའ་མ་ལུས་པ་ཐམས་ཅད་ཀྱིས་དམ་ཚིག་གི་སྤྱོད་ཡུལ་བྱིན་
གྱིས་བརླབ་པ་བྱས་ནས་སངས་རྒྱས་དང་བྱང་ཆུབ་སེམས་དཔའ་ཐམས་ཅད་ཀྱིས་དུས་གསུམ་མཉམ་པ་ཉིད་ཅེས་བྱ་བའི་སྙིང་པོ་འདི་གསུངས་སོ། །ན་མཿ སརྦ་བུདྡྷ་བོ་དྷི་སཏྭཱ་ནཱྃ། ཨ་བཱི་ར་ཧཱུྃ་ཁྃ། སྲས་བཅས་སངས་

94-1-216a

རྒྱས་ཐམས་ཅད་ཀྱི། །མཐའ་དང་དབུས་མེད་ཆོས་རྣམས་ལས། །མཚུངས་པ་མེད་པའི་གཏེར་ཀུན་གྱི། །སྙིང་པོ་འདི་ནི་སྟོབས་པོ་ཆེ། །འདི་ཡིས་རྒྱལ་བའི་སྲས་རྣམས་ཀྱིས། །སངས་རྒྱས་མཛད་པ་བྱེད་པར་
གསུངས། །མ་བསམས་པར་ཡང་སེམས་ཅན་དོན། །མཁས་པས་འདི་ཡིས་སྦྱོར་བར་འགྱུར། །འགྲོ་བ་དྲུག་འགྲེལ་བདག་ཉིད་ཡི་གེ་ལྔ། །ཐུགས་རྗེའི་བདག་ཉིད་ཀུན་གྱི་ཡབ་གཅིག་པུ། །འཇིག་རྟེན་གསུམ་པོ་སྐྱོབ་པའི་
སྒོར་ཞུགས་ནས། །ཞིང་རྣམས་རྒྱ་མཚོ་སྦྱོང་ཞིང་རྣམ་པར་གནས། །ཐུགས་རྗེའི་བདག་ཉིད་དད་པས་ཟིན་པའི་ཡུལ། །སེམས་ཅན་དོན་མཆོག་ཉེ་བར་སྒྲུབ་པར་བྱེད། །གཅིག་ཏུ་སྡུག་བསྔལ་མཐར་ཐུག་འགྲོ་བ་རྣམས། །
བྱང་ཆུབ་སེམས་དཔའ་གཙོ་མཆོག་དེ་སྦྱོང་བྱེད། །དེ་ཕྱིར་གཙོ་མཆོག་དྲི་མེད་འདི་སྒྲུབ་པ། །རྨད་བྱུང་ཆེ་མཆོག་ཆོས་ཅན་སྙིང་པོ་འདིའོ། །མཐའ་ཡས་བདེ་བར་གཤེགས་ལ་མངོན་དད་པས། །བརྩོན་འགྲུས་རྡོ་རྗེ་བླ་མེད་བསྒྲུབ་
པར་བྱ། །འདིའི་སྒྲུབ་པ་ནི་དེ་བཞིན་གཤེགས་པའི་སྙིང་པོ་ཅི་ལྟ་བ་དང་། རིག་པ་མཆོག་རབ་འབྱམ་ལ་སོགས་པའི་ཆོ་ག་ཇི་ལྟ་བ་བཞིན་དུ་བྱའོ། །དེ་ནས་འདིར་རས་རིས་ཀྱི་ཁྱད་པར་འབྱུང་བར་འགྱུར་རོ། །རས་རིས་ནི་བཅོམ་
ལྡན་འདས་རིན་པོ་ཆེའི་བྲག་ཕུག་ན་པད་མ་ལ་ཏིང་ངེ་འཛིན་ལ་སྙོམས་པར་ཞུགས་པས་བཞུགས་པ་འོད་ཀྱིས་བསྐོར་བ་བྲི་བར་བྱའོ། །བཅོམ་ལྡན་འདས་ཀྱི་གཡས་སུ་བྱང་ཆུབ་སེམས་དཔའ་ནམ་མཁའ་དྲི་མ་མེད་པ་ཞེས་
བྱ་བ་པྲི་ཡང་ཀུ་ལྟར་ལྗང་གུ་བཅོམ་ལྡན་འདས་ལ་ཐལ་མོ་སྦྱར་བས་པད་མ་ལ་གནས་པ་བྲི་བར་བྱའོ། །བཅོམ་ལྡན་འདས་ཀྱི་གཡོན་དུ་འཕགས་པ་རྡོ་རྗེ་འཛིན་ཨུཏྤ་ལ་སྔོན་པོའི་འདབ་མའི་མདོག་ཅན་ནམ། གསེར་གྱི་མདོག་ཅན་
འོད་ཀྱི་ཕྲེང་བས་བསྐོར་བ། ལག་ན་རྡོ་རྗེ་ཐོགས་པ་རིན་པོ་ཆེའི་པད་མ་ལ་བཞུགས་པའོ། །དེའི་འོག་ཏུ་མི་གཡོ་བ་མིག་གཅིག་པ་ཞེས་བྱ་བ་བགེགས་ཚར་གཅོད་པ། རིན་པོ་ཆེའི་བྲག་ལ་བཞུགས་པ་མིག་དམར་པོ་གཅིག་

94-1-216b

ཡོད་པ། ཀུན་ནས་འབར་བས་བསྐོར་བ་གནག་ཅིང་ལྗང་བ། ཁྲོས་ཤིང་འཁྲུགས་པ། གཞོན་ནུ་རལ་པ་གཅིག་ཡོད་པ། ལག་པ་ན་རལ་གྲི་དང་། ཞགས་པ་ཐོགས་པ་བྲི་བར་བྱའོ། །སྒྲུབ་པ་པོ་ནི་ཐལ་མོ་སྦྱར་བའོ། །རས་རིས་གཉིས་པ་ནི་
བཅོམ་ལྡན་འདས་དེ་བཞིན་དུ་ཏིང་ངེ་འཛིན་ལ་སྙོམས་པར་ཞུགས་པ་དང་། མི་གཡོ་བ་མིག་གཅིག་པ་བྲི་བར་བྱའོ། །དེ་བཞིན་དུ་ཆོ་ག་ཐམས་ཅད་ཀྱིས་སྦྱར་བར་བྱ་ཞིང་། རི་ལ་སོགས་པ་དབེན་པར་འདུ་འཛི་སྤངས་ནས་རས་རིས་མེད་པར་ཡང་བསྒྲུབ་
པ་འམ། ཐ་ན་གཙུག་ལག་ཁང་གི་བྲང་ཁང་ལ་སོགས་པ་དང་། ཀུན་དགའ་ར་བ་ལ་སོགས་པའི་གནས་སུ་སེམས་ཅན་གྱི་ཁམས་རྣམ་པར་དག་པའི་ཕྱིར་དངོས་གྲུབ་ལ་ཉེ་བར་དམིགས་པ་ཉིད་ཀྱིས་འབུམ་ཕྲག་གསུམ་བཟླས་ན། དེ་བཞིན་
གཤེགས་པ་བྱོན་ནས་མགོ་ལ་རེག་སྟེ་ལེགས་སོ་ཞེས་བྱ་བ་བྱིན་ཞིང་ཀུན་ནས་རེག་པར་གྱུར་པས་མངོན་པར་ཤེས་པ་རྣམས་འབྱུང་བར་འགྱུར་ཞིང་གཟུངས་རྣམས་ཀྱང་སོ་སོར་ཐོབ་པར་འགྱུར་རོ། །འབུམ་ཕྲག་གསུམ་བཟླས་ན་རྫས་གང་དང་གང་
བསྒྲུབས་པ་དེ་དང་དེས་རིག་པ་འཛིན་པའི་རྒྱལ་པོར་འགྱུར་རོ། །འཕགས་པ་བྱམས་པའི་སྤྱན་སྔར་འབུམ་ཕྲག་གསུམ་བཟླས་ན་འཕགས་པ་བྱམས་པ་མཐོང་བར་འགྱུར་རོ། །འཕགས་པ་ཕྱག་ན་རྡོ་རྗེ་ལ་རྣམ་པར་བལྟ་ཞིང་གནས་པས་འབུམ་
ཕྲག་གསུམ་བཟླས་ན་ལག་པ་ནས་བཟུང་ནས་ལྕང་ལོ་ཅན་དུ་འཇུག་པར་འགྱུར་རོ། །དེ་བཞིན་དུ་འཕགས་པ་ཀུན་དུ་བཟང་པོ་ལ་སོགས་པའི་བྱང་ཆུབ་སེམས་དཔའ་གང་དག་གི་མདུན་དུ་བཟླས་པ་བྱས་པ་དེ་ངེས་པར་མཐོང་བ་སྩོལ་བར་འགྱུར་རོ། །ཁྱད་པར་དུ་
འགྲོ་བ་ལ་ཡང་འཇོག་པར་འགྱུར་རོ། །སྐྱིལ་མོ་དཀྲུང་གིས་འདུག་ནས་མཚན་རངས་པར་དེ་བཞིན་གཤེགས་པ་ལ་དམིགས་ནས་བཟླས་ན་མངོན་པར་ཤེས་པ་ལྔ་ཐོབ་པར་འགྱུར་རོ། །རི་ལ་སློངས་མོ་སྤྱོད་ཅིང་འབུམ་ཕྲག་གསུམ་བཟླས་ན་རྫུ་འཕྲུལ་གྱི་རྐང་
པ་འཐོབ་ཅིང་ཅི་སྲིད་འདོད་པར་གནས་པར་འགྱུར་རོ། །སྙིང་པོ་འདི་ནི་རང་བཞིན་གྱིས་གྲུབ་པ། ཆགས་པ་མེད་པ་དོན་ཡོད་པར་གྲུབ་པའོ། །མྱུར་དུ་འགྲུབ་པ་སྒྲིབ་པ་མེད་པར་འགྲུབ་པ་ཞེས་བྱའོ། །གང་དེ་

94-1-217a

བཞིན་གཤེགས་པའི་སྤྱོད་ཡུལ་གྱི་ཆོ་ག་གང་ཡིན་པ་དེ་རྟོག་པ་འདིའི་ཡིན་ནོ། །མདོར་ན་གང་འདོད་པ་དེ་སྒྲུབ་པར་བྱེད་པ་ནི་དུས་གསུམ་མཉམ་པ་ཉིད་ཀྱི་དམ་ཚིག་ཅེས་བྱ་བ་ཡི་གེ་ལྔ་པོ་ཡིན་ནོ་ཞེས་བྱའོ། །དེ་ནས་བྱང་ཆུབ་སེམས་དཔའ་
ནམ་མཁའི་དམ་ཚིག་ཅེས་བྱ་བ་གང་མཆོག་ཏུ་མཚུངས་པ་མེད་པ་ཕ་རོལ་གྱི་ཡང་ཕ་རོལ་ཏུ་གྱུར་པ་དཔའ་བོ་དྲི་མ་མེད་པ་ཐམས་ཅད་དང་གཅིག་ཏུ་ཉེ་བར་འདུག་ནས་སངས་རྒྱས་དང་བྱང་ཆུབ་སེམས་དཔའ་ཐམས་ཅད་ཡང་དག་པར་སྐྱེད་པ་ཞེས་བྱ་བའི་
ཏིང་ངེ་འཛིན་ལ་སྙོམས་པར་ཞུགས་ནས་སངས་རྒྱས་དང་བྱང་ཆུབ་སེམས་དཔའ་རྣམས་ཀྱི་ཐུགས་ཉེ་བར་བསྡུས་པ་འདི་གསུངས་སོ། །ན་མཿ སརྦ་བུདྡྷ་བོ་དྷི་སཏྭཱ་ནཱྃ། མ་ཧཱ་མ་ཧཱ། ཨ་ར་ཡ་ཨ་ར་ཡ། ཤོ་དྷ་ཡ་ཤོ་དྷ་ཡ། ཨ་མཱ་ལཱ་ཨ་མཱ་ལཱ། 
ཏྲ་ཧ་ཏྲ་ཧ། མ་ཧཱ་ཀཱ་རུ་ཎྃ། ས་མ་ཡ་ཏྲ་ཀ་ར་ཏྲ་ཀ་ར། ཏྲ་ཡ་ཏྲ་ཡ་སྭཱ་ཧཱ། ཡང་བཅོམ་ལྡན་འདས་སངས་རྒྱས་དང་བྱང་ཆུབ་སེམས་དཔའ་རྣམས་ཀྱི་བྱ་བ་ལ་སྒྲིབ་པ་མེད་པ། སྔོན་གྱི་ཆོས་ཀྱི་དབྱིངས་ཀྱི་མཐར་ཐུག་པར་བྱས་པ་དེ་བཞིན་གཤེགས་
པ་ཐམས་ཅད་ཀྱིས་ལྷན་ཅིག་ཏུ་གསུངས་སོ། །ན་མཿ སརྦ་བུདྡྷ་བོ་དྷི་སཏྭཱ་ནཱྃ། བ་ར་བ་ར། སརྦྃ་སརྦྃ། ས་མ་ས་མ། ཀུ་རུ་ཎཱྃ་ཀུ་རུ་ཎཱྃ། ཏཱ་རཱ་ཏཱ་རཱ། སཱ་རཱ་སཱ་རཱ། ཨཱ་ཏཱི་ཨཱ་ཏཱི། ཨ་མཱི་ཏཱྃ།  ཨ་མཱི་ཏཱྃ། ཨ་ཏི་ཨ་ཏི། བཱི་རྃ་བཱི་རྃ། ཨ་ཏཱི་ཨ་ཏཱི། 
ཤུ་རྃ་ཤུ་རྃ། ཧ་ཧ་ཧ་ཧ། མ་ཧཱ་ས་མ་ཡ། ན་མཿ ཏྭ་ཨ་མ་ལ་སིདྡྷི་དཱ་ཡ་ཀེ་བྷྱཿ སརྦ་བུདྡྷ་བོ་དྷི་ས་ཏྭེ་བྷྱཿ སརྦ་ཨ་ནན་ཏ་མ་དྷྱེ་བྷྱཿ མ་ཧཱ་ཀཱ་རུ་ཎཱྃ། ཨ་མ་ལི་ཎཱྃ། ཨ་ས་ཧེ་ཛྭ་ལ་སྭཱ་ཧཱ། འདི་གསུམ་བསམ་གྱིས་མི་ཁྱབ་སྟེ། །སངས་རྒྱས་རྣམས་
ཀྱིས་གྲོལ་བ་དང་། །མཆོག་ཏུ་རྣམ་དག་སེམས་ཅན་རྣམས། །བྱེད་པ་འང་བསམ་གྱིས་མི་ཁྱབ་པ། །དཔའ་བོ་ཀུན་གྱིས་འདིར་ཐམས་ཅད། །འདི་ཡི་སྟོབས་ཀྱིས་དོན་ཐམས་ཅད། །བྱིན་གྱི་བརླབས་ཀྱིས་བྱིན་གྱིས་བརླབས། །
གསང་བ་བདག་ཉིད་ཆེན་པོ་འདི། །དཔག་མེད་ཅེས་བྱའི་ཐུགས་རྗེའི་བདག །ཀུན་གྱི་སྤྱོད་ཡུལ་འདི་ཡིན་ཏེ། །དེ་ཕྱིར་འདི་དང་འདྲ་བ་མེད། །བློ་ལྡན་དད་པས་སྙིང་པོ་འདི། །འགྲོ་ཀུན་འདུལ་བར་འདོད་པ་ཡིས། །ཡང་དག་ཉིད་དུ་བསྒྲུབ་

94-1-217b

པར་བྱ། །འདི་ནི་བྱང་ཆུབ་སེམས་དཔའ་གསང་སྔགས་ཀྱི་སྒོར་སྤྱད་པ་སྤྱོད་པ་བསྡུས་པའི་རྒྱལ་པོའི་ཕྱོགས་གཅིག་གི་བླ་ན་མེད་པའི་སྙིང་པོ་རིམ་པར་ཕྱེ་བ་རབ་འབྱམ་གྱི་ཕྱོགས་གཅིག་ཡིན་ནོ། །འཕགས་པ་ཀུན་དུ་བཟང་པོས་
ཀྱང་རང་གི་སྙིང་པོ་སྨྲས་པ། ན་མཿ སརྦ་བུདྡྷ་བོ་དྷི་སཏྭཱ་ནཱྃ། སུ་མ་ཏཱི་སུ་མ་ཏཱི། ས་མ་ཡ་ས་མ་ཡ། ས་མ་ས་མ། ཨ་ཏཱི་ཨ་ཏཱི། རོ་ཙ་ནཱ་རོ་ཙ་ནཱ། མ་ཧཱ་བ་ལི་བེ་གེ་དྱེ་ཧི་མ་ཧཱ་ས་མནྟ་བྷ་དྲ། ཨ་ཙི་ཏ་བ་ལ་བེ་ག་ན་མཿ སྟུ་ཏེ་སྭཱ་ཧཱ། དེ་
བཞིན་གཤེགས་པའི་སྙིང་པོའི་ཆོ་གས་ཉིས་འགྱུར་དུ་སྦྱར་བར་བྱའོ། །རིག་པ་མཆོག་རབ་འབྱམ་ལ་སོགས་པའི་ཆོ་གས་ཀྱང་སྦྱར་བར་བྱའོ། །རས་རིས་ནི་སངས་རྒྱས་བཅོམ་ལྡན་འདས་འཕགས་པ་ཀུན་དུ་བཟང་པོ་དང་། འཕགས་པ་
སྟོབས་པོ་ཆེ་ཞེས་བྱ་བ་ཕྱག་ན་རྡོ་རྗེ་རྣམས་སྔ་མ་བཞིན་དུ་ཅི་རིགས་པར་བྲི་བར་བྱའོ། །ཕྱག་ན་རྡོ་རྗེའི་འོག་ཏུ་ནི་འཕགས་པ་རྡོ་རྗེའི་སྟོབས་ཞེས་བྱ་བ་གཞོན་ནུ་རིན་པོ་ཆེའི་བྲག་ལ་འདུག་པ། གནག་ཅིང་ལྗང་བ། མིག་དམར་བ། 
ངུར་སྨྲིག་གྱོན་པ། ལག་ན་རལ་གྲི་ཐོགས་པ། ཁྲོས་པ། ཐུར་དུ་ལྟ་བ། བགེགས་རྣམས་འཇོམས་པ་བྲི་བར་བྱའོ། །འོག་ཏུ་ནི་སྒྲུབ་པ་པོའོ། །རས་རིས་གཉིས་པ་ནི་འཕགས་པ་ཀུན་དུ་བཟང་པོ་དང་། གཡོག་པོ་དེ་
བཞིན་དུ་གནས་པ་བྲི་བར་བྱའོ། །འདིར་ཡང་ལས་ཐམས་ཅད་སྔ་མ་བཞིན་དུ་བསྒྲུབ་པར་བྱ་སྟེ། ཅི་ལྟར་མོས་པ་བཞིན་དུ་འཕགས་པ་ཀུན་དུ་བཟང་པོའི་སྨོན་ལམ་གྱིས་འགྱུར་རོ། །འཕགས་པ་བློ་གྲོས་ཆེན་པོས་རང་གི་སྙིང་
པོ་སྨྲས་པ། ན་མཿ སརྦ་བུདྡྷ་བོ་དྷི་སཏྭཱ་ནཱྃ། ཨ་ཏྲཱ་ཨ་ཏྲཱ། སརྦ་སརྦ། ས་མ་ས་མ། ས་པྃ། ཨ་ཙ་ལཱི་ནཱི་ཨ་ཙ་ལཱི་ནཱི། ཨ་མ་ལཱི་ནཱི། ཨ་མ་ལཱི་ནཱི། མ་ཧཱ་ཨ་གྲ་ཡེ་སྭཱ་ཧཱ། མཆོག་ལ་ལྟ་བ་ཞེས་བྱ་བས་སྙིང་པོ་
སྨྲས་པ། ན་མཿ སརྦ་བུདྡྷ་བོ་དྷི་ས་ཏྭཱ་ནཱྃ། ཨ་ནནྟ་མ་ཧཱ་བ་ཁེ་ནཱ་སྟི་ཨ་གྲ་ས་ཏྭ་ན་མོ་སྟུ་ཏེ། སརྦ་ཏྲཱ་ཨ་པྲ་ཏི་ཧ་ཏ་གཱ་ཏེ་ན་མཱ་སརྦ་ཛི། ཨྃ་བེ་ཏད་ཨེ་ཏྃ། ཨ་ཏྲ་ཨ་ཏྲ། བ་ར་བ་ར། བི་རི་ཡ་བི་རི་ཡ་སྭཱ་ཧཱ། དྲི་མ་མེད་པའི་

94-1-218a

ཤུགས་ཀྱི་འོད་ཀྱིས་རང་གི་སྙིང་པོ་སྨྲས་པ། ན་མཿ སརྦ་བུདྡྷ་བོ་དྷི་སཏྭཱ་ནཱྃ། ཏ་ར་ཏ་ར། བ་ར་བ་ར། བི་རི་བི་རི། དྷ་མ་དྷ་མ། ཨ་ས་མ་ཛྭཱ་ལ་སྭཱ་ཧཱ། རྡོ་རྗེ་དཔའ་བོས་རང་གི་སྙིང་པོ་སྨྲས་པ། ན་མཿ སརྦ་བུདྡྷ་བོ་དྷི་སཏྭཱ་ནཱྃ། 
ཨ་གྲ་ཏ་སྟ་ར་མ་ན་ཧཱ་མ་ཏི་ཧཱུྃ་ཧཱུྃ། ཨེ་ཧྱེ་ཧི། ཨ་ཏི་ཨ་ཏི། ཨ་མ་ལཱ། བ་ར་བ་ར། བི་རི་བི་རི། བཛྲ་བཛྲ། བ་ལ་ཨྃ་གི། །ཏི་བི་ཏི་བི། ཧཱུྃ་ཛྭཱ་ལཱ་ནཱ་མ་སྭཱ་ཧཱ། རྡོ་རྗེ་དཔའ་བོས་སྨྲས་པ། ན་མཿ སརྦ་བུདྡྷ་བོ་དྷི་སཏྭཱ་ནཱྃ། ག་ག་ནཱ་ག་
ག་ནཱ། ག་ག་ནཱ་དྷ་ནོངྒ་དེ་དྷ་དྷི་ནཱྃ་མེ། ཏི་སི་ཏི་སི། ཧ་ས་ཧ་ས། བཛྲ་བ་ལཱ་ཨུ་ད་ཡ་སྭཱ་ཧཱ། ནམ་མཁའ་ཤར་བས་རང་གི་སྙིང་པོ་སྨྲས་པ། ན་མཿ སརྦ་བུདྡྷ་བོ་དྷི་སཏྭཱ་ནཱྃ། ཨ་ཏི་ཨ་ཏི། གརྦྷ་གརྦྷ། ཏུ་རཱུ་ཏུ་རཱུ། བཛྲ་བཛྲ། ཀུ་རུ་ཀུ་རུ། ཧཱུྃ་
སྭཱ་ཧཱ། དེ་བཞིན་གཤེགས་པའི་ཐུགས་ཀྱི་སྙིང་པོའོ། །ན་མཿ སརྦ་བུདྡྷ་བོ་དྷི་སཏྭཱ་ནཱྃ། ཏྲཱ་ཊ་ཏྲཱ་ཊ། ཏཱ་ཊཱ་ཏཱ་ཊཱ། ཧ་ར་ཧ་ར། མ་ཧཱ་བཛྲ་གརྦྷ་ཧཱུྃ་ཧཱུྃ། ཏཱ་ཊི་ཏཱ་ཊི། བནྡྷ་བནྡྷ། བཛྲ་བཛྲ། གུ་ཎཱ་གུ་ཎཱ། ས་རཱི་ཧཱུྃ་ཛྭ་ལ་ན་མཿ སྟེ་སྭཱ་ཧཱ། རྡོ་རྗེ་སྙིང་པོ་
འི་འོ། །ན་མཿ སརྦ་བུདྡྷ་བོ་དྷི་སཏྭཱ་ནཱྃ། ཀཱ་རུ་ཎ། ས་མ་ཡྃ། ཀུ་རུ་ཀུ་རུ། ཨ་ནནྟ་མ་ཧཱ་བ་ལཱ་བཛྲ་ཧེ་ཧེ་ཤཱི་གྷྲྃ་ཤཱི་གྷྲྃ། ཨཱ་བི་ཤ་ཨཱ་བི་ཤ །ཏཀྠི་ཏི་བི་ཏི་བི། བཛྲ་མཱ་ལ་སྭཱ་ཧཱ། རྡོ་རྗེ་མཐའ་ཡས་ཀྱིའོ། །ན་མཿ སརྦ་བུདྡྷ་བོ་དྷི་སཏྭཱ་ནཱྃ། 
ཨ་མ་ལ་ཤཱི། །ས་མནྟ་ས་མ་ཡ། ཧི་རི་ཧི་རི། ཧཱུྃ་ཧཱུྃ། བཛྲ་བཛྲ། ཏིཥྛ་ཏིཥྛ། ཛ་ར་ཛ་ར། བཛྲ་ཡ་ས་ནི་ནཱ་མ་སྭཱ་ཧཱ། རྡོ་རྗེ་དཔལ་གྱི་སྙིང་པོའི་འོ། །འཕགས་པ་སྤྱན་རས་གཟིགས་དབང་ཕྱུག་པད་མ་ལས་ངེས་པར་བྱུང་བ་ཞེས་བྱ་བས་སྙིང་པོ་
སྨྲས་པ། ན་མཿ སརྦ་བུདྡྷ་བོ་དྷི་སཏྭཱ་ནཱྃ། ཨཱ་ཡ་ཧི་ཤཱི་གྷྲྃ་སུ་ག་ཏ། ཛ་བེ་གྲ་ཏ་པྲ་ཎ་མི་ཏྃ་ཏེ་བ་ར། ས་ཏྲ་མེ་ཀྲ་མཱ་ཀཱ་རོ་ཧཱི། སརྦ་པ་ར་ད་མ་མ་ཧཱ་བ་ལ། ཨ་ཙཎྚ་ཀ་ས་ཏྭཱ་བི་ཤུདྡྷི། ཀ་ར་ཀ་ར་ཀ་ཏྲ་ཏྲེ་དྃ་ཏྲི་ཏ་ཡྃ། བི་ར་ཡྃ་བི་ར་ཡྃ། བི་ར་ཡྃ། 
ཨ་ར་ར་ཀྲི་མཱ་བ་ཡ་སྭཱ་ཧཱ། པད་མ་ལས་ངེས་པར་འབྱུང་བ་སྤྱན་རས་གཟིགས་དབང་ཕྱུག་གི་སྙིང་པོའོ། །ན་མཿ སརྦ་བུདྡྷ་བོ་དྷི་སཏྭཱ་ནཱྃ། བ་ར་དྷཱ་བཛྲ་ཨུ་ད་ཡ་ཧཱུྃ་ཧཱུྃ། ཧེ་ཧེ་སཱ་དྷ་ཡ་སྭཱ་ཧཱ། རྡོ་རྗེ་དཔའ་བོའི་འོ། །ན་མཿ སརྦ་

94-1-218b

བུདྡྷ་བོ་དྷི་སཏྭཱ་ནཱྃ། ཨ་རུ་ཎཱྃ་ཨ་རུ་ཎཱྃ། ས་མ་ཏེ་ས་མ་ཏེ། བ་ར་དེ་བ་ར་དེ། སཱ་རཱ་ཐེ་སཱ་རཱ་ཐེ། ན་མོ་ཨ་ཙིནྟྱ་བི་ཥ་ཡེ་བྷྱཿ སྭཱ་ཧཱ། བདེ་བར་གཤེགས་པ་ལས་བྱུང་བའི་སྙིང་པོའོ། །འཕགས་པ་བྱམས་པས་རང་གི་སྙིང་པོ་སྨྲས་པ། 
ན་མཿ སརྦ་བུདྡྷ་བོ་དྷི་སཏྭཱ་ནཱྃ། ཏཱིཏྟཱི་ཡ་ཏཱིཏྟཱི་ཡ། བྷི་དྷི་ཡ་བྷི་དྷི་ཡ། མ་ཧཱ་ཡོ་གཱི་ཤྭ་ར། དཪྴ་ཡ་དཪྴ་ཡ། ས་མ་ཡྃ་ཛྭཱ་ལ་ཡ་སརྦ་ཨ་མོ་གྷ་སིདྡྷི་སྭཱ་ཧཱ། མྱ་ངན་མེད་བཟང་པོས་རང་གི་སྙིང་པོ་སྨྲས་པ། ན་མཿ སརྦ་བུདྡྷ་བོ་དྷི་སཏྭཱ་ནཱྃ། སཱ་མ་ཏེ་སཱ་མ་
ཏེ། སུ་རཱ་ཏེ་སུ་རཱ་ཏེ། ཤོ་བྷི་ནི་ཤོ་བྷི་ནི། བྷ་དྲེ་བྷ་དྲེ། བྷ་ར་བྷ་ར། བི་ར་བི་ར། ཙ་ལ་སྭཱ་ཧཱ། ན་མཿ སརྦ་བུདྡྷ་བོ་དྷི་ས་ཏྭཱ་ནཱྃ། ཨ་ཏྲཱི་ཀ་ས་མ་ཧཱ་མནྟི་མནྟི། ཀ་ར་ཀ་ར། བཱི་ར་བཱི་ར། ཏ་ར་ཏ་ར། ཏཱི་ཡཱ་ཏཱི་ཡཱ། མཉྫུ་ཤྲི་ཡཱ། ཀ་རི་ཀ་རི། ཀ་ར་ཀ་ར། 
ཏ་ར་ཏ་ར། ཧ་ར་ཧ་ར། བཛྲ་མ་ཡ། ཧཱུྃ་ཧཱུྃ། ཛ་ལ་ཀུ་མཱ་ར་ཀ་སྭཱ་ཧཱ། འཕགས་པ་འཇམ་དཔལ་གྱི་སྙིང་པོའོ། །འཕགས་པ་པད་མ་རྡོ་རྗེས་སྙིང་པོ་སྨྲས་པ། ན་མཿ སརྦ་བུདྡྷ་བོ་དྷི་སཏྭཱ་ནཱྃ། ཨཱ་རྱ་གཱི་ཏེ་ན་མོ་སྟུ་ཏེ། ཀཱ་རུ་ཎ་མཎྜ་ལཱ་མ་ལ་ཛྭཱ་ལཱ་
མེ་དྷོ་མ་ནི་ས་ཧ་ཏེ་ཙ་གུ་ཎ་རཱ་ཛཱ་ཨ་གྲ་བྷཱུ་ཥ་ཎ་ཏཱ་ཏྲ། ཨེ་དྃ་ཏི་དྭ་ཡ་ཏྲི་དྭ་ཡ་ཏྲི། སུ་མ་ཏི་སུ་མ་ཏི། ཏེ་ར་ཏཱི་ཏེ་ར་ཏཱི། གུ་ཎ་གུ་ཎ། ཛྭཱ་ལ་ཡ་ཨ་མོ་གྷ་ཨ་པྲ་ཏེ་ཧི་ཏ་སྭཱ་ཧཱ། འཕགས་པ་རྡོ་རྗེ་རང་བཞིན་གྱིས་སྙིང་པོ་སྨྲས་པ། ན་མཿ
སརྦ་བུདྡྷ་བོ་དྷི་སཏྭཱ་ནཱྃ། བཛྲ་མཱ་ཡཱ་ཏྲི་ཤི་ཁཱ་བ་ར་ཧཱུྃ། བ་ར་བོ་ག་གུ་ཎཱྃ་མ་ལ་བནྡྷ་པེ་ཀི་ནི་སྭཱ་ཧཱ། འཕགས་པ་རྡོ་རྗེ་རྩེ་མོས་སྙིང་པོ་སྨྲས་པ། ན་མཿ སརྦ་བུདྡྷ་བོ་དྷི་སཏྭཱ་ནཱྃ། ཨ་ཧ་ཧ་ཧ་ཧ། ས་མ་ས་མ། ཏྲི་ཤཱི་ཁ་
ར་ཏྲི་ཤཱི་ཁ་ར། ཏྲྱམྦ་ཏྲྱམྦ། ཨ་ས་དྲཱི་ཤྱ་སྭཱ་ཧཱ། རྡོ་རྗེ་ཡན་ལག་བྱིན་གྱིས་རང་གི་སྙིང་པོ་སྨྲས་པ། ན་མཿ སརྦ་བུདྡྷ་བོ་དྷི་སཏྭཱ་ནཱྃ། ཏྲཱ་ག་ཏྲཱ་ག །ཧཱུྃ་ཧཱུྃ། ཙྃ་ཙྃ་ཏུ་ཏེ་སུ་ཁ་ཡ་ཧཱི་སྭཱ་ཧཱ། རྡོ་རྗེ་མི་གཡོ་བས་རང་གི་སྙིང་པོ་སྨྲས་པ། ན་མཿ
སརྦ་བུདྡྷ་བོ་དྷི་སཏྭཱ་ནཱྃ། སརྦ་ཏྲ་གྷུ་ཎཱྃ། ཀུ་རུ་ཀུ་རུ། ས་མ་ཏྲ། ཧཱ་རཱ་ཧཱ་རཱ། ཧཱུྃ་ཧཱུྃ། བཛྲ་ཨ་ཙ་ལ་སྭཱ་ཧཱ། ན་མཿ སརྦ་བུདྡྷ་བོ་དྷི་སཏྭཱ་ནཱྃ། ཧ་ན་ཧ་ན། ཏ་ན་ཏ་ན། མ་ཧཱ་བཛྲ་བ་ལོ་ད་ཡ། ཏ་ཏ་ཏ་ཏ། ན་མ་ན་མ། 

94-1-219a

ཨ་ཏ་ཨ་ཏ། ས་ཏ་ས་ཏ། གུ་ཎ་གུ་ཎ། ཏ་ན་ཏ་ན། མ་ན་མ་ན། ཛྭཱ་ལ་ཡ་ཛྭཱ་ལ་ཡ། བེ་ག་ཨ་ཙ་ལ་ཨ་ཙ་ལ། ཧཱུྃ་ཧཱུྃ། ཨ་ཏི་ཛྭཱ་ལ་ཡ་ན་མ་སྭཱ་ཧཱ། གསང་བའི་བདག་པོ་རྡོ་རྗེ་འཆང་གི་རྡོ་རྗེ་སོས་རང་གི་སྙིང་པོ་
སྨྲས་པ། ན་མཿ སརྦ་བུདྡྷ་བོ་དྷི་སཏྭཱ་ནཱྃ། རཀྟཱ་རཀྟཱ། སཀྟཱ་སཀྟཱ། མནྟཱ་མནྟཱ། བྷ་དྲཱ་བྷ་དྲཱ། མོ་ཊཱ་མོ་ཊཱ། ཏ་ཊ་ཏ་ཊ། ཧཱུྃ་ཧཱུྃ་བཛྲ་ཨ་ཏི་བ་ལ། ཛ་ཧ་ལེ་ཛ་ཧ་ལེ། ཏིཏྟི་ཏིཏྟི། ཏི་ཙི་ཏི་ཙི། ཤ་ཏ་ཤ་ཏ། ཙ་ཙ་ཨཱ་ཛྙཱ་ཀ་ར་སྭཱ་ཧཱ་
དྲི་མ་མེད་པའི་མདངས་ཀྱིས་རང་གི་སྙིང་པོ་སྨྲས་པ། ན་མཿ སརྦ་བུདྡྷ་བོ་དྷི་སཏྭཱ་ནཱྃ། ཨཱརྱ་ཨ་མ་ལེ། ས་ད་ཡ་སརྦྃ། ཏི་ཙི་ཏི་ཙི། མ་ཏི་མ་ཏི། གཱནྟེ་སྭཱ་ཧཱ། ན་མཿ སརྦ་བུདྡྷ་བོ་དྷི་སཏྭཱ་ནཱྃ། ཏ་ར་ཏི་ཏ་ར་ཏི། བ་ར་ཏི་བ་ར་ཏི། 
མ་ཧཱ་བ་ར་ཏི། མ་ཧཱ་བ་ར་ཏི། ས་མནྟེ་ཛྭཱ་ལཱ་ཡ། བཛྲ་ཏཱ་ཧ་རི་ཧཱུྃ་ག་ར་ས་མ་ཡ་སྭཱ་ཧཱ། དམ་ཚིག་གཟི་བརྗིད་ཅེས་བྱ་བའོ། །ན་མཿ སརྦ་བུདྡྷ་བོ་དྷི་སཏྭཱ་ནཱྃ། ཏྲི་ཤི་ཁཱི། བ་ར་དེ་བ་ར་དེ། ཤ་ར་ཤ་ར། ཤཱ་རེ་ཤཱ་རེ། བ་ར་བ་ར། 
ཏེ་ཛེ་ཧཱུྃ་ཧཱུྃ། ཁ་ནཱི། སིདྡྷི་སྭཱ་ཧཱ། རྡོ་རྗེ་ཤུགས་ཀྱིའོ། །ན་མཿ སརྦ་བུདྡྷ་བོ་དྷི་སཏྭཱ་ནཱྃ། ཨཏྟ་ཨཊྚ་ཙཎྜེ་ཙཎྜེ། བྷཱེ་ཥི་ཎཱི་བྷཱི་ཥ་ཎཱི། ཏ་ཊ་ཏ་ཊ། བཛྲ་བེ་གེ་ནཱི་ཀནྟཱི་ཤོ་བྷི་ནཱི་ཏྲཱྃ་ཏྲཱྃ། ཨ་ཀཪྵ་ཡ་སིདྡྷེ། ཏྲྃ་བི་ནི་བཛྲེ་བཻ་རོ་ཙེ། ཨ་ན་
ཐ་ཨ་ན་ཐ། བ་ལ་བ་ལ་ཧཱུྃ་ཧཱུྃ། ཡ་མ་ལི་ནི། ཨ་སྟ་ཀ་རོ་ཧི་སརྦ་ཐཱ་སཱ་དྷ་ནི་སྭཱ་ཧཱ། འཕགས་པ་རྡོ་རྗེ་ལྕགས་ཀྱུའི་འོ། །ན་མཿ སརྦ་བུདྡྷ་བོ་དྷི་སཏྭཱ་ནཱྃ། ཏིཀྟྭེ་ཏིཀྟྭེ། མུཀྟྭེ་མུཀྟྭེ། དེ་ཧི་བ་ར་རྃ། ཏོ་ཥ་ཡེ། ཏོ་ཥ་ཡེ། 
ཏ་ས་ཀ་རེ་ཏྃ་རེ་ཏྃ། ཏི་ལི་ཏི་ལི། ཏི་ནི་ཏི་ནི། མུ་ནི་མུ་ནི། མ་ཧཱ་ཀཱ་རུ་ཎཱྃ་མྃ་ཏྲ་ཡི་གེ་སྭཱ་ཧཱ། རྡོ་རྗེ་མའིའོ། །ན་མཿ སརྦ་བུདྡྷ་བོ་དྷི་སཏྭཱ་ནཱྃ། ཏི་ཊྱ་ཏི་ཊྱ། ཏོ་ཏྲ་ཏོ་ཏྲ། མེ་ལ་མཱ་ལ། ཧཱ་ཧཱ་ལེ་ཁེ་མ་མ་ཙོ་རེ་ཧཱུྃ་ཧཱུྃ། བཛྲ་ཨངྒེ་
ཀེ་ཀྵི་ཏ་ཀྵི་ཏ། ཀེ་ཀ་རེ་སྭཱ་ཧཱ། རྡོ་རྗེ་གདན་གྱིའོ། །ན་མཿ སརྦ་བུདྡྷ་བོ་དྷི་ས་ཏྭཱ་ནཱྃ། ཨ་པཱི་ནཱི་ཨ་པཱི་ནཱི། ཨཱརྱ་མཱ་ལ་ནི། བེ་གེ་ཛྭ་ལཱ་ཡ་སྭཱ་ཧཱ། རྡོ་རྗེ་ནག་པོའི་འོ། །ན་མཿ སརྦ་བུདྡྷ་བོ་དྷི་སཏྭཱ་ནཱྃ། མ་ག་ཏསྟི་ག་ཧི་ར་

94-1-219b

ཡ་སྱ་ཏ་སྱ་ཏ་གེ་ན་མོ་བུདྡྷ་མ་ཧཱ་ཡོ་ག་བ་ལ་ཨ་གྲ་ཡ་བཛྲ་བཱི་ར་ཡ་ཏ་ཡི་ནི་ཏྲེ་དཱྃ། ཨ་མ་བི་ཏི་ཨ་མ་བི་ཏི། བ་ལ་བ་ཏི་བ་ལ་བ་ཏི། ཤོ་དྷ་ནེ་སྭཱ་ཧཱ། རྡོ་རྗེ་དཔའ་བོའི་འོ། །རྟོག་པ་འདི་དག་ཐམས་ཅད་དུ་སྔ་མ་བཞིན་དུ་སྦྱར་བར་བྱའོ། །
དེ་བཞིན་དུ་རས་རིས་ཀྱང་ཇི་ལྟར་རིགས་པར་བྲི་བར་བྱའོ། །འདི་དག་ནི་བསྒྲིབས་པ་མེད་པར་རབ་ཏུ་གྲུབ་པ། དོན་ཡོད་པར་གྲུབ་པ། རང་བཞིན་གྱིས་གྲུབ་པ། བཀླགས་པས་གྲུབ་པ། ཐོགས་པ་མེད་པར་རབ་ཏུ་གྲུབ་པའོ། །སངས་
རྒྱས་དང་བྱང་ཆུབ་སེམས་དཔའ་ཐམས་ཅད་ཀྱིས་བྱིན་གྱིས་བརླབས་པའོ། །འདོད་པའི་དོན་ཕུན་སུམ་ཚོགས་པར་བྱེད་པའོ། །སེམས་ཅན་ཐམས་ཅད་ཀྱི་དོན་བྱེད་པའོ། །མཐོང་བའི་ཆོས་ལ་བདུད་རྩིའི་སྤྱོད་ཡུལ་དུ་འགྱུར་
ཞིང་ཡོན་ཏན་གྱི་འབྱུང་གནས་རབ་ཏུ་ཐོབ་པར་འདོད་པས་འབད་པ་ཐམས་ཅད་ཀྱིས་བསྒྲུབ་པར་བྱའོ། །འདིས་མི་འགྲུབ་པ་གང་ཡང་མེད་དོ། །སྒྲུབ་པ་འདིས་བསྒྲུབས་པ་ལ་ཉམས་པ་མེད་དོ། །བར་ཆད་མི་འབྱུང་ངོ་། །ལོག་
འདྲེན་མི་འབྱུང་ངོ་། །གནོད་པ་མི་འབྱུང་ངོ་། །ནད་མི་འབྱུང་ངོ་། །ཅི་ལྟར་འདོད་པས་ཅི་ལྟར་མོས་པ་བཞིན་དད་པར་བྱས་ནས་དེ་བཞིན་གཤེགས་པ་རྗེས་སུ་དྲན་བཞིན་དུ་ལས་རྣམས་བསྒྲུབ་པར་བྱའོ། །རྟོག་པ་འདིར་ཐེ་ཚོམ་མེད་
པར་བྱ་སྟེ། དམ་ཚིག་འདིས་འགྲུབ་པར་འགྱུར་རོ། །སྙིང་པོ་རབ་འབྱམ་གྱི་རིམ་པར་ཕྱེ་བའོ།། །། དེ་ནས་འདིར་གཏུམ་པོ་མཐར་བྱེད་ལ་སོགས་པ་ཕོ་ཉར་བྱེད་པ་ས་ཡ་བསམ་གྱིས་མི་ཁྱབ་པའི་གཙོ་བོ་བཅུའི་སྙིང་པོ་བཅུ་
འབྱུང་བར་འགྱུར་རོ། །ན་མཿ ས་མནྟ་བཛྲཱ་ཎཱྃ། ཨ་ཏི་བི་ཥ་ཡ། གྲིཧྞ་ཡ་ཙཎྜ། ཨུཏྟ་ཙྩ་ཀ་མ་ཧཱ་གོ་རཱ་ཀ་རཱ། ཧཱུྃ་ཧཱུྃ་ཧཱུྃ། བཛྲ་ཀཱ་ར་ལ། ཛྭཱ་ལ་ཛྭཱ་ལ། ཧྃ་ཧྃ་ཧཱུྃ་ཧཱུྃ། ཕཊ་ཕཊ་སྭཱ་ཧཱ། ན་མཿ ས་མན་ཏ་བཛྲཱ་ཎཱྃ། ཧཱུྃ་མ་ཧཱ་བ་ལ་ཨ་གྲ་
ཨ་ཙ་ལ། གྲིཧྣ་གྲིཧྞ། བནྡྷ་བནྡྷ། པཱ་ཏཱ་ཡ་པཱ་ཏཱ་ཡ། ཨཱ་བི་ཤ་ཨཱ་བི་ཤ །ཨ་མོ་གྷ་ཨ་པྲ་ཏི་ཧ་ཏ་བ་ར་བི་ཤྭ་མཱྃ་ཧཱུྃ་ཧཱུྃ། ཏ་བཱི་ཏ་བཱི་ར་ཨ་ཙ་ལ་སྭཱ་ཧཱ། ན་མཿ ས་མནྟ་བཛྲཱ་ཎཱྃ། ཨ་ཙི་ཏ་ཨུདྡ་ར་གུ་ཎ་བ་ར་བ་ར། ཀ་ར་ཀ་ར། 

94-1-220a

བྷ་ར་བྷ་ར། ཨ་ཏཱི་བ་ལཱ། ཁ་ཎ་ཁ་ཎ། ཁུནྟ་ཁུནྟ། ཏ་ནི་ཏ་ནི། མ་ཧཱ་ཛྭ་ལཱ་མནྡ་ཡ་ས་ཀ་སྭཱ་ཧཱ། ཤིན་ཏུ་སྟོབས་ཀྱི་རྡོ་རྗེའི་འོ། །ན་མཿ ས་མནྟ་བཛྲཱ་ཎཱྃ། ཏྲི་པ་ལི་ཨ་ཙ་ལེ། ཨ་མ་ལཱི། ཀ་མ་ལཱི། མ་ཧཱ་
མ་ཧཱ། ས་ད་བ་ལ། ས་མ་ཏི། ག་བ་རཱ། ཏི་ཛཱ་ཏྲེ་དྃ། ཏྃ་བ་ཏྃ་བ། ཏྲ་ཊ་ཏྲ་ཊ། ཏ་ཊ་ཏ་ཊ། ཨ་ཏི་བཛྲ་བི་ཥ་ཎ་ཧཱུྃ། སྥོ་ཊ་ཡ། སཱ་དྷ་ཨཱ་ཛྙཱ་ཀ་ར་སྭཱ་ཧཱ། མཆོད་ཆེན་མཆོག་གིའོ། །ན་མཿ ས་མནྟ་བཛྲཱ་ཎཱྃ། ཏིཥྛ་ཏིཥྛ། 
མ་ཧཱ་དུ་ཏ་ཨ་མོ་གྷ། ཨ་པྲ་ཏི་ཧ་ཏ། ཨ་ཙ་ལཱ་ཀུ་རུ་ཀཱ་ཡྃ། མ་ཧཱ་ཏེ་ཛ་ཨ་གྲ་བ་ནཱ་ཏོ་ཨ་སྨི་བྷ་བ་ཨུཏྟ་མ། ཏ་ཏྲེ་དྃ། ཏ་ཏ་ཏ་ཏ། མ་ཏ་མ་ཏ། ཨ་ཏི་ཨ་ཏི། བཛྲ་ས་ད་ཡ་ས་ད་ཡ། སརྦྃ། བ་ར་བ་ར། ད་ན་མ་སྭཱ་ཧཱ། ཤིན་ཏུ་རྡོ་རྗེའི་འོ། །
ན་མཿ ས་མནྟ་བཛྲཱ་ཎཱྃ། ཨ་ཏཱི་ཨ་ཏཱི་ཨ་ཏཱི། ཏེ་ཛོ་ཨ་ཏཱི། བཛྲ་ཀ་ར་ཀ་ར། བཛྲ་མ་ཏ་མ་ཏ། ཏཱི་བཱ་རཱ་ཏཱི་བཱ་རཱ་ཏཱི། མ་ཧཱ་མ་ལཱ། ཨ་གྲ་ཨ་ཙ་ལི་ཏ་ས་ལ་ལི་ཏ་ག་ཏི་མྃ་ཀུ་རུ་ཀུ་རུ་སརྦྃ། ས་མ་ཡ་མ་ས་ཡ། བ་ལ་ཨ་གྲ། ཏ་ཊ་ཏ་ཊ། ར་ཊ་ར་ཊ། 
བི་ར་ཛ་ན་མ་སྟེ་སྟུ་སྭཱ་ཧཱ། ན་མཿ ས་མནྟ་བཛྲཱ་ཎཱྃ། ཨེ་ཧི་མ་ཧཱ་ཙཎྜ་ཨ་ཙ་ལ་བཛྲ། ཨ་ཏི་བི་ཥ་མ་བཛྲ། ཨ་ཏི་སྠི་ར་བཛྲ། ཨ་ཏི་སུ་ར་བཛྲ། ཨ་ཙ་ལི་བི་ཏ་བཛྲ། མཱ་ལཱ་ཨ་ས་ཧ་ཨ་ས་ཧ། མ་ཧཱ་ཀྲོ་དྷ་ན་མ་ཧཱུྃ་ཧཱུྃ། ཧཱ་ཧཱ། ཧོ་ཧོ། ཨ་མོ་གྷ་ཨ་
པྲ་ཏི་ཧ་ཏ། མ་ཧཱྃ་ཕཊ་ཕཊ། བཛྲ་ཨངྒི་ཧཱུྃ་ཧཱུྃ་ཛྭཱ་ལ་སྭཱ་ཧཱ། གཏུམ་པོ་ཆེན་པོ་མི་གཡོ་བ་ཁྲོ་བོ་མེ་དཔུང་གིའོ། །ནམཿ ས་མནྟ་བཛྲཱ་ཎཱྃ། ཨ་ཡཱ་ཧཱི་མ་ཧཱ་ཙཎྜ་ལ། ཀ་ར་ཀ་ར། བ་ར་བ་ར། ཏྲ་ཡ་ཏྲ་ཡ། ཏྲྃ་མ་ཧཱ་བ་ལ་བཛྲ་ས་མ་ཡ་བཛྲ་ས་མ་ཡྃ། 
བྃ་དྷ་ར་དྷ་ར། མ་ཧཱ་བཛྲ་ཧ་ས་ཧ་ས། ཨ་ཏི་ཨ་ཏི། རོ་ཥ་ཎ་ཧཱུྃ་ཧཱུྃ་ཕཊ་ཕཊ་སྭཱ་ཧཱ། རྡོ་རྗེ་དམ་ཚིག་གིའོ། །ན་མཿ ས་མནྟ་བཛྲཱ་ཎཱྃ། ཨ་ར་ཏི་ཨ་ར་ཏི། ཧ་ས་ཏི། ཧ་ས་ཏི། ཙ་རཱ་ཏཱི་ཙ་རཱ་ཏཱི། ཤ་ར་ཏཱི་ཀ་ར་ཏཱི། ཏཱི་ཡ་ཏཱི་ཡ། ཏཱི་སི་ཡ་ཏཱི་སི་ཡ། ཏཱི་
རཱི་ཡ་ཏཱི་རཱ་ཡི། ཏིཏྟཱི་ཡ་ཏིཏྟཱི་ཡ། ཨེ་ཧི་སུ་སིདྡྷི་མ་ཧཱ་བཛྲ། ཨུངྒ་ཏ། ཏིཥྛ་ས་མ་ཡ་ས་མ་ཡ། ཨཱ་སཱ་དྲཱི་སྭཱ་ཧཱ། རྡོ་རྗེ་ཆེན་པོ་མཐོང་བ་ཞེས་བྱ་བའི་ཕོ་ཉའོ། །སྨོན་ལམ་དྲི་མེད་རྒྱལ་སྲིད་ཀྱིས། །དཔའ་བོ་ཆེན་པོ་བྱིན་བརླབས་ནས། །

94-1-220b

སེམས་ཅན་ཁམས་རྣམས་རྣམ་སྦྱོང་བའི། །དཔའ་བོ་འདི་དག་དང་འདྲ་མེད། །དམ་པའི་ཆོས་དང་སྲས་བཅས་པའི། །སངས་རྒྱས་ཀུན་གྱི་ཅི་བགྱི་ལགས། །བཀའ་བཞིན་བྱེད་པས་གནས་པའི་ཕ། །འདི་དག་རྟག་ཏུ་དམ་
པ་མཆོག །འཇིག་རྟེན་གསུམ་པོ་གང་ན་ཡང་། །འདི་དག་དང་འདྲ་ཡོད་མ་ཡིན། །དུས་གསུམ་བདག་པོའི་སྟོབས་རྣམས་ཀྱིས། །མཐར་བྱེད་འདི་དག་སྟོབས་ཅན་བྱས། །སྔར་བསྟན་པའི་ཆོ་ག་ཐམས་ཅད་ཀྱིས་བསྒྲུབ་པ་འམ། 
ཡིད་ལ་གང་འདོད་པས་སམ། རྟོག་པ་གཞན་གྱི་ཆོ་གས་ཀྱང་བསྒྲུབ་པར་བྱ་སྟེ། དོན་གང་གི་ཆེད་དུ་བྱས་ནས་བཟླས་པ་བྱས་པ་དེ་ཡང་དག་པར་སྒྲུབ་པར་བྱེད་དོ། །རིག་འཛིན་སྒྲུབ་པར་བྱེད་པའི་རྫས་རྣམས་ལ་དེ་བཞིན་བསྒྲུབས་ན། 
མ་བསམས་པར་ཡང་འདི་དག་ཐམས་ཅད་འབད་པ་ཆུང་ངུས་འགྲུབ་པར་འགྱུར་རོ། །ལྷ་རྣམས་ཀྱང་བཅིངས་ནས་འགུགས་པར་བྱེད་དོ། །ཀླུ་ལ་སོགས་པ་ཡང་འགུགས་པར་བྱེད་དོ། །མདོར་ན་སངས་རྒྱས་དང་བྱང་ཆུབ་སེམས་དཔའ་རྣམས་ཀྱང་
འགུགས་པར་བྱེད། སྟོན་པར་བྱེད་པའི་སའི་ཁམས་ཀྱང་གཡོ་བར་བྱེད་དོ། །སེམས་ཅན་གྱི་ཁམས་རྣམས་མཐའ་ཡས་ཤིང་རྒྱ་ཆེན་པོའི་ངོ་མཚར་རྣམས་ཀྱང་ཡང་དག་པར་སྟོན་པར་བྱེད་དོ། །སྐྱེད་པར་བྱེད་དོ། །ཁྲོ་བོའི་འཁོར་ལོ་ཐམས་
ཅད་ཀྱི་གདུག་པ་གདུལ་དཀའ་བ་རྣམས་འདུལ་བར་བྱེད། གསོད་པར་ཡང་བྱེད་དོ། །ཀུན་ནས་ཉོན་མོངས་པ་ཅན་གྱི་འཇིག་རྟེན་གྱི་ཁམས་རྣམས་རྣམ་པར་སྦྱོང་བར་ཡང་བྱེད་དོ། །དེ་ནས་གསང་བའི་དཀྱིལ་འཁོར་འདིར་ཁྲོས་པ་
མཆོག་ལ་སོགས་པ་ཁྲག་ཁྲིག་བསམ་གྱིས་མི་ཁྱབ་པ་ཕྲག་བཅུའི་ཕོ་ཉ་མོའི་གཙོ་མོ་རྣམས་འབྱུང་བར་འགྱུར་རོ། །ཧེ་ཧི་མ་རོ་ཥ་ད་རི་ནི་ཌ་དྷ་རི་ཎཱྃ། ཏཱ་རི་ཎཱི་ཏཱ་རི་ཎཱི། ས་ཏི་ས་ཏི། སུ་མེ་ཏྲེ། ཨ་ནནྟི་ན་མྃ་མྃ། ས་ད་ཡ་
ས་ད་ཡྃ། ཨ་ཛི་ཏེ་ཏོ་ཥ་ཡ། ཏོ་ཥ་ཡ། སུ་ག་ཏྃ། ཏཱ་ཡཱི་ཏཱ་ཡཱི། བཱི་རེ་བཱི་རེ། བཱི་ར་པ་ཏཱ་གེ། །ཨ་ཧི་ས་མ་ཨངྒེ་སཱ་མ་ས་ནཱི་ཧཱུྃ་ཧཱུྃ་ཧཱུྃ། ཛྭ་ལ་ནཱ་མཱ་ཡཱ། ཨ་གྲེ་ཏྲྃ་བི་ནཱཾ་སྭཱ་ཧཱ། ཁྲོས་པ་ཆེན་པོའི་འོ། །ན་མཿ ས་མནྟ་བཛྲཱ་ཎཱྃ། 

94-1-221a

ཏྲ་ཏཱ་རི་མ་ཏཱ་རི། བཛྲ་པ་ཏཱ་ཀེ། བོ་དྷ་ཡ་ཏོ་ཥཱ་ཎཱྃ། བཛྲ་དྷ་ར་ཨ་གྲེ་ཏཏྟེ་ཏཏྟེ། མཏྟེ་མཏྟེ། མ་ཧཱ་པྲ་ཙཎྜ། ཕེ་གེ་ཎཱི་སྭཱ་ཧཱ། རབ་གཏུམ་ཆེན་མོ་ཞེས་བྱ་བའི་ཕོ་ཉ་མོའི་ཡིན་ནོ། །ན་མཿ ས་མནྟ་བཛྲཱ་ཎཱྃ། ས་མ་ཏྃ། 
ས་མ་ཏྃ། ཏི་མི་ཏྃ། ཏི་མི་ཏྃ། མ་ཏི་ཏྃ་མ་ཏི་ཏྃ། མ་ནི་ཏྃ་མ་ནི་ཏྃ། ཁེ་ལ་ཁེ་ལ་སདྡེ་སདྡེ། མདྡེ་མདྡེ། རཏྟེ་རཏྟེ། བིདྡེ་བིདྡེ། གུདྡེ་གུདྡེ། ཨ་གྲེ་བ་ར་དྷེ། མོ་སིདྡེ་མོ་སིདྡེ། ན་མོ་ཨ་མོ་གྷ་ཨ་པྲ་ཏི་ཧ་ཏེ་བྷྱཿ སྭཱ་ཧཱ། 
མཐའ་ཡས་རྡོ་རྗེ་ཞེས་པའི་ཕོ་ཉ་མོའི་འོ། །ན་མཿ ས་མནྟ་བཛྲཱ་ཎཱྃ། ཁེ་ལ་ནི་ཏི་ཡ། ཨི་བྷ་ཨ་བྷ་རོ་ཙ་ནེ་ཤཱ་ས་ཏེ་ཏོ་ཥ་ཏེ་ཧི་ཤི་ར་ཀཱ་ར་ཏེ། ཏེ་རི་སྭཱ་ཧི་སིདྡྷ་ཡ་ཧི་ཨ་ཛ་ལེ་ཨ་ཛ་ལེ་ཡཱ་སྃ། མ་ལི་ཨེ་ཏ་ཏྲེ། ཨེ་དྃ་མ་ལ་ཏི་མ་ལ་བ་ཏི། 
ཀུ་སུ་མི་ཏི་ཀུ་སུ་མི་ཏི། ཏཱི་ཏཱི། ཏིདྟ་ཡ། ཏིདྟ་ཡ། ཏིཥྛ་ཏིཥྛ། མ་ལི་ཀི་སྭཱ་ཧཱ། ཕྲེང་བ་མ་ཞེས་བྱ་བའི་ཕོ་ཉ་མོའི་འོ། །ན་མཿ ས་མནྟ་བཛྲཱ་ཎཱྃ། ཨ་ཙ་ལཱ་ཙ་ནཱ། ཨ་གྲ་བནྡྷ་ནི། ཨ་མ་ལ་ཨ་ཙ་ལ་ཨ་གྲེ། ས་ཏྱྃ་
གི་ནི་ཏྱྃ་གི་ནི། སྃ་ཀ་རི་སྃ་ཀ་རི། དྷད་ཏེ་དྷད་ཏེ། ཨཏྟེ་ཨཏྟེ། ར་ཏི་ར་ཏི། རད་ཏེ་རདྟེ། ཏ་ར་ཏ་ར། ཏཏྟེ་ཏཏྟེ། ས་མཱ་ས་མཱ། སཏྟེ་སཏྟེ། ས་ཧེ་ས་ཧེ། སུ་ཁ་སུ་ཁ། ཨ་ས་ཧ་བ་ར་ཨུངྒ་ཏི། དུ་རི་བི་དུ་རི་བི་དུ་རི། སཱ་དྷ་
ཡ་སཱ་དྷ་ཡ། སིདྡྷི་ཛྭཱ་ལཱ་ཡ། ན་མ་སྭཱ་ཧཱ། རྡོ་རྗེ་ཐམས་ཅད་པ་ཞེས་བྱ་བའི་ཕོ་ཉ་མོའོ། །ན་མཿ ས་མནྟ་བཛྲཱ་ཎཱྃ། ཨ་ཏཱི་ས་ཡེ་ན་བྷོ་ཏི་ནྃ་ས་མ་ཏེ།  ཏྲཱྱྃ་གི་ནཱི་ཀ་རུ་དེ་བཱི་ཨ་གྲེ་ཏེ་ཨ་གྲེ་ཏེ། མཱ་ཧི་ཏྃ་ཙི་ཡེ། ཏོ་ཥ་ཡ་ཧི་ནཱ་ཡ་ཀཱ་ན། 
ཏྲ་ཏྲ་ཨེ་དྃ། ཏ་ར་ཏི་ཏ་ར་ཏི། བ་ར་ཏི་བ་ར་ཏི། མ་ཧཱ་ཏཱི་མ་ཧཱ་ཏཱི། ཧ་ར་ཏི་ཧ་ར་ཏི། མ་ཧཱི་བི་ཥ་ཎེ་ཛྭཱ་ལ་ནཿ སྭཱ་ཧཱ། ན་མཿ ས་མནྟ་བཛྲཱ་ཎཱྃ། སརྦ་ཏྲཱ་བ་ར་ཛི་ཏི། ཨེ་ཧི་མ་ཧཱ་མ་ཧེ་ཨེ་ཧི། ཨ་མ་ལ་མ་ལེ། ཨེ་ཧི་
ཏྲི་གུ་ཏེ་ཧི་ས་ཧ་ཏེ། ཨ་ཧ་ཏེ་ཧཱ་རཱ་ཏེ། ཏ་ར་ཏེ་ཏྲཱི་སྠ། ཏྲཱི་སྠ། སརྦ་ཐཱ་ན་མོ་སྟུ་མ་ཧཱ་ཀྲི་བེ་བྷྱཿ སྭཱ་ཧཱ། ཤིན་ཏུ་རྡོ་རྗེ་དང་། རྡོ་རྗེ་མི་ཕམ་པའི་འོ། །ན་མཿ ས་མནྟ་བཛྲཱ་ཎཱྃ། ཨ་ཤོ་ཀ་ཏི། ཨ་མ་ལེ་བ་ལ་བ་ཏི། 

94-1-221b

ཨ་བ་ལེ་ས་མ་ས་མ། ས་མ་ཡེ་ཨ་ཏི་བ་ལ་བི་ཤ་ཡ། ཏ་ན་ཏ་ན། བ་ར་ཏྃ། ཀི་རི། ཀུ་རུ་ཀུ་རུ། ས་མི་ཏཱྃ་ས་མི་ཏཱྃ། སུ་སྃ་སྟི་ཏེ། ཛྭཱ་ལ་ཡ་སྭཱ་ཀེ་སྭཱ་ཧཱ། ཡང་དག་པར་རབ་ཏུ་གནས་པ་ཞེས་བྱ་བའི་ཕོ་ཉ་མོའོ། །
ན་མཿ ས་མནྟ་བཛྲཱ་ཎཱྃ། ཨ་ཏཱི་ཨུཏྶེ་སྟྱྃ། ཀུ་ཤི་ཨ་ནཱ་ཡ་ཨ་ནཱ་ཡ། ཨ་ས་མ་བ་ཏཱ་ཀེ་ཧ་རི་ཎཱི། ཤཱི་གྷྲྃ། ཨ་མི་ཏཱ་མ་ཧཱ་བ་ལ་བེ་གེ། །ཏཱ་ཡི་ཏཱ་ཡི། དྷ་ཡི་དྷ་ཡི། ཏཱི་སཱི་ཏཱི་སཱི། ས་མི་ཡེ། ས་མི་ཡེ། 
ཧཱུྃ་ཧཱུྃ་ཧཱུྃ། བཱི་ར་པ་ཏཱ་ཀེ་ཨ་ཀཪྵ་ཡ་སྭཱ་ཧཱ། མཉམ་པ་མེད་པའི་གདན་གྱི་ཡིན་ནོ། །ན་མཿ ས་མནྟ་བཛྲཱ་ཎཱྃ། ཨ་ཏཱི་ཨ་ཏཱི། ཙཎྜ་ཤཱི་གྷྲྃ། མ་ཀྲི་ཥ་བནྡྷ་ཡ། ཏ་ཌི་ཏ་ཌི། སཱ་དྷ་ཡ། སཱ་དྷ་ཡ། ཏཱ་ལཱི་ཏཱི། 
ཏཱ་ལཱི་ཏཱི། ལེ་ཏེ་ལེ་ཏེ་ལེ། ཏོ་ཥ་ཡ། ཏྲི་བ་ལ་ཨངྒི། ཛྭཱ་ལ་ཛྭཱ་ལཱ་ཡ། ཨ་ཙ་ལེ་སྭཱ་ཧཱ། སྟོབས་གསུམ་གྱི་ཡན་ལག་ཅེས་བྱ་བའི་ཕོ་ཉ་མོའི་འོ། །ན་མཿ ས་མནྟ་བཛྲཱ་ཎཱྃ། ཏྲཱི་རཱུ་ཙི་ཏྲཱི་རཱུ་ཙི། ད་ཡེ་ད་ཡེ། 
ཏྲི་དྷ་ཡེ་ཏྲི་དྷ་ཡེ། སརྦ་ཏི་སརྦ་ཏི། སརྦ་ཏ་སརྦ་ཏ། གུ་ཎི་གུ་ཎི། ཏྲི་ས་མ་ཡེ་ཏྲི་ས་མ་ཡེ། ཏྲི་ཁེ་ཏྲི་ཁེ། མཱྃ་གེ་མཱྃ་གེ། །ཁདྟཱི་ཤི་ཁེ་ཁ་དྟཱི་ཤི་ཁེ། ས་མནྟཱ་ཏཱི་ས་མནྟཱ་ཏཱི། ཨེ་ཧྱེ་ཧི་བ་ལ་བ་ཏི། ཏཱིཏྟཱི་རེ་ཏཱིཏྟཱི་རེ། ཏྲཱི་ཤེ་
ཁེ་ཏྲཱི་ཤེ་ཁེ། བཛྲ་མཎྜ་ཎེ་ཨ་ཙེ་ལི་ཀི། །ན་མོ་སྟཱ་ཨ་མོ་གྷཱ་ནཱྃ་མ་ཧཱ་ས་མ་ཡ། སིདྡྷ་ཛྭཱ་ལཱ་ཡཱ་པྲ་ཏི་ཧ་ཏ་ཨ་གྲཱ་ས་ནེ་སྭཱ་ཧཱ། རྡོ་རྗེ་ཡན་ལག་ཅེས་བྱ་བའི་ཕོ་ཉ་མོའི་འོ། །མཐའ་ཡས་རྟག་པ་འདི་དག་ཀུན། །སངས་
རྒྱས་སྤྱོད་ཡུལ་མཉམ་ཉིད་ལས། །བསྒྲིབས་མེད་དཔའ་བོས་ཐམས་ཅད་དུ། །མ་ལུས་པ་རྣམས་བྱིན་གྱིས་བརླབས། །དམ་པའི་ཆོས་ཀྱི་སྲས་བཅས་པ། །དུས་གསུམ་སངས་རྒྱས་ཕོ་ཉ་མོ། །གཡོ་བ་མེད་
པའི་སྨོན་ལམ་རྣམས། །བསྒྲུབ་པར་བྱ་བའི་དོན་དུ་གནས། །བརྩེ་ཆེན་རྣམས་ཀྱི་སྦྱིན་པ་འདི། །བདག་ཉིད་ཆེ་བའི་ཡོན་ཏན་འདི། །བསྟན་པའི་སྙིང་པོར་གྱུར་པ་འདི། །མཁས་པས་གསང་བ་འང་འདི་ལས་

94-1-222a

མེད། །སྔོན་གྱི་མཐའ་འདི་གཤེགས་པ་ཡི། །དེ་བཞིན་གཤེགས་པ་འང་འདིས་ཐོབ་སྟེ། །བར་མཚམས་མེད་པའི་ལྗོན་པའི་ཤིང་། །འདི་ཡིས་རྒྱས་པར་བྱས་པ་ཡིས། །བདེ་གཤེགས་རྣམས་ཀྱིས་
སངས་རྒྱས་གཟུགས། །མི་ཁོམ་བརྒྱད་པོ་རྣམ་སྦྱོང་བ། །སེམས་ཅན་རྣམས་ལ་ཕན་དོན་དུ། །གཅིག་ཉིད་མང་པོ་བྱེད་ཚུལ་ཕྱིར། །ཕོ་ཉ་མ་འདི་དག་བསྒྲུབ་བྱ། །སེམས་ཅན་ཀུན་གྱི་དོན་གྱི་ཕྱིར། །སངས་རྒྱས་
མ་ལུས་ཀུན་དམིགས་ན། །བྱ་བའི་བདག་ཉིད་ཅན་གྱིས་འགྲུབ། །ཕོ་ཉ་མོ་རབ་འབྱམ་གྱི་རིམ་པར་ཕྱེ་བའོ། ། དེ་ནས་དཀྱིལ་འཁོར་བཀའ་ཉན་བསམ་གྱིས་མི་ཁྱབ་པ་འབྱུང་བར་འགྱུར་ཏེ། ན་མ་ཤྩཎྜ་ཨནྟ་ཀཱ་ནཱྃ། ས་མ་ས་མ་མཱ་
ཧཱི་ཏ། ཨ་ཙ་ལ་མ་ཧཱ་བ་རཱ་ཙེཊྚ་ཀ་གཱ་ཏ་ཡ་བཱི་ར་སྥ་ཊཱ་ཡ། སུ་ར་མཱ་ར་ཡ་མཱ་ར་ཡ། ར་ཎ་ཧཱུྃ་ཧཱུྃ། མཱ་ཊཱ་མཱ་ཊཱ། ཕཊ་ཕཊ། མི་གཡོ་བ་ཤུགས་ཀྱིའོ། །ན་མཿ ས་མནྟ་བཛྲཱ་ཎཱྃ། ཀ་ཎ་ཀ་ཎ། ཁ་ཎ་ཁ་ཎ། མ་ན་མ་ན། 
ཤུ་ར་ཏཱི་ཤུ་ར་ཏཱི། ར་མཱ་ཎཱ། ཀྲིཥྞ་ཀ་རཱ་ལ། མ་ཧཱ་བ་ར་གརྦྷ། ཙཎྜ་སུ་བྷཱི་ཥ་ཎ་ཁ་ཧི་སུ་རོ་ཥཱ། ཀ་ཏཱ་ཀ་ཏཱ། མཱ་ཏཱ་མཱ་ཏཱ། ར་ཏཱ་ར་ཏཱ། སྭཱ་རཱ་ན་ཏྲ་ས་ཀ་ར་ཧཱུྃ་ཧཱུྃ་ཀ་ར་ཧཱུྃ་ཀ་ར་ཧཱུྃ་ཀ་ར། མྃ་ཏེ་མྃ་ཏེ་ཧཱུྃ་ཕཊ། སྟོབས་
ཆེན་ཤུགས་ཀྱིའོ། །ན་མཿ ས་མནྟ་བཛྲཱ་ཎཱྃ། ཏྲཱི་ཤི་ར་ཏྲཱི་ཛ་ཏ། ཏྲ་ཤ་ཁ། ཏྲཱི་ནཱ་ཡ་ན་ཨུཏྨ་ཊ་ཏཱ། ཨུངྒི་ཧཱ་ཁཱ་ཧི་ཨ་ཙ་ལ། ཁ་ར་ཁ་ར། ཁྃ་ཁ་ར་ཁྃ་ཁ་ར། ཙཎྜ་མ་ཧཱ་མ་ཧཱ། བྷཱི་ཥ་ཎ། ས་ར་མ་ཧཱ། བ་ར་
ད་ཡ་ཀ་ཧེ་ཧེ་ཙེཊྚ། ཤྲི་ཎོ་ཧི་མ་མཱ་ཨ་ན་ལ་བི་ཥི་ཏྲྃ་སྭཱ་ཧཱ། བཀའ་ཉན་མེ་དཔུང་གིའོ། །ན་མཿ ས་མནྟ་བཛྲཱ་ཎཱྃ། ཨ་གྲ་པ་ལ་ཨ་ཙ་ལ། ཨེ་ཧི་ཨེ་ཧི། ཏི་ཏི་ས་མཱ་ས་མཱ། རྃ་ག་རྃ་ག །ཏ་ཊ་ཏ་ཊ། ཏ་མཱ་ཏ་མཱ། 
ཏི་སི་ཡ་ཏི་སི་ཡ། སི་མི་ཡ་སི་མི་ཡ། ཁེ་ལ་ནཱ་ཁེ་ལ་ནཱ། ཨ་ཙ་ལེ་སྭཱ་ཧཱ། ཁ་དོག་ཅན་ནོ། །ན་མཿ ས་མནྟ་བཛྲཱ་ཎཱྃ། ཨ་ཏི་ཨ་ཏི། ཏྲཱི་བྷྲཱ་ཧ་ར་ཏྲཱི་བྷྲཱ་ཧ་ར། ཨ་ཏི་ཨ་ཏི། ཤཱུ་ར་བ་ཤཱུ་ར་བ། ཨ་ཏི་ཨ་ཏི། བི་ར་ཀུ་རུ་ཀུ་རུ། 

94-1-222b

ཤཱནྟ་ཏི་ཤཱནྟ་ཏི། བི་ཥ་མ་ཨ་ཙ་ལ་བཱ་རཱ་ཙ་ཊཱ་མ་ཧཱ་ཏེ་ཛ་ཀ་རོ་ཧི་མེ་ཨ་ཐཱ་ར་སྭཱ་ཧཱ། གདུག་པ་མི་གཡོ་བའོ། །ན་མཿ ས་མནྟ་བཛྲཱ་ཎཱྃ། ཨོཾ་ཛ་ན་གི་རི་སྱཱ་མ། ཨེ་ཧི་མ་ཧཱ་ས་མ་ཡ་ཙེ་ཏ་ག་ཏི་ག་ཏི། ར་ཏི་ར་ཏི། ཨ་ས་ཧཱ་ཨ་ས་ཧཱ། 
ཨ་ཙ་ལ་ཨ་ཙ་ལ། ཧཱུྃ་ཀ་ར། ཨ་ཐ་ར་ས་མ་ཨུ་ནན་ཏ་སྭཱ་ཧཱ། དམ་ཚིག་ཅན་ཞེས་བྱ་བའི་བཀའ་ཉན་ནོ། །ན་མཿ ས་མནྟ་བཛྲཱ་ཎཱྃ། སུ་བྷྲ་ཊ་སུ་བྷྲ་ཊ། ཏ་ར་ཏ་ར། བ་ར་བ་ར། ཛ་ཡ་ཛ་ཡ། ཨ་ཛི་ཏ་ཀ་ར་ཀ་
ར། མ་ཧི་ཏ་ས་མཱ་ས་མཱ། གུ་ཎི་ཧ། དུ་ན་དུ་ན། དུ་ར་དུ་ར། ཨ་ཙ་ལ། ཏ་ཊ་ཏ་ཊ། ཏི་ཊཱ་ཏི་ཊཱ། ཙ་ཊཱ་ཙ་ཊཱ། ཧཱུྃ། ཀུ་རུ་ཀུ་རུ། སརྦྃ་ཏྲི་ས་མ་ཡ་སྭཱ་ཧཱ། མི་ཕམ་པའི་སྟོབས་ཞེས་པའི་བཀའ་ཉན་ནོ། །ན་མཿ ས་
མནྟ་བཛྲཱ་ཎཱྃ། གརྦྷི་ཏཱ་གརྦྷི་ཏཱ། ཏྲི་ལོ་ཙ་ན་ཏྲི་ལོ་ཙ་ན། མ་ཧཱ་མ་ཏཱི་པྲ་ཙཎྜ་ཤཱུ་ར་མ་ཧཱ་ཏེ་ཛ་མ་ཧཱ་བ་ལ་ཨཱདྨོ་ཏྲ་ཡ་ཏྲ་ཡ། ཨ་མི་ཏ། ས་མ་ས་མ། མི་ཧཱི་ཏཱ། ཀུ་རུ་ཀུ་རུ། སརྦྃ་ཏི་ཛ་ཏི་ཛ། ས་མ་ཏྃ་ས་མ་ཏྃ། ཧེ་ཧེ་ཀ་རྃ་ཀ་རྃ། ཧོ་ཧོ། ཏ་ར་ཏ་ར། 
མ་མ་ས་རྃ་ས་རྃ། ཨ་ས་མ་བ་ལ། ཨུདྟ་ག་ཏ། མ་ཧཱ་ཏྲོ་ཤོ་ཎྃ། ཛྭ་ལ་ཨཱ། སཱ་དྷ་ཡ་ཧཱུྃ། ན་མཿ སརྦ་ཏ་ཐཱ་ག་ཏེ་བྷྱཿ ཨ་ནནྟ་མ་དྷྱ་དྷརྨེ་བྷྱཿ སྭཱ་ཧཱ། སྟོབས་མཉམ་པ་མེད་པས་མཐོང་བ་ཞེས་བྱ་བའི་བཀའ་ཉན་ནོ། །ན་མཿ ས་མནྟ་བཛྲཱ་ཎཱྃ། 
ཏྲ་སརྦ་ཏྲ་ག་སུ་ཙེ་ཏ་མ་ཧཱ་བ་ལ། བི་ཤོ་ན། ཨ་ཏི་ཨ་ཏི། ཨུ་གྲ་ཨ་ཏི་ཨ་ཏི། ཨ་གྲ་ས་མ་ས་མ་ས་མ་ཡ། དྷ་ར་དྷ་ར། ཀ་ར་ཀ་ར། བ་ར་ད། ཀུ་རུ་ཀུ་རུ། བིཾ་ག་ལ་ན་ཡ་ན་ཡ། ཏམྦྷི་ཨ། དྷུ་ན་དྷུ་ན། ཏ་ར་ཨངྒ་ཡཱ་ཧཱུྃ། མཏྟཾ་
མཏྟཾ། གཱ་མི་ན་སྭཱ་ཧཱ། མ་ཏང་ག་མྱོས་འགྲོ་ཞེས་བྱའོ། །ན་མཿ ས་མནྟ་བཛྲཱ་ཎཱྃ། ཏ་ཏ་ཏ་ཏ། ས་ཏ་ས་ཏ། སུ་ར་བྷི་ན་སུ་ར་བྷི་ན། ན་ཊ་ན་ཊ། ཏངྒི་ཡ་ཏངྒི་ཡ། མ་ཧཱ་བ་ལཱ། ཛ་ཛ་ཨ་གྲ། མ་ཧཱ་ཛེ་ཏ་ན་ལ་ཧཱུྃ། བི་ན་ཛ་པ་ཡ། ས་ར་ས་ར། དྷ་ར་དྷ་ར། 
ཏ་ར་ཏ་ར། ཧ་ར་ཧ་ར། ཏི་ཨུ་ཏི་ཨུ། ས་ར་དྷ་ཡ་ན་མ་ཨ་ནནྟ་བཛྲ་ཨ་ཙ་ལ་སྭཱ་ཧཱ། མཐའ་ཡས་རྡོ་རྗེ་མི་གཡོ་བ་ཞེས་བྱའོ། །ན་མཿ ས་མནྟ་བཛྲཱ་ཎཱྃ། ཨ་ཏི་ཤ་ཡ་ཨ་གྲ་མ་ཧཱ་གྷཱུརྞཾ། པཎྜི་ཏ་པྲ་བ་ར་ཙེ་ཏ་ས་དྷ་ས་མ་ཧཱ་ཨ་ཙ་ལཱ་ཨ་ཏི་ཨ་ས་ཀྵ་ཏྲི་ཡཏྟྭ་ཛ་

94-1-223a

ཀ་ཛི་ན་ཏེ་ས་མ་བྷ་བནྟ། སུ་དྷ་ར། ཙེ་ཏ་ཀ་ཡ་ན་མ་སྭཱ་ཧཱ། མཐར་བྱེད་ཅེས་བྱ་བའི་བཀའ་ཉན་ནོ། །ན་མཿ ས་མནྟ་བཛྲཱ་ཎཱྃ། ཨ་ཏི་ཀུ་ནཱྃ་སྨ་ཧྷ་མཱྃ་ཨཱུ་ཏི་མོ་ལི། ཀེ་ས་མ་ཡ། ཙེ་ཏི་བ་ར་ཨུངྒ་ཏི། མ་ལཱི་ཌ་ཏེ་ཨ་ཙ་ལི། ཏ་མ་ལེ་དེ་
ཧི་བ་རྃ་བ་རི་ཏྲི་བ་ལི་ཀ་ན་ཏི། ས་མ་ནཱ་ཡ་ཎཽ་ཛྭ་ལེ། མཐའ་ཡས་པའི་འོ། །ན་མཿ ས་མནྟ་བཛྲཱ་ཎཱྃ། ཨ་ནནྟ་ཏྲི་ས་མ་ཡཱ། ཨ་གྲོ་ཏ་ར་ཏེ་ཨ་ཙ་ལ་ཙེ་ཏཱི། ཨ་མ་ལཱ། ཏེ་ཛེ་ཏེ་ཛེ་ཧ་ས་ཧ་ས། ཏི་ཤི་ཏི་ཤི། །ཧེ་ཧེ། ཨ་ན་ཡཱ་བཛྲ་མ་ཧཱ་བ་ལ་བེ་ག །
ཏྲྃ་བི་ནི་ཏྲྃ་རཱུ་ཙེ་ནི། ཏྲི་རཱུ་ཙེ་ནི། གྷོ་རེ་གྷོ་རེ། གྷཱ་ཏ་ཡ་གྷཱ་ཏ་ཡ། ཏྲ་ཀི་ཏྲ་ཀི། །བཛྲ་བཛྲ། བ་ར་ཨངྒ་ག །ཀ་ར་ཀ་ར། ཨ་གྲ་གུ་ཎེ། ས་མ་ཡ་ས་མ་ཡ། ཏྲ་ཡི་ཎྃ་ཏྲ་ཡི་ཎྃ། ས་མི་རྣྃ་ས་མི་རྣྃ། ཏྲ་ཏ་ཏྲི་མེ་ཏྲཱྃ་མེ་ཏྲཱྃ་མ་ཏྲཱི། ཨ་ས་ཧ་ཡི་གེ། །ཧཱུྃ་ཧཱུྃ་ཧཱུྃ། 
སརྦ་ཏྲ་བི་ཀྲཱནྟ་བ་ལ་ནི་སྥུ་ཊ་ཡ། ཧཱུྃ་ཧཱུྃ་ཧཱུྃ། ན་མཿ  སརྦ་ཏྲ་ཨ་པྲ་ཏི་ཧ་ཏ་ཤཱ་ས་ནེ་བྷྱཿ མ་ཧཱ་བ་ལེ་བྷྱཿ སྭཱ་ཧཱ། རྡོ་རྗེ་ཡན་ལག་ཅེས་བྱ་བའི་བཀའ་ཉན་མོའི་འོ། །ན་མཿ ས་མནྟ་བཛྲཱ་ཎཱྃ། ཏྲི་པ་ཏཱྃ་ཀེ་ཧཱུྃ་བཛྲ་མ་ཧཱ་ཨ་མྲི་ཏ་ཏེ་ཛོ་ཧཱུྃ། ཨ་
ཙ་ལ་ནི་ཧཱུྃ། ཏི་ཊི་མ་ཧཱ་ཨཱཏྨེ། ཏྲི་བ་ཏྲི་བ། ཏིངྒ་ཏིངྒ། ཨ་ཙི་ཏེ་ས་མ་ར་ཏི། ཤཱ་ས་ནི་མོ་དྷེ་མོ་དྷེ། བ་ར་དེ་བ་ར་དེ། ཨ་མ་ལི་ནི། ཀ་རུ་ཎེ་སརྦ་མ་ཧཱ་བ་དཱ་ཏི་པུ་སྲི་ཎུ་སྲི་ཎུ། དྷ་ར་དྷ་ར། དྷ་ནི་གུ་ཎི་གུ་ཎི། ན་མཿ སརྦ་ཏྲ་ཨ་པྲ་
ཏི་ཧ་ཏ་ཤཱ་ས་ནེ། བྷྱོ་མ་ཧཱ་བེ་བྷྱོ་སྭཱ་ཧཱ། དར་དཔྱངས་པ་ཞེས་བྱ་བའི་བཀའ་ཉན་མའོ། །ན་མཿ ས་མནྟ་བཛྲཱ་ཎཱྃ། ཨ་གྲ་དྷེ་བི་ཤཱ་ཡ། སརྦ་ཨ་མོ་གྷ་སཱ་དྷ་ནི་སིདྡྷི་ནི་ཛྭཱ་ལ་ཡ། ཨ་པ་མཱ་ལ་བཱི་རེ། ཨ་ཙ་ལེ་
སུདྡྷ་རདྻེ་ཀེ། ཏིཏྟ་ཀེ་ཧནྟི་རི་ཀེ། སནྡྷ་ནི་ཨ་ས་མྃ་གུ་ནེ་ཏ་དྟི་ཀེ། སཱ་དྷུ་སཱ་དྷུ། མ་ཧཱ་བ་ལ་བེ་གེ། །ཨ་ཏི་ཨ་ཏི། ས་མ་ས་མ། ཏེ་ཛེ་ན་མ་སརྦ་ཏྲ་སིདྡྷི་བྷྱཿ སྭཱ་ཧཱ། གྲུབ་པ་མོ་ཞེས་བྱ་བའི་བཀའ་ཉན་མོའི་འོ། །
ན་མཿ ས་མནྟ་བཛྲཱ་ཎཱྃ། ཨ་ཙེ་ལ་ཙེ་ཏི་ཀེ་ཧཱུྃ་ཨ་ན་ཡ་ཏྃ། ཡདྨེ་ཧྲི་དྷི་མ་ཎཱི་ཤི་ཏྃ། དྷ་བ་དྷ་བ། ཨ་ས་ལ་ཡི་གེ་ཙཎྜེ་སརྦ་ཏྭྃ། སརྦ་ཨ་པྲ་ཏི་ཧ་ཏ་ཤཱ་ས་ནི་ཧཱུྃ་མ་ཧཱ་ཏཱི་བྲེ་སྭཱ་ཧཱ། ན་མཿ ས་མནྟ་བཛྲཱ་ཎཱྃ། ཨ་ནནྟ་

94-1-223b

ཀེ་ཨ་ཙ་ལ་ཀ་ནི་རོ་ཥ་ཎེ་ཧཱུྃ་ཧཱུྃ་བནྡྷཱ་ཨ་ན་ཡ། ཤཱ་ས་ཡ། ཤཱ་ས་ནེ། མ་ཧཱ་ཨ་གྲེ་ཙེ་ཊ། ཀ་ཊཱ་ཀ་ཊཱ། མ་ཏཱ་མ་ཏཱ། བྷཉྫ་བྷཉྫ། ཨ་མ་ལི་ཀེ་སྤོ་ཊཱ་ཡ་སྭཱ་ཧཱ། ཤུགས་ཤིན་ཏུ་མཐའ་ཡས་པ་ཞེས་བྱ་བའི་བཀའ་ཉན་མོའི་
འོ། །ན་མཿ ས་མན་ཏ་བཛྲཱ་ཎཱྃ། ཨ་ལོ་ཀི་ཏྲི་ཤི། སཏྭ་ཧི་ཏསྠ་པཱི་ཏཱ་སི་སཱ་དྷ་ཨ་ཙ་ལ་ཨ་མ་ལཱ། ཤ་གུ་ཎཱྃ། ཨ་གྲ་བཱི་ར་བཛྲ་མ་ཧཱ་མ་ཧཱ་མ་ཡི་སརྦི་ཡེ་སརྦི་ཡེ། སནྟི་ཡེ་སནྟི་ཡེ། ཏནྟི་ཡེ་ཏནྟི་ཡེ། དུ་ཏྟི་ཡེ་དུདྟི་ཡེ། 
ཡོདྟི་ཏི་ཡེ་ཡོདྟི་ཏི་ཡེ། ཛ་ཏི་ཨ་ས་མནྟི་ཡེ་སྭཱ་ཧཱ། དེད་དཔོན་མ་ཞེས་བྱ་བའི་བཀའ་ཉན་མོའི་འོ། །ན་མཿ སརྦ་བུདྡྷ་བོ་དྷི་ས་ཏྭཱ་ནཱྃ། ཨཱརྱ་ཨངྒི་ནི། མ་ཧཱ་བཛྲ་ཨ་ལཱི་ཨ་མ་ལཱི་ནཱི། ཀཱ་རུ་ཎ་ས་མ་ཡོ་ག་ག་ཎེ། ཨ་ས་མེ། 
བ་ར་དེ་བི་ར་ཛེ་ས་གུ་ཎེ། ཨཱ་ཛྙ་ག་རི། མ་ཧཱ་མ་དྷ་མཏྟི་ཀེ་ཛྭཱ་ལ་ཛྭཱ་ལ་ཡ། ཏིཏྟ་ཏིཏྟ། ཙེ་ཏི་ཙེ་ཏི་ཀེ། ཀུ་རུ་ཀུ་རུ། སརྦྃ་མ་ཧཱ་མ་ཧཱ། མ་ད་ཡནྟི་ཀེ་སྭཱ་ཧཱ། མྱོས་འགྲོ་མ་ཞེས་བྱ་བའི་བཀའ་ཉན་མོའོ། །ན་མཿ
ས་མནྟ་བཛྲཱ་ཎཱྃ། ཨ་རཱ་མི་ཏི་ཨ་རཱ་མི་ཏི། ཤོ་བཱ་ཏི་ཤོ་བཱ་ཏི། ཀྵ་བྷ་ཏི་ཀྵ་བྷ་ཏི། ཙེ་ཏི་མ་ཧཱ་ཤྲི། ཨཪྩ་ཏི་ཨཪྩ་ཏི། ནྲི་ཏ་ཡ་ཏི་ནྲི་ཏ་ཡ་ཏི། ཁེ་ལ་ཏི་ཁེ་ལ་ཏི། གུ་
ཡྱ་གུ་ཡྱ། གྲི་ཏ་ཏ་རཱི། མ་ཏ་རི་མ་ཏ་རི། ས་ཏ་རི་ས་ཏ་རི། མཎྜ་རི་མཎྜ་རི། ས་མ་ཏི་ཨ་ཙ་ལི་ནི། བཛྲ་ཨ་མ་ལི་ནི། ཤཱནྟི་ཨ་ས་ཧ་མ་ཧཱ་བཱ་རཱ་ས་མ་ཡ། 
ཨ་མ་ཧཱ་བ་ཙྪིནྡ་ནི་ཨ་བ་རྃ་དཱ་ད་ཏུ་ན་མཿ སརྦ་བུདྡྷ་དྷ་བོ་དྷི་ས་ཏྭེ་བྷྱཿ སྭཱ་ཧཱ། འཕགས་པ་བསམ་གྱིས་མི་ཁྱབ་པའི་དཔའ་བོ་ཞེས་བྱ་བའི་བཀའ་ཉན་མའི་འོ། །ན་མཿ
ས་མནྟ་བཛྲཱ་ཎཱྃ། ཨ་ཏི་བ་ལ། ཨ་ཙ་ལེ་སཱ་དྷ་ཡ་ཏཱི་ཏི་རེ་སྭ་མ་ཡྃ་སྭཱ་ཧཱ། དཀར་མོ་ཆོས་ཅན་ཞེས་བྱ་བ་སྟེ། འདི་ནི་བཀའ་ཉན་རྣམས་ཀྱི་མཆོག་གོ། ན་མཿ ས་མནྟ་བཛྲཱ་

94-1-224a

ཎཱྃ། ཏྲེ་དྷ་ནི་ཏྲི་དྷ་ནི། ཏྲི་ཛཱ་ཊོ་ཏྲི་ཛཱ་ཊོ། ཏ་མཱ་ཡེ་ཏ་མཱ་ཡེ། ཏྃ་སུ་ནི་ཏྃ་སུ་ནི། མཱ་ཏཱི་མཱ་ཏཱི། ས་མ་ཡྃ་ཏྲི་ཧཱུྃ་ཛྭཱ་ལ་ནི་སྭཱ་ཧཱ། རལ་པ་གསུམ་པ་ཞེས་བྱ་བའི་བཀའ་ཉན་མོའི་འོ། །
ན་མཿ ས་མནྟ་བཛྲཱ་ཎཱྃ། ཨ་ཙ་ལ་ཀཱ་ཎ་ནཊྚ་ནཊྚ། མོཊྚ་མོཊྚ། ཤཊྚ་ཤཊྚ། ཏཱཊྚ་ཏཱཊྚ། ཏིཥྛ་ཏིཥྛ། ཨཱ་བི་ཤ་ཨཱ་བི་ཤ །ཨ་མ་ཧཱ་མནྟ་བ་ལ་ཀཱ་རུ་ཎཱ། དུ་ཎཱ་ཏི་ཎི་ཏི་ཎི། ཁཱ་ད་ཁཱ་ད། བྷི་གི་ཨ་ནཾ། མཱ་
ར་མཱ་ར། ན་སྠཾ་རཀྵ་རཀྵ། སརྦཱྃ་ཀུ་རུ་ཀུ་རུ། ཀི་རི་ཀི་རི། མ་ཧཱ་བི་ཥ་མ་བཛྲ་སྥོ་ཊ་ཡ། ཧཱུྃ་ཧཱུྃ་ཧཱུྃ། ཏྲི་བ་ལི་ཏཱ་རཱ་གཱ་ན་ར་ཏཱ་ཀ་ཧྃ་ཧྃ་ཧྃ། ཨ་ཙ་ལ་ཙ་ཊ། ཕཊ་ཡ་ཧཱུྃ། ཨ་ས་མཱནྟ་ཀ །ཏྲ་ཊ་མ་ཏ་བ་ལ་ཤྭཏ་
ཡོ་ས་མ་ན་ཡ་ཏྃ། མྃ་ཧཱྃ་ཏུ་ཛི་ན་མོ་སྟུ་ཨ་པྲ་ཏི་ཧ་ཏཱ་བ་ལེ་བྷྱཿ ཛྭཱ་ལཱ་ཏྲ་ཊཱ་ཨ་ས་ཧཱ་ན་མཿ སྭཱ་ཧཱ། མི་གཡོ་བ་ལོང་བ་པ་ཞེས་བྱ་བའི་བཀའ་མཉན་གདུག་པ་ཐམས་ཅད་གསོད་པ་སྟེ། སྒྲུབ་པ་པོས་ངེས་པར་དྲན་
པར་བྱ་བ་ནི་བགེགས་ཐམས་ཅད་གཞོམ་པར་བྱ་བའི་སྙིང་པོ་དོན་ཡོད་པ་འདི་ཡིན་ནོ། །ན་མཿ ས་མནྟ་བཛྲཱ་ཎཱྃ། ཏ་ཊ་ཨ་མོ་གྷ་ཙཎྜ་མ་ཧཱ་རོ་ཥ་ཎ་སྥོ་ཊ་མྱྃ། ག་ཏྲ་མ་ཡེ་ཏྲ་མ་ཡེ། ཧཱུྃ་ཏྲ་མཱ་ཡཱ་ཏྲ་མཱ་ཡཱ། ཧཱུྃ་ཕཊ་ཧཱྃ་མཱྃ། 
སརྦ་བིགྷྣཾ་སྠ་བྱིནྟུ་ལོ་གསྟུ་ཥ་ཏི་ཨུ་ཙྪི་ཥྚ་པིཎྜེ་ནནྟུ་ཤ་ཏེ། ལྷག་མའི་ཆང་བུ་ལ་ལན་གཅིག་བཟླས་ནས་བྱིན་ན་དངོས་གྲུབ་བརྒྱད་རབ་ཏུ་འཐོབ་བོ། །རྟག་ཏུ་རྗེས་སུ་འབྲང་བས་ཕན་པས་ཉེ་བར་བསྡུས་པ་སྒྲུབ་པར་བྱེད་དོ། །
སངས་རྒྱས་དང་བྱང་ཆུབ་སེམས་དཔའ་ཐམས་ཅད་ཀྱིས་ལུས་བྱིན་གྱིས་རློབ་པར་ཡང་འགྱུར་རོ། །བཀའ་ཉན་མོ་རྣམས་རྫོགས་སྷོ།། །། དེ་ནས་ཕོ་ཉ་མོ་དང་། བཀའ་ཉན་
ཕོ་མོ་དེ་དག་གི་ཐུན་མོང་གི་སྒྲུབ་པའི་ཕྱོགས་ཙམ་མདོར་བསྟན་པའི་རྟོག་པ་འབྱུང་བར་འགྱུར་རོ། །འདི་དག་ནི་བཀླགས་པས་འགྲུབ་པའོ། །ལས་ཐམས་ཅད་དོན་ཡོད་པར་བྱེད་པ། ངོ་བོ་ཉིད་ཀྱིས་བསྲུང་བ་ལ་

94-1-224b

སོགས་པ་གྲུབ་པའོ། །གང་ཡང་བྱང་ཆུབ་སེམས་དཔའི་རིག་སྔགས་ཀྱི་སྤྱོད་པ་ལ་ལྷག་པར་མོས་པ་རྣམས་ལ་ཡིད་བཞིན་གྱི་ནོར་བུ་དང་འདྲ་བར་ཐོགས་པ་མེད་པར་དོན་ཡོད་པར་གྲུབ་པ་ཡིན་ཏེ། འཁོར་གྱི་ནང་དུ་ཉེ་བར་འོངས་
ནས་འདུག་པར་ཡང་བྱེད་དོ། །མཐོང་བར་ཡང་སྟོན་པར་བྱེད་དོ། །དེ་ལ་དགུག་པ་ལ་སོགས་པ་རྣམས་ལ་དམ་ཚིག་གསུམ་ཞེས་བྱ་བའི་ལྕགས་ཀྱུ་ཡིན་ནོ། །ན་མཿ ས་མནྟ་ཨ་མོ་གྷ་ཨ་པྲ་ཏི་ཧ་ཏ་བཛྲཱ་ཎཱྃ། 
ཨ་པྲ་ཏི་ཧ་ཏ་ཨྃ་ཀུ་ཤི་ཨཱ་ན་ཡ་ཧཱུྃ། ཨ་མོ་གྷ་མ་ཧཱ་བ་ལ་ཨྃ་ཀུ་ཤི་ཨཱ་ན་ཡ་ཧཱུྃ། མ་ཧཱ་ཏྲི་ས་མ་ཡྃ། ཨྃ་ཀུ་ཤི་ཨཱ་ན་ཡ་ཧཱུྃ། ཡྃ་ས་ཧཱུྃ། ས་མཱྃ་ཀི་ནི་ཧཱུྃ་ཧཱུྃ། ཏ་ཊ་ཏ་ཊ། བཛྲེ་བཛྲེ་ཏ། བཛྲེ་ཀ་ཊ་ཀ་ཊ། 
བཛྲེ་ཏ་ཊི་ཏ་ཊི། ཏྃ་ཀུ་རུ་ཀུ་རུ། ས་མ་ཡྃ་བཛྲ་མ་ཧཱ་བ་རཱ། བི་ཀྲ་མེ་ཨཱ་ན་ཡ་ཤཱི་གྷྲྃ། སྟྃ་བྷ་ཡ་ས་ཏ་ན་བ་དྷ་ཡ་སྭཱ་རེ། ཏྲི་བ་ལི་ནི་མོ་ཙི་ནི་མོ་ཙ་ཡ། བནྡྷ་ན་ད་ཨ་ནནྟཱ་མ་ཏི་ནི་ཨ་ས་མ་ཨངྒེ་ཏྲི་ས་མཱ་ཡེ། མ་ཧཱ་བཱ་ལྃ། ཨངྐུ་ཤི་ཨ་ས་ཧ་ས་མ་ཨྃ་
ནཱྃ་ཧཱུྃ། ཧ་ར་ཧ་ར། ས་མེ་ཏྲཱ་ཧི་ཏྲཱ་ཧི། མ་ཧཱ་བ་ལ་ཨངྐུ་ཀུ་ཤི་ཧཱུྃ། ཨཱ་ཀཪྵ་ཡ་ས་ས། ས་མནྟི་ནི་སྭཱ་ཧཱ། དམ་ཚིག་གསུམ་གྱི་ལྕགས་ཀྱུ་ཞེས་བྱ་བའོ། །འདིས་ས་བཅུ་ལ་རབ་ཏུ་གནས་པའི་བྱང་ཆུབ་སེམས་དཔའ་རྣམས་ཀྱང་འགུགས་
པར་བྱེད་ན། ཕོ་ཉ་ཕོ་མོའི་རིགས་དང་། བཀའ་ཉན་ཕོ་མོའི་རིགས་རྣམས་འགུགས་པ་ལྟ་སྨོས་ཀྱང་ཅི་དགོས་ཏེ། མི་འགུགས་པ་གང་ཡང་མེད་དོ། །སྟོབས་ཆེན་པོའི་ལྕགས་ཀྱུ་འདིས་སྔར་གྱི་དཀྱིལ་འཁོར་གྱི་སྙིང་པོ་དེ་དག་ཐམས་
ཅད་ཀྱི་སྙིང་པོར་གྱུར་པ་འདི་ཡིན་ནོ། །ན་མཿ ས་མནྟ་བཛྲཱ་ཎཱྃ། སིདྡྷི་སིདྡྷི། སརྦ་ཐཱ་ཨེ་དུ་མེ། ཨ་མ་ལཱི་ན་ཤོ་དྷི་ཀ །སིདྷི་ཀ །སརྦ་ཐཱ་སརྦ་ཧི། སྃ་གྷ་ཏཱ་ཨ་མ་ལཱི་ནོ། ཁཱི་ལཱི་ཀཱ། ཨ་ནནྟི་ཀཱ་ཏ་ཏྲི་དྷ་ཨ་ནནྟ་བེ་བེ། ཤ་ར་ཎེ་ཤ་ར་ཎེ། 
ས་ཧཱ་ཎེ་ས་ཧཱ་ཎེ། ཏྲ་ས་ཏྲ་ས། ཏྲི་ས་ཧཱ་ཎེ་ཏྲི་ས་ཧཱ་ཎེ། མཎྜི་ནི་མཎྜི་ནི། ཧ་ས་ཧ་ས། ཨ་ས་མ་བ་ལ། ཨཱཏྨེ་ཏྲི་ས་མ་ཡ་ཏེ་ཛེ། ཤོ་དྷ་ཡ་སཱ་དྷ་ཡ། རཱ་ཛ་ཡ་ཧཱུྃ། ཏྲི་ས་མ་ཡ་ཨགྣི་སྭཱ་ཧཱ། འདི་བཟླས་པས་ཕོ་ཉ་དང་། ཕོ་ཉ་མོ་དང་། བཀའ་ཉན་

94-1-225a

མོ་ཐམས་ཅད་ལེགས་པར་བཟླས་པར་འགྱུར་རོ། །སྒྲུབ་པ་བྱས་ན་ལེགས་པར་སྒྲུབ་པར་འགྱུར་རོ། །རྟོག་པའི་ཆོ་ག་འདི་དག་གིས་དེ་བཞིན་གཤེགས་པའི་མཛོད་ཀྱི་སྙིང་པོ་རབ་འབྱམ་གྱི་དངོས་གྲུབ་སྒྲུབ་པར་འགྱུར་རོ། །དངོས་
གྲུབ་མཆོག་ལ་སོགས་པའི་དངོས་གྲུབ་བརྒྱད་རབ་ཏུ་ཐོབ་པར་འདོད་པ་དང་། མི་ལུས་ཐོབ་པ་དོན་ཡོད་པར་བྱ་བར་འདོད་པ་དང་། བདེ་བའི་མཐར་ཕྱིན་པར་འགྲོ་བར་འདོད་པས་དད་པས་བྱང་ཆུབ་ཀྱི་སེམས་ཀྱིས་ཡོངས་སུ་ཟིན་པའི་སེམས་
ཅན་གྱི་དོན་ལ་མངོན་པར་མོས་པས་བརྩོན་འགྲུས་དང་ལྡན་པའི་སྐྱེས་བུ་དམ་པས་དོན་ཡོད་པར་གྲུབ་པ་འདིས་འབད་པར་བསྒྲུབ་པར་བྱའོ། །དེ་ནས་འདི་དག་གི་ཐུན་མོང་གི་རས་རིས་འབྱུང་བར་འགྱུར་རོ། །ངུར་སྨྲིག་གི་གོས་ལ་ཕོ་ཉ་རིན་
པོ་ཆེའི་བྲག་ལ་གནས་པ་སྔོ་བསངས་རྒྱན་ཐམས་ཅད་ཀྱིས་བརྒྱན་པ། བཅོམ་ལྡན་འདས་ལ་ཐལ་མོ་སྦྱར་བས་ཕྱག་འཚལ་བའི་ལུས་ཅུང་ཞིག་འདུད་པ་བྲི་བར་བྱའོ། །ཕོ་ཉའི་མིང་གི་ཁྱད་པར་གྱིས་རས་རིས་ཀྱང་དེ་དང་འདྲ་སྟེ། 
དེ་བཞིན་དུ་རྒྱན་ཐམས་ཅད་ཀྱིས་བརྒྱན་པ་འོད་ཀྱི་ཕྲེང་བ་ཅན། ལག་པ་གཡས་པ་རྡོ་རྗེ་ཐོགས་པ། གཡོན་ན་རིན་པོ་ཆེ་ཐོགས་པ། ཅུང་ཞིག་ལུས་འདུད་པ། སངས་རྒྱས་དང་བྱང་ཆུབ་སེམས་དཔའ་ཐམས་ཅད་ཀྱི་བཀའ་སྒྲུབ་པར་
བྱེད་པ་མདོག་སྔོ་བསངས་བྲི་བར་བྱའོ། །དེ་བཞིན་དུ་ངུར་སྨྲིག་གི་གོས་ལ་བཀའ་ཉན་ཁྲོས་པ་ནག་ལྗང་གཞོན་ནུའི་གཟུགས་ཅན་ལག་ན་རྡོ་རྗེ་འམ། རལ་གྲི་འམ། ཞགས་པ་འམ། མདུང་དང་། གྲི་གུག་ཐོགས་པ་བྲི་བར་
བྱ་ཞིང་། མིག་དམར་བ་ཁྲོས་པ་འབར་བས་བསྐོར་བ། བྲག་གི་སྟེང་ན་གནས་པ། གོས་སེར་པོ་འམ། དམར་པོ་འམ། སྔོན་པོ་གྱོན་པ་བྲི་བར་བྱའོ། །བཀའ་ཉན་མོ་རྣམས་ཀྱང་དེ་བཞིན་དུ་ཁྲོས་པ་གཞོན་ནུའི་ལུས་ཅན་རྒྱན་
དང་བྲལ་བ། ནག་ལྗང་ཤིང་གྱོན་པ། མེ་ཏོག་གི་ཕྲེང་བ་ལག་ན་ཐོགས་པ་འམ། སྐ་རགས་སམ། དར་དཔྱངས་སམ། སྡོང་བུ་འམ། ཀུ་ཤ་འམ། རལ་གྲི་འམ། ཞིབ་མ་འམ། ཕྱག་ཤིང་ངམ། མཇུག་སྒྲོ་ལག་ན་ཐོགས་པར་

94-1-225b

བྱའོ། །མངག་གཞུག་པ་རྣམས་གང་འདོད་པ་གཅིག་བྲིས་ལ། རང་འདོད་པའི་སྔགས་གཅིག་བཟུང་ནས་རས་རིས་དེ་ལ་བསྒྲུབ་པར་བྱ་སྟེ། རྡོ་རྗེ་དང་། འཁོར་ལོ་དང་། ཁ་ཊྭཱྃ་ག་དང་། ལྕགས་ཀྱུ་དང་། མདུང་ལ་སོགས་པ་དང་། ལྡོང་རོས་ལ་
སོགས་པའི་རྫས་ཐམས་ཅད་ལ་སྔར་བསྟན་པའི་ཆོ་ག་འམ། ཡིད་ལ་གང་འདོད་པའི་ཆོ་ག་བསྒྲུབ་པར་བྱ་སྟེ། མི་སྣང་བའི་དངོས་གྲུབ་ལ་སོགས་པ་འམ། ནོར་བསྒྲུབ་པ་འམ། དབང་དུ་བྱ་བ་ལ་སོགས་པ་གང་ཡང་རུང་བ་བསྒྲུབ་པར་བྱའོ། །
རབ་ཏུ་སྟོང་ཞིང་དབེན་པར་རས་རིས་མེད་པར་ཡང་ཐམས་ཅད་བསྒྲུབ་པར་བྱ་སྟེ། ཐ་ན་གཙུག་ལག་ཁང་ངམ། བྲང་ཁང་གི་ཕུགས་ལ་སོགས་པའི་གནས་རྣམས་སུ་བསྒྲུབ་པར་བྱའོ། །གང་དག་རིམས་ཀྱིས་ཟིན་པ་དེ་ལ་དབབ་པར་
འདོད་ན་མེ་ལོང་དང་རལ་གྲི་ལ་སོགས་པ་དང་། རི་མོ་དང་། ལུགས་མ་ལ་སོགས་པ་རྣམས་ལ་གཞོན་ནུ་འམ། གཞོན་ནུ་མ་མེ་ཏོག་བཀྲམ་པའི་དཀྱིལ་འཁོར་གྱི་དབུས་སུ་བཞག་ན་ནུབ་མོ་འབེབས་པར་ཡང་བྱེད། སྨྲ་བར་ཡང་
བྱེད་དོ། །ལྷ་དང་ཀླུ་ལ་སོགས་པ་འགུགས་པར་ཡང་བྱེད་དོ། །འཆིང་བར་བྱེད། ལྟུང་བར་བྱེད། གསོད་པར་བྱེད། གཏུམ་པོས་འཚེ་བར་བྱེད་དོ། །དེ་ནས་བགྱི་བ་ཅི་མཆིས་པ་བདག་གིས་བགྱི་ཞེས་སྒྲུབ་པར་བྱེད་དོ། །དེའི་ཕྱིར་བཀའ་
ཉན་ཕོ་མོ་དེ་དག་བསྒྲུབ་པར་བྱ་སྟེ། ཚེས་གཅིག་ནས་བརྩམས་ནས་སྔ་དྲོའི་ཐུན་ལ་རས་རིས་ཀྱི་མདུན་དུ་མེ་ཏོག་གིས་མངོན་པར་བརྒྱན་པའི་དཀྱིལ་འཁོར་བྱས་ནས་ལན་བརྒྱའི་བར་དུ་རྗེས་སུ་བརྗོད་པར་བྱའོ། །ཟས་ཟོས་པའི་རྗེས་
ལ་ཡང་ལན་བརྒྱ་མངོན་པར་བརྗོད་པར་བྱའོ། །ཕྱི་དྲོའི་དུས་སུ་ཡང་ལན་བརྒྱ་བརྗོད་ལ་དེ་ཉིད་དུ་སངས་རྒྱས་དང་བྱང་ཆུབ་སེམས་དཔའ་རྣམས་ལ་ཕྱག་བྱས་ནས་གཉིད་ལོག་པར་བྱའོ། །དེ་ལྟར་ཉིན་རེ་ཞིང་ཟླ་བ་ཉའི་བར་དུ་ཟླ་བ་གཅིག་
ཏུ་ཆོ་ག་བཞིན་དུ་བྱའོ། །ཟླ་བ་ཉ་ལ་ཅི་ལྟར་འབྱོར་པ་བཞིན་དུ་མཆོད་པ་བྱས་ལ། ནིམ་པའི་ཤིང་ལས་མེ་སྦར་ལ། ཨར་ཀའི་ཡམ་ཤིང་དང་བཅས་པའི་ཡུངས་གར་རེ་རེ་བསྲེགས་ན་སྲོད་ནས་བཟུང་ནས་ནམ་ཕྱེད་དམ་ཉི་མ་ཤར་ཀར་ངེས་པར་

94-1-226a

འོང་བར་འགྱུར་རོ། །གལ་ཏེ་འོང་བར་མ་གྱུར་ན་འཆི་བར་འགྱུར་རོ། །འོངས་ནས་བདག་ལ་བཀའ་སྩོལ་ཅིག་ཅེས་ཟེར་ན་དེ་དང་དེ་བརྗོད་པར་བྱའོ། །བདག་ནི་ཅི་ཡང་བགྱིད་དོ་ཞེས་ཟེར་ན་དེ་ནས་བཟུང་སྟེ་རྗེས་སུ་འབྲེལ་བར་འགྱུར་རོ། །
ཅི་བཀའ་སྩལ་པ་བྱེད་པར་འགྱུར་རོ། །ལྷའི་འཇིག་རྟེན་རྣམས་ཀྱང་འབྲི་ཞིང་སྨྲ་བར་བྱེད་དོ། །སྟེང་གི་མཚམས་སུ་ཡང་ཁྲིད་པར་བྱེད་དོ། །བྱ་བ་ཐམས་ཅད་ཀྱང་བྱེད་དོ། །ཇི་སྲིད་སྨྲ་བར་འདོད་པ་དེ་སྲིད་དུ་འབྲི་བར་བྱེད་དོ། །འདིས་གང་སྨྲས་
པ་དེ་དེ་བཞིན་དུ་འགྱུར་གྱི་གཞན་དུ་མི་འགྱུར་རོ། །རིའི་གསེབ་དུ་འབུམ་བཟླས་ནས་རལ་གྲི་བླངས་ཏེ་མཚན་རངས་པ་སྦྱིན་སྲེག་བྱེད་ཅིང་འདི་ཉིད་ཀྱིས་གང་འདོད་པའི་ཆོ་ག་དེས་བསྒྲུབས་ན་རིག་པ་འཛིན་པར་འགྱུར་རོ། །དུར་ཁྲོད་དུ་འདུག་
ནས་མེ་ཏོག་གིས་མངོན་པར་བརྒྱན་པའི་དཀྱིལ་འཁོར་ལ་འཁོར་ལོ་བཞག་ནས་ཇི་སྲིད་ཉི་མ་ཤར་གྱི་བར་དུ་བཟླས་ན་ཐོགས་ན་ཡང་མཚན་བདུན་གྱི་ནང་དུ་མི་སྣང་འགྱུར་རོ། །དཀྱིལ་འཁོར་དེ་ཉིད་ལ་བ་བླ་བླངས་ལ་ཅི་སྲིད་དུ་བ་འབྱུང་
གི་བར་དུ་བཟླས་ན་ཞག་བདུན་གྱི་ནང་དུ་ངེས་པར་འགྲུབ་པར་འགྱུར་རོ། །ཐལ་བས་ཚུད་གསུམ་བྱས་ན་མི་སྣང་བར་འགྱུར་རོ། །དམ་ཚིག་གསུམ་བཀོད་པའི་རྟོག་པའི་རྒྱལ་པོ་ཆེན་པོ་ལས་ཕོ་ཉ་དང་། ཕོ་ཉ་མོ་དང་། བཀའ་ཉན་ཕོ་མོའི་རིམ་པར་
ཕྱེ་བའི་ཕྱོགས་གཅིག་བསྟན་པའོ།། །། དེ་ནས་དེ་བཞིན་གཤེགས་པ་དོན་ཡོད་པར་གྲུབ་པ་ཡུལ་མཐའ་ཡས་པ་མཉམ་པ་ཉིད་དུ་དོན་ཡོད་པར་གྲུབ་པས་མ་ལུས་པ་དུས་གསུམ་མཉམ་པ་ཉིད་ཐོབ་པའི་སྒོ། བདེ་བ་ནམ་
མཁའ་ཐམས་ཅད་ཀྱི་རྒྱལ་པོ་མི་མཉམ་པ་དང་མཉམ་པ་རྨད་དུ་བྱུང་བ་འཇིག་རྟེན་གྱི་སྒོ་གཅིག་པུ། སངས་རྒྱས་དང་བྱང་ཆུབ་སེམས་དཔའ་ཐམས་ཅད་གཤེགས་པ། ལྷག་མ་མེད་པའི་མཐུ་འགྲུབ་པ་ལ་སོགས་པ། དངོས་གྲུབ་
ཐམས་ཅད་ཡང་དག་པར་ལེགས་པར་ཐོབ་པ། བྱིན་གྱི་བརླབས་ཀྱི་རྒྱལ་པོ་ལ་སོགས་པ་ཞེས་བྱ་བ་ཐམས་ཅད་དུ་མཐའ་དང་དབུས་མེད་པའི་ཏིང་ངེ་འཛིན་གྱི་རྒྱལ་པོ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས། རིག་པ་ཐམས་

94-1-226b

ཅད་ཀྱི་སྙིང་པོ་མཆོག་བླ་ན་མེད་པ། སངས་རྒྱས་དང་བྱང་ཆུབ་སེམས་དཔའ་ཐམས་ཅད་ཀྱིས་བྱིན་གྱིས་བརླབས་པ་སངས་རྒྱས་དང་བྱང་ཆུབ་སེམས་དཔའ་ཐམས་ཅད་དང་སྟབས་གཅིག་ཏུ་གསུངས་པ། ན་མཿ སརྦ་བུདྡྷ་བོ་དྷི་སཏྭཱ་ནཱྃ། ཨཱ་སྃ་
མ་ཨདྦྷུ་ཏ་ཨ་ནནྟ་སིདྡྷི། ཏྲ་ཨ་ཤེ་ཥ་དྷརྨ་ཏཱྃ། ཨ་ས་མནྟོ་ག་ག་ནཱ་ཏཱ་མུ་ཁྃ་ས་མུ་པེ་ཏཱི་ཡེ་ཥུ་སཏྭ། ཏྃ་ས་མནྟ་ཏཱ་སུ་ཁྃ་སིདྡྷི་དྷ་ན་གུ་ཎ་ཛ་ས་མ་ཨ་གྷི་ནི། ས་གྲིད་པྱ་ཧོ་གུ་ཎ་ས་མ་བ་ཏཱི། ཤ་སཱ་ཏ་ཏ་ཏྲེ་དྃ། ཏྲྱཏྟྭ། སིདྡྷི་ནེ་ས་རཱ་ཡ། སུ་
སཱ་མཱ་པ་ཏི། ཏེ་ཨ་མ་ལི་ནི་སཱ་དྷ་ཡ། ཀ་རུ་ཎ་མ་ཡེ་སརྦ་ཏཱ་ཤཱ་ས་ནི་སཱ་དྷཱ་ཡ། ཏྲ་ཡ་ས་མནྟུ། སཱ་དྷ་ཡ་སཱ་དྷ་ཡ། ཏྲི་ཏཱ་ཡེ་ཏྲི་ཏཱ་ཡེ། ས་མ་ཡེ་ས་མ་ཡེ། སརྦ་ཐཱ་སུ་མ་བཱ་ཏེ། སི་དྷ་ཡ་སིདྡྷེ། ཨ་མ་ལེ། ཤ་ཡི་ཡེ། སཱ་སྭཱི་ཀེ་སྭཱ་ཧཱ། 
གསང་སྔགས་འདི་ནི་གསུངས་པ་ན། །རྣམ་པར་དག་པའི་ཞིང་ཀུན་དུ། །སྐད་ཅིག་དེ་ལ་སངས་རྒྱས་ཀུན། །རྨད་བྱུང་གད་མོ་ཆེན་པོ་མཛད། །རིག་པ་ཐམས་ཅད་ཀྱི་སྙིང་པོ་འདི་ནི་རིག་པའི་རྒྱལ་པོ་མཆོག་གི་རྟོག་པ་མཐའ་ཡས་ཤིང་ཆགས་པ་
མེད་པ་སྒྲུབ་པའི་མཆོག་དྲི་མ་མེད་པ་དངོས་གྲུབ་མཐའ་ཡས་པ་མཚུངས་པ་མེད་པའོ། །འདི་བཟླས་པ་བྱས་པས་དམ་ཚིག་གསུམ་བཀོད་པའི་རྟོག་པའི་རྒྱལ་པོ་འདི་ལེགས་པར་བཟླས་པ་བྱས་པར་འགྱུར་རོ། །བསྒྲུབས་
ན་འགྲུབ་པར་འགྱུར་རོ། །ཆགས་པ་མེད་པས་རིག་སྔགས་ཀྱི་སྤྱད་པ་སྤྱོད་པའི་དངོས་གྲུབ་ཀྱི་རྒྱལ་པོའི་དངོས་གྲུབ་ཐོབ་པར་འདོད་པས་འདི་བཟླས་པར་བྱའོ། །ཐ་ན་གཟུང་བར་ཡང་བྱ་སྟེ། འདི་ལ་ཐམས་ཅད་རབ་ཏུ་གནས་པ་ཡིན་ནོ། །དེ་ནས་
སྟོན་པ་རྡོ་རྗེ་འཛིན་བསྟན་པ་དོན་ཡོད་པའི་མཐུ་དང་ལྡན་པར་བྱ་བའི་ཕྱིར། བཅོམ་ལྡན་འདས་ཀྱི་སྤྱན་སྔར་དེ་བཞིན་གཤེགས་པ་ལ་རྗེས་སུ་དྲན་བཞིན་དུ་སྔགས་པས་གསོལ་བ་བཏབ་བོ། །དེ་ནས་བཅོམ་ལྡན་འདས་ཀྱིས་
ཐམས་ཅད་གཅིག་ཏུ་རྗེས་སུ་འགྲོ་བར་མཛད་ནས་རིག་པའི་རྒྱལ་པོ་མཆོག་འདི་གསུངས་སོ། །ན་མཿ  སྟྲཻ་ཡ་དྷྭི་ཀཱ་ནཱྃ། སརྦ་ཏ་ཐཱ་ག་ཏཱ་ནཱྃ། ཨོཾ་ག་ག་ན་ལོ་ཙ་ནེ། ག་ག་ན་ས་མ་སརྦ་ཐཱ་ཨུངྒ་ཏཱ་ཏཱི། སཱ་ར་སྃ་བྷ་པེ་ཛྭཱ་ལ་ན་མ་ཨངྒི་ནཱི་

94-1-227a

སྭཱ་ཧཱ། ལག་ན་རྡོ་རྗེ་རང་གི་རིག་པའི་རྒྱལ་པོ་མཆོག་འདི་ནི་དེ་བཞིན་གཤེགས་པ་ཐམས་ཅད་ཀྱིས་བྱིན་གྱིས་བརླབས་པའོ། །འདི་བརྩམས་པ་ཙམ་གྱིས་འདིའི་ཡོན་ཏན་མཐའ་མེད་པ་མཉམ་པ་མེད་པར་འགྱུར་རོ། །བཟུང་ན་དེ་
དེ་བཞིན་གཤེགས་པ་ཐམས་ཅད་ཀྱིས་ཡོངས་སུ་བཟུང་བ་ཐོབ་པར་འགྱུར་རོ། །བཟླས་པ་བྱས་ན་དེ་བཞིན་གཤེགས་པ་ཐམས་ཅད་ཀྱི་རྒྱུད་དུ་སྐྱེ་བར་འགྱུར་རོ། །བསྒྲུབ་པ་བྱས་ན་འདིས་སྒྲུབ་པ་པོ་དད་པའི་ནོར་ཅན་དུ་འགྱུར་རོ། །དེ་ནས་
རེ་ཤིག་དང་པོར་སངས་རྒྱས་དང་བྱང་ཆུབ་སེམས་དཔའ་ཐམས་ཅད་ལ་བདག་ཉིད་ཀྱི་དངོས་པོ་ཐམས་ཅད་དབུལ་བར་བྱ་སྟེ། བདག་སངས་རྒྱས་དང་བྱང་ཆུབ་སེམས་དཔའ་ཐམས་ཅད་ལ་བདག་ཉིད་དབུལ་བར་བགྱི་ཡིས་ཐུགས་རྗེ་ཆེན་པོ་དང་ལྡན་པ་
ཐམས་ཅད་དུས་ཐམས་ཅད་དུ་སྡུག་བསྔལ་བར་གྱུར་པ་བདག་ལ་བྱིན་གྱིས་བརླབ་ཏུ་གསོལ་ཞེས་བརྗོད་པར་བྱའོ། །དེ་ནས་ཐུགས་བསྐྱེད་པ་གང་གིས་སངས་རྒྱས་དང་བྱང་ཆུབ་སེམས་དཔའ་ཐམས་ཅད་ཀྱིས་སྡིག་པ་རྣམས་བཤགས་པར་མཛད་
པའི་སེམས་བསྐྱེད་པ་དེས་བདག་གི་སྡིག་པ་ཐམས་ཅད་དུས་ཐམས་ཅད་དུ་བཤགས་པར་བགྱི་སྟེ། སངས་རྒྱས་བཅོམ་ལྡན་འདས་རྣམས་ཀྱིས་ཇི་ལྟར་མཁྱེན་པ་དེ་བཞིན་དུ་འམ། ནུས་པ་ཇི་ལྟ་བ་བཞིན་དུ་བཤགས་པར་བགྱིའོ། །སངས་
རྒྱས་དང་བྱང་ཆུབ་སེམས་དཔའ་ཐམས་ཅད་དང་། ཉན་ཐོས་ལ་སོགས་པ་ཐམས་ཅད་ཀྱི་བསོད་ནམས་དང་ཡེ་ཤེས་ཀྱི་ཚོགས་ལ་རྗེས་སུ་ཡི་རང་ངོ་། །འཇིག་རྟེན་གྱི་ཁམས་ཐམས་ཅད་ཀྱི་ཁམས་སུ་གཏོགས་པའི་
མཆོད་པའི་སྤྲིན་རྣམས་བསྒོམས་ལ་བསྔོ་བར་བྱ་སྟེ། ན་མ་སྟྲཻ་ཡ་དྷྭི་ཀཱ་ནཱྃ། ཏ་ཐཱ་ག་ཏཱ་ནཱྃ། སརྦ་ཐཱ་ཨུངྒ་ཏེ་སྥ་ར་ཎ་ཧི་མངྒ་ག་ན་ཁྃ་སྭཱ་ཧཱ། དེ་བཞིན་གཤེགས་པ་ཐམས་ཅད་ཀྱི་འཁོར་གྱི་དཀྱིལ་འཁོར་དུ་མཆོད་པའི་མཆོག་རྒྱ་
ཆེན་པོ་སྣ་ཚོགས་པའི་སྤྲིན་གྱི་རབ་འབྱམ་རྣམས་དེ་བཞིན་གཤེགས་པ་ཐམས་ཅད་ཀྱི་བྱིན་གྱིས་བརླབས་དང་། བདག་གི་སྨོན་ལམ་གྱི་སྟོབས་ཀྱིས་འབྱུང་བར་གྱུར་ཅིག་ཅེས་བསམས་ལ་སྔགས་འདི་བཟླ་བར་བྱའོ། །དེ་ནས་

94-1-227b

གཞན་མ་ཡིན་པར་ཡང་དག་པར་གནས་པར་འགྱུར་ཞིང་། སངས་རྒྱས་དང་བྱང་ཆུབ་སེམས་དཔའ་ཐམས་ཅད་ཀྱིས་གཟིགས་པར་འགྱུར་རོ། །ན་མ་སྟྲཻ་ཡ་དྷྭི་ཀཱ་ནཱྃ། ཏ་ཐཱ་ག་ཏཱ་ནཱྃ། སརྦ་ཏྲཱ་སཾ་ཀུ་སུ་མི་ཏཱི་རཱ་ཤཱི་ནི་ན་མོ་སྟུ་ཏེ་སྭཱ་ཧཱ། 
འདིས་ཀྱང་དེ་བཞིན་གཤེགས་པ་ཐམས་ཅད་ཀྱི་བྱིན་གྱིས་བརླབས་ཀྱིས་དེ་བཞིན་གཤེགས་པ་ཐམས་ཅད་ཀྱིས་བསྔགས་པ་རྒྱ་མཚོ་རབ་འབྱམ་རྣམས་སངས་རྒྱས་དང་བྱང་ཆུབ་སེམས་དཔའི་འཁོར་གྱི་དཀྱིལ་འཁོར་ཐམས་ཅད་དུ་
བདག་གི་སྨོན་ལམ་གྱི་སྟོབས་ཀྱིས་འབྱུང་བར་གྱུར་ཅིག་ཅེས་བསམས་ལ། དེ་བཞིན་གཤེགས་པ་རྣམས་ལ་དམིགས་ནས་སྔགས་བཟླས་པར་བྱའོ། །དེ་ནས་གཞན་མ་ཡིན་པར་བསྟོད་པའི་དབྱངས་རྣམས་རབ་ཏུ་གནས་པར་འགྱུར་རོ། །
དེ་ནས་སྨོན་ལམ་བཏབ་པ་བྱས་ནས་སངས་རྒྱས་དང་བྱང་ཆུབ་སེམས་དཔའ་ཐམས་ཅད་ཀྱིས་རྣམ་པ་ཐམས་ཅད་ཀྱིས་རྫོགས་པའི་བྱང་ཆུབ་གྲུབ་པ་ལ་སོགས་པའི་དངོས་གྲུབ་ཐམས་ཅད་ལ་རྗེས་སུ་ཡི་རང་བར་བྱས་ནས་དེ་བཞིན་གཤེགས་
པ་ཐམས་ཅད་ལ་མངོན་དུ་ཕྱོགས་པས་ཕྱག་འཚལ་ཏེ། ཇི་སྲིད་སྐྱོ་བར་མ་གྱུར་གྱི་བར་དུ་སྔགས་བཟླས་པར་བྱའོ། །དེ་ནས་རྒྱ་ཆེ་བའི་ཚུལ་ལ་འཇུག་པའི་མདོ་སྡེ་ཐམས་ཅད་ཀྱི་རྗེས་སུ་འཇུག་པ་སེམས་ལ་བྱས་ལ་སངས་རྒྱས་ཀྱི་
སྙིང་པོ་བརྗོད་ཅིང་། ལྷ་ལ་སོགས་པ་ཀུན་ཉོན་ཅིག་ཅེས་བྱ་བའི་དམ་ཚིག་བརྗོད་ཅིང་བསམས་ལ་བསྒོམ་པར་བྱའོ། །སྔ་དྲོའི་ཐུན་ལ་དེ་ལྟར་བྱས་ནས་ཟས་ཟ་བ་ན་སྟོབས་ཆེན་པོ་དང་། སྨན་གྱི་རྒྱལ་པོ་ཆེན་པོར་བྱིན་གྱིས་
རློབ་པའི་སྔགས་འདི་བཟླས་པ་བྱ་སྟེ། ན་མ་སྟྲཻ་ཡ་དྷྭི་ཀཱ་ནཱྃ། ཏ་ཐཱ་ག་ཏཱ་ནཱྃ། ཨོཾ་བྷུ་ཛ་ལི་ཏེ་སྭཱ་ཧཱ། དེ་ནས་ངལ་སོས་ལ་ཕྱི་ནས་གླེགས་བམ་བཀླག་པ་ལ་སོགས་པ་བྱས་ཏེ། སྔ་མ་བཞིན་དུ་ཕྱི་དྲོའི་ཐུན་ལ་ཡང་ལས་རྣམས་
བྱས་ནས་བཟླས་པ་བྱའོ། །སྲོད་ཀྱི་དུས་སུ་སྨོན་ལམ་བཏབ་ལ་ཡན་ལག་ཐམས་ཅད་བཏུད་པས་སངས་རྒྱས་དང་བྱང་ཆུབ་སེམས་དཔའ་ཐམས་ཅད་ལ་ཕྱག་བྱས་ནས་རྩྭ་བཏིང་བ་ལ་དང་པོར་ཉལ་ལ་གཉིད་ལོག་པར་བྱའོ། །

94-1-228a

ཚེས་གཅིག་ནས་བརྩམས་ནས་ཉིན་རེ་ཞིང་ཟླ་བ་གཅིག་གི་བར་དུ་ལས་འདི་ལྟར་བྱ་ཞིང་ཉའི་ནུབ་མོ་དྲིའི་དཀྱིལ་འཁོར་གྱི་སྟེང་དུ་དམ་པའི་ཆོས་ཀྱི་གླེགས་བམ་བཞག་པ་འམ། སྐུ་གདུང་དང་བཅས་པའི་མཆོད་རྟེན་ནམ། 
བཞུགས་གནས་ཀྱི་མཆོད་རྟེན་ནམ། སྐུ་གཟུགས་ཀྱི་མདུན་དུ་འམ། གཞན་ཡང་དབེན་པར་སྐྱིལ་མོ་དཀྲུང་བཅས་ནས་སྐྱིལ་མོ་དཀྲུང་མ་བཤིག་པར་དེ་བཞིན་གཤེགས་པ་ལ་དམིགས་ནས་བཟླས་པ་བྱ་སྟེ། ཅི་སྲིད་འོད་ཟེར་བྱུང་ནས་
ལུས་ལ་ཕོག་གི་བར་དུ་བྱས་ནས་དེ་ནས་ལུས་འབར་བར་འགྱུར་རོ། །དེའི་རྗེས་ལ་ལུས་འདི་ཡོངས་སུ་གྱུར་ནས་རིག་འཛིན་གྱི་རིགས་རྣམས་ཉེ་བར་ལྷགས་ཏེ། དེ་ལ་དབང་བསྐུར་བས་བསོད་ནམས་ཇི་ལྟ་བ་བཞིན་དུ་བྱང་ཆུབ་སེམས་དཔའ་
རིག་འཛིན་གྱི་རིགས་སུ་གྱུར་ནས་སྐལ་བ་ཇི་ལྟ་བ་བཞིན་དུ་རང་གི་གནས་ཐོབ་པར་འགྱུར་རོ། །དེར་ཡང་ཤེས་རབ་དང་ཐབས་དང་ལྡན་པས་ཕ་རོལ་ཏུ་ཕྱིན་པ་ལ་མངོན་པར་སྦྱོར་བ་ཡང་ཐོབ་པར་འགྱུར་རོ། །རྣམ་པར་རོལ་པ་སྣ་ཚོགས་པས་
རྗེས་སུ་འཇུག་པར་ཡང་འགྱུར་རོ། །དེ་བཞིན་གཤེགས་པ་རྣམས་ལ་མཆོད་པར་ཡང་འགྱུར་རོ། །བྱང་ཆུབ་སེམས་དཔའི་དགེ་འདུན་དང་ནམ་ཡང་འབྲལ་བར་མི་འགྱུར་རོ། །ཐབས་ལ་མཁས་པས་འདོད་པ་ལ་ཡོངས་སུ་སྤྱད་ཀྱང་
ཉམས་པར་མི་འགྱུར་རོ། །ལུས་དེ་ཉིད་ཀྱིས་ས་ནོན་པར་འགྱུར་ཞིང་བསོད་ནམས་ཇི་ལྟ་བ་བཞིན་དུ་དེ་བཞིན་གཤེགས་པའི་འཁོར་གྱི་དཀྱིལ་འཁོར་དུ་ཉེ་བར་འགྲོ་བ་དང་། རྗེས་སུ་སྤྱོད་པ་ཡང་མཐར་གྱིས་སོགས་ཤིང་སོ་སོར་ཐོབ་
པར་འགྱུར་རོ། །གལ་ཏེ་རིག་པ་འཛིན་པ་ཐོབ་པར་མ་གྱུར་ན་ཡང་དེ་བཞིན་གཤེགས་པའི་སྐུ་མཐོང་བ་འམ། འོད་ཀྱིས་སྣང་བར་བྱ་བ་འམ། གསུང་ཐོས་པར་འགྱུར་ཞིང་དེའི་བསམ་པ་རྣམ་པར་དག་པ་ཡང་སྐྱེ་བར་འགྱུར་
རོ། །གཟུངས་ཀྱང་རབ་ཏུ་ཐོབ་པར་འགྱུར་རོ། །གཞན་དག་གིས་ཀྱང་བསྒྲུབ་པར་བྱ་སྟེ། རི་དང་། ཆུ་ཀླུང་དང་། མཚེའུ་དང་། ཆུ་གླིང་དང་། ཁང་ཕུགས་དང་། གཙུག་ལག་ཁང་གི་གནས་འདི་ལྟ་བུ་དབེན་པ་རྣམས་སུ་སྐུ་
94-1-228b

གདུང་དང་བཅས་པའི་མཆོད་རྟེན་ནམ། སྐུ་གཟུགས་སམ། རས་རིས་ལ་ཐ་ན། གཙུག་ལག་ཁང་དབེན་པར་འདུ་འཛི་སྤངས་ལ་དམ་པའི་ཆོས་ལ་བླ་མར་བྱེད་པས་འཁོར་ལོ་དང་། རྡོ་རྗེ་དང་། རལ་གྲི་ལ་སོགས་པའི་ཁྱད་པར་རང་
གིས་བླངས་ལ་མཚན་རངས་པ་གཅིག་སྐྱིལ་དཀྲུང་མ་བཤིག་པ་འམ། ཙོག་ཙོག་པོར་རྩྭ་བཏིང་བ་ལ་ཉེ་བར་འདུག་ལ་ཇི་སྲིད་འབར་བར་གྱུར་གྱི་བར་དུ་བཟླས་པར་བྱའོ། །དེ་བཞིན་དུ་ལྡོང་རོས་ལ་སོགས་པའི་རྫས་རྣམས་དྲིའི་
དཀྱིལ་འཁོར་རམ། ལོ་མའི་སྣོད་དུ་བཞག་ནས་བསྒྲུབ་པར་བྱའོ། །འདི་ནི་སྦྱོར་བ་དང་ལྡན་པའི་བྱང་ཆུབ་སེམས་དཔའ་ཐབས་ལ་མཁས་པ་རྣམས་ཀྱི་རབ་ཏུ་མི་དམིགས་པའི་སྒྲུབ་པའི་ཐབས་སོ། །དབེན་པར་མཆོད་རྟེན་ལ་སོགས་
པའི་མདུན་དུ་དེ་བཞིན་གཤེགས་པ་རྗེས་སུ་དྲན་པ་ལ་གོམས་པར་བྱས་ནས་ཅི་སྲིད་མཚན་མ་བྱུང་གི་བར་དུ་བཟླས་པ་བྱའོ། །ཟླ་བ་ཉ་བ་ལ་མཚན་རངས་པ་སྐྱིལ་མོ་དཀྲུང་བཅས་ནས་བཟླས་པ་བྱའོ། །གཉིད་སྤངས་ནས་ཉིན་ཞག་གཅིག་
ཏུ་དེ་བཞིན་དུ་འཁོར་ལོ་ལ་སོགས་པའི་རྫས་རྣམས་ཡོངས་སུ་བཟུང་ནས་བསྒྲུབས་ན་ཕྱིར་ལྡོག་པ་མེད་པའི་རིག་པ་འཛིན་པར་འགྱུར་རོ། །འདི་གཟི་བརྗིད་གང་དང་ཡང་མཉམ་པ་མེད་པར་འགྱུར་རོ། །བསོད་ནམས་དང་མི་ལྡན་པས་ཀྱང་
ཚེ་འདི་ཉིད་ལ་ངེས་པར་འགྲུབ་པར་འགྱུར་རོ། །རས་རིས་མེད་ཀྱང་རུང་། མཆོད་པ་མེད་ཀྱང་རུང་། ངེས་པར་འགྲུབ་པར་འགྱུར་རོ། །དེ་ནས་རས་རིས་བསྒྲུབ་པར་འདོད་ན་རས་རིས་ལ་དེ་བཞིན་གཤེགས་པའི་གཟུགས་ནི་པད་མ་ལ་
བཞུགས་པའོ། །གཡས་སུ་ནི་འཕགས་པ་རྡོ་རྗེ་འཛིན་པའོ། །གཡོན་དུ་ནི་ནམ་མཁའི་སྤྱན་ཏེ། འོད་ཟེར་སྣ་ཚོགས་ཉེ་བར་འཕྲོ་བ་ཐལ་མོ་སྦྱར་ནས་འདུག་པའོ། །དེ་དག་ལ་རྡོ་རྗེ་འཛིན་ནི་ཨུཏྤལ་སྔོན་པོའི་མདོག་ཅན་ནོ། །
ནམ་མཁའི་སྤྱན་ནི་སྔོ་བསངས་སོ། །སྒྲུབ་པ་པོ་ནི་འོག་ཏུ་ལྷ་མོ་ལ་མངོན་དུ་ཕྱོགས་པར་བྱ་སྟེ། རས་རིས་འདི་ལ་ཡང་ཆོ་ག་སྔ་མ་ཉིད་ཀྱིས་ཟླ་བ་ཉའི་བར་དུ་ཟླ་བ་གཅིག་གིས་བསྒྲུབ་པར་བྱའོ། །ཨ་པ་ར་ཙི་ཏ་སྔོན་པོའི་སྦྱིན་སྲེག་གིས་རྒྱལ་

94-1-229a

པོ་དགུག་པར་བྱ་སྟེ། རྟོག་པ་ཐམས་ཅད་ཀྱི་ཚོགས་སྦྱར་ན་ཐམས་ཅད་དུ་འགྲུབ་པར་འགྱུར་རོ། །རས་རིས་གཉིས་པ་ནི་ལྷ་མོ་གཅིག་པུ་གནས་པ་གསེར་གྱི་མདོག་ཅན་ཟར་མའི་མེ་ཏོག་ལྟ་བུའི་འོད་འབར་བ་པད་མ་ལ་རབ་ཏུ་གནས་པ་དང་། 
རལ་པ་དང་བཅས་པའི་སྒྲུབ་པ་པོ་བྲི་བར་བྱའོ། །དེ་དག་ལ་ཡང་ཆོ་ག་སྔ་མ་ཉིད་ཀྱིས་བྱའོ། །ཇི་ལྟར་འདོད་པའི་རལ་གྲི་དང་། ལྡོང་རོས་ལ་སོགས་པ་ལ་བསྒྲུབ་པར་བྱའོ། །ཐམས་ཅད་དུ་ཡིད་མི་བདེ་བ་དང་བྲལ་བས་དམ་པའི་ཆོས་ཀྱི་གླེགས་བམ་
བཀླག་པར་བྱ་ཞིང་དམིགས་པ་དང་བཅས་པས་སྐྱིལ་མོ་དཀྲུང་མ་བཤིག་པར་ཟླ་བ་ཉ་ལ་བཟླས་པ་བྱས་ན་མཚན་གཅིག་གིས་ཀྱང་འགྲུབ་པར་འགྱུར་རོ། །དབེན་པ་ལ་མངོན་པར་དགའ་བས་དམ་པའི་ཆོས་ཀྱི་གླེགས་བམ་ཀློག་པ་ཉིད་དང་། འདུ་
འཛི་མི་བྱེད་པ་ཉིད་དོན་ཡོད་པར་ལས་རྣམས་ངེས་པར་འགྱུར་རོ། །འཕགས་པ་ཀུན་དུ་བཟང་པོས་དེ་བཞིན་གཤེགས་པ་རྗེས་སུ་དྲན་ཞིང་གསང་སྔགས་སྨྲས་པ། ན་མ་སྟྲཻ་ཡ་དྷྭི་ཀཱ་ནཱྃ། ཏ་ཐཱ་ག་ཏཱ་ནཱྃ། ཨོཾ་ཨསྟ་བ་ར་བྷོ་གི་སྭཱ་ཧཱ། 
འདི་བཀླགས་པས་འཕགས་པ་ཀུན་ཏུ་བཟང་པོའི་སྤྱོད་པ་ལས་ཕྱིར་མི་ལྡོག་པར་བྱིན་གྱིས་རློབ་པའི་ཡོན་ཏན་ལ་འཇུག་པ་རབ་ཏུ་འཐོབ་བོ། །དེ་བཞིན་གཤེགས་པར་བྱིན་གྱིས་བརླབས་པར་གཏོགས་པ་འདིས་ཡང་ཆོ་ག་ནི་ནམ་མཁའི་སྤྱན་
གྱི་ཆོ་ག་ཉིད་ཀྱིས་ངེས་པར་འགྲུབ་པར་འགྱུར་རོ། །རས་རིས་ཀྱི་ཁྱད་པར་ནི་བཅོམ་ལྡན་འདས་ཀྱི་གཡས་སུ་འཕགས་པ་ཀུན་ཏུ་བཟང་པོའོ། །གཡོན་དུ་རྟ་མཆོག་གི་ཤུགས་ཅན་མ་ཞེས་བྱ་བ་པྲི་ཡང་ཀུ་ལྟར་ལྗང་བ་ཐལ་མོ་སྦྱར་བ་
བྱས་པ་དང་། འཕགས་པ་རྡོ་རྗེ་འཛིན་ཐལ་མོ་སྦྱར་བའོ། །འཕགས་པ་ཀུན་ཏུ་བཟང་པོའི་འོག་ཏུ་ནི་སྒྲུབ་པ་པོ་བྲི་བར་བྱ་སྟེ། ལྷ་མོ་ལ་མངོན་དུ་ཕྱོགས་པའོ། །རས་རིས་གཉིས་པ་ནི་འཕགས་པ་ཀུན་དུ་བཟང་པོ་རིན་པོ་ཆེའི་པད་
མ་ལ་བཞུགས་པ། འོད་ཟེར་སྣ་ཚོགས་སུ་སྤྲོ་བ། རལ་པ་ཐུར་དུ་འཁྱིལ་པ། རལ་གྲི་འཛིན་པ། གསེར་གྱི་མདོག་ཅན་དང་། སྒྲུབ་པ་པོའོ། །རས་རིས་འདིའི་ཆོ་ག་ཡང་དེ་དག་ཉིད་ཡིན་ཏེ། རིག་པ་འཛིན་པ་ལས་མི་ལྡོག་

94-1-229b

ཅིང་མཉམ་པ་མེད་པར་འགྱུར་རོ། །ཀུན་ཏུ་བཟང་པོའི་སྤྱོད་པ་དང་། རིག་པའི་རྒྱལ་པོའི་སྟོབས་མཉམ་པ་མེད་པས་ལུས་དེ་ཉིད་ཀྱིས་མཐར་གྱིས་དགེ་བའི་རྩ་བ་ཉེ་བར་བསགས་པ་ཉིད་ཀྱིས་འཕགས་པ་ཀུན་ཏུ་བཟང་པོ་མཐོང་བར་འགྱུར་ཞིང་། 
ཡང་ཉམས་པར་ཡང་མི་འགྱུར་རོ། །སྔགས་གཞན་ཡང་། ན་མ་སྟྲཻ་ཡ་དྷྭི་ཀཱ་ནཱྃ། ཏ་ཐཱ་ག་ཏཱ་ནཱྃ། ས་མནྟ་གཱ་མ་ནཱན། ཨུ་ཛྭ་ལཱ་ཡ་སྭཱ་ཧཱ། འདིས་ནི་འཕགས་པ་ཀུན་ཏུ་བཟང་པོ་མངོན་དུ་ཕྱོགས་པར་འགྱུར་རོ། །སྒྱུ་མ་ལྟ་བུའི་ཏིང་ངེ་
འཛིན་མཐོང་བ་ཡང་འགྲུབ་པར་བྱེད་དོ། །རྣམ་པར་སྦྱོར་བར་བྱེད་དོ། །ངེས་པར་རྫོགས་པར་བྱེད་དོ། །རིམ་གྱིས་འདི་ཉིད་ཀྱིས་རིག་པ་འཛིན་པར་ཡང་འགྱུར་རོ། །འདིའི་ཆོ་ག་ཡང་སྔ་མ་རྣམས་ཉིད་ཡིན་ནོ། །གཞན་ཡང་མཆོད་པ་སྤྲུལ་པའི་
རིག་པ་ནི། ན་མཿ སརྦ་ཏ་ཐཱ་ག་ཏཱ་ནཱྃ། སརྦ་ཐཱ་ཨུངྒ་ཏེ། སྥ་ར་ཎ་ཧི་མྃ་ག་ག་ན་ཁྃ་སྭཱ་ཧཱ། ཞེས་བྱ་སྟེ། མཆོད་པ་རྣམ་པར་བསམས་ལ། དེ་མ་ཐག་ཏུ་སྐྱོ་བར་མ་གྱུར་གྱི་བར་དུ་བརྗོད་ན་ངེས་པར་ཚེ་འདི་ཉིད་ལ་འགྲུབ་པར་
འགྱུར་རོ། །རིག་པའི་རྒྱལ་པོའི་རྩེ་མོ་དོན་ཡོད་པ་འདི་རྟོག་པའི་ཆོ་ག་ཐམས་ཅད་དང་སྦྱར་བར་བྱའོ། །དེ་བཞིན་དུ་འདི་བསྒྲུབས་ན་དགེ་བའི་རྒྱུན་ལས་ཕྱིར་ལྡོག་པར་མི་འགྱུར་རོ། །བྱང་ཆུབ་སེམས་དཔའ་ཚེ་འདི་ཉིད་ལ་
སྣང་བ་རྒྱ་ཆེན་པོ་ཐོབ་པར་འགྲོ་བར་འདོད་པ་དང་། སྨོན་ལམ་ཆེན་པོའི་རྒྱ་མཚོ་མངོན་པར་བསྒྲུབ་པར་འདོད་པས་སངས་རྒྱས་དང་བྱང་ཆུབ་སེམས་དཔས་དེ་བཞིན་གཤེགས་པ་ལ་དམིགས་ནས་སྐྱིལ་མོ་དཀྲུང་མ་
བཤིག་པར་མཚན་གཅིག་གིས་དོན་ཡོད་པར་འགྲུབ་པར་འགྱུར་རོ། །འཕགས་པ་འཇམ་དཔལ་གྱིས་དེ་བཞིན་གཤེགས་པ་ལ་གསོལ་བ་བཏབ་ནས་སྔགས་སྨྲས་པ། ན་མ་སྟྲཻ་ཡ་དྷྭི་ཀཱ་ནཱྃ། ཏ་ཐཱ་ག་ཏཱ་ནཱྃ། ཧོ་ཧེ་རྃ་ཧེ་རྃ། སུ་ག་ཏཱ་སུ་ག་
ཏཱ། བཛྲ་ཤི་ཁ་ར། ན་མོ་སྟུ་ཏེ་ཀུ་མཱ་ར། སྨ་ར་སྨ་ར། སྭཱ་ཧཱ། འདིའི་ཆོ་ག་ཡང་དེ་དག་ཉིད་ཡིན་ནོ། །རས་རིས་མེད་ཀྱང་རུང་། ལྷ་མེད་ཀྱང་རུང་འགྲུབ་པར་འགྱུར་རོ། །རས་རིས་ཀྱི་ཁྱད་པར་ནི་འཕགས་པ་འཇམ་དཔལ་ཅུང་ཟད་གཞོན་ནུ་ལས་འདས་

94-1-230a

པ་རྒྱན་ཐམས་ཅད་ཀྱིས་འབར་བའོ། །བཅོམ་ལྡན་འདས་ཀྱི་གཡས་སུ་རྡོ་རྗེ་འཛིན་པད་མ་ལ་པུས་མོའི་ལྷ་ང་བཙུགས་པ་བྲི་བར་བྱའོ། །སྒྲུབ་པ་པོ་ནི་ཐལ་མོ་སྦྱར་བའོ། །རས་རིས་གཉིས་པ་ནི་གཅིག་པུ་པད་མ་ལ་གནས་
པ་སྒྲུབ་པ་པོ་མདུན་དུ་གནས་པ་ལ་གཟིགས་པ་ལྟ་བུར་བྲིས་ན་གང་འདོད་པ་དེ་སྒྲུབ་པར་བྱེད་དོ། །འཕགས་པ་སྤྱན་རས་གཟིགས་དབང་ཕྱུག་གིས་སྔགས་སྨྲས་པ། ན་མ་སྟྲཻ་ཡ་དྷྭི་ཀཱ་ནཱྃ། ཏ་ཐཱ་ག་ཏཱ་ནཱྃ། ཨོཾ་སཽ་མྱ་ར། བཛྲ་ཛྭ་ལ་སམྦྷ་རཱ་ཛཱ་ཡ། 
ན་མ་སྭཱ་ཧཱ། རས་རིས་ནི་འཕགས་པ་ཀུན་ཏུ་བཟང་པོ་ལྷའི་གཞལ་ཡས་ཁང་ན་བཞུགས་པའོ། །རྡོ་རྗེ་གཞོན་ནུ་ནི་གནག་ཅིང་ལྗང་བ་པད་མ་ལ་བཞུགས་པ་བྲི་བར་བྱ་སྟེ། དེ་བཞིན་གཤེགས་པའི་འོད་ཀྱིས་བསྐོར་བའོ། །འཕགས་པ་སྤྱན་
རས་གཟིགས་དབང་ཕྱུག་དང་། ཀུན་ཏུ་བཟང་པོའི་གནས་སུ་རྡོ་རྗེ་འཛིན་ཏེ། གཞོན་ནུའི་སྟེང་དུ་བྲི་བར་བྱ་སྟེ། འདི་ནི་རས་རིས་ཀྱི་ཁྱད་པར་རོ། །འཕགས་པ་རྡོ་རྗེ་འཛིན་གྱིས་རྡོ་རྗེའི་རིགས་ཐམས་ཅད་ལ་རྣམ་པར་གཟིགས་ནས་སྔགས་སྨྲས་པ། 
ན་མ་སྟྲཻ་ཡ་དྷྭི་ཀཱ་ནཱྃ། ཏ་ཐཱ་ག་ཏཱ་ནཱྃ། སརྦ་བཛྲ་དྷཱ་རཱ་ཎཱྃ། ཨོཾ་ཙཎྜ་ལཱ་ཙཎྜ་ལཱ། ཙ་ལ་ཙ་ལ། བཛྲ་བཛྲ། ཤཱནྟ་ནཱ་ཤཱནྟ་ནཱ། ཕ་ལ་ན་ཕ་ལ་ན། ཏ་ར་ཏ་ར། མཱ་ར་མཱ་ར་བཛྲ་ད་ལ། སྥོ་ཊ་ལཱ། སྥོ་ཊ་ལཱ། ལི་ཤི་ཁ་ར་ས་མནྟ། བཛྲ་ཎི་
ཛྭཱ་ལ་ནེ་ཛྭཱ་ལ་ནེ། ས་མ་སྠ་ཨ་གྲེ། ཨ་གྲ་ཤ་ས་ཀ་ནཱྃ། ར་ཎཱ་ར་ཎཱ། ཧཱུྃ་ཕཊ་བཛྲ་ཨུཏྟ་མེ་སྭཱ་ཧཱ། འདི་ནི་བཀླགས་པ་ཙམ་གྱིས་ལྷ་དང་། ལྷ་མ་ཡིན་དང་། གནོད་སྦྱིན་ལ་སོགས་པས་འཚེ་བར་མི་འགྱུར་ཞིང་། ལོག་འདྲེན་ལ་
སོགས་པ་ཡང་ཉེ་བར་འོང་བར་མི་འགྱུར་རོ། །འདིའི་ཆོ་ག་ཡང་དེ་དག་ཉིད་ཡིན་ནོ། །རྡོ་རྗེའི་རིགས་ཐམས་ཅད་ཀྱི་ཆོ་གས་ཀྱང་དོན་ཡོད་པའི་ལས་རྣམས་ཀྱིས་རིག་པ་འཛིན་པར་འགྱུར་རོ། །རྡོ་རྗེའི་རིགས་ཀྱི་གནས་དེར་ཡང་དེ་བཞིན་
གཤེགས་པའི་གཟི་བརྗིད་དང་ལྡན་པས་འདུག་ནས་གཉིད་སྤངས་ཏེ་མཚན་རངས་པ་བཟླས་པ་བྱས་ན་དེའི་རྗེས་ལ་གྲུབ་པའི་མཚན་མ་འབྱུང་བར་འགྱུར་རོ། །དེ་ནས་ལྡོང་རོས་ལ་སོགས་པ་འམ། རྡོ་རྗེ་དང་རལ་གྲི་ལ་སོགས་པ་

94-1-230b

གང་འདོད་པ་གཟུང་ལ་བསྒྲུབ་པར་བྱའོ། །ཟླ་བ་ཉའི་ཐུན་དང་པོ་ལ་ངེས་པར་འགྲུབ་པར་འགྱུར་རོ། །རིག་པ་འཛིན་པ་ལས་ཀྱང་ཉམས་པར་མི་འགྱུར་རོ། །བྱང་ཆུབ་སེམས་དཔའི་སྤྱོད་པ་ལ་ཡང་འཇུག་པར་འགྱུར་ཞིང་ཉམས་པར་ཡང་མི་
འགྱུར་རོ། །འདི་ཡིད་ལ་གང་འདོད་པའི་ཆོ་གས་བསྒྲུབ་པ་བྱས་ན་ངེས་པར་མྱུར་དུ་འགྲུབ་པར་འགྱུར་རོ། །རས་རིས་ཀྱི་ལས་མེད་ཀྱང་རུང་། ཁྲུས་མེད་ཀྱང་རུང་། མཆོད་པ་མེད་ཀྱང་རུང་སྟེ། བཟླས་པ་ཙམ་གྱིས་དེ་བཞིན་གཤེགས་
པའི་སྐུ་མཐོང་བ་ལ་སོགས་པའི་ངོ་མཚར་འབྱུང་བར་འགྱུར་རོ། །རིག་པ་འཛིན་པའི་རིམ་པར་ཕྱེ་བ་འདི་ནི་དོན་ཡོད་པར་གྲུབ་པར་བྱ་བའི་ཕྱིར་དང་། བསྟན་པའི་མཐུ་ཡང་དག་པར་བསྟན་པའི་ཕྱིར་གསུངས་པ་ཡིན་ནོ། །སེམས་ཅན་
རྣམས་དད་པ་དང་སྤྲོ་བ་མཐའ་ཡས་པ་བསྐྱེད་པའི་ཕྱིར་མཚན་གཅིག་ཙམ་ཞིག་ཀྱང་བརྟག་པར་བྱའོ། །གང་དག་གསང་སྔགས་འདི་དག་ཀློག་པ་དེ་དག་ནི་སངས་རྒྱས་ཐམས་ཅད་ཀྱིས་བྱིན་གྱིས་བརླབས་པའོ། །རྡོ་རྗེ་འཛིན་
གྱིས་ཡང་དག་པར་བསྲུངས་པའོ། །ནམ་མཁའི་སྤྱན་གྱི་ཆོ་གས་འདི་དག་ཐམས་ཅད་བསྒྲུབ་པར་བྱའོ། །གལ་ཏེ་ནུས་པ་ཡོད་ན་བརྩོན་འགྲུས་དང་ལྡན་པས་མཚན་རངས་པར་སྐྱིལ་མོ་དཀྲུང་བཅས་པས་ཡིད་ལ་གང་འདོད་
པའི་ཆོ་ག་དང་། འདིས་བསྒྲུབ་པར་བྱའོ། །སྔགས་འདིས་བསྲུང་བར་བྱའོ། །གང་ཡང་མང་དུ་ནི་གཙུག་ཏོར་དང་། རྨ་བྱ་ཆེན་མོ་དང་། རྡོ་རྗེ་མཆོག་ལ་སོགས་པ་རྣམས་ཀྱིས་སོ། །ན་མ་སྟྲཻ་ཡ་དྷྭི་ཀཱ་ནཱྃ། 
ཏ་ཐཱ་ག་ཏཱ་ནཱྃ། སརྦ་ཏྲཱ་པྲ་ཏི་ཧ་ཏ་པཱཔྟི་དྷརྨ་ཏཱ་བ་ལི་ནཱྃ། ཨྃ་ཨ་ས་མ་ས་མ་ས་མནྟོ། ཨ་ནནྟ་ཏོ་བཱ་བྟོ་ཤཱ་ས་ནི་ཧ་ར་ཧ་ར། སྨ་ར་སྨ་ར་ཎ་བི་ག་ཏ་རཱ་ག་བུདྡྷ་དྷརྨ་ཏེ། ས་ར་ས་ར། ས་མ་བ་ལཱ། ཧ་ས་ཧ་ས། ཏྲ་ཡ་ཏྲ་ཡ། ག་ག་ན་མ་ཧཱ་བ་ར་ལ་
ཀྵ་ཎེ་ཛྲཱ་ལ་ཛྭཱ་ལ་ན་སཱ་ག་རེ་སྭཱ་ཧཱ། དེ་བཞིན་གཤེགས་པ་ཐམས་ཅད་ཀྱི་སྙིང་པོའོ། །རིག་པ་འཛིན་པའི་རིམ་པར་ཕྱེ་བའོ། ། དེ་ནས་རིམ་པར་ཕྱེ་བ་རབ་འབྱམ་ཐམས་ཅད་ཀྱི་ཐུན་མོང་གི་རྟོག་པའི་ཆོ་ག་ཞིབ་མོ་ཐམས་ཅད་བསྟན་པར་བྱའོ། །

94-1-231a

འདིར་བྱང་ཆུབ་སེམས་དཔའ་སྤྱོད་པའི་རྒྱལ་པོ་གསང་སྔགས་ཀྱི་སྒོར་སྤྱོད་པའི་ཆོ་ག་ནི་རྣམ་པ་གཉིས་ཏེ། ཐབས་དང་བཅས་པ་དང་། ཐབས་དང་བཅས་པ་མ་ཡིན་པའོ། །སྔོན་དུ་བྱ་བའི་བསྙེན་པ་ནི་རྣམ་པ་གཉིས་ཏེ། སྔོན་གྱི་
དུས་སུ་གོམས་པ་དང་། རྒྱུན་མ་ཆད་པར་བཟླ་བ་ལ་སོགས་པར་འབུམ་བཟླས་པས་ལྷ་མཐོང་བ་འམ། ངག་ཐོས་པ་འམ། འོད་ཟེར་ལུས་ལ་ཕོག་པ་འམ། དེ་བཞིན་གཤེགས་པའི་སྐུ་མཐོང་བའོ། །གནས་ནི་རྣམ་པ་གཉིས་ཏེ། རང་
བཞིན་གྱིས་དབེན་པའི་རི་ལ་སོགས་པ་དང་། རང་བཞིན་གྱིས་སྟོང་པའི་འདུ་འཛི་དང་བྲལ་བའི་གཙུག་ལག་ཁང་གི་བྲང་ཁང་ལ་སོགས་པའོ། །སྔོན་དུ་འགྲོ་བ་ནི་རྣམ་པ་གཉིས་ཏེ། དུས་གསུམ་དུ་སྡིག་པ་བཤགས་པ་དང་། བསོད་ནམས་
དང་ཡེ་ཤེས་ལ་རྗེས་སུ་ཡི་རང་བའོ། །གོམས་པར་བྱ་བ་ནི་རྣམ་པ་གཉིས་ཏེ། ལེགས་པ་ལ་སྦྱོར་བ་དང་། སངས་རྒྱས་དང་བྱང་ཆུབ་སེམས་དཔའ་རྗེས་སུ་དྲན་པ་ལ་སོགས་པའི་སྒོམ་པ་གོམས་པའོ། །གཙང་སྦྲ་ནི་གཉིས་ཏེ། 
ལྷག་པའི་བསམ་པ་ཕུན་སུམ་ཚོགས་པས་སེམས་ཅན་དད་པ་ཅན་ལ་ཕན་པ་ཡང་དག་པར་སྟོན་པ་དང་། འཁོར་བའི་ཆོས་རྣམས་ལ་མངོན་པར་མི་དགའ་བས་སྡིག་པ་ཀུན་དུ་མི་སྤྱོད་པའི་གཙང་སྦྲའོ། །མྱུར་དུ་འགྲུབ་པར་བྱེད་པའི་
ཆོས་ནི་གཉིས་ཏེ། སེམས་ཅན་གྱི་ཁམས་མ་ལུས་པ་འཁོར་བ་ལས་རྣམ་པར་གྲོལ་བར་བསྒྲུབ་པ་དང་། བྱང་ཆུབ་ཀྱི་སེམས་བསྐྱེད་པ་ལ་སོགས་པ་ནི་དངོས་གྲུབ་ཐོབ་པར་འགྱུར་རོ། །ཞེས་ཡང་དག་པར་བསམས་ནས་བཟླས་
པ་བྱ་བ་འམ། སངས་རྒྱས་དང་བྱང་ཆུབ་སེམས་དཔའ་ཐམས་ཅད་ལ་དམིགས་པས་བཟླས་པ་བྱ་བའོ། །གཉིས་ལ་ནི་དངོས་གྲུབ་རིང་བར་འགྱུར་ཏེ། མ་དད་པ་དང་། བྱང་ཆུབ་ཏུ་སེམས་མ་བསྐྱེད་པ་ལའོ། །སྟོབས་རྣམ་པ་གཉིས་ཀྱིས་
སེམས་ཅན་གྱི་ཁམས་དམན་པ་དང་། བར་མ་དང་། མཆོག་རྣམས་ཀྱི་དོན་འབྱུང་བར་འགྱུར་ཏེ། རང་གི་སྨོན་ལམ་དང་། བསོད་ནམས་དང་ཡེ་ཤེས་ཀྱི་སྟོབས་དང་། སངས་རྒྱས་དང་བྱང་ཆུབ་སེམས་དཔའ་རྣམས་ཀྱི་བྱིན་གྱིས་བརླབས་ཀྱི་སྟོབས་སོ། །

94-1-231b

བསྒྲུབ་པར་བྱ་བ་ནི་གཉིས་ཏེ། བདག་གི་དོན་དང་། གཞན་གྱི་དོན་ནོ། །དངོས་གྲུབ་ནི་གཉིས་ཏེ། རིག་འཛིན་ཐོབ་པར་བྱ་བ་ལ་སོགས་པ་དང་། སྤྱོད་པ་ལ་རྗེས་སུ་ཞུགས་པའོ། །འདིར་སྦྱོར་བ་ནི་རྣམ་པ་གཉིས་ཏེ། ཚད་མེད་པའི་སེམས་
བསྐྱེད་པའི་སྦྱོར་བ་དང་། སྒྱིད་ལུག་པ་མེད་པའི་སྦྱོར་བའོ། །བྱ་བ་ནི་གཉིས་ཏེ། ཐབས་དང་ཤེས་རབ་ཀྱི་སྒོར་འཇུག་པའོ། །མི་བྱ་བ་ནི་གཉིས་ཏེ། སོམ་ཉི་དང་། སེམས་ཅན་ལ་ཉེ་བར་འཚེ་བའི་ལས་སོ། །ལུས་འདིའི་ཡོན་ཏན་ནི་གཉིས་ཏེ། 
དོན་ཡོད་པར་མྱུར་དུ་འགྲུབ་པ་དང་། བགེགས་མེད་པའོ། །འདིར་སྤང་བར་བྱ་བ་ནི་གཉིས་ཏེ། གསང་སྔགས་ལ་སོགས་པ་སྤོང་བ་དང་། མི་གུས་པའོ། །གོམས་པར་བྱ་བ་ནི་གཉིས་ཏེ། སངས་རྒྱས་དང་བྱང་ཆུབ་སེམས་དཔའ་ཐམས་ཅད་
རྗེས་སུ་དྲན་པའི་སྦྱོར་བ་དང་། སེམས་ཅན་གྱི་དོན་བྱ་བའོ། །འདིར་རྨད་དུ་བྱུང་བ་ནི་གཉིས་ཏེ། ཇི་ལྟ་ཇི་ལྟར་སྔགས་རྣམས་བསྒྲུབ་པར་བྱས་པ་དེ་ལྟ་དེ་ལྟར་རྗེས་སུ་མཐུན་པར་འགྱུར་བ་དང་། ཆོ་ག་གང་དང་གང་གིས་གང་ལ་སྦྱར་བ་དེ་
བསྒྲུབས་ན་འགྲུབ་པར་འགྱུར་བའོ། །མ་མཐོང་བའི་ཆོས་ཀྱི་ཡོན་ཏན་ནི་གཉིས་ཏེ། གང་དུ་སྐྱེས་པར་བྱང་ཆུབ་སེམས་དཔའ་དང་འགྲོགས་ཤིང་ཀུན་ནས་ཉོན་མོངས་པ་མེད་པ་དང་། རྒྱ་ཆེ་བ་ལ་འཇུག་པར་འགྱུར་བའོ། །བཟླས་པ་
བྱས་ན་གཉིས་ལས་མི་གཡོ་བར་འགྱུར་ཏེ། ཆོས་ཉིད་ལས་བྱུང་བ་དང་། དེ་བཞིན་གཤེགས་པའི་བྱིན་གྱིས་བརླབས་ལས་མི་ཉམས་པའོ། །རས་རིས་ནི་གཉིས་ཏེ། དེ་བཞིན་གཤེགས་པ་དང་བཅས་པ་དང་། རིག་པ་གཅིག་པུ་ཉིད་དོ། །
འདིར་སྤྱད་པར་མི་བྱ་བའི་དམ་ཚིག་ནི་གཉིས་ཏེ། མྱོས་པར་འགྱུར་བའི་བཏུང་བ་དང་། ཁྲི་ལ་ཉལ་བའོ། །འདིར་མི་བྱ་བ་ནི་གཉིས་ཏེ། གསང་སྔགས་ལ་སེར་སྣ་མི་བྱ་བ་དང་། དོན་ཆུང་ངུའི་ལས་མི་བྱ་བའོ། །འདིར་འབྱུང་བར་མི་འགྱུར་བ་ནི་
གཉིས་ཏེ། སྐྱོན་དུ་འགྱུར་བའི་ལས་ཐམས་ཅད་དང་། དོན་མེད་པ་ལ་འདོད་པའོ། །འདིར་ངེས་པ་ནི་གཉིས་ཏེ། རྨད་དུ་བྱུང་བའི་ཆོས་འབྱུང་བ་དང་། དེ་བཞིན་གཤེགས་པའི་རིགས་སུ་འཇུག་པའོ། །འདིར་བྱིན་གྱི་བརླབས་འབྱུང་བ་ནི་གཉིས་ཏེ། 

94-1-232a

ཐམས་ཅད་དུ་ལྷག་མ་ལུས་པར་མི་བྱེད་པ་དང་། སངས་རྒྱས་དང་བྱང་ཆུབ་སེམས་དཔའ་ཐམས་ཅད་དང་འགྲོགས་པར་འདོད་པའོ། །དེ་དག་ལ་སོགས་པ་སྔགས་ཀྱི་སྤྱོད་པ་ལ་ཞུགས་པ་རྣམས་ལ་ཐབས་མང་དུ་འབྱུང་བར་འགྱུར་རོ། །
དེ་ནས་སྒྲུབ་པ་པོ་རྣམས་ཀྱི་ཐུན་མོང་གི་སྔོན་དུ་བསྙེན་པའི་ཆོ་ག་བཤད་པར་བྱའོ། །དང་པོ་རེ་ཤིག་སྔགས་གང་ཡང་རུང་བ་བླངས་ནས་བདེན་པའི་བྱིན་གྱི་རླབས་ཀྱིས་གང་ལ་ལྷག་པར་མོས་པ་ཉེ་བར་བཟུང་ལ་སྔ་དྲོའི་ཐུན་ལ་སྐུ་གཟུགས་ཀྱི་
མདུན་དུ་འམ། རས་རིས་ཀྱི་མདུན་དུ་འམ། དམ་པའི་ཆོས་ཀྱི་གླེགས་བམ་གྱི་མདུན་དུ་མཚན་མ་བཞག་ལ་སངས་རྒྱས་དང་བྱང་ཆུབ་སེམས་དཔའ་ཐམས་ཅད་ལ་ཡན་ལག་ཐམས་ཅད་ཀྱིས་ཕྱག་བྱས་ལ་འདི་སྐད་ཅེས་བརྗོད་པར་བྱའོ། །
བདག་མིང་འདི་ཞེས་བགྱི་བ། སངས་རྒྱས་དང་བྱང་ཆུབ་སེམས་དཔའ་ཐམས་ཅད་ལ་བདག་ཉིད་འབུལ་གྱིས། ཐམས་ཅད་དུ་བདག་རབ་ཏུ་གཟུང་དུ་གསོལ། ཐུགས་རྗེ་ཆེན་པོ་དང་ལྡན་པའི་སངས་རྒྱས་དང་བྱང་ཆུབ་
སེམས་དཔའ་ཐམས་ཅད་ཀྱིས་བདག་ལ་བྱིན་གྱིས་བརླབ་ཏུ་གསོལ་ཞེས་ལན་གསུམ་གྱི་བར་དུ་བརྗོད་པར་བྱའོ། །དེ་ནས་སྡིག་པ་བྱས་པ་བཤགས་པར་བྱ་སྟེ། འདིར་འདོད་ཆགས་དང་། ཞེ་སྡང་དང་། གཏི་མུག་ལས་སྐྱེས་པའི་
སྡིག་པ་མ་ལུས་པ་ཐམས་ཅད་བཤགས་པར་བགྱི་སྟེ། ཐུགས་བསྐྱེད་པ་གང་གིས་སངས་རྒྱས་དང་བྱང་ཆུབ་སེམས་དཔའ་རྣམས་ཀྱིས་བཤགས་པ་དེས་བདག་གིས་ཀྱང་བཤགས་པར་བགྱི་སྟེ། སངས་རྒྱས་བཅོམ་ལྡན་
འདས་རྣམས་ཀྱིས་ཇི་ལྟར་མཁྱེན་པ་བཞིན་དུའོ་ཞེས་བྱ་བ་འམ། ཡང་ན་ནུས་པ་ཅི་ལྟ་བའི་བཤགས་པས་བཤགས་པར་བྱའོ། །དེ་ནས་འདི་སྐད་ཀྱང་བརྗོད་པར་བྱའོ། །དུས་གསུམ་གྱི་སངས་རྒྱས་དང་བྱང་ཆུབ་
སེམས་དཔའ་ཐམས་ཅད་ལ་ཡང་དག་པར་བྱུང་བའི་བསོད་ནམས་དང་ཡེ་ཤེས་ཀྱི་ཚོགས་ཚད་མེད་པ་མཉམ་པ་ཉིད་ལ་རྗེས་སུ་ཡི་རང་སྟེ། ཆོས་ཀྱི་དབྱིངས་མཐའ་དང་དབུས་མེད་པའི་རྗེས་སུ་ཡི་རང་བས་རྗེས་སུ་ཡི་རང་སྟེ། ཐམས་ཅད་དུ་

94-1-232b

ཐམས་ཅད་ཡོངས་སུ་སྐྱོབ་པ་ཉིད་དང་། ལུས་དང་ངག་དང་ཡིད་ཀྱིས་ལེགས་པར་སྤྱོད་པ་དུས་གསུམ་དུ་གཏོགས་པའི་སེམས་ཅན་ཐམས་ཅད་ཀྱི་ལ་རྗེས་སུ་ཡི་རང་སྟེ། སངས་རྒྱས་བཅོམ་ལྡན་འདས་རྣམས་ཀྱིས་ཇི་ལྟར་མཁྱེན་པ་དེ་
བཞིན་དུ་རྗེས་སུ་ཡི་རང་བ་མཆོག་གིས་རྗེས་སུ་ཡི་རང་སྟེ། སངས་རྒྱས་བཅོམ་ལྡན་འདས་རྣམས་ཇི་ལྟར་མཁྱེན་པས་རྗེས་སུ་ཡི་རང་བར་མཛད་པ་དེ་བཞིན་དུ་རྗེས་སུ་ཡི་རང་ངོ་ཞེས་བརྗོད་པར་བྱ་ཞིང་། ནུས་པ་ཅི་ལྟ་བ་བཞིན་དུ་རྗེས་སུ་
ཡི་རང་བར་བྱའོ། །དེ་ནས་མཆོད་པའི་ཉེ་བར་མཁོ་བའི་དངོས་པོ་ཇི་སྙེད་ཡོད་པ་འདི་ལྟ་སྟེ། ཐང་ལས་སྐྱེས་པ་དང་། ཆུ་ལས་སྐྱེས་པའི་རིན་པོ་ཆེའི་རི་ལ་སོགས་པ་དང་། རྒྱ་མཚོའི་རིན་པོ་ཆེ་ལ་སོགས་པ་ཉམས་དགའ་བ། 
བདག་པོ་མེད་ཅིང་ཡོངས་སུ་བཟུང་བ་མེད་པ་མ་ལུས་པ་དེ་དག་དང་། སེམས་ཅན་གྱི་ཁམས་ན་ཡོད་པ་དེ་དག་དུས་ཐམས་ཅད་དུ་སངས་རྒྱས་དང་བྱང་ཆུབ་སེམས་དཔའ་ཐམས་ཅད་ལ་ཡོངས་སུ་བསྔོ་བར་བྱའོ། །ཡོངས་སུ་བསྔོས་
ནས་བདག་གི་བསོད་ནམས་ཀྱི་སྟོབས་དང་། དེ་བཞིན་གཤེགས་པ་རྣམས་ཀྱི་བྱིན་གྱི་རླབས་ཀྱིས། མཆོད་པའི་སྤྲིན་རབ་འབྱམ་མཆོག་ཏུ་རྒྱ་ཆེ་བ། ཆོས་ཀྱི་དབྱིངས་རྒྱས་པར་འགེངས་པ་རྣམས་དེ་བཞིན་གཤེགས་པ་ཐམས་ཅད་ཀྱི་
འཁོར་གྱི་དཀྱིལ་འཁོར་དུ་རབ་ཏུ་འབྱུང་བར་གྱུར་ཅིག་ཅེས་བརྗོད་ལ། དེ་ལྟ་བུའི་མཆོད་པའི་སྤྲིན་འབྱུང་བར་བྱེད་པའི་རིག་པའི་རྒྱལ་མོ་འདི་ཡང་བརྗོད་པར་བྱ་སྟེ། ན་མཿ སརྦ་བུདྡྷ་བོ་དྷི་སཏྭཱ་ནཱྃ། སརྦ་ཏ་ཐཱ་ག་ཏེ་ཨ་དྷིཥྛི་ཏེ། ག་ག་ན་ཁྃ་
བྷོ་སཱ་ར་ས་མནྟ་ན་སྭཱ་ཧཱ། ཞེས་ལན་བརྒྱད་ཀྱི་བར་དུ་བརྗོད་པར་བྱའོ། །ལྷག་མ་ཡང་ཅི་ཙམ་འདོད་པ་བརྗོད་པར་བྱའོ། །དེ་ནས་སངས་རྒྱས་དང་བྱང་ཆུབ་སེམས་དཔའ་ཐམས་ཅད་ཀྱིས་མཆོད་པ་ཅི་ལྟ་བ་བཞིན་དུ་ཡང་དག་པར་གནས་
པར་འགྱུར་ཞིང་བྱིན་གྱིས་རློབ་ལ་མཁྱེན་པར་ཡང་འགྱུར་རོ། །དེ་ནས་བདག་གི་བསོད་ནམས་ཀྱི་སྟོབས་ཀྱིས་སངས་རྒྱས་དང་བྱང་ཆུབ་སེམས་དཔའ་ཐམས་ཅད་ཀྱི་ཡོན་ཏན་བསྔགས་པའི་རྒྱ་མཚོ་གླུ་དབྱངས་མཆོག་རྒྱ་ཆེ་བ་རབ་འབྱམ་

94-1-233a

རྣམས་དེ་བཞིན་གཤེགས་པ་ཐམས་ཅད་ཀྱི་བྱིན་གྱི་བརླབས་ཀྱིས་འབྱུང་བར་གྱུར་ཅིག་ཅེས་བརྗོད་ལ། སངས་རྒྱས་དང་བྱང་ཆུབ་སེམས་དཔའ་ཐམས་ཅད་ཀྱི་ཡོན་ཏན་བསྔགས་པ་དང་། ཆོས་སྒྲོགས་པའི་དབྱངས་འབྱུང་
བར་བྱེད་པའི་རིག་པའི་རྒྱལ་མོ་ལན་བརྒྱད་ཀྱི་བར་དུ་བརྗོད་པར་བྱའོ། །ན་མཿ སརྦ་བུདྡྷ་བོ་དྷི་སཏྭཱ་ནཱྃ། སརྦ་ཏྲ་སྃ་ཀུ་སུ་མི་ཏ་ཨ་བྷི་ཛྙཱ་ཏ་རཱ་ཤི་ནི། ན་མོ་སྟུ་ཏེ་སྭཱ་ཧཱ། དེ་ལྟར་དོན་ཡོད་པ་འདི་ལ་མངོན་པར་དད་པར་བྱས་ནས་
བསྒྲུབས་ན་དེ་བཞིན་དུ་འདིར་འབྱུང་བར་འགྱུར་རོ། །དེ་ནས་བླ་ན་མེད་པའི་བསོད་ནམས་དང་ཡེ་ཤེས་ཀྱི་ཚོགས་དེ་དག་ཐམས་ཅད་ཡང་དག་པར་རྫོགས་པའི་བྱང་ཆུབ་ཏུ་བསྔོ་བར་བྱའོ། །དེ་ནས་ཚད་མེད་པའི་སེམས་བསྐྱེད་པ་གང་
ཡང་རུང་བའི་ལྷག་པའི་བསམ་པས་སེམས་བསྐྱེད་ལ་སྔགས་བཟླས་ཤིང་། དེ་ལྟར་རེ་ཤིག་བདག་གི་སེམས་བསྐྱེད་པ་དང་པོས་བདག་གི་སྨོན་ལམ་དང་། བསོད་ནམས་དང་། ཡེ་ཤེས་ཀྱི་སྟོབས་ཀྱིས་འདིར་སེམས་ཅན་གྱི་
ཁམས་ཐམས་ཅད་སེམས་བསྐྱེད་པ་གྲུབ་པར་གྱུར་ཅིག །དེ་བཞིན་གཤེགས་པའི་བྱིན་གྱི་བརླབས་ཀྱང་འབྱུང་བར་གྱུར་ཅིག་ཅེས་བྱའོ། །ཡང་ན་བྱང་ཆུབ་སེམས་དཔའི་སྤྱོད་པ་ལ་འཇུག་པ་གྲུབ་པར་གྱུར་ཅིག །
འབྱུང་བར་གྱུར་ཅིག་ཅེས་བརྗོད་དོ། །ཡང་ན་བླ་ན་མེད་པའི་ཡེ་ཤེས་ཀྱི་ཚོགས་རྒྱ་མཚོ་སེམས་ཅན་ཐམས་ཅད་ལ་འབྱུང་བར་གྱུར་ཅིག་ཅེས་བྱ་བ་འམ། ཡང་ན་དངོས་གྲུབ་གང་སངས་རྒྱས་བཅོམ་ལྡན་འདས་རྣམས་ཀྱིས་མཁྱེན་
པ་དེ་བདག་གི་བསོད་ནམས་དང་། ཡེ་ཤེས་ཀྱི་སྟོབས་དང་། དེ་བཞིན་གཤེགས་པ་རྣམས་ཀྱི་བྱིན་གྱི་བརླབས་ཀྱིས་སེམས་ཅན་ཐམས་ཅད་ཀྱི་དངོས་གྲུབ་འབྱུང་བར་གྱུར་ཅིག་ཅེས་བསམས་ལ། སྔགས་ཀྱི་རྒྱལ་པོ་ལན་
བརྒྱད་ཀྱི་བར་དུ་བརྗོད་པར་བྱའོ། །ན་མཿ སརྦ་བུདྡྷ་བོ་དྷི་སཏྭཱ་ནཱྃ། ན་མོ་སྟུ་ཏེ་མ་ཧཱ་བཛྲ་སརྦ་སྟཱ་ཧི་ཏྃ་ཀ་ར་ཏིཥྛ་སརྦ་ཏྲ་སརྦ་ཥ་ཊ་དྷརྨཱ་ཎཱ་མ་དྷིཥྛཱ་ཡ་སྭཱ་ཧཱ། དེའི་རྗེས་ལ་འདིར་སེམས་ཅན་གྱི་ཁམས་རྣམས་ལ་ཇི་ལྟར་བསམས་

94-1-233b

པ་བཞིན་དུ་སེམས་ཅན་རྣམས་ལ་ཕན་པའི་རྣམ་པ་ཐམས་ཅད་འབྱུང་བར་འགྱུར་རོ། །དེ་ནས་སངས་རྒྱས་དང་བྱང་ཆུབ་སེམས་དཔའ་ཐམས་ཅད་ལ་དམིགས་ཤིང་ཕྱག་བྱས་ལ། སངས་རྒྱས་དང་བྱང་ཆུབ་སེམས་དཔའ་
ཐམས་ཅད་ཀྱི་ཡང་དག་པར་རྫོགས་པའི་བྱང་ཆུབ་ལ་སོགས་པའི་དངོས་གྲུབ་ཐམས་ཅད་ལ་རྗེས་སུ་ཡི་རང་བ་ལ་དམིགས་ནས་ཇི་སྲིད་སྐྱོ་བར་མ་གྱུར་གྱི་བར་དུ་བཟླ་བར་བྱའོ། །དེ་ནས་གླེགས་བམ་བཀླགས་ལ་ཟས་
ལ་སྤྱད་ཅིང་ཟས་ཀྱིས་དུབ་ན་བསྟིས་ནས་སྔ་དྲོའི་ཆོ་ག་དེ་ཉིད་ཀྱིས་ཕྱི་དྲོའི་ཡང་བྱའོ། །ཉལ་བ་ན་དང་པོ་ཡན་ལག་ཐམས་ཅད་ཀྱིས་སངས་རྒྱས་དང་བྱང་ཆུབ་སེམས་དཔའ་ཐམས་ཅད་ལ་ཕྱག་འཚལ་ནས་ཁྲི་མ་ཡིན་
པ་ལ་ཉལ་བར་བྱའོ། །ཆོ་ག་འདི་ཉིད་ཀྱིས་ནུས་པ་ཅི་ལྟ་བ་དང་། སྟོབས་ཅི་ལྟ་བ་བཞིན་ཉིན་རེ་ཞིང་ཡར་ངོའི་ཉའི་བར་ཟླ་བ་གཅིག་གི་བར་དུ་བྱའོ། །དེ་ནས་ཐབས་དང་མི་ལྡན་པའི་ཆོ་ག་ཡང་ཇི་སྐད་གསུངས་པ་
བཞིན་ནུས་པ་ཅི་ལྟ་བ་བཞིན་བསྒྲུབ་པར་བྱའི། བདག་གིས་ནུས་པ་མ་ཡིན་ནོ་ཞེས་སྒྱིད་ལུག་པར་མི་བྱ་སྟེ། ལས་ཅི་ལྟ་བ་འབྲས་བུ་ཡང་དེ་ལྟ་བུའོ་ཞེས་བྱ་བས་དངོས་གྲུབ་ཀྱི་འབྲས་བུ་འགྲུབ་པར་འགྱུར་རོ་ཞེས་བསམས་
ལ་རི་ལ་སོགས་པའི་གནས་རབ་ཏུ་དབེན་པ་འམ། གཙུག་ལག་ཁང་ལ་སོགས་པའི་ཁང་པ་སྟོང་པ་འམ། བླ་གབ་མེད་པར་འདུ་འཛི་རྣམ་པར་སྤངས་ལ་སེམས་ཅན་ལ་གནོད་པ་མེད་པས་ཆོ་ག་འདི་བཞིན་དུ་བྱའོ། །
ཁྲུས་ལ་སོགས་པ་མེད་ཀྱང་རུང་། རས་རིས་མེད་ཀྱང་རུང་། ཚུལ་ཁྲིམས་འཆལ་པ་ཡིན་ཡང་རུང་། དམན་པ་ཡིན་ཡང་རུང་། བསོད་ནམས་དང་མི་ལྡན་ཡང་རུང་སྟེ། གང་ཡང་མང་དུ་སྒྲུབ་པ་ལ་གོམས་པར་བྱའོ། །མུན་པ་ཆེན་པོ་ནས་སྣང་བར་འཇུག་པར་
འདོད་པ་དང་། འཁོར་བར་ལྟུང་བ་རྣམས་བྱང་ཆུབ་སེམས་དཔའི་ཐེག་པ་ལ་བསྐྱོན་པར་འདོད་པ་དང་། གང་ཡང་མང་དུ་འབད་པས་ལོག་པར་ལྟུང་བ་རྣམས་རབ་ཏུ་གཟུང་ཞིང་སྣང་བར་བྱེད་པ་རབ་ཏུ་ཐོབ་པར་འདོད་པས་ཆོ་ག་བཞིན་ཉིན་རེ་ཞིང་ཟླ་བ་གཅིག་གི་བར་དུ་

94-1-234a

བྱས་ལ། མཐར་ཡར་ངོའི་བཅྭ་ལྔ་ལ་ཇི་ལྟར་མངོན་པར་འབྱོར་པའི་མཆོད་པ་བྱས་ནས་མཆོད་རྟེན་དང་། སྐུ་གཟུགས་དང་། རས་རིས་དང་། དམ་པའི་ཆོས་ཀྱི་གླེགས་བམ་འམ། གང་ཡང་རུང་བའི་མདུན་དུ་མེ་ཏོག་སིལ་
མས་བཀྲམ་པའི་དཀྱིལ་འཁོར་བྱས་ལ། ལོ་མ་བཏིང་བ་ལ་འདུག་སྟེ། བསྲུང་བའི་ཆོ་ག་ལ་སོགས་པ་སྔ་མ་བཞིན་བསམས་ལ། ལན་གསུམ་གྱི་བར་དུ་སྔགས་བརྗོད་པར་བྱའོ། །དེ་ནས་ལྕགས་ཀྱི་འཁོར་ལོ་འམ། རྡོ་རྗེ་འམ། 
རལ་གྲི་འམ། མདུང་འམ། ལྕགས་ཀྱུ་འམ། ཆུ་གྲི་ཟླ་ཕྱེད་ཀྱི་བར་དུ་བ་ལང་གི་ལྕི་བའི་ནང་དུ་བཅུག་ནས་གཏོན་ལ། ལག་ཏུ་བཟུང་ནས་སྲོད་དང་པོ་ནས་བརྩམས་ནས་མཚན་རངས་པར་སངས་རྒྱས་དང་བྱང་ཆུབ་སེམས་དཔའ་ཐམས་
ཅད་ལ་ཕྱག་བྱས་ནས་བསྒྲུབ་པར་བྱའོ། །ཡང་ན་རྡོ་རྗེ་ལས་བྱས་པ་རའི་འོ་མའི་ནང་དུ་བཅུག་པས་སོ། །ཡང་ན་དངུལ་དང་། ཟངས་དང་། གསེར་ལས་བྱས་པ་ཟླ་བ་ཕྱེད་དུ་ཆུའི་ནང་དུ་བཅུག་པ་འམ། མིག་སྨན་བའི་འོ་མའི་བུམ་པར་བཅུག་
པ་འམ། བསྲེགས་པ་འམ། ལྡོང་རོས་དང་། བབ་བླ་དང་། གི་ཝང་འམ། རང་བཞིན་གྱིས་གནས་པ་ལོ་མ་འམ། གོས་ཀྱི་བར་དུ་ལག་ཏུ་བཟུང་ལ་བསྒྲུབ་པར་བྱའོ། །ཡང་ན་ནོར་བུ་འམ། ཡང་ན་ཕྲེང་བ་འམ། ཡང་ན་ལྷུང་བཟེད་བཀྲུས་པ་འམ། 
གོས་སམ། གནས་སམ། གདུགས་སམ། རི་མོ་ལག་ཏུ་བཟུང་བས་སམ། ཏ་ལའི་ལོ་མ་ལས་བྱས་པའི་རལ་གྲི་ལ་སོགས་པ་རིག་པ་འཛིན་པ་འགྲུབ་པའི་རྫས་རྣམས་དང་མཚན་རངས་པར་བསྒྲུབས་ན་ནམ་ཕྱེད་དམ་ཉི་
མ་ཤར་བའི་ཚེ་འབར་བར་གྱུར་ནས་གལ་ཏེ་གྲུབ་ན་ངོ་མཚར་ཆེན་པོ་གློ་བུར་དུ་འབྱུང་བར་འགྱུར་ཏེ། ནམ་མཁའ་ལ་མེ་ཏོག་གི་ཆར་འབབ་པ་དང་། སངས་རྒྱས་ཀྱི་ཞིང་རབ་ཏུ་གཡོ་བ་དང་། སྣང་བ་ཆེན་པོ་གློ་བུར་དུ་འབྱུང་བ་དང་། 
གཞན་ཡང་ངོ་མཚར་ཆེན་པོ་རྣམ་པ་སྣ་ཚོགས་འབྱུང་བར་འགྱུར་ཞིང་། རིག་པ་འཛིན་པའི་རིགས་ཐམས་ཅད་ཉེ་བར་འདུས་ནས་དེ་ལ་བསོད་ནམས་ཅི་ལྟ་བ་བཞིན་དུ་སྔགས་ཀྱི་མཐུ་ཁྱད་པར་ཅན་གྱིས་དབང་བསྐུར་བར་བྱེད། ཡོངས་སུ་

94-1-234b

འཛིན་པར་བྱེད་དོ། །དེ་ནས་རིག་པ་འཛིན་པའི་རྒྱལ་པོ་རིག་འཛིན་གྱི་སྡེ་དཔོན་ཚོགས་ན་སྤྱོད་པར་འགྱུར་རོ། །འདི་རང་གི་སྐལ་བ་ཇི་ལྟ་བ་བཞིན་དུ་འཇུག་པར་འགྱུར་ཞིང་བྱང་ཆུབ་སེམས་དཔའི་རིག་འཛིན་གྱི་སྡེ་པའི་རྒྱལ་པོ་ཉིད་སྡུག་
བསྔལ་མེད་པར་འཐོབ་པར་འགྱུར་ཞིང་། དེ་ཉིད་དུ་ས་ལ་བཞུགས་ནས་རྡོ་རྗེ་འཛིན་གྱི་གཙོ་བོ་ཆེན་པོ་ཞེས་བྱ་བའི་འཁོར་ལོས་སྒྱུར་བ་རབ་འབྱམ་མཐའ་ཡས་པའི་འཕགས་པའི་ཆོས་ཀྱི་སྤྱོད་ཡུལ་འཕྲོགས་པ་མེད་པར་སོང་བ། རྣམ་པར་
རོལ་པ་མཐའ་ཡས་པས་མཛེས་པ། དེ་བཞིན་གཤེགས་པའི་རིག་པ་འཛིན་པར་བྱུང་ནས་ཡང་ཉམས་པར་མི་འགྱུར་བ་ཐོབ་པས་སྲེག་པའི་བསྐལ་པའི་དུས་སུ་ཡང་འཇིག་རྟེན་གྱི་ཁམས་གཞན་དུ་འགྲོ་བར་འགྱུར་ཞིང་བླ་ན་མེད་པའི་
བདེ་བའི་བདུད་རྩི་ལས་ཀྱང་མི་ཉམས་ལ། འདོད་པའི་ཡོན་ཏན་ལྔ་ལོངས་སྤྱོད་པ་ལས་མི་ཉམས་ཤིང་བུད་མེད་མང་པོའི་ཚོགས་ཀྱིས་ཡོངས་སུ་བསྐོར་བར་ཡང་འགྱུར་རོ། །ཤེས་རབ་དང་ཐབས་སོ་སོ་འཐོབ་ཅིང་སྟོབས་ཆེན་པོ་དང་
ལྡན་པར་འགྱུར་ཞིང་སེམས་ཅན་ལ་གནོད་པར་ཡང་མི་བྱེད་དོ། །འཇིག་རྟེན་གྱི་རིག་འཛིན་གྱི་རྒྱལ་པོ་རྣམས་ཀྱང་དེའི་བདེ་བའི་བདུད་རྩིའི་ལོངས་སྤྱོད་མང་པོ་ལ་ལྟོས་ན་ཟད་པ་དང་། དམན་པ་ལྟ་བུ་ཡིན་པས་འཇིག་རྟེན་པའི་རིག་
འཛིན་དེ་དག་གི་མཆོག་ཏུ་འགྱུར་ཞིང་སྙིང་རྗེ་བར་སེམས་པར་འགྱུར་རོ། །འདིའི་ཤུགས་ཀྱིས་འགྲོ་བ་ལ་ལྟོས་ན་ལྷའི་འཇིག་རྟེན་པའི་རིག་པ་འཛིན་པ་རྣམས་ཀྱང་རྐང་གིས་འགྲོ་བ་ལྟ་བུར་སེམས་སོ། །གང་འཇིག་རྟེན་པའི་རིག་འཛིན་གྲུབ་པ་དེ་
དང་། འདིའི་ཁྱད་པར་ཡང་རྩྭ་དང་རི་རབ་ཀྱི་ཁྱད་པར་ལྟ་བུར་འགྱུར་རོ། །འདི་ལྟ་བུའི་ཐབས་དང་ལྡན་པའི་ཆོ་གའོ། །ཐབས་དང་མི་ལྡན་པས་ནི་ཇི་ལྟར་མོས་པ་བཞིན་དུ་དེ་བཞིན་གཤེགས་པའི་སྙིང་པོའི་ཆོ་ག་ཞིབ་མོ་རིམ་པར་ཕྱེ་བ་རབ་འབྱམ་གྱི་
ཆོ་གའོ། །སྔར་གྱི་རྟོག་པའི་ཆོ་ག་ཐམས་ཅད་ཀྱིས་བསྒྲུབ་པར་བྱ་ཞིང་སྔར་གྱི་རྟོག་པའི་ཆོ་ག་ཐམས་ཅད་ཀྱིས་སྦྱར་བར་བྱའོ། །མངོན་པར་ཤེས་པ་ལྔ་བསྒྲུབ་པའི་ཐབས་ནི་རྣམ་པ་གཉིས་ཏེ། རབ་ཏུ་དབེན་པར་སངས་རྒྱས་དང་བྱང་ཆུབ་སེམས་

94-1-235a

དཔའ་ལ་སོགས་པས་དམིགས་པ་རྟག་ཏུ་ཟློས་པ་དང་། ལྷ་མཉེས་པར་བྱེད་པས་མངོན་པར་ཤེས་པ་ལྔ་བསྒྲུབ་པ་སྟེ། ཆོ་གའི་ཐབས་དེ་དག་གིས་རྟག་ཏུ་གོམས་པར་བྱས་ནས་མངོན་པར་ཤེས་པ་ལྔ་ཉེ་བར་འབྱུང་བར་འགྱུར་
རོ། །ལས་རྣམ་པ་གཉིས་ཀྱིས་རྫུ་འཕྲུལ་གྱི་རྐང་པ་རྣམས་ཐོབ་པར་འགྱུར་ཏེ། ལུས་ཡང་བ་དང་སེམས་ཡང་བ་ཉིད་ལ་གོམས་པར་བྱེད་ཅིང་ཟློས་པ་དང་། དབེན་པར་འདུག་ནས་བཟླས་པ་ལ་གོམས་པར་བྱེད་པའོ། །མི་སྣང་བའི་ཆོ་
ག་ནི་གསུམ་སྟེ། ཉིན་གཅིག་ཏུ་སྒྲུབ་པ་འམ། ཉིན་མཚན་གཅིག་སྦྱོར་བས་སྒྲུབ་པ་དང་། དུར་ཁྲོད་དུ་ས་ལས་བྱས་པའི་མཆོད་རྟེན་བྱས་པའི་མདུན་དུ་དཀྱིལ་འཁོར་བྱས་པ་ལ་མེ་ཏོག་སིལ་མས་བཀྲམ་པ་ལ་འདུག་
ནས་བ་བླ་འམ། གི་ཝང་ངམ། ཨ་ཤྭད་ཐའི་ལོ་མ་འམ། བྱང་ཆུབ་ཀྱི་ཤིང་གཞན་ཡང་རུང་། མྱ་ངན་མེད་པ་ལ་སོགས་པ་བཀྲ་ཤིས་ཀྱི་ཤིང་གི་ལོ་མ་ལ་བཞག་ནས་སྒྲུབ་པ་པོས་ཐོ་རངས་ཀྱི་དུས་ནས་སྲོད་ཀྱི་བར་དུ་ཉིན་
རངས་བསྒྲུབ་པར་བྱའོ། །དེ་ལས་དུ་བ་བྱུང་ན་མི་སྣང་བར་འགྱུར་རོ། །གལ་ཏེ་ཉི་མ་དེ་ལ་མ་གྲུབ་ན་ཉི་མ་གསུམ་གྱི་བར་དུ་བསྒྲུབ་པར་བྱའོ། །དེ་ལྟ་ན་ཡང་མ་གྲུབ་ན་ཉི་མ་བཞི་པ་ལ་ཉི་མ་རངས་པར་དུར་ཁྲོད་དུ་འཆག་ཅིང་
སྒྲུབ་པ་བྱས་ན་ངེས་པར་འགྲུབ་པར་འགྱུར་ཏེ། མི་སྣང་བར་འགྱུར་ཞིང་འདོད་པའི་གཟུགས་ཅན་དུ་འགྱུར་ལ་རི་རབ་ཀྱི་ངོས་ཀྱི་བར་དུ་འགྲོ་བར་འགྱུར་རོ། །ཡང་ན་དེ་ཉིད་དུ་མཆོད་རྟེན་གྱི་མདུན་དུ་ཚེས་བཅུ་གསུམ་གྱི་ཉི་མ་ནུབ་ནས་
ཉི་མ་ཤར་གྱི་བར་དུ་མཆོད་པ་བྱས་ནས་ཤིང་ལོ་ལ་འདུག་སྟེ། བ་བླ་འམ། གི་ཝང་ལོ་མའི་བར་དུ་བཞག་ནས་བརྩམས་ཏེ། མཚན་རངས་པ་བཟླས་ནས་དུ་བ་བྱུང་བས་ཚུད་གསུམ་བྱས་ནས་མི་སྣང་བར་འགྱུར་རོ། །
ཡང་ན་དུར་ཁྲོད་དེ་ཉིད་དུ་ཁྲག་གིས་ཐིག་ལེ་བྱས་ནས་ལག་ཏུ་རལ་གྲི་ཐོགས་ནས་འདུག་ལ་མཚན་རངས་པ་བཟླས་པ་བྱས་ན་ཉི་མ་ཤར་བའི་དུས་སུ་མི་སྣང་བར་འགྱུར་རོ། །རོ་ལ་རྐང་པས་མནན་ནས་ལག་པར་རལ་གྲི་ཐོགས་ཏེ་

94-1-235b

ཇི་སྲིད་མི་སྣང་བར་འགྱུར་གྱི་བར་དུ་བཟླས་པ་བྱའོ། །ལག་ཏུ་རལ་གྲི་བཟུང་ནས་ཉི་མ་གང་ཡང་རུང་བ་ལ་རོ་བསྲེགས་པའི་ཐལ་བ་ལ་ཁྲག་གིས་བསངས་པའི་ཡུངས་ཀར་གྱི་སྦྱིན་སྲེག་མཚན་རངས་པ་བྱས་ན་ཐོ་རངས་མི་སྣང་
བར་འགྱུར་རོ། །མདོར་ན་རྟོག་པ་ཐམས་ཅད་ཀྱི་ཆོ་ག་གང་ཡང་རུང་བ་དེ་དག་དུར་ཁྲོད་དུ་བྱ་ཞིང་སྦྱར་རོ། །ཡང་ན་ཉི་མ་རངས་པ་རི་ལ་སོགས་པ་འམ། ཁྱིམ་སྟོང་དང་། ལྷའི་ཁང་པ་དང་། ཤིང་གཅིག་དང་། དགོན་པའི་
མཆོད་རྟེན་དང་། མཚན་མ་གཅིག་པ་དང་། དུར་ཁྲོད་ལ་སོགས་པའི་གནས་སུ་མེ་ཏོག་སིལ་མ་བཀྲམ་པའི་དཀྱིལ་འཁོར་བྱས་པ་ལ། ཤིང་རྟ་དང་། ལྷའི་བཞོན་པ་དང་། སེང་གེ་དང་། རྟ་དང་། གླང་པོ་ཆེ་དང་། མ་ཧེ་དང་། 
གླང་དང་། རི་དགས་དང་། ར་འམ། ལུག་གམ། ཁྱིམ་བྱ་ཡང་རུང་བྲིས་པའི་མདུན་དུ་མཚན་རངས་པ་མར་དང་། སྦྲང་རྩི་དང་། མིའི་རུས་པ་ཕྱེ་མའི་སྦྱིན་སྲེག་བྱས་ན་ནམ་ཕྱེད་དམ། ཉི་མ་འཆར་ཀར་འབར་བར་འགྱུར་རོ། །དེ་
ནས་གང་དུ་འདོད་པར་འགྲོ་ཞིང་མི་སྣང་བར་ཡང་འགྱུར་རོ། །འདོད་ན་ཡང་སླར་འོང་བར་འགྱུར་ཞིང་ཡང་འགྲོ་བར་ཡང་འགྱུར་རོ། །དེ་ལ་སྦྱོར་བ་འདིས་རི་ལུ་བསྒྲུབ་པར་བྱ་སྟེ། ཨ་ཏི་པ་ལའི་རྩ་བ་དང་། ཏྲི་བར་ཎའི་རྩ་བ་ལ་
གོད་པ་རི་ཞེས་བྱ་བ་དང་། མ་ཧཱ་བེ་གའི་རྩ་བ་ལ་ཡང་ཏྲཻ་ལ་བཪྞེ་ཞེས་ཀྱང་བྱ་བ་དང་། ཤིང་ཆེན་གྱི་རྩ་བ་དང་། ཤུན་པ་དང་། འདི་དག་ཆ་མཉམ་པ་ཕྱེ་མ་ཞིབ་མོར་བྱས་ནས་རང་གི་ཁྲག་དང་རི་ལུ་གསུམ་བྱས་ནས་ཟངས་ཀྱིས་
དཀྲི་བར་བྱའོ། །རི་ལུ་གཞན་ཡང་མྱ་ངན་མེད་ཀྱི་མེ་ཏོག་དང་། མ་དུ་ལུང་གའི་རྩ་བ་དང་། ཏ་ར་བ་ར་རྟའི་རྩ་བ་དང་། ཟར་མའི་ཤུན་པ་རྣམས་ཆ་མཉམ་པ་གཅིག་ཏུ་བྱས་ནས་ཕྱེ་མ་ཞིབ་མོར་བྱས་ལ་རང་གི་ཁྲག་དང་། རིལ་
བུ་སྲན་མ་ཙམ་གསུམ་བྱས་ཏེ་ཟངས་ཀྱིས་དཀྲི་བར་བྱའོ། །རིལ་བུ་གཞན་ཡང་ཏིལ་གྱི་རྩ་བ་དང་། ཏྲ་བུ་ཤའི་ས་བོན་དང་། མ་ལ་ཏའི་རྩ་བ་དང་། ཏ་མ་ལའི་ལོ་མ་རྣམས་ཆ་མཉམ་གཅིག་ཏུ་བྱས་པའི་ཕྱེ་མ་ཞིབ་མོ་དང་རང་གི་ཁྲག་གིས་རིལ་བུ་

94-1-236a

གསུམ་བྱས་ལ་ཟངས་ཀྱིས་དཀྲི་བར་བྱའོ། །རིལ་བུ་གཞན་ཡང་ཡུངས་ཀར་དང་། ཏིལ་དང་། བོང་ང་དང་། ཨ་རུ་རའི་ཤུན་པ་འདི་རྣམས་ཆ་མཉམ་པའི་ཕྱེ་མ་ཞིབ་མོ་སྦྲང་རྩི་དང་རང་གི་ཁྲག་གིས་སྦྲུས་ནས་རིལ་བུ་གསུམ་བྱས་ལ་ཟངས་
ཀྱིས་དཀྲི་བར་བྱའོ། །རིལ་བུ་གཞན་ཡང་ཨ་རུ་ར་དང་། བི་བྷི་ཁའི་འབྲས་བུའི་རྐང་པ་དང་། ན་ག་གེ་སར་དང་། སྦངས་མ་དང་། འཛའ་ཏི་མེ་ཏོག་རྣམས་ཆ་མཉམ་པའི་ཕྱེ་མ་ཞིབ་མོར་བྱས་ལ་རང་གི་ཁྲག་དང་། ཏིལ་མར་བསྲེས་པ་དང་། རིལ་
བུ་གསུམ་བྱས་ལ་ཟངས་ཀྱིས་བཏུམ་པར་བྱའོ། །དེ་ནས་རིལ་བུ་དེ་དག་བསྒྲུབ་པའི་ཐབས་འབྱུང་བར་འགྱུར་རོ། །སྔགས་གང་ཡང་རུང་བ་སྟོང་ཕྲག་གཅིག་བཟླས་པ་བྱས་ལ་དུར་ཁྲོད་དུ་དཀྱིལ་འཁོར་བྱས་ནས་དབུས་སུ་མཆོད་རྟེན་ནམ། 
དམ་པའི་ཆོས་ཀྱི་གླེགས་བམ་བཞག་ནས་ཚེས་བཅུ་གསུམ་གྱི་ཉིན་མཚན་རངས་པ་ལོ་འདབ་བཏིང་བ་ལ་མྱུར་བར་འདུག་ལ་ལག་པ་གཡས་པར་རལ་གྲི་ཐོགས་ནས་གཡོན་དུ་རིལ་བུ་གང་ཡང་རུང་བ་བཟུང་ལ་སྲོད་ནས་བརྩམས་ནས་ཇི་
སྲིད་དུ་བ་འབྱུང་བ་དང་། རབ་ཏུ་གཡོ་བར་འགྱུར་གྱི་བར་དུ་བསྒྲུབ་པ་བྱས་ན་དེ་ནས་རི་ལུ་གཅིག་ཁར་བཅུག་ན་ཉི་མའི་འོད་ལྟ་བུར་འགྱུར་རོ། །ཁྲུ་གང་ཙམ་གྱི་ས་ལ་མ་རེག་པར་འགྱུར་རོ། །གལ་ཏེ་དེའི་ནུབ་མོ་མ་གྲུབ་ན་སླར་ཡང་དུར་
ཁྲོད་དུ་སྲོད་ནས་བརྩམས་ནས་ཇི་སྲིད་ཉི་མ་ཤར་གྱི་བར་དུ་འཆག་ཅིང་བཟླས་པ་བྱའོ། །ཡང་ན་དབང་ཕྱུག་ཆེན་པོ་གྲུབ་པའི་ཁང་པར་མཚན་མའི་སྟེང་དུ་བཞག་ནས་ཁ་བྱང་དུ་བལྟས་ཏེ་འདུག་པས་ལག་ཏུ་རལ་གྲི་ཐོགས་ཏེ། 
སྲོད་དུས་ནས་བརྩམས་ནས་ཉི་མ་ཤར་གྱི་བར་དེ་བཞིན་དུ་ཁར་བཅུག་ནས་བསྒྲུབས་ན་ཉི་མའི་མདོག་ཏུ་འགྱུར་རོ། །ཡང་ན་དགོན་པའི་མཆོད་རྟེན་ནམ། ཡང་བྱང་ཆུབ་ཀྱི་ཤིང་བདུན་པོ་གང་ཡང་རུང་བའི་རྩར་ཉེ་བར་འདུག་ལ་རི་ལུ་
གང་ཡང་རུང་བ་གསུམ་ལག་ཏུ་བཟུང་ནས་སྔ་མ་བཞིན་དུ་བྱའོ། །ཡང་ན་དབེན་པར་འཕགས་པ་ཕྱག་ན་རྡོ་རྗེའི་ཕྱག་ཏུ་བཞག་ནས་མཆོད་པ་བྱས་ལ་བསྒྲུབ་པར་བྱའོ། །ཡང་ན་ཅི་སྐད་བསྟན་པའི་གནས་སུ་ཟླ་བ་དང་། ཉི་མ་གཟས་

94-1-236b

ཟིན་པའི་ཚེ་བསྒྲུབ་པར་བྱ་སྟེ་སྔ་མ་བཞིན་ནོ། །དེ་ནས་མིག་སྨན་འབྱུང་བར་འགྱུར་ཏེ། སྦངས་མ་དང་། མཐིང་ཤུན་དང་། ཟངས་ཕྱེ་རྣམས་ཆ་མཉམ་པར་བྱས་ལ་རང་གི་ཁྲག་དང་སྦྲང་རྩིས་རིལ་བུ་བྱས་ནས་ཁམ་ཕོར་མ་
བསྲེགས་པ་ཁ་སྦྱར་དུ་བཞག་ལ། དུར་ཁྲོད་ལ་སོགས་པའི་གནས་རྣམས་སུ་དེ་བཞིན་དུ་ལག་ཏུ་རལ་གྲི་ཐོགས་ཏེ་རིལ་བུ་བཞིན་དུ་བསྒྲུབ་པར་བྱའོ། །དེ་བཞིན་དུ་བ་བླ་བྱང་ཆུབ་ཀྱི་ཤིང་གི་ལོ་མའི་བར་དུ་བཞག་ནས་ལག་ཏུ་
རལ་གྲི་བཟུང་ནས་སྔ་མ་བཞིན་དུ་བསྒྲུབ་བོ། །དགོན་པའི་མཆོད་རྟེན་ནམ། བྱང་ཆུབ་ཀྱི་ཤིང་གང་ཡང་རུང་བའི་རྩ་བ་འམ། དབང་ཕྱུག་ཆེན་པོའི་གནས་སུ་འཕགས་པ་རྡོ་རྗེ་འཛིན་གྱི་ཕྱག་ཏུ་བཞག་ནས་ཚེས་བཅུ་གསུམ་གྱི་ཉིན་
ཞག་སྨྱུང་བར་འདུག་ནས་བསྒྲུབ་པ་འམ། ཟླ་བ་ཉི་མ་གཟས་ཟིན་པའི་ཚེ་སྲོད་ནས་བརྩམས་ནས་བསྒྲུབ་པར་བྱའོ། །གྲུབ་ན་ཐིག་ལེ་བྱས་ན་མི་སྣང་བར་འགྱུར་རོ། །གལ་ཏེ་དེའི་ནུབ་མོ་མ་གྲུབ་ན་དེ་བཞིན་དུ་དེ་ཉིད་དུ་འཆག་ཅིང་
ཉི་མ་འཆར་ཀ་ནས་བརྩམས་ནས་སྲོད་ཀྱི་བར་དུ་བསྒྲུབ་པར་བྱའོ། །གྲུབ་པར་གྱུར་ན་བར་གྱི་བསྐལ་པར་གནས་ཤིང་གསེར་གྱི་མདོག་ཅན་འདོད་པའི་གཟུགས་ཅན་དུ་འགྱུར་རོ། །བ་བླ་ལ་ཇི་ལྟ་བ་བཞིན་དུ་གི་ཝང་དང་ལྡོང་རོས་ལ་
སོགས་པ་ལ་ཡང་བརྩོན་འགྲུས་དང་ལྡན་པས་སྔ་མ་བཞིན་དུ་བསྒྲུབ་པར་བྱའོ། །བུད་མེད་ཀྱི་མཚན་མ་གཞན་དུ་གྱུར་པ་དང་། སྔོན་གྱི་རྟེན་གཞན་དུ་གྱུར་པ་གཞོན་ནུ་དང་། གཞོན་ནུ་མའི་སྒྲུབ་པ་འབྱུང་བར་འགྱུར་རོ། །སྔགས་གང་ཡང་རུང་
བ་བཟུང་ལ་རི་གསེབ་ཏུ་ཞུགས་ཏེ་འབུམ་བཟླས་ལ། དེ་ནས་གཞོན་ནུ་མ་ལེགས་པར་ཁྲུས་བྱས་ཏེ་རྒྱན་གྱིས་བརྒྱན་པར་བྱས་ཏེ། སངས་རྒྱས་དང་བྱང་ཆུབ་སེམས་དཔའ་ཐམས་ཅད་ལ་དབུལ་བར་བྱ་ཞིང་ཚོགས་བསགས་པ་དང་། 
བྱང་ཆུབ་ཀྱི་སེམས་ཡོངས་སུ་གཟུང་བ་བྱས་ལ་སྔ་མ་བཞིན་དུ་མཆོད་རྟེན་དང་། སྐུ་གཟུགས་དང་། རས་རིས་སམ། དམ་པའི་ཆོས་གྱི་གླེགས་བམ་གྱི་མདུན་དུ་ཇི་ལྟར་ནུས་པས་མཆོད་པ་བྱས་ལ། འཁོར་ལོ་འམ། རལ་གྲི་འམ། རྡོ་རྗེ་འམ། ལྕགས་ཀྱུ་འམ། དམ་པའི་

94-1-237a

ཆོས་ཀྱི་གླེགས་བམ་ལག་པ་ལ་བཅིངས་ནས་སམ། རྫས་དེ་དག་ལས་གང་ཡང་རུང་བ་ཉིད་དམ། མེད་པར་ཡང་གཞོན་ནུ་དཀྱིལ་འཁོར་དུ་བཅུག་ཅིང་ཤིང་མངར་པོ་ལ་མེ་སྤར་ལ། ཤིང་དང་ཚྭ་ཕྱེ་དང་བཅས་པའི་རང་གི་ཁྲག་གིས་བསྒོས་པ་ཉི་མ་ནུབ་
ནས་བརྩམས་ནས་འབར་བར་གྱུར་གྱི་བར་དུ་དེ་ལག་པ་ནས་བཟུང་ནས་བསྒྲུབས་ན། དེ་དང་བཅས་པར་ཐོགས་པ་མེད་པའི་རིག་པ་འཛིན་པར་འགྱུར་རོ། །དུར་ཁྲོད་དུ་ལྕགས་ཀྱི་རྡོ་རྗེ་ལག་ཏུ་བཟུང་ནས་སློངས་མོ་ལ་སྤྱོད་ཅིང་ཇི་སྲིད་བདག་ཉིད་གནོད་སྦྱིན་དུ་གྱུར་
གྱི་བར་དུ་བཟླས་ན་བདག་ཉིད་ལྕང་ལོ་ཅན་དུ་ཞུགས་པར་མཐོང་བར་འགྱུར་རོ། །དེར་འཕགས་པ་ཕྱག་ན་རྡོ་རྗེའི་རིགས་སུ་རང་གི་གནས་ཐོབ་པར་འགྱུར་རོ། །བྱོན་ནས་སྡིག་པ་ཆེན་པོ་བྱས་པ་ཡང་ལག་པ་ནས་བཟུང་ནས་ངེས་པར་ལྕང་ལོ་ཅན་དུ་ཁྲིད་པར་བྱེད་དོ། །
ཉལ་བའི་ཚེ་རྡོ་རྗེ་དེ་བསྲུང་བ་བྱས་ལ་སྔས་སུ་གཞག་པར་བྱའོ། །ཟས་ཟ་བའི་ཚེ་ཡང་དེ་ལག་ཏུ་བཟུང་ནས་བཟའ་བར་བྱའོ། །ཙན་དན་དམར་པོ་ལས་བྱས་པའི་རྡོ་རྗེ་ལག་ཏུ་ཐོགས་ནས་རྟག་ཏུ་བསོད་སྙོམས་ལ་སྤྱོད་པས་རི་ལ་འཛེགས་ནས་བཟླས་
པ་བྱས་ན་ཟླ་བ་ལྔའི་ནང་དུ་རྒྱལ་ཆེན་བཞིའི་རིས་ཀྱི་ལྷ་རྣམས་ཀྱི་ནང་དུ་སྐལ་བ་ཅི་ལྟ་བ་བཞིན་དུ་གནས་རབ་ཏུ་ཐོབ་པར་འགྱུར་རོ། །རི་ལ་སློངས་མོ་སྤྱོད་ཅིང་རལ་གྲི་མ་བོར་བར་རྟག་ཏུ་བཟླས་པ་བྱས་ལ་ཟས་ཟ་ན་བཟུང་ནས་བཟླའོ། །ཉལ་བ་ན་ཡང་
བསྲུང་བ་བྱས་ཏེ་ཤུབས་སུ་བཅུག་སྟེ་སྔས་སུ་བཞག་ན་ཟླ་བ་གསུམ་གྱི་ནང་དུ་རིག་པ་འཛིན་པར་འགྱུར་རོ། །འཁོར་ལོ་ལ་ཡང་ཆོ་ག་འདི་ཉིད་ཡིན་ནོ། །ལྕགས་སམ་ས་ལས་ལྕགས་ཀྱུ་བྱས་ལ་དུར་ཁྲོད་དུ་མེ་ཏོག་སིལ་མ་བཀྲམ་པའི་དཀྱིལ་
འཁོར་བྱས་ལ་དཀྱིལ་འཁོར་གྱི་དབུས་སུ་དུར་ཁྲོད་ཀྱི་ཤིང་ལས་མེ་སྦར་ལ་ལག་པ་གཡས་པར་ལྕགས་ཀྱུ་ཐོགས་ནས་སྐེ་ཚེའི་སྦྱིན་སྲེག་བྱ་སྟེ། དུར་ཁྲོད་ན་གཉུག་མར་གནས་པ་རྣམས་འོང་གི་བར་དུ་བྱའོ། །འོངས་ནས་བདག་གིས་
བགྱི་བ་ཅི་མཆིས་བཀའ་སྩོལ་ཅིག་ཅེས་ཟེར་ན། དེ་བཀའ་བཞིན་གྱིས་ཤིག་ཅེས་བརྗོད་དོ། །དེ་ནས་བཟུང་ནས་དྲན་པ་ཙམ་གྱིས་བཀའ་བཞིན་བྱེད་པར་འགྱུར་རོ། །དེ་བཞིན་དུ་ཤིང་ཆེན་པོའི་རྩ་བར་དེ་བཟུང་ནས་སློངས་མོ་སྤྱོད་

94-1-237b

བཞིན་དུ་བཟླས་པ་བྱས་ན་གནོད་སྦྱིན་འོངས་ནས་ཅི་ཞིག་བགྱི་ཞེས་སྨྲ་ཞིང་གང་དོན་དུ་གཉེར་བའི་དོན་དེ་སྒྲུབ་པར་བྱེད་དོ། །མྱ་ངན་མེད་ཀྱི་ཤིང་གི་རྩ་བར་སློངས་མོ་སྤྱོད་པས་ལྕགས་ཀྱུ་དེ་ཉིད་བཟུང་ནས་བཟླས་ན་གནོད་སྦྱིན་མོ་འོངས་ནས་ཅི་
ལྟར་མངོན་པར་འདོད་པ་བཞིན་དུ་ཉེ་བར་གནས་པར་འགྱུར་རོ། །རི་ལ་འཛེགས་ནས་ལྕགས་ཀྱུ་དེ་བཟུང་ནས་བཟླས་པ་བྱེད་ཅིང་རིག་པ་འཛིན་པ་གྲུབ་པར་བྱེད་པ་རྫས་གང་འདོད་པས་དེ་བཞིན་དུ་བྱས་ན་དེ་དག་གི་རིག་པ་འཛིན་པར་འགྱུར་རོ། །
ལྕགས་ཀྱུ་དེ་དང་ཀླུའི་གནས་ཀྱི་སྟེང་དུ་བཟླས་པ་བྱས་ན། དེའི་རྗེས་ལ་ཀླུ་སྟེང་དུ་ལངས་ནས་གང་སྨྲས་པ་དེ་བྱེད་དོ། །ལྕགས་ཀྱུ་ལ་ཇི་ལྟ་བ་དེ་བཞིན་དུ་ལྕགས་ལས་བྱས་པའི་རལ་གྲི་དང་། འཁོར་ལོ་དང་། རྡོ་རྗེའི་སྦྱོར་བས་ཀྱང་སྦྱར་
བར་བྱའོ། །དོན་ཡོད་པ་འདིས་འདིར་ནིམ་པ་ལས་བྱས་པའི་རྡོ་རྗེ་ལག་ཏུ་ཐོགས་ནས་བླག་ཀྵའི་ཤིང་གི་རྩ་བར་སློངས་མོ་སྤྱོད་ཅིང་བཟླས་ན། ལྷ་རྣམས་འོངས་ནས་ཡིད་ལ་གང་འདོད་པའི་དོན་རྗེས་སུ་སྒྲུབ་པར་བྱེད་ཅིང་ཟླ་བ་གཅིག་གི་ནང་དུ་འོང་
བར་འགྱུར་རོ། །ཐམས་ཅད་འོང་བར་མ་གྱུར་པར་དེ་བཞིན་དུ་སྦྱིན་སྲེག་བྱ་སྟེ། གོང་མའི་ཡམ་ཤིང་གིས་མེ་སྦར་ལ་མར་དང་སྐེ་ཚེ་སྦྱིན་སྲེག་བྱས་ན་ངེས་པར་རིམ་གྱིས་ཟིན་པར་བསྙེས་ཤིང་བརྡུངས་ལ་ཆངས་བུར་བཅངས་པའི་ལུས་ཀྱིས་འོང་
བར་འགྱུར་རོ། །ཐམས་ཅད་ཀྱི་ཐུན་མོང་གི་སྦྱིན་སྲེག་ཡིན་ནོ། །འདིར་སྦྱིན་སྲེག་གི་ཆོ་ག་འདི་ཡིན་ཏེ། རྫས་ཀྱི་ཆེད་དུ་ནི་ཤིང་ཆེན་དང་། མ་དུ་ཀ་དང་། ཨ་མྲ་ལ་སོགས་པས་སོ། །དེ་བཞིན་དུ་འབྲས་བུ་དང་བཅས་པའི་ཚེར་མ་ཅན་
གྱི་ཤིང་གི་ཡམ་ཤིང་གིས་ཀྱང་སྦྱིན་སྲེག་བྱའོ། །ཞོ་དང་། སྦྲང་རྩི་དང་། སཱ་ལུའི་ཟན་གྱི་ཆང་བུ་འམ། སྦྲང་རྩི་དང་། མར་དང་། འབྲས་སམ། སྦྲང་དང་། མར་ལ་སོགས་པས་སྦྱིན་སྲེག་བྱའོ། །བྱང་ཆུབ་ཀྱི་ཤིང་དྲུང་དུ་མཆོད་
རྟེན་དང་། རས་རིས་དང་། སྐུ་གཟུགས་ཀྱི་མདུན་དུ་དབང་དུ་བྱ་བའི་སྦྱིན་སྲེག་གི་ཆོ་ག་ནི་པྲི་ཡང་ཀུའི་བསྲེག་རྫས་ལ་སོགས་པ་འམ། མེ་ཏོག་དྲི་ཞིམ་པོའི་ཤིང་ལ་སོགས་པའི་ཡམ་ཤིང་གིས་ཀྱང་དེར་སྦྱིན་སྲེག་བྱའོ། །ཨ་ཏི་མུཀྟའི་

94-1-238a

བསྲེག་རྫས་ནི་ཞོ་ལ་བཏགས་པས་སོ། །པྲི་ཡང་ཀུའི་བསྲེག་རྫས་ནི་ཞོ་དང་མར་ལ་བཏགས་པས་སོ། །ཚྭ་དང་ཏིལ་གྱི་ཆང་བུ་འམ། ཚྭ་དང་མར་གྱི་ཆང་བུ་འམ། ཚྭ་དང་ཁྲག་གི་ཆང་བུས་ཀྱང་བྱ་སྟེ། གལ་ཏེ་དབང་དུ་མ་
གྱུར་ན་དེ་དག་གིས་སྦྱིན་སྲེག་བྱའོ། །མ་དུ་རི་ཀ་དང་ཏིལ་བསྲེས་པའི་སྦྱིན་སྲེག་གིས་ནི་དགའ་བ་ཆེན་པོར་བྱེད་པའོ། །སོ་བ་དང་མར་བསྲེས་པ་དང་། ཚ་བའི་མར་དང་སྤགས་པའི་སོ་འཆའི་ཚེར་མས་ནི་ཤ་ཟ་ལ་སོགས་པ་
གདུག་པ་ཅན་རྣམས་ལའོ། །ཀླུའི་འོ་མ་དང་སྐེ་ཚེས་ནི་གནོད་སྦྱིན་དགུག་པ་ལའོ། །འབྲས་བུ་བསྲེགས་པས་ཀྱང་རུང་ངོ་། །སྐྱེད་མོས་ཚལ་ལ་སོགས་པ་གནས་དབེན་ཞིང་ཉམས་དགའ་བར་མེ་ཏོག་གི་བསྲེག་རྫས་ཀྱིས་ཏེ་
འོན་ཀྱང་ཀླུང་གི་རྒྱུན་ལ་དབུལ་བར་བྱའོ། །དེ་ལ་དོན་འདོད་པས་ནི་ཆུ་ཀླུང་གི་ནང་དུ་འདུག་ལ་ཨུད་པ་ལ་དང་། ཀུ་མུ་ད་དང་། པད་མ་དང་། པུཎྜ་རི་ཀ་དང་། ཀ་ར་བཱི་ར་དང་། ཨ་ཤོ་ཀ་དང་། ཙམ་པ་ཀ་ལ་སོགས་པའི་མེ་ཏོག་གསུམ་
ནས་བརྩམས་ནས་ཅི་ཙམ་འབྱོར་པ་ཀླུང་གི་ཆུའི་ནང་དུ་འདུག་ནས་ཉི་མ་གསུམ་ཡན་ཆད་ཅི་ཙམ་འདོད་པར་རང་གི་འབྱོར་པ་དང་མཐུན་པར་རམ། བརྩོན་འགྲུས་དང་རྗེས་སུ་མཐུན་པར་འབྲས་བུ་དོན་ཡོད་པར་འབྱུང་བར་འགྱུར་རོ། །
མཆོད་རྟེན་དང་། སྐུ་གཟུགས་དང་། རས་རིས་དང་། དམ་པའི་ཆོས་ཀྱི་གླེགས་བམ་ལ་སོགས་པ་འམ། གཞན་ཡང་རུང་རྫས་ཀྱི་དོན་དུ་མེ་ཏོག་ལ་སོགས་པ་དབུལ་བར་བྱའོ། །དབང་དུ་བྱ་བའི་ཕྱིར་ནི་མ་ཡིན་ཏེ་ཀ་དཱ་ཛ་ཏི་
དང་། མ་ལི་ཀ་དང་། པྲི་ཡང་ཀུ་ལ་སོགས་པའི་ཆུའི་ནང་དུ་འདུག་ནས་བརྒྱ་ཡན་ཆད་ཉི་མ་ལྔ་ཡན་ཅད་བྱ་ཞིང་དབུལ་བར་བྱའོ། །དེ་བཞིན་དུ་མཆོད་རྟེན་དང་། སྐུ་གཟུགས་དང་། རས་རིས་དང་། གླེགས་བམ་ཡང་རུང་ཕུལ་ན་རྒྱལ་པོ་ལ་
སོགས་པ་ངེས་པར་དབང་དུ་འགྱུར་རོ། །ནད་ཀྱི་དོན་དུ་བྱ་བའི་སྦྱིན་སྲེག་ནི་འདི་ལྟ་སྟེ། སྨན་གྱི་ཤིང་གི་ཡམ་ཤིང་དང་། སྐྱུ་རུ་ར་ལ་སོགས་པ་དང་། འབྲས་བུ་ཁ་བོ་དང་། ནིམ་པ་ལ་སོགས་པ་བླ་གབ་མེད་པའི་གནས་སུ་མཆོད་རྟེན་ལ་སོགས་པ་ལ་ཆུའི་མེ་

94-1-238b

ཏོག་དང་། ལོ་མ་དང་། དགོན་པའི་མེ་ཏོག་དབུལ་བར་བྱའོ། །དེ་བཞིན་དུ་མཆོད་རྟེན་ལ་སོགས་པ་ལ་ཉིན་བདུན་ཡན་ཆད་ཅི་ཙམ་ནུས་པ་བྱས་ན། ངེས་པར་ནད་མེད་པ་དང་། དབང་དུ་བྱ་བ་དང་བཅས་པ་བྱེད་པར་འགྱུར་རོ། །གདོན་ལ་ནི་ཏིལ་
མར་དང་། རང་སྐྱུར་ལ་སྟེགས་པའི་རྒྱལ་པོའི་ཡུངས་ཀར་སྦྱིན་སྲེག་གིས་སོ། །འབྱུང་པོ་དང་། ཤ་ཟ་དང་། སྲིན་པོ་ལ་སོགས་པ་ལ་ཐལ་བ་ལ་སོགས་པས་བྲིས་པས་འབྲོས་པར་འགྱུར་ཞིང་། བརྡེག་པ་དང་། གཅད་པ་དང་། བཅིང་བ་ཡང་མེད་དོ། །
བདག་བསྲུང་བ་ལ་ནི་ལན་གསུམ་བརྗོད་པས་སོ། །གཞན་བསྲུང་བ་ལ་ནི་ལན་ལྔ་བྱས་པས་འདུག་པར་འགྱུར་རོ། །གང་དག་ལ་མདུད་པ་བཅིངས་པ་དང་། ཆུ་དང་། ཡུངས་ཀར་དང་། ས་དང་། ཚོན་དང་། ཕྱག་རྒྱས་སམ། ཡིད་ཀྱི་དཀྱིལ་འཁོར་
གྱིས་ཀྱང་འཆི་བར་བྱེད་དོ། །ཐལ་མོ་བརྡབས་པ་འམ། མདུད་པ་བཅིངས་པས་སམ། འདོད་པས་ཀྱང་དབང་དུ་བྱེད་ཅིང་འགུགས་སོ། །ཕུར་བུ་དང་། སྔགས་མདུད་དང་། ཆུས་ཀྱང་ཐམས་ཅད་བྱེད་དོ། །མདོར་ན་ཡིད་ལ་བསམས་ནས་བཟླས་
པ་བྱས་ན་ཐམས་ཅད་དོན་ཡོད་པར་བྱེད་དོ། །རང་བཞིན་དུ་གནས་པ་ལ་འབེབས་པར་བྱེད་ན་ཙན་དན་དང་། ཨ་ག་རུའི་བདུག་སྤོས་ལ་སོགས་པས་དཀྱིལ་འཁོར་མེ་ཏོག་སིལ་མ་བཀྲམ་པ་བྱས་པ་ལའོ། །གདོན་གྱིས་ཟིན་པ་ལ་འབེབས་
པར་བྱེད་ན། ཨུ་ཤི་ར་དང་། མར་གྱི་བདུག་སྤོས་ཀྱིས་སོ། །བདུག་སྤོས་ཐམས་ཅད་ཀྱང་མར་དང་བཅས་པར་བྱའོ། །དཔལ་པི་སྠ་ཀ་ལ་སོགས་པ་ལ་ཡང་སྦྱར་བར་བྱའོ། །མར་དང་བཅས་པས་ཉིན་བཞི་པ་ལ་སོགས་པའི་རིམས་ཞི་བར་བྱེད་
དོ། །ཏིལ་མར་དང་བསྲེས་པའི་ཀུན་དུ་རུ་ཀ་ལ་སོགས་པའི་བདུག་སྤོས་ཐམས་ཅད་ཀྱིས་སོ། །ལྕགས་ལས་བྱས་པའི་ཕུར་བུས་གདུག་པ་ཅན་སྲིན་པོ་དང་། ལྷ་མ་ཡིན་ལ་སོགས་པ་ཕུར་བུས་འདེབས་སོ། །གནོད་སྦྱིན་ལ་ནི་འོ་མ་ཅན་གྱི་ཕུར་
བུས་སོ། །ཀླུ་ལ་ནི་ནིམ་པའི་ཤིང་ལས་བྱས་པས་སོ། །རིག་པ་འཛིན་པ་ལ་ནི་ཤྲི་ཁན་ད་ལས་བྱས་པས་སོ། །ལྷ་ལ་ཙན་དན་དམར་པོ་ལས་བྱས་པའི་ཕུར་བུས་སམ། ཅི་ལྟར་འདོད་པས་ལན་ཉི་ཤུ་རྩ་གཅིག་གི་བར་དུ་བཟླས་ལ་གཟུགས་བརྙན་གྱི་གནས་

94-1-239a

གང་ཡིན་པ་དེར་གདབ་པར་བྱའོ། །བཏབ་ནས་ཁྲོས་པས་གནས་དེ་ཉིད་དུ་མཚན་མ་ཅུང་ཞིག་བྱུང་བར་གྱུར་གྱི་བར་དུ་བཟླས་པ་བྱ་ཞིང་། སྲིད་པ་མེད་པའི་དྲག་ཏུ་ཁྲོས་པས་ཕ་རོལ་ཀུན་ཕུར་བུས་གདབ་བོ། །བསྟན་པ་ལ་སྡང་བའི་སེམས་ཅན་དང་། 
སེམས་ཅན་རྣམས་ལ་སྡང་བ་ཡང་ཕུར་བུས་གདབ་བོ། །དཔལ་ཕུར་བུས་རྒྱལ་པོ་གདུག་པ་ཅན་གྱི་དཔུང་ཕུར་བུས་གདབ་པར་འགྱུར་རོ། །རྒྱལ་པོ་ཕུར་བུས་གདབ་པ་ལ་ནི་ཙམ་པའི་ཤིང་ལས་བྱས་པས་རྒྱལ་པོ་ཕུར་བུས་གདབ་པར་འགྱུར་རོ། །མིའི་རུས་
པའི་ཕུར་བུས་ནི་བགེགས་ཕུར་བུས་གདབ་བོ། །རུས་པ་ལས་བྱས་པ་དང་། ལྕགས་ལས་བྱས་པ་དང་། སེང་ལྡེང་ལས་བྱས་པ་དང་། འོད་མ་ལས་བྱས་པས་གདུག་པའི་ཕུར་བུས་ཐམས་ཅད་ལ་སྦྱར་བར་བྱའོ། །ཐ་ན་སྟོང་པར་གདབ་པ་ལྟར་བྱས་པས་ཀྱང་
རྡོ་རྗེའི་རང་བཞིན་གྱིས་ཕུར་བུས་བཏབ་པར་འགྱུར་རོ། །བཅིང་བ་ལ་ནི་རྩའི་འདབ་མ་ལ་ལན་གསུམ་བརྗོད་པས་ཀྱང་བརྒྱ་བྱིན་ཡང་འཆིང་བར་བྱེད་དོ། །བཅད་པས་གྲོལ་བར་འགྱུར་རོ། །གལ་ཏེ་རབ་ཏུ་སྦྱར་ན་ཚངས་པ་ལ་སོགས་པ་རང་ཉིད་ཀྱང་ལག་ན་རྡོ་རྗེ་སྟོབས་པོ་
ཆེས་བཅིངས་པར་བསམས་ན་བཅིངས་པར་འགྱུར་རོ། །གྲོལ་བར་གྱུར་ཅིག་ཅེས་བསམས་ན་གྲོལ་བར་འགྱུར་རོ། །དེ་ལྟ་ན་ཡང་འདིར་སེམས་ལ་དབང་བ་ཡང་འགྲུབ་པར་འགྱུར་ཞིང་དམ་ཚིག་ལ་དབང་བར་ཡང་འགྱུར་རོ། །དེ་ལ་འདིར་ཐོགས་པ་མེད་པ་དོན་
ཡོད་པའི་འཆིང་བའི་སྦྱོར་བ་ནི་ཡུངས་ཀར་དང་འབྲས་བཏགས་པ་ལ་ཏིག་ཏ་དང་ཚྭ་བསྲེས་ལ། ལྕགས་སྒྲོག་གམ། རྡོ་རྗེ་འམ། མདུང་ངམ། རྡོ་རྗེའི་དཀྱིལ་འཁོར་རམ། རྡོ་རྗེ་ཞགས་པའི་ཕྱག་རྒྱ་བྱས་ནས་དུར་ཁྲོད་དུ་སྦྱིན་སྲེག་བྱས་ན་འཆིང་བ་
ཆེན་པོས་བཅིངས་པར་འགྱུར་རོ། །ཡང་ན་ནིམ་པའི་ལོ་མ་དང་། ནི་པི་ན་ལྷན་ཅིག་བཏགས་ནས་སྦྱིན་སྲེག་བྱས་ན་དེ་བཞིན་དུ་འཆིང་ངོ་། །མོན་སྲན་གྲེའུ་དང་། སྐེ་ཚེ་དང་སྐྱུ་རུ་ར་དང་ལྷན་ཅིག་བཏགས་ནས་ཕྱག་རྒྱ་བྱས་ལ་དུར་ཁྲོད་དུ་སྦྱིན་སྲེག་བྱས་
ན་འཆིང་བར་འགྱུར་རོ། །མངོན་སྤྱོད་ནི་འདི་ལྟར་འབྱུང་སྟེ། དུར་ཁྲོད་ཀྱི་ཤིང་ཏིག་ཏ་དང་བཅས་པ་དང་། ཚྭ་དང་བཅས་པའི་ཡམ་ཤིང་གིས་དུར་ཁྲོད་དམ། ཁང་པ་སྟོང་པ་དང་། བསྐྱེད་མོས་ཚལ་རྙིང་པ་དང་། ས་སྒྲེན་གྱི་ཕྱོགས་སུ་ཁྲོས་པས་ནིམ་པ་ལས་རྡོ་རྗེའི་རྣམ་

94-1-239b

པ་ལྟ་བུར་བྱས་ལ། དེ་ནས་རུས་པའི་ཕྱེ་མ་རང་གི་ཁྲག་དང་བསྒྲེས་པས་སྦྱིན་སྲེག་བྱས་ན་ཉི་མ་དགུས་ངེས་པར་འཆི་བར་འགྱུར་རོ། །ཡང་ན་ཤ་ཆེན་པོ་མར་དང་བཅས་པས་སྦྱིན་སྲེག་བྱའོ། །ཡང་ན་ཉའི་ཞག་དང་བསྒོས་པའི་སྦྱིན་སྲེག་བྱའོ། །ཡང་ན་
ཏིལ་མར་ལས་བསྟེགས་པའི་བ་ལང་གི་ཤས་སོ། །ཡང་ན་ཀེ་ཤའི་ཐལ་བ་དང་། རྟའི་ཁྲག་དང་སྐེ་ཚེས་སོ། །ཡང་ན་ཁྭའི་སྒྲོ་ལ་སོགས་པ་ཏིལ་མར་ལ་བསྟེགས་པའི་སྒྲོ་ཐམས་ཅད་ཀྱིས་སོ། །ཡང་ན་རང་གི་ཁྲག་དང་བསྲེས་པའི་ཐལ་བས་སོ། །
ཡང་ན་ཨར་ཀའི་འབྲས་བུ་མར་ལ་བསྟེགས་པས་སོ། །ཡང་ན་དུག་དང་ཁྲག་གིས་སོ། །ཡང་ན་ཚྭ་དང་ཁྲག་གིས་སོ། །ཡང་ན་ཡུངས་ཀར་དང་ཁྲག་གིས་སོ། །ཡང་ན་བ་ལང་གི་ཤ་དང་། ཚྭ་དང་། ཁྲག་གིས་བསྒོས་པའི་སྦྱིན་སྲེག་ཁྲོ་བ་དང་བཅས་
པས་ཉི་མ་དགུས་བྱས་པས་ངེས་པར་འཆི་བར་འགྱུར་རོ། །ཡང་ན་དུར་ཁྲོད་དུ་ཟངས་ལས་བྱས་པ་འམ། ལྕགས་ལས་བྱས་པའི་སྣོད་ཏིལ་མར་གྱིས་བཀང་ནས་བསྒོས་པ་ལ་སྔར་གྱི་རྫས་དེ་དག་ཉིད་དང་། སྐྱུར་ལ་བཏགས་པ་འམ། མར་དང་། ཏིལ་མར་
དང་། ཏིལ་མར་དང་། འགྱུར་བྱེད་ལས་བཏགས་པ་བཙོ་བར་བྱ་ཞིང་གང་སྔར་གྱི་ཚོས་པ་རྣམས་བསལ་ལ་གཞན་བཙོ་བར་བྱ་སྟེ། བརྒྱ་ཡན་ཆད་ཅི་ཙམ་འདོད་པ་སྦྱིན་སྲེག་བྱའོ། །ཁྭའི་སྒྲོ་དང་ཐལ་བ་བཙོས་པ་ཁྲག་དང་བསྲེས་པས་སྲེག་
བླུགས་བྱའོ། །ཤིན་ཏུ་དྲག་པོའི་སྦྱིན་སྲེག་གི་ཆོ་གའོ། །མར་གྱི་སྲེག་བླུགས་ཀྱིས་ཞི་བར་འགྱུར་རོ། །ཁྲུས་བྱས་པས་སམ། སྐུད་པ་བཅིངས་པས་ཀྱང་ངོ་། །གདུག་པ་ཚར་གཅད་པའི་ལས་འདི་དག་གིས་ངེས་པར་གདུག་པ་ཅན་
འཆིང་བར་འགྱུར་རོ། །གང་ཡང་ཀླུ་གདུག་པ་ཅན་ཞི་བར་བྱ་བའི་ཕྱིར་ཀླུའི་གནས་ཀྱི་རྩ་བར་དེ་ལྟར་བྱས་ན་དེ་ཉིད་དུ་ཞུགས་ནས་འཆི་བར་འགྱུར་རོ། །གང་ལྷ་གདུག་པ་ཅན་བསྟན་པ་ལ་གནོད་པ་བྱེད་པ་འམ། སེམས་ཅན་མང་པོ་ལ་གནོད་པ་བྱེད་པ་
དང་། རིག་འཛིན་གདུག་པ་ཅན་རྫས་འཕྲོག་པར་བྱེད་པ་འམ། གང་ཡང་གནོད་སྦྱིན་གདུག་པ་ཅན་དང་། གང་ཡང་སྲིན་པོ་གདུག་པ་ཅན་ནམ། རྒྱལ་པོ་འམ། རྒྱལ་པོའི་བློན་པོ་ཆེན་པོ་འམ། རྒྱལ་པོའི་སྐྱེས་བུ་འམ། ཁམས་ཀྱི་རྒྱལ་པོ་འམ། 

94-1-240a

ཕན་པ་མ་ཡིན་པ་བྱེད་པ་དེ་རྣམས་ཞི་བར་བྱ་བའི་ཕྱིར་ཁྲོ་བ་དང་བཅས་པས་མངོན་སྤྱོད་བྱ་ཞིང་། བསྟན་པ་ལ་ཕན་པར་བྱ་བའི་དོན་དང་། སེམས་ཅན་མང་པོའི་དོན་མཐོང་ན་དོན་ཡོད་པར་གྲུབ་པ་འདིས་སྦྱར་བར་བྱ་སྟེ། དཀྱིལ་འཁོར་གྱི་སྔོན་དུ་བསྟན་
པའི་སྔགས་རྣམས་ཀྱིས་ནི་མངོན་སྤྱོད་གྱི་ལས་མི་བྱའོ། །དོན་ཆུང་ངུ་ལ་ཡང་མི་བྱའོ། །མི་ངས་ལ་ནི་ཞོ་དང་། སྦྲང་རྩི་དང་། མར་ལ་བཏགས་པའི་ཤ་ཆེན་དབང་ཕྱུག་ཆེན་པོའི་གནས་སུ་ནིམ་པའི་ཤིང་བཙོས་པའི་སྦྱིན་སྲེག་བྱ་བ་འམ། དེ་
བཞིན་དུ་བསྲུང་བའི་ཆོ་ག་བྱས་ནས་ཕུར་བུས་གཟུགས་བརྙན་ལ་གདབ་ཅིང་ཞག་བདུན་དུ་གནས་ཀྱི་ཟས་བཟའ་སྟེ། དབང་ཕྱུག་ཆེན་པོའི་གཡས་ཕྱོགས་སུ་སྟེང་ནས་ཕུར་བུས་གདབ་ཅིང་བརྒྱ་བཟླས་པར་བྱའོ། །ཡང་ན་ལམ་གྱི་བཞི་མདོར་
ལྕགས་ཀྱི་རྡོ་རྗེ་བཟུང་ནས་བཟླས་པ་བྱས་ན་མི་ངས་རབ་ཏུ་ཞི་བར་འགྱུར་རོ། །ཆར་མི་འབབ་པ་ལ་ནི་ཀླུང་གི་རྒྱུན་འབབ་པ་ལ་མེ་ཏོག་གིས་བྱས་ན་ཆར་འབེབས་པར་བྱེད་དོ། །དྲག་པོའི་ལས་རྫོགས་སྷོ།། །། དམ་ཚིག་གསུམ་བཀོད་པའི་
རྟོག་པ་ཆེན་པོའི་རྒྱལ་པོའི་གསང་སྔགས་ཀྱི་སྐོ་རི་སྤྱོད་པའི་ཚུལ་འདི་ལ་ནི་ཁྲུས་མ་བྱས་ཀྱང་སྐྱོན་ཡོད་པར་མི་འགྱུར་རོ། །ཤ་ཟ་བ་ཡང་དགག་པ་མེད་དོ། །ལ་ཕུག་དང་། ལ་ཏུ་ལ་སོགས་པ་ལ་སྤྱོད་ཀྱང་སྐྱོན་མེད་དོ། །ལྷག་མ་ལ་ཡང་སྐྱོན་མེད་
དོ། །འོན་ཀྱང་གང་ཞིག་དད་པ་དང་ལྡན་པ་དང་། བྱང་ཆུབ་ཏུ་སེམས་བསྐྱེད་པ་དང་། སངས་རྒྱས་དང་བྱང་ཆུབ་སེམས་དཔའ་རྣམས་ལ་ཇོ་བོ་བཞིན་དུ་གུས་པ་དང་། སངས་རྒྱས་ཀྱི་བསྟན་པ་ལ་ཆེད་ཆེར་བྱེད་པ། འདུ་འཛི་སྤོང་བ་ལ་དགའ་བ་
དེ་དག་ནི་མྱུར་དུ་འགྲུབ་པར་འགྱུར་རོ། །འདིར་ལོག་འདྲེན་ཉེ་བར་འབྱུང་བར་ཡང་མི་འགྱུར་རོ། །འདི་ལ་བགེགས་འབྱུང་བར་ཡང་མི་འགྱུར་རོ། །འདི་འབད་པ་ཆུང་ངུས་དོན་ཡོད་པར་འགྲུབ་པའོ། །འདི་ནི་ལས་ཐོགས་པ་མེད་པའོ། །རྟོག་པ་འདི་ནི་
ཆགས་པ་མེད་པའི་སེམས་བསྐྱེད་པ་མངོན་པར་སྒྲུབ་པས་བསྒྲུབ་པའི་ཐབས་ཀྱིས་འདིར་རྗེས་སུ་འཇུག་པར་བྱའོ། །འཇིག་རྟེན་གྱི་ཁམས་ཐམས་ཅད་དུ་སྤྲོ་བར་བྱེད་པའི་སྒྲུབ་པའི་ཐབས་དོན་ཡོད་པ་འདི་གོམས་པར་ཡང་བྱའོ། །སེམས་ཅན་མ་ལུས་

94-1-240b

པ་ཐམས་ཅད་ཀྱི་དོན་གྱི་དངོས་གྲུབ་འབྱུང་བར་འགྱུར་བ་འདི་ལ་སོམ་ཉི་མེད་པར་བསྒྲུབ་པའི་ཐབས་ལ་སྦྱར་བར་བྱའོ། །ལུས་དང་། ངག་དང་། ཡིད་ཀྱིས་འཇིག་རྟེན་གྱི་ཁམས་ཐམས་ཅད་དུ་སྤྲོ་བར་བྱེད་པ་འདིའི་སྦྱོར་བ་ལ་གོམས་པར་བྱའོ། །འདིར་
སངས་རྒྱས་དང་བྱང་ཆུབ་སེམས་དཔའ་ཐམས་ཅད་ཀྱི་རྟེན་ལ་གསོལ་བ་གདབ་པ་དང་། མཁྱེན་པར་བྱ་བ་དང་། སངས་རྒྱས་དང་བྱང་ཆུབ་སེམས་དཔའ་ཐམས་ཅད་ཀྱི་དགོས་པ་སྔགས་འདིས་བསྒྲུབ་པར་བྱའོ། །འདིར་སངས་རྒྱས་དང་
བྱང་ཆུབ་སེམས་དཔའ་ཐམས་ཅད་ཀྱི་བཀའ་བཞིན་བསྒྲུབ་པར་བྱའོ། །དེ་བཞིན་གཤེགས་པ་རྣམས་ཀྱི་ཐད་ནས་ལེགས་སོ་ཞེས་བྱ་བ་དང་། བྱིན་གྱིས་བརླབ་པ་སོ་སོར་ཐོབ་པར་བྱ་བའི་ཕྱིར་སྔགས་བསྒྲུབ་པར་བྱའོ། །མྱུར་དུ་རྟེན་
གནས་གྱུར་ནས་བདེ་བའི་བདུད་རྩི་རབ་ཏུ་ཐོབ་པར་བྱ་བའི་ཕྱིར་གང་ཡང་ཆགས་པ་མེད་པའི་བདག་ཉིད་ཅན་གྱི་རྟོག་པའི་རྒྱལ་པོ་འདིའི་སྔགས་ཀྱིས་བསྒྲུབ་པར་བྱའོ། །འདིར་བརྩོན་འགྲུས་ཆེན་པོ་དང་ལྡན་པའི་བྱང་ཆུབ་སེམས་དཔའ་རྣམས་ཀྱིས་གསང་སྔགས་
བཟླས་སམ། སེམས་ཅན་གྱི་ཁམས་རྣམས་ཀྱི་དོན་དུ་སྔགས་བཟླས་ན། སངས་རྒྱས་དང་བྱང་ཆུབ་སེམས་དཔའ་རྣམས་སེམས་རྒྱ་ཆེན་པོས་མཆོད་པ་ཆེན་པོའི་སྤྲིན་སེམས་ཅན་གྱི་ཁམས་རྣམས་ལ་བདེ་བ་ཡང་དག་པར་སྐྱེད་པས་མངོན་པར་མཆོད་
པས་མཆོད་པར་འགྱུར་རོ། །སྐད་ཅིག་སྐད་ཅིག་ལ་ཁྱད་པར་དུ་འགྲོ་བ་དང་། གོང་ནས་གོང་དུ་འགྲོ་བ་སོ་སོར་ཐོབ་པར་འགྱུར་རོ། །མདོར་བསྡུས་ན་སྔགས་བཟླས་པ་བྱས་པས་སངས་རྒྱས་འབྱུང་བ་རྣམས་ཀྱིས་བྱིན་གྱིས་རློབ་པར་འགྱུར་
རོ། །ཆོས་ཀྱི་འཁོར་ལོ་བསྐོར་བར་ཡང་འགྱུར་རོ། །འདི་ལ་གསང་སྔགས་ཀྱི་སྒོར་ཞུགས་ནས་སྤྱོད་པ་དད་པ་ཅན་བག་ཡོད་པས་སོམ་ཉི་མེད་པར་བྱའོ། །བརྩོན་འགྲུས་དང་བཅས་པའི་སྙིང་རྗེས་སྨོན་ལམ་ཆེན་པོ་མངོན་པར་བསྒྲུབས་
པས་འདི་ལ་གུས་པར་བྱས་ནས་གཙང་སྦྲས་གསང་སྔགས་ཀྱི་སྤྱོད་པ་འདི་ཉིད་དང་། བསླབ་པ་འདི་ཉིད་ལ་དམིགས་པ་ཡོངས་སུ་མ་བཏང་བས་དབེན་པའི་གནས་སུ་འདུ་འཛི་དང་བྲལ་བར་བྱས་ལ་སེམས་བསྐྱེད་པ་

94-1-241a

ཐམས་ཅད་དུ་ཚད་མེད་པ་ལ་གོམས་པར་བྱ་བ་དང་། སངས་རྒྱས་དང་བྱང་ཆུབ་སེམས་དཔའ་ཐམས་ཅད་ལ་རབ་ཏུ་དད་པས་དམིགས་པར་རྗེས་སུ་འགྲོ་བ་དང་། སེམས་ཅན་ཐམས་ཅད་ཀྱི་དོན་གྱི་ལས་དང་རབ་ཏུ་ལྡན་པའི་ལུས་དང་། ངག་དང་
ཡིད་ཀྱི་ལས་ཐམས་ཅད་ཡང་དག་པར་རྩོམ་པ་སྟེ། སྔགས་ཀྱི་སྒོའི་སྤྱོད་པ་ལ་ཞུགས་པས་ཆོས་དེ་དག་ལ་སྤྱད་པར་བྱའོ། །དེ་ལ་འདི་དག་ནི་རྟོག་པའི་རྒྱལ་པོ་ཆེན་པོ་འདིར་བར་དུ་གཅོད་པར་འགྱུར་བ་ཡིན་ཏེ། ལེ་ལོ་དང་། འདོད་པ་མེད་པ་དང་། མངོན་
པར་མི་སྦྱོར་བ་དང་། འདུ་འཛི་ལ་དགའ་བ་དང་། ཕན་པ་མ་ཡིན་པ་ལ་ཞུགས་པ་དང་། ཡིད་གཉིས་དང་། བདག་གི་བསོད་ནམས་དང་མི་ལྡན་པ་དང་། ཚུལ་ཁྲིམས་འཆལ་པ་ཡིན་པ་དང་། དམན་པར་གྱུར་པ་ཡིན་པས་འདི་འགྲུབ་པར་མི་འགྱུར་རོ་ཞེས་ཟེར་
ནས་ཡོངས་སུ་སྤོང་བ་དང་། ཀུན་ཏུ་འཚོ་བའི་དྲི་མ་དང་། མཐོང་བའི་ཆོས་འདི་ཉིད་ལ་བདག་གི་དོན་དང་། གཞན་གྱི་དོན་བསམ་གྱིས་མི་ཁྱབ་ཅིང་ཚད་མེད་པ་ལ་སྦྱོར་བའི་འདོད་པ་མེད་པ་དང་། གསང་སྔགས་ལ་བརྟག་པ་མེད་པ་དང་། འཇིག་
རྟེན་པའི་སྔགས་ཀྱི་བསྟན་བཅོས་ལ་མངོན་པར་དགའ་བ་དང་། བདག་ཉིད་ལ་ང་རྒྱལ་བྱེད་པ་དང་། གཞན་ལ་མི་བསྔགས་པ་བརྗོད་པ་དང་། མངོན་པར་མི་བརྩོན་པ་སྤོང་བར་མི་བྱེད་པ་དང་། ཡོ་བྱད་མང་པོ་ཉེ་བར་སྡུད་པ་དང་། ལུས་དང་སྲོག་ལ་
ཆགས་པ་དང་། དེ་དག་ལ་སོགས་པ་གཞན་ཡང་བར་དུ་གཅོད་པའི་ཆོས་རྣམས་རྟོགས་པར་བྱའོ། །འདི་ལ་སེར་སྣ་ཡང་མི་བྱའོ། །གཞན་དག་སྔགས་ཀྱི་སྤྱོད་པ་ལ་གཞུག་པར་བྱའོ། །བསླབ་པར་བྱ། ཡང་དག་པར་གཟུང་བར་བྱ་སྟེ། དེ་ལྟར་བྱེད་ན་
བསྟན་པའི་དོན་བྱས་པ་ཡང་ཡིན་ནོ། །དམ་པའི་ཆོས་འཛིན་པ་ཡང་ཡིན་ནོ། །གཞན་དག་ཀྱང་ཡང་དག་པར་འཛུད་པར་འགྱུར་རོ། །བསྐུལ་བར་ཡང་འགྱུར་རོ། །དེས་ནི་འདས་པ་དང་། མ་བྱོན་པ་དང་། ད་ལྟར་བྱུང་བའི་དེ་བཞིན་གཤེགས་པ་རྣམས་ཀྱི་དམ་པའི་ཆོས་བཟུང་བར་
ཡང་འགྱུར་རོ། །བཀླགས་པ་དང་། བཅངས་པར་ཡང་འགྱུར་རོ། །དེ་ནི་སངས་རྒྱས་ཐམས་ཅད་བཟུང་བས་ཐམས་ཅད་དུ་མཉམ་པ་མེད་པའི་རིག་པ་འཛིན་པར་འགྱུར་རོ། །སྡང་མིག་བལྟས་པ་ཙམ་གྱིས་ལྟུང་བར་འགྱུར་རོ། །སྦྱིན་སྲེག་

94-1-241b

གིས་ལོག་འདྲེན་ལ་སོགས་པ་འཆི་བར་འགྱུར་རོ། །རས་རིས་ཀྱི་ཆོ་ག་ནི་ནམ་མཁའི་སྤྱན་གྱི་གནས་སུ་ནི་རྡོ་རྗེའི་མཆོག་ཅེས་བྱ་བ་རིག་པའི་རྒྱལ་མོའི་མཆོག་བྱ་སྟེ། ཀུན་ནས་འབར་བ། གནག་ཅིང་ལྗང་བ། རབ་ཏུ་འབར་བའི་རྡོ་རྗེ་ལག་ན་ཐོགས་
པའོ། །འཕགས་པ་རྡོ་རྗེ་འཛིན་ནི་བཅོམ་ལྡན་འདས་ལ་ཐལ་མོ་སྦྱར་བའོ། །རས་རིས་གཞན་ཡང་ཅུང་ཞིག་སྔོ་བ། གཞོན་ནུ་ཁྲོས་པ། རྡོ་རྗེ་འབར་བ་གསོར་བའོ། །ཁྲོ་བ་དང་བཅས་པ། འགྱིང་བ། འགྱིང་བག་གིས་རི་མོ་རྣམས་ཅུང་ཞིག་བསྐུལ་
སྐུམ་ཞིང་འདར་བ་བྲི་བར་བྱའོ། །འཕགས་པ་རྡོ་རྗེ་ལྕགས་ཀྱུས་སྔགས་སྨྲས་པ། ན་མ་སྟྲཻ་ཡ་དྷྭི་ཀཱ་ནཱྃ། ཏ་ཐཱ་ག་ཏཱ་ནཱྃ། ཨོཾ་བཛྲ་ཛྭཱ་ལ་ཨྃ་གི་མྱ་ཨཱ་ཀཪྵ་ཡ་སྭཱ་ཧཱ། འདིས་ནི་རིག་པ་འཛིན་པར་འགྱུར་ཞིང་། ཐོགས་པ་མེད་པ་དོན་ཡོད་
པར་གྲུབ་པ་འདིས་བདེ་སོགས་བཀུག་ནས་ཡོངས་སུ་སྤྱོད་པ་ཡང་སྟོན་པར་བྱེད་དོ། །སྔར་བསྟན་པའི་ཆོ་གས་རེངས་པར་བྱེད་དོ། །རིག་པ་འཛིན་པ་ཐམས་ཅད་དང་མཉམ་པ་མེད་པར་འགྱུར་རོ། །ལྷ་ལ་སོགས་པའི་རིགསུ་
འགུགས་པར་བྱེད་དོ། །གཡོ་བར་བྱེད། ཕུར་བུས་འདེབས་པར་བྱེད་དོ། །དེ་ནས་རས་རིས་ཀྱི་ཆོ་ག་ནི་བཅོམ་ལྡན་འདས་ཀྱི་གཡས་སོགས་སུ་འཕགས་པ་ཕྱག་ན་རྡོ་རྗེ་ལག་ན་རྔ་ཡབ་དང་རྡོ་རྗེ་ཐོགས་པའོ། །གཡོན་ལོགས་
སུ་ནི་ལྷ་མོ་དང་བཅས་པ་གཞོན་ནུའི་གཟུགས་ཅན་རྡོ་རྗེ་གཞོན་ནུ་མ་ཅུང་ཞིག་སྔོ་བསངས་སོ། །རྡོ་རྗེ་འཛིན་གྱི་འོག་ཏུ་ནི་སྒྲུབ་པ་པོ་ལྷ་མོ་ལ་མངོན་དུ་ཕྱོགས་པའོ། །ལྷ་མོའི་འོག་ཏུ་ནི་གཞོན་ནུ་མ་བྲི་བར་བྱའོ། །རས་རིས་གཉིས་
པ་ནི་གཞོན་ནུ་མ་ཅུང་ཞིག་སྔོ་བསངས་ལག་ན་རལ་གྲི་ཐོགས་པ་འབར་བའི་ལུས་ཅན་ཞེས་བྱ་བ་རྡོ་རྗེ་གཞོན་ནུ་མ་བྲི་བར་བྱའོ། །དེ་ནས་ཡང་འཕགས་པ་རྡོ་རྗེ་སྡེས་སྔགས་སྨྲས་པ། ན་མ་སྟྲཻ་ཡ་དྷྭི་ཀཱ་ནཱྃ། ཏ་ཐཱ་ག་ཏཱ་ནཱྃ། ཨོཾ་སཽ་མྱ་
བ་ར་བཛྲཱ་ཡ་ན་མཿསྭཱ་ཧཱ། དེ་བཞིན་དུ་འཕགས་པ་ལག་བཟངས་ཀྱིས་སྔགས་སྨྲས་པ། ན་མ་སྟྲཻ་ཡ་དྷྭི་ཀཱ་ནཱྃ། ཏ་ཐཱ་ག་ཏཱ་ནཱྃ། ཨོཾ་བཛྲ་གཪྦྷ་ཕཊ་བི་རི་ནི་སྭཱ་ཧཱ། འཕགས་པ་མཐོར་འཕགས་ཀྱིས་སྔགས་སྨྲས་པ། 

94-1-242a

ན་མ་སྟྲཻ་ཡ་དྷྭི་ཀཱ་ནཱྃ། ཏ་ཐཱ་ག་ཏཱ་ནཱྃ། བཛྲ་བ་ལ་ཡེ་སྭཱ་ཧཱ། ལོག་འདྲེན་ལ་སོགས་པ་འཆིང་བར་བྱེད་དོ། །འཕགས་པ་རྡོ་རྗེ་ལྕགས་སྒྲོག་གིས་སྔགས་སྨྲས་པ། ན་མ་སྟྲཻ་ཡ་དྷྭི་ཀཱ་ནཱྃ། ཏ་ཐཱ་ག་ཏཱ་ནཱྃ། ཨོཾ་
ཨ་ན་ལ་སམྦྷ་བེ་སྭཱ་ཧཱ། དེ་བཞིན་གཤེགས་པ་བྱིན་གྱིས་བརླབས་པའི་རྡོ་རྗེ་ཞེས་བྱ་བའོ། །རྡོ་རྗེ་འཛིན་གྱིས་སྔགས་སྨྲས་པ། ན་མ་སྟྲཻ་ཡ་དྷྭི་ཀཱ་ནཱྃ། ཏ་ཐཱ་ག་ཏཱ་ནཱྃ། ཨོཾ་སརྦ་ས་ཨུཏྟ་མ་བནྡྷ་བཛྲ་ཤི་ཁ་རེ། ཀ་མ་
ལཱ་ཀ་མ་ལཱ། མ་པ་ལཱ་ཨ་དྷིཥྛཱ་ན་བཛྲ་བཛྲ་ཤི་ཁི་ཤི་ཁི། ན་མོ་ཨ་མ་ལཱ་ནཱ། སཱ་རཱ་སཱ་རཱ། ཛྭཱ་ལ་ཛྭཱ་ལ། བི་མ་ལེ་སྭཱ་ཧཱ། ཤིན་ཏུ་གནོད་མཛེས་རྡོ་རྗེ་ཞེས་བྱ་བའི་རྡོ་རྗེ་འཛིན་གྱིས་སྔགས་སྨྲས་པ། ན་མ་སྟྲཻ་ཡ་དྷྭི་ཀཱ་ནཱྃ། ཏ་ཐཱ་
ག་ཏཱ་ནཱྃ། དྷུ་བ་རེ་དྷུ་བ་རེ། ཛྭཱ་ལ་ཛྭཱ་ལ་ཛྭཱ་ལ། བཛྲ་སཱ་ག་རེ་སྭཱ་ཧཱ། རྣམ་པར་སེལ་བ་རྡོ་རྗེ་ཞེས་བྱ་བའི་རྡོ་རྗེ་འཛིན་གྱིས་སྔགས་སྨྲས་པ། ན་མ་སྟྲཻ་ཡ་དྷྭི་ཀཱ་ནཱྃ། ཏ་ཐཱ་ག་ཏཱ་ནཱྃ། ཨོཾ་ཙ་ར་བ་ན་ཙ་ར་བ་ན། ཧ་ར་ཧ་ར། 
བི་སྐམྦྷ་ཡ། སཱ་ར་ཨུ་སཱ་ར་ཨུ། གོ་པ་གོ་པ། བཱ་བཱ་ཏྭ་ར་ཏྭ་ར། ཁ་ཧི་ཀྲུ་ར་བཛྲི་ཎི་སྭཱ་ཧཱ། མཉམ་པ་རྡོ་རྗེ་ཞེས་བྱ་བ་རྡོ་རྗེ་འཛིན་གྱིས་སྔགས་སྨྲས་པ། ན་མ་སྟྲཻ་ཡ་དྷྭི་ཀཱ་ནཱྃ། ཏ་ཐཱ་ག་ཏཱ་ནཱྃ། ཀཱ་རུ་ཎ་ཀཱ་རུ་ཎ། 
ས་ར་ས་ར། བི་དྷ་མ་ན། ཧྲྀ་ད་ཡ། ས་ཏྭཱྃ་བི་དྷ་ཨུཏྟ་མ། ཛྭཱ་ལ་ན་ཏྭཱྃ་སྭཱ་ཧཱ། འཕགས་པ་རྡོ་རྗེ་ཟུག་རྔུས་སྔགས་སྨྲས་པ། ན་མ་སྟྲཻ་ཡ་དྷྭི་ཀཱ་ནཱྃ། ཏ་ཐཱ་ག་ཏཱ་ནཱྃ། ཨོཾ་ཀྲོ་དྷ་ཛྭཱ་ལ་ཨུ་ཏ་ཧ་སི་ནི་སྭཱ་ཧཱ། མཐའ་ཡས་རྡོ་རྗེས་སྔགས་
སྨྲས་པ། ན་མཿ ས་མནྟཱ་ནཱྃ། སརྦ་ཏ་ཐཱ་ག་ཏཱ་ནཱྃ། ཨོཾ་ཨ་ས་མཱ་ག་ག་ནེ་སྭཱ་ཧཱ། ཨོཾ་ཨ་ན་མ་ལ་སམྦྷཱནྟུ་ཏ་རི་ཎི། ན་མཿ སརྦ་བུདྡྷ་བོ་དྷི་སཏྭཱ་ནཱྃ། ཨ་ས་མནྟཱ་གུ་ཎ་ཨུཏྟ་མ་དེ་ཧི་བི་རྃ། ག་ག་ན་ཨ་ནནྟཱ་ག་ཏི། ཛྭཱ་ལ་ཏ་ཛྭཱ་ལ་ཏ། 
ས་མ་ཏ་ས་མ་ཏ། བྷི་བཱི་ཏ་ཧྲྀ་དཱ་ཡ། ཤ་ཁ་ལཱ་བ་ལེ་བེ། སྥ་ར་ཧེ་སྥ་ར་ཧེ། དྷྲུ་བ་དྷྲུ་བ་སྭཱ་ཧཱ། དེ་བཞིན་གཤེགས་པའི་སྙིང་པོའོ། ན་མ་སྟྲཻ་ཡ་དྷྭི་ཀཱ་ནཱྃ། ཏ་ཐཱ་ག་ཏཱ་ནཱྃ། མ་ཧཱ་བ་ར་ཙི་ཏཱ། ཨ་གྲ་ཤི་ཁ་རེ་སྭཱ་ཧཱ། ན་མ་སྟྲཻ་ཡ་དྷྭི་ཀཱ་ནཱྃ། 

94-1-242b

ཏ་ཐཱ་ག་ཏཱ་ནཱྃ། ཨོཾ་བྷུ་དྷ་ཀེ་བྷུ་དྷ་བ་ལཱ་ཏི་བ་ལཱ་ནི་སྭཱ་ཧཱ། གཙུག་ཏོར་དང་རྨ་བྱ་ཆེན་མོའི་ཡིན་ནོ། །ན་མ་སྟྲཻ་ཡ་དྷྭི་ཀཱ་ནཱྃ། ཏ་ཐཱ་ག་ཏཱ་ནཱྃ།  ན་ལ་ཏ་ཎི། ཨོཾ་བ་ར་སྃ་བནྡྷུ་དྷུ་སཱ་ར་་རྡོ་རྗེ་མེ་དང་རྡོ་རྗེ་མི་གཡོ་བའི་སྟེ། ཉེ་བར་འཚེ་བ་ཡང་དག་པར་ཟློག་པར་
བྱེད་དོ། །ཨོཾ་བཛྲ་བ་ལ་ཨནྟུ་ཤ་ཏྲི་ཤོ་སརྦ་དཱ་བེ་གི་ནེ་ཧནྟུ་ན་ཏཱྃ། ཨོཾ་ཨ་ས་དྲྀ་ཤེ་སྭཱ་ཧཱ། དཔེ་མེད་རྡོ་རྗེའི་རིགས་དང་མི་གཡོ་བ་ཉིད་ཀྱི་ཡིན་ནོ། །ཨོཾ་ཨ་ས་མ་ས་མ། ཨོཾ་ནནྟ་ཨ་ནནྟུ་ཡ་སྭཱ་ཧཱ། རྡོ་རྗེ་འདོད་པ་མའི་འོ། །ན་མ་སྟྲཻ་ཡ་
དྷྭི་ཀཱ་ནཱྃ། ཏ་ཐཱ་ག་ཏཱ་ནཱྃ། ཏ་ཐཱ་ག་ཏ་མ་ཧཱ་བེ་ག་སྃ་བྷ་བེ་སྃ་བྷ་བེ། ན་མོ་སྟུ་ཏེ་སྃ་གྷ་ནི་ལ་སནྟི་ས་ར་བྷུ་བེ་སྭཱ་ཧཱ། རྡོ་རྗེ་སྔོ་བསངས་རྩེ་མོ་ཞེས་བྱ་བའོ། །ཨོཾ་ཤི་ཁི་ཤི་ཁི་སྭཱ་ཧཱ། ཤི་ཁེ་རེ་སྭཱ་ཧཱ། སྤྱི་གཙུག་རྣམ་གསུམ་གྱིའོ། །ཨོཾ་ཧཱུྃ་
བནྡྷ་བཛྲ་མཎྜ་ལེ་སྭཱ་ཧཱ། ཨོཾ་དྷ་རི་དྷ་རི། དྷ་རེ་དྷ་རེ། དྷ་རེ་ཎ་དུ་ཡེ་ན་མོ་ཨ་པྲ་ཏི་ཧ་ཏ་ཨུཥྞཱི་ཥཱ་ཡ་སྭཱ་ཧཱ། དྷ་རི་དྷ་རི། དྷ་ན་ཏི་ཡེ་སྭཱ་ཧཱ། གཙུག་ཏོར་སོ་སོ་སོ་སོ་ལ་དུས་གསུམ་གྱི་དེ་བཞིན་གཤེགས་པ་རྣམས་ལ་ཕྱག་འཚལ་ལོ་ཞེས་བྱ་
བ་དང་། དུས་གསུམ་གྱི་དེ་བཞིན་གཤེགས་པ་རྣམས་ལ་ཕྱག་འཚལ་ལོ་ཞེས་བྱ་བའི་ཕྱག་འཚལ་བ་ནི་ཐམས་ཅད་དུ་སོ་སོར་བརྗོད་པར་བྱའོ། །ན་མ་སྟྲཻ་ཡ་དྷྭི་ཀཱ་ནཱྃ། ཏ་ཐཱ་ག་ཏཱ་ནཱྃ། ཧུ་ལུ་ཧུ་ལུ། ཙཎྜ་ལ་སརྦ་དེ་བ་ནཱ་ག་ཡཀྵཱ་ཎ་ཨཱ་
ཀཪྵ་ཡ་སྭཱ་ཧཱ། ན་མ་སྟྲཻ་ཡ་དྷྭི་ཀཱ་ནཱྃ། ཏ་ཐཱ་ག་ཏཱ་ནཱྃ། ཧཱུྃ་སྥཱ་ཊ་ཡ་མ་རུ་དྷི་ར། ཨངྒ་ག །ཧཱུྃ་ཙཎྜ་ལཱ་མཱ་དྷི་པ་ཏེ་ཡ་ཧཱུྃ་ཕཊ་ཕཊ། བཛྲ་ས་མ་དྷ་ན་ཧཱ་ར་ག་ཏཱ། སརྦ་ཏ་ཐཱ་ག་ཏཱ་ཨ་དྷིཥྛ་ཏཱ་ཡ། ཨ་ལེ་ཧི་མྃ་ཛྭ་ལེ་ཧཱུྃ་ཧ་ན་ཧ་ན། ཊ་ཏ་
ཨ་ཀཪྵ་དེ་བ་ཨ་ཏི་ནཱྃ། ཏཱ་ར་ས་རུ་དྷི་ར་ཨཿ གེ་ར་མ་ཧཱ་ཙཎྜ་ཙ་ལ། ཨོཾ་དྷ་ཤ་དུརྦྷ་མ། ཛྭཱ་ལ་ལ་ལཱ་ཛྭཱ་ལ་ལ་ལཱ་ན་མཿ སྭ་སྟི་སྭཱ་ཧཱ། རྡོ་རྗེ་འབིགས་པའོ། །ཨོཾ་བྷུ་ར་ཛྭ་ལ་ཨ་གྲ་ཡེ་སྭཱ་ཧཱ། རྡོ་རྗེ་གཟི་བརྗིད་ཀྱིའོ། །ན་མ་སྟྲཻ་ཡ་དྷྭི་ཀཱ་
ནཱྃ། ཏ་ཐཱ་ག་ཏཱ་ནཱྃ། ཨོཾ་ཨ་ལ་ཀནྡི་ཏི་ཛི་ནི་སྭཱ་ཧཱ། སྔགས་ཐམས་ཅད་ལ་འདི་བཞིན་དུ་རེ་རེ་ཞིང་ཕྱག་འཚལ་བ་བརྗོད་པར་བྱའོ། །སྔགས་འདི་དག་ཐམས་ཅད་ལ་ཡང་དེ་བཞིན་གཤེགས་པ་རྣམས་ཀྱིས་བྱིན་གྱིས་

94-1-243a

བརླབས་པ་དང་། དེ་བཞིན་གཤེགས་པ་རྣམས་ཀྱིས་རྗེས་སུ་ཡི་རང་བ་ལ་སོགས་པ་རྒྱས་པར་སྦྱར་ཏེ། བྱང་ཆུབ་སེམས་དཔའ་ཆེན་པོ་རྣམས་ཀྱིས་དེ་བཞིན་གཤེགས་པ་ཐམས་ཅད་ཀྱིས་བྱིན་གྱིས་བརླབས་
ནས་རིག་པའི་རྒྱལ་མོ་མཆོག་བྱང་ཆུབ་སེམས་དཔའ་སྔགས་ཀྱི་སྒོར་སྤྱོད་པ་ཉིད་ཀྱིས་ངེས་པར་དོན་ཡོད་པར་གྲུབ་པར་རིག་འཛིན་རིམ་པར་ཕྱེ་བ་སྨྲས་པ། ན་མ་སྟྲཻ་ཡ་དྷྭི་ཀཱ་ནཱྃ། ཏཱྃ་ཏཱྃ་ཏཱྃ། ན་མ་སྟྲཻ་ཡ་དྷྭི་ཀཱ་ནཱྃ། ཏ་ཐཱ་ག་ཏཱ་ནཱྃ། 
ཧྃ་ཧྃ་ཧྃ། ན་མ་སྟྲཻ་ཡ་དྷྭི་ཀཱ་ནཱྃ། ཏ་ཐཱ་ག་ཏཱ་ནཱྃ། བྃ་བྃ་བྃ། ན་མ་སྟྲཻ་ཡ་དྷྭི་ཀཱ་ནཱྃ། ཏ་ཐཱ་ག་ཏཱ་ནཱྃ། ཙྃ་ཙྃ་ཙྃ། དང་པོས་ནི་སངས་རྒྱས་ཀྱི་ཞིང་རྣམས་གཡོ་བར་བྱེད་དོ། །གཉིས་པས་ནི་གཟུགས་རྣམས་སོ། །གསུམ་པས་ནི་
འཆིང་བར་བྱེད་དོ། །བཞི་པས་ནི་ཐར་པ་དང་གཟི་བརྗིད་སྒྲུབ་པར་བྱེད་དོ། །ལྔ་པས་ནི་གཅོད་པར་བྱེད་དོ། །དྲུག་པས་ནི་རེངས་པར་བྱེད་དོ། །འདི་དག་ནི་ཕྱག་འཚལ་བ་རེ་རེའོ། །ན་མ་སྟྲཻ་ཡ་དྷྭི་ཀཱ་ནཱྃ། ཏ་ཐཱ་ག་ཏཱ་ནཱྃ། ས་མ་བེ་ག་བེ་ཨེ་ལཱ་ཨ་དྷིཥྛཱ་ནཱྃ། 
ཨུཏྟ་ར་ག་ག་ན་ས་མ་སུ་སྠི་ཏཱ། ཤཱི་ཀ་ར་ཤཱ་བ་ནཱ་ཏོ་ཁ་ལ་ནཱ་ཏོ་ཤཱ་ནཱ་རཱ་གཱ་ན་ཤི་ཤནྟུ། ཨ་ནནྡཱ་ཏཱ་ཏཱྃ། སཱ་ར་སཱ་ར། ཀ་མཱ་ལ། ཀ་མཱ་ལ། བ་ར་ཤ་ར་ཎཱ། ན་མོ་སྟུ། སརྦ་ཏྲ་ཤ་ར་ཎཱ། བྷྲ་མ་བྷྲ་མ་སྭཱ་ཧཱ། ན་མ། སརྦ་ཏ་ཐཱ་ག་ཏཱ་ནཱྃ། 
ཨ་ནནྟཱ་ཡ་སྭཱ་ཧཱ། རྡོ་རྗེ་གདན་གྱིའོ། །ན་མ་སྟྲཻ་ཡ་དྷྭི་ཀཱ་ནཱྃ། ཏ་ཐཱ་ག་ཏཱ་ནཱྃ། སརྦ་བཛྲ་དྷ་རཱ་ཎཱྃ། བཛྲེ་ནི་ལེ་ནི་ལ་གྷྃ་ཧཱུྃ་སྥཱ་ཊ་ཧཱུྃ། རྡོ་རྗེ་དཀྱིལ་འཁོར་ཞེས་བྱའོ། །དེ་ནས་རྡོ་རྗེ་གཟི་བརྗིད་ཅེས་བྱ་བའི་ཏིང་ངེ་འཛིན་དེ་བཞིན་གཤེགས་པ་
ཐམས་ཅད་ཀྱིས་བྱིན་གྱིས་བརླབས་ནས་མགྲིན་གཅིག་ཏུ་རིག་པ་འཛིན་པའི་རིམ་པར་ཕྱེ་བ་འདིར་ངོ་མཚར་དུ་གྱུར་པའི་ཆོས་རྡོ་རྗེ་འདི་སྨྲས་སོ། །ན་མ་སྟྲཻ་ཡ་དྷྭི་ཀཱ་ནཱྃ། ཏ་ཐཱ་ག་ཏཱ་ནཱྃ། ཨ་མ་ལཱ་བེ་ག་སམྦྷ་བ་ཨ་དྷི་ཥྛཱ་ན། བཛྲ་བ་ལ་བེ་ག་ས་མནྟཱ་
ག་མི། བྷྲ་མྃ་བྷྲ་མྃ། བི་དྷ་ར་ཎ་བི་དྷ་ར་ཎ། ན་མོ་སྟུ་ཏེ་ཛྭ་ལཱ་ན་ལཱ་བི་མ་ལ་ལོ་ཙ་ན། སརྦ་ཏ་པྲ་ས་ར་ཎ་བི་ས་ར་ཎ་བ་ར་པྲ་བ་ལ་དྲུ་བ་ར་ཤ་ར་ཎ་ཧཱུྃ་སྭཱ་ཧཱ། དེ་ལ་འདི་ནི་དེ་བཞིན་གཤེགས་པའི་བསྟན་པ་སྲུང་བར་བྱེད་པ་རྡོ་རྗེ་

94-1-243b

རྒྱལ་པོའོ། །དེ་བཞིན་གཤེགས་པའི་སྤྱན་གྱི་ཆོ་གས་རྡོ་རྗེ་སྒྲུབ་ན་རིག་པ་འཛིན་པར་འགྱུར་རོ། །བཀླགས་པ་ཙམ་གྱིས་འདིར་ལག་པའི་རྡོ་རྗེ་མི་སྣང་བར་འགྱུར་རོ། །རི་ལ་འདུག་ནས་སྔར་བསྟན་པའི་ཆོ་གས་ཅི་སྲིད་མཚན་མ་བྱུང་གི་བར་
དུ་བཟླས་པ་བྱས་ན། དེ་ནས་ཟླ་བ་ཉ་ལ་སྐྱིལ་མོ་དཀྲུང་བཅས་ནས་མཚན་རངས་པ་བཟླས་པ་བྱས་ན་འབར་བར་འགྱུར་ཞིང་འཇིག་རྟེན་གྱི་ཁམས་ཐམས་ཅད་གཡོས་པར་གྱུར་ནས་རིག་པའི་རྒྱལ་པོ་རྡོ་རྗེ་འཆང་དུ་འགྱུར་རོ། །གསང་སྔགས་འདི་
དག་ཐམས་ཅད་ནམ་མཁའི་སྤྱན་གྱི་ཆོ་གས་དེ་བཞིན་གཤེགས་པ་ཐམས་ཅད་ལ་རྡོ་རྗེ་འཆང་གིས་གསོལ་བ་བཏབ་ཅིང་ཞུས་པ་སྟེ། རིག་པའི་མཆོག་གི་རྒྱལ་པོ་འདི་ནི་མཐུ་མཚུངས་པ་མེད་པའོ། །དེ་བཞིན་གཤེགས་པ་ཐམས་ཅད་
ཀྱི་བྱིན་གྱི་བརླབས་ཀྱིས་བྱིན་གྱིས་བརླབས་པའོ། །བྱང་ཆུབ་སེམས་དཔའ་ཐམས་ཅད་ཀྱིས་བསྔགས་པ་སྒྲུབ་པ་ངེས་པ་མེད་པའོ། །སྔགས་དང་ཕྱག་རྒྱ་དང་། སྤྱོད་པ་ཐམས་ཅད་ཀྱི་སྙིང་པོ་བསྡུས་པ་རིག་པ་འཛིན་པའི་རིམ་པར་ཕྱེ་བ་འདི་ལྷ་དང་ཀླུ་
དང་། གནོད་སྦྱིན་ལ་སོགས་པ་ཡོངས་སུ་འཛིན་ཅིང་དེ་བཞིན་གཤེགས་པའི་མཐུ་ཡང་དག་པར་སྟོན་པར་བྱེད་པ། མཐོང་བའི་ཆོས་འདི་ཉིད་ལ་རྨད་དུ་བྱུང་བའི་མཐུ་མཐོང་བར་འདོད་པས་སྔགས་འདི་དག་ལས་གང་ཡང་རུང་བ་བཟུང་ནས་
བསྒྲུབ་པར་བྱའོ། །འདི་ལ་རས་རིས་མེད་ཀྱང་རུང་། མ་བསྒྲུབས་ཀྱང་རུང་། མཆོད་པ་མེད་ཀྱང་རུང་། ཁྲུས་མེད་ཀྱང་རུང་། ཤ་ལ་སོགས་པ་མ་སྤངས་ཀྱང་རུང་སྟེ། རིག་པ་འཛིན་པའི་རིམ་པར་ཕྱེ་བའི་སྒྲུབ་པ་འདིར་སངས་
རྒྱས་དང་བྱང་ཆུབ་སེམས་དཔའ་ཐམས་ཅད་ལ་རབ་ཏུ་དང་བ་བསྐྱེད་ནས་བྱང་ཆུབ་ཀྱི་སེམས་ཀྱིས་ཡོངས་སུ་བཟུང་བ་དེའི་ངེས་པར་འགྲུབ་པར་འགྱུར་རོ། །འདིར་འདིའི་དམ་ཚིག་ནི་འདི་ཡིན་ཏེ། སེམས་ཅན་ཐམས་ཅད་ལ་སྙིང་རྗེ་བསྐྱེད་ནས་
བྱང་ཆུབ་ཀྱི་སེམས་ཡོངས་སུ་བཟུང་ནས་དེ་བཞིན་གཤེགས་པའི་སྙིང་པོའི་མཆོད་རྟེན་གྱི་དྲུང་དུ་སྐྱིལ་མོ་དཀྲུང་བཅས་པས་འདུག་ལ་བརྒྱ་རྩ་བརྒྱད་བཟླས་བརྗོད་བྱས་ལ་དུས་ཐམས་ཅད་དུ་སངས་རྒྱས་དང་བྱང་ཆུབ་སེམས་དཔའ་ཐམས་

94-1-244a

ཅད་ལ་བདག་ཉིད་དབུལ་བར་བྱའོ། །ཡན་ལག་ཐམས་ཅད་ས་ལ་ཕབ་ལ་འདི་སྐད་དུ་སངས་རྒྱས་དང་བྱང་ཆུབ་སེམས་དཔའ་ཐུགས་རྗེ་ཆེན་པོ་དང་ལྡན་པ་ཐམས་ཅད་ཀྱིས་སྡུག་བསྔལ་བར་གྱུར་པ་བདག་ཡོངས་
སུ་གཟུང་དུ་གསོལ། བདག་ལ་བྱིན་གྱིས་བརླབ་ཏུ་གསོལ་ཞེས་བྱ་བའི་ངག་ཀྱང་བརྗོད་པར་བྱའོ། །དེ་ནས་སྤྱི་བོར་ཐལ་མོ་སྦྱར་བའི་ཕྱག་རྒྱ་བཅིངས་ལ། ན་མཿ སརྦ་ཏ་ཐཱ་ག་ཏཱ་ནཱྃ། ག་ག་ནེ་ག་ག་ནེ། སྔགས་དང་། ཕྱག་རྒྱ་
འདི་དག་གིས་རིག་པ་འཛིན་པའི་དམ་ཚིག་ལ་གནས་པར་འགྱུར་རོ། །དམ་ཚིག་འདི་དག་གང་ཡང་རུང་བ་མ་ཉམས་པར་བྱའོ། །ཆོ་ག་འདི་དག་གིས་རིག་པ་འཛིན་པར་འགྱུར་ཞིང་ཆོ་ག་འདི་ཉིད་ཀྱིས་དཀྱིལ་འཁོར་ཐམས་ཅད་མཐོང་བར་འགྱུར་རོ། །
དེ་ལ་འདི་དག་ནི་སྤང་བར་བྱ་བ་སྟེ། སེམས་ཅན་འདུལ་བར་བྱེད་པ་ལ་གནོད་པར་བྱེད་པ་དང་། སྐྱོན་ཐོགས་པར་འགྱུར་བའི་ལས་བྱེད་པ་དང་། བསྟན་པ་ལ་གནོད་པར་སྒྲུབ་པར་བྱེད་པ་དང་། དམ་པའི་ཆོས་སྤོང་བར་བྱེད་པ་དང་། ཚུལ་ཁྲིམས་
དང་ལྡན་པའི་ཁྱིམ་པ་དང་། རབ་ཏུ་བྱུང་བ་ལ་མངོན་སྤྱོད་ཀྱི་ལས་བྱེད་པ་དང་། མི་སྨྲ་བའི་སྦྱོར་བས་ཕྱག་རྒྱ་སྦྱོར་བར་བྱེད་པ་དང་། གཞན་བསོད་ནམས་མ་ཡིན་པ་ལ་སྦྱར་བར་མི་བྱ་བར་གསོལ་བ་གདབ་པར་བྱའོ། །རིག་པ་
འཛིན་པའི་རིམ་པར་ཕྱེ་བ་འདིར་འདི་དག་དམ་ཚིག་ཡང་དག་པར་བསྲུངས་པར་འགྱུར་ཞིང་དེ་བཞིན་གཤེགས་པ་ཐམས་ཅད་ཀྱི་བྱིན་གྱིས་བརླབས་ཀྱི་སྟོབས་དང་། སྔགས་ཀྱི་སྦྱོར་བས་བྱང་ཆུབ་སེམས་དཔའི་སྤྱོད་པའི་སྒོར་འཇུག་པ་
དོན་ཡོད་པར་གྲུབ་པ། འཇིག་རྟེན་ལས་འདས་པའི་ལམ་འདྲེན་པར་བྱེད་པའོ། །རྡོ་རྗེ་འཆང་གིས་གསོལ་བ་བཏབ་པ་རྡོ་རྗེའི་རིགས་གྱི་རྟོག་པའི་སྙིང་པོར་འགྱུར་བའོ། །དད་པ་ཅན་བརྩོན་འགྲུས་དང་ལྡན་པས་ངེས་པར་འགྲུབ་པར་འགྱུར་རོ། །
ཚེ་འདི་ཉིད་ལ་ཁྱད་པར་ཐོབ་པར་འདོད་པ་དང་། བྱང་ཆུབ་སེམས་དཔའི་སྐུ་ཐོབ་པར་འདོད་པ་དང་། བྱང་ཆུབ་སེམས་དཔའི་སྐུ་ངེས་པར་བསྒྲུབ་པར་འདོད་པས་དབེན་ཞིང་སྟོང་པའི་གནས་སུ་སངས་རྒྱས་དང་བྱང་ཆུབ་སེམས་དཔའ་རྣམས་

94-1-244b

ལ་དམིགས་པའི་སྦྱོར་བ་བྱས་ནས་སྔགས་གང་ཡང་རུང་བ་བཟླས་པ་བྱའོ། །དབེན་པར་དམ་པའི་ཆོས་གདོན་པ་དང་། སེམས་པ་ཡང་རུང་། ནུས་པ་ཅི་ལྟ་བ་བཞིན་ཕྱག་འཚལ་བ་ཡང་བྱས་ལ་མཆོད་རྟེན་ནམ། སྐུ་
གཟུགས་ཀྱི་མདུན་དུ་རི་དང་། ཆུ་ཀླུང་དང་། མཚོ་དང་། གླིང་དང་། ཀུན་དགའ་ར་བ་དང་། ཉེ་བའི་ཚལ་ལ་སོགས་པ་རྣམས་སུ་འམ། གཙུག་ལག་ཁང་གི་གནས་དང་། སྐུ་གདུང་དང་བཅས་པའི་ས་འམ། ལམ་གྱི་
མདོ་འམ། ཐ་ན་གཙུག་ལག་ཁང་གི་བྲང་ཁང་དུ་འང་རུང་། དམ་པའི་ཆོས་ཀྱི་གླེགས་བམ་གྱི་མདུན་དུ་འམ། སངས་རྒྱས་ལ་དམིགས་པས་འདུ་འཛི་སྤངས་ལ་སྙོམས་ལས་དང་བྲལ་བས་དམ་པའི་ཆོས་ལ་བླ་མར་བྱེད་
པས་བསྒྲུབ་པ་བྱས་ན་མཚན་གཅིག་གིས་རིག་པ་འཛིན་པར་འགྱུར་རོ། །བཅྭ་ལྔ་པ་ལ་སྐྱིལ་མོ་དཀྲུང་མ་བཤིག་པར་མངོན་པར་བསྔགས་ཤིང་ལེགསོ་ཞེས་བྱ་བ་ཡང་གསོལ་བར་མཛད་དོ། །ཁ་ཅིག་གིས་ནི་མཐོང་བ་ཡང་གསོལ་
བར་མཛད་དོ། །ཁ་ཅིག་གིས་ནི་དགེ་བའི་རྩ་བ་ཚད་མེད་པ་འཕེལ་བར་བྱེད་ཅིང་འབེབས་པར་ཡང་བྱེད་དོ། །བྱིན་གྱིས་རློབ་པར་འགྱུར། བྱིན་གྱིས་རློབ་པ་མཛད་པར་འགྱུར། ཚད་མེད་པའི་ཡོན་ཏན་ཉིད་ལ་ཡང་རབ་ཏུ་འཇོག་
པར་འགྱུར་རོ། །དེ་བཞིན་དུ་སངས་རྒྱས་དང་བྱང་ཆུབ་སེམས་དཔའ་ཐམས་ཅད་ཀྱི་མཐའ་ཡས་ཤིང་མཐོང་བ་མེད་པའི་ཆོས་རྣམས་ཀྱིས་ཡོན་ཏན་རྣམས་ཀྱང་རབ་ཏུ་ཐོབ་པར་འགྱུར་རོ། །མཐུ་ཆེན་པོ་ཡང་རབ་ཏུ་ཐོབ་པར་འགྱུར་རོ། །དེ་ལྟར་འདི་
ནི་དེའི་འཇིག་རྟེན་གྱི་ཆོས་ཀྱི་ཐ་མ་ཡིན་ནོ་ཞེས་བྱའོ། །དེ་ལྟར་ན་ཡང་སྔགས་ཀྱི་སྤྱོད་པ་མཐའ་དང་དབུས་མེད་པར་རབ་འབྱམ་རྒྱ་ཆེ་བ། དེ་བཞིན་གཤེགས་པ་དཔག་ཏུ་མེད་ཅིང་ཚད་མེད་པས་མདོ་སྡེའི་དབང་པོའི་རྒྱལ་པོས་ཆོག་པ་མེད་པ་དམ་ཚིག་
གསུམ་གྱི་རྡོ་རྗེ་ཞེས་བྱ་བ། དེ་བཞིན་གཤེགས་པའི་ཐུགས་གསང་བའི་དཀྱིལ་འཁོར་དམ་ཚིག་གསུམ་རྡོ་རྗེའི་སྒོ་ཉིད་ཀྱི་སྙིང་པོ་བསྡུས་པ་རྟོག་པ་ཆེན་པོའི་རྒྱལ་པོ་ཞེས་བྱ་བ་གསང་བ་པའི་བདག་པོ་གང་ཡིན་པས་རྡོ་རྗེ་འཆང་ལས་གསང་བའི་སྙིང་

94-1-245a

པོ་ཡང་དག་པར་བཟུང་བ་ཉིད་ནི་སངས་རྒྱས་དང་བྱང་ཆུབ་སེམས་དཔའ་ཐམས་ཅད་ཀྱི་དཀོར་གྱི་སྙིང་པོ་འདི་སེམས་ཅན་གྱི་ཁམས་མ་ལུས་པ་ཡང་དག་པར་སྦྱང་བའི་ཕྱིར་དང་། བསྟན་པ་བསྲུང་བའི་ཕྱིར་ཏེ། 
འདི་གཉིས་ནི་སྔགས་དང་ཕྱག་རྒྱ་ལ་སྤྱོད་པ་རྣམས་ལ་སངས་རྒྱས་དང་བྱང་ཆུབ་སེམས་དཔའ་ཐམས་ཅད་ཀྱི་བཀའ་བཞིན་བྱེད་པའོ། །དེ་བཞིན་གཤེགས་པའི་ནོར་བུ་ཆེན་པོའི་རྒྱ་མཚོའི་མཆོད་པའི་མཆོག་བཀའ་བཞིན་
བྱེད་པ་ཞེས་གསུངས་སོ། །སྔགས་དང་ཕྱག་རྒྱ་སྤྱོད་པ་ཞེས་ཀྱང་གསུངས་སོ། །གཡོ་བ་མེད་པའི་ནོར་བུ་ཞེས་ཀྱང་གསུངས་སོ། །ཡོན་ཏན་མཐའ་ཡས་པ་ཞེས་ཀྱང་གསུངས་སོ། །དམ་ཚིག་སྲུང་བ་པོ་ཞེས་
ཀྱང་གསུངས་སོ། །བསམ་གྱིས་མི་ཁྱབ་པའི་སྨོན་ལམ་འཛིན་པ་པོ་ཞེས་ཀྱང་གསུངས་སོ། །བསྟན་པ་སྲུང་བ་པོ་ཞེས་ཀྱང་གསུངས་སོ། །སྟོབས་ཆེན་པོ་ཞེས་ཀྱང་གསུངས་སོ། །དོན་ཡོད་པ་འདི་ལ་
སོམ་ཉི་དང་བྲལ་བས་བསམ་གྱིས་མི་ཁྱབ་པའི་དངོས་གྲུབ་སྒྲུབ་པ་ལ་དད་པས་ནན་ཏན་དུ་བྱའོ། །འདིར་དེ་ལྟ་བུའི་བསྟོད་པ་རྨད་དུ་བྱུང་བ་གང་བདག་གིས་སྔོན་དབྱངས་སུ་བླངས་པ་དེ་དབྱངས་སུ་བརྗོད་པས་དེ་
དང་མཐུན་པའི་དངོས་གྲུབ་རྗེས་སུ་ཐོབ་པར་འགྱུར་རོ། །ན་མ་སྟྲཻ་ཡ་དྷྭི་ཀཱ་ནཱྃ། མ་ཧཱ་ཀྲྀ་པེ་བྷྱ། ཨ་ས་མ་ཨ་ཙ་ལཱ། ས་མ་ཏཱ་སཱ་ར། དྷརྨ་ཎ་ཀཱ་རུ་ཎ་ཨཱཏྨ་ག་ཛ་གཱ་
ཏཱི་དུཿ ཁ་ཧཱ་རི་ཎཱ། ཨ་སི་མན་དྷ། སརྦ་གུ་ཎཱ་སིདྡྷི་དྷ་ཡི་ནོ། ས་མ་ལཱ་ཨ་ཙ་ལཱ། ས་མ་བ་ར་ཨ་གྲ། དྷརྨི་ཎ་ག་ག་ན་ས་མོ་པ་མ་ག་ཏ་ན་བཱིརྱ་ཏེ། གུ་ཎ་ལ་ཤ་རེ་ཎ་ཏུ་
ཀ་ཏི་ཀེ་བྱ། ཤི་མ་ཀེ་སཱ་དྷ་སརྦ་དྷཱ་ཏུ་བ་ར། སིདྡྷི་ད་ཡཥྚི་བི་ག་ཏོ། བཱ་མེ་ཥུ། ཨ་ས་མནྟ། སིདྡྷི་ཤུ་ས་ཏ་ཏཱ། ཨ་མ་ལ་ཀུ་རུ་ཎ་བེ་ག་ཏོ་ཨཏྠི་ཏ་པྲ་ཎ་དྷ་ནཱ་སིདྡྷི་ར་ནི་རོ་དྷ་དྷརྨ་ཏཱ། 

94-1-245b

ཛ་ག་ཏོ་ཨརྠ་སཱ་དྷ་ན་པ་ར། ཨ་ས་མནྟཱི་ནཱི། ཤ་ཏ་ཏཱྃ་བི་རོ་ཙི་ཏ་མ་ཧཱ། ཀྲཱི་པ་ཨཱཏྨཱ་ནཱྃ། ན་ནི་རོ་དྷ་ཏྭཱྃ་ཀཱ་རུ་ཎཱ་ཙཱ་ར་ཀ །ཨ་ཙ་ལ་པྲ་ཛ་ཏེ་ཏྲི་ལོ་ཀི། །དྷ་ར་སིདྡྷི་དྷ་
ཡི་ཀ །ཨ་མཱི་ཏཱ་ཨ་མཱི་ཏི་ཥུ་སུ་ས་མ་པཱ་ཏི་ཏཱྃ། ག་ཏི་ཥྭ་བི། ཨ་ཧོ་སུ་དྷརྨ་ཏཱ། ཏྲི་ས་མ་ཡེ་ཨ་གྲཱ། སིདྡྷ་བྀ་ར་དྷནྟེ། མེ་བ་ར་དྷ། ན་ཏ་ཨ་གྲ་ཏི་ཏི་ཏི་ཏྃ། 
སཱ་དྷ་ས་ཀ་ལཱ་ཏྲི་ལོ་ཀི་བ་ར་དྷ་ཨ་གྲ། ས་དྷ་ནཱ་ནཱ་ཨརྠཱ། སྟྲཻ་ཡ་དྷྭི་ཀཱ་ཏཱི་ཀཱ། ཨཱ་ནཱ་པྲི་ཏཱ། ན་མཿ ས་མནྟ་བཛྲཱ་ཎཱྃ། ཨ་མོ་གྷ་ཨེ་ཧི། ཨ་པྲ་ཏི་ཧཱ་ཏ། ཨེ་ཧཱི་
ཨ་ཙ་ལཱ། ཙེ་ཊཱ་ཨ་ནནྟཱ་ཀཱ་ཎ་ཏིཥྛ། ཙ་རུ་ཙ་རུ། ཏ་ཊི་ཏ་ཊི། ཏཱ་ཊ་ཏཱ་ཊ། བགྷྣཱིན་གྷ་ཏ་ཡ། མཱ་ར་ཡ་ཁཱ་ད་ཡ། སྥོ་ཊ་ཡ། ཤ་ཏཱ་
ཏཱྃ་ཙ་མེ། ཨ་ནུ་བནྡྷ་ཨཱ་ཛྙཱ་ཀུ་རུ། ཨ་ས་ཧ་དྷ་ན་ཨ་གྲ། ཀ་ཊཱ་ཀ་ཊཱ། ཧེ་ཧྃ། ཨ་ཏི་བཱ་ལཱ། ཨེ་ཧོ་མ་ཧཱ་གུ་ཎ་བི་ཥ་ཎཱ། 
ན་ཊཱ་ན་ཊཱ། ཨཱ་བི་ཤ་ཨཱ་བི་ཤ །ཨ་ཙ་ལ་ཙེ་ཊ་སརྦ་ཏྲ་ཨ་ནུཏྟ་ར་ཨེ་ཀ་ཙ་ཏཱ་ཊ་ཏཱ་ཊ། ད་མཱ་ད་མཱ། ཕཊ་ཕཊ་སྭཱ་ཧཱ།། །།ཁྲོ་བོ་
པོ་མི་གཡོ་བའི་སྙིང་པོའོ། །དམ་ཚིག་གསུམ་བཀོད་པའི་རྒྱལ་པོ་ཆེན་པོ་ལས་ཐུན་མོང་གི་ཆོ་ག་རྫོགས་སྷོ།། །།དམ་ཚིག་གསུམ་བཀོད་པའི་
རྒྱལ་པོའི་རྒྱུད་རྟོག་པའི་རྒྱལ་པོ་ཆེན་པོ་ལས་ཐུན་མོང་གི་ཆོ་ག་རྫོགས་སྷོ།། །།རྒྱ་གར་གྱི་མཁན་པོ་ཀྲིཥྞ་པཎྜི་ཏ་དང་། ལོ་ཙྪ་བ་དགེ་སློང་ཚུལ་ཁྲིམས་རྒྱལ་བས་བསྒྱུར་ཅིང་ཞུས་ཏེ་གཏན་ལ་ཕབ་པའོ།། །།

94-1-246a

This is a blank page without image

94-1-246b

༄༅༅། །རྒྱ་གར་སྐད་དུ།  ཨཱརྱ་སཔྟ་ཏ་ཐཱ་ག་ཏ་པཱུརྦ་པྲ་ཎི་དྷཱ་ན་བི་ཤེ་ཥ་བི་སྟཱ་ར་ནཱ་མ་མ་ཧཱ་ཡཱ་ན་
སཱུ་ཏྲ།  བོད་སྐད་དུ།  འཕགས་པ་དེ་བཞིན་གཤེགས་པ་བདུན་གྱི་སྔོན་གྱི་སྨོན་ལམ་གྱི་ཁྱད་པར་རྒྱས་པ་
ཞེས་བྱ་བ་ཐེག་པ་ཆེན་པོའི་མདོ། བམ་པོ་དང་པོ། སངས་རྒྱས་དང་བྱང་ཆུབ་སེམས་དཔའ་ཐམས་ཅད་ལ་
ཕྱག་འཚལ་ལོ། །འདི་སྐད་བདག་གིས་ཐོས་པའི་དུས་གཅིག་ན། བཅོམ་ལྡན་འདས་ཡུལ་རྒྱུ་བ་རྒྱུ་ཞིང་
ཡངས་པ་ཅན་དུ་བྱོན་ཏེ། ཡངས་པ་ཅན་ན་རོལ་མོའི་སྒྲ་ཅན་གྱི་ཤིང་ལྗོན་པའི་དྲུང་ན་དགེ་སློང་བརྒྱད་སྟོང་གི་དགེ་སློང་གི་དགེ་
འདུན་ཆེན་པོ་དང་བྱང་ཆུབ་སེམས་དཔའ་སུམ་ཁྲི་དྲུག་སྟོང་ལ་འདི་ལྟ་སྟེ། བྱང་ཆུབ་སེམས་དཔའ་སེམས་དཔའ་ཆེན་པོ་སྤྱན་རས་
གཟིགས་དབང་ཕྱུག་དང་། བྱང་ཆུབ་སེམས་དཔའ་སེམས་དཔའ་ཆེན་པོ་བློ་གྲོས་ཆེན་པོ་དང་། བྱང་ཆུབ་སེམས་དཔའ་སེམས་
དཔའ་བྱམས་པ་དང་། བྱང་ཆུབ་སེམས་དཔའ་སེམས་དཔའ་ཆེན་པོ་སྤོབས་པ་བརྩེགས་དང་། བྱང་ཆུབ་སེམས་དཔའ་སེམས་

94-1-247a

དཔའ་ཆེན་པོ་རྣམ་པར་གནོན་པ་དོན་ཡོད་དང་། བྱང་ཆུབ་སེམས་དཔའ་སེམས་དཔའ་ཆེན་པོ་བལྟ་ན་སྡུག་དང་། བྱང་ཆུབ་སེམས་དཔའ་སེམས་དཔའ་ཆེན་པོ་མུན་པ་མུན་ནག་ཐམས་ཅད་ངེས་པར་འཇོམས་པའི་
བློ་གྲོས་དང་། བྱང་ཆུབ་སེམས་དཔའ་སེམས་དཔའ་ཆེན་པོ་བསམ་པ་ལེགས་པར་རྣམ་པར་སེམས་པ་དང་། བྱང་ཆུབ་སེམས་དཔའ་སེམས་དཔའ་ཆེན་པོ་ལྷུན་པོ་བརྩེགས་དང་། བྱང་ཆུབ་སེམས་དཔའ་སེམས་དཔའ་
ཆེན་པོ་སང་སང་པོའི་དབྱངས་དང་། བྱང་ཆུབ་སེམས་དཔའ་སེམས་དཔའ་ཆེན་པོ་ལྷུན་པོ་ཆེན་པོའི་རྩེ་འཛིན་རྒྱལ་པོ་དང་། བྱང་ཆུབ་སེམས་དཔའ་སེམས་དཔའ་ཆེན་པོ་ལག་ན་རྡོ་རྗེ་དང་། དེ་དག་ལ་སོགས་པ་བྱང་ཆུབ་སེམས་
དཔའ་སུམ་ཁྲི་དྲུག་སྟོང་དང་ཐབས་ཅིག་ཏུ་བཞུགས་ཏེ། ལྷ་དང་། ཀླུ་དང་། གནོད་སྦྱིན་དང་། དྲི་ཟ་དང་། ལྷ་མ་ཡིན་དང་། ནམ་མཁའ་ལྡིང་དང་། མི་འམ་ཅི་དང་། ལྟོ་འཕྱེ་ཆེན་པོ་དང་། རྒྱལ་པོ་དང་། 
བློན་པོ་དང་། བྲམ་ཟེ་དང་། རྒྱལ་རིགས་དང་། ཁྱིམ་བདག་ཐམས་ཅད་ཀྱིས་ཡོངས་སུ་བསྐོར་ཅིང་མདུན་གྱིས་བལྟས་ཏེ། ཐོག་མར་དགེ་བ། བར་དུ་དགེ་བ། ཐ་མར་དགེ་བ། དོན་བཟང་པོ། 
ཚིག་འབྲུ་བཟང་པོའི་ཆོས་སྟོན་ཅིང་ཆོས་ཀྱི་གཏམ་གྱིས་སེམས་ཅན་རྣམས་ཚིམ་པར་མཛད། ཡང་དག་པར་དགའ་བར་མཛད། སངས་རྒྱས་ཀྱི་བྱང་ཆུབ་ལ་འགོད་པར་མཛད་དོ། །དེ་ནས་བྱང་ཆུབ་སེམས་དཔའ་
སེམས་དཔའ་ཆེན་པོ་ཆོས་ཀྱི་རྒྱལ་བུ་འཇམ་དཔལ་སྟན་ལས་ལངས་ཏེ། བླ་གོས་ཕྲག་པ་གཅིག་ཏུ་གཟར་ནས་པུས་མོ་གཡས་པའི་ལྷ་ང་ས་ལ་བཙུགས་ཏེ། བཅོམ་ལྡན་འདས་ག་ལ་བ་དེ་ལོགས་སུ་ཐལ་མོ་སྦྱར་བ་བཏུད་ནས་བཅོམ་
ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས་ལྷ་དང་། ཀླུ་དང་། གནོད་སྦྱིན་དང་། སྲིན་པོ་དང་། ནམ་མཁའ་ལྡིང་དང་། མི་འམ་ཅི་དང་། ལྟོ་འཕྱེ་ཆེན་པོ་དང་། དགེ་སྦྱོང་དང་། བྲམ་ཟེ་དང་། རྒྱལ་པོ་དང་། བློན་པོ་དང་། 

94-1-247b

ཁྱིམ་བདག་དང་། མི་དང་། མི་མ་ལགས་པ་མང་པོ་དག་ཆོས་ཉན་པའི་སླད་དུ་འདུས་ཤིང་མཆིས་ན། དེའི་སླད་དུ་བཅོམ་ལྡན་འདས་ཀྱིས་ཐུགས་བརྩེ་བར་དགོངས་ཏེ། ཐོས་ན་ཅི་ནས་སེམས་ཅན་ཐམས་ཅད་བླ་ན་མེད་པ་
ཡང་དག་པར་རྫོགས་པའི་བྱང་ཆུབ་ལས་ཕྱིར་མི་ལྡོག་པར་འགྱུར་བ་དང་། སྡིག་པ་ཐམས་ཅད་དང་། ལས་ཀྱི་སྒྲིབ་པ་ཐམས་ཅད་ཡོངས་སུ་བྱང་ཞིང་ཡོངས་སུ་བས་པར་འགྱུར་བ་དང་། བདུད་སྡིག་ཅན་གྱིས་མི་བརྫི་བར་འགྱུར་བའི་དེ་བཞིན་
གཤེགས་པ་དེ་དག་གི་མཚན་དང་། སྔོན་གྱི་སྨོན་ལམ་གྱི་ཁྱད་པར་རྒྱས་པ་དང་། སངས་རྒྱས་ཀྱི་ཞིང་གི་ཡོན་ཏན་བཀོད་པའི་གནས་བཤད་ཏུ་གསོལ། བཅོམ་ལྡན་འདས་དེ་བཞིན་གཤེགས་པ་རྣམས་ལ་ནི་མ་གཟིགས་པ་འམ། མ་གསན་
པ་འམ། རྣམ་པར་མི་མཁྱེན་པ་མི་མངའ་བས་བསྐལ་པ་བྱེ་བ་ཁྲག་ཁྲིག་བརྒྱ་སྟོང་གང་གཱའི་ཀླུང་གི་བྱེ་མའི་རྡུལ་ཕྲ་རབ་སྙེད་དག་ཀྱང་དཔེར་ན་དེང་ངམ་སང་གི་ལྟར་དགོངས་པ་ལགས་ཏེ། དེ་བཞིན་གཤེགས་པ་དེ་དག་གི་དང་པོ་བྱང་ཆུབ་
ཀྱི་ཐུགས་ཡིད་ལ་མཛད་པ་དང་། སྔོན་གྱི་སྨོན་ལམ་དང་། དེ་བཞིན་གཤེགས་པ་ལ་དམིགས་པའི་སངས་རྒྱས་ཀྱི་ཞིང་གི་ཡོན་ཏན་བཀོད་པ་དག་བརྗོད་པ་དང་། ཡང་དག་པར་བསྟན་པར་སྤྱོད་ན། བཅོམ་ལྡན་འདས་སླད་མའི་ཚེ་སླད་མའི་
དུས་ལྔ་བརྒྱ་ཐ་མ་ལ་དམ་པའི་ཆོས་ལྟར་བཅོས་པ་འབྱུང་བ་ན། སེམས་ཅན་ཐམས་ཅད་རྗེས་སུ་གཟུང་བའི་སླད་དུ་དེ་བཞིན་གཤེགས་པ་རྣམས་ཀྱི་ཐབས་མཁས་པ་མང་པོ་དང་། སྔོན་གྱི་སྨོན་ལམ་གྱི་ཁྱད་པར་རྒྱས་པ་བཅོམ་ལྡན་
འདས་ཀྱིས་བཤད་དུ་གསོལ། དེ་ནས་བཅོམ་ལྡན་འདས་དེ་བཞིན་གཤེགས་པས་ཀ་ལ་པིང་ཀའི་སྒྲ་སྐད་དང་དབྱངས་ཀྱིས་འཇམ་དཔལ་གཞོན་ནུར་གྱུར་པ་ལ་ལེགས་སོ་ཞེས་བྱ་བ་གནང་སྟེ། འཇམ་དཔལ་ལེགས་སོ་ལེགས་
སོ། །འཇམ་དཔལ་ཁྱོད་སྙིང་རྗེ་དང་ལྡན་པ་སྟེ། འཇམ་དཔལ་ཁྱོད་ཀྱིས་སྙིང་རྗེ་དཔག་ཏུ་མེད་པ་བསྐྱེད་ནས་སེམས་ཅན་ཐམས་ཅད་ཀྱི་དོན་དང་། སེམས་ཅན་ལས་ཀྱི་སྒྲིབས་པ་སྣ་ཚོགས་ཀྱིས་བསྒྲིབས་པ། ནད་སྣ་ཚོགས་ཀྱིས་

94-1-248a

ཡོངས་སུ་གཟིར་བ། མྱ་ངན་དང་སྡུག་བསྔལ་སྣ་ཚོགས་ཀྱིས་གཙེས་པའི་ལྷ་དང་མི་རྣམས་ཀྱི་དོན་དང་། ཕན་པ་དང་། བདེ་བའི་ཕྱིར་གསོལ་བ་འདེབས་པ་ནི་ཡང་ལེགས་སོ། །འཇམ་དཔལ་དེ་བཞིན་གཤེགས་པའི་བྱིན་
གྱི་བརླབས་ཀྱིས་ཁྱོད་ཀྱི་སྤོབས་པ་འདི་སྐྱེས་སོ། །འཇམ་དཔལ་དེའི་ཕྱིར་ལེགས་པར་རབ་ཏུ་ཉོན་ལ་ཡིད་ལ་ཟུང་ཤིག་དང་བཤད་དོ། །འཇམ་དཔལ་གཞོན་ནུར་གྱུར་པས་བཅོམ་ལྡན་འདས་དེ་བཞིན་ནོ་ཞེས་གསོལ་ནས་བཅོམ་
ལྡན་འདས་ཀྱི་ལྟར་ཉན་པ་དང་། བཅོམ་ལྡན་འདས་ཀྱིས་དེ་ལ་འདི་སྐད་ཅེས་བཀའ་སྩལ་ཏོ། །འཇམ་དཔལ་ཤར་ཕྱོགས་ལོགས་སུ་སངས་རྒྱས་ཀྱི་ཞིང་འདི་ནས་སངས་རྒྱས་ཀྱི་ཞིང་གང་གཱའི་ཀླུང་གི་བྱེ་མ་སྙེད་འདས་པ་ན་འཇིག་རྟེན་
གྱི་ཁམས་གཞན་གྱིས་མི་ཐུབ་པ་ན། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་མཚན་ལེགས་པར་ཡོངས་བསྒྲགས་དཔལ་གྱི་རྒྱལ་པོ་ཞེས་བྱ་བ་ཞམ་རིང་བ་བྱང་ཆུབ་སེམས་དཔའ་བྱེ་བ་ཁྲག་ཁྲིག་
བརྒྱ་སྟོང་དུ་མ་དང་ལྡན་པ་བཞུགས་ཏེ། འཚོ་ཞིང་གཞེས་ལ་ཆོས་ཀྱང་སྟོན་པ་ཡོད་དོ། །འཇམ་དཔལ་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་མཚན་ལེགས་པར་ཡོངས་བསྒྲགས་དཔལ་གྱི་
རྒྱལ་པོ་དེའི་སངས་རྒྱས་ཀྱི་ཞིང་དེ་ནི་ཤིན་ཏུ་ཡོངས་སུ་དག་པ། ཐ་གྲུར་དཔག་ཚད་བརྒྱ་སྟོང་དུ་མ་ཡོད་པ། ལག་མཐིལ་ལྟར་མཉམ་པར་གྱུར་པ། ངན་སོང་དང་། སྡུག་བསྔལ་གྱི་སྒྲ་མེད་པ། བུད་མེད་ཀྱི་དངོས་པོ་མེད་པ། ཚེར་མ་དང་
གཡང་ཟ་བ་དང་། རི་དང་། རྡོ་དང་། གསེག་མ་དང་། གྱོ་མོ་མེད་པ། འཇམ་པ། སའི་ངོས་རེག་ན་བདེ་བ། ལྷའི་དྲི་བསུང་དང་ལྡན་པ། ལྷའི་རིན་པོ་ཆེའི་ཤིང་ལྗོན་པ་དང་། མེ་ཏོག་དང་། འབྲས་བུས་མཛེས་པར་བྱས་པ། རིན་པོ་ཆེའི་སེང་གེའི་
ཁྲིས་ལེགས་པར་བརྒྱན་པ། བྱང་ཆུབ་སེམས་དཔའ་དག་པ་ཕྱིར་མི་ལྡོག་པའི་ས། འཛམ་བུའི་ཆུ་བོའི་གསེར་དང་། ནོར་བུ་དང་། མུ་ཏིག་གིས་བརྒྱན་པའི་རྫིང་གིས་མཛེས་པར་བྱས་པའོ། །འཇམ་དཔལ་འཇིག་རྟེན་གྱི་ཁམས་དེ་ན་

94-1-248b

བྱང་ཆུབ་སེམས་དཔའ་གང་དག་འཁོད་པ་དེ་དག་ཐམས་ཅད་ནི་རྫུས་ཏེ་སྐྱེས་པ། རིན་པོ་ཆེ་སྣ་བདུན་གྱི་པད་མ་ལས་བྱུང་བ་ཤ་སྟག་གོ། དེ་ལྟ་བས་ན་རིགས་ཀྱི་བུ་འམ། རིགས་ཀྱི་བུ་མོ་དད་པས་སངས་རྒྱས་ཀྱི་ཞིང་དེར་སྐྱེ་བར་སྨོན་
ལམ་ཐོབ་ཤིག །འཇམ་དཔལ་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་མཚན་ལེགས་པར་ཡོངས་བསྒྲགས་དཔལ་གྱི་རྒྱལ་པོ་དེ་ཐུགས་དང་པོ་བསྐྱེད་པ་ནས་བཟུང་སྟེ། བྱང་ཆུབ་སེམས་དཔའི་སྤྱད་
པ་སྤྱོད་པ་ན་དེས་སྨོན་ལམ་ཆེན་པོ་བརྒྱད་རྒྱུན་མ་ཆད་པར་བཏབ་བོ། །བརྒྱད་གང་ཞེ་ན། དེའི་སྨོན་ལམ་ཆེན་པོ་དང་པོ་ནི་གང་གི་ཚེ་བདག་མ་འོངས་པའི་དུས་ན། བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་
པར་སངས་རྒྱས་པ་དེ་ན་སེམས་ཅན་གང་ལ་ལ་དག་ན་བའི་ནད་སྣ་ཚོགས་ཀྱིས་ལུས་ཡོངས་སུ་གཟིར་ཏེ། རིམས་དང་། གཤེད་བྱེད་དང་། བྱད་དང་། རོ་ལངས་དང་། འཇིགས་པ་རྣམས་ཀྱིས་གཙེས་པ་དེ་དག་བདག་གི་མཐུས་བདག་གི་མིང་
ཡིད་ལ་གནས་ཤིང་། བདག་གི་མིང་ལན་བདུན་བརྗོད་པས་དེ་དག་གི་ནད་ཐམས་ཅད་རབ་ཏུ་ཞི་བར་གྱུར་ཅིག །བྱང་ཆུབ་ཀྱི་མཐར་ཐུག་གི་བར་དུ་རིམས་དང་། སྡིག་པ་ཅན་གྱི་གདོན་རྣམས་མེད་པར་གྱུར་ཅིག །རབ་ཏུ་ཞི་བར་གྱུར་ཅིག་
ཅེས་བཏབ་བོ། །དེའི་སྨོན་ལམ་ཆེན་པོ་གཉིས་པ་ནི་གང་གི་ཚེ་བདག་མ་འོངས་པའི་དུས་ན་བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་སངས་རྒྱས་པ་དེ་ན། སེམས་ཅན་གང་དག་ལོང་བ་དང་། འོན་པ་དང་། 
སྨྱོན་པ་དང་། ཤ་བཀྲ་ཅན་དང་། ནད་ཚབས་ཆེན་པོས་བཏབ་པར་གྱུར་པ་དེ་དག་བདག་གི་མཐུས། བདག་གི་མིང་ཡིད་ལ་གནས་ཤིང་། བདག་གི་མིང་ལན་བདུན་བརྗོད་པས་དེ་དག་བྱང་ཆུབ་ཀྱི་མཐར་ཐུག་གི་བར་དུ་དབང་པོ་ཐམས་
ཅད་ཡོངས་སུ་ཚང་བར་གྱུར་ཅིག །སྡུག་བསྔལ་དང་ནད་ཐམས་ཅད་རྒྱུན་ཆད་པར་གྱུར་ཅིག་ཅེས་བཏབ་བོ། །དེའི་སྨོན་ལམ་ཆེན་པོ་གསུམ་པ་ནི་གང་གི་ཚེ་བདག་མ་འོངས་པའི་དུས་ན་བླ་ན་མེད་པ་ཡང་དག་པར་རྫོགས་པའི་

94-1-249a

བྱང་ཆུབ་མངོན་པར་རྫོགས་པར་སངས་རྒྱས་པ་དེ་ན། སེམས་ཅན་གང་དག་འདོད་ཆགས་དང་། ཞེ་སྡང་དང་། གཏི་མུག་གིས་བསྒྲིབས་པ། མཚམས་མེད་པ་ལྔ་བྱེད་པ། བྱ་བ་མ་ཡིན་པ་སྤྱོད་པ་མང་བ། དམ་པའི་ཆོས་
སྤོང་བ། སྡིག་པ་མི་དགེ་བའི་ལས་སྣ་ཚོགས་བྱེད་པ། ངན་སོང་གསུམ་དང་། སེམས་ཅན་དམྱལ་བར་འགྲོ་བ་དེ་དག་སེམས་ཅན་དམྱལ་བ་ཆེན་པོར་སྐྱེས་ནས་སྡུག་བསྔལ་གྱི་ཚོར་བ་མྱོང་བ་དེ་དག་བདག་གི་མཐུས། བདག་གི་མིང་ཡིད་
ལ་གནས་ཤིང་བདག་གི་མིང་ཡིད་ཀྱིས་བརྗོད་པས་དེ་དག་གི་མཚམས་མེད་པ་ལྔ་ལ་སོགས་པ་ལས་ཀྱི་སྒྲིབ་པ་ཐམས་ཅད་ཡོངས་སུ་བྱང་ཞིང་ཡོངས་སུ་ཟད་པར་གྱུར་ཅིག །བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་
རྫོགས་པར་སངས་རྒྱས་ཀྱི་བར་དུ་སུ་ཡང་སེམས་ཅན་དམྱལ་བ་དང་། ངན་འགྲོར་འགྲོ་བར་མ་གྱུར་ཅིག །ལྷ་ཡུལ་བའི་ལྷའི་བདེ་བ་དང་། མིའི་བདེ་བ་ཉམས་སུ་མྱོང་བར་གྱུར་ཅིག་ཅེས་བཏབ་བོ། །དེའི་སྨོན་ལམ་ཆེན་པོ་བཞི་པ་ནི་གང་གི་
ཚེ་བདག་མ་འོངས་པའི་དུས་ན་བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་སངས་རྒྱས་པ་དེ་ན་སེམས་ཅན་གང་སུ་དག་དབུལ་པོར་གྱུར་ཏེ། ཟས་དང་། སྐོམ་དང་། གོས་དང་། ནོར་དང་། འབྲུ་དང་། 
མལ་ཆ་དང་། སྤོས་དང་། ཕྲེང་བ་མི་བདོག་པ་དེ་དག་བདག་གི་མཐུས། བདག་གི་མིང་ཡིད་ལ་གནས་ཤིང་། བདག་གི་མིང་ཡིད་ཀྱིས་བརྗོད་པས་དེ་དག་བྱང་ཆུབ་ཀྱི་མཐར་ཐུག་གི་བར་དུ་དབྱིག་དང་། གོས་དང་། ནོར་དང་། འབྲུ་དང་། མལ་ཆ་དང་། 
སྤོས་དང་། ཕྲེང་བ་ཡོ་འཕེལ་བར་གྱུར་ཅིག་ཅེས་བཏབ་བོ། །དེའི་སྨོན་ལམ་ཆེན་པོ་ལྔ་པ་ནི་གང་གི་ཚེ་བདག་མ་འོངས་པའི་དུས་ན་བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་སངས་རྒྱས་པ་དེ་ན་སེམས་ཅན་གང་དག་
བཅིང་བ་དང་། བརྡེག་པ་དང་། གོ་རར་བཞུག་པ་དང་། མཚོན་ཆའི་ཚོགས་རྣམ་པ་སྣ་ཚོགས་ཀྱིས་ལུས་ཡོངས་སུ་གཟིར་བ་དེ་དག་བདག་གི་མཐུས། བདག་གི་མིང་ཡིད་ལ་གནས་ཤིང་། བདག་གི་མིང་ཡིད་ཀྱིས་བརྗོད་པས་དེ་དག་བྱང་ཆུབ་ཀྱི་མཐར་ཐུག་

94-1-249b

གི་བར་དུ་བཅིང་བ་དང་། བརྡེག་པ་ཐམས་ཅད་ལས་ཡོངས་སུ་ཐར་བར་གྱུར་ཅིག །ལུས་ཀྱི་གདུང་བ་ཐམས་ཅད་རྒྱུན་ཆད་པར་གྱུར་ཅིག་ཅེས་བཏབ་བོ། །དེའི་སྨོན་ལམ་ཆེན་པོ་དྲུག་པ་ནི་གང་གི་ཚེ་བདག་མ་འོངས་པའི་དུས་ན་བླ་ན་མེད་པ་ཡང་དག་པར་རྫོགས་པའི་
བྱང་ཆུབ་མངོན་པར་རྫོགས་པར་སངས་རྒྱས་པ་དེ་ན་སེམས་ཅན་གང་དག་མགོན་མེད་པར་གྱུར་པ་ལུས་ལ་གདུང་བའི་མེ་འབར་བ་དང་སེང་གེ་དང་སྟག་དང་དོམ་དང་དྲེད་དང་སྦྲུལ་གདུག་པའི་ནང་དུ་ཆུད་དེ་སྲོག་ལ་བབ་སྟེ་འཇིགས་སྐྲག་ནས་
མགོན་མེད་དེ་སྨྲེ་སྔགས་སྣ་ཚོགས་འདོན་པ་དེ་དག་བདག་གི་མཐུས་བདག་གི་མིང་ཡིད་ལ་གནས་ཤིང་བདག་གི་མིང་ལན་བདུན་ཡིད་ཀྱིས་བརྗོད་པས་དེ་དག་བྱང་ཆུབ་ཀྱི་མཐར་ཐུག་གི་བར་དུ་ལུས་ལ་གདུང་བའི་མེ་ཐམས་ཅད་ཞི་བར་གྱུར་ཅིག །སེང་གེ་དང་
སྟག་དང་དོམ་དང་དྲེད་དང་། སྦྲུལ་གདུག་པ་དེ་དག་ཀྱང་བྱམས་པ་ལ་གནས་པར་གྱུར་ཅིག །འཇིགས་པ་མེད་པ་དང་། ཞི་བའི་གནས་ལ་གནས་པར་གྱུར་ཅིག་ཅེས་བཏབ་བོ། །དེའི་སྨོན་ལམ་ཆེན་པོ་བདུན་པ་ནི་གང་གི་ཚེ་བདག་མ་འོངས་
པའི་དུས་ན་བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་སངས་རྒྱས་པ་དེ་ན་སེམས་ཅན་གང་དག་ཕན་ཚུན་འཐབ་པ་དང་། རྩོད་པ་དང་། འགྱེད་པར་གྱུར་ཏེ། འཁྲུགས་ཤིང་འཇིགས་སྐྲག་ནས་དངངས་པ་དེ་དག་བདག་གི་
མཐུས། བདག་གི་མིང་ཡིད་ལ་གནས་ཤིང་། བདག་གི་མིང་ལན་བདུན་ཡིད་ཀྱིས་བརྗོད་པས་དེ་དག་བྱང་ཆུབ་ཀྱི་མཐར་ཐུག་གི་བར་དུ་འཐབ་པ་དང་། འཐབ་མོ་དང་། རྩོད་པ་དང་། འགྱེད་པ་ཐམས་ཅད་རབ་ཏུ་ཞི་བར་གྱུར་ཅིག་ཕན་ཚུན་བྱམས་པ་
ལ་གནས་པར་གྱུར་ཅིག་ཅེས་བཏབ་བོ། །དེའི་སྨོན་ལམ་ཆེན་པོ་བརྒྱད་པ་ནི་གང་གི་ཚེ། བདག་མ་འོངས་པའི་དུས་ན། བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་སངས་རྒྱས་པ་དེ་ན། སེམས་ཅན་གང་དག་ཆུའི་
ནང་དུ་སོན་ཏེ། གྲུར་ཞུགས་པ་གླིང་མེད་པར་ཕྱིན་པ། སྲོག་འདོད་པ། ཆུ་ཀླུང་དང་། རྒྱ་མཚོའི་ནང་དུ་སོན་ཏེ། སྨྲེ་སྔགས་སྣ་ཚོགས་འདོན་པ་དེ་དག་བདག་གི་མཐུས། བདག་གི་མིང་ཡིད་ལ་གནས་ཤིང་། བདག་གི་མིང་ཡིད་ཀྱིས་ལན་བདུན་བརྗོད་

94-1-250a

པས་དེ་དག་བྱང་ཆུབ་ཀྱི་མཐར་ཐུག་གི་བར་དུ་ཆུ་ཀླུང་ཆེན་པོ་དེ་ལས་དབུགས་འབྱིན་པ་སྦྱིན་པར་གྱུར་ཅིག །འཇིགས་པ་མེད་པར་རྒལ་བར་གྱུར་ཅིག་ཅེས་བཏབ་སྟེ། འཇམ་དཔལ་བཅོམ་ལྡན་འདས་དེ་བཞིན་གཤེགས་པ་མཚན་ལེགས་
པར་ཡོངས་བསྒྲགས་དཔལ་གྱི་རྒྱལ་པོ་དེས་སྨོན་ལམ་ཆེན་པོ་བརྒྱད་པོ་དེ་དག་བཏབ་བོ། །འཇམ་དཔལ་དེ་དག་དང་དག་དང་བཅོམ་ལྡན་འདས་དེ་བཞིན་གཤེགས་པ་མཚན་ལེགས་པར་ཡོངས་བསྒྲགས་དཔལ་གྱི་རྒྱལ་པོ་དེའི་ཐུགས་དང་པོ་བསྐྱེད་པ་ནས་བཟུང་སྟེ། སྨོན་
ལམ་དང་། ཏིང་ངེ་འཛིན་གྱི་སྟོབས་ཀྱི་གནས་དང་། སེམས་ཅན་ཡོངས་སུ་སྨིན་པར་མཛད་པ་དང་། བྱང་ཆུབ་སེམས་དཔའི་སྤྱོད་པ་དང་། དེ་བཞིན་གཤེགས་པ་ལ་མཆོད་པ་དང་རིམ་གྲོ་མཛད་པ་དང་། རྣམ་པར་འཕྲུལ་པ་དང་། སངས་རྒྱས་ཀྱི་ཞིང་ཡོངས་སུ་
དག་པ་དང་། ཞམ་རིང་བ་བྱང་ཆུབ་སེམས་དཔའ་ཕུན་སུམ་ཚོགས་པ་གང་ཡིན་པ་དེ་ནི་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་དང་། བྱང་ཆུབ་སེམས་དཔའ་ས་བཅུ་ལ་གནས་པ་རྣམས་མ་གཏོགས་པར་ཉན་ཐོས་དང་། རང་
སངས་རྒྱས་ཐམས་ཅད་ཀྱིས་ལོ་བརྒྱར་ཡང་བརྗོད་པར་མི་ནུས་སོ། །འཇམ་དཔལ་དེ་ལྟ་བས་ན་དད་པའི་རིགས་ཀྱི་བུ་འམ། རིགས་ཀྱི་བུ་མོ་འམ། རྒྱལ་པོ་འམ། བློན་པོ་འམ། ཁྱིམ་བདག་ཡོན་ཏན་དོན་དུ་གཉེར་བ་རྣམས་ཀྱིས་ཞེ་སྡང་དང་། ཉོན་མོངས་པ་
ཐམས་ཅད་དང་བྲལ་བར་དེ་བཞིན་གཤེགས་པ་དེའི་མཚན་བཟུང་བར་བྱ་བཀླག་པར་བྱ་སྟེ། རབ་ཏུ་གུས་པར་དེ་བཞིན་གཤེགས་པ་དེ་ལ་མཆོད་པ་བྱས་ན། དེའི་སྡིག་པ་ཐམས་ཅད་དང་། ལས་ཀྱི་སྒྲིབ་པ་ཐམས་ཅད་དང་། ནད་ཐམས་ཅད་རབ་ཏུ་ཞི་བར་
འགྱུར། རེ་བ་ཐམས་ཅད་ཡོངས་སུ་རྫོགས་པར་འགྱུར། སངས་རྒྱས་ཀྱི་བྱང་ཆུབ་ལས་ཕྱིར་མི་ལྡོག་པར་འགྱུར་རོ། །འཇམ་དཔལ་ཤར་ཕྱོགས་ལོགས་སུ་སངས་རྒྱས་ཀྱི་ཞིང་འདི་ནས་སངས་རྒྱས་ཀྱི་ཞིང་གང་གཱའི་ཀླུང་བདུན་གྱི་བྱེ་མ་སྙེད་འདས་པ་ན་འཇིག་རྟེན་
གྱི་ཁམས་རིན་པོ་ཆེ་དང་ལྡན་པ་ན། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རིན་པོ་ཆེ་དང་ཟླ་བ་དང་། པད་མས་རབ་ཏུ་བརྒྱན་པ་མཁས་པ་གཟི་བརྗིད་ཀྱི་སྒྲ་དབྱངས་ཀྱི་རྒྱལ་པོ་ཞེས་བྱ་བ་བཞུགས་ཏེ། 

94-1-250b

འཚོ་ཞིང་གཞེས་ལ་ཆོས་ཀྱང་སྟོན་ཅིང་བྱང་ཆུབ་སེམས་དཔའ་རྣམས་ལ་ཐེག་པ་ཆེན་པོའི་གཏམ་འབའ་ཞིག་སྟོན་པ་ཡོད་དོ། །འཇམ་དཔལ་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་དེ་སྔོན་བྱང་ཆུབ་སེམས་དཔའི་སྤྱད་པ་སྤྱོད་པ་ན་སྨོན་
ལམ་ཆེན་པོ་བརྒྱད་བཏབ་བོ། །བརྒྱད་གང་ཞེ་ན། དེའི་སྨོན་ལམ་ཆེན་པོ་དང་པོ་ནི་གང་གི་ཚེ་བདག་མ་འོངས་པའི་དུས་ན་བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་སངས་རྒྱས་པ་དེ་ན། སེམས་ཅན་གང་དག་ཞིང་བླས་ཀྱི་ལས་ཀྱི་མཐའ་དང་ཚོང་ལ་དགའ་
སྟེ། གཡེང་བ་སྣ་ཚོགས་མང་བས་དགེ་བའི་ཆོས་རྣམས་ལས་ཡོངས་སུ་ཉམས་པ་དང་། བྱང་ཆུབ་ཀྱི་སེམས་ཡིད་ལ་བྱེད་པ་ལས་ཡོངས་སུ་ཉམས་ཏེ། དེ་དག་འཁོར་བའི་སྡུག་བསྔལ་རྣམས་ལས་ཡོངས་སུ་ཐར་བར་མ་གྱུར་ཅིང་། སོ་སོར་འཁོར་བའི་
སྡུག་བསྔལ་རྣམས་མྱོང་བ་དང་། རྒ་བ་དང་། འཆི་བ་དང་། མྱ་ངན་དང་། སྨྲེ་སྔགས་འདོན་པ་དང་། སྡུག་བསྔལ་བ་དང་། ཡིད་མི་བདེ་བ་དང་། འཁྲུག་པ་རྣམས་མྱོང་བ་དེ་དག་བདག་གི་མཐུས། བདག་གི་མིང་ཡིད་ལ་གནས་ཤིང་། བདག་གི་མིང་ཡིད་ཀྱིས་བརྗོད་
པས་དེ་དག་བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་སངས་རྒྱས་ཀྱི་བར་དུ་བསམས་མ་ཐག་ཏུ་བགོ་བ་དང་། བཟའ་བ་དང་། བཏུང་བ་དང་། ལོངས་སྤྱོད་དང་། ཡོངས་སུ་སྤྱད་པ་དང་། ནོར་དང་། འབྲུ་དང་། དབྱིག་དང་གསེར་
རྣམས་འབྱུང་བར་གྱུར་ཅིག །དགེ་བའི་ཆོས་རྣམས་ཀྱིས་རྣམ་པར་འཕེལ་བར་གྱུར་ཅིག །བྱང་ཆུབ་ཀྱི་སེམས་ཡིད་ལ་བྱེད་པ་དང་མི་འབྲལ་བར་གྱུར་ཅིག །ངན་སོང་གསུམ་དང་། སེམས་ཅན་དམྱལ་བའི་སྡུག་བསྔལ་ཐམས་ཅད་ལས་ཡོངས་སུ་ཐར་བར་གྱུར་ཅིག་
ཅེས་བཏབ་བོ། །བཅོམ་ལྡན་འདས་དེའི་སྨོན་ལམ་ཆེན་པོ། གཉིས་པ་ནི་གང་གི་ཚེ་བདག་མ་འོངས་པའི་དུས་ན་བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་སངས་རྒྱས་པ་དེ་ན། སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་ན་སྒོ་ང་ལས་
སྐྱེས་པ་འམ། མངལ་ལས་སྐྱེས་པ་འམ། དྲོད་གཤེར་ལས་སྐྱེས་པ་འམ། རྫུས་ཏེ་སྐྱེས་པའི་སེམས་ཅན་གང་དག་གྲང་བ་དང་། ཚ་བ་དང་། བཀྲེས་པ་དང་། སྐོམ་པས་ལུས་ཡོངས་སུ་གདུངས་ཤིང་སྡུག་བསྔལ་གྱི་ཚོར་བས་ཉམ་ཐག་པ་དེ་དག་བདག་

94-1-251a

གི་མཐུས། བདག་གི་མིང་རྣ་ལམ་དུ་གྲག་ཅིང་དེ་དག་གིས་བདག་གི་མིང་དྲན་པ་དང་། བརྗོད་པས་སྔོན་གྱི་ལས་ཀྱི་སྒྲིབ་པ་དེ་ཡོངས་སུ་བྱང་བར་གྱུར་ཅིག །སྐྱེ་བ་དེ་ཡང་ཐ་མ་པར་གྱུར་ཅིག །བླ་ན་མེད་པ་ཡང་དག་པར་རྫོགས་པའི་བྱང་
ཆུབ་མངོན་པར་རྫོགས་པར་སངས་རྒྱས་ཀྱི་བར་དུ་སྐྱེ་བའི་སྡུག་བསྔལ་ཐམས་ཅད་ལས་ཡོངས་སུ་ཐར་བར་གྱུར་ཅིག །ལྷའི་ཡུལ་བའི་ལྷའི་བདེ་བ་མྱོང་བར་གྱུར་ཅིག་ཅེས་བཏབ་བོ། །དེའི་སྨོན་ལམ་ཆེན་པོ་གསུམ་པ་ནི་གང་གི་ཚེ་བདག་མ་
མ་འོངས་པའི་དུས་ན་བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་སངས་རྒྱས་པ་དེ་ན། སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་འདི་ན་བུད་མེད་གང་དག་ཀུན་ནས་ཉོན་མོངས་པ་སྣ་ཚོགས་ཀྱིས་ལུས་ཡོངས་སུ་གང་ཞིང་
བུད་མེད་ཀྱི་སྐྱེ་གནས་ལ་སྨོད་པ་དང་། གང་དག་བཙའ་བའི་དུས་ན་སྡུག་བསྔལ་གྱི་ཚོར་བ་མྱོང་བ་དེ་དག་བདག་གི་མཐུས་བདག་གི་མིང་རྣ་ལམ་དུ་གྲག་ཅིང་དེ་དག་གིས་བདག་གི་མིང་དྲན་པ་དང་། བརྗོད་པས་ཚོར་བ་ཐམས་ཅད་དང་། སྡུག་
བསྔལ་ཐམས་ཅད་རྒྱུན་ཆད་པར་གྱུར་ཅིག །སྐྱེ་བ་དེ་ཡང་ཐ་མ་པར་གྱུར་ཅིག་བྱང་ཆུབ་ཀྱི་མཐར་ཐུག་གི་བར་དུ་སྐྱེས་པ་ཉིད་ཐོབ་པར་གྱུར་ཅིག་ཅེས་བཏབ་བོ། །དེའི་སྨོན་ལམ་ཆེན་པོ་བཞི་པ་ནི་གང་གི་ཚེ་བདག་མ་འོངས་པའི་དུས་ན་བླ་ན་མེད་
པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་སངས་རྒྱས་པ་དེ་ན། སེམས་ཅན་གང་དག་འཆི་བ་འམ། དགྲ་དང་། དགོན་པས་གཙེས་པ་དང་། ཕན་ཚུན་དུ་ཕ་མ་དང་། སྲིང་མོ་དང་། མཛའ་བཤེས་དང་། ཉེ་དུའི་མྱ་ངན་མྱོང་ཞིང་སྡུག་བསྔལ་
དང་། མྱ་ངན་གྱི་ཟུག་རྔུས་ལུས་ལ་ཟུག་པ་དེ་དག་བདག་གི་མཐུས་བདག་གི་མིང་རྣ་ལམ་དུ་གྲག་ཅིང་དེ་དག་གི་རྣ་ལམ་དུ་བདག་གི་མིང་གྲག་པ་དང་། ཁ་དོན་དུ་བཏོན་པས་བྱང་ཆུབ་ཀྱི་མཐར་ཐུག་གི་བར་དུ་འཆི་བ་དང་། དགྲ་དང་། དགོན་པའི་གནོད་
པ་ཐམས་ཅད་རབ་ཏུ་ཞི་བར་གྱུར་ཅིག །མྱ་ངན་དང་། སྡུག་བསྔལ་དང་བྲལ་བར་གྱུར་ཅིག་ཅེས་བཏབ་བོ། །དེའི་སྨོན་ལམ་ཆེན་པོ་ལྔ་པ་ནི་གང་གི་ཚེ་བདག་མ་འོངས་པའི་དུས་ན། བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་སངས་རྒྱས་

94-1-251b

པ་དེ་ན། སེམས་ཅན་གང་དག་མཚན་མོ་མུན་པ་མུན་ནག་ན་རྣམ་པར་རྒྱུ་བ་ལས་ཀྱི་མཐའ་རྣམ་པ་སྣ་ཚོགས་ལ་ཞུགས་པ། སྡིག་པ་ཅན་གྱི་གདོན་སྣ་ཚོགས་ཀྱིས་གཙེས་པ། འཇིགས་པས་སྨྲེ་སྔགས་སྣ་ཚོགས་འདོན་པ་དེ་དག་
བདག་གི་མཐུས་བདག་གི་མིང་ཡིད་ལ་གནས་ཤིང་བདག་གི་མིང་ཡིད་ཀྱིས་བརྗོད་པས་བྱང་ཆུབ་ཀྱི་མཐར་ཐུག་གི་བར་དུ་མུན་པ་མུན་ནག་ཐམས་ཅད་མེད་པར་གྱུར་ཅིག །སྡིག་པ་ཅན་གྱི་གདོན་ཐམས་ཅད་བྱམས་པ་ལ་གནས་པར་གྱུར་ཅིག །
མཆོད་པ་དང་། རིམ་གྲོ་བྱ་བ་རྣམ་པ་སྣ་ཚོགས་ལ་མངོན་པར་བརྩོན་པར་གྱུར་ཅིག་ཅེས་བཏབ་བོ། །དེའི་སྨོན་ལམ་ཆེན་པོ་དྲུག་པ་ནི་གང་གི་ཚེ་བདག་མ་འོངས་པའི་དུས་ན། བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་
རྫོགས་པར་སངས་རྒྱས་པ་དེ་ན། སེམས་ཅན་གང་དག་དམན་པ་ལ་མོས་ཤིང་ཤེས་རབ་ཆུང་ལ་དྲན་པ་རྨོངས་ཏེ། དགེ་བའི་ཆོས་རྣམས་དང་། སྟོབས་དང་། བྱང་ཆུབ་ཀྱི་ཡན་ལག་དང་། ཏིང་ངེ་འཛིན་དང་། གཟུངས་ཀྱི་སྒོ་རྣམས་དང་
སངས་རྒྱས་དང་། ཆོས་དང་། དགེ་འདུན་རྗེས་སུ་དྲན་པ་ལས་ཡོངས་སུ་ཉམས་པ་དེ་དག་བདག་གི་མཐུས་བདག་གི་མིང་ཡིད་ལ་གནས་ཤིང་། བདག་གི་མིང་ཡིད་ཀྱིས་བརྗོད་པས་དེ་དག་བྱང་ཆུབ་ཀྱི་མཐར་ཐུག་གི་བར་དུ་ཏིང་ངེ་འཛིན་དང་། དྲན་པ་དང་། སྟོབས་
དང་། བྱང་ཆུབ་ཀྱི་ཡན་ལག་དང་གཟུངས་ཀྱི་སྒོ་རྣམས་མངོན་དུ་གྱུར་ཅིག །ཤེས་རབ་ཆེན་པོ་རྗེས་སུ་རྒྱུ་བར་གྱུར་ཅིག་ཅེས་བཏབ་བོ། །དེའི་སྨོན་ལམ་ཆེན་པོ་བདུན་པ་ནི་གང་གི་ཚེ་བདག་མ་འོངས་པའི་དུས་ན། བླ་ན་མེད་པ་ཡང་དག་པར་རྫོགས་པའི་བྱང་ཆུབ་
མངོན་པར་རྫོགས་པར་སངས་རྒྱས་པ་དེ་ན། སེམས་ཅན་གང་དག་དམན་པ་ལ་མོས་ཤིང་ཉན་ཐོས་ཀྱི་ཐེག་པ་དང་། རང་སངས་རྒྱས་ཀྱི་ཐེག་པ་ལ་འདོད་པ་བསྐྱེད་དེ། དེ་ལ་གནས་ཤིང་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ལ་རྒྱབ་ཀྱིས་
ཕྱོགས་པར་གྱུར་པ་དེ་དག་བདག་གི་མཐུས་བདག་གི་མིང་ཡིད་ལ་གནས་ཤིང་བདག་གི་མིང་ཡིད་ཀྱིས་བརྗོད་པས་དེ་དག་ཐམས་ཅད་བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་སངས་རྒྱས་ཀྱི་བར་དུ་བླ་ན་མེད་པ་ཡང་དག་པར་

94-1-252a

རྫོགས་པའི་བྱང་ཆུབ་ལས་ཕྱིར་མི་ལྡོག་པར་གྱུར་ཅིག །ཉན་ཐོས་དང་། རང་སངས་རྒྱས་ཀྱི་ས་ལ་རྒྱབ་ཀྱིས་ཕྱོགས་པར་གྱུར་ཅིག །བྱང་ཆུབ་ཀྱི་སེམས་ཡིད་ལ་བྱེད་པ་དང་མི་འབྲལ་བར་གྱུར་ཅིག་ཅེས་བཏབ་བོ། །དེའི་སྨོན་ལམ་ཆེན་པོ་
བརྒྱད་པ་ནི་གང་གི་ཚེ་བདག་མ་འོངས་པའི་དུས་ན་བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་སངས་རྒྱས་པ་དེ་ན། སེམས་ཅན་གང་དག་བསྐལ་པ་ཆེན་པོ་ཟད་པའི་ཚེ་འཛམ་བུའི་གླིང་ཀུན་ཏུ་འབར་ཞིང་རབ་ཏུ་འབར་བར་འཁྲུགས་
པར་འགྱུར་ཏེ་ངུ་ཞིང་མྱ་ངན་བྱེད་ལ་སྔོན་གྱི་མི་དགེ་བའི་ལས་ཀྱི་རྒྱུས་སྡུག་བསྔལ་མྱོང་ཞིང་སྐྱབས་མེད་མགོན་མེད་པའི་སེམས་ཅན་དེ་དག་བདག་གི་མཐུས། བདག་གི་མིང་ཡིད་ལ་གནས་ཤིང་། བདག་གི་མིང་ཡིད་ཀྱིས་བརྗོད་པས་དེ་དག་སྡུག་
བསྔལ་དང་། མྱ་ངན་ཐམས་ཅད་དང་བྲལ་བར་གྱུར་ཅིག །བསིལ་བའི་དངོས་པོ་ཐོབ་པར་གྱུར་ཅིག །དེ་ནས་ཤི་འཕོས་ནས་བདག་གི་སངས་རྒྱས་ཀྱི་ཞིང་དུ་པད་མའི་སྙིང་པོའི་སེང་གེའི་ཁྲི་ལ་རྫུས་ཏེ་སྐྱེ་བར་གྱུར་ཅིག་ཅེས་བཏབ་སྟེ། འཇམ་དཔལ་
བཅོམ་ལྡན་འདས་དེ་བྱང་ཆུབ་སེམས་དཔའི་སྤྱད་པ་སྤྱོད་པ་ན་སྨོན་ལམ་ཆེན་པོ་བརྒྱད་པོ་དེ་དག་བཏབ་བོ། །འཇམ་དཔལ་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རིན་པོ་ཆེ་དང་ཟླ་བ་དང་པད་མས་རབ་ཏུ་བརྒྱན་
པ་མཁས་པ་གཟི་བརྗིད་ཀྱི་སྒྲ་དབྱངས་ཀྱི་རྒྱལ་པོ་དེའི་སངས་རྒྱས་ཀྱི་ཞིང་དེ་ནི་མཉམ་པ། ཐ་གྲུ་ཆེ་བ། ཡངས་པ། ལག་མཐིལ་ལྟར་མཉམ་པར་གྱུར་པ། ལྷའི་སྤོས་ཀྱི་ཤིང་ལྗོན་པ་རྣམས་ཀྱིས་རབ་ཏུ་བརྒྱན་པ། སྤོས་གཙང་ཞིང་སྐྱོན་མེད་པ་
དང་། ལྷའི་སྤོས་དང་། མེ་ཏོག་གིས་རབ་ཏུ་བརྒྱན་པ། ལྷའི་རོལ་མོའི་སྒྲ་སྐད་དང་། གླུའི་ང་རོ་འབྱུང་བ། ལྷའི་རིན་པོ་ཆེའི་དྲིལ་བུ་གཡེར་ཀའི་དྲ་བས་ལེགས་པར་བརྒྱན་པ། ལྷའི་རིན་པོ་ཆེའི་སེང་གེའི་ཁྲིས་མཛེས་པར་བྱས་པ། ལྷའི་རིན་པོ་ཆེའི་རྫིང་
གིས་རབ་ཏུ་བརྒྱན་པ། ས་གཞི་འཇམ་ཞིང་སྙི་བ། རི་དང་། རྡོ་དང་། གསེག་མ་དང་། ཚེར་མ་མེད་པ། བུད་མེད་ཀྱི་དངོས་པོ་མེད་པ། ཉེ་བའི་ཉོན་མོངས་པ་མེད་པ། ཕྱིར་མི་ལྡོག་པའི་བྱང་ཆུབ་སེམས་དཔའི་སར་གྱུར་པའོ། །བྱང་ཆུབ་

94-1-252b

སེམས་དཔའ་དེ་དག་ཐམས་ཅད་ཀྱང་པད་མའི་སྙིང་པོའི་སེང་གེའི་ཁྲི་ལ་རྫུས་ཏེ་བྱུང་བ། ལྷའི་རིན་པོ་ཆེའི་རྒྱན་དང་གོས་ཀྱིས་ལུས་ལེགས་པར་བརྒྱན་པ་ཤ་སྟག་གོ། སངས་རྒྱས་ཀྱི་ཞིང་དེ་ན་བསམས་མ་ཐག་པ་ཙམ་གྱིས་གོས་དང་། ཟས་
དང་། སྐོམ་དང་། མལ་ཆ་དང་། སྤོས་དང་། མེ་ཏོག་དང་། ཕྲེང་བ་དང་། རྒྱན་དང་། བྱང་ཆུབ་སེམས་དཔའི་ལོངས་སྤྱོད་ཐམས་ཅད་དང་། སེམས་ཅན་གྱི་འཚོག་ཆས་ཐམས་ཅད་དང་། ལྷའི་རིན་པོ་ཆེའི་ལོངས་སྤྱོད་ཐམས་ཅད་འབྱུང་སྟེ། 
དེའི་ཕྱིར་འཇིག་རྟེན་གྱི་ཁམས་དེ་རིན་པོ་ཆེ་དང་ལྡན་པ་ཞེས་བྱའོ། །འཇམ་དཔལ་དེ་ལྟ་བས་ན་དད་པའི་རིགས་ཀྱི་བུ་འམ། རིགས་ཀྱི་བུ་མོ་འམ། རྒྱལ་པོ་འམ། རྒྱལ་བུ་དག་གིས་བཅོམ་ལྡན་འདས་དེ་བཞིན་གཤེགས་པ་རིན་པོ་ཆེ་དང་། ཟླ་བ་དང་། 
པད་མས་རབ་ཏུ་བརྒྱན་པ་མཁས་པ་གཟི་བརྗིད་སྒྲ་དབྱངས་ཀྱི་རྒྱལ་པོ་དེའི་མཚན་ཉིན་ལན་གསུམ། མཚན་ལན་གསུམ་དུ་ཡིད་ལ་བྱ། རབ་ཏུ་གུས་པར་གཟུང་བར་བྱ། དད་པར་བྱ། དེ་བཞིན་གཤེགས་པ་དེའི་སྐུ་གཟུགས་ཀྱང་བྱེད་དུ་
བཞུག །མེ་ཏོག་དང་། བདུག་པ་དང་། སྤོས་དང་། ཕྲེང་བ་དང་། བྱུག་པ་དང་། རོལ་མོའི་སྒྲ་དང་། མར་མེ་རྣམས་ཀྱིས་མཆོད་པར་བྱ། ཡན་ལག་བརྒྱད་པའི་བསྙེན་གནས་ལ་ཉེ་བར་གནས་ལ། ཉིན་བདུན་གཙང་མར་བྱས་ཏེ་ས་ཕྱོགས་གཙང་
མར་གནས་པར་བྱ། སངས་རྒྱས་ཀྱི་ཞིང་དེར་སྐྱེ་བར་སྨོན་ལམ་གདབ་ཅིང་སེམས་ཅན་ཐམས་ཅད་ལ་བྱམས་པ་དང་། སྙིང་རྗེ་བའི་སེམས་སུ་བྱས་ན། དེ་ལ་དེ་བཞིན་གཤེགས་པ་དེ་དགོངས་པར་འགྱུར་རོ། །བྱང་ཆུབ་སེམས་དཔའ་
སེམས་དཔའ་ཆེན་པོ་རྣམས་ཀྱང་སེམས་པར་འགྱུར་རོ། །སྡིག་པ་ཐམས་ཅད་དང་ལས་ཀྱི་སྒྲིབ་པ་ཐམས་ཅད་ཀྱང་ཡོངས་སུ་བྱང་བར་འགྱུར་རོ། །བྱང་ཆུབ་ཀྱི་སེམས་ཡིད་ལ་བྱེད་པ་དང་མི་འབྲལ་བར་འགྱུར་རོ། །འདོད་ཆགས་དང་། ཞེ་སྡང་
དང་། གཏི་མུག་སྲབས་པར་འགྱུར་རོ། །ཡུན་རིང་དུ་འཚོ་ཞིང་ནད་མེད་པར་འགྱུར་རོ། །གང་བསམས་པའི་བསམ་པ་དེ་ཐམས་ཅད་ཡོངས་སུ་རྫོགས་པར་འགྱུར་རོ། །འཐབ་པ་དང་། འཐབ་མོ་དང་། རྩོད་པ་དང་། འགྱེད་པ་

94-1-253a

ཐམས་ཅད་རབ་ཏུ་ཞི་བར་འགྱུར་རོ། །འདི་ནས་ཤི་འཕོས་ནས་སྡིག་པ་ཐམས་ཅད་ཟད་པར་འགྱུར་ཏེ། སངས་རྒྱས་ཀྱི་ཞིང་དེར་པད་མའི་སྙིང་པོའི་སེང་གེའི་ཁྲི་ལ་རྫུས་ཏེ་སྐྱེ་བར་འགྱུར་རོ། །སྐྱེས་མ་ཐག་ཏུ་ཏིང་ངེ་འཛིན་དང་། གཟུངས་
ཀྱི་སྒོ་རྣམས་མངོན་དུ་འགྱུར་རོ། །འཇམ་དཔལ་བཅོམ་ལྡན་འདས་དེ་བཞིན་གཤེགས་པ་དེའི་མཚན་འཛིན་པ་འདི་ནི་དེ་ལྟར་ཡོན་ཏན་མང་པོ་དང་ལྡན་པ་ཡིན་ནོ། །འཇམ་དཔལ་ཤར་ཕྱོགས་ལོགས་སུ་སངས་རྒྱས་ཀྱི་ཞིང་འདི་ནས་སངས་རྒྱས་ཀྱི་ཞིང་གང་གཱའི་
ཀླུང་ལྔའི་བྱེ་མ་སྙེད་འདས་པ་ན་འཇིག་རྟེན་གྱི་ཁམས་སྤོས་ཀྱིས་ཡོངས་གང་རིན་ཆེན་བརྩེགས་པ་ན། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་གསེར་བཟངས་དྲི་མེད་རིན་ཆེན་སྣ་བརྟུལ་ཞུགས་གྲུབ་པ་ཞེས་བྱ་བ་
བཞུགས་ཏེ། འཚོ་ཞིང་གཞེས་ལ་ཆོས་ཀྱང་སྟོན་ཅིང་བྱང་ཆུབ་སེམས་དཔའ་བྱེ་བ་ཁྲག་ཁྲིག་བརྒྱ་སྟོང་དུ་མས་ཀུན་ནས་བསྐོར་བ་ཡོད་དོ། །འཇམ་དཔལ་བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་
རྒྱས་དེ་སྔོན་བྱང་ཆུབ་སེམས་དཔའི་སྤྱད་པ་སྤྱོད་པ་ན་སྨོན་ལམ་ཆེན་པོ་བཞི་བཏབ་བོ། །བཞི་གང་ཞེ་ན། དེའི་སྨོན་ལམ་ཆེན་པོ་དང་པོ་ནི་གང་གི་ཚེ་བདག་མ་འོངས་པའི་དུས་ན་བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་སངས་
རྒྱས་པ་དེ་ན། སེམས་ཅན་གང་དག་སྲོག་གཅོད་པ། སྲོག་གཅོད་པའི་མི་དགེ་བའི་ལས་རྣམ་པ་སྣ་ཚོགས་བྱེད་པ། སྲོག་ཆགས་རྣམ་པ་སྣ་ཚོགས་ཀྱི་སྲོག་གཅོད་པ་དེ་དག་སྲོག་གཅོད་པ་བྱས་པས་ཚེ་ཐུང་ཞིང་ནད་མང་བ་དང་། ཆུ་དང་། 
དུག་དང་། མཚོན་དང་། མེ་དང་། ནད་སྣ་ཚོགས་ཀྱིས་འཆི་བར་འགྱུར་བ་དེ་དག་གིས་བདག་གི་མིང་ཐོས་ནས་འཛིན་པ་དང་། མཆོད་པས་ལས་ཀྱི་སྒྲིབ་པ་དེ་ཡོངས་སུ་བྱང་སྟེ་ཚེ་རིང་བར་གྱུར་ཅིག །ནད་མེད་པར་གྱུར་ཅིག །སུ་ཡང་དུས་མ་ཡིན་
པར་འཆི་བས་འཆི་བའི་དུས་བྱེད་པར་མ་གྱུར་ཅིག་ཅེས་བཏབ་བོ། །དེའི་སྨོན་ལམ་ཆེན་པོ་གཉིས་པ་ནི་གང་གི་ཚེ་བདག་མ་འོངས་པའི་དུས་ན་བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་སངས་རྒྱས་པ་དེ་ན་

94-1-253b

སེམས་ཅན་གང་དག་སྡིག་པ་མི་དགེ་བ་སྣ་ཚོགས་བྱས་ཏེ། གཞན་གྱི་རྫས་ཕྲོགས་པས་དབུལ་པོའི་ཁྱིམ་དུ་སྐྱེས་ཏེ། སྒྲེན་མོ་དང་། བཀྲེས་པ་དང་། སྐོམ་པས་ལུས་ཡོངས་སུ་གདུངས་ཤིང་སྡུག་བསྔལ་མྱོང་བ་དེ་དག་གིས་བདག་གི་
མིང་ཐོས་ནས་བཟུང་བས་བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་སངས་རྒྱས་ཀྱི་བར་དུ་སྡིག་པ་ཐམས་ཅད་བྱང་བར་གྱུར་ཅིག །ཕྱུག་སུམ་ཤིང་མ་ཚང་བ་མེད་པ་ཐོབ་པར་གྱུར་ཅིག་ཅེས་བཏབ་བོ། །དེའི་སྨོན་ལམ་ཆེན་པོ་
གསུམ་པ་ནི་གང་གི་ཚེ་བདག་མ་འོངས་པའི་དུས་ན་བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་སངས་རྒྱས་པ་དེ་ན། སེམས་ཅན་གང་དག་གཅིག་ལ་གཅིག་ཀུན་དུ་གནོད་སེམས་དང་ལྡན་ཞིང་ཕན་ཚུན་སྲོག་
གཅོད་པ་བྱེད་པ་དང་། འཐབ་པ་དེ་དག་གིས་བདག་གི་མིང་ཐོས་པས་བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་སངས་རྒྱས་ཀྱི་བར་དུ་ཕན་ཚུན་ཕ་མ་ལྟར་བྱམས་པ་ལ་གནས་པར་གྱུར་ཅིག་ཅེས་བཏབ་བོ། །
དེའི་སྨོན་ལམ་ཆེན་པོ་བཞི་པ་ནི་གང་གི་ཚེ་བདག་མ་འོངས་པའི་དུས་ན་བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་སངས་རྒྱས་པ་དེ་ན། སེམས་ཅན་གང་དག་འདོད་ཆགས་དང་། ཞེ་སྡང་དང་། གཏི་མུག་གིས་
བསྒྲིབས་ཏེ་ཚུལ་ཁྲིམས་འཆལ་བར་གྱུར་པ་དེ་དག་སྡིག་པ་ཀུན་ཏུ་སྤྱོད་དེ། དེ་བཞིན་གཤེགས་པའི་བསླབ་པ་དྲལ་བས་ངན་སོང་གསུམ་དུ་ལྟུང་བ་དང་། སེམས་ཅན་དམྱལ་བར་འགྲོ་བར་འགྱུར་བ་དེ་དག་བདག་གི་མཐུས་བདག་
གི་མིང་ཐོས་ནས་བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་སངས་རྒྱས་ཀྱི་བར་དུ་ལས་ཀྱི་སྒྲིབ་པ་ཐམས་ཅད་ཡོངས་སུ་བྱང་བར་གྱུར་ཅིག །ཉེ་བའི་ཉོན་མོངས་རྣམས་དང་བྲལ་བར་གྱུར་ཅིག་
ཚུལ་ཁྲིམས་ཡང་དག་པར་འཛིན་ཅིང་། ལུས་དང་། ངག་དང་། ཡིད་སྡོམ་པ་ལ་གནས་པར་གྱུར་ཅིག །བྱང་ཆུབ་ཀྱི་སེམས་ཡིད་ལ་བྱེད་པ་དང་མི་འབྲལ་བར་གྱུར་ཅིག་ཅེས་བཏབ་སྟེ། འཇམ་དཔལ་བཅོམ་ལྡན་འདས་

94-1-254a

དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་གསེར་བཟངས་དྲི་མེད་རིན་ཆེན་སྣང་བརྟུལ་ཞུགས་གྲུབ་པ་དེ་སྔོན་བྱང་ཆུབ་སེམས་དཔའི་སྤྱད་པ་སྤྱོད་པ་ན་སྨོན་ལམ་ཆེན་པོ་བཞི་པོ་དེ་དག་བཏབ་བོ། །འཇམ་
དཔལ་བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་དེའི་སངས་རྒྱས་ཀྱི་ཞིང་དེ་ནི་ས་གཞི་ལ་རིན་པོ་ཆེའི་སྤོས་སྣ་ཚོགས་གནས་པ། ཙན་དན་སྦྲུལ་གྱི་སྙིང་པོའི་དྲི་དང་ལྡན་པ་མཉམ་པ། ཡངས་པ་
ཐ་གྲུ་ཆེ་བ། ཙན་དན་སྦྲུལ་གྱི་སྙིང་པོའི་དྲིའི་ཤིང་ལྗོན་པས་མཛེས་པར་བྱས་པ། ལྷའི་ནོར་བུ་དང་། མུ་ཏིག་གི་རྒྱན་ཕྲེང་དང་། རིན་པོ་ཆེ་དཔྱངས་པ། ལྷའི་ནོར་བུ་རིན་པོ་ཆེའི་རྫིང་སྤོས་ཆུས་ཡོངས་སུ་གང་བས་མཛེས་པར་བྱས་པ། དར་གྱི་ལྡ་ལྡི་
བྲེས་ཤིང་དཔྱངས་པ། རིན་པོ་ཆེའི་སྐུད་པས་མིག་མངས་རིས་སུ་བྲེས་པ། ཉེ་བའི་ཉོན་མོངས་པ་དང་བྲལ་བ། སྡུག་བསྔལ་དང་ཡིད་མི་བདེ་བ་མེད་པ། བུད་མེད་ཀྱི་དངོས་པོ་མེད་པ། བྱང་ཆུབ་སེམས་དཔའ་དག་པ་རྣམས་ཀྱིས་རོལ་
མོའི་སྒྲ་དང་། སིལ་སྙན་དང་། གླུ་དབྱངས་མ་བླངས་པར་སྒྲ་འབྱུང་བ། སིལ་སྙན་དེ་དག་ལས་དངོས་པོ་མེད་པའི་ངོ་བོ་ཉིད་ཀྱི་སྒྲ་དང་། ཐེག་པ་ཆེན་པོའི་གཏམ་གྱི་སྒྲ་འབྱུང་བ། སྒྲ་དེ་ཐོས་པས་སེམས་ཅན་ཐམས་ཅད་སངས་རྒྱས་ཀྱི་བྱང་
ཆུབ་ལས་ཕྱིར་མི་ལྡོག་པར་འགྱུར་བའོ། །འཇམ་དཔལ་བཅོམ་ལྡན་འདས་དེའི་སྔོན་གྱི་སྨོན་ལམ་གྱི་ཐབས་མཁས་པ་དང་། སངས་རྒྱས་ཀྱི་ཞིང་གི་ཡོན་ཏན་བཀོད་པ་ཕུན་སུམ་ཚོགས་པ་ནི་དེ་ལྟ་བུའོ། །བཅོམ་ལྡན་འདས་དེ་བཞིན་གཤེགས་
པ་གསེར་བཟང་དྲི་མེད་རིན་ཆེན་སྣ་བརྟུལ་ཞུགས་གྲུབ་པ་དེས་བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་སངས་རྒྱས་ནས་སྔོན་གྱི་སྨོན་ལམ་གྱི་སྟོབས་ཀྱིས་བྱང་ཆུབ་ཀྱི་ཤིང་དྲུང་དུ་བཞུགས་ཏེ། སེམས་ཅན་འདོད་ཆགས་དང་། 
ཞེ་སྡང་དང་། གཏི་མུག་གིས་བསྒྲིབས་པ་རྣམས་གཟིགས་ཤིང་། ནད་སྣ་ཚོགས་ཀྱིས་ལུས་གཟིར་བ། འཆི་བ་དང་། དགྲ་དང་། དགོན་པས་གནོད་པར་གྱུར་པ། ཚེ་བསྐལ་པར་ཐུབ་པའི་སེམས་ཅན་དམྱལ་བར་གཞོལ་

94-1-254b

བའི་སེམས་ཅན་རྣམས་གཟིགས་ནས་སེམས་ཅན་དེ་དག་གི་དོན་དང་། སངས་རྒྱས་ཀྱི་བྱང་ཆུབ་ལ་དགོད་པ་དང་། ལས་ཀྱི་སྒྲིབ་པ་ཐམས་ཅད་ཡོངས་སུ་ཟད་པར་བྱ་བའི་ཕྱིར་གཟུངས་སྔགས་ཀྱི་གཞི་འདི་དག་གསུངས་སོ། །ཏདྱ་ཐཱ། སིདྡྷེ་སིདྡྷེ། 
སུ་སིདྡྷེ། མོ་ཙ་ནི། མོ་ཀ་ནི། བི་མུ་ཀྟེ། བི་མུཀྟེ། ཨ་མ་ལེ། བི་མ་ལེ་མཱྃ་ག་ལྱེ། ཧི་ར་ཎྱ་གརྦྷེ། རཏྣ་གརྦྷེ། སརྦ་ཨརྠ་སཱ་དྷ་ནི། པ་ར་མ་ཨརྠ་སཱ་དྷ་ནི། མ་ན་སེ། མ་ཧཱ་མ་ན་སེ། ཨདྦྷུ་ཏེ། ཨད་ཏྱདྦྷུ་ཏེ། བཱི་ཏ་བྷ་ཡེ། 
སུ་བརྞྞེ། བྲཧྨ་གྷོ་ཥེ། བྲཧྨ་དྷྱུ་ཥི་ཏེ། སརྦ་ཨརྠྠེ་ཥུ་ཨ་པ་རཱ་ཛི་ཏེ། སརྦ་ཏྲ་ཨ་པྲ་ཏི་ཧ་ཏ། ཙ་ཏུ་ཥྵ་ཥྛི་བྷུ་ཏ་ཀོ་ཊི་བྷཱ་ཥི་ཏེ། ན་མཿ སརྦ་ཏ་ཐཱ་ག་ཏཱ་ནཱྃ་སྭཱ་ཧཱ། བཅོམ་ལྡན་འདས་ཀྱིས་གཟུངས་འདི་གསུངས་པ་ན་བྱང་ཆུབ་སེམས་
དཔའི་འཁོར་འདུས་པ་ཐམས་ཅད་དང་། བརྒྱ་བྱིན་དང་། ཚངས་པ་དང་། འཇིག་རྟེན་སྐྱོང་བ་ཐམས་ཅད་ཀྱིས་བཅོམ་ལྡན་འདས་དེ་ལ་ལེགས་སོ་ཞེས་བྱ་བ་གསོལ་ཏེ། བཅོམ་ལྡན་འདས་ཁྱོད་ཀྱིས་སེམས་ཅན་ཐམས་ཅད་ལ་ཐུགས་
བརྩེ་བའི་སླད་དུ་སྡིག་པ་ཐམས་ཅད་བསལ་བ་དང་། ནད་ཐམས་ཅད་རབ་ཏུ་ཞི་བར་བགྱི་བ་དང་། རེ་བ་ཐམས་ཅད་ཡོངས་སུ་བསྐང་བའི་སླད་དུ་གཟུངས་སྔགས་ཀྱི་ཚིག་འདི་ལྟ་བུ་འདི་དག་བཀའ་སྩལ་པ་ལེགས་སོ་ལེགས་སོ། །བཅོམ་ལྡན་
འདས་ཀྱིས་བཀའ་སྩལ་པ། གྲོགས་པོ་དག་རིགས་ཀྱི་བུ་འམ། རིགས་ཀྱི་བུ་མོ་འམ། རྒྱལ་པོ་འམ། རྒྱལ་བུ་འམ། དགེ་བསྙེན་ནམ། དགེ་བསྙེན་མ་ཡོན་ཏན་དོན་དུ་གཉེར་བ་གང་སུ་འང་རུང་སྟེ། གཟུངས་ཀྱི་ཚིག་འདི་དག་འཛིན་པ་དང་། 
ཀློག་པ་དང་། ཀུན་ཆུབ་པར་བྱེད་པ་དང་། དད་པར་བྱེད་པ་དང་། ཉིན་ལན་གསུམ་མཚན་ལན་གསུམ་དུ་སེམས་ཅན་ཐམས་ཅད་ལ་སྙིང་རྗེ་བའི་སེམས་ཡིད་ལ་བྱེད་པ་དང་། མེ་ཏོག་དང་། བདུག་པ་དང་། སྤོས་དང་། མར་མེ་
རྣམས་ཀྱིས་མཆོད་པ་གཙང་མར་བྱས་ཏེ། འཕགས་པའི་ལམ་ཡན་ལག་བརྒྱད་དང་ལྡན་པར་བྱས་ན་དེའི་མཚམས་མེད་པ་ལྔ་ལ་སོགས་པ་སྡིག་པ་ཐམས་ཅད་ཡོངས་སུ་བྱང་བར་འགྱུར། འདི་ནས་ཤི་འཕོས་ནས་འཇིག་རྟེན་གྱི་

94-1-255a

ཁམས་དེར་སྐྱེ་བར་འགྱུར་ཏེ། པད་མའི་སྙིང་པོ་སེང་གེའི་ཁྲི་ལ་རྫུས་ཏེ་སྐྱེ་བར་འགྱུར། ནད་ཐམས་ཅད་རབ་ཏུ་ཞི་བར་འགྱུར། འཆི་བ་དང་། དགྲ་དང་། དགོན་པའི་གནོད་པ་ཐམས་ཅད་རབ་ཏུ་ཞི་བར་འགྱུར། འཆི་བའི་དུས་
ཀྱི་ཚེ་ཡང་དེ་བཞིན་གཤེགས་པས་དགོངས་པར་འགྱུར། རེ་བ་དང་བསམ་པ་ཐམས་ཅད་ཡོངས་སུ་རྫོགས་པར་འགྱུར་རོ། །འཇམ་དཔལ་ཤར་ཕྱོགས་ལོགས་སུ་འཇིག་རྟེན་གྱི་ཁམས་གང་གཱའི་ཀླུང་བདུན་གྱི་བྱེ་མ་སྙེད་འདས་པ་ན་
འཇིག་རྟེན་གྱི་ཁམས་མྱ་ངན་མེད་པ་ན། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་མྱ་ངན་མེད་མཆོག་དཔལ་ཞེས་བྱ་བ་བཞུགས་ཏེ་འཚོ་ཞིང་གཞེས་ལ་ཆོས་ཀྱང་སྟོན་པ་ཡོད་དོ། །འཇམ་དཔལ་བཅོམ་ལྡན་
འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་མྱ་ངན་མེད་མཆོག་དཔལ་དེའི་སངས་རྒྱས་ཀྱི་ཞིང་དེ་ནི་ལག་མཐིལ་ལྟར་མཉམ་པ་ཐ་གྲུ་ཆེ་བ། ཡངས་པ། མྱ་ངན་དང་། ངན་སོང་དང་། སྡུག་བསྔལ་གྱི་སྒྲ་མེད་པ། 
བུད་མེད་ཀྱི་དངོས་པོ་མེད་པ། ས་གཞི་འཇམ་ཞིང་ཤིན་ཏུ་སྙི་བ། ལྷའི་སྤོས་ཀྱིས་བདུགས་པ། ལྷའི་ནོར་བུ་རིན་པོ་ཆེའི་ཤིང་ལྗོན་པས་མཛེས་པར་བྱས་པ། ལྷའི་འཛམ་བུ་ཆུ་བོ་གསེར་གྱི་རྫིང་སྤོས་ཆུས་ཡོངས་སུ་གང་བ། རིན་པོ་
ཆེ་སྣ་བདུན་གྱི་ཤིང་ལྗོན་པ་དང་། མེ་ཏོག་དང་། འབྲས་བུ་དང་ལྡན་པ། ལྷའི་རོལ་མོའི་སྒྲ་དང་། སིལ་སྙན་གྱི་སྒྲ་དང་ལྡན་པ་སྟེ། འཇམ་དཔལ་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་འོད་
དཔག་མེད་ཀྱི་སངས་རྒྱས་ཀྱི་ཞིང་འཇིག་རྟེན་གྱི་ཁམས་བདེ་བ་ཅན་ཇི་ལྟ་བ་བཞིན་དུ། འཇམ་དཔལ་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་མྱ་ངན་མེད་མཆོག་དཔལ་གྱི་སངས་རྒྱས་ཀྱི་ཞིང་དེ་ཡི་
ཡོན་ཏན་བཀོད་པ་ཡང་དེ་འདྲའོ། །འཇམ་དཔལ་བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་མྱ་ངན་མེད་མཆོག་དཔལ་དེ་སྔོན་བྱང་ཆུབ་སེམས་དཔའི་སྤྱད་པ་སྤྱོད་པ་ན་སྨོན་ལམ་ཆེན་པོ་

94-1-255b

བཞི་བཏབ་བོ། །བཞི་གང་ཞེ་ན། དེའི་སྨོན་ལམ་ཆེན་པོ་དང་པོ་ནི་གང་གི་ཚེ་བདག་མ་འོངས་པའི་དུས་ན་བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་སངས་རྒྱས་པ་དེ་ན་སེམས་ཅན་གང་དག་མྱ་ངན་དང་། 
སྡུག་བསྔལ་དང་། ཡིད་མི་བདེ་བ་དང་། འཁྲུག་པ་མང་བ། སྡུག་བསྔལ་རྣམ་པ་སྣ་ཚོགས་མྱོང་བ་དེར་སེམས་ཅན་གང་དག་གིས་བདག་གི་མིང་ཐོས་ལ། ཐོས་ནས་ཀྱང་ཡིད་ལ་བྱེད་པ་དེ་དག་བདག་གི་མཐུས་མྱ་ངན་དང་། སྡུག་
བསྔལ་དང་། ཡིད་མི་བདེ་བ་དང་། འཁྲུག་པ་ཐམས་ཅད་རབ་ཏུ། ཞི་བར་གྱུར་ཅིག །སུ་ཡང་སྡུག་པ་དང་བྲལ་བའི་སྡུག་བསྔལ་མྱོང་བར་མ་གྱུར་ཅིག །ཚེ་རིང་པོར་གྱུར་ཅིག་ཅེས་བཏབ་བོ། །དེའི་སྨོན་ལམ་ཆེན་པོ་གཉིས་པ་ནི་གང་
གི་ཚེ་བདག་མ་འོངས་པའི་དུས་ན་བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་སངས་རྒྱས་པ་དེ་ན་སེམས་ཅན་གང་དག་སྡིག་པ་མི་དགེ་བ་རྣམ་པ་སྣ་ཚོགས་བྱས་ཏེ། སེམས་ཅན་དམྱལ་བ་ཆེན་པོ་བསྟིར་མེད་པ་ཆེན་པོ་
མུན་པ་མུན་ནག་ཅན་དུ་སྐྱེས་པ་དེ་དག་ལ་བདག་གི་མཐུས་བདག་གི་ལུས་ལས་འོད་ཟེར་གྱི་སྣང་བ་འདི་ལྟ་བུ་བྱུང་སྟེ་སེམས་ཅན་དམྱལ་བ་པ་དེ་དག་ལ་རེག་ཅིང་མཐོང་མ་ཐག་ཏུ་སྡིག་པ་ཐམས་ཅད་བྱང་ནས་སེམས་ཅན་དམྱལ་བ་ཆེན་པོའི་སྡུག་
བསྔལ་དེ་དག་ལས་ཡོངས་སུ་ཐར་བར་གྱུར་ཅིག །སྡུག་བསྔལ་གྱི་ཚོར་བ་ཐམས་ཅད་རྒྱུན་ཆད་པར་གྱུར་ཅིག །བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་སངས་རྒྱས་ཀྱི་བར་དུ། ལྷ་དང་མིའི་བདེ་བ་མྱོང་
བར་གྱུར་ཅིག་ཅེས་བཏབ་བོ། །དེའི་སྨོན་ལམ་ཆེན་པོ་གསུམ་པ་ནི་གང་གི་ཚེ་བདག་མ་འོངས་པའི་དུས་ན་བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་སངས་རྒྱས་པ་དེ་ན། སེམས་ཅན་གང་དག་སྔོན་སྡིག་པ་
མི་དགེ་བ་བྱས་ཏེ། གཞན་གྱི་རྫས་ཕྲོགས་པས་དབུལ་པོ་དམན་པའི་ཁྱིམ་དུ་སྐྱེས་ནས་གོས་དང་། བཟའ་བ་དང་། བཏུང་བ་དང་། མལ་ཆ་དང་། རྒྱན་མི་བདོག་པ། གྲང་བ་དང་། ཚ་བའི་སྡུག་བསྔལ་མྱོང་བ། བཀྲེས་པ་དང་། སྐོམ་པས་ལུས་

94-1-256a

གཟིར་ཅིང་མདོག་ངན་པ་དེ་དག་གིས་བདག་གི་མིང་ཐོས་ནས་བརྗོད་པས་བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་སངས་རྒྱས་ཀྱི་བར་དུ་བགོ་བ་དང་། བཟའ་བ་དང་། བཏུང་བ་དང་། 
མལ་ཆ་ཐམས་ཅད་ལ་ཡོངས་སུ་སྤྱོད་པར་གྱུར་ཅིག །ལུས་ལ་ལྷའི་ལུས་ཀྱི་ཁ་དོག་གིས་བརྒྱན་པར་གྱུར་ཅིག་ཅེས་བཏབ་བོ། །དེའི་སྨོན་ལམ་ཆེན་པོ་བཞི་པ་ནི། གང་གི་ཚེ་བདག་མ་འོངས་པའི་དུས་ན། བླ་ན་མེད་པ་ཡང་
དག་པར་རྫོགས་པའི་བྱང་ཆུབ་མངོན་པར་རྫོགས་པར་སངས་རྒྱས་པ་དེ་ན། སེམས་ཅན་གང་དག་གནོད་སྦྱིན་དང་། སྲིན་པོ་དང་། འབྱུང་པོ་དང་ཤ་ཟ་རྣམས་ཀྱིས་གཙོས་ཤིང་མདངས་ཕྲོགས་ཏེ་ནད་ཀྱི་སྡུག་བསྔལ་སྣ་ཚོགས་
མྱོང་བ་དེ་དག་གིས་བདག་གི་མིང་ཐོས་ནས་བདག་གི་མཐུས་བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་སངས་རྒྱས་ཀྱི་བར་དུ་གནོད་སྦྱིན་དང་། སྲིན་པོ་དང་། འབྱུང་པོ་དང་། ཤ་ཟ་མདངས་འཕྲོག་པ་ཐམས་ཅད་རབ་
ཏུ་ཞི་བར་གྱུར་ཅིག །བྱམས་པ་ལ་གནས་པར་གྱུར་ཅིག་ནད་ཀྱི་སྡུག་བསྔལ་སྣ་ཚོགས་ལས་ཡོངས་སུ་ཐར་བར་གྱུར་ཅིག་ཅེས་བཏབ་སྟེ། འཇམ་དཔལ་བཅོམ་ལྡན་འདས་དེས་སྨོན་ལམ་ཆེན་པོ་བཞི་པོ་དེ་དག་བཏབ་བོ། །འཇམ་དཔལ་
གང་དག་གིས་བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་མྱ་ངན་མེད་མཆོག་དཔལ་དེའི་མཚན་ཐོས་ཏེ་ཉིན་ལན་གསུམ་མཚན་ལན་གསུམ་བརྗོད་པ་དང་། སེམས་ཅན་ཐམས་ཅད་
ལ་བྱམས་པར་གནས་པར་བྱ་སྟེ། དེ་བཞིན་གཤེགས་པ་དེ་ལ་ཡང་མཆོད་པ་བྱེད་པ་དེ་དག་གི་ལས་ཀྱི་སྒྲིབ་པ་ཐམས་ཅད་ཡོངས་སུ་བྱང་བར་འགྱུར། མྱ་ངན་དང་། སྡུག་བསྔལ་དང་། ཡིད་མི་བདེ་བ་དང་། འཁྲུག་པ་ཐམས་ཅད་ལས་ཡོངས་སུ་
ཐར་བར་འགྱུར་རྟག་ཏུ་ནད་མེད་པ་དང་ལྡན་པར་འགྱུར། ཡུན་རིང་དུ་འཚོ་ཞིང་ནད་ཐམས་ཅད་ལས་ཡོངས་སུ་ཐར་བར་འགྱུར། བྱང་ཆུབ་ཀྱི་མཐར་ཐུག་གི་བར་དུ་ལོག་པར་ལྟུང་བར་འགྲོ་བར་མི་འགྱུར། སྐྱེ་བ་དྲན་པར་འགྱུར། དེ་བཞིན་གཤེགས་པ་དེའི་

94-1-256b

སངས་རྒྱས་ཀྱི་ཞིང་དུ་རིན་པོ་ཆེ་སྣ་བདུན་གྱི་པད་མའི་ཁྲི་ལ་རྫུས་ཏེ་སྐྱེ་བར་འགྱུར། ལྷ་ཐམས་ཅད་ཀྱིས་རྗེས་སུ་བསྲུང་བར་འགྱུར་ཏེ། འཇམ་དཔལ་བཅོམ་ལྡན་འདས་དེའི་མཚན་ཐོས་པ་ནི་དེ་ལྟར་ཡོན་ཏན་མང་པོ་དང་ལྡན་ནོ། །འཇམ་དཔལ་བཅོམ་ལྡན་
འདས་དེའི་སངས་རྒྱས་ཀྱི་ཞིང་གི་ཡོན་ཏན་བཀོད་པ་ཕུན་སུམ་ཚོགས་པ་དང་། བྱང་ཆུབ་སེམས་དཔའི་སྔོན་གྱི་སྨོན་ལམ་གྱི་ཁྱད་པར་རྒྱས་པ་གང་ཡིན་པ་དེ་ནི་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རྣམས་
མ་གཏོགས་པར། ཉན་ཐོས་དང་། རང་སངས་རྒྱས་ཐམས་ཅད་ཀྱིས་བརྗོད་པར་མི་ནུས་སོ། །འཇམ་དཔལ་ཤར་ཕྱོགས་ལོགས་སུ་སངས་རྒྱས་ཀྱི་ཞིང་གང་གཱའི་ཀླུང་བརྒྱད་ཀྱི་བྱེ་མ་སྙེད་འདས་པ་ན་འཇིག་རྟེན་གྱི་ཁམས་ཆོས་ཀྱི་རྒྱལ་
མཚན་ན། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཆོས་བསྒྲགས་རྒྱ་མཚོའི་དབྱངས་ཤེས་བྱ་བ་བཞུགས་ཏེ་འཚོ་ཞིང་བཞེས་ལ་ཆོས་ཀྱང་སྟོན་པ་ཡོད་དོ། །འཇམ་དཔལ་བཅོམ་ལྡན་འདས་
དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཆོས་བསྒྲགས་རྒྱ་མཚོའི་དབྱངས་དེའི་སངས་རྒྱས་ཀྱི་ཞིང་དེ་ནི་ཤིན་ཏུ་ཡོངས་སུ་དག་པ། མཉམ་པ། དྲི་མ་མེད་པ། འོད་གསལ་བ། ཨནྡ་རྙིལ་གྱི་རང་བཞིན་ཅན། 
རྩིག་པ་དང་། ར་བ་དང་། སྐར་ཁུང་དང་། རྟ་བབས་དང་། དྲ་བ་དང་། བ་གམ་ཤེལ་ལས་གྲུབ་པ། ས་གཞི་ལྷའི་རིན་པོ་ཆེའི་ཤིང་ལྗོན་པས་མཛེས་པར་བྱས་པ་གསེར་གྱི་སྐུད་པ་མིག་མངས་རིས་སུ་བྲེས་པ། རིན་པོ་ཆེའི་ཤིང་ལྗོན་
པ་ཐམས་ཅད་ལ་ཡང་དྲིལ་བུ་གཡེར་ཀའི་དྲ་བས་བྲེས་ཤིང་དཔྱངས་པ། ལྷའི་དར་གྱི་ལྡ་ལྡི་དང་། ལྷའི་མེ་ཏོག་དང་། སྤོས་ཀྱིས་མཛེས་པར་བྱས་པ། རིན་པོ་ཆེ་སྣ་བདུན་གྱི་རྫིང་ལྷའི་སྤོས་ཆུས་ཡོངས་སུ་གང་བ། དྲིལ་
བུ་གཡེར་ཀའི་དྲ་བ་དེ་དག་ཀྱང་རླུང་གིས་བསྐྱོད་ཅིང་བསྒུལ་ན། ལྷའི་ཡིད་ཏུ་འོང་བ་སེམས་ཅན་ཐམས་ཅད་ཡང་དག་པར་དགའ་བར་བྱེད་པ། དངོས་པོ་མེད་པའི་ངོ་བོ་ཉིད་ཀྱི་ཆོས་ཀྱི་སྒྲ་སྐད་འབྱུང་བ། ལྷའི་སིལ་སྙན་དང་། རོལ་མོ་རྣམས་ལས་ཐེག་པ་ཆེན་པོའི་ཆོས་ཀྱི་སྒྲ་སྐད་འབྱུང་བ། 

94-1-257a

སིལ་དང་། མོའི་རྣམས་ཐེག་ཆེན་ཆོས་སྒྲ་འབྱུང་དང་། སེམས་ཅན་གང་དག་གིས་ཆོས་ཀྱི་སྒྲ་དེ་ཐོས་པ་དེ་དག་འདོད་ཆགས་དང་། ཞེ་སྡང་དང་། གཏི་མུག་དང་བྲལ་བར་འགྱུར་བ། བྱང་ཆུབ་ཀྱི་སེམས་མི་བརྗེད་པ་ཞེས་བྱ་བའི་ཏིང་ངེ་འཛིན་ཐོབ་པར་འགྱུར་བའོ། །འཇམ་དཔལ་འཇིག་རྟེན་གྱི་ཁམས་
དེ་ནི་ངན་སོང་དང་སྡུག་བསྔལ་གྱི་སྒྲ་མེད་པ། ཉེ་བའི་ཉོན་མོངས་པ་མེད་པ། བུད་མེད་ཀྱི་དངོས་པོ་མེད་པའོ། །བཅོམ་ལྡན་འདས་དེ་སྔོན་བྱང་ཆུབ་སེམས་དཔའི་སྤྱད་པ་སྤྱོད་པ་ན་སྨོན་ལམ་ཆེན་པོ་བཞི་བཏབ་བོ། །བཞི་གང་ཞེ་ན། དེའི་སྨོན་ལམ་ཆེན་
པོ་དང་པོ་ནི་གང་གི་ཚེ་བདག་མ་འོངས་པའི་དུས་ན། བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་སངས་རྒྱས་པ་དེ་ན། སེམས་ཅན་གང་དག་ལོག་པར་ལྟ་བ་ཅན་གྱི་ཁྱིམ་དུ་སྐྱེས་པ། སངས་རྒྱས་དང་། ཆོས་དང་། 
དགེ་འདུན་ལ་སེམས་མ་དད་པ། བྱང་ཆུབ་ཀྱི་སེམས་ཡིད་ལ་བྱེད་པ་ལས་རིང་དུ་གྱུར་པ་དེ་དག་གིས་བདག་གི་མིང་ཐོས་ན། བདག་གི་མཐུས་ལས་ཀྱི་སྒྲིབ་པ་དེ་ཟད་པར་གྱུར་ནས་བྱང་ཆུབ་ཀྱི་མཐར་ཐུག་གི་བར་དུ་ཡང་དག་པའི་ལྟ་བ་ཅན་དུ་གྱུར་ཅིག །
སངས་རྒྱས་དང་། ཆོས་དང་། དགེ་འདུན་ལ་དད་པ་མི་ཕྱེད་པ་དང་ལྡན་པར་གྱུར་ཅིག །བྱང་ཆུབ་ཀྱི་སེམས་ཡིད་ལ་བྱེད་པ་ལས་ཕྱིར་མི་ལྡོག་པར་གྱུར་ཅིག་ཅེས་བཏབ་བོ། །དེའི་སྨོན་ལམ་ཆེན་པོ་གཉིས་པ་ནི་གང་གི་ཚེ་བདག་མ་
འོངས་པའི་དུས་ན་བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་སངས་རྒྱས་པ་དེ་ན། སེམས་ཅན་གང་དག་གང་ན་སངས་རྒྱས་ཀྱི་སྒྲ་མི་གྲག་པ་དང་། ཆོས་ཀྱི་སྒྲ་མི་གྲག་པ། དགེ་འདུན་གྱི་སྒྲ་མི་གྲག་པ། 
ཡུལ་མཐའ་འཁོབ་དག་ཏུ་སྐྱེས་ཏེ། མི་དགེ་བའི་བཤེས་གཉེན་གྱི་རྒྱུས་སྡིག་པའི་ལས་བྱེད་པ་དེ་དག་དེ་ནས་ཤི་འཕོས་ནས་ངན་སོང་གསུམ་དུ་ལྟུང་ཞིང་དགེ་བའི་ཆོས་རྣམས་ལས་ཡོངས་སུ་ཉམས་པར་འགྱུར་བ་དེ་དག་ལ་བདག་གི་
མཐུས་བདག་གི་མིང་རྣ་ལམ་དུ་གྲག་ཅིང་ཆོས་ཀྱི་སྤྲིན་དང་། རྒྱ་མཚོའི་སྒྲ་འབྱུང་བར་གྱུར་ཅིག །དེ་དག་གིས་ཆོས་ཀྱི་སྒྲ་དེ་ཐོས་ནས་སྔོན་གྱི་ལས་ཟད་པར་གྱུར་ཅིག །བྱང་ཆུབ་ཀྱི་མཐར་ཐུག་གི་བར་དུ་བྱང་ཆུབ་ཀྱི་སེམས་ཡིད་ལ་བྱེད་

94-1-257b

པ་དང་མི་འབྲལ་བར་གྱུར་ཅིག་ཅེས་བཏབ་བོ། །དེའི་སྨོན་ལམ་ཆེན་པོ་གསུམ་པ་ནི་གང་གི་ཚེ་བདག་མ་འོངས་པའི་དུས་ན་བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་སངས་རྒྱས་པ་དེ་ན། སེམས་ཅན་གང་དག་གོས་དང་། རྒྱན་
དང་། སྤོས་དང་། ཕྲེང་བ་དང་། བྱུག་པ་དང་། མལ་ཆ་དང་། ན་བའི་གསོས་སྨན་དང་བྲལ་ཞིང་མི་ལྡན་པའི་དབང་གིས་སྡུག་བསྔལ་མྱོང་ཞིང་སྡིག་པ་བྱེད་པ་དེ་དག་བདག་གི་མཐུས་གོས་དང་། རྒྱན་དང་། སྤོས་དང་། ཕྲེང་བ་དང་། བྱུག་པ་དང་། 
མལ་ཆ་དང་། ན་བའི་གསོས་སྨན་དང་། ཡོངས་སུ་སྤྱད་པ་དང་། ལོངས་སྤྱོད་རྣམས་བསམས་མ་ཐག་ཏུ་འབྱུང་ཞིང་མི་ལྡན་པ་མེད་པར་གྱུར་ཅིག །བྱང་ཆུབ་ཀྱི་མཐར་ཐུག་གི་བར་དུ་སུ་ཡང་མི་ལྡན་པ་མེད་པར་གྱུར་ཅིག་ཅེས་བཏབ་བོ། །དེའི་
སྨོན་ལམ་ཆེན་པོ་བཞི་པ་ནི་གང་གི་ཚེ་བདག་མ་འོངས་པའི་དུས་ན་བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་སངས་རྒྱས་པ་དེ་ན། སེམས་ཅན་གང་དག་སྔོན་གྱི་ལས་ཀྱི་རྣམ་པར་སྨིན་པས་ཕན་ཚུན་འཐབ་མོ་དང་། 
འཐབ་པ་དང་། རྩོད་པ་དང་། འགྱེད་པར་གྱུར་ཅིང་གཅིག་ལ་གཅིག་གནོད་པ་བྱ་བ་དང་། གསད་པར་བྱ་བའི་ཕྱིར་བརྟུལ་བ། མཚོན་དང་། མདའ་དང་། དབྱུག་པ་དག་གིས་བསྣུན་པ་དེ་ན་གང་དག་གིས་དེའི་ཚེ་བདག་གི་མིང་ཐོས་
ཤིང་ཡིད་ལ་གནས་པ་དེ་དག་བདག་གི་མཐུས་བདག་གི་མིང་ཡིད་ཀྱིས་བརྗོད་ན་མདའ་དང་། མཚོན་དང་། དབྱུག་པ་ལ་སོགས་པ་སླར་ལོག་པར་གྱུར་ཅིག །ཕྱིར་ཕྱོགས་པར་གྱུར་ཅིག །དགྲ་ཐམས་ཅད་ཀྱང་བྱམས་པ་ལ་
གནས་པར་གྱུར་ཅིག །སུའི་སྲོག་གི་དབང་པོ་ཡང་འགག་པར་མ་གྱུར་ཅིག །བྱང་ཆུབ་ཀྱི་མཐར་ཐུག་གི་བར་དུ་རང་རང་གི་རྫས་དང་། ལོངས་སྤྱོད་དང་། དབང་ཕྱུག་དག་གིས་ཆོག་ཤེས་པར་གྱུར་ཅིག་ཅེས་བཏབ་སྟེ། 
འཇམ་དཔལ་བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཆོས་བསྒྲགས་རྒྱ་མཚོའི་དབྱངས་དེ་སྔོན་བྱང་ཆུབ་སེམས་དཔའི་སྤྱད་པ་སྤྱོད་པ་ན་སྨོན་ལམ་ཆེན་པོ་བཞི་པོ་དེ་དག་
94-1-258a

བཏབ་བོ། །འཇམ་དཔལ་གང་ལ་ལ་ཞིག་བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཆོས་བསྒྲགས་རྒྱ་མཚོའི་དབྱངས་དེའི་མཚན་ཐོས་པ་དང་། འཛིན་པ་དང་། 
དད་པར་བྱེད་པ་དང་། རབ་ཏུ་གུས་པར་མཆོད་པ་བྱེད་པ་དེ་སྡིག་པ་ཐམས་ཅད་ཡོངས་སུ་བྱང་ནས་སངས་རྒྱས་ཀྱི་བྱང་ཆུབ་ལས་ཕྱིར་མི་ལྡོག་པར་འགྱུར། ཚེ་རབས་ཐམས་ཅད་དུ་ཚེ་རབས་དྲན་པར་འགྱུར། ནམ་དུ་ཡང་བྱང་
ཆུབ་ཀྱི་སེམས་ཡིད་ལ་བྱེད་པ་དང་མི་འབྲལ་བར་འགྱུར། སྐྱེ་བ་ཐམས་ཅད་ཏུ་དེ་བཞིན་གཤེགས་པ་དང་ཕྲད་པར་འགྱུར། རྟག་ཏུ་ནད་མེད་ཅིང་ཚེ་རིང་བར་འགྱུར། འདི་ནས་ཤི་འཕོས་ནས་ཀྱང་འཇིག་རྟེན་གྱི་ཁམས་དེར་སྐྱེས་པར་འགྱུར། 
གཞན་ཡང་ལོག་པར་ལྟུང་བར་འགྲོ་བར་མི་འགྱུར། གང་དང་གང་ཏུ་སྐྱེ་བར་བསམས་མ་ཐག་ཏུ་གོས་དང་། རྒྱན་དང་། སྤོས་དང་། ཕྲེང་བ་དང་། བྱུག་པ་དང་། མལ་ཆ་དང་། ན་བའི་གསོས་སྨན་དང་། ཡོ་བྱད་དང་། 
ལོངས་སྤྱོད་དང་། དབང་ཕྱུག་དང་ལྡན་པར་འགྱུར་རོ། །འཇམ་དཔལ་བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཆོས་བསྒྲགས་རྒྱ་མཚོའི་དབྱངས་དེའི་མཚན་འཛིན་པ་དང་ཉན་
པ་དེ་ནི་དེ་ལྟར་ཡོན་ཏན་མང་པོ་དག་དང་ལྡན་ནོ། །འཇམ་དཔལ་ཤར་ཕྱོགས་ལོགས་སུ་སངས་རྒྱས་ཀྱི་ཞིང་འདི་ནས་སངས་རྒྱས་ཀྱི་ཞིང་གང་གཱའི་ཀླུང་དགུའི་བྱེ་མ་སྙེད་འདས་པ་ན་འཇིག་རྟེན་གྱི་ཁམས་རིན་པོ་ཆེའི་རྒྱ་མཚོར་ལེགས་པར་
གནས་པ་ན་བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཆོས་རྒྱ་མཚོ་མཆོག་གི་བློས་རྣམ་པར་རོལ་པ་མངོན་པར་མཁྱེན་པ་ཞེས་བྱ་བ་བཞུགས་ཏེ། འཚོ་ཞིང་གཞེས་ལ་ཆོས་ཀྱང་སྟོན་
པ་ཡོད་དོ། །འཇམ་དཔལ་བཅོམ་ལྡན་འདས་དེ་སྔོན་བྱང་ཆུབ་སེམས་དཔའི་སྤྱད་པ་སྤྱོད་པ་ན་སྨོན་ལམ་ཆེན་པོ་བཞི་བཏབ་བོ། །བཞི་གང་ཞེ་ན། དེའི་སྨོན་ལམ་ཆེན་པོ་དང་པོ་ནི་གང་གི་ཚེ་བདག་མ་འོངས་པའི་དུས་ན་བླ་ན་མེད་པ་ཡང་དག་

94-1-258b

པར་རྫོགས་པའི་བྱང་ཆུབ་མངོན་པར་རྫོགས་པར་སངས་རྒྱས་པ་དེའི་ཚེ། བདག་བྱང་ཆུབ་ཐོབ་པ་ན། སེམས་ཅན་གང་སུ་དག་ཞིང་བླས་དང་། ས་འོན་འདེབས་པ་དང་། ཚོང་བྱེད་པ་དང་། འཐབ་མོ་དང་། རྩོད་པ་ལ་སྤྲོ་བ་དང་། སྡིག་པའི་ལས་
བྱེད་པ་དེ་དག་ཐམས་ཅད་ཀྱིས། བདག་གི་མིང་ཐོས་ནས་བདག་གི་མཐུས་བསམས་མ་ཐག་ཏུ་འཚོག་ཆས་ཐམས་ཅད་འབྱོར་པར་གྱུར་ཅིག །གནོད་སེམས་མང་བར་མ་གྱུར་ཅིག །རྟག་ཏུ་དགེ་བའི་ཆོས་སྤྱོད་པར་གྱུར་ཅིག་ཅེས་བཏབ་བོ། །དེའི་སྨོན་ལམ་
ཆེན་པོ་གཉིས་པ་ནི་གང་གི་ཚེ་བདག་མ་འོངས་པའི་དུས་ན་བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་སངས་རྒྱས་པ་དེའི་ཚེ་བདག་བྱང་ཆུབ་ཐོབ་པ་ན། སེམས་ཅན་གང་སུ་དག་མི་དགེ་བ་བཅུའི་ལས་ཀྱི་ལམ་ཡང་དག་པར་བླངས་ཏེ། ཡང་དག་པར་བླངས་
པས་སེམས་ཅན་དམྱལ་བར་འགྲོ་བར་འགྱུར་བ་དེ་དག་གིས་བདག་གི་མིང་ཐོས་ནས། བདག་གི་མཐུས་དགེ་བ་བཅུའི་ལས་ཀྱི་ལམ་དང་ལྡན་པར་གྱུར་ཅིག །སེམས་ཅན་གང་ཡང་སེམས་ཅན་དམྱལ་བར་འགྲོ་བར་མ་གྱུར་ཅིག་ཅེས་བཏབ་བོ། །དེའི་
སྨོན་ལམ་ཆེན་པོ་གསུམ་པ་ནི་གང་གི་ཚེ་བདག་མ་འོངས་པའི་དུས་ན། བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་སངས་རྒྱས་པ་དེའི་ཚེ། བདག་བྱང་ཆུབ་ཐོབ་པ་ན། སེམས་ཅན་གང་ཇི་སྙེད་ཅིག་གཞན་གྱི་དབང་
དུ་སོང་སྟེ། ཆད་པས་བཅད་པ་དང་། བརྡེག་པ་དང་། གོ་རར་གཞུག་པ་དང་། གསད་པར་འོས་པ་དེ་དག་གིས་བདག་གི་མིང་ཐོས་ནས། བདག་གི་འོད་ཀྱིས་བྱང་ཆུབ་ཀྱི་མཐར་ཐུག་གི་
བར་དུ་བཅིང་བ་དང་། བརྡེག་པ་དེ་དག་རྒྱུན་ཆད་པར་གྱུར་ཅིག་ཅེས་བཏབ་བོ། །དེ་བྱང་ཆུབ་སེམས་དཔའི་སྤྱད་པ་སྤྱོད་པའི་ཚེ། སྨོན་ལམ་ཆེན་པོ་བཞི་པ་ནི། གང་གི་ཚེ་བདག་མ་འོངས་པའི་དུས་
ན་བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་སངས་རྒྱས་པ་དེའི་ཚེ་བདག་བྱང་ཆུབ་ཐོབ་པ་ན། སེམས་ཅན་གང་སུ་དག་ཚེ་ཐུང་བར་འགྱུར་བའི་སྡིག་པ་མི་དགེ་བ་རྣམ་པ་སྣ་ཚོགས་བྱས་ཏེ་འཆི་བར་འགྱུར་བ་དེ་དག་འཆི་

94-1-259a

བའི་དུས་ཀྱི་ཚེ། བདག་གི་མིང་རྣ་ལམ་དུ་གྲག་པར་གྱུར་ཅིག །དེ་དག་གིས་བདག་གི་མིང་ཐོས་ནས་བདེ་འགྲོ་མཐོ་རིས་ཀྱི་འཇིག་རྟེན་དུ་སྐྱེ་བར་གྱུར་ཅིག །བྱང་ཆུབ་ཀྱི་མཐར་ཐུག་གི་བར་དུ་ལྷ་དང་མིའི་བདེ་བ་མྱོང་བར་གྱུར་
ཅིག །སྡིག་པའི་ལས་ཐམས་ཅད་ཡོངས་སུ་བྱང་བར་གྱུར་ཅིག་ཅེས་བཏབ་སྟེ། འཇམ་དཔལ་བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཆོས་རྒྱ་མཚོ་མཆོག་གི་བློས་རྣམ་པར་རོལ་
པ་མངོན་པར་མཁྱེན་པ་དེ་སྔོན་བྱང་ཆུབ་སེམས་དཔའི་སྤྱད་པ་སྤྱོད་པ་ན། སྨོན་ལམ་ཆེན་པོ་བཞི་པོ་དེ་དག་བཏབ་བོ། །འཇམ་དཔལ་འཇིག་རྟེན་གྱི་ཁམས་རིན་པོ་ཆེའི་རྒྱ་མཚོར་ལེགས་པར་གནས་པ་དེའི་སངས་རྒྱས་ཀྱི་ཞིང་གི་ཡོན་
ཏན་བཀོད་པ་ནི་འཇིག་རྟེན་གྱི་ཁམས་རིན་པོ་ཆེ་དང་ལྡན་པ་ན་ཅི་འདྲ་བ་ཡོད་པ་དེ་འདྲའོ། །འཇམ་དཔལ་གཞན་ཡང་རིགས་ཀྱི་བུ་འམ། རིགས་ཀྱི་བུ་མོ་གང་ལ་ལ་ཞིག་གིས་ཡང་དག་པར་རྫོགས་པའི་སངས་རྒྱས་བདུན་
པོ་དེ་དག་གི་མཚན་ཐོས་ལ་ཐོས་ནས་ཀྱང་འཛིན་པ་དང་། ནང་པར་ལངས་ནས་ཡིད་ལ་བྱེད་པ་དང་། དད་པར་བྱེད་པ་དང་། མེ་ཏོག་དང་། བདུག་པ་དང་། སྤོས་དང་། ཕྲེང་བ་དང་། བྱུག་པ་དང་། རོལ་མོའི་སྒྲ་དང་། སིལ་
སྙན་དང་། ཕེག་རྡོབ་པ་དག་གིས་མཆོད་པ་དང་། གླེགས་བམ་ལ་བྲིས་ཏེ་འཆང་བ་དང་། ཆོས་ཀྱི་རྣམ་གྲངས་འདི་ཡི་གེར་འདྲི་བ་དང་། ཡི་གེར་འདྲིར་འཇུག་པ་དང་། སེམས་བཏུད་དེ་གཞན་ལས་ཉན་པ་དང་། ཆོས་སྨྲ་བ་དེ་དག་
ལ་ཡང་འཚོག་ཆས་དང་། ཡོ་བྱད་ཐམས་ཅད་ཀྱིས་མཆོད་པར་བྱེད་པ་དེ་སངས་རྒྱས་ཐམས་ཅད་ཀྱིས་བྱིན་གྱིས་བརླབས་པར་འགྱུར་ཏེ། སངས་རྒྱས་ཀྱི་བྱང་ཆུབ་ཀྱི་བར་དུ་མངོན་པར་རྫོགས་པར་འཚང་རྒྱ་བར་འགྱུར་རོ།། །།
འཕགས་པ་དེ་བཞིན་གཤེགས་པ་བདུན་གྱི་སྔོན་གྱི་སྨོན་ལམ་གྱི་ཁྱད་པར་རྒྱས་པ། བམ་པོ་གཉིས་པ་སྟེ་ཐ་མ། འཇམ་དཔལ་ཤར་ཕྱོགས་ལོགས་སུ་སངས་རྒྱས་ཀྱི་ཞིང་འདི་ནས་སངས་རྒྱས་ཀྱི་ཞིང་གང་གཱའི་ཀླུང་བཅུའི་བྱེ་མ་སྙེད་འདས་པ་ན། 

94-1-259b

རྟེན་གྱི་ཁམས་བཻ་དཱུརྱར་སྣང་བཞེས་བྱ་བ་ཡོད་དེ། དེ་ན་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རིག་པ་དང་ཞབས་སུ་ལྡན་པ། བདེ་བར་གཤེགས་པ། འཇིག་རྟེན་མཁྱེན་པ། སྐྱེས་བུ་འདུལ་བའི་ཁ་ལོ་
སྒྱུར་བ་བླ་ན་མེད་པ། ལྷ་དང་མི་རྣམས་ཀྱི་སྟོན་པ། སངས་རྒྱས་བཅོམ་ལྡན་འདས་སྨན་གྱི་བླ་བཻ་དཱུརྱའི་འོད་ཅེས་བྱ་བ་བཞུགས་སོ། །འཇམ་དཔལ་བཅོམ་ལྡན་འདས་དེ་བཞིན་གཤེགས་པ་སྨན་གྱི་བླ་བཻ་དཱུརྱའི་འོད་དེ་
སྔོན་བྱང་ཆུབ་སེམས་དཔའི་སྤྱད་པ་སྤྱོད་པ་ན་སྨོན་ལམ་ཆེན་པོ་བཅུ་གཉིས་པོ་འདི་དག་བཏབ་བོ། །བཅུ་གཉིས་གང་ཞེ་ན། དེའི་སྨོན་ལམ་ཆེན་པོ་དང་པོ་ནི་གང་གི་ཚེ་བདག་མ་འོངས་པའི་དུས་ན་བླ་ན་མེད་པ་ཡང་དག་པར་རྫོགས་པའི་བྱང་
ཆུབ་མངོན་པར་རྫོགས་པར་སངས་རྒྱས་པ་དེའི་ཚེ། བྱང་ཐོབ་ན། བདག་གི་ལུས་ཀྱི་འོད་ཀྱིས་འཇིག་རྟེན་གྱི་ཁམས་གྲངས་མེད་དཔག་ཏུ་མེད་ཅིང་དཔག་གིས་མི་ལང་བ་དག་ལམ་མེ་ལྷན་ནེ་ལྷང་ངེར་གྱུར་ཅིག །སེམས་ཅན་ཐམས་ཅད་སྐྱེས་བུ་ཆེན་པོའི་མཚན་
སུམ་ཅུ་རྩ་གཉིས་དང་། དཔེ་བྱད་བཟང་པོ་བརྒྱད་བཅུས་ལེགས་པར་བརྒྱན་པར་གྱུར་ཏེ། བདག་ཅི་འདྲ་བ་བཞིན་དུ་སེམས་ཅན་ཐམས་ཅད་ཀྱང་དེ་འདྲ་བར་གྱུར་ཅིག་ཅེས་བཏབ་བོ། །དེའི་སྨོན་ལམ་ཆེན་པོ་གཉིས་པ་ནི་གང་གི་ཚེ་བདག་མ་འོངས་པའི་
དུས་ན། བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་སངས་རྒྱས་པ་དེའི་ཚེ་བདག་བྱང་ཆུབ་ཐོབ་པ་ན། ལུས་ནོར་བུ་རིན་པོ་ཆེ་བཻ་དཱུརྱ་ཅི་འདྲ་བ་དེ་འདྲ་བར་ཕྱི་ནང་ཤིན་ཏུ་ཡོངས་སུ་དག་པ་དང་། དྲི་མ་མེད་པ་འོད་གསལ་བ་དང་། 
ཁོ་ལ་ཡངས་ཤིང་ཆེ་བ་དང་། དཔལ་དང་གཟི་བརྗིད་འབར་བ་དང་། ལེགས་པར་གནས་པ་དང་། ཉི་མ་དང་ཟླ་བ་བས་ལྷག་པའི་འོད་ཟེར་གྱི་དྲ་བ་རྣམས་ཀྱིས་ལེགས་པར་བརྒྱན་པར་གྱུར་ཅིག །དེ་ན་སེམས་ཅན་གང་དག་འཇིག་རྟེན་གྱི་བར་དག་ཏུ་
སྐྱེས་པ་དག་དང་། གང་དག་ཡང་མིའི་འཇིག་རྟེན་འདི་ན་མཚན་མོ་མུན་པ་མུན་ནག་གི་ནང་ན་ཕྱོགས་ཐ་དད་པར་འགྲོ་བ་དེ་དག་བདག་གི་འོད་ཀྱིས་ཕྱོགས་དགའ་མགུར་འགྲོ་བར་གྱུར་ཅིག །བའི་ལས་རྣམས་ཀྱང་བྱེད་པར་གྱུར་ཅིག་ཅེས་བཏབ་བོ། །

94-1-260a

དེའི་སྨོན་ལམ་ཆེན་པོ་གསུམ་པ་ནི་གང་གི་ཚེ་བདག་མ་འོངས་པའི་དུས་ན་བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་སངས་རྒྱས་པ་དེའི་ཚེ། བདག་བྱང་ཆུབ་ཐོབ་པ་ན། བདག་གི་ཤེས་རབ་དང་ཐབས་
དཔག་ཏུ་མེད་པས་སེམས་ཅན་གྱི་ཁམས་དཔག་གིས་མི་ལང་བ་དག་ལོངས་སྤྱོད་མི་ཟད་པ་དང་ལྡན་པར་གྱུར་ཏེ། སུ་ཡང་ཅེས་ཀྱང་བྲེལ་བ་མེད་པར་གྱུར་ཅིག་ཅེས་བཏབ་བོ། །དེའི་སྨོན་ལམ་ཆེན་པོ་བཞི་པ་ནི་གང་གི་ཚེ་བདག་མ་འོངས་པའི་
དུས་ན་བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་སངས་རྒྱས་པ་དེའི་ཚེ། བདག་བྱང་ཆུབ་ཐོབ་པ་ན། སེམས་ཅན་གང་དག་ལམ་ངན་པར་ཞུགས་པ་དེ་དག་བྱང་ཆུབ་ཀྱི་ལམ་ལ་དགོད་པར་བྱའོ། །ཉན་ཐོས་
ཀྱི་ལམ་དུ་ཞུགས་པ་དང་། རང་སངས་རྒྱས་ཀྱི་ལམ་དུ་ཞུགས་པ་དེ་དག་ཐམས་ཅད་ནི་ཐེག་པ་ཆེན་པོ་ལ་གཟུང་བར་བྱའོ་ཞེས་བཏབ་བོ། །དེའི་སྨོན་ལམ་ཆེན་པོ་ལྔ་པ་ནི་གང་གི་ཚེ་བདག་མ་འོངས་པའི་དུས་ན་བླ་ན་མེད་པ་ཡང་དག་
པར་རྫོགས་པའི་བྱང་ཆུབ་མངོན་པར་རྫོགས་པར་སངས་རྒྱས་པ་དེའི་ཚེ། བདག་བྱང་ཆུབ་ཐོབ་པ་ན། སེམས་ཅན་གང་དག་བདག་གི་གན་ན་ཚངས་པར་སྤྱད་པ་སྤྱོད་པ་དང་། དེ་བཞིན་དུ་སེམས་ཅན་གཞན་དཔག་ཏུ་མེད་ཅིང་། དཔག་
གིས་མི་ལང་བ་དེ་དག་ཐམས་ཅད་ཀྱང་བདག་གི་མིང་ཐོས་ནས། བདག་གི་མཐུས་སྡོམ་པ་གསུམ་གྱིས་བསྡམས་པ་དང་། ཚུལ་ཁྲིམས་ཉམས་པ་མེད་པར་གྱུར་ཅིག །སུ་ཡང་ཚུལ་ཁྲིམས་ལོག་པར་ཞུགས་ཏེ་ངན་འགྲོར་འགྲོ་
བར་མ་གྱུར་ཅིག་ཅེས་བཏབ་བོ། །དེའི་སྨོན་ལམ་ཆེན་པོ་དྲུག་པ་ནི་གང་གི་ཚེ་བདག་མ་འོངས་པའི་དུས་ན་བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་སངས་རྒྱས་པ་དེའི་ཚེ། བདག་བྱང་ཆུབ་ཐོབ་པ་ན་སེམས་ཅན་
གང་སུ་དག་ལུས་ངན་པ་དང་། དབང་པོ་མ་ཚང་བ་དང་། མདོག་མི་སྡུག་པ་དང་། བེམས་པོ་དང་། ཡན་ལག་སྐྱོན་ཅན་དང་། སྒུར་པོ་དང་། ཤ་བཀྲ་ཅན་དང་། ཞར་བ་དང་། ལོང་བ་དང་། འོན་པ་དང་། སྨྱོན་པར་གྱུར་པ་དང་། གཞན་ཡང་གང་དག་ལུས་ལ་ནད་ཀྱིས་

94-1-260b

བཏབ་པོ་དེ་དག་གི་བདག་གི་མིང་ཐོས་ནས་ཐམས་ཅད་དབང་པོ་ཚང་ཞིང་ཡན་ལག་ཡོངས་སུ་རྫོགས་པར་གྱུར་ཅིག་ཅེས་བཏབ་བོ། །དེའི་སྨོན་ལམ་ཆེན་པོ་བདུན་པ་ནི་གང་གི་ཚེ་བདག་མ་འོངས་པའི་དུས་ན་བླ་ན་མེད་པ་ཡང་དག་པར་རྫོགས་པའི་
བྱང་ཆུབ་མངོན་པར་རྫོགས་པར་སངས་རྒྱས་པ་དེའི་ཚེ། བདག་བྱང་ཆུབ་ཐོབ་པ་ན། སེམས་ཅན་གང་སུ་དག་ནད་སྣ་ཚོགས་ཀྱིས་ལུས་ཡོངས་སུ་གཟིར་བ། སྐྱབས་མེད་པ། མགོན་མེད་པ། འཚོག་ཆས་དང་སྨན་མི་བདོག་པ། དཔུང་གཉེན་མེད་པ། དབུལ་བ། 
སྡུག་བསྔལ་བ་གང་དག་གི་རྣ་ལམ་དུ་བདག་གི་མིང་གྲག་པ་དེ་དག་གི་ནད་ཐམས་ཅད་རབ་ཏུ་ཞི་བར་གྱུར་ཅིག །བྱང་ཆུབ་ཀྱི་མཐར་ཐུག་གི་བར་དུ་ནད་མེད་ཅིང་གནོད་པ་མེད་པར་གནས་པར་གྱུར་ཅིག་ཅེས་བཏབ་བོ། །དེའི་སྨོན་ལམ་ཆེན་པོ་བརྒྱད་
པ་ནི་གང་གི་ཚེ་བདག་མ་འོངས་པའི་དུས་ན་བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་སངས་རྒྱས་པ་དེའི་ཚེ། བདག་བྱང་ཆུབ་ཐོབ་པ་ན། བུད་མེད་གང་ལ་ལ་བུད་མེད་ཀྱི་སྐྱོན་བརྒྱ་དག་གིས་ཀུན་ནས་ཉོན་མོངས་
པར་གྱུར་པ། བུད་མེད་ཀྱི་དངོས་པོ་ལ་སྨོད་པ། བུད་མེད་ཀྱི་སྐྱེ་གནས་ལས་ཡོངས་སུ་ཐར་བར་འདོད་པ་དེ་དག་བུད་མེད་ཀྱི་དངོས་པོ་ལས་ལོག་པར་གྱུར་ཅིག །བྱང་ཆུབ་ཀྱི་མཐར་ཐུག་གི་བར་དུ་སྐྱེས་པའི་དབང་པོ་འབྱུང་བར་གྱུར་ཅིག་ཅེས་བཏབ་བོ། 
།དེའི་སྨོན་ལམ་ཆེན་པོ་དགུ་པ་ནི་གང་གི་ཚེ་བདག་མ་འོངས་པའི་དུས་ན་བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་སངས་རྒྱས་པ་དེའི་ཚེ། བདག་བྱང་ཆུབ་ཐོབ་པ་ན་སེམས་ཅན་ཐམས་ཅད་བདུད་ཀྱི་ཞགས་པ་རྣམས་
ལས་ཡོངས་སུ་ཐར་བར་བྱེད་དོ། །ལྟ་བ་ཐ་དད་ཅིང་མི་མཐུན་པ་ཟིང་ཟིང་བས་མི་མཐུན་པར་གྱུར་པ་དག་ཡང་དག་པའི་ལྟ་བ་ལ་དགོད་པར་བྱའོ། །མཐར་གྱིས་བྱང་ཆུབ་སེམས་དཔའི་སྤྱོད་པ་བསྟན་པར་བྱའོ་ཞེས་བཏབ་
བོ། །དེའི་སྨོན་ལམ་ཆེན་པོ་བཅུ་པ་ནི་གང་གི་ཚེ་བདག་མ་འོངས་པའི་དུས་ན། བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་སངས་རྒྱས་པ་དེའི་ཚེ། བདག་བྱང་

94-1-261a

ཆུབ་ཐོབ་པ་ན། སེམས་ཅན་གང་སུ་དག་རྒྱལ་པོའི་འཇིགས་པས་སྐྲག་པ་དང་། གང་དག་བཅིང་བ་དང་། བརྡེག་པ་དང་། གོ་རར་གཞུག་པ་དང་། གསད་པར་འོས་པ། རྒྱུ་དུ་མས་ཀུན་དུ་གཙེས་པ། ང་རྒྱལ་དང་བྲལ་བ། ལུས་དང་
ངག་དང་སེམས་སྡུག་བསྔལ་གྱིས་ཉེན་པ་དེ་དག་བདག་གི་བསོད་ནམས་ཀྱི་མཐུས་གནོད་པ་ཐམས་ཅད་ལས་ཡོངས་སུ་ཐར་བར་གྱུར་ཅིག་ཅེས་བཏབ་བོ། །དེའི་སྨོན་ལམ་ཆེན་པོ་བཅུ་གཅིག་པ་ནི་གང་གི་ཚེ་བདག་མ་འོངས་པའི་དུས་ན་
བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་སངས་རྒྱས་པ་དེའི་ཚེ། བདག་བྱང་ཆུབ་ཐོབ་པ་ན། སེམས་ཅན་གང་སུ་དག་བཀྲེས་པ་དང་། སྐོམ་པའི་མེ་རབ་ཏུ་འབར་བ། ཁ་ཟས་ཚོལ་བ་ལ་རབ་ཏུ་བརྩོན་པ། 
སྡིག་པའི་ལས་བྱེད་པ་དེ་དག་བདག་གིས་ཁ་དོག་དང་། དྲི་དང་། རོར་ལྡན་པའི་ཁ་ཟས་ཀྱིས་ལུས་ཚིམ་པར་བྱས་ཏེ། ཕྱིས་ཆོས་ཀྱི་རོས་ཤིན་དུ་བདེ་བ་ལ་དགོད་པར་བྱའོ་ཞེས་བཏབ་བོ། །དེ་བཞིན་གཤེགས་པ་དེའི་སྨོན་ལམ་ཆེན་པོ་
བཅུ་གཉིས་པ་ནི་གང་གི་ཚེ་བདག་མ་འོངས་པའི་དུས་ན་བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་སངས་རྒྱས་པ་དེའི་ཚེ། སེམས་ཅན་གང་སུ་དག་སྒྲེན་མོ། །བགོ་བ་མེད་པ། དབུལ་བ། སྡུག་བསྔལ་བ། 
གྲང་བ་དང་། ཚ་བ་དང་། སྦྲང་བུ་དང་། ཤ་སྦྲང་དག་གིས་ཉིན་མཚན་དུ་སྡུག་བསྔལ་གྱི་ཚོར་བ་མྱོང་བ་དེ་དག་ལ་བདག་གིས་གོས་ཡོངས་སུ་སྤྱད་པར་འོས་པ། ཚོན་སྣ་ཚོགས་སུ་ཁ་སྒྱུར་བ་དག་སྦྱིན་པར་བྱའོ། །ཇི་ལྟར་འདོད་པ་བཞིན་དུ་རིན་པོ་ཆེའི་
རྒྱན་སྣ་ཚོགས་དང་། སྤུད་པ་དང་། ཕྲེང་བ་དང་། སྤོས་དང་། བྱུག་པ་དང་། རོལ་མོའི་སྒྲ་དང་། སིལ་སྙན་དང་། ཕེག་རྡོབ་པ་རྣམས་ཀྱིས་སེམས་ཅན་རྣམས་ཀྱི་བསམ་པ་ཐམས་ཅད་ཡོངས་སུ་རྫོགས་པར་གྱུར་ཅིག་ཅེས་བཏབ་སྟེ། འཇམ་དཔལ་བཅོམ་ལྡན་

94-1-261b

འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་སྨན་གྱི་བླ་བཻ་དཱུརྱའི་འོད་དེ་སྔོན་བྱང་ཆུབ་སེམས་དཔའི་སྤྱད་པ་སྤྱོད་པ་ན་སྨོན་ལམ་ཆེན་པོ་བཅུ་གཉིས་པོ་དེ་དག་བཏབ་པར་གྱུར་ཏོ། །འཇམ་དཔལ་དེ་བཞིན་གཤེགས་པ་སྨན་གྱི་བླ་བཻ་དཱུརྱའི་འོད་ཀྱི་
རྒྱལ་པོ་དེའི་སྨོན་ལམ་གང་ཡིན་པ་དང་། སངས་རྒྱས་ཀྱི་ཞིང་གི་ཡོན་ཏན་བཀོད་པ་གང་ཡིན་པ་དེ་ནི་བསྐལ་པ་འམ། བསྐལ་པ་ལས་ལྷག་པར་ཡང་ཟད་པར་བྱར་མི་ནུས་སོ། །སངས་རྒྱས་ཀྱི་ཞིང་དེ་ནི་ཤིན་ཏུ་ཡོངས་སུ་དག་པ་སྟེ། རྡོ་དང་། གསེག་མ་དང་། གྱོ་མོ་མེད་པ། འདོད་པའི་སྐྱོན་
མེད་པ། ངན་སོང་དང་སྡུག་བསྔལ་གྱི་སྒྲ་མེད་པ། བུད་མེད་ཀྱི་དངོས་པོ་མེད་པ་ས་རྡོ་དང་། རྩིག་པ་དང་། ར་བ་དང་། རྟ་བབས་དང་། སྐར་ཁུང་གི་དྲ་བ་དང་། བ་གམ་ནི་བཻ་དཱུརྱའི་རང་བཞིན་ཅན། ཀ་ཞུ་ནི་རིན་པོ་ཆེ་སྣ་བདུན་གྱི་རང་བཞིན་ཅན་ཏེ། འཇིག་རྟེན་གྱི་ཁམས་བདེ་བ་ཅན་ཅི་འདྲ་བ་བཞིན་
དུ་འཇིག་རྟེན་གྱི་ཁམས་བཻ་དཱུརྱར་སྣང་བའི་སངས་རྒྱས་ཀྱི་ཞིང་གི་ཡོན་ཏན་བཀོད་པ་ཡང་དེ་འདྲའོ། །འཇིག་རྟེན་གྱི་ཁམས་དེ་ན་བྱང་ཆུབ་སེམས་དཔའ་གྲངས་མེད་དཔག་ཏུ་མེད་པ་དེ་དག་གི་ནང་ནང་ན་བྱང་ཆུབ་སེམས་དཔའ་སེམས་དཔའ་ཆེན་པོ་གཙོ་བོ་གཉིས་ཡོད་དེ། གཅིག་
གི་མིང་ནི་ཉི་མ་ལྟར་རྣམ་པར་སྣང་བྱེད་ཅེས་བྱ། གཉིས་པའི་མིང་ནི་ཟླ་བ་ལྟར་རྣམ་པར་སྣང་བྱེད་ཅེས་བྱ་སྟེ། དེ་དག་ནི་བཅོམ་ལྡན་འདས་དེ་བཞིན་གཤེགས་པ་སྨན་གྱི་བླ་བཻ་དཱུརྱའི་འོད་དེའི་དམ་པའི་ཆོས་ཀྱི་མཛོད་འཛིན་པའོ། །འཇམ་དཔལ་དེ་ལྟ་བས་ན་དད་པའི་རིགས་ཀྱི་
བུ་འམ། རིགས་ཀྱི་བུ་མོས་སངས་རྒྱས་ཀྱི་ཞིང་དེར་སྐྱེ་བར་སྨོན་ལམ་ཐོབ་ཅིག །ཡང་བཅོམ་ལྡན་འདས་ཀྱིས་འཇམ་དཔལ་གཞོན་ནུར་གྱུར་པ་ལ་བཀའ་སྩལ་པ། འཇམ་དཔལ་སེམས་ཅན་སོ་སོའི་སྐྱེ་བོ་གང་དག་དགེ་བ་དང་། མི་དགེ་བ་མི་ཤེས་པ་དག་
ཡོད་དེ། དེ་དག་ནི་ཆགས་པའི་ཟིལ་གྱིས་ནོན་པ། སྦྱིན་པ་དང་། སྦྱིན་པའི་འབྲས་བུ་རྣམ་པར་སྨིན་པ་མི་ཤེས་པའོ། །དེ་དག་ནི་བྱིས་པ་གླེན་པ་དད་པའི་དབང་པོ་དང་བྲལ་བ། ནོར་སོགས་ཤིང་བསྲུང་བ་ལ་མངོན་པར་
བརྩོན་གྱི། སྦྱིན་པ་ཡང་དག་པར་འགེད་པ་ལ་དེ་དག་གི་སེམས་མི་འགྲོ་སྟེ། སྦྱིན་པའི་དུས་ཉེ་བར་གནས་པ་ན་རང་གི་ལུས་ཀྱི་ཤ་ལས་བཅད་པ་བཞིན་དུ་ཡིད་མི་དགའ་བར་འགྱུར་བའོ། །སེམས་ཅན་དེ་དག་ནི་བདག་ཉིད་ཀྱང་དུ་མ་

94-1-262a

ཡོངས་སུ་མི་སྤྱོད་ན། ཕ་མ་དང་། ཆུང་མ་དང་། བུ་དང་། བུ་མོ་ལ་མི་སྟེར་བ་ལྟ་སྨོས་ཀྱང་ཅི་དགོས། བྲན་ཕོ་དང་། བྲན་མོ་དང་། ལས་བྱེད་པ་རྣམས་ལ་ལྟ་སྨོས་ཀྱང་ཅི་དགོས། གཞན་སློང་བ་རྣམས་ལྟ་སྨོས་ཀྱང་ཅི་དགོས། 
སེམས་ཅན་དེ་ལྟ་བུ་དེ་དག་ནི་འདི་ནས་ཤི་འཕོས་ནས་ཡི་དགས་ཀྱི་འཇིག་རྟེན་དུ་སྐྱེ་བར་འགྱུར་རོ། །ཡང་ན་དུད་འགྲོའི་སྐྱེ་གནས་སུ་སྐྱེ་བར་འགྱུར་རོ། །དེ་ལ་གང་དག་སྔོན་མིར་གྱུར་པ་ན་བཅོམ་ལྡན་འདས་དེ་བཞིན་གཤེགས་པ་སྨན་གྱི་
བླ་བཻ་དཱུརྱའི་འོད་དེའི་མཚན་ཐོས་པར་གྱུར་པ་དེ་དག་ནི་གཤིན་རྗེའི་འཇིག་རྟེན་ན་གནས་ཀྱང་རུང་། དུད་འགྲོའི་སྐྱེ་གནས་ན་གནས་ཀྱང་རུང་སྟེ། དེར་དེ་བཞིན་གཤེགས་པ་དེའི་མཚན་མངོན་དུ་འགྱུར་ཞིང་དྲན་མ་ཐག་ཏུ་རིམ་གྱིས་དེ་ནས་
ཤི་འཕོས་ནས་ཡང་མིའི་འཇིག་རྟེན་དུ་སྐྱེ་བར་འགྱུར། ཚེ་རབས་དྲན་པར་འགྱུར་རོ། །ངན་འགྲོའི་འཇིགས་པས་སྐྲག་ནས་ཡང་འདོད་པའི་ཡོན་ཏན་དག་དོན་དུ་མི་གཉེར་བ་དང་། སྦྱིན་པ་ལ་མངོན་པར་དགའ་བ་དང་། སྦྱིན་པའི་བསྔགས་པ་
བརྗོད་པ་དང་། བདོག་པ་ཐམས་ཅད་ཡོངས་སུ་གཏོང་བར་འགྱུར་ཏེ། རིམ་གྱིས་རང་གི་མགོ་དང་། ལག་པ་དང་། རྐང་པ་དང་། མིག་དང་། ཤ་དང་། ཁྲག་ཀྱང་སློང་བ་རྣམས་ལ་རབ་ཏུ་སྦྱིན་པར་འགྱུར་ན། ནོར་གྱི་ཕུང་པོ་གཞན་ལྟ་སྨོས་ཀྱང་ཅི་དགོས། 
འཇམ་དཔལ་གཞན་ཡང་སེམས་ཅན་གང་དག་དེ་བཞིན་གཤེགས་པ་རྣམས་ཀྱི་བསླབ་པའི་གནས་འཛིན་པ་དག་ཡོད་དེ། དེ་དག་ཚུལ་ཁྲིམས་ལོག་པར་ཞུགས་ཤིང་ལྟ་བ་ལོག་པར་ཞུགས་ནས་གང་དག་ཚུལ་ཁྲིམས་དང་ལྡན་པ་དེ་དག་ནི་ཚུལ་ཁྲིམས་
ཙམ་བསྲུང་གི་མང་དུ་ཐོས་པ་ཡོངས་སུ་མི་ཚོལ་ཏེ། དེ་བཞིན་གཤེགས་པས་གསུངས་པའི་མདོ་སྡེ་རྣམས་ཀྱི་དོན་ཟབ་མོ་མི་ཤེས། གང་དག་མང་དུ་ཐོས་པ་དེ་དག་ནི་ལྷག་པའི་ང་རྒྱལ་ཅན་དུ་འགྱུར་ཏེ། ང་རྒྱལ་གྱིས་ནོན་པས་གཞན་
དག་ལ་ཕྲག་དོག་བྱེད་ཅིང་དམ་པའི་ཆོས་ལ་དབང་ཟ་བར་འགྱུར། སྤོང་བར་འགྱུར་རོ། །མི་བླུན་པོ་དེ་ལྟ་བུ་དེ་དག་ནི་བདུད་ཀྱི་ཕྱོགས་པ་སྟེ། བདག་ཀྱང་ལམ་ངན་པར་ཞུགས་ལ་སེམས་ཅན་གཞན་གང་བྱེ་བ་ཁྲག་ཁྲིག་བརྒྱ་སྟོང་དུ་མ་དག་ཀྱང་གཡང་

94-1-262b

ས་ཆེན་པོར་ལྟུང་བར་བྱེད་པའོ། །སེམས་ཅན་དེ་ལྟ་བུ་དེ་དག་ནི་སེམས་ཅན་དམྱལ་བ་མི་བཟད་པར་འགྲོ་བར་འགྱུར་རོ། །གང་དག་སྔོན་མིར་གྱུར་པ་ན་བཅོམ་ལྡན་འདས་དེ་བཞིན་གཤེགས་པ་སྨན་གྱི་བླ་བཻ་དཱུརྱའི་འོད་དེའི་མཚན་ཐོས་པར་
གྱུར་པ། དེ་དག་ནི་སེམས་ཅན་དམྱལ་བ་ན་གནས་ཀྱང་དེར་སངས་རྒྱས་ཀྱི་མཐུས་དེ་བཞིན་གཤེགས་པ་དེའི་མཚན་མངོན་དུ་འགྱུར་ཏེ། དེ་དག་དེ་ནས་ཤི་འཕོས་ནས་ཡང་མིའི་འཇིག་རྟེན་དུ་སྐྱེ་བར་འགྱུར། ཡང་དག་པའི་ལྟ་བ་ཅན་དང་། 
བརྩོན་འགྲུས་དང་ལྡན་པ་དང་། དགེ་བའི་བསམ་པ་ཅན་དུ་འགྱུར་རོ། །དེ་དག་ཁྱིམ་སྤངས་ཏེ་དེ་བཞིན་གཤེགས་པའི་བསྟན་པ་ལ་རབ་ཏུ་བྱུང་ནས་མཐར་གྱིས་བྱང་ཆུབ་སེམས་དཔའི་སྤྱད་པ་སྤྱོད་པར་འགྱུར་རོ། །འཇམ་དཔལ་གཞན་
ཡང་སེམས་ཅན་གང་དག་བདག་གི་བསྔགས་པ་བརྗོད་ཅིང་ཕྲག་དོག་གིས་གཞན་དག་ལ་མི་སྙན་པ་བརྗོད་པ་ཡོད་དེ། བདག་ལ་བསྟོད་ཅིང་གཞན་ལ་སྨོད་པའི་སེམས་ཅན་དེ་དག་ངན་སོང་གསུམ་པོ་དག་ཏུ་ལོ་སྟོང་ཕྲག་མང་པོར་སྡུག་
བསྔལ་མྱོང་བར་འགྱུར་རོ། །དེ་དག་ལོ་སྟོང་ཕྲག་དུ་མ་འདས་ནས་དེ་ནས་ཤི་འཕོས་ན་བ་ལང་དང་རྟ་དང་། རྔ་མོ་དང་། བོང་བུ་ལ་སོགས་པ་དུད་འགྲོའི་སྐྱེ་གནས་རྣམས་སུ་སྐྱེ་བར་འགྱུར། ལྕུག་ལྕག་དང་དབྱུག་ལྕག་རྣམས་
ཀྱིས་བརྡེག་པ་དང་། བཀྲེས་པ་དང་། སྐོམ་པས་ལུས་ཉེན་པ་དང་། ཁལ་ཆེན་པོ་བཀལ་ཏེ་ལམ་དུ་འགྲོ་བར་འགྱུར་རོ། །གལ་ཏེ་བརྒྱ་ལ་མིའི་རྙེད་པ་རྙེད་པ་ན་ཡང་རྟག་ཏུ་རིགས་དམའ་བ་རྣམས་ཀྱི་ནང་དུ་སྐྱེ་བར་འགྱུར། 
བྲན་དུ་འགྱུར་ཞིང་གཞན་གྱི་དབང་དུ་འགྱུར་རོ། །གང་དག་སྔོན་མིར་གྱུར་པ་ན། བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་སྨན་གྱི་བླ་བཻ་དཱུརྱའི་འོད་དེའི་མཚན་ཐོས་པར་གྱུར་པ་དེ་དག་ནི་དགེ་
བའི་རྩ་བ་དེས་སྡུག་བསྔལ་ཐམས་ཅད་ལས་ཡོངས་སུ་ཐར་བར་འགྱུར། དབང་པོ་རྣོ་བར་འགྱུར། མཁས་པ་དང་། གསལ་བ་དང་། ཡིད་གཞུངས་པ་དང་། དགེ་བ་ཡོངས་སུ་བཙལ་བ་ལ་མངོན་པར་བརྩོན་པ་དང་། རྟག་ཏུ་དགེ་བའི་བཤེས་གཉེན་དང་འགྲོགས་པ་རྙེད་པར་

94-1-263a

འགྱུར། བདུད་ཀྱི་ཞག་པ་གཅོད་པ་དང་། མ་རིག་པའི་སྒོ་ངའི་སྦུབས་གཅོག་པ་དང་། ཉོན་མོངས་པའི་ཆུ་ཀླུང་སྐེམས་པར་འགྱུར། སྐྱེ་བ་དང་། རྒ་ཤི་དང་། མྱ་ངན་དང་། སྨྲེ་སྔགས་འདོན་པ་དང་། སྡུག་བསྔལ་བ་དང་། ཡིད་མི་
བདེ་བ་དང་། འཁྲུག་པ་རྣམས་ལས་ཡོངས་སུ་ཐར་བར་འགྱུར་རོ། །འཇམ་དཔལ་གཞན་ཡང་སེམས་ཅན་གང་དག་ཕྲ་མ་ལ་མངོན་པར་དགའ་ཞིང་། སེམས་ཅན་གང་དག་ཕན་ཚུན་འཐབ་པ་དང་། རྩོད་པ་དང་། འགྱེད་པར་བྱེད་དུ་
འཇུག་པ་དག་ཡོད་དེ། སེམས་ཅན་དེ་དག་རྣམ་པར་རྩོད་པའི་སེམས་སུ་གྱུར་པས་ལུས་དང་། ངག་དང་། ཡིད་ཀྱིས་མི་དགེ་བ་རྣམ་པ་སྣ་ཚོགས་མངོན་པར་འདུ་བྱེད་དོ། །གཅིག་ལ་གཅིག་ཕན་པ་མ་ཡིན་པ་འདོད་ཅིང་རྟག་ཏུ་ཕན་
ཚུན་གནོད་པར་བྱ་བའི་ཕྱིར་བརྩོན་ཏེ། དེ་དག་ནགས་ཚལ་གྱི་ལྷ་དང་། ཤིང་གི་ལྷ་དང་། རིའི་ལྷ་འགུགས་པར་བྱེད། དུར་ཁྲོད་རྣམས་སུ་འབྱུང་པོ་ཐ་དད་པ་དག་འགུགས་པར་བྱེད། དུད་འགྲོའི་སྐྱེ་གནས་སུ་སོང་བའི་སྲོག་
ཆགས་རྣམས་ཀྱི་སྲོག་གཅོད་ཅིང་ཤ་དང་། ཁྲག་ཟ་བའི་གནོད་སྦྱིན་དང་། སྲིན་པོ་རྣམས་མཆོད་པར་བྱེད་དེ། དགྲ་བོ་དེའི་མིང་ནས་བརྗོད་པ་འམ། གཟུགས་བྱས་ནས་དེར་རིག་སྔགས་དྲག་པོ་སྒྲུབ་ཅིང་བྱད་སྟེམ་དང་། 
རོ་ལངས་ཀྱི་སྦྱོར་བས་སྲོག་གི་བར་ཆད་བྱ་བ་དང་། ལུས་རྣམ་པར་གཞིག་པར་འདོད་པ་ལ་གང་དག་གིས་བཅོམ་ལྡན་འདས་དེ་བཞིན་གཤེགས་པ་སྨན་གྱི་བླ་བཻ་དཱུརྱའི་འོད་དེའི་མཚན་ཐོས་པར་གྱུར་པ་དེ་དག་ལ་
གང་གིས་ཀྱང་བར་ཆད་བྱ་བར་མི་ནུས་ཏེ། དེ་དག་ཕན་ཚུན་བྱམས་པའི་སེམས་དང་། ཕན་པའི་སེམས་དང་། གནོད་སེམས་མེད་པའི་སེམས་སུ་གནས་པར་འགྱུར་རོ། །རང་རང་གི་བདོག་པས་ཆོག་ཤེས་པར་འགྱུར་རོ། །
འཇམ་དཔལ་གཞན་ཡང་འཁོར་བཞི་པོ་དགེ་སློང་དང་། དགེ་སློང་མ་དང་། དགེ་བསྙེན་དང་། དགེ་བསྙེན་མ་དེ་དག་དང་། གཞན་ཡང་དད་པའི་རིགས་ཀྱི་བུ་འམ། རིགས་ཀྱི་བུ་མོ་གང་དག་ཡན་ལག་བརྒྱད་དང་ལྡན་པའི་

94-1-263b

བསྙེན་གནས་ལ་ཉེ་བར་གནས་ཏེ། ལོ་གཅིག་གམ། ཟླ་བ་གསུམ་དུ་བསླབ་པའི་གཞི་རྣམས་འཛིན་ཅིང་གང་དག་གི་བསམ་པས་བདག་གི་དགེ་བའི་རྩ་བ་འདིས་ནུབ་ཕྱོགས་གང་ན་དེ་བཞིན་གཤེགས་པ་ཚེ་དཔག་མེད་
བཞུགས་པའི་འཇིག་རྟེན་གྱི་ཁམས་བདེ་བ་ཅན་དུ་སྐྱེ་བར་ཤོག་ཤིག་ཅེས་སྨོན་ལམ་དེ་ལྟ་བུ་བཏབ་པ་དག་ལས་གང་དག་གིས་བཅོམ་ལྡན་འདས་དེ་བཞིན་གཤེགས་པ་སྨན་གྱི་བླ་བཻ་དཱུརྱའི་འོད་དེའི་མཚན་ཐོས་པར་གྱུར་པ་དེ་དག་འཆི་བའི་
དུས་ཀྱི་ཚེ་བྱང་ཆུབ་སེམས་དཔའ་བརྒྱད་རྫུ་འཕྲུལ་གྱིས་ལྷགས་ནས་ལམ་སྟོན་པར་འགྱུར་ཏེ། དེ་དག་དེར་པད་མ་ཚོན་ཁ་དོག་སྣ་ཚོགས་རྣམས་ལ་རྫུས་ཏེ་སྐྱེ་བར་འགྱུར་རོ། །གང་ལ་ལ་དག་ལྷའི་འཇིག་རྟེན་དུ་སྐྱེ་བར་འགྱུར་བ་དེ་དག་ནི་དེར་
སྐྱེས་ནས་སྔོན་གྱི་དགེ་བའི་རྩ་བ་དེ་ཟད་པར་མི་འགྱུར་ཞིང་ངན་འགྲོར་འགྲོ་བར་མི་འགྱུར་ཏེ། དེ་ནས་ཤི་འཕོས་ནས་ཀྱང་མིའི་འཇིག་རྟེན་འདིར་གླིང་བཞི་པའི་དབང་ཕྱུག་འཁོར་ལོས་སྒྱུར་བའི་རྒྱལ་པོར་འགྱུར་ཏེ། སེམས་ཅན་བྱེ་བ་ཁྲག་
ཁྲིག་བརྒྱ་སྟོང་ཕྲག་དུ་མ་དག་དགེ་བ་བཅུའི་ལས་ཀྱི་ལམ་ལ་འགོད་པར་འགྱུར་རོ། །གཞན་དུ་ན་ཡང་རྒྱལ་རིགས་ཤིང་སཱ་ལ་ཆེན་པོ་ལྟ་བུའི་ཁྱིམ་དག་ཏུ་སྐྱེ་བར་འགྱུར། བྲམ་ཟེ་ཤིང་སཱ་ལ་ཆེན་པོ་ལྟ་བུའི་ཁྱིམ་དག་དང་། 
ཁྱིམ་བདག་ཤིང་སཱ་ལ་ཆེན་པོ་ལྟ་བུའི་ཁྱིམ་དག་དང་། ནོར་དང་། འབྲུ་དང་། མཛོད་དང་། བང་བ་མང་པོ་འབྱོར་པའི་ཁྱིམ་དག་ཏུ་སྐྱེ་བར་འགྱུར་ཏེ། གཟུགས་ཕུན་སུམ་ཚོགས་པ་དང་། དབང་ཕྱུག་ཕུན་སུམ་ཚོགས་པ་དང་། གཡོག་
ཕུན་སུམ་ཚོགས་པ་དང་། དཔའ་བ་དང་བརྟུལ་ཕོད་པ་དང་། ཚན་པོ་ཆེ་ཆེན་པོའི་སྟོབས་ཀྱི་ཤུགས་དང་ལྡན་པར་འགྱུར་རོ། །བུད་མེད་གང་གིས་དེ་བཞིན་གཤེགས་པ་དེའི་མཚན་ཐོས་ཤིང་བཟུང་བ་དེའི་བུད་མེད་གྱི་དངོས་པོ་
དེ་ཐ་མ་པ་ཡིན་པར་ཤེས་པར་བྱའོ། །དེ་ནས་བཅོམ་ལྡན་འདས་ལ་འཇམ་དཔལ་གཞོན་ནུར་གྱུར་པས་འདི་སྐད་ཅེས་གསོལ་ཏོ། །བཅོམ་ལྡན་འདས་སླད་མའི་ཚེ་སླད་མའི་དུས་ན་གང་དག་མདོ་འདི་འཆང་བ་དང་། ཀློག་པ་དང་། འཆང་བ་དང་། 

94-1-264a

གཞན་དག་ལ་རྒྱ་ཆེར་ཡང་དག་པར་སྟོན་པ་དང་། ཡི་གེར་འབྲི་བ་དང་། ཡི་གེར་འབྲིར་སྩོལ་བ་དང་། གླེགས་བམ་ལ་བྲིས་ཏེ་མེ་ཏོག་དང་། བདུག་པ་དང་། ཕྲེང་བ་དང་། བྱུག་པ་དང་། གདུགས་དང་། རྒྱལ་མཚན་རྣམས་ཀྱིས་བཀུར་སྟི་བགྱིད་པའི་
དད་པའི་རིགས་ཀྱི་བུ་འམ། རིགས་ཀྱི་བུ་མོ་དེ་དག་ལ་བདག་གིས་བཅོམ་ལྡན་འདས་དེ་བཞིན་གཤེགས་པ་སྨན་གྱི་བླ་བཻ་དཱུརྱའི་འོད་དེའི་མཚན་རྣམ་པ་སྣ་ཚོགས་སུ་བསྒྲགས་པར་བགྱིའོ། །ཐ་ན་རྨི་ལམ་དུ་ཡང་སངས་རྒྱས་ཀྱི་མཚན་
རྣ་ལམ་དུ་ཉེ་བར་བསྒྲག་པར་བགྱིའོ། །ཚོན་སྣ་ལྔ་པའི་གོས་རྣམས་ཀྱིས་དཀྲིས་ཏེ། ཕྱོགས་གཙང་མར་བཞག་ན་གང་ན་མདོ་སྡེ་འདི་གནས་པ་དེར་རྒྱལ་པོ་ཆེན་པོ་བཞི་འཁོར་དང་བཅས་པ་དང་། ལྷ་བྱེ་བ་ཁྲག་ཁྲིག་བརྒྱ་སྟོང་གཞན་
ཡང་མཆི་བར་འགྱུར་རོ། །གང་དག་བཅོམ་ལྡན་འདས་དེ་བཞིན་གཤེགས་པ་བཻ་དཱུརྱའི་འོད་དེའི་མཚན་དང་སྔོན་གྱི་སྨོན་ལམ་གྱི་ཁྱད་པར་རྒྱས་པ་མདོ་འདི་འཛིན་པ་དེ་དག་དུས་མ་ལགས་པར་འགུམ་པར་མི་འགྱུར། སུས་ཀྱང་མདངས་
འཕྲོག་མི་ནུས་ཏེ། ཕྲོགས་ན་ཡང་སླར་ཕྲོགས་པར་འགྱུར་རོ། །བཅོམ་ལྡན་འདས་ཀྱིས་བཀའ་སྩལ་པ། འཇམ་དཔལ་དེ་དེ་བཞིན་ཏེ། ཇི་སྐད་སྨྲས་པ་བཞིན་ནོ། །འཇམ་དཔལ་དད་པའི་རིགས་ཀྱི་བུ་འམ། རིགས་ཀྱི་བུ་མོ་གང་དག་དེ་བཞིན་གཤེགས་པ་དེ་ལ་མཆོད་པ་བྱེད་པ་དེ་
དག་གིས་དེ་བཞིན་གཤེགས་པ་དེའི་གཟུགས་བྱས་ཏེ། ཉིན་ཞག་བདུན་དུ་འཕགས་པའི་ཡན་ལག་བརྒྱད་དང་ལྡན་པའི་བསྙེན་གནས་ལ་ཉེ་བར་གནས་པར་བྱ་ཁ་ཟས་གཙང་མ་བཟའ་ཞིང་ལུས་ལེགས་པར་བཀྲུས་ཏེ། གོས་བཟང་པོ་དྲི་
མ་མེད་པ་བགོ་ཞིང་ཕྱོགས་གཙང་མ་མེ་ཏོག་སྣ་ཚོགས་སིལ་མ་བཀྲམ་པ། སྤོས་སྣ་ཚོགས་ཀྱིས་བདུགས་པ། རས་དང་། གདུགས་དང་། རྒྱལ་མཚན་སྣ་ཚོགས་ཀྱིས་ལེགས་པར་བརྒྱན་པའི་ས་ཕྱོགས་སུ་དྲི་མ་མེད་པའི་སེམས་དང་། 
རྙོག་པ་མེད་པའི་སེམས་དང་། གནོད་སེམས་མེད་པའི་སེམས་དང་། བྱམས་པའི་སེམས་དང་། བཏང་སྙོམས་ཀྱི་སེམས་དང་། མཉམ་པའི་སེམས་སུ་བྱ། རོལ་མོའི་སྒྲ་དང་། སིལ་སྙན་དང་། གླུ་དབྱངས་བླང་ཞིང་དེ་བཞིན་གཤེགས་པའི་སྐུ་གཟུགས་དེ་ལ་བསྐོར་བ་བྱ་སྟེ། དེའི་སྔོན་

94-1-264b

གྱི་སྨོན་ལམ་ཡང་ཡིད་ལ་བྱ་ཞིང་མདོ་སྡེ་འདི་ཡང་བསྟན་ན་གང་བསམས་པ་དང་། གང་སྨོན་པའི་བསམ་པ་དང་། དེ་ཐམས་ཅད་ཡོངས་སུ་རྫོགས་པར་འགྱུར་ཏེ། གལ་ཏེ་ཚེ་རིང་བར་སྨོན་ན་ནི་ཚེ་རིང་པོར་འགྱུར་རོ། །གལ་ཏེ་ལོངས་སྤྱོད་དང་ལྡན་པར་སྨོན་ན་
ནི་ལོངས་སྤྱོད་འབྱོར་བར་འགྱུར་རོ། །གལ་ཏེ་དབང་ཕྱུག་དང་ལྡན་པར་སྨོན་ན་ནི་ཚེགས་ཆུང་ངུས་རྙེད་པར་འགྱུར་རོ། །གལ་ཏེ་བུ་འདོད་ན་ནི་བུ་རྙེད་པར་འགྱུར་རོ། །གང་དག་སྡིག་པ་ཅན་གྱི་རྨི་ལམ་རྨིས་སམ་གང་དུ་བྱ་ཁྭ་དང་། ལྟས་ངན་མཐོང་
ངམ། གནས་གང་དུ་བཀྲ་མི་ཤིས་པ་བརྒྱད་དག་གནས་པར་གྱུར་པ་ལ་གང་དག་བཅོམ་ལྡན་འདས་དེ་བཞིན་གཤེགས་པ་སྨན་གྱི་བླ་བཻ་དཱུརྱའི་འོད་དེ་ལ་མཆོད་པ་རྣམ་པ་སྣ་ཚོགས་ཀྱིས་བཀུར་སྟི་བྱེད་ན། རྨི་ལམ་ངན་པ་དང་། ལྟས་
ངན་པ་དང་། བཀྲ་མི་ཤིས་པའི་དངོས་པོ་ཐམས་ཅད་མཐོང་བར་མི་འགྱུར་རོ། །གང་དག་མེས་འཇིགས་པ་དང་། ཆུས་འཇིགས་པ་དང་། མཚོན་གྱིས་འཇིགས་པ་དང་། དུག་གིས་འཇིགས་པ་དང་། གཡང་སས་འཇིགས་
པ་དང་། གླང་པོ་ཆེ་གཏུམ་པོས་འཇིགས་པ་དང་། སེང་གེས་འཇིགས་པ་དང་། སྟག་གིས་འཇིགས་པ་དང་། དོམ་དང་། དྲེད་དང་། སྦྲུལ་གདུག་པས་འཇིགས་པ་དང་། སྡིག་པ་དང་། རྐང་ལག་བརྒྱད་པས་འཇིགས་
པ་དེ་དག་གིས་དེ་བཞིན་གཤེགས་པ་དེ་ལ་མཆོད་པ་བྱས་ན་འཇིགས་པ་ཐམས་ཅད་ལས་ཡོངས་སུ་ཐར་བར་འགྱུར་རོ། །གང་དག་ཕ་རོལ་གྱི་དམག་ཚོགས་ཀྱིས་འཇིགས་པ་དང་། རྐུན་པོས་འཇིགས་པ་དང་། ཆོམ་
པོས་འཇིགས་པ་དེ་དག་གིས་ཀྱང་དེ་བཞིན་གཤེགས་པ་དེ་ལ་མཆོད་པ་བྱའོ། །འཇམ་དཔལ་གཞན་ཡང་དད་པའི་རིགས་ཀྱི་བུ་འམ། རིགས་ཀྱི་བུ་མོ་གང་དག་ཇི་སྲིད་འཚོའི་བར་དུ་གསུམ་ལ་སྐྱབས་སུ་འཛིན་ཅིང་
ལྷ་གཞན་མི་འཛིན་པ་དང་། གང་དག་ཡང་བསླབ་པའི་གཞི་ལྔ་པོ་དག་འཛིན་པ་དང་། གང་དག་བསླབ་པའི་གཞི་བཅུ་པོ་དག་འཛིན་པ་དང་། གང་དག་བྱང་ཆུབ་སེམས་དཔའི་སྡོམ་པ་བསླབ་པའི་གཞི་བཞི་བརྒྱ་པོ་དག་

94-1-265a

འཛིན་པ་དང་། ཁྱིམ་གྱི་གནས་ནས་བྱུང་བའི་དགེ་སློང་གང་དག་བསླབ་པའི་གཞི་ཉིས་བརྒྱ་ལྔ་བཅུ་པོ་དག་འཛིན་པ་དང་། དགེ་སློང་མ་གང་དག་བསླབ་པའི་གཞི་ལྔ་བརྒྱ་པོ་དག་འཛིན་པ་དང་། གང་དག་ཇི་ལྟར་ཡོངས་སུ་བཟུང་བའི་བསླབ་པའི་
སྡོམ་པ་དེ་དག་གི་ནང་ནས་བསླབ་པའི་གཞི་གང་ཡང་རུང་བ་ཞིག་ལས་ཉམས་པར་གྱུར་ཏེ། ངན་འགྲོ་ངན་སོང་གིས་འཇིགས་སྐྲག་པ་གང་དག་བཅོམ་ལྡན་འདས་དེ་བཞིན་གཤེགས་པ་སྨན་གྱི་བླ་བཻ་དཱུརྱའི་འོད་དེ་ལ་མཆོད་པ་རྣམ་པ་སྣ་ཚོགས་བྱེད་ན་དེ་དག་ལ་ངན་སོང་གསུམ་
གྱི་སྡུག་བསྔལ་མེད་པར་ཤེས་པར་བྱའོ། །བུད་མེད་གང་ལ་ལ་བུ་བཙའ་བའི་དུས་ན། སྡུག་བསྔལ་མ་རུངས་པ་དྲག་པོ་མི་བཟད་པ་མྱོང་བ་དེས་བཅོམ་ལྡན་འདས་དེ་བཞིན་གཤེགས་པ་སྨན་གྱི་བླ་བཻ་དཱུརྱའི་འོད་དེ་ལ་མཆོད་ན་དེ་མྱུར་དུ་ཡོངས་སུ་ཐར་བར་འགྱུར། 
བུ་ཡང་ཡན་ལག་ཡོངས་སུ་ཚང་བར་བཙའ་ཞིང་གཟུགས་བཟང་བ་དང་། མཛེས་པ་དང་། བལྟ་ན་སྡུག་པ་དང་། དབང་པོ་རྣོ་བ་དང་། བློ་དང་ལྡན་པ་དང་། ནད་མེད་ཅིང་གནོད་པ་ཉུང་བར་འགྱུར་ཏེ། དེ་ལ་མི་མ་ཡིན་པས་མདངས་འཕྲོག་པར་མི་ནུས་སོ། །
དེ་ནས་བཅོམ་ལྡན་འདས་ཀྱིས་ཚེ་དང་ལྡན་པ་ཀུན་དགའ་བོ་ལ་བཀའ་སྩལ་པ། ཀུན་དགའ་བོ་གང་གི་ཕྱིར་ང་བཅོམ་ལྡན་འདས་དེ་བཞིན་གཤེགས་པ་སྨན་གྱི་བླ་བཻ་དཱུརྱའི་འོད་ཀྱི་རྒྱལ་པོ་དེའི་ཡོན་ཏན་བརྗོད་པར་ཁྱོད་དད་དམ། ཡིད་ཆེས་སམ། ཡང་ན་
ཁྱོད་སངས་རྒྱས་ཀྱི་སྤྱོད་ཡུལ་ཟབ་མོ་འདི་ལ་ཡིད་གཉིས་སམ། སོམ་ཉི་འམ། ཐེ་ཙོམ་ཟ་བ་མེད་དམ། དེ་ནས་བཅོམ་ལྡན་འདས་ལ་ཚེ་དང་ལྡན་པ་ཀུན་དགའ་བོས་འདི་སྐད་ཅེས་གསོལ་ཏོ། །བཙུན་པ་བཅོམ་ལྡན་འདས་
བདག་དེ་བཞིན་གཤེགས་པས་གསུངས་པའི་ཆོས་རྣམས་ལ་ཡིད་གཉིས་སམ། སོམ་ཉི་འམ། ཐེ་ཙོམ་འཚལ་བ་མ་མཆིས་སོ། །དེ་ཅིའི་སླད་དུ་ཞེ་ན། དེ་བཞིན་གཤེགས་པ་རྣམས་ལ་སྐུ་དང་། གསུང་དང་། ཐུགས་ཀྱི་
ཀུན་དུ་སྤྱོད་པ་ཡོངས་སུ་མ་དག་པ་མི་མངའ་བའི་སླད་དུའོ། །བཅོམ་ལྡན་འདས་གདུགས་དང་། དགུང་ཟླ་འདི་ལྟར་རྫུ་འཕྲུལ་ཆེ་ཞིང་འདི་ལྟར་མཐུ་ཆེ་བ་འདི་གཉིས་ནི་དོགས་ལ་ལྟུང་ཡང་གདའ། རིའི་རྒྱལ་པོ་རི་རབ་ནི་གནས་ནས་

94-1-265b

འཕོ་ཡང་གདའི། སངས་རྒྱས་རྣམས་ཀྱི་བཀའ་ནི་གཞན་དུ་མི་འགྱུར་ལགས་སོ། །བཙུན་པ་བཅོམ་ལྡན་འདས་དེ་ལྟ་ལགས་ཀྱིས་ཀྱང་སེམས་ཅན་དད་པའི་དབང་པོ་དང་བྲལ་བ་དག་མཆིས་ཏེ། སངས་རྒྱས་རྣམས་ཀྱི་སངས་རྒྱས་ཀྱི་སྤྱོད་ཡུལ་འདི་ཐོས་ན་
དེ་དག་འདི་སྙམ་དུ་སེམས་པར་འགྱུར་ཏེ། དེ་བཞིན་གཤེགས་པ་དེའི་མཚན་འདི་དྲན་པ་ཙམ་གྱིས་ཇི་ལྟར་ཤིན་ཏུ་ཡོན་ཏན་དང་ཕན་ཡོན་དུ་འགྱུར་སྙམ་ནས་དེ་དག་མི་དད་ཅིང་ཡིད་མི་ཆེས་ཏེ་སྤོང་བས་ཡུན་རིང་པོར་གནོད་པ་དང་། མི་སྨན་པ་དང་། མི་བདེ་བ་དང་། 
ལོག་པར་ལྟུང་བར་འགྱུར་རོ། །བཅོམ་ལྡན་འདས་ཀྱིས་བཀའ་སྩལ་པ། ཀུན་དགའ་བོ་དེ་བཞིན་གཤེགས་པ་དེའི་མཚན་སུའི་རྣ་ལམ་དུ་གྲག་པར་གྱུར་པ་དེ་ངན་འགྲོ་ངན་སོང་དུ་འགྲོ་བར་འགྱུར་བ་ནི་གནས་མེད་དེ་གོ་སྐབས་མ་ཡིན་ནོ། །ཀུན་
དགའ་བོ་སངས་རྒྱས་རྣམས་ཀྱི་སྤྱོད་ཡུལ་ནི་ཡིད་ཆེས་པར་དཀའ་བའོ། །ཀུན་དགའ་བོ་ཁྱོད་དད་ཅིང་ཡིད་ཆེས་པ་གང་ཡིན་པ་དེ་ནི་དེ་བཞིན་གཤེགས་པའི་མཐུ་ཡིན་པར་བལྟའོ། །བྱང་ཆུབ་སེམས་དཔའ་སེམས་དཔའ་ཆེན་པོ་སྐྱེ་བ་གཅིག་གིས་
ཐོགས་པ་རྣམས་མ་གཏོགས་པར་འདི་ནི་ཉན་ཐོས་དང་། རང་སངས་རྒྱས་ཐམས་ཅད་ཀྱི་ས་མ་ཡིན་ནོ། །ཀུན་དགའ་བོ་མིར་འགྱུར་བ་རྙེད་པ་ནི་རྙེད་པར་དཀའོ། །དཀོན་མཆོག་གསུམ་ལ་དད་ཅིང་གུས་པ་ཡང་རྙེད་པར་དཀའོ། །དེ་བཞིན་གཤེགས་
པ་དེའི་མཚན་ཐོས་པ་ཡང་རྙེད་པར་ཤིན་ཏུ་དཀའོ། །ཀུན་དགའ་བོ་བཅོམ་ལྡན་འདས་དེ་བཞིན་གཤེགས་པ་སྨན་གྱི་བླ་བཻ་དཱུརྱའི་འོད་དེའི་བྱང་ཆུབ་སེམས་དཔའི་སྤྱོད་པ་ནི་ཚད་མེད་དོ། །ཐབས་ལ་མཁས་པ་ཡང་ཚད་མེད་དོ། །སྨོན་
ལམ་གྱི་ཁྱད་པར་རྒྱས་པ་ཡང་ཚད་མེད་དོ། །ང་དེ་བཞིན་གཤེགས་པ་དེའི་བྱང་ཆུབ་སེམས་དཔའི་སྤྱོད་པ་བསྐལ་པ་འམ། བསྐལ་པ་ལས་ལྷག་པར་རྒྱ་ཆེར་ཡང་དག་པར་བཤད་པར་འདོད་ཀྱང་བསྐལ་པ་ཟད་པར་འགྱུར་གྱི། 
བཅོམ་ལྡན་འདས་དེ་བཞིན་གཤེགས་པ་སྨན་གྱི་བླ་བཻ་དཱུརྱའི་འོད་ཀྱི་རྒྱལ་པོ་དེའི་སྔོན་གྱི་སྨོན་ལམ་གྱི་ཁྱད་པར་རྒྱས་པའི་མཐའ་རྟོགས་པར་མི་འགྱུར་རོ། །ཡང་དེའི་ཚེ་འཁོར་དེའི་ནང་ནས་བྱང་ཆུབ་སེམས་དཔའ་སེམས་དཔའ་ཆེན་

94-1-266a

པོ་སྐྱབས་གྲོལ་ཞེས་བྱ་བ་སྟན་ལས་ལངས་ཏེ། བླ་གོས་ཕྲག་པ་གཅིག་ཏུ་གཟར་ནས་པུས་མོ་གཡས་པའི་ལྷ་ང་ས་ལ་བཙུགས་ཏེ། བཅོམ་ལྡན་འདས་ག་ལ་བ་དེ་ལོགས་སུ་ཐལ་མོ་སྦྱར་བ་བཏུད་ནས་བཅོམ་ལྡན་འདས་
ལ་འདི་སྐད་ཅེས་གསོལ་ཏོ། །བཙུན་པ་བཅོམ་ལྡན་འདས་སླད་མའི་ཚེ་སླད་མའི་དུས་ན་སེམས་ཅན་བྲོ་ནད་སྣ་ཚོགས་ཀྱིས་ལུས་ཡོངས་སུ་གཟིར་ཏེ། ཡུན་རིང་པོའི་བྲོ་ནད་ཀྱིས་ལུས་ཀྱི་ཤབས་ཤིང་། བཀྲེས་པ་དང་། སྐོམ་པས་གྲེ་བ་
དང་མཆུ་ནི་སྐམས། འགུམ་པ་ལ་ནི་མངོན་དུ་ཕྱོགས། མཛའ་བཤེས་དང་། ཉེ་དུ་དང་། སྣག་གི་གཉེན་མཚམས་ངུ་བ་རྣམས་ཀྱིས་ནི་བསྐོར། ཕྱོགས་རྣམས་ནི་མུན་པར་མཐོང་། གཤིན་རྗེའི་མི་རྣམས་ཀྱིས་ནི་དྲངས་ཏེ་དེའི་ལུས་
འདི་ན་ཉལ་ཡང་རྣམ་པར་ཤེས་པ་ཆོས་ཀྱི་རྒྱལ་པོ་གཤིན་རྗེའི་མདུན་དུ་ཁྲིད་ཅིང་མི་དེ་དང་ལྷན་ཅིག་སྐྱེས་པའི་ལྷ་སླད་བཞིན་འབྲང་བ་གང་ལགས་པ་དེས་ནི་དེས་དགེ་བ་འམ། མི་དགེ་བ་བགྱིས་པ་དེ་ཐམས་ཅད་ལེགས་པར་ཡི་གེར་བྲིས་
ནས་ཆོས་ཀྱི་རྒྱལ་པོ་གཤིན་རྗེ་ལ་ཕུལ་བ་དང་། ཆོས་ཀྱི་རྒྱལ་པོ་གཤིན་རྗེས་དེ་ལ་དྲིས་ཤིང་བརྟགས་ནས་དགེ་བ་འམ། མི་དགེ་བ་ཇི་ལྟར་བགྱིས་པ་དེ་བཞིན་དུ་བསྒོ་བ་ལ། གང་དག་ནད་པ་དེའི་དོན་དུ་བཅོམ་ལྡན་འདས་དེ་བཞིན་
གཤེགས་པ་སྨན་གྱི་བླ་བཻ་དཱུརྱའི་འོད་ཀྱི་རྒྱལ་པོ་དེ་ལ་སྐྱབས་སུ་མཆིས་ཞིང་འདི་འདྲ་བའི་སྦྱོར་བས་མཆོད་པ་བགྱིད་ན་དེའི་རྣམ་པར་ཤེས་པ་སླར་ལྡོག་ཅིང་རྨི་ལམ་རྨིས་པ་བཞིན་དུ་བདག་ཉིད་ཀྱིས་འཚལ་བའི་གནས་དེར་མཆིས་ཏེ། ཡང་ན་
ནི་གདུགས་བདུན། ཡང་ན་ནི་གདུགས་ཉི་ཤུ་རྩ་གཅིག །ཡང་ན་ནི་གདུགས་སུམ་ཅུ་རྩ་ལྔ། ཡང་ན་ནི་གདུགས་བཞི་བཅུ་རྩ་དགུ་ལ་དེའི་རྣམ་པར་ཤེས་པ་སླར་ལྡོག་ཅིང་དྲན་པ་རྙེད་ལ། དེ་ལ་དགེ་བ་དང་། མི་དགེ་བའི་ལས་ཀྱི་
རྣམ་པར་སྨིན་པ་བདག་ཉིད་ཀྱི་མངོན་སུམ་དུ་འགྱུར་ཏེ། སྲོག་གི་སླད་དུ་ཡང་སྡིག་པའི་ལས་མི་བགྱིད་དོ། །དེ་ལྟ་ལགས་པས་དད་པའི་རིགས་ཀྱི་བུའམ་རིགས་ཀྱི་བུ་མོས་དེ་བཞིན་གཤེགས་པ་དེ་ལ་མཆོད་པར་བགྱིའོ། །དེ་ནས་ཚེ་

94-1-266b

དང་ལྡན་པ་ཀུན་དགའ་བོས་བྱང་ཆུབ་སེམས་དཔའ་སྐྱབས་གྲོལ་ལ་འདི་སྐད་ཅེས་སྨྲས་སོ། །རིགས་ཀྱི་བུ་བཅོམ་ལྡན་འདས་དེ་བཞིན་གཤེགས་པ་སྨན་གྱི་བླ་བཻ་དཱུརྱའི་འོད་ཀྱི་རྒྱལ་པོ་དེ་ལ་ཇི་ལྟར་མཆོད་པར་བྱ། བྱང་ཆུབ་སེམས་དཔའ་སྐྱབས་གྲོལ་
གྱིས་སྨྲས་པ། བཙུན་པ་ཀུན་དགའ་བོ་གང་དག་ནད་ཆེན་པོ་ལས་ཡོངས་སུ་ཐར་བར་འདོད་པ་དེ་དག་གིས་ནད་པ་དེའི་དོན་དུ་ཉིན་ལན་བདུན་མཚན་ལན་བདུན་དུ་ཡན་ལག་བརྒྱད་དང་ལྡན་པའི་གསོ་སྦྱོང་གི་སྡོམ་པ་བླང་བར་བྱའོ། །དགེ་སློང་གི་དགེ་འདུན་ལ་
ཟས་དང་། སྐོམ་རྣམས་དང་། ཡོ་བྱད་ཐམས་ཅད་ཀྱིས་ཅི་ནུས་སུ་མཆོད་པ་དང་། རིམ་གྲོ་བྱའོ། །ཉིན་ལན་གསུམ་མཚན་ལན་གསུམ་དུ་བཅོམ་ལྡན་འདས་དེ་བཞིན་གཤེགས་པ་སྨན་གྱི་བླ་བཻ་དཱུརྱའི་འོད་ཀྱི་རྒྱལ་པོ་དེའི་མཚན་ཡིད་ལ་
བྱའོ། །མདོ་འདི་ལན་བཞི་བཅུ་རྩ་དགུ་གདོན་པར་བྱའོ། །ཞག་བཞི་བཅུ་རྩ་དགུར་མར་མེ་བུད་པར་བྱའོ། །སྐུ་གཟུགས་བདུན་བྱའོ། །སྐུ་གཟུགས་རེ་རེའི་སྤྱན་སྔར་ཡང་མར་མེ་བདུན་བདུན་བཞག་གོ། མར་མེ་རེ་རེའི་ཚད་ཀྱང་
ཤིང་རྟའི་ཕང་ལོ་ཙམ་དུ་བྱ་སྟེ། ཅི་ནས་ཀྱང་ཞག་བཞི་བཅུ་རྩ་དགུར་མར་མེ་མི་ཟད་པར་བྱའོ། །ཚོན་སྣ་ལྔ་པའི་བ་དན་བཞི་བཅུ་རྩ་དགུ་ལས་ལྷག་པར་བྱའོ། །བཙུན་པ་ཀུན་དགའ་བོ་གཞན་ཡང་རྒྱལ་པོ་རྒྱལ་རིགས་སྤྱི་བོ་ནས་དབང་
བསྐུར་བ་རྣམས་ལ་ནད་ཀྱི་གནོད་པ་འམ། རང་གི་དམག་ཚོགས་སམ། ཕ་རོལ་གྱི་དམག་ཚོགས་ཀྱི་གནོད་པ་འམ། རྒྱུ་སྐར་གྱི་གནོད་པ་འམ། གཟའ་ཟླ་བའི་གནོད་པ་འམ། གཟའ་ཉི་མའི་གནོད་པ་འམ། དུས་མ་
ཡིན་པའི་རླུང་དང་། ཆར་གྱི་གནོད་པ་འམ། ཐན་པའི་གནོད་པ་ཡང་རུང་སྟེ། གནོད་པ་དང་། ནད་འགོ་བ་དང་། འཁྲུག་པ་ཞིག་ཉེ་བར་གནས་པར་གྱུར་ན། རྒྱལ་པོ་རྒྱལ་རིགས་སྤྱི་བོ་ནས་དབང་བསྐུར་བ་དེས་སེམས་
ཅན་ཐམས་ཅད་ལ་བྱམས་པའི་སེམས་སུ་བྱ། བཙོན་དུ་བཟུང་བ་རྣམས་གཏང་བར་བྱ་ཞིང་གོང་དུ་སྨོས་པ་བཞིན་དུ་བཅོམ་ལྡན་འདས་དེ་བཞིན་གཤེགས་པ་སྨན་གྱི་བླ་བཻ་དཱུརྱའི་འོད་ཀྱི་རྒྱལ་པོ་དེ་ལ་དེ་ལྟ་བུར་མཆོད་པར་བྱས་ན་རྒྱལ་པོ་རྒྱལ་

94-1-267a

རིགས་སྤྱི་བོ་ནས་དབང་བསྐུར་བ་དེའི་དགེ་བའི་རྩ་བ་དེ་དང་། བཅོམ་ལྡན་འདས་དེ་བཞིན་གཤེགས་པ་སྨན་གྱི་བླ་བཻ་དཱུརྱའི་འོད་ཀྱི་རྒྱལ་པོ་དེའི་སྔོན་གྱི་སྨོན་ལམ་གྱི་ཁྱད་པར་གྱིས་ཡུལ་བདེ་བ་དང་། ལོ་ལེགས་པར་འགྱུར། 
རླུང་དང་། ཆར་དུས་སུ་ལྡང་ཞིང་ལོ་ཏོག་འགྲུབ་པར་འགྱུར། ཡུལ་དེ་ན་གནས་པའི་སེམས་ཅན་ཐམས་ཅད་ཀྱང་ནད་མེད་པ་དང་། བདེ་བ་དང་། མཆོག་ཏུ་དགའ་བ་མང་བར་འགྱུར་རོ། །ཡུལ་དེར་གནོད་སྦྱིན་དང་། སྲིན་པོ་དང་། འབྱུང་པོ་དང་། 
ཤ་ཟ་མ་རུངས་པས་སེམས་ཅན་རྣམས་ལ་གཙེ་བར་མི་འགྱུར་རོ། །ལྟས་ངན་པ་ཐམས་ཅད་མཐོང་བར་མི་འགྱུར་རོ། །རྒྱལ་པོ་རྒྱལ་རིགས་སྤྱི་བོ་ནས་དབང་བསྐུར་བ་དེའི་ཚེ་དང་། མདོག་དང་། སྟོབས་དང་། ནད་མེད་པ་དང་། དབང་ཕྱུག་རྣམས་
མངོན་པར་འཕེལ་བར་འགྱུར་རོ། །དེ་ནས་ཚེ་དང་ལྡན་པ་ཀུན་དགའ་བོས་བྱང་ཆུབ་སེམས་དཔའ་སྐྱབས་གྲོལ་ལ་འདི་སྐད་ཅེས་སྨྲས་སོ། །རིགས་ཀྱི་བུ་ཇི་ལྟར་ན་ཚེ་ཡོངས་སུ་ཟད་ནས་ཡང་མངོན་པར་སྐྱེ། བྱང་ཆུབ་སེམས་དཔའ་སྐྱབས་གྲོལ་གྱིས་
སྨྲས་པ། བཙུན་པ་ཀུན་དགའ་བོ་དུས་མ་ཡིན་པར་འཆི་བ་དགུ་ཡོད་པར་ཁྱོད་ཀྱིས་དེ་བཞིན་གཤེགས་པ་ལས་མ་ཐོས་སམ། དེའི་ཕྱིར་སྔགས་དང་སྨན་གྱི་སྦྱོར་བ་རྣམས་བསྟན་ཏོ། །སེམས་ཅན་ནད་ཀྱིས་བཏབ་ལ་དེ་ནད་ཚབས་མི་ཆེས་ཀྱང་སྨན་དང་། རིམ་གྲོ་
བྱེད་པ་དང་མི་ལྡན་ནམ། ཡང་ན་སྨན་པ་སྨན་མ་ཡིན་པ་བྱེད་པ་ཡང་ཡོད་དེ་འདི་ནི་དུས་མ་ཡིན་པར་འཆི་བ་དང་པོའོ། །དུས་མ་ཡིན་པར་འཆི་བ་གཉིས་པ་ནི་གང་རྒྱལ་པོའི་ཆད་པས་འཆི་བའི་དུས་བྱེད་པའོ། །དུས་མ་ཡིན་པར་འཆི་བ་གསུམ་པ་ནི་
གང་དག་ཧ་ཅང་བག་མེད་དེ། བག་མེད་པར་གནས་པ་དེ་དག་ལ་མི་མ་ཡིན་པ་དག་གིས་མདངས་འཕྲོག་པའོ། །དུས་མ་ཡིན་པར་འཆི་བ་བཞི་པ་ནི་གང་དག་མེས་ཚིག་སྟེ་འཆི་བའི་དུས་བྱེད་པའོ། །དུས་མ་ཡིན་པར་འཆི་བ་ལྔ་པ་ནི་གང་དག་ཆུས་
འཆི་བའོ། །དུས་མ་ཡིན་པར་འཆི་བ་དྲུག་པ་ནི་གང་དག་སེང་གེ་དང་། སྟག་དང་། ཝ་དང་། སྦྲུལ་དང་། གཅན་གཟན་ཁྲོ་བོའི་ནང་དུ་ཆུད་དེ་འཆི་བའོ། །དུས་མ་ཡིན་པར་འཆི་བ་བདུན་པ་ནི་གང་དག་རི་ཀ་ནས་གཡང་དུ་ལྷུང་བའོ། །དུས་མ་ཡིན་པར་

94-1-267b

འཆི་བ་བརྒྱད་པ་ནི་གང་དག་དུག་དང་། བྱད་སྟེམ་དང་། རོ་ལངས་ཀྱི་སྦྱོར་བས་གསོད་པའོ། །དུས་མ་ཡིན་པར་འཆི་བ་དགུ་པ་ནི་གང་དག་ཟས་དང་སྐོམ་མ་རྙེད་ནས་བཀྲེས་པ་དང་། སྐོམ་པས་ཉེན་ཏེ་འཆི་བའི་དུས་བྱེད་པའོ། །མདོར་ན་འདི་དག་ནི་དེ་བཞིན་
གཤེགས་པས་དུས་མ་ཡིན་པར་འཆི་བ་ཆེན་པོར་བསྟན་པ་སྟེ། གཞན་ཡང་དུས་མ་ཡིན་པར་འཆི་བ་ནི་གྲངས་མེད་དཔག་ཏུ་མེད་དོ། །དེ་ནས་འཁོར་དེར་གནོད་སྦྱིན་གྱི་སྡེ་དཔོན་ཆེན་པོ་བཅུ་གཉིས་འདུས་པར་གྱུར་ཏེ། གནོད་སྦྱིན་གྱི་སྡེ་དཔོན་ཆེན་པོ་ཅི་འཇིགས་
དང་། གནོད་སྦྱིན་གྱི་སྡེ་དཔོན་ཆེན་པོ་རྡོ་རྗེ་དང་། གནོད་སྦྱིན་གྱི་སྡེ་དཔོན་ཆེན་པོ་རྒྱན་འཛིན་དང་། གནོད་སྦྱིན་གྱི་སྡེ་དཔོན་ཆེན་པོ་གཟའ་འཛིན་དང་། གནོད་སྦྱིན་གྱི་སྡེ་དཔོན་ཆེན་པོ་རླུང་དང་། གནོད་སྦྱིན་གྱི་སྡེ་དཔོན་ཆེན་པོ་གནས་བཅས་དང་། གནོད་
སྦྱིན་གྱི་སྡེ་དཔོན་ཆེན་པོ་དབང་འཛིན་དང་། གནོད་སྦྱིན་གྱི་སྡེ་དཔོན་ཆེན་པོ་བཏུང་འཛིན་དང་། གནོད་སྦྱིན་གྱི་སྡེ་དཔོན་ཆེན་པོ་སྨྲ་འཛིན་དང་། གནོད་སྦྱིན་གྱི་སྡེ་དཔོན་ཆེན་པོ་བསམ་འཛིན་དང་། གནོད་སྦྱིན་གྱི་སྡེ་དཔོན་ཆེན་པོ་གཡོ་བ་འཛིན་དང་། གནོད་
སྦྱིན་གྱི་སྡེ་དཔོན་ཆེན་པོ་རྫོགས་བྱེད་དེ། གནོད་སྦྱིན་གྱི་སྡེ་དཔོན་ཆེན་པོ་བཅུ་གཉིས་པོ་དེ་དག་གོ། གནོད་སྦྱིན་གྱི་སྡེ་དཔོན་ཆེན་པོ་རེ་རེ་ལ་ཡང་གཡོག་གནོད་སྦྱིན་བདུན་འབུམ་བདུན་འབུམ་ཡོད་པ་སྟེ། དེ་དག་གིས་ཚིག་གཅིག་ཏུ་བཅོམ་ལྡན་འདས་ལ་འདི་སྐད་
ཅེས་གསོལ་ཏོ། །འདས་སངས་རྒྱས་ཀྱི་མཐུས་བདག་ཅག་གིས་བཅོམ་ལྡན་འདས་དེ་བཞིན་གཤེགས་པ་སྨན་གྱི་བླ་བཻ་དཱུརྱའི་འོད་ཀྱི་རྒྱལ་པོ་དེའི་མཚན་ཐོས་ཏེ། བདག་ཅག་ལ་ཡང་ངན་འགྲོར་མཆི་བའི་འཇིགས་པ་འབྱུང་བར་མི་འགྱུར་རོ། །
དེས་ན་བདག་ཅག་ལྷན་ཅིག་ཏུ་མཐུན་པར་ཇི་སྲིད་འཚོའི་བར་དུ་སངས་རྒྱས་ལ་སྐྱབས་སུ་མཆིའོ། །ཆོས་ལ་སྐྱབས་སུ་མཆིའོ། །དགེ་འདུན་ལ་སྐྱབས་སུ་མཆིའོ། །སེམས་ཅན་ཐམས་ཅད་ཀྱི་དོན་དང་། སྨན་པ་དང་། བདེ་བའི་སླད་
དུ་སྤྲོ་བར་བགྱིའོ། །བྱེ་བྲག་ཏུ་ནི་གྲོང་ངམ། གྲོང་ཁྱེར་རམ། གྲོང་རྡལ་ལམ། དགོན་པའི་གནས་གང་ན་མདོ་སྡེ་འདི་སྤྱོད་པ་དང་། གང་བཅོམ་ལྡན་འདས་དེ་བཞིན་གཤེགས་པ་སྨན་གྱི་བླ་བཻ་དཱུརྱའི་འོད་ཀྱི་རྒྱལ་པོ་དེའི་མཚན་འཆང་བ་དང་། 

94-1-268a

མཆོད་པ་དང་། རིམ་གྲོ་བགྱིད་པའི་སེམས་ཅན་དེ་དག་ལ་བདག་ཅག་གིས་བསྲུང་བར་བགྱི། ཡོངས་སུ་བསྐྱང་བར་བགྱི། གནོད་པ་ཐམས་ཅད་ལས་ཡོངས་སུ་ཐར་བར་བགྱི། བསམ་པ་ཐམས་ཅད་ཡོངས་སུ་རྫོགས་པར་བགྱིའོ། །
དེ་ནས་བཅོམ་ལྡན་འདས་ཀྱིས་གནོད་སྦྱིན་གྱི་སྡེ་དཔོན་ཆེན་པོ་དེ་དག་ལ་ལེགས་སོ་ཞེས་བྱ་བ་གནང་སྟེ། གནོད་སྦྱིན་གྱི་སྡེ་དཔོན་ཆེན་པོ་དག་གང་གི་ཕྱིར་ཁྱོད་བཅོམ་ལྡན་འདས་དེ་བཞིན་གཤེགས་པ་སྨན་གྱི་བླ་བཻ་དཱུརྱའི་འོད་ཀྱི་རྒྱལ་པོ་དེ་ལ་བྱས་པ་གཟོ་ཞིང་རྗེས་སུ་
དྲན་ལ་སེམས་ཅན་ཐམས་ཅད་ལ་ཕན་པའི་ཕྱིར་ཞུགས་པ་ལེགས་སོ་ལེགས་སོ། །དེ་ནས་འཁོར་དེའི་ནང་ནས་ལྷའི་བུ་ཤེས་རབ་ཆུང་ངུ་ཁ་ཅིག་འདི་སྙམ་དུ་སེམས་ཏེ། ཇི་ལྟར་ན་སངས་རྒྱས་ཀྱི་ཞིང་གང་གཱའི་ཀླུང་གི་བྱེ་མ་སྙེད་འདས་པ་ན་རྣམ་པར་བཞུགས་
པའི་དེ་བཞིན་གཤེགས་པ་དེ་དག་གི་མཚན་ཐོས་པ་དང་། བཟུང་བ་ཙམ་གྱིས་སེམས་ཅན་ཐམས་ཅད་ཀྱི་ཡོན་ཏན་གྱི་ཁྱད་པར་འདི་ལྟ་བུར་འགྱུར་སྙམ་མོ། །དེ་ནས་བཅོམ་ལྡན་འདས་དེ་བཞིན་གཤེགས་པ་ཤཱཀྱ་ཐུབ་པས་ལྷའི་བུ་བློ་གྲོས་ཆུང་ངུ་དེ་དག་གི་སེམས་
ཀྱི་ཡོངས་སུ་རྟོག་པ་ཐུགས་ཀྱིས་མཁྱེན་ནས་དེ་བཞིན་གཤེགས་པ་ཐམས་ཅད་ཀྱི་སངས་རྒྱས་ཀྱི་ཞིང་བསྐུལ་བ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་སོ། །བཅོམ་ལྡན་འདས་ཀྱིས་ཏིང་ངེ་འཛིན་དེ་ལ་མཉམ་པར་གཞག་མ་ཐག་ཏུ་སྟོང་གསུམ་གྱི་
སྟོང་ཆེན་པོའི་འཇིག་རྟེན་གྱི་ཁམས་ཐམས་ཅད་རབ་ཏུ་གཡོས་སོ། །ལྷའི་ཙན་དན་གྱི་ཕྱེ་མ་དང་། མེ་ཏོག་གི་སྤྲིན་གྱི་ཆར་ཡང་བབ་བོ། །དེ་བཞིན་གཤེགས་པ་བདུན་པོ་དེ་དག་ཀྱང་འཇིག་རྟེན་གྱི་ཁམས་མི་མཇེད་འདིར་གཤེགས་ཏེ། 
དེ་བཞིན་གཤེགས་པའི་སྔོན་གྱི་དགེ་བའི་རྩ་བ་ལས་བྱུང་བའི་ལྷའི་སེང་གེའི་ཁྲི་ལ་བཞུགས་ཤིང་བྱང་ཆུབ་སེམས་དཔའ་ཐམས་ཅད་ཀྱིས་ནི་བསྐོར། ལྷ་དང་། ཀླུ་དང་། གནོད་སྦྱིན་དང་། དྲི་ཟ་དང་། ལྷ་མ་ཡིན་དང་། ནམ་མཁའ་ལྡིང་
དང་། མི་འམ་ཅི་དང་། ལྟོ་འཕྱེ་ཆེན་པོ་དང་། རྒྱལ་པོ་དང་། བློན་པོ་དང་། བྲམ་ཟེ་དང་། ཁྱིམ་བདག་རྣམས་ཀྱིས་ནི་ཡོངས་སུ་བསྐོར་ཏེ་ཆོས་སྟོན་ཅིང་། བཅོམ་ལྡན་འདས་དེ་བཞིན་གཤེགས་པ་ཤཱཀྱ་ཐུབ་པ་དང་

94-1-268b

ཐབས་གཅིག་ཏུ་ཀུན་དུ་སྣང་ངོ་། །དེ་ནས་ལྷའི་བུ་དེ་དག་དང་ཐམས་ཅད་དང་ལྡན་པའི་འཁོར་དེ་ངོ་མཚར་དུ་གྱུར་ནས་ལེགས་སོ་ཞེས་བྱ་བ་གསོལ་ཏེ། བཅོམ་ལྡན་འདས་དེ་བཞིན་གཤེགས་པ་ཤཱཀྱ་ཐུབ་པ་ལ་ལེགས་སོ་ལེགས་སོ་ཞེས་གསོལ་ནས་
འཁོར་དེ་ཐམས་ཅད་ཀྱིས་རང་རང་གི་དགེ་བའི་རྩ་བའི་བསོད་ནམས་ལས་ངེས་པར་བྱུང་བའི་མེ་ཏོག་དང་། བདུག་པ་དང་། སྤོས་དང་། ཕྲེང་བ་དང་། བྱུག་པ་དང་། སྤུད་པ་དང་། རྒྱན་རྣམས་དང་། ལྷའི་རོལ་མོའི་སྒྲ་རྣམས་ཀྱིས་
དེ་བཞིན་གཤེགས་པ་དེ་དག་ལ་མངོན་པར་མཆོད་དེ་ལན་གསུམ་བསྐོར་བ་བྱས་ནས་ཚིག་འདི་སྐད་ཅེས་གསོལ་ཏོ། །ཀྱེ་མ་སངས་རྒྱས་བཅོམ་ལྡན་འདས་རྣམས་ཀྱི་སངས་རྒྱས་ཀྱི་ཡུལ་དང་། སྔོན་གྱི་སྨོན་ལམ་གྱི་ཁྱད་པར་དང་ཐབས་ལ་
མཁས་པ་ནི་ངོ་མཚར་དུ་བགྱི་བ་ལགས་ཏེ། སེམས་ཅན་ཐམས་ཅད་སངས་རྒྱས་ཀྱི་ཡུལ་གྱི་ཏིང་ངེ་འཛིན་འདི་ལྟ་བུ་ཐོབ་པར་གྱུར་ཅིག་ཅེས་སེམས་ཅན་དེ་དག་ཐམས་ཅད་ཀྱིས་སྨོན་ལམ་དེ་སྐད་བཏབ་བོ། །དེ་ནས་འཇམ་དཔལ་གཞོན་ནུར་གྱུར་པ་སྟན་
ལས་ལངས་ཏེ། ཐལ་མོ་སྦྱར་ནས་དེ་བཞིན་གཤེགས་པ་དེ་དག་ལ་ལན་བདུན་བསྐོར་བ་བྱས་ཏེ། དེ་བཞིན་གཤེགས་པ་དེ་དག་ལ་འདི་སྐད་ཅེས་གསོལ་ཏོ། །ཀྱེ་མ་དེ་བཞིན་གཤེགས་པ་རྣམས་ཀྱི་ཏིང་ངེ་འཛིན་གྱི་བྱིན་གྱིས་བརླབས་དང་། 
ཐབས་ལ་མཁས་པ་དང་། སེམས་ཅན་ཡོངས་སུ་སྨིན་པར་མཛད་པ་ནི་བསམ་གྱིས་མི་ཁྱབ་བོ། །ཡང་བཅོམ་ལྡན་འདས་ཇི་ལྟར་སླད་མའི་ཚེ་སླད་མའི་དུས་ན་སེམས་ཅན་བསོད་ནམས་ཆུང་བ་བྲོ་ནད་ཀྱིས་ལུས་ཡོངས་སུ་གཟིར་བ། གནོད་
སེམས་སུ་གྱུར་པ། གཟའ་དང་། རྒྱུ་སྐར་གྱི་གནོད་པ་བྱུང་བ། འཆི་བ་དང་། དགྲ་དང་། དགོན་པས་གནོད་པར་གྱུར་པ་ཐམས་ཅད་འཇིགས་པ་ཐམས་ཅད་ལས་བསྐྱབ་པ་དང་། མགོན་བགྱི་བ་དང་། སེམས་ཅན་དེ་དག་
གིས་བཅངས་སམ། བཀླགས་སམ། ཡི་གེར་འདྲི་འམ། ཡི་གེར་འདྲིར་སྩོལ་ཏམ། འདོན་ན་དེ་བཞིན་གཤེགས་པས་དགོངས་པ་དང་། དེ་བཞིན་གཤེགས་པ་མཐོང་བ་དང་། བསམ་པ་ཐམས་ཅད་ཡོངས་སུ་རྫོགས་པར་འགྱུར་

94-1-269a

བ་དང་། ལོག་པར་ལྟུང་བར་མི་མཆི་བ་དང་། དུས་མ་ལགས་པར་འགུམ་པར་མི་འགྱུར་བར་དེ་བཞིན་གཤེགས་པའི་སྔོན་གྱི་སྨོན་ལམ་གྱིས་བྱིན་གྱིས་བརླབས་པའི་གཟུངས་ཀྱི་ཚིག་དེ་ལྟ་བུ་བཤད་དུ་གསོལ། དེ་ནས་སངས་རྒྱས་
བཅོམ་ལྡན་འདས་དེ་དག་གིས་འཇམ་དཔལ་གཞོན་ནུར་གྱུར་པ་ལ་ལེགས་སོ་ཞེས་བྱ་བ་གནང་སྟེ། འཇམ་དཔལ་ལེགས་སོ་ལེགས་སོ། །འཇམ་དཔལ་སེམས་ཅན་ཐམས་ཅད་ཀྱི་དོན་དང་སྙིང་རྗེ་བའི་ཕྱིར་ཁྱོད་ཀྱི་སྤོབས་པ་དེ་ནི་དེ་བཞིན་གཤེགས་པའི་བྱིན་
གྱིས་བརླབས་ཀྱིས་སྐྱེས་སོ། །ཡང་ལེགས་པར་རབ་ཏུ་ཉོན་ལ་ཡིད་ལ་ཟུང་ཤིག་དང་བཤད་དོ། །འཇམ་དཔལ་དེ་བཞིན་གཤེགས་པའི་ཏིང་ངེ་འཛིན་གྱི་སྟོབས་བསྐྱེད་པའི་བཻ་དཱུརྱའི་འོད་ཅེས་བྱ་བའི་གཟུངས་ཡོད་དེ། རིགས་ཀྱི་བུའམ་རིགས་ཀྱི་བུ་མོ་སེམས་ཅན་
ཐམས་ཅད་སྙིང་རྗེ་བའི་སེམས་ཀྱིས་གཟུངས་དེ་བཟུང་ངམ། བཀླགས་སམ། མཆོད་ན་བསམ་པ་ཐམས་ཅད་ཡོངས་སུ་རྫོགས་པར་འགྱུར། དེ་བཞིན་གཤེགས་པས་དགོངས་ཤིང་དེ་བཞིན་གཤེགས་པ་མཐོང་བར་འགྱུར། ལས་ཀྱི་སྒྲིབ་པ་
ཐམས་ཅད་རྣམ་པར་དག་པའི་སངས་རྒྱས་ཀྱི་ཞིང་དུ་སྐྱེ་བར་འགྱུར་རོ། །འཇམ་དཔལ་གྱིས་གསོལ་པ། བཅོམ་ལྡན་འདས་དེ་བཞིན་གཤེགས་པའི་ཏིང་ངེ་འཛིན་གྱི་སྟོབས་བསྐྱེད་པ་བཻ་དཱུརྱའི་འོད་ཅེས་བགྱི་བའི་གཟུངས་གང་ལགས། 
ནས་དེ་བཞིན་གཤེགས་པ་དེ་དག་གིས་གསུང་དབྱངས་གཅིག་གིས་གཟུངས་ཀྱི་ཚིག་འདི་དག་བཀའ་སྩལ་ཏོ། །ཏདྱ་ཐཱ། གྷུ་མེ་གྷུ་མེ། ཨི་མི། ནི་མི་ཧི། མ་ཏི་མ་ཏི། སཔྟ། ཏ་ཐཱ་ག་ཏ་ས་མཱ་དྷྱ་དྷི་ཥྛི་ཏེ། ཨ་ཏི་མ་ཏེ། པཱ་ལེ། པཱ་པྃ་ཤོ་དྷ་ནི། སརྦ་པཱ་པྃ་
ནཱ་ཤ་ཡ། མ་མ་བུདྷེ། བུདྡྷོཏྟ་མེ། ཨུ་མེ། ཀུ་མེ། བུདྡྷ་ཀྵེ་ཏྲ་པ་རི་ཤོ་དྷ་ནི། དྷ་མེ། ནི་དྷ་མེ། མེ་རུ་མེ་རུ། མེ་རུ་ཤི་ཁ་རེ། སརྦ་ཨ་ཀཱ་ལ་མྲི་ཏྱུ་ནི་བཱ་ར་ཎི། བུདྡྷེ་སུ་བུ་དྡྷེ་བུདྡྷཱ་དྷིཥྛཱ་ན། རཀྵནྟུ་མེ། སརྦ་དེ་བ། ས་མེ་ཨ་ས་མེ་
ས་མ་ནྭཱ་ཧ་རནྟུ་མེ། སརྦ་བུདྡྷ། བོ་དྷི་ས་ཏྭཱ་ནཱྃ། ཤ་མེ་ཤ་མེ། པྲ་ཤ་མནྟུ་མེ་སརྦ་ཨི་ཏྱུ་པ་དྲ་བ་བྱཱ་དྷ་ཡཿ པཱུ་ར་ཎི་པཱུ་ར་ཎི། པཱུ་ར་ཡ་མེ། སརྦ་ཨཱ་ཤཱ་ཡ་བཻ་དཱུརྱ་པྲ་ཏི་བྷཱ་སེ་སརྦ་པཱ་པཀྵ་ཡཾ་ཀ་རི་སྭཱ་ཧཱ། གཟུངས་འདི་བཀའ་སྩལ་པའི་ཚེ་

94-1-269b

སྣང་བ་ཆེན་པོ་བྱུང་སྟེ། ས་ཆེན་པོ་གཡོས་ནས་རྫུ་འཕྲུལ་རྣམ་པར་འཕྲུལ་པ་དག་སྣང་ངོ་། །འཁོར་ཇི་ལྟར་ལྷགས་པ་དེས་ཀྱང་ལྷའི་སྤོས་དང་། བདུག་པ་རྣམས་ཀྱིས་དེ་བཞིན་གཤེགས་པ་དེ་དག་ལ་མཆོད་ནས་ལེགས་སོ་ཞེས་བྱ་བ་གསོལ་ཏེ་ལན་བདུན་
བསྐོར་བ་བྱས་སོ། །དེ་ནས་སངས་རྒྱས་བཅོམ་ལྡན་འདས་དེ་དག་གིས་འདི་སྐད་ཅེས་བཀའ་སྩལ་ཏོ། །རིགས་ཀྱི་བུ་འམ། རིགས་ཀྱི་བུ་མོ་གང་ལ་ལ་ཞིག་གཟུངས་འདི་འཆང་ངམ། ཀློག་གམ། མཆོད་དམ། གཙང་མར་བྱས་ཏེ་ཕྱོགས་གཙང་མར་
འཕགས་པའི་ཡན་ལག་བརྒྱད་དང་ལྡན་པར་བྱས་ལ་སེམས་ཅན་ཐམས་ཅད་ལ་མཆོག་ཏུ་སྙིང་རྗེ་བས་དེས་དེ་བཞིན་གཤེགས་པ་བདུན་པོ་དེ་དག་གི་སྐུ་གཟུགས་བྱས་ལ་དེ་བཞིན་གཤེགས་པ་འདི་དག་ལ་མེ་ཏོག་དང་། བདུག་པ་དང་། མར་མེ་དང་། སྤོས་དང་། 
ཕྲེང་བ་དང་། རོལ་མོའི་སྒྲ་དང་། རྒྱལ་མཚན་དང་། བ་དན་རྣམས་ཀྱིས་མཆོད་པ་བྱེད་ཅིང་ཉི་མ་བདུན་དུ་འཕགས་པའི་ཡན་ལག་བརྒྱད་ལ་གནས་ཏེ་གཟུངས་ཀྱི་ཚིག་འདི་དག་ལན་སྟོང་རྩ་བརྒྱད་དུ་བཏོན་ན་དེ་ལ་དེ་བཞིན་གཤེགས་པ་རྣམས་དགོངས་
པར་འགྱུར། བྱང་ཆུབ་སེམས་དཔའ་ཐམས་ཅད་སེམས་པར་འགྱུར། རྡོ་རྗེ་འཛིན་ཐམས་ཅད་ཀྱང་ཡང་དག་པར་བསྲུང་བར་འགྱུར། ལྷ་ཐམས་ཅད་དང་། བརྒྱ་བྱིན་དང་། ཚངས་པ་ཐམས་ཅད་དང་། རྒྱལ་པོ་བཞི་པོ་དག་གིས་ཀྱང་ཡོངས་སུ་བསྐྱང་བར་
འགྱུར། མཚམས་མེད་པ་ལྔ་ལ་སོགས་པ་ལས་ཀྱི་སྒྲིབ་པ་ཐམས་ཅད་ཀྱང་ཡོངས་སུ་བྱང་བར་འགྱུར། ནད་ཐམས་ཅད་ཀྱིས་མི་བཏབ་པར་འགྱུར། རིང་དུ་འཚོ་བར་འགྱུར། དུས་མ་ཡིན་པར་འཆི་བའི་འཇིགས་པ་ཐམས་ཅད་ལས་
ཡོངས་སུ་ཐར་བར་འགྱུར། འཆི་བ་དང་། དགྲ་དང་། དགོན་པའི་གནོད་པ་དང་། འཐབ་པ་དང་རྩོད་པ་དང་། འགྱེད་པ་ཐམས་ཅད་རབ་ཏུ་ཞི་བར་འགྱུར། དགྲ་ཐམས་ཅད་ཀྱི་དབང་དུ་མི་འགྲོ་བར་འགྱུར། ཅི་བསམས་པའི་བསམ་པ་
ཐམས་ཅད་ཡོངས་སུ་རྫོགས་པར་འགྱུར་རོ། །དེ་ནས་བྱང་ཆུབ་སེམས་དཔའ་ལག་ན་རྡོ་རྗེ་དང་། ལྷའི་དབང་པོ་བརྒྱ་བྱིན་དང་། རྒྱལ་པོ་ཆེན་པོ་བཞི་དག་བཅོམ་ལྡན་འདས་ག་ལ་བ་དེ་ལོགས་སུ་ཐལ་མོ་སྦྱར་བ་བཏུད་ནས་བཅོམ་ལྡན་འདས་ལ་འདི་

94-1-270a

སྐད་ཅེས་གསོལ་ཏོ། །བཅོམ་ལྡན་འདས་བདག་ཅག་གིས་དེ་བཞིན་གཤེགས་པ་རྣམས་ཀྱི་སྔོན་གྱི་སྨོན་ལམ་གྱི་ཁྱད་པར་རྒྱས་པ་ཡང་ཐོས། བཅོམ་ལྡན་འདས་དེ་བཞིན་གཤེགས་པ་རྣམས་ཀྱང་མངོན་དུ་མཐོང་སྟེ་མཆོད་པ་བགྱིས་
སོ། །ཡང་བཅོམ་ལྡན་འདས་ས་ཕྱོགས་གང་ན་དེ་བཞིན་གཤེགས་པ་རྣམས་ཀྱི་མཚན་དང་། གཟུངས་ཀྱི་ཚིག་འདི་དག་སྤྱོད་པ་དེར་བདག་ཅག་གཡོག་དང་བཅས་ཏེ་མཆི་བར་བགྱིའོ། །རིགས་ཀྱི་བུའམ་རིགས་ཀྱི་བུ་མོ་གང་ཞིག་འཆང་བ་དང་། 
ཀློག་པ་དང་། མཆོད་པར་བགྱིད་པ་དང་། ཡི་གེར་འདྲི་བ་དང་། ཡི་གེར་འདྲིར་སྩོལ་བ་དེར་བདག་ཅག་མཐུན་པར་ལྷན་ཅིག་ཏུ་མཆིས་ཏེ། རིགས་ཀྱི་བུའམ་རིགས་ཀྱི་བུ་མོ་འམ། རྒྱལ་པོ་འམ། རྒྱལ་པོའི་བློན་པོ་མདོ་སྡེའི་
དབང་པོ་འཛིན་པ་དང་། འདྲི་བ་དེ་ལ་དེ་བཞིན་གཤེགས་པའི་བྱིན་གྱི་རླབས་ཀྱིས་བསྲུང་བར་བགྱིའོ། །གྲོང་དང་། གྲོང་ཁྱེར་དང་། ཕྱོགས་ཀྱང་ཡོངས་སུ་བསྐྱང་བར་བགྱིའོ། །འཆི་བ་དང་། དགྲ་དང་། དགོན་པའི་
གནོད་པ་དང་། ནད་ཐམས་ཅད་རབ་ཏུ་ཞི་བར་བགྱིའོ། །བདག་ཅག་ནི་དེ་བཞིན་གཤེགས་པ་དང་། སེམས་ཅན་ཐམས་ཅད་ལ་བྱམས་པ་དང་བྱས་པ་གཟོ་བ་ལགས་ཏེ། དུས་མ་ལགས་པར་འགུམ་པ་ཐམས་ཅད་བཟློག་པར་བགྱིའོ། །
འཐབ་པ་དང་། འཐབ་མོ་དང་། རྩོད་པ་དང་། འགྱེད་པ་ཐམས་ཅད་རབ་ཏུ་ཞི་བར་བགྱིའོ། །ཇི་ལྟར་བསམས་པ་དང་། སེམས་ཡིད་བདེ་བ་དང་། ལོངས་སྤྱོད་དང་། དབང་ཕྱུག་དང་། ནོར་དང་། འབྲུ་རྣམས་
འཕེལ་བར་བགྱིའོ། །ཐམས་ཅད་དུ་བསྲུང་བར་བགྱིའོ། །བཅོམ་ལྡན་འདས་བདག་ཅག་གི་རང་གི་བྲོ་བོར་བ་དང་། དམ་བཅས་པ་འདི་དག་རིགས་ཀྱི་བུ་འམ་རིགས་ཀྱི་བུ་མོ་དེས་རྗེས་སུ་དྲན་པར་བགྱིའོ། །ཏདྱ་ཐཱ། ཨ་གྷུ། 
མ་གྷུ། ཏ་ར་གྷུ། མ་མ་གྷུ། གྷུ་རེ། ཧཱ་ཧཱུ་ཧེ། མྲ་མྲ་མྲ་མྲ། ཛུ་ཛུ་རི། ཛུ་རི་སྭཱ་ཧཱ། གང་ལ་ལ་ཞིག་དེ་བཞིན་གཤེགས་པའི་མཚན་རྣམས་དང་། གཟུངས་ཀྱི་ཚིག་འདི་དག་འཆང་བ་དང་། བཀླག་པ་དང་། ཡི་གེར་འདྲི་བ་དང་། 

94-1-270b

ཡི་གེར་འདྲིར་སྩོལ་བ་དང་། རབ་ཏུ་གུས་པར་མཆོད་པ་བགྱིད་པ་དེ་ནི་ངན་སོང་གསུམ་དུ་མི་མཆི་བར་རིག་པར་བགྱི་སྟེ། དེ་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ལས་སླར་མི་ལྡོག་པར་འགྱུར། ཇི་ལྟར་འཚལ་བའི་སངས་རྒྱས་ཀྱི་ཞིང་དེ་དག་ཏུ་སྐྱེ་
བར་འགྱུར། དེ་བཞིན་གཤེགས་པ་མཐོང་བར་འགྱུར། ཚེ་རབས་དྲན་པར་འགྱུར། ཏིང་ངེ་འཛིན་དང་། གཟུངས་ཀྱང་ཐོབ་པར་འགྱུར་རོ། །དེ་ནས་བྱང་ཆུབ་སེམས་དཔའ་ལག་ན་རྡོ་རྗེས་དེ་བཞིན་གཤེགས་པ་དེ་དག་ལ་འདི་སྐད་ཅེས་གསོལ་ཏོ། །
རིགས་ཀྱི་བུ་འམ། རིགས་ཀྱི་བུ་མོ་མདོ་སྡེའི་དབང་པོ་འཛིན་པ་དེ་དག་གི་དོན་དུ་བདག་གིས་གཟུངས་ཀྱི་གསང་སྔགས་ཀྱི་གཞི་རྣམས་རབ་ཏུ་སྩལ་བར་བགྱིས། སངས་རྒྱས་བཅོམ་ལྡན་འདས་རྣམས་བདག་ལ་དགོངས་སུ་གསོལ། དེ་ནས་སངས་རྒྱས་
བཅོམ་ལྡན་འདས་དེ་དག་གིས་གསུང་གཅིག་གིས་བྱང་ཆུབ་སེམས་དཔའ་ལག་ན་རྡོ་རྗེ་ལ་ལེགས་སོ་ཞེས་བྱ་བ་གནང་སྟེ། ལག་ན་རྡོ་རྗེ་ལེགས་སོ་ལེགས་སོ། །ལག་ན་རྡོ་རྗེ་ཁྱོད་ལ་དགོངས་ཟིན་གྱིས་མདོ་སྡེའི་དབང་པོ་འཛིན་པ་དེ་དག་ལ་ཕན་པ་འདོད་པ་དང་། 
རེ་བ་ཐམས་ཅད་ཡོངས་སུ་རྫོགས་པར་བྱ་བའི་ཕྱིར་གཟུངས་ཀྱི་གསང་སྔགས་ཀྱི་གཞི་དེ་དག་སྨྲོས་ཤིག །དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་ལག་ན་རྡོ་རྗེས་གཟུངས་ཀྱི་གསང་སྔགས་ཀྱི་གཞི་འདི་དག་སྨྲས་སོ། །ཡང་དག་པར་རྫོགས་པའི་
སངས་རྒྱས་བདུན་པོ་དག་ལ་ཕྱག་འཚལ་ལོ། །རྡོ་རྗེ་འཛིན་ཐམས་ཅད་ལ་ཕྱག་འཚལ་ལོ། །ཏདྱ་ཐཱ། ཨོཾ་བཛྲེ་བཛྲེ། མ་ཧཱ་བཛྲེ། བཛྲ་པཱ་ཤ་དྷ་ར་ཎི། ས་མ་ས་མ་ས་མནྟ། ཨ་པྲ་ཏི་ཧ་ཏ་བཛྲེ། ཤ་མ་ཤ་མ། པྲ་ཤ་མནྟུ། སརྦ་བྱཱ་དྷ་
ཡཿ ཀུ་རུ་ཀུ་རུ་སརྦ་ཀརྨྨ་ཎི། ས་མ་ཡ་མ་ནུ་སྨ་ར། བྷ་ག་བཱན་བཛྲ་པཱ་ཎི། སརྦ་ཨཱ་ཤཱ་མ་མེ་པ་རི་པཱུ་ར་ཡ་སྭཱ་ཧཱ། བཅོམ་ལྡན་འདས་གང་ལ་ལ་ཞིག་དེ་བཞིན་གཤེགས་པ་འདི་དག་གི་མཚན་དང་། སྔོན་གྱི་སྨོན་ལམ་གྱི་ཁྱད་པར་རྒྱས་
པ་དང་། ཆོས་ཀྱི་རྣམ་གྲངས་འདི་འཆང་བ་དང་། ཀློག་པ་དེའི་རེ་བ་ཐམས་ཅད་བདག་གིས་ཡོངས་སུ་བསྐང་བར་བགྱི། དོན་ཐམས་ཅད་ཀྱང་བསྒྲུབ་པར་བགྱིའོ། །གལ་ཏེ་དེས་བདག་མཐོང་བར་འཚལ་ན་ཆོས་ཀྱི་རྣམ་གྲངས་འདི་ཡི་གེར་འདྲིར་སྩལ་

94-1-271a

བར་བགྱི། དེ་བཞིན་གཤེགས་པ་འདི་དག་གི་སྐུ་གཟུགས་བདུན་ཀྱང་བགྱི། རྡོ་རྗེ་འཛིན་ཀྱང་སྐུ་གདུང་དང་བཅས་པར་བགྱི། དེ་བཞིན་གཤེགས་པ་དེ་དག་ལ་ཡང་ཇི་སྐད་གོང་དུ་སྨོས་པ་བཞིན་དུ་སྤོས་དང་། བདུག་
པ་དང་། མར་མེ་དང་། ཕྲེང་བ་དང་། རྒྱན་དང་། རོལ་མོའི་སྒྲ་དང་། སིལ་སྙན་དང་། ཕེག་རྡོབ་པ་རྣམས་ཀྱིས་མཆོད་དེ་བསྐོར་བར་བགྱི། གཟུངས་ཀྱི་གསང་སྔགས་ཀྱི་གཞི་འདི་དག་ཀྱང་གདོན་པར་བགྱི། སེམས་
ཅན་ཐམས་ཅད་ལ་ཡང་ཕན་པའི་སེམས་དང་། བྱམས་པའི་སེམས་སུ་བགྱི། འཕགས་པའི། ཡན་ལག་བརྒྱད་པའི་བསྙེན་གནས་ལ་གནས་ཏེ། ལན་གསུམ་ཁྲུས་བགྱི་ཞིང་གོས་ལན་གསུམ་བརྗེ་བར་བགྱི། ཚེས་བརྒྱད་
ནས་བརྩམས་ཏེ། ཟླ་བ་ཕྱི་མ་བཅྭ་ལྔ་ཉའི་བར་དུ་ཉིན་གཅིག་བཞིན་རིག་སྔགས་ལན་བརྒྱ་རྩ་བརྒྱད་བཟླས་ན་དེ་ལ་བདག་གིས་རྨི་ལམ་དུ་མཐོང་བ་སྩལ་བར་བགྱི། འབེལ་བའི་བཀའ་མཆིད་ཀྱང་བགྱི། རེ་བ་ཐམས་ཅད་ཀྱང་ཡོངས་སུ་
བསྐང་བར་བགྱིའོ། །དེ་ནས་བྱང་ཆུབ་སེམས་དཔའི་འཁོར་དེ་དག་ཐམས་ཅད་ཀྱིས་བྱང་ཆུབ་སེམས་དཔའ་ལག་ན་རྡོ་རྗེ་ལ་ལེགས་སོ་ཞེས་བྱ་བ་བྱིན་ཏེ། ལག་ན་རྡོ་རྗེ་ཁྱོད་ཀྱིས་གཟུངས་ཀྱི་གསང་སྔགས་ཀྱི་གཞི་འདི་དག་ལེགས་པར་སྨྲས་པ། 
ལེགས་སོ་ལེགས་སོ། །དེ་བཞིན་གཤེགས་པ་དེ་དག་གིས་ཀྱང་འདི་སྐད་ཅེས་བཀའ་སྩལ་ཏོ། །ལག་ན་རྡོ་རྗེ་ངེད་ཀྱིས་སེམས་ཅན་ཐམས་ཅད་ཀྱི་དོན་དང་། ཕན་པ་དང་། རེ་བ་ཐམས་ཅད་ཡོངས་སུ་བསྐང་བའི་ཕྱིར་གཟུངས་ཀྱི་
གསང་སྔགས་ཀྱི་གཞི་འདི་དག་བྱིན་གྱིས་བརླབས་སོ། །དེ་ནས་སངས་རྒྱས་བཅོམ་ལྡན་འདས་དེ་དག་གིས་བརྒྱ་བྱིན་དང་། ཚངས་པ་དང་། འཇིག་རྟེན་སྐྱོང་བ་རྣམས་ལ་བོས་ཏེ་བཀའ་སྩལ་པ། གྲོགས་པོ་དག་ཁྱེད་ལ་ཆོས་
ཀྱི་རྣམ་གྲངས་འདི་རྗེས་སུ་གཏད་ཀྱིས། ཁྱེད་ཀྱིས་ཅི་ནས་ཀྱང་ཆོས་ཀྱི་རྣམ་གྲངས་ཆེན་པོ་དེ་བཞིན་གཤེགས་པ་དང་མཚུངས་པ། སྡིག་པ་ཐམས་ཅད་བྱང་བར་བྱེད་པ། རེ་བ་ཐམས་ཅད་ཡོངས་སུ་སྐོང་བ་འདི་ཕྱི་མའི་ཚེ་ཕྱི་མའི་དུས་ལྔ་བརྒྱ་ཐ་

94-1-271b

མ་ལ། སེམས་ཅན་བསོད་ནམས་ཆུང་ངུ་དམ་པའི་ཆོས་སྤོང་བ། འཕགས་པ་ལ་སྐུར་པ་འདེབས་པ་རྣམས་ཀྱི་ལག་ཏུ་མྱུར་དུ་ནུབ་པར་མི་འགྱུར་བར་བསྲུངས་ཤིག །དེ་ནས་ཚེ་དང་ལྡན་པ་ཀུན་དགའ་བོ་སྟན་ལས་ལངས་ཏེ། བླ་གོས་ཕྲག་པ་གཅིག་ཏུ་
གཟར་ནས། པུས་མོ་གཡས་པའི་ལྷ་ང་ས་ལ་བཙུགས་ཏེ། བཅོམ་ལྡན་འདས་ག་ལ་བ་དེ་ལོགས་སུ་ཐལ་མོ་སྦྱར་བ་བཏུད་ནས། བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས་ཆོས་ཀྱི་རྣམ་གྲངས་འདིའི་མིང་ཅི་
ལགས། འདི་ཇི་ལྟར་གཟུང་བར་བགྱི། བཅོམ་ལྡན་འདས་ཀྱིས་བཀའ་སྩལ་པ། ཀུན་དགའ་བོ་དེའི་ཕྱིར་ཆོས་ཀྱི་རྣམ་གྲངས་འདི་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་བདུན་གྱི་སྔོན་གྱི་སྨོན་ལམ་གྱི་ཁྱད་
པར་རྒྱས་པ་ཞེས་བྱ་བར་ཡང་ཟུང་ཤིག །བྱང་ཆུབ་སེམས་དཔའ་ལག་ན་རྡོ་རྗེས་དམ་བཅས་པ་ཞེས་བྱ་བར་ཡང་ཟུང་ཤིག །ལས་ཀྱི་སྒྲིབ་པ་ཐམས་ཅད་རྣམ་པར་སྦྱོང་ཞིང་རེ་བ་ཐམས་ཅད་ཡོངས་སུ་སྐོང་བ་ཞེས་བྱ་བར་ཡང་ཟུང་ཤིག །གནོད་སྦྱིན་གྱི་སྡེ་
དཔོན་ཆེན་པོ་བཅུ་གཉིས་ཀྱིས་དམ་བཅས་པ་ཞེས་བྱ་བར་ཡང་ཟུང་ཤིག །བཅོམ་ལྡན་འདས་ཀྱིས་དེ་སྐད་ཅེས་བཀའ་སྩལ་ནས། འཇམ་དཔལ་གཞོན་ནུར་གྱུར་པ་དང་། བྱང་ཆུབ་སེམས་དཔའ་དེ་དག་དང་། གསང་བ་པའི་བདག་པོ་
ལག་ན་རྡོ་རྗེ་དང་། ཐམས་ཅད་དང་ལྡན་པའི་འཁོར་དེ་དག་དང་། ལྷ་དང་། མི་དང་། ལྷ་མ་ཡིན་དང་། དྲི་ཟར་བཅས་པའི་འཇིག་རྟེན་ཡི་རངས་ཏེ། བཅོམ་ལྡན་འདས་ཀྱིས་གསུངས་པ་ལ་མངོན་པར་བསྟོད་དོ། །འཕགས་པ་
དེ་བཞིན་གཤེགས་པ་བདུན་གྱི་སྔོན་གྱི་སྨོན་ལམ་གྱི་ཁྱད་པར་རྒྱས་པ་ཞེས་བྱ་བ་ཐེག་པ་ཆེན་པོའི་མདོ་བརྒྱད་བརྒྱ་པ། རྫོགས་སྷོ།། །།རྒྱ་གར་གྱི་མཁན་པོ་ཛི་ན་མི་ཏྲ་དང་། དཱ་ན་ཤཱི་ལ་དང་། ཤི་ལེནྡྲ་བོ་དྷི་དང་། 
ཞུ་ཆེན་གྱི་ལོ་ཙྪ་བ་བནྡེ་ཡེ་ཤེས་སྡེས་བསྒྱུར་ཅིང་ཞུས་ཏེ་སྐད་གསར་ཆད་ཀྱིས་ཀྱང་བཅོས་ནས་གཏན་ལ་ཕབ་པ། ཞུས། །དག་གོ། །།

94-1-272a

༄༅། །རྒྱ་གར་སྐད་དུ།  ཨཱརྱ་བྷ་ག་བཱན། བྷཻ་ཥ་ཛྱ་གུ་རུ་བཻ་དཱུརྱ་པྲ་བྷ་སྱ་པཱུརྦྦ་པྲ་ཎི་དྷཱ་ན་བི་ཤེ་ཥ་བི་སྟཱ་ར་ནཱ་མ་མ་ཧཱ་ཡཱ་ན་སཱུ་ཏྲ།  བོད་སྐད་དུ།  འཕགས་པ་བཅོམ་ལྡན་འདས་སྨན་གྱི་བླ་བཻ་དཱུརྱའི་འོད་ཀྱི་རྒྱལ་པོའི་སྔོན་གྱི་སྨོན་ལམ་
གྱི་ཁྱད་པར་རྒྱས་པ་ཞེས་བྱ་བ་ཐེག་པ་ཆེན་པོའི་མདོ། སངས་རྒྱས་དང་། བྱང་ཆུབ་སེམས་དཔའ་ཐམས་ཅད་ལ་ཕྱག་འཚལ་ལོ། །འདི་སྐད་བདག་གིས་ཐོས་པ་དུས་གཅིག་ན། བཅོམ་ལྡན་འདས་ཡུལ་རྒྱུ་བ་རྒྱུ་ཞིང་ཡངས་
པ་ཅན་དུ་བྱོན་ཏེ། ཡངས་པ་ཅན་ན་རོལ་མོའི་སྒྲ་ཅན་གྱི་ཤིང་ལྗོན་པའི་དྲུང་ན་དགེ་སློང་བརྒྱད་སྟོང་གི་དགེ་སློང་གི་དགེ་འདུན་ཆེན་པོ་དང་། ཐབས་ཅིག་ཏུ་བཞུགས་ཏེ། བྱང་ཆུབ་སེམས་དཔའ་སུམ་ཁྲི་དྲུག་སྟོང་དང་ཡང་ཐབས་ཅིག་ཏུ་
རྒྱལ་པོ་དང་། བློན་པོ་དང་། བྲམ་ཟེ་དང་། ཁྱིམ་བདག་རྣམས་དང་། ལྷ་དང་། ལྷ་མ་ཡིན་དང་། ནམ་མཁའ་ལྡིང་དང་། མི་འམ་ཅི་དང་། ལྟོ་འཕྱེ་ཆེན་པོ་རྣམས་ཀྱིས་ཡོངས་སུ་བསྐོར་ཅིང་མདུན་གྱིས་བལྟས་ཏེ་
ཆོས་སྟོན་ཏོ། །དེ་ནས་སངས་རྒྱས་ཀྱི་མཐུས་ཆོས་ཀྱི་རྒྱལ་བུ་འཇམ་དཔལ་སྟན་ལས་ལངས་ཏེ། གོས་ཕྲག་པ་གཅིག་ཏུ་བགོས་ནས་པུས་མོ་གཡས་པའི་ལྷ་ང་ས་ལ་བཙུགས་ཏེ། བཅོམ་ལྡན་འདས་ག་ལ་བ་དེ་ལོགས་སུ་ཐལ་མོ་
སྦྱར་བ་བཏུད་ནས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །གང་ཐོས་པས་སེམས་ཅན་རྣམས་ཀྱི་ལས་ཀྱི་སྒྲིབ་པ་ཡོངས་སུ་བྱང་བར་འགྱུར་བ་དང་། སླད་མའི་ཚེ་སླད་མའི་དུས་སུ་དམ་པའི་ཆོས་ལྟར་བཅོས་པ་འབྱུང་བ་ན་
སེམས་ཅན་དེ་དག་རྗེས་སུ་གཟུང་བའི་སླད་དུ་དེ་བཞིན་གཤེགས་པ་དེ་དག་གི་མཚན་དང་། སྔོན་གྱི་སྨོན་ལམ་གྱི་ཁྱད་པར་རྒྱས་པ་བཅོམ་ལྡན་འདས་ཀྱིས་བསྟན་དུ་གསོལ། དེ་ནས་བཅོམ་ལྡན་འདས་ཀྱིས་འཇམ་དཔལ་གཞོན་ནུར་གྱུར་པ་
ལ་ལེགས་སོ་ཞེས་བྱ་བ་བྱིན་ཏེ། འཇམ་དཔལ་ལེགས་སོ་ལེགས་སོ། །འཇམ་དཔལ་ཁྱོད་ཀྱིས་སྙིང་རྗེ་དཔག་ཏུ་མེད་པ་བསྐྱེད་ནས་སེམས་ཅན་ལས་ཀྱི་སྒྲིབ་པ་སྣ་ཚོགས་ཀྱིས་བསྒྲིབས་པ་རྣམས་དང་། ལྷ་དང་མི་རྣམས་ཀྱི་དོན་

94-1-272b

དང་། ཕན་པ་དང་བདེ་བའི་ཕྱིར་གསོལ་བ་འདེབས་པ་ནི་ལེགས་སོ། །འཇམ་དཔལ་དེའི་ཕྱིར་ལེགས་པར་རབ་ཏུ་ཉོན་ལ་ཡིད་ལ་ཟུང་ཤིག་དང་བཤད་དོ། །འཇམ་དཔལ་གཞོན་ནུར་གྱུར་པས་བཅོམ་ལྡན་འདས་དེ་བཞིན་ནོ་ཞེས་གསོལ་
ནས། བཅོམ་ལྡན་འདས་ཀྱི་ལྟར་ཉན་པ་དང་། བཅོམ་ལྡན་འདས་ཀྱིས་དེ་ལ་འདི་སྐད་ཅེས་བཀའ་སྩལ་ཏོ། །འཇམ་དཔལ་ཤར་ཕྱོགས་ལོགས་སུ་སངས་རྒྱས་ཀྱི་ཞིང་འདི་ནས་སངས་རྒྱས་ཀྱི་ཞིང་གང་གཱའི་ཀླུང་བཅུའི་བྱེ་མ་སྙེད་འདས་པ་ན་
འཇིག་རྟེན་གྱི་ཁམས་བཻ་དཱུརྱར་སྣང་བ་ཞེས་བྱ་བ་ཡོད་དེ། དེ་ན་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རིག་པ་དང་ཞབས་སུ་ལྡན་པ། བདེ་བར་གཤེགས་པ། འཇིག་རྟེན་མཁྱེན་པ། སྐྱེས་བུ་
འདུལ་བའི་ཁ་ལོ་སྒྱུར་བ། བླ་ན་མེད་པ། ལྷ་དང་མི་རྣམས་ཀྱི་སྟོན་པ། སངས་རྒྱས་བཅོམ་ལྡན་འདས་སྨན་གྱི་བླ་བཻ་དཱུརྱའི་འོད་ཅེས་བྱ་བ་བཞུགས་སོ། །འཇམ་དཔལ་བཅོམ་ལྡན་འདས་དེ་བཞིན་གཤེགས་པ་
སྨན་གྱི་བླ་བཻ་དཱུརྱའི། འོད་དེ་སྔོན་བྱང་ཆུབ་སེམས་དཔའི་སྤྱད་པ་སྤྱོད་པ་ན་སྨོན་ལམ་ཆེན་པོ་བཅུ་གཉིས་པོ་འདི་དག་བཏབ་བོ། །བཅུ་གཉིས་གང་ཞེ་ན། དེའི་སྨོན་ལམ་ཆེན་པོ་དང་པོ་ནི་གང་གི་ཚེ་བདག་མ་འོངས་པའི་དུས་ན་བླ་ན་མེད་པ་ཡང་དག་
པར་རྫོགས་པའི་བྱང་ཆུབ་མངོན་པར་རྫོགས་པར་སངས་རྒྱས་པ་དེའི་ཚེ་བདག་གི་ལུས་ཀྱི་འོད་ཀྱིས་འཇིག་རྟེན་གྱི་ཁམས་གྲངས་མེད་དཔག་ཏུ་མེད་ཅིང་དཔག་གིས་མི་ལང་བ་དག་ལྷམ་མེ་ལྷན་ནེ་ལྷང་ངེར་གྱུར་ཅིག །སེམས་ཅན་ཐམས་
ཅད་སྐྱེས་བུ་ཆེན་པོའི་མཚན་སུམ་ཅུ་རྩ་གཉིས་དང་། དཔེ་བྱད་བཟང་པོ་བརྒྱད་བཅུས་ལེགས་པར་བརྒྱན་པར་གྱུར་ཏེ། བདག་ཅི་འདྲ་བ་དེ་བཞིན་དུ་སེམས་ཅན་ཐམས་ཅད་ཀྱང་དེ་འདྲ་བར་གྱུར་ཅིག་ཅེས་བཏབ་བོ། །དེའི་སྨོན་
ལམ་ཆེན་པོ་གཉིས་པ་ནི་གང་གི་ཚེ་བདག་མ་འོངས་པའི་དུས་ན་བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་སངས་རྒྱས་པ་དེའི་ཚེ་བདག་བྱང་ཆུབ་ཐོབ་པ་ན་ལུས་ནོར་བུ་རིན་པོ་ཆེ་བཻ་དཱུརྱ་ཇི་འདྲ་བ་དེ་འདྲ་བར་ཕྱི་ནང་

94-1-272c

ཤིན་ཏུ་ཡོངས་སུ་དག་པ་དང་། དྲི་མ་མེད་ལ་འོད་གསལ་བ་དང་། ཁོ་ལག་ཡངས་ཤིང་ཆེ་བ་དང་། དཔལ་དང་གཟི་བརྗིད་འབར་བ་དང་། ལེགས་པར་གནས་པ་དང་། ཉི་མ་དང་ཟླ་བ་བས་ལྷག་པའི་འོད་ཟེར་གྱི་
དྲ་བ་རྣམས་ཀྱིས་ལེགས་པར་བརྒྱན་པར་གྱུར་ཅིག །དེ་ན་སེམས་ཅན་གང་དག་འཇིག་རྟེན་གྱི་བར་དུ་སྐྱེས་པ་དག་དང་། གང་དག་ཡང་མིའི་འཇིག་རྟེན་འདི་ན་མཚན་མོ་མུན་པ་མུན་ནག་གི་ནང་ན་ཕྱོགས་ཐ་དད་པར་འགྲོ་བ་དེ་དག་བདག་གི་འོད་
ཀྱིས་ཕྱོགས་དགའ་མགུར་འགྲོ་བར་གྱུར་ཅིག །ལས་རྣམས་ཀྱང་བྱེད་པར་གྱུར་ཅིག་ཅེས་བཏབ་བོ། །དེའི་སྨོན་ལམ་ཆེན་པོ་གསུམ་པ་ནི་གང་གི་ཚེ་བདག་མ་འོངས་པའི་དུས་ན། བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་
པར་སངས་རྒྱས་པ་དེའི་ཚེ་བདག་བྱང་ཆུབ་ཐོབ་པ་ནས་བདག་གི་ཤེས་རབ་དང་ཐབས་དཔག་ཏུ་མེད་པས་སེམས་ཅན་གྱི་ཁམས་དཔག་གིས་མི་ལང་བ་དག་ལོངས་སྤྱོད་མི་ཟད་པ་དང་ལྡན་པར་གྱུར་ཏེ། སུ་ཡང་ཅིས་ཀྱང་བྲེལ་བ་མེད་པར་གྱུར་ཅིག་
ཅེས་བཏབ་བོ། །དེའི་སྨོན་ལམ་ཆེན་པོ་བཞི་པ་ནི་གང་གི་ཚེ་མ་འོངས་པའི་དུས་ན། བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་སངས་རྒྱས་པ་དེའི་ཚེ་བདག་བྱང་ཆུབ་ཐོབ་པ་ན་སེམས་ཅན་གང་དག་ལམ་ངན་པར་ཞུགས་པ་དེ་
དག་བྱང་ཆུབ་ཀྱི་ལམ་ལ་དགོད་པར་བྱའོ། །ཉན་ཐོས་ཀྱི་ལམ་དུ་ཞུགས་པ་དང་། རང་སངས་རྒྱས་ཀྱི་ལམ་དུ་ཞུགས་པ་དེ་དག་ཐམས་ཅད་ནི་ཐེག་པ་ཆེན་པོ་ལ་གཟུད་པར་བྱའོ་ཞེས་བཏབ་བོ། །དེའི་སྨོན་ལམ་ཆེན་པོ་ལྔ་པ་ནི་གང་གི་ཚེ་བདག་མ་འོངས་པའི་དུས་
ན་བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་སངས་རྒྱས་པ་དེའི་ཚེ་བདག་བྱང་ཆུབ་ཐོབ་པ་ན་སེམས་ཅན་གང་དག་བདག་གི་གན་ན་ཚངས་པར་སྤྱད་པ་སྤྱོད་པ་དང་། དེ་བཞིན་དུ་སེམས་ཅན་གཞན་དཔག་ཏུ་མེད་ཅིང་དཔག་གིས་མི་ལང་
བ་དེ་དག་ཐམས་ཅད་ཀྱང་བདག་གི་མིང་ཐོས་ནས། བདག་གི་མཐུས་སྡོམ་པ་གསུམ་གྱིས་བསྡམས་པ་དང་། ཚུལ་ཁྲིམས་ཉམས་པ་མེད་པར་གྱུར་ཅིག །སུ་ཡང་ཚུལ་ཁྲིམས་ལོག་པར་ཞུགས་ཏེ། ངན་འགྲོར་འགྲོ་བར་མ་གྱུར་ཅིག་ཅེས་བཏབ་བོ། །དེའི་སྨོན་

94-1-272d

ལམ་ཆེན་པོ་དྲུག་པ་ནི་གང་གི་ཚེ་བདག་མ་འོངས་པའི་དུས་ན་བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་སངས་རྒྱས་པ་དེའི་ཚེ་བདག་བྱང་ཆུབ་ཐོབ་པ་ན་སེམས་ཅན་གང་སུ་དག་ལུས་ངན་པ་དང་། དབང་པོ་མ་ཚངས་
བ་དང་། མདོག་མི་སྡུག་པ་དང་། བེམས་པོ་དང་། ཡན་ལག་སྐྱོན་ཅན་དང་། སྒུར་པོ་དང་། ཤ་བཀྲ་ཅན་དང་། ཞར་བ་དང་། ལོང་བ་དང་འོན་པ་དང་། སྨྱོན་པར་གྱུར་པ་དང་། གཞན་ཡང་གང་སུ་དག་ལུས་ལ་ནད་ཀྱིས་བཏབ་པ་དེ་དག་གིས་
བདག་གི་མིང་ཐོས་ནས་ཐམས་ཅད་དབང་པོ་ཚང་ཞིང་ཡན་ལག་ཡོངས་སུ་རྫོགས་པར་གྱུར་ཅིག་ཅེས་བཏབ་བོ། །དེའི་སྨོན་ལམ་ཆེན་པོ་བདུན་པ་ནི་གང་གི་ཚེ་བདག་མ་འོངས་པའི་དུས་ན། བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་
པར་རྫོགས་པར་སངས་རྒྱས་པ་དེའི་ཚེ་བདག་བྱང་ཆུབ་ཐོབ་པ་ན། སེམས་ཅན་གང་སུ་དག་ནད་སྣ་ཚོགས་ཀྱིས་གཟིར་བ། སྐྱབས་མེད་པ། མགོན་མེད་པ། འཚོགས་ཆས་དང་། སྨན་མི་བདོག་པ། དཔུང་གཉེན་
མེད་པ། དབུལ་བ། སྡུག་བསྔལ་བ་གང་དག་གི་རྣ་ལམ་དུ་བདག་གི་མིང་གྲག་པ་དེ་དག་ནི་ནད་ཐམས་ཅད་རབ་ཏུ་ཞི་བར་གྱུར་ཅིག །བྱང་ཆུབ་ཀྱི་མཐར་ཐུག་གི་བར་དུ་ནད་མེད་ཅིང་གནོད་པ་མེད་པར་གནས་པར་གྱུར་ཅིག་ཅེས་བཏབ་
བོ། །དེའི་སྨོན་ལམ་ཆེན་པོ་བརྒྱད་པ་ནི་གང་གི་ཚེ་བདག་མ་འོངས་པའི་དུས་ན། བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་སངས་རྒྱས་པ་དེའི་ཚེ་བདག་བྱང་ཆུབ་ཐོབ་པ་ན་བུད་མེད་གང་ལ་ལ་བུད་མེད་ཀྱི་
སྐྱོན་བརྒྱ་དག་གིས་ཀུན་ནས་ཉོན་མོངས་པར་གྱུར་པ། བུད་མེད་ཀྱི་དངོས་པོ་ལ་སྨོད་པ། བུད་མེད་ཀྱི་སྐྱེ་གནས་ལས་ཡོངས་སུ་ཐར་བར་འདོད་པ་དེ་དག་བུད་མེད་ཀྱི་དངོས་པོ་ལས་ལོག་པར་གྱུར་ཅིག །བྱང་ཆུབ་ཀྱི་མཐར་ཐུག་གི་བར་
སྐྱེས་པའི་དབང་པོ་བྱུང་བར་གྱུར་ཅིག་ཅེས་བཏབ་བོ། །དེའི་སྨོན་ལམ་ཆེན་པོ་དགུ་པ་ནི་གང་གི་ཚེ་བདག་མ་འོངས་པའི་དུས་ན། བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་སངས་རྒྱས་

94-1-273a

པ་དེའི་ཚེ་བདག་བྱང་ཆུབ་ཐོབ་པ་ན་སེམས་ཅན་ཐམས་ཅད་བདུད་ཀྱི་ཞགས་པ་རྣམས་ལས་ཡོངས་སུ་ཐར་བར་བྱའོ། །ལྟ་བ་ཐ་དད་པ་མི་མཐུན་པ་ཟིང་ཟིང་བས་མི་མཐུན་པར་གྱུར་པ་དག་ཡང་དག་པའི་ལྟ་བ་ལ་དགོད་པར་བྱའོ། །
མཐར་ཀྱིས་བྱང་ཆུབ་སེམས་དཔའི་སྤྱོད་པ་བསྟན་པར་བྱའོ་ཞེས་བཏབ་བོ། །དེའི་སྨོན་ལམ་ཆེན་པོ་བཅུ་པ་ནི་གང་གི་ཚེ་བདག་མ་འོངས་པའི་དུས་ན་བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་སངས་རྒྱས་པ་དེའི་ཚེ། 
བདག་བྱང་ཆུབ་ཐོབ་པ་ན་སེམས་ཅན་གང་སུ་དག་རྒྱལ་པོའི་འཇིགས་པས་སྐྲག་པ་དང་། གང་དག་བཅིང་བ་དང་བརྡེག་པ་དང་། གོ་རར་གཞུག་པ་དང་། གསད་པར་འོས་པ་སྒྱུ་དུ་མས་ཀུན་ཏུ་གཙེས་པ། ང་རྒྱལ་དང་བྲལ་བ་ལུས་དང་
ངག་དང་སེམས་སྡུག་བསྔལ་གྱིས་ཉེན་པ་དེ་དག་བདག་གི་བསོད་ནམས་ཀྱི་མཐུས་གནོད་པ་ཐམས་ཅད་ལས་ཡོངས་སུ་ཐར་བར་གྱུར་ཅིག་ཅེས་བཏབ་བོ། །དེའི་སྨོན་ལམ་ཆེན་པོ་བཅུ་གཅིག་པ་ནི། གང་གི་ཚེ་བདག་མ་འོངས་པའི་དུས་ན་བླ་ན་མེད་
པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་སངས་རྒྱས་པ་དེའི་ཚེ། བདག་བྱང་ཆུབ་ཐོབ་པ་ན་སེམས་ཅན་གང་སུ་དག་བཀྲེས་པ་དང་། སྐོམ་པའི་མེ་རབ་ཏུ་འབར་བ། ཁ་ཟས་ཚོལ་བ་ལ་རབ་ཏུ་བརྩོན་པ། སྡིག་
པའི་ལས་བྱེད་པ་དེ་དག་བདག་གིས་ཁ་དོག་དང་། དྲི་དང་། རོར་ལྡན་པའི་ཁ་ཟས་ཀྱིས་ལུས་ཚིམ་པར་བྱས་ཏེ། ཕྱིས་ཆོས་ཀྱི་རོས་ཤིན་ཏུ་བདེ་བ་ལ་དགོད་པར་བྱའོ་ཞེས་བཏབ་བོ། །དེ་བཞིན་གཤེགས་པ་དེའི་སྨོན་ལམ་ཆེན་པོ་
བཅུ་གཉིས་པ་ནི་གང་གི་ཚེ་བདག་མ་འོངས་པའི་དུས་ན་བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་སངས་རྒྱས་པ་དེའི་ཚེ། སེམས་ཅན་གང་སུ་དག་སྒྲེན་མོ་བགོ་བ་མེད་པ་དབུལ་བ། སྡུག་བསྔལ་བ། གྲང་
བ་དང་། ཚ་བ་དང་། སྦྲང་བུ་དང་། ཤ་སྦྲང་དག་གིས་ཉིན་མཚན་དུ་སྡུག་བསྔལ་གྱི་ཚོར་བ་མྱོང་བ་དག་ལ་བདག་གིས་གོས་ཡོངས་སུ་སྤྱད་པ་ཚོན་སྣ་ཚོགས་སུ་ཁ་བསྒྱུར་བ་དག་སྦྱིན་པར་བྱའོ། །ཇི་ལྟར་འདོད་པ་བཞིན་དུ་རིན་པོ་

94-1-273b

ཆེའི་རྒྱན་སྣ་ཚོགས་དང་། པུད་པ་དང་། ཕྲེང་བ་དང་། སྤོས་དང་། བྱུག་པ་དང་། རོལ་མོའི་སྒྲ་དང་། སིལ་སྙན་དང་། ཕེག་རྡོབ་པ་རྣམས་ཀྱིས་སེམས་ཅན་རྣམས་ཀྱི་བསམ་པ་ཐམས་ཅད་ཡོངས་སུ་རྫོགས་པར་གྱུར་ཅིག་ཅེས་
བཏབ་བོ། །འཇམ་དཔལ་བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་སྨན་གྱི་བླ་བཻ་དཱུརྱའི་འོད་དེ་སྔོན་བྱང་ཆུབ་སེམས་དཔའི་སྤྱད་པ་སྤྱོད་པ་ན་སྨོན་ལམ་ཆེན་པོ་བཅུ་གཉིས་པོ་དེ་དག་བཏབ་
པར་གྱུར་ཏོ། །འཇམ་དཔལ་དེ་བཞིན་གཤེགས་པ་སྨན་གྱི་བླ་བཻ་དཱུརྱའི་འོད་དེའི་སྨོན་ལམ་གང་ཡིན་པ་དང་། སངས་རྒྱས་ཀྱི་ཞིང་གི་ཡོན་ཏན་བཀོད་པ་གང་ཡིན་པ་དེ་ནི་བསྐལ་པ་འམ། བསྐལ་པ་ལས་ལྷག་པར་ཡང་ཟད་པར་བྱར་མི་
ནུས་སོ། །སངས་རྒྱས་ཀྱི་ཞིང་དེ་ནི་ཤིན་ཏུ་ཡོངས་སུ་དག་པ་སྟེ། རྡོ་དང་། གསེག་མ་དང་། གྱོ་མོ་མེད་པ། འདོད་པའི་སྐྱོན་མེད་པ། ངན་སོང་དང་སྡུག་བསྔལ་གྱི་སྒྲ་མེད་པ། བུད་མེད་ཀྱི་དངོས་པོ་མེད་པ། ས་དང་། རྩིག་པ་དང་། 
ར་བ་དང་། རྟ་བབས་དང་། སྐར་ཁུང་གི་དྲ་བ་དང་། བ་གམ་ནི་བཻ་དཱུརྱའི་རང་བཞིན་ཅན། པུ་ཤུ་ནི་རིན་པོ་ཆེ་སྣ་བདུན་གྱི་རང་བཞིན་ཅན་ཏེ། འཇིག་རྟེན་གྱི་ཁམས་བདེ་བ་ཅན་ཅི་འདྲ་བ་དེ་བཞིན་དུ་འཇིག་རྟེན་གྱི་ཁམས་བཻ་དཱུརྱར་སྣང་བའི་
སངས་རྒྱས་ཀྱི་ཞིང་གི་ཡོན་ཏན་བཀོད་པ་ཡང་དེ་འདྲའོ། །འཇིག་རྟེན་གྱི་ཁམས་དེ་ན་བྱང་ཆུབ་སེམས་དཔའ་གྲངས་མེད་དཔག་ཏུ་མེད་པ་དེ་དག་གི་ནང་ན་བྱང་ཆུབ་སེམས་དཔའ་སེམས་དཔའ་ཆེན་པོ་གཙོ་བོ་གཉིས་ཡོད་དེ། གཅིག་
གི་མིང་ནི་ཉི་མ་ལྟར་རྣམ་པར་སྣང་བྱེད་ཅེས་བྱ། གཉིས་པའི་མིང་ནི་ཟླ་བ་ལྟར་རྣམ་པར་སྣང་བྱེད་ཅེས་བྱ་སྟེ། དེ་དག་ནི་བཅོམ་ལྡན་འདས་དེ་བཞིན་གཤེགས་པ་སྨན་གྱི་བླ་བཻ་དཱུརྱའི་འོད་དེའི་དམ་པའི་ཆོས་ཀྱི་མཛོད་འཛིན་པའོ། །
འཇམ་དཔལ་དེ་ལྟ་བས་ན་དད་པའི་རིགས་ཀྱི་བུའམ་རིགས་ཀྱི་བུ་མོས་སངས་རྒྱས་ཀྱི་ཞིང་དེར་སྐྱེ་བར་སྨོན་ལམ་ཐོབ་ཅིག །ཡང་བཅོམ་ལྡན་འདས་ཀྱིས་འཇམ་དཔལ་གཞོན་ནུར་གྱུར་པ་ལ་བཀའ་སྩལ་པ། འཇམ་དཔལ་

94-1-274a

སེམས་ཅན་སོ་སོའི་སྐྱེ་བོ་གང་དག་དགེ་བ་དང་མི་དགེ་བ་མི་ཤེས་པ་དག་ཡོད་དེ། དེ་དག་ནི་ཆགས་པའི་ཟིལ་གྱིས་ནོན་པ། སྦྱིན་པ་དང་སྦྱིན་པའི་འབྲས་བུ་རྣམ་པར་སྨིན་པ་མི་ཤེས་པའོ། །དེ་དག་ནི་བྱིས་པ། གླེན་པ། 
དད་པའི་དབང་པོ་དང་བྲལ་བ། ནོར་སོག་ཅིང་། སྲུང་བ་ལ་མངོན་པར་བརྩོན་གྱི། སྦྱིན་པ་ཡང་དག་པར་འགྱེད་པ་ལ་དེ་དག་གི་སེམས་མི་འགྲོ་བ་སྟེ། སྦྱིན་པའི་དུས་ཉེ་བར་གནས་པ་ན་རང་གི་ལུས་ཀྱི་ཤ་ལས་བཅད་པ་བཞིན་དུ་ཡིད་མི་དགའ་
བར་འགྱུར་རོ། །སེམས་ཅན་དེ་དག་ནི་བདག་ཉིད་ཀྱང་དུ་མ་ཡོངས་སུ་མི་སྤྱོད་ན་ཕ་མ་དང་། ཆུང་མ་དང་། བུ་དང་། བུ་མོ་ལ་མི་སྟེར་བ་ལྟ་སྨོས་ཀྱང་ཅི་དགོས། བྲན་ཕོ་དང་། བྲན་མོ་དང་། ལས་བྱེད་པ་རྣམས་ལ་ལྟ་སྨོས་ཀྱང་ཅི་དགོས། 
གཞན་སློང་བ་རྣམས་ལ་ལྟ་སྨོས་ཀྱང་ཅི་དགོས། སེམས་ཅན་དེ་ལྟ་བུ་དེ་དག་ནི་འདི་ནས་ཤི་འཕོས་ན་ཡི་དགས་ཀྱི་འཇིག་རྟེན་དུ་སྐྱེ་བར་འགྱུར། ཡང་ན་དུད་འགྲོའི་སྐྱེ་གནས་སུ་སྐྱེ་བར་འགྱུར་རོ། །དེ་ལ་གང་དག་སྔོན་མིར་གྱུར་པ་ན། བཅོམ་ལྡན་འདས་
དེ་བཞིན་གཤེགས་པ་སྨན་གྱི་བླ་བཻ་དཱུརྱའི་འོད་དེའི་མཚན་ཐོས་པར་གྱུར་པ་དེ་དག་ནི་གཤིན་རྗེའི་འཇིག་རྟེན་ན་གནས་ཀྱང་རུང་། དུད་འགྲོའི་སྐྱེ་གནས་ན་གནས་ཀྱང་རུང་སྟེ། དེར་དེ་བཞིན་གཤེགས་པ་དེའི་མཚན་མངོན་དུ་འགྱུར་ཞིང་དྲན་མ་ཐག་
པ་ཙམ་གྱིས་དེ་ནས་ཤི་འཕོས་ནས་ཡང་མིའི་འཇིག་རྟེན་དུ་སྐྱེ་བར་འགྱུར་ཚེ་རབས་དྲན་པར་འགྱུར་རོ། །ངན་འགྲོའི་འཇིགས་པས་སྐྲག་ནས་ཡང་འདོད་པའི་ཡོན་ཏན་དག་དོན་དུ་མི་གཉེར་བ་དང་། སྦྱིན་པ་ལ་མངོན་པར་དགའ་བ་དང་། སྦྱིན་པའི་
བསྔགས་པ་བརྗོད་པ་དང་། བདོག་པ་ཐམས་ཅད་ཡོངས་སུ་གཏོང་བར་གྱུར་ཏེ། རིམ་གྱིས་རང་གི་མགོ་དང་། ལག་པ་དང་། རྐང་པ་དང་། མིག་དང་། ཤ་དང་། ཁྲག་ཀྱང་སློང་བ་རྣམས་ལ་རབ་ཏུ་སྦྱིན་པར་འགྱུར་ན། ནོར་གྱི་ཕུང་
པོ་གཞན་ལྟ་སྨོས་ཀྱང་ཅི་དགོས། འཇམ་དཔལ་གཞན་ཡང་སེམས་ཅན་གང་དག་དེ་བཞིན་གཤེགས་པ་རྣམས་ཀྱི་བསླབ་པའི་གནས་འཇིག་པ་དག་ཡོད་དེ། དེ་དག་ཚུལ་ཁྲིམས་ལོག་པར་ཞུགས་ཤིང་ལྟ་བ་ལོག་པར་ཞུགས་ནས། གང་དག་

94-1-274b

ཚུལ་ཁྲིམས་དང་ལྡན་པ་དེ་དག་ནི་ཚུལ་ཁྲིམས་སྲུང་གི་མང་དུ་ཐོས་པ་ཡོངས་སུ་མི་ཚོལ་ཏེ། དེ་བཞིན་གཤེགས་པས་གསུངས་པའི་མདོ་སྡེ་རྣམས་ཀྱི་དོན་ཟབ་མོ་མི་ཤེས། གང་དག་མང་དུ་ཐོས་པ་དེ་དག་ནི་ལྷག་པའི་ང་རྒྱལ་ཅན་དུ་གྱུར་ཏེ། ང་རྒྱལ་
གྱིས་ནོན་པས་གཞན་དག་ལ་ཕྲག་དོག་བྱེད་ཅིང་དམ་པའི་ཆོས་ལ་དབང་ཟ་བར་འགྱུར། སྤོང་བར་འགྱུར་རོ། །མི་བླུན་པོ་དེ་ལྟ་བུ་དེ་དག་ནི་བདུད་ཀྱི་ཕྱོགས་པ་སྟེ། བདག་ཀྱང་ལམ་ངན་པར་ཞུགས་ལ་སེམས་ཅན་གཞན་བྱེ་བ་ཁྲག་ཁྲིག་བརྒྱ་སྟོང་དུ་
མ་དག་ཀྱང་གཡང་ས་ཆེན་པོར་ལྷུང་བར་བྱེད་པའོ། །སེམས་ཅན་དེ་ལྟ་བུ་དེ་དག་ནི་སེམས་ཅན་དམྱལ་བ་མི་བཟད་པར་འགྲོ་བར་འགྱུར་རོ། །གང་དག་སྔོན་མིར་གྱུར་པ་ན་བཅོམ་ལྡན་འདས་དེ་བཞིན་གཤེགས་པ་སྨན་གྱི་བླ་བཻ་དཱུརྱའི་འོད་དེའི་མཚན་
ཐོས་པར་གྱུར་པ་དེ་དག་ནི་སེམས་ཅན་དམྱལ་བ་ན་གནས་ཀྱང་དེར་སངས་རྒྱས་ཀྱི་མཐུས་དེ་བཞིན་གཤེགས་པ་དེའི་མཚན་མངོན་དུ་འགྱུར་ཏེ། དེ་དག་དེ་ནས་ཤི་འཕོས་ནས་ཡང་མིའི་འཇིག་རྟེན་དུ་སྐྱེ་བར་འགྱུར། ཡང་དག་པའི་ལྟ་བ་ཅན་དང་། 
བརྩོན་འགྲུས་དང་ལྡན་པ་དང་། དགེ་བའི་བསམ་པ་ཅན་དུ་འགྱུར་རོ། །དེ་དག་ཁྱིམ་སྤངས་ཏེ་དེ་བཞིན་གཤེགས་པའི་བསྟན་པ་ལ་རབ་ཏུ་བྱུང་ནས་མཐར་གྱིས་བྱང་ཆུབ་སེམས་དཔའི་སྤྱད་པ་སྤྱོད་པར་འགྱུར་རོ། །འཇམ་དཔལ་གཞན་ཡང་སེམས་
ཅན་གང་དག་བདག་གི་བསྔགས་པ་བརྗོད་ཅིང་ཕྲག་དོག་གིས་གཞན་དག་ལ་མི་སྙན་པར་རྗོད་པ་ཡོད་དེ། བདག་ལ་བསྟོད་ཅིང་གཞན་ལ་སྨོད་པའི་སེམས་ཅན་དེ་དག་ངན་སོང་གསུམ་པོ་དག་ཏུ་ལོ་སྟོང་ཕྲག་མང་པོར་སྡུག་བསྔལ་མྱོང་བར་འགྱུར་རོ། །
དེ་དག་ལོ་སྟོང་ཕྲག་དུ་མ་འདས་ནས་དེ་ནས་ཤི་འཕོས་ནས་བ་གླང་དང་། རྟ་དང་། རྔ་མོ་དང་། བོང་བུ་ལ་སོགས་པ་དུད་འགྲོའི་སྐྱེས་གནས་རྣམས་སུ་སྐྱེ་བར་འགྱུར། ལྕུག་ལྕག་དང་། དབྱུག་ལྕག་རྣམས་ཀྱིས་བརྡེག་པ་དང་། བཀྲེས་པ་དང་། སྐོམ་
པས་ལུས་ཉེན་པ་དང་། ཁལ་ཆེན་པོ་བཀལ་ཏེ་ལམ་དུ་འགྲོ་བར་འགྱུར་རོ། །གལ་ཏེ་བརྒྱ་ལ་མིའི་སྐྱེ་བ་རྙེད་ན་ཡང་རྟག་ཏུ་རིགས་དམའ་བ་རྣམས་ཀྱི་ནང་དུ་སྐྱེ་བར་འགྱུར་རོ། །བྲན་དུ་འགྱུར་ཞིང་གཞན་གྱི་དབང་དུ་འགྱུར་རོ། །གང་དག་སྔོན་མིར་གྱུར་པ་ན་བཅོམ་ལྡན་འདས་དེ་བཞིན་

94-1-275a

གཤེགས་པ་སྨན་གྱི་བླ་བཻ་དཱུརྱའི་འོད་དེའི་མཚན་ཐོས་པར་གྱུར་པ་དེ་དག་ནི་དགེ་བའི་རྩ་བ་དེས་སྡུག་བསྔལ་ཐམས་ཅད་ལས་ཡོངས་སུ་ཐར་བར་འགྱུར། དབང་པོ་རྣོ་བར་འགྱུར། མཁས་པ་དང་། གསལ་བ་དང་། ཡིད་གཞུངས་པ་
དང་། དགེ་བ་ཡོངས་སུ་བརྩལ་བ་ལ་མངོན་པར་བརྩོན་པ་དང་། རྟག་ཏུ་དགེ་བའི་བཤེས་གཉེན་དང་འགྲོགས་པ་རྙེད་པར་འགྱུར། བདུད་ཀྱི་ཞགས་པ་གཅོད་པ་དང་། མ་རིག་པའི་སྒོ་ངའི་སྦུབས་གཅོག་པ་དང་། ཉོན་མོངས་པའི་ཆུ་ཀླུང་སྐེམས་པར་
འགྱུར། སྐྱེ་བ་དང་། རྒ་ཤི་དང་། མྱ་ངན་དང་། སྨྲེ་སྔགས་འདོན་པ་དང་། སྡུག་བསྔལ་བ་དང་། ཡིད་མི་བདེ་བ་དང་། འཁྲུག་པ་རྣམས་ལས་ཡོངས་སུ་ཐར་བར་འགྱུར་རོ། །འཇམ་དཔལ་གཞན་ཡང་སེམས་ཅན་གང་དག་ཕྲ་མ་ལ་མངོན་
པར་དགའ་ཞིང་སེམས་ཅན་གང་དག་ཕན་ཚུན་འཐབ་པ་དང་། རྩོད་པ་དང་། འགྱེད་པར་བྱེད་དུ་འཇུག་པ་དག་ཡོད་དེ། སེམས་ཅན་དེ་དག་རྣམ་པར་རྩོད་པའི་སེམས་སུ་གྱུར་པས་ལུས་དང་ངག་དང་། ཡིད་ཀྱིས་མི་དགེ་བ་རྣམ་པ་སྣ་ཚོགས་
མངོན་པར་འདུ་བྱེད་དོ། །གཅིག་ལ་གཅིག་ཕན་པ་མ་ཡིན་པ་འདོད་ཅིང་རྟག་ཏུ་ཕན་ཚུན་གནོད་པར་བྱ་བའི་ཕྱིར་བརྩོན་ཏེ། དེ་དག་ནགས་ཚལ་གྱི་ལྷ་དང་། ཤིང་གི་ལྷ་དང་། རིའི་ལྷ་འགུག་པར་བྱེད། དུར་ཁྲོད་རྣམས་སུ་འབྱུང་པོ་ཐ་
དད་པ་དག་འགུག་པར་བྱེད། དུད་འགྲོའི་སྐྱེ་གནས་སུ་སོང་བའི་སྲོག་ཆགས་རྣམས་ཀྱི་སྲོག་གཅོད་ཅིང་ཤ་དང་ཁྲག་ཟ་བའི་གནོད་སྦྱིན་དང་། སྲིན་པོ་རྣམས་མཆོད་པར་བྱེད་དེ། དགྲ་བོ་དེའི་མིང་ནས་བརྗོད་པ་འམ། གཟུགས་
བྱས་ནས་དེར་རིག་སྔགས་དྲག་པོ་སྒྲུབ་ཅིང་། བྱད་སྟེམ་དང་། རོ་ལངས་ཀྱི་སྦྱོར་བས་སྲོག་གི་བར་ཆད་བྱ་བ་དང་། ལུས་རྣམ་པར་གཞིག་པར་འདོད་པ་ལ་གང་དག་གིས་བཅོམ་ལྡན་འདས་དེ་བཞིན་གཤེགས་པ་སྨན་གྱི་བླ་བཻ་དཱུརྱའི་
འོད་ཀྱི་རྒྱལ་པོ་དེའི་མཚན་ཐོས་པར་གྱུར་པ་དེ་དག་ལ་གང་གིས་ཀྱང་བར་ཆད་བྱ་བར་མི་ནུས་ཏེ། དེ་དག་ཕན་ཚུན་བྱམས་པའི་སེམས་དང་། ཕན་པའི་སེམས་དང་། གནོད་པའི་སེམས་མེད་པའི་སེམས་སུ་གནས་པར་

94-1-275b

འགྱུར། རང་རང་གི་བདོག་པས་ཆོག་ཤེས་པར་འགྱུར་རོ། །འཇམ་དཔལ་གཞན་ཡང་འཁོར་བཞི་པོ་དགེ་སློང་དང་། དགེ་སློང་མ་དང་། དགེ་བསྙེན་དང་། དགེ་བསྙེན་མ་དེ་དག་དང་། གཞན་ཡང་དད་པའི་རིགས་ཀྱི་བུ་འམ། རིགས་
ཀྱི་བུ་མོ་གང་དག་ཡན་ལག་བརྒྱད་དང་ལྡན་པའི་བསྙེན་གནས་ལ་ཉེ་བར་གནས་ཏེ། ལོ་གཅིག་གམ། ཟླ་བ་གསུམ་དུ་བསླབ་པའི་གཞི་རྣམས་འཛིན་ཅིང་གང་དག་གིས་བསམ་པས་བདག་གི་དགེ་བའི་རྩ་བ་འདིས་ནུབ་ཕྱོགས་གང་ན་དེ་བཞིན་གཤེགས་པ་
ཚེ་དཔག་མེད་བཞུགས་པའི་འཇིག་རྟེན་གྱི་ཁམས་བདེ་བ་ཅན་དུ་སྐྱེ་བར་ཤོག་ཤིག་ཅེས་སྨོན་ལམ་དེ་ལྟ་བུ་བཏབ་པ་དག་ལས་གང་དག་གིས་བཅོམ་ལྡན་འདས་དེ་བཞིན་གཤེགས་པ་སྨན་གྱི་བླ་བཻ་དཱུརྱའི་འོད་དེའི་མཚན་ཐོས་པར་གྱུར་པ་དེ་དག་འཆི་བའི་
དུས་ཀྱི་ཚེ་བྱང་ཆུབ་སེམས་དཔའ་བརྒྱད་རྫུ་འཕྲུལ་གྱིས་ལྷགས་ནས་ལམ་སྟོན་པར་འགྱུར་ཏེ། དེ་དག་དེར་པད་མ་ཚོན་ཁ་དོག་སྣ་ཚོགས་རྣམས་ལས་རྫུས་ཏེ་སྐྱེ་བར་འགྱུར་རོ། །གང་ལ་ལ་དག་ལྷའི་འཇིག་རྟེན་དུ་སྐྱེ་བར་འགྱུར་བ་དེ་དག་ནི་དེར་སྐྱེས་ནས་
སྔོན་གྱི་དགེ་བའི་རྩ་བ་དེ་ཟད་པར་མི་འགྱུར་ཞིང་ངན་འགྲོར་འགྲོ་བར་མི་འགྱུར་རོ། །དེ་ནས་ཤི་འཕོས་ནས་ཀྱང་མིའི་འཇིག་རྟེན་འདིར་གླིང་བཞི་པའི་དབང་ཕྱུག་འཁོར་ལོས་སྒྱུར་བའི་རྒྱལ་པོར་གྱུར་ཏེ། སེམས་ཅན་བྱེ་བ་ཁྲག་ཁྲིག་
བརྒྱ་སྟོང་དུ་མ་དགེ་བ་བཅུའི་ལས་ཀྱི་ལམ་ལ་འགོད་པར་འགྱུར་རོ། །གཞན་དུ་ན་ཡང་རྒྱལ་རིགས་ཤིང་སཱ་ལ་ཆེན་པོ་ལྟ་བུའི་ཁྱིམ་དག་ཏུ་སྐྱེ་བར་འགྱུར། བྲམ་ཟེ་ཤིང་སཱ་ལ་ཆེན་པོ་ལྟ་བུའི་ཁྱིམ་དག་དང་། ཁྱིམ་བདག་
ཤིང་སཱ་ལ་ཆེན་པོ་ལྟ་བུའི་ཁྱིམ་དག་དང་། ནོར་དང་། འབྲུ་དང་། མཛོད་དང་། བང་བ་མང་པོ་འབྱོར་པའི་ཁྱིམ་དག་ཏུ་སྐྱེ་བར་འགྱུར་ཏེ། གཟུགས་ཕུན་སུམ་ཚོགས་པ་དང་། དབང་ཕྱུག་ཕུན་སུམ་ཚོགས་པ་དང་། 
གཡོག་ཕུན་སུམ་ཚོགས་པ་དང་། དཔའ་བ་དང་། བརྟུལ་ཕོད་པ་དང་། ཚན་པོ་ཆེན་པོའི་སྟོབས་ཀྱི་ཤུགས་དང་ལྡན་པར་འགྱུར་རོ། །བུད་མེད་གང་གིས་དེ་བཞིན་གཤེགས་པ་དེའི་མཚན་ཐོས་ཤིང་བཟུང་བ་དེའི་བུད་མེད་ཀྱི་

94-1-276a

དངོས་པོ་དེ་ཐ་མ་ཡིན་པར་ཤེས་པར་བྱའོ། །དེ་ནས་བཅོམ་ལྡན་འདས་ལ་འཇམ་དཔལ་གཞོན་ནུར་གྱུར་པས་འདི་སྐད་ཅེས་གསོལ་ཏོ། །བཅོམ་ལྡན་འདས་སླད་མའི་ཚེ་སླད་མའི་དུས་ན། གང་དག་མདོ་འདི་འཆང་བ་དང་། 
ཀློག་པ་དང་། འཆད་པ་དང་། གཞན་དག་ལ་རྒྱ་ཆེར་ཡང་དག་པར་སྟོན་པ་དང་། ཡི་གེར་འདྲི་བ་དང་། ཡི་གེར་འདྲིར་སྩོལ་བ་དང་། གླེགས་བམ་ལ་བྲིས་ཏེ་མེ་ཏོག་དང་། བདུག་པ་དང་། སྤོས་དང་། ཕྲེང་བ་དང་། 
བྱུག་པ་དང་། གདུགས་དང་། རྒྱལ་མཚན་རྣམས་ཀྱིས་བཀུར་སྟི་བགྱིད་པའི་དད་པའི་རིགས་ཀྱི་བུ་འམ། རིགས་ཀྱི་བུ་མོ་དེ་དག་ལ་བདག་གིས་བཅོམ་ལྡན་འདས་དེ་བཞིན་གཤེགས་པ་སྨན་གྱི་བླ་བཻ་དཱུརྱའི་འོད་དེའི་མཚན་རྣམ་པ་སྣ་
ཚོགས་སུ་བསྒྲག་པར་བགྱིའོ། །ཐ་ན་རྨི་ལམ་དུ་ཡང་སངས་རྒྱས་ཀྱི་མཚན་རྣ་ལམ་དུ་ཉེ་བར་བསྒྲག་པར་བགྱིའོ། །ཚོན་སྣ་ལྔ་པའི་གོས་རྣམས་ཀྱིས་དཀྲིས་ཏེ་ཕྱོགས་གཙང་མར་བཞག་ན། གང་ན་མདོ་སྡེ་འདི་གནས་པ་དེར་རྒྱལ་པོ་
ཆེན་པོ་བཞི་འཁོར་དང་བཅས་པ་དང་། ལྷ་བྱེ་བ་ཁྲག་ཁྲིག་བརྒྱ་སྟོང་གཞན་ཡང་མཆི་བར་འགྱུར་རོ། །གང་དག་བཅོམ་ལྡན་འདས་དེ་བཞིན་གཤེགས་པ་སྨན་གྱི་བླ་བཻ་དཱུརྱའི་འོད་དེའི་མཚན་དང་། སྔོན་གྱི་སྨོན་ལམ་གྱི་ཁྱད་པར་
རྒྱས་པའི་མདོ་འདི་འཛིན་པ་དེ་དག་དུས་མ་ལགས་པར་འགུམ་པར་མི་འགྱུར། སུས་ཀྱང་མདངས་འཕྲོགས་པར་མི་ནུས་ཏེ། ཕྲོགས་ན་ཡང་སླར་འཕྲོག་པར་འགྱུར་རོ། །བཅོམ་ལྡན་འདས་ཀྱིས་བཀའ་སྩལ་པ། འཇམ་
དཔལ་དེ་དེ་བཞིན་ཏེ། ཇི་སྐད་སྨྲས་པ་བཞིན་ནོ། །འཇམ་དཔལ་དད་པའི་རིགས་ཀྱི་བུ་འམ། རིགས་ཀྱི་བུ་མོ་གང་དག་དེ་བཞིན་གཤེགས་པ་དེ་ལ་མཆོད་པ་བྱེད་པ་དེ་དག་གིས་དེ་བཞིན་གཤེགས་པ་དེའི་སྐུ་གཟུགས་བྱ། 
ཉིན་ཞག་བདུན་དུ་འཕགས་པའི་ཡན་ལག་བརྒྱད་དང་ལྡན་པའི་བསྙེན་གནས་ལ་ཉེ་བར་གནས་པར་བྱ། ཁ་ཟས་གཙང་མ་བཟའ་ཞིང་ལུས་ལེགས་པར་བཀྲུས་ཏེ། གོས་བཟང་པོ་དྲི་མ་མེད་པ་བགོ་ཞིང་ཕྱོགས་གཙང་མར་མེ་ཏོག་སྣ་

94-1-276b

ཚོགས་སིལ་མ་བཀྲམ་པ། སྤོས་སྣ་ཚོགས་ཀྱིས་བདུགས་པ། རས་དང་། གདུགས་དང་། རྒྱལ་མཚན་སྣ་ཚོགས་ཀྱིས་ལེགས་པར་བརྒྱན་པའི་ས་ཕྱོགས་སུ་དྲི་མ་མེད་པའི་སེམས་དང་། རྙོག་པ་མེད་པའི་སེམས་
དང་། གནོད་སེམས་མེད་པའི་སེམས་དང་། བྱམས་པའི་སེམས་དང་། བཏང་སྙོམས་ཀྱི་སེམས་དང་། མཉམ་པའི་སེམས་སུ་བྱ། རོལ་མོའི་སྒྲ་དང་། སིལ་སྙན་དང་། གླུ་དབྱངས་བླང་ཞིང་
དེ་བཞིན་གཤེགས་པའི་སྐུ་གཟུགས་དེ་ལ་བསྐོར་བ་བྱས་ཏེ། དེའི་སྔོན་གྱི་སྨོན་ལམ་ཡང་ཡིད་ལ་བྱ་ཞིང་མདོ་སྡེ་འདི་ཡང་བསྟན་ན་གང་བསམས་པ་དང་། གང་སྨོན་པའི་བསམ་པ་དེ་ཐམས་ཅད་ཡོངས་སུ་རྫོགས་པར་འགྱུར་ཏེ། 
གལ་ཏེ་ཚེ་རིང་བར་སྨོན་ན་ནི་ཚེ་རིང་པོར་འགྱུར་རོ། །གལ་ཏེ་ལོངས་སྤྱོད་དང་ལྡན་པར་སྨོན་ན་ནི་ལོངས་སྤྱོད་འབྱོར་པར་འགྱུར་རོ། །གལ་ཏེ་དབང་ཕྱུག་དང་ལྡན་པར་སྨོན་ན་ནི་ཚེགས་ཆུང་ངུས་རྙེད་པར་འགྱུར་རོ། །གལ་ཏེ་བུ་འདོད་
ན་ནི་བུ་རྙེད་པར་འགྱུར་རོ། །གང་དག་སྡིག་པ་ཅན་གྱི་རྨི་ལམ་རྨིས་སམ། གང་དུ་བྱ་ཁྭ་ཏ་དང་། ལྟས་ངན་པ་མཐོང་ངམ། གནས་གང་དུ་བཀྲ་མི་ཤིས་པ་བརྒྱ་དག་གནས་པར་གྱུར་པ་ལ་གང་དག་བཅོམ་ལྡན་
འདས་དེ་བཞིན་གཤེགས་པ་སྨན་གྱི་བླ་བཻ་དཱུརྱའི་འོད་དེ་ལ་མཆོད་པ་རྣམ་པ་སྣ་ཚོགས་ཀྱིས་བཀུར་སྟི་བྱེད་ན་རྨི་ལམ་ངན་པ་དང་། ལྟས་ངན་པ་དང་། བཀྲ་མི་ཤིས་པའི་དངོས་པོ་ཐམས་ཅད་མཐོང་བར་མི་འགྱུར་རོ། །
གང་དག་མེས་འཇིགས་པ་དང་། ཆུས་འཇིགས་པ་དང་། མཚོན་གྱིས་འཇིགས་པ་དང་། དུག་གིས་འཇིགས་པ་དང་། གཡང་སས་འཇིགས་པ་དང་། གླང་པོ་ཆེ་གཏུམ་པོས་འཇིགས་པ་དང་། སེང་གེས་
འཇིགས་པ་དང་། སྟག་གིས་འཇིགས་པ་དང་། དོམ་དང་། དྲེད་དང་། སྦྲུལ་གདུག་པས་འཇིགས་པ་དང་། སྦྲུལ་དང་། སྡིག་པ་དང་། རྐང་ལག་བརྒྱ་པས་འཇིགས་པ་དེ་དག་གིས་དེ་བཞིན་གཤེགས་

94-1-277a

པ་དེ་ལ་མཆོད་པ་བྱས་ན་འཇིགས་པ་ཐམས་ཅད་ལས་ཡོངས་སུ་ཐར་བར་འགྱུར་རོ། །གང་དག་ཕ་རོལ་གྱི་དམག་ཚོགས་ཀྱིས་འཇིགས་པ་དང་། རྐུན་པོས་འཇིགས་པ་དང་། ཆོམ་པོས་འཇིགས་པ་དེ་དག་གིས་ཀྱང་དེ་
བཞིན་གཤེགས་པ་དེ་ལ་མཆོད་པ་བྱའོ། །འཇམ་དཔལ་གཞན་ཡང་དད་པའི་རིགས་ཀྱི་བུའམ་རིགས་ཀྱི་བུ་མོ་གང་དག་ཇི་སྲིད་འཚོའི་བར་དུ་དཀོན་མཆོག་གསུམ་ལ་སྐྱབས་སུ་འཛིན་ཅིང་ལྷ་གཞན་མི་འཛིན་པ་དང་། གང་དག་ཡང་
བསླབ་པའི་གཞི་ལྔ་པོ་དག་འཛིན་པ་དང་། གང་དག་བསླབ་པའི་གཞི་བཅུ་པོ་དག་འཛིན་པ་དང་། གང་དག་བྱང་ཆུབ་སེམས་དཔའི་སྡོམ་པ་བསླབ་པའི་གཞི་བཞི་བརྒྱ་པོ་དག་འཛིན་པ་དང་། ཁྱིམ་གྱི་གནས་ནས་བྱུང་བའི་
དགེ་སློང་གང་དག་བསླབ་པའི་གཞི་ཉིས་བརྒྱ་ལྔ་བཅུ་པོ་དག་འཛིན་པ་དང་། དགེ་སློང་མ་གང་དག་བསླབ་པའི་གཞི་ལྔ་བརྒྱ་པོ་དག་འཛིན་པ་དང་། གང་དག་ཇི་ལྟར་ཡོངས་སུ་བཟུང་བའི་བསླབ་པའི་སྡོམ་པ་དེ་དག་གི་ནང་ནས་བསླབ་པའི་
གཞི་གང་ཡང་རུང་བ་ཞིག་ལས་ཉམས་པར་གྱུར་ཏེ། ངན་འགྲོ་ངན་སོང་གིས་འཇིགས་སྐྲག་པ་གང་དག་བཅོམ་ལྡན་འདས་དེ་བཞིན་གཤེགས་པ་སྨན་གྱི་བླ་བཻ་དཱུརྱའི་འོད་དེ་ལ་མཆོད་པ་རྣམ་པ་སྣ་ཚོགས་བྱེད་ན་དེ་དག་ལ་ངན་སོང་གསུམ་གྱི་
སྡུག་བསྔལ་མེད་པར་ཤེས་པར་བྱའོ། །བུད་མེད་གང་ལ་ལ་བུ་བཙའ་བའི་དུས་ན་སྡུག་བསྔལ་མ་རུངས་པ་དྲག་པོ་མི་བཟད་པ་མྱོང་བ་དེས་བཅོམ་ལྡན་འདས་དེ་བཞིན་གཤེགས་པ་སྨན་གྱི་བླ་བཻ་དཱུརྱའི་འོད་དེ་ལ་མཆོད་ན་དེ་མྱུར་དུ་ཡོངས་སུ་
ཐར་པར་འགྱུར། བུ་ཡང་ཡན་ལག་ཡོངས་སུ་ཚང་བར་བཙའ་ཞིང་གཟུགས་བཟང་བ་དང་མཛེས་པ་དང་། བལྟ་ན་སྡུག་པ་དང་། དབང་པོ་རྣོ་བ་དང་། བློ་དང་ལྡན་པ་དང་། ནད་མེད་ཅིང་གནོད་པ་ཉུང་བར་འགྱུར་རོ། །དེ་ལ་མི་
མ་ཡིན་པས་མདངས་འཕྲོག་པར་མི་ནུས་སོ། །དེ་ནས་བཅོམ་ལྡན་འདས་ཀྱིས་ཚེ་དང་ལྡན་པ་ཀུན་དགའ་བོ་ལ་བཀའ་སྩལ་པ། ཀུན་དགའ་བོ་གང་གི་ཕྱིར་ང་བཅོམ་ལྡན་འདས་དེ་བཞིན་གཤེགས་པ་སྨན་གྱི་བླ་བཻ་དཱུརྱའི་འོད་དེའི་ཡོན་ཏན་

94-1-277b

བརྗོད་པར་ཁྱོད་དད་དམ་ཡིད་ཆེས་སམ། ཡང་ན་ཁྱོད་སངས་རྒྱས་ཀྱི་སྤྱོད་ཡུལ་ཟབ་མོ་འདི་ལ་ཡིད་གཉིས་སམ། སོམ་ཉི་འམ། ཐེ་ཚོམ་ཟ་བ་མེད་དམ། དེ་སྐད་ཅེས་བཀའ་སྩལ་པ་དང་། དེ་ནས་བཅོམ་ལྡན་འདས་ལ་ཚེ་དང་
ལྡན་པ་ཀུན་དགའ་བོས་འདི་སྐད་ཅེས་གསོལ་ཏོ། །བཙུན་པ་བཅོམ་ལྡན་འདས་བདག་དེ་བཞིན་གཤེགས་པས་གསུངས་པའི་ཆོས་རྣམས་ལ་ཡིད་གཉིས་སམ། སོམ་ཉི་འམ། ཐེ་ཙོམ་འཚལ་བ་མ་མཆིས་སོ། །དེ་ཅིའི་
སླད་དུ་ཞེ་ན། དེ་བཞིན་གཤེགས་པ་རྣམས་ལ་སྐུ་དང་། གསུང་དང་། ཐུགས་ཀྱི་ཀུན་ཏུ་སྤྱོད་པ་ཡོངས་སུ་མ་དག་པ་མི་མངའ་བའི་སླད་དུའོ། །བཅོམ་ལྡན་འདས་གདུགས་དང་དགུང་ཟླ་འདི་ལྟར་རྫུ་འཕྲུལ་ཆེ་ཞིང་འདི་ལྟར་མཐུ་ཆེ་
བ་འདི་གཉིས་ནི་དོག་ས་ལ་ལྟུང་ཡང་གདའ། རིའི་རྒྱལ་པོ་རི་རབ་ནི་གནས་ནས་འཕོ་ཡང་གདའི། སངས་རྒྱས་རྣམས་ཀྱི་བཀའ་ནི་གཞན་དུ་མི་འགྱུར་ལགས་སོ། །བཙུན་པ་བཅོམ་ལྡན་འདས་དེ་ལྟ་ལགས་ཀྱིས་ཀྱང་
སེམས་ཅན་དད་པའི་དབང་པོ་དང་བྲལ་བ་དག་མཆིས་ཏེ། སངས་རྒྱས་རྣམས་ཀྱི་སངས་རྒྱས་ཀྱི་སྤྱོད་ཡུལ་འདི་ཐོས་ནས་དེ་དག་འདི་སྙམ་དུ་སེམས་པར་འགྱུར་ཏེ། དེ་བཞིན་གཤེགས་པ་དེའི་མཚན་ནི་དྲན་པ་ཙམ་གྱིས་ཇི་ལྟར་
ཤིན་ཏུ་ཡོན་ཏན་དང་། ཕན་ཡོན་དུ་འགྱུར་སྙམ་ནས་དེ་དག་མི་དད་ཅིང་ཡིད་མི་ཆེས་ཏེ་སྤོང་བས་ཡུན་རིང་པོར་གཏོགས་དང་། མི་སྨན་པ་དང་། མི་བདེ་བ་དང་། ལོག་པར་ལྟུང་བར་འགྱུར་རོ། །བཅོམ་ལྡན་འདས་ཀྱིས་བཀའ་སྩལ་
པ། ཀུན་དགའ་བོ་དེ་བཞིན་གཤེགས་པ་དེའི་མཚན་སུའི་རྣ་ལམ་དུ་གྲག་པར་གྱུར་པ་དེ་ངན་འགྲོ་ངན་སོང་དུ་འགྲོ་བར་འགྱུར་བ་ནི་གནས་མེད་དེ་གོ་སྐབས་མ་ཡིན་ནོ། །ཀུན་དགའ་བོ་སངས་རྒྱས་རྣམས་ཀྱི་སངས་རྒྱས་ཀྱི་སྤྱོད་ཡུལ་
ནི་ཡིད་ཆེས་པར་དཀའ་བའོ། །ཀུན་དགའ་བོ་ཁྱོད་དད་ཅིང་ཡིད་ཆེས་པ་གང་ཡིན་པ་དེ་ནི་དེ་བཞིན་གཤེགས་པའི་མཐུ་ཡིན་པར་བལྟའོ། །བྱང་ཆུབ་སེམས་དཔའ་སེམས་དཔའ་ཆེན་པོ་སྐྱེ་བ་གཅིག་གིས་ཐོགས་པ་རྣམས་མ་གཏོགས་

94-1-278a

པར་འདི་ནི་ཉན་ཐོས་དང་རང་སངས་རྒྱས་ཐམས་ཅད་ཀྱིས་མ་ཡིན་ནོ། །ཀུན་དགའ་བོ་མིར་འགྱུར་བ་རྙེད་པ་ནི་རྙེད་པར་དཀའ། །དཀོན་མཆོག་གསུམ་ལ་དད་ཅིང་གུས་པ་ཡང་རྙེད་པར་དཀའོ། །དེ་བཞིན་གཤེགས་པ་དེའི་
མཚན་ཐོས་པ་ཡང་རྙེད་པར་ཤིན་ཏུ་དཀའོ། །ཀུན་དགའ་བོ་བཅོམ་ལྡན་འདས་དེ་བཞིན་གཤེགས་པ་སྨན་གྱི་བླ་བཻ་དཱུརྱའི་འོད་དེའི་བྱང་ཆུབ་སེམས་དཔའི་སྤྱོད་པ་ཡང་ཚད་མེད་དོ། །ཐབས་མཁས་པ་ཡང་ཚད་མེད་དོ། །སྨོན་ལམ་གྱི་
ཁྱད་པར་རྒྱས་པ་ཡང་ཚད་མེད་དོ། །ང་དེ་བཞིན་གཤེགས་པ་དེའི་བྱང་ཆུབ་སེམས་དཔའི་སྤྱོད་པ་བསྐལ་པ་འམ། བསྐལ་པ་ལས་ལྷག་པར་རྒྱ་ཆེར་ཡང་དག་པར་བཤད་པར་འདོད་ཀྱང་བསྐལ་པ་ཟད་པར་འགྱུར་གྱི། བཅོམ་ལྡན་འདས་དེ་བཞིན་
གཤེགས་པ་སྨན་གྱི་བླ་བཻ་དཱུརྱའི་འོད་དེའི་སྔོན་གྱི་སྨོན་ལམ་གྱི་ཁྱད་པར་རྒྱས་པའི་མཐའ་རྟོགས་པར་ནི་མི་འགྱུར་རོ། །ཡང་དེའི་ཚེ་འཁོར་དེའི་ནང་ནས་བྱང་ཆུབ་སེམས་དཔའ་སེམས་དཔའ་ཆེན་པོ་སྐྱབས་གྲོལ་ཞེས་བྱ་བ་སྟན་ལས་ལངས་ཏེ། 
བླ་གོས་ཕྲག་པ་གཅིག་ཏུ་གཟར་ནས་པུས་མོ་གཡས་པའི་ལྷ་ང་ས་ལ་བཙུགས་ཏེ། བཅོམ་ལྡན་འདས་ག་ལ་བ་དེ་ལོགས་སུ་ཐལ་མོ་སྦྱར་བ་བཏུད་ནས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཙུན་པ་བཅོམ་ལྡན་འདས་
སླད་མའི་ཚེ་སླད་མའི་དུས་ན། སེམས་ཅན་བྲོ་ནད་སྣ་ཚོགས་ཀྱིས་ཡོངས་སུ་གཟིར་ཏེ། ཡུན་རིང་པོའི་བྲོ་ནད་ཀྱིས་ལུས་ཀྱི་ཤབས་ཤིང་བཀྲེས་པ་དང་སྐོམ་པས་གྲེ་བ་དང་མཆུ་ནི་སྐམས། འགུམ་པ་ལ་ནི་མངོན་དུ་ཕྱོགས། མཛའ་
བཤེས་དང་། ཉེ་དུ་དང་། སྣག་གི་གཉེན་མཚམས་ངུ་བ་རྣམས་ཀྱིས་ནི་བསྐོར། ཕྱོགས་རྣམས་ནི་མུན་པར་མཐོང་། གཤིན་རྗེའི་མི་རྣམས་ཀྱིས་ནི་དྲངས་ཏེ། དེའི་ལུས་འདི་ན་ཉལ་ཡང་རྣམ་པར་ཤེས་པ་ཆོས་ཀྱི་རྒྱལ་པོ་གཤིན་རྗེའི་མདུན་
དུ་ཁྲིད་ཅིང་། མི་དེ་དང་ལྷན་ཅིག་སྐྱེས་པའི་ལྷ་སླད་བཞིན་འབྲང་བ་གང་ལགས་པ་དེས་ནི་དེས་དགེ་བ་དང་། མི་དགེ་བ་བགྱིས་པ་དེ་ཐམས་ཅད་ལེགས་པར་ཡི་གེར་བྲིས་ནས་ཆོས་ཀྱི་རྒྱལ་པོ་གཤིན་རྗེ་ལ་ཕུལ་བ་དང་། ཆོས་ཀྱི་རྒྱལ་པོ་

94-1-278b

གཤིན་རྗེས་དེ་ལ་དྲིས་ཤིང་བརྟགས་ནས་དགེ་བའམ་མི་དགེ་བ་ཇི་ལྟར་བགྱིས་པ་དེ་བཞིན་དུ་བསྒོ་བ་ལ་གང་དག་ནད་པ་དེའི་དོན་དུ་བཅོམ་ལྡན་འདས་དེ་བཞིན་གཤེགས་པ་སྨན་གྱི་བླ་བཻ་དཱུརྱའི་འོད་དེ་ལ་སྐྱབས་སུ་མཆི་ཞིང་འདི་འདྲ་བའི་སྦྱོར་བས་
མཆོད་པ་བགྱིད་ན་དེའི་རྣམ་པར་ཤེས་པ་སླར་ལྡོག་ཅིང་རྨི་ལམ་རྨིས་པ་བཞིན་དུ་བདག་ཉིད་ཀྱིས་འཚལ་བའི་གནས་དེར་མཆིས་ཏེ། ཡང་ན་ནི་གདུགས་བདུན། ཡང་ན་ནི་གདུགས་ཉི་ཤུ་རྩ་གཅིག །ཡང་ན་ནི་གདུགས་སུམ་ཅུ་རྩ་ལྔ། 
ཡང་ན་ནི་གདུགས་བཞི་བཅུ་རྩ་དགུ་ལ་དེའི་རྣམ་པར་ཤེས་པ་སླར་ལྡོག་ཅིང་དྲན་པ་རྙེད་ལ། དེ་དགེ་བ་དང་མི་དགེ་བའི་ལས་ཀྱི་རྣམ་པར་སྨིན་པ་བདག་ཉིད་ཀྱི་མངོན་སུམ་དུ་འགྱུར་ཏེ་སྲོག་གི་སླད་དུ་ཡང་སྡིག་པའི་ལས་མི་བགྱིད་དོ། །ད་ལྟ་
ལགས་པས་དད་པའི་རིགས་ཀྱི་བུ་འམ། རིགས་ཀྱི་བུ་མོས་དེ་བཞིན་གཤེགས་པ་དེ་ལ་མཆོད་པར་བགྱིའོ། །དེ་ནས་ཚེ་དང་ལྡན་པ་ཀུན་དགའ་བོས་བྱང་ཆུབ་སེམས་དཔའ་སྐྱབས་གྲོལ་ལ་འདི་སྐད་ཅེས་སྨྲས་སོ། །རིགས་ཀྱི་བུ་
བཅོམ་ལྡན་འདས་དེ་བཞིན་གཤེགས་པ་སྨན་གྱི་བླ་བཻ་དཱུརྱའི་འོད་དེ་ལ་ཇི་ལྟར་མཆོད་པར་བྱ། བྱང་ཆུབ་སེམས་དཔའ་སྐྱབས་གྲོལ་གྱིས་སྨྲས་པ། བཙུན་པ་ཀུན་དགའ་བོ་གང་དག་ནད་ཆེན་པོ་ལས་ཡོངས་སུ་ཐར་བར་འདོད་པ་དེ་
དག་གིས་ནད་པ་དེའི་དོན་དུ་ཉིན་བདུན་མཚན་བདུན་དུ་ཡན་ལག་བརྒྱད་དང་ལྡན་པའི་གསོ་སྦྱོང་གི་སྡོམ་པ་བླང་བར་བྱའོ། །དགེ་སློང་གི་དགེ་འདུན་ལ་ཟས་དང་སྐོམ་རྣམས་དང་ཡོ་བྱད་ཐམས་ཅད་ཀྱིས་ཅི་ནུས་སུ་མཆོད་པ་དང་རིམ་གྲོ་བྱའོ། །
ཉིན་ལན་གསུམ་མཚན་ལན་གསུམ་དུ་བཅོམ་ལྡན་འདས་དེ་བཞིན་གཤེགས་པ་སྨན་གྱི་བླ་བཻ་དཱུརྱའི་འོད་དེའི་མཚན་ཡིད་ལ་བྱའོ། །མདོ་འདི་ལན་བཞི་བཅུ་རྩ་དགུ་གདོན་པར་བྱའོ། །ཞག་བཞི་བཅུ་རྩ་དགུར་མར་མེ་བྲུད་པར་བྱའོ། །སྐུ་གཟུགས་བདུན་
བྱའོ། །སྐུ་གཟུགས་རེ་རེའི་སྤྱན་སྔར་ཡང་མར་མེ་བདུན་བདུན་གཞག་གོ། མར་མེ་རེ་རེའི་ཚད་ཀྱང་ཤིང་རྟའི་འཕང་ལོ་ཙམ་དུ་བྱས་ཏེ་ཅི་ནས་ཀྱང་ཞག་བཞི་བཅུ་རྩ་དགུར་མར་མེ་མི་ཟད་པར་བྱའོ། །ཚོན་སྣ་ལྔ་པའི་བ་དན་བཞི་བཅུ་རྩ་དགུ་

94-1-279a

ལས་ལྷག་པར་བྱའོ། །བཙུན་པ་ཀུན་དགའ་བོ་གཞན་ཡང་རྒྱལ་པོ་རྒྱལ་རིགས་སྤྱི་བོ་ནས་དབང་བསྐུར་བ་རྣམས་ལ་ནད་ཀྱི་གནོད་པ་འམ། རང་གི་དམག་ཚོགས་སམ། ཕ་རོལ་གྱི་དམག་ཚོགས་ཀྱི་གནོད་པ་འམ། རྒྱུ་སྐར་གྱི་
གནོད་པ་འམ། གཟའ་ཟླ་བའི་གནོད་པ་འམ། གཟའ་ཉི་མའི་གནོད་པ་འམ། དུས་མ་ཡིན་པའི་རླུང་དང་ཆར་གྱི་གནོད་པ་འམ། ཐན་པའི་གནོད་པ་ཡང་རུང་སྟེ་གནོད་པ་དང་། ནད་འགོ་བ་དང་། འཁྲུག་པ་ཞིག་ཉེ་བར་གནས་པར་
གྱུར་ན་རྒྱལ་པོ་རྒྱལ་རིགས་སྤྱི་བོ་ནས་དབང་བསྐུར་བ་དེས་སེམས་ཅན་ཐམས་ཅད་ལ་བྱམས་པའི་སེམས་སུ་བྱ། བཙོན་དུ་བཟུང་བ་རྣམས་གཏང་བར་བྱ་ཞིང་གོང་དུ་སྨོས་པ་བཞིན་དུ་བཅོམ་ལྡན་འདས་དེ་བཞིན་གཤེགས་པ་སྨན་གྱི་བླ་
བཻ་དཱུརྱའི་འོད་དེ་ལ་དེ་ལྟ་བུར་མཆོད་པ་བྱས་ན་རྒྱལ་པོ་རྒྱལ་རིགས་སྤྱི་བོ་ནས་དབང་བསྐུར་བ་དེའི་དགེ་བའི་རྩ་བ་དེ་དང་། བཅོམ་ལྡན་འདས་དེ་བཞིན་གཤེགས་པ་སྨན་གྱི་བླ་བཻ་དཱུརྱའི་འོད་དེའི་སྔོན་གྱི་སྨོན་ལམ་གྱི་ཁྱད་པར་གྱིས་ཡུལ་བདེ་བ་དང་། 
ལོ་ལེགས་པར་འགྱུར། རླུང་དང་ཆར་དུས་སུ་ལྡང་ཞིང་ལོ་ཏོག་འགྲུབ་པར་འགྱུར། ཡུལ་དེ་ན་གནས་པའི་སེམས་ཅན་ཐམས་ཅད་ཀྱང་ནད་མེད་པ་དང་། བདེ་བ་དང་། མཆོག་ཏུ་དགའ་བ་མང་བར་འགྱུར་རོ། །ཡུལ་དེར་
གནོད་སྦྱིན་དང་། སྲིན་པོ་དང་། འབྱུང་པོ་དང་། ཤ་ཟ་མ་རུངས་པས་སེམས་ཅན་རྣམས་ལ་གཙེ་བར་མི་འགྱུར་རོ། །ལྟས་ངན་པ་ཐམས་ཅད་མཐོང་བར་མི་འགྱུར་རོ། །རྒྱལ་པོ་རྒྱལ་རིགས་སྤྱི་བོ་ནས་དབང་བསྐུར་བ་དེའི་ཚེ་དང་
མདོག་དང་། སྟོབས་དང་། ནད་མེད་པ་དང་། དབང་ཕྱུག་རྣམས་མངོན་པར་འཕེལ་བར་འགྱུར་རོ། །དེ་ནས་ཚེ་དང་ལྡན་པ་ཀུན་དགའ་བོས་བྱང་ཆུབ་སེམས་དཔའ་སྐྱབས་གྲོལ་ལ་འདི་སྐད་ཅེས་སྨྲས་སོ། །རིགས་ཀྱི་བུ་ཇི་ལྟར་
ན་ཚེ་ཡོངས་སུ་ཟད་ནས་ཡང་མངོན་པར་སྐྱེ། བྱང་ཆུབ་སེམས་དཔའ་སྐྱབས་གྲོལ་གྱིས་སྨྲས་པ། བཙུན་པ་ཀུན་དགའ་བོ་དུས་མ་ཡིན་པར་འཆི་བ་དགུ་ཡོད་པར་ཁྱོད་གྱིས་དེ་བཞིན་གཤེགས་པ་ལས་མ་ཐོས་སམ། དེའི་ཕྱིར། 

94-1-279b

སྔགས་དང་སྨན་གྱི་སྦྱོར་བ་རྣམས་བསྟན་ཏོ། །སེམས་ཅན་ནད་ཀྱིས་བཏབ་ལ་དེ་ནད་ཚབས་མི་ཆེས་ཀྱང་སྨན་དང་རིམ་གྲོ་བྱེད་པ་དང་མི་ལྡན་ནམ། ཡང་ན་སྨན་པ་སྨན་མ་ཡིན་པ་བྱེད་པ་ཡང་ཡོད་དེ། འདི་ནི་དུས་མ་ཡིན་པར་འཆི་བ་དང་
པོའོ། །དུས་མ་ཡིན་པར་འཆི་བ་གཉིས་པ་ནི། གང་དག་རྒྱལ་པོའི་ཆད་པས་འཆི་བའི་དུས་བྱེད་པའོ། །དུས་མ་ཡིན་པར་འཆི་བ་གསུམ་པ་ནི་གང་དག་ཧ་ཅང་བག་མེད་དེ་བག་མེད་པར་གནས་པ་དེ་དག་ལ་མི་མ་ཡིན་པ་དག་གིས་མདངས་
འཕྲོག་པའོ། །དུས་མ་ཡིན་པར་འཆི་བ་བཞི་པ་ནི་གང་དག་མེས་ཚིག་སྟེ། འཆི་བའི་དུས་བྱེད་པའོ། །དུས་མ་ཡིན་པར་འཆི་བ་ལྔ་པ་ནི་གང་དག་ཆུས་འཆི་བའོ། །དུས་མ་ཡིན་པར་འཆི་བ་དྲུག་པ་ནི་གང་དག་སེང་གེ་དང་། སྟག་དང་། 
ཝ་དང་། སྦྲུལ་དང་། གཅན་གཟན་ཁྲོ་བོའི་ནང་དུ་ཆུད་དེ་འཆི་བའོ། །དུས་མ་ཡིན་པར་འཆི་བ་བདུན་པ་ནི་གང་དག་རི་ཁ་ནས་གཡང་དུ་ལྷུང་བའོ། །དུས་མ་ཡིན་པར་འཆི་བ་བརྒྱད་པ་ནི་གང་དག་དུག་དང་། བྱད་དང་། རོ་ལངས་ཀྱི་སྦྱོར་བས་
གསོད་པའོ། །དུས་མ་ཡིན་པར་འཆི་བ་དགུ་པ་ནི་གང་དག་ཟས་དང་སྐོམ་མ་རྙེད་ནས་བཀྲེས་པ་དང་སྐོམ་པས་ཉན་ཏེ་འཆི་བའི་དུས་བྱེད་པའོ། །མདོར་ན་འདི་དག་ནི་དེ་བཞིན་གཤེགས་པས་དུས་མ་ཡིན་པར་འཆི་བ་ཆེན་པོར་བསྟན་
པ་སྟེ། གཞན་ཡང་དུས་མ་ཡིན་པར་འཆི་བ་ནི་གྲངས་མེད་དཔག་ཏུ་མེད་དོ། །དེ་ནས་འཁོར་དེར་གནོད་སྦྱིན་གྱི་སྡེ་དཔོན་ཆེན་པོ་བཅུ་གཉིས་པར་གྱུར་ཏེ། གནོད་སྦྱིན་གྱི་སྡེ་དཔོན་ཆེན་པོ་ཇི་འཇིགས་དང་། གནོད་སྦྱིན་
གྱི་སྡེ་དཔོན་ཆེན་པོ་རྡོ་རྗེ་དང་། གནོད་སྦྱིན་གྱི་སྡེ་དཔོན་ཆེན་པོ་རྒྱན་འཛིན་དང་། གནོད་སྦྱིན་གྱི་སྡེ་དཔོན་ཆེན་པོ་གཟའ་འཛིན་དང་། གནོད་སྦྱིན་གྱི་སྡེ་དཔོན་ཆེན་པོ་རླུང་དང་། གནོད་སྦྱིན་གྱི་སྡེ་དཔོན་ཆེན་པོ་གནས་བཅས་དང་། 
གནོད་སྦྱིན་གྱི་སྡེ་དཔོན་ཆེན་པོ་དབང་འཛིན་དང་། གནོད་སྦྱིན་གྱི་སྡེ་དཔོན་ཆེན་པོ་བཏུང་འཛིན་དང་། གནོད་སྦྱིན་གྱི་སྡེ་དཔོན་ཆེན་པོ་སྨྲ་འཛིན་དང་། གནོད་སྦྱིན་གྱི་སྡེ་དཔོན་ཆེན་པོ་བསམ་འཛིན་དང་། གནོད་སྦྱིན་གྱི་སྡེ་

94-1-280a

དཔོན་ཆེན་པོ་གཡོ་བ་འཛིན་དང་། གནོད་སྦྱིན་གྱི་སྡེ་དཔོན་ཆེན་པོ་རྫོགས་བྱེད་དེ། གནོད་སྦྱིན་གྱི་སྡེ་དཔོན་ཆེན་པོ་བཅུ་གཉིས་པོ་དེ་དག་གོ། གནོད་སྦྱིན་གྱི་སྡེ་དཔོན་ཆེན་པོ་རེ་རེ་ལ་ཡང་གཡོག་གནོད་སྦྱིན་
བདུན་འབུམ་བདུན་འབུམ་ཡོད་པ་སྟེ། དེ་དག་གིས་ཚིག་གཅིག་ཏུ་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །སངས་རྒྱས་ཀྱི་མཐུས་བདག་ཅག་གིས་བཅོམ་ལྡན་འདས་དེ་བཞིན་གཤེགས་པ་སྨན་གྱི་བླ་བཻ་དཱུརྱའི་འོད་དེའི་མཚན་ཐོས་
ཏེ། བདག་ཅག་ལ་ཡང་ངན་འགྲོར་མཆི་བའི་འཇིགས་པ་འབྱུང་བར་མི་འགྱུར་རོ། །དེས་ན་བདག་ཅག་ལྷན་ཅིག་ཏུ་མཐུན་པར་ཇི་སྲིད་འཚོའི་བར་དུ་སངས་རྒྱས་ལ་སྐྱབས་སུ་མཆིའོ། །ཆོས་ལ་སྐྱབས་སུ་མཆིའོ། །དགེ་འདུན་ལ་སྐྱབས་
སུ་མཆིའོ། །སེམས་ཅན་ཐམས་ཅད་ཀྱི་དོན་དང་སྨན་པ་དང་བདེ་བའི་སླད་དུ་སྤྲོ་བར་བགྱིའོ། །བྱེ་བྲག་ཏུ་ནི་གྲོང་ངམ། གྲོང་ཁྱེར་རམ། གྲོང་རྡལ་ལམ། དགོན་པའི་གནས་གང་ན་མདོ་སྡེ་འདི་སྤྱོད་པ་དང་། གང་བཅོམ་ལྡན་འདས་དེ་བཞིན་
གཤེགས་པ་སྨན་གྱི་བླ་བཻ་དཱུརྱའི་འོད་དེའི་མཚན་འཆང་བ་དང་། མཆོད་པ་དང་། རིམ་གྲོ་བགྱིད་པའི་སེམས་ཅན་དེ་དག་ལ་བདག་ཅག་གིས་སྲུང་བར་བགྱི། ཡོངས་སུ་བསྐྱང་བར་བགྱི། གནོད་པ་ཐམས་ཅད་ལས་ཡོངས་སུ་ཐར་བར་
བགྱི། བསམ་པ་ཐམས་ཅད་ཡོངས་སུ་རྫོགས་པར་བགྱིའོ། །དེ་ནས་བཅོམ་ལྡན་འདས་ཀྱིས་གནོད་སྦྱིན་གྱི་སྡེ་དཔོན་ཆེན་པོ་དེ་དག་ལ་ལེགས་སོ་ཞེས་བྱ་བ་བྱིན་ཏེ། གནོད་སྦྱིན་གྱི་སྡེ་དཔོན་ཆེན་པོ་དག་གང་གི་ཕྱིར་ཁྱེད་
བཅོམ་ལྡན་འདས་དེ་བཞིན་གཤེགས་པ་སྨན་གྱི་བླ་བཻ་དཱུརྱའི་འོད་དེ་ལ་བྱས་པ་གཟོ་ཞིང་རྗེས་སུ་དྲན་ལ། སེམས་ཅན་ཐམས་ཅད་ལ་ཕན་པའི་ཕྱིར་ཞུགས་པ་ལེགས་སོ་ལེགས་སོ། །དེ་ནས་ཚེ་དང་ལྡན་པ་ཀུན་དགའ་བོ་སྟན་
ལས་ལངས་ཏེ། བླ་གོས་ཕྲག་པ་གཅིག་ཏུ་གཟར་ནས། པུས་མོ་གཡས་པའི་ལྷ་ང་ས་ལ་བཙུགས་ཏེ། བཅོམ་ལྡན་འདས་ག་ལ་བ་དེ་ལོགས་སུ་ཐལ་མོ་སྦྱར་བ་བཏུད་ནས། བཅོམ་ལྡན་འདས་ལ་འདི་

94-1-280b

སྐད་ཅེས་གསོལ་ཏོ། །བཅོམ་ལྡན་འདས་ཆོས་ཀྱི་རྣམ་གྲངས་འདིའི་མིང་ཅི་ལགས། འདི་ཇི་ལྟར་གཟུང་བར་བགྱི། བཅོམ་ལྡན་འདས་ཀྱིས་བཀའ་སྩལ་པ། ཀུན་དགའ་བོ་དེའི་ཕྱིར་ཆོས་ཀྱི་རྣམ་གྲངས་འདི་དེ་བཞིན་
གཤེགས་པ་སྨན་གྱི་བླ་བཻ་དཱུརྱའི་འོད་ཀྱི་སྔོན་གྱི་སྨོན་ལམ་གྱི་ཁྱད་པར་རྒྱས་པ་ཞེས་བྱ་བར་ཡང་ཟུང་ཤིག །བྱང་ཆུབ་སེམས་དཔའ་ལག་ན་རྡོ་རྗེས་དམ་བཅས་པ་ཞེས་བྱ་བར་ཡང་ཟུང་ཤིག །ལས་ཀྱི་སྒྲིབ་པ་ཐམས་ཅད་
རྣམ་པར་སྦྱོང་ཞིང་རེ་བ་ཐམས་ཅད་ཡོངས་སུ་སྐོང་བ་ཞེས་བྱ་བར་ཡང་ཟུང་ཤིག །གནོད་སྦྱིན་གྱི་སྡེ་དཔོན་ཆེན་པོ་བཅུ་གཉིས་ཀྱིས་དམ་བཅས་པ་ཞེས་བྱ་བར་ཡང་ཟུང་ཤིག །བཅོམ་ལྡན་འདས་ཀྱིས་དེ་སྐད་ཅེས་བཀའ་སྩལ་
ནས། འཇམ་དཔལ་གཞོན་ནུར་གྱུར་པ་དང་། བྱང་ཆུབ་སེམས་དཔའ་དེ་དག་དང་། གསང་བ་པའི་བདག་པོ་ལག་ན་རྡོ་རྗེ་དང་། ཐམས་ཅད་དང་ལྡན་པའི་འཁོར་དེ་དག་དང་། ལྷ་དང་། མི་དང་། ལྷ་མ་ཡིན་དང་། དྲི་ཟར་བཅས་
པའི་འཇིག་རྟེན་ཡི་རངས་ཏེ། བཅོམ་ལྡན་འདས་ཀྱིས་གསུངས་པ་ལ་མངོན་པར་བསྟོད་དོ།། །།འཕགས་པ་བཅོམ་ལྡན་འདས་སྨན་གྱི་བླ་བཻ་དཱུརྱའི་འོད་ཀྱི་སྔོན་གྱི་སྨོན་ལམ་གྱི་ཁྱད་པར་རྒྱས་པ་ཞེས་བྱ་བ་ཐེག་པ་ཆེན་པོའི་མདོ་
རྫོགས་སྷོ།། །།རྒྱ་གར་གྱི་མཁན་པོ་ཛི་ན་མི་ཏྲ་དང་། དཱ་ན་ཤཱི་ལ་དང་། ཞུ་ཆེན་གྱི་ལོ་ཙྪ་བ་བནྡེ་ཡེ་ཤེས་སྡེ་ལ་སོགས་པས་བསྒྱུར་ཅིང་ཞུས་ཏེ། སྐད་གསར་ཆད་ཀྱིས་ཀྱང་བཅོས་ནས་གཏན་ལ་ཕབ་པ། །
༄༅༅། །རྒྱ་གར་སྐད་དུ།  ཨཱརྱ་ཏ་ཐཱ་ག་ཏ་བཻ་དཱུརྱ་པྲ་བྷ་ནཱ་མ་བ་ལ་དྷ་ན་ས་མཱ་དྷི་དྷཱ་ར་ཎཱི།  བོད་སྐད་དུ།  འཕགས་པ་དེ་བཞིན་གཤེགས་པའི་ཏིང་ངེ་འཛིན་གྱི་སྟོབས་བསྐྱེད་པ་བཻ་དཱུརྱའི་འོད་ཅེས་བྱ་བའི་གཟུངས། 
སངས་རྒྱས་དང་བྱང་ཆུབ་སེམས་དཔའ་ཐམས་ཅད་ལ་ཕྱག་འཚལ་ལོ། །འདི་སྐད་བདག་གིས་ཐོས་པའི་དུས་གཅིག་ན། བཅོམ་ལྡན་འདས་སྨན་གྱི་གནས་ན། དགེ་སློང་གི་དགེ་འདུན་ཆེན་པོ་དང་། བྱང་ཆུབ་སེམས་དཔའི་དགེ་

94-1-281a

འདུན་ཆེན་པོ་དང་ཐབས་གཅིག་ཏུ་བཞུགས་ཏེ། དེའི་ཚེ་བཅོམ་ལྡན་འདས་ཀྱིས་སངས་རྒྱས་ཀྱི་ཞིང་བསྐུལ་བ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་སོ། །དེ་མ་ཐག་ཏུ་སྟོང་གསུམ་གྱི་སྟོང་ཆེན་པོའི་
འཇིག་རྟེན་གྱི་ཁམས་ཐམས་ཅད་རབ་ཏུ་གཡོས་སོ། །ལྷའི་ཙན་དན་གྱི་ཕྱེ་མ་དང་། མེ་ཏོག་གི་ཆར་དཔག་ཏུ་མེད་པ་བབ་བོ། །དེ་བཞིན་གཤེགས་པ་བདུན་པོ་འཁོར་དང་བཅས་པ་འཇིག་རྟེན་གྱི་ཁམས་འདིར་གཤེགས་ཏེ། 
དེ་བཞིན་གཤེགས་པའི་སྔོན་གྱི་དགེ་བའི་རྩ་བ་ལས་བྱུང་བའི་སེང་གེའི་ཁྲི་ལ་བཞུགས་ཤིང་། བྱང་ཆུབ་སེམས་དཔའ་ཐམས་ཅད་ཀྱིས་ནི་བསྐོར། ལྷ་དང་ཀླུ་དང་གནོད་སྦྱིན་དང་། དྲི་ཟ་དང་ལྷ་མ་ཡིན་དང་། ནམ་མཁའ་
ལྡིང་དང་། མི་འམ་ཅི་དང་། ལྟོ་འཕྱེ་ཆེན་པོ་དང་། རྒྱལ་པོ་དང་། བློན་པོ་དང་། བྲམ་ཟེ་དང་། ཁྱིམ་བདག་རྣམས་ཀྱིས་ཡོངས་སུ་བསྐོར་བར་གྱུར་ཏོ། །དེ་ནས་སངས་རྒྱས་ཀྱི་མཐུས། འཇམ་དཔལ་གཞོན་ནུར་
གྱུར་པ་སྟན་ལས་ལངས་ཏེ། ཐལ་མོ་སྦྱར་ནས་འདི་སྐད་ཅེས་གསོལ་ཏོ། །ཐམས་ཅད་དགོངས་སུ་གསོལ། སེམས་ཅན་རྣམས་ཀྱི་སྡིག་པ་ཐམས་ཅད་སྦྱང་བ་དང་། ནད་ཐམས་ཅད་ཞི་བར་བགྱི་བ་དང་། རེ་བ་
ཐམས་ཅད་བསྐང་དུ་གསོལ། བཅོམ་ལྡན་འདས་དེ་བཞིན་གཤེགས་པ་འདི་དག་གི་མཚན་དང་། སྔོན་གྱི་སྨོན་ལམ་གྱིས་བྱིན་གྱིས་བརླབས་པའི་གཟུངས་བཤད་དུ་གསོལ། དེ་ནས་བཅོམ་ལྡན་
འདས་ཀྱིས་འཇམ་དཔལ་གཞོན་ནུར་གྱུར་པ་ལ་ལེགས་སོ་ཞེས་བྱ་བ་བྱིན་ཏེ། འཇམ་དཔལ་ལེགས་སོ་ལེགས་སོ། །ལེགས་པར་རབ་ཏུ་ཉོན་ལ་ཡིད་ལ་ཟུང་ཤིག་དང་། ངས་བཤད་དོ། །
འཇམ་དཔལ་གཞོན་ནུར་གྱུར་པས། བཅོམ་ལྡན་འདས་དེ་བཞིན་ནོ་ཞེས་གསོལ་ནས་བཅོམ་ལྡན་འདས་ཀྱིས་ལྟར་ཉན་པ་དང་། བཅོམ་ལྡན་འདས་ཀྱིས་བཀའ་སྩལ་པ། འདི་ལྟ་སྟེ། དེ་བཞིན་གཤེགས་
94-1-281b

པ་མཚན་ལེགས་པར་ཡོངས་བསྒྲགས་དཔལ་གྱི་རྒྱལ་པོ་ལ་ཕྱག་འཚལ་ལོ། །དེ་བཞིན་གཤེགས་པ་རིན་པོ་ཆེ་དང་ཟླ་བ་དང་པད་མས་རབ་ཏུ་བརྒྱན་པ་མཁས་པ་གཟི་བརྗིད་སྒྲ་དབྱངས་ཀྱི་རྒྱལ་པོ་ལ་ཕྱག་འཚལ་ལོ། །དེ་བཞིན་
གཤེགས་པ་གསེར་བཟངས་དྲི་མེད་རིན་ཆེན་སྣང་བརྟུལ་ཞུགས་གྲུབ་པའི་རྒྱལ་པོ་ལ་ཕྱག་འཚལ་ལོ། །དེ་བཞིན་གཤེགས་པ་མྱ་ངན་མེད་མཆོག་དཔལ་གྱི་རྒྱལ་པོ་ལ་ཕྱག་འཚལ་ལོ། །དེ་བཞིན་གཤེགས་པ་
ཆོས་བསྒྲགས་རྒྱ་མཚོའི་དབྱངས་ཀྱི་རྒྱལ་པོ་ལ་ཕྱག་འཚལ་ལོ། །དེ་བཞིན་གཤེགས་པ་ཆོས་རྒྱ་མཚོ་མཆོག་གི་བློས་རྣམ་པར་རོལ་པ་མངོན་པར་མཁྱེན་པའི་རྒྱལ་པོ་ལ་ཕྱག་འཚལ་ལོ། །དེ་བཞིན་གཤེགས་
པ་སྨན་གྱི་བླ་བཻ་དཱུརྱའི་འོད་ཀྱི་རྒྱལ་པོ་ལ་ཕྱག་འཚལ་ལོ། །དེ་བཞིན་གཤེགས་པ་ཤཱཀྱ་ཐུབ་པ་ལ་ཕྱག་འཚལ་ལོ། །བཅོམ་ལྡན་འདས་མ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་ཕྱག་འཚལ་ལོ། །
བྱང་ཆུབ་སེམས་དཔའ་སེམས་དཔའ་ཆེན་པོ་འཇམ་དཔལ་གཞོན་ནུར་གྱུར་པ་ལ་ཕྱག་འཚལ་ལོ། །བྱང་ཆུབ་སེམས་དཔའ་སེམས་དཔའ་ཆེན་པོ་སྤྱན་རས་གཟིགས་དབང་ཕྱུག་ལ་ཕྱག་འཚལ་ལོ། །བྱང་
ཆུབ་སེམས་དཔའ་སེམས་དཔའ་ཆེན་པོ་ལག་ན་རྡོ་རྗེ་ལ་ཕྱག་འཚལ་ལོ། །བྱང་ཆུབ་སེམས་དཔའ་སེམས་དཔའ་ཆེན་པོ་ཉི་མ་ལྟར་རྣམ་པར་སྣང་བྱེད་ལ་ཕྱག་འཚལ་ལོ། །བྱང་ཆུབ་སེམས་དཔའ་སེམས་
དཔའ་ཆེན་པོ་ཟླ་བ་ལྟར་རབ་ཏུ་བསིལ་བྱེད་ལ་ཕྱག་འཚལ་ལོ། །བྱང་ཆུབ་སེམས་དཔའ་སེམས་དཔའ་ཆེན་པོ་བློ་གྲོས་ཆེན་པོ་ལ་ཕྱག་འཚལ་ལོ། །བྱང་ཆུབ་སེམས་དཔའ་སེམས་དཔའ་ཆེན་པོ་བྱམས་པ་ལ་
ཕྱག་འཚལ་ལོ། །བྱང་ཆུབ་སེམས་དཔའ་སེམས་དཔའ་ཆེན་པོ་རྡོ་རྗེ་ལ་ཕྱག་འཚལ་ལོ། །བྱང་ཆུབ་སེམས་དཔའ་སེམས་དཔའ་ཆེན་པོ་སྤོབས་པ་བརྩེགས་ལ་ཕྱག་འཚལ་ལོ། །བྱང་ཆུབ་སེམས་དཔའ་

94-1-282a

སེམས་དཔའ་ཆེན་པོ་རྣམ་པར་གནོན་པ་དོན་ཡོད་ལ་ཕྱག་འཚལ་ལོ། །བྱང་ཆུབ་སེམས་དཔའ་སེམས་དཔའ་ཆེན་པོ་བལྟ་ན་མཛེས་ལ་ཕྱག་འཚལ་ལོ། །བྱང་ཆུབ་སེམས་དཔའ་སེམས་
དཔའ་ཆེན་པོ་མུན་པ་མུན་ནག་ཐམས་ཅད་ངེས་པར་འཇོམས་པའི་བློ་གྲོས་ལ་ཕྱག་འཚལ་ལོ། །བྱང་ཆུབ་སེམས་དཔའ་སེམས་དཔའ་ཆེན་པོ་བསམ་པ་ལེགས་པར་རྣམ་པར་སེམས་པ་ལ་ཕྱག་འཚལ་ལོ། །
བྱང་ཆུབ་སེམས་དཔའ་སེམས་དཔའ་ཆེན་པོ་ལྷུན་པོ་བརྩེགས་པ་ལ་ཕྱག་འཚལ་ལོ། །བྱང་ཆུབ་སེམས་དཔའ་སེམས་དཔའ་ཆེན་པོ་སང་སང་པོའི་དབྱངས་ལ་ཕྱག་འཚལ་ལོ། །བྱང་ཆུབ་སེམས་དཔའ་
སེམས་དཔའ་ཆེན་པོ་ལྷུན་པོ་ཆེན་པོའི་རྩེ་འཛིན་རྒྱལ་པོ་ལ་ཕྱག་འཚལ་ལོ། །འཕགས་པ་དགྲ་བཅོམ་པ་ཤཱ་རིའི་བུ་དང་། མཽད་གལ་གྱི་བུ་ཆེན་པོ་ལ་ཕྱག་འཚལ་ལོ། །ལྷའི་དགེ་བསྙེན་ཆེན་པོ་དཔལ་ཚངས་
པ་དང་བརྒྱ་བྱིན་ལ་ཕྱག་འཚལ་ལོ། །རྒྱལ་པོ་ཆེན་པོ་བཞི་ལ་ཕྱག་འཚལ་ལོ། །ཀླུའི་དགེ་བསྙེན་ཆེན་པོ་སངས་རྒྱས་བཅོམ་ལྡན་འདས་ལ་ཕྱག་འཚལ་ལོ། །གནོད་སྦྱིན་གྱི་དགེ་བསྙེན་ཆེན་པོ་བཅུ་
གཉིས་ལ་ཕྱག་འཚལ་ལོ། །དེ་ནས་དེ་བཞིན་གཤེགས་པ་དེ་དག་གིས་གསུང་དབྱངས་གཅིག་གིས་གཟུངས་ཀྱི་ཚིག་འདི་དག་བཀའ་སྩལ་ཏོ། །ན་མོ་རཏྣ་ཏྲ་ཡཱ་ཡ། ན་མོ་བྷ་ག་ཝ་ཏེ། ཨ་པྲ་ཏི་ཧ་ཏ། 
བྷཻ་ཤ་ཛྱེ་རཱ་ཛཱ་ཡ། ཏདྱ་ཐཱ། ཨོ་སརྦ་ཏ་ཐཱ་ག་ཏ་ཧཱུྃ། གྷུ་མེ་གྷུ་མེ། ཨི་མི་ནི་མི་ཧི། མ་ཏི་མ་ཏི། སཔྟ། ཏ་ཐཱ་ག་ཏ། ས་མཱ་དྷྱ་དྷི་ཥྛི་ཏེ། ཨ་ཏི་མ་ཏེ་པཱ་ལེ་པཱ་པྃ་ཤོ་དྷ་ནི། སརྦ་པཱ་པྃ་ནཱ་ཤ་ཡ། 
མ་མ་བུདྡྷེ། བུདྡྷོཏྟ་མེ། ཨུ་མེ་ཀུ་མེ། བུད་དྷ་ཀྵེ་ཏྲ་པ་རི་ཤོ་དྷ་ནི། དྷ་མེ་ནི་དྷ་མེ། མེ་རུ་མེ་རུ། མེ་རུ་ཤི་ཁ་རེ། སརྦ་ཨ་ཀཱ་ལ་མྲྀ་ཏྱུ། ནི་བཱ་ར་ཎི། བུ་དྡྷེ་སུ་བུདྡྷེ། བུདྡྷ་ཨ་དྷིཥྛཱ་ན། 

94-1-282b

ཨ་དྷི་ཥྛི་ཏེ་ན། རཀྵནྟུ་མེ། སརྦ་དེ་བ་ས་མེ། ཨ་ས་མེ། ས་མ་ནྭཱ་ཧ་རནྟུ་མེ། སརྦ་བུད་དྷ། བོ་དྷི་ས་ཏྭ། ཤ་མེ་ཤ་མེ། པྲ་ཤ་མནྟུ་མེ། སརྦེ་ཏྱུ་པ་ཏྲཱ་བ། བྱཱ་དྷ་ཡཿ པཱུ་ར་ཎི 
པཱུ་ར་ཎི། པཱུ་ར་ཡ་མེ། སརྦ་ཨཱ་ཤཱ་མེ། བཻ་དཱུརྱ་པྲ་ཏི་བྷཱ་སེ། སརྦ་པཱ་པྃ་ཀྵ་ཡྃ་ཀ་རི་སྭཱ་ཧཱ། ཨོཾ་བྷཻ་ཥ་ཛྱེ་བྷེ་ཥ་ཛྱེ། མ་ཧཱ་བྷཻ་ཥ་ཛྱེ། ས་མུད་ག་ཏེ་སྭཱ་ཧཱ། དེ་བཞིན་གཤེགས་པའི་མཚན་དང་
གཟུངས་འདི་བཀའ་སྩལ་པའི་ཚེ་སྣང་བ་ཆེན་པོ་བྱུང་སྟེ། ས་ཆེན་པོ་གཡོས་ནས་རྫུ་འཕྲུལ་རྣམ་པར་འཕྲུལ་པ་དག་སྣང་ངོ་། །འཁོར་ཇི་ལྟར་ལྷགས་པ་དེ་དག་གིས་ཀྱང་སྤོས་དང་བདུག་པ་རྣམས་ཀྱིས་དེ་བཞིན་གཤེགས་པ་དེ་དག་
ལ་མཆོད་ནས་ལེགས་སོ་ཞེས་བྱ་བ་གསོལ་ཏེ་ལན་བདུན་དུ་བསྐོར་བ་བྱས་སོ། །དེ་ནས་དེ་བཞིན་གཤེགས་པ་བདུན་པོ་དེ་དག་མི་སྣང་བར་གྱུར་ཏེ། བཅོམ་ལྡན་འདས་ཤཱཀྱ་ཐུབ་པས་འདི་སྐད་ཅེས་བཀའ་སྩལ་ཏོ། །རིགས་ཀྱི་
བུའམ་རིགས་ཀྱི་བུ་མོ་ལ་ལ་ཞིག་དེ་བཞིན་གཤེགས་པའི་མཚན་དང་གཟུངས་འདི་འཛིན་པ་དང་། འཆང་བ་དང་། ཀློག་པ་དང་། མཆོད་པ་དེས་གཙང་མར་བྱས་ཏེ། ཕྱོགས་གཙང་མར་འཕགས་པའི་ཡན་
ལག་བརྒྱད་དང་ལྡན་པར་བྱས་ལ། སེམས་ཅན་ཐམས་ཅད་ལ་སྙིང་རྗེ་བས་ས་ག་ལ་བབ་པའི་ཉ་ནས་བརྩམས་ཏེ། དེ་བཞིན་གཤེགས་པ་དེ་དག་གི་སྐུ་གཟུགས་བྱས་ལ། ཚེས་བརྒྱད་དང་། བཅུ་བཞི་དང་
བཅྭ་ལྔ་ལ། སྨྱུང་བར་གནས་པས་གཟུངས་འདི་དག་བཞི་བཅུ་རྩ་དགུ་འམ། སྟོང་རྩ་བརྒྱད་དམ། སྟོང་ཕྲག་བཞི་བཅུ་རྩ་དགུ་འདོན་ཅིང་མེ་ཏོག་དང་། བདུག་པ་དང་། སྤོས་དང་། མར་མེ་དང་། 
ཕྲེང་བ་དང་། རོལ་མོའི་སྒྲ་དང་། གདུགས་དང་། རྒྱལ་མཚན་དང་། བ་དན་རྣམས་ཀྱིས་ཉིན་ལན་གསུམ་མཚན་ལན་གསུམ་དུ་མཆོད་པ་བྱེད་ན། དེ་ལ་དེ་བཞིན་གཤེགས་པ་རྣམས་ཀྱིས་དགོངས་པར་

94-1-283a

འགྱུར། བྱང་ཆུབ་སེམས་དཔའ་ཐམས་ཅད་སེམས་པར་འགྱུར། ཚངས་པ་དང་། བརྒྱ་བྱིན་དང་། རྒྱལ་པོ་ཆེན་པོ་བཞི་དང་། ཀླུའི་དགེ་བསྙེན་ཆེན་པོ་དག་གིས་ཀྱང་ཡོངས་སུ་སྐྱོང་བར་འགྱུར། གནོད་
སྦྱིན་རྡོ་རྗེ་འཛིན་ཐམས་ཅད་ཀྱང་ཡང་དག་པར་བསྲུང་བར་འགྱུར། མཚམས་མེད་པ་ལྔ་ལ་སོགས་པའི་ལས་ཀྱི་སྒྲིབ་པ་ཐམས་ཅད་ཀྱང་ཡོངས་སུ་བྱང་བར་འགྱུར། ནད་ཐམས་ཅད་ཀྱིས་མི་བཏབ་པར་འགྱུར། རིང་དུ་འཚོ་
བར་འགྱུར། དུས་མ་ཡིན་པར་འཆི་བ་ཐམས་ཅད་ལས་ཡོངས་སུ་ཐར་བར་འགྱུར། འཆི་བ་དང་། དགྲ་དང་། དགོན་པའི་གནོད་པ་དང་། འཐབ་པ་དང་། རྩོད་པ་དང་། འགྱེད་པ་ཐམས་ཅད་རབ་ཏུ་ཞི་བར་
འགྱུར། དགྲ་ཐམས་ཅད་ཀྱི་དབང་དུ་མི་འགྲོ་བར་འགྱུར། ཅི་བསམས་པའི་བསམ་པ་ཐམས་ཅད་ཡོངས་སུ་རྫོགས་པར་འགྱུར་རོ། །དེ་ནས་འཇམ་དཔལ་གཞོན་ནུར་གྱུར་པས་བཅོམ་ལྡན་འདས་ལ་འདི་སྐད་ཅེས་
གསོལ་ཏོ། །བཅོམ་ལྡན་འདས་ཆོས་ཀྱི་རྣམ་གྲངས་འདིའི་མིང་ཅི་ལགས། འདི་ཇི་ལྟར་གཟུང་བར་བགྱི། བཅོམ་ལྡན་འདས་ཀྱིས་བཀའ་སྩལ་པ། འཇམ་དཔལ་དེའི་ཕྱིར་ཆོས་ཀྱི་རྣམ་གྲངས་འདི་དེ་བཞིན་གཤེགས་པའི་
ཏིང་ངེ་འཛིན་གྱི་སྟོབས་བསྐྱེད་པ་བཻ་དཱུརྱའི་འོད་ཅེས་བྱ་བར་ཟུང་ཤིག །ལས་ཀྱི་སྒྲིབ་པ་ཐམས་ཅད་རྣམ་པར་འཐག་ཅིང་སྦྱོང་བ་ཞེས་བྱ་བར་ཡང་ཟུང་ཤིག །དེ་བཞིན་གཤེགས་པ་བདུན་གྱི་རྣམ་པར་འཕྲུལ་པ་བསྟན་པ་
ཞེས་བྱ་བར་ཡང་ཟུང་ཤིག །བཅོམ་ལྡན་འདས་ཀྱིས་དེ་སྐད་ཅེས་བཀའ་སྩལ་པ་དང་། འཇམ་དཔལ་གཞོན་ནུར་གྱུར་པ་དང་། ཐམས་ཅད་དང་ལྡན་པའི་འཁོར་དེ་དག་ཡིད་རངས་ཏེ། བཅོམ་ལྡན་འདས་ཀྱིས་
གསུངས་པ་ལ་མངོན་པར་བསྟོད་དོ། །འཕགས་པ་དེ་བཞིན་གཤེགས་པའི་ཏིང་ངེ་འཛིན་གྱི་སྟོབས་བསྐྱེད་པ་བཻ་དཱུརྱའི་འོད་ཅེས་བྱ་བའི་གཟུངས་རྫོགས་སོ།། །།རྒྱ་གར་གྱི་མཁན་པོ་ཛི་ན་མི་ཏྲ་དང་། དཱ་ན་ཤཱི་ལ་དང་། 

94-1-283b

ཤཱི་ལེནྟྲ་བོ་དྷི་དང་། ཞུ་ཆེན་གྱི་ལོ་ཙྪ་བནྡེ་ཡེ་ཤེས་སྡེས་བསྒྱུར་ཅིང་ཞུས་ཏེ་གཏན་ལ་ཕབ་པའོ། །སླད་ཀྱིས་རྒྱ་གར་གྱི་མཁན་པོ་དཱི་པྃ་ཀ་ར་ཤྲཱི་ཛྙཱ་ན་དང་། དགེ་སློང་ཚུལ་ཁྲིམས་རྒྱལ་བས་ཐོ་ལིང་གསེར་ཁང་དུ། སྐད་
གསར་ཆད་ཀྱིས་ཀྱང་གཏན་ལ་ཕབ་པའོ། ། ༄༅། །རྒྱ་གར་སྐད་དུ།  ཨཱརྱ་མ་ཧཱ་མ་ཎི་བི་པུ་ལ་བི་མཱ་ན། སུ་པྲ་ཏིཥྛི་སུ་ཧྱྃ་པ་ར་མ་ར་ཧ་སྱན་ཀལྤ། རཱ་ཛཱ་ནཱ་མ་དྷཱ་ར་ཎཱི།  བོད་སྐད་དུ།  
འཕགས་པ་ནོར་བུ་ཆེན་པོ་རྒྱས་པའི་གཞལ་མེད་ཁང་ཤིན་ཏུ་རབ་དུ་གནས་པ་གསང་བ་དམ་པའི་གསང་བའི་ཆོ་ག་ཞིབ་མོའི་རྒྱལ་པོ་ཞེས་བྱ་བའི་གཟུངས། བམ་པོ་དང་པོ། སངས་རྒྱས་དང་། བྱང་ཆུབ་སེམས་དཔའ་
ཐམས་ཅད་ལ་ཕྱག་འཚལ་ལོ། །དེ་ནས་བཅོམ་ལྡན་འདས་ཀྱིས་རྒྱལ་པོའི་ཁབ་ཀྱི་གྲོང་ཁྱེར་ཆེན་པོར་འདུས་པ་དང་པོ་ལ་བདུད་བྱེ་བ་ཕམ་པར་མཛད། དཔྱོད་པ་པ་དང་། ཀུན་ཏུ་རྒྱུ་དང་། གཅེར་བུ་པ་ཐམས་ཅད་
དང་། མུ་སྟེགས་ཅན་གཞན་རྣམས་ཀྱང་བཏུལ་ནས་ཕམ་པར་མཛད་དེ། འཁོར་བའི་སྐྱོན་འཁོར་བའི་ཆུ་བོའི་ཕ་རོལ་དུ་གཤེགས་སོ། །གང་གི་ཚེ་བདུད་ཀྱི་སྡེ་བྱེ་བ་ཁྲག་ཁྲིག་བརྒྱ་སྟོང་ཕྲག་དུ་མ་གཡོག་
བདུད་ཀྱི་སྡེ་ཕྲག་དཀྲིགས་པ་ཅན་དག་གིས་འཛམ་བུའི་གླིང་བཀང་བ་དེའི་ཚེ། བཅོམ་ལྡན་འདས་ཀྱིས་ས་རྡོ་རྗེར་བྱིན་གྱིས་བརླབས་ནས་སེམས་ཅན་དེ་དག་གིས་འཇིགས་ཤིང་འཇིགས་སུ་རུང་བའི་སྒྲ་ཡང་མ་ཐོས་ཤིང་
མཚོན་ཆའི་ཆར་དེ་དག་ཐམས་ཅད་ཀྱང་མེ་ཏོག་སྣ་ཚོགས་སུ་བབ་པར་གྱུར་ཏོ། །རྒྱལ་པོའི་ཁབ་ཀྱི་གྲོང་ཁྱེར་གྱི་སུམ་མདོའི་དབུས་དེའི་ས་དེ་ཡང་རྡོལ་ནས་རིན་པོ་ཆེ་སྣ་བདུན་གྱི་པད་མ་འདབ་མ་སྟོང་པ། སྡོང་བུ་ནི་བཻ་དཱུརྱ། 
སྙིང་པོ་ནི་འཛམ་བུ་ཆུ་བོའི་གསེར། ཟེ་བ་ནི་རྡོའི་སྙིང་པོ། སྲིད་ནི་ཚངས་པའི་འཇིག་རྟེན་གྱི་བར་ལ་ཐུག་པ་འོད་དང་ལྡན་པ་ཞིག་བྱུང་སྟེ། པད་མ་དེ་བྱུང་ནས་ཕྱོགས་བཅུ་ཐམས་ཅད་དུ་སྣང་བར་བྱས་སོ། །

94-1-284a

དེ་ནས་པད་མ་དེ་ལས་ནོར་བུ་རྡོ་རྗེ་མཆོག་ལྡན་ཞེས་བྱ་བའི་གཟུངས་ཀྱིས་བསྐུལ་བའི་སྒྲ་འདི་བྱུང་ངོ་། །ཕྱོགས་བཅུ་ན་བཞུགས་པའི་དེ་བཞིན་གཤེགས་པ་གང་ལགས་པ་ཐམས་ཅད་ལ་ཕྱག་འཚལ་ལོ། །ཨོཾ་
མ་ཎི་བཛྲ་ཧྲྀ་ད་ཡ། བཛྲ་མཱ་ར་སེ་ནྱ་བི་དྲ་བ་ཎི། ཧ་ན་ཧ་ན། བཛྲ་གརྦྷེ། ཏྲཱ་ས་ཡ་ཏྲཱ་ས་ཡ། སརྦ་མཱ་ར་བྷུ་བ་ན་ནི་ཧཱུྃ་ཧཱུྃ། སྃ་དྷ་ར་སྃ་དྷ་ར། བུདྡྷ། མཻ་ཏྲི་སརྦ་ཏ་ཐཱ་ག་ཏ་བཛྲ་ཀལྤ་ཨ་དྷིཥྛི་ཏེ་སྭཱ་ཧཱ། པད་མ་དེ་ལས་
ཡང་ལེགས་སོ་ཞེས་བྱ་བའི་སྒྲ་གྲག་སྟེ། དེས་སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་འདི་སྒྲས་བཀང་ནས། ཤཱཀྱ་ཐུབ་པ་སྲིད་པའི་དགོན་པ་ལས་ནི་རྒལ། བདུད་ནི་བཅོམ། ཉོན་མོངས་པའི་རྡུལ་ནི་སྤངས། 
མ་རིག་པའི་སྒོ་ངའི་སྦུབས་ནི་དྲལ། ཆོས་ཀྱི་སྒྲོན་མ་ཆེན་པོ་ནི་སྦར་ཏེ། གང་གི་ཕྱིར་གཟུངས་འདིའི་མཐུས་ས་རྡོ་རྗེར་བྱིན་གྱིས་བརླབས་ནས་བདུད་ནི་བཅོམ་པ་ལེགས་སོ་ལེགས་སོ། །དེ་ནས་གསང་བ་པའི་བདག་པོ་ལག་
ན་རྡོ་རྗེ་སྤུ་ཟིང་ཞེས་བྱེད་ཅིང་ལུས་འདར་ནས། བཅོམ་ལྡན་འདས་ཀྱི་ཞབས་གཉིས་ལ་གཏུགས་ཏེ། བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས་ཅིའི་སླད་དུ། རིག་སྔགས་ཆེན་མོ་འདི་
འདུས་པ་དང་པོ་ལ་འཛམ་བུའི་གླིང་དུ་བྱུང་བ་ལགས། བཅོམ་ལྡན་འདས་རིག་སྔགས་འདི་འཇིག་རྟེན་དུ་སྔོན་བྱུང་བར་མ་ཐོས་ལགས་སོ། །དེ་ནས་བཅོམ་ལྡན་འདས་ཀྱིས་གསང་བ་པའི་བདག་པོ་ལག་ན་རྡོ་རྗེ་ལ་
བཀའ་སྩལ་པ། ལག་ན་རྡོ་རྗེ་ནོར་བུ་ཆེན་པོ་རྒྱས་པའི་གཞལ་མེད་ཁང་ཤིན་ཏུ་རབ་ཏུ་གནས་པ་གསང་བ་ཞེས་བྱ་བའི་གཟུངས་ཡོད་དེ། དེའི་མཐུས་སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་འདི་རྡོ་རྗེའི་རང་
བཞིན་དུ་གྱུར་ནས། མཚོན་ཆའི་ཆར་འབབ་པ་འདི་ཡང་མེ་ཏོག་སྣ་ཚོགས་སུ་གྱུར་ཏེ་འབབ་པོ། །གཟུངས་འདིའི་མཐུས་བདུད་ཀྱི་འཁོར་བཅོམ་ནས་སྲོག་ཆགས་བྱེ་བ་བཏུལ་ཏོ། །འདིའི་མཐུས་སུམ་མདོའི་དབུས་སུ་

94-1-284b

པད་མ་འདི་བྱུང་བར་གྱུར་ཏོ། །ལག་ན་རྡོ་རྗེ་གཟུངས་འདི་མེད་པར་མངོན་པར་རྫོགས་པར་བྱང་ཆུབ་པར་མི་ནུས། བདུད་བྱེ་བ་ཕམ་པར་མ་ཡིན། ཉོན་མོངས་པའི་རྒྱ་མཚོ་སྐེམས་པར་མ་ཡིན་ཏེ། ཆོས་ཀྱི་སྒྲོན་མ་སྦར་བར་
མི་ནུས་སོ། །ལག་ན་རྡོ་རྗེ་ངས་དཀའ་བ་བྱེ་བ་ཁྲག་ཁྲིག་བརྒྱ་སྟོང་ཕྲག་དུ་མ་སྤྱད་ན་ཇི་སྲིད་ངས་གཟུངས་འདི་མཉན་པ་དང་། མངོན་པར་བརྩོན་པས་བརྩོན་འགྲུས་མ་བྱས་ཀྱི་བར་དུ་ངས་སངས་རྒྱས་ཉིད་ཐོབ་པར་མ་ནུས་ཀྱི། ཕྱིས་
ངས་སངས་རྒྱས་ཉིད་ཐོབ་བོ། །ལག་ན་རྡོ་རྗེ་གཟུངས་འདི་ནི་མཐུ་ཆེ་ཞིང་ཕན་ཡོན་ཆེ་བ་ཡིན་ནོ། །ལག་ན་རྡོ་རྗེ་འདི་ནི་སངས་རྒྱས་བཅོམ་ལྡན་འདས་རྣམས་ཀྱི་ཆོས་ཉིད་དེ་ཁོ་ན་ཉིད་ཡང་དག་པར་སངས་རྒྱས་ཀྱི་སྐུ་ཡོངས་སུ་
སྒྲུབ་པ་ཡིན་ནོ། །ལག་ན་རྡོ་རྗེ་འདིའི་མིང་བཟུང་བ་ཙམ་གྱིས་དེ་བཞིན་གཤེགས་པ་ཐམས་ཅད་ཀྱི་མཚན་གཟུང་བར་འགྱུར་རོ། །བརྗོད་ཅིང་བཟླས་པ་ཙམ་གྱིས་དེ་བཞིན་གཤེགས་པ་ཐམས་ཅད་ལ་མཆོད་པ་དང་། 
བསྙེན་བཀུར་དང་། ཞབས་ལ་ཕྱག་བྱས་པར་འགྱུར་རོ། །དེ་ནས་བཅོམ་ལྡན་འདས་ལ་བྱང་ཆུབ་སེམས་དཔའ་སེམས་དཔའ་ཆེན་པོ་ལག་ན་རྡོ་རྗེས་མེ་ཏོག་སྣ་ཚོགས་དང་། དྲི་དང་། བདུག་པ་སྣ་ཚོགས་ཀྱིས་
མཆོད་ནས། བཅོམ་ལྡན་འདས་ལ་ལན་གསུམ་བསྐོར་བ་བྱས་ཏེ། བཅོམ་ལྡན་འདས་ཀྱི་ཞབས་ལ་གཏུགས་ནས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས་མི་མཇེད་ཀྱི་འཇིག་རྟེན་གྱི་ཁམས་
དེ་ན་ཡོན་ཏན་གྱི་ཁྱད་པར་ཅི་འདྲ་བ་དག་གདའ་བ་བསྟན་དུ་གསོལ། བཅོམ་ལྡན་འདས་དེ་བཞིན་གཤེགས་པའི་སྐུ་ཡང་དག་པའི་ཆོས་ཀྱི་གཞི་འདི་དག་ལས་གཞན་པ། དགེ་བའི་རྩ་བ་ངན་ངོན་ཙམ་གྱིས་ནི་སེམས་ཅན་རྣམས་ཀྱི་ཚོགས་
བསགས་པར་མི་བགྱི་ལགས་སོ། །དེ་ནས་བཅོམ་ལྡན་འདས་ཀྱིས་གསང་བ་པའི་བདག་པོ་ལག་ན་རྡོ་རྗེ་ལ་འདི་སྐད་ཅེས་བཀའ་སྩལ་ཏོ། །ལག་ན་རྡོ་རྗེ་སེམས་ཅན་དེ་དག་ནི་སྙོམས་ལས་ཅན། བརྩོན་འགྲུས་དམན་པ། གཏི་མུག་གིས་རྨོངས་

94-1-284c

པ། འདོད་པའི་དྲེགས་པས་རྨོངས་པ། ཡིད་ཆེས་པར་དཀའ་བ། ཕར་མི་འཛིན་པ་དང་། མར་མི་འཛིན་པ་དང་། དགེ་སྦྱོང་དུ་མི་འཛིན་པ། བྲམ་ཟེར་མི་འཛིན་པ། རིགས་ཀྱི་གཙོ་བོ་ལ་བསྙེན་བཀུར་མི་བྱེད་དེ། དེས་ནི་
གཟུངས་འདི་ལག་ཏུ་འོང་བར་མི་འགྱུར་ཞིང་། བསོད་ནམས་ཆུང་བ། སྐལ་བ་ཆུང་བ། བློ་ཞན་པ་རྣམས་ཀྱིས་ཀྱང་ཉན་པར་མི་འགྱུར། འཆད་པར་མི་འགྱུར་ཞིང་། སྡིག་པ་ཐམས་ཅད་འཇིག་པར་བྱེད་པ། དེ་བཞིན་གཤེགས་པའི་གསང་བའི་
གཟུངས་འདི་ལ་དད་པ་བསྐྱེད་པར་མི་འགྱུར་རོ། །དེ་ནས་བཅོམ་ལྡན་འདས་ཀྱིས་གནོད་སྦྱིན་གྱི་སྡེ་དཔོན་ཆེན་པོ་ལག་ན་རྡོ་རྗེ་ལ་འདི་སྐད་ཅེས་བཀའ་སྩལ་ཏོ། །རིགས་ཀྱི་བུ་ང་ནི་འདི་ནས་ཤར་ཕྱོགས་ལོགས་སུ་སངས་རྒྱས་ཀྱི་ཞིང་ཚད་མེད་པ་གང་གཱའི་
ཀླུང་གི་བྱེ་མ་དང་མཉམ་པའི་སངས་རྒྱས་ཀྱི་ཞིང་བྱེ་བ་ཁྲག་ཁྲིག་འདས་པ་དེ་ན་འཇིག་རྟེན་གྱི་ཁམས་ནོར་བུར་སྒྲོན་མ་ཞེས་བྱ་བ་གྲོང་ཁྱེར་ཁོ་ར་ཁོར་ཡུག་ཏུ་དཔག་ཚད་བཅུ་གཉིས་པའི་ར་བ་རིན་པོ་ཆེ་སྣ་བདུན་ལས་བྱས་པ། རྒྱས་པ། བདེ་བ། 
ཉམས་དགའ་བ། ལོ་ལེགས་པ། སྐྱེ་བོ་དང་། མི་མང་པོས་གང་བ། སྐྱེས་པ་དང་། བུ་མེད་དང་། ཁྱེའུ་དང་། བུ་མོ་དང་། སྐྱེ་བོའི་ཚོགས་ཐམས་ཅད་རྒྱན་ཐམས་ཅད་ཀྱིས་བརྒྱན་པ་ཉིད་སྣང་ཞིང་ནོར་བུ་དང་། གསེར་འབར་བའི་མགོ་རྒྱན་
སྣ་ཚོགས་ཀྱིས་མགོ་བརྒྱན་པ། ལྷའི་གཟུགས་ཅན། མཐུ་དང་བརྩོན་འགྲུས་ཆེན་པོ་དང་ལྡན་པ། བཤེས་གཉེན་ཐམས་ཅད་དང་ལྡན་པ། རིག་པའི་གནས་རྟོགས་པར་ཁོང་དུ་ཆུད་པ། སྣང་བ་ཡོད་པར་འགྲོའོ། །འཇིག་རྟེན་གྱི་
ཁམས་དེ་ན་རྒྱལ་པོ་ནོར་བུ་སྣ་ཚོགས་ཤེས་བྱ་བ་རྒྱལ་སྲིད་བྱེད་དུ་འཇུག་སྟེ། བློན་པོ་བྱེ་བ་ཕྲག་བརྒྱད་ཅུས་ཡོངས་སུ་བསྐོར་ཅིང་བཙུན་མོ་དམ་པ་གསལ་བྱེད་མ་ཞེས་བྱ་བ་བུད་མེད་ཉི་ཁྲིའི་འཁོར་ཅན་ལྷའི་བུ་མོ་ཐམས་ཅད་ཀྱི་ལུས་ལ་
འགྲན་པ་ཞིག་ཡོད་དོ། །འཇིག་རྟེན་གྱི་ཁམས་དེ་ན་ཡང་མེ་ཏོག་གི་ཤིང་དང་། འབྲས་བུའི་ཤིང་དང་། དྲང་ཆུའི་ཤིང་དང་། དྲིའི་ཤིང་གང་ཡིན་པ་དེ་དག་ཐམས་ཅད་ཀྱང་རིན་པོ་ཆེ་སྣ་བདུན་གྱི་རང་བཞིན་ཡིན་ནོ། །ཆུ་ལས་སྐྱེས་པའི་མེ་ཏོག་

94-1-284d

གང་ཡིན་པ་དེ་དག་ཐམས་ཅད་ཀྱང་རིན་པོ་ཆེ་སྣ་བདུན་གྱི་རང་བཞིན་ཡིན་ནོ། །ཐང་ལས་སྐྱེས་པའི་མེ་ཏོག་གང་ཡིན་པ་དེ་དག་ཐམས་ཅད་ནི་འཛམ་བུ་ཆུ་བོའི་གསེར་གྱི་རང་བཞིན་ནོ། །མི་རྣམས་ཀྱི་ཚེའི་ཚད་ནི་བསྐལ་པ་བརྒྱད་ཁྲི་ཐུབ་སྟེ། ཐམས་ཅད་
ཀྱང་དགེ་བ་བཅུའི་ལས་ཀྱི་ལམ་དང་ལྡན་པ། སངས་རྒྱས་དང་། ཆོས་དང་། དགེ་འདུན་ལ་མངོན་པར་དད་པ་ཡིན་ནོ། །རྒྱལ་པོ་དེ་ཡང་ཆོས་དང་མཐུན་པས་རྒྱལ་སྲིད་སྐྱོང་བར་བྱེད་ཀྱིས་ཆོས་དང་མི་མཐུན་པས་ནི་མ་ཡིན་ཏེ། སེམས་ཅན་ཐམས་
ཅད་ལ་ཕན་པའི་བསམ་པ་ཅན་ཡིན་ནོ། །འཇིག་རྟེན་གྱི་ཁམས་དེ་ན་ཡང་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ནོར་བུ་བཟང་ཆེན་པོ་རྣམ་པར་བཀྲ་བ་རབ་གནས་གཙང་མ་ཞེས་བྱ་བ་བྱང་ཆུབ་སེམས་དཔའི་
ཚོགས་ཆེན་པོས་ཡོངས་སུ་བསྐོར་ཅིང་རིག་སྔགས་འཆང་བྱེ་བ་ཕྲག་མང་པོས་ཡོངས་སུ་བསྐོར་ནས་སངས་རྒྱས་ཀྱི་མཛད་པ་མཛད་དེ་དེ་བཞིན་གཤེགས་པ་དེ་ནི་གསེར་གྱི་ཁ་དོག་གི་སྐུ་མཚན་སུམ་ཅུ་རྩ་གཉིས་དང་། དཔེ་བྱད་བཟང་པོ་བརྒྱད་ཅུ་མངའ་བ། 
འོད་འདོམ་གང་གིས་ཀུན་ནས་བསྐོར་བ། འོད་རིན་པོ་ཆེ་སྣ་བདུན་ལྟར་ཤིན་ཏུ་གསལ་བ་ཡིན་ནོ། །བྱང་ཆུབ་སེམས་དཔའ་དེ་དག་ཐམས་ཅད་ཀྱང་གསེར་གྱི་ཁ་དོག་གི་ལུས་འོད་འཕྲོ་བ། མཚན་དང་ལྡན་པ། རིན་པོ་ཆེ་སྣ་བདུན་གྱི་པད་མའི་སྟན་ལ་འཁོད་པ་སྟེ། ཐམས་
ཅད་ཀྱང་སྤོབས་པ་མི་ཟད་པ། སྒྲིབ་པ་མེད་པའི་ཡེ་ཤེས་སྤྱོད་ཡུལ་བ། རིག་པའི་གནས་རྟོགས་པར་ཁོང་དུ་ཆུད་པས་འདི་ལྟ་སྟེ། ནོར་བུ་ཆེན་པོ་རྒྱས་པའི་གཞལ་མེད་ཁང་ཤིན་ཏུ་རབ་ཏུ་གནས་པའི་གསང་བ་ཞེས་བྱ་བའི་གཟུངས་སེམས་ཤིང་གཟུངས་དེ་
ཉིད་ཀྱི་མཐུས་ཡོན་ཏན་གྱི་ཁྱད་པར་འདི་བྱུང་བར་གྱུར་ཏོ། །དེ་བཞིན་གཤེགས་པ་དེ་ཡང་། གཟུངས་འདི་སེམས་ཅན་ཐམས་ཅད་ལ་རབ་ཏུ་སྟོན་ཏོ། །སེམས་ཅན་དེ་རྣམས་ཀྱང་གཟུངས་འདིའི་མཐུས་བདེ་བ་ཉམས་སུ་མྱོང་བ་སྟེ། སེམས་
ཅན་དེ་དག་ཐམས་ཅད་སེམས་ཅན་དམྱལ་བ་དང་། དུད་འགྲོའི་སྐྱེ་གནས་དང་། གཤིན་རྗེའི་འཇིག་རྟེན་དང་། ལྷ་མ་ཡིན་གྱི་རིས་རྣམས་ལས་ཡོངས་སུ་ཐར་བར་གྱུར་ཏོ། །ངན་སོང་གི་སྒོ་ཐམས་ཅད་

94-1-285a

ཀྱང་བཅད་པར་གྱུར་ཏོ། །མཐོ་རིས་ཀྱི་སྒོ་རྣམས་ཕྱེའོ། །བདེ་འགྲོའི་སྒོ་རྣམས་ཐམས་ཅད་ཀྱང་ཕྱེ་སྟེ། འཇིག་རྟེན་གྱི་ཁམས་དེའི་སེམས་ཅན་གང་ཡིན་པ་དེ་དག་ཐམས་ཅད་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ལ་ཡང་དག་པར་ཞུགས་
སོ། །འཇིག་རྟེན་གྱི་ཁམས་དེ་ན་སེམས་ཅན་ཐམས་ཅད་བྱམས་པའི་སེམས་ཀྱིས་གནས་ཏེ། འདི་ལྟ་སྟེ། ཆུ་དང་འོ་མ་གཅིག་ཏུ་གྱུར་པ་བཞིན་ནོ། །དེ་བཞིན་གཤེགས་པ་དེས་ཀྱང་སྔོན་བྱང་ཆུབ་སེམས་དཔར་གྱུར་པ་ན་ནོར་བུ་ཆེན་པོ་རྒྱས་པའི་གཞལ་མེད་ཁང་
ཤིན་ཏུ་རབ་ཏུ་གནས་པའི་གསང་བ་འདི་སྒྲུབ་པ་ན་སྨོན་ལམ་འདི་སྐད་ཅེས། བདག་གི་སངས་རྒྱས་ཀྱི་ཞིང་དུ་སྐྱེ་བར་གྱུར་པའི་སེམས་ཅན་གང་ཡིན་པ་དེ་དག་ཐམས་ཅད་ངེས་པར་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ལས་ཕྱིར་མི་ལྡོག་པར་གྱུར་ཅིག་
ཅེས་སྨོན་ལམ་བཏབ་སྟེ། གང་དག་གཟུངས་འདི་ཉན་པ་དང་། འཆང་བ་དང་། ཀློག་པ་དང་། ཀུན་ཆུབ་པར་བྱེད་པ་དང་། སྒོམ་པ་དང་། འདོན་པ་དང་། སེམས་པ་དང་། སྒྲུབ་པར་བྱེད་པ་དང་། ཆུང་ངུ་ན་མིང་ཉན་པར་བྱེད་དམ། ལག་པས་རེག་གམ། 
ལུས་ལ་འཆང་ངམ། མིག་གིས་མཐོང་བ་ཙམ་མམ། གླེགས་བམ་ལ་བྲིས་པ་འམ། རས་ལ་བྲིས་པ་འམ། རྩིག་པ་ལ་བྲིས་པ་མཐོང་ན་མཚམས་མེད་པ་ལྔ་བྱས་པ་འམ། མནར་མེད་པར་གཞོལ་བ་འམ། དམ་པའི་ཆོས་
སྤངས་པ་འམ། འཕགས་པ་ལ་སྐུར་པ་བཏབ་པ་འམ། ཤན་པ་འམ། གདོལ་པ་འམ། རྔོན་པ་འམ། བྱ་བ་འམ། ལོང་བ་འམ། འོན་པ་འམ། ཤ་བཀྲ་ཅན་ནམ། བཀྲེན་པ་འམ། ཞར་བ་འམ། སྒུར་
པོ་འམ། དམན་པ་འམ། སྔོན་གྱི་ལས་ཀྱིས་འཕངས་པའི་སྒྲིབ་པ་ཅན་ནམ། མྱོང་བར་གྱུར་པར་མ་ངེས་པ་འམ། བདུད་ཀྱི་ཞགས་པས་བཅིངས་པ་འམ། ལྟ་བ་ངན་པར་ལྷུང་བ་འམ། ལོག་འདྲེན་གྱིས་ཟིན་པ་འམ། རྒྱུ་
སྐར་དང་། གཟའི་གནོད་པར་བྱས་པ་དེ་དག་ཐམས་ཅད་ངེས་པར་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ལས་ཕྱིར་མི་ལྡོག་པར་འགྱུར་རོ། །ཆུང་ངུ་ན་དུད་འགྲོའི་སྐྱེ་གནས་པ་རི་དགས་དང་། བྱ་དང་། སྦྲངས་བུ་མཆུ་རིངས་དང་། ཤ་སྦྲང་དང་། 

94-1-285b

བྱི་བ་དང་། གྲོག་སྦུར་རྣམས་དང་། གཞན་ཡང་སྲོག་ཆགས་ཀྱི་རིགས་སྣ་ཚོགས་སྒོ་ང་ལས་སྐྱེས་པ་འམ། མངལ་ནས་སྐྱེས་པ་འམ། དྲོད་གཤེར་ལས་སྐྱེས་པ་འམ། རྫུས་ཏེ་སྐྱེས་པ་ལ་སོགས་ཏེ། དེ་དག་ཐམས་ཅད་བླ་ན་མེད་པ་ཡང་དག་པར་རྫོགས་
པའི་བྱང་ཆུབ་ལས་ཕྱིར་མི་ལྡོག་པར་འགྱུར་ཏེ། འདི་ལ་ཐེ་ཚོམ་དང་། ཡིད་གཉིས་བསྐྱེད་པར་མི་བྱའོ། །དེ་ནས་བཅོམ་ལྡན་འདས་ཀྱིས་ཚིག་འདི་གསུངས་མ་ཐག་ཏུ་འཁོར་དེ་དག་ཐམས་ཅད་དགའ་ཞིང་བ་སྤུའི་ཁུང་བུ་རྣམས་གཡོས་པར་གྱུར་ཏོ། །
ལྷའི་མེ་ཏོག་ཨུད་པ་ལ་དང་། པད་མ་དང་ཀུ་མུ་ད་དང་པད་མ་དཀར་པོ་དང་མན་དཱ་ར་བ་དང་མན་དཱ་ར་བ་ཆེན་པོའི་ཆར་ཡང་རབ་ཏུ་བབ་བོ། །ལྷའི་སིལ་སྙན་རྣམས་ཀྱང་སྒྲ་འབྱིན་ཏོ། །འཁོར་གྱི་དཀྱིལ་འཁོར་དེ་དག་ཐམས་ཅད་ཀྱི་རང་རང་གི་ལུས་ལས་ཀྱང་
འོད་ཟེར་བྱུང་བར་གྱུར་ཏོ། །བཅོམ་ལྡན་འདས་ཀྱི་སྤྱན་སྔར་ཡང་རིན་པོ་ཆེ་སྣ་བདུན་གྱི་ཁང་པ་བརྩེག་མ་བཀྲ་བ། བལྟ་ན་སྡུག་པ། ཤིན་ཏུ་རྣམ་པར་ཕྱེ་བ། ཉམས་དགའ་བ། ཀ་བ་བཞི་ཟུག་པ། སྒོ་བཞི་དོང་པ། ཐེམ་སྐས་བཞི་དང་
ལྡན་པ། འོད་འབར་བ། གྲ་བཞི་ན་ནོར་བུ་རིན་པོ་ཆེ་ཆེན་པོ་བཞི་ཉི་མ་ལྟར་འབར་བ། ནོར་བུ་དང་། རིན་པོ་ཆེ་དང་། མུ་ཏིག་གི་དྲ་བ་དུ་མ་དཔྱངས་པ། དྲིལ་བུ་མང་པོས་མཛེས་པར་བྱས་པ། དར་གྱི་བ་དན་མང་པོས་ཀུན་ནས་
བརྒྱན་པ། མེ་ཏོག་སྣ་ཚོགས་དུ་མའི་ཆུན་པོས་མཛེས་པར་བྱས་པ་ཞིག་བྱུང་ངོ་། །ས་འདི་རྣམ་པ་དྲུག་ཏུ་རབ་ཏུ་གཡོས་ཏེ། འགུལ་ལྡེག་ལ་སྒྲ་འབྱིན་ཅིང་མཐོ་བ་དང་དམའ་བར་གྱུར་ཏོ། །ལྷའི་གནས་ཐམས་ཅད་ཀྱང་འོད་
ཀྱིས་སྣང་བར་བྱས་ཏེ། ལྷའི་གནས་ན་གནས་པ་ཐམས་ཅད་བསྐུལ་ཏོ། །རྒྱལ་པོ་ཆེན་པོ་བཞི་ཡང་བསྐུལ་ཏོ། །རིགས་སྔགས་འཆང་གི་གནས་ཐམས་ཅད་ཀྱང་བསྐུལ་ཏེ། ལྷའི་རིགས་ཐམས་ཅད་ཀྱང་འབར། ཀུན་ཏུ་རབ་ཏུ་འབར་
ཞིང་མེ་ལྕེ་གཅིག་ཏུ་གྱུར་པ་དང་། བར་ཆད་བྱེད་པའི་ལོག་འདྲེན་ཐམས་ཅད་ཀྱང་དངངས་སྐྲག་སྟེ། ཆོ་ངེས་འདེབས་ཤིང་ཕྱོགས་བཅུར་བྱེར་རོ། །དེ་ནས་བཅོམ་ལྡན་འདས་ཀྱི་མཛོད་སྤུ་ནས། འོད་ཟེར་རབ་ཏུ་བཀྱེ་སྟེ། ཕྱོགས་བཅུའི་འཇིག་

94-1-285c

རྟེན་གྱི་ཁམས་ཐམས་ཅད་ཀུན་ནས་སྣང་བར་བྱས་ཤིང་སངས་རྒྱས་ཀྱི་ཞིང་ཐམས་ཅད་སྣང་བར་བྱས་ཏེ། སངས་རྒྱས་བཅོམ་ལྡན་འདས་དེ་རྣམས་བསྐུལ་ནས་སླར་དབུའི་གཙུག་ཏུ་ནུབ་བོ། །དེ་ནས་སངས་རྒྱས་བཅོམ་ལྡན་འདས་
དེ་རྣམས་ཀྱིས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཤཱཀྱ་ཐུབ་པ་དེ་ལ་ལེགས་སོ་ཞེས་བྱ་བ་བྱིན་ཏེ། བཅོམ་ལྡན་འདས་ལེགས་སོ་ལེགས་སོ། །བཅོམ་ལྡན་འདས་ཁྱོད་དེ་བཞིན་གཤེགས་
པ་ནོར་བུ་བཟང་པོ་རྣམ་པར་བཀྲ་བ་རབ་གནས་གཙང་མ་དེ་གཟིགས་པ་དང་། ཕྱག་བགྱི་བ་དང་། བསྙེན་བཀུར་བགྱི་ཞིང་བཞུད་པའི་དུས་ལ་བབ་ཀྱི་བཞུད་ལ་ནོར་བུ་ཆེན་པོ་རྒྱས་པའི་གཞལ་མེད་ཁང་ཤིན་ཏུ་རབ་ཏུ་གནས་པ་གསང་བ་ཞེས་
བགྱི་བའི་གཟུངས་དེ་ཡང་རྒྱས་པར་གསོན་ཅིག །བཅོམ་ལྡན་འདས་གཟུངས་དེ་ནི་མཐུ་ཆེ་ཞིང་ཕན་ཡོན་ཆེ་བ་ལགས་སོ། །གཟུངས་དེ་ནི་སྔོན་གྱི་དེ་བཞིན་གཤེགས་པ་རྣམས་ཀྱིས་བྱིན་གྱིས་བརླབས་པ་ལགས་ཏེ། གང་ལ་ལ་ཞིག་ཉན་ཏམ། 
ཆུང་ངུ་ན་མིང་ངམ། ལག་པས་རེག་ན་ཡང་ཕྱིར་མི་ལྡོག་པར་འགྱུར་ཞིང་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་མངོན་པར་རྫོགས་པར་འཚང་རྒྱ་བར་འགྱུར་རོ། །དེ་ནས་བཅོམ་ལྡན་འདས་ཀྱིས་ཕྱོགས་བཅུའི་སངས་རྒྱས་ཀྱི་ཞིང་ཐམས་ཅད་
ནས་གཤེགས་པའི་སངས་རྒྱས་བཅོམ་ལྡན་འདས་རྣམས་ཀྱིས་གསོལ་བ་བཏབ་པར་ཐུགས་སུ་ཆུད་ནས་ཡང་འོད་ཟེར་བྱེ་བ་ཁྲག་ཁྲིག་བརྒྱ་སྟོང་བཀྱེ་སྟེ། ཇི་ལྟར་ལྷགས་པའི་འཁོར་དེ་ལ་བོས་ནས་འདི་སྐད་ཅེས་བཀའ་སྩལ་ཏོ། །
རིགས་ཀྱི་བུ་ཚུར་ཤེག །དེ་བཞིན་གཤེགས་པའི་བརྡ་བྱུང་བ་ནི་འདི་ཡིན་ནོ། །དེ་ནས་བཅོམ་ལྡན་འདས་ཉིད་ཀྱིས་གདན་ལས་བཞེངས་པ་དང་། ཁང་པ་བརྩེག་མ་དེའི་དབུས་སུ་རྡོ་རྗེའི་སེང་གེའི་ཁྲི་བྱུང་ནས། ཁྲི་དེའི་སྟེང་དུ་རིན་པོ་
ཆེའི་པད་མ་བཀྲ་བ། བལྟ་ན་སྡུག་པ། ཡིད་དུ་འོང་བ། སྡོང་བུ་ནི་གསེར། པད་མའི་སྙིང་པོ་ནི་མུ་ཏིག་དམར་པོ་ཅན་ཞིག་བྱུང་སྟེ། དེ་ལ་བཅོམ་ལྡན་འདས་བཞུགས་སོ། །བཅོམ་ལྡན་འདས་བཞུགས་མ་ཐག་ཏུ་ས་ཆེན་པོ་འདི་ཆེ་

94-1-285d

ཐང་དུ་གཡོས་པར་གྱུར་ཏོ། །བཅོམ་ལྡན་འདས་ཀྱང་ནོར་བུ་ཆེན་པོ་དག་པ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ཏེ། འཁོར་ཐམས་ཅད་དབུགས་ཕྱུང་ནས་སྟེང་གི་ནམ་མཁའི་དཀྱིལ་དུ་འཁོར་གྱི་དཀྱིལ་འཁོར་ཐམས་ཅད་འཁོད་དེ། 
འཁོར་མང་པོ་དང་། འཁོད་པ་ཆེན་པོ་དང་། སངས་རྒྱས་ཀྱི་བྱིན་གྱི་བརླབས་ཆེན་པོ་དང་། རྣམ་པར་སྤྲུལ་པ་དང་། བྱང་ཆུབ་སེམས་དཔའ་མང་པོའི་འཁོར་དང་། ལྷ་དང་། ཀླུ་དང་། གནོད་སྦྱིན་དང་། དྲི་ཟ་དང་། ལྷ་མ་ཡིན་དང་། ནམ་མཁའ་ལྡིང་དང་། མི་
འམ་ཅི་དང་། ལྟོ་འཕྱེ་ཆེན་པོ་དང་། མི་དང་མི་མ་ཡིན་པ་མང་པོ་དང་། རིག་སྔགས་འཆང་བྱེ་བ་ཕྲག་མང་པོའི་འཁོར་དང་། གསང་བའི་བདག་པོ་ལག་ན་རྡོ་རྗེ་དང་ཐབས་ཅིག་ཏུ། བརྒྱ་བྱིན་དང་། ཚངས་པ་དང་། འཇིག་རྟེན་སྐྱོང་བ་ཐམས་
ཅད་དང་། རྒྱལ་པོ་ཆེན་པོ་བཞི་དག་གཤེགས་སོ། །དེ་ཐམས་ཅད་ཤར་ཕྱོགས་ལོགས་སུ་དོང་བ་དང་། ཚད་མེད་པའི་གང་གཱའི་ཀླུང་གི་བྱེ་མ་དང་མཉམ་པའི་སངས་རྒྱས་ཀྱི་ཞིང་བྱེ་བ་ཁྲག་ཁྲིག་བརྒྱ་སྟོང་འདས་ནས་ནོར་བུ་སྒྲོན་མ་ཞེས་བྱ་
བའི་འཇིག་རྟེན་གྱི་ཁམས་སུ་ཕྱིན་པར་མཐོང་སྟེ། བཅོམ་ལྡན་འདས་ཀྱི་རྫུ་འཕྲུལ་གྱི་མཐུས་སྐད་ཅིག་ཐང་ཅིག་ཡུད་ཙམ་གྱིས་འཇིག་རྟེན་གྱི་ཁམས་དེར་ཕྱིན་ཏོ། །འཇིག་རྟེན་གྱི་ཁམས་དེར་བྱོན་མ་ཐག་ཏུ་ནམ་མཁའ་ལས་བབས་
ནས། བཅོམ་ལྡན་འདས་དེ་བཞིན་གཤེགས་པ་ནོར་བུ་བཟང་པོ་རྣམ་པར་བཀྲ་བ་རབ་གནས་གཙང་མ་དེའི་དྲུང་དུ་གཤེགས་སོ། །དེར་གཤེགས་ནས་བཅོམ་ལྡན་འདས་གནོད་པ་མི་མངའ་འམ། བསྐྱོད་པ་ཡང་ངམ། བདེ་བ་ལ་
རེག་པར་གནས་སམ་ཞེས་གསུངས་ནས། རིན་པོ་ཆེ་སྣ་བདུན་གྱི་པད་མ་འདབ་མ་སྟོང་པ་ཞིག་བྱིན་ནོ། །དེ་ནས་བཅོམ་ལྡན་འདས་ལྷའི་གཞལ་མེད་ཁང་ན་འཁོར་དང་བཅས་པ་བཞུགས་པ་དང་། དེས་ཕྱག་གསེར་གྱི་ཁ་དོག་
ཅན་བརྐྱང་ནས། ཟབ་ཅིང་ཟབ་པས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཤཱཀྱ་ཐུབ་པ་དེ་ཡང་དག་པར་དགྱེས་པར་མཛད་དེ། ཁང་པ་བརྩེག་མ་དེ་ཉིད་དུ་བཞུགས་ནས། བཅོམ་ལྡན་འདས་

94-1-286a

འདས་ཀྱིས་ཀྱང་ཞུས་པ། བཅོམ་ལྡན་འདས་ཁྱོད་ཀྱིས་ཆོས་ཀྱི་འཁོར་ལོ་ལེགས་པར་བསྐོར་ལགས་སམ། ཁྱོད་ཀྱིས་བདུད་དཔུང་དང་བཞོན་པར་བཅས་པ་བཅོམ་པ་ལགས་སམ། ཁྱོད་ཀྱིས་ཆོས་ཀྱི་སྒྲོན་མ་སྦར་ལགས་
སམ། ཆོས་ཀྱི་རྒྱལ་མཚན་བསྒྲེང་ལགས་སམ། ཆོས་ཀྱི་རྔ་བརྡུངས་ལགས་སམ། ཆོས་ཀྱི་དུང་རབ་ཏུ་བུས་ལགས་སམ། བཅོམ་ལྡན་འདས་ཁྱོད་ཀྱིས་འཇིག་རྟེན་དུ་སངས་རྒྱས་འབྱུང་བ་བླ་ན་མེད་པའི་ཐམས་ཅད་མཁྱེན་
པ་མཁྱེན་པར་བགྱིས་ལགས་སམ། བཅོམ་ལྡན་འདས་ཁྱོད་ཀྱིས་དེང་འཛམ་བུའི་གླིང་དུ་ཆོས་ཀྱི་འཁོར་ལོ་ཆོས་ཀྱི་གཏེར་ལན་གཉིས་ལན་གསུམ་དུ་བསྐོར་བ་མཛོད་ཅིག །བཅོམ་ལྡན་འདས་ཀྱིས་ཚིག་འདི་གསུངས་མ་ཐག་ཏུ། 
སངས་རྒྱས་ཀྱི་ཞིང་འཇིག་རྟེན་གྱི་ཁམས་དེ་ཐམས་ཅད་རྣམ་པ་དྲུག་ཏུ་གཡོས། རབ་ཏུ་གཡོས། ཀུན་དུ་རབ་ཏུ་གཡོས། འགུལ། རབ་ཏུ་འགུལ། ཀུན་དུ་རབ་ཏུ་འགུལ། ལྡེག །རབ་ཏུ་ལྡེག །ཀུན་ཏུ་རབ་ཏུ་ལྡེག །འུར་འུར། རབ་ཏུ་འུར་འུར། 
ཀུན་དུ་རབ་ཏུ་འུར་འུར། ཆེམ་ཆེམ། རབ་ཏུ་ཆེམ་ཆེམ། ཀུན་ཏུ་རབ་ཏུ་ཆེམ་ཆེམ་སྟེ། མེ་ཏོག་གི་ཆར་ཆེན་པོ་ཡང་རབ་ཏུ་འབབ། རྫུ་འཕྲུལ་གྱི་ཆོ་འཕྲུལ་ཆེན་པོ་ཡང་སྣང་། སིལ་སྙན་རྣམས་ཀྱང་མ་དཀྲོལ་བར་སྒྲ་འབྱིན། སྟེང་གི་ནམ་མཁའི་
བར་སྣང་གི་ལྷའི་བུ་རྣམས་ཀྱང་ལྷའི་སིལ་སྙན་ཤིན་ཏུ་ཡིད་དུ་འོང་བ། ཡན་ལག་ལྔ་པ་དག་དཀྲོལ་བར་བྱེད། ཀླུ་ཆེན་པོ་གང་དག་ཡིན་པ་དེ་དག་ཀྱང་རིན་པོ་ཆེ་སྣ་ཚོགས་ཀྱི་ཆར་འབེབས་པར་བྱེད། དྲིའི་ཕྱེ་མ་སྣ་ཚོགས་དང་། ཙན་དན་གྱི་ཆུ་སྣ་ཚོགས་ཀྱི་
ཆར་ཡང་འབེབས་པར་བྱེད། གོས་སྣ་ཚོགས་དང་། རྒྱན་དང་། ལྷབ་ལྷུབ་སྣ་ཚོགས་ཀྱི་ཆར་ཡང་རབ་ཏུ་འབེབས་པར་བྱེད། ལྷའི་མུ་ཏིག་དམར་པོ་དང་། སྤུག་དང་། ནོར་བུ་རིན་པོ་ཆེ་ཆེན་པོ་རྣམ་པར་སྣང་བྱེད་དང་། 
ནོར་བུ་རིན་པོ་ཆེ་ཆེན་པོ་ཉི་མའི་སྙིང་པོ་དང་། ཆུ་ཤེལ་དང་། མེ་ཤེལ་དང་། དཔལ་གྱི་སྙིང་པོའི་ཆར་ཡང་རབ་ཏུ་འབེབས་པར་བྱེད། ལྷའི་མེ་ཏོག་ཨུད་པ་ལ་དང་། པད་མ་དང་། ཀུ་མུ་ད་དང་། པད་མ་དཀར་པོ་དང་། མན་དཱ་ར་བ་དང་། མན་དཱ་ར་བ་

94-1-286b

ཆེན་པོའི་ཆར་ཡང་རབ་ཏུ་འབེབས་པར་བྱེད། ལྷའི་འཛམ་བུ་ཆུ་བོའི་གསེར་ལས་བྱུང་བའི་མེ་ཏོག་དང་། ལྷའི་དངུལ་ལས་བྱུང་བའི་མེ་ཏོག་གི་ཆར་ཡང་རབ་ཏུ་འབེབས་པར་བྱེད། ལྷའི་མེ་ཏོག་གི་ཕྲེང་བའི་ཆར་ཡང་རབ་ཏུ་འབེབས་པར་བྱེད། 
ནམ་མཁའི་དཀྱིལ་ན་གནས་པའི་ལྷའི་བུ་རྣམས་ཀྱང་ཨ་ལ་ལ་ཞེས་སྒྲ་སྙན་པར་འབྱིན་ཅིང་དབྱངས་ཀྱང་རྗེས་སུ་སྒྲོགས་པར་བྱེད། ལེགས་སོ་ཞེས་བྱ་བ་ཡང་སྦྱིན་པར་བྱེད། བཅོམ་ལྡན་འདས་ཤཱཀྱ་ཐུབ་པ་འཇིག་རྟེན་དུ་ཆོས་ཀྱི་འཁོར་ལོ་
ལན་གཉིས་སུ་བསྐོར་བ་དང་། ཡིད་བཞིན་གྱི་ནོར་བུ་རིན་པོ་ཆེ་ཆེན་པོ་ཆོས་ཀྱི་རྒྱལ་མཚན་འཛམ་བུའི་གླིང་དུ་བཞག་པ་དང་། འདི་ལྟ་སྟེ། ནོར་བུ་ཆེན་པོ་རྒྱས་པའི་གཞལ་མེད་ཁང་ཤིན་ཏུ་རབ་ཏུ་གནས་པ་གསང་བའི་རྒྱལ་པོའི་ཆོ་ག་ཞིབ་མོ་
ཆེན་པོ་འཛམ་བུའི་གླིང་དུ་རབ་ཏུ་སྤྱོད་པར་བགྱིས་པ་ལེགས་སོ་ལེགས་སོ། །དེ་ནས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ནོར་བུ་བཟང་པོ་རྣམ་པར་བཀྲ་བ་རབ་གནས་གཙང་མའི་མཛོད་སྤུ་ནས་འོད་ཟེར་སྣ་ཚོགས་
བཀྱེ་སྟེ། འོད་ཟེར་དེ་དག་གིས་ཕྱོགས་བཅུའི་འཇིག་རྟེན་གྱི་ཁམས་མཐའ་དག་གི་སངས་རྒྱས་ཀྱི་ཞིང་ཐམས་ཅད་དུ་སངས་རྒྱས་བཅོམ་ལྡན་འདས་ཐམས་ཅད་བསྐུལ་ཞིང་སྣང་བར་མཛད་དོ། །སྟོང་གསུམ་གྱི་སྟོང་ཆེན་པོའི་འཇིག་རྟེན་
གྱི་ཁམས་དེ་ཡང་སྣང་བར་མཛད། ལྷའི་གནས་ཐམས་ཅད་དང་། ཀླུའི་གནས་ཐམས་ཅད་དང་། དམྱལ་བ་དང་། དུད་འགྲོའི་སྐྱེ་གནས་དང་། གཤིན་རྗེའི་འཇིག་རྟེན་དང་། ལྷ་མ་ཡིན་གྱི་རིས་རྣམས་སུ་ཡང་བསྐུལ་ཅིང་སྣང་བར་མཛད་དེ། 
སླར་ལོག་ནས་བཅོམ་ལྡན་འདས་དེ་བཞིན་གཤེགས་པ་ཤཱཀྱ་ཐུབ་པ་དེ་ལ་ལན་གསུམ་བསྐོར་བ་བྱས་ནས་སླར་ཡང་གཙུག་ཏོར་གྱི་གསེབ་ཏུ་ཞུགས་སོ། །དེ་ནས་ཕྱོགས་བཅུའི་སངས་རྒྱས་ཀྱི་ཞིང་དེ་དག་ཐམས་ཅད་ཀྱི་སངས་
རྒྱས་བཅོམ་ལྡན་འདས་དེ་དག་ཐམས་ཅད་རང་རང་གི་སངས་རྒྱས་ཀྱི་ཞིང་དག་ནས་རྫུ་འཕྲུལ་གྱི་རྣམ་པར་འཕྲུལ་པ་མཛད་ནས། ཚད་མེད་པའི་གང་གཱའི་ཀླུང་གི་བྱེ་མ་དང་མཉམ་པའི་སངས་རྒྱས་བཅོམ་ལྡན་འདས་རྣམས་སངས་

94-1-287a

རྒྱས་ཀྱི་ཞིང་དེར་གཤེགས་ནས་སོ་སོའི་རྫུ་འཕྲུལ་གྱི་ཆོ་འཕྲུལ་གྱིས་རིན་པོ་ཆེ་སྣ་བདུན་གྱི་ཁང་པ་བརྩེགས་མ་དག་སྤྲུལ་ནས། ཁང་པ་བརྩེག་མའི་ནང་དུ་འཛམ་བུ་ཆུ་བོའི་གསེར་ལས་བྱུང་བའི་སེང་གེའི་ཁྲི་དག་བྱུང་བ་དེ་ལ་སངས་
རྒྱས་བཅོམ་ལྡན་འདས་དེ་དག་ཐམས་ཅད་རང་རང་གི་འཁོར་དང་། ཁང་པ་བརྩེག་མའི་ནང་དུ་བཞུགས་སོ། །དེ་ནས་དེ་བཞིན་གཤེགས་པ་ནོར་བུ་བཟང་པོ་རྣམ་པར་བཀྲ་བ་རབ་གནས་གཙང་མས་དེ་བཞིན་གཤེགས་པ་དེ་དག་ཐམས་
ཅད་ཡང་དག་པར་དགྱེས་པར་མཛད་དེ། རྫུ་འཕྲུལ་གྱི་ཆོ་འཕྲུལ་ཆེན་པོས་ལེགས་པར་མཆོད་ནས་རང་རང་གི་སེང་གེའི་ཁྲི་ལ་བཞུགས་སོ། །དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་ནོར་བུའི་སྙིང་པོ་དེ་བཞིན་གཤེགས་པ་ནོར་བུ་བཟང་པོ་རྣམ་
པར་བཀྲ་བ་རབ་གནས་གཙང་མ་གང་ན་བ་དེར་སོང་སྟེ་ཕྱིན་ནས། བཅོམ་ལྡན་འདས་ཀྱི་ཞབས་ལ་མགོ་བོས་ཕྱག་བྱས་ཏེ། བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས་སངས་རྒྱས་འདུས་པ་ཆེན་པོ་ཡང་རབ་ཏུ་
གདའ། བྱང་ཆུབ་སེམས་དཔའི་འདུས་པ་ཆེན་པོ་དང་། ལྷ་དང་། ཀླུ་དང་། གནོད་སྦྱིན་དང་། ལྷ་མ་ཡིན་དང་། ནམ་མཁའ་ལྡིང་དང་། མི་འམ་ཅི་དང་། ལྟོ་འཕྱེ་ཆེན་པོ་དང་། མི་དང་། མི་མ་ལགས་པའི་འདུས་པ་ཆེན་པོ་ཐམས་ཅད་ཀྱང་རབ་ཏུ་
གདའ། རིགས་སྔགས་འཆང་གི་ཚོགས་འདུས་པ་ཆེན་པོ་ཡང་ལྷགས་ནས། འདི་ལྟ་སྟེ། ལག་ན་རྡོ་རྗེ་ལ་སོགས་པ་སེམས་དཔའ་ཆེན་པོའི་ཚོགས་ཀྱང་ལྷགས། བཅོམ་ལྡན་འདས་རྫུ་འཕྲུལ་གྱི་ཆོ་འཕྲུལ་ཆེན་པོ་ཡང་གདའ་ལགས་
པས་བཅོམ་ལྡན་འདས་ནོར་བུ་ཆེན་པོ་རྒྱས་པའི་གཞལ་མེད་ཁང་ཤིན་ཏུ་རབ་ཏུ་གནས་པ་གསང་བ་རབ་ཏུ་བསྟན་པའི་དུས་ནི་འདི་ལགས་སོ། །ཚོད་ནི་འདི་ལགས་སོ་ཞེས་ལན་གཉིས་ལན་གསུམ་དུ་གསོལ་བ་བཏབ་པ་དང་། དེ་ནས་
བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ནོར་བུ་བཟང་པོ་རྣམ་པར་བཀྲ་བ་རབ་གནས་གཙང་མས་བྱང་ཆུབ་སེམས་དཔའ་སེམས་དཔའ་ཆེན་པོ་ནོར་བུའི་སྙིང་པོ་ལ་བཀའ་སྩལ་པ། རིགས་

94-1-287b

ཀྱི་བུ་སོང་ལ། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཤཱཀྱ་ཐུབ་པ་ལ་གསོལ་བ་ཐོབ་ཅིག་དང་། དེས་ཁྱོད་ལ་རབ་ཏུ་སྟོན་པར་འགྱུར་རོ། །དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་ནོར་བུའི་སྙིང་པོ་བཅོམ་
ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཤཱཀྱ་ཐུབ་པ་གང་ན་བ་དེར་སོང་སྟེ་ཕྱིན་ནས། བཅོམ་ལྡན་འདས་ལ་ལན་གསུམ་བསྐོར་བ་བྱས་ཏེ་སྤྱན་སྔར་འདུག་ནས། བཅོམ་ལྡན་འདས་ལ་བྱང་
ཆུབ་སེམས་དཔའ་སེམས་དཔའ་ཆེན་པོ་ནོར་བུའི་སྙིང་པོས་འདི་སྐད་ཅེས་གསོལ་ཏོ། །བཅོམ་ལྡན་འདས་ནོར་བུ་ཆེན་པོ་རྒྱས་པའི་གཞལ་མེད་ཁང་ཤིན་ཏུ་རབ་ཏུ་གནས་པ་གསང་བ་འདི། སེམས་ཅན་ཐམས་ཅད་ལ་ཐུགས་བརྩེ་བའི་སླད་
ཏུ་རབ་ཏུ་བསྟན་དུ་གསོལ། དེ་ནས་བཅོམ་ལྡན་འདས་དེ་བཞིན་གཤེགས་པ་ཤཱཀྱ་ཐུབ་པས་གསོལ་བ་བཏབ་པར་ཐུགས་སུ་ཆུད་ནས་གསང་བ་པའི་བདག་པོ་ལག་ན་རྡོ་རྗེ་ལ་བཀའ་སྩལ་པ། གསང་བ་པའི་བདག་པོ་སོང་ལ་འཁོར་མང་པོ་
འདིའི་དབུས་ཀྱིས་ཕྱོགས་སུ་རྡོ་རྗེས་ས་ལ་བསྣུན་ཅིག །དེ་ནས་གསང་བའི་བདག་པོ་ལག་ན་རྡོ་རྗེས་བཅོམ་ལྡན་འདས་ཀྱིས་བཀའ་སྩལ་པ་མཉན་ནས། འཁོར་གྱི་སའི་དཀྱིལ་འཁོར་ཆེན་པོའི་དབུས་གང་ན་བ་དེར་སོང་ནས་ས་ཕྱོགས་དེ་ལ་
རྡོ་རྗེས་བསྣུན་ཏེ་ས་ལ་བསྣུན་མ་ཐག་ཏུ་དེ་ནས་གྲུ་བཞིར་གས་སོ། །སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་འདི་ཡང་རྣམ་པ་དྲུག་ཏུ་རབ་ཏུ་གཡོས་སོ། །གཡོས་མ་ཐག་ཏུ་ས་ཕྱོགས་དེར་རིན་པོ་ཆེ་སྣ་བདུན་གྱི་
ཁང་པ་བརྩེག་མ་གྲུ་བཞི་པ། ཀ་བ་བཞི་པ་ཟུག་པ། སྒོ་བཞི་བཏོད་པ། མཉམ་པ། ཉམས་དགའ་བ། ཤིན་ཏུ་རྣམ་པར་ཕྱེ་བ། ཆས་མཛེས་པར་བྱས་པ། བཀྲ་བ། བལྟ་ན་སྡུག་པ། འོད་འབར་བ། ཐེམ་སྐས་བཞི་དང་
ལྡན་པ། འཕང་དུ་དཔག་ཚད་གསུམ་ཡོད་ལ། རྒྱར་དཔག་ཚད་ལྔ་ཡོད་པ་ཞིག་བྱུང་ངོ་། །ཁང་པ་བརྩེག་མའི་དབུས་དེར་ཡང་འཛམ་བུའི་ཆུ་བོའི་གསེར་ལས་བྱུང་བའི་མཆོད་རྟེན་ནོར་བུ་དང་། རིན་པོ་ཆེ་དང་། མུ་ཏིག་གི་དྲ་བ་དུ་མས་

94-1-288a

བརྒྱན་པ། རིན་པོ་ཆེ་སྣ་བདུན་ལས་བྱུང་བའི་དྲིལ་བུ་གཡེར་ཀའི་དྲ་བས་གཡོགས་པ། དྲིལ་བུ་དུ་མ་འཕྱང་དུ་བཅུག་པ། དར་གྱི་ཆུན་པོ་དུ་མས་མཛེས་པར་བྱས་པ། མེ་ཏོག་གི་ཆུན་པོ་དུ་མས་མངོན་པར་བརྒྱན་པ་ཞིག་བྱུང་ངོ་། །མཆོད་རྟེན་དེའི་
དབུས་ན་དེ་བཞིན་གཤེགས་པ་གསུམ་གྱི་སྐུ་བཞུགས་སོ། །དེ་ནས་སངས་རྒྱས་བཅོམ་ལྡན་འདས་དེ་དག་ཐམས་ཅད་ཀྱིས་ཁང་པ་བརྩེག་མ་དེ་དག་ལ་མཆོད་པ་མཛད་དོ། །བྱང་ཆུབ་སེམས་དཔའི་འཁོར་དེ་ཡང་ཁང་པ་བརྩེག་མ་དེ་དང་
མཆོད་རྟེན་ལ་མཆོད་པར་བྱེད། རྗེད་པར་བྱེད། མེ་ཏོག་དང་། བདུག་པ་དང་། དྲི་དང་། ཕྲེང་བ་དང་། བྱུག་པ་དེ་དང་། གདུགས་དང་། རྒྱལ་མཚན་དང་། བ་དན་དང་། རོལ་མོ་དང་། ཐལ་མོ་སྦྱར་བ་དང་། ཕྱག་འཚལ་བར་བྱེད་དོ། །དེ་ནས་ལྷ་
དང་། ཀླུ་དང་། གནོད་སྦྱིན་དང་། དྲི་ཟ་དང་། ལྷ་མ་ཡིན་དང་། ནམ་མཁའ་ལྡིང་དང་། མི་འམ་ཅི་དང་། ལྟོ་འཕྱེ་ཆེན་པོ་དང་། མི་དང་། མི་མ་ཡིན་པའི་འཁོར་མང་པོ་དེ་དག་ངོ་མཚར་སྐྱེས་ཏེ་ཡ་མཚན་དུ་གྱུར། སྤྲོ་བར་གྱུར་ནས་ཁང་
པ་བརྩེག་མ་དང་། མཆོད་རྟེན་འདི་ཅིའི་ཕྱིར་བྱུང་བར་གྱུར་ཅེས་ཅ་ཅོ་དང་ག་ཞའི་སྒྲ་མཐོན་པོར་འབྱིན་ཅིང་མཆོད་རྟེན་དང་། ཁང་པ་བརྩེག་མ་དེ་ལ་བསྐོར་བ་བྱེད་མཆོད་པར་བྱེད། རྗེད་པར་བྱེད། མེ་ཏོག་དང་། བདུག་པ་དང་། དྲི་དང་། 
ཕྲེང་བ་དང་། བྱུག་པ་དང་། སིལ་སྙན་སྣ་ཚོགས་དང་། ཕེག་རྡོབ་པ་དག་གིས་མཆོད་པར་བྱེད་དོ། །བྱང་ཆུབ་སེམས་དཔའ་དེ་དག་ཐམས་ཅད་དང་། འཁོར་གྱི་དཀྱིལ་འཁོར་ཐམས་ཅད་ཀྱང་། ཐལ་མོ་སྦྱར་ནས་འཁོད་དེ་ཕྱག་འཚལ་
བར་བྱེད་དོ། །དེ་ནས་ཁང་པ་བརྩེག་མ་དེ་ལས་སྒྲ་བྱུང་བ། ཀྱེ་འཁོར་མང་པོ་དག་བར་སྣང་ལ་ཅི་སྣང་ལྟོས་ཤིག་ལྟོས་ཤིག །དེ་ནས་ཇི་ལྟར་འདུས་པའི་འཁོར་མང་པོ་དེ་དག་ཐམས་ཅད་ཀྱིས་བར་སྣང་ལ་བལྟས་ཏེ་བལྟས་མ་ཐག་ཏུ་བཻ་དཱུརྱ་
དང་། ནོར་བུ་རིན་པོ་ཆེ་ཆེན་པོ་ལས་བྱུང་བའི་སྤྲིན་གྱི་ཕུང་པོ་ཞིག་བྱུང་ངོ་། །དེ་ནས་སྤྲིན་གྱི་ཕུང་པོའི་སྟེང་དུ་ནོར་བུ་ཆེན་པོ་རྒྱས་པའི་གཞལ་མེད་ཁང་ཤིན་ཏུ་རབ་ཏུ་གནས་པ་གསང་བ་ཞེས་བྱ་བའི་གཟུངས་འདི་ཡི་གེ་གསེར་གྱི་ཁ་དོག་ཏུ་བྲིས་པར་

94-1-288b

མཐོང་ངོ་། །ནམ་མཁའི་དཀྱིལ་དེ་ཉིད་ནས་སྒྲ་བྱུང་བ། སངས་རྒྱས་བཅོམ་ལྡན་འདས་ཐམས་ཅད་ནོར་བུ་ཆེན་པོ་རྒྱས་པའི་གཞལ་མེད་ཁང་ཤིན་ཏུ་རབ་ཏུ་གནས་པ་གསང་བ་ཞེས་བྱ་བའི་གཟུངས་བཀླག་ཏུ་གསོལ་བཀླག་ཏུ་གསོལ། སྒྲ་བྱུང་མ་ཐག་ཏུ་དེ་བཞིན་
གཤེགས་པ་རེ་རེའི་སྤྱན་སྔར་སྤྲིན་གྱི་ཕུང་པོ་ལས་བྲིས་པ་བྱུང་ནས་འདི་སྐད་ཅེས་ཀྱང་དབྱངས་སུ་སྒྲོགས་སོ། །བཅོམ་ལྡན་འདས་ཤཱཀྱ་ཐུབ་པ་དེ་ལ་ཕྱག་འཚལ་ལོ་ཕྱག་འཚལ་ལོ། །མཆོད་རྟེན་མཆོག་འདི་སྒོ་ཕྱེ་ཤིག་དང་། མཆོད་རྟེན་དེའི་དབུས་ན་དེ་བཞིན་
གཤེགས་པ་གསུམ་གྱི་སྐུ་བཞུགས་ཏེ། དེའི་མཐུས་ཆོ་འཕྲུལ་གྱི་རྣམ་པར་སྤྲུལ་པའི་ཁྱད་པར་ཆེན་པོ་འདི་སྣང་ཞིང་དེ་ཁོ་ནའི་མཐུས་དེ་བཞིན་གཤེགས་པ་ཐམས་ཅད་ཀྱི་རྫུ་འཕྲུལ་རྣམ་པར་འཕྲུལ་པ་ཡང་སྣང་། ནོར་བུ་ཆེན་པོ་རྒྱས་པའི་
གཞལ་མེད་ཁང་ཤིན་ཏུ་རབ་ཏུ་གནས་པའི་གསང་བའི་གཟུངས་ཀྱི་དཀྱིལ་འཁོར་དང་། ཆོ་ག་དང་། རིག་སྔགས་དང་། ཆོ་ག་ཞིབ་མོའི་ཡོ་བྱད་དང་བཅས་པ་མཐའ་དག་རྫོགས་ཤིང་རྒྱས་པར་འཁོར་གྱི་དབུས་སུ་ལེགས་པར་རབ་ཏུ་འཆད་པར་འགྱུར་རོ། །
དེ་ནས་ཕྱོགས་བཅུ་ནས་འདུས་པའི་སངས་རྒྱས་བཅོམ་ལྡན་འདས་དེ་དག་ཐམས་ཅད་ཀྱིས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཤཱཀྱ་ཐུབ་པ་ལ་འདི་སྐད་ཅེས་གསུངས་སོ། །བཅོམ་ལྡན་འདས་མཆོད་རྟེན་རིན་པོ་ཆེ་
འདི་དང་འདི་ན་བཞུགས་པ་འདི་ལྟ་སྟེ། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ནོར་བུའི་རྒྱལ་པོ་མེ་ཏོག་རྒྱལ་མཚན་དང་། ནོར་བུ་རྣམ་པར་བཀྲ་བ་དང་། རྡོ་རྗེ་འཕགས་པའི་རྒྱལ་པོ་ཞེས་བྱ་བ་དེ་དག་བསྟན་
པའི་སྐབས་དབྱེ་བར་མཛོད་ཅིག །དེ་ནས་བཅོམ་ལྡན་འདས་དེ་བཞིན་གཤེགས་པ་ཤཱཀྱ་ཐུབ་པས་རྫུ་འཕྲུལ་གྱི་ཆོ་འཕྲུལ་ཆེན་པོས་ཁང་པ་བརྩེག་མའི་མཆོད་རྟེན་གང་ན་བར་བཞུད་དེ། ཕྱག་གཡས་པ་གསེར་གྱི་ཁ་དོག་ཅན། བསོད་ནམས་བརྒྱའི་
མཚན་གྱིས་བརྒྱན་པ་བརྐྱང་ནས་མཆོད་རྟེན་མཆོག་དེའི་སྒོའི་སྒོ་འཕར་ཕྱེ་སྟེ། དེ་བཞིན་གཤེགས་པའི་སྐུ་རྣམས་བསྟན་ཏོ། །དེ་ནས་དེ་བཞིན་གཤེགས་པ་དེ་རྣམས་ཀྱིས་དེ་བཞིན་གཤེགས་པ་ཤཱཀྱ་ཐུབ་པ་དེ་ལ་ལེགས་སོ་ཞེས་བྱ་བ་བྱིན་ཏེ། 

94-1-289a

ཤཱཀྱ་ཐུབ་པ་ལེགས་སོ་ལེགས་སོ། །དེང་ཁྱོད་ཀྱིས་འཛམ་བུའི་གླིང་དུ་ཆོས་ཀྱི་འཁོར་ལོ་ལན་གཉིས་པ་བསྐོར་ཏོ། །བཅོམ་ལྡན་འདས་སེང་གེའི་ཁྲི་འདི་ཉིད་ལ་བཞུགས་ཤིག །དེ་ནས་དེ་བཞིན་གཤེགས་པ་ཤཱཀྱ་ཐུབ་པ་མཆོད་རྟེན་གྱི་ནང་
དུ་ཁྲི་དེ་ཉིད་ལ་བཞུགས་སོ། །དེ་ནས་བཅོམ་ལྡན་འདས་ལ་བྱང་ཆུབ་སེམས་དཔའ་སེམས་དཔའ་ཆེན་པོ་ལག་ན་རྡོ་རྗེས་འདི་སྐད་ཅེས་གསོལ་ཏོ། །བཅོམ་ལྡན་འདས་དེ་བཞིན་གཤེགས་པ་འདི་དག་ཁང་པ་བརྩེག་མའི་མཆོད་རྟེན་གྱི་ནང་དུ་ཅིའི་སླད་དུ་བྱུང་
གང་ནས་གཤེགས། བཅོམ་ལྡན་འདས་ཀྱིས་བཀའ་སྩལ་པ། ལག་ན་རྡོ་རྗེ་སྔོན་བྱུང་བ་བསྐལ་པ་བསམ་གྱིས་མི་ཁྱབ་པ། ཚད་མེད་པ། དཔག་ཏུ་མེད་པ། གཞལ་དུ་མེད་པ། གཞལ་གྱིས་མི་ལང་བ། ཚད་གཟུང་དུ་མེད་པ། ཆེས་གྲངས་
མེད་པ་ན་གང་གི་ཚེ་འཛམ་བུའི་གླིང་འབྱོར་པ། རྒྱས་པ་དང་། ལོ་ལེགས་པ་དང་། ཉམས་དགའ་བ་དང་། སྐྱེ་བོ་དང་། མི་མང་པོས་གང་ཞིང་མ་རྨོས་པ་མ་བཏབ་པའི་འབྲས་སཱ་ལུ་བྱུང་སྟེ། བདག་གི་བ་མེད་ཅིང་ཡོངས་སུ་བཟུང་བ་མེད་དེ། འཇིག་
རྟེན་ཐམས་ཅད་བདེ་བ་དང་ལྡན་པ་དེའི་ཚེ་འཛམ་བུའི་གླིང་ན་སངས་རྒྱས་མེད་དོ། །དེའི་ཚེ་རིའི་རྒྱལ་པོ་རིན་ཆེན་རི་བོ་ཞེས་བྱ་བ་དེ་ལ་དྲང་སྲོང་གསུམ་ཞིག་གནས་ཏེ། གཅིག་གི་མིང་ནི་ནོར་བུའི་གཙུག་ཏོར། གཉིས་པ་ནི་གསེར་གྱི་གཙུག་ཏོར། 
གསུམ་པ་ནི་རྡོ་རྗེའི་གཙུག་ཏོར་ཞེས་བྱ་སྟེ། དེ་རྣམས་བདག་ཅག་ཇི་ལྟར་སེམས་ཅན་ཐམས་ཅད་བསྒྲལ་བའི་ཕྱིར་འདི་ལྟ་སྟེ། འཇིག་རྟེན་བླ་ན་མེད་པ་ཡང་དག་པར་རྫོགས་པར་བྱང་ཆུབ་པའི་སངས་རྒྱས་ཉིད་འཐོབ་པར་འགྱུར་སྙམ་ཞིང་གཅིག་
ཏུ་སངས་རྒྱས་ཡིད་ལ་བྱེད། ཆོས་ཡིད་ལ་བྱེད། དགེ་འདུན་ཡིད་ལ་བྱེད་དོ། །དེ་ནས་དྲང་སྲོང་དེ་རྣམས་དེ་སྙམ་དུ་བསམས་ནས་ཡུད་ཙམ་ཞིག་ཅང་མི་སྨྲ་བར་གྱུར་ཅིང་སེམས་པ་ན། དེ་རྣམས་ཀྱིས་སེམས་ཅན་ཐམས་ཅད་མངོན་པར་དགའ་བའི་
བྱམས་པ། རྣམ་པར་བཀྲ་བའི་གཞལ་མེད་ཁང་ཞེས་བྱ་བའི་ཏིང་ངེ་འཛིན་ཐོབ་ཅིང་། ལྷའི་མིག་སྐྱེས་ནས་ཇི་ཙམ་ན་སྟེང་དུ་བལྟས་ན། གནས་གཙང་མའི་རིས་ཀྱི་ལྷའི་བུ་བར་སྣང་ལ་སྒྲ་འབྱིན་པ། སྐྱེས་བུ་དམ་པ་དག་ལེགས་སོ་ལེགས་སོ། །

94-1-289b

ཁྱོད་འདི་ལྟ་སྟེ། བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་སེམས་བསྐྱེད་པ་འདི་ནི་ལེགས་སོ། །ཀྱེ་སྐྱེས་བུ་དམ་པ་དག་ནོར་བུ་ཆེན་པོ་རྒྱས་པའི་གཞལ་མེད་ཁང་ཤིན་ཏུ་རབ་ཏུ་གནས་པ་གསང་བ་སྔོན་གྱི་དེ་བཞིན་གཤེགས་པ་རྣམས་
ཀྱིས་སེམས་ཅན་ཐམས་ཅད་ལ་ཕན་པའི་དོན་དུ་གསུངས་པ་ཐོས་པ་ཙམ་གྱིས་ཕྱིར་མི་ལྡོག་པ་ནས། བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཀྱི་བར་ཐོབ་པར་འགྱུར། ཆོས་ཐམས་ཅད་མངོན་དུ་འགྱུར། གཟུངས་ཀྱི་སྒོ་ཐམས་ཅད་མངོན་དུ་
འགྱུར། བདུད་ཐམས་ཅད་ལས་རྒྱལ་བར་འགྱུར། ཆོས་ཐམས་ཅད་ཀྱི་སྒྲོན་མ་སྦར་བར་འགྱུར། དགེ་བའི་རྩ་བ་ཐམས་ཅད་མངོན་དུ་འགྱུར། ཕ་རོལ་ཏུ་ཕྱིན་པ་དྲུག་ཡོངས་སུ་རྫོགས་པར་འགྱུར། དམྱལ་བ་དང་། 
དུད་འགྲོའི་སྐྱེ་གནས་དང་། གཤིན་རྗེའི་འཇིག་རྟེན་དང་། ཡི་དགས་ཀྱི་ཡུལ་དང་། ལྷ་མ་ཡིན་གྱི་ཆོས་རྣམས་ལས་ཡོངས་སུ་ཐར་བར་འགྱུར། སྐྱེ་བ་དང་། རྒ་བ་དང་། ན་བ་དང་། འཆི་བ་དང་། མྱ་ངན་དང་། སྨྲེ་སྔགས་འདོན་པ་དང་། 
སྡུག་བསྔལ་བ་དང་། ཡིད་མི་བདེ་བ་དང་། འཁྲུག་པ་རྣམས་ལས་ཡོངས་སུ་ཐར་བར་འགྱུར་བ་ཐོས་སམ་ཕྱི་མའི་ཚེ་ཕྱི་མའི་དུས་ན་འཛམ་བུའི་གླིང་འདི་ན་སེམས་ཅན་གང་དག་ཕར་མི་འཛིན་པ་དང་། མར་མི་འཛིན་པ་དང་། 
དགེ་སྦྱོང་དུ་མི་འཛིན་པ་དང་། བྲམ་ཟེར་མི་འཛིན་པ་དང་། མི་དགེ་བ་དང་། དམ་པའི་ཆོས་སྤོང་བ་དང་། འཕགས་པ་ལ་སྐུར་པ་འདེབས་པ་དང་། མནར་མེད་པར་གཞོལ་བ་དང་། སངས་རྒྱས་དང་བྱང་ཆུབ་སེམས་དཔའ་ལ་
བསླུ་བ་དང་། དགྲ་བཅོམ་པ་གསོད་པ་དང་། མཚམས་མེད་པ་ལྔ་བྱེད་པ་དང་། བྲམ་ཟེ་གསོད་པ་དང་། བ་ལང་གསོད་པ་དང་། ཆོམ་རྐུན་བྱེད་པ་དང་། གཡོན་ཅན་དང་། ཤོ་གམ་སྒུགས་པ་དང་། བརྫུན་དུ་སྨྲ་བ་དང་། མ་བྱིན་པར་ལེན་པ་དང་། 
འདོད་པས་ལོག་པར་སྤྱོད་པ་དང་ཕྲ་མ་སྨྲ་བ་དང་། ཚིག་ཀྱལ་པ་སྨྲ་བ་དང་། གཞལ་བ་ལ་སྒྱུ་བྱེད་པ་དང་། གཞལ་ལུགས་ལ་སྒྱུ་བྱེད་པ་དང་། སྲང་ལ་སྒྱུ་བྱེད་པ་དང་། གཞན་གྱི་ནོར་ལ་འཕྲོག་པ་དང་། གཏམས་པ་རྣོག་པ་དང་། བཤེས་པ་ལ་འཁུ་བ་དང་། 

94-1-290a

སྔོན་གྱི་ལས་ཀྱི་སྒྲིབ་པས་ཟིན་པ་དག་འབྱུང་བར་འགྱུར་ཏེ། དེ་དག་ཐམས་ཅད་གཟུངས་འདིའི་མཐུས་ཐོས་པ་ཙམ་འམ། བཀླགས་པ་འམ། ཀུན་ཆུབ་པར་བྱས་པ་འམ། ལུས་ལ་ཐོགས་སམ། བྲིས་ནས་འཆང་ངམ། རྒྱལ་མཚན་གྱི་རྩེ་མོ་ལ་
འདོགས་སམ། གླེགས་བམ་དུ་བྱེད་དམ། རས་ལ་བྲིས་པ་འམ། དར་ལ་བྲིས་པ་འམ། རྩིགས་པ་ལ་བྲིས་པ་འམ། ར་བ་ལ་བྲིས་པ་འམ། ཆུང་ངུ་ན་སྒྲ་ཉན་པ་འམ། ལག་པས་རེག་གམ། གྲིབ་མས་ཕོག་གམ། སེམས་ཅན་གཞན་གྱིས་རེག་ན་ཡང་དེ་དག་
ཐམས་ཅད་གདོན་མི་ཟ་བར་ཕྱིར་མི་ལྡོག་པར་གྱུར་པས་བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་སངས་རྒྱས་པར་འགྱུར་ཚེ་འདི་ཉིད་ལ་ཡང་ཡོན་ཏན་བརྒྱ་སྟོང་མཐའ་ཡས་པ་ཐོབ་པར་འགྱུར་རོ། །སྡིག་པ་ཐམས་ཅད་དང་
བྲལ་བར་འགྱུར། དགེ་བའི་རྩ་བ་ཐམས་ཅད་དང་ལྡན་པར་འགྱུར། བདུད་ཐམས་ཅད་མཐར་བྱེད་པར་འགྱུར། འཇིག་རྟེན་ཐམས་ཅད་དགའ་བར་འགྱུར། སེམས་ཅན་ཐམས་ཅད་ཀྱི་མཆོད་པའི་འོས་སུ་འགྱུར། རྒྱལ་པོ་དང་། རྒྱལ་བུ་དང་། བློན་
པོ་དང་། བཙུན་མོའི་འཁོར་དང་བཅས་པ་ཐམས་ཅད་དགའ་བར་འགྱུར། དགེ་སྦྱོང་དང་། བྲམ་ཟེ་ཐམས་ཅད་དགའ་བར་འགྱུར། ཚིག་གཟུང་བར་འོས་པར་འགྱུར། རྟག་ཏུ་ལག་པ་དང་། རྐང་པ་དང་། གཞོན་ཤ་ཅན་དུ་འགྱུར། ཚིག་མཉེན་
ཞིང་སྙན་པར་འགྱུར། བཀྲེན་པར་མི་འགྱུར་ཏེ། འཇིག་རྟེན་པའི་སྡུག་བསྔལ་ཉམས་སུ་མྱོང་བར་མི་འགྱུར། ལུས་ལ་དུག་གིས་མི་ཚུགས་ཏེ། མཚོན་གྱིས་མ་ཡིན། མེ་ཡིས་མ་ཡིན། ཆུས་མ་ཡིན། དེ་ལ་གཅན་ཟན་ཁྲོ་བོའི་འཇིགས་པས་མི་
ཚུགས་ཏེ། མི་རྒོད་ཀྱི་འཇིགས་པས་མ་ཡིན། ཆོམ་རྐུན་གྱི་འཇིགས་པས་མ་ཡིན། ཀླ་ཀློའི་འཇིགས་པས་མ་ཡིན། ལམ་དང་ལམ་གོལ་བའི་འཇིགས་པས་མ་ཡིན། གནོད་སྦྱིན་གྱི་འཇིགས་པས་མ་ཡིན། འབྱུང་པོའི་འཇིགས་པས་མ་ཡིན། 
སྲིན་པོའི་འཇིགས་པས་མ་ཡིན། ཤ་ཟའི་འཇིགས་པས་མ་ཡིན། མཁའ་འགྲོ་མའི་འཇིགས་པས་མ་ཡིན་ཏེ་སྦྲུལ་གྱི་འཇིགས་པ་མི་འབྱུང་། ལུས་ལ་རིམས་ཀྱིས་མི་ཚུགས་ཏེ། ཞག་གཅིག་པ་འམ། ཞག་གཉིས་པ་འམ། ཞག་གསུམ་པ་འམ། 

94-1-290b

པོའི་པས་ཡིན། ཟའི་མ་མཁའ་མའི་པས་ཏེ། གྱི་པ་ལ་ཀྱིས་ཚུགས་གཅིག་ཞག་པའམ། 
གསུམ་ཞག་བཞི་པ་འམ། རྟག་པའི་རིམས་སམ། རིམས་ཐམས་ཅད་ཀྱིས་ལུས་ལ་མི་ཚུགས་པར་འགྱུར། མིག་གི་ནད་མི་འབྱུང་སྟེ། རྣ་བའི་ནད་མ་ཡིན། སྣའི་ནད་མ་ཡིན། ལྕེའི་ནད་མ་ཡིན། ཁའི་ནད་མ་ཡིན། སོའི་ནད་མ་ཡིན། མཆུའི་ནད་མ་ཡིན། 
མགྲིན་པའི་ནད་མ་ཡིན། རྣ་བར་ཟུག་པ་མ་ཡིན། ལག་པའི་ནད་མ་ཡིན། རོ་རྒྱབ་ཀྱི་ནད་མ་ཡིན། ཆུ་སོའི་ནད་མ་ཡིན། གཞང་འབྲུམ་གྱི་ནད་མ་ཡིན། གཅིན་ནད་མ་ཡིན། འཁྲུ་བའི་ནད་མ་ཡིན། ཤུ་བའི་ནད་མ་ཡིན། བརླའི་ནད་མ་ཡིན། བྱིན་པའི་
ནད་མ་ཡིན། རྐང་པའི་ནད་མ་ཡིན། ནད་ཐམས་ཅད་མི་འབྱུང་ངོ་། །འདི་ལྟ་སྟེ། བས་བལྡགས་དང་། ལྷོག་པ་དང་། མེ་དབལ་དང་། ལྟོ་ན་བ་དང་། གཡན་པ་དང་། ཕོལ་མིག་དང་། ཁྱི་རྔོ་དང་། མཛེ་དང་། རྐང་ཤུ་ལ་སོགས་པ་ཐམས་ཅད་ཀྱི་ཐམས་ཅད་
དུ་མི་འབྱུང་། ཀླད་པ་ན་བ་མ་ཡིན། གཞོགས་ཕྱེད་ན་བ་མ་ཡིན། ལོང་བར་མི་འགྱུར། ཞར་བར་མི་འགྱུར། སྒུར་པོ་མ་ཡིན། ཕ་རོལ་གྱི་མཐུས་འཆི་བར་མི་འགྱུར། འོན་པར་མི་འགྱུར། ཤ་བཀྲ་ཅན་དུ་མི་འགྱུར། བརྙས་ཤིང་གནས་
པར་མི་འགྱུར་ཏེ། ཡོན་ཏན་གྱི་ཁྱད་པར་འདི་དག་ཆོས་དང་ལྡན་པར་འབྱུང་བར་འགྱུར་རོ། །འཆི་བའི་ཚེ་ན་ཡང་སྤོབས་པ་མི་ཟད་པར་འགྱུར། སེམས་འཁྲུགས་པས་དུས་བྱེད་པར་མི་འགྱུར། དེ་བཞིན་གཤེགས་པ་ཐམས་ཅད་ཞལ་མངོན་
དུ་བསྟན་ནས་དབུགས་འབྱིན་པ་མཛད་པར་འགྱུར། ལུས་ལ་བྱད་དང་། གཡེངས་བྱེད་ཀྱིས་མི་ཚུགས། ལུས་ལ་སྔགས་ཀྱི་སྦྱོར་བས་མི་ཚུགས། བདེ་བར་གཉིད་ཀྱིས་ལོག་པར་འགྱུར། བདེ་བར་སད་པར་འགྱུར། རྨི་ལམ་ན་ཡང་སངས་རྒྱས་
བརྒྱ་སྟོང་མཐོང་བར་འགྱུར། དེ་བཞིན་གཤེགས་པ་བྱང་ཆུབ་སེམས་དཔའི་ཚོགས་ཀྱིས་བསྐོར་བ་ཐམས་ཅད་མཐོང་བར་འགྱུར་ཏེ། གསང་བའི་གཟུངས་ཀྱི་མཐུས་ཡོན་ཏན་གྱི་ཁྱད་པར་དེ་ལྟ་བུ་འབྱུང་ངོ་ཞེས་སྨྲ་བ་མཐོང་ངོ་། །དེ་ནས་
དྲང་སྲོང་དེ་རྣམས་ཆོས་ཀྱི་དགའ་བ་རེག་ཅིང་སྤྲོ་བ་ཐོབ་ནས་མར་སར་གྱི་གོང་བུ་བཞུ་བ་བཞིན་དུ་ལུས་ཞིག་ནས་ཞུ་བའི་ཁུ་བ་དེ་སའི་ནང་དུ་ཐིམ་མོ། །དེ་ནས་ས་གཞི་དེ་ལས་སྨྱུག་མའི་མདེའུ་གསེར་གྱི་ཁ་དོག་ཅན། རྩ་བ་རིན་པོ་ཆེ་སྣ་

94-1-291a

བདུན་ལས་བྱས་པ། ལོ་མ་གསེར་ལས་བྱས་པ། རྩེ་མོ་མུ་ཏིག་ལས་བྱས་པ། བཀྲ་བ། བལྟ་ན་སྡུག་པ་སྟོབས་དང་ལྡན་པ། གཟི་དང་ལྡན་པ། དྲི་ཞིམ་པ། ཤིན་ཏུ་ཡིད་དུ་འོང་བ་གསུམ་སྐྱེས་སོ། །སྨྱུག་མའི་མདེའུ་དེ་རྣམས་
ཟླ་བ་བཅུ་ལོན་པ་དང་གས་ཏེ། དེ་རྣམས་ཀྱི་དབུས་ནས་ཁྱེའུ་གཟུཌ་བཟང་པོ་མཛེས་པ། བལྟ་ན་སྡུག་པ། ཁ་དོག་རྒྱས་པ། མཆོག་དང་ལྡན་པ་གསུམ་བྱུང་ངོ་། །དེ་ནས་ཁྱེའུ་དེ་རྣམས་ཕྱོགས་དེ་ཉིད་དུ་དེའི་དྲུང་ན་སྐྱིལ་མོ་དཀྲུང་
བཅས་ཏེ་བསྒོམ་ཞིང་འཁོད་དོ། །ཇི་ཙམ་ན་ཞག་བདུན་ལོན་པའི་ཉིན་མོ་བྱང་ཆུབ་མངོན་པར་རྫོགས་པར་སངས་རྒྱས་ཏེ། གསེར་གྱི་ཁ་དོག་གི་ལུས་སྐྱེས་བུ་ཆེན་པོའི་མཚན་སུམ་བཅུ་རྩ་གཉིས་དང་། དཔེ་བྱད་བཟང་པོ་བརྒྱད་
བཅུས་སྤྲས་པ། འོད་འདོམ་གང་གིས་ཀུན་ནས་སྤྲས་པར་གྱུར་ཏོ། །སྨྱུག་མའི་མདེའུ་དེ་རྣམས་ཀྱང་ཁང་པ་བརྩེག་མར་གྱུར་ཏོ། །ནོར་བུ་ཆེན་པོ་རྒྱས་པའི་གཞལ་མེད་ཁང་ཤིན་ཏུ་རབ་ཏུ་གནས་པའི་གསང་བའི་གཟུངས་འདི་ཡང་
ནམ་མཁའ་ལ་གསེར་གྱི་ཡི་གེར་སྣང་ངོ་། །རྒྱལ་པོ་ཆེན་པོ་བཞི་ཡང་སྟེང་ནས་གདུགས་འཛིན་ཅིང་མེ་ཏོག་གིས་གཏོར་ཏེ། འདི་སྐད་ཅེས་འཇིག་རྟེན་དུ་སངས་རྒྱས་བྱུང་ངོ་ཞེས་དབྱངས་སུ་སྒྲོགས་ཤིང་འདི་ལྟ་སྟེ། ཀླུའི་བདག་པོ་
རྒྱལ་པོ་ཆེན་པོ་འི་ནོར་བུ་ཞེས་བྱ་བ་དང་། གྲུལ་བུམ་གྱི་བདག་པོ་རྒྱལ་པོ་ཆེན་པོ་ནོར་བུའི་སྙིང་པོ་ཞེས་བྱ་བ་དང་། བྲང་འགྲོའི་བདག་པོ་རྒྱལ་པོ་ཆེན་པོ་ནོར་བུའི་འོད་ཅེས་བྱ་བ་དང་། གནོད་སྦྱིན་གྱི་བདག་པོ་རྒྱལ་པོ་ཆེན་པོ་ནོར་བུའི་
རྡོ་རྗེ་ཞེས་བྱ་བ་འཁོར་གནོད་སྦྱིན་བརྒྱ་སྟོང་ཕྲག་དུ་མ་དང་། བཅོམ་ལྡན་འདས་དེ་དག་ལ་མཆོད་པ་བྱེད་དོ། །ས་ཕྱོགས་དེ་ཡང་རིན་པོ་ཆེ་སྣ་བདུན་གྱི་རང་བཞིན་དུ་གྱུར་ཏོ། །མེ་ཏོག་གི་ཤིང་ཐམས་ཅད་ཀྱང་རིན་པོ་ཆེའི་རང་བཞིན་དུ་གྱུར་ཏོ། །
ལག་ན་རྡོ་རྗེ་དེའི་ཚེ་དེའི་དུས་ཀྱི་ཚེ་དྲང་སྲོང་སྨྱུག་མའི་མདེའུ་རྣམས་ལས་བྱུང་བ་བྱང་ཆུབ་མངོན་པར་རྫོགས་པར་སངས་རྒྱས་པ་གང་ཡིན་པ་དེ་དག་གཞན་ཞིག་ཡིན་སྙམ་ན་དེ་ལྟར་མི་བལྟའོ། །དེ་ཅིའི་ཕྱིར་ཞེ་ན། ལག་ན་རྡོ་རྗེ་དེ་དག་ནི་ཁང་པ་བརྩེག་མའི་

94-1-291b

མཆོད་རྟེན་གྱི་དེ་བཞིན་གཤེགས་པ་འདི་དག་ཡིན་ནོ། །ས་ཕྱོགས་ཀྱང་འདི་ཡིན་ནོ། །འཇིག་རྟེན་གྱི་ཁམས་ཀྱང་འདི་ཡིན་ནོ། །སྨྱུག་མའི་མདེའུ་ཡི་ཁང་པ་བརྩེག་མ་ཡང་འདི་ཡིན་ནོ། །བྱང་ཆུབ་སེམས་དཔའི་འཁོར་འདུས་པ་ཡང་འདི་ཡིན་ནོ། །དེ་རྣམས་དྲང་སྲོང་དུ་གྱུར་
བ་ན་གཟུངས་འདི་ཐོས་པ་ཙམ་འམ། སྙིང་པོ་སེམས་ལ་བསྒོམས་པ་ཙམ་གྱིས་དྲང་སྲོང་གི་ལུས་སྤངས་ནས་བྱང་ཆུབ་མངོན་པར་རྫོགས་པར་སངས་རྒྱས་སོ། །ལག་ན་རྡོ་རྗེ་དེའི་ཚེ་དེའི་དུས་ཀྱི་ནམ་མཁའི་དཀྱིལ་ན་གནས་གཙང་མའི་རིས་ཀྱི་ལྷའི་བུ་གཟུངས་འདིའི་
ཡོན་ཏན་གྱི་ཁྱད་པར་བསྔགས་པ་སྨྲ་བ་གང་ཡིན་པ་དེ་གཞན་ཞིག་ཡིན་སྙམ་ན་དེ་ལྟར་མི་བལྟའོ། །དེ་ཅིའི་ཕྱིར་ཞེ་ན། ང་ཉིད་དེའི་ཚེ་དེའི་དུས་ན་གནས་གཙང་མའི་རིས་ཀྱི་ལྷར་གྱུར་ཏོ། །ལག་ན་རྡོ་རྗེ་དེའི་ཚེ་དེའི་དུས་ན་གནས་གཙང་མ་ཞེས་བྱ་བ་གང་གིས་དྲང་སྲོང་དེ་
རྣམས་དང་། དེ་བཞིན་གཤེགས་པ་དེ་རྣམས་ལ་བཀུར་སྟི་དང་། རིམ་གྲོ་བྱས་པ་གང་ཡིན་པ་དེ་གཞན་ཞིག་ཡིན་བསྙམ་ན་དེ་ལྟར་མི་བལྟའོ། །དེ་ཅིའི་ཕྱིར་ཞེ་ན། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ནོར་བུ་བཟང་པོ་རྣམ་པར་
བཀྲ་བ་རབ་ཏུ་གནས་པ་འདི་གནས་གཙང་མ་ཞེས་བྱ་བ་རིམ་གྲོ་བར་གྱུར་པ་ན། དེ་རྣམས་ཀྱིས་དེ་བཞིན་གཤེགས་པར་ལུང་བསྟན་ཏོ། །དེ་ནས་སངས་རྒྱས་བཅོམ་ལྡན་འདས་དེ་དག་ཐམས་ཅད་ཀྱིས་དེ་བཞིན་གཤེཌ་པ་ཤཱཀྱ་ཐུབ་པ་ལ་ལེགས་སོ་ཞེས་བྱ་བ་བྱིན་
ནོ། །ཤཱཀྱ་ཐུབ་པ་ཁྱོད་ཀྱིས་སངས་རྒྱས་ཀྱི་ཡུལ་གྱི་རྣམ་པར་འཕྲུལ་པའི་བྱིན་བརླབས་འདི་འདྲ་བས་སྔོན་གྱི་སྦྱོར་བ་གསུངས་ཤིང་དེ་བཞིན་གཤེགས་པའི་གསང་བའི་གཟུངས་འདི་ཡང་དག་པར་བསྟན་ཏེ། དེ་བཞིན་གཤེགས་པ་ཐམས་ཅད་ཀྱི་གསང་
བའི་གཟུངས་འདི་དེ་བཞིན་གཤེགས་པ་ཐམས་ཅད་ཀྱི་ཡུམ། དེ་བཞིན་གཤེགས་པ་ཐམས་ཅད་ཀྱི་སྙིང་པོ་གསང་བ། དེ་བཞིན་གཤེགས་པ་ཐམས་ཅད་ཀྱི་ཆོས་ཀྱི་འཁོར་ལོ་བསྐོར་བ། དེ་བཞིན་གཤེགས་པ་ཐམས་ཅད་ཀྱི་བྱང་ཆུབ་ཀྱི་སྙིང་པོར་
གཤེཌ་པའི་གསང་བ་དེ་བཞིན་གཤེགས་པ་ཐམས་ཅད་ཀྱི་རྡོ་རྗེའི་སེང་གེའི་ཁྲི་ལ་གཤེགས་པའི་གསང་བ་དེ་བཞིན་གཤེགས་པ་ཐམས་ཅད་ཀྱི་རྫུ་འཕྲུལ་གྱི་ཆོ་འཕྲུལ་གྱི་གསང་བ། དེ་བཞིན་གཤེགས་པ་ཐམས་ཅད་ཀྱི་ཕ་རོལ་ཏུ་ཕྱིན་པ་དྲུག་ཡོངས་

94-1-292a

སུ་རྫོགས་པའི་གསང་བ། དེ་བཞིན་གཤེགས་པ་ཐམས་ཅད་ཀྱི་ཤེས་རབ་ཀྱི་ཕ་རོལ་ཏུ་ཕྱིན་པའི་དགོངས་པའི་གསང་བ། དེ་བཞིན་གཤེགས་པ་ཐམས་ཅད་ཀྱི་རིག་པའི་གནས་ཀྱི་གསང་བ། དེ་བཞིན་གཤེགས་པ་ཐམས་ཅད་ཀྱི་དཀྱིལ་འཁོར་གྱི་གསང་
བ། དེ་བཞིན་གཤེགས་པ་ཐམས་ཅད་ཀྱི་ཕྱག་རྒྱ་ཡང་དག་པར་འཛིན་པའི་གསང་བ། དེ་བཞིན་གཤེགས་པ་ཐམས་ཅད་ཀྱི་འོད་ཟེར་བྱེ་བ་རབ་ཏུ་འགྱེད་པའི་གསང་བ། དེ་བཞིན་གཤེགས་པ་ཐམས་ཅད་ཀྱི་ཡང་དག་པའི་མཐའི་གསང་བ། དེ་བཞིན་གཤེགས་
པ་ཐམས་ཅད་ཀྱི་ཏིང་ངེ་འཛིན་གྱི་རྣམ་པར་འཕྲུལ་པའི་བྱིན་བརླབས་ཀྱི་གསང་བ། དེ་བཞིན་གཤེགས་པ་ཐམས་ཅད་ཀྱི་བྱང་ཆུབ་སེམས་དཔའི་བྱང་ཆུབ་ཀྱི་སེམས་ཀྱི་རྒྱན་གྱི་གསང་བ། བྱང་ཆུབ་སེམས་དཔའ་ཐམས་ཅད་སངས་རྒྱས་ཀྱིས་ཐམས་ཅད་ལ་
རབ་ཏུ་འགོད་པའི་གསང་བ། དེ་བཞིན་གཤེགས་པ་ཐམས་ཅད་ཀྱི་ཏིང་ངེ་འཛིན་རྟོགས་པ་ཁོང་དུ་ཆུད་པའི་གསང་བ། སྒྲིབ་པ་ཐམས་ཅད་འཇིག་པར་བྱེད་པའི་གསང་བ་འདི་གསུངས་པ་ལེགས་སོ་ལེགས་སོ། །དེ་ནས་དེ་བཞིན་གཤེགས་པ་དགྲ་
བཅོམ་པ་ཡང་དག་པར་རྫོགས་པའི་སངས་རྒྱས་ཤཱཀྱ་ཐུབ་པས་དགོངས་པ་དང་ལྡན་ཞིང་མཁྱེན་བཞིན་དུ་དེ་བཞིན་གཤེགས་པ་ཐམས་ཅད་ལ་གཟིགས་ནས། འོད་ཟེར་ཁ་དོག་སྣ་ཚོགས་བྱེ་བ་ཁྲག་ཁྲིག་བརྒྱ་སྟོང་འདི་ལྟ་སྟེ། སྔོན་པོ་དང་། སེར་པོ་
དང་། དམར་པོ་དང་། དཀར་པོ་དང་ལེབ་རྒན་དང་ཤེལ་དང་། དངུལ་གྱི་ཁ་དོག་དག་བཀྱེ་སྟེ། དེ་རྣམས་འཇིག་རྟེན་གྱི་ཁམས་མཐའ་ཡས་མུ་མེད་པ་རྣམས་སུ་དོང་ནས་སངས་རྒྱས་ཀྱི་ཞིང་ཐམས་ཅད་སྣང་བར་བྱས་ཏེ། དེ་བཞིན་གཤེགས་པ་ཐམས་ཅད་ལ་བསྐུལ་ནས་
སླར་ལོག་སྟེ། བཅོམ་ལྡན་འདས་ལ་ལན་གསུམ་བསྐོར་བ་བྱས་ནས་དབུའི་གཙུག་ཏོར་གྱི་གསེབ་ཏུ་ཞུགས་སོ། །འོད་ཟེར་དེ་དག་ཞུགས་མ་ཐག་ཏུ་བཅོམ་ལྡན་འདས་ཀྱིས་ཚངས་པའི་དབྱངས་ཆེན་པོས་བཀང་ནས་རིག་སྔགས་ཆེན་མོ་འདི་གསུངས་
སོ། །ཨོཾ་སརྦ་ཏ་ཐཱ་གཱ་ཏཱ་མ་ཎ་ཤ་ཏ་དིཔྟ། ཛྭ་ལ་ཛྭ་ལ། དྷརྨ་དྷཱ་ཏུ་གརྦྷེ། མ་ཎི་མ་ཎི་མ་ཧཱ་མ་ཎི་ཏ་ཐཱ་ག་ཏ་ཧྲྀ་ད་ཡ་མ་ཎི་སྭཱ་ཧཱ། བཅོམ་ལྡན་འདས་ཀྱིས་རིག་སྔགས་ཀྱི་རྒྱལ་མོ་འདི་གསུངས་མ་ཐག་ཏུ་རི་དང་། ཚལ་དང་། ནགས་ཚལ་དུ་བཅས་པའི་ས་རྣམ་པ་

94-1-292b

དྲུག་ཏུ་རབ་ཏུ་གཡོས་སོ། །སངས་རྒྱས་བཅོམ་ལྡན་འདས་ཐམས་ཅད་ཀྱིས་ཀྱང་ལེགས་སོ་ཞེས་བྱ་བ་བྱིན་ཏེ། ཤཱཀྱ་ཐུབ་པ་ཁྱོད་ཀྱིས་མཆོག་ཏུ་གསང་བ་འདི་གསུངས་པ་ནི་ལེགས་པར་གསུངས་ཏེ་ལེགས་སོ་ལེགས་སོ། །བཅོམ་ལྡན་འདས་ལ་མཆོད་
པའི་ལས་ཀྱི་ཕྱིར་འཛམ་བུའི་ཆུ་བོའི་གསེར་ལས་བྱུང་བའི་སྤྲིན་ཆེན་པོ་ནམ་མཁའི་དཀྱིལ་དུ་ཆས་སོ། །ཕྱོགས་བཅུ་ཀུན་ཏུ་རིན་པོ་ཆེ་སྣ་བདུན་གྱི་ཆར་བབ་བོ། །ཙན་དན་སྦྲུལ་གྱི་སྙིང་པོའི་ཕྱེ་མའི་ཆར་ཡང་བབ་བོ། །ཨུ་དུམྦ་རའི་མེ་ཏོག་གི་ཆར་བབ་བོ། །བཅོམ་
ལྡན་འདས་ལ་མཆོད་པའི་ལས་ཀྱི་ཕྱིར་གཞན་ཡང་མེ་ཏོག་སྣ་ཚོགས་པད་མ་དང་། ཀུ་མུ་ད་དང་། པད་མ་དཀར་པོ་དང་། དྲི་ངད་ལྡན་པ་དང་། མན་དཱ་ར་བ་དང་། མན་དཱ་ར་བ་ཆེན་པོ་དང་། མེ་ཏོག་མདོག་མཛེས་དང་། མདོག་མཛེས་ཆེན་པོ་དང་། མཉྫུ་ཤ་ཀ་དང་། མཉྫུ་ཤ་ཀ་ཆེན་པོ་
དང་། ཡིད་འོང་བ་དང་། པ་ར་ཤ་ཀ་དང་། མེ་ཏོག་ཙམ་པ་ཀའི་ཆར་དག་བབ་བོ། །བདུད་ཀྱི་གནས་ཐམས་ཅད་ཀྱང་རབ་ཏུ་འབར་བར་གྱུར་ཏེ། བདུད་ཀྱི་རིས་ཀྱི་ལྷ་ཐམས་ཅད་སྐྲག་ཅིང་རྨོངས་པར་གྱུར་ཏོ། །བགེགས་དང་ལོག་འདྲེན་ཐམས་ཅད་ཀྱི་ལུས་རྔུལ་
ཅིང་ལུས་དྲི་མི་ཞིམ་པར་གྱུར་ནས། ཕྱོགས་བཅུར་རབ་ཏུ་འབྲོས་པར་བརྩམས་སོ། །སངས་རྒྱས་ཀྱི་བསྟན་པ་ལ་མངོན་པར་དད་པའི་ལྷ་གང་དག་ཡིན་པའི་ལྷ་དང་། ཀླུ་དང་། གནོད་སྦྱིན་དང་། དྲི་ཟ་དང་། ལྷ་མ་ཡིན་དང་། ནམ་མཁའ་ལྡིང་དང་། མི་འམ་ཅི་དང་། 
ལྟོ་འཕྱེ་ཆེན་པོ་དང་། མི་དང་། མི་མ་ཡིན་པ་དག་གིས་ཀྱང་རང་རང་གི་གཞལ་མེད་ཁང་རྣམས་བཅོམ་ལྡན་འདས་ལ་མཆོད་པའི་ལས་ཀྱི་ཕུལ་ལོ། །དེ་ནས་ནོར་བུ་རབ་སྣང་སེམས་ལ་སོགས་པ་བྱང་ཆུབ་སེམས་དཔའ་བྱེ་བ་ཁྲག་ཁྲིག་བརྒྱ་སྟོང་ནོར་བུ་དང་
རིན་པོ་ཆེ་སྣ་ཚོགས་ཐོགས་ནས་བཅོམ་ལྡན་འདས་གང་ན་བ་དེ་ལོགས་སུ་མཆོད་པ་བྱེད་དོ། །དེ་ནས་ལག་ན་རྡོ་རྗེ་ལ་སོགས་པ་རིག་སྔགས་འཆང་བྱེ་བ་ཁྲག་ཁྲིག་བརྒྱ་སྟོང་ཕྲག་དུ་མ་རས་བཅོས་བུའི་གོས་བརྒྱ་སྟོང་གིས་བཅོམ་ལྡན་འདས་
ལ་མཆོད་པ་བྱེད་དོ། །རྒྱལ་པོ་ཆེན་པོ་བཞི་ཡང་རྒྱལ་ཆེན་བཞིའི་རིས་ཀྱི་ལྷའི་བུ་བརྒྱ་སྟོང་ཕྲག་དུ་མ་མེ་ཏོག་སྣ་ཚོགས་དང་། བདུག་པ་དང་། དྲི་དང་། ཕྲེང་བ་དང་། བྱུག་པ་དང་། ཕྱེ་མ་དང་། ཆོས་གོས་དང་། གདུགས་དང་། རྒྱལ་མཚན་དང་། བ་དན་དག་

94-1-293a

ཐོགས་ནས་བཅོམ་ལྡན་འདས་ལ་མཆོད་པ་བྱེད་དོ། །ཚངས་པ་ལ་སོགས་ཏེ། ཚངས་རིས་ཀྱི་ལྷའི་བུ་རྣམས་དང་། བརྒྱ་བྱིན་ལ་སོགས་པ་སུམ་ཅུ་རྩ་གསུམ་གྱི་རིས་ཀྱི་ལྷའི་བུ་བརྒྱ་སྟོང་དག་ཀྱང་བཅོམ་ལྡན་འདས་ལ་མཆོད་པའི་ལས་ལ་
བརྩོན་པར་བྱེད་དོ། །དེ་བཞིན་དུ་སྲེད་མེད་ཀྱི་བུ་དང་། དབང་ཕྱུག་ཆེན་པོ་དང་། ནོར་བུ་བཟང་པོ་དང་། གང་བ་བཟང་པོ་དང་། སྟོབས་ཀྱི་ལྷ་ལ་སོགས་པ་ཡང་བཅོམ་ལྡན་འདས་ལ་མཆོད་པ་བྱེད་དོ། །ལྷའི་བུ་ཉི་མ་དང་། ཟླ་བ་ཡང་ནམ་མཁའི་དཀྱིལ་ནས་
བཅོམ་ལྡན་འདས་ལ་མཆོད་པ་བྱེད་དོ། །དཔལ་ལྷ་མོ་ཆེན་མོ་དང་། ལྷ་མོ་ཆེན་མོ་དབྱངས་ཅན་མ་དང་། ལྷ་མོ་ཆེན་མོ་དུང་ཅན་མ་དང་། གནོད་སྦྱིན་མོ་ཆེན་མོ་འཕྲོག་མ་ཡང་འཁོར་བརྒྱ་སྟོང་དང་། ལྷ་མོ་ཆེན་མོ་འཇིགས་བྱེད་མ་དང་། རྡོ་རྗེ་ནག་མོ་དང་། མེ་ཏོག་
སོ་དང་། ལྷ་མོ་ཕོ་ཉ་མོ་དག་ཀྱང་རང་རང་གི་གཞལ་མེད་ཁང་རྣམས་ཀྱིས་བཅོམ་ལྡན་འདས་ལ་མཆོད་པ་བྱེད་དོ། །དྲི་ཟའི་རིས་ཀྱི་ལྷའི་བུ་དུ་མ་དག་ཀྱང་སིལ་སྙན་ཡན་ལག་ལྔ་དང་ལྡན་པ་བརྒྱ་སྟོང་བཅོམ་ལྡན་འདས་ལ་མཆོད་པའི་ལས་ཀྱི་ཕྱིར་བརྩོན་
པས་དཀྲོལ་བར་བྱེད་དོ། །ཀླུའི་རྒྱལ་པོ་བརྒྱ་སྟོང་ཕྲག་དུ་མ་འདུས་པ་འདི་ལྟ་སྟེ། ཀླུའི་རྒྱལ་པོ་རྒྱ་མཚོ་དང་། ཀླུའི་རྒྱལ་པོ་དགའ་བོ་དང་། ཉེ་དགའ་བོ་དང་། ཆུ་ལྷ་དང་། ཤིན་ཏུ་རབ་གནས་དང་། གཙུག་ན་ནོར་བུ་དང་། ཀླུའི་རྒྱལ་པོ་རྣམ་པ་ཀུན་ནས་རྫོགས་
པའི་འོད་དག་ཀྱང་རིན་པོ་ཆེ་ནོར་བུ་སྐར་འོད་སྣ་ཚོགས་ཀྱིས་བཅོམ་ལྡན་འདས་ལ་མཆོད་པ་བྱེད་དོ། །འཁོར་ཆེན་པོ་ཡང་འདུས་པར་གྱུར་ཏོ། །འཁོར་ལོས་སྒྱུར་བའི་རྒྱལ་པོ་ཆེན་པོ་དེ་ཡང་བློན་པོ་བྱེ་བ་ཁྲག་ཁྲིག་བརྒྱ་སྟོང་ཕྲག་དུ་མའི་འཁོར་དང་། 
བཙུན་མོའི་ཚོགས་ཀྱི་འཁོར་དང་བཅས་ཤིང་བུ་སྟོང་དུ་གཅིག་གིས་མ་ཚང་བས་ཡོངས་སུ་བསྐོར་ཏེ། མདུན་གྱིས་བལྟས་སོ། །ས་དེ་ཡང་རྡོ་རྗེའི་རང་བཞིན་དུ་གྱུར་ཏོ། །དེ་ནས་འཁོར་ཆེན་པོ་དེ་ཉིད་ཀྱི་དབུས་བཅོམ་ལྡན་འདས་ཀྱི་སྤྱན་
སྔར་ས་ལ་བརྟོལ་ནས་རིན་པོ་ཆེ་སྣ་བདུན་གྱི་པད་མ་འདབ་མ་སྟོང་པ་ཞིག་བྱུང་སྟེ། པད་མ་དེའི་སྟེང་དུ་འཛམ་བུ་ཆུ་བོའི་གསེར་ལས་བྱས་པའི་འཁོར་ལོ་རྩིབས་སྟོང་པ། མུ་ཁྱུད་དང་བཅས་པ། ལྟེ་བ་དང་བཅས་པ། ལྷག་པའི་འོད་

94-1-293b

འཕྲོ་བ། ཉི་མ་བཞིན་དུ་གསལ་བ་ཞིག་བྱུང་ངོ་། །དེའི་འོད་ཀྱིས་སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་སྣང་བར་བྱས་ནས། འཁོར་ལོ་དེའི་ལྟེ་བའི་ནང་ནས་སྒྲ་བྱུང་བ། ཤཱཀྱ་ཐུབ་པ་གང་འདི་འདྲ་བའི་གཟུངས་ཀྱི་གསང་བ་རྣམས་
གསུངས་པ་ནི་ལེགས་སོ་ལེགས་སོ། །ཆོས་ཀྱི་འཁོར་ལོ་བསྐོར་བའི་རིག་སྔགས་ཀྱི་རྒྱལ་པོ། །བྱང་ཆུབ་ཆེན་པོའི་སྙིང་པོར་གཤེགས་པའི་རིག་སྔགས། དེ་བཞིན་གཤེགས་པ་ཐམས་ཅད་ཀྱི་རིག་སྔགས་ཀྱི་སྙིང་པོ། དེ་བཞིན་གཤེགས་
པ་རྣམས་ཀྱི་ཡང་དག་པའི་ཚུལ་གྱི་རིག་སྔགས་ཀྱི་སྙིང་པོ་འདི། བཅོམ་ལྡན་འདས་ཡང་གསུངས་ཤིག ། ནོར་བུ་ཆེན་པོ་རྒྱས་པའི་གཞལ་མེད་ཁང་ཤིན་ཏུ་རབ་ཏུ་གནས་པ་ཞེས་བྱ་བའི་གཟུངས་གསུངས་ཤིག་དང་། བཅོམ་ལྡན་འདས་ཀྱིས་
བསྐུལ་བའི་སྙིང་པོ་དང་ལྡན་པ་ཞེས་བྱ་བའི་གཟུངས་གསུངས་ཏེ། དེ་བཞིན་གཤེགས་པ་ཐམས་ཅད་བསྐུལ་ཅིང་འཁོར་གྱི་དཀྱིལ་འཁོར་ཆེན་པོ་འདུས་པས་བཅོམ་ལྡན་འདས་དེ་བཞིན་གཤེགས་པའི་གསང་བའི་གསུངས་པའི་དུས་ནི་འདི་
ལགསོ། །བཅོམ་ལྡན་འདས་འདི་ནི་སངས་རྒྱས་ཉིད་བསྒྲུབ་པའི་རྩ་བ། སྡིག་པ་ཐམས་ཅད་སེལ་བ། སྡུག་བསྔལ་ཐམས་ཅད་ཀྱི་མཚོ་སྐེམས་པ། འཁོར་བའི་འབྲོག་དགོན་པ་ལས་ངེས་པར་འབྱིན་པ་ལགས། འདི་ནི་ཆུ་བོ་
ཆེན་པོ་ལས་སྒྲོལ་བ་ལགས་ཏེ། གཟུངས་འདི་མ་མཆིས་པར་སངས་རྒྱས་ཉིད་བསྒྲུབ་པར་རྔོ་མི་ཐོགས་ལགསོ། །འདི་ནི་སངས་རྒྱས་ཉིད་ཀྱི་ས་བོན་ལགས། འདི་ནི་ཆོས་ཀྱི་འཁོར་ལོ་བསྐོར་བ་ལགས། འདི་ནི་ཆོས་ཀྱི་སྒྲོན་
མ་སྦོར་བ་ལགས། འདི་ནི་ཆོས་ཀྱི་རྒྱལ་མཚན་བསྒྲེང་བ་ལགས། འདི་ནི་ཆོས་ཀྱི་དུང་རབ་ཏུ་འབུད་པ་ལགས། འདི་ནི་ཆོས་ཀྱི་རྔ་རྡུང་བ་ལགས། འདི་ནི་ཆོས་ཀྱི་སེང་གེའི་ཁྲི་ལ་མཆིས་པ་ལགས་ཏེ། དེའི་སླད་དུ་བཅོམ་ལྡན་
འདས་ཀྱིས་ཆོ་ག་ཞིབ་མོའི་རྒྱལ་པོ་ཆེན་པོ་འདིའི་དམ་ཚིག་དང་། དཀྱིལ་འཁོར་ཆོ་ག་དང་བཅས་པ། གསང་བ་དང་བཅས་པ། ཕྱག་རྒྱའི་ལེའུ་དང་བཅས་པ། རས་བཅོས་བུ་ཟུང་དང་བཅས་པ། ཡོ་བྱད་དང་བཅས་པའི་ཆོ་ག་ལེཌ་པར་

94-1-294a

རྒྱས་པར་གསུངས་ཤིག །དེ་ནས་ལྷ་དང་། ཀླུ་དང་། གནོད་སྦྱིན་དང་། དྲི་ཟ་དང་། ལྷ་མ་ཡིན་དང་། ནམ་མཁའ་ལྡིང་དང་། མི་འམ་ཅི་དང་། ལྟོ་འཕྱེ་ཆེན་པོ་དང་། མི་དང་། མི་མ་ཡིན་པའི་འཁོར་འདུས་པ་རྣམས་ཡ་མཚན་དུ་གྱུར། སྤྲོ་བར་གྱུར་
ནས། ཐམས་ཅད་ཀྱིས། བཅོམ་ལྡན་འདས་ལ་ཕྱག་བྱས་ཏེ། བཅོམ་ལྡན་འདས་ཀྱི་ཞལ་དུ་བལྟས་ཤིང་འཁོད་དོ། །དེ་ནས་བཅོམ་ལྡན་འདས་ཀྱིས་བསྐུལ་བ་ཡང་དག་པ་འདི་དང་། གསོལ་བ་བཏབ་པ་གསན་ནས། རིག་སྔགས་ཀྱི་ཆོ་ག་
ཞིབ་མོ་འདི་རྒྱས་པར་བཀའ་སྩལ་ཏོ། །བསྐུལ་བའི་ལེའུ་སྟེ་ཆོ་ག་དང་པོའོ།། །། འཕགས་པ་ནོར་བུ་ཆེན་པོ་རྒྱས་པའི་གཞལ་མེད་ཁང་ཤིན་ཏུ་རབ་ཏུ་གནས་པ་གསང་བ་དམ་པའི་ཆོ་ག་ཞིབ་མོའི་རྒྱལ་པོ། །བམ་པོ་
གཉིས་པ། དེ་ནས་སྡིག་པ་ཀུན་ནི་སེལ་བྱེད་པའི། །རིག་སྔགས་ལུས་ཀྱི་དྲི་མ་མེད་བྱེད་པ། །སངས་རྒྱས་བྱང་ཆུབ་བླ་ན་མེད་པ་ཡི། །ཆོ་ག་ཞིབ་མོའི་རྒྱལ་པོ་དགེ་བར་བཤད། །དེ་བཞིན་གཤེགས་པ་ཐམས་ཅད་ལ་ཕྱག་འཚལ་ལོ། །
ཨོཾ་བྀ་པུ་ལ་གར་བྷེ་མ་ཎི་པྲ་བྷེ། ཏ་ཐཱ་ག་ཏ་ནིཪྡེ་ཤ་ནེ། མ་ཎི་མ་ཎི། སུ་པྲ་བྷེ། བི་མ་ལེ། སཱ་ག་ར་གམྦྷཱི་རེ། ཧཱུྃ་ཧཱུྃ། ཛྭཱ་ལ་ཛྭཱ་ལ། བུདྡྷ་བི་ལོ་ཀི་ཏེ། གུ་ཧྱ་ཨ་དྷིཥྛི་ཏ། གརྦྷེ་སྭཱ་ཧཱ། དེ་ནས་བཅོམ་ལྡན་འདས་ཀྱིས་ནོར་བུ་ཆེན་པོ་རྒྱས་པའི་གཞལ་
མེད་ཁང་ཤིན་ཏུ་རབ་ཏུ་གནས་པ་གསང་བ་དམ་པའི་གཟུངས་འདི་བཀའ་སྩལ་པ་ན་ས་ཆེན་པོ་འདི་རྣམ་པ་དྲུག་ཏུ་གཡོས་སོ། །རིན་པོ་ཆེའི་ཆར་ཆེན་པོ་བབ་པར་གྱུར་ཏོ། །མེ་ཏོག་གི་ཆར་ཆེན་པོ་བབ་བོ། །འཁོར་ཐམས་ཅད་ཀྱང་འདུས་ཏེ་ཐམས་ཅད་
ཀྱིས་ཅ་ཅོ་དང་། ག་ཞའི་སྒྲ་ཕྱུང་ནས་ཐམས་ཅད་ས་བཅུ་ལ་གནས་པར་གྱུར་ཏོ། །ཐམས་ཅད་དགེ་བའི་ཆོས་དང་ལྡན་པར་གྱུར་ཏོ། །དེ་ནས་སངས་རྒྱས་བཅོམ་ལྡན་འདས་ཐམས་ཅད་ཀྱིས། ཤཱཀྱ་ཐུབ་པ་ལ་ལེགས་སོ་
ཞེས་བྱ་བ་བྱིན་ཏེ། ཤཱཀྱ་ཐུབ་པ་གང་བྱང་ཆུབ་ཀྱི་སྙིང་པོར་འགྲོ་བའི་གཟུངས་འདི་ལྟ་བུ་གསུངས་པ་ལེགས་སོ་ལེགས་སོ། །ཐོས་པ་ཙམ་གྱི་མོད་ལ་སྡིག་པ་དང་། ངན་འགྲོ་ཐམས་ཅད་འཇིག་པར་འགྱུར་རོ། །གཟུངས་

94-1-294b

འདི་དྲན་པས་དེ་བཞིན་གཤེགས་པ་ཐམས་ཅད་ལ་ལྷའི་ན་བཟའ་དང་། བདུག་པ་དང་། མེ་ཏོག་དང་། དྲི་དང་། ཕྲེང་བ་དང་། བྱུག་པས་མཆོད་པར་འགྱུར་རོ། །བཀླགས་པ་ཙམ་གྱི་མོད་ལ་ཕྱིར་མི་ལྡོག་པར་གྱུར་ནས། བླ་ན་མེད་པ་ཡང་དག་པར་རྫོགས་
པའི་བྱང་ཆུབ་མངོན་པར་རྫོགས་པར་སངས་རྒྱས་པར་གྱུར་ཏོ། །དེ་བཞིན་གཤེགས་པ་ཐམས་ཅད་ཀྱིས་བསོད་ནམས་མངོན་པར་འདུ་བྱེད་པ། བསྐལ་པ་འམ། བསྐལ་པ་བརྒྱ་འམ། བསྐལ་པ་སྟོང་ངམ། བསྐལ་པ་བརྒྱ་སྟོང་དུ་ཡང་བརྗོད་
པར་མི་སྤྱོད་དེ། དེ་ལྟར་གཟུངས་འདི་ཕན་ཡོན་ཆེ་བ་ལགས་སོ། །བདུད་ཀྱི་རིས་ཀྱི་ལྷ་ཐམས་ཅད་ཀྱིས་བར་ཆད་བྱ་བར་མི་ནུས་ཏེ། བགེགས་ཀྱིས་བྱ་བར་མ་ཡིན། ཕྱིར་རྒོལ་བས་མ་ཡིན། མི་མཛའ་བས་མ་ཡིན། འབྱུང་པོས་མ་ཡིན། གདོན་
གྱིས་མ་ཡིན། གནོད་སྦྱིན་གྱིས་མ་ཡིན། སྲིན་པོས་མ་ཡིན། མི་དང་། མི་མ་ཡིན་པས་གླགས་རྙེད་པར་མི་འགྱུར་རོ། །དེའི་དགེ་བའི་རྩ་བ་མང་དུ་འཕེལ་བར་འགྱུར། ལན་ཅིག་དྲན་པ་ཙམ་གྱིས་ཀྱང་དེ་ལྟར་ཡོན་ཏན་གྱི་ཕན་ཡོན་མང་པོར་འགྱུར་ན་
ཤིན་ཏུ་བྱ་བ་མང་པོ་བྱེད་པ་ལྟ་སྨོས་ཀྱང་ཅི་དགོས། དེ་ནས་གནོད་སྦྱིན་གྱི་སྡེ་དཔོན་ཆེན་པོ་ལག་ན་རྡོ་རྗེ་དང་། རྒྱལ་པོ་ཆེན་པོ་བཞི། བཅོམ་ལྡན་འདས་ག་ལ་བ་དེར་སོང་སྟེ། བཅོམ་ལྡན་འདས་ལ་མཆོད་པ་བྱས་ནས་འདི་སྐད་ཅེས་གསོལ་ཏོ། །
བཅོམ་ལྡན་འདས་བདག་ཅག་གིས་སེམས་ཅན་དེ་རྣམས་བསྲུང་བར་བགྱིའོ། །ཡོངས་སུ་བསྐྱང་བར་བགྱིའོ། །སྤྲོ་བར་བགྱིའོ། །རྟག་ཏུ་རྒྱུན་མི་འཆད་པར་བསྲུང་བ་དང་། བསྐྱབ་པ་དང་། སྦ་བར་བགྱིའོ། །དེ་ནས་བཅོམ་ལྡན་འདས་
ཀྱིས་ཕྱག་གསེར་གྱི་ཁ་དོག་ཅན་བརྐྱང་སྟེ། བྱང་ཆུབ་སེམས་དཔའ་སེམས་དཔའ་ཆེན་པོ་ལག་ན་རྡོ་རྗེའི་མགོ་ལ་བཞག་ནས་རྒྱལ་པོ་ཆེན་པོ་བཞི་པོ་དེ་རྣམས་ལ་དབུགས་ཕྱུང་སྟེ། ངས་གཟུངས་འདི་གཏད་དོ། །སེམས་ཅན་དེ་ཡང་གཏད་དོ། །
བཅོམ་ལྡན་འདས་བདག་ཅག་གིས་ཆོ་ག་ཞིབ་མོའི་རྒྱལ་པོ་ཆེན་པོ་འདི་དང་། སེམས་ཅན་ཡོངས་སུ་བསྐྱང་བའི་སླད་དུ་ཡོངས་སུ་གཟུང་ལགས་སོ། །དེ་ནས་བཅོམ་ལྡན་འདས་ཀྱིས་གཟུངས་ཀྱི་སྙིང་པོ་བཀའ་སྩལ་པ། ཨོཾ་མ་ཎི་བཛྲེ་

94-1-295a

ཧཱུྃ། འདི་ནི་སྙིང་པོའོ། །ཨོཾ་མ་ཎི་དྷ་ར་ཧཱུྃ་ཕཊ། ཉེ་བའི་སྙིང་པོའོ། །རྩ་བའི་རིག་སྔགས་ཀྱི་ཆོ་ག་ནི། ཚེས་གྲངས་མ་ཡིན་རྒྱུ་སྐར་མིན། །སྙུང་བ་ཡང་ནི་བྱ་མི་དགོས།  དེ་བཞིན་གཤེགས་པའི་སྐུ་གཟུགས་སམ། མཆོད་རྟེན་སྐུ་གདུང་དང་
བཅས་པའི་དྲུང་དུ་བཟླས་བརྗོད་འབའ་ཤིག་ཁྲི་བྱས་ནས་ཚེས་བཅྭ་ལྔའི་ཟླ་བ་ཉ་ལ་ཤིན་ཏུ་ཁྲུས་བྱས་ཏེ། གོས་གཙང་མ་བགོས་ནས་མཆོད་རྟེན་སྐུ་གདུང་དང་བཅས་པའི་དྲུང་དུ་ཅི་འབྱོར་པས་མཆོད་པ་བྱ་སྟེ། མར་མེ་བཞི་དབུལ་བར་བྱ། དྲི་དང་
མེ་ཏོག་ལ་སོགས་པ་ཡང་དབུལ་བར་བྱའོ། །ཟས་དཀར་གསུམ་བཟའ་བར་བྱའོ། །མཆོད་རྟེན་ལ་བསྐོར་བ་བརྒྱ་རྩ་བརྒྱད་བྱའོ། །རིག་སྔགས་བརྒྱ་རྩ་བརྒྱད་བཟླས་ནས་དེ་ཉིད་ཀྱི་དྲུང་དུ་ཉལ་ན། ནམ་ནངས་ཀྱི་ཚུན་ཆད་དེ་བཞིན་གཤེགས་
པ་མཐོང་བར་འགྱུར་རོ། །འཕགས་པ་ལག་ན་རྡོ་རྗེ་ཡང་མཐོང་བར་འགྱུར་རོ། །བསམ་པ་ཐམས་ཅད་ཡོངས་སུ་རྫོགས་པར་འགྱུར་རོ། །གང་འདོད་པ་དེ་རྙེད་པར་འགྱུར་རོ། །གལ་ཏེ་མཚམས་མེད་པ་ལྔའི་ལས་བྱས་པ་ཞིག་ཡིན་ན་ཡང་དེས་དུས་
གསུམ་དུ་བསྒྲུབས་ན་གདོན་མི་ཟ་བར་མཐོང་བར་འགྱུར་རོ། །སོམ་ཉི་དང་། ཡིད་གཉིས་བསྐྱེད་པར་མི་བྱའོ། །ནང་པར་ལངས་ཏེ་བཟླས་བརྗོད་བརྒྱ་རྩ་བརྒྱད་བྱས་ན་དོན་ཐམས་ཅད་གྲུབ་པར་འགྱུར་རོ། །དེའི་ལུས་ལ་དུག་གིས་ཚུགས་པར་
མི་འགྱུར་ཏེ། སྦྱོར་བ་ངན་པས་མ་ཡིན། ཆུ་ཡིས་མ་ཡིན། མེ་ཡིས་མ་ཡིན། ཆོམ་རྐུན་གྱིས་འཕྲོག་པར་མི་འགྱུར་ཏེ། ལུས་ལ་ནད་ཀྱིས་ཚུགས་པར་མི་འགྱུར། དགྲས་འཇིགས་པར་མི་འགྱུར། དེའི་ལུས་ལ་ནད་མི་འབྱུང་སྟེ། 
མིག་ནད་མ་ཡིན། སྣ་ནད་མ་ཡིན། ལྕེ་ནད་མ་ཡིན། རྣ་བའི་ནད་མ་ཡིན། སོ་ནད་མ་ཡིན། གླད་ནད་མ་ཡིན། ཡན་ལག་དང་ཉིང་ལག་གི་ནད་མ་ཡིན། རིམས་མ་ཡིན་ཏེ། ཞག་གཅིག་པ་འམ། ཞག་གཉིས་པ་འམ། ཞག་གསུམ་པ་འམ། 
ཞག་བཞི་པས་ལུས་ལ་ཚུགས་པར་མི་འགྱུར་རོ། །སྦྲུལ་གྱི་འཇིགས་པས་མ་ཡིན། གཅན་ཟན་ཁྲོ་བོའི་འཇིགས་པས་མ་ཡིན་ཞིང་། ལུས་ལ་བྱད་ཀྱིས་ཚུགས་པར་མི་འགྱུར་རོ། །གཟུངས་འདི་ནི་ཡོན་ཏན་དེ་ལྟ་བུ་དང་ལྡན་པ་ཡིན་ཏེ། འཇིགས་

94-1-295b

པ་ཐམས་ཅད་རབ་ཏུ་འཇོམས་པར་བྱེད་པ་ཡིན། སྡིག་པ་ཐམས་ཅད་འཇིག་པར་བྱེད་པ་ཡིན། ཡོན་ཏན་ཐམས་ཅད་གྲུབ་པར་བྱེད་པ་ཡིན། ཕ་རོལ་ཏུ་ཕྱིན་པ་དྲུག་ཡོངས་སུ་རྫོགས་པར་བྱེད་པ་ཡིན། དེ་བཞིན་གཤེགས་པའི་དེ་ཁོ་ན་ཉིད་གྲུབ་
པར་བྱེད་པ་ཡིན་ཏེ། གཟུངས་འདི་ནི་བཀླགས་པས་གྲུབ་པ་སྟེ། ལས་ཐམས་ཅད་བྱེད་དོ། །རི་ཁར་འཛེགས་ཏེ་བཟླས་བརྗོད་བྱས་ན། མིག་གིས་གང་དུ་བལྟས་པ་དེར་སེམས་ཅན་རྣམས་ཀྱི་སྡིག་པ་ཐམས་ཅད་འཇིག་པར་འགྱུར་རོ། །སེམས་ཅན་དམྱལ་
བ་ཐམས་ཅད་ལས་ཐར་བར་འགྱུར་རོ། །དུད་འགྲོའི་སྐྱེ་གནས་སུ་སོང་བ་ཐམས་ཅད་ཀྱང་ཐར་བར་འགྱུར་རོ། །ལྷ་ཁང་དུ་ཞུགས་ཏེ་བཟླས་བརྗོད་བྱས་ན་ལྷ་ཐམས་ཅད་དེས་ཅི་བསྒོ་བ་བཞིན་བྱེད་པར་འགྱུར་རོ། །ཀླུའི་གནས་སུ་ཞུགས་ཏེ་བཟླས་
བརྗོད་བྱས་ན་ཀླུ་རྣམས་དབང་དུ་འགྱུར་རོ། །ཉི་མ་ལ་ཁ་བལྟས་ཏེ་བཟླས་བརྗོད་བྱས་ན་ཉི་མ་མངོན་སུམ་དུ་བབས་ནས་མདུན་ན་འདུག་ཅིང་མཆོག་ཅི་སྨྲ་བ་དེ་སྦྱིན་པར་བྱེད་དོ། །ལག་ན་རྡོ་རྗེའི་མདུན་དུ་བཟླས་བརྗོད་བྱས་ན་མཆོག་ཐམས་ཅད་སྟེར་
ཅིང་མཐོང་བར་ཡང་འགྱུར་རོ། །ཤུ་དག་ལ་སྔགས་སྟོང་རྩ་བརྒྱད་བཟླས་ནས་དེ་ཟོས་ནས་རྒྱལ་པོའི་ཕོ་བྲང་དུ་ཞུགས་ན་རྒྱལ་པོའི་བཙུན་མོ་འཁོར་དང་བཅས་པ་དགའ་བར་འགྱུར་རོ། །ཅི་སྨྲས་པ་དེ་སྦྱིན་པར་བྱེད་དོ། །ན་ལེ་ཤམ་གྱི་འབྲུ་ལ་
ལན་བདུན་བཟླས་ཏེ། ཁར་བཅུག་ན་ཅི་སྨྲས་པ་སྟེར་བར་བྱེད་ཅིང་དབང་དུ་འགྱུར་རོ། །ཡུངས་ཀར་ལ་སྟོང་རྩ་བརྒྱད་བཟླས་ཏེ་ནམ་མཁའ་ལ་གཏོར་ན་རླུང་དང་། སེར་བ་ཐམས་ཅད་བཀག་པར་འགྱུར་རོ། །ལན་ཚྭ་ལ་ལན་བརྒྱ་རྩ་བརྒྱད་བཟླས་
ཏེ། བྲམ་ཟེ་རྣམས་ལ་བྱིན་ན་གང་དང་གང་གིས་ལན་ཚྭ་ཟོས་པ་དེ་དང་དེ་ཁོ་ན་དབང་དུ་འགྱུར་རོ། །རྒྱལ་རིགས་དབང་དུ་བྱ་ན་ཡུངས་ཀར་གྱི་སྦྱིན་བསྲེག་བྱའོ། །གུ་གུལ་ལ་སྔགས་སྟོང་རྩ་བརྒྱད་བཟླས་ཏེ། གང་དང་གང་གི་གདོན་ལ་བདུགས་ན་དེ་དང་དེ་ཉིད་
འབབ་པར་འགྱུར་རོ། །བདུགས་ན་གདོན་ཐམས་ཅད་ལས་ཐར་བར་འགྱུར་རོ། །ཆར་མི་འབབ་པའི་ཚེ་ཀླུའི་གཟུགས་བྱས་ཏེ། གནས་གྲུ་བཞིར་བྱས་ལ་བ་སེར་མོའི་ལྕི་བ་ལས་ཀླུ་མགོ་གསུམ་པ་བྱས་ལ་སྙིང་ཀར་གསེར་གྱི་ས་ཀླན་པར་བྱའོ། །

94-1-296a

ལུས་ནི་ལི་ཁྲིས་བྱུག་པར་བྱའོ། །གནས་ཀྱི་གཞི་ནི་སྔོན་པོས་བསྐུ་བར་བྱའོ། །གནས་གྲུ་བཞི་ནི་ཤིང་པ་ལ་ཤ་ལྟར་ཁ་དོག་སྔོན་པོར་བྱའོ། །བུམ་པ་གང་བ་བཞི་གཞག་པར་བྱའོ། །པོག་པོར་བཞི་བཞག་པར་བྱའོ། །བུམ་པ་བཞི་བཞག་
པར་བྱ་སྟེ། གཅིག་ནི་འོ་མ། གཅིག་ནི་ཞོ། གཅིག་ནི་འོ་ཐུག །གཅིག་ནི་ཞུན་མར་བུ་རམ་ཅན་ནོ། །བའི་ལྕི་བས་གླིང་བཞི་པའི་དཀྱིལ་འཁོར་བྲི་བར་བྱའོ། །གྲྭ་བཞི་རུ་ཕྱེས་པད་མ་བྲི་བར་བྱའོ། །མདའ་བཞི་བཙུགས་ལ་ཚོན་སྐུད་སྣ་ལྔས་བསྐོར་
བར་བྱའོ། །ཚོན་སྣ་ལྔའི་བ་དན་གདགས་པར་བྱའོ། །བདུག་པ་སྣ་བཞི་པོ་གུ་གུལ་དང་། རྩེ་བོག་དང་། ཙན་དན་དང་། དུ་རུ་ཀ་བསྲེག་པར་བྱའོ། །ས་བོན་བདུན་གཏོར་བར་བྱའོ། །ཁ་དོག་ལྔའི་གཏོར་མ་གཞག་པར་བྱའོ། །འབྲས་བུ་དང་མེ་ཏོག་གཞག་པར་བྱའོ། །
རིག་པ་འཛིན་པས་ཁ་ཤར་ཕྱོགས་སུ་བལྟས་ཏེ། འདུག་ནས་རིག་སྔགས་སྟོང་རྩ་བརྒྱད་བཟླས་ཏེ། ཡུངས་ཀར་རེ་རེ་ནས་སྤྱི་བོར་བརྡེག་པར་བྱའོ། །སྟོང་རྩ་བརྒྱད་ཚང་བར་བཟླས་ན། དེ་ནས་ཀླུ་རྣམས་ཆར་གྱི་རྒྱུན་འབེབས་པར་བྱེད་དོ། །ཀླུ་
ཐམས་ཅད་དེའི་དབང་དུ་འགྱུར་རོ། །ཡུངས་ཀར་ལ་བཟླས་བརྗོད་བྱས་ཏེ། ཀླུའི་མཚེའུ་གཏོར་ན་ཆར་གྱི་རྒྱུན་འབེབས་པར་བྱེད་དོ། །སེང་ལྡེང་གི་ཕུར་བུ་ལ་བཟླས་བརྗོད་བྱས་ཏེ་ཀླུའི་གནས་སུ་བཙུགས་ན་རླུང་དང་། སེར་བ་ཐམས་
ཅད་བཅིངས་པར་འགྱུར་རོ། །ཡུངས་ཀར་ལ་བརྒྱ་རྩ་བརྒྱད་བཟླས་བརྗོད་བྱས་ཏེ། ལོག་འདྲེན་གྱི་གླད་པར་བཏབ་ན་ལོག་འདྲེན་ཐམས་ཅད་བཅིངས་པར་འགྱུར་རོ། །འོ་མས་བཀྲུས་ན་ཕྱིར་སོས་པར་འགྱུར་རོ། །ལས་གང་དང་གང་
ཁོ་ན་བྱ་བའི་ལས་དེ་དང་དེ་དག་འགྲུབ་པར་འགྱུར་རོ། །གཙང་མས་གོས་གཙང་མ་བགོ་བར་བྱ་སྟེ། འདི་ནི་རྩ་བའི་རིག་སྔགས་ཀྱི་ཆོ་གའི་ཚུལ་ཡིན་ནོ།། །།གཉིས་པའོ།།  ད་ནི་སྙིང་པོའི་ལས་རྣམས་འབྱུང་སྟེ། 
བཟླས་བརྗོད་འབུམ་བྱས་ན་དེ་བཞིན་གཤེགས་པ་ཐམས་ཅད་མཐོང་བར་འགྱུར་རོ། །ཉིས་འབུམ་བྱས་ན་སངས་རྒྱས་ཀྱི་ཞིང་ཐམས་ཅད་མཐོང་བར་འགྱུར་རོ། །སུམ་འབུམ་བྱས་ན་དཀྱིལ་འཁོར་ཐམས་ཅད་ཏུ་ཞུགས་པར་འགྱུར་རོ། །གསང་

94-1-296b

སྔགས་ཐམས་ཅད་གྲུབ། པར་འགྱུར་རོ། །བཞི་འབུམ་བྱས་ན་རིག་འཛིན་ཐམས་ཅད་ཀྱི་འཁོར་ལོས་སྒྱུར་བར་འགྱུར་རོ། །ལྔ་འབུམ་བྱས་ན་ལྷ་མ་ཡིན་གྱི་སྒོ་ཐམས་ཅད་འབྱེད་པར་འགྱུར་རོ། །ཀླུའི་གནས་ཐམས་ཅད་འབྱེད་པར་འགྱུར་རོ། །
དྲུག་འབུམ་བྱས་ན་གཏེར་ཐམས་ཅད་འབུར་བར་འགྱུར་རོ། །བཟླས་བརྗོད་བདུན་འབུམ་བྱས་ན་ཚེ་རབས་ཐམས་ཅད་དྲན་པར་འགྱུར་རོ། །བཟླས་བརྗོད་བརྒྱད་འབུམ་བྱས་ན་རིན་ཆེན་ཕྱག་རྒྱའི་ཏིང་ངེ་འཛིན་ཐོབ་པར་འགྱུར་རོ། །བཟླས་བརྗོད་དགུ་
འབུམ་བྱས་ན་བྱང་ཆུབ་སེམས་དཔའ་ཐམས་ཅད་ཀྱི་རྣམ་པར་སྤྲུལ་པའི་བྱིན་གྱིས་བརླབས་ཐམས་ཅད་འཐོབ་པར་འགྱུར་རོ། །བཟླས་བརྗོད་ས་ཡ་བྱས་ན་དེ་བཞིན་གཤེགས་པ་ཐམས་ཅད་ཀྱིས་དབང་བསྐུར་བ་ཐོབ་པར་འགྱུར་རོ། །དེ་བཞིན་གཤེགས་
པ་ཐམས་ཅད་དང་ཕྲད་པར་འགྱུར་ཏེ། དེ་ལ་སོགས་པ་གོང་ནས་གོང་དུ་ཡོན་ཏན་གྱི་ཁྱད་པར་ཐོབ་པར་འགྱུར་རོ། །མཚམས་མེད་པ་ལྔ་བྱས་པ་འམ། འཕགས་པ་ལ་སྐུར་པ་བཏབ་པ་འམ། དམ་པའི་ཆོས་སྤངས་པ་འམ། མནར་མེད་པར་གཞོལ་བ་
ཡང་རུང་། དེ་དག་ཐམས་ཅད་ཀྱིས་བཟླས་བརྗོད་འབུམ་བྱས་ན་ལས་ཀྱི་སྒྲིབ་པ་ཐམས་ཅད་བྱང་བར་འགྱུར། ཕྱིར་མི་ལྡོག་པར་འགྱུར། སྐྱེ་བ་དྲན་པར་འགྱུར། དེ་བཞིན་གཤེགས་པ་ཐམས་ཅད་ཀྱིས་དགོངས་པར་འགྱུར། མིག་རྣམ་པར་དག་པ་དང་། 
རྣ་བ་རྣམ་པར་དག་པ་དང་། སྣ་རྣམ་པར་དག་པ་དང་། ལྕེ་རྣམ་པར་དག་པ་དང་། དབང་པོ་ཡོངས་སུ་དག་པ་ཐོབ་པར་འགྱུར་ཏེ། དེ་ལྟར་གོང་ནས་གོང་དུ་ཡོན་གྱི་ཁྱད་པར་དང་། གོང་ནས་གོང་ཏུ་ལུས་ཡོངས་སུ་རྣམ་པར་དག་པ་ཐོབ་པར་འགྱུར་རོ། །
གཞན་ཡང་འཇིག་རྟེན་གྱི་དངོས་གྲུབ་ཏུ་བྱ་བ་རྣམས་གྲུབ་པར་འགྱུར་རོ། །དེ་ཁོ་ན་གྲུབ་པ་བླ་ན་མེད་པ་ལྡོང་རོས་ལ་བསྒྲུབ་པ་བཤད་དེ་ཤིན་ཏུ་ཁྲུས་བྱས་པ་གོས་གཙང་མ་བགོས་པ། ཟས་དཀར་གསུམ་བཟའ་བས་ལྡོང་རོས་བླངས་ཏེ། 
ཟངས་ཀྱི་སྣོད་དུ་བཞག་ནས་སངས་རྒྱས་བཅོམ་ལྡན་འདས་ཀྱི་སྤྱན་སྔར་ཚེས་བཅུ་གསུམ་ནས། ཚེས་བཅྭ་ལྔའི་ཉའི་བར་དུ། བཟླས་བརྗོད་འབུམ་བྱས་ན་དེ་ནས་རྣམ་པ་འགྲུབ་པར་རིག་པར་བྱ་སྟེ། གལ་ཏེ་ནག་པོར་གྱུར་ན་དཔྲལ་བ་ལ་ཐིག་ལེ་

94-1-297a

བྱའོ། །དེ་ནས་མི་སྣང་བར་འགྲུབ་པར་འགྱུར་ཏེ། ལྷ་མ་ཡིན་གྱི་སྒོ་ཐམས་ཅད་ཏུ་འཇུག་པར་འགྱུར། གནས་ཐམས་ཅད་དུ་འཇུག་པར་འགྱུར། གང་འདོད་པ་དེ་བྱེད་པར་འགྱུར་རོ། །གལ་ཏེ་དུད་པ་བྱུང་ན་དེས་མིག་བསྐུ་བར་བྱའོ། །དེ་ནས་
བྱང་ཆུབ་སེམས་དཔའི་གནས་ཐམས་ཅད་མཐོང་བར་འགྱུར། ལག་ན་རྡོ་རྗེའི་གནས་ཐམས་ཅད་མཐོང་བར་འགྱུར། ནོར་དང་འབྲུ་ཐམས་ཅད་རྙེད་པར་འགྱུར་ཏེ། གང་དུ་འདོད་པ་དེར་འགྲོ་བར་འགྱུར་རོ། །གལ་ཏེ་འབར་བར་གྱུར་ན་ནམ་མཁའ་ལ་འགྲོ་བར་
འགྱུར། འབར་བའི་སྒྲོན་མ་ཞེས་བྱ་བའི་གཟུངས་ཀྱི་ཏིང་ངེ་འཛིན་ཐོབ་པར་འགྱུར། ལྷའི་གནས་སུམ་ཅུ་རྩ་གསུམ་གྱི་ལྷ་ཐམས་ཅད་ཀྱི་དཔོན་པོར་འགྱུར། གང་འདོད་པ་དེ་བྱེད་པར་འགྱུར། རིའི་རྩེ་མོར་འཛེགས་ཏེ་བཟླས་བརྗོད་འབུམ་
བྱས་ན་འཇིག་རྟེན་ཐམས་ཅད་ཀྱི་གཙོ་བོར་འགྱུར། གང་འདོད་པ་དེ་བྱེད་པར་འགྱུར། འཛམ་བུའི་གླིང་གི་མི་ཐམས་ཅད་ཅི་བསྒོ་བ་བཞིན་བྱེད་པར་འགྱུར་རོ། །མཚོར་ཞུགས་ཏེ་བཟླས་བརྗོད་སྟོང་རྩ་བརྒྱད་བྱས་ན་ཀླུ་ཐམས་ཅད་མཐོང་བར་འགྱུར། 
ཡུངས་ཀར་བླངས་ནས་སྔགས་སྟོང་རྩ་བརྒྱད་བཟླས་ནས་ནམ་མཁའ་ལ་གཏོར་ན་ཆར་ཆེན་པོ་འབབ་པར་འགྱུར། ཀླུ་ཐམས་ཅད་ཅི་བསྒོ་བ་བཞིན་བྱེད་པར་འགྱུར་རོ། །རྟག་ཏུ་བཟླས་བརྗོད་བྱས་ན་དཔལ་ཆེན་པོ་ཐོབ་པར་འགྱུར་རོ། །བུམ་པ་
ཆུས་བཀང་སྟེ་ཧབ་ཤང་ཚེའུ་དང་། ཤིང་པ་ལ་ཤ་དང་། ཡུངས་ཀར་དང་། གུར་གུམ་དང་། ཙན་དན་རྣམས་ལྷན་ཅིག་བུམ་པ་དེར་བླུགས་ལ་བཟླས་བརྗོད་ཁྲི་བྱས་པས་ནད་ཆེན་པོས་ཐེབས་པ་བཀྲུས་ན་ནད་ནད་ཐམས་ཅད་མེད་པར་འགྱུར། 
ནད་ཐམས་ཅད་དང་བྲལ་བར་འགྱུར། དེའི་སྡིག་པ་ཐམས་ཅད་ཀྱང་འཇིག་པར་འགྱུར། བྱད་ཐམས་ཅད་འཇིག་པར་འགྱུར། དཔལ་ཐམས་ཅད་ཐོབ་པར་འགྱུར་རོ། །མཛེའི་ནད་ཀྱིས་ཐེབས་པ་བཀྲུས་ན་མཛེ་ནད་ལས་ཡོངས་སུ་ཐར་བར་
འགྱུར་རོ། །ཤ་བཀྲའི་ནད་ཀྱིས་ཐེབས་པ་ཡང་བཀྲུས་ན་ཤ་བཀྲའི་ནད་ལས་ཡོངས་སུ་ཐར་བར་འགྱུར་རོ། །བུད་མེད་བུ་འདོད་པ་རྣམས་དེས་ཁྲུས་བྱས་ན་བུ་རྙེད་པར་འགྱུར་རོ། །དངོས་གྲུབ་མེད་པ་ཁྲུས་བྱས་ན་དངོས་གྲུབ་ཆེན་པོ་ཐོབ་པར་འགྱུར་རོ། །

94-1-297b

དེ་ལ་སོགས་པ་གོང་ནས་གོང་དུ་འཇིག་རྟེན་གྱི་དངོས་གྲུབ་ཏུ་བྱ་བ་རྣམས་ཀྱང་གྲུབ་པར་འགྱུར་རོ། །གང་འདོད་པ་དེ་བྱེད་པར་འགྱུར་རོ། །ཉེ་བའི་སྙིང་པོའི་ལས་རྣམས་འབྱུང་སྟེ། བཟླས་བརྗོད་འབུམ་བྱས་ན་བགེགས་དང་ལོག་འདྲེན་ཐམས་ཅད་རྐང་པ་ལ་
གཏུགས་ནས་ཀྱེ་རིག་པ་འཛིན་པ་བདག་ཅག་སྐྱོབས་ཤིག །བདག་ཅག་གི་སྲོག་ཆུད་མ་གསན་ཅིག་དང་བཀའ་ཅི་སྩལ་པ་དེ་བགྱིའོ་ཞེས་བརྗོད་པར་འགྱུར་རོ། །བཟླས་བརྗོད་ཉི་ཁྲི་ཅིག་སྟོང་བྱས་ན་ལྷ་ཐམས་ཅད་དང་། ཀླུ་ཐམས་ཅད་དབང་དུ་འགྱུར། རིག་
སྔགས་ཐམས་ཅད་ཀྱི་བདག་པོར་འགྱུར་རོ། །ཅི་བསྒོ་བ་དེ་བྱེད་པར་འགྱུར་རོ། །བཟླས་བརྗོད་སུམ་ཁྲི་བྱས་ན་འབྱུང་པོ་དང་། གནོད་སྦྱིན་ལ་སོགས་པ་ཐམས་ཅད་དབང་དུ་འགྱུར་རོ། །བཟླས་བརྗོད་ལྔ་ཁྲི་བྱས་ན་གང་དགུག་པ་ཁུགས་པར་འགྱུར་
ཏེ། ལྷ་འམ། ཀླུ་འམ། གནོད་སྦྱིན་ནམ། དྲི་ཟ་འམ། ནམ་མཁའ་ལྡིང་ངམ། མི་འམ་ཅི་འམ། ལྷ་མ་ཡིན་ནམ། རིག་འཛིན་ནམ། བུད་མེད་དམ། བྲམ་ཟེ་འམ། རྒྱལ་རིགས་སམ། ས་བདག་གམ། བློན་པོ་འམ། བཙུན་མོ་འམ། ཁྲོམ་
གྱི་རུས་སྣ་འམ། མདུན་ན་འདོན་ནམ། གཞན་ཡང་སེམས་ཅན་སྣ་ཚོགས་ཁུགས་པར་འགྱུར་རོ། །གུ་གུལ་དང་ཡུང་ཀར་གྱི་སྦྱིན་སྲེག་དྲུག་ཁྲི་བྱས་ན་དྲི་མ་མེད་པའི་ཏིང་ངེ་འཛིན་ཐོབ་པར་འགྱུར་རོ། །བདུན་ཁྲིས་ནི་རིག་འཛིན་གྱི་འཁོར་
ལོས་སྒྱུར་བར་འགྱུར་རོ། །བརྒྱད་ཁྲིས་ནི་ལག་ན་རྡོ་རྗེ་འཁོར་གྱི་ཚོགས་དང་བཅས་པ་མདུན་ན་སྡོད་པར་འགྱུར་རོ། །དགུ་ཁྲིས་ནི་བྱང་ཆུབ་སེམས་དཔའ་ཐམས་ཅད་ཀྱིས་དབུགས་བྱིན་པར་འགྱུར་རོ། །འབུམ་ཚང་བས་ནི་དེ་བཞིན་གཤེགས་པ་
ཐམས་ཅད་མཐོང་བར་འགྱུར་ཏེ། རིགས་ཀྱི་བུ་ཁྱོད་གསང་སྔགས་ཐམས་ཅད་དང་། བསྟན་བཅོས་ཐམས་ཅད་གྲུབ་ཀྱིས་གང་འདོད་པ་དེར་སོང་ཅིག །དེ་བཞིན་གཤེགས་པ་ཐམས་ཅད་ཀྱིས་བྱིན་གྱིས་བརླབས་པས་ཕྱིར་མི་ལྡོག་ཅིང་བླ་ན་མེད་
པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་འཚང་རྒྱ་བར་འགྱུར་རོ། །དེ་བཞིན་གཤེགས་པ་རྣམས་ཀྱིས་གནང་གིས། འཇིག་རྟེན་པ་འམ། འཇིག་རྟེན་ལས་འདས་པའི་དགོས་པ་གཞན་དག་ཀྱང་ཅི་འདོད་པ་བཞིན་ཁྱོད་ཀྱིས་ལས་བྱོས་

94-1-298a

ཤིག་ཅེས་སྟོན་པར་འགྱུར་རོ། །ཨོཾ་མ་ཎི་ཀུཎ་ཌ་ལི་ཧཱུྃ་ཧཱུྃ་ཕཊ་སྭཱ་ཧཱ། གདན་གྱི་སྔགས་སོ། །ཨོཾ་མ་ཎི་བི་ཛ་ཡེ་དྷ་རཱ་དྷ་ར་ཧཱུྃ་ཕཊ་སྭཱ་ཧཱ། དཀྱིལ་འཁོར་གྱི་སྔགས་ཏེ། ཡུངས་ཀར་ལ་ལན་བདུན་སྔགས་བཟླས་པས་སོ། །ཨོཾ་ཛྭ་ལི་ཏ་མ་ཎི་རུ་ཙི་ར་གྲི་ཎི་ཧཱུྃ་ཧཱུྃ་ཕཊ། 
ཡུངས་ཀར་དང་། དྲི་ཆུར་བསྲེས་པ་ལ་ལན་བརྒྱ་རྩ་བརྒྱད་བཟླས་ཏེ། ཕྱོགས་བཞི་བཅིང་ངོ་། །ཨོཾ་མ་ཎི་པྲ་བྷ་བ་ཏི་ཧ་ན་ཧ་ན་ཧཱུྃ་ཕཊ་སྭཱ་ཧཱ། ཐལ་བ་དང་། ཆུ་ལ་ལན་ཉི་ཤུ་རྩ་གཅིག་བཟླས་པས་ལོག་འདྲེན་བཅིང་ངོ་། །ཨོཾ་བཛྲ་མ་ཎི་ཏིཥྛ་ཏིཥྛ་ཧཱུྃ་ཕཊ། ལན་བདུན་
བཟླས་ཏེ། བཙུག་ཏོར་བཅིང་ངོ་། །ཨོཾ་མ་ཎི་བི་པུ་ལ་དི་རི་དི་རི་ཧཱུྃ་ཕཊ། གོས་ཀྱི་སྔགས་སོ། །ཨོཾ་བི་དུ་མ་ཏི་ཧ་ར་ཧ་ར་མ་ཎི་ཧཱུྃ་ཕཊ། ཉེ་རེག་གི་སྔགས་སོ། །ཨོཾ་སུ་ནིརྨྨ་ལ་པ་ཏི་ཧ་ར་ཧ་ར་པཱ་པྃ་མི་ལི་ཧཱུྃ་ཧཱུྃ་ཕཊ་སྭཱ་ཧཱ། ཡུངས་ཀར་ལ་ལན་
བརྒྱ་རྩ་བརྒྱད་བཟླས་ཏེ་ཁྲུས་བྱའོ། །ཨོཾ་མ་ཎི་དྷ་རེ་ཧཱུྃ་ཧཱུྃ་ཕཊ། བསང་གཏོར་གྱི་སྔགས་སོ། །ཨོཾ་དི་རི་དི་རི་བི་མ་ལ་ཀ་རི་ཧཱུྃ་ཧཱུྃ་ཕཊ། མཆོད་ཕྱིར་ཐོགས་ཀྱི་སྔགས་སོ། །ཨོཾ་སརྦ་ཏ་ཐཱ་ག་ཏ་པུཥྤྃ་མ་ཎི་ཧཱུྃ་ཧཱུྃ་ཕཊ། མེ་ཏོག་གི་སྔགས་སོ། །ཨོཾ་སརྦ་
ཏ་ཐཱ་ག་ཏ་གནྡྷ་མ་ཎི་སྥ་ར་ཎ་ཧཱུྃ་ཧཱུྃ་ཕཊ། དྲིའི་སྔགས་སོ། །ཨོཾ་ཛྭ་ལི་ཏ་མ་ཎི་ཨ་བ་པྲ་ཀཱུ་ཊ་གཱ་ར་སྥ་ར་ཎ་བི་ག་ཏེ་ཧཱུྃ། བདུག་པའི་སྔགས་སོ། །ཨོཾ་ཛྭ་ལི་ཏ་ཤི་ཁ་རི་ཏ་པ་ལ་ཧཱུྃ་ཧཱུྃ་ཕཊ། མར་མེའི་སྔགས་སོ། །ཨོཾ་པྲ་པ་ར་གྲ་བ་ལི་ས་ར་ས་ར་ཧཱུྃ་ཧཱུྃ། གཏོར་
མའི་སྔགས་སོ། །ཨོཾ་མ་ཧཱ་མ་ཎི་པཱུ་ར་ཡ་དྷ་ར་དྷ་ར་ཧཱུྃ་ཧཱུྃ་ཕཊ། མཆོད་ཡོན་གྱི་སྔགས་སོ། །ཨོཾ་མ་ཧཱ་བི་མ་ལེ་ཧཱུྃ་ཧཱུྃ་བ་ར་བ་ར་ཧཱུྃ། ལྷ་བཤོས་ཀྱི་སྔགས་སོ། །ཨོཾ་ཛྭ་ལ་སྥ་ར་ད་ག་ག་ན་པྲ་ཏ་ར་ཎི་ཧཱུྃ་ཧཱུྃ། སྦྱིན་བསྲེག་གི་བསྔགས་སོ། །ཨོཾ་རུ་ཙི་ར་མ་ཎི་
པྲ་བ་ར་ཏ་ཡ་ཧཱུྃ། བགྲང་ཕྲེང་གི་སྔགས་སོ། །སྔགས་འདིས་ལན་བདུན་བགྲང་ཕྲེང་ལ་བཏབ་སྟེ། བཟླས་བརྗོད་བྱས་ན་དེ་བཞིན་གཤེགས་པ་ཐམས་ཅད་ཀྱིས་གསུངས་པའི་གསང་སྔགས་དེ་དག་ཐམས་ཅད་བཟླས་པར་འགྱུར་ཞིང་། བྱེ་
བ་ཁྲག་ཁྲིག་བརྒྱ་སྟོང་ཕྲག་དུ་མ་བཟླས་པར་ཡང་འགྱུར་རོ། །ཨོཾ་བཛྲ་མ་ཎི་ཀ་ར་ཀི་ཀ་རི་ཧཱུྃ་ཧཱུྃ་ཕཊ། སྐྱིལ་མོ་དཀྲུང་གི་སྔགས་སོ། །ཨོཾ་སུ་པྲ་བརྟྟི་ཏ་བེ་གེ་མ་ཎི་མ་ཎི་སྭཱ་ཧཱ། བཟླས་བརྗོད་ཀྱི་སྔགས་སོ། །ཨོཾ་སརྦ་ཏ་ཐཱ་ག་ཏ་ཡུ་ཛ་བེ་ཏ་ར་

94-1-298b

ཧཱུྃ་མ་ཎི་ཀ་ར་ཎེ་སྭཱ་ཧཱ། དེ་བཞིན་གཤེགས་པ་ཐམས་ཅད་བསྐུལ་བའི་སྔགས་སོ། །ཨོཾ་སུ་པི་རུ་པུ་ལ་ལ་པྲ་བ་རེ་དུ་རུ་དུ་རུ་ཧཱུྃ་ཧཱུྃ། སྤྱན་དྲང་བའི་སྔགས་སོ། །ཨོཾ་སརྦ་ཏ་ཐཱ་ག་ཏ་ཨ་དྷིཥྛཱ་ན་ཙི་ཏ་སྃ་རཀྵ་ཎ་བཛྲེ་ཧཱུྃ་ཧཱུྃ། གསོལ་བ་
གདབ་པའི་སྔགས་སོ། །ཨོཾ་སུ་བི་པུ་ལ་བ་ད་ནི་ཧ་ར་ཧ་ར་ཧཱུྃ། བྱང་ཆུབ་སེམས་དཔའ་རྣམས་ལ་གསོལ་བ་གདབ་པའི་སྔགས་སོ། །ཨོཾ་ཨ་བྷི་ས་མ་ཡི་བཛྲ་དྷ་ར་དྷ་ར་ཧཱུྃ། ལྷ་དང་། ཀླུ་ལ་སོགས་པ་ཐམས་ཅད་བོད་པའི་སྔགས་
སོ། །ཨོཾ་མ་ཎི་བེ་ག་བ་ཏི་ཧཱུྃ། རྒྱལ་པོ་ཆེན་པོ་བཞི་བོད་པའི་སྔགས་སོ། །ཨོཾ་ཤུ་བ་མ་ཎི་ཧཱུ་ལུ་ཧཱུ་ལུ་ཧཱུྃ། སློབ་མའི་སྔགས་སོ། །ཨོཾ་སརྦ་ཏ་ཐཱ་ག་ཏ་ཧྲི་ད་ཡ་བཛྲི་ཎི་དྷ་ར་དྷ་ར་ཧཱུྃ་ཧཱུྃ། འཇུག་པའི་སྔགས་སོ། །ཨོཾ་བྷི་ར་བྷི་ར་ཛེ་ག་ག་ན་
པཱ་ཧི་ནི་ལི་ཧཱུ་ལུ་ཧཱུ་ལུ་ཧཱུྃ་ཧཱུྃ་ཧཱུྃ། ཐམས་ཅད་ཏུ་མཁྱེན་པར་བྱས་པའི་སྔགས་སོ། །ཨོཾ་མ་ཎི་སུམྦྷ་ནི་བེ་ག་བ་ཏི། བདག་དང་ཆེ་གེ་མོ་ལ་བསྲུངས་ཤིག་ཧཱུྃ། བསྲུང་བའི་སྔགས་སོ། །ཨོཾ་སརྦ་ཏ་ཐཱ་ག་ཏ་ག་ལོ་ཏི་ཏེ་སྨ་ར་ཎ་བི་ག་ཏེ་ཛྭ་ལ་ཛྭ་ལ་
ཧཱུྃ་སྭཱ་ཧཱ། སླར་གཤེགས་སུ་གསོལ་བའི་སྔགས་སོ། །ཐམས་ཅད་ལ་སྦྱར་བར་བྱའོ། །སྙིང་པོ་འདི་རྣམས་ཀྱི་ཕན་ཡོན་ནི་འདི་དག་ཐམས་ཅད་ཡིན་ཏེ་དཔག་ཏུ་མེད་དོ། །ཐམས་ཅད་དུ་ཡང་ལན་བརྒྱ་རྩ་བརྒྱད་བཟླས་བརྗོད་བྱས་ཏེ། དེ་ནས་
དགོས་པ་བརྩམ་པར་བྱའོ། །འདི་བཏོན་པས་ནི་ཐམས་ཅད་འགྲུབ། །འདིས་ནི་འགྲོ་བའི་སྡིག་ཀུན་སེལ། །སྡིག་པ་དེ་ཀུན་ཟད་བྱེད་ཅིང་། །སྡུག་བསྔལ་ཀུན་ལས་རྣམ་པར་གྲོལ། །སངས་རྒྱས་བྱང་ཆུབ་སེམས་དཔའ་དག །ལུང་སྟོན་
འགྱུར་ཏེ་ཐེ་ཙོམ་མེད། །གང་གིས་སྔ་མར་སྡིག་པའི་ལས། །མང་པོ་བྱས་པ་འཇིག་པར་འགྱུར། །རིག་པ་བླ་མེད་སུ་འཛིན་པ། །དེ་དག་མྱུར་དུ་སངས་རྒྱས་འགྲུབ། ། ༼ལེའུ་འདི་ཚང་མི་འདུག༽ ཇི་ལྟར་དེ་བཞིན་གཤེགས་པའི་རིགས་ལ་སྦྱར་བ་ནི། ཨོཾ་སརྦ་
ཏ་ཐཱ་ག་ཏ་ཧྲི་ད་ཡ་མ་ཎི་ཛྭ་ལ་ནི་ཨཱ་བེ་ཤཱ་ཡ་ཧཱུྃ། དེ་བཞིན་གཤེགས་པའི་སྙིང་པོ་དང་ཕྱག་རྒྱའོ། །ཨོཾ་སརྦ་ཏ་ཐཱ་ག་ཏ་པྲ་བ་ར་གྲ་མ་ནི་ཧཱུྃ། དེ་བཞིན་གཤེགས་པའི་དམ་ཚིག་གི་ཕྱག་རྒྱའོ། །ཨོཾ་སརྦ་ཏ་ཐཱ་ག་ཏ་བཱི་སམ་བོ་དཱ་ན་བཛྲ་

94-1-299a

ཧཱུྃ་ཧཱུྃ། དེ་བཞིན་གཤེགས་པའི་དབུགས་དབྱུང་བའི་ཕྱག་རྒྱའོ། །ཨོཾ་སརྦ་ཏ་ཐཱ་ག་ཏ་ཨ་དྷིཥྛཱ་ན་མ་ཎི་མ་ཎི་ཧཱུྃ་ཧཱུྃ་ཕཊ། དེ་བཞིན་གཤེགས་པའི་བྱིན་གྱི་བརླབས་ཀྱི་ཕྱག་རྒྱའོ། །ཨོཾ་སརྦ་ཏ་ཐཱ་ག་ཏ་པྲ་བ་ར་མ་ཎི་རུ་ཙི་རུ་ཙི་ཧཱུྃ་ཧཱུྃ་ཕཊ། 
དེ་བཞིན་གཤེགས་པའི་རྡོ་རྗེ་སེང་གེའི་ཁྲིའི་ཕྱག་རྒྱའོ། །ཨོཾ་སརྦ་ཏ་ཐཱ་ག་ཏ་བི་པུ་ལ་སྃ་བྷ་བེ་ཧཱུྃ་ཧཱུྃ་ཕཊ། དེ་བཞིན་གཤེགས་པའི་དབང་བསྐུར་བའི་ཕྱག་རྒྱའོ། །ཨོཾ་སརྦ་ཏ་ཐཱ་ག་ཏ་ས་མ་ཡ་མ་ཎི་བཛྲ་ཧཱུྃ་ཧཱུྃ། ཆོས་ཀྱི་འཁོར་ལོའི་ཕྱག་རྒྱའོ། །
ཨོཾ་སརྦ་ཏ་ཐཱ་ག་ཏཱ་ཛ་ཡ་ཨ་པ་རཱ་ཛི་ཏ་བཛྲ་ཧཱུྃ་ཧཱུྃ། གཞན་གྱིས་མི་ཐུབ་པའི་ཕྱག་རྒྱའོ། །ཨོཾ་སརྦ་ཏ་ཐཱ་ག་ཏ་དྷརྨ་དྷཱ་ཏུ་མ་ཧཱ་མ་ཎི་ཤི་ཁ་རེ་ཧ་ར་ཧ་ར་ཧཱུྃ་ཧཱུྃ། དེ་བཞིན་གཤེགས་པའི་འཁོར་ལོ་བསྐོར་བའི་ཕྱག་རྒྱའོ། །ཨོཾ་སརྦ་ཏ་ཐཱ་ག་ཏ་མ་ཧཱ་
བཛྲ་ཧ་ཡ་ཧ་ར་ཧ་ར་ཧཱུྃ་ཕཊ། འཕགས་པ་ལག་ན་རྡོ་རྗེས་གཟུང་བའི་ཕྱག་རྒྱའོ། །ཨོཾ་དུ་རུ་དུ་རུ་མ་ཎི་མ་ཎི་མ་ཧཱ་བིནྡུ་ཏ་མ་ཎི་སྭཱ་ཧཱ། ཡིད་བཞིན་གྱི་ནོར་བུའི་ཕྱག་རྒྱ་སྟེ། འཕགས་པ་ནོར་བུའི་རྡོ་རྗེའི་ཕྱག་རྒྱའོ། །ཨོཾ་ལོ་ཀ་པ་ལི་ཏེ་ཙེ་ཡ་ཛ་ཡ་ཧཱུྃ་ཧཱུྃ། རྒྱལ་
པོ་ཆེན་པོ་བཞི་རྣམས་ཀྱི་ཕྱག་རྒྱ་གཟུང་བར་བྱའོ། །ཨོཾ་བི་པུ་ལ་གྲ་པ་ཏི་པ་ར་ཧཱུྃ། དཔལ་ལྷ་མོའི་ཕྱག་རྒྱ་གཟུང་བར་བྱའོ། །ཨོཾ་དྃ་ཥྚི་ནི་སྃ་ཧཱུྃ། དུང་ཅན་མའི་བསྡིགས་པའི་ཕྱག་རྒྱའོ། །ཨོཾ་ཨོཾ་ཨཱ་ག་མ་ཡ་དྲཱི་ར་མུཙྪ་ཏཱ་ཧཱསྟི་ནི་ཧཱུྃ། ཕོ་ཉ་མོའི་
ཕྱག་རྒྱ་བཅིང་བར་བྱའོ། །ཨོཾ་ས་མན་ཏ་ཨ་ཀ་རི་བི་པཱུ་ར་ཎི་ཏ་ཀ་ཧཱུྃ་ཧཱུྃ་ཕཊ། དཀྱིལ་འཁོར་ན་གནས་པ་ཐམས་ཅད་ཀྱི་ཕྱག་རྒྱའོ། །སྤྱན་དྲང་བའི་ཕྱག་རྒྱ་གཟུང་བར་བྱའོ། །ཨོཾ་ས་ར་ས་ར་བི་ས་ར་ཧཱུྃ་ཧཱུྃ། པད་མའི་ཕྱག་རྒྱའོ། །
ཕྱག་རྒྱ་རྒྱས་པའི་ལེའུ་སྟེ་ཆོ་ག་བཞི་པའོ།། །། དེ་ནས་དོན་ཀུན་སྒྲུབ་པའི་སྐུ་གཟུགས་ཀྱི་ཆོ་ག་བཤད་པར་བྱ་སྟེ། རས་ཁ་ཚར་མ་བཅད་པ། སྐྲ་མེད་པ། ཁྲུ་གང་བ་འམ། ཁྲུ་དོ་གྲུ་བཞི་ལྷམ་པ་ལ་རི་མོ་མཁན་སྨྱུང་བ་
བྱས་པས་སྣོད་སར་པར་ཚོན་སྦྱིན་མེད་པས་བཅོམ་ལྡན་འདས་རྒྱན་ཐམས་ཅད་ཀྱིས་བརྒྱན་པ། པད་མའི་སྟེང་ན་ཆོས་འཆད་ཅིང་བཞུགས་པ། ཁང་པ་བརྩེག་མས་ཡོངས་སུ་བསྐོར་བ་བྲི་བར་བྱའོ། །གཡས་སུ་ལག་ན་རྡོ་རྗེ་ལག་པ་

94-1-299b

བཅུ་གཉིས་པ་སྟོན་ཀའི་འདམ་བུ་མདའ་རྒྱུ་ལྟ་བུའི་མདོག་ཅན། ལག་པ་ན་མཚོན་ཆ་སྣ་ཚོགས་ཐོགས་པ། གདོང་བཞི་པ་བྱ་སྟེ། གདོང་དང་པོ་ནི་ཞི་བའོ། །གཉིས་པ་ནི་ཁྲོ་བོའོ། །གསུམ་པ་ནི་མཆེ་བ་གཙིགས་པའོ། །བཞི་པ་ནི་གདོང་ཁྲོ་
གཉེར་ཅན་གྱེན་དུ་ལྟ་བ་སྟེ། རལ་པའི་ཐོར་ཚུགས་ཀྱིས་བཞགས་པ། རྒྱན་ཐམས་ཅད་ཀྱིས་བརྒྱན་པ། པད་མའི་སྟེང་ན་སྐྱིལ་མོ་དཀྲུང་ཕྱེད་ཀྱིས་འདུག་པ་བྱའོ། །གཡོན་ཕྱོགས་སུ་ནི་བྱང་ཆུབ་སེམས་དཔའ་ནོར་བུ་རྡོ་རྗེ་ཞེས་བྱ་བ་གདོང་བཞི་པ། 
ལག་པ་བཅུ་དྲུག་པ་བྱ་སྟེ། ལག་པ་གཡས་ན་ཡིད་བཞིན་གྱི་ནོར་བུ་ཐོགས་ནས། དེ་བཞིན་གཤེགས་པ་ལ་དབུལ་བ། ལག་པ་གཡོན་ན་པད་མ་ཐོགས་པ། ལག་པ་གཅིག་གིས་དབུགས་འབྱིན་པ། ལག་པ་གཉིས་ནི་ཐལ་མོ་སྦྱར་བ་
བྱའོ། །ལག་པ་གཞན་ནི་མཚོན་ཆ་སྣ་ཚོགས་ཐོགས་པ་བྱ་སྟེ། རྩེ་གསུམ་པ་དང་། འཁོར་ལོ་དང་། རྡོ་རྗེ་དང་། རལ་གྲི་དང་། མེ་ཏོག་གི་ཕུར་མ་དང་། བགྲང་ཕྲེང་དང་། རིལ་བ་སྤྱིའུ་བླུགས་དང་། རལ་གྲི་དང་། གླེགས་བམ་དང་། མཆོད་
རྟེན་དང་། རི་རབ་བོ། །གདོང་དང་པོ་ནི་ཞི་བའོ། །གདོང་གཡས་པ་ནི་ནག་པོ་ཆེན་པོ་དང་འདྲ་བའོ། །གདོང་གཡོན་པ་ནི་མིའི་སེང་གེའི་དབྱིབས། ཤིང་པ་ལ་ཤའི་ཁ་དོག་ལྟ་བུའོ། །གདོང་གོང་མ་ནི་བཞིན་བསྒྱུར་བ་པད་མའི་སྟན་ལ་སྐྱིལ་མོ་དཀྲུང་ཕྱེད་ཀྱིས་
འདུག་པ་བྱའོ། །དེའི་འོག་ཏུ་དུང་ཅན་མ་བྲི་སྟེ། ལག་པ་བརྒྱད་པ་པུས་མོ་བཙུགས་ནས་བཅོམ་ལྡན་འདས་ལ་མཆོད་པའི་ལས་ལ་མངོན་པར་བརྩོན་པ་བྱའོ། །ལག་ན་རྡོ་རྗེའི་འོག་ཏུ་དཔལ་ལྷ་མོ་ཆེན་མོ་པུས་མོ་བཙུགས་ནས་ནོར་བུ་རིན་པོ་ཆེ་སྣ་ཚོགས་
ཀྱི་སྣོད་བཅོམ་ལྡན་འདས་དེ་བཞིན་གཤེགས་པ་ལ་འབུལ་བ་བྱའོ། །དཔལ་ལྷ་མོ་ཆེན་མོའི་རྒྱབ་ཏུ་ཕོ་ཉ་མོ་བཞིན་འཛུམ་པ་ལག་པ་བཞི་པ། རྒྱན་སྣ་ཚོགས་ཀྱིས་བརྒྱན་པ། མཚོན་ཆ་སྣ་ཚོགས་འཛིན་པ་བྱའོ། །དུང་ཅན་མའི་རྒྱབ་ཏུ་མེ་
ཏོག་སོ་གོས་དཀར་པོ་གྱོན་པ། མེ་ཏོག་ཐོགས་ནས་བཅོམ་ལྡན་འདས་ལ་གྱེན་དུ་བལྟ་བ་བྱའོ། །སངས་རྒྱས་བཅོམ་ལྡན་འདས་ཀྱི་སྤྱན་སྔར་རིན་པོ་ཆེ་སྣ་བདུན་གྱི་ཁ་དོག་ཅན་གྱི་པད་མ་འདབ་མ་བརྒྱད་པ། སྡོང་བུ་ནི་བཻ་དཱུརྱ། སྙིང་པོ་ནི་གསེར་ལས་

94-1-300a

བྱས་པ་བྱའོ། །དེའི་སྟེང་དུ་འཛམ་བུ་ཆུ་བོའི་གསེར་གྱི་འཁོར་ལོ་ཤིན་ཏུ་རྣམ་པར་ཕྱེ་བ་ལྟེ་བ་དང་བཅས་པ། ཀུན་ནས་འབར་བ། ཤིན་ཏུ་རྣམ་པར་བཀྲ་བ་བྲི་བར་བྱའོ། །པད་མ་དེའི་དྲུང་དུ་རྒྱལ་པོ་ཆེན་པོ་བཞི་ཡ་ལད་དང་། གོ་ཆ་དང་ཚེམ་
ཚེམ་བགོས་པ། རྒྱན་ཐམས་ཅད་ཀྱིས་བརྒྱན་པ་བྲི་བར་བྱའོ། །པད་མ་དེའི་དྲུང་དུ་རྫིང་བུ་རིན་པོ་ཆེ་སྣ་ཚོགས་ཀྱིས་བརྒྱན་པ་བྱའོ། །རྫིང་དེའི་འགྲམ་དུ་རིག་པ་འཛིན་པ། ལག་པ་ན་པོག་པོར་དང་། མེ་ཏོག་གི་མགོ་ལྦོགས་ཐོགས་ལ་ལག་པ་
གཅིག་ཤོས་ན་བགྲང་ཕྲེང་ཐོགས་ཏེ། པུས་མོ་བཙུགས་ནས་དེ་བཞིན་གཤེགས་པ་ལ་གྱེན་དུ་བལྟ་བ་བྱའོ། །ཁང་པ་བརྩེག་མའི་ནང་དུ་ཚངས་པ་དང་། ཁྱབ་འཇུག་དང་། དབང་ཕྱུག་ཆེན་པོ་ལ་སོགས་པ་ནམ་མཁའི་དཀྱིལ་ན་བཅོམ་ལྡན་འདས་
ལ་མེ་ཏོག་སྣ་ཚོགས་ཀྱིས་མཆོད་པ་བྱེད་པ་བྱའོ། །དེ་ལ་སོགས་པ་སྐུ་གཟུགས་ཀྱི་ཆོ་ག་རྣམས་བྱའོ། །དེ་ནས་རིག་པ་འཛིན་པ་གོས་དཀར་པོ་བགོས་ཏེ། ཟས་དཀར་གསུམ་ཟ་བས་ཚེས་བརྒྱད་ནས་ཚེས་བཅྭ་ལྔ་ཉའི་བར་དུ་སྐུ་གཟུགས་
ཀྱི་མདུན་དུ་བཟླས་བརྗོད་འབུམ་ཚང་བར་བྱའོ། །དེ་ནས་སྐུ་གཟུགས་འགུལ་ཞིང་བདག་ཉིད་འབར་བར་མཐོང་བར་འགྱུར། སྒྲིབ་པ་མེད་པའི་མིག་ཐོབ་པར་འགྱུར། ནོར་བུ་རྣམ་དག་སྤྱོད་པ་ཞེས་བྱ་བའི་ཏིང་ངེ་འཛིན་ཐོབ་པར་འགྱུར། རིག་
འཛིན་ཐམས་ཅད་ཀྱི་འཁོར་ལོས་སྒྱུར་བར་འགྱུར། དེ་བཞིན་གཤེགས་པ་ཐམས་ཅད་མཐོང་བར་འགྱུར། བཟླས་བརྗོད་བྱས་པ་ཙམ་གྱི་མོད་ལ་དམྱལ་བ་དང་། དུད་འགྲོའི་སྐྱེ་གནས་ལས་ཐར་བར་འགྱུར། འདོད་ཆགས་དང་། ཞེ་སྡང་དང་། གཏི་
མུག་ལ་སོགས་པ་ཐམས་ཅད་སྤངས་པར་འགྱུར་རོ། །སེར་སྣའི་དྲི་མ་དང་བྲལ་བར་འགྱུར། བསོད་ནམས་ཐམས་ཅད་དང་ལྡན་པར་འགྱུར། བདེ་བ་ཐམས་ཅད་དང་ལྡན་པར་འགྱུར། དགེ་བའི་རྩ་བ་ཐམས་ཅད་ཡང་དག་པར་བཟུང་བར་འགྱུར། 
དེ་བཞིན་གཤེགས་པ་ཐམས་ཅད་ཀྱིས་བྱིན་གྱིས་བརླབས་པར་འགྱུར། སངས་རྒྱས་དང་བྱང་ཆུབ་སེམས་དཔའ་ཐམས་ཅད་ཀྱིས་དབུགས་འབྱིན་པར་འགྱུར། ལྷ་ཐམས་ཅད་ཀྱིས་ཡང་དག་པར་བཟུང་བར་འགྱུར། གནོད་སྦྱིན་དང་། སྲིན་པོ་དང་། 

94-1-300b

ཡི་དགས་དང་། ཤ་ཟ་དང་། ལྷ་མ་ཡིན་དང་། ནམ་མཁའ་ལྡིང་དང་། མི་འམ་ཅི་དང་། ལྟོ་འཕྱེ་ཆེན་པོ་དང་། མི་དང་། མི་མ་ཡིན་པ་ཐམས་ཅད་ཀྱིས་ཀྱང་བསྲུངས་བར་འགྱུར། རྒྱལ་པོའི་ཕོ་བྲང་ཐམས་ཅད་ཏུ་མཆོད་པའི་འོས་སུ་འགྱུར། འཇིག་རྟེན་ཐམས་
ཅད་ལ་དབང་བསྐུར་བར་འགྱུར། ཡོན་ཏན་དང་ཕ་རོལ་ཏུ་ཕྱིན་པ་ཐམས་ཅད་ཡོངས་སུ་བཟུང་བར་འགྱུར། དེ་ལ་སོགས་པ་ཡོན་ཏན་གྱི་ཁྱད་པར་ཐོབ་པར་འགྱུར། མཐོང་བ་ཙམ་འམ། བཟླས་བརྗོད་བྱས་པ་ཙམ་འམ། བཀླགས་པ་ཙམ་གྱིས་ཡོན་
ཏན་དང་། ཕན་ཡོན་འདི་དག་ཡོངས་སུ་བཟུང་བར་འགྱུར་ན་ཆོ་ག་ལྷག་པར་མང་དུ་བྱེད་པ་ལྟ་སྨོས་ཀྱང་ཅི་དགོས། གང་ཞིག་ཀློག་པར་བྱེད་པ་དང་། འདོན་པར་བྱེད་པ་དང་། བཟླས་བརྗོད་ལ་མངོན་པར་བརྩོན་པར་བྱེད་པ་དང་། སྒྲུབ་པར་བྱེད་པ་དང་། ཕྱག་རྒྱའི་
ཚོགས་སྒྲུབ་པར་བྱེད་པ་དང་། རིག་སྔགས་སྒྲུབ་པར་བྱེད་པ་དང་། རས་ཟུང་སྒྲུབ་པར་བྱེད་པའི་སེམས་ཅན་དེ་ནི་དེ་བཞིན་གཤེགས་པ་ཁོ་ནར་བརྗོད་པར་བྱ་སྟེ། མཆོད་པའི་འོས་སུ་འགྱུར། ལྷ་དང་། མི་དང་། ལྷ་མ་ཡིན་དུ་བཅས་པའི་འཇིག་རྟེན་གྱིས་
ཕྱག་བྱ་བའི་འོས་སུ་འགྱུར་རོ། །སེམས་ཅན་དེ་ནི་དེ་བཞིན་གཤེགས་པ་དང་མཚུངས་པར་བལྟ་བར་བྱ། ཤེས་པར་བྱ། དེ་བཞིན་གཤེགས་པ་ཐམས་ཅད་ཀྱིས་ལུང་བསྟན་པ་གནད་སེམས་ཅན་དེ་ནི་ཕྱིར་མི་ལྡོག་པར་གྱུར་ནས། བླ་ན་མེད་པ་ཡང་
དག་པར་རྫོགས་པའི་བྱང་ཆུབ་ཏུ་གསལ་བར་ལུང་བསྟན་པ་ཡིན་ནོ། །ཕྱིན་ཅད་མའི་མངལ་དུ་སྐྱེ་བར་མི་འགྱུར། འཇིག་རྟེན་གྱི་ཁམས་གང་དང་གང་དུ་འགྲོ་བ་དེ་དང་དེར་པད་མ་ལས་རྫུས་ཏེ་སྐྱེ་བར་ཤེས་པར་བྱའོ། །ཕྱིན་ཅད་དེ་བཞིན་གཤེགས་
པ་དང་འབྲལ་བར་མི་འགྱུར། བྱང་ཆུབ་སེམས་དཔའ་དང་ཡང་འབྲལ་བར་མི་འགྱུར་ཏེ། གང་དང་གང་དུ་སྐྱེས་པ་དེ་ཐམས་ཅད་དུ་དེ་བཞིན་གཤེགས་པ་དང་ཕྲད་པ་དང་། བྱང་ཆུབ་སེམས་དཔའ་དང་ཕྲད་པར་འགྱུར་ཞིང་བྱང་ཆུབ་ཀྱི་སྙིང་པོའི་བར་དུ་མཐར་
ཕྱིན་པར་འགྱུར་རོ། །སྐུ་གཟུགས་རྒྱས་པ་ཆེན་པོའི་ལེའུ་སྟེ་ཆོ་ག་ལྔ་པའོ།། །། དོན་ཀུན་གྲུབ་པར་བྱེད་པ་ཡི། །སྦྱིན་སྲེག་ཆོ་ག་བཤད་པར་བྱ། །སེམས་ཅན་ཀུན་གྱི་བདེ་ཐོབ་པ། །ཞི་བ་ཡི་ནི་ལས་བརྩམ་མོ། །རིག་པ་འཛིན་པས་གསང་བྱ་སྟེ། །
94-1-301a

ངེས་པར་ཚངས་པར་སྤྱོད་པ་ཡིས། །སེམས་ཅན་ཐམས་ཅད་ཡིད་དགའ་བའི། །དེ་ནས་སྦྱིན་སྲེག་དག་བྱའོ། །ཨོཾ་སྭཱ་ཧཱ་པ་ཏི་བྷཱུཪྦྷཱུ་བ་ཧཱུྃ་ཧཱུྃ་ཕཊ་སྭཱ་ཧཱ། སྔགས་འདིས་ཏིལ་དང་། ཡུངས་ཀར་དང་། མར་ལས་སྦྱིན་བསྲེག་བྱས་ན་རིག་སྔགས་
འཆང་ཐམས་ཅད་འགྲུབ་པར་འགྱུར་རོ། །བགེགས་དང་། ལོག་འདྲེན་ཐམས་ཅད་ཚར་གཅད་པར་འགྱུར་རོ། །སྡིག་པ་ཐམས་ཅད་དང་། གནོད་པ་ཐམས་ཅད་དང་། ཕྱིར་རྒོལ་བ་དང་། མི་མཛའ་བ་ཐམས་ཅད་རྨུགས་པར་བྱས་པར་འགྱུར། 
རེངས་པར་བྱས་པར་འགྱུར། རྨོངས་པར་བྱས་པར་འགྱུར། རྨི་ལམ་ངན་པ་དང་། ལྟས་ངན་པ་ཐམས་ཅད་མེད་པར་འགྱུར་རོ། །གུ་གུལ་དང་ཡུངས་ཀར་དང་མར་ལས་སྦྱིན་སྲེག་སྟོང་རྩ་བརྒྱད་བྱས་ན། གདོན་ཐམས་ཅད་ཀྱི་གླད་པ་འགས་པར་འགྱུར། 
འབྱུང་པོ་ཐམས་ཅད་ཀྱིས་གནོད་པ་བྱས་པ་ལས་ཡོངས་སུ་ཐར་བར་འགྱུར། རིམས་ནད་ལ་སོགས་པ་ཐམས་ཅད་ཞི་བར་འགྱུར་རོ། །ནད་ཐམས་ཅད་དང་བྲལ་བར་འགྱུར་རོ། །མར་དང་། ཡུངས་ཀར་ལས་སྦྱིན་སྲེག་སྟོང་རྩ་བརྒྱད་བྱས་ན། ཡུལ་
ཐོབ་པར་འགྱུར་རོ། །ས་བོན་བདུག་པ་དང་། མར་ལས་སྦྱིན་སྲེག་སྟོང་རྩ་བརྒྱད་བྱས་ན། བདུད་ལ་སོགས་པའི་བདུག་པས་འཇིགས་སྐྲག་པ་དང་། ཕ་རོལ་གྱི་དམག་ཚོགས་ལ་སོགས་པ་འཇིག་པར་འགྱུར་རོ། །སྒྲོན་ཤིང་དང་མར་ལས་སྦྱིན་
སྲེག་སྟོང་རྩ་བརྒྱད་བྱས་ན། རྒྱལ་པོའི་བཙུན་མོའི་འཁོར་དང་བཅས་པ་དགའ་བར་འགྱུར་རོ། །ཅི་འདོད་པ་དེ་བྱེད་དོ། །གང་དང་གང་བསླངས་པ་དེ་དང་དེ་འཐོབ་བོ། །རི་ཁར་སྲ་རྩི་པོག་དང་། ཡུངས་ཀར་དང་། མར་ལས་སྦྱིན་སྲེག་བྱས་ན། ལྷ་མ་ཡིན་
གྱི་སྒོ་ཐམས་ཅད་འབྱེད་པར་འགྱུར། རིག་འཛིན་གྱི་རྒྱལ་པོར་འགྱུར་རོ། །ཡུངས་ཀར་དང་། ཏིལ་མར་དང་། ནཱ་ག་གེ་སར་ལས་སྦྱིན་བསྲེག་སྟོང་རྩ་བརྒྱད་བྱས་ན་ཀླུ་ཐམས་ཅད་དབང་དུ་འགྱུར་རོ། །ཅི་དགའ་བ་བྱེད་དོ། །དུས་སུ་ཆར་གྱི་རྒྱུན་
འབེབས་པར་བྱེད་དོ། །ཕྱིན་ཅད་སེར་བའི་འཇིགས་པ་མི་འབྱུང་ངོ་། །ཁ་ཟས་ལ་སྦྱིན་སྲེག་སྟོང་རྩ་བརྒྱད་བྱས་ན་འབྲུ་སྟོང་དུ་འཕེལ་ཞིང་མང་པོར་འགྱུར་རོ། །ལན་ཚྭ་ལ་སྦྱིན་སྲེག་སྟོང་རྩ་བརྒྱད་བྱས་ན་གནོད་སྦྱིན་མོ་ཐམས་ཅད་ལྷགས་ནས་

94-1-301b

རྗེ་བཙུན་སྲོག་དང་མ་དབྲལ་ཅིག་དང་། བཀའ་ཅི་སྩལ་པ་དེ་བགྱིའོ་ཞེས་རྐང་པ་ལ་གཏུག་པར་འགྱུར་རོ། །འབྲས་དང་མར་ལས་སྦྱིན་སྲེག་སྟོང་རྩ་བརྒྱད་བྱས་ན་དཔལ་ཆེན་པོ་ཐོབ་པར་འགྱུར་རོ། །ཉི་མ་ལ་ཁ་བལྟས་ཏེ་ན་ལེ་ཤམ་ལ་སྦྱིན་
སྲེག་སྟོང་རྩ་བརྒྱད་བྱས་ན་དེ་ལྟ་ཐམས་ཅད་རྟག་ཏུ་རྒྱུན་མི་འཆད་པར་བསྲུང་བ་དང་། སྐྱོབ་པ་དང་། སྦེད་པ་བྱེད་པར་འགྱུར་རོ། །དཔལ་ཐམས་ཅད་ཐོབ་པར་འགྱུར་རོ། །དཔལ་ལྷ་མོའི་མདུན་དུ་ཏིལ་དང་ཡུངས་ཀར་ལས་སྦྱིན་སྲེག་བྱས་ན་
ནོར་མང་པོ་འཕེལ་བར་འགྱུར་རོ། །ཤིང་ཨཪྒའི་ཡམ་སྲེག་ཤིང་དང་མར་ལ་སྦྱིན་སྲེག་བརྒྱ་རྩ་བརྒྱད་བྱས་ན། སངས་རྒྱས་དང་བྱང་ཆུབ་སེམས་དཔའ་ཐམས་ཅད་བསྐུལ་བར་འགྱུར་རོ། །སྡིག་པ་ཐམས་ཅད་དང་བྲལ་བར་འགྱུར། 
འཇིག་རྟེན་དང་འཇིག་རྟེན་ལས་འདས་པའི་གསང་སྔགས་ཐམས་ཅད་མངོན་དུ་འགྱུར། ནད་ཐམས་ཅད་དང་བྲལ་བར་འགྱུར། དགྲ་ཐམས་ཅད་ལས་རྒྱལ་བར་འགྱུར། འཇིག་རྟེན་གྱི་སྡུག་བསྔལ་ཐམས་ཅད་འབྱུང་བར་མི་འགྱུར་རོ། །
རིག་སྔགས་འདིའི་མཐུས་བདེ་བ་ཐམས་ཅད་གྲུབ་པར་འགྱུར་རོ། །རྨི་ལམ་ངན་པ་དང་། ལྟས་ངན་པ་ཐམས་ཅད་མེད་པར་འགྱུར། བྱད་ཐམས་ཅད་དང་། བཅིངས་པ་ཐམས་ཅད་དང་། གནོད་པ་ཐམས་ཅད་ནམ་ཡང་འབྱུང་བར་མི་འགྱུར་རོ། །
དེ་ལ་སོགས་ཏེ་སྦྱིན་སྲེག་གི་ལས་རྣམས་ཀྱིས་མཆོག་ཏུ་ཞི་བར་བྱེད་དོ། །བདེ་བ་རབ་ཏུ་སྦྱིན་པར་བྱེད་དོ། །ནོར་ཐོབ་པར་བྱེད། དོན་གྲུབ་པར་བྱེད་ཅིང་ལྟ་བ་ངན་པར་ལྟུང་བའི་སེམས་ཅན་ཐམས་ཅད་ཉམས་པར་བྱེད་དོ། །སྦྱིན་སྲེག་གྲུབ་
པ་རྒྱས་པའི་ལེའུ་སྟེ་ཆོ་ག་དྲུག་པའོ།། །། དེ་ནས་བཅོམ་ལྡན་འདས་ཀྱིས་གསང་བ་པའི་བདག་པོ་ལག་ན་རྡོ་རྗེ་ལ་བཀའ་སྩལ་པ། ལག་ན་རྡོ་རྗེ་འདི་ནི་ཆོ་ག་ཞིབ་མོའི་རྒྱལ་པོ་ཡིན། འདི་ནི་ཡོན་ཏན་ཁྱད་པར་ཆེན་པོ་ཅན་ཡིན། འདི་ནི་དེ་
བཞིན་གཤེགས་པ་ཐམས་ཅད་ཀྱི་སྙིང་པོ་སངས་རྒྱས་ཐམས་ཅད་བསྐྱེད་པའི་ཡུམ་ཡིན། འདི་ནི་དེ་བཞིན་གཤེགས་པ་ཐམས་ཅད་ཀྱི་ཆོས་ཀྱི་འཁོར་ལོ་བསྐོར་བ་ཡིན། འདི་ནི་དེ་བཞིན་གཤེགས་པ་ཐམས་ཅད་ཀྱི་བྱང་ཆུབ་ཀྱི་སྙིང་

94-1-302a

པོར་གཤེགས་པ་ཡིན། འདི་ནི་དེ་བཞིན་གཤེགས་པ་ཐམས་ཅད་ཀྱི་ཆོས་ཀྱི་རྒྱལ་མཚན་འཛུགས་པ་ཡིན། འདི་ནི་དེ་བཞིན་གཤེགས་པ་ཐམས་ཅད་ཀྱི་ཆོས་ཀྱི་དུང་རབ་ཏུ་འབུད་པ་ཡིན། འདི་ནི་དེ་བཞིན་གཤེགས་པ་ཐམས་ཅད་ཀྱི་
རྡོ་རྗེའི་གདན་ཡིན། འདི་ནི་དེ་བཞིན་གཤེགས་པ་ཐམས་ཅད་ཀྱི་བདུད་ཐམས་ཅད་ཕམ་པར་བྱེད་ཅིང་འཇོམས་པར་བྱེད་པ་ཡིན། འདི་ནི་དེ་བཞིན་གཤེགས་པ་ཐམས་ཅད་ཀྱི་གསང་བ་དམ་པ་ཡིན། འདི་ནི་དེ་བཞིན་གཤེགས་པ་ཐམས་ཅད་
ཀྱི་གསང་ཆེན་ཡིན། ལག་ན་རྡོ་རྗེ་འདི་ནི་འཛམ་བུའི་གླིང་གི་སེམས་ཅན་ཐམས་ཅད་ཀྱི་ཉོན་མོངས་པ་འདུལ་བ་ཡིན། འདི་ནི་དེ་བཞིན་གཤེགས་པ་ཐམས་ཅད་ཀྱི་སྡིག་པ་འཇིག་པ་ཡིན། འདི་ནི་འཛམ་བུའི་གླིང་གི་སེམས་ཅན་ཐམས་ཅད་
ཀྱི་དམྱལ་བ་ཐམས་ཅད་སྐེམས་པ་ཡིན། ཡི་དགས་ཀྱི་འཇིག་རྟེན་ཟློག་པ་ཡིན། དུད་འགྲོའི་སྐྱེ་གནས་ལས་ཐར་བར་བྱེད་པ་ཡིན་ནོ། །འདི་ནི་འཛམ་བུའི་གླིང་གི་སེམས་ཅན་ཐམས་ཅད་ཀྱི་སྐྱེ་བ་དང་། རྒ་བ་དང་། ན་བ་དང་། འཆི་བ་དང་། མྱ་
ངན་དང་། སྨྲེ་སྔགས་འདོན་པ་དང་། སྡུག་བསྔལ་བ་དང་། ཡིད་མི་བདེ་བ་དང་། འཁྲུག་པ་རྣམས་སྐེམས་པར་བྱེད་པ་ཡིན་ནོ། །ལག་ན་རྡོ་རྗེ་འོན་ཀྱང་བསོད་ནམས་ཀྱི་ཕུང་པོ་འབྱུང་བ་ལྷའི་མིག་གིས་བལྟ་བ་འམ། དེ་བཞིན་གཤེགས་
པའི་ཐུགས་ཀྱིས་ཀྱང་བརྗོད་ཀྱིས་མི་ལང་སྟེ། ཡོན་ཏན་གྱི་ཁྱད་པར་དེ་ལྟར་རྒྱ་ཆེ་ཞིང་དེ་ལྟར་ཟབ་པ། རབ་མཆོག་གྱ་ནོམ་པ་ལ་སོགས་པ་དེ་ལྟར་གོང་ནས་གོང་དུ་རྣམ་པར་འཕྲུལ་པ་ཆེན་པོའི་ཁྱད་པར་དུ་འཕགས་པ་ཡིན་ནོ། །ནོར་བུ་ཆེན་
པོ་རྒྱས་པའི་གཞལ་མེད་ཁང་ཤིན་ཏུ་རབ་ཏུ་གནས་པ་གསང་བའི་གཟུངས་ཀྱི་ཆོ་ག་ཞིབ་མོའི་རྒྱལ་པོ་འདི་ནི་སེམས་ཅན་སྐལ་པ་ཆུང་བ་རྣམས་ཀྱི་ལག་ཏུ་འོང་བར་མི་འགྱུར་ཏེ། ཐོས་པར་མི་འགྱུར། བསྙེན་བཀུར་བྱེད་པར་མི་འགྱུར། 
འཆང་བར་མི་འགྱུར་རོ། །གང་གིས་གང་གའི་ཀླུང་གི་བྱེ་མ་དང་མཉམ་པའི་དེ་བཞིན་གཤེགས་པ་རྣམས་མ་མཐོང་བ་དེའི་ལག་ཏུ་མཆོག་ཏུ་གསང་བ་འདི་འོང་བ་འམ། ཉན་པ་འམ། བསྙེན་བཀུར་བྱེད་པ་འམ། འཛིན་པར་ལྟ་ག་ལ་འགྱུར། 

94-1-302b

ལག་ན་རྡོ་རྗེ་དེ་བཞིན་གཤེགས་པའི་གསང་བ་འདི་ནི་ཤིན་ཏུ་གཏིང་དཔག་དཀའ་སྟེ། ལག་ན་རྡོ་རྗེ་གང་གིས་སངས་རྒྱས་བཅོམ་ལྡན་འདས་ཆུ་བོ་གང་གཱའི་ཀླུང་བྱེ་བ་ཁྲག་ཁྲིག་བརྒྱ་སྟོང་གི་བྱེ་མ་དང་མཉམ་པ་རྣམས་ལ་བསྐལ་པ་
བརྒྱ་སྟོང་དུ་བདེ་བའི་ཡོ་བྱད་ན་བཟའ་དང་། བསོད་སྙོམས་དང་། གཟིམས་མལ་དང་། སྙུན་སྤྱད་ཀྱི་རྐྱེན་སྨན་གྱི་ཡོ་བྱད་དང་། བཟའ་བ་དང་། བཅའ་བ་དང་། ཞལ་ཟས་དང་། བཏུང་བ་དང་། བཅིབས་པ་དང་། ཕོ་བྲང་རྣམས་དེ་བཞིན་གཤེགས་
པ་རྣམས་ལ་ཉི་མ་རེ་རེ་འབུལ་ཞིང་། དེ་བཞིན་དུ་མེ་ཏོག་དང་། བདུག་པ་དང་། དྲི་དང་། ཕྲེང་བ་དང་། བྱུག་པ་དང་། གདུགས་དང་། རྒྱལ་མཚན་དང་། བ་དན་གྱིས་དེ་ལྟར་དེ་བཞིན་གཤེགས་པ་རྣམས་ལ་ཉི་མ་རེ་རེ་འབུལ་ཞིང་། དེ་བཞིན་དུ་མེ་ཏོག་
དང་། བདུག་པ་དང་། དྲི་དང་། ཕྲེང་བ་དང་། བྱུག་པ་དང་། གདུགས་དང་། རྒྱལ་མཚན་དང་། བ་དན་གྱིས་དེ་ལྟར་དེ་བཞིན་གཤེགས་པ་ཐམས་ཅད་ལ་མཆོད་པ་བྱེད་པ་དང་། གང་གིས་སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་
རིན་པོ་ཆེ་སྣ་བདུན་གྱིས་བྱུར་བུར་བཀང་སྟེ། ཉི་མ་རེ་རེ་སངས་རྒྱས་ཐམས་ཅད་ལ་དབུལ་བ་ནི་བསོད་ནམས་ཀྱི་ཕུང་པོ་ཆེན་པོ་བསྐྱེད་པ་མ་ཡིན་གྱི། ལག་ན་རྡོ་རྗེ་གང་གིས་དེ་བཞིན་གཤེགས་པའི་གསང་བ་འདི་ལན་གཅིག་བཟླས་
བརྗོད་བྱས་ན་བསོད་ནམས་ཀྱི་ཕུང་པོ་ཆེན་པོ་དང་ལྡན་པར་འགྱུར་ཏེ། དེ་བཞིན་གཤེགས་པ་ཐམས་ཅད་ཀྱིས་ཀྱང་བརྗོད་ཀྱིས་མི་ལང་ངོ་། །གང་གིས་དེ་བཞིན་གཤེགས་པའི་གསང་བའི་གཟུངས་ཀྱི་རྒྱལ་པོ་འདི་ལན་གཅིག་
དྲན་པར་གྱུར་ན་དེ་གོང་དུ་བཤད་པའི་ཡོན་ཏན་གྱི་ཁྱད་པར་ཡོངས་སུ་སྒྲགས་པས་དེ་བཞིན་གཤེགས་པ་ཐམས་ཅད་མཆོད་པར་འགྱུར། མཁོ་བའི་ཡོ་བྱད་ཁྱད་པར་དུ་འཕགས་པ་ཇི་ལྟ་བ་ཐམས་ཅད་ཀྱིས་དེ་བཞིན་གཤེགས་
བ་རྣམས་ལ་དེ་ལྟར་ཉིན་གཅིག་བཞིན་མཆོད་པར་འགྱུར་རོ། །དེ་ནས་འཁོར་འདུས་པ་དེ་དག་ཐམས་ཅད་དང་། ལྷ་དང་། ཀླུ་དང་། གནོད་སྦྱིན་དང་། སྲིན་པོ་དང་། ལྷ་མ་ཡིན་དང་། ནམ་མཁའ་ལྡིང་དང་། མི་འམ་ཅི་དང་། ལྟོ་འཕྱེ་

94-1-303a

ཆེན་པོ་དང་། མི་དང་། མི་མ་ཡིན་པ་ཐམས་ཅད་ཀྱིས་ཨ་ལ་ལ་ཞེས་ཅ་ཅོ་དང་ག་ཞའི་སྒྲ་ཆེར་བཏོན་ནས། བཅོམ་ལྡན་འདས་ཀྱི་ཞབས་ལ་གཏུགས་ཏེ། བཅོམ་ལྡན་འདས་ལ་འདི་སྐད་ཅེས་གསོལ་ཏོ། །
ཀྱེ་མའོ་སངས་རྒྱས་འབྱུང་བ་དང་མཆོག་ཏུ་བརྙེད་པར་དཀའ་བ་གསང་བ་དམ་པའི་སྙིང་པོ་འཛམ་བུའི་གླིང་དུ་བཞག་ལགས་སོ། །དེ་ནས་ཕྱོགས་བཅུའི་དེ་བཞིན་གཤེགས་པ་ཐམས་ཅད་ཀྱིས་ཤཱཀྱ་ཐུབ་པ་ལ་ལེགས་
སོ་ཞེས་བྱ་བ་བྱིན་ནས། རང་རང་གི་སངས་རྒྱས་ཀྱི་ཞིང་རྣམས་སུ་གཤེགས་སོ། །དེ་ནས་བཅོམ་ལྡན་འདས་དེ་བཞིན་གཤེགས་པ་ཤཱཀྱ་ཐུབ་པ་ཡང་རྫུ་འཕྲུལ་གྱི་ཆོ་འཕྲུལ་ཆེན་པོས་མི་མཇེད་ཀྱི་འཇིག་རྟེན་གྱི་
ཁམས་སུ་གཤེགས་སོ། །འཕགས་པ་ནོར་བུ་ཆེན་པོ་རྒྱས་པའི་གཞལ་མེད་ཁང་ཤིན་ཏུ་རབ་ཏུ་གནས་པ་གསང་བ་དམ་པའི་གསང་བའི་ཆོ་ག་བཞིབ་མོའི་རྒྱལ་པོའི་ལེའུ་སྟེ་བདུན་པ་རྫོགས་སྷོ། །རྒྱ་གར་གྱི་
མཁན་པོ་བིདྱཱ་གརྦྷ་པྲ་བྷ་དང་། ལོ་ཙྪ་བ་བནྡེ་དཔལ་གྱི་ལྷུན་པོས་བསྒྱུར་ཞིང་། སླད་ནས་རྒྱ་གར་གྱི་མཁན་པོ་བིདྱཱ་ཀ་ར་པྲ་བྷ་བ་དང་། ཞུ་ཆེན་གྱི་ལོ་ཙྪ་བ་བན་དེ་དཔལ་བརྩེགས་ཀྱིས་ཞུས་ཏེ་གཏན་ལ་ཕབ་པ།། །།